རྒྱལ་དབང་ལྔ་པ་ཆེན་པོའི་གསུང་འབུམ།

རྒྱལ་དབང་ལྔ་པ་ཆེན་པོའི་གསུང་འབུམ།

གླེགས་བམ། ཉ༽

ངག་དབང་བློ་བཟང་རྒྱ་མཚོ།

Nitartha international

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཐམས་ཅད་མཁྱེན་པ་ལྔ་པ་ཆེན་མོའི་གསུང་འབུམ་པོད་ཉ་བའི་དཀར་ཆག

― GLG008_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་མཁྱེན་པ་ལྔ་པ་ཆེན་མོའི་གསུང་འབུམ་པོད་ཉ་བའི་དཀར་ཆག་བཞུགས་སོ།

― GLG008_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་དབང་ཐམས་ཅད་མཁྱེན་པ་ཕྱག་ན་པདྨོ་ཀུན་གཟིགས་ལྔ་པ་ཆེན་པོའི་ཕྱིའི་རྣམ་པར་ཐར་པ་གསུང་འབུམ་༼ཉ༽པར་རྗེ་བཙུན་ཐམས་ཅད་མཁྱེན་པ་བསོད་ནམས་རྒྱ་མཚོའི་རྣམ་ཐར་དངོས་གྲུབ་རྒྱ་མཚོའི་ཤིང་རྟར་ཤོག་གྲངས་༡༥༧འཇིག་རྟེན་དབང་ཕྱུག་ཐམས་ཅད་མཁྱེན་པ་ཡོན་ཏན་རྒྱ་མཚོ་དཔལ་བཟང་པོའི་རྣམ་པར་ཐར་པ་ནོར་བུའི་འཕྲེང་བར་ཤོག་གྲངས་༥༣ཁྱབ་བདག་རྡོ་རྗེ་འཆང་མཁན་ཆེན་ཆོས་ཀྱི་རྒྱལ་པོ་བློ་བཟང་ཆོས་ཀྱི་རྒྱལ་མཚན་གྱི་གསང་བའི་རྣམ་ཐར་དད་པའི་ཤིང་རྟར་ཤོག་གྲངས་༨དུས་གསུམ་རྒྱལ་བའི་མཁྱེན་བརྩེ་ནུས་པའི་རང་གཟུགས་དཀྱིལ་འཁོར་རྒྱ་མཚོའི་གཙོ་བོ་ཁྱབ་བདག་རྡོ་རྗེ་སེམས་དཔའི་ངོ་བོ་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོའི་རྣམ་པར་ཐར་པ་ངོ་མཚར་དད་པའི་རླབས་འཕྲེང་ལ་ཤོག་གྲངས་༡༠༢འཇམ་དཔལ་དབྱངས་ཆོས་ཀྱི་རྗེ་དཀོན་མཆོག་ཆོས་འཕེལ་གྱི་རྟོགས་བརྗོད་མཁས་པའི་རྣ་རྒྱན་ལ་ཤོག་གྲངས་༡༧ཁྱབ་བདག་འཁོར་ལོའི་དབང་ཕྱུག་དཔལ་འབྱོར་ལྷུན་གྲུབ་ཀྱི་རྣམ་ཐར་སྐལ་བཟང་དད་པའི་ཤིང་རྟར་ཤོག་གྲངས་༤༤བྱང་བ་རིག་འཛིན་ཆེན་པོ་ངག་གི་དབང་པོའི་རྣམ་པར་ཐར་པ་ངོ་མཚར་བཀོད་པ་རྒྱ་མཚོར་ཤོག་གྲངས་༦༤དཀར་ཆག་བཅས་ཁྱོན་སྡོམས་༣༧༧བཞུགས།།

རྗེ་བཙུན་ཐམས་ཅད་མཁྱེན་པ་བསོད་ནམས་རྒྱ་མཚོའི་རྣམ་ཐར་དངོས་གྲུབ་རྒྱ་མཚོའི་ཤིང་རྟ།

― GLG008_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བཙུན་ཐམས་ཅད་མཁྱེན་པ་བསོད་ནམས་རྒྱ་མཚོའི་རྣམ་ཐར་དངོས་གྲུབ་རྒྱ་མཚོའི་ཤིང་རྟ་ཞེས་བྱ་བ་བཞུགས་སོ། །

― GLG008_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་ན་མེད་པའི་ཡེ་ཤེས་མཆོག་གི་ཡོངས་འདུའི་ལྗོན་པ་གསར་པ་གང་། །ཕུལ་དུ་བྱུང་བའི་བསོད་ནམས་བྱེ་བའི་ས་བོན་རྒྱུ་ལས་བྱུང་པའི་ཚུལ། །

― GLG008_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

སྐལ་བཟང་འཆི་མེད་ཚོགས་ལ་སྟོན་ཕྱིར་གཟུགས་སྐུའི་རྐང་འཐུང་གཡུར་ཟ་བ། །རྒྱལ་བ་རྒྱ་མཚོའི་བདག་ཉིད་གཅིག་པུ་ལུས་ཅན་ཀུན་གྱི་ཕན་བདེའི་དཔྱིད། །

― GLG008_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་ན་པདྨའི་སྒྱུ་འཕྲུལ་དྲ་བའི་གར། ཁྲིམས་གཉིས་དྲང་པོར་སྲོང་ཞིང་ཆེས་སྒམ་པ། །ལྷ་ཆོས་བདུན་གྱི་མེས་པོ་འབྲོམ་རྗེ་སོགས། །ངོ་མཚར་སྐྱེ་བའི་ཕྲེང་བ་བགྲང་ཡས་མཐར། །དགེ་ཚོགས་རྒྱ་མཚོར་འདུན་པའི་རྒྱལ་མཚན་རྩེར། །དངོས་གྲུབ་ཡིད་བཞིན་དབང་གི་རྒྱལ་པོ་ལས། །བདེ་ལེགས་ཆར་གྱིས་རྒྱ་མཚོའི་གོས་ཅན་ཀུན། །ཡོངས་ཁྱབ་སྙན་པའི་གཏམ་དེ་ཚར་དུ་དངར། །བསོད་ནམས་རང་བཞིན་རྒྱས་པའི་རྒྱ་མཚོ་རྗེ། །བློ་གྲོས་རྩྭ་ཡིས་གཞལ་བར་ཆེས་དཀའ་ཡང་། །སྔོན་བྱུང་ཁུངས་ལྡན་གཏམ་གྱི་བུམ་བཟང་ལས། །ངོ་མཚར་ཡི་གེའི་སྣོད་དུ་ཅུང་ཟད་སྤེལ། །དབྱར་དུས་ཆུ་འཛིན་རྒྱས་པའི་ཕང་པ་ན། །འབྲུག་སྒྲ་དལ་གྱིས་རྒོད་པའི་སྒྲ་དབྱངས་ཀྱིས། །རྨ་བྱའི་ཡིད་ལ་འཇེབས་པའི་དགའ་བའི་གར། །རབ་བཀྲའི་སྒྲོ་གཤོག་ཟླུམ་པོར་བསྒྱུར་ལ་བྲེལ། །ཐུབ་བསྟན་ཟད་པ་མེད་པའི་མཆོད་སྦྱིན་སྒོ། །སྐལ་བཟང་འགྲོ་ལ་བརྒྱ་ཕྲག་འབྱེད་པའི་མ། །པད་དཀར་འཛིན་པ་མི་ཡི་སྲིད་པའི་གཟུགས། །འཛིན་དེའི་རྟོགས་པ་བརྗོད་པ་ཅིས་མི་སྤྲོ། །རབ་སྙན་དྲི་ཟའི་རྒྱུད་ལས་ལེགས་དྲངས་པའི། །འཛད་མེད་ཚིག་གི་འདོད་འཇོའི་རྣམ་པར་ཐར། །དངོས་གྲུབ་རྒྱ་མཚོའི་ཤིང་རྟ་ཞེས་བྱ་བ། །གཟུར་གནས་ཡོངས་ཀྱི་དགའ་སྟོན་དཔལ་དུ་ལོངས། །དེ་ཡང་། དུས་གསུམ་གྱི་རྒྱལ་བ་རྣམས་འགྲོ་བ་ཐམས་ཅད་ལ་མ་འདྲིས་པའི་མཛའ་བཤེས་ཀྱི་མཐུས། གྲངས་མེད་པའི་གཟུགས་སྐུའི་རྣམ་རོལ་གྱིས་གང་ལ་གང་འདུལ་གྱི་འགྲོ་བའི་དོན་མཛད་པའི་ཕྱིར་ན། ཐུགས་རྗེ་ཆེན་པོ་ཕྱག་ན་པདྨ་ཉིད་ཀྱི་སྐུའི་རྣམ་པར་སྤྲུལ་པ་འདི་ཙམ་མོ་ཞེས་བརྗོད་པའི་ཡུལ་

― GLG008_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་འགོང་ནའང་། དིང་སང་ཡོངས་སུ་གྲགས་པ། གླེགས་བམ་རིན་པོ་ཆེར། ཁྱེའུ་གསལ་བ་སོགས་འཁྲུངས་རབས་ཆེས་མང་བ་དང་། ཁྱད་པར་ཐུགས་རྗེ་ཆེན་པོ་ཉིད་ཀྱིས་འདུལ་བའི་ཞིང་ཁམས་བོད་གངས་ཅན་གྱི་ལྗོངས་འདི་ཡིན་པའི་རྒྱུ་མཚན་གྱིས། གླེགས་བམ་རིན་པོ་ཆེ་ལས། སྤྱིར་སེམས་ཅན་རྣམས་ཀྱི་མགོན་པོ་ཡིན། །སྒོས་གངས་རིའི་ཁྲོད་དུ་རྒྱལ་སྲིད་སྐྱོང་། །ཞེས་སྤྱི་དང་བྱེ་བྲག་གི་དབྱེ་བ་བསྟན་ནས། བྱེ་བྲག་བོད་མཐའ་འཁོབ་ཀྱི་རྒྱལ་ཁམས་འདི་ཉིད་ཐོག་མར་དགེ་བའི་བཤེས་གཉེན་ནམ། འབངས་ལྟ་བུའི་ཚུལ་གྱིས་ཐུལ་བ་མ་ཡིན་པས། བོད་འདི་རྒྱལ་པོ་དག་ལ་ཚད་མར་བྱེད། །ཅེས་པའི་ལུང་བསྟན་ལྟར། ཐོག་མར་རྗེ་གཉའ་ཁྲི་བཙན་པོས་བོད་སྤྱི་ལ་དབང་སྒྱུར། དེ་རྗེས་ལྷ་ཐོ་ཐོ་རི་གཉན་ཤལ་གྱི་བསྟན་པའི་དབུ་བརྙེས། དེ་ནས་རིམ་གྱིས་སྲོལ་བཏོད་པ་ནི། གླེགས་བམ་ལས། རྗེ་དཀོན་ཅོག་འབངས་འདི་བོད་དུ་འགྲོ། །བོད་གློ་བུར་རྒྱལ་པོ་ཆོས་ལ་སྤྱོད། །ཅེས་ཆོས་རྒྱལ་སྲོང་བཙན་སྒམ་པོར་ལུང་བསྟན་ཅིང་། དེ་ཉིད་ཀྱིས་བསྟན་པའི་སྲོལ་བཏོད་པ་ཡང་། ས་པདྨ་འདབ་བརྒྱད་ཡུལ་གྱི་དབུས། །གནམ་འཁོར་ལོ་རྩིབས་བརྒྱད་ཕུབ་པའི་འོག །ཕྱོགས་བཀྲ་ཤིས་རྟགས་བརྒྱད་ཡོད་པའི་ས། །གནས་ཕུན་སུམ་ཚོགས་པ་དམ་པའི་ཡུལ། །མི་ཁྱོད་ཀྱི་ཞིང་ཁམས་དམ་པ་ཡིན། །གནས་དེ་རུ་ལས་ཅན་དཔག་མེད་འདུ། །ཞེས་ར་ས་འཕྲུལ་སྣང་གི་གཙུག་ལག་ཁང་རྟེན་བརྟེན་པ་དང་བཅས་པ་རྣམས་གསལ་བར་བསྟན་ཏོ། །དེ་རྗེས་མི་རབས་འགའ་ནས་མངའ་བདག་ཁྲི་སྲོང་ལྡེའུ་བཙན་དུ་གྱུར་ཏེ། བོད་མཐའ་འཁོབ་ཀྱི་ལྷ་

― GLG008_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིན་རྣམས་གདུལ་པར་བྱ་བའི་སླད་དུ། སློབ་དཔོན་ཆེན་པོ་པདྨ་འབྱུང་གནས་སྤྱན་དྲངས་ཏེ། མི་འགྱུར་ལྷུན་གྱིས་གྲུབ་པའི་གཙུག་ལག་ཁང་བཞེངས་པ་དང་། མཁས་གྲུབ་ལོ་པཎ་རྣམས་ཀྱིས་འཆད་རྩོད་རྩོམ་གསུམ་དང་། ཐོས་བསམ་སྒོམ་གསུམ་གྱི་སྒོ་ནས་རྒྱལ་བའི་བསྟན་པ་རིན་པོ་ཆེ་དར་རྒྱས་སུ་མཛད་དེ། ཇི་སྐད་དུ། ལྷའི་རྒྱལ་པོའི་སྐྱེས་རབས་ལས། འཇམ་དཔལ་རྡོ་རྗེ་དེར་འབྱོན་ཏེ། །དཔའ་པོ་ཆེན་པོ་བོད་དུ་བྱོན། ཁྲི་སྲོང་ལྡེའུ་བཙན་བོད་རྗེར་མཛོད། །ཅེས་དང་། བྱང་ཕྱོགས་ནས་བྱང་ཕྱོགས་སུ་བོད་ན་རིགས་བཙུན་པར་གྲགས་པ་ཐམས་ཅད་ཀྱིས་བཀུར་བ་ཞིག་ཏུ་ཁྱོད་ཀྱིས་ལུས་བླངས་ཏེ། ཁྱོད་ཀྱིས་བྱིན་གྱིས་བརླབས་པའི་སྤྲུལ་པ་ཞིག །རྒྱ་གར་ནས་ང་སྤྱན་འདྲེན་དུ་ཐོང་། ད་གཟོད་མི་རྣམས་གནས་སྐབས་དང་མཐར་ཐུག་གི་བདེ་བ་ལ་དགོད་པར་བྱའོ། །ཞེས་དང་། དེང་སང་གངས་རིའི་ཁྲོད་དུ་མི་མ་ཡིན་འདུལ་དུ་བཏང་བའི་སྤྲུལ་པ་དེ་སླར་འདི་ཉིད་དུ་ལོག་ནས་ཨྱོན་སྐྱོང་ཞིང་། མཁའ་འགྲོ་མ་རྣམས་སྡུད་པར་བྱེད་ལ། ཚོགས་ཀྱི་འཁོར་ལོ་རྒྱ་ཆེན་པོ་ཡང་བསྐོར། སྲིན་པོ་གདུག་པ་ཅན་ཡང་དེས་འདུལ། ཞེས། བླ་མ་དྲི་མ་མེད་པ་ཉིད་སློབ་དཔོན་ཆེན་པོའི་མཚན་གྱི་རྣམ་གྲངས་དང་། དཀོན་ཅོག་འབངས་ཁྲི་སྲོང་ལྡེའུ་བཙན་དུ་གསལ་བར་བསྟན་ཏོ། །དེ་རྗེས་བསྟན་པ་ཕྱི་དར་ལ། འབྲོམ་ཆོས་གྱི་རྒྱལ་པོས། མཉམ་མེད་ཇོ་བོ་ཆེན་པོ་དབུས་གཙང་དུ་སྤྱན་འདྲེན་པ་དང་། ར་སྒྲེང་རྒྱལ་བའི་དབེན་གནས་བཏབ་སྟེ། བཀའ་གདམས་ཀྱི་མེས་པོ་མཛད་པས། གླེགས་བམ་ལེའུ་ལྔ་པ་ལས། ཤར་ཕྱོགས་རྡོ་རྗེ་གདན་གྱི་བྱང་ཕྱོགས་ན། །སྤུར་རྒྱལ་བོད་ཀྱི་ཞིང་ཁམས་གྲགས་པ་ཅན། །སྒོས་ཁ་

― GLG008_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཅན་ལྗོངས་ཁྱད་འཕགས་ན། །ཉིང་སྒོས་དབུ་རུ་བྱང་ཕྱོགས་དེ་ཡི་ནང་། །ཀླུངས་ཤོད་ནག་པོ་ཐོབ་བརྒྱུད་འབྲོམ་གྱི་ཡུལ། །ཆོས་དང་དཔལ་འབྱོར་རྒྱས་པར་འགྱུར་རོ་ཞེས། །ཞེས་ལུང་བསྟན་ཅིང་། གཞན་ཡང་ཁ་ཆེ་དགོན་པ་བ། ས་ཆེན་ཀུན་སྙིང་། བླ་མ་ཞང་འགྲོ་བའི་མགོན་པོ། མངའ་བདག་ཉང་ཉི་མ་འོད་ཟེར། ལྷ་རྗེ་དགེ་བ་འབུམ་སོགས་སྐྱེ་སྤྲུལ་མཐའ་ཡས་པར་བསྟན་པས། དེ་ཡང་ས་ལ་གནས་པའི་རྒྱས་སྲས་ཆེན་པོ་རྣམས་ནི། དུས་གཅིག་ཏུ་སྐྱེ་སྤྲུལ་བགྲང་ཡས་པ་སྟོན་པར་ངེས་པས་ན། དུས་མཚུངས་སུ་བྱུང་བ་དང་། རྒྱལ་སྲས་གཞན་གྱི་སྐྱེས་རབས་སུ་མཆིས་པ་སོགས་ལ་ཐེ་ཚོམ་མི་བྱ་སྟེ། ཟླ་བའི་དཀྱིལ་འཁོར་གཅིག་ལ་སྣང་བརྙན་བྱེ་བ་འབྱུང་བས་སོ། །དེ་ནས་གླེགས་བམ་རིན་པོ་ཆེ་ལས། ཆོས་དགེ་བ་བཅུ་ཡིས་ཁྱད་འཕགས་པ། །གླིང་ཕུན་སུམ་ཚོགས་པ་འཛམ་བུའི་གླིང་། སྒོས་མྱང་ཤབ་ས་ཡི་ལྟེ་བ་སྟེ། །ས་དེ་ཡི་ནང་ནས་ཁྱད་འཕགས་པ། །མཐོ་བཀྲ་ཤིས་བརྟན་པ་ལྷུན་པོའི་འདབ། །ནོར་པདྨ་རཱ་ག་ལྟ་བུར་འདུན། །ཞེས་ཐམས་ཅད་མཁྱེན་པ་དགེ་འདུན་གྲུབ་དང་བཀྲ་ཤིས་ལྷུན་པོར་བཅས་པ་ལུང་བསྟན་ཅིང་། དེ་ནས་བུ་ཆོས་ལེའུ་ལྔ་པ་ལས། ཤར་རྡོ་རྗེ་གདན་གྱི་བྱང་ཕྱོགས་ན། །གནས་སྤུར་རྒྱལ་བོད་ཅེས་བྱ་བ་ཡོད། །རི་མཐོན་པོ་གནམ་གྱི་ཀ་བ་ཡོད། །མཚོ་དམའ་མོ་གཡུ་ཡི་མཎྜལ་ཡོད། །གངས་དཀར་པོ་ཤེལ་གྱི་མཆོད་རྟེན་ཡོད། །སྤང་སེར་པོ་གསེར་གྱི་མཆོད་རྟེན་ཡོད། །དྲི་ཞིམ་པོ་སྨན་གྱི་བདུག་སྤོས་ཡོད། །ཚོན་བཀྲ་བ་གསེར་གྱི་མེ་ཏོག་ཡོད། །དབྱར་བཀྲ་བ་གཡུ་ཡི་མེ་ཏོག་ཡོད། །ཀྱཻ་གངས་རིའི་

― GLG008_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་པོ་སྤྱན་རས་གཟིགས། །ཞིང་དེ་ན་ཁྱོད་ཀྱི་ཞིང་ཁམས་ཡོད། །ཞིང་དེ་ན་ཁྱོད་ཀྱི་གདུལ་བྱ་ཡོད། །ཅེས་དང་། ངེད་མཁའ་འགྲོ་འབུམ་གྱི་གོ་ར་ལ། །ཡིད་རྟག་ཏུ་གུས་པས་འདུད་པར་བྱེད། །ས་དེ་ལ་བཞུགས་ཏེ་བསྟན་པ་སྐྱོང་། ངེད་མཁའ་འགྲོ་བྱ་བ་འབུམ་གྱིས་བསྐོར། །ཚོགས་ཟག་པ་མེད་པའི་དགའ་སྟོན་འགྱེད། །ཞེས་གླེགས་བམ་རིན་པོ་ཆེ་ལས་གསལ་བར་གསུངས་པ་དང་། །རིག་འཛིན་ལས་འཕྲོ་གླིང་པའི་གཏེར་ལུང་ལས། རིག་འཛིན་མང་པོ་བཞུགས་པའི་གནས། །འོལ་དྭགས་མཚམས་ཀྱི་ལུང་གསུམ་ལྗོངས། །དག་གནས་བརྒྱད་ཀྱི་གཅིག་ཡིན་ཡང་། །གཞི་བདག་མཆོད་ལ་གནས་སྒོ་ཕྱེ། །ཡི་གེར་བྲི་བར་མི་འོས་ཀྱང་། །པདྨས་ཕྱི་རབས་དོན་དུ་བྲིས། ཞེས་དང་། ཨྱོན་སྤྱན་རས་གཟིགས་ཀྱི་སྤྲུལ་པ་ཡིས། །ལུང་གསུམ་ལྗོངས་འདི་འཛིན་པར་འགྱུར། །གཞན་ཡང་། བསྟན་པའི་མཇུག་ཏུ་བསྟན་པ་འདི་ནས་འབྱུང་། །ཁྱད་པར་གསང་སྔགས་བསྟན་པ་འཕེལ་བའི་གནས། །ཞེས་སོགས་དང་། གསང་འདུས་ཀྱི་རྒྱུད་གཏེར་མ་ལས། སྔོན་ནུབ་ཕྱོགས་ཨྱོན་གྱི་ཡུལ་དུ་བྱང་ཆུབ་སེམས་དཔའ་མཐའ་ཡས་རིགས་མཆོག་ཏུ་གྱུར་པའི་ཚེ། སྟོན་པ་རྡོ་རྗེ་འཆང་གིས་ཆོས་རྒྱལ་ཨིནྡྲ་བྷུ་ཏི་སོགས་འཁོར་མཐའ་ཡས་པའི་ནང་དུ། བྱང་ཆུབ་སེམས་དཔའ་མཐའ་ཡས་རིགས་མཆོག་ཉོན་ཅིག །བྱང་ཆུབ་སེམས་དཔའ་ཆེན་པོ་ཁྱོད་ནི་འགྲོ་བ་སེམས་ཅན་གྱི་སྟོན་པ་ཆེན་པོ་སྟེ། ཇི་སྲིད་འཁོར་བ་མ་སྟོངས་བར་དེ་སྲིད་དུ། འགྲོ་བའི་སྐྱབས་མགོན་དམ་པར་འགྱུར་རོ། ཁྱད་པར་གངས་ཅན་གྱི་ཡུལ་དུ་གཟུགས་ཀྱི་སྐུའི་སྐྱེ་བ་བླངས་ཏེ་སྡེ་སྣོད་གསུམ་གྱི་ཆོས་ཀྱིས་བསྟན་པ་དར་བར་བྱེད་

― GLG008_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་འགྲོ་བའི་དོན་ལ་སྤྲོ་བར་འགྱུར་རོ། །མཐའ་ཡས་རིགས་མཆོག་གངས་ཅན་གྱི་ཡུལ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱིས་འདུལ་བའི་ཞིང་ཡིན་ཏེ། ཡུལ་གངས་ཅན་དེའི་ལྟ་བ་འབིགས་བྱེད་ཀྱི་ལྗོངས། དཔལ་གསང་བ་འདུས་པ་དང་། དཔལ་རྡོ་རྗེ་འཇིགས་བྱེད་ཀྱི་དཀྱིལ་འཁོར་ཡོངས་སུ་རྫོགས་པའི་གནས་ཡེ་ཤེས་ཀྱི་མཁའ་འགྲོ་མ་འདོད་ཁམས་དབང་ཕྱུག་ཆེན་མོ། བདུད་དང་མུ་སྟེགས་ཀྱི་གཡུལ་ལས་རྣམ་པར་རྒྱལ་མ། དཔལ་ལྡན་གཙོ་མོ་དབང་གི་རྒྱལ་མོ་གནས་ཀྱི་སྲུང་མ་བྱེད་པ། ཡུལ་གྱི་དབྱིབས་ནི་ཨེ་ཆོས་ཀྱི་འབྱུང་གནས་ཀྱི་དབྱིབས་ཅན། གནས་ཀྱི་མིང་ནི་འཕགས་པའི་གནས་རྒྱལ་ཞེས་ཐུན་མོང་དུ་གྲགས་པ་ཐུན་མོང་མ་ཡིན་པར་མཁའ་འགྲོའི་བརྡ་སྣ་ཚོགས་དང་ལྡན་པའི་སངས་རྒྱས་ཀྱི་ཞིང་རྣམ་པར་དག་པའི་གནས་དེ་ནི། དགོས་འདོད་འབྱུང་བའི་ཡིད་བཞིན་གྱི་ནོར་བུའི་གཏེར་ལ་སོགས་པ། ནོར་དང་ཆོས་ཀྱི་གཏེར་བསམ་གྱིས་མི་ཁྱབ་པ་དག་ཀྱང་ཡོད་ལ། ཞེས་སོགས་དང་། གངས་ཅན་གྱི་ལྗོངས་དེ་ནི་བྱང་ཆུབ་སེམས་དཔའ་སྤྱན་རས་གཟིགས་མཐའ་ཡས་རིགས་མཆོག་ཁྱོད་ཀྱི་འདུལ་བའི་ཞིང་དུ་གྱུར་པས་ན། གནས་དེ་ཁྱོད་ཀྱི་སྡེ་སྣོད་གསུམ་དང་བླ་མེད་རྡོ་རྗེ་ཐེག་པའི་ཆོས་ཀྱི་བསྟན་པ་རབ་ཏུ་གསལ་བར་འགྱུར་རོ། །ཞེས་མ་འོངས་པའི་གནས་དང་གདུལ་བྱ་སོགས་ལུང་བསྟན་པ་ལྟར། ཐམས་ཅད་མཁྱེན་པ་དགེ་འདུན་རྒྱ་མཚོ་དཔལ་བཟང་པོས་སེ་འབྲས་བཀྲ་ཤིས་ལྷུན་པོ་རྣམས་ཀྱི་གདན་སར་ཕེབས་ཏེ། འཆད་རྩོད་རྩོམ་གསུམ་གྱི་སྒོ་ནས་བསྟན་པའི་བྱ་བ་མཐའ་ཀླས་

― GLG008_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གྲུབ་པ་མཛད་པ་དང་། རྒྱལ་བ་བཙོང་ཁ་པ་ཆེན་པོའི་མཛད་ཆེན་ལྷ་ས་སྨོན་ལམ་ཆེན་མོའི་ཉམས་གསོས་ལ་བརྟེན་ནས། ཕན་པ་དང་བདེ་བའི་གཞི་དམ་པ་ལེགས་པར་བཙུགས། ཁྱད་པར་ཆོས་འཁོར་རྒྱལ་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་བཞེང་བ་སོགས་རྣམ་པར་དཀར་བའི་འཕྲིན་ལས་རྒྱ་ཆེན་པོ་བསྐྲུན་ནོ། །དེ་ཡང་གོང་དུ་བཀའ་གཏེར་གྱི་ལུང་ཁུངས་མང་དུ་འདྲེན་པ་ནི། ཐམས་ཅད་མཁྱེན་པ་དགེ་འདུན་རྒྱ་མཚོ་དང་། ཐམས་ཅད་མཁྱེན་པ་བསོད་ནམས་རྒྱ་མཚོ་གཉིས་ཀ་ཆོས་དེ་དག་ཚད་མར་མཛད་པའི་རྒྱུ་མཚན་གྱིས་བྲིས་པ་ཡིན་གྱི། དིང་སང་ལ་ལ་དག་གསང་སྔགས་སྔ་འགྱུརགྱི་ཆོས་མཐའ་དག་ཆོས་རྣམ་དག་མིན་ནོ་ཞེས་སྨྲ་བཞིན་དུ་རང་ཆེན་པོ་དང་དམ་པར་སྒྲུབ་པའི་ཚེ་དེ་དག་གི་ལུང་འདྲེན་པའི་བླ་ཆེན་བསྙོན་ཧམ་ཅན་རྣམས་ཀྱི་རྣམ་ཐར་དང་མཚུངས་པ་ནི་མིན་ནོ། །མི་འགྱུར་ཆོས་སྐུའི་ལྷ་ལམ་ཡངས་པའི་ངོས། །སྤྲུལ་སྐུའི་ཟླ་སྣང་གྲངས་མེད་འཆར་བ་ཡིས། །ཕན་དང་བདེ་བའི་ཀུན་མུད་རྒྱས་བྱེད་པ། །བསླུ་མེད་རྒྱུ་ལས་འབྲས་བུའི་རྟེན་འབྱུང་མཚར། །ས་དབང་ཆོས་རྒྱལ་ཚུལ་དང་ངུར་སྨྲིག་འཛིན། །མཁས་ཤིང་གྲུབ་པ་རིག་སྔགས་འཆང་བ་སོགས། །གདུལ་བྱའི་མོས་ངོར་འཚམ་པའི་ཟློས་གར་ལ། །སྤངས་དང་རྟོགས་པའི་ཚུལ་ཀུན་གཅིག་ཏུ་མཉམ། །རྨད་བྱུང་བསོད་ནམས་ཀུན་གྱི་ཞིང་གྱུར་པ། །དོན་གཉིས་རྒྱ་མཚོ་རླབས་ལྟར་ཡོལ་མེད་དུ། །ལྷུན་གྲུབ་ལག་རྩེར་སྩོལ་བའི་ངོ་མཚར་གཏམ། །ཤེས་ལྡན་རྣ་བའི་བཅུད་ལེན་འདི་ནའོ། །ཐམས་ཅད་མཁྱེན་པ་དགེ་འདུན་རྒྱ་མཚོ་དཔལ་བཟང་པོ་དེ་ཉིད་གདུལ་བྱ་རྟག་འཛིན་ཅན་

― GLG008_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱི་གཉེན་པོར་སྐུ་ན་སྨིན་པའི་ཚུལ་བསྟན་ཏེ། འཆད་རྩོད་རྩོམ་གསུམ་སོགས་སྤྲོས་བཅས་ཀྱི་འཕྲིན་ལས་རྣམས་བཏང་སྙོམས་སུ་མཛད་དེ། ཟབ་གསལ་གཉིས་སུ་མེད་པའི་ཏིང་ངེ་འཛིན་ལ་གཙོ་བོར་ཐུགས་གཞོལ་སྐབས་འདི་ལྟར་བླ་མ་རྒས་ཤིང་འཁོགས་པའི་ལུས་འདིས་རང་གཞན་གྱི་དོན་གཉིས་བགྱི་བར་གང་ཡང་རྔོ་མི་ཐོགས་པས། དེ་བས་ན་ད་ནི་བླ་མ་ཞོན་ནུར་གྱུར་པ་ཞིག་གི་ཞབས་ཏོག་བྱེད་པ་ལ་དགའ་བར་གྱིས་ཤིག་ཅེས་དང་། ང་དང་འབྲས་སྤུངས་པ་ལ་ད་དུང་ལས་འབྲེལ་འདུག་ད་ནང་མང་ཇ་མེད་ནའང་དུང་སྐད་གསང་བ་བཞི་བྱུང་། ང་ལ་འཁྲུལ་པ་མེད་པས་སེམས་ལ་གཞོག་ཅིག །ཅེས་དང་། ང་དང་སྣེའུ་གདོང་གོང་མ་ཆེན་མོ་ཁུ་དབོན་རྣམས་ལའང་ལས་འབྲེལ་འདུག །རྩེ་ཞབས་དྲུང་ནས་འབུལ་དུ་བཏང་བ་ཡིན་ཟེར། རྒྱལ་མཚན་བཞི་བྱུང་བ་དམིགས་པས། དེ་རྣམས་སེམས་ལ་གཞོག་ཅེས་གསུངས་ཏེ། དེ་ནས་དགེ་བྱེད་ཅེས་པ་ཆུ་ཕོ་སྟག་གི་ལོ་ནག་པ་ཟླ་བའི་ཚེས་བརྒྱད་ལ་གཟུགས་སྐུའི་བཀོད་པ་བསྡུས་ནས་ཟུང་འཇུག་ཡེ་ཤེས་སྒྱུ་འཕྲུལ་འདྲ་བའི་གར་གྱིས་མངོན་པར་རོལ་པ་ན། ཁ་བ་རི་པའི་སྐྱེ་བོ་མང་དག་ཞིག་གིས། སྔོན་སྐུ་དངོས་བཞུགས་པའི་དུས་སུ་གདུལ་བྱ་རྗེས་སུ་འཛིན་པའི་སྤྲུལ་པའི་སྐུ་ཟླ་བ་གསར་བའི་རང་གཟུགས་མྱུར་དུ་འབྱུང་བའི་རྡོ་རྗེའི་གསུང་འགྱུར་བ་མེད་པའི་ཞལ་གྱིས་འཆེས་པ་དེ་ལྟར་ན། ད་ཆ་ཡུལ་དུས་རིགས་སོགས་གང་འདྲ་ཞིག་ཏུ་འབྱོན་པར་འགྱུར་ཞེས་གླེང་བའི་ཚེ། འགའ་ཞིག་གི་ཡར་ཀླུངས་བཀྲ་ཤིས་བདེ་ལེགས་ན་མགོན་པོ་ཞལ་བཞི་པའི་ལུང་བསྟན་གསལ་པོ་ཡོད་པའི་རྣལ་འབྱོར་བ་ཞིག་ལ་བརྟག་པ་ཞུས་

― GLG008_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཡི་གེ་ངོ་བོ་ལས་འདི་ལྟ་སྟེ། ན་མོ་རཏྣ་གུ་རུ་ཤྲཱི་མ་ཧཱ་ཀཱ་ལཱ་ཡ། ཡར་ཀླུངས་བཀྲ་ཤིས་བདེ་ལེགས་སུ། དཔལ་མགོན་ཞལ་བཞི་བའི་དྲུང་དུ། སྟག་ལོ་ཧོར་ཟླ་གསུམ་པའི་ནང་དུ། རྗེ་བཙུན་ཐམས་ཅད་མཁྱེན་པ་སྐུ་ཞི་བར་གཤེགས་པའི་ཚུལ་བསྟེན་པ། སླར་ཡང་བསྟན་པ་རིན་པོ་ཆེ་དང་། སེམས་ཅན་གྱི་དོན་དུ་སྤྲུལ་པའི་སྐུའི་སྐྱེ་བ་བཞེས་པ་ཅིག་ཡོང་བ་དང་ཡུལ་ཕྱོགས་གང་དུ་འབྱོན། དུས་ཇི་ཙམ་ན་འབྱོན་ལུང་བསྟན་དུ་གསོལ་ཅེས་ཞུས་པའི་ལན་དུ་ལུང་བསྟན་པ་ནི། བསྐལ་པ་གྲངས་མེད་སྔོན་རོལ་དུ་མ་རུ། །ཚོགས་གཉིས་རླབས་ཆེན་མཛད་པ་རྒྱ་ཆེན་གྱིས། །འགྲོ་བ་དཔག་མེད་ཐར་ལམ་འགོད་མཛད་པའི། །འཕགས་མཆོག་སྤྱན་རས་གཟིགས་དབང་གུས་པས་མཆོད། །སླར་ཡང་འགྲོ་བ་མཐའ་དག་མ་ལུས་པ། །སྒྱུ་མ་ལྟ་བུའི་འཁྲུལ་འཁོར་ཇི་སྙེད་ཀྱིས། །ལྷག་པར་བྱང་ཆུབ་མཆོག་ཏུ་ཐུགས་བསྐྱེད་ནས། །འགྲོ་བའི་དོན་དུ་དངོས་སམ་སྤྲུལ་པ་ཡིས། །འགྲོ་རྣམས་ཐུགས་རྗེའི་ཐབས་ཀྱིས་འདྲེན་མཛད་པའི། །སྤྲུལ་པའི་སྐུ་ཡང་ཞིང་འདིར་བལྟམས་པ་ལས། གདུལ་བྱ་རང་རང་རེ་བ་ཡོངས་བསྐངས་ནས། །སླར་ཡང་གཞན་དོན་འཕྲིན་ལས་རྒྱ་ཆེན་གྱིས། །འགྲོ་བའི་དོན་དུ་སྐུ་ཡི་བཀོད་པ་ཡང་། །རྨི་ལམ་སྒྱུ་མ་ལྟ་བུའི་ཚུལ་ཉིད་ཀྱིས། །ཞིང་མཆོག་གཞན་དུ་འཕོ་བའི་ཚུལ་བསྟན་པ། ད་ལྟ་ཆོས་ཉིད་དག་པའི་ཕོ་བྲང་ནས། །གདུལ་བྱ་ཞིང་ཁམས་ཡང་དག་ལྡན་པ་རུ། །བསམས་བཞིན་སྐུ་ཡི་སྤྲུལ་པ་སྟོན་པ་ཡི། །ཐབས་ཤེས་རྟེན་འབྲེལ་འཛོམས་པའི་རིགས་དག་ལ། །སྐུམཆོག་བལྟམས་པའི་སྒྲོམ་བུ་གཡར་ཚུལ་གྱིས། །འགྲོ་བའི་དོན་དུ་སླར་ཡང་སྐུ་སྤྲུལ་ཏེ། །འགྲོ་བ་མཐའ་དག་འཁོར་

― GLG008_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་འདམ་ཆེན་ནས། །མཐོང་ཐོས་དྲན་རེག་སྨིན་གྲོལ་ལམ་ལ་འགོད། །སྐུ་གསུང་ཐུགས་ཀྱི་མཛད་པ་རྒྱ་ཆེན་གྱིས། །གདུལ་བྱ་གང་དང་གང་ལ་འཚམ་པ་ཡི། །བླ་མེད་ཆོས་འཁོར་ཡོངས་སུ་བསྐོར་བར་འགྱུར། །ཞིང་མཆོག་དེར་ཡང་སྐུ་ཚེའི་ཚད་རྣམས་ལ། །བར་ཆད་བདུད་ཀྱི་ཆོ་འཕྲུལ་མང་ཙམ་གྱིས། །ཧ་ཅང་མཐའ་རུ་འཁྱོལ་བ་ཅུང་ཟད་དཀའ། །སྐུ་ཡི་སྐྱེ་བ་ལེན་པའི་རིགས་དག་ཀྱང་། །དཔལ་ལྡན་ཐུགས་རྗེའི་སྤྱན་གྱིས་གཟིགས་མཛད་ནས། །ཉི་མ་ཤར་ཕྱོགས་བྱང་དང་ཁད་ཉེ་བའི། །གདུལ་བྱའི་རིགས་ལ་གཟིགས་ནས་ཐབས་ཤེས་ཀྱི། །རྟེན་འབྲེལ་འགྲིག་པའི་དུས་དང་བསྟུན་བྱས་ཏེ། །ལོ་ནི་གསུམ་དང་ལྔ་ལས་འགྱང་མི་སྲིད། །འགྲོ་བའི་རེ་འདོད་སྐོང་ཕྱིར་སྤྲུལ་སྐུ་འབྱུང་། །སྐལ་ལྡན་མཐའ་དག་མོས་པའི་མཆོག་འགྱུར་པའི། །ལུས་ངག་ཡིད་གསུམ་གུས་པས་གསོལ་བཏབ་ཅིང་། །གང་ལ་མོས་པའི་མཆོད་སྤྲིན་རྒྱ་མཚོས་མཆོད། །ཞིང་མཆོག་གང་དང་གང་དུ་སྐུ་སྤྲུལ་ཀྱང་། །ཟག་མེད་ཐུགས་ཀྱི་དགོངས་པ་རྫོགས་བྱས་ནས། །ལུས་ཅན་ཚེ་འདིའི་འགལ་རྐྱེན་བར་ཆད་སེལ། །མཐར་ཐུག་སྤྱན་རས་གཟིགས་ཀྱི་ཞིང་མཆོག་ཏུ། མྱུར་དུ་སངས་རྒྱས་འཐོབ་པར་ཐེ་ཚོམ་མེད། །དེ་ལྟར་སྤྲུལ་པའི་སྐུ་ཡི་ཞིང་མཆོག་གི །སྔ་ཕྱི་གཉིས་ཀྱི་རྣམ་པར་ཐར་པ་ཙམ། །ལེགས་བཤད་གསལ་བར་བསྟན་པ་དེ་ལྟར་ཡིན། །ཞེས་པ་བྱུང་ཞིང་། །གཞན་ཡང་མངོན་ཤེས་རྫུ་འཕྲུལ་མངའ་བའི་ཆོས་སྲུང་དུ་མས་ལུང་བསྟན་དང་། སྐལ་ལྡན་དུ་མ་ལ་དངོས་ཉམས་ཅི་རིགས་སུ་གསལ་བ་སོགས་མཐའ་ཀླས་པར་སྣང་ངོ་། །དེ་ཡང་ཁང་གསར་གོང་དུ་སྐྱེ་སྲིད་མ་བཟུང་བའི་

― GLG008_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་དང་། ཡེ་ཤེས་ཀྱི་སྐུའི་ངོ་མཚར་རྒྱ་མཚོའི་མཛད་པའི་བཀོད་པ་གྲངས་མེད་པར་བསྟན་པ་མཐའ་དག་བརྗོད་པར་ག་ལ་ནུས། འོན་ཀྱང་ཆ་ཤས་ཙམ་རྗེ་ཉིད་ཀྱི་གསུང་ལས་བྱུང་བ་འདི་ལྟར། དང་པོ་ངས་འདི་ནས་དགའ་ལྡན་དུ་ཕྱིན་པའི་ཚེ། ཆོས་ཀྱིས་མཐོ་བའི་ཕོ་བྲང་དམ་པ་དེ་ན། རིན་པོ་ཆེའི་སེངྒེའི་ཁྲི་ལ་རྒྱལ་ཚབ་བྱམས་པ་མགོན་པོ་བཞུགས། དེའི་སྐུ་གཞོགས་གཡས་ན་རྗེ་བཙུན་འཇམ་དབྱངས་བཞུགས། གཡོན་ན་རྗེ་བཙུན་བཙོང་ཁ་པ་ཆེན་པོ་བཞུགས་འདུག་པ་དེ་དག་མཇལ། ཆོས་ཀྱི་བཀའ་མཆིད་མང་དུ་བྱུང་། གཞན་ཡང་དེར་བླ་མ་དགེ་བའི་བཤེས་གཉེན་མང་པོ་འདུག་པ་དེ་རྣམས་ཀྱིས་ཀྱང་ལེགས་སོ་བརྗོད། དེར་རྗེ་རིན་པོ་ཆེའི་དྲུང་དུ་རེ་ཞིག་སྡོད་སྙམ་ཙ་ན། རྗེའི་ཞལ་ནས་ཁྱེད་འདི་རུ་མ་འདུག་པར་འདི་ནས་དག་པ་མཁའ་སྤྱོད་ཀྱི་གནས་སུ་བྱོན་ཅིག །ཅེས་གསུང་ངོ་། །དེ་ནས་དག་པ་མཁའ་སྤྱོད་ཀྱི་གནས་སུ་ཕྱིན་ཙ་ན། གནས་དེར་རིག་འཛིན་དཔའ་བོ་མཁའ་འགྲོས་གང་བའི་དབུས་ན། སྟོན་པ་ཤཱཀྱའི་རྒྱལ་པོ། རྒྱལ་བ་ཚེ་དཔག་མེད། སངས་རྒྱས་སྨན་པའི་རྒྱལ་པོ་ལ་སོགས་པ་བཞུགས་འདུག་པ་རྣམས་མཇལ། དེ་ན་ཡང་བླ་མ་སློབ་དཔོན་ངོ་ཤེས་པ་མང་པོ་འདུག །གསུང་གླེང་ཞིབ་ཏུ་བྱུང་། དེའི་ཚེ་སྟོན་པ་སངས་རྒྱས་ཀྱི་ཞལ་ནས་འོངས་པ་ལེགས་ཀྱི། དེ་ཡང་འདི་ནས་དག་པའི་ཞིང་ཁམས་བདེ་བ་ཅན་དུ་སོང་ཞིག་གསུང་། ངས་བདེ་བ་ཅན་དུ་ཡུད་ཙམ་གྱིས་ཕྱིན་པས། སངས་རྒྱས་ཀྱི་ཞིང་རྣམ་པར་དག་པའི་དབུས་ན། བྱང་ཆུབ་ཀྱི་ཤིང་ལྗོན་པའི་དབང་པོ་རྒྱས་པ་དེའི་དྲུང་ན་རྨ་བྱས་བཏེག་པའི་རིན་པོ་ཆེའི་ཁྲི་ཡངས་

― GLG008_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་རྒྱ་ཆེ་བའི་སྟེང་ན། བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པ་བཞུགས། དེའི་གཡས་ན་སྤྱན་རས་གཟིགས་དང་། གཡོན་ན་ཕྱག་ན་རྡོ་རྗེ་བཞུགས་པ་མཐོང་སྟེ། དེ་དག་ལ་ཕྱག་དང་བསྐོར་བ་བྱས་ཐུགས་དགྱེས་པའི་བཀའ་མཆིད་ཀྱང་མང་དུ་བྱུང་། དེ་ནས་ངས་ཡང་སྲིན་པོའི་ཡུལ་རྔ་ཡབ་གླིང་དུ་ཕྱིན་ཙ་ན། ཡུལ་མཐའ་ཞིག་ཏུ། སྲིན་པོ་མགོ་གཅིག་པ་བྱུང་ནས་གར་འབྱོན་ཟེར། ང་སྲིན་ཡུལ་ལ་འགྲོ་བ་ཡིན། ཟངས་མདོག་དཔལ་རིར་འགྲོ་བའི་ལམ་གང་ན་ཡོད་བྱས་པས། འདི་ན་ཡར་ཡོད་ཟེར་ནས། མཐའ་ཆེན་པོ་ཕྱོགས་གང་ནས་ཀྱང་ཐར་བ་དཀའ་བ་ཞིག་འདུག །ཡང་སྲིན་པོ་མགོ་བཅུ་ཡོད་པ། མགོ་རེ་རེ་ལའང་མཆེ་བ་ཚད་མེད་པ་བཞི་གཙིགས་པ་ཞིག་བྱུང་ནས། སྲིན་ཡུལ་ལ་འགྲོ་བའི་ལམ་འདི་ན་ཡོད་ཟེར་ནས་དར་ལམ་འདྲ་བ་ཞིག་བརྐྱངས་བྱུང་བ་ལ་ཁོ་རང་སོང་བས་མཐར་ངས་ཀྱང་མ་ཐར་པའི་ངང་ལ། དེར་སྲིན་པོ་མགོ་བཅུ་གཅིག་པ་སྟེང་ན་རྟ་མགོ་ཅན་ཞིག་བྱུང་ནས། དེས་མེ་ཏོག་སྣ་ཚོགས་ཀྱིས་མངོན་པར་གཏོར་ཏེ། འདི་སྐད་ཅེས། འཁོར་བའི་ཚ་གདུང་སྐྱོབ་བྱེད་ཆེན་པོ་འདིར་བྱོན་པ་ལེགས་སོ་ཀུན་ཏུ་འགྲོ་བའི་ཏིང་ངེ་འཛིན་ལྟ་བུས། སྲིན་ཡུལ་གྱི་དབུས་སུ། ལམ་འདི་ནས་དགེ་བའི་བཤེས་གཉེན་གྱི་དྲུང་དུ་བྱོན་ཅིག་ཟེར་ནས། གོས་ཆེན་འདྲ་བའི་ལམ་ཞིག་བྱུང་བ་ན། དེ་ལ་ཕྱིན་པ་དང་ཕྱེད་ཙམ་དུ་སླེབས་པ་དང་། དེར་སྲིན་པོ་མགོ་བཞི་པ་ཞིག་བྱུང་བས། ངའི་རྐང་པ་ནས་འཐེན་དུ་བྱུང་བའི་ཚེ་མཐའ་ཆེན་པོ་དེ་ལས། སྲུང་མ་ཆེ་ཆུང་གཉིས་བྱུང་སྟེ། དེ་གཉིས་ཀྱིས་བརྡེག་སྟངས་

― GLG008_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

སྡིགས་མོ་རེ་བྱས་བྱུང་བ་དང་། ཁོ་རང་ལྷུང་སོང་།དེ་ནས་བདེ་བར་ཕྱིན་ཏེ། ངས་སྲིན་ཡུལ་དུ་སླེབ་ཙ་ན། སྲིན་པོ་རྟ་མགོ་ཅན་དེ་ཡང་རྗེས་སུ་སླེབ་བྱུང་། ཡུལ་དེ་ནི་ཡངས་ཤིང་རྒྱ་ཆེ་ལ་ཡིད་དུ་འོང་བ་ཞིག་འདུག །དེའི་ནུབ་ཕྱོགས་ལ་ཉེ་བ་དང་པདྨའི་གདན་འོད་ཅན་ལ། སྟོན་པ་བཅོམ་ལྡན་འདས་ཤཱཀྱ་ཐུབ་པ་བཞུགས། གཡས་ན་དཱི་པཾ་ཀ་ར། གཡོན་ན་འཇམ་དཔལ་སྙིང་པོ་བཞུགས་པ་དང་འཇལ། དེའི་ཚེ་ང་ལ་བཅོམ་ལྡན་འདས་ཀྱིས་བཀའ་སྩལ་པ། ལེགས་སོ། ད་དུང་སྟོང་པ་ཉིད་ཀྱི་ལྟ་བ་བསྒོམ་ཞིང་། རྟག་ཏུ་འགྲོ་བའི་དོན་གྱིས་ཤིག་གསུང་། དེ་ནས་སངས་རྒྱས་བཅོམ་ལྡན་འདས་དེ་དག་གི་དྲུང་ནས་ཕྱིན་ཙ་ན། གྲོང་ཁྱེར་ཐམས་ཅད་ཀྱི་དབུས་སུ། ཟངས་མདོག་དཔལ་རི་རྩེ་གསུམ་པ་དབུས་ན་སྙིང་གི་དབྱིབས་ཅན་གྱི་སྟེང་ན། པདྨ་འོད་ཀྱི་གཞལ་ཡས་ཁང་གྲུ་བཞི་སྒོ་བཞི། རྟ་བབས་བཞི་ལ་སོགས་པའི་དཀྱིལ་འཁོར་ཆེན་པོའི་མཚན་ཉིད་ཐམས་ཅད་དང་ལྡན་པ་ལྟ་བས་ཆོག་མི་ཤེས་པའི་རྒྱན་བཀོད་པ་ཕུན་སུམ་ཚོགས་པ་ཅན། རི་དེའི་མཐའ་ཀུན་ནས་སྲིན་པོའི་གྲོང་ཁྱེར་དཔག་ཏུ་མེད་པས་ཡོངས་སུ་བསྐོར་བ། ཕོ་བྲང་ཆེན་པོ་དེའི་དབུས་ན་ཉི་མའི་གདན་ལ་གུ་རུ་དུས་གསུམ་གྱི་སངས་རྒྱས་པདྨ་འབྱུང་གནས་དེ་ཉིད་རིགས་འཛིན་དཔའ་བོ་མཁའ་འགྲོའི་ཚོགས་ལ་ཟབ་མོའི་ཆོས་སྟོན་ཅིང་བཞུགས། ཡང་དེའི་གཡས་ཕྱོགས་ན་ཇོ་བོ་རྗེ་དཔལ་ལྡན་ཨ་ཏི་ཤ་དང་། གཡོན་ན་ས་སྐྱ་པཎྚི་ཏ་ཆེན་པོ་ཀུན་དགའ་རྒྱལ་མཚན་མདུན་ན་རྗེ་རིན་པོ་ཆེ་བཙོང་ཁ་པ་ཆེན་པོ་རྣམས་བཞུགས་འདུག་དེ་དག་གི་དྲུང་ན་སྔར་གྱི་སྲུང་མ་ཆེ་ཆུང་གཉིས་པོ་ཡང་འདུག་སྟེ། སྲུང་མ་ཆེ་བ་དེ་ནི། ལུས་བོངས་ཆེ་ལ་

― GLG008_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་དོག་ནག་པ། ཤིན་ཏུ་འཇིགས་པའི་གཟུགས་ཅན། རལ་པ་དཀར་པོའི་ཐོར་ཅོག་བསྒྲེངས་པ། སྨ་ར་དཀར་པོས་སྐེད་པ་ནོན་པ། ལག་པ་གཡས་གཡོན་གཉིས་ན་རལ་གྲི་དང་ཐོད་ཁྲག་འཛིན་པ་ཞིག་འདུག །སྲུང་མ་ཆུང་བ་ནི་ཁ་དོག་དམར་པོ་མེ་ལྟར་འབར་བ། བསེ་ཁྲབ་དང་བསེ་རྨོག་གྱོན་པའི་ལྡེམ་འཕྲུ་དར་སྣས་བརྒྱན་པ། ལག་ན་མདུང་དམར་དང་ཞགས་པ་ཐོགས་པ། སྟག་རལ་དང་། གཟིག་ཤུབས་ཅན། བསེ་ལྷམ་དམར་པོ་གྱོན་པའི་སྟེང་ན་ཨན་རྒྱབ་པ་ལྟ་བུ་ཞིག་འདུག་པ། དེའི་ཚེ་ངས་ཨྱོན་རིན་པོ་ཆེ་ལ། འདི་གཉིས་སུ་ཞིག་ལགས་ཞུས་པས། གུ་རུ་རིན་པོ་ཆེའི་ཞལ་ནས། ངའི་བཀའ་སྡོད་ཡིན་པ་རིམ་གྱིས་ཤེས་པར་འགྱུར་ཞིང་། ཁོང་གཉིས་གྲོགས་སུ་ཁྲིད་ལ། སླར་བོད་ཡུལ་དབུས་སུ་སོང་ཞིག་ཅེས་གསུངས་ནས། སྲུང་མ་དེ་གཉིས་ཀྱང་གྲོགས་སུ་བརྫངས་སོ། དེ་ནས་དེ་གཉིས་དང་འགྲོགས་ཏེ་ཡུད་ཙམ་གྱིས་བོད་དུ་འོངས། སྐྱོར་མོ་ལུང་། དགའ་ལྡན་ཕོ་བྲང་། བདེ་ཆེན་རྩེ། འོལ་ཁ་གཞིས་ཀ །ཨེའི་རེ་སྒོ་ལ་སོགས་པར་སྣང་ཡུལ་རེ་བལྟས་ཏེ། འཕྱོང་རྒྱས་ཀྱི་ཕུ་ནས་ཡུད་ཙམ་གྱིས་རི་རབ་ཀྱི་སྟེང་དུ་ཕྱིན་པས། དེ་ན་སུམ་ཅུ་རྩ་གསུམ་པའི་ལྷ་རྣམས་ཕལ་ཆེར་འདོད་པའི་ཡོན་ཏན་ལ་གཡེངས་འདུག །ལྷ་དེ་རྣམས་ཀྱི་ནང་ནས་ལྷའི་བུ་མོ་འོད་ཀྱི་རང་བཞིན་ཅན་ཞིག་བྱུང་ནས། མདུན་ནས་བསུས་ཏེ་བསྙེན་བཀུར་ཕུན་སུམ་ཚོགས་པ་བྱས་སོ། །དེ་ནི་དཔལ་ལྡན་ལྷ་མོ་འདོད་པ་ཁམས་ཀྱི་དབང་ཕྱུག་མ་ཡིན་པར་འདུག །དེ་ནས་ལྷ་མོ་དེ་ཁོ་མོའི་སྐུར་གྱུར་པའི་མདུན་ན། སྤྲུལ་པའི་སྤྲིན་དཀར་པོ་མཐའ་འཇའ་

― GLG008_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

རིས་སྣ་ཚོགས་རྣམ་པར་བཀྲ་བར་མཛེས་པ་ཞིག་ལིང་ངེ་འདུག་པས། དེའི་སྟེང་དུ་དཔལ་ལྡན་ལྷ་མོ་རང་ཉིད་བཞུགས་ཏེ། དེའི་ཕྱོགས་གཅིག་ཏུ་ང་ལ་ཡང་འདིར་བྱོན་གསུང་། དེར་ཕྱིན་པ་དང་སྤྲིན་དེའི་སྣ་ལས་འོད་ཟེར་སྣ་ལྔ་འཕྲོས་ཏེ་མི་ཡུལ་དུ་སོང་། དེ་ནས་དཔལ་ལྡན་ལྷ་མོ་དང་ལྷན་ཅིག་ཏུ་སྤྲིན་ལ་ཞོན་ནས་འོད་སྣ་ལྔའི་ལམ་ནས་ཡུད་ཙམ་གྱིས་སུམ་ཅུ་རྩ་གསུམ་གྱི་གནས་ནས་སྟོད་ལུངས་ཀྱི་མཐིལ་ཁང་གསར་གོང་གི་གཞིས་ཀར་ཡོངས། དེར་ཨ་མ་དྲུང་པའི་སྐུ་ལུས་ལ་གཞན་ཞིག་བཞུགས་ནས། ང་སྡོད་ས་དེ་བཀག་འདུག་པས། དཔལ་ལྡན་ལྷ་མོས་བགེགས་དེ་ཕྱི་རོལ་ཏུ་འབྱིན་པའི་འཕྲིན་ལས་མཛད་ནས་མའི་རུམ་ཤིན་ཏུ་གཙང་བར་གྱུར་པ་དང་། དེར་ངས་ཞུགས་པ་ཡིན་གསུང་ཞེས་སྣང་ངོ་། །ཨེ་མ་མཁའ་ལ་མཁའ་ཡི་སྦྱོར་བ་བཞིན། །རྒྱལ་ཀུན་གསང་གསུམ་གཅིག་ཏུ་བསྡུས་པའི་གར། །དག་པའི་ཞིང་དུ་བགྲོད་དང་ལུང་བསྟན་སོགས། །སྒྱུ་མའི་རོལ་རྩེད་ལྟ་བུར་སྟོན་འདི་མཚར། །རྒྱ་ཆེན་ཐུགས་བསྐྱེད་དབང་ཕྱོགས་ས་འཛིན་རྩེར། །སྤྲུལ་པའི་རྟ་ལྗང་འགོག་མེད་རྟག་འཆར་ན། །རྒྱལ་དང་རྒྱལ་སྲས་མང་པོས་བསྐུལ་བ་ལ། །ལྟོས་པའི་ཚུལ་འདི་གཞན་ལ་ཅོ་འདྲིར་ངེས། །བདེ་ལེགས་རྒྱ་མཚོའི་མཆོད་སྦྱིན་བརྒྱ་ཕྲག་སྒོ། །མ་ལུས་ཅིག་ཅར་འབྱེད་པའི་སྙིང་སྟོབས་ཀྱིས། །མ་དམད་བཙན་པོའི་གོ་ཆ་ཆེར་གྱོན་པ། །ལག་ན་པདྨ་རང་གི་ངང་ཚུལ་ཡིན། །དེ་ཡང་། གླེགས་བམ་ལུང་བསྟན་ལས། རྩོད་དུས་དགུ་ཡི་ཐ་མ་ལ། །བསོད་ནམས་མཆོག་གི་མཚན་ལྡན་པ། །བཤད་ཚོགས་རྒྱ་མཚོ་ལྟ་བུ་ན། །བསྟན་པའི་མེ་རོ་གསོ་བར་བྱེད། དེ་དུས་ཁྲིམས་ཀྱིས་

― GLG008_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

ཅུང་ཟད་ལྷོད། ཁྲིམས་ལྡན་ཉན་ཐོས་ཡིན་ཞེས་སྨོད། །མིག་གཅིག་པ་དང་མཆེ་བ་ཅན། ཁྲིམས་འཆལ་བྱོལ་སོང་སྐྱོང་བར་བྱེད། །ཅེས་དང་། བོད་བྱང་གི་ཕྱོགས་ནས་བྱང་ཕྱོགས་སུ། །མི་ཁྱོད་ཀྱི་སྤྲུལ་པ་དམ་པ་ཞིག །འབངས་མགོན་མེད་མང་པོ་འདྲེན་དུ་འགྲོ །ཞེས་པའི་ལུང་བསྟན་གྱི་དུས་ལ་བབ་སྟེ། ཐམས་ཅད་མཁྱེན་པ་བསོད་ནམས་རྒྱ་མཚོ་དཔལ་བཟང་པོ་འདི་ཉིད་སྐུ་བལྟམས་པའི་ཡུལ་ནི་བོད་སྐྱོང་བའི་རྒྱལ་པོ་མེས་དབོན་རྣམ་གསུམ་གྱི་དུས་སུ་དབུས་གཙང་རུ་བཞིར་གྲགས་པ་ལས། དབུ་རུའི་ས་དགེ་བཅུའི་ཡོན་ཏན་ཐམས་ཅད་ངང་གིས་འདུ་བ། ཤཱཀྱའི་རྒྱལ་པོའི་ཕོ་བྲང་གིས་ཉེ་བར་མཛེས་པའི་སྐྱིད་ཤོད་ཀྱི་ཡུལ་གྲུའི་ཆ། སྟོད་ལུང་མདའ་རྩེ་ཁ་ཁང་གསར་གོང་ཞེས་བྱ་བར། རིགས་རུས་ནི་སྔོན་ཆོས་རྒྱལ་ཁྲི་སྲོང་ལྡེའུ་བཙན་གྱི་དུས་སུ། ལོ་ཙཱ་བ་བརྒྱ་རྩ་བརྒྱད་ཀྱི་ནང་ནས་གཙོ་བོར་གྱུར་པ། སད་མི་མི་བདུན་གྱི་ནང་ཚན། རྨ་རིན་ཅེན་མཆོག་ཅེས་གྲགས་པ་ནས་བཟུང་སྟེ་འདི་པའི་གདུང་ལ་མཁས་གྲུབ་ཀྱི་སྐྱེས་ཆེན་མང་དུ་བྱོན་པ་ཡིན་ལ། དཔལ་ལྡན་ས་སྐྱ་བས་ཧོར་རྒྱལ་པོའི་ལུང་ལ་བརྟེན་ནས་བོད་ཀྱི་བདག་མཛད་པའི་ཚེ། ཁྲི་བསྐོར་བཅུ་གསུམ་དུ་གྲགས་པའི་ནང་ཚན་རྒྱ་མ་ཁྲི་བསྐོར་གྱི་ལུང་དང་ལས་ཀས་མངོན་པར་མཐོ་ཞིང་། སྡེ་སྲིད་རིན་པོ་ཆེ་དཔལ་ཕག་མོ་གྲུ་པས། འཕན་པོ་དཔལ་འབྱོར་རྒྱལ་མཚན་ལ་བྲན་བཀོན་གྱི་ལས་ཀ་གནང་། རྒྱལ་ཆེན་རྩེའི་རྫོང་དཔོན་དུ་བསྐོས་ཏེ། ལུགས་ཟུང་གི་མངོན་པར་མཐོ་བ་གང་གི་བརྒྱུད་ལས། ཕྱི་ཐ་སྙད་རིག་པ་སོགས་ལུགས་གཉིས་ལ་མཁྱེན་པ་རྒྱས་ཤིང་། ནང་གསང་

― GLG008_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཀྱི་ཏིང་ངེ་འཛིན་ལ་མངོན་པར་གཞོལ་བའི་ཡབ་སྡེ་པ་རྣམ་རྒྱལ་གྲགས་པ་དང་། ཡུམ་ནི། སྡེ་སྲིད་ཕག་མོ་གྲུ་པའི་དཀོན་གཉེར་དཔོན་སྔགས་རྙིང་མའི་རིག་སྔགས་འཆང་བའི་དབང་ཕྱུག་རིན་པོ་ཆེ་ཀུན་བཟང་རྩེ་ནས་ཀྱིས་སྲས་མོ་དཔལ་འཛོམ་བུ་ཁྲིད་ཡིན་ལ། འདི་པའི་རུས་ནི་ཟིན་ཡིན་ཞིང་། དེ་ཡང་དབང་གྲགས་པ་རྒྱལ་མཚན་གྱི་སྐུ་ཞང་རྫིང་ཇི་པ་གྲགས་པ་རིན་ཅེན་གྱི་རིགས་ལས་བྱུང་བའི་ལུགས་གཉིས་ཀྱི་དཔལ་འབྱོར་ལོངས་སྤྱོད་མཐུ་སྟོབས་ནུས་པས་མངོན་པར་མཛེས་པ་ཞིག་གོ །རྗེ་ཐམས་ཅད་མཁྱེན་པ་དེ་ཉིད་དགུང་ཞག་བདུན་ཕྲག་གཉིས་པའི་ནུབ་ཡུམ་གྱི་ལྷུམས་སུ་བཞུགས་པའི་ཚེ། ཡུམ་གྱི་མནལ་ལམ་དུ། རང་ཉིད་ཁང་གསར་གོང་གི་རབ་གསལ་ནས་འཕུར་ཏེ། ཤིང་ལྗོན་པའི་སྡོང་པོ་ཤིན་ཏུ་ཆེ་བ་ཞིག་གི་རྩེ་མོར་བྱོན་པ་དང་། འབྲས་སྤུངས་ཕྱོགས་ནས་ནམ་མཁའ་ལྡིང་གི་རྒྱལ་པོ་གཅིག་འཕུར་ནས་བྱུང་བ་དེ་རང་གི་ཞལ་ནས་ཞུགས་པ་དང་། ནམ་མཁའ་གཡའ་དག་པའི་དབྱིངས་ནས། ཉི་ཟླ་གཉིས་མཉམ་དུ་ཤར་བ་ལ་སྐར་མ་འོད་ཅན་ལྔས་བསྐོར་བ་གཟིགས་པ་དང་། དགེ་འདུན་ཆོས་གོས་སྣམ་སྦྱར་གསོལ་བ། གདུགས་དང་རྒྱལ་མཚན་དང་། རོལ་མོ་རྣམ་པ་མང་པོས་བསྐོར་ནས་འབྲས་སྤུངས་ལ་འགྲོ་བ་ཡིན་ཟེར། རི་མཐོན་པོ་གཅིག་ལ་འཛེགས་པ་དང་། རང་གི་མཁུར་ཚོས་གཉིས་ལས་ཁྲག་གི་མཚོ་རྡོལ་བ་ཡིན་ཟེར་ཁྲག་རྒྱུན་རབ་ཏུ་ཟགས་པས། ས་སྟེང་ཐམས་ཅད་དམར་ཆིལ་ཏེ་བྱས་པར་གྱུར་པ་སོགས་རྨིས་ཤིང་། ཡབ་ཀྱི་མནལ་ལམ་དུའང་། དཔལ་ལྡན་ས་སྐྱ་པའི་བདག་ཆེན་ཞིག་ཡིན་ཟེར་བའི་བླ་མ་ཆེན་པོ་འགྲན་ཟླ་

― GLG008_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པ་ཞིག་འབྱོན་པ་ཡོད་ཅེས་དེའི་ཕེབས་བཞུགས་ཀྱི་གྲབས་བཤོམས་མང་པོ་བྱས་པ་དང་། བླ་མ་དེ་ཉིད་ཕེབས་པའི་དགའ་སྟོན་ཆེན་པོ་བྱས་པ་བྱུང་གསུངས་ཤིང་། །མངོན་སུམ་ལའང་། སྔོན་མེད་པའི་སྤོས་ཀྱི་དྲི་བསྲུང་ཞིམ་པོ་འཐུལ་བ་དང་། དེའི་སང་ཉིན་ནས་བཟུང་སྟེ། ཉིན་རེ་ཡང་། ནམ་མཁའ་གཡའ་དག་པ་ལ་འཇའ་འོད་ཀྱིས་ཁྱབ་པ་དང་། ཉི་མའི་དཀྱིལ་འཁོར་ཁང་གསར་གོང་གི་སྟེང་གི་ནམ་མཁར་སླེབ་པ་ན། དེའི་མཐའ་ཀུན་ནས་འཇའ་ཚོན་ཁ་དོག་སྣ་ལྔ་པས་ཡོངས་སུ་བསྐོར་བས་གདུགས་ཕུབ་པ་ལྟར་མཛེས་པ་དང་། ལྷའི་མེ་ཏོག་གི་ཆར་འབབ་པ་སོགས་དགེ་མཚན་བརྗོད་ཀྱིས་མི་ལང་བས་གནམ་ས་བར་སྣང་གི་ཁྱོན་ཐམས་ཅད་ལྟ་ན་ཉམས་སུ་དགའ་ཞིང་ཡིད་དུ་འོང་བར་གྱུར་ཏོ། །དེ་ལྟ་བུའི་སྔ་ལྟས་རྣམས་ཀྱིས་ཡབ་ཡུམ་གཉིས་ཐུགས་ཐེ་ཚོམ་དུ་གྱུར་ཏེ། སྐུ་རིམ་ལ་བརྩོན་པར་མཛད་ཅིང་། སྐུ་རིམ་གྱི་གཙོ་བོ་ཆོས་རྗེ་ཡོན་མཆོག་པ་གདན་དྲངས་པའི་ཚེ། ཁོང་པས་ཀྱང་། སྡེ་པ་ཚོ་གྲུབ་མཐའི་ཐུགས་སློང་ཆེ་བའི་གྲགས་པ་ཡོད་པས། སྐུ་རིམ་ལ་བྱོན་ན་ལེགས་མི་ལེགས་ཀྱི་ཐུགས་དམ་བརྟག་པ་མཛད་པས་བྱོན་པ་བཟང་བ་བབས། མནལ་ལམ་ཡང་བཟང་སྟེ། རྗེ་ཐམས་ཅད་མཁྱེན་པའི་གསུང་གིས་འབྲས་སྤུངས་ཀྱི་ཆོས་དུང་དེ་ཉི་མ་ལ་སྲོས་ལས་བུས་དང་གསུངས་པ་ན། ཆོས་དུང་དེ་ནམ་མཁའ་ལས་བབས་ཏེ། ན་བཟའི་མཐུ་བར་བླངས་ནས་བུས་པས་སྐད་གསངས་ཤིན་ཏུ་མཐོ་བ་འཇིག་རྟེན་ཀུན་གྱི་ཐོས་ཡོད་སྙམ་པ་ཞིག་བྱུང་ནས་དགྱེས་བཞིན་དེར་བྱོན་ཏེ། སྐུ་རིམ་མཛད་པས་ཤིན་

― GLG008_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་འཕྲོད་པ་བྱུང་ངོ་། །དབྱངས་ཅན་མས་རྗེས་སུ་བཟུང་བའི་སྤྲུལ་སྐུ་དཔལ་ལྡན་བློ་གྲོས་བཟང་པོའི་མནལ་ལམ་དུའང་། ནམ་མཁའ་རྣམ་པར་དག་པའི་དབྱིངས་ཡངས་ཤིང་རྒྱ་ཆེ་བ་ལ། གསེར་གྱི་སེངྒེ་རེ་དང་གསེར་གྱི་འབྲུག་རེ་སྤེལ་མར་འཁོད་པ་རྣམས་གོ་མཚམས་ཅུང་ཟད་ཙམ་གྱི་མཐའ་དབུས་ཀུན་ཏུ་ཁྱབ་པའི་འོད་ཀྱིས་ཕྱོགས་ཐམས་ཅད་གསལ་བར་སྣང་བ་ཞིག་རྨིས། དེ་མ་བརྗེད་པའི་ངང་ནས། ཕྱིས་ཞབས་དྲུང་རིན་པོ་ཆེར་སྤྲུལ་སྐུ་འཕྲང་ཁ་བས་རྣམ་ཐར་གྱི་དོགས་གཅོད་ཞུས་པའི་ཚེ། རྗེའི་ཞལ་སྔ་ནས་སྐུ་འཁྲུངས་པའི་གོང་ཙམ་དུ་བདག་ལའང་རྨི་ལམ་འདི་ལྟ་བུ་ཞིག་བྱུང་བ་ཇི་ལྟར་ལགས་ན་ཞུས་པས། ཁྱོད་ཀྱི་རྨི་ལམ་དེ་ངེད་ལ་ལྟ་བ་འདྲ་གསུངས། འོ་ན་བཟང་ལགས་སམ་ཞུས་པས། བཟང་ངན་ཅི་ཡིན་ཀྱང་། ལྟ་བ་ནི་ང་ལ་ལྟ་བ་འདུག །དེ་ཡང་རྒོལ་བ་ལ་འཇིགས་པ་མེད་པས་སེངྒེ་འདྲ་བ་དང་། སྙན་གྲགས་འབྲུག་སྒྲ་ལྟར་ཀུན་ཏུ་ཁྱབ་པར་འགྱུར་བའི་སྔ་ལྟས་ཡིན་གསུངས། དེ་ལྟར་ཡུམ་གྱི་ལྷུམས་སུ་ཞུགས་པ་ན། སྐུ་ལུས་བདེ་ཞིང་། བྱམས་པ་དང་སྙིང་རྗེ་དད་པ་ལ་སོགས་པའི་ཡོན་ཏན་དཔག་ཏུ་མེད་པ་རྒྱས་ཤིང་། སྲིད་ཀྱི་དཔལ་འབྱོར་ཕུན་ཚོགས་རྣམས་ཀྱང་འབད་མེད་དུ་ངང་གིས་འདུ་བ་བྱུང་། ཡང་དེའི་ཚེ། སྐུ་གདུང་རིན་པོ་ཆེར་མཆོད་པའི་སྤྲིན་ཆེན་པོ་ཕུལ་བའི་ནང་ནས། རྒྱ་སྤོས་རྒྱུན་མི་ཆད་དུ་ཕུལ་པའི་དུད་པ། དེར་ཆ་གཉིས་སུ་གྱེས་ནས། ཆ་གཅིག་སྐུ་གདུང་རིན་པོ་ཆེའི་བཞུགས་གནས་ཟངས་སྒྲོམ་དར་ཟབ་ཀྱིས་ཀླུབས་པ་ལ་བསྐོར་ཅིང་། ཆ་གཅིག་སྟོད་ལུང་ཕྱོགས་སུ་ངེས་པར་འགྲོ་བ་གང་གིས་ཀྱང་

― GLG008_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག་ཏུ་མེད་པ་དང་། པུར་སྒྲོམ་གྱི་རྩེ་ལ་རྒྱལ་བ་རིགས་ལྔའི་དབུ་རྒྱན་གསོལ་བ་ཡང་སྟོད་ལུང་ཕྱོགས་སུ་ཡོ་ཞིང་བཞུགས་པ། ཡང་ཡང་དྲང་པོར་བསྲངས་ནས་བསྒྲན་ཀྱང་སྔར་བཞིན་ཡོ་བ་དང་། དྲུང་གནས་རིན་པོ་ཆེ་དཔོན་སློབ་རྒྱལ་ལ་ཐེགས་ཀ་སོགས་སུ་ས་གཡོ་བ་དང་། སྒྲ་གྲག་པ་དང་། མེ་ཏོག་གི་ཆར་བབ་པ་སོགས་ཆོ་འཕྲུལ་མཐའ་ཡས་པ་བྱུང་ངོ་། །དེ་ཡང་ཡོངས་གྲགས་ཀྱི་ཆུ་སྟག་ཟླ་བ་ལྔ་པ་ཉིས་བརྩེགས་ཀྱི་བཅུ་གཅིག་པའི་དམར་ཕྱོགས་ཀྱི་རྫོགས་པ་གཉིས་པ། རྒྱ་ནག་རྩིས་གཞུང་ལུགས་ཀྱི་མཛེས་བྱེད་ཅེས་པ་ཆུ་མོ་ཡོས་ཀྱི་དཔྱིད་ར་དང་པོའི་ཉེར་ལྔ་ལ་། གཟུགས་སྐུ་ཆུ་ཤེལ་གྱི་དབང་པོ་མངལ་གྱི་ཚུལ་འཛིན་གྱི་རྒྱ་ལས་གྲོལ་ཏེ། སྐལ་བཟང་ཀུན་དའི་དཔལ་དུ་སྐུ་བལྟམས་སོ། །དགེ་མཚན་འདོད་རྒུ་མ་ལུས་འཁྱིལ་བའི་ཡུལ། །ཡུལ་གྱི་ལྟེ་བ་ལྷ་ལྡན་གཙུག་ལག་ཁང་། །ཁང་བཟང་དམ་པའི་ཉི་འོག་ཁང་གསར་གོང་། །གོང་མ་ཁྲི་དཔོན་རིགས་ཀྱི་སྲིད་པ་བཟུང་། །རབ་དཀར་ཟླ་ཤེལ་ཤེལ་དཀར་བརྩེགས་པའི་རི། །འདབ་བརྒྱ་པ་དེ་དེ་བཞིན་བཻཌཱུར་དཀར། མདངས་འོད་མ་ལུས་ལུས་པ་མེད་བསྡུས་པ། གཟུགས་སྐུ་འདྲེན་བྱེད་བྱེད་པོར་བདུད་རྩིར་བྱས། །དེ་ཡང་གྲོད་དཀར་དྲི་མ་མེད་པའི་གུར་ཁང་སྒོ་མེད་པའི་སྦུབས་སུ་བཞུགས་པ་ཇི་ལྟར་བྱ་བ་རྔོ་མ་ཐོགས་པར། རེ་ཞིག་ལུས་པ་དང་། ཇི་ཞིག་ན། ཉི་འོད་འཐུངས་པའི་པདྨ་ལྟར་གྲོད་པ་དཀར་པོའི་མེ་ཏོག་དེ་རང་གིས་ངང་གིས་ཕྱེ་བའི་ནང་ནས། སྤྲུལ་པའི་སྐུ་ཁྱེའུ་ལྷའི་སྲས་པོ་པས་ཀྱང་མཛེས་ཤིང་ལྟ་ན་

― GLG008_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་པ། མཐོང་ན་དགའ་ཞིང་ལྟ་བས་ཆོག་མི་ཤེས་པ། སྐུ་ལ་དཀར་ལ་དམར་བའི་མདངས་ཆགས་པ། སྐྱེས་བུ་ཆེན་པོའི་མཚན་དཔེ་ཐམས་ཅད་དང་ལྡན་པ། སྐུ་སྟོད་ལ་ལྷའི་གོས་ཀ་ཤི་ཀ་ལས་ཀྱང་འཇམ་ཞིང་གཉེན་པའི་ཁྲུ་མ་དཀར་པོའི་ཆོས་གོས་གསོལ་བ། སྐུ་སྨད་ལ་སྟག་གི་པགས་པའི་རི་མོ་རང་བྱུང་དུ་རྣམ་པར་བཀྲ་བ། ཞབས་པུས་མན་ཆད་ཁྱབ་པའི་ཤམ་ཐབས་གསོལ་བ། སྤྱན་གཉིས་ཨུཏྤ་ལའི་འདབ་མ་ལྟར་མཛེས་པས་ཀུན་ཏུ་གཟིགས་ཤིང་། ཅུང་ཟད་བཞད་པའི་ཚུལ་དུ་འཛུམ་མུལ་ལེ་བཞུགས་པ་མཐོང་ངོ་། །མཐོང་ནས་ཀྱང་ཡུམ་འཁོར་དང་བཅས་པ་ཐམས་ཅད་ཀྱང་དགའ་ཞིང་སྤྲོ་ལ། ཡིད་བདེ་བས་དགའ་ཞིང་ངོ་མཚར་རྨད་དུ་བྱུང་བའི་འདུ་ཤེས་སྐྱེས་པར་གྱུར་ཏོ། །ཡང་དེའི་ཚེ་ཕོ་བྲང་དམ་པ་དེ་ནི་སྔར་བས་ཀྱང་སྟོང་འགྱུར་གྱིས་ལྟ་ན་སྡུག་ཅིང་ཉམས་དགའ་ལ་བག་ཕེབས་པར་གྱུར་ཏེ། ཡུལ་དེའི་སྐྱེ་བོ་ལས་དག་པ་འགའ་ཞིག་གིས་ནི། དེའི་ནུབ་མོ་ཁང་པ་བརྩེགས་པ་དེ་མེ་རི་མེ་དཔུང་རབ་ཏུ་འབར་བའི་ར་གུར་གྱི་དབུས་ན་ལྷམ་མེ་ལྷང་ངེ་ལྷན་ནེར་འདུག་པ་མཐོང་ངོ་། །གཞན་ཡང་ཀུན་ལ་མཐུན་སྣང་དུ་གྲུབ་པར། ཕྱོགས་ཐམས་ཅད་ཕྱིས་པ་ལྟར་དག་ཅིང་གསལ་བར་གྱུར་པ་ལས། འཇའ་རིས་རྣམ་པར་བཀྲ་བས་རྨ་བྱའི་གཙུག་ཕུད་བཀྲམ་པ་ལྟར་མཛེས་པ་ལྷའི་མེ་ཏོག་གི་ཆར་རྣམས་ལྡིང་ཞིང་འབབ་པ། ལྷའི་སྤོས་ཀྱི་དྲི་བཟང་ནི་ཀུན་ནས་འཐུལ་བ་ལ་སོགས་པའི་དགེ་མཚན་གྱིས་མཐོ་རིས་ཀྱི་གནས་ས་ལ་བབས་པ་ལྟར་གྱུར་ཏོ། །ཡབ་ཡུམ་དེ་གཉིས་ལས་སྔོན་དུ་ཡང་ལྕམ་སྲིང་མང་དུ་འཁྲུངས་ཀྱང་།

― GLG008_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

ཕལ་ཆེར་སྔ་མའི་སྲི་ཐོག་ཏུ་གཤེགས་པས་འཇིགས་ནས་ཡབ་ཡུམ་གྱིས་སྲི་གནོན་པའི་ཐབས་དང་རྟེན་འབྲེལ་མང་དུ་མཛད། ཁྱད་པར་དུའང་ཆོས་རྗེ་ཡོན་མཆོག་པའི་གྲུབ་མཐའ་མི་མཐུན་ཡང་ཐུགས་དད་སོང་བས། སྲས་ཀྱི་སྐུ་སྲུང་པ་ཞུས། མཆོད་པའི་ཐོག་མར་ར་མོ་དཀར་མོའི་འོ་མ་ཞལ་དུ་གསོལ། སྲི་ཐར་ཞེས་པའི་བུད་མེད་ནུ་ཞོ་ཡོད་པ་ཞིག་མ་མར་བསྐོས། སྲས་ཀྱི་མཚན་ཡང་ར་ནུ་སྲི་ཆོད་དཔལ་བཟང་པོ་ཞེས་གསོལ། ཆོས་རྗེ་ཡོན་མཆོག་པས་མ་གཅིག་གྲུབ་པའི་རྒྱལ་མོ་ནས་བརྒྱུད་པའི་ཚེ་དབང་དང་སྐྱེར་སྒང་ལུགས་ཀྱི་རྟ་མགྲིན་གསང་སྒྲུབ་ཀྱི་རྗེས་གནང་ཕུལ། དེ་ནས་སྐུའི་སྐྱེད་བསྲིང་བའི་ཚེ། བྱིས་པ་གཞན་གྱི་ལོ་བསྐྱེད་པས། གཞོན་ནུ་དེ་ཉི་མ་ཟླ་བསྐྱེད་ལྷག་པར་ཆེ་བར་གྱུར་ཏོ། །དེ་ཡང་སྐུ་འཁྲུངས་ནས་ཟླ་བ་གསུམ་ལོན་པ་ནས་ཉེ་བར་བཟུང་སྟེ། ནང་པར་ཐོ་རངས་རྟག་ཏུ་སྔར་བར་སྐུ་ཙོག་པུའི་ཚུལ་དུ་བཞུགས་ཤིང་། མ་མ་ཡང་གཉིད་ལས་སློང་བར་མཛད་དེ། ཕྱག་གིས་སྐྲ་ནས་འཐེན་ཞིང་། མ་ཎི་ཞེས་གསུངས་ནས་ཙོག་པུར་སྡོད་འཇུག་པར་མཛད་དོ། ། དེ་ཡང་རང་བཞིན་གྱིས་བརྟན་ཅིང་སྒམ་པ། ཞི་ཞིང་དུལ་བ། ངེས་ཤིང་གཙང་སྦྲ་དང་ལྡན་པ། ཐུགས་མ་ཞུམ་ཞིང་མ་ཁེངས་པ། སྲན་ཆེ་ཞིང་གང་ལ་ཡང་མི་འཇིགས་པ། ངོ་ཚ་ཤེས་ཤིང་ཁྲེལ་ཡོད་པ། ཆོས་དང་ཆོས་མ་ཡིན་རྣམ་པར་འབྱེད་པ་ལ་མཁས་པས། བླང་དོར་གྱི་གནས་རྣམས་ལ་གཞན་གྱི་དྲིང་མི་འཇོག་པར་རང་སྟོབས་ཀྱིས་ཕྱག་ལེན་ལ་འདེབས་ཤིང་། རྟག་ཏུ་

― GLG008_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཅན་ལ་ཐུགས་བརྩེ་བས་ལེགས་པར་གཟིགས་པ་སྐུ་གསུང་ཐུགས་ཀྱི་རྣམ་འགྱུར་རེས་ཀྱང་གཞན་དད་པ་སྐྱེ་བ་ལ་མཁས་པ། དེའི་དྲུང་དུ་སུ་དག་བྱུང་ཡང་། དེ་དག་ལ་བྱིན་རླབས་གནང་བའི་ཕྱག་རྒྱ་སྟོན་ཅིང་དགྱེས་དགྱེས་ལྟར་མཛད་པ་སོགས་ངོ་མཚར་བའི་རང་བཞིན་དུ་བཞུགས་སོ། །ལོ་འདི་ནང་དུ་དྲུང་ནས་རིན་པོ་ཆེ་རྒྱལ་དུ་བྱོན་ཏེ། གསེར་ཏོག་གི་བཟོ་འཕྲོ་དང་ཁྱམས་སྨད་ཀྱི་ལོགས་རིས་རྣམས་མཛད་པའི་ཚེ། དེ་ནས་མཚམས་དམ་པ་ཞིག་གི་སྐབས། ནུབ་གཅིག་ཐོ་རངས་ཀྱི་མནལ་ལམ་དུ། མགོན་ཁང་གི་སྟེང་ནས་གཟིགས་པས་ཀློངས་ལ་ངོས་ནས་བང་ཆེན་མི་རེང་གཉིས་བྱུང་བ་དང་། མགྲོན་གཉེར་བློ་བཟང་ལ་སུ་ཡིན་ལྟོས་ཤོག་གསུངས་པས། ཁོང་གི་དེ་གཉིས་ཀྱི་ལག་ནས། རྗེ་ཐམས་ཅད་མཁྱེན་པའི་བཀའ་ཤོག་ཡིན་ཟེར་བའི་ཡི་གེ་ཧུང་ལ་ཞིག་ཁྱེར་བྱུང་བ་དེ་འཕྲལ་ཕྱེ་ནས་གཟིགས་པས། གསུང་རབ་པས་གོ་དགོས་རྒྱུ་ལ། འཕགས་པའི་གནས་བརྟན་བཅུ་དྲུག་དེར་འབྱོན་པ་ཡོད་པས་གྲབས་ཡུལ་མ་ཐོགས་པ་གལ་ཆེ་གསུང་བ་ཞིག་འདུག་པས། དེ་འཕྲལ་དུ་གཟིམས་ཆུང་བཀའ་གདམས་ཕོ་བྲང་དུ་བཞུགས་གདན་གཤམ་པ་སོགས། ཕེབས་གྲབས་ཀྱི་བཀོད་པ་ཐམས་ཅད་ལེགས་པར་མཛད་དེ། སྤོས་ཕོར་བསྣམས་ནས་ཕྱི་ལོགས་སུ་གདན་འདྲེན་ལ་བྱོན་པས། འཕགས་པའི་གནས་བརྟན་ཆེན་པོ་བཅོ་ལྔ་བྱོན་པའི་རྗེས་སུ། གླང་པོ་ཆེའི་ཕྲུག་གུ་ཤིན་ཏུ་ཡིད་འཛིན་པ་འཛམ་བུའི་གསེར་གྱི་འོད་འཚར་བ་ཞིག་བྱུང་བ་དེ་རྣམས་གཟིམས་ཆུང་ནང་དུ་ཐེགས་གྲུབ་ཀྱང་། ད་དུང་གནས་བརྟན་ཆེན་པོ་

― GLG008_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་བྱོན་ཏེ་འོང་སྙམ་ནས། སྒོའི་ཕྱི་རོལ་དེར་ཕེབས་བསྒུགས་ཞུ་ཞིང་བཞུགས་ཡོད་ཙ་ན། ནང་ནས་གཅིག་ན་རེ། གནས་བརྟན་ཆེན་པོ་གཅིག་གླང་པོ་ཆེའི་ཕྲུག་གུ་འདི་ཀ་ཡིན། ང་ནང་དུ་སྤྱོན་གསུངས་བྱུང་བ་དང་ནང་དུ་བྱོན་ཙ་ན། འཕགས་པའི་གནས་བརྟན་བཅོ་ལྔ་པོ་རྣམས་འཁོར་གྱི་ཚུལ་དུ་གྲལ་གྱི་མཐའ་ལ་བཞུགས་ཤིང་། དེ་དག་གི་དབུས་སུ། སྔོན་རྗེ་ཐམས་ཅད་མཁྱེན་པའི་བཞུགས་ཁྲི་ཡིན་སྙམ་པའི་ཁྲི་རིན་པོ་ཆེ་སྣ་ཚོགས་པས་ཕྲ་བཀོད་པ་སེང་གེས་བཏེག་པའི་སྟེང་ན་གླང་པོ་ཆེའི་ཕྲུག་གུ་དེ་གཙོ་བོའི་ཚུལ་དུ་བཞུགས་འདུག་པ་ཞིག་རྨིས་གསུངས། །ཡང་དེའི་ཚེ་ནུབ་ཅིག་གི་མནལ་ལམ་དུ། རྗེ་ཐམས་ཅད་མཁྱེན་པའི་ཞལ་ནས། རྒྱབ་རིའི་རྩེ་འདིར་མྱུར་དུ་ཤོག་གསུང་བ་ཞིག་བྱུང་བ་དང་། རི་དེའི་རྩེ་ལ་འཛེགས་བྱོན་པས། རི་རྩེ་དེ་ན། བཅོམ་ལྡན་འདས་འཁོར་ལོ་བདེ་མཆོག་ཡབ་ཡུམ་ལ་དུས་བཞིའི་ལྷ་མོས་བསྐོར་ནས་བཞུགས་འདུག་པ་གཟིགས་ཏེ། ཐུགས་ལ་ཅི་ཡིན། རྗེ་ཐམས་ཅད་མཁྱེན་པ་ནི་བཞུགས་མི་འདུག །དཔལ་ལྡན་ལྷ་མོ་ལ་དུས་གཞིའི་ལྷ་མོས་བསྐོར་བ་འོང་སྟེ། དཔལ་འཁོར་ལོ་བདེ་མཆོག་ལ་དུས་བཞིའི་ལྷ་མོས་བསྐོར་བ་འདི་ཅི་ཡིན་སྙམ་དུ་དགོངས་པ་དང་། དུས་བཞིའི་ལྷ་མོ་རྣམས་ཡུམ་ལ་ཐིམ་ཡུམ་རྡོ་རྗེ་ཕག་མོ་ཡང་ཡབ་ལ་ཐིམ་པའི་མཐར། ཐམས་ཅད་ང་རང་ཡིན་གསུང་བ་དང་། མནལ་སད་པ་ཞིག་བྱུང་གསུངས། དྲུང་ནས་རིན་པོ་ཆེར་མནལ་ལམ་གྱི་ཚུལ་དུ། ཐམས་ཅད་མཁྱེན་པས་སྤྲུལ་པ་ཡང་སྤྲུལ་གྱི་བཀོད་པ་སྣ་ཚོགས་སྟོན་པ་

― GLG008_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། གསུང་གི་སྣང་བ་སྩལ་བ་སོགས་མཐའ་ཡས་པའི་ངོ་མཚར་བྱུང་འདུག །ཁང་གསང་གོང་དུ་ཆོས་རྗེ་ཡོན་མཆོག་པ་དཔོན་སློབ་རྣམས་སྐུ་རིམ་མཛད་ཅིང་བཞུགས་པའི་ཚེ། སྤྲུལ་པའི་སྐུ་གཞོན་ནུར་གྱུར་པ་དེ་ཁོང་དཔོན་སློབ་ལ་ཤིན་ཏུ་ང་རྒྱལ་པའི་རྣམ་འགྱུར་སྟོན་ཅིང་། རོལ་མོ་དང་གཏོར་མ་མཆོད་རྫས་སོགས་ལ་ཡང་ནས་ཡང་དུ་གཟིགས་པ་དང་། རྡོ་རྗེ་གསོར་ཞིང་དྲིལ་བུ་དཀྲོལ་བ་སོགས་ལ་སྔོན་གནས་རྗེས་དྲན་གྱི་ཉམས་མཐའ་ཡས་པ་མཛད། སྐབས་ཤིག་ཁོང་དཔོན་སློབ་ཀྱིས་གཏོར་མའི་གྲངས་དང་གོ་རིམ་སོགས་རྗེ་གོང་མའི་ཕྱག་ལེན་ཇི་ལྟ་བ་བཞིན་དུ་བཤམས་ནས་གཟིགས་སུ་ཕུལ་ཏེ། ཁྱེད་བླ་མ་ཞིག་གི་སྐུ་སྐྱེ་ནི་ཡིན་པ་འདྲ། གལ་ཏེ་ངའི་བླ་མ་དེ་ཡིན་ན་ནི་གཏོར་མ་འདི་རྣམས་ཇི་ལྟར་ཡིན་པ་འདུག་ཅེས་ཞུས་པའི་ཚེ། འདི་དང་འདིའོ་ཞེས་རིམ་པ་བཞིན་དུ་ངོས་འཛིན་འཁྲུལ་མེད་དུ་མཛད། གཞན་ཡང་ཁོང་དཔོན་སློབ་ཀྱི་རབ་ཏུ་བྱུང་བའི་རྟགས་ཆ་ལུགས་རྣམས་ལ། ཐུགས་དགྱེས་པའི་ཉམས་ཅི་ཡང་མཛད་ཅིང་། དབྱངས་དང་རོལ་མོའི་སྒྲ་ལ་ཡང་ལྷག་པར་དགྱེས་པའི་ཚུལ་སྟོན་པས། སྐུ་འཁོར་བ་རྣམས་ཀྱིས་ཀྱང་ཐུགས་གཟུང་བའི་ཆེད་དུ་རོལ་མོ་འབུལ་བས་དུས་འདའ་བ་དང་། ཁྱད་པར་སྐུ་རིམ་པ་དཔོན་སློབ་ཀྱིས་རོལ་མོ་དཀྲོལ་བའི་ཚེ། གཞོན་ནུ་སྤྱན་འབྱེད་འཛུམས་བྲག་ཏུ་མཛད་ཅིང་། ཞལ་ནས་མ་ཧཱ་བཱ་ལ་ཨབྱ་ཏ་བྱ་ཞེས་གསུང་ཞིང་། ཐུགས་འདུན་དྲག་པོའི་ཚུལ་སྟོན་པའི་ཚེ་ཟིལ་ཆེན་པོས་ཀུན་ཀྱང་སྤུ་ཟིང་ཞེས་བྱེད་པར་གྱུར་ཏོ། །དེ་ནས་དགུང་ཟླ་བརྒྱད་ཙམ་བཞེས་པའི་ཚེ། ཡུལ་གངས་ཅན་གྱི་ལྗོངས་ན་ཀུན་ཏུ་རྒྱུ་བའི་དཀའ་

― GLG008_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་པ་ཆེན་པོ། རིན་པོ་ཆེ་ཀྲེ་པོ་ཆོས་ཀྱི་རྒྱ་མཚོ་ཞེས་གྲགས་པའི་དྲང་སྲོང་ཆེན་པོ་སློབ་མའི་འཁོར་བརྒྱ་ཕྲག་དུ་མས་བསྐོར་བ་ཞིག །ཕྱོགས་དེར་བསོད་སྙོམས་ཀྱི་ཕྱིར་བྱུང་བ་དང་། སྡེ་པ་ཡབ་ཡུམ་གྱིས་མགྲོན་དུ་སྤྱན་དྲངས་ཏེ། ཕྱག་དང་མཆོད་པ་ཕུལ་ནས་ཆོས་དང་བྱིན་རླབས་ཞུས་སོ། །ཡང་དེའི་ཚེ་སྤྲུལ་སྐུ་གཞོན་ནུ་དེ་ཡང་ཡུམ་གྱི་པང་དུ་སྤྱན་དྲངས་ཏེ། བླ་མ་བགྲེས་པོ་ལོ་བརྒྱ་ལོན་དུ་ཉེ་བ་དེ་ལ་བྱིན་རླབས་ཞུ་བར་བརྩམས་པས། ཐུགས་ཁྲེལ་བའི་རྣམ་འགྱུར་སྟོན་ཅིང་། ཉིད་ཀྱི་དབུ་ཕྱིར་བསྐྱེད་དེ། ཡུམ་གྱི་ཐུགས་ཀའི་ནུ་བར་དུ་གཏད་ནས། ཡན་ལག་མཆོག་གི་སྤྱི་གཙུག་ནི་བལྟར་ཡང་མི་སྣང་བར་མཛད། ཕྱག་གཡས་སྐྱབས་སྦྱིན་གྱི་ཕྱག་རྒྱ་ནི་སྦྲུལ་གྱི་གདེངས་ཀ་བཞིན་འཕྱར། ཞབས་ཀྱི་པདྨའི་མཆུ་བ་ནི་གླང་པོ་ཆེའི་སྣ་ལྟར་བརྐྱངས་ནས། དྲང་སྲོང་ཆེན་པོ་དེའི་དབུ་ལ་ཕྱག་དབང་དང་ཞབས་དབང་གནང་བར་ཆས་ཏེ། སྤྱན་འབུར་ཚུགས་སུ་གཟིགས་པ་ཟིལ་གྱིས་མནན་པ་དང་། དེར་ཚོགས་པའི་མཆོད་ཡོན་རྣམས་ཧ་ལས་ཏེ་ངོ་མཚར་དུ་གྱུར་ཏོ། །དྲང་སྲོང་ཆེན་པོ་དེའི་ཞལ་ནས་ཀྱང་། ཁོང་རང་ང་ལས་ལྷག་པ་ཞིག་ཡིན་འདུག་པས་ང་ལ་བྱིན་རླབས་མི་ཞུ་ཡོད། ད་ཕར་གདན་དྲོངས་གསུང་། ཕྱིས་སྦྱིན་བདག་གཞན་གྱི་ནང་དུ་ཕེབས་པའི་ཚེ། རིན་པོ་ཆེ་དཔོན་སློབ་རྣམས་ཁང་གསར་གོང་དུ་ཕེབས་པ་གནང་འདུག་པ། དེར་འབྲས་སྤུངས་ཆོས་རྗེ་ཐམས་ཅད་མཁྱེན་པའི་སྐུ་སྐྱེ་འཁྲུངས་འདུག་ཟེར་བ་བདེན་པར་འདུག་ལགས་སམ་ཞུས་པའི་ཚེ། རིན་པོ་ཆེ་ཀྲེ་པོའི་ཞལ་ནས། འབྲས་སྤུངས་ཆོས་རྗེའི་སྐུ་སྐྱེ་ནི་ཡིན་མིན་མ་ཤེས་

― GLG008_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ན་ང་ལས་ལྷག་པའི་སྲས་པོ་གཞོན་ནུ་ཞིག་འདུག་གསུང་ངོ་ཞེས་གྲགས། ཚུལ་དེ་ཐོས་པ་ཐམས་ཅད་འདི་སྙམ་དུ་ཨེ་མ་ཧོ། །འཁྲུངས་ནས་ཟླ་བ་བརྒྱད་ལོན་པའི་གཞོན་ནུ་དེས། བླ་ཆེན་བགྲེས་པོ་དེ་ལྟ་བུ་ཡང་ཟིལ་གྱིས་གནོན་པར་ནུས་པ་དེ་ནི་སངས་རྒྱས་ཀྱི་སྤྲུལ་པ་ཡིན་པར་གདོན་མི་ཟའོ་ཞེས་ཕྱོགས་བྲལ་གྱི་སྐྱེ་བོ་དག་དམ་པ་དེ་ཉིད་ལྟ་བ་ལ་པདྨའི་མཚོ་ལ་ངང་པ་བཞིན་དུ་འདུ་བར་གྱུར་ཏོ། །སྤྱན་གྱི་པདྨ་རྣམ་པར་བཞད་པ་དང་མཉམ་དུ། དཔལ་ལྡན་ལྷ་མོ་ཕྱག་གཡས་རལ་གྲི་དང་གཡོན་ཐོད་པ་ནོར་བུས་གང་བ་བསྣམས་པ་བཞོན་པ་མེད་པ་ཞིག་གཟིགས་པ་དེ་ཞལ་གཟིགས་ཀྱི་ཐོག་མ་ཡིན་འདུག །གཡུལ་ཁར་མ་མས་ཁུར་ཏེ་སྐུ་སངས་ལ་ཕེབས་པའི་ཚེ། ལྗོན་ཤིང་གི་སྡོང་པོའི་རྩེ་ནས་དཔལ་མགོན་ཞལ་ཁྭ་ཅན་བྱོན་ཏེ། ཁྱད་པར་ང་ཚེ་རབས་སྔ་མ་ནས་ལས་འབྲེལ་ཡོད་པ་ཡིན་པས་མཆོད་གཏོར་ཕུལ་ཞིག་གསུངས། སྐབས་ཤིག་བློན་གོང་རྒྱལ་པོས་གླགས་ལྟ་བའི་ཆེད་དུ། བནྡེ་མ་རུངས་པའི་གཟུགས་ཀྱིས་བར་ཆད་བྱེད་པར་བརྩམས་པ་ན། བཅོམ་ལྡན་འདས་རྡོ་རྗེ་འཇིགས་བྱེད་བདུད་ལས་རྣམ་པར་རྒྱལ་བ་བྱོན་ཏེ། ནག་པོའི་ཕྱོགས་དེ་དག་ཚར་བཅད་པ་དངོས་སུ་གཟིགས། དགུང་ལོ་གསུམ་ལོན་པ་སྣ་ཚོགས་དབྱིག་ཅེས་བྱ་བ་ཤིང་མོ་སྦྲུལ་གྱི་ལོ། ཆོས་སྡེ་ཆེན་པོ་སྐྱོར་མོ་ལུང་དུ་བྱོན་པའི་ཚེ། ཆིབས་ཐོག་ཏུ་དགོངས་སྐྱེམས་ཞུས་པ་ན། ཞལ་དཀར་འཕངས་པས་མ་ཆག་པས་ཀུན་ངོ་མཚར་དུ་འཛིན། དེ་ནས་དགོན་པར་ཕེབས་པ་ན། ཕྱོགས་དེའི་སྐྱེ་བོ་རྣམས་ཀྱིས་འདི་ནི་རྒྱལ་སྲས་དམ་པའི་ངང་ཚུལ་མ་གཏོགས། ཐ་མལ་

― GLG008_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་སྤྱོད་ཚུལ་ཅུང་ཟད་ཙམ་ཡང་མི་མཛད་པས། སྐྱེས་བུ་དམ་པ་ཞིག་ཡིན་པར་གདོན་མི་ཟ་ཞེས་དར་དིར་དུ་གླེང་ཞིང་། ལ་ལ་དག་ཐམས་ཅད་མཁྱེན་པ་དགེ་འདུན་རྒྱ་མཚོའི་སྐུ་སྐྱེ་ཡིན་པ་འདྲ་ཞེས་གླེང་བ་ལ་བརྟེན། དཔོན་ས་གདུང་བརྒྱུད་རིན་པོ་ཆེ་མིའི་དབང་པོ་བསོད་ནམས་གྲགས་པ་རྒྱལ་མཚན་དཔལ་བཟང་པོས་གཞིས་ཀར་སྤྱན་དྲངས། དེའི་ཚེ་ཡབ་ཀྱིས་ཕྱག་དང་མཇལ་དར་ཁྱེད་རང་གིས་འབུལ་ལམ་ངས་ཚབ་བྱེད་ཞུས་པ་ལ། ངེད་རང་གིས་འབུལ་གསུངས་ནས་མཇལ་དར་དེ་གདུང་བརྒྱུད་རིན་པོ་ཆེའི་ཕྱག་ཏུ་ཕུལ་ཏེ། ཕྱག་མ་མཛད་པས། མི་དབང་ཆེན་པོ་དེ་ཉིད་ཀྱིས་ཚོད་བརྟག་པའི་ཕྱིར་དུ་ཕྱག་དབང་གནང་བར་བརྩམས་པ་ན། སྐུ་ཕྱིར་སྒེག་ཙམ་མཛད་དེ་སྤྱན་ཧུར་རེ་བཞུགས་པས། གདུང་བརྒྱུད་རིན་པོ་ཆེས་འོ་ན་ངེད་ལ་བྱིན་རླབས་ཤིག་གནང་བར་ཞུ་ཞེས་དབུ་དུད་མཛད་པ་ན། ཚུར་བྱོན་ནས་དབུ་ཐུག་ཅིག་མཛད་པས་ཀྱང་ཐུགས་ཡིད་ལྷག་པར་ཆེས་པར་གྱུར། དེའི་ཆོས་བདག་རྒྱལ་པོར་མཆོད་པའི་སྤྲིན་ཕུང་བླ་ན་མེད་པའི་དཔལ་འབྱོར་ཆེན་པོ་ལ་རོལ་པར་མཛད། མིའི་དབང་པོ་དེས་མགོན་པོ་ཕྱག་བཞི་པའི་ཐུགས་དམ་ཐང་ཁ་ཞིག་གཟིགས་སུ་ཕུལ་ནས། འདི་ངོ་ཨེ་མཁྱེན་ཞུས་པས། ལོས་ཤེས་འདིའི་རྗེས་གནང་ངེད་ཀྱི་ཕུལ་བ་ཡིན་གསུངས་པ་ན། སྔོན་ཐམས་ཅད་མཁྱེན་པ་དགེ་འདུན་རྒྱ་མཚོ་ལ་དཔོན་ས་གདུང་བརྒྱུད་རིན་པོ་ཆེ་ཕྱག་བཞི་པའི་རྗེས་གནང་གསན་པ་ཐུགས་ཀྱིས་དྲན་ཏེ། གཞན་དུ་དོགས་པའི་ཐེ་ཚོམ་གྱི་དྲ་བ་མཐའ་དག་འབད་མེད་དུ་ཆོད། རྗེ་གོང་མའི་ཕྱག་སིལ་ཧོར་སིལ་ཞིག་ཡོད་པ་དེ་

― GLG008_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིགས་པ་ན་ངའི་ཡིན་ཞེས་ངོས་འཛིན་མཛད། དྲུང་འཁོར་རྣམས་ཀྱིས་ཕྱག་དབང་ཞུས་པ་ན། དྲག་ཞན་འབྲིང་གསུམ་ལ་ཕྱག་དབང་གནང་ལུགས་སོགས་སྒོ་དུ་མ་ནས་ཀུན་ཡིད་ཆེས་སོ། །དེ་ནས་ཁང་མོ་ཆེར་སྐུ་མཚམས་ཀྱི་ངང་དུ་བཞུགས་པ་ན། ཡུལ་ཕྱོགས་གཞན་དག་རྣམས་སུ་འབྲུམ་ནད་སོགས་ཀྱིས་ཁྱབ་ནའང་། རྗེ་འདི་གང་བཞུགས་པ་དང་ཉེ་བའི་ཕྱོགས་ཀུན་ཏུ་ནད་དང་རིམས་དང་དུས་མ་ཡིན་པའི་འཆི་བ་སོགས་པ་དཀར་མིན་གྱི་འབྲས་བུ་མཐའ་དག་རྒྱང་རིང་དུ་བསྲིངས་ཤིང་། ཆར་ཆུ་སྙོམས་ཤིང་རྩི་བཅུད་དང་ལོ་ཏོག་རྣམས་འཕེལ་བ། སྐྱེ་བོ་རྣམས་ཕན་ཚུན་དུ་གཉེན་གཤིན་པའི་ངང་ཚུལ་དུ་གྱུར་པ་སོགས་ལེགས་བྱས་ཀྱི་འབྲས་བུ་བླ་ན་མེད་པའི་དགའ་སྟོན་ལ་ཡོངས་སུ་སྦྱོང་བར་གྱུར་ཏོ། །དེའི་ཚེ་ནག་ཕྱོགས་ཀྱིས་བདུད་རིགས་འགའ་ཞིག་གིས་བར་དུ་གཅོད་པ་བརྩམས་པ་ན། དཔལ་ལྡན་ལྷ་མོ་དམག་ཟོར་གྱི་རྒྱལ་མོ་བྱོན་ཏེ་ཚར་གཅོད་པ་དངོས་སུ་གཟིགས། ཉིན་གཅིག་འོད་ཀྱི་གུར་ཁང་ཞིག་འདུག་པ་ལ་ཕྱག་མང་དུ་མཛད་པས། སྐུ་འཁོར་རྣམས་ཀྱིས་ཇིི་ལྟར་ལགས་ཞེས་ཞུས་པ་ལ། ཁྱེད་རྣམས་ཀྱིས་མ་མཐོང་ངམ། རྗེ་རིན་པོ་ཆེ་བཙོང་ཁ་པ་བྱོན་ཏེ་ད་ལྟའང་བཞུགས་འདུག་གསུངས། ཡང་ཕྱོགས་བཞིར་ཡང་བཙལ་ནས། རྗེ་རིན་པོ་ཆེའི་ཕྱོགས་བཞིར་སངས་རྒྱས་དཔག་ཏུ་མེད་པ་བཞུགས་འདུག་ཤར་ཕྱོགས་པ་རྣམས་སྔོན་པོ། ལྷོ་ཕྱོགས་པ་རྣམས་སེར་པོ། ནུབ་ཕྱོགས་པ་རྣམས་དམར་པོ། བྱང་ཕྱོགས་པ་རྣམས་ལྗང་ཁུར་འདུག་གསུངས། ཉིན་གཅིག་ང་ལ་བར་ཆད་རྩམ་པའི་བནྡེ་ཞིག་འདུག་པ་དེ་དཔལ་ལྡན་ལྷ་མོས་བསྒྲལ་ནས་ད་

― GLG008_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་འདི་ཁར་བཞུགས་འདུག །ཡེ་ཤེས་མགོན་པོ་ཕྱག་དྲུག་པ་ཡང་བྱོན་བྱུང་། ཀྵེ་ཏྲ་པཱ་ལ་འདིས་མི་མགོ་ཞིག་ཁྱེར་འདུག་གསུངས། །གཞན་ཡང་། ཀླུ་སྒྲུབ། ཐོགས་མེད། སློབ་དཔོན་པདྨ། ཇོ་བོ་རྗེ། བིཪྺ་པ། ས་ར་ཧ་སོགས་རྒྱལ་བའི་སྲས་མཐའ་ཡས་པའི་སྐུའི་སྣང་བ་གཟིགས། ཇོ་བོ་རྗེ་ངའི་བླ་མ་ཡིན། འདི་ན་བཞུགས་པ་ཁྱེད་རྣམས་ཀྱིས་མ་མཐོང་བ་ཨེ་ཡིན་གསུངས། བར་བར་དུ་བཞུགས་སྟན་གྱི་སྟེང་དུ། སྐུ་དྲང་པོར་བསྲེངས་ཏེ་ཏིང་ངེ་འཛིན་ལ་མཉམ་པར་འཇོག་ཅིང་། རེས་འགའ་ནི་རྒྱལ་མདུན་མ་དང་། དམིགས་བརྩེ་མ་སོགས་བླ་མའི་བསྟོད་པ་དང་། ཡ་མ་རཱ་ཛ་དང་། བྷྱོཿརཀྨོ་བྷྱོ་སོགས་སྔགས་མང་པོ་གསུང་ཞིང་། ཕྱག་སིལ་བདེ་མོ་ཞིག་ཡོད་པ་དཀྲོལ་བ་ལས། བྱིས་པའི་རྩེད་མོ་ཕལ་པ་མཛད་པའི་སྐབས་མེད་པ་ཡིན་ནོ། །ནང་གཅིག་སྔ་བར་ཆོས་སྡེའི་ཚོགས་དུང་བུས་པ་གསན་པ་དང་། ངའི་ན་བཟའ་ཁུར། མང་ཇའི་བསྔོ་བ་ལ་འགྲོ་རན་གསུངས། །ཉིན་གཅིག་ལྕང་རར་གདན་དྲངས་པའི་ཚེ། རྗེ་གོང་མའི་སྐུ་འདྲ་རིན་པོ་ཆེ་ཞིག་བཞུགས་པ་དེ་ལ་ཕྱག་རེག་ནས་འདི་ངའི་སྐུ་ཡིན། རྒྱབ་ན་ཡི་གེ་ཡང་ཡོད་གསུང་བ་བཞིན། ཞལ་ཐང་དེའི་རྒྱབ་ན་གཟུངས་སྔོན་གྱི་ཕྱག་བྲིས་མ་ཡང་ཡོད་འདུག་པས། ནང་པ་ལྕང་ར་བ་འཁོར་བཅས་དད་པའི་ས་ལ་བཀོད། གཞན་ཡང་ཆོས་རྗེ་ཡོན་མཆོག་པ་ལ། རྗེ་གོང་མས་གནང་བའི་ཕྱག་དྲིལ་གཅིག་ཡོད་འདུག་པ་དེ་ལ་གཟིགས་པ་དང་། འདི་ངས་བྱིན་པ་ཡིན་ཡང་གསུངས། དེ་དུས་སྐྱོར་མོ་ཀླུང་ན་དཔོན་ས་གདུང་བརྒྱུད་རིན་པོ་ཆེས་སྦྱིན་བདག་མཛད་པ་སྟེ།

― GLG008_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

གོང་མའི་དངུལ་གདུང་རིན་པོ་ཆེ་འབྲས་སྤུངས་ན་བཞུགས་པ་འདི་བཞེངས་པའི་སྐབས་སྤྲུལ་སྐུ་འཕྲང་ཁ་བས། ཐིག་རྩ་དང་བཀོད་པ་བྱེད་པའི་བར་སྐབས་ཞིག་ཏུ་ཕྱག་འབུལ་ལ་ཕྱིན། རྗེ་གོང་མ་ཞིང་གཞན་དུ་ཐེགས་གར་གནང་བའི་བཀའ་ཤོག་གི་མཐའ་མ་དེ་གཟིགས་སུ་ཕུལ་བས། ཡུད་པ་གཅིག་གཟིགས་ནས་ཐུགས་དམ་གྱི་སྟེང་དུ་ཕྱག་སོར་རེག་སྟེ། འདི་ངའི་ཐེའུ་ཚེ་ཡིན་པ་འདུག་གསུང་བ་སོགས་ངོས་འཛིན་མཛད་པ་ནི་གྲངས་ཀྱིས་མི་ཆོད་དོ། །དེའི་ཚེ་པཎ་ཆེན་རིན་པོ་ཆེ་བསོད་ནམས་གྲགས་པ་རྣམ་དཔྱོད་མཆོག་གི་སྡེས་སྐྱོར་མོ་ཀླུང་ཚོགས་པ་ལ་མཉམ་མེད་ཇོ་བོ་ཡབ་སྲས་ཀྱི་གསང་ཆོས་ཐུན་མོང་མ་ཡིན་པ་གླེགས་བམ་བུ་ཆོས་ཀྱི་སྤྱི་ཆོས་མཛད་པའི་ཚེ། གཟིམས་སྤྱིལ་གྱི་ཐོག་ཁ་ནས་གསན་པས། པུ་ཤུ་ནས་ཆོས་གྲྭའི་ཕྱོགས་སུ་གཟིགས་ཏེ། ཆོས་རྗེ་བསོད་ནམས་གྲགས་པ་ངའི་རྣམ་ཐར་འཆད་ཀྱི་ཡོད་དམ། གསོལ་ཇ་ཞིག་ལ་འདིར་ཕེབས་དང་གསུངས་པས། དེར་འཁོད་པའི་སྐྱེ་བོ་ཐམས་ཅད་འབྲོམ་སྟོན་ཆོས་ཀྱི་རྒྱལ་པོ་གདོན་མི་ཟ་བར་སླར་བྱོན་པའོ་ཞེས་མགྲིན་གཅིག་ཏུ་གླེང་ཞིང་། ཚོགས་པ་ཐམས་ཅད་དད་པའི་ཤུགས་ཆེན་པོས་ཆོས་གསན་འཕྲོ་ལ་ཧར་བཞེངས་མཛད་དེ། ཕྱག་བཙལ་ནས་འབྲོམ་རིན་པོ་ཆེན་རྒྱལ་བའི་འབྱུང་གནས་ཁྱེད་ལ་ཕྱག་འཚལ་ཞིང་སྐྱབས་སུ་མཆིའོ་ཞེས་སོགས་དར་དིར་དུ་གྲགས་པར་གྱུར་ཏོ། །དེའི་ཚེ་འོལ་ཁ་སྟག་རྩེ་ནས་ས་སྐྱོང་ཨ་མོ་གྷ་རྡོ་རྗེ་རྣམ་རྒྱལ་དཔལ་བཟང་པོ་ཞེས་རྗེ་གོང་མ་ལ་མི་ཕྱེད་པའི་དད་པ་ཅན་དེའི་ཞུ་ཡིག་རྟེན་བཅས་ཕུལ་བའི་ཚེ། མེ་ཏོག་གི་ཆར་བབ་ཅིང་། ལ་ལ་དག་ཞུ་ཡིག་གི་སྟེང་དུ་ཆགས་པ་བྱུང་བར་ངོ་མཚར་

― GLG008_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་གནས་སུ་བྱེད་དོ། །སླར་ཡང་ཁང་གསར་གོང་དུ་ཕེབས། ཕྱག་རིས་འབྲི་ཀློག་གི་ཚུལ་བསྟན་པར། དཀའ་ཚེགས་མེད་པར་བརྡ་ཙམ་བསྟན་པས་མཁྱེན་ཞིང་། མདོར་ན་བཟོའི་རིག་བྱེད་སྣ་ཚོགས་དང་། སྒྱུ་རྩལ་སྣ་ཚོགས་དང་། བསྟན་བཅོས་སྣ་ཚོགས་དང་། ཡུལ་སྐད་སྣ་ཚོགས་དང་། སྙན་ངག །སྡེབ་སྦྱོར། རོལ་མོ་དཀྲོལ་བརྡུང་། གསང་སྔགས་རིག་སྔགས་གཟུངས་སྔགས་ཀྱི་ཁྱད་པར། སྔོན་དང་ཕྱི་མའི་གནས་མཁྱེན་པ་སོགས་བག་ཆགས་བཟང་པོ་གོམས་པའི་ཉམས་སད་པས། སྐུ་གསུང་ཐུགས་ཀྱི་མཛད་པ་ཕྲ་མོ་རེས་ཀྱང་འགྲོ་བའི་དོན་རླབས་པོ་ཆེ་བསྐྲུན་པར་ནུས་སོ། །གཞོན་ནུ་རོལ་རྩེད་ཀྱི་ཚེ། ཐ་མལ་གྱི་སྤྱོད་ཚུལ་ཐམས་ཅད་རྒྱང་རིང་དུ་བསྲིངས་ཏེ། ཆོས་འཆད་པ། ཏིང་ངེ་འཛིན་སྒོམ་པ། དགོས་པ་འདེབས་པ། རྡོ་མང་པོ་གྲལ་དུ་བསྒྲིགས་ཏེ་ཆོས་སྐྱོང་འདི་དང་འདི་ཞེས་བགྱི་བ་ཡིན་ནོ་ཞེས་མཆོད་བསྟོད་མཛད་པ་སོགས་ཀྱིས་དུས་འདའོ། །གྲྭ་པ་ཞིག་མཇལ་དུ་འོངས་ནས། རྗེ་བཙུན་བཙོང་ཁ་པའི་སྐུ་ཞིག་ཕྱག་ཏུ་ཕུལ་བས་ཤིན་ཏུ་མཉེས་མཉེས་མཛད། སྟེང་མཐོན་པོ་ལ་བཞུགས་སུ་གསོལ་ཏེ་ཕྱག་དང་མཆོད་པ་ཕུལ། ཡབ་ཡུམ་ལ་ཕྱག་མཆོད་ཕུལ་ཞིག་གསུངས་པས། ངེད་ནི་ཁྱེད་ཀྱི་བླ་མ་དེ་ལ་དད་པ་མེད་ཞུས་པར། ངའི་བླ་མ་ཁྱད་པར་ཅན་འདི་ལ་མ་དད་ན། ཁྱེད་རང་རྣམས་དལ་འབྱོར་སྟོང་ལོག་ཏུ་སོང་བ་ཡིན་ཞེས་གསུངས་ནས་མི་དགྱེས་པའི་རྣམ་འགྱུར་མཛད་པས། འོ་ན་ངེད་གཉིས་ཀྱིས་ཕྱག་འཚལ་ཞིང་སྐུ་མི་ཚད་ཙམ་ཞིག་བཞེང་ངོ་ཞུས་པས་མཉེས་ཏེ། དམིགས་བརྩེ་མ་གསུང་ངག་ནས་སློབ་པར་མཛད་

― GLG008_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

དེ། དམིགས་མེད་བརྩེ་བའི་གྱིས། གཏེར་ཆེན་སྤྱན་རས་གཟིགས་གྱིས། ཞེས་སོགས་ཚིག་རྐང་རེ་རེ་ལ་སྤོར་ཐེངས་གཉིས་གཉིས་མཛད་ནས་སློབ་པ་གནང་། ཡང་ལན་གཅིག་ནི། ཡབ་ཀྱི་ཕྱག་དཔེ་རྣམས་ཀྱི་ཁྲོད་ནས། དཔེ་ཆ་གྲས་ཐུང་གྲུ་བཞི་རྒས་སེ་བ་རྙིང་པ་ཞིག་ཕྱག་ཏུ་བསྣམས་བྱོན་ནས། མཆོད་གནས་བརྒྱད་སྟོང་པ་ཀློག་པའི་མདུན་དུ། དཔེ་ཆུང་དེ་གཅལ་དུ་བཀྲམ་ནས། དེའི་སྟེང་དུ་ཞབས་སྐྱིལ་ཀྲུང་བཅས་ཏེ་བཞུགས་པའི་ཚེ། ཡབ་དེར་བྱོན་ནས། ཨ་པོ་ཆོས་རྗེ་ངའི་དཔེ་ཆ་ལ་གདན་མཛད་པ་ཨེ་ཡིན། འོ་ན་འདི་ཡང་ཐིང་ཞིག་གསུངས་ནས། བརྒྱད་སྟོང་པའི་ཤོག་བུ་ཞིག་འདིངས་གྲབས་མཛད་པའི་ཚེ། སྲས་ཀྱི་ཞལ་ནས་རྒྱལ་བའི་བཀའ་ཡིན་པས་མི་རུང་གསུངས། ཡབ་ཀྱིས་འོ་ན་འདི་ཅི་ཡིན་པ་འདུག་པ་ཞེས་ཞུས་པས། འདི་ནི་ལྟ་ལོག་བོན་པོའི་དཔེ་ཆ་ཡིན་པར་འདུག་ག །གསུངས་ནས་བཞེངས་སོང་ངོ་། །དེ་ནས་རེ་ཞིག་ན་ངའི་བུ་འདི་འཇིག་རྟེན་ཐམས་ཅད་ལས་ཁྱད་པར་དུ་འཕགས་པའི་སྤྲུལ་སྐུ་ཞིག་ནི་ཡིན་ངེས་ན། སུ་ཞིག་གི་སྤྲུལ་པ་ཡིན། གལ་ཏེ་འབྲས་སྤུངས་ཆོས་རྗེ་ཐམས་ཅད་མཁྱེན་པའི་སྤྲུལ་སྐུ་ཡིན་ངེས་ན་གང་ས་ནས་ལེགས་པ་འདུག །གང་ལྟར་ཡང་བརྟག་པར་བྱ་བ་མང་དུ་བྱེད་དགོས་དགོངས་ནས། སྐྱོར་མོ་ཀླུང་གི་ཆོས་སྡེ་ན། གནས་བརྟན་ཟླ་བ་བྱ་བ། སྒྲོལ་མས་ལུང་བསྟན་གསལ་པོར་ཡོང་བ་ཡོད་པ་ལ། འདི་སྐད་དུ། ཁྱེད་ཀྱིས་ངའི་གཞོན་ནུ་འདི་རྗེ་ཐམས་ཅད་མཁྱེན་པའི་སྐུ་སྐྱེ་ཡིན་མིན་བརྟག་པ་མཛོད་ཅིག་གསུངས་པས། གནས་བརྟན་པས་ཀྱང་གལ་པོ་ཆེར་བརྡུང་ནས། མཚམས་དམ་པར་བཅད་དེ། ལྷག་པའི་ལྷ་སྒྲོལ་མ་ལ་གསོལ་བ་བཏབ་ནས་

― GLG008_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དེ་གསལ་བར་ལུང་བསྟན་དུ་གསོལ། ཞེས་གསོལ་བ་བཏབ་པས། ཐོ་རེངས་ཞིག་གི་རྨི་ལམ་དུ། མི་དཀར་པོ་ཞིག་ན་རེ། རྣམ་དག་མཁའ་དབྱིངས་རབ་གསལ་ཡངས་པ་ལ། །ས་འདིའི་འོད་སྟོང་ནོར་བུ་ལེགས་འབར་བས། །འཛམ་གླིང་གངས་ཅན་ནོར་བུ་རབ་གསལ་བ། །བསམ་ཞིང་སྤྲུལ་པར་མཛད་ལ་གསོལ་བ་འདེབས། །ཕྱོགས་མཚམས་ཀུན་ཏུ་གྲགས་པའི་དཔལ་མངའ་ཞིང་། །འོད་སྟོང་འབར་བའི་སྐུ་ཡི་རྒྱལ་མཚན་འཕྱར། །རྣམ་དག་གདུལ་བྱའི་འགྲོ་ལ་བུ་ལྟར་བརྩེ། །འཕགས་མཆོག་ཐུགས་རྗེའི་གཏེར་མངའ་ཞབས་བརྟན་མཛོད། །འདི་ནི་དགེ་འདུན་གྲགས་པ་རྒྱལ་མཚན་དཔལ་བཟང་པོ་བསྟན་པའི་ཉི་མ་ཕྱོགས་ཀུན་ལས་རྣམ་པར་རྒྱལ་བའོ། །ས་དགའ་འཕགས་པས་གངས་ཅན་ཟེར་ནས་མི་སྣང་བར་གྱུར་ཏོ། །དེས་མཚོན་ཏེ་རྣལ་འབྱོར་པ་ཐུགས་དམ་གྱི་གདེངས་དང་ལྡན་པ་དུ་མ་ལ་ཡང་། རྗེ་ཐམས་ཅད་མཁྱེན་པའི་སྤྲུལ་པའི་སྐུ་མིན་པར་ལུང་བསྟན་དངོས་ཉམས་ཅི་རིགས་སུ་བྱུང་ངོ་། །དེ་ལ་བརྟེན་ནས་མཆོག་དམན་གྱི་སྐྱེ་བོ་མང་དག །སྡེ་པ་རྣམ་རྒྱལ་གྲགས་པའི་སྲས་ཡ་མཚན་ཅན་འདི་འབྲས་སྤུངས་ཆོས་རྗེའི་སྤྲུལ་པའི་སྐུ་ཡིན་པ་འདུག་ཟེར་བ་ལ་བརྟེན་དེའི་སྐབས་དྲུང་ནས་རིན་པོ་ཆེ་འབྲས་སྤུངས་སུ་རྗེ་གོང་མའི་དངུལ་གདུང་བཞེང་བ་དང་། རྒྱལ་དུ་མཆོད་ཁང་ཆེན་མོའི་གསེར་ཏོག་བཞེང་བ་སོགས་བྱ་བ་ལས་ཀྱི་འཁོར་ལོའི་མཛད་པ་བརླབས་པོ་ཆེའི་སྐབས། གོང་གི་གནས་ཚུལ་རྣམས་གསན་པས། ཨེ་མ་མ་ལ་རྗེ་གོང་མ་དེའི་སྐུ་ཚེའི་མཇུག་ཏུ་སྐྱོར་མོ་ཀླུང་གི་གཞིས་ཀར་ཕེབས་པའི་ཚུར་ལམ། ཁང་གསར་གོང་དུ་

― GLG008_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

གདན་དུ་དྲངས་པར། བཀའ་ལས། ད་ལམ་ངེད་ཁམས་ཅུང་ཟད་མ་བདེ་བ་འདིས་འོང་མི་ཐུབ་པ་འདུག་པ་ནས། སྡེ་པ་ཞལ་ངོ་དང་མཇལ་སྤྲོ་བ་ཡོད་པས། མ་འགྱངས་པར་དེ་ཚོ་འགྲུབ་པའི་འདུན་པ་རྩེ་གཅིག་ཏུ་བྱེད་པ་ཡོད་ཞུས་ཨང་གསུང་བའི་ཞལ་བཞེས་བཟང་པོ་ཞིག་ཀྱང་དེ་དུས་གནང་ཡོད་ཅིང་། དེ་ནས་ཚུར་ཕེབས་ལམ། ཁང་གསར་གོང་གཞིས་ཀ་དེ་གཟིགས་མ་གཟིགས་ཀྱི་ས་མཚམས་སྐྱར་པོའི་མཆོད་རྟེན་གྱི་དྲུང་དུ་ཆིབས་ལས་གཞོལ་བ་གནང་། ཆིབས་པ་དེ་ཡང་བརྗེ་དགོས་པ་བྱུང་བའི་རྟེན་འབྲེལ་དང་ད་ལྟ་སྐྱེ་བོ་རྣམས་ཀྱིས་གླེང་བ་སོགས་གང་དང་སྦྱར་ནའང་། རྗེ་བླ་མ་དེའི་རྣམ་པར་སྤྲུལ་པ་ནི་ཡིན་པ། དེ་ལྟ་ནའང་རྟབ་རྟོབ་ཏུ་ངོས་བཟུང་ན། གལ་སྲིད་མིན་པ་ལྟ་བུ་ཞིག་བྱུང་ཚེ་བླ་མའི་ཞབས་འདྲེན་དུ་ཡང་འགྲོ་བ་འདུག་ཅིང་ཡིན་བཞིན་ད་ཡལ་བར་བོར་ན། ཚུལ་མ་ཡིན་པའི་བྱ་བ་འདི་ལས་ཆེ་བ་གཞན་ན་མེད་པ་ལྟ་བུར་འདུག་པས། འདི་ནི་ཕུངས་འཚེངས་ཀྱི་གཞི་ཆེན་པོར་གདའ་བ་ནས། ངེད་རང་ངོས་ཀྱིས་ཕྱིན་ཏེ་བརྟག་དཔྱད་ཞིབ་པར་བྱའོ་སྙམ་དུ་དགོངས་ཏེ། གསེར་ཏོག་གི་བཟོ་འཕྲོ་སོགས་རྒྱལ་གྱི་གཉེར་པ་ཆོས་སྐྱོང་དཔོན་གཡོག་ལ་བསླབ་བྱ་མཛད་ནས། འབྲས་སྤུངས་སུ་བྱོན། ཤིང་འབྲུག་ཟླ་བ་བརྒྱད་པའི་ཚེས་བརྒྱད་ཀྱི་ཐོ་རེངས་སྔ་བར་བཞེངས་ཏེ། དཔོན་གཡོག་ཉུང་བསྡུས་གསང་ཐབས་ཀྱི་ཁང་གསར་དུ་འབྱོན་པར་ཆས་པའི་ཚེ། གནས་ཆུང་ལྕོག་ཏུ་སྤྲུལ་པའི་ཆོས་སྐྱོང་ཆེན་པོ་རྡོ་རྗེ་འོད་ལྡན་དཀར་པོ་ཐོག་ཕེབས་སུ་སྐུ་ཁོག་ཏུ་ཞུགས་ནས། ཀྱེ་གྲོགས་པོ་གསུང་རབ་པ་ཁྱེད་ཅག་ད་ནང་ཚབ་ཚུབ་མ་མང་། ཉི་མར་ཤར་བ་ལ་སྒྲོན་མེ་འདེགས་མི་དགོས། ད་དུང་རེ་ཞིག་གློད་ལ་གཞོག །མ་འགྱངས་པར་

― GLG008_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འབྲེལ་ལེགས་ཚོགས་སུ་འགྲིག་པའི་ཚེ། ཁྱེད་ཅག་འགྲོ་བ་དང་ལྷན་ཅིག་ཏུ་ང་ཡང་དེའི་དྲུང་དུ་འགྲོ། དེ་དུས་ངའི་ཕྱག་མཇལ་གྱི་དར་དཀར་པོ་གྲུ་བཞི་འདི་སྔོན་ལ་ཕུལ་ན། ལེགས་ཚོགས་རྟེན་འབྲེལ་ཐམས་ཅད་རང་འགྲིག་ཏུ་འོང་ལ་ཡོད་པས། མི་མངོན་པར་ངེད་རང་གིས་འཕུལ་ཏེ། དངོས་སུ་གྲོགས་པོས་ཕུལ་ཞིག །ཅེས་བཀྲ་ཤིས་ཁ་བཏགས་དཀར་པོ་དྲི་མ་མེད་པ་ཞིག་གནང་ནས། འདི་ངས་དགོས་པ་འདི་ལ་བསམས་ཏེ། རྒྱབ་ན་མར་པ་བསོད་ནམས་ཟླ་བ་ལ་ཁྱེད་ཤོག་བྱས། ལོ་སྔོན་མ་ནས་དམིགས་པ་ཡིན། ཐེ་ཚོམ་དང་བརྟག་དཔྱད་གང་ཡང་དགོས་པ་མེད་གསུངས་བྱུང་བར་བརྟེན་དེ་རེས་བཤོལ་ལོ། །དེའི་ཚེ་སྡེ་པ་ཡབ་ཡུམ་རྣམས་རང་ལ་བུ་ངོ་མཚར་བ་འདི་འདྲ་ཞིག་བྱུང་ནའང་། ངོ་མཚར་བའི་སྙན་གྲགས་ལ་བརྟེན། ཕུགས་རང་ཉིད་ཀྱིས་སྲིད་འཛིན་པ་ལ་ཕན་པར་དཀའ་ཞིང་གསང་བའི་ནུས་པ་དམན་པ་ལྟ་བུར་གྱུར་མཆིས་ནའང་། ད་དུང་རེ་ཞིག་གསང་བ་ལས་འོས་མེད་སྙམ་དུ་སྐུ་མཚམས་ཀྱང་དམ་པར་བཅད། འཁོར་རྣམས་ལ་ངོ་མཚར་བའི་མཛད་པ་རྣམས་ཕྱིར་མི་བསྒྲག་པའི་དམ་བསྒྲགས་སོ། །དེའི་ཚེ་དྲུང་ནས་གསུང་རབ་པས། སྲས་མཇལ་དུ་བྱོན་ཆོག་པའི་སྡེ་པ་ལ་ཞུ་ཡིག་ཕུལ་བའི་ལན་དུ། ལགས། མ་བསྒྲགས་པར་ཡང་གྲགས་པ་ཅན། །བདག་གི་གཞོན་ནུ་འདི་ཉིད་ནི། །གང་ཡིན་དེ་ནི་སུ་ཡིས་ཤེས། །དེ་ལྟ་ན་ཡང་ཕྱོགས་ཀུན་ནས། །བུ་ཆུང་གྲགས་ཆེན་འདི་ལ་ནི། །ལྟ་ཞིང་རྟོག་ཏུ་ཀུན་འོང་ན། །ཁྱེད་ཅག་ལྟ་བུས་ཅིས་མི་གཟིགས། །བུ་འདི་མཇལ་དུ་འབྱོན་པར་མཛོད། ཅེས་ཞུ་འཕྲིན་ཕུལ་བ་དེ་གསན་པས་སྲས་ཀྱི་ཞལ་ནས། དྲུང་ནས་བྱ་བ་གཅིག་ལས་མེད། ཁོ་ལ་འདི་རུ་ཤོག་ཅིག་གྱིས། ཞེས་གསུང་། །

― GLG008_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོ་འཕྲུལ་ཟླ་བའི་ཚེས་བཅུ་བཞིའི་གཟའ་སྐར་ལེགས་པ་ལ། དྲུང་ནས་རིན་པོ་ཆེ་དཔོན་སློབ་ཉུང་བསྡུས་ཁང་གསར་གོང་དུ་བྱོན་པའི་སྔོན་འགྲོས་སུ། སྔོན་གྱི་དྲུང་ཡིག་པ་ཆོས་ཀྱི་དཔལ་འབྱོར་ལེགས་པ། ཞབས་དྲུང་གོང་མའི་ཆིབས་པ་བཞོན་ཏེ་སོང་བ། གཞིས་ཀའི་སྒོ་དྲུང་དུ་ཉེ་བར་སླེབ་པ་ན། མ་མ་ལ། ངའི་རྒྱ་མཚོ་འོང་གི་ཡོད་པ་འདུག་རྟ་གཡུལ་རྒྱལ་སླེབ་བྱུང་། གཡུལ་རྒྱལ་ཤོག་ཤོག་སྙིང་རེ་རྗེ་གསུངས། དེ་ནས་ཡུམ་ལ། མ་ཀི་ན་དགེ་བཤེས་ཡིག་མཁན་གྱིས་བཞོན་པའི་རྟ་དེ་ངའི་ཡིན་གསུང་མཉེས་པའི་རྣམ་འགྱུར་མཛད། དྲུང་ནས་རིན་པོ་ཆེ་དང་ཆོས་མཛད་་བློ་གྲོས་པ་དཔོན་གཡོག་རྒྱང་ནས་འབྱོན་པ་གཟིགས་པས། ཨ་ལི་ངའི་རྒྱ་མཚོ་སླེབ་བྱུང་། བློ་གྲོས་པ་ཡང་བྱུང་གསུངས་ནས་ཞབས་བྲོ་མཛད། དེ་ནས་ཁོང་དཔོན་སློབ་དང་སྡེ་པ་མཆོད་ཡོན་གདན་འཛོམ་པའི་ཚེ། སྲས་གདན་འདྲེན་པར་བཏང་བས། ང་ཨ་བར་དུ་སོང་པས་ངོ་ཚ་གསུང་ཐུགས་འཚེར་བའི་རྣམ་པས་ཡོལ་བའི་ཕག་ནས་གབ་སྙུག་མཛད་ཅིང་བཞད། དེ་ནས་གསོལ་ཇ་དང་པོའི་ཐོག་ཏུ་བཞུགས་གདན་ལ་ཕེབས་པ་ན། དྲུང་ནས་རིན་པོ་ཆེས་ཐོག་མར་ཆོས་སྐྱོང་ཆེན་པོས་འབུལ་རྒྱུ་བསྐུར་བའི་ཁ་བཏགས་ཀྱིས་སྣ་དྲངས། དཔོན་སློབ་ཚང་མས་མཇལ་དར་རིམ་བཞིན་ཕུལ། དེར་ནམ་མཁའ་དག་པ་དང་། མེ་ཏོག་གི་ཆར། འཇའ་འོད་ཀྱི་གུར། དྲི་བཟང་པོའི་ངད་པ་ཐུལ་བ་སོགས་ངོ་མཚར་བའི་ལྟས་མཐའ་ཡས་པ་བྱུང་། རྗེ་གོང་མའི་ཐུགས་དམ་འབྲས་སྤུངས་རྗེ་བཙུན་སྒྲོལ་མ་དཀར་མོའི་སྐུ་ལི་མ་ཞིག་བསྣམས་ཡོད་འདུག་པ་དེ་མཆོད་གྲལ་དུ་བཞུགས་སུ་གསོལ་བས། གཟིགས་མ་ཐག་བཞེངས་ནས་དབུ་དང་ཐུགས་ཀ་སོགས་སུ་གཏུགས་ཏེ་གུས་པའི་རྣམ་འགྱུར་མཛད། ངའི་

― GLG008_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་ཡིན་ཞེས་གསུངས་ནས་དེར་འཁོད་པ་ཀུན་ལ་བྱིན་རླབས་རེ་གནང་། རྗེ་གོང་མའི་ཧོར་ཤེལ་གྱི་ཕྱག་འཕྲེང་ཞིག་དྲུང་ནས་ཀྱི་ཕྱག་ན་ཡོད་པ་དེ་ལ་གཟིགས་ནས། འདི་ངའི་འཕྲེང་བ་ཡིན་འཕྲེང་ཐག་དེ་བརྗེ་དགོས་པ་ཡོད་གསུངས། ཕུལ་བར་མགུལ་དུ་བཞེས། ངའི་ཆོས་གོས། སྣམ་སྦྱར། པཎ་ཞྭ་རྣམས་གང་ན་ཡོད་གསུང་བ་སོགས་འཁྲུལ་པ་མེད་པའི་ཡིད་ཆེས་པ་བྱུང་། དཔོན་སློབ་གཉིས་ཀ་ཐུགས་ཡིད་གཅིག་ཏུ་འདྲེས་ཏེ། སྔར་གྱི་མྱ་ངན་མཐའ་དག་སྦྲུལ་གྱི་ཤུན་ལྤགས་བརྗེས་པ་ལྟར་གྱུར་ནས། རབ་དགའི་ས་ལ་འགྲན་པའི་སྤྲོ་བ་རྒྱས་པར་གྱུར། དྲུང་ནས་དཔོན་སློབ་ཀྱིས་གསུང་གླིང་དང་བྱིན་རླབས་རྣམས་ཚིམ་པར་ཞུས་ཏེ་ཕྱིར་འབྱོན་པར་ཆས་པ་ན། ཁྱེད་ཚོ་འགྲོ་ན་ང་ཡང་འགྲོ་གསུངས་ནས་བཞུགས་གདན་ལས་བཞེངས་པ་དང་། དྲུང་ནས་རིན་པོ་ཆེས་ང་ལམ་འདི་ཁར་བཞུགས་པ་ཞུ། མི་འགྱངས་པར་འབྲས་སྤུངས་སྤྱི་སོའི་གདན་འདྲེན་དང་བཅས་ཏེ། དབུ་ཞྭ་སྐུ་ཆོས་སོགས་ཁྱེར་ནས་སྤྱན་འདྲེན་ལ་འོང་བ་ལགས་ཞུས་པས། འོ་ན་ནས་ཁྱེར་ཤོག་གསུངས་ཏེ། དྲུང་ནས་དཔོན་སློབ་ལ་བཀྲ་ཤིས་མངའ་གསོལ་གྱི་མེ་ཏོག་གི་ཆར་ཕབ། ཐག་རིང་པོའི་བར་དུ་སྤྱན་གྱིས་སྐྱེལ་བ་སོགས་དཔོན་སློབ་འབྲལ་མི་ཕོད་པ་ལྟར་དུ་གྱུར། དཔོན་སློབ་གསར་རྙིང་མཇལ་ཕྲད་མཛད་པ་ལ་འདི་བས་ངོ་མཚར་བ་སྔོན་ཆད་མ་བྱུང་ཞེས་གླེང་ངོ་། །དེ་ཡང་དྲུང་གནས་རིན་པོ་ཆེ་འདི་ནི་མཛད་པའི་བབས་གང་ལ་དཔགས་ཀྱང་སྐྱེས་བུ་དམ་པ་ཞིག་ཡིན་པར་ཤེས་ཤིང་། ཐམས་ཅད་མཁྱེན་པ་དགེ་འདུན་རྒྱ་མཚོའི་ཞལ་གདམས་སུ། ཁྱོད་ཀྱི་བླ་མ་སངས་རྒྱས་དངོས་སུ་མཐོང་། ཁ་ཞེས་མེད་པའི་དད་པ་བརྟན་པོ་ཡིས། །ང་ཡི་ཆོས་ཐུན་བསྒོ་

― GLG008_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ངག་མ་གཅག །གང་གི་ཐད་དུའང་སེམས་ཀྱི་ཁྲེལ་བ་མེད། །ཅེས་བཀའ་སྩལ་བ་ལྟར་གྱི་འཕྲིན་ལས་ཀྱི་བྱེད་པོར་བྱིན་གྱིས་བརླབས་པའི་རྗེ་ཉིད་ཀྱི་སྤྲུལ་པར་ངེས་སོ། །དེ་ནས་ཕྱོགས་ཐམས་ཅད་དུ་ཁང་གསར་གྱི་སྡེ་པའི་སྲས་པོ་དེ། རྗེ་ཐམས་ཅད་མཁྱེན་པའི་སྐུའི་སྐྱེ་བ་ཡིན་པར་ཐེ་ཚོམ་མི་འདུག་གོ་ཞེས་སྙན་གྲགས་ཀྱིས་ཁྱབ་པར་བརྟེན། སྔོན་གྱི་བླ་མ་སློབ་དཔོན་གྲྭ་རིགས་སྦྱིན་བདག་སོགས་མཆོག་དམན་མཐའ་དག །ཞལ་མཇལ་བར་གནམ་སྔོན་བཞུན་མའི་མཚོ་ལ་ངང་པ་འདུ་བ་ལྟར་ཁང་གསར་གོང་དུ་འདུ་ལོང་རྒྱུན་ཆད་མེད་པར་བྱུང་བས། སྡེ་པ་ཡབ་ཡུམ་རྣམས་ཅུང་ཟད་ཐུགས་སུན་པའི་རྣམ་པ་མཛད་དེ། ཉིན་གཅིག་བེན་སེར་སློབ་དཔོན་རཏྣ་བ་དཔོན་སློབ་བྱུང་པར། ཡུམ་གྱིས་གཡའ་གཡའ། ཡང་ནི་མ་གི་ན་བླ་མའི་རྟ་པ་གཅིག་དང་དགེ་འདུན་མང་པོ་འབྱོན་གྱི་འདུག་གསུངས་པ་སྲས་ཀྱི་གསན་ཏོ། །ང་འདི་ན་ཡོད་ཙ་ན་དགེ་འདུན་རྣམས་ལོས་ཡོང་གསུངས་པས། ཡུམ་གྱིས་ཐུགས་བདེན་ཞུས་ནས། དེ་ཕྱིན་ཆད་ནས་ཡབ་ཡུམ་རྣམས་ཐུགས་སུན་སྣང་མི་མཛད་པར། མཇལ་མཁན་རྣམས་མཇལ་བ་དོན་དང་ལྡན་པར་གྱུར་ཏོ། །ཁམས་པའི་གྲྭ་པ་འགའ་ཞིག་གིས། དྲེའུ། ཇ་སེར་ནས་གོས་ཆེན་སོགས་ཕུལ་ནས་དཔལ་ལྡན་ལྷ་མོའི་རྗེས་གནང་ཞུས་པས། གཏོར་མ་སོ་སོའི་མགོ་བོར་བཞག་སྟེ་བྷྱོ་རཀ་མོ་ཚར་གསུམ་གྱིས་བྱིན་རླབས་མཛད་པས་དགའ་ཞིང་མགུ་བར་གྱུར། ཁམས་པ་དེ་ཚོའི་ཉེ་བ་ཚེ་འདས་ཚོའི་མིང་ནས་སྨོས་ཏེ་བསྔོ་བ་ཞུས་པས། བདེ་བ་ཅན་དུ་སྐྱེ་བར་གྱུར་ཅིག །མྱུར་དུ་འཚང་རྒྱ་བར་གྱུར་ཅིག །གསུངས། ཡང་གསོན་པོ་རྣམས་ཀྱི་མིང་ནས་སྨོས་ཏེ། ནད་མེད་པར་གྱུར་ཅིག །ཚེ་རིང་བར་གྱུར་ཅིག །གསུངས་པས། དགུང་ལོ་གསུམ་པའི་བསྔོ་བ་

― GLG008_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་ཆེ་ཞེས་ཀུན་ངོ་མཚར་དུ་འཛིན། རྗེ་གོང་མའི་དུས་ཀྱི་ཡི་དམ་ཆོས་སྐྱོང་གི་གཏོར་ཆོག་བསྐང་བཤགས་སོགས་འབད་མེད་དུ་མཁྱེན་ཅིང་། ཐུགས་དམ་བསྐང་གསོ་ལ་གཙོ་བོར་མཛད་ཅིང་སྐུ་རིམ་པ་རྣམས་ཀྱི་གྲལ་དབུ་ལ་ཕལ་ཆེར་བཞུགས་པས། མཐའ་དག་ཀྱང་མ་ཡེངས་པར་ཐུགས་དམ་ཤུགས་དྲག་ཏུ་བྱེད་དགོས་པ་ཞིག་ཡོད་འདུག་ཅིང་། ཡར་ངོའི་ཚེས་གསུམ་ཞིག་གི་ཉིན། ཕྱག་སིལ་དཀྲོལ་ཞིང་ཐུགས་དམ་མཛད་འཕྲོ་ལ། རྗེ་རིན་པོ་ཆེ་བྱོན་བྱུང་ཇ་ཕུད་མགྱོགས་པར་ཁྱེར་ཤོག་གསུངས་ཤིང་། ཕྱག་སིལ་གཉིས་སྦྱར་ནས། ད་ལྟ་འདིའི་ནང་ན་བཞུགས་ཡོད་ཅེས་ཅུང་ཟད་ཁ་ཕྱེ་ནས་གཟིགས་ཡང་ཁ་སྦྱར་ནས་ན་བཟའི་ཕུགས་སུ་བཅུག་གཅེས་གཅེས་མཛད། རྡོ་རྗེ་གྲགས་མོ་རྒྱལ་ཡང་བྱུང་། ད་དུང་ཇ་ཕུད་ཁྱེར་ཤོག །རྣམ་སྲས་ཀྱང་བྱུང་། ནས་ཕུན་ཁྱེར་ཤོག་གསུངས། ནས་དཀར་མོ་ལི་སྡེར་གང་ཕུལ་བས། རྟེན་གསུམ་དང་། མཆོད་གཏོར་སོགས་ལ་ཕྱག་ནས་འཐོར་བ་མཛད་། དེ་ཟད་པ་དང་། ད་དུང་ལོང་ཤོག་གསུངས་ནས་ཟད་རིམ་གྱིས་ཕུལ་བས། གཟིམས་ཆུང་དེའི་མདོ་ཕུགས་ཀུན་ཏུ་ཕྱག་ནས་ཀྱི་ཆར་ཆེན་པོ་ཡུན་རིང་དུ་འབེབས་པར་མཛད་དོ། །དེ་ནས་ཉི་མ་ཕྱི་དྲོར་སོང་ཙ་ན་གྲགས་མོ་རྒྱལ་ཀྱི་འཁོར་ད་དུང་བསྡད་འདུག་གསུངས། དཔལ་ལྡན་ལྷ་མོའི་བྲིས་སྐུ་ཞིག་གི་དབུའི་ཐད་ཀྱི་བར་སྣང་ལ་ནས་འབྲུ་ཞིག་རྟེན་མེད་དུ་ཆགས། མདའ་དར་ཞིག་གི་སྣེ་ལ་ནས་འབྲུ་གསུམ་བརྩེགས་སུ་ཆགས། དགེ་སློང་རྡོ་རྗེ་འཛིན་པ་བཤེས་གཉེན་བཀྲ་ཤིས་པས་མར་མེ་ཆུང་ངུ་ཞིག་དྲུང་དུ་ཕུལ་བ། ཉིན་ཞག་གཉིས་ཀྱི་བར་དུ་བཟུང་། ཉིན་གཅིག་གུང་བསངས་ལ། ཝ་ཀྱ་ཁ་ཀྱ་གསུངས་པ་སྐུ་འཁྲིས་སུ་ཡོད་པ་རྣམས་ཀྱིས་མ་གོ་

― GLG008_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ན། ཕྱག་གཉིས་སྙན་གྱི་ཐད་ཀར་གདེངས་པ་བོང་བུའི་རྣ་བ་ལྟར་མཛད། ལྗགས་རྐན་སྒྲ་ཏོག་པ་དང་བཅས་པས་ཨོཾ་ཝཱཀྱེ་དི་ན་མཿ གསུང་བས། སྔགས་སྔ་མ་དེ་འཇམ་དཔལ་གྱི་སྔགས་ཡིན་འདུག་པ་འཇམ་དཔལ་རྩ་རྒྱུད་ལས་གསུངས་པ་དེ་དྲན་ནས་ལུང་ཞུས་སོ། །སྐབས་འགར་སྐུ་དྲང་པོར་བསྲངས་ཕྱག་མཉམ་བཞག་མཛད་དེ་རྒྱལ་བ་ཚེ་དཔག་མེད་ཡིན་གསུང་བ་དང་། ཡང་ཕྱག་གཡས་སྡིགས་མཛུབ་ནམ་མཁའ་ལ་གཏད་སྤྱན་ཧུ་རེ་གཟིགས་ནས། པདྨ་འབྱུང་གནས་སྡེ་བརྒྱད་འདུལ་བ་ཡིན་གསུངས་ཇོ་བོ་རྗེ་གང་དུ་བཞུགས་ཞུས་པས། དབུ་གཙུག་ཏུ་ཕྱག་མཛུབ་གཏད་དོ། །འབྲོམ་གང་དུ་བཞུགས་ཞུས་ན་ཤངས་ལ་ཕྱག་སོར་གྱིས་རེག སྤྱན་མཇུག་གཉིས་ཕྱག་སོར་གྱིས་ཅུང་ཟད་མནན་ལ་ང་བླ་མ་ཞང་དུ་གྱུར་པའི་ཚེ་འདི་འདྲ་ཞིག་ཡོད་གསུངས། འཁོར་རྣམས་ཀྱིས་བལྟས་ཚེ་མར་པ་ལྷས་སྐལ་གྱི་སྐུ་འདྲ་ཤིན་ཏུ་འདྲ་བ་ཞིག་བྱུང་འདུག །སྐབས་འགར་ཇོ་མཇལ་ལ་འགྲོ་བ་ཡིན་གསུང་བར། མ་མས་ལྷ་ས་ཐུགས་རྒྱུད་མེད་དམ་ཞུས་པས། ང་རང་སྲོང་བཙན་སྒམ་པོ་བྱེད་དུས་རྒྱབ་པ་ཡིན་གསུངས། གཞན་ཡང་རང་གཞན་གྱི་འཁྲུངས་རབས་དང་སྐྱེས་རབས་སྣ་ཚོགས་གསུང་བ་སོགས་བརྗོད་ཀྱིས་མི་ལང་ཞིང་། ཉིན་གཅིག་ཐུགས་དམ་གྲལ་དབུར་བཞུགས་པའི་ཚེ། ན་བཟའ་བངས་པ་ཙམ་གྱི་སྤྱན་འཆབ་བསིལ་བ་ལ། འཁོར་རྣམས་ཀྱིས་ངེས་ཚོས་ཐུགས་དང་འགལ་བ་ནི་མ་ཞུས་ཅི་ཡིན་ཞུས་པར། འགྲོ་བ་རིགས་དྲུག་གི་སྡུག་བསྔལ་མཐོང་ཙ་ན་མཆི་མ་འཆོར་བར་འདུག །ང་ཡིས་ཨ་མའི་ཁོག་པ་ནས་ཁྱེད་ཚོ་ཅི་བྱེད་མཐོང་གསུངས། ཐེངས་གཅིག་མ་མ་ལ་སྔར་གཏད་པའི་གུ་གུལ་དེ་ཁྱེར་ཤོག་གསུངས། མ་མས་དེ་འདྲ་མེད་ཞུས་པས། ཁ་

― GLG008_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

སིང་ཙ་ན་ངས་ལག་པ་བརྒྱབ་ལ་བཏང་ནས་ཁྱོད་ལ་གཏད་པ་དེ་གར་སོང་གསུངས་པས་དྲན་ཏེ་བཙལ་ནས་ཕུལ་པས། ལེགས་བྱུང་ང་ལ་བརྗེད་པ་ཡོང་མ་མྱོང་གསུངས་ཏེ། དེ་ཡང་། བསྙེལ་བ་མི་མངའ་བའི་དྲན་པ་ཡང་དག་གི་ཡེ་ཤེས་ནི། བྱང་ཆུབ་ཀྱི་ཡན་ལག་རྣམས་མཐར་ཕྱིན་པའི་སངས་རྒྱས་ཉག་གཅིག་གིས་ཁྱད་པར་དུ་འཕགས་ཆོས་ཡིན་པར་མདོ་རྒྱུད་དུ་མ་ལས་གསུངས་པའི་ཕྱིར་ཏེ། ཇི་སྐད་དུ། གསང་སྔགས་ཆེན་པོ་རྗེས་སུ་འཛིན་པའི་གཟུངས་ལས། བདེན་པ་དང་བདེན་པའི་ཚིག་དག་གིས། འཇིག་རྟེན་དུ་སེམས་ཅན་བརྗེད་ངས་མེད་པའི་ཆོས་ཅན་བྱུང་བ་དེ་ནི་དེ་བཞིན་གཤེགས་པའོ། །ཞེས་ཡང་དག་པས་སྨྲ་བས་སྨྲ་བ་ནི། དུས་སུ་ཡང་དག་པས་སྨྲ་བས་སྨྲ་བ་ཡིན་ནོ། ཞེས་གསུངས་པ་ལྟར་རོ། །ཉིན་གཅིག་ནམ་མཁའ་ལ་སྤྲིན་ཆེན་པོ་འཁྲིགས་ཤིང་རླུང་འཚུབ་པ་སོགས་ཀྱིས་སྐུ་བསིལ་བའི་རྣམ་པ་བྱུང་ནས། རབ་གསལ་གྱི་ཕྱི་ལོགས་སུ། ཕྱག་ཤིང་གི་ཕྲེད་གདང་ལ་བཀབ་ནས་གསུང་སྙན་པོས་མགུར་མང་དུ་ཐེན་པ་གནང་བ། ཅི་གསུང་སྐུ་འཁོར་བ་ཞིག་གིས་དྲིས་པས། དགའ་ལྡན་ཕོ་བྲང་དེ་ཡིན་ན་དགའ་བ་ལ་ཨ། གསུང་རབ་རྒྱ་མཚོ་དེ་བྱུང་ན་སྐྱིད་པ་ལ་ཨ། །གཏུམ་མོའི་བདེ་དྲོད་ཅིག་འབར་ན་སྤྲོ་བ་ལ་ཨ། མེ་སྒོང་དྲོན་པོ་ཞིག་ཡོད་ན་མཁོ་བ་ལ་ཨ། བྱས་པ་ཡིན། སྔོན་མ་ཚོ་བློ་ལ་མ་ཟིན་བརྗེད་འདུག་གསུངས། དེ་ནས་གཟིམས་ཆུང་དུ་མེ་སྐོང་བཏང་སྟེ་གདན་དྲངས་པས་མཉེས་མཉེས་མཛད། དཔལ་ལྡན་ལྷ་མོ་ཞལ་གཅིག་ཕྱག་བཞི་མ། སྐུ་མདོག་དམར་མོ། ཕྱག་དང་པོ་གཉིས་ཀྱིས་ཉི་ཟླ་འཛིན་ཅིང་། འོག་མ་གཉིས་ཐལ་མོ་རྡེབ་པ་འཁོར་མང་པོས་བསྐོར་བ་ཞིག་གཟིགས། སྐབས་ཤིག་བསྐང་

― GLG008_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

གསོའི་ཚེ་གཞན་རྣམས་དང་མི་བསྟུན་པར་ཕྱག་སིལ་དང་ཕྱག་རྔ་དྲག་ཏུ་བརྡུངས་ཤིང་། ཆོ་ག་ཐུན་མོང་མ་ཡིན་པ་མང་པོ་ཞིག་སཾ་སྐྲྀ་ཏའི་སྐད་དུ་གསུངས། དེའི་མཐར་བོད་སྐད་དུ། སྲིད་གསུམ་བདག་མོ་ནམ་གྲུ་མ། ཁྱོད་ཀྱིས་འཕྲིན་ལས་དུས་ལ་བབ། །བསྟན་སྲུང་རྒྱ་མཚོ་ཁྱེད་རྣམས་ཀྱིས། །བདག་གིས་ལས་བཅོལ་འགྲུབ་པར་མཛོད། །འདིར་ནི་ཆོས་སྐྱོང་ཕྱག་བཞི་དྲུག་གུར་ཞལ་གྱི་སྣང་བའང་མང་པོ་འདུག་པ་ཨེ་མཐོང་། དཔལ་ལྡན་ལྷ་མོ་ནི་སྐུ་ཆུང་ཆུང་རང་ཞིག་མཛད་འདུག །ཅེས་སོགས་ཡ་མཚན་གྱི་གསུང་གླེང་མང་པོ་གནང་ངོ་། །ཤིང་མོ་སྦྲུལ་ལོའི་མཇུག་གི་དགུ་གཏོར་གྱི་ཉིན། ཐོ་རེངས་ཁ་ནས་ཉིན་ཧྲིལ་པོ་ཐུགས་དམ་དྲག་ཏུ་མཛད། དགོངས་མོ་གཏོར་ཟོར་རྣམས་གྲུབ་སྟེ་བསྐང་གསོ་བ་རྣམས་ཞབས་དྲུང་དུ་སླེབས་པ་ན། དངོས་གྲུབ་ཞུ་བ། གཏང་རག །མངའ་གསོལ་ཤིས་བརྗོད། མཇུག་ཆོག་རྣམས་གྲུབ་ནས། ད་འཕྱར་དར་སོགས་སྡུད་དགོས་པ་རྣམས་བསྡུས་གསུངས། དཔོན་སློབ་རྣམས་དེར་གཟིགས་རྟོག་ལ་བྱོན་པ་ན། དེར་ཡབ་ཀྱིས་འཕྱར་དར་རྣམས་ཆོས་སྐྱོང་གང་གི་ཡིན་ཞེས་དྲི་བ་ཞུས་པར། རིམ་པ་བཞིན་དུ་འདི་ཆོས་སྐྱོང་འདི་དང་འདིའོ་ཞེས་ངོས་འཛིན་མཛད། ཞལ་བྲམ་གཟུགས་ཀྱི་འཕྱར་དར་ལ་ཞལ་བཞི་པའི་སྐུ་ཡིན་གསུངས་པས། ཡབ་ཀྱིས་ཞལ་གཅིག་ལས་མི་འདུག་པ་ཞུས་པར། དོན་ལ་ཁྱད་མེད་གསུངས་བེག་ཙེའི་འཕྱར་དར་ལ་གནོད་སྦྱིན་ཆེན་པོའི་སྐུ་ཡིན་གསུངས་པས། ཡབ་ཀྱིས་གནོད་སྦྱིན་ཆེན་པོ་ལ་རིགས་མང་ཞུས་པ་ན། གནོད་སྦྱིན་ཟངས་ཀྱི་བེག་ཙེ་ཅན་ཡིན་གསུངས། མགོན་པོ་ཕྱག་དྲུག་པའི་འཕྱར་དར་ལ་རྟེན་བཤད་མི་མཛད་པར་ཐལ་ལེ་ཐེགས་པས། ཨ་བོ་ཆོས་རྗེས་འདི་ངོ་མ་མཁྱེན་པ་

― GLG008_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ་ཞུས་པས། ལོས་ཤེས་འདི་ངའི་སྐུ་ཡིན་མོད་གསུངས་པ་ལ། ཡབ་ཀྱིས་ཁྱེད་ལ་ཕྱག་དྲུག་བྱས་པའི་སྐུ་ཞེད་པོ་འདི་འདྲ་ཡོད་དམ་ཞུས་པས་ཡོད་ངེད་ལ་སྐབས་འགར་ལག་པ་སྟོང་ཡང་ཡོད་གསུངས་པར། འོ་ན་མཚན་ལ་ཇི་སྐད་ཟེར་ཞུས་པར། ཤཱི་མ་ཧཱ་ཀཱ་ལ་ཡང་ཟེར། རེས་འགའ་བླ་མ་དགེ་འདུན་རྒྱ་མཚོ་ཡང་ཟེར་གྱི་འདུག །གཞན་མིང་མང་གསུང་། དེ་ནས་ཟིལ་གནོན་ཞེས་པ་མེ་ཕོ་རྟའི་ལོ་གསར་ཆེན་མོའི་དུས། རྗེ་གོང་མའི་ཕྱག་ལེན་ལྟར། དཔལ་ལྡན་ལྷ་མོ་འདོད་ཁམས་ཀྱི་དབང་ཕྱུག་དམག་ཟོར་རྒྱལ་མོའི་མཆོད་གཏོར་བཟང་ཞིང་གྱ་ནོམ་པ་དག་ལེགས་པར་བཤམས་ཏེ། གནམ་གང་གི་དགོངས་མོ་གཏོར་མ་བྱིན་བརླབ་དང་ཚེས་གཅིག་གི་རྒྱུ་སྐར་ལྷ་མཚམས་ཤར་བ་དང་མཉམ་དུ་ཐུགས་དམ་ཚུགས་ཏེ། ཉི་ཤར་ལ་ཡང་ཐོག་ཏུ་ཕེབས་ནས་གཏོར་སྐྱོང་རྟེན་འབུལ་སོགས་རྒྱས་པར་གནང་། དེའི་ཚེ་མདུན་གྱི་བར་སྣང་ལ་དཔལ་ལྡན་ལྷ་མོ་དངོས་སུ་བྱོན་པ་སོགས་ངོ་མཚར་བའི་གཟིགས་སྣང་དཔག་ཏུ་མེད་པ་བྱུང་ངོ་། །དེ་ཡང་དུས་གཏོར་གལ་ཆེ་བ་རྣམས་ཀྱི་དུས། སྐུ་འཁྲིས་ཀྱི་གཡོན་དུ་ཕྱག་རྒྱ་འཛིན་མཁན་དེ་བཞག །སྐུ་པང་དུ་སིལ་སྙན་གཅིག་ཁ་བསྒྱེལ། ཕྱག་གཡས་ཌཱ་མ་རུ་དང་རྔ་གཡོག་ལྷན་ཅིག་ཏུ་བཟུང་བ་ལ་སིལ་སྙན་གྱི་ལུང་ཐག་བརྒྱུས་གཡོན་དྲིལ་བུ་བཟུང་སྟེ། རོལ་མོ་རྣམས་དུས་གཅིག་ཏུ་དཀྲོལ་བ་ལ་འགྲིག་ཅིང་བྱིན་ཆགས་པ་གཞན་དག་གིས་ཤེས་པར་དཀའ་བ་མཁྱེན་ནོ། །ཐེངས་གཅིག་བཞུགས་ཁྲི་མཐོན་པོའི་སྟེང་ནས་དེ་ལྟར་གནང་བའི་ཚེ་ཕྱག་མཚན་མང་བའི་སྟབས་ཀྱིས་ཌཱ་མ་རུ་ལྷུང་ཡང་གས་ཆག་མ་བྱུང་བ་སོགས་གྲུབ་རྟགས་མང་དུ་བསྟན། ཉིན་གཅིག་དབུ་ལ་སྣུམ་སྦྲན་ཏེ་དབུ་སྐྲའི་

― GLG008_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེ་མོ་རྣམས་མགུལ་གོང་དུ་བཅུག་པས། དབུའི་གྲིབ་མ་དབུ་ཟླུམ་གྱི་རྣམ་པ་ལྟ་བུ་ཞིག་བྱུང་ལ་མཉེས་ཏེ། ཨ་ལི་བླ་མ་དགེ་འདུན་རྒྱ་མཚོའི་དབུ་ལོ་ཞུས་འདུག་གསུངས། དཔལ་ལྡན་ལྷ་མོ་ཆིབས་པ་དང་བཅས་ཏེ་བྱོན་བྱུང་འབྲས་སྤུངས་པ་རྣམས་དེ་རིང་འོང་བ་ཡོད་གསུང་བ་ལྟར་ཆོས་གྲྭ་ཆེན་པོའི་སློབ་དཔོན་རྣམས་བྱོན་པའི་བཞུགས་གྲལ་དང་པོ་གྲོལ་གཉིས་པ་མ་བསྒྲིགས་པའི་བར་དེར། བློ་གསལ་གླིང་གི་སློབ་དཔོན་ཆོས་རྗེ་ལེགས་དོན་པར་རྗེ་གོང་མས་གནང་བའི་ཞྭ་ཐུལ་ཞིག་ཡོད་པ་དེ་གདན་ཁར་བཞག་པའི་ཚེ། ཞྭ་ཐུལ་གྱི་གསེབ་ཏུ་ཞུགས་པ་ལ་སློབ་དཔོན་པས་དེར་བཞུགས་ན་གྲིབ་འོང་བས་ཚུར་ཕེབས་པ་ཞུ་ཞུས་པས། ངེད་རང་གི་ཡིན་གསུངས་ནས་ངོས་འཛིན་མཛད། ཡང་ཉིན་གཅིག་ངའི་གདན་དེ་དམས་འདུག་གསུངས་ནས་ས་གདན་གྱི་སྟེང་དུ་འབོལ་ཁ་གདན་སོགས་མང་དུ་བརྩེགས་ཀྱང་། ད་དུང་དམས་གསུངས་ནས་སྟག་སྒམ་ཆེ་བ་གཉིས་ཀྱི་སྟེང་དུ། བཞུགས་གདན་རྣམས་བརྩེགས་ཏེ། ཤིན་ཏུ་མཐོ་བར་བྱས་ནས་དེའི་སྟེང་དུ་བཞུགས་ཏེ། ཆོས་འཁོར་རྒྱལ་གྱི་ཁྲི་འདྲ་གསུངས། ཡབ་ཀྱིས། རྒྱལ་གྱི་དགོན་པ་དེ་འགངས་ཆེན་རང་ཞིག་ཡོད་སྐད་མི་འདུག །ཁྲི་ཅི་འདྲ་ཡོད་དམ་ཞུས་པར། ངའི་རྒྱལ་གྱི་བཀོད་པ་ཞིག་འདྲི་ཡི་གསུངས་ནས་གྱང་ལོགས་ལ་སོལ་རིས་ཀྱིས་རྒྱལ་རི་མཐིལ་ལུང་པའི་བཀོད་པ་སོགས་ལེགས་པར་འབྲི་བ་གནང་ནས། འདི་དང་འདི་ཞེས་བྱ་བ་ཡིན་ཞེས་ངོས་འཛིན་དང་བཤད་པ་མཛད། ཡང་ལོགས་ཤིག་ཏུ་དགོན་པ་ཆེན་པོ་ཞིག་འབྲི་བ་མཛད་ནས། དགོན་པ་གསར་དུ་འདེབས་ན་འདི་ལྟར་བྱེད་གསུངས། འོལ་ཁ་ནས་སྡེ་པའི་ཞུ་ཡིག་འབུལ་མཁན་བྱུང་ཚེ། ང་ལ་སྡེ་པས་ཤོག་གསུང་བ་ཡིན་ནམ། ཡི་གེ་

― GLG008_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནི་ཚུར་ཐོང་དང་གསུང་མཉེས་མཉེས་མཛད། ལ་ལ་དག་གི་ཞུ་ཡིག་ལ་གཟིགས་ནས། ཁོང་ང་ལ་དད་པ་ནི་མེད་ཅེས་གསུང་བ་ཡང་ཡོད་འདུག །སྡེ་པ་དཔོན་གཡོག་རྣམས་རྗེ་བཙུན་ས་སྐྱ་པ་ཡབ་སྲས་རྣམས་མ་གཏོགས་གཞན་མ་གང་ལ་ཡང་ངག་མི་སྟེར་བ་ཞིག་ཡོད་པར་དགོས་པའི་དབང་གིས་རྒྱལ་བ་བཙོང་ཁ་པའི་སྐུ་ཆེ་བའི་ཡོན་ཏན་མང་དུ་གསུངས་ཤིང་། དཔོན་གཡོག་ཐམས་ཅད་དམིགས་བརྩེ་མ་འདྲེན་པར་བསྐུལ་བ་སོགས་ཀྱི་སྒོ་ནས་ཕྱིས་སུ་ས་དགེ་གཉིས་ལ་ཁྱད་པར་མེད་པའི་དག་སྣང་མཛད་པ་བྱུང་། དེ་ཡང་རྗེ་བཙུན་བཙོང་ཁ་པ་དང་རྗེ་ས་པཎ་གཉིས་ལ་རྒྱལ་བའི་གསུང་རབ་ཀྱི་དགོངས་དོན་འགྲེལ་བར་མཁས་མི་མཁས་ཀྱི་ཁྱད་པར་ཆེན་པོ་ཡོད་པ་སྐད་ཡབ་ཀྱི་དྲུང་དུ་གསུངས་ཤིང་། ཡབ་ཐེགས་པའི་ཤུལ་དུ་གཞན་རྣམས་ལ་ས་པཎ་དང་རྗེ་བཙུན་བཙོང་ཁ་པ་གཉིས་ཀ་འཇམ་དཔལ་དབྱངས་དངོས་ཡིན་པ་ལ་ཁྱད་པར་མེད་དོ་གསུང་། དེའི་ཚེ་གནས་བརྟན་བཤེས་གཉེན་བཀྲ་ཤིས་སོགས་ལ་ད་ནི་རང་ཅག་རྣམས་འབྲས་སྤུངས་སུ་འགྲོ་རན་འབོད་མི་ཡང་མྱུར་དུ་འོང་། རྔ་སིལ་འཕྱར་དར་སོགས་ཡོ་བྱད་རྣམས་ཀྱང་ཕར་སྐྱོལ་གསུང་བ་སོགས། ཁྱིམ་ནས་ཁྱིམ་མེད་པར་རབ་ཏུ་བྱུང་བ་ལ་སྤྲོ་བ་ནི། རྒྱལ་བུ་གཞོན་ནུ་དོན་ཐམས་ཅད་གྲུབ་པའི་རྣམ་ཐར་བཞིན་ནོ། །རིང་ནས་མི་ཕྱེད་མཛའ་བས་འཁྱུད་པ་ཡིས། །འཕགས་མཆོག་དམ་པའི་སྤྱོད་ཚུལ་མཐའ་ཀླས་པ། །ཆེད་དུ་བསླབས་པ་མེད་པར་རང་བཞིན་གྱིས། །གྲུབ་པ་འདི་ཀོ་སྔོན་མེད་ངོ་མཚར་གནས། །རྟག་ཏུ་དཀྱིལ་འཁོར་འཁོར་ལོའི་དབང་ཕྱུག་ཏུ། །བཞུགས་ལ་ཞི་དང་ཁྲོ་བོའི་སྣང་བརྙན་དག །འཆར་དང་མི་འཆར་ཞེས་པའི་སྐབས་བྲལ་ཡང་། །ཐུན་

― GLG008_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

མོང་གདུལ་བྱའི་སྣང་ངོར་ཅིར་ཡང་སྟོན། །ཕྲ་ཞིང་བླང་དོར་འབྱེད་པའི་རྣམ་དཔྱོད་ཀྱིས། །སྒོམ་ཆེན་རྒན་པོའི་ཡོངས་འཛིན་རྒྱང་དུ་བསྲིངས། གསན་བསམ་མཛད་པར་འོས་ཀུན་ལྕགས་ཕྱེ་དང་། ཁབ་ལེན་རྡོ་བའི་སྣང་ཚུལ་ཇི་བཞིན་གྲུབ། །སྙན་གྲགས་མི་དབང་རྣ་ལུང་རྒྱན་གྱུར་པས། །ཕུན་ཚོགས་རྟེན་འབྲེལ་སྒོ་འཕར་བརྒྱ་ཕྲག་ཕྱེ། སྔོན་གནས་རྗེས་སུ་དྲན་པའི་སྣང་ཚུལ་གྱིས། །ཡིད་གཉིས་ཐེ་ཚོམ་དྲ་བ་མཐའ་དག་བཅད། དེ་ནས་དྲུང་ནས་རིན་པོ་ཆེ་དང་། སྤྱི་གཟིམས་མཁན་སློབ་ཐམས་ཅད་བཀའ་བགྲོས་ཏེ། བོད་ཤིང་སྒོ་བཙུགས་པའི་རྒྱལ་ཁབ་ཆེན་པོ། ཕོ་བྲང་སྣེའུ་གདོང་རྩེར། ས་གཞིའི་དབང་ཕྱུག་དཔལ་ལྡན་གོང་མ་ཆེན་པོ་ཞེས་གངས་ཅན་གྱི་སྐྱེ་རྒུ་མཐའ་དག་གི་བླ་དཔོན་ཟུང་དུ་འཇུག་པ། མགོན་སྐྱབས་དཔུང་གཉེན་དམ་པར་གྱུར་པ་དེ་ཉིད་ལ་བསླབ་སྟོན་ཞིབ་ཆར་ཞུས་ཏེ། མེ་རྟ་ནག་པ་ཟླ་བ་ཞེས། དཔལ་དུས་ཀྱི་འཁོར་ལོ་ལུགས་ཀྱི་ལོའི་ཐོག་མ། དཔྱིད་ཀྱི་དཔལ་མོའི་མངལ་ལས་རིང་དུ་བསྐྱངས་པའི། དབྱར་གྱི་དགའ་སྟོན་ངོམས་པ་ལ་རིང་དུ་ཕྱོགས་པའི་དཀར་ཕྱོགས་ཀྱི་རྒྱལ་བ་གཉིས་པ། རེས་གཟའ་ཕུར་བུ་ཟླ་སྐར་རྒྱལ་དང་འཛོམ་པའི་ཉིན། དབུ་སྐྲ་ལྕང་ལོ་དང་ལྡན་ཡང་། པཎ་ཞྭ་སྐུ་ཆོས་སོགས་རབ་ཏུ་བྱུང་བའི་རྟགས་དང་བཅས་ཏེ། རྟ་མཆོག་གཡུལ་རྒྱལ་ལ་དྲུང་ནས་རིན་པོ་ཆེ་ཆིབས་པའི་སྐུ་པང་དུ་འདེགས་པའི་ཚུལ་གྱིས་ཕེབས། རྩེ་ཁ་ནས་སྡེ་པ་རིན་པོ་ཆེ་དཔོན་གཡོག་རྣམས། རྩི་གོས་དང་བཙུགས་ཞྭ། ཤལ་དཀར་དམར་རྣ་ཆ་སོགས་རིན་ཅེན་རྒྱན་ཆ་དང་བཅས་པའི་སྐྱ་རགས། ཆོས་སྡེ་ཆེན་པོའི་མཁན་སློབ་སོགས་ངུར་སྨྲིག་གིས་རྒྱལ་མཚན་འཛིན་པ་རྣམས་ཀྱི་ཆིབས་བསུ་དང་བཅས། ཆོས་སྡེ་ཆེན་པོ་དཔལ་ལྡན་འབྲས་སྤུངས་ཀྱི་ཉེ་

― GLG008_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

འདབས་སུ་ཕེབས་པ་ན། དགེ་འདུན་གྲངས་མེད་པ་ཆོས་གོས་སྣམ་སྦྱར་གསོལ། ངུར་སྨྲིག་གི་རྟགས་ཀྱིས་མཛེས་པར་ཀླུབས་ཤིང་སྤོས་ཕོར་ཐོགས་པས་སྣ་དྲངས། གདུགས་རྒྱལ་མཚན། བ་དན། རྔ་ཡབ། སིལ་སྙན། རྔ། འཁར་རྔ། དུང་དཀར། ཟངས་དུང་། རག་དུང་། རྒྱ་གླིང་སོགས་ཀྱི་རོལ་མོ་དང་། གཞན་ཡང་མཆོད་རྫས་སྣ་ཚོགས་པ་ཐོགས་པའི་སེར་སྦྲེངས་ཀྱི་བཀོད་པས་མཛེས་ཤིང་ཆོས་སྐྱོང་སྲུང་མ་ཡུལ་ལྷ་གཞི་བདག་རྣམས་ཀྱང་བསུ་བ་ལ་བྱོན་པ་ནམ་མཁའ་གང་བ་ལྟ་བུ་དང་། བསྟན་སྲུང་སྤྲུལ་པའི་ཆོས་སྐྱོང་པེ་དཀར་ཡང་སྐུ་ཁོག་ཏུ་ཞུགས་ཏེ་བསུ་བར་བྱོན། སྐྱེ་བོའི་ཁྲོམ་ཁྲི་ཕྲག་ཏུ་ཉེ་བས་ཞལ་མཇལ་བྱེད་པར་འོངས་པ་དང་། དར་འབག་ཕུ་མདའ་སོགས་ཡུལ་མི་མང་པོའི་སྐྱེས་པ་དང་བུད་མེད་རྣམས་རྒྱན་གོས་བཟང་པོས་སྤྲས་ཏེ་རྔ་ཤོན་བྲོ་གར་གླུ་གཞས་སོགས་རྩེད་སྣ་ཇི་སྙེད་པ་དང་། དགའ་ལྡན་ཆོས་ཀྱི་ཕོ་བྲང་གི་རྩེ་མོར་འཕན་གདུགས་རྒྱལ་མཚན་བསྒྲེངས་ཤིང་གཡས་གཡོན་དུ་བཀྲ་ཤིས་ཁྲ་རིང་དབང་པོའི་གཞུ་རིས་ལྟར་བརྐྱངས། དཀར་ཕྱོགས་ལ་དགའ་བའི་ལྷ་རྣམས་ཀྱིས་མེ་ཏོག་གི་ཆར་འཇའ་འོད་ཀྱི་གུར་སོགས་ལྷ་དང་མིའི་ངོ་མཚར་བའི་ལྟས་ཕུན་སུམ་ཚོགས་པ་དང་བཅས་ཏེ། དཔལ་ལྡན་འབྲས་སྤུངས་ཆོས་ཀྱི་སྡེ་ཆེན་པོ་ཕྱོགས་ཐམས་ཅད་ལས་རྣམ་པར་རྒྱལ་བའི་གླིང་དུ་ཕེབས་ཏེ་དགའ་ལྡན་ཕོ་བྲང་གི་འཇིགས་པ་མེད་པའི་སེང་གེའི་ཁྲི་ཆེན་པོ་ལ་ཞབས་ཀྱི་པདྨོ་བཀོད་དོ། །ཐོག་མར་གཟིམས་ཆུང་ཉི་འོད་འཁྱིལ་པར་དབུས་སུ་སེང་གེའི་ཁྲི་གཉིས་བཤམས་པའི་གཡས་ལ་པཎ་ཆེན་བསོད་ནམས་གྲགས་པ་དང་། གཡོན་དུ་ཐམས་ཅད་མཁྱེན་

― GLG008_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཉིད་བཞུགས། གཡས་གྲལ་ལ་སློབ་དཔོན་རྣམ་པ་སོགས་དགེ་འདུན་པའི་རིགས་དང་། གཡོན་གྲལ་ལ་སྡེ་པ་ཡུམ་སྲས་སོགས་སྦྱིན་བདག་གི་ཚོགས་དང་། ཡར་ཁྱུའི་གྲལ་ལ་ཕྱོགས་ཀྱི་མི་སྣ་སོགས་གང་འོས་བསྒྲིགས། སློབ་དཔོན་རྣམས་ཀྱིས་རིག་ལུང་མཛད་པས། རྗེ་འདིས་ཐལ་སྐད་མཛད་ནས། ཤེས་བྱ་འདི་ལ་ང་མཁས་ཞེས་གསུངས། བཞུགས་གྲལ་གྲོལ་འཕྲལ་དུ་ངའི་དྲིལ་བུ་ཤིང་ཀུན་མ་དང་ར་ལོག་མ་དེ་ལོང་ཤོག་གསུངས། ཕུལ་བས་མཉེས་མཉེས་མཛད།དེ་ནས་སློབ་དཔོན་རིན་པོ་ཆེ་བསོད་ནམས་གྲགས་པའི་དྲུང་དུ། ཡོངས་སུ་རྫོགས་པ་དགེ་བསྙེན་གྱི་སྡོམ་པ་ཞེས་ཏེ། མཚན་བསོད་ནམས་རྒྱ་མཚོ་དཔལ་བཟང་པོ་བསྟན་པའི་ཉི་མ་ཕྱོགས་ཐམས་ཅད་ལས་རྣམ་པར་རྒྱལ་བར་གསོལ། ཚ་བ་ཆོས་རྗེ་མི་གཡོ་བས་སྐད་ཆ་གསན་པས་ལུང་བསྟན་དུ་དགེ་འདུན་གྱི་མིང་ཅན་གསུམ་བྱུང་བར་བཤད་པས། དགེ་འདུན་གྲགས་པ་བཞེས་འདོགས་དགོས་རྒྱུ་ཡིན་པ་ལ་ཁོའི་མིང་གི་ཟུར་དེ་རང་འཇགས་ན་མ་འཇགས་ཅི་ཡོད། ཅེས་བཀའ་བཀྱོན་པའི་རྣམ་པ་མཛད་སྐད། དེ་ནས་བཞུགས་གྲལ་ཆེན་མོ་བསྒྲིགས་ཐོག །ཐོག་མར་སྡེ་སྲིད་རིན་པོ་ཆེ་ནས་ལེགས་ཇའི་གནང་སྦྱིན་བཀའ་ཤོག་དང་བཅས་པ། དེ་ནས་ཆོས་སྡེའི་མཁན་སློབ། སྐུ་ཞང་ཆོས་ཀྱི་དབང་ཕྱུག །གཞན་ཡང་ཕྱོགས་མཐའ་གྲྭ་རིགས་སྦྱིན་བདག་མཆོག་དམན་ཀུན་གྱིས་འབུལ་བ་སོགས་དགའ་སྟོན་རྒྱ་ཆེན་པོ་བསྒྲུབས། །པཎ་ཆེན་རིན་པོ་ཆེ་གཟིམས་ཁང་གོང་དུ་ཐེགས་ཤིང་གྲལ་པ་རྣམས་སོ་སོར་གྱེས་པའི་བཞུགས་གྲལ་གྲོལ་ནས་གཟིམས་ཆུང་དུ་འགོལ་བཞུགས་སྐབས། ཡབ་ཡུམ་གཉིས་ཀྱིས། བསོད་གྲགས་

― GLG008_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དད་པ་ཨེ་སོང་ཞུས་པས། དེ་འདྲ་མ་ཟེར་ངེད་ཀྱི་བླ་མ་ཡིན་པས། ཆོས་ཀྱི་རྗེ་བསོད་ནམས་གྲགས་པའི་ཞལ་སྔ་ནས་ཟེར་བ་གྱིས་གསུངས་སྔར་གོང་མའི་སློབ་མ་ཡིན་པའི་ཆ་ནས། ཞེས་སོགས་ཆེར་མི་གནང་ཡང་། དགེ་བསྙེན་གྱི་སྡོམ་པ་བཞེས་པ་ཚུན་ནས། ཞེས་དང་གུས་པ་ཕུན་སུམ་ཚོགས་པ་མཛད། དེའི་ཉིན་ཧྲིལ་པོར་འཇའ་འོད་ཀྱི་གུར་དང་དྲི་བཟང་གིས་ཀུན་ཏུ་ཁྱབ་ཅིང་། བརྒྱད་མཆོད་ཆེན་མོ་དང་འགྲིག་པའི་དགེ་འདུན་གྱི་བསྙེན་བཀུར། འབྱུང་པོའི་གཏོར་མ། ངན་སློང་ལ་སྦྱིན་པ་སོགས་དང་མཚན་མོ་མར་མེའི་འཕྲེང་བ་རྒྱུ་སྐར་ས་ལ་བབས་པ་ལྟ་བུ་རྟེན་འབྲེལ་མཐའ་ཡས་པ་འགྲིག་གོ །མ་ཅིག་འདོད་ཁམས་དབང་ཕྱུག་མ་ཞབས་ཐང་གི་ཚུལ་དུ་ཕེབས་ཏེ། སྨྱུ་གུ་རིང་ཐུང་གཉིས་ཕྱག་ཏུ་ཕུལ་བྱུང་བ། ཆོས་སྲུང་མང་པོའི་སྐུ་བརྙན་འབྲི་དགོས་པར་དགོངས་ཏེ་ཞལ་བཀོད་གནང་། ཁྱད་པར་དཔལ་ལྡན་ལྷ་མོའི་འཕྱར་དར་ཞིག་ཐོག་མར་འབྲི་བཅུག་པར། ཚེས་བཅོ་ལྔའི་དུས་གཏོར་གྱི་སྤྱན་འདྲེན་སྐབས་སྤྱན་ལམ་དུ་ཕབ་པས་ཤིན་ཏུ་དགྱེས་ཏེ། གུང་བསངས་ཞིག་ལ་ཕྱག་མང་དུ་འཚལ་བ་གནང་ཞིང་། དྲུང་དུ་འཁོད་པ་ཀུན་ལ་ཡང་ཕྱག་བརྒྱ་རྩ་རེ་ཚོལ་ཞེས་ཕེབས་སྒོ་གནང་། །བཀའ་ལས། སྔར་སོར་སྤྱན་འདྲེན་གྱི་དུས་སུ་དཔལ་ལྡན་ལྷ་མོ་སྐུ་ཚད་ཤིན་ཏུ་ཆེ་བ་མཐིང་ནག་ཞལ་གཅིག་ཕྱག་བརྒྱད་པ། དང་པོ་གཉིས་ན་བེ་ཅོན་དང་ཐོད་ཁྲག །གཉིས་པ་གཉིས་ན་སིལ་སྙན། གསུམ་པ་གཉིས་ན་ལྕགས་ཀྱུ་དང་ལྕགས་སྒྲོག །བཞི་པ་གཉིས་ན་རྡོ་རྗེ་དང་དྲིལ་བུ་འཛིན་པ་ཞིག་བྱོན་ནས་ཆིབས་ཀྱི་དྲེའུ་དེ་བཞག །བྲིས་ཐང་དེ་ལ་ཐིམ་སོང་སིལ་སྙན་རྐྱང་པ་ཡང་ནམ་མཁར་མི་ཤོང་བ་

― GLG008_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་འདུག་ཀྱང་། རང་རེའི་འཕྱར་དར་འདི་ལ་ཤོང་སོང་བས་འདི་དཔལ་ལྡན་ལྷ་མོ་དངོས་ཡིན་གསུངས། དེ་ནས་ཆོས་སྲུང་གཞན་རྣམས་ཀྱི་འཕྱར་དར་ལའང་རབ་གནས་གནང་བས་ཡེ་ཤེས་པ་རྣམས་ཐིམ་པ་དངོས་སུ་གཟིགས། ཡབ་ཡུམ་རྣམས་རང་གི་གཞིས་སུ་འབྱོན་ཁར། བཀའ་བསྒོ་ཞུས་པས། ས་སྐྱ་པའི་ཆོས་སྐྱོང་འདི་འོས་གསུང་མགོན་པོ་ཞལ་གྱི་བཀའ་བསྒོ་གནང་། ཆོས་སྐྱོང་ཁྱེད་རང་གི་རྗེས་ལ་བཞུད་སོང་། ཞེས་བཀའ་ཕེབས། ཕུན་ཚོགས་ལུགས་བརྒྱའི་འབྲས་བུ་མ་ལས་པ། །འཕྱུར་བུར་སྤུངས་པའི་ཁྲིམས་ལྡན་འདུས་པའི་གླིང་། །གྲུ་འཛིན་གཉིས་པའི་སྤོ་ན་སེང་གེའི་ཁྲིར། །ལག་ན་པདྨ་མི་ཡི་ཟོལ་གྱིས་འགྱིང་། །སྲོང་བཙན་རང་གི་ཁྲི་ལ་ཞབས་པད་ཟུང་། །བཀོད་པའི་ངོ་མཚར་རྒྱ་མཚོའི་དགའ་སྟོན་ལ། །ལྷ་མིའི་འབྱོར་པ་སྤེལ་བའི་སྙན་པའི་རྔ། །མཆོག་དམན་ཡོངས་ཀྱི་ཐོས་འཛིན་རྒྱན་དུ་སྒྲོག །དེ་སྐབས་མདོ་ཁམས་ཕྱོགས་ནས་འབུལ་དཔོན་ངག་དབང་བཀྲ་ཤིས་འབྱོར། རྟ། ཁྲབ། ཇ། དངུལ་ཟངས་སོགས་ཡུལ་ལུགས་དང་མཐུན་པའི་འབུལ་བ་རྒྱ་ཆེར་བསྒྲུབས། བོད་རྒྱལ་པོའི་གདུང་བརྒྱུད་དྲི་མ་མེད་པ་གུ་གེ་བདག་པོ་དཔོན་བློན་དང་། པཎ་ཆེན་ཤཱནྟི་པ་ནས་འབུལ་སྐྱེལ་བརྫངས་པ་འབྱོར། གསེར་སྲང་སྟོང་ལ་ཉེ་བ་སོགས་ཟང་ཟིང་གི་བདོག་པའི་སྐྱེས་མཐའ་ཡས་པ་ཕུལ། པཎ་ཆེན་ཤཱནྟི་པའི་འབུལ་སྐྱེལ་བས། འབྲས་སྤུངས་སུ་ཕེབས་པ་ཡན་གྱི་རྣམ་ཐར་རས་བྲིས་སུ་བྱས་ཏེ། མངའ་རིས་སུ་གདན་དྲངས། འདི་རྣམ་ཐར་ཞིང་བཀོད་ཞལ་བཀོད་གནང་བའི་ཐོག་མ་ཡིན། ཧོར་ཟླ་ལྔ་པའི་ནང་དུ་ཐན་པ་ཆེན་པོ་བྱུང་བས། གཟིམས་ཆུང་ལྕོག་ཏུ་མཆོད་རྫས་ཀྱི་མེ་ཏོག་རྣམས་

― GLG008_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་རེ་གཏོར་ཏེ་བླ་མ་ཡི་དམ་མཁའ་འགྲོ་ཆོས་སྐྱོང་ལ་འབུལ་ལོ་གསུངས། ཡོན་ཆབ་རྣམས་ཕན་ཚུན་དུ་གཏོར་བ་དང་ལྡུགས་པ་སོགས། གཟིམས་ཆུང་གི་ཕྱི་ནང་ཀུན་ཆལ་ཆིལ་དུ་མཛད་པས། དྲུང་ནས་ཀྱིས། རང་བཞིན་གྱི་རོལ་རྩེད་ཡིན་པར་མངོན་ནས་སྐུ་རྫི་རྣམས་ལ་ཡང་བཀའ་བཀྱོན་མཛད། ཞབས་དྲུང་ལ་ཡང་ཁྱེད་འགྲོ་བ་མཐའ་དག་གི་སྐྱབས་གནས་ཡིན་པ་ལ། འདི་ལྟར་བྱིས་པའི་རྩེད་མོ་མཛད་ན། གདུལ་བྱ་རྣམས་མི་བསླུའམ། ལྷག་པར་དཔོན་ས་གོང་མས་གནང་སྦྱིན་ལེགས་བྱ་སོགས་ཐུགས་མཐོང་ཚད་མེད་པ་མཛད་པ་ལ་འདི་ལྟར་སྙན་དུ་སོན་ན་རུང་ངམ། བསྟན་འགྲོ་ལ་དགོངས་ནས་ཐོས་བསམ་སྒོམ་པའི་ཚུལ་གནང་བར་ཞུ་ཞུས་པས། ཁྱོད་ཀྱིས་མིག་དམར་པོར་བལྟས་ཀྱང་ང་མི་བྲེད། ངའི་ཉེ་གནས་ཡིན་གསུངས་པར་འོ་ན་དཔོན་ས་གོང་མ་ལ་ཡང་མི་བྲེད་དམ་ཞུས་པས། ང་ནི་རྗེ་བཙུན་བཙོང་ཁ་པ་མ་གཏོགས་སུ་ལ་ཡང་མི་བྲེད་གསུངས་པས། སྙན་སྒྲོན་ཕུལ་པ་ལ་ཡེ་མི་གསན་ན། ཕྱག་གཡོག་མི་ནུས་པར་འདུག་པས་པཎ་ཆེན་བསོད་གྲགས་པས་ཀྱང་། རྒས་ཁར་སོ་ཡོད་པ་དགའ་བས། ངེད་ཀྱི་འདིར་ཤོག་གསུངས་བྱུང་བས་ང་ནི་གཟིམས་ཁང་གོང་དུ་འགྲོ། ནང་ཟན་ཕལ་ཆེར་ཡང་ངའི་རྗེས་སུ་འགྲོ་བས། དེ་ནས་ཇི་ལྟར་གནང་བལྟའོ་ཞུས་པར། དེ་ཁྱོད་རང་ལ་མི་དགའམ་གསུང་ཞལ་བསྒྱུར་ནས་བཞུགས་པས། ཕྱག་ཕུལ་ཏེ། བཀའ་བཞིན་བསྒྲུབ་པར་ཞུས་པ་ལ། འོ་ན་ཁྱོད་རང་ཡང་ཆུ་སྐྱོལ་གསུངས་ཏེ། ཕྱི་ནང་ཐམས་ཅད་ཆུས་ཁྱབ་པར་མཛད། རྟ་གཡུལ་རྒྱལ་ལོང་ཤོག་གསུངས། ཁྲིད་བྱུང་བ་དང་རྟ་སྒ་ཐོད། གསུང་རབ་པས་ཞོན་ལས་དབང་དུ་ཐོག་གསུངས་ནས་དཔོན་སློབ་རྒྱལ་

― GLG008_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིགས་པའི་ཚུལ་གྱིས་ཆིབས་བཅགས་མཛད། ད་གསུང་རབ་པ་བབས་གསུངས་ནས་ཞབས་དྲུང་ཉིད་ཀྱིས་ཆིབས་ཁ་ཕར་བསྒྱུར་ཚུར་བསྒྱུར་ཁ་ཡར་མཛད། དེ་ནས་ཆར་བབ་པ་དང་ཆིབས་ལས་གཞོལ་ལོ། །དེའི་སྔོན་ཙམ་དུ་ནམ་མཁའ་ཤིན་ཏུ་གཡའ་དག་པར་ཡོད་པ་ལ། དེ་འཕྲལ་དུ་ཆུ་འཛིན་གྱི་ཚོགས་སྟུག་པོ་འཁྲིགས་ཏེ། དབྱར་རྔ་དལ་གྱིས་དགོད་པ་དང་བཅས། ཆར་གྱི་རྒྱུན་ཕྱོགས་ཀུན་ཏུ་ཁྱབ་པར་བབས། དེ་སྐབས་ཤིང་གི་སྡོང་པོའི་རྩེ་ན་དཔལ་ལྡན་ལྷ་མོ་བཞུགས་པ་གཟིགས། ཆར་ཆད་ནས་གཟིམས་ཆུང་ལྕོག་ཏུ་གན་རྐྱལ་མར་བཞུགས་ཏེ། ཤངས་ལ་མཛུབ་མོ་བཙུགས་ནས། ཡོན་ཏན་ཐམས་ཅད་མ་བསླབས་ཐུགས་སུ་ཆུད། གསུངས། དྲུང་ནས་ངེད་བདེ་ཡངས་སློབ་དཔོན་པ་གཉིས་ཀྱིས་རྒྱལ་པོ་དཀོན་ཅོག་འབངས་ཀྱི་གསུང་གླེང་མཛད་པས། རོ་སྟོད་གསེར་རོ་སྨད་གཡུ་སྐེད་པ་དུང་ལ་བྱས་པ་དེ་ཨེ་གསུངས། དྲུང་ནས་ཀྱི་འཁོར་རྣམས་ལ། ད་གི་དེ་ཚོ་ད་ལོའི་ཐན་པ་འདི་ལ་དགོངས་པར་འདུག །ད་ཕྱིན་ནས་བཀའ་ཐམས་ཅད་ཚུལ་བཞིན་དུ་སྒྲུབས་ཤིག་ཅེས་གདམས་སོ། །ཡང་ཕྱི་དྲོ་ཙ་ན་འབྲུག་གི་སྒྲ་ཆེན་པོ་བསྒྲགས་པས། ཨ་ཕྱི་གནམ་གྱི་གུང་རྒྱལ་མའི་རྔ་ཡིན་པ་འདུག །ཨ་ཕྱེ་གནམ་གྱི་གུང་རྒྱལ་མ་དེ་དཔལ་ལྡན་ལྷ་མོ་ཡིན་གསུངས། སང་ཉིན་རྒྱབ་རིའི་རྩེར་སྤྲིན་དཀར་པོ་ཆེ་བ་ཞིག་འདུག་པ་ལ་གཟིམས་ཆུང་གི་བྱང་ངོས་ཀྱི་དཀར་ཁུང་ནས། ནན་ཏར་གཟིགས་པས། དྲུང་དུ་འཁོད་པ་རྣམས་ཀྱིས་ཅི་འདུག་པ་ཡིན་ཞུས་པས། སྤྲིན་གྱི་གསེབ་ན་དཔལ་ལྡན་ལྷ་མོ་སྐུ་ཚད་ཤིན་ཏུ་ཆེ་བ་ཞིག་ལ་སྐུ་ཚད་ཆུང་བ་མང་པོས་བསྐོར་འདུག་པ་ཐམས་ཅད་ཀྱང་དཀར་པོར་འདུག་གསུངས། ནུབ་གཅིག་གཟིམས་ཆུང་དུ་དྲུང་ནས་ལ། ཨ་མ་འོངས་པ་ཨེ་ཡིན་གསུངས་པས་

― GLG008_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

ང་ཨ་མ་ཡིན་དོགས་མེད་ཡུམ་ཁང་གསར་གོང་ན་བཞུགས་པ་ལ་ཞུས་པས། དེ་ཡང་ཨ་མ་ཡིན་ཏེ། འཁོར་བར་འཁོར་ཙ་ན་ཁྱོད་ཀྱང་ངའི་ཨ་མ་ཡིན། ང་ཡང་ཁྱོད་ཀྱི་ཨ་མ་ཡིན། ང་ཨ་བར་དུ་སོང་ཙ་ན་ཁྱོད་རྒས་འདུག །དེ་ཡང་ཁྱོད་གཞོན་ནུར་གྱུར་པ་ན་ང་རྒས་ཡོང་སྟེ། ཁྱོད་ལ་བྱམས་པོ་བྱེད་དོ་གསུངས་པས། ཞུ་ལན་དུ། བཀའ་དྲིན་བསྐྱངས་ཚེ་ཕྱི་མར་ཡང་ཞབས་ཕྱིར་འོང་བ་མཛོད་ཅིག་ཞུས་པ་ན། ལོས་བྱེད་སྨོན་ལམ་རྣམ་པར་དག་པས་འཚམས་སྦྱར་ནས་རྗེས་སུ་འཛིན་ནོ་སོགས་དང་གཞན་ཡང་འདས་མ་འོངས་ཀྱི་གནས་ཚུལ་མང་དུ་གསུང་ངོ་། །ཞོགས་གཅིག་སྔ་བར་བཞེངས་ཏེ་ན་བཟའ་རྣམས་ཕྱིར་ཕུད། ཞབས་རྡོ་རྗེའི་སྐྱིལ་མོ་ཀྲུང་དུ་བཅས་ཏེ་བཞུགས་འདུག་པ། འདི་ལྟ་བུ་སྐུ་བསིལ་བ་ཨེ་ཡིན་ཞུས་པར། གྲང་པོ་མི་ཡོང་ལྷ་མོ་དབྱངས་ཅན་མས་བསླབས་བྱུང་། ད་ལྟ་ཡང་འདི་ཁར་བཞུགས་འདུག་གསུངས། ཉིན་གཅིག་མཆོད་པ་རྒྱ་ཆེན་པོ་བཤམས་པར་གནང་སྟེ། སློབ་དཔོན་པདྨ། མཁན་པོ་ཞི་བ་འཚོ། རྗེ་བླ་མ་སོགས་མང་དུ་ཞལ་གཟིགས་པ་ལ་མཆོད་བསྟོད་མཛད། མེ་ལུག་ལོ་གསར་སྲིད་གསུམ་བདག་མོའི་མཆོད་གཏོར་སོགས་གྲུབ་རྗེས། ཆོས་འཁོར་རྒྱལ་ནས་སྤྱི་ཚོགས་ཀྱི་གདན་འདྲེན་པ་འབྱོར། གཟིམས་དཔོན་རྒྱལ་དབང་པ་ཕྱག་ཕྱིར་འགྲོ་མི་དགོས་པའི་འདོད་སྦྱར་གྱི་དགོངས་པ་ཁྲོལ། ཞལ་གདམས་ཤིག་ཞུས་པས། དད་པ་དཀོན་ཅོག་གསུམ་ལ་གྱིས། །བྱམས་པ་སེམས་ཅན་རྣམས་ལ་སྒོམས། འཁོར་འདས་སྟོང་པའི་ངང་དུ་གཞོག །དེ་ལ་ཁྱོད་ཀྱི་ཆོས་སྐལ་གྱིས། །ཞེས་པ་གནང་། ཧོར་ཟླ་ལྔ་པའི་ཚེས་གསུམ་ལ་འབྲས་སྤུངས་ནས་བཏེག་སྟེ་ཚལ་དུ་ཕེབས།ཡང་དགོན་རིན་པོ་ཆེ་དང་། རྒྱུད་པ་དཔོན་

― GLG008_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

སློབ་ཀྱིས་གཙོས་པའི་ཚལ་གུང་གི་སྐྱ་སེར་རྣམས་ཀྱིས་བསུ་བ་དང་བསྙེན་བཀུར། ཁྱད་པར་ནང་སོ་དགའ་ལྡན་པ་དཔོན་གཡོག་གིས་བཀུར་སྟི་ཕུན་སུམ་ཚོགས་པ་བསྒྲུབས། མཆོད་ཁང་རྣམས་ཞིབ་མཇལ་དང་། མགོན་པོ་བྱ་རོག་གི་མཚན་ཅན་ལ་གཉེར་གཏད་གནང་། དེར་འཁོད་པའི་ཁྲོམ་མཐའ་ཡས་པ་ལ་བླ་མའི་རྣལ་འབྱོར་གྱིས་ཚིམ་པར་མཛད་དེ། རིམ་གྱིས་གསར་ལ་བརྒྱུད། བར་ནང་གི་རོང་དུ་ཕེབས་པ་ན། མི་དཀར་པོ་ཞིག་གིས་མཛོ་དཀར་མོ་དང་། ནག་པོ་ཞིག་གིས་མཛོ་ཁྲ་མོ་ལ་འོ་མ་བཞོས་ཏེ་ཞལ་སྐྱེམས་སུ་དྲངས་ཤིང་། གཡུ་ཆེན་པོ་ཞིག་ཕྱག་ཏུ་ཕུལ་བས། སྔོན་རྒྱལ་པོ་དད་པ་བརྟན་པར་གྱུར་དུས་ཀྱི་དུང་སྐྱོང་དང་། འཛིན་པ་ལག་མང་གཉིས་སུ་མཁྱེན། ལས་དག་པ་འགའ་ཞིག་གིས་མཛོ་མོ་གཉིས་མཐོང་བ་ཡང་བྱུང་འདུག །བཀའ་ལས། ལུང་པ་འདི་སྲིན་ཡུལ་གྱི་འཛིན་པ་ལག་མང་སྡོད་ས་དེ་འདྲ། མི་གཉིས་པོ་དེ་ཁོང་གཉིས་ཀྱི་སྤྲུལ་པར་འདུག །ང་སྲིན་ཡུལ་དུ་འགྲོ་དུས་དད་པ་བརྟན་པ་ཟེར་བ་ཡིན། ཞེས་སོགས་དགེ་བཤེས་ལེགས་བཤད་པ་དང་། གནས་བརྟན་རྭ་སྒྲེང་པ་སོགས་ལ་མང་དུ་གསུངས་སོ། །ལམ་དོག་སར་ཕ་བོང་གུར་ཙམ་ཞིག་གི་སྟེང་ནས་ཆིབས་པ་གཡས་གཡོན་དུ་བཟློག་མ་བདེ་བར། ཐོག་ཚད་གཅིག་ཙམ་ན་མཆོངས་པས་སྐྱོན་དུ་མ་གྱུར་པ་ནི་ཆོས་སྲུང་གི་མཐུར་ཐུགས་ངེས་གནང་། རིམ་གྱིས་ཆོས་འཁོར་བསམ་ཡས་སུ་ཕེབས་པས། མདོ་སྡེ་མཆོད་པ་དང་འགྲིག་པས་སྐྱ་སེར་གྱི་ཁྲོམ་ཆེན་པོ་འདུས་ཤིང་། མཆོད་རྫས་སྣ་ཚོགས་ཐོགས་པས་སེར་སྦྲེངས་དང་། བསྟན་སྲུང་གནོད་སྦྱིན་ཆེན་པོ་སྐུ་ཁོག་ཏུ་ཞུགས་ཏེ་ཕྱིར་བྱོན་པ་སོགས་ལོ་དུས་ཀྱི་བསྒྲིགས་བཙུག་རྣམས་མཛད་པ་དེ། ད་ལམ་རྗེ་ཐམས་ཅད་མཁྱེན་པ་དཔོན་སློབ་ཕེབས་

― GLG008_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མཆེད་གཉེར་དུ་བྱས་འདྲ་བའི་རྟེན་འབྲེལ་མ་བསྒྲིགས་པར་ལྷུན་གྱིས་གྲུབ་བོ། དབུ་རྩེ་རིགས་གསུམ། གླིང་བཞི་གླིང་ཕྲན། ཇོ་མོ་གླིང་གསུམ་དང་བཅས་པ་ཞིབ་ཏུ་མཇལ་ཞིང་སྨོན་ལམ་དང་། བསྟན་སྲུང་སྤྲུལ་པའི་རྒྱལ་པོ་ལ་འཕྲིན་ལས་བཅོལ་བ་གནང་། དབུ་རྩེ་རིགས་གསུམ་ལ་ཞིབ་ཏུ་གཟིགས་ཏེ། འདི་དག་ལ་དཀའ་ལས་ཆེན་པོ་བྱས། བོད་ལ་ང་དང་། ཨྱོན་པདྨ་གཉིས་དྲིན་ཆེ་བར་ཡོད་གསུངས། དེ་ནི། མངའ་བདག་ཁྲི་སྲོང་ལྡེའུ་བཙན་དུ་ཞལ་གྱིས་བཞེས་པའོ། །རིམ་གྱིས་ཚོང་འདུས་བྲག་ཁར་ཕེབས། རྩེས་ཐང་སོགས་ཡར་འོན་གྱི་སྐྱ་སེར་གྲངས་མེད་པ་འདུས་པ་ལ་ཐུགས་རྗེ་ཆེན་པོའི་བཟླས་ལུང་དང་། གྲྭ་རིགས་སྦྱིན་བདག་རྙིང་པ་རྣམས་ལ་ངོས་འཛིན། ཕྱག་དབང་། ཕྱག་ནས། བདོག་པའི་སྐྱེས་སོགས་ལུགས་གཉིས་ཀྱི་སྒོ་ནས་ཚིམ་པར་མཛད། མཁར་ལྟག་ལ་བརྒྱུད། ཚེས་བཅུ་དགུ་ལ་སྡེ་པ་འོལ་ཁ་ནས་ཡབ་སྲས་དང་། རྫིང་ཕྱི་མཁན་པོ་སོགས་འོལ་ཁའི་དགོན་པ་ཁག་རྣམས་དང་བཅས་པའི་སྐྱ་སེར་གྱིས་བསུ་བའི་བཀོད་པ་རྒྱ་ཆེན་པོ་དང་བཅས་ཏེ་འོལ་ཁ་རྩེར་ཕེབས། དུས་སྟོན་གྱི་ཚེ་ཆོས་རྗེ་རྣམ་རྒྱལ་དཔལ་བཟང་དང་། ཆོས་རྗེ་དགེ་འདུན་ལྷུན་གྲུབ་གཉིས་ཀྱིས་བགྲོ་གླེང་བྱས་པས་ཐུགས་དགྱེས་དགྱེས་གནང་། སྐྱ་སེར་གྱི་ཚོགས་ལ་བླ་མའི་རྣལ་འབྱོར་དང་། ཁྲོམ་ལ་ཞལ་མཇལ། ཕྱག་ནས་སོགས་མཛད། གནས་བཅུའི་ཞལ་ཐང་ལ་མེ་ཏོག་གཏོར་བས་ནམ་མཁའ་ལ་ཡུན་རིང་དུ་ཆས། དེའི་ཚེའི་བདག་ཅག་གི་སྟོན་པ་ཞལ་གཟིགས་ཤིང་། མེ་ཏོག་གི་ཆར་ཆེན་པོ་ཡང་བབ། ཧོར་ཟླ་དྲུག་པའི་ཚེས་ལྔ་ལ་དཔའ་བོ་མཁའ་འགྲོ་མཐའ་དག་འདུ་བའི་བསྟི་གནས་ཆོས་འཁོར་རྒྱལ་དུ་ཕེབས། གཉུག་མར་གནས་པ་དང་གློ་བུར་དུ་ལྷགས་པའི་དགེ་འདུན་རྣམས་

― GLG008_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བསུ་བའི་བཀོད་པ་ངོ་མཚར་བ་བྱས། མཆོད་ཁང་རྣམས་ཞིབ་པར་མཇལ། བྱམས་མགོན་གྱི་དྲུང་དུ་ཕྱག་མཆོད་སྨོན་ལམ་གནང་ཞིང་སྤྱན་ཆབ་གསིལ་བས། དེར་འཁོད་པ་ཐམས་ཅད་དད་པ་དང་། སྐྱོ་བ་དང་སྤྲོ་བ་རྣམས་ཅིག་ཅར་དུ་བྱུང་། གསོལ་བ་བཏབ་པ་ལ་མ་ལྟོས་པར་གསོལ་འདེབས་རྒྱལ་མདུན་མ་དང་། རབ་འབྱམས་རྒྱལ་བ་མ་གཉིས་ཀྱི་ལུང་གནང་། མགོན་ཁང་དུ་གཏོར་གསོས། སྤྱན་གཟིགས། འཕྲིན་ལས་འཆོལ་བ་རྒྱས་པར་གནང་། ཉང་ལོང་ཨེ་དྭགས་ཀོང་པོ་སོགས་ཁྲོམ་ཆེ་བར་འདུས་པ་ལ་བླ་མའི་རྣལ་འབྱོར་དང་ཡི་གེ་དྲུག་པའི་བཟླས་ལུང་གནང་། ཕྱག་མཚན་གནམ་ལྕགས་ཀྱི་རལ་གྲི་ལ་གཟིགས་རྟོག་གནང་བའི་ཚེ་ལྡེ་མིག་ནོར་ནས་གཞན་ཞིག་ཕུལ་བས། དེ་མ་ཡིན་པ་གཞན་འདི་འདྲ་ཞིག་ཡོད་ཅེས་གསུངས། དེ་སྐབས་ཆབ་མདོ་ནས་མཁས་བཙུན་ཐུབ་པའི་དབང་ཕྱུག་དོན་གྱི་རྡོ་རྗེ་སློབ་དཔོན་ཆེན་པོ་འཕགས་སྡེ་ལོ་ཙཱ་བ་རྗེ་དྲུང་རིན་པོ་ཆེ་དགེ་འདུན་བཀྲ་ཤིས་ཀྱིས། གསེར་གྱི་བླ་བྲེ་ལ་དཀྱིལ་འཁོར་སྒོ་རྫོགས་ཀྱི་རི་མོ་ཡོད་པ། ལྷ་རྣམས་དངུལ་གར་བླུགས་ལས་གྲུབ་པའི་བདེ་མཆོག་དྲུག་ཅུ་རྩ་གཉིས་པ། དེ་མཚུངས་ཚེ་དཔག་མེད་ལྷ་དགུ །ཀྱཻ་རྡོར་ལྷ་དགུ་ཡོད་པའི་བླ་བྲེ། གཞན་ཡང་གོས་ཆེན་གྱི་བླ་བྲེ། འཕན། རོལ་ཆ་སོགས་མཆོད་རྫས། མགོན་ཁང་དུ་གོ་མཚོན། སྙན་དར་གྱི་རིགས། མཆོག་གི་སྤྲུལ་སྐུ་ཕེབས་པའི་ལེགས་བྱ། བརྒྱ་འབུལ། ཚོགས་སུ་མང་ཇ་འགྱེད་སོགས་བསྒྲུབ་པར་དཔོན་གཉེར་ཆོས་གྲགས། བླ་མ་གྲགས་པ། གུང་རུ་དབྱངས་དཔོན་པ་ཀུན་དགའ་རྣམས་འབྱོར། ཇ་གྲལ་གྱི་སར། བཀའ་ལས། དབྱངས་དཔོན་པ་འབྱོར་པ་ལེགས། སྔར་གྱི་དབྱངས་སྙན་པོ་དེ་གྱིས་དང་གསུངས་པར། གཤིན་རྗེ་རླུང་

― GLG008_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་མ་ལ་དབྱངས་ཤིག་ཕུལ་བས། དེ་ག་ཡིན། ངས་ཀྱང་བྱེད་གསུངས་ནས་ཤིན་ཏུ་སྙན་ཞིང་བརྗིད་པ་ཞིག་མཛད། ཡང་མགོན་ཁང་དུ་ཕེབས་པ་ཞིག་ལ། ཞམ་འབྲིང་པས་དེ་སྔ་མགོན་ཁང་དུ་ཕེབས་ཨེ་མྱོང་ཞུས་པས་ངེད་རང་རྒྱུས་ཆེ་གསུངས། ཧོར་ཟླ་བདུན་པའི་ཚེས་བདུན་གྱི་ཐོ་རེངས། འབྲོམ་ཆོས་ཀྱི་རྒྱལ་པོ་ལ། བཀའ་གདམས་ཀྱི་དགེ་བཤེས་མང་པོས་བསྐོར་བ་གཟིགས་པས། གཟིམས་དཔོན་དཔལ་ལྡན་གྲགས་ལ་མཆོད་པ་ཤོམས་ཤིག་ཅེས་བཀའ་སྩལ། ནུབ་ཅིག་མནལ་ལམ་ངོ་མཚར་བར་བྱུང་བ་ནི། རྗེ་དེ་ཉིད་ཀྱི་ཞལ་ནས། རྨི་ལམ་ངོ་མཚར་བ་ཞིག་ལ། ང་གཟིམས་ཆུང་དུ་འདུག་པའི་མདུན་དུ། དགེ་བཤེས་ལེགས་བཤད་བྱུང་ནས། ཐོག་ཏུ་ཕེབས་དང་གཟིགས་མོ་འདུག་ཟེར། ཁོ་དང་མཉམ་དུ་ཐོག་ཁར་ཕྱིན་ནས་བལྟས་པས། མེ་ཏོག་ཐང་གི་ས་གྲུ་གསུམ་དེའི་དཀྱིལ་ན། ལྕགས་ཁང་སྒོ་མེད་པ་ཆེན་པོ་ཕྱི་ཐམས་ཅད་མེ་འབར་བ། མེའི་སྲུབས་ལ་ལ་ན་ལྕགས་ཁང་གི་ལོགས་སྔོ་སྡིང་སྡིང་མཐོང་བ། ངོས་གཅིག་ལ་ཕུག་པ་མགོ་ཤོང་བ་ཙམ་ཞིག་ཡོད་པ་ཞིག་འདུག །དེའི་ནང་ནས་མི་ནག་པོ་ཆེན་པོ་ཞིག་འཐོན་བྱུང་བས་དེ་ན་རེ། འདིར་བྱོན་དང་ཟེར། ངས་དགེ་བཤེས་ལ་མཉམ་དུ་འགྲོ་བྱས་ཕྱིན་པས། ལྕགས་ཁང་དེའི་ནང་ན་རོ་ཆེན་པོ་ཁང་པ་ཙམ་ཞིག་འདུག །དེའི་གཡས་ངོས་ན་ཁྲག་དམར་པོ་དང་། གཡོན་ན་ཁྲག་ནག་པོ་འཛག་ཅིང་འདུག །དེའི་སྟེང་ན་མ་ཧཱེ་ནག་པོ་ཤིན་ཏུ་ཁྲོས་པའི་མགོ་མདུན་དུ་བཀུག་ཅིང་། མིག་ཕྱིར་བལྟ་བ་ཞིག་འདུག་པས། ཞེད་པའི་སྣང་བ་ཡང་ཅུང་ཟད་བྱུང་། དེ་ནས་གཤིན་དང་བནྡྷེ་དེ་གནས་ཆུང་ཆོས་རྒྱལ་ཡིན་གསུངས། དེ་ལས་ཟླ་བ་གཅིག་ལྷག་ཙམ་སོང་བའི་ཚེ་

― GLG008_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

མནལ་ལམ་དུ་ང་འབྲས་སྤུངས་དགའ་ལྡན་ཕོ་བྲང་གི་ཀླུ་སྡིངས་སུ་འདུག་པས་དེར་གསུང་རབ་པ་བྱུང་ནས། ཕྱི་འདི་ན་སྔར་མེད་པའི་དུར་ཁྲོད་ཅིག་འདུག་པས། ལེགས་ཉེས་ཇི་ལྟར་ཡིན་ལགས་ཞེས་འདྲི་བར་བྱུང་བས། ངས་མ་བལྟས་པར་མི་ཤེས་ལྟ་རུ་འགྲོ་བྱས་ཁོ་དང་མཉམ་དུ་ཕྱིན་པ་ན། མཚོ་ནག་པོ་ཆེན་པོ་ཞིག་འདུག་པ་དེ་མི་གསུམ་ཙམ་གྱི་དཔངས་སུ་འབར་ཞིང་འཁྲུག་པ། དེའི་དབུས་སུ་ཆོས་འབྱུང་གྲུ་གསུམ་དམར་པོ་ཞིག་འདུག །དེ་ནས་མི་ཨ་ཙ་རའི་རྣམ་པ་ཅན་ཡིན་པ་ལ། །སྨ་ར་དཀར་པོ་སྐེད་པར་སླེབས་པ། འཇིགས་སུ་རུང་བ་ཞིག་བྱུང་བས།དེས་ངའི་ལག་པ་ནས་འཐེན་ཏེ། འདིར་ཤོག་ཟེར་བས། ངས་གསུང་རབ་པའི་ལག་པ་ནས་འཐེན་ཏེ། ཆོས་འབྱུང་གི་ནང་དུ་ཁྲིད་ནས་ཕྱིན། དེ་ནས་བལྟས་ཙ་ན་ཕྱི་བལྟས་ནང་གསལ། ནང་བལྟས་ཕྱི་གསལ་བ་ཞིག་འདུག་དེ་ནས་ཨ་ཙ་ར་ཆུང་བ་ཞིག་བྱུང་ནས། རྒན་པ་དེ་ལ་ལག་གཡུབ་ཅིག་བྱས་བྱུང་བས་ཁོ་ལངས་སོང་། གསུང་རབ་པ་ན་རེ། ངས་ཕ་གིར་མི་བཞིན་བྱུང་ན་གཞི་ལེན་བྱེད་ཀྱི་ཟེར་ནས་ལངས་སོང་། དེ་རྗེས་སྔར་གྱི་ཨ་ཙ་ར་དེ་བྱུང་ནས། ང་ལ་ཆོ་འཕྲུལ་ཆེན་པོ་སྟོན་རྒྱུ་ཡོད། དེ་ནས་ཨ་ཙ་ར་ཆུང་བ་དེས་ཨ་རག་ཡིན་ཟེར་བའི་མདོག་དམར་སེར་ཅན་ཞིག་དྲངས་བྱུང་བས་ཕོར་བ་དོ་བཏུང་ཙམ་ན་ཨ་ཙ་ར་གཞན་དེ་བྱུང་ནས་བུམ་པ་གཅིག་གི་ནང་ནས་སྔར་བཞིན་དྲངས་བྱུང་བུམ་པ་དེ་སུའི་ཡིན་བྱས་པས། འདི་ལ་ཞལ་བཞི་པ་ཟེར་པའི་ཆོས་སྐྱོང་ཞིག་ཡོད་པ་དེས་ཁྱོད་ལ་དྲོངས་ཟེར་བྱུང་བས་འོངས་པ་ཡིན་ཟེར། དེ་ནས་དེའི་ནང་ནས་ཞལ་བཞི་པ་ཡིན་ཟེར་བའི་མི་ནག་པོ་གདོང་པ་བཞི་ཡོད་པ་འདྲ་བ་ཞིག་བྱུང་ནས་ང་ལ་འདི་སྐད་ཅེས། ཁྱོད་ཀྱིས་ང་ལ་བསྐུལ་དགོས་པ་ཡོང་བ་ཡོད་ཁྱེད་

― GLG008_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མཉམ་དུ་ང་ཡང་བདེ་བ་ཅན་དུ་འགྲོ། །ཟེར་བ་རྨིས་ཏེ་ཡིད་བརྟན་འོང་བ་དཀའ། འོན་ཀྱང་དེའི་སང་ཉིན། གྲུབ་ཐོབ་པ་ཟེར་པ་ཞིག་གིས། ཞལ་བཞི་པའི་སྒྲུབ་ཐབས་ཤིག་ཕུལ་བྱུང་གསུང་། ཡང་ནུབ་གཅིག་མནལ་ལམ་དུ། བུད་མེད་སྔོན་མོ་རྒྱན་གོས་བཟང་པོ་ཡོད་པ་ཧོར་མོ་འདྲ་བ་ཞིག་གི་མཆེ་བ་ལས་འོད་ཟེར་འཕྲོས། རྒྱལ་ཁམས་ཐམས་ཅད་གང་སྟེ་ནོར་བུ་མང་པོ་དང་ལྷན་ཅིག་ཏུ་འདུས་ནས་རྗེ་ཉིད་ཀྱི་ཚེམས་ལ་ཐིམ། དེ་ལས་འོད་འཕྲོས་ནས་རྒྱལ་གྱི་ལུང་པ་གང་། དེ་ནས་རྗེ་ཉིད་ཀྱི་འཕྲིན་ལས་དང་། རྒྱལ་དུ་ལྷུན་གྲུབ་དགའ་བའི་ཚལ་འདེབས་པའི་ལྟས་སོ། །རྒྱལ་རི་མཐིལ་གྱི་གཞི་པ་བླ་མ་ལ་ཆོས་རྗེ་དགེ་འདུན་ལྷུན་གྲུབ་བཀས་ལེགས་པར་བསྐོས། ཧོར་ཟླ་བཅུ་པའི་གཟའ་ཚེས་བཟང་བ་ལ་བྱམས་ཁང་གི་གཙུག་ལག་ཁང་གི་སྟེང་དུ། གཙང་ཁང་རྙིང་པའི་རྒྱ་ཁྱོན་དང་བསྟུན་པའི། གསེར་ཐོག་གིས་བཟོ་ཐབ་འཛུགས་པ་གནང་། འབྲས་སྤུངས་ནས་གདན་འདྲེན་པ་བྱུང་བ་ལ་བརྟེན། བཟོ་དཔོན། བཟོ་བོ་རྣམས་ལ་བསླབ་སྟོན་གྱིས་ཁྱབ་པ་གནང་སྟེ། ཡར་ཀླུངས་བྱང་ཁ་བརྒྱུད། འབྲས་སྤུངས་སུ་ཕེབས། འདི་དུས་ཕྱག་རྗེས་ཞབས་རྗེས་གནང་བའི་ཐོག་མ་ཡིན། དེ་དཔོན་གཉེར་ཆོས་གྲགས་ཀྱིས་རྗེ་དྲུང་དགེ་འདུན་བཀྲ་ཤིས་གྱི་དད་རྟེན་ལ་ཁྱེར། ས་སྤྲེལ་ལོའི་དུས་རིམ་ལོ་གསར་སོགས་རྒྱས་པར་མཛད། ནག་པ་ཟླ་བའི་ནང་དུ་ར་ས་འཕྲུལ་སྣང་དུ་ཕེབས། ཇོ་ཤཱག་གིས་གཙོས་པའི་རྟེན་གསུམ་རྣམས་ལ་གསེར་ཆབ། དཀར་མེ། ལྷ་བཤོས། སྙན་དར་སོགས་མཆོད་པའི་བྱེ་བྲག་བསམ་གྱིས་མི་ཁྱབ་པ་ཕུལ། བསྟོད་ཕྱག་མང་དུ་མཛད་ཅིང་སྨོན་ལམ་རྒྱ་ཆེན་པོ་འདེབས་པ་གནང་། ཇོ་བོ་རིན་པོ་ཆེ་སྐུ་གཞོན་དུ་སོང་འདུག་གསུང་། དེར་འཁོད་

― GLG008_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྣམས་ལ་ཇོ་བོའི་སྐུ་མདུན་དུ་བླ་མའི་རྣལ་འབྱོར་ཞིག་གནང་། བཞུགས་མཚེར་དུ་ཕེབས་པ་ན་གནས་ཆེན་རྣམས་ཀྱིས་གསོལ་བ་བཏབ་སྟེ། ཁྲོམ་ཁྲི་ཕྲག་བརྒལ་བ་ལ་ཡི་གེ་དྲུག་པའི་བཟླས་ལུང་དང་རྡོ་རྗེ་སེམས་དཔའི་སྒོམ་བཟླས་གནང་། ཇོ་བོ་མི་བསྐྱོད་རྡོ་རྗེ་མཇལ་བར་ཕེབས་སྐབས། ལྷ་ས་དང་ར་མོ་ཆེའི་བར་གྱི་ས་ཐམས་ཅད་ཁྱབ་པའི་ཁྲོམ་གྱིས་གང་སྟེ་ཀུན་ཀྱང་དད་པའི་ས་ལ་བཀོད། འདི་ཇོ་མཇལ་གྱི་ཐོག་མ་ཡིན། སླར་འབྲས་སྤུངས་སུ་ཕེབས། གསོལ་ཇ་ཐུམ་ཆུང་གི་རྟེན་དང་བཅས་པའི་ཡུམ་ལ་བཀའ་ཤོག་ཅིག་གནང་བར། སྐུ་འཁོར་པ་ཞིག་གིས་རྟེན་འདི་ཅུང་ཟད་ཆུང་བ་འདྲ་ཞུས་པར། འདི་ཁས་འོང་། རྒྱལ་གྱི་གསེར་ཐོག་མ་གྲུབ་རིང་། སྤྱན་ཕྲ་སེ་བ་བྱེད་དགོས་འདུག་གསུངས་དགོངས་པ་ཅན་གྱི་བཀའ་ཕེབས། ཧོར་ཟླ་ལྔ་པའི་ཚེས་གསུམ་ལ་ཆིབས་ཁ་བསྒྱུར་ཏེ་བདེ་ཆེན། བྲག་ཁ་བེལ་ཁ་སོགས་བརྒྱུད། རྒྱལ་དུ་ཕེབས། བཅོམ་ལྡན་འདས་རྡོ་རྗེ་འཇིགས་བྱེད་ཀྱི་སྒོ་ནས་གསེར་ཐོག་ལ་རབ་ཏུ་གནས་པ་མཛད་པས་མེ་ཏོག་གི་ཆར་དང་འཇའ་འོད་ཀྱི་གུར་སོགས་ལྟས་ཡ་མཚན་པ་བྱུང་། ལྷ་མཆོད་མི་མཆོད་ཀྱི་དགའ་སྟོན་རྒྱས་པར་གནང་སྟེ་རིམ་གྱིས་འབྲས་སྤུངས་སུ་ཕེབས་སོ། །ན་ཚོད་ཆེས་ཕྲ་དབྱར་སྐྱེས་གཞོན་ནུ་ལ། །རྒན་པོའི་བློ་སྟོབས་འབྲས་བུའི་ཁུར་འཆང་བ། །སྔོན་མེད་ལྗོན་པའི་ཤིང་འདི་ཚངས་པ་ཡིས། །བརྒྱ་ཕྲག་ཐབས་ཀྱིས་གསར་དུ་བསྐྲུན་པར་ངེས། །མཐོང་ན་མི་མཐུན་མེད་པ་མཚན་དཔེའི་སྐུ། །འགྲོ་བའི་མིག་གི་པད་དཀར་བཞད་པ་དང་། །ཚངས་གསུང་འབྲུག་སྒྲས་དང་བའི་ཆུ་གཏེར་ཀུན། །ལྷན་ཅིག་འཕེལ་བར་བྱས་འདི་ངོ་མཚར་གནས། །འཛམ་བུའི་གསེར་ཞུན་ས་ལ་འཁྱིལ་འདྲ་བའི། །གཙུག་ལག་ཁང་བཟང་མཛེས་པའི་རྒྱན་མཆོག་གིས། །རྣམ་

― GLG008_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོས་བུ་ཡི་འབྱོར་པ་མ་ལུས་པ། །འཇིག་རྟེན་མེས་པོས་གཅིག་ཏུ་བསྡུས་པ་བཞིན། །ཞི་བ་ཞེས་པ་ས་མོ་བྱའི་ལོའི་དུས་རིམ་ལོ་གསར་སོགས་གྲུབ་ནས། གསན་བསམ་གྱི་རིམ་པ་ལ་བརྩོན་པར་བཞུགས་པ་ནས། ས་ག་ཟླ་བའི་དུས་པཎ་ཆེན་བསོད་ནམས་གྲགས་པས་མཁན་པོ། གསང་ཕུ་ཆོས་རྗེ་ལེགས་པ་དོན་གྲུབ་ཀྱིས་ལས་སློབ། ཤར་རྩེ་ལེགས་དོན་པས་དུས་སྒོ་བ་མཛད་དེ། དགེ་ཚུལ་གྱི་སྡོམ་པ་བཞེས། སྡོམ་བརྩོན་དམ་པའི་བརྟུལ་ཞུགས་ཡང་དག་པར་བཟུང་། པཎ་ཆེན་བསོད་ནམས་གྲགས་པའི་དྲུང་དུ། ཚེ་དབང་གྲུབ་རྒྱལ་མ། རྣམས་སྲས་གསེར་ཆེན། འདོད་ཁམས་དབང་ཕྱུག་དམག་ཟོར་མ། མཁས་གྲུབ་དཔལ་ལྡན་སེང་གེ་ལུགས་ཀྱི་དཔལ་མགོན་ཞལ། མགོན་པོ་ཕྱག་དྲུག་པ། ཆོས་རྒྱལ་ཕྱི་སྒྲུབ་རྣམས་ཀྱི་རྗེས་གནང་གསན་། གླིང་སྟོད་ཆོས་རྗེ་ལེགས་དོན་པའི་དྲུང་དུ། འཇིགས་བྱེད་ཀྱི་སྔགས་བཏུ། བླ་མ་ལྔ་བཅུ་པའི་ཊཱིཀྐ། ལམ་རིམ་ཆེ་ཆུང་ལམ་སྒྲོན། བྱང་ཆུབ་གཞུང་ལམ། འདུལ་པའི་བསླབ་བྱ་ཆེ་ཆུང་། གཞི་གསུམ་ཆོ་ག །ལས་ཆོག །རྩ་འཇུག་གཉིས་དང་། དེའི་ཊཱིཀ་ཆེན། འགྲེལ་པ་དོན་གསལ། རྣམ་བཤད་སྙིང་རྒྱན། རྣམ་འགྲེལ། ཐར་ལམ་གསལ་བྱེད། མཛོད། མདོ་རྩ། དྲང་ངེས་རྣམ་འབྱེད། དཔེ་ཆོས། གསལ་སྒྲོན། གདན་རྫོགས། མཁས་གྲུབ་བཀའ་འབུམ། བསྐྱེད་རིམ་དངོས་གྲུབ་རྒྱ་མཚོ་རྣམས་ཀྱི་ལུང་གསན། ཤར་རྩེ་ལེགས་དོན་པའི་དྲུང་དུ་པད་དཀར། སྤྱན་རས་གཟིགས་ཕྱག་བཞི་པ། མགོན་པོ་སྙིང་ཞུགས། འཁོར་བརྒྱད་མ། རྟ་མགྲིན་གསང་སྒྲུབ། ལྕགས་རལ་ཅན། གུར་དྲག །ནཱ་ག་རག་ཤ། ཨུ་ཙཪྻ། ཕྱག་བཞི་པ་ཚལ་ལུགས། སྒྲོལ་དཀར། ཚེ་རིང་མཆེད་ལྔ་། ཡེ་ཤེས་ཁྱུང་ཁྲ། བེག་རྩེ། དམར་

― GLG008_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་སྐོར་གསུམ། ཀུ་རུ་ཀུལླེ་གསང་སྒྲུབ། སྒྲོལ་མ་ཉི་ཤུ་རྩ་གཅིག །རྣམ་སྲས་རྟ་སྔོན་ཅན། བེ་ཅོན་ཅན། མདུང་དམར་ཅན། ཕྱག་མཚན་བཞི་པ། གར་མཁན་མཆོག །དྲག་བྱེད། དཀར་པོ་ཚེ་སྒྲུབ། ཤྲ་མ་ཎ། སེང་ལྡེང་ནགས་སྒྲོལ། སེང་གདོང་མ། རྨེ་བརྩེགས་རྣམས་ཀྱི་རྗེས་གནང་། འཇིགས་བྱེད་ཀྱི་སྔགས་བཏུ། འཇམ་དབྱངས་ཞི་ཁྲོ་སྦྲགས་སྒྲུབ་ཀྱི་ལུང་། གསང་འདུས་འཇམ་རྡོར་དང་། འཇིག་རྟེན་དབང་ཕྱུག་གཉིས་ཀྱི་དབང་། བཀའ་གདམས་ཐིག་ལེ་བཅུ་དྲུག་དང་། གླེགས་བམ་གྱི་ལྗགས་ལུང་རྣམས་གསན་པའི་དོན་ཐམས་ཅད་ཐོས་བསམ་གྱིས་གཏན་ལ་འབེབས་པ་དང་ཉམས་བཞེས་མཛད། སྐྱོར་མོ་ཀླུང་དུ་ཞབས་དྲུང་གདུང་བརྒྱུད་རིན་པོ་ཆེས་གདན་དྲངས། ཞལ་ངོ་རྣམས་ལ་ཚེ་རྟ་དང་། ཁྲོམ་དུ་དབང་སོགས་དམ་པའི་ཆོས་ཀྱིས་ཚིམ་པར་མཛད། སླར་འབྲས་སྤུངས་སུ་ཕེབས། ཟླ་བ་དྲུག་པའི་ནང་དུ་བྱེ་རི་སྟག་རྩེར་གདན་དྲངས། ཁྲོམ་ཤིན་ཏུ་ཆེ་བ་ལ་ཞུ་ལན་ནོར་བུའི་འཕྲེང་བ་དང་། བླ་མའི་རྣལ་འབྱོར་གནང་། རིམ་གྱིས་མལ་འགྲོ་བརྒྱུད། མཁར་སྐྱ། རིན་ཅེན་གླིང་། རྫིང་ཕྱི་སོགས་སུ་སྐྱེ་བོའི་ཚོགས་ཇི་སྙེད་པ་ལ་ཐར་པའི་ས་བོན་བཞག་སྟེ། ཆོས་འཁོར་རྒྱལ་དུ་ཕེབས། ཚོགས་པ་ལ་གླེགས་བམ་རིན་པོ་ཆེའི་སྤྱི་ཆོས་དང་། སྒོས་ཆོས་སོགས་ཀྱིས་ཚིམ་པར་གནང་། ཆོས་སྲུང་མཆོད་པའི་ཆོ་ག་སོགས་རྒྱས་པར་མཛད། ཚུར་ལམ་འོལ་ཁ་བསམ་གཏན་གླིང་དུ་ཕེབས། རྒྱལ་བ་བཙོང་ཁ་པ་ཆེན་པོར་ངོ་མཚར་པའི་ལྟས་གཟིགས་སྣང་མང་དུ་གྲུབ་པའི་གཟིམས་ཕུག་མཇལ་བ་གནང་། དེར་རྫིང་ཕྱི་བའི་གདན་འདྲེན་སླེབ་སྟེ། འདོད་སྦྱར་གྱི་དགོན་པར་ཕེབས། སྐྱ་སེར་ཀྱི་ཁྲོམ་ཆེན་པོ་ལ་ཆོས་དང་ཟང་ཟིང་གིས་ཚིམ་པར་མཛད་ནས་འོལ་ཁ་རྩེར་ཕེབས། སྡེ་བ་ཡབ་སྲས་ལ་འདོད་

― GLG008_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་བཀའ་དབང་གི་རིམ་པ་དང་། སྐྱེ་བོའི་ཚོགས་ཇི་སྙེད་པ་ལ་ལེགས་བྱས་ཀྱི་ས་བོན་བསྐྲུན་ཏེ། རིམ་གྱིས་འབྲས་སྤུངས་སུ་ཕེབས། ཐུན་མོང་ཞེས་པ་ལྕགས་ཁྱིའི་ལོ་གསར་གྲུབ་ནས། དཔྱིད་ཀྱི་རིང་ཐོས་བསམ་སྒོམ་པ་དང་། གདུལ་བྱ་རྣམས་ཀྱི་རེ་བ་སྐོང་ཕྱིར་དུ་བཞུགས་པའི་ངང་ནས། དབྱར་སྟོན་སྒྲིལ་བའི་ཟླ་བ་དྲུག་གི་རིང་། དགོན་པ་རྩེ་མོར་སྐུ་མཚམས་ཤིན་ཏུ་དམ་པ་གནང་སྟེ། ཚེ་དཔག་མེད་ཀྱི་བསྙེན་པ་འབུམ་ཚོ་བཅུ་གསུམ་དང་། རྟ་མགྲིན་གྱི་བསྙེན་པ་འབུམ་ཚོ་ཉི་ཤུ་རྩ་གཅིག་གནང་བས། ཡི་དམ་གྱི་ལྷ་གཉིས་ཀ་དངོས་སུ་ཞལ་གཟིགས་ཤིང་གསུང་གི་གནང་བ་སྩལ། འགལ་བྱེད་ཅེས་པ་ལྕགས་ཕག་ཟླ་བ་ལྔ་པའི་ནང་དུ་རྒྱལ་དུ་ཆིབས་ཁ་བསྒྱུར། དེ་སྐབས་ཐན་པ་ཤིན་ཏུ་ཆེ་བ་ཞིག་བྱུང་བས། ལྷ་སར་ཕེབས་ཐོག་ཇོ་ཤཱཀ་སོགས་རྟེན་རྣམས་ལ་ཁྲུས་གསོལ་དང་། ཀླུ་ཁང་དུ་ཀླུ་དགའ་བར་བྱེད་པའི་ཁྲུས། དུང་སྐྱོང་མ་སོགས་སྲུང་མ་རྣམས་ལ་གཉེར་གཏད་གནང་བས། ཚ་བའི་འཇིགས་པ་ཐམས་ཅད་རྒྱང་དུ་བསྲིངས་ཏེ་ཆར་གྱི་རྒྱུན་ཕྱོགས་ཀུན་ཏུ་ཁྱབ་པས་རི་ཀླུང་ཐམས་ཅད་མརྒད་ཀྱི་གོས་གྱོན་པ་ལ་ཆས་སོ། དེ་ནས་རིམ་གྱིས་ཆོས་འཁོར་རྒྱལ་དུ་ཕེབས། གཞི་བྱེས་ཀྱི་དགེ་འདུན་རྒྱ་མཚོ་ལྟ་བུ་ལ་བྱང་ཆུབ་ལམ་གྱི་རིམ་པའི་བཀའ་ཆོས་གནང་། ཉིན་རེ་བཞིན་མེ་ཏོག་གི་ཆར་བབ། ཟླ་བ་བརྒྱད་པའི་ནང་དུ་འདོད་ཁམས་བདག་མོའི་བསྙེན་སྒྲུབ་མཛད་པས་མཚན་མ་ཁྱད་པར་ཅན་བརྙེས། ཟླ་བ་དགུ་པའི་ནང་དུ་འོལ་ཁ་རྩེར་ཕེབས། ཐུབ་པ་བདུད་འདུལ་གྱི་སྐུ་ཞིག་གསལ་བར་གཟིགས། མཆོག་དམན་མཐའ་དག་ཕན་བདེའི་ལམ་ལ་བཀོད། རིན་ཅེན་སྒང་དུ་སྐུ་འདྲ་རིན་པོ་ཆེ་མཇལ་ཞིང་སྨོན་ལམ་གནང་བས་བྱིན་གྱིས་བརླབས་པའི་མཚན་མ་ཁྱད་པར་

― GLG008_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་བྱུང་། འོད་གསལ་ལྷའི་གདུང་བརྒྱུད་ནང་སོ་རྒྱ་རི་བས་ཨེ་རིག་པའི་འབྱུང་གནས་ཀྱི་སའི་ཆ་རི་སྒོར་སྤྱན་དྲངས། སྡེ་པ་ཞལ་ངོ་ལ་འདོད་ཆོས་ཅི་རིགས་པ་དང་། ཁྲོམ་ཁྲི་ཕྲག་བརྒལ་བ་ལ་ཚེ་དབང་གནང་། འཇའ་འོད་ཀྱི་གུར་དང་མེ་ཏོག་གི་ཆར་ཆེན་པོ་བབ། རིམ་གྱིས་ཁམས་སུ་ཕེབས། །དེར་ཁྲོམ་ལ་ཚེ་དབང་གནང་བས། ནམ་མཁའ་དྭངས་པ་ལ་འཇའ་ཚོན་དང་། མེ་ཏོག་གི་ཆར་ཆེན་པོ་བབ་པར་མ་གཅིག་ལབ་སྒྲོན་གྱི་ཆོ་འཕྲུལ་དུ་གླེང་། མཐོ་རིས་ཀྱི་ཡོན་ཏན་མཐའ་དག་གཅིག་ཏུ་འདུ་བ། སྨན་ལྗོངས་ནོར་འཛིན་གྱི་ལྟེ་བ་ཡར་ཀླུངས་ཀྱི་སའི་ཆ། ཆོས་གྲྭ་ཆེན་པོ་རྩེས་ཐང་དུ་ཕེབས། ལྔ་མཆོད་ཆེན་མོའི་ཉིན། རྒྱལ་བ་བཙོང་ཁ་པ་ཆེན་པོ་དཀྱིལ་འཁོར་ཀུན་གྱི་གཙོ་བོར་སྤྱན་དྲངས་ཏེ། བླ་ན་མེད་པའི་མཆོད་པས་མཉེས་པར་མཛད། ཆགས་སུ་སྙིང་པོ་དོན་གསུམ་གྱི་བཀའ་ཆོས་དང་། བསྔོ་བ་སྨོན་ལམ་རྒྱས་པར་གནང་བས་ཀུན་དད་པའི་ས་ལ་བཀོད། སྡེ་སྲིད་རིན་པོ་ཆེའི་སྐུ་གཞོགས་སུ་བཀའ་ཤོག་འཕུལ་བ་དང་བཅས། དྲུང་ནས་གསུང་རབ་པས་བྱོན། སྐུ་ན་ཕྲ་བའི་སྟབས་ཀྱིས་སླར་རིམ་གྱིས་མཇལ་བ་སོགས་ཀྱི་སྙན་འབུལ་མཛད། སྡེ་སྲིད་ནས་ཀྱང་དགྱེས་པའི་བཀའ་ལན་དང་། ཇ་འདྲེན་རྒྱས་པར་གནང་། སྔོན་རང་ཉིད་སྲོང་བཙན་དུ་གྱུར་པའི་ཚེ་བཞེངས་པའི་ཁྲ་འབྲུག་གི་གཙུག་ལག་ཁང་མཇལ་བར་ཕེབས། མཆོད་པ་དང་སྨོན་ལམ་རྒྱས་པར་མཛད། རིམ་གྱིས་གསེར་ལ་བརྒྱུད། དགའ་ལྡན་ཕོ་བྲང་དུ་ཕེབས་སོ། །ཤེས་བྱ་ཐམས་ཅད་མཁྱེན་པའི་འབྲས་བུ་ལ། །ལོངས་སུ་སྤྱོད་པའི་མི་ཟད་གོ་འཕང་ཆེ། །རིང་ནས་མངོན་དུ་གྱུར་ཀྱང་ཐོས་པའི་ཚུལ། །མཛད་འདི་མ་དག་གདུལ་བྱར་དགོངས་ལགས་སམ། །མི་ཟད་དམ་པའི་ཆོས་ཀྱི་ཆར་ཆེན་པོ། །ཕྱོགས་མེད་ལུས་ཅན་ཡོངས་ལ་ཕབ་

― GLG008_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་འབྲས། །ཕན་དང་བདེ་བའི་མེ་ཏོག་མནྡྷ་ར། གཟུར་གནས་ལུས་ཕྲའི་རྣ་བར་གཡུར་ཟ་ལྡེམ། །ཡོངས་འཛིན་ཞེས་པ་ཆུ་བོ་བྱི་བའི་ལོ་གསར་གྲུབ་རྗེས། ཆོས་ཀྱི་རྗེ་བསོད་ནམས་གྲགས་པས་ཟུར་བཞུགས་མཛད་པར་བཞེད་ནས། སྤྱི་གཟིམས་དྲུང་ནས་རིན་པོ་ཆེ་སོགས་བཀའ་བགྲོས་ཐོག་ནས། ཕོ་བྲང་སྣེའུ་གདོང་རྩེར། གདན་ས་བསྐོ་བཞག་གི་བསླབ་སྟོན་ཞིབ་ཆ་ཞུས་ཤིང་། གོང་ནས་ཀྱང་དགྱེས་བཞིན་དུ་ལེགས་སོ་དང་བཅས་པའིབཀའ་སྩལ་བྱུང་བར་བརྟེན་ནག་པ་ཟླ་བར་དཀར་ཕྱོགས་ཀྱི་ཚེས་བཅུ་བཞིའི་གཟའ་སྐར་འཕྲོད་སྦྱོར་བའི་ཐོག །དཔལ་ལྡན་འབྲས་སྤུངས་ཆོས་ཀྱི་སྡེ་ཆེན་པོའི་མཁན་པོའི་འཇིགས་མེད་ཆོས་ཀྱི་ཁྲི་ལ་ཞབས་སེན་འཁོད་དེ། སྡེ་སྲིད་རིན་པོ་ཆེ་ནས་བསྐོ་ཇའི་གནང་སྦྱིན། བཀའ་ཤོག་གི་ལུང་བསྒྲགས། གཞན་ཡང་སྐྱོར་མོ་ཀླུང་ནས་ཞབས་དྲུང་གདུང་བརྒྱུད་རིན་པོ་ཆེ་མིའི་དབང་པོ་བསོད་ནམས་གྲགས་པ་རྒྱལ་མཚན་དང་། ནང་སོ་རྒྱ་རི་བ་དང་དགའ་ལྡན་པ་དཔོན་བློན་གྱིས་ཐོག་དྲངས་སྐྱིད་ཤོད་ཡར་ཀླུངས་གཙང་སོགས་ནས་སྦྱིན་བདག་གྲྭ་རིགས་མཐའ་ཡས་པས་རང་རང་གི་འབྱོར་བ་དང་བསྟུན་པའི་འབུལ་བ་སོགས་དགའ་སྟོན་གྱི་དཔལ་འབྱོར་ཆར་དུ་བསྙིལ། མེ་ཏོག་གི་ཆར་དང་འཇའ་འོད་ཀྱི་གུར་སོགས་འཆི་བ་མེད་པ་རྣམས་མཁའ་ལ་ལྷགས་ཏེ་མཆོད་པ་འབུལ་བའི་ལྟས་རྒྱ་ཆེན་པོ་བྱུང་། ཆོས་རྒྱལ་ཆེན་པོ་ལ་ང་དེར་དངོས་སུ་བྱོན་ཏེ་དགྱེས་པའི་རྣམ་འགྱུར་ཇི་སྙེད་ཅིག་མཛད་དོ། །དེ་ནས་རྗེ་བསོད་ནམས་གྲགས་པའི་དྲུང་དུ། རྒྱལ་བ་བཙོང་ཁ་པའི་གསུང་འབུམ་ཐོར་བུ། ཐམས་ཅད་མཁྱེན་པ་དགེ་འདུན་རྒྱ་མཚོའི་གསུང་འབུམ་པོ་ཏི་ལྔ་དང་སྐྱེས་རབས་སོ་བཞི་པའི་ལུང་། འཇིགས་བྱེད་ཀྱི་དབང་། སྒྲུབ་

― GLG008_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས་རྒྱ་མཚོ། མགོན་དཀར་གྱི་རྗེས་གནང་རྣམས་གསན། རིགས་གྲྭ་དང་བྱམས་སྨོན་སོགས་ཀྱི་ཚོགས་དབུར་ཕེབས། བག་ཡོད་ཅེས་པ་ཆུ་གླང་གི་ལོ་གསར་གྲུབ་རྗེས། ཡང་དག་པར་རྫོགས་པའི་སངས་རྒྱས་ཀྱིས་མུ་སྟེགས་རྣམས་བཏུལ་བའི་དུས་སྟོན། རྗེ་བཙུན་འཇམ་དཔལ་སྙིང་པོའི་མཛད་པ། སྨོན་ལམ་ཆེན་མོའི་ཚོགས་དབུར་ཕེབས། །ཐོག་མར་ར་མོ་ཆེའི་སྨོན་ལམ། གོས་སྐུ་ཞལ་འབྱེད་དང་དགའ་ལྡན་ཁང་གསར་དུ་སྡེ་པ་དགའ་ལྡན་པས་བསྙེན་བཀུར་ཞུས། དེ་ནས་ལྷ་སར་སྔ་དྲོ་འཁྲུངས་རབས་སོ་བཞི་བའི་བཀའ་ཆོས། ཕྱི་དྲོ་སྨོན་ལམ་སོགས་ཕྱག་ལེན་གྱི་སྲོལ་མ་ཉམས་པར་གནང་བས་མཆོག་དམན་མཐའ་དག་དད་པའི་ས་ལ་བཀོད་། དེའི་ཚེ་ནམ་མཁའ་མཐའ་དག་ནི་དབང་པོའི་གཞུས་ལེགས་པར་དཀྲིགས་ཤིང་། ལྷ་རྣམས་ཀྱིས་མཆོད་པའི་རྫས་སུ་མནྡྷ་ར་བ་ཕྱོགས་ཀུན་ཏུ་འཐོར་རོ། །སླར་འབྲས་སྤུངས་སུ་ཕེབས་ཚོགས་སུ་བཀའ་ཆོས་དགོས་པའི་རྒྱུ་མཚན་ཕུལ་བར་བཀའ་ལས། ཁ་སང་ཁྲི་ཐོག་ཏུ་བསྐོས་པའི་ཉིན་འབུལ་སྣ་ལ་བྱུང་བའི་པོ་ཏི་དེ་ཅི་ཡིན་ལྟོས་དང་གསུངས། ལམ་རིམ་ཡིན་པ་འདུག་ཞུས་པས། དེ་ཁ་བྱས་ཆོག་གསུངས་ནས་ཚོགས་ཆེན་དུ་བྱང་ཆུབ་ལམ་གྱི་རིམ་པའི་བཀའ་ཆོས་གནང་། ལོ་དེ་ནང་དུ་སྡེ་གཟར་ཆེན་པོ་ལངས་ཏེ། གུང་ཐང་མེ་ཏོག་མཆོད་པ་ལྷ་སའི་སྨོན་ལམ་སོགས་བསྟན་པའི་བྱ་བ་ཆེན་པོ་རྣམས་རིམ་གྱིས་འགྱངས་པར་འགྱུར་བ་མཁྱེན་ནས། བསྟན་པ་སྤྱི་སྒོས་ཀྱི་སྐུ་རིམ་ལ་ཐུགས་བརྩོན་པ་གནང་། གོས་སྐུ་ཆེ་བ་ཞིག་བཞེང་བའི་དགོངས་པ་གཏད་དེ། ནང་སོ་ཚུལ་ཁྲིམས་རིན་ཅེན་འབུལ་དཔོན་ལ་མདོ་སྨད་དུ་རྫོང་སྟ་གནང་བའི་ཚེ་སྔོན་སངས་རྒྱས་ཀྱིས་ཤིང་སྒྲོལ་རྒྱུའི་ཚལ་དུ་ཚོང་དཔོན་ག་གོན་དང་བཟང་པོ་ལ་གནང་བ་ལྟར་བཀྲ་ཤིས་ཚིགས་སུ་བཅད་པའི་སྒོ་ནས་

― GLG008_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འབྲེལ་སྒྲིག་པ་མཛད། ཆོས་ཀྱི་རྗེ་བསོད་ནམས་གྲགས་པའི་དྲུང་དུ། གསང་འདུས་མི་བསྐྱོད་པའི་དབང་། རིག་བྱེད་མའི་རྗེས་གནང་། ལས་ཆེན་ཀུན་རྒྱལ་བའི་བཀའ་གདམས་ཆོས་འབྱུང་། བེ་བུམ་སྔོན་པོ་རྩ་འགྲེལ། ཀརྨ་ཤ་ཏཾ། མེ་ཏོག་འཕྲེང་བརྒྱུད། དགའ་ལྡན་ཆོས་འབྱུང་། གནས་བཅུའི་སྒྲུབ་ཡིག་རྣམས་ཀྱི་ལུང་གསན། དོན་བདུན་ཅུའི་རྣམ་བཤད་ཅིག་བསྐུལ་བ་གནང་བར་བརྟེན། རྗེ་བསོད་གྲགས་པས་སྐལ་བཟང་ཐེམ་སྐས་ཞེས་བྱ་བ་ཞིག་མཛད་དེའི་བཤད་ལུང་ཕུལ། རིག་གྲྭའི་ཚོགས་དབུ་དང་། ཕྱོགས་འདུས་ཀྱི་དད་ལྡན་རྣམས་ལ་བཀའ་ཆོས། མཇལ་ཁ། རང་ཉིད་གསན་བསམ་མཛད་པ་སོགས་ཕན་ཚུན་འགྲན་བཞིན་པའི་ངང་ནས། བསོད་ནམས་ཀྱི་མཐུས་ས་ལ་སྤྱོད་པའི་མི་བདག་ནང་སོ་དགའ་ལྡན་པ་དོན་གྲུབ་རྒྱལ་པོ་དང་། དབྱངས་ཅན་ངག་གི་དབང་ཕྱུག་བཀྲ་ཤིས་རབ་བརྟན་མཆེད་ཀྱིས། གུང་ཐང་གི་རྟེན་བརྟེན་པ་ཞིག་གསོས་དང་གོས་སྐུ་གསར་བཞེངས་ཀྱི་རབ་གནས་ལ་གདན་དྲངས། ནམ་མཁའ་གཡའ་དག་པ་ལ་འཇའ་ཚོན་གྱིས་ཁེབས་པ་སོགས་ཡ་མཚན་པའི་ལྟས་མང་དུ་བྱུང་བ་ནི། ཞང་བདེ་བའི་རྡོ་རྗེས་རང་ཉིད་ཀྱི་གནས་ལ་སླར་རང་ཉིད་ཀྱིས་རབ་གནས་མཛད་པའི་མཐུའོ། ། ཆོས་ཀྱི་འཁོར་ལོ་སྒྱུར་བའི་ཁྲི་ཆེན་པོར། །དབྱངས་ཅན་བཞད་པའི་རྡོ་རྗེ་དཔལ་བཟང་པོ། །སླར་ཡང་སྐལ་བཟང་གདུལ་བྱའི་དཔལ་ཡོན་དུ། །ཐུན་མཚམས་གསར་པའི་ཟོལ་གྱིས་འགྱིང་པ་ལ། །གསེར་མངལ་ཅན་དང་དབང་ཕྱུག་པད་དཀར་མིག །ལྷ་ཡི་བླ་མ་འཆི་མེད་བདག་པོ་སོགས། །སྙིམ་པས་སྣ་ཚོགས་མཆོད་པའི་བྱེ་བྲག་རྣམས། །ཐོགས་ཏེ་ནམ་མཁའི་ཁྱོན་ཀུན་དོག་པོར་བྱེད། །དེ་ནས་ཀུན་དགའ་ཞེས་པ་ཤིང་སྟག་གི་ལོ་གསར་གཏོར་ཆེན་སོགས་རྒྱས་པར་མཛད།

― GLG008_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་ལོ་སྔ་མའི་ནང་དུ་ནང་སོ་དགའ་ལྡན་པས། སྐྱོར་མོ་ལུང་དུ་དཔུང་ཁྱེར་འཁྲིད་སོགས་ལ་བརྟེན། སྡེ་གཟར་གྱི་འཕྲོ་མ་རྫོགས་པའི་སྟབས་ཀྱིས། ལོ་འདིའི་སྨོན་ལམ་ཡང་རེ་ཞིག་འགྱངས་པ་ནས། མལ་གྲོ་བརྒྱུད། རྒྱལ་དུ་ཕེབས། བྱམས་ཁང་ཤོད་དུ་ཉེ་བའི་སྲས་བརྒྱད་བཞེངས་པ་ལ་རབ་གནས་དང་སྦྱིན་སྲེག་གནང་། དེ་སྐབས་ཁ་བ་ཆེན་པོ་ཞིག་བབས་པས་ཐུགས་དམ་བསྐང་གསོ་བ་རྣམས་གསེར་ཏོག་ཁང་བཟང་ན་བཞུགས་པ་ལ་ཁ་རེངས་སྐྱེལ་པ་གནང་བའི་གྲལ་དུ། དཔལ་འཇམ་དབྱངས་གཤིན་རྗེའི་གཤེད་པ་ཡི། །དོན་རྣལ་འབྱོར་ལྷུར་ལེན་ཐུགས་དམ་པ། ཁྱེད་དེར་བཞུགས་ཚོགས་པའི་རྣ་ལམ་དུ། །མགུར་ཉམས་དབྱངས་ཀྱི་གླུ་འདི་བགྱིད་པར་སྤྲོ། །དཔལ་ཆུ་སྐྱེས་མེ་ཏོག་བཀྲ་བའི་གནས། །རྗེ་བླ་མའི་བྱིན་རླབས་ཆགས་པའི་ས། །གནས་གསུམ་གྱི་དཔའ་བོ་མཁའ་འགྲོ་རྣམས། །དཔུང་མཁའ་ལ་སྤྲིན་བཞིན་འདུ་བའི་གནས། །ལར་ཁ་བ་ཉིན་ཞག་སྦྲེལ་ནས་བབ། །རི་མཐོན་པོའི་རྩེ་མོ་མཁའ་ལ་རེག །ལ་ལུང་རྣམས་ལྷ་ལུང་དཀར་པོ་བྱས། །དུས་དེ་ཚེ་ངེད་ཀྱིས་ཁ་རེངས་བསྐྱལ། །ད་དེ་ཡི་གདབ་ལན་རེ་ན་ཡང་། །ཇ་བཟང་པོ་ལན་གྲངས་མང་བར་དྲངས། །ད་དེ་བས་སྤྲོས་པ་ཨེ་ཡོད་ན། །ད་ཕྱིས་ནས་ཡི་གེ་བསྐུར་བ་ལ། ཁྱེད་མཁན་སློབ་བཀའ་གྲོས་ཐོན་པར་མཛོད། །ཡིག་ལན་ཞིག་བྱས་ན་མི་དྲག་གམ། །དེ་མགུར་མའི་ཚུལ་གྱི་ཉམས་འཚར་ཡིན། །ཞེས་ཕྱག་བྲིས་སུ་གནང་། དེ་ཡང་གོང་དུ་ཁ་རེངས་དང་བཀའ་ཤོག་སྐྱེལ་བར། དྲུང་ནས་ཀྱི་ཚ་བོ་བསོད་ནམས་དཔལ་འབྱོར་ལེགས་པ་བླ་བཏགས་སེར་ཆུང་ཟེར་བ་ཞིག་བཏང་བ། སྐུ་རིམ་པ་རྣམས་ཀྱིས་ཨེ་ཟིན་བལྟས་འདུག་པས། ཡང་འདི་སྐད་གནང་ངོ་། །ཐུགས་དམ་པ་རྣམས་ཀྱི་སྙན་དུ་ཕུལ་བ་མདངས་ད་ནང་

― GLG008_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་སྤྲོ་བ་ནས། ངེད་ཀྱི་ཁ་རེངས་ཀྱི་ལན་ལ་སྤྱན་ཧུ་རེ་ཡོད་ལ་ཆེ། ཁ་སང་ཇ་འདེབས་བཟང་པོ་གཉིས་དྲངས་པ་དེ་བརྗེད་པ་མིན་ལ་ཆེ། ཁ་སང་སེར་ཆུང་མ་ཟིན་པ་སྙིང་ཚིམ། ད་ནང་སེར་ཆུང་བསྒུགས་པ་སྙིང་ན། །ཀྱེ་ཁ་རིངས་ཀྱི་གདབ་ལན་ཆེན་པོ་དེ། །སྟེང་དགའ་ལྡན་ལྷ་ཡུལ་དུ་དགའ་ཞིང་སོང་། །སྐྱིད་ཚོར་རོ་སེམས་བདེ་དེ་ལ་ཡང་། ད་ཁྱེད་རྣམས་ཐུགས་དམ་རྩེ་གཅིག་མཛོད། །ཅེས་གསུང་བ་གནང་ངོ་། །ཐུགས་དམ་ཕྱག་གཡོག་པ་དཔལ་ལྡན་བཟང་པོས་སྨོན་ལམ་ཞིག་ཞུས་པས། སྐྱབས་ཀྱི་མཆོག་གྱུར་ཡི་དམ་ལྷ་ཚོགས་དང་། །མཐུ་ལྡན་ཆོས་སྐྱོང་སྲུང་མ་ཐམས་ཅད་ལ། །མཆོད་གཏོར་ཕུལ་ཞིང་བཟླས་བརྗོད་ལྷུར་བླངས་པ། །དེ་ཡི་མཐུ་དང་ནུས་པ་ལ་བརྟེན་ནས། །བདག་གི་ཞབས་ཕྱིར་ཐུགས་དམ་བགྱིད་པ་རྣམས། །མཐར་ཐུག་བདེ་བ་ཅན་དུ་པདྨ་ལས། །སྐྱེས་ནས་ཐེག་མཆོག་ཆོས་ལ་ལེགས་སྤྱོད་ཅིང་། །འདྲེན་པ་འོད་དཔག་མེད་ཀྱིས་རྗེས་འཛིན་ཤོག །ཅེས་གནང་། དགའ་ལྡན་རྩེའི་སྐུ་སྐྱེ་གྲགས་པ་རྡོ་རྗེས། ཉིད་ཀྱི་བསྟོད་པ་ཞིག་ཞུས་པར། བསོད་ནམས་རླབས་ཆེན་བྱེ་བས་བསྐྲུན་པའི་སྐུ། །ལྷ་མཆོག་ཚངས་པའི་དབྱངས་ལྟར་སྙན་པའི་གསུང་། །བསླབ་གསུམ་ཡོན་ཏན་རྒྱ་མཚོས་གང་བའི་ཐུགས། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཞེས་པ་གནང་། དཀའ་བཅུ་པ་དགེ་འདུན་བཀྲ་ཤིས་ཀྱིས་ཞུས་པའི་ངོར། སྲིད་གསུམ་མ་ལུས་དབང་དུ་སྡུད་ཅིང་ཁམས་གསུམ་མ་ལུས་ཟིན་གྱིས་གནོན་བྱེད་ཁྲོ་བོའི་དབང་པོ་དྲག་པོའི་ཆས་ཀྱིས་བརྒྱན་པའི་སྐུ། །སྲིན་པོའི་གཟུགས་ཅན་འཇིགས་རུང་དམར་ནག་ཞལ་གཅིག་ཕྱག་གཉིས་གཡས་པས་གནམ་ལྕགས་རྡོ་རྗེ་རྩེ་དགུས་དགྲ་བགེགས་མ་ལུས་འཇོམས་པར་བྱེད།

― GLG008_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་གཡོན་ལྕགས་ཀྱི་སྡིག་པ་ནག་པོས་ལོག་འདྲེན་ཐམས་ཅད་ཧུབ་ལ་འདེབས་བྱེད་མགོ་དགུ་རྣོ་བའི་རྭ་ནི་བཅོ་བརྒྱད་དང་ལྡན་པ། །དབུ་སྐྲ་ཁམ་སེར་གྱེན་བརྫེས་སྤྱན་གསུམ་གདངས་མིག་ཀློག་ལྟར་འཁྱུག་ཅིང་ཞལ་ནས་མཆེ་གཙིགས་ཧཱུྃ་དང་ཕཊ་ཀྱི་སྒྲ་སྒྲོགས་ཁྱོད་ལ་བསྟོད། ཅེས་པ་དང་། ཡང་སྐབས་ཤིག །རི་དབང་ལྷུན་པོ་ལྟ་བུར་བརྗིད་པའི་སྐུ། །ཚངས་པའི་དབྱངས་ཀྱིས་འགྲན་ཟླ་མེད་པའི་གསུང་། །བསླབ་གསུམ་མཁྱེན་པའི་དཔལ་གྱིས་གང་བའི་ཐུགས། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཞེས་རྗེ་གོང་མ་ལ་བསྟོད་པ་དང་། གཞན་ཡང་རྒྱལ་བ་བཙོང་ཁ་པ་སོགས་མང་པོ་ཞིག་ལ་བསྟོད་པ་ཐུང་ཐུང་ཅི་རིགས་པ་མཛད་དོ། ། རིགས་དང་དཀྱིལ་འཁོར་ཐམས་ཅད་ཀྱི་ཁྱབ་བདག་རྡོ་རྗེ་སློབ་དཔོན་སའི་སྟེང་ན་འགྲན་ཟླ་དང་བྲལ་བ་རྗེ་དྲུང་བཀྲ་ཤིས་པས་ཆབ་མདོའི་གདན་ས་ཟུར་བཞུགས་མཛད། རྒྱལ་ཚབ་ཏུ་མཁས་གྲུབ་མི་གཡོ་སྙིང་པོ་བསྐོས་ནས་ཁོ་རང་གི་རྩ་བའི་བླ་མ་ཐམས་ཅད་མཁྱེན་པ་དགེ་འདུན་རྒྱ་མཚོའི་མཆོག་གི་སྤྲུལ་སྐུ་མཇལ་པ་དང་ཆོས་འཁོར་རྒྱལ་གྱི་རི་ཁྲོད་དུ་ཐུགས་དམ་ལ་གཞོལ་བར་བྱོན་ཏེ། ཐོག་མར་མེ་ཏོག་ཐང་དུ་སྒར་མཛད། མང་འགྱེད་འབུལ་བ་སོགས་ལོངས་སྤྱོད་ཀྱི་ཟ་མ་ཏོག་ཁ་ཕྱེ་སྟེ། ཐམས་ཅད་མཁྱེན་པའི་མཆོག་གི་སྤྲུལ་པའི་སྐུར་འབུལ་ཆེན། དྲུང་ནས་སོགས་སྐུ་འཁོར་བ་རྣམས་ལ་གནང་སྦྱིན། ཚོགས་སུ་མང་ཇ་འགྱེད་བཅས་རྣམ་གཞག་སོགས་གྱ་ནོམ་པ་མཛད། རྗེ་དྲུང་རིན་པོ་ཆེས་ཐོག་མར་ཞབས་དྲུང་དུ། ཚེ་དབང་། དཔལ་ལྡན་ལྷ་མོའི་རྗེས་གནང་སོགས་ཆོས་འབྲེལ་ཅི་རིགས་གསན། རྗེ་དྲུང་རིན་པོ་ཆེ་ལ་ཚེ་དཔག་མེད་ལྷ་མང་གི་དབང་དང་། གུ་རུ་ཞི་དྲག་གི་དབང་གསན། འགུར་དྲག་དམར་ཆུང་གི་ལྗགས་བསྙེན་ཞིག་

― GLG008_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པས། ལྷ་ཚོགས་རྣམས་ཞལ་གཟིགས་ཏེ། བསྟོད་པ་བྱིན་རླབས་ཀྱི་རྒྱུན་ཆགས་ཞེས་བྱ་བ་ཞིག་མཛད། རིམ་གྱིས་འོལ་ཁ་དང་། བདེ་ཆེན་སོགས་མཆོག་དམན་གྱི་སྐྱེ་བོ་རྣམས་ཀྱི་རེ་བ་སྐོང་བཞིན་པའི་ངང་ནས་འབྲས་སྤུངས་སུ་ཕེབས་རྗེ་དྲུང་རིན་ཆེན་པོ་ཆེ་དཔོན་སློབ་བླ་བྲང་དུ་ཕེབས་ཏེ། སྒྲུབ་ཁང་སྐྱེད་ཚལ་བདེ་ཆེན་གླིང་གི་མཁར་ལས་དང་བཅས་རྒྱལ་པ་རྣམས་ཆོས་དང་ཟང་ཟིང་གིས་སྐྱོང་བར་མཛད་དོ། །དེ་མཚུངས་གོས་སྐུའི་སྦྱིན་བདག་ཆེན་མོ་ཀླུ་སྐྱབས་ཏ་ཤིན་གྱིས་གཙོ་བྱས་འབུལ་དཔོན་ཚུལ་ཁྲིམས་རིན་ཅེན་ཡང་མཁོ་རྒུའི་འབྱོར་པ་ཇི་སྙེད་པ་དང་བཅས་ཏེ་སླེབ། དགུན་ཆོས་ལ་ཚོགས་ཆེན་དུ་ལམ་རིམ་གྱི་གསུང་ཆོས་གང་འགྲོ་ཞིག་གནང་། སྲིན་པོ་ཞེས་པ་ཤིང་ཡོས་ཀྱི་ལོ་གསར་དང་། སྨོན་ལམ་ཆེན་མོའི་ཐུགས་བྲེལ་རྣམས་གྲུབ་རྗེས། འབྲས་སྤུངས་སུ་འགྲོ་བའི་བླ་མ་ཤཱཀྱ་སེང་གེའི་གོས་སྐུ་ཁྱད་པར་ཅན་བཞེང་བའི་བཟོ་གྲྭ་བཙུགས། དབྱར་ཐོག་དེ་ལ་གེགས་མེད་པར་གྲུབ་སྟེ། དངོས་གཞི་རྒྱལ་དུ་བཞུགས་རྒྱུ་ཡིན་ཡང་། ཆོས་སྐྱོང་ཆེན་པོས་ཞུས་པ་ལྟར་འབྲས་སྤུངས་སུ་རྟེན་འབྲེལ་ཞིག་གནང་། བཀའ་ལས། ཧོར་ཟླ་དགུ་པའི་ཉེར་གསུམ་གྱི་ནུབ་ངའི་མདུན་དུ། མི་ནག་པོ་འཇིགས་ཞུམ་པ་ཞིག་འོངས་ཏེ་ངའི་གཟུགས་བྲིས་ཟེར། ཁྱོད་སུ་ཡིན་བྱས་པས། དེ་ན་རེ། ངའི་གཟུགས་ཤིག་བྲིས་མཛོད། དེ་ནས་མཁྱེན་པར་འགྱུར་ཞིང་། ཅི་བཞེད་པ་ཡང་ངས་བསྒྲུབ་བོ་ཟེར་ཞིང་མི་སྣང་བར་གྱུར་ཏོ། །དེ་ནས་ཟླ་བ་དཀར་བའི་ཚེས་གཅིག་གི་ཉིན། ལྷ་བྲིས་པ་ལ་བཀོད་པ་བྱས་ནས། དེའི་སྐུ་འབྲི་བའི་དབུ་བཙུགས་གཙོ་བོའི་སྐྱ་རིས་གྲུབ་སྟེ་མི་མངོན་པར་ལས་ནས་བཞག །དེའི་ནུབ་མོ་ཡེ་ཤེས་ཁྱུང་ནག་མེའི་འཁོར་ལོ་ཅན་ཡིན་ཟེར་བ་ཞིག་ལུས་གསལ་བར་

― GLG008_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་བྱུང་ནས། ངའི་སྐུ་བྲིས་པ་དེ་སྟོན་དང་ཟེར་བསྟན་པས་ལེགས་འདུག །ད་དུང་འདིའི་ལྟོ་བ་ན་གསེར་གྱི་འཁོར་ལོའི་དབུས་སུ་འཁོར་ལོ་ཆེན་པོ་དཔའ་བོ་གཅིག་པའི་སྐུ་འདྲ་ཞིག་འབྲི་རུ་ཆུག་ཟེར་ཞིང་གཞན་ཡང་བཀོད་པ་མང་དུ་བྱས་སོང་བས་དེ་བཞིན་བྲིས་པ་ཡིན་གསུངས། དེའི་སང་ཉིན་རས་བྲིས་དེའི་གཡས་ཀྱི་འོག་ཟུར་དུ། དཔལ་མགོན་ཞལ་བཞི་པ་རྣམ་འགྱུར་གསུམ་པའི་སྐུ་ཞིག་སྐྱ་རིས་བརྒྱབ་པས། དེའི་ནུབ་མོ་རྨི་ལམ་དུ་མོན་པ་མང་པོ་བྱུང་བ་རྣམས་ཀྱིས་ཕྱག་རྟེན་དུ་རས་རེ་ཕུལ་བྱུང་བ། རས་གཅིག་གིས་ཀྱང་ནང་འདི་ཐམས་ཅད་ཁེངས་འདུག་ངའི་མདུན་ན་མཚོ་ཆེན་པོ་ཞིག་རྦ་རླབས་འཁྲུག་ཅིང་འདུག་པའི་ནང་ནས་ཨ་ཙཪྻ་རས་གོས་གྱོན་པ་ཞིག་ལག་པ་གཡས་མི་སྙིང་དང་། གཡོན་རྒྱུ་མ་ཁྱེར་བ་ཞིག་བྱུང་བ་དེས་སྙིང་དེ་ཟ་ཞིང་མགོན་པོའི་སྐུ་དེ་ལ་བལྟས་ནས། ད་ལམ་རང་རྣམ་འགྱུར་བཞི་པའི་སྐུ་ཞིག་བྲིས་ན་དགའ་ཟེར་ནས་སྐྱ་རིས་ཀྱི་སྐུ་དེ་ལ་ཐིམ་སོང་བ་ཞིག་རྨིས། དེ་ནས་རྣམ་འགྱུར་གསུམ་པའི་སྐུ་དེ་ཁའི་དབུ་གཙུག་ཏུ་རྣམ་འགྱུར་བཞི་པའི་སྐུ་ཡང་འབྲིར་བཅུག་པ་ཡིན་གསུང་། རྣམ་འགྱུར་ཞེས་པའི་ཐ་སྙད་གཏེར་མ་དང་མཁས་གྲུབ་དཔལ་ལྡན་སེང་གེའི་ཉེ་བརྒྱུད་བཞིན་ལ་ཡོད་པ་ཡིན་ནམ་ས་ལུགས་ལ་ནི་མ་གྲགས་སོ། །རི་མོ་ཕལ་ཆེར་གྲུབ་ཏུ་ཉེ་བ་ན་མནལ་ལམ་དུ། ཀླུ་སྡིང་མ་འདི་ན་སྟེགས་བུ་དཔངས་ལ་གྱང་འཕར་གང་ཙམ་ཡོད་པ་དེའི་ཁ་ན་ཕར་ལ་ལུས་སྟོད་མི་ལ་སྨད་གཡག་ཏུ་ཡོད་པ་འུག་པའི་མགོ་ཅན། ལག་པ་གཡས་པ་གསུམ་ན་གྲི་གུག་སོ་གསུམ་པ་སོ་དབུས་མ་ལ་མི་རོ་བསྐྱོན་པའི་རྒྱབ་ཏུ་སོའི་རྩེ་མོ་འཐོན་པ། ལྕགས་ཀྱི་རྡོ་རྗེ་དང་། ལྕགས་ཀྱི་བུམ་པ་རྣམས་འཛིན་པ། གཡོན་གསུམ་མི་རྐང་གི་གླིང་བུ། ལྕགས་སྒྲོག །ལྕགས་ཀྱི་ལག་པ་སྡིགས་

― GLG008_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

མཛུབ་ཅན་འཛིན་པ། སྟོད་ལ་རིན་པོ་ཆེ་དང་། སྨད་ལ་རུས་རྒྱན་གྱིས་སྤྲས་པ་ཞིག་གིས། རྡོ་རྗེའི་ཕོ་ཉ་མོ་ཡིན་པས་ངའི་གཟུགས་བྲིས་ཟེར་བ་ལྟར་ཞལ་བཀོད་གནང་། རས་བྲིས་རྣམས་གྲུབ་པའི་ནུབ་ཅིག་མནལ་ལམ་དུ། མི་ནག་པོ་ཞིག་བྱུང་སྟེ། ལག་པ་གཡས་པའི་སོར་མོ་ལྔ་ལས་འོད་ཟེར་དཀར་པོ་ཞིག་བྱུང་སྟེ་སྐུ་ལ་ཐིམ་པས་དཀར་པོར་ཡོད། གཡོན་གྱི་སོར་མོ་ལྔ་ལས་འོད་ཟེར་དམར་པོ་བྱུང་སྟེ། ཁོ་རང་ལ་ཐིམ་པས་དམར་པོར་སོང་། དེ་ན་རེ། ཡི་དམ་ཆོས་སྐྱོང་གི་གསེར་ཐང་མང་པོ་བཞེངས་མཛོད། དེ་འདྲི་བའི་ལྷ་བཟོ་བ་ཡང་བདེ་བ་ཅན་དུ་སྐྱེ་ཞིང་། ཁྱོད་དང་ནམ་ཡང་མི་འབྲལ་བར་འགྱུར་ཞེས་ཟེར་བ་ཞིག་བྱུང་བས། རས་གཞི་བཞི་ཙམ་གྱིས་རས་འདུལ་བཀའ་གནང་བའི་སང་དེ་རྗེའི་ཞལ་ནས་མདང་ངའི་རྨི་ལམ་དུ་དགེ་སློང་ཞིག་བྱུང་ནས། ལྷ་ལམ་ཡངས་པའི་ཆུ་འཛིན་ལ། །བགྲང་ཡས་ཉི་འོད་ཀྱིས་མཛེས་པ། །བྲི་ཆའི་སྐྱོན་གྱིས་མ་གོས་པར། །ཡོངས་སུ་གྲུབ་ན་ལེགས་པ་ཡིན། །ཟེར་བ་ཞིག་བྱུང་བས། རྒྱ་ནག་གི་སྐད་དུ། གཞི་ལ་ཟི་ཟེར་བ་ཡིན་པས། རས་གཞི་གཅིག་བསྣན་ཏེ་ལྔ་གྱིས་ལ། ཐུབ་པ་བདུད་འདུལ། འཇིགས་བྱེད། ཁྱུང་ནག །ཞལ། ཆོས་རྒྱལ་རྣམས་བྲིས་གསུང་ཐང་ཁ་རྣམས་གྲུབ་ཏུ་ཉེ་བ་ན། གསོལ་ཇ་ཞིག་བཞེས་ཤིང་ཚིགས་སུ་བཅད་པ་མང་པོ་ཞིག་གསུང་གི་འདུག་པ་ལ། སྤྲུལ་སྐུ་བས་མ་ཟིན་པར་བསྐྱར་ལྡབ་ཅིག་ཞུས་པས། དག་པའི་ཞིང་མཆོག་བདེ་བ་ཅན་གྱི་ཞིང་། །འོད་དཔག་མེད་མགོན་མཛེས་པའི་འོད་ཟེར་ཅན། །ཁྱོད་ཀྱི་དྲུང་དུ་བདག་སོགས་འགྲོ་བ་ཀུན། །འདི་ནས་འཕོས་མ་ཐག་ཏུ་སྐྱེ་བར་ཤོག །ཅེས་པ་དེ་ཚིགས་བཅད་ཀྱི་རྗེས་མ་ཡིན་དེ་ཁས་ཆོག་གསུངས། ཐང་ཁ་རྣམས་གྲུབ་ཏུ་ཉེ་བ་ན་དགྱེས་པའི་ཐུགས་ཀྱི་ཞབས་བྲོ་

― GLG008_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པ་དང་མཉམ་དུ། གུ་རུ་དྲག་པོ་ང་ཡི་ཕ། །རྡོ་རྗེ་འཇིགས་བྱེད་ཕུ་པོ་ཡིན། །ཞལ་བཞི་པ་ནི་ཞང་པོ་སྟེ། །དཔལ་ལྡན་ལྷ་མོ་ཨ་ལྕེ་ཡིན། །རེ་མ་ཏི་ནི་བག་མ་སྟེ། །ཡེ་ཤེས་ཁྱུང་ནག་གཡོག་པོ་ཡིན། །བསྟན་མ་གཉིས་ནི་གཡོག་མོ་སྟེ། །ང་རང་གུ་རུ་པདྨ་ཡིན། །ཞེས་གསུངས། ཐང་ཁ་དེ་བཀའ་རྒྱ་དམ་པས་འབྲི་སར་ཐམས་ཅད་མ་འགྲོ་ཞེས་པའི་སྒོ་ཡིག་གནང་བ་ནི། ཉོན་ཅིག་དགོས་མེད་མི་རྣམས་ཉོན། །ཞལ་ཐང་འབྲི་སར་མ་ཡོང་ཞིག །གལ་ཏེ་ཡོངས་ན་ཆད་པས་ཆོད། །ཅེས་སོ། །ཡང་ནུབ་ཅིག་མནལ་ལམ་དུ། བྲག་རི་དམར་པོ་གཉིས་ཀྱིས་བར་ལ་ཕྱིན་པས་ཟངས་ཀྱི་བུམ་པ་ཁ་གཅོད་ཡོད་པ་ཞིག་འདུག་པའི་རྩར་སླེབ་པ་དང་མཉམ་དུ། ཆོས་རྗེ་ཡོན་མཆོག་པ་བྱུང་ནས་ཁ་གཅོད་འདི་ཨ་བསོལ་ཟེར་བར་བསོལ་བྱས་པས་ཁ་གཅོད་དེ་ཕྱེ་སོང་བས། བུམ་པའི་ནང་ནས་ཟངས་ཀྱི་ཁྲབ་གྱོན་པའི་མི་དམར་པོ་ཞིག་དོན་བྱུང་ནས་ང་ངོ་ཤེས་སམ་མ་ཤེས་ན་ཁྱེད་རང་གི་ཆོས་སྐྱོང་གནོད་སྦྱིན་ཆེན་པོ་ཡིན་ཟེར། དེའི་རྗེས་སུ་བུད་མེད་དྲེད་ཞོན་པ་ཞིག་བྱུང་སྟེ། གནས་འདི་ལམ་རུ་རྩེ་ཟེར་བ་ཡིན་ཞེས་ཕྱོགས་ཀུན་ཏུ་རྒྱུག་པ་ཞིག་བྱུང་། དེ་གཉིས་ཀས་ང་ལ་ཡང་བཀུར་སྟི་བྱས་སློབ་དཔོན་ཡོན་མཆོག་པ་ལ་ཡང་དགའ་བའི་རྣམ་འགྱུར་སྟོན་གྱི་འདུག་གསུངས། དེ་ནས་ཚེ་དཔག་མེད་ལྷ་གཅིག་བུམ་གཅིག་གི་ལྗགས་བསྙེན་ཞིག་མཛད་པས། ཚེ་དཔག་མེད་དངོས་སུ་བྱོན་ནས་དབུ་གཙུག་ཏུ་བདུད་རྩིའི་རྒྱུན་པ་བླུག་པ་ཞིག་བྱུང་། ཐེངས་གཅིག་དྲུང་ནས་ལ་ཚེ་དབང་བརྒྱ་རྩ་ཞིག་གནང་བས། སྤྱན་ལྟས་ལ་ནམ་མཁའི་ཁམས་སུ་སྤྲིན་གྱི་ཕུང་པོའི་དབུས་ནས། ལྷའི་བུ་བུ་མོ་བུམ་པ་ལྷུང་བཟེད་ཐོད་པ་བདུད་རྩིས་གང་བ་བཟུང་སྟེ། གསུང་རབ་པའི་མགོ་ལ་བདུད་རྩིི་བླུག་པ་དང་

― GLG008_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཟེར་དཀར་པོས་ལུས་གང་བ་སོགས་ཀྱི་ཉམས་སྣང་མཐའ་ཡས་པ་བརྗོད་ཀྱིས་མི་ལང་བ་བྱུང་གསུང་། ཡང་ཐེངས་གཅིག་བསྐང་གསོ་གྲོལ་ནས་བཞུགས་མེ་ལ་བཞུགས་པའི་སར། བཀའ་ལས་ངས་ནི་སྔགས་ཀྱི་བཟླས་པ་མང་པོ་སོང་། ཁྱེད་ཚོས་ཇི་ཙམ་སོང་ཤོད་ཅིག །ངས་ཡ་མ་རཱ་ཛ། ཤཱ་ས་ན། བྷྱོ་རཀ་མོ། ཀ་ལ་རཱུ་པ་རྣམས་དུང་ཕྱུར་རེ་སོང་། ཙ་མུཎྜི་ས་ཡ་གཅིག་སོང་། གཞན་ཡང་བཟླས་པ་མང་པོ་སོང་གསུངས་པ་ལ། གཟིམས་དཔོན་ཆོས་རྗེ་ཡང་དགོན་པས། ཉི་ཟླ་གཟའ་འཛིན་བྱུང་དུས་འགྱུར་ཁྱད་རྩི་བའི་དབང་དུ་མཛད་པ་ཡིན་ལ་ཆེ། གཞན་དེ་ཙམ་མི་འགྲོ་ཞུས་པས་བཀའ་ལས། ང་ལ་གདོང་པ་བཅུ་གཅིག་ཡོད་པས་བཟླ་ཐེང་རེ་ལ་སྟོང་ཕྲག་རེ་འགྲོ་བ་འདུག །ཉི་ཟླ་གཟའ་འཛིན་གྱི་འགྱུར་ལ་མ་ལྟོས། ཡིད་མ་ཆེས་ན་ལྷ་མོ་དཔང་དུ་བཞག་ནས་མནའ་སྐྱལ་ཆོག །གཞན་ཡང་ཤོད་རྒྱུ་མང་དུ་ཡོད་དེ་ཁྱེད་རྣམས་ཀྱི་བློར་མི་ཤོང་བ་འདུག་གསུངས། མངའ་རིས་ནས་མངའ་བདག་ལྷ་བཙན་པོ་ཀོང་མ་འཇིག་རྟེན་དབང་ཕྱུག་པད་དཀར་ལྡེ་དང་པཎ་ཆེན་ཤཱནྟི་པ་མཆོད་ཡོན་གྱིས། ཕྱོགས་དང་བསྟན་འགྲོའི་ཆེད་དུ་ཕེབས་དགོས་པའི་སྙན་འབུལ་དང་། དེ་གོང་དུ་སྐུ་ཚབ་ལྟ་བུར་རྣམ་ཐར་རས་བྲིས་མ་ཤིག་དགོས་ཚུལ་གྱི་ཞུ་ཐོ་འབུལ་སྐྱེལ་དང་བཅས་པར་གནས་བརྟན་དཀའ་བཅུ་མང་ཐོས་འབྱོར། དེ་ཡང་མངའ་རིས་རྒྱལ་པོ་དང་རྗེ་གོང་མ་གཉིས་མཆོད་ཡོན་ལུགས་ལེགས་མུས་ཀྱི་རྟེན་འབྲེལ་རང་འགྲིག་ཏུ་གྱུར་ཏེ། སོ་སོའི་ཞུ་ཡིག་འབུལ་སྐྱེལ་རྣམས་ཕུལ། གུ་གེ་བདག་པོས་སྤྲུལ་སྐུ་འཕྲང་ཁ་བ་ལ་ཡང་བཀའ་ཤོག་མཛད་ནས། དད་རྟེན་གྱི་རྣམ་ཐར་ཞིང་བཀོད་བསྐུར་དགོས་ཚུལ་ཡོད་འདུག་པ་ལྟར་བསླབ་སྟོན་

― GLG008_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། རྣམ་ཐར་ཐུན་མོང་བ་དེ་ཚོ་བྲིས་གསུང་པ་ལྟར། རྟེན་གཙོ་དང་སྐུ་བལྟམས་ཚུལ་སོགས་ཀྱི་སྐྱ་རིས་ཁ་ཡར་ཐུབ་པ་ན། སྤྱན་འབེབས་ལ་ཁྱེར་ཤོག་གནང་། ཞིབ་ཏུ་གཟིགས་ཏེ། གུ་གེ་བདག་པོ་ལྟ་བུའི་སྣོད་ལྡན་ལ་གསངས་ནས་གཞན་དུ་འཆད་པ་དཀའ་བས། ཞབས་དྲུང་གོང་མ་ཞི་བར་གཤེགས་པའི་ཚུལ་བསྟན་པ་ནས། བདུན་ཕྲག་གཉིས་ཀྱི་བར། དགའ་ལྡན། མཁའ་སྤྱོད། བདེ་བ་ཅན། རྔ་ཡབ་གླིང་སོགས་སུ་སྒྱུ་འཕྲུལ་གྱི་རོལ་གར་གསང་བ་བསམ་གྱིས་མི་ཁྱབ་པའི་རྣམ་ཐར་རྣམས་སྟོད་ཆ་ལ་བྲིས་གསུང་བ་ལྟར་དང་། རྒྱལ་དུ་ཐེགས་པའི་བཀོད་པ་འདྲི་བའི་ཚེ། དེའི་གནས་བཀོད། དཔལ་ལྡན་ལྷ་མོའི་བླ་མཚོ་ཐུན་མོང་གི་སྣང་ཚོད་ལྟར་བྲིས་པའི་ཚེ། བཀའ་ལས་མགོན་པོ་ཞལ་གྱི་བླ་མཚོའི་དབུས་སུ་ཆོས་འབྱུང་གྲུ་གསུམ་ནག་པོ་ཡོད་པའི་ནང་དུ། བྲམ་ཟེ་མི་རྐང་གི་གླིང་བུ་འབུད་པ། ཆོས་འབྱུང་གི་ཕྱི་རོལ་རྦ་ཀློང་འཁྲུག་པའི་ནང་དུ་བུད་མེད་ནག་མོ་གྲི་ཐོད་ཐོགས་ཏེ་གར་བྱེད་པའི་ཚུལ་དང་། ཁྱུང་ནག་གི་མཚོ་མྱུར་དུ་མཚོ་ཞལ་འབྱེད་པ་ཡིན་པས་དེ་ཡང་བྲིས་གསུངས། དེའི་དབྱིབས་ཚུལ་ཇི་ལྟར་ལགས་ཞུས་པར། མཚོ་ཁ་དོག་ནག་པོ་རྦ་ཀློང་འཁྲུག་པ། དབུས་སུ་ཁྱུང་ནག་དང་གཡས་སུ་གནམ་ལྕགས་ཀྱི་རྡོ་རྗེ་རྩ་དགུ་པ་རྭ་ཤིན་ཏུ་གདེངས་པ། གཡོན་ཏུ་རྡོ་རྗེ་ཕོ་ཉ་མོ། གཞན་ཡང་རྦ་ཀློང་གི་གསེབ་ནས་གཟུགས་མེད་པའི་ལག་པ་གདེངས་པ་དང་། མེ་འབར་ཞིང་གློག་འཁྱུག་པ་འཇིགས་སུ་རུང་བའི་ཚུལ་ཡོད་པ་དེ་ལྟར་བྲིས་ཞིག་གསུངས། བཀའ་ལས། ནུབ་གཅིག་ངའི་རྨི་ལམ་དུ། གནས་ཁང་མུན་པ་ནག་པོ་ཡོད་པའི་ནང་ན་འདུག་ཅིང་། དེའི་ལོགས་གཅིག་ལ་དཀར་ཁུང་སྣག་བུམ་གྱི་ཁ་རྒྱ་ཙམ་ཞིག་འདུག །གསུང་རབ་པ་ལ་ངས་འདི་སུས་བདག་བྱེད་

― GLG008_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིན་དྲིས་པས། དང་པོ་སྐྱོར་མོ་ཀླུང་པའི་ཡིན། ད་ལྟ་དགའ་ལྡན་པས་བདག་བྱེད་ཟེར་རྩ་ན། དགའ་ལྡན་པའི་སྡེ་པ་བགྲེས་པ་ཡང་དེ་ན་འདུག་པ་ན་རེ། ངེད་སུས་ཀྱང་འདི་ལ་མ་ཐར། ཞལ་སྔ་ནས་ཀྱིས་ཨེ་ཐར་ལགས་ཟེར། ངས་ཨེ་ཐར་བལྟས་པས་དཀའ་སེ་བ་ལ་ཐར་བྱུང་སྟེ། དགའ་ལྡན་ཡིན་ཟེར་བའི་སྟེང་གི་ཁང་པ་ཆེན་པོ་བཟང་པོ་ཞིག་ཏུ་ཕྱིན་པས། དེ་ན་འཕགས་པ་འཇམ་པའི་དབྱངས་སྐུ་མདོག་དམར་སེར་ཞལ་གཅིག་ཕྱག་གཉིས་པ། ཕྱག་གཡས་རལ་གྲི་འཕྱར་པ་ལས་འོད་ཟེར་རྒྱང་ངེར་འཕྲོ་བ་ཞིག་བཞུགས་འདུག །མར་བལྟས་ཙ་ན་འཛམ་བུ་གླིང་ཡིན་ཟེར་བའི་ཀོ་བ་ཙམ་ཞིག་འདུག །གླར་བུག་པ་དེ་ནས་ཕྱིར་འཐོན་ཏེ། རྡོ་སྐས་རིང་པོ་ཞིག་ལས་བབས་ནས། རྡོ་སྐད་དེའི་རྩ་བར་སླེབས་པ་དང་། ཕྱིར་བལྟས་རྩ་ན། གསུང་རབ་པ་ཡང་ཁང་སྟེང་དེ་ན་འདུག་པ་ལ་། ངས་གཡབ་ཡུག་བྱས་པས། གསུང་རབ་པ་བུག་པ་དེ་མ་ལྟོས་པར་འཕུར་ནས་བྱུང་། དེ་ནས་ངེད་གཉིས་ཀྱིས་གཙུག་ལག་ཁང་ཆེན་པོ་ཞིག་ཏུ་སླེབས་པ་དང་། དེར་ཚ་བ་དབུ་མཛད་དང་། དབྱངས་དཔོན་རིན་ཆེན་རྒྱལ་མཚན་དང་། ཀོང་པོ་དབུ་མཛད་དང་། ཐོན་པ་དབུ་མཛད་སོགས་ལངས་ནས་མཆོད་དབྱངས་ཀྱི་གྱེར་མོ་བྱེད་ཅིང་འདུག་པ་དེ་རྣམས་ཆོས་སྐྱོང་སྲུང་མའི་ཆོ་འཕྲུལ་དུ་སྣང་། དེ་ནས་ཉི་འོད་འཁྱིལ་པར་འོངས་པས། ཁྲིའི་འགྲམ་གཡས་གཡོན་ན། ཆོས་རྗེ་ཡང་དགོན་པ་དང་། དགེ་བཤེས་ལེགས་བཤད་པ་འདུག་པ་ལ། ངས་ཁྱེད་ཅག་སྒུག་ཡུན་རིང་པོ་མ་བྱུང་ངམ་བྱས་པས་མ་བྱུང་ཟེར་ཞིང་། ད་སྐུ་བསིལ་ཡོང་ན་བཟའ་བཞེས་པ་ཞུ་ཟེར་བ་ཞིག་རྨིས། དེ་གཉིས་སྲིན་ཡུལ་ནས་ང་དང་མཉམ་དུ་འདས་པའི་ཆོས་སྐྱོང་ཆེན་

― GLG008_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་ཆོ་འཕྲུལ་དུ་འདུག །དེའི་སང་བསམ་གྲུབ་ཟེར་བ་ཞིག་གིས་སྟོན་པའི་སྐུ་གཅིག་དང་། ཛམ་བྷ་ལའི་སྐུ་གཅིག་ཕུལ་བྱུང་། ཛམ་བྷ་ལའི་སྐུ་དེ་ནང་སོ་འབུལ་དཔོན་པ་ལ་བྱིན། སྟོན་པའི་སྐུ་དེ་ད་ལྟ་ཡང་བཞུགས་ཡོད། ངའི་རྨི་ལམ་དེ་ལྷ་སའི་སྨོན་ལམ་ཆེན་མོ་འདི་ལ་ལྟ་བ་ཡིན་པར་འདུག །སྨོན་ལམ་དཀའ་ལས་ཆེ་སེ་བའི་ངང་ནས་རྒྱུན་མ་ཆད་ཙམ་ཞིག་འོང་བ་འདྲ། རྨི་ལམ་ཡིན་ཡང་འདིའི་བཀོད་པ་ཞིག་བྲིས་གསུང་བ་ལྟར་བྲིས། དེ་ལྟར་རི་མོ་གྲུབ་ནས་རབ་ཏུ་གནས་ཤིང་བྱིན་གྱིས་བརླབས་པ་དེ། མངའ་རིས་རྒྱལ་པོས་དད་རྟེན་དུ་སྤྱན་དྲངས་སོ། །འདི་སྐུ་ཚེ་འདིའི་རྣམ་ཐར་ཞིང་བཀོད་ཞལ་བཀོད་གནང་བའི་ཐོག་མ་ཡིན་ནོ། །ཧོར་ཟླ་བཅུ་པའི་ནང་དུ་གསང་ཆེན་ཆོས་ཀྱི་རྒྱ་མཚོའི་བཀའ་བབ་ཚུལ་ནི། འཕགས་སྡེ་ལོ་ཙཱ་བ་སྔགས་རམ་པ་དགེ་འདུན་བཀྲ་ཤིས་ཞེས་སྨིན་བྱེད་ཀྱི་དབང་། གྲོལ་བྱེད་ཀྱི་ཁྲིད་རྒྱབ་རྟེན་གྱི་ལུང་། རྒྱུད་སྡེའི་བཤད་བཀའ། རྗེས་གནང་བཀའ་གཏད་བསྙན་སྒྲུབ་ལས་སྦྱོར་སོགས་འཕྲིན་ལས་རྣམ་བཞིའི་ཕྱག་བཞེས། གར་ཐིག་དབྱངས་གསུམ། དཀྱིལ་འཁོར་འདྲི་བ། གཏོར་བཟོ་སོགས། མདོར་ན་རྡོ་རྗེ་དང་དྲིལ་བུ་འཛིན་ལུགས་ཚུན་ཆད་ཀྱི་ཕྱག་ལེན་ཕྲ་རགས་མཐའ་དག་ལ་སྒྲོ་འདོགས་ཆོད་ཅིང་ལས་རབ་འབྱམས་སྒྲུབ་པ་དང་། དཀྱིལ་འཁོར་གྱི་བྱ་བ་ལ་འཇུག་པ་ལ་མེད་དུ་མི་རུང་བའི་ལས་རང་གི་བསྙེན་པ་ཁ་སྐོང་དང་བཅས་པ་ཚད་དུ་ཐོན་ཤིང་། བསྐྱེད་རིམ་ཕྲ་རགས་དང་རྫོགས་པའི་རིམ་མཆོག་གི་ཏིང་ངེ་འཛིན་ཟབ་མོའི་རྟོགས་པ་ཀློང་དུ་གྱུར་པའི་མཚན་ཉིད་དང་ལྡན་པའི་རྡོ་རྗེའི་སློབ་དཔོན་ཆེན་པོ་འདི་ཉིད་ནི་རྒྱུད་ཐམས་ཅད་ཀྱི་བཀའ་བསྡུ་བ་པོ་དཔལ་གསང་བའི་བདག་པོ་ཕྱག་ན་རྡོ་རྗེ་བསམ་བཞིན་དུ་གསུམ་ལྡན་རྡོ་རྗེ་འཛིན་པ་ངུར་སྨྲིག་གི་གར་གྱིས་རོལ་

― GLG008_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཟོལ་ལ་བརྟེན་ནས། འཇིག་རྟེན་དབང་ཕྱུག་ཕྱག་ན་པད་མ་གངས་ཅན་པ་རྣམས་ཀྱི་མགོན་དུ་མཆོག་གི་སྤྲུལ་སྐུའི་རྣམ་པར་བསྟན་པའི་ཡོངས་འཛིན་དུ་བྱོན་པ་ཞིག་སྟེ། རྟོག་གེ་པ་དང་སྒོམ་ཆེན་པ་རྒན་པོ་སྔགས་ཀྱི་ཚུལ་ལ་རྣམ་པར་མི་མཁས་བཞིན་དུ། མགྲིན་བཟང་གཟིག་ལྤགས་གྱོན་པའི་ངང་ཚུལ་ལྟར། རྡོ་རྗེ་སློབ་དཔོན་གྱི་གཟུགས་བརྙན་ལ་བརྟེན་ནས་གདུལ་བྱ་མང་པོ་སླུ་བར་བྱེད་པའི་སྤྱོད་ཚུལ་ཅན་རྣམས་དང་ཡེ་འདྲ་བ་མ་ཡིན་ནོ། །དེ་ལྟ་བུའི་དཔལ་ལྡན་བླ་མ་དེ་ནི་ཆོས་འཁོར་རྒྱལ་གྱི་གཟིམས་ཁང་གོང་སྐྱེད་ཚལ་བདེ་ཆེན་གླིང་ནས་སྤྱན་དྲངས་ཏེ་དཔལ་ལྡན་འབྲས་སྤུངས་སུ་ཕེབས། གཟིམས་ཆུང་ཉི་འོད་འཁྱིལ་པར་བཀའ་ཆོས་འབུལ་མཛད་ནས། ཐོག་མར་སྤྱན་རས་གཟིགས་དོན་ཞགས། བཅུ་གཅིག་ཞལ། ཚེ་དཔག་མེད་ལྷ་དགུ་གསུམ་གྱི་དབང་རིམ་གྱིས་ཕུལ་བས། སང་ཉིན་བཀའ་ལས། མདང་རྨི་ལམ་ནམ་མཁའ་གཡའ་དག་པའི་དབྱིངས་ནས། འཇའ་འོད་དཀར་པོ་ཞིག་ཤར་འདུག་པའི་སྟེང་ན། ཟླ་བའི་དཀྱིལ་འཁོར་གྱི་དབུས་སུ་བུམ་པ་ཐོགས་པའི་མི་དམར་པོ་ཆེ་བ་གཅིག་ལ་བསྐོར་བའི་མི་དམར་པོ་ཆུང་བ་བརྒྱད་ཀྱང་བུམ་པ་འཛིན་པ་རྒྱན་ཆ་ལུགས་འདྲ་བ་ཞིག་བྱུང་། ཁ་སང་ཚེ་དཔག་མེད་ལྷ་དགུའི་དབང་ཞུས་པར་བཟང་བའི་ལྟས་ཡིན་པ་འདྲ་གསུང་། དེའི་ཚེ་རྗེ་དྲུང་རིན་པོ་ཆེའི་ཕྱག་ན་བཞུགས་པའི་ནང་རྟེན་རྣམས་མཇལ་བ་མཛད་མཚན་ལྡན་དབུ་ཐོད་དེ་གཟིམས་ཆུང་ལྕོག་ཏུ་སྤྱན་དྲངས། དབུ་སྔས་མགོར་བཞུགས་སུ་གསོལ་ནས་མཆོད་པ་དང་སྨོན་ལམ་གནང་བའི་ཚེ། བཀའ་ལས་ད་ནང་ཐོ་རེངས་རྨི་ལམ་དུ་ཁང་པ་བརྩེགས་པ་ཆེན་པོ་ཞིག་གི་སྒོ་ཁང་ན་ཡར་ཕྱིན་རྩ་ན། ཁྱམས་ན་ཐབ་

― GLG008_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་ཁང་པ་ཙམ་ཞིག་གི་སྟེང་ན། སྣོད་ཆེན་པོ་ཞིག་བཙུགས་ནས་ཇ་འདྲ་བ་ཞིག་སྐོལ་ཞིང་འདུག་པས། ཅི་བྱེད་དྲིས་པས་སེམས་ཅན་ཐམས་ཅད་ལ་སྟེར་བ་ཡིན་ཟེར། དེ་ནས་མར་ཕྱིན་པས་གནམ་སྒོ་ཞིག་གི་ནང་ན་སྐས་གཅིག་འདུག་ཅིང་། དེ་ལ་འཛེགས་ནས་ཏག་ཏག་བྱས་པས། བུད་མེད་གཞོན་ནུ་མ་ཞིག་གིས་བལྟས་བྱུང་། དེ་ན་སུ་ཡོད་བྱས་པས་རྡོ་རྗེ་ཕག་མོ་ཡོད་ཟེར། བལྟས་པས་རྗེ་དྲུང་གང་བཞུགས་འདུག་ཅིང་། གསུང་རབ་པ་ཡང་དེ་ན་ཡོད་དམ་སྙམ་པ་འདུག །ངས་ཡོངས་ཨེ་ཆོག་བྱས་པས་ད་ལྟ་མ་རན་ཟེར་གནམ་སྒོ་བཅད་སོང་བ་ཞིག་བྱུང་གསུང་། སྒོ་སྲུང་དེ་ནི་རང་ཅག་ཁ་བ་ཅན་པ་རྣམས་ལ་ཐུགས་བརྩེ་བ་ཞིག་ཡིན་འདུག་ཅེས་སྤྲུལ་སྐུ་འཕྲང་ཁ་བ་གསུང་། དེ་ནས་རིམ་གྱིས། རྡོ་རྗེ་འཕྲེང་བའི་དབང་ལ་བརྒྱུད་ཚུལ་སྔོན་ཆད་མང་དུ་བྱུང་ཡང་། ཀྲྀ་ཡ་ས་མུཙྪ་དང་། གཅིག་ཏུ་བསྲེས་པའི་དཀྱིལ་འཁོར་ཞེ་ལྔ་མ་ས་བཟང་འཕགས་པ་ནས་དབང་གི་ཆུ་བོ་གཅིག་ཏུ་འདྲེས་པ་འདི་ཉིད། ཆོས་རྗེ་རྡོ་རྗེ་འཆང་ཨེ་ཝཾ་པ་ཡབ་སྲས་མ་གཏོགས། འཕྲེང་བ་མཁན་པོར་གྲགས་པ་ཕལ་ཆེར་གྱི་སྤྱོད་ཡུལ་དུ་མ་གྱུར་ཀྱང་དམ་པ་འདི་ཉིད་ལ་མངའ་བས་རྫོགས་པར་ཕུལ། གཞན་ཡང་ཟུར་བཀའི་དབང་། འདུས་པ་འཕགས་ལུགས་དང་ཡེ་ཤེས་ཞབས་ལུགས་གཉིས། བདེ་མཆོག་ལོ་ཧི་བ། དྲིལ་བུ་ཕྱི་དཀྱིལ་དང་ལུས་དཀྱིལ། སམྦུ་ཊ། ཀྱཻ་རྡོར་མན་ངག་ལུགས་དང་རྔོག་ལུགས།བདག་མེད་ལྷ་མོ་བཅོ་ལྔ། གུར་རིགས་བསྡུས། དྲག་པོ་གངས་ཅན། རྭ་ལུགས་ཀྱི་འཇིགས་བྱེད། དགྲ་ནག །གཉེས་ལུགས་ཀྱི་རོ་ལངས་བརྒྱད་བསྐོར་དང་དགྲ་ནག །ཞང་ལུགས་ཀྱི་ཞེ་དགུ་མ། དཔལ་འཛིན་ལུགས་ཀྱི་གཤེད་དམར་བཅུ་གསུམ་མ། རྣལ་

― GLG008_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་དབང་ཕྱུག་ལུགས་ཀྱི་གཤེད་དམར་ལྷ་ལྔ་། འཁོར་ཆེན། གཏུམ་པོ་ཁྱུང་ཉི་ཤུ་རྩ་གཅིག་ཁྲོ་བོ་བཞི་དང་བཅས་པའི་ཉེར་ལྔ་མ། ཀུན་རིག །མི་འཁྲུགས་པ། གདུགས་དཀར། གྲྭ་ལྔ། མི་ཏྲི་ལུགས་ཀྱི་སྤྱན་རས་གཟིགས་དུས་འཁོར་རྣམས་ཀྱི་དབང་། ཕྱག་རྡོར་ཁྱུང་ལྔ། ཨུ་ཙཪྻ་འགྲོ་བཟང་ལུགས། རྣམ་འཇོམས། ཚེ་དཔག་མེད་གྲུབ་རྒྱལ། ནོར་རྒྱུན་མ། འོད་ཟེར་ཅན་མ། ཛམ་བྷ་ལ། ལོ་མ་གྱོན་པ་རྣམས་ཀྱི་རྗེས་གནང་། ས་ར་ཧའི་ལུགས་ཀྱི་མགོན་པོ་ཞལ་གསུམ་ཕྱག་དྲུག་པའི་དབང་བཞི། དགའ་ལྡན་པ་ལ་གྲགས་པའི་མགོན་པོ་བཅུ་གསུམ་གྱི་རྗེས་གནང་། ལྷ་མོ་ཕྱག་བཞི་མ་གནོད་སྦྱིན་དང་བཅས་པའི་རྗེས་གནང་། སྙིང་ཞུགས་ཐུན་མོང་མ་ཡིན་པའི་རྗེས་གནང་། ཕྱག་བཞི་པ་རས་བྲིས་དང་ལུས་དཀྱིལ་ལ་རྟེན་པའི་དབང་། གུར་ཞལ་ལེགས་ལྡན་མཆེད་གསུམ། བདེ་མཆོག་དང་འཇིགས་བྱེད་ཀྱི་སྔགས་བཏུ། དབྱངས་གསལ་ཡེ་དྷརྨཱ། ཡིག་བརྒྱ་པ་རྣམས་ཀྱི་རྗེས་གནང་། མགོན་པོ་བཞི་སྦྲགས་དང་དུས་མཚན་མའི་དབང་། སེང་གདོང་རིགས་ལྔའི་དབང་དང་དེའི་སྒྲུབ་ཐབས་ལས་ཚོགས་དང་བཅས་པ། འཇམ་དབྱངས་ཆོས་སྐོར་གྱི་དབང་རྗེས་གནང་ལུང་དང་བཅས་པ། གདུགས་དཀར་གྱི་དབང་། རྣམ་སྲས་གསང་སྒྲུབ་ལྗང་གུ་ཀླུ་ཆེན་བརྒྱད་ཀྱིས་བསྐོར་བ། སེར་ཆེན། དཀར་པོ། བདུད་མོ་བཞི་སྐོར། གཤིན་རྗེ་ལྟར་སྒྲུབ་པ། རྐང་ཐང་མ་རྣམས་ཀྱི་རྗེས་གནང་། མི་ཏྲ་ཁྲིད་དྲུག་གི་རྗེས་གནང་། ཡེ་ཤེས་མགོན་པོ་ཕྱག་དྲུག་པའི་བེའུ་བུམ་དཀར་ནག །གཏོར་ཆེན་འཁོར་ལོ་སོགས་ཀྱི་ཕྱག་ལེན་ཞལ་བཞེས་དང་བཅས་པ། རྭ་པོད། གཤིན་རྗེའི་འཁྲུལ་འཁོར། དྲུག་ཅུ་པ་སོགས་ཀྱི་ཕྱག་ལེན་མན་ངག་སོགས། མདོར་

― GLG008_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

ན་དབང་ཁྲིད་ལུང་གི་རིམ་པ་མཐའ་ཡས་པ་བུམ་པ་གང་བྱོའི་ཚུལ་དུ་གསན་པར་མཛད་ཅིང་། དབང་རྗེས་གནང་གི་ཆས་རྣམས་མ་བསྡུས་གོང་དུ། འབྲས་སྤུངས་ཀྱི་སློབ་དཔོན་བཀའ་རབ་འབྱམས་སོགས་ཆོས་དོན་གཉེར་མང་པོ་དང་། དགེ་ལྡན་རྩེའི་སྤྲུལ་སྐུ་གྲགས་པ་རྡོ་རྗེ། རྗེ་ལྷ་དབང་དཔལ་འབྱོར་བའི་སྤྲུལ་སྐུ་རིན་པོ་ཆེ་དང་། དྲུང་གནས་རིན་པོ་ཆེ་སོགས་ནང་འཁོར་བ་རྣམས་ལ་ཡང་ཆོས་ཀྱིས་ཚིམ་པར་མཛད་དོ། །དེ་ཡང་སྤྱན་རས་གཟིགས་གསང་སྒྲུབ་བཅུ་གསུམ་མའི་རྡུལ་ཚོན་གྱི་དཀྱིལ་འཁོར་དུ་དབང་ཕུལ་ཟིན་ནས་དཀྱིལ་འཁོར་མ་བསྡུས་པའི་གོང་དེར། དགུ་གཏོར་དང་འགྲིག་པའི་ཆོས་སྐྱོང་ཆེན་པོ་དཀྱིལ་འཁོར་གྱི་དྲུང་དུ་བྱོན་ཏེ། འདི་སྐད་ཅེས་གསུངས། སྤྱིར་སངས་རྒྱས་སྟོང་གི་ཐུགས་ཀྱི་ཟེའུ་འབྲུ་དེ་པདྨ་འབྱུང་གནས། པདྨ་འབྱུང་གནས་ཀྱི་བཀའ་སྡོད་དེ་ང་ཡིན། ངས་པདྨ་འབྱུང་གནས་ཀྱི་བཀའ་ལས་རྟ་རྔ་དུམ་བུ་སྟོང་དུ་གཤགས་པའི་ཆ་ཙམ་ཡང་འདའ་མ་མྱོང་། པདྨ་འབྱུང་གནས་ཀྱིས་ངའི་ལས་སྐལ་དུ་སངས་རྒྱས་ཀྱི་བསྟན་པ་བསྲུང་བ་དང་། ཟས་སྐལ་དུ་དགྲ་བོའི་ཤ་ཁྲག་སྲོག་དབུགས་རྣམས་ཕོག་པ་ཡིན་པས། ང་ནི་གཙུག་ལག་ཁང་བྲེ་ཞབས་ཡན་ཆོད། དཀོན་ཅོག་གི་རྟེན་མཆོད་སཱ་ཙྪ་ཡུང་འབྲུ་ཙམ་དང་། དམ་པའི་ཆོས་ཡིག་འབྲུ་གཅིག་ཡན་ཆོད་ཀྱི་དྲུང་ན་པེ་དཀར་རྒྱལ་པོ་རེ་རེ་ཡོད་། རྟེན་དེ་དག་ལ་གནོད་པའི་དགྲ་བགེགས་ཀྱི་ཤ་ཟ་ཁྲག་འཐུང་། དགྲ་བོའི་སྲོག་དབུགས་ཆུ་བོ་གངྒཱའི་རྒྱུན་ཙམ་ཞིག་ངའི་ཁ་ན་རྒྱུན་མི་འཆད་པར་འགྲོ་ཡང་། སྙིང་རྗེ་ཆེན་པོ་དང་སྐད་ཅིག་ཀྱང་འབྲལ་མ་མྱོང་། དེ་གཉིས་ཨེ་འགལ། ང་ནི་མི་འགལ་བ་ཞིག་ཡིན། ཡང་གལ་ཏེ་རྒྱུས་ས་བོན་རྩུབ་མོས་བསྐྱེད་པའི་འབྲས་བུ་འཇིག་རྟེན་རང་རྒྱུད་

― GLG008_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དྲེགས་པ་སྡེ་བརྒྱད་དུ་གཏོགས་པ་ཞིག་ཡིན་པའི་ཚེ་ནའང་། དེ་རྟག་ཏུ་དེ་གའི་ངང་དུ་སྡོད་པ་མ་ཡིན་ཏེ། དཔེར་ན་རུ་ཏྲ་ཐར་པ་ནག་པོའི་གཏམ་རྒྱུད་ལ་ཅི་འདྲ་ཞིག་འདུག །ཁྱད་པར་དུ་དེང་སང་སྙིགས་མའི་དུས་སུ་ཡོད། སེམས་ཅན་དམུ་རྒོད་གདུལ་དཀའ། བན་དྷེས་ཚུལ་ཁྲིམས་མི་ཐུབ། སྔགས་པས་དམ་ཚིག་མི་ཐུབ། རྒྱལ་པོས་རྒྱལ་ཁྲིམས་འཆོལ་བར་བཏང་། དེའི་འབྲས་བུ་འཐབ་རྩོད། འཁྲུག་ལོང་། མི་ནད་། ཕྱུགས་ནད། ལོ་ཉེས། མུ་གེ་སོགས་ཀྱིས་བདེ་བའི་སྐབས་མེད་པ་འདི་ཡིན། དེ་འདྲའི་དུས་འདིར། གདུལ་བྱ་སེམས་ཅན་གྱི་དོན་བྱེད་པ་ལ། པདྨ་འབྱུང་གནས་ཀྱིས་བཀའ་བསྒོས་ནས། གདུལ་བྱ་ཆོས་དང་ཞི་བས་འདུལ་བ་ལ། སྤྲུལ་སྐུ་མཐོང་བ་དོན་ལྡན་བྱོན། དེའི་འཕྲིན་ལས་བསྒྲུབ་པ་དང་། གདུལ་བྱ་དམུ་རྒོད་དྲག་པོས་འདུལ་བ་དེ་ང་ལ་བབས་པ་ཡིན། སྔར་ཡང་དགྲ་བོ་ཡན་པར་གཏོང་མ་མྱོང་། ད་དུང་མི་གཏོང་ངོ་། ཁྱད་པར་བཅོམ་ལྡན་འདས་ཀྱིས་རྒྱུད་སྡེ་ལས་ཇི་ལྟར་གསུངས་པའི་དབང་གི་གྲངས་དང་། གོ་རིམ་ཆོ་ག་ལག་ལེན་རྣམ་པར་དག་པ་འདི་ལྟ་བུ་མཐོང་ཙ་ན། ང་ཡན་ཆད་ཀྱི་དཔའ་བོ་མཁའ་འགྲོ་ཆོས་སྐྱོང་སྲུང་མ་ཡེ་ཤེས་པ་རྣམས་ཀྱང་། ཡུལ་དང་། གནས་དང་། དུར་ཁྲོད་སོགས་གང་ན་བཞུགས་ཀྱང་། སོ་སོའི་ཞིང་ཁམས་ནས་དགྱེས་པའི་གར་སྟབས་ལིང་ངེ་སྔོན་གྱི་དམ་ཚིག་རྗེས་སུ་སྐྱོང་བའི་ཕྱིར་འབྱོན་དགོས་ཤིང་། ང་མན་ཆད་ཀྱི་ལྷ་སྲུང་ཡུལ་ལྷ་གཞི་བདག་འཇིག་རྟེན་པ་རྣམས་ཀྱང་རང་རང་གི་དམ་ཚིག་དྲན་ནས་འོང་དགོས་པ་ཡིན་ལ། དེ་རིང་ང་ཡང་ལེགས་སོ་འབུལ་བར་དགའ་བཞིན་དུ་འོངས་པ་ཡིན། ལ་ལ་ཞིག་གིས་མི་ཤེས་པའི་ཤེས་རྫུ། མ་གོ་བའི་གོ་རྫུ། མ་

― GLG008_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས་པའི་རྟོགས་རྫུ་བྱེད་ཅིང་། དེའི་ཚབ་འདིས་འོང་། དེའི་དོད་འདིས་གྱིས་ཟེར་ཞིང་། ཟག་དང་ལས་སླ་དང་། གཡོ་སྒྱུ་འབའ་ཞིག་གིས་བླུན་པོ་དད་པ་ཅན་གྱི་ཁྲོད་དུ། གྲུབ་པ་ཐོབ་པའི་ཁྱད་པར་ཅན་ཞིག་ཡིན་པ་སྐད་བྱས་ཤིང་། མི་མགོ་བསྐོར་ནས་ཚེ་འཕྱིད་པ་དག་མཐོང་ཙ་ན། དཔེ་དཀར་རྒྱལ་པོ་ཡང་ཤིན་ཏུ་སྐྱོ་བར་འོང་གི་འདུག་ཀྱང་། འདི་ལྟར་རྒྱུད་སྡེ་རིན་པོ་ཆེ་རྣམས་ལས་གསུངས་པའི་དབང་གི་ཆུ་བོ། ནོར་འཁྲུལ་གྱི་རྙོག་པ་མེད་ཅིང་། ཕྱག་ལེན་རྣམ་པར་དག་པའི་རླབས་འཕྲེང་འཁྲིགས་པ། གང་གིས་མྱོང་བ་དེ་དག་མྱུར་དུ་འཆི་བདག་གི་བདུད་ལས་རྒྱལ་ནས། ཡེ་ཤེས་ཆེན་པོའི་བདུད་རྩིས་ཁྱབ་པར་འགྱུར་བ་འདི་ལྟ་བུ་དག་མཐོང་ཙ་ན། དཔེ་དཀར་རྒྱལ་པོ་ཡང་མཆོག་ཏུ་དགའོ། །ཤིན་ཏུ་ལེགས་སོ། །ད་དུང་འཕྲོ་མུས་རྣམས་ནན་ཏར་ལེགས་པོར་ཡོངས་སུ་རྫོགས་པར་མཛོད་ཅིག་དང་ཡང་གཏོར་རྒྱབ་ལ་འགྲོའོ། བཀའ་བསྒོ་མ་ཞན་ཅིག །ཅེས་གསུངས་ནས་ཐེགས་སོ། །དེ་ནས་གསུང་ཆོས་འཕྲོ་མུས་རྣམས་ཆུ་བོའི་རྒྱུན་བཞིན་གནང་བའི་སྐབས་ཤིག་ཏུ། རྗེ་བཙུན་གསང་བའི་བདག་པོ་ལོ་ཙཱ་བ་ཆེན་པོའི་དྲུང་དུ། གནས་ཆུང་ནས། ཆོས་སྐྱོང་ཆེན་པོས་འདི་སྐད་ཅེས། གུ་རུ་པདྨ་འབྱུང་གནས་ཀྱི་སྐུ་ཚད་ཆེ་བ་ལེགས་པོ་གཅིག་བཞེངས་ལ། རབ་ཏུ་གནས་པ་རྒྱས་པར་མཛད་ནས། ངའི་གནས་འདིར་བཞུགས་པ་ཞིག་མཛད་དུ་གསོལ། ཞེས་ཞུས་པ་བཞིན། ཨྱོན་རིན་པོ་ཆེའི་སྐུ་མི་ཚད་ལས་ཆེ་བ་ཞིག་བཞེང་བའི་བཀའ་བཀོད་གནང་བ་བཞིན། ལྷ་བཟོ་བ་འཇམ་དབྱངས་རྒྱ་མཚོས་དེའི་བཟོ་བྱས་སོ། །སོས་ཀྱི་ཆུ་འཛིན་དཀར་པོའི་ཕང་པ་ནས། །གྲུ་ཆར་འཕྲེང་བ་ཆལ་ཆིལ་གཡོ་བ་ལ། །འདོད་ལྡན་ཞིང་སའི་སྙིང་ལ་དགའ་སྐྱེད་པ། །དངོས་པོའི་གཤིས་ལུགས་ཡིན་ཕྱིར་མཚར་དུ་ཅི།

― GLG008_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

གྲངས་མེད་དུས་ནས་རིགས་འཛིན་མཁའ་འགྲོའི་གླིང་། དུ་མར་ཆོས་སྲུང་རྣམས་དང་ལྷན་ཅིག་ཏུ། །འབྲལ་མེད་བཞུགས་ལ་སྐུ་ཡི་སྣང་བ་དག །བསྟན་པའི་ཚུལ་འདི་དམན་ངོར་དགོངས་ལགས་སམ། །རབ་འབྱམས་དཀྱིལ་འཁོར་འཁོར་ལོའི་དགེ་འདུན་དབུས། །བཀྲ་ཤིས་རྡོ་རྗེའི་གླུ་དབྱངས་ལེན་མཁས་དེས། །གསང་ཆེན་ཐེག་པའི་བསྟན་པ་ཡོངས་གཏད་པས། །ཨིནྡྲ་བྷུ་ཏི་མཁའ་སྤྱོད་གནས་སུ་བྲོས། །དེ་ནས་རྡོ་རྗེ་འཆང་སྔགས་རམ་པས། རྗེ་མཐོང་བ་དོན་ལྡན་སེང་གེའི་ཁྲི་ལ་བཞུགས་སུ་གསོལ། སྟེང་དུ་བླ་བྲེ། གཡས་སུ་གདུགས། གཡོན་དུ་རྒྱལ་མཚན། སྐུ་ལ་འཁོར་ལོས་སྒྱུར་བའི་ཆས་འཇུག །ཕྱག་ཏུ་རྡོར་དྲིལ་ཕུལ་ཏེ་རྡོ་རྗེ་སློབ་དཔོན་གྱི་རྒྱལ་ཚབ་ཏུ་མངའ་གསོལ། རྗེ་སྔགས་རམ་པ་ཉིད་ཀྱིས་ཀྱང་རྡོར་དྲིལ་བསྣམས་ཏེ། བླ་མེད་ཀྱི་རྒྱུད་སྡེ་ལས་འབྱུང་བའི་ཕྱི་ནང་གསང་བའི་མཆོད་པ་རྣམས་ཀྱིས་མདུན་བདར། རྗེ་སྔགས་རམ་པ་ཉིད་ཀྱིས་མཛད་པའི་རྡོ་རྗེ་འཕྲེང་བའི་ངག་འདོན་གསལ་བའི་སྒྲོན་མེའི་གླེགས་བམ་ཕྱག་ཏུ་ཕུལ། མཎྜལ་རྒྱས་པར་མཛད་ནས། གསང་སྔགས་ཀྱི་ཆོས་འཁོར་རྒྱ་ཆེར་བསྐོར་བར་བསྐུལ། རྗེ་ཐམས་ཅད་མཁྱེན་པས་ཀྱང་གླེགས་བམ་དེ་ཉིད་ཀྱི་སྟེང་ནས་གསུང་ཆོས་ཀྱི་དབུ་བཙུགས་ཏེ་རྟེན་འབྲེལ་ལེགས་པར་བསྒྲིགས་སོ། །མེ་ཕོ་འབྲུག་ལོའི་ཚེས་གཅིག་གི་གཏོར་ཆེན་མ་གཤེགས་གོང་དུ། རྗེའི་ཞལ་ནས་ནུབ་ཅིག་རྨི་ལམ་དུ། ཀློངས་ལའི་རྩེ་ན་ང་ཅུང་ཟད་ངལ་གསོ་ཞིང་འདུག་པས། མདུན་གྱི་གངས་རི་དེ་ཚལ་བར་དམ་པའི་ནང་ནས་མི་དཀར་ལ་དྭངས་པ། སྨ་ར་རིང་པོས་སྐུ་སྐེད་དུ་སླེབས་པ། སྨིན་མ་མེ་ལྟར་འབར་བ་ཞིག་བྱུང་བ་དེ་ན་རེ། ང་ལ་ཡང་ད་ལོ་ནས་བཟུང་སྟེ་གཏོར་

― GLG008_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཆེ་བ་རེ་དགོས་ཟེར་བ་ཞིག་བྱུང་བས། མ་བྱས་ན་མི་འོང་བ་འདུག་གསུང་། ཚེས་བདུན་གྱི་ཉིན་ཚེས་གཅིག་གི་གཏོར་ཆེན་གྱི་གཡས་ཕྱོགས་སུ་བཞེངས་པས་རྒྱ་དཔངས་ཐམས་ཅད་མཉམ་པ་ཞིག་བྱུང་བས་མཉེས་མཉེས་མཛད། ནང་པར་སྔ་བར་བཞེངས་ཏེ། ནམ་འོག་ལ་བསྐང་གསོ་རྣམས་གྲུབ་པའི་ཉི་ཤར་ལ་རྟེན་འབུལ་སོགས་ཚེས་གཅིག་ཇི་ལྟ་བ་བཞིན་དུ་གནང་། བཀའ་ལས། ད་ལམ་དཔལ་མགོན་གྱི་གཏོར་ཆེན་བྱས་པའི་བཀོད་པ་ཐིག་རི་མོར་འབྲི་དགོས་པ་འདུག་གསུངས་པ་ལྟར་བྲིས་པའི་འོག་ཏུ་བན་དྷེས་གཏོར་ཟོར་འཕེན་པ། གཏོར་རྒྱབ་ཀྱི་ཚུལ་དུ་ཆོས་སྐྱོང་ཆེན་པོའི་སྐུ་ཞིག་དང་། གཏོར་ཆེན་གྱི་སྟེང་དུ་ཞལ་ཁྲ་ཅན་གྱི་སྐུ། རྒྱབ་ངོས་སུ་ཨ་ཙ་རའི་གཟུགས་ཤིག་ཀྱང་བྲིས་ཤིག་གསུངས། དེ་དག་ཀྱང་ཞལ་གཟིགས་ཡིན་པར་སྣང་ངོ་། །དེ་གྲུབ་པ་དང་ཕྱག་ནས་གཏོར་ཏེ་འདི་སྐད་དུ། གུ་གེ་བདག་པོའི་གདུང་བརྒྱུད་འདི་ལ་མངའ་བདག་ཙེ་ལྡེ་བྱ་བ་ཞིག་བྱུང་འདུག་པ་དང་། བླ་མ་གཉན་ལོ་ཙཱ་བ་གཉིས་བཟློས། བླ་མས་མངའ་བདག་ལ་ཆོས་སྐྱོང་འདི་རྦད་པས་རྟགས་མངོན་སུམ་དུ་བྱུང་། གུས་བཏུད་དང་བཤགས་པ་ཕུལ་འདུག་ཀྱང་། དེ་ནས་ད་ལྟའི་བར་དུ་གོང་མའི་ཞལ་ངོ་ན་རིམ་ལ་ལོ་དུས་སུ་ཤངས་ཁྲག་འཆོར་བའི་ཉེན་ཡོད་པར་འདུག །གནས་བརྟན་མང་ཐོས་ལ་གནང་བའི་བཀའ་ཤོག་ཕེབས་དོན་ཀྱང་གཅིག་ལ་ཤངས་ཁྲག་འཆོར་པ་འདི་ཕྱིས་སུ་མི་འོང་བའི་ཐུགས་དམ་སྐྱབས་འོག་དགོས་ཚུལ་དུ་འདུག་པ་བཞིན། ངས་གཏོར་ཆེན་གྱི་ནང་དུ། གོང་མ་རང་གིས་གནང་བའི་གསེར་གྱི་ཕུད་བླུག་སྟེ། ལྷ་མི་མཐུན་སྦྱོར་གྱི་ཚུལ་བྱས་པ་ཡིན། རྟེན་འབྲེལ་གྱི་ལྟས་ཀྱང་བཟང་པོ་བྱུང་། སྔར་ཕན་གོང་མས་གཟིགས་སར། མགོན་པོ་འདིའི་སྐུ་

― GLG008_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེར་ས་མེད་པ་འདུག་སྟེ། ད་རེས་འདི་བསྐུར་གཏོང་གསུངས། རས་བྲིས་དེ་གསེར་ཡིག་པ་ལོག་འགྲོ་དུས་བཀའ་ཤོག་གི་རྟེན་ལ་གནང་། ནག་པ་ཟླ་བའི་ཚེས་བརྒྱད་ཀྱི་རྒྱལ་ཕུར་འཛོམ་པའི་འགྲུབ་སྦྱོར་ཐོག །སློབ་དཔོན་ཆེན་པོའི་སྐུ་འདྲ་དེ་ལ་ཡབ་སྲས་གཉིས་ཀས་རབ་གནས་མཛད་དེ། གནས་ཆུང་ལྕོག་ཏུ་མཆོད་སྤྲིན་རྒྱ་ཆེན་པོ་དང་བཅས་ཏེ་བཞུགས་སུ་གསོལ། ཚེས་བཅུའི་ཉིན། སྔར་གྱི་གཏོར་ཆེན་གཉིས་ཀྱི་འཁྲིས་སུ་རྡོ་རྗེ་ཁྱུང་ནག་གི་གཏོར་ཆེན་ཚོགས་འཁོར་དང་བཅས་པ་རྒྱས་པར་བཤད། རྗེ་ཉིད་ཀྱིས་ཕོད་ཀ་རུས་རྒྱན་དབུ་ཞྭ་རྭ་ཅན་སོགས་ཆས་སུ་ཞུགས། དྲུང་གནས་རིན་པོ་ཆེས་གཙོས་ཕྱག་གཡོག་ནང་འཁོར་དམ་ཚིག་དང་ལྡན་པ་རྣམས་ཀྱི་དབུས་སུ། ཚོགས་ཀྱི་འཁོར་ལོ་རྒྱ་ཆེན་པོ་བསྐོར་ཞིང་ཞལ་གཟིགས་ཀྱི་ལྟས་ཁྱད་པར་ཅན་བྱུང་། ཡང་དེའི་ཚེ་རྗེའི་ཞལ་ནས། ནུབ་ཅིག་ཐོ་རངས་ཁ་རྨི་ལམ་དུ། ཁྱེད་རང་སྐོར་ལམ་དུ་བྱོན་དང་། རང་བྱོན་ཞིག་འོང་བ་འདུག་ཟེར་བའི་སྒྲ་ཞིག་བྱུང་། དེའི་སང་སྐོར་ལམ་ལ་ཕྱིན་པས། འབྲས་སྤུངས་ཀྱི་ལྟག་གི་མགོན་པོ་བྲམ་གཟུགས་ཀྱི་རྡོ་སྐུ་རང་བྱོན་འདི་རྙེད་པ་ཡིན། གཞན་ཡང་འདི་ན་ངོ་མཚར་ཅན་མང་པོ་ཡོད་དེ། རེ་ཞིག་སུ་ལའང་མ་སྟོན་ཟེར་བ་ཞིག་བྱུང་བས་མ་བསྟན་པ་ཡིན་གསུང་། དེ་ནས་སྟོན་པའི་གོས་སྐུ་སྤྱན་དྲངས་ཏེ། བླ་མ་ཡབ་སྲས་རྣམས་ལྷན་ཅིག་ཏུ་རྒྱལ་མེ་ཏོག་ཐང་ཕྱོགས་སུ་ཆིབས་ཁ་སྒྱུར། ཡར་ལམ་ཚལ་ཟུར་ཁང་། བདེ་ཆེན། བྲག་དཀར་རྣམས་སུ་ས་སྐྱོང་དགའ་ལྡན་པས་བསྙེན་བཀུར་ཕུན་སུམ་ཚོགས་པ་ཞུས། ཆོས་ཀྱི་བཀའ་དྲིན་སྩལ། དེ་ནས་ཤ་ར་ཧོར་དུ་གདན་དྲངས་པའི་ཚེ་དགའ་ལྡན་ཤར་པ་ཆོས་རྗེ་རིན་ཅེན་དཔལ་བཟང་པོ་ཡང་མཇལ་བར་བྱོན། མཆོད་ཡོན་

― GLG008_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀྱིས་གུས་པས་མཆོད་ཅིང་གསུང་ཆོས་ཀྱི་བདུད་རྩི་ཞུས། དེ་ནས་མལ་གྲོ་རིན་ཅེན་གླིང་དུ་ཕེབས་ཏེ་སྐྱ་སེར་གྱི་ཁྲོམ་གྲངས་ལས་འདས་པ་ལ་སྤྱི་ཆོས་གནང་བས་མེ་ཏོག་གི་ཆར་བབ། འོལ་ཁ་རྫིང་ཕྱིར་ཕེབས་ཏེ་མཐོང་བས་དོན་དང་ལྡན་བཞིན་པའི་ངང་ནས་འོལ་ཁ་རྩེར་ཕྱགས་ཕབ། སྡེ་པ་རྫོང་དཔོན་པས་ཞུ་བ་ལ། ན་ནིང་གསར་བཞེངས་གནང་བའི་གོས་སྐུ་དེ་ད་རེས་གདན་འདྲེན་གནང་ཡོད་འདུག་པ་ལྟད་མོ་ཞིག་ཞུ་ཞེས་ཞུས་པས། རྗེའི་ཞལ་ནས། དེ་ཆེས་པས་ཁྱོན་གཅིག་པར་གདན་འདྲེན་ཐུབ་པ་ཞིག་ནི་མ་བྱུང་། དུམ་བུ་རེ་ལ་ཁལ་རྒྱབ་རེ་བྱས་ཡོད་པས། ཐམས་ཅད་སྒྲིག་ཐུབ་པ་རང་ནི་ད་རེས་ལ་དཀའ་བ་འདུག །འོན་ཀྱང་སྡེ་པ་ཞལ་ངོ་གཟིགས་སྤྲོ་ན། དུམ་བུ་གཅིག་གཟིགས་ཕུལ་ཞིག་གསུང་། དེ་ནས་སྨད་དུམ་གདན་དྲངས་ཏེ། དེ་ལ་གཙོ་བོའི་ཁྲི་དང་། གཡས་གཡོན་ཏུ་དཔལ་ལྡན་ལྷ་མོ་དང་རྡོ་རྗེ་གཡུ་སྒྲོན་མ་གཉིས་ཀྱི་སྐུ་ཡོད་པས། སྲུང་མ་དེ་གཉིས་ཀྱི་གཉན་ཆ་དང་། འཚུབ་འགྱུར་གྱི་རྣམ་པས་གློ་བུར་དུ་རླུང་འཚུབ་བྱུང་བས་ཐམས་ཅད་ཐེ་ཚོམ་དུ་གྱུར་ཀྱང་། རྟེན་དེ་འགྲེམས་པར་བརྩམས་པ་དང་རླུང་ཡང་ཞི། སྤྲིན་ཡང་དྭངས་ནས་ནམ་མཁའ་གཡའ་དང་བྲལ་བར་གྱུར་ཅིང་། ཅི་བདེར་བཀྲམ་ཆོག་པ་བྱུང་བ་ན་མཆོད་ཡོན་རྣམས་གཟིགས་རྟོག་གནང་བའི་ཚེ། ནམ་མཁའ་འཇའ་འོད་ཀྱིས་ཁྱབ་པའི་འོད་ལ་དར་དཀར་གྱི་གུར་ལྟ་བུ་དང་། པདྨའི་ཚལ་ལྟ་བུ་དང་། གདོད་གཉན་མཁའ་འགྲོ་མ་གཉིས་ཀྱི་སྐུའི་རྣམ་པར་སྣང་བ་སོགས་ངོ་མཚར་རྨད་དུ་བྱུང་བའི་རི་མོ་མངོན་པར་བཀྲ་ཞིང་། ལྷ་རྫས་ཀྱི་མེ་ཏོག་སྣ་ཚོགས་པའི་ཆར་བབ་པ་སོགས་དགེ་བའི་ལྟས་དང་ཆོ་འཕྲུལ་བརྗོད་ལས་འདས་པ་བྱུང་། རྫོང་ཆེན་དེར་བླ་མ་ཡབ་སྲས་གཉིས་ཀྱིས་

― GLG008_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་ཆེན་རྡོ་རྗེ་ཐེག་པའི་ཆོས་ཀྱི་འཁོར་ལོ་རྒྱ་ཆེན་པོ་བསྐོར་བས། གཞིས་ཀ་དེ་ཉིད་ཨྱོན་གྱི་རྒྱལ་པོ་ཨིནྡྲ་བྷཱ་ཏིའི་ཕོ་བྲང་ལ་འགྲན་བཟོད་པར་གྱུར་ཏོ། །རིམ་གྱིས་ཆོས་འཁོར་རྒྱལ་དུ་ཕེབས། ཚོགས་པ་ལ་ཇ་ཚུལ་དང་རྩམ་པ་སོགས་ཀྱི་བསྙེན་བཀུར་དང་གོས་སྐུའི་ལྷུ་རྣམས་བསྒྲིགས་ཏེ་གོས་སྐུ་སྤེའུ་བརྩིགས་གྲུབ་པ་དང་། གོས་སྐུ་བཀྲམ་པའི་གཡས་གཡོན་དུ་རྒྱལ་མཚན་དང་། མདུན་དུ་མཆོད་པའི་སྤྲིན་རྒྱ་ཆེན་པོ་སྤྲོས། བླ་མ་ཡབ་སྲས་དགེ་འདུན་ཚོགས་ཆེན་དང་བཅས་པས་བཅོམ་ལྡན་འདས་རྡོ་རྗེ་འཇིགས་བྱེད་ཀྱི་སྒོ་ནས་སྦྱིན་སྲེག་དང་རབ་གནས་རྒྱས་པར་མཛད། དེའི་ཚེ་འཇའ་འོད་སྣ་ལྔས་ནམ་མཁའི་དབྱིངས་གང་བ་ལས་མེ་ཏོག་གི་ཆར་བབས་པས། དེར་འཁོད་པའི་སྐྱེ་བོ་མཐའ་དག་བླ་མ་ཡབ་སྲས་དང་གོས་སྐུ་ལ་སངས་རྒྱས་དངོས་ཀྱི་འདུ་ཤེས་དང་ལྡན་པར་གྱུར་ཏོ། །དེ་སྐབས་ཡར་ཀླུངས་སུ་སྡེ་གཟར་ལངས་པར་བརྟེན། ནང་སོ་འཕྱོང་རྒྱས་པས་གདན་འདྲེན་སྔ་ཕྱིར་བྱུང་སྟེ་ཆིབས་ཁ་བསྒྱུར། ཐོག་མར་འོལ་ཁ་བརྒྱུད། རོང་ཆད་དཀར་དུ་ཕེབས་གཞི་ལེན་ཞབས་ཏོག་ཡང་དག་ཞུས། རི་སྒོར་མཆོད་ཡོན་ལྷན་དུ་ཕེབས། ཞལ་ངོ་ལ་བཀའ་དབང་དང་ཁྲོམ་ལ་སྤྱི་ཆོས་སོགས་གནང་། དེ་ནས་རྒྱ་རི་རྫོང་དུ་ཕེབས་ཏེ། མཆོག་དམན་མཐའ་དག་ཆོས་ཀྱིས་ཚིམ་པར་མཛད། ཆབ་ཚན་གནང་སྟེ་སླར་ཡང་ཆད་དཀར་དུ་ཕེབས། ཞབས་དྲུང་རྩེ་ནས་གདུང་བརྒྱུད་སྐུ་གཞོན་པའི་དྲུང་ཡང་མཇལ་བ་ལ་ཕེབས། ཚེ་དབང་དཔལ་མགོན་ཞལ་གྱི་རྗེས་གནང་སྩལ། རིམ་གྱིས་ཡར་ཀླུངས་ཚ་བ་གྲུ་རུ་ཕེབས། བཀའ་ཁྲས་བཅད་འཕྱོང་རྒྱས་ཞབས་དྲུང་དཔོན་གཡོག་ཅི་བདེར་ཐེགས་ཆོག་པ་སོགས་དུས་གཟིངས་རྣམས་ཞི་བར་

― GLG008_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་དེ་ཐམས་ཅད་བདེ་འཇགས་སུ་བཀོད། འཕྱོང་རྒྱས་རྩེར་གདན་དྲངས་ཏེ་བསྙེན་བཀུར་གུས་འདུད་ཕུན་སུམ་ཚོགས་པ་མཛད། དེ་ནས་རྩེས་ཐང་དུ་ཕེབས་སྔར་ནས་དཔོན་ས་གོང་མ་ཆེན་པོ་ལ་ཐུགས་གཏིང་ནས་གུས་པའི་ཚུལ་སྟོན་པ་ཞིག་ཡོད་ཅིང་། ཁྱད་པར་འབྲས་སྤུངས་ཀྱི་གདན་སར་ཕེབས་ནས་མཇལ་བཞེད་ཐུན་མོང་མ་ཡིན་པ་ཐུགས་ལ་གཅགས་པ་ལྟར་སྔར་ཕན་ངོས་མཇལ་མ་ཐུབ་པས། ད་རེས་སྣེའུ་གདོང་རྩེར་མཇལ་བར་ཕེབས། ཕྱག་འབུལ་གནང་སྐབས། སྡེ་སྲིད་ཀྱི་ཕྱག་ཏུ་མི་གཡོ་བའི་སྐུ་ཞིག་བཟུང་ནས་དེ་ལ་བསྔོ་བསྒྱུར་མཛད། སུམ་གདན་སྙེ་འབོལ་སོགས་བཀུར་བཟོས་ཆེ་བར་ཕུལ། ཐུགས་ཡིད་གཅིག་ཏུ་འདྲེས། རྩེས་ཐང་གི་ཀུན་བཟང་རྩེར་བཞུགས་པའི་ནུབ། བྲམ་ཟེ་མི་མགོའི་སེ་རལ་ཁ་ཡོད་པ་ཞིག་འོངས་ཏེ། ཕྱིའི་ཡི་དམ་རྡོ་རྗེ་འཇིགས་བྱེད། ནང་གི་ཡི་དམ་འཁོར་ལོ་བདེ་མཆོག །གསང་བའི་ཡི་དམ་རྡོ་རྗེ་གདན་བཞི་བྱས་ན་ལེགས་ཚོགས་ཆེ་བ་འདུག་ཟེར་བ་ཞིག་བྱུང་བས། སྤྱན་ལྟས་བྱུང་ཚུལ་དང་བཅས། རྒྱལ་དུ་རྗེ་དྲུང་རིན་པོ་ཆེ་ལ་གདན་བཞིའི་སྒྲུབ་ཐབས་ཤིག་ཐུགས་རྩོམ་མཛད་དགོས་པར་བསྐུལ་བ་ལྟར་ཕུལ། གདན་བཞིའི་ཉམས་བཞེས་ཀྱང་འཆག་མེད་མཛད། རིམ་གྱིས་ཉང་པོ་གྲུ་བརྒྱུད་འབྲས་སྤུངས་སུ་ཕེབས། ཆོས་ཐོག་གཅིག་གི་རིང་ཚོགས་ཆོས་གསུངས། དེ་སྐབས་གཞན་གྱིས་རྦད་འདྲེ་རྦོད་གཏོང་གི་མཚན་མ་ཆེ་བར་བྱུང་བ་དང་། ཆོས་སྐྱོང་ཆེན་པོས་ཀྱང་བསྐུལ་བ་ལྟར་སྐུ་མཚམས་དམ་པར་གནང་། སྐུ་ཞང་རིན་པོ་ཆེ་ཀུན་བཟང་རྩེ་བ་ལ་མཚར་ཆེན་ནས་བརྒྱུད་པའི་དཔལ་མགོན་ཞལ་གྱི་དབང་ལུང་མན་ངག་ཁ་ཡར་དང་། རྙིང་ལུགས་ཀྱི་དྲག་སྔགས་འགའ་ཞིག་གསན། འབྲི་གུང་ནས་ཞབས་དྲུང་

― GLG008_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་རྒྱལ་པོ་རིན་ཆེན་ཕུན་ཚོགས་ཀྱིས་གཟའི་ཐན་འགྱེད་ཞིག་བཏང་བས་སྦྲུལ་གཅིག་གཟིམས་ཆུང་དུ་དངོས་སུ་བྱུང་བ་སྐུ་ལ་ཐེབས། དེ་གང་ཟག་རང་བཞིན་པ་ཅིག་ལ་བྱུང་ན་དུས་ཀྱི་ཕོ་ཉས་ཟིན་པ་ལས་འོས་མེད་ཀྱང་། བར་ཆད་དུ་འགྱུར་བའི་སྐྱོན་མ་བྱུང་། འོན་ཀྱང་དུས་ཕྱི་མོའི་བར་དུ་དེའི་ཤུལ་དུ་དབུ་སྐྲ་མི་སྐྱེ་བ་ཞིག་ཡོད་ཟེར། དེ་དག་བཟློག་ཐབས་སུ་མངོན་སྤྱོད་དྲག་པོའི་ཆས་སུ་ཞུགས་ཏེ། མནན་སྲེག་འཕང་གསུམ་གནང་བས། སྦྱིན་སྲེག་གི་སྐབས་དགྲ་ཕྱོགས་སུ་མེ་ལྕེ་ཚད་པ་དང་གཙོ་རྒྱུག་པ་གློ་བུར་དུ་སྤྲིན་འཁྲིགས་ཏེ། འབྲུག་གི་སྒྲ་ཆེན་པོ་དང་བཅས་ཏེ་སེར་དྲག་འབབ་པ་སོགས་རྟགས་མངོན་དུ་གྱུར། དམར་སེར་ཅན་ཞེས་པ་མེ་སྦྲུལ་ལོ་གསར་དང་། སྨོན་ལམ་གྱི་ཐུགས་བྲེལ་རྣམས་གྲུབ་རྗེས། སྙན་ངག་གི་དཔེར་བརྗོད་དང་། རྣལ་འབྱོར་ནམ་མཁའི་བསྟོད་པ་ཐུགས་རྩོམ་མཛད། །དེ་ནས་རྒྱལ་དུ་རྟེན་བཞེང་གི་དགོངས་པ་གཏད་དེ་ཐིག་རྩ་གཟུངས་ཞུགས་པ། བལ་པོ་ཤིང་བཟོ་བ་རྣམས་སྔོན་དུ་རྫོང་སྟ་མཛད་དེ་རིམ་གྱིས་རྒྱལ་དུ་ཆིབས་ཁ་བསྒྱུར། བདེ་ཆེན། བསམ་ཡས། འོལ་ཁ་རྣམས་བརྒྱུད་དེ་ཕེབས། ཐམས་ཅད་མཁྱེན་པ་གོང་མའི་དངུལ་གདུང་བཞེང་བའི་བཟོ་གྲྭ་བཙུགས། རྗེ་དྲུང་རིན་པོ་ཆེས་བཟོ་གྲྭར་ཕེབས་ནས་བགེགས་སྒྲོད་གནས་ཁང་བྱིན་རླབས་བཟོ་བོ་བཟོ་ཆ་བཟོ་རྒྱུ་རྣམས་ལ་རབ་ཏུ་གནས་པ་མཛད། བཟོ་བོ་རྣམས་ལ་འཛུགས་སྟོན་སོགས་བདག་རྐྱེན་ཆད་མེད་པ་གནང་། བཟོ་དངོས་གཙང་ཞིང་འགྲུབ་པར་བྱས་སྐོར་གཅིག་སྐྱིད་ཤོད་དུ་ཕེབས་ཏེ་ནང་སོ་འབུལ་དཔོན་པ་སླར་ཡང་མདོ་སྨད་དུ་རྫོང་སྟ་གནང་། སླར་རྒྱལ་དུ་ཕེབས་ཚོགས་ཆེན་དུ་ཇ་ཚུལ་དང་རྒྱལ་བ་བཙོང་ཁ་པའི་བཀའ་འབུམ་གསུངས། གདན་

― GLG008_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིའི་དཀྱིལ་ཐང་བཞེང་བའི་རས་གཞི་ལ། ཐིག་ཆོག་ཚོན་བྱིན་རླབས་སོགས་ཞུ་བར་རྗེ་དྲུང་སྐུ་གཞོགས་སུ་བཏང་། ཞབས་དྲུང་ནས་བདུན་ཕྲག་གཅིག་སྐུ་མཚམས་དམ་པར་བཅད་དེ་གཟིམས་ཆུང་བཀའ་གདམས་ཕོ་བྲང་དུ་འཇམ་དབྱངས་ཀྱི་བསྙེན་པ་ཞིག་གནང་བའི་ཚེ་མནལ་ལམ་དུ། བྲག་རི་ཆེན་པོ་ཞིག་གི་རྩེ་ན་ལས་གཤིན་སྐུ་ཚད་ཆེ་བ་ཞིག་འདུག་པ་གཟིགས་པས། སྐུ་མཚམས་ཞག་བཞི་སོང་ནས་གློ་བུར་དུ་གྲོལ་བས། སྐུ་འཁོར་རྣམས་ཀྱིས་ཞག་བདུན་མའི་བཅད་རྒྱ་མ་ཐིམ་པར་སྐུ་མཚམས་གློ་བུར་དུ་གྲོལ་ན་བར་ཆད་དུ་འགྱུར་བ་མ་ལགས་སམ་ཞུས་པས། དོན་གྲུབ་ན་དེས་ཆོགམཚམས་ལ་ཞུགས་པའི་ནུབ་མོ་རང་ནས་ལྟས་བཟང་པོ་མང་བར་བྱུང་། ཁྱད་པར་མདང་རྨི་ལམ་དུ་རྗེ་བཙུན་འཇམ་དབྱངས་ཡང་གསང་སྙིང་གི་ཐིག་ལེ་སྐུ་མདོག་དམར་སེར་ཞལ་གཅིག་ཕྱག་གཉིས་ཀྱིས་རྡོ་རྗེ་དང་དྲིལ་བུ་བཟུང་ནས་ཡུམ་ལ་འཁྱུད་པའི་མཐེབ་སྲིན་གྱིས་ཨུཏྤ་ལའི་ཡུ་བ་ནས་བཟུང་བ་སྙན་གྱི་ཐད་དུ་ཁ་ཕྱེ་བའི་སྟེང་ན་རལ་གྲི་དང་པོ་ཏི། དེ་གཉིས་ཀྱི་སྟེང་ནས་འཚེར་བའི་གཡས་ན་ཉི་མའི་ཞགས་པ་དང་། གཡོན་ན་ཟླ་བའི་ཞགས་པ་བསྣམས་པ། རིན་པོ་ཆེའི་རྒྱན་དང་དར་སྣ་ཚོགས་ཀྱི་ན་བཟའ་གསོལ་བའི་སྟོད་གཡོགས་ཡུག་གྱོན་གྱི་སྣེ་མོ་གཉིས་ས་འོག་ཏུ་སོང་བ། ཞབས་རྡོ་རྗེའི་སྐྱིལ་ཀྲུང་གིས་བཞུགས་པ། དེའི་པང་ན་ཡུམ་དབྱངས་ཅན་མ་དམར་མོ་གྲི་གུག་དང་ཐོད་པ་བདུད་རྩིས་གང་བ་འཛིན་པ། ཞབས་གཉིས་ཀྱིས་ཡབ་ལ་འཁྱུད་པ། རུས་པའི་རྒྱན་གྱིས་བརྒྱན་པ་དེ་ལྟ་བུའི་ཡབ་ཡུམ་གྱི་སྐུའི་སྣང་བ་གསལ་པོ་ཞིག་བྱུང་། ན་བཟའི་དར་སྔོན་པོའི་སྣ་གཉིས་ས་འོག་ཏུ་སོང་བ་དེ། ཡར་ཇི་ཙམ་འཐེན་ཀྱང་རྫོགས་རྒྱུ་མི་འདུག་པ། ས་འོག་གི་སེམས་ཅན་རྣམས་ཀྱི་དོན་མཛད་པའི་བརྡར་འདུག་གསུངས། ཧོར་

― GLG008_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བརྒྱད་པའི་ཉེར་གསུམ་གྱི་ཉིན་མགོན་པོ་ཞལ་གྱི་མཆོད་གཏོར་རྒྱས་པ་ཞིག་གནང་བའི་ཉི་རྒས་ཙམ་གྱི་དུས་སུ། གློ་བུར་དུ་སྐུའི་རྣམ་འགྱུར་དཀྱུས་མ་དང་མི་འདྲ་བ་ཞིག་མཛད། ཧར་གྱིས་བཞེངས་ནས། རྗེ་དྲུང་གི་གཟིམས་ཆུང་དུ་ཕེབས་ཏེ། སྤྱན་ལྟས་བྱུང་བ་རྣམས་ཀྱི་དྲི་བ་གནང་། དེ་འཕྲལ་ཕྱིར་ཕེབས་ཏེ། ཐུགས་དམ་གཏོར་མ་དང་མཆོད་པ་འདི་ལྟ་བུ་ཤོམས་ཞེས་ཞལ་བཀོད་མཛད། དེ་ནུབ་ཁྲག་ཅིག་དགོས་རྒྱུར་འདུག་ཀྱང་མི་རྙེད་པ་འདྲ་ཞེས་གསུང་། དེ་སྐབས་གདན་བཞིའི་རྡུལ་ཚོན་གྱི་དཀྱིལ་འཁོར་བཞེངས་པ་འདོད་སྣམ་ལ་མ་སླེབ་ཙམ་གྱི་སྐབས་ཡིན་འདུག །སྤྱན་ལྟས་ནི་ཕྱག་བྲིས་མར། ཀ་རང་ཀ་ལས་བྱུང་བའི་གདོང་དམར་ལི་ཁྲིའི་ཞུ་རུ་ཅན། མཁུར་གཉིས་ནག་ཐིག་གིས་བྱུགས་པ་ཞིག་ཀ་རང་དུ་སྡོད། ཡང་ཀ་རང་ལས་སྐྱེ་དམན་སྐྲའི་ལན་བུ་རྒྱབ་ཏུ་འཕྱང་བའི་ནག་མོ་ཞིག་བྱུང་སྟེ། རུ་མི་ལ་འབའ་ལིང་ང་ཙམ་ལ་བསྒུགས་པ་ཡིན་ཏེ་མ་བྱུང་། དེ་ལྟར་ན་མཎྜལ་ཞལ་འབྱེད་པར་མི་ནུས། ང་དཀྱིལ་འཁོར་ནང་མའི་འདོད་སྣམ་གྱི་མཆོད་པའི་ལྷ་མོ་རྣམས་བྲིས་མ་ཚར་གོང་དུ། ངེད་གཉིས་ལ་གཏོར་མ་དགོས་ཟེར་བ་དང་། མི་ལི་ཞུར་པ་དེ་ན་རེ། ངེད་གཉིས་ལ་འབར་བ་ཁྲག་གཏོར་དགོས་ཟེར། སྐྱེ་དམན་དེ་ན་རེ། འབར་པ་ཁྲག་གཏོར་དགོས་ཞེས་ལན་གསུམ་ཟེར་ཞིང་། དེ་མ་བྱུང་ཡང་དཔལ་འབར་མེ་ལྕེ་འཕོངས་ཟེར། དེ་ནས་དེ་གཉིས་ཀྱི་སྲུབས་དེ་ནས་གདོང་བརྙན་ཞིག་བྱུང་བ་དེས་སྐྲ་སྤྲུགས་བྱུང་བས་ངའི་ལུས་ཁྲག་གིས་གང་བྱུང་། དེ་འཕྲལ་ལ་ནམ་མཁའ་ནས་རྣལ་འབྱོར་ནམ་མཁའི་ཟེར་བའི་སྒྲ་ལན་གསུམ་བྱུང་བ་དང་། ངའི་དཔུང་པ་ལ་ཆབ་ཟེར་པ་ཞིག་བྱུང་། བལྟས་ཙ་ན་འོ་མ་བྱོ་འདུག་པ་དེས་ཁྲག་དེ་རྣམས་དག་འདུག །དེ་ནས་ཨ་ཙ་ར་གཅིག་བྱུང་སྟེ་འཚབ་མི་

― GLG008_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས། གང་ལྟར་ན་ཡང་ཁོང་གཉིས་གཏོར་མ་ལ་ཧམ་པོ་བྱེད་ཀྱིན་འདུག་པས། དོ་ནུབ་རང་ཁོང་གཉིས་ལ་གཏོར་མ་བྱིན་ཟེར། དེ་རྗེས་ང་དང་། ཆོས་རྗེ་རིན་པོ་ཆེའི་སྐུ་མདུན་དུ་ཡང་། མ་ཧཱ་ར་ཀ་དང་། སུ་ར་ཀ་ར་གཉིས་བྱུང་བ་ཡིན་ཚོད་འདུག་པ་རྣམས་བརྗེད་ཐོར་བཀོད་པ་ཡིན་ཞེས་སོ། །དེ་ནི་རྡོ་རྗེ་གདན་བཞི་ཡབ་ཡུམ་གཉིས། དེའི་བསྟན་སྲུང་དུད་སོལ་ལྷ་མོ། མགོན་པོ་ཞལ་བཞི་པ་རྣམས་ཀྱི་ཆོ་འཕྲུལ་ཡིན་པར་འདུག །གདན་བཞིའི་དཀྱིལ་ཐང་ཡང་ཤིན་ཏུ་རི་མོ་ཞིབ་ཅིང་ལེགས་པར་གྲུབ་པ་བར་སྐབས་སུ་འཁྱར་བ། དིང་སང་ཕན་བདེ་ལེགས་བཤད་གླིང་པའི་རྟེན་ཁྲོད་ན་ཡོད། དེ་ནས་བཀའ་ལས། ཐུགས་དམ་ཟབ་མོའི་ཉམས་ལེན་རྩེ་གཅིག་ཏུ་བྱེད་པ་ལ། འདི་ཡང་མ་འགོལ་བའི་སྐྱོན་ཞིག་འདུག་པས། བར་བར་དུ་མཚམས་དམ་པོ་རེ་བྱེད་པའི་མཚམས་ཁང་ཞིག་རྒྱག་དགོས་པ་འདུག་གསུང་ལྷུན་གྲུབ་དགའ་ཚལ་གྱི་གཞི་འདེབས་པའི་དགོངས་པ་གཏད་པ་ཡིན་ལ། དེ་ཡང་ཆོས་འཁོར་རྒྱལ་གྱི་གནས་འདི་ཉིད་ནི། མདོ་རྒྱུད་དང་མཁས་གྲུབ་དུ་མའི་གསུང་ལས་ལུང་བསྟན་པ་མཐའ་ཀླས་ཤིང་། ཁྱད་པར་ཨེ་སྤེལ་ལྕོག་པ་གཏེར་སྟོན་ལས་འགྲོ་གླིང་པས། ཙ་རི་ནས་གདན་དྲངས་པའི་གསང་བ་འདུས་པའི་རྒྱུད་གྱི་ཡང་སྙིང་། ཚེ་དང་ཡེ་ཤེས་འབྱུང་བའི་རྒྱུད་གྱི་ལེའུ་བཅོ་ལྔ་པ་ཁོལ་དུ་བྱུང་བ་འདི་ལྟ་སྟེ། བྱང་ཆུབ་སེམས་དཔའ་མཐའ་ཡས་རིགས་མཆོག་ཉོན་ཅིག །གངས་ཅན་གྱི་ཡུལ་དེ་ན་བྱང་ཆུབ་སེམས་དཔའ་སྤྱན་རས་གཟིགས་ཀྱིས་འདུལ་བའི་ཞིང་ཁམས། གངས་ཅན་ཡུལ་གྱི་ལྟེ་བ། རི་བོ་འབིགས་བྱེད་ཀྱི་ལྗོངས། དཔལ་གསང་བ་འདུས་པ་དང་། དཔལ་རྡོ་རྗེ་འཇིགས་བྱེད་ཀྱི་དཀྱིལ་འཁོར་ཡོངས་སུ་རྫོགས་པའི་གནས། ཡེ་ཤེས་ཀྱི་མཁའ་འགྲོ་མ་འདོད་པ་ཁམས་ཀྱི་དབང་ཕྱུག་ཆེན་མོའི་བདུད་དང་མུ་སྟེགས་ཀྱི་གཡུལ་

― GLG008_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་རྒྱལ་བ། དཔལ་ལྡན་གཙོ་མོ་དམག་གི་རྒྱལ་མོས་གནས་ཀྱི་སྲུང་མ་བྱེད་པ། དཔལ་རྡོ་རྗེ་འཇིགས་གསང་གི་དཀྱིལ་འཁོར། ཡུལ་གྱི་དབྱིབས་ནི་ཨེ་ལས་ཆོས་ཀྱི་འབྱུང་གནས་ཀྱི་དབྱིབས་ཅན། གནས་དེར་འགྲོ་བ་གང་གིས་བགྲོད་པ་ཐམས་ཅད་ཉོན་མོངས་པ་བརྒྱད་ཁྲི་བཞི་སྟོང་གི་རྟོག་པ་འགགས་ཤིང་ཞི་བར་བྱེད་པ། ཡུལ་ནི་རིག་པ་དྭངས་ཤིང་ངོས་དཀར་བ། ཞི་གནས་དང་ལྷག་མཐོང་གི་བསམ་གཏན་འཕེལ་བ། དགེ་སློང་གང་དག་གནས་དེར་གནས་པ་ཐམས་ཅད་གཟུངས་དང་ཏིང་ངེ་འཛིན་གྱི་དོན་ཐོབ་པར་བྱེད་པ། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་དོན་ལ་གནས་པ། འཕགས་པའི་ལམ་ཡན་ལག་བརྒྱད་དང་ལྡན་པ། དེ་བཞིན་གཤེགས་པའི་སྟོབས་བཅུ་མངའ་བ། མི་འཇིགས་པ་བཞི་དང་ལྡན་པ། སོ་སོར་ཡང་དག་པའི་རིག་པ་བཞི་མངའ་བ། དབང་པོ་ལྔ་ཡིད་ཡུལ་གྱི་མཆོག་ཏུ་གྱུར་པ། དྲན་པ་ཉེ་བར་གཞག་པ་བཞི་ལ་གནས་པ། རྫུ་འཕྲུལ་གི་རྐང་པ་བཞི་དང་ལྡན་པ། ཕ་རོལ་ཏུ་ཕྱིན་པ་བཅུའི་དོན་མངོན་དུ་གྱུར་པ། མཚན་དང་དཔེ་བྱད་ཀྱི་འབྲས་བུ་ཐོབ་པའི་འཕགས་པ་དགེ་སློང་གི་དགེ་འདུན་བརྒྱ་ཕྲག་མང་པོ་གནས་དེར་འབྱུང་བར་འགྱུར་རོ། །བྱང་ཆུབ་སེམས་དཔའ་མཐའ་ཡས་རིགས་མཆོག་བསམ་བཞིན་དུ་གནས་དེར་འདུལ་བའི་སྡེ་སྣོད་འཛིན་པར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་གནས་ཀྱི་བྱེ་བྲག་ནི་འདི་ལྟ་སྟེ། དཔལ་ཡེ་ཤེས་སེམས་དཔའ་འཇིགས་བྱེད་རྡོ་རྗེའི་དཀྱིལ་འཁོར་ཡོངས་སུ་རྫོགས་པའི་ཕྱིར་ན་ཡུལ་ཆོས་ཀྱི་འབྱུང་གནས་གྲུ་གསུམ་པའི་དབྱིབས་ཅན། དཀྱིལ་འཁོར་ཐམས་ཅད་ཡོངས་སུ་རྫོགས་པའི་རང་བཞིན་རྡོ་རྗེ་མཁའ་འགྲོ་དང་། ཡེ་ཤེས་ཀྱི་མཁའ་འགྲོ་ཐམས་ཅད་འདུ་བ་

― GLG008_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

རི་དང་རི་བྲག་དང་རྩི་ཞིང་དང་ནགས་ཚལ་དང་ལྡན་པ། དུར་ཁྲོད་བརྒྱད་ཀྱིས་དཀྱིལ་འཁོར་ཡོངས་སུ་རྫོགས་པ། གཅན་གཟན་སྣ་ཚོགས་རྒྱུ་བ། ལྗོངས་པདྨའི་མདངས་གསལ་བ། མཚོ་དང་། རྫིང་བུ་དང་། ལྟེང་ཀ །ཆུ་མིག་དང་ལྡན་པ། ལྷའི་གངྒཱའི་ཡན་ལག་བརྒྱད་དང་ལྡན་པའི་ལྷ་རྫས་ཀྱི་མེ་ཏོག་བཀྲམ་པ། བཀྲ་ཤིས་པར་བྱེད་པའི་བྱ་སྣ་ཚོགས་གསུང་སྙན་སྒྲོག་ཅིང་། བུང་བ་རྣམས་གླུ་ལེན་པ། དམ་པ་ཆོས་ཀྱི་སྒྲ་འབྱུང་བར་བྱེད་པ། ལྷ་དང་ལྷ་མོའི་ཚོགས་ཐམས་ཅད་གནས་དེར་འདུ་ཞིང་། ཕྱོགས་སྐྱོང་དང་ཞིང་སྐྱོང་དང་གནོད་སྦྱིན་ཀྱི་དེད་དཔོན་ཐམས་ཅད་གནས་དེར་དམ་ལ་འདུ་ཞིང་སྲུང་བར་བྱེད་པ། ཡན་ལག་བརྒྱད་དང་ལྡན་པའི་ཆུ་བོ་མདངས་ལྡན་འཁོར་མར་འབབ་པ་ལ་ཀླུའི་རྒྱལ་པོ་མཐའ་ཡས་དང་། ནོར་སྐྱོང་དང་། དགའ་བོ་རྣམས་ཀྱིས་ཡིད་བཞིན་གྱི་ནོར་བུ་རིན་པོ་ཆེ་མཆོད་པས་དགོས་འདོད་ཐམས་ཅད་ཆར་བཞིན་དུ་འབབ་པ། ལྷའི་དབང་པོ་དང་། ལྷ་ཚངས་པ་རྣམས་དང་ལྷའི་བུ་མོ་ཐམས་ཅད་གནས་དེར་དུས་བཟང་པོ་ལ་འདུ་ཞིང་ཆོས་ཉན་པར་བྱེད་པ། དབུས་ཀྱི་རི་བོ་འབིགས་བྱེད་ཅེས་བྱ་བ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བཞུགས་པའི་གཞལ་མེད་ཁང་ཆེན་པོ་རྒྱན་བཀོད་པ་བསམ་གྱིས་མི་ཁྱབ་པ་དང་ལྡན་པ། ཁམས་གསུམ་ལས་ཡང་དག་པར་འདས་ཤིང་དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་དུ་གྱུར་པ། རི་བོ་དེ་ཉིད་ལ་བསྐལ་པ་བཟང་པོའི་སངས་རྒྱས་སྟོང་རྩ་གཉིས་དང་། བྱང་ཆུབ་སེམས་དཔའ་ཁྲི་དྲུག་སྟོང་གི་སྐུ་རང་བྱོན་དུ་བཞུགས་པ་ཆུ་བུར་ཀྱི་མིག་གི་མཐོང་སྣང་དུ་གྲུབ་པ། རི་བོ་དེ་ལ་འཁོར་བའི་མཚོ་མདངས་ལྡན་འོད་ཀྱི་དྲ་བ་ལ་དབུས་སུ་འཇམ་དཔལ་གཤིན་རྗེ་གཤེད་རྡོ་རྗེ་འཇིགས་བྱེད་ཀྱི་དཀྱིལ་འཁོར་གསལ་བ། འགྲོ་བ་གང་གི་ཞལ་ལན་

― GLG008_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་མཇལ་བས་ལས་དང་ཉོན་མོངས་ཀྱི་བག་ཆགས་སྦྱོང་བར་བྱེད་ཅིང་བུམ་པའི་དབང་གི་འབྲས་བུ་ཐོབ་པར་བྱེད་པའོ། །སྟེང་ཕྱོགས་སུ་དཔལ་གསང་བ་འདུས་པའི་དཀྱིལ་འཁོར་ཡོངས་སུ་རྫོགས་པ་འགྲོ་བ་གང་གིས་ཞལ་ལན་རེ་མཇལ་པ་ཐམས་ཅད་བདེ་ཆེན་ལོངས་སྤྱོད་རྫོགས་པའི་སྐུའི་ཞིང་དུ་བགྲོད་པར་ནུས་ཏེ། སྐྱེ་བ་ཕྱི་མ་ཤར་ཕྱོགས་མངོན་པར་དགའ་བའི་ཞིང་ཁམས་སུ་དེ་བཞིན་གཤེགས་པ་མི་འཁྲུགས་པའི་འཁོར་གྱི་ཐོག་མར་སྲས་ཀྱི་ཐུ་བོར་འགྱུར་རོ། །འོག་ཕྱོགས་སུ་རྡོ་རྗེ་མཁའ་འགྲོ་ལ་སོགས་པའི་དཀྱིལ་འཁོར་ཡོངས་སུ་རྫོགས་པ། གནས་དེར་ཕྱིན་པའི་གང་ཟག་སྐྱེས་བུ་ཆེན་པོའི་བྱམས་པ་དང་སྙིང་རྗེ་རྒྱུད་ལ་སྐྱེ་བ། གཞན་ཡང་ཡང་དག་པའི་སྣང་བའི་རི་བོ་བྷི་བྷ་དྱ་ཞེས་རི་བོ་ཟླུམ་ཞིང་མདངས་གསལ་བ་ལ་དེ་བཞིན་གཤེགས་པ་སྨན་གྱི་བླ་བཻ་ཌཱུཪྻ་འོད་ཀྱི་རྒྱལ་པོ་དང་། དེ་བཞིན་གཤེགས་པ་མཚན་ལེགས་རྒྱལ་པོ་དང་། གསེར་བཟང་དྲི་མེད་ལ་སོགས་པ་དེ་བཞིན་གཤེགས་པ་བརྒྱད་ལ་ཕྱོགས་བཅུའི་རྒྱལ་བ་སྲས་དང་བཅས་པས་བསྐོར་བ་རང་བྱོན་ལྷུན་གྱིས་གྲུབ་པ། བྱང་ཆུབ་ཆེན་པོ་དེ་ཉིད་འགྲོ་བ་གང་གིས་མཐོང་ཞིང་རྣ་བར་ཐོས་པ་ཙམ་གྱིས་ལས་དང་ཉོན་མོངས་པའི་དྲི་མ་ཐམས་ཅད་བྱང་ཞིང་། དེ་བཞིན་གཤེགས་པ་ཐམས་ཅད་དང་ཕྱོགས་བཅུའི་རྒྱལ་བ་སྲས་དང་བཅས་པའི་ཐུགས་རྗེའི་མཐུས་ཕྱིར་མི་ལྡོག་པའི་ལྷ་དང་མི་ལ་གནས་པའི་བྱང་ཆུབ་སེམས་དཔའི་གོ་འཕང་ཐོབ་པར་འགྱུར་རོ། །ཞིང་ཁམས་རྣམ་པར་དག་པ་དེ་ན་རི་བོ་རཏྣ་བཀྲ་ཞེས་བྱ་བ་རིན་པོ་ཆེའི་ཕུང་པོ་སྤུངས་པ་ལྟ་བུ། ཁ་དོག་མདངས་དང་ལྡན་པའི་རི་ལ་འཕགས་པ་འཇམ་དཔལ་གཙོ་འཁོར་ལྔའི་དཀྱིལ་འཁོར་གསལ་བར་བཞུགས་ཏེ། གནས་དེར་བཞུགས་པའི་དགེ་སློང་དང་། དགེ་ཚུལ་

― GLG008_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། དགེ་བསྙེན་ཡང་རུང་སྟེ། ཤེས་བྱ་ཇི་ལྟ་བ་དང་ཇི་སྙེད་པ་མཁྱེན་པ་དང་། ཇི་སྙེད་ཀུན་ཏུ་མཁྱེན་པའི་ཡེ་ཤེས་བརྒྱད་ལ་གནས་ཏེ། ས་དང་པོ་ནས་ས་བཅུ་པའི་བར་དུ་བྱང་ཆུབ་སེམས་དཔའི་བསླབ་པ་ལ་སློབ་ཅིང་སྡེ་སྣོད་གསུམ་གྱི་བསྟན་པ་གསལ་བར་བྱེད་པར་འགྱུར་རོ། །བྱང་ཆུབ་སེམས་དཔའ་གནས་དེ་ན་རི་བོ་མཆོག་ཏུ་གསལ་བ་དྲི་མ་མེད་པའི་འོད་ཅེས་བྱ་བ་རི་བོ་དེ་ཉིད་མཐོང་བས་ཉོན་མོངས་བརྒྱད་ཁྲི་བཞི་སྟོང་འགགས་པར་བྱེད་པ། བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་ཁོང་དུ་ཆུད་པར་བྱེད་པ། བདེན་པ་བཞི་མཐོང་བར་བྱེད་པར། རྒྱུ་དང་འབྲས་བུའི་དོན་རྟོགས་པར་བྱེད་པ། ཏིང་ངེ་འཛིན་གྱི་ཟས་གོས་དང་ལྡན་པས་འཇིག་རྟེན་གྱི་ཟས་གོས་ཀྱི་ཁེངས་པ་དང་བྲལ་བ། ལྷ་རྣམས་ཀྱི་གཟི་མདངས་འཇུག་ཅིང་འཕགས་པ་དགྲ་བཅོམ་པའི་འབྲས་བུ་རྫུ་འཕྲུལ་ལ་ཐོགས་པ་མེད་པར་ཐོབ་པར་འགྱུར་རོ། །རི་བོ་དེ་ཉིད་ན་འོག་མིན་ལྷའི་རྒྱལ་པོའི་ཁང་བཟང་དང་མཚུངས་ཏེ། དུས་བཟང་པོ་ལ་རྒྱལ་བ་བྱམས་པ་ལྷ་བརྒྱད་ཁྲིའི་ཚོགས་དང་བཅས་ཏེ། ཆོས་ཀྱི་འཁོར་ལོ་བསྐོར་བར་འགྱུར་རོ། །དུས་བཟང་པོ་ལ་འགྲོ་བ་གང་གིས་ས་ཕྱོགས་དེར་མཆོད་པར་བྱས་པ་དང་། བླ་མར་བྱེད་པ་དང་། རི་མོར་བྱེད་པ་དང་། བཀུར་བར་བྱེད་པ་ཐམས་ཅད་ནི་དགྲ་བཅོམ་ཕྱིར་མི་ལྡོག་པའི་ས་ཐོབ་ནས་རྒྱལ་བ་བྱམས་པའི་སྲས་ཀྱི་ཐུ་བོར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་ཕྱོགས་དེ་ཉིད་ནས་རི་བོ་དྲི་མ་མེད་པའི་མདངས་གསལ་བ་ཞེས་བྱ་བ། སྨན་གྱི་དྲི་ངད་དང་ལྡན་ཞིང་པདྨའི་མདངས་གསལ་བས་ས་ཕྱོགས་དེའི་ཆུ་དང་རྩྭ་སོགས་འགྲོ་བ་གང་གི་ལུས་ལ་རེག་པ་དང་། ལྟོར་ཟོས་པ་ཐམས་ཅད་ཀྱང་ཆག་པ་མེད་པའི་ཏིང་ངེ་འཛིན་གྱི་ལུས་ཐོབ་པའོ། །ཟས་གོས་ཀྱི་འཛིན་པ་དང་བྲལ་བ་ཏིང་ངེ་འཛིན་གྱིས་ཟས་གོས་ལ་ལོངས་སྤྱོད་པ་ཤ་སྟག་སྟེ། གནས་དེར་

― GLG008_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཟག་གནས་པ་གང་དག་ཆོས་གོས་དང་ལྷུང་བཟེད་ཡིད་ལ་བསམས་པས་འགྲུབ་པ་དང་། ཟས་གོས་ཀྱི་འཛིན་པ་དང་བྲལ་བ། སྐྱེ་བ་ཕྱི་མ་པདྨ་ལས་རྫུས་ཏེ་སྐྱེ་བ་དང་། སངས་རྒྱས་སྟོང་གི་ཞལ་མཐོང་བ་དང་། རྒྱལ་བ་སྲས་བཅས་རྣམས་ཀྱིས་རྗེས་སུ་འཛིན་པར་འགྱུར་རོ། །རི་བོ་དེ་ཉིད་ནི་སངས་རྒྱས་འོད་དཔག་མེད་ཀྱི་ཞིང་ཁམས་རྣམ་པར་དག་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཞིང་རྣམ་པར་དག་པའི་གནས་དེ་ན་ཡེ་ཤེས་ཀྱི་བདུད་རྩིའི་རྒྱུན་གྱི་ཆུ་བསམ་གྱི་མི་ཁྱབ་པ་གནས་ཏེ། དག་པ་ཡེ་ཤེས་ཀྱི་ཆུ་ཀླུང་གི་ཆུ་འཐུངས་པས་ལས་དང་ཉོན་མོངས་པའི་དྲི་མ་དག་པར་བྱེད་པ་དང་། གནས་དེའི་ཤར་ཕྱོགས་ཆུ་མིག་བདུད་རྩི་ཡེ་ཤེས་ཀྱི་ཆུ་འཐུངས་པས་ལྷའི་སྤྱན་རྣམ་པར་དག་པ་ཐོབ་སྟེ། སངས་རྒྱས་ཀྱི་ཞིང་མཐོང་བར་འགྱུར་བ་དང་། བྱང་ཆུབ་སེམས་དཔའ་རྣམས་ཀྱི་ཐུགས་རྗེའི་ཆུ་འཐུངས་པས་ཚུལ་ཁྲིམས་ཀྱི་རྒྱན་ཐོབ་པར་འགྱུར་རོ། །དཔལ་གསང་བ་འདུས་པའི་མཆོག་གི་ཡེ་ཤེས་ཀྱི་ཆུ་འཐུངས་པས་བདེ་ཆེན་ལོངས་སྤྱོད་ཀྱི་སྐུ་ཐོབ་པར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཞིང་རྣམ་པར་དག་པའི་གནས་དེ་ན་ལྷའི་བདུད་རྩི་རོ་བརྒྱ་དང་ལྡན་པའི་རྩྭ་དང་ལྡན་པའི་རྩྭ་མཆོག་ཟོས་པས་གཟུངས་དང་ཏིང་ངེ་འཛིན་ཐོབ་པ་བསམ་གྱིས་མི་ཁྱབ་སྟེ་འཕགས་པ་འཇམ་དཔལ་གཞོན་ནུར་གྱུར་པའི་ཐུགས་རྗེ་ལས་འཁྲུངས་པ་རྩྭ་མཆོག་བདུད་རྩིའི་ཟིལ་པ་ཅན་དང་འཕགས་པ་མཐའ་ཡས་རིགས་མཆོག་གི་སྨོན་ལམ་ལས་འཁྲུངས་པའི་བྱང་ཆུབ་ལྗོན་པའི་ཤིང་མདངས་གསལ་བའི་མེ་ཏོག་གི་བདུད་རྩི་དང་། ལྷའི་དབང་པོས་བྱིན་གྱིས་བརླབས་པའི་རྩྭ་མཆོག་འགྲོ་བ་གང་གིས་ཐོས་པའི་ཚེ་ཕུན་སུམ་ཚོགས་པར་བྱེད་པ་དང་། ཚངས་པའི་སྟོབས་ལས་སྐྱེས་པའི་བདུད་

― GLG008_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིའི་རྩྭ་མཆོག་ཟོས་པས་དབང་པོའི་གཟི་མདངས་སྐྱེད་པར་བྱེད་པ་དང་འཁོར་བའི་གཡུལ་ལས་རྒྱལ་བར་བྱེད་པའི་བདུད་རྩིའི་རྩཱ་མཆོག་ཟོས་པས་ཉོན་མོངས་པའི་རྟོག་པ་འགགས་པར་བྱེད་པ་དག་ཀྱང་ཡོད་དོ། །བྱང་ཆུབ་སེམས་དཔའ་སེམས་པ་ཆེན་པོ་སངས་རྒྱས་ཀྱི་མིང་རྣམ་པར་དག་པའི་གནས་དེ་ན་དགོས་འདོད་འབྱུང་བའི་ལྷའི་དཔལ་འབྱོར་ཕུན་སུམ་ཚོགས་པའི་ཡིད་བཞིན་གྱི་ནོར་བུ་རིན་པོ་ཆེའི་གཏེར་བསམ་གྱིས་མི་ཁྱབ་སྟེ། ལྗོན་པ་ལྷའི་ནོར་བུ་རིན་པོ་ཆེ་དགོས་འདོད་ཐམས་ཅད་འབྱུང་བར་བྱེད་པའི་གཏེར་དང་། སྦྱིན་པ་ནས་འབྲས་བུ་ཐོབ་པར་བྱེད་པའི་གཏེར་དང་། ལྷའི་ནོར་བུ་ཡིད་བཞིན་གྱི་གཏེར་ཡིད་ལ་གང་འདོད་ཆར་བཞིན་དུ་འབབ་པའི་གཏེར་དང་། ལྷ་རྣམས་ཀྱི་གཟི་མདངས་ཐོབ་ཅིང་ཚེ་ཕུན་སུམ་ཚོགས་པ་ཐོབ་པར་བྱེད་པའི་ལྷའི་དབང་པོའི་གཏེར་དང་། འབྲུ་དང་རྩི་བཅུད་སྦྱིན་པར་བྱེད་པ་ཀླུའི་རྒྱལ་པོ་མཐའ་ཡས་དང་ནོར་སྐྱོང་གི་ནོར་བུའི་གཏེར་དང་། དགོས་འདོད་ཐམས་ཅད་ཆར་བཞིན་དུ་འབབ་པའི་གཏེར་དང་། གནོད་སྦྱིན་གྱི་དབང་པོ་རྣམ་ཐོས་སྲས་དང་། ཛམ་བྷ་ལ་དང་། ནོར་སྐྱོང་གི་དབང་པོ་ལ་སོགས་པའི་བསོད་ནམས་ལས་གྲུབ་པའི་ནོར་བུའི་གཏེར་དང་། དགོས་འདོད་ཐམས་ཅད་འབྱུང་བར་བྱེད་པའི་གཏེར་དང་། ས་འོག་དང་ས་སྟེང་དང་ས་བླར་གྱུར་པའི་དགོས་འདོད་ཐམས་ཅད་འབྱུང་བའི་གཏེར་དག་ཀྱང་གནས་དེ་ཉིད་ན་བསམ་གྱིས་མི་ཁྱབ་པར་བཞུགས་ཡོད། བྱང་ཆུབ་སེམས་དཔའ་སེམས་དཔའ་ཆེན་པོ་མཐའ་ཡས་རིགས་མཆོག་ཉོན་ཅིག །སངས་རྒྱས་ཀྱི་ཞིང་རྣམ་པར་དག་པའི་གནས་དེ་ཉིད་ཀྱི་རི་དེ་དག་ནི་བདེ་བར་གཤེགས་པའི་མཆོད་རྟེན་དུ་རང་བྱུང་བའོ། །རི་བོ་རཏྣ་ཙཀྲ་ནི་ལྷ་ལས་བབས་པའི་མཆོད་རྟེན་དུ་རང་བྱུང་བའོ། །རི་བོ་མཆོག་ཏུ་གསལ་

― GLG008_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དྲི་མ་མེད་པ་ནི་ལྷུམས་སུ་ཞུགས་པའི་མཆོད་རྟེན་དུ་རང་བྱུང་བའོ། །རི་བོ་དྲི་མ་མེད་པ་པདྨའི་མདངས་གསལ་བ་ཞེས་བྱ་བ་ནི། །སྐུ་བལྟམས་པའི་མཆོད་རྟེན་རང་བྱུང་བའོ། །རི་བོ་མཆོག་ཏུ་འོད་གསལ་བ་ཞེས་བྱ་བ་ནི། རབ་ཏུ་གྱུར་པའི་མཆོད་རྟེན་དུ་རང་བྱུང་བའོ། །རི་བོ་རིན་ཅེན་སྤུངས་པ་ལྟ་བུ་ནི་དཀའ་ཐུབ་མཛད་པའི་མཆོད་རྟེན་དུ་རང་བྱུང་བའོ། །རི་བོ་རཏྣ་ཟུར་མང་ཞེས་བྱ་བ་ནི་བདུད་ཀྱི་མཐུ་ཐམས་ཅད་རྣམ་པར་འཇོམས་པའི་མཆོད་རྟེན་དུ་རང་བྱུང་བའོ། །རི་བོ་ལྷུན་ཞིང་མདངས་གསལ་བ་ཞེས་བྱ་བ་ནི་མངོན་པར་རྫོགས་པར་སངས་རྒྱས་པའི་མཆོད་རྟེན་དུ་རང་བྱུང་བའོ། །བྱང་ཆུབ་སེམས་དཔའ་སེམས་དཔའ་ཆེན་པོ་མཐའ་ཡས་རིགས་མཆོག་ཉོན་ཅིག །སངས་རྒྱས་ཀྱི་ཞིང་རྣམ་པར་དག་ན་ཚངས་རིས་ཀྱི་ལྷ་ཐམས་ཅད་འདུ་བའི་གནས་བསམ་གྱིས་མི་ཁྱབ་སྟེ། སུམ་ཅུ་རྩ་སུམ་གྱི་ལྷ་ཐམས་ཅད་འདུ་བ་པདྨའི་ལྗོངས་དང་། འཕྲུལ་དགའི་ལྷ་རྣམས་འདུ་བ་མེ་ཏོག་གི་མདངས་བཀྲ་བའི་ལྗོངས་དང་། །མཚེ་མའི་ལྷ་རྣམས་འདུ་བ་ནེའུ་གསིང་གི་ལྗོངས་དང་། དགའ་ལྡན་གྱི་ལྷ་རྣམས་འདུ་བ་སྤོས་ཀྱི་ངད་དང་ལྡན་པའི་ལྗོངས་དང་། གཞན་འཕྲུལ་དབང་བྱེད་ཀྱི་ལྷ་རྣམས་འདུ་བ་གངས་རིའི་མདངས་བཀྲ་བའི་ལྗོངས་དང་། ཚངས་ལྷ་གཙང་མའི་རིས་ཀྱི་ལྷ་རྣམས་འདུ་བ་བྱང་ཆུབ་ལྗོན་པའི་ཤིང་གི་མེ་ཏོག་གི་མདངས་བཀྲ་བའི་ལྗོངས་ཏེ། དུས་བཟང་པོ་ཚེས་བརྒྱད་དང་བཅོ་ལྔ་དང་ཉེར་ལྔ་ལ་རྒྱལ་བ་བྱམས་པ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་བསམ་གྱིས་མི་ཁྱབ་པས་བསྐོར་བ་དང་། ལྷའི་བུ་བྱེ་བ་ཕྲག་བརྒྱའི་ཚོགས་དང་བཅས་ཏེ་གནས་དེར་ཆོས་ཀྱི་འཁོར་ལོ་བསྐོར་བར་འབྱོན་པར་འགྱུར་རོ། །འགྲོ་བ་གང་གིས་དུས་བཟང་པོ་ལ་གནས་

― GLG008_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

དེར་མེ་ཏོག་དང་ཕྲེང་བ་དང་སྤོས་དང་བྱུག་པ་དང་གདུགས་དང་རྒྱན་མཚན་དང་མར་མེའི་འཕྲེང་བ་དག་དང་། ཞལ་ཟས་དང་སིལ་སྙན་དང་རོལ་མོ་དག་གིས་མཆོད་པར་བྱེད་པ་དང་། བླ་མར་བྱེད་པ་དང་། རི་མོར་བྱེད་པའི་བསོད་ནམས་ཀྱི་ཚད་ནི་བགྲང་བར་མི་ནུས་སོ། །དགེ་སློང་དང་དགེ་ཚུལ་དང་། དགེ་བསྙེན་ཡང་རུང་སྟེ་གང་དག་གནས་དེར་བསྙེན་པར་རྫོགས་ཤིང་། བསྙེན་པར་གནས་པ་གང་ཡིན་པ་དེ་ནི་མྱུར་དུ་བླ་ན་མེད་པ་ཡང་དག་པར་རྫོགས་པར་འཚང་རྒྱ་བར་འགྱུར་རོ། །བྱང་ཆུབ་སེམས་དཔའ་དཔའ་ཆེན་པོ་མཐའ་ཡས་རིགས་མཆོག་ཉོན་ཅིག །སངས་རྒྱས་ཀྱི་ཞིང་རྣམ་པར་དག་པའི་གནས་དེར། གང་གནས་པའི་དགེ་སློང་དང་། དགེ་ཚུལ་དང་། དགེ་བསྙེན་འང་རུང་སྟེ། འགྲོ་བ་གཞན་དག་ཀྱང་གནས་དེར་གནས་པ་དེ་དག་ཐམས་ཅད་ནི་ཚུལ་ཁྲིམས་ཀྱི་ཕུང་པོ་དང་། ཏིང་ངེ་འཛིན་གྱི་ཕུང་པོ་དང་། བསོད་ནམས་ཀྱི་ཕུང་པོ་དང་། རྣམ་པར་གྲོལ་བའི་ཕུང་པོ་དང་། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་དང་ལྡན་པར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་སངས་རྒྱས་ཀྱི་ཞིང་རྣམ་པར་དག་པའི་གནས་དེར་ལྷ་དང་ཀླུ་དང་གནོད་སྦྱིན་དང་། མཁའ་འགྲོ་དང་མཁའ་འགྲོ་མ་དང་ཕྱོགས་སྐྱོང་དང་ཞིང་སྐྱོང་རྣམས་དང་རྒྱལ་པོ་ཆེན་པོ་བཞིས་ཀྱང་གནས་དེ་སྲུང་བ་དང་སྐྱོབ་པ་དང་སྦ་བར་བྱེད་དོ། །གནས་དེར་གནས་པའི་འགྲོ་བ་གང་དག་ལ་བདུད་སྡིག་ཅན་གྱི་ཚོགས་ཀྱིས་གླགས་ལྟ་བར་མི་འགྱུར་ཞིང་། བདུད་གྱི་བར་དུ་གཅོད་པའི་ཚོགས་ཀྱིས་མི་ཚུགས་པར་འགྱུར་རོ། །ཀླུའི་རྒྱལ་པོ་མཐའ་ཡས་དང་། ནོར་སྐྱོང་དང་། དགའ་བོ་དང་། འཇོག་པོ་དང་། སྟོབས་རྒྱུ་དང་། པདྨ་དང་། པདྨ་ཆེན་པོ་དང་། རིགས་ལྡན་རྣམས་ཀྱང་སངས་རྒྱས་ཀྱི་ཞིང་རྣམ་པར་དག་པའི་གནས་དེའི་མཚོ་མདངས་

― GLG008_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་མཚོའི་རྨང་ལ་གནས་ཏེ། ཀླུའི་ཡིད་བཞིན་གྱི་ནོར་བུ་རིན་པོ་ཆེ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་མཆོད་པར་བྱེད་པས་ན་སངས་རྒྱས་ཀྱི་ཞིང་དེར་དུས་དུས་སུ་ཀླུ་རྣམས་ཀྱིས་ཆར་འབེབས་ཏེ། དུས་བཟང་པོ་ལ་མེ་ཏོག་གི་ཆར་འབབ་ཅིང་། རྩི་ཤིང་དང་། མྱུ་གུ་དང་། མེ་ཏོག་རྣམས་ཀྱི་མདངས་གསལ་བར་འགྱུར་རོ། །སངས་རྒྱས་ཀྱི་ཞིང་རྣམ་པར་དག་པའི་གནས་དེ་ན་གནས་པའི་བྱ་དང་། རི་དྭགས་དང་། དུད་འགྲོའི་སྐྱེ་གནས་སུ་སྐྱེས་པ་ཐམས་ཅད་ཀྱང་ཕྱིར་མི་ལྡོག་པའི་ས་ཐོབ་པར་འགྱུར་རོ། །སྐྱེ་བ་ཕྱི་མ་ལ་ཆོས་ཀྱི་སལ་པ་དང་ལྡན་པར་འགྱུར་རོ། །བྱང་ཆུབ་སེམས་དཔའ་ཆེན་པོ་མཐའ་ཡས་རིགས་མཆོག །སངས་རྒྱས་ཀྱི་ཞིང་རྣམ་པར་དག་པའི་གནས་དེར་དགེ་སློང་དང་། དགེ་ཚུལ་དང་། དགེ་བསྙེན་གང་དང་གང་དག་གནས་པ་དེ་དག་ཐམས་ཅད་ནི་ཕྱིར་མི་ལྡོག་པའི་འཕགས་པ་དགྲ་བཅོམ་པ་སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱིས་རོལ་ཏུ་ཕྱིན་པ་དང་། ཐབས་ཀྱི་ཕ་རོལ་ཏུ་ཕྱིན་པ་དང་། སྟོབས་ཀྱི་ཕ་རོལ་ཏུ་ཕྱིན་པ་དར། སྨོན་ལམ་གྱི་ཕ་རོལ་ཏུ་ཕྱིན་པ་དང་། ཡེ་ཤེས་ཀྱི་ཕ་རོལ་ཏུ་ཕྱིན་པ་དང་ཚིག་དང་དོན་གྱི་གཟུངས་ཐོབ་པ། དགྲ་བཅོམ་པ་ཟག་པ་ཟད་པ། ཉོན་མོངས་པ་མེད་པ། སེམས་ཤིན་ཏུ་རྣམ་པར་གྲོལ་བ། ཤེས་རབ་ཤིན་ཏུ་རྣམ་པར་གྲོལ་བ་ཤ་སྟག་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་མཐའ་ཡས་རིགས་མཆོག་གངས་ཅན་གྱི་ལྗོངས་དེར་བསམ་བཞིན་སྐྱེ་བ་བླངས་ཏེ་སྡེ་སྣོད་གསུམ་གྱི་བསྟན་པ་གསལ་བར་བྱེད་པའི་ཕྱིར་སངས་རྒྱས་ཀྱི་ཞིང་རྣམ་པར་

― GLG008_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

དག་པའི་གནས་དང་། འདུས་པ་དང་པོ་ལ་ནི་ཉན་ཐོས་བརྒྱ་ཕྲག་གསུམ་དང་། ཐེག་པ་ཆེན་པོའི་གང་ཟག་བརྒྱའོ། །འདུས་པ་གཉིས་པ་ནི་བརྒྱ་ཕྲག་བཅོ་ལྔའོ། །དགྲ་བཅོམ་ཕྱིར་མ་ལྡོག་པ་བདེན་པ་མཐོང་བ་ནི་བརྒྱ་ཕྲག་གོ །འདུས་པ་གསུམ་པ་ལ་ནི་ཁྲི་ཕྲག་གོ །སངས་རྒྱས་གྱི་ཞིང་རྣམ་པར་དག་པའི་གནས་དེ་ལ་ཆགས་འཇིག་མི་འབྱུང་སྟེ། རྒྱལ་བ་བྱམས་པ་འཛམ་བུའི་གླིང་འདིར་ཆོས་ཀྱི་འཁོར་ལོ་བསྐོར་བའི་ཞིང་ཁམས་ཀྱི་མཆོག་དམ་པར་འགྱུར་རོ། །དེའི་ཕྱིར་ན་བྱང་ཆུབ་སེམས་དཔའ་སེམས་དཔའ་ཆེན་པོ། གངས་ཅན་གྱི་ལྗོངས་དེ་ནི་བྱང་ཆུབ་སེམས་པས་འདུལ་བའི་ཞིང་དུ་འགྱུར་བས་ན། ཇི་སྲིད་བསྐལ་བའི་བར་དུ་བྱང་ཆུབ་སེམས་དཔའི་སྡེ་སྣོད་གསུམ་དང་། བླ་མེད་ཐེག་པའི་ཆོས་ཀྱི་བསྟན་པ་གསལ་བར་བྱེད་པར་འགྱུར་རོ། །ཞེས་བཀའ་སྩལ་བའི་ཚེ་བྱང་ཆུབ་སེམས་དཔའ་མཐའ་ཡས་རིགས་མཆོག་དང་། འཕགས་པ་འཇམ་དཔལ་གཞོན་ནུར་གྱུར་པ་དང་། ལྷའི་དབང་པོ་དང་། ཚངས་པ་དང་། གཙང་རིས་ཀྱི་ལྷ་ཐམས་ཅད་དང་། ལྷ་དང་མི་དང་ལྷ་མ་ཡིན་དང་དྲི་ཟར་བཅས་པའི་ཚོགས་ཐམས་ཅད་ཀྱང་བྱང་ཆུབ་སེམས་དཔའ་སེམས་པ་ཆེན་པོ་གངས་ཅན་གྱི་ལྗོངས་སངས་རྒྱས་ཀྱི་ཞིང་རྣམ་པར་དག་པ་འཕགས་པས་འདུལ་བའི་ཞིང་དུ་གྱུར་པའི་གནས་དེར་སྡེ་སྣོད་གསུམ་གྱི་བསྟན་པ་བྱང་ཆུབ་སེམས་དཔའ་སེམས་དཔའ་ཆེན་པོས་གསལ་བར་བྱེད་པའི་ཚེ་བདག་ཅག་རྣམས་ཀྱིས་ཀྱང་གནས་དེ་བསྲུང་བ་དང་། བསྐྱབ་པ་དང་། སངས་རྒྱས་ཀྱི་ཞིང་རྣམ་པར་དག་པའི་གནས་དེར་སངས་རྒྱས་ཀྱི་བསྟན་པ་ཡུན་རིང་དུ་གནས་པར་བགྱིའོ། །ཞེས་འདུས་པའི་འཁོར་ཐམས་ཅད་རྗེས་སུ་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དཔལ་གསང་བ་འདུས་པའི་རྒྱུད་ཀྱི་ཡང་སྙིང་ཚེ་

― GLG008_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཡེ་ཤེས་འབྱུང་བའི་རྒྱུད་ལས། གངས་ཅན་གྱི་ལྗོངས་སུ་འཕགས་པ་མཐའ་ཡས་རིགས་མཆོག་གཟུགས་ཀྱི་སྐུར་བསམ་བཞིན་དུ་སྐྱེ་བ་བཞེས་ཏེ་སྡེ་སྣོད་གསུམ་གསལ་བར་བྱེད་པ་ལས། གངས་ཅན་ཡུལ་གྱི་རི་བོ་འབིགས་བྱེད་སངས་རྒྱས་ཀྱི། ཞིང་རྣམ་པར་དག་པའི་གནས་འཕགས་པའི་ཡུལ་ཞེས་པ་ལུང་བསྟན་པའི་ལེའུ་སྟེ་བཅོ་ལྔ་པའོ། །ཌཱ་ཀི་ནཱི་གཏད་རྒྱ༔ ཞེས་པ་འདི་ཡིན། ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་རྒྱལ་པོ་ཛ་ཡ་སེ་ན་ཨེནྡྲ་བྷཱུ་ཏི་ཕྱག་ན་རྡོ་རྗེའི་ཕོ་བྲང་དུ་དཔལ་གསང་བ་འདུས་པ་དང་། དཔལ་ལྡན་རྒྱུ་སྐར་གྱི་རྒྱལ་པོ་ལེའུ་ཁྲི་དྲུག་སྟོང་བཀའ་སྩལ་བའི་གསང་པ་འདུས་པའི་ཚེ་དང་ཡེ་ཤེས་འབྱུང་བའི་རྒྱུད་རྣམས་ཡེ་ཤེས་ཀྱི་མཁའ་འགྲོ་རྣམས་ཀྱིས་ཨྱོན་མཁའ་འགྲོའི་ཡི་གེར་བཀོད། རིན་པོ་ཆེ་བཻ་ཌཱུཪྻ་ལས་གྲུབ་པའི་མཆོད་རྟེན་གྱི་བུམ་པར་རིན་པོ་ཆེ་མཐིང་ཤེལ་གྱི་ག་འུར་བཞུགས་པ་ལས།ཙ་རི་ཏྲ་ཡེ་ཤེས་ཀྱི་འཁོར་ལོའི་གནས་སུ་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་ཨྱོན་གྱི་ཡུལ་ནས་སྤྱན་དྲངས་ཏེ་པདྨ་སཾ་བྷ་ཝ་བདག་ལ་རྫོགས་པའི་བཀའ་གཏད་བགྱིས་པ་ལས། པདྨ་སཾ་བྷ་ཝ་བདག་ཉིད་ཀྱིས་སངས་རྒྱས་ཀྱི་བཀའ་དྲི་མ་མེད་པ་ཨྱོན་མཁའ་འགྲོའི་ཡི་གེ་ལས་བོད་ཀྱི་སྐད་དུ་བསྒྱུར་ཏེ། གཟབ་བཤར་འདྲེས་པ་ལས། བོད་ཀྱི་ཡི་གེར་བཏབ་པ་འདི་ཙ་རི་ཏྲ་ཡེ་ཤེས་ཀྱི་མཁའ་འགྲོའི་གནས་ཀྱི་ལྟེ་བ། དཔལ་གསང་བ་འདུས་པའི་ཕོ་བྲང་རང་བྱུང་རྡོའི་གཙུག་ལག་ཁང་དུ་གཏེར་དུ་སྦས་ཏེ། ཡེ་ཤེས་ཀྱི་མཁའ་འགྲོ་མ་རྣམས་ཀྱིས་སྲུང་མ་མཛོད་ལ། ལྔ་བརྒྱ་ཐ་མའི་དུས་སུ་བྱང་ཆུབ་སེམས་དཔའ་སེམས་དཔའ་ཆེན་པོ་མཐའ་ཡས་རིགས་མཆོག་གངས་ཅན་གྱི་ཡུལ་དེར་སྐྱེ་བ་བཞེས་ཏེ་སྡེ་སྣོད་གསུམ་གྱི་བསྟན་པ་གསལ་བར་བྱེད་པའི་ཚེ། འཕགས་པ་ཀ་ཏྱཱ་ཡ་ནའི་

― GLG008_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པར་སྤྲུལ་པ་པདྨ་བདག་གིས་འཕྲིན་ལས་སུ་རྒྱུད་བྱིན་གྱིས་བརླབས་པ། ད་ལྟའི་ལོཙྪ་བ་པདྨ་གར་དབང་བསམ་བཞིན་སྐྱེ་བ་ལེན་པ་ལ་ཡེ་ཤེས་ཀྱི་མཁའ་འགྲོ་མ་རྣམས་ཀྱིས་གདམས་པའི་གཏེར་གྱིས་གཏད་རྒྱ་བགྱིས་པ་ནི། ཌཱ་ཀི་ནཱི་རྒྱ་རྒྱ་རྒྱ༔་སངས་རྒྱས་ཀྱི་ཞིང་དང་། རྣམ་པར་དག་པ་དཔལ་རྡོ་རྗེ་འཇིགས་གསང་གྱི་དཀྱིལ་འཁོར་གངས་ཅན་གྱི་ཡུལ་རྒྱལ་གྱི་གནས་དག་པ་ཡེ་ཤེས་ཀྱི་གནས་མཆོག་དེར། པདྨ་སཾ་བྷ་ཝ་བདག་གིས་གནམ་ལོ་རྒྱལ་པོ་ས་ཕོ་འབྲུག་གི་ལོ་ལ་འགོ་བཙུགས། གནས་དེར་དཔལ་ལྡན་གཙོ་བོ་དམག་གི་རྒྱལ་མོ་དང་། ཞིང་སྐྱོང་ཆེན་པོ་དམ་ལ་བཏགས་ཏེ་གནས་ཀྱི་སྲུང་མར་བསྐོས་པའོ། །གཏེར་ཁ་གསུམ་པའི་གཏེར་ཡིག་དང་གནས་ཡིག་ཞིབ་པ་རྣམས་ཡང་རྫོང་ཤེལ་གྱི་ཕུག་པར་གཏེར་དུ་བཞུགས་ཡོད། ས་མ་ཡ་རྒྱ་རྒྱ་རྒྱ༔ ཞེས་པ་འདི་ཉིད་གནམ་ལོ་རྒྱལ་པོ་ཤིང་མོ་སྦྲུལ་གྱི་ལོ་ཟླ་བ་དྲུག་པའི་ཚེས་བཅོ་ལྔའི་ཉིན། སྤྲུལ་སྐུ་ལས་འཕྲོ་གླིང་པ་ཉིད་ཀྱིས་ཕོ་བྲངགཡུ་མཚོའི་གནས་རང་བྱོན་རྡོའི་གཙུག་ལག་ཁང་ནས་སྤྱན་དྲངས་པའོ། །ཤོག་སེར་ལས་བཤུས་པ་ཡིན། ཞེས་པ་བྱུང་ལ། བྱེ་བྲག་ཏུ་དགའ་ཚལ་གྱི་གནས་འདི་ཉིད་ཀྱི་ལུང་བསྟན། བཀའ་གདམས་གླེགས་བམ་རིན་པོ་ལས། དེར་མཁའ་འགྲོ་འབུམ་གྱི་དགའ་བའི་ཚལ། ཉམས་བག་ཕེབས་དགའ་བར་སྐྱོང་བའི་ས། ཞེས་པའི་ལུང་བསྟན་གྱིས་ཟིན་པའི་གཟར་མོའི་རི་ལ་དགའ་ཚལ་དབང་དྲག་རོལ་པའི་གཙུག་ལག་ཁང་འདིང་བའི་ལྟ་གོན་ལ་མངོན་པར་ཕྱོགས་ཏེ། བཀའ་ལས། གཟར་མོའི་རི་སྐེད་ཀྱི་སྤང་སྡིངས་ཕ་གིར་ས་བཟུང་བའི་ཆོ་ག་ཞིག་བྱེད་དུ་འགྲོ་བས། གུར་དཀར་ནག་འབུབས་པ་སོགས་གྲབས་ཀྱིས་གསུངས་ནས། དཔོན་སློབ་ཕལ་མོ་ཆེ་དེར་ཕེབས་ནས་ཐུགས་དམ་གནང་བའི་ཚེ། ནམ་མཁའི་མཐའ་

― GLG008_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོར་ཀུན་ཏུ་སྤྲིན་གྱི་ཡོལ་བས་བསྐོར་བའི་དབུས་གཡའ་དག་པ་ལ་འཇའ་འོད་དང་། མེ་ཏོག་སིལ་མའི་ཆར་ལྟས་བཟང་པོ་བྱུང་ཞིང་དེ་དུས་བསྟན་སྐྱོང་ཆེན་མོ་གྲགས་མོ་རྒྱལ་མིའི་ཁོག་ལ་ཞུགས་ནས་བྱུང་དེ། འདི་སྐད་དུ། སྤྲུལ་སྐུ་མཐོང་བ་དོན་ལྡན་ཆིབས་ཀྱི་ཡན་ལག་བཞི་ནས་མཁའ་འགྲོ་བཞིས་བཏེག་སྟེ་བར་སྣང་ལ་འབྱོན་པ་འདི་ཨེ་མཐོང་། ཆོས་འཁོར་རྒྱལ་གྱི་སྲུང་མ་དེ་སྔར་ཡང་ང་ཡིན། ད་དུང་ངས་མི་ཆོག་རྒྱུ་མེད་ཀྱང་། སྔོན་གྱི་དམ་ཚིག་རྗེས་སུ་སྐྱོང་བའི་ཆེད་དུ་གནས་འདིའི་སྲུང་མ་ལ། རྒྱལ་པོ་ཆེན་པོ་སྲོག་བདག་པེ་དཀར་ཆེན་པོ་ཡང་འབྱོན་པ་ཡོད་པས། དེའི་སྐུ་མཁར་ཞིག་ཀྱང་རྒྱག་དགོས་པ་ཡོད་དོ་གསུངས། དེ་ནས་སྟག་གི་ཉི་མ་ལ། སྟག་ལོ་བ་དབོན་པོ་བསོད་ནམས་དཔལ་འབྱོར་གྱིས་རྨང་བརྐོས་པའི་འོག་ནས། རྡོའི་གཏོར་སྟེགས་ཤིན་ཏུ་ལེགས་པ་དཀྱུས་རིང་ལ་ཞེང་ཆེ་བ་ཞིག་བྱུང་བའི་ཁར། ཐུགས་དམ་གཏོར་མ་ཆ་ཚང་དཔལ་འབར་དང་བཅས་འཇོག་གནང་བ། རླུང་འཚུབ་ཆེན་མོ་བྱུང་ཡང་དཔལ་འབར་གཡོ་མེད་དུ་འབར་བ་སོགས་ལྟས་བཟང་པོ་བྱུང་། ཕྱིས་གཟའ་སྐར་བཟང་བ་ལ་གཟིམས་ཁང་གིས་གཅོད་པའི་ཐིག་འདེབས་པའི་དུས་སུ། རྡོའི་དུང་གཡས་འཁྱིལ་གཉིས་དང་། རྡོའི་སྒྲོམ་བུ་ཁ་མཚམས་ཁྲོ་ཆུས་བསྡམས་པ་ཞིག་བྱུང་། དེ་ནས་བྲག་ཆེ་བ་ཞིག་གི་ངོས་ལ་ཧོར་ལྷམ་བཞེས་པའི་ཞབས་རྗེས་ཆེན་པོ་ཡང་བྱུང་། བཀའ་ལས་འདི་སློབ་དཔོན་པདྨའི་ཞབས་རྗེས་ཡིན། གླེགས་བམ་ལས། གསེར་དྲི་མ་མེད་པའི་མཆོད་རྟེན་ཡོད། །གསུང་བ་ཡང་འདི་ཡིན་ཞེས་ངོས་འཛིན་མཛད། ཅེས་ཁོ་བོའི་བླ་མ་རྡོ་རྗེ་འཆང་ཕ་བོང་ཁ་པ་གསུང་། མགོན་ཁང་གི་ས་བཅད་པའི་ཐད་དུ་བརྐོས་པས་རྡོའི་ཆོས་འབྱུང་གྲུ་གསུམ་པ། ངོས་རེ་ཁྲུ་རེ་གང་

― GLG008_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་ཁྱེར་ཀྱི་དཔངས་ལ་སོར་བཞི་ཙམ་ཡོད་པའི་རང་བྱུང་ཆོས་འབྱུང་གི་དབྱིབས་ཅན་རྣམས་འཐོན་པ་སོགས་དགེ་ལྟས་ཕུན་སུམ་ཚོགས་པ་བྱུང་། དེ་ནས་ཟླ་བ་དགུ་བའི་ནང་དུ་དངུལ་གདུང་གི་བཟོ་ལེགས་པར་གྲུབ་སྟེ། བྱམས་ཁང་གཞལ་ཡས་ལྷ་ཁང་དུ་བཞུགས་པའི་ཆོས་སྐུའི་རིང་བསྲེལ་སོགས་ཕྱག་ལེན་དངོས་གཙང་བར་བསྟར་བ་དང་། ཁྱད་པར་རྗེ་གོང་མའི་ཐུགས་ལས་བྱོན་པའི་བདེ་མཆོག་རང་བྱོན། གདུང་ལ་དུང་དཀར་གཡས་འཁྱིལ་གྱི་སྦོམ་སར་མཆོད་རྟེན་བརྒྱ་རྩ་བརྒྱད་ལྟ་བུའི་དུང་འབུར་གྱི་འཕྲེང་བས་བསྐོར་བ། སྐུའི་སྒྱུ་མ་གཡུང་དྲུང་འཁྱིལ་བ་དང་། གདུང་རུས་གདུང་སོལ། པུར་རས། འཆིང་ཐག་གི་ཟི་ཏ་ཧུའི་ཞགས་པ། གཞན་ཡང་དབུ་ལོ་ན་བཟའ་སོགས་དང་། སངས་རྒྱས་ཀྱི་འཕེལ་གདུང་གི་ཐོག་དྲངས། ས་དགེ་བཀའ་ཕྱག །སྔགས་རྙིང་མ་སོགས་རིས་བྲལ་གྱིས། མཁས་གྲུབ་དམ་པ་རྣམས་ཀྱི་བྱིན་རླབས་རྟེན་ཟད་མི་ཤེས་པའི་ཕུང་པོ་ཟ་མ་ཏོག་ལྟ་བུར་གྱུར་བའི་མཆོད་སྡོང་དམ་པ་དེ་ཉིད་ལ། བླ་མ་ཡབ་སྲས་གཉིས་ལ་རྡོ་རྗེ་འཛིན་པ་གྲངས་མེད་པས་བསྐོར་ཏེ། རབ་ཏུ་གནས་པའི་ཆོ་ག་རྒྱས་པའི་སྦྱིན་སྲེག་དང་བཅས་པ་མཛད་པའི་ཚེ། སྔ་དྲོ་ནམ་མཁའ་དྭངས་པ་ལ་འཇའ་འོད་སྣ་ལྔས་ཁྱབ་པ། ཕྱི་དྲོ་ཆར་ཆེན་པོ་བབ་པ་སོགས་ཡ་མཚན་པའི་ལྟས་མཐའ་དག་པ་བྱུང་། དེ་ནས་དྭགས་པོ་ལ་གོང་འོག་གིས་སྤྱན་དྲངས་ཏེ། བྲ་ཕོ་སྟེང་། བསམ་གཏན་གླིང་། ལྕང་ར་མཁར་ཐོག་རྣམས་སུ་ཕེབས་ནས། ཁྲོམ་ཆོས་དང་རབ་བྱུང་བསྙེན་རྫོགས་བརྒྱ་ཕྲག་བརྒལ་བ་བསྒྲུབས། རིམ་གྱིས་གྲུམ་མདར་ཕེབས། ཕུན་ཚོགས་དབང་པོས་བསྙེན་བསྐུར་ཞུས། ལུགས་གཉིས་ཀྱིས་ཚིམ་པར་མཛད། སྐུ་རབ་གནས་གཞིར་ནང་སོ་གཡུལ་རྒྱལ་པས་ཐོག་དྲངས། སྐྱ་སེར་གྱི་ཚོགས་ལ། ཚངས་པའི་དབྱངས་ཀྱིས་དམ་པའི་

― GLG008_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་སྒྲ་བསྒྲགས་པས་ཕྱོགས་ལྷུང་གི་ཀུན་རྟོག་ཅན་རྣམས་ཀྱང་དད་པའི་གསོས་སུ་བྱས། དེ་ནས་ཨོར་དང་། བང་རིམ་གྱི་བར་གྱི་སྐྱ་སེར་མཐའ་དག་ལ་དམ་པའི་ཆོས་ཀྱི་ཆར་བབ། སྨིན་གྲོལ་ལ་བཀོད་དེ། བཀའ་བརྒྱུད་ཀྱི་ཆུ་འགོ་དྭགས་ལྷ་སྒམ་པོའི་གནས་གཟིགས་ལ་ཕེབས། སྤྱན་སྔ་བཀྲ་ཤིས་རྣམ་རྒྱལ་དེ་དག་སྣང་ཅན་ཞིག་ཡོད་འདུག་པས་མཇལ་གླེང་དང་ཕན་ཚུན་དུ་ཆོས་ཀྱི་འབྲེལ་པ་གསན་རེས་མཛད། མཆོད་མཇལ་སྐབས་སྐུ་འདྲ་རིན་པོ་ཆེས། སྐྱེས་བུ་དམ་པ་བྱོན་པ་ལེགས། །དད་པའི་ས་གཞི་གང་བ་ལེགས། །ཕྲག་དོག་རླུང་དམར་ཞི་བ་ལེགས། གདུལ་བྱ་སྨིན་གྲོལ་བཀོད་པ་ལེགས། ཞེས་གསུང་བྱོན། དེར་འཁོད་པའི་སྐྱ་སེར་རྣམས་ཀྱི་དོན་རྒྱ་ཆེན་པོ་མཛད་བཞིན་པའི་ངང་ནས་མལ་གྲོ་བརྒྱུད་དེ་འབྲས་སྤུངས་སུ་ཕེབས། རྗེ་རྡོ་རྗེ་འཆང་སྔགས་རམ་པ་དེ་ཉིད། རྒྱལ་ནས་ཚུར་ཕེབས་པའི་ལམ་ཁ་ཕན་བདེ་དགོན་པར་སྐུ་མྱང་ངན་ལས་བཟླ་བའི་ཚུལ་བསྟན། དེ་ཡང་ཞལ་ཆེམས་སུ། ངེད་ཀྱི་སྐྱེ་བ་དྭགས་པོ་གླ་མདར་འོང་བས། དེར་ཉེར་ལེན་གནང་བ་ཞུ་ཞེས་པའི་ཞུ་འཕྲིན་འཇོག་པར་མཛད་པ་ལྟར། སྤྲུལ་པའི་སྐུ་མཐུ་སྟོབས་ནུས་པའི་བདག་ཉིད་ཆེན་པོ་དེ་བྱོན། འབྲས་སྤུངས་སུ་གནས་ཚུལ་གསན་པ་དང་དགོངས་པ་རྫོགས་པའི་ཐབས་རྒྱ་ཆེར་མཛད། དགུན་ཆོས་ལ་རྗེ་གོང་མའི་གསུང་འབུམ་གྱི་འཕྲོ་མུས་གནང་། ས་རྟའི་ལོ་གསར་སྨོན་ལམ་ཆེན་མོ་སོགས་གྲུབ་རྗེས། འབྲས་སྤུངས་སུ་ཚོགས་ཆེན་ལ་སྒྲུབ་ཐབས་རྒྱ་མཚོ་རྫོགས་པར་གནང་། མགོན་པོ་ཞལ་གྱི་བསྙེན་པ་ཞིག་མཛད། དེ་སྐབས་ཡར་ཀླུངས་བཀྲ་ཤིས་བདེ་ལེགས་སུ་འོལ་ཁ་ནས་ལུང་བསྟན་ཞུས་པའི་ཡི་གེ་ངོ་བོ་ལས། ས་ཕོ་རྟ་ལོ་ཧོར་ཟླ་གཉིས་པའི་ཚེས་ཉེར་གཅིག་གི་ཉིན། དཔལ་མགོན་ཞལ་བཞི་པའི་དྲུང་དུ་། སྡེ་པ་

― GLG008_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ལ་སྟག་རྩེ་བས་ལུང་བསྟན་ཞུས་པ་ལ། ཞབས་དྲུང་རིན་པོ་ཆེས་མཆོག་གི་སྤྲུལ་སྐུ་ཐམས་ཅད་མཁྱེན་པའི་སྐུ་ཆ་བཟང་པོ་ཞུས་པའི་ལེན་ནི། མཉམ་མེད་ཐུབ་པའི་དབང་པོ་དང་། །རང་གང་མོས་དཔལ་ལྡན་བླ་མ་སོགས། །ཡི་དམ་མཐུ་ལྡན་སྲུང་མ་མཆོད། །རྣལ་འབྱོར་རྒྱུ་ལུས་ཤེལ་དཀར་མཆོད་རྟེན་ཡང་། །གློ་བུར་འཇིག་པར་མ་གྱུར་ཀྱང་། །མི་གཙང་འཁོན་གྲིབ་ལ་བརྟེན་པའི། །ནད་ཀྱི་དྲི་ནོགས་ཕྲ་མོ་འཁོར། །གཏིང་ནས་བར་ཆད་ཆེར་མེད་ཀྱང་། །གནས་སྐབས་རྣལ་འབྱོར་རང་གི་སྣང་བ་ལམ་དུ་ལོང་། །ཡི་དམ་ལྷ་ཡི་བསྙེན་སྒྲུབ་འབད་པ་ཐོན། །ལན་མེད་ཀྱི་སྦྱིན་གཏོང་ཀུན་ལ་འབད། །རིགས་དྲུག་གི་སེམས་ཅན་ཀུན་རྣམས་སྐྱོང་། །དེ་ཁས་བར་ཆད་ཀྱི་རིགས་རྣམས་སེལ་འགྱུར་ཞིང་། །འཁོར་འདས་གཉིས་ཀྱི་དབུས་སུ་ནི། །རྣལ་འབྱོར་རིགས་ལྡན་སྒྱུ་ལུས་ཤེལ་དཀར་ཚུགས། །རྩ་བ་བ་གམ་བརྟན་གྱུར་ཅིང་། །དབུས་ཀྱི་བུམ་པ་བར་སྣང་ཡོངས་ལ་ཁྱབ། །རྩེ་མོ་ཆོས་འཁོར་གསེར་གྱི་གསེར་ཕྲུ་རེ། །སྟེང་དགའ་ལྡན་ལྷ་གནས་ཡུལ་དུ་ཁྱབ། །མི་གཙང་འཁོན་གྲིབ་ཀུན་ལ་ཕྱོགས་བཞིར་གཟུར། །གཏུམ་ཆེན་ཁྲོ་བོ་ང་བྲན་འཁོར་བཅས་གནས་པའི་སར། །མཆོད་གཏོར་སྤྱན་གཟིགས་ནམ་མཁའི་གང་བ་ཤོམས། །འཕྲིན་ལས་ཀྱི་སྒོ་མོ་ཕྱོགས་བཞིར་ཁོ་བོས་འབྱེད། །རྣལ་འབྱོར་ད་ལྟ་གནས་པའི་ཡུལ་ཕྱོགས་དེར། །དགོས་མེད་ཀྱི་འཁྲུག་ལོང་སློང་གྱུར་བས། །ས་དེ་ནས་ཉི་མ་ནུབ་ཕྱོགས་རི་སྣ་ཡི། །ལུང་གསུམ་མདོ་རུ་ཁྲག་གི་མཚོ་མོ་འཁྱིལ། །དགོས་མེད་ཀྱི་ཁ་ཆུ་མང་པོ་བྱུང་། །རིགས་དྲུག་གི་སེམས་ཅན་སྙིང་རྗེ་ཆེན་པོས་སྐྱོང་། །དགེ་བ་ནམ་མཁའི་མཐའ་དང་མཉམ་པར་འགྱུར། །ལེགས་བཤད་ཀྱི་གོ་ཡུལ་དེ་ལ་འཚོལ། །ཞེས་ལུང་བསྟན་ཏོ། །དྲུང་ནས་རིན་པོ་ཆེའི་སྐུ་ཆ་ཞུས་པའི་ལན་དུ། རང་མོས་བླ་མ་ཡང་མ་ལུས་པས་མཆོད། །སྒྱུ་ལུས་ཐང་

― GLG008_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་སྡོང་ཆེན་དེ། ལོ་ཡི་བསྐལ་པ་ཅུང་ཟད་བགྲངས་གྱུར་པས། །གནས་ཡ་མཚན་ཅན་གྱི་རྟེན་རྣམས་ལ། ཕྱག་མཆོད་སྐོར་བ་འབུམ་གཏེར་དང་། །ལན་མེད་ཀྱི་སྦྱིན་གཏོང་ཀུན་ལ་ཐོང་། མཐར་ཐུག་དོན་གྱི་སྙིང་པོ་ལ་འབད་ན། ལོ་ནི་གཉིས་བཅད་གསུམ་གྱི་ངོ་ཙམ་དུ། །རྒྱུ་ལུས་སྲོག་གི་སྡོང་ཆེན་ཚུགས་གྱུར་ཅིང་། །རྩ་བ་དྲོད་གཤེར་བཅུད་ཀྱིས་འཚོ་བར་གྱུར། །ལེགས་བཤད་ཀྱི་གོ་ཡུལ་དེ་ལ་ཚོལ། །ཞེས་པ་བྱུང་འདུག་གོ ། ཧོར་ཟླ་ལྔ་པའི་ཚེས་བཅོ་ལྔའི་གཟའ་སྐར་བཟང་བ་ལ། སེ་ར་ཐེག་ཆེན་གླིང་གི་ཆོས་ཀྱི་ཁྲི་ལ་ཕེབས། གླེགས་བམ་རིན་པོ་ཆེའི་ཚོགས་ཆོས་གནང་། ལྷས་མེ་ཏོག་གི་ཆར་བབས་ཅིང་། ཀུན་དད་པའི་ས་ལ་བཀོད། ལུགས་གཉིས་ཀྱི་དགའ་སྟོན་རྒྱ་ཆེན་པོ་བསྒྲུབས་སོ། །རྨད་བྱུང་རྣམ་དཀར་དཀར་པོའི་འབྲས་བུ་ཀུན། །གཅིག་ཏུ་འཛག་བྱེད་བྱེད་པོ་བླ་ན་མེད། །ཕུལ་བྱུང་འཕྲིན་ལས་ལས་བཟང་མཐའ་ཀླས་པ། །སྤལ་མཁས་བླ་མ་མ་ལུས་འགྲོ་བའི་མགོན། །མགོན་ཁྱོད་དཀོན་ཅོག་འབངས་སུ་གྱུར་པའི་དུས། །དུས་གསུམ་གསལ་བའི་ལུང་བསྟན་ཉེར་བབ་དེ། །དེ་ལྟར་དགོངས་ནས་ལྷུན་གྲུབ་དགའ་བའི་ཚལ། །རལ་ཆེན་སྤེལ་པའི་ས་གཞི་བྱིན་གྱིས་བརླབས། །ཐེག་ཆེན་ཆོས་ཚུལ་མ་ལུས་པ། །ཐེག་གསུམ་ཐུན་མོང་མ་ཡིན་པའི། །ཐེག་མཆོག་ལ་བརྩོན་གླིང་གི་ཁྲིར། །ཐེག་ཀུན་མ་འདྲེས་མཁྱེན་འདི་མཛེས། །སླར་འབྲས་སྤུངས་སུ་ཕེབས། རིན་པོ་ཆེ་ཀུན་བཟང་རྩེ་བ་ལ་ཞལ་གནད་དབབ་ཀྱི་མགོན་པོའི་རྗེས་གནང་གསན། དེའི་ཞལ་ཐང་ཧལ་ཚོན་མ་ཞིག་འཕྲལ་བཞེངས་གནང་། ཚལ་བའི་མགོན་པོ་ཀོ་གཏུམས་མ་དང་འདྲ་བ་ཞིག་ཡོད་གསུངས། ཞལ་ཁེབས་ཀྱི་མཐའ་སྐོར་དམར་བཙེམས། སྐབས་ཤིག་ཁ་ཕྱེ་བས་སེར་དྲག་དང་ཐོག་འཁྱུག་ཡོང་ལ་ཁད་པ་ལྟ་བུའི་འཚུབ་འགྱུར་བྱུང་། ད་ལྟ་དགའ་ལྡན་ཕོ་

― GLG008_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

བྲང་གི་གཟིམས་ཆུང་མགོན་ཁང་ན་གཞུགས། དེ་སྐབས་དགའ་ལྡན་པ་དཔོན་བློན་གྱིས་སྐྱོར་མོ་ལུང་ཆོས་སྡེ་ལ་བསྐོར་རྒྱག་བྱས་པས། ཕྱི་ནང་གཉིས་ཀར་མི་གྲོན་ཆེ་བ་སོགས་བྱུང་བར། དཔལ་མགོན་གྱི་ལུང་བསྟན་དེར་དགོངས་ཏེ། བར་ཆིངས་སུ་ཕེབས། ཆོས་སྡེར་དཔང་ལག་མཛད་དེ་ཕན་ཚུན་མཐའ་དག་བདེ་འཇགས་སུ་གྲོལ། སླར་འབྲས་སྤུངས་སུ་ཕེབས་ནས་བཞུགས་ཐོག །ཧོར་དཔོན་ཐར་འབུམ་གྱིས་སྔར་ནས་ཧོར་ནང་དུ་ཕེབས་དགོས་པའི་གསོལ་བ་མང་དུ་བཏབ་ཅིང་། འདི་རེས་གདན་འདྲེན་པ་ཡང་སླེབས། ཆེབས་ཁ་མ་བསྒྱུར་བའི་སྔོན་དུ། ཆོས་སྐྱོང་ཆེན་པོ་སྐུ་ཕེབས་ནས་ཧོར་རྣམས་ལ་འདི་སྐད་ཅེས། བྱང་ཤ་ཟན་གྱི་རིགས་ཡིན་ཀྱང་། དཀར་པོ་དགེ་བའི་བློ་སྐྱེས། ཆོས་དང་ཆོས་སྨྲ་བ་ལ་དད་པ་ཐོབ་ནས་སྤྲུལ་སྐུ་མཐོང་བ་དོན་ལྡན་ལྟ་བུའི་བླ་མ་སྤྱན་འདྲོངས་པ་འདི་བསོད་ནམས་ཆེན་པོ་ཡིན་ནོ། །བཀའ་གདམས་པ་ལས་མ་འགལ་ཞིག །ཅེས་གསུངས་སོ། །རྗེའི་དྲུང་ལའང་འདི་སྐད་ཅེས་གསོལ་ཏེ། ད་ལོ་སྐོར་ཙམ་ཕེབས་པ་དེ་སྲོག་ཆགས་ཚད་མེད་པའི་དོན་ཆེན་པོར་འགྱུར་བར་འདུག །འོན་ཀྱང་ཞག་ཉི་ཤུ་ལས་མང་བ་མ་བཞུགས། མི་ངོ་རྟགས་ཅན་ཞིག་བྱུང་ཙ་ན་ཚུར་སྤྱོན་ཅིག་ཅེས་ཞུས་པ། དེ་ཡང་གསོལ་བ་ནན་གྱིས་བཏབ་པར་བརྟེན་རོང་པོ་འདམ་དུ་ཆིབས་ཁ་བསྒྱུར་བའི་ལམ་ཞོར་དུ། ལྷ་སར་ཇོ་ཤཱག་མཇལ་ཞིང་སྨོན་ལམ་གནང་། སློབ་བརྒྱུད་གླང་ཐང་གི་ཐད་དུ་ཕེབས་པ་ན་ཧོར་གྱི་གདན་འདྲེན་པ་རྣམས་རྟ་རྩལ་འགྲན་པ་སོགས་དགའ་བའི་རྣམ་འགྱུར་སྟོན། སྡེ་པ་དཔོན་གཡོག་རྣམས་ཀྱི་བསུ་བའི་བཀོད་པ་དང་བཅས་ཨྱོན་གཞིས་ཀར་ཕེབས། ཐམས་ཅད་མཁྱེན་པ་བུ་སྟོན་རིན་པོ་ཆེའི་ཆོས་ཀྱི་གདན་ཁྲི་ལ་མངོན་པར་འཛེགས་པའི་མཁན་ཆེན་ཐམས་ཅད་མཁྱེན་པ་དཔལ་ལྡན་ས་སྐྱ་བའི་གསང་ཆེན་སློབ་བཤད་ཀྱི་བསྟན་འཛིན་ཆེན་པོ་

― GLG008_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་ཤིང་གྲུབ་པའི་དབང་ཕྱུག་མཚར་ཆེན་བློ་གསལ་རྒྱ་མཚོ་གྲགས་པ་རྒྱལ་མཚན་དཔལ་བཟང་པོ་བཞུགས་པ་དང་འགྲིག །དེར་དཔོན་སློབ་མཇལ་འཛོམ་འཛད་པས་ཆོས་རྗེའི་གསུང་ལས། ང་རྗེ་གོང་མའི་སློབ་མ་ཡིན་པས་ད་ལམ་འདིར་མཇལ་བ་འདི་རྟེན་འབྲེལ་ཤིན་ཏུ་ལེགས་ཞེས་བླ་མའི་རྣལ་འབྱོར་གྱི་ཆོས་འབྲེལ་ཞིག་ཞུས། དེ་ནུབ་མཚར་ཆེན་ལ། གུར་གྱི་མགོན་པོའི་རྗེས་གནང་ཞིག་གསན། དཔོན་སློབ་གཉིས་ཕན་ཚུན་དུ་འབྲེལ་གཏམ་གྱིས་ཐུགས་དགྱེས་པར་བྱུང་། རིམ་གྱིས་འོད་འཇོའི་མདོར་ཕེབས་པའི་ཚེ། ཡུལ་ལུགས་ཀྱི་གོ་ཁྲབ་གྱོན་པའི་ཧོར་གྱི་རྟ་པ་སྟོང་ཕྲག་གིས་བསུ་བ་དང་བཅས་ཏེ་ཧོར་དཔོན་གྱིས་ཐོག་མར་མཇལ་བས་དད་པ་གཏིང་ནས་རྙེད་དཔོན་མོ་ཡོ་ཁོམ་བཟའི་སྒེར་གཞིས་ལྡན་བྱུང་དུ་ཕེབས། བསྙེན་བཀུར་ཞུས། སྟག་ལུང་ཆོས་རྗེ་ཁྲི་གདན་ཟུར་གྱིས་ཇ་འདྲེན་དང་འབུལ་བ་མཛད། དེ་ནས་རིམ་གྱིས་མཚོ་སླེ་གོང་དུ་ཕེབས། དཔོན་གྱིས་ཡང་འདི་ས་བཀྲ་ཤིས་པ་ཆོས་འབྲེལ་གྱི་ཐོག་མ་གནང་དགོས་ཞུས་པ་ལྟར་སང་ཞོགས་དབང་གྲལ་བསྒྲིགས་པ་དང་ཉི་མ་ཤར་བ་དུས་མཉམ་འཇའ་འོད་དང་མེ་ཏོག་གི་ཆར་སོགས་བྱུང་བས་ཧོར་རྣམས་ཀྱིས་པི་ཝང་གི་སྒྲ་ལས་དྲངས་པའི་བསྟོད་པ་ཕུལ། །དེ་ནས་དཔོན་ཚང་དུ་བར་སྔོན་ལ་བྱོན། །དཔོན་སློབ་རྣམས་རིམ་བཞིན་ཕྱི་ནས་ཕེབས་པའི་ལམ་དུ། ཧོར་གྱིས་བསྐོར་བའི་ཇ་པ་རྣམས་ཀྱིས་སྤྱན་འདྲེན་ཞུས། དེ་དག་རྣམས་ལ་མི་འཇིགས་པའི་སྦྱིན་པ་གནང་བར་ཞལ་གྱིས་བཞེས་ནས་དབུགས་དབྱུང་སྟེ་འདམ་གཞུང་དུ་ཕེབས། དཔོན་ཚང་གི་ཡུལ་དཀར་པོའི་ནང་དུ་གདན་དྲངས་ཏེ་བཀུར་སྟི་གྱ་ནོམ་པ་བསྟེགས། སྔོན་ཀོ་ཁྱིམ་ལ་ཡེ་ཤེས་བླ་མའི་དགོན་ཤུལ་དུ་བཞུགས་སྒར་མཛད་ནས་ཆོས་ཀྱི་འཁོར་ལོ་རྒྱ་ཆེན་པོ་བསྐོར། ཕྱིན་ཆད་ཇ་ལ་པའི་འགྲུལ་རྣམས་ལ་གནོད་པ་མི་བྱེད་པར་གདམས་ཏེ། དཔོན་

― GLG008_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོག་ཐམས་ཅད་ཀྱིས་ཁས་བླངས། ཧོར་སོག་གི་མི་གླེན་ཞིང་སྙིང་རྗེ་ཆུང་བ་ཤ་ལྤགས་ལ་ལོངས་སྤྱོད་པ་སྲིན་པོ་ལྟ་བུ་རྣམས་ཀྱང་སྡིག་སྤོང་དགེ་བ་སྒྲུབ་པ་ལ་གཞོལ་བར་གྱུར། དེ་ནས་དཔོན་མོ་དང་སྲས་བློན་པོ་རྣམས་ཀྱིས་ཀྱང་སོ་སོར་སྤྱན་དྲངས་ཏེ་མཆོད་ཅིང་བསྙེན་བཀུར། བླ་མ་བསྟན་པའི་རྒྱལ་མཚན་གྱི་དཔོན་པོ་བློ་བཟང་བ་དཔོན་སློབ་ཀྱིས་བསྙེན་བཀུར་ཞིང་བཀའ་ཆོས་མང་དུ་ཞུས། དགུན་གྱི་དུས་ཡིན་ཡང་། འཁྱགས་རོམ་རྣམས་ཆུར་ཞུ་ཞིང་སྤང་ལྗོངས་མརྒད་ཀྱི་གོས་གྱོན་པ་སོགས་དབྱར་གྱི་ལང་ཚོ་ལ་འགྲན་པས་ཀུན་ཡ་མཚན་པར་བྱེད། ཧོར་སྟོད་པ་ཁྲེ་རྒྱལ་འབུམ་དང་ཀརྨ་དཔལ་སྒོམ་སྡེ་ནང་ཆེན་པོ་སོགས་ཀྱི་ཞུ་ཡིག་དང་བཅས་ཏེ་གུས་མཆོད་ལྷུར་ལེན་བྱས། དེ་སྐབས་ནུབ་གཅིག་བཞུགས་མེ་གནང་སར་བཀའ་ལས། །འདིར་ཧོར་ལོ་བཅོ་ལྔ་ཙམ་རྟ་ཁ་ཟིན་པ་ལ་ངོ་མཚར་དུ་འདུག་སྟེ། ངས་ལོ་གསུམ་ནས་རྟ་ཁ་ཟིན་པ་ཡིན་ཨང་གསུངས་པས། དེ་ལས་ཀྱང་ཡ་མཚན་པ་མང་དུ་ལགས་སམ་ཞུས་པ་ན། ཡོད་དེ། ལོ་བཅུ་གཅིག་ཡན་ལ། གུར་དྲག་གི་སྔགས་འབུམ་ཕྲག་ཉིས་བརྒྱ། ལོ་བདུན་ཡན་ལ་ཚེ་དཔག་མེད་ཀྱི་སྔགས་འབུམ་ཕྲག་བཅུ་གསུམ། གཞན་ཡང་དབྱངས་ཅན་མའི་བསྙེན་པ་ས་ཡ་ལྔ། སྐྱབས་འགྲོ་འབུམ་ཕྲག་བཞི། ལོ་བཅུ་གསུམ་པ་ལ་རྒྱལ་དུ་ཡེ་ཤེས་ཁྱུང་ནག་གི་སྔགས་འབུམ་ཕྲག་གཅིག །ད་ལོ་ཡང་འབྲས་སྤུངས་སུ་དམིགས་བརྩེ་མ་འབུམ་ཕྲག་བཞི་སོང་གསུངས། ཉིན་གཅིག་བཞུགས་སྒར་ནས་ལྷོ་ཕྱོགས་ཀྱི་ལུང་པ་ཞིག་ལ་ཕེབས་པས། ཚུར་ལམ་དུ་ཆུ་ཁ་ཞེང་པོ་ཞིག་ལ། ཆིབས་པ་དྲག་ཏུ་བསྐུལ་ཏེ་མཆོངས་པས། ཀུན་ཧ་ལས་ཏེ་འདི་འདྲ་མི་གནང་བ་ཞུ། བླ་མ་གོང་མ་རྣམས་ཀྱིས་ཀྱང་ཆིབས་མཆོངས་མ་མཛད་པ་འདུག་ཞུས་པས། །བཀའ་ལས་བླ་མ་གོང་མ་རྣམས་ཀྱིས་སྡེ་འཁྲུག་ཆེན་པོའི་བར་འཆིངས་དང་། ཡུལ་

― GLG008_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲུངས་སོགས་མ་མཛད་འདུག་ཀྱང་། བླ་མ་སྔོན་མ་རྣམས་ཀྱིས་མ་མཛད་པ་མང་པོ་ཞིག་བྱེད་དགོས་འོང་བ་འདུག །གསེར་ལའི་རོང་དུ་རྟ་ཁམས་བཟང་གིས་ཕ་བོང་ཆེན་པོ་གཅིག་ལ་མཆོངས་པ་དང་། རྩེ་ཐང་དུ་རྟ་འདྲོགས་ནས་གད་གཡང་གོམ་པ་བཅོ་ལྔ་ཙམ་ཞིག་ལ་མཆོངས་ཀྱང་སྐྱོན་མ་བྱུང་བ་ནི་དཀོན་ཅོག་གི་ཐུགས་རྗེ་ཡིན། ད་རེས་ཀྱིས་འདི་ངེད་རང་གི་རྩལ་ཡིན། ད་དུང་མཆོངས་ཆེ་བ་གཅིག་ལ་སྐུ་རིམ་པའི་གུར་སྒོ་ཙམ་དུ་རྒྱག །འདིའི་བར་ལ་གོམ་པ་ཉི་ཤུ་རྩ་ལྔ་ཙམ་ཡོད་གསུང་བ་བཞིན་གཞལ་བས་བྱུང་། དཔོན་གྱིས་ང་ཀརྨ་པ་དང་ལྷག་ཏུ་འབྲི་གུང་ཆོས་རྗེ་ལ་དད་པོ་ཡོད་དེ། ད་རེས་ཙམ་མ་བྱུང་བདག་གི་སྐྱབས་གནས་མཐར་ཐུག་ཁྱེད་ཡིན་པས་ང་རང་ལ་སྒེར་དུ་ལྷག་པའི་ལྷ་ཞིག་གནང་བ་དང་། དགོན་པ་འདེབས་དགོས་པའི་ཞུ་བ་ཕུལ་བ་ལྟར། མགོན་པོ་ཞལ་གྱི་རྗེས་གནང་གནང་བའི་ཚེ་འཚུབ་འགྱུར་གྱི་རྣམ་པ་དང་དཔོན་རང་ལ་མགོན་པོའི་སྐུའི་མཐོང་སྣང་བྱུང་ཟེར། དགོན་པའི་ས་དམིགས་དེར་ཕྱག་ནས་འཐོར་བར་མཛད། ཉེར་ལྔ་ཞིག་དང་འགྲིག་པས་གླིང་མེ་སྦར་བ་སོགས་ལྷ་མཆོད་ཀྱི་སྲོལ་བཙུགས། རིམ་གྱིས་རྭ་སྒྲེང་དུ་ཕེབས། ཇོ་བོ་ཕྱིང་དཀར་བ་དངོས་སུ་བསུ་བ་ལ་འོངས་པ་གཟིགས། ཞག་བདུན་གྱི་རིང་སྐྱ་སེར་གྱི་ཚོགས་ལ་བཀའ་གདམས་གླེགས་བམ་གྱི་དཀོན་ཆོག་འབངས་ཀྱི་སྐྱེས་རབས་དང་། སྙིང་པོ་དོན་གསུམ་གསུངས། ཇོ་བོ་འཇམ་དཔལ་རྡོ་རྗེས་ཐོག་དྲངས་པའི་རྟེན་གསུམ་རྣམས་ཞིང་པར་མཇལ། དངོས་བཤམས་ཡིད་སྤྲུལ་གྱི་མཆོད་པ་རྒྱ་ཆེན་པོ་སྤེལ་བ་གནང་། འབྲོམ་སྟོན་སླར་ཡང་རྭ་སྒྲེང་གི་ཁྲི་ལ་ཕེབས་པར། ལྷ་རྣམས་ཀྱིས་མེ་ཏོག་གི་ཆར་ཕབ། དཀར་མེ་རུ་བའི་ཐེབས་སོགས་གནང་། འཕན་ཡུལ་མདའ་བརྒྱུད་ཚོགས་གསོག་པ་སོགས་ཇ་པ་འབྱོར་ལྡན་རྣམས་ཀྱིས་མཆོད། ལམ་ཞོར་དུ་ཇོ་མཇལ་

― GLG008_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

གནང་སྟེ། འབྲས་སྤུངས་སུ་ཕེབས། གྲུབ་ཆེན་དཔལ་ལྡན་རྡོ་རྗེ་ཞེས་འཇའ་ལུས་ཀྱི་སྐུ་བརྙེས་པ་དེ་ལ། གཟིམས་ཆུང་ཉི་འོད་དུ་བདེ་མཆོག་ལུ་ཧི་པའི་དབང་གསན་པས། དྲུང་ནས་གསུང་རབ་པས་ཀྱང་འཇབས་ནས་ཞུ་ཐུབ་པས་ལས་དང་སྐལ་བར་ལྡན་པར་ལུང་བསྟན། ནམ་མཁའ་ལས་གསེར་གྱི་མེ་ཏོག་ཡུ་བ་ཅན་གསུམ་ཙམ་བབ་པས་གཅིག་དངུལ་གདུང་རིན་པོ་ཆེའི་གཟུངས་བཞུགས་ལ་ཡོད་འདུག །གྲུབ་ཆེན་རང་གིས་སློབ་དཔོན་པདྨ་ལ་དངོས་སུ་གསན་པའི་ཚེ་དབང་ཕུལ། མངའ་རིས་ལྷའི་བཙུན་པ་བསོད་ནམས་དཔལ་བཟང་གིས། དཔལ་དུས་ཀྱི་འཁོར་ལོའི་སྐར་རྩིས་ཀྱི་སྐོར་དང་། འདོད་ཁམས་དབང་ཕྱུག་མའི་ཆོས་བཀའ་འགའ་ཞིག་ཕུལ། དེ་ཡང་རྒྱལ་དབང་པདྨ་འབྱུང་གནས་ཀྱི་བཀའ་སྡོད། སྡེ་བརྒྱད་ཐམས་ཅད་ཀྱི་ཡང་རྗེ། དྲེགས་པ་ཀུན་འདུས་ཀྱི་རྒྱལ་པོ། སྤྲུལ་པའི་ཆོས་སྐྱོང་ལྷའི་རྒྱལ་པོ་ཆེན་པོ་རྡོ་རྗེ་འོད་ལྡན་དཀར་པོ། གནོད་སྦྱིན་གྱི་སྡེ་དཔོན་ཡང་ལེ་ཤེལ་ཞེས་ཡོངས་སུ་གྲགས་པ་དེ་གནས་ཆུང་གི་སྐུ་མཁར་དུ། མིའི་ཁོག་ཏུ་ཞུགས་ཏེ། རྗེ་འདི་ཉིད་ལ་གུས་པའི་རྣམ་འགྱུར་དང་། སྐུ་ཆེ་བའི་ཡོན་ཏན་བརྗོད་པའི་བསྟོད་པ་སྔོན་དུ་བཏང་ནས། ད་ལྟ་དང་མ་འོངས་པའི་གདུལ་བྱ་སྐལ་ལྡན་རྣམས་བླ་ན་མེད་པའི་བྱང་ཆུབ་ཏུ་སྨིན་གྲོལ་ལ་འགོད་པའི་ཆེད་དང་། གནས་སྐབས་སུ་ཡང་། ཡུལ་གངས་ཅན་གྱི་ལྗོངས་འདིར་མཐའ་དམག་གི་གནོད་པ་བཟློག་པའི་ཐབས་ཀྱི་དམ་པར། རྗེ་ཉིད་ཀྱི་རྣམ་པར་ཐར་པ་རི་མོར་བཀོད་པའི་རྟེན་ཁྱད་པར་ཅན་ཞིག །བཀས་གནང་བར་མཛད་དུ་གསོལ་ཞེས་ཞུས་ཤིང་གསོལ་བ་བཏབ་བོ། །དེའི་ཚུལ་འདི་ལྟར་ཧོར་ཟླ་བཅུ་གཅིག་པའི་ཚེས་ཉེར་བརྒྱད་ཀྱི་དགུང་ལ་དཔལ་ལྡན་འབྲས་སྤུངས་ཀྱི་ཆོས་གྲྭ་ཆེན་པོའི་ལྕགས་རི་ལྟ་བུ་བཀའ་སྲུང་རྒྱ་མཚོའི་ཕོ་བྲང་གནས་ཆུང་རྒྱལ་པོའི་སྐུ་མཁར་དུ། ཆོས་སྐྱོང་

― GLG008_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་སྐུ་ཁོག་ལ་ཞུགས་ནས་བྱོན་ཏེ། དགོས་པ་ཁྱད་པར་ཅན་གྱི་སླད་དུ་སྤྱན་དྲངས་པ་ལ་བརྟེན་ནས་རྗེ་བཙུན་རིན་པོ་ཆེ་དཔོན་སློབ་ལྔ་མཛད་ནས་ཤིན་ཏུ་གསང་བའི་ཚུལ་གྱིས་གནས་དེར་གཤེགས་ཏེ། ལྷའི་རྒྱལ་པོས་ལེགས་པར་བཤམས་པའི་སྟན་བཟང་པོ་ལ་བཞུགས་སོ། །དེ་ནས་གསོལ་ཇ་དང་གསེར་སྐྱེམས་བཞེས་པའི་རྗེས་སུ། རྗེ་བླ་མའི་ཞབས་དྲུང་དུ། ཆོས་སྐྱོང་ཆེན་པོས་འདི་སྐད་ཅེས་གསོལ་ཏོ། སྤྱིར་ན་ཆོས་ཐམས་ཅད་བདེན་པར་མེད་པ་ཞིག་ཡིན་ནའང་། ཀུན་རྫོབ་བདེན་པར་སྣང་བའི་ངོར། སངས་རྒྱས་སྟོང་རྩ་གཉིས་ཀྱི་ཐུགས་ཀྱི་པདྨའི་ཟིའུ་འབྲུ་དེ། པདྨ་འབྱུང་གནས་ཡིན། ཟངས་མདོག་དཔལ་གྱི་རི་བོའི་རྩེ་མོར་པདྨ་འོད་ཀྱི་གཞལ་ཡས་ཁང་ན་ཡོད་དུས། པདྨ་འབྱུང་གནས་ཀྱི་བཀའ་བསྒོས་ཏེ། སངས་རྒྱས་ཀྱི་བསྟན་པའི་དག་སྟེར་ལ་བཏང་བ་ཡིན། དེ་ཡང་སྤྲུལ་སྐུ་མཐོང་བ་དོན་ལྡན་གྱིས་ཞི་རྒྱས་ཀྱི་སྒོ་ནས་བསྟན་པ་འཛིན་སྐྱོང་གི་འཕྲིན་ལས་མཛད། ང་པེ་དཀར་རྒྱལ་པོས་དབང་དྲག་གི་སྒོ་ནས་དེའི་འགལ་རྐྱེན་སེལ་ཞིང་། མཐུན་རྐྱེན་འགུག་པའི་འཕྲིན་ལས་བསྒྲུབ། དེ་ལྟར་གཉིས་ཀས་ཀྱང་བསྟན་པའི་དག་སྟེར་བྱེད་དགོས་རྒྱུ་ཡིན་པ་དགོངས་སུ་གསོལ། ཁྱད་པར་དུའང་པདྨ་འབྱུང་གནས་ཀྱིས་ངའི་ཟས་སྐལ་དུ། དགྲ་བོའི་ཤ་ཁྲག་སྲོག་དབུགས་ཕྲོག །ལས་སྐལ་དུ་བསྟན་པ་དང་བསྟན་འཛིན་བསྲུང་བར་བསྐོས་པ་ཡིན་པས། སྔར་ཡང་པདྨ་འབྱུང་གནས་ཀྱི་བཀའ་ལས་འདའ་མ་མྱོང་། ད་དུང་མི་འདའ་བས་མཐོང་བ་དོན་ལྡན་གྱི་སྐུ་ཚེ་མཛད་པ་འཕྲིན་ལས་རྣམས་ལ་བར་ཆད་འདུག་ན་ངས་སེལ།མཐུན་རྐྱེན་ཐམས་ཅད་ངས་སྒྲུབ། གལ་ཏེ་གནོད་བྱེད་གདོན་བགེགས་ཤིག་ཡོད་ན། མི་དང་མི་མ་ཡིན་པ་སྣང་ཞིང་སྲིད་པའི་ལྷ་མ་སྲིན་སྡེ་བརྒྱད་དྲེགས་པ་ཅན་གྱི་ནང་ཚན་དུ་གཏོགས་པ་ཅིག་འོང་བ་ལས་འོས་

― GLG008_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

མེད། སྡེ་བརྒྱད་ཐམས་ཅད་ཀྱི་ཡང་རྗེ་དྲེགས་པ་ཀུན་འདུས་ཀྱི་རྒྱལ་པོ་དེ་ང་ཡིན་པས་ན། ངའི་བཀའ་ལས་འདའ་བར་ནུས་པའི་གདོན་བགེགས་སུ་གྱུར་པ་ནི་སུ་ཡོད། དེ་བས་ན་བསྐུལ་བར་མ་ཞན་ཞིག་ཐུགས་ཆུང་མཛད་མི་དགོས་སོ། །ཞེས་སོགས་ཕྱི་ནང་གསང་བའི་བཀའ་མཆིད་ཐུན་མོང་མ་ཡིན་པ་ཞུས་གནང་གི་སྒོ་མང་དུ་གནང་བའི་མཐར། ཆོས་སྐྱོང་ཆེན་པོ་དེས་ཡང་འདི་སྐད་ཅེས་གསོལ་ཏོ། །བསྐལ་པ་བཟང་པོ་འདིའི་སངས་རྒྱས་སྟོང་རྩ་གཉིས་ཀྱི་ཐུགས་ཀྱི་པདྨོའི་གེ་སར་ལས་མཆོག་ཏུ་སྤྲུལ་པའི་སྐུ་མཐོང་བ་དོན་ལྡན། །ཡུལ་དབུས་འདིར་མཐའ་དམག་གི་འཇིགས་པ་ཆེན་པོ་ཞིག་མི་འགྱང་པར་འོང་བ་འདུག་སྟེ། །བྱུང་ནའང་།སྤྲུལ་སྐུ་མཐོང་བ་དོན་ལྡན་རང་གི་འགྲོ་དོན་འཕྲིན་ལས་པ་ནི་མི་གནོད། འོན་ཀྱང་ད་ལྟ་ནས་བཟློག་ཐབས་བྱས་ན་བཟློག་ནི་ཐུབ་པས་ཇི་ལྟར་བྱེད་ཞུ་བ་ལ། ཞབས་དྲུང་གི་ཞལ་ནས། དེ་ལྟ་ན་བཟློག་ཐབས་ཅིས་ཀྱང་མཛོད། ཅེས་བཀའ་བསྒོས་པ་དང་། ཡང་གསོལ་བ། དེ་ལྟ་ལགས་ན། སྤྱིར་ཆོས་གྲྭ་ཆེན་པོ་རྣམས་སུ་དགག་དབྱེ། དགུ་གཏོར་གྱི་རིམ་པ། མདོ་སྔགས་ཀྱི་བསྟན་པའི་བྱ་བ་རྣམས་གོང་འཕེལ་དུ་གཏོང་བ་དང་། བྱེ་བྲག་ཏུའང་སྤྲུལ་སྐུ་མཐོང་བ་དོན་ལྡན་ཉིད་ཀྱི་རྣམ་པར་ཐར་པ་སྒྲོ་མ་བཏགས་པ། སྐུར་པ་མ་བཏབ་པ། རི་མོར་བཀོད་པའི་རྣམ་ཐར་གྱི་ཐང་ཁ་རྒྱ་ཆེ་བ་ལ་བཀོད་པ་ལེགས་པ་ཞིག་འཕྲལ་དུ་གྲུབ་དགོས་པས། དེ་དག་ཐམས་ཅད་ལ་བཀའ་བཀོད་ཀྱིས་ཁྱབ་པ་མཛད་པ་ཞུ་ཞིང་། །ངས་ཀྱང་དམ་ལས་མ་འདས་པ་བགྱིད་པར་ཞུ་ཞེས་གསོལ་ཏོ། །ཡང་དེའི་ཚེ་ཆོས་སྐྱོང་ཆེན་པོ་དེ་སྤྲུལ་སྐུ་འཕྲང་ཁ་པ་ལའང་འདི་སྐད་ཅེས་གསུངས་ཏེ། འོ་དེས་ན། སྤྲུལ་སྐུ་མཐོང་བ་དོན་ལྡན་གྱི་རྣམ་ཐར་ཐང་ཁ་ཆེ་ལ་ལེགས་པ་ཞིག་དགོས་པ་དེ། ཁྱོད་ཀྱིས་བྲིས་པ་ཞིག་བྱུང་ན་བསམ་པ་ཨེ་ཡོང་གསུང་། ཡོང་ཞུས་པས་འདི་སྐད་

― GLG008_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་ཏེ། འོ་ན་དབུས་སུ་མཐོང་བ་དོན་ལྡན་གྱི་སྐུ་ས་གནོན་མཉམ་གཞག་མཛད་པ་གཙོ་བོ་དེའི་བཞུགས་གནས་ཐམས་ཅད་མེ་ཏོག་པདྨའི་རང་བཞིན་ཡིན་པ། སྟོད་ཀྱི་ཆ་ལ་རྣམ་ཐར་གྱི་བཀོད་པ་ཡོད་པ་དེ་ཡང་པདྨ་རེ་རེའི་གེ་སར་གྱི་སྟེང་དུ། སྔོན་ཇི་ལྟར་སྐུ་བལྟམས་པ་ནས་ཉེ་བར་བཟུང་སྟེ། ང་པེ་དཀར་རྒྱལ་པོ་དང་ཞལ་འཛོམ་མཛད་པ་ཡན་གྱི་མཛད་པ་རྣམ་ཐར་རེ་རེ་བཞིན་བཀོད་པ། དེའི་སྨད་ཀྱི་ཆ་ལ་གཞན་ཡང་འདི་ཡིན་གྱི་ངེས་བཟུང་མེད་པའི་དགོན་གནས་ཀྱི་བཀོད་པ་རྒྱ་ཆེ་ལ་ལེགས་པའི་མདུན་དུ། ངེས་བཟུང་མེད་པའི་ཆོས་གྲྭ་ཆེན་པོ། དེར་ཡང་ཆོས་ཉན་གྱི་དགེ་འདུན་ཚོགས་པ་ཆེན་པོས་ཡོངས་སུ་བསྐོར་བའི་དབུས་སུ་ཆོས་འཆད་པ་པོ་ཆོས་སྟོན་གྱི་ཕྱག་རྒྱ་ཅན། ཐམས་ཅད་བཀོད་པ་ཅི་མཛེས། དེའི་འོག་ཏུ་པེ་དཀར་རྒྱལ་པོ་ཁོག་པ་ལ་ཞུགས་པའི་ཆ་ལུགས་ཐམས་ཅད་ད་ལྟའི་འདི་ག་འདྲ་བ་ལ། རུ་འདྲེན་སྡེ་བཞི་སྐུའི་སྐྱོ་རོགས་ལ་སོགས་པའི་འཁོར་གྱིས་བསྐོར་བ། ཐམས་ཅད་ཀྱང་རྔམ་བརྗིད་འཇིགས་སུ་རུང་བ་སོགས་གང་ལ་གང་འོས་ཀྱི་བཀོད་པ་གང་ལེགས་བྲིས་པ་ཞིག་དགོས། ངའི་སྤྲུལ་པ་ཡང་སྤྲུལ་གྱི་མཐའ། ཁྱོད་མིའི་འགྲོ་བས་མི་ཆོད། དེ་བས་ན་དེ་དག་ཀུན་གྱི་མཚོན་བྱེད་ཡོད་པར་བྲིས་པས་ཆོག །དེ་ལྟར་བྱས་ན་སྤྱིར་སངས་རྒྱས་ཀྱི་བསྟན་པ་ལ་ཡང་དགའ། སྒོས་སུ་སློབ་དཔོན་མཐོང་བ་དོན་ལྡན་གྱི་འཕྲིན་ལས་ལའང་དགའ་བ་ཡོད། དེའི་རྒྱུ་རྣམས་སྲོང་བཙན་སྒམ་པོའི་བརྒྱུད་པ་ཡིན་པའི་བཙུན་པ་དེས་བཏོན་ན། ཁོང་ལ་ཡང་དགའ། ང་ལ་ཡང་དགའ་བ་ཡོད་པས། ཀུན་ལ་དགའ་བ་དེ་ཅིས་ཀྱང་གྱིས་ཤིག །ཅེས་གསུངས་སོ། །དེ་ནས་སླར་གཟིམས་ཁང་དུ་ཕེབས་པ་དང་། རྗེ་ཉིད་ཀྱི་ཞལ་ནས་ཀྱང་། ཆོས་སྐྱོང་གི་གསུང་དེ་དག་ཐམས་ཅད་ལའང་དགོས་པ་རེ་འདུག །རྣམ་ཐར་ཐང་ཀ་དེ་ཡང་

― GLG008_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ལ་དགའ་ན་བྲིས་པ་དྲག །ལྷ་བཙུན་པས་ཀྱང་དེའི་རས་གཞི་ཐོན། ང་ལ་རྣམ་ཐར་མི་དགོས་ཀྱང་། བསྟན་པ་དང་སེམས་ཅན་ལ་ཕན་ན་བྱེད་རིན་ཆོག་ཅེས་བཀའ་གནང་། ཡང་དུས་རེ་ཞིག་ན། ཆོས་སྐྱོང་གི་ཞལ་ནས་སྤྲུལ་སྐུ་འཕྲང་ཁ་བ་ལ་འདི་སྐད་གསུངས་ཏེ། ཁྱོད་ལ་ངས་སྔར་བྱས་པའི་བཀོད་པ་དེའི་ལོགས་ཤིག་ཏུ། ཆོས་འཁོར་ལྷ་སའི་བཀོད་པ་ཞིག་བྱུང་ན་འཇིག་རྟེན་ལ་དགའ་བ་ཡོད་དེ། དེས་ན་ངའི་བཀོད་པ་འདི་ཤིན་ཏུ་གལ་ཆེ་བ་ཞིག་ཡོད་པས། ཁྱོད་ཀྱིས་བརྗེད་དུ་མི་རུང་བས། བརྗེད་བྱང་གི་ཡི་གེ་དཀར་འཇམ་གྱི་ལོགས་པ་བྲིས་ཤིག །འོ་རས་གཞི་ཇི་ཙམ་ཆེ་བ་ལེགས། དཀྱིལ་དུ་ས་གནོན་མཉམ་གཞག་ཅན། །དེ་ཡི་མཆན་ཁུང་འོག་གཉིས་ནས། །བྱུང་བའི་པད་སྡོང་རྩ་བ་གཉིས། །འཇོལ་ཏེ་བྱས་ནས་གྱེན་དུ་འཁྱེར། །དེ་ལས་གྱེས་པའི་མེ་ཏོག་གི །འདབ་མའི་དཀྱིལ་གྱི་ཕུང་པོ་ལ། །མཛད་པ་རེ་རེ་བཞིན་དུ་བསྟན། །དཀྱིལ་གཙོའི་སྟེང་གི་རིགས་བདག་ལ། །པདྨ་འབྱུང་གནས་ཡོངས་གྲགས་ཏེ། །དེ་ཡང་པཎ་ཆེན་སྐུ་ལས་གཞན། །མཐའ་འཁོབ་ཀླ་ཀློའི་མགོན་དུ་བསྔགས། རྟེན་གཙོ་དངོས་གཞིའི་སྐུ་སྐེད་མན། །གཡས་ཀྱི་པུས་མོའི་མར་ཟུར་ལ། །གཙུག་ལག་ཁང་གི་བཀོད་པ་མཛེས། །གཡོན་གྱི་པུས་མོའི་མར་ཟུར་ལ། །དགོན་པ་དེ་ཡི་བཀོད་པ་མཛེས། །དེ་དག་དབུས་སམ་ཕྱོགས་གཅིག་ཏུ། །ནུབ་ཕྱོགས་གསུང་གི་རྒྱལ་པོའི་སྐུ། །དྲེའུ་ནག་རྟིང་དཀར་ཆིབས་ཤིང་རྔམས། །ཕྱག་གཡས་སྦ་ཡི་འགྱིང་འཁར་དང་། །གཡོན་ན་ཙན་དན་རིན་ཆེན་བསྣམས། །རོལ་ཏུ་གློག་དང་མེ་ལྕེ་ཁྲིད། །འཇིགས་རུང་ཁྲོས་པའི་རྒྱལ་པོ་དེ། །བསྟན་པ་བསྲུང་བའི་ཆེད་དུ་བྲིས། །དགོན་པ་དེ་ཡི་མདུན་ན་ནི། །བནྡེས་དམར་གཏོར་འཕེན་པའི་ཚུལ། །པེ་དཀར་རྒྱལ་པོ་རང་ཆས་བསྟེན། །འཁོར་གྱི་རུ་འདྲེན་བཞི་པོ་ཡང་། །སྔོན་གྱི་

― GLG008_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུལ་སེལ་བུད་མེད་ཅི། །ནས་མོ་ལག་གཡས་ཧུ་ལུ་མ། རྒྱག་ཕྱིར་ར་ལྤགས་གཡང་གཞི་འཕྱར། །གཡོན་པ་ཐལ་རྡེབ་རྒྱག་པའི་ཚུལ། ཁ་ནས་དྲག་སྔགས་འབོད་པ་ནི། །མི་བཟད་རལ་པ་གཡོ་བ་བྲིས། །རྒྱབ་ནས་སྔགས་པ་ཕུར་ཐོགས་ནི། །རྔམ་བརྗིད་གར་འཆམས་བྱེད་པ་བྲིས། །གཡས་ན་ཉན་ཐོས་ཞི་དུལ་རྣམས། །ལྷུང་བཟེད་འཁར་བསིལ་གཡས་ན་འཆང་། །ཆོས་གོས་ཟླུམ་པོར་བགོས་པ་ཡི། རྒྱབ་ན་པོ་ཏི་ཁུར་བ་བྲིས། །གཡོན་ན་སྐྱེས་མ་དཔའ་བ་ནི། །གོ་ཁྲབ་གྱོན་ཞིང་རུ་མཚོན་འཕྱར། །སྐྱོ་བསང་འབག་སེང་གར་མཁན་རྣམས། །རོལ་མོ་འཁྲོལ་ཞིང་ཇུ་གར་རྩེ། །སྐུ་ཡི་སྐྱོ་གྲོགས་བལ་པོ་རྣམས། །ལ་ཐོད་མཛེས་པར་བཅིངས་པས་བསྐོར། །གཞན་ཡང་ནག་པོ་ཨ་ཙཪྻ། ཁྲོས་པའི་འཁོར་མང་དང་བཅས་བྲིས། །ངོ་བོ་དེ་དག་ཀུན་ལས་ཀྱང་། །རང་འདྲའི་སྤྲུལ་པ་གྲངས་མེད་འཕྲོ། །མོག་རོ་རྟ་ཡི་སྤུ་ལས་ཀྱང་། །པེ་དཀར་རྒྱལ་པོའི་སྤྲུལ་པ་མང་། །དེ་ཡང་བློ་ཆུང་རྣམས་ལ་བཤད། །བློན་ཆེན་སྣོད་ཡངས་ཁྱོད་འདྲ་ལ། །སྲིད་པའི་རྩེ་ནས་མནར་མེད་བར། །སྐྱེས་འགྲོ་དབུགས་ཀྱིས་ཟིན་ཚད་ཀྱི། །ལྟག་པར་པེ་དཀར་རྒྱལ་པོ་རེ། །ཡོད་ཀྱང་ཡོད་ལ་བཤད་ཀྱང་ཤོད། །ཚད་ནི་སུས་ཀྱང་གཟུང་དུ་མེད། །དེས་ན་རྒྱལ་པོ་སྐུ་ལྔ་པོ། །འཁོར་དང་བཅས་པའི་ཚད་དང་གྲངས། །འགྲོ་བ་མི་ཡིས་ཇི་ལྟར་ཆོད། །མཚོན་བྱེད་གང་ལེགས་ཙམ་རེ་བྲིས། །དེ་ལས་གཞན་ཡང་བཀོད་མཛེས་ནི། །བསྟན་དང་འགྲོ་ལ་དགེ་ཞིང་ཤིས། །ཡིད་འོང་ལྟ་ན་སྡུག་པ་རྣམས། །རང་བློས་ལེགས་པར་དཔྱད་ལ་བྲིས། །དེ་ཡང་གང་འགྲོ་མི་ཤེས་པས། ཁྱོོད་ཀྱིས་གཟབས་དྲིས་ཡང་དག་གྱིས། །རྟེན་དེ་འདི་རུ་དགོས་རྒྱུ་མིན། ལོ་ནི་བཅུ་གཉིས་ཚུན་ཆད་ན། མཐའ་འཁོབ་ཀླ་ཀློའི་ཡུལ་དུ་དགོས། །

― GLG008_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་འདུལ་བསྟན་པ་རྒྱས་པར་འགྱུར། །བླ་མའི་ཞབས་ཏོག་དེ་ཡིན་ལ། །བསྟན་པའི་ཞབས་ཏོག་ཀྱང་དེ་ཡིན། །ཁྱོད་ཀྱི་ཐུགས་དམ་དེས་ཆོག་སྟེ། །ཚོགས་གསོག་དེ་ལས་ལྷག་པ་མེད། །འདི་ནས་བརྩིས་པའི་བྱང་ཕྱོགས་སུ། །ཆོས་དང་ཆོས་མིན་གཉིས་ཀ་དང་། །ལྡན་མིན་རྒྱལ་བློན་འཁོར་བཅས་རྣམས། །མཐོང་ཐོས་རྣམས་ཀྱི་དོན་ལྡན་བྱེད། །དེ་ནས་ཀྱང་ནི་ཡུལ་གཞན་དུ། །དེ་ཡིས་དྲེགས་ལྡན་རྒྱལ་པོ་འདུལ། །འགྲོ་དོན་མཐའ་རྒྱས་ལྷུན་གྱིས་གྲུབ། ཀུན་ལ་དགའ་བ་དེ་ལྟར་ཡིན། །འོ་དེ་ལྟར་དཀར་འཇམ་གྱི་སྟེང་དུ་ནག་ཆབ་ཕབ་པ་མིན། བསྟན་པ་གཏན་ལ་ཕབ་པ་ཡིན་པས་དེ་ལས་གལ་ཆེ་བ་མེད་ཅེས་གསུང་བ་ལ་བརྟེན་ནས། སྤྲུལ་སྐུ་འཕྲང་ཁ་བ་དཔལ་ལྡན་བློ་གྲོས་བཟང་པོ་ཞེས་པས། དབྱངས་ཅན་མའི་ཐང་ཁ་ཞིག་འདྲི་བར་བརྩམ་པའི་ཚེ་མངོན་རྟོགས་ཇི་ལྟ་བུ་ཞིག་ཡོད་དམ་སྙམ་ཐེ་ཚོམ་པ་ན། །དབྱངས་ཅན་དངོས་སུ་ཞལ་གཟིགས་ནས། སྤྲུལ་སྐུ་བ་ང་འདི་ན་ཡོད་པས་གཟིགས་དང་ཞེས་གསུངས་པས། སྤྲུལ་སྐུ་ང་ལ་གཟིགས་སུ་གསལ་པ་བི་ཤྭ་ཀརྨ་ས་འདིར་བབས་པ་ལྟ་བུ་དེས་རྣམ་ཐར་ཞིང་བཀོད་ཀྱི་ཐང་ཁ་རྒྱས་པར་བྲིས་སོ། །དེ་ནས་ས་གཞིའི་དབང་ཕྱུག་གོང་མ་ཆེན་པོ་དཔལ་ངག་གི་དབང་ཕྱུག་བཀྲ་ཤིས་གྲགས་པ་རྒྱལ་མཚན་དཔལ་བཟང་པོ་ཀྭན་དིང་ཏའི་གུ་ཤྲི་ཧྭོང་ཧང་གིས་གསེར་ཡིག་པ་མངགས་ཏེ་ཏི་ཤྲིར་བཀུར་བའི་བཀའ་ཤོག་སྩལ་བར། དཔལ་གངས་ཅན་གྱི་མགོན་པོ་འགྲན་ཟླ་དང་བྲལ་བ་ཁྱེད་ལྟ་བུས་ཕྱག་དམ་དམར་པོ་གནང་བར་འོས་ཤིང་། ཁྱད་པར་ད་ནི་ངེད་སྡེ་སྲིད་ཀྱི་ཆེ་བ་ཡིན་པས་བཀའ་ཤོག་དམར་པོ་གནང་དགོས་པས། དེ་ཡང་རྟེན་འབྲེེལ་ལེེགས་ཚོགས་ཀྱི་སླད་དུ། །འདི་ཕྱོགས་ལ་ཆིབས་ཁ་སྒྱུར་བའི་སྔོན་དུ། བཀའ་ཤོག་གསར་དུ་བསྐྲུན་པ་འདི། ཐོག་མར་ཇོ་བོ་རིན་པོ་ཆེའི་དྲུང་དུ་ཐམ་ཕུད་

― GLG008_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ་བ་གནང་ནས། ཀུན་གྱི་སྤྱི་བོའི་རྒྱན་དུ་འགོད་པ་ཞུ་ཞེས་བྱུང་བ་ལ། བཀའ་ལས། ཕེབས་སྐད་ལྟར་ཡིན་ཕྱིན་བསྒྲུབ་པ་ལས་འོས་མེད་གསུངས། ཇོ་བོ་རིན་པོ་ཆེར་སྙན་ངག་གི་ཚིགས་བཅད་དང་བཅས་ཐམ་ཕུད་ཕུལ། ཧོར་ཟླ་བཅུ་གཉིས་པའི་ཚེས་ལྔ་ལ་ཆིབས་ཁ་བསྒྱུར་ཏེ། ཐོག་མར་འཕྱོས་སུ་ཕེབས། སྡེ་པ་དཔོན་གཡོག་གིས་བསྙེན་བཀུར་ཕུན་སུམ་ཚོགས་པ་མཛད། འདོད་ཆོས་ཀྱང་ཐུགས་དགོངས་རྫོགས་པར་གནང་། དེ་ནས་ནང་སོ་འཕྱོང་རྒྱས་པས་ཐོབ་རྒྱལ་ལྷ་རྩེ་དང་། སྲོང་བཙན་གཞིས་ཀར་སྤྱན་དྲངས། ཚེ་དབང་སོགས་འདོད་ཆོས་ཅི་རིགས་པ་གནང་། རི་བོ་སྡེ་ཆེན་དང་སྤྱན་གཡས་སུ་ཕེབས་ཏེ་ཁྲོམ་ཆེན་པོ་ལ་དམ་པའི་ཆོས་ཀྱི་དགའ་སྟོན་སྩལ། སླར་ཐོབ་རྒྱལ་ལྷ་རྩེར་ཕེབས་ཏེ་དོན་གྲུབ་ཅེས་པ་ས་ལུག་གི་ལོ་གསར་གཏོར་ཆེན་གནང་། དེ་ནས་མཁར་ཐོག་ཏུ་ཕེབས། རྣམ་རྒྱལ་རབ་བརྟན་ནས་ཞབས་དྲུང་སྲས་ཡུམ་གྱིས་གུས་མཆོད་མཛད། སྒྲོལ་དཀར་གྱི་ཚེ་དབང་གནང་། དེ་ནས་བསུ་བའི་བཀོད་པ་རྒྱ་ཆེན་པོ་དང་བཅས་ཏེ་ཆོས་གྲྭ་ཆེན་པོ་དཔལ་གྱི་རྩེས་ཐང་དུ་ཕེབས་ནས་སྟག་ཚང་གཟིམས་སྤྱིལ་དུ་བཞུགས། ཧོར་ཟླ་དང་པོའི་ཚེས་བཅུ་གཟའ་སྐར་འཕྲོད་སྦྱོར་བཟང་བ་ལ། སྡེ་སྲིད་ཀྱི་བླ་མའི་ཆེ་བར་འོས་པའི་ལས་ཚན་གྱི་རིམ་པ་དང་བཅས་པས་བསུ་བའི་བཀོད་པ་ངོ་མཚར་བས་མདུན་བདར་ཏེ། ཕོ་བྲང་ཆེན་པོ་སྣེའི་གདོང་རྩེར་ཕེབས་མེ་ཏོག་གི་ཆར་དང་འཇའ་འོད་ཀྱི་འཕྲེང་བ་ཁོར་ཡུག་ཏུ་ཁྱབ་པ་སོགས་དགེ་མཚན་མཐའ་ཡས་པ་བྱུང་། དེ་ནས་གཟིམས་ཆུང་ཀུན་བཟང་ཡང་རྩེར་ལྷན་རྒྱས་སུ་བཞུགས་གྲལ་ཞིག་གནང་། དེ་གྲོལ་ནས་གོང་སར་སྒྲོལ་དཀར་གྱི་རྗེས་གནང་ཚེ་ཁྲིད་ཐུན་མོང་མ་ཡིན་པ་དང་བཅས་གསུང་ཆོས་འབུལ་བར་མཛད། དེ་ཡང་བཀའ་ལས་

― GLG008_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེ་ཞབས་དྲུང་དང་མཇལ་རྒྱུའི་དེ་ནུབ། ཞབས་དྲུང་གོང་མ་ཆེན་པོའི་མནལ་ལམ་དུ་ཞབས་དྲུང་རང་ཉིད་སྤང་ལྗོངས་མེ་ཏོག་སྣ་ཚོགས་ཤར་བ། སྤྲོ་ཞིང་ཡངས་པ་ཞིག་གི་དཀྱིལ་དུ་བཞུགས་འདུག་པ་ལ། རི་ཞིག་གི་རྩེ་ནས་སྤྲིན་ཤིན་ཏུ་དཀར་བ་ཞིག་དབུའི་ཐད་དུ་ནར་གྱིས་བྱུང་བའི་དཀྱིལ་ན་མི་དཀར་པོ་ཞིག་གིས་འོ་མའི་ཆུ་ཞིག་དབུ་ལ་བླུག་བྱུང་བ་དང་། ཐུགས་ལ་འདི་ཅི་བྱེད་པ་ཡིན་སྙམ་ཙ་ན། ལྷའི་བུ་གོས་དཀར་པོ་གྱོན་པ་ཞིག་བྱུང་ནས། མེ་ཏོག་གི་འཕྲེང་བ་ཞིག་སྐུ་པང་དུ་བསྐྱུར་བྱུང་བས། སྔར་འཕྲེང་བ་ཇི་སྙེད་ཅིག་བྱུང་ཡང་འདི་འདྲ་མ་བྱུང་དགོངས་མཉེས། ཡང་དེའི་བུམ་པ་དཀར་པོ་ཞིག་ནས་བདུད་རྩི་གསེར་བཙོ་མའི་མདོག་ལྟ་བུ་དབུ་ལ་བླུག་པས། སྐུ་ལུས་བདེ་བས་གང་བྱུང་བའི་ཚུལ། སང་ང་སྐུ་ཞབས་སུ་སླེབས་དུས་བཀའ་ཕེབས་གནང་བྱུང་། གཞན་ཡང་ངས་ཕུལ་བ་ཡིན་ཟེར་བའི་དབུ་ཞྭ་སེར་པོ་མདོག་ལེགས་པ་ཞིག་གོང་མ་ཆེན་པོ་ཉིད་ཀྱི་དབུ་ལ་བཞེས་པ་སོགས་ལྟས་བཟང་པོ་མང་དུ་བྱུང་གསུངས་ནས་དགྱེས་དགྱེས་གནང་བ་ཞིག་འདུག་ཅེས་བཀའ་ཕེབས། སླར་ཡང་སྒྲོལ་དཀར་སྤྱན་བདུན་མའི་ཚེ་དབང་ཟབ་མོ་རྒྱས་པར་འབུལ་བ་གནང་བའི་ཚེ། ཚེ་རིལ་ཕྱག་ཏུ་ཕུལ་བ་གསུམ་སྤེལ་ཞིག་བྱུང་བས་རྟེན་འབྲེལ་ལེགས་པར་འགྲིག །ཚེ་རིལ་ལྷག་མ་རྣམས་ཀྱང་ཕྱག་ཏུ་བཞེས། གསོལ་བ་གུང་ཚིགས་ཀྱི་བཞུགས་གྲལ་ནས་བཟུང་།གོང་མ་ཉིད་དང་བཞུགས་སྟན་མཉམ་པ་སོགས་གཟེངས་བསྟོད། དེང་ཕྱིན་ཆད་ནས་ངེད་མི་ངོ་དང་བཅས་པ་ལ་ཕྱག་འཚལ་མི་དགོས་ཞེས་བཀས་བཅད། དེའི་ཚེ་བོད་ཆོས་རྒྱལ་གྱི་གདུང་ལས་འཁྲུངས་པའི་མཁས་བཙུན་གྲུབ་པའི་དབང་ཕྱུག་དོན་གྱི་པཎྜི་ཏ་ཆེན་པོ་ལྷ་བཙུན་བསོད་ནམས་མི་འགྱུར་རབ་བརྟན་དཔལ་བཟང་པོ་ལ། གོང་ནས་ཐུགས་གཉེར་གང་ལ་མཛད་དང་གྲྭ་བསྐོར་

― GLG008_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཀྱི་དྲི་རྨེད་ཞིབ་པར་གནང་། ཞུ་ལན་ཚིག་དོན་བཟང་པོ་ཕུལ་བས་བཞུགས་གྲལ་མཐའ་དག་གསན་སྤྲོ་བར་གྱུར། དེ་ནས་ལྷའི་བཙུན་པ་དང་རྩེས་ཐང་ལས་ཆེན་སངས་རྒྱས་མགོན་པོ་གཉིས། བཞུགས་གྲལ་ལ་ཆོས་ཀྱི་འབེལ་གཏམ་མཛད་དེ། སྟོན་པས་བདེན་བཞིའི་ཆོས་འཁོར་གྱི་སྔོན་དུ་ལུང་གི་ཆོས་གསུངས་པར་ཐལ། དེའི་སྔོན་དུ་ལྷའི་བཀྲ་ཤིས་དོན་གྲུབ་མའི་ཚིགས་བཅད་གསུངས་པའི་ཕྱིར། ཞེས་སོགས་ཆོས་འཁོར་གྱི་སྐོར་དང་། ཚད་མ་བསླུ་མེད་ཅན་ཞེས་པ་སོགས་རྣམ་འགྲེལ་གྱི་སྐོར་ལ་བགྲོ་གླེང་མཛད་པས་གོང་མ་ཐུགས་མཉེས་པར་གྱུར། གོང་ནས་ཤེལ་བུམ་ཆུ་རིས་མར་གྲགས་པའི་ཞལ་དཀར། སྡེ་སྲིད་ཀྱི་ཁྱད་ནོར་ལ་མཚར་བ་དེས་གཙོས་པའི་ཟང་ཟིང་གི་དངོས་པོ་དཔག་ཏུ་མེད་པ་ཕུལ། །ཀ་བཞིར་རྩེ་ཚོགས་པའི་རྟེན་འགྲེེམས་དང་བཅས་ཏེ་བསྙེན་བཀུར་ཞུས། དེ་ནས་རྩེས་ཐང་དུ་ཕེབས། རིམ་གྱིས་འཕྱོས་རྒྱལ་མཚན་རྩེར་ཕེབས་བཞུགས་ཐོག་ཕྱག་དམ་དམར་པོ་གནང་དགོས་པའི་ཡང་སྐྱོར་གྱི་གོང་མའི་བཀའ་ཤོག་ཕྱག་བྲིས་མ་ལས་འདི་ལྟ་སྟེ། ཆབ་ཤོག་ཁྱད་ཇའི་རྟེན་ཞིབ་ཆ་དང་བཅས་ཕེབས། མདང་སང་སྐུ་མཆོག་ཏུ་སྙོམས་པ་ནས་འཕྱོས་ཚོར་ཕེབས་སྐབས་ཡིན་འདུག་པ་ཅིས་ཀྱང་ལེགས། འདིར་ཡང་ནད་འཚེ་མེད་ངོས་ཁ་ཏོན་འཕེལ་བར་ཡོད། གང་ཅིའི་ཞིབ་ཆ་དཔལ་འབྱོར་རྒྱ་མཚོའི་ངག་ནས་འབུལ་བ་ལྟར། དགོངས་ཡུལ་དུ་ཞུགས་པ་ཞུ། རྟེན་མཚོན་བྱེད་བཀྲ་ཤིས་ཁ་བཏགས་ཟུང་འབྲེལ་ལ་རྒྱ་ལྡན་འབུལ། ཚེས་བཅུ་གསུམ་ལ་ཕུལ། ཇ་སོར་ཐེའུ་རྩེ་ཕུལ་བ། བསྟན་པ་དང་། འཕྲིན་ལས་བཟང་པོ་ཕྱོགས་ཐམས་ཅད་དུ་ཁྱབ་པའི་རྟེན་འབྲེལ་ཡིན་པས། ཕྱག་དམ་དམར་པོ་རང་གནང་བཀོད་ཡོད་པ་ཞུ། འདི་བཞིན་གནང་འདུག །དེ་ནས་ལྷ་ས་སྨོན་ལམ་གྱི་གྲབས་ཡུལ་གྲུབ་པ་

― GLG008_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། ཧོར་དཔོན་ཡང་མཇལ་བར་ཡོང་བ་སོགས་ལ་བརྟེན། འབྲས་སྤུངས་དང་ཧོར་དཔོན་སོགས་ཀྱིས་གདན་འདྲེན་བྱུང་བས་སྐྱིད་ཤོད་དུ་ཆིབས་ཁ་སྒྱུར། འབྲས་སྤུངས་སུ་ཕེབས། ཧོར་དཔོན་ལ་མཇལ་ཁ་བཀའ་ཆོས་སོགས་ཀྱིས་ཚིམ་པར་གནང་། དཔོན་གྱིས་ཀྱང་ད་ལམ་ཡར་ཀླུངས་ཀྱི་མཛད་པ་གལ་ཆེན་རྣམས་བཤོལ་ནས། བདག་གི་དོན་ལ་ཕེབས་པ་ཐུགས་རྗེས་བཟུང་། དེ་ཡང་སངས་རྒྱས་ཟེར་བ་དེ་མ་ཐོབ་ཀྱི་བར་དུ་རྗེས་སུ་འཛིན་དགོས། དད་པའི་རྟེན་ཞིག་གནང་བར་ཞུ་ཞུས་པས། བཀའ་ལས། ངེད་རང་ད་ལམ་ཡང་ཁྱེད་དཔོན་གཡོག་གི་དོན་བྱེད་དུ་འོངས་པ་ཡིན་པས། ཁྱེད་མགུ་བ་ཞིག་སྟེར་དགོས། དེ་ཡང་ཐུབ་པ་གྲོང་ཁྱེར་མ་འདི་གསུང་འབྱོན་མ་ཡིན་པར་ཡང་བྱེད། སྔོན་དམག་གིས་འདིའི་ཞབས་ལ་སྟ་རེ་བརྒྱབ་པའི་ཤུལ་ཡོད་པ་ཡང་རིམ་གྱིས་བསོས་པའི་བྱིན་རླབས་ཅན་ཡིན་གསུངས་ནས་གནང་བས། མཆི་མ་འཁྲུག་ཅིང་བ་སྤུ་གཡོ་བ་དང་། མགོ་སྒྱུར་ཅིང་རེ་ཞིག་སྨྲ་མི་ཤེས་པར་ལུས། དེ་ནས་ལྷ་འདི་འདོད་ཀྱང་དམིགས་ཕུབ་ཞུ་མ་ནུས། མངོན་མཁྱེན་ཐོགས་མེད་མངའ་བ་འདུག །ཅེས་དད་པ་ལྷག་པར་སྐྱེས་ཤིང་རྟེན་དེ་སྤྱི་བོ་དང་སྙིང་ག་སོགས་སུ་སྦྱར་ཏེ་ཞུས་པའི་རྣམ་འགྱུར་དུ་མ་སྟོན། མཆོད་ཡོན་ལྷན་དུ་སྨོན་ལམ་ཆེན་མོར་ཕེབས། སྨོན་ལམ་ཉི་མ་དང་པོའི་མཇལ་ཁ་ཞུས་ནས་ཧོར་རྣམས་རང་ཡུལ་དུ་ལོག །སྨོན་ལམ་གྱི་རྣམ་པར་དཀར་བའི་འཕྲིན་ལས་ཀྱི་མཛད་པ་རྒྱ་ཆེན་པོ་གནང་། བྱང་ཕྱོགས་སའི་བདག་པོ་ནང་སོ་དགའ་ལྡན་པས་དགའ་ལྡན་ཁང་གསར་དུ་སྤྱན་དྲངས། དམ་པའི་ཆོས་ཀྱིས་ཚིམ་པར་མཛད། དེ་ནས་འབྲས་སྤུངས་སུ་སྐུ་མཚམས་ཀྱི་བཅད་རྒྱ་དམ་པར་གནང་ངོ་། །ཕུན་ཚོགས་སྡེ་བཞིའི་འབྱོར་པ་མ་ལུས་པ། །ཕྱུར་བུར་སྤུངས་པས་སྲིད་འདིར་མངོན་མཐོ་བ། །ས་དབང་ཕག་མོ་

― GLG008_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུ་པའི་ཅོད་པན་དུ། གྱུར་པའི་སྙན་གྲགས་ཕྱོགས་ཀྱི་འགྲམ་པར་སྒྲོག །རྣམ་བཞིའི་སྦྱིན་པས་རིས་མེད་འགྲོ་བ་ཀུན། ཕན་བདེའི་ལམ་དུ་བཀོད་ལ་མཚར་དུ་ཅི། གཟོད་མ་ཉིད་ནས་ལུས་ཅན་མ་ལུས་པ། འདྲེན་པའི་ཕུལ་བྱུང་དམ་བཅའ་མཛད་མིན་ནམ། །དེ་ཡང་ཕག་མོ་གྲུ་པའི་སྡེ་སྲིད་འདི། སྤྱིར་རྒྱལ་ཁམས་སྒོས་སྡེ་དཔོན་རྣམས་ལ་གཅེས་པ་ཡིན་ཞེས། སྤྱན་སྔ་ཆོས་གྲགས་པ་གསུང་ལ། དགའ་ལྡན་ཆོས་འབྱུང་དུ། ཕག་མོ་གྲུ་པའི་སྡེ་སྲིད་དང་རྒྱལ་བ་བཙོང་ཁ་པའི་བསྟན་པ་གཉིས་སྲོག་གཅིག་ལྟ་བུར་འདུག་གསུང་བས། སྤྱི་སྒོས་ཚང་མའི་སར་དཔལ་ཕག་མོ་གྲུ་པའི་བསྟན་པ་འདི་རྒྱས་པ་ཞིག་དགོས་རྒྱུར་འདུག་ནའང་། འགྲོ་བའི་བསོད་ནམས་དམན་པའི་དུས་ཀྱིས་ཆད་པ་ལྟ་བུར། སྡེ་སྲིད་ཞལ་ངོ་ནང་ཞིག་པས་དུས་ཟིངས་ཆེན་པོ་ལངས་ཏེ། དེ་ཞི་བའི་ཐབས་སུ་ཆིབས་ཁ་སྒྱུར། ཐོག་མར་བསམ་ཡས་སུ་ཕེབས། མདོ་སྡེ་མཆོད་པ་དང་འགྲིག །གནས་མཇལ་རྣམས་ཞིབ་པར་མཛད། པེ་དཀར་དཀོར་མཛོད་གླིང་དུ་སྤྲུལ་པའི་ཆོས་སྐྱོང་ཆེན་པོ་དང་མཇལ། གནོད་སྦྱིན་ཆེན་པོ་འདི་སྡེ་བརྒྱད་དྲེགས་པ་ཀུན་གྱིས་ཡང་རྗེ། མཐུ་སྟོབས་རྫུ་འཕྲུལ་དཔག་པར་དཀའ་བ་ཞིག་ཡིན་པས། སྔོན་ས་སྐྱའི་རྗེ་བཙུན་གོང་མ་རྣམས་ཀྱིས་གུར་མགོན་གྱི་གསང་ཁྲིད་ཟབ་མོ་ཐུགས་ཉམས་སུ་བསྟར་བའི་ནུས་པས། ས་སྐྱ་པའི་གདུང་བརྒྱུད་རྣམས་ལ་གུས་པའི་རྣམ་འགྱུར་མཛད་པ་རང་ཞིག་ཡོད་འདུག་ཅིང་། འབྲི་གུང་ཞབས་དྲུང་རིན་ཆེན་ཕུན་ཚོགས་ཡབ་སྲས་དང་། གཞན་ཡང་གསང་སྔགས་རྙིང་མའི་རིག་སྔགས་འཆང་བ་རྣམས་ལ། ཨྱོན་རིན་པོ་ཆེས་དམ་ལ་བཏགས་པའི་སྔོན་གྱི་ཐ་ཚིག་རྗེས་སུ་དྲན་པ་དང་། རང་རང་གི་མཐུ་སྟོབས་ནུས་པའི་བྱེད་པོ་ལ་བརྟེན་ནས་ཆོས་སྐྱོང་ཆེན་པོས་གུས་པའི་རྣམ་འགྱུར་

― GLG008_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པ་ཡིན་པར་སྣང་། གཞན་དུ་ན་ཀར་འབྲུག་སྤྲུལ་སྐུ། སྟག་ལུང་ཆོས་རྗེ་སོགས་བོད་འདིའི་རང་གཞན་གྱི་འགྲོ་བའི་འདྲེན་པ་ཆེན་པོར་གྲགས་པ་ཕལ་ཆེ་བ་ལ་དངོས་སུ་ཐུགས་སུན་ཕྱུང་བ་དང་། བརྒྱུད་ནས་བར་དུ་གཅོད་པ་བཏང་བ་སོགས་བླ་མ་སྲང་ལ་འདེག་པ་ཞིག་ཡིན་འདུག་ཀྱང་། དམ་པ་འདི་ཉིད་ལ་བཀུར་བཟོས་ལེགས་པར་ཕུལ། འདས་མ་འོངས་ཀྱི་ལུང་བསྟན་གསལ་བར་གསུངས། སྦུག་ཆོལ་སོགས་སྤྱན་གཟིགས་མཆོད་གཏོར་རྒྱས་པར་ཕུལ་བས། ཆོས་སྐྱོང་གིས་སྦུག་ཆོལ་དེ་དཀྲོལ་དང་གསུང་། དཀྲོལ་པར་སྐད་སྙན་པོ་བྱུང་བས། དེ་དང་མཐུན་པའི་འཕྲིན་ལས་བསྒྲུབ་ཅེས་ཞལ་བཞེས་མཛད། དེ་ནས་རྩེས་ཐང་དུ་ཕེབས། གོང་ས་ནས་གཟིམས་ཁང་ཡེ་བཟང་རྩེ་འབུལ་བ་གནང་། དེར་བཞུགས། དེའི་ཚེ་སྐུ་ཞང་རིན་པོ་ཆེ་ཀུན་བཟང་རྩེ་པ་ཆོས་ཀྱི་དབང་ཕྱུག་ཅེས། རིག་སྔགས་འཆང་བའི་འཁོར་ལོས་སྒྱུར་བའི་མཁས་གྲུབ་ཆེན་པོ་དེའི་ཞལ་ནས། ནུབ་གཅིག་བདག་གི་རྨི་ལམ་ན་ཡེ་བཟང་རྩེར་ཕྱིན་པས། དེ་ནས་འཕགས་པ་སྤྱན་རས་གཟིགས་སྐུ་ཚད་ཆེ་བ་ཞིག་བཞུགས་པའི་གཡས་ན་མགོན་པོ་ཚེ་དཔག་མེད་ཀྱི་སྐུ་དང་། ཨྱོན་རིན་པོ་ཆེ་པདྨ་འབྱུང་གནས་ཀྱི་སྐུ་གཉིས་བཞུགས་ཤིང་། གཞན་ཡང་རྟེན་གསུམ་ངོ་ཤེས་པ་དང་མ་ཤེས་པ་མང་པོ་བཞུགས་པའི་དྲུང་ན། མཆོད་རྫས་སྣ་ཚོགས་པའི་བཀོད་པ་ཕུན་སུམ་ཚོགས་པ་འདུག་པས། འདི་སྙམ་དུ་སྔར་གྱི་རྟེན་མཆོད་བཟང་པོ་རྣམས་ནི་སྡེ་གཟར་གྱི་གཤིས་ཀྱི་མ་བཞུགས་ཀྱང་། དཔོན་ས་སྡེ་སྲིད་ཀྱི་དཔལ་འབྱོར་མི་ཟད་པ་ནི་ངོ་མཚར་ཆེ། ད་ཡང་རྟེན་མཆོད་ཁྱད་པར་ཅན་འདི་ཙམ་བཞུགས་འདུག་བསམ་པ་ཤར། དེ་ནས་ཞབས་དྲུང་རིན་པོ་ཆེ་ཡེ་བཟང་རྩེར་ཕེབས་འཕྲལ་དུ་ཕྱག་འབུལ་ལ་ཕྱིན་པས། རྨི་ལམ་གྱི་ཇོ་བོ་བཅུ་གཅིག་ཞལ་བཞུགས་ས་དེ་ན་ཞབས་དྲུང་རིན་པོ་ཆེ་བཞུགས་འདུག །སྐུ་

― GLG008_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

གཞོགས་གཡས་ན་རྟེན་མཆོད་མང་པོ་འདུག་པའི་ཁྲོད་ན་རྒྱལ་བ་ཚེ་དཔག་མེད་མགོན་གྱི་སྐུ་བཞུགས། ཨྱོན་རིན་པོ་ཆེའི་རྣམ་ཐར་ཐང་ཁ་ཞིག་ཀྱང་འདུག་པས། །བཞུགས་ཚུལ་དང་བཀོད་པ་ཐམས་ཅད་རྨི་ལམ་དང་མཐུན་པ་བྱུང་གསུང་། རིན་པོ་ཆེ་པ་དེ་ཞབས་དྲུང་རིན་པོ་ཆེ་བསོད་ནམས་རྒྱ་མཚོ་ལ་སྤྱན་རས་གཟིགས་དངོས་ཀྱི་མོས་པ་གནང་བ་ཡིན། ཕྱིས་ཀུན་བཟང་རྩེར་ཞལ་ཐང་འདྲ་སྐུ་ཞིག་བཞེངས་པའི་ཚེ་ཡང་། ལྷ་གསུམ་པོ་དེ་འདྲ་བའི་ཞལ་བཀོད་གནང་བ་ཡིན་ནོ། །དེ་ནས་ཞལ་ངོ་རྣམས་ལ་སྙན་སྒྲོན་དང་། བློན་པོ་རྣམས་ལ་བསླབ་སྟོན་སོགས་རྒྱས་པར་གནང་ཡང་། གཏན་ཆིངས་ནི་མ་བྱུང་། བར་ཆིངས་གཡུལ་འཐབ་ཕྱིར་འཕུལ་ཙམ་གྱིས་ཀྱང་སེམས་ཅན་རྣམས་ཀྱི་བདེ་བའི་ངལ་གསོར་གྱུར། ནུབ་ཅིག་མནལ་ལམ་གྱི་ཚུལ་དུ། མཁའ་འགྲོ་མ་མཚར་མོ་ཞིག་བྱུང་བ་དེ་ནམ་མཁའ་ལ་སྦར་བ་བྱེད་ཅིང་། འདི་སྐད་ཅེས། འབྲི་གུང་པ་དང་སྒམ་པོ་པ་སོགས་འགྲོ་བ་ཐམས་ཅད་དབང་དུ་འདུ་བ་ཞིག་ཨེ་བཞེད། བཞེད་ན་ནི་ཡོང་བར་འདུག་ཟེར་བ་ལ། རྗེའི་ཞལ་ནས་གཞན་དོན་དུ་འགྱུར་བ་ནི་དཀའ། རང་དོན་དུ་འདོད་པ་ཆེ་བ་ལ་དགའ་བ་མེད་པས་མི་འདོད་གསུངས། རེ་ཞིག་དེ་ཁར་སྐུ་མཚམས་མཛད་པའི་མུ་ནས། རིན་པོ་ཆེ་ཀུན་བཟང་རྩེས་ལ་མགོན་པོ་ཞལ་གྱི་བསྐང་གསོའི་གདངས་དབྱངས། རྔ་ཆིངས་སོགས་འཁྲིད་པར་མཛད་དེ་ཕྱག་ལེན་དུ་ཐེབས་པ་གནང་། དེ་ནས་རྒྱལ་དུ་བླ་མ་ཆོས་མཛད་པ་དཔོན་སློབ་ཀྱིས་གདན་དྲངས། གཟིམས་ཁང་གོང་དུ་རྡོ་རྗེ་འཆང་སྔགས་རམ་གྱི་སྐུ་གདུང་ཞུགས་ལ་ཕུལ། དབུ་ཐོད་དང་ཞལ་སྒོ་སོགས་ལྷ་སྐུ་རིང་བསྲེལ་མང་དུ་བྱོན་པའི་རྟེན་ངོ་མཚར་ཆེ་བ་རྣམས་བཞུགས་པའི་དངུལ་གདུང་གསར་དུ་བཞེངས་ནས་བྱམས་ཁང་ཞལ་རས་ལྷ་ཁང་

― GLG008_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཞུགས་སུ་གསོལ། སླར་རྩེས་ཐང་དུ་ཕེབས། དྲག་པོ་ཞེས་པ་ལྕགས་སྤྲེལ་གྱི་ལོ་གསར་གནང་། གཞན་དོན་གྱི་འཕྲིན་ལས་རྒྱུན་མི་འཆད་པའི་ངང་ནས། དབྱར་ཆོས་ལ་རྒྱལ་དུ་ཕེབས། དེའི་ཚེ་ཡང་སྔར་གྱི་མཁའ་འགྲོ་མ་དེ་བྱུང་ནས། གཞན་དོན་མཛད་པ་ལ་ཐབས་སྣ་ཚོགས་ཤིག་དགོས། དེ་ལ་སྔར་ཞུས་དེ་ལྟར་ཐུགས་ལ་ཨེ་བཞེད། བཞེད་ན་ནི་གདན་ས་རིན་པོ་ཆེ་འདིར་ཕེབས་ན། གཞན་དོན་རྒྱ་ཆེན་པོ་འགྲུབ་པར་འདུག །གལ་ཏེ་རྟེན་འབྲེལ་འཕྱུགས་ན་ནི་གཞན་གྱིས་བདག་ཏུ་བྱེད་དེ། སྣེའུ་གདོང་པ་ཁུ་དབོན་རྣམས་ནི་སུ་ལ་ཡང་དབང་ཆ་མི་ཡོང་། དེ་བས་ན་ད་ལྟ་ནས་རྟེན་འབྲེལ་བསྒྲིགས་ན་ལེགས། གཞན་དོན་རྒྱ་ཆེན་པོ་བྱེད་པ་དང་། གོ་ས་ཆེན་པོ་མི་འཛིན་པ་ནི་འགག་པ་ཡིན་ཟེར། འོ་ན་རྟེན་འབྲེལ་སྒྲིག་ལུགས་ཇི་ལྟར་བྱེད་དགོས་གསུངས་པས། དེ་ན་རེ། འགྲོ་མགོན་རིན་པོ་ཆེའི་སྐུ་འདྲ་བྱིན་རླབས་ཅན་བདུན་སོགས་ལ་མཆོད་བསྟོད་ཕུལ། འདོད་དོན་ལ་གསོལ་བ་ཐོབ་དང་། དོན་ཐམས་ཅད་དེ་ཀས་འགྲུབ་ཟེར་དེ་ནས་འབྲས་སྤུངས་སུ་ཕེབས་པས་ལམ་ཞོར་འོལ་ཁ་རྩེར། སྡེ་པ་རྫོང་དཔོན་པས་འབུལ་སྣ་ལ་འགྲོ་མགོན་རིན་པོ་ཆེའི་སྐུ་འདྲ་ཁྱད་པར་ཅན་ཞིག་ཕུལ་བྱུང་བས། རྟེན་འབྲེལ་ལེགས་པར་འགྲིག་ཅེས་མཉེས་མཉེས་མཛད། དེ་ནས་སྐུ་འདྲ་རིན་པོ་ཆེ་གྲྭ་ས་མ་དང་ཉི་མ་ལྔ་ཙམ་རྩོད་མེད་ཕྱག་ཏུ་འབྱོར། རིམ་གྱིས་འབྲས་སྤུངས་སུ་ཕེབས། ཉིན་གཅིག་སྐུ་འདྲ་ལི་མ་ཞིག་ལ་ཞལ་གསེར་གནང་བའི་ཚེ། སྡེ་པ་ཀེ་རུ་བས། སྐུ་འདྲ་རིན་པོ་ཆེ་སྤྱིལ་བདུན་མ་ཡ་གཅིག་ཕུལ་བས། སྔ་ཕྱི་བསྡོམས་པར་འགྲོ་མགོན་རིན་པོ་ཆེའི་སྐུ་འདྲ་བདུན་ཕྱག་ཏུ་འབྱོར་བར་བརྟེན། སྔར་གྱི་ལུང་བསྟན་དང་མཐུན་པར། སྐུ་འདྲ་རྣམས་ལ་ན་བཟའ་བེར་བཅས། བྱུས་དམར་གྱི་སྒོམ་གཞུ་བཞུགས་སྟན་སྙེ་འབོལ་སོགས་བཀོད་པ་མཛེས་པར་བཤམས།

― GLG008_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་པ་རྒྱ་ཆེན་པོ་དང་ཕྱག་མཆོད་མང་དུ་མཛད་དོ། །དེ་ནས་ཡང་ཉིན་གཅིག་རྗེའི་ཞལ་ནས། མདང་ངའི་རྨི་ལམ་དུ་ངེད་འཁོར་བཅས་གཞན་མི་ཁ་ཡར་དང་བཅས་པ། རི་ཞིག་གི་སྒང་ཞིག་ལ་འགྲོ་གིན་འདུག་པས། དེ་ན་ཁང་པ་གསུམ་ཐོག་མ་ཞིག་འདུག །ང་ལ་མི་གཅིག་གིས། ཁྱེད་རང་སྐུ་སྐྱེ་གོང་མ་གཉིས་པོ་མཇལ་བ་ལ་ཨེ་འབྱོན་ཟེར། ངའི་བསམ་པ་ལ། ཐམས་ཅད་མཁྱེན་པ་སྐུ་སྐྱེ་སྔ་ཕྱི་གཉིས་ལ་ཞུ་རྒྱུ་རེ་འདུག །བཞུགས་ཨེ་ཡོད་དམ་བསམ། འགྲོ་གིན་འདུག་པས་བར་ཐོག་དེ་ན། ཐམས་ཅད་མཁྱེན་པ་དགེ་འདུན་རྒྱ་མཚོ་བཞུགས། དེ་ཡང་ཁྲི་ཤིན་ཏུ་མཐོ་བ་ཞིག་ལ། སྐུ་རེ་བགྲེས་ཤིག་བཞུགས་འདུག་པ་ལ། ཕྱག་འབུལ་ཞུས་ཏེ་བྱིན་རླབས་ཞུ་རུ་ཕྱིན་དུས། བཞེང་བ་དང་དབུ་ཐུག་གནང་སྟེ། ཁྱེད་ཀྱིས་བྱོན་པ་ཨེ་ཡིན་བཀའ་ཕེབས་བྱུང་། དེ་དུས་ངེད་རང་གི་བློ་ལ། ང་ལ་བཞེང་བ་གནང་བ་འདི། ཞབས་དྲུང་གོང་མ་ཆེན་པོས་བདག་རྐྱེན་གནང་བ་དེས་ཡིན་ལ་ཆེ། གཞན་གནང་དོན་ཞིག་མེད་ལ་ཆེ་སྙམ་པ་བྱུང་མཚམས་བཀའ་ལུང་ལ་ཁྱེད་རང་སྟེང་ལ་ཐེགས་དང་། ད་དུང་མཇལ་རྒྱུ་ཡོད་གསུང་ཕྱིན་པས། སེང་གེ་ཡོལ་བ་ཤིན་ཏུ་ལེགས་པ་ཞིག་བཏང་འདུག་དེ་ཕྱེ་ནས་ནང་ལ་ཕྱིན་པ་དང་། ཐམས་ཅད་མཁྱེན་པ་དགེ་འདུན་གྲུབ་པ། བཞུགས་གདན་གསུམ་གདན་སྙེ་འབོལ་ཞིག་གནང་སྟེ་བཞུགས་འདུག །བྱིན་རླབས་ཞུས་པས། འོངས་པ་ལེགས་གསུངས་ནས། ཕྱག་གཅིག་གིས་བྱིན་རླབས་གནང་བྱུང་། དེ་ནས་ཁྱོད་ལ་ཅི་དགོས་གསུང་། ང་ལ་བྱུང་ན་གསུང་ཆོས་ཤིག་དགོས་ཞུས་པས། མང་པོ་བྱེད་ལོང་མེད། དཔལ་ལྡན་ལྷ་མོའི་འཕྲིན་ལས་བཞིའི་རྗེས་གནང་བྱེད་པ་ཡིན་གསུངས། གཏོར་མ། དཀར་སེར། དམར། སྔོ་ནག་བཞི་འདུག །རིམ་བཞིན་ཞི་རྒྱས་དབང་དྲག་གི་འཕྲིན་ལས་རྗེས་

― GLG008_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

གནང་། བཀའ་བསྒོ་དང་བཅས་པ་གནང་སྟེ། འོ་ལགས་ཡོད་དོ། །འདི་བཞི་ཤིན་ཏུ་དཀོན་པ་ཡིན་པས། ད་རེས་རྐང་བཙུགས་སུ་བྱས་པ་ཡིན་བཀའ་ཕེབས་བྱུང་། སླར་འོག་ཏུ་ཐམས་ཅད་མཁྱེན་པ་དགེ་འདུན་རྒྱ་མཚོའི་སྐུ་མདུན་དུ་ཕྱིན་པས། ཁྱེད་ལ་ཅི་གནང་བྱུང་གསུངས་། རྗེས་གནང་འདི་བཞིན་གནང་བྱུང་ཞུས་པས། འོ་དེ་ཡག །དེས་དཔལ་ལྡན་ལྷ་མོའི་ཆོས་སྐོར་ཐམས་ཅད་ཐོབ་པ་འདྲ་གསུང་། གསོལ་རས་ཀྱི་བུ་རམ་གྲུ་བཞི་ཞིག་དང་། གོང་དུ་ངེད་རང་གི་འཕྲེང་བ་དེ་ཕྱིར་གནང་བྱུང་སྟེ། ག་ལེ་ཐེགས་སླར་ཡང་ཕྲད་ཡོང་བཀའ་ལུང་གནང་བྱུང་། ཡང་དེའི་ཚེ་ངས་འདི་སྐད་ཞུས་ཏེ། ང་རང་ལ་ཡང་རྨི་ལམ་འདྲ་བྱུང་བ་དང་མཐུན་པར། སྡེ་པ་འོལ་ཁ་བ་ལ། རྨི་ལམ་འགའ་རེ་བྱུང་འདུག་པའི་དོན་འདི་ཡོང་བ་ཞིག་ཡིན་ནམ་མིན། གལ་ཏེ་འོང་རྒྱུ་ཡིན་པའི་ཚེ་ན། བདག་གིར་བྱས་པ་ལེགས་སམ་མ་བྱས་པ་ལེགས་ཞུས་པས། བཀའ་ལས། དོན་འདི་ནི་དབང་སྡུད་ལས་ཐབས་གང་ཟབ་ཟེར་བས་ཀྱང་ཐོབ་པར་དཀའ་བའི་གནས་ཡིན་མོད། འོན་ཀྱང་སྔོན་ནས་རྒྱུ་རྐྱེན་ཕུན་སུམ་ཚོགས་པའི་རྟེན་འབྲེལ་གྱིས། ངེས་པར་ཡོང་ཡང་ཡོང་ལ། བྱས་པ་ཡང་དགའ་སྟེ་འགྲོ་བའི་དོན་རྒྱ་ཆེན་པོ་འགྲུབ་པའི་རྒྱུ་ཡིན་གསུང་། འོ་ན་རྒྱལ་གྱི་དགོན་པ་ནི་མ་བཟུང་བའི་ཐབས་མེད། འབྲས་སེར་དང་ཕན་ཚུན་ཐམས་ཅད་སྒྲག་ཐུབ་པ་ཞིག་ནི་གཤིས་ཀྱིས་དཀའ་བས་ཇི་ལྟར་བྱ་ཞུས་པས། སྒྲག་མི་ཐུབ་རྒྱུ་ཡང་རྐྱེན་མེད། གལ་ཏེ་མ་ཐུབ་ན་འདི་ངོས་འཇོགས་པ་དར་ཡིན་མོད་གསུང་། འདི་ངོས་པ་རྣམས་དད་པ་ལྷག་པར་ཡང་ཤིན་ཏུ་ཆེ་བས་གཞག་པར་དཀའ་བར་ཡོང་ངམ་ཞུས་པས། སྔར་ང་ལ་ཡིན་ན་དད་པ་དང་དམ་ཚིག་གི་སྐྱོན་མ་ཞུགས་པ་ཞིག་དེ་ལྟར་ཡིན་ཏེ། ང་འདས་པའི་ཚུལ་བསྟན་པའི་རྗེས་སུ། འདི་ངོས་པ་ཚོ་ལ་དམ་ཚིག་གི་སེལ་ཅུང་ཟད་ཅིག་ཞུགས་

― GLG008_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་བས། དེའི་འབྲས་བུ་ལ་སྐྱོན་ཞིག་ཡོད་དེ་ནམ་བྱུང་ཙ་ན་ཐབས་ཀྱིས་གཞོག་ལ། ཕ་གི་ཟུངས་ཤིག །བཟུང་བའི་ཚེ། ལ་ལའི་ཡིད་གདོན་གྱིས་བསྒྱུར་ནས་སྐུར་འདེབས་ལ་སོགས་པའི་བར་ཆད་འགལ་རྐྱེན་ཅི་ཐུབ་བྱེད་པ་འོང་ཡང་འགོག་མི་ཐུབ། འོན་ཀྱང་འགལ་རྐྱེན་བཟློག་པའི་སླད་དུ་ཉིན་རེ་བཞིན་ཆོས་སྐྱོང་གི་བསྟོད་པ་རྐང་བརྒྱད་དེ་ཉི་ཤུ་རྩ་གཅིག་རེ་ཐོན་དང་། དེས་སེལ་ཏེ་འོང་། འགྲོ་མགོན་རིན་པོ་ཆེ་ལ་བསྟོད་པ་བརྒྱ་རྩ་རེས་གསོལ་བ་ཐོབ་ཅིག་གསུང་བ་སོགས་མནལ་ལྟས་ངོ་མཚར་བ་བྱུང་། དེ་ནས་རིན་པོ་ཆེ་ཀུན་བཟང་རྩེ་བའི་དྲུང་དུ་ས་ཕུར་ལྷ་ཁྲའི་སྟོད་ལས་བྱང་ཆུབ་བསྒྲུབ་པ་དང་། སྨད་ལས་གདུག་པ་སྒྲོལ་བའི་དབང་གཏེར་ཁ་འོག་མའི་བླ་མ་གསང་འདུས་ཀྱི་དབང་ལུང་། དུམ་བརྒྱ་ཞང་ཁྲོམ་གྱི་ཟབ་གཏེར་འཇམ་དཔལ་ཕྱག་རྒྱ་ཟིལ་གནོན་གྱི་དབང་ལུང་མན་ངག་དང་བཅས་པ། འཇམ་དཔལ་ཁྲོ་ཆུ་དུག་སྡོང་གི་སྐོར། འཆར་ཁ་གནམ་སྐས་མ། ཐེལ་ལུགས་ཀྱི་མགོན་པོ་ཕྱག་བཞི་པའི་དབང་ལུང་། མ་ནིང་བསྟན་སྲུང་ཡོངས་རྫོགས་ཀྱི་སྐོར། ཙ་རི་ཞིང་སྐྱོང་། གཟའ་རྒོད་དུག་གི་སྤུ་གྲི་གཟའ་གདོང་དམར་ནག །རྡོ་རྗེ་ལེགས་པ། གཏེར་ཁ་གོང་མའི་བྲག་དམར་གྱི་སྐོར་སོགས་གསང་སྔགས་སྔ་འགྱུར་གྱི་དབང་ལུང་མན་ངག་ཆོ་ག་ཕྱག་ལེན་མཐའ་ཡས་པ་གསན། མཚམས་ཁང་ཤོད་དུ་དབོན་སློབ་ལྷན་ཅིག་ཏུ་སྐུ་མཚམས་མཛད་དེ། གཤིན་རྗེའི་མཆོད་རྟེན་བཅས་ཆོག་མ། ཞལ་གྱི་རྡོ་ནག་མཎྜལ་སོགས་ཕྱག་ལེན་ལྟར་བཅས་ཏེ་བསྙེན་སྒྲུབ་ལས་སྦྱོར་མང་པོ་ཞིག་གནང་། སྲོད་ཐུན་གྱི་གཏོར་ཁ་གསོ་བར་མཆོད་དཔོན་གྱིས་ཕྱིན་པས། ཐེམ་པའི་ནང་དུ་མི་མིག་ཁྲག་ཛ་རེ་བ་གཉིས་འདུག་པ་མཐོང་བས་ཞེད་དེ་འགྲོ་མ་ནུས་པར་ལོག་འོངས། སླར་ཕྱིན་པས་མི་འདུག་ཟེར། སྲེད་པ་ལོ་ཙཱ་བས་མཛད་པའི་ཕུར་པའི་

― GLG008_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བྱང་འཕྲིན་ལས་རྒྱ་མཚོ་དང་དེའི་ཁ་སྐོང་། ཆོས་རྗེ་བླ་མས་མཛད་པའི་དབང་ཆོག་རྟོགས་པར་སླ་བ་རྣམས་ཀྱི་ཕྱག་དཔེ། ས་སྐྱོང་ཆོས་ཀྱི་རྒྱལ་པོ་གྲགས་པ་འབྱུང་གནས་ཀྱི་བླ་དཔེ་ལས་བཤུས་པའི་དངོས་གཙང་བ་ཞིག་སྐུ་ཞང་རིན་པོ་ཆེས་ཕྱག་ཏུ་ཕུལ་བ་ད་ལྟའང་མཆིས་ཤིང་། ཚེས་བཅུའི་བླ་མ་གསང་འདུས་ཀྱི་ལས་བྱང་། རྩེ་ལུགས་ཀྱི་ཆོག་བསྒྲིགས་ཇི་ལྟ་བ་རྒྱ་ཤོག་ཅིག་ལ་ཕྱག་བྲིས་སུ་གནང་འདུག་པ། ད་ལྟ་འབྲས་སྤུངས་ཀྱི་བདེ་གཤེགས་མཆོད་རྟེན་བརྒྱད་ཀྱི་བདུད་འདུལ་མཆོད་རྟེན་གྱི་གཟུངས་ཞུགས་ལ་ཡོད། དེ་སྐབས་ཕུར་པ་དང་བླ་མའི་ལས་བྱང་གི་གར་ཐིགས་དབྱངས་གསུམ་མཐའ་དག་རྩེ་ལུགས་ཀྱི་ཕྱག་ལེན་ཇི་ལྟ་བ་བཞིན་འཛུགས་པའི་དགོངས་བཞེད་ཆེ་བར་བྱུང་འདུག་ནའང་། དུས་ལ་ཅུང་ཟད་མ་སླེབ་པའི་གང་ཟག་ཅི་རིགས་ཀྱི་སྤྱོད་ཚུལ་སྣ་ཚོགས་ལ་བརྟེན་ནས་རིམ་གྱིས་ལུས་པ་ཞིག་བྱུང་བར་གདའ། དེ་ནས་བྱ་ལོའི་ལོ་གསར་སྨོན་ལམ་སོགས་གྲུབ་ནས། ཧོར་ཟླ་གཉིས་པ་ཉིས་བརྩེགས་ཀྱི་ཕྱི་མའི་ཚེས་བཅོ་ལྔའི་ཉིན། རྗེའི་ཞལ་ནས་མདང་ངའི་རྨི་ལམ་ལ། ལྷ་བཙུན་པ་དང་། དྲུང་ཆེན་གཉིས་ངའི་འཁོར་ན་འདུག །ངེད་གསུམ་པོ་ནག་ཡུག་ཕ་གི་ན་ཡོད་ཙ་ན། ཉི་འོད་འཁྱིལ་བའི་ནང་ན། མི་རྒན་གྲེ་བསངས་བྱེད་པའི་སྒྲ་ཞིག་བྱུང་བས། སུ་ཡིན་ནམ་སྙམ་ཉན་པས། ཡང་གློ་སྐད་ཅིག་བྱུང་། ངའི་བསམ་པ་ལ་ཕལ་ཆེར་རང་ཐམས་ཅད་མཁྱེན་པ་དགེ་འདུན་རྒྱ་མཚོ་ཕེབས་ཡོད་འདུག་སྙམ་ནས། ཁོང་གཉིས་ལ་མ་བཤད་པར་ནང་དུ་འོངས་ཙ་ན། བཞུགས་གདན་བདེ་བ་ཞིག་ལ་རྗེ་ཐམས་ཅད་མཁྱེན་པ་དེ་ཉིད་བཞུགས་པའི་སྐུ་གཞོགས་ནས། གསུང་རབ་པ་པུས་མོ་བཙུགས་ནས་བསྡད་འདུག་པས། ངས་ཕྱག་འབུལ་བྱས་པས། ཐམས་ཅད་མཁྱེན་པའི་ཞལ་ནས་བྱིན་རླབས་མ་ཞུ། བཞུགས་གདན་ཞིག་

― GLG008_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

ཨེ་དགོས་གསུང་། མི་དགོས་ལགས། ཉི་མ་འདི་ལ་སྡད་ཆོག་པ་འདུག་ཞུས། ཉི་མཐོངས་ལ་བསྡད་པས། ཐམས་ཅད་མཁྱེན་པའི་སྐུ་པང་ན་ཉི་མ་འདུག་ཅིང་། རི་ལ་ཉི་མ་ལྡོས། ངལ་དུ་འདུག་གསུངས། དེ་ནས་གསུང་རབ་པ་ལངས་ཏེ། ད་འོ་ན་ཁྱེད་རང་དཔོན་སློབ་བཀའ་གྲོས་གནང་བ་ཞུ། ངས་ཕྱིན་གྱི་ཟེར་ནས་སོང་། རྗེ་ཐམས་ཅད་མཁྱེན་པའི་ཞལ་ནས། ངས་སྔར་བསླབས་པ་དེའི་སྐོར་ལ། གསུང་རབ་པ་དང་གྲོས་བྱེད་པ་ཨེ་བྱུང་གསུངས། ངའི་ཡིད་ལ་འབྲས་སྤུངས་ཀྱི་གདན་སའི་སྐོར་དེ་ཀ་ཡིན་ཡོང་སྙམ་ནས། དེ་སྐོར་ལ་ད་བར་དུ་གསུང་རབ་པ་དང་གྲོས་བྱེད་པ་ཞིག་མ་བྱུང་ལགས་ཞུས་པས། དེ་ཅི་ཡིན་གསུང་། བྱེད་སྟབས་བདེ་བ་ཞིག་མ་བྱུང་བ་ལགས་ཞུས་པས། ད་ལྟ་བཟོ་ཐེབས་ཡོད་པའི་སྐབས་ལ་རྩོལ་བ་མ་བྱས་ན། ནམ་ཞིག་བཟོ་ཐེབས་ཤོར་ནས་བྱས་ཀྱང་ཅི་ལ་ཕན་ཁྱེད་ཀྱི་སྐུ་ཚེའི་ཚད་ལོ་བརྒྱད་ཅུ་གྱ་གསུམ་ཡིན་མོད་ཀྱང་། དེ་དུས་ཀྱི་དབང་གིས་དྲུག་ཅུ་རེ་བགྲངས་ཙམ་ལས་ཐུབ་པ་དཀའ། དེ་ལ་ཡང་བར་ཆད་འོང་། ཁྱད་པར་དུ་ཁྱེད་ཚོས་དགོན་པ་འདི་མུ་མཐུད་ནས་བཟུང་བ་མི་དགའ་སྟེ། བཟུང་ན་ད་སྟེ་ལོ་བཅུ་གསུམ་ན་སྐུ་ཚེ་ལ་བར་ཆད་འོང་ཞིང་། དགོན་པ་འདི་ཡང་འཇིག །དེ་ཡང་དགོན་པ་སྟོད་ནས་འཇིག་པ་ཞིག་འོང་། ཁྱེད་ཀྱི་མ་བཟུང་ན་དགོན་པ་ཡང་རེ་ཞིག་མི་འཇིག་ལ། སྐུ་ཚེ་ཡང་དྲུག་ཅུ་རེ་བགྲངས་ཐུབ་དེ་ལ་ཡང་བར་ཆད་ཅིག་འོང་སྟེ་བྱུང་ཡང་ལོ་བཞི་བཅུ་ཐུབ་པ་འདུག་གསུངས། དགོན་པ་དེ་ནམ་འཇིག་ཞུས་པས། བཟུང་ན་ལོ་བཅུ་ལས་མི་འགྱང་བར་འཇིག །ཕེབས་ན་འདི་ཐབས་ཀྱིས་ཅི་མྱུར་དུ་བཞག་པ་ལེགས་སོ་གསུང་། དེ་ནས་ངའི་བསམ་པ་ལ། ལྷ་བཙུན་པ་དང་དྲུང་ཆེན་གཉིས་ཀྱིས་ཀྱང་ཕྱག་དབང་རེ་ཐོབ་ན་སྙམ་ནས་ཁོང་གཉིས་ལ་བརྡ་བྱས་པས་ནང་དུ་བྱུང་སྟེ། ཕྱག་འཚལ་

― GLG008_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བྱིན་རླབས་ཞུས་པ་ལ། ཕྱག་དབང་རེ་ཡང་གནང་སོང་། གྲྭ་ས་ལ་ཞིག་རལ་འོང་པ་དེ་ལ་བཟློག་ཐབས་མེད་དམ་ཞུས་པས། ཕྱིར་འཕུལ་ཡིན་ན། རིམ་གྲོས་ལོ་དྲུག་ཅུ་ཙམ་ཐུབ། དེ་ལས་གཏན་མེད་ལ་བཟློག་པའི་ཐབས་མི་འདུག་ཕེབས། འོ་ན་ངས་འདི་ཉིད་དུ་ཆོས་ཀྱིས་ཕན་ཐོགས་མི་འོང་བ་འདྲ་ཞུས་དུས། འོ་སྐོལ་ཀྱི་ཆོས་ཀྱི་ཕན་ཐོགས་འདི་མུ་མཐུད་བྱས་པ་དང་། ཟུར་དུ་བཞུགས་ནས་ཆོས་བཤད་པ་གཉིས་པ་ཕན་ཐོགས་ཆེ་ཆུང་དང་། མཐུན་སྣང་དུ་གྲུབ་མི་གྲུབ་ནི། ངས་མཁས་པའི་སྟེང་དུ་བསྐྱལ་བ་ཡིན་ན་ལེགས། མུ་འཐུད་ན་རིམ་པས་གསལ་ཡོང་བ་ཡིན་གསུངས་པ་ཞིག་རྨིས། བྱ་ལོ་ལ་གསུང་རབ་པ་ཁམས་མ་བདེ་བའི་རྐྱེན་གང་ཡིན་ཞུས་པ་ལ། དམ་ཚིག་གི་སྐྱོན་ཡིན་ཕེབས། ལོ་གར་འདི་བདེ་མོ་ཨེ་ཡོང་ཞུས་ཕུལ། ལོ་འཆར་པོའི་ལྔ་པ་ཚུན་བདེ་མོ་ཡོང་། བཞི་པའི་གནམ་གང་ལ་ཤིན་ཏུ་གཟོབས། བརྒྱད་མཆོད་ཆེན་མོ་ལ་ཡང་ཟོན་གྱིས། ལྔ་པ་ལ་ལྔ་པའི་མཐས་སླེབས་ཕེབས། དེ་ནས་ཐབས་མེད་དམ་ཞུས་པས་དགའ་མོ་བྱེད། རྫོགས་པ་དེ་ག་ཡིན། རྫོགས་པ་དེ་ག་ཡིན་ཕེབས། ཁག་པོ་ཨེ་ཡོང་ཞུས་པས་མི་འོང་། བསམ་པ་དག་པས་ཕེབས། ཁོ་འདས་ནས་ནང་ཁྲོལ་ལམ་ཞུས་དུས། དཔེ་སྟེ་ཐབས་ཡོད་གསུང་། དྲུང་ཆེན་གར་བབས་དགའ་འམ་ཞུས་དུས། གཡོག་གི་རེ་ཆོད་བྱས་པ་དགའ། ད་ལྟའི་འདི་ཀས་ཐུས། རིམ་པས་དོད་ཡོང་ཕེབས། ཡང་ཀུན་བཟང་ནགས་ཁྲོད་ལ་འདུན་པ་བྱས་པ་ལོས་དགའ། བྱེད་དགོས་ལོ་ལྔ་དྲུག་ཚུན་ལ་ཡོང་ཕེབས། དེ་གོང་དུ་འབྲས་སྤུངས་བཞག་ཆོག །འཇོག་ལུགས་རིམ་པས་གསལ་ཡོང་། ཐེལ་བྱས་ན་དགའ་བས་བགྱིས་ཕེབས། འོ་ན་ཐེལ་སྒྲགས་པ་ཨེ་ཡིན་ཞུས་པས་སྒྲགས་པ་སྒྲགས་འོས་ཡིན། འོལ་ཁ་གདུལ་བྱའི་ཞིང་ཡིན་གསུང་བ་དང་། སྐུ་ལས་འོད་ཟེར་དཀར་པོ་འཕྲོས་

― GLG008_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་། ངས་ཐེལ་བྱེད་དུས་གསུང་རབ་པ་སྡོད་ཨེ་ཐུབ་ཞུས་པས། དེ་དུས་སྡོད་མི་ཐུབ་སྟེ། གཞན་ཞིག་སླེབས་ཡོང་ཕེབས། ཁོ་མེད་པའི་རྗེས་སུ་འཇིག་རྟེན་གྱི་རྣམ་གཞག་ང་རང་གིས་ཁུར་འཁུར་རིགས་སམ་ཇི་ལྟར་བྱེད་ཞུས་དུས། ཁྱོད་ཀྱིས་ཁུར་འཁུར་བའང་ལགས། གཞན་ཞིག་ལ་བསྐུར་ཆོག་པ་འོང་ཕེབས། གཞན་ཇི་ལྟར་ཡིན་ཞུས་དུས། དབུས་གཙང་གཉིས་ན་རེ་རེ་ཡོད། དོན་ཡོད་དབུས་དོན་ཡོད་ཕེབས། ཇོ་ཇོ་ཨེ་ཡིན་ཞུས་པས། མིན་ཧེ་ཧེ་གཞན་ཞིག་ན་ཡོད། ལོ་བཅུ་དགུ་ཉི་ཤུའི་ངོ་ལྟར་མཆིས། མི་བྲག་ལ་གཏོགས་པ་ཞིག་ཡོང་། མྱུར་དུ་འོང་། ལོ་གསུམ་ཚུན་ལ་འོང་། རབ་བྱུང་སྒྲུབ་ས་རྒྱལ་དུ་ལེགས། ཕྲག་དོག་འཕྲན་བུ་ཡོང་སྟེ་སྐྱོན་མེད། ཁོ་རང་གི་བློ་ཆོས་ལ་ཡང་ཕྱོགས་སུ་འགྲོ་ཕེབས་བྱུང་། ཡང་བོད་མི་དོན་ཡོད་རྡོ་རྗེ་དང་། གཙང་མི་བསོད་ནམས་མཆོག་གྲུབ་གཉིས་རོགས་ལེགས་དོན་ཡོད་སྐྱིད་ཤོད་རང་ན་ཡོད་ཕེབས། གསུང་རབ་པའི་སྐྱེ་བ་སྔ་ཕྱི་ཞུས་དུས། སྔོན་ངེད་ཆོས་ཀྱི་རྒྱལ་པོ་དགའ་བའི་དཔལ་གྱི་དུས་སུ། གསུང་རབ་པའི་མིང་ཆོས་བཟང་བཤེས་གཉེན་བྱ་བ་རབ་བྱུང་གཙང་མ་ལོ་དྲུག་ཅུ་ཟིན་ཙམ་ཐུབ། དེ་རྗེས་ཁོ་བོ་མཚོ་སྐྱེས་རྡོ་རྗེའི་དུས་སུ་ཁོང་བསོད་ནམས་རྡོ་རྗེ་མིང་གཞན་དོན་གྲུབ་རྒྱལ་མཚན་ཟེར། དེར་ཡང་ཆོས་བྱས་ལེགས་པོ་བྱུང་། ཡུལ་རྒྱ་གར་བལ་པོ་དང་ཉེ་བར་སྐྱེས་པ་ཡིན། ཡང་བལ་ཡུལ་དུ་འཁྲུངས་པའི་པཎྜི་ཏ་པདྨ་བཛྲ་གྱི་དུས་སུ་གསུང་རབ་པས་ལོ་བརྒྱད་ཅུ་གྱ་ལྔ་ཐུབ། དེའི་རྗེས་མ་ཡུལ་དབུས་སུ་སྐྱེས་མིང་རྣམ་རྒྱལ་ཟེར། བཙུན་པ་བྱས་ཡོན་ཏན་ཡག་པོ་བྱུང་། ལོ་དྲུག་ཅུ་ཙམ་ཐུབ། དེའི་རྗེས་མ་འདི་ཡིན་ད་དུང་ལྔ་དྲུག་ཙམ་ཐུབ། དེ་བར་གྱི་བར་ཆད་སེལ་ཐབས་ལ། སྒྲོལ་དཀར་དང་། ཐམས་ཅད་མཁྱེན་པ་དབྱེར་མེད་དུ་བྱས་ན་ལེགས། ཕྱི་མ་མི་ལུས་ཐོབ་སྐྱེ་བ་དྲན་རབ་ཏུ་བྱུང་མིང་

― GLG008_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་སློང་བསོད་ནམས་རྒྱལ་མཚན་ཞེས་བྱ་བར་ལུང་བསྟན་ཏོ། །འདི་ལྟ་བུ་ལ་སོགས་པ་འདས་མ་འོངས་ཀྱི་ལུང་བསྟན་མང་པོ་རྣམས་ཞུས་དུས། བཀའ་ལས། ཇའི་མཆོད་པ་ཞིག་ཕུལ་ཞིག་གསུང་། ཡང་ལན་ཅིག་ནི་ངའི་དཀར་ཡོལ་དུ་འཐུང་བས་ཆོག་ཕེབས། ཡང་ཁྱོད་ཀྱི་ཚེ་ཚད། རང་ལོ་བརྒྱད་ཅུ་གྱ་གཉིས་ཡིན་ཡང་། བར་ཆད་བཞི་བཅུ་ལྔ་བཅུ་ལ་འོང་། ཚེ་སྒྲུབ་གཙོ་བོ་ཚེ་དཔག་མེད། སྒྲོལ་དཀར་སྤྱན་བདུན་མ་རྩལ་དུ་བཏོན་ན་ལྔ་བཅུ་དྲུག་ཅུ་སྒྲལ་ཡོང་། ཞེས་ལན་བཞི་ཕེབས། ངའི་སྐྱེ་བ་བརྗེས་མའི་མིང་བདེ་ཆེན་ཆོས་ཀྱི་རྒྱལ་པོར་གྲགས་པར་འགྱུར་ཞེས་ལུང་བསྟན། མཁར་བའི་སྐྱེ་བ་སྔ་ཕྱི་ཞུས་དུས། སྔ་མའི་ཡུལ་རྒྱ་གར་ཝ་ར་ཎཱ་སི། རིགས་བྲམ་ཟེ། མིང་ས་མནྟ་ནཱ་ཐ། ལྷ་དབྱངས་ཅན་མ་ལ་བསྙེན་པ་མཐར་ཕྱིན། གྲུབ་པ་ཡང་ལེགས་པོ་ཐོབ། ཡོངས་འཛིན་རང་དང་། སློབ་མ་རྡོ་རྗེ་རྣམ་པར་རྒྱལ་བའི་མིང་ཅན་ཡིན། ཚེ་ལོ་ལྔ་བཅུ་ང་བརྒྱད་ཡིན། ཆོས་སྐྱོང་ཕྱག་དྲུག་པ་ཡིན་གསུང་། ཁོའི་ཡོངས་འཛིན་དེའི་སྐུ་ཚེ་ཇི་ཙམ་ད་ལྟ་གང་ན་བཞུགས་ཞུས་དུས། ཚེའི་རིག་འཛིན་བརྙེས། ད་ལྟ་རྒྱ་གར་ན་བཞུགས་ཡོད་ཕེབས། དེའི་སྔོན་མ་དྲིས་དུས། བལ་བོད་མཚམས་སུ་བྲིས་པ་མིང་ནི་ཝེན་ཏེ་ཞེས་བྱ། ལྷ་ཕྱག་རྡོར་གཙོ་ཆེ། དབྱངས་ཅན་ལྷ་མོ་ཡང་དུམ་པ་བྱས། ལོ་བདུན་ནུ་དོན་བགྲངས། ཆོས་སྐྱོང་ཕྱག་དྲུག་པ་ཡང་དུམ་པ་བྱས། གཙོ་བོ་དཔལ་ལྡན་ལྷ་མོ་རང་ཡིན། ད་ལྟ་ལྷ་རིས་ལེགས་པ་ཡང་སྔ་མ་དེ་ལ་བརྟན་ནས་བྱུང་། དེའི་སྔོན་མ་ཡུལ་གངས་ཅན། ལྷའི་མིང་ལྷ་ཕྱག་ན་རྡོ་རྗེ་གཏུམ་པོ་ཁྱུང་གཤམ་ཅན། ཆོས་སྐྱོང་ཕྱག་དྲུག་པ་ལེགས་པ་བྱས། ལོ་དྲུག་ཅུ་རེ་གསུམ་ཐུབ་ཕེབས། ཡང་སྤྲུལ་སྐུ་རི་མཁར་བས་བདུན་ཅུ་ཐུབ་རྒྱུ་ཡིན་ཏེ། བར་ཆད་འོང་། དེ་ཡང་དྲུག་ཅུ་ལ་འོང་། དེ་བཟློག་ཐབས།རྗེ་རང་ལ་གསོལ་བ་བཏབ་ན་དགའ། །

― GLG008_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་བྱས་ན་ལོ་དྲུག་ཅུ་རེ་བརྒྱད་ཐུབ། དེ་ཡང་རྗེ་རང་ལ་གསོལ་བ་བཏབ་པ་གཟབ་ཕེབས། ཇི་ལྟར་འདེབས་ཞུས་པས། ང་དང་མགོན་པོ་ཚེ་དཔག་མེད་དབྱེར་མེད་དུ་བསྒོམས། དེ་ཡང་ཕྱི་ཐམས་ཅད་མཁྱེན་པའི་སྐུ་ལ་ཐུགས་ཀར་མགོན་པོ་ཚེ་དཔག་མེད་བསྒོམས། ཚེ་གཟུངས་རིང་བ་འདོན། མཚམས་ཟླ་བ་གཉིས་ལ་ཉེ་བ་ཙམ་དགོས། དེ་ཡང་བྱ་ལོའི་ནང་རང་དུ་དགོས། སྐྱེ་བ་ཕྱི་མ་བདེ་བ་ཅན་དང་དགའ་ལྡན་དུ། རྗེ་དགེ་བདུན་རྒྱ་མཚོའི་རྩར་འགྲོ་ཕེབས། ཞེས་སོ། དེ་ལྟར་ལུང་བསྟན་གྱི་ནང་བཞིན་རྒྱལ་དང་ཐེལ་སྒྲགས་པ་གནང་ཐུབ་ན། སྐུ་ཚེ་ཡང་མཐར་ཕྱིན་ཅིང་བསྟན་འགྲོའི་དོན་རྒྱ་ཆེན་པོ་ཞིག་འོང་ཚོད་དུ་འདུག་ཀྱང་། དུས་རྟགས་ཀྱི་དབང་བཙན་པས་ཐོག་ཏུ་མ་ཁེལ།དགོན་པ་ལོ་བཅུ་ཙམ་ནས་འཇིག་པ་དང་། ལོ་བཅུ་གསུམ་ཙམ་ནས་སྐུ་ཚེ་ལ་བར་ཆད་འོང་རྒྱུ་སོགས་ནི། སྐུ་རིམ་གྱིས་ཕྱིར་བསྲིངས་པ་ཡིན་འདུག །དགོན་པ་ལ་ཉམས་འགྲིབ་འོང་ངེས་པར་གསུངས་པ་ནི། ས་རྟའི་ལོའི་དུས་གཟིངས་ཆེན་མོ་དེར་ངེས་ཤིང་། རཏྣ་གླིང་པ་དང་། གཅེན་མངའ་རིས་པཎ་ཆེན་རིན་པོ་ཆེ་དང་། གཅུང་རིག་འཛིན་ལེགས་ལྡན་རྡོ་རྗེ་སྐུ་མཆེད་གཉིས། འཕྲེང་པོ་གཏེར་སྟོན་པ་སོགས་གཏེར་ཁ་མང་པོའི་ལུང་བསྟན་དུ། ཇོ་བོ་ཤཱཀྱ་མུ་ནི་ལ་རྒྱབ་བསྟན་པའི་ལྷ་ཆེན་པོ་ཞིག་འབྱུང་བ་དང་། དེས་ལྷ་སའི་ས་དཔྱད་ཉམས་ཏེ། ལྷ་སར་ཁྲག་གི་མཚོ་འཁྱིལ་བ་སོགས་དུས་རྟགས་མང་དུ་གསུངས་པ་རྣམས་ཐོག་ཏུ་ཕེབས་པར་འདུག་ཟེར། ཡང་ཐམས་ཅད་མཁྱེན་པ་ཡོན་ཏན་རྒྱ་མཚོ་བདེ་ཆེན་ཆོས་ཀྱི་རྒྱལ་པོ་དེ་ཉིད། མཐའ་དམག་གིས་ཁྲོད་དུ་གནོད་པ་བྱུང་བ་ལ་ཡེ་མི་དགྱེས་ཤིང་། ཇིང་གིར་གྱི་རྒྱལ་རིགས་སུ་འཁྲུངས་པས་མཐའ་མི་ལ་འཆུན་ཆེ་ཡང་དག་པའི་ཞིང་དུ་གཤེགས། གཞན་བསྟན་པའི་སྐུ་

― GLG008_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་ཀྱི་དབང་གིས་སེར་འབྲས་ཀྱི་མཁན་སློབ་གྲོས་དབང་རྣམས་ཀྱི་ཁྲོད་ནས་ཀྱང་། སྡེ་གཟར་མི་འགབ་གསུང་མཁན་ཕྱག་མཛོད་བསོད་ནམས་རབ་བརྟན་དང་། རྡོ་རྗེ་འཆང་ཕ་བོང་ཁ་པ་དེ་ཉིད་བྱེས་ཀྱི་སློབ་དཔོན་ལས་ཐོག་པ་ཡིན་པས། ཁོང་དཔོན་སློབ་གཉིས་ཙམ་མ་གཏོགས་མ་བྱུང་ཞིང་ཕྱག་མཛོད་པ་གཙང་པར་འཕུལ་ཕྱོགས་དང་། རྗེ་རྡོ་རྗེ་འཆང་དེ་ཉིད་ལ་མཁན་སློབ་ཚང་མས་བྱབ་ཆུང་དུ་རྩི་བའི་བཀའ་བཀྱོན་ནེ་བ་བྱུང་འདུག །ཐུགས་རྗེ་ཆེན་པོ་པདྨའི་དབང་ཕྱུག་གི་ལུང་བསྟན་དུ། བོད་འདིར་འགོངས་པོ་དར་བའི་ཚེ། །འཐབ་རྩོད་ཕལ་ཆེར་བཙུན་པས་སློང་། །ཞེས་པ་དེ། རང་གཞན་གྱི་གྲུབ་མཐའ་གང་ལ་བལྟས་ཀྱང་བདེན་པར་སྣང་ངོ་། ། དེ་ནས་རྒྱལ་དུ་ཕེབས། ཐུགས་དམ་གསུང་ཆོས་སྨར་བའི་ཚེ། སྡེ་སྲིད་ནང་ཞིག་གིས་སྡེ་གཟར་སྐྱིད་ཤོད་དུ་ལངས་ཏེ། དགའ་ལྡན་ཁྲི་རིན་པོ་ཆེ་དགེ་ལེགས་དཔལ་བཟང་པོ་དང་། དེའི་ཞབས་ཕྱིར་འབྲི་སྟག་ཕག་མོ་པ་འབྲུག་པ་འོལ་ཁ་སྟོད་ལུང་བདེ་ཆེན་སོགས་ཀྱི་མི་སྣ་རྣམས་དང་བཅས། ཞུ་ཆིངས་མཛད་ཀྱང་ཤོགས་ཆེར་མ་བྱུང་བས་། རྒྱལ་དུ་སྤྱན་འདྲེན་དོས་དྲག་བྱུང་བ་ལྟར་སྐྱིད་ཤོད་དུ་ཕེབས། བར་མི་རྣམས་ཀྱིས་ཆིངས་ལུགས་ཀྱི་སྐོར་ལ་ཕྱོགས་ཞེན་མི་བྱེད་པ་དང་། བཀའ་གྲོས་ཕྱིར་གཟེགས་མི་བྱེད་པའི་ཆོས་སྐྱོང་དཔང་བཙུགས་ཀྱི་བསྡམས་པ་གནང་། དེ་ནས་ཕན་ཚུན་དུ་བསྐོར་སྦྱངས་མཛད་པའི་མཐར། དར་འབག་རིན་ཅེན་སྒང་དུ་བཞུགས་སྒར་གནང་། བཀའ་ཁྲས་བཅད་དེ་དམག་རྣམས་སོ་སོར་གྱེས། རྫོགས་ལྡན་གྱི་དཔལ་ལ་འགྲན་པར་གྱུར། དེ་ནས་རྔ་ཆེན་ཞེས་པ་ཆུ་བྱའི་ལོ་གསར་དང་སྨོན་ལམ་གྲོལ་རྗེས་འབྲས་སྤུངས་ཚོགས་པ་ལ་བཀའ་གདམས་གླེགས་བམ་གནང་། དེའི་ཚེ་ཆར་ཆུ་ཤིན་ཏུ་ཆེས་པས། བོད་ཡུལ་གྱི་ཕན་བདེའི་རྩ་ལག་

― GLG008_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་འཁོར་དཔལ་གྱི་ལྷ་སར་ཆུ་ཉེན་ཆེན་པོ་བྱུང་བ་ན། རགས་ལ་ཕྱག་ནས་འཐོར་ཤིང་ལྟ་སྟངས་མཛད་པས། ཆུ་བྲི་བ་ཀུན་གྱིས་མ་ཐོང་བ་སོགས་བོད་ཡུལ་གྱི་བིཪྺ་པ་གཉིས་པར་གྲགས་སོ། །དེ་ནས་གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་ནས། ཁྲི་རིན་པོ་ཆེ་མཁས་གྲུབ་དགེ་ལེགས་དཔལ་བཟང་པོས་བྱམས་ཆེན་གྱི་སྐུ་བཞེངས་པའི་རབ་གནས་ལ་སྤྱན་དྲངས། དམ་ཚིག་པ་ལ་ཡེ་ཤེས་པ་དངོས་སུ་བཅུག །དངུལ་གདུང་རིན་པོ་ཆེར་གོས་ཆེན་གསེར་མའི་སྣམ་སྦྱར་སོགས་མཆོད་ཁང་རྣམས་སུ་མཆོད་རྫས་དང་། འབུལ་བ་མང་འགྱེད་ལྷ་མཆོད་མི་མཆོད་རྒྱ་ཆེན་པོ་བསྟར། ཁྲག་སྐྱུག་ཅེས་པ་ཆུ་ཕག་གི་དཔྱིད་ཀ་སེར་འབྲས་དགའ་བ་གདོང་སོགས་ཀྱི་དགེ་འདུན་ཚོགས་པ་རྣམས་དང་བཅས། ལྷ་སར་ཆུ་རགས་རྟག་མར་བརྒྱག་པའི་ཞལ་བཀོད་གནང་བས་དབྱར་ཉལ་འགྲོའི་རྒྱུན་ཇི་ཙམ་ཆེ་ཡང་ཆུ་ཀླུང་གི་འཇིགས་པ་དང་བྲལ་བར་མཛད། དེ་ནི་ཆོས་རྒྱལ་སྲོང་བཙན་སྒམ་པོ་རང་གི་གནས་ལ་སྲི་ཞུ་མཛད་པར་བསམ་བཞིན་དུ་བྱོན་པར་སྣང་ངོ་། །ཕན་པ་དང་བདེ་བའི་རྩ་ལག་དམ་པ་ཡུན་དུ་གནས་པའི་ཐབས་རྣམ་དཀར་གྱི་མཛད་པ་རྒྱ་ཆེན་པོར་བསྐྲུན་པ་ནི། རྣམ་པར་ཐར་པ་འདི་ལྟ་བུ་ལ་ཟེར་བར་འདུག་གིས། རང་ཉིད་ཀྱི་དགྲ་འདུལ་གཉེན་སྐྱོང་བསྙེན་བཀུར་ལོངས་སྤྱོད་སླད་དུ་ཐབས་སྣ་ཚོགས་བསྒྲུབ་པ་ལ་གཞན་དོན་དུ་མིང་འདོགས་པ་ཚོ་དང་ཡེ་མི་འདྲའོ། །དེ་ནས་ཕོ་བྲང་གོང་རི་དཀར་པོར་ལྷ་གཟིགས་མིའི་དབང་པོ་ངག་དབང་གྲགས་པས་གདན་དྲངས། བསྙེན་བཀུར་ཕུན་སུམ་ཚོགས་པ་མཛད། ཞབས་དྲུང་ལ་དཔལ་ལྡན་ལྷ་མོ་དམག་ཟོར་མ་དང་། ཞལ་བསྙེན་དུས་ཀྱི་མགོན་པོའི་རྗེས་གནང་ཕུལ། མཐུ་སྟོབས་ཀྱི་དབང་ཕྱུག་རྡོ་རྗེ་གདན་པ་ཀུན་དགའ་རྣམ་རྒྱལ་

― GLG008_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་བཟང་པོས་བསྐྲུན་པའི་གསང་སྔགས་ཀྱི་ཆོས་སྡེ་ཆེན་པོར་སྤྱན་དྲངས། རྟེན་རྣམས་ཞིབ་མཇལ་མཛད། ཕྱི་ནང་གསང་བའི་མགོན་ཁང་རྣམས་ལ། མཆོད་གཏོར་སྤྱན་གཟིགས་རྒྱས་པར་ཕུལ་ཞིང་། འཕྲིན་ལས་གཉེར་དུ་གཏད། ཞོགས་སུ་མང་འགྱེད་ཀྱི་མཆོད་སྦྱིན་རྒྱ་ཆེར་སྤེལ། མིག་དམར་ཞེས་པ་ཤིང་ཕོ་བྱི་བའི་ལོ། ཡང་དག་པར་རྫོགས་པའི་སངས་རྒྱས་ཀྱི་དུས་ཆེན་གསུམ་འཛོམ་ཧོར་ཟླ་བཞི་པ་ས་ཀས་ཉ་བའི་ཚེས་བཅོ་ལྔའི་ཉིན། དགའ་ལྡན་ཁྲི་རིན་པོ་ཆེ་ཟུར་པ་མཁས་གྲུབ་དགེ་ལེགས་དཔལ་བཟང་པོས་མཁན་པོ། ཁྲི་ལས་ཐོག་པ་དགེ་བཤེས་པོ་ཏོ་བའི་རྣམ་པར་སྤྲུལ་པ་དགེ་འདུན་བསྟན་པ་དར་རྒྱས་ཀྱིས་ལས་སློབ། པཎ་ཆེན་གནས་པ་གདན་འདྲེན་གནང་ཡང་། རིན་སྤུངས་པའི་བཀའ་བཀྱོན་པར་སོང་བའི་འབྱོན་མ་བདེ་བས། ཤངས་དགེ་འཕེལ་ཆོས་རྗེ་ཕྱོགས་ལས་རྣམ་རྒྱལ་བས་གསང་སྟོན། ལྷའི་བཙུན་པ་བསོད་ནམས་དཔལ་བཟང་གིས་དུས་སྒོ་བ་མཛད་དེ། དད་པའི་དགེ་འདུན་གྲངས་ཚང་བའི་དབུས་སུ། དགེ་སློང་གི་སྡོམ་པ་བཞེས། མཁན་སློབ་སོགས་ལ་ཟང་ཟིང་གི་བསྙེན་བཀུར་དཔག་ཏུ་མེད་པ་མཛད་པས། ཆོས་རྗེ་སློབ་དཔོན་རིན་པོ་ཆེའི་གསུང་ལས། ཐོད་པ་འདིའི་འོག་ཏུ་འབུལ་བ་འདི་པས་ཆེ་བ་ལེན་མ་མྱོང་ཞེས་དགྱེས་པ་ཆེན་པོ་མཛད། དེའི་སང་ཆོས་རྗེ་སྟག་ལུང་བྲག་པ་སོགས་འགའ་ཞིག་གིས་བསྙེན་རྫོགས་ཞུས། རྗེ་བདེ་བ་ཅན་པ་ལ་འདུལ་བའི་བསླབ་བྱ་ཆེན་མོ་དང་བྱང་ཆུབ་ལམ་གྱི་རིམ་པའི་ཞིབ་བཤད་རྗེ་བསྟན་དར་བ་ལ་རྟ་མགྲིན་ཤྭ་ཎ་བཞི་སྐོར། མགོན་པོ་ལྷོ་ནུབ་པའི་རྗེས་གནང་སོགས་བཀའ་གདམས་ཀྱི་ཟབ་ཆོས་མང་བ། རྗེ་ཕྱོགས་ལས་པ་ལ་ཤངས་པའི་རྒྱུད་སྡེ་ལྔའིདབང་སོགས་ཤངས་ཆོས་སྐོར། བདེ་མཆོག་ནག་པོ་པའི་དབང་རྣམས་རྫོགས་པ་གསན། བོད་ཤིང་

― GLG008_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་ཅན་གྱི་རྒྱལ་པོ་ཆེན་པོ་དེ་ཉིད་ཞིང་ཁམས་གཞན་དུ་གཤེགས་པའི་རྐྱེན་གྱིས་དུས་གཟིང་སྔར་བས་ཀྱང་ཆེར་ལངས་པ་ལ། སྟེ་སྲིད་ཞལ་ངོ་རྣམས་དང་སྡེ་དཔོན་སོ་སོའི་གདན་འདྲེན་བྱུང་བར་བརྟེན། ཡར་ཀླུངས་སུ་ཆིབས་ཁ་སྒྱུར། རྩེས་ཐང་དུ་ཕེབས། བཀའི་འཁོར་ལོས་ཁྱབ་པར་མཛད་དེ་དཔུང་རྣམས་སོ་སོར་བཀྱེ། ཀུན་བདེ་བའི་ལམ་ལ་བཀོད། གཞན་ཡང་ཕྱོགས་དེའི་མི་ནད་ཕྱུགས་ནད་ཞི་བ་སོགས་སེམས་ཅན་གྱི་དོན་རླབས་པོ་ཆེ་མཛད། ཞབས་དྲུང་གོང་མ་ཆེན་པོ་གཤེགས་པའི་དགོངས་རྫོགས་ཀྱི་གྲལ་དབུར་སྣེའུ་གདོང་རྩེའི་བདེ་ཡངས་སུ་རྩེ་ཚོགས་པ། རྩེས་ཐང་པ། རི་བོ་སྡེ་ཆེན། བཀྲ་ཤིས་བདེ་ཆེན། རི་བོ་ཆོས་གླིང་། རས་ཆུང་ཕུག །ཤེལ་བྲག་པ་སོགས་སེར་ཚོགས་ཀྱི་དབུས་སུ་སྔོ་བ་ཡོན་བཤད་ཡས་གཏམ་སོགས་རྒྱས་པར་གནང་། ཆོས་གྲྭ་ཆེན་པོ་དཔལ་གྱི་རྩེས་ཐང་གི་ཚོགས་པ་རྒྱ་མཚོ་ལྟ་བུའི་དབུས་སུ་ཕེབས། སྐུ་ཞང་རིན་པོ་ཆེ་ཀུན་བཟང་རྩེ་བས་སྡེ་སྲིད་ཁུངས་བཙུན་པའི་ཡིག་ཚང་དང་བཅས་ཏེ་མས་གཏམ་རྒྱས་པར་ཕུལ། རྗེ་ཉིད་ཀྱིས་ཀྱང་དཔོན་ས་གོང་མ་ཆེན་མོ་དགོངས་པ་རྫོགས་ཐབས་ཀྱི་སྔོ་བ་རྗོད་བྱེད་ཀྱི་ཚིག་མཛེས་ཤིང་། བརྗོད་བྱའི་དོན་བཟང་བར་མཛད་པས། ཕྱོགས་དེའི་མཁས་པ་ཐམས་ཅད་ཡི་རང་པར་གྱུར། དེ་ནས་ཉང་པོ་གྲུ་བརྒྱུད། བསམ་ཡས་སུ་ཕེབས། བར་ཁང་ནས་ཤོག་དྲིལ་ལྔ་ཙམ་ཞིག་བཞེས། མངའ་བདག་གི་གཏེར་ཞབས་ཡིན་པ་འདྲ་ཡང་། དུས་རྟགས་དང་ཆོས་བདག་ཅུང་ཟད་འཛོལ་བས་ཤོག་སེར་ལ་འབེབས་པ་གནང་བ་ཞིག་མ་བྱུང་འདུག །རིམ་གྱིས་འབྲས་སྤུངས་སུ་ཕེབས། རབ་བྱུང་བསྙེན་རྫོགས་བརྒྱ་ཕྲག་བརྒལ་བ་བསྒྲུབས། ཁྲོ་བོ་ཞེས་པ་ཤིང་གླང་གི་ལོ་གསར་དང་སྨོན་ལམ་གྲུབ་རྗེས། ཟླ་བ་གསུམ་པའི་ཚེས་བཅུའི་ཉིན། དྲུང་ནས་རིན་པོ་ཆེ་

― GLG008_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་རབ་རྒྱ་མཚོ་དགའ་ལྡན་དུ་གཤེགས་པར། དགུང་ཞག་གི་རིང་སྔགས་པ་སློབ་དཔོན་པས་གཙོས་པའི་དགེ་འདུན་བཅུ་ཕྲག་ལྷག་པས། གསང་འདུས་མི་བསྐྱོད་པའི་བདག་འཇུག་ལེན་པ། དུས་འཁོར་བསྡུས་རྒྱུད་དང་བརྒྱད་སྟོང་པའི་གསུང་སྒྲོག །གྲྭ་ཚང་སོ་སོ་ནས་བསྡུས་པའི་དགེ་འདུན་བརྒྱ་ལྷག་ཙམ་གྱིས་སྨན་བླའི་ཆོ་ག་ཁྲི་ཚར། ཉི་སྡིངས་གྲྭ་ཚང་པས་སྨན་བླའི་ཆོ་ག་སྟོང་ཚར། བདུན་ཕྲག་རེ་རེ་བཞིན་དགེ་འདུན་བརྒྱ་སྐོར་གྱིས་ཀུན་རིག་གི་ཆོ་ག །གཞན་ཡང་སྐྱིད་ཕན་སྟོད་ལུང་ཀླུང་ཤོད། ཨེ་དྭགས་འོལ་གསུམ། ལྷོ་གཉལ། ཡར་ཀླུངས། གཙང་སོགས་ཀྱི་ཕྱོགས་མེད་ཀྱི་དགེ་འདུན་གྱི་སྡེ་རྣམས་སུ་མང་འགྱེད་ཀྱིས་དགོངས་རྫོགས་རྒྱས་པར་བསྒྲུབས། ཕྱི་རྟེན་དུ་རྒྱལ་བ་བཙོང་ཁ་བའི་གསེར་སྐུ་བོད་ཡུལ་ན་ཆེ་བ་འདི་བཞེངས་ཏེ། འབྲས་སྤུངས་རྣམ་ཐར་སྒོ་གསུམ་གྱི་གཙུག་ལག་ཁང་དུ་བཞུགས་སུ་གསོལ་སྒྲོལ་དཀར་ཡིད་བཞིན་འཁོར་ལོའི་བསྙེན་པ་མཛད་པ་ལ་སྐུ་ཚེ་བསྲིངས་པའི་ལྟས་ཁྱད་པར་ཅན་བྱུང་། མེ་སྟག་ལོ་གསར་དང་སྨོན་ལམ་གྲུབ་རྗེས། གདོང་དཀར་དུ་སྟོན་པའི་གོས་སྐུ་ཆེན་མོ་བཞེངས་པའི་རབ་གནས་དང་། དབྱར་ཆོས་ལ་འབྲས་སྤུངས་སུ། རྒྱལ་བ་བཙོང་ཁ་པའི་རྣམ་ཐར་དད་པའི་འཇུག་ངོགས་ཡོངས་སུ་རྫོགས་པར་གནང་སྟེ་དམ་པའི་ཆོས་ཀྱི་ཚིམ་པར་མཛད་དོ། ། ཁྱོགས་བྲལ་འགྲོ་ལ་དམ་པའི་ཆོས་ཚུལ་གྱི། །འཁོར་ལོ་རྒྱུན་ཆད་མེད་པར་བསྐོར་བ་ཡིས། །གངས་རིའི་ལྗོངས་འདིར་ཀུན་མཁྱེན་ཉི་མའི་གཉེན། །གཉིས་པ་གཞན་ཞིག་མཆིས་ཞེས་ལྷ་རྣམས་གླེང་། །དཀོན་ཅོག་འབངས་དང་ཁྲི་སྲོང་གཡུ་བྲག་པ། །ཉང་སོགས་སྐྱེ་བ་དུ་མར་པད་འབྱུང་གིས། །རྗེས་སུ་བཟུང་ཕྱིར་འཆི་མེད་གྲུབ་པ་དེའི། །ཐེག་མཆོག་བདུད་རྩི་ཐུགས་ཀྱི་བུམ་པར་བལྟམས། བློ་བཟང་གྲགས་སྙན་ཆོས་ཀྱི་རྒྱལ་སྲིད་ལ། རིགས་ཀྱི་བདག་

― GLG008_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་མངའ་གསོལ་ངུར་སྨྲིག་ག །རྒྱལ་མཚན་རྩེ་མོར་བསྒྲེངས་པའི་རྣམ་དཔྱོད་ཀྱིས། །ཐུབ་བསྟན་ཡོངས་ཀྱི་ཤིང་རྟ་ཆེ་དེ་འགྲུབ། །སྟོན་སེ་རར་ཕེབས། ཚོགས་པ་ལ་གླེགས་བམ་ཕ་ཆོས་གནང་། རྟ་མགྲིན་ཁང་དུ་པདྨ་དབང་ཆེན་གྱི་སྐུ་བརྙན་དང་། བསྙེན་ཕུར་མཇལ་ཏེ་མཆོད་བསྟོད་སྨོན་ལམ་རྒྱས་པར་མཛད། སླར་འབྲས་སྤུངས་སུ་ཕེབས་ཏེ། རབ་བྱུང་ཞེས་པ་མེ་ཡོས་ཀྱི་ལོ་གསར་གྱི་དགའ་སྟོན་དང་། སྲིད་གསུམ་བདག་མོ་མཆོད་པའི་ཕྱག་ལེན་རྣམས་རྒྱས་པར་གྲུབ་རྗེས། སྨོན་ལམ་ཆེན་མོའི་མགོན་དུ་ཕེབས། སྔ་རྟིང་སྨོན་ལམ་གྱི་ཐོག་ཏུ། སྲོད་བསྐོར་ཐུགས་རུས་ཆེན་པོས་གནང་བར་བརྟེན། ཞབས་བསྐོར་བུམ་ཐེར་སོང་འདུག་ཅིང་། འདི་རེས་སྲོད་བསྐོར་ཞིག་གི་སྐབས། ཕྱག་གཡོག་རྣམས་ཀྱི་ཁྲོད་ནས་ཡུག་གཅིག་གར་སོང་ཆ་མེད་ལྟ་བུའི་ཚུལ་དུ་གཤེགས་ནས་སླར་ཕེབས། སྔར་ཟ་མ་མྱོང་བའི་ཁ་ཟས་མང་པོ་གནང་སྟེ། ཡེ་ཤེས་ཀྱི་མཁའ་འགྲོས་ཚོགས་འཁོར་ལ་བོས་པ་ཡིན་གསུངས། སླར་འབྲས་སྤུངས་སུ་ཕེབས། ཞལ་གདོང་གཉན་ཅན་གྱི་གཏོར་ཆོག་གནམ་ལྕགས་སྤུ་གྲི་མེ་ལྕེའི་འཕྲེང་བ་དང་། ཞལ་གྱི་གདབ་ལས་དང་། ལས་གཤིན་གྱི་གཏོར་ཟོར་གྱི་ཆོ་ག་དང་ཕག་མོ་གྲུ་པའི་བསྟོད་པ་བྱིན་རླབས་ཀྱི་ལྷུན་པོ་རྣམས་ཐུགས་རྩོམ་གནང་། སྔར་ལོ་ཆེན་རིན་ཅེན་བཟང་པོས་བསེ་འབག་དང་མཉམ་དུ་གདན་དྲངས་པའི་ཐུགས་རྟེན་གནམ་ལྕགས་ཀྱི་རྡོ་རྗེ་དང་མགོན་པོ་ཤིང་དྲུང་མ་གཉིས། དཔལ་ལྡན་བླ་མ་དམ་པ་བསོད་ནམས་རྒྱལ་མཚན་གྱི་སྐུ་བསྲུང་དུ་ཡོད་པ། ཆོས་རྗེ་པ་བསམ་ཡས་སུ་དག་པའི་ཞིང་དུ་གཤེགས་སྐབས་ཁྱེར་ཏེ། གཞིས་ཀ་སྣེལ་བར་བྱུང་བ། དེ་ནས་རིམ་གྱིས་ཕྱག་ཏུ་འབྱོར་པའི་ལོ་རྒྱུས་གཅིག་དང་། བསམ་ཡས་ནས་ཐེལ་དུ་འཁྱར་ནས་བྱུང་

― GLG008_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ལོ་རྒྱུས་གཅིག་དང་། ཡང་ས་སྐྱར་ཕེབས་སྐབས་དཀོན་གཉེར་ནས་བྱུང་བའི་ལོ་རྒྱུས་གཅིག་དང་། ཡིག་ཆ་ཁུངས་མ་ཞིག་ན་བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་གྱི་གསུང་ལས། རྟེན་དེ་རྣམས་བླ་མ་ས་ཆེན་ཞེས་པའི་བགྲེས་པོ་དེས་གཏེར་དུ་སྦས་པར་འདུག་གསུང་བ་ལ་དཔགས་ན་སྔོན་གནས་རྗེས་སུ་དྲན་ཏེ་གཏེར་ནས་མ་བཞེས་པའི་ངེས་པ་མི་འདུག་གོ །ནང་སོ་བྱ་པ་དཔོན་བློན་གྱིས་གཉལ་དུ་གདན་དྲངས་། ཡར་ཀླུངས་བརྒྱུད། རིམ་གྱིས་ལྷོ་རྒྱུད་ཀྱི་སའི་ཐིག་ལེར་ཕྱགས་ཕེབས། རྒྱལ་བ་བཙོང་ཁ་པ་ཆེན་པོའི་མཛད་ཆེན། ལུང་གྲྭའི་ཚོགས་དབུ་གནང་། གླེགས་བམ་བུ་ཆོས། ཡི་གེ་དྲུག་པའི་བཟླས་ལུང་། ཚེ་དབང་སོགས་ཆོས་ཀྱི་ཆར་ཕབ། རབ་བྱུང་བསྙེན་རྫོགས་སྟོང་ཕྲག་ཏུ་ཉེ་བ་བསྒྲུབས། བྱ་པ་ནང་སོས་བརྒྱ་འབུལ་སོགས་འདོད་དགུའི་འབྱོར་པ་ཇི་སྙེད་དང་བཅས། རིམ་གྱིས་ཟངས་མོ་ཆེ། རི་སྟེང་། སྤ་མགོར། ངང་རྒྱལ་རྣམས་སུ་སྤྱི་ཆོས་སྒོས་ཆོས། རབ་བྱུང་བསྙེན་རྫོགས་སོགས་གནང་། དེ་ནས་མཚོ་སྣ་ཕྱོགས་སུ་གདན་དྲངས། མོན་དགའ་ལྡན་ཕོ་བྲང་གི་བླ་མ་བུ་མཚན་གྱིས་ཐོག་དྲངས་ཕྱོགས་དེའི་སྐྱ་སེར་ཐམས་ཅད་ཀྱི་རེ་བ་ཡོངས་སུ་ཚིམ་པར་མཛད། བླ་མ་ཕྱོགས་ལས་རྣམ་རྒྱལ་དང་ཇོ་བོ་བསྟན་པ་ཚེ་རིང་སོགས་མོན་པའི་མཇལ་མི་མང་དུ་བྱུང་བར་ཆོས་ཀྱི་བཀའ་དྲིན་སྩལ། མོན་གྲབ་ཏུའང་སྐྱེ་བོའི་ཚོགས་དུ་མ་ལ་ཡིག་དྲུག་གི་བཟླས་ལུང་། རབ་བྱུང་བསྙེན་སོགས་སྩལ་བ་དགེ་བའི་ལམ་རྒྱ་ཆེན་པོར་བཀོད་པ་ལྷོ་བྲག་ནས་སྐྱ་སེར་མཆོག་དམན་དུ་མས་གསོལ་བ་བཏབ་པ་ལ་བརྟེན་ཆིབས་ཁ་སྒྱུར་ཏེ། ཐོག་མར་སྟོང་རི་ཉི་ཤར་དུ་ཕེབས། སྐྱ་སེར་གྱི་ཁྲོམ་ཆེན་པོ་ལ་བླ་མའི་རྣལ་འབྱོར་སྩལ་ཏེ། ཐིག་ཕྱིའི་གཙུག་ལག་ཁང་དུ་དཔལ་གསང་བའི་བདག་པོ་མིའི་སྲིད་པ་ཅན། གྲུབ་

― GLG008_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་ལས་ཀྱི་རྡོ་རྗེའི་སྐུ་གདུང་རིལ་པོར་བཞུགས་པའི་མཆོད་རྟེན་མཇལ་ཕེབས་ཏེ། མཆོད་པ་དང་སྨོན་ལམ་ཞབས་སྐོར་སོགས་མཐའ་ཀླས་པ་གནང་བས། མཁའ་ལས་སྤྲིན་དཀར་པོ་འཁྲིགས་པའི་དབུས་སུ། ཨྱོན་རིན་པོ་ཆེའི་གཡས་སུ་ལྷོ་བྲག་གྲུབ་ཆེན། གཡོན་དུ་རྒྱལ་བ་བཙོང་ཁ་པ་བཞུགས་པ་ཞིག་གསལ་བར་གཟིགས། མི་འཁྲུགས་པའི་སྨོན་ལམ་ཐུགས་རྩོམ་གནང་། རིག་འཛིན་ཆེན་པོ་སྤྲུལ་སྐུ་མཆོག་ལྡན་མགོན་པོས་བཞེངས་པའི་སློབ་དཔོན་ཆེན་པོའི་སྐུ་གདོན་གྱིས་བསླད་པ་དེ་ལ་རབ་གནས་ཀྱི་དགོངས་པ་གཏད་དེ་སང་ཕེབས་རྒྱུའི་དེ་ནུབ་ལྷ་འདྲེ་དེས་ཟིལ་མ་བཟོད་པར།དཀོན་གཉེར་ཁྲིད་ནས་རི་ལ་བྲོས་པས་ཡུལ་དེ་བསོད་ནམས་དམན་པའི་སྟབས་ཀྱིས་ལྡེ་མིག་མ་རྙེད་པར་ལུས། ཁྲ་པ་ནང་སོས་ཐིག་ཕྱིའི་གཙུག་ལག་ཁང་ས་སྐོར་དང་བཅས་པ་ཕུལ། གདང་པས་གདང་མཁར་སྨོན་གྲུབ་ཁྱུང་རྩེར་གདན་དྲངས་ཤིང་མི་ངོ་གཅིག་གིས་སྐྲ་ཕུད་ཕུལ་ཏེ་རབ་ཏུ་བྱུང་། གདང་དགོན་གསར་དུ་ཞབས་ཀྱིས་བཅགས། བཙན་གྲོ་སྟོད་སྨད་རྣམས་ལ་དམ་པའི་ཆོས་ཀྱི་བཀའ་དྲིན་སྩལ། བཀྲ་ཤིས་ཆོས་གླིང་དུ་ཕྱུག་པོ་སྟོབས་ལྡན་བཟང་པོ་ཞབས་ཏོག་གི་མཐིལ་ལེན་ཞུས། ཞག་བཅུ་སྐོར་བཞུགས་ཏེ་འབྱོར་ལྡན་རྣམས་ཀྱིས་བརྒྱ་འབུལ་བཅུ་ལྷག་ཙམ་བྱུང་། དེ་དག་གི་དུས་ནམ་མཁའ་གཡའ་དག་པ་དང་། མེ་ཏོག་གི་ཆར་འཇའ་འོད་ཀྱི་གུར་སོགས་ངོ་མཚར་བའི་ལྟས་མཐའ་ཡས་པ་མིག་གི་དགའ་སྟོན་དུ་གྱུར། སེ་སྦྱིང་གཞིས་ཀ །ཡུལ་རྫོང་། ནམ་སྟེང་སོགས་སུ་རིམ་གྱིས་ཕེབས། ཕྱོགས་དེའི་སྐྱེ་རྒུ་མཐའ་དག་འབྲེལ་ཚད་དོན་དང་ལྡན་པར་མཛད། མི་རྗེ་སྲོང་བཙན་སྒམ་པོའི་དུས་སུ། ཡང་འདུལ་གྱི་གཙུག་ལག་ཁང་དུ་བཞེངས་པ་མཁོ་མཐིང་ལྷ་ཁང་དུ་ཕེབས། རྟེན་རྣམས་

― GLG008_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མཆོད་བསྟོད་དང་བསྟན་པ་རྒྱས་པའི་སྨོན་ལམ་མཛད། སྡེ་པ་ལྷ་ཁང་པས་ཐོག་དྲངས་པའི་ཕྱོགས་དེའི་སྐྱེ་བོ་རྣམས་ལ་ཆོས་དང་ཟང་ཟིང་གིས་ལེགས་པར་བསྐྱངས། དེ་ནས་སྨྲ་བོ་ལྕོག་ཏུ་ཕེབས། །མངའ་བདག་ཉང་གི་གཏེར་བྱོན་ཆོས་རྒྱལ་ཁྲི་སྲོང་ལྡེའུ་བཙན་གྱི་བླ་དཔེ་བཀའ་བརྒྱད་པོ་ཏི་དགུ་སོགས་གཏེར་རྫས་ནང་རྟེན་ཐམས་ཅད་ཞིབ་པར་མཇལ། མདོར་ན་ལྷོ་བྲག་གི་ས་ཐམས་ཅད་ཞབས་ཀྱིས་བཅགས་ཏེ་འགྲོ་བ་ཀུན་ལ་མངོན་མཐོ་དང་ངེས་ལེགས་ཀྱི་ས་བོན་རྒྱ་ཆེན་པོ་བསྐྲུན། རྒྱལ་ཁབ་གོང་རི་དཀར་པོར་ཕེབས། ཞབས་དྲུང་ངག་དབང་གྲགས་པ་དཔོན་བློན་གྱིས་བསྙེན་བཀུར་མཐའ་ཀླས་པ་ཞུས། སིལ་སྙན་ཚངས་དབྱངས་ཀུན་འདུས་ཕྱག་ཏུ་ཕུལ། གདུང་བརྒྱུད་རིན་པོ་ཆེ་སྐུ་གཞོན་པའི་གཙུག་ཕུད་བཞེས་ནས་མཚན་རྣམ་རྒྱལ་གྲགས་པར་གསོལ། ལྷོ་ཁ་ཕྱོགས་བརྒྱུད་རོང་ཆ་དཀར་དུ་ལྷ་བྱམས་པ་རབ་བརྟན་སྐུ་མཆེད་ཀྱིས་བསྙེན་བཀུར་གྱ་ནོམ་པ་བསྟབ། དབྱར་ཆོས་མ་གྲོལ་གོང་རྒྱལ་མེ་ཏོག་ཐང་དུ་ཕེབས། བྱམས་ཁང་གི་གཙུག་ལག་ཁང་འདི་སྔར་ཀ་བཞི་ཡིན་པ། ཀ་བརྒྱད་དུ་བཏང་ཞིང་རྒྱ་ཁྱོན་དང་བཀོད་པ་ཕུན་སུམ་ཚོགས་པའི་ཐུགས་རྩེ་གཏད་ནས། གང་སྤྱིའི་དོ་དམ་པིར་ཐོགས་ཀུན་གྱི་དབང་པོ་སྨན་ཐང་པ་དཔལ་ལྡན་བཀྲ་ཤིས་ཀྱིས་མཛད། ཐོག་གཉིས་ཟླ་བ་གཉིས་ལ་ཟིན་པས་ཀུན་གྲུབ་རྟགས་ཡིན་པར་གླེང་། རིམ་གྱིས་ཧོར་ཟླ་བཅུ་པའི་ནང་དུ་འབྲས་སྤུངས་སུ་ཕེབས། མཚམས་ཁང་ཤོད་དུ་རིན་པོ་ཆེ་ཀུན་བཟང་རྩེ་པ་དང་ལྷན་ཅིག་པར་ཞལ་གྱི་བསྙེན་སྒྲུབ་གནང་བས། ནུབ་ཅིག་གསོལ་དཔོན་གྱིས་ཇ་ཞུ་བར་ཕྱིན་པ་ན། སྒོའི་ནང་ནས་ཛོ་གི་ཞིག་དོན་སོང་བས། རྗེས་སུ་བརྩད་བཅད་པས་མ་རྙེད། དེ་ནི་མགོན་པོའི་སྤྲུལ་པའོ། །རྣམ་བྱུང་ཞེས་པ་ས་འབྲུག་གི་ལོ་གསར་དང་སྨོན་ལམ་སོགས་གྲུབ་རྗེས། ལྷ་

― GLG008_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

སར་བསམ་ཡས་ནས་གནོད་སྦྱིནཆེན་པོ་སྐུ་ཁོག་དང་བཅས་ཏེ་བྱོན། ལོ་སྔ་རེས་ཤིག་སྡེ་པ་དགའ་ལྡན་པ་དོན་གྲུབ་རྒྱལ་པོས་ལྷོ་ཁ་ཕྱོགས་སུ་དཔུང་འཁྱེར་བྱས་སྐབས། བསམ་ཡས་ཀྱི་ཕྱོགས་ལ་ལག་འཇོག་བྱས་པའི་སྟབས་ཀྱིས་ད་རེས་རྒྱལ་པོས། འབྲས་སྤུངས་དགེ་བཤེས། དོན་གྲུབ་རྒྱལ་པོའི་སྒལ་པ་ལ་གྲི་ཚལ་ཙམ་རྒྱབ་ཨེ་ཆོག་གསུང་བར་མི་འགབ་ཚུལ་གནང་འདུག་ཀྱང་རིང་པོར་མ་ལོན་པར་སྡེ་པ་གཤེགས་འདུག །ས་ག་ཟླ་བའི་ནང་དུ་ནང་སོ་རྒྱ་རི་པ་དཔོན་བློན་གྱིས་གདན་དྲངས་། ཡར་ལམ་བདེ་ཆེན་དུ་དགོངས་རྫོགས་ཀྱི་གྲལ་དབུ་གནང་། རིམ་གྱིས་རི་སྒོ་བཀྲ་ཤིས་ཆོས་རྫོང་དུ་ཕེབས་ཏེ། ལྷ་ངག་དབང་བསོད་ནམས་ལྷུན་གྲུབ་ལ་ཁྲི་འདོན་དང་། ཁྲོམ་ཁྲི་ཕྲག་བརྒལ་བ་ལ་ཚེ་དབང་སོགས་ལུགས་གཉིས་ཀྱི་དགའ་སྟོན་རྒྱ་ཆེན་པོ་སྩལ། འོལ་ཁ་རྩེར་ཕེབས། སྡེ་པ་ཕུན་ཚོགས་རབ་བརྟན་གྱིས་བསྐུལ་ནས་རྒྱ་ཆེན་བསོད་ནམས་མ་གནང་། སྐུ་མཚམས་ཡུན་རིང་བ་ཞིག་གི་སྐབས། མར་ལ་ལམ་ངོ་མཚར་བ་མང་དུ་བྱུང་ཞིང་། ཁྱད་པར་དྲུང་ནས་རིན་པོ་ཆེའི་སྐུ་གདུང་རྒྱལ་དུ་རིལ་པོར་བཞུགས་པ་དེ་བཞུགས་སུ་ཕུལ་པ་ལེགས་པའི་དཔལ་ལྡན་ལྷ་མོའི་གསུང་གི་གནང་བསྩལ་བར་བརྟེན། སྡེ་དགོན་མཐའ་དག་གི་རེ་བ་ཡོོངས་སུ་བསྐང་སྟེ། ཆོས་འཁོར་རྒྱལ་དུ་ཕྱག་ཕེབས། ཚེས་བཅུ་བདུན་གྱི་གཟའ་སྐར་བཟང་བ་དང་བསྟུན་འཇིགས་བྱེད་ཀྱི་སྒོ་ནས་ཞུགས་འབུལ་མཛད། ཕྱག་མཛོད་དཔལ་ལྡན་རྒྱ་མཚོས་མར་ཁལ་ཕྱེད་རེའི་འགྱེད་དང་བཅས་ཚོགས་སུ་ཚ་བྲ་བཏང་། ནམ་མཁའ་དྭངས་ཤིང་འཇའ་གུར་དང་མེ་ཏོག་གི་ཆར་བབ་པུར་ཁང་ཁ་བྱེ་བས། དུང་དཀར་གཡས་འཁྱིལ་སོགས་རིང་བསྲེལ་མང་དུ་བྱོན་ཏེ། དགེ་བའི་བཤེས་གཉེན་ཚུལ་བཞིན་དུ་བསྟེན་པ་དང་རང་ཉིད་ཀྱི་ཚུལ་ཁྲིམས་རྣམ་པར་དག་པ་བསྲུངས་པས་འབྲས་བུའོ། །

― GLG008_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་སུ་གསུང་ཆོས་དང་། ཟླ་བ་དེའི་ཉེར་ལྔ་རྒྱལ་ཕུར་གྱི་འགྲུབ་སྦྱོར་གྱི་ཉིན། ཕྱག་མཛོད་པས་དོ་དམ་བྱས་དཔལ་ལྡན་ལྷ་མོའི་མཆོད་གཏོར་རྒྱས་པར་བཤམས་ནས་བསྐང་གསང་དང་། ཆོས་འཁོར་རྒྱལ་གཉེར་གཏད་མཛད་པས་གཙང་ཕྱོགས་སུ་འཕྲིན་ལས་རྒྱས་པ་དང་ཁམས་ཕྱོགས་སུ་གདན་འདྲེན་འབྱུང་བའི་སྤྱན་ལྟས་ཤར། མི་རིང་བར་ཆམ་མདོ་བྱམས་པ་གླིང་ནས་འབུལ་དཔོན་བསོད་ནམས་བཟང་པོ་དང་གནས་ཆེན་པ་སོགས་ཀྱིས་གཙོས་གདན་འདྲེན་འབུལ་སྐྱེལ་བ་དང་། རྗེ་དྲུང་རིན་པོ་ཆེ་དགེ་འདུན་བཀྲ་ཤིས་ཀྱི་སྤྲུལ་པའི་སྐུ་བསྟན་པ་རྒྱ་མཚོ་རྣམས་ཕེབས། བརྒྱ་འབུལ་དང་མང་འགྱེད་སོགས་རྒྱ་ཆེར་བསྐྲུན། དགག་བྱ་དང་དགོས་པའི་དབང་དུ་གྱུར་ན་མ་གཏོགས་ཁམས་ཕྱོགས་སུ་ཕེབས་པའི་བཀའ་བཞེས་ཀྱང་གནང་། མལ་གྲོ་བརྒྱུད་འབྲས་སྤུངས་སུ་ཕེབས། འཇིགས་བྱེད་ཀྱི་དྲག་པོའི་སྦྱིན་སྲེག་གི་ཐུགས་རྩོམ་མཛད། སྐུ་གཞོགས་གྲྭ་ཚང་ཕན་བདེ་ལེགས་བཤད་གླིང་གསར་དུ་བཙུགས་ཏེ་འགྲེལ་པ་སྒྲོན་གསལ་གྱི་ཆོས་ཐུན་ཞིག་རྟེན་འབྲེལ་དུ་གནང་། དཀར་པོ་ཞེས་པ་ས་སྦྲུལ་གྱི་ལོ་གསར་དང་། ཆོ་འཕྲུལ་གྱི་མཆོད་པ་རྣམས་གྲུབ་རྗེས། གཡས་རུ་གཙང་གི་ཕྱོགས་ནས་སྐྱ་སེར་མང་པོས་སྔ་གོང་ནས་ཕེབས་དགོས་པའི་ཞུ་བ་ཕུལ་ཞིང་། འདི་སྐབས་ཐོས་བསམ་གླིང་པ་དང་དཀྱིལ་ཁང་བའི་སློབ་དཔོན་ཤར་རྩེའི་ངོ་ཚབ་དང་བཅས་པ་འབྱོར། ནང་སོ་དགའ་ལྡན་པས་གུང་ཐང་དུ་ཚེ་དཔག་མེད་ཀྱི་གསེར་སྐུ་མཆོད་ཁང་དང་བཅས་བཞེངས་པར་རབ་གནས་སྦྱིན་སྲེག་དང་བཅས་པ་མཛད། ཞང་རིན་པོ་ཆེའི་སྐུ་འདྲ་ཡིད་བཞིན་ནོར་བུས་ཞྭ་ཕུད་མཛད་པ་དང་དད་རྟེན་དུ་བཞེས། ཞལ་ངོ་རྣམས་ལ་རྗེས་གནང་སྩལ། གནས་བརྟན་བཅུ་དྲུག་གི་འདྲ་དཔེ་གཟིགས་ལམ་དུ་ཕབ། སླར་འབྲས་སྤུངས་སུ་ཕེབས། ཟླ་བ་གསུམ་པའི་ཚེས་བཅོ་ལྔ་ལ་གཙང་དུ་ཆིབས་ཁ་སྒྱུར་ཏེ།

― GLG008_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་ལྡན་ཕོ་བྲང་གི་གཟིམས་ཆུང་གསང་སྔགས་ཕོ་བྲང་ནས་ཕེབས་པར་བརྩམས་པ་ནས་བཟུང་། གདོང་དཀར་དུ་མ་ཕེབས་ཀྱི་བར་དུ་འབྲས་སྤུངས་ཀྱི་ཐད་ཀྱི་ནམ་མཁའ་ལ་སྤྱིན་འཁྲིགས་པ་དང་འབྲུག་སྒྲ་ཆེ་ཆུང་སྙོམས་པ་རྒྱུན་མི་འཆད་པར་བྱུང་བས་ཆོས་སྲུང་གི་ཆོ་འཕྲུལ་དུ་ངེས། གྱེ་རེ་ལྷ་པས་གདན་དྲངས་ཏེ་བསྙེན་བཀུར་ཞུས། གུ་རུ་ཇོ་རྩེའི་གཏེར་མའི་དེ་བཞིན་གཤེགས་པའི་འཕེལ་གདུང་དང་སྐུ་ཚབ་པདྨ་མཐོང་གྲོལ་མཇལ་བ་གནང་། རྒྱལ་ཁབ་ཆེན་པོ་གོང་རི་དཀར་པོར་གདན་དྲངས་ལྷ་གཟིགས་མིའི་དབང་པོས་བསྙེན་བཀུར་ཞིང་། བཀའ་ཆོས་འབུལ་བ་སོགས་དཔོན་སློབ་ཐུགས་ཡིད་གཅིག་འདྲེས་སུ་གྱུར། རིག་སྔགས་འཆང་བའི་འདུས་སྡེ་རྡོ་རྗེ་གདན་གྱི་གནས་གཟིགས་ཀྱང་མཛད། སླར། གཙང་པོ་བྱང་ཁར་དོན། འཁོལ་མར་སྐུ་ཞང་རིན་པོ་ཆེས་གདན་དྲངས་ཏེ་ཕེབས། དེར་གཤིན་རྗེའི་མཆོད་རྟེན་བཅས་ཆོ་ག་དང་། ཁྱབ་འཇུག་གི་དམ་ཤིང་སོགས་ཡོད་པའི་མགོན་ཁང་དེར་གཟིགས་རྟོག་ལ་ཕེབས། ཕྱི་ནང་གི་མཆོད་པ་དང་། འཕྲིན་ལས་གྱི་གཉེར་གཏད་རྒྱས་པར་གནང་། སྙུག་ལ་ནས་ཡོལ་རིན་ཅེན་གླིང་དུ་ཞབས་ཏོག་ཞུས། རི་གོང་གི་མགོན་པོ་བར་སྣང་མ་མཇལ་བས་བྱིན་རླབས་ཀྱི་མཚན་མ་ཁྱད་པར་ཅན་བྱུང་། རིམ་གྱིས་ཐོན་དགའ་ལྡན་རྩེར་ཕེབས། ནང་སོ་ཐོན་པ་དཔོན་བློན་དང་། རྒྱལ་བྱེད་ཚལ་མཁན་སློབ་རྣམས་ཀྱིས་བསྙེན་བཀུར་རྒྱ་ཆེར་བསྒྲུབས། སོ་སོར་དབང་བཀའ། སྤྱི་ཆོས། རབ་བྱུང་བསྙེན་རྫོགས་སོགས་ཀྱིས་རེ་འདོད་ཡོངས་སུ་བསྐང་། མགོན་པོ་ཞལ་གྱི་གཏོར་ཆེན་གྱི་སྒོ་ནས་བར་ཆད་བཟློག་པའི་འཕྲིན་ལས་མཛད་པས། ཆོས་སྐྱོང་གིས་དངོས་སུ་བསྒྲུབས་པའི་མཚན་མ་གཟིགས། རྒྱལ་བྱེད་ཚལ་དུ་ཕེབས། གང་འཚམ་གྱི་ཆོས་སྦྱིན་མཛད། འུ་ཡུག་གུར་སྔོན་དུ་ཕེབས། གཙུག་ལག་ཁང་

― GLG008_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

མཇལ། སློབ་དཔོན་ཆེན་པོའི་དགེ་བསྙེན་རྡོ་རྗེ་ལེགས་པ་དགའ་བའི་རྣམ་འགྱུར་དང་བཅས་ཏེ་བསུ་པ་ལ་འོངས་པ་དངོས་སུ་གཟིགས། མཆོད་བསྟོད་འཕྲིན་ལས་བཅོལ། དཔོན་སློབ་ཉུང་བསྡུས་ཞིག་གནུབས་ཁུ་ལུང་དུ་ཕེབས། གནུབས་ཆེན་སངས་རྒྱས་ཡེ་ཤེས་དང་། ལྷ་རྗེ་གནུབས་ཆུང་སོགས་ཀྱིས་དྲག་སྔགས་བསྒྲུབས་པའི་གནས་ཡ་མཚན་པ་ཡིན་འདུག་པ་ལ་ཞིབ་གཟིགས་གནང་། སྐུ་ཞང་རིན་པོ་ཆེས་ཕྱག་གཡོག་མཛད་དེ། བསྙེན་སྒྲུབ་ལས་སྦྱོར་གྱི་སྒྲུབ་རྟེན་རྣམས་ལ་བཟོ་བཀོད་བཞིན་ཤོག་བུར་འདྲི་བ་གནང་བ། ཕྱིས་སུ་གུང་རུ་དབྱངས་དཔོན་པ་མཐུ་སྟོབས་གསང་བའི་དབང་ཕྱུག་ཅེས་དྲག་སྔགས་ལ་ནུས་པ་ཡེར་དུ་འཐོན་པ་དེས་ཀྱང་གཟིགས་པའི་གནས་ཚུལ་རིགས་འཛིན་གཞོན་ནུ་དོན་གྲུབ་ཡབ་སྲས་ལ་གསུངས་པ། རྗེ་བཙུན་བླ་མ་དམ་པ་པདྨ་དབང་གིས་གསུངས་པ་དངོས་སུ་ཐོས། དཔོན་སློབ་བྱིངས་དབེན་ས་དགོན་པར་བླ་མ་སངས་རྒྱས་ཡེ་ཤེས་པས་སྤྱན་དྲངས། དབེན་ས་བློ་བཟང་དོན་གྲུབ་ཀྱི་ནང་རྟེན་ལ་ཕྱག་ནས་གཏོར། དེར་འཁོད་པའི་སྒྲུབ་པ་ཕོ་མོ་རྣམས་ལ་གསུང་ཆོས་ཀྱིས་ཚིམ་པར་མཛད། རིམ་གྱིས་ཆོས་སྡེ་ཆེན་པོ་བཀྲ་ཤིས་ལྷུན་པོར་ཕེབས། ནམ་མཁའ་གཡའ་དག་པ་ལ་འབྲུག་གི་སྒྲ་ཆེན་པོ་སྒྲོག་པ་དང་། འཇའ་འོད་ཀྱི་གུར། མེ་ཏོག་གི་ཆར་སོགས་ལྟས་ཡ་མ་ཟུང་མང་དུ་བྱུང་། ཁྲོམ་ཤིན་ཏུ་ཆེ་བ་ལ། ལས་དག་པ་འགའ་ཞིག་གིས། སྤྱན་རས་གཟིགས་སེམས་ཉིད་ངལ་གསོར་མཐོང་། ཉིན་རེ་བཞིན་དགོན་པའི་མདུན་གྱི་ཐང་ཆེན་པོར། བཀའ་གདམས་གླེགས་བམ་གྱི་བཀའ་ཆོས་གནང་བས་མེ་ཏོག་གི་ཆར་ལག་ཏུ་བཟུང་ཆོག་པ་ཙམ་བབ། གསུང་ཆོས་གནང་བའི་སྒྲ་བསམ་གྲུབ་རྩེའི་རྫོང་ནང་དུ་ཚིག་འབྲུ་མ་ཉམས་པར་ཐོས་པ་བྱུང་བས། དེར་འཁོད་པ་མང་པོ་ཞིག་ཡ་མཚན་འཛིན་

― GLG008_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་བྱུང་བསྙེན་རྫོགས་བརྒྱ་ཕྲག་མང་པོ་བསྒྲུབས། སྟོན་པ་ཐུབ་པའི་དབང་པོ། ཇོ་བོ་ཡབ་སྲས། རྒྱལ་བ་བཙོང་ཁ་པ་སོགས་ཞལ་གཟིགས་ཏེ་ལེགས་སོ་གནང་། གནས་རྣམས་ཞིབ་པར་གཟིགས་ཤིང་བྱམས་ཆེན་ལ་ཞལ་གསེར་དང་། ཆོས་སྐྱོང་རྣམས་ལ་གཉེར་གཏད་མཛད་པས། དཔལ་ལྡན་ལྷ་མོས་འཕྲིན་ལས་བསྒྲུབ་པའི་མཚན་མ་གསལ་བར་བྱུང་། དེ་ནས་ཤངས་རི་བོ་དགེ་འཕེལ་དུ་ཕེབས། བོ་དོང་ནས་རྗེ་ཕྱོགས་ལས་པས། སྔོན་རྗེ་བཙུན་བྱམས་པ་བྲམ་ཟེར་སྐྱེ་བ་བཞེས་པའི་དུས་ཀྱི། དབུ་ཐོད་གླང་འཁུན་མར་གྲགས་པ་མཁས་གྲུབ་ཁྱུང་པོས་རྒྱ་གར་ནས་གདན་དྲངས་པའི་ངོ་མཚར་ཅན་དེ་ཕྱག་ཏུ་ཕུལ། དགེ་འཕེལ་གདན་ས་བ་རང་གིས་ཀྱང་ཞབས་ཏོག་ཕུལ་དུ་བྱུང་བ་མཛད། སྐྱ་སེར་གྱི་ཁྲོམ་ཆེན་པོ་ལ་སྙིང་པོ་དོན་གསུམ་དང་ཡི་གེ་དྲུག་པའི་བཟླས་ལུང་གནང་། དེ་ནས་རིག་འཛིན་གྱི་སློབ་དཔོན་ཆེན་པོ་པདྨ་འབྱུང་གནས་ཀྱི་སྒྲུབ་གནས་ཟབ་ཕུ་ལུང་མཇལ་བར་ཕེབས། ལེའུ་བརྒྱད་པའི་སྒོ་ནས་བླ་མ་མཆོད་པའི་ཆོ་ག་གནང་བས། སློབ་དཔོན་ཆེན་པོ་ལ་རིག་འཛིན་བརྒྱད་ཀྱིས་བསྐོར་བ་ཞལ་གཟིགས། རིམ་གྱིས་བཤད་སྒྲུབ་དར་རྒྱས་གླིང་། གྲུབ་ཆེན་བཟང་པོ་རྒྱལ་མཚན་གྱི་དགོན་པ་འབྲས་སྤུངས་སུ་ཕེབས། བླ་མའི་རྣལ་འབྱོར་དང་ཡི་གེ་དྲུག་པའི་བཟླས་ལུང་གནང་། དེར་ཆོས་རྒྱལ་ནང་སྒྲུབ་ཁྲོ་བོའི་ཞལ་ཅན་གཟིགས། རྟ་ནག་གི་སྡེ་དགོན་རྣམས་ཀྱིས་གདན་དྲངས་པའི་ལམ་ཞོར་དུ་ཐག་ལུང་གི་མགོན་པོ་ལེགས་ལྡན་མཇལ་ཏེ་འཕྲིན་ལས་བཅོལ། གཟིགས་སྣང་ཁྱད་པར་ཅན་དང་། ཙན་དན་སྡོང་པོ་སྐྱེ་བ་སོགས་ངོ་མཚར་བའི་ལྟས་མང་དུ་བྱུང་། རྟ་ནག་རྡོ་རྗེ་གདན་དུ་ཕེབས་དགེ་འདུན་པ་རྣམས་ཀྱིས་སེར་སྦྲེངས་དང་། བུད་མེད་རྣམས་ཀྱིས་མདའ་དར་མེ་ལོང་བཟུང་སྟེ། དཔའ་མོའི་ཆས་ཞུགས་

― GLG008_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བསུ་བ་བྱས། ཆོས་སྐྱོང་བེག་གདོང་ལྕམ་བྲལ་གྱི་ཞལ་གཟིགས་ཤིང་འཕྲིན་ལས་བསྒྲུབ་པར་ཁས་བླངས། ཆིབས་ཀྱི་རྨིག་པ་བཞི་ཀས་རྡོ་ལ་རྗེས་གསལ་བར་བཞག །ཡུལ་དེའི་སྐྱ་སེར་མཐའ་དག་དགེ་བའི་ལམ་ལ་བཀོད་དེ། ཀུན་མཁྱེན་གོ་བོ་རབ་འབྱམས་པའི་གདན་ས་ཐུབ་བསྟན་རྣམ་རྒྱལ་དང་། ཆག་ལོའི་དབོན་བརྒྱུད་རྣམས་ཀྱིས་བསྙེན་བཀུར་ཞུས། ཆག་ལོའི་རྟེན་རིང་བསྲེལ་ཡང་མང་བར་ཕྱག་ཏུ་འབྱོར། བཀྲ་ཤིས་ལྷུན་པོའི་སྨོན་ལམ་ལ་ཕེབས། འཕགས་པ་འཇིག་རྟེན་དབང་ཕྱུག་གི་རྣམ་སྤྲུལ་གནས་རྙིང་པ་ཆོས་ཀྱི་རྒྱལ་མཚན་ཁྲི་ཐོག་ཏུ་བསྐོས་ཏེ་ཕྱག་ནས་གཏོར། བླ་བྲང་རྒྱལ་མཚན་མཐོན་པོར་དཔོན་སློབ་རྣམས་ཀྱི་གཏོང་ལེན་གྱི་ཁྲམ་གཟིགས་པས། རྗེ་དགེ་འདུན་གྲུབ་ཀྱི་གདུང་ཚ་གདུང་རུས་སོགས་སློབ་དཔོན་གཞན་གྱིས་ངོ་མ་ཤེས་པ་རྣམས་ལ་ངོས་འཛིན་མཛད། རྗེ་དགེ་འདུན་གྲུབ་ཀྱི་ཞལ་གདམས་ཕྱག་བྲིས་མ་ཤོག་རིལ་ཞིག་འདུག་པ་གཟིགས་པས། སློབ་དཔོན་ཐམས་ཅད་ཐུགས་སྐྱོ་ཤས་དང་ལྡན་པར་གྱུར། དེ་ནས་དཔལ་ཇོ་བོ་བཀའ་གདམས་པའི་སྡེ་ཆེན་པོ་སྣར་ཐང་དུ་ཕེབས། རྟེན་གསུམ་རྣམས་ཞིབ་པར་མཇལ། ཆོས་དང་ཟང་ཟིང་གི་འཕྲིན་ལས་རྒྱ་ཆེ་བར་སྤེལ་པའི་ངོས། སྣར་ཐང་བྱང་ཆེན་གྱི་རྟེན་མཇལ་རྣམས་གནང་སྟེ། གངས་ཅན་ཆོས་འཕེལ་དུ་ཕེབས། ཚོགས་སུ་བྱང་ཆུབ་ལམ་རིམ་གསུངས། རབ་བྱུང་བསྙེན་རྫོགས་བརྒྱ་ཕྲག་བསྒྲུབས། དེར་དཔལ་ལྡན་ལྷ་མོའི་སྐུ་ཤིན་ཏུ་གཉན་པ་ཞིག་ཡོད་འདུག་པ་ལ་མགོན་བསྟོད་དང་འཕྲིན་ལས་བཅོལ། དེ་ནས་ཁྲོ་ཕུར་ཕེབས། ཁྲོ་ཕུའི་ལུང་པ་ཐམས་ཅད་སངས་རྒྱས་ཀྱི་སྤྱན་ཡ་གཅིག་གིས་གང་བའི་གཟིགས་མོ་དངོས་སུ་བྱུང་། ཁྲོ་ཕུ་ལོ་ཙཱ་བས་བཞེངས་པའི་བྱམས་པ་བོད་གངས་ཅན་ན་སྐུ་ཚད་ཆེ་བ་དེ་ཉིད་མཇལ་ཞིང་སྨོན་ལམ་གནང་།

― GLG008_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བཙུན་བྱམས་པ་ལ་ཕྱོགས་བཅུའི་སངས་རྒྱས་ཀྱིས་བསྐོར་བ་ཞལ་གཟིགས། གནས་སྲིན་པོ་རེར་གནས་པ་ནང་སོས་ཞབས་ཏོག་ཞུས། མགོན་པོ་ཞལ་གྱི་གནས་དར་ལུང་མིང་གཞན་ཤོག་མ་ཞེས་པར་ཕེབས། རྣམ་སྲས་རྟ་བརྒྱད་ཀྱི་སྐུ་བརྙན་འཆམ་པ་སོགས་ཀྱི་བསུ་བ་དང་བཅས་སེང་གེ་རྩེ་སྡེ་དགོན་གྱིས་སྤྱན་དྲངས། མགོན་པོ་ཞལ་གྱི་སྐུ་གསུང་ཐུགས་ཀྱི་མཚན་མ་བཟང་པོ་བརྙེས། ལྷུན་པོ་རྩེ་ཆོས་སྡེར་ཕེབས། རྟེན་མཇལ་གནང་ཞིང་ཆོས་དང་ཟང་ཟིང་གིས་ཚིམ་པར་མཛད། གདན་ས་ཆེན་པོ་དཔལ་ལྡན་ས་སྐྱར་ཕེབས། བླ་བྲང་ཤར་དུ་བཞུགས། དགེ་འདུན་ལ་མང་ཇ་འགྱེད་བཅས། གདན་ས་ཆེན་པོའི་ཆོས་ཀྱི་སེང་གེའི་ཁྲིར་བཞུགས་པའི་བདག་ཆེན་རིན་པོ་ཆེར་འབུལ་བ། མཆོད་ཁང་རྣམས་སུ་སྙན་དར་སྤྱན་གཟིགས་རྒྱས་པར་གནང་། འཇམ་དབྱངས་གཟི་འོད་འབར་བས་ཐོག་དྲངས་པའི་རྟེན་དང་བརྟེན་པར་བཅས་པའི་མཆོད་ཁང་ངོ་མཚར་གྱི་བཀོད་པ་རྒྱ་ཆེན་པོ་རྣམས་མཇལ། ཁྱད་པར་ལོ་ཆེན་རིན་ཅེན་བཟང་པོས་འཕགས་ཡུལ་ནས་གདན་དྲངས་པའི་བསེ་འབག་ནག་པོ་འཕུར་ཤེས་ཀྱི་དྲུང་དུ་མཆོད་གཏོར་སྤྱན་གཟིགས་གྱ་ནོམ་པ་ཕུལ། འཕྲིན་ལས་གཉེར་གཏད་མཛད་པས། སྙན་དར་རང་བབ་ཏུ་བྱུང་བ་དངོས་གྲུབ་ཀྱི་མཚན་མར་འདུག །ཕྱག་མཚན་ཐོད་པའི་ནང་ནས་ནས་ཕུད་ཅིག་ཕྱག་ཏུ་དམོད་ནས་ཀྱིས་ཚུལ་དུ་བཞེས་པས། དེའི་ཁྲོད་དུ་གསེར་རྡོག་པོ་ལ་རིང་བསྲེལ་ཡུང་འབྲུ་ལྟ་བུ་གཉིས་ཙམ་འབྱར་བ་ཞིག་བྱུང་། དེར་གུར་མགོན་དངོས་སུ་ཞལ་གཟིགས། བསེ་འབག་དེ་ཤིན་ཏུ་གཉན་པའི་སྟབས་ཀྱིས། གདུང་བརྒྱུད་ཞལ་ངོ་རྣམས་དང་གཞན་ནུས་མཐུ་ཅན་འགའ་ཞིག་མ་གཏོགས། གཞན་གྱིས་རེག་མི་ནུས་ཤིང་། གལ་པོར་རེག་ན་མི་ཤིས་པ་ཞིག་འོང་གི་ཡོད་འདུག་ཀྱང་། རྗེ་འདི་ཉིད་ཞལ་རས་ཀྱི་རྡུལ་འཕྱི་བ་སོགས་མཛད། བསེ་

― GLG008_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

འབག་གི་འདྲ་བཤུས་རི་མོར་བཀོད་པ་གནང་། ཐོས་བསམ་གླིང་པའི་སློབ་དཔོན་དེ་རྨི་ལམ་གསལ་པོ་ཡོད་འདུག་པར། ཤེལ་དཀར་དུ་ཕེབས་ལམ་དུ་ཅུང་ཟད་གཉིད་དུ་སོང་ཙ་ན། མི་ནག་པོ་འཇིགས་སུ་རུང་བ་གཉིས་བྱུང་བར་སུ་ཡིན་དྲིས་པས། བསེ་འབག་ལྕམ་བྲལ་ཡིན་ཕྱག་ཕྱིར་འགྲོ་ཟེར། དེ་ནི་རིན་པོ་ཆེ་བོད་མཁར་བ་མཻ་ཏྲི་དོན་གྲུབ་རྒྱལ་མཚན་དཔལ་བཟང་པོ་བས་མི་འགྱངས་པར་ཁའུ་བྲག་རྫོང་པའི་སྙན་འརྒྱུད་ཐུན་མོང་མ་ཡིན་པའི་བཀའ་རྣམས་འབུལ་བའི་རྟགས་སུ་མངོན། ལྷ་ཁང་ཆེན་མོས་ཐོག་དྲངས་པའི་མཆོད་ཁང་གཟིམས་ཕུག་ཚུན་ཆད་ཀྱང་མཇལ་བར་མཛད། ཕེབས་པ་ལ་མངོན་དུ་ཕྱོགས་པ་ན་ཕག་གྲུའི་ཕུག་པའི་སྒྲུབ་ཆུ་འཕེལ་ཞིང་། ཕུག་པའི་ནང་དུ་ཕེབས་པ་དང་ཆུ་གློ་བུར་དུ་ལུད་པ་བྱུང་། གཞན་ཡང་ངོ་མཚར་བའི་ལྟས་ཤིན་ཏུ་མང་བ་བྱུང་བར་བརྟེན། དེར་འཁོད་པའི་སྐྱེ་བོ་མཐའ་དག་རྗེ་བཙུན་བརྩེ་ཆེན་སྙིང་པོའི་ཞབས་ཀྱི་རྣམ་པར་སྤྲུལ་པའོ་ཞེས་དད་པའི་སྤུ་ལོང་གཡོ་བར་གྱུར་ཏོ། །དེ་ནས་ཁའུ་སྐྱེ་ལྷས་སུ་ཕེབས། གནས་འདི་ནི་བདག་ཆེན་རྡོ་རྗེ་འཆང་་བློ་གྲོས་རྒྱལ་མཚན་དཔལ་བཟང་པོ་ནན་ཏན་ཐུགས་གཙིགས་ཆེ་བས་སྲུང་མ་རང་བཞིན་གྱིས་འདུ་བ་དང་ཁྱད་པར་མཚར་ལུགས་པ་ཞེས་བསྟན་པའི་སྙིང་པོ་འདི་ཉིད་ཀྱི་འབྱུང་བའི་གནས་ཡིན་པ་དང་། ལྷག་པར་མགོན་པོ་ཞལ་རྡོ་ལ་དངོས་སུ་ཐིམ་པ་ཡིན་འདུག་པ་ནས། དད་མོས་ཆེན་པོས་རྗེ་མཚར་ཆེན་གྱི་བླ་མ་མཐུ་སྟོབས་ཀྱི་དབང་ཕྱུག་ཀུན་སྤངས་རྡོ་རིང་པས་ཕྱག་ལེན་བསྟར་བའི་མགོན་ཁང་ཆོས་སྐྱོང་དངོས་བཞུགས་པ་དེར། བསྐང་གསོ་བསྙེན་སྒྲུབ་དམོད་བཅོལ་སོགས་འཕྲིན་ལས་རྒྱས་པར་བཅོལ། དེར་ཡང་སྙན་དར་རབ་ཏུ་བྱུང་བ་སོགས་འཕྲིན་ལས་སྒྲུབ་པའི་མཚན་མ་ཁྱད་པར་ཅན་གཟིགས། ནམ་མཁའ་ལ་འཇའ་སྤྲིན་རྨ་བྱའི་གདུགས་ཕུབ་པ་ལྟར་གྱུར་

― GLG008_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཀུན་ཡ་མཚན་པར་འཛིན། གཅེན་ལུང་པས་ཐོག་དྲངས་པའི་སྐྱ་སེར་གྲངས་མེད་པ་མཇལ་བར་འོངས་པ་དོན་དང་ལྡན་པར་མཛད། རིམ་གྱིས་བོ་དོང་ཨེའི་གནས་གཟིགས་གནང་། དཔལ་ལྡན་ཨ་ཕྱི་མར་མཆོད་གཏོར་སྤྱན་གཟིགས་ཕུལ། རྗེ་གོང་མ་གཉིས་ཀྱི་ཐུགས་དམ་འཛུགས་གཏོར་བརྗེ་བ་གནང་། གཟིགས་སྣང་ཁྱད་པར་ན་བྱུང་ལུང་ནག་ཤེལ་དཀར་དུ་ནང་སོས་ཐོག་དྲངས་པའི་སྐྱ་སེེར་རྣམས་ལ་ཆོས་ཀྱི་བདུད་རྩི་སྩལ། སླར་གངས་ཅན་ཆོས་འཕེལ་དང་བཀྲ་ཤིས་ལྷུན་པོ་བརྒྱུད་ཞ་ལུ་རི་ཕུག་ཏུ། ཐམས་ཅད་མཁྱེན་པ་བུ་སྟོན་རིན་པོ་ཆེའི་སྐུ་དང་ནཱ་རོའི་བུམ་ཆུ་སོགས་ནང་རྟེན་མཐའ་དག་མཇལ་བ་གནང་། ལས་ཀྱི་གཤིན་རྗེ་དང་། ལྷ་མོ་རྡོ་རྗེ་རབ་བརྟན་མས་འཕྲིན་ལས་བསྒྲུབ་པར་ཁས་བླངས། དེ་ནས་འབྲོང་རྩེ་ཆོས་སྡེར་ཕེབས་སྡེ་དགོན་གྱིས་བསྙེན་བཀུར་ཕུན་སུམ་ཚོགས་པ་ཞུས། སྔར་འབྲོང་རྩེ་ཆོས་རྗེ་ཕྱག་དྲུག་པའི་སྐུ་བཞེངས་རྩིས་ལ་གསལ་ཁ་མེད་པར་མགོན་པོ་བཞེངས་གསུངས་པས། བཟོ་བོས་མགོན་པོ་ཟེར་ན་གུར་ལས་འོས་མེད་སྙམ་བཞེངས་པའི་བུར་མགོན་གྱི་སྐུ་འདྲ། མཚར་ལུགས་ཀྱི་སྙན་བརྒྱུད་ཁྱད་འཕགས་རྣམས་ཀྱི་འབྱུང་ཁུངས། བདག་ཆེན་རྡོ་རྗེ་འཆང་གི་གཅེན་རྒྱ་གར་བ་ཤེས་རབ་རྒྱལ་མཚན་གྱིས་ཕྱག་ནས་མཛད་པའི་བྱིན་རླབས་ཅན་དེ་མཇལ་བ་གནང་། པ་སྣམ་ལྷུན་གྲུབ་རྩེ་དང་། འབྲོང་རྩེ། རྒྱལ་བྱེད་ཚལ་དུ་འབྲུག་པ་སྤྲུལ་སྐུ་ངག་དབང་ནོར་བུས་གདན་དྲངས། དཔོན་སློབ་གཉིས་ཀ་ཕན་ཚུན་དུ་དག་སྣང་ཆེ་བས་ཕྱག་རྩེ་སྤྲོད་དང་བཅས་ཏེ་མཇལ། ཁོང་རང་གི་ཕྱག་བཟོའི་རྒྱ་མཚོ་ལྦུ་བ་ལས་གྲུབ་པའི་གནས་བཅུ་དེ་ཡང་ཕྱག་ཏུ་ཕུལ། རྟེན་མཇལ་རྣམས་ཞིབ་པར་གནང་། སྤྲུལ་སྐུ་ངག་དབང་ནོར་བུ་འདི་བཀའ་བརྒྱུད་པའི་བླ་མ། སྒོམ་ཆེན་པའི་སྦག་སྦུག་གི་ཉམས་མེད་པར། དཔོན་སློབ་

― GLG008_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ལུགས་ཟུང་གི་གསུང་གླེང་ཞིབ་ཏུ་བྱུང་འདུག་པས། དེ་ནས་བཟུང་སྟེ་དགེ་འབྲུག་གཉིས་ལུགས་ལེགས་ཀྱི་ཁུལ་དུ་བྱེད་པར་གདའ། དེ་ཡང་འབྲུག་པ་སྤྲུལ་པའི་སྐུས་དེ་སྐབས་དངས་དངས་དོད་དོད་མཛད་འདུག་ཀྱང་། རྗེས་སུ་དཔལ་སྡེར་སྒར་པ་དང་མཇལ་སྐབས་དགོས་མེད་སྒར་པར་བཀུར་བཟོས་འབུལ་ཕུལ་ཆེས་པའི་གནས་ཚུལ་གསན་པས། འབྲས་སྤུངས་སྤྲུལ་སྐུས་དེ་འདྲ་མཛད་ཡོང་མ་བསམ། དེ་ལྟར་ན་ངེད་ཀྱིས་ཀྱང་མ་མཇལ་ནའང་ཡོད་པ་འདུག་ཅེས་ཐུགས་ཅུང་མ་རེངས་སྐད། འབྲུག་པ་སྤྲུལ་སྐུ་འདི་གསང་སྔགས་གསར་རིང་མདོ་ཐ་སྙད་རིག་པ་སོགས་ལ་མཁས་པ་ཙམ་དུ་མ་ཟད། དགོས་མི་དགོས་ཀྱིས་མཚམས་ཕྱེད་ཅིང་ལྟ་ག་ཚུགས་ཟིན་པ། འཇིག་རྟེན་ཕྱོགས་ནས་ཀྱང་དགྲ་གོ་གཉེན་གོ་ཚང་མ་ཆོད་པ་ཞིག་ཡིན་པར་སྣང་། དེ་ནས་རྩེ་ཆེན་དུ་ཕེབས། དཔོན་དྲུང་བློ་བདེ་བས་བསྙེན་བཀུར་བཏེག །རིམ་གྱིས་དཔལ་འཁོར་བདེ་ཆེན་དུ། རྟ་པའི་བསུ་བ་ཉིས་བརྒྱ་སྐོར་དང་། དགེ་འདུན་པ་སྟོང་ར་ཅན་ཙམ་གྱི་སེར་སྦྲེངས་དང་བཅས་པས་མདུན་བདར་ཏེ་ཕེབས། དགེ་ལུགས་པའི་གྲྭ་ཚང་བདུན་གྱིས་ཉིན་རེ་བཞིན་འབུལ་བ་བཟང་འགྲན་བྱས་པ་མཆོད་རྟེན་དང་གཙུག་ལག་ཁང་འཁོར་བ་ཙམ་དང་། ས་ཞལ་གྱི་གྲྭ་ཚང་རྣམས་ཀྱིས་ཀྱང་བསྙེན་བཀུར་ཞིང་། རྡོ་གཅལ་དུ་སྐྱ་སེར་གྱི་ཚོགས་ལ་བཀའ་གདམས་གླེགས་བམ་དང་། འདུ་ཁང་དུ་ཚོགས་པ་ལ་སྣར་ཐང་བརྒྱ་རྩ། གཟིམས་ཆུང་དུ་ས་དགེ་རིས་མེད་ལ་གུར་ཞལ་གྱི་རྗེས་གནང་དང་། རབ་བྱུང་བསྙེན་རྫོགས་གནང་། མཆོད་རྟེན་ཆེན་མོ། གོས་སྐུ་མཆོད་ཁང་རྣམས་མཇལ་ཞིང་བསྟན་པ་རྒྱས་པའི་སྨོན་ལམ་མཛད། རྒྱལ་མཁར་རྩེར་ནང་ཆེན་པས་གདན་དྲངས། གུས་མཆོད་བླ་ལྷག་ཏུ་བསྒྲུབས། དེ་བཞིན་གཤེགས་པའི་སྐུ་གདུང་ཆ་བརྒྱད་དུ་བགོས་པའི་རྒྱལ་པོ་མ་སྐྱེས་

― GLG008_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲའི་རྟེན་སྐལ་གྱི་འཕེལ་གདུང་། བླ་མ་ཆོས་ཀྱི་རྒྱལ་པོ་ལ་རྒྱ་ནག་གོང་མས་ཕུལ་བའི་ཁུངས་བཙུན་དེ་མཇལ་ཞིང་སྨོན་ལམ་གནང་བས། རིང་བསྲེལ་གཅིག་གཉིས་ཤིག་འབུལ་རྩིས་ལ་སྨོན་ལམ་གནང་བས་བཅོ་ལྔ་རང་བབ་ཏུ་ཕྱག་ཏུ་བྱུང་། བདག་ཆེན་རྒྱལ་རྩེ་བ་ཡབ་སྲས་ཀུན་མི་ཕྱེད་པའི་དད་པ་ཐོབ། རི་ཁྲོད་དགའ་ལྡན་དུ་གདན་དྲངས། གནས་དེའི་སྤོང་བ་བསམ་གཏན་པའི་དགེ་འདུན་རྣམས་ལ་ཆོས་ཀྱི་འབྲེལ་པ་སྩལ། རྒྱ་སྔགས་འཆང་ཆེན་པོ་མཇལ། དཔལ་གསང་བའི་གདུང་འཛིན་གནས་རྙིང་ཆོས་རྗེས་ལྷ་མགོན་ལྕམ་དྲལ་གྱི་འཆམ་སྐུ་སོགས་བསུ་བའི་བཀོད་པ་དང་བཅས་ཏེ་གདན་དྲངས། གསེར་འབུམ་དང་ཁྱད་འཕགས་བཅུ་གསུམ་སོགས་གནས་གཟིགས་ཞིབ་པར་གནང་། ཞལ་ངོ་གྲྭ་བུ་སློབ་རྣམས་ལ་འདོད་ཆོས་སྩལ་ཞིང་ཞབས་ཏོག་ཀྱང་རྒྱ་ཆེ་མཛད། ཁྱད་པར་ཞབས་དྲུང་ཆོས་ཀྱི་རྒྱལ་མཚན་གྱིས་སངས་རྒྱས་ཀྱིས་འཕེལ་གདུང་ཡ་མཚན་ཅན་ཞིག་ཕུལ། སྟོང་ཤེར་འབྲོག་པ་རྣམས་ཀྱི་ཁྲོད་དུ་གདན་དྲངས་ཏེ་ཡིག་དྲུག་གི་བཟླས་ལུང་དང་བསྙེན་གནས་སོགས་དགེ་བའི་ལམ་ལ་བཀོད། ཕྱིར་ལམ་དཔོན་དྲུང་རྩེ་པས་དབང་ལྡན་ཆོས་འཁོར་དུ་བསྙེན་བཀུར་ཞུས། སླར་གནས་རྙིང་དུ་ཕེབས་ཏེ་མཁན་པོས་ཐོག་དྲངས་པའི་དེར་འཁོད་ཐམས་ཅད་ལ་ཆོས་དང་ཟང་ཟིང་གི་དགའ་སྟོན་སྩལ་རབ་བྱུང་བསྙེན་རྫོགས་བརྒྱ་སྐོར་བསྒྲུབས། བཀའ་བརྒྱུད་ཀྱི་གདན་ས་ར་ལུང་དུ་གདུང་བརྒྱུད་ངག་དབང་བསྟན་པའི་རྒྱལ་མཚན་གྱིས་གདན་དྲངས་ཏེ་གུས་འདུད་ལྷུར་བླངས་། རྗེ་གཙང་པ་རྒྱ་རས་ཀྱི་སྐུ་ཚིགས་ལས་བྱུང་བའི་ཁྱད་འཕགས་བཅུ་གསུམ་སོགས་རྟེན་རྣམས་གཟིགས། སྣ་དཀར་རྩེ་འབྲོག་ཁྲི་དཔོན་གྱིས་གདན་དྲངས་ཞབས་ཏོག་བསྙེན་བཀུར་ཡང་དག་པ་མཛད། དཔལ་སྡེ་བ་གཞི་ཀར་ཕེབས། དེའི་ཐང་ལ་རྗེ་དྲུང་ཀརྨ་

― GLG008_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡབ་སྲས་བཞུགས་འདུག་པ་དང་། མཇལ་འཛོམ་གྱི་བཅས་གཞི་ཤར། ཁོང་དཔོན་སློབ། སྣེའུ་གདོང་གོང་མ་དང་ཡང་མཇལ་འཛོམ་ལམ་ངན་པར་ཧ་གྱེས་བྱུང་བའི་ལོ་རྒྱུས་འདུག་པ་ལྟར། ཕྱག་དང་གདན་སོགས་ལ་རྩེག་པོ་ཡོད་ཚོད་དུ་གདའ། ཐམས་ཅད་མཁྱེན་པ་ནི། འབྲོམ་ཆོས་ཀྱི་རྒྱལ་པོའི་རྣམ་ཐར་བཞིན་ཁེ་དང་རྒྱལ་ཁ་གཞན་ལ་བསྐུར་བ་ཞིག་ཡིན་པར་འདུག་ཀྱང་། ཕྱག་མཛོད་དཔལ་ལྡན་རྒྱ་མཚོ་དང་། སྐུ་མདུན་ཆོས་བཟང་འཕྲིན་ལས་གཉིས་ཀྱིས་སྐོར་གཡང་བྱས་པས། སྒར་གྱི་ཕྱག་མཛོད་པས་བཀུར་གཟོས་འདི་ལས་ཆེ་བ་གཞན་ལ་བྱེད་མྱོང་ཞེས་མནའ་བསྐྱལ་ཟེར། དེ་ཡང་རྗེ་བསོད་ནམས་རྒྱ་མཚོ་དེ་ཐུགས་དག་སྣང་བ་ཆེ་བས། བླ་མ་སུ་འདྲ་ཞིག་དང་མཇལ་ནའང་རྩོད་པ་མི་མཛད་ཅིང་། ལྷག་ཏུ་བོད་དཔོན་སློབ་འཇིག་རྟེན་གྱི་སྒྲོབ་ཆེ་བ་ནས། ཐུགས་བཞད་དང་བསྟུན་ནས་ཕྱག་འབུལ་བ་དང་ཕྱག་དབང་ཞུ་བ་གནང་འདུག །དཔལ་ལྡན་དམག་ཟོར་མ་སོགས་ཀྱི་ཆོ་འཕྲུལ་ལ་བརྟེན། སྒར་དུ་སེར་བ་ཆེན་པོ་བབ་སྟེ་ཁོང་དཔོན་སློབ་ཐུགས་རྟོག་ཟོས་པ་བྱུང་ཞེས་གླེང་། གང་ལྟར་ནའང་འགྲོ་མགོན་ཆོས་རྒྱལ་འཕགས་པ་ལྟ་བུའི་རྒྱལ་བའི་སྲས་པོ་ཡང་། བོད་ཆོལ་ཁ་གསུམ་ལ་དབང་སྒྱུར་ཏེ་མི་ཆེན་གྱི་ཚུགས་ཀ་འཛིན་པ། གང་ཟག་འདི་འདྲའི་རིགས་ཚོ་འདུལ་བ་ལ་དགོངས་པར་འདུག་གོ །ཨེ་མ་ཀུན་གསལ་བུ་མོའི་འགྲམ་པ་ནས། །རབ་དཀར་ཆ་ཤས་རྫོགས་པའི་ཟླ་བ་གང་། ཤར་ཚེ་ཕྱོགས་བྲལ་ཀུ་མུད་མ་ལུས་པ། །རྒྱས་པར་བྱེད་པ་དངོས་པོའི་ཆོས་ཉིད་ལྟར། །ལྷོ་རྒྱུད་གཉལ་དང་ལྷོ་བྲག་གཡས་རུ་གཙང་། །ནོར་འཛིན་ལྟོ་བར་གནས་པའི་གདུལ་བྱ་ཀུན། །ཐར་པའི་གམ་དུ་འཕྲིན་པའི་འཕྲིན་ལས་འདི། །ཀུན་མཁྱེན་རྒྱལ་བའི་མཛད་པ་གཉིས་པར་བྱས། །བདག་ལས་གཞན་གཅེས་རྒྱལ་སྲས་རྣམ་པར་ཐར། །རླབས་ཆེན་སྤྱོད་པའི།

― GLG008_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

གདུགས་དཀར་སྲིད་པའི་རྩེར། །འཁོར་ཚེ་དྲེགས་ལྡན་འགྲོ་བའི་འདྲེན་པ་རྣམས། །མཐོན་པོའི་བྲག་རིར་འབྱུང་པོའི་བྱ་བཞིན་གནས། །བསོད་ནམས་ཞི་འགྱུར་རྗེ་བཙུན་བླ་མ་གང་། །བསོད་ནམས་སྤེལ་ཕྱིར་ཕྱོགས་བྲམ་གཤེགས་པའི་ཚེ། །བསོད་ནམས་དབྱིག་འཛིན་ལྟོ་བར་མི་ཤོང་ཞེས། །བསོད་ནམས་ཅན་གྱི་ལྷ་རྣམས་ཅ་ཅོ་སྒྲོག །དེ་ནས་རྒྱལ་ཁབ་ཆེན་པོ་གོང་རི་དཀར་པོར་ལྷ་གཟིགས་མིའི་དབང་པོ་ངག་དབང་གྲགས་པས་བསྙེན་བཀུར། ཚེ་དབང་ཚེ་ཁྲིད་སོགས་བཞེད་པའི་ཆོས་རྣམས་ཕུལ། གོང་མ་ཆེན་པོ་འདི་ནི་ཐུགས་དད་ཤིན་ཏུ་ཆེ་བས། ཐུགས་དམ་གསུང་ཆོག་གི་གྲལ་དབུར་ཕེབས་པའི་ཚེ། བརྒྱུད་མཆོད་གནང་དུས། རྗེ་བསོད་ནམས་རྒྱ་མཚོའི་མཚན་བྱུང་བའི་ཚེ། ཞབས་པུས་གཉིས་བཙུགས་ཏེ་ནང་མཆོད་འཐོར་བར་མཛད་སྐད། དཔལ་ལྡན་ལྷ་མོ་དམག་ཟོར་མའི་ལོ་གསར་གཏོར་ཆེན་གྱི་ཕྱག་ལན་འཛུགས་པར་བཀས་བསྐུལ་ཞིང་། ལྷ་མོའི་སྐུ་འདྲ་ཞིག་འབུལ་བ་གནངབ་ད་ལྟ་གོང་དཀར་གྱི་གཟིམས་ཆུང་མགོན་ཁང་ན་ཡོད། དེ་ནས་ཆུ་ཤུལ། ཁོལ་མ། གྱེ་རེ་ལྷ་པ། ལྗང་པ་སོགས་ཀྱིས་རིམ་གྱིས་བསྙེན་བཀུར་ནས་གདོང་དཀར་དུ་ཕེབས། དཔལ་ལྡན་མིའི་དབང་པོར་བཞེད་པའི་ཆོས་རྣམས་ཕུལ། དེ་ནས་དཔལ་ལྡན་འབྲས་སྤུངས་ཆོས་ཀྱི་སྡེ་ཆེན་པོར་ཕེབས་ཏེ་གསོལ་བ་ཕུག་སྒོ་ནས་ཞུ་བ་སོགས་སྐུ་མཚམས་དམ་དུ་མཛད། ཆོས་སྐྱོང་གི་བསྙེན་སྒྲུབ་དུ་མ་དང་། ཁྱད་པར་ལྷ་མོ་འོད་ཆེན་འབར་མའི་བསྙེན་སྒྲུབ་མཛད་པས། ཨ་ཙ་ར་མི་སྙེང་ཁྱེར་ནས་གར་བྱེད་པ་དང་མཚན་མོ་གཟིམས་ཆུང་གི་སྒོ་རྡུང་བ། བམ་བསྐྱུར་བ་ལྟ་བུའི་སྡིག་སྒྲ། སྒྲ་བགེགས་ཀྱི་མགོ་བོ་གཟིམས་ཆུང་གི་ཁྱམས་སུ་དངོས་སུ་བསྐྱུར་བ་སོགས་ཆོ་འཕྲུལ་མཐའ་ཡས་པ་བྱུང་། དེ་ནས་དགའ་ལྡན་དུ་ཕེབས། མཁན་པོ་རིན་པོ་ཆེའི་སྐུ་གདུང་ཞུགས་ལ་ཕུལ་བས། དབུ་ཐོད་

― GLG008_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དྲི་བཟང་གི་ཆུས་བཀྲུས་པས། རིང་བསྲེལ་སྔོན་པོ་ཤིན་ཏུ་འཚེར་བ་ཞིག་བྱུང་། ཞག་ཤས་སོང་བ་ན་གདུང་རུས་ལ་རྣམ་བཅུ་དབང་ལྡན་བོད་ཡིག་གི་རྣམ་པ་ཅན་དུ་བྱོན། གདུང་ཐལ་རྣམས་ལ་གཞན་གྱིས་ཇི་ཙམ་བཙན་ཡང་མ་རྙེད་པ་ལ། རྗེ་ཉིད་ཀྱིས་ཕྱག་ཏུ་བླངས་ཤིང་གཟིགས་པ་ཙམ་གྱིས་རིང་བསྲེལ་གྲངས་མེད་འཕེལ་བར། བྱང་རྩེ་བ་ཕྱོགས་ནས། འདི་འདྲ་རྗེ་ཐམས་ཅད་མཁྱེན་པའི་ཐུགས་རྗེ་མ་གཏོགས་ཆོས་རྗེ་བདེ་བ་ཅན་པ་ལ་བྱུང་བ་མིན་པ་འདུག་ཅེས་ཀུན་སློང་གི་གཏམ་སྨྲས། མར་ལམ་ཤ་ར་ཧོར་དུ་ཞག་བཞུགས་མཛད་ནས་བྲག་དཀར་དུ་ཕེབས། སྡེ་པ་ཁུ་དབོན་ལ་ཚེ་དབང་སོགས་སྩལ། བདེ་ཆེན་རྩེར་ཞག་ཉི་ཤུ་རྩ་ལྔ་ཙམ་བཞུགས། སྐུ་རིམ་ལ་ཞི་དྲག་གི་སྦྱིན་སྲེག་དང་། རྩམ་ཁལ་དྲུག་ཅུ་ཙམ་ལ་བཞེངས་པ་ཞལ་གྱི་མཆོད་གཏོར་ཕྱི་ནང་གསང་བའི་རྟེན་རྫས་སྤྱན་གཟིགས་སོགས་རྒྱས་པར་མཛད་པས་གཏོར་མ་ལས་བདུད་རྩི་འབབ་པ་སོགས་བཀྲ་ལེགས། བོད་ཡུལ་གྱི་རྡོ་རྗེ་གདན་ར་ས་འཕྲུལ་སྣང་གི་གཙུག་ལག་ཁང་མཇལ་ཏེ་མཆོད་བསྟོད་སྨོན་ལམ་གནང་། རིམ་གྱིས་འབྲས་སྤུངས་སུ་ཕེབས། ལམ་རིམ་གྱི་ཁྲིད་དང་། ས་སྐྱོང་བཀྲ་ཤིས་རབ་བརྟན་གྱིས་བསྐུལ་ནས་ཀུ་རུ་ཀུལྤེ་དང་ཚོགས་བདག་གི་མངོན་རྟོགས་ཐུགས་རྩོམ་གནང་། ཚོགས་སུ་བཀའ་གདམས་གླེགས་བམ་ཆ་ལག་དང་བཅས་པ་དང་། གཟིམས་ཆུང་དུ་སློབ་དཔོན་རྣམ་པས་ཐོག་དྲངས་པ་ལ་རྗེས་གནང་ལུང་ཁྲིད་མང་དུ་རྩལ།རབ་མྱོས་ཞེས་པ་ལྕགས་རྟའི་ལོ་གསར་དང་སྨོན་ལམ་གྲུབ་ནས་སེ་ར་ཐེག་ཆེན་གླིང་དུ་ཕེབས། ཚོགས་ཆེན་དུ་རྗེ་གོང་མའི་གསུང་འབུམ་གྱི་ལུང་དང་གཟིམས་ཆུང་དུ་བྱེས་པ་སློབ་དཔོན་ཆེན་པོ་བས་ཐོག་དྲངས་པ་ལ། དཔེ་ཆོས་རིན་ཅེན་སྤུངས་པ་གསུངས། དབོ་ཟླའི་ཚེས་བརྒྱད་ལ་དཔལ་མགོན་ཞལ་གྱི་གཏོར་ཆེན་རྟེན་

― GLG008_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

འདོགས་དང་བཅས་པ་རྒྱས་པར་གནང་། དེ་ནས་རྒྱལ་དུ་ཆིབས་ཁ་སྒྱུར། མཚར་ཆེན་གྱི་ཞལ་སློབ་རིན་པོ་ཆེ་བོད་མཁར་བའི་གསུང་ལས། དུས་གསུམ་སངས་རྒྱས་ཐམས་ཅད་ཀྱི། །འཕྲིན་ལས་ངོ་བོ་གཅིག་བསྡུས་པ། །འཛམ་གླིང་ཡོངས་ལ་གྲགས་པ་ཡི། །རྗེ་བཙུན་མཚར་པའི་ཞབས་ལ་འདུད། །ཕ་ཁྱེད་ཀྱིས་བྱིན་གྱིས་བརླབས་པ་ཡི། །བུ་ཡི་ཐ་ཆུང་མེ་ཏྲི་ང་། །ཁ་བ་ཅན་ལྗོངས་སྒོམ་ཀྱི་ལྷ། །སྤྱན་རས་གཟིགས་མགོན་འབྲོམ་སྟོན་གྱི། །སྤྲུལ་པ་བསོད་ནམས་རྒྱ་མཚོ་ལས། །གནས་མཆོག་རྒྱལ་ལ་ཤོག་ཅེས་གསུངས། །ཞེས་པ་ལྟར། རྒྱལ་དུ་འབྱོན་དགོས་པའི་བཀའ་ཤོག་ཕེབས་པ་བཞིན། ཁོང་དཔོན་སློབ་ཀྱང་བདེ་ཆེན་ནས་ཕྱགས་ཕྱིར་འབྱོར། མལ་གྲོ་བརྒྱུད། རྒྱལ་དུ་ཕེབས། དགའ་ཚལ་གྱི་མཆོད་ཁང་དཀར་པོ་སྔར་ནས་ཡོད་བཞིན་པ་ལ་ཕྱག་མཛོད་དཔལ་ལྡན་རྒྱ་མཚོས་ཁུར་བླངས་ནས་དེ་ཝཱི་ཀོ་ཊི་དང་། སྡེ་པ་ལྕང་རྭ་བ་བསོད་ནམས་ལྷུན་གྲུབ་ཀྱིས་དོ་དམ་བྱས་ནས་བསིལ་བ་ཚལ་གྱི་མགོན་ཁང་གི་མཁར་ལས་མཛད། དེ་གྲུབ་པ་དང་མགོན་ཁང་བསིལ་བ་ཚལ་དུ། རིན་པོ་ཆེ་བོད་མཁར་བས་ཞལ་བཀོད་གནང་སྟེ། སྙན་བརྒྱུད་ཀྱི་ཕྱག་ལེན་ལྟར་གུར་ཞལ་གྱི་སྐུ་བཞེང་བ་དང་། ཕྱི་ནང་གསང་བའི་རྟེན་འཛུགས་མཚར་ལུགས་ལྟར་མཛད། ས་སྐྱའི་གུ་ཤྲཱིའི་བླ་མཚོ་ནས་རྒྱུན་བསྲེས་པའི་བླ་མཚོ་གསར་དུ་བསྐྲུན། གཏོར་མ་རྣམས་རིན་པོ་ཆེ་རང་གིས་ཕྱག་བཟོ་མཛད་འདུག་པ་ད་ལྟ་ཡང་མཆིས། གཟིམས་ཁང་དབུས་མའི་ཤོད་དུ་སྐུ་ཞང་རིན་པོ་ཆེ་ཀུན་བཟང་རྩེ་བས་ཞལ་བཀོད་དང་ཕྱག་ལེན་མཛད་དེ། ཁྱབ་འཇུག་དང་གཟའ་གདོང་དམར་ནག་གི་བྲིས་འབུར་གྱི་སྐུ་བརྙན་དང་། རྟེན་མདོས། གཞན་ཡང་རྡོ་རྗེ་ལེགས་པ་དང་པེ་དཀར། བེག་ཙེ་ལྕམ་དྲལ་གྱི་སྐུ་གཟུགས་དང་རྟེན་མཁར་གྱི་རིམ་པ་རྣམས་བཞེངས། སྟེང་དུ་

― GLG008_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་ཉིད་ཀྱིས་ཞལ་བཀོད་གནང་སྟེ། འཇིགས་བྱེད། མགོན་པོ་ཕྱག་བཞི་དྲུག །གུར་ཞལ། འདོད་ཁམས་དབང་ཕྱུག །རྣམ་སྲས། ལས་གཤིན། །བེག་ཙེ། མ་ནིང་། ལེགས་ལྡན། །ཞང་འོན། དུར་ཁྲོད་བདག་པོ། རྣམ་སྲས་མདུང་དམར་ཅན། ཙ་རི་ཞིང་སྐྱོང་སོགས་ཆོས་སྐྱོང་སྤྱིའི་མགོན་ཁང་དང་། དེ་ཝཱི་ཀོ་ཊིར་དཔལ་ལྡན་ལྷ་མོའི་སྐུ་བརྙན་སོགས་བཞེངས་ཏེ། དམ་ཚིག་པ་ལ་ཡེ་ཤེས་པ་དངོས་སུ་བསྟིམས། མགོན་ཁང་རྒྱལ་མཐིལ་ལས་ཀྱང་འདི་ཉིད་གཉན་པར་གྲགས་ཤིང་། སྤྱིར་ཡང་གནས་འདི་ཉིད་དམ་ཅན་སྲུང་མ་ངང་གིས་འདུ་བའི་སྟབས་ཀྱིས། ཐམས་ཅད་མཁྱེན་པ་དགེ་འདུན་རྒྱ་མཚོའི་དུས། འབྲི་ཀོང་གི་དམག་བྱུང་བ་རྣམས་གཏོར་ཟོར་འཕངས་པ་ཙམ་གྱིས་ཐལ་བར་སོང་བ་ནས་བཟུང་། ཞོ་ཁ་བས་ལག་འཇོག་བྱས་པ་སོགས་སྔར་ཕན་ཞིང་བཅུའི་དགྲ་བོ་བྱུང་ཚད་ལ་ལོ་མ་འགྱངས་པར་རྟགས་མཚན་མངོན་དུ་གྱུར་སོང་བ་ནི། རི་མཐིལ་གྱི་མགོན་ཁང་གཉིས་ཀ །རྒྱུ་མཚན་མེད་པའི་ལྡེར་བཟོ་གོག་པོ་ལ་རྩི་བཏང་བ་ཙམ་མ་ཡིན་པའི། རྡོ་རྗེ་འཆང་ནས་རྩ་བའི་བླ་མའི་བར་བྱུང་བའི་ཕྱག་ལེན་བཞིན་བསྟན་པར་མཛད་པ་དང་། རྗེ་འདི་ཉིད་བླ་ཆེན་དུ་མིང་བཏགས་པའི་འཇིག་རྟེན་ཁོ་ནས་གཞན་མགོ་བསྐོར་བ་ཚོ་དང་མི་འདྲ་བར། མངོན་སྤྱོད་དྲག་པོའི་ལས་ལ་ནང་བྱན་ཆུད་ངེས་ཀྱི་རྟགས་སུ་གོ་ཞིང་། སླད་མར་ཡང་སྲོག་ལ་འཐེབ་མེད་པ་རྣམས་ཕྱོགས་དེ་ལ་འཛེམ་རིགས་པར་མངོན་ནོ། །རྟ་མགྲིན་གསང་སྒྲུབ་ཀྱི་ལས་བྱང་། ལྷ་མོ་དུས་མཚན་མའི་གཏོར་ཆོག །ཞལ་གདོང་གཉན་ཅན་གྱི་བསྒྲལ་ལས། གཟའ་གདོང་དམར་ནག་གི་འཕྲིན་ལས་མགོན་དཀར་གྱི་སྒྲུབ་ཐབས། བརྟན་བཞུགས་རྒྱལ་བ་ཀུན་དངོས་མ་ཐུགས་རྩོམ་གནང་། དེ་སྐབས་སྔར་མཚར་ཆེན་ལ་གསན་པས་སྙན་བརྒྱུད་ཀྱི་འཕྲོ་གང་ཡོད་རྣམས་དབང་ལུང་

― GLG008_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་ལེན་དང་བཅས་པ་ཕལ་ཆེར། རིན་པོ་ཆེ་བོད་མཁར་བ་ལ་རྫོགས་པར་གསན། མགོན་ཁང་ཤོད་དུ་དཔལ་མགོན་གྱི་སྐུ་བརྙན་ཞིག་བཞེངས་པ་གྲུབ་བསྟུན། ནང་དུ་གདན་འདྲེན་རྒྱུ་ལ་སྐུ་ཚད་ཆེས་ཏེ་སྒོ་ལ་མ་ཐར་བས། དེ་ཉིད་ཆོས་སྐྱོང་གི་སྤྱན་འདྲེན་གདངས་དབྱངས་རྔ་ཆིངས་དང་བཅས་པ་ཞིག་གནང་སྟེ། ནུབ་མོ་མགོན་ཁང་གི་སྒོ་མ་བཅད་པར་བཞག་པས། སང་ཞོགས་ནང་དུ་རང་བྱོན་གྱིས་ཕེབས་ཟིན་འདུག་པས། ཀུན་ཡ་མཚན་པར་གྱུར། སྔར་སྤྱན་གཡས་རབ་འབྱམས་པ་ལེགས་བཤད་རྒྱལ་མཚན་ངམ་རིངས་སུ་གྲལ་སྐོར་ལ་ཕྱིན་སྐབས། འཕྲལ་རྐྱེན་ཞིག་ལ་བརྟེན་ནས། སྔགས་འཆང་རྟ་ནག་སྒྲོལ་མ་བའི་སློབ་མ་བྱས་ཏེ། ལོ་བཅུ་གཉིས་གྱི་རིང་ས་འོག་ཏུ་གཤིན་རྗེ་བསྒྲུབས། འཆི་བདག་ཞལ་དབྱེ་བར་གྲགས་པ་དེ་གཙང་དུ་ཕེབས་དུས་འབུལ་བའི་ཁས་ལེན་ཞུས་འདུག་པ་ལྟར། འདི་སྐབས་ཁོ་རང་ངོས་ཀྱིས་འབུལ་བ་ལ་འབྱོར་ཏེ་ཕུལ་ཚོགས་སུ་སྤྱི་ཆོས་དང་། རབ་བྱུང་བསྙེན་རྫོགས་སོགས་ཀྱིས་གདུལ་བྱའི་རེ་བ་བསྐང་། དེ་ནས་ཉང་ལོང་རྣམས་ཀྱིས་གདན་དྲངས་ཏེ། དྭགས་པོ་གྲྭ་ཚང་དང་མངའ་རིས་གྲྭ་ཚང་གཉིས་ཕྱགས་ཕྱིར་ཁྲིད། དགེ་འདུན་སྒང་། རི་ཁ། སང་སིང་། བཀྲ་ཤིས་ཆོས་ལུང་། ཕ་ལུ་གནམ་ཚལ་རྣམས་སུ་རིམ་གྱིས་ཕབས་ཏེ། སྐྱ་སེར་གྱི་ཁྲོམ་ལ་བཀའ་གདམས་གླེགས་བམ། སྙིང་པོ་དོན་གསུམ། བླ་མའི་རྣལ་འབྱོར་དང་། རབ་བྱུང་བསྙེན་རྫོགས་བརྒྱ་ཕྲག་བརྒལ་བ་གནང་། རྒྱ་ནང་ཕུར་སློབ་དཔོན་ཆེན་པོའི་སྒྲུབ་གནས་བྲག་དཀར་ལྷ་ཆུ་མཇལ་བར་ཕེབས་པས་བྲག་ལ་ཕྱག་རྗེས་གསལ་བར་བྱུང་། སློབ་དཔོན་ཆེན་པོས་བྱིན་གྱིས་བརླབས་པའི་མཚན་མ་ཁྱད་པར་ཅན་གཟིགས། རིམ་གྱིས་ཆོས་འཁོར་རྒྱལ་འརྒྱུད། འོལ་ཁ་རྩེར་ཕེབས། སྐྱེས་བདག་ཅེས་པ་ལྕགས་

― GLG008_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

ལུག་གི་ལོ་གསར་གཏོར་ཆེན་སོགས་རྒྱས་པར་མཛད། དཔལ་ལྡན་ལྷ་མོའི་བསྐང་གསོ་དང་། བོད་རྒྱལ་པོའི་འགུར་ལྷ་འོ་དེ་གུང་རྒྱལ་དངོས་སུ་འོངས་ཏེ་འཕྲིན་ལས་བསྒྲུབ་པར་ཁས་བླངས། བསྟོད་པ་ཞིག་ཐུགས་རྩོམ་མཛད། སྡེ་པ་ཡབ་སྲས་དང་། མཐོང་ཆག་མཁར་གསུམ་སོགས་མངའ་ཞབས་ནས་ཀྱང་བསྙེན་བཀུར་མཐའ་ཡས་པ་བསྟབ། རིམ་གྱིས་བསམ་ཡས་སུ་གནས་མཇལ་དང་། བསྟན་སྲུང་གནོད་སྦྱིན་ཆེན་པོ་ལ་འཕྲིན་ལས་བཅོལ། གསེར་ལ་བརྒྱུད། འབྲས་སྤུངས་སུ་ཕེབས། ཚོགས་ཆེན་ལ་བཀའ་གདམས་ཐོར་བུ་གསུངས། གོང་དཀར་དུ་མིའི་དབང་ཕྱུག་གིས་སྤྱན་དྲངས་ཏེ་ཕེབས། ཨཾ་གི་ར་ཞེས་པ་ཆུ་སྤྲེལ་ལོ་གསར་གྱི་དུས་རིམ་ཆེན་མོའི་རྩ་འཆམས་དྲུག་འཆམས་སོགས་ཀྱི་གཟིགས་འབུལ་དང་། དགའ་སྟོན་ཕུན་སུམ་ཚོགས་པ་ཞུས། ཆོ་འཕྲུལ་གྱི་མཆོད་པ་ལྷ་ལྡན་དུ་ཕེབས། དེ་ནས་རེ་ཞིག་འབྲས་སྤུངས་སུ་བཞུགས། གུར་ལྷ་བརྒྱད་ཀྱི་བསྐང་གསོ་ཐུགས་རྩོམ་གནང་། ས་སྐྱོང་བཀྲ་ཤིས་རབ་བརྟན་གྱིས་སྤྱན་དྲངས་ཏེ། བྲག་དཀར་དུ་ཕེབས་མགོན་པོ་ཞལ་གྱི་བསྙེན་པ་གནང་བའི་མཚན་ལྟས་བྱུང་བ་ཕྱག་བྲིས་སུ་བཀོད་པ་འདི་ལྟར། །རྗེ་ཕུལ་བྱུང་མ་ཏིའི་གཅེས་ཕྲུག་པ། །དབྱིངས་ནམ་མཁའི་རྣལ་འབྱོར་ལྷུར་ལེན་པས། །ཉིང་འཁྲུལ་ལ་བདེན་སྙམ་མི་སེམས་ཏེ། །ངོ་མཚར་གྱི་རྨི་ཉམས་འདི་འདྲ་ཤར། །ལོ་ཨཾ་གི་ར་ཡི་ནག་ཟླ་ལ། །དཀར་ཕྱོགས་ཀྱི་རྒྱལ་བ་དང་པོའི་ཚེས། །གྲོང་ལྟ་ན་སྡུག་མཚུངས་བྲག་དཀར་གྱི། དཔལ་རིན་ཆེན་རྩེགས་པའི་གཞས་ཡས་སུ། །མགོན་ཙ་ཏུར་མུ་ཁེའི་བསྙེན་པའི་ཚེ། །མུ་མེན་གྱི་ལྗོན་པ་རུས་སྦལ་དབྱིངས། ཁ་སྦྱོར་བ་བདེ་ཆེན་གྱི་རོས་མཆོད་དེ། །ཡེ་གདོད་མའི་མགོན་ལ་ཞལ་མཇལ་ཞུས། །སླར་བྱུ་རུའི་སྡོང་པོ་ཏི་ལ་ཀས། །བདེ་ཆེན་གྱི་ནཱ་ད་སྤྱན་དྲངས་ཏེ། །སྤྲུལ་པས་ཞིང་བཅུའི་

― GLG008_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱོག་འགྲོ་བཅོམ། ཁྱད་པར་དགའ་བའི་རང་ཞལ་མཐོང་། །སླར་མར་གད་ས་ལེ་སྦྲམ་མཛེས་དག །མགོན་རིན་འབྱུང་དོན་གྲུབ་གཉིས་སྤངས་མར། །ལྷན་སྐྱེས་བདེ་སྐྱོང་གི་འཁོར་ལོ་སྡོམ། །བརྗོད་བྲལ་གྱི་ཞལ་བཟང་དེ་འདྲ་མཐོང་། །ང་བཞད་པའི་རྡོ་རྗེར་ཡིད་རྟོན་པའི། །རྗེས་འཇུག་གི་སྐལ་ལྡན་ཁྱེད་རྣམས་ཀྱང་། །རྗེ་རྒྱལ་བ་གཉིས་པའི་ཐུགས་བཅུད་ཀྱི། །དྲང་ངེས་ཀྱི་མགོན་ལ་ཞལ་མཇལ་མཛད། །ཡང་དེ་ནས་དགའ་བ་གཉིས་པའི་ཚེ། །ཁོང་ནཱ་གར་པའི་གྲོང་ཁྱེར་བས། དཔལ་རང་བྱུང་ཧེ་རུ་ཀ་མཆོད་ཚེ། །མཚན་ལྡན་ལྷ་ཡི་མཛེས་མ་ཟུང་། །ཡུམ་ཤེར་ཕྱིན་དང་དབྱངས་ཅན་སྲོག་མོ་དང་། །གཡུང་མོ་དང་ཙ་མུན་ཊི་སོགས་ཀྱིས། །དོན་ངང་ཚུལ་གསལ་བར་བསྟན་ནས་སོང་། །མིང་ཙམ་གྱི་བཏགས་ཡོད་ཆོས་རྣམས་ནི། །མ་བཏགས་པའི་སྣང་བ་བཀྲ་ལགས་ཀྱང་། །ང་བཞད་པའི་རྡོ་རྗེས་བལྟས་ཙ་ན། ཁོང་རྫུན་ཚང་རིག་པས་ཆིག་དགོད་ཤོར། ཚུལ་འདི་ལྟའི་ཡ་མཚན་ལྟས་མོ་ཆེ། །ལྷ་བླ་མའི་དྲིན་ལས་བདག་གིས་མཐོང་། །མ་འགྲོ་དྲུག་ཉམ་ཐག་འདི་རྣམས་ཀྱང་། །ཡ་མཚན་གྱི་ལྟད་མོ་འདི་མཐོང་ཤོག །ཅེས་སོ། །དེ་ཡང་ཉིན་ཞག་གཅིག་ལ་ཐུགས་དམ་སྤྲོས་བཅས་སྤྲོས་མེད་ཀྱི་རིམ་པ་གནང་བ་ནི། ཐོག་མར་ཁྲུས་དང་ཉེ་རེག་གནས་བསྲུང་བ། སྐྱབས་འགྲོ། ཕྱག་མཆོད། ལམ་རིམ་གྱི་ཁྲིད། སྒྲ་མི་སྙན་པ་དང་མགོན་པོ་ཆེ་ཆུང་གི་ཚེ་སྒྲུབ། ལྷ་བཞི་དྲིལ་སྒྲུབ་ཀྱི་དབང་། སྙིང་ཞུགས་འཕོ་བ་དང་བཅས་པ། འཇམ་ནག །འཇམ་དབྱངས། བླ་མའི་རྣལ་འབྱོར། སེམས་བསྐྱེད། བསམ་གཏན་ཉལ་ཆོག །བདེ་མཆོག་ལུས་དཀྱིལ། རྩ་སྔགས་བརྒྱ་རྩ། སྙིང་པོ་ཉེ་སྙིང་སུམ་བརྒྱ། མི་འཁྲུགས་པ། དེའི་གཟུངས་སྔགས་བརྒྱ་རྩ། བཀའ་གདམས་ལྷ་བཞིའི་སྒོམ་བཟླས། སྔགས་བརྒྱ་རྩ། བསྟོད་ཚོགས་དང་སྨོན་ལམ་སྐོར་འགའ་

― GLG008_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག །ཚེ་དཔག་མེད་ཀྱི་བསྐྱེད་རྫོགས། ཚེ་ཁྲིད། སྒྲོལ་དཀར། འཇམ་དབྱངས། དབྱངས་ཅན་དཀར་དམར། མཁའ་སྤྱོད་མ་རྣམས་ཀྱི་བཟླས་བསྙེན། བདེ་མཆོག་གདན་བཞིའི་བསྙེན་པ་སུམ་བརྒྱ། སྔགས་རིང་ཉེར་གཅིག །རྡོ་རྗེ་ཤུགས་སྔགས་ཉེར་གཅིག །ཟིལ་གནོན་སྐུ་གསུང་ཐུགས་སྔགས་བརྒྱ་རྩ། ཨྱཻ་རིང་ཉེར་གཅིག །འཇམ་སྡུད་བཟང་གསུམ་ལྗགས་ཀློག །རྟ་མགྲིན་དམར་ནག །གུ་རུ་ཞི་དྲག་གི་སྒོམ་བཟླས། མ་གཅིག་གི་གཅོད་དམིགས། བློ་སྦྱོང་ལྟ་ཁྲིད། སྤྱན་རས་གཟིགས་དང་ཕྱག་རྡོར་གྱི་སྒོམ་བཟླས། འཇིགས་བྱེད་ཀྱི་སྔགས་བརྒྱ་རྩ། ཞི་ཁྲོ་སྦྲགས་བསྒྲུབ། ཨེ་ས་བྷྱོ་བཟློག །དུས་གསང་འཇིགས་གསུམ། བདེ་དགྱེས། ཚེ་ཕུར་དྲག་གསུམ། ཡང་གསང་། ཕྱག་བཞི་དྲུག །མགོན་དཀར། ཆོས་རྒྱལ། དམག་ཟོར་མ། གུར་ཞལ། ལས་མཁན་དང་བཅས་པ། རྣམ་སྲས་དམར་སེར། དུད་སོལ། དུས་མཚན། བེང་མ་ནིང་། བཞི་སྦྲགས། དཀར་པོ་བརྒྱད་ཅུ། སྒྲོལ་མ་བཅུ་གཉིས། དུ་ཁྲི། སྟག་ཞོན། པེ་དཀར། གཟའ། རྡོར་ལེགས། ཞིང་སྐྱོང་། སྙོན་ཁ། གཟའ་གདོང་དམར་ནག །རཱ་ཧུ་ལ། ཞལ་བྲམ་གཟུགས། དམར་པོ་སྐོར་གསུམ། ཛཾ་ལ་རིགས་གསུམ། གཞི་བདག་དང་བཅས་པའི་གཏོར་བསྔོ། །ཐུན་བཞིར་སྐྱབས་སེམས། རྐང་བརྒྱད་ཀྱི་བསྟོད་པ། རྩ་བའི་ལྷའི་གཏོར་བསྔོ། །ལྟུང་བ་བསྔོ་གྲངས་། སྟོབས་བཞི། སྤྱི་བཤགས། ཕྱིར་བཅོས། ཁྱུང་ཁྲ་ནག །འོད་ཟེར་ཅན། རྨེ་བརྩེགས་ཡབ་ཡུམ། ལོ་མ་ཅན། སེང་གདོང་། མཻ་ཏྲི་ལུགས་ཀྱི་ཚེ་གཟུངས། རྣམ་རྒྱལ་འཇོམས། དེ་བཞིན་གཤེགས་པའི་ཡིག་བརྒྱ་གང་འགྲོ། ཆ་གསུམ། ཟ་བྱེད་མཁའ་འགྲོའི་སྦྱིན་སྲེག །ནཱ་རོ་ནི་གུའི་ཁྲིད། བྲག་རྫོང་དང་མགོན་པོ་གཉིས་ཀྱི་གསང་ཁྲིད། ཕྱག་དྲུག་པའི་ཁྲིད། མཁའ་སྤྱོད་མའི་ཁྲིད། གཞན་ཡང་གཤིན་རྗེའི་

― GLG008_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མ། ཆུ་གཏོར། དུ་རིང་མ། ཞལ་བཞི་པ་རིགས་བཞིའི་གཏེར་བསྔོ། གྲུའི་བུམ་སྲུང་། ཚེ་དཔག་མེད་མཚན་རྒྱ་རྩ་ལྷ་དགུའི་གཟུངས། ཛ་ཀིའི་གདམས་པ་འགའ་ཞིག །ཕྱག་འཚལ་ཉེར་གཅིག །བདུད་ཚར་གཅོད་པའི་སྔགས་རྣམས་ཡིན་ཞེས་གསུང་དངོས་ལས་སྩལ་པ་དག་བསྡུས་ཏེ་བྲིས་པའོ། །སྡེ་པ་འོལ་ཁ་བས་ཆེད་གཉེར་གྱིས་གདན་འདྲེན་པ་མངགས་པ་ལྟར་བྱང་ཁ་བརྒྱུད་གདན་ས་ཐེལ་ཀུན་བཟང་ནགས་ཁྲོད་ཀྱི་གནས་གཟིགས་ཞིབ་པར་གནང་། བདུད་རྩིའི་ཆུ་རྒྱུན་བསྐམས་པ་གློ་བུར་དུ་གསོས། སྤྱན་སྔ་གྲགས་པ་འབྱུང་གནས་གསུམ་པ་དང་མཇལ། དེ་ནས་འོལ་ཁ་རྩེར་ཕེབས། ས་སྐྱོང་ཨ་མོ་གྷ་རྣམ་རྒྱལ་རྡོ་རྗེ་བསྙེན་པར་རྫོགས་པའི་མཁན་པོ་མཛད་དེ་མཚན་དོན་ཡོད་རྒྱ་མཚན་བཏགས། རྫིང་ཕྱིའི་མཁན་ཐོག་ཏུ་བསྐོས་པ་ལ་གནང་སྦྱིན་དང་ཕྱག་ནས་གཏོར། སྡེ་པ་ཕུན་ཚོགས་རབ་བརྟན་གྱིས་ཐེལ་གྱི་མཆོད་གཞིས་བསྡམས་པ་ལ། སྤྱན་སྔ་གྲགས་འབྱུང་བས་དྲག་ལས་མཛད་པས། ནུབ་གཅིག་སྐུ་གཞོགས་སུ་ཡང་དཀོན་ཆོས་རྗེས་ཧར་ལངས་བྱས་པར་ཅི་བྱུང་དྲི་བ་གནང་བས། མི་ནག་པོ་གྲི་ཐོད་བཟུང་བ་ཤིན་ཏུ་ཆེ་བ་ཞིག་གིས་ཚོམས་ཆེན་སྟེང་དུ་སྒུལ་བསྐྱོད་བྱས་པས་བྲག་ཐམས་ཅད་ཞིག་འགྲོ་བ་ལྟ་བུ་བྱུང་ཞུས་པར། ང་ལ་ཡང་དེ་མཚུངས་ཤིག་བྱུང་། སྡེ་པ་ལ་ལེགས་པོ་ཡོང་མདོག་མི་ཁ་བ་འདུག་པས། རེ་ཞིག་རྒྱལ་ལ་འགྲོ་གསུངས་ཕེབས། དེ་བར་དུ་སྡེ་པ་ཕུན་ཚོགས་པ་རྦབ་ལ་ཤོར་ཏེ་གྲོངས། སྡེ་པའི་དགོངས་རྫོགས་ཀྱི་གྲལ་དབུར་གདན་དྲངས་ཏེ་ཕེབས། ཐེལ་གྱི་མཐུ་བཟློག་ཅིག་ཞུས་པར། ཞལ་གྱི་གཏོར་ཟོར་གནང་བས། དེར་རྡོ་གྲུ་གསུམ་དུ་གས། སྤྱན་སྔ་ཡང་མི་རིང་བར་གཤེགས། རིམ་གྱིས་གོང་དཀར་དུ་ཕེབས། དཔལ་གདོང་ཞེས་པ་ཆུ་བྱའི་ལོ་གསར་གྱི་

― GLG008_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་སྟོན་རྒྱས་པར་གནང་། རྫིང་ཕྱི་མཁན་པོ་དོན་ཡོད་རྒྱ་མཚོ་དང་། དཔོན་སློབ་གཉིས་དགོངས་པ་མཐུན་པར། གོང་དཀར་ནས་ཞབས་དྲུང་ངག་དབང་བཀའ་བརྒྱུད་རྣམ་པར་རྒྱལ་བའི་ལྷ། འོལ་ཁའི་ཐུགས་ཁུར་བཞེས་པར་གདན་འདྲེན་རྩིས་ཀྱི་བཀའ་གྲོས་ནང་བཅར་གནང་སྟེ། སྨོན་ལམ་ཆེན་མོའི་གྲལ་དབུར་ཕེབས། འགྲོ་བ་རྣམས་སྨིན་གྲོལ་ལ་བཀོད་དེ་ཞག་ཤས་འབྲས་སྤུངས་སུ་བཞུགས་ངོས། འོལ་ཁའི་ཐུགས་བྲེལ་གྱི་སྟབས་ནས། གོང་དཀར་དུ་ཆིབས་ཁ་བསྒྱུར། དེ་ནས་རོང་ཆད་དཀར་གྱི་བར་ཉིན་ལམ་གཅིག་ལ་བཅད་དེ་འོལ་ཁར་ཕེབས་ཀྱང་། དཔོན་ས་དཀར་པོ་ནས་དང་། རྫིང་ཕྱིའི་ཆེ་བགྲེས་རྣམས་ཀྱིས་སྡེ་པ་ཡུལ་འཁོར་བ་གདན་དྲངས་ལ་བྱོན་ཟིན་པས་སྟབས་ཅུང་ཟད་མ་འགྲིག །དགོངས་པར་མ་ལྡན་ཏེ་རྒྱལ་དུ་ཕེབས། སྡེ་པ་ཡུལ་འཁོར་ནས་ཀྱིས་བཤགས་པ་ཙམ་ཞིག་ཕུལ་ན་འོང་རྒྱུར་འདུག་ཀྱང་། མ་མཛད་པས་དེ་ཕྱོགས་ནས་རྒྱལ་དུ་མི་ཡང་དུས། གནམ་ཅུང་ཟད་འཚུབ་པ་ཞིག་འདུག །སླར་མལ་གྲོ་བརྒྱུད། ཚལ་ཟུར་ཁང་དུ་སྨྲ་བའི་དབང་ཕྱུག་བཀྲ་ཤིས་རབ་བརྟན་གྱིས་ཞག་འགར་བསྙེན་བཀུར། འབྲས་སྤུངས་སུ་ཕེབས། ཕྱོགས་བྲལ་གྱི་གདུལ་བྱ་ལ་འདོད་ཆོས་དང་། རབ་བྱུང་བསྙེན་རྫོགས་སོགས་མང་དུ་གནང་། དངོས་པོ་ཞེས་པ་ཤིང་ཁྱིའི་ལོ་གསར་དང་སྨོན་ལམ་ཆེན་མོ་སོགས་གྲུབ་ནས་འབྲས་སྤུངས་སུ་ཕེབས། མཆོག་དམན་ཡོངས་ལ་ཆོས་ཀྱི་འཁོར་ལོ་བསྐོར་བཞིན་པར་བཞུགས་སོ། །ཐུགས་རྗེའི་མ་ལ་ཡ་རླུང་གིས་བསྐྱོད་པ། །ལེགས་བྱས་ཚར་དུ་དངར་བའི་དྲི་བསུང་ཅན། །བསིལ་ལྡན་ལྗོངས་ཀུན་འགེངས་པའི་རྣམ་ཐར་གྱིས། །ལག་འགྲོའི་སྙིང་པོ་ཁེངས་པ་བཏང་སྟེ་འདར། །གནམ་ལྕགས་ཐོག་མདས་ཆ་ཙམ་གཞལ་མིན་པའི། །རིག་སྔགས་གྲུབ་པའི་མཐུ་སྟོབས་ཆེན་པོ་ཡིས། །ཞིང་བཅུའི་

― GLG008_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་སྡེ་མ་ལུས་ཚར་བཅད་ཚེ། །པད་གནུབས་རྭ་གཉན་རྣམ་ཐར་གཅིག་ཏུ་བྱས། །གཞན་ཕན་ལྷག་བསམ་ཁབ་ལེན་རྡོས། །ཕྱོགས་བྲལ་གདུལ་བྱའི་ལྕགས་ཕྱེ་ཀུན། །མ་ལུས་གཅིག་ཏུ་བསྡུ་བ་འདི། །པད་དཀར་འཛིན་པའི་ངང་ཚུལ་ཡིན། །དེ་ཡང་པཎ་ཆེན་དགེ་འདུན་གྲུབ་ཀྱིས། འགོག་རིར་གནས་བརྟན་བཅུ་དྲུག་ཞལ་གཟིགས་པའི་ཚེ། གཙང་གི་བརྒྱགས་ལྷག་ཁམས་སུ་འཁྱེར་བའི་ལུང་བསྟན་དང་། འགྲོ་མགོན་ཆོས་རྒྱལ་འཕགས་པ་ལ་སེ་ཆེན་རྒྱལ་པོས། ཐོག་མར་བོད་ཁྲི་སྐོར་བཅུ་གསུམ། བར་པ་ལ་བོད་ཆོལ་ཁ་གསུམ། ཐ་མ་ལ་རྒྱའི་མི་ཡུར་ཆེན་མོ་བཅད་པ་དང་། སངས་རྒྱས་ཀྱི་འཕེལ་གདུང་གིས་ཐོག་དྲངས་པའི་ཟང་ཟིང་གི་དངོས་པོ་སྟེ། འབུལ་ཆེན་གསུམ་བྱས་པའི་ཐ་མ་ལ། གོས་ཡུག་ནག་པོ་བདུན། དེའི་རྗེས་སུ་དཀར་པོ་གཅིག་ཕུལ་བས། བླ་མའི་ཞལ་ནས། ངེད་རང་གཉིས་སྐྱེ་བ་བདུན་ཅུ་རིང་མི་འཕྲད། དེ་ནས་ཁྱོད་རྒྱལ་པོ་གསེར་གྱི་མིང་ཅན་དང་། ངེད་ཆུ་ལས་བྱས་པའི་མིང་ཅན་དུ་གྱུར་ཚེ་མཇལ་ནས་འགྲོ་དོན་རྒྱ་ཆེན་པོ་བྱེད་གསུངས་པའི་སྔོན་གྱི་ཡིག་ཚང་ཁུངས་མ་མང་པོར་ཡོད་ཅེས་རྣམ་ཐར་གྱི་ཡི་གེ་འགའ་ཞིག་ཏུ་གསལ་ལ། དེ་ཡང་སྤྲུལ་སྐུ་འཕྲེང་ཁ་བས་མཛད་པའི་རྣམ་ཐར་དུ་རྗེ་བཙུན་ས་སྐྱ་པ་ཆེན་པོའི་རྣམ་འཕྲུལ་དུ་བཤད་ཅིང་ཞལ་གྱིས་ཀྱང་བཞེས་པ་ཡིན་པར་འདུག །འཕགས་པ་རིན་པོ་ཆེ་ནི་གླང་རི་ཐང་པ་དང་སེ་སྟོན་རི་པ་སོགས་ཀྱི་སྐུའི་སྐྱེ་བ་དང་། སྐུ་ཚེ་ཕྱི་མ་ཐམས་ཅད་མཁྱེན་པ་བསོད་ནམས་རྒྱལ་མཚན་སེ་ར་བྱམས་ཆེན་ཆོས་རྗེ་སོགས་སུ་འཁྲུངས་པའི་རིམ་པ་འདུག་པ་ནས། དངོས་བསྟན་དུ་མི་འགྲིག་པར་མཆིས་ནའང་། ཐུགས་བརྒྱུད་གཅིག་པ་ལ་ངེས་པ་མེད་དེ། ས་ཆེན། ཞང་འགྲོ་བའི་མགོན་པོ། མངའ་བདག་ཉང་སོགས་ཀྱང་དུས་མཚུངས་སུ་བྱུང་བས། སྐུ་ཚེ་

― GLG008_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ནས་གཅིག་ཏུ་བརྒྱུད་པའི་སྐྱེས་རབས་མ་ཡིན་ཀྱང་། ཟླ་བ་གཅིག་ལ་ཆུ་ཟླ་གྲངས་མེད་འབྱུང་བ་ལྟར། སྤྲུལ་པ་སྣ་ཚོགས་སུ་བསྟན་པ་དག་སོ་སོར་ཞལ་གྱིས་ཞེས་པ་ལྟར་རོ། །དེ་ཡང་སྔོན་ལྕགས་ལུག་གི་ནང་དུ་ཨལ་ཐན་རྒྱལ་པོ་ཆོས་ཀྱི་སྣང་བ་ཅུང་ཟད་སྐྱེས་ཏེ། ཕྱོགས་དེར་འཛོ་དགེ་ཨ་སེང་བླ་མ་ཞེས་བྱ་བ་ཞིག་འོངས་པ་ལ། དྲི་བ་བྱས་པར། རྗེ་འདི་ཉིད་ཀྱི་སྐུ་གསུང་ཐུགས་ཀྱི་རྣམ་པར་ཐར་པ་སོགས་ཞིབ་ཏུ་བཤད་པས། འཕྲོག་ཏུ་མེད་པའི་དད་པ་དབྱར་མཚོ་ལྟར་འཕེལ་ཏེ། བྱང་ཕྱོགས་ཀྱི་ས་ཆེན་པོར་ཕེབས་དགོས་པའི་སྙན་གསན་དུ། བློན་པོ་ན་གཙོ་བོས་ཐོག་དྲངས་གསེར་ཡིག་མངགས་པ་སྐུ་གཞོགས་སུ་འབྱོར། རྒྱལ་པོའི་ཞུ་ཡིག་དང་འབུལ་བ་རྒྱ་ཆེར་ཕུལ། དེ་དག་ལ་དམ་པའི་ཆོས་ཀྱི་བགོ་སྐལ་སྩལ། ཕྱོགས་དེའི་འཕྲིན་ལས་ཀྱིས་སྒོ་དུས་ལ་བབ་ཀྱང་། རེ་ཞིག་གསལ་ཁ་མ་གནང་བར་གོང་དཀར་དུ་ཕེབས། སྦྱིན་བདག་གྲྭ་རིགས་སོགས་ནས་སྐུ་དངོས་ཀྱིས་ཕེབས་པ་ལ་འགབ་མི་འགབ་ཀྱི་གླེང་བརྗོད་མང་དུ་བྱུང་ཡང་། གཙོ་བོར་ལྷ་གཟིགས་མིའི་དབང་པོ་ངག་དབང་གྲགས་པས། མཐའ་འཁོབ་ཀྱི་རྒྱལ་པོ་དེའི་རེ་བ་བསྐང་བ་འགབ་ཚུལ་གྱི་སྙན་འབུལ་ཞུས་པ་ལྟར་བཀའ་གྲོས་ཐུགས་ཐག་བཅད་ནས་འབྲས་སྤུངས་སུ་ཕེབས། མཆོད་ཡོན་མཚོ་ཁར་ངོས་མཇལ་གནང་བའི་གང་ཅིའི་ཞིབ་ཆ་དང་། རེ་ཞིག་བླ་མཆོད་དུ་འདུལ་བ་སློབ་དཔོན་བརྩོན་འགྲུས་བཟང་པོ་རྫོང་སྟ་མཛད། བུམ་ཆུ་གནང་བ་རྒྱལ་པོས་ཐོག་དྲངས་པའི་མི་ཁྲི་ཕྲག་གིས་བཏུངས་ཀྱང་ཟད་མི་ཤེས་པའི་རྫུ་འཕྲུལ་ངོ་མཚར་ཅན་བསྟན། ཨལ་ཐན་ཆོས་ཀྱི་རྒྱལ་པོའི་སྐུ་ཚེ་བསྲིང་ཐབས་སུ་སྐུ་གཞོགས་གྲྭ་ཚང་ཕན་བདེ་ལེགས་བཤད་གླིང་པར་གཙུག་ཏོར་རྣམ་པར་རྒྱལ་མ་བཙུགས། དེ་ནས་བཟུང་སྟེ་རྣམ་པར་རྒྱལ་བའི་ཕན་བདེ་ལེགས་

― GLG008_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་གླིང་ཞེས་གྲགས། ན་ཚོད་ལྡན་ཞེས་པ་ཤིང་ཕག་གི་ལོ་གསར་དང་སྨོན་ལམ་རྣམས་གྲུབ་ནས་འབྲས་སྤུངས་སུ་བཞུགས་སྐབས། སྡེ་པ་རིན་སྤུངས་པས་གཙང་རོང་གི་དམག་ཁྲི་ཕྲག་ཏུ་ཉེ་བ་བཏེག་ནས། སྟོད་ལུང་སྒལ་པོ་ན་གར་སྒར་ཕབས། སྒལ་བྱང་སྨོན་གསུམ་སོགས་བཅོམ། རིམ་གྱིས་སྐྱིད་ཤོད་དུ་འོངས་ནས། གཙང་ཆེན་དོན་ཡོད་རྡོ་རྗེ་ལྟ་བུའི་ཕྱོགས་ལས་རྣམ་པར་རྒྱལ་བ་ཞིག་བྱེད་རྩིས་ལ། རྗེ་ཉིད་ཀྱི་ཕྱག་གཡོག་མཐུ་སྟོབས་ཀྱི་དབང་ཕྱུག་རིག་སྔགས་འཆང་བའི་འཁོར་ལོས་སྒྱུར་བ་སྐུ་ཞབས་ཀུན་བཟང་རྩེ་པས་མཛད་དེ་ལས་སྦྱོར་གནང་བས། སྒར་དུ་ཐོག་འཁྱུག་སོགས་བྱུང་བས། མི་ཐུབ་ཀྱང་ལྷ་མི་ཐུབ་པར་བསམ་སྟེ་ཕྱིར་བཟློག་ག །ཚུལ་འདི་ནི་ཐུགས་རྩེ་ཆོས་སྐྱོང་སྲུང་མ་ལ་གཏད་ནས་ཞིང་བཅུའི་དགྲ་བགེགས་སྒྲོལ་བའི་མཛད་པ་འདུག་ལ་ངོས་ལྐོག་དུ་མ་ནས་དུས་འཁྲུག་གཡོ་བའི་གྱ་གྱུའི་སྣང་ཚུལ་ཅན་གྱི་དམ་པར་རློམ་པ་རྣམས་དང་འདྲ་བ་ནི་མིན་ནོ། །དེ་ནས་སྡེ་པ་རྒྱ་རི་བས་གདན་དྲངས་ཏེ་གསེར་ལ་བརྒྱུད། ཆད་དཀར་དང་། རི་སྒོར་ཕེབས། ཕྱོགས་དེར་འཁོད་པའི་སྐྱེ་བོ་མཐའ་དག་ལ་ཐར་པ་དང་ཐམས་ཅད་མཁྱེན་པའི་ས་བོན་ཡང་དག་པར་བསྐྲུན། ཡར་ཀླུངས་སུ་སྡེ་གཟར་ཚན་ཆེ་བ་ཞིག་ལངས་ཏེ། ཆོས་རྗེ་ཞྭ་དམར་ནག་དང་། ཡར་ཀླུངས་བཙན་ཐང་དུ་ཞལ་རྒྱས་ཐོག །ཆིངས་བསྡམས་ཏེ་དུས་གཟིངས་རྣམས་ཞི་བར་མཛད། ཞྭ་ནག་གི་མཇལ་ཁ་དགོས་ཕེབས་པར། རྗེ་དབང་ཕྱུག་རྡོ་རྗེས། ངེད་ཀྱི་ཞྭ་ཁྲོམ་དང་བརྒྱ་འབུལ་མེད་པར་མཇལ་ཁ་གཏོང་སྲོལ་མེད་ཀྱང་། སྤྲུལ་སྐུ་རིན་པོ་ཆེས་ཕེབས་སྒོ་གནང་ཕྱིན་ལོས་འབུལ། ཞྭ་སྒམ་ཁྱེར་ཤོག་གསུངས། ཐོག་མར་ཀརྨ་པས་བཞེས། རྗེ་འདིས་གཟིམས་ཆུང་གི་བརྒྱ་འབུལ་མཛོད་གསུངས་གསེར་ཞོ་བརྒྱ་ཕུལ། དེ་ནས་དབུ་ཞྭ་རྗེ་

― GLG008_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

འདིའི་ཕྱག་ཏུ་ཕུལ་བས། བདག་གིས་གྱོན་ན་གང་འདྲ་འོངས་གསུངས། ཞྭ་ནག་དབུའི་ཐད་ཀྱི་བར་སྣང་ལ་བཞག་པས། ཀརྨ་པ་དཔོན་སློབ་མི་ཕྱེད་པའི་དད་པ་ཐོབ་ཟེར། འདི་ལྟར་ན་ཞྭ་ནག་དེ་མཁའ་འགྲོ་མའི་སྐྲ་ལ་བཟོས་ཟེར་བ་ཡང་མི་བདེན་པའི་ངེས་པ་མི་འདུག་གོ །སྣེའུ་གདོང་རྩེར་ཞབས་དྲུང་ནོར་བུ་གླིང་དཀར་གྱིས་གུས་མཆོད་མཛད་ཅིང་། བཀའ་ཆོས་འབུལ་བ་གནང་། འཕྱོང་རྒྱས་སུ་ཞབས་དྲུང་མི་དབང་སྐུ་མཆེད་ཀྱིས་གདན་དྲངས ཆོས་དང་ཟང་ཟིང་གི་དགའ་སྟོན་རྒྱ་ཆེར་སྩལ་ཏེ། ཉང་པོ་གྲུ་བརྒྱུད་འབྲས་སྤུངས་སུ་ཕེབས། འཛིན་བྱེད་ཅེས་པ་མེ་བྱིའི་ལོ་གསར་དང་སྨོན་ལམ་གྲུབ་ནས། མལ་གྲོ་བརྒྱུད་རྒྱལ་དུ་ཕེབས། སྤྱི་ཆོས་དང་སྒོས་ཆོས་མང་དུ་གསུངས། །མགོན་ཁང་རྣམས་སུ་བསྐང་གསོ་གཏོར་གསོས་བསྙེན་སྒྲུབ་འཕྲིན་ལས་འཆོལ་བ་གནང་། ལྕང་ར། གྲུམ་མདའ། ཨོར། བང་རིམ་སོགས་དྭགས་ཀོང་ཉང་ལོང་གི་སྐྱ་སེར་མང་པོ་མཇལ་བར་ལྷགས། ཆོས་དང་ཟང་ཟིང་གི་སྦྱིན་པ་རྒྱ་ཆེར་སྩལ། རིམ་གྱིས་འོལ་ཁ་དང་རོང་ཆད་དཀར་དུ་ཕེབས། སྡེ་པས་ཐོག་དྲངས་པའི་སྐྱེ་བོ་ཀུན་ལ་འདོད་ཆོས་དང་ཟང་ཟིང་གིས་ཚིམ་པར་མཛད། སྣེའུ་གདོང་རྩེར་སྡེ་སྲིད་ཀྱིས་སྤྱན་དྲངས། ལུགས་ཟུང་གི་བཀའ་མཆིད་མང་དུ་གནང་། འཕྱོང་རྒྱས་བརྒྱུད། གོང་དཀར་དུ་ཕེབས། ཟླ་ཤས་བཞུགས། ལུགས་གཉིས་ཀྱི་སྙན་སྒྲོན་སོགས་ཞིབ་པར་ཕན་ཚུན་དུ་འབུལ་རེས་མཛད་ནས་འབྲས་སྤུངས་སུ་ཕེབས། དབང་ཕྱུག་ཅེས་པ་མེ་གླང་གི་ལོ་གསར་དང་། ཆོས་སྐྱོང་མཆོད་པའི་ཆོ་ག་རྒྱས་པར་མཛད། ར་ས་འཕྲུལ་སྣང་དུ་ཆོ་འཕྲུལ་གྱི་མཆོད་པ་རྒྱ་ཆེན་པོ་སྤེལ། དེ་ནས་འབྲས་སྤུངས་སུ་ཕེབས། ཕན་བདེ་ལེགས་བཤད་གླིང་པ་རྣམས་ལ་སླར་ཡང་བཅའ་ཡིག་གནང་། སྡེ་པ་རྒྱ་རི་བས་

― GLG008_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

གདན་དྲངས་ནས་རི་སྒོར་ཕེབས། མཆོག་དམན་མཐའ་དག་དགེ་བའི་ལམ་ལ་བཀོད། འདིའི་སྐབས། ཁོ་བོའི་བླ་མ་རྡོ་རྗེ་འཆང་ཆེན་པོ་ཕ་བོང་ཁ་པ་དཔལ་འབྱོར་ལྷུན་གྲུབ་དེ་ཉིད་ཀྱིས་ཀྱང་རབ་ཏུ་བྱུང་བ་གནང་། རྗེ་དེ་ལ་ཐུགས་རྗེ་ཆེན་པོ་ཉེ་བརྒྱུད་དང་འདོད་ཁམས་དབང་ཕྱུག་མའི་རྗེས་གནང་ཐུན་མོང་མ་ཡིན་པ། དཔལ་ལྷ་མོའི་རྗེས་གནང་ཉེ་བརྒྱུད། ཚེ་དབང་ཉེ་བརྒྱུད་སོགས་ཐུན་མོང་མ་ཡིན་པའི་ཟབ་ཆོས་དུ་མ་དགྱེས་བཞིན་དུ་སྩལ། དེ་དུས་གྲྭ་རྐྱང་ལས་སྤྲོས་པའི་མིང་ཆེ་བ་ཞིག་མི་འདུག་ཀྱང་། ཕྱིས་སུ་བསྟན་པ་སྤྱི་སྒོས་མཐའ་དག་གི་སྲོག་ཤིང་དམ་པར་འགྱུར་པ་དང་། ཁྱད་པར་རྗེ་ཉིད་ཀྱི་ཐུན་མོང་མ་ཡིན་པའི་ཟབ་ཆོས་རྣམས་གཅམ་བུ་ཙམ་མིན་པར་འཕྲུལ་མེད་ཀྱི་ཆོས་རྒྱུན་འཛིན་ངེས་པར་དགོངས་ཏེ། དོན་གྱི་བསྟན་པ་གཏད་པར་གོར་མ་ཆག་གོ །ཚུར་ལམ་རྒྱལ་དང་འོལ་ཁར་ཕེབས། དཔལ་ལྡན་ལྷ་མོས་བསྟོད་ཅིང་འཕྲིན་ལས་གཅོལ་བ་དངོས་གྲུབ་རྒྱ་མཚོ་དང་། གུར་གྱི་གཏོར་འབུལ་ཐུགས་རྩོམ་གནང་། སླར་འབྲས་སྤུངས་སུ་ཕེབས་ཐོག་ཨལ་ཐན་རྒྱལ་པོས་ཁོང་རང་མཚོ་ཁ་ཕྱོགས་སུ་འབྱོར་རྩིས་སོགས་གནས་ཚུལ་འབུལ་བ་དང་། གདན་འདྲེན་པ་སྐྱར་མ་སླེབས། ལྷ་ལྡན་སྤྲུལ་པའི་གཙུག་ལག་ཁང་དུ་སྨོན་ལམ་སྔ་བསྣུར་གནང་། སྐུ་མདུན་ཆོས་མཛད་པ་ཆོས་བཟང་འཕྲིན་ལས་ཀྱིས་དོ་དམ་མཛད་དེ། ནས་ཀྱི་ཕུང་པོ་རྡོ་རིང་དང་མཉམ་པ་སྤུངས་ནས། ནས་འགྱེད་བཏང་། སླར་འབྲས་སྤུངས་སུ་ཕེབས། གཞི་བྱེས་ཀྱི་བསླབ་སྟོན་གྲབས་ཡུལ་སོགས་གནང་། ཧོར་ཟླ་བཅུ་གཅིག་པའི་ཉེར་དྲུག་ལ་འབྲས་སྤུངས་ནས་ཆིབས་ཁ་བསྒྱུར། རྟེན་འབྲེལ་གྱི་སྟབས་ནས་དཔལ་འབྱོར་ལྷུན་པོར་བཞུགས་སྒར་བསྒྲིགས། སྐུ་ཞང་རིན་པོ་ཆེ་གདན་འདྲེན་དུ་ཕེབས་ནས། ཛྷཻ་ཀྵིཾ་ལས་གྲུབ་པའི་དབང་གི་སྲས་

― GLG008_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་ཚེ་ཆུ་དང་ལྷན་དུ་གཏེར་ནས་བྱོན་པའི་ཁྱད་འཕགས། འུག་བྱ་ལུང་ནས་ཀུན་བཟང་རྩེར་འབྱོར་བའི་པདྨ་ཀཱི་ལ་ཡ་དེ་ཕྱག་ཏུ་ཕུལ་བས་འཕྲིན་ལས་ཀྱི་རྟེན་འབྲེལ་དང་། ལྕགས་ཀྱི་བསྙེན་ཕུར་ཐང་ཅིག་དོར་བ། ར་རྫིས་རྙེད་དེ་ཕུར་རྩེ་གཏད་ནས་ར་ལུག་རྣམས་བརྩིས་པས་སྣ་ཁྲག་ཕྲུལ་ལེ་ཤི་བའི་ཁྱད་ཅན་དེ་ཡང་མགུལ་ཕུར་དུ་ཕུལ་བས། བདུད་སྡེའི་གཡུལ་ལས་རྒྱལ་བའི་རྟེན་འབྲེལ་འགྲིག །དེ་ནས་དགའ་ལྡན་ཁང་གསར་དུ་ཕེབས། དྲག་པོའི་ཆས་སུ་ཞུགས་ཏེ་སྦྱིན་སྲེག་བླུག །ས་སྐྱོང་བཀྲ་ཤིས་རབ་བརྟན་ཉིད་ཀྱིས་རིན་ཅེན་རྒྱན་ཆ་སྤྲད། སྤོས་ཕོར་དང་བཅས་ཏེ། འོང་སྟོད་ཞིང་ཁར་གདན་དྲངས། ཁྲོམ་ཁྲི་ཕྲག་ལ་ཚེ་དབང་གནང་། ལྷ་ས་དང་ར་མོ་ཆེའི་མཆོད་ཁང་རྣམས་མཇལ་ནས་བསྟན་པ་རྒྱས་པ་དང་བཞེད་དོན་འགྲུབ་པའི་སྨོན་ལམ་མཛད། ཚལ་ཟུར་ཁང་དུ་ཕེབས། ཚལ་གུང་གི་རྟེན་མཇལ་དང་། ཡེ་ཤེས་ཀྱི་མགོན་པོ་ལ་འཕྲིན་ལས་བཅོལ། བདེ་ཆེན་དང་བྲག་དཀར་རྣམས་བརྒྱུད། གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་དུ་ཕེབས། དངུལ་གདུང་རིན་པོ་ཆེ་མཇལ་ཞིང་སྨོན་ལམ་མཛད། རིམ་གྱིས་འཕན་ཡུལ་གཞུང་བརྒྱུད། བྱང་རྭ་སྒྲེང་རྒྱལ་བའི་དབེན་གནས་སུ་ཕེབས། བསྟན་པའི་ཆུ་མིག་རིང་མོ་གློ་བུར་དུ་རྒྱས། ཇོ་བོ་འཇམ་དཔལ་རྡོ་རྗེ་དང་ཇོ་བོའི་གདུང་རྟེན་གྱིས་གཙོས་པའི་རྟེན་རྣམས་མཇལ་ཞིང་སྨོན་ལམ་མཛད། མི་གཡོ་བའི་སྐུ་ཐང་ཞིག་སྐུ་དཔུང་གཡས་ཀྱི་སྟེང་དུ་བབ། སྐྱ་སེར་ཀྱི་ཁྲོམ་ཆེ་བ་ལ་སྙིང་པོ་དོན་གསུམ་གནང་། སྐུ་མདུན་ཆོས་མཛད་པས་གསོལ་འདེབས་ཤིག་ཞུས་པར། དཔལ་ཐུགས་རྗེའི་བདག་ཉིད་སྤྱན་རས་གཟིགས། །འབྲོམ་རྒྱལ་བའི་འབྱུང་གནས་བླ་མའི་ཞབས། །ལྷ་ཁྲིམས་ལྡན་ངུར་སྨྲིག་འཛིན་པའི་གཙོ། །རྗེ་མཐོང་བ་དོན་ལྡན་ལ་ཕྱག་འཚལ། དུས་སྙིགས་མའི་

― GLG008_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་བ་ཡོངས་ཀྱི་མགོན། །གཏན་སྐྱབས་ཀྱི་དམ་པ་སྤྲུལ་པའི་སྐུ། ཁྱེད་སྙིང་ནས་དྲན་པའི་གསོལ་འདེབས་ན། །ཚེ་འདི་དང་ཕྱི་མའི་གནས་སྐབས་སུ། །དོན་བསམ་པ་ཐམས་ཅད་འགྲུབ་པ་དང་། །རྐྱེན་ཕྱི་ནང་གི་བར་གཅོད་ཞི་བར་ཤོག །ཅེས་དང་། གཞན་ཡང་ལུགས་གཉིས་ཀྱི་བསླབ་བྱའི་ཞལ་གདམས་མང་དུ་གནང་ཞིང་ལྷག་པར་ཚིགས་སུ་བཅད་པ། དཔལ་མར་མེ་མཛད་དཔལ་ཡེ་ཤེས་ཞབས། །ཡབ་རྒྱལ་བའི་འབྱུང་གནས་སྐུ་མཆེད་གསུམ། །རྗེ་བློ་བཟང་རྒྱལ་བ་གཉིས་པ་ལ། །སྙིང་ཐག་པས་ཕྱག་འཚལ་བྱིན་གྱིས་རློབས། །མི་བདག་གི་རྗེས་འཇུག་དད་ཅན་ལ། །ཐུགས་བརྩེ་བས་རྗེས་སུ་འཛིན་དུ་གསོལ། ལར་རྙེད་དཀའི་དལ་འབྱོར་མི་ལུས་ཐོབ། །རྗེ་སངས་རྒྱས་བསྟན་དང་མཇལ་དུས་སུ། །རང་སྒོ་གསུམ་བླ་མའི་ཞབས་ཏོག་ལ། །སྙིང་རུས་པའི་ཁོང་ནས་བླངས་བྱས་པ། །དེ་དོན་ལྡན་ཡིན་པས་དཔེར་བྱེད་ན། །འབྲོམ་རྒྱལ་བའི་འབྱུང་གནས་ཡབ་སྲས་དང་། །རྗེ་མི་ལ་སོགས་ཀྱི་དོན་གཉིས་འགྲུབ། །ད་དུས་ཀྱི་དབང་གིས་དེ་བཞིན་དུ། །དཔེ་ཇི་ལྟར་བ་བཞིན་མ་འགྲུབ་ཀྱང་། །བཀའ་ཚུལ་བཞིན་བསྒྲུབ་པ་ལྷུར་བླངས་ན། །ཚེ་ཕྱི་མ་ཕན་ཆད་བདེ་བའི་ཐབས། །རྒྱུ་འབྲས་བུའི་རྟེན་འབྲེལ་བསླུ་མེད་ཕྱིར། །ལར་ཕན་དང་བདེ་བའི་གཞི་མ་སྟེ། །དོན་དེ་ལྟར་སེམས་ལ་བཞག་འཚལ་ལོ། །ངེད་སོག་པོའི་རྒྱལ་པོས་སྤྱན་དྲངས་ནས། །ཡུལ་མཐའ་འཁོབ་གནས་སུ་འགྲོ་ཤར་ཡང་། །དུས་མི་འགྱངས་བཞིན་དུ་འཁོར་བགྱིད་པས། །ད་བར་དུ་སེམས་ལ་བཞག་བྱ་ནི། །གནས་དཔལ་ལྡན་འབྲས་སྤུངས་ཆོས་ཀྱི་སྡེ། །གཞིས་དགའ་ལྡན་ཕོ་བྲང་འཁོར་བཅས་ཀྱི། །དོན་འཛིན་འབྲས་ལེ་བར་མ་ཤོར་ཞིང་། །རང་རྒྱུ་འབྲས་ཆོས་ལ་ཡིད་ཆེས་དང་། །ལས་དགེ་བའི་ཕྱོགས་ལ་འབད་ཀྱང་འཚལ། །དུས་

― GLG008_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིགས་མ་ལྔ་བདོའི་སེམས་ཅན་ལ། །ལས་གོམས་པའི་དབང་གིས་ཆགས་སྡང་མེས། རང་རྒྱུད་ཀྱི་བུད་ཤིང་སྲེག་པར་བྱེད། །དེ་སྣང་ཚུལ་བལྟས་ན་དོན་གྱིས་སྟོང་། །གཞི་ཆགས་སྡང་གི་རྟོག་པ་མགོ་སྙོམས་ལས། །དོན་ཁ་ཞེ་མེད་པར་བླ་མ་ཡི། །ཞབས་སྤྱི་བོའི་གཙུག་དུ་ལེན་པ་དང་། །སྐྱབས་དཀོན་ཅོག་གསུམ་ལ་བློ་ཕུགས་གཏོད། །རྗེ་མཚན་ལྡན་བླ་མས་བཀའ་བསྒོས་པའི། །ཆོས་སྐྱོང་བའི་སྲུང་མ་མཐུ་རྩལ་ཅན། །དུས་རྟག་ཏུ་གསོལ་ཞིང་མཆོད་པ་ལ། །ཡིད་ལེ་ལོར་མ་འཇོག་བརྩོན་པར་གྱིས། །དོན་དེ་ལྟར་ཡིད་ལ་ལེགས་བཞག་ནས། །ངག་གང་སྨྲས་བདེན་པར་བཟུང་བྱས་ན། དུས་འདི་ནས་མ་འོངས་ཚེ་རབས་སུ། །འབྲལ་མེད་ཀྱི་སྨོན་ལམ་སྙིང་ལ་འགྲོགས། །དཔལ་འཆི་མེད་ཀྱི་གོ་འཕང་ཐོབ་པའི་ཚེ། །ངག་ཐོག་མའི་བདུད་རྩིའི་སྦྱིན་པར་བྱ། །ཚུལ་འདི་ནི་དགེ་སློང་སྤོང་བ་པ། །མིང་བསོད་ནམས་རྒྱ་མཚོ་དཔལ་བཟང་པོས། །རྗེ་རྒྱལ་བ་རྣམས་ཀྱིས་བྱིན་རླབས་པའི། །གནས་རྭ་སྒྲེང་རྒྱལ་བའི་དབེན་གནས་སུ། །གཏམ་སྙན་པའི་ཚིག་འཕྲེང་ཡི་གེར་བཀོད། །དུས་མི་འགྱངས་མྱུར་དུ་འཕྲད་པས་ན། །ཡིད་གདུང་བ་དྲག་པོས་གསོལ་བ་ཐོབ། །འབྲལ་མེད་དུ་རྗེས་སུ་འཛིན་པས་དགེ །ཞེས་མ་འོངས་པ་ན་མངོན་པར་རྫོགས་པར་སངས་རྒྱས་པའི་ཚེ། འཁོར་གྱི་ཐོག་མར་སྐྱེ་བའི་ཞལ་བཞེས་གནང་། དེ་ནས་ཕེབས་སྐྱེལ་དུ་བྱོན་པའི་དགའ་ལྡན་ཁྲི་རིན་པོ་ཆེ་གདན་ཟུར། སེར་འབྲས་ཀྱི་སློབ་དཔོན་རིན་པོ་ཆེ་བོད་མཁར་བ། གཙང་པ་པཎ་ཆེན་རིག་པ་སེང་གེ །དབེན་པ་སངས་རྒྱས་ཡེ་ཤེས། སློབ་དཔོན་བཀྲས་རིན་པ། རྒྱལ་ནས་སྒར་པ་སློབ་དཔོན་ནམ་མཁའ་བྱམས་པ་སོགས་མདོར་ན། ཨེ་དྭགས། ཡར་ཀླུངས་ཕྱོགས་ཀྱི་མཁན་སློབ་མང་པོ། རྩེ་གོང་དཀར་གྱི་སྐུ་ཚབ། སྡེ་ཕྲན་མང་པོའི་ངོ་ཚབ་དང་། ས་སྐྱོང་བཀྲ་ཤིས་རབ་བརྟན་འཁོར་

― GLG008_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོག་སོགས་ཕལ་ཆེར་དེ་ཁ་ནས་ལོག་རྩིས་ཀྱིས་གསུང་གླེང་གནང་སྦྱིན་མཛད། རྭ་སྒྲེང་ནས་ཆིབས་ཐོག་ཏུ་འཁྱོན་ཐོག །ས་སྐྱོང་བཀྲ་ཤིས་པས་ཆིབས་ཡོབ་ལ་འཇུས་ནས། བསྟན་པའི་དཔལ་གྱུར་བླ་མའི་ཞབས་པད་བརྟན། །བསྟན་འཛིན་སྐྱེས་བུས་ས་སྟེང་ཡོངས་ལ་ཁྱབ། །ཅེས་ཚིག་རྐང་གཉིས་འཕྲལ་རྩོམ་མཛད་ཐོག །མཆི་མས་བརྣངས་ཏེ་གསུང་རྒྱུ་མ་བྱུང་བས། བསྟན་པའི་སྦྱིན་བདག་མངའ་ཐང་འབྱོར་བ་རྒྱས། བསྟན་པ་ཡུན་རིང་གནས་པའི་བཀྲ་ཤིས་ཤོག །ཅེས་ཆིབས་ཐོག་ནས་གནང་ངོ་། །རིམ་གྱིས་དཔོན་སློབ་རྣམས་འདམ་ཀོ་ཁྱིམ་དུ་ཕེབས། སྐུ་མདུན་ཆོས་མཛད་པར་ཛྷཻ་ཀྵི་ཾལས་གྲུབ་པའི་སྟོན་པའི་སྐུ་ཇོ་བོ་རིན་པོ་ཆེའི་བཟོ་ཕུད་དུ་གྲགས་པ་དེ་དང་གསེར་རྡོག་པོ་ཆེན་པོ་ཞིག་གནང་སྟེ། བསླབ་སྟོན་མང་དུ་མཛད། ཕྱིས་གསེར་དེ་ཕྱག་མཛོད་ས་སྐྱོང་བ་བསོད་ནམས་རབ་བརྟན་གྱིས། མེ་སྟག་ལོ་ལྷ་བཟོ་བ་སྤྲུལ་སྐུ་དགོས་སྐྱེས་ཀྱིས་བྱས་ཏེ་སངས་རྒྱས་སུམ་ཅུ་སོ་ལྔའི་གསེར་ཐང་བཞེངས་པའི་སྐུ་རྒྱུ་ལ་གཏོང་བ་མཛད། སྨན་ཐང་ནས་ལ་གཉན་མགོན་འཁོར་མང་གི་ཞལ་ཐང་གཟབས་བྲིས་བྱེད་རྒྱུའི་བསླབ་སྟོན་གནང་། ཐང་ཁ་བར་སྐབས་སུ་འཁྱར་བ་ད་ལྟ་དགའ་ལྡན་ཕོ་བྲང་གི་གཟིམས་ཆུང་མགོན་ཁང་ན་ཡོད །ལྷ་བཙུན་བསོད་ནམས་དཔལ་བཟང་། རིན་པོ་ཆེ་ཀུན་བཟང་རྩེ་པ་མ་ཆེན། སྐུ་མདུན་ཆོས་མཛད་པ། སྨན་ཐང་ནས་བློ་བཟང་པ་རྣམས་ཕྱིར་ལོག །ཧོར་སྟོད་པ་ལྷས་བསྲུངས་དང་། སྨད་པ་ཀརྨ་དཔལ་སོགས་ཕྱོགས་དེའི་འབྲོག་སྡེ་རྣམས་ཀྱིས་ཟང་ཟིང་གི་བསྙེན་བཀུར་བགྱིས་པ་རྣམས་རྫོགས་བྱང་དུ་བསྔོས། རིམ་གྱིས་ཕེབས་པ་ན་ཉིན་གཅིག་བདུད་ཀྱི་བར་དུ་གཅོད་པའི་རྣམ་པས། འབྲོང་གཡག་འཇིགས་སུ་རུང་བ་ཞིག་བཞུགས་སྒར་གྱི་དབུས་སུ་བརྒྱུགས་པ།

― GLG008_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིགས་སྣང་ལ་ཞལ་བྲམ་ཟེའི་གཟུགས་ཅན་རལ་གྲི་ཐོགས་པ་ཞིག་གིས་དེ་བསྒྲལ་བ་བྱུང་། དཔལ་མགོན་བྲམ་ཟེའི་གཟུགས་ཅན་ལ་མཆོད་གཏོར་འབུལ་བའི་རིམ་པ་ཐུགས་རྩོམ་མཛད། འབྲུ་མང་ཞེས་པ་ས་སྟག་གི་ལོ་གསར་རྒྱས་པར་གནང་སྟེ་ཕེབས་པ་ན། ལྷ་འདྲེའི་ཆོ་འཕྲུལ་གྱིས་འབྲི་ཆུ་གློ་བུར་དུ་འཁྲུགས་ཤིང་གཡོ་བས་ཕན་ཚུན་དུ་བགྲོད་དཀའ་པ་ལ། ཁྲོ་བོའི་ལྟ་སྟངས་དང་སྡིགས་མཛུབ་མཛད་པ་ཙམ་གྱིས་མི་ཕྱུགས་མཐའ་དག་བདེ་བར་བགྲོད་ཆོག་པ་བྱུང་། དགུན་དཔྱིད་ཀྱི་གྲང་བའི་ངད་ཐམས་ཅད་རིང་དུ་དོར་ཏེ། དབྱར་སྟོན་གྱི་མཚམས་ལྟ་བུའི་གྲང་དྲོ་སྙོམས་པའི་གྲུབ་པའི་མཚན་མ་བསྟན། རིམ་གྱིས་ཉིན་ལམ་དུ་མ་འདས་པ་ན། བྲག་རི་ཆེན་པོ་དུང་གི་དབྱིབས་སུ་འདྲ་བའི་ལོགས་ཤིག་ནས། ནོར་གཏེར་ལ་ཁྱད་དུ་འཕགས་པའི་དུང་དཀར་གཡས་འཁྱིལ་ཤིན་ཏུ་ཆེ་བ་སྙིམ་པ་ཁ་སྦྱར་ཙམ་ཞིག་གཏེར་ནས་བཞེས། སྙན་པའི་གྲགས་པས་ནོར་འཛིན་གྱི་ཁྱོན་ཐམས་ཅད་ཁྱབ་པའི་རྟེན་འབྲེལ་དུ་འདུག །ཇོ་བོ་སྒྱོགས་ཆེན་གདོང་ར་ཞེས་པའི་ལྷ་མཐུ་པོ་ཆེ་དེ། དེའི་སྲུང་མར་འདུག་པའི་སྟབས་ཀྱིས་ལུས་དངོས་སུ་བསྟན་ནས། མཐུན་རྫས་ཞུ་ཟེར་བ་བཞིན་གནང་སྟེ་དམ་ལ་བཏགས། ཉ་མཚོ་སྟོད་དུ་ཕེབས། དགོན་པས་གཙོས་པའི་སྐྱ་སེར་གྱི་ཁྲོམ་ཆེན་པོ་ཚོགས་ཏེ། གསེར་སྲང་སྟོང་ཕྲག་གསུམ་ཙམ་གྱིས་གཙོས་པའི་ཟང་ཟིང་གི་འབུལ་བ་རྒྱ་ཆེར་ཕུལ། བླ་མའི་རྣལ་འབྱོར། ཡི་གེ་དྲུག་པའི་བཟླས་ལུང་། རབ་བྱུང་བསྙེན་རྫོགས་སྟོང་ཕྲག་ཏུ་ཉེ་བ་སོགས་གནང་སྟེ་ཀུན་ཀྱང་ཐར་པའི་ལམ་ལ་བཀོད། བཞུགས་ཁྲིའི་རྒྱབ་ཡོལ་གྱི་རྡོ་ལ་ཐུགས་རྗེ་ཆེན་པོ་ཕྱག་བཞི་པའི་སྐུ་རང་བྱོན་དང་ཆིབས་པ་གཡང་འཛིན་གྱི་དབྱིབས་གསལ་བར་བྱུང་། དེ་ནས་རྨ་ཆུའི་འགྲམ་དུ་བཞུགས་སྒར་ཕེབས་པ་ན། ཚུར་མཐོང་གི་སྐྱེ་བོ་རྣམས། ཆུ་འདི་ཧ་ཅང་ཆེ་བས་རེ་ཞིག་སྒྲོལ་བར་མི་ནུས་སོ། །

― GLG008_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་སྨྲ་བ་ལ། སང་ནམ་ལངས་ཏེ་བལྟས་ཙ་ན་དོང་པུས་ནུབ་ཙམ་ལས་མི་འདུག་པས་ཐམས་ཅད་སྨྲ་མི་ཤེས་པའི་ཡ་མཚན་དུ་གྱུར། རིམ་གྱིས་ཕེབས་པས་བོད་འབྲོག་གིས་དབེན་པའི་ཐང་ཆེན་པོ་ཞིག་ཏུ། ཇུ་ཐིག་གི་ཐི་གུ་ག་ཤར་བརྒྱུས་པའི་རྟ་པ་བཞི་ཙམ་ཞིག །བག་ཚ་བ་དང་ཡ་ང་བ་མེད་པར་འོངས་ཏེ། མགྲོན་གཉེར་སོགས་མ་བརྒྱུད་པར། ངེད་ཚོའི་དབོན་པོ་མཇལ་བར་ཡོང་ཚུལ་སོགས་ཞུས་སོང་བས། བཀའ་བཞེས་གནང་ཞིང་། ཕྱག་མཛོད་པ་སོགས་དེར་འཁོད་ཕལ་ཆེ་བ་བློ་མ་རངས་པ་ཞིག་བྱུང་། ཚ་ཁད་གཅིག་ཕེབས་པ་ན། རྟ་པ་ཉིས་བརྒྱ་སྐོར་ཞིག་བྱུང་བའི་དབུས་ནས། གཙོ་བོ་བོན་ཞྭ་གྱོན་པ་ཞིག་གིས་རྟ་ལས་བབས་ཏེ། ཕྱག་བཙལ་ནས་ད་རིང་ངེད་ཀྱིས་བསྙེན་བཀུར་ཞུ་ཟེར། ཆུ་ཚོད་གཉིས་ཙམ་ཐེགས་པའི་སར། བཟའ་བཏུང་གི་བྱེ་བྲག་མང་པོ་སྟ་གོན་བྱས་འདུག་ཅིང་། བསྙེན་བཀུར་བསྟབ། སྒམ་གཉིས་སྒོ་ལྕགས་བཅུག་པ་ལྡེ་མིག་དང་བཅས་པའི་སྟེང་དུ། དར་དཀར་པོ་བཞག་པ་ཞིག་ཕུལ་ཏེ། སྤྱན་རས་གཟིགས་ཀྱི་རྗེས་གནང་ཞུས། དེ་ནི་རྨ་ཆེན་སྤོམ་ར་དངོས་སུ་བསུ་བ་ལ་འོངས་པར་འདུག་ཀྱང་། འགའ་ཞིག་ལ་ཅི་ཡིན་སྙམ་པའི་ཐེ་ཚོམ་དང་། ལ་ལར་རྣམ་པར་རྟོག་པ་ཙམ་ཡང་མ་བྱུང་། དམར་ནག་ཅེས་པའི་ཆུ་ཀླུང་ཆེན་པོའི་ངོགས་སུ། དགེར་རྒྱས་དཔོན་གྱིས་འོངས་ཏེ་བསྙེན་བཀུར་ཞུས། དེ་ཉིད་ལས་བསྒྲལ་ཏེ་ཉིན་ལམ་ཁ་ཤས་ན། ཨག་ཆེན་ཐང་ནས་སོག་པོ་མང་པོ་ལྷགས་ཏེ་རྔ་མོང་ལ་ཁལ་བཀལ་བའི་བཟའ་བ་དང་བཅའ་བའི་བྱེ་བྲག་དུ་མ་ཕུལ། བཞུགས་སྐར་གྱི་སྤྱད་པ་ཕལ་ཆེར་འགོ་མི་དང་བཅས་སོག་པོ་དེ་རྣམས་ཀྱིས་དྲངས་ཏེ་ཨག་ཆེན་ཐང་བརྒྱུད་ཕྱིར་བཏང་། དཔོན་སློབ་རྣམས་བར་ལམ་བདེ་བ་ཞིག་ལ་རིམ་གྱི་ཕེབས་པ་ན། རྨ་ཆེན་སྤོམ་རའི་བརྒྱུད་དུ་གྲགས་པའི་དཔོན་སངས་རྒྱས་སྐྱབས་གཡོག་

― GLG008_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་དང་གཞན་ཡང་སྐྱེ་བོའི་ཚོགས་དུ་མ་དག་བཅས་ཏེ་བསུ་བ་ལ་འོངས། དཔོན་གྱིས་ཡེ་ཤེས་ཀྱི་སྤྱན་དངོས་སུ་མཐོང་། གོང་དཀར་ནས་ཞབས་དྲུང་ངག་དབང་གྲགས་པས། ཀུན་བཟང་རྩེ་ནས་རིན་པོ་ཆེ་ཆོས་ཀྱི་དབང་ཕྱུག་གི་ཐུགས་སྲས་ལ། ཁྱེད་ཕྱགས་ཕྱིར་བཅར་པས་ཞོར་ལ་འགྲོ་བ་འདུག་གསུངས་ནས་སྤོམ་རའི་གསོལ་ཆས། དར་ཆེན་སོགས་བསྐུར་བ་འབུལ་བ་ལ་བླ་རི་དེའི་རྩེར་ཆེད་གཉེར་གྱིས་ཕེབས། དེ་ནུབ་བཞུགས་སྒར་དུ་སེར་དྲག་ཆེན་པོ་བབ་པར། གཟིམས་གུར་ཅུང་ཟད་ཙམ་ཡང་མ་སྦངས་ལ། གཞན་རྣམས་སྦངས་པ། ཁྱད་པར་ཕྱག་མཛོད་ཀྱི་སྐོར་སྦངས་ཆེ་བ་བྱུང་བས། ཅི་ཡིན་ཞུས་པར། ཁ་སང་སྤོམ་ར་ངོས་ཀྱི་བྱུང་དུས། བརྙས་ཆོས་བྱས་པའི་གདབ་ལན་ཡིན་པར་འདུག་གསུང་། ཉིན་ལམ་ཁ་ཤས་བགྲོད་པའི་སར། ནུབ་ཅིག །ལྗོན་པའི་རྒྱལ་པོ་རྟ་མགོ་ཅན་བྱུང་སྟེ། བསུ་བ་ལ་འོངས་པ་ཡིན་ཞེས་གུས་འདུད་བྱས། དེ་ནས་ཉིན་ལམ་གཉིས་ཙམ་འདས་པ་ན། ནུབ་ཅིག །སོག་པོའི་ལྷ་འདྲེ་རྔ་མོང་རྟ་བྱི་ལ་སོགས་ཀྱི་མགོ་བརྙན་ཅན་མང་པོ་ཞིག་ཆོས་སྐྱོང་བེག་ཙེས་ཁྲིད་ནས་འོངས་པ་དམ་ལ་བཏགས་ཏེ་ཆོས་བྱེད་རྣམས་ལ་བར་ཆད་མི་བྱེད་པའི་བྲོ་བོར། སང་ཉིན་ཡོང་ཤ་བུའི་བར་གུ་ཐའི་ཇི། ཁ་ཐན་བཱ་ཐུར། མཐུ་མེད་ཀྱི་མ་ཟིན་པཀྵི་རྣམས་ཀྱིས་གཙོས་པའི་རྟ་པ་བརྒྱད་བརྒྱ་སྐོར་རྒྱལ་པོས་གདན་འདྲེན་གྱི་དང་པོར་མངགས་པ་འབྱོར། གོས་དར་དང་། རིན་པོ་ཆེའི་རིགས་སོགས་ཟང་ཟིང་གི་འབྱོར་པ་དཔག་ཏུ་མེད་པ་ཕུལ། འོན་ཀྱང་རྒྱལ་རིགས་དེ་དག་རྒྱལ་པོ་ཆེན་པོའི་ལུང་གིས་འོངས་པ་ཙམ་མ་གཏོགས། མཐའ་འཁོབ་ཀྱི་མི། བླ་མ་དང་ཆོས་ལ་སོམ་ཉི་ཟ་བ་ཞིག་ཡོད་འདུག་པར། དེ་དག་གི་བསམ་པ་མཁྱེན་ནས་འདུལ་བའི་སླད་དུ། ཕུ་ཆུ་ཞིག་ལ་སྡིགས་མཛུབ་མཛད་པས་ཅུང་ཟད་གྱེན་དུ་བཟློག་པའི་རྫུ་འཕྲུལ་

― GLG008_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པས། མི་ལྡོག་པའི་དད་པ་བརྟན་པོ་ཐོབ། རིམ་གྱིས་ཨ་རིག་དཀར་པོ་ཐང་དུ་བཞུགས་སྒར་བཏེག་སྐབས། རྟ་སྟོང་ཕྲག་དང་ཕྱུགས་ཁྲི་ཚོ་ཉེ་བའི་འབུལ་བ་ཕུལ། འཇའ་འོད་ཀྱི་གུར་དང་ལྷའི་མེ་ཏོག་གི་ཆར་བབ། སྐྱེ་བོ་མཐའ་དག་ལ་ཐར་པའི་ས་བོན་བསྐྲུན་ཏེ། ཧང་ངེ་ཞེས་པའི་ཡུལ་གྲུར། ཕུན་ཚོགས་རྣམ་རྒྱལ་གླིང་འདུས་སྡེ་དང་བཅས་པ་གསར་དུ་བསྐྲུན་པའི་རབ་ཏུ་གནས་པ་མཛད། དེར་དགོན་པའི་ཞལ་བཀོད་གནང་བའི་སྐབས། གདན་འདྲེན་གཉིས་པར་འུར་བསྡུས་རྒྱལ་རིགས་སེ་ཆེན་ཧོང་ཐའི་ཇི་དང་། མཐུ་མེད་ཀྱི་རྒྱལ་རིགས། ད་ཡན་ནོ་ཡོན་གྱིས་གཙོས་པའི་རྟ་པ་སྟོང་ཕྲག་གསུམ་ཙམ། གསེར་དངུལ་གོས་དར། རྟ་སྒ་སྲབ་ཀྱིས་བརྒྱན་པ་སོགས་ཕྱག་རྟེན་ཁྱེར་ནས་གདན་འདྲེན་བསྐྱར་མར་སླེབས། ཧོང་ཐའི་ཇིས། ཐུགས་རྗེ་ཆེན་པོ་ཕྱག་བཞི་པར་མཐོང་། དེར་ཚོགས་པ་རྣམས་ལ་འདོད་ཆོས་སྩལ། ནག་པ་ཟླ་བའི་ནང་དུ། ཨས་དཔལ་ནོ་ཡོན་གྱི་སྡེར་ཕེབས། མགོན་པོ་ཞལ་གྱི་མཆོད་གཏོར་རྒྱས་པར་མཛད། དེ་ལ་ཐུགས་རྗེ་ཆེན་པོ་ཞི་ཁྲོ་སོགས་འདོད་ཆོས་མང་དུ་གནང་། ཁང་པ་ཀ་དྲུག་མ་ཙམ་གྱི་རྒྱ་གུར་གྱི་ནང་དུ་དར་ཟབ་རིན་པོ་ཆེ་སོགས་ཀྱིས་བཀང་བ་དང་རྟ་སྒ་སྲབ་དང་བཅས་པ་སྟོང་ཕྲག་ཙམ་སྤུ་ནག་ལུག་སོགས་བགྲང་བ་ལས་འདས་པ་དང་། དེ་དག་གི་དོ་དམ་པ་དུང་ཆེན་བཅུ་ཕྲག་ཙམ་ཕུལ། གདན་འདྲེན་གསུམ་པར་ཉི་མ་གསུམ་གྱི་རིང་ཉིན་རེ་བཞིན། ཇོ་རོག་ཐུ་ཐའི་ཇི། ཆིང་བཱ་དུར་སོགས་རྟ་པ་སུམ་བརྒྱ་སྐོར་འབྱོར། ཟང་ཟིང་གི་དངོས་པོ་དཔག་ཏུ་མེད་པ་ཁྱེར་འོངས། བཞུགས་སྒར་རིམ་གྱིས་བཏེག་ནས་གདུགས་གསུམ་བཞི་ཙམ་སོང་བ་ན། རྒྱ་ནག་ནས་ཟིན་གུ་ཤྲི་རྟ་པ་བརྒྱ་ཕྲག་དང་བཅས་ཏེ་བསུ་བ་ལ་འོངས། རྒྱ་ལུགས་ཀྱི་རྩེད་སྣ་དང་འབུལ་བ་སོགས་མང་དུ་བྱས། དེར་

― GLG008_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

སྔར་མེད་པའི་མཚོ་ཆེན་པོ་ཞིག་གསར་དུ་ཆགས། སང་ཉིན་སྔར་རྫོང་སྟ་གནང་བའི་ཆོས་རྗེ་བརྩོན་འགྲུས་བཟང་པོ་དང་། ལོ་ཙཱ་བ་གུ་ཤྲི་པཀྵི་གཉིས་ཀྱིས་གཙོས་པའི་རྟ་པ་ལྔ་བརྒྱ་སྐོར། རྒྱལ་པོའི་གམ་ནས་བསུ་བ་ལ་འབྱོར། རིམ་གྱིས་ཕེབས་ཏེ་ཧོར་ཟླ་ལྔ་པའི་ཚེས་བཅོ་ལྔའི་ཉིན། སྐྱ་དར། རྒྱ་གླིང་། ལས་ཚན་གོ་རིམ་སོགས། གོང་མ་རྒྱལ་པོའི་བླ་མ་ལ་འོས་པའི་ཆེ་བ་དང་བཅས་ཏེ། ཡོན་ཏན། རིགས། སྟོབས་སོགས་ཀྱིས་མངོན་པར་མཐོ་བའི་དྲུང་འཁོར་རྣམས་ལས་ཚན་འདིའི་རྗེས་སུ་འདི་འགྲོ་སོགས། ཡིད་ལ་གང་དྲན་བྱས་པ་མ་ཡིན་པའི་ཡ་རབས་ཁུངས་བཙུན་གྱི་སྒྲིགས་བཅའ་བསྟར་དང་ལྡན་པའི་ཆིབས་རགས། གླང་པོ་ཆེ་ས་ལ་རབ་བརྟན་འཆི་མེད་དབང་པོའི་ཁྲུས་ཀྱི་རྫིང་བུར་དལ་གྱིས་རྒྱུ་བ་ལྟར་གཤེགས་པའི་གཡས་གཡོན་དང་རྒྱབ་རྣམས་སུ། རྒྱ་དང་སོག་པོ་སྐྱ་སེར་གྱི་རྟ་པ་སྟོང་ཕྲག་མང་པོས་ས་གཞི་མཐའ་དག་གཡོགས་པ་ལྟར་བསྐོར་ཏེ། ཚ་ཁད་གཅིག་ཙམ་ཕེབས་པ་ན། ཚེ་རིང་གནམ་གྱི་ཤེ་མོང་ལ་བརྟེན་ནས་རྩོད་དུས་ཀྱི་འཁོར་ལོས་སྒྱུར་བ། ཨལ་ཐན་རྒྱལ་པོ་ཉིད། མཐའ་འཁོབ་མུན་པའི་གླིང་དཀར་པོར་བྱས་པའི་བརྡ་ཆད་དུ། གོས་དཀར་པོ་གསོལ། འཁོར་ཁྲི་ཕྲག་ཙམ་དེ་ཉིད་ཀྱི་བཙུན་མོའང་འཁོར་མང་པོ་དང་བཅས་ཏེ་འོངས་ནས། མཆོད་ཡོན་མཇལ་བའི་དགའ་སྟོན་གྱི་ཐོག་མར། དངུལ་སྲང་ལྔ་བརྒྱ་ལས་གྲུབ་པའི་མཎྜལ། གསེར་གྱི་ཕོར་པ་ཡུལ་དབུས་ཀྱི་བྲེ་ཚད་ཤོང་བ་ཞིག་རིན་པོ་ཆེས་བཀང་པ། གོས་ཡུག་དཀར་སེར་དམར་ལྗང་སྔོན་པོ་རྣམས་ཉི་ཤུ་རེ། རྟ་དཀར་པོ་རིན་པོ་ཆེའི་སྒ་སྲབ་ཀྱིས་བརྒྱན་པ་བཅུས་ཐོག་དྲངས་པའི་རྟ་བརྒྱ། ཁྲོམ་ཟིལ་གནོན་གྱི་གོས་ཆེན་སྣ་ལྔ་པ་ཡུག་བཅུ། དངུལ་སྲང་སྟོང་ཕྲག་གཅིག །རས་དར་སོགས་ཕུལ། དེ་ནས་ཁྲོམ་འབུམ་ཕྲག་ཙམ་འཚོགས་པའི་དབུས་སུ་མཆོད་

― GLG008_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཉི་ཟླ་ཟུང་གཅིག་ཕེབས་ཏེ། ཧོང་ཐའི་ཇིས་གཏམ་བཏང་། གུ་ཤྲཱི་པཀྵིས་ལོ་ཙཱ་བསྒྱུར་ཏེ། སྔོན་ནས་ཆ་དཀར་གནམ་གྱི་རིགས་ལས་ཆད་པས་སྟོབས་ཆེ། རྒྱ་བོད་ཧོར་གསུམ་དྲག་པོས་དབང་དུ་བསྡུས། ས་སྐྱ་པ་དང་མཆོད་ཡོན་དུ་འབྲེལ་ཏེ་ཆོས་དང་། སླར་ཟ་མུར་རྒྱལ་པོ་ནས་ཆོས་ཆད། ལས་སུ་སྡིག་དང་ཟས་སུ་ཤ་ཁྲག་ཁོ་ན་ལ་ལོངས་སྤྱོད་པའི་མུན་ནག་ཁྲག་མཚོའི་གླིང་ལྟ་བུར། མཆོད་ཡོན་ཉི་ཟླ་ཟུང་གཅིག་གི་བཀའ་དྲིན་ལས། དམ་པ་ཆོས་ཀྱི་ལམ་བཏོད། ཁྲག་མཚོ་འོ་མར་བསྒྱུར་བ་འདི་བཀའ་དྲིན་ཆེ་བས། ཕྱོགས་འདི་ན་ཡོད་པའི་རྒྱ་བོད་ཧོར་སོགས་ཀུན་གྱིས་ཀྱང་དགེ་བ་བཅུའི་ཁྲིམས་ལ་གནས་པ་དགོས། ཉི་མ་དེ་རིང་ནས་ཁྱད་པར་སོག་པོ་ཆ་དཀར་ལ་ཁྲིམས་སུ་བཅས་པ་ནི། སྔར་སོག་པོ་ཤི་བའི་རྗེས་སུ། དྲག་ཞན་གྱི་རྣམ་དབྱེ་རང་གི་ཆུང་མ་བྲན་གཡོག་རྟ་ནོར་སོགས་སྲོག་གཅོད་པ་ཡིན་ནའང་། ད་ཕྱིན་ཆད་སྲོག་གཅོད་ཀྱི་ཡུལ་དུ་གྱུར་པའི་རྟ་ནོར་སོགས་ཀྱི་སྟེང་དུ་ཇི་ཙམ་བློས་འཚམ་པར་བཅད་ནས། དགེ་འདུན་དང་བླ་མ་ལ་ཕུལ། བསྔོ་བ་སྨོན་ལམ་ཞུས། གཤིན་པོའི་རྗེས་སུ་དམིགས་པའི་སྲོག་གཅོད་གཏན་མ་བྱེད། གལ་ཏེ་སྔར་བཞིན་མི་བསད་པ་བྱུང་ན་ཁྲིམས་ཀྱིས་ལུས་སྲོག་འབྲལ་བ་ཡིན། རྟ་ཕྱུགས་བསད་པ་བྱུང་ན་ཁྲིམས་ཀྱིས་ནོར་ཐམས་ཅད་འཕྲོག །བླ་མ་དང་དགེ་འདུན་གྱི་ཆ་ལུགས་ཅན་ལ་བརྡུང་བཙོག་སོགས་ལག་བཞག་པ་བྱུང་ན། ལག་འཇོག་མཁན་གྱི་གཞི་མ་ཐམས་ཅད་གཏོར། སྔར་ཨོང་བཀོད་དུ་གྲགས་པའི་གཤིན་པོ་ཐམས་ཅད་ཀྱི་གཟུགས་བྱས་པ་ལ་མིང་བཏགས་པའི་གྲྭ་པ་བྱུང་རེས་ཀྱི་ཉ་སྟོང་བརྒྱད་གསུམ་ལ་རྟ་ཕྱུགས་བསད་པའི་ཁྲག་གིས་མཆོད་པ་དང་། ལོ་དུས་ཀྱི་མཆོད་པ་ལ་དྲག་གཞན་གྱི་དབྱེ་བ་མང་ཉུང་མཐའ་ཡས་ཤིག་གསོད་པ་རྣམས། དེང་ཕྱིན་ཆད་ནས་བཟུང་རྟེན་དེ་

― GLG008_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་མེ་ལ་བསྲེགས་ནས། ལོ་ཟླའི་དུས་ཀྱི་མཆོད་པར་སྲོག་གཅོད་པ་གཏན་ནས་མ་བྱེད། གལ་ཏེ་བྱས་པ་བྱུང་ན་ཁྲིམས་ཀྱི་ཆད་པ་རྟ་ནོར་གང་བསད་ཀྱང་། དེའི་བཅུ་འགྱུར་འཕྲོོག །ཨོང་བཀོད་མེ་ལ་མ་བསྲེགས་ན་ཁྱིམ་གཏོར། ཨོང་དཀོད་ཀྱི་ཚབ་ཏུ་ཡེ་ཤེས་ཀྱི་མགོན་པོ་ཕྱག་དྲུག་པའི་སྐུ་རེ་འཛིན་པ་དང་། དེ་ལ་ཡང་དཀར་གསུམ་གྱི་མཆོད་པ་མ་གཏོགས། ཤ་ཁྲག་གིས་མཆོད་པ་གཏན་ནས་མ་བྱེད། གཞན་ཡང་ཐམས་ཅད་ཀྱིས་དགེ་བ་ལ་འབད་པ་ལ། ཉ་སྟོང་བརྒྱད་གསུམ་ལ་བསྙེན་གནས་སྲུངས། རྒྱ་བོད་ཧོར་ཀུན་ལ་དགོས་མེད་ཀྱི་འཕྲོག་འཇོམས་མ་བྱེད། མདོར་ན་བོད་ཡུལ་དབུས་གཙང་དུ་ཇི་ལྟར་བྱ་བ་ལྟར། ཡུལ་ཕྱོགས་འདིར་ཡང་བྱ་དགོས་ཞེས་ཁྲིམས་མང་དུ་བསྒྲགས་སོ། ། ཐུགས་རྗེ་ཆེན་པོའི་བཟླས་ལུང་གནང་བ། ལོ་ཙཱ་བས་སོག་པོའི་སྐད་དུ་བསྒྱུར་ཏེ་ཀུན་གྱིས་གོ་བས། མཆོག་དམན་མཐའ་དག་ཡི་གེ་དྲུག་པ་བཟླ་བ་ལ་བརྩོན་པར་གྱུར། འཇའ་འོད་ཀྱི་གུར་དང་། མེ་ཏོག་གི་ཆར་མང་དུ་བབ། དེ་ནས་མཆོད་ཡོན་ཞིབ་པར་གསུང་གླེང་གནང་བའི་སྐབས། རྒྱལ་པོ་ཡུག་ཅིག་དྲན་མེད་དུ་སོང་བ་ལས་གསོས་ཏེ། སྔོན་འཕགས་པ་ཤིང་ཀུན་གྱི་གཙུག་ལག་ཁང་བཞེངས་པའི་ཚེ། ང་སེ་ཆེན་རྒྱལ་པོ་དང་། ཁྱེད་ཀྱིས་གཙུག་ལག་ཁང་ལ་རབ་གནས་མཛད། ད་དེ་ནས་དེ་བར་གང་དུ་འཁྱམས་ཞེས་སྔོན་གནས་རྗེས་དྲན་གྱི་ཞུ་བ་ཕུལ། དེའི་བཀའ་ལན་དང་བཅས་ཏེ་རིགས་ལྔ་མཚོན་པའི་དར་ཚོན་སྣ་ལྔ་པ་ལ་སྐུ་སྲུང་རྡོ་རྗེའི་མདུད་པའི་རྒྱས་སྤྲས་པ་དང་། རིན་པོ་ཆེའི་ཕོར་པ་འབྲུ་སྣ་ཚོགས་ཀྱིས་བཀང་བ་ཞིག་རྒྱལ་པོ་ལ་གནང་ངོ་། །ཨེ་མ་རྩོད་དུས་སྙིགས་མའི་འདམ་རྫབ་ན། །གདུལ་བྱའི་རེ་བ་སྐོང་བའི་པདྨ་དཀར། །ཕན་བདེའི་སྦྲང་རྩི་ཅི་ཡང་འཛག་པ་འདི། །མཐའ་འཁོར་སྐྱེ་བོའི་བསོད་ནམས་ཟོང་གིས་བསྒྲུབས། །རྒྱལ་

― GLG008_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲན་འབུམ་ཕྲག་དབུས་ན་བསོད་ནམས་ཀྱི། །འཁོར་ལོ་མངོན་པར་འཕགས་པའི་གནམ་སྐོས་ལྷ། །ཚངས་པ་མི་ཡི་གཟུགས་ཅན་གང་དེ་ཡི། །སྤྱི་བོར་ཞབས་སེན་མནྡྷ་ར་བཀོད་ཚེ། །སྡིག་སྤྱོང་མུན་པའི་སྨག་རུམ་མ་ལུས་པ། །ཐུགས་རྗེའི་འོད་ཀྱིས་གསལ་བར་བྱས་སོ་ཞེས། །སུམ་རྩེན་སྦྱིང་ན་གནས་པའི་ལེགས་བྲིས་ཀུན། །དགའ་བའི་རྩེད་འཇོའི་ཟློས་གར་བསྒྱུར་ལ་བྲེལ། །དེ་ནས། མཆོད་ཡོན་མཇལ་བའི་ས་དེར། གཙུག་ལག་ཁང་བཞེང་བའི་ས་བཏུལ་ཏེ། རྒྱ་ནག་གི་བཟོ་བོ་མཁས་པ་མང་པོ་བཀུག་ནས་བཞེངས་པའི་གཙང་ཁང་ལ་དུས་གསུམ་སངས་རྒྱས་དང་། རྗེ་བླ་མ། རྗེ་ཉིད་ཀྱི་སྐུ་འདྲ། གཡས། གཡོན། མདུན་གསུམ་དུ་འཇིགས་བྱེད། སྤྱན་རས་གཟིགས་རྣམས་ཀྱི་ལྷ་ཁང་རེ་རེ་ལ་ཀ་བ་བཅུ་དྲུག་གི་ཁྱོན་ཙམ་ཡོད་པ་དེའི་བར་དུ། སེམས་དཔའ་དང་གནོད་སྦྱིན་གཉིས་ཀྱི་ལྷ་ཁང་། པེ་དཀར་ལྕོག །མདུན་གྱི་གཡས་གཡོན་དུ་གཟིམས་ཆུང་འོད་གསལ་ཕོ་བྲང་དང་བདེ་ཆེན་ཕོ་བྲང་། ཐམས་ཅད་ལ་རྒྱ་ཕིབས་སོགས་རྒྱ་ནག་གི་ལུགས་སུ་བཞེངས། ལྕགས་རི་རིམ་པ་གསུམ་གྱིས་བསྐོར་བ་མིང་ཐེག་ཆེན་ཆོས་འཁོར་གླིང་དུ་བཏགས། ཕྱོགས་བཞིར་ཞི་རྒྱས་དབང་དྲག་གི་སྦྱིན་སྲེག་གནང་བས་སོ་སོའི་བཤད་པ་དང་མཐུན་པའི་ལྟས་ལེགས་པ་བྱུང་རབ་ཏུ་གནས་པ་རྒྱ་ཆེར་མཛད། དགའ་སྟོན་ལ་ཁྲོམ་ཟིལ་གནོན་གྱི་སྐུ་བེར་གསུམ་གྱིས་གཙོས་པའི་གོས་བཟོ་མ་བརྒྱ། ཁ་དོག་ལྔ་པའི་གོས་ཡུག་བརྒྱ། རིན་པོ་ཆེའི་འཕྲེང་བས་གཙོས་པའི་འཕྲེང་བ་བརྒྱ། འབོལ་རྒན་སོགས་པགས་རིགས་བརྒྱ། གསེར་གྱི་ཕོར་པ་ཆེན་པོ་མུ་ཏིག་གིས་གང་བ་དངུལ་དམ་འབྲུག་འཁོར་ཡོད་པ་བདུན་ཚར། དངུལ་སྲང་སྟོང་ལས་གྲུབ་པའི་ཁོག་མ། གསེར་གྱི་ཞྭ་དང་ན་བཟའ་ཆ་ཚང་སོགས་རྒྱལ་པོ་

― GLG008_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཉིད་ཀྱི་ཆས། དངུལ་སྲང་གསུམ་རེ་ལས་གྲུབ་པའི་ཅ་སྣེ་དང་སྡེར་མ་བདུན་ཚར་རྟ་རྨིག་ལུག་རྨིག་གི་དབྱིབས་ཅན་སྲང་ལྔ་བརྒྱ། རས་ཟམ་སྟོང་ཕྲག་གཅིག །རྟ་དཀར་པོ་རིན་པོ་ཆེའི་སྒ་སྲབ་ཀྱིས་སྤྲས་པ་གསུམ་གྱིས་གཙོས་པའི་རྟ་བརྒྱ་སོགས་འབུལ་པ་གྲངས་ཀྱིས་མི་ལང་བ་ཕུལ། དེ་ནས་རྒྱལ་པོའི་སྡིག་ཏོའི་ལྷ་རྟེན། མགོན་པོ་ཞལ་གྱི་སྦྱིན་སྲེག་གི་སྒོ་ནས་མེ་ལ་བསྲེགས་པས། ཡེ་ཤེས་ཀྱི་མེ་ལྗང་ཁུ་མེ་ནང་ནས་འབར་ཏེ་ནམ་མཁའི་དབྱིངས་སུ་འཐོན་པ་ཡུན་རིང་དུ་གནས། ཆོས་འཕྲུལ་མཐའ་ཡས་བྱུང་བས་ཀུན་ངོ་མཚར་དུ་གྱུར། དེ་ནས་བཟུང་སོག་པོ་ཐམས་ཅད་ཀྱི་ཨོང་བཀོད་མེ་ལ་བསྲེགས། དེ་སྐབས་སྟོང་འཁོར་ཆོས་རྗེ་ཡོན་ཏན་རྒྱ་མཚོ་བསྙེན་རྫོགས་དང་འདོད་ཆོས་ཞུ་བར་འབྱོར་བ་ལྟར་རེ་བ་ཡོངས་སུ་བསྐང་། རྒྱལ་པོ་ཆེན་པོ་ཅུང་ཞིག་བྲོ་འཚལ་བ་ལ། སྲིད་གསུམ་བདག་མོའི་མདོས་ཀྱི་ཆོ་ག་གནང་བས་མི་མཐུན་པའི་གཡུལ་ལས་རྒྱས། ནུབ་ཅིག་མནལ་ལམ་དུ་ཚེ་དཔག་མེད་དངོས་སུ་བྱོན་ཏེ། རྒྱལ་པོའི་སྤྱི་གཙུག་ཏུ་བུམ་པ་བཞག་ནས་དབང་བསྐུར་བ་གྱུར་པས་རེ་ཞིག་སྐུ་ཚེ་ལ་བར་ཆད་མི་འོང་བའི་ལུང་བསྟན་མཛད། དེ་ནས་སའི་ཚངས་པ་དེ་ཉིད་ཀྱིས་མི་རིགས་མི་གཅིག་པ་དུ་མའི་དབུས་སུ་ལས་ཀ་ཕུལ་བ་ནི། གསེར་ལས་གྲུབ་པའི་དབུ་རྒྱན། བུམ་པ། རིགས་ལྔའི་ཕྱག་མཚན། བུམ་པ་སོགས་དབང་ཆས་ཀྱི་རིགས། གསེར་སྲང་བརྒྱ་ལས་གྲུབ་པའི་ཐམ་ག་འབྲུག་སྡེར་མོ་ལྔས་མཚན་པ། ཁ་རིས་ལ། རྡོ་རྗེ་འཆང་ཏ་ལའི་བླ་མའི་ཐམ་ཀ་རྒྱལ་ཞེས་ཧོར་ཡིག་གསར་དུ་ཡོད་པ། དེའི་ཤུབས་དངུལ་ལས་བྱས་པ། མུ་ཏིག་གི་སྣམ་སྦྱར། བླ་བྲེ། སྐུ་བེར་ཏཱ་ཧུང་གསར་གྱི་འབྲུག་སྡེར་མོ་ལྔ་ཡོད་པའི་ནང་འབོལ་རྒན་གྱི་པགས་པས་བྱས་པ། ཏཱ་ཧུང་གསེར་མའི་བར་འདམ་ནང་བྱི་བ་དཀར་པོའི་པགས་པས་

― GLG008_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་པ། དེའི་ཆ་འགྲིག་གི་ཁྲི་ཁེབས་སྟན་འབོལ། སྙེ་འབོལ། བྱ་ཚེ་རིང་སྤུ་བཏགས་ཀྱི་བཞུགས་སྟན། དིང་ཕོན་ཚོན་ཚོགས་ཀྱི་བླ་བྲེ་རྒྱབ་ཡོལ་ཁྲི་ཁེབས། པང་ཁེབས། ཆིབས་པ་དཀར་པོ་རིན་པོ་ཆེའི་སྒ་སྲབ་ཀྱིས་བརྒྱན་པ་ལྔ། གཞན་ཡང་རྟ་བཅུ། དངུལ་གྱི་སྤྱད་པ་སྟོང་ཕྲག་ཙམ། གཞན་ཡང་གོས་དར། རས་ཟམ་ལ་སོགས་ཀྱི་མི་ཁུར་ཉི་ཤུ་ལྷག་པ་དག་བཅས། ཏ་ལའི་བླ་མ་བཛྲ་དྷ་ར་ཞེས་ཁྱབ་བདག་རྡོ་རྗེ་འཆང་གི་ལས་ཀ་ཕུལ། རྒྱལ་པོ་ལའང་ཆོས་ཀྱི་རྒྱལ་པོ་ལྷའི་ཚངས་པ་ཆེན་པོ་ཞེས་མཚན་གནང་ངོ་། །རབ་མཐོ་ཀུན་གསལ་ངོས་ཡངས་ནས། །འཇིག་རྟེན་བྱེད་པོ་གསེར་མངལ་གྱིས། །ནོར་འཛིན་བདག་པོར་སྤྱི་བོ་ནས། །དབང་བསྐུར་ས་ཡི་ཚངས་པ་དེས། ཁྱབ་བདག་རྡོ་རྗེ་འཆང་ཆེན་པོའི། །ལུང་དང་ལས་ཀ་འཕུལ་བའི་ཚེ། ཆེར་རློམ་དྲེགས་ལྡན་ཀུན་གྱི་གཙུག །མངོན་པར་མཐོ་བའི་ཅོད་པཎ་གྲུབ། །རྒྱལ་པོས་ཐེག་ཆེན་ཆོས་འཁོར་གྱི་བཞུགས་ཁྲིའི་སྟེང་དུ་གདན་དྲངས་ཏེ། སྔོན་མངའ་བདག་ཁྲི་སྲོང་ལྡེའུ་བཙན་གྱི་དུས་སུ། བོད་ཀྱི་མི་ལ་རབ་བྱུང་བཏུབ་མི་བཏུབ་ཉམས་སད་པའི་ཕྱིར་དུ། སད་མི་མི་བདུན་རབ་ཏུ་བྱུང་བ་ལྟར། རྒྱལ་རིགས་གསུམ་གྱིས་ཐོག་དྲངས་པའི་བཙུན་པ་བརྒྱ་ཕྲག་ཕུལ་བ་རབ་ཏུ་བྱུང་བའི་བསླབ་པ་ལ་བཀོད། གཞན་ཡང་དེའི་འཕྲོས་ལས་འབུལ་བའི་རྣམ་གྲངས། གསེར་སྲང་བརྒྱ། དངུལ་སྲང་སྟོང་ཕྲག་གསུམ། རྟ་ཁྲབ། གོས་དར། ཟམ་རས་སོགས་དང་། རྒྱལ་པོ་ཉིད་ཀྱི་སྐུ་ཆས་ཆ་ཚང་བ་ཕུལ། མཆོད་ཡོན་གཉིས་ནས། ཨ་སེང་བླ་མ་སོགས་འགྲུལ་པ་གཏོས་ཆེ་བ་རྫོང་སྟ་གནང་སྟེ། ཇོ་ཤཱག་གི་དྲུང་དུ་དངུལ་གྱི་མཎྜལ་སོགས་མཆོད་རྫས་དང་། སེར་འབྲས་དགེ་གསུམ་གྱིས་ཐོག་དྲངས་པའི་དགོན་སྡེ་རྣམས་སུ་མང་འགྱེད། རྩེ། གོང་དཀར། རྒྱ་རི་བ། དགའ་ལྡན་པ་སོགས་ལ་ལེགས་སྐྱེས། མདོར་

― GLG008_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མཆོག་དམན་ཀུན་ལ་གང་འཚམས་ཀྱི་འདོད་རྒུ་ཆར་དུ་བསྙིལ། ཆོས་འཁོར་གླིང་གི་གཟིམས་ཆུང་འོད་གསལ་ཕོ་བྲང་དུ་བདུན་ཕྲག་གསུམ་བཞི་ཙམ་སྐུ་མཚམས་གནང་བས། ཕུར་མགོན། བེང་། དཔལ་ལྷ། རྡོ་རྗེ་ལེགས་པ་རྣམས་ཞལ་གཟིགས། རྒྱལ་པོ་པེ་དཀར་གྱི་གསོལ་མཆོད་གནང་། ཡུལ་དེའི་ལྷ་སྲིན་རྣམས་ཀྱིས་དངོས་སུ་འོངས་ནས་ཆོས་ཉན། དེ་སྐབས་རྒྱ་ཧོར་གྱི་མི་དབོན་མང་པོས་གསོལ་བ་བཏབ་པ་ལྟར། དགུན་གྱི་རིང་བཞུགས་སྒར་བཏེག །ཟང་ཟིང་གི་བསྙེན་བཀུར་བསོད་ནམས་ཀྱི་ཞིང་དུ་བཞེས་ཤིང་རབ་ཏུ་བྱུང་བ་དང་བསྙེན་པར་རྫོགས་པ་སོགས་འགྲོ་དོན་མཐའ་ཡས་པ་མཛད། འུར་བསྡུས་ཀྱི་རྒྱལ་བུ་བིན་དུས་སྤྱན་དྲངས་། གཙུག་ལག་ཁང་གསར་དུ་བཞེངས་པ་ལ། ཕུན་ཚོགས་གཞན་ཕན་སྡེ་ཞེས་མིང་དུ་བཏགས། དྲག་པོའི་སྦྱིན་སྲེག་མཛད་པས་རྡོ་རྗེ་འཇིགས་བྱེད་ཞལ་གཟིགས་ཏེ་ཐུགས་ཀའི་ཏིང་ངེ་འཛིན་སེམས་དཔའ་དང་དབྱེར་མེད་དུ་གྱུར་པའི་སྣང་བ་བྱུང་རྒྱ་འདྲེའི་ཆོ་འཕྲུལ་མཐའ་དག་ངང་གིས་ཞི། སོག་བན་བརྒྱ་ཟིན་ཙམ་དང་། གསེར་དངུལ། རྟ་ཁྲབ། གོས་དར། ཕྱུགས་རྔ་མོང་སོགས་ཕུལ། རྒྱ་ནས་རྒྱལ་པོ་ཧོང་ཁྱི་ཐུལ་གྱིས་ཕོ་ཉ་བཏང་ནས། རིན་པོ་ཆེ་པདྨ་ར་ག་ཨིཎྡྲ་ནཱི་ལ། མརྒད། བཻཌཱུཪྻ་རྣམས་བྲེ་གང་ཙམ། གསེར་སྲང་སྟོང་ཕྲག་གཅིག །དངུལ་དང་མ་ན་ཧོའི་སྤྱད་པ་མང་པོ། །སྐུ་བེར། རྟེན་ཁེབས། གོས་ཆེན་འབྲུག་སྡེར་ལྔ་ཡོད་པ་མང་པོ། ཐགས་གྲུབ་ཀྱི་རིགས་ལྔའི་དབུ་རྒྱན་ཚེ་དཔག་མེད་ཀྱི་སྐུ། གསེར་ལས་གྲུབ་པའི་ཕྱག་དཔེ། དྲིལ་བུ། ཌཱ་མ་རུ། སྐུ་འདྲ། འཕྲེང་བ། རོལ་ཆ་སོགས་ཡིད་འཕྲོག་པའི་སྤྱད་པ་དཔག་ཏུ་མེད་ཕུལ། གན་ཅུ་དུ་ཐང་ཞེས་ཁྲི་སྐོར་བཅུ་གསུམ་གྱི་ས་ལ་དབང་སྒྱུར་བའི་མི་དཔོན་ཆེན་པོ་ཞིག་གིས་གདན་དྲངས། རོལ་ཆ་དང་མཚོན་ཆ་སྣ་ཚོགས་ཐོགས་པའི་བསུ་བ་དང་བཅས་ཏེ་ཕེབས། ལམ་གྱི་

― GLG008_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་སོ་སོར་མི་དཔོན་རྣམས་ཀྱིས་རྟ་རྩེད་སོགས་དང་། བཟའ་བཏུང་གི་བྱེ་བྲག་མཐའ་ཡས་པ་ཕུལ། རྗེ་ས་པཎ་གྱིས་བཏབ་པའི་སྤྲུལ་པའི་སྡེ་དང་། མ་ཏཾ་སི་ཞབས་ཀྱིས་བཅགས། བཀའ་གདམས་གླེགས་བམ་ལས། རྒྱལ་བུ་བློ་གྲོས་འཕེལ་གྱིས་ཡེ་ཤེས་ཀྱི་རལ་གྲིས་ཀླུ་བདུད་བཏུལ་པའི་གནས་དེར་ངོས་འཛིན་མཛད། ཐང་དེའི་དཀྱིལ་དུ་ཕ་བོང་ཤོ་འདྲ་བ་ཀ་བཞི་ཙམ་གྱི་འགྲམ་དུ་རླུང་ཆེན་པོ་ཞིག་གི་དཀྱིལ་ནས་དྲང་སྲོང་ཆོས་གོས་སྔོན་པོ་གྱོན་པ་ཞིག་འོངས་ཏེ་གསེར་ཕོར་པ་གང་ཕུལ་བ་ཀུན་གྱིས་མཐོང་། ཚེ་ལ་དབང་བའི་རིག་འཛིན་ཞིག་ཡིན་ཞེས་བཀའ་ཕེབས། མཁར་དེར་ཕེབས་པ་ལ་སའི་ལེ་བར་བཅུ་ཡོད་པས་ལས། ལེ་བར་བདུན་ཙམ་དུ་ཕེབས་པ་ན། རྒྱལ་པོའི་ལུང་གིས་བརྫངས་པའི་གདན་འདྲེན་པ་དམག་ཁྲི་ཕྲག་བཅུ་གསུམ་ཙམ་འབྱོར་ཏེ། ཕོ་བྲང་སྐྱིད་བདེ་སྦུག་ཏུ་མ་ཕེབས་ཀྱི་བར། གོ་མཚོན་རུ་དར་རྟ་ཆོས་སོགས་ལྷའི་དམག་ལྟ་བུ་ཟམ་མ་ཆད་པ་སྦྲེངས་ཆགས་སུ་འོངས་པས་བསུ་བ་དང་བཅས་ཏེ་ཕོ་བྲང་དུ་ཕེབས་ཉིན་མི་དཔོན་གྱི་གཡོག་རྣམས་ཀྱིས་ཆིབས་པ་སེང་གེར་མཐོང་། སྤོས་ཕུལ་བའི་དུད་པ་ལ་མུན་པ་སེལ་བའི་ཉི་ཟླ་ཤར། ལྷའི་བུ་ཞེས་པ་རྒྱ་ཡིག་ལ་གསལ་བར་བྱུང་། མི་དཔོན་ཀྱིས་སྐྱེ་བ་གསུམ་ཙམ་གསལ་བར་དྲན། སྙིང་པོ་དོན་གསུམ་གྱི་ཟབ་ཆོས་གནང་། ཁྲོམ་ལ་བླ་མ་སྤྱན་རས་གཟིགས་ཀྱི་སྒྲུབ་ཐབས་ལོ་ཙཱ་བས་རྒྱ་ནག་ཡུ་གུར་སོག་པོ་རྣམས་སོ་སོའི་སྐད་དུ་བསྒྱུར། དུ་ཐང་མངའ་འོག་གི་བཙོན་རྣམས་བཏོན་ཏེ་བདེ་བ་ལ་བཀོད། བཙུན་གསར་བརྒྱ་ཙམ་རབ་ཏུ་བྱུང་། མི་དཔོན་གྱིས་སྤོས་སྤར་ཏེ་དམོད་བོར་བས། རྗེ་འདི་ཉིད་རྒྱལ་བ་རྒྱ་མཚོའི་ཕྲིན་ལས་པ་ཡིན་ཞེས། སྤོས་ཐལ་ལ་རྒྱ་ནག་གི་ཡི་གེའི་གཟུགས་སུ་བྱུང་བས་དད་པ་ལྷག་པར་ཐོབ། མཧཱ་ཙི་ནའི་རྒྱལ་ཁམས་ཐམས་ཅད་ལ་སྙན་པའི་

― GLG008_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས་པ་ཕྱོགས་བཅུར་བསྒྲགས། སྔོན་ནས་ཆ་དཀར་གྱི་རྒྱལ་བརྒྱུད་ཀྱིས་གཙོས་པའི་དཔུང་ཁྲི་ཕྲག་ཙམ་ཞིག་རྒྱ་ནག་གི་ལྕགས་རི་ཕྱི་མའི་ནང་དུ་ཤོར་བ་ལས། མི་སྡེ་ཐམས་ཅད་འཇིགས་ཤིང་སྐྲག་པ་ཞིག་འདུག་པ་ཉིད་ཀྱིས་བཀས་བཅད། རྒྱ་ནག་གི་རྒྱུ་དངོས་ཀྱིས་ཚིམ་པར་བྱས་ཏེ་ཁོ་རང་ཚོའི་ཡུལ་དུ་བརྫངས་པ་ལས། རྒྱ་ནག་ཀུན་ཀྱང་འཇིགས་པ་ལས་བསྐྱབས། སླར་རིམ་གྱིས་རྒྱ་ནག་གྱོའི་རྩི་མི་བཞི་བཅུས་གཉའ་བ་ནས་བཏེག་པའི་ཁྲི་ལ་གདན་དྲངས། ཐེག་ཆེན་ཆོས་འཁོར་གླིང་དུ་ཕེབས། མྱོས་ལྡན་ཞེས་པ་ས་ཡོས་ཀྱི་ལོ་གསར་དང་། སྲིད་གསུམ་བདག་མོའི་མཆོད་གཏོར་རྒྱས་པར་མཛད། གཏོར་མ་ལས་བདུད་རྩིའི་རྒྱུན་མང་དུ་བབ་པ་རྒྱ་བོད་ཧོར་གསུམ་དུ་མས་བཏུང་ཡང་ཟད་མི་ཤེས་པ་ལྟ་བུར་འཕེལ། སྐྱ་སེར་གྱི་ཁྲོམ་ཆེན་པོ་འཚོགས། ཆོ་འཕྲུལ་གྱི་མཆོད་པ་གནང་། རྒྱ་ནག་ནས་ཉིང་ཤཱ་རྒྱལ་བུས། རིན་པོ་ཆེ་དང་རོལ་ཆ། དིང་ཕོན་གྱི་རིགས། ཕོ་བྲང་གི་སྤྱད་པ་ཡ་མཚན་ཅན་མང་དུ་འབུལ་མི་མངགས། སྦུབ་འཆོལ་རྔམ་པ་སྒྲ་སྒྲོག་ཏུ་གྲགས་པའི་འཛམ་བུ་གླིང་ན་དཀོན་པ་དེ་ཡང་ཕྱག་ཏུ་འབྱོར། ལོ་དུས་ཀྱི་སྨོན་ལམ་ཆེན་མོ་གྲོལ་ནས་གཟིམས་ཆུང་འོད་གསལ་ཕོ་བྲང་དུ་སྐུ་མཚམས་ཞིག་མཛད་པས། ཡི་དམ་ཆོས་སྐྱོང་དུ་མའི་ཞལ་གཟིགས། ཞལ་གྱི་ཚེ་སྒྲུབ་ཟླ་བའི་ཆུ་རྒྱུན་དང་། བྲམ་གཟུགས་ཀྱི་གཏོར་འབུལ་བསྡུས་པ་དང་རང་བསྟོད་རྣམ་དཔྱོད་མ་ཐུགས་རྩོམ་གནང་། ས་ག་ཟླ་བའི་ནང་དུ་རྒྱལ་པོ་དཔོན་གཡོག་ལས་ལྡན་འགའ་ཞིག་ལ། བཅོམ་ལྡན་འདས་དཔལ་ཀྱཻ་རྡོ་རྗེ་མན་ངག་ལུགས་ཀྱི་དཀྱིལ་འཁོར་དུ་བཅུག་སྟེ་དབང་བསྐུར་བའི་བུམ་དབང་ཙམ་ཞིག་གནང་རྩིས་ལ་མནལ་ལམ་དུ་རྒྱལ་པོ་བྱུང་ནས་ངེད་འཁོར་བཅས་ལས་དག་ཡིན་པས་རྫོགས་པར་གནང་དགོས་ཞུས་པ་ལྟར། དབང་ཕྱི་མ་

― GLG008_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱང་སྩལ། ནད་ཡམས་མང་པོ་བྱུང་བ་ལ་འཇིགས་བྱེད་ཀྱི་དྲག་པོའི་སྦྱིན་སྲེག་བླུག་པས་རྒྱུན་ཆད། འུར་སྡུད་ཇུ་ནང་རྒྱལ་པོ་ལོངས་སྤྱོད་མཐའ་ཡས་པ་དང་བཅས་ནས་མཇལ་བར་འོངས། ཨོ་རོད་དང་འཁྲུག་པའི་སྡིག་རྒྱུན་ཡོད་པ་རྣམས་ཞི་བར་མཛད། དབུས་ནས་ཨ་སེང་བླ་མ་ཅན་ཡང་སྐུ་ཞབས་སུ་འབྱོར། དབུས་གཙང་གི་ལྷ་སྡེ་མི་སྡེ་ཚང་མ་ནས། མྱུར་དུ་ཕེབས་དགོས་པའི་ཞུ་ཡིག་ནན་ཆེར་ཕུལ། ལི་ཐང་འདེབས་པའི་དགོངས་པ་གཏད་པའི་སྐྱིད་ཤོད་ནས་བཟོ་བོ་རྫོང་དགོས་ཚུལ་གནང་འདུག་པ་ལྟར། པཱུ་ཎ་ཤིང་སོགས་བལ་པོ་བཞི་ཙམ་འབྱོར། སྡེ་པ་བཀྲ་ཤིས་རབ་བརྟན་པས་ཞུ་ཡིག་དད་པའི་ཕོ་ཉ་ཞེས་སྙན་ངག་གི་ལམ་ནས་དྲངས་པ་དེ་དང་། རིན་པོ་ཆེ་བོད་མཁར་པ་གཉིས་ཀྱིས་མྱུར་དུ་ཕེབས་དགོས་པའི་ཞུ་ཡིག་ནན་ཆེན་པོ་དང་། རྒྱལ་པོ་ལ་ཡང་དགོངས་པར་གང་གཏད་ལས་སྤྲོས་པའི་ནན་ཆགས་མི་འགབ་ཚུལ་སོགས་ཞུ་ཡིག་རྒྱས་པར་འདུག་པ་ཁོ་བོས་ཀྱང་མཐོང་། དེ་ནས་རྒྱལ་པོ་ཆེན་པོས་སོག་ཡུལ་དུ་ཕེབས་དགོས་པའི་ཞུ་བ་ཕུལ་བས། ལི་ཐང་དུ་དགེ་འདུན་གྱི་སྡེ་འཛུགས་དགོས་པ་ཡོད་པས། དེ་གྲུབ་བསྟུན། དབུས་གཙང་གི་ཕྱོགས་སུ། ལྡོག་ཏུ་མི་བཏུབ་པའི་བྱ་བ་མ་བྱུང་ན། སོག་ཡུལ་དུ་ཕེབས་པའི་ཞལ་བཞེས་གནང་བས། རྒྱལ་པོས་རྗེ་ཉིད་ཀྱི་བཀའ་ཤོག་དང་ཕྱག་མཛོད་ཀྱིས་གཙོས་པའི་དྲུང་འཁོར་དྲག་རིམ་གྱི་རྩི་ཁ་བླངས། རྒྱལ་པོ་དཔོན་གཡོག་ཕལ་ཆེར་རང་ཡུལ་དུ་ལོག་ཅིང་། མཆོད་ཡོན་བཀའ་གྲོས་ཐོག་ནས། རྒྱ་བོད་ཀྱི་གསེར་ཟམ་སྤེལ་བ་སོགས་ལ་མཚོ་ཁར་དཔོན་པོ་འཁོ་ལོ་ཆེ་ཆིང་བཱ་ཐུར་འཁོར་བཅས་བཞག །རེ་ཞིག་སྐུ་ཚབ་ལ་སོག་ཡུལ་དུ་སྟོང་འཁོར་ཆོས་རྗེ་ཡོན་ཏན་རྒྱ་མཚོ་རྫོང་སྟ་མཛད། ཧོར་ཟླ་བརྒྱད་པའི་ནང་དུ་རྒྱ་ནག་གོང་མ་ཝན་ཡི་

― GLG008_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་པོས་རྒྱལ་ཁམས་ཐམས་ཅད་ཀྱི་སྐྱབས་གནས་གྱོག་ཆིང་ཤྲིའི་མཚན་དང་། ཐམ་ཁ་ལུང་ལས་ཞྭ་ལས་གོས། འཇའ་ས་སོགས་ཀྱི་སྔོན་དུ་རྒྱལ་པོའི་ཆེ་བའི་རོལ་མོ་སྣ་ཚོགས་དང་བཅས། རྒྱ་ནག་གི་མི་དཔོན་གསུམ་གྱིས་གཙོས་པ་འབྱོར། ལུ་ཧང་གསེར་མའི་ན་བཟའ་ཆ་ཚང་། ཏཱ་ཧུང་གསེར་མའི་ན་བཟའ་ཆ་ཚང་། ཧ་གསེར་མའི་ན་བཟང་ཆ་ཚང་། གསེར་དངུལ་གོས་དར་སོགས་ཕོ་བྲང་གི་སྤྱད་པ་མང་དུ་ཕུལ། ངེད་རང་གི་འབངས་སུ་གྱུར་པའི་སོག་པོ་ཚོ་ཆེན་བཞི་བཅུ་དང་། གན་ཅུ་དུ་ཐང་གི་མི་དཔོན་སོགས་ཀྱི་རེ་བ་ཡོངས་སུ་བསྐང་བ་ལེགས་ཤིང་། ཕོ་བྲང་ཆེན་པོར་ཡང་རིམ་གྱིས་གདན་འདྲེན་ཞེས་པ་སོགས་ཀྱི་བཀའ་ཤོག་གནང་། ཕྱག་མཛོད་པ་ལ་གུ་ཤྲིའི་ལས་ག་དང་། ཐམ་ག་གནང་། སྐབས་དེ་དག་ཏུ་རྒྱ་ནག་གི་མི་དཔོན་དུ་མས་འབུལ་བ་དང་། བོད་སོག་རྣམས་ཀྱིས་བསྙེན་བཀུར་བ་ནི་གྲངས་ལས་འདས་ཤིང་། ཀུན་ལ་ཐར་པ་དང་ཐམས་ཅད་མཁྱེན་པའི་ས་བོན་ཡང་དག་པར་བསྐྲུན། རབ་བྱུང་བསྙེན་རྫོགས་སྟོང་ཕྲག་བརྒལ་བ་བསྒྲུབས། བློ་དང་འཚམ་པའི་ཆོས་ཀྱིས་ཚིམ་པར་མཛད། དངུལ་སྲང་སྟོང་ཕྲག་གསུམ་ཙམ་གྱི་སྒོ་ནས་ཕོ་བྲང་གོང་རི་དཀར་པོར་ལྷ་གཟིགས་མིའི་དབང་པོ་ལ་རྟ་འབུལ་གྱི་རྒྱུན་འཛུགས་པ་གནང་། སྒར་ཆེན་མདོ་ཁམས་གྱི་ཆ་ལི་ཐང་གི་ཕྱོགས་སུ་བཏེག །ལམ་དུ་ཨས་དཔལ་ནོ་ཡོན་གྱིས་བསྙེན་བཀུར། ཕུན་ཚོགས་རྣམ་རྒྱལ་གླིང་ཞེས་པའི་འདུས་སྡེའི་སློབ་དཔོན་དུ་ཆོས་རྗེ་བརྩོན་འགྲུས་བཟང་པོ་བསྐོས།དེ་ནས་གླིང་ཡུལ་ཏུ་བྲག་རི་ཞིག་གི་ལོགས་ནས་དཔལ་ལྡན་ལྷ་མོ་གཙོ་འཁོར་གསུམ་གྱི་སྐུ་རང་བྱོན་ཀུན་ལ་གསལ་བར་བསྟན། འཕྲིན་ལས་དང་སྙན་གྲགས་ཆེས་པོས་རིག་འཛིན་ཆེན་པོ་སངས་རྒྱས་གླིང་པའི་ཆོས་བརྒྱུད་འཛིན་པ། ཀ་ཐོག་པ་དཔོན་སློབ་ཀྱི་ཡིད་ལ་ཀར་ལུགས་ཀྱི་བླ་མ་སྒར་པ།

― GLG008_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་དང་འདྲ་བའི་འཇིག་རྟེན་གྱི་སྟོབས་ཆེ་བ་མ་གཏོགས། ནུས་མཐུ་རང་མེད་ཡོད་སྙམ་སྟེ། བཙན་རྒོད་འབར་བ་སྤུན་བདུན་རྦད་དེ་ཆོ་འཕྲུལ་ཆེན་པོ་བཏང་བས། འབུམ་ནག་ཐང་དུ་ཕེབས་ཐོག །བཙན་རྒོད་ཀྱི་ཆོ་འཕྲུལ་བྱུང་བ། མགོན་པོ་ཞལ་གྱི་སྒོ་ནས་ཕྱིར་སློག་པས། ཀ་ཐོག་པ་རྣམས་ཡིད་ཆེས་ཏེ། མཇལ་བར་མང་པོ་ཞིག་འོངས། རིམ་གྱི་ཕེབས། ཡི་དམ་གྱི་ལྷ་དུ་མའི་སྒོ་ནས་ས་གཞི་བྱིན་གྱིས་བརླབས། རྣམ་གནོན་ཞེས་པ་ལྕགས་འབྲུག་གི་ལོ་གསར་རྒྱས་པར་གནང་། དགོན་པ་འདིང་བའི་འུ་ལག་དང་བཟོ་བོ་མཐའ་དག་འཇང་ས་ཐམ་རྒྱལ་པོས་བསྒྲུབས་ཏེ། ཧོར་ཟླ་ལྔ་པའི་ཚེས་བཅུ་གཉིས་ནས་གཙུག་ལག་ཁང་ཀ་བ་བཅོ་བརྒྱད། འདུ་ཁང་ཀ་བ་བརྒྱད་ཅུ་གྱ་གཉིས། མགོན་ཁང་ཀ་བ་བཞི། གཟིམས་ཁང་ཀ་བ་བརྒྱད། གཟིམས་ཆུང་ཡང་དབེན་ཀ་བ་དྲུག །རྒྱལ་པོ་ལྕོག་ཀ་བ་དྲུག་གིས་གྲྭ་སྤྱིལ་སོགས་འགྱངས་མེད་དུ་ཟིན་པ་དང་ལྷན་ཅིག་པར། གསེར་ཟངས་ལས་གྲུབ་པའི་བྱང་ཆུབ་ཆེན་པོ་ཐུབ་ཆེན་ཁམས་གསུམ་ཟིལ་གནོན་རྒྱབ་མཐོ་རེ་བཞི་པ་བཞེངས། མགོན་ཁང་སོགས་ལ་རབ་ཏུ་གནས་པ་རྒྱས་པར་མཛད། རྦད་འདྲེའི་ཆོ་འཕྲུལ་ཆེ་བར་བྱུང་བས། ཀུན་བཟང་རྩེ་ནས་དང་། བླ་མ་རིན་ཅེན་སེང་གེ་གཉིས་ཀྱིས་ཕྱག་གཡོག་མཛད་དེ་གཤིན་རྗེའི་སྒྲུབ་པ་གནང་བས། ཉིན་གཅིག་མཆོད་དཔོན་གྱིས་གཏོར་མ་གསོ་བར་ཕྱིན་པ་ན། རལ་པ་ཡོད་པའི་མི་མགོ་ཁྲག་རྫར་རེ་བ་གསུམ་ཙམ་ཞིག་ཐེམ་པའི་ནང་དུ་འདུག་པ་མཐོང་། དེའི་སྐབས་འབྲི་གུང་ནས་རྒྱལ་སྲས་ལྷ་རྗེའི་རྣམ་སྤྲུལ་ཞབས་དྲུང་ཆོས་རྒྱལ་ཕུན་ཚོགས་ཀྱིས། ཞྭ་ལྷ་ཁང་དུ་སྔགས་པ་རྣམས་བསྡུས་ཏེ་དྲག་པོའི་སྦྱིན་སྲེག་ལྡུགས་པའི་སྒང་ལ་སྤོ་བོ་

― GLG008_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

བན་གྲོང་པ་ལ་སྟེང་གྲིབ་ཕོག་སྟེ་རང་གཤེད་ཕབ་པའི་རྟགས་ཆེན་པོ་བྱུང་། བླ་མ་རིན་ཅེན་ལ་ངེད་རང་གཉིས་བམ་རོའི་སྒྲུབ་པ་ཞིག་བྱེད་དགོས་པ་འདུག་ཀྱང་། ངེད་བྲེལ་བའི་སྟབས་ཀྱིས་རེ་ཞིག་མི་ཐུབ་པ་འདུག་གསུངས། སྐུ་མཚམས་ཀྱི་སྐབས་དེ་དག་ཏུ། འདོད་ཁམས་བདག་མོ་སོགས་ལྷ་མང་དུ་ཞལ་གཟིགས། ཁྱད་པར་པུར་ཏྲས་འཕྲིན་ལས་བསྒྲུབ་པར་ཁས་བླངས། དགོན་པའི་མིང་ཐུབ་བསྟན་བྱམས་ཆེན་ཕྱོགས་ཐམས་ཅད་ལས་རྣམ་པར་རྒྱལ་བའི་སྡེ་ཞེས་བཏགས། རབ་བྱུང་བསྙེན་རྫོགས་བརྒྱ་ཕྲག་བརྒལ་བ་བསྒྲུབས། ས་ཐམ་རྒྱལ་པོས་ཀཱ་བྷ་ཤི་དང་བྱ་ཀཱ་གཉིས་མངགས་ཏེ་ཕེབས་དགོས་པའི་ཞུ་བ་ཕུལ་ཡང་། དེ་རེས་གོ་བོ་དབན་པོས་གདན་འདྲེན་དོད་དྲག་པ་ལ་བརྟེན། ལི་ཐང་གི་དགོན་པའི་མཇུག་སྐྱོང་རྣམས་སྐུ་སྐྱེ་རིན་པོ་ཆེ་བསོད་ནམས་ཡེ་ཤེས་དབང་པོ་ལ་མཛད་དུ་བཅུག་ནས། ཧོར་ཟླ་བཅུ་གཅིག་པའི་ནང་དུ་ཆིབས་ཁ་སྒྱུར་ཏེ། དམར་ཁམས་ཀྱི་ཡུལ་དུ་ཕེབས། ཕྱོགས་དེར་རབ་བྱུང་བསྙེན་རྫོགས་སོགས་དམ་པའི་ཆོས་རྒྱ་ཆེན་པོས་ཚིམ་པར་མཛད། ཡུལ་ལུགས་དང་བསྟུན་པའི་འབུལ་ནོར་མང་དུ་ཕུལ། ཁྱུ་མཆོག་ཅེས་པ་ལྕགས་སྦྲུལ་གྱི་ལོ་གསར་གྲུབ་ནས། ཆབ་མདོ་བ་རྣམས་ཀྱིས་གདན་དྲངས་པའི་ཕེབས་ལམ་དུ། རྒྱ་མོ་བཟའི་ཕྱག་བཟོ་ལས་གྲུབ་པའི་རྣམ་སྣང་གི་སྐུ་མཇལ་བས། དེ་རྣམ་སྣང་དངོས་སུ་གྱུར་པའི་དབུ་གཙུག་ནས་འོད་ཟེར་རྣམ་པ་ལྔ་འཕྲོ་བ་དང་། ཐུགས་ཀ་ནས་མགོན་པོ་གུར་ཞི་བའི་ཆས་ཅན་གསལ་བར་གཟིགས། རྫུ་འཕྲུལ་གྱིས་ཞབས་བསྐོར་སྟོང་མཛད། བོན་དགོན་ཞིག་གི་གཞོགས་སུ་བཞུགས་སྒར་བབས་པའི་ནུབ། བོན་པོས་ཐོག་སེར་སྦྱར་ཏེ་བཏང་བས། སྐུ་

― GLG008_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

ཆས་སུ་ཞུགས་མགུལ་ཕུར་གདེངས་ཏེ་ཁྲོ་བོའི་སྟངས་སྟབས་ཀྱིས་འཆམས་དང་བཅས་ཏེ། ཐོག་སེར་བོན་དགོན་རང་གི་སྟེང་དུ་བསྒྱུར་བས། སྐྲག་སྟེ་སང་བཤགས་པ་འབུལ་བར་འོངས་། རྗེ་དྲུང་རིན་པོ་ཆེ་ལྷ་དབང་ཆོས་ཀྱི་རྒྱལ་མཚན་གྱིས་ཐོག་དྲངས་པའི་བླ་མ་གནས་ཆེན་སོགས་རྟ་པ་ཉིས་བརྒྱ་ཙམ་གྱི་བསུ་བ་དང་། དགེ་འདུན་སྟོང་ཕྲག་བཞིར་ཉེ་བའི་སེེར་སྦྲེངས་དང་བཅས། ཆབ་མདོ་བྱམས་པ་གླིང་དུ་ཕེབས་ཡུལ་ལུགས་དང་བསྟུན་པའི་འབུལ་བ་མང་དུ་ཕུལ། མི་རིང་བར་བྱང་སེམས་ཆོས་རྗེའི་ཁྲི་ཐོག་ཏུ་དར་གདུགས་འཛིན་པ་དང་སྤོས་འཛིན་པའི་དགེ་སློང་བརྒྱ་ཕྲག་གཉིས་ཀྱིས་མདུན་བདར་ཏེ་སྤྱན་དྲངས། དགེ་འདུན་སྟོང་ཕྲག་གསུམ་ལྷག་ཙམ་གྱིས་གཙོས་པའི་ཁྲོམ་ཁྲི་ཕྲག་ཉེ་བ་ལ་དམ་པའི་ཆོས་ཀྱི་ཆར་ཕབ། ཇ་སྤག་རྩེ་སྟོང་ཕྲག་བརྒལ་བ། རྟ་ཁྲབ་གོས་དར་དངུལ་སོགས་མང་དུ་ཕུལ། ཚོགས་པ་ལ་བཀའ་གདམས་གླེགས་བམ་དང་། སྒྲུབ་ཐབས་རྒྱ་མཚོ་གསུངས། རྗེ་དྲུང་རིན་པོ་ཆེ་དགེ་འདུན་བཀྲ་ཤིས་ཀྱི་སྤྲུལ་པའི་སྐུ་དགེ་འདུན་བསྟན་པ་རྒྱ་མཚོ་མཇལ་བར་བྱོན་ཏེ་ཞབས་ཕྱིར་བཞུགས། སྐུ་མདུན་ཆོས་མཛད་པ་སོགས་དབུས་གཙང་ནས་གྲྭ་རིགས་སྦྱིན་བདག་མང་པོས། ཞབས་དྲུང་སྦུ་ལུང་པས་དྲག་ལས་མང་པོ་མཛད་ཀྱིན་འདུག་པས། སྐུ་རིམ་བསྲུང་འཁོར་སོགས་ཀྱི་མཉེལ་སོ་ཞུས་པར་བརྟེན། དཔལ་རྡོ་རྗེ་འཇིགས་བྱེད་ཀྱི་དྲག་པོའི་འཁྲུལ་འཁོར་གནང་བས། འབྲི་ཁུང་དུ་ནང་ཞིག་བྱུང་། བ་སོ་སྤྲུལ་སྐུ་ལྷ་དབང་ཆོས་ཀྱི་རྒྱལ་མཚན་གྱིས་བསྐུལ་ནས། མཚར་ལུགས་ཀྱི་ཞལ་བཞི་པའི་གསང་འཁྲིད་ཀྱི་ཡི་གེ་ཐུགས་རྩོམ་མཛད། གཞན་ཡང་གནས་དེར་ལྷ་ཚོགས་དཔག་

― GLG008_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་མེད་པ་ཞལ་གཟིགས། དེ་ནས་ལྡན་ཆོས་འཁོར་གླིང་དུ་ཆོས་རྗེ་ལུང་རིག་པ་དཔོན་སློབ་ཀྱིས་གདན་དྲངས་ཏེ་ཕེབས། སྙིང་པོ་དོན་གསུམ་གྱི་འཁྲིད་ཡིག་ཐུགས་རྩོམ་གནང་། ཨལ་ཐན་རྒྱལ་པོ་འཇིག་རྟེན་ཕ་རོལ་ཏུ་གཤེགས་པ་མངོན་པར་མཁྱེན་པས་གཟིགས་ཏེ། རི་རབ་ཀྱི་རྩེར་བདེ་མཆོག་གི་དཀྱིལ་འཁོར་དུ་བཅུག །ལྷ་ངོ་བསྟན་ཅིང་དབང་བསྐུར་ནས་རྗེས་སུ་བཟུང་། མགོན་པོ་གུར་གྱི་སྒྲུབ་ཐབས་རྒྱས་པ་ཞིག་ཐུགས་རྩོམ་མཛད་པས་ཆོས་སྐྱོང་དངོས་སུ་ཞལ་གཟིགས། སྣ་ཚོགས་ཞེས་པ་ཆུ་རྟའི་ལོ་གསར་གྲུབ་རྗེས། ཚོགས་པ་ལ་བྱང་ཆུབ་ལམ་རིམ། འཁྲུངས་རབས་སོ་བཞི་བ། མེ་ཏྲི་བརྒྱ་རྩ་སོགས་གནང་། ཆོས་སྐྱོང་མང་པོའི་རྟེན་གཏོར་བཙུགས་པས་ལས་གཤིན་ཞལ་གཟིགས། སྐུ་མཚམས་ཡུན་རིང་དུ་མཛད་དེ། གུ་རུ་དྲག་པོ་དང་། ཡེ་ཤེས་ཁྱུང་ཁྲའི་སྒོ་ནས་ཀླུ་བདུད་གདུག་པ་ཅན་སོགས་ལྷ་སྲིན་མང་པོ་དམ་ལ་བཏགས། དམ་ལ་མི་གནས་པ་རྣམས་གཞན་དུ་བསྐྲད། ཕུག་སྒོ་ཆུང་ངུ་ཞིག་ལ་ཕར་གཤེགས་ཚུར་གཤེགས་མཛད་པ་དང་། བྲག་ལ་ཞབས་རྗེས་འཇོག་པ་སོགས་གྲུབ་པའི་མཚན་མ་མང་དུ་བསྟན། སྔོན་འབྲོམ་ཆོས་ཀྱི་རྒྱལ་པོས་ཆོས་སྐུ་སྣང་བ་མཐའ་ཡས་ཀྱི་སྐུ་རང་བྱུང་དུ་གཟིགས་པའི་ཕ་བོང་ཆེན་པོ་ཞིག །ཕྱིས་འགྱུར་ནས་རང་བྱོན་དེས་འོག་ཏུ་ཚུད་པ་ལ། ཡུལ་པའི་མི་རྣམས་ཀྱིས་ཕ་བོང་དེ་ཀ་ལ་ཆོས་སྐུ་ཞེས་མིང་བཏགས་ནས་སྐོར་བ་བྱེད་ཅིང་ཡོད་འདུག་པ་ལ། སྐུ་དེ་ས་འོག་ཏུ་ཚུད་ཅེས་གསུངས་ནས་མི་མང་པོ་བསྒྱུར་དུ་བཅུག་ནས་མངོན་སུམ་དུ་བསྟན། རྒྱལ་བ་བཙོང་ཁ་བ་སོགས་ལྷ་དང་བླ་མ་ཞི་ཁྲོ་རབ་འབྱམས་གྲངས་མེད་པའི་ཞལ་གཟིགས། གློང་ཐང་སྒྲོན་མའི་གཙུག་ལག་ཁང་མཇལ་བར་

― GLG008_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

ཕེབས། ཕྱག་ན་རྡོ་རྗེ་འབྱུང་འདུལ་གྱི་སྒྲུབ་ཐབས་མཛད། པཎྜི་ཏ་ཛྙཱ་ན་སྨྲྀ་ཏིའི་གདུང་མཇལ། དྲན་ཐང་ནང་སོས་གཙོས་པའི་སྡེ་དགོན་རྣམས་ཀྱིས་འབུལ་བ་དང་ཞབས་ཏོག་བྱས། སྔར་ལྡན་ཆོས་འཁོར་གླིང་དུ་ཕེབས་ཐོག །ཨལ་ཐན་རྒྱལ་པོའི་ཞལ་ཆེམས་བཞིན། རྒྱལ་བརྒྱུད་གཅིག་གིས་གཙོས་པའི་གདན་འདྲེན་པ་མངགས་པ་འབྱོར་ཏེ་མཚོ་ཁར་ཕེབས། རྒྱལ་པོ་ཨལ་ཐན་དམིགས་ཡུལ་དུ་གཙོ་བོར་བགྱིས་པའི་སྨོན་ལམ་བྱམས་པའི་འཛུམ་ཞལ་མངོན་དུ་བགྱིད་པའི་ཕོ་ཉ་ཞེས་བྱ་བ་ཐུགས་རྩོམ་གནང་། སྟག་ལུང་ཆོས་རྗེ་ཀུན་དགའ་བཀྲ་ཤིས་སྒར་བསྐོར་ལ་བྱོན་པར། འཕྲིན་ལས་བཞེད་པ་བཞིན་མ་བྱུང་བར་ཡར་འཕྲལ་འབྱོན་ཡང་མ་བདེ་ཞིང་། བཞུགས་པ་ལ་ཡང་འོ་བརྒྱལ་བར་ཡོད་སྐབས་རྗེ་ཉིད་ཀྱིས། སྟག་ལུང་པ་གདུང་རུས་ཁུངས་བཙུན་པའི་བསྔགས་བརྗོད་ཀྱི་སྒོ་ནས་འཕྲིན་ལས་ཀྱི་སྒོ་ཕྱེ་བས་ཁོང་དཔོན་སློབ་ངལ་གསོའི་བདེ་བར་ཐོབ། ཨ་ས་དཔལ་ནོ་ཡོན་བྲོ་འཚལ་བ་ལས་གྲོལ་བར་མཛད། ཧོར་ཟླ་བཅུ་གཅིག་པའི་གྲང་བའི་སྐབས་དེར། རྗེ་ཉིད་ཀྱི་ཞལ་གྱི་རླང་པ་ལས་མེ་ཏོག་པདྨ་དཀར་པོ་ཞིག་བྱུང་བའི་སྟེང་དུ་ཨ་ཡིག་འདུག་པ་ཨས་དཔལ་ནོ་ཡོན་གྱིས་གསལ་བར་མཐོང་། སྤོས་ཀྱི་དུད་པ་ནམ་མཁའ་ལ་གདུགས་ལྟར་ཕུབ་པས་ཡ་མཚན་པ་བྱུང་། ཉི་མ་ཞེས་པ་ཆུ་ལུག་གི་ལོ་གསར་གྲུབ་ནས། རྒྱལ་བ་བཙོང་ཁ་པ་སྐུ་བལྟམས་པའི་གནས་སྐུ་འབུམ་དུ་ཕེབས། དེར་བཤད་གྲྭ་གསར་དུ་འཛུགས་པ་དང་། བསྟན་པ་རྒྱས་པའི་ཆོས་སྲུང་རྣམས་ལ་གཉེར་གཏད་མཛད། བྱ་ཁྱུང་བྲག་ཏུ་ཕེབས། རབ་བྱུང་བསྙེན་རྫོགས་དང་། ཆོས་མང་དུ་གནང་། རིམ་གྱིས་རི་བོ་དན་ཏིག་ཏུ་ཕེབས། སྐུ་མཚམས་ཡུན་རིང་

― GLG008_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་གནང་། དཔལ་འཁོར་ལོ་སྡོམ་པའི་ལྷ་ཚོགས་ཞལ་གཟིགས། བདེ་མཆོག་ལྷ་ལྔའི་ཆོས་ཚན་འགའ་ཞིག་ཐུགས་རྩོམ་གནང་། ཨང་ཏིག་གི་གནས་སྒོ་གསར་དུ་ཕྱེེ་བའི་ངོས་དེར་སངས་རྒྱས་བྱང་སེམས་ཀྱི་སྐུ་དང་། བཀྲ་ཤིས་རྟགས་བརྒྱད་སོགས་རང་བྱོན་མང་དུ་བྱུང་། དེའི་བྲག་དངོས་ནས་ཆོས་གཏེར་དང་། འཆི་མེད་ཚེའི་བུམ་པའི་གཏེར་ཡོད་པ་བཞེས་རྩིས་ལ། འགའ་ཞིག་གིས་བྲག་དེ་གཡང་ཆེ་བས་མི་འགབ་ཚུལ་ཞུས་པས། སྐུ་ཚེ་རིང་པའི་འཕེན་པའང་མེད་འདུག་པའི་སྟབས་ཀྱིས་བཏང་སྙོམས་སུ་བཞག །ཚེ་ཆུ་དེ་བཞེས་ཐུབ་ན་སྐུ་ཚེ་མཐར་ཕྱིན་ཞིག་འོང་ཚོད་དུ་འདུག །དེ་ནས་བྱམས་ཆེན་ཆོས་རྗེའི་བཞུགས་གནས་མཛོ་མོ་མཁར་དུ་ཕེབས། དབང་ཆོས་རབ་བྱུང་བསྙེན་རྫོགས་མང་དུ་གནང་། ཉི་སྒྲོལ་བྱེད་ཅེས་པ་ཤིང་སྤྲེལ་གྱི་ལོ་གསར་རྒྱས་པར་མཛད། རྒྱ་ཀོང་རྩེ་འཕྲུལ་གྱིས་བྲག་རི་ལ་བརྐོས་པའི་བྱམས་པའི་སྐུ་འབུམ་ཐེར་བཞུགས་པ་དེ་མཇལ་ནས། མ་སྒལ་གྱི་སའི་ཆ་བིང་ལེར་སྒར་དམངས་བཞག །དཔོན་སློབ་ཉུང་བསྡུས་ཤིག་སྒལ་དགོན་པར་ཞག་གཉིས་ཙམ་བཞུགས་ངོས། ཆུ་བོ་ཆེན་པོ་ལ་གྲུ་གཟིངས་བཏང་སྟེ། འཕགས་པ་ཤིང་ཀུན་ཏུ་ཕེབས། བླ་མ་ཆོས་ཀྱི་རྒྱལ་པོའི་སྐུ་འདྲས་གསུང་བྱོན། སྐུ་དེའི་ཕྱག་མཛུབ་ཆག་པ། གཞན་གྱིས་ཐབས་གང་གིས་ཀྱང་མ་འབྱར་བ་ལ། རྗེ་འདིས་ཚེགས་ཆུང་ངུས་འབྱར་བར་མཛད། ཕྱོགས་དེའི་སྐྱེ་བོ་མཐའ་དག་ཐར་ལམ་ལ་བཀོད། ཐུགས་རྗེ་ཆེན་པོའི་སྐུ་རང་བྱོན་བཞུགས་པའི་ཤར་ཡུལ་སྤེན་ལྷས་ནགས་ཚལ་དུ་སྤྲེལ་ལོ་སྤྲེལ་ཟླའི་ཚེས་བཅུ་ལ་ལས་བྱང་ལེའུ་བརྒྱད་པའི་སྒོ་ནས་མཆོད་པ་མཛད་པས་སློབ་དཔོན་ཆེན་པོ་ལ་མཚན་བརྒྱད་ཀྱིས་བསྐོར་བ་ཞལ་གཟིགས། སླར་ཙོང་

― GLG008_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

ཁའི་ཡུལ་དུ་ཕེབས། དེར་རྒྱ་ཧོར་གྱི་བར་དུ་འཁྲུག་པ་ཆེན་པོ་ཡོད་པ་རྣམས་ཟླུམས་པར་མཛད་དེ་ཀུན་ཀྱང་བདེ་བ་ལ་བཀོད། རིམ་གྱིས་པག་རས་ཀྱི་སའི་ཆར་གདུལ་བྱ་རྣམས་ཀྱི་རེ་འདོད་ཡོངས་སུ་བསྐང་། སེམས་ཉིད་དུ་ཞག་ཁ་ཡར་བཞུགས་ནས། ད་ལྟའི་དགོན་པ་དགའ་ལྡན་དར་རྒྱས་གླིང་ལུང་བསྟན། དེ་ནས་མཚོ་ཁར་ཕེབས། དཔོན་པོ་འཁོ་ལོ་ཆེས་བསྙེན་བཀུར་རྒྱ་ཆེར་ཞུས། འདོད་ཆོས་ཀྱིས་ཚིམ་པར་མཛད། ལུགས་གཉིས་ཀྱི་བགྱི་བའི་བསླབ་སྟོན་ལྷུག་པར་སྩལ། སྒར་ཆེན་གདུགས་མང་པོའི་བར་དུ་བཏེག་པ་ན། ཆུ་མེད་པའི་མྱ་ངམ་གྱི་ཐང་ཞིག་ལ་འདི་ནས་ཆུ་འོང་ཞེས་བཀས་གནང་སྟེ་བྲུས་པས་རེ་ཞིག་མ་བྱུང་བར་ཀུན་སོམ་ཉིང་གྱུར་སྐབས། རྡོ་མིས་ཐེག་ཚོད་ཙམ་ཞིག་དོང་དུ་བརྡེག་བཅུག་པ་དང་མཉམ་དུ་ཆུ་ཐག་ཤས་གསུམ་ཙམ་གྱིས་བར་དུ་རྡོལ་བའི་ངོ་མཚར་བསྟན། ད་ཡན་ནོ་ཡོན་གྱིས་གཙོས་པའི་རྟ་པ་སྟོང་ཕྲག་ཙམ་གྱིས་མདུན་བསུས་ཏེ། འུར་སྡུས་ཀྱི་དཔོན་པོ་སེ་ཆེན་ཧོང་ཐའི་ཇིའི་སྡེ་ཐོག་ཏུ་ཕེབས། དབང་རྗེས་གནང་སོགས་འདོད་ཆོས་དུ་མ་སྩལ། གསེར་དངུལ་གོས་དར་རྟ་ཕྱུགས་སོགས་འབུལ་བ་ཁྲི་ཕྲག་བརྒལ་བ་ཕུལ། ས་སྐྱོང་ཞེས་པ་ཤིང་བྱའི་ལོ་གསར་དང་། ཆོ་འཕྲུལ་གྱི་མཆོད་པ་རྒྱས་པ་མཛད། རབ་ཏུ་བྱུང་བ་སྟོང་ཕྲག་ཉེ་བ་བསྒྲུབས། གཙུག་ལག་ཁང་དང་འདུས་པའི་སྡེ་གསར་དུ་བསྐྲུན་པ་ལ་མེ་ཏོག་གཏོར། ད་ཡན་ནོ་ཡོན་དེ་སྡིག་ལ་རྔམས་ཤིང་མི་བསྲུན་པ་སྲིན་པོའི་རིགས་ཅན་ལྟ་བུ་ཞིག་ཡིན་འདུག་ཀྱང་། ཡན་ལག་བརྒྱད་པའི་བསླབ་པ་ལ་བཀོད་དེ་སྡིག་པ་ཤིན་ཏུ་འཛེམ་པར་གྱུར། དེ་ནས་སེ་ཆེན་ཏའི་ཆིང་གི་སྡེ་ཐོག་ཏུ་བཞུགས་སྒར་ཕེབས། ཐའི་ཇི་ལ་ཚེ་དཔག་མེད་ལྷ་དགུའི་དཀྱིལ་འཁོར་

― GLG008_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཅུག་སྟེ་དབང་བསྐུར། གཙུག་ལག་ཁང་དང་འདུས་སྡེ་བཞེངས་པ་ལ་རབ་ཏུ་གནས་པ་དང་། གཤིན་རྗེ་གཤེད་ཀྱི་དྲག་པོའི་སྦྱིན་སྲེག་གིས་ནག་ཕྱོགས་རྣམས་ཚར་བཅད། དགོན་པ་དེ་ལ་ཕུན་ཚོགས་དར་རྒྱས་གླིང་དུ་བཏགས། ཐན་པ་ཤིན་ཏུ་ཆེ་བ་ལ་ཆར་ཆེན་པོ་བབ་སྟེ་མི་ཕྱུགས་མཐའ་དག་བདེ་བ་ལ་བཀོད། སོག་པོ་ཚོ་ཆེན་བཞི་བཅུའི་གུར་དཀར་པོའི་བདག་པོ་ཇུ་ནང་རྒྱལ་པོས་བསུ་བ་དང་བཅས་ཏེ་གདན་དྲངས། རིན་པོ་ཆེའི་ཕོར་པ། གོས་ཡུག་བརྒྱ། དངུལ་སྲང་སྟོང་སོགས་འབུལ་བ་ཁྲི་ཕྲག་ཕུལ། རྒྱལ་པོ་འཁོར་བཅས་བཅོམ་ལྡན་འདས་དཔལ་ཀྱཻ་རྡོ་རྗེའི་དཀྱིལ་འཁོར་དུ་བཅུག་སྟེ་དབང་བསྐུར། གཙུག་ལག་ཁང་དང་འདུས་སྡེ་བཞེངས་པ་ལ་རབ་ཏུ་གནས་པ་རྒྱས་པར་མཛད། འདི་དག་གི་སྐབས་སྔ་ཕྱི་རྣམས་སུ་ཕྱག་མདུད་ཕྱག་དབང་སོགས་གྲངས་མང་བས་ཕྱག་བརྡོལ་བ་བྱུང་ཡང་འགྲོ་དོན་ལ་དགོངས་ཏེ་དཀྲིས་མ་མཛད་ནས་མཚམས་འཇོག་པ་མ་གནང་། བརྒྱ་བཞིའི་ཆོ་ག་རྒྱས་པ་བཀླགས་པས་དོན་གྲུབ་དང་། གསོལ་འདེབས་དངོས་གྲུབ་འབྱུང་གནས་ཐུགས་རྩོམ་གནང་། རྒྱལ་པོས་རང་གི་བུ་ལ་རྒྱལ་སྲིད་གཏད་དེ། འཁོར་བའི་ཕུན་ཚོགས་མཐའ་དག་སྤངས་ཏེ་རབ་ཏུ་བྱུང་། རིམ་གྱིས་ཇོ་འཁོར་ནོ་ཡོན་གྱིས་གདན་དྲངས། ཐའི་ཇི་འཁོར་བཅས་འཆི་མེད་རྔ་སྒྲའི་དཀྱིལ་འཁོར་དུ་བཅུག་སྟེ་དབང་བསྐུར། ཧོར་ཟླ་བཅུ་པའི་ཉེར་ལྔ་ལ་རྒྱལ་བ་བཙོང་ཁ་པ་ཆེན་པོ་མཆོད་པའི་དུས་སྟོན་རྒྱས་པར་གནང་བས་འཇའ་འོད་ཀྱི་གུར་དང་མེ་ཏོག་གི་ཆར་བབ། མཚན་མོ་གླིང་མེ་སྤར་བའི་འོད་ཀྱིས་ཉིན་མོའི་སྣང་བ་ལྟར་གསལ་བས། ཕྱོགས་དེར་རྒྱལ་བ་གཉིས་པའི་བསྟན་པ་རྒྱས་པའི་རྟེན་འབྲེལ་འགྲིག །རྗེ་འབངས་མཐའ་དག་དགེ་བའི་ལམ་ལ་བཀོད། མི་ཟད་

― GLG008_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཞེས་པ་མི་ཁྱིའི་ལོ་གསར་དང་། ཆོ་འཕྲུལ་གྱི་མཆོད་པ་རྒྱས་པར་མཛད་དོ། །རབ་འབྱམས་རྒྱལ་ཀུན་འཕྲིན་ལས་གཅིག་བསྡུས་པས། །རང་དགར་མཁྱེན་བརྩེ་ནུས་པའི་ཟླ་བཞོན་གྱིས། །རབ་ཡངས་མཐའ་འཁོབ་རྨོངས་པའི་མུན་པ་ཀུན། །རབ་ཏུ་གསལ་ཏེ་རྫོགས་ལྡན་ལྟ་བུ་བཀོད། །བཀོད་ལེགས་དྲེགས་ལྡན་འཇོམས་པའི་མངའ་ཐང་དང་། །དང་པོའི་སངས་རྒྱས་ཐོབ་པའི་ཆོས་ཚུལ་ཀུན། །ཀུན་ནས་ཕན་ཚུན་འགྲན་པའི་ངོ་མཚར་དཔལ། དཔལ་ལྡན་འཇམ་དཔལ་སྙིང་པོའི་རིང་ལུགས་སྤེལ། དེ་ནས་ཨལ་ཐན་རྒྱལ་པོའི་སྲས་དུ་རིང་རྒྱལ་པོས་གདན་འདྲེན་གྱི་ཕོ་ཉ་མངགས་པ་ལྟར། ཆིབ་ཁ་སྒྱུར་ཏེ་དམར་ཆུའི་འགྲམ་དུ་ཕེབས་པ་ན། ཆུ་ཧ་ཅང་ཆེ་ཞིང་གཏིང་ཟབ་པས། སྒར་དམངས་རྣམས་ཕེབས་མི་ཐུབ་པ་འདྲ་ཞེས་གླེང་སྐབས། དེ་ནུབ་འདོད་ཁམས་དབང་ཕྱུག་མ་ལ་གཉེར་གཏད་གནང་བས། མཚན་ཕྱེད་ནས་ཐམས་ཅད་གཡོ་བ་ཙམ་གྱི་རླུང་ནག་ཆེན་པོ་བྱུང་། ནམས་ལང་ཙ་ན་གཡས་གཡོན་ཐམས་ཅད་ཆུ་སྔོ་ཏིང་ངེ་བ་ལ་དཀྱིལ་དུ་དར་ལམ་སྐྱ་ཤ་རེ་ཆགས་འདུག་པ་ལ། སྒར་པ་རྣམས་འགྲིམས། དིང་སང་ཡང་དུས་ཚོད་དེ་ཁར་ཆགས་ཡོང་བའི་བསོད་ནམས་དར་ལམ་དུ་མིང་ཐོགས། རིམ་གྱིས་མཁར་སྔོན་པོ་ཞེས་བོད་འབྲོག་གི་སྡེ་མཐའ་ཀླས་པ་ཡོད་པའི་ལྷའི་གྲོང་ཁྱེར་ས་ལ་འཕོས་པ་ལྟ་བུ་དེར། ངོ་མཚར་བའི་བསུ་བ་དང་བཅས་ཏེ་ཕེབས། ཨལ་ཐན་རྒྱལ་པོས་བཞེངས་པའི་དངུལ་གྱི་ཤཱཀྱ་མུ་ནེའི་སྐུ་གཟུགས་ལ་གཟུངས་བཞུགས་དང་རབ་གནས་རྒྱས་པར་མཛད། རྒྱལ་པོས་གསེར་གྱི་མཎྜལ། དངུལ་གྱི་རྒྱ་དམ། གོས་ཡུག་བརྒྱ། རོལ་མོའི་རིགས། རྟ་དྲེའུ་དར་རས་སོགས་འབུལ་བ་ཁྲི་ཕྲག་བཏེག །རྗེ་འབངས་ཁ་ཤས་ལ་ཀྱཻ་རྡོ་རྗེ་དང་འཁོར་ལོ་སྡོམ་པའི་དབང་

― GLG008_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུར། བདེ་མཆོག་བོང་བུའི་ཞལ་ཅན་དངོས་སུ་ཞལ་གཟིགས། རྒྱལ་པོས་བསྐུལ་ཏེ། དྲིལ་བུ་ལྷ་ལྔའི་དབང་ཆོག་ཐུགས་རྩོམ་མཛད། ཨལ་ཐན་རྒྱལ་པོའི་གདུང་ཞུགས་འཕུལ་བས་ནམ་མཁའ་ཐམས་ཅད་འཇའ་འོད་ཀྱི་དྲ་བས་ཁེངས་ཤིང་མེ་ཏོག་གི་ཆར་བབ། ཧཱུྃ་དང་ཧྲིཿ་སོགས་ཡི་གེ་དང་། རིང་བསྲེལ་མཐའ་ཡས་པ་བྱུང་། ཕྱི་རྟེན་དུ་དངུལ་སྲང་སྟོང་ལས་གྲུབ་པའི་མཆོད་རྟེན་བཞེངས་པ་ལ་རབ་གནས་མཛད། ཆ་དཀར་ནས་ན་མོ་ཏའི་ཧོང་ཐའི་ཇི་མཇལ་བ་ལ་འོངས་ཏེ། ཟང་ཟིང་གི་འབུལ་བ་ཁྲི་ཕྲག་ཕུལ། དམ་པའི་ཆོས་ཀྱི་ཚེམ་པར་མཛད། རྒྱ་ནག་གི་བཟོ་བོ་མཁས་པ་ལ་འདྲ་འབག་དང་གསོབ་བཟོ་བཅུག་ནས། བར་དོར་དགེ་སྡིག་ཤན་འབྱེད་ཀྱི་རྣམ་པ་མང་པོ་བསྟན་པའི་སྒོ་ནས་གདུལ་བྱ་འགའ་ཞིག་དགེ་བ་ལ་བཀོད། ཅུང་ཟད་སྙུང་བའི་ཚུལ་བསྟན་པ་ལ། སྐུ་འཁོར་རྣམས་ཀྱིས་རེ་ཞིག་སྐུ་མཚམས་གནང་བར་ཞུས་པས། གཞན་ཕན་རྒྱ་ཆེ་བ་འདིའི་སྐབས་སུ་མཚམས་ཀྱིས་དགོས་པ་མེད། ཁོ་བོ་འགྲོ་དོན་ལ་མི་སྐྱོ་ཞེས་བཀའ་སྩལ་པ་རྒྱལ་སྲས་ཆེན་པོའི་རྣམ་ཐར་དུ་མཆིས། ཐམས་ཅད་འདུལ་ཞེས་པ་མེ་ཕག་གི་ལོ་གསར་གྱི་དགའ་སྟོན་དང་། ཆོ་འཕྲུལ་གྱི་མཆོད་པ་གནང་། མཐུ་མེད་ཀྱི་གཡས་རུའི་ཕྱོགས་སུ་ཕེབས། གཙུག་ལག་ཁང་ལ་རབ་ཏུ་གནས་པ་མཛད། དུ་རིང་རྒྱལ་པོ་གཤེགས་པའི་དགོངས་རྫོགས་ཀྱི་མགོན་དུ་ཕེབས། དགེ་བ་རྣམས་རྫོགས་བྱང་དུ་བསྔོས། ཁར་ཁ་རྡོ་རྗེ་རྒྱལ་པོ་མཇལ་བར་འོངས་པ་ལ་འདོད་པའི་རེ་བ་ཡོངས་སུ་བསྐང་། འབོལ་རྒན་གྱི་པགས་པའི་ཁུར་སོགས། ནོར་སྣ་རྔམས་ཆེན་མང་དུ་ཕུལ། དེ་སྐབས་རིན་པོ་ཆེ་བོད་མཁར་བའི་མཚན་ལྟས་ལ། སྐུ་ཚེ་ལ་བར་ཆད་ཆེན་པོ་ཡོད་པའི་རྟགས་བྱུང་བས། རིན་པོ་ཆེ་རང་གིས་ཞལ་གྱི་དམར་ཆེན་གཏོར་

― GLG008_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག་དང་། དགའ་ལྡན་ཕོ་བྲང་དུ་བསྙེལ་སོ་བཏང་བའི། སྐུ་མདུན་ཆོས་མཛད་པས་འབུམ་བརྒྱ་བཙུགས། ཨུ་རེང་ཁན་གྱི་ཇོ་འཁོར་ནོ་ཡོན་གྱིས་ཕོ་ཉ་མངགས་པ་ལྟར། བླ་མཆོད་བཏང་སྟེ་བརྒྱུད་པའི་སྒོ་ནས་བཏུལ། ཁར་ཆིན་གྱི་རྒྱལ་ཕྲན་ཞིག་རབ་ཏུ་བྱུང་བར་འོངས་དེས་དགེ་འདུན་གྱི་སྡེ་བཙུགས་པ་ལ་ཕྱག་ནས་གཏོར། མཆོད་རྟེན་དཀར་པོ་ཞེས་པའི་བྱིན་རླབས་ཅན་བཞུགས་པའི་ཡུལ་གྱི་རྒྱལ་པོ་ཨལ་ཐན་མཆེད་ཀྱིས་སྤྱན་དྲངས་གཙུག་ལག་ཁང་བཞེངས་པ་ལ་རབ་གནས་མཛད། ཉིན་གཅིག་ནགས་འཐོར་རེ་བ་ཡོད་པའི་རི་ཞིག་ལ་ཕེབས་པས། དགེ་སློང་ན་བཟའ་ཧྲུལ་ལེ་བ་བཞེས་པ་ཞིག་དང་མཉམ་ཕྱག་མཛད། གསུང་གླེང་མང་དུ་གནང་སྟེ། དེ་ནགས་གསེབ་ལ་ཡུད་ཀྱིས་བཞུད་སོང་བས། སྐུ་འཁོར་རྣམས་ཀྱིས་དྲི་བ་ཞུས་པར། རྒྱལ་ལྷ་ཐོག་སྟེང་ནས་གྲུབ་ཆེན་ཐར་པའི་རྒྱལ་མཚན། ཁོ་བོ་འགྲོ་ཁར་ཐུག་པ་ལ་བྱོན་པར་འདུག །ད་ནང་གང་ནས་ཕེབས་ཞུས་པས། གཏོར་མ་གྲོལ་ནས་འོང་གསུང་བྱུང་། ཁོང་ཡང་ཡུན་རིང་བཞུགས་མདོག་མ་ཁ་གསུངས། ཅུང་ཞིག་སྙུང་བའི་ཚུལ་མཛད་པར། མཆོག་དམན་ཀུན་གྱིས་གསོལ་བ་བཏབ་པའི་ངོར། སྐུ་མཚམས་གནང་བའི་སྐབས། རྒྱལ་བ་བཙོང་ཁ་པས་བཏང་བའི་ཕོ་ཉ་ཡིན་ཟེར་བ་ཞིག་འོངས་ཏེ། ཡི་གེ་ཕྱག་ཏུ་ཕུལ་བ་གཟིགས་པ་ན། རེ་ཞིག་དགའ་ལྡན་དུ་ཤོག་ཟེར་བ་འདུག་གསུངས་ཏེ། མགོན་པོ་སྙིང་ཞུགས་ཀྱི་འཕོ་བའི་ཐུགས་དམ་རྒྱུན་དུ་མཛད། སྐུ་བསྙུན་པ་ལས་དྭངས་པ་དང་། དབུས་གཙང་གི་གདན་འདྲེན་པ་རྣམས་ཀྱིས། ཡར་ཕེབས་དགོས་པའི་ཞུ་འབུལ་དང་། ཁར་ཆིན་གྱི་རྒྱལ་པོས་ཕོ་ཉ་མངགས་ཏེ། མཐའ་འཁོབ་ཀྱི་ས་ཕལ་ཆེར་ན་འཁོད་པའི་གདུལ་བྱའི་རེ་བ་སྐོང་བར་མཛད་ཟིན་པས། ངེད་ཀྱི་ཡུལ་དུ་ཕེབས་དགོས་པའི་རྒྱུ་མཚན་

― GLG008_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

ནན་དུ་ཕུལ་བས། ཀུན་མཁྱེན་ཟས་གཙང་གི་སྲས་པོ་གྱད་ཀྱི་ཡུལ་རྩྭ་ཅན་དུ་གཤེགས་པ་ལྟར། ཁར་ཆིན་གྱི་གསེར་ཡིག་པར་ཕེབས་པའི་བཀའ་ལན་གནང་སྟེ། བཞུགས་སྒར་རིམ་གྱིས་བཏེག་ནས། ཧོར་རྒྱལ་པོའི་དུས་ཀྱི་ཕོ་བྲང་ཤང་ཏོ་ཞེས་པའི་ཤུལ་གྱིས་སར་ཕྱགས་ཕེབས། རྒྱལ་བློན་འགའ་ཞིག་ལ་བཅོམ་ལྡན་འདས་ཀྱཻ་རྡོ་རྗེའི་དབང་དང་། སྐྱེ་བོ་ཕལ་ཆེར་ཡན་ལག་བརྒྱད་པའི་ཁྲིམས་སོགས་དགེ་བ་ལ་བཀོད། རྒྱལ་པོའི་འབུལ་ཆེན་གྱི་དུས། དངུལ་ལས་གྲུབ་པའི་ཁང་པ་ཀ་གཉིས་མ་ཙམ་ཞིག་ཏུ་བཞུགས་གདན་བཀོད་པས། རེ་ཞིག་སྔས་པ་ཙམ་ཡིན་ཀྱང་། འདོད་པ་དང་བསྟུན་པས་ཆོག་གསུངས་ཏེ། དངུལ་གདུང་གི་རྟེན་འབྲེལ་དུ་དགོངས། གསེར་དངུལ་གོས་དར་རྟ་ཁྲབ་སོགས་འབུལ་བ་ཁྲི་ཕྲག་བརྒལ་བ་ཕུལ། དེར་དགེ་འདུན་གྱི་སྡེ་བཙུགས་འདུག་པ་ལ་རབ་ཏུ་གནས་པ་རྒྱས་པར་མཛད། ཀུན་འཛིན་ཞེས་པ་ས་བྱིའི་ལོ་གསར་དང་། སྨོན་ལམ་རླབས་པོ་ཆེ་གནང་། ཟླ་བ་དང་པོའི་མཇུག་ནས་ཅུང་ཟད་བྲོ་འཚལ་བའི་རྣམ་པ་བསྟན། རྒྱ་ནག་གོང་མ་རྒྱལ་པོས་ཕོ་བྲང་དུ་ཕེབས་དགོས་པའི་གདན་འདྲེན་པར། མི་བརྒྱད་ཀྱིས་གཉའ་བ་ནས་བཏེག་པའི་གསེར་ཡིག་པ་མངགས་ཀྭ་དིང་ཏའི་གུ་ཤྲཱིའི་མཚན་དང་། ལས་ཀ་ཆེ་བ་འདི་རེས་བྱུང་། རྟེན་འབྲེལ་དུ་དགོངས་ནས་ཕོ་བྲང་དུ་ཕེབས་པའི་ཞལ་བཞེས་མཛད། ནག་པ་ཟླ་བ་ནས་སྙུན་བབས་ལྕི་བའི་ཚུལ་བསྟན་ཏེ། གསུང་གི་མཐའ་མ་ཕྱག་བྲིས་སུ་སྩལ་བ་འདི་ལྟར། གནས་ཆུ་ལྷའི་ཕྱོགས་ཀྱི་སྐྱེད་ཚལ་ན། །དཔལ་བཤད་པའི་མིང་ཅན་བདེ་བའི་མཆོར། །ཐབས་ཤེས་རབ་ཀྱི་ཁུ་བ་སྟེར་མཁས་པ། །གནས་ལྷོ་ཕྱོགས་རྒྱ་མཚོའི་འགྲམ་ངོགས་ཀྱི། །དྲི་ཟས་སུ་ཟ་བའི་དགའ་བའི་ཚལ། །གཞི་དེ་ན་བདེ་སྟོང་ལོངས་སྤྱོད་པའི། །ལྷ་སྭ་ར་

― GLG008_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

སྭ་སྟིའི་དངོས་གྲུབ་ཀྱི། །རྒྱན་རིན་ཆེན་འཕྲེང་བ་སྤུད་བྱེད་ཅིང་། གདངས་སྙན་པའི་ལྷུང་ལྷུང་སིལ་སྒྲ་ཅན། །སྒྲ་འཛིན་པའི་བུ་གར་གྲག་འོས་པ། །ཡིད་གཉིས་འཛིན་གྱི་འཁྲི་བ་གཅོད་པའི་དཔལ། །ཡུལ་གང་དེ་བློ་ཡི་ར་བར་འཁོད། །དེ་འདུས་འབྲལ་མེད་པའི་དཔལ་དུ་བཟང་། །མི་གནམ་བསྐོས་ཀྱི་དགའ་བ་སྐྱེད་བྱེད་རྒྱལ། །མཚན་ཀུན་ཏུ་རྒྱལ་བའི་ཡོན་ཏན་དེ། དཔལ་ཡར་གྱི་ངོ་བཞིན་གོང་དུ་འཕེལ། །ཀྱེ་གཞན་ཕན་དུ་རློམ་པའི་རྣམ་གཡེང་གིས། །ཉིན་བཞིན་དུ་འཁོར་ཀྱང་ངལ་མ་ཚོར། །མཚན་དགེ་སྦྱོང་གྱི་གསེབ་ཏུའང་དྲན་ལམ་དུ། །སྒྲིབ་བྲལ་བའི་དབྱིངས་དེར་ཉི་དཀྱིལ་བཞིན། །ཆོས་གསལ་ཞིང་གསལ་བ་འདི་ངོ་མཚར་ཆེ། །ཡིད་དགའ་བའི་མེ་ལོང་དཀྱིལ་འཁོར་ལ། །སེམས་བདེ་བའི་ཡུལ་གྱི་སྣང་བརྙན་ནི། །མཁའ་དག་པའི་དབྱིངསཀྱི་ཟླ་གཟུགས་དེ། །ཆེས་དྭངས་པའི་ཆུ་ནང་ཇི་བཞིན་ནོ། །འདི་རྫུན་པ་མ་ཡིན་བདེན་པ་སྟེ། །སྐྱབས་རིན་ཅེན་གསུམ་གྱི་དགོངས་པ་ཡིན། །ལྷ་ཆོས་སྐྱོང་སྲུང་མ་དབང་བཞུགས་པ། འདི་སྣང་ཚུལ་བཅོས་སུ་མེད་པ་སྟེ། །དེ་བདེན་པའི་ཚིག་གིས་ཡི་གེར་བྲིས། འདི་གྲོགས་སུ་གྱུར་པ་དཀར་འཇམ་གྱི། རས་བཟང་པོའི་ལོགས་ལ་སུག་པས་བྲིས། འདི་རང་གིས་བལྟས་ན་བདེ་བའི་རྒྱུ། གྲོགས་གཞན་གྱིས་བལྟས་ན་ཅི་འཆར་འགྱུར། །ཉམས་བདེ་སྟོང་རོལ་པའ་ིརྒྱ་མཚོ་ཆེ། །དབྱར་ཆུ་བོའི་ངང་ཚུལ་དག་ལ་འགྲན། །དེ་ལམ་བཟང་རྡོ་རྗེ་ཐེག་པའི་དྲིན། །དྲིན་ཆེ་བར་ངེས་སོ་བླ་མ་རྗེ། །བདག་ཚེ་རབས་ནས་ཚེ་རབས་ཐམས་ཅད་དུ། །ལམ་བཟང་པོ་འདི་དང་མི་འབྲལ་ཤོག །སྐྱབས་བསླུ་མེད་དཀོན་ཅོག་གསུམ་ལ་འདུད། །ཀྱེ་ཡངས་པའི་རྒྱལ་ཁམས་ཧོར་གྱི་ཡུལ།

― GLG008_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

ལོངས་སྤྱོད་ཀྱི་འབྱོར་པ་ཀུན་ཚོགས་པར། ཁོང་གསེར་གྱི་རྒྱལ་པོས་གཙོས་གྱུར་པའི། །བཅུད་དད་ལྡན་གྱི་སྦྱིན་བདག་སློབ་མ་རྣམས། །སྔོན་དགེ་ལེགས་ཀྱི་འབྲེལ་པ་མི་དམན་པས། །དུས་དིང་སང་རྟེན་འབྲེལ་ཕུན་སུམ་ཚོགས། །སླར་སྨོན་ལམ་མཐུ་ལས་ཕྱི་མར་ཡང་། །ཚུལ་འདི་ལྟར་ཐེག་ཆེན་ལམ་བཟང་ནས། ཁྱེད་སྐལ་ལྡན་འདྲེན་པའི་དཔལ་དུ་འགྱུར། དུས་ད་རེས་སྐལ་པ་དང་འཚམ་པར། །ཆོས་མཐོ་རིས་ཐར་ལམ་ལེགས་བསྟན་ནས། །སེམས་བདེ་བའི་ཡུལ་ལ་བསྐྱོད་པར་བྱ། །གཞན་ཕན་དོན་གཉེར་གྱི་བྱེད་པོ་འདི། །དབུས་དད་ལྡན་དོན་དུ་འདྲེན་པ་གྱིས། །དུས་སྙིགས་མའི་འགྲོ་རྣམས་བསོད་ནམས་ཀྱི། །མཐུ་དམན་ཕྱིར་རྐྱེན་ངན་མང་ན་ཡང་། །ཕྱོགས་འདི་ནས་ཕན་བདེའི་འབྱུང་གནས་མཆོག །དུས་རིང་ཞིག་གནས་པའི་སྨོན་ལམ་བགྱི། །དོན་འདི་ལ་ཀུན་གྱི་བྱེད་པར་རིགས། །ཀྱེ་དད་ལྡན་གྱི་སྦྱིན་བདག་སློབ་མ་རྣམས། །དུས་ལོང་ཡོད་མ་ཡིན་བརྩོན་པ་ཡིས། །ལྷ་རིན་ཅེན་གསུམ་གྱི་སྐྱབས་འོག་ནས། །ཆོས་དམ་ཚིག་སྡོམ་པ་གཅེས་པར་སྲུངས། །དཔལ་བཞེད་དགུ་མ་ལུས་འགྲུབ་པར་འགྱུར། །རྗེ་སངས་རྒྱས་བསྟན་པའི་ཉི་མ་ཡིས། །ཡུལ་མཐའ་ཁོབ་སྡིག་མུན་ཀུན་གསལ་ནས། །ཀུན་ཕན་བདེའི་དཔལ་ལ་སྤྱོད་གྱུར་ཅིག །ཀྱེ་ཡངས་པའི་རྒྱལ་ཁམས་ཆེན་པོ་ན། །ལོངས་སྤྱོད་ཀྱི་མཁོ་དགུ་ཀུན་ཚོགས་པའི། །སྡེ་ཆེན་པོ་ཁ་ར་ཆིན་གྱི་ཡུལ། །བཅུད་དད་ལྡན་གྱི་སྦྱིན་བདག་སློབ་མར་བཅས། ཉིན་བཞིན་དུ་འདུ་འཁོད་ཀྱི་ངང་ནས་ཀྱང་། །སེམས་བདེ་བའ་ིཡུལ་ལ་བསྐྱོད་པ་ཡིས། །གཉིས་སྐྱེས་ཀྱི་ཆ་ལུགས་མ་བླངས་ན། །གུ་རུ་ཡི་ཚེ་དཔལ་རིང་བར་འགྱུར། །དཔལ་དེ་ཡིས་ཕུན་ཚོགས་ཡིད་དབང་གིས། །དྲན་ཡུལ་དུ་གྱུར་པ་སྣང་བ་སྐྱོ། །སྣང་ཚུལ་

― GLG008_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་རྟེན་འབྲེལ་ཆོས་འདི་ལ། །འདི་སྟེར་གྱི་སྒོ་གསུམ་སྤྱོད་ཡུལ་བྱས། །སྐུ་དེས་ཀྱང་ཕན་བདེའི་གྲོགས་སུ་འགྱུར། དཔལ་མཁའ་འགྲོ་བཅུ་གསུམ་བླ་མ་དང་། །དབྱེར་མེད་ཀྱི་མགོན་ལ་འཕྲིན་ལས་ཞུ། །ཞེས་སོ། །དེ་ལྟར་ཀུན་ཏུ་རྒྱུ་རབ་བཟང་ལྟར། སྐུ་དངོས་ཀྱིས་གདུལ་བྱའི་མཐའ་མ་རྫོགས་ཏེ་ནག་ཟླའི་ཉེར་དྲུག་གི་ཐོ་རེངས། སྤྲུལ་སྐུ་རགས་པའི་ཟ་མ་ཏོག་ལས། ལོངས་སྐུ་ཡེ་ཤེས་སྒྱུ་མའི་སྐུ་ལོགས་སུ་ཕྱེ་ནས། རྗེ་བཙུན་འཇམ་དཔལ་སྙིང་པོའ་ིདྲུང་དུ་གཤེགས་སོ། །ཉེར་བདུན་གྱི་ཉིན་སྐྱིད་ཤོད་བདེ་ཆེན་རྩེར་སྡེ་པ་བཀྲ་ཤིས་རབ་བརྟན་པ་ཞོགས་ཀའི་གཏོར་མ་ཞིག་གཏོང་བའ་ིསྐབས། རྗེ་འདི་སེང་གེ་དཀར་མོ་ལ་ཆིབས་ནས་ཕེབས་པ་ཡུན་རིང་པོར་གཟིགས་པར་ལོ་ཟླ་ཚེས་གྲངས་ཀྱི་ཐོ་ཉི་འོད་ཤར་གྱི་ཐལ་བའི་ངོས་ལ་བཏབ་ནས་ཕྱིས་སུ་སྐུ་འཁོར་རྣམས་ལ་དྲིས་པས་དུས་ཚེས་འགྲིག་པ་བྱུང་ངོ། །རིང་པོ་ཉིད་ནས་འགྲོ་ལ་བརྩེར་དགོངས་ནས། །བདེ་ཆེན་འགྱུར་མེད་ཆོས་དབྱིངས་ནམ་མཁའ་ལས། །སྤྲུལ་སྐུའི་ཆུ་ཤེལ་དབང་པོ་རྟག་འཆར་ན། །ཞི་བའི་ནུབ་རིའི་ངོས་སུ་མནལ་འདི་ཅི། །དུག་ལྔའི་ཉོན་མོངས་གྲང་རེག་གིས་གཙེས་པའི། །ལུས་ཅན་ལྗོན་པའི་ཚོགས་ལ་ཐུགས་བསྐྱེད་ཀྱིས། །དཔྱིད་ཀྱི་དཔལ་མོའི་མངལ་གྱིས་མི་སྐྱོང་ན། །དམ་བཅའི་ཁུར་ཆེན་འཁྱེར་བ་ངོ་རེ་མནོང་། །ལོག་བསྒྲུབ་མི་བསྲུན་སྐྱེ་བོའི་ཚེར་མ་དང་། །སྙིང་ནས་གུས་པ་ལྷུར་ལེན་ཨ་ཤྭ་དྠ། །ཉེ་དང་རིང་བ་སྤངས་ཏེ་རྗེས་འཛིན་པ། །འཕགས་ཆེན་རྒྱལ་སྲས་རྣམ་ཐར་མ་ཡིན་ནམ། །རིགས་དྲུག་སྐྱེ་བོའི་ཕ་མཐའ་རྫོགས་མིན་པར། །གཞན་ཕན་དམ་བཅའ་བཟུང་བའི་སྙིང་སྟོབས་ཅན། །ད་དུང་འདུལ་དཀའི་སྐྱེ་བོ་གྲངས་མེད་པ། །མཆིས་སོ་གཞན་

― GLG008_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་མཛོད་ཅིག་པད་དཀར་འཛིན། །དེ་ནས་ཕྱག་མཛོད་གུ་ཤྲི་དཔལ་ལྡན་རྒྱ་མཚོ་དང་རྒྱལ་པོ་སོགས་སྦྱིན་བདག་རྣམས་ཀྱིས་ལྷ་མཆོད་མི་མཆོད་ཀྱི་དགོངས་རྫོགས་རྒྱ་ཆེན་པོ་བསྒྲུབས། དབུས་གཙང་གི་ཕྱོགས་སུ་དགོངས་རྫོགས་བསྒྲུབ་མི་མངགས། དེ་ཡང་དགོས་པའི་དབང་གིས། ཕྱག་མཛོད་དང་། དྲུང་ཡིག་འཛམ་སྲས་པ་ཆོས་ཀྱི་རྒྱ་མཚོ་སོགས་གྲོས་ཐོག་ནས། གཞན་ཕན་དོན་གཉེར་གྱི་བྱེད་པོ་འདི། །དབུས་དད་ལྡན་དོན་དུ་འདྲེན་པ་གྱིས། །ཞེས་པའི་ཚིག་རྐང་གཉིས་པོ་འདི་བཀའ་ཆེམས་ཀྱི་ནང་དུ་བཅུག་ནས། གདུང་དབུས་གཙང་དུ་གདན་འདྲེན་པ་འགབ་ཚུལ་གསུངས་ཀྱང་། རྒྱལ་པོ་སོགས་ལ་རྗེ་དྲུང་རིན་པོ་ཆེ་ནས། གསུང་ཡིན་མིན་གྱི་ས་མཚམས་གསལ་པོར་ཕྱེེ་བས། ཡར་གདན་འདྲེན་པ་ལ་བཀག་ཆ་བྱས་ཏེ། རྗེ་བླ་མའི་དཔེ་དྲངས་ནས་སོག་ཡུལ་དུ་རིལ་པོར་བཞུགས་པ་ལ་ཁ་འཆམ་ཡང་། ས་ཡུལ་ལ་མ་ངན་པར། ཧོར་ཟླ་བཅུ་པའི་ཉེར་ལྔ་ལ་ཞུགས་སུ་ཕུལ་བས། བདེ་མཆོག་དང་། སྤྱན་རས་གཟིགས་ཀྱི་སྐུ། ཡིག་འབྲུ་མང་པོ་དང་། དབུ་ཐོད་རིལ་པོར་ཕེབས། རིང་བསྲེལ་གྱི་ཕུང་པོར་གྱུར་པ་ཕྱོགས་ཐམས་ཅད་དུ་བཀྱེ་བས། སོ་སོས་གདུང་རྟེན་གྲངས་མེད་བཞེངས་པ་ནི། ཆོས་རྒྱལ་མྱ་ངན་མེད་ཀྱིས་མཆོད་རྟེན་བྱེ་བ་བཞེངས་པའི་རྣམ་གྲངས་ལ་ཡང་འགྲན་པར་ནུས་སོ། །ས་གླང་གི་སྨོན་ལམ་ཐོག །སྐུ་མདུན་ཆོས་མཛད་པས། དགེ་འདུན་སྟོང་ཕྲག་བཞི་ཙམ་ལ་ཞག་བཅོ་ལྔའི་རིང་བསྙེན་བཀུར་ཞུས། ཕྱག་མཛོད་ཀྱིས་གཙོས་པའི་སྒར་པ་རགས་རིམ་ཡར་བཏེག །ལྕགས་སྟག་ལ་བཙོང་ཁར་བྱང་ཆུབ་ཆེན་པོའི་མཆོད་རྟེན་བཞེངས། རིམ་གྱི་དབུས་སུ་འབྱོར་བ་དང་། གཞི་བྱེས་འཛོམ་ཐོག་ནས། སྐུའི་རྟེན་དུ་བཀའ་གདམས་ལྷ་བཞི་གཙོ་བོར་གྱུར་པའི་གོས་སྐུ། གསུང་གི་རྟེན་དུ་གསེར་ཀྱི་བཀའ་འགྱུར།

― GLG008_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀྱི་རྟེན་དུ་དངུལ་གདུང་རིན་པོ་ཆེ་འཛམ་གླིང་གཡས་བཞག་ཁྲུ་བཅུ་གསུམ་པ། ཐིག་རྩ་བཟོ་བཀོད་སོགས་པིར་ཐོགས་དབང་པོ་སྨན་ཐང་ནས་སྐུ་མདུན་བློ་བཟང་པ། བཟོ་བོ་རྒྱ་ཤིང་དང་། ཇི་ཝ་ར་ཛ་རྣམས་ཀྱིས་བྱས་ཏེ། ལྕགས་ཡོས་ལ་གེགས་མེད་དུ་གྲུབ་པའི་ཆུ་འབྲུག་ཧོར་ཟླ་གཉིས་པའི་ཡར་ཚེས་ལ་གཟུངས་བཞུགས་ཀྱི་ཕྱག་ལེན་སྨན་ཐང་ནས། རབ་གནས་ལ་ཁྲི་རིན་པོ་ཆེ་དཔལ་འབྱོར་རྒྱ་མཚོ་དང་། སེར་འབྲས་ཀྱི་སློབ་དཔོན་རྣམས་འཚོགས་ཏེ་དགའ་སྟོན་རྒྱ་ཆེན་པོ་བྱས་སོ། །རྨད་དུ་བྱུང་བའི་མཁྱེན་བརྩེ་བརྩེ་བས་འགྲོ་ཀུན་རྗེས་འཛིན་ཞིང་། །ཞིང་འདིར་མགལ་མེ་ལྟར་དུ་དུ་མར་སྤྲུལ་པའི་གར་མཁན་མ། །མ་ལུས་འགྲོ་བའི་གཉེན་མཆོག་མཆོག་དམན་ཡོངས་ཀྱི་མགོན་གཅིག་པུ། །བུ་ལྟར་སྐྱེ་རྒུ་མ་ལུས་ལུས་མེད་ཕན་བདེར་འགོད་མཁས་པ། །རླབས་ཆེན་བསོད་ནམས་གསེར་གྱི་ཤིང་རྟ་ཡིས། །རྣམ་དཀར་ཡིད་བཞིན་ནོར་བུ་འབད་མེད་དུ། །དྲངས་ཚེ་རྒྱ་མཚོར་དཀའ་བ་བརྒྱ་ཕྲག་གིས། །བགྲོད་པའི་བྱེད་པོ་ཕལ་ཆེར་གཉིད་ལ་ཡུར། །གྲངས་མེད་སྐྱེ་བར་རླབས་ཆེན་སྤྱོད་པ་ཡིས། །དཔག་ཡས་གཞན་དོན་མཛད་པའི་རྣམ་པར་ཐར། །བརྗོད་ཅེས་ཚངས་པས་གདོང་བཞི་སྤྲུལ་པ་ན། །ཧ་ཅང་ངལ་བས་ཟག་བཅས་བདེ་བར་མནལ། ཟླ་བའི་མ་མ་ཨ་མྲའི་ཚིག་གུ་ཡིས། །ཚད་དུ་འཇལ་བའི་དཀའ་ཐུབ་ལེན་པ་ལྟར། །རྒྱལ་བ་མཆོག་གི་རྣམ་པར་ཐར་པའི་མཐའ། །བརྗོད་པ་རང་ཉིད་ངལ་བ་ཙམ་དུ་ཟད། །འོན་ཀྱང་ཐུན་མོང་གདུལ་བྱ་དབང་རྟུལ་ངོར། །བཤེས་གཉེན་དམ་པའི་ཟློས་གར་བསྒྱུར་བའི་ཚུལ། །ཅུང་ཟད་ཡི་གེའི་འཕྲེང་བར་སྤེལ་བ་ཡིས། །རྨད་བྱུང་དད་པའི་མྱུ་གུ་ཅི་ཡང་སྐྱེ། །དེ་ལྟ་ན་ཡང་དཔག་བསམ་ལྗོན་པའི་ཤིང་། །ལོ་འབྲས་མེ་ཏོག་དྲི་བསུང་ཚར་དངར་བའི། ཁྱད་ཆོས་རྐང་འཐུང་

― GLG008_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ལ་མ་མཆིས་པས། །འགྲན་ཟླར་གྱུར་པའི་ནོར་འཁྲུལ་ག་ལ་སྐྱེ། །མཁྱེན་རབ་འཇམ་དཔལ་དབྱངས་ཀྱི་བློ་གྲོས་དང་། །བརྩེ་ཆེན་སྙིང་རྗེའི་རང་བཞིན་སྤྱན་རས་གཟིགས། །མཐུ་སྟོབས་གསང་བའི་བདག་པོའི་ངང་ཚུལ་ཅན། །རིགས་གསུམ་མགོན་ཡང་འདི་ན་གཅིག་ཏུ་གྲུབ། །མཛད་པས་ཐུབ་བསྟན་མཐའ་དག་རབ་གསལ་ཞིང་། །འཕྲིན་ལས་ནོར་འཛིན་ཕ་མཐའ་ཡོངས་གཞལ་བས། །སྙན་གྲགས་སྲིད་པའི་རྩེ་མོར་བསྒྲེང་པ་ཡིས། །རྒྱལ་བའི་བསྟན་ལ་ཀུན་མཁྱེན་གཉིས་པར་ངེས། །ཅུང་ཟད་དང་བའི་དད་པ་ཙམ་གྱིས་ཀྱང་། མཆོག་མཐུན་དངོས་གྲུབ་རྒྱ་མཚོ་མ་ལུས་པ། །འདྲེན་པའི་རྟོགས་པ་བརྗོད་པའི་ཤིང་རྟ་ནི། ཁ་ལོ་ཕྱོགས་བྲལ་རྣ་བའི་ཚལ་ཆེན་པོར། །སྒྱུར་པའི་དགེ་དེས་འཇམ་མགོན་བཙོང་ཁ་པའི། རིང་ལུགས་དབྱར་གྱི་མཚོ་ལྟར་རབ་འཕེལ་ཞིང་། །རིས་མེད་ལུས་ཅན་ཀུན་ལ་ཕན་བདེའི་ཆར། །ཆལ་ཆིལ་གཡོ་བའི་དགའ་སྟོན་རྒྱས་གྱུར་ཅིག །ཅེས་རྒྱ་བོད་ཧོར་གསུམ་ཐམས་ཅད་ཀྱི་རྣམ་འདྲེན་དམ་པ་ཐམས་ཅད་མཁྱེན་པ་བསོད་ནམས་རྒྱ་མཚོ་དཔལ་བཟང་པོའི་རྣམ་པར་ཐར་པ་དངོས་གྲུབ་རྒྱ་མཚོའི་ཤིང་རྟ་ཞེས་བྱ་བ་འདི་ཡང་། སྦྱིང་སྨད་པ་འཕྲིན་ལས་རྒྱ་མཚོས་ཟིན་བྲིས་ཁ་ཡར་བསྡུས་ཏེ་བསྐུལ་བ་ལ་བརྟེན་ནས། སྤྲུལ་སྐུ་འཕྲང་ཁ་བ་དཔལ་ལྡན་བློ་གྲོས་བཟང་པོས་མཛད་པའི་རྣམ་ཐར་ལྷའི་རྒྱལ་པོས་ཞུས་པའི་སྐལ་ལྡན་ཤིང་རྟ་ཞེས་བྱ་བ་ལྕགས་རྟ་ཡན་གྱི་རྣམ་ཐར་དང་། དེ་ཉིད་ཀྱིས་མཛད་པའི་དགུང་ལོ་བཅོ་ལྔ་ཡན་གྱི་རྣམ་ཐར་ཚིགས་བཅད་མ། བསོད་ནམས་ཡེ་ཤེས་དབང་པོས་མཛད་པའི་མདོ་ཁམས་སུ་ཕེབས་པའི་ལམ་ཡིག་ཚིགས་བཅད་ལྷུག་གཉིས། མཁར་ནག་ལོ་ཙཱ་བ་དཔལ་འབྱོར་རྒྱ་མཚོས་མཛད་པའི་རྣམ་ཐར་ཡོངས་སུ་རྫོགས་པ། གཞུ་ཁང་རབ་འབྱམས་པ་དགེ་ལེགས་ལྷུན་གྲུབ་ཀྱིས་མཛད་པའི་རྣམ་ཐར་དད་པའི་སྒོ་འབྱེད་

― GLG008_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། ཡིག་ཆ་ཁ་ཡར་འདུག་པ་རྣམས་ལ་གཞི་བྱས། སྤྲུལ་སྐུ་འཕྲང་ཁ་བས་མཛད་པ་དེ་ཉིད་ལ་ལོ་ཚིགས་སོགས་ཤིན་ཏུ་དག་པར་འདུག་ཅིང་། གཞན་རྣམས་ལ་སྔ་ཕྱིའི་ལོ་དུས་འཛོལ་བ་དང་བརྗོད་དོན་འཁྲུགས་པ་ཁ་ཡར་མཆིས་ནའང་། ལོ་ཚིགས་ནོར་བ་སོགས་མ་དག་པ་རྣམས་ལ་ཞིབ་མོར་དཔྱད། རྗེ་བཙུན་རྡོ་རྗེ་འཆང་ཆེན་པོ་འཁོན་སྟོན་ཆོས་ཀྱི་རྒྱལ་པོ་དཔལ་འབྱོར་ལྷུན་གྲུབ་སོགས་ཡོངས་འཛིན་དམ་པ་ཆོས་བཞིན་དུ་སྤྱོད་པ་དུ་མའི་གསུང་ངག་ལས་ཇི་ལྟར་ཐོས་པ་རྣམས་དང་། གཞན་ཡང་སྐད་གཉིས་སྨྲ་བ་ཞང་མཁར་ལོ་ཙཱ་བ་འཇམ་དཔལ་རྡོ་རྗེ་སོགས་མང་དུ་ཐོས་པའི་ཡོན་ཏན་མཁན་པོ་མང་པོའི་ངག་རྒྱུན་ཁུངས་བཙུན་གྱི་རིགས་ཀྱིས་ཟུར་བརྒྱན། བར་སྐབས་ཀྱི་ཚིགས་བཅད་རྣམས་མ་གཏོགས་ཀུན་གྱི་གོ་བདེ་བའི་ཕྱིར་འབོལ་རྩོམ་དུ་བྱས་ཏེ། ལོ་རྒྱུས་སྨྲ་བའི་བཙུན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས། མི་ཟད་པ་མེ་ཕོ་ཁྱིའི་ལོ། ཉིན་མོར་བྱེད་པ་སྲང་གི་ཁྱིམ་དུ་སྤྱོད་པའི་ཕྱོགས་གཉིས་པའི་རྒྱལ་བ་གསུམ་པའི་ཚེས་ལ་དགའ་ལྡན་ཕོ་བྲང་དུ་སྦྱར་བའི་ཡི་གེ་པ་ནི་ངག་དབང་དགེ་ལེགས་སོ། །སརྦ་མངྒལཾ།། །།

― GLG008_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

འཇིག་རྟེན་དབང་ཕྱུག་ཐམས་ཅད་མཁྱེན་པ་ཡོན་ཏན་རྒྱ་མཚོ་དཔལ་བཟང་པོའི་རྣམ་པར་ཐར་པ་ནོར་བུའི་འཕྲེང་བ།

― GLG008_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་དབང་ཕྱུག་ཐམས་ཅད་མཁྱེན་པ་ཡོན་ཏན་རྒྱ་མཚོ་དཔལ་བཟང་པོའི་རྣམ་པར་ཐར་པ་ནོར་བུའི་འཕྲེང་བ་ཞེས་བྱ་བ་བཞུགས་སོ། །

― GLG008_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

རིང་ནས་མི་ཕྱེད་མཛའ་གཅུགས་ཀྱིས་བཅིངས་ལྷག་བསམ་དཔྱིད་ཀྱི་ཕོ་ཉ་ཡིས། །མགྲོན་དུ་བསུས་པའི་རླབས་ཆེན་སྤྱོད་པའི་དབྱར་གྱི་དཔལ་མོ་བཞད་པའི་བཞིན། །

― GLG008_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ཅན་ཀུན་གྱི་ཕན་བདེའི་མྱུ་གུ་གཡུར་དུ་ཟ་བའི་པད་དཀར་འཆང་། །གྲངས་མེད་ཡོན་ཏན་ཁུར་གྱིས་དུད་པའི་ཐུབ་བསྟན་རྒྱ་མཚོའི་མགོན་དེར་འདུད། །

― GLG008_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་ན་པདྨས་འདུལ་ཞིང་བོད་ཡུལ་འདིར། །རིགས་གསུམ་མགོན་པོའི་སྒྱུ་འཕྲུལ་དྲ་བའི་གར། །ཆོས་རྒྱལ་མེས་དབོན་རྒྱལ་བའི་འབྱུང་གནས་སོགས། །སྤྲུལ་པའི་འཕྲེང་བ་མི་འཛད་ཤིན་ཏུ་རིང་། །མ་རྨད་ཐུགས་རྗེ་ཆེན་པོའི་འོད་དཀར་གྱིས། །མིག་སྨན་ལྟ་བུར་གནག་པའི་འཁོར་བའི་མུན། །མཐར་བྱེད་སྐྱེས་རབས་ཟླ་བའི་དཀྱིལ་འཁོར་དང་། །སྲིད་པའི་དཀར་ཆ་རྫོགས་མིན་དེ་སྲིད་འཕེལ། །སོས་དུས་མཁའ་དབྱིངས་བཻ་ཌཱུར་ལྟར་དྭངས་པར། །སྤྲིན་དཀར་དལ་བུར་གཡོ་ལས་ཆར་གྱི་རྒྱུན། །བབས་ཚེ་རྨ་བྱ་དགའ་བའི་གར་བསྒྱུར་ན། །དམ་པའི་རྟོགས་པ་བརྗོད་ལ་སུ་མི་དད། །དེ་ཕྱིར་ཡོན་ཏན་གདེངས་ཀ་རབ་གཡོ་ཞིང་། །ཐུབ་བསྟན་རྒྱ་མཚོའི་འཇིངས་ན་ལེགས་གནས་པ། །སྔོན་མེད་ཀླུ་དབང་ཕྱག་ན་པད་དཀར་ཅན། །བདེ་ཆེན་ཆོས་ཀྱི་རྒྱལ་པོར་གྲགས་མིན་ནམ། །ཁྱོད་ཀྱི་གསང་བ་གསུམ་གྱི་ཕ་རོལ་མཐའ། །ཚད་མར་འཇལ་ལ་ཀུན་མཁྱེན་རྒྱལ་བའི་ཐུགས། །ཐེ་ཚོམ་ཁྱོགས་ལ་འཕྱང་ན་བདག་འདྲ་ཡིས། །སྨྲ་བའི་བརྟུལ་ཞུགས་འཛིན་པ་ངལ་བའི་རྒྱུ། །འོན་ཀྱང་རྒྱ་མཚོ་ཆེ་ལས་ཀུ་ཤའི་རྩེས། །བླངས་པའི་ཆུ་ཐིགས་ཇི་བཞིན་ཐུན་མོང་གི །གདུལ་བྱའི་སྣང་ངོར་འཚམ་པའི་རྣམ་ཐར་གཟུགས། །རབ་དཀར་ཤོག་བུའི་མེ་ལོང་ངོས་སུ་ཤར། །དེ་ཡང་དུས་གསུམ་གྱི་རྒྱལ་བ་ཐམས་ཅད་ནི་ལུས་ཅན་མཐའ་དག་ལ་ལྷག་པར་རྗེས་སུ་བརྩེ་བས་དངོས་དང་བརྒྱུད་པའི་སྒོ་ནས་སྤྲུལ་པ་མཐའ་ཡས་པས་སེམས་ཅན་གྱི་དོན་རླབས་པོ་ཆེ་མཛད་ཅིང་། ཁྱད་པར་བསྐལ་བ་བཟང་པོ་འདི་ལ་གྲགས་ཆེན་གྱི་སངས་རྒྱས་སྟོང་འབྱོན་པའི་ནང་ཚན། རྒྱལ་བ་ཟས་གཙང་གི་སྲས་པོ་འཕགས་པའི་ཡུལ་དུ་ཆོས་ཀྱི་

― GLG008_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ་རྒྱ་ཆེན་པོ་བསྐོར་ནས། སྐུ་དངོས་ཀྱིས་གདུལ་བར་བྱ་བའི་གནས་མ་ཡིན་ལ། རྒྱ་ནག་གི་གནས་ནི་འཕགས་པ་འཇམ་དཔལ་གྱིས་འདུལ་བའི་ཞིང་དང་། གངས་ཅན་གྱི་ལྗོངས་འདི་ཐུགས་རྗེ་ཆེན་པོ་སྤྱན་རས་གཟིགས་ཀྱིས་འདུལ་བའི་ཞིང་དང་། ཨྱོན་གྱི་ཡུལ་ནི་དཔལ་ཕྱག་ན་རྡོ་རྗེས་འདུལ་བའི་ཞིང་དུ་བྱིན་གྱིས་བརླབས་པར་བརྟེན། བོད་གངས་ཀྱི་ར་བས་བསྐོར་པའི་རྒྱལ་ཁམས་འདིར། ཐུགས་རྗེ་ཆེན་པོའི་སྤྲུལ་པ་སྤྲེའུ་བྱང་ཆུབ་སེམས་དཔའ་ལས་མིའི་འགྲོ་བ་འཕེལ་ཞིང་། བོད་སྤྱི་ལ་དབང་བསྒྱུར་བའི་རྒྱལ་པོ་གཉའ་ཁྲི་བཙན་པོ་སོགས། ཆོས་སྐྱོང་པའི་རྒྱལ་པོ་རྣམས་ཀྱང་ཐུགས་རྗེ་ཆེན་པོའི་སྤྲུལ་པ་ཤ་སྟག་ཡིན་ལ། དེ་དག་གི་རྗེས་སུ་འབྲོམ་ཆོས་ཀྱི་རྒྱལ་པོ་སོགས་གོས་དཀར་ལྕང་ལོའི་འཕྲེང་བ་འཛིན་པ་དང་། འབྲོམ་ཀུ་མཱ་ར་མ་ཏི་སོགས་ཁྲིམས་ལྡན་ངུར་སྨྲིག་འཛིན་པའི་རྣམ་པར་རོལ་བ་སྟེ། མདོར་ན་སྤྲུལ་པ་སྣ་ཚོགས་པའི་སྒོ་ནས་འགྲོ་བ་སྤྱི་དང་། བྱེ་བྲག་གངས་ཅན་པ་རྣམས་ཀྱི་དོན་རྒྱུན་མི་འཆད་པར་མཛད་པ་ནི། གླེགས་བམ་རིན་པོ་ཆེ་ལས། སྤྱིར་སེམས་ཅན་རྣམས་ཀྱི་མགོན་པོ་ཡིན། །སྒོས་གངས་རིའི་ཁྲོད་དུ་རྒྱལ་སྲིད་སྐྱོང་། །ཞེས་པ་དང་། མཁར་ནག་ལོ་ཙཱ་བས། སྟོན་པ་ཞིང་འདིར་བྱོན་པའི་ཚེ། །མགོན་ཁྱོད་ཁྱེའུར་སྣང་བ་ལ། །རྒྱལ་དབང་དོན་ཀུན་གྲུབ་པ་དེའི། །ལེགས་བཤད་འདོམས་ལ་ལྷག་པར་དད། །དེ་ནས་དཀོན་ཅོག་གསོལ་བ་སོགས། །འཕགས་པའི་ཡུལ་གྱི་འཛིན་མའི་གཞིར། །འཁྲུལ་མེད་སྐྱེས་རབས་ཚར་དངར་བས། །ཐུབ་པའི་བསྟན་པ་ཡང་དག་སྤེལ། །ཁྱད་པར་ཁ་བ་ཅན་ལྗོངས་འདིར། །ཆོས་རྒྱལ་སྲོང་བཙན་སྒམ་པོ་

― GLG008_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས། །སྙན་པར་གྲགས་དེས་ཇོ་ཤཱཀ་གཉིས། །སྤྱན་དྲངས་བཀའ་དྲིན་མཚུངས་མེད་སྩལ། །འགྲོ་བའི་མགོན་ཁྱོད་བར་སྐབས་སུ། །ཆོས་རྒྱལ་འཕགས་པར་གྱུར་བའི་ཚེ། །སེ་ཆེན་གན་གྱིས་སྤྱན་དྲངས་ནས། །རྡོ་རྗེ་འཆང་གི་ལས་མཚན་ཕུལ། །འདི་ནས་མི་རབས་བདུན་པ་ན། །གསེར་དང་རྒྱ་མཚོའི་མཚན་ལྡན་གྱིས། །སླར་ཡང་མཆོད་ཡོན་བྱེད་དོ་ཞེས། །ལུང་བསྟན་ཐོག་ཏུ་བབས་པར་མཛད། །རྒྱལ་བས་ཤེར་ཕྱིན་བྱང་ཕྱོགས་ནས། །བྱང་དུ་རྒྱས་པར་འགྱུར་གསུངས་པ། །ཨལ་ཐན་གན་དང་སརྦ་ཛྙས། །འགྲོ་དོན་དཔག་མེད་མཛད་ལ་དགོངས། །ཞེས་པ་ལྟར་རོ། དེ་ཡང་བོད་ཡུལ་དུ་འགྲོ་བའི་དོན་མཐའ་ཡས་པར་མཛད་པའི་ནང་ཚན་ལ། རྭ་སྒྲེང་རྒྱལ་བའི་དབེན་གནས་ཀྱི་ཤུག་པ་རྣམས་ལ་ཤུན་པ་རིམ་པ་བདུན་འབྱུང་བ་ནི། བཞུ་ཁང་རབ་འབྱམས་པ་དགེ་ལེགས་ལྷུན་གྲུབ་ཀྱིས་མཛད་པའི་རྣམ་ཐར་དད་པའི་སྒོ་འབྱེད་ལས། མཆོག་གི་སྤྲུལ་སྐུ་ཇི་ལྟར་ཕེབས་པ་ནི། །རྭ་སྒྲེང་ཤུག་པའི་མཚོན་དོན་འཆད་པ་ན། །ཤུན་པ་བདུན་ནི་གངས་རིའི་ཁྲོད་འདི་ཉིད། །རྒྱལ་བ་བདུན་གྱིས་བར་མཚམས་མེད་པར་སྐྱོང་། །ཞེས་པ་ལྟར། ཐམས་ཅད་མཁྱེན་པའི་མཚན་དང་ལྡན་པའི་སྤྲུལ་པ་བདུན་རྒྱུན་མི་འཆད་པར་འབྱུང་བའི་མཚོན་དོན་དུ་བཤད་ཅིང་། ཐམས་ཅད་མཁྱེན་པ་དགེ་འདུན་རྒྱ་མཚོའི་གསུང་མགུར་དུ། སྐྱེ་བ་བདུན་དུ་འགྲོ་དོན་ལེགས་བྱས་ནས། །ཟག་མེད་ཆོས་ཀྱི་དབྱིངས་སུ་སྡུད་པར་བྱེད། །ཅེས་ཞལ་གྱིས་བཞེས་པ་ཡིན་ནོ། །དེ་ལྟར་སྤྲུལ་པ་བདུན་དུ་འབྱུང་བའི། །མཆོག་གི་སྤྲུལ་སྐུ་བཞི་པ་འདི་ཉིད་ནི། མཁར་ནག་ལོ་ཙཱ་བས། དཀོན་ཅོག་འབངས་ཀྱི་རྣམ་

― GLG008_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

ཐར་ལས། །ཨ་ཏི་ཤའི་སྲས་འབྲོམ་རྗེ་དང་། །ཐམས་ཅད་མཁྱེན་པའི་མཚན་ཅན་རེ། །བོད་དུ་རིམ་པར་འབྱོན་པར་གསུངས། །དེ་ཡང་པཎ་ཆེན་དགེ་འདུན་གྲུབ། །སླར་ཡང་སཾ་གྷ་ས་མུ་དྲ། །རྗེ་བཙུན་བསོད་ནམས་རྒྱ་མཚོའི་ཞབས། །ད་ལྟ་བདེ་ཆེན་ཆོས་རྒྱལ་ལགས། །ཞེས་པ་སྟེ། ཐོག་མར་ངོས་འཛིན་གྱི་ཚེ། སྣང་ཚུལ་མི་འདྲ་བ་གཉིས་སུ་གྱུར་པས། ལ་ལ་དག་འབྲི་ཁུང་ཞབས་དྲུང་ཆོས་རྒྱལ་ཕུན་ཚོགས་ཀྱི་ཐུགས་སྲས་གསུམ་པ། ཞབས་དྲུང་དཀོན་ཅོག་རིན་ཅེན་ཡིན་ནམ་ཞེས་དཔྱད་གཞི་ཤར། དེ་ལ་བརྟེན་ཕྱག་མཛོད་གུ་ཤྲཱི་དཔལ་ལྡན་རྒྱ་མཚོས་འབྲི་ཁུང་དུ་གཟིགས་པར་བྱོན་པར། སེང་གེ་སླེབས་བྱུང་གསུངས་པས། རྗེ་གོང་མས་ནི་ངེད་ལ་སེང་གེ་གསུང་གི་མེད་སྙམ་སྟེ་སྐུ་སྐྱེ་མིན་པ་འདྲ་བསམ་པ་ཅིག་ཤར། འོན་ཀྱང་དེ་སྐབས་ཡིན་མིན་གཉིས་ཀའི་ཁ་ཚོན་མ་ཆོད་པར། རེ་ཞིག་སྤམ་མེ་བཞག་སྟེ་ཕྱིར་བྱོན། གནས་ཆུང་ལྕོག་ནས་སྤྲུལ་པའི་ཆོས་སྐྱོང་ཆེན་པོས་མཆོག་གི་སྤྲུལ་སྐུ་སོག་ཡུལ་རང་དུ་འཁྲུངས་པར་ལུང་བསྟན། ཚངས་པ་དུང་གི་ཐོར་ཚུགས་ཅན་ཚེར་གསེབ་ཆོས་རྒྱལ་གྱིས་ཀྱང་དེ་དང་མཐུན་པ་ཞིག་གསུངས་པ་ལ་ཡིད་ཆེས་ཀྱི་གནས་སུ་མཛད་དགོས་རྒྱུར་འདུག་ཀྱང་། ཟོས་བདེའི་སྐབས་ཆོས་སྐྱོང་གི་རིགས་ཀྱི་ལུང་བསྟན་ལ་ཡང་རས་སུ་བོར་རེ་བ་བྱེད་ཅིང་། འགག་ལ་ཐུག་པའི་དུས། རྒྱུ་མཚན་ཅི་ཡང་མེད་པ་ཞིག་གི་ཚིག་ལའང་སངས་རྒྱས་ཀྱི་གསུང་ལྟར་གཅེས་སྤྲས་སུ་བྱེད་པ་འདི་ཀུན་གྱི་སྲོལ་ལ་སྣང་ངོ་། །སོག་ཡུལ་གྱི་སྒར་པ་རྣམས་ཀྱི་མགོ་མིར་གསོལ་དཔོན་ཚུལ་ཁྲིམས་རྒྱ་མཚོ་ཡོད་འདུག་པས། ཁོང་པ་དང་

― GLG008_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་སོ་མཛོ་མོ་མཁར་པ་གཉིས་ཀྱིས་དབུས་སུ་མི་ཆེད་གཉེར་མངགས་པའི་ཡི་གེ་འདི་ལྟ་སྟེ། ཕྱག་མཛོད་རིན་པོ་ཆེས་དབུ་མཛད། ཆོས་རྗེ་ཞལ་ངོ་རྣམས་དང་། དྲུང་འཁོར་བགྲེས་གཞོན་རྣམས་ཀྱི་ཞབས་དྲུང་དུ། ཐག་རིང་གི་སའི་ཆ་ནས་གུས་པ་ཆེན་པོས་ཞུ་བ། དེང་སང་གི་དུས་དཔོན་སློབ་ཐམས་ཅད་སྐུ་སྙོམས་ཤིང་། ལུགས་གཉིས་ཀྱི་འགྲོ་དོན་རྒྱ་ཆེན་པོའི་ངང་དུ་བཞུགས་པ་གནང་ལགས་སམ། སྤྲང་ཆུང་སྙིང་རུལ་བདག་ཀྱང་། ཞབས་དྲུང་ཐམས་ཅད་མཁྱེན་པའི་ཐུགས་རྗེ་ལ་བརྟེན་ནས། ལུས་ལ་ནད་འཚེ་མེད་ཅིང་སྒར་ཆེན་གཞིས་ཀྱི་དབུ་སྡུད་དང་། འགྲོ་ཕན་འཕེལ་བའི་ཁུལ་དུ་གནས་ལགས། འཚམས་ཞུས། འདིར་སེ་ཆེན་ཆོས་ཁུར་གྱི་བཱི་ཇི་ཆུང་བ་ལ། ལོ་སྔོན་མའི་ཟླ་བ་བཅུ་གཉིས་པའི་གནམ་གང་གི་ཉིན་བུ་ཞིག་སྐྱེས་འདུག །དེ་ལ་རྟགས་རྟེན་འབྲེལ་ལེགས་པ་འགའ་འབྱུང་འདུག་ཀྱང་། དཔོན་མོས་གསངས་ནས་བསྡད་ལེ་རེད། དེ་རྗེས་བཱི་ཇི་ཟླ་བ་གསུམ་ཙམ་དབང་པོ་ཤོར་ནས་སེམས་མི་ཟིན་པ་ལྟ་བུ་བྱུང་འདུག །དང་པོ་ཁོག་ལ་ཞུགས་དུས། བཱི་ཇིའི་རྨི་ལམ་དུ། ཞབས་དྲུང་རིན་པོ་ཆེ་ན་བཟའ་དཀར་པོ་བཞེས་ནས་བཞུགས་པ་ལ། ཕྱག་བཙལ་བ་དང་། ལྷ་དཀར་པོ་ཞིག་དང་མཇལ་བ་བྱུང་འདུག །ཁོག་པར་ཡོད་དུས་ཁོག་སྟོད་ལ་བསྡད་པ་དང་སྔར་དང་མི་འདྲ་བའི་ལུས་སེམས་བདེ་བ་སོགས་རྟགས་མང་པོ་བྱུང་འདུག་སྟེ་སྔ་སོར་མ་བཤད་ལེ་རེད། དེ་རྗེས་ཟླ་བ་བརྒྱད་པའི་ནང་དུ། བཱ་ཇི་ཁ་ལྷ་དཀར་པོ་ཞིག་གིས། འདི་ཏ་ལའི་བླ་མའི་སྐུ་སྐྱེ་ཡིན། ཁྲི་ཐོག་ལ་ཕུད་ལ་སྡེ་ཚོ་ལ་མཇལ་ཁ་ཐོང་ཟེར་བའི་ལུང་བསྟན་བྱུང་གསུངས་

― GLG008_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

འདུག་པས། ནང་སོ་མཛོ་མོ་མཁར་པ་དང་ཁོང་རྣམས་ཀྱིས་སྤྲུལ་སྐུ་ཡིན་ན་རྟེན་འབྲེལ་ཀྱང་འཕྱུགས་དྭོགས་ཁྲི་ཐོགས་ཏུ་གདན་དྲངས་འདུག་ལགས། དེ་སྐབས་ཀྱང་མེ་ཏོག་གི་ཆར་བབས་པ་སོགས་རྟགས་ཁྱད་པར་ཅན་བྱུང་ཟེར། དེ་རྗེས་སྡེ་ཆེན་ཀུན་ལ་གྲགས་བྱུང་བས། བདག་གིས་ཆ་དཀར་ཕྱོགས་ལ་འགྲོ་ཞོར་ལ་མཇལ་བས། འཁྲུངས་ནས་ཟླ་བ་བཅུ་ལས་མི་འགྲོ་བ་འདུག་སྟེ། རང་ག་བའི་ཕྲུག་གུ་དང་མི་འདྲ་བར། བཞུགས་ཚུལ་དང་གཟིགས་སྟངས་ཟ་མ་བཞེས་ཚུལ་རྣམས་ནི་ཁྱད་དུ་འཕགས་པ་ཞིག་འདུག་ལགས། ཞབས་དྲུང་ཐམས་ཅད་མཁྱེན་པའི་སྐུ་སྐྱེ་ཡིན་མིན་ཅི་ཡིན་རུང་ཐ་མལ་གྱི་ཉམས་ནི་མི་འདུག །ངེད་འདིར་ཡོད་རྣམས་ཀྱིས་གསུང་མ་བྱོན་བར་ལ་ཡིན་མིན་གཉིས་ཀའི་ཐག་མ་ཆོད། རྟགས་རྟེན་འབྲེལ་དེ་བཞིན་རེད་པས། གཡས་ཕྱོགས་སུ་ངེས་ཤེས་འགྲོངས་པ་བཞིན་ཨེ་བྱུང་། མ་བྱུང་ན་ཁྱེདདཔོན་སློབ་རྣམས་ཀྱིས། ཆོས་སྐྱོང་ལ་ལུང་བསྟན་ཞུ་བ་དང་། ཐུགས་དམ་བརྟག་པ། གཟན་སྒྲིལ་སོགས་མཛད་ནས་ཐུགས་ཡིད་ཆེས་པ་ཨེ་འོང་གཟིགས་པ་ཞུ་པས། སྡེ་ཆེན་ཀུན་ལ་སྐད་འདི་གྲགས་སོང་བས། མཐོང་ཚོད། ཚོར་ཚོད་ཀྱི་གནས་ཚུལ་ཞུས་པ་ཡིན་ལགས། ཡང་གསུང་བྱོན་ནས་ཡིད་ཆེས་བྱུང་ན་མྱུར་དུ་འཕྲོས་འབུལ་ལགས། གཞན་མ་བཱི་ཇིས་ལུང་བསྟན་འདྲ་མང་པོ་གསུངས་འདུག་སྟེ། འདིར་མ་ཞུས། ས་གླང་ཧོར་ཟླ་བཅུ་པའི་ཚེས་བཅོ་ལྔ་ལ་ཆོས་ཁུར་དབོན་པོའི་སྡེ་ཐོག་ནས་ཕུལ་བའི་ཞུ་ཡིག །ཅེས་སོ། །གནས་ཚུལ་དེ་ལ་བརྟེན་ནས། འབྲི་ཁུང་ཕྱོགས་ཀྱི་རེ་བ་བསྐྱུངས་ཏེ། ཕྱག་མཛོད་གུ་ཤྲི་ཆེན་པོ་ཉིད་ཀྱིས་གཙོས་པའི་སྒར་

― GLG008_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

དམངས་རྣམས་སོག་ཡུལ་དུ་གདན་འདྲེན་པ་ལ་འདེགས་པའི་བདུན་པ་དང་ལྡན་པར་གྱུར། དིང་སང་གི་དུས་ནི་བླ་ཆེན་རྣམས་ཀྱི་སྟོབས་འབྱོར་ལ་ཧམས་པས་སྐུ་སྐྱེ་ལ་ཧབ་ཐོབ་བྱེད་པར་སྣང་། དེ་སྐབས་བསྐལ་དུས་བཟང་བས་སྲོལ་ངན་དེ་འདྲ་མ་དར་བ་དང་། ལྷག་ཏུ་འབྲི་ཁུང་དུ་སྐུ་སྐྱེ་ཡིན་ནམ་དགོངས་པའི་ཐུགས་རྟོག་བྱུང་བ་ལས་སྤྲོས་པའི་སྤྱན་ཉེའི་རྣམ་པ་ནི། ཞབས་དྲུང་ཆོས་རྒྱལ་ཕུན་ཚོགས་དེ་སྐྱེས་བུ་དམ་པར་སོང་བས་ག་ལ་མཛད། ཕྱག་མཛོད་ནི་བོད་སོག་གང་དུ་སྐུ་སྐྱེ་བྱུང་ཡང་བརྟག་པ་ལུང་བསྟན་སོགས་ངེས་ཤེས་འགྲོངས་པ་ཞིག་དོན་དུ་གཉེར་བ་ལས། སོག་པོའི་རྒྱལ་རིགས་ལྟ་བུ་ཞིག་ལ་བྱུང་ན་ཁ་དྲག་དང་རྒྱུ་ཆེན་པོ་ཡོད། བོད་ཀྱི་བླ་ཆེན་མི་ཆེན་གྱི་རིགས་སུ་བྱུང་ན་དེ་དག་གི་ས་ཆའི་སྟེང་ནས་ལོངས་སྤྱོད་རྒྱུ་འོང་སྙམ་པའི་དིང་དུས་ཀྱི་སྐུ་སྐྱེ་ངོས་འཛིན་རྟོག་པ་འོག་འགྱུའི་འཁོར་ལོ་བསྐོར་པ་རྣམས་དང་འདྲ་བ་མིན་ནོ། །རྗེ་དྲུང་རིན་པོ་ཆེ་བསྟན་པ་རྒྱ་མཚོས། རྗེ་གོང་མའི་ཞལ་ཐང་རྒྱབ་ལ་ཕྱག་བྲིས་འབྱར་བ་ཞིག །འབྲི་ཁུང་དུ་བསྣམས་བྱོན་དུས་ངོ་མཁྱེན་པ་སོགས་ཡིད་ཆེས་ཚུལ་གསུངས་པ། སྤྱིར་སྤྲུལ་པ་ལ། སྐྱེ་བ་སྔ་ཕྱི་སྟར་ཆགས་སུ་འབྲེལ་བའི་སྤྲུལ་པ་དང་། དུས་གཅིག་ཏུ་སྤྲུལ་པའི་སྤྲུལ་པ་དང་། བྱིན་གྱིས་བརླབས་པའི་སྤྲུལ་པ་སོགས་འབྱུང་ཞིང་། དེ་དག་ཀྱང་མཐའ་གཅིག་ཏུ་མ་ངེས་པ་ཟླ་བའི་དཀྱིལ་འཁོར་གཅིག་ལ་གཟུགས་འབུམ་ཕྲག་འཆར་བ་ལྟར་ཕ་མཐའ་ཚད་བཟུང་བྲལ་བས་ན། བདག་ལྟ་བུའི་བློ་གྲོས་ཀྱི་རྩལ་དམན་པས་ཁ་ཚོན་གཅོད་པར་ག་ལ་ནུས། འཇམ་པའི་དབྱངས་དཀོན་ཅོག་ཆོས་འཕེལ་གྱི་གསུང་ལས། ག་ཇག་ཆོས་མཛད་སྡོམ་བརྩོན་བློ་གྲོས་

― GLG008_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་མཚན་དེ། ཆོས་མཐུན་ཐུགས་དམ་པ་ཞིག་ཡོད་འདུག་པས། རྗེ་གོང་མའི་དགོངས་པར་བདེ་ཞིང་ཞམ་འབྲིང་དུ་བཅར་བ་ནས། ཁོང་གི་སྐུའི་སྐྱེ་བ་ཞབས་དྲུང་དཀོན་ཅོག་རིན་ཅེན་ཡིན་འདུག་པས། རྣམ་པར་དཀར་བའི་ལས་ཀྱི་འབྲེལ་པས་རྗེས་སུ་བཟུང་བ་ཞིག་གོ་ཞེས་བཀའ་གནང་བ་ཐོས་སོ། །དེ་ཡང་འཁྲུལ་མེད་ཀྱི་ངེས་པནི། སོག་པོའི་ཡུལ་དུ་འཁྲུངས་པའི་རྒྱུ་མཚན། བཀའ་ཆེམས་ལས། སྔོན་དགེ་ལེགས་ཀྱི་འབྲེལ་པ་མི་དམན་པས། །དུས་དིང་སང་རྟེན་འབྲེལ་ཕུན་སུམ་ཚོགས། །སླར་སྨོན་ལམ་མཐུ་ལས་ཕྱི་མར་ཡང་། །ཚུལ་འདི་ལྟར་ཐེག་ཆེན་ལམ་བཟང་ནས། ཁྱོད་སྐལ་ལྡན་འདྲེན་པའི་དཔལ་དུ་འགྱུར། ཞེས་པ། ཞབས་དྲུང་རིན་པོ་ཆེ་འགྲོ་བའི་མགོན་པོ་ཆོས་རྒྱལ་འཕགས་པ་དང་ཐུགས་རྒྱུད་གཅིག་ལ། ཨ་ལན་ཐ་རྒྱལ་པོ་དེ་གོང་མ་སེ་ཆེན་གན་གྱི་སྐྱེ་བ་ཡིན་པར་སྣང་བས། དུས་དེར་མཆོད་ཡོན་གཉིས་སྨོན་ལམ་ལེགས་པར་བཏབ་པའི་མཐུས། དིང་སང་སོག་ཡུལ་དུ་དམ་པའི་ཆོས་དར་བ་སོགས་རྟེན་འབྲེལ་འགྲིག་པ་འདི་བཞིན་བྱུང་ལ་སླར་ཡང་སྨོན་ལམ་གྱི་མཐུས་སྐྱེ་བ་ཕྱི་མར་ཇི་གིར་གྱི་རིགས་སུ་འཁྲུངས་ཏེ། ཆོས་སྲིད་གཉིས་ལྡན་ཟུང་དུ་འབྲེལ་བའི་ཚུལ་གྱིས་སྐལ་ལྡན་རྣམས་ཐེག་པ་ཆེན་པོའི་ལམ་དུ་འདྲེན་པའི་དཔལ་དུ་འགྱུར་ཞེས་ཞལ་གྱིས་འཆེས་པའི་རྡོ་རྗེའི་གསུང་འགྱུར་བ་མེད་པའོ། །གླེགས་བམ་རིན་པོ་ཆེར། བོད་ནི་རྒྱལ་པོ་དག་ལ་ཚད་མར་བྱེད། །མི་དབང་མཛོད་ལ་བོད་ཁམས་བདེ་བར་སྐྱོང་། །ཞེས་པ་ལྟར། བོད་ཁ་བ་ཅན་ལྟ་བུའང་། ཐོག་མར་ཆོས་ཁོ་ནས་འདུལ་བར་མ་ནུས་པར་སྲིད་ཀྱི་སྒོ་ནས་འདུལ་

― GLG008_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་པ་བྱུང་བ་དང་མཚུངས་པར་འདིར་ཡང་ཧོར་གྱི་རྒྱལ་རིགས་སུ་སྐུ་བལྟམས་པས། རྗེ་གོང་མའི་དུས་སུ་ཧོར་སོག་རྣམས་རྗེ་བཙུན་བཙོང་ཁ་པ་ཆེན་པོའི་བསྟན་པ་ལ་མི་ཕྱེད་པའི་དད་པ་ཐོབ་སྟེ། དམ་པའི་ཆོས་ཀྱི་འབྲེལ་ལམ་བཟང་པོ་བྱུང་པའི་སྟེང་དུ། སྐུ་སྐྱེ་རྟིང་མའི་དུས་ངེད་ཀྱི་རིགས་སུ་འཁྲུངས་ཞེས། འཇིག་རྟེན་དང་སྒོ་བསྟུན་པའི་སྲིད་ཀྱི་ཆ་ནས་ཀྱང་མངོན་པར་ཞེན་པས་བསྟན་པ་ལ་འགྱུར་མེད་ཀྱི་གུས་པ་མི་ལྷོད་པ་ལ་གཟིགས་པ་ནི་གོངས་གཞི་ཤིན་ཏུ་ཆེ་ཞིང་། འབྲུག་པ་རྒྱལ་དབང་ཆོས་རྗེས་འབྲུག་བསྟན་ལ་དགོངས་ནས་བསམ་བཞིན་བྱ་ཁྲི་དཔོན་གྱི་རིགས་སུ་སྐྱེ་བ་བཞེས་པའི་བསྔགས་བརྗོད་ཐམས་ཅད་མཁྱེན་པ་པདྨ་དཀར་པོའི་རྣམ་ཐར་དུ་གསལ་བ་དོན་འདི་དང་མཚུངས་མོད་ཀྱང་། གཞན་ཕན་གྱི་གདུལ་བྱ་སྐྱོང་བ་ལ། །ཐུགས་བསྐྱེད་རྒྱ་ཆེ་ཆུང་གིས་ཤར་ཕྱོགས་རྒྱ་མཚོའི་མཐའ་ཚུན་གྱི་ཆེན་པོ་ཧོར་གྱི་རྒྱལ་ཁམས་མཐའ་དག་ཞྭ་སེར་པོ་གཅིག་གི་འོག་ཏུ་ཆོས་སྲིད་གཉིས་ལྡན་གྱིས་ཁྱབ་པར་གྱུར་ཚེ། གཉལ་བྱར་ལོ་གསུམ་འབྲུག་བསྟན་གྱིས་ཁྱབ་པ་ཙམ་ལ་ཞལ་ཕོ་མཛད་པའང་ནམ་མཁའ་དང་ལག་མཐིལ་གྱི་དཔེར་མངོན་ནོ། །གཞན་ཡང་བཀའ་ཆེམས་ལས། མི་གནམ་སྐོས་ཀྱི་དགའ་བ་སྐྱེད་བྱེད་རྒྱལ། །མཚན་ཀུན་ཏུ་རྒྱལ་བའི་ཡོན་ཏན་དེ། དཔལ་ཡར་གྱི་ངོ་བཞིན་གོང་དུ་འཕེལ། །ཞེས་པའི་དོན་གནམ་བསྐོས་ནི་ཇིང་གིར་གྱི་རྒྱལ་བརྒྱུད་དེའི་རིགས་སུ་འཁྲུངས་པས་ཡབ་ཡུམ་སོགས་ཕྱོགས་དེའི་སྐྱེ་བོ་རྣམས་ཀྱི་དགའ་བ་སྐྱེད་པར་བྱེད་པ་དང་། ཡོན་ཏན་ཞེས་པའི་མཚན་ཟུར་དངོས་སུ་ཐོན་པ་དང་། གོང་དུ་འཕེལ་ཞེས་པས་རྒྱ་མཚོ་ལ་ཆུ་བོ་མཐའ་དག་འདུ་ཞིང་འཕེལ་བས་དོན་གྱིས་ཐོན་

― GLG008_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །ཨེ་མ་སྲིད་པའི་མེ་ལོང་དུ། །ལས་ཉོན་གྱིས་འཕངས་བདེ་སྡུག་གི །བཟང་ངན་སྣ་ཚོགས་འཆར་བ་ལ། །བྱིས་པའི་སྐྱེ་བོ་ངོ་མཚར་བྱེད། །གཏན་བདེའི་ཟླ་བའི་དཀྱིལ་འཁོར་ལ། །འགྱུར་མེད་སྤྲུལ་པའི་རི་དྭགས་གཟུགས། །ནམ་ཡང་འགོག་མེད་གསལ་བ་འདིས། །འཁོར་བའི་མུན་པ་ཕ་མཐར་བསྐྲད། །རྒྱལ་བ་རྒྱ་མཚོའི་སྨོན་ལམ་མཐུས། །གྲངས་མེད་འགྲོ་འདྲེན་དམ་བཅའི་ཁུར། །ཆད་མེད་རི་གཟར་ལས་བབས་ཆུ། །ཞི་བདེའི་རགས་ཀྱིས་བཟློག་ནུས་ཅི། །དམ་པ་འདི་ནི་རྒྱ་དང་མི་ཉག་གི་དྲེགས་པ་ཅན་ཐམས་ཅད་བསོད་ནམས་ཆེན་པོའ་ིདཔུང་གིས་དབང་དུ་བསྡུས་ཏེ། ཚེ་རིང་གནམ་གྱི་ཤེ་མོང་ལ་བརྟེན་ནས་ཡངས་པའི་རྒྱལ་ཁམས་ཀུན་ལ་མངའ་སྒྱུར་བའི་ཇིང་གིར་རྒྱལ་པོ་ནས་བཟུང་ཐོ་གན་ཐེ་མུར་གྱི་བར་དུ། འཇམ་དབྱངས་གོང་མའི་ཁྲི་ལ་ཞབས་ཟུང་བཀོད་དེ་རྩོད་དུས་ཀྱི་འཁོར་ལོས་སྒྱུར་བའི་རྒྱལ་པོ་ཤ་སྟག་ཏུ་བྱུང་བ་ཡིན་ལ། ཐོ་གན་ཐེ་མུར་གྱི་དུས། གྲུ་ཐལ་གྲུས་རྒྱ་ནག་གི་རྒྱལ་ས་ཕྲོགས་ཏེ། རྒྱལ་རབས་མང་བའི་བར་ཀླ་ཀློ་སྡིག་སྤྱོད་ཀྱི་རྒྱལ་པོ་མི་དགེ་བའི་གླིང་དུ་འཁྱམས་པ་ལས། དུས་རིང་མོ་ཞིག་ནས་གྲངས་མེད་པའི་རྒྱལ་བའི་ཐུགས་རྗེ་ཆེན་པོའི་བྱེད་པོས། མཐའ་འཁོབ་མུན་པའི་གླིང་དུ་དམ་པའི་ཆོས་ཀྱི་སྲོལ་བཏོད་པའི་ཤིང་རྟ་ཆེན་པོར། ཨལ་ཐན་རྒྱལ་པོ་ཞེས་ཡངས་པའི་རྒྱལ་ཁམས་ཀུན་ཏུ་ཉི་ཟླ་ལྟར་གྲགས་པའི་རིགས་ཡིན་ནོ། །དེ་ཡང་ཞབས་དྲུང་ཐམས་ཅད་མཁྱེན་པ་བསོད་ནམས་རྒྱ་མཚོ་དཔལ་བཟང་པོ། ས་བྱི་ནག་པ་ཟླ་བའི་ཉེར་དྲུག་གི་ཐོ་རངས་གཟུགས་སྐུའི་བཀོད་པ་ཆོས་དབྱིངས་སུ་བསྡུས་ཏེ།

― GLG008_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

རླུང་སེམས་ཙམ་ལས་གྲུབ་པའི་ཡེ་ཤེས་ཀྱི་སྐུ་དེས། ཐོག་མར་དག་པ་མཁའ་སྤྱོད་ཀྱི་གནས་སུ་ཕེབས། དེའི་རྒྱུ་མཚན་ཡང་ཐུགས་དམ་གྱི་སྙིང་པོ་ཐུན་མོང་མ་ཡིན་པ་རྣམས་གསང་བའི་ཚུལ་མཛད་པ་ཞིག་ཡོད་འདུག་པས། མཁས་གྲུབ་ཁྱུང་པོ་དང་མཉམ་མེད་རི་བོ་དགའ་ལྡན་པའི་ཟབ་ཆོས་མགོན་པོ་སྙིང་ཞུགས་ཀྱི་འཕོ་བ། དཀྱིལ་འཁོར་རྒྱ་མཚོ་ཁྱབ་བདག་སྔགས་རམ་པ་དགེ་འདུན་བཀྲ་ཤིས་ཀྱི་ཞལ་གྱི་བདུད་རྩི་ལ་ཐུགས་དམ་ནར་མར་མཛད་པས། བཀའ་ཆེམས་ལས། དཔལ་མཁའ་འགྲོ་བཅུ་གསུམ་བླ་མ་དང་། །དབྱེར་མེད་ཀྱི་མགོན་ལ་འཕྲིན་ལས་ཞུ། །ཞེས་གསུངས་པ་དང་། དེ་དང་ཆབས་གཅིག་པར། ནཱ་རོ་པའི་གསང་ཆེན་སློབ་བཤད། རྡོ་རྗེ་འཆང་འཚར་པ་ཆོས་རྗེ་ཡབ་སྲས་ཀྱི་མན་ངག་ཐུན་མོང་མ་ཡིན་པའི་གདམས་པ་ཐུགས་སུ་བསྟན་པས། རྩ་དབུ་མ་ལ་བརྟེན་པའི་ཟབ་མོ་རྡོ་རྗེ་རྣལ་འབྱོར་གྱི་ཉེ་བའི་ལམ་ཁྱད་པར་ཅན་ཐུགས་རྒྱུད་ལ་འཁྲུངས་པའི་བརྡར། བཀའ་ཆེམས་ལས། ཉམས་བདེ་སྟོང་རོལ་པའི་རྒྱ་མཚོ་ཆེ། །དབྱར་ཆུ་བོའི་ངང་ཚུལ་དག་ལ་འགྲན། །དེ་ལམ་བཟང་རྡོ་རྗེ་ཐེག་པའི་དྲིན། །དྲིན་ཆེ་བར་ངེས་སོ་བླ་མ་རྗེ། །བདག་ཚེ་རབས་ནས་ཚེ་རབས་ཐམས་ཅད་དུ། །ལམ་བཟང་པོ་འདི་དང་མི་འབྲལ་ཤོག །ཅེས་གསུངས་ལ། ཡབ་བཀའི་ཡི་དམ་གྱི་གཙོ་བོ་ཡང་བདེ་མཆོག་དྲིལ་བུ་པ་དང་། རྡོ་རྗེ་གདན་བཞི་གཉིས་ཡིན་པར་སྣང་བས། དྲིན་ཆེན་བར་ངེས་སོ་བླ་མ་རྗེ། །ཞེས་པའི་བླ་མ་ནི་རྡོ་རྗེ་འཆང་སྔགས་རམ་པ་དགེ་འདུན་བཀྲ་ཤིས་དང་། རྗེ་བཙུན་བོད་མཁར་པ་མཻ་ཏྲི་དོན་གྲུབ་རྒྱལ་མཚན་གཉིས་ཡིན་པར་ངེས་སོ། །མཁའ་སྤྱོད་ཀྱི་གནས་ནས་

― GLG008_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

སྐར་མདའ་འཕངས་པ་བཞིན་དུ་སེ་ཆེན་ཆོས་ཁུར་མཚན་གཞན་སུ་མི་ཐའི་ཇིའི་བཱི་ཇི་བཱ་ཁེན་སྦྱུ་ལའི་ལྷུམས་སུ། ས་བྱི་ནག་པ་ཟླ་བའི་གནམ་གང་གི་ཉིན། ཁྱེའུ་དཀར་པོ་ཤེལ་འཕྲེང་ཐོགས་པའི་རྣམ་པ་ཅན་གྱི་ཚུལ་དུ་བཞུགས་སོ། །དེའི་ཚེ་ཡུམ་གྱི་གུར་ལ་འཇའ་ཁ་དོག་ལྔ་པ་ལན་མང་པོའི་བར་དུ་ཟུག་པ་དང་། མེ་ཏོག་གི་ཆར་བབས་པ་ཀུན་གྱིས་མངོན་སུམ་དུ་མཐོང་། ཡུམ་གྱི་མནལ་ལམ་དུ་གུར་གྱི་ཐོག་ནའི་སྟེང་དུ་མི་དཀར་པོ་རྟ་དཀར་ཞོན་པ་ཞིག་དང་། ཡང་རྗེ་གོང་མ་ཕྱིང་དཀར་བཞེས་ནས་ངེད་འདིར་གནས་ཤིག་གཡར་བ་ལ་འོངས་པ་ཡིན་གསུང་བ་དང་། པོ་ཏ་ལ་ཡིན་ཟེར་བའི་རི་མཐོན་པོ་ཞིག་གི་རྩེར་ཁང་བཟང་ཉམས་དགའ་བ་ཞིག་ནས་འོད་ཟེར་དཀར་པོ་འཕྲོས་པའི་སྣ་ལ། ཁྱེའུ་དཀར་པོ་ཤེལ་དཀར་གྱི་འཕྲེང་བ་ཐོགས་པ་ཞིག་འོངས་ཏེ། རང་གི་ལུས་ལ་ཐིམ། མནལ་སད་པ་ན། ལུས་ལ་བདེ་བའི་ཉམས་ཁྱད་པར་ཅན་སྐྱེས། དེ་ལ་བརྟེན་ནས་ཏིང་ངེ་འཛིན་གྱི་ཟས་ཀྱི་འཚོ་བས་ཉིན་ཞག་བདུན་ཙམ་གྱི་བར་ཟས་རགས་པ་གསོལ་མ་དགོས་པ་དང་། སྔོན་མེད་པའི་ཡིད་ལ་དགའ་བའི་ཉམས་ལྷང་ལྷང་བ་ཤར་བ་བྱུང་འདུག །ཡང་ནུབ་གཅིག་མནལ་ལམ་དུ། ནེའུ་གསིང་ཡིད་དུ་འོང་བ་ཞིག་གི་ཁར་བཞུགས་པ་ལ། ནམ་མཁའ་གཡའ་དག་པ་ནས་ཉི་ཟླ་གཉིས་ཟུང་འབྲེལ་དུ་ཤར་བ། ཅིག་ཅར་རང་གི་ཁོང་པར་ཞུགས་པ་དང་། རི་བོ་མཐོན་པོ་ཞིག་གི་རྩེར་འབད་མེད་དུ་འཛེགས་པས། ཆུ་ཆེན་པོ་གཏིང་དང་ཁ་ཞེང་ཐམས་ཅད་གཞལ་བར་དཀའ་བ་ཞིག་གི་འགྲམ་ནས་ཕ་རོལ་ཏུ་འགྲོ་མི་ཐུབ་བམ་སྙམ་ཙ་ན། གོས་དཀར་པོ་གྱོན་པའི་ཁྱེའུ་ཞིག་གིས་གྲོགས་བྱས་

― GLG008_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་འབད་མེད་དུ་བགྲོད། ཕ་རོལ་ཏུ་སླེབས་པ་ཙམ་གྱི་ནམ་མཁའ་ལ་བྱ་ལྟར་འཕུར་བས། ཡུལ་དང་གྲོང་ཁྱེར་མང་པོ་མཐོང་། དེ་ནས་སྔར་མཐོང་མ་མྱོང་བའི་ཡུལ་ཉམས་དགའ་བ་ཞིག་ཏུ་བབས་པ་ན། ལྷ་དང་ཀླུ་ལ་སོགས་པའི་འགྲོ་བ་རིགས་མི་གཅིག་པ་ཡིན་ཟེར་བའི་རྒྱན་ཆ་ལུགས་གཟུགས་བརྙན་སྣ་ཚོགས་པ་མང་པོས་འདུད་པ་དང་མཆོད་པ་བྱས་པ་དང་། ཡང་ཅུང་ཟད་ཕྱིན་པ་ན། ལུང་པ་ཕུ་ན་གངས་རི་མཐོན་པོ་ཡོད་པ། བར་ན་རྩི་ཤིང་ནགས་ཚལ་མེ་ཏོག་སོགས་ཡིད་དུ་འོང་བའི་ཚལ་ཆེན་པོ། གཙུག་ལག་ཁང་དགེ་འདུན་གྱི་ཀུན་དཀའ་ར་བ་དང་ཟུང་དུ་འབྲེལ་བ་ཞིག་གི་ནང་དུ་སླེབས་མ་ཐག་སྔོན་མེད་པའི་རང་གི་ལུས་ལ། ཨུ་དུམ་ཝ་ར་དང་པདྨ་དཀར་པོའི་ཐོད་དང་ག་ཤ་སོགས་རྒྱན་དུ་མས་རང་ཤུགས་ཀྱིས་བརྒྱན་པ་བྱུང་བ་ལ། དེའི་ཚེ་གསང་རིའི་རྩེ་ནས་དུང་དཀར་ཞིག་བུས་བྱུང་བས། གཙུག་ལག་ཁང་གི་ཕྱི་རོལ་ཏུ་འོངས་པ་ན། མི་ཉམ་ཐག་པའི་རྣམ་པ་ཅན་མང་པོ་ཚོགས་པ་ཆུ་ཆེན་པོ་ཕ་རོལ་ཏུ་བགྲོད་དཀའ་བ་ཞིག་ལ་རང་གིས་སྣ་དྲངས་ཏེ་བདེ་བར་ཁྲིད་དེ། ཁྲི་མཐོན་པོ་སེང་གེའི་གཟུགས་ཀྱིས་བཏེག་པ་ཞིག་འདུག་པའི་འཁྲིས་སུ་སླེབས་ཙ་ན། སེང་གེ་དེ་སེང་གེ་དངོས་ཡིན་ནམ་སྙམ་པའི་སྣང་བ་ཞིག་ཤར་བའི་མོད་ལ། སེང་གེ་དེ་གཉིས་ཀྱིས་ང་རོ་ཆེན་པོ་ཕྱོགས་ཀུན་ཏུ་ཁྱབ་པ་ཞིག་བསྒྲགས། དེ་དང་ཐག་ཉེ་སར་ཡུལ་ལུགས་མི་གཅིག་པའི་བུད་མེད་མང་པོ་རྒྱན་གོས་བཟང་པོས་སྤྲས་ཏེ་གླུ་ལེན་ཞིང་བྲོ་འཁྲབ་པ་གཟིགས་པ་སོགས་ངོ་མཚར་བ་མང་དུ་བྱུང་བར་སྣང་། གཞན་ཡང་སྔོན་མེད་པའི་དྲི་བཟང་པོ་འཐུལ་བ་དང་། སྒྲ་སྙན་པོ་སྒྲོག་པ་སོགས་ཉེ་འཁོར་བ་ཕལ་ཆེར་

― GLG008_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་སྤྱོད་ཡུལ་དུ་གྱུར་པས། འདི་འདྲ་བའི་ལྟས་ཇི་ལྟ་བུ་ཞིག་ཡིན་ནམ་ཞེས་ཀུན་སོམ་ཉིར་གྱུར་ཀྱང་། མཐའ་འཁོབ་ཀྱི་ཡུལ་གྲུར་སོང་བས་ལེགས་ཉེས་དང་དེ་དག་གི་རྒྱུ་མཚན་ཞིབ་མོར་དཔྱོད་པ་ནི་མ་བྱུང་ངོ་། །ཟླ་བ་ཁ་ཡར་སོང་བ་ན། ཡུམ་གྱི་མངལ་དུ་སྲས་ཆགས་པར་མངོན་པའི་ཚེ། ཡུམ་གྱི་ཁོག་སྟོད་དུ་ཡོད་ཉམས་བྱེད་ཅིང་། ཁོང་པའི་ནང་ནས་ཡི་གེ་དྲུག་པ་དང་ཧྲཱིཿནང་དྷཱི་ལ་སོགས་པའི་སྒྲ་དིར་དིར་སྒྲོག་པ་འཁྲིས་ན་ཡོད་པ་རྣམས་ཀྱིས་ཀྱང་ཐོས་ཟེར། འཁྲུངས་པ་ལ་ཉེ་བ་ཙམ་གྱི་དུས་ནུབ་གཅིག་མནལ་ལམ་དུ། རང་གི་སྙིང་གར་བོད་ཡིག་གི་ཧྲཱི༔ དཀར་པོ་ཞིག་ལམ་མེ་སྣང་བ་ལས། འོད་ཟེར་འཕྲོས་ནས་སེམས་ཅན་མང་པོའི་དོན་བྱས་ཏེ། སླར་རང་ལ་ཐིམ་པ་དང་། མར་མེ་ཆེན་པོ་ཞིག་སྤར་བས་འཇིག་རྟེན་ཐམས་ཅད་གསལ་བར་བྱས་པ་བྱུང་ངོ་། །སྒོ་མང་སློབ་དཔོན་བཞུ་ཁང་རབ་འབྱམས་པ་དགེ་ལེགས་ལྷུན་གྲུབ་ཀྱིས། སྤྲུལ་པའི་སྐུ་མཆོག་བཞི་པ་འདི་ཉིད་ནི། །བསམ་བཞིན་ཨལ་ཐན་ཉིད་ཀྱི་རྒྱལ་རིགས་ཀྱི། །སུ་མིར་ཐའི་ཇི་བཱ་ཁེན་སྦྱུ་ལ་ཡི། །སྲས་སུ་བསམ་བཞིན་འཁྲུངས་ཚུལ་འདི་ལྟ་སྟེ། །རྟ་དཀར་ཞེན་པའི་ཁྱེའུ་མཛེས་པ་ཞིག །སྐྲ་ཡི་སྟེང་དུ་བྱོན་པ་ཡུམ་གྱིས་མཐོང་། །ལྷུམས་སུ་ཞུགས་ནས་ཁོག་སྟོད་ཉིད་བཞུགས་ཤིང་། །ཡིག་དྲུག་སྒྲ་ཞིག་གསལ་པོར་ཐོས་པ་བྱུང་། །དེ་དང་མཚུངས་པར་སྐྲ་ལ་འཇའ་ཟུག་ཅིང་། །མེ་ཏོག་ཆར་སོགས་དགེ་མཚན་དུ་མ་བྱུང་། །ཞེས་དང་། མཁར་ནག་ལོ་ཙཱ་བས། མཐོང་བ་དོན་ལྡན་ཐུགས་རྗེའི་འོད། །ནམ་ཡང་འགྲིབ་པར་མི་འགྱུར་མོད། །རེ་ཞིག་གཟུགས་སྐུའི་དཀྱིལ་འཁོར་ནི། །ཆོས་དབྱིངས་ཆུ་ལྷའི་ཕྱོགས་སུ་ཡོལ། །

― GLG008_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

སླར་ཡང་མཁྱེན་བརྩེའི་རླུང་ཤུགས་ཀྱིས། །ཞིང་འདིར་འབྱོན་པའི་སྔ་ལྟས་སུ། །གུར་ལ་འཇའ་ཟུག་དེ་སྟེང་དུ། །ལྷ་མཆོད་རྟ་དཀར་ཆིབས་པ་ཞིག །ཡུམ་ཆེན་མནལ་བའི་ལམ་ནས་གཟིགས། །རང་ལ་ཐིམ་པས་ལུས་སེམས་བདེ། །སད་ཚེ་ཡིད་དགའ་འཇའ་ཚོན་འཁྲིགས། །མེ་ཏོག་ཆར་གྱིས་ཆུ་མཐོངས་ཁེངས། །སྔོན་མེད་སྤོས་ཀྱི་དྲི་ཞིམ་འཐུལ། །ཡ་མཚན་ལྟས་བཟང་དབང་པོ་ཚིམ། །ཞེས་སོ། །འབྱམས་ཀླས་དག་པའི་ཞིང་གི་མགོན་རྣམས་དང་། །གསང་གསུམ་བཀོད་པ་རྒྱ་མཚོས་དུས་འདའ་ཡང་། །མ་དག་འགྲོ་བ་འདྲེན་པའི་ཟློས་གར་ནི། །དམིགས་མེད་སྙིང་རྗེ་ཆེན་པོའི་འཁྲུལ་གྱིས་བསྒྱུར། །གཟོད་མ་ཉིད་ནས་སྤངས་རྟོགས་ཡོན་ཏན་ཀུན། །རྫོགས་པའི་རྒྱལ་སྲས་ཚུལ་འཛིན་སྙིང་རྗེའི་ལྷ། །སྤྲུལ་པའི་རྣམ་པར་རོལ་ལ་ཡ་མཚན་ལྟས། །བྱུང་བར་མཚར་དུ་འཛིན་རྣམས་བྱིས་པའི་བློ། །མགོན་ཁྱོད་རེ་ཞིག་ཆོས་དབྱིངས་བདེ་བ་ཆེར། །བཞུགས་ལ་འགྲོ་རྣམས་འདུད་པའི་ངལ་གསོའི་སླད། །མེ་ཏོག་ཆར་དང་འཇའ་ཚོན་གུར་ཁྱིམ་སོགས། །བློ་ཁྲིད་འཇིག་རྟེན་མེས་པོས་ཅི་ཡང་བསྐྲུན། ། དེ་ནས་ཟླ་བ་དགུ་ངོ་བཅུ་ལ་ལྟ་བའི་འཕགས་པའི་ཡུལ་དུ་ཙི་ཏྲ་དྷི་ཞེས་པ་གངས་ཅན་གྱི་ལྗོངས་འདིར་འགལ་བར་འབོད་ཅིང་། རྒྱ་ནག་གི་སྐད་དུ་གྱི་ཚེའུ་ཕྱོགས་འདིར་དབང་ཐང་དང་བསྟུན་པ་ས་མོ་གླང་གི་ལོ། ས་ཧོར་མཆོད་ཡོན་ལུགས་ཀྱི་ཟླ་བ་དང་པོ། རྒྱལ་བས་ཆོ་འཕྲུལ་བསྟན་པའི་དུས་ཆེན། ཆུ་ཤེལ་གྱི་དབང་པོ་རྟ་ཆེན་གྱིས་ཉ་བའི་ཕྱོགས་སྔོན་མའི་དགའ་བ་དང་པོའི་ཉི་ཤར་གྱི་དུས་སུ། པདྨ་དཀར་པོ་འདམ་གྱི་སྐྱོན་གྱིས་མ་གོས་པ་ལྟར། མངལ་གྱི་ཉེས་པའི་རྒྱ་ལས་རྣམ་པར་གྲོལ་ཏེ། དགུང་ལོ་གསུམ་ཙམ་ལོན་པའི་བོང་ཚོད་ཙམ། །

― GLG008_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

གསེར་གྱི་མཆོད་སྡོང་ཉི་མའི་འོད་ཀྱིས་ཁྱབ་པ་ལྟ་བུའི་གཟི་མདངས་དང་ལྡན་པའི་ཚུལ་གྱིས་བལྟམས་སོ། །སྒོ་མང་སློབ་དཔོན་བཞུ་ཁང་རབ་འབྱམས་པ་དགེ་ལེགས་ལྷུན་གྲུབ་ཀྱིས། །ས་གླང་ཧོར་ཟླ་དང་པོའི་ཚེས་གཅིག་གི་ཉི་མ་ཤར་དང་བལྟམས་པ་ལྷན་ཅིག་བྱུང་། །ཞེས་དང་། མཁར་ནག་ལོ་ཙཱ་བས། འཆི་མེད་སྲས་པོ་སྤོར་ཐའི་ཇི་ཡིའི། །རིགས་བརྒྱུད་སུ་མེར་ཐའི་ཇི་ཡབ། །རྒྱལ་ཁབ་ཀུན་གསལ་མཛེས་ཕྱིར་དུ། །ཡུམ་མཆོག་བཱ་ཁྱེན་སྦྱུ་ལ་ཡི། །མངལ་སྤྲན་ནས་འཐོན་རབ་མཛེས་སྐུ། །རྒྱལ་སྲས་ཉི་མའི་དཀྱིལ་འཁོར་ཤར། །ས་གླང་མཆུ་ཟླའི་ཚེས་གཅིག་ལ། །སོག་ཡུལ་དབང་པོའི་ས་འཛིན་རྩེར། །དཀར་ཕྱོགས་པདྨའི་གཉེན་དེ་བྱོན། །ནག་པོའི་རྩ་ལག་མུན་པ་སངས། ཞེས་སོ། །དེའི་ཚེ་འཇའ་འོད་ཀྱི་གུར་དང་མེ་ཏོག་གི་ཆར་ཆེན་པོ་འབབ་ཅིང་། དུས་མ་ཡིན་པའི་འབྲུག་གི་སྒྲ་དལ་བུར་སྒྲོག་པ་དང་། སྔོན་ཆད་སྣའི་ཡུལ་དུ་མ་མྱོང་བའི་དྲི་ཞིམ་པོ་བྲོ་བ་དང་། སྒྲ་འཛིན་གྱི་ཡུལ་དུ་ཐོས་མ་མྱོང་བའི་རོལ་མོ་སྣ་ཚོགས་རང་འཁྲོལ་བ། ས་ཆེན་པོ་གཡོ་བ་སོགས་ཡ་མཚན་པའི་ལྟས་མང་དུ་བྱུང་ངོ། །ཟླ་བ་དེ་ཀའི་ནང་དུ་ཡབ་ཀྱི་མཚན་ནས་འབོད་པ་དང་གཞན་ཡང་གསུང་གླེང་དུ་མ་གནང་བས། ཤེས་ལྡན་རྣམས་འདི་ནི་གང་ཟག་ཕལ་པ་དང་མ་འདྲ་བའི་ཡ་མཚན་པ་ཞིག་གོ །ཞེས་བསྔགས་རྗོད་བྱེད་པར་གྱུར་ཏོ། །སྐུ་གཟི་བྱིན་ཆེ་བས། ན་ཚོད་ཕྲ་ཡང་ཀུན་གྱི་མིག་ཅེར་རྒྱག་ཏུ་བལྟ་བར་མི་བཟོད་ཅིང་། མཐོང་ན་མི་མཐུན་པ་མེད་པའི་ངང་ཚུལ་ཅན་ནོ། །ཉིན་གཅིག་ཡུམ་ལ་ལྷ་ཁང་ནས་བཀའ་འགྱུར་གྱི་མ་དུམ་སྤྱན་དྲོངས་ཤིག་གསུངས་པ་ལྟར་བླངས་པས། གླེགས་བམ་ལ་གཟིགས་ཏེ་འདི་ནི་ངའི་རྣམ་པར་ཐར་པའོ་ཞེས་གསུངས།

― GLG008_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

གླེགས་བམ་ཁ་ཕྱེ་བས། དམ་ཆོས་པད་དཀར་གྱི་ནང་གི་དོན་ཡོད་ཞགས་པའི་རྣམ་ཐར་བྱུང་བས། སྤྱན་རས་གཟིགས་ཀྱི་སྤྲུལ་པ་ཡིན་པར་གོར་མ་ཆག་ཅེས་ཀུན་མགྲིན་གཅིག་ཏུ་གླེང་། མཆོད་གནས་ཀྱི་དགེ་འདུན་རྣམས་གསུང་རབ་སྒྲོག་ཏུ་འཇུག་པ་དང་། རང་དང་ན་མཉམ་གྱི་ཁྱིའུ་མང་པོ་དང་ལྷན་ཅིག་ཏུ། སྤོས་དང་མེ་ཏོག་སོགས་ཀྱིས་སྐུ་གསུང་ཐུགས་རྟེན་ལ་མཆོད་པའི་རིམ་པ་མཛད་པར། གཞན་རྣམས་བྱིས་པའི་རོལ་རྩེད་ལ། དམ་པ་འདི་ཉིད་ནི་ཡུན་རིང་པོའི་བར་དུ་སྐུ་ལུས་གནད་དྲང་པོར་བསྲངས་ཏེ་ཡན་ལག་བདུན་པའི་རྣམ་པར་མཛད། འདི་དག་གི་དུས་སྔ་ཕྱི་རྣམས་སུ་ཆོས་ཀྱི་ཁྲི་རྩིག་པ་དང་། ཆོས་འཆད་པའི་རྣམ་པ་དང་རྡོ་ཆུང་ངུ་མང་པོ་བསགས་ཏེ་གྲལ་དུ་བསྒྲིགས་ནས། འདི་རྣམས་བླ་མ་ཡི་དམ་སངས་རྒྱས་བྱང་སེམས་ཀྱི་སྐུ་འདི་དང་འདི་འདྲ་ཡིན་ནོ་ཞེས་གསུང་བ་དང་། སྐབས་འགར་གསུང་ཆོག་བསྐང་གསོ་གཏོར་ཟོར་འཕེན་པ་དང་གར་དབྱངས་ཀྱི་རྣམ་པར་མང་པོ་མཛད། ཉིན་གཅིག་ཡེ་ཤེས་མགོན་པོ་ཕྱག་དྲུག་པ། ལས་གཤིན། རྣམ་སྲས། ཕྱག་བཞི་པ། གུར་ཞལ་སོགས་ཆོས་སྐྱོང་མང་པོ་ཞལ་གཟིགས་ནས་རྣམ་འགྱུར་འདི་ལྟ་བུ་དང་བཅས་ཏེ་བྱོན་བྱུང་གསུང་དེ་དག་གི་ལད་མོ་མང་པོ་མཛད། ཟླ་བ་གསུམ་ཙམ་གྱི་རིང་ཡུམ་རིག་པ་རྣལ་དུ་མི་གནས་པའི་སྨྱོ་བ་ལྟ་བུ་བྱུང་བ་སྐུ་སྐྱེ་ཕེབས་པའི་སྔུར་ཡིན་ཞེས་གླེང་། ནག་པ་ཟླ་བ་ཤར་བའི་ཉིན་གཅིག་དེ་རིང་གཟའ་སྐར་དང་དུས་ཚོད་བཟང་པོ་ཡིན་པས། ལྷ་ཁང་གི་ནང་དུ་སྟན་བཟང་པོ་ཤོམས། སྐུ་གསུང་ཐུགས་ཀྱི་རྟེན་རྣམས་ལ་མཆོད་པ་རྒྱ་ཆེན་པོ་ཕུལ། ཕྱོགས་བཞིར་སཱཙྪ་བཞི་དང་། རིན་པོ་ཆེས་གང་བའི་བུམ་པ་བཞི་ཞོག །ངེད་བཙས་

― GLG008_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སར་མཆོད་རྟེན་རྩིགས། གདན་ཁྲིའི་ཕྱོགས་མཚམས་སུ་རྒྱལ་སྲིད་སྣ་བདུན་བཀྲ་ཤིས་རྟགས་བརྒྱད་རྣམས་སྒྲིགས། དགེ་འདུན་རྣམས་བསྡུས་ལ་ཆོས་ཀྱི་འབེལ་གཏམ་མཛད་དུ་ཆུག །སོག་པོ་ཚོ་ཆེན་དྲུག་སོགས་རྒྱ་བོད་ཧོར་གསུམ་གྱི་མི་སྣ་ཚོགས་པ་རྣམས་ལ་སྟོན་མོ་གྱ་ནོམ་པ་ཐོང་། མཐོང་བ་དོན་ལྡན་ཕྱོགས་འདིར་བསམ་བཞིན་དུ་ཕེབས་པ་ལ་གསོལ་བ་འདེབས་སུ་ཆུག་ཅིག་ཅེས་གསུངས། དེ་བཞིན་དུ་ཡབ་ཡུམ་རྣམས་ཀྱིས་མཛད་པའི་ཚེ། བཀའ་ལས། རིན་པོ་ཆེས་གང་བའི་བུམ་པ་བཞི། །ནོར་བུས་གང་བའི་རྫ་མ་བདུན། རིན་པོ་ཆེ་སྣ་ཚོགས་ཀྱིས་གང་བའི་ཟངས་མཁར་ལྔ་བཅུ་རྣམས་ལྷ་དང་ཀླུའི་འཇིག་རྟེན་སྐྱོང་བ་རྣམས་ཀྱིས་སྦས་པ་ཞིག་ཀྱང་ཡོད་ཅེས་གསུངས། དེ་ནས་ཁྲུམས་ཀྱི་ཟླ་བའི་ནང་དུ། ཉིན་ཞག་གསུམ་གྱི་བར་དུ་མནལ་ཐུན་གཅིག་ལ་སོང་བའི་མཐར། མནལ་སད་དེ་རྗེས་ཐོབ་ལས་བཞེངས་པའི་དུས། ཡུམ་གྱི་དྲི་བ་ཞུས་པར། ཞག་དང་པོ་ལ་མཆོད་ཤོམས་ཀྱི་དཀར་མེ་གཉིས་ངའི་ལག་ན་འདུག་པ་དེ་ཆེས་ཆེར་འབར་ཏེ་འཇིག་རྟེན་གྱི་ཁམས་ཐམས་ཅད་འོད་ཀྱིས་གསལ་བར་བྱས་པ་ཞིག་རྨིས། ཞག་གཉིས་པ་ལ་ནམ་མཁའ་འཇའ་སྤྲིན་འཁྲིགས་པའི་དབུས་ན་སངས་རྒྱས་བྱང་སེམས་གྲངས་མེད་པ་བཞུགས་འདུག་པ་མཐོང་། ཞག་གསུམ་པ་ལ། རིན་པོ་ཆེའི་ཁྲི་ལས་ལངས་ཏེ་བོད་ཀྱི་ཕྱོགས་སུ་འགྲོ་བ་རྨིས་སོ། །ཞེས་གསུངས་པས། སྒོ་མང་སློབ་དཔོན་བཞུ་ཁང་རབ་འབྱམས་པ་དགེ་ལེགས་ལྷུན་གྲུབ་ཀྱིས། དེ་མ་ཐག་ཏུ་སྣ་ལྔའི་འཇའ་གུར་ཕུབ། །མེ་ཏོག་ཆར་བབས་སྤོས་ཀྱི་དྲི་བཟང་ལྡང་། །རོལ་མོའི་སྒྲ་ཚོགས་ཀུན་གྱིས་ཐོས་པ་བྱུང་། །ཟླ་གཅིག་འདས་ཚེ་ཡབ་ཀྱི་མིང་ནས་བོས། །བྱང་

― GLG008_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་སེམས་དཔའི་སྙིང་པོ་ཐོན་ཞེས་གསུངས། །ཟླ་བ་གསུམ་ནས་བཀའ་ལུང་དུ་མ་དང་། ལྷག་པར་ཁྲི་རྒྱོབ་མཆོད་པ་ཆེན་པོ་ཤོམས། །རཏྣས་གང་བའི་བུམ་པ་བཞི་བཞི་དང་། །དུང་དཀར་བཞི་རྣམས་ཕྱོགས་བཞིར་བུས་ཤིག་དང་། །བླ་མ་མཆོག་དེ་ཉི་ཟླ་བཞིན་དུ་ཕེབས། །ཞེས་སོགས་ངོ་མཚར་གསུང་དང་གྲུབ་རྟགས་སོགས། །བརྗོད་ཀྱིས་མི་ལང་དེར་འདུས་རྣམས་ལ་བསྟན། །ཕྱག་འཕྲེང་ཆིབས་པ་ངོས་འཛིན་སོགས་མཛད་པས། །ཀུན་ཀྱང་ངོ་མཚར་གནས་སུ་བཀོད་པ་ལགས། །ཞེས་དང་། མཁར་ནག་ལོ་ཙཱ་བས། བལྟམས་ནས་འཇལ་བྱེད་དང་པོ་ལ། །ཡབ་ཀྱི་མཚན་ནས་འབོད་པ་སོགས། །ཚུལ་འདི་ཟས་གཙང་སྲས་བཞིན་དུ། །ངོ་མཚར་བསྔགས་པའི་གནས་སུ་འགྱུར། །བསིལ་ཟེར་མིང་མཚུངས་གསུམ་པའི་སྐབས། །དོན་བཟང་ཚིག་འབྲུ་བཟང་པོ་ཡིས། །ཆོས་ཀྱི་ཁྲི་ཤོམ་མེ་ཏོག་ཁྲོམ། །རིན་ཅེན་གྱིས་གང་ཀ་ལ་ཤ །ཕྱོགས་བཞིར་བཞག་ནས་དུང་དཀར་བུས། །མཐོང་བ་དོན་ལྡན་སླར་གྱོན་པ། །ཡོན་ཏན་རྒྱ་མཚོའི་སྙིང་པོ་མཆོག་ནམ་མཁའི་ནོར་བུར་གསོལ་ཐོབ་ཅེས། །ཟབ་མོ་རྟེན་ཅིང་འབྲེལ་འབྱུང་གི །ཆོས་ཀྱི་འཁོར་ལོ་རབ་ཏུ་བསྐོར། །གཞལ་བྱ་ཀླུ་ལ་ཞག་གསུམ་དུ། །མནལ་བའི་ཚུལ་གྱིས་མཉམ་པར་བཞག །རྗེས་ཐོབ་ཏུ་ནི་བཞེངས་པའི་ཚེ། །ཡུམ་གྱིས་དེ་དོན་ཞུས་པ་ན། །དང་པོ་ཕྱག་ན་སྒྲོན་མེ་ཡིས། །ཕྱོགས་ཀུན་གསལ་བར་སྣང་བས་ཁྱབ། །གཉིས་པར་འཇའ་སྤྲིན་འཁྲིགས་པའི་ཁྲོད། །སངས་རྒྱས་བྱང་སེམས་གྲངས་མེད་གཟིགས། གསུམ་པར་རིན་ཅེན་ཁྲི་སྟེང་ནས། །བོད་ལ་ཕྱོགས་པ་རྨིས་སོ་གསུངས། །འགའ་ཞིག་

― GLG008_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་དམ་རེ་རེ་གཉིས། །ཞལ་གཟིགས་བྱུང་ལ་ཡ་མཚན་བྱེད། །མགོན་འདིས་བགྲང་ཡས་ལྷག་པའི་ལྷ། །མངོན་སུམ་མཇལ་པས་ཁེངས་པ་མེད། །ཅེས་སོ། །དེ་ནས་ལོ་འཁོར་བའི་ཚེ། ཡབ་ཀྱི་མཆོད་ཁང་ལ་རབ་གནས་ཤིག་བྱེད་པའི་དུས། རྗེ་འདི་ཉིད་ཀྱང་དེར་ཕེབས་ཏེ་རྟེན་གྲལ་གྱི་སྐུ་རྣམས་ལ་ཞིབ་ཏུ་གཟིགས་ཤིང་། ཞབས་དྲུང་རིན་པོ་ཆེ་བསོད་ནམས་རྒྱ་མཚོའི་སྐུ་ལ་ཕྱག་མཛུབ་གཏད་ནས་འདི་ང་ཡིན་ཞེས་གསུངས། རྗེ་གོང་མས་ཡབ་ལ་གནང་བའི་ཕྱག་འཕྲེང་དེའི་མཚམས་འཛིན་འཕྱུགས་པ་རྣམས་འཆོས་པ་གནང་བས་ཀུན་ཡ་མཚན་དུ་བྱེད། ཕལ་ཆེར་གྱིས་འདི་ནི་ཞབས་དྲུང་ཐམས་ཅད་མཁྱེན་པ་བསོད་ནམས་རྒྱ་མཚོའི་སྐུའི་སྐྱེ་བ་འཁྲུལ་མེད་ཡིན་པ་འདྲ་ཞེས་གླེང་བ་ལ་བརྟེན་ནས། དེར་འཁོད་པ་མང་པོས་ཕྱག་དབང་ཞུས་པས། ཕྱག་གཉིས་ཀ་དང་ཡ་གཅིག་དང་ཆོས་ཀྱིས་དྲིལ་བ་སོགས་ཀྱི་སྒོ་ནས་དྲག་ཞན་གྱི་ཕྱག་དབང་གནང་ལུགས་ཀྱི་དབྱེ་བ་རྗེ་གོང་མ་ཇི་ལྟ་བ་བཞིན་དུ་གནང་། གུ་ཤྲིས་མཇལ་བར་འོངས་ཏེ། རྗེ་གོང་མའི་ཕྱག་འཕྲེང་དང་ཕྱག་རྗེས་ལ་འདྲ་མིན་བཅུ་གཅིག་ཙམ་དང་བསྲེས་ཏེ་གཟིགས་སུ་ཕུལ་བ། མ་འདྲེས་པ་སོ་སོར་ངོས་འཛིན་མཛད་པས་ཡིད་ཆེས་ཀྱི་གནས་སུ་གྱུར་ཏེ་དད་པ་ལྷག་པར་སྐྱེས། དེ་ནས་གསོལ་དཔོན་ཚུལ་ཁྲིམས་རྒྱ་མཚོ་དང་། ནང་སོ་དཀའ་བཅུ་པས་གོང་གི་སྐད་ཆའི་གནས་ཚུལ་ཐོས་ཏེ་བརྟག་དཔྱད་བྱེད་པ་དང་བཅས་མཇལ་བར་འོངས་པས། གསོལ་དཔོན་པ་སོགས་ཕྱག་ཕྱི་རྙིང་པ་རྣམས་ཀྱི་སྤྱི་བོར་ཕྱག་འཇོག་པ་དང་ལྷན་ཅིག་ཏུ། སོ་སོའི་མིང་ནས་བོས་ཏེ་ངོས་འཛིན་མཛད་པས་ཀུན་སྨྲ་མི་ཤེས་པའི་དད་པ་ཐོབ་བོ། །

― GLG008_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོང་རྣམས་ཀྱིས་ཕུལ་བའི་མཇལ་དར་མཆོད་ཤོམས་ཀྱི་རྟེན་རྣམས་ཀྱི་ན་བཟར་སྒྲོན་པ་གནང་། དེ་ནི་གསོལ་དཔོན་པ་དྲུང་འཁོར་རྙིང་པ་ཡིན་པ་དང་། ཞམ་འབྲིང་བའི་མཇལ་མིའི་ཐོག་མར་སོང་བས་དཔོན་སློབ་གསར་རྙིང་ཐམས་ཅད་ཞལ་འཛོམ་པ་དང་། དབུས་ཕྱོགས་ནོར་འཛིན་གྱི་ཐིག་ལེར་མྱུར་དུ་འབྱོན་པའི་རྟེན་འབྲེལ་གྱི་དགོས་པ་ཁྱད་པར་ཅན་ལ་དགོངས་པ་འདྲ། ལྕགས་ཡོས་ཀྱི་ལོ་ཐུ་མེད་ཀྱི་རྒྱལ་པོས་མཇལ་བར་བྱོན་པས། ན་ཚོད་ཕྲ་ཡང་ཞུམ་པ་དང་བག་ཚ་བ་མེད་པར། ཞལ་འཛུམ་པ་དང་བཅས་རྒྱལ་པོ་འཁོར་བཅས་བདེ་བར་གནས་སམ་ཞེས་གསུངས་པས། རྗེ་གོང་མ་དྲན་པའི་གདུང་ཤུགས་ཀྱིས་མཆི་མ་འཁྲུག་ཅིང་བ་སྤུ་ལྡང་བར་གྱུར། རྒྱལ་པོའི་ཕྱག་ཕྱིར་ལི་ཐང་གི་ལྷ་ཆེན་བཞེང་བའི་བལ་པོ་ཡོད་པར། མིང་ནས་བོས་ཏེ་ངོས་འཛིན་གནང་། ཚ་རྡོར་ནང་སོས་རྗེ་གོང་མའི་ཐུགས་དམ་རྟེན་མགོན་པོ་ཞལ་གྱི་ཐང་ཁ། ཕྱག་དཔེ། ཆིབས་པ་ཨ་བལ་སེར་པོ། ཟུར་གེ་སྔོན་པོ་རྣམས་ཁྱེར་ཡོངས་པ་དང་དུས་མཚུངས་པར། ས་གཡོ་ཞིང་འབྲུག་གི་སྒྲ་ཆེན་པོ་བསྒྲགས། ཕྱག་དཔེ་ཞལ་ཐང་རྣམས་ལ་ངོས་འཛིན་མཛད། ཨ་བལ་སེར་པོ་ལ་ཆིབས་ནས། གཟིམས་གུར་ལ་བསྐོར་བ་ལན་གསུམ་མཛད་དེ་དབུས་ལ་འདི་ལྟར་འགྲོ་ཞེས་བཀའ་སྩལ། ཆིབས་ལས་བཤོལ་ཏེ་གཟིམས་གུར་དུ་སྟན་ལ་བཞུགས་ཏེ། ཉམས་དགའ་ཞིང་བག་ཕེབས་པའི་གསུང་གླེང་མང་དུ་མཛད། གསོལ་ཇ་ཞལ་དཀར་གང་དེར་འདུས་པའི་སྐྱེ་བོ་མང་པོ་ཞིག་ལ་གནང་བས། ཐམས་ཅད་ཀྱི་སྐོམ་པ་སེལ་ནུས་པའི་ཡ་མཚན་པ་བྱུང་། དེ་སྐབས་རྟེན་ཞིག་ལ་རབ་གནས་ཞུ་མཁན་བྱུང་བར། རབ་གནས་

― GLG008_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཆོ་ག་སོགས་སྔོན་ཆད་གཟིགས་རྟོག་མཛད་མ་མྱོང་ཡང་། ཐོག་མར་གསུང་གི་གདངས་དྲག་པོ་དང་བཅས་ཏེ། ཨོཾ་ཧཱུྃ་ཕཊ། ཅེས་བགེགས་སྤྲོད་པའི་ཚུལ་དང་། ཕྱག་རྒྱ་དང་གར་དབྱངས་མང་པོའི་རྣམ་པ་དང་། ལྷ་སྤྱན་འདྲེན་པ་དང་བསྟིམ་པའི་ཚུལ་མཛད་དོ། །རྗེ་གོང་མའི་སྐུ་ཞང་རིག་སྔགས་འཆང་བའི་འཁོར་ལོས་སྒྱུར་བ་ཀུན་བཟང་རྩེ་བ་བྱོན། གོང་མའི་ཐང་ཞུ་དང་ཕྱག་དྲིལ་གཟིགས་འབུལ་མཛད་པས། ཇི་ལྟ་བ་བཞིན་དུ་མཁྱེན་པར་གྱུར། གང་ཟག་ཐ་མལ་བའི་སྤྱོད་ཡུལ་ལས་འདས་པའི་འཕགས་ཆེན་དམ་པའི་མཛད་པ་རླབས་པོ་ཆེའི་སྙན་གྲགས་ཕྱོགས་ཀུན་ཏུ་ཁྱབ་པ་ལ་བརྟེན། རྒྱ་བོད་ཧོར་གསུམ་གྱི་སྐྱེ་བོ་མཐའ་ཀླས་པ་མཁོ་རྒུའི་འབྱོར་པ་ཇི་སྙེད་པ་དང་བཅས་ཏེ་དབྱར་གྱི་ཆར་སྤྲིན་ལྟ་བུར་འདུས། ཆོས་རྗེས་མདུང་རྩེ་བར་ཁྱེད་ཀྱི་ལག་གི་དངུལ་ཕོར་དེ་ཏའི་ཆིང་ནོ་ཡོན་གྱིས་ཕུལ་བ་ཡིན། ད་སྣེ་གདོང་རྩེར་འབུལ་དགོས་འདུག་བཀའ་ཕེབས། ཉིན་གཅིག་མཁའ་ལ་འཇའ་ཚོན་གྱི་དྲ་བ་རྨ་བྱའི་གདུགས་ལྟར་ཕུབ་པའི་སྣ་ལ་དར་དཀར་གྱི་ཐག་པ་བརྐྱངས་པ་འདྲ་བ་གསུམ་བྱུང་བའི་གཅིག་གཟིམས་གུར་གྱི་སྟེང་། གཅིག་སྒར་གྱི་དཀྱིལ། གཅིག་ཡབ་ཡུམ་གྱི་གུར་ལ་ཟུག །དེའི་ཉིན་མཇལ་བར་འོངས་པ་རྣམས་ལ། ཐུགས་རྗེ་ཆེན་པོ་ཕྱག་བཞི་པ་དང་། ཡི་གེ་ཧཱུྃ་ཡིག་དཀར་པོ་དང་། འོད་དཀར་པོའི་ཐིག་ལེ་དང་། རལ་པའི་ལྕང་ལོ་ཅན་ཕྱམ་རྩ་དཀར་པོ་བཞེས་པ་བླ་མ་ཉིད་ཀྱི་རྣམ་པ་ཅན་སོགས་མཐོང་ཚུལ་མི་འདྲ་བ་མང་དུ་བྱུང་བས། སྐྱེ་རྒུ་མཐའ་དག་རྗེ་གོང་མའི་མཆོག་གི་སྤྲུལ་སྐུ་ཐེ་ཚོམ་དང་བྲལ་བའི་ངེས་ཤེས་རྙེད་དེ། ཕྱག་དང་། སྐོར་བ་དང་བཤགས་

― GLG008_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་རྗེས་སུ་ཡི་རང་ལ་སོགས་དགེ་བ་བཅུའི་ལས་ལམ་དབྱར་གྱི་ཆུ་མཚོ་ལྟ་བུར་འཕེལ་བར་གྱུར་ཏོ། །ཕུན་ཚོགས་གྲུ་འཛིན་རི་བོའི་ཕོ་བྲང་ནས། །རབ་འབྱམས་རྒྱལ་བ་ཀུན་གྱི་སྙིང་རྗེའི་གཟུགས། །མཐའ་འཁོབ་གདུལ་དཀའི་འགྲོ་བ་འདྲེན་སླད་དུ། །སྣ་ཚོགས་སྒྱུ་དྲའི་རོལ་གར་དེ་རྨད་བྱུང་། །འཁོར་འདས་མཉམ་ཉིད་མི་གཡོ་ཆོས་ཀྱི་སྐུ། །མངོན་དུ་གྱུར་ཀྱང་བླུན་རྨོངས་འགྲོ་བའི་ངོར། །ཚེ་རིང་གནམ་གྱི་རིགས་སུ་སྲིད་འཛིན་པའི། །ངོ་མཚར་བཀོད་པའི་དགེ་མཚན་ཅི་ཡང་སྟོན། །འགྲོ་ལ་རྗེས་སུ་ཆགས་པའི་ཆུ་གཏེར་ལས། །ལེགས་འོངས་རྒྱལ་སྲས་ཟླ་ཚེས་གཞོན་ནུ་དག །སྤངས་རྟོགས་ཡོན་ཏན་ཆ་ཤས་གོང་འཕེལ་བའི། །སྙན་གྲགས་རྒྱ་མཚོའི་རླབས་བཞིན་ཡོལ་བ་མེད། །དགའ་བ་ཞེས་པ་ཆུ་ཕོ་འབྲུག་གི་ལོ་གསར་པའི་ཆོ་འཕྲུལ་གྱི་དུས་ཁྱད་པར་ཅན་གྱི་ཚེ། ཡེ་ཤེས་ཀྱི་མགོན་པོ་ཕྱག་དྲུག་པ། དམ་ཅན་ཆོས་ཀྱི་རྒྱལ་པོ། །དཔལ་ལྡན་ལྷ་མོ་འདོད་ཁམས་དབང་ཕྱུག་མ་རྣམས་ཞལ་གཟིགས། མཁར་སྔོན་པོར་མྱུར་དུ་འབྱོན་པ་ལེགས་པའི་གསུང་གི་སྣང་བ་སྩལ་བ་ལྟར། དེ་བཞིན་དུ་མཁར་སྔོན་པོར་ཕེབས་པ་འགབ་ཚུལ་ཉེ་འཁོར་དུ་ཡོད་པ་རྣམས་ལ་གསུངས་ཤིང་། རྒྱལ་པོ་རྒྱལ་མོ་སོགས་ལ་ཡང་རྒྱུ་མཚན་གནང་། ཉིན་གཅིག་ཕྱི་རོལ་ཏུ་ཕེབས་ནས་ཐག་ཧ་ཅང་མི་རིང་བ་ཞིག་ན། ས་ལ་ཕྱག་མཛུབ་གཏད་ནས་འདིའི་འོག་ན་ཁྲོ་ཡོད་གསུངས་པས། དེར་འདུས་པ་རྣམས་ཀྱིས་ས་ཁྲུ་དོ་ཙམ་གྱི་བར་དུ་བརྐོས་ཀྱང་མ་རྙེད། སུ་མི་ཐའི་ཇི་དེ་རང་གི་སྲས་སུ་སྐྱེས་བུ་དམ་པ་བྱོན་པའི་སྔུར་ལྟ་བུའི་རྣམ་པས། ཐུགས་རིག་ལ་སྟེང་ཤོང་ཡོང་འདུག་པས་ལ་ལ་ཞིག་གིས་

― GLG008_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོ་གར་ཡོད། སྨྱོན་པ་དེའི་བུས་ཟེར་བ་ལ་ཐ་སྙད་མི་ཡོང་ཞེས་གླེང་། ཕལ་ཆེ་བ་དག་གིས། རྗེ་ཐམས་ཅད་མཁྱེན་པའི་རྣམ་སྤྲུལ་དུ་ནི་གོར་མ་ཆག་པས་ཁྲོ་ངེས་པར་ཡོད་དོ་ཞེས། སླར་ཡང་ས་ཁྲུ་གང་ཙམ་ཞིག་བྲུས་པའི་འོག་ནས་ཁྲོ་ཤིན་ཏུ་ཆེ་བ་ཁ་ལ་མིས་སྐོར་བ་བྱེད་ཐུབ་པ་ཞིག་འཐོན་པ། སའི་སྟེང་དུ་འདྲེན་པ་ལ་ཤེས་རབ་ཀྱི་རྩལ་མགྲིན་བཟང་གི་གྲོགས་པོར་གྱུར་པ་དག་མང་བས། རེ་ཞིག་རྔོ་མ་ཐོགས་པར་ལུས་དེ་ནས་རྒྱ་ནང་དུ་ཁྲོ་ཆེན་པོ་འདི་སའི་སྟེང་དུ་འདྲེན་པའི་མི་ཞིག་ཐོང་ཞེས་ཡི་གེ་རྒྱབ་པས། རྒྱ་མི་གཉིས་ཀྱི་འོངས་ཏེ་དཀའ་ཚེགས་མེད་པར་དྲངས་ནས་སྒྱེད་བུའི་སྟེང་དུ་བཅུགས་པས། སྐྱེ་བོ་མང་པོས་བཟའ་བཏུང་གི་རིམ་པ་མངོན་པར་འདུ་བྱེད་པའི་གནས་སུ་བྱས་སོ། །ཧོར་ཟླ་བརྒྱད་པའི་ཚེས་བཅུའི་ཉིན། སྐུ་ཞང་རིན་པོ་ཆེ་ཀུན་བཟང་རྩེ་བ་དང་། མཉྫུ་ཆོས་རྗེས་གཙོས་པའི་བོད་སོག་གི་བནྡེ་མང་པོ་དང་། རྒྱལ་པོ་རྒྱལ་མོ་ཧོར་ཐའི་ཇི་སོགས་སྐྱེ་བོའི་ཚོགས་གྲངས་མེད་པ་གདན་འདྲེན་ལ་འབྱོར། ཚེས་བཅོ་ལྔའི་ཉིན་ཆིབས་པ་ཟུར་དགེ་སྔོན་པོ་ལ་ཆིབས་ཏེ། གདན་འདྲེན་པ་རྣམས་དང་ཆིབས་སྐྱེལ་པ་ཡབ་ཀྱིས་གཙོས་པའི་རྟ་པ་སྟོང་ཕྲག་ཙམ་གྱིས་བསྐོར་ཏེ་ཕེབས། ཕྱག་མཛུབ་གཏད་ནས་ལམ་འདི་ན་མཆོད་རྟེན་དཀར་པོ་ཞིག་ཡོད་གསུངས་པར། སྐུ་འཁོར་བ་འགའ་ཞིག་གིས་ཕྱོགས་དེར་ཕེབས་མྱོང་ལགས་སམ་ཞུས་པས། ངས་སྔོན་ཕྱོགས་དེར་འགྲོ་མྱོང་བ་ཡིན་ཞེས་སོགས་སྔོན་གནས་རྗེས་དྲན་གྱི་གསུང་ཁ་ཡར་བཀའ་སྩལ། དེའི་ཚེ་ཆ་དཀར་རྒྱལ་པོས་དཔོན་པོ་ཕུན་ཚོགས་ཀྱིས་གཙོས་པའི་རྟ་པ་ལྔ་བརྒྱ་ཙམ་ཟང་ཟིང་གི་དངོས་

― GLG008_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་མང་པོ་དང་བཅས་ཏེ་མངགས་པ་འབྱོར། ཕྱག་དབང་ཞུས་པས་ཕུན་ཚོགས་ཡོངས་པ་ཨེ་ཡིན་ཞེས་ངོས་འཛིན་མཛད། རྒྱ་མི་ཞིག་གིས་བླ་མ་ཁྱེད་སུ་ཡིན་ངས་ངོ་མ་ཤེས་ཞེས་ཚོད་བགམ་པར། ཁྱོད་རང་ང་ལ་ཐེ་ཚོམ་བྱེད་མི་དགོས། སྤྱན་རས་གཟིགས་སུ་མོས་ལ་གསོལ་བ་ཐོབ་ཅིག་ཅེས་གསུངས་པས་སྤོབས་པ་མེད་པར་གྱུར། མཆོད་རྟེན་དཀར་པོར་ཕེབས་པའི་ཚེ། དཀོན་ཅོག་ཐའི་ཇིས་གཙོས་པའི་རྟ་པ་ལྔ་བརྒྱ་ཙམ་བསུ་བ་ལ་འབྱོར་བས། བཀའ་ལས་རྟེན་འབྲེལ་ལེགས་འདི་ན་ངའི་ཁྲི་ཡོད་པས་རེ་ཞིག་སྡོད་གསུངས་ནས་ཁྲི་ཁར་བཞུགས་ཏེ། ཞུ་བ་པོ་མེད་པར་བླ་མའི་རྣལ་འབྱོར་གྱི་ཆོས་འབྲེལ་ཞིག་སྩལ། དེ་ནི་འགྲོ་བ་ཐམས་ཅད་ཀྱི་མི་བསླུ་བའི་སྐྱབས་གནས་ནི་དཀོན་ཅོག་རིན་པོ་ཆེ་རྣམ་པ་གསུམ་ཡིན་ལ། ངའི་མཚན་དང་ལྡན་པའི་རྒྱལ་རིགས་ཀྱི་བསུ་བ་ལ་འོངས་པ་དང་། ལུས་ཅན་ཀུན་གྱི་མཆོད་པའི་ཞིང་དམ་པ་ནི་རྒྱལ་བའི་བསྟན་པ་ཡིན་ལ། དེ་ཉིད་དཀར་འཇམ་དུ་འགྲོ་བའི་བརྡར་མཆོད་རྟེན་དཀར་པོའི་འཁྲིས་སུ་ཕེབས་པ་དང་ཕེབས་བསུ་བ་རྣམས་རྩེ་འཛོམས་བྱུང་བ། ཆོས་ཀྱི་འཁོར་ལོ་བསྐོར་བའི་བརྡར་དེར་རྗེ་གོང་མའི་བཞུགས་ཁྲི་ཡོད་པ་སོགས། ཐམས་ཅད་མཁྱེན་པ་བདེ་ཆེན་ཆོས་ཀྱི་རྒྱལ་པོ་འདི་ཉིད་ཀྱིས་བསྟན་པ་གསལ་བར་མཛད་པའི་རྟེན་འབྲེལ་ལོ། །དེ་ནས་རྗེ་གོང་མ་ཉིད་ཀྱིས་བྱིན་གྱིས་བརླབས་པའི་གནས་ཁྱད་པར་ཅན་དེར། གཉུག་མར་གནས་པའི་དགེ་འདུན་རྣམས་ཀྱིས་མཆོད་པའི་བྱེ་བྲག་དུ་མ་ཐོགས་པས་མདུན་བདར་ཏེ་ཕེབས། གོང་མའི་བཞུགས་ཁྲིའི་ཁར་ཞབས་ཀྱི་པདྨོ་རྣམ་པར་བཀོད་དེ། དེར་འཁོད་པའི་སྐྱ་སེར་གྱི་

― GLG008_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོམ་ཆེན་པོའི་དབུས་སུ་རྗེ་གོང་མའི་མཛད་པའི་རིམ་པ་མདོར་བསྡུས་ཙམ་དང་། མ་འོངས་པ་འབྱུང་འགྱུར་གྱི་ལུང་བསྟན་རགས་རིམ་ཞིག་འཇིགས་པ་མེད་པའི་གསུང་གིས་བཀའ་སྩལ། གཟིམས་ཆུང་དང་མགོན་ཁང་རྣམས་སུ་ཕེབས་ཏེ། མཆོད་ཤོམས། གཏོར་མ། ཞལ་འབག་སོགས་སོ་སོར་ངོས་འཛིན་གནང་། དེ་ནས་རེ་ཞིག་གི་བར་ཕྱག་བྲིས་འདྲི་ཀློག །ཕྱག་དཔེ་འཛིན་པ་སོགས་ཐུགས་གཉེར་གྱི་རིམ་པ་རྣམས། རིན་པོ་ཆེ་ཀུན་བཟང་རྩེ་ནས་ཀྱིས་ཕུལ་བས་འབད་རྩོལ་ལ་མ་ལྟོས་པར་དཀའ་ཚེགས་ཆུང་ངུས་མཁྱེན་པས། རིན་པོ་ཆེ་བ་དེ་ཆོས་རྗེ་དཀོན་གཉེར་དཔོན་པའི་ཞལ་ངོར་སོང་བ་དང་། དཀོན་གཉེར་དཔོན་པ་ལ་སྡེ་སྲིད་ཕག་མོ་གྲུ་པས་བཀུར་བཟོས་ཆེ་ཞིང་། སྣེའུ་གདོང་རྩེ་དང་གཞིས་ཀ་གོང་དཀར་གྱི་ཕོ་བྲང་ཡས་མས་གཉིས་ནི་ལུགས་གཉིས་ཀྱི་ཡོན་ཏན་ཅན་མཐའ་དག་འདུ་ས་ཁྱད་པར་ཅན་ཡིན་པས། རྣམ་དཔྱོད་ཀྱི་རྩལ་ཅུང་ཟད་ཙམ་ཡང་མི་ལྡན་པའི་བླ་ཆེན་གྱི་མིང་གོག་སྐམ་པོ་ཐམས་ཅད་ལ་ཁོང་པ་ཐུགས་མགུ་མཁན་ཞིག་མིན་པ་འདུག་ཀྱང་། རྗེ་འདི་ཉིད་ལ་ཞབས་དྲུང་རིན་པོ་ཆེ་བསོད་ནམས་རྒྱ་མཚོ་དེ་ཉིད་དང་ཁྱད་པར་མི་འདུག་ཅེས་གུས་པ་ཡིན་སྐད། མཁར་ནག་ལོ་ཙཱ་བས། དེ་ནས་བགྲང་བྱ་གསུམ་པའི་དུས། ཁུ་ཁོ་ཁོ་ཏོར་འགྲོ་ཞེས་གསུངས། །དེ་ན་དཔག་ཡས་སྐྱེ་བོའི་ཚོགས། །སྨིན་དང་གྲོལ་བའི་ལམ་ལ་བཀོད། སྙན་གྲགས་མ་ལ་ཡ་ཡི་དྲི། །བསྟན་སྐྱོང་བསེར་བུས་བསྐྱོད་པ་ལས། །འཇིག་རྟེན་གསུམ་དུ་ཁྱབ་པ་ན། །ཞེས་སོ། །དེ་སྐབས་ཕྱག་མཛོད་ཀྱི་ཁུར་ལེན་བྱེད་མི་གསོལ་དཔོན་ཚུལ་ཁྲིམས་རྒྱ་མཚོ་ཕྱག་གཡོག་ཏུ་འགྱུར་པར་མ་ཟད། དྲུང་འཁོར་དྲག་

― GLG008_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

ཞན་ཚང་མ་དང་འགྲོགས་ལུགས་མཁས་ཤིང་ལེགས་པས། རིན་པོ་ཆེ་ཀུན་བཟང་རྩེ་པ་དེ་སྐུ་ཞབས་སུ་ཅར་མར་བཞུགས་པ་གནང་། ཕྱག་མཛོད་གུ་ཤྲི་བླ་མ་ལ་གུས་ཞེན་ཆེ་བ་ནི་ཡོངས་སུ་གྲགས། འཇིག་རྟེན་ཕྱོགས་ཀྱི་མཛད་སྒོ་ཧ་ཅང་གི་ཞིབ་ཆ་མི་ཆེ་བ་ཞིག་ལ། ཕྱི་བླ་གང་ཆེ་ཞིང་ནང་ཕྱག་རྫས་ལ་རུ་ང་བ། མཐོན་པོའི་གཉའ་གཅོག་དམའ་བའི་སྐྱོང་བསྟར་སོགས་སྒར་གྱི་འཛིན་ཚུལ་དང་། སྦྱིན་བདག་གི་སྣེ་ལེན་ཞི་དྲག་གིས་འདུལ་ཐབས་ལ་མངའ་བརྙེས་པར་འགྲན་ཟླ་དང་བྲལ་ཞེས་ཀུན་མཐུན་པར་གླེང་ཡང་། ཆོས་ཕྱོགས་ནས་བླ་མ་ལ་སྐུ་ཡོན་དགོས་མི་དགོས་དང་། སྐུ་ཡོན་འབུལ་མཁན་ལ་ཡོན་ཏན་ཡོད་མེད་ཀྱི་རྣམ་དབྱེ་ཕྱེད་པོ་ཞིག་མེད་འདུག་པ་དང་། ལྷག་པར་རྗེ་གོང་མའི་དྲུང་འཁོར་ཀུན་བཟང་རྩེ་པས་གཙོས་པའི་དྲག་རིམ་ཞིག་དང་མཐོ་གནོན་གྱི་རྣམ་པས་ཐུགས་ཀ་མི་མཐུན་པའི་སྟབས་ཀྱིས། ཕྱག་མཛོད་བྱོན་ནས་བཟུང་རིན་པོ་ཆེ་པས་ཀྱང་སྐུ་ཞབས་སུ་བཅར་མ་བསྡད་པ་ཡིན་སྐད། ངེས་པའི་དོན་དུ་རྗེ་གོང་མ་དང་ཐུགས་རྒྱུད་གཅིག་པས། གསན་བསམ་མཛད་པ་ལ་མ་ལྟོས་ཀྱང་། རྒྱལ་བ་ཟས་གཙང་གི་སྲས་པོས་འོག་མིན་དུ་སངས་རྒྱས་ཟིན་ནས་འཇིག་རྟེན་དང་མཐུན་པར་བྱ་བའི་ཕྱིར་མཛད་པ་བཅུ་གཉིས་ཀྱི་ཚུལ་བསྟན་པ་སོགས། སྔོན་གྱི་མཁས་གྲུབ་དམ་པ་རྣམས་ཀྱང་ཐོས་བསམ་གྱི་ཕྱིར་དཀའ་སྤྱད་མང་དུ་མཛད་པས། སྐུ་གཞོགས་ཀྱི་ཚོ་འཛིན་དང་སྐུ་ཡོན་འབུལ་མཁན་ལ་རིན་པོ་ཆེ་ཀུན་བཟང་རྩེ་ནས་དེ་ཡུན་མི་ཐུང་ཙམ་ཞིག་བཞུགས་ཐུབ་ན། མཚན་ཉིད་པའི་སྟོན་པ་རིག་པའི་མདས་རང་གཞན་ཐམས་ཅད་ཐལ་མར་འབིགས་ནུས་པ་ཞིག་

― GLG008_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བྱུང་ནའང་། རྡོ་རྗེ་ཐེག་པའི་སྨིན་གྲོལ་གྱི་གདམས་པ་དང་ཕྲ་ཞིབ་ཕྱག་ལེན་ལ་བརྟེན་ནས། དོན་གཉིས་རླབས་པོ་ཆེ་ལྷུན་གྱིས་གྲུབ་པ་ཞིག་འོང་རྒྱུར་འདུག་ཀྱང་། དྲུང་དུ་ཉེ་བར་འཁོད་པ་མཐའ་དག་མཇུག་མ་མེད་པའི་རྡོ་རྗེའི་རྣ་ལྡན་ཤ་སྟག་ཏུ་སོང་བས། གསན་བསམ་གྱི་འཕྲོར་ལུས་སོ། །ཕྱག་མཛོད་ཆེན་པོ་མཚན་དངོས་དཔལ་ལྡན་རྒྱ་མཚོ། རྒྱ་ནག་གོང་མའི་ལུང་གི་གུ་ཤྲི། འཇིག་རྟེན་ཡོངས་ལ་ཕྱག་མཛོད་སེང་གེར་གྲགས་པའི་སྒྲ་སྐད་ཅན་དེས། དབུས་ཕྱོགས་སུ་རྗེ་གོང་མའི་དགོངས་པ་རྫོགས་ཐབས་རྣམས་ལེགས་པར་གྲུབ་ནས། མཆོག་གི་སྤྲུལ་པའི་སྐུ་སོག་ཡུལ་དུ་བྱོན་པའི་གཏམ་སྙན་རྣ་བའི་བཅུད་ལེན་དུ་གྱུར་པ་ལ་བརྟེན། རང་ཉིད་ན་ཚོད་ཡོལ་བ་ལ་མ་ལྟོས་པར། དགེ་བའི་བཤེས་གཉེན་བསྟེན་པ་ལ་བྱང་ཆུབ་སེམས་དཔའ་རྟག་ཏུ་ངུའི་རྣམ་པར་ཐར་པ་ལ་འགྲན་པར་ནུས་པའི་སྙིང་སྟོབས་ཀྱི་གོ་ཆ་བཙན་པོ་གྱོན་ནས། སྒར་དམངས་དང་བཅས་ཏེ་དབུས་ནས་བཏེག །དེ་དང་ཕྱོགས་མཐུན་པར། ཕོ་བྲང་ཆེན་པོ་སྣེའུ་གདོང་རྩེ་ནས་གོང་མ་མིའི་དབང་ཕྱུག་མི་ཕམ་དབང་གྱུར་རྒྱལ་པོ་ཞེས་བོད་ཤིང་སྒོ་ཅན་ཐམས་ཅད་ཀྱི་བླ་དཔོན་ཟུང་དུ་འཇུག་པའི་གཙུག་གི་ནོར་བུ་དེ་ཉིད་དང་། དེ་མཚུངས་ཕོ་བྲང་ཆེན་པོ་གོང་རི་དཀར་པོ་ནས། གངས་ཅན་པུ་རྣམས་ཀྱི་མགོན་གཅིག་བུ་རླངས་སྟོན་ཆོས་ཀྱི་རྒྱལ་པོ་ལྷ་གཟིགས་ངག་དབང་བསོད་ནམས་གྲགས་པ་རྒྱལ་མཚན་དཔལ་བཟང་པོ་དང་། ཤུན་ནས་ཞབས་དྲུང་གདུང་བརྒྱུད་རིན་པོ་ཆེ་གསུམ་གྱི་མི་སྣས་གཙོས། འོད་གསལ་ལྷ་ཡི་གདུང་འཛིན་ས་སྐྱོང་རྒྱ་རི་བ། བྱང་ཕྱོགས་མིའི་རྗེ་བོ་ས་སྐྱོང་དགའ་ལྡན་པ་སོགས་སྡེ་

― GLG008_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་ཆེ་ཕྲ་མང་པོ་དང་། སེར་འབྲས་དགེ་གསུམ་གྱིས་ཐོག་དྲངས་པའི་ཆོས་སྡེ་ཁག་རྣམས་ཀྱི་གདན་འདྲེན་པ་དང་བཅས་མཁར་སྔོན་པོར་འབྱོར།ཐོག་མར་མཇལ་བའི་ཚེ། སྔོན་གནས་རྗེས་དྲན་གྱིས་ངོས་འཛིན་གྱི་གསུང་དུ་མ་སྩལ་བས། ཕྱག་མཛོད་ཀྱིས་གཙོས་པའི་དྲུང་འཁོར་རྙིང་པ་རྣམས། རྗེ་གོང་མ་དྲན་པས་དགའ་བ་དང་སྐྱོ་བ་སྤེལ་མའི་རྣམ་འགྱུར་སྣ་ཚོགས་བསྟན། མཁར་ནག་ལོ་ཙཱ་བས། ཕྱག་མཛོད་དཔལ་ལྡན་རྒྱ་མཚོ་འདིས། །བྱང་འཕགས་བཞིན་དུ་ལུས་སྲོག་ལ། །ལྟོས་མེད་ཕྱོགས་དེར་འབྱོར་པ་ན། །ཡིད་ཆེས་གསུང་གི་ངོས་འཛིན་གྱིས། །འཁྲུལ་མེད་གོང་མ་རྗེས་སུ་དྲན། །ཚེས་པ་སྔ་ཕྱིའི་ཉི་མ་དང་། །དཀྱིལ་འཁོར་གཅིག་པ་ཇི་བཞིན་དུ། །མགོན་ཁྱོད་མཐོང་བ་དོན་ལྡན་དུ། །གཟུགས་སྐུ་སོ་སོ་ཐུགས་རྒྱུད་གཅིག །ཅེས་སོ། ཁྲི་རིན་པོ་ཆེ་རྒྱལ་ཁང་རྩེ་པ་དཔལ་འབྱོར་རྒྱ་མཚོས་རྭ་སྒྲེང་དུ་གནས་གཟིགས་ལ་ཕེབས་དུས། ཀ་གཉིས་མའི་ནང་དུ་ཕྱགས་མ་ཕུད་པར་བྱོན་པས། ཇོ་བོ་འཇམ་དཔལ་རྡོ་རྗེས། བརྩོན་འགྲུས་གཡུང་དྲུང་ཁྱོད་ངའི་དཀྱིལ་འཁོར་གྱི་ནང་དུ་མཆིལ་ལྷམ་མ་ཕུད་པར་ཡོང་བ་ཅི་ཡིན་ཞེས་གསུང་བྱོན་པས། ཁུ་སྟོན་ཡིན་པར་དོན་གྱིས་ལུང་བསྟན་ཅིང་། ཐམས་ཅད་མཁྱེན་པ་བསོད་རྣམས་རྒྱ་མཚོ་གཞིས་ཀ་བྲག་དཀར་དུ་ཕེབས་སྐབས་ཤིག །ཡང་དགོན་ཞབས་དྲུང་སོགས་དྲུང་འཁོར་འགའ་ཞིག་ལ། དེ་རིང་ངེད་རང་ཚོ་ཁུ་སྟོན་དང་མཇལ་བ་འདུག་གསུངས་པས། རྐྱང་ཐང་སྒང་གི་དཀྱིལ་ཙམ་དུ་ཞལ་སྔ་ནས་རྒྱལ་ཁང་རྩེ་པ་དང་མཇལ། དེ་ནུབ་ཡང་དགོན་ཞབས་དྲུང་གིས། དེ་རིང་ཁུ་སྟོན་དང་མཇལ་བ་མ་བྱུང་ལགས་ཞུས་པས། ངེད་རང་

― GLG008_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རྐྱང་ཐང་སྒང་དུ་ཕྲད་བྱུང་ཞེས། བོད་ཀྱི་མཁས་པ་ཆེན་པོར་ངོས་བཟུང་བ་དེ་ཉིད་དགའ་ལྡན་གི་ཁྲི་ཟུར་བཞུགས་མཛད་ནས། རྒྱལ་ཁང་རྩེར་བཞུགས་སྐབས་ཡིན་འདུག་པས། ཕྱག་མཛོད་གུ་ཤྲི་སོག་ཡུལ་དུ་སྤྱན་འདྲེན་ལ་འབྱོན་གདོང་། འཕྲལ་ཡུན་གྱི་གསུང་གླེང་མང་དུ་གནང་ཞིང་། ཁྱད་པར་ངེད་ན་ཚོད་མཐོས་པས་སོག་ཡུལ་དུ་སྐུ་ཞབས་སུ་སླེབ་པ་ཞིག་མི་ཡོང་འདུག་ཀྱང་། དིང་སང་དབུས་གཙང་དུ་རང་ཕྱོགས་ཀྱི་བླ་མའི་རྒན་མགོ་ངེད་རང་ཡིན་པ་ནས་ཞབས་དྲུང་རིན་པོ་ཆེར་མཚན་འབུལ་བའི་བབས་འབྲེལ་འདུག་པས། ཐམས་ཅད་མཁྱེན་པ་ཡོན་ཏན་རྒྱ་མཚོ་དཔལ་བཟང་པོ་ཞེས་མཚན་འབུལ་རྒྱུ་ཕུལ་བས། འདི་ནས་བཟུང་མཆོག་དམན་ཀུན་ལ་མཚན་འདི་ཉི་ཟླ་ལྟར་གྲགས་སོ། །དགུང་ལོ་བཅུ་བཞི་མ་བཞེས་ཀྱི་བར་དུ་གནོད་སྦྱིན་ཕྱོགས་ཀྱི་ཕང་པར་གནས་པའི་འགྲོ་བ་རྣམས་ཀྱི་དོན་དུ་བཞུགས་ཏེ། ཉིན་རེ་བཞིན་དུ་སོག་པོ་ཚོ་ཆེན་དྲུག་གི་འབུལ་བ་སོགས་ནི་རྒྱལ་པོ་ཆེན་པོས་དཔྱ་ཁྲལ་བསྡུ་བ་བཞིན་དང་། དཔལ་འབྱོར་ལོངས་སྤྱོད་རྣམ་ཐོས་ཀྱི་བུའི་ཁེངས་པ་འཕྲོག་ནུས་པ་སྟེ། དུས་ཚོད་དེའི་སྟོབས་མངའ་ཐང་ལ། ཀར་འབྲུག་སྤྲུལ་སྐུ་སོགས་ཀྱིས་གཙོས་པའི་བླ་ཆེན་སྒར་པའི་རིགས་འཇིག་རྟེན་གྱི་ཆོས་བརྒྱད་པོའི་ཉམས་ལེན་ལ་ཐུགས་དམ་གྱི་མཐིལ་དུ་མཛད་དེ། མར་ཆུར་ནས་སྲན་སོགས་ཀྱི་འབུལ་བ་ཕྲན་བུ་ལའང་། བརྒྱ་འབུལ་དུ་མིང་བཏགས་ནས། ཁྲོམ་ཆེན་པོའི་དབུས་སུ་ལེན་ཞིང་། མཐོང་བས་དོན་དང་ལྡན་པར་གྲགས་པ་ཀུན་ལ་མ་བྱུང་འདུག །སྔོན་དཔལ་ལྡན་ས་སྐྱ་པའི་དུས་རྒྱ་ཧོར་གྱི་འབྲེལ་ལམ་ཆེ་ཞིང་། བར་དུ་ཀརྨ་པ་དེ་བཞིན་གཤེགས་

― GLG008_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྟ་མིང་རྒྱལ་པོ་དང་མཆོད་ཡོན་དུ་སོང་བ་སོགས་རྒྱ་ཧོར་གྱི་ཏི་ཤྲིར་གྱུར་པས། དངོས་སྤྱད་བཟང་རྔམས་ཆེ་ཆེ་མོ་མང་པོ་ལ་ལོངས་སུ་སྤྱད་པ་དང་། ལ་ལ་བོད་དང་བོད་ཁམས་རྣམས་སུ་ཇ་སྣམ་ཕྲུག་བྱུ་རུ་སྤོས་ཤེལ་གྱིས་གཙོ་བྱས། ནས་དང་ཚྭ་ཉིགས་ཀྱི་མཐའ་བརྟེན་པ་ལ་འབུལ་བ་ཆེན་པོར་བྱེད་པ་ཐམས་ཅད། སྔོན་གྱི་ཆོས་པ་བཟང་པོ་ཇོ་བོ་བཀའ་གདམས་པ་དང་། ཕྱག་རྫོགས་ཀྱི་སྒོམ་ཆེན་བྱ་བ་བཏང་ངེས་ཤིག་གིས་བརྟགས་ན། རྨི་ལམ་སྒྱུ་མའི་རོལ་རྩེད་དུ་འཆར་བས་བཟང་ངན་མ་མཆིས་མོད། དིང་དུས་ཀྱི་ཆོས་པ་རྒྱལ་པོ་ཀྲི་ཀྲིའི་རྨི་ལམ་ལུང་བསྟན་གྱིས་ཟིན་པ་རྣམས་ལ། རྣམ་དཀར་གྱི་འཕྲིན་ལས་ཀྱང་ཟང་ཟིང་གི་རྗེས་སུ་འགྲོ་ལྡོག་པ་ངོས་འཛིན་པ། རྗེ་མི་ལ་དང་། བ་རི་ལོ་ཙཱ་བའི་དཔེ་ལྟར་འཇིག་རྟེན་བླུན་རྨོངས་ཀྱི་སྣང་ངོར་གྲགས་པས། སྲིད་འབྱོར་གྱི་ཕུན་ཚོགས་ལ་ཐོབ་བྱའི་གཙོ་བོར་འཛིན་ཕྱིན། དངོས་པོ་ངན་ངོན་ཙམ་ལ་བཟང་པོར་རློམ་པ་ལས། རྒྱ་ཧོར་གྱི་དུས་ཀྱི་སྤྱོད་པ་ཁྱད་འཕགས་པ་དག་ལ་ལོངས་སུ་སྤྱོད་པར་རིགས་སམ་སྙམ་མོ། །ཕོ་བྲང་གོང་རི་དཀར་པོ་ནས་འཇང་འཚོ་བྱེད་ཤེས་རབ་རྒྱལ་མཚན་སོག་ཡུལ་དུ་གདན་འདྲེན་ལ་གནང་རྗེས། ཆིབས་ཁ་མྱུར་དུ་སྒྱུར་བ་ཡོད་ཚུལ་སོགས་ཀྱི་ཞུ་ཡིག་ཕུལ་བའི་ལན་དུ། དཔལ་ཕག་མོ་གྲུ་པ་ལྷ་གཟིགས་བཀའ་བརྒྱུད་རྣམ་པར་རྒྱལ་བས་འདི་ལྟར་གནང་སྟེ། ཚོགས་གཉིས་མི་ཟད་རྒྱན་གྱི་འཁོར་ལོའི་མཛོད། །དག་པ་གཉིས་ལྡན་སྐུ་དེ་བཻ་ཌཱུཪྱའི། །རང་བཞིན་རྡུལ་བྲལ་སྟོན་པ་སྨན་གྱི་བླས། ཁྱོད་ལ་དགེ་ལེགས་འདོད་རྒུར་སྒྱུར་དུ་གསོལ། །གང་གི་སྐྱེས་སྟོབས་ཤེས་རབ་རི་བྱི་ཡིས། །གཞུང་ལུགས་གངྒཱ་ཧུབ་ཀྱིས་དྲངས་གྱུར་ནས། །

― GLG008_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

སླར་ཡང་གསོ་རིག་ཡན་ལག་བརྒྱད་ལྡན་གྱི། །ཆབ་ཏུ་བྱས་ནས་འགྲོ་ལ་བྲིམས་མཁས་པ། །བློ་བཟང་དྲང་སྲོང་མཆོག་ཁྱོད་རིང་མོ་ནས། །ཡིད་ལ་གཅགས་ཤིང་མཛའ་བས་བཅིངས་གྱུར་པས། །ལྷག་བསམ་ཟླ་བའི་འོད་ཀྱི་བྱུགས་པ་བཞིན། །ཀུན་ཏུ་དཀར་བའི་འཕྲིན་འདི་རྒྱང་ནས་སྨྲས། ༣ །སྣང་རིག་རྗེས་སྦྱངས་ཡངས་པའི་ནམ་མཁའ་ལ། །གཤོག་རླབས་གཞོན་ནུའི་དུས་ནས་རབ་རྫོགས་པ། །རྣམ་དཔྱོད་མདོངས་མཐས་མཛེས་པའི་རྨ་བྱ་ཁྱོད། །རྒྱལ་སྲས་མཆོག་གི་སྤྱན་སྔར་རིང་གནས་མངགས། ༤ །དཔག་ཚད་འབུམ་ཕྲག་བརྗོད་ཀྱིས་མི་ལང་བའི། །རྒྱ་ཆེན་ནོར་འཛིན་ཁྱོན་དེ་སྙིང་སྟོབས་ཀྱི། །འཕུར་ལྡིང་དལ་གྱིས་རྒྱུ་བས་རབ་བགྲོད་པའི། །སྤྱོད་ཚུལ་ཟབ་མོ་དེ་ལ་གློ་བ་དགའ། ༥ །རིམ་གྱིས་གངས་ཅན་ལས་ཀྱང་བྱང་གི་ཕྱོགས། །སྟོབས་ཀྱི་འཁོར་ལོས་སྒྱུར་བ་སེ་ཆེན་གྱི། །རིགས་ཀྱི་ཐུ་བོ་གང་དེའི་ཕོ་བྲང་ཆེར། །བདེ་བར་སོན་དེ་མཆོག་ཏུ་སྐལ་བ་བཟང་། ༦ །གང་དེར་རྒྱལ་བ་རྣམས་ཀྱི་མཁྱེན་བརྩེའི་གཟུགས། །འགྲོ་བློའི་ལེགས་བྱས་མེ་ལོང་ལ་ཤར་བ། །ངོ་མཚར་གསང་བ་བསམ་གྱིས་མི་ཁྱབ་པའི། །སྒྱུ་འཕྲུལ་ཆེ་ལ་ཡོན་ཏན་རྒྱ་མཚོ་ཞེས། ༧ །སྙན་གྲགས་ལྷ་ཡི་རྔ་གསང་སྟོང་སྒྲོག་ཅིང་། །ས་གསུམ་ཐུགས་རྗེའི་ཆར་གྱིས་བྲན་པའི་ཚེ། །ཕན་བདེའི་ལོ་ཏོག་ཅི་ཡང་འཕེལ་འགྱུར་བས། །དགའ་བའི་རྨ་བྱ་ཁྱོད་ཀྱང་གར་གྱིས་ཤིག །༨གང་གིས་ཞབས་སེན་མཚན་བཟང་འཁོར་ལོ་ཡི། །རྩིབས་སྟོང་མངོན་པར་བཀྲ་བ་མཐའ་འཁོབ་ཀྱི། །རྒྱལ་རིགས་བྱེ་བའི་ཅོད་པན་དང་འགྲོགས་པ། ཁྲི་གཤོག་རྒྱལ་མོའི་མཚོ་ཁར་ཕག་གི་ལོར། ༩ །ཡན་ལག་བཞི་ལྡན་གསེར་ཀྱིས་སྲབ་

― GLG008_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོགས་ཅན། ཁ་ལོ་སྒྱུར་ཞིང་དགེ་བར་ལྷུན་ཆགས་ཞེས། །སེམས་ལ་འབབ་པ་མཛའ་བའི་འཕྲིན་ཡིག་དར། །རྣ་བར་འཇེབ་ཅིང་གཤིན་པ་སྙན་པོའི་གཏམ། ༡༠ །སྟོང་འཁུན་མཛེས་མའི་ལག་སོར་འདུ་བྱེད་ཀྱིས། །དིང་ཕོན་ཐགས་སུ་གྲུབ་པའི་པར་དང་བཅས། །ཕོ་ཉས་དགའ་བའི་འཛུམ་དང་ལྷན་ཅིག་ཏུ། །སོན་པས་ཀུན་དགའི་བདུད་རྩི་ཅི་ཡང་ཐོབ། ༡༡ །འདི་ན་ལྷ་གཟིགས་རླངས་ཀྱི་དྲང་སྲོང་ཅག །སྔོན་དུ་ཤུགས་དྲག་ནད་ཀྱིས་ཡུན་རིང་གཙེས། །འཇིག་རྟེན་ཕ་རོལ་མཐོང་བར་རྩོམ་ན་ཡང་། །བསླུ་མེད་མཆོག་གསུམ་ཐུགས་རྗེའི་ཐིགས་པ་ཡིས། ༡༢ །སྲོག་གི་རྟེན་དང་ལུས་ཀྱི་ཟུངས་གྱུར་པའི། །དིང་སང་དུས་ན་སྙོམ་དྭངས་བདེ་བ་དང་། །གཙུག་ལག་གཉིས་ལྡན་རྒྱལ་ཐབས་ཁྲི་འཕངས་ལ། །གཟུ་བོར་མཉམ་པར་འཇོག་པས་འཚོ་ཞིང་མཆིས། ༡༣ །ཀྭ་ཡེ་གཅིག་ཏུ་དཀར་བའི་ལྷག་བསམ་དང་། །གཟོད་མ་ཉིད་ནས་གཉེན་གཤིན་རྒན་པོའི་བློས། །གཅམ་བུ་བསྐྱུངས་ཏེ་ནན་ཏུར་ཆེན་པོ་ཡིས། །སླར་ཡང་མོལ་མཆིད་ཡང་དང་ཡང་སྨྲས་པ། ༡༤།གངས་ཅན་སྐྱེ་རྒུའི་བསོད་ནམས་རྒྱ་མཚོ་ཆེ། །དུས་ལས་མ་ཡོལ་ངོ་མཚར་རླབས་ཀྱི་འཛུམ། །དགེ་བར་བཞད་པའི་ཡོན་ཏན་རྒྱ་མཚོ་ནི། །ནམ་ཞིག་མངོན་སུམ་མཐོང་སྙམ་འདི་སྐད་ཞུས། ༡༥ །ཀྱེ་མ་སྙིགས་དུས་མར་ངོར་གྱུར་པས་ན། །ཐུབ་བསྟན་ཟླ་བའི་འོད་ཀྱང་འཕེལ་འགྲིབ་ཅན། །བློ་བཟང་རིང་ལུགས་གྲགས་པའི་དགའ་ཚལ་ཡང་། །སྨག་རུམ་མུན་པས་བྱུགས་ནས་རིང་ཞིག་ལོན། ༡༦།དེས་ན་རྒྱལ་བའི་འཕྲིན་ལས་འཇུག་པ་ནི། །བསམ་གྱིས་མི་ཁྱབ་ཐུགས་རྗེའི་ཉིན་བྱེད་འོད། །དཀྱིལ་འཁོར་ཡོངས་སུ་གང་བ་དང་པོའི་དགུང་། །ཤར་རིའི་སྤོ་ལ་འཆར་

― GLG008_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་དུས་མིན་ནམ། ༡༧ །ལྟ་བར་མི་མངོན་གཙུག་ཏོར་གཡས་འཁྱིལ་བ། །བུང་བ་ལྟར་གནག་ལྕང་ལོ་རིང་པོ་ཅན། །བྲེགས་ཤིང་རབ་ཏུ་འབྱུང་བའི་བྱེད་པོ་ནི། །སོ་སོ་སྐྱེ་བོའི་བླ་མས་འོས་པ་མིན། ༡༨ །རིགས་ཀྱི་མངོན་པར་མཐོ་བ་གངས་ལས་སྐྱེས། །སྙིང་སྟོབས་རྟུལ་ཕོད་དཔའ་བར་ལྷུན་ཆགས་པ། །གདོང་ལྔའི་དབང་པོ་གཞོན་ནུར་གྱུར་ཀྱང་དེ། །རི་དྭགས་ཕལ་གྱི་རྗེས་སུ་ཅི་ཕྱིར་འཇུག ༡༩།ཕན་དང་བདེ་བའི་འོད་སྟོང་གླིང་བཞི་ལ། །རིམ་གྱིས་མངོན་སུམ་གནང་བ་ཐོབ་པའི་ལྟས། །ལེགས་ལམ་ཐོག་མའི་སྐྱ་རེངས་དཀར་པོས་ཀྱང་། །གདུང་བའི་མུན་པ་དྲུངས་ནས་ཕྱུང་བར་མཛོད། ༢༠།རྒྱ་བོད་མཁས་མང་གསུང་གི་ཆུ་རྒྱུན་གྱིས། །ལན་བརྒྱར་བཀྲུས་པ་དབུས་གཙང་དག་པའི་ཞིང་། །འཕྲུལ་སྣང་སྤྲུལ་པའི་གཙུག་ལག་ཁང་འདིར་ནི། །རབ་ཏུ་བྱུང་ཞིང་ཞབས་ཀྱིས་བཅགས་པར་མཛོད། ༢༡།སྔོན་རབས་རྗེ་བཙུན་གོང་མས་འཚོ་བཞེས་པའི། །མི་འཇིགས་སེང་གེའི་ཁྲི་ལ་བསྐལ་བརྒྱའི་བར། །ཆོས་ཀྱི་འཁོར་ལོ་རྒྱུན་མི་འཆད་བསྐོར་བའི། །རྟེན་འབྲེལ་ཟབ་མོའི་ཚོགས་ཀྱང་སྒྲིག་པར་མཛོད། ༢༢།དུམ་བུ་བཅུ་གཉིས་ས་རྣམས་རྫོགས་ལྡན་གྱི། །དགའ་སྟོན་འདོད་རྒུར་བསྒྱུར་ལ་ལོངས་སྤྱོད་པའི། །རྒྱ་ཆེན་སྨོན་ལམ་ཇོ་བོའི་ཞལ་སྐྱིན་དུ། །བདེན་ཚིག་ས་བོན་གྲུང་པོ་སྨིན་པར་མཛོད།༢༣།མཐོང་བས་དོན་ལྡན་འཛུམ་ཞལ་མངོན་གྱུར་ཅིང་། །ཟབ་གསལ་གསུང་གི་བདུད་རྩི་མྱོང་བ་ཡི། །སྐལ་བཟང་དེ་འདྲ་རིང་པོར་མི་ཐོགས་པར། །བདག་གི་ལེགས་བྱས་མཐུ་ལས་སྣང་བར་མཛོད།༢༤ །དངོས་ཀུན་ཐམས་ཅད་མཁྱེན་པའི་རང་བཞིན་དུ། །དག་

― GLG008_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡེ་ཤེས་སྒྱུ་མ་ཆེན་པོའི་དཔྱིད། །མཆོག་དམན་བློ་དང་འཚམ་པའི་རོལ་རྩེད་ཀྱིས། །གདུལ་བྱའི་རེ་བ་ཐམས་ཅད་སྐོང་བར་མཛོད།༢༥ །དེ་ལྟར་རྒྱལ་སྲས་གཞོན་ནུ་མཆོག་དེ་ལ། །སྙིང་གི་པདྨོའི་ཁོང་ནས་སྦྲང་རྩིའི་བུ། །དད་པའི་གླུ་དབྱངས་རྒྱང་ནས་ལེན་པ་འདི། །ལན་གཅིག་མིན་པར་ནན་གྱིས་གསོལ་བར་གྱིས། ༢༦།དྲང་སྲོང་ཁྱོད་ཀྱང་ཞབས་ཀྱི་པདྨོ་ལ། །རྟག་ཏུ་འགྲོགས་པའི་སྐལ་བཟང་བསྟེན་པ་དང་། །དྲི་དང་གསོལ་བ་འདེབས་པའི་ལས་རྣམས་ལ། །ཡིད་ལས་སྐྱེས་བཞིན་སྤོབས་པ་དགེ་བར་གྱིས། ༢༧།བྱང་ཆུབ་མཆོག་ཏུ་བསྐྱེད་པའི་གཞན་ཕན་སེམས། །ཀུན་ལ་སྙོམས་པས་བཞི་བརྒྱ་རྩ་བཞིའི་ནད། །རྩད་ནས་ཕྱུང་སྟེ་གྲོ་རྣམས་དབུགས་དབྱུང་བའི། །ཐབས་ཚུལ་རྣམས་ལ་ཀུན་ཏུ་གཞོལ་བར་གྱིས།༢༨ །འབྱོར་པས་མཐོ་དང་ཀུན་ཏུ་ཉམ་ཆུང་བ། ཀུན་ལ་འདྲིས་པ་མིན་པར་སྙིང་སྙོམས་པའི། །ལྷག་བསམ་ཀུན་ཏུ་བཟང་པོའི་སྤྲིན་ཕུང་གིས། །གྲུ་ཆར་བཞིན་དུ་འཁོས་སུ་ཕེབས་པར་གྱིས།༢༩།བསླབ་གསུམ་ངུར་སྨྲིག་གོས་དང་མི་འབྲལ་ཞིང་། །དྲན་དང་ཤེས་བཞིན་དབང་པོ་བག་ཡོད་པའི། །ངང་ཚུལ་བཟང་པོ་སྲོག་གི་ཕྱིར་དུ་ཡང་། །མི་གཏོང་བརྟུལ་ཞུགས་བརྟན་པོ་བཟུང་བར་གྱིས།༣༠ །སློང་བའི་ཚོགས་ལ་དཔག་བསམ་ཤིང་བཞིན་དུ། །ཡོན་ཏན་དགོས་འདོད་གཏེར་ཆེན་ཁ་ཕྱེ་ནས། །གཞན་དྲིང་མི་འཇོག་རྣམ་དཀར་འཕྲིན་ལས་རྒྱུན། །འགྲོ་ཀུན་ཡི་རང་གནས་སུ་འབབ་པར་གྱིས།༣༡།ཤེས་རབ་གསུམ་གྱི་དཔྱད་པས་ཡོངས་དག་པ། །གྲགས་པའི་རྒྱལ་མཚན་འཛིན་ཁྱོད་རིང་ནས་དྲན། །ཨེ་མ་རེ་བ་ལས་ཀྱང་ཆེས་ལྷག་པའི། །ཡིད་ཀྱི་དགའ་སྟོན་ལས་ཀྱང་དགའ་སྟོན་ནོ། ༣༢། དེ་སྐད་རང་བློ་མཁས་པར་མ་སྦྱངས་པས། །

― GLG008_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་ངག་རྒྱན་གྱི་ཆ་ལ་བཏང་སྙམས་ཀྱང་། །བྱམས་ལྡན་མ་མའི་ངག་གིས་བུ་ལ་བཞིན། །རང་བཞིན་གསོང་པོར་སྨྲས་འདིར་རྣ་བ་གཏོད། ༣༣།ཅེས་རི་མོ་རྟེན་དང་བཅས། ལྕགས་མོ་གླང་ལོ་ཆུ་སྟོད་ཟླ་བའི་དཀར་ཕྱོགས་རྒྱལ་བ་གསུམ་པའི་ཚེས་ལ་དགེ་ལེགས་སུ་བྲིས། ཞེས། ཞབས་དྲུང་རིན་པོ་ཆེར་བསྔགས་བརྗོད་དང་སྙན་འབུལ་སྙན་ཞིང་འཇེབ་པ་འདི་བཞིན་གནང་འདུག །དབུས་ཕྱོགས་སུ་ཕེབས་པར། དཔོན་སློབ་ཐམས་ཅད་ཇི་ལྟར་སོས་ཀྱི་དུས་སུ་ཉི་མའི་འོད་ཀྱིས་གདུངས་པའི་གླང་པོ་ཆེ། ཁྲུས་ཀྱི་རྫིང་བུར་འཇུག་པ་ལ་རིངས་པ་ལྟར། ཉིན་ཞག་རེ་རེའི་སྔ་ཕྱིའི་དུས་ཀྱི་ཁྱད་པར་ལ་ཡང་ལྟོས་པས། ཕེབས་གྲབས་ཀྱི་སྟ་གོན་སོགས་འབད་རྩོལ་ཆེན་པོས་གནང་ཞིང་། སྒར་པ་རྣམས་ད་ནི་དུས་ཚོད་དང་ཚེས་གྲངས་འདི་ལྟ་བུ་ལ་ཕེབས་རྒྱུ་ཡིན་ཞེས་དགའ་དགའ་ལྟར་གླེང་། རྒྱལ་པོ་རྒྱལ་མོ་སོགས་ཕྱོགས་དེར་འཁོད་པ་རྣམས་ཀྱིས། ཐབས་དུ་མའི་སྒོ་ནས་ཡར་ཕེབས་མི་ཐུབ་པའི་བཀག་ཆ་དངོས་དང་བརྒྱུད་པའི་སྒོ་ནས་མང་དུ་མཛད་པ་ལ། བློ་ཆུང་རྣམས་དཔལ་ཞུམ་པ་དང་མགོ་བོ་འཁོར་ནས། ཕན་ཚུན་ཐམས་ཅད་སུས་བཤད་དང་སུས་ལབས་བདེན་པའི་དཔེ་ལྟར་གྱུར་ཀྱང་། ཕྱག་མཛོད་གུ་ཤྲི་ཆེན་པོ་དེ་བློ་གྲོས་ཀྱི་དཀྱིལ་ཆེ་བ་དང་། ཁྱད་པར་ཧོར་སོག་གི་ལུགས་ཀ་ལ་མཁས་པས་ཐབས་མཁས་ཀྱི་འཕྲུལ་ཆེན་པོས། དབུས་ཕྱོགས་ནོར་འཛིན་ཡངས་པའི་རྒྱལ་ཁམས་སུ་ཕེབས་པ་ལ་མི་མཐུན་པའི་གེགས་མཐའ་དག་ལས་གྲོལ་བར་མཛད་པ་ནི་ཟླ་བ་སྒྲ་གཅན་ལས་ཐར་པའི་འོད་ལྟར་ཤེས་ལྡན་རྣམས་ཀྱི་ཡིད་དབང་དུ་ཁོད་

― GLG008_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བཞད་པ་ཡིན་ནོ། །དེ་ལྟར་དངོས་གཞི་ཡར་ཕེབས་པ་ལ་བཀག་ཆ་མཛད་མ་ཐུབ་ཀྱང་། ཕེབས་རྫོངས་གྲ་མ་འགྲིག་པར་ཁག་བཏགས་པའི་ཞག་འཕུལ་ཉིན་འཕུལ་བྱུང་བར། རྫོང་པ་སོགས་མ་བསྒུགས་ན་རེ་འཁང་བྱུང་དོགས་ཀྱི་ཐུགས་རྣམ་པར་སྲབ་པའི་འཚབ་འཚུབ་དང་། རྫོངས་པའི་རྙེད་པ་ལ་སྲེད་པའི་ལྟོགས་བླ་མེ་འབར་གྱི་བློ་བྲིད་མཐའ་དག་ཇི་མི་སྙམ་པར་མཛད་ནས། ལྟོས་མེད་དུ་བཞུགས་སྒར་བཏེག་པས། ཉིན་ལམ་བཅུ་ཙམ་སོང་བ་ན། རྒྱལ་པོ་རྒྱལ་མོ་ཕེབས་རྫོངས་ཞུ་བར་བསྙེགས་ནས་བྱོན། སྒོ་མང་སློབ་དཔོན་ཞུ་ཁང་རབ་འབྱམས་པ་དགེ་ལེགས་ལྷུན་གྲུབ་ཀྱིས། དེ་སླད་རྒྱལ་དབང་བསོད་ནམས་རྒྱ་མཚོ་དེས། །ཕྱོགས་འདི་ཡལ་བར་བོར་བའི་མྱ་ངམ་བཞུགས། །དྲག་པོས་ད་དུང་བར་དུ་གདུངས་པའི་ཡིད། །གུས་ལྡན་སློབ་མར་བཅས་པ་རྗེས་གཟུང་སླད། །དགའ་ལྡན་རྡུལ་མང་བརྩེགས་པའི་ལྷུན་པོ་ཆེ། །མཁས་མང་ལེགས་བྲིས་འདུ་བའི་སུམ་རྩེན་གནས། །ལེགས་བཤད་རྔ་ཆེན་རྡུང་བའི་འདུན་ས་ཆེ། །དབུས་གཙང་དག་པའི་ལྷ་གནས་ཉམས་དགའ་བར། །ཐུགས་རྗེས་སྤྱན་སྟོང་མངའ་བའི་གཞོན་ནུ་ཞིག །རིང་ནས་སྨོན་པའི་རང་གི་བཞེད་པའི་དོན། །གྲུབ་པ་བཞིན་དུ་དགྱེས་པའི་འཛུམ་དང་བཅས། །མཛེས་བྱེད་ལོ་ལ་ཆིབས་ཀྱི་ཁ་ལོ་བསྒྱུར། །རྒྱལ་སྲས་བདུད་རྩིའི་གཏེར་གྱུར་པ། །རྨད་བྱུང་མཛད་པའི་འོད་དཀར་ཅན། །དབུས་གཙང་ཀུ་མུད་ཚལ་ཆེན་པོ། །སྤྲོ་ཕྱིར་སླར་ཡང་ཤར་བར་གྱུར། །ཅེས་དང་། མཁར་ནག་ལོ་ཙཱ་བས། །དགུང་ལོ་ཚེས་ཀྱི་བར་དག་ཏུ། །བྱང་ཕྱོགས་ཡངས་པའི་རྒྱལ་ཁམས་ཀྱི། །སྐྱེ་རྒུ་རྣམས་ཀྱི་དོན་མཛད་ནས། །ཐུགས་རྗེ་བོད་དུ་གཞོལ་བ་ནི། །གང་གཱའི་རྒྱུན་འདྲ་སུས་བཟློག་ནུས། །ཞེས་སོ། །

― GLG008_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ཐག་འདུམ་པའི་ཁྱད་དང་བཅས་རྒྱའི་ལྕགས་རི་དང་ཉེ་བའི་ཕྱི་ཕྱོགས་ཀྱི་ལམ་བརྒྱུད་དེ་མཚོ་ཁར་ཕེབས། དེར་དཔོན་པོ་ཁོ་ལོ་ཆེས། འདིར་ལོ་གསུམ་ཙམ་བཞུགས་ཀྱང་ཟླ་བ་གསུམ་ཙམ་གྱི་ཡུན་ཚད་ཀྱི་ཉམས་ལས་མི་ཡོང་བ་འདུག་པས། བཞུགས་དགོས་ཞུས་པར། ཕྱག་མཛོད་ཀྱི་གསུང་ལས། ཉི་མ་ལ་ཉེ་རིང་མེད་ཀྱང་བྲག་ཕུག་ཁ་བྱང་བལྟས་སུ་ཉི་མ་མི་འཆར་བ་ཆོས་ཉིད་ཡིན་པ་ལྟར། ངེད་དཔོན་སློབ་སེམས་ཅན་ལ་ཉེ་རིང་མེད་ཀྱང་འདིར་དེ་ཙམ་བཞུགས་ག་ནས་ཐུབ་ཅེས་ཐག་ཆོད་མཛད། ཕྱོགས་དེའི་སྐྱེ་རྒུ་རྣམས་ལ་ཐར་པ་དང་ཐམས་ཅད་མཁྱེན་པའི་ས་བོན་བསྐྲུན་ཏེ། ཟླ་བ་གཉིས་གསུམ་ཙམ་ནས་བཞུགས་སྒར་བཏེག །དེའི་ཚེ་དཔོན་པོ་ཁོ་ལོ་ཆེའི་ཐུགས་ལ་ཁོ་རང་གི་ཕེབས་རྫོངས་བྱས་མ་གྲུབ་གོང་ལ་ཐེགས་མི་ཡོང་བ་གཞིར་བཞག་གི་ལེ་ལོའི་དབང་དུ་བཏང་བས། སྒར་གྱི་ཞབས་ཕྱི་མ་ཟིན་པར་མཚོ་སྐྱ་རིང་སྔོ་རིང་གི་བར་དུ་བསྙེགས་ཏེ་ཕེབས་སྐྱེལ་དང་འབུལ་བ་མཛད་པར་བྱོན། དཔོན་པོས་ཕྱག་མཛོད་པར། ཁྱེད་དཔོན་སློབ་ངེས་པར་ཕེབས་རྒྱུ་ཡིན་ན་འཕྲོས་མི་གཏོང་བ་ཞེས་ཞུས་པས། །ལན་དུ་ཚེ་གྲངས་འདི་ཙམ་ཞིག་ལ་ཕེབས་རྒྱུ་ཡིན་ཞེས་ནི་ཡང་ཡང་བྱས། དེ་ལས་སྤྲོས་པའི་ངེད་དཔོན་སློབ་ཐེགས་པར་ཁྱེད་ལ་དགོངས་པ་ཞུ་གང་ཐུབ་ཅེས་གསུང་སྒམ་པོ་བྱོན་སྐད། །རིམ་གྱིས་ཕེབས་པས་ཁྲུམས་ཀྱི་ཟླ་བའི་ནང་དུ། མགོན་པོ་སྣང་བ་མཐའ་ཡས་ཀྱི་ཡེ་ཤེས་སྒྱུ་འཕྲུལ་འདྲ་བའི་གར་མཁན་དཔལ་མར་མེ་མཛད་ཀྱིས་ལུང་བསྟན་ཅིང་། འབྲོམ་སྟོན་ཆོས་ཀྱི་རྒྱལ་པོས་ཕྱག་བདར་ནས་བཏབ་པའི། བྱང་རྭ་སྒྲེང་རྒྱལ་བའི་དབེན་གནས་སུ་ཕེབས། མང་ཇ་འགྱེད་སོགས་གྱ་ནོམ་པས་དགེ་འདུན་ལ་

― GLG008_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

བསྙེན་བཀུར། ཆོས་ཁྲིའི་སྟེང་དུ་ཕེབས་ཏེ་བཀའ་གདམས་གླེགས་བམ་གྱི་ཆོས་གསུངས་པས། མེ་ཏོག་གི་ཆར་འཇའ་འོད་ཀྱི་གུར་སོགས་ཡ་མཚན་པའི་ལྟས་བསམ་གྱིས་མི་ཁྱབ་པ་བྱུང་བ་ན། འབྲོམ་རང་ཉིད་ཀྱི་གདན་སར་ཕེབས་ནས་གསང་ཆོས་གླེགས་བམ་གསུང་བ་ལ་ལྷ་རྣམས་ཀྱིས་མཆོད་པ་ཕུལ་བར་འདུག །ཐམས་ཅད་མཁྱེན་པ་དགེ་འདུན་རྒྱ་མཚོའི་རྣམ་ཐར་དུ། ངེད་རང་གིས་བཀའ་གདམས་གླེགས་བམ་གྱི་ཆོས་གང་འཆད་སར་ལྟས་ཡ་མཚན་པ་སྣ་ཚོགས་འབྱུང་བ་ནི་ཆོས་ཀྱི་ཆེ་བ་ཡིན་གསུང་བ། ཆོས་དང་གང་ཟག་གཉིས་ཟུང་དུ་འབྲེལ་བ་ཞིག་དགོས་པ་ཡིན་འདྲ། དེང་སང་ནི་གླེགས་བམ་འཆད་མཁན་རྣམས་ལ་དེ་འདྲ་བ་འབྱུང་བ་དཀའ་བར་སྣང་ངོ་། །དགའ་ལྡན་ཁྲི་རིན་པོ་ཆེ་ཟུར་པ་སངས་རྒྱས་རིན་ཅེན་གདན་འདྲེན་ལ་ཕེབས། དགའ་ལྡན་སྤྱི་སྒེར་བྱིངས་ཀྱི་སྔོན་ལ་འབྱོན་པ་དེ་ཕྱག་མཛོད་གུ་ཤྲིས་ཁྱེད་རང་བྱིངས་ལས་གཡེར་དུ་འཐོན་པ་ཞིག་མཛོད། རབ་བྱུང་གནང་བའི་མཁན་པོ་སོགས་བདག་རྐྱེན་གང་ལེགས་ཡོད་པའི་བན་རྩ་ངེད་རང་ནས་བྱེད། །ཅེས་ནང་སྦྱར་གྱི་ཡི་གེ་བཏང་བ་འོལ་ཁ་བའི་ཞེན་ཡིན་པར་གླེང་། དེ་ནས་དྭགས་པོའི་བཀའ་བརྒྱུད་ཀྱི་འབྱུང་གནས། གདན་ས་ཆེན་པོ་དཔལ་ཕག་མོ་གྲུའི་མཚོ་ཆེན་མ་དྲོས་པ་ལས་འོངས་པའི། ཕྱག་རྒྱ་ཆེན་པོའི་ཆུ་ཀླུང་གཅིག་ཏུ་འཁྱིལ་བ་སྟག་ལུང་དུ་ཕྱག་མཛོད་པ་དང་རྟགས་བརྒྱད་དཔོན་སོགས་དྲུང་འཁོར་ཆེ་བགྲེས་རྣམས་ཀྱི་ཆིབས་བསུ་དང་། དགེ་འདུན་ཚོགས་རྣམས་ཀྱིས་མཆོད་རྫས་དུ་མ་ཐོགས་ནས་སེར་སྦྲེངས་དང་བཅས་ཏེ་ཕེབས། སྤྱིར་འཇིག་རྟེན་གྱི་གཏམ་དཔེ་ལ་གཙང་ནག་པས། སྟག་ལུང་མཁས་པས་མ་བཟུང་ཞེས་གསུངས་པར་གྲགས་

― GLG008_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་། ཁྲི་ཐོག་པ་ཞབས་དྲུང་ངག་དབང་རྣམ་རྒྱལ་དེ། གསུང་རབ་མཐའ་དག་ལ་གསན་གཟིགས་ཆེ་ཞིང་མཁས་བཙུན་བཟང་པོར་བཞུགས་ཞེས་སྙན་གྲགས་ཆེ། མཇལ་འཛོམ་གྱི་ཚེ་དྲུང་འཁོར་ཁྲོད་ནས་ཞབས་དྲུང་གོང་མ་ལས་གདུང་རུས་ཆེ་བ་དང་། སོག་པོའི་གཤེད་མོ་ལ་བརྟེན་པའི་ད་ལམ་རྩོད་པ་བཏང་ན་སྟག་ལུང་ཆོས་རྗེས་ཕྱག་འབུལ་ཡོང་ཞུས་པར། བླ་དཔོན་ཅི་རིགས་ཀྱི་བྱེད་པ་ལྟར། གནས་དུས་ལ་བརྟེན་པའི་དབང་གཤེད་དང་འགྲོ་འཚམས་སྤེལ་མར་སོང་ན། དཔལ་ལྡན་ས་སྐྱ་པ་དང་སྣེ་གདོང་གོང་མ་ལ་ཡང་བརྙས་ཆོས་བྱེད་པར་ཡ་ང་བག་ཚ་མེད་པ་ཚོ་དང་མི་འདྲ་བར། །ཕྱག་མཛོད་གུ་ཤྲི་དང་སྐུ་མདུན་རིན་པོ་ཆེ་གཉིས་རང་གི་ཚུགས་ཀ་ཟིན་ཅིང་གཞན་ལ་འགྲོ་འཚམས་མི་མཛད་པའི་ཡ་རབས་པས། རྗེ་གོང་མའི་དུས་མཇལ་འཛོམ་མཛད་པ་ཁོ་ནས་ཆོག་ཅེས་རྒྱལ་ཚོད་འཛིན་པ་མཛད། དེར་སྟག་ལུང་ལྷ་སྡེ་མི་སྡེ་ཐམས་ཅད་ཀྱིས་བསྙེན་བཀུར་གྱ་ནོམ་པ་བཏབ། ཕར་གདབ་ལན་གྱི་འབུལ་གནང་མང་འགྱེད་ཕུན་སུམ་ཚོགས་པ་མཛད། དེའི་ཚེ་ས་སྐྱོང་དགའ་ལྡན་པ་མི་དབང་གཡུལ་རྒྱལ་ནོར་བུ་ཡབ་སྲས་དང་། དགའ་ལྡན་ཕོ་བྲང་ནས་དཔོན་གཉེར་སྐུ་མདུན་རིན་པོ་ཆེ་ཆོས་བཟང་འཕྲིན་ལས་པ་སོགས་གདན་འདྲེན་པ་ཕལ་ཆེར་འབྱོར། སྐུ་མདུན་རིན་པོ་ཆེས་ཆིབས་པ་སྣང་སྲིད་ཀུན་ལྡན། ཨ་དྲུང་ཆོས་འཕེལ་རྒྱ་མཚོ་དང་བཅས་ཕུལ་བ་ལ་ཤིན་ཏུ་མཉེས་པ་བྱུང་སྐད། མཁར་ནག་ལོ་ཙཱ་བས། དེ་སླད་ཆིབས་ཁ་ཕྱོགས་འདིར་བསྒྱུར། །ལམ་བར་རིང་ཡང་སྤྲོ་བཞིན་དུ། །ཐུགས་རྗེས་ཁ་བ་ཅན་དུ་བྱོན། །རྭ་སྒྲེང་རྒྱལ་བའི་དབེན་གནས་སུ། །ཡོན་ཏན་

― GLG008_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་གནས་སྤྲུལ་པའི་སྐུ། །ཕེབས་ནས་གླེགས་བམ་གསུངས་པས། །མེ་ཏོག་ཆར་སོགས་ལྟས་བཟང་བྱུང་། །སྟག་ལུང་ཆོས་རྗེས་བསྙེན་བཀུར་ཏེ། །ཞལ་འཛོམ་ཆོས་ཀྱི་གླེང་མོ་མཛད། །དེ་ནས་ས་སྐྱོང་དགའ་ལྡན་པ། །མཆོད་ཡོན་རྣམས་ཀྱི་བསུ་པའི་དཔེར། །ཐུབ་དབང་སེར་སྐྱར་གཤེགས་པའི་ཚེ། །ཤཱཀྱ་རྣམས་ཀྱི་མཇལ་དེ་འོས། །ཞེས་སོ། །ཕན་ཡུལ་ནང་དུ་ཕེབས་པ་ན། རྗེ་རྒྱལ་བ་གཉིས་པའི་ཆོས་ཀྱི་སེང་གེའི་ཁྲི་ལ་བཞུགས་པའི་ཞལ་སྔ་ནས་དགེ་འདུན་རྒྱལ་མཚན་པ་བསུ་བར་ཕེབས། ཞལ་སྔ་ནས་ཁྲི་རིན་པོ་ཆེས་ཕྱག་ཕུལ་བར་བཞེད་པ་མ་གནང་བར། ལ་ལ་དག་གིས་སྟག་ལུང་ཆོས་རྗེ་ཕྱག་འཚལ་དུ་མི་འཇུག །རང་རེའི་བླ་མ་བགྲེས་པོ་འདི་ཕྱག་འཚལ་དུ་བཅུག་ཅེས་ཕྱག་མཛོད་པ་ལ་ཁ་ཟེར།མཁར་ནག་ལོ་ཙཱ་བས། བོད་ཀྱི་ཆེ་རྒུས་ཕྱག་བཙལ་ཡང་། །ལྡང་བ་ཙམ་ཡང་མ་མཛད་པ། །རིགས་ཀྱི་སྙེམས་པ་མ་ཡིན་ཏེ། །མྱ་ངན་མེད་བྱིན་རྣམ་ཐར་བཞིན། །ཞེས་པ་འདི་དག་ལ་བསམ་པ་འདྲ། གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་དུ། ཁྲིམས་ལྡན་ངུར་སྨྲིག་འཛིན་པའི་འདུས་པ་ལེགས་བཤད་ཀྱི་རྫ་རྔ་སྒྲོག་པ་ངང་པའི་ཁྱུ་ཆེན་པོ་དག་གིས་སྔུན་བསུས་ཏེ་ཕེབས། དེའི་ཚེ་ནམ་མཁའ་གཡའ་དག་པ་དང་མེ་ཏོག་གི་ཆར་ཆེན་པོ་བབས། གཙུག་ལག་ཁང་རྣམས་ཀྱི་གནས་གཟིགས་ཞིབ་པར་གནང་། ཁྱད་པར་དངུལ་གདུང་རིན་པོ་ཆེ་མཇལ་བའི་དུས། ཐམས་ཅད་མཁྱེན་པ་བློ་བཟང་གྲགས་པ་ཞལ་གཟིགས། གཉུག་མར་གནས་པ་དང་གློ་བུར་དུ་ལྷགས་པའི་དགེ་འདུན་རྣམས་ལ་མང་ཇ་འགྱེད་སོགས་ཟང་ཟིང་གི་དངོས་པོ་གྱ་ནོམ་པས་ཚིམ་པར་མཛད། །

― GLG008_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ཆེན་དུ་དམ་པའི་ཆོས་ཀྱི་འབྲེལ་བ་སྩལ། མཁར་ནག་ལོ་ཙཱ་བས། འཕན་ཡུལ་གཞུང་ནས་དགའ་ལྡན་དུ། །ཕེབས་ཚེ་དགེ་འདུན་ཚོགས་ཀྱིས་བསུས། །ཕྱག་ན་མཆོད་རྫས་སྣ་ཚོགས་ཐོགས། །སྙན་པའི་དབྱངས་ཀྱིས་གསོལ་བ་འདེབས། །དུས་དེར་ནམ་མཁའ་གཡའ་དག་ཀྱང་། །མེ་ཏོག་ཆར་པ་ཅི་ཡང་བབས། །བསྡུ་བ་རྣམ་བཞིས་ཚིམ་མཛད་ཅིང་། །དད་པའི་ལྗོན་པ་མཐའ་ཡས་བསྐྲུན། །ཡབ་རྗེའི་དངུལ་གདུང་མཇལ་བ་ན། །འཇམ་དཔལ་སྙིང་པོའི་གཟིགས་སྣང་བྱུང་། །བཀའ་དང་བསྟན་བཅོས་རིག་གནས་ལ། །སྦྱངས་ཤིང་མཁྱེན་རྣམས་ལེགས་བཤད་ཀྱི། །འབྲུག་སྒྲ་སྒྲོག་པས་ཤིན་ཏུ་མཛེས། །རྒྱལ་སྲས་མཆོག་གི་དམ་ཆོས་གསུངས། །ཞེས་སོ། །བོད་གངས་ཅན་གྱི་ལྟེ་བ་ར་ས་འཕྲུལ་སྣང་གི་གཙུག་ལག་ཁང་ཆེན་པོར་ཕེབས་པར་ཉེ་བ་ན། སྐྱ་སེར་གྱི་གདན་འདྲེན་མཐའ་ཡས་པའི་ཆིབས་རགས་བགྲང་བར་དཀའ་བ་དག་གིས། ཁྲོམ་ཁྲི་ཕྲག་མང་པོ་བརྒལ་ཏེ་ཚོགས་པ་རྣམས་ཀྱི་མིག་ལམ་དུ། ངོ་མཚར་བའི་བཀོད་པ་རྒྱ་མཚོའི་དགེ་མཚན་གྱིས། ཨེ་མ་མ་ལ། འདི་འདྲ་བའི་མིག་གི་དགའ་སྟོན་ནི་སྒྱུ་མ་མཁན་གྱི་སྤྲུལ་པ་ཞིག་ཡིན་ནམ་ཞེས་གླེང་ཞིང་། ཕལ་ཆེ་བ་དག་ནི། ཐམས་ཅད་མཁྱེན་པ་བསོད་ནམས་རྒྱ་མཚོ་དཔལ་བཟང་པོ་དེ་ཉིད་དྲན་པའི་གདུང་བའི་ཤུགས་ཀྱི་མིག་ནས་མཆི་མ་འཁྲུག་ཅིང་། ངག་ནས་གསོལ་འདེབས་ཀྱི་སྒྲ་ཆེན་པོ་དར་དིར་དུ་སྒྲོག་པར་གྱུར་ཏོ། །སྒོ་མང་སློབ་དཔོན་བཞུ་ཁང་རབ་འབྱམས་པ་དགེ་ལེགས་ལྷུན་གྲུབ་ཀྱིས། གཞོན་ནུར་གྱུར་ཀྱང་དབང་པོ་ཞི། །རྒྱན་གཞན་བྲལ་ཡང་མཆོག་ཏུ་མཛེས། །སྲིད་པར་གནས་ཀྱང་ཉོན་མོངས་མེད། །མགོན་

― GLG008_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱོད་མཐོང་བ་སྐལ་བ་བཟང་། ཁྱོད་ཞལ་ཟླ་བ་མཐོང་བ་ཡི། །དགའ་བ་འཇིག་རྟེན་ལ་རྒྱས་པ། །དེ་འདྲ་སྲོག་ཆགས་འགུམ་པ་ནི། །སླར་ཡང་སོས་པ་དག་ལ་མེད། །མགོན་ཁྱོད་གདུལ་བྱའི་འཇིག་རྟེན་ལ། །སྙིང་རྗེས་ཀུན་ནས་བརྩེ་བ་ཙམ། །སྙིང་དུ་སྡུག་པའི་བུ་གཅིག་པའི། །མ་ལའང་དེ་འདྲ་སྐྱེ་མ་ལགས། །རྒྱལ་བ་ཀུན་གྱི་ཐུགས་རྗེ་ལ། །སྤྱན་རས་གཟིགས་ཞེས་སྙན་གྲགས་པའི། །གཏམ་སྙན་རྣ་བའི་ཨུཏྤལ་ལ། ཁྱེད་ཀྱིས་མིག་ལ་མངོན་སུམ་མཛོད། །ཅེས་དང་། མཁར་ནག་ལོ་ཙཱ་བས། ལྷ་མཆོག་ཇོ་བོ་བཞུགས་པའི་ས། །སྐྱིད་ཤོད་མཐིལ་དུ་ཕེབས་པ་ན། །བགྲང་བར་དཀའ་བའི་ཆིབས་རགས་ཀྱིས།ཁྲོམ་ཆེན་མིག་གི་དགའ་སྟོན་བསྒྲུབས། །ཞེས་སོ། །དེ་ནས་ས་སྐྱོང་བཀྲ་ཤིས་རབ་བརྟན་པའི་གསུང་ལས། དེ་དང་འབྲེལ་བར་བྱང་ཕྱོགས་ས་སྐྱོང་གི །ཕོ་བྲང་རྒྱ་བོད་ཀུན་གྱིས་གཏུགས་པའི་གནས། དགའ་ལྡན་ཁང་གསར་ཞེས་བྱ་ལྕང་ལོ་ཅན། །ནོར་ལྡན་དཔལ་མོ་མགྲོན་དུ་བོས་འདྲ་ཡོད། །ཅེས་བསྔགས་བརྗོད་མཛད་པའི་གཞིས་ཀ་དགའ་ལྡན་ཁང་གསར་དུ་སྤྱན་དྲངས། གཞི་ལེན་དང་ཤངས་ལེན་སོགས་གང་ལ་གང་འཚམ་དངོས་གཙང་ཞིང་དཔངས་མཐོ་བའི་དགའ་སྟོན་རྒྱ་ཆེན་པོ་མཛད། སྡེ་པ་ཆོས་རྗེའི་གཙུག་ཕུད་ཕུལ་ཞིང་། འབུལ་བར་སྔོན་རྗེ་གོང་མའི་དུས་སུ་ཞབས་དྲུང་བཀྲ་ཤིས་རབ་བརྟན་པ་ཞེས། ལུགས་གཉིས་ཀྱི་མཁྱེན་པའི་སྤྱན་ཡངས་པ་དེ་ལ་མཁས་པ་མཁས་པའི་དྲུང་དུ་མཛེས་པའི་དཔེ་ལྟར། གཙུག་ལག་ལུགས་བརྒྱའི་ཚུལ་ལ་འཇུག་པ་ཡངས་པའི་བློ་གྲོས་དང་ཁེངས་པ་ཕན་ཚུན་དུ་འགན་བཟོད་པའི་རིན་སྤུངས་ཞབས་དྲུང་ངག་དབང་འཇིགས་གྲགས་ཀྱིས། ཕོ་བྲང་སྣེའུ་གདོང་རྩེའི་ལྷ་གཟིགས་གདུང་བརྒྱུད་ངག་

― GLG008_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་བསོད་ནམས་གྲགས་པ་རྒྱལ་མཚན་དང་། རྒྱལ་བཟང་བ་དཔོན་གཡོག་གཟིགས་སྟབས་མ་གཅིག་པའི་རྒྱུ་ལ་བརྟེན། རྩེ་ནས་ཞལ་ཕྱོགས་བསྒྱུར་བ་གནང་གཞན་སྡེ་རྣམས་ཀྱིས་ཞབས་ནས་བཀུར་བའི་དཔུང་གཏོས་ཆེ་བ་ཡར་ཀླུང་དུ་འབྱོར་ནའང་། འགྲོ་ལྡིང་བའི་སྐབས། སྐྱིད་ཤོད་མིའི་རྗེ་བོ་རྡོ་རྗེ་འཇིགས་བྱེད་ཀྱི་རྣལ་འབྱོར་པར་སྙེམས་པའི་རྭ་རྩ་སྦོམ་པ་བཀྲ་ཤིས་རབ་བརྟན་པ་ལ་འཕྲིན་དུ་བྱ་བ་ཡོན་ཏན་གསུམ་གྱི་དོ་ཤལ་ཞེས་བྱ་བར། སྟོང་ཉིད་སྙིང་རྗེ་ཟུང་དུ་འཇུག་པའི་རྭ། །ཆོས་ཀྱི་དབྱིངས་ན་གདེངས་པའི་ཉམས་གཅིག་ཏུ། །དྲག་པོ་མེ་ཡི་རལ་པ་གསིག་པའི་གར། །འཇིགས་བྱེད་བདུད་ལས་རྣམ་པར་རྒྱལ་བ་མཆོད། །དེ་ཉིད་བསྐྱེད་པའི་རིམ་པ་ཟབ་མོ་ཡི། །རྣལ་འབྱོར་སྙིང་ལ་ལྕི་བའི་ཁུར་བསྣམས་ནས། །དངོས་གྲུབ་མཚན་ཉིད་ཡན་ལག་བརྒྱད་ལྡན་པའི། འབྱོར་བརྩེན་ལྷག་པའི་ལྷ་ཡིས་རྗེས་བཟུང་ལོ། །ཡ་མཚན་མགུར་ན་མཛེས་པའི་དོ་ཤལ་གྱིས། །འཕྲེང་བ་ཡོན་ཏན་གསུམ་གྱི་དོ་ཤལ་དུ། །འཕགས་པའི་སྤྱོད་པ་གཞན་དག་མེད་སེམས་པའི། །སྐད་སངས་སྒྲོག་པར་བྱ་དེ་རིགས་སམ་ཀྱེ། །རྟུལ་ཕོད་ལོངས་སུ་སྤྱོད་པ་བརྒྱན་པ་ཡི། །དཔུང་པ་གྲགས་པའི་ས་བོན་འདེབས་ནུས་པ། །མཐར་བྱེད་སྐྱེ་བའི་ལམ་སྟེར་མ་གྱུར་པ། །གང་དག་སྲིད་པའི་འཁོར་ལོ་རྨད་བྱུང་བཀྲ། །ཨེ་མ་རིག་པའི་མེ་ཏོག་སྣ་བ་རུ། །འབར་དང་སྒྱུ་རྩལ་གཞན་གསོས་གཞོན་ནུའི་གླུ། །བྱེ་བར་བསྒྲེངས་པའི་སྒྲ་དེས་ས་གསུམ་གྱི། །དཔལ་མོ་ཆགས་པས་མི་གཟིར་རྒྱུ་ཅི་ཞིག །ལྷ་གཟིགས་དབང་པོའི་ཆབ་སྲིད་གྲུ་བོ་ཆེ། །འཇིང་ཞིང་འདེགས་པའི་རྣམ་འགྱུར་ཆུ་བོ་ཡིས། །བྱེད་པོའི་རི་མོ་གཅིག་མིན་

― GLG008_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

མང་གཉེར་བར། །དབུ་འཕྲེང་སེམས་མེད་མ་ཡང་གད་མོ་དགོད། །ཅེས་སོགས་འཇམ་དཔལ་གཤིན་རྗེ་གཤེད་ཀྱི་རྗེས་སུ་བཟུང་བའི་སྙན་པ་དང་། བོད་ཤིང་སྒོ་ཅན་གྱི་རྒྱལ་སྲིད་འདི་འཆགས་འཇིག་ཇི་ལྟར་བྱེད་ཀྱང་ཁྱོད་ཀྱི་ལག་ཏུ་ཡོད་དོ་ཞེས། མདུན་ན་འདོན་གྱི་གཙོ་བོ་དང་། དཔའ་མཛངས་རྟུལ་ཕོད་པ་སོགས་ལ་བརྟེན། ཟོལ་གྱི་བསྟོད་པའམ་སྨད་པ་གང་རུང་དུ་སྙན་ངག་མཁན་གྱི་དགོངས་པའི་དབང་གིས་འཐེན་ཆོག་པའི་ཚིག་སྦྱོར་ངོ་མཚར་བ་དང་། མནངས་ཀྱི་དུས་ན་ལྷ་གཅིག་ཁྱོད་ཀྱི་སྲིད། །འཇིག་དང་མི་འཇིག་མངོན་སུམ་བརྟེན་པའི་སྲོག །སྦྱིན་པ་འཆི་མེད་བདུད་རྩིའི་འབབ་སྟེགས་མཁན། །འདི་ལས་གཞན་པ་བཙལ་དུ་ཡོད་དམ་ཅི། །ཚུལ་དེ་མི་བརྗེད་མཛའ་བས་བཅིངས་པའི་སེམས། གཡོ་མེད་བརྟན་པའི་ཕྱི་ཐག་རིང་པོ་པ། །བྱས་ཤེས་དྲིན་དུ་གང་བའི་དགའ་བྱེད་གྲོགས། །ཧ་ནུ་མནྠའི་བརྟུལ་ཞུགས་རྫོགས་པར་འཚལ། །དེའི་དོན། ལྷ་གཅིག་ཅེས་བོས་ནས་ཁྱོད་ཀྱི་སྡེ་སྲིད་འདི་དཔལ་ཕག་མོ་གྲུ་པའི་བཀའ་དྲིན་ལ་བརྟེན་ནས་བྱུང་བ་ཡིན་པས། ཚུལ་དེ་ལ་བྱས་ཤེས་དྲིན་དུ་གཟོ་བའི་སྒོ་ནས། རམ་ཎས་ལང་ཀའི་བདག་པོ་གསོད་པའི་གྲོགས་སྤྲེའུ་ཧ་ནུ་མནྠས་བྱས་པ་དང་མཚུངས་པ་ཞིག་གྱིས་ཞེས་བརྗོད་པ་འདི། སྐྱིད་ཤོད་ཞབས་དྲུང་བཀྲ་ཤིས་རབ་བརྟན་པ་མངའ་ཐང་མཐོ་བ་དང་། དགྲ་ཐོག་ལ་དཔའ་ཞིང་མཁྱེན་སྤྱོད་ཡངས་པར་སོང་བས། །རང་གཞན་ཀུན་གྱིས་བསྔགས་པའི་གནས་སུ་གྱུར་པ་དེ་ལ། ཞབས་དྲུང་རིན་པོ་ཆེ་བསོད་ནམས་རྒྱ་མཚོས། ཁྱོད་རང་འཇིགས་བྱེད་ཀྱི་རྣལ་འབྱོར་པ་ཡིན་པས་འདི་ཉེ་བར་མཁོ་བ་ཡོད་གསུངས་ནས། དངུལ་གྱིས་ཀ་པཱ་ལི་ཁ་གཅོད་ལ་གཡུ་ཕྲ་ཕྱུག་པོ་ཡོད་པ་ཞིག་

― GLG008_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

གནང་བ། འདི་སྐབས་སྡེ་པས་ཀ་པཱ་ལིས་གཙོས་པའི་ཟང་ཟིང་གི་དངོས་པོ་མང་པོ་དང་། ཆོས་ལུང་བདེ་ལེགས་ཀྱི་ས་ཆ་རྣམས་འབུལ་བ་མཛད། ཞབས་དྲུང་གཡུལ་རྒྱལ་བ་དེ། ཁོ་རང་གི་ཁུ་བོ་བཀྲ་ཤིས་རབ་བརྟན་པ་དང་། རིན་སྤུངས་ངག་དབང་འཇིག་གྲགས་ལྟ་བུའི་ཆོས་ཕྱོགས་ཀྱི་ཡོན་ཏན་འཇམ་དཔལ་དབྱངས་ལ་འགྲན་བཟོད་ཅིང་། །འཇིག་རྟེན་གྱི་ཆ་ནས་ཕ་རོལ་གྱི་དགྲ་དཔུང་འཇོམས་པ་ལ་དཔའ་བའི། ཨ་བོ་ཧོར་འདྲའི་སྤྱོད་ཚུལ་དང་ལྡན་པ་ཞིག་མིན་པར་གདའ་ཡང་། འཕྲལ་དུ་ཁ་ལ་ཟ་བྱུང་ན་ཕུགས་སྣ་ལ་སྒྱོགས་བྱུང་ནའང་བཟོད་སྙམ་པའི་ཧར་སྤྱོད་ཧུར་སྤྱོད་ཀྱི་རིགས་ཡེ་མི་མཛད་པར། །བརྟན་བརླིང་རང་ཚོད་ཆེ་ཞིང་སྲོང་བཙན་སྒམ་པོ་ལྟར་སྒམ་པའི་མཐར་ཐུག་པ། སྔོན་དུས་ཀྱི་སྡེ་སྲིད་ཁུངས་བཙན་རྣམས་ཀྱི་སྤྱན་ལྟོས་མ་ཉམས་པའི། དཀོན་ཅོག་ལ་གུས་ཤིང་རང་སྲིད་སྐྱོང་མཁས་པ། ཆོས་ཀྱིས་མཛེས་ཤིང་སྒྲིགས་ཀྱིས་སྤ་བ། ཡ་རབས་དམ་པའི་མཛད་སྤྱོད་ལྷུན་གྱིས་གྲུབ་པའི་ངང་ཚུལ་ཅན་ཞིག་ཡོད་པར་སྣང་། འདྲེན་བྱེད་ཕྲ་ལ་རིང་བ་ཞིག་ཡིན་ཞེས་གླེང་ཡང་། འདིའི་སྐབས་ཐུགས་སྙིང་ཁམས་དཔེ་མེད་བསྐྱེད་པ་ཡིན་སྐད་དོ། །ཚེས་བཅོ་ལྔའི་ཉིན་སེར་འབྲས་དགའ་སྐྱོར་སོགས་ཉེར་འཁོར་གྱི་དགོན་སྡེ་གྲངས་མེད་པའི་དགེ་འདུན་རྣམས་འདུས་ཏེ། ངུར་སྨྲིག་གི་གོས་རུང་བ་ཚད་དང་ལྡན་པའི་ཁ་དོག་གིས་ནམ་མཁའི་ལམ་ཀུན་ཀྱང་གསེར་གྱི་མདངས་འཛིན་པར་ནུས་པའི་སེར་སྦྲེངས་ཀྱི་འཕྲེང་བ་རིང་པོར་བསྟར། གདུགས་དང་། རྒྱལ་མཚན། བ་དན། རོལ་མོ། མེ་ཏོག་སོགས་མཆོད་པའི་ཚོགས་བསམ་གྱིས་མི་ཁྱབ་པས་ནོར་འཛིན་གྱི་ལྟོ་བ་དོག་པོར་བཀོད་པར། སྒོ་མང་སློབ་དཔོན་བཞུ་ཁང་

― GLG008_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་འབྱམས་པ་དགེ་ལེགས་ལྷུན་གྲུབ་ཀྱིས། ཁྱོད་ཀྱི་རྨད་བྱུང་མཛད་པའི་ཉིན་མོར་བྱེད། །གངས་ཅན་མཁའ་དབྱིངས་མཛེས་མའི་ལང་ཚོ་ལ། །རྟག་ཏུ་འོད་བརྒྱ་འགྱེད་པ་འདི་ཤར་ཚེ། །བདག་སོགས་རྨོངས་པའི་སྨག་རུམ་གང་དུ་འབྲོས། །གྲུ་འཛིན་རི་བོའི་ངོས་ལ་གཙུག་ལག་ཁང་། །མ་ཕམ་མདུན་ས་ས་ལ་འཕོས་འདྲ་བ། །བརྒྱ་ཕྲག་ངུར་བ་འཁྲིགས་པའི་ཆུ་གཏེར་དབུས། །དཔལ་ལྡན་འབྲས་སྤུངས་ཡིད་དགའ་ཆོས་འཛིན་དུ། །མཁྱེན་པ་གཅིག་གིས་དུས་གསུམ་གསལ་གཟིགས་ཀྱང་། །མཁས་པའི་ལེགས་བཤད་པདྨོའི་དྲ་བ་ཡིས། །རང་གི་ཐུགས་མཚོར་སླར་ཡང་མཛེས་བསྐྱེད་ན། །དེ་སླད་ཐུབ་བསྟན་འོ་མཚོ་རླབས་ཆེར་འགྱུར། །ལེགས་བཤད་གསར་པའི་ཆུ་འཛིན་འབྱུང་བའི་གནས། ཁྱོད་ཐུགས་རབ་དཀར་འོ་མའི་ཆུ་གཏེར་ཆེ། །གཞུང་ལུགས་ཟླ་ཟེར་བྱེ་བའི་གོས་གྱོན་ན། །བློ་བཟང་བསྟན་པའི་ལྷུན་པོ་ཅིས་མི་མཛེས། །ཞེས་དང་། མཁར་ནག་ལོ་ཙཱ་བས། སེ་འབྲས་དགེ་འདུན་འདུས་པའི་སྦྲེངས། །མཚར་དུ་དངར་བ་དེ་མཐོང་ཚེ། །བྱམས་པའི་འདུས་པ་དང་པོ་ཡང་། །ད་ལྟ་ཉིད་ནས་བྱུང་ངམ་སྙམ། །ཞེས་སོ། །བླ་བྲང་ཁག །ཁམས་ཚན་མི་ཚན་སོགས་ཀྱི་རྟ་པའི་བསུ་བ་དང་བཅས་ཏེ། རྒྱ་གར་འཕགས་ཡུལ་བའི་ཤྲཱི་དྷ་ནྱ་ཀ་ཊ་ཀ་གཉིས་པ། བོད་ཡུལ་གྱི་དཔལ་ལྡན་འབྲས་སྤུངས་དང་པོ་ཕྱོགས་ཐམས་ཅད་ལས་རྣམ་པར་རྒྱལ་བའི་གླིང་གྲུ་འཛིན་གཉིས་པ་དགའ་ལྡན་ཕོར་བྲང་གི་སེང་གེའི་ཁྲིར་ཕེབས། དེར་བསུ་བ་དང་ཕེབས་སྐྱེལ་ལ་འདུས་པའི་སྐྱ་སེར་གྱི་ཚོགས་ཆེན་པོ་ལ། སྐུ་མདུན་རིན་པོ་ཆེས་ཁུར་བཞེས་ནས་བུར་སྟོན། མར་སྟོན། ཤ་རྩམ་ནས། གྲོ་སྲན་རྣམས་ཀྱི་ཕོགས་ཟུར་གསོས་ནར་མ་སོགས་

― GLG008_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་སྟོན་རྒྱ་ཆེན་པོ་བསྒྲུབས། གཞན་ཡང་གཟིམས་ཁང་གོང་། གྲྭ་ཚང་ཁག་བདུན། སློབ་དཔོན་ཚུལ་པ། ཁམས་ཚན་མི་ཚན་སྟར་དངུལ་སོགས་ཕྱུག་པོ་ཁག་མང་པོས་སོ་སོའི་གནས་ཁང་དུ་སྤྱན་དྲངས་ཏེ་བསྙེན་བཀུར་གྱ་ནོམ་པ་བསྟབ། སྔར་སྣེའུ་རྫོང་པའི་གཞིས་ཀ་རྡོ་ཁང་སྔོན་མོར་གྲགས་པ་ཆུང་ངུ་ཞིག་ལས་སྤྲོས་པའི་ཕོ་བྲང་གི་ལྟེ་བ་ལེགས་རྒྱུ་མེད་པ། རྗེ་གོང་མ་སོག་ཡུལ་དུ་ཐེགས་པའི་རྗེས་དགའ་ལྡན་ཕོ་བྲང་གསར་པ་འདི་ཉིད། སྐུ་མདུན་རིན་པོ་ཆེ་ཆོས་བཟང་འཕྲིན་ལས་ཞེས། ཞབས་དྲུང་གོང་མའི་གསོལ་དཔོན་སོགས། སྐུ་ཞབས་སུ་བཅར་བའི་ལས་ཚན་དང་། རྗེས་སུ་གཞིས་ཀྱི་ཕྱག་མཛོད་ཀྱི་གོ་སར་མངའ་གསོལ་བའི་བདག་རྐྱེན་ཡར་འཕེལ་དུ་གནང་ཞིང་། དགོངས་བཞེད་དང་མཐུན་པའི་ཕྱི་ནང་བར་གསུམ་གྱི་ཞབས་འདེགས་ཕུལ་དུ་ཕྱིན་པར་གྱུར་ནས། ཐུགས་ཀྱི་གཏད་སོ་ཐུན་མོང་མ་ཡིན་པར་གནང་། བབས་ནས་ཀྱང་མཁྱེན་དཔྱོད་ཤིན་ཏུ་ཡངས་པས། གྲྭ་ས་གསུམ་གྱིས་གཙོས་དཔལ་རི་བོ་དགའ་ལྡན་པའི་བསྟན་སྲིད་སྤྱིའི་སྲོག་ཤིང་ཏུ་གྱུར་ལ། སྡེ་དཔོན་རང་སྲིད་རྣམས་ཀྱི་བཀའ་བགྲོས་ཀྱི་སྙིང་པོ་འདྲི་བའི་ཡུལ། གཞན་སྲིད་ཀུན་གྱིས་ཀྱང་རེ་ལྟོས་དང་མཐོང་གཟོས་ཆེ་བ་དེ་ཉིད་ཀྱི་ཕྱག་རྗེས། འཆི་བ་མེད་པའི་ཁང་བཟང་ལ་ཅོ་འདྲི་བ་འདི་ཉིད་བསྐྲུན་པར་མཛད་ཅིང་། ཨར་པོའི་སྐབས། དབྱངས་ཅན་ངག་གི་དབང་ཕྱུག་ས་སྐྱོང་བཀྲ་ཤིས་རབ་བརྟན་པས་ཐུགས་ཁུར་མཉམ་བཞེས་ཀྱི་རྣམ་པས། ཞལ་བཀོད་དང་འུ་ལག་གཏོང་བ་སོགས་མཐུན་རྐྱེན་མང་དུ་བསྒྲུབས། ཞལ་བཀོད་ལ་ཕེབས་རེས་ཀྱི་སྡེ་པ་དཔོན་གཡོག་ཚང་མས་དན་འབག་མདའ་ནས་ཆིབས་ལས་བཤོལ་ཏེ་རྩིག་རྡོ་བསྐྱེད་པ། རྗེ་བཙུན་

― GLG008_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ལས་ས་མཁར་དགུ་ཐོག་རྩིག་པ་ལ་འགྲན་བཟོད་པ་ལྟ་བུ་མཛད་སྐད། དེ་ལྟ་བུའི་ཕོ་བྲང་འདིར་ཕེབས་ཙམ་ཉིད་ནས་ཐུགས་བག་ཕེབས་ཤིང་། སྔོན་གནས་རྗེས་སུ་དྲན་པའི་གསུང་མང་དུ་བྱོན་པར་སྣང་། མཁར་ལོས། དགའ་བའི་ཚལ་གྱི་དཔལ་ལྡན་པ། །ཕྱག་ན་པདྨོའི་ཕོ་བྲང་དུ། །ཕེབས་ཚེ་སྔ་དྲོ་དགོངས་ཁྱད་ལས། །གསལ་བའི་སྔོན་བྱུང་རྗེས་སུ་དྲན། །རྒྱ་ལེ་ཆོས་མཛད་ལ་སོགས་པས། །གཟབ་བཤོམས་གཟིམས་ཁང་གོང་ལ་སོགས། །སྤྱི་སྒེར་མང་པོས་མཆོད་པའི་ཚེ། །ཆོས་ཀྱི་གླེང་མོའི་སྤྲིན་དབྱངས་དང་། །བྱིན་རླབས་ཆར་པ་ཅི་ཡང་ཕབ། །ཅེས་སོ། །གངས་ཅན་འགྲོ་ལ་རྗེས་བརྩེའི་གཞན་གསོས་ཀྱིས། །ལས་སྨོན་མགྲིན་པའི་དབྱངས་སྙན་འཁོར་བ་ན། །འཇིག་རྟེན་དབང་ཕྱུག་སོས་ཀྱི་དཔལ་མོའི་བཞིན། །སཱ་ལའི་ལྗོངས་ཀྱི་ནོར་འཛིན་ལྟོ་བར་ངོམ། །རིགས་དུས་སྟོབས་འབྱོར་རྡོ་རྗེ་རྩེ་བརྒྱ་པས། །ཆེན་པོའི་ལྷ་མིན་དྲེགས་པའི་མངལ་ལྷུང་ཡང་། །བདག་བསྟོད་གཞན་སྨོད་གཙོར་འཛིན་མི་བསྲུན་ཡིད། །མི་ལྡན་ཁྱོད་ནི་ས་འདིའི་བརྒྱ་བྱིན་བཞིན། ཁུངས་ཅན་སྒྲོ་གཤོག་དང་བྲལ་ཕ་ཝང་རྣམས། །བཟང་པོར་རྫུ་བའི་གྱ་གྱུའི་ཐབས་འཕྲུལ་གྱིས། །རྩོད་མེད་ཡོངས་གྲགས་ཆེན་པོའི་བྱ་རྒོད་སྟེང་། །བགྲོད་འདོད་ངང་ཚུལ་མཐོང་ཚེ་ཁྱོད་ལ་དད། །དེ་ཡང་ཕྱག་མཛོད་གུ་ཤྲི་ཆེན་པོ་སོག་ཡུལ་དུ་གདན་འདྲེན་ལ་འབྱོན་སྐབས། སྐུ་མདུན་རིན་པོ་ཆེ་དང་བཀའ་བགྲོས་ཞིབ་ཏུ་བྱུང་བ་དང་། གཞན་ཡང་དྲུང་ཡིག་འཇམ་སྲས་ཆོས་ཀྱི་རྒྱ་མཚོ་སོགས། རྗེ་གོང་མའི་དྲུང་འཁོར་དང་ཞལ་སློབ་ཉམས་མྱོང་ཅན་མང་པོ་དག་མགྲིན་གཅིག་ཏུ། མཆོག་གི་སྤྲུལ་སྐུ་དབུས་སུ་ཕེབས་ནས་ཐེག་པ་ཆེན་པོའི་ཡོངས་འཛིན་

― GLG008_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་ནི་མེད་དུ་མི་རུང་བའི་ཡན་ལག་ཡིན་ལ། དེ་ཡང་དབུའི་གཙུག་ཕུད་འབུལ་བ་དང་རབ་ཏུ་བྱུང་བའི་མཁན་སློབ་ནི། གདན་ས་ཆེན་པོ་དགའ་ལྡན་ནས་ཁྲི་རིན་པོ་ཆེ་གདན་ཟུར་རྣམས་འོས་པ་གཞིར་བཅས་ཀྱང་། དབང་ལུང་མན་ངག་གི་རིགས་མང་པོ་གསན་པར། སྐུ་ན་སྨིན་པས་སྐུ་གཟུགས་ཀྱི་ལྕོགས་མི་ལྕོགས་ཀྱང་ཡོད་ཅིང་། ལྷག་ཏུ་མདོ་སྔགས་ཀྱི་གཞུང་བཤད་ལ་མཁྱེན་པ་ཆེ་བ་ལས་གཞན་མའི་རིགས་ལ་གསན་རྒྱ་མི་ཆེ་བས། དེ་ཕྱིར་དབུས་གཙང་དུ་བླ་མ་དཀྱུས་མ་ལས། ལུགས་གཉིས་ཀ་ནས་འོས་པ་ཞིག་མི་འདུག་པས། བ་སོ་སྤྲུལ་པའི་སྐུ་ལྷ་དབང་ཆོས་ཀྱི་རྒྱ་མཚོ་འདི་པ། འཇིག་རྟེན་ཕྱོགས་ནས་བླ་ཆེན་གྱི་གོས་དང་ཡང་ལྡན་ཞིང་། ཆོས་ཕྱོགས་ནས་རྗེ་གོང་མ་དང་། ཞལ་སྔ་ནས་བདེ་བ་ཅན་པ། དྲུང་པ་ལྷའི་བཙུན་པ་སོགས་ཡོངས་གྲགས་ཀྱི་བཤེས་གཉེན་མང་པོ་བསྟེན་ནས། མདོ་རྒྱུད་ཀྱི་བཤད་སྲོལ་དབང་ལུང་གདམས་པའི་མངའ་བདག་ཆེན་པོར་གྱུར་པ་འདི་སྤྱན་དྲངས་པ་འཐད་ཅེས་གླེང་ཞིང་། བཀའ་བགྲོས་མཐུན་པར་བརྟེན། སྒར་པ་དབུས་ཕྱོགས་སུ་ཕེབས་པ་དང་ལྷན་ཅིག་པར། བར་ཁམས་སུ་རྗེ་དྲུང་རིན་པོ་ཆེ་གདན་འདྲེན་པ་མངགས་པ་ལྟར་ཕེབས་རྩིས་ལ། མི་འགྱངས་པར་དག་པའི་ཞིང་དུ་གཤེགས་པ་སྟབས་མ་འགྲིག་འདུག །གཟའ་ཚེས་ཕུན་སུམ་ཚོགས་པར་ར་ས་འཕྲུལ་སྣང་གི་གཙུག་ལག་ཁང་ཆེན་པོར། སངས་རྒྱས་དངོས་དང་ཁྱད་པར་མ་མཆིས་པའི་ཇོ་བོ་ཤཱཀྱ་མུ་ནེའི་དྲུང་དུ། རབ་ཏུ་བྱུང་བའི་མཁན་པོ་དགའ་ལྡན་ཁྲི་རིན་པོ་ཆེ་ཟུར་པ་ཞལ་སྔ་ནས་སངས་རྒྱས་རིན་ཅེན་དང་། སློབ་དཔོན་ཁྲི་རིན་པོ་ཆེ། ལས་ཐོག་པ་ཞལ་སྔ་ནས་དགེ་

― GLG008_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

འདུན་རྒྱལ་མཚན་གྱིས་གནང་སྟེ། ལྕང་ལོའི་འཕྲེང་བ་རིང་དུ་དོར་ནས་རབ་ཏུ་བྱུང་བའི་དགེ་ཚུལ་གྱི་དངོས་པོ་བཞེས་ནས། འགྲོ་བ་ཀུན་གྱི་ཡོན་གནས་བླ་ན་མེད་པར་གྱུར་ཏེ། རྗེ་ཞལ་སྔ་ནས་སངས་རྒྱས་རིན་ཅེན་དེ་ལ། དྲུང་འཚོ་བ་འདན་པ་སོགས་མང་པོས་བདུད་ཀྱི་སྤྲུལ་པ་ཡིན་ཞེས་སྒྲོ་བཏགས་ཤིང་། ལྷ་རྩེ་དཔོན་མོས་གཏེར་ནས་བཏོན་པའི་ལུགས་སུ་བྱེད་པའི་རྫུན་གཏམ་གྱི་གླེགས་བམ་ཞིག་འདུག་པ་དེའི་ནང་ན། རྗེ་བླ་མའི་ཁྲི་ལ་བུདྡྷའི་མིང་ཅན་ཞིག་བྱུང་བ་ན། བསྟན་པ་ལ་འཕེལ་འགྲིབ་ཡོང་ཞིང་། དེ་བདུད་ཀྱི་སྤྲུལ་པ་ཡིན་པའི་ཕྱོགས་མང་མང་པོ་ཞིག་འདུག་པ་ལ། མཁས་པ་དང་། བཙུན་པ་དང་། གྲུབ་པ་དང་། བཟང་བ་དང་། རྟག་ཚུགས་ཟིན་པ་དང་། གཞན་ལ་འགྲམ་ཆུ་མི་ལྡང་བ་དང་། སྒམ་སྡིག་མོར་བྱེད་པ་མང་པོ་ཞིག་མགོ་འཁོར་ཏེ་བདེན་པར་བཟུང་ནས་རྗེ་སངས་རིན་པ་ལ་སྨོད་ནའང་། ཁོང་སྐུ་ཚེ་དེ་ལ་མདོ་སྔགས་ལ་སྦྱངས་པའི་དགེ་བཤེས་ཞིག་ཡིན་པ་ལས་སྤྲོས་པའི། དམ་པའི་རིགས་དང་བདུད་ཀྱི་རིགས་གཉིས་ཀ་མིན་པ་འདྲ་སྟེ། བདུད་ཀྱི་རིགས་ཀྱི་རྟགས་ཡོད་སྐད་མ་ཐོས་ཞིང་། ལ་ལ་ལྷ་ཟུར་ཕུད་ལྔ་པའི་སྐྱེ་བ་ཡིན་པ་འདྲ་ཟེར་བའི་ཕར་གཏམ་རྒྱུ་མཚན་དུ་བྱས་ནས་བདུད་ཡིན་ཟེར་ནའང་། ལྷ་ཟུར་ཕུད་ལྔ་པ་ཡིན་པའི་ངེས་པ་ཅི་ཡོད། གལ་ཏེ་ཡིན་དུ་སྲིད་ཀྱང་། ལྷ་དང་བདུད་གཉིས་མི་གཅིག་པས། རྒྱུ་མཚན་དེ་འདྲ་རང་གི་ནང་ཆ་སྟོན་པ་ཙམ་དུ་ཟད་ལ། ལྷ་ཟུར་ཕུད་ལྔ་པ་ལ་ཡང་དྲང་དོན་ངེས་དོན་གྱི་དགོངས་པ་ལེན་ཤེས་དགོས་པས། གཟུགས་མེད་ལ་གཟུགས་མ་འཆོས་པར་བཏང་སྙོམས་སུ་འཇོག་པ་ཞུ། རབ་བྱུང་གནང་བའི་དུས་དེར་དྲུང་འཁོར་རྣམས་ཀྱིས་བསྐུལ་ནས།

― GLG008_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེས་ཐང་བྱང་མ་ནས་དཔལ་འབྱོར་བསོད་ནམས་ལྷུན་གྲུབ་ཀྱིས་སྐུ་བསྟོད་ཅིག་རྩོམ་པ་མཛད། བདག་བསྟོད་གཞན་བསྟོད་མང་པོ་ཞིག་འདུག་པའི་ནང་ནས་ཚིག་སྤྱོར་ལེགས་པར་མཐོང་། འདི་ལྟ་སྟེ། རྗེ་བཙུན་ཐམས་ཅད་མཁྱེན་ཅིང་གཟིགས་པ་ཡོན་ཏན་རྒྱ་མཚོ་དཔལ་བཟང་པོ་ལ་བསྟོད་པ་བྱིན་རླབས་ཀྱི་ཟ་མ་ཏོག་ཅེས་བྱ་བ། རྗེ་བཙུན་བརྟན་པའི་འཁོར་ལོ་ལ་ཕྱག་འཚལ་ལོ། །སྤྱན་རས་གཟིགས་མགོན་རྒྱལ་བའི་འབྱུང་གནས་གང་། །བསོད་ནམས་ཡོན་ཏན་འབྲས་འབྱིན་དགེ་འདུན་ཞིང་། །མཁས་གྲུབ་རྒྱ་མཚོའི་དཔལ་གྱིས་དབང་པོའི་འགྲོར། །སྐུ་གསུམ་འདོད་རྒུར་སྩོལ་ལ་གསོལ་བ་འདེབས། །ལུང་རྟོགས་ཡོན་ཏན་ནོར་བུས་ཡོངས་གང་ཞིང་། །རྨད་བྱུང་འཕྲིན་ལས་རབས་འཕྲེང་ཕྱོགས་བཅུར་གཡོ། །ཐར་འདོད་ཀླུ་དབང་ཀུན་གྱི་རོལ་གནས་མཆོག །རྗེ་བཙུན་རྒྱལ་བ་རྒྱ་མཚོར་གསོལ་བ་འདེབས། །ཕྱག་ན་པདྨའི་ཐུགས་རྗེ་ཟླ་བས་འཕེལ། །སྨོན་ལམ་རི་དབང་མཆོག་གིས་བསྲུབས་པའི་མཐུས། ཐུབ་བསྟན་ཀུན་འགྲོའི་དབྱིངས་ན་རོལ་རྩེད་མཁན། །རྒྱལ་དབང་མཚན་མོའི་མགོན་ལ་གསོལ་བ་འདེབས། །ངེས་བྱུང་དྲི་ཡི་བཞོན་པས་ཉེར་བསྐུལ་ཏེ། །ཚངས་སྤྱོད་ལྷ་ལམ་ལངས་པར་རྟག་རྒྱུ་ཞིང་། །སྐྱེ་རྒུའི་རྨོངས་མུན་མཐའ་དག་དྲུངས་འབྱིན་པ། ཀུན་མཁྱེན་ཉིན་མོའི་མགོན་ལ་གསོལ་བ་འདེབས། །རྒྱ་ཆེན་ངོ་མཚར་སྤྱོད་པའི་ཆུ་གཏེར་དབུས། །རང་བདེ་མུན་པའི་གོ་སྐབས་རྒྱང་བསྲིངས་ཏེ། །གཞན་དོན་བང་རིམ་རྣམ་པར་བཀྲ་བ་ཅན། ཟླ་མེད་ལྷུན་པོའི་དབང་པོར་གསོལ་བ་འདེབས། །རྣམ་དཔྱོད་གོམ་པ་གཅིག་གི་རིག་གནས་ལྔའི། །ས་ཆེན་ལ་དགོངས་ཆོས་

― GLG008_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

མིན་སྟོབས་ལྡན་དཔུང་། །མཐར་མཛད་མཁྱེན་བརྩེའི་པད་དཀར་སྤྱན་ཡངས་པ། །སྐྱབས་མཆོག་མཐོ་རིས་གསལ་ལ་གསོལ་བ་འདེབས། །བདེ་བའི་བྱང་བར་གཞན་གྱིས་མི་མཚོན་པའི། །ཞལ་བཟང་བདུད་རྩིའི་འོད་ཅན་མཐོང་ཐོས་དང་། །དྲན་རེག་ཙམ་གྱིས་དོན་ལྡན་དགའ་བའི་མཐུས། །འགྲོ་ཀུན་ཐར་པར་འདྲེན་ལ་གསོལ་བ་འདེབས། ཁམས་གསུམ་མ་ལུས་ཐུགས་རྗེའི་འོད་རིས་ཀྱིས། ཁྱབ་པར་བྱུགས་ཏེ་ངོ་མཚར་མཛད་པའི་གར། །ཟས་གཙང་སྲས་པོ་གཞན་བཞིན་བསྒྱུར་མཁས་པས། །རྒྱལ་བ་གཉིས་པར་གྱུར་ལ་གསོལ་བ་འདེབས། །བཀྲ་ཤིས་འཁོར་ལོས་མཚན་པའི་ཞབས་མཐིལ་ཟུང་། །གསེར་ལྡན་དགའ་མའི་ཐོད་དུ་ངལ་བསོས་པའི། །རྣམ་ཕྲའི་རྡུལ་དང་ཆོས་འཁོར་བསྐོར་གནས་ཀྱང་། །དམ་པས་མཆོད་བྱར་མཛད་ལ་གསོལ་བ་འདེབས། །རྡུལ་གྱི་གྲངས་བརྒལ་ཡི་དམ་ལྷ་ཚོགས་ཀུན། །ཞལ་གཟིགས་མཐུ་ལྡན་སྲུང་མས་བཀའ་བཞིན་དུ། །རབ་འབྱམས་འཕྲིན་ལས་སྒྲུབ་པའི་མཐུ་སྟོབས་ཅན། །ཕུལ་བྱུང་སྐྱབས་ཀྱི་དམ་པར་གསོལ་བ་འདེབས། །ཆོས་ཀུན་གསལ་ལེར་གཟིགས་པའི་སྤྱན་སྟོང་ལྡན། །མཐའ་ཡས་ལུས་ཅན་སྒྲོལ་པའི་ཐབས་ལ་མཁས། །ཐམས་ཅད་མཁྱེན་ཞེས་བརྗོད་པ་དོན་ལྡན་པའི། །འདྲེན་མཆོག་ཐུགས་རྗེའི་གཏེར་ལ་གསོལ་བ་འདེབས། །རྒྱལ་བ་ཀུན་དངོས་རྗེ་བཙུན་བླ་མ་ལ། །ཤུགས་དྲག་དད་པས་མདོ་ཙམ་བསྟོད་པའི་མཐུས། །བྱང་ཆུབ་བར་དུ་སྐད་ཅིག་མི་འབྲལ་བར། །དགྱེས་བཞིན་རྗེས་སུ་འཛིན་པར་བྱིན་གྱིས་རློབས། །དེ་ཚེ་སྲིད་འབྱོར་མཐའ་དག་ཆུ་ཤིང་ལྟར། །སྙིང་པོ་མེད་པར་མཐོང་ནས་ཡིད་ཅན་རྣམས། །རང་ཉིད་གཅིག་པུས་སྒྲོལ་བའི་སྙིང་སྟོབས་ཀྱིས། །རྒྱས་སྲས་

― GLG008_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་ལ་སློབ་པར་བྱིན་གྱིས་རློབས། །རྣམ་དག་དབང་གིས་བདག་རྒྱུད་སྨིན་བྱས་ཤིང་། །ཟབ་ལམ་རིམ་གཉིས་མཆོག་གི་ལམ་བཟང་ནས། །སྐུ་གསུམ་གོ་འཕང་མཐོན་པོར་ཕྱིན་གྱུར་ཏེ། །སྣ་ཚོགས་ཐབས་ཀྱིས་འགྲོ་ཀུན་འདྲེན་གྱུར་ཅིག །རྩ་བརྒྱུད་བླ་མ་ཡི་དམ་ལྷ་ཚོགས་དང་། །མཐུ་ལྡན་སྲུང་མ་ཆོས་ཉིད་བདེན་པའི་མཐུས། །དགེ་ལེགས་ཡོན་ཏན་ནོར་བུའི་འབྱུང་གནས་མཆོག །རྒྱལ་བ་རྒྱ་མཚོ་བསྐལ་བརྒྱར་ཞབས་བརྟན་ཤོག །ཅེས་པ་འདི་ནི་མགོན་པོ་དེ་ཉིད་རྒྱལ་བའི་བསྟན་པ་ལ་ངུར་སྨྲིག་འཛིན་པའི་ཟློས་གར་ལྷུར་བཞེས་ཀྱི་ཚུལ་བསྟན་པའི་ཉིན། ཞབས་འབྲིང་བ་རྣམས་ཀྱིས་བསྐུལ་བ་དང་། རང་ཉིད་ཀྱང་དད་སྤྲོས་ཀུན་ནས་བླངས་ཏེ་རྗེའི་ཞབས་དྲུང་རང་དུ། ཤཱཀྱའི་དགེ་སློང་དཔལ་འབྱོར་བསོད་ནམས་ལྷུན་གྲུབ་ཀྱིས་སུག་བྲིས་སུ་བགྱིས་པའི་གནས་ནི་ཆོས་འཁོར་དཔལ་གྱི་ལྷ་སའོ། །འདིས་ཀྱང་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག །ཅེས་སོ། །མཁར་ནག་ལོ་ཙཱ་བས། ཇོ་བོ་ཤཱཀྱ་མུ་ནིའི་དྲུང་། དགའ་ལྡན་གདན་ཟུར་རྣམ་གཉིས་ལས། །རབ་བྱུང་དབུ་སྐྱེས་དོར་ནས་ཀྱང་། །ངུར་སྨྲིག་རིན་ཅེན་རྒྱལ་མཚན་བཞེས། །སེར་འབྲས་སེང་གེའི་ཁྲིར་འཁོད་པ། །གསེར་གྱི་ས་གཞིར་ལྷུན་པོ་བཞིན། །མི་འཇིགས་བཞི་ཡི་བང་རིམ་གྱིས། །རབ་བརྗིད་མངོན་པར་མཐོ་ལ་འདུད། །སྙན་པར་གྲགས་པའི་གདོང་ལྔའི་སྒྲས། །ལྟ་ངན་རི་དྭགས་རྣམས་སྐྲག་ནས། །རང་རང་གྲུབ་མཐའི་གནས་མལ་དུ། །འཇིགས་བཅས་སྨོད་པའི་འཁུན་བུ་འབྱིན། །ཞེས་སོ། །དེའི་ཚེ་བོད་དུ་ཕེབས་པའི་ལེགས་ཇ་ཞུ་བར་བླ་ཆེན་རྣམས་ཀྱི་མི་སྣ་དབྱར་དུས་ཀྱི་སྤྲིན་ལྟར་

― GLG008_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས། ཁྱད་པར་སྒར་ཆེན་ནས་ཞྭ་དམར་ཐམས་ཅད་མཁྱེན་པ་གར་དབང་ཆོས་ཀྱི་དབང་ཕྱུག་ཅེས། ཆོས་ཕྱོགས་ཀྱི་སྐུ་ཡོན་དང་། འཇིག་རྟེན་གྱི་མཁྱེན་པ་མཐའ་དག་མཚུངས་པ་མེད་པའི་རྣམ་དཔྱོད་འཇིག་རྟེན་གྱི་མེས་པོ་ཚངས་པ་དང་ཁྱབ་འཇུག་གི་བློའི་ར་བ་ལས་ཀྱང་ཡོངས་སུ་བརྒལ་བ་དེས། ལེགས་བྱའི་ཞུ་ཤོག་འབུལ་བ་གནང་བ་འདི་ལྟ་སྟེ། སེམས་དཔའ་ས་བརྟོལ་ཐོག་མའི་དུས་ནས་སྙིང་རྗེའི་ཆུ་ཡི་དབང་གྱུར་དྲང་སྲོང་ང་རོ་སྙན་པ་དེ་ལས་མཆོག་གི་ཐུགས་ཀྱི་རྩ་བ་ཚུགས། །གྲངས་མེད་བསྐལ་པར་ལྟ་བའི་རི་བོ་རྒུལ་གྱི་དངོས་པོ་རྣམ་པར་འཐག་པ་ཨེ་ཝཾ་ཚོགས་ཀྱི་འཁོར་ལོས་སྟོབས་ཀྱི་ལུས་རབ་རྫོགས། ཁྲོ་སྲེག་གདུགས་སུ་འབར་བས་སྙིང་སྟོབས་ཟིལ་གྱིས་གནོན་པ་དེ་དག་ཐབས་ཀྱི་འཕྱང་མོར་ཟིན་ནས་དབུགས་ཀྱི་ངལ་གསོ་སྟོན་བྱེད་པའི། །མ་འདྲེས་ཡན་ལག་རྣམ་པར་བསྐྱོད་པ་ཡོངས་འདུའི་དབང་པོ་ཤཱཀྱའི་སྐྱེས་མཆོག་ཁྱོད་ཀྱིས་འཇིག་རྟེན་ཀུན་ཏུ་དགེ་ལེགས་འབྲས་བུ་སྦྱིན་པར་མཛོད། །བློ་བཟང་གྲགས་པ་བདེན་པའི་འོད་བརྒྱ་པ། །གསོང་པོའི་གཞུང་ལུགས་སྲུབས་ཤིང་དེས་འཕངས་པའི། །འབྱུང་གནས་བསོད་ནམས་ཡོན་ཏན་ཆུ་ཡི་གཏེར། །ལུགས་ཀྱི་ཀླུང་ཕྲན་བརྒྱ་ཡིས་གང་གྱུར་ཏམ། །ཤེས་བྱའི་གནད་དོན་རིག་གཞུང་འོད་ཀྱི་འཕྲེང་བ་ནི། །ཆུན་པོར་གྱུར་བ་དེ་ཚེ་གནས་ལྔ་དབང་པོའི་གཞུ། །འཚེར་བས་བསྟན་ལ་གསལ་བྱེད་རི་མོའི་བྱེད་པོ་ཅན། །བདག་ཀྱང་ལགས་གསུང་ཚོན་གྱིས་གཟིི་འོད་འབར་བར་གྱུར། །མཐོ་བཙུན་རྒྱལ་པོའི་གདུང་འཛིན་ཞིང་། །ཆོས་ལྡན་སྙན་པ་དང་ལྷན་ཅིག །ཕྱོགས་འདིར་ཆོས་ནོར་དགའ་སྟོན་གྱི། །མཁོ་རྒུ་ཡོངས་སུ་དར་བ་དེར། །བགྲང་བྱའི་ཁུར་གྱིས་མི་ལྕི་ཡང་། །བརྗོད་

― GLG008_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་རྗོད་བྱེད་ཁུར་འཛིན་པ། །དགེ་སློང་ཆོས་ཀྱི་དབང་ཕྱུག་ཀྱང་། །དེ་ལ་ལེགས་པ་བརྗོད་པའི་སྒྲ། །སྨྲ་འདོད་སེམས་ཀྱི་ཚངས་པ་ཡི། །ལྟེ་བ་ཆུ་སྐྱེས་དབུ་མའི་སྲས། །སྙན་དངགས་དབྱངས་ཅན་ལྷ་མོ་འདིས། །རིག་པའི་པི་ཝཾ་རྒྱུད་ལ་དྲངས། ཁྲིམས་ནི་རྒྱུ་དང་མི་རྒྱུ་ས་བཞིན་ཏུ། །ཡོན་ཏན་ཀུན་གྱི་གཞི་རྟེན་ལེགས་པའི་ཕྱིར། །ཉིས་བརྒྱ་ལྔ་བཅུ་རྩ་གསུམ་བསླབ་པའི་གཞི། །མནོས་ནས་བསྟན་ལ་བྱི་དོར་བྱ་བར་རིགས། །རིག་པའི་གནས་ལ་མཁས་པར་མ་བྱས་ན། །འཕགས་མཆོག་གིས་ཀྱང་ཀུན་མཁྱེན་མི་འཐོབ་ཅེས། །གསུངས་ཕྱིར་རིག་སྟོབས་གཡེང་བ་མ་འདྲིང་པར། །ཤེས་བྱའི་གནས་ལ་སྦྱང་སྟོབས་མཆོག་ཏུ་མཛོད། །གསང་བའི་སྔགས་ཀྱི་དཀྱིལ་འཁོར་དངོས་གྲུབ་གཞིར། །གསུངས་པས་རྒྱུད་སྡེ་རྒྱ་མཚོ་རྟེན་བརྟེན་པའི། །རྒྱལ་བའ་ིའཁོར་ལོ་སྨིན་གྲོལ་དབང་དང་ལམ། །ངེས་གསང་འཕྱུག་མེད་ཆོ་གས་བཞེས་པར་མཛོད། །མཆོག་གི་ཉེ་རྒྱུ་སྒྲུབ་པ་ཁོ་ན་དེ། །ཤིན་ཏུ་ཟབ་པའི་རྫོགས་རིམ་དབང་གི་དོན། །གཉུག་མའི་དེ་ཉིད་ཕྱག་རྒྱ་ཆེན་པོ་ནི། །ལྷག་པར་བསྒོམས་ཏེ་ཐུགས་སུ་བྱོན་པར་མཛོད། །སྔོན་དུ་བོད་ན་སྙིང་རྗེའི་དབང་སྒྱུར་ཆོས་ཀྱི་རྒྱལ་པོ་དང་། །ལོ་ཙཱ་བརྩོན་ལྡན་སྲོག་གི་དཀའ་བ་ལེན་པ་དེ་རྣམས་ཀྱིས། །ཨ་ཏི་ཤ་ཞེས་གཙུག་ལག་རྒྱ་མཚོའི་བདག་པོ་སྤྱན་དྲངས་ནས། །སངས་རྒྱས་བསྟན་པ་མི་ནུབ་རྒྱལ་མཚན་ཕྱར་རོ་ཞེས་སུ་གྲགས། །དེ་ཡི་རྗེས་སུ་ཁ་ཆེ་ཟླ་བ་མགོན་དང་ཤཱཀྱ་ཤྲཱི། །སོ་མ་ནཱ་ཐ་སོགས་ཀྱིས་བོད་དུ་དཀའ་བའི་བསྟན་པ་སྤེལ། །དུས་དེར་ལོ་པཎ་མཁས་གྲུབ་བྱོན་དང་བསྟན་པའི་དར་ཚུལ་ལ། །བསམས་

― GLG008_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ད་ལྟ་མཆི་མ་བླག་པས་ཁྲུས་ཀྱང་རུང་བ་ཙམ། །དེ་ཕྱིར་མེ་ལོང་ནང་གི་གཟུགས་བརྙན་བཞིན། །འདྲེན་པའི་བསྟན་པ་དེ་ལྟར་གྱུར་པ་ན། །མཁས་བཙུན་བཟང་པོར་བསྟོད་པའི་སྙན་གྲགས་ཀྱིས། །ལུང་དང་རྟོགས་པའི་ཉིན་མོར་མཛད་པར་རིགས། །ལྕགས་ལས་གསེར་དུ་འགྱུར་བ་ལྟར། །ཉུང་ངུ་མང་པོར་བློས་སྤེལ་བས། །སྐྱེས་མཚན་དྲ་བས་སྦྲེལ་བ་ཡི། །ཡན་ལག་བསྐྱོད་པའི་གར་བཅས་ཏེ། །དོན་གྱི་ལུས་བཟང་སྟོབས་རྒྱས་ཤིང་། །རྗོད་བྱེད་རྒྱན་གྱི་གདུབ་བུ་འཁོར་། །སྙན་ངག་དབྱངས་ལྡན་ངང་མོ་འདི། །ཡོན་ཏན་རྒྱ་མཚོས་བསྟེན་པར་མཛོད། །ཤུ་བྷཾ་མ་སྟུ་སརྦ་ཛ་ག་ཏཾ། ཞེས་པ་བརྗོད་བྱའི་དོན་རིག་པའི་གནས་ལྔ་ལ་གསན་བསམ་མཛད་དགོས་ཚུལ་སོགས། སྙན་སྒྲོན་ལེགས་པོ་ཡིན་འདུག །ཚིག་སྦྱོར་ནི། བཀའ་གདམས་གླེགས་བམ་ལས། །འཇིག་རྟེན་དག་ནི་གྲགས་པའི་རྗེས་སུ་འབྲངས། །འཇིག་རྟེན་འདས་པ་གནས་ལུགས་སྤྱོད་པར་བྱེད། །ཅེས་པ་ལྟར། རྗེ་ཞྭ་དམར་པ་དེ་སྙན་ངག་མཁས་པར་གྲགས་ཀྱང་། གསུང་རྩོམ་གྱི་བབས་རོང་པ་གོང་ར་ལོ་ཙཱ་བའི་རྒྱུན་གྱི་ཁོབ་ཤག་གེ་བ་ལས་སྤྲོས་པའི། སྣར་ཐང་པ་དང་དཔལ་ཁང་པ་སོགས་ཀྱི་སྙན་ངག་འཇམ་པ་དང་། རིན་སྤུངས་པའི་ཤུགས་ཆེ་བ་ལྟ་བུའི་ཡིད་འཕྲོག་པ་ནི་མིན་པར་སེམས་སོ། །འོན་ཀྱང་དེའི་ལན་འགྲེལ་ཆགས་ཤིག་དགོས་རྒྱུར། དྲུང་འཁོར་རྣམས་རྒྱུ་དངོས་ཀྱི་འབྱོར་བ་རྣམ་ཐོས་ཀྱི་བུ་ལ་འགྲན་པར་ནུས་ཀྱང་། སྙན་ངག་སོགས་ཚིག་སྦྱོར་སྨྲ་བའི་ལྗགས་རྐྱོང་བ་ཉིན་མོའི་སྐར་མ་ལྟར་སོང་བས། དེའི་ལན་འདེབས་བྱེད་པ་པོ་སུ་འདྲ་ཞིག་འོས་ཞེས་གླེང་པ་ན། རྗེ་གོང་མའི་དཔོན་པོ་རྩེ་ཁ་བའི་སྡེ་པ་རྒྱལ་ཆེན་པ་ཞེས། །ཡིག་རིགས་སོགས་

― GLG008_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་དང་ཤེས་རབ་ཀྱི་ནོར་ལ་སྤྱོད་པ་དེ་དང་། བཞུ་ཁང་རབ་འབྱམས་པ་དགེ་ལེགས་ལྷུན་གྲུབ་ཅེས་གསུང་འཇམ་ཞི་ཞིང་དུལ་དུལ་ལྟར་སྟོན་པ་དེ་གཉིས་བགྲོས་ཐོག་ནས་བྲིས་པ། བསྙེན་རྫོགས་གནང་དགོས་པའི་ལན་དུ་དགུང་ལོ་ཉི་ཤུ་མ་ལོན་ཞེས་པ་དང་། རིག་པའི་གནས་ལྔ་ལ་སྦྱང་དགོས་པའི་ལན་དུ། ཆོས་ཐམས་ཅད་སྔོན་དུ་ཐུགས་སུ་ཆུད་ཟིན་ཞེས་སོགས་འབྲེལ་མེད་རང་མཚང་སྟོན་པའི་ལན་མང་པོ་བཏབ་སྐད། མཁར་ནག་ལོ་ཙཱ་བས། དཔལ་ལྡན་བླ་མར་སྒར་ཆེན་ནས། འོད་དཔག་མེད་མངགས་ཅོད་པན་ཅན། །གར་དབང་ཆོས་ཀྱི་དབང་ཕྱུག་དང་། །སྤྲུལ་སྐུ་དཔག་བསམ་དབང་པོ་ཡིས། །བསྟོད་བསྔགས་དང་བཅས་ལེགས་ཇ་ཕུལ། །ཞེས་སོ། །དགའ་ལྡན་ཁྲི་གདན་ཟུར་གཉིས་ལ་རེ་ཞིག་གསུང་ཆོས་འབུལ་བར་བཞུགས་དགོས་ཚུལ་གནང་ཡང་། རྗེ་ཞལ་སྔ་ནས་ཟུར་པ་གསུང་ངག་དོག་པ་དང་། ཁྲི་རིན་པོ་ཆེ་ལས་ཐོག་པ་ཡང་གསན་རྒྱ་ཆེ་རྒྱུ་མེད་འདུག་པ་དང་བཅས་དགོངས་པ་ཞུ་བ་གནང་། རྗེའི་ཞལ་སྔ་ནས་ཁྲི་པའི་གསུང་ལས། དིང་སང་བཀྲ་ཤིས་ལྷུན་པོའི་པཎ་ཆེན་ཁྲི་ལས་ཐོག་པ་འདི་ངེད་རང་གི་སློབ་མ་ཡིན་པས། རྒྱུས་ཡོད་ཀྱི་ཞུ་བ་ལ་དབང་ལུང་གི་གསན་རྒྱ་མང་ཆེ་བ་ཡོད་པ་དང་། སྐུ་ན་གཞོན་པས་བཀའ་ཆོས་འབུལ་བར་ལྕོགས་པ་ཡང་བཟང་བ་ཡོད་པས། ཁོང་གིས་བཀའ་ཆོས་འབུལ་མཁན་གནང་ན་ཇི་ལྟར་ཡོང་ཞེས་འཆར་སྟོན་མཛད། དྲུང་འཚོ་འདན་པ་སོགས་འགའ་ཞིག་གིས་དགའ་ལྡན་ཁྲི་གདན་ཟུར།བ་སོ་སྤྲུལ་སྐུ་སོག་བླ་ཆེན་ཡོངས་གྲགས་ཤིག་སྟབས་མ་འགྲིག་ཕྱིན། བཀྲ་ཤིས་ལྷུན་པོའི་པཎ་ཆེན་ལས་སྔགས་པའི་སློབ་དཔོན་ནམ་མཁའ་

― GLG008_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་པོ་འདི་འོས་པ་འདྲ་ཞེས་གླེང་། གཙང་སྟོད་བཀྲ་ཤིས་ལྷུན་པོ་ནས་མཁན་སློབ་ཚང་མ་མཇལ་བར་ཕེབས་པའི་ལམ་དུ། དཔོན་སློབ་པཎ་ཆེན་རིན་པོ་ཆེའི་གཟིགས་སྣང་ལ། མིག་འཕྲུལ་ལྟ་བུའི་ཁྱེའུ་དཀར་པོ་སོགས་ཡ་མཚན་པའི་ལྟས་བྱུང་བ་པཎ་ཆེན་རིན་པོ་ཆེའི་རྣམ་ཐར་དུ་གསལ། ཕྱག་རྟེན་ལ་འོག་རྟས་གཙོས་པའི་ཡོད་འབུལ་ལྟ་བུ་བྱས་ཞེས་རྣམ་ཐར་དུ་འདུག་པ་ལྟར། དངོས་བཤམས་ཡིད་སྤྲུལ་གྱི་མཆོད་པ་རྒྱ་ཆེན་པོ་དང་བཅས་ཏེ་ཐུགས་དྭངས་དྭངས་དོད་དོད་མཛད་པར་མཆིས། འགའ་ཞིག་གིས་སྐུ་ཆས་ཡོད་འབུལ་མཛད་པའི་གཙོ་བོ་ཆིབས་པ་ཡིན་པ་དེ་ཉམས་མཚར་ཞེས་མ་རེངས་པ་ཟེར་ནའང་། དེ་སྐབས་བཀྲ་ཤིས་ལྷུན་པོ་པཎ་ཆེན་དགེ་འདུན་གྲུབ་ཀྱི་བཞེད་པ་ལྟར་གྱི་བྱ་བྲལ་གྲྭ་སར་སོང་བ་དང་། པཎ་ཆེན་རིན་པོ་ཆེ་ཡང་དབེན་ས་པའི་རྒྱུན་གྱི་བྱ་བཏང་སྙོམས་ཆུང་གི་རྣམ་པར་ཕྱག་རྫས་རང་འབྱོར་རྒྱུ་མེད་འདུག་པ་རྣམ་ཐར་གྱི་བརྗོད་བྱ་དེ་ཀ་སྒྲོ་སྐུར་དང་བྲལ་བའོ། ། ཁྲི་རིན་པོ་ཆེ་དགེ་འདུན་རྒྱལ་མཚན་གྱི་འཆར་སྟོན་ལྟར་། ཞབས་དྲུང་རིན་པོ་ཆེ་དང་ཕྱག་མཛོད་རྣམ་གཉིས་བཀའ་བགྲོས་ཐུགས་རྩེ་མཐུན་ནས་ཁོང་དཔོན་སློབ་ལ་བཀའ་ཆོས་ཀྱི་སྙན་གསན་འབུལ་བ་གནང་། ཐུགས་དགྱེས་པ་ཆེན་པོའི་སྒོ་ནས་ཞལ་གྱིས་བཞེས་ཏེ། བཀྲ་ཤིས་ལྷུན་པོའི་སློབ་དཔོན་སོགས་ཕྱིར་སློག །དཔོན་སློབ་རྣམས་རེ་ཞིག་འབྲས་སྤུངས་སུ་གཞི་ཕབ་ནས་བཞུགས་ཏེ། གསུང་ཆོས་ཀྱི་རིམ་པ་འགྲོ་གང་ཆེ་ཕུལ། དཔོན་སློབ་རྣམས་ཕན་ཚུན་ཐུགས་ཡིད་གཅིག་འདྲེས་ལྟ་བུར་གྱུར། ཐོག་མར་མཇལ་སྐབས་བཀྲ་ཤིས་ལྷུན་པོ་སོགས་གཙང་ཕྱོགས་ཀྱི་པཎ་ཆེན་སྤྱིའི་གདན་བཟོས་ས་གདན་གྲུམ་

― GLG008_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

འཇགས་ཁ་གདན་ཙམ་ལ། བཀའ་ཆོས་གསན་ནས་བཞུགས་ཁྲི་སོགས་ཏི་ཤྲིར་འོས་པའི་བཀུར་བཟོས་ཇེ་མཐོར་གནང་། ཐམས་ཅད་མཁྱེན་པ་དེ་བཤེས་གཉེན་བསྟེན་ཚུལ་ལ་འབྲོམ་སྟོན་པ་དངོས་ཡིན་ཚུལ་སོགས་ཀྱི་རྒྱུ་མཚན་ཡང་ཡང་གསུང་བ་ཐོས། མཁར་ནག་ལོ་ཙཱ་བས། དེ་ཚེེ་བཀྲ་ཤིས་ལྷུན་པོ་ནས། །མཁྱེན་པའི་སྤྱན་སྟོང་རབ་ཡངས་པ། །དོན་གྱི་བརྒྱ་བྱིན་དབེན་ས་པ། སློབ་དཔོན་ཉེ་དབང་རྣམས་དང་བཅས། །འདིར་བྱོན་ཀུན་བཟང་མཆོད་སྤྲིན་བཏབ། །ཆོས་ཀུན་མཁྱེན་ནས་རིང་ལོན་ཀྱང་། །པཎ་ཆེན་ཐམས་ཅད་མཁྱེན་པ་ལ། །དབང་ལུང་གདམས་པའི་ཚོགས་རྣམས་གསན། །ཞེས་སོ། ། ཁྲོ་མོ་ཞེས་པ་ཤིང་འབྲུག་གི་ཆོ་འཕྲུལ་ཆེན་པོའི་སྨོན་ལམ་གྱི་མཆོད་པའི་གྲལ་དབུར་ཕེབས། དད་པ་དང་ལྡན་པ་མང་པོ་ཞལ་མཇལ་གསུང་ཐོས་ཀྱི་ཆེད་དང་། ལ་ལ་དག་དེ་ལོ་བྱང་འགྲུལ་གཏོས་ཆེན་པོ་སླེབས་པའི་གྲགས་པ་ལ་བརྟེན། རྙེད་པ་འཚོལ་བའི་ཕྱིར་དུ་འོངས་པ་སོགས་ཕྱི་ལུས་ཀྱི་རྣམ་འགྱུར་གཅིག་པ་ལ། ནང་སེམས་ཀྱི་འཁྱེར་སོ་ཐ་དད་པའི་ཚོགས་ཆེན་པོ། ཁྱམས་ར་སྟེང་གཤོང་བར་སྐོར་དང་བཅས་པར་མི་ཤོང་བ་དང་ལྷན་ཅིག་ཏུ། ཇོ་ཤཱཀ་རང་བྱུང་ལྔ་ལྡན་སོགས་རྒྱལ་དང་དེ་སྲས་མངོན་སུམ་དུ་བཞུགས་པ་དང་ཁྱད་པར་མ་མཆིས་པའི་དྲུང་དུ་སྨོན་ལམ་གྱི་མཚམས་སྦྱོར་དང་། འོ་སྐོལ་གྱི་སྟོན་པ་ཤཱཀྱའི་རྒྱལ་པོའི་འཁྲུངས་རབས་སོ་བཞི་པའི་ཆོས་ཐུན་རེ། ལྗགས་ཀློག་བཟང་ཞིང་སྒྲ་བརྗོད་དག་པ་དང་བཅས་ཏེ་གནང་བས། ཀུན་བོད་སྐད་ཀྱི་ནང་ནས་ཀྱང་སྟོད་ལུང་མདའི་སྐད་མ་ཉམས་པ་འདི་འདྲ་ཡ་མཚན་ཞེས་གླེང་། དིང་སང་དབུས་གཙང་གི་བླ་མ་སོག་ཡུལ་དུ་སྐྱེ་བ་བླངས་པར་

― GLG008_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས་པ་རྣམས། བོད་སྐད་གཙང་མ་སྨྲ་བའི་ལྗགས་འདབ་ཆགས་ཐི་བའི་ལྕེ་ལ་འགྲན་བཟོད་པའི་ངང་ཚུལ་རྣམས་མཐོང་ན། ཡ་མཚན་པའི་གནས་ཤིན་ཏུ་ཡིན་པར་གདའ། སྨོན་ལམ་གྱི་རིན་ཚོགས་སུ་དཔོན་སློབ་གཞུང་སྒེར། འདེབས་འབྱར་གྱི་འགྲུལ་པ་ཁག་རྣམས་དང་བཅས་པས་མང་ཇ་དང་། གོས་དར་གསེར་དངུལ་ཇ་རས་སོགས་ཀྱི་འགྱེད་གྲངས་མེད་པ་བཏང་བས། གནོད་སྦྱིན་གྱི་བང་མཛོད་ལ་ལོངས་སྤྱོད་པ་ལྟ་བུར་གྱུར། མཁར་ནག་ལོ་ཙཱ་བས། ཁྲོ་ལོའི་ཆོ་འཕྲུལ་ཟླ་བ་ལ། །ལྷ་ས་སྨོན་ལམ་མཛད་པའི་ཚེ། །ཁྱམས་ཆེན་སྐོར་ལམ་ཚོགས་པས་གང་། །གངས་རི་དང་མཚུངས་ཕྱེ་མར་དང་། །ཆུ་གཏེར་ལ་འགྲན་མང་ཇ་དང་། །དཔག་བསམ་སྡོང་པོའི་འདོད་འཇོ་ལྟར། །ཅི་འདོད་འགྱེད་བཅས་ཚིམ་པར་སྩལ། །ཁྱེད་ལ་དད་པའི་དམིགས་སྐོར་དང་། །ཡི་གེ་དྲུག་པའི་བཟླས་བརྗོད་ཀྱིས། །འཇིག་རྟེན་དབང་ཕྱུག་ད་འགྲུབ་སྟེ། །བོད་པ་རྣམས་ཀྱི་ཁྱེད་ཞལ་མཇལ། །ཞེས་སོ། །དེ་ནས་ཕོ་བྲང་ཆེན་པོ་རྒྱལ་ཁབ་གོང་རི་དཀར་པོར། ལྷ་གཟིགས་མིའི་དབང་པོ་བཀའ་བརྒྱུད་རྣམ་པར་རྒྱལ་བའི་ལྷས་སྤྱན་དྲངས་ཏེ་ཕེབས། ཞབས་དྲུང་རིན་པོ་ཆེ་ངག་དབང་གྲགས་པ་དག་པའི་ཞིང་དུ་གཤེགས་པའི་དགོངས་རྫོགས་ཀྱི་གྲལ་དབུ་གནང་། གཞི་ལེན་དང་ཤངས་ལེན་རྒྱ་ཆེན་པོས་མཉེས་པར་མཛད། ལྷ་གཟིགས་མིའི་དབང་པོར་ཚེ་རྟ་ཟུང་འབྲེལ་གྱི་བཀའ་ཆོས་དང་། རྒྱ་ཧོར་གྱི་སིལ་སྙན་སྦུག་ཆོལ་སོགས་དངོས་སྤྱད་ཀྱི་རིགས་རྣམས་ཆེ་བ་མང་པོར་སྐུ་སྐྱོས་ཀྱི་ཚུལ་དང་འབུལ་བ་གནང་། མཆོད་ཡོན་ཐུགས་ཡིད་གཅིག་ཏུ་འདྲེས། ཞབས་དྲུང་རིན་པོ་ཆེ་འདི་འབྲུག་པ་ཁོ་ན་ལ་མོས་ཞེས་ཟེར་མཁན་མང་ཡང་། སྔར་རྒྱུན་

― GLG008_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བརྟེན་པའི་རྗེ་འདི་ཉིད་ལ་ཐུགས་མོས་རེ་ཆེ་ཡོད་པ་འདྲ་སྟེ། སྔ་ཕྱིར་བཀའ་ཕེབས་གནང་བའི་ལྷོངས་ལ་ཡང་གུས་ཉམས་ཆེ་བ་འདུག །ཡར་ལམ་གཉོས་རྒྱལ་བ་ལྷ་ནང་པའི་གདུང་བརྒྱུད་གྱེ་རེ་ལྷའི་བཙུན་པ་སྲོང་བཙན་ཚངས་པས་བསྙེན་བཀུར་བ་བཞེས་ནས་ཆོས་དང་ཟང་ཟིང་གིས་ཚིམ་པར་མཛད་དེ་འབྲས་སྤུངས་སུ་ཕེབས། མཁར་ནག་ལོ་ཙཱ་བས། དེ་ནས་གཞིས་ཀ་གོང་དཀར་དུ། །མི་དབང་ཆེན་པོས་སྤྱན་དྲངས་ཏེ། །མཆོད་པའི་སྤྲིན་ཕུང་གཏིབས་ཀྱིས་མཆོད། །ཆོས་དང་ཟང་ཟིང་གནང་བས་ཚིམ། །དེ་ནས་གྱེ་རེ་ལྷ་བཙུན་པ། །སྲོང་བཙན་ཚངས་པས་གསོལ་བཏབ་པས། །ཟབ་དང་རྒྱ་ཆེའི་ཆོས་གསུངས་སླར། །སེར་འབྲས་སྐྱིད་ཤོད་ཕྱོགས་སུ་ཕེབས། །ཞེས་སོ། །དེ་ནས་རྗེ་གོང་མ་ན་རིམ་གྱི་གདན་ས་ཆོས་འཁོར་རྒྱལ་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་དུ་ཆིབས་ཁ་བསྒྱུར། དཔོན་སློབ་པཎ་ཆེན་རིན་པོ་ཆེས་ཀྱང་བཀའ་ཆོས་འབུལ་ཁྱད་ནས་ཞབས་ཕྱིར་ཕེབས། འཕྲིན་ཡིག་གར་མཁན་ཕོ་ཉར། རྒྱལ་བ་ཀུན་གྱི་མཁྱེན་བརྩེའི་གཏེར་གྱུར་པ། །སྣང་བ་མཐའ་ཡས་འགྲོ་མགོན་གཡུ་བྲག་པས། །ཡེ་ཤེས་རྣམ་པར་རོལ་པས་ལེགས་བསྐྲུན་པའི། །ཚལ་གུང་ཞེས་བྱ་དཔལ་ལྡན་ཧེ་རུ་ཀའི། །ཕོ་བྲང་དངོས་གྱུར་སྟོན་མཚན་ཀུན་གསལ་བའི། །དོ་ཤལ་ས་ལ་ལྷུང་འདྲའི་དགོན་སྡེ་ཟུང་། །ལུགས་གཉིས་ལྷན་ཅིག་སྤྱོད་པའི་འདུས་པའི་ཚོགས། བྱུ་རུའི་དོ་ཤལ་གཅལ་དུ་བཀྲམ་འདྲ་ཡོད། །ཅེས་བསྔགས་པའི་ཡུལ་གྱི་གཞིས་ཀ་ཚལ་ཟུར་ཁང་དང་། དེར་ཡང་མ་ཆགས་ཕྱིན་པ་མརྒད་མཚོར། །རབ་དཀར་ངང་མོའི་ཚོགས་ཀུན་རོལ་པ་བཞིན། །ཕུན་ཚོགས་ལོ་ཏོག་དགོད་པའི་ལྗངས་ཁྲོད་དུ། །བགྲང་ཡས་གྲོང་

― GLG008_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེར་བཀྲམ་པའི་ཡུལ་ལྗོངས་ཡོད། །དེ་ནས་གདུགས་གཅིག་བགྲོད་ལ་རབ་མཐོའི་མཁར། །སྙེག་འདྲའི་ས་འཛིན་རྩེ་ལ་དབང་པོའི་གནས། །འཕོས་འདྲ་ལྷ་མིའི་ཕུན་ཚོགས་དགའ་སྟོན་གྱི། །འབྱུང་གནས་བདེ་བ་ཆེན་པོའི་ཕོ་བྲང་ཡོད། །ཅེས་པ་ལྟར། སྐྱིད་ཤོད་ཡེར་ཕྱོགས་ཀྱི་ཡུལ་ལྗོངས་སུམ་རྩེན་གྱི་སྐྱེད་ཚལ་ས་ལ་འཕོས་པ་འདྲ་བ་བརྒྱུད་དེ་བཙན་རྫོང་གསང་སྔགས་བདེ་བ་ཆེན་པོ་དང་། །དེ་དག་ལམ་དུ་དྲག་ཏུ་གཤོག་བསྐྱོད་ལ། །མགྱོགས་པར་ཕྱིན་ལ་ལེགས་བྲིས་དགའ་ཚལ་ལ། །སྐྱོ་བ་སྟེར་བའི་ནོར་ལྡན་དགའ་མ་ནི། །མཛེས་སྡུག་སྤུ་ལོང་གཡོ་བའི་ཡུལ་ལྗོངས་ཡོད། །དེ་དག་དབུས་སུ་ཟླ་བ་བརྩེགས་པའི་སྤོར། །འཆི་མེད་བདག་པོའི་ཁང་བཟང་སྐྱེངས་བྱེད་ཅིང་། །ལུགས་གཉིས་ཀུན་གྱི་མདུན་ས་བྲག་དཀར་ཞེས། །ཕུན་ཚོགས་འདོད་དགུའི་འབྱུང་གནས་ཕོ་བྲང་ཡོད། །ཅེས་རྫོང་ཆེན་བཅུ་གསུམ་གྱི་ཡ་གྱལ་ཕོ་བྲང་ཆེན་པོ་བྲག་དཀར་རྣམས་སུ། བྱང་བརྒྱུད་རྒྱལ་པོར་གྲགས་པའི་སྟོབས་འབྱོར་དང་བསྙེམས་པ་ཕན་ཚུན་གཅིག་ལ་གཅིག་འགྲན་བཟོད་པའི། ས་སྐྱོང་བ་གཡུལ་རྒྱལ་ནོར་བུ་ཁུ་དབོན་གྱིས་གདན་དྲངས་ཏེ། རྫོང་གཞིས་རྣམས་སུ་ཞག་མང་ཙམ་རེ་བཞུགས། སྐྱིད་ཤོད་ལུང་པ་འདོད་དགུ་འཛོམ་ཞིང་། སྡེ་པ་དཔོན་གཡོག་ཕྱག་རྒྱུན་ལེགས་པས། ཞབས་ཏོག་དཔངས་མཐོ་ཞིང་དངོས་གཙང་བ་ཞུས། དཔོན་སློབ་རྣམས་མྱུར་དུ་ཕེབས་པ་ལ་རིངས་པའི་སྤྲོ་བ་མཐའ་དག་མཚོ་ལ་ཁ་བ་བབས་པ་ལྟར་གྱུར། ཞུགས་ཞག་མང་སར་དཔོན་སློབ་པཎ་ཆེན་རིན་པོ་ཆེས་ལྗགས་ལུང་གཙོ་བོར་གྱུར་པའི་བཀའ་ཆོས་འབུལ་བ་གནང་། མལ་གྲོ་བརྒྱུད། རིན་ཅེན་གླིང་ཆོས་སྡེ་བས་བསྙེན་

― GLG008_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

བཀུར་ཞིང་། ཚོགས་སུ་བཀའ་ཆོས་ཀྱི་འབྲེལ་པ་སྩལ། བདོག་པའི་སྐྱེས་ཀྱིས་ཀུན་རེ་བ་ཡོངས་སུ་བསྐང་། སྐྱོད་ཀྱི་ལ་བརྒྱུད་གར་མི་ཡོན་ཏན་གཡུང་དྲུང་གི་བསྟི་གནས་རྫིང་ཕྱིའི་ཆོས་སྡེར་ཕེབས། དེར་མཁན་ཆེན་ལུང་རིག་སྨྲ་བ་བློ་བཟང་རྒྱ་མཚོ། ཡོངས་གྲགས་ཀྱི་མཚན་འོལ་ཁ་སྦ་བ་ཞེས་པའི་སྐད་གྲགས་ཅན་དེས་གཙོས། སྤྱི་སྒེར་ཚང་མས་བཀུར་སྟི་གྱ་ནོམ་པ་བསྒྲུབས། རྫིང་ཕྱི་སྐྱ་སེར་རྣམས་ལ་ལུགས་གཉིས་ཀྱིས་ཚིམ་པར་མཛད་ནས་འོལ་ཁ་རྩེར་ཕེབས། དད་པའི་རྒྱན་གྱིས་མཛེས་ཤིང་གཏོང་བའི་ཕྱག་རིང་དུ་རྐྱོང་བའི་ནོར་འཛིན་དབང་མོ་འོལ་ཁ་དབོན་སས་གུས་འདུད་ཕུན་སུམ་ཚོགས་པ་བྱས། བླ་མ་དྲི་མ་མེད་པ་མཚོ་ལས་སྐྱེས་པའི་རྡོ་རྗེ་དང་། མཉམ་མེད་ཇོ་བོ་ཡབ་སྲས་ཀྱིས་ལུང་བསྟན་པའི་གནས་མཆོག་ཆོས་འཁོར་རྒྱལ་དུ་ཕེབས། དགེ་འདུན་ཚོགས་པ་རྣམས་ཀྱིས་འཕན་གདུགས་རྒྱལ་མཚན་བ་དན་རོལ་མོའི་རིགས་དུ་མ་དང་བཅས་པའི་སྔུན་བསུས། མཆོད་ཁང་ནང་རྟེན་ཐམས་ཅད་ཞིབ་པར་མཇལ་ཞིང་། རི་མཐིལ་གྱི་མགོན་ཁང་རྣམས་སུ། གཏོར་གསོས་སྙན་དར་བསྐང་གསོ་རྣམས་རྒྱས་པར་མཛད། ཚོགས་སུ་བཀའ་གདམས་གླེགས་བམ་གྱི་གསུང་ཆོས་དང་། ཟླ་སྦྲེལ་གྱི་བར་དུ་མང་འགྱེད་སོགས་ལུགས་གཉིས་ཀྱི་དགའ་སྟོན་མཐའ་ཀླས་པ་བྱུང་། ལྕང་ར། གྲུ་མདའ། བང་རིམ་པ་སོགས་དྭགས་ནང་གི་སྐྱ་སེར་རྣམས་མཇལ་བར་འོངས་ཏེ། གཞི་བྱེས་ཚང་མར་བསྙེན་བཀུར་རྒྱ་ཆེར་བསྒྲུབས། དེ་དག་རྣམས་ལ་སོ་སོའི་འདོད་ཆོས་ཅི་རིགས་པ་དང་། ཇ་གོས་དར་གྱི་གནང་སྦྱིན་བཟང་བ་མཛད། སླར་སྐྱིད་ཤོད་དུ་ཆིབས་ཁ་བསྒྱུར། སེ་ར་ཐེག་

― GLG008_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་གླིང་དུ་ཕེབས། སྤྱི་སྒེར་གྱི་ཀུན་ཏུ་བཟང་པོའི་མཆོད་སྤྲིན་ལ་འགྲན་བཟོད་པའི་ཞབས་ཏོག་ཞུས། བསྡུ་བ་རྣམ་པ་བཞིའི་སྒོ་ནས་སྡེ་ཆེན་པོ་དེ་ཉིད་ཀྱི་མཆོག་དམན་མཐའ་དག་ལེགས་པའི་ལམ་ལ་བཀོད། འབྲས་སྤུངས་སུ་ཕེབས། མཁར་ནག་ལོ་ཙཱ་བས། ས་སྐྱོང་གཡུལ་རྒྱལ་ནོར་བུ་ཡིས། །ཕོ་བྲང་ཀུན་ཏུ་སྤྱན་དྲངས་མཆོད། །མལ་གྲོ་བརྒྱུད་དེ་རིན་ཅེན་གླིང་། །དེར་མཆོད་ཆོས་འཁོར་རྫིང་ཕྱི་ནས། །མཁན་ཆེན་བློ་བཟང་རྒྱ་མཚོ་ནི། །འཁོར་དང་བཅས་པས་ཆིབས་བསུར་བྱོན། །ཞལ་གྱི་དཀྱིལ་འཁོར་མཇལ་མ་ཐག །མིག་དབང་ཚིམ་ཞིང་དད་གུས་འཕེལ། །གླིང་དུ་ཕེབས་ཚེ་སྤྱི་སྒེར་གྱིས། །བསོད་ནམས་ཕུང་པོ་དཔག་མེད་བསྐྲུན། །སྐྱ་སེར་སྟོང་ཕྲག་དུ་མ་ལ། །སྙན་པའི་གསུང་གིས་དམ་ཆོས་བསྟན། །དེ་ནས་སྟག་རྩེ་མཐོང་སྨོན་དུ། །མི་ཡི་དབང་མོས་སྤྱན་དྲངས་ཏེ། །མཆོད་ཅིང་འོལ་ཁའི་སྐྱེ་རྒུ་ལ། །དམ་པའི་ཆོས་ཀྱི་སྐྱེས་གནང་ངོ་། །ངོ་མཚར་ཆེ་ལྡན་ཆོས་འཁོར་རྒྱལ། །རྒྱལ་བས་ལུང་དུ་བསྟན་པའི་གནས། །གནས་མཆོག་དེ་རུ་ཕེབས་པའི་ཚེ། །ཚེ་དང་ལྡན་པ་རྣམས་ཀྱིས་མཆོད། །མཆོད་རྟེན་གསེར་སྐུ་མི་ཕམ་མགོན། །མགོན་ཁྱོད་ཕྱོགས་འདིའི་སྐྱེ་འགྲོའི་དཔལ། །དཔལ་ལྡན་བླ་མ་དམ་པ་ལ། །ལ་ལ་དད་ཅིང་ཐམས་ཅད་ཞུས། །གུས་ལྡན་དྭགས་པོའི་སྦྱིན་བདག་རྣམས། །རྣམ་ཐར་གཙང་མ་མཇལ་བར་འཚོགས། །ཚོགས་མཆོག་དགེ་འདུན་དང་བཅས་མཆོད། །མཆོད་འོས་མཆོད་རྣམས་སྐལ་བ་བཟང་། །སླར་ཡང་འོལ་ཁ་མལ་དྲོ་སོགས། །དབུ་རུའི་ཕྱོགས་སུ་སྐྱིད་ཤོད་དང་། །ཐེག་ཆེན་གླིང་དང་འབྲས་སྤུངས་སུ། །ཟབ་རྒྱས་ཆོས་ཀྱི་འཁོར་ལོ་བསྐོར། །ཞེས་སོ། །མེ་ཕོ་རྟའི་ལོ་

― GLG008_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་ལྗོངས་སའི་ལྟེ་བ་ཡར་ཀླུང་གི་ཕྱོགས་སུ་ཆིབས་ཀྱི་ཁ་ལོ་བསྐྱོད། བོད་ཡུལ་གྱི་བློན་པོ་རིག་པ་ཅན་འབྱུང་བའི་ས་སྤྱད་རྣམ་པར་བཀྲ་བའི་འཕྱོང་རྒྱས་སྟག་རྩེར། ས་སྐྱོང་ཆེན་པོ་རིག་སྔགས་འཆང་བའི་འཁོར་ལོས་སྒྱུར་བ་ངག་དབང་བསོད་ནམས་གྲགས་པ་སྐུ་མཆེད་ཀྱིས་སྤྱན་དྲངས། རི་བོ་སྡེ་ཆེན། སྤྱན་གཡས་པ། ཕྱག་སྡེ་པ། དཔལ་རི་སྒྲུབ་སྡེ། བཀྲ་ཤིས་བདེ་ཆེན། ཆོས་ལམ་རིམ་པ། བདེ་སྟེང་པ་སོགས་གྲུབ་མཐའ་རིས་མེད་ཀྱི་དགོན་ཆེ་ཆུང་ཐམས་ཅད་སེར་སྦྲེངས། ཆིབས་བསུ། ཡུལ་པ་རྣམས་ཀྱི་བྲོ་གཞས་ཤོན་སོགས་རྩེད་སྣའི་རིགས་ཀུན་གྱི་མིག་གི་གཟིགས་མོར་ཚར་དུ་དངར་བར་གྱུར། རྩེར་བཞུགས་གྲལ་ཆེན་མོའི་ཉིན། གྲགས་པ་དོན་ལྡན་གྱི་གནས་ལྔ་རིག་པའི་པཎྜི་ཏ་ཆེན་པོ་ལོ་ཆེན་སངས་རྒྱས་དཔལ་བཟང་གི་ཞལ་སློབ་ཞང་མཁར་ནས་རིག་བྱེད་པ་འཇམ་དཔལ་རྡོ་རྗེ་དང་། རྒྱ་གར་རྡོ་རྗེ་གདན་ཚུན་བསྐོར་བའི། ཕལ་སྐད་ཀྱི་ལོ་ཙཱ་བ། རྒྱལ་བའི་བཀའ་འགྱུར་རོ་ཅོག་ལ་ཐོས་བསམ་བྱས་པའི་མཁར་ནག་ཆོས་མཛད་དཔལ་འབྱོར་རྒྱ་མཚོ་གཉིས་ཀྱིས། སྒྲ་རིག་པ་ལ་བརྟེན་པའི་འཕྲོས་གཏམ་རྒྱས་པར་ཕུལ། ནང་མ་དེར་དུས་སྟོན་གྱི་ཞབས་ཏོག །སྐུ་གསུང་ཐུགས་རྟེན་གྱིས་སྣ་དྲངས་བའི་འབུལ་བ་སོགས་རྒྱ་ཆེར་མཛད། ཞབས་དྲུང་སྐུ་མཆེད་ལ་ཚེ་རྟ་ཟུང་འབྲེལ་གྱི་བཀའ་དབང་དང་། གནང་སྦྱིན་རྒྱ་ཧོར་གྱི་དངོས་སྤྱད་ཀྱི་སྐྱེས་སྩལ། ཆོས་དབང་རིན་པོ་ཆེའི་ཟབ་གཏེར་གྱི་ལས་བྱང་ལེའུ་བརྒྱད་པའི་ཆོག་བསྒྲིགས་དང་བསྟུན་པའི་ཚེས་བཅུའི་གར་འཆམས་ཀྱི་རིམ་པ་ཟབ་རྒྱས་སུ་འབུལ་བ་གནང་། དགོན་སོ་སོའི་བླ་མ་གྲྭ་རིགས་རྣམས་ཀྱི་རེ་བ་ཡོངས་

― GLG008_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་བསྐང་། དེ་ནས་ཕེབས་ལམ་དུ་མཁར་ཐོག་དཔོན་སས་བསྙེར་བཀུར་གྱ་ནོམ་པ་ཞུས། བོད་ཤིང་སྒོ་ཅན་གྱི་རྒྱལ་ཁབ་ཕོ་བྲང་ཆེན་པོ་སྣེའུ་གདོང་རྩེར་ཕེབས། རྩེ་ཚོགས་པ། དཀོན་གཉེར། རས་ཆུང་ཕུག །རི་བོ་ཆོས་གླིང་། བཀྲ་ཤིས་ཆོས་སྡེ་སོགས་དགོན་ཆེ་ཕྲ་མཐའ་དག་གིས་བཀོད་པ་ཁྱད་པར་དུ་འཕགས་པའི་སེར་སྦྲེངས་དང་། རིན་ཅེན་རྒྱན་སྤྲོད་དང་བཅས་པའི་རྟ་པ་བརྒྱ་ཕྲག་བརྒལ་བའི་ཆིབས་བསུ་ཆོས་བཟང་ལྷའི་མདུན་སའི་དགའ་སྟོན་ལ་འགྲན་བཟོད་པར་གྱུར། མཆོད་ཡོན་གྱི་མཇལ་འཛོམས་བཀའ་འབྲེལ་མ་གསན་གོང་དུ། ཕྱག་རྩེ་སྤྲོད་དམ་ལྡེམ་མཇལ་གང་རུང་། བཞུགས་གདན་མཐོ་དམའི་མཉམ་མཉམ་ལ་དན་པས། ཕན་ཚུན་གྱི་མགྲོན་གཉེར་རྣམས་ཀྱིས་བཞུགས་ཁྲི་རྒྱག་པ་ལ་རྒྱུག་ཚད་ལ་གཞལ། བརྟན་བརྟན་ཁྲིག་ཁྲིག་གི་ལུགས་བྱས་ཀྱང་། སྣེའུ་གདོང་རྩེའི་མགྲོན་གཉེར་ཉམས་མྱོང་ཆེས་པས། བཞུགས་ཁྲིའི་བར་བར་ལ་གཡན་པ་སྲབ་མོ་བརྫངས་པས། མཇལ་ནས་ཇ་གཅིག་ཙམ་བཞེས་ཚེ་སྣེའུ་གདོང་ཞབས་དྲུང་བཞུགས་ཁྲི་མཐོ་བ་བྱུང་ཟེར། མི་ཆེན་པོའི་ཚུགས་ཀ་འཛིན་པའི་འོས་སྡེ་སྲིད་ཕག་མོ་གྲུ་པ་སྨོས་ཅི་དགོས། གཞན་མ་རྒྱ་ནག་གོང་མའི་ལུང་ལས་ཀྱི་མཐོ་བ་འདི་ལྟ་བུ་རྣ་བས་ཕྱག་གདན་ལ་རྩེག་པ་རིགས་མོད་ཀྱང་། སྤྱིར་བླ་ཆེན་དཔོན་ཆེན་གྱི་གྲལ་དུ་རང་བྱོན་མཛད་པའི་རིས་རྣམས་ཕྱག་གདན་ཡིག་བསྐུར་ང་ཆེ་དབང་བཙན་ལ་རྩེག་པ་ལས། སངས་རྒྱས་ཀྱི་མདོ་རྒྱུད་ནས་ལན་གཅིག་མ་ཡིན་པར་གསུངས་པའི་ལས་རྒྱུ་འབྲས་ཟེར་བའི་གལ་པོ་ཆེ་དེ་ལ་ཞིབ་ཆ་མཛད་ན་ལེགས་སམ་སྟེ། སྙན་སྒྲོན་ཕུལ་ཀྱང་ཐུགས་ལ་འཐད་པ་དཀའ་བར་སྣང་ངོ་། །རྩེ་ཞབས་དྲུང་རིན་པོ་ཆེ་ལྷ་

― GLG008_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིགས་མི་ཕམ་དབང་སྒྱུར་རྒྱལ་པོ་ལ་ཚེ་དབང་འབུལ་བ་གནང་བས། ཚེ་བུམ་དབུ་ཐོག་ཏུ་བཞག་པའི་སྐབས་བུམ་པ་དུམ་བུ་གཉིས་སུ་གད་པ་ནི་མཆོད་ཡོན་གཉིས་ཀའི་སྐུ་ཚལ་ལྟ་བ་འདྲའོ། །ཨྱོན་ཆེན་པོའི་ལུང་བསྟན་དུ་ཞབས་དྲུང་འདི་ཉིད་བྱང་ཆུབ་སེམས་དཔའ་ཡིན་པ་དང་། དགུང་ལོ་ཉེར་ལྔ་ལ་བར་ཆད་ཆེ་བར་གསུངས་པ་སོགས་ནི། བྱི་གླང་སྡེ་གཟར་གྱི་དུས་ཐོག་ཏུ་ཁེལ་བས་ངེས་ཤེས་འདྲོངས་པ་སྣང་ངོ་། །ཚོགས་མཁན་ཆེན་པ་རིན་ཅེན་རྒྱ་མཚོས་ཐོག་དྲངས། སྐྱ་སེར་མཆོག་དམན་མཐའ་དག་ལ་ལུགས་གཉིས་ཀྱི་སྒོ་ནས་རེ་བ་ཡོངས་སུ་བསྐང་། ཆོས་གྲྭ་ཆེན་པོ་དཔལ་གྱི་རྩེས་ཐང་དུ་ཕེབས། རྩེས་ཐང་ལྔ་མཆོད་པ་སྤྱི་སྒེར་གྱིས་ཞབས་ཏོག་བསྙེན་བཀུར་གྱི་མཐིལ་ལེན་ཞུས། འབྲས་བུ་གླིང་པ་དང་དེ་སྔོན་གྲྭ་ཚང་པ་རྣམས་ཀྱིས་མཛེས་མཚོན་ཙམ་བྱས། དད་མོས་ཅན་རྣམས་མཇལ་བ་དང་། མི་གུས་པ་རྣམས་ཀྱང་ཚོད་བརྟག་པ་དང་། བཏང་སྙོམས་པ་རྣམས་ལྟད་མོ་ལྟ་བ་སོགས་ལ་འོངས་ཏེ་ཁྲོམ་དམར་ནག་ཏུ་འཁྱིལ། དེའི་ཚེ་གུས་ཞེན་པ་ཞིག་གིས། གཟིམས་དྲེལ་ལ་སྐེ་རྒྱན། གཡེར་ཁ་ཁལ་ཁེབས་སོགས་གྲ་གཅིག་པ་ཞིག་བྱུང་ན་ཡོང་རྒྱུར་འདུག །ཀར་འབྲུག་སོགས་ཀྱང་འདི་ལྟར་བྱེད་ཞུས་པས། དེའི་ལན་དུ་ཕྱག་མཛོད་གུ་ཤྲིས་ང་རང་ཡང་དེ་ཀ་བསམ་སྟེ། བརྒྱ་ལ་བྱེད་དམ་སྟོང་ལ་བྱེད་ལྟ་བུར་འདུག་པས། ཚོད་མ་ཟིན་ཞེས་ཕ་རོལ་ཟིལ་གནོན་གྱི་གསུང་བྱོན་ཟེར། བོད་བཙན་པོའི་གདུང་བརྒྱུད། སྡེ་པ་ལྷ་རྒྱ་རི་པས་གདན་དྲངས། རོང་ཆད་དཀར་དང་། ཨེ་རེ་སྒོ་ཆོས་རྫོང་སྟེ་གཞིས་གོང་འོག་རྣམས་སུ་ཞབས་ཏོག་དང་འབུལ་ཆེན་ཡང་དག་པ་མཛད། སྡེ་བ་ཁུ་དཔོན་ལ་ཇི་

― GLG008_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་བཞེད་པའི་ཆོས་དང་། ཐུགས་ཡིད་རང་དབང་མེད་པར་འཕྲོག་པའི་རྒྱ་ཧོར་གྱི་སྤྱད་པ་མང་པོའི་གནང་སྦྱིན་མཛད། ཨེ་དགོན་བདུན་གྱིས་གཙོས་པའི་ཕྱོགས་དེའི་དགེ་ལུགས། རྙིང་ལུགས། སྨྱུང་གནས་རས་པ་སོགས། རིས་མེད་ཀྱི་དགོན་ཆེ་ཆུང་ཐམས་ཅད་ལ་ཆོས་དང་ཟང་ཟིང་གི་ཕན་པ་རྒྱ་ཆེན་པོ་སྩལ། ཐུ་མི་སམྦྷོ་ཊའི་གདུང་འཛིན་ཡར་རྒྱབ་དཔོན་ཆེན་གྱིས་གདན་དྲངས། སྲིད་གསུམ་རྣམ་རྒྱལ། རྒྱལ་ཆེན་གླིང་། དོལ་ལྷུན་གྲུབ་ལྷ་རྩེ་སོགས་སོ་སོར་བསྙེན་བཀུར་ཕུན་སུམ་ཚོགས་པ་ཞུས། བཞུགས་གྲལ་ཆེན་མོའི་ཉིན། གསོལ་སྡེར་སུམ་བརྒྱ་ཐམ་པ་ཞུས་པ། རྗེས་མ་གཙང་དུ་སྡེ་པ་ལྷུན་པོ་རྩེ་པས་གསོལ་སྡེར་ལྔ་བརྒྱ་བསྒྲིགས་པ་ཁ་གྲངས་མང་བ་ཙམ་ལས། རྒྱ་དཔངས་དངོས་དག་མི་དག་སོགས། ཡར་རྒྱབ་པས་ཞུས་པའི་ཟུར་ཙམ་དུ་ཡང་མི་སླེབས་འདུག །སྡེ་དཔོན་གང་གི་ནང་དུ་ཡང་འདི་འདྲ་བ་མ་བྱུང་ཞེས་དྲུང་འཁོར་རྣམས་གླེང་། ཕོ་བྲང་ཆེན་པོ་སྣེའུ་གདོང་རྩེ། གོང་དཀར། འཕྱོང་རྒྱས། ཡར་རྒྱབ། རྒྱ་རི་བ། ལྷུན་པོ་རྩེ་བ་སོགས་སྔ་ཕྱིའི་བཞུགས་གྲལ་ཆེན་མོའི་སྐབས་ཚོར། ཕྱག་མཛོད། སློབ་དཔོན་པའི་རིས་དང་ནང་སོ་རྣམ་པ་རྣམས་ལ་བང་ཁེབས་བཤུར་མ་གཏོང་བ་སོགས། ཆེན་པོའི་མདུན་སར་འོས་པའི་སྒྲིགས་བཅའ་བདར་ངོ་མཚར་ཞིང་བབས་ཆགས་པ་བྱུང་བར་སྣང་། སྡེ་པ་དཔོན་བློན་ལ་ཚེ་རྟའི་བཀའ་འབྲེལ་གནང་། རྒྱལ་ཆེན་གླིང་གི་གཞིས་ཀ་ལྕགས་རི་དང་བཅས་པར་ཕྱག་ནས་ཞུ་བ་སོགས་གུས་པའི་རྣམ་འགྱུར་མང་པོ་མཛད། ཕྱགས་ཕྱི་དྲུང་འཁོར་རྣམས་ཀྱི་ཁྲོད་ནས་སྡེ་པ་ཡར་རྒྱབ་པ་འདི་སྔར་ཕན་ས་ལུགས་སང་སང་ཡིན་པ་ལ། ད་ཆ་རང་ཕྱོགས་སུ་འགྱུར་བ་ལྟ་བུ་ཡིན་འདུག་པས། གནང་ཆ་དཔངས་ཆེ་བ་གནང་བ་

― GLG008_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

འགབ་ཅེས་གུས་པ་ལྟར། སྔར་གྱི་སྦྱིན་བདག་རྙིང་པ་རྔ་མ་ནག་པོའི་ཚོས་མདོག་ཅན་རྣམས་ལས། གནང་ཆ་བཅུ་འགྱུར་དགའ་བ་མཛད། མཆོད་ཡོན་ཐམས་ཅད་ཞག་གསུམ་གྱི་གསར་འགྲོགས་དེ་འདི་རེ་བྱུང་། བྱམས་པ་གླིང་གི་མཆོད་རྟེན་བོད་ཡུལ་ན་འགྲན་ཟླ་མེད་པ་དེས་གཙོས་པའི་གནས་གཟིགས་གནང་། ཇོ་གདན་ས་དགེ་ཀར་རྙིང་སོགས་གྲུབ་མཐའ་རིས་མེད་ཀྱི་སེར་སྦྲེངས་པ་ལ་མང་འགྱེད་ཀྱིས་ཚིམ་པ་མཛད། མཁར་ནག་ལོ་ཙཱ་བས། ཟིལ་གནོན་ལོ་ལ་གཡོན་རུའི་ཕྱོགས། །འཕྱོང་རྒྱས་སྟག་རྩེའི་ས་སྐྱོང་དང་། །མཁར་ཐོག་སྣེའུ་གདོང་རྩེ་ཡི། །གོང་མ་ཆེན་པོས་སྤྱན་དྲངས་མཆོད། །སྲས་ཡུམ་བློན་བཅས་ཚོགས་ཆེན་པོར། །ཚེ་དབང་ལ་སོགས་འདོད་ཆོས་གནང་། །དེ་ནས་རྩེས་ཐང་ལྔ་མཆོད་པས། །སྤྱན་དྲངས་ས་དགེ་ཀར་བཅས་ཀྱི། །སེར་སྦྲེངས་ཁྲོམ་ཆེན་ཚོགས་པ་ལ། །ཆོས་གསུངས་རྟེན་མཆོད་མཛད་པ་ན། །ངོ་མཚར་ལྟས་བཟང་བསམ་མི་ཁྱབ། །ངམ་ཤོད་བརྒྱུད་དེ་ཨེ་ཕྱོགས་སུ། །ཕོ་བྲང་རི་སྒོ་ཆད་ཀར་དུ། །འོད་གསལ་ལྷ་ཡི་གདུང་བརྒྱུད་པ། ཁུ་དབེན་སྲས་འབངས་ཆོས་སྡེས་མཆོད། །ཆོས་ནོར་གྱ་ནོམ་རྒྱ་ཆེན་སྩལ། །དེ་ན་ཡར་རྒྱབ་དཔོན་ཆེན་གྱིས། །སྤྱན་དྲངས་འབྱོར་བ་ཆེན་པོས་མཆོད། །གྲ་དོལ་རྣམས་ཀྱི་རྟེན་གཟིགས་མཛད། །ཀུན་ཏུ་བཟང་པོའི་མཆོད་སྤྲིན་སྤྲོས། །ཞེས་སོ། །རིམ་གྱིས་ཆོས་སྡེ་ཆེན་པོ་འབྲས་སྤུངས་སུ་ཕེབས། མི་རིང་བར། སྡེ་པ་སྐྱིད་ཤོད་པ་དང་། བླ་མ་དུང་དཀར་འབྲུག་གྲགས་སོགས་ཕུགས་སུ་འཚངས་པ་འདྲ་ཟེར། གང་ལྟར་དྲུང་འཁོར་ལ་ལ་དག་རང་ཉིད་བག་ཡངས་སུ་སྦྱོང་རྒྱུ་མ་བྱུང་བ་རྒྱུ་མཚན་དུ་བྱས་ཏེ། མི་བསྲུན་སྐྱེ་བོ་གདུག་པའི་སྦྲུལ་ལྟར་ལྕེ་གཉིས་

― GLG008_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ལྡན་པ་འགའ་ཞིག་གིས། རྐུན་པོ་རྣམས་ཀྱིས་ཁྱིར་བཏགས་པས། །ར་སྐྱེས་ཁུར་བ་བྲམ་ཟེས་བོར། །ཞེས་པའི་གཏམ་རྒྱུད་དང་མཚུངས་པའི་གཡོ་འཕྲུལ་གྱིས་དཔོན་སློབ་གཉིས་ཀྱི་བར་དུ་སེལ་བཅུག །འཕྲལ་གྱི་རྐྱེན་སོག་པོ་ཁ་ཐན་གྱིས་བྱས་ཏེ། ཕྱག་མཛོད་གུ་ཤྲི་ཆེན་པོ་ཟུར་དུ་བཞུགས་དགོས་བའི་བི་ན་ལ་ཀས་ནུས་པ་ཅུང་ཟད་ཐོན་པར་སྣང་ངོ་། །རེ་ཞིག་སྐུ་མཚམས་དམ་པར་བཅད་དེ་ཐུགས་དམ་ཟབ་མོའི་ཉམས་བཞེས་ལ་བརྩོན་པར་། མཁར་ནག་ལོ་ཙཱ་བས། དེ་ནས་དྷྱ་ན་ཀ་ཊ་ཀར། །ཐུགས་དམ་ཟབ་མོའི་ཉམས་བཞེས་ལ། །གཞོལ་བའི་བཅད་རྒྱ་དམ་པར་མཛད། །རིམ་གཉིས་ལམ་གྱིས་རྣལ་འབྱོར་འཕེལ། །ཞེས་སོ། །དེ་ནས་གཙང་ཕྱོགས་ཀྱི་གྲྭ་རིས་སྦྱིན་བདག་རྣམས་ཀྱིས་གསོལ་བ་བཏབ་སྟེ་ཞལ་བཞེས་གནང་བ་ལྟར། བཀྲ་ཤིས་ལྷུན་པོ་ནས་གདན་འདྲེན་པར་ཤར་རྩེ་དཔོན་སློབ་དགྲ་འདུལ་འབྱོར། འབྲས་སྤུངས་ནས་བཞུགས་སྒར་བཏེག་སྟེ་སྙུག་ལའི་ཐད་དུ་ཕེབས་པའི་ཚེ། དེར་ལེགས་བཤད་གླིང་པ་དང་། ཁུ་པེ་གྲ་ཚང་གཉིས། །དཔལ་ལྡན་ཤཱཀྱའི་རྗེས་སུ་ཞུགས་པའི་འདུས་སྡེ། ཁྲོ་བ་ལ་སླར་མི་ཁྲོ་བ་སོགས་དགེ་སྦྱོང་དུ་བྱེད་པའི་ཆོས་བཞི་ལ་སྤྱོད་པར་ཁས་འཆེ་ཡང་། བྱ་རོག་འུག་པའི་བརྟུལ་ཞུགས་ཡུན་རིང་དུ་འཛིན་པ་ཞིག་ཡོད་འདུག་ཅིང་། ཁྱད་པར་ལེགས་བཤད་གླིང་པ་རྣམས། ཁུ་པེ་གྲྭ་ཚང་བས་གཙོ་བྱས་ཕྱོགས་དེར་གྲུབ་མཐའ་མི་གཅིག་པ་རྣམས་འདོན་པ་ལ་མངོན་དུ་ཕྱོགས་ཤིང་། གསར་པ་ཆགས་འཇུག་པ་ནི་ལྟ་ག་ལ་ཞིག །ཐུབ་ན་དེའི་ཐད་ཀྱི་ནམ་མཁའ་ལ་བྱ་འཕུར་བ་ཡང་འགོག་པའི་ཀར་ལུགས་ཀྱི་སྤྱན་ལྟོས་དང་ཕྱག་ལེན་མཉམ་པ། འདི་སྐབས་ཀྱང་ཕེབས་ལམ་བཀག་པས། ལྔ་བརྒྱ་ཐ་མའི་མེ་ལོང་

― GLG008_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ནང་རྟགས་ཀྱི་གཟུགས་བརྙན་མཐའ་དག་ཕྱི་རོལ་ཏུ་གསལ་ཏེ་ཕྱག་རྒྱ་བའི་ཆོས་ཀྱི་རང་ཚུགས་ཕྱི་མའི་ཆང་བུ་ལྟར་གྱུར་ཏོ། །དེ་ནས་ཐོན་སྡེ་དགོན་རྣམས་ཀྱིས། འབུལ་བ་ཞབས་ཏོག་བསྙེན་བཀུར་མཐའ་ཡས་པ་བྱུང་། སྡེ་པ་ཡབ་སྲས་ཀྱིས་ཐོག་དྲངས་པའི་མཆོག་དམན་གྱི་སྐྱེ་བོ་ཀུན་ཆོས་དང་ཟང་ཟིང་གི་སྒོ་ནས་རྫོགས་ལྡན་གྱི་དགའ་སྟོན་བསྐྲུན་པར་མཛད། འུ་ཡུག་བརྒྱུད་སྒར་པ་དམངས་སྐུ་མདུན་རིན་པོ་ཆེས་གཙོ་མཛད་དེ་ཆུ་ལྷོ་ཁར་བཏོན་ཆིབས་རགས་ཉུང་བསྡུས་ཤིག་ཟབ་བུ་ལུང་གི་གནས་མཇལ་ལ་ཕེབས། དེ་ནས་ཤངས་རི་བོ་དགེ་འཕེལ་གྱི་གནས་གཟིགས་མཛད། གདན་ས་འོག་རྩེ་གདོང་བླ་བྲང་ནས། དཔལ་ས་སྐྱ་བ་འཇམ་དབྱངས་ཀུན་དགའ་བསོད་ནམས་ལྷུན་གྲུབ་བཀྲ་ཤིས་གྲགས་པ་རྒྱལ་མཚན་དཔལ་བཟང་པོས་ལེགས་བྱའི་ཇ་འདྲེན་རྒྱས་པར་བཏང་། ཆུ་ལྷོ་ཁར་བཏོན་ཏེ་དབེན་ས་དགོན་པར་ཕེབས། སྒྲུབ་སྡེ་ཕོ་མོ་རྣམས་ལ་ཆོས་དང་ཟང་ཟིང་གིས་ཚིམ་པར་མཛད། བཀྲ་ཤིས་ལྷུན་པོར་ཕེབས་ཉིན། ཡོངས་རྫོགས་བསྟན་པའི་མངའ་བདག །པཎ་ཆེན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་དཔལ་བཟང་པོས་དབུ་གནང་། སློབ་དཔོན་རྣམ་པ་ཆེ་བགྲེས་སོགས་ཀྱིས་ཆིབས་བསུ་ལ་ཕེབས་ཏེ་ཞབས་ཐང་ལ་ཧྲོ་མེ་བཞུགས་པ་གཟིགས་པས། ཆིབས་ལས་བཤོལ་བ་གནང་བར། ལ་ལ་དག་བཤེས་གཉེན་བསྟེན་པའི་རྣམ་ཐར་དང་མཚུངས་པ་འདུག་ཅེས་བསྔགས་པ་བརྗོད། གཞན་ཕྱོགས་པ་རྣམས་ཀྱིས་འབྲས་སྤུངས་སྤྲུལ་སྐུ་དགེ་ལུགས་ཀྱི་བསྟན་པའི་བདག་པོ་ལྟ་བུ་ཡིན་ཟེར་བར། ཁོང་དཔོན་སློབ་ལ་ཆིབས་པ་འབེབས་པ་གནང་བ་ཞེས་ཉམས་མཚར་མཚར་བྱས་སྐད། དེའི་རྒྱུ་མཚན་ནི་ངོར་གྱི་མཁན་པོ་སོག་གདན་ས་གོང་འོག་

― GLG008_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

གི་དབུ་བླར་གྱུར་པའི་རིས་ལ་བདག་ཆེན་རིན་པོ་ཆེ་རྣམས་ཤིན་ཏུ་གུས་པ་ཡིན་འདུག་ཀྱང་། འཕྲལ་གྱི་སྣང་ཚུལ་དབུ་བླ་རྣམས་ཀྱིས་གདུང་བརྒྱུད་ཞལ་ངོར་ཕྱག་འབུལ་བ་སོགས་འཇམ་དབྱངས་འཁོན་གྱི་རིགས་སུ་འཁྲུངས་པ་རྣམས་འགྲན་གྱི་ཟླ་མེད་དུ་འཛིན་པར་གདའ། རིན་པོ་ཆེ་ལྷ་རྩེ་བར་འབྲུག་པ་ཐམས་ཅད་མཁྱེན་པ་དཔག་བསམ་དབང་པོས་བཀའ་ཆོས་གསན་པའི་སྙན་གསན་ཕུལ་བར། རིན་པོ་ཆེས་ངེད་ཀྱིས་བཀའ་ཆོས་འབུལ་བ་མི་ཡོང་། ངེས་པར་འབུལ་དགོས་ན་ངེད་ལ་བླ་མའི་བཀུར་གཟོས་མི་བྱེད་པའི་དན་ཁ་དགོས་ཆོས་རྣམས་མཎྜལ་གྱི་ཚུལ་དུ་འབུལ་གསུང་བ་སོགས་ཀར་འབྲུག་ལ་ཡང་མིག་ལྟོས་དེ་འདྲ་ཞིག་ཡོད་སྣང་བས་དེ་ལ་དཔེ་བྱས་པར་འདུག །དགེ་འདུན་སྟོང་ཕྲག་ཏུ་ཉེ་བའི་སེར་སྦྲེངས་དང་བཅས་ཏེ་ཆོས་གྲྭ་ཆེན་པོ་བཀྲ་ཤིས་ལྷུན་པོར་ཕེབས། སྤྱི་བླ་བྲང་ཕྱུག་པོ་ཁག་རྣམས་ཀྱིས་སོ་སོའི་གྲྭ་ཁང་དུ་གདན་དྲངས་ཏེ་བསྙེན་བཀུར་རྒྱ་ཆེར་བསྐྲུན། ཚོགས་སུ་མང་འགྱེད་དང་དཔོན་སློབ་པཎ་ཆེན་རིན་པོ་ཆེར་བརྒྱ་འབུལ་སོགས་སྐུ་སྐྱོས་ཀྱི་ཤངས་ལེན་རྒྱས་པར་མཛད། དར་བཞུགས་རང་རིགས་དང་དཀྱིལ་འཁོར་ཀུན་གྱི་ཁྱབ་བདག་པཎ་ཆེན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་ལ་བཀའ་དབང་བཀའ་ཆོས་ཀྱང་མང་དུ་གསན། དེ་སྔ་གཙང་སྡེ་སྲིད་ཕུན་ཚོགས་རྣམ་རྒྱལ་གྱི་ཡུམ་དཔོན་ས་ཡར་རྒྱབ་མ་ཇོ་མཇལ་དང་གཉེན་ཕྲད་ལ་འབྱོན་པའི་ཞོར་དུ་འབྲས་སྤུངས་ཀྱི་གནས་མཇལ་མཛད་བཀའ་ཆོས་གསན་པས་ཐུགས་དད་ཁྱད་པར་ཅན་འཁྲུངས་པས། འདི་རེས་སྡེ་པ་བགྲེས་པ་རྣམས་ཇི་ལྟར་མཛད་ཀྱང་། དཔོན་ས་ཡུམ་སྲས་གཉིས་རང་གུས་འདུད་ལྷུར་ལེན་རྩིས་ལ། དཔོན་ས་སྐུ་ཚེས་མ་ཟིན་པར་བརྟེན། རྫོང་དུ་གདན་འདྲེན་མ་ཞུས་ཀྱང་། ཇ་

― GLG008_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུས་དང་གཟན་མེ་ཤིང་གི་མཐུན་རྐྱེན་གང་ལེགས་མཛད། བཀྲ་ཤིས་ལྷུན་པོའི་ཐམས་ཅད་མཁྱེན་པ་དགེ་འདུན་གྲུབ་པ་དཔལ་བཟང་པོས་བཞེངས་པའི་བྱམས་ཆེན་དང་། དཔལ་ལྡན་ལྷ་མོའི་སྐུ་སོགས་གནས་གཟིགས་རྣམས་གནང་བ་རང་གཞན་བརྗེ་ནུས་པའི་ཆོས་པ་ངོ་མཚར་ཅན་ཇོ་བོ་བཀའ་གདམས་པའི་སྡེ་དཔལ་སྣར་ཐང་དང་། ཐམས་ཅད་མཁྱེན་པ་དགེ་འདུན་གྲུབ་ཀྱི་ཞལ་སློབ་པཎ་ཆེན་བཟང་བཀྲས་པས་བཏབ་པའི་གངས་ཅན་ཆོས་འཕེལ་ཞེས་སྔར་རིག་སྔགས་འཆང་བའི་སྡེ། དུས་ཕྱིས་ཇོ་བོ་མཚན་ཉིད་པའི་གྲྭ་སར་སོང་བ་དེ་དང་། པཎ་གྲུབ་གསུམ་གྱི་དངོས་སློབ་ཁྲོ་ཕུ་ལོ་ཙཱ་བ་བྱམས་པའི་དཔལ་གྱིས་བཞེངས་པའི་གཙུག་ལག་ཁང་རྣམས་ཞབས་ཀྱིས་བཅགས། གནས་དེ་དག་གི་སྐྱ་སེར་ཀུན་ལ་ཐར་པའི་ས་བོན་བསྐྲུན། བསྙེན་བཀུར་བ་དོན་དང་ལྡན་པར་མཛད། སྡེ་པ་སེར་མ་པས་ལྷུན་པོ་རྩེར་སྤྱན་དྲངས། བཞུགས་གྲལ་ཆེན་མོའི་ཉིན་གསོལ་སྡེར་ལྔ་བརྒྱ་ཙམ་བསྒྲིགས་པའི་ཞབས་ཏོག་རྒྱ་ཆེར་ཞུས། དེ་མཚུངས་ལྷུན་པོ་རྩེ་ཆོས་སྡེར་ཕེབས་ཏེ་ཚུལ་འབུལ་ཕར་གནང་འགྲན་བཟོད་པ་ལྟ་བུར་གྱུར། སྡེ་པ་རིན་ཆེན་རྩེ་པ་དང་སྲས་རྒྱུད་པ་མཆོད་ཡོན་གྱིས་གདན་དྲངས་རེ་བ་དོན་དང་ལྡན་པར་མཛད། དབུས་སུ་ཆིབས་ཁ་བསྒྱུར་བའི་ལམ་ནོར་དཔལ་འཁོར་བདེ་ཆེན་དུ་ཕེབས། དགེ་ལུགས་ཀྱི་གྲ་ཚང་ཁག་བདུན་གྱིས་བསྙེན་བཀུར་བཟང་འགྲན་ཞུས། གུར་པ་དང་རི་ལྡིང་པ་གཉིས་ཀྱིས་གར་འཆམས་ཀྱི་གཟིགས་མོ་རྒྱས་པར་ཕུལ། སྡེ་པ་རྒྱལ་རྩེ་བས་ཇ་འདྲེན་ཞུས། གནས་རྙིང་དུ་ཞབས་དྲུང་ངག་གི་དབང་པོ་ཁུ་དབོན་གྱིས་སྤྱན་དྲངས། རྒྱ་འཇམ་དཔལ་གསང་བའི་སྐུ་གདུང་བཞུགས་པའི་གསེར་གདུང་གིས་ཐོག་དྲངས་ཕྱི་ནང་གི་གནས་

― GLG008_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིགས་རྣམས་ཞིབ་པར་མཛད། གཙང་དུ་བཞུགས་རིང་སྡེ་པ་ཀརྨ་བསྟན་སྲུང་བ་སོགས་ཕྱོགས་ལྷུང་ཅན་མང་པོས་མི་གུས་པའི་རྣམ་འགྱུར་བྱུང་བར། ཐུགས་མ་རེངས་པས་རྒྱ་སྔགས་འཆང་ཆེན་པོའི་སྐུ་གདུང་གི་སྐུ་གཞོགས་སུ་བསྐང་གསོ་དང་། གཙང་པ་ཞལ་ངོ་རྣམས་ཀྱི་མཚན་ནས་སྨོས་པའི་བཞས་སྒྲ་མཛད་པར། གནས་རྙིང་ཞབས་དྲུང་ཐུགས་འཚབ་ནས། ཁྱེད་དཔོན་སློབ་དབུས་སུ་ཕེབས་པ་ལ་མ་ལྟོས་ནའང་། ངེད་ཚོ་ས་དོག་འདིར་སྡོད་དགོས་པས་དེ་འདྲ་མི་གནང་བཞུ་ཞེས་ཞུ་བ་ཕུལ། གནས་རྙིང་པ་སྡེ་དགོན་གྱིས་གུས་འདུད་དཔག་ཏུ་མེད་པ་མཛད་ཅིང་། ཕར་ལུགས་གཉིས་ཀྱི་བདག་རྐྱེན་ཚད་ལས་འདས་པ་གནང་། འབྲུག་ལུགས་ཀྱི་གདན་ས་ར་ལུང་དུ་ཕེབས། གདུང་བརྒྱུད་ངག་དབང་བསྟན་པའི་ཉི་མ་དང་དབོན་ངག་དབང་རྣམ་རྒྱལ་ཡབ་སྲས་ཀྱིས་གཞི་ལེན་རྒྱས་པར་བཏབ་ཆོས་རྗེ་སྐྲེ་ཆུང་འདི་ཞབས་དྲུང་རིན་པོ་ཆེ་ཐམས་ཅད་མཁྱེན་པ་བསོད་ནམས་རྒྱ་མཚོར་གཏིང་ནས་མོས་པ་ཞིག་ཡོད་འདུག་པས། འདི་སྐབས་ཞབས་ཏོག་རྒྱ་ཆེར་ཞུས། ངེད་རང་ཕྱག་འབུལ་རྒྱུ་ཡིན་པས། ཚུར་བཟོས་གནང་མ་གནང་ལ་ལྟོས་པ་མེད་ཀྱང་། ཀར་ལུགས་ནང་འདི་ལོད་དྲགས་པའི་སྟབས་ཀྱིས། འབྲས་སྤུངས་སྤྲུལ་སྐུས་ལྡང་བ་ཙམ་ཡང་མ་མཛད་པར་ཁྱོད་ཀྱིས་ཕྱག་ཕུལ་ཞེས་ངེད་ཚོ་སྒར་པའི་ཁྱུ་ནས་བཏོན་ཡོད་ཞུས་པར། དྲུང་འཁོར་སྟོང་འུར་ཅན་འགའ་ཞིག་གིས། རྗེ་གོང་མའི་དུས་ཀྱི་གནམ་དཔངས་ཕར་བཞག་ཇིང་གིར་གྱི་རིགས་སུ་འཁྲུངས་པ་ཙམ་གྱིས་ཀྱང་ཁོང་ལ་ལྡང་བ་གནང་མི་ཐུབ་ཅེས་ཐག་བཅད་པས་སྐྲེ་བོ་དཔོན་སློབ་མཇལ་བའི་སྤྲོས་པ་དང་བྲལ། གླུ་མ་བླངས་པའི་གྲེ་བ་ཞིག་དེ་རུ་འཛེར་སྐད། སྔོན་དཔལ་ལྡན་ས་སྐྱ་པས་བོད་ཀྱི་བདག་མཛད་པའི་ཚེ། དཔའ་

― GLG008_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

རྟགས་ཀྱི་གྲགས་སྙན་ཅན་དཔོན་ཆེན་ཨག་ལེན་གྱི་བརྒྱུད་པ་འབྲོག་ཁྲི་དཔོན་པས་གུས་འདུད་ཞུས། མཁར་ནག་ལོ་ཙཱ་བས། ཕུར་བུ་ཤར་ཚེ་ཚེ་ལྡན་རྣམས། །གཡས་རུ་རུ་ལག་འཛིན་མའི་གཞིར། །གཙང་གི་ས་བདག་ཆེ་ཆུང་དང་། །ཆོས་སྡེ་སོ་སོས་སྤྱན་དྲངས་ཏེ། །ཡུལ་ཕྱོགས་རང་རང་གུས་མཆོད་བྱས། །ཐོག་མར་ཐོན་དང་རྒྱལ་བྱེད་ཚལ། །འུ་ཡུག་ཤངས་དང་ཟ་ཕུ་ལུང་། །དེ་དག་ཏུ་ཕེབས་ཀུན་གྱིས་མཆོད། །སྦྱིན་པ་རྣམ་བཞིས་ཚིམ་པར་མཛད། །དགེ་འཕེལ་གནས་གཟིགས་རྩེ་གདོང་དུ། །ས་སྐྱ་བདག་ཆེན་ཇ་ཞུས་དང་། །ལྷོ་ཁར་དབེན་ས་ཆོས་རྗེས་མཆོད། །དེ་ནས་བཀྲ་ཤིས་ལྷུན་པོར་ཕེབས། །ཆིབས་བསུ་དང་བཅས་སེར་སྦྲེངས་དང་། །བཀོད་པ་ཁྱད་པར་འཕགས་པས་མཆོད། །གནས་ལྔ་རིག་པའི་པཎྜི་ཏ། །བློ་བཟང་ཆོས་ཀྱི་རྒྱལ་མཚན་ཞབས། །རྒྱལ་བ་ཡབ་སྲས་ཉི་ཟླ་ཟུང་། །ཞལ་བརྒྱས་ཆོས་ཀྱི་བདུད་རྩི་དང་། །ལོངས་སྤྱོད་ཆེན་པོས་དགེ་འདུན་རྣམས། །ཚིམ་མཛད་སྐལ་བཟང་ཅི་ཡང་སྤེལ། །བསམ་གྲུབ་རྩེ་ནས་ཇ་ཞུས་དང་། །སྣར་ཐང་གངས་ཅན་ཆོས་འཕེལ་དང་། །གནས་དང་ཁྲོ་ཕུའི་བར་དུ་ཕེབས། །དེ་ནས་སྲད་རྒྱུད་རིན་ཅེན་རྩེ། །ལྷུན་རྩེ་གནས་རྙིང་འབྲོང་རྩེ་དང་། ལྕང་ར་དཔལ་འཁོར་བདེ་ཆེན་དུ། །སྤྱན་དྲངས་སེར་སྦྲེངས་གར་འཆམས་ཕུལ། །ར་ལུང་རྟེན་མཆོད་མཛད་པའི་ཚེ། །འབྲུག་པའི་གདུང་བརྒྱུད་ཡབ་སྲས་ཀྱིས། །བསྙེན་བཀུར་ཡར་འབྲོག་སྣ་དཀར་རྩེ། །མཆོད་ཅིང་། །ཞེས་སོ། ། རིམ་གྱིས་རྒྱལ་ཁབ་ཆེན་པོ་གོང་རི་དཀར་པོར་ཕེབས། དེའི་ཚེ་ཞྭ་དམར་མཆོག་གི་སྤྲུལ་སྐུ་གདན་ས་ཐེལ་དུ་བཞུགས། མཇལ་འཛོམ་གནང་ཐུབ་ན་བསྟན་པ་སྤྱི་སྒེར་དང་བོད་འབངས་ཀྱི་བདེ་ཐབས་ལ་རླབས་ཆེ་བའི་དགོངས་གཞི་ཁྱད་པར་

― GLG008_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་ལ་བརྟེན། དཔོན་སློབ་གཉིས་ཀ་མཇལ་འཛོམ་གནང་བཞེད་པའི་སྐོར་ཡང་གི་སྐབས། དྲུང་འཁོར་རྣམས་ཀྱིས་རྗེ་གོང་མས་སྒར་པ་དང་མཇལ་བར་བཀུར་བཟོས་སོགས་ཚུལ་ལྡན་མ་བྱུང་། ད་སྒོས་ཀྱང་རྗེ་ཞྭ་དམར་བ་ཐུགས་གཡོ་ཆེས་པས་སྔར་དང་འདྲ། སྙན་སྒྲོན་ཕུལ་ཀྱང་གསན་རིས་མིན་པས། ངེད་རང་རྣམས་ཡར་ལོག་ཕྱིན་ན་མཇལ་འཛོམ་གནང་ཐབས་དང་བྲལ་འགྲོ་ཞེས་ལྡེ་ཆུང་བ་ནང་སོ་ཕུ་ལུང་པ་དང་། དྲུང་འཚོ་ཚེ་འཛིན་མ་གཏོགས་དྲུང་འཁོར་ངོ་མ་རྣམས་ཀྱིས་འབྲས་སྤུངས་སུ་ལོག་ཕྱིན་པས། །མཇལ་ཕྲད་ནི་སོས་ཐན་དུས་ཀྱི་སྤྲིན་པ་ལྟར་གྱུར། མཁར་ནག་ལོ་ཙཱ་བས། དེ་ནས་གོང་དཀར་དུ། །སྤྱན་དྲངས་མི་དབང་ཡབ་སྲས་དང་། །བཀའ་བགྲས་གར་དབང་སྤྲུལ་པའི་སྐུ། །མཇལ་འཛོམ་མཛད་ན་བོད་འབངས་སྤྱི། །བདེ་བར་དགོངས་པའི་གླེང་མོ་གནང་། །ཕན་པར་བཞེད་པའི་ལྷག་བསམ་ལ། །སྡིག་ཏོའི་ཕྱོགས་ཀྱིས་ལོག་པར་བཀག །ཅེས་སོ། །སྙན་གྲགས་བསིར་བུས་རིང་ནས་དྲངས་པ་ཡི། །ལྷུན་གྲུབ་འཕྲིན་ལས་མ་ལ་ཡ་ཡི་དྲིས། །དབུས་གཙང་འཛིན་མའི་ཁྱོན་ཀུན་ཡོངས་ཁྱབ་ཚེ། །རྒུད་པའི་ཚ་གདུང་མིང་གི་ལྷག་མར་བྱས། །གྲུ་འཛིན་རི་བོའི་སྤོ་ནས་པད་དཀར་འཆང་། །རིན་ཅེན་རྒྱན་གྱི་འཕྲེང་བ་རིང་དོར་ནས། །ངུར་སྨྲིག་གོས་ཀྱིས་ཀླུབས་ཏེ་དབྱིག་འཛིན་ལྟོར། །བསོད་ནམས་ཞིང་དུ་བྱོན་ལ་སུ་མི་དད། །མི་བསྲུན་བསམ་སྦྱོར་འཆང་བའི་ཕྱི་ནང་བགེགས། །རང་གཞན་དུ་མར་སྤྲུལ་པའི་འཁྲུལ་འཁོར་གྱིས། །ལྔ་བརྒྱའི་རང་མཚང་སྟོན་རྣམས་མགོན་ཁྱོད་ཀྱི། །སྐྱོན་མིན་ཟས་གཙང་སྲས་ལ་ལེགས་ཀར་བཞིན། །དེ་ནས་འབྲས་སྤུངས་སུ་ཕེབས། རེ་ཞིག་ཐུགས་དམ་ཟབ་མོའི་ཉམས་བཞེས་ལྷུར་མཛད་ཅིང་བཞུགས་པའི་སྐབས། ཕྱོགས་ཀྱི་གསེར་ཡིག་པ་དང་

― GLG008_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

མཇལ་བར་འོངས་པ་འགའ་ཞིག་ལ་འདན་པ་འཚོ་བྱེད་དང་འོར་པ་ཆོས་མཛད་སོགས་ཀྱིས་སྒར་པའི་མཇལ་འཛོམ་གྱི་ཡིག་འཕྲུལ་འདྲ་ཡིན་འོང་སྙམ་ནས། བརྡུང་འཕྲོག་བྱས་ཏེ། ཕོ་བྲང་གི་ནང་དུ་རྒྱུ་འགྲུལ་བྱེད་པ་ལྷོ་བྲག་མར་པ་རྒྱ་གར་དུ་འབྱོན་པའི་ལམ་ལས་ཀྱང་བགྲོད་དཀའ་བ་བྱུང་། ར་བ་སྟོད་འཆད་ཉན་ལས་ཐོག་པ། ཁྲི་རིན་པོ་ཆེ་དཀོན་ཅོག་ཆོས་འཕེལ་གྱིས་མཇལ་བར་ཕེབས་པས། ཁོང་གཉིས་ཀྱིས་དབྱུག་པ་ཕྱར་ཏེ་བརྡེག་ཏུ་ཆས་པ་ན། ཁྲི་རིན་པོ་ཆེ་དེ་ཉིད་ཐུགས་དཀྱེལ་ཆེ་བས་ཞལ་མདངས་འགྱུར་བ་ཙམ་ཡང་མི་མཛད་པར་འཛུམ་གྱིས་བསུས་པས་ཐལ་མོ་ཡ་གཅིག་གི་དཔེར་སོང་། དུས་ཕྱིས་ཀྱང་མི་དེ་འདྲའི་རིས་འདུག་ཅེས་ཐུགས་ཁྲེལ་བའི་གསུང་འཕྲོས་ཡང་ཡང་གནང་། མཚོ་ཁ་ནས་དཔོན་པོ་ཁོ་ལོ་ཆེའི་སྲས། ལྷ་བཙུན་ཆེ་བ་དང་། སེ་ཆེན་ཐའི་ཇིས་གཙོས་པའི་འགྲུལ་པ་དང་དམག་དཔོན་ཆེ་བ་སླེབས། དེ་ཡང་ཤིང་སྦྲུལ་ལོ། ཕག་མོ་བ་དང་ཞོ་དཀར་ནག་སོགས་ཀྱིས་སྡེ་པ་སྐྱིད་ཤོད་པའི་སྒར་གཏོར། སྐྱིད་ཤོད་ཀྱི་དྲུང་འཁོར་མང་པོ་འཐབ་གྲལ་དུ་བཤོར་བའི་སྡེ་གཟར་ཤིན་ཏུ་ཚན་ཆེ་བ་ལངས། དེའི་རྩ་བ་ཡང་ཞྭ་དམར་བས་ལེགས་ཇའི་ཞུ་ཡིག་ཕུལ་བའི་ལན་བཞུ་ཁང་རབ་འབྱམས་པ་སོགས་ཀྱིས་ལོག་པར་བཏབ་པ་དེ་ལ། ཞྭ་དམར་བ་དང་དྲུང་ཡིག་འཇམ་དབྱངས་པ་སོགས་ཀྱིས་དགའ་ལྡན་ཕོ་བྲང་གི་དྲུང་འཁོར་རྣམས་ལ་ཡོན་ཏན་མེད་ཚུལ་གྱི་ངན་རྩོམ་ཁ་ཡར་ཞིག་དང་། རིང་པོར་མ་ལོན་པར་ཞྭ་དམར་བ་ལྷ་སར་ཕེབས་ཏེ། ཇོ་བོའི་སྙན་དར་གྱི་ཁ་ཡིག་ལ། གབ་ཚིག་ལ་བརྟེན་པའི་ངན་རྩོམ་གྱི་རྣམ་པ་མང་པོ་ཞིག་མཛད་པ་དེ་དཀོན་གཉེར་དབོན་ཕྱིས་འབྲས་སྤུངས་སུ་བསྐྱལ། དེའི་ནང་དུ། བྲག་ཏི་

― GLG008_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

ཞག་གསུམ་གྱི་གྲོང་ཁྱེར་ན། ཁོང་ར་གན་ཚོགས་པའི་རུ་རྣོན་ཚོ། །རྗེ་ཆོས་དབྱིངས་རི་དྭགས་ཐང་བཞུགས་ལ། །རྭ་རྣོ་རྟུལ་འགྲན་པ་ཅི་རང་ཡིན། །དེ་མི་འབྱུང་བ་ཇོ་བོ་ཁྱེད་རང་གི་ཤེས། །ཞེས་སོགས་ལ་ཤེས་རབ་ཆེ་ཆེ་མོ་མང་པོས་འབྲུ་གཉེར་བར། བྲག་ཏི་ཞག་གསུམ་སེ་འབྲས་དགེ་གསུམ། དགེ་ལུགས་གཡག་དང་ཀར་ལུགས་སེང་གེ་ལ་སྦྱར། རྣ་བ་རྣ་ཡི་ཨ་ལོང་དེ། །སོར་ཕྱེད་ཀྱིས་འཇལ་རིན་མི་གདའ་ཡང་། །ནམ་ཞིག་ཁྱབ་འཇུག་གི་འདོམ་པས་ཀྱང་། །མི་འཁྱུད་པ་ཞིག་བྱུང་ན་ཅུག་རང་བྱེད། །ཅེས་པ་ཀར་དགེའི་ཀུན་སློང་ད་ལྟ་སོར་གྱིས་འཇལ་རྒྱུ་མེད་པ་ལྟ་བུའི་ཆུང་བ་དེ། ཕུགས་འཕེལ་ནས་ལྷ་ཁྱབ་འཇུག་གི་འདོམ་པས་ཀྱང་མི་འཁྱུད་པའི་དོན་དང་། མདོར་ན་སྙན་དར་གྱི་ཁ་ཡིག་མཐའ་དག་ལ་འབྲུ་རྒྱབ་ནས། རང་ཕྱོགས་ལ་དམིགས་མ་དམིགས་ཅི་ལྟར་ནའང་། ཡིན་པར་ངོས་བཟུང་སྟེ་གླེང་བརྗོད་མང་པོ་བྱས། དེའི་ལན་ལ། སོག་པོས་སྒར་པའི་རྟ་དྲེའུ་ཕྱགས་པས་བསྟན་འགྲོའི་ཕན་བདེ་འཇོམས་པའི་གཞི་ཆེན་པོ་ཐིངས་པ་ཡིན་ཟེར། སྔོན་རྗེ་ཆོས་གྲགས་རྒྱ་མཚོས། རིན་སྤུངས་དོན་ཡོད་རྡོ་རྗེ་བསྐུལ་ནས། གཞིས་ཀ་སྣེལ་པ་ཡུལ་བཏོན། ས་ནག་མར་དགོན་པ་བཏབ་སྟེ། སེར་འབྲས་རྣམས་རང་ཤུགས་ཀྱིས་བསྐམ་འགྲོ་རྩིས་ཀྱི་གནང་སྒོ་ལ་བརྟེན། ཀུན་སློང་ཆེན་པོར་སོང་བ་དག་རིམ་གྱིས་མི་གསལ་བར་གྱུར་པ་རི་མོ་རྙིང་པ་གབ་པའི་ཞིག་གསོས་ལྟ་བུར་སོང་། གང་ལྟར་སྡེ་གཟར་སྔོན་མའི་ལན་དུ་ཞི་དྲག་གང་འོས་བྱེད་པར་འོངས་པར། ཞབས་དྲུང་གཡུལ་རྒྱལ་ནོར་བུ་དང་། སྐུ་མདུན་རིན་པོ་ཆེ་སོགས་འཇིག་རྟེན་གྱི་མེས་པོ་རྣམས་ཐུགས་རྩེ་མཐུན་པར་ཞི་བའི་ལབ་ཁོན་མཛད་རྩིས་ཐོག་ཏུ་ཁེལ་ན། རང་གཞན་ཐམས་ཅད་ལ་ལེགས་པ་ཞིག་ཡོང་རྒྱུ་ཡིན་འདྲ་

― GLG008_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་། སྐྱིད་ཤོད་ཀྱི་སྡེ་པ་བསོད་ནམས་རྣམ་རྒྱལ་དང་འདན་པ་འཚོ་བྱེད་སོགས་མང་པོ་ཞིག་གིས་སྡེ་གཟར་བྱས་ན་ལེགས་པའི་གྲོས་ཤེད་ཀྱི་དབང་དུ་སོང་སྟེ། ཕར་རྒོལ་གྱི་དུས་ཟིང་བསླངས་པས། ཡར་གཙང་གི་དཔུང་ཆེན་པོ་སྐྱིད་ཤོད་ནོར་འཛིན་གྱི་ལྟེ་བར་འོངས། ས་ཆ་རྫོང་གཞིས་ཀྱི་བཅད་གྲས་དང་ཆད་ལས་བྱུང་། ཧོར་སོག་གི་དཔུང་ཆེན་པོ་དུས་མཐའི་རླུང་ལྟར་འཚུབ་པ་རྣམས་དྲག་པོ་མིག་གསུམ་པ་ཡང་འདར་ཞུམ་མེ་གཏོང་བའི་སྔགས་རྒན་རྣམས་ཀྱིས་སྐད་ཅིག་ལ་རང་ཡུལ་དུ་བསྐྲད། མཆོད་ཡོན་རྣམས་མཛད་དཀའ་བ་འགྱུར། དེ་ཡང་བཀའ་ཆེམས་སུ། གཉིས་སྐྱེས་ཀྱི་ཆ་ལུགས་མ་བླངས་པར། །འགུ་རུའི་ཚེ་དཔལ་རིང་བར་ལུས། །དཔལ་དེ་ཡི་ཕུན་ཚོགས་ཡིད་དབང་གི །དྲན་ཡུལ་དུ་གྱུར་པས་སྣང་པ་སྐྱོ། །ཞེས་པའི་དོན་བོད་དུ་ཕེབས་སྐབས་དབུ་སྐྲ་ལྕང་ལོ་ཅན་དང་སྐུ་ཆས་རབ་བྱུང་གི་རྟགས་སུ་ཡོད་འདུག་པ། ཇོ་བོ་རིན་པོ་ཆེའི་སྐུ་མདུན་དུ་དབུ་སྐྲ་མ་ཞུས་ཕན་བཅད་ཁྱིམ་པའི་རྟགས་ཅན་དུ་ཡོད་ན་སྐུ་ཚེ་མཐར་ཕྱིན་ཅིང་མངའ་ཐང་ཆེ་བར་འོང་རྒྱུ་ལ་རྟེན་འབྲེལ་འཕྱུགས་པས། བསྟན་པའི་འཕེལ་འགྲིབ་དང་ཞམ་འབྲིང་བ་ལ་བརྟེན་པའི་གྲ་འགྲིག་མི་འགྲིག་སྣ་ཚོགས་འབྱུང་བའི་ལུང་བསྟན་དུ་མངོན་ནོ། ། རིང་པོར་མ་ལོན་པར་སེ་ར་ཐེག་པ་ཆེན་པོའི་གླིང་དུ་ཕེབས། ཚོགས་སུ་སྤྱི་ཆོས་གནང་བ་དང་བཅས་རྒྱུན་རིང་ཙམ་བཞུགས། དེ་སྐབས་ལམ་པ་རབ་འབྱམས་པ་བསོད་ནམས་གྲགས་པས། དཔོན་སློབ་པཎ་ཆེན་རིན་པོ་ཆེར་འཇིགས་བྱེད་ཀྱི་འཁྲུལ་འཁོར་སོགས་ཕྱག་ལེན་མང་དུ་ཞུས། དཔོན་སློབ་རིན་པོ་ཆེར་མ་བཞུགས་པ་ཇོ་ནང་སྤྲུལ་སྐུ་ཀུན་དགའ་སྙིང་པོར་ཞུ་བར་ཕྱིན། ཇོ་ནང་སྤྲུལ་སྐུ་ལ་ཁོང་རང་གི་ཡབ་མེས་སོགས་

― GLG008_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་གཞན་ནས་བརྒྱུད་པའི་འཇིགས་བྱེད་ཀྱི་ཆོས་བཀའ་རེ་མང་ཡོད་འདྲ་ཞིང་། སྲད་རྒྱུད་པའི་མགོན་ཁང་གི་ཤིང་སྒམ་ཆུང་ངུ་ཞིག་ནས་རྙེད་པའི་གདམས་པ་ཟབ་ཟབ་མོ་འདྲའི་དཔེ་ཆ་འབྱོར་བ་རྒྱུན་མེད་ཀྱང་རྫོགས་པར་ཞུས། དཔོན་སློབ་པཎ་ཆེན་རིན་པོ་ཆེའི་ཕྱག་ཏུ་ཕུལ། འདི་སྐོར་གྱི་ལོ་རྒྱུས་ཁུངས་དག་གི་ཞིབ་ཆ། གུ་གེ་གྲུབ་ཆེན་སྙིང་སྟོབས་རྒྱ་མཚོ་དང་། ལྷ་པའི་ཞབས་དྲུང་སྐུ་སྐྱེ་བློ་བཟང་བསྟན་པ་དར་རྒྱས་སོགས་མང་པོ་ཞིག་གི་ངག་ནས་གླེང་ངོ་། ། དེ་ནས་དཔོན་སློབ་པཎ་ཆེན་རིན་པོ་ཆེའི་བཀའ་ཤོག་བཀའ་ངག་དང་བཅས་ཏེ་རབ་འབྱམས་པ་སྐུ་ཞབས་སུ་རྫོང་སྟ་གནང་བས་རང་བཞུགས་ཐོག་འབྱོར། ཞུ་དོན་སྙིང་པོ་ཡར་གཙང་སོགས་ཀྱིས་རང་ཕྱོགས་ཀྱི་བསྟན་པ་ལ་རྨ་ཆེན་པོ་བྱུང་བ་འདི་ལ། ངེད་རང་ལྟ་བུས་སྐུ་རིམ་གྱི་ཕྱག་གཡོག་ཞུ་དགོས་རྒྱུར། བསམ་གྲུབ་རྩེའི་ཁ་འོག་ཏུ་སོང་བས་བྱེད་མ་བདེ་བས། རབ་འབྱམས་པ་འདི་པས་ཕྱག་གཡོག་ཞུས་ནས། སྐུ་རིམ་གནང་དགོས་ཚུལ་གྱི་རྒྱུ་མཚན་ཞིབ་པར་ཡོད་འདུག །དེ་ནས་རབ་འབྱམས་བསོད་གྲགས་པས་མགོ་བྱས་ཏེ། ཐུགས་དམ་བསྐང་གསོ་རྣམས་ཀྱི་སྟེང་དུ་བཀའ་རབ་འབྱམས་ཁ་ཤས། སྐུ་གཞོགས་གྲྭ་ཚང་ཕན་བདེ་ལེགས་བཤད་གླིང་པའི་གྲྭ་པ་རྒན་གྲྭ་ཁ་ཡར་དང་བཅས་ཁྱོན་གཅིག་ཏུ་འཚོགས་ནས་དྲུག་ཅུ་པ། ཡང་མགོན་རིན་པོ་ཆེ་དཔོན་སློབ་ཀྱིས་མགོན་པོ་ཕྱག་བཞི་པའི་སྒྲུབ་པ། གུང་རུ་དབྱངས་དཔོན་པ་མཐུ་སྟོབས་གསང་པའི་དབང་ཕྱུག །ཟུར་གྱི་སྔགས་འཆང་ཆེན་པོ་གཞོན་ནུ་དོན་གྲུབ། བྱར་པོ་སྔགས་འཆང་བ་རྣམས་ཀྱིས། མགོན་པོ་ཞལ་དང་། ཚེ་འཆར་གྱི་སྒྲུབ་པ་བཙུགས། སྒྲུབ་ཁག་མང་བས་གླིང་གསེབ་ཐམས་ཅད་རྔ་བརྡུང་འུར་ཆིལ་ལེ་བ་བྱུང་། དཀའ་བཅུ་ཨ་སྐྱག་ཟེར་

― GLG008_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་མཚན་ཉིད་པ་རྒན་པོ་ཞིག་གིས། སྟོན་པ་ཤཱཀྱ་ཐུབ་པས་བྱམས་པའི་ཏིང་ངེ་འཛིན་གྱི་སྒོ་ནས་བདུད་བཏུལ་བར་འདུག །འབྲོག་པ་ལྷ་གསོལ་འདྲ་བ་འདི་སུའི་ལུགས་ཡིན་ཞེས་ཟུར་ཟ་བ་བྱས་སྐད། སྒྲུབ་ཁག་སོ་སོས་གཏོར་ཟོར་འཕེན་པའི་ནུབ། དུས་མིན་དུ་རླུང་ཆེན་པོ་འཁྲུགས། གནམ་ས་རལ་བ་ལྟ་བུའི་འབྲུག་སྒྲ་དང་། དུས་ཀྱི་མེ་ལྕེ་འབབ་པ་ལྟ་བུའི་གློག་འཁྱུག་ཅིང་སེར་བ་དྲག་པོ་དང་བཅས་པོ་ཏ་ལའི་རྫོང་གི་ལྕགས་རི་ལ་འཁྱུག་བརྒྱབ་སྟེ། མངོན་བརྗོད་ཀྱི་ལྟས་འཕྲལ་དུ་བྱུང་། མཁར་ནག་ལོ་ཙཱ་བས། དེ་ནས་སེར་འབྲས་གདན་ས་ཆེར། །རེ་ཞིག་ཐུགས་དམ་ཟབ་བཞེས་མཛད། །མི་བསྲུན་སྐྱེ་བོའི་དམག་དཔུང་གིས། །དབུས་ཕྱོགས་སྲོག་ཆགས་སྡུག་བསྔལ་བར། །སྙིང་རྗེས་བསྐྱོད་པའི་སྔགས་ཁང་དུ། །འགལ་བྱེད་ལོ་ལ་གཏོར་ཟོར་གྱིས། །ཆོས་སྐྱོང་རྦད་པས་མུན་ཆེན་ནང་། །ལྷུན་སྟུག་སྤྲིན་འཁྲིགས་གློག་འཁྱུག་ཅིང་། །ནམ་མཁའ་རལ་འདྲའི་སྤྲིན་དབྱངས་དགོད། །ལྕེ་འབབ་སེར་ཞུན་འཕྱུར་བའི་རླབས། །རི་བོ་འདར་བའི་འུར་སྒྲ་ནི། །ཤིན་ཏུ་འཇིགས་པས་སྐྲག་བྱེད་པས། རིང་པོར་མ་ཐོགས་དགྲ་བོ་རྣམས། །ནང་ཞིག་སྡིག་པའི་ཚང་བཞིན་གྱུར། །དེ་སླད་འདྲེན་པ་འདི་ཡ་མཚན། །མཐུ་སྟོབས་ཆོས་ཀྱི་རྒྱ་མཚོར་གསོལ། །ཞེས་སོ། །དེ་ནས་འབྲས་སྤུངས་སུ་ཕེབས། སྔགས་ཁང་དུ་སྒྲུབ་པ་འཛུགས་པ་སོགས་སྐུ་རིམ་རྣམ་གྲངས་མང་དུ་མཛད། ཐང་ཅིག་དབྱངས་དཔོན་པས་དཔལ་ལྡན་ལྷ་མོ་དམག་ཟོར་མའི་གཏོར་སྒྲུབ་མཛད་དེ་ཟོར་འཕེན་པ་ལ་མངོན་དུ་ཕྱོགས་པ་ན། རབ་འབྱམས་པ་བསོད་ནམས་གྲགས་པ་དང་། བྲ་ཉི་རབ་འབྱམས་པ་རྣམས་ཀྱིས་ཕྲག་དོག་གིས་ཆོས་སྐྱོང་འདི་བཀའ་གཉན་པས་གཤགས་གཏོར་

― GLG008_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་ལས་ཟོར་མི་འགབ་བར་ཆད་འོང་སྙན་འབུལ་ཞུས་པར་བརྟེན། ཐུགས་ཐེ་ཚོམ་དུ་གྱུར་ནས་གཏོར་ཟོར་འཕངས་པ་འགབ་མི་འགབ་ཀྱི་ཕེབས་སྒོ་གནང་བས་དབྱངས་དཔོན་པ་ཐུགས་འུར་ཏེ། ངས་ཆོས་སྐྱོང་འདིའི་མན་ངག་ཐམས་ཅད་རྗེ་གོང་མ་དང་བ་སོ་རྗེ་དྲུང་གི་སྐུ་གཞོགས་སུ་ཞུན་ཐར་བཅད། བསྙེན་སྒྲུབ་ཚད་དུ་འཁྱོལ་བར་བྱས། བཟླས་པ་རྐྱང་པ་ཡང་བྱ་བ་ལྷག་སོང་བ་ཡིན། དན་འབག་ཡས་སྣ་མས་སྣ་ལ་ཐེམ་པ་བཅོལ་ནས་སྡོད་དགོས་པའི་དུས་ཚོད་འདི་ལ་ལས་སྦྱོར་མི་བྱེད་ན་ག་ཙ་ན་བྱེད། ལོ་གསུམ་ཚུན་གྱི་སྐུ་ཁག་ངེད་རང་གིས་འཁུར། ཁོང་ཚོས་གཤགས་གཏོར་བྱེད་ཟེར་བའི་ཉ་མགོ་ཅི་ནོན། གཤགས་ན་གཤགས་ལུགས་གཙུག་བྱེད། གཏོར་ན་གཏོར་ལུགས་གཙུག་བྱེད་ཅེས་སོགས་མང་དུ་ཞུས་ནས་གཏོར་མ་འཕེན་པར་ཐག་བཅད། ཤོ་ལ་འདེབས་པ་དང་། བྱང་དམར་ལ་འཇུག་པའི་ལས་སྦྱོར་མཛད་པས། ཡར་གཙང་སྐུར་གསུམ་གྱི་ཞལ་ངོ་རྣམས་ཀྱི་མཚན་བྱང་གི་ཁྲོད་ནས། ཡར་རྒྱབ་ཞབས་དྲུང་བདུད་འདུལ་གྲགས་པའི་མཚན་ཐོག་མར་བོར་ཏེ་རྟགས་མངོན་སུམ་དུ་བྱུང་། དེ་སྐབས་མངོན་སྤྱོད་ཀྱི་ལས་སྦྱོར་རྣམ་གྲངས་ཧ་ཅང་མང་བས། རྗེའི་ཞལ་སྔ་ནས་སྟག་ལུང་བྲག་པ་དེ་ཐུགས་ཅུང་ཟད་མ་རེངས་པར། ཐོག་མར་སྐྱེས་བུ་ཆེ་འབྲིང་ཆུང་གསུམ་གྱི་ལམ་ལ་གོ་རིམ་མ་ལོག་པར་ཁྲིད་ནས། རྡོ་རྗེ་ཐེག་པའི་མཆོག་ཐུན་གྱི་དངོས་གྲུབ་བསྒྲུབ་པའི་རིམ་པ་རྣམས་མཛད་དགོས་པ་ལ། སྐུ་ཡོན་གཞན་རྣམས་འབུལ་བའི་མགོ་བྲེས་ཙམ་ཡང་མ་དོད་པར། གཤིན་རྗེའི་འཁོར་ལོ་སོགས་དྲག་པོའི་ལས་སྦྱོར་ལ་བཙན་ཁྲིད་དུ་བྱེད་པ་འདི། དབེན་ས་རྗེ་དྲུང་གི་མཛད་ལུགས་ཐུགས་ལྷུས་མ་ཐིངས་གསུངས་སྐད། དགོས་པའི་དབང་གི་ལས་སྦྱོར་དེ་དག་གནང་དགོས་ངེས་

― GLG008_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ཚེ། རྡོ་རྗེ་སློབ་དཔོན་གྱི་གཙོ་བོ་དབྱངས་དཔོན་པར་མཛད་བཅུག་ན། ཁོང་ཐམས་ཅད་མཁྱེན་པ་བསོད་ནམས་རྒྱ་མཚོ། རྗེ་དྲུང་ལྷ་དབང་པ། བྱང་བདག་པོ་ཡབ་སྲས། ཆོས་རྗེ་དྭགས་མ་བ། སྡེ་པ་ཡུག་ནས་སོགས། སྔགས་འཆང་ཁ་ཡོད་ལག་ཡོད་མང་པོ་ལ་མན་ངག་གི་ཞུན་ཐར་བཅད་པའི་ཁུངས་ལྡན་ཡིན་ནའང་། ཁོང་དང་ཡང་དགོན་རིན་པོ་ཆེ་སོགས་དཔྱོད་ལྡན་རྣམས་མཛད་མ་བདེ་བས་རེག་ལ་མ་འབྱར་ལྟ་བུར་སོང་། རབ་འབྱམས་པ་ཤེས་རབ་ཆེ་ཡང་། རྟོ་གེ་བ་རྒན་པོའི་ཉམས་ཀྱི་རྩིང་ཧྲལ་དང་། ཁོང་རང་གི་རང་བཞིན་ལས་གྲུབ་པའི་ཧང་རྒྱག་ཟུང་དུ་འབྲེལ་བའི། མཐོང་བརྒྱུད་ཀྱི་ཕྱག་ལེན་ལ་མ་ལྟོས་པའི་རང་བཟོ་མང་པོ་བྱེད་ཡོད་འདུག་གོ །དེ་ཡང་དཔོན་སློབ་པཎ་ཆེན་རིན་པོ་ཆེར་བཀའ་ཆོས་ཐོག་མར་གསན་པའི་ཚེ། རྡོ་རྗེ་འཕྲེང་བའི་སྙན་གསན་གནང་བར། སྔ་སོར་ངེད་རང་གིས་འདི་ཡོངས་རྫོགས་ཞུ་མྱོང་བ་ཞིག་མེད་པས། སླར་རྩོལ་བ་དང་རྟོག་འཇུག་སོགས་བྱེད་ཁྱད་ནས་ལོ་ལྔ་དྲུག་ཞིག་གི་བར་འགྱངས་ཆ་ཞུས། དེ་ནས་འབུལ་ཐུབ་པ་བྱེད་གསུང་བའི་ཞལ་ལེན་གནང་། རབ་འབྱམས་པ་བསོད་ནམས་གྲགས་པ་ཇོ་ནང་སྤྲུལ་སྐུ་ཀུན་དགའ་སྙིང་པོའི་དྲུང་དུ་རྡོ་རྗེ་འཕྲེང་བའི་དབང་ཞུ་བར་བཏང་བ་འདྲ་ཟེར། འགའ་ཞིག་ནི་བླ་མ་རིས་སུ་མ་བཅད་པའི་གསུམ་བཞི་ཞིག་ནས་ཁུ་བསྡུས་གསུང་བ་དངོས་སུ་ཐོས་ཞེས་གླེང་། གང་ལྟར་ལྕགས་ཕག་ནང་དུ་འབྲས་སྤུངས་སུ་ཕེབས་ཏེ། པཎ་ཆེན་ཆོས་ཀྱི་རྒྱལ་པོ་ཉིད་དཀྱིལ་འཁོར་རྒྱ་མཚོའི་གཙོ་བོར་བཞེངས་ནས་རྡོ་རྗེ་འཕྲེང་བའི་དབང་འབུལ་བ་གནང་། སྡེ་པ་སྣང་རྩེ་ནས་ཀྱིས་སྟོན་ཟེར་བའི་གསང་བའི་ལུང་བསྟན་དུ། ནུབ་ཕྱོགས་གཙང་གི་ཕྱོགས་ནས་དམགས་མཚོ་བརྡོལ། །གྲ་

― GLG008_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

དོལ་གཞུང་གསུམ་སྦྲང་མ་རླུང་ཁྱེར་འདྲ། །ཞེས་པའི་ལུང་བསྟན་ཐོག་ཏུ་བབས་ཏེ། དེ་ལོ་གཙང་ས་དཔོན་ཞང་ཐུགས་འདོད་མ་མཉམ་པར་བརྟེན། གཙང་དཔུང་གཏོས་ཆེ་བ་ཡར་རྒྱབ་ཏུ་འབྱོར། ཡར་རྒྱབ་པ་དཔོན་བློན་གསོལ་སྐལ་གྱི་སྟོང་དུ་བཞུགས་དགོས་པའི་གནས་གཤིས་ལ་བརྟེན། མཚན་མཐུ་སྟོབས་རྒྱ་མཚོ་ཞེས་བསྒྱུར། ལོ་འདི་བདག་གི་སྔ་ཕྱི་རྣམས་སུ་ལྷོ་བྱང་གི་འགྲུལ་པ་གཏོས་ཆེར་འོངས་ནས། བརྒྱ་འབུལ་སྟོང་འབུལ་གྲངས་ཀྱིས་མི་ཆོད་པ་ཕུལ། དེ་དག་ལ་སོ་སོར་འདོད་ཆོས་ཀྱི་རིམ་པ་གནང་། ཟང་ཟིང་གི་སྒོ་ནས་རེ་བ་བཀང་བ་སོགས། ལུགས་ཟུང་དང་འབྲེལ་བའི་མཛད་པ་འཕྲིན་ལས་བསམ་གྱིས་མི་ཁྱབ་བོ། །ཨེ་མ་དཔག་བསམ་ཡོངས་འདུའི་ལྗོན་པ་ལས། །འདོད་པའི་རེ་བ་མ་ལུས་ཡོངས་སྐོང་བ། །དངོས་པོའི་ངོ་བོ་ཙམ་གྱི་གཤིས་ལུགས་ལས། །ཕུལ་བྱུང་ཐུགས་རྗེ་ཆེན་པོས་བསྐུལ་བ་ཡིན། །རང་བདེའི་ཕུན་ཚོགས་འཆི་མེད་དགའ་ཚལ་ལས། །གཞན་ཕྱིར་མེ་འོབས་ལྟ་བུའི་འཁོར་བ་ལ། །དགའ་བར་སྤྱོད་འདི་འཕགས་ཆེན་དམ་པ་ཡི། །སྙིང་སྟོབས་མཆོག་ལས་གཞན་གྱི་སྤྱོད་ཡུལ་མིན། །འགྲོ་ལ་རྗེས་སུ་བརྩེ་བའི་སྙིང་རྗེའི་ལྷ། །མི་བསྲུན་དགྲ་ལ་ཁྲོས་པའི་སྒྱུ་དྲའི་གར། །བསྟན་ཚེ་གཞན་འཕྲུལ་གནས་ནས་འདོད་ལྷའི་བུ། །འཇིགས་ཏེ་ལུས་མེད་ཟོལ་གྱིས་རྫུ་ལ་བརྟེན། །གཙང་སྡེ་སྲིད་ཕུན་ཚོགས་རྣམ་རྒྱལ་ལྷ་སར་ཕེབས། ཚེ་དབང་བརྒྱ་རྩ་དང་ཡན་ལག་བརྒྱད་པའི་སྡོམ་པ་ཞུ་བའི་སྙན་གསན་བྱུང་བ།གནང་ཐུབ་ན་མཆོད་ཡོན་ཚང་མ་ལ་སླེབས་དཀྱུས་ཆེ་བ་ཡོང་རྒྱུ་ཡིན་འདྲ་ཡང་། རབ་འབྱམས་པ་བསོད་ནམས་གྲགས་པས། སྡེ་པ་གཙང་པ་བསྟན་དགྲ་ཡིན་པས་དེ་འདྲ་གནང་བ་མི་རིགས། མྱུར་དུ་

― GLG008_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲལ་བ་ཡིན་ཞེས་བཀག །རྒྱལ་དུ་ཕེབས་པའི་ལམ་ཞོར་བསམ་ཡས་ཀྱི་གནས་གཟིགས་གནང་བ་ཞིག་ལ། བསྟན་སྲུང་གནོད་སྦྱིན་ཆེན་པོ་དང་དཔེ་དཀར་ལྕོག་ཏུ་མཇལ་བར། དགྱེས་པའི་རྣམ་འགྱུར་མང་དུ་མཛད། རྒྱལ་དུ་དགུན་ཁ་བཞུགས་པ་ཞིག་ལ། དབྱར་དུས་ལྟར་དྲོ་ཞིང་ཆུ་རྣམས་ཀྱང་ལྷུང་ལྷུང་སྙན་པའི་སྒྲ་སྒྲོག་ཅིང་འབབ་པ་བྱུང་བར། དབུ་མཛད་དབྱངས་དཔོན་ཡེ་ཤེས་རྒྱ་མཚོས་ད་ལོ་དགུན་ཤིན་ཏུ་དྲོ་བ་འདི་ཐུགས་རྗེའི་ཤུགས་ཡིན་པར་འདུག་ཞུས་པས། འདི་ཙམ་ལ་གནང་ཅི་ཡོད། དིང་སང་མཐའ་དམག་གིས་བོད་ལ་གནོད་པ་ཆེ་བ་ཡོང་གྲབས་བྱུང་རེས་ཀྱི་ཁ་གནོན་བྱས་པ་ཡིན། ད་དུང་ཡང་ངེད་ཁམས་བཟང་རིན་སོག་པོས་བོད་ལ་གནོད་པ་མི་ཡོང་། ཆོས་རྗེ་ཞྭ་དམར་བས། གྱོད་ཁ་སྨྲས་ཀྱི་ཕྲུག་གུ་མ་སྐྱེས་དགོས། །ཞེས་བཀའ་བཀྱོན་མཛད་བྱུང་ཡང་། དེའི་གནོད་ལན་དགོས་པ་མ་བྱས། ཨྱོན་པདྨ་ཡིན་བྱས་ན་ཁ་ཆེས། ཨྱོན་པད་འདྲ་ཙམ་ཡིན་བྱས་ཀྱང་ཆོག་པ་ཡོད་ཅེས་ཀྱལ་ཀ་གསུངས། ཐེངས་གཅིག་ལྷ་སའི་མཆོད་ཁང་མཇལ་སྐབས། ལྷ་རྗེ་དགེ་བ་འབུམ་གྱིས་གཙུག་ལག་ཁང་ལ་ཞབས་ཏོག་མཛད་པའི་གསུང་འཕྲོས་ཞིག་ལ་བརྟེན་ནས། ལར་འཁོར་བ་འདིར་ལན་མང་པོ་ཞིག་འཁོར་ཙ་ན། འདི་རུ་སྐྱེ་བ་མ་བླངས་ཞེས་མཐའ་མི་འདུག་གསུང་སྐད། སྡེ་པ་སྐུ་རབ་པ་གྲུབ་མཐའི་ཀུན་སློང་ལ་བརྟེན་པའི་ཐུགས་རུ་ང་ཞིང་ཕྲག་དོག་པས། བསྟན་པ་ལ་རེ་གནོད་བྱུང་བས་དེ་ལ་དམིགས་པའི་ལས་སྦྱོར་གནང་རེས་ཀྱིས། ཁོང་པ་རྫོང་གཞིས་གསར་དུ་ལོན་པ་སོགས་བསོད་ནམས་ཡར་འགྲོར་བྱུང་བ་ན། རབ་འབྱམས་པ་བསོད་ནམས་གྲགས་པས། སྐུ་རབ་པ་འདི་ཙཱ་རི་ཞིང་

― GLG008_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་གིས་བསྐྱབས་པར་འདུག །ད་ཆ་ཐོག་མར་ཞིང་སྐྱོང་བསྒྲལ་དགོས་ཟེར་ནས་འཇིགས་བྱེད་ཀྱི་དྲག་པོའི་སྦྱིན་སྲེག་ཏུ་ལྡུགས་པ། རྒྱལ་དགའ་ཚལ་གྱི་མགོན་ཁང་པོ་ཏ་ལའི་ཆོས་འབྱུང་སྟེང་གི་མགོན་ཁང་དུ། རྗེ་གོང་མའི་དུས་བཙུགས་པའི་ཞིང་སྐྱོང་གི་གཏོར་མ་གཏོར་གྲལ་ནས་འདོན་པ་སོགས་རྩིང་སྤྱོད་སྣ་ཚོགས་པ་ཞིག་བྱས། རབ་འབྱམས་དང་། གཟིམས་ཁང་གོང་སྤྲུལ་པའི་སྐུ་གཉིས་སྦྱིན་སྲེག་ལྡུགས་མཁན་ཡིན་འདུག་པར། ཉིན་གཅིག་ཁོང་རྣམ་གཉིས་ཀྱིས་དགའ་ལྡན་ཕོ་བྲང་ནས་སྔགས་ཁང་དང་། གཟིམས་ཁང་གོང་དུ་དོན་གཅོད་ཅིག་ལ་བྱོན་པ། མཆོད་ཁང་གི་རྒྱབ་ནས་ཁོང་དཔོན་སློབ་གཉིས་ཀར་གཟིགས་པར། གཙུག་ལག་ཁང་གིས་པུ་ཤུ་ལ་སླེབ་ལ་ཁད་བྱས་པའི་མི་ནག་པོ་དར་ནག་གི་འཇོལ་བེར་གྱོན་པ་རྐང་ཐང་ཅན་རྟ་ནག་པོ་སྒ་སྲབ་སྤྲས་པ་ཞིག་གི་འཐུར་ཐག་ནས་བཟུང་སྟེ། བསྒུགས་ཤིག་ལྟ་བ་ཡིན་ནོ་ཟེར། དེའི་མོད་ལ་རང་ཡལ་དུ་སོང་། རིང་པོ་མ་ལོན་པར་སྤྲུལ་པའི་སྐུ་ལྷ་སར་གཤེགས་སྐབས། མི་ནག་རྟ་ནག་གི་ཆོ་འཕྲུལ་ཆེན་པོ་དང་། རབ་འབྱམས་པར་ཡང་རྗེས་སུ་གཙང་བའི་བཀའ་བཀྱོན་ཕོག་པ་སོགས། མེ་དང་སྨ་རའི་དཔེ་ཁོ་ན་བྱུང་། སྟོང་སྐོར་ཞབས་དྲུང་རྒྱལ་བ་རྒྱ་མཚོ། འཕགས་པ་ལྷའི་མཆོག་གི་སྤྲུལ་སྐུ་འཕགས་པ་ཆོས་ཀྱི་རྒྱལ་པོ། བ་སོ་སྤྲུལ་སྐུ། པད་མོ་སྤྲུལ་སྐུ། ཤེར་དབང་སྤྲུལ་སྐུ་སོགས་མདོ་སྟོད་མདོ་སྨད་དང་རྒྱ་སོག་གི་བླ་ཆེན་མང་པོ་ཕེབས། ཡུལ་བབས་དང་བསྟན་པའི་ཟང་ཟིང་གི་འབུལ་བ་གྲངས་མེད་པ་ཕུལ། ཆོས་དང་འཇིག་རྟེན་གྱི་རེ་བ་ཡོངས་སུ་བཀང་། འཕགས་པ་ལྷ་དང་། བ་སོ་སྤྲུལ་སྐུ་གཉིས་ཀྱི་གཙུག་ཕུད་བཞེས། རྡོ་རྗེ་འཇིགས་བྱེད་བཅུ་གསུམ་མའི་དབང་དང་། ཐམས་ཅདམཁྱེན་པ་དགེ་འདུན་རྒྱ་མཚོའི་བཀའ་

― GLG008_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

འབུམ་ཐོར་བུའི་ལྗགས་ལུང་གནང་། བདེ་མོ་སྤྲུལ་པའི་སྐུས་ཐོག་མར་མཇལ་དུས། ཐམས་ཅད་མཁྱེན་པ་དེ་རབ་ཏུ་བྱུང་བ་ཞིག་ཡིན་པ་གཞིར་བཅས་ལ། དེ་ཉིད་ནི་ཁྱིམ་པ་གོས་དཀར་ཅན་ཞིག་སྣང་ཞེས་གསུངས་པས། ཉེ་འཁོར་བ་རྣམས་ཀྱིས།ཁྱེད་རང་སྤྱན་འཁྲུལ་བ་ཡིན་མོད།རབ་ཏུ་བྱུང་བའི་རྟག་ཁོ་ན་ཡིན་འདུག་ཅེས་སྨྲ་སྐད། ཐེངས་གཅིག་ནི་ལྷ་ཁྲོ་བོ་ཞིག་གི་རྣམ་པར་གཟིགས་གསུང་བ་དང་། ཉིན་གཅིག་དགའ་ལྡན་ཕོ་བྲང་གི་རབ་གསལ་དུ་བཞུགས་པའི་ཚེ། བདེ་མོ་སྤྲུལ་སྐུས་ཁོང་རང་གཅིག་པུར་ཤར་རྒྱག་ལ་བྱོན་པས། གསུམ་གདན་ཞིག་གི་སྟེང་ན། དིང་སང་འབྲི་ཆ་ལ་ཇི་ལྟར་འབྱུང་བ་ལྟར་གྱི་འབྲོམ་སྟོན་པའི་སྐུའི་རྣམ་པ་དང་། དེ་དང་ཞལ་སྤྲོད་ཀྱི་ཚུལ་དུ་མི་གང་ཙམ་གྱི་མཐོ་བར་ཇོ་བོ་ཨ་ཏི་ཤ་ཁྲུ་གང་བ་ཞིག་འོད་ཀྱི་དཀྱིལ་ན་སྒོ་རེ་བཞུགས་པ་མཐོང་བས། རེ་ཞིག་སྨྲ་མ་ཤེས་པར་ཧུར་རེ་ལུས། བཀའ་ལས་སྤྲུལ་པའི་སྐུ་དེར་བཞུགས་ཤིག་གསུངས་པ་ན། ཉམས་སྣང་དེ་འགགས་ཚར་འདུག །དེ་ནས་རྒྱུ་མཚན་དེ་ལྟར་བྱུང་ཞུས་པས། སྤྱན་འཁྲུལ་པ་ཡིན་ཞེས་ཞལ་གྱིས་མི་བཞེས་སྐད། རྒྱལ་དང་འོལ་ཁ་ཕྱོགས་སུ་ཕེབས། ཡུན་རིང་བར་བཞུགས་ཤིང་མཐོང་ཐོས་དྲན་རེག་གི་སྒོ་ནས་འགྲོ་བ་རྣམས་སྨིན་གྲོལ་ལ་བཀོད། ཞབས་ཅུང་ཞིག་བསྙུན་པ་ལ་ཆབ་ཚན་གནང་། དེའི་ཚེ་སྐུ་མདུན་རིན་པོ་ཆེ་གཤེགས་པའི་གནས་ཚུལ་འབུལ་མི་སླེབས་པར། ཕྱག་མཛོད་བསོད་ནམས་རབ་བརྟན་ལ། དགོངས་རྫོགས་གཏོང་ལུགས་ཀྱི་བསླབ་སྟོན་དང་། ངེད་རང་རྐང་པའི་འཕྲོད་བསྟེན་གྲུབ་འཕྲལ་སླེབ་ཡོང་བཀའ་ཕེབས་གནང་། དགུང་ལོ་ཉེར་དྲུག་པ་ཤིང་སྟག་ཧོར་ཟླ་བཅུ་གཉིས་པའི་དུས་ཚེས་དགེ་བར་དཔལ་ལྡན་འབྲས་སྤུངས་ཆོས་ཀྱི་སྡེ་ཆེན་པོར། དོན་གྱི་སླད་དུ་མཚན་ནས་སྨོས་ཏེ་

― GLG008_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

པཎ་ཆེན་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་པས་མཁན་པོ་དང་། པཎ་ཆེན་བསོད་ནམས་གྲགས་པའི་སྤྲུལ་སྐུ་བསོད་ནམས་དགེ་ལེགས་དཔལ་བཟང་གི་ལས་སྒོ་བ། གཞན་ཡང་གསང་སྟོན་དུས་བགོ་བ་སོགས་ལས་ཀྱི་ཁ་སྐོང་བའ་ིདགེ་འདུན་གྲངས་ཚང་བའི་དབུས་སུ། དར་ཆོག་ཉེས་མེད་ཕུན་ཚོགས་ཀྱི་སྒོ་ནས་ཚངས་པར་སྤྱོད་པའི་གཙོ་བོ་བསྙེན་པར་རྫོགས་པའི་སྡོམ་པ་བཞེས་ཏེ། ངུར་སྨྲིག་འཆང་བ་རྣམས་ཀྱི་རྒྱལ་མཚན་གྱི་ཏོག་དམ་པར་གྱུར། མཁར་ནག་ལོ་ཙཱ་བས། དེ་ནས་ཀུན་དགའི་གནམ་ལོ་ལ། །རྒྱལ་ཟླ་དྲག་ཚེས་འཕྲོོད་སྦྱོར་བཟང་། །དུས་དེར་དཔལ་ལྡན་འབྲས་སྤུངས་སུ། །པཎ་ཆེན་ཐམས་ཅད་མཁྱེན་པ་དང་། སྤྲུལ་སྐུ་བསོད་ནམས་དགེ་ལེགས་དཔལ། །མཁན་སློབ་དགེ་འདུན་ཁ་སྐོང་བཅས། །ཉེས་མེད་ཕུན་ཚོགས་བསྙེན་པར་རྫོགས། །ཞེས་སོ། །དེ་ཡང་ཞལ་སྔ་ནས་ཁྲི་རིན་པོ་ཆེ་སངས་རྒྱས་རིན་ཅེན། ཁྲི་རིན་པོ་ཆེ་དགེ་འདུན་རྒྱལ་མཚན། ཞལ་སྔ་ནས་ཆོས་གཉེར་གྲགས་པ། དཔོན་སློབ་པཎ་ཆེན་རིན་པོ་ཆེ། གཟིམས་ཁང་གོང་སྤྲུལ་པའི་སྐུ། འོལ་ཁ་ནས་དྲུང་པ་མཁས་བཙུན་པ། རྗེ་ནོར་བུ་བ་སོགས་རང་ཕྱོགས་ངོས་ཀྱི་བླ་མ་མང་པོ་ལ་མདོ་སྔགས་ཀྱི་ཆོས་ཚུལ་ཇི་སྙེད་པ་གསན་དེ་ཡང་སྤྱིར་དགེ་བའི་བཤེས་གཉེན་བསྟེན་ཚུལ་ལ། འབྲོམ་ཆོས་ཀྱི་རྒྱལ་པོ་དང་། རྗེ་བཙུན་མི་ལ་གཉིས་ཀྱི་རྣམ་པར་ཐར་པ་ལ་འགྲན་བཟོད་པའི། ཐ་ན་བཞད་གད་དང་ཀུ་རེ་ཙམ་གྱི་ཕྱིར་དུ་ཡང་མི་གུས་པའི་རྣམ་འགྱུར་ཡེ་མི་མཛད། རྗེ་ཞལ་སྔ་ནས་སངས་རྒྱས་རིན་ཅེན་གྱི་སྐུ་གདུང་ཞུགས་སུ་ཕུལ་བ། སྐུའི་སྟོད་ཀྱི་ཆ་ཆེར་མ་ཚིག་པའི་འཕྲལ་དུ་ལྟ་སྣང་ལེགས་རྒྱུ་མེད་པ་ཞིག་སྤྱན་འབེབས་ལ་ཁྱེར་ཡོངས་པ། དེར་འཁོར་མང་པོ་ཞིག་གིས་ཡ་ང་བའི་རྣམ་པ་བྱེད་པ་ལ། རྗེ་འདིས་ཕྱག་ཏུ་བཞེས་ཤིང་

― GLG008_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

དབུ་ཐོག་ཏུ་ཡུན་རིང་པོའི་བར་དུ་བཞག་ནས་སྨོན་ལམ་འདེབས་པ་གནང་། འོལ་ཁའི་དྲུང་པ་མཁས་བཙུན་པ་དེ། སྡེ་པ་འོལ་ཁ་པའི་མཆོད་གནས་དགོན་སྦུག་གི་བླ་ཆུང་ཡིན་ཀྱང་། ཁོང་པ་ལ་བཞུགས་གདན་མཉམ་པ་ཙམ་འདིང་ཞིང་གསོལ་ཇ་སོགས་སྔོན་ལ་བཞེས་སུ་བཅུག །དཔོན་སློབ་པཎ་ཆེན་རིན་པོ་ཆེ་དང་། གཟིམས་ཁང་གོང་སྤྲུལ་པའི་སྐུ་གཉིས་ལ་བཀུར་བཟོས་ཆེས་པས། དྲུང་འཁོར་རྙིང་པ་རྣམས་བཀའ་ཆོས་གསན་ཡང་འདི་འདྲ་རང་མི་རིགས་སྔར་ནས་སྲོལ་མེད་ཅེས་མ་རེངས་པ་ཆེན་པོ་བྱས། སྟོང་སྐོར་ཞབས་དྲུང་འཇམ་དབྱངས་རྒྱ་མཚོ་མཇལ་པར་བྱོན་དུས། ཐོག་མར་ཐམས་ཅད་མཁྱེན་པ་མ་གཏོགས་གཞན་ལ་མི་འདུད་པས། པཎ་ཆེན་རིན་པོ་ཆེར་ཕྱག་མི་འབུལ། སླར་བསྙེན་རྫོགས་སོགས་གསུང་ཆོས་ཞུ་རྒྱུ་ཡིན་པས་དེ་སྐབས་སྐྱག་བཀུར་ཞུ་རྒྱུ་ཡིན་ཚུལ་མགྲོན་གཉེར་རྒྱ་ཡགས་པ་བརྒྱུད་སྙན་དུ་ཕུལ་བར་མ་དགྱེས་པའི་བསྐོར་སྦྱངས་ཡན་གསུམ་གནང་སྟེ། ཕྱག་འཕྲལ་དུ་འབུལ་བཅུག་པར་ཡང་། དྲུང་འཁོར་རྣམས་ཀྱིས་སྟོང་སྐོར་བ་བདེན་ཞེས་གླེངས་འདུག་ཀྱང་། བཤེས་གཉེན་བསྟེན་ཚུལ་ལ་དགོངས་པར་མངོན། དེ་ཡང་ཁེངས་དྲེགས་ཁོན་འཛིན་གཡོ་རྒྱུ་སོགས། ཚུལ་མིན་གྱི་སྤྱོད་པས་མ་གོས་ཤིང་། ངོ་ཚ་ཤེས་ཤིང་བག་དང་ལྡན་པ། དྲང་ཞིང་གཞན་མགུ་བའི་ཐབས་ཚུལ་ལྷུར་མཛད་པའི་རྒྱལ་བའི་སྲས་ཀྱི་རྣམ་པར་ཐར་པ་འདི་ནི་མཁས་པ་རྣམས་མགུ་བ་བསྐྱེད་པའི་གནས་ཡིན་ལ། དེང་དུས་ཀྱི་སྐྱེ་བོ་ཕལ་ཆེ་བ་རྣམས་ཚུལ་དེའི་ལྡོག་ཕྱོགས་ཁོ་ན་ཉམས་སུ་བསྟར། ཕན་བཏགས་ན་ཆོག་མི་ཤེས་པར་གཅིག་བྱུང་ན་བརྒྱ་སྟོང་ལོང་དུ་རེ། བྱང་ཁོག་གི་ལྷ་ཁང་དུ་གློ་བའི་གྲོགས་པོ་པདྨ་ཁ་ཟུམ་པའི་ནང་དུ་བུང་བ་ཆུད་པ་ལྟ་བུར་གཡོ་བའི་བྱེད་པ་པོ་

― GLG008_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱིས་ནི། གནོད་པ་མ་བྱས་པའམ་ལྟ་ཕྱོགས་ལེགས་པ་ཙམ་རེ་ལའང་མགུ་བ་ལྷུར་བྱེད་པར་སྣང་མོད། དེ་ལྟ་བུའི་ལྔ་བརྒྱ་མཐའ་མའི་ངང་ཚུལ་དང་ལྡན་པའི་སྐྱེས་བུ་མང་པོས། བྱས་པ་དྲིན་དུ་མི་གཟོ་བའི་སྒོ་ནས་ཐུགས་སུན་ཕྱུང་བ་བྱུང་ནའང་། འཕགས་ཆེན་དམ་པ་རྣམས་ནི། ཚུལ་དེ་ལྟ་བུའི་སྐྱེ་བོ་ལ་ལྷག་པར་རྗེས་སུ་བརྩེ་ཞིང་། སྙིང་སྟོབས་ཆེན་པོས་སྡུག་བསྔལ་མཐའ་དག་དང་དུ་ལེན་པ་ལ་རྣམ་པར་དཔའ་བ་ནི་ཆོས་ཉིད་ཡིན་ལ། གཞན་དག་རྣམས་ཚུལ་ངན་པར་སྤྱོད་པའང་ཤིན་ཏུ་བདེན་ཏེ། ཙཱུ་ཏའི་ཡུལ་དུ་སྐྱེས་ཕྱིན་ཆད་རྐང་པ་གཉིས་མི་འབྱུང་བ་ནི་རང་གི་རང་བཞིན་ཅན་ནོ། ། བོད་འདིར་དགྲ་གདོང་འཇིགས་གསུམ་གྱི་ཤིང་རྟའི་སྲོལ་འབྱེད་ཆེན་པོ། འཇིག་རྟེན་གྱི་མིག་གཅིག་པུ་རྗེ་བཙུན་རྭ་ཆེན་ཞབས་ཀྱི་པུར་རིལ་པོར་ནང་རྟེན་ལ་བཞུགས་ཤིང་། འཇིམ་པ་འཐེབ་སྐྱུ་རེ་ལ་རྒྱལ་བ་བཙོང་ཁ་པ་ཆེན་པོའི་རྫུ་འཕྲུལ་གྱིས་ཡ་མ་རཱ་ཛ་སྟོང་ཕྲག་རེ་བཟླས་ཏེ་ལྗགས་ཆབ་མཛད་པའི་སྐུ་བརྙན་བྱིན་རླབས་ཅན་དེའི་དྲུང་དུ། བཟླས་བརྗོད་ཀྱི་རིམ་པ་བགྲང་བ་ལས་འདས་པ་གནང་ཞིང་། སྤྱིར་དམ་པ་རྣམས་ནི། གདུལ་བྱའི་ངོར། མཁས་པ་དང་། གྲུབ་པ་དང་། བཙུན་པ་དང་། བཟང་བ་སོགས། སྣ་ཚོགས་སུ་སྟོན་པ་ལས། སྐུ་ཚེ་འདི་ལ་གཙོ་བོར་སྒྲུབ་པ་ཉམས་ལེན་གྱི་རིམ་པ་ལ་ཐུགས་གཞོལ་བ་ཞིག་གོ །བདེ་ཆེན་རྩེར་བཞུགས་པ་ཞིག་ལ། སྡེ་པའི་གཟིམས་ཆུང་ཤིང་རྩི་སོགས་ལེགས་ཤོས་དེ་ག་བཞུགས་མེ་གནང་པས། སྡེ་པས་བཞུགས་མེ་གཟིམས་ཆུང་ཤིང་རྩི་མེད་པ་འདིར་གནང་བ་ཞུ་ཞུས་པས། བཀའ་ལས་དེ་འདྲ་མི་དགོས། རྫོང་གཞིས་འདི་རྣམས་བདག་སུས་བྱེད་དང་བེད་སུས་སྤྱོད་མི་ཤེས་པས་གཙིགས་བྱས་ཞན་འདྲ་གསུངས་པར། ཐམས་ཅད་སྐུ་རྩད་ལྟ་བུར་གོ་ཡང་། རིང་པོར་མ་ལོན་པར་བདེ་

― GLG008_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་བྲག་དཀར་སོགས་སྡེ་སྲིད་གཙང་པར་ཤོར་བས། ཀུན་ཡིད་ཆེས་ཀྱི་གནས་སུ་གྱུར། འབྲས་སྤུངས་སུ། ལས་བྱེད་པས་ཇ་སྣེལ་པོ་ཞིག་གི་སྐོར་ལ་རྩེག་རྩེག་བྱས་པས། དངོས་པོ་མང་པོ་ཞིག་བཞུགས་མེའི་ནང་དུ་འདེབས་པ་གནང་བར། ཞབས་འབྲིང་བ་མང་པོས་ལྐོག་ཏུ། གནང་སྒོ་འདི་འདྲ་སྨྱོ་སྤྱོད་དང་ཁྱད་པར་མི་འདུག་ཅེས་སྐུར་པ་སྣ་ཚོགས་ཤིག་བཏབ། དེ་ཡང་སྐྱེ་བོ་དེ་དག་རྣམས་ཟང་ཟིང་གི་དངོས་པོ་ཕྲ་མོ་ཙམ་ལ་ཡང་། མིག་གི་འབྲས་བུ་ལྟར་གཅེས་པར་བཟུང་ནས། སྣོད་བརྒྱ་སྟོང་མང་པོ་གཅིག་ནང་དུ་གཅིག་བཅུག་པའི་ཕུགས་སུ། རྒྱས་བཏབ་སྟེ་ཅུང་ཟད་ཙམ་ཆུད་འཛའ་བར་གྱུར་ནའང་། ཐུགས་རྣམ་པར་སྲེད་པའི་པདྨ་སེར་སྣའི་མཚོ་ནང་དུ་འདར་བའི་ངང་ཚུལ་དེ། བྱང་ཆུབ་སེམས་དཔའ་སྲིད་འབྱོར་ཐམས་ཅད་ཆུ་ཤིང་ལྟར་གཟིགས་པ་རྣམས་ལ་རྒྱས་བཀབ་པར་འདུག །དེ་ནི་མྱུར་དུ་གཞན་དོན་དུ་གཤེགས་པ་དང་། གྲྭ་ས་ཕན་ཚུན་ལ་མི་རྟག་པའི་ངང་ཚུལ་འབྱུང་བའི་བརྡ་ཆོས་དེ་གཞན་གྱིས་མ་གོ་བར་སྣང་། དེ་ཡང་ཕྱག་མཛོད་གུ་ཤྲི་ཆེན་པོའི་རྗེས་སུ་རྗེ་གོང་མའི་དབོན་པོ་རྩེ་ཁ་ནས་ཆོས་རྗེ་སོགས་ཕྱག་མཛོད་ཁུར་ལེན་པ་ཁ་ཡར་བྱུང་བ། ཐམས་ཅད་མཁྱེན་པ་དགེ་འདུན་རྒྱ་མཚོའི་གསུང་མགུར་ལས། བླ་མའི་ཞབས་འབྲིང་ཉེ་གནས་ཕལ་མོ་ཆེ། །དཀོར་གྱིས་ཚིག་ནས་ལས་འབྲས་ཁྱད་དུ་གསོད། །ཡུན་དུ་འགྲོགས་པས་སྐྱོན་མཐོང་དད་པ་འགྲིབ། །ཅེས་གསུངས་པའི་དོན་དང་། རྗེ་བཙུན་མི་ལས། དད་པ་ཅན་གྱི་དད་རྫས་འདི། ས་ལ་བརྒྱབ་ན་ས་འགས། རྡོ་ལ་བརྒྱབ་ན་རྡོ་འགས་ཞེས་པ་ལྟར། གང་གི་འཕྲིན་ལས་ཀྱི་ཆ་ཤས་ལས་ཉེ་བར་གྲུབ་པའི་བདོག་པ་མང་པོར་ལོངས་སུ་སྤྱད་པའི་མེ་ལྕེས། ལུས་ངག་ཡིད་གསུམ་གྱི་ལྗོན་པ་རྣམ་པར་ཚིག་པས། ཚུལ་མིན་

― GLG008_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་བྱེད་ཀྱི་སོལ་བའི་མགལ་དུམ་ཆེས་ཆེར་སྤུངས་པ་མང་པོ་ཞིག་གིས། ཞབས་ཕྱིར་མི་འགྱུར་པའི་སྤྱོད་པ་མང་དུ་བྱས་ནའང་། རྒྱལ་པོ་དགེ་སྟོན། སྡིག་སྟོན་ལ་བརྩེ་བའི་ལོ་རྒྱུས་དང་། དེ་བཞིན་གཤེགས་པས། སྒྲ་གཅན་འཛིན་དང་ལྷས་བྱིན་གཉིས་ལ་ཉེ་རིང་མེད་ཅེས་བདེན་ཚིག་མཛད་པས། ལྷས་བྱིན་མ་བཞུ་བའི་ནད་ལས་གྲོལ་བ་སོགས་མདོ་ལས་བྱུང་བའི་གཏམ་རྒྱུད་ཀྱི་དོན་དང་མཚུངས་པས། དེ་དག་ལ་ལྷག་པར་བརྩེ་ཞིང་ཤིན་ཏུ་མ་རུངས་པ་འཇམ་པ་གསུམ་གྱིས་འདུལ་བར་མི་ནུས་པ་འགའ་ཞིག་ནི། རྒྱབ་རྩ་བྱེད་མཁན་དང་བཅས་པ་མཐའ་དག་ལ། མངོན་སྤྱོད་ཀྱི་ལས་སྦྱོར་གྱི་སྒོ་ནས་ཚར་གཅོད་པར་མཛད་དོ། །སྟོང་སྐོར་སྤྲུལ་སྐུ་འཇམ་དབྱངས་རྒྱ་མཚོས་གཙོས་པའི་སོག་ཡུལ་གྱི་འགྲུལ་པ་གཏོས་ཆེན་པོ་སླེབས། ཡོས་ལོའི་སྨོན་ལམ་ལ་ཟང་ཟིང་གི་ལོངས་སྤྱོད་གནོད་སྦྱིན་གྱི་ཡུལ་དུ་སླེབས་པ་དང་འདྲ་བར་གྱུར། མང་འགྱེད་དང་འབུལ་བ་རྣམ་གྲངས་མང་ཞིང་གྱ་ནོམ་པས། གྲྭ་ཚོགས་དང་བླ་ཚོགས་ཀྱང་ངང་གིས་འཕེལ། ཇ་སྣེལ་པོ་མང་ཉུང་གི་གླེང་བརྗོད་སྐོར་ལམ་གྱི་ཁྱོན་ཐམས་ཅད་དར་དིར་དུ་སོང་། འོན་ཀྱང་དེ་ལོ་ཚེ་འདི་བློས་བཏང་ནས་གཡའ་དང་གངས་ཀྱི་མཚམས་སུ་གཅིག་པུར་སྒྲུབ་པ་མཛད་པའི་རྣལ་འབྱོར་པ་མངའ་རིས་གྲུབ་ཆེན་བརྩོན་འགྲུས་སྙིང་པོར་རྙེད་པ་རྣམས་ནས་རྩམ་དུ་བསྒྲིལ་ནས་ཚོགས་ཆེན་དུ་བསྙེན་བཀུར་བ་སོགས་ཀྱི་ཕྱིར་དུ་བྱོན་པ། འབྲུམ་ནད་ཀྱིས་ལྷ་སར་གཤེགས་པ་དང་། སྤྲུལ་སྐུ་བསོད་ནམས་དགེ་ལེགས་དཔལ་བཟང་པོ་འབྲུམ་པ་དང་ཞིང་སྐྱོང་གི་གནོད་འཚེར་དོགས་པ་གཉིས་བསྡོངས་ནས་གཤེགས་པར་བརྟེན། སྨིན་ལམ་གྱི་སྒང་ཙམ་ནས་ཚོགས་དབུར་པཎ་ཆེན་རིན་པོ་ཆེ་བཞུགས་སུ་བཅུག །དཔོན་སློབ་བྱིངས་འབྲས་སྤུངས་སུ་ལོག་ཕེབས། མེ་འབྲུག་

― GLG008_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བ་གསུམ་པའི་ནང་དུ། རྒྱ་ནག་གོང་མ་རྒྱལ་པོ་ཝུན་ཤུ་ཝང་སྟེ་ཏའི་ཝང་གིས་བླ་མ་བསོད་ནམས་བློ་གྲོས་སོགས་རྒྱ་མི་མང་པོ་མངགས། ཁྱབ་བདག་རྡོ་རྗེའི་སངས་རྒྱས་ཀྱི་ལས་ཀ་དང་ལས་ཞྭ་ལས་གོས་ཐམ་ཀ་ཕུལ། འབྲས་སྤུངས་སུ་རྒྱ་སྤྱི་ཁང་དུ་གདན་དྲངས་ཏེ། འབུལ་བ་དང་། རྩེད་སྣ་ཡ་མཚན་པ་མང་པོ་བྱས། རྒྱ་ནག་ཏུ་ཕེབས་དགོས་པའི་སྙན་གསན་ཕུལ། རྟེན་འབྲེལ་གྱི་སྒོ་ནས་ཞལ་བཞེས་མཛད། བླ་མ་བསོད་ནམས་བློ་གྲོས་ཀྱིས་རྒྱ་ཡུལ་དུ་བཞེངས་པའི་ལྷ་ཁང་ལ། དགའ་ལྡན་ཕོ་བྲང་གི་རྩེ་ནས་ཞལ་དེ་ཕྱོགས་སུ་གཟིགས་ཏེ་ཕྱག་ནས་གཏོར་བས། མཆོད་ཁང་གི་ཕྱི་ནང་ཐམས་ཅད་དུ་ནས་འཕྱག་རྒྱུ་ཡོད་པ་བྱུང་ཞིང་། རྟེན་འགའ་ཞིག་གི་ཐུགས་ཀར་མེ་ཏོག་དངོས་སུ་བཟུང་བ་སོགས། བློའི་ར་བ་ལས་འགོངས་པའི་རྫུ་འཕྲུལ་གྱི་བཀོད་པ་རྒྱ་ཆེན་པོ་བསྟན། གསང་ཡིབ་ཆབ་ཚན་ལ་ཕེབས་པའི་ཚེ་རྡོ་ལ་ཞབས་རྗེས་གསལ་བར་བྱུང་། མཁར་ནག་ལོ་ཙཱ་བས། སྟོང་སྐོར་སྤྲུལ་པའི་སྐུ་ལ་སོགས། །སོག་འགྲུལ་མང་པོས་ཡང་དག་མཆོད། །མེ་འབྲུག་ཤར་ཚེ་ཤར་ཕྱོགས་ནས། །ནག་པའི་ཟླ་བར་རྒྱ་ནག་གི །བཀྲ་ཤིས་ཁྲི་སྒོའི་ཁྲི་ཐོག་པ། འུན་ཤུ་ཝང་སྟེ་ཏ་ཡི་ཝང་། །རྒྱ་ལ་དབང་བྱེད་དབང་ལིའི་འཁོར། །རྒྱ་མི་མཆོད་རྫས་ཐོགས་པ་དང་། །རྒྱ་མི་བླ་མ་སློབ་དཔོན་རྣམས། །རྒྱ་མཚོའི་གོས་ཅན་སྟེང་འདི་ན། །རྒྱ་ཆེན་མཆོད་པར་རབ་ཏུ་བཤམས། །རྒྱ་ཡི་ལས་ཞྭ་ཞུ་ཐོར་བཅས། །རྒྱ་ནག་ཕྱོགས་ལ་ཕེབས་དགོས་ཞེས། །རྒྱ་བསྐྱེད་ཞུ་བ་ནན་ཏན་བཅས། །རྒྱ་ཕུབས་ཅན་གྱི་གཙུག་ལག་ཁང་། །རྒྱ་གར་ནས་བྱོན་རྟེན་རྣམས་ལ། །མཆོད་པས་ཕྱག་ནས་དངོས་སུ་བཟུང་། །དེ་ལ་རིང་བསྲེལ་མང་དུ་བྱོན། །ཞིང་བརྗེ་མྱ་ངན་འདའ་བའི་བརྡ། །དེ་བཞིན་གསང་ཡིབ་ཆབ་ཚན་ཁར། །རྡོ་ལ་ཞབས་རྗེས་

― GLG008_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་ནས་སླར། །སེ་ར་འབྲས་སྤུངས་ཆོས་སྡེར་ཕེབས། །ཞེས་སོ། །དེ་ཡང་མཁྱེན་བརྩེ་ནུས་གསུམ་གྱི་མཛད་པའི་ཆ་ནས། འཕགས་པ་རིགས་གསུམ་གྱི་མགོན་པོའི་ཡོན་ཏན་མཐའ་དག་ཚང་བར་མངའ་བ་སྟེ། རྒྱལ་བའི་གསུང་རབ་ཀྱི་ཚིག་དོན་གང་ལ་ཡང་། དཀའ་ཚེགས་ལ་མ་ལྟོས་པར་བརྡ་ཙམ་བསྟན་པས་མཁྱེན། འགྲོ་བ་སྡུག་བསྔལ་གྱིས་གཟིར་བ་དག་ལ་ཕན་པར་འགྱུར་ན། རང་གི་བདེ་བ་གཏོང་བ་ལ་ཅུང་ཟད་ཙམ་ཡང་ཉམ་ང་བ་མི་མཛད། གཞན་གྱིས་སློང་ན་དངོས་པོ་རིན་ཐང་ཆེ་ཆུང་ལ་མ་ལྟོས་པ་དང་། ན་བཟའ་ཞལ་དཀར་སོགས་ཕྱག་ཐོགས་ཡོད་པ་ཞིག་ཀྱང་ཐེ་ཚོམ་མེད་པར་གནང་བའི་ནི་རྒྱལ་པོ་ཐམས་ཅད་སྒྲོལ་གྱི་ཁེངས་པ་འཕྲོག་ནུས། གནས་སྐབས་སུ་ཐུགས་ཆུང་བ་ལྟར་སྟོན་ཡང་། དོན་དུ་གང་ལ་ཡང་འཇིགས་པ་མེད་པར་སེང་གེ་ལྟ་བུ་སྟེ། དུས་དེར་སྐྱིད་ཤོད་ཀྱི་ལུང་པ་ཐམས་ཅད་སྡེ་སྲིད་གཙང་པའི་མངའ་འོག་ཏུ་ཆུད་པ་སོགས་མདོར་ན་དབུས་གཙང་ཕལ་ཆེར་ལ་ལུང་བསྒྱུར་བར་བརྟེན། གངས་ཅན་གྱི་ལྗོངས་འདིའི་སྟོབས་འབྱོར་གྱིས་དྲེགས་པའི་ཆེ་ཆེ་མོར་རློམ་པ་དང་། ཚེ་འདིའི་བྱ་བ་བཏང་བཏང་མོར་གྲགས་པ་སོགས་ཐམས་ཅད་ས་འདར་རྡོ་འདར་ལ་སོང་སྟེ་ཐུགས་ཤིང་སྡོང་གི་ཡལ་ག་ལྟར་འཁྱོགས་ཀྱང་། འཕྲལ་སྲིད་སྒྲུབ་ཀྱི་མདའ་ལྟར་དྲང་ཞིང་། ཞལ་པདྨའི་འདབ་མ་ལྟར་འཇམ་པས་ཞི་ཞིང་དུལ་དུལ་ལྟར་གྱུར་པའི་ཚེ། རྗེ་འདི་ཉིད་ཀྱིས་ཁྲོམ་དམར་ནག་འཁྱིལ་བའི་དབུས་སུ། གཙང་པ་དཔོན་བློན་གྱི་མཚན་ནས་སྨོས་ཏེ་ཁ་སྦྱོར་དབྱེ་པར་མཛད་ནས། མཐུ་སྟོབས་ཆེན་པོས་ཕྱོགས་ལས་རྣམ་པར་རྒྱལ་བའི་རང་བཞིན་ཅན་ནོ། །ནང་རྡོ་རྗེའི་རྣལ་འབྱོར་ལ་མངའ་བརྙེས་ཤིང་། བླ་མ་དང་ཡིད་དམ་གྱི་ལྷ་མང་པོའི་ཞལ་གཟིགས་གསུང་གི་གནང་བ་སྩལ་ནའང་། གཞན་ལ་འདི་ལྟ་བུ་བྱུང་ཞེས་

― GLG008_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

མི་གསུང་བ་ཐུགས་དཀྱེལ་ཆེ། གསུང་རབ་ཀྱི་དཀའ་གནད་འགར་མཁས་པ་རྣམས་དཔའ་ཞུམ་པར་མཛད་ཀྱང་། ཁོ་བོས་སློབ་གཉེར་མ་བྱས་ཞེས་དམན་ཆ་ཁོ་ན་ལེན། རྗེ་འདི་ཉིད་ཞབས་པད་བརྟེན་པའི་རིང་། དཔོན་པོ་ཁོ་ལོ་ཆེའི་སྲས་ཆེ་ཆུང་གཉིས་དམག་གི་དཔུང་ཚོགས་དང་བཅས་ལན་གྲངས་མང་པོ་ལྷགས་ཏེ། གཙང་སྐུར་སོགས་གཞན་སྡེ་རྣམས་ལ། གནད་འཕྲོད་ཀྱི་གཡུལ་རླབས་པོ་ཆེ་གཤོམ་རྩིས་ཀྱི་བོད་དང་ཁད་ཉེར་འབྱོར་བ་ན། ཆེད་གཏད་མི་སྣ་མངགས་ཏེ། འཇུན་སྟངས་ཀྱི་གསུང་སྒམ་པོས། དུས་ཟིང་གི་སྤྲོས་པ་ཐམས་ཅད་ཉེ་བར་ཞི་བར་མཛད་པར་བརྟེན། ཞབས་པད་བརྟེན་རིང་བོད་ལ་མཐའ་དམག་གིས་གནོད་པ་མ་བྱུང་བ་ནི། རྣམ་ཐར་ཆེ་ཤོས་གཅིག་ཏུ་སྣང་། རྒྱུ་མཚན་དེས་ན། དཔོན་སློབ་པཎ་ཆེན་རིན་པོ་ཆེ་མངའ་རིས་སུ་ཆིབས་ཁ་བསྒྱུར་གདོང་། དགའ་ལྡན་ཕོ་བྲང་ནས་ཕྱག་མཛོད་བསོད་ནམས་རབ་བརྟན་གྱིས། ད་ལོ་ཐུ་མེད་ཀྱི་ཐའི་ཇི་འདི་རྣམས་ཀྱི་མཛད་ལུགས། སྐྱིད་ཤོད་ཞབས་དྲུང་དང་། གྲྭ་སའི་ཐུགས་ཁུར་བཞེས་མཁན་ཅི་རིགས་ཀྱི་གསུང་ཚུལ། གཙང་སྡེ་སྲིད་ལ་སྐུ་དབང་བེད་སྤྱོད་ཀྱི་ཕེབས་སྒོ་འདྲ་ཡོད་འདུག་པ། འདི་ཚོ་ལ་བརྟེན་པའི་དུས་ཟིངས་ཤིག་བྱུང་དོགས་བློ་མཛངས་ཆེ་བར་བྱུང་། རང་ངོས་ཀྱི་ཤར་ཚོད་སྡེ་གཟར་ལངས་ན། སྔར་ཡང་མདའ་འདི་རིས་ཀྱིས་མིག་བཅར་བའི་སྣ་སུན་དང་བཅས་འཇམ་ཆགས་ཤིག་འདོད་པ་ཡིན་ཀྱང་། རང་དབང་འདུ་མི་འདུ་ཚོད་ཐིངས་དཀའ་བ་ནས། ད་ལོ་ཕྱོགས་ཕེབས་མ་གནང་བར་བཞུགས་ཡུལ་གནང་བ་ཨེ་འགབ་སོགས་བསླབ་སྟོན་ཞུས་པར་ཕེབས་སྒོར། རྙིང་མའི་ལུང་བསྟན་ན་བོད་སོག་པོས་འཛིན་པ་ཡོད་ཟེར་བ་འདུག་པ་དང་། ཐམས་ཅད་མཁྱེན་པ་ཡོན་ཏན་རྒྱ་མཚོ་དེ་ཞལ་བཞུགས་

― GLG008_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

ན། དུས་ཟིང་ལ་མི་དགྱེས་པ་དང་མཐའ་མི་ལ་གསུང་བཙན་པས་སྡེ་གཟར་སྙོལ་བ་གནང་འགྲོ་ཡང་། སོག་པོའི་རྒྱལ་བརྒྱུད་འདི་ཚོ་དབང་ཆེ་བ་དང་བཅས་ལྷུས་ཐིངས་པ་དཀའ་བ་འདུག་ཀྱང་། དཀོན་ཅོག་གི་ཐུགས་རྗེས་དུས་བདེ་བ་ཡོང་ལ་ཆེ། དད་ཀྱང་སེམས་མཛངས་པ་བྱུང་སྟེ། མངའ་རིས་བདག་པོའི་འབོད་མི་སླེབས་གྲུབ་པ་སོགས་ནས་བཤོལ་མི་ཐུབ་པ་འདྲ། འཇམ་གང་ཆགས་ཀྱི་ཐབས་མཛོད་ཕེབས་འདུག་པས་ཀྱང་ཤེས་ནུས་སོ། །ཧོར་ཟླ་བཅུ་གཉིས་པའི་བཅོ་ལྔའི་ཉིན། གཟུགས་སྐུའི་བཀོད་པ་ཆོས་དབྱིངས་སུ་བསྡུས་ཏེ་དགའ་ལྡན་གྱི་གནས་སུ་གཤེགས་སོ། །མཁར་ནག་ལོ་ཙཱ་བས། དགུང་ལོ་རྒྱུ་སྐར་གྲངས་ལྡན་སྐབས། །མེ་འབྲུག་རྒྱལ་ཟླའི་ཚེས་དབང་དུས། །དགོངས་པ་ཆོས་ཀྱི་དབྱིངས་སུ་ཐིམ། །བདུན་ཕྲག་གསུམ་པར་ཆོས་ཀྱི་སྐུ། །བུམ་ནང་མར་མེའི་འོད་གསལ་བཞིན། །ཀྱེ་མ་འདི་འདྲའི་རྣམ་དཔངས་ལ། །ཀྱེ་ཧུད་བདག་ཅག་འདི་ན་ལུས། །ཀྱེ་རྡོར་ལ་སོགས་རྒྱུད་དོན་བཞིན། །སྐྱེ་མཆེད་དྭངས་པའི་ལོངས་སྐུར་བཞེངས། །ཚད་མེད་བཞི་ཡིས་རབ་བསྐུལ་ཏེ། །ཞིང་འདིར་སླར་ཡང་སྤྲུལ་པའི་སྐུ། །སྟོན་ངེས་ཁྱོད་ལ་སྐྱབས་སུ་མཆི། །ཞེས་སོ། །རབ་འབྱམས་རྒྱལ་བའི་མཁྱེན་བརྩེ་ནུས་པ་ཀུན། །ལག་ན་པདྨའི་རྣམ་པར་ཤར་བ་དག །བཀོད་པ་རྒྱ་མཚོའི་ཞིང་གི་རྡུལ་སྙེད་དུ། །གྲངས་མེད་སྤྲུལ་པའི་རོལ་གར་ཅི་ཡང་སྟོན། །སྐལ་ངན་དུས་ཀྱི་མཚན་མོར་ཉེ་བ་ན། །མཐའ་ཀླས་འགྲོ་བའི་འདྲེན་པ་རྟ་ལྗང་ཅན། །ཆོས་དབྱིངས་ཟད་མི་ཤེས་པའི་ཐུན་འཚམས་ཀྱི། །ཕང་པར་བཞུགས་ནས་འགྲོ་རྣམས་འདོད་འདི་ཅི། །དེ་ལྟ་ན་ཡང་མ་རིག་སྣང་ཚུལ་ལས། །རླབས་ཆེན་སྤྱོད་ལ་དཔའ་བའི་རྒྱལ་སྲས་རྣམས། །འཁོར་བའི་ཕ་མཐའ་རྫོགས་མིན་དེ་སྲིད་དུ། དམན་ལམ་ཞི་བདེར་གོལ་བ་ག་ལ་

― GLG008_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད། །དེ་ནས་དགུང་ཞག་ཞེ་དགུའི་བར་དུ། རྒྱུད་སྟོད་སྨད་གཉིས་ཀྱིས་གསང་བ་འདུས་པའི་མི་བསྐྱོད་རྡོ་རྗེའི་སྒྲུབ་པའི་མཆོད་པ་དང་། གྲྭ་ས་ཕན་ཚུན་སོགས་དགེ་འདུན་གྱི་སྡེ་རིས་མེད་པ་རྣམས་སུ་བསྙེན་བཀུར་བ་སོགས་དགོངས་རྫོགས་རྒྱ་ཆེན་པོ་བསྒྲུབས་སོ། །མེ་སྦྲུལ་སྟོན་མཇུག་དཔོན་སློབ་པཎ་ཆེན་རིན་པོ་ཆེས་རྒྱུད་སྡེ་དང་མཐུན་པའི་ཕྱག་ལེན་རྣམ་པར་དག་པས་སྐུ་གདུང་རིན་པོ་ཆེ་ཞུགས་སུ་ཕུལ་བར་དབུ་ཐོད་བམ་རིལ། ཐུགས་ལྗགས་སྤྱན་གསུམ་གདུང་རིང་བསྲེལ་མང་དུ་ཕེབས་ཤིང་། ཁར་ཁ་དཔོན་པོ་ཆོས་ཁུར་གྱིས་དབུ་ཐོད་དང་། ཐུ་མེད་ཀྱི་ཐའི་ཇི་བློ་བཟང་བསྟན་འཛིན་རྒྱ་མཚོས་ཐུགས་སོ་སོའི་ཡུལ་གྲུར་བསོད་ནམས་ཀྱི་ཞིང་དུ་གདན་དྲངས། གདུང་རིང་བསྲེལ་བཞུགས་པའི་མཆོད་སྡོང་འཛམ་བུ་གླིང་ན་ཁྱད་དུ་འཕགས་པ་ཞིག་ཁར་ཁ་ཆོས་ཁུར་དཔོན་པོས་སྦྱིན་བདག་བྱས་ཏེ་བཞེང་བའི་བཟོ་གྲྭ་ཚུགས་པ། སྡེ་གཟར་གྱི་སྟབས་ནས་མ་འགྲུབ་པ། སླར་ཤིང་གླང་ལོར་ཐུ་མེད་ཀྱི་དཔོན་པོ་ཧོང་ཐའི་ཇིས་སྦྱིན་བདག་བྱས། ཕྱག་མཛོད་ས་སྐྱོང་བ་བསོད་ནམས་རབ་བརྟན་གྱིས་ཐུགས་ཁུར་བཞེས། རི་མོ་དགོས་སྐྱེས་རྡོ་རྗེས་ཐིག་བཏབ། དོ་དམ་ཚ་བ་དཀའ་བཅུ་སངས་རྒྱས་ཤེས་རབ། དཔོན་པོ་བྱིང་པ་བློ་བཟང་། བལ་པོ་ནོར་བུ་ཚེ་རིང་སོགས་བཅུ་ཕྲག་གཉིས་ཙམ་གྱིས་གེགས་མེད་དུ་བཞེངས། འཇམ་དབྱངས་བླ་མ་ཁྲི་རིན་པོ་ཆེ་དཀོན་ཅོག་ཆོས་འཕེལ་དང་། སྒོ་མང་སློབ་དཔོན་སངས་རྒྱས་བཀྲ་ཤིས་གཉིས་ཀྱིས་གཟུངས་འཕུལ་གྱི་ཕྱག་ལེན་གནང་སྟེ་དཔལ་ལྡན་འབྲས་སྤུངས་ཀྱི་རྣམ་ཐར་སྒོ་གསུམ་དུ་བཞུགས་ཤིང་། རིགས་དང་དཀྱིལ་འཁོར་ཀུན་གྱི་བདག་པོ་མཁན་ཆེན་བློ་བཟང་ཆོས་ཀྱི་རྒྱལ་མཚན་དཔལ་བཟང་པོས་གཙོ་མཛད། སེར་འབྲས་ཀྱི་སློབ་དཔོན་ཁྲི་གདན་

― GLG008_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུར། སྐུ་གཞོགས་རྣམ་རྒྱལ་གྲྭ་ཚང་དང་བཅས་པས་རབ་ཏུ་གནས་ཤིང་། སྦྱིན་བདག་ཏུ་སོག་པོ་ཚོ་ཆེན་བཞི་བཅུའི་གུར་དཀར་པོའི་བདག་པོ་ཐུབ་པ་ཇུ་ནང་ཐའི་སུན་ཧོང་ཐའི་ཇི་བསྐོས་པས། རྟེན་འབྲེལ་ལེགས་ཚོགས་ཕུན་སུམ་ཚོགས་པ་འགྲིག་གོ ། སྨྲས་པ། ངོ་མཚར་རྨད་བྱུང་གཏམ་གྱི་སྦྱོར་བ་དང་། །ཚིག་འཕྲེང་འཛད་པ་མེད་པའི་པུ་སྟ་ཀ །ལོ་རྒྱུས་དེབ་གཏེར་དོན་གཉེར་དཔྱོད་ལྡན་རྣམས། །དགའ་བའི་གར་དང་བཅས་ཏེ་ད་ལོང་ཞིག །དམ་པ་མཆོག་གི་ཕུལ་བྱུང་མཛད་པའི་མཐའ། །འཇལ་པ་ཀུན་མཁྱེན་རྣམས་ཀྱང་སྒྱིད་སྐྱུར་ན། །སོམ་ཉིའི་དྲ་བར་ཆུད་པར་བདག་འདྲ་ཡིས། །བརྗོད་པ་ཆུ་ཤིང་འབྲས་བུ་འཚོལ་བ་བཞིན། །འོན་ཏང་ཚད་པའི་གདུང་བས་མནར་བ་རྣམས། །རྒྱ་མཚོ་རྫོགས་པར་འཐུངས་པའི་ནུས་བྲལ་ཡང་། །ཇི་ཙམ་ལོངས་སུ་སྤྱོད་ནུས་དེ་ཉིད་ཀྱི། འདོད་པའི་རེ་བ་ཡོངས་སུ་ཅིས་མི་སྐོང་། །ཐོར་བུའི་ལོ་རྒྱུས་བསྡུས་པའི་རྫ་རྔ་ཡིས། །དཔྱོད་ལྡན་རྨ་བྱའི་སྙིང་ལ་མི་འབབ་ཀྱང་། །ཡིག་ཚང་ཁུངས་ལྡན་ངག་རྒྱུན་མ་གཏོགས་པའི། །འབྲེལ་མེད་རང་བཟོ་བྲིས་པ་འདི་ན་མེད། །ཡོངས་གྲགས་མཁས་པའི་སློབ་དཔོན་བསྟེན་པའི་མཐུས། །བཅད་ལྷུག་སྙན་ངག་སྨྲ་ལ་ཐོགས་མེད་ཀྱང་། །མཁས་བླུན་ཀུན་གྱིས་བལྟ་བར་གོ་བདེ་ཕྱིར། །འབོལ་རྩོམ་གྲོང་པའི་ཚིག་ཏུ་ལྷུག་པར་བཀོད། །རྒྱལ་དང་རྒྱལ་བའི་སྲས་ཀྱི་རྟོགས་བརྗོད་འཕྲེང་། །ཚིག་གི་སྲད་བུར་བརྒྱུས་པའི་དགེ་བ་དེས། །ལུས་ཅན་མཐའ་དག་དུས་མཁྱེན་རྒྱལ་པོ་ཡི། །བསོད་ནམས་ཇི་བཞིན་ལོངས་སུ་སྤྱོད་གྱུར་ཅིག །ཅེས་པ་འཕགས་པ་འཇིག་རྟེན་དབང་ཕྱུག་ཐམས་ཅད་མཁྱེན་པ་ཡོན་ཏན་རྒྱ་མཚོ་དཔལ་བཟང་པོའི་རྣམ་པར་ཐར་པ་ནོར་བུའི་འཕྲེང་བ་ཞེས་བྱ་བ་འདི་ནི། གྲོང་སྨད་པ་འཕྲིན་ལས་རྒྱ་མཚོ་སོགས་དོན་གཉེར་ཅན་འགའ་ཞིག་གིས་

― GLG008_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུལ་བའི་ངོར། སྐུ་ན་ཕྲ་མོའི་དུས་ཀྱི་རྣམ་ཐར་ངོ་མཚར་བའི་རིགས་ཟིན་བྲིས་སུ་བཀོད་པའི་ཤོག་རིལ་གཉིས་དང་། བཞུ་ཁང་རབ་འབྱམས་པ་དགེ་ལེགས་ལྷུན་གྲུབ་ཀྱིས་མཛད་པའི་རྣམ་ཐར་དད་པའི་གོ་འབྱེད། མཁར་ནག་ལོ་ཙཱ་བ་དཔལ་འབྱོར་རྒྱ་མཚོས་མཛད་པའི་རྣམ་ཐར་ཚིགས་བཅད་མ་རྣམས་ལ་གཞི་བྱས། དེའི་དུས་ཀྱི་དྲུང་འཁོར་རྙིང་པ་རྒྱུས་ཅན་འགའ་ཞིག་གི་ངག་སྒྲོས་ངེས་དག་གིས་ཟུར་བརྒྱན། འོན་ཀྱང་གསང་བ་བསམ་གྱིས་མི་ཁྱབ་པའི་རྣམ་པར་ཐར་པའི་རིགས་མང་པོ་དང་། ལོ་དུས་ཀྱི་ངེས་པ་སོགས་ནི་ཞིབ་ཏུ་བརྩད་བཅད་ཀྱང་། གྲྭ་རིགས་རྣམས་གདུལ་བྱ་ཆེ་ཆུང་དང་བཀའ་དྲིན་སྐྱོང་མི་སྐྱོང་གི་གླེང་བརྗོད་ལས། བླ་མའི་རྣམ་པར་ཐར་པ་དོན་དུ་གཉེར་བ་ཉུང་བའི་ཕྱིར། ཞིབ་པར་འདྲི་བའི་གནས་མ་རྙེད་ནའང་། གོང་དུ་སྨོས་པ་རྣམས་ལ་གཞི་བྱས་ཏེ། གཏམ་རྒྱུད་དེབ་གཏེར་སྨྲ་བའི་ཟ་ཧོར་གྱི་བཙུན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས། བཙོང་ཁའི་ཡུལ་དཀར་ཐང་མར་ཁུའི་མཚོ་མོར་སྦྱར་བའི་ཡི་གེའི་ཟློས་གར་སྒྱུར་བ་པོ་ནི་རིག་གནས་ཟད་མི་ཤེས་པའི་བང་མཛོད་འཛིན་པ་སློབ་དཔོན་མ་ཧཱ་པཎྜི་ཏ་དཔོན་དྲུང་རིན་པོ་ཆེ་སྨོན་འགྲོ་ལོ་ཙཱ་བ་ཡིན་ནོ། །མངྒ་ལཾ།། །།

― GLG008_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཁྱབ་བདག་རྡོ་རྗེ་འཆང་མཁན་ཆེན་ཆོས་ཀྱི་རྒྱལ་པོ་བློ་བཟང་ཆོས་ཀྱི་རྒྱལ་མཚན་གྱི་གསང་བའི་རྣམ་ཐར་དད་པའི་ཤིང་རྟ།

― GLG008_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་བདག་རྡོ་རྗེ་འཆང་མཁན་ཆེན་ཆོས་ཀྱི་རྒྱལ་པོ་བློ་བཟང་ཆོས་ཀྱི་རྒྱལ་མཚན་གྱི་གསང་བའི་རྣམ་ཐར་དད་པའི་ཤིང་རྟ་ཞེས་བྱ་བ་བཞུགས་སོ། །

― GLG008_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི་སིདྡྷི། །ཐབས་དང་ཤེས་རབ་ཟུང་དུ་འཇུག་པའི་ཚོགས་གཉིས་ས་བོན་སྨིན་པ་ལས། །སྐུ་བཞིའི་འབྲས་བཟང་གཡུར་དུ་ཟ་བའི་བཤེས་གཉེན་དཔག་བསམ་ཡོངས་འདུའི་ལྗོན། །ཅུང་ཟད་བསྟེེན་ཀྱང་འདོད་པའི་རེ་སྐོང་སྔོན་མེད་ཡིད་བཞིན་དབང་གི་རྒྱལ། །བློ་བཟང་ཆོས་ཀྱི་སྲིད་ལ་དབང་བསྒྱུར་བསྟན་པའི་རྒྱལ་མཚན་ཞབས་ལ་འདུད། །བློ་གསལ་སྐལ་བཟང་རིན་ཆེན་ཟ་མ་ཏོག །ལུང་རྟོགས་ཆོས་ཀྱི་བདུད་རྩིས་འགེངས་མཛད་པའི། །དུས་གསུམ་རྒྱལ་བ་ཀུན་དངོས་ངུར་སྨྲིག་གིས། །རྣམ་རོལ་མཚན་ལྡན་བླ་མ་ཕྱག་གི་ཡུལ། །གྲངས་མེད་བསྐལ་པར་གོམས་པའི་རྒྱལ་སྲས་ཀྱིས། ། རླབས་ཆེན་སྤྱོད་པའི་ཕ་མཐའ་འཆིང་བ་ལ། །བྱེད་པོས་ཀུན་གསལ་ཞགས་པར་སྤྲུལ་བྱས་ཀྱང་། །ཆ་ཙམ་འཇལ་བའི་གོ་སྐབས་ག་ལ་ཞིག །འོག་མིན་ཞིང་དུ་མཚན་དཔེའི་སྒྱུ་འཕྲུལ་གྱིས། །ངོ་མཚར་གར་དུ་བཞེངས་པའི་སྟོབས་བཅུའི་རྩལ། །ལྷུན་གྲུབ་གསང་བ་གསུམ་གྱི་རྣམ་ཐར་ཀུན། །སྒྲིབ་པའི་ཡིད་ཅན་རྣམས་ཀྱང་རྟོགས་ནུས་སུ། །འོན་ཀྱང་མཁའ་ལ་རྒྱུ་བའི་ཟླ་གཟུགས་གཅིག །རྙོག་བྲལ་འབུམ་ཕྲག་རྫིང་བུར་འཆར་བ་ལྟར། །

― GLG008_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་དམན་སྨན་པའི་བློ་དང་རབ་འཚམ་པའི། །ཕུན་ཚོགས་བཀོད་པའི་ངོ་མཚར་ཟད་མི་ཤེས། ཁྱད་པར་ཁ་བས་བསྐོར་བའི་སྨན་ལྗོངས་འདིར། །འཇམ་དཔལ་སྙིང་པོའི་བསྟན་པ་སྤེལ་བའི་ཕྱིར། །མཁས་བཙུན་བཟང་པའི་མཛད་པ་མཐའ་ཀླས་པ། །ལྕེ་བརྒྱས་བསྐལ་བརྒྱར་བརྗོད་ཀྱང་ག་ལ་རྫོགས། །འོན་ཀྱང་གསང་བའི་རྟོགས་པ་བརྗོད་མ་གྱུར། །སྐལ་བཟང་འཆི་མེད་ཚོགས་ཀྱི་ཐོད་བཅིངས་ནས། །དད་པའི་དོ་རར་རླབས་ཆེན་བསོད་ནམས་གར། །གཏན་བདེའི་གཟིགས་མོར་བསྒྱུར་ལ་འདི་ན་བྲེལ། །བགྲང་ཡས་སྐྱེ་རྒུའི་ཡིད་ཀྱི་ས་འཛིན་ལ། །རབ་དམར་དང་བ་མཚོ་ཡི་ཤིང་རྟ་ཡིས། །ལེགས་ཚོགས་བྱེ་བའི་ནོར་བུ་རབ་དྲངས་ནས། །འདི་ཕྱིར་དགེ་བའི་འདོད་རྒུ་ཆར་དུ་བསྙིལ། །ཞེས་ཤིས་པ་བརྗོད་པའི་ཚིག་གིས་སྔུན་བསུས་ཏེ། དུས་གསུམ་གྱི་རྒྱལ་བ་རྣམས་ནི་མཁྱེན་བརྩེ་ནུས་པའི་དཔུང་མཐའ་ཡས་པས་འགྲོ་བ་རྣམས་འདྲེན་པ་ལ་ཐབས་སྣ་ཚོགས་ཀྱི་སྒོ་ནས་སྤྲུལ་པ་གྲངས་མེད་པར་སྟོན་ལ། ཁྱད་པར་གྲགས་ཅན་གྱི་བསྐལ་བ་འདི་ཉིད་ལ་སངས་རྒྱས་སྟོང་འབྱོན་པ་རྣམས་ཀྱི་ནང་ནས་སྙིགས་མ་ལ་ཆེས་ཆེར་བདོ་ཞིང་འདུལ་བར་དཀའ་བ་ལ་སྙིང་སྟོབས་མཆོག་གི་པད་དཀར་ལྟ་བུར་

― GLG008_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔགས་པ་འོ་སྐོལ་གྱི་སྟོན་པ་ཟས་གཙང་གི་སྲས་པོའི་བསྟན་པ་རིན་པོ་ཆེ་འདི་ལ། ཆགས་པ་དང་བྲལ་བའི་སྐྱེས་མཆོག་གྲངས་མེད་པ་ཞིག་བྱོན་པ་རྣམས་ཀྱི་ནང་ནས། རང་ཅག་རྣམས་ཀྱི་དམ་པ་རིགས་དང་དཀྱིལ་འཁོར་ཐམས་ཅད་ཀྱི་བདག་ཉིད། དོན་གྱི་སླད་དུ་མཚན་ནས་སྨོས་ཏེ་ལུང་རྟོགས་བསྟན་པའི་མངའ་བདག་མཁན་ཆེན་ཆོས་ཀྱི་རྒྱལ་པོ་དབེན་ས་པ་ཆེན་པོ་པཎ་ཆེན་བློ་བཟང་ཆོས་ཀྱི་རྒྱན་མཚན་དཔལ་བཟང་པོའི་རྣམ་པར་ཐར་པ་ཡོངས་སུ་རྫོགས་པ་ནི་བསྐལ་པར་བརྗོད་ཀྱང་རྫོགས་པའི་མཐའ་ག་ལ་ཞིག །འོན་ཀྱང་ཐུན་མོང་གི་རྣམ་ཐར་རགས་རིམ་ཙམ་ནི། རྗེ་བཙུན་བླ་མ་མཆོག་གི་བཀའ་འབུམ་དུ་བཞུགས་པ་ལྟར་ཡིན་ལ། དེ་ཉིད་དུ་ཤིན་ཏུ་སྤམ་པའི་ཚུལ་གྱི་གསང་བ་རྡོ་རྗེའི་ཚིག་རྣམས་འབྲི་བར་འདོད་ནས། རྗེ་ཉིད་ལ་གསོལ་བ་བཏབ་སྟེ་ཞལ་ལུང་ལས་བྱུང་བ་དང་། རྣམ་པར་དཔྱོད་པའི་བློ་ལྡན་གུ་གེ་ཆོས་རྗེ་སོགས། སྤྱན་སྔ་བ་འགའ་ཞིག་གི་ངག་ལས་བྱུང་བའི་ཁུངས་བཙུན་པ་རྣམས་ལ་བརྟེན་ནས་མཆོག་དམན་གྱི་སྐྱེ་རྒུ་སྐལ་བར་ལྡན་པ་རྣམས་ཀྱི་ཆེད་དང་། རང་ཉིད་ཀྱི་དད་པའི་གསོས་ཐུན་མོང་དུ་ཡི་གེའི་ལམ་དུ་འགོད་པ་ནི། དེ་ཡང་གྲུབ་པའི་དབང་ཕྱུག་ཆེན་པོ་དབེན་ས་པ་བློ་བཟང་དོན་གྲུབ་དེ་ཉིད། སྤྲུལ་སྐུ་རགས་པའི་ཟ་མ་ཏོག་བསྡུས་ནས། སླར་བསམས་བཞིན་འཚོ་བྱེད་དྲུག་བརྒྱ་བའི་སྲས་སུ་སྲིད་པ་བཟུང་བའི་སྤྲུལ་པའི་སྐུ་སྔོན་མ་དེ། མི་གཙང་བའི་གྲིབ་ལ་བརྟེན་གཤེགས་པ་ན། ཡུམ་མྱ་ངན་གྱིས་ནོན་པའི་རྣ་ལམ་དུ་ཛོ་གི་ཞིག་བྱུང་ནས་ལུང་བསྟན་ཚུལ་རྣམ་ཐར་ཐུན་མོང་བར་གསལ་བའི་ཨཱ་ཙཪྻ་དེ་ནི། ཡེ་ཤེས་ཀྱི་མགོན་པོ་ཕྱག་དྲུག་པ་སྟེ། དེ་ཡང་སྔོན་མཁས་གྲུབ་རིན་པོ་ཆེའི་དུས། མཉམ་མེད་ནམ་མཁའི་རྣལ་འབྱོར་ལ་མགོན་པོ་ཕྱག་དྲུག་པའི་ཆོས་སྐོར་ཡོངས་སུ་རྫོགས་པ་

― GLG008_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

གསན་ཅིང་། ཆོས་སྐྱོང་གི་གཙོ་བོར་མཛད་པས་ལུས་དང་གྲིབ་མ་བཞིན་དུ་འགྲོགས་པའི་རྟེན་འབྲེལ་དུ་གོ །དབེན་དགོན་དུ་སངས་རྒྱས་བྱང་སེམས་དང་། ཡིད་དམ་ཆོས་སྐྱོང་མང་པོའི་ལྗགས་བསྙེན་གནང་བའི་ཚེ། ལྷ་གང་དང་གང་ཡིན་པ་དེ་དག་གི་ཞལ་མངོན་སུམ་དུ་གཟིགས་ཤིང་། ཁྱད་པར་རྡོ་རྗེ་འཇིགས་བྱེད། མགོན་པོ་ཕྱག་དྲུག་པ། དམ་ཅན་གཤིན་རྗེའི་རྒྱལ་པོ། དཔལ་ལྡན་དམར་ཟོར་མ་སོགས་ཀྱི་སྐུ་དང་གསུང་གི་སྣང་བ་དངོས་སུ་སྩལ་ནས་འཕྲིན་ལས་བསྒྲུབ་པར་ཞལ་གྱི་བཞེས། འདི་དག་གི་དུས་གཞན་གྱི་ལེགས་ཉེས་སོགས་ཤེས་བྱ་ལྐོག་གྱུར་བ་མཐའ་དག་ཀྱང་། སྐུ་ན་ཕྲ་བའི་རྒྱུ་མཚན་གྱིས་མ་གསངས་པར་གསུངས་པ་ན། ཇི་ལྟ་བ་བཞིན་འཕྱུགས་མེད་དུ་ཐོག་ཏུ་བབས་པ་ཁོ་ན་བྱུང་། དགུང་ལོ་བཅུ་བཞི་པའི་དུས། ངག་དབང་ལྷ་མོ་དབྱངས་ཅན་མའི་ལྗགས་བསྙེན་མཛད་པའི་ཚེ། མངོན་རྟོགས་དང་མཐུན་པའི་དབྱངས་ཅན་མ་ཞིག་ཞལ་གཟིགས་པའི་ཐུགས་ནས་དབྱངས་ཅན་མ་སྔོན་མོ་ཞིག་བྱུང་སྟེ། རིན་པོ་ཆེའི་སྣོད་ཤིང་ཏོག་གསར་པས་གང་པ་ཞིག་བསྣམས་ནས་གཙོ་མོའི་ཕྱག་ཏུ་ཕུལ་བས། ཤིང་ཏོག་གཅིག་ལས་དབྱངས་ཅན་མ་དམར་མོ་ཞིག་ཆུ་ལས་ཆུ་སྦུར་རྡོལ་བ་ལྟར་ཐོན། དེས་གཙོ་མོའི་ཕྱག་གི་ཤིང་ཏོག་སྣོད་དང་བཅས་པ་བླངས་ཏེ། རྗེ་བླ་མ་འདི་ཉིད་ཀྱི་ཕྱག་ཏུ་ཕུལ་ནས། རོ་བརྒྱའི་དཔལ་ལ་ལོངས་སུ་སྤྱོད་པར་མཛད་པ་དང་། པི་ཝང་གི་སྒྲ་སྙན་པ་ཡང་དངོས་སུ་གསན་པ་ནི། སྐུ་ཚེ་འདི་ཉིད་ལ་འཆད་རྩོད་རྩོམ་གསུམ་གྱི་སྒོ་ནས་བསྟན་པ་ཉིན་མོ་ལྟར་གསལ་བར་མཛད་པའི་རྒྱུ་མཁྱེན་རབ་འཇམ་པའི་དབྱངས་དང་གཉིས་སུ་མ་མཆིས་པར་བྱུང་བ་འདིའི་རྟེན་འབྲེལ་ཡིན་ལ། དེའི་ཚེ་གནང་བའི་དབྱངས་ཅན་མའི་བསྟོད་པ་དེ་ལ་གཟིགས་སྣང་བསྟོད་པར་གྲགས།

― GLG008_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་རིམ་ཆུང་བ་ཐུགས་འཛིན་གནང་བ་ན། ནང་པར་ནས་ལམ་རིམ་ཆེན་མོ་ལ་གཟིགས་རྟོག་གནང་བས་ཐུགས་ལ་ཤིན་ཏུ་བབས་ཏེ་ཐུགས་འཛིན་གནང་བའི་དགོངས་པ་གཏད། དེའི་ཚེ་བདག་ཅག་གི་སྟོན་པ་མཉམ་མེད་ཤཱཀྱའི་རྒྱལ་པོ་སྐུ་ཆེ་ཞིང་བལྟ་བས་ཆོག་མི་ཤེས་པ་ཉི་མ་འབུམ་གྱི་གཟི་བརྗིད་དང་ལྡན་པ་ལྟ་བུ་ཞིག་ཞལ་གཟིགས་པས་ཡན་ལག་བདུན་པ་འབུལ་བར་གནང་འདུག་ནའང་། རྣམ་ཐར་ཆེན་མོར་མནལ་ལམ་དུ་བྱུང་བའི་སྒྱུ་ལ་བརྟེན་པར་མཆིས། བཀྲ་ཤིས་ལྷུན་པོར་གསན་སྦྱོང་ལ་ཕེབས་པའི་ནུབ་བུད་མེད་གཞོན་ནུ་ཕོ་ཆས་སྤྲད་པ་ཞིག་གིས་དགའ་བའི་རྣམ་འགྱུར་དུ་མ་དང་བཅས་ཏེ་གསེར་གྱི་མཎྜལ་འདྲ་བ་ཞིག་ཉི་མའི་དཀྱིལ་འཁོར་ཡིན་ཟེར་ཕྱག་ཏུ་གཏད་དེ་ལེགས་སོ་བརྗོད་པ་ནི། དཔལ་ལྡན་འདོད་ཁམས་ཀྱི་དབང་ཕྱུག་མས། ཐོས་བསམ་གྱི་ཚུལ་བསྟན་པ་ལ་བརྟེན་ནས་བསྟན་འགྲོའི་ཕན་བདེའི་སྣང་བ་གསལ་བར་འགྱུར་བའི་རྟེན་འབྲེལ་གྱི་བརྡ་ཆོས་སོ། །བརྩི་བཞག་འཛིན་པ་ལ་ཐོག་མར་ཕེབས་པའི་ཚེ། གཟིམས་སྤྱིལ་གྱི་སྒོ་དྲུང་དུ་རྣལ་འབྱོར་མ་ཞིག་གིས་འོ་མ་ཀ་པཱ་ལ་གང་ཁྱེར་ནས། སྐུའི་མདུན་དུ་བཏེག་བྱུང་བ་ལ། མཐེབ་སྲིན་གྱིས་རེག་པ་ཞིག་གནང་། ཅུང་ཟད་ཕེབས་ཏེ་རྣལ་འབྱོར་མ་དེ་ཅི་འདྲ་ཞིག་ཡིན་དགོངས་ཕྱི་མིག་གཟིགས་པ་ན། གར་སོང་ཆ་མེད་དུ་གྱུར། རྣལ་འབྱོར་མ་དེ་འཇིག་རྟེན་ལས་འདས་མ་འདས་མ་ངེས་ཅེས་གསལ་བར་མ་གསུང་ཡང་ཐམས་ཅད་མཁྱེན་པ་དགེ་འདུན་གྲུབ་པ་དེ་ཉིད་བཀའ་གདམས་ཀྱི་བསྟན་པའི་སྙིང་པོ་ལྷ་ཆོས་བདུན་གྱི་བརྒྱུད་པ་འདི་ཉིད་གཙོ་བོར་འཛིན་པ་གནང་བས། རྣལ་འབྱོར་མ་དེ་ཡང་རྗེ་བཙུན་སྒྲོལ་མར་ངེས་སོ། །ཨེ་མ་དཔྱིད་ཀྱི་དཔལ་མོའི་མངལ་ཡངས་ལས། །ལེགས་འོངས་དབྱར་སྐྱེས་མྱུ་

― GLG008_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་གསར་པའི་འབྲས། །བྱ་རྩོལ་བྲལ་ཡང་ཚར་དུ་དངར་བ་དེ། །རྟེན་འབྲེལ་མི་བསླུ་དངོས་པོའི་གནས་ལུགས་ཡིན། །གཟོད་མ་ཉིད་ནས་སྤངས་རྟོགས་ཡོན་ཏན་ཀུན། །ལྷུན་གྲུབ་འཁོར་ལོའི་མགོན་པོ་རྡོ་རྗེ་འཆང་། །ཚད་ཀྱིས་འཇལ་དཀའི་གསང་གསུམ་རྒྱ་མཚོའི་རླབས། །ནམ་ཡང་ཡོལ་བ་མེད་པ་རང་གི་གཤིས། །རྒྱལ་བ་སྲས་བཅས་ཆོས་བསྲུང་དགྱེས་པའི་ཆུ། །གསང་གསུམ་སྣང་བའི་རླབས་ཕྲེང་གཡོ་བཞིན་དུ། །ཚེ་རབས་དུ་མར་གོམས་པའི་རི་གཟར་ནས། །རྒྱུན་ཆད་མེད་པར་འབབ་འདི་སུ་ཡིས་བཟློག །ཡང་རྡོ་རྗེ་འཇིགས་བྱེད་ཀྱི་ལྗགས་བསྙེན་སྐབས། །འཇམ་དཀར་དང་འཇིགས་བྱེད་གཉིས་སྦྲགས་བསྒྲུབས་གྱི་ཚུལ་དུ་གནང་བས། །ཉིན་གཅིག་འཇའ་ཚོན་སྣ་ལྔའི་གུར་ཁྱིམ་གྱི་དབུས་སུ་ཟླ་བའི་དཀྱིལ་འཁོར་གྱི་སྟེང་དུ་ཨ་དཀར་པོའི་མཐར་ཡ་མ་རཱ་ཛཱ་ཤེལ་གྱི་མདོག་ལྟ་བུས་བསྐོར་བ་མངོན་སུམ་དུ་གཟིགས་སྣང་ཡང་། རྣམ་ཐར་ཆེན་མོ་ནི་མནལ་ལམ་གྱི་ཚུལ་དུ་མཆིས། འདི་དག་གི་སྐབས་རྒྱུ་མཚན་གཞན་གསལ་བར་མི་གསུང་ཡང་། དངོས་པོའི་གནས་ཚོད་ལ་དུས་དགྲའི་དབང་པོ་དཔལ་ལྡན་མ་ཧེའི་ཞལ་ཅན་མངོན་སུམ་དུ་འགྲུབ་པས། རྭ་ཆེན་ལོ་ཙཱ་བ་རྡོ་རྗེ་གྲགས་ལྟ་བུའི་མཐུ་སྟོབས་ནུས་པའི་བདག་ཉིད་དུ་གྱུར་པ་ནི་གདོན་མི་ཟ་ཞིང་། ཐམས་ཅད་མཁྱེན་པ་བུ་སྟོན་ཆོས་རྗེ་དང་། སྔགས་འཆང་ཆེན་པོ་རྡོ་རྗེ་དཔལ་གཉིས་ཀྱིས་སྲོལ་བཏོད་པའི་ཞ་ལུ་གསེར་ཁང་གི་མ་ཧེ་མཆོད་པར་གྲགས་པ་འདི་ཉིད་མཁན་ཐོག་འགའ་ཞིག་སོང་འཚམས། མ་ཧེའི་བཀའ་བསྒོ་འདི་གཉན་ཆ་ཆེས་པས། མཁན་པོ་རྣམས་ལ་གྲོངས་ཆད་སོགས་མི་ཤིས་པ་དུ་མ་བྱུང་བར་བརྟེན། དེ་ཕྱིན་ཆད་ཚར་ཆེན་ཆོས་ཀྱི་རྒྱལ་པོ་དང་། འཇམ་དབྱངས་མཁྱེན་བརྩེའི་དབང་ཕྱུག་གཉིས་མ་གཏོགས།

― GLG008_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

འཚུབ་ཆ་མེད་པའི་དམ་བཞག་མཁན་མ་བྱུང་ཞིང་། དུས་ཕྱིས་ཀྱི་དཔལ་ལྡན་ས་སྐྱ་པའི་གདུང་བརྒྱུད་གཅིག་ལ་མཐུ་སྟོབས་ཀྱི་བདག་པོར་གྲགས་པའི་ཁྲི་ཆེན་བསོད་ནམས་དབང་པོས་ཀྱང་མ་ཧེ་བཀའ་བསྒོ་ལ་འབྱོལ་ཐབས་ཁོ་ན་མཛད་ཅིང་། ཕྱག་རྒྱ་ཆེན་པོའི་རྟོགས་པ་ཀློང་དུ་གྱུར་པའི་རྟོགས་ལྡན་གྲངས་ཀྱི་སེང་གེ་ལྟ་བུར་རློམ་པའི་ཞ་ལུ་སྐུ་ཞང་པ་བཀའ་བསྐོ་མཛད་པའི་མུ་ལ་ཤངས་མཚལ་ཤོར་ནས་རིང་པོ་མ་ལོན་པར་གྲོངས་པ་སོགས་འཚུབ་གྲགས་ཤིན་ཏུ་ཆེ་ན་ཡང་། དམ་པ་འདི་ཉིད་ཀྱིས་བཀའ་བསྒོ་མཛད་པའི་དུས་འཚུབ་སྟོབས་ཆུང་བ་ཐམས་ཅད་ཀྱི་མངོན་སུམ་དུ་གྲུབ་ཅིང་ཡ་མཚན་གྱི་གནས་སུ་བྱེད་པ་དེའོ། །དབེན་དགོན་དུ་བཞུགས་སྐབས་རྒྱལ་བ་ཙོང་ཁ་པ་ཆེན་པོ་མངོན་སུམ་དུ་ཕེབས་ནས། རང་དང་གཞན་ལ་ཕན་པའི་ཕྱིར། །ཐོས་པས་ངོམས་པར་མི་བྱ་སྟེ། །ས་གསུམ་བརྙེས་པའི་སེམས་དཔའ་ཡང་། །ཐོས་པའི་ངོམས་པ་མེད་ལ་ལྟོས། །ཅེས་སོགས་གསུང་གི་སྣང་བ་རྒྱ་ཆེན་པོ་སྩལ་བའང་མཆིས། སྐབས་ཤིག་ཕྲག་རྒྱ་རྡོ་རྗེའི་ཕོ་བྲང་ཞེས་བྱ་བའི་རི་ཁྲོད་དུ་དགུན་ཟླ་གསུམ་གྱི་རིང་མེ་ཏོག་རིལ་བུ་ཁོ་ནའི་བཅུད་ལེན་ལ་བརྟེན་ནས། ཉིན་མཚན་ཁོར་ཡུག་ཏུ་ཞབས་རྡོ་རྗེའི་སྐྱིལ་མོ་ཀྲུང་བཅས་ཏེ་ཐུགས་དམ་ཁོ་ན་ལ་གཞོལ་བར་མཛད་པས། ཕྱི་རོལ་གྱི་ཉེ་འདབ་ཏུ་འཁོད་པ་རྣམས་ལྭ་བའི་བེམས་པོ་མང་པོ་བརྩེགས་ཏེ་གྱོན་ཀྱང་གྲང་བའི་རེག་བྱ་མི་བཟོད་པར་འདར་བའི་སྐབས། བླ་མ་ཉིད་ཀྱི་སྐུ་ཟིལ་པ་ཕྲོམ་མེ་བ། ཕུག་པའི་ནང་ཡང་མེ་རྒྱུན་ཆད་མེད་པར་སྤར་བའི་གཡོས་ཁང་བཞིན་དུ་ཚ་འུར་རེ་བ་བྱུང་བ་ནི། ནང་གི་གཏུམ་མོའི་བདེ་དྲོད་རང་འབར་དུ་སོང་བའི་ནང་རྟགས་ཕྱིར་ཤར་བའོ། །སྲད་རྒྱུད་ན་བཞུགས་པའི་དུས་ནུབ་ཅིག་བཀྲ་ཤིས་ལྷུན་པོ་ནས་ཡིན་ཟེར་བའི། །

― GLG008_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱ་ཙཪྱ་དང་མོན་པ་འགའ་ཞིག་འོངས་ནས། ཁྱེད་མྱུར་དུ་བཀྲ་ཤིས་ལྷུན་པོར་ཕེབས་དགོས། ངེད་རྣམས་ཀྱིས་གྲབས་བྱེད་ཞུས་འདུག་པའི་ཨཱ་ཙཪྱ་གཙོ་བོ་དེ་མགོན་པོ་ཕྱག་དྲུག་པ་དང་། མོན་པའི་གཙོ་བོ་དེ་ལས་གཤིན་ཡིན་ཅིང་། བཀྲ་ཤིས་ལྷུན་པོའི་མཁན་ཐོག་ཏུ་གདན་འདྲེན་པ་འདུག །ཡང་སྐབས་ཤིག་མནལ་ལམ་དུ། བཀྲ་ཤིས་ལྷུན་པོའི་ལྷོ་འགྲམ་གྱི་གཞུང་ལམ་ལ་ཕེབས་པ་ན། མི་དཀར་པོ་ཞིག་དང་དམར་པོ་ཞིག་གིས་ཆིབ་མཐུར་ནས་བཟུང་སྟེ། བཀྲ་ཤིས་ལྷུན་པོའི་འདུ་ཁང་བར་གདན་དྲངས། མི་དཀར་པོ་དེས་དར་གྱིས་གྲིལ་བའི་གླེགས་བམ་ཞིག་ཕུལ་ནས། འདི་གསུང་དགོས་རྒྱུ་ཡིན་ཟེར་བས། ཅི་ཡིན་ནམ་དགོངས་གཟིགས་ཙ་ན། གླེགས་བམ་དེ་ལམ་རིམ་ཆེ་བར་འདུག །དེ་འཕྲལ་དུ་མནལ་སད་པར་སྣང་། མི་དཀར་པོ་དེ་སྤྱན་རས་གཟིགས་དང་། དམར་པོ་དེ་མགོན་པོ་ལྷོ་ནུབ་པ་ཡིན་པ་འདྲ། འདི་ནི་བཀའ་གདམས་གསར་རྙིང་གི་བསྟན་པའི་རྩ་ལག་དམ་པར་མངའ་གསོལ་བར་གདའ། ཐམས་ཅད་མཁྱེན་པ་ཡོན་ཏན་རྒྱ་མཚོ་ཐོག་མར་བོད་དུ་ཕེབས་སྐབས། བཀྲ་ཤིས་ལྷུན་པོའི་མཁན་སློབ་ཐམས་ཅད་ཀྱིས་མཇལ་བར་ཕེབས་པའི་ལམ་དུ་མིག་འཕྲུལ་ལྟ་བུའི་བྱིས་པ་ཡ་མཚན་བྱུང་བ་ནི། ནག་ཚོ་ལོ་ཙཱ་བས་ཇོ་བོ་ཆེན་པོ་གདན་འདྲེན་ལ་རྒྱ་གར་དུ་བྱོན་པ་དང་། ཁུ་སྟོན་གྱིས་ཡེར་པར་བྱོན་པའི་ལམ་དུ་ལྟས་ཡ་མཚན་པ་བྱུང་བའི་ལོ་རྒྱུས་དང་ཚུལ་མཚུངས་པར་འདུག །ཐམས་ཅད་མཁྱེན་པ་དང་མཇལ་བའི་ཉིན་ཐོག་མར་སྤྱན་རས་གཟིགས་ཕྱག་བཞི་པའི་རྣམ་པར་གཟིགས། བཀའ་གདམས་ཀྱི་ཆུ་འགོ་རྭ་སྒྲེང་པའི་དབེན་གནས་མཇལ་བར་ཐོག་མར་ཕེབས་སྐབས་ཞབས་སྐོར་ལ་གཤེགས་པའི་ཚེ། ཇོ་བོའི་

― GLG008_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་འདྲ་རང་བྱོན་གྱི་ཐ་སྙད་བྱེད་པ་དེའི་ས་ནས་གཟིགས་པས། ཇོ་བོ་འཕྱིང་དཀར་བ་གནས་པའི་རིའི་རྩེ་ནས་འཇའ་སྤྲིན་ཁ་དོག་སྣ་ལྔ་པ་ཞིག་ནར་གྱིས་བྱུང་བའི་སྟེང་དུ། ཇོ་བོ་ཆེན་པོ་ཨ་ཏི་ཤ། རྒྱལ་བ་འབྲོམ། རྔོག་ལེགས་པའི་ཤེས་རབ། ཁུ་སྟོན་ཆེན་པོ། ཨ་མེས། དགོན་པ་བ། པོ་ཏོ་བ། ཕུ་ཆུང་པ། སྤྱན་སྔ་བ། གླང་ཐང་པ། ཤ་ར་བ་སོགས་བཀའ་གདམས་ཀྱི་སྐྱེས་བུ་དམ་པ་གྲངས་མེད་པར་བཞུགས་པའི་སྣེ་མོར་རྗེ་བཙུན་སྒྲོལ་མ་ལྗང་གུ་དཀའ་ཐུབ་ཀྱི་ཆས་ཀྱིས་མཛེས་པ་བཞེངས་ནས་བཞུགས་པའི་ཕྱག་མཚན་ཨུཏྤ་ལའི་འདབ་མ་ཞིག་ནམ་མཁའ་ལ་བསྐྱུར་བའི་ཚུལ་གྱིས་གནང་བ་ཕྱག་ཏུ་བབས། ཞམ་རིང་དུ་འཁོད་པ་རྣམས་ཀྱིས་དར་ལྗང་ཁུའི་རྣམ་པར་མཐོང་། འདི་ནི་བཀའ་གདམས་རིན་པོ་ཆེའི་བསྟན་པ་ལ་ཕན་པ་རྒྱ་ཆེན་པོ་འབྱུང་བ་དང་། བསྟན་འགྲོའི་ཉེར་འཚོར་སྐུ་ཚེ་ཡུན་རིང་དུ་བརྟན་པར་བྱིན་གྱིས་བརླབས་པའི་རྟེན་འབྲེལ་ལོ། །འདི་སྐབས་ཤིག་རྭ་སྒྲེང་གནས་བཅུ་ཁང་དུ་བཞུགས་ཚེ། ཇོ་བོ་འཕྱིང་དཀར་བ་དངོས་སུ་བྱུང་ནས། འཕྲིན་ལས་བསྒྲུབ་པར་ཁས་བླངས་ཤིང་། གཏོར་བསྔོས་ཀྱི་ཚིགས་བཅད་ཅིག་ཀྱང་ཐུགས་རྩོམ་གནང་ངོ་། །རྒྱལ་ཀུན་གསུང་གི་ངོ་བོ་མངྒའི་སྒྲ། གཞོམ་མེད་དབྱངས་སུ་འཚེར་བ་འཇམ་པའི་དཔལ། །མ་རུངས་དུས་དགྲའི་དབང་པོ་གཤིན་རྗེའི་གཤེད། །འདི་ན་ངུར་སྨིག་འཛིན་པའི་གར་གྱིས་རོལ། །ཕུལ་བྱུང་ལྷ་ཆོས་བདུན་ལྡན་ཨཱ་དར་ཤར། །བཀའ་གདམས་བསྟན་པའི་གཟུགས་བརྙན་འབུམ་འཆར་བར། །རྣམ་གསུམ་མཁས་པའི་མཛད་བཟང་བྱི་དོར་གྱི། །བྱེད་པོར་རྒྱལ་བ་ཀུན་གྱིས་མགྲིན་གཅིག་བསྔགས། །རིགས་ལྡན་འཇམ་དཔལ་དབྱངས་དངོས་གྲགས་པའི་ཞབས། །དེ་སྲས་པད་དཀར་འཛིན་དང་གདན་འཛོམ་པའི། །

― GLG008_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུལ་བྱུང་གཟིགས་མོར་མཚར་བའི་སྒྱུ་མའི་འཕྲུལ། །ཉིན་མོར་བྱེད་དང་ཆུ་སྐྱེས་ཕྲད་པ་བཞིན། །རྗེ་བཙུན་བྱམས་མགོན་གྱི་ལུགས་སྐུ་ཆེན་མོའི་རབ་གནས་ཉིན། དགེ་སློང་ཆོས་གོས་རྣམ་གསུམ་གསོལ་བ་གཟི་བརྗིད་ཕུན་སུམ་ཚོགས་པ་དང་ལྡན་པ་ཞིག་ནམ་མཁའ་ལ་བྱོན་ཏེ། རྟེན་འདི་ལ་བརྟེན་ནས་འགྲོ་ཕན་རྒྱ་ཆེན་པོ་འགྲུབ་པ་ཞེས་གསུང་བ་དང་བཅས་ཏེ་རྟེན་ལ་ཐིམ་པ་གཟིགས། དེ་ནི་དགའ་ལྡན་ནས་ཡེ་ཤེས་སེམས་དཔའ་དངོས་བྱོན་པར་སྣང་ཞིང་། དགའ་ལྡན་གྱི་བྱམས་པའི་ཐུགས་ཀ་དང་རྟེན་གྱི་ཐུགས་ཀ་གཉིས་འོད་ཟེར་གྱི་དྲྭ་བས་འབྲེལ་བའི་གཟིགས་སྣང་ཁྱད་པར་ཅན་བྱུང་། ཚུལ་འདི་དག་ལ་དཔགས་ན། སྐུ་རྙན་འདི་ཉིད་མཐོང་ཐོས་དྲན་རེག་མཐའ་དག་མ་འོངས་པ་ན་བྱམས་པའི་འདུས་པ་དང་པོའི་འཁོར་དུ་སྐྱེ་བའི་བྱེད་ལས་ཁྱད་པར་ཅན་ཞིག་ཡིན་ནམ་སྙམ་མོ། །དབྱེན་བཟླུམས་མཆོད་རྟེན་གྱི་ནང་བཞུགས་ས་ཙྪ་འདེབས་པ་གནང་སྐབས། གྲུབ་ཆེན་ཤ་ཝ་རི་པ་བྱོན་ནས་གནས་ཆེན་རྣམས་ཀྱི་ས་སྣ་རྡོ་སྣ་འདྲེས་པའི་ཐུམ་བུ་ཞིག་ཕུལ། དྲུང་དུ་འཁོད་པ་རྣམས་ཀྱིས་ཛོ་ཀི་རང་བཞིན་པ་ཞིག་ཏུ་མཐོང་། མཆོད་རྟེན་གྱི་རབ་གནས་དུས། དེ་མོ་སྤྲུལ་སྐུ་ལྷ་དབང་ཕྱོགས་ལས་རྣམ་རྒྱལ་གྱི་གཟིགས་སྣང་ལ། མཆོད་རྟེན་ཆར་ཁེབས་ཀྱི་སྟེང་ན། དབུས་སུ་རྗེ་ཉིད། གཡས་སུ་གྲུབ་ཆེན་ཞིག་དང་། གཡོན་དུ་དགེ་སློང་དབུ་དཀར་པོ་ཞིག་འདུག་པ་གཟིགས་ནས་རྒྱུ་མཚན་ཞུས་པས། གྲུབ་ཆེན་དེ་ས་ར་ཧ་དང་། དགེ་སློང་དེ་གྲུབ་མཆོག་ཆོས་ཀྱི་རྡོ་རྗེ་ཡིན་ཞེས་བཀའ་སྩལ། སྐབས་ཤིག་ནམ་མཁའི་མཐོངས་སུ་རིན་པོ་ཆེའི་ཁྲི་ཞིག་ལ་རྗེ་བཙུན་བྱམས་མགོན་བཞུགས་པའི་གཡས་ཕྱོགས་སུ། །ཆོས་རྗེ་སངས་རྒྱས་ཡེ་ཤེས་གྲུབ་

― GLG008_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་ཀྱི་ཆ་ལུགས་སུ་བཞུགས་འདུག་པར་གསོལ་བ་བཏབ་པས། བྱམས་པའི་ཐུགས་ཀ་ནས་འོད་ཟེར་བྱུང་སྟེ་རྗེ་ཉིད་ཀྱི་སྐུ་ལ་ཐིམ་པས། སྐུ་འཇའ་ཚོན་ཡལ་བ་ལྟར་གྱུར་པ་ནི་གནས་ལུགས་ངེས་དོན་ཕྱག་རྒྱ་ཆེན་པོ་ལ་བརྟེན་ནས་འགྲོ་ཕན་རྒྱ་ཆེན་པོ་འགྲུབ་པའི་རྟེན་འབྲེལ་དུ་གོ །སླར་ཡུལ་བདེ་བ་ཅན་དུ་སེམས་དཔའ་ཆེན་པོ་དང་ཆུ་བཟང་པའི་སྒྲུབ་གནས་མཇལ་བར་ཕེབས་སྐབས། སྨྱུང་གནས་བརྒྱུད་པའི་བླ་མ་རྣམས་ཞལ་གཟིགས། སྐབས་ཤིག་མནལ་ལམ་དུ་འཛམ་བུ་གླིང་ཐམས་ཅད་ཆུས་གང་བས། རི་རབ་ལ་སྐོར་བ་མཛད་ནས་དགའ་ལྡན་དུ་ཕེབས་ཏེ། རྒྱལ་བ་མ་ཕམ་པ། ནམ་མཁའ་དྲི་མ་མེད་པ། རྒྱལ་བ་ཙོང་ཁ་པ་རྣམས་བཞུགས་འདུག་པ་ལ་རྒྱུ་མཚན་ཞུས་པས། ཉོན་མོངས་པའི་ཆུ་བོ་ཡིན་གསུངས་བྱུང་བ་ན། ཉོན་མོངས་པའི་ཆུ་བོ་ཡིན་ན་སེམས་ཅན་རྣམས་དེ་ལས་སྒྲོལ་བའི་ཁུར་ངེད་ལ་ཟབ་དགོངས་པའི་ངང་ལ་མནལ་སད་དོ། །མི་ཕམ་མགོན་པོའི་ཐུགས་རྗེའི་རྔ་བོ་ཆེ། །རྨད་བྱུང་མཛད་པའི་དབྱུ་གུས་ལེགས་བསྐུལ་ནས། །རིང་མིན་འགྲོ་རྣམས་སྐལ་བཟང་དགའ་སྟོན་ལ། །འགོད་པའི་གཏམ་སྙན་སྒྲ་དབྱངས་འཁྲོལ་བ་བཞིན། །མཁས་དང་གྲུབ་པའི་དབང་ཕྱུག་གྲངས་མེད་དང་། །དུས་ཀུན་འབྲལ་མེད་ལྷན་ཅིག་བཞུགས་གྱུར་ཀྱང་། །མ་རིག་སྒྲིབ་པས་སྦགས་པའི་འགྲོ་རྣམས་ཀྱིས། །མངོན་སུམ་མཐོང་བའི་སྐལ་པ་ཆེས་ཆེར་ཕྲ། །ལས་ཉོན་གཏིང་མཐའ་མེད་པའི་རྒྱ་མཚོ་ལས། །ཐར་འདོད་བློ་དང་ལྡན་པའི་སྐྱེས་བུ་རྣམས། །བཤེས་གཉེན་དམ་པའི་དེད་དཔོན་འདི་སྟེན་དང་། །སྐུ་གསུམ་ནོར་བུའི་གླིང་དུ་བགྲོད་པར་ངེས། །མངའ་རིས་སུ་ཕེབས་པའི་ཡར་ལམ། མཚོ་མ་དྲོས་པ་ནས་རྡེའུ་ཕྱག་གང་བཞེས་པ་རྣམས། སྤྱན་

― GLG008_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

རས་གཟིགས་སོགས་ལྷའི་སྐུ་ཁོ་ནར་གསལ་བ་བྱུང་། །མངའ་རིས་སུ་ལས་དག་པ་ཞིག་གིས། རྗེ་ཉིད་ཀྱི་དབུ་ལ་གཙུག་ཏོར་དང་། ལྗགས་ཀྱི་སྟེང་ཨཱཿཡིག་རིང་པོ་ཁ་དོག་སྔོན་པོ་ཞིག་གསལ་བར་མཐོང་མ་ཐག་ཡིད་ཀྱིས་བསྟོད་ཅིང་གསོལ་བ་བཏབ་པས། རྗེ་ཉིད་འཛུམ་བག་དང་བཅས་ཏེ། སྤྱན་འབུར་ཚུགས་སུ་གཟིགས་བྱུང་བ་ན་འཇིགས་ཞུམ་པ་ཞིག་བྱུང་སྐད། ཕྱིར་ལམ་གངས་ཏེ་སེའི་མདུན་དུ་ཁྲོམ་དབང་ཞིག་གནང་བས། གངས་རི་དེ་དཔལ་འཁོར་ལོ་བདེ་མཆོག་གི་ཕོ་བྲང་དང་། ནང་དུ་འཁོར་ལོ་སྡོམ་པའི་ལྷ་ཚོགས་ཐམས་ཅད་བཞུགས་འདུག་པའི་གཙོ་བོའི་སྐུ་ལས་འོད་ཟེར་སྔོན་པོ་འཕྲོས་པས། ཕོ་བྲང་སྣོད་བཅུད་ཐམས་ཅད་སྔོན་པོར་གཟིགས། ཡང་ལྷོ་མོན་ཁམ་བུ་སྟག་ལུང་གི་ཕྱོགས་སུ་ཕེབས་སྐབས་དེ་དང་ཉེ་བ་ན་བཙན་རྒོད་འཇིགས་སུ་རུང་བ་ཞིག་ཡོང་འདུག་པའི་སར་ཞབས་ཀྱིས་བཙུགས་པས། ཆོས་སྐྱོང་བེག་ཙེ་ལྕམ་སྲིད་ཞལ་གཟིགས། བེག་ཙེ་ཞབས་ལ་ལྷམ་མ་གསོལ་བའི་ཞལ་གཟིགས་མ་དེ་འདིའི་སྐབས་ཀྱི་དེ་ཡིན་པ་འདྲ། བཙན་རྒོད་དེ་ཆོས་སྐྱོང་བེག་ཙེའི་འཁོར་ཡིན་འདུག་ཅེས་གསུང་། ལྷོ་ན་བཞུགས་པའི་དུས། མ་གཅིག་དཔལ་ལྷ་བྱོན་ནས་ར་ས་འཕྲུལ་སྣང་གི་རང་བྱོན་ལྔ་ལྡན་གྱི་རྒྱ་ཕིགས་ཞིག་གསོས་ཀྱི་བསྐུལ་མ་མཛད་ཅིང་། གསོལ་ཆོས་བསྡུས་པ་ཞིག་ཀྱང་གནང་། ལྷོ་ན་ཕེབས་དུས་ཅིག་ཨོ་རྒྱན་རིན་པོ་ཆེ་ཞལ་གཟིགས། སྐབས་ཤིག་རྗེ་མི་ལ་ཞལ་གཟིགས་ནས་གསང་བའི་མགུར་དྲུག་གི་ལུང་བཤད་པ་དང་སྦྲགས་པ་གནང་། གཞན་ཡང་སྔ་ཕྱི་མང་པོར་ལས་ལྡན་རྣམས་ལ་མཐོང་སྣང་ཡ་མཚན་ཅན་མང་པོ་བྱུང་བ་ནི། དེ་མོ་སྤྲུལ་སྐུ་ལྷ་དབང་ཕྱོགས་ལས་རྣམ་རྒྱལ་གྱིས་ཐེང་གཅིག་རྗེ་འདི་ཉིད་དཔལ་འཁོར་ལོ་

― GLG008_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོམ་པ་དང་། །གཞན་མ་འགའ་ཞིག་གིས་ནི་རྒྱལ་བ་ཙོང་ཁ་པ་ཆེན་པོར་མཐོང་བ་དང་། དབུ་གཙུག་ཏོར་དང་ལྡན་པར་མངོན་པ་བྱུང་སྐད། གདན་ས་ཆེན་པོ་རི་བོ་དགེ་ལྡན་གྱི་གསེར་ཐོག་བཞེང་བ་གནང་སྐབས། དམ་ཅན་ཆོས་རྒྱལ་གྱིས་བནྡེའི་གཟུགས་སུ་བསྟན་ཏེ་གསེར་ཕུལ། རྒྱལ་བ་ཙོང་ཁ་པ་ལ་སངས་རྒྱས་བྱང་སེམས་ཀྱིས་བསྐོར་བ་ཡང་ཡང་ཞལ་གཟིགས་སོ། །སྐུ་གསུམ་རིན་ཆེན་ཐེམ་སྐས་ལ་འཛེགས་ནས། །རིགས་ཀུན་ཁྱབ་བདག་དབང་པོའི་སར་གཤེགས་ཏེ། །དཀྱིལ་འཁོར་སྤྲོ་དང་བསྡུ་བའི་བྱེད་པོ་ལ། །སྣོད་བཅུད་དག་པའི་སྣང་བ་མཚར་དུ་ཅི། །མཆོག་གསུམ་རྟེན་དང་བརྟེན་པར་བཅས་པ་ལ། །བྱ་བ་ལས་ཀྱི་འཁོར་ལོའི་སྲི་ཞུ་ཡིས། །མི་ཟད་འབྱོར་པའི་ཕུང་པོ་ཆེར་སྤུངས་པར། །རྨུགས་འཛིན་དབང་པོའི་མཛོད་ཀྱིས་བསྐྲུན་དུ་མེད། །འཇམ་མགོན་མཁྱེན་པའི་ལྷ་ཡི་ལམ་ཡངས་པོར། །རྣམ་དཔྱོད་འཇའ་ཚོན་བཀྲ་བའི་འཇོ་སྒེག་ཅན། །རྣམ་འདྲེན་ཀུན་ཀྱི་ཡབ་གཅིག་ཙོང་ཁ་པས། །དགྱེས་ཞལ་འཛུམ་གྱིས་ལན་ཅིག་མིན་པར་བསུས། །དེ་ལྟར་དུས་གསུམ་རྒྱལ་བ་ཀུན་གྱི་མཁྱེན་བརྩེ་ནུས་པའི་དབང་ཕྱུག་ཆེན་པོ་འདི་ཉིད་ཀྱི་གསང་བ་ལས་ཀྱང་ཆེས་གསང་བའི་རྣམ་ཐར་མཐའ་དག་ནི་ཚུར་མཐོང་གི་སྐྱེ་བོ་རྣམས་ཀྱིས་རྟོགས་པར་ག་ལ་ནུས། འོན་ཀྱང་རྣམ་ཐར་ཆེན་མོ་ན། ཚེ་རིང་དུ་གནས་ན་རྣམ་དཀར་གྱི། །ལམ་བཟང་པོ་བསྒྲུབ་པོ་ཤི་ཡང་བདེ། །ཞེས་དང་། ཁྱད་པར་ལམ་ཐུན་མོང་བའི་རྒྱུད་སྦྱར་ནས་བཟུང་སྟེ་ཟུང་འཇུག་གི་བར་མངོན་དུ་མཛད་པའི་བར་གྱི་འདས་ཚིག་མང་དུ་ཡོད་པའི་གསུང་མགུར་དེའི་མཇུག་ཏུ། རྗེ་སངས་རྒྱས་ལས་ཀྱང་ཆེས་དཀོན་པའི། །ལམ་འདི་འདྲ་བླ་མའི་དྲིན་གྱིས་རྙེད། །ཅེས་དང་། གླུ་འདི་ཉིད་གསང་ཆེན་རྒྱུད་སྡེའི་བཅུད། །ཡུལ་ཉེར་བཞིའི་དཔའ་བོ་རྣལ་འབྱོར་མ། །

― GLG008_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

གླུ་འདི་འདྲ་གསང་བའི་མགུར་དུ་མཛོད། །ཞེས་དོན་གྱིས་བཤད་མ་ཐག་པའི་ལམ་རྣམས་ཐུགས་རྒྱུད་ལ་མངོན་དུ་མཛད་ཟིན་པར་ཞལ་གྱིས་བཞེས་པས་གསང་བའི་རྣམ་ཐར་གྱི་གཙོ་བོར་མཐོང་ངོ་། །དེ་ལྟར་ཕུན་ཚོགས་འོད་བརྒྱའི་སྣང་བ་ཡིས། །སྲིད་ཞིའི་གདུང་སེལ་རྟོགས་བརྗོད་ཉིན་མོར་བྱེད། །བློ་གྲོས་ནམ་མཁའི་ངོས་ལས་ཤར་བའི་ཚེ། །ཤེས་ལྡན་འདབ་བརྒྱ་འཛུམ་པའི་ཆོ་ག་བསྟར། །ཆགས་བྲལ་ངུར་སྨྲིག་སྒོ་ངའི་སྦུབས་རྒྱ་ནས། །ཁ་སྦྱོར་བདུན་ལྡན་གླུ་དབྱངས་སྙན་སྒྲོགས་པའི། །ཐེག་ཀུན་ཟུང་དུ་འབྲེལ་བའི་འདབ་གཤོག་ཅན། །རྗེ་བཙུན་ཀ་ལ་པིང་ཀ་འདི་ཀོ་མཚར། །འཆད་པའི་རྣམ་དཔྱོད་ཡངས་པའི་སྤྲིན་རུམ་ནས། །རྩོད་ངག་གནམ་ལྕགས་རྡོ་རྗེའི་ཐོག་མདའ་ཅན། །རྩོམ་པའི་ལེགས་བཤད་དབྱར་རྔ་དལ་སྒྲོགས་པས། །རྒྱལ་བའི་བསྟན་ལ་ཀུན་མཁྱེན་གཉིས་པར་ངེས། །རྒྱ་ཆེན་གསུང་རབ་མཐའ་དག་སྦྱངས་པས་མཁས། །རྣམ་དག་ཚུལ་ཁྲིམས་དྲི་བསུང་ལྡན་པས་བཙུན། །རིས་མེད་འགྲོ་ལ་རྗེས་སུ་བརྩེ་བས་བཟང་། །དྷི་པཾ་ཀ་རའི་རྣམ་ཐར་གཉིས་པར་ཁུམས། །མདོ་སྔགས་གཞུང་ལུགས་ཀུན་ལ་མང་དུ་ཐོས། །དེའི་དོན་ཕྲ་ཞིབ་དཔྱད་པས་རྣམ་པར་བསམས། །འཁྲུལ་མེད་ཟབ་དང་རྒྱ་ཆེའི་ལམ་ཀུན་བསྒོམས། །ན་རོ་པ་ཡང་འདི་ལས་གཞན་དུ་ཅི། །བདག་གཞན་བརྗེ་བར་ནུས་པའི་ལྷག་བསམ་ཅན། །ཇི་སྙེད་ཆོས་ཀུན་གཟིགས་པའི་མཁྱེན་དཔྱོད་ཡངས། །བདུད་དཔུང་ཕ་མཐར་སྤྲོད་པའི་མཐུ་སྟོབས་ཅན། །རིགས་གསུམ་མགོན་ཡང་འདི་ན་ལྷུན་གྱིས་གྲུབ། །རམ་འབྱམས་དུས་གསུམ་རྒྱལ་བ་ཀུན་གྱི་དངོས། །དངོས་གྲུབ་ལེགས་ཚོགས་འབྱུང་གནས་བླ་མ་མཆོག །མཆོག་གསུམ་དམ་པའི་དངོས་གྲུབ་གསང་བའི་ཚིག །ཚིག་གི་འཕྲེང་བར་རྟོགས་བརྗོད་དབྱངས་འདི་བླངས། །ཟབ་ཟབ་ཕ་མཐའ་རྟོགས་དཀའི་རྣམ་པར་ཐར། །ཡང་ཡང་ཕྲ་

― GLG008_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

མོའི་བློ་ཡིས་དཔྱོད་དཀའ་བར། །བཙུན་བཙུན་ཁུངས་ལྡན་ལོ་རྒྱུས་ལ་བརྟེན་ནས། །དག་དག་ཡི་གེའི་འཕྲེང་བར་འདི་ན་སྤེལ། །སྡེབ་ལེགས་ཚིག་སྦྱོར་ཤེས་པའི་མཁས་རྣམས་ལ། །སྙན་ངག་ངག་གི་འདོད་འཇོ་ལེགས་མོད་ཀྱང་། །བླུན་རྨོངས་རྨོངས་པའི་ཚོགས་ཀྱིས་རྟོགས་སླ་ཕྱིར། །གྲོང་གཏམ་གཏམ་གྱི་དོན་རྣམས་གསལ་བར་བྱས། །དེ་ལྟར་རྒྱལ་མཆོག་འཁོར་ལོའི་མགོན་པོ་ཡི། །མི་ཟད་གསང་གསུམ་རྣམ་ཐར་ཆུ་གཏེར་ལས། །རང་བློའི་མ་མའི་ཚི་གུས་ཉེར་བླངས་ནས། །ཚ་གདུངས་འགྲོ་ལ་བསིལ་བའི་ཆུ་རྒྱུན་སྦྲེངས། །དགེ་བ་འདིས་ཀྱང་རྗེ་བཙུན་བླ་མ་མཆོག །བསྟན་འགྲོའི་ཉེར་འཚོར་སྲིད་མཐའི་བར་དུ་ནི། །ནམ་ཡང་མི་འགྱུར་རྡོ་རྗེའི་ཁྲི་ཆེན་པོར། །ནམ་ཡང་གཡོ་བ་མེད་པར་བརྟན་གྱུར་ཅིག །གྲངས་རིང་སྐྱེ་བར་བཤེས་གཉེན་དམ་པ་ཡིས། །མི་འབྲལ་བརྩེ་བས་རྗེས་སུ་རབ་བཟུང་སྟེ། །སྟོབས་བཅུའི་རྩལ་གྱི་འཇིགས་མེད་སེང་གེའི་རྒྱུད། །དྲུག་ཅུའི་དབྱངས་སྙན་འགྲོ་ལ་སྤེལ་གྱུར་ཅིག །འཁོར་ལོའི་མགོན་པོ་རྡོ་རྗེ་འཆང་ཆེན་པོ་དོན་གྱི་སླད་དུ་མཚན་ནས་སྨོས་ཏེ། ཡོངས་རྫོགས་བསྟན་པའི་མངའ་བདག་མཁན་པོ་རིན་པོ་ཆེ་བློ་བཟང་ཆོས་ཀྱི་རྒྱལ་མཚན་དཔལ་བཟང་པོའི་གསང་བའི་རྣམ་པར་ཐར་པ་དད་པའི་ཤིང་རྟ་འདི་ནི་དམ་པ་གང་ལ་བཀའ་དྲིན་གྱི་ཉེ་བར་འཚོ་བའི་ཟ་ཧོར་གྱི་བཙུན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེ། མིང་གཞན་འཇམ་དབྱངས་དགའ་བའི་བཤེས་གཉེན་དུ་འབོད་པས། རྒྱལ་བ་ཞེས་པའི་ཤིང་ལུག་ནག་པ་ཟླ་བའི་མཆོག་གཉིས་པའི་རྒྱལ་བ་དང་པོའི་ཚེས་ལ་དགའ་ལྡན་ཕོ་བྲང་དུ་སྦྱར་བའི་ཡི་གེ་པ་ནི་གྲོང་སྨད་པ་འཕྲིན་ལས་རྒྱ་མཚོས་བགྱིས་པ་ཛཡནྟུ།། །།མངྒ་ལཾ།། །།

དུས་གསུམ་རྒྱལ་བའི་མཁྱེན་བརྩེ་ནུས་པའི་རང་གཟུགས་དཀྱིལ་འཁོར་རྒྱ་མཚོའི་གཙོ་བོ་ཁྱབ་བདག་རྡོ་རྗེ་སེམས་དཔའི་ངོ་བོ་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོའི་རྣམ་པར་ཐར་པ་ངོ་མཚར་དད་པའི་རླབས་འཕྲེང་།

― GLG008_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་རྒྱལ་བའི་མཁྱེན་བརྩེ་ནུས་པའི་རང་གཟུགས་དཀྱིལ་འཁོར་རྒྱ་མཚོའི་གཙོ་བོ་ཁྱབ་བདག་རྡོ་རྗེ་སེམས་དཔའི་ངོ་བོ་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོའི་རྣམ་པར་ཐར་པ་ངོ་མཚར་དད་པའི་རླབས་འཕྲེང་ཞེས་བྱ་བ་བཞུགས་སོ།།

― GLG008_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི་སིདྡྷཾ། དུས་གསུམ་རྒྱལ་ཀུན་མཁྱེན་བརྩེ་ནུས་པའི་རང་གཟུགས་དཀྱིལ་འཁོར་རྒྱ་མཚོའི་གཙོ་བོ་ཁྱབ་བདག་རྡོ་རྗེ་སེམས་དཔའི་ངོ་བོ་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོའི་རྣམ་པར་ཐར་པ་ངོ་མཚར་དད་པའི་རླབས་འཕྲེང་ཞེས་བྱ་བ་གདན་གསུམ་ཚང་བའི་དཔལ་ལྡན་བླ་མ་དམ་པའི་ཞབས་སེན་ཟླ་བའི་ཅོད་པན་བྱང་ཆེན་མཐར་ཐུག་གཙུག་ཏོར་རྩེ་མོར་འཆིང་བ་དེ་སྲིད་བརྩེ་བ་ཆེན་པོས་རྗེས་སུ་བཟུང་སྟེ་བྱིན་གྱིས་བརླབ་ཏུ་གསོལ། །རིགས་ཀུན་བདག་པོ་རྡོ་རྗེ་འཆང་ཆེན་མི་ཡི་གཟུགས་སུ་སོང་བའི་གར། །དང་པོའི་མགོན་པོ་བསོད་ནམས་ཞིང་དུ་ཨེ་ཝཾ་ཟུང་འཇུག་སྒྱུ་མའི་འཕྲུལ། །རྣམ་ཀུན་མཆོག་ལྡན་འགྲོ་ལ་རྗེས་བརྩེ་བསྟན་པའི་རྒྱལ་མཚན་ལེགས་འཛིན་པ། །དཔལ་ལྡན་བླ་མ་མཁས་བཙུན་བཟང་པོའི་འཁོར་ལོས་སྒྱུར་དེ་རྒྱལ་གྱུར་ཅིག །གདུལ་དཀའ་འདུལ་ལ་དཔའ་བའི་སྙིང་སྟོབས་ཀྱིས། །བརྒྱ་པའི་ཚེ་དུས་མཆོག་

― GLG008_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

གི་སྤྲུལ་བའི་གར། །ལེགས་བསྒྱུར་ཤཱཀྱ་སེང་གེ་དཀྱིལ་འཁོར་གཙོར། །རབ་བཞེངས་དགྱེས་མཛད་རྡོ་རྗེ་ཧེ་རུ་ཀཿ །མཁའ་ལ་མཁའ་ཡི་སྦྱོར་ལྟར་གཉིས་མེད་ཡུམ། །ཟག་མེད་བདེ་ཆེན་བསྐྱེད་པའི་བདག་མེད་མས། །རྗེས་བཟུང་རྣལ་འབྱོར་དབང་ཕྱུག་བིཪྺ་པ། །པཎ་གྲུབ་ཡོངས་ཀྱི་འཁོར་ལོས་སྒྱུར་བའི་རྒྱལ། །མགོན་དེའི་དབང་གི་མཐོ་རིས་ཆུ་བོའི་རྒྱུན། །ལོ་པཎ་སྐལ་ལྡན་ཤིང་རྟས་ཉེར་དྲངས་པ། །རྣམ་དཔྱོད་ལྟོ་བར་འཁྱིལ་བའི་དྲང་སྲོང་ཆེ། །ས་སྐྱའི་བླ་ཆེན་རྗེས་འབྲང་བཅས་ལས་སུ། །གང་གི་བསྟན་སྲོག་རྒྱུ་སྐར་འཕྲེང་བའི་དབུས། །སྙན་བརྒྱུད་ཚད་མ་བཞི་ཡི་སྣང་བའི་གཟི། །ཆེར་འབར་སློབ་བཤད་འཛིན་པའི་བདག་ཆེན་རྗེ། །རྡོ་རྗེ་འཆང་དབང་བློ་གྲོས་རྒྱལ་མཚན་དཔལ། །མགོན་དེའི་གདམས་པའི་བང་མཛོད་ཁའུ་པ། །ཀུན་སྤངས་བླ་མའི་སྙན་བརྒྱུད་ཟིལ་དངར་གྱིས། །ཐུགས་ཀྱི་ཟ་མ་ཏོག་གཏམས་ཚར་པ་རྗེའི། །དྲི་མེད་རིང་ལུགས་ཡིད་བཞིན་དབང་གི་

― GLG008_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ། །དམར་སེར་དྷཱིཿཡིག་བཞི་བླུགས་མི་ཡི་གཟུགས། །འཁོར་ལོའི་མགོན་པོ་བསོད་ནམས་སྐལ་བཟང་དཔྱིད། །མཆོག་ཏུ་མི་འགྱུར་བདེ་བའི་བདག་ཉིན་ཅན། །དཔལ་ལྡན་བླ་མ་ཁྱབ་བདག་རྡོ་རྗེ་སེམས། །ཨ་ཧོ་འཕགས་བོད་རིས་མེད་གྲུབ་མཐའི་སྲོལ། །འཛིན་པའི་མཁས་གྲུབ་ཡང་སྲིད་མཐའ་ཀླས་ཀྱང་། །ཞིང་འདིར་མཇམ་མགོན་བླ་མ་ས་སྐྱ་པའི། །བསྟན་པའི་ཁུར་ཆེན་རྣམ་དཔྱོད་ཕྲག་པར་ལྕི། །དབང་ལུང་རྗེས་གནང་རིག་གཏད་རྒྱུད་བཤད་ཟླས། །གདུལ་བྱའི་བློ་ཡི་ཀུནྡ་བཞད་པའི་མོད། །གྲོལ་ལམ་ཀ་སྤུ་ར་ཡི་གཟེགས་མའི་རྡུལ། །བབས་པས་སྒྲིབ་གཉིས་ཚ་གདུང་སེལ་ལ་སྦྱོར། །གཅིག་ཏུ་རྣམ་གསུམ་མཁས་པའི་བྱ་བ་ལ། །རྟག་པར་འགྲུས་ཀྱང་རིམ་གཉིས་རྣལ་འབྱོར་གྱིས། །གང་ཐུགས་མཚན་དཔེས་ཡོངས་སྤྲས་ཧེ་རུ་ཀར། །བཞེངས་པའི་ཆོ་ག་རྫོགས་པ་འདི་ཀོ་མཚར། །དེ་ཕྱིར་མེས་པོས་བསྐལ་པར་བསམས་བྱས་ཀྱང་། །གཏིང་མཐའ་དཔག་པར་དཀའ་ན་བདག་འདྲ་བས། །རྟོགས་བརྗོད་སྨྲ་བ་འདབ་ཆགས་རྩེ་སྒྲོ་ཡིས། །མཐོན་པོའི་བྲག་རི་ཟད་པར་བྱེད་པ་བཞིན། །འོན་ཏེ་རྣམ་འདྲེན་དུས་མཁྱེན་རྒྱལ་པོ་ཡིས། །བདེ་གཤེགས་རྩྭ་མཆོག་བསྟོད་པའི་ལེགས་བྱས་བཞིན། །རྡོ་རྗེ་སློབ་དཔོན་བསྔགས་པའི་སྐལ་བཟང་འདི། །གྲངས་མེད་སྐྱེ་བར་ཆོས་དཀར་ཟོང་གིས་བསྒྲུབས། །དེ་ཕྱིར་རྣམ་པར་ཐར་པའི་པི་ཝང་རྒྱུད། །བཅད་ལྷུག་ཚིག་གི་སོར་མོས་ལེགས་བསྐུལ་སྒྲ། །དཔྱོད་ལྡན་རྣ་བར་འཇེབས་པ་རྡོ་རྗེའི་གླུ། །གཞོམ་མེད་ནཱ་དའི་དབྱངས་སུ་བླངས་འདི་ཉོན། །དེའང་འཇམ་མགོན་

― GLG008_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

ས་སྐྱ་པཎྜི་ཏས། །མཆོད་བསྟོད་འདུད་པའི་བདག་ཉིད་ཅན། །ཤིས་པ་བརྗོད་སོགས་མི་འགལ་ཏེ། །ཐམས་ཅད་དུ་ཡང་སྟོན་པ་ཡི། །ཆེ་བ་འབའ་ཞིག་སྟོན་ཕྱིར་རོ། ཞེས་པའི་དོན་ལྟར་ཚིགས་བཅད་དཔྱིད་ཀྱི་རྒྱལ་མོའི་གླུ་དབྱངས་སྔོན་དུ་འགྲོ་བའི་སྒོ་ནས་གླེང་བར་བྱ་བ་ནི། མཁས་པའི་གསུང་ལས། །གང་ཕྱིར་དགེ་ལེགས་ཐམས་ཅད་ནི། །རྟག་ཏུ་སྦྱིན་ཞིང་འཕེལ་འགྱུར་བའི། །ཐུབ་བསྟན་དཔག་བསམ་ལྗོན་ཤིང་གི །ངོ་མཚར་གླེང་ལ་སུ་མི་གུས། །ཞེས་བདག་ཅག་གི་རྣམ་འདྲེན་དམ་པ་རིགས་དང་དཀྱིལ་འཁོར་ཀུན་གྱི་བདག་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོ་འདི་ཉིད། །བྱོན་དང་བྱོན་འགྱུར་འབྱོན་བཞིན་པའི་སྲས་བཅས་རྒྱལ་བ་མཐའ་དག་གི་སྐུ་གསུང་ཐུགས་ཡོན་ཏན་འཕྲིན་ལས་ཐམས་ཅད་ཀྱི་ངོ་བོ། དེ་དག་གི་མགུར་གྱི་བུམ་པ་ནས་དམ་པའི་ཆོས་ཀྱི་ཕུང་པོ་ཟད་མི་ཤེས་པ་ལྗགས་ཀྱི་དབང་པོ་ལེགས་པར་བཀྲམ་སྟེ་གདུལ་བྱ་རྣམས་ཀྱི་རྣ་བར་འཇེབས་པའི་སྒྲ་བོ་ཆེ་ཡོངས་ཀྱི་སྙིང་པོར་གྱུར་པ་ནང་རིག་པ་སྡེ་སྣོད་གསུམ་དང་རྒྱུད་སྡེ་བཞིའི་འབྱུང་གནས་དེ་རྣམས་ཀློག་པ་ཐོས་བསམ་དང་སྤོང་བ་བསམ་གཏན་གྱི་སྒོ་ནས་ཚུལ་བཞིན་འཛིན་པའི་ཐེག་གསུམ་སྐྱེས་འཕགས་འདུས་པའི་དབང་ཕྱུག །རིས་སུ་མ་ཆད་པའི་གྲུབ་པའི་མཐའ་རྒྱ་མཚོ་ཆེན་པོའི་ཕ་རོལ་ཏུ་སོན་པས་མཁས་པ། ཉིས་བརྒྱ་ལྔ་བཅུ་རྩ་གསུམ་སོགས་ཉེས་ལྟུང་གི་ཆ་ཕྲ་མོ་ཙམ་གྱིས་ཀྱང་མ་གོས་པར་ལས་འབྲས་ལ་ཞིབ་མོར་དཔྱོད་པས་བཙུན་པ། བདག་པས་གཞན་གཅེས་པའི་བྱང་ཆུབ་ཀྱི་སེམས་རིན་པོ་ཆེ་ཐུགས་ལ་འཁྲུངས་པས་གཞན་དོན་ལྷུར་མཛད་པའི་བཟང་པོ། །

― GLG008_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ནུབ་དབང་གི་ཆུ་བོས་ཐུགས་རྒྱུད་སྨིན་པས་གྲོལ་བྱེད་བསྐྱེད་པ་དང་རྫོགས་པའི་རིམ་པ་ནི་ཟབ་ལམ་ལ་བརྟེན་ནས་གྲུབ་པའི་མཐའ་སྙོག་པར་ནུས་ལྡན་རིག་སྔགས་འཆང་བ་སོགས་གསང་བ་བསམ་གྱིས་མི་ཁྱབ་པའི་ཡོན་ཏན་གྱི་ཕུང་པོ་ཚངས་པ། དབང་ཕྱུག །ཁྱབ་འཇུག་སྟེ་འཇིག་རྟེན་གྱི་གཙོ་བོ་གསུམ་དང་ཉན་རང་བྱང་སེམས་སོ་སྐྱེའི་ཚོགས་ཀྱིས་གཞལ་བར་དཀའ་བ་འཕགས་པ་རྣམས་ཀྱི་ཡེ་ཤེས་ཁོ་ནའི་སྤྱོད་ཡུལ་ཉག་གཅིག་པ་བདག་འདྲའི་བློ་གྲོས་ཀྱི་ཆ་ཕྲ་བས་ལྟ་ག་ལ་ཞིག །སྐུ་ཚེའི་འཕྲེང་བ་དུ་མར་ཐུབ་བསྟན་རིན་པོ་ཆེ་གསལ་བར་བྱེད་པའི་མཁས་གྲུབ་ཀྱི་སྐྱེས་རབས་མུ་ཐི་ལའི་འཕྲེང་མཛེས་དང་། སྐུ་ཚེ་འདིར་ཡང་ལྷ་དང་བླ་མ་མང་པོ་ཞལ་གཟིགས་ཤིང་ལུང་བསྟན་ཐོབ་པ། རྡོ་རྗེ་ཆོས་སྐྱོང་བྲན་དུ་འཁོལ་བའི་འཕྲིན་ལས་སྒྲུབ་པ། ས་ལམ་གྱི་ཡོན་ཏན་ཕུལ་དུ་བྱུང་བ་ནི། ཞུ་ལན་ནོར་བུའི་འཕྲེང་བར། བདག་གི་ཡོན་ཏན་སྦ་བྱ་ཞིང་། །གཞན་གྱི་ཡོན་ཏན་བསྒྲག་པར་བྱ། །ཞེས་པའི་དོན་བཞིན་ཡོན་ཏན་མཐའ་དག་རྒྱ་མཚོའི་གཏིང་གི་རྡོ་བ་ལྟར་མི་མངོན་པ་གཙོ་བོར་འདོན་པས་བསྙེལ་ཐོ་དང་ཞལ་སློབ་ཀྱི་རིགས་ལ་གསུང་འཕྲོས་ཀྱི་ཟུར་ཙམ་ཡང་ཆེར་མ་གསུངས་ཤིང་། ཁོ་བོས་གསུང་ངག་རིན་པོ་ཆེ་ཞུས་སྐབས་མདང་རྨི་ལམ་དུ་པོ་ཏ་ལའི་ལི་མ་ལྷ་ཁང་ཡིན་རྒྱུ་བ་ལ་ཟེའུ་ལྷ་ཁང་འདྲ་རུང་བའི་གློ་སྐར་ནས་བལྟས་པས་རྗེ་བཙུན་ས་སྐྱ་པ་ཆེན་པོ་བཞུགས་འདུག་པ་ཞིག་བྱུང་བ་གསུང་ངག་རིན་པོ་ཆེ་འདིའི་འཆད་ཉན་ལ་དགྱེས་པ་འདྲ་གསུང་བ་ཞིབ་ཏུ་ཞུས་ཀྱང་དེ་ཙམ་ལས་མི་དྲན་ཞེས་ཐུགས་དཀྱེལ་ཆེ་བས་གསལ་བར་མི་མཛད་ནའང་དོན་དུ་མནལ་ལྟས་མ་ཡིན་པས་གཟིགས་

― GLG008_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་ངོ་མཚར་བ་ཞིག་བྱུང་ཚོད་དུ་མཆིས།སྔ་ཕྱིར་མཇལ་བ་ཚོའི་སྐབས་ནན་ཏན་དུ་ཞུས་ན་ཐོར་བུ་ཙམ་མི་གསུང་བའི་ངེས་པ་མི་འདུག་ཀྱང་རང་ཉིད་རྟག་པར་འཛིན་པའི་འཆིང་བ་དམ་པོས་བཅིངས་པའི་དབང་གིས་རྗེ་བླ་མའང་སྐུ་ཚེ་མཐར་ཕྱིན་པར་བཞུགས་པ་གཞིར་བཅས་ཀྱི་སླར་རིམ་གྱིས་ཞུ་འདུན་ལ་ལུས་སོང་ཞིང་ཟུར་ཐམས་ཅད་མཁྱེན་པ་དང་། རྗེ་འདི་ཉིད་ཞལ་འདྲིས་ཡེ་མེད་པའི་སྐབས་མནལ་ལམ་ལ་གཟིམས་ཁང་ཤར་ཡིན་ཁུལ་དུ་ཁྲི་མཐོ་བར་ས་ལུགས་ཀྱི་བླ་མ་ཡིན་ཟེར་བ་སྐུ་བོང་ཆེ་ཞིང་གཟི་བརྗིད་ཕུན་སུམ་ཚོགས་པ་ཞིག་ལ་དབང་ཆོས་མང་པོ་གསན་པའི་མནལ་ལྟས་བྱུང་བ་ནས་ལོ་གཅིག་ཙམ་གྱི་ཐོག་ཡར་ཀླུངས་བཀྲ་ཤིས་རྩེ་ཆོས་སྡེར་ཟབ་ཆོས་གསན་པར་གློ་བུར་དུ་ཕེབས་པར་ཤར་བའི་སྒོ་དོད་ཅིང་ཞིང་སྐྱོང་དབང་པོའི་ཆོས་སྐོར་རྣམས་གསན་ནས་གུང་ཐང་དུ་ཕེབས་པའི་འོད་གསལ་ཞིག་ལ་རས་ལྗང་གུའི་ཨང་རག་ཙམ་ལས་གོས་གཞན་མེད་པ་སྐྲ་དང་སྨྲ་ར་དཀར་པོ་བྱས་པ་ལག་ཏུ་མི་རྐང་གི་གླིང་བུ་ཐོགས་པ་ཞིག་ན་རེ་མགོན་པོ་བསོད་ནམས་མཆོག་ལྡན་འདི་སློབ་དཔོན་དྷརྨ་པཱ་ལ། གཟིམས་ཁང་ཤར་གྱི་བླ་མ་ཞིག་དང་ཚར་པ་ཆོས་རྗེ་སོགས་ཀྱི་སྐྱེ་བ་ཡིན། ཁྱོད་ཀྱིས་ང་ལ་གཏོར་མ་རེའང་མ་ཆག་པ་གྱིས། ངའི་ཆོས་སྐོར་རྣམས་སུ་རུང་རུང་ལ་མ་སྟོན་ཟེར་བ་ཞིག་བྱུང་སྣང་བ་བདག་ཡིད་བཞག་ཆུངས་པས་ཁ་ཆེ་རིན་ཅེན་རྡོ་རྗེ་དང་དྷརྨ་པཱ་ལ་གཉིས་སོམ་ཉིར་གྱུར་རུང་སླར་དཔྱད་ཚེ་ཕྱི་མ་ཉིད་དུ་ངེས་ཤིང་བཀའ་ལས། རྗེས་སེར་གཟིམས་ཁང་ཤར་དུ་ཡུན་རིང་པོར་སྟན་ཆགས་པ་དང་མཛད་པའི་ཚུལ་རྣམས་ལ་རྗེས་སུ་དཔགས་ཚེ་ཚར་

― GLG008_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་ཆོས་ཀྱི་རྒྱལ་པོ་ཐུབ་བསྟན་སྤྱི་དང་བྱེ་བྲག་རང་བསྟན་ཁའུ་བྲག་རྫོང་པའི་རིང་ལུགས་འཛིན་པར་སྤྲུལ་པའི་ཟློས་གར་བསྟན་པ་འདྲ་ཕེབས་པ་རྡོ་རྗེའི་གསུང་བླ་ན་མེད་པར་གོ །གཞན་དུ་བསམ་གྱིས་མི་ཁྱབ་པའི་རྟོགས་པ་བརྗོད་པའི་རྔོ་མ་ཐོགས་ནའང་སྙིགས་དུས་ཀྱི་གདུལ་བྱ་སྨིན་པ་གསུམ་ཤས་ཆུང་། སྒྲིབ་པ་གསུམ་གྱི་བག་ཆགས་ཆེས་ཆེར་བདེ་བའི་གང་ཟག་རྣམས་ཀྱི་བློ་དང་འཚམ་པ་རྣམ་པར་ཐར་པ་རྒྱ་མཚོ་ལྟ་བུ་ལས་ཆེར་ལོང་ཙམ་དྲུང་དུ་འཁོད་པའི་རྒྱུས་ཡོད་འདྲས་ཟིན་བྲིས་སུ་བཏབ་ཅིང་། རིགས་ཀུན་ཁྱབ་བདག་ཞ་ལུ་མཁན་ཆེན་ཀུན་སྤངས་པ་ཆེན་པོའི་སྤྱན་རས་ཀྱིས་བཅའ་བར་མཛད་དེ་ལམ་ཙམ་ཞུས་དག་པའི་སྟེང་ནས་ཅུང་ཟད་འབྲི་བ་ནི། རིན་པོ་ཆེ་སྡུད་པ་ལས། འཛམ་བུའི་གླིང་འདིར་ཆུ་ཀླུང་ཇི་སྙེད་ཅིག་འབབ་ཅིང་། །མེ་ཏོག་འབྲས་ལྡན་སྨན་དང་ནགས་ཚལ་སྐྱེད་བྱེད་པ། །མ་དྲོས་གནས་པའི་ཀླུ་དབང་ཀླུ་བདག་བརྟེན་གནས་ཏེ། །དེ་ནི་ཀླུ་ཡི་བདག་པོ་དེ་ཡི་མཐུ་དཔལ་ཡིན། །རྒྱལ་བའི་ཉན་ཐོས་པ་དག་ཇི་སྙེད་ཆོས་སྟོན་དང་། །འཆད་དང་རིག་པ་དག་དང་ལྡན་པར་བརྗོད་པ་དང་། །མཆོག་འཕགས་བདེ་བ་བྱེད་དང་དེ་ཡི་འབྲས་ཐོབ་པ། །དེ་དག་ཀུན་ཀྱང་དེ་བཞིན་གཤེགས་པའི་སྐྱེས་བུའི་མཐུ། །ཞེས་འཛམ་བུའི་གླིང་གི་ཆུ་ཀླུང་སྨན་དང་ནགས་ཚལ་སོགས་ཀླུའི་རྒྱལ་པོའི་མཐུ་ལས་བྱུང་བ་བཞིན་ཐུབ་པའི་རྗེས་འཇུག་གི་ཚོགས་ཐོས་བསམ་སྒོམ་པའི་མཐུ་ལ་བརྟེན་ནས་འབྲས་བུ་ཐོབ་པ་རྣམས་དེ་བཞིན་གཤེགས་པའི་ཐུགས་རྗེ་ལས་བྱུང་བར་གསུངས་པ་སྤྱིར་སངས་རྒྱས་འཇིག་རྟེན་དུ་མི་འབྱོན་པའི་ཚེ་མུན་བསྐལ་དང་བྱུང་བའི་

― GLG008_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་སྒྲོན་བསྐལ་དུ་བཤད་པས་བསྐལ་པ་བཟང་པོ་འདི་ལ་སངས་རྒྱས་སྟོང་འབྱུང་བར་གསུངས་པའིའོ་སྐོལ་གྱི་སྟོན་པ་ཤཱཀྱ་སེང་གེའི་ལུང་རྟོགས་ཀྱི་བསྟན་པ་ཡུལ་དབུས་འགྱུར་འཆང་དུ་དར་རྒྱས་སུ་གྱུར་པ་ནས་ཡུན་རིང་ཞིག་ནས་བོད་དུ་དམ་པའི་ཆོས་འབྱུང་བར་ལྷ་མོ་དྲི་མ་མེད་པས་ཞུས་པའི་མདོ་ལས། ང་ཡོངས་སུ་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ། །ཞེས་སཱ་ལའི་ནགས་ཀྱི་སྨན་ལྗོངས་རི་ཁ་བ་ཅན་གྱི་ཁྲོད་དུ་རྒྱལ་བའི་བསྟན་པ་བྱུང་བའང་སྤྱིར་འགྲོ་བ་མིའི་བྱུང་ཚུལ་ལྷ་ལས་ཕུལ་བྱུང་གི་བསྟོད་འགྲེལ་དུ། སྐྱ་སེང་བུ་ལྔ་དང་དགྲ་ངན་དཔུང་ཚོགས་བཅུ་གཉིས་འཐབས་པའི་དུས་སུ་རྒྱལ་པོ་རཱུ་པ་ཏི་ཞེས་པ་དམག་སྟོང་ཕྲག་གཅིག་དང་བཅས་པ་བུད་མེད་ཀྱི་ཆས་སུ་ཞུགས་ཏེ། རི་གངས་ཅན་གྱི་གསེབ་ཏུ་བྲོས་པ་ལས་འཕེལ་ཚུལ་བྱུང་ཞིང་རྒྱལ་པོ་བཀའ་འབུམ་སོགས་ཐུགས་རྗེ་ཆེན་པོའི་ཆོས་སྐོར་རྣམས་སུ་སྤྱན་རས་གཟིགས་དང་སྒྲོལ་མའི་སྤྲུལ་པ་སྤྲེའུ་དང་བྲག་སྲིན་མོ་འདུས་པ་ལས་འཕེལ་བར་བཤད་པ་གདོང་དམར་ཤ་ཟན་གྱི་ཕྲུ་གུ་ཤིན་ཏུ་གདུལ་པར་དཀའ་བར་ཆོས་ལ་བློ་མི་འཇུག་པ་རྣམས་བཀའ་གདམས་གླེགས་བམ་རིན་པོ་ཆེར། བོད་ནི་རྒྱལ་པོ་དག་ལ་ཚད་མར་འཛིན། མི་དབང་མཛོད་ལ་བོད་ཁམས་བདེ་བར་སྐྱོངས། །ཞེས་ཐོག་མར་འབངས་མཐའ་དག་རྒྱལ་པོའི་ཆེན་པོ་ཞིག་གི་མངའ་འོག་ཏུ་བསྡུས་ཏེ་རིམ་གྱིས་སངས་རྒྱས་ཀྱི་འཕྲིན་ལས་འབྱུང་བར་མཁྱེན་ནས་བོད་སྤྱིའི་རྒྱལ་པོས་ལ་སྔ་བ་རྗེ་གཉའ་ཁྲི་བཙན་པོ་ནས་རྒྱལ་རབས་རིམ་པར་བྱུང་ལ་

― GLG008_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་པ་འདིའི་རིགས་ནི། བོད་རྒྱལ་པོའི་དབོན་དུ་གྱུར་པའི་འ་ཞ་ཞེས་བྱ་ཞིང་དེའང་ཟུར་མཁར་བློ་གྲོས་རྒྱལ་པོའི་ཤེས་བྱ་སྤྱིའི་ཁོག་དབུག་གཏན་པ་མེད་པའི་མཆོད་སྦྱིན་གྱི་སྒོ་འཕར་ཡངས་པོར་བོན་གྱི་གཏམ་རྒྱུད་དྲངས་པར། གྲི་གུམ་བཙན་པོའི་དུས་དམག་དྲངས་ནས་ཁ་ཆེའི་ཡུལ་བཅོམས་པའི་ཚེ་ཡུལ་བྱེ་བྲག་པ་པུཎྜ་སུར་བྲག་ཉུང་མ་ལྟར་གཤོག་པར་བྱེད་པའི་རྫུ་འཕྲུལ་ཅན་གྱི་མུ་སྟེགས་བྱེ་བྲག་པ་ཞིག་ལ་འ་ཞ་ཟེར་ཞེས་གང་ཟག་ཅིག་ལ་ངོས་བཟུང་ཞིང་མི་ཤི་བ་དང་ཕྱུགས་བསད་པ་རང་གི་མི་ཕྱུགས་སུ་སྐྱེ། ཕུང་པོ་དང་མཉམ་དུ་སྦས་པ་སྐྱེ་བ་ཕྱི་མ་དབང་བར་ལུང་སྟོན། ཤ་ཁྲག་གིས་མི་མ་ཡིན་བརྔན་ནས་སྨྲེང་གིས་དཀྲོལ་བས་ཕན་པར་བྱེད་པ་ལ་བོན་ནམ་ལིང་ཙེར་གྲགས་ལ། །དེས་མ་རུངས་ཏེ་རྒྱལ་པོའང་ལོང་ངམ་རྟ་རྫི་ཞེས་པས་བཀུམས་སྨྲ་བ་གྲི་གུམ་གྱི་དུས་བོད་དུ་འ་ཞ་བྱུང་བར་འདོད་པ་འདྲ་སྣང་བ་དང་། དཔའ་བོ་གཙུག་ལག་གིས་མཁས་པ་དགའ་བྱེད་དུ། གུ་རྞ་ཁ་ཏྲ་ཞེས་བྱའི་ཡུལ་ཁམས་ནས། །མུ་སྟེགས་བོན་པོ་འ་ཞ་ཞེས་པ་བྱུང་། །ཞེས་ངོས་བཟུང་བའི་རྫུ་འཕྲུལ་ཅན་དེས་རྒྱལ་པོའི་མཚན་གྲི་གུམ་ཞེས་བཏགས་པར་བརྟེན་ནས་རྒྱལ་པོ་གྲིར་བཀུམས་པར་བཤད། དེ་ནས་རྒྱལ་རབས་ཉི་ཤུ་རྩ་བཞི་པ་དམུས་ལོང་དཀོན་པ་བཀྲས་བྱུང་བར་ཡབ་འགྲོ་གཉེན་ལྡེའུས་འ་ཞའི་ཡུལ་ནས་སྨན་པ་བོས་ནས་མིག་ཕྱེ་གསུང་བ་བཞིན་ཕྱེ་བས་སྤྱན་བྱུང་སྟེ་ལྟག་རི་གཉན་གཟིགས་སུ་གྲགས་པ་ལྟར་ན་འ་ཞ་ཞེས་པ་ཡུལ་གྱི་མིང་དུ་བཤད། ཐམས་ཅད་མཁྱེན་པ་དགེ་འདུན་རྒྱ་མཚོའི་རྣམ་ཐར་ཞལ་གསུངས་མར། ཁྲི་སྲོང་

― GLG008_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡེའུ་བཙན་གྱི་སྐབས། རྗེ་སྲོག་པོ་ཁྱུང་བཞི་ལྷ་ཇོ་བོ་ལྕམ་དང་ལྔ། འབངས་ར་ཀློག་ཅན་དང་དྲུག །སེ་འ་ཞ་གཉིས་དང་བཅས་པ་རྣམས། ཆད་པ་མདོ་ཁམས་སྒང་ནས་ཆད། ཆགས་པ་གཡས་རུ་ཤངས་སུ་ཆགས་ཤེས་པ་རྣམས་གུངས་བསྒྲིགས་ན་གང་ཟག་རང་མཚན་པ་ཞིག་ལ་བཀར་ནས་རྒྱ་གར་ཕྱོགས་ན་ཡོད་ཚུལ་ཁུངས་དག་པར་མི་སེམས་ཏེ་བོན་དང་མུ་སྟེགས་མི་གཅིག་པས་ལོ་རྒྱུས་དེ་འདྲ་དྭགས་བརྒྱུད་པས་བོན་གྱི་རྗེས་སུ་འགྲངས་པའི་སྒྲུང་གི་བྱེ་བྲག་ཏུ་སྣང་། སྤྱིར་འཛམ་བུ་གླིང་པའི་མི་རིགས་ཕྱི་བར་ནང་གསུམ་ལས། རྒྱལ་རིགས། རྗེ་རིགས། བྲམ་ཟེའི་རིགས། དམངས་རིགས་ཏེ་ཕྱི་རིགས་བཞི། རྒྱ་གར་ལྷ། རྒྱ་ནག་ཀླུ། ཧོར་ལྷ་མ་ཡིན། བོད་སྤྲེའུ་དང་བྲག་སྲིན་མ་སྟེ་བར་གྱི་རིགས་བཞི། བཀའ་ཆེམསབཀའ་ཁོལ་མར། སྤྲེལ་ཕྲུག་སྤུན་བཞི་བརྒྱ་པོ་དེ་ཚན་པ་བཞིར་འཐབས་པ་དང་མེས་པོས་བར་མཚམས་བྱས་ཏེ་ཞིང་ལ་ཆ་བཞིར་བགོས། གཅིག་ལ་གཅིག་འཇིགས་ནས་ཚན་བཞིར་ཆད་པས་སེ་དང་། རྨུ་དང་། ལྡོང་དང་། སྟོང་སྟེ་ནང་མིའུ་རིགས་བཞི་རྣམས་བཅུ་གཉིས་པོ་རིགས་ཀྱི་ཕྱི་མོར་གྲགས། མིའུ་གདུང་དྲུག་ཏུ་དབྱེ་ན་བོད་མི་ཁྲི་ཐོ་ཆེན་པོ་བྱ་བ་དེ་ལ་དགྲ་འབྲུ་ལྡོང་ལྒ་དང་ནུ་བོ་དཔའ་རྡ་སྟེ་བུ་དྲུག་ཅེས་བཤད། སྤྱན་སྔ་ལྷ་གཟིགས་རས་པའི་ཡིག་ཚང་དུ། དགའ་ལྡོང་འབྲུ་གསུམ་དགྲ་དང་བཞི། ནུ་བོ་དཔའ་མདའ་གཉིས་ཏེ་དྲུག་ཏུ་གསུངས། ཚལ་པ་ཐམས་ཅད་མཁྱེན་པ་སི་ཏུ་དགེ་བའི་བློ་གྲོས་ཀྱི་ཧུ་ལན་དེབ་ཐེར་དུ་སྤྲེའུ་དང་བྲག་སྲིན་མོ་ལས་མཆེད་པ་

― GLG008_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

མ་སངས་སྤུན་དགུ། རྒྱན་ཕྲན་ཉི་ཤུ་རྩ་ལྔ། བཅུ་གཉིས། སིལ་མ་བཞི་བཅུས་རིམ་གྱིས་དབང་བྱས་པར་བཤད་པ་ཀུན་མཁྱེན་མཁྱེན་བརྩེའི་དབང་ཕྱུག་གི་རྣམ་ཐར་དུ་མིའུ་གདུང་དྲུག་གི་ནང་ཚན་དུ་གསུངས་པ་གོང་དུ་དངོས་མིང་ངོས་མ་འཕྲོད་ཀྱང་ཞྭ་དམར་ཐམས་ཅད་མཁྱེན་པ་བཞི་པས་མཛད་པའི་ཁྲུས་ཁང་ལོ་ཙཱ་བ་བསོད་ནམས་རྒྱ་མཚོའི་རྣམ་ཐར་དུ། ཕྱིའི་རུས་ཆེན་ལྡོང་ལ་ནང་ཚན་བཅོ་བརྒྱད་དུ་གྱེས་པའི་རོག་ཡིན་ཏེ། །ཞེས་ནང་གསེས་ཀྱི་ཁྱད་པར་དུ་ངོས་འཛིན་པ་རྣམ་དཔྱོད་དང་ལྡན་པའི་གསུང་འདི་བཞིན་ལྟར་རུས་སོ་སོར་དབྱེ་གཞི་གཅིག་ལ་དབྱེ་བའི་ཡ་གྱལ་མང་དུ་བྱུང་བའི་རུས་ཆེན་དྲུག་གི་དང་པོའི་ནང་གསེས་སུ་གཏོགས་པ་གོར་མ་ཆག །རྒྱལ་ཕྲན་སིལ་མའི་ཁྲོད་ཀྱི་རྒྱལ་པོར་གྱུར་པ་རྗེ་གཉའ་ཁྲི་བཙན་པོས་བོད་སྤྱི་ལ་དབང་སྒྱུར་བ་ནས་མངའ་འོག་ཏུ་གྱུར་ཅིང་རྗེ་དང་གཉེན་བསྲེས་པས་དབོན་དུ་སོང་། ལྷ་བཙན་པོས་བསྟན་པ་རིན་པོ་ཆེའི་ཆེད་དུ་ཆོས་ཀྱི་བཅའ་ཁྲིམས་མཛད་པའི་ཚེ་ན་རྗེར་གཏོགས་པས་རྡོ་རིང་གི་ཡི་གེར་ཡང་དབོན་འ་ཞ་ཞེས་རྒྱལ་རིགས་ཁུངས་བཙུན་དྲི་མ་མེད་པ་དེ་ལས་རིམ་པར་བརྒྱུད་དེ་གླང་དར་གྱིས་བསྟན་པ་བསྣུབས་རྗེས་སོ་ཐར་གྱི་བསྟན་པའི་མེ་རོ་སྨད་ནས་བསླང་བའི་ཚེ་འ་ཞ་མགོ་བོ་ཆེའི་སྲས་འ་ཞ་ཡེ་ཤེས་གཡུང་དྲུང་གིས་ཁམས་སུ་སྡོམ་པ་ལེན་པར་འབྱོན་པའི་ཞོར་དུ་ར་ས་འཕྲུལ་སྣང་གི་གཙུག་ལག་ཁང་དུ་མཇལ་དུ་བྱོན་པའི་དུས་སྟེང་ཁང་ལ་འགྲོ་བའི་སྐས་ཀྱི་མར་ཟུར་གདོང་ལ་དཔལ་ཡེ་ཤེས་མགོན་པོའི་སྐུ་གཟུགས་རི་མོར་བྲིས་པ་ཡར་འཛེག་སྐབས་ཡོད་པ་ལ་མར་ལམ་བྲིས་སྐུ་དེ་དཔལ་མགོན་པོ་དངོས་སུ་གྱུར་ཅིང་ཐོད་པའི་

― GLG008_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་ན་དགྲ་བོའི་སྙིང་ཁྲག་བླུག་པ་མི་རྩིབ་ཀྱིས་ཐུར་མ་བྱས་ཏེ་གསོལ་བ་མངོན་སུམ་དུ་བསྟན་ནས་རྗེས་སུ་བཟུང་བར་གསོལ་བ་བཏབ་པས། ཁྱོད་ཀྱི་མི་བརྒྱུད་དང་ཆོས་བརྒྱུད་བཅས་པའི་སྲུང་མ་ངས་བྱ། ཁྱོད་ཁམས་ན་ཟླ་བ་གཅིག་ལ་འཁོར་བར་གྱིས་ཞེས་གསུང་གི་གནང་བ་ཐོབ་པས་འ་ཞ་མཐུ་ཆེ་བར་གྲགས་ཤིང་མགོན་པོ་འདི་ཉིད་རྩིས་མགོན་ཡིན་པར་སེམས། ཁམས་སུ་བྱོན་ནས་བླ་ཆེན་གྱི་མཁན་བུ་ཏྲེ་བོ་མཆོག་བླ་ལ་སྡོམ་པ་དེར་བས་མའི་རྒྱུན་བླངས་ནས་སྣ་ནམ་འདྲེས་བརྡ། འོ་ཡུག །གནས་པོ་ཆེ་སོགས་དགེ་འདུན་གྱི་སྡེ་བཙུགས་པ་དེ་དག་ལས་གྱེས་ཏེ་མང་དུ་འཕེལ། ཀུན་མཁྱེན་བུའི་ཆོས་འབྱུང་དུ་སྡོམ་པ་ཆབ་གཏོར་མའི་རྒྱུན་བླངས་ཞེས་སྣང་། དེ་ནས་འ་ཞ་ལྷའི་བློ་གྲོས་ཀྱིས་ལྷ་ལྡན་གཙུག་ལག་ཁང་ལ་ཞིག་གསོས་དང་རྡོ་ཀོང་བཀྲ་ཤིས་འོད་འབར་ཕུལ། ཨ་མེས་ཇོ་སྲས་ཕུར་པ་འཕེལ་གྱིས་རྔོག་ལོ་རྒྱ་གར་དུ་འབྱོན་པའི་ཆ་རྐྱེན་ལ་གསེར་སྲང་བཅུ་བདུན་ཕུལ། གེགས་མེད་པར་ཕྱིར་བྱོན་ནས་ལོ་ཙཱ་བའི་ཆོས་འཁོར་གྱི་ཐོག་མ་ཡང་འདོལ་ཆུང་དུ་བསྐོར། དཔལ་ཨྱོན་ཆེན་པོས་བྱིན་གྱིས་རླབས་ཤིང་མ་ཧཱ་ཀཱ་ལ་དངོས་སུ་བཞུགས་པའི་གནས་དང་ཟུང་འབྲེལ་དུ་ཇོ་བོ་བློ་གྲོས་ཀྱིས་གནས་གཞི་བཏབ་པས་རྩིས་གནས་གསར་བར་གྲགས། དཔལ་ལྡན་ས་སྐྱ་པའི་མངའ་ཐང་སྒང་ལ་རྒྱག་པའི་དུས་ཆོས་ཀྱི་རྒྱལ་པོ་འཕགས་པ་རིན་པོ་ཆེ་དང་ཏི་ཤྲི་ཀུན་བློ་སོགས་ཀྱི་ཞབས་ལ། ནམ་མཁའ་རྒྱལ་མཚན། ནམ་མཁའ་བཟང་པོ། ཤཱཀྱ་སེང་གེ་ཅན་གྱིས་གཏུགས་པར་ཉང་གཞུང་མཐའ་དག་ཤེས་སུ་བཅུག་

― GLG008_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་འཇའ་ས་ལ་གསེར་གྱི་ཐམ་ཀ །ཤེལ་གྱི་ཉིན་ཤན། དངུལ་གྱི་སྒོར་མོ་ལུང་དང་བཅས་ལས་ཀ་གནང་བས་གནས་གསར་སྟོང་དཔོན་དུ་གྲགས། རྒྱལ་པོ། སྔགས་འཆང་། གེ་སར་གྱི་ཡོན་ཏན་ཚང་བའི་མི་བདག་རིམ་བྱོན་ལས་སྟོང་དཔོན་ཀུན་དགའ་རྡོ་རྗེའི་སྲས་ནང་སོ་ཆོས་ཀྱི་རྒྱལ་པོའི་ཁབ་ཏུ་སྙན་བརྒྱུད་ཀྱི་མངའ་བདག་འཇམ་དབྱངས་ཆོས་རྗེའི་ལྕམ་རྡོ་རྗེ་རྣལ་འབྱོར་མའི་སྤྲུལ་པ་དཔལ་ལྡན་འཛོམ་པ་བྱོན་པར་ལྕམ་སྲིད་བརྒྱད་བྱུང་བའི་བགྲེས་པ་ནང་སོ་རྣམ་རྒྱལ་དཔལ་བཟང་སློབ་དཔོན་ཆེན་པོ་པདྨའི་རྣམ་འཕྲུལ་སྐུ་ཞང་འཇམ་དབྱངས་ཆོས་རྗེ་ནམ་མཁའ་རྒྱལ་མཚན་ཡབ་སྲས་གསུམ་བསྟེན་ནས་འཁོན་གྱི་ཡབ་ཆོས་རྡོ་རྗེ་ཕུར་པས་གཙོས་གསར་རྙིང་གི་ཟབ་ཆོས་མང་པོ་ཞུས་ཤིང་བསྙེན་སྒྲུབ་བཟླས་སྒོམ་མཐར་ཕྱིན། སློབ་དཔོན་ཆེན་པོའི་བསྙེན་ཕུར་མེ་འབར་བཞིན་པ་རྩིས་ཀྱི་མཆོད་རྟེན་ནག་པོ་ནས་བཞེས། དགུང་ལོ་བརྒྱད་ཅུ་རྩ་ལྔར་ཕེབས་ནའང་སྐྱེས་དར་མའི་ཡང་རྩལ་དང་ལང་ཚོ་ལྟར་གྱུར་པའི་གྲུབ་མཚན་ངོ་མཚར་བ་སྟོན། རིན་ཅེན་སྒང་པ་སྒོས་དང་ཡོན་མཆོད་དུ་གྱུར་པའི་ཞལ་ངོ་ཕྱི་མ་རྣམས་ཀྱིས་རང་བསྟན་གྱི་སྲོག་འཐུད་པའི་རྟེན་འབྲེལ་གྱི་སྒོ་འགྲིག །དེ་འོག་ཕྱག་ན་རྡོ་རྗེའི་སྤྲུལ་པ་ནང་སོ་མགོན་པོ་རིན་ཅེན་གྱིས་མགོན་པོ་ཞལ་གཟིགས་ཤིང་ཐལ་རྡེབ་ཀྱིས་ལོག་འདྲེན་སྒྲོལ་བ། རི་དྭགས་སོགས་ལ་བྱ་གླག་གིས་འཚེ་བའི་ཚེ་སྔགས་རྒྱ་ཏིང་འཛིན་ཙམ་གྱིས་སར་ལྷུང་བ། མི་ཆོས་ལའང་སྒྱུ་རྩལ་འགྲན་ཟླ་དང་བྲལ་བར་གྲགས། དེ་འོག་འཇམ་དབྱངས་ཀུན་དགའ་བློ་གྲོས་ཞེས་གཞུང་ལུགས་རྒྱ་མཚོར་སྦྱངས་པ་ཆེ་ཞིང་དངོས་སྟོབས་

― GLG008_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་པས་རྒོལ་བ་ཐམས་ཅད་ཞུམ་པར་ནུས་པའི་གནས་གསར་ཆོས་མཛད་ཅེས་སྙན་པའི་སྒྲ་བོ་ཆེ་ཀུན་ཏུ་བསྒྲགས། སྒྲོལ་དཀར་གྱི་སྤྲུལ་པར་རྒྱལ་དབང་པདྨའི་ལུང་གིས་ཟིན་པའི་ལྕམ་བགྲེས་པ་ཁྲོམ་གེ་སར་རྒྱལ་པོའི་མག་པའི་བརྒྱུད་པ་ཤར་ཁ་རྒྱལ་རྩེ་བའི་ཁབ་ཏུ་བྱོན་ནས་སྔ་འགྱུར་གྱི་རྒྱུད་འབུམ་བཞེང་བ་དང་བཀའ་གཏེར་བསྟན་པའི་སྦྱིན་བདག་ཟླ་མེད་དུ་མཛད། དེ་འོག་མར་པའི་ཡུམ་བདག་མེད་པའི་སྤྲུལ་པར་གྲགས་པ་ར་ལུང་དུ་ཞབས་དྲུང་འབྲུག་པ་དབོན་རིན་པོ་ཆེའི་ཇོ་མོར་ཕེབས། རྗེ་བཙུན་མ་གསུམ་གྱི་གཅིག་གིས་བདག་ཆེན་རྡོ་རྗེ་འཆང་ཆེན་པོར་གསུང་ངག་རིན་པོ་ཆེ་གསན་ནས་སྒྲུབ་པ་སྙིང་པོར་མཛད་པས་འདའ་ཁ་མའི་ཉམས་ལེན་གྱིས་གྲུབ་མཐའ་སྙོགས། རྣལ་འབྱོར་མ་ཀུན་དགའ་ཆོས་ལྡན་དང་ནི་གུ་ཆོས་སྒྲོན་མ་གཉིས་ཀྱིས་ཀ་ཐོག་པ་བཞག་བླ་ཡེ་ཤེས་འབུམ་དང་སྤྲུལ་པའི་གཏེར་སྟོན་པདྨ་གླིང་པ་གཉིས་ལ་བཏུགས་ནས་ཟབ་ལམ་རྫོགས་པ་ཆེན་པོའི་ཆོས་ཉིད་ཟད་པའི་སར་འཁྱོལ། ནང་སོ་སྐུ་མཆེད་གཉིས་ཀྱི་ཇོ་མོར་ས་སྐྱའི་ནང་ཆེན་ལྷ་ཁང་ཆེན་མོ་བའི་སྲས་མོ་དཔལ་འཛོམ་བསུས་པའི་སྲས་ནམ་མཁའ་རྡོ་རྗེ་ཚེ་བརྟན་དཔལ་འབྱོར་བཟང་པོ་ནི་ཡིག་རྩིས། བརྟག་པ་རྣམ་པ་བརྒྱད་ལ་སོགས་པ་ལུགས་ཀྱི་བསྟན་བཅོས་ལ་མཁས་པ། སྒམ་ཞིང་བརྟན་ལ་བློ་གྲོས་ཀྱི་མཐུ་ཕུལ་དུ་བྱུང་བ། བདག་ཆེན་ཆོས་རྗེ་ཡབ་སྲས་གསུམ། ལྕེ་སྟོན་སེང་གེ་སོགས་མཁས་གྲུབ་ཀྱི་དམ་པ་མང་དུ་བསྟེན། རང་གི་ཨ་ནེ་འཁྲུལ་ཞིག་ཀུན་དགའ་ཆོས་ལྡན་ལ་རྫོགས་པ་ཆེན་པོའི་ཁྲིད་གསན་

― GLG008_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཉམས་གོང་འཕེལ་གྱི་རྟོགས་པ་ཀློང་དུ་གྱུར། ཐོས་གྲོལ་དང་གཅོད་ཡུལ་སོགས་ལ་བརྟེན་ནས་སྒྱུ་ལུས་རྨི་ལམ་ལ་རང་དབང་ཐོབ་པས་ལྕང་ལོ་ཅན་གྱིས་མཚོན་དག་པའི་ཞིང་ཕུལ། གམ་པ་རྫོང་དུ་ཕྱག་རྡོར་གྱི་བསྙེན་པའི་ཚེ་ཐུན་འཚམས་སུ་མར་མེ་ཤི་ཞིང་ཐུན་དངོས་ལ་རང་འབར་དུ་འགྲོ་བ། བྱང་ཆུབ་ཀྱི་སེམས་བཅོས་མིན་དུ་འཁྲུངས་ཤིང་ཀླུ་འབུམ་གཉན་ཁྲིའི་གདན་གསལ་པོར་གཟིགས་པ། མནལ་ལམ་དུ་ཁྱོད་ཁྱུང་འདི་ལ་ཞོན་ནས་རི་རབ་ལ་སྐོར་བ་ལན་གསུམ་བྱས་ཏེ་ལྕང་ལོ་ཅན་དུ་གཤེགས་པར་འགྱུར་རོ། །ཞེས་པའི་ལུང་བསྟན་རྙེད། གནོད་བྱེད་ཀྱི་ཀླུ་གདུག་པ་ཅན་བཏུལ་བ་སོགས་གསང་བདག་གིས་རྗེས་སུ་བཟུང་བར་བརྟེན། རྗེ་མཁྱེན་བརྩེའི་ཞབས་ཀྱིས། འདི་ནས་འཕོ་ཚེ་བྱང་ཕྱོགས་ལྕང་ལོ་ཅན། །ཞིང་དེར་ཕ་རྒན་དྲུང་དུ་ཐོག་མར་འགྲོ། །དེ་ནས་ཨྱོན་ཟངས་མདོག་དཔལ་རིའི་རྩེར། །སྐྱེ་བའི་རྟེན་འབྲེལ་བསྒྲིག་ལ་གསོལ་བ་འདེབས། །ཞེས་གསུང་བའི་དགོངས་གཞི་ཡང་དེ་ཡིན་ལ། སེང་གེ་རྩེ་བའི་བློན་པོ་མཛད་པ་སོགས་སྲིད་ཀྱི་རྣམ་གཡེང་དུས་འཁྲུག་ཆེ་སྐབས་ཀྱང་མཚན་བཅས་མཚན་མེད་ཀྱི་རྣལ་འབྱོར་ཡེ་མ་བཞག །སྙུན་དམ་པོས་བཏབ་པའི་དུས་ཁུ་བོ་གནས་གསར་ཆོས་མཛད་ཀྱི་སྒྲོལ་མའི་རྗེས་གནང་མཛད་པའི་ཚེ་སྒྲོལ་མ་རི་བོ་ཙམ་པའི་སྐུ་གཟིགས་པས་སྙུན་ལས་མྱུར་དུ་གྲོལ་བོ་དོང་དུ་ཇོ་ནང་མཁན་ཆེན། རྗེ་བཙུན་སྒོ་རུམ་པ་ཆེན་པོ་ཀུན་དགའ་ལེགས་པ་རིགས་ཀྱི་བདག་པོར་བསྟེན་ནས་བདག་ལུས་ལོངས་སྤྱོད་ཐམས་ཅད་མཆོད་སྤྲིན་དུ་ཕུལ། རྗེ་ཞིང་གཞན་དུ་གཤེགས་ཁར་རིགས་བརྒྱུད་དཀར་ནག་གི་འབྲེལ་པ་བཞག་

― GLG008_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

པས་མཐའ་བརྟེན་པ་ཀུན་རྗེས་སུ་འཛིན་པའི་ཞལ་བཞེས་ཞུས། རྡོ་རྗེ་འཆང་ཚར་པ་ཆོས་རྗེ་དང་ངོར་ཆེན་སངས་རྒྱས་སེང་གེ་ལ་ཟབ་རྒྱས་ཀྱི་ཆོས་མང་དུ་གསན། སྲས་གཉིས་ལ་སྲིད་ཀྱི་བྱ་བ་མ་ལུས་པ་གཏད་དེ་བསྐྱེད་རྫོགས་ཀྱི་རྣལ་འབྱོར་བསྙེན་སྒྲུབ་བསྐང་བ་མདོས་གཏོར་སོགས་ཐུགས་དམ་གྱིས་ཉིན་མཚན་དུས་འདའ། དེ་དག་གི་ཚེ་རྡོ་རྗེ་ཆོས་སྐྱོང་ཞལ་གཟིགས་པ། བསྲེག་མཁན་མེད་པར་ཤ་ཆེན་དྲི་ངད་འཐུལ་བ། དགུན་སྨན་རག་ཁོལ་བ། ལིངྒ་འགུལ་བ། ཟོར་གཏོར་འཕར་བ། མདོས་གཏོར་གྱི་གསེབ་ནས་བཙོ་རྒྱུག་པ། གམ་པ་རྫོང་དུ་ཐོག་སྡིགས་མཛུབ་ཀྱི་རྩེ་ལ་བླངས་ཏེ་གཞན་དུ་འཕངས་པ་དང་། བོ་དོང་རྫོང་དུ་བབས་ཀྱང་མ་གནོད་ཅིང་སྡིགས་མཛུབ་དང་ཤཱ་ས་ནཱའི་ནུས་པས་ཧོར་དམག་བྲོས་པ། རོང་ཆུང་དུ་རྦབ་དང་ཙག་ས་དཀར་གྲུར་ཆུ་རླབས་ཀྱི་འཇིགས་པ་སྡིགས་མཛུབ་དང་བཅས་པའི་ཕཊ་སྒྲས་བཟློག་པ། མནལ་ལམ་ལ་ཏི་པུ་པས་སྐུ་ཚེའི་ཚད་ལུང་བསྟན་པ་སོགས་ངོ་མཚར་རྣམས་ཆེས་དཔག་པར་དཀའ་ནའང་ཞང་སྟོན་ཆོས་འབར། རྗེ་མར་པ། མཁས་པ་གཡུ་ཐོག་པ་སོགས་ལའང་ལས་མ་དག་པའི་སྐྱེ་བོ་ཕལ་ཆེར་ཁྱིམ་པ་རང་བཞིན་པའི་མཐོང་ལས་མེད་འདུག་པ་ལྟར་འདི་སྐབས་ཀྱང་སྡེ་དཔོན་དཀྱུས་མའི་རྩིང་ཧྲལ་ཞིག་གི་ཉམས་ལས་མེད་པར་སྣང་། དེའང་མནལ་ལམ་དུ་རི་རབ་ལ་ལན་གསུམ་བསྐོར་ཞེས་པ་སྐྱེ་བ་གསུམ་བརྒྱུད་དགོས་རྒྱུར་ལམ་ཟབ་མོའི་ཉམས་ལེན་ལ་བརྟེན་ནས་དགུང་ལོ་རེ་བརྒྱད་པ་ཁྲུམས་ཟླའི་ཚེས་བཅུའི་ཉིན་གཤེགས་ཁར་ཚར་ཆེན་ལ་

― GLG008_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་ལྟོས་ཞུས་པས་སྐྱབས་འཇུག་ཤིན་ཏུ་རྒྱས་པ་དང་ཁྱད་པར་རྡོ་རིང་རིན་པོ་ཆེར་གསོལ་འདེབས་ཤུགས་དྲག་གནང་བས་མནལ་ལམ་དུ་རྡོ་རིང་པ་ཆེན་པོས་ཁོང་པ་ལས་ཀྱི་རྣམ་སྨིན་གྱི་འཕྲོ་ཞིག་གིས་རྒྱ་ནག་གི་མཐའ་འཁོབ་ཏུ་རུ་དྲ་མོའི་མངལ་དུ་ཟླ་བ་དྲུག་གནས་དགོས་པ་ཆོས་སྐྱོང་གིས་མ་དེ་བསྒྲལ་ནས་ལྕང་ལོ་ཅན་དུ་སྐྱེ་ནའང་ཆོས་རྗེ་པས་འབད་རྩོལ་མཛད་ན་ཟླ་བ་གཅིག་ཙམ་གྱིས་ཆོག་ཉེན་འདུག་ཅིང་གང་ལྟར་དོ་ནུབ་མཇལ་དུ་འོང་བ་ཡོད་གསུང་བ་ལྟར་སྔོན་དུས་ཀྱི་ཆ་ལུགས་ཇི་ལྟ་བ་ཛོ་ཀེའི་འཁོར་ལ་བརྟེན་ནས་བྱུང་བ་བདག་ཚེ་འཕོས་ཀྱང་བླ་མ་དང་ཆོས་སྐྱོང་གི་མཐུས་རྒྱལ་ཁ་བྱུང་། ཕྱག་རྡོར་གྱི་དབང་གནང་བར་གསོལ་བས་སང་ནས་བཟུང་ཕྱག་རྡོར་གྱི་དཀྱིལ་འཁོར་དུ་ལྷོ་སྒོའི་ཆོ་ག་ལན་གསུམ་མཛད་པས་ནུབ་ཅིག་འོད་གསལ་དུ་འབྲུག་སྒྲ་དིར་རིར་སྒྲོག་པར་གཟིགས་པ་ན་ནང་འོད་ཀྱི་རྣམ་པའི་ནོར་བུ་མིག་གསུམ་པས་གང་བ་གསལ་བས་སྡེ་པ་དེ་ལྕང་ལོ་ཅན་དུ་འབྲུག་གི་ཞོན་པ་ཅན་གྱི་གནོད་སྦྱིན་བདེ་ལྡན་འོད་ཟེར་དུ་སྐྱེས་ནས་དྲིན་ལན་འཇལ་དུ་འོངས་པར་མཁྱེན་ཅིང་གནོད་སྦྱིན་དེ་ཕྱག་ན་རྡོ་རྗེས་རྗེས་སུ་བཟུང་བར་བརྟེན་ཐུགས་བདེ་བར་གྱུར། འདི་པའི་ཡུམ་སྔ་མོ་ནས་གྲོངས་པས་ཆུན་མར་གཙང་ཚོང་འདུས་མགུར་མོའི་ཁྲི་དཔོན་གྱི་ལྕམ་སྲིང་བྱངས་སེམས་བུ་ཁྲིད་བླངས་པའི་སྲས་ནམ་མཁའ་རྒྱལ་བ་ལྕེ་སྟོན་པཎ་ཆེན་ལས་དགེ་བསྙེན་གྱི་སྡོམ་པ་ནོས། གོང་གི་ཡོངས་འཛིན་ཕལ་ཆེར་དང་། སྤྲུལ་སྐུ་ཤཱཀྱ་བཟང་པོ། གནུབས་ཆེན་རིན་ཅེན་དཔལ་བཟང་། ལྷ་བཙུན་ལེགས་ལྡན་བདུད་འཇོམས་རྡོ་རྗེ་སོགས་དམ་པ་མང་དུ་བསྟེན། ཚར་ཆེན་ཆོས་ཀྱི་རྒྱལ་

― GLG008_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ལ་ཐུགས་སྒྲུབ་དྲག་པོ་རྩལ་གྱི་ཆོས་སྐོར་གསན་པ་གཙོ་བོར་གྱུར་པའི་བདེ་མཆོག །གཤེད་དམར། ཕུར་པ། སྒྲོལ་དཀར་སོགས་ཡི་དམ་གྱི་ལྷ་རྣམས་ཀྱི་བསྙེན་སྒྲུབ་དང་མཁའ་འགྲོ་ལྔའི་མཆོད་གཏོར་གྱིས་མཚོན་ཐུགས་དམ་ཤིན་ཏུ་སྨིན། སྐུ་ཚེའི་སྨད་ལ་ཚར་ཆེན་གྱི་དྲུང་དུ་རབ་ཏུ་བྱུང་ཞིང་དགུང་ལོ་དོན་གཉིས་པའི་ཚེ་ཚར་ཆེན་རྡོ་རྗེ་འཆང་སྤྱན་དྲངས་པ་སྔས་མགོར་བླ་མ་འདི་ལྟ་བུ་ཕེབས་ནས་འཆི་བ་སྐལ་བ་བཟང་ཚུལ་སོགས་དགྱེས་དགྱེས་དང་བར་དོར་ཡང་ཧཱུྃ་སྒྲ་དིར་རིར་འགྲོ་གསུང་། གཤེགས་ནས་དབུ་ཐོད་སོར་བཞི་ཙམ་འཕགས་ཤིང་མེ་ཏོག་གི་ཆར་གྱིས་མཚོན་ལྟས་ཡ་མཚན་གཤིས་རྟོག་གེ་པ་རྒན་པོ་འགའི་ང་རྒྱལ་ཆག་པ་སོགས་ལ་དཔགས་ན་གཅེན་དུ་མ་ཟད་འདི་ཉིད་ལའང་དིང་སང་གི་ཆོས་པ་བཟང་པོར་རྩི་བ་རྣམས་ཀྱིས་བསྒྲུན་དཀའ་བར་མཆིས། མཆེད་གཉིས་ཀྱི་ཇོ་མོར་སེ་སྟོན་དཔལ་ཆེན་འབུམ་དང་མཐུ་ཆེན་ཉི་མ་བཟང་པོ་སོགས་ཡང་ཕུར་གཤིན་རྗེས་གཙོས་ལྷའི་སྣང་བ་ཐོབ་ཅིང་ཆོས་སྐྱོང་བྲན་དུ་འཁོལ་བའི་རིགས་བརྒྱུད་རྗེ་བཙུན་ས་སྐྱ་པའི་དབོན་པོར་གྱུར་པ་འདར་ཆོས་རྫོང་པ་དོན་ཡོད་རྣམ་རྒྱལ་གྱི་སྲས་མོ་ཚེ་བརྟན་བུ་འདྲེན་ཞེས་བདག་ཆེན་རྡོ་རྗེ་འཆང་། རྗེ་སྒོ་རུམ་པས་མཚོན་དམ་པ་དུ་མའི་ཞབས་པད་བསྟེན་ཅིང་ཚར་ཆེན་ཆོས་ཀྱི་རྒྱལ་པོ་དང་འཁྲུལ་ཞིག་ཀུན་དགའ་ཆོས་ལྡན་ལ་གདམས་པའི་ཉིང་ཁུ་ནོས་ནས་མགོན་པོའི་ཡིག་བདུན་མ་ས་ཡ་གསུམ་དང་ནཱ་རོ་མཁའ་སྤྱོད་ཀྱི་ཆག་མེད་མཛད་པས་མནལ་ལམ་དུ་རྗེ་བཙུན་ཞལ་གཉིས་མ་གསེར་གྱི་མདོག་ལྡན་གཟིགས་ཤིང་ཕག་སྐད་ངུར་སྒྲས་ཁེངས་པ་སོགས་གྲུབ་པའི་མཚན་མ་བརྙེས་པ་བུད་མེད་ཕལ་

― GLG008_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ངང་ཚུལ་ལས་འདས་པ་དེ་བསུས་པ་ལ་མཆེད་ཁ་ཡར་འཁྲུངས་པའི་དང་པོ་ཞབས་དྲུང་བསྟན་པའི་དྲུང་ངམ་བསོད་ནམས་རབ་བརྟན་དུ་གྲགས་པ། དེ་འོག་ཆོས་ཀྱི་རྒྱལ་མཚན། དེ་འོག་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །ཆུང་བ་ནོར་བུ་བཟང་པོ་རྣམས་ལས་གཅེན་དང་གཅུང་རྣམས་ནི་སྒྱུ་རྩལ་དྲུག་ཅུ་རྩ་བཞིས་གཙོས་ལུགས་དང་འབྲེལ་བའི་ཡོན་ཏན་གྱི་མཐུ་ཕུལ་དུ་བྱུང་ཞིང་རྗེ་བཙུན་སྒོ་རུམ་པ་ཆེན་པོ་དང་རྡོ་རྗེ་འཆང་ཚར་པ་ཆོས་རྗེ་སོགས་སྔགས་གསར་རྙིང་གི་མཁས་གྲུབ་དུ་མའི་ཞབས་རྡུལ་ཉེ་བར་བསྟེན་ནས་ཟབ་ཆོས་མང་དུ་གསན་ཅིང་དེའང་ཚིག་ཙམ་དུ་མ་ལུས་པར་བསྐྱེད་རྫོགས་ཀྱི་རྣལ་འབྱོར་བསྙེན་ཅིང་སྒྲུབ་པ་རྡོ་རྗེ་ཆོས་སྐྱོང་རྣམས་ཕྱི་ནང་གསང་བའི་མཆོད་པས་ཐུགས་དམ་སྐོང་བའི་མཛད་པ་སོགས་སྡེ་དཔོན་ཕལ་པའི་སྤྱོད་ཚུལ་དང་ཡེ་མི་འདྲ་བའི་གོང་མའི་ཞབས་རྗེས་ཟིན་པ་ཐུབ་པའི་རིང་ལུགས་འཛིན་ནོ་ཅོག་ལ་དག་པའི་སྣང་བ་དང་ལྡན་ནའང་རང་བསྟན་ཁའུ་བྲག་རྫོང་པའི་བླ་མ་དང་ཆོས་ལས་བསྟན་དང་སྟོན་པ་གཞན་ནས་མི་འཚོལ་བའི་དམ་བཅའ་བརྟན་པོ་སྤང་ལ་བེ་ཕུར་བཏབ་པའམ་རྡོ་ལ་རི་མོ་བྲིས་པ་ལྟ་བུའི་དམ་པའི་ངང་ཚུལ་དང་ལྡན་པ་ཤ་སྟག་ཡིན་ནོ། །ཨེ་མ་གངས་ཅན་དཔལ་མོའི་མངལ་ཡངས་པོར། །བསོད་ནམས་འབྲས་བུའི་ཁུར་གྱིས་རབ་ལྕི་བ། །རིགས་གསུམ་སྒྱུ་དྲའི་གར་མཁན་མི་ཡི་བདག །ཆད་མེད་མཐོ་རིས་ཆུ་བོའི་སྤུན་ཟླ་བཞིན། །དེ་དབོན་འོད་གསལ་ལྷ་བབས་འ་ཞའི་གདུང་། །ཆེ་གཉན་བཙུན་གསུམ་འཛོམ་པ་རྒྱལ་པོའི་བརྒྱུད། །མཐུ་སྟོབས་ནུས་པར་ལྡན་པ་རིག་སྔགས་འཆང་། །དཔའ་རྩལ་

― GLG008_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

གདོང་ངར་ཆེ་བ་གེ་སར་རིགས། །རླུང་གིས་མཐོན་པོར་བཏེག་པའི་འདབ་ཆགས་སྒྲོ། །འགྲོ་མངས་རལ་པའི་རྩེ་མོར་སྟེས་དབང་ལས། །གཡེངས་མིན་ཁུངས་འབྲེལ་ལུས་ཕྲའི་འགྲམ་ཆང་གིས། །དཔྱོད་ལྡན་བློ་ཡི་བ་ཀུ་ལ་དེ་བཞད། །རྡུལ་མང་ཕང་པར་ཉལ་བའི་ཁྲི་སྟན་སྟེང་། །ཆེན་པོར་བཀུར་བར་མི་བསྙེངས་བྱང་ཚན་ལ། །གཞོམ་པས་ཨིནྡྲ་བྷཱུ་ཏི་རྣ་རྒྱན་གྱིས། །ལྗོངས་འདིར་གཟུགས་ཅན་གཉིས་པ་བཟུང་བ་བཞིན། །དེའང་ཚིགས་གསུམ་པ། འཇམ་དབྱངས་མཁྱེན་རྩེའི་དབང་ཕྱུག་བསྟན་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱི་ཡོངས་གྲགས་ཀྱི་རྣམ་པར་ཐར་པ་དགུང་ལོ་སུམ་ཅུ་སོ་བརྒྱད་ཡན་གྱི་རྟོགས་བརྗོད་རང་ཉིད་ཀྱིས་མཛད་པའི་ངོ་མཚར་སྙེ་མར་གསུངས་པ་སྨོས་མ་དགོས། དེ་ནས་ཀྱང་ལོ་ཕྱེད་དྲུག་ཙམ་གྱི་བར་ཞིང་འདིར་བཞུགས་པས་འཕྲོ་འཐུད་ཐུབ་ན་ལེགས་པར་སྣང་ཡང་ཟིན་བྲིས་སོགས་ངེས་ཏིག་མ་འབྱོར་ལ། སྐུ་ཚེ་སྔོན་མ་སྣམས་སུ་གངྒཱའི་ཀླུང་གི་རྡུལ་སྙེད་ལས་འདས་པའི་ཞིང་ཁམས་རྒྱ་མཚོར་མཆོག་དམན་བར་པའི་ཚུལ་སྣ་ཚོགས་པས་འགྲོ་བའི་དོན་མཛད་པའི་མཐའ་ལ་རྟོགས། འོན་ཏེ་སྐྱེ་བ་རིམ་བརྒྱུད་དང་ཐུགས་རྒྱུད་གཅིག་པའི་སྤྲུལ་པ་སོགས་ཀྱིས་བསྟན་འགྲོའི་སྨན་ཡོན་དུ་གྱུར་པའི་རིམ་པ་ནི། རྗེ་ཉིད་ཀྱི་ཞལ་གསུངས་མར། ན་མོ་གུ་རུ་བྷྱཿརྒྱལ་བ་སྐུ་དངོས་ཨྱོན་ཆོས་ཀྱི་རྗེ། །རྡོ་རྗེ་འཆང་དབང་ཀུན་དགའ་ལེགས་པའི་ཞབས། །སྐུ་དྲིན་མཉམ་མེད་བློ་གསལ་རྒྱ་མཚོ་སོགས། །སྐྱབས་མཆོད་བླ་མ་རྣམས་ལ་གསོལ་བ་འདེབས། །ཨྱོན་དྲུང་ན་ལང་འགྲོ་དཀོན་ཅོག་འབྱུང་། །

― GLG008_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

དག་དང་མ་དག་སྐྱེ་བ་འགའ་ཡི་མཐར། །ཆོས་དབང་གསུང་སྤྲུལ་པདྨ་དབང་ཆེན་ཞེས། །མཁས་གྲུབ་དམ་པར་གྱུར་ལ་གསོལ་བ་འདེབས། །རྫོགས་ཆེན་རྣལ་འབྱོར་འོད་གསལ་རང་གྲོལ་དང་། །བཀའ་བརྒྱད་བཀའ་བབས་རྡོར་འཆང་བསོད་ནམས་བཟང་། །འཇམ་དབྱངས་སྒེག་པ་བསོད་ནམས་གྲུབ་ལ་སོགས། །དག་པའི་སྐྱེ་བར་གྱུར་ལ་གསོལ་བ་འདེབས། །རྒྱལ་བས་ལུང་བསྟན་ཟབ་གཏེར་བསྟན་པའི་བདག །འབྲེལ་ཚད་དོན་ལྡན་རྒྱལ་པོའི་བླ་མཆོད་དེ། །ཆོས་ཀྱི་རྒྱལ་པོ་རཏྣ་གླིང་པ་ཞེས། ཁམས་གསུམ་གྲགས་པས་ཁྱབ་ལ་གསོལ་བ་འདེབས། །ཉམས་རྟོགས་མཐར་ཕྱིན་ཨ་སེང་རྒྱལ་མོ་དང་། །འཕགས་ཡུལ་བྲམ་ཟེ་བྷྲ་མ་ནཱ་ཐ་ཉིད། །གངས་རིའི་ཁྲོད་འདིར་རྒྱལ་པོའི་རིགས་སུ་སྐྱེས། །མཁྱེན་བརྩེའི་དབང་ཕྱུག་ཉིད་ལ་གསོལ་བ་འདེབས། །དེ་ཡི་སྐུ་གསུང་ཐུགས་དང་ཡོན་ཏན་དང་། །འཕྲིན་ལས་སྤྲུལ་པ་ཤེས་རབ་སྙིང་རྗེ་ཅན། །རབ་བྱུང་རྒྱལ་ཆེན་རྣལ་འབྱོར་ཚུལ་ཅན་ཞེས། །པདྨས་ལུང་བསྟན་ཁྱོད་ལ་གསོལ་བ་འདེབས། །རྒྱལ་སྲས་གུ་རུ་ཆོས་ཀྱི་དབང་ཕྱུག་གིས། །ཡང་སྲིད་གཉིས་སུ་ཕ་བུའི་འབྲེལ་པ་བཞག །ད་དུང་འབྲལ་མེད་རྗེས་སུ་འཛིན་ནོ་ཞེས། །བྱིན་རླབས་ལུང་བསྟན་ཐོབ་ལ་གསོལ་བ་འདེབས། །དགྱེས་པ་རྡོ་རྗེ་འཁོར་ལོ་སྡོམ་པ་དང་། །རྡོ་རྗེ་ཕག་མོ་སྒྲུབ་ཆེན་བཀའ་བརྒྱད་ལྷ། །འཇམ་དཔལ་ཁྲོས་པ་འཇོམས་བྱེད་འབར་བ་ཡིས། །བྱིན་རླབས་མཚན་མ་ཐོབ་ལ་གསོལ་བ་འདེབས། །ལྷ་ཆེན་དཔལ་འབར་ལྕམ་བྲལ་ཕོ་ཉར་བཅས། །གུར་གྱི་མགོན་པོ་གཉན་མགོན་རྣམ་སྲས་སོགས། །དམ་ཅན་

― GLG008_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་མཚོ་ཕལ་ཆེར་བྲན་དུ་འཁོལ། །འཕྲིན་ལས་ཐོགས་མེད་སྒྲུབ་ལ་གསོལ་བ་འདེབས། །འདི་ནས་འཕོ་ཚེ་བྱང་ཕྱོགས་ལྕང་ལོ་ཅན། །ཞིང་དེར་ཕ་རྒན་དྲུང་དུ་ཐོག་མར་འགྲོ། །དེ་ནས་ཨྱོན་ཟངས་མདོག་དཔལ་རིའི་རྩེར། །སྐྱེ་བའི་རྟེན་འབྲེལ་བསྒྲིག་ལ་གསོལ་བ་འདེབས། །དེ་ལྟར་ཁྱེད་ལ་གུས་པས་གསོལ་བ་འདེབས་ན། །དུས་འདི་ནས་བཟུང་ཚེ་རབས་ཐམས་ཅད་དུ། །ནམ་ཡང་འབྲལ་མེད་མཉེས་པ་ཀུན་བསྒྲུབས་ནས། །ཆམ་གཅིག་གདོད་མའི་ཀློང་དུ་གྲོལ་བར་ཤོག །ཅེས་པ་འདི་སྙིང་ནས་དད་ལྡན་གཉོས་དཀའ་བཅུ་པ་ཆོས་རྒྱན་གྱིས་བསྐུལ་བའི་ངོ་མ་ཆོགས་པར་ངེད་རང་གི་ཁོང་ཁྲག་ཤོག་བུའི་ལོགས་ལ་བཀོད་པ་ཡིན་པས། ཐམས་ཅད་ལ་བསྟན་ན་ངེད་ཀྱི་ཚེ་ལ་གནོད་པས་ཤིན་ཏུ་གསང་ཞིང་སྦས་པའི་ཚུལ་དུ་མཛད་པ་གལ་ཆེ་ཆེ། དམ་ཚིག་ལ་དགོངས་མཛོད་ཅིང་། དགེ་སློང་ཆོས་རྒྱན་ལ་བསྟན་ཀྱང་བཟོད། ཚ་བོ་བཙུན་ཆུང་རྣམས་སྣོད་ལྡན་ཡིན་ཀྱང་། ན་སོ་གཞོན་པས་གཞན་ལ་ཤོར་ཉེན་ཡོད་པས་ཐེང་གཅིག་ལ་མ་སྟོན་མཛོད། ས་མ་ཡ། ཞེས་པ་དང་ཤེས་རབ་རྒྱ་མཚོ། བུདྡྷ། སངས་རྒྱས་ལྷུན་གྲུབ། སྦྱིན་པ་དཔལ་བཟང་། དཀོན་ཅོག་ལེགས་པ་ལྔས་ཞུས་དེར་གནང་བའི་ཀུན་ཁྱབ་ཆོས་དབྱིངས་མ་གཉིས་འདུག་པ་རྒྱས་བསྡུས་ཙམ་དུ་མཐོང་བས་གཅིག་ཏུ་བྱས་ན་སྤྲུལ་གཞི་རྒྱལ་ཀུན་ཡབ་གཅིག་འཇམ་དབྱངས། འོ་སྐོལ་གྱི་སྟོན་པའི་དྲུང་དུ་ཤེས་རབ་ཅན་གྱི་མཆོག་ཤཱ་རིའི་བུ། ལྷ་སྲས་ཁྲི་སྲོང་ལྡེའུ་བཙན། རྫུ་འཕྲུལ་གྱིས་ཐོག་ཆེན་མདའ་ལྟར་འཕེན་པའི་ལང་འགྲོ་དཀོན་ཅོག་འབྱུང་གནས། མངའ་བདག་ཉང་གི་

― GLG008_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

སྲས་ཟབ་གཏེར་ཆོས་ཀྱི་བང་མཛོད་འགྲོ་མགོན་ནམ་མཁའ་དཔལ་ལྡན་ཞེས་བླ་མའི་བཀའ་བབས་ཤིང་ཐུགས་རྗེ་ཆེན་པོ་དངོས་སུ་འགྲུབ་པ། གཏེར་ཁ་འོག་མ་གུ་རུ་རིན་པོ་ཆེ་ཆོས་ཀྱི་དབང་ཕྱུག་གི་གདུང་ལས་བླ་རྫོགས་ཐུགས་གསུམ་གྱི་བཀའ་བབས་པ་རྒྱལ་སྲས་པདྨ་དབང་ཆེན། བདུད་འཇོམས་སྐྱེ་བ་རིགས་འཛིན་ཆེན་པོ་རྒོད་ཀྱི་ལྡེམ་ཕྲུས་རྗེས་སུ་བཟུང་ཞིང་སངས་རྒྱས་གཉིས་པ་ཨྱོན་ཆེན་པོ་ཞལ་གཟིགས་ནས་གདམས་པ་ཐོབ་པའི་ཟུར་ཚོ་རྡོར་འཆང་བསོད་ནམས་བཟང་པོ་ཞེས་བཀའ་བརྒྱད་ཀྱི་བཀའ་བབས་པ། འདི་ཉིད་ཀྱི་སྐུ་སྐྱེ་ཡིན་ཚུལ་གཏེར་ཆེན་ཆོས་ཀྱི་རྒྱལ་པོ་རིགས་འཛིན་མངའ་རིས་པ་ཆེན་པོས་ཡང་ཡང་གསུངས་པས་རྡོར་འཆང་པ་ཡན་ཁོང་རང་གི་རྣམ་ཐར་དུ་གསུངས་པ་ལ་ཐེ་མི་ཚོམ་པར་མ་ཟད་མངའ་བདག་ཡིན་པའི་ཁུངས། རིགས་འཛིན་ཡོངས་འདུས་ཀྱི་ཆོས་བདག་ལུང་བསྟན་སྐབས་སུ། ཆོས་རྒྱལ་ཁྱོད་སྤྲུལ་མེ་ཏོག་མིང་འཛིན་པ༔ དངོས་ལས་ལྷག་པའི་སྐྱེས་བུ་སྙིང་སྟོབས་ཅན༔ བཀའ་གཏེར་ཆོས་བདག་བོང་རིང་ལུག་སྤྲེལ་ལོ༔ རིན་ཅེན་ཕྱག་རྟེན་དགོངས་ཀྱི་དུས་སུ་འབྱུང་༔ ཞེས་ཤིན་ཏུ་གསལ། ཆོས་ཀྱི་རྒྱལ་པོ་ཀློང་ཆེན་པའི་ཐུགས་སྲས་འོད་ཆེན་གོ་ཆ་ཞེས་སྙིང་ཏིག་གི་བཀའ་བབས་པས་འོད་གསལ་ལོངས་སྐུའི་ཞིང་ཁམས་མྱུལ་ཞིང་ཚེ་དཔག་མེད་ཀྱིས་མངོན་སུམ་དུ་ཞལ་གཟིགས་པ། མངའ་བདག་ཁྲི་སྲོང་ལྡེའུ་བཙན་གྱི་ཐུགས་སྤྲུལ་ཀུན་མཁྱེན་དོལ་པོ་པ་ཤེས་རབ་རྒྱལ་མཚན་གྱིས་སྦྱོར་བ་ཡན་ལག་དྲུག་གི་ཟབ་མོས་གྲོལ་བར་མཛད་པ་འཇམ་དབྱངས་སྒེག་པ་ནམ་མཁའ་དཔལ། ཟབ་དོན་གདམས་པས་ཡོངས་

― GLG008_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོལ་བསོད་ནམས་གྲུབ་པ། སྲས་པདྨ་དབང་ཆེན་གྱི་ཡང་སྲིད་གཏེར་ཆེན་ཆོས་ཀྱི་རྒྱལ་པོ་རཏྣ་གླིང་པའམ་གཏེར་གནས་དང་ལུང་བསྟན་གྱི་དབང་གིས་འགྲོ་འདུལ་གླིང་པ་དང་ཞིག་པོ་གླིང་པ་སྟེ་གཏེར་སྟོན་གཅིག་ལ་གླིང་པ་གསུམ་དུ་གྲགས་ཤིང་གཏེར་ཁ་ཉེར་བརྒྱད་ཞལ་ཕྱེ་ནས་སྔ་འགྱུར་བསྟན་པའི་སྲོག་འཐུད་པར་མཛད་པ་པོ། ཆོས་ཀྱི་རྒྱལ་པོའི་རྣམ་པར་སྤྲུལ་པ་གྷ་ཏ་ནཱ་ཐས་བྱིན་གྱིས་བརླབས་ནས་དྲག་སྔགས་ནུས་པ་མཆོག་ཏུ་བརྙེས་ཤིང་ཨཽཌྜི་ཡ་ནའི་གནས་སུ་རྡོ་རྗེ་ཕག་མོས་དངོས་སུ་རྗེས་སུ་བཟུང་བ་བྷྲ་མ་ནཱ་ཐ། རྗེ་བཙུན་བརྩེ་པ་ཆེན་པོའི་རྣམ་འཕྲུལ་འཇམ་དབྱངས་དཀོན་ཅོག་བཟང་པོའི་ཟབ་དོན་ཆོས་ཀྱི་ཉིང་ཁུས་འོད་གསལ་ཕ་མཐར་ཕྱིན་པས་ཐོགས་བཅས་ཀྱི་བདུད་ལས་རྒྱལ་བ་ཨ་སེང་རྒྱལ་མོ། རཏྣ་གླིང་པ་དང་བསོད་ནམས་གྲུབ་པ་མ་གཏོགས་པའི་བཞི་པོ་དམ་པ་འགའི་ལུང་བསྟན་དང་བསྟུན། བཙུན་མ་འདི་བྱིས་པའི་དུས་ཝལ་གྱིས་དྲན་ཞེས་གསོལ་འདེབས་ཀུན་ཁྱབ་ཆོས་དབྱིངས་མའི་མཇུག་ན་གསུངས། ལང་འགྲོ་ལོ་ཙཱ་བ་ནི། ལས་འགྲོ་གླིང་པའི་ལུང་བསྟན་དུ། ལང་འགྲོའི་སྤྲུལ་པ་བཀའ་གཏེར་བདག་པོ་ནི༔ མཁྱེན་བརྩེའི་མིང་ཅན་རིག་གནས་ལྔར་མཁས་པ༔ གཙང་ཕྱོགས་འདི་ནས་འཁོར་གྱི་ཐོག་མར་འབྱུང་༔ དེ་ལ་གདམས་པ་གཏད་ན་བསྟན་པ་འཕེལ༔ ཞེས་གསལ་བར་ལུང་གིས་ཟིན་ཅིང་རཏྣ་གླིང་པ་ནི་ལང་འགྲོའི་སྐྱེ་བར་ཡོངས་སུ་གྲགས། བསོད་ནམས་གྲུབ་པ་ནི། གོང་དུ་གསོལ་འདེབས་བྲིས་པར་གསལ། འཇམ་སྒེག་ནི་འདར་དུ་ཞལ་གཏོར་ཆེན་གྱི་ཕྱག་ལེན་ཞུ་བ་གནང་སྐབས་ཚར་ཆེན་གྱི་མནལ་ལམ་དུ་རྡོ་རྗེ་རིང་པ་

― GLG008_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རྡོ་རྗེ་གདན་པ་གཉིས་ཞལ་སྤྲོད་དུ་བཞུགས་སར་བྱོན་པ་ན་རྡོ་རིང་རིན་པོ་ཆེས་ཆོས་རྗེ་པ་ཁ་སང་ནས་གར་བྱོན་གསུངས་པ་ཇོ་ནང་འཇམ་སྒེག་ཅེས་པར་ཆོས་ཤོད་ཀྱི་བསྡད་ཞུས་པའི་ཚེ་རྡོ་རྗེ་གདན་པས་རྫུན་མ་གསུང་གནས་གསར་ཆོས་རྗེ་ཡིན་གནང་བའི་ལན་རྡོ་རྗེ་རིང་པས་གཉིས་ཀ་མེད་ཁོང་ཡར་ཀླུངས་པའི་དུས་སུ་འཇམ་སྒེག་ད་ལྟ་གནས་གསར་ཆོས་རྗེ་ཡིན། ཞེས་དང་། གསུང་མགུར་དུ། ཨྱོན་ཐུགས་རྗེའི་སྨོན་ལམ་མཐུ་བཙན་པས། །རྡོ་རྗེ་འཆང་ཆེན་ཚར་པ་ཆོས་ཀྱི་རྗེས། །མི་ནས་མིར་གྱུར་སྐྱེ་བ་ལྔ་ཡི་བར། །རྗེས་བཟུང་བྱང་ཆུབ་མཆོག་གི་ས་བོན་བཞག །ཅེས་བྱུང་བ་ལྟར་ཚར་ཆེན་རྣལ་འབྱོར་དབང་ཕྱུག་ཡར་ཀླུངས་པར་འཁྲུངས་པའི་ཚེ་སྙན་བརྒྱུད་ཀྱི་གདམས་པ་གནང་བར་གསོལ་བཏབ་པས་བྲག་རྫོང་མའི་འཁྲིད་ཡིག་ཏུ། སྐྱེ་བ་གསུམ་གྱི་གོང་ནས་གསོལ་བཏབ་ཅིང་། །ཚེ་འདིར་ལོངས་སྤྱོད་སྒྲུབ་པས་མཉེས་པར་བྱས། །དད་དང་སྙིང་རྗེ་ཤེས་རབ་མི་དམན་ལ། །ཀུན་སྤངས་ཆོས་རྗེའི་བསྟན་ལ་ལྷག་པར་དད། །སྟོན་དང་བསྟན་པ་གཞན་ནས་མི་འཚོལ་བར། །ཅི་མཛད་ཁྱེད་ཤེས་མོས་གུས་ལྡེ་མིག་གིས། །གསང་ཆེན་ཐུགས་ཀྱི་བང་མཛོད་སྒོ་ཕྱེ་ནས། །སྙན་བརྒྱུད་ཡིད་བཞིན་ནོར་བུ་ཁོ་བོས་རྙེད། །ཅེས་པའང་འཇམ་སྒེག །བྷྲ་མ་ནཱ་ཐ། ཨ་སེང་རྒྱལ་མོ་གསུམ་རིམ་པར་བྱུང་བ་ལ་དགོངས་ལ། ཀུན་ཁྱབ་ཆོས་དབྱིངས་མ་ལས། བཅུ་གསུམ་སྐྱེ་བར་མཁས་དང་གྲུབ་པ་དང་། །ཞུ་བྱེད་སྒྱུར་བྱེད་རིག་སྔགས་འཆང་བའི་ཚུལ། །དུ་མར་སྤྲུལ་ནས་སེམས་ཅན་སྐྱོང་མཛད་པ། །ཞེས་པའི་བཅུ་གསུམ་པོ་ངོས་འཛིན་ཚུལ་ཁ་ཚོན་གཅོད་དཀའ་ནའང་

― GLG008_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་བཞིན་ཡིན་ནམ་སྙམ། ཞལ་གཟིགས་སོགས་ངོ་མཚར་བའི་མཛད་པ་རྣམས་ནི་ཚིག་གཅིག་ཙམ་ཡང་རླུང་ཕྱོགས་སུ་མ་གྲགས་པར་བསྙེལ་ཐོ་ཕྱག་བྲིས་མ་ཞིག་སྣང་བའི་ཁ་ཡིག་ཏུ། སྤྲང་བཙུན་འཁྱམས་པོའི་གསང་བའི་གཏམ་འདི་དག །ཇི་སྲིད་འཚོ་ཡི་བར་དུ་ཁ་ཐམ་རྒྱ། །སྙིང་ནས་དད་ལྡན་རེ་རེ་ཙམ་ལ་བསྟན། །དེས་ཀྱང་སྙིང་གི་དཀྱིལ་དུ་ཨ་ཐམ་རྒྱ། །བླ་མ་སངས་རྒྱས་དངོས་དང་མཇལ་བ་དང་། །མན་ངག་རྒྱུད་སྡེའི་སྙིང་པོ་ཟབ་ཆོས་པས། །སྙིང་རུས་མེད་ཀྱང་བླ་མའི་སྐུ་དྲིན་གྱིས། །རང་ལ་ངོ་མཚར་ཡིད་ཆེས་བྱུང་ཚུལ་ཡིན། །ཞེས་ཁ་བྱང་བཏབ་ནས་ཚེས་དང་བཅས་རྒྱ་འབྱར་དུ་ཞ་ལུ་ཤེལ་ཐམ་གྱི་སྒམ་མཁན་པོ་མ་བཞུགས་པར་ཁ་འབྱེད་སྲོལ་མེད་འདུག་པ་དེར་བཅུག་པ་དེའི་ངང་ལ་བོ་དོང་དུ་གཟུགས་སྐུ་ཆོས་དབྱིངས་སུ་བསྡུས་པས་རྗེས་སུ་མཁན་པོ་རྩིས་སྤྲོད་ཀྱིས་དུས་ཐམ་སྒམ་ནས་བྱུང་བར་ལུང་མེད་ཀྱང་རྡོ་རྗེ་འཆང་དབང་ཕྱུག་རབ་བརྟན་གྱིས་འགོ་མཇུག་གི་ཐུགས་རྩོམ་འགའ་ཞིག་མཛད་པར་ལུང་རྒྱུན་ཀྱང་འདུག་ལ། རྣམ་ཐར་འདི་དཔེ་རྒྱུན་དཀོན་གཤིས་རྒྱུན་མི་ནུབ་པར་བྱ་བའི་སླད་དུ་གསུང་དྲི་མ་མེད་པ་ཡི་གེར་བཀོད་པ་ནི། ན་མཿ བཛྲ་དྷཱ་ར་ཛྙཱ་ན་ད་ཡེ་ཤྭ་ར་པཱ་དཱ་ཡ། །འཕགས་ཡུལ་ཨཽཌྜི་ཡ་ནར་པདྨའི་མཚན། །བྱང་ཕྱོགས་བྷོ་ཊའི་གཉེན་གྱུར་ཁྲི་སྲོང་ཞབས། །སྙིགས་དུས་རྒྱལ་བའི་རྒྱལ་ཚབ་ཆོས་ཀྱི་རྗེ། །དབྱེར་མེད་མཁྱེན་བརྩེའི་ཞབས་པད་གཙུག་ན་རྒྱལ། །དེ་ལ་འདིར་ལྷ་དང་བཅས་པའི་འཇིག་རྟེན་པ་ཀུན་གྱི་གཙུག་གི་ནོར་བུ། སྙིགས་དུས་ཀྱི་འགྲོ་བ་མ་ལུས་པ་ཐར་པའི་གླིང་དུ་འདྲེན་པའི་ས་མཁན། དུས་གསུམ་རྒྱལ་བ་ཀུན་གྱི་མཁྱེན་བརྩེ་གཅིག་ཏུ་བསྡུས་པའི་སྤྱི་གཟུགས། སྲས་བཅས་རྒྱལ་བའི་ཡབ་

― GLG008_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག །དཀྱིལ་འཁོར་རྒྱ་མཚོའི་རིགས་བདག །རིག་པ་འཛིན་པ་དང་མཁས་དང་གྲུབ་པ་ཡོངས་ཀྱི་དེད་དཔོན། རྡོ་རྗེ་འཛིན་པ་ཀུན་གྱི་རལ་པའི་ཁྲི་ལ་ཞབས་ཀྱི་པདྨ་ངལ་གསོ་བ། རྗེ་བཙུན་རྡོ་རྗེ་འཆང་ཆེན་པོ་མཁྱེན་བརྩེའི་དབང་ཕྱུག་བསྟན་པའི་རྒྱལ་མཚན་དཔལ་ལྡན་སྐལ་པ་བཟང་པོའི་ཞལ་སྔ་ནས་དེ་ཉིད་ཀྱི་རྣམ་པར་ཐར་པ་ནི་བསམ་གྱིས་མི་ཁྱབ་ཅིང་བརྗོད་ཀྱིས་མི་ལང་མོད། འོན་ཀྱང་མདོ་ཙམ་ཞིག་བརྗོད་ན། རྗེ་དེ་ཉིད་ཀྱི་མཛད་པའི་ཚུལ་ཆེ་ལོང་ཙམ་ནི་རྣམ་ཐར་ཆེན་མོར་རྟོགས་པར་བྱ་ཞིང་། དེ་བས་ཀྱང་ཆེས་སྙིང་པོར་གྱུར་པའི་གསང་བའི་རྟོགས་བརྗོད། གདུལ་བྱ་སྣོད་ལྡན་པ་དད་པ་དང་དམ་ཚིག་ལ་གནས་པ་ལྷག་བསམ་ལ་ཉེས་པའི་དྲི་མ་དང་བྲལ་བ་རྣམས་ཀྱི་སྤྱོད་ཡུལ། ལོག་ལྟ་དང་ང་རྒྱལ་འཛིན་པ་ཀུན་གྱི་རྣ་བའི་ལམ་ཙམ་དུ་ཡང་མི་བསྒྲག་པའི་གསང་ཆེན་དཔའ་བོ་ཌཱ་ཀིའི་ཚོགས་ཀྱི་ཟབ་པ་བས་ཆེས་གསང་བའི་རྣམ་པར་ཐར་པ་གསང་ཆེན་བདུད་རྩིའི་ཆུ་རྒྱུན་ཞེས་པ་དེ་ལ། རྗེ་དེ་ཉིད་ཀྱིས། ས་ཁྱི་ཟླ་བ་དང་པོའི་ཚེས་བཅུའི་ནུབ་རྨི་ལམ་དུ། ངའི་མལ་སའི་འཁྲིས་ན་མགར་མོ་གཞོན་ནུ་མ་ཞིག་གཅེར་བུ་སྐྲ་བཤིག་ནས་འདོད་པ་བསྟེན་པའི་གྲབས་སུ་འདུག་པ་ང་སྙིང་ནས་ངོ་ཚ་ཞིང་འདི་འདྲ་བྱེད་དུ་མི་ཉན་སྙམ་ནས་དེ་ལ་འུར། ང་རང་འགྲོས་པའི་གྲབས་བྱས་པས་དེ་ཙུག་མ་བྱེད་འདི་ལ་སྐྱོན་མེད། ཁྱོད་ཀྱིས་ཡུན་རིང་པོ་ནས་ང་བོས་པ་ཡིན་མོད་ཟེར་བས། ངས་ནི་ཁྱོད་འབོད་པ་ལྟ་ཅི་ད་ལམ་ལས་མཐོང་ཡང་མ་མྱོང་། སྡོམ་པ་ཉམས་ནས་དམྱལ་བར་སྐྱེ་བ་ལས་སྐྱོན་ཆེ་བ་གར་ཡོད་བྱས། ང་ཐོང་བྱས་སྤྲུགས་པས། ཁྱོད་ལ་མི་དགོས་ན་ང་

― GLG008_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཆགས་ཐམས་ཅད་དང་བྲལ་བ་ཞིག་ཡིན་ཟེར་ནས་ནམ་མཁར་འཕགས་སོང་བ་དང་། རྗེ་བཙུན་རྡོ་རྗེ་ཕག་མོ་ཞལ་གཉིས་མ་ཕག་ཞལ་གྱི་སྨིན་མཚམས་དང་། བྷ་གའི་ནང་ན་དགའ་འཁྱིལ་འཁོར་བ་ཞིག་ཏུ་གྱུར་སོང་བས་དེའི་ཞབས་ལ་འཇུས་གསོལ་བ་བཏབ་པས། ད་ཚེ་འདིར་རྗེས་སུ་འཛིན་པའི་སྐལ་བ་མེད། ཡི་གེ་སོ་གཉིས་པོ་འབྲུ་འབུམ་སྦྱིན་སྲེག་དང་བཅས་པ་བཟློས། རང་སེམས་ཕག་མོའི་རང་ཞལ་མ་ཡེངས་པར་སྐྱོངས། སྙིང་རྗེ་བྱང་སེམས་ཀྱིས་འགྲོ་བ་ལ་ཕན་ཐོགས། བར་དོར་རྗེས་སུ་འཛིན་ནོ་གསུངས་ནས་ཡལ་སོང་། གཉིད་སད་པ་ན་སྐྱོ་སྣང་དྲག་པོ་སྔར་ཡོང་མ་མྱོང་བ་ཞིག་གདའ་འོ། །མེ་ལུག་ཟླ་བ་བཅུ་གཉིས་པའི་ཉེར་ལྔའི་ནུབ་རྨི་ལམ་དུ། །ཨོ་ལོ་དགེ་བསྙེན་དང་བློ་གྲོས་བཟང་རོགས་ལ་ཁྲིད་དེ་རྫ་རི་དཀར་པོ་རྩེ་མོ་རྣོ་བ་རོང་ངེ་བ་ཞིག་གི་ལྡེབས་ལ་ཕྱིན་ནས་རྒྱ་གར་ནུབ་ཕྱོགས་ལ་འགྲོ་རྒྱུ་ཡིན་ཟེར་བསམ་འགྲུབ་ཡིན་སྙམ་པ་ཞིག་གིས་རྟ་སྔོན་པོ་སྒ་སྲབ་ཆབ་པ་བྱས་པ་ཞིག་གིས་གདོང་ལ་ཁྲིད་འགྲོ་གི་འདུག །ངས་བལྟས་པས་རིའི་ལོགས་ཐམས་ཅད་ལ་རྡོ་དང་བྱེ་མ་རླུང་གི་བཏབ་པ་འདྲ་བའི་སྐྱ་ཉོལ་ལས་གྲུབ་པའི་ཡི་གེ་ལཱཉྩ་དང་། དབུ་ཆེན་གྱི་དབྱངས་གསལ་དང་། ཨཥྚ་དང་། བདེ་མཆོག་གི་རྩ་སྔགས་སོགས་ཧྲམ་མེ་འདུག །རི་གདོང་དེ་ནས་མར་བབས་པའི་སྟེང་ཁ་ཞིག་ན། དབུས་ན་རྣམ་རྒྱལ་མཆོད་རྟེན་ཆེན་པོ་ཞིག་དང་། མཚམས་བཞི་ན་དེའི་ཕྱེད་ཙམ་གྱི་མཆོད་རྟེན་རེ་འདུག །ངའི་ཡིད་ལ་རྗེ་བཙུན་རྡོ་རྗེ་འཆང་གི་ཕྱི་རྟེན་ཡིན་པ་ལ། ད་ལོ་ཁོང་ཚོ་དམག་གིས་བྲེལ་ནས་སྐུ་དཀར་ཡང་མ་གསོལ་པ་

― GLG008_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

འདུག །ང་བླ་མ་མཆོད་རྟེན་ལ་རེ་བའི་དུས་བྱུང་སྙམ་ནས་མཆི་མ་མང་པོ་ཤོར། སྐོར་བ་དུ་མ་བྱས་གསོལ་འདེབས་བརྒྱ་ཕྲག་མང་པོ་བྱས་ཤིང་དད་གུས་ཀྱི་ཡུས་བརྣགས་ནས། མཆོད་རྟེན་དབུས་མ་དེ་ལ་འཇུས་ནས་བསྟན་པ་དང་སེམས་ཅན་སྤྱི་ལ་ཕན་པའི་སྨོན་ལམ་མང་པོ་བཏབ་ཁྱད་པར་སྐྱེ་བ་ཕྱི་མ་སེམས་ཅན་ཐམས་ཅད་རྗེ་བཙུན་རྡོ་རྗེ་འཆང་གི་ཞབས་དྲུང་དུ་སྐྱེ་བར་སྨོན་ལམ་དུངས་པར་བཏབ་པས། མཆོད་རྟེན་ལྔ་པོ་གཡོ་ཞིང་ལྡེག །དབུས་མའི་ཁེབས་གདུགས་ལྟར་གཡས་སུ་འཁོར་བ་ལས་འོད་ལི་ཁྲི་འདྲ་བ་མང་དུ་འཕྲོས་ནས་ངོ་མི་ཤེས་པའི་ལུང་པ་མང་པོ་གང་སོང་། དྲིལ་བུ་དུ་མ་འདུག་པ་རྣམས་ཀྱང་སྐད་སྙན་པ་འབྲུག་ཙམ་སྒྲོག །དེའི་གདངས་ལས། སུ་ཞིག་ཁ་ཙམ་མ་ཡིན་དད་པ་ཡིས། །བླ་མ་མཆོག་ལ་ཕྱག་འཚལ་གསོལ་འདེབས་པ། །དེ་ནི་མྱུར་དུ་མངོན་པར་འཚང་རྒྱ་སྟེ། །རང་ཉིད་གྲོལ་ནས་གཞན་ཡང་སྒྲོལ་བར་འབྱུང་། །ཞེས་ཐོས་པས་ཕན་ཡོན་འདི་ཙམ་ཡོད་པ་ཡིན་བྱས། །ཟླ་བོ་ཀུན་ཁྲིད་ནས་སྐོར་བ་གསོལ་འདེབས་མང་དུ་བྱས། ངས་རྟ་ལ་ཞོན་བློ་བཟང་གིས་བལ་དྲ་པོ་ཏིས་གང་བ་ཞིག་ཁྱེར་ནས་ཐུར་དེ་ལ་བབས་ཕྱིན་པས། ཉང་སྟོད་རྒྱལ་ཁང་ཡིན་སྙམ་པ་ཞིག་ཏུ་སླེབས་པ་ན། སྡེ་པ་ནོར་བཟང་དྲུང་གིས་སྤོས་སྣ་བྱས། ཁང་པ་གཡབས་སྒོར་ཉི་མ་དྲོ་བ་ཞིག་ཏུ་སླེབས་ཨ་ཇོ་ལགས་སྐུ་མཆེད་ཀྱིས་ཇ་བུར་སོགས་ཀྱི་བཀོད་པ་ཡང་བཤམས་བྱུང་། ཨ་ཇོ་ཆོས་ཀྱི་ཞལ་ནས་ཁྱོད་གང་ལ་འགྲོ་རྒྱུ་སོགས་དྲིས་བྱུང་བ་ལ་ལོ་རྒྱུས་རྣམས་ཞིབ་ཏུ་ཞུས་པས། ཁོང་ཚོའི་ཞལ་ནས། རྒྱ་གར་ནུབ་

― GLG008_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ན་འདུལ་ཞིང་ལེགས་པོ་ཡོད་པ་དང་ཆོས་ཧ་ཅང་མི་དར་བས་དེར་ཕྱིན་ན་ཕན་པ་རྒྱ་ཆེ་ནའང་། ད་ལམ་ལ་ཕར་ལ་མ་འབྱོན། ལོ་ཁ་ཡར་ཞིག་འདི་ཚོར་བཞུགས་ལ། ཆོས་བཀའ་ནུབ་ཉེ་བ་འདི་པ་གསོས་ཕན་སེམས་རྒྱ་བསྐྱེད་ནས་གཞན་ལ་ཆོས་མང་དུ་ཤོད། འདི་སྐད་བྱས་ན་རང་གཞན་ཀུན་ལ་ཕན་ཕྱིར་དཔེ་ཆ་མེད་པ་ཀུན་བྲིས། ཡོད་པ་ཀུན་ལྟོས།ཆོས་ཐོབ་པ་ཐམས་ཅད་བེད་མེད་ལ་མ་བཞག །ཆོས་བཀའ་དམ་པོ་བྱེད་ཟེར། ནོར་མེད་པ་ལ་མི་སྟེར་བ་དང་ཆོས་ལ་དཔེ་མཁྱུད་བྱེད་མི་ཉན་པས། སེམས་བསྐྱེད་རྒྱ་ཆེན་པོས་ཀུན་ནས་བླངས་པའི་ཆོས་ཉན་པ་དང་། དཔེ་གཞན་ལ་སྤེལ་བ་དང་། དེའི་དོན་རང་རྒྱུད་ལ་སྦྱོར་བ་རྣམས་མཛོད་ལ། རིམ་གྱིས་རྒྱ་གར་ནུབ་ཕྱོགས་སུ་བྱོན། ངེད་སྤུན་གསུམ་ཡང་ཁྱེད་གར་འབྱོན་སར་ཡོང་བ་ཡིན་གསུངས་པ་ལ། དེ་སྐད་ཞུ་སྟེ། ཆོས་ཉན་ས་ཡང་མི་རྙེད། རྙེད་ན་ཡང་ཞུས་ཡང་མི་ཡོང་། ངས་ཆོས་བཤད་ཀྱང་ཉན་མཁན་ནི་མི་ཡོང་སྟེ། ད་ལམ་ཐབས་མི་གདའ་བས་སྡོད་ལགས་ཞུས་པས། རྟ་རྫི་ངོ་ནག་ཐིང་བྱས་རྟ་དང་བཅས་པ་ནུབ་ཕྱོགས་ཕར་ལ་འུར་སྒྲ་དང་བཅས་ནས་འཕུར་སོང་བ་དང་གཉིད་སད་པ་མཉམ་དུ་བྱུང་ངོ་། །ས་སྤྲེལ་ཟླ་བ་དང་པོ་ནས་རྐང་པའི་ནད་དེ་ལངས་ནས། རེ་མིག་ལ་ཟླ་བ་གཉིས་པའི་ཚེས་བཞི་ལ་འགྲོ་སྨོན་ཅན་དུ་ཕྱིན། གཅོད་བཀའ་མ་དང་གསང་བ་རྨད་བྱུང་སྦྲགས་ནས་ཉམས་ལེན་གང་ལྕོགས་བྱས་པས་ཞག་གཅིག་ནས་རྐང་པ་ནས་འདྲུད་པ་དང་ཁྱི་ནག་པོས་རྨུགས་པ་སོགས་པ་སྡིགས་རི་དང་། བུད་མེད་མཛེས་མ་སྔར་མ་མཐོང་བའི་བྱད་བཞིན་དང་། གོས་རྒྱན་ཕུན་སུམ་ཚོགས་པས་

― GLG008_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

བསླུ་བྲིད་བྱེད་པ་སོགས་ལྷོངས་ཚད་བསམ་གྱིས་མི་ཁྱབ་པ་བྱུང་ནའང་། ཕུང་པོའི་གཅེས་འཛིན་བཏང་ནས་ཉལ་བསྡད་པས། ཞག་གསུམ་སོང་བ་ན་ཉམས་སྣང་ལ་བུད་མེད་བྱད་དམར་བྱང་ངེ་བ་བོང་ཆེ་ཞིང་སྐྲ་དམར་བ་ཞིག་ཕྱག་འཚལ་ཞིང་། །(ཊཀྲ)ཞེས་པའི་སྲོག་སྙིང་འབུལ་བ་སྙམ་བྱེད་པར་དམ་ལ་བཏགས། ཚེས་བཅུའི་ཐོ་རེངས་དགེ་སྦྱོར་རྣམས་བྱེད་འཕྲོ་ལ་གཉིད་དུ་སོང་བའི་རྨི་ལམ་དུ། གཡབས་ལྷོ་ཡིན་སྙམ་པ་ཞིག་ན་དར་སྨན་ཙེའི་ཡོལ་བ་རྒྱ་ཆེ་བར་བཏང་འདུག་པའི་ནང་ན། སྤྲུལ་སྐུ་གྲང་སོ་གཏེར་སྟོན་ཆེན་པོ་ལྕམ་སྔོན་སྡུད་མ་ཞིག་བསྣམས། རྡོ་རྗེ་དྲིལ་བུ་གསིལ་ཞིང་བཞུགས་འདུག །ཕྱག་འཚལ་ནས་འདིར་ཕེབས་པ་ཡིན་ནམ་ཞུས་པས། དྲུང་པ་འོག་གདོན་གྱིས་ཞབས་བསྙེལ་གྱི་འདུག་ཟེར་ཕྱག་རྡོར་གྱི་དབང་ཞིག་འབུལ་དུ་ཡོངས་པ་ལགས། སྒྲུབ་མཆོད་བདག་འཇུག་དང་བཅས་པ་ཚར་བདོག །ད་གསན་པས་ཆོག་པ་བདོག་གསུངས། ཕྱག་རྡོར་ཆེ་བ་བརྒྱད་སྐོར་གང་ལགས་ཞུས་པས། ཨུ་ཙ་དྲག་སྔགས་ཀྱིས་ཆེ་བའི་དབང་ཡིན་གསུང་། སྐུ་གཞོགས་གཡས་ན་ཨུ་ཙ་ལྷ་བཅུ་དགུ་དཀྱིལ་འཁོར་ཞིག་བཀྲམ། མར་མེ་ཆེན་པོ་མང་པོ་སྤར། སྐུ་མདུན་ན་ལྕོག་ཙེའི་ཁ་ན། རྡོ་རྗེ་དྲིལ་བུ། བུམ་པ། ཅོད་པན། མཆོད་རྟེན་སྔོན་པོ་མཐོ་གང་པ་ཞིག་དང་། ཕྱག་རྡོར་གྱི་སྐུ་ཤེལ་འདྲ་བ་ཞིག་དང་། གཞན་ཡང་ཕྱག་མཚན་གྱི་བྱེ་བྲག་མང་པོ་འདུག །གཡོན་ན་རྡུལ་ཚོན་གྱི་གཞལ་ཡས་ཁང་མཚན་ཉིད་ཚང་བ་ཞིག་གི་དབུས་ན། པདྨ་ཕྱོགས་མདོག་འདབ་བཞིའི་ལྟེ་བ་ལ་ཁྱུང་དཀར་པོ་གཟི་བརྗིད་འབར་བ། གཤོག་པ་སྔོན་པོ་རྡོ་རྗེའི་རང་བཞིན་མེ་འོད་འཕྲོ་བ། གཡས་རྡོ་རྗེ་འཕྱར་ཞིང་གཡོན་

― GLG008_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྲུལ་ནག་པོའི་མགོ་བོ་ཟ་བའི་རྐེད་པ་ནས་བཟུང་བ། འདབ་མ་ཤར་ན་སྦྲུལ་དཀར་པོ་གཉིས། ལྷོ་ན་སེར་པོ། ནུབ་ན་དམར་པོ། བྱང་ན་ལྗང་གུ་གཉིས་རྣམས་ཀྱི་མཇུག་མ་བསྣོལ་ནས་གདན་དུ་བྱས་པ། རྐེད་པ་ཡན་ལངས་ནས་ཁྱུང་གི་པུས་མོའི་ཙམ་ན་གདེང་ཀ་བྱས་པ་ཞིག་འདུག །འདི་གང་ཡིན་ཞུས་པས་རྡོ་རྗེ་མཆུའི་དཀྱིལ་འཁོར་ཡིན་གསུངས་ནས། ཕྱག་རྡོར་ལ་དབང་བཞི་རྫོགས་ཤིག་དང་། རྡོ་རྗེ་མཆུ་ལ་རྗེས་གནང་རྒྱས་པ་ཞིག་གནང་བའི་མཐར། འདི་རྣམས་ཀྱང་ཁྱེད་ལ་མཁོ་བ་ཡིན་གསུངས་ནས་པོ་ཏི་གླེགས་ཤིང་མེད་པ་མང་དུ་གཏད་བྱུང་། དེ་རྣམས་བདག་གིས་པང་དུ་བཞག་པས་མགོ་བོ་དང་མཉམ་པོར་སོང་། རེས་ང་རང་དཔེ་ཆར་འགྲོ། རེས་དཔེ་ཆ་རྣམས་ངའི་ལུས་སུ་འགྱུར། རེས་ངའི་རྒྱབ་མདུན་དུ་གླེགས་ཤིང་བཞག་ནས་སྐུད་པས་སྡེམ་པ་རྣམས་བྱེད་པ་བྱུང་བ་དང་གཉིད་སད་དོ། །ཚེས་བཅུ་བཞིའི་ནམ་ལངས་ཁར་གཉིད་དུ་སོང་བ་ན། དཔོན་ས་ཚེ་དབང་པ་ཡིན་སྙམ་པའི་བུད་མེད་དཀར་དམར་མཛེས་པ་ཞིག་གིས་ཆང་ཐོད་པ་གང་སྦྱིན་པ་འཐུང་གི་ཡོད་ཙ་ན། བློ་གྲོས་བཟང་གིས་སྐྱེས་པ་སློག་པ་གྱོན་པ་ཞིག་ཁྲིད་ནས་འདི་ལ་ཐོད་འཕྲེང་ལེགས་པོ་ཡོད་པས་མཇལ་བ་ཞུ་ཟེར། སྟོན་དང་བྱས་པས་ཐོད་འཕྲེང་བྱུ་རུ་ལྟར་དམར་བ་བརྒྱ་རྩ་གཅིག་བསྟན་ནས་འདི་ཁ་ཆེ་པཎ་ཆེན་གྱི་འཕྲེང་བ་ཡིན་ཟེར། ང་ལ་གནང་དགོས་བྱས་པས་ལག་ཏུ་སྤྲད་བྱུང་ཙ་ན་ཐོད་པ་ལེགས་པ་ཁྱིད་གང་ཙམ་ལ་འཁོར་ལོ་སྡོམ་པ་ཞལ་བཞི་ཕྱག་བཅུ་གཉིས་པ་ཡུམ་དང་བཅས་པའི་སྐུ་མེ་ལོང་ལ་གཟུགས་བརྙན་ཤར་བ་ལྟ་བུ་ཞིག་གསལ་བར་མཐོང་བ་དང་གཉིད་སད་དོ། །ཨྠྀི། སྔ་མོ་ཞིག་

― GLG008_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

རྙིང་མའི་གཤེད་དམར་ལ་ཐུགས་དམ་བྱས་ན་ཚེ་ལ་ཕན་ཟེར་བ་བྱུང་སྟེ་ཞུ་ས་མ་རྙེད། མྱུག་ཏུ་སླེབ་ནས་བཙལ་བས་ཉི་སྦུག་པ་ལ་བཞུགས་ཟེར། བྱ་ལོ་ཟླ་བ་ལྔ་པའི་ནང་དུ་ཉི་སྦུག་ལ་འགྲོ་ཁར། ཤངས་ཆུ་ཆེ་དྲགས་ཐར་ས་མི་འདུག་ཟེར་ནས་བཤོལ་བའི་ནུབ་རྨི་ལམ་དུ་ལུང་པ་ཁ་ལྷོ་བསྟན་རི་སྐྱ་ཧྲོབ་སེ་བ་ཞིག་གི་ལྡེབས་རབ་གསལ་ཉིས་བརྩེགས་ཡོད་པའི་ཁང་པ་ཞིག་ན་བླ་མ་འབེར་མོ་བྱིན་ཆགས་ཤིག་གི་དྲུང་ན་ང་འདུག་པ་ན་བླ་མ་དེའི་འཁྲིས་ན་ཨོ་ལོ་ནོར་བཟང་བ་ཡིན་སྙམ་པ་ཞིག་གི་ཕྱག་ན་རག་གི་འཕྲེང་བ་རྙིང་པ་ཞིག་བཟུང་ནས་འདི་ཨ་ཇོ་ལགས་རང་གི་ཐུགས་དམ་དང་ཐོག་མ་ནས་ཡིན་པས། ད་དུང་མཛད་ན་ཁེ་ཆེ་བ་འདུག་སྟེ་ཐེ་ཚོམ་ལས་མི་འདུག །དིང་སང་མ་བཟུང་ན་དེ་ནས་མི་ཡོང་ཟེར་བ་རྨིས་པ་ནས། སང་དེ་ག་ཆུ་ལ་མ་འཛེམས་པར་ཕྱིན་པས་ཁང་པ་སོགས་རྨི་ལམ་སོར་བཞག་གདའ། གཤེད་དམར་ནག་གི་དབང་ལུང་རགས་པ་ཐོབ། དབང་མ་ཐོབ་པ་ཞིག་གཤེད་དམར་གྱི་རྡུལ་ཚོན་གྱི་དྲུང་དུ་བཏང་བས་སྣ་ཁྲག་དར་འཕྱར་འཕྱར་བྱེད། ཤིན་ཏུ་གཉན་ལ་བྱིན་རླབས་ཆེ་བར་གོ་ལགས། དེ་རེས་ཞག་བཅུ་བསྡད། དབོན་པོ་དེས་ཆོས་གནང་བའི་སྤྱན་ཚབ་མི་ནུས་པར་གེགས་ཆེན་པོ་བྱས། རིན་པོ་ཆེའི་ཞལ་ཏ་ལ་མ་དང་ཞག་མནོས་པ་བཞིན་འབུལ་མི་ཐུབ་པ་འདུག་པས་ཕྱིར་བྱོན། ཁོང་ཚོ་མེ་ཏོག་ལ་སོང་ཤུལ་ལྟ་བུ་འགོལ་བ་ཞིག་ལ་ང་རང་གིས་གང་ཐོས་འདི་ཚང་ན་ཞིག་འབུལ་ཐུབ་བྱེད་དོ་གསུངས། ཟླ་བ་བདུན་པའི་ནང་དུ་རྨི་ལམ་ལ་ལྷོ་སྟེང་གི་ཁང་ཐོག་ཡིན་སྙམ་པ་ཞིག་ན། རིན་པོ་ཆེ་ཉི་སྦུག་པ་ཞལ་ནུབ་གཟིགས་བྱས་བཞུགས་པའི་དྲུང་ན་བདག་འདུག་པ་ལ། གཤེད་དམར་གྱི་སྐོར་པོ་ཏི་གཅིག་གི་ལུང་རྫོགས་

― GLG008_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གནང་། དཔེ་རིས་ཚོན་རྫོགས་བྱས་པའི་ལེགས་པོ་མང་པོ་བསྟན་ནས་མཛུབ་ཁྲིད་མཛད། ཁྱད་པར་ཐོད་པ་ཞལ་དབྱེ་དང་རུ་མཚོན་ལ་ཞི་རྒྱས་མང་པོ་གནང་བ་ཞིག་རྨིས། གཉིད་སད་ནས་ཀྱང་ཤིན་ཏུ་གསལ་བ་འདུག་པས་ཟིན་བྲིས་བྱས་ན་ཐུབ་ངེས་འདུག་སྟེ། དགའ་མོ་ཞིག་ཐོས་པའི་ལྟས་ཡིན་སྙམ་པ་ལས་མ་བྱུང་བས་ཡི་གེར་མ་བཏབ། དེ་ནས་མེ་ཏོག་རན་པ་དང་ཕར་འགྲོ་རྩིས་ཀྱིས་སྐོར་ཡང་ལ་བཏང་བ་དང་ཕ་གི་ནས་ཞི་བར་གཤེགས་པའི་གསང་བརྟོལ་གྱི་མི་གནང་བ་ལམ་དུ་འཕྲད་ལོག་བྱུང་། བར་དོ་ཡེ་ཤེས་ཀྱི་སྐུས་རྗེས་སུ་བཟུང་བར་གདའ་བས་བཀའ་དྲིན་ཆེ། ཆུ་ཕག་ས་ག་ཟླ་བའི་ཚེས་བཅུ་བཞིའི་ཉི་མ་དྲོས་ཆེན་ཙམ་ལ་ལམ་ཟབ་ཀྱི་དེ་ཁོ་ན་ཉིད་ལ་བློ་བཞག་པའི་ངང་ལ་གཉིད་དུ་སོང་བ་ན་ནང་ཐམས་ཅད་འོད་དམར་སེར་ལི་ཁྲི་འདྲ་བ་ཞིག་གིས་ཁེངས་ནས་ཕྱི་ནང་ཐམས་ཅད་གསལ་བའི་ཁྲོད་ནས་འཇའ་ཚོན་ཁ་དོག་ལྔ་ལྡན་ལས་གྲུབ་པའི་ཡི་གེ་དབུ་ཆེན་མཐོ་རེ་ཙམ་བྱས་པའི་རྗེ་ས་སྐྱ་པ་ཆེན་པོའི་རྣམ་ཐར་དིང་སང་ཡོངས་གྲགས་རྣམས་ལས་ཆེས་ཞིབ་པ་ཞིག་ཡིག་འཕྲེང་དུ་ཡོད་པ་སོ་སོའི་སྒྲ་སྒྲོག་པ་ཞིག་འདུག །དེ་ལ་དད་གུས་བྱས་ཚིག་རྣམས་སྒྲོགས། སྒྲ་དེའང་སྙན་བཞིན་པའི་ངང་ནས་ས་སྐྱ་པ་ཆེན་པོའི་ཞལ་རས་གདོང་དཀྱུས་རིང་པོ་ལ་ཤ་དཀར་ལ་སྣུམ་པ་ཞལ་ཆེན་པོ་འཛུམ་བག་ཅན་ག་ཐེར་བྱས་པ་ཞིག་ཡོད་དེ་སྙམ་མིག་སྔར་ལམ་ལན་ཡོང་བ་ལ། དད་གུས་ཀྱི་མཆི་མ་འཆོར་བ་ཞིག་གི་ངང་ནས་གཉིད་སད་དོ། །ཆུ་ཕག་ཟླ་བ་ལྔ་པའི་ཚེས་བཅུའི་ཐོ་རེངས་རྨི་ལམ་དུ་བོ་དོང་རྫོང་གི་ཉི་འོད་འཁྱིལ་པ་ཡིན་སྙམ་པ་ཞིག་ན་ཨ་ཕ་ལགས་དྲུང་ན་བཟའ་རིང་འགག་དཀར་པོ་གསར་པ་ཞིག་གི་སྟེང་ན་རས་སྔོན་

― GLG008_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་འོད་དང་འཕྲོ་བཞིའི་སྐུ་གཟན་བཞེས་རཀ་ཤའི་འཕྲེང་བ་བསྣམས་ནས་བཞུགས་འདུག་པའི་དྲུང་དུ་སླེབས། སྔ་ཕྱིའི་ལོ་རྒྱུས་མང་པོ་ཞུས་པའི་མཐར་བདག་འཚམ་པོར་གནས་ཁྱེད་གར་ཐེགས་ད་ངེད་ཚོ་ཅི་ཙུག་བྱེད་ཟེར་ཞིང་མཆི་མ་གཏོང་གིན་ཞུས་པས་མ་བཤུམ་ཁྱེད་ཚོ་ཨ་ཕ་རྐྱེན་གྱིས་ཤི་བར་བྱེད་ཀྱི་གདའ་སྟེ་དེ་འདྲ་མིན། སྐུ་ཚེ་རྫོགས་ནས་ལོ་ལྔ་སོང་སྟེ་སྔགས་ཀྱི་དམ་བཅའ་ཞིག་མ་ཐེམས་པས་བསྡད་པ་ཡིན་པས་དེ་ཐུག་བསྡད་པའང་ཡ་མཚན་ཆེ། ད་ལམ་ཨ་ཕ་ལྕང་ལོ་ཅན་དུ་སླེབས་གསང་བའི་བདག་པོ་ལ་ཐེག་པ་ཆེན་པོའི་ཆོས་ཀྱི་དགའ་སྟོན་རྒྱུན་ཆད་མེད་པར་མྱོང་ནས་མྱུར་དུ་འཚང་རྒྱ་བར་ཡོད། ཁྱེད་རང་ཡང་ལྕང་ལོ་ཅན་དུ་སྐྱེས་ནས་སེམས་ཅན་དུ་མའི་དོན་བྱེད་པར་འགྱུར། དེའི་སླད་དུ་དགེ་སྦྱོར་འདི་གྱིས་གསུངས་ནས་ནམ་མཁའ་ལ་ཇེ་མཐོར་འོད་ཅིག་ལ་བཞུད་སོང་བས་དྲུང་ལགས་ཟེར་འབོད་འཕྲོ་ལ་གཉིད་སད་དོ། ལོ་དེའི་ཟླ་བ་དྲུག་པའི་ཉེར་གསུམ་ནས་རྗེ་བཙུན་རྡོ་རྗེ་འཆང་གི་དུས་ཆེན་སྒྲུབ་མཆོད་བཙུགས་པའི་ཚེ། བུག་སྒོའི་ནང་ན་ངེད་གཉིས་ལམ་མེད། ཐིག་སུས་ཀྱང་སློབ་མ་མྱོང་། ཕྱི་ནས་འབོད་ཀྱང་མ་བདེ་བར་གང་དྲག་ཅི་དྲག་ལ་སོང་སྐབས། ཐིག་ཀྱང་མི་ཤེས་པའི་རྡོ་རྗེ་སློབ་དཔོན་དུ་ཁས་ལེན་པའི་བླུན་པོ་སྙིང་ཁམ་ཅན་ང་འདྲ་སྙམ་དུས། གསོལ་བ་བཏབ་པས་ཐིག་རྩ་ཞིག་བློ་ལ་ལམ་ལམ་བྱེད་ནས་བརྒྱབ་པས་ཐིག་ཤིན་ཏུ་ལེགས། དེའི་དཀྱིལ་འཁོར་དེས་མར་མེ་བཟུང་། ཞག་བཅུ་གསུམ་བཞག་ཀྱང་རྡུལ་ཡེ་མ་བླངས་སོ། ཟླ་བ་བདུན་པའི་ཚེས་བརྒྱད་ནས་ཞིང་གཤེགས་ཀྱི་དུས་མཆོད་ལ། འཁོར་ལོ་ཆེན་པོའི་སྒྲུབ་མཆོད་སྦྱིན་སྲེག་དང་བཅས་བྱེད་ཀྱིན་ཡོད་དུས། སྦྱིན་སྲེག་གི་སྐབས་ན་དྭོགས་པ་འདྲ་

― GLG008_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་ཙ་ན་རྨི་ལམ་དུ། ང་སྦྱིན་སྲེག་ཅིག་བྱེད་ཀྱི་འདུག་པ་ལ། དེའི་ཕ་ཚད་ན་རྡོ་རྗེ་འཆང་ཆེན་པོ་དང་དྲུང་ལགས་གཉིས་བཞུགས་ནས་འཁོར་ཆེན་ལ་སྦྱིན་སྲེག་གི་ཡི་གེ་མང་པོ་ཡོད་དེ། གཉགས་སྙིང་པོ་རྒྱལ་མཚན་གྱིས་འདི་ལ་ཐུགས་གཙིགས་ཆེ། འདིའི་སྐབས་སུ་ཕྱག་ལེན་འདི་བཞིན་མཛད་གསུངས་ནས། འགྲིག་ཤིན་ཏུ་ཞིབ་པར་གསུངས། དཔེ་ཆ་དེའང་གདའ་བ་འདི་ཁྲོད་ན་གདའ་གསུངས་ནས་བསྟན། དེ་ནས་དྲུང་ལགས་ཀྱིས་ཞུ་མཁན་མཛད་ནས་འཁོར་ཆེན་གྱི་སྐོར་ལ་དཀའ་གནད་མང་པོ་ལ་བཤད་པ་མཛད་པའི་སྒང་ལ་གཉིད་སད་པ། བླ་མ་ཡབ་སྲས་གཉིས་ཀྱི་ཞལ་མིག་སྔར་ལམ་མེ་བའི་ངང་ནས་ཚིག་དེ་དག་ཀྱང་བློ་ལ་གསལ་པོར་འདུག །སང་ཉིན་མདང་ཕྱག་མཛུབ་བཙུགས་པའི་དཔེ་ཧྲུལ་བྲལ་བྲུལ་བསྡུས་པའི་པོ་ཏི་དེ་བལྟས་པས་སྦྱིན་སྲེག་གི་དཔེ་ཆ་ཡང་འདུག་ཅིང་། ཇི་སྐད་གསུངས་པ་ཞིག་འདུག་གོ །བྱི་ལོ་ཟླ་བ་དང་པོའི་ཉེར་ལྔ་ལ་སྡིང་མ་ནས་འཁོར་གདོང་དུ་གཏོར་མའི་རྒྱབ་ན་བཀྲམ་པའི་གུར་མེ་ཏོག་མའི་ཞལ་ཁེབས་འོད་འབར་བ་དང་བཅས་པ་ཇ་སྦྱོར་གཅིག་གི་བར་ལམ་མེ་འདུག །གྲལ་གྲོལ་རྗེས་ན་ཞལ་ཁེབས་སད་རྩས་ཁད་དེ་བཀབ་འདུག་པས་མིག་འཁྲུལ་བའམ་ཡ་མཚན་ཅན་ཞིག་གདའ་འོ། །ལྕགས་ཕག་ཟླ་བ་ལྔ་པའི་ནང་དུ་རྨི་ལམ་དུ། མངའ་རིས་སྤྲུལ་སྐུ་དང་མཇལ་དཔེ་ཆ་གནང་བདོག་གམ་ཞུས་པས། ན་ནིང་ཁྱེད་རང་གིས་བལྟས་པ་དེ་ནས་ཤོག་ལྡེབས་གཉིས་ལས་ནི་མ་བྲིས། དཔེ་ཆུང་དེ་གཉིས་བསྐུར་ཡོད་གསུངས། སྤ་གམ་ཞིག་ནས་ཞི་ཁྲོའི་དཔེ་ཆ་ཡིན་སྙམ་པའི་དཔེ་ཆུང་ཞིག་གནང་བྱུང་བས། འདི་ཐམས་ཅད་ལ་ངོམ་དགོས་སྙམ་དགའ་ཚོར་ཚད་མེད་པའི་ངང་ནས་

― GLG008_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིད་སད། སང་ཕྱག་དམ་དཔེ་ཆ་ཕེབས་པས་དེ་ག་སོར་བཞག་འདུག་གོ །ཡང་ནུབ་ཅིག་ཨ་ལྷུན་པ་ཡིན་སྙམ་པ་ཞིག་གིས་སྤྲུལ་སྐུས་སྐྱེལ་དུ་བཏང་བ་ཡིན་ཟེར་རག་བུམ་མགུལ་ཆིངས་དར་དཀར་ནོག་པོ་ཞིག་གིས་བྱས། ཁ་རྒྱན་རྨ་བྱ་དང་། ཤེལ་གྱིས་བྱས་པ་ཞིག་དང་། པོ་ཏི་བྲུ་ལེ་དཀོན་རྩོས་གྲིལ་བ་སྤྲད་པ་རྨིས་པས་སང་བཀའ་འདུས་ཀྱི་ཕྱག་དཔེ་སླེབས་ནམ་ལ་བྲིས་པའི་སྒང་ལ། རྨི་ལམ་སྤྲུལ་སྐུ་བྱོན་ནས་རིགས་འཛིན་གདུང་སྒྲུབ་ཀྱི་དབང་གནང་བ་བྱུང་ངོ་། །ཤིང་གླང་ཟླ་བ་བཞི་པའི་ཚེས་བཅུ་བདུན་ནས་བཀའ་བརྒྱད་སྒྲུབ་ཆེན་སྨན་སྒྲུབ་དང་བཅས་པ་མཛད་དུས་བཀའ་བརྒྱད་ཀྱི་དཀྱིལ་འཁོར་གསུམ་གྱི་ཐིག་འདེབས་ཤིང་། ནམ་མཁའ་ལའང་དཀྱིལ་འཁོར་གྱི་ཐིག་རྫོགས་པ་ཞིག་སྐྱ་ཏ་ལེ་འདུག་པ་རྨིས། ཡང་ནུབ་ཅིག་ནུབ་ཕྱོགས་ཀྱི་ནམ་མཁའ་ལ་མངའ་རིས་པཎ་ཆེན་བཞུགས་ནས། སྟོང་པ་སྟོང་པ་སྟོང་གསལ་འཛིན་མེད་ཡིན་གསུངས་ནས་ལི་སེར་པོའི་ཟ་མ་ཏོག་ནོར་བུ་མིག་གསུམ་པའི་དབྱིབས་ཅན་ཞིག་བདག་ལ་གནང་བྱུང་བ་དང་གཉིད་སད་དོ། །ནུབ་ཅིག་བཀའ་བརྒྱད་ཀྱི་དཔལ་དགུ་ཐོག་ཚད་ཙམ་འོད་འབར་བའི་མདུན་ན་སྤྲུལ་སྐུ་བཞུགས་ནས་བཀའ་བརྒྱད་ཀྱི་རྒྱུད་ལུང་མན་ངག་ཐམས་ཅད་འདིར་འདུས་ཤིང་ཁྱོད་རང་བདག་པོ་ཡིན་པས་ཡེ་གསུང་པོ་ཏི་གཅིག་ང་ལ་གནང་བྱུང་ངོ་། །སྟག་ལོ་ཆོས་ལུང་སྒང་གི་ཁང་ཆུང་དེ་མཚམས་དམ་པོའི་ཁོང་ནས་དཔོན་ས་ནམ་མཁའི་དྲུང་སོགས་ཁ་ཅིག་ལ་རོ་སྙོམས་སྒང་འབྲིལ་བུག་ཆོས་བྱས་བཤད་པའི་གྲོལ་ཁ་ཚེས་བཞིའི་སྔ་དྲོ་རྨི་ལམ་དུ། གཅུང་རིན་པོ་ཆེ་སྐུ་གཟི་འོད་ཤིན་ཏུ་འབར་ཞིང་། ན་བཟའ་ཀོང་གཟན་ངུར་ཁ་ཞིག་བཞེས། འཁོར་མང་ཆེན་དང་བཅས་

― GLG008_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ལ་ཐེགས་རྒྱུ་བའི་རྣམ་པས། རྫོང་ཞིག་གི་བརྒྱ་སྒོའི་ཕྱིར་ཕེབས་ཀྱི་འདུག་པའི་ཐེགས་སྐྱེལ་ལ་ཕྱིན་ཕྱག་འབུལ་བྱས་པས་ཕྱག་ལན་མཛད་རྗེས་མགུལ་ཕྲག་ནས་ཞྭ་དམར་ལེགས་ཚད་ཐུབ་ཡུག་ཅིག་གནང་བྱུང་ནས་ད་འཕྲིན་ལས་ཡང་འདི་ཆེ་བ་ཡོད་པ་འདུག་པས་ད་ཕྱིས་དབུ་ཞྭ་འདི་བཞེས་ལས་འགྲོ་དོན་མཛད་པ་ཞུ་གསུང་བ་དང་གཉིད་སད། ཞལ་རས་གསལ་ལ་དྲགས་མཆི་མ་མང་པོ་ཤོར། དང་པོ་སྒོམ་ཞྭ་གོན་གསུང་གནང་སྐབས་རྟེན་འབྲེལ་འཕྱུགས་དྭོགས་མི་མང་ས་ལ་མང་པོར་གྱོན། ཕྱིས་སུ་གྲོལ་ཆ་ཞིག་ཞུ་སྙམ་པ་མ་གྲུབ་པའི་ངང་ནས་ཞིང་བརྗེས། ད་ཅི་དྲག་སྙམ་སེམས་མ་བདེ་བའི་ངང་ལ་ཡོད་པ་བླ་མ་ཐུགས་རྗེ་ཆེ་བས་གྲོལ་ཆ་གནང་བར་འདུག་བསམ་མོས་གུས་བགྱིས་སོ། །ན་མོ་གུ་རུ་ཤྲཱི་བཛྲ་བྷཻ་ར་ཝཱ་ཡ། བདག་དང་པོ་ནས་དཔལ་རྡོ་རྗེ་འཇིགས་བྱེད་ལ་དད་པོ་ཞིག་ཡོད་དོ། །མན་ངག་མ་ཐོབ་པས་དགེ་སྦྱོར་བྱེད་ལུགས་ཇི་ལྟ་བ་ནི་མ་བྱུང་འདུག །མྱུག་དུ་སླེབ་འཕྲལ་བཅུ་གསུམ་མའི་ཐོག་ནས་ཡ་མ་རཱ་ཛ་འབུམ་ཕྲག་གཅིག་བཟླས་པའི་ཚེ་ནུབ་ཅིག །རྡོ་རྗེ་འཇིགས་བྱེད་ཆེན་པོ་ཞལ་ཕྱག་ཡོངས་རྫོགས་མི་ཙམ་ཞིག་གསལ་ལམ་སྟེ་མཐོང་མ་ཐག་གཉིད་སད། ས་རྟ་ཟླ་བ་དགུ་པའི་ནང་དུ། བླ་ཆེན་རིན་པོ་ཆེའི་དྲུང་དུ་གསུང་ཆོས་ཞུ་ཡིན་རྒྱ་ཆེན་ཡོད་པའི་ནུབ་ཅིག་རྨི་ལམ་དུ། བོ་དོང་བླ་བྲང་དཀར་པོའི་ཚོམས་ཆེན་གྱི་དབུས་ན་བཞུགས་གདན་ཤིན་ཏུ་མཐོ་བ་ཞིག་ལ། ལོ་ཆེན་བྱང་རྩེ་ཡིན་ཞུ་བའི་སྐུའི་རྣམ་པ་ད་ལྟ་བྲིས་ཡོད་པའི་སྐུ་འདྲ་འདི་རྣམས་སོར་བཞག་ལ། གོས་བེམ་དམར་སྨུག་ཉིས་བརྩེགས་བཞེས་པ་ཤིན་ཏུ་གཟི་བརྗིད་ཆེ་བ་ཞིག་དང་། དེའི་སྐུ་གཞོགས་གཡོན་ན་བླ་ཆེན་ཆོས་དཔལ་བཟང་པོ་ཡིན་ཞུ་བ་ཞིག་བཞུགས།

― GLG008_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་གྲལ་པ་མང་པོ་བྱས་པ་ཞིག་གི་དྲུང་ན་བདག་འདུག་པ་ན། ལོ་ཆེན་རིན་པོ་ཆེ་བདག་ལ་ཆེད་དུ་གཟིགས་ཤིང་། བླ་ཆེན་པའི་རྣམ་ཐར་བསྔགས་བརྗོད་མང་པོ་གསུངས། དེ་ནས་ལོ་ཆེན་དང་ཡང་ཡང་མཇལ་བ་དཀའ་སྙམ་རྗེ་བླ་མ་དམ་པའི་རྣམ་ཐར་ལོ་ཆེན་རང་གིས་མཛད་པ་དེའི་ལུང་ཞིག་གནང་དགོས་ཞུས་པས་ཤིན་ཏུ་ལེགས་དེ་ག་བྱ་ཡིས་གསུང་། གཅིག་ལ་ཕྱག་དཔེ་ཁྱེར་ཤོག་གསུངས། ལེན་དུ་སོང་བ་མ་སླེབ་པ་ལ་གཉིད་སད། སེམས་འཕྲང་བའི་ཚད་ཐུབ་པ་ཞིག་བྱུང་། བླ་ཆེན་རིན་པོ་ཆེ་བླ་ཆེན་ཆོས་རིན་པའི་སྐྱེ་བ་ཡིན་འདུག་པས་དེའི་བྱིན་རླབས་ཡིན་ནམ་སྙམ།ལྕགས་སྤྲེལ་ཟླ་བ་བརྒྱད་པའི་ཚེས་གཅིག་ནས་གཞི་བསྙེན་གྱི་སྔོན་འགྲོ་བླ་མའི་རྣལ་འབྱོར་ཚུགས་པའི་ཚེས་བཞིའི་ནུབ་རྨི་ལམ་དུ། རྗེ་བཙུན་རྡོ་རྗེ་འཆང་ཕ་ཚར་པ་རྗེ་དང་མཇལ། རྟ་མགྲིན་ཡང་གསང་གི་དབང་རྫོགས་པར་གནང་། དཀྱིལ་འཁོར་གཏོར་མ་དབང་ཚིག་སོགས་ཀྱང་ཤིན་ཏུ་གསལ་བ་དང་། ཕྱག་ལེན་ལ་དོགས་གཅོད་འདྲ་ཞུ་རྒྱུ་ཡོད་པའང་ཞུས་ཤིང་། ལན་གནང་བ་ཞིག་བྱུང་ངོ་། །ནུབ་ཅིག་ཡང་ཕ་བླ་མ་བཞུགས་ཁྲི་ཐོག་རྩར་སྙོགས་པ་ཞིག་གི་སྟེང་ན་བེར་ཐུལ་ནེལ་ཆོ་གསར་པ་རང་ཞིག་བཞེས་ནས་བཞུགས་པའི་སྐུ་གཞོགས་གཡོན་ན་བདག་འདུག་པས། ཨ་སྐྱབས་ཀྱིས་གསོལ་ཇ་ཞུས་རྗེས་གསོལ་ཁ་ཞུ་ཡི་འདུག་པས། ངའི་དེ་ཁོང་ལ་དྲོངས་གསུངས། གསོལ་ཁ་དེ་བདག་ལ་དྲངས་པ་ཞིག་རྨིས། ཡང་ནུབ་ཅིག་དབུ་རྩེ་འོག་འདྲ་བ་ཞིག་ན་ཁྲི་སྔར་གྱི་དེ་ལས་མཐོ་བ་ཞིག་ལ་བཞུགས་ནས་ཚེ་ཁྲིད་ཀྱི་ཚར་ཆོས་དེ་གསུང་རྒྱུ་ཡིན་སྙམ་པ་བྱས། བདག་སྐུ་མདུན་ན་འདུག་པ་ལ་གསུང་ཆོས་ཧ་ཅང་གསལ་བ་ནི་མ་བྱུང་། རླུང་བུམ་

― GLG008_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་བཟུང་སྤྱན་ལྟ་སྟངས་མཛད་ཧ་རེ་བཞུགས་པ་གསལ་པོ་ཞིག་རྨིས། །ཡང་ནུབ་ཅིག་བོ་དོང་རྫོང་དུ་བདེ་བ་ཅན་ཡིན་སྙམ་པ་ཞིག་ན་བཞུགས་གདན་མཐོ་པོ་ཞིག་ལ་རྡོ་རྗེ་འཆང་སྒོ་རུམ་པ་ཆེན་པོ་བཞུགས། དེའི་སྐུ་གཞོགས་གཡོན་ན་བདག །བདག་གི་གཡོན་ན་རྗེ་བཙུན་དཔོན་བཞུགས་པ་ལ་རིན་པོ་ཆེས་གཞི་ལེན་གཅིག་མཛད་རྒྱུ་བའི་སྟོན་ཤོམ་བཟང་པོ་བྱས་པ་ཞིག་རྨིས། ནུབ་ཅིག་དཔལ་སྦུག་བཞུགས་ཁྲིའི་སྟེང་ན་ཕ་བླ་མ་བཞུགས་གསུང་ངག་རིན་པོ་ཆེ་བསྐྱར་ནས་གནང་རྒྱུ་ཡིན་ཟེར་ཞུ་མཁན་མང་པོ་འཚོགས་འདུག་པ་ལ་བསླབ་གསུམ་པ་གསལ་པོ་འདུག་གཞན་ངོ་ཤེས་རང་ནི་མི་འདུག །ཁོག་ཕུག་ཡིན་སྙམ་པའི་དཔེ་ཆ་ཞིག་གི་ལུང་མཛད་བྱུང་བ་ན། ཐོད་ཕུའི་བློ་གསལ་རྒྱ་མཚོ་དེ། བིཪྺ་པ་ལགས་སམ་ཟེར་བ་ཞིག་འདུག་པ་ལ། དོན་འདི་ག་ཡིན་དེ་ཚིག་འདི་ཅུང་སྡེབ་མ་ཤེས་འདུག་གསུང་། བདག་གིས་ཐོད་ཕུའི་རྣལ་འབྱོར་དབང་ཕྱུག་དེ། ད་ལྟའི་བློ་གསལ་རྒྱ་མཚོ་ཡིན་བྱས་ན་བདེ་བ་འདྲ་ཞུས་པས་དེ་ག་བྲིས་པས་ཡོང་གསུང་། དེ་ནས་གཞུང་བཤད་ཅིག་ཀྱང་འགོ་བཙུགས།སྣང་གསུམ་ཀྱང་བཙུགས་བྱུང་ནས་ན་ནིང་གི་ཟིན་བྲིས་དེ་ལ་ཞུ་དག་བྱེད་དགོས་སྙམ་པ་དང་གཉིད་སད། བསམས་པས་ཐོད་ཕུར་བྱོན་པའི་རྗེ་གྷ་ཡ་དྷ་ར་རྣལ་འབྱོར་དབང་ཕྱུག་གི་ཐུགས་ཀྱི་སྤྲུལ་པར་མནལ་ལམ་བཀའ་རྒྱ་མ་ནས་བཤད། དེ་དང་ཕ་བླ་མ་ཐུགས་རྒྱུད་གཅིག་པའི་བརྡའ་རུ་འདུག་སྙམ་པ་བྱུང་ངོ་། ། ཨཥྚ་འབུམ་ཕྲག་གསུམ་སོང་བའི་ཉི་མ་ཤར་ལྷོར་བཟླས་པའི་སྒང་ལ། གཉིད་དུ་ཅུང་ཟད་སོང་བ་ན་མདུན་གྱི་ནམ་མཁའ་ལ་དཔལ་ཀྱེ་རྡོ་རྗེ་ཞལ་བརྒྱ་ཕྱག་བཅུ་དྲུག་པ་ཡབ་ཡུམ་གཉིས་ཀ་སྐུ་མདོག་གཡུ་དྲུག་དཀར་གྱི་མདོག་

― GLG008_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུ་དང་གསལ་རྙོག་མེད་འོད་ཀྱི་རང་བཞིན་ཞིག་ཇ་དཀར་ཡོལ་གང་ལྷོད་བྱས་འཐུང་བའི་ཡུན་ཙམ་གྱི་བར་ལ་འཛིན་མེད་ཀྱི་ངང་ལ་ཆམ་མེ་བ་ནས་མཐོང་། དེ་ནས་ཚོགས་པ་མང་པོས་ཕུན་ཚོགས་འདོད་དགུ་མ་འུར་དིང་གིས་གྱེར་བྱུང་བའི་སྐད་ཀྱིས་གཉིད་སད་ཀྱང་སེམས་བདེ་ཆམ་མེ་འདུག་གོ །ཡང་གཏུམ་ཆེན་གྱི་མངོན་དཀྱིལ་བསྒྲིག་པའི་སྒང་ལ་རྨི་ལམ་དུ་ཕ་རྡོ་རྗེ་འཆང་ཚར་པ་དང་མཇལ་ནས། གཏུམ་ཆེན་གྱི་དབང་རྫོགས་པར་གནང་། ཤེས་རབ་ཡེ་ཤེས་བླ་མེད་སྤྱི་དང་འདྲ་བ་དང་དབང་བཞི་པའི་སྐབས་སུ་བླ་མ་རྡོ་རྗེ་འཆང་གི་རྣམ་པ་སྤྱི་བོར་གསལ་བཏབ་ནས་སློབ་མ་ལ་བསྟིམ། དེ་དང་རང་སེམས་འདྲེས་པའི་གནས་ལུགས་ལ་ངོ་སྤྲོད་མཛད། དེ་ཙམ་མ་གཏོགས་དཀྱིལ་ཆོག་སོར་བཞག་མཛད། གཏང་རག་གི་མཎྜལ་ཚུན་ཚར་ནས་བརྒྱུད་པ་ཞུས་པས་ངས་ནི་རྡོ་རིང་རིན་པོ་ཆེ་ལ་ཐོབ། དེས་མཁྱེན་རབ་རིན་པོ་ཆེ་ལ་གསན་པ་ཡིན་ནམ་གསུང་། དེ་ནས་གཉིས་སད། ཡང་ནུབ་ཅིག་སྐུ་ནི་མ་མཐོང་། རྗེ་བཙུན་བསོད་ནམས་དཔལ་བའི་གསུང་ཡིན་སྙམ་པའི་སྐད་གོག་གེ་བ་ཞིག་གི་གཏུམ་ཆེན་འདི་སྲིའུ་ཆུང་བའི་ཕ་ཆོས་ཐུན་མོང་མ་ཡིན་པ་ཞིག་ཡིན་ཏེ། རྣམ་པར་ཉམས་ཤིང་འཐོར་བར་གྱུར། འདི་ཁྱོད་ཀྱི་ལེགས་པར་བསོས་ཤིག །ངས་བྱིན་གྱིས་བརླབས་ཀྱི་གསུང་བ་གསལ་བར་ཐོས། ཡང་ནུབ་ཅིག་སྤྲུལ་སྐུ་དབང་ཕྱུག་རྡོ་རྗེ་ཡིན་གསུང་བའི་སྔགས་པ་ཞལ་རས་དམར་ཆམ་མེ་བ་ལ། དབུ་སྐྲ་སིལ་བུ་རིང་ཤག་དཀར་པོ་དང་ལྕམ་སྨུག་སྡུད་མ་བཞེས་པ་ཞིག་མཇལ་ནས་ཞིབ་རྒྱས་མང་དུ་གསུངས། གཏུམ་ཆེན་ལ་གནང་བ་རྒྱས་པར་མཛད་པ་

― GLG008_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་བྱུང་བར་རང་དོན་མེད་པར་བསྟན་པར་བསམས་པའི་བྱིན་རླབས་ཡིན་ནམ་སྙམ། རིན་པོ་ཆེ་རོང་པའི་དྲུང་དུ་འཇོམས་བྱེད་ཀྱི་དབང་ཞུས་པའི་དུས། རྡུལ་ཚོན་གྱི་དཀྱིལ་འཁོར་གྱི་དབུས་ན་བཅོམ་ལྡན་འདས་འཇོམ་བྱེད་འབར་བ་སྐུ་མདོག་མུ་མེན་དྭངས་པའི་མདོག་ལྟ་བུ་རྩ་ཞལ་ཁྲག་སྐམ་པ་འདྲ་བའི་སྨུག་པོ་ཞལ་གསུམ་ཕྱག་དྲུག་ཕྱག་མཚན་སོགས་གམ་ལ་ཆེར་མ་ཟིན། སྐུ་ཁྲུ་གང་ཙམ་གསལ་ཞིང་དྭངས་ལ་རྙོག་པ་མེད་པ་ཞིག །མིག་ཕྱེ་བ་ནས་བཟུང་སྟེ། བུམ་དབང་མ་རྫོགས་བར་མིག་ཕྱེ་བཙུམ་མེད་པར་དངོས་སུ་གསལ་ལེར་མཐོང་། དེ་དུས་སྐུ་དང་རྩ་ཞལ་ཁ་དོག་སོ་སོ་བ་དེ་གང་ཡིན་ནམ་སྙམ་མོད། དེ་ནས་ཡུན་རིང་པོ་སོང་ནས་ལྕེ་བློ་ལྡན་སེང་གེའི་ཐུགས་དམ་བྲིས་སྐུ་མཐོང་བ་ལའང་ཁ་དོག་དེ་ག་འདུག་ཅིང་། འཕྲིན་ལས་ཀྱི་ཚིག་གི་གོ་བ་མྱངས་ན་དེ་ཁོ་ན་དགོས་རྒྱུར་འདུག་པས་ཡིད་ཆེས་རྙེད། རྗེ་བཙུན་རོག་པའི་ཞབས་དེ་ལྕེའི་གདུང་འཁྲུལ་མེད་སྤྱིར་བྱིན་རླབས་ཆེ་ཞིང་། སྒོས་ལྷ་འདི་ལ་མངའ་བརྙེས་པས་དེ་ཁོ་ནའི་བྱིན་རླབས་སུ་གདའ་འོ། ། ཁྱི་ལོ་མྱུག་ཆོས་སྡེའི་འདུ་ཁང་དུ་མངའ་རིས་རིགས་འཛིན་ཆེན་པོའི་ཕྱག་ཕྱི་བྱས་བཀའ་བརྒྱད་གསང་བ་ཡོངས་རྫོགས་ཀྱི་སྒྲུབ་ཆེན་མཛད་དུས་ཉིན་གཅིག་སྐོར་བ་བྱེད་འཕྲོ་ལ་ངལ་ནས་སྙེལ་བྱས་བསྡད་པས། གཉིད་དུ་ཧྲིབ་ཙམ་སོང་བ་ན་རིགས་འཛིན་ཆེན་པོ་ཕེབས་ནས་ཨྱོན་པདྨའི་བཀའ་ལུང་ལ་ཚེ་ཆུ་འདི་ཁོལ་ཞིང་འདུག་པས་དངོས་གྲུབ་ལེན་རན་གསུང་གི་འདུག །ད་ལྟ་ཚེ་དབང་བྱེད་གསུང་མ་ཐག་གཉིད་སད། སྐོར་བ་ལ་ཕྱིན་པས་མཆོད་དཔོན་བྱོན་ནས་དེ་རིང་བཀའ་དབང་ཞིག་ཡོད་པས་ཞལ་ངོ་ཚོ་གདན་འདྲེན་

― GLG008_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོང་གསུང་། དེ་འཕྲལ་བཀའ་བརྒྱད་བདེ་གཤེགས་འདུས་པའི་ཞི་བའི་ཚེ་དབང་གནང་བྱུང་ངོ་། །ཡང་སྒྲུབ་དབང་ཆེན་མོའི་ཆུ་དབང་གི་སྐབས་སུ་རིགས་འཛིན་ཆེན་པོས་བུམ་པ་ཐོགས་ནས་འདུར་དབྱངས་བཅས། བུམ་པ་མགོ་ལ་བཞག་པའི་ཚེ་ལུས་སྦྲིད་ཅིང་ཤེས་པ་ཀྱི་བུན་པའི་ཟིལ་ཆེན་པོ་ཞིག་བྱུང་སྐབས། ལྷོ་ནུབ་ཀྱི་ནམ་མཁའ་ན་ཚུར་གུ་རུ་ཆོས་ཀྱི་དབང་ཕྱུག་སྔགས་པ་སྒང་ཡོལ་དབུ་སྐྲའི་ཐོར་ཅོག་དར་དམར་པོས་བཅིངས་པ། སྐུ་ཤག་ཤམ་ཐབས་དཀར་པོའི་སྟེང་ན་ཚེམ་གེ་སྔོ་སང་བཞེས་པ། མགུལ་ལ་མེ་ལོང་འོད་ལམ་མེ་བཏགས་པ་ཞིག་ཕྱག་བུམ་པ་ཐོགས་ཏེ། འཛུམ་ཡེ་རེ་རེ་བྱོན་བྱུང་ནས་བུམ་པ་སྤྱི་བོར་བཞག །ངའི་ལོ་ཚད་ཀྱི་སྟེང་དུ་ལོ་བརྒྱད་བསྣན་པའི་ཚེ་ཐུབ་པར་འགྱུར། མི་ཉམས་པའི་སླད་དང་སེམས་ཅན་མང་པོའི་དོན་ལ་ལུང་བཞིའི་འདི་ལྟ་བུའི་སྒྲུབ་པ་ཆེན་པོ་མ་ཆགས་པ་གྱིས་ཤིག་གསུངས་ནས་འོད་དུ་ཡལ་སོང་། རེ་ཞིག་རྟོག་མེད་དུ་ཆམ་མེ་ལུས་འདུག །སད་པ་ན་མཆི་མ་བུན་པ་ཞིག་བྱུང་། འདི་ནས་བཟུང་སྟེ་ནམ་གསོལ་བ་བཏབ་རེས་ཀྱིས་ཉམས་ཀྱི་སྣང་བ་ལ་མཇལ་བྱུང་བ་ཡང་ཕ་རིགས་འཛིན་ཆེན་པོ་ཁོ་ནའི་ཐུགས་རྗེར་གདའ་འོ། །ཨོཾ་ཨཱཿཧཱུྃ་བཛྲ་གུ་རུ་པདྨ་སི་དྡྷི་ཧཱུྃ། ཕག་ལོ་ཟབ་ལུང་དུ་སྐུ་འདྲའི་སྒོ་དྲུང་དུ་ཞག་བདུན་མཚམས་བྱས་ནས་བླ་མ་བཀའ་འདུས་ཀྱི་སྤྱིའི་བསྙེན་པ་བྱས་པའི་དུས། དེ་བར་ལ་ནི་རྨི་ལམ་བརྡ་འདྲ་མོ་ཚེ་འདིའི་ལེགས་ཉེས་སྟོན་པ་ཤས་ཆེ་བར་བྱུང་། ཟབ་ལུང་ནས་ལམ་ཞག་གཉིས་བྱས་གཡང་དུ་བསྡད་པའི་ཐོ་རངས་མདུན་གྱི་ནམ་མཁའ་ལ་ཨྱོན་རིན་པོ་ཆེའི་སྐུ་བྱིས་པ་ལོ་བརྒྱད་པའི་ཚོད་ཙམ་སྐུ་མདོག་མི་ཤ་ཁ་དམར་མདངས་ཆེ་བ། སྤྱན་གཉིས་ཤིན་ཏུ་ཟླུམ་པ་ཧ་རེ་གཟིགས་

― GLG008_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

པ། ཕོད་ཀ་མཐིང་ཁ། ཆོས་གོས་དམར་པོ། པདྨ་མཐོང་གྲོལ་དམར་པོ་གསོལ་བ། སྐུ་ལྕམ་ཁ་ཐི་སྨུག་ཁྲ་འདྲ་བའི་པདྨ་ལྡུམ་རིས་ཁྲ་ཆིལ་ལེ་བ་བཞེས་པ་ཕྱག་མཚན་སྤྱི་དང་འདྲ་བ་ཞིག་གསལ་བར་མཐོང་ནས། དེའི་ཞབས་ཀྱི་ཐད་ཙམ་དུ་མགོ་བཙུགས་ནས། ཉི་མ་ལྟ་བུར་མ་རིག་མུན་པ་སེལ། །ཟླ་བ་ལྟ་བུར་ཉོན་མོངས་གདུང་བ་སེལ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུཪྻ་ཡི་འོད་ལ་ཕྱག་འཚལ་ལོ། །ཟེར་བ་འདི་ཁོ་ནས་སྟོན་མ་ཐག་གཉིད་སད། དེ་ནས་བཟུང་སྟེ་ཚེ་འདིའི་བྱ་བྱེད་འདུ་འགོད་ཐམས་ཅད་བུན་ལོང་ངེ་བ་འའི་ནམ་འཆིའམ། བྱང་ཆུབ་ཅིག་མ་བསྒྲུབ་ན་ན་མ་མི་འདུག་སྙམ་པའི་དུང་དུང་མ་གཏོགས་བློ་རྒྱ་ཡེ་མེད་ལ། ཆགས་ཞེན་འཇིགས་སྐྲག་ཅི་ཡང་མེད་པའི་ཟི་ཆོད་དེ་བ་ཞིག་རྒྱུན་དུ་བྱུང་བ་དེ། རིན་པོ་ཆེ་ལ་བདག་ཆེན་གྱིས་ངན་བྱས་པ་ལ་ཞེ་སྡང་དྲག་པོ་སྐྱེས་མ་ཐག་གཉིད་སད་པ་བཞིན་ཡལ་སོང་། བྱི་ལོ་བོ་དོང་ཀུན་ར་རྙིང་མར་སྐྱེ་བདུན་བསྒྲུབས་ཚེ་ཞལ་ངོ་རྣམས་ལ་འཁོར་བ་དོང་སྤྲུག་གི་ལམ་དབང་ཕུལ་བའི་སྤྱན་འདྲེན་གྱི་ཚེ། འཇའ་འོད་འཁྱིལ་བའི་ཀློང་ན་ཨྱོན་རིན་པོ་ཆེ་སྔར་མཐོང་བ་ལྟར་དང་།དེའི་གཡས་ན་གུ་རུ་རིན་པོ་ཆེ་ཆོས་དབང་བབས་དང་མོའི་དེ་ག་ལ། ཕོད་ཀའི་སྟེང་ན་ཆོས་གོས་ལི་ཁྲིའི་མདོག་འདྲ་བ་ཞིག་བཞེས། ཕྱག་ན་བུམ་པ་བསྣམས། གཡོན་ན་ཕ་མངའ་རིས་གཏེར་སྟོན་ད་ལྟའི་དབྱིབས་ཇི་ལྟ་བ་མདུན་གྱི་སྨད་ཙམ་ན་རྒྱ་མཚོ་དགེ་སློང་བ་དེ་མེ་ཏོག་དམར་པོ་ཞིག་ཐོགས་པ་རྣམས་ཡེ་རེ་རེ་བྱོན་བྱུང་ནས་མདུན་གྱི་ནམ་མཁའ་ལ་འོད་བུང་ངེ་བཞུགས། གུ་རུ་ཆོས་དབང་གི་ཕྱག་གི་བུམ་པ་ནས་བདུད་རྩི་འོ་མ་འདྲ་བ་རེ་སྐྱ་

― GLG008_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

ནར་ནར་ཞལ་ངོ་ཐམས་ཅད་ཀྱི་དབུ་གཙུག་ནས་བླུག །དབང་གི་སྤྲོ་བསྡུའི་སྐབས་སུ་ཡང་མདུན་ན་བཞུགས་པ་དེ་རྣམས་ཀྱི་གནས་གསུམ་གྱི་འོད་རང་གཞན་ཀུན་ལ་ཐིམ་པའི་སྣང་བ་དང་བཅས་དབང་དེ་མ་གྲོལ་རིང་ཉམས་ཀྱི་སྣང་བ་ལ་གསལ་འགྲིབ་མེད་པར་མཐོང་། དེ་སྐབས་ཁྲོམ་ཐམས་ཅད་དད་པ་འུར་ལངས། ས་འཕགས་གནམ་འཕགས་ལ་སོང་། ཞལ་ངོ་འདྲ་ལ་དེ་གོང་དུ་འཆི་བལྟས་འདྲ་གསལ་བར་འདུག་པ་དེ་ནུབ་ནས་གྲོལ་བྱིན་རླབས་ཡིད་ཆེས་པར་བྱུང་ངོ་། །དེ་སྐབས་ངན་སོང་ཀུན་སྦྱོང་ཀྱི་དབང་བྱས་པའི་ཚེ་ཡང་བབས་སྔ་མ་སོར་བཞག་ལ་རྒྱབ་ན་རྡོ་རྗེ་གླིང་པ་ལོ་ཆབ་སྤེལ་བའི་སྟེང་ན་པད་ཞྭ་སྔོན་པོ་བཞེས་པ། ཕོད་ཀ་སྔོན་པོ་བྱས་པའི་སྐམ་སེང་བ་ཕྱག་ན་ཐོད་པ་བསྣམས་པ་ཞིག་བཞུགས་འདུག་པ་ཉམས་སྣང་ལ་གསལ་བར་དབང་མ་གྲོལ་བར་དུ་བྱུང་། ལྕགས་མོ་གླང་ལོ་བདེ་གཟར་ཉེན་ཆེ་ལ་ཉམས་དམའ་བའི་སྒང་ལ། བོ་དོང་ཚོམས་ཆེན་དུ་དབོན་རིན་པོ་ཆེ་ལ་གདན་བཞུགས་ཀྱི་རྒྱབ་ཆོག་ཐུགས་སྒྲུབ་ཀྱི་ལས་ཀྱང་བགྱིས་པའི་སྤྱན་འདྲེན་གྱི་སྐབས་སུ། དྲིན་ཅན་ཨྱོན་ཆེན་པོ་སྔར་ཁོ་ན་འདྲ་བ་ཞིག་གི་ཞལ་ནས། འདི་འདྲ་རང་གི་སྲེད་པ་ཡང་བྱེད་མི་དགོས་གསུངས་ནས་ཡུད་ཀྱིས་ཡལ་སོང་། ཉམས་དགའ་ལ་ཤེས་པ་འུར་བ་ཞིག་བྱུང་། དེ་སྐབས་མགོན་པོ་གཡུལ་བཟློག་བྱས་པའི་བྱང་ཤར་གྱི་གྱེར་གྱི་སྐབས་སུ། སྔགས་སྲུང་ཨེ་ཀ་ཛ་ཏཱི་སྐུ་མདོག་སྨུག་ནག་རལ་པ་གཡུ་དྲུག་དམར་འདྲ་བ་གཅིག་སྐྱེས་ནམ་མཁའི་མཐོངས་སུ་བུན་ནེ་བ། དཔྲལ་བར་སྤྱན་གཅིག་ཨོང་ཀོང་ལྟར་དམར་བུང་ངེ་བ་། རྨ་བྱའི་སྒྲོ་ཐུལ་ཁྲ་བུན་བུན་གྱི་གསེབ་ནས་མེ་དམར་ལྷབ་ལྷབ་ཡོད་པ། གཡས་སྙིང་ཟ་ཞིང་

― GLG008_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོན་སྤྱང་ཀི་འགྱེད་པ་ཐོག་ཚད་ཙམ་ཞིག་གྱེར་མ་གྲོལ་བར་དངོས་སུ་མཐོང་། དེ་སྐབས་གཟའ་བདུད་ཆེན་པོ་བབས་སྔར་ཡོང་བ་དེ་ག་སོར་བཞག་ལ་མིག་ཐམས་ཅད་ཨོང་ཀོང་བཏང་བ་ཙམ་དམར་ཧུར་རེ་བ། ཁ་དགུ་ཅར་མི་རེ་ཁུར་ནས་ཁྱུ་རུ་རུ་ཟ་བ་ཞིག་ལན་ཁ་རེ་མཐོང་། འདི་ཡན་རྗེ་ཉིད་རང་གི་ཕྱག་བྲིས་དངོས་ལས་བཤུས་པ་ཡིན་ཅིང་། དེ་མན་ཁ་བསྐང་བ་ཡིན། ཡང་སྐབས་ཤིག་བྱང་ཕྱོགས་ནས་རྦོད་གཏོང་གི་ལྟས་ཤིག་གིས་མནལ་ལམ་དུ་མི་མང་པོས་ཕྱག་ཞབས་ནས་བཏེག་ནས་མཚོ་ཆེན་པོ་ཞིག་ལ་བསྐྱུར་གྲབས་བྱས་པ་ན། རྗེ་ཉིད་ཀྱི་ཞབས་གཉིས་ཀྱི་བར་དུ་མཚོ་བཅུག་ནས་ཏིང་ངེ་འཛིན་ལ་བཞུགས་པའི་ཚེ། དཔལ་མགོན་ཆེན་པོ་ཞལ་བཞི་ཡོངས་རྫོགས་གཟིགས་ནས་རྦོད་གཏོང་ཀྱང་རང་ས་ལ་ཞི། ཡང་སྐབས་ཤིག་ཐུགས་ཉམས་ལ་མྱུག་ཡིན་དགོངས་པའི་ལུང་པ་འཕྲ་ཤུར་བ་ཞིག་ན་མར་ཁྲག་གི་ཆུ་རྒྱུན་ཆེན་པོ་འབབ་པ་ནམ་མཁའ་ནས་དམག་ཟོར་རེ་མ་ཏཱི་ཞེས་པའི་སྒྲ་བྱུང་བ་ལ་བརྟེན། ཁྲག་གི་རྦ་ཀློང་འཚུབ་པའི་ཁྲོད་ནས་ཁྲོ་མོ་ཁྲག་གི་རལ་པ་ཅན་འཇིགས་སུ་རུང་བ་སྐུ་རྐེད་ཡན་འཐོན་པ་ཞིག་གཟིགས་གསུང་། སྟག་ལོ་ཚར་ཆེན་ཆོས་ཀྱི་རྒྱལ་པོ་སྐུ་མྱ་ངན་ལས་འདས་པའི་ཚུལ་བསྟན་ཚེ། རྗེ་ཉིད་ཀྱི་གཟིགས་སྣང་དུ་མདུན་གྱི་ནམ་མཁའ་ལ་དབུས་སུ་རྡོ་རྗེ་འཆང་བློ་གསལ་རྒྱ་མཚོ། གཡས་སུ་སྤྲུལ་སྐུ་ཤཱཀྱ་ཐུབ་པ། གཡོན་དུ་ཨྱོན་ཆོས་ཀྱི་རྒྱལ་པོ་རྣམས་དངོས་སུ་གཟིགས་གསུང་། ཡོས་ལོ་ཞ་ལུར་མ་ཧེ་མཆོད་པ་ལ་ཕེབས་སྐབས། ལས་ཀྱི་གཤིན་རྗེ་ཡབ་ཡུམ་གྱི་ཞལ་འབག་ལ་བཀའ་བསྒོ་གནང་བའི་ཚེ་ལས་ཀྱི་གཤིན་

― GLG008_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་ཡབ་ཡུམ་མདོག་ཁམ་ནག་ཤིན་ཏུ་འཇིགས་པ་སྤེལ་དཀར་དང་མཉམ་པ་ཞིག་ལ་དངོས་སུ་བཀའ་བསྒོ་གནང་གསུང་། རྗེ་ཉིད་ཞིང་འདིའི་མཛད་པ་ལེགས་པར་མཐར་ཕྱིན་ནས་གཟུགས་ཀྱི་སྐུའི་བཀོད་པ་ཆོས་ཀྱི་དབྱིངས་སུ་བསྡུ་བའི་ཚུལ་སྟོན་པར་མཛད་ཚེ། མདུན་གྱི་ནམ་མཁའ་ལ་ཨྱོན་ཆོས་ཀྱི་རྒྱལ་པོ། རྡོ་རྗེ་འཆང་ཀུན་དགའ་ལེགས་པ། རྗེ་བཙུན་བློ་གསལ་རྒྱ་མཚོ། སྤྲུལ་སྐུ་བདུད་འཇོམས་རྡོ་རྗེ། གུ་རུ་ཆོས་ཀྱི་དབང་ཕྱུག་རྣམས་ཕེབས་བྱུང་གསུང་བ་དང་། དེ་སྐབས་སུ་དྲུང་ན་བཞུགས་པའི་ཕྱག་ཕྱི་རྣམས་ལ་ཁྱེད་རྣམས་ཀྱིས་ཉི་མ་འདི་ཁ་དོག་ཇི་འདྲ་ཞིག་ཏུ་མཐོང་། ངས་ནི་ཉི་འོད་ཐམས་ཅད་འོད་ཟེར་ཁ་དོག་སྣ་ལྔར་འདུག་གསུངས། དེ་ཅི་ལགས་ཞུས་པས། སྦྱོར་དྲུག་བསྒོམས་པའི་ཡོན་ཏན་རྣམ་ཀུན་མཆོག་ལྡན་གྱི་སྟོང་གཟུགས་ཤར་བར་འདུག་གསུངས། ཡང་མཁའ་འགྲོ་མ་ཁ་དོག་སྣ་ལྔ་སོ་སོའི་སྐུ་མདོག་དང་མཐུན་པའི་སེང་གེ་ལ་ཆིབས་པ་རིགས་ལྔ་དངོས་སུ་བྱོན་ནས་སྤྱན་འདྲེན་པར་བརྩམས་པ་ན། དེ་ཉིན་བུ་སློབ་རྣམས་ཀྱིས་བརྟན་བཞུགས་ཕུལ་ནས་བཞུགས་གསོལ་གཏབ་པ་ན་མཁའ་འགྲོ་མ་རྣམས་ཀྱང་སླེབ་ཡོང་གསུངས་ནས་ཞག་བདུན་བར་བཞུགས་པའི་མཐར། འབྲུག་ལོ་ཟླ་བ་ལྔ་པའི་ཉེར་གཅིག་གི་མཁའ་འགྲོ་འདུ་བའི་དུས་ཀྱི་ཆ་ལ། གོང་དུ་བརྗོད་པའི་བླ་མ་རྣམས་དང་ཡི་དམ་ཞི་ཁྲོ་རབ་འབྱམས་ཀྱི་ལྷ་ཚོགས་མངོན་སུམ་དུ་བྱོན། དཔའ་བོ་དང་ཌཱ་ཀིའི་ཚོགས་ཀྱིས་གདུགས་དང་རྒྱལ་མཚན་ལ་སོགས་པ་མཆོད་པའི་ཚོགས་བསམ་གྱིས་མི་ཁྱབ་པ་དང་བཅས་པས་སྤྱན་དྲངས། ལྷ་

― GLG008_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རིག་པ་འཛིན་པ་ཀུན་གྱིས་མདུན་ནས་བདར། སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་སྔུན་ནས་བསུས། འཇིག་རྟེན་སྐྱོང་བ་རྣམས་ཀྱིས་ཞབས་ནས་བཏེག །ལྷ་དང་ལྷ་མོའི་ཚོགས་དཔག་ཏུ་མེད་པས་མེ་ཏོག་གི་ཆར་འབེབས་ཤིང་འཇའ་དང་འོད་ཀྱི་ལམ་ནས་དག་པའི་ཞིང་དུ་གཤེགས་པར་གྱུར་ཏོ། །ཀྱེ་མ་ཡབ་རྗེ་རྡོ་རྗེ་འཆང་དབང་དེ། །རྟག་པར་ཞེན་ཚེ་ཆོས་དབྱིངས་ངང་དུ་གཟིམས། །ཆད་པར་རློམ་ཚེ་སྒྱུ་མའི་གཟུགས་སྐུར་བཞེངས། །ཀྱེ་མ་ཀྱི་ཧུད་ཐུགས་རྗེའི་བདུད་རྩིས་སྐྱོངས། ཁྱོད་སྐུ་ཉིན་བྱེད་ཆོས་དབྱིངས་ནུབ་རིའི་རྩེར། །གཟིམས་ཚེ་འགྲོ་རྣམས་ལག་གི་ཀུ་མུ་ད། །འགྲམ་པའི་ཆུ་མཚོར་བརྟེན་པ་དལ་བའི་ལུས། །ཞིང་འདིར་ཁྱོད་སྐུའི་ངང་ཚུལ་བརྡས་བསྟན་ནས། །ད་ནི་སྲིད་ཞིའི་ཆོ་འཕྲུལ་སྒྱུ་མའི་གར། །གཉུག་མའི་ངང་ནས་རོ་སྙོམས་གཡོ་མེད་བདེ། ཁྱོད་སྐུ་དག་པའི་རང་ཞལ་དབྱིངས་སུ་མཇལ། །ཨ་ཧོ་སྙིང་ལ་བདུད་རྩིའི་ངལ་གསོ་བྱིན། །ཅེས་བརྗོད་ནས། དམ་པ་འདི་ཉིད་ཀྱི་གསང་བའི་རྟོགས་པ་བརྗོད་པའི་གཏམ། སོ་སོ་སྐྱེ་བོ་དག་གི་སྤྱོད་ཡུལ་མ་ཡིན་པ་གོང་དུ་བརྗོད་པ་དག་གིས་ཚད་མས་གྲུབ་པ་ཡིན་མོད། འོན་ཀྱང་འདི་ཙམ་གསང་ཚིག་ཀྱང་ཀུན་གྱི་བློར་མི་ཤོང་བའི་སྣོད་ལྡན་རེ་རེ་རྣམས་ཀྱི་སྤྱོད་ཡུལ་དུ་བྱ་ཞིང་། འདིས་མཚོན་པའི་གསང་བ་བསམ་གྱིས་མི་ཁྱབ་པ་ཞིག་ཡོད་མོད། འདིར་བརྗོད་པར་ག་ལ་ནུས་སོ། །དམ་པ་ཁྱོད་ཀྱི་ངོ་མཚར་གསང་བའི་གཏམ། །བགྲང་ཡས་རྒྱལ་བས་བསྐལ་བར་མ་གསུང་ན། །དེང་འདིར་

― GLG008_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ་ཤས་རྫོགས་པར་མི་སྤོབས་ཀྱང་། ཁྱོད་ཞལ་དྲན་ཚེ་ཡིད་ལ་དབང་མ་མཆིས། །དེ་ཕྱིར་དམ་པའི་རྟོགས་བརྗོད་ཆ་ཤས་ཀྱང་། །བརྗོད་པའི་དགེ་ཚོགས་བླ་ན་མེད་དོ་ཞེས། །རྒྱལ་རྣམས་བདེན་པའི་དབྱངས་ཀྱིས་ཡིད་དྲངས་ནས། །གསང་ཆེན་སྙིང་པོའི་གཏམ་འདི་ཕྱོགས་བརྒྱར་བསྒྲགས། །དམ་པའི་རྣམ་ཐར་ཟླ་ཤེལ་ཐིག་ལེར་བཻ་ཌཱུར་ཚོན་རིས་འཁྱིལ། །རྨད་བྱུང་གཏམ་གྱི་བདུད་རྩིའི་འོད་དཀར་སྙན་ཚིག་ལེགས་བཤད་ཆ་ཡི་གཏེར། །རྟོགས་བརྗོད་ཀུནྡའི་རྩེ་ལ་གར་བྱེད་དཔྱོད་ལྡན་མགྲིན་སྔོན་གཙུག་ཕུད་རྒྱན། །དེང་འདིར་སྐལ་བཟང་བློ་མུན་སེལ་ལ་ཨེ་མ་ཧོ་ཤར་གྱི་ཐིག་ལེ་མཚར། །ཨ་ཧོ་འདི་ན་གསང་བ་མི་ཟད་པའི། །སྙན་ཚིག་སྙིང་གི་གདུང་སེལ་མལླི་ཀཿ །ངོ་མཚར་རྟོགས་བརྗོད་ལི་ཤིའི་ལྗོན་པ་དག །སྐལ་བཟང་གཞོན་ནུའི་གྲིབ་བསིལ་འདི་ངོ་མཚར། །རིགས་བརྒྱའི་ཅོད་པན་རྡོ་རྗེ་འཆང་དབང་དེ། །གསང་ཆེན་ཡེ་ཤེས་གཟིགས་པའི་རྨད་བྱུང་གཏམ། །བདག་ལྟའི་བློ་ཆུང་ཟ་ཟིས་སེམས་མྱོས་ནས། །ཐུན་མོང་གཏམ་དུ་སྒྲག་ལ་གནང་བ་སྩོལ། །སྐྱེ་ཞིང་སྐྱེ་བ་དག་ནི་ཐམས་ཅད་དུ། །གང་གི་མཚན་ཡང་བགྲང་ཡས་བསྐལ་པའི་བར། །རྙེད་པར་དཀའ་བའི་རྗེ་བཙུན་ཆོས་ཀྱི་རྗེ། །མཁྱེན་བརྩེའི་དབང་ཕྱུག་ཞབས་པད་བསྟེན་པར་ཤོག །མཁྱེན་བརྩེའི་དཔལ་མངའ་དབང་ཕྱུག་བརྒྱད་དང་ལྡན། །བསྟན་པའི་རྒྱལ་མཚན་འཛིན་པའི་དཔལ་ཡོན་ཅན། །འདྲེན་མཆོག་བཟང་པོ་ཕ་རྒོད་བླ་མ་རྗེས། །སྐྱེ་བ་ཀུན་ཏུ་ཐུགས་རྗེས་འཛིན་པར་ཤོག །དཀྱིལ་འཁོར་རྒྱ་

― GLG008_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོའི་རིགས་བདག་རྡོ་རྗེ་འཆང་། །ངུར་སྨྲིག་ཟོལ་གྱིས་རོལ་བའི་བཀའ་དྲིན་ཅན། །མགོན་པོ་ཁྱོད་ལ་གསོལ་བ་བཏབ་པའི་དགེ །མ་གྱུར་མཁའ་མཉམ་འགྲོ་བའི་དོན་དུ་བསྔོ། །སྐྱབས་ཆེན་བླ་མ་རྣམས་ཀྱི་བྱིན་རླབས་དང་། གསང་ཆེན་རྒྱུད་སྡེ་ཟབ་མོའི་བདེན་ཚིག་དང་། །མཐུ་ཆེན་མཁའ་འགྲོ་སྲུང་མའི་མཐུ་སྟོབས་ཀྱིས། །རླབས་ཆེན་སྨོན་ལམ་འགྲུབ་པའི་བཀྲ་ཤིས་ཤོག །ཤུ་བྷ་མསྟུ་སརྦྦ་ཛ་ག་ཏཾ། འདི་ན་སྔོན་མེད་གསང་བའི་གཏམ། །མཁའ་འགྲོ་དཔའ་བོའི་ཕྱག་སོར་རྩེར། །བཞུགས་ནས་སྣོད་ལྡན་བུ་ལ་བྱིན། །སྐལ་མིན་རྣ་བར་ས་མ་ཡ། །ཞེས་བཀའ་རྒྱས་ཀྱང་བཏབ་བོ། །ས་མཱ་ཡ་གུ་ཧྱ། རྡོ་རྗེ་འཆང་དབང་རྗེ་བཙུན་མཁྱེན་བརྩེ་ཞབས། །བཀའ་དྲིན་མཚུངས་མེད་དྲན་མཆོག་བསླབ་གསུམ་རྗེ། །ཡབ་སྲས་ཞབས་རྡུལ་མཆོད་པའི་སྐལ་བཟང་ཅན། །ཐུགས་ཡིད་གཅིག་གྱུར་གང་དེས་སྦྱར་བ་དགེ །དཔེ་འདི་ཕ་བླ་མས་བདག་ལ་དགྱེས་བཞིན་དུ་གནང་བ་བྱིན་རླབས་ཆེའོ། །ཞེས་པའོ། །དབྱར་གྱི་ཆར་སྤྲིན་སྔོན་པོར་འཁྲིགས་པའི་རུམ། །གཡུ་འབྲུག་མགྲིན་རྔ་ཤུགས་ཀྱིས་སྒྲོག་བྱེད་ན། །དམ་པའི་རང་བཞིན་རྨད་དུ་བྱུང་བའི་གཏམ། །དངོས་པོའི་གཤིས་ལ་མཚར་འཛིན་བྱིས་པའི་བློ། །འཇམ་མགོན་བྱིན་རླབས་ཉ་གང་འོད་དཀར་ནས། །མཁས་གྲུབ་ག་པུར་གཟེགས་མས་སྒྲིབ་གཉིས་ཀྱི། །གདུང་སེལ་སྒྱུ་འཕྲུལ་ལྷ་ལམ་མཐའ་རྙེད་ན། །ཡོན་ཏན་འདི་ཙམ་རྡུལ་གྱི་ཆ་ལས་ཕྲ། །གང་ཐུགས་

― GLG008_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཡི་དམ་ཆོས་སྲུང་དང་། །དབྱེར་མེད་མཁའ་ལ་མཁའ་ཡི་སྦྱོར་བ་བཞིན། །སོ་སོར་མེད་ཀྱང་སྣ་ཚོགས་གཟིགས་པའི་ཚོན། །ཀུན་རྫོབ་དྭངས་ཤེལ་དངོས་སུ་འཇའ་ལྟར་བཀྲ། །རྣལ་འབྱོར་དབང་མོས་རྗེས་བརྩེ་དྲིལ་བུའི་ཞབས། །སྐྱེངས་ནས་མཁའ་སྤྱོད་ཞིང་དུ་བྲོས་པ་དང་། །ལྷན་ཅིག་ཚངས་སྤྱོད་བརྟུལ་ཞུགས་བརྟན་པོ་ཡིས། །ཉེ་བར་འཁོར་གྱི་བསྙེམས་པ་ཆུང་ངུར་བྱས། །རྡོ་རྗེ་ཆོས་སྐྱོང་བྲན་འཁོལ་གནམ་ལྕགས་ཐོག །ཡིད་སྲུབས་བྲག་རི་བཏགས་ལ་མཚར་དུ་ཅི། །དབང་བཞིའི་ལམ་གྱི་བགྲོད་པས་ཚེ་གཅིག་ལ། །སྐུ་བཞིའི་གོ་འཕང་རྙེད་དེར་གང་གིས་བསྙོན། །འབུམ་ཕྲག་ལྕེ་ཡིས་བསྐལ་བར་བརྗོད་པའི་ཚད། །བཟུང་བར་ནུས་མིན་བདག་བློས་ག་ལ་སྲིད། །ཚངས་པས་ཟག་བཅས་བདེ་བའི་གཉིད་སྤངས་ཏེ། །བསམས་ཀྱང་རྟོགས་དཀས་སྙིང་ལས་ཆུང་ངུར་གྱུར། །འོན་ཀྱང་འདི་ཙམ་མཐོང་སྤེལ་སྨྲ་བ་ཡི། །འདབ་ཆགས་གྲིབ་ལྟར་རྗེས་འབྲེལ་ཡང་སྲིད་ཀུན། །ཚད་མ་བཞི་ལྡན་ཆོས་དང་དེ་སྟོན་པའ། །བླ་མས་རྗེས་འཛིན་སྐལ་བཟང་ཐོབ་བམ་སྙམ། །ཞབས་དྲུང་བརྟན་པའི་དྲུང་ངམ་བསོད་ནམས་རབ་བརྟན་དུ་གྲགས་པ་ལ་འདར་ཆོས་རྫོང་པའི་སྲས་མོ་དཔོན་ས་ནམ་མཁའི་དྲུང་བླངས་པར་སྲས་མོ་བྱུང་བའི་ཆུན་མར་ཚེ་དབང་དྲུང་བསུས་པའི་སྲས་འ་ཞ་ནམ་མཁའ་ཕུན་ཚོགས་ལ་རྭ་ལོའི་གདུང་བརྒྱུད་སྡེ་པ་བརྒྱ་ཚོ་བའི་ལྕམ་བསོད་ནམས་འབོལ་ཞེས་པར་སྲས་རྡོ་རྗེ་འཆང་དབང་ཕྱུག་རབ་བརྟན། ནམ་མཁའ་ཚེ་བརྟན་རྡོ་རྗེ། ནམ་མཁའ་མགོན་པོ། ནམ་མཁའ་

― GLG008_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་ཤིས་དང་བཞི་བལྟམས་པའི་གཅེན་རྡོ་རྗེ་འཆང་དབང་ཕྱུག་རབ་བརྟན་གྱི་རྣམ་པར་ཐར་པ་ལོགས་སུ་འབྲི་བར་སྤྲོ་བས་འདིར་མ་བཀོད། ནམ་མཁའ་ཚེ་བརྟན་དང་ནམ་མཁའ་བཀྲ་ཤིས་གཉིས་ཀྱང་། ལེགས་བཤད་རིན་པོ་ཆེ་ལས། ཕལ་ཆེར་བུ་ཚའི་སྤྱོད་པ་ནི། །རིགས་བརྒྱུད་སྔ་མའི་རྗེས་སུ་འགྲོ །ཁུ་བྱུག་ཕྲུག་གུ་རྒྱ་ཁྲ་རུ། །འགྲོ་བ་རྒྱ་ལམ་སྲིད་པ་ཙམ། །ཞེས་ཡབ་མེས་གོང་མ་རྣམས་ཀྱི་ཆས་ཀྱིས་དཔའ་ཞིང་བསྒྲིགས་ཀྱིས་ཆེ་བ་སོགས་ལུགས་གཉིས་ཀྱི་སྤྱོད་ཚུལ་མཐའ་དག་ཡ་རབས་བཟང་པོའི་ངང་ཚུལ་ཁོ་ནར་བྱུང་ལ། ཁྱད་པར་འ་ཞ་ནམ་མཁའ་མགོན་པོའི་ཁབ་ཏུ་མངའ་རིས་གོང་མའི་བླ་སྨན་པའི་སྲས་མོ་ཚེ་དབང་བསོད་ནམས་དཔལ་མོ་བསུས་པའི་ཡབ་ཡུམ་གཉིས་ཀའང་ཆེ་བཙུན་གདུང་གིས་མཐོ་བའི་ངང་ཚུལ་དང་ལྡན་ཞིང་ཚེ་འདིའི་དོན་དུ་གཏན་མདུན་རྒྱབ་ཏུ་བསྐྱུར་བའི་གྱ་གྱུའི་ངན་སྤྱོད་ཡེ་མི་མཛད་པར་རྗེ་ལ་གུས་ཤིང་འབངས་ལ་བྱམས་པ་ངོ་ཚ་ཤེས་ཤིང་ཁྲེལ་གཞུང་གི་བག་ཡོད་པ། བསོད་ནམས་ཀྱི་ཞིང་དཀོན་ཅོག་གསུམ་ལ་མཆོད་པ་དང་མ་ནུས་པར་སྦྱིན་གཏོང་། དཔལ་ལྡན་བླ་མ་དམ་པ་རྣམས་ཀྱི་ཞབས་རྡུལ་བསྙེན་ནས་གསང་ཆེན་ཟབ་མོའི་ཉམས་བཞེས་ལ་ལྷོད་པ་མི་མངའ་བས་ཕྱིའི་ལྟར་སྣང་གི་ཆ་ལུགས་གཅིག་ཀྱང་དིང་སང་གི་སྡེ་དཔོན་དུ་གྲགས་པ་རྣམས་ཀྱིས་དཔེ་ཟླར་མི་འོས་པ་ཞིག་ཡིན་ལ། ཡབ་ཡུམ་དེ་གཉིས་ཀྱི་སྲས་སུ་ནམ་མཁའ་བསོད་ནམས་རབ་བརྟན་དང་གཅུང་ནམ་མཁའ་དོན་གྲུབ་དབང་པོ་

― GLG008_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་འཁྲུངས་པའི་གཅེན་དམ་པ་འདི་ཉིད་ལྷུམས་སུ་མ་ཞུགས་པའི་སྔོན་དུ་ཡུམ་གྱི་མནལ་ལམ་དུ་རྡོར་འཛོམ་ཟེར་པའི་ཞིང་གི་ཚིགས་ནས་གྲོང་ཆུང་དུང་གི་གང་བ་རྙེད་ཁྲོད་ནས་ལྕམ་གྱི་ཨ་ཇོས་དུང་དཀར་གཡས་འཁྱིལ་ལེགས་པོ་ཞིག་ཚེ་དབང་བསོད་ནམས་དཔལ་རང་གྱིས་ཞེས་གཏད་པ་སྐུ་ཕག་ཏུ་བཅུག་པ་རྨིས། ལྷུམས་སུ་ཞུགས་པའི་ཚེ་སྲིད་པ་འཁོར་བའི་ངང་ཚུལ་མཐའ་དག་མེ་འབར་བའི་རླུབས་ལྟར་སྡུག་བསྔལ་གྱི་རང་བཞིན་ཅན་ལྷ་མིའི་དབང་ཕྱུག་རྣམས་ཀྱང་ཟག་བཅས་ཀྱི་བདེ་བར་འགྱུར་བའི་སྡུག་བསྔལ་ཡིད་བརྟན་མི་རུང་བའི་ཆོས་ཅན་དང་། ཚུལ་དེས་དྲངས་ནས་རང་ཉིད་གཅིག་པུར་མ་ཟད་ཁམས་གསུམ་གྱི་སེམས་ཅན་ཐམས་ཅད་སྡུག་བསྔལ་གསུམ་ཅི་རིགས་ཀྱིས་མནར་བར་མི་བཟོད་པའི་སྙིང་རྗེ་དང་སྐྱོ་ཤས་ངེས་འབྱུང་བཅོས་མ་མ་ཡིན་པ་དང་། སྡུག་བསྔལ་དེ་དག་ལས་ཐར་པའི་སྐྱབས་གནས་དཀོན་ཅོག་རིན་པོ་ཆེ་རྣམ་པ་གསུམ་ཡིན་པར་རྒྱུ་མཚན་ཤེས་ནས་མི་འཕྲོག་པའི་དད་པ་བརྟན་པོ་གོང་དུ་འཕེལ་བ་སོགས་ཡུམ་གྱི་ཐུགས་ལ་འགྱུར་བ་སྔར་དང་མི་འདྲ་བ་འཁྲུངས་པར་བརྟེན་ནས་དེ་དག་ཀ་མད་སུམ་ཅུར་གྲས་པའི་ཚིགས་བཅད་ཀྱང་མཛད། མནལ་ལམ་དུ་བྲག་མཐོན་པོ་ཞིག་གི་རྩེ་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་ཕྱག་ན་བུམ་པ་བསྣམས་ཏེ་བཞུགས་པའི་བྲག་རྩར་ཡུམ་ཉིད་འཁོད་པའི་དབུ་གཙུག་ནས་བུམ་ཆུ་སྐྱ་ནར་གྱི་བླུག་པས་ལུས་སེམས་བདེ་བ་ཁྱབ་པའི་ཉམས་ཤར། དེ་ཡང་སྐུ་བལྟམས་པའི་ཡུལ་ནི། ཁྲུས་ཁང་ལོ་ཙཱ་

― GLG008_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བསོད་ནམས་རྒྱ་མཚོས། ལར་དུས་གསུམ་རྒྱལ་བའི་ཐུགས་རྗེ་དང་། །རྒྱལ་སྲས་པད་དཀར་ཞབས་དྲིན་ལས། །བོད་ཀྱི་ཡུལ་ཁམས་འདི་ཉིད་ཀྱང་། །འཕགས་ཡུལ་དང་སྐལ་བ་མཉམ་པ་སྙམ། །ཞེས་སྲས་བཅས་རྒྱལ་བ་སྤྱི་དང་ལྷ་གཅིག་ཕྱག་ན་པདྨས་བྱིན་གྱིས་བརླབས་པས་དགེ་བ་བཅུའི་ཁྲིམས་དང་བཤད་སྒྲུབ་ཀྱི་བསྟན་པ་རྒྱ་གར་འཕགས་པའི་ཡུལ་ལས་མི་ཞན་པར་གསུངས་ཤིང་པཎྜི་ཏ་ཆེན་པོ་གྷ་ཡ་དྷ་རའི་ཞབས་ཀྱིས། ད་དགེ་སྦྱོར་བྱེད་པ་ལ་རྒྱ་གར་ལས་བོད་འདི་ཆུ་བཟང་ཞིང་བསིལ་དྲོད་སྙོམས། སྲོག་ཆགས་ཉུང་ལ་ཟས་བཅུད་ཆེ་བས་རྒྱ་གར་དུ་མི་འགྲོ་ང་བོད་དུ་སྡོད། ཅེས་འཁོར་འདས་དབྱེར་མེད་དག་པའི་སྣང་བས་འབྱམས་སུ་ཀླས་པའི་གྲུབ་པའི་འཁོར་ལོས་སྒྱུར་པ་དེས་ཀྱང་ཆེས་ཆེར་བསྔགས་པའི་བོད་ཡུལ་གྱི་སྟོད་སྤུ་རངས། མང་ཡུལ། ཟངས་དཀར་ཏེ་གསུམ་པོ་སྐོར་གཅིག །རྩེ་ལི། གྲུ་ཤ །སྦལ་སྡེ་སྟེ་གསུམ་པོ་སྐོར་གཅིག །ཞང་ཞུང་། ཁྲི་ཏེ་སྟོད་སྨད་དེ་གསུམ་པོ་སྐོར་གཅིག་རྣམས་མངའ་རིས་སྐོར་གསུམ། མདོ་ཁམས་ལ་སྨད་ཁམས་བཏགས་པ་ཁམས་གཅིག །མདོ་སྨད་གཡར་མོ་ཐང་བཏགས་པ་ཁམས་གཅིག །བཙོང་ཁ་ལ་གྱི་ཐང་བཏགས་པ་ཁམས་གཅིག་རྣམས་སྨད་ཁམས་སྒང་གསུམ་སྒང་དྲུག་ཟེར་བ་ནི་བར་ཁམས་རང་ལ་ནང་གསེས་ཀྱི་དབྱེ་བར་མངོན། བར་ན་དབུས་རུ་དང་གཡོ་རུ་གཉིས། གཡས་རུ་དང་རུ་ལག་གཉིས་ཏེ་དབུས་གཙང་རུ་བཞིར་གྲགས་པའི་གཡས་རུའི་ཆ་ཤར་གོང་མའི་ལུང་གིས་བོད་ཆོལ་

― GLG008_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་གསུམ་ལ་དཔལ་ལྡན་ས་སྐྱ་པས་མངའ་སྒྱུར་བའི་ཚེ་ཤངས་ཁྲི་སྐོར་གྱི་ནང་ཚན་དང་གནམ་གྱིས་བསྐོས་པའི་དཔལ་ཕག་མོ་གྲུ་པའི་དུས་རྫོང་ཆེན་བཅུ་གསུམ་དུ་གྲགས་པ་ཕོ་བྲང་ཆེན་པོ་རིན་ཅེན་སྤུངས་པའི་ཆབ་འབངས་སུ་གཏོགས་པ་གནུབས་ཁུ་ལུང་ཞེས་སྔོན་དཔལ་བསམ་ཡས་མཆིམས་ཕུར་སློབ་དཔོན་ཆེན་པོ་པདྨ་སམ་བྷ་ཝས་སྒྲུབ་པ་བཀའ་བརྒྱད་ཀྱི་དབང་བསྐུར་བའི་དུས་རྗེ་འབངས་དགུར་གྲགས་པའི་སྐུ་འཇམ་དཔལ་གཤིན་རྗེའི་དཀྱིལ་འཁོར་དུ་མེ་ཏོག་ཕོག་པ་གནུབས་སངས་རྒྱས་ཡེ་ཤེས་རིན་པོ་ཆེ་སོགས་སྐྱེས་ཆེན་དུ་མ་འཁྲུངས་ཤིང་ཁྱད་པར་ཁུ་ལུང་པ་ཡོན་ཏན་རྒྱ་མཚོས་མཚོན་གནུབས་ཀྱི་སྔགས་འཆང་རིམ་པར་བྱོན་པའི་བསྟི་གནས་རྗེ་མི་ལས་ལྷ་རྗེ་གནུབས་ཆུང་པར་དྲགས་སྔགས་གཟའ་གདོང་དམར་ནག་ཞུས་ཧཱུྃ་ཤི་ཕགས་སྒྱེལ་གྱི་མཐུས་སྐུ་དགྲའི་ཚོགས་ཆམ་ལ་ཕབ་ཅིང་བྱང་ཁར་པཎ་ཆེན་རིན་པོ་ཆེ་ཤཱཀྱ་ཤྲཱིའི་བརྒྱུད་འཛིན་པའི་བསྟན་པའི་རྩ་བ་སོ་སོ་ཐར་པའི་འབྱུང་ཁུངས་ཆོས་ལུང་ཚོགས་པར་གྲགས་པའི་སྡེ་ཚུགས་པ། ལྷོ་བྱང་གི་ཡུལ་གྲུ་རྣམས་ཀྱང་། རྟོགས་བརྗོད་རིན་པོ་ཆེ་ལས། གསེར་གྱི་བ་གམ་གཞལ་ཡས་ཁང་། ཁང་པས་བསྐོར་བའི་གྲོང་ཁྱེར་ནི། །འོད་ལྡན་ཞེས་བྱ་བསོད་ནམས་ནས། །འོད་ལྡན་མཐོ་རིས་ལྟ་བུ་ཡོད། །ཅེས་མརྒད་གོས་སུ་ཀླུབས་པའི་སྤང་ལྗོངས་མེ་ཏོག་རྣམ་པར་བཀྲ་བ་སྣ་ཚོགས་པའི་འབྲུ་རིགས་ཀྱི་སྙེ་མས་ཡོངས་སུ་དུད་པའི་ཞིང་གི་ཕྱོགས་མཚམས་སུ་ལྗོན་ཤིང་གི་འཕྲེང་བས་ཀུན་ནས་དཀྲིས་པ། གྲོང་དང་གྲོང་བརྡལ་གྱིས་ཁྱབ་པ་འཆི་མེད་ཀྱི་

― GLG008_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་ཚལ་ལ་ཅོ་འདྲི་བས། མེ་ལོང་མར། སྐྱེད་ཚལ་འཕྲེང་འདི་བུ་མོ་བཞིན། །མཛེས་ལྡན་སཱ་ལ་ཀཱ་ན་ན། །ཞེས་ཡིད་དུ་འོང་བར་གསུངས་ཤིང་ཐག་ཧ་ཅང་མི་རིང་བར་པཀྵུའི་ཀླུང་ཆེན་པོ་འབབ་པ་ནི། ཀླུ་ཀུན་ཏུ་དགའ་བའི་ཟློས་གར་དུ། ལི་ཤིའི་ཡལ་འདབ་དག་ནི་ཟོས་གྱུར་པའི། །ལག་ལྡན་ཆུ་ཡི་སྒྲེགས་པའི་དྲི་བཟང་གིས། །ཆུ་དང་ལྡན་པ་རྒྱ་མཚོའི་རྦ་རླབས་འདི། །རིན་ཅེན་འོད་ཟེར་དག་གིས་སྤྲས་ཏེ་མཛེས། །ཞེས་མཐོ་རིས་ལྷའི་ཆུ་བོ་མ་དག་པའི་དྲི་མ་འཁྲུ་བ་ལ་རིང་དུ་ཆས་པ་ལྟ་བུ། བ་ད་རའི་གླིང་བགྲོད་ཀྱི་རྟོགས་པ་བརྗོད་པའི་ཡལ་འདབ་ལས། །རྩེ་མོ་ཤིན་ཏུ་མཐོ་བ་ཡི། །ཤེལ་གྱི་ས་གཞི་མདུན་དུ་མཐོང་། །བྱ་རྣམས་ཀྱིས་ཀྱང་བགྲོད་དཀའ་ན། །འཇམ་པའི་བྲག་ནི་གཅིག་པུ་དེར། །ཞེས་ལྷོ་བྱང་གི་རི་བོ་རྣམས་མཁའ་ལ་བསྙེག་པ་ལྟར་མཐོ་ཞིང་ཤེལ་དཀར་གྱི་བྲག་རི་བཅལ་དུ་བཀྲམ་པ་དང་ལ་ལར་སྤང་དང་རྩི་ཤིང་ནགས་ཚལ་མངོན་པར་དཀྲིས་པའི་ཡུལ་གྱི་ཆ་ཁུ་ལུང་གཞིས་ཀར་ཡབ་དགུང་ལོ་ཉེར་བཞི་དང་ཡུམ་བཅོ་བརྒྱད་ཀྱི་བགྲང་བྱར་བབས་པའི་ཚེ་འཕགས་ཡུལ་དུ་སྟོད་འགྲེལ་བའི་ལུགས་ལ་ཤོ་བྷ་ན་ཞེས་ཕྱོགས་འདིར་མཛེས་བྱེད་དུ་གྲགས་ཤིང་འཇམ་དབྱངས་གོང་མའི་ཁབ་ཏུ་གུའི་མའུ་ཞེས་ཆུ་མོ་ཡོས་ཀྱི་ལོ་དུས་ནི། འཕགས་སྐྱེས་པོའི་རྟོགས་པ་བརྗོད་པའི་ཡལ་འདབ་ལས། དེ་ནས་ཡིད་སྲུབས་ལོངས་སྤྱོད་གྲགས། །སྦྲང་རྩི་འཐུང་བ་རྣམས་ཀྱི་གཉེན། །སྐལ་བཟང་འཁྲི་ཤིང་འཁྱུད་བྱེད་པ། །ལེགས་

― GLG008_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་དཔྱིད་ནི་མཐོང་བར་འགྱུར། །ཞེས་སྤྱིར་འདུལ་མངོན་དུས་འཁོར་ནག་རྩིས་རྒྱལ་པོ་ལོ་གསར་སོགས་ལོ་འགོ་འཛིན་ལུགས་མང་ནའང་རྒྱ་རྩིས་རྙིང་མ་ལ་བཅུ་གཅིག་པ་དཔྱིད་ཟླ་ར་བ་སྟག་ཏུ་ངོས་འཛིན་པས་ཀུན་ཡིད་དགའ་སྟོན་སྟེར་བ་ལེགས་ལྡན་དཔྱིད་ཀྱི་དུས་ལ་བབས་པ་མཱརྒ་ཤཱི་ར་ཞེས་པ་ཧོར་ཟླ་བཅུ་གཅིག་པའི་དམར་ཆའི་གང་བ་གསུམ་པ་མཁའ་འགྲོ་འདུ་བ་ཉེར་དགུ་རེས་གཟའ་ཟླ་བ། སྐར་མ་སོག་པ། ཉི་ཤར་བུམ་པའི་དུས་སྦྱོར་གྱི་ཚེ་ཡུམ་ལ་བསྙུན་མི་མངའ་བའི་ངང་ནས་ལྟེ་བའི་ག་ཤ་གསུམ་རིམ་དུ་དཀྲིས་ཏེ་ཨ་ཞེས་པའི་རང་སྒྲ་དང་བཅས་སྐུ་འཁྲུངས། དེའང་ཀུན་མཁྱེན་བུའི་གསུང་སྐྱོར་ལུང་པས་དྲངས་པར། དོན་དམ་གཤིས་ཀྱི་གནས་ལུགས་ལ། །རྩིས་དང་འབྲས་བུའི་སྤྲོས་པ་བྲལ། །ཐ་སྙད་ལས་འབྲས་མི་སླུ་བས། །དགེ་བའི་འབྲས་བུ་བདེ་བ་དང་། །སྡིག་པས་སྡུག་བསྔལ་སྦྱིན་པར་བྱེད། །གཟའ་སྐར་བདེ་སྡུག་བྱེད་པོ་མིན། །བྱེད་ཅན་བཅུ་གསུམ་མུ་སྟེགས་སྨྲ། །དེ་ནི་ལོག་པའི་ཀུན་རྫོབ་ཡིན། །ཐ་སྙད་སླུ་མེད་བདེན་པ་རུ། །རྩིས་ཚུལ་ངེས་པར་འཛིན་དགོས་ཏེ། །དཔེར་ན་ཐ་སྙད་དབང་བསྐུར་དང་། །ཆོ་ག་ལྷ་སྒྲུབ་བྱས་པ་ཡིས། །དོན་དེ་འགྲུབ་པར་སངས་རྒྱས་དང་། །པཎ་གྲུབ་རྣམས་ཀྱིས་གསུངས་པ་བཞིན། །རྩིས་ཚུལ་རྒྱུད་སྡེ་མདོ་མང་པོར། །རྩིས་ཚུལ་བྱེད་པར་གཅེས་པར་གདམས། །ཞེས་ཟླ་བ་བསོད་ནམས་ཀྱི་གཟའ་བཙན་ཕྱུག་དང་ལྡན་ཞིང་། སོག་པ་ཆོས་ལྡན་ཐོས་ཤིང་ལས་ཀུན་མཁས་པ་སོགས་རྟེན་འབྲེལ་གྱི་སྒོ་འཕར་འགྲིག་པ་ནི། མདོ་

― GLG008_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

སྡེ་རྒྱན་ལས། སྐྱེ་བ་སྐྱེད་མོས་ཚལ་འགྲོ་ལྟར་རྟོགས་ནས། །སྤྲོ་བའི་སེམས་དྲངས་དགའ་ཞིང་དེ་ལ་འཇུག །ཅེས་དམ་པ་རྣམས་ནི་འགྲོ་བའི་དོན་དུ་སྲིད་པར་སྐྱེ་བ་ལེན་པ་ལ་ཆགས་ལྡན་གྱི་སྐྱེས་བུ་སྐྱེད་མོས་ཚལ་དུ་འཇུག་པ་ལྟ་བུའི་སྤྲོ་བ་དང་ལྡན་པར་བཤད་པས་རྗེ་འདི་ཉིད་རྡོ་རྗེ་འཆང་ཚར་པ་ཆོས་རྗེའི་རྣམ་པར་སྤྲུལ་པར་གདོན་མི་ཟ་བས་སྤྱི་དང་བྱེ་བྲག་གི་བསྟན་པའི་བཙས་སུ་མཁའ་སྤྱོད་དག་པའི་ཞིང་ན་ཉི་མ་ལས་འོད་ཟེར་བཞིན་དུ་ཤར་ཡང་གདུལ་བྱ་ཐུན་མོང་བ་རྣམས་ཀྱི་སྣང་ངོ་དང་མཐུན་པར་བྱིས་པའི་རྣམ་པར་བསྟན་པ་དེ་ལ་རྡོ་རྗེ་འཆང་དབང་ཕྱུག་རབ་བརྟན་གྱིས་མཚན་ནམ་མཁའ་བསོད་ནམས་རབ་བརྟན་དུ་གསོལ། དེ་འཕྲལ་དུ་ཞུགས་སྐོངས་ཀྱི་ལྕི་ཤིང་དང་ན་བཟའི་རྒྱུའི་སྣམ་ཕྲུག་རྩོལ་མེད་དུ་གཞན་གྱིས་འབུལ་མི་བྱུང་ཞིང་། ཡུམ་གྱི་ཆབ་ཞོའང་ཤིན་ཏུ་མང་བས་བཞེས་པའི་ལྷག་མ་སྨན་གྱི་རྒྱུར་དཀྲོགས་པ་དང་ཉིན་མཚན་བར་མ་ཆད་པར་འཛག་པ་ན་དབང་ཐང་ཆེ་བའི་ལྟས་ལེགས་ཟེར། སྐུའི་དབྱིབས་དཔྲལ་བ་དབྱེས་ཆེ་ཞིང་ཞལ་ཁྱིམ་སྒོར་བ། དབུ་གདུགས་ལྟར་ཕུག་པ་སོགས་མཚན་དཔེ་རྗེས་མཐུན་པས་སྤྲས་ཤིང་། མདངས་དཀར་ལ་གསལ་བ། སྐུ་བོང་གཞན་ལས་ཆེ་ལ་ཀུན་གྱི་ཡིད་དུ་འོང་བ་སྙུན་ནད་གདོན་ཞུད་ཀྱི་འཚེ་བ་དང་བྲལ་བ་ཞིག་བྱུང་ཞིང་གསུང་མ་བྱེ་བའི་དུས་ཞལ་ངོ་ལྷན་རྒྱས་སུ་བཞུགས་པའི་ཚེ་ཡུམ་གྱི་སྐུ་པང་ན་གྲལ་མཇུག་ཏུ་ཡོད་པ་ལ་གསུང་གཙེར་བ་སོགས་མི་དགྱེས་པའི་རྣམ་འགྱུར་བསྟན་པ་རྨོ་མོས་གྲལ་གཤམ་

― GLG008_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཞུགས་མ་འདོད་པར་འདུག་གྲལ་འགོར་བཞུགས་ཆུག་ཟེར་བ་དེ་བཞིན་དུ་མཛད་པས་དགྱེས་པའི་རྣམ་འགྱུར་བསྟན་པ་ན་ཉེ་སྐོར་དུ་འཁོད་པ་རྣམས་བྱིས་པ་དཀྱུས་མའི་ངང་ཚུལ་དང་མི་ལྡན་པ་ཞིག་གོ་སྙམ་ངོ་མཚར་དུ་འཛིན། དགུང་ལོ་གཉིས་འགྲོ་བའི་ཚེ་དབང་ཕྱུག་རབ་བརྟན་གྱི་སྐུ་འགག་གསར་པ་བཞེས་ནས་བྱང་གཏེར་གྱི་ཚེ་དབང་ལྕགས་སྡོང་མ་སྩལ་བའི་སྐབས་སྐུའི་དབྱིབས་དང་ན་བཟའི་ཁྱད་པར་སོགས་ཐུགས་ལ་ངེས་ཏེ་སྐུ་ན་ཡར་ཕེབས་ནས་དྲན་ཞེས་སྐུ་འཁོར་བ་ཚོར་བཀའ་སྩལ་བ་ནི་ལོ་ངོ་གཉིས་ཀྱི་དུས་དེ་འདྲ་གང་ཟག་ཕལ་བར་འབྱུང་བ་མི་སྲིད་ཅིང་གལ་ཏེ་དུས་དེར་ངོ་འཕྲོད་པ་ལྟ་བུའི་དབང་དུ་བྱས་ནའང་རྗེས་སུ་དྲན་གསོས་པ་རང་ཅག་རྣམས་ལ་མི་འབྱུང་བ་མངོན་སུམ་དུ་གྲུབ་པས། མངོན་པ་ཀུན་ལས་བཏུས་སུ། དྲན་པ་གང་ཞེ་ན། འདྲིས་པའི་དངོས་པོ་ལ་སེམས་ཀྱིས་བརྗེད་པ་མེད་པ་སྟེ་རྣམ་པར་མི་གཡེང་བའི་ལས་ཅན་ནོ། །ཞེས་སྐུ་ཚེ་གཞན་དུ་ཞི་གནས་སམ་བསྐྱེད་པའི་རིམ་པའི་ཏིང་ངེ་འཛིན་ལ་གོམས་པའི་ནང་རྟགས་ཕྱིར་ཤར་ཏེ་བློ་ལྡན་ཞིག་གིས་དཔྱད་ན་འདི་གཅིག་པུའི་རྣམ་ཐར་ཡང་དཔག་པར་དཀའོ། །སྔོན་མེད་པའི་རྡོ་ཆུང་ངུ་དང་འཇིམ་པ་སྦྱིན་པོ་མང་པོ་ཁུ་ལུང་གི་གཞིས་ཀའི་ལྟག་ནས་རྙེད་པ་དང་། ཟན་སོགས་ལ་གཙུག་ལག་ཁང་དང་དགེ་འདུན་གྱི་སྡེའི་དབྱིབས། དཀོན་ཅོག་གི་སྐུ་གསུང་ཐུགས་རྟེན་གྱི་རྣམ་པར་བསྒྲིགས་པར་ཏིང་དང་ཀོང་བུ་སོགས་བཟོས་ནས་མཆོད་པ་འབུལ་བ། དུང་དཀར་བུས་ཏེ་དགེ་འདུན་ཚོགས་པ། ཆོས་འཆད་ཉན་གྱི་ཚུལ་དང་། དེ་བཞིན་དུ་རང་ཉིད་ཀྱི་བླ་མ་དང་

― GLG008_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིས་པ་གཞན་རྣམས་གྲྭ་པའི་ཚུལ་དུ་མཛད་དེ་ཆོས་འཆད་པའི་རྣམ་པ། ངའི་མིང་ལ་བཙུན་ཆུང་ཚུལ་ཁྲིམས་ཟེར་གསུང་བ། མདོས་གཏོར། ཆོ་ག །བསྐང་བས་མཚོན་པའི་ལད་མོ་སོགས་བསྐྲུན་པ་སྐུ་སྐྱེ་བ་མང་པོར་འཁོར་ལོ་གསུམ་གྱི་བྱ་བ་ལ་རྟག་འགྲུས་སུ་གནང་བའི་བག་ཆགས་ཀྱི་མཐུ་བརྟས་པ་ཡིན་ཅིང་དུས་ཕྱིས་སྐུ་རིམ་ལ་དགོས་པའི་འཇིམ་པ་སྔར་ཤུལ་ནས་བཙལ་ཀྱང་ལར་མ་རྙེད་པས་བཀའ་ལས་ངེད་ཆུང་ངུའི་དུས་སུ་བློ་བྲིད་ཀྱི་རྩེད་མོའི་ཆེད་དུ་གཞི་བདག་གིས་བྱིན་པ་ཡིན་འདྲ་གསུང་། མདོར་ན་ཀུན་སྤྱོད་མཐའ་དག་ཆོས་དང་མཐུན་པའི་རྣམ་འགྱུར་མ་གཏོགས་བྱིས་པ་ཐ་མལ་པའི་ངང་ཚུལ་ཡེ་མི་མཛད་པས་ཐུགས་སྒམ་པའི་ཚད་ཐུབ་པར་གླེང་། དགུང་ལོ་ལྔ་དྲུག་ཙམ་ལ་ཡུམ་གྱིས་སྙན་པད། ཀོང་ན། སོར་གདུབ་སོགས་ཕུལ་བར་མི་དགྱེས་ཤིང་འདོགས་པར་མི་མཛད་པ། རྡོ་རྗེ་འཆང་ཚར་པ་ཆོས་རྗེས། ལ་ལ་བ་ལང་ཇི་བཞིན་སྤྱོད། ཁ་ཅིག་བྲམ་ཟེའི་རྣམ་ཐར་སྐྱོང་། ཁོ་བོ་ཉན་ཐོས་སྤྱོད་པས་མཛེས། །ཤུག་འབྱུང་སྐྱོང་བ་བླ་མའི་དྲིན། །ཞེས་པའི་དོན་བཞིན་ཡང་སྲིད་དུ་མར་ཉན་ཐོས་ཀྱི་བསླབ་པ་ལ་གནས་པའི་བག་ཡོད་ཀྱི་ངང་ཚུལ་ཉམས་སད་པས་ཁྱིམ་པའི་རྟགས་དང་ཆ་ལུགས་སོགས་ལ་ཐུགས་མི་གཞོལ་བར་གནས་བརྟན་འདུལ་བ་འཛིན་པ་ཆེན་པོ་འབྱུང་བའི་སྔ་ལྟས་སོ། །དགུང་ལོ་བདུན་གྱི་སྟེང་དུ་གངས་རིའི་ལྗོངས་འདིར་ཐུབ་བསྟན་ཡོངས་སུ་རྫོགས་པའི་ཤིང་རྟ་པ་ཆེན་པོ་མ་བྱོན་སངས་རྒྱས་གསུམ་པ་རབ་གསལ་གྱི་རྣམ་པར་སྤྲུལ་པ་ཐམས་

― GLG008_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་མཁྱེན་པ་བུ་སྟོན་རིན་པོ་ཆེའི་གདན་ས་ཞ་ལུ་རི་ཕུག་ཆོས་ཀྱི་ཕོ་བྲང་དུ་རིགས་བརྒྱའི་བདག་པོ་དབང་ཕྱུག་རབ་བརྟན་བཞུགས་པའི་སྤྱན་སྔར་ཕེབས་གཙུག་ཕུད་བཞེས་ཤིང་མཚན་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོར་གསོལ། རྐྱེན་སེལ་རྗེས་གནང་ཅི་རིགས་གསན་ནས་གཞིས་སུ་ཐེགས། ཐུན་མོང་ཞེས་པ་ལྕགས་ཁྱིའི་ལོ་དགུང་ལོ་བརྒྱད་ཀྱི་ཐོག་སླར་ཞ་ལུ་རི་ཕུག་ཏུ་ཕེབས་པའི་ནུབ་སྔ་མ་རྗེ་བླ་མའི་འོད་གསལ་དུ་རྩིས་ཀྱི་མགོན་པོ་ཆོས་སྐྱོང་ཡིད་བཞིན་ནོར་བུའི་མངག་གཞུག་དམ་ཚིག་སྲོག་གི་བདག་པོ་ཟབ་བོར་དཀར་པོའི་གོས་དང་ཁྲབ་གསོལ་ཞིང་སེང་གེ་དཀར་པོར་ཞོན་པ་ལག་ན་རྒྱ་སྤོས་ཁྲེས་ཀྱི་ཆུན་པོ་དར་སྐུད་ཀྱིས་བཅིངས་པ་སྤར་བའི་ཐ་སྙད་མེད་པ་དྲི་ཞིམ་པ་ཕུན་སུམ་ཚོགས་པས་ཁྱབ་པ་ཞིག་ཁྱེར་ནས་ནམ་མཁར་ཡུད་ཡུད་འགྲོ་བ་བྱུང་བ་སང་ཉིན་བཀའ་ལས་མདང་དེ་བཞིན་བྱུང་བ་ཁྱེད་འབྱོན་པའི་ལྟས་སུ་འདུག་ཅིང་ཚུལ་ཁྲིམས་རྣམ་པར་དག་པ་ཡོང་བའི་བརྡར་གོ་གསུང་། རྗེ་ཉིད་ཀྱི་དྲུང་དུ་ཚིགས་སྔ་མ་དགེ་ཚུལ་གྱི་དངོས་པོར་བསྒྲུབས། མི་རིང་བར་རྗེ་རྡོ་རྗེ་འཆང་ལ་སྟོད་ལ་ཆིབས་ཁ་བསྒྱུར་བའི་ཞམ་འབྲིང་མཛད་ནས་གདན་ས་ཆེན་པོ་དཔལ་ལྡན་ས་སྐྱར་ཕེབས་འཇམ་དབྱངས་གཟི་འོད་འབར་བ་དང་ཆོས་སྐྱོང་མངོན་སུམ་དུ་བཞུགས་པའི་སྒོ་རུམ་མགོན་ཁང་སོགས་ལ་གནས་གཟིགས་རྒྱས་པར་མཛད། ཕྱིར་ལམ་ལྷ་རྩེ་དང་འདར་ཕྱོགས་སུ་ཐེགས་སྐབས། སྐུ་ན་གཞོན་པ་ལ་ངེས་ཤིང་མཛངས་པ་རྣམ་དཔྱོད་ཀྱི་མཐུ་ཕུལ་དུ་ཕྱིན་པ་ལ་ཕྱོགས་དེའི་སྐྱེ་བོ་རྣམས་ངོ་མཚར་ཞིང་ཡི་རང་བར་གྱུར།

― GLG008_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་སྡེ་པ་བཀྲ་ཤིས་རྩེ་བ་དང་ཆོས་སྡེ་བ་ཡོན་མཆོད་ནས་གདན་འདྲེན་བྱུང་བ་ལྟར་ཡབ་སྲས་ཆབས་ཅིག་པར་ཆིབས་ཁ་བསྐྱོད། བྱམས་ཆེན་དུ་རྗེ་བཙུན་ཞ་ལུ་པ་ཆེན་པོ་དང་ཐོག་མར་མཇལ། དེ་ནས་དབུས་འགྱུར་གྱི་ལྟེ་བ་ཡར་ཀླུངས་སྐྱིད་པའི་སྨན་ལྗོངས་སུ་ཕེབས། རྗེ་བཙུན་ས་སྐྱ་པའི་གསང་ཆེན་སློབ་བཤད་ཀྱི་སྔགས་གྲྭ་བཀྲ་ཤིས་རྩེ་ཆོས་སྡེར་སྟན་ཆགས། ལོ་ཤས་བཞུགས་རིང་རྗེ་རྡོ་རྗེ་འཆང་ཆེན་པོས་གཉུག་མར་གནས་པ་དང་ཕྱོགས་འདུས་ཀྱི་དམ་པའི་ཆོས་དོན་དུ་གཉེར་བ་ཆུའི་རླབས་འཕྲེང་བཞིན་ཡོལ་བ་མེད་པ་རྣམས་ལ་ཆོས་ཀྱི་འཁོར་ལོ་བསྐོར་བའི་ཞར་ཆོས་དང་། སྙིང་པོ་ཀྱེ་རྡོ་རྗེ་མན་ངག་ལུགས། འཇིགས་མཛད་རྡོ་རྗེ་སོགས་དཀྱིལ་འཁོར་དུ་མའི་དབང་བཞི། མཁའ་སྤྱོད་སྐོར་གསུམ། དམར་པོ་སྐོར་གསུམ། ཆོས་སྐྱོང་ཆེ་ཆུང་ནས་ཉེར་མཁོའི་རིགས་དང་གཞན་ཡང་རྒྱུད་སྡེ་བཞི་དང་འབྲེལ་བའི་དབང་། བྱིན་རླབས། རྗེས་གནང་། ལུང་ཁྲིད་མན་ངག་མང་དུ་གསན་ཅིང་དེ་དག་ཀྱང་གསན་ལོ་ཙམ་མ་ཡིན་པར་སྐུ་ན་ཕྲ་ཡང་ཐུགས་ལ་ངེས་ཤིང་བྱང་ཆུབ་པར་མཛད། རྗེ་རྡོ་རྗེ་འཆང་གི་དགོངས་པར་སྙན་བརྒྱུད་མངའ་བདག་རིན་པོ་ཆེ་བོད་མཁར་ནས་ཀྱི་ཞལ་སློབ་སྤྱན་སྔ་མི་ཕམ་ཆོས་ཀྱི་རྒྱ་མཚོའི་གདམས་ངག་བུམ་པ་གང་བྱོར་བཞུགས་པ་ཆོས་རྗེ་རབ་འབྱམས་པ་ཀུན་དགའ་ལྷུན་གྲུབ་གདན་སར་བསྐོས་ནས་ཡབ་སྲས་གཉིས་ཀ་གཙང་དུ་ཐེགས་བཞེད་དེ་རིན་པོ་ཆེ་ཆོས་སྐུ་བ་གདན་དྲངས་ཀྱང་ཆོས་སྡེ་བ་ཚོའི་བློར་བབས་རྒྱུ་མ་བྱུང་བར་བརྟེན་ངེད་ཀྱི་ཚ་བོ་འདི་ཆོས་བཀའ་འདྲ་ཞུ་རྩིས་ཡིན་ཚུལ་ལ་བསྙད་པའི་བཀའ་

― GLG008_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཆག་ལུགས་དང་ཛེ་ཏཱ་རིའི་ཚེ་དཔག་ལྷ་དགུ །ཁྲོ་ཕུའི་འཇམ་དཀར། ཕག་དཀར་ཤེས་རབ་གསལ་བྱེད། རྣམ་རྒྱལ་ལྷ་དགུ །རྣམ་འཇོམས་ལྗང་སྔོན། སེང་གེ་སྒྲ། ནོར་རྒྱུན་མ་སེར་མོ། ཁྲོ་བོ་སྨེ་བརྩེགས། ཁྲོ་མོ་སྨེ་བརྩེགས། ཛམ་སེར་ནག་རྣམས་ཀྱི་རྗེས་གནང་། དེ་དག་ལ་མཁོ་བའི་ཡིག་ཆའི་ལུང་། སྦྱོང་རྒྱུད་དཀྱིལ་འཁོར་བཅུ་གཉིས་ཀྱི་དབང་། མགོན་པོད་མེ་འབར་མའི་ལུང་སོགས་མང་དུ་གསན་ནའང་སྐུ་ན་ཕྲ་བ་དང་ཕྱག་གཡོག་གྲུལ་ཐུབ་མེད་གཤིས་བརྒྱུད་ཡིག་གི་དྭོགས་གཅོད་གནང་རྒྱུ་མ་བྱུང་འདུག་རུང་འཆད་བཟང་པོ་ཡིན་ཞེས་ཐུགས་མོས་པར་མཛད། དགུང་ལོ་བཅོ་ལྔར་ཕེབས་པ་དམར་སེར་ཅན་ཞེས་མེ་མོ་སྦྲུལ་གྱི་ལོ། དེའང་མཉན་ཡོད་མཆོད་པ་སྔ་བསྣུར་བ་ལ་བརྟེན་ནས་བདེ་ལེགས་ཕུན་སུམ་ཚོགས་པ་བྱུང་བས་རྒྱ་བོད་ཀུན་ཏུ་རྟ་ཆེན་ཟླ་བར་མཛད་པར་གྲགས་ནའང་། རྩ་བའི་དུས་རྗེ་མར་པས། ཆོ་འཕྲུལ་ཁྲ་ཡི་ཟླ་བ་ལ། །མི་ཁོ་བོ་ལམ་དུ་ཞུགས་ཏེ་མཆིས། །ཞེས་ས་ཧོར་མཆོད་ཡོན་གྱི་ཟླ་བ་གཉིས་པའི་ཚེས་ལྔ་གཟའ་སྐར་འཕྲོད་སྦྱོར་དགེ་བར་དཔལ་ལྡན་ཤངས་པ་བཀའ་བརྒྱུད་ཀྱི་ཆིག་བརྒྱུད་རྡོ་རྗེའི་བརྒྱུད་པ་བདུན་ལྡན་གི་ནང་ཚན་སངས་རྒྱས་གཉན་སྟོན་ཆེན་པོའི་སྤྲུལ་པའི་ཟློས་གར་མཁན་རིན་པོ་ཆེ་གཞོན་ནུ་བློ་གྲོས་ཀྱི་བཞུགས་ཁྲིའི་ཐོག་ཏུ་བསྟན་པ་སྤྱི་དང་བྱེ་བྲག་རྡོ་རྗེ་འཆང་ཚར་པ་ཆོས་རྗེའི་རིང་ལུགས་རྒྱ་ཆེར་སྤེལ་བའི་ཆེད་དུ་འཁོར་ལོས་སྒྱུར་བའི་རྒྱལ་པོར་རིགས་ཀྱི་སྲས་སྟོང་ཕྲག་ཙམ་ཡོད་ནའང་ཐུ་བོར་གྱུར་པ་རྒྱལ་སར་དབང་བསྐུར་བ་བཞིན་དམ་པའི་

― GLG008_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་རྒྱལ་ཚབ་ཆེན་པོར་ཁྱབ་བདག་བླ་མ་དབང་ཕྱུག་རབ་བརྟན་གྱིས་མངའ་གསོལ་བར་མཛད་ནས་ཤིས་པ་བརྗོད་པའི་མེ་ཏོག་ཆར་ཆེན་པོ་ཕྱོགས་ཀུན་ཏུ་བསྙིལ། དེའི་ཚེ་གཙང་སྡེ་སྲིད། སྡེ་པ་ཡར་སྟོད་པ། བཀྲ་ཤིས་རྩེ་གསུམ་ན་བསྐོ་འཇའ། གྲྭ་རིགས་སྦྱིན་བདག་རྣམས་ཀྱིས་ལེགས་སྐྱེས་རྒྱ་ཆེར་བསྟོད། ལྗགས་བསྔོ་གསུང་དཔངས་མཐོ་ཞིང་སྙན་ལ་བརྗོད་བྱ་རྗོད་བྱེད་ཀྱི་དོན་ཕུན་སུམ་ཚོགས་པས་དེ་འཁོར་ཐམས་ཅད་དགའ་མགུ་ཡི་རང་གི་སར་བཀོད། རྗེ་རྡོ་རྗེ་འཆང་གཙང་ཕྱོགས་སུ་ཆིབས་ཀྱི་ཁ་ལོ་བསྐྱོད་ནའང་དམ་པ་འདི་ཉིད་ཀྱིས་གྲྭ་སའི་ཁུར་བཞེས་སོ་བའི་བཏགས་མིང་ཙམ་མ་ཡིན་པར་སྒྲུབ་མཆོད་དང་བསྐང་བ་གཏོར་སྒྲུབ་སོགས་ཀྱི་རྡོ་རྗེ་སློབ་དཔོན་རྗེ་བླ་མའི་དུས་ཇི་ལྟ་བའི་ཕྱག་ལེན་ཕྲ་རགས་མཐའ་དག་ལ་ཐུགས་ཞིབ་ཅིང་འཕྱུགས་མེད་ཀྱི་དག་ཐེར་ཁོ་ན་བསྟར་བ་མ་གཏོགས་འཇིག་རྟེན་བྱ་བ་གཙོ་བོར་བཟུང་སྟེ་གལ་ཆུང་ཆོས་སུ་སྨྲ་བའི་ཐེབས་ཆག་ཡེ་མི་གནང་བས་རྗེ་བླ་མ་ཀུན་སྤངས་མཛད་པར་གྲྭ་རིགས་རྣམས་མྱ་ངན་གྱི་མེས་ཡིད་གདུངས་པའང་དམ་པ་འདིའི་མཛད་པའི་ཆར་ཆེན་པོས་བསིལ་བས་གསོས་སྨན་བླ་ན་མེད་པར་གྱུར་ཏོ། །ཆེས་བཙུན་འོད་གསལ་ལྷ་ཡི་གདུང་མ་འཆོལ། །མཁས་དང་གྲུབ་པའི་བྱིན་རླབས་རྒྱུན་མ་ཆད། །བསྟན་འགྲོའི་ཉེར་འཚོར་ལྷག་བསམ་མཐུ་མ་ཉམས། །རྒྱལ་སྲས་སློབ་མར་སྤྲུལ་བའི་མཐའ་མ་རྫོགས། །མ་དང་མཁའ་འགྲོའི་གྲོང་དུ་བདེ་ཆེན་ཀློང་། །གཟིམས་ལ་ཚད་མེད་ལྷ་མོས་ཡོངས་བསྐུལ་མཐུས། །ཞིང་འདིར་མཚན་དཔེའི་ཟློས་གར་མངོན་སུམ་དུ། །གསལ་འདི་ཡིད་ཅན་ལེགས་བྱས་བྱེ་

― GLG008_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

བས་ཉོས། །ན་ཚོད་གཞོན་ནུས་ཕལ་སྤྱོད་གླང་པོའི་མཆེ། །ཕྱུངས་ཏེ་དམ་པའི་རྣམ་ཐར་མདོངས་མཐའ་ལ། །ཞོན་ནས་རྒྱལ་བསྟན་མཐོ་རིས་མཛེས་པའི་རྒྱན། །གདོང་དྲུག་གཉིས་པའི་ལྷ་གཞན་གང་དུ་རྙེད། །སྲིད་པ་ཆུ་སྲིན་འབྱུང་གནས་སྡུག་བསྔལ་རླབས། །མི་ཡོལ་མཚང་རིག་མྱང་འདས་གྲུ་རྫིངས་ཀྱིས། །གཏན་བདེའི་ནོར་བུ་ལེན་ལ་ལེགས་ཞུགས་པའི། །ཉེས་མེད་དང་པོའི་ཕུན་ཚོགས་ཆོ་ག་རྫོགས། །ས་ལ་མངོན་སུམ་གནས་པའི་འོག་མིན་ཞིང་། །ས་ཆེན་བརྒྱུད་པ་རིམ་བྱོན་གཞལ་མེད་ཁང་། །ས་སྟེང་ཟླ་བྲལ་སྐུ་གསུང་ཐུགས་རྟེན་རྣམས། །ས་སྐྱའི་བསྟན་འཛིན་ཁྱོད་ཀྱི་གཟིགས་མོར་མཚར། །ཚར་ཆེན་གདུང་ཆོས་མཻ་ཏྲི་ཡབ་སྲས་ཀྱི། །མཐའ་ཀླས་སྙན་བརྒྱུད་བཀའ་བབས་ཀུན་ཏུ་དགའ། །ལམ་བཟང་སྟོན་ལ་སྤོབས་པ་ལྷུན་གྲུབ་རྗེ། །རྡོ་རྗེ་འཛིན་པའི་ཞབས་པད་ཡུན་དུ་བསྙེན། །མཆོག་གི་གདུལ་བྱར་གདམས་པ་གསང་ཆེན་ལམ། །སློབ་བཤད་བཀྲ་ཤིས་ཆོས་ཀྱི་འདུས་སྡེའི་ཁྲིར། །ཡབ་གཅིག་བླ་མས་བསྟན་པའི་བདག་པོ་རུ། །མངའ་གསོལ་གྲགས་སྙན་ཚངས་པའི་ཡུལ་སར་བསྒྲགས། །འདི་ནས་བཟུང་ལྕགས་སྤྲེལ་བར་ཕལ་ཆེར་བཀྲ་ཤིས་ཆོས་སྡེ་ཉིད་དུ་བཞུགས་ནས་ཆོས་སྡེའི་འཛིན་སྐྱོང་སྤེལ་གསུམ་བཅའ་བ་ཆོས་ཁྲིམས། ནང་གི་གྲྭ་རིགས་དང་ཕྱོགས་འདུས་ཀྱི་ཆོས་དོན་དུ་གཉེར་བ་རྣམས་ལ་དབང་། བྱིན་རླབས། རྗེས་གནང་། རིག་གཏད། ཉམས་ཁྲིད། ལུང་མན་ངག །ཕྱག་ཁྲིད་སོགས་བློ་དང་འཚམ་པའི་རེ་བ་སྐོང་ཞིང་སྦྱིན་བདག་སྐྱ་སེར་གྱིས་མཚོན་པའི་སྐྱེ་བོ་མཆོག་དམན་བར་པ་རྣམས་ལའང་རྐྱེན་སེལ་གྱི་བྱིན་རླབས་

― GLG008_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་གནང་། ཡན་ལག་བརྒྱད་པའི་ཁྲིམས་དང་ཡིག་དྲུག་གི་བཟླས་ལུང་སོགས་གང་ལ་གང་འཚམ་གྱི་སྒོ་ནས་མངོན་མཐོ་དང་ངེས་ལེགས་ཀྱི་ས་བོན་ཁྱད་པར་ཅན་བསྐྲུན། བར་འཚམས་མང་པོར་ཟླ་སྦྲེལ་དུ་རྡོ་རྗེ་འཇིགས་བྱེད་རྭ་ལུགས་ལྷ་བཅུ་གསུམ་མ་སོགས་དཀྱིལ་འཁོར་འགའ་དང་ལྷ་བྲན་དུ་མའི་ལྗགས་བསྙེན། བཅུ་ཆའི་སྦྱིན་སྲེག་གིས་མཚོན་ཕྲ་ཞིབ་ཕྱག་ལེན་བཞིན་ཐུགས་ཉམས་སུ་བསྟར། སྐུ་མཚམས་མིན་པའི་སྐབས་ཀྱང་བསྐྱེད་རྫོགས་ཀྱི་ཉམས་བཞེས་བཟླས་བརྗོད་གཏོར་བསྔོས་སོགས་མཚན་བཅས་མཚན་མེད་ཀྱི་ཐུགས་དམ་ལ་ལྷོད་པ་ཅུང་ཟད་ཙམ་ཡང་མི་མངའ་ཞིང་ཤི་གསོན་གྱི་ཆེད་དུ་བདོག་པ་འབུལ་བར་ཐུགས་བརྩེ་བ་ཆེན་པོས་ཀུན་ནས་བླངས་པའི་ནད་གདོན་ལས་གྲོལ་བ་དང་དུས་ཀྱི་ཆོས་ཉིད་དུ་གྱུར་བ་རྣམས་འཁོར་བ་དང་ངན་སོང་གི་འཕྲང་རིང་པོ་ལས་བསྒྲལ་ཏེ་ངེས་པར་ལེགས་པའི་སར་བཀྲི་བའི་སྐྱབས་འཇུག་ཆེད་དུ་གསོལ་བར་རིགས་དྲུག་གནས་འདྲེན་སོགས་གཤིན་པོ་རྗེས་འཛིན་གྱི་ཆོ་ག་རྒྱུད་སྡེ་རིན་པོ་ཆེ་ལས་ཇི་ལྟར་བྱུང་བ་བཞིན་མ་གཏོགས་སླ་ཆོས་ཀྱི་རིགས་མི་མཛད། དངོས་པོ་རྣམས་ཀྱང་དཀོན་ཅོག་ལ་སྲི་ཞུ། དགེ་འདུན་ལ་བསྙེན་བཀུར། ཉམ་ཐག་ལ་སྦྱིན་གཏོང་སོགས་རྣམ་དཀར་གྱི་ཆེད་ཁོ་ནར་འགྲོ་བའི་ཞལ་ཏ་དང་མདོར་ན་མགོན་པོ་བྱམས་པས། ཡི་གེ་འབྲི་མཆོད་སྦྱིན་པ་དང་། །ཉན་དང་ཀློག་དང་ལེན་པ་དང་། །འཆད་དང་ཁ་ཏོན་བྱེད་པ་དང་། །དེ་སེམས་པ་དང་སྒོམ་པ་སྟེ། །སྤྱོད་པ་འདི་བཅུའི་བདག་ཉིད་ཀྱི། །བསོད་ནམས་ཕུང་པོ་གཞལ་དུ་མེད། །ཅེས་ཆོས་སྤྱོད་བཅུའི་

― GLG008_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་བ་ལྷུར་མཛད་པས་ཡར་སྟོད་སྨད་ཤར་ནུབ་ཀྱིས་མཚོན་པའི་ལྷོ་བྱང་གི་སྐྱེ་རྒུ་ཕྱོགས་འཛིན་དྲག་པོའི་གདོན་གྱིས་མ་ཟིན་པ་མཐའ་དག་དད་པའི་ས་ལ་འགོད་བཞིན་པའི་ངང་ནས་གཙང་ཕྱོགས་སུ་བཏེག །ལྕགས་སྤྲེལ་ཁྱབ་བདག་དབང་ཕྱུག་རབ་བརྟན་མཇལ་བར་ཕེབས་པའི་ཚེ་གུར་མགོན་གྱི་གསང་འཁྲིད་ཟླ་བ་གསུམ་གྱི་བར་སྨིན་རྒྱས་དང་། གཞན་ཡང་ཟབ་ཆོས་མང་པོ་ལྕགས་བྱ་ཞབས་ཕྱིར་བཞུགས་མུ་ནས་ཀླུ་སྒྲུབ་ཆོས་ཀྱི་རྒྱལ་མཚན་སོགས་དུ་མ་དང་ལྷན་ཅིག་ཏུ་གསང་སྔགས་གསར་རྙིང་གི་ཆོས་རྒྱ་ཆེར་གསན། གཙང་སྡེ་སྲིད་ནས་རྗེ་རྡོ་རྗེ་འཆང་ཞ་ལུ་རི་ཕུག་གི་དབུ་མཛད་ཆེན་མོར་བསྐྱར་བསྐོས་གྲུབ་ནས་སྒྲུབ་ཆེན་དང་འབྲེལ་བའི་བཀའ་བརྒྱད་གསང་རྫོགས་ཀྱི་དབང་གིས་ཐུགས་ཀྱི་བུམ་བཟང་གཏམས་ནས་སྟོན་བཀྲ་ཤིས་རྩེ་ཆོས་སྡེར་ཕེབས་ཟླ་ཤས་ཀྱི་བར་བཞུགས་ནས་གཙང་དུ་ཆིབས་ཁ་བསྐྱོད། བླ་མ་དགོན་པ་སྒྱེ་ལུང་པས་རྡོ་རྗེ་འཆང་སྐྱེ་བདུན་སྒྲུབ་པར་གདན་དྲངས་པའི་ཕྱག་ཕྱི་མཛད། ཡང་འུག་གིས་གཙོས་པའི་སྔགས་པ་མང་པོར་བཀའ་བརྒྱད་སྒྲུབ་དབང་གནང་བ་དང་ལྷན་དུ་གསན། རྗེ་རྡོ་རྗེ་འཆང་ལ་བསྙེན་པར་རྫོགས་པའི་བསླབ་སྟོན་ཞུ་བ་གནང་བར་འདི་ཚོར་ལས་སློབ་གསང་སྟོན་ཁ་སྐོང་སོགས་ཆ་ཚང་བསྒྲིག་དཀའ་བར་འདུག་པས་ངོར་དུ་བསྙེན་རྫོགས་ཀྱི་གྲྭ་བཟང་བས་འགབ་ཚུལ་ཕེབས་པ་ལྟར་རྔ་ཆེན་ཞེས་པ་ཆུ་ཁྱིའི་ལོ་ཡང་དག་པར་རྫོགས་པའི་སངས་རྒྱས་ཤཱཀྱ་སེང་གེ་ཚེས་བདུན་ལ་སྐུ་བལྟམས་ཤིང་ཚེས་བཅོ་ལྔར་མངོན་པར་བྱང་ཆུབ་པ་དང་མྱ་ངན་ལས་འདས་པའི་དུས་ཆེན་ཁྱད་པར་ཅན་འབྱུང་བའི་ས་གའམ་ནམ་མཐོང་

― GLG008_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བ་སྔོན་མར་གྲགས་པ་གཟའ་སྐར་སྦྱོར་བྱེད་ཕུན་སུམ་ཚོགས་པའི་སྐབས་ཡོན་ཏན་རིན་པོ་ཆེ་མ་ལུས་པ་འབྱུང་བའི་གནས་དཔལ་ཨེ་ཝཾ་ཆོས་ལྡན་གྱི་གཙུག་ལག་ཁང་དུ་མི་འཕྲོགས་པའི་མཁྱེན་རབ་དང་དམིགས་པ་མེད་པའི་ཐུགས་རྗེ་ཆེན་པོ་མངའ་ཞིང་བརྟན་མཁས་ཀྱི་ཡོན་ཏན་གཉིས་དང་ལྡན་པའི་གནས་བརྟན་འདུལ་བ་འཛིན་པ་ཆེན་པོ་བཅས་པ་ཕྲ་མོ་ལས་ཀྱང་མི་འདའ་བས་ཚུལ་ཁྲིམས་ཀྱི་དྲི་བསུང་ཕྱོགས་བརྒྱར་ཁྱབ་པས་འཕགས་པ་ཉེ་བ་འཁོར་ས་འདིར་འཕོས་པ་ལྟ་བུ་དོན་གྱི་སླད་དུ་མཚན་ནས་སྨོས་ཏེ་ཐམས་ཅད་མཁྱེན་པ་སྒྲུབ་ཁང་པ་དཔལ་ལྡན་དོན་གྲུབ་ཀྱིས་མཁན་པོ། སྔོན་རྗེ་མངའ་བདག་གི་དུས་རྒྱལ་པོའི་བླ་སྨན་སྟོད་ན་བི་ཇི་ཆེར་རྗེ་འུག་པ་གསུམ། བར་ན་མི་ཉག་བྲང་ཏི་གཡུ་ཐོག་གསུམ། སྨད་ན་གཉའ་དང་མཐའ་བཞི་སྟོང་དང་གསུམ་སྟེ་དགུའི་ནང་ནས་མཆོག་ཏུ་གྱུར་པ་བྲང་ཏིའི་རིགས་ལས་མཁས་བཙུན་གྲུབ་པའི་དབང་ཕྱུག་ཐར་པ་རྩེ་པ་ནམ་མཁའ་སངས་རྒྱས་པས་ལས་ཀྱི་སློབ་དཔོན། དཔལ་ལྡན་ས་སྐྱའི་ཤར་ནུབ་གུང་གསུམ་དུ་གྲགས་པའི་ཤར་པ་རྡོ་རྗེ་འོད་ཟེར། ཐམས་ཅད་མཁྱེན་པ་ཡེ་ཤེས་རྒྱལ་མཚན་སོགས་བསྟན་འཛིན་རིམ་པར་བྱོན་པའི་དབོན་གནས་བརྟན་འདུལ་བ་འཛིན་པ་ཤེས་རབ་འབྱུང་གནས་པས་གསང་སྟེ་སྟོན་པའི་སློབ་དཔོན།དུས་བསྒོ་བ་སྒྲུབ་ཁང་མངའ་རིས་པ་ནམ་མཁའ་དཔལ་ལྡན་སོགས་དད་པའི་དགེ་འདུན་གྲངས་ཚང་བའི་དབུས་སུ་ཆོས་རྗེ་ཐམས་ཅད་མཁྱེན་པ་བུ་སྟོན་རིན་པོ་ཆེའི་ལས་ཆོག་གི་ཕྱག་བཞེས་སླ་ཆོས་དང་རུང་མཐུན་

― GLG008_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱར་བ་ཙམ་མ་ཡིན་པའི་ཕྲ་ཞིབ་ཀྱི་རྒྱུན་བཟང་པོ་མཛད་བཞིན་པའི་སྟེང་ནས་བསྟན་པར་ཞུགས་པ་ཡོངས་སུ་རྫོགས་པ་དགེ་སློང་གི་དངོས་པོ་རྣམ་དག་ཏུ་གྱུར་ནས་ཉེས་ལྟུང་གི་དྲི་མས་མ་གོས་པ་གནས་བརྟན་འདུལ་བ་འཛིན་པ་རྣམས་ཀྱི་མཆོག་ཏུ་གྱུར་ཅིང་འདི་ནས་བཟུང་ཇི་སྲིད་པར་ལུས་ངག་གི་སྡོམ་པ་ལས་ཅུང་ཟད་ཀྱང་མི་གཡོ་བས། ཐམས་ཅད་མཁྱེན་པའི་གསུང་མགུར་ལས། ཐུབ་དབང་དགེ་བའི་བཤེས་གཉེན་ཀུན་དགའ་ལེགས་པའི་ཞབས་ལས། སོ་ཐར་སྡོམ་པ་ཐོབ་པ་ཉམས་སུ་ལེགས་པར་བླངས་ནས། །ཉེས་ལྟུང་དྲི་མས་མ་གོས་ངོ་ལྐོག་མེད་པར་བསྲུངས་པས། །བཙུན་པ་ཚོགས་པའི་ཁྲོད་འདིར་མཁྱེན་བརྩེའི་དབང་ཕྱུག་སྐྱིད་དོ། །ཞེས་གསུངས་པའི་དོན་དང་མཐུན་ནོ། །བླ་མ་དམ་པ་འདི་གསུམ་ལ་ཟབ་རྒྱས་ཀྱི་ཆོས་སྔ་ཕྱིར་གསན་པ་ཆེར་ལོང་ཙམ་འདིར་ཕྱོགས་གཅིག་ཏུ་བསྡོམས་པ་ལ་མཁན་ཆེན་སྒྲུབ་ཁང་པ་དཔལ་ལྡན་དོན་གྲུབ་ཀྱི་དྲུང་དུ་འདུལ་བ་མདོ་རྩ། མེ་ཏོག་ཕྲེང་རྒྱུས། སུམ་བརྒྱ་པ། འགྲེལ་པ་འོད་ལྡན། ཀུན་མཁྱེན་བུའི་ལས་ཆོག །ངོར་དུ་གྲགས་ཆེ་བའི་མདོ་ཆུང་བཅུ་བདུན། རྡོར་གཅོད། སྡུད་པ། སྨན་མདོ་བརྒྱད་བརྒྱ་པ། མཁན་པོའི་མདོ་ཆོག །བྱམས་ཆོས་སྡེ་ལྔ། སྤྱོད་འཇུག་རྣམས་ཀྱི་ལུང་། ཀྱེ་རྡོར་ཌོམྦྷི། མཚོ་སྐྱེས། ནག་པོ་ལུགས། བདག་མེད་ལྷ་མོ་བཅོ་ལྔ། གུར་རིགས་བསྡུས། སམྦུ་ཊིའི་རྡོར་དབྱིངས། བདེ་མཆོག་ལོ་ནག་དྲིལ་གསུམ། འཇིགས་བྱེད་ས་ལུགས་དང་རྭ་ལུགས། སྒྲོལ་མ་ལྷ་བཅུ་བདུན་མ། རིགས་བྱེད་མ་ལྷ་ལྔ། ཕྱག་རྡོར་འཆི་བདག་འཇོམས་པ་

― GLG008_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དབྱངས་ཨ་ར་པ་ཙ་ན་ལྷ་ལྔ། རིགས་གསུམ་སྤྱི། མི་འཁྲུགས་པ་ལྷ་དགུ །ཚེ་དཔག་མེད་ཛེ་ཏཱ་རི་ལུགས་རྣམས་ཀྱི་དབང་དང་དེ་རྣམས་ཀྱི་མངོན་དཀྱིལ་ཁ་ཤས། ཌོམྦྷི་པའི་བདག་མེད་མའི་སྒྲུབ་ཐབས་བདུད་རྩིའི་འོད་སོགས་ཀྱེ་རྡོར་གྱི་རྒྱ་གཞུང་མང་ཙམ། ཇོ་བོའི་ཆོས་ཆུང་བརྒྱ་རྩ། ཐོགས་མེད་བཀའ་འབུམ་རྣམས་ཀྱི་ལུང་། རྗེ་ཐར་པ་རྩེ་བའི་དྲུང་དུ་གསར་མ་རྒྱུད་འབུམ། འཕྲེང་བསྐོར་གསུམ། མངོན་དཀྱིལ་གྱི་ཆོ་ག་ཐར་རྩེ་པཎ་ཆེན་གྱིས་མཛད་པ། སྒྲུབ་ཐབས་རྒྱ་མཚོའི་རྗེས་གནང་ལུང་བཅས། གདོང་དྲུག་གི་དབང་དང་ཡིག་སྣ་ཁ་ཤས། ངོར་ཆེན་གྱིས་མཛད་པའི་མཁའ་འགྲོ་རྒྱ་མཚོའི་ཡིག་སྣ། ཀུན་མཁྱེན་གོ་བོ་རབ་འབྱམས་པའི་བཀའ་འབུམ། གནུབས་ལུགས་སྟག་ཞོན་གཉོས་ཏྲག །ཛམ་དཀར་གསུམ་གྱི་རྗེས་གནང་། རྗེ་ཤར་པ་ཤེར་འབྱུང་བའི་དྲུང་དུ་ཀྱེ་རྡོར་མན་ངག་ལུགས་ཀྱི་རྒྱུ་དབང་། ལམ་དབང་། བདེ་མཆོག་བོང་ཞལ་ཅན་དང་ཚེ་དཔག་མེད་ལྷ་དགུ་གཉིས་ཀྱི་དབང་། དཔའ་བོ་གཅིག་སྒྲུབ་ཀྱི་འཇམ་དབྱངས། ཕ་དམ་པའི་འཇམ་དབྱངས། ཆག་ལུགས་ཚེ་དཔག་མེད་དཀར་པོ། ཀླུ་དབང་རྒྱལ་པོ། ཨུ་ཙ་ཡ། སྨེ་བརྩེགས་ལྗང་ནག །ཁྱུང་ནག །དབྱངས་ཅན་མ་དཀར་དམར། རྣམ་འཇོམས་མཐིང་ཁ། སེང་གདོང་མ་སྔོ་དམར་རྣམས་ཀྱི་རྗེས་གནང་དང་ཡི་གེའི་ལུང་ཁ་ཡར་རྣམས་གསན་ནོ། །གསོལ་བཞིའི་ཆོ་ག་མ་ལ་ཡ་ཀླུང་ནས། །བག་ཡོད་ཁྲིམས་ཀྱི་དྲི་བསུང་རབ་འཐུལ་བའི། །འདུལ་འཛིན་ཙནྡན་སྡོང་པོ་དར་དྲག་པས། །ཕྲ་རྒྱས་ཚ་གདུང་བཅིལ་བའི་ཆོ་ག་མཁན། །རང་

― GLG008_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ཞི་བྱེད་འཕགས་བོད་སྡོམ་པའི་ཆབ། རྩིང་སྤྱོད་དུག་བྲལ་ཉོན་མོངས་ནད་བརྒྱའི་སྨན། །རྒྱལ་ཀུན་དགྱེས་པའི་མཆོད་སྤྲིན་ཐུན་འཚམས་གོས། །འཆང་བའི་ཚུལ་ལ་མི་སྨོན་ཤེས་ལྡན་སུ། །ཐུབ་པས་ལུང་བསྟན་རྗེ་བཙུན་ཨེ་ཝཾ་པའི། །ལུགས་འཛིན་དཀྱིལ་འཁོར་སྤྲོ་བསྡུའི་བྱེད་པོ་འགས། །ངེས་གསང་ཆོས་སྒོ་བརྒྱ་ཕྲག་ཕྱེ་བའི་ཚེ། །ཨཽཌྜི་ཡ་ན་ས་འདིར་འཕོས་པ་བཞིན། །རིམ་གཉིས་ཆང་གིས་མྱོས་པའི་བདེ་སྟོང་ཟུང་། །འཇུག་པའི་མཛའ་མོར་རྩེ་དགས་རྟག་རོལ་ཡང་། །ལུས་ངག་སྡོམ་ལ་ཕྱི་ནང་མེད་བརྩོན་པའི། །རྣམ་འདྲེན་བསྟན་པའི་རྩ་བར་ད་གདོད་འཁུམས། །ཞ་ལུར་ཕེབས། ཆུ་ཕག་གི་དགུན་སྟོད་བར་ཞམ་འབྲིང་དུ་བསྙེན་ཏེ་མཁན་ཆེན་སྒྲུབ་ཁང་པ་བྱོན་པའི་དཔོན་སློབ་གཉིས་ཀར་ཐོས་བསམ་མང་དུ་མཛད། རྡོ་རྗེ་འཆང་དགུང་ལོ་རེ་ལྔར་ཕེབས་ཤིང་དབུས་གཙང་གི་བར་ས་ཁད་འགྱངས་པར་མ་ཟད་འདར་གྱི་མཁན་པོ་གནང་གཤིས་སྐུ་ན་དང་བཅས་འགྲུལ་བསྐྱོད་གནང་སྟབས་མ་བདེ་བའི་མཁན་ཆེན་གཞོན་ནུ་བློ་གྲོས་གྱི་གདུང་ཞུགས་འབུལ་དང་རྟེན་བཞེངས་སོགས་བསླབ་སྟོན་རྒྱས་པར་སྩལ་ནས་དབུས་སུ་བྱོན། ཧོར་ཟླ་བཅུ་གཉིས་པའི་ནང་དུ་རྗེ་བཙུན་གཞོན་ནུ་བློ་གྲོས་ཀྱི་སྐུ་པུར་དགྱེས་མཛད་རྡོ་རྗེའི་དཀྱིལ་འཁོར་ལ་བརྟེན་ནས་བཞུགས་སུ་ཕུལ་བའི་ཚེ་སྔར་ངེད་ཀྱི་བུར་སུ་ལའང་མ་སྟོན་གསུང་བའི་ཞལ་ཆེམས་ཡོད་པ་ལ་དཔགས་གྲྭ་དམངས་ཚོས་གོ་མེད་ཀྱིས་མཛད་དཀའ་ཞུས་དྭོགས་ཚོགས་པ་རྣམས་གདུགས་རོལ་ཆ་སོགས་མཆོད་རྫས་ཀྱི་ཕྱག་མཚན་དང་བཅས་

― GLG008_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་ཆོག་མ་ཚར་བར་གཙུག་ལག་ཁང་ལ་སེར་སྦྲེང་གི་སྐོར་བ་དང་པུར་ཁང་གི་སྟེང་ཐོག་ཏུ་གདུགས་དང་གཡས་གཡོན་དུ་བཀྲ་ཤིས་ཁྲ་རིང་བཏང་ཞིང་སྦྱངས་ཟིན་ནས་ཞག་ཤས་བར་རྒྱས་བཏབ་པ་ཞལ་ཕྱེ་ནས། གདུང་རྟེན་བཞེང་བར་བལ་པོ་མཁས་པ་མི་གྲངས་བཅུ་གཅིག་འབོད་པ་གནང་བའི་གསེར་ཟངས་ཀྱི་རྣམ་རྒྱལ་མཆོད་རྟེན་ཟླ་གཉིས་ཁོངས་སུ་གྲུབ་པར་དྲི་མེད་ཀྱི་སྲོག་ཤིང་འཛུགས་པའི་ཆོ་ག །རིང་བསྲེལ་རྣམ་པ་བཞིའི་གཟུངས་འབུལ་དངོས་གཙང་བ་རྟེན་བཞེངས་སོའི་སྙན་གྲགས་ལྷུར་བླངས་པ་མ་ཡིན་པའི་ཁུངས་བཙུན་པའི་ཡིད་ཆེས་སུ་གྱུར་པར་བཅོམ་ལྡན་འདས་དཔལ་ཀྱེ་རྡོ་རྗེ་མན་ངག་ལུགས་ཀྱི་སྒྲུབ་མཆོད་དང་འབྲེལ་བའི་རབ་གནས་ཀྱི་ཆོ་ག་ཉིན་གཉིས་མའི་སྒོ་ནས་དམ་ཚིག་པ་ལ་ཡེ་ཤེས་ཀྱི་ཚོགས་དངོས་སུ་བཅུག་པས་ལྷ་རྣམས་ཀྱིས་མཆོད་པའི་སླད་དུ་འཇའ་ཚོན་སྣ་ལྔའི་གུར་དང་མེ་ཏོག་གི་ཆར། རྒྱ་སྤོས་བཟང་པོའི་དར་ཀྱིས་སྒྲུན་དུ་མེད་པའི་དྲི་བཟང་པས་ཕྱོགས་ཀུན་ཏུ་ཁྱབ་པ་ངོ་མཚར་བའི་ལྟས་ཡ་མཚན་པ་བྱུང་བ་ནི། རྗེ་བཙུན་བླ་མ་རིམ་པར་བྱོན་པ་མཐའ་དག་ལ་དད་པ་སྔར་མ་སྐྱེས་པ་རྣམས་གསར་དུ་སྐྱེ་ཞིང་། སྐྱེས་པའི་ཚོགས་གོང་འཕེལ་དུ་འགྱུར་བའི་ཐབས་ཁྱད་པར་ཅན་ཏེ། མཁས་མཆོག་དཔའ་བོས། གྲགས་པའི་མཚན་མར་གྱུར་པ་བཟང་པོ་འདི་རྣམས་ཀྱིས། །བདེ་བར་གཤེགས་གྱུར་ལམ་རྣམས་གང་ཡིན་བསྟན་པར་འགྱུར། །ཡིད་ལ་དད་པ་མེད་པ་རྣམས་ཀྱང་དད་པར་བྱེད། །ཆོས་དང་ལྡན་པའི་གཏམ་གྱིས་རབ་ཏུ་དགའ་བར་འགྱུར། །ཞེས་པའི་དོན་དུ་མངོན་ཞིང་། སྡེ་པ་བཀྲ་ཤིས་རྩེ་བས་གསུང་ངག་བརྒྱུད་པའི་ཞལ་ཐང་

― GLG008_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོག་ཚད་མ་སྐྱ་རིས་གྲུབ་ཅིང་ཚོན་འགོ་ཚུགས་ཙམ་ལ་ལུས་པར་ཁ་སྐོང་ཅུང་ཟད་དང་བཅས་གྲངས་སུམ་ཅུ་ཐམ་པ་གོང་གཤམ་ཞལ་ཁེབས་ཏོག་ལྡན་ལེགས་པར་བསྒྲུབས་པར་ཀྱེ་རྡོ་རྗེའི་དཀྱིལ་འཁོར་ལ་བརྟེན་ནས་རབ་ཏུ་གནས་པ་རྒྱས་པར་གནང་། དེ་ནས་གསུང་ངག་བརྒྱུད་པའི་ཞལ་ཐང་གྲ་ཚར་བསྣམས་ཏེ་གཙང་དུ་ཐེགས་པའི་ལམ་ནས་ངོར་དུ་མཁན་ཆེན་དཔལ་ལྡན་དོན་གྲུབ། བྲང་ཏི་པ་ནམ་མཁའ་སངས་རྒྱས། ཤར་པ་ཤེས་རབ་འབྱུང་གནས་གསུམ་དང་མཇལ་ཞིང་བྲིས་ཐང་ལ་ཕྱག་ནས་ཞུ་བ་མཛད། རིམ་གྱིས་འདར་སྟོད་བླ་མའི་གདན་སར་ཕེབས། རྗེ་རྡོ་རྗེ་འཆང་ལ་ཕྱི་ནང་ཕྱག་རྫས་ཡོད་དགུ་ལྟ་བུའི་འབུལ་ཆེན་དང་བཅས་གསུང་ངག་བརྒྱུད་པར་དམ་ཚིག་པ་ལ་ཡེ་ཤེས་པ་འཇུག་པའི་ཕྱག་ནས་ཞུས། དེ་ནས་བདག་ཚེ་དད་སྒྲུབ་པ་མཉམ་པའི་བུག་སྒོ་འདམ་སྦྱར་བྱས་ཆོག་པའི་གསོལ་པ་བཏབ་པར། ཁྱོད་ཀྱི་སྒོམ་སྒྲུབ་གཅིག་པུ་མཛད་པས་ག་ལ་ཁྱབ། ཐོས་བསམ་འཆད་ཉན་བྱ་བ་ལས་ཀྱི་འཁོར་ལོ་སོགས་ཚང་མ་མཛད་ན་བསྟན་འགྲོའི་དོན་རྒྱ་ཆེར་འགྲུབ་ཚུལ་བསླབ་བྱ་ལུང་བསྟན་གྱི་ཚུལ་དུ་གནང་བར་བརྟེན་བླ་མ་དམ་པས་ཇི་ལྟར་བཀའ་སྩལ་བ་བཞིན་སྙིང་སྟོབས་ཀྱི་མཐུ་ཕུལ་དུ་བྱུང་བའི་དམ་བཅའ་བརྟན་པོས་དེ་ལྟར་བསྒྲུབ་པར་ཞལ་གྱིས་བཞེས་སོ། །ཐོས་བསམ་སྒོམ་པའི་ནོར་བུ་གཞོན་ནུའི་དུས། །བློ་གྲོས་གདེངས་ཀའི་རྩེ་མོར་གཟི་འབར་བས། །མཁས་བཙུན་གྲུབ་མཆོག་ཀླུ་ཡི་དབང་པོའི་གདུང་། །རྒྱུད་སྡེའི་དགོངས་པ་ཇི་བཞིན་སྲི་ཞུར་བསྐྲུན། །རབ་མཛེས་ས་ཟླའི་འོད་འཕྲོ་མཆོད་སྡོང་ཆེ། །རབ་ཏུ་བརྩོན་པའི་མཐུ་

― GLG008_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ཉེར་བསྟར་ཚེ། །རབ་འབྱམས་རྒྱལ་ཀུན་བཞུ་བླུགས་ཀྱིས་བསྟིམ་པས། །རབ་ཡངས་མཁའ་ལ་ངོ་མཚར་གཟིགས་མོར་ཆེ། །ཐུགས་གསང་དཔལ་གྱི་བེའུར་དབང་གི་ཆུ། །མ་ནུབ་གཡས་སུ་འཁྱིལ་བ་བརྒྱུད་པའི་འཕྲེང་། །སྣང་སྲིད་རི་མོར་འབྲི་ལ་ཟླ་མེད་པས། །བསྐྲུན་ཚེ་སྒྱུ་མའི་ཁེངས་པ་ཐུང་ངུར་བྱས། །དྲེགས་ལྡན་ལངྐའི་སྟོབས་ལས་མི་འཇིགས་པའི། །རྣམ་དཔྱོད་ཡངས་པའི་ཉག་ཕྲན་རྩལ་ཆེ་ཡང་། །ཡོངས་འཛིན་ར་གྷུའི་བཀའ་ལས་མི་འདའ་བའི། །རྒྱལ་སྲས་སྤྱོད་པའི་ཁུར་ཁྱེར་དགའ་བྱེད་ལྷ། །ཤིང་ཕོ་བྱ་བའི་ལོ་འགྲོ་བའི་བླ་མ་ཤཱཀྱ་སེང་གེས་དཔལ་ལྡན་འབྲས་སྤུངས་ཀྱི་མཆོད་རྟེན་ཆེན་པོར་ཆོས་ཀྱི་རྒྱལ་པོ་ཟླ་བ་བཟང་པོ་ལ་དང་པོའི་སངས་རྒྱས་དུས་ཀྱི་འཁོར་ལོའི་རྩ་བའི་རྒྱུད་སྟོང་ཕྲག་བཅུ་གཉིས་པ་བཀའ་སྩལ་བའི་དུས་ནག་པ་ཟླ་བའི་གཟའ་ཚེས་དུས་སྦྱོར་བཟང་བར་དབུ་བཙུགས་ཟླ་བ་བརྒྱད་ལ་ཉེ་བའི་བར་ལམ་མཐུན་མོང་བ་སྣང་བ་གསུམ་སེམས་བསྐྱེད་ཆེན་མོ། རྒྱུ་དབང་། ལྟ་བ་འཁོར་འདས་དབྱེར་མེད། ཕྱི་སྐྱེད་པའི་རིམ་པའི་འཁྲིད། ལམ་དབང་། ནང་ལུས་ཀྱི་བསྐྱེད་རིམ། ལམ། ལྟ་བ། གྲུབ་མཐའ། འདའ་ཀ་མ། བར་དོ། རྨི་ལམ། སྒྱུ་ལུས། དབང་ཕྱི་མ་གསུམ་གྱི་འཁྲིད། རྡོ་རྗེ་བདག་མེད་མ་ལྷ་བཅོ་ལྔའི་དབང་། ལམ་ཟབ། བིར་སྲུང་ཕྱི་ནང་། སྒྲུབ་པ་ལུང་སྦྱིན་གྱིས་མཐའ་བརྟེན་པ་ལ་དེ་དག་ལ་དགོས་པའི་སོ་སོའི་སྐབས་ཀྱི་རྒྱབ་བརྟེན་ལུང་དང་བཅས་པ་གསུང་ངག་རིན་པོ་ཆེ་སློབ་བཤད་ཚད་མ་བཞི་ལྡན་རྗེས་འབྲང་གི་མཁས་གྲུབ་ཕལ་ཆེར་ལ་མ་གྲགས་པའི་སྙན་ནས་སྙན་དུ་

― GLG008_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་པའི་ཞལ་ཤེས་ཀྱིས་བརྒྱན་ཏེ་རྗེ་བཙུན་དམ་པ་འདི་ཉིད་ཀྱིས་དབུ་མཛད་སྣོད་ལྡན་གྱི་སློབ་མ་ཉི་ཤུ་རྩ་གསུམ་ལ་སྨིན་རྒྱས་སུ་སྩལ་བས་རྗེ་མཁྱེན་བརྩེའི་གསུང་མགུར་ལས། དུས་ད་རེས་དམ་ཆོས་སྒོར་ཞུགས་ཀྱང་། །ཆོས་ཚོགས་བཤད་སྦུན་པས་གཡེངས་པའི་ཚེ། །རྗེ་ཁྱོད་ཀྱི་ཐུགས་ཀྱི་རྒྱ་མཚོ་ལས། །ལམ་ཟབ་མོ་སྙན་བརྒྱུད་རིན་ཅེན་སྩལ། ད་ཁྱེད་ཀྱི་བྱིན་རླབས་ཁོ་ན་ཡིས། །བདག་རྩེ་གཅིག་དམ་ཆོས་སྒྲུབ་འདོད་ཤར། །ཚེ་འདི་ཕྱིར་སྐྱིད་པའི་གཏན་བརླིང་ཁེལ། །ཆོས་ཟབ་ཟབ་གཞན་ལ་སེམས་མ་ཤོར། །དོན་སྙན་བརྒྱུད་གདམས་པའི་བདུད་རྩིས་མྱོས། །ལར་ཤི་ཡང་མི་འགྱོད་གདེངས་ཤིག་ཐོབ། །ཅེས་གསུངས་པ་ལྟར་རོ། །གཞན་ཡང་སྔ་ཕྱིར་ཟབ་ཅིང་རྒྱ་ཆེ་བའི་ཆོས་མཐའ་ཀླས་པ་གསན་པའི་རགས་རིམ་ཙམ་འདིར་བསྡོམས་ཏེ་བརྗོད་ན། དུས་འཁོར། བདེ་མཆོག །མཁའ་འགྲོ་རྒྱ་མཚོ། སངས་རྒྱས་མཉམ་སྦྱོར། ཡང་དག་མར་མེ་དགུ་པ། མ་ཧཱ་མཱ་ཡ། ཕྱག་རྡོར་འཁོར་ཆེན། ཕག་མོ་ལྷ་སོ་བདུན། བཅུ་གསུམ། ལྷ་ལྔ་མ། ཀླུ་སྒྲུབ་ལུགས་ཀྱི་ཕྱག་རྡོར་གཏུམ་ཆེན་ལྷ་ཉེར་གཅིག་པ། གསང་འདུས་འཇམ་རྡོར། དགྲ་ནག་ཞང་ལུགས། གཙུག་ཏོར་དྲི་མེད། འོད་ཟེར་དྲི་མེད། གདུགས་དཀར་ལྷ་ཞེ་གཅིག །རྣམ་འཇོམས་མ་ཎི་ཀ་ལྷ་བཅུ་དགུ །དཀར་པོ་ས་བ་རི་ལུགས་ལྷ་བཅོ་ལྔ། འཆི་མེད་རྔ་སྒྲ། མགོན་པོ་སྔོན་འབྱུང་གི་ལེའུ་ང་གཉིས་པ་ནས་བཤད་པའི་མགོན་པོ་ཞལ་བཞི་ཕྱག་བཅུ་དྲུག་པ་ཡུམ་ལྷ་མོ་བརྒྱད་ཀྱིས་བསྐོར་བ། ཛེ་ཏཱ་རིའི་ཚེ་དཔག་མེད་རྣམས་ཀྱི་དབང་། གཤེད་དམར་ལྷ་ལྔའི་དབང་བྱིན་རླབས་

― GLG008_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོས་མེད་ཀྱི་འཁྲིད། དེ་དང་འབྲེལ་བའི་ཡིག་སྣ། བདེ་མཆོག་དཀར་པོའི་བྱིན་རླབས་དང་འཁྲིད། རྭ་ལུགས་འཇིགས་བྱེད་བཅུ་གསུམ་མ། དཔའ་བོ་གཅིག་པ་ཕྱག་མཚན་གྱིས་བསྐོར་བའི་དབང་། དཔའ་བོ་གཅིག་པའི་རྗེས་གནང་། སྔགས་བཏུ། རྭ་འཁྲིད། རྣལ་འབྱོར་བཞིའི་འཁྲིད། ལས་གཤིན་དཔའ་གཅིག །བཅུ་གསུམ་མ། ཁྲག་མདོག་དམར་པོ། བསེ་བྱ་བཞི་བསྐོར་རྣམས་ཀྱི་རྗེས་གནང་། གྲུབ་རྒྱལ་ལྷ་གཅིག་བུམ་གཅིག །རྟ་མགྲིན་སྐྱེར་སྒང་ལུགས་ཀྱི་བྱིན་རླབས་དང་འབའ་ར་ལུགས་ཀྱི་ཉམས་འཁྲིད། ཆག་ལུགས་ཚེ་དཔག་མེད་དཀར་པོ། འཇམ་དབྱངས་ཨ་ར་པ་ཙ་ན། འཇམ་དཔལ་ཡོན་ཏན་ཡེ་ཤེས་བཟང་པོ། མ་ཏི་ལུགས་ཀྱི་འཇམ་དཀར། འཇམ་ནག །སྐྱེར་སྒང་ལུགས་ཀྱི་ཐུགས་རྗེ་ཆེན་པོ། ཕྱག་རྡོར་ཨུ་ཙཪྻ་མེ་དབང་ཡོད་མེད་གཉིས། འབྱུང་འདུལ་མེ་དབང་ཡོད་མེད་གཉིས། གོས་སྔོན་ཅན། བ་རི་ལུགས་ཀྱི་རྣམ་འཇོམས། རྣམ་རྒྱལ་ལྷ་དགུ །གཙུག་ཏོར་འབར་བ། སྨན་བླ་བདེ་གཤེགས་བདུན། སྣ་ཚོགས་ཡུམ། ཁྱུང་ཁྲ། སོར་འབྲང་། འོད་ཟེར་ཅན་མ། ལོ་མ་གྱོན་མ། མི་གཡོ་བ་སྔོན་པོ། གཏུམ་པོ་དཀར་པོ། སྨེ་བརྩེགས་ལུགས་གཉིས། ཁྲོ་མོ་སྨེ་བརྩེགས། རྟ་མགྲིན་རས་ཆུང་དང་། ཟླ་རྒྱལ་ལུགས་ཀྱི་ལྕགས་རལ་ཅན། སེང་གདོང་མ། སྒྲོལ་དཀར་ཡིད་བཞིན་འཁོར་ལོ། སེང་ལྡེང་ནགས་སྒྲོལ་རྣམས་ཀྱི་རྗེས་གནང་དེ་དང་འབྲེལ་བའི་ཡིག་སྣའི་ལུང་། ནཱ་རོ་མཁའ་སྤྱོད་ཀྱི་བྱིན་རླབས་རྗེ་བཙུན་ཡབ་དང་

― GLG008_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུན་མོང་དང་ཐུན་མོང་མ་ཡིན་པ་རྩ་དབུ་མའི་ཉམས་འཁྲིད། ཨིནྡྲ་མཁའ་སྤྱོད་དང་། མཻ་ཏྲི་མཁའ་སྤྱོད་ཀྱི་བྱིན་རླབས། དེ་རྣམས་ཀྱི་ཆོས་སྐོར་གྱི་ལུང་། རྗེ་བཙུན་རིགས་བྱེད་མའི་ཐུང་མོང་དང་ཐུན་མོང་མ་ཡིན་པའི་རྗེས་གནང་། སིནྡྷུ་ར་ལྷ་ལྔའི་བྱིན་རླབས། ཚོགས་བདག་གི་བྱིན་རླབས་ཐུན་མོང་དང་ཐུན་མོང་མ་ཡིན་པ་ཁྱད་པར་བའི་རྗེས་གནང་། འདོད་རྒྱལ་གྱི་འདོད་པ་ལྷ་དང་གསང་སྔགས་སྒྲའི་རྗེས་གནང་། དམར་ཆུང་སྐོར་གསུམ། གསེར་ཆོས་ཛམ་དམར་དང་བཞིའི་རྗེས་གནང་། དེ་དག་རྣམས་དང་འབྲེལ་པའི་ལས་རབ་འབྱམས་སྐོར་གྱི་ལུང་། གུར་མགོན་གྲི་གུག་ལྷ་ལྔ། ལྷ་བརྒྱད། ལྷ་བཅུ་གཉིས། ལྷ་བཅུ་བདུན། སིནྡྷུ་ར་ལ་བརྟེན་པའི་དབང་། སྒྲུབ་ཐབས་ཀུན་ལས་བཏུས་པའི་མགོན་རྐྱང་། མགོན་པོ་ལྷ་གསུམ་མ། ལྷ་བརྒྱད་མ་དང་། ལྷ་བཅུ་གཉིས་མ་གཉིས་ལ་ཐུན་མོང་དང་ཐུན་མོང་མ་ཡིན་པ་རེ། མགོན་པོ་ཁྲོ་བཅུ། གསང་འཁྲིད། དུད་སོལ་མའི་ཐུན་མོང་དང་ཐུན་མོང་མ་ཡིན་པ། ཟངས་གྲི་ཅན་ཕྱི་ནང་། པུ་ཏྲ་མིང་སྲིད། བྲན་བདུད་གཤིན་རྗེ་ནག་པོ་རྣམས་ཀྱི་རྗེས་གནང་། བྲག་རྫོང་མ་ཕྱི་ནང་གསང་གསུམ། རྩ་གསུམ་འཁོར་ལོ་ལྔ་ལྡན་གྱི་ཉམས་འཁྲིད། མེ་འབར་གླེགས་བམ། ཁ་སྐོང་། གྱི་ལྗང་། སྙན་བརྒྱུད། དུད་སོལ་པོ་ཏི་རྣམས་ཀྱི་ལུང་མགོན་པོ་ཞལ་བསྙེན་པ་སྒྲུབ་དུས་ཐུན་མོང་དང་ཐུན་མོང་མ་ཡིན་པ། གདོང་བརྙན་ཅན། ལས་བཞིའི་མགོན་པོ། གསང་འཁྲིད། ཤི་ས་བསྟན་པ། བྲམ་ཟེའི་མངག་གཏད། ཁྱུང་ཞལ་ཅན། སེང་གེ་ནག་པོ་རྣམས་ཀྱི་རྗེས་

― GLG008_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

གནང་། ཚེ་སྒྲུབ་སྲུང་འཁོར་མ་དང་། རྩ་གསུམ་འཁོར་ལོ་བཞིའི་ཉམས་འཁྲིད། བེའུ་བུམ་ཡོངས་རྫོགས། གནོད་སྦྱིན་བེག་ཙེའི་རྗེས་གནང་དང་ལུང་། ཚར་ཆེན་གྱི་བཀའ་འབུམ། རྣམ་སྲས་སེར་ཆེན་སོགས་རིགས་གསུམ་ཙམ། ཕྱག་བཞི་པ། བེང་དམར། ལེགས་ལྡན་མཆེད་གསུམ། དུར་ཁྲོད་བདག་པོ། དཀར་བདུད། རྡོ་རྗེ་རབ་བརྟན་མ། དམག་ཟོར་མ་རྣམས་ཀྱི་རྗེས་གནང་། བཀའ་བརྒྱད་བདེ་གཤེགས་འདུས་པའི་དབང་ཆེན་ཉང་གི་གཏེར་མའི་དྲག་དམར་རྡོ་རྗེ་སྤྱི་བླུགས་ཀྱི་དབང་དང་ཆོས་སྐོར་ཡོངས་རྫོགས་ཀྱི་ལུང་། གཏེར་མགོན་ཕྱག་བཞི་བའི་དབང་། བཀའ་བརྒྱད་གསང་རྫོགས་ཀྱི་སྒྲུབ་དབང་དང་འགྱོགས་དབང་། ཕུར་པ་སྤུ་གྲིའི་དབང་དང་ཆོས་སྐོར་རྣམས་ཀྱི་ལུང་། འཁོར་བ་དོང་སྤྲུག །ནཱ་ག་རཀྴའི་དབང་། མ་ནིང་དང་བསྟན་མ་བཅུ་གཉིས་ཀྱི་སྲོག་དབང་། ཇོ་མོའི་ཉམས་ལེན་སྐོར་དགུའི་ལུང་། གནུབས་ལུགས་འཆར་ཀ་འཇོམས་བྱེད་འབར་བ་དང་། སྟག་ཞོན་གྱི་དབང་སྟག་པོད་ཀྱི་ལུང་། གྲྭ་པའི་ཛམ་དམར། བྱང་གཏེར་ཐུགས་སྒྲུབ་རྣམ་གསུམ། ཚེ་དཔག་མེད་འཆི་མེད་འོད་སྣང་རྣམས་ཀྱི་དབང་། ཨེ་ཀ་ཛ་ཏཱི། རེ་མ་ཏཱི། ཐང་ལྷ། རྡོར་ལེགས་བཞིའི་སྲོག་དབང་དེ་རྣམས་དང་འབྲེལ་བའི་ཡིག་སྣ་ཐོར་བུའི་ལུང་། པདྨ་དབང་ཆེན་ཡང་གསང་ཁྲོས་པ། རྫོང་ཆུང་ཚེ་དབང་དང་བཅས་པ་རྟ་པོད་ཡོངས་རྫོགས་ཀྱི་དབང་ལུང་། རཏྣ་གླིང་པའི་ཕུར་པ་ཡང་གསང་བླ་མེད་ཀྱི་དབང་། པདྨ་གླིང་པའི་ཚེ་དཔག་མེད་རྡོ་རྗེ་འཕྲེང་

― GLG008_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་དྲག་དམར་གྱི་དབང་ཆེན། རྣམ་སྲས་མདུང་དམར་ཅན། ཕྱག་རྡོར་དྲེགས་འདུལ། འཇམ་དབྱངས་བླ་མའི་རྩ་གསུམ་རྣམས་ཀྱི་དབང་། རིགས་འཛིན་ཡོངས་འདུས་ཀྱི་རྩ་དབང་སྒོས་དབང་དང་ཐོར་བུ། ཚེ་དཔག་མེད་ཡེ་ཤེས་འོད་མཆོག །དྲག་པོ་དབུ་དགུ་རྣམས་ཀྱི་དབང་དང་ཆོས་སྐོར་ཡོངས་རྫོགས་ཀྱི་ལུང་། རིན་ཅེན་གླིང་པའི་ནཱ་ག་རཀྴའི་བྱིན་རླབས། ཨོ་རྒྱན་གླིང་པའི་སྟག་ཞོན་གྱི་དབང་ལུང་ཡོངས་རྫོགས། གསང་འདུས་མི་བསྐྱོད་རྡོ་རྗེའི་རིམ་ལྔའི་ཉམས་འཁྲིད་ཐུགས་རྗེ་ཆེན་པོ་ཚེམ་བུ་ལུགས། བློ་སྦྱོང་དོན་བདུན་མ། སུམ་པ་ལོ་ཙཱ་བའི་བློ་སྦྱོང་རྣམས་ཀྱི་འཁྲིད། རྗེ་ཐང་སྟོང་པའི་ཚེ་དཔག་མེད་དཔལ་སྟེར་གྱི་ཚེ་དབང་སོགས་ཟབ་རྒྱས་ཀྱི་ཆོས་ཇི་སྙེད་པ་གསན་པ་དེ་དག་ཀྱང་གསན་པ་ཙམ་མ་ཡིན་པའི་སྔགས་གསར་རྙིང་། རྒྱུད་སྡེ་ཕྱི་ནང་གིས་གཙོས་པར་སོ་སོའི་ལུགས་ཀྱི་གནད་འགག་མཐའ་དག་ཐུགས་སུ་ཆུད་པར་མཛད། ཁྱད་པར་གསུང་ངག །གསེར་ཆོས་བཅུ་གསུམ། མགོན་པོ་ཆེ་ཆུང་སོགས་འཇམ་མགོན་ས་སྐྱ་པའི་ཡབ་ཆོས་ཐུན་མོང་མ་ཡིན་པ་རྣམས་ཀྱི་ཞལ་ཤེས་མན་ངག་ཡི་གེར་མ་འཁོད་པ་དང་ཡི་གེ་ཙམ་གྱིས་རྟོགས་མི་ནུས་པ་ཐམས་ཅད་ལ་ཕྱག་ལེན་དམར་འཁྲིད་མཛུབ་བཙུགས་སུ་ཞིབ་མོར་དཔྱད་པས་ཐེ་ཚོམ་ཅུང་ཟད་ཀྱང་མི་དགོས་པར་འདི་ནི་འདིའོ་ཞེས་ཐུགས་ཀྱིས་བསྐྱུད་པ་ནི་ནམ་ཡང་མི་མངའ། ཆོས་ཕྱིར་དཀའ་སྤྱད་བྱང་ཆུབ་སེམས་དཔའ་རྟག་ཏུ་ངུའི་རྗེས་སུ་འགྲོ་ཞིང་། ཇི་སྐད་དུ། སྦྲང་རྩི་འཛིན་པ་སྦྲང་རྩིའི་བརྟུལ་ཞུགས་ཅན། །

― GLG008_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྲང་བུ་མིན་པས་སྦྲང་རྩིའི་བཅུད་མ་མྱོང་། །གཞུང་ལུགས་སྨྲ་བ་ཀུན་དགའ་རྒྱལ་མཚན་དཔལ། །བཟང་པོ་མིན་པས་ཤེས་བྱའི་བཅུད་མ་མྱོང་། །ཞེས་འཇམས་དབྱངས་ས་པཎ་གྱི་གསུང་ལྟར་རྗེ་བླ་མ་ལ་སློབ་མ་སྐར་ཚོགས་ལྟར་མང་ན་ཡང་སྙན་བརྒྱུད་གདམས་པ་ཡོངས་སུ་རྫོགས་པའི་ཐུགས་ཀྱི་ཉིང་ཁུ་བུམ་པ་གང་བྱོའི་ཚུལ་དུ་གསན་པ་ནི་བླ་མ་དམ་པ་འདི་ཉིད་དང་། དེ་དང་ཆ་མཐུན་པ་ནི་གླང་ཕུ་ནས་ཆོས་རྗེ་ཙམ་དུ་མངོན། འདར་གྲང་མོ་ཆེར་ཁའུ་བྲག་རྫོང་པའི་ལུགས་སྲོལ་ཐུན་མོང་མ་ཡིན་པའི་ཤིང་རྟའི་སྲོལ་ཕྱེ་ནས་འཛིན་པར་མཛད་པའི་རྗེ་བཙུན་བརྩེ་བ་ཆེན་པོའི་རྣམ་སྤྲུལ་བདག་ཆེན་རྡོ་རྗེ་འཆང་བློ་གྲོས་རྒྱལ་མཚན། གྲུབ་པའི་དབང་ཕྱུག་བྲམ་ཟེ་མཆོག་སྲེད་ཀྱི་ཟློས་གར་རྗེ་བཙུན་རྡོ་རིང་པ་ཆེན་པོ། མཁས་དང་གྲུབ་པའི་དབང་ཕྱུག་སྒོ་རུམ་པ་ཆེན་པོ། མ་བྱོན་སངས་རྒྱས་གསུམ་པ་ཁ་ཆེ་པཎ་ཆེན་གྱི་རྣམ་སྤྲུལ་ཚར་ཆེན་ཆོས་ཀྱི་རྒྱལ་པོ། འཕགས་མཆོག་ཤཱ་རིའི་བུའི་སྒྱུ་འཕྲུལ་རོལ་པ་ཀུན་མཁྱེན་མཁྱེན་བརྩེའི་དབང་ཕྱུག །སྙན་བརྒྱུད་རྒྱ་མཚོའི་དེད་དཔོན་མཁན་ཆེན་བསླབ་གསུམ་རྒྱལ་མཚན། གྲུབ་ཆེན་ཀུ་ཀུ་རི་བའི་ཡང་སྲིད་ཁྱབ་བདག་དབང་ཕྱུག་རབ་བརྟན་རྣམས་ཀྱི་བྲིས་སྐུ་བཞེངས་པ་རྡོ་རྗེ་འཆང་ལ་ཕྱག་ནས་ཞུ་བ་གནང་། མྱུག་བཀྲ་ཤིས་རྒྱལ་ཁང་གི་གཙུག་ལག་ཁང་དུ་ཐམས་ཅད་མཁྱེན་པ་མཁྱེན་བརྩེའི་ཞབས་ཀྱིས་ཞལ་བཀོད་དང་སྦྱིན་བདག་སྡེ་པ་གནས་གསར་བས་མཛད་པའི་གསུང་ངག་བླ་མ་བརྒྱུད་རིམ་སྨན་སྐུ་མདའ་ཚད་མ་ཞེ་མཚུངས་བཞེངས་ནས་བཞུགས་

― GLG008_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དུས་འགྱུར་གྱི་དབང་གིས་ཞ་ལུར་གདན་དྲངས། དེ་ནས་རིམ་གྱིས་ཆོས་འཁོར་ཡང་རྩེར་ཕེབས་པའི་ཁ་སྐོངས་མཁན་ཆེན་བསླབ་གསུམ་རྒྱལ་མཚན། མཐུ་སྟོབས་ཀྱི་དབང་ཕྱུག་བསོད་ནམས་ཆོས་འཕེལ། རྗེ་རྡོ་རྗེ་འཆང་དབང་ཕྱུག་རབ་བརྟན་གསུམ་བཞེངས་ཏེ་གྲང་མོ་ཆེར་ལམ་འབྲས་ལྷ་ཁང་གི་ཞལ་བཀོད་སོགས་བྲིས་འབུར་གྱི་སྐུ་བརྙན་རྣམས་ལ་རྡོ་རྗེ་འཆང་གིས་རབ་ཏུ་གནས་པར་མཛད་དེ་ངོ་མཚར་བའི་ལྟས་དུ་མ་བྱུང་ཞིང་ལྷ་མཆོད་མི་མཆོད་ཀྱི་དགའ་སྟོན་རྒྱ་ཆེར་གནང་། རྗེ་བླ་མའང་དགྱེས་པའི་རྩེར་སོན་ནོ། །དབུས་འགྱུར་མཁས་བཙུན་རྩེར་སོན་ཆོས་སྐྱོང་ཞབས། །བདག་མེད་རྡོ་རྗེ་བཙུན་མོས་རྗེས་བཟུང་མཐུས། །ཚེ་གཅིག་ཟུང་འཇུག་སྐུ་བཞི་མངོན་གྱུར་པས། །གྲུབ་པའི་འཁོར་ལོས་སྒྱུར་བ་བི་རཱུ་པ། །གང་གི་ཐུགས་བཅུད་གསང་ཆེན་དབྱར་སྐྱེས་སྒྲ། །ཐོས་པས་འཕགས་བོད་སྐལ་བཟང་རྨ་བྱ་ཀུན། །བཅུ་གསུམ་རྡོ་རྗེའི་ས་ལ་གྲུབ་པའི་མཐའ། །རབ་སྙོག་མངལ་ཁུར་འཛིན་ལ་གཅིག་ཏུ་བྲེལ། །ཕྱོགས་རེ་ཙམ་མིན་ཐུབ་བསྟན་ཡོངས་རྫོགས་ཆོས། །ཚོགས་སློབ་བཤད་སྲོལ་བཞེད་པ་ཆེས་མང་བའི། །སྙིང་པོའི་ཡང་ཤུན་སྙན་བརྒྱུད་བདུད་རྩིའི་བཅུད། །སྣོད་ལྡན་ལེགས་བྲིས་ལས་གཞན་སྐལ་བ་ཕྲ། །རིན་ཅེན་སྒང་དང་རྒྱལ་ཚ་ལུང་མང་པོའི། །གདུང་རིགས་རིམ་བྱོན་ཞལ་བརྒྱུད་གསེར་གྱི་ཆོས། །མགོན་ཟུང་མན་ངག་མཁའ་འགྲོའི་ཁ་རླངས་ཅན། །འཛིན་ཁྱོད་ཟླ་མེད་ནམ་མཁའི་ཟླ་བ་འདྲ། །རྒྱུད་སྡེའི་ཐིག་ལེ་ཀུན་བསྡུས་ལུང་རྟོགས་བཞིན། །མཐོང་མོད་

― GLG008_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེས་སྒམ་ཚངས་པའི་ཡིད་འཕྲོག་ཚེ། །ལྷ་རྣམས་བ་སྤུ་ལྡང་བར་ཆུན་པོའི་ཐོད། །མེ་ཏོག་འདབ་མ་འཛུམ་དབུས་གེ་སར་རྒོད །ཚོགས་གཉིས་སྡོང་པོ་དར་དྲག་ཨ་མྲའི་ལྗོན། །ཐོས་བསམ་འབྲས་བུའི་རོ་བདའ་སྨིན་པའི་ཞར། །བྱ་བ་ལས་ཀྱི་གྲིབ་མར་སྐྱེ་རྒུ་ཀུན། །བདེ་བའི་ངལ་གསོ་བསོད་ནམས་གཟུགས་ཅན་བཞིན། །དེ་ནས་སླར་བསྟི་གནས་ཡར་ཀླུངས་བཀྲ་ཤིས་རྩེར་ཕེབས། ཆོས་སྡེ་ལྕགས་སྟག་བཏབ་པ་ནས་ལོ་སོ་དྲུག་ལས་མ་སོང་ཡང་བར་སྐབས་སུ་སྡེ་པ་དངོས་གྲུབ་རྡོ་རྗེ་བསམ་སྡིངས་ནས་དབེན་བཅོས་པའི་གྲུབ་མཐའི་འཛིན་སྟངས་གཞན་དུ་གཞོལ་བའི་བསྟན་སེལ་ཆེན་པོའི་རྐྱེན་གྱིས་ཆོག་གྲྭ་སོགས་མང་བ་མ་ཚུགས་པ་ད་ལམ་གཉིས་སུ་མེད་པའི་རྒྱུད་ཀྱེ་རྡོར་མན་ངག་ལུགས། བདག་མེད་ལྷ་མོ་བཅོ་ལྔ། གུར་རིགས་བསྡུས། རྡོ་རྗེ་སྒྲོལ་མ། ཀུ་རུ་ཀུལླེ། ཕ་རྒྱུད་གསང་བ་འདུས་པ་འཕགས་ལུགས་དང་ཡེ་ཤེས་ཞབས་ལུགས། འཇིགས་བྱེད་རྭ་ལུགས། ཕྱག་རྡོར་འཁོར་ཆེན། མ་རྒྱུད་ལོ་ནག་གཉིས། ནཱ་རོ་མཁའ་སྤྱོད། མཁའ་འགྲོ་རྒྱ་མཚོ། སངས་རྒྱས་མཉམ་སྦྱོར། རྡོ་རྗེ་གདན་བཞི། སམྦུ་ཊི། གུར་ལྷ་བརྒྱད། རྣལ་འབྱོར་རྒྱུད། ཀུན་རིག །བྱ་རྒྱུད་རིགས་གསུམ་སྤྱི། མི་འཁྲུགས་པ་ལྷ་དགུ །ཛེ་ཏཱ་རིའི་ཚེ་དཔག་མེད། འོད་ཟེར་ཅན་མ་རྣམས་དཀྱིལ་འཁོར་ལ་བརྟེན་པ། རྣམ་རྒྱལ་སྟོང་མཆོད་རྣམས་ཀྱི་ཆོ་ག་ནག་འགྲོས་སུ་བཀོད་ནས་འཛུགས་པའི་སྟ་གོན་དུ་རྒྱུགས་བཞེས། རྣམ་བཅད་དང་པོ་ས་ཆོག །གཉིས་

― GLG008_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྟ་གོན། གསུམ་པ་སྒྲུབ་མཆོད་དངོས་རྣམས་ལ་དགོས་པའི་གར་ཐིག་དབྱངས་གསུམ་ཕྱག་ལེན་ཆེ་ཕྲ་མཐའ་དག་སྐུ་ངོས་ཀྱི་ཕྱག་ཁྲིད་དུ་མཛད། དཀྱིལ་འཁོར་སོ་སོའི་དབང་ལུང་། རྣམ་རྒྱལ་མའི་རྗེས་གནང་རྣམས་ནས་དབང་ཆ་གྲངས་སུ་བཅད་པར་ཤིན་ཏུ་འགྲུས་ཤིང་དངོས་གཙང་བའི་སྒོ་ནས་རྒྱས་པར་བསྟར། མེ་ཡོས་ཧོར་ཟླ་དང་པོའི་ཆོ་འཕྲུལ་མཆོད་པའི་དུས་ཆོག་གྲྭ་རྣམས་བཙུགས་ཏེ་འཛུགས་སྟོན་དང་བསྙེན་བཀུར་སོགས་ལྷ་མཆོད་མི་མཆོད་ལྷག་པར་རྒྱ་ཆེ་བར་སྤེལ། ལོ་ཕྱི་མ་རྣམས་སུ་རྒྱུན་མི་ཉམས་པར་བྱ་བའི་སླད་དུ་སྒྲུབ་མཆོད་ཐེབས་ཀྱི་མཐུན་རྐྱེན་སྦྱར་བས་མཚོན་གསང་ཆེན་རྡོ་རྗེ་ཐེག་པའི་བསྟན་པ་རིན་པོ་ཆེ་སྲིད་མཐའི་བར་དུ་ཉམས་པ་མེད་པའི་ཐབས་ཚུལ་འདི་ནི། རྒྱལ་བ་གཉིས་པ་བུ་སྟོན་རིན་པོ་ཆེ། བྱམས་པའི་རྣམ་སྤྲུལ་བདག་པོ་ཀུན་བཟང་འཕགས། ཀུན་མཁྱེན་རྡོ་རྗེ་གདན་པ་དང་གསུམ་གྱི་མཛད་པའི་རྗེས་སུ་འཇུག་པའི་ངོ་མཚར་གྱི་གནས་ཆེ་བ་ཞིག་ཏུ་སྣང་། འཕགས་པ་གང་པོས་ཞུས་པའི་མདོ་ལས། བྱང་ཆུབ་སེམས་དཔས་མ་ཐོས་ཆོས། །ཐོས་ན་དོན་དུ་ཚུལ་བསམ་བྱའི། །བདག་གིས་སྔོན་ཆད་མ་ཐོས་ཞེས། །དེ་སྐད་དུ་ནི་སྨྲ་མི་བྱ། །མ་ཐོས་ཆོས་ནི་ཐོས་གྱུར་ན། །ཡང་དག་དྲན་པས་སེམས་བྱེད་ན། །རྒྱ་མཚོར་འབབ་ཆུ་ཤོང་བ་བཞིན། །དེ་ཕྱིར་ཤེས་རབ་འཕེལ་བར་འགྱུར། །ཞེས་དམ་པ་རྣམས་ནི་ཐོས་པས་ནམ་ཡང་མི་ངོམས་པས་སྔོན་ཆད་གསན་བསམ་རྒྱ་ཆེར་མཛད་ནའང་དེ་ཙམ་གྱི་ཁོ་བོས་མང་དུ་ཐོས་སོ་སྙམ་པའི་མངོན་པའི་ང་རྒྱལ་གྱི་ཆོག་ཤེས་ཤིང་འདོད་ཡོན་ལ་སྐོམ་

― GLG008_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བ་ཚའི་ཆུ་བཞིན་ངོམས་པ་མེད་པར་བྱེད་པའི་བཤེས་གཉེན་དུ་རློམས་པ་དུ་མ་དང་ཕྱོགས་ཙམ་ཡང་མི་འདྲ་བར་བོད་འདིར་ཆོས་རྒྱུན་ཡོད་པ་རྣམས་མི་ནུབ་པ་ཐུགས་ལ་བརྣག་པ་ཡང་། རྗེ་མཁྱེན་བརྩེའི་གསུང་མགུར་ལས། སྟེང་ནས་གནམ་རྡེབ་འོག་ནས་ས་རུབ་ཀྱང་། །བོད་འདིར་ཡོད་པའི་ལམ་བཟང་འཁྲུལ་མེད་རྣམས། །མ་ལུས་ལེན་པའི་བརྩོན་འགྲུས་མི་རྩོམ་རི། །ཞེས་པའི་དོན་ལྟར་ཡིན་ཅིང་། འོ་སྐོལ་གྱི་སྟོན་པ་སློབ་པ་ལམ་གྱི་གནས་སྐབས་སུ་ཆོས་ཚིགས་བཅད་གཅིག་གི་ཆེད་དུ་སྐུ་ལུས་ལ་ལྕགས་གཟེར་སྟོང་བཏབ་པ་དང་། རྒྱ་བོད་ཀྱི་པཎ་གྲུབ་མང་པོས་ཆོས་ཕྱིར་ལུས་སྲོག་ཐེད་ལ་བོར་བའི་རྣམ་པར་ཐར་པ་ལ་རྗེས་སུ་འཇུག་པས་རྗེ་རྡོ་རྗེ་འཆང་ལ་ཆོས་འཕྲོ་དོན་དུ་གཉེར་བར་མ་ཟད་སྐུ་ན་སྨིན་པ་ལ་སྲི་ཞུའི་སླད་དུ་ས་འབྲུག་གཙང་ལ་ཆིབས་བསྐྱོད་པའི་ཞར་དུ་རྗེ་མར་པ་ལོ་ཙཱའི་དངོས་སློབ་རྔོག་ཆོས་སྐུ་རྡོ་རྗེ་ནས་བཟུང་མཁས་པ་དང་གྲུབ་པའི་བླ་མ་ཟམ་མ་ཆད་པ་བྱུང་བའི་གདུང་ལས་བྱོན་ཅིང་རིགས་ཙམ་ལྷུར་ལེན་པ་མ་ཡིན་པའི་ཡབ་སྲས་ཆོས་མཐའ་དག་ལ་མཁྱེན་པའི་སྤྱན་ཡངས་པ་རྔོག་སྟོན་འཇམ་དབྱངས་འོད་ཟེར་གྱི་ཞབས་ཀྱི་རྡུལ་དམར་དབུའི་གཙུག་ཏོར་དུ་བསྟེན་ནས། དགྱེས་རྡོར་ལྷ་དགུ །བདག་མེད་ལྷ་མོ་བཅོ་ལྔ། རྡོ་རྗེ་གུར་ལྷ་ཞེ་དགུ །རྣལ་འབྱོར་ནམ་མཁའ་ལྷ་དགུ་བཅུ་རྩ་བདུན། གདན་བཞི་ཡུམ་བཀའ་ལྷ་བཅུ་གསུམ། སྒྱུ་འཕྲུལ་ཆེན་མོ་ལྷ་ལྔ། འཇམ་དཔལ་གསང་ལྡན་ལྷ་ང་གསུམ་མ་སྟེ་རྔོག་དཀྱིལ་བདུན་གྱི་དབང་

― GLG008_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

མན་ངག་གི་ཡི་གེ་འགའ་ཞིག་འཁྲིད་བཅས། མཻ་ཏྲི་པའི་ཕྱག་ཡིག་དགུ་ཕྲུགས་ཀྱི་བྱིན་རླབས། དུད་སོལ་མའི་གསང་སྒྲུབ་ཀྱི་རྗེས་གནང་། གཏེར་སྟོན་ཉི་ཟླ་སངས་རྒྱས་ཀྱི་འཕོ་བ་འཇག་ཆུགས་མ། ཚེ་དཔག་མེད་གྲུབ་རྒྱལ་མའི་བྱིན་རླབས་རྣམས་གསན། རིམ་གྱིས་འདར་དུ་རྡོ་རྗེ་འཆང་གི་ཞབས་དྲུང་དུ་ཕེབས་ནས་དབང་ཆོས་ཅི་རིགས་གསན། ལོ་པ་སྤྱན་སྔ་ཀུན་དགའ་དོན་གྲུབ་དགེ་བའི་བཤེས་གཉེན་སྤྱན་སྔ་ཚུལ་ཁྲིམས་འབར་གྱི་རིགས་དབོན་བཀའ་གདམས་ཀྱི་བསྟན་འཛིན་ཆེན་པོར་མ་ཟད་ཕྱིས་སུ་ཁའུ་བྲག་རྫོང་པའི་བསྟན་སྲོག་མཐུད་པའི་མཁས་གྲུབ་ཀྱི་སྙན་པས་གདན་ས་གོང་འོག་གཉིས་ཀྱི་རིགས་ཀྱི་བདག་པོར་བཞེས་ཏེ། གཙང་ཕྱོགས་སུ་ལན་ཁ་ཡར་ཕེབས་པའི་སྐབས་ཤིག་དམ་པ་འདི་དང་གདན་འཛོམ་ནས་བཀའ་གདམས་ལྷ་བཞིའི་འཁྲིད། སྒྲོལ་དཀར་ཡིད་བཞིན་འཁོར་ལོ། མིའུ་ཐུང་གསོད་བྱེད། ཞང་བློན་དང་བཞིའི་རྗེས་གནང་། དེ་དག་གི་ཡིག་ཆ་ཐོར་བུའི་ལུང་སོགས་ཁ་ཡར་གསན་ཅིང་། སླར་ཡང་བཀའ་གདམས་སོགས་མ་གསན་པའི་རིགས་ལ་ཐུགས་རྩོལ་གནང་བཞེད་ཆེ་ཞིང་ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ་ཡང་སྤྱན་སྔ་རིན་པོ་ཆེར་བཀའ་གདམས་སྐོར་གསན་མ་ཐུབ་པ་ལ་ཐུགས་འགྱོད་ཆེ་ཞིང་ཁོ་བོའང་དེ་ལྟར་སེམས་མོད་ཀྱང་ཡིད་སྲུབས་བརླང་སྤྱོད་ཀྱི་ལྷོངས་ཆེན་པོས་གནས་ངེས་མེད་དུ་གཤེགས་པའི་འོ་བརྒྱལ་བའི་ཆོས་གེགས་སུ་གྱུར་ཏེ་བླ་མ་དམ་པ་རྣམས་ཀྱི་ཐུགས་བཞེད་ཇི་བཞིན་བྱུང་མ་སོང་། ཀུན་མཁྱེན་ཀླུ་སྒྲུབ་རྒྱ་མཚོ་དབྱངས་ཅན་མས་རྗེས་སུ་

― GLG008_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

བཟུང་ནས་ཤེས་བྱའི་གནས་མཐའ་དག་ལ་ཆགས་ཐོགས་མི་མངའ་ཞིང་ཁྱད་པར་གསུང་ངག་རིན་པོ་ཆེ་སློབ་བཤད་ཀྱི་སྐོར་ལ་རྩལ་དུ་བཏོན་པའི་བདག་ཆེན་རྡོ་རྗེ་འཆང་ཡབ་སྲས་ཀྱི་རིང་ལུགས་སྲོལ་འཛིན་བླ་ན་མེད་པ་ཡིན་རུང་། སྐུའི་སྐྱེ་བ་ཀླུ་སྒྲུབ་ཆོས་ཀྱི་རྒྱལ་མཚན་དུ་གྲགས་པ་སྤྲུལ་སྐུ་ཀུན་སྙིང་པར་ཐུགས་དད་དེ་ལོག་པའི་བཤེས་ཀྱི་མཐུས་རང་བསྟན་སྤེལ་བའི་གོང་མའི་རྣམ་ཐར་མ་འཁྱོངས་ཀྱང་མ་ནས་མདོ་སྔགས་ཀྱི་གསན་པ་རྒྱ་ཆེར་མཛད་ཅིང་། ཁྱད་པར་སྤྲུལ་པའི་སྐུ་མངའ་རིས་པ་ཆེན་པོ་དང་ཁྲི་སྲོང་རྣམ་སྤྲུལ་དཔལ་བཀྲ་ཤིས་སྟོབས་རྒྱལ་གྱིས་གཙོས་དམ་པ་དུ་མའི་ཞལ་སློབ། བླ་ཆེན་སྔགས་འཆང་ཚེ་རིང་དབང་པོ་ཡོངས་འཛིན་དུ་བསྟེན་པས་སྔགས་རྙིང་མའི་ཕྱོགས་ལ་གསན་རྒྱ་ཆེ་གཤིས་སྔ་འགྱུར་གཙོ་བོར་བཏོན་པའི་ཟབ་ཆོས་མང་དུ་གསན་པ་ནི་བྱང་གཏེར་རིག་འཛིན་གདུང་སྒྲུབ་ཀྱི་ཆོས་སྐོར། གཏེར་སྟོན་གྱི་རྣམ་ཐར། ཐུགས་སྒྲུབ་དྲག་པོ་རྩལ་གྱི་དབང་ལུང་། རྫོགས་པ་ཆེན་པོ་རང་བྱུང་རང་ཤར་གྱི་ཉམས་འཁྲིད་ལུང་བཅས། བཀའ་བརྒྱད་རང་བྱུང་རང་ཤར་གྱི་ཆོས་སྐོར། ཕུར་པ་ཆེ་མཆོག་དང་དྲག་སྔགས་གཉིས་ཀྱི་དབང་། ལུགས་གསུམ་གའི་ལུང་། ལྷ་ཆེན་སྟོབས་འདུལ་གྱི་ཆོས་སྐོར། སྟག་ཞོན་གྱི་ཆོས་སྐོར་བཀའ་གཏེར། ཞལ་ཆེམས་ལུང་བསྟན་གྱི་སྐོར། རྡོར་ལེགས་ཀྱི་སྲོག་དབང་ལུང་བཅས། གཏེར་སྟོན་བལ་པོ་ཨ་ཧུང་གི་ཛམ་ལ་ནག་པོའི་ཆོས་སྐོར། སྤྲུལ་སྐུ་ཚེ་བརྟན་རྒྱལ་མཚན་གྱི་བླ་མ་རྡོ་རྗེ་འཆང་གི་དབང་ལུང་། ཡང་

― GLG008_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་ཡཀྴ་མེ་དབལ་དབུ་དགུ་ཕྱག་བཅོ་བརྒྱད་པའི་དབང་ལུང་། གཞན་ཡང་ལས་ཕྲན་ཐོར་བུ། ཀུན་སྐྱོང་གླིང་པའི་རྡོར་སེམས་སྙིང་ཏིག་གི་ཆོས་སྐོར། པདྨ་ལས་འབྲེལ་རྩལ་གྱི་མཁའ་འགྲོ་སྙིང་ཏིག་གི་དབང་ལུང་། པདྨ་གླིང་པའི་ཚེ་དཔག་མེད་རྡོར་ཕྲེང་གི་ཆོས་སྐོར་གྱི་ལུང་། ཕྱག་རྡོར་དྲེགས་འདུལ་གྱི་ཆོས་སྐོར། གུ་རུ་དྲག་དམར་ཐེམས་མེད་ཀྱི་སྐོར། རཏྣའི་རྟ་མགྲིན་གསང་འདུས་ཀྱི་ཆོས་སྐོར་ནས་ཐོར་བུ། བསྟན་གཉིས་གླིང་པ་པདྨ་ཚེ་དབང་རྒྱལ་པོའི་འཇམ་དཔལ་གཤིན་རྗེ་དྲག་སྔགས་ཀུན་འདུས་ཀྱི་དབང་ལུང་ལ་སོགས་པས་ཐུགས་རྒྱུད་ཡོངས་སུ་གཏམ། རྗེ་འདི་ཉིད། གླང་ཕུ་ཆོས་རྗེ། ཞ་ལུ་མཁན་རིན་པོ་ཆེ་གསུམ་ཞ་ལུ་རི་ཕུག་དང་འདར་དུ་སྔ་ཕྱིར་རྡོ་རྗེས་འཆང་གི་སྐུ་ཞབས་སུ་ཆབས་ཅིག་པར་བཞུགས་ནས་དམ་པའི་ཆོས་ཀྱི་གསན་བསམ་རྒྱ་ཆེར་མཛད་པའི་དུས་ཁྱེད་གསུམ་རྡོ་རྗེའི་མཆེད་པོ་ཟླ་མེད་པ་ཡིན་པས་དབོན་གྱིས་ས་ལུགས། གླང་ཕུ་རྗེ་དྲུང་གིས་རྙིང་ལུགས། སྨན་ཁང་ནས་ཀྱིས་བུ་ལུགས་རྣམས་གཙོ་བོར་བཏོན་པའི་ཐོས་བསམ་བྱས་པ་སོགས་ཆོས་རྒྱུན་གཅིག་ལ་མེད་པ་རྣམས་གཅིག་གིས་བསབས་པའི་ཉན་བཤད་བྱེད་དགོས་ཞེས་གསུངས་པ་ལྟར་གླང་ཕུ་ནས་ཆོས་རྗེ་རིན་པོ་ཆེ་འཇམ་དབྱངས་ཆོས་སྐྱོང་དབང་ཕྱུག་ཞལ་ངོ་གོང་མ་རྣམས་ཀྱི་དུས་ནས་ཁའུ་སྐྱེས་ལྷས་པའི་རིང་ལུགས་ལ་དབང་རྣོན་ཆོས་རྗེས་འབྲང་བའི་དད་པ་བརྟན་པོས་སྦྱིན་བདག་ལྷུར་ལེན་པའི་རྒྱུན་དང་ཆོས་རྗེ་ཉིད་ས་སྐྱ་པའི་བསྟན་འཛིན་ཆེན་པོ་འགྲན་ཟླ་མེད་པས་ཆོས་གསན་པའི་ཡུལ་དུ་གྱུར་པ་ནས་ཐོག་མར་ཆོས་འབྲེལ་ཅི་རིགས་གསན་ཅིང་རྟིང་སོར་གསན་པ་

― GLG008_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

རགས་རིམ་སྨོས་ན་བླ་མ་དགོངས་འདུས་ཀྱི་ཆོས་སྐོར་ནས་ཉེར་མཁོ་དང་ཀརྨ་གླིང་པའི་ཞི་ཁྲོ་དགོངས་པ་རང་གྲོལ་ནས་ཐོར་བུའི་ལུང་། བསྟན་གཉིས་གླིང་པའི་རྫོགས་ཆེན་ཀློང་གསལ་སྙན་བརྒྱུད་ཀྱི་ཆོས་སྐོར། འོད་གསལ་ཐིག་ལེ་ཉག་གཅིག་གི་ཆོས་སྐོར། ཕག་མོ་ཟབ་རྒྱའི་ཆོས་སྐོར། དཔྱལ་ཕུར་གྱི་དབང་ལུང་། ཀློང་ཆེན་པའི་བླ་མ་ཡང་ཏིག་དང་ཟབ་མོ་ཡང་ཏིག་གཉིས་ཀྱི་ལུང་སོགས་མང་དུ་གསན། རྗེ་བཙུན་རྡོ་རྗེ་འཛིན་པ་ཆེན་པོ་བྱང་གླིང་བཀྲ་ཤིས་རྒྱལ་མཚན་དཔལ་བཟང་པོའི་ཡང་སྲིད་ཞ་ལུ་མཁན་ཆེན་རིན་ཅེན་བསོད་ནམས་མཆོག་གྲུབ་ལ་རྗེ་བླ་མས་ཚིག་བཀྲའི་ཁྱད་ནས་ཕུན་ཚོགས་དངོས་གྲུབ་མའི་ལུང་ཞུས་ཕེབས་པ་ལྟར་དང་རྡོར་དབྱིངས་ཀྱི་དབང་གསན་ཅིང་རྗེས་སོར་རིམ་གྱིས་ཐུགས་རྩོལ་གནང་བར་འཁོར་ལོ་སྡོམ་ཆེན་། བདེ་མཆོག །པདྨ་དྲ་བ། དྲིལ་བུ་ལྷ་ལྔ། ཆོས་དབྱིངས་གསུང་དབང་། དཔལ་མཆོག་རྡོར་སེམས། མི་འཁྲུགས་པ་ལྷ་བཅུ་གསུམ། ཕྱག་རྡོར་འཆི་བདག་འཇོམས་པ། ཤཱཀྱ་སེང་གེ་གཙུག་ཏོར་དགུ་པ། རྣམ་སྣང་མངོན་བྱང་། ཕྱག་རྡོར་འགྲོ་བཟད་དང་བཅས་པའི་དབང་། རྣམ་སྲས་བཀའ་མི་འདྲ་བ་བཅོ་ལྔ། ཛམ་ལ་དམར་པོ་སོགས་རྗེས་གནང་དང་ལུང་གི་རིགས་ཁ་ཡར་གསན། རྗེ་རྡོ་རྗེ་འཆང་དགུང་ལོ་ཕེབས་པར་མ་ཟད་སྐུ་གཅོང་གིས་མ་ལྕོགས་པའི་གཙང་སྡེ་སྲིད་དུ་དགོངས་ཁྲོལ་ཞུ་བ་མཛད་པ་གྲྭ་རིགས་སྦྱིན་བདག་གི་འདོད་སྦྱར་བཞིན་དབོན་རིན་པོ་ཆེ་ནང་བསྐོས་ཀྱི་བཅའ་གཞི་ཤར་བ་དཀར་པོ་ཞེས་པ་ས་སྦྲུལ་གྱི་ལོའི་དུས་ཚེས་དགེ་བར་རྒྱལ་བ་ཀུན་

― GLG008_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་ཚར་ཆེན་ཆོས་ཀྱི་རྒྱལ་པོའི་སློབ་བཤད་འཇིགས་མེད་སེང་གེའི་རྒྱུད་ཀྱི་ང་རོ་སྒྲོག་པའི་ཆོས་ཀྱི་ཁྲི་ཆེན་པོར་གདན་ས་གོང་དང་གཞིས་ཀ་རྩེ་ནས་བསྐོ་འཇའི་གནང་སྐྱེས་འདར་ནས་སོགས་སྦྱིན་བདག་གྲྭ་རིགས་རྣམས་ཀྱིས་འབུལ་འགྱེད་ཚ་རའི་ཐོག་རྡོ་རྗེ་འཛིན་པ་ཆེན་པོ་དབང་ཕྱུག་རབ་བརྟན་གྱིས་བཀྲ་ཤིས་མེ་ཏོག་གི་ཆར་ཆེན་པོ་ཕབ་ནས་མངའ་གསོལ་ལོ། །ལྕགས་མོ་ལུག་གི་ལོ་ལ་སྟོད་ལྷོ་ནས་སྤྲུལ་སྐུ་འཇམ་དབྱངས་པ་ཞེས་པར་ཐོགས་དབང་པོ་སྨན་ཐང་པའི་སློབ་རྒྱུན་མཁས་པ་ཞིག་བཀུག་ནས་ཐམས་ཅད་མཁྱེན་པའི་རྣམ་ཐར་ཞིང་བཀོད་ཐང་ཁ་གསུམ་ལ་ཚང་བ་དེ་ཞོར་དུ་གུར་མགོན། དུད་སོལ་མ། ལས་གཤིན་གསུམ་གྱི་སྐུ་བརྙན་བཞེངས་ཏེ་རྡོ་རྗེ་འཆང་ལ་རབ་གནས་ཞུ་བ་མཛད་པ་བྲིས་བཀོད་ཕུན་སུམ་ཚོགས་པ་བྱུང་ཞེས་དགྱེས་པའི་རྩེར་སོན་འདི་གྲས་ལྕགས་སྟག་ལོ་སྐྱིད་ཤོད་གུང་ཐང་དུ་བཞུགས་ཡུལ་གནང་སྐབས། གཉན་མགོན་ཞལ་བཞི་པ་དང་གནོད་སྦྱིན་བེག་ཙེ་ལྕམ་དྲལ་གཉིས་ཟུར་ཀུན་མཁྱེན་ཆེན་པོས་ཕྱག་བྲིས་གནང་ཞིང་བེག་ཙེའི་སྐྱ་བྲིས་ཀྱི་དུས་ཟུར་ཆེན་གྱི་འོད་གསལ་དུ་དུར་ཁྲོད་སོགས་ཀྱི་བཀོད་པ་སྣ་ཚོགས་བྱུང་བ་མུས་སྲད་པའི་ཐང་རྙིང་ཁུངས་བཙུན་ཞིག་གཟིགས་འདུག་པ་དེ་ཁོ་ན་ལྟར་སྣང་ཞེས་ཐུགས་ངེས་མཛད། ཆུ་ཕོ་སྤྲེལ་ལོ་གསོལ་འདེབས་གནང་བས་རྡོ་རྗེ་འཕྲེང་བའི་དབང་བསྐུར་བར་ཞལ་གྱིས་འཆེས་སྐབས་གདན་ས་འོག་གི་བདག་ཆེན་ཁྲི་ཐོག་པ་འཇམ་དབྱངས་ཀུན་དགའ་བསོད་ནམས་ལྷུན་གྲུབ་བཀྲ་ཤིས་གྲགས་པ་རྒྱལ་མཚན་དཔལ་བཟང་པོའི་དྲུང་དུ་མཁན་རིན་པོ་ཆེ་ངག་དབང་ཆོས་གྲགས་ཀྱིས་ཕྲེང་བ་གསན་པའི་

― GLG008_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཚུལ་བྱུང་བར་བརྟེན་བདག་རྒན་པོའི་དགེ་སྦྱོར་བཅག་པ་ལས་རིན་པོ་ཆེ་བ་སྐུ་ན་གཞོན་ཞིང་མཁྱེན་པའི་ཀློང་ཡངས་པས་དེར་ཞུས་ཤིག་པའི་སྐབས་དབྱེ་བ་བཀའ་བཞིན་སྒྲུབ་པའི་ཆེད་དུ་གྲང་མོ་ཆེའི་གཙང་པོ་བྱང་ཁ་བླ་བྲང་རྫོང་དུ་ཡོངས་རྫོགས་གནས་ལྔ་རིགས་པའི་པཎྜི་ཏ་ཆེན་པོ་ཐམས་ཅད་མཁྱེན་པ་ངག་དབང་ཆོས་ཀྱི་གྲགས་པའི་ཞབས་དྲུང་ཉེ་བར་བསྙེན་ཏེ་རྗེ་བཙུན་རྡོ་རྗེ་བཙུན་མོའི་གནང་བ་ཐོབ་པར་བརྟེན་ནས་སློབ་དཔོན་འཇིགས་མེད་འབྱུང་གནས་ཞབས་ཀྱིས་རྒྱུད་སྡེ་བཞིའི་དཀྱིལ་འཁོར་མཐའ་དག་སྤྱི་བཀའི་ཚུལ་དུ་དགོངས་པ་བཀྲལ་བ་ཕྲེང་བ་སྐོར་གསུམ་མཛད་པ་དང་ཕྱོགས་མཚུངས་པར་སློབ་དཔོན་ཆེན་པོ་དཪྦན་ཨཱ་ཙཪྻས་ཀྲྀ་ཡས་མུཉྩ་མཛད་པ་གཉིས་ཀྱི་དབང་གི་ཆུ་བོ་ས་བཟང་འཕགས་པ་ནས་གཅིག་ཏུ་འདྲེས་པ་རྡོ་རྗེ་འཆང་ཨེ་ཝཾ་པ་ཀུན་དགའ་བཟང་པོ་བརྒྱུད་པར་བཅས་པའི་ཕྱག་བཞེས་ཉམས་པ་མེད་པ་ཕྲེང་བ་ཞེ་ལྔ་མའི་དབང་། ཀུན་རིག་དང་བསྲུང་བ་ལྔའི་དབང་། ས་སྐྱ་པ་ཆེན་པོ་དང་སློབ་དཔོན་རིན་པོ་ཆེའི་བཀའ་འབུམ། གླང་རི་ཐང་པས་མཛད་པའི་བློ་སྦྱོང་གི་རྩ་བ་རིན་པོ་ཆེ་རྟ་ར་བའི་རྣམ་ཐར་སྔགས་འཆང་ཉིད་ཀྱིས་མཛད་པ་སོགས་སྔ་ཕྱིར་ཆོས་མང་དུ་གསན་ནོ། །གྲངས་མེད་འགྲོ་ངོར་གཅིག་ལ་དུ་མའི་གར། །སྣང་ཚུལ་རྒྱུད་སྡེ་བཞི་ཡི་ལྷར་ཤར་འགའ། །ལོ་པཎ་བཞེད་པ་མ་ནོར་སྒྲུབ་མཆོད་སྲོལ། །ལེགས་བཏོད་སྙིང་པོའི་རིང་ལུགས་སྲོག་གི་ཟུངས། །ཕག་མོའི་བྱིན་རླབས་ཙམ་ལ་དབང་བསྐུར་དུ། །རེ་བའི་དུག་བྲལ་ནཱ་རོ་མཻ་ཏྲི་ཡི། །བཞེད་གཞུང་སྨན་གྱི་ཆུ་བོ་ཨརྒའི་རྒྱུན། །སྦྲེང་བའི་རྔོག་སྟོན་ཨ་ག་སྟྱ་ཡི་སྤུན། །འགྲོ་ཀུན་བདེ་བའི་དགའ་

― GLG008_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་ལ་སྦྱར་ནས། །འདི་ཕྱིའི་དོན་གཉིས་ཡོངས་གྲུབ་བཀའ་གདམས་ཀྱི། །ཟབ་ཆོས་ཇོ་འབྲོམ་ཉིང་ཁུ་ལྷ་བཞིའི་ཁྲིད། ཁྱོད་ཐུགས་རིན་ཅེན་ཟ་མ་ཏོག་ཏུ་བསྐྱིལ། །ཀླུ་སྒྲུབ་སྙན་གྲགས་གཡུ་དམར་འདབ་འཕྲེང་རྒྱན། །སྒྲ་འཛིན་མུན་པའི་མལ་ནས་སློང་བ་ལ། །བལྟོས་མིན་སྔ་འགྱུར་སྒྲོན་མེ་ལམ་བཟང་གཟུགས། །གཟིགས་ལ་དགྱེས་པའི་ཞལ་འཛུམ་ཚར་དུ་དངར། །འཇམ་དབྱངས་འཁོན་སྟོན་ཆོས་ཚུལ་ཀུནྡའི་ཚལ། །སྐྱོང་ལ་ཐོས་བསམ་སྒོམ་པར་དབང་ཕྱུག་ཟླས། །མགོན་ཁྱོད་མཉེས་བྱེད་ཐེག་མཆོག་མཆོད་པའི་སྤྲིན། །ཀུན་བཟང་རྣམ་པར་ཐར་དེ་ངལ་གསོར་འགྱུར། །མཐའ་ཀླས་རྒྱུད་སྡེ་རྒྱ་མཚོའི་བང་མཛོད་སྒོ། །རྣམ་དཔྱོད་ཡངས་པའི་ལྡེ་མིག་འཕྲུལ་པོ་ཆེས། །འབྱེད་ལ་ཕུར་བུའི་བློར་འགྲན་ཞ་ལུ་པས། །བཞེད་པའི་རེ་བཀང་ཡོངས་འདུ་ས་བརྟོལ་བཞིན། །ཚོགས་བཤད་གཅན་གཟན་དྲེགས་པའི་ངར་སྐད་ལྟར། །རབ་གནོན་སློབ་བུ་མཆོག་ལ་གདམས་བྱའི་འཁྲིད། །འཇིགས་མེད་སེང་གེའི་ང་རོ་སྒྲོག་པའི་འཁྲིད། །ཕྱོགས་བཅུའི་རྒྱལ་བས་དབང་བསྐུར་ལེགས་སོ་བྱིན། །ངག་གི་དབང་ཕྱུག་དབྱངས་ཅན་ངང་མོ་དཀར། །རབ་འབྱམས་མཁྱེན་པའི་ཐུགས་མཚོར་རྟག་རོལ་བས། །ཆོས་ཕུང་མགྲིན་པའི་དྲིལ་ཆུང་སྒྲོག་པའི་གླུ། །ལེན་པའི་གྲགས་སྙན་སྲིད་པའི་རྩེ་ལས་བརྒལ། །མཐའ་ཡས་འགྲོ་ཁམས་དང་འཚམ་ཐུབ་གསུང་དོན། །འཆད་མཁས་གཏམ་གྱི་སྦྱོར་བ་ལག་པའི་རྗེས། །གཙུག་ལག་བྱེ་བའི་རྩིག་པར་ལེགས་བཞག་པའི། །རི་མོ་མིག་གསུམ་པས་ཀྱང་དབྱེ་ནུས་མིན། །རིན་ཅེན་སྒང་པའི་གདུང་བརྒྱུད་རིམ་བྱོན་གྱི། །རང་བསྟན་ས་ཆེན་གྱེན་དུ་རབ་བཏེག་པའི། །སྙིང་སྟོབས་ཁྱབ་འཇུག་ཁེངས་འཕྲོག་ཡོངས་འཛིན་འདིས། །ཡབ་རྗེ་བླ་མའི་བཞེད་པ་ཅི་ཡང་བཀང་། །

― GLG008_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་རྡོ་རྗེ་འཆང་གཞན་སྣང་དུ་སྐུ་ན་ཆེར་སྨིན་ཅིང་སྤྱན་མི་གསལ་བ་སོགས་ནས་དཔལ་དཱི་པཾ་ཀཱ་ར་ཤྲཱི་ཛྙཱ་ན་དང་འབྲོམ་སྟོན་ཆོས་ཀྱི་རྒྱལ་པོ་དཔོན་སློབ་ཀྱི་རྣམ་ཐར་བཞིན་ཡར་ཀླུངས་བཀྲ་ཤིས་ཆོས་སྡེར་ཕེབས་དགོས་སོགས་ཐུགས་བྲེལ་གཞན་རྣམས་ཁྱད་དུ་བསད་དེ། བླ་མའི་སྲི་ཞུའི་ཞམ་འབྲིང་ལ་གལ་ཆེ་བར་དགོངས་ནས་བཅར་བཞུགས་གནང་བའི་ལོ་སྔོན་མ་རྣམས་སུ་རྡོ་རྗེ་འཆང་གཞན་དོན་དུ་གཤེགས་གྲབས་ཁ་ཡར་བྱུང་བར་རྗེ་འདི་ཉིད་ཀྱིས་གསོལ་འདེབས་བརྟན་བཞུགས་གནང་བས་ཞལ་ངོ་མ་བཟློག་པར་བཞུགས་ཤིང་ཁྱད་པར་ཕ་དམ་པ་ལུགས་ཀྱི་འཆི་མེད་མགོན་པོའི་སྒོ་ནས་བརྟན་བཞུགས་འབུལ་བ་གནང་བས་ཚེ་གཏོར་དགུ་འདྲེན་སྒང་ལ་བདུད་རྩིར་ཞུ་བ་སོགས་རྟགས་མཚན་ལེགས་པར་བྱུང་། ཆོས་སྡེའི་གྲྭ་པ་འཕྱོས་པ་འཕྲིན་ལས་རྒྱ་མཚོ་ཟེར་བ་ཞིག་ལ་སེམས་སྐྱོན་མ་ཆགས་རུང་རྗེ་བཀའ་འགྱུར་པ་དབུས་ལ་ཕེབས་པར་ཡིད་གདུངས་ནས་རྡོ་རྗེ་འཆང་ལ་ད་ཆ་རྡོའི་ངོས་རང་ཡིན་འདུག་ཡང་ན་ནི་སྐུ་ཁམས་གཞི་མེད་དུ་གདངས་ན་ལེགས་ཤིང་། དེ་མིན་ཞིང་གཞན་གཤེགས་ན་ཞེས་གླེང་མོ་བཏང་བ་བྱམས་པས་སྙན་དུ་གསོལ་པ་ན་ཁོ་བདེན་དཔོན་དྲུང་གིས་ནན་ཆགས་གསུངས་པ་མ་བཟློག་པར་བསྡད་པ་མ་གཏོགས་སྡོད་འདོད་ཀྱང་མེད་ཅིང་གཞན་དོན་མི་ནུས་པའི་ལུས་འདི་དེ་ག་རང་དུ་འདུག་གསུང་ཆུ་བྱ་ཚེས་བཅུ་ཞིག་ལ་རྗེ་བླ་མ་ཕྱི་རོལ་ཏུ་མངོན་པའི་སྙུན་སོགས་ཡེ་མེད་པའི་ངང་ནས་དྲུང་ཆེན་བྱམས་པ་བསྟན་འཛིན་པར་ཁོ་བོ་འགྲོ་བ་ཡིན་ཚུལ་གསུངས་པ་བྱམས་པས་རྗེ་ཉིད་ལ་ཞུས་པར་བརྟེན་དྲུང་དུ་ཕེབས་ཤིང་ནན་ཏར་གསོལ་འདེབས་གནང་བས་ཞལ་གྱིས་བཞེས་ཏེ་སྐུ་ཚེ་བྱིན་གྱིས་

― GLG008_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

བརླབས་ནས་ལོ་གསུམ་བཞུགས་པའི་བར་མཚམས་སུ་སྐུ་ཅུང་ཟད་དྭངས་སྐབས་ཚོར་དབང་རྗེས་གནང་འཁྲིད་ཀྱི་རིགས་འགའ་གསན་ཅིང་། རྭ་པོད། དཔལ་འཛིན་པོད་ཆུང་གིས་མཚོན་པའི་ལུང་དུ་མ་སྤྱན་ཆབ་བཅུག་ནས་གནང་། སྙན་བརྒྱུད་ཞལ་བཞེས་གལ་ཆེ་བའི་རིགས་སོགས་ཆོས་ཀྱི་འཁོར་ལོ་བསྐོར་བཞིན་པར་བཞུགས། འཇམ་དབྱངས་རྡོ་རྗེས་དགེ་སློང་རབ་འཛིན་བསད་པའི་རྐྱེན་གྱིས་རྗེ་བཙུན་བཀའ་འགྱུར་བ་ཤིང་ཕག་ཧོར་ཟླ་བཅུ་གཅིག་པའི་ནང་དུ་དགོན་པའི་དོན་སྐོར་ལ་གཞིས་ཀ་རྩེར་ཕེབས་དེ་དུས་ཡར་འབྲོག་ཏུ་སོག་པོ་ཨ་ས་ལང་གི་དམག་རྒྱུགས་པས་དབུས་གཙང་ཐམས་ཅད་ཟི་ཆོད་དེ་བའི་སྐབས་དང་འགྲིག་པའི་གཙང་སྡེ་སྲིད་ནས་སོག་བཟློག་ལ་དམིགས་པའི་སྐུ་རིམ་གནང་དགོས་ཚུལ་ཕེབས་པ་ལྟར་མགོན་པོ་ཁྲོ་བཅུའི་གཏོར་བཟློག་མཛད། རྫོང་གི་གཏོར་རྒྱག་པ་ཕལ་ཆེར་འཆམས་སོགས་སྤྲོས་བཅས་ལྷུར་ལེན་ཅིང་གཟིགས་མོའི་ཁྱད་ཀྱིས་ཆོ་ག་རྫོགས་མ་རྫོགས་ལ་མི་བལྟོས་པར་གཅིག་རྗེས་སུ་གཅིག་འདོན་པ་ཞིག་ཡོད་འདུག་པ་དྲུང་ཡིག་བདེ་རྒྱས་པ་འོངས་ནས་དོན་དགོས་ཚུལ་དང་འཆམས་སོགས་ཇི་ཙམ་ཡོད་ཀྱི་དྲི་བ་བྱུང་བར་རྡོ་རྗེ་སློབ་དཔོན་གྱི་ཆས་ཞུགས་ཙམ་ལས་འཆམས་བྱེད་ཀྱིན་མེད་ཆོ་གའང་ཉིན་འཚམས་ལས་མི་གྲུབ་འདུག་གསུངས་པས་གཞན་ཚོའི་པད་ལས་དང་མ་མཐུན་པས་དགོངས་པ་ལ་འཐད་རྒྱུ་རང་མ་བྱུང་འདུག །འོན་ཀྱང་ཆོས་སྐྱོང་བྲན་དུ་འཁོལ་བའི་སྙན་གྲགས་ལ་བརྟེན་མཐོངས་ལྕགས་རྫོང་དུ་སྐུ་རིམ་ལ་རྫོང་བདའ་གནང་བའི་ཕེབས་ཞོར་ནང་སོ་དགེ་འདུན་རྒྱ་མཚོའི་ཇོ་ཇོ་ཐར་པའི་གཉེར་པས་གདན་དྲངས་ཀུན་མཁྱེན་དཔྱལ་བའི་གདན་ས་ཐར་པ་དགོན་གྱི་རྟེན་བརྟེན་པ་རྣམས་ཞིབ་མཇལ་

― GLG008_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཚེ་སྟག་ཞོན་ཡབ་ཡུམ་གྱི་འཆམས་སྐུའི་ཞལ་རས་ལས་བདུད་རྩི་བབས། ལོ་ལོ་བཞིན་ཚོགས་བརྒྱའི་དུས་འཆམས་སྐུ་ཕྱིར་འདོན་ཁར་སྣུམ་ཕྱིས་སོགས་བྱེད་དགོས་པ་ལ་དེ་ནས་ལོ་ཤས་དགོས་པ་མ་བྱུང་ཟེར། འདར་དུ་ཡུལ་སར་ནང་པར་བྱོན་པའི་སྟག་སྣ་ནང་པའི་སྲས་མོ་ཚར་ཆེན་ཆོས་ཀྱི་རྒྱལ་པོའི་སྣང་དཔོན་བྱང་སེམས་ལགས་ཀྱིས་རྡོ་རྗེ་འཆང་གི་དྲུང་དུ་མཆི་མ་དང་བཅས་མཐོང་ལྕགས་རྫོང་ཤིན་ཏུ་གཉན་པ་ཡོད་འདུག་པས་སྲུང་འཁོར་གནང་དགོས་ཞུས་པས་དེ་ལྟ་བུ་བསམས་པ་དགའ་རབ་ཡིན། དཔོན་རིན་པོ་ཆེ་གཞན་དང་མི་འདྲ་བས་སྐྱོན་མི་ཡོང་གསུངས། མཐོངས་ལྕགས་རྫོང་བདག་ཆེན་རྡོ་རྗེ་འཆང་གི་སྙན་སྒྲུབ་ལས་སྦྱོར་གནང་ས་གསང་བའི་མགོན་ཁང་བོད་ཡུལ་ན་གཉན་པ་དེར་ལས་སྦྱོར་གྱི་བཅའ་གཞི་རྣམས་ཀྱང་ཤིན་ཏུ་འགྲིག་པ་ནས་གསང་བ་ཡིད་བཞིན་ནོར་བུ་ནས་བཤད་པ་ལྟར་གྱི་མངོན་སྤྱོད་རྒྱས་པར་གནང་སྐབས་བདག་ཆེན་རིན་པོ་ཆེའི་གསོལཕོད་རེ་ནག་དང་དབུ་ཞྭ་ཡང་མཆོད་ཅིང་རྫས་ལ་རྟ་དང་བྱ་རོག་གི་སྙིང་དགོས་པ་ཆེད་དུ་གསོད་པ་མ་འགབ་པའི་རྙེད་དཀའ་ཚེ་མགོན་ཁང་སྟེང་གི་ནམ་མཁར་བྱ་རོག་སྡེར་འཛིངས་བྱས་པས་གཅིག་ཤི་ནས་ལྷུང་བ་དང་རྒྱལ་རྩེའི་ལྟག་ཏུ་མི་ཞིག་གི་རྟ་ནག་ལ་གློ་བུར་དུ་བཙན་རྒྱབ་སྟེ་འབད་མེད་དུ་རྙེད་གདབ་ལས་ཀྱི་དུས་ཤ་ཚིལ་དྲི་ཆེན་སྤོས་སོགས་ཀྱི་དྲི་ངེས་མེད་བསྲེག་མཁན་མེད་པར་འཐུལ་བ་དང་མགོན་ཁང་མདོའི་བར་འཁྱམས་སུ་སྐད་ངན་འཁུན་བུ་འདོན་ཞིང་བཤུག་གླུ་ལེན་པ་སོགས་ཚུབ་ཆ་ཆེ་བས་གསོལ་དཔོན་དང་མཆོད་དཔོན་གཅིག་པུར་འགྲོ་མི་ནུས་པ་བྱུང་ཞིང་། དམིགས་བྱ་ཨས་ལང་ཧུང་ཐའི་ཇི་བློན་པོ་དང་བཅས་པ་ལོ་གཅིག་ཙམ་ནས་ནང་འཁྲུགས་ཀྱི་

― GLG008_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་མེད་དུ་སོང་རྟགས་མཚན་ཆེ་ཡང་རྣམ་ཤེས་འོག་མིན་དུ་རྒྱལ་བའི་སྲས་སུ་བསྐྲུན་པ་རྒྱུད་སྡེའི་དགོངས་པ་བླ་ན་མེད་པ་ཡིན་པས། ཀུན་མཁྱེན་མཁྱེན་བརྩེའི་གསུང་མགུར་ལས། ཨེ་མ་རྒྱུ་འབྲས་རྟེན་འབྲེལ་དགོད་རེ་བྲོ། །དལ་མེད་སྔགས་སྨྱོན་འདྲེན་པའི་སྔགས་འཆང་ལ། །འབད་རྩོལ་མེད་པར་ནུས་མཐུ་ཤུགས་ལ་འབྱུང་། །ཆང་འཐུང་འུར་གོག་འཐག་པའི་སྔགས་འཆང་རྣམས། །བན་ལིང་རྔ་བརྡུང་དྲག་ཀྱང་ངལ་བའི་རྒྱུ། །ཞེས་པའི་དོན་ཐོག་ཏུ་ཁེལ་བར་བསམ་མོ། །འདར་དུ་ཕེབས་གདུལ་བྱ་རྟག་པར་འཛིན་པའི་དངོས་ཞེན་ལྡོག་སྟེ་གཏན་མདུན་སྒྲུབ་ལ་བརྩོན་པའི་སྙིང་སྟོབས་ཀྱི་གོ་བགོ་བ་དང་སྐལ་ལྡན་རྗེས་སུ་འཛིན་པའི་འཕྲིན་ལས་ཀྱི་སྒོ་འཕར་ཞིང་ཁམས་གཞན་དུ་འབྱེད་པར་དུས་བབས་ཀྱི་འཛིན་བྱེད་ཅེས་པ་མེ་ཕོ་བྱི་བའི་ལོ་སྨིན་དྲུག་ཟླ་བའི་དཀར་ཕྱོགས་ཀྱི་བཟང་པོ་དང་པོར་རྟ་བདུན་རྒྱལ་པོ་ནུབ་རིའི་ཕག་ཏུ་ཞུགས་པར་ཉེ་བའི་ཚེ་ཞིང་བརྗེ་བའི་རྣམ་པ་བསྟན་པ་ན་རྗེ་འདི་ཉིད་ཀྱིས་གསོལ་འདེབས་ཤུགས་དྲག་པོར་མཛད་པས་སྤྱན་ཧུར་གྱིས་གཟིགས་ནས་རྡོ་རྗེ་འཆང་ཚར་པ་ཆོས་རྗེ་དང་ཐམས་ཅད་མཁྱེན་པ་གཉིས་ཕེབས་ནས་དེ་ལ་རིག་པ་ཞུགས་པ་བཞིན་དུ་བདེ་ཆམ་མེར་ཡོད་པ་དེ་སད་པ་ཞིག་བྱུང་། སྔར་ཁྱེད་ཀྱིས་ནན་ཏན་མཛད་པར་བརྟེན་དེ་ཙམ་བསྡད་ཡོད་ད་ཆ་དེ་འདྲ་མཛད་ནས་ཅི་གནང་ཁྱེད་རང་ལ་བལྟོས་བཅས་ཐམས་ཅད་རྗེས་སུ་འཛིན་ཞེས་ཞལ་གྱིས་འཆེས་པ་ནི། ཚར་ཆེན་གྱི་གསུང་མགུར་ལས། ལར་ང་རང་ཐ་མལ་སྙོམས་ལས་ཅན། །ཚེ་འདི་ཕྱི་གང་འགྲོའི་གདེངས་མེད་ཀྱང་། །མི་ང་ལ་བློ་གཏད་བྱས་པ་ཀུན། །ཕ་ཀུན་སྤངས་ཆོས་རྗེས་མཁའ་དབྱིངས་ནས། །དུས་རྟག་ཏུ་སྐྱོང་

― GLG008_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བཀའ་བཞེས་ཡོད། །ཅེས་གསུངས་པའི་དོན་དང་མཐུན་པར་སྣང་། །གཟུགས་སྐུ་ཆོས་དབྱིངས་སུ་བསྡུས་སྐབས་བྱམས་པའང་གླིང་གསེབ་ཏུ་སོང་བ་དང་འགྲིག་པའི་རྗེ་ཉིད་ལས་ཕྱག་གཡོག་གཞན་སུའང་མེད་པས་མདོར་ཕེབས་ཏེ་སྒྲུབ་རྙིང་སློབ་དཔོན་འཇམ་དབྱངས་རྒྱལ་མཚན་རྡོ་རྗེ་འཆང་གི་སྐུ་བེར་གྱི་གོང་བ་ལ་འདྲ་སྐུ་འདྲི་ཡིན་ཡོད་སྣང་བར་སྐོར་ཅིག་ལས་མཚམས་ཞོག་ལ་བྱམས་པ་བོས་ཤོག་གསུང་། དེའང་དམ་པ་གང་དེ། མ་ཕམ་པས། །དེ་བཞིན་འཁོར་བ་ཇི་སྲིད་པར། །ལས་ནི་རྒྱུན་མི་འཆད་པར་འདོད། །ཅེས་གསུངས་པ་དང་མཐུན་པར་དམ་པའི་ཆོས་ཀྱི་འཕྲིན་ལས་ནམ་མཁའི་མཐའ་ལྟར་མཉམ་མོད། མཆོད་སྦྱིན་བརྒྱ་ཕྲག་གཅིག་གིས་ལྷའི་བདག་པོར་འགྱུར་བ་བཞིན་ཚེ་རབས་གཞན་དུ་སྦྱིན་ཤུགས་ཀྱི་འབྲས་བུ་ཚེ་འདིར་སྨིན་པར་བླུན་པོ་རྣམས་ཀྱི་ངོར་འཕྲིན་ལས་འཕྲིན་ལས་ཞེས་འབོད་པའི་ཆེན་པོར་གྲགས་པ་རྣམས་དང་མཚུངས་པའི་འབྱོར་བ་མི་མངའ་ནའང་བླ་ཆུང་འགམ་ཁུམས་འཇུགས་པའི་ངང་ཚུལ་ཅན་ཅི་རིགས་ལྟར་བྲེ་གསོག་ཕུལ་གསོག་མཛད་ན་དེ་འདྲར་མ་བལྟོས་པའི་དད་འབུལ་ལ་བརྟེན་ཕྱག་རྫས་འཁྱིལ་ཡོང་ཚོད་དུ་སྣང་ཡང་། ཐམས་ཅད་མཁྱེན་པའི་གསུང་མགུར་དུ། ནོར་ལོངས་སྤྱོད་འབད་པས་བསགས་ན་ཡང་། །ཚེ་ཕྱི་མར་མི་ཕན་ལུས་སེམས་སྡུག །དེ་བསགས་པ་སྙིང་པོ་མ་མཆིས་ཀྱི། །ད་ཟས་ནོར་ཅི་ཡོད་གང་དགར་ཞོག །ཅེས་སྙིང་པོ་མེད་པ་དང་། ཆོས་ཐམས་ཅད་སྒྱུ་མ་ལྟ་བུར་གཟིགས་པས་འདོད་སྲེད་ཀྱི་འཆིང་བ་དང་བྲལ་ཏེ་དཀོན་ཅོག་གི་མཆོད་པ་དང་དབུལ་ཕོངས་ལ་གཏོང་བ་སོགས་འཕྲལ་དག་མཛད་པའི་གཤིས། ཡབ་སྲས་གཉིས་ཀར་གནང་བདེའི་བདོག་

― GLG008_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མཐུ་དམན་པས་དགོངས་རྫོགས་ཀྱི་མཐུན་རྐྱེན་སྒྲུབ་རྩོལ་ཁྱད་ཞག་བདུན་པར་གསང་བའི་ཚུལ་མཛད། ཞག་གཅིག་གི་བར་འོད་གསལ་གྱི་ངང་དུ་མཉམ་པར་བཞག་ནས་མཁའ་སྤྱོད་རྡོ་རྗེ་བཙུན་མོའི་ཞིང་དུ་གཤེགས་པའི་གདུང་ཡིད་བཞིན་གྱི་ནོར་བུ་གདན་གསུམ་ཚང་བའི་རྡོ་རྗེ་དཔོན་དགྱེས་མཛད་རྡོ་རྗེའི་དཀྱིལ་འཁོར་གྱི་གཙོ་བོར་གྱུར་པར། དངོས་སུ་བཤམས་པ་དང་ཡིད་ཀྱིས་སྤྲུལ་པའི་ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་ཀུན་ཏུ་བཟང་པོའི་རྣམ་པར་ཐར་པ་བཞིན་ནམ་མཁའ་མཛོད་ཀྱི་སྒོ་འཕར་ཡོངས་སུ་ཕྱེ་སྟེ་བསོད་ནམས་ཀྱི་ཚོགས་རླབས་པོ་ཆེ་བསྐྲུན་པའི་མཆོད་པ་སྣ་ལྔ་བརྒྱ་རྩ་ཚར་རེ་ཉིན་ཞག་རེར་བརྗེ་དགོས་ལ་གྲོགས་གཞན་མེད་པས་བླ་མ་འཇམ་དབྱངས་རྒྱལ་མཚན་གཉིད་ལོག་ལོང་མེད་པ་ལྟ་བུ་བྱུང་སྐད། གྲང་མོ་ཆེར་ཀྱེ་རྡོར་མན་ངག་ལུགས་དང་རྡོ་རྗེ་འཇིགས་བྱེད། འདར་བསམ་གྲུབ་དགོན་གསར་བས་ཀུན་རིག །མང་མཁར་ཆ་ལུང་པས་པདྨ་ཡང་གསང་ཁྲོས་པ། ཤིང་མངས་པས་དཔལ་མོ་ལུགས་ཀྱི་ཐུགས་རྗེ་ཆེན་པོ་རྣམས་ཀྱི་ཆོག་གྲྭ་ཞག་བདུན་གྱི་བར་བཙུགས། གནས་དེ་གར་དགེ་འདུན་འདུས་པའི་སེར་ཚོགས་ཀྱི་གྲལ་དབུར་ཡོངས་རྫོགས་གནས་ལྔ་རིག་པའི་པཎྜི་ཏ་མཁན་ཆེན་ངག་དབང་ཆོས་གྲགས་གདན་དྲངས་པའི་མང་ཇ། འབུལ་འགྱེད། ཚ་ར་སོགས་ཀྱིས་བསྙེན་བཀུར། ཉེ་སྐོར་ཕུ་མདའ་བར་གསུམ་གྱི་སྐྱེ་བོའི་ཚོགས་ལ་རྩམ་ནས་སྣམ་རས་ཟངས་ལྕགས་ཁྲོ་ཇ་མར་རྟ་དྲེལ་གྱིས་མཚོན་པའི་ཟང་ཟིང་གི་བདོག་པས་ཚིམ་པར་མཛད། ཧོར་ཟླ་བཅུ་གཉིས་པའི་ཚེས་བརྒྱད་ཀྱི་མཚན་མོའི་ཆར་ཀྱེ་རྡོར་མན་ངག་ལུགས་ཀྱི་དཀྱིལ་འཁོར་ཞལ་ཕྱེ་ནས་རྗེ་བཙུན་ཉིད་ཀྱིས་ཕྱག་དར་ཏེ་སྐུ་གདུང་རིན་

― GLG008_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཆེ་དཀྱིལ་འཁོར་གྱི་གཙོ་བོ་དང་ཐ་མ་དད་པར་མཆོད་པའི་ཚུལ་དུ་ཞུགས་སུ་ཕུལ་བའི་ཚེ་ཡེ་ཤེས་ཀྱི་མེ་རང་འབར་ཞིང་སང་ཉིན་ལྷ་རྣམས་ཀྱིས་མཆོད་པའི་ཕྱིར་མེ་ཏོག་གི་ཆར་དང་འཇའ་ཚོན་སྣ་ལྔའི་གུར་ཁྱིམ་ཟ་འོག་རིས་སུ་ཕུབ་པ་སོགས་ངོ་མཚར་བའི་ཆོ་འཕྲུལ་བསམ་གྱིས་མི་ཁྱབ་པར་མཆིས། དེ་ནས་གདན་ས་ཆེན་པོ་དཔལ་ལྡན་ས་སྐྱར་ཕེབས་ཏེ་བཞི་ཐོག་ཏུ་ཁྲི་རིན་པོ་ཆེ་འཇམ་མགོན་གྲུབ་པའི་དཔའ་བོ་ངག་དབང་ཀུན་དགའ་བསོད་ནམས་བཀྲ་ཤིས་གྲགས་པ་རྒྱལ་མཚན་དཔལ་བཟང་པོར་ཐུགས་དམ་འདོགས་རྟེན། ཆོས་དུང་དཀར་པོ་རྒྱང་གྲགས་བཏང་བའི་དགེ་འདུན་ཚོགས་ཆེན་ལ་མང་འགྱེད། ལྷ་ཁང་ཚོར་མཆོད་པ་སྙན་ཤལ་བཟབས་རྒྱས་དང་བཅས་རྡོ་རྗེ་སློབ་དཔོན་དཔལ་ལྡན་བླ་མ་དམ་པ་བསྟན་འགྲོའི་ཕན་བདེ་རླབས་པོ་ཆེ་བསྐྲུན་པར་མཛད་བཞེད་ཀྱི་སྨོན་ལམ་གྱི་རྒྱས་འདེབས། མགོན་ཁང་རྣམས་སུ་མཆོད་གཏོར་བསྐང་བཤགས་བསྟོད་འཕྲིན་རྒྱས་པར་གནང་བའི་དམ་བསྒྲགས་ཤིང་ཁྱད་པར་བས་འབག་ནག་པོ་འཕུར་ཤེས་ཀྱི་དབུ་དཔྲལ་ནས་ཟིལ་པ་ཁྲོམ་ཁྲོམ་བྱུང་བ་ཇེ་འཕེལ་དུ་སོང་བ་ཤངས་རྩེར་བབས་པ་ཞལ་དུ་མཆོད་ཅིང་སྐུ་འཁོར་བ་བྱམས་པ། མཁན་ཆེན་གཞོན་ནུ་བློ་གྲོས་ཀྱི་སྣག་དབོན་ནང་སོ་དགེ་འདུན་རྒྱ་མཚོ། མཆོད་དཔོན་གསུམ་ལ་གནང་བ་ཟས་གང་དང་ཡང་མི་འདྲ་བའི་ཞིམ་ལ་བཅུད་ཆེ་བ་དྲི་བཟང་ཆགས་པ་བྱུང་ཞིང་དེའི་ཤར་གཡུ་ཐོག་ཏུ་བཞུགས་པའི་མགོན་པོའི་སྐུ་ལས་བདུད་རྩིའི་རྒྱུན་གོང་དང་འདྲ། ས་བཟང་སྐུ་འབུམ་མཆོད་ཁང་ན་མགོན་པོའི་སྐུ་ཐལ་བའི་རྡུལ་གྱིས་ཆེར་གོས་པའི་ལྟ་སྣང་མི་སྤྲོ་བ་ཞིག་ལ་སྙན་དར་འབུལ་གྲབས་མཛད་པའི་ཚེ་སྐུ་འཁོར་

― GLG008_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འདྲས་འདི་ལ་ཕུལ་ནས་ཅི་གནང་ཞུས་པར་ཡེ་ཤེས་པ་གང་ན་བཞུགས་མི་ཤེས་ཞེས་ལྷ་གོས་སྒྲོན་པ་དང་དུས་མཉམ་དུ་བདུད་རྩི་བབས་པ་གསུམ་ག་མཆོད་དཔོན་འཇམ་དབྱངས་རྒྱལ་མཚན་གྱིས་ཐོག་མར་ངོས་ཟིན། བདུད་རྩི་བབས་པར་བློ་ཆུང་བ་རྣམས་ཡ་མཚན་གྱི་གནས་སུ་བྱེད་ནའང་སྐུ་ཚེ་མང་པོར་ཆོས་སྐྱོང་བྲན་དུ་འཁོལ་བར་མ་ཟད་གསང་རྟེན་ལུས་ལ་སྦ་བའི་རྣལ་འབྱོར་དང་ལྡན་ན་དམ་ཅན་གྲིབ་མ་བཞིན་འཁོར་བར་དཔལ་བརྩེ་བ་ཆེན་པོ་ལ་དགག་མཁན་མེད་པའི་དབུ་སྙུང་བཞེས་པར་དཔགས་ན་མཚར་འཛིན་གྱི་ཆེན་པོར་མི་སེམས་སོ། ། ཁའུ་སྐྱེས་ལྷས་སུ་ཕེབས་སྐབས་དགོན་པའི་འོག་ཙམ་དུ་ཆིབས་གཤོལ་ནས་སྤྱན་ནམ་མཁའ་ལ་ཧུར་རེར་གཟིགས་ཏེ་རྒྱང་ཙམ་བཞུགས་པ་འཕྲལ་དུ་འདི་ཡིན་མི་གསུང་ཡང་རྗེས་སུ་རྡོ་རིང་རིན་པོ་ཆེ་མན་ཆད་ཀྱི་བླ་མ་རྣམས་ཕེབས་དུས་གཉན་མགོན་བྲམ་ཟེའི་གཟུགས་ཀྱི་བསུ་བ་རེ་ངེས་པར་བྱུང་འདུག་ཅེས་དྲུང་དུ་འཁོད་པར་བཀའ་སྩལ་བ་ལ་དཔགས་ན་དེ་དུས་གཟིགས་སྣང་ཁྱད་པར་ཅན་བྱུང་བ་གོར་མ་ཆག །སྐྱེས་ལྷས་ཀྱི་དགེ་འདུན་རྣམས་ལ་སྒེར་དུ་མང་ཇ་མི་རེར་ཞྭ་འགྱེད། རྟེན་གྱི་ཚོགས་ལ་མཆོད་པ་སྙན་ཤལ་བསྐང་བ་འཕྲིན་བཅོལ་དམ་བསྒྲགས། ཞབས་དྲུང་བདག་ཆེན་རིན་པོ་ཆེ་མཇལ་ཞིང་དགྱེས་པའི་གསུང་གླེང་མང་དུ་སྩལ། བཀའ་ཆོས་ཀྱི་སྙན་གསན་གནང་བས་འབྲུམ་ནད་ལས་གྲོལ་ནས་ཡུན་རིང་ཙམ་སོང་རུང་དཔོན་ཚང་རྣམས་ཀྱིས་སྐོར་ཅིག་དཔེ་ལྟ་སོགས་མི་འགབ་ཟེར་བས་ད་ལམ་མི་ཐུབ་འདུག་སླར་ལོང་དང་བསྟུན་པའི་བྱེད་ཅེས་དགྱེས་པའི་ཞལ་གྱིས་བཞེས། ཞ་ལུར་མང་ཇ་ཚ་ར་དང་། ངོར་ཨེ་

― GLG008_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

ཝཾ་ཆོས་ལྡན་གཙོ་བོར་གྱུར་པའི་ས་ལུགས་དང་། གཞན་ཡང་གྲུབ་མཐའ་རིས་མེད་རགས་བསྡུས་དབུས་གཙང་གི་སྡེ་དགོན་མང་དག་ལ་མང་ཇ་བསྔོ་རྟེན་རྒྱ་ཆེར་སྤེལ། རྗེ་རྡོ་རྗེ་འཆང་ཞི་བའི་དབྱིངས་སུ་གཞོལ་བར་ཉེ་ཚེ་སྐུ་ཅུང་ཟད་ཧྲེབ་པའི་ཚུལ་བསྟན་པར་ཉིན་མཚན་ཀུན་ཏུ་སྐྱོ་ངལ་མེད་པར་གནང་བས་ཐུགས་དམ་ཆག་མེད་རྣམས་ལ་ཐང་ལྷོད་ཅི་རིགས་བྱུང་བར་བརྟེན་མེ་གླང་དབུས་སུ་ཕེབས་ཞོར་ངོར་ཨེ་ཝཾ་ཆོས་ལྡན་དུ་མཁན་ཆེན་ཐར་པ་རྩེ་བ་ནམ་མཁའ་སངས་རྒྱས་ལ་ལམ་དུས་སོགས་ཆག་མེད་གསོ་བ་མཛད། རིམ་གྱིས་ཡར་ཀླུངས་བཀྲ་ཤིས་ཆོས་སྡེར་ཕེབས་ནས་རྩེ་ཚོགས། རྩེས་དང་ས་དགེ །དཀོན་གཉེར་ཕྱི་ནང་། རི་བོ་ཆོས་གླིང་། བཀྲ་ཤིས་ཆོས་སྡེ། ལམ་རིམ། བཀྲ་ཤིས་བདེ་ཆེན། རས་ཆུང་ཕུག་སོགས་ཀྱི་སེར་ཚོགས་གྲལ་དབུར་ཐུབ་བསྟན་རྡོ་རྗེ་བྲག་ནས་དུས་གསུམ་སངས་རྒྱས་དཔལ་ཨོ་རྒྱན་ཆེན་པོའི་རྒྱལ་ཚབ་བྱང་པ་ངག་དབང་རིགས་འཛིན་རྡོ་རྗེ་ཆོས་རྒྱལ་བསྟན་པའི་རྒྱལ་མཚན་དཔལ་བཟང་པོ་སྤྱན་དྲངས་འབུལ་འགྱེད་མང་ཇ་ཚ་ར་ལ་བརྟེན་པའི་རྙེད་བཀུར་ཡང་དག་བསྒྲུབས། རིགས་འཛིན་ངག་གི་དབང་པོའི་དྲུང་དུ་རྡོ་རྗེ་དྲག་པོ་རྩལ་གྱི་བྱིན་རླབས་ཐུགས་དབང་། ལྕགས་སྡོང་མ་དང་ཚེ་གུར་སྦྲགས་མ། ཉང་གི་དྲག་པོ་མེའི་སྤུ་གྲི་རྣམས་ཀྱི་དབང་། རིག་འཛིན་ཆེན་པོའི་འཁོར་བ་དབྱིངས་སྒྲོལ་གྱི་ཆོས་སྐོར། གུ་རུ་ཡོན་ཏན་གཏེར་མཛོད་ཀྱི་དབང་ལུང་། སྔགས་སྡེབས་སྙིང་གཟེར་ནག་པོ་དང་གཏེར་སྟོན་བརྒྱ་རྩའི་གསོལ་འདེབས་ཀྱི་ལུང་། གྲུ་གུ་ཡང་ཝཾ་གི་འཇོམས་བྱེད་ཉི་ཟླ་ནག་པོའི་ཆོས་སྐོར། པདྨ་གླིང་པའི་གུར་ཕུར་ཞབས་ཅན་དང་རཀྴའི་ཞལ།

― GLG008_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

གཟི་ལྡན་དབང་ཕྱུག་གི་སྒྲུབ་ཐབས། གདོང་བཞི་པའི་བསྙེན་སྒྲུབ་ལས་གསུམ་གྱི་ལུང་སོགས་སྔ་ཕྱིར་དམ་པའི་ཆོས་ཀྱི་བཀའ་དྲིན་མང་དུ་གསན་པར་གནང་། དགོངས་པ་རིན་པོ་ཆེ་ཆོས་ཀྱི་དབྱིངས་སུ་རྫོགས་པ་དང་ཕྱི་རབས་གདུལ་བྱ་རྣམས་ཀྱི་ལེགས་བྱས་རྒྱ་མཚོའི་ཞིང་གི་ཆེད་དུ་ཨེ་ནས་སྤྲུལ་སྐུ་མཁས་པ་ཆོས་འཕེལ་ཅན་ལྔ་བཀུག་སྟེ་བཟོ་གྲ་བཙུགས་ཤིང་རྡོ་རྗེ་འཆང་གི་སྐུ་ཚབ་མགུལ་པ་ཡན་རྗེ་བླ་མ་དམ་པས་ཕྱག་བཟོ་གནང་བས་ཞལ་ཁྱིམ་མངོན་སུམ་ལྟ་བུ་མཐོང་ཐོས་དྲན་དང་རེག་པས་རྣམ་པར་གྲོལ་བའི་བྱིན་རླབས་ཀྱི་གཟི་བྱིན་འོད་དུ་འབར་བ་གཙོ་བོར་བཞུགས་པའི་མཐའ་སྐོར་དུ་སངས་རྒྱས་རྡོ་རྗེ་འཆང་། རྡོ་རྗེ་བདག་མེད་མ། གྲུབ་ཆེན་བི་རཱུ་པ། བརྩེ་ཆེན་སྙིང་པོའི་ཞབས། སློབ་དཔོན་རིན་པོ་ཆེ། རྗེ་བཙུན་རིན་པོ་ཆེ། ཆོས་རྗེ་པཎྜི་ཏ། ཆོས་ཀྱི་རྒྱལ་པོ་འཕགས་པ། ཚོགས་སྒོམ་རིན་པོ་ཆེ། ཉན་ཆེན་བསོད་ནམས་བརྟན་པ། རྒྱལ་བ་བྲག་ཕུག་པ། དཔལ་ལྡན་བླ་མ་དམ་པ། ཆོས་རྗེ་དཔལ་ལྡན་ཚུལ་ཁྲིམས། གྲུབ་ཆེན་བུདྡྷ་ཤྲཱི། ངོར་ཆེན་རྡོ་རྗེ་འཆང་། མུས་ཆེན་འཁོར་ལོ་སྡོམ་པ། བདག་ཆེན་རྡོ་རྗེ་འཆང་། རྗེ་བཙུན་ཁའུ་པ་ཆེན་པོ། ཚར་ཆེན་ཆོས་ཀྱི་རྒྱལ་པོ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཚུངས་མེད་གཞོན་ནུ་བློ་གྲོས་མཁན་ཆེན་བསླབ་གསུམ་རྒྱལ་མཚན་བར་གྱི་ལམ་ཟབ་བརྒྱུད་པའི་སྣང་བརྙན་གྱི་ཞལ་ཁྱིམ་བཟོ་བོས་དཔེ་མ་ལོན་པ་མི་འཕྱུགས་པའི་ཁྱད་ནས་ཕྱག་སོར་གྱིས་བསྐྲུན་པ་དང་བཅས་པར་གནས་ཆེན་དུ་མའི་ས་སྣ་རྡོ་སྣ། དམ་རྫས་ཁྱད་པར་ཅན། སྨན་སྣ། དར་སྣ་སོགས་བསྲེས་པའི་སྐུ་རྒྱུ་ལ་བྱད་དབྱིབས་བགྲེས་གཞོན་བཞུགས་སྟངས་ན་བཟའ་ཁ་དོག་རྣམས་དཔེ་ཁུངས་

― GLG008_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

བཙུན་དང་གསུང་རྒྱུན་ལས་བྱུང་བ་ལྟར་ལ་དེ་བཞིན་གཤེགས་པའི་འཕེལ་གདུང་གིས་གཙོས་ཡུངས་འབྲུ་ལྟ་བུའི་རིང་བསྲེལ། བླ་མ་གོང་མ་དེ་དག་གིས་མཚོན་པའི་དམ་པ་དུ་མའི་སྐུ་བལ་དང་སྐུ་གདུང་གི་རིང་བསྲེལ། རྒྱུད་སྡེ་རྣམ་བཞིའི་གཟུངས་ཆོས་སྐུའི་རིང་བསྲེལ་གནོད་སྦྱིན་འཁོར་ལོ་སོགས་གཟུངས་བཞུགས་ཀྱི་རིམ་པ་རྟེན་བཞེངས་སོ་བྱས་སོ་བའི་འཇིག་རྟེན་ཆོས་བརྒྱད་ལྷུར་ལེན་པ་དང་མི་འདྲ་བར་དམ་པའི་ཕྱག་བཞེས་འཁྲུལ་པ་མེད་པར་ཐུགས་རུ་ཤིན་ཏུ་ང་བ་རྣམས་ཀྱི་བཞུགས་ཁྲི་ན་བཟའ། མདུན་ལྕོག །ཅང་ཏེ། རྡོར་དྲིལ། ནང་མཆོད་ཀ་པཱ་ལ། བུམ་པ། ཞལ་དཀར། སྤྱི་བླུགས། བཟེད་ཞལ་སོགས་རུང་མཐུན་མཁོ་བའི་ཡོ་བྱད་རྣམས་སླ་ཆོས་སུ་མ་སོང་བའི་ལེགས་པར་བསྒྲིག་པ་གནང་སྟེ་བཀྲ་ཤིས་ཆོས་ཀྱི་འདུས་གྲྭ་ཆེན་པོར་ལམ་ཟབ་བླ་མ་ལྷ་ཁང་ངོ་མཚར་བ་གྲུབ་པར་གཉིས་སུ་མེད་པ་དཔལ་དགྱེས་མཛད་རྡོ་རྗེ་མན་ངག་ལུགས་ལྷ་དགུའི་དཀྱིལ་འཁོར་དང་རྗེས་སུ་འབྲེལ་བའི་རབ་གནས་ཉིན་གསུམ་མའི་སྒོ་ནས་འོག་མིན་ཞིང་ཁམས་རྒྱ་མཚོ་ནས་ཡེ་ཤེས་པ་གངྒཱའི་ཀླུང་གིས་བགྲང་བར་མི་ནུས་པ་སྤྱན་དྲངས་ཏེ་དམ་ཚིག་པ་དང་རོ་གཅིག་ཏུ་བརླབས་པ་དེའི་ཚེ་འཆི་མེད་ཀྱི་ལམ་ཀུན་གུར་གྱི་དབྱིབས་ལྟ་བུའི་འཇའ་རིས་སྣ་ལྔ་བཀྲག་ཏུ་འཚེར་ཞིང་གསོལ་གདབ་སེམས་བསྐྱེད་ཀྱི་དུས་མེ་ཏོག་གི་ཆར་བབས་པ་ཐམས་ཅད་ཀྱི་མངོན་སུམ་པའི་སྤྱོད་ཡུལ་དུ་གྱུར། བཟོ་བོ་རྣམས་ཀྱང་ཡོན་ཏན་གྱིས་ཚིམ་པ་སོགས་ལྷ་མཆོད་མི་མཆོད་རྒྱས་པར་མཛད། ས་སྟག་ཧོར་ཟླ་བཅུ་གཅིག་པའི་དམར་ཆེན་གཏོར་བཟློག་གི་རྡོ་རྗེ་སློབ་དཔོན་དུ་ཕེབས་སྐབས་དགེ་སློང་ཡེ་ཤེས་བློ་གྲོས་ཀྱི་མཐོང་སྣང་ལ། གསོལ་ལྕོག་གི་ཁར་

― GLG008_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྲ་ལོ་དང་ཀོང་རྣ་བཏགས་པའི་མགོ་ཞིག་མི་ནག་པོ་ཞིག་གིས་ཁྱེར་ནས་བཞག་སོང་བ་རིང་པོར་མ་ལོན་པར་སྡེ་པའི་ནང་ཟན་ཆོས་སྡེར་ཤིན་ཏུ་བརྣག་པ། ཁྱབ་འཇུག་གཟའི་གདོང་ཐུག་གིས་སྐད་ཅིག་ལ་འཇིག་རྟེན་ཕ་རོལ་ཏུ་སོང་བའི་མི་ནག་པོ་དེ་ནི་འཆི་བདག་གཤིན་རྗེའི་རྒྱལ་པོ་པུ་ཏྲ་ནག་པོར་ངེས་སོ། །དྭགས་པོ་ཕྱོགས་སུ་བཀག་པོའི་ཟི་བུན་ལ་བརྟེན་པའི་འཁྲུག་ཟིང་ཆེར་སོང་བ་གྲ་དོལ་ཡར་ཀླུངས་ལྷོ་བྱང་གི་དམག་དཔོན་བཀྲས་སྒང་ནས་ཀྱིས་བྱས་ནས་ཕྱིན་སྐབས་སྡེ་པ་བཀྲ་ཤིས་རྩེ་བའི་སྐུ་རིམ་དུ་འཇམ་དཔལ་གཤིན་རྗེ་དམར་པོ་རླུང་སྒྲུབ་ཀྱི་དགྲ་མནན་གྱི་ལས་སྦྱོར་གཞིས་ཀར་གནང་བའི་ཚེ་གཏོར་མ་ལས་ཁྲག་རྒྱུན་མང་དུ་འཛགས་པས་ལྕགས་སླང་ཁེངས་ཤིང་མཆོད་དཔོན་འཇམ་དབྱངས་རྒྱལ་མཚན་གྱི་རྨི་ལམ་དུ་ས་དོང་རིང་པོར་སྲོག་ཆགས་མང་པོ་འཇུག་པ་དང་འགྲོ་བ་རྨིས་ཚུལ་ཞུས་པ་ན་ལས་སྦྱོར་འདི་རིགས་ལ་རྨིི་ལྟས་དེ་བཞིན་འོང་གསུང་། ནུབ་ཅིག་སྟོབ་པའི་གཏོར་མ་ཕུལ་དུས་མཆོད་དཔོན་གྱི་རྒྱབ་དང་མདུན་སྟེང་དུ་གཟུགས་མི་མཐོང་བའི་ཧབ་ཤ །ཅག་ཅག །ཤབ་བེ་ཤོབ་བེ་སོགས་ཀྱི་སྒྲ་ཐོས་པས་འཇིགས་ཞུམ་ཞུམ་བྱེད་པ་སོགས་ལྟས་ལེགས་པ། བྲག་ཁ་བའི་དམག་དཔོན་སྐྱེར་པོ་གོང་འོག་གིས་མཚོན་ཤོར་ཐལ་ཆེ་བ་བྱུང་ཡང་བཀྲ་ཤིས་རྩེ་བ་དཔོན་གཡོག་ཉེས་སྐྱོན་མེད་པའི་དགེ་མཚན་དུ་གྱུར། རྒྱུད་ཀྱི་རྒྱལ་པོ་དཔལ་དུས་ཀྱི་འཁོར་ལོ་རྭ་འབྲོ་ཤོང་གསུམ་གྱི་འགྱུར་དང་ཇོ་ཞལ་སོགས་མཁས་པ་དུ་མའི་བཞེད་སྲོལ་མང་བའི་ནང་ནས་གཙོ་བོར་གྱུར་པ་རྩོད་དུས་ཀྱི་རྒྱལ་བ་གཉིས་པ་ཐམས་ཅད་མཁྱེན་པ་བུ་སྟོན་རིན་པོ་ཆེའི་ཡིག་ཆ་སོར་བཞག་གི་དཀྱིལ་འཁོར་སྒྲུབ་མཆོད་འཛུགས་པར་བཞེད་དེ་ས་ཡོས་ཧོར་ཟླ་དང་པོར་དཔེ་རྣམས་

― GLG008_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

གྲྭ་པ་ཚོར་བཀྲམ་པའི་བློ་འཛིན་བྱེད་དུ་བཅུག །ཞ་ལུ་ནས་བླ་ཆེན་མཁྱེན་རབ་པ་བོས་པའི་དཔོན་སློབ་ཚང་མས་གར་ཐིག་སྦྱོང་བསྟར་གནང་། རྗེས་སོར་སློབ་དཔོན་འཕེལ་ཁྱད་ནས་དེང་སང་གི་སྒྲུབ་རྙིང་བླ་མ་འཇམ་དབྱངས་རྒྱལ་མཚན། གཟིམས་ཁང་ཤར་བླ་མ་དཔལ་ལྡན་རྒྱལ་མཚན། ནང་སོ་ཚེ་འཕེལ་གསུམ་ཡང་བསྐྱར་སྦྱོང་བདར་བྱེད་དུ་འཇུག་པར་མཛད། གར་པ་ཉི་ཤུའི་གར་གོས། པང་ཁེབས། རུས་རྒྱན། སྐྲ་ཞྭ། རྩེ་ཕྲན། རྡོ་དྲིལ། བསྡུས་རྒྱུད་ཀྱི་བཤད་ཁུངས་དང་འབྲེལ་བའི་རྣམ་བུམ་ཆེ་ལེགས་བཅུ་རྣམས་ཐུགས་རྩོལ་བ་ཆེན་པོས་ལེགས་པར་བསྒྲིག་པར་གནང་སྟེ་གྲྭ་པ་རྣམས་སྐུ་གསུང་ཐུགས་ཡོངས་སུ་རྫོགས་པའི་དཀྱིལ་འཁོར་དུ་སྨིན་པར་མཛད་ནས་ནམ་མཐོངས་ཟླ་བ་ཕྱི་མ་སྣོན་གྱིས་ཉ་བའི་དུས་ཚེས་གཟའ་སྐར་སྦྱོར་བྱེད་བཟང་པོར་བཙུགས་པའི་ས་གར་གྱི་སྐབས་རྗེ་ཉིད་གར་དཔོན་དུ་ཕེབས་པའི་སྐུ་རྒྱབ་ཀྱི་བར་སྣང་ལ་ཡི་གེ་དབུ་ཅན་གྱི་ཚིགས་བཅད་འདུག་པ་ཞ་ལུ་བླ་ཆེན་གྱིས་མཐོང་ཞིང་བློར་ཟིན་ནའང་རྗེས་སུ་མ་དྲན། སྦྱིན་སྲེག་གནང་བའི་སར་མཆོད་གར་བ་རྣམས་འགྲོས་དང་བཅས་འབྱོར་བ་དང་དུས་མཉམ་དུ་ནམ་མཁའ་གཡའ་དག་པ་ལས་མེ་ཏོག་གི་ཆར་བབས། ཞག་སྦྲེལ་གྱི་བར་དཔལ་ལྡན་རྒྱུ་སྐར་གྱི་འཁོར་ལོའི་གཙོ་བོར་ཁྱབ་བདག་བླ་མ་དབང་ཕྱུག་རབ་བརྟན་བཞུགས་པར་སྒྲུབ་མཆོད་ཀྱི་དགའ་སྟོན་ཆ་བསགས་ཀྱི་གྲོང་ཁྱེར་ལ་འགྲན་པར་གྱུར། འདི་ལོ་གྲབས་གཤོམས་སྟབས་ཀྱིས་སྣོན་ཟླར་མཛད་ཀྱང་ལོ་ཕྱི་མ་ནས་ནག་ཟླར་བཙུགས་སོ། ། ཨེ་ནས་དཔོན་ཡིག་མཁས་པ་ཁ་ཤས་བཀུག་ནས་མཁན་ཆེན་ཐམས་ཅད་མཁྱེན་པ་ཚར་པ་ཆོས་རྗེའི་གསུང་

― GLG008_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

འབུམ་པོ་ཏི་བཞི། བཀྲ་ཤིས་རྩེའི་དཔོན་ས་དབང་འདུས་རྒྱལ་མོས་སྦྱིན་བདག་མཛད་དེ་འཇམ་དབྱངས་མཁྱེན་བརྩེའི་དབང་ཕྱུག་གི་གསུང་འབུམ་གསང་བསྒྲིགས་ཀྱི་གླེགས་བམ་གསུམ་དང་རྡོ་རྗེ་འཆང་དབང་ཕྱུག་རབ་བརྟན་གྱི་བཀའ་འབུམ་པུ་སྟི་ཀཿགཅིག་རྣམས་བསྟན་པ་རིན་པོ་ཆེའི་བཅས་སུ་དགོངས་ཏེ་བླ་མ་གོང་མ་རྣམས་ཀྱི་བཀའ་བསྡུའི་ཚུལ་དུ་ལེགས་པར་བསྒྲུབ་པར་གནང་ངོ་། །ཞིང་མང་སྐལ་ལྡན་དོན་ལ་དགྱེས་པའི་ཞལ། །འཛུམ་པའི་གཟུགས་བརྙན་སྡུད་ལ་ཉེར་གཞོལ་ཚེ། །གསོལ་བའི་རེ་སྐོངས་འཇའ་ལུས་རྡོ་རྗེའི་སྐུ། །གྲུབ་དེ་ལྷར་བཅས་འགྲོ་ལ་སྟོན་པ་བཞིན། །སྤུར་རྒྱལ་བདེ་འཕྲོག་ཆོམ་རྐུན་དུ་རུཥྐ། །སྡེ་དཔུང་མངོན་སྤྱོད་ལས་ཀྱིས་ཕྱེར་བཏགས་ནས། རྣམ་ཤེས་མི་བསྐྱོད་ཞིང་དུ་རབ་འཕངས་པས། །ཀུན་ལ་བརྩེ་ཡང་ཁྱད་པར་ཁྱོད་ཀྱི་གཉེན། །རྟག་བརྟན་གཡུང་དྲུང་ཆོས་སྐུ་མངོན་གྱུར་ཀྱང་། །རྟག་འཛིན་སྲིད་ཞེན་འཆིང་རྒྱ་ལས་གྲོལ་ཆེད། །རྟག་མིན་ཞིང་འདིར་མཛད་པའི་མཐའ་བཏུལ་ཡང་། །རྟག་ཏུ་ཕྱོགས་འདིའི་བསྟན་འགྲོར་གཅིག་ཏུ་བརྩེ། །འཆི་བ་འོད་གསལ་དོན་གྱི་ཧེ་བཛྲ། །སོ་སོར་སྣང་བའི་ཆོ་འཕྲུལ་ཐ་མི་དད། །འོག་མིན་ཞིང་ཁམས་ཞིང་གི་གཙོར་གཤེགས་པ། །ངོ་མཚར་མཆོད་སྤྲིན་སྤྲོ་ལ་ལྷ་རྣམས་བྲེལ། །གྲངས་མེད་འགྲོ་འདྲེན་སེམས་བསྐྱེད་དམ་བཅའི་ཁུར། །ནམ་ཡང་གཏོང་བའི་གོ་སྐབས་མི་སྲིད་མོད། །ཐུགས་རྗེ་བསྐུལ་བའི་ལེགས་བྱས་ཕུང་པོ་རུ། །སོང་ན་སྣོད་དུ་འཇིག་རྟེན་ཁམས་འདི་ཆུངས། །འོན་ཏེ་བསྟན་སྲུང་བྱེ་བའི་འཁོར་ལོས་སྒྱུར། །བྱིན་རླབས་མཛོད་སྤུའི་ཐིགས་ཕྲེང་གཟུགས་ཅན་དུ། །གྲུབ་ཚེ་བདུད་རྩིའི་བུམ་པ་ཆུ་གཏེར་ནས། །ལེན་པའི་ལྷ་རྣམས་བྱ་

― GLG008_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

དཀའི་འབྲས་བུར་ཟད། །སྔ་འགྱུར་བསྟན་པའི་བདག་པོར་མཁྱེན་བརྩེ་དང་། །ནུས་པས་དབང་སྒྱུར་སྔགས་འཆང་བྱང་པ་རྗེ། །ཉི་ཟླ་འོད་ཟེར་སྤྲུལ་པར་ཆོས་རྗེས་སུ། །འབྲངས་ཏེ་རིགས་ཀྱི་བདག་པོར་ཐོད་དུ་བཅིངས། །མཁས་གྲུབ་གཞན་གྱི་སྤྱོད་ཡུལ་མ་གྱུར་པ། །ས་སྐྱའི་བླ་ཆེན་ཁོ་ནའི་ཁྱད་པར་ཆོས། །ལམ་ཟབ་བཀའ་བབས་བརྒྱུད་པ་ནོར་བུའི་འཕྲེང་། །ངོ་མཚར་བཀོད་པའི་སྲད་བུར་གཅིག་ཏུ་རྒྱུས། །རྣམ་ཀུན་མཆོག་ལྡན་སྟོང་ཆེན་ཕྱག་རྒྱ་ཆེ། །ཨེ་ཝཾ་ཟུང་འཇུག་དང་པོའི་སངས་རྒྱས་ཀྱི། །འཁོར་ལོའི་མགོན་དུ་བཞེངས་པའི་རྡོ་རྗེའི་འགྲོས། །ཚངས་པའི་ཡུལ་ས་སོར་མོའི་རྡུལ་གྱིས་གནོན། །དུས་གསུམ་འདྲེན་པ་གསུང་གི་ཡང་སྙིང་དཔྱིད། །བརྗོད་པ་རྣམ་དག་ཀ་འཕྲེང་གླེགས་བམ་དུ། །ལེགས་བསྡུས་སྲིད་མཐར་རྨ་མེད་བསྟན་པའི་སྲོག །བཙུགས་པས་འོད་སྲུངས་བགྲེས་པོའི་སྙན་པ་ཕྲོགས། །རེ་ཞིག་གདན་སར་སྟན་ཆགས་མུར་གཉུག་མར་གནས་པ་དང་ཕྱོགས་འདུས་ཀྱི་གདུལ་བྱ་རྣམས་ལ་ཁམས་དང་དབང་པོར་འཚམ་པར་རྒྱུད་སྡེ་རྣམ་བཞིའི་དབང་ཁྲིད་རྗེས་གནང་རིགས་གཏད་ལུང་བློ་སྦྱོང་བའི་རིམ་པ་སོགས་ཐེག་ཆེན་ཐུན་མོང་བ་དང་ཁྱིམ་པ་དང་རབ་ཏུ་བྱུང་བ་རྣམས་སོ་སོའི་རིགས་ཀྱི་བསླབ་པ་ལ་འགོད་པས་མཚོན་རྣམ་པར་དཀར་པའི་འཕྲིན་ལས་དབྱར་མཚོ་ལྟར་འཕེལ་ནའང་དོན་མེད་ཟང་ཟིང་གི་འདུ་འཁོད་ཀྱི་དབང་དུ་ནམ་ཡང་མི་འགྲོ་བར་མཚན་བཅས་མཚན་མེད་ཀྱི་ཉམས་བཞེས་དུས་གཏོར་སོགས་ཐུགས་དམ་ཟབ་མོའི་རིམ་པ་བླ་ནས་བླར་འཕེལ་བཞིན་པའི་ངང་ནས་བཀའ་ཆོས་མང་དུ་གསན་པར་མ་ཟད་སྔར་ས་སྟག་དང་ཞ་ལུའི་ལོ་གསུམ་མའི་རྗེས་ཐུགས་རྩོལ་གནང་བ་འགའ་ཞིག་ཕྱོགས་གཅིག་

― GLG008_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་བཀོད་པར། ཀུན་མཁྱེན་ཡེ་བཟང་རྩེ་པས། དེ་ལྟར་འདུལ་བའི་བསྟན་པར་འཕེལ་འགྲིབ་ཆེར་བྱུང་མོད་ཀྱི་ཐེག་པ་ཆེན་པོ་གསང་སྔགས་ནི་དེང་སང་གི་བར་ནུབ་མ་མྱོང་ཞེས་གསུང་བ་གླང་དར་གྱི་བསྟན་པ་བསྣུབས་ཞེས་པའང་སོ་ཐར་ལ་དགོངས་པས། ཇི་སྐད་དུ། ཇི་ལྟར་འདི་ནི་ཤིང་རྩའི་གཙོ་བོར་སྟེ། །རྣམ་པར་འཕེལ་དང་ཀུན་འཛིན་གཉིས་ཀྱི་རྒྱུ། །དེ་བཞིན་དམ་ཆོས་ཚོགས་རྣམས་ཐམས་ཅད་ཀྱི། །གཞི་དང་རྩ་བ་འདུལ་བ་ཡིན་པར་གསུངས། །ཞེས་ཐུབ་པ་སངས་རྒྱས་བཅོམ་ལྡན་འདས་ཀྱི་རིང་ལུགས་འཇིག་རྟེན་གསུམ་གྱི་སྒྲོན་མེ་ཡོད་མེད་ཆོས་འདུལ་བ་ལ་རག་ལུས་ཤིང་ལྷག་ཏུ་དམ་པ་འདི་ཉིད་ཚུལ་ཁྲིམས་མིག་གི་འབྲས་བུ་ལྟར་གཅེས་པར་འཛིན་པས་སྔ་མོ་ནས་ལུང་སྡེ་བཞི་གསན་བཞེད་ཡོད་པ་ལྟར་སྣ་ནམ་པ་ཆེན་པོ་རྡོ་རྗེ་བདུད་འཇོམས་དང་སྲིད་གསུམ་འགྲན་ཟླ་བྲལ་བ་ཆོས་རྗེ་བླ་མ་དམ་པའི་རྣམ་འཕྲུལ་མཐུ་སྟོབས་ཀྱི་དབང་ཕྱུག་ཀུན་དགའ་རྣམ་རྒྱལ་གྱི་བསྟི་གནས་གོང་དཀར་རྡོ་རྗེ་གདན་གྱི་ཆོས་གྲྭ་ཆེན་པོའི་དཔལ་འབྱོར་གླིང་དུ་ཁུ་སྟོན་ངག་དབང་རྣམ་རྒྱལ་ལ་འདུལ་བ་ལུང་སྡེ་བཞི་དང་གཞན་ཡང་ཆོས་བཀའ་ཅི་རིགས་གསན་ཅིང་སྔ་ཕྱི་མང་པོར་ཉི་མ་གླིང་དུ་མཐུ་སྟོན་འཇིགས་མེད་དཔའ་བོའི་རིང་ལུགས་འཛིན་པ་ལ་འགྲན་ཟླ་མེད་པ་མཁས་བཙུན་གྲུབ་པའི་དབང་ཕྱུག་ཆེན་པོ་བླ་ཆེན་ཚུལ་ཁྲིམས་བཀྲ་ཤིས་པར་དུས་ཀྱི་འཁོར་ལོའི་སྐུ་གསུང་ཐུགས་ཡོངས་སུ་རྫོགས་པའི་དབང་། གོང་དཀར་བ་ལུགས་ཀྱི་ལམ་འབྲས་ཀྱི་འཁྲིད་ཡོངས་རྫོགས། བྱིན་རླབས་དང་ལུང་ཁ་ཤས། ལམ་སྐོར་ཕྱི་མའི་ལུང་། ཡི་གེ་མེད་པ་དང་མཆོད་རྟེན་དྲུང་ཐོབ་ཀྱི་བྱིན་རླབས། ཡོ་ག་ཁམས་གསུམ་རྣམ་རྒྱལ། དཔལ་མཆོག་རིགས་བསྡུས། རྡོར་དབྱིངས་ཕྲེང་བའི་

― GLG008_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་གི་བདུད་རྩི་གསུམ། ས་ཕུར་སྟོད་ལས་གསུམ་གྱི་དབང་། སྨད་ལས་དྲག་པོ་སྒྲོལ་བའི་རྗེས་གནང་པཎ་ཆེན་ཀུན་བཀྲས་པར་བདེ་ཆེན་རལ་གཅིག །རྡོ་རྗེ་རྩེ་མོ་རིགས་བསྡུས་ཀྱི་དབང་སོགས་ཟབ་ཆོས་རྒྱ་ཆེ་བས་ཐུགས་ཀྱི་བུམ་བཟང་ཡོངས་སུ་གང་བར་མཛད། སླར་ཡང་བཀྲ་ཤིས་ཆོས་སྡེར་ཕེབས། དེའང་བསྟན་པ་སྤྱི་དང་བྱེ་བྲག་རྗེ་བཙུན་ས་སྐྱ་བའི་བསྟན་པ་དང་སྟོན་པ་ལས་གཞན་དུ་མི་འཚོལ་བའི་ཐུགས་ཀྱི་དམ་བཅའ་བརྟན་པོ། ཚར་ཆེན་ཆོས་ཀྱི་རྒྱལ་པོའི་ལམ་ཡིག་ཏུ། རྗེ་བཙུན་རྡོ་རིང་པ་ཆེན་པོ་དང་མཇལ་ནས་གསུང་ངག་རིན་པོ་ཆེ་ཐོབ་པ་མན་གཞན་བླ་མ་དང་གདམས་ངག་གང་ལའང་བྱང་ཆུབ་སྒྲུབ་པའི་ཆེད་དུ་མི་སྨོན་ཞིང་འགྲམ་ཆུ་མི་ལྡང་བའི་ངེས་ཤེས་གཏིང་ཚུགས་པ་ཞིག་ཡོད། ཅེས་གསུངས་པ་ལྟར་འགྱུར་བའི་གོ་སྐབས་ག་ལ་སྲིད་ཀྱང་། རྗེ་བཙུན་གྲོལ་མཆོག་གིས། དམ་ཆོས་ཀུན་གདུལ་བྱའི་བློ་བྲིད་ལས། །ཕྱོགས་འཛིན་གྱི་གྲུབ་མཐའ་སྐྱོང་མ་མྱོང་། །ཆོས་དུ་མ་རོ་གཅིག་གི་རྣལ་འབྱོར་པ། །གྲུབ་མཐའ་རྐང་མཚུགས་ཟེར་ཀྱང་འགྱོད་རྒྱུ་མེད། །ཅེས་པ་བཞིན་བདག་ཅག་གི་སྟོན་པས་ཀྱང་ལ་ལར་གང་ཟག་གི་བདག་ཡོད་པར་བསྟན་པ་སོགས་གདུལ་བྱ་རྗེས་སུ་འཛིན་པ་ལ་ཐབས་སྣ་ཚོགས་ཤིག་དགོས་པས་རིས་མེད་པའི་ཆོས་ལུགས་ལ་གསན་བསམ་འཆད་ཉན་མཛད་པའང་གདུལ་བྱ་རྗེས་སུ་འཛིན་པར་དགོངས་ཤིང་ཁྱད་པར། ཀུན་མཁྱེན་མཁྱེན་བརྩེའི་གསུང་མགུར་ལས། ངས་སྦྱངས་པ་དེ་ས་སྐྱ་པའི་གཞུང་ལུགས་ལ་སྦྱངས་ཀྱང་། མཁས་པ་དེ་གསང་སྔགས་རྙིང་མ་ལ་མཁས་པ། འདི་ཀོ་སྔོན་གྱི་ལས་འཕྲོ་ཞིག་ཡིན་ནམ། །ཨ་ཧོ་ངོ་མཚར་དུ་ཆེ་བྱུང་། ངས་བསྒོམས་པ་དེ་གསུང་ངག་ལམ་འབྲས་བསྒོམས་ཀྱང་། རྟོགས་

― GLG008_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་རྫོགས་པ་ཆེན་པོ་ལ་ཤར་བ། འདི་ཀོ་སྔོན་གྱི་ལས་འཕྲོ་ཞིག་ཡིན་ནམ། ཨ་ཧོ་ངོ་མཚར་དུ་ཆེ་བྱུང་། ངས་གསོལ་བ་དེ་རྣལ་འབྱོར་དབང་ཕྱུག་ལ་བཏབ་ཀྱང་། བྱིན་རླབས་དེ་ཨྱོན་པདྨ་ཁོས་གནང་བ། འདི་ཀོ་སྔོན་གྱི་ལས་འཕྲོ་ཞིག་ཡིན་ནམ། ཨ་ཧོ་ངོ་མཚར་དུ་ཆེ་བྱུང་། ངས་བཤད་པ་དེ་དམ་ཆོས་ཕྱོགས་མེད་ཅིག་བཤད་ཀྱང་། འགྲོ་ཕན་དེ་གསང་སྔགས་རྙིང་མ་ལ་བྱུང་བ། འདི་ཀོ་སྔོན་གྱི་ལས་འཕྲོ་ཞིག་ཡིན་ནམ། ཨ་ཧོ་ངོ་མཚར་དུ་ཆེ་བྱུང་། ཞེས་གསུངས་པ་བློ་ཆུང་ཅི་རིགས་ཀྱི་ཁོང་པར་མི་ཤོང་ཡང་འཁོན་ཀླུ་དབང་སྲུངས་ནས་དཀོན་ཅོག་རྒྱལ་པོ་ཡན་ལ་རྙིང་མ་བཀའ་མའི་སྔགས་འཆང་ཤ་སྟག་ཏུ་བྱོན་ཞིང་། དེ་ནས་ཀྱང་ཡི་དམ་ཡང་ཕུར་དང་ཆོས་སྐྱོང་དཀར་བདུད་ལ་མཛད་ལ། མཉམ་མེད་བསམ་གཏན་གླིང་པའི་ཨ་ཏི་ཡང་ཕུར་གྱི་རྫོགས་རིམ་ཁྱད་པར་ཅན་དང་རྗེ་བཙུན་རྡོ་རིང་པ་ཆེན་པོ་སྐུ་ཐོག་ཏུའང་རྙིང་མ་བའི་སྔགས་འཆང་འཇའ་ལུས་གྲུབ་པ་གཉིས་ཙམ་བྱུང་ཚུལ་བླ་ཆེན་རུ་ཐོག་པ་ནམ་མཁའ་གཟི་བརྗིད་ཀྱིས་གསུངས་པ་ལྟར་ཚར་ཆེན་ཡབ་སྲས་བཀའ་གཏེར་ཆོས་ཀྱི་གནད་མཁྱེན་པའི་ཐུགས་གཙིགས་ཆེ་ཙམ་གནང་བའི་རྒྱུན་བཞིན་རྗེ་བླ་མ་འདི་ཉིད་ཀྱིས་ཀྱང་ཀླུ་སྒྲུབ་རྗེར་གསན་པ་ཙམ་དུ་མ་ཟད་ཉང་ཏིང་འཛིན་བཟང་པོ་དང་མངའ་བདག་ཉི་མ་འོད་ཟེར་སོགས་གྲུབ་བརྙེས་ཉང་རིགས་སྟོད་སྨད་མང་པོར་གྱེས་པའི་ཉང་སྟོན་སྨན་ལུང་པ་མི་བསྐྱོད་རྡོ་རྗེའི་གདུང་རིགས་ལས་སོན་ཅིང་བླ་མ་མངའ་བདག་གི་བྱང་ལས་ཀྱི་མཁའ་འགྲོའི་བཀའ་བབས་གཉོས་ཞིག་ཆེན་པོ་ནས་རིམ་བརྒྱུད་ཁྲ་ཚང་པའི་སྣག་དབོན་རྗེ་ཁྱབ་བདག་བློ་མཆོག་རིག་པའི་རྡོ་རྗེ་ཞེས་པཎ་ཆེན་བི་མཱ་ལ་མི་ཏྲའི་སྤྲུལ་པར་ལུང་གིས་ཟིན་པ་དེ་ལ་

― GLG008_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་ཁ་འོག་མ་བླ་མ་ཡོངས་རྫོགས་ཀྱི་དབང་ལུང་། བཀའ་བརྒྱད་གསང་བ་ཡོངས་རྫོགས་ཀྱི་ཆོས་སྐོར། རྟ་མགྲིན་དབུ་དགུ་ཕྱག་བཅོ་བརྒྱད་པའི་སྒྲུབ་སྐོར། རྟ་མགྲིན་ནག་པོ་ལྕགས་རལ་ཅན་གྱི་དབང་ལུང་། འཆར་ཀ་གནམ་སྐས་མའི་སྒྲུབ་སྐོར། ཐུགས་སྒྲུབ་དྲེགས་པ་ཚར་གཅོད་དུ་གྲགས་པའི་དྲག་དམར་གྱི་དབང་ལུང་། ཕྱག་རྡོར་གཏུམ་པོའི་སེང་གེ་སྒྲ་སྒྲོག་དབང་ལུང་། དྲེགས་པ་དབུ་དགུའི་སྲོག་དབང་ལུང་བཅས། ཛམ་བྷ་ལ་དམར་པོའི་ཆོས་སྐོར། གྲྭ་པའི་འཛམ་དམར་གྱི་སྒྲུབ་སྐོར། དུང་ཚོ་རས་པའི་རྫོགས་ཆེན་ཡང་ཏི་ནག་པོ་གསེར་གྱི་འབྲུ་གཅིག་མའི་དབང་ལུང་ཁྲིད་བཅས། རཏྣ་གླིང་པའི་ཐུགས་སྒྲུབ་ཡང་སྙིང་འདུས་པའི་དབང་ལུང་། གུ་རུ་དྲག་པོའི་དབང་ཆེ་འབྲིང་ཆུང་གསུམ་སྒྲུབ་སྐོར་ལུང་བཅས། ཉང་གི་བླ་མ་དམར་འཁྲིད་ཀྱི་ཆོས་སྐོར། གཏེར་རྒྱུད་སྙིང་པོའི་དབང་ལུང་། རྟ་མགྲིན་ནག་ཆུང་ལྷ་བརྒྱད་གྱི་དབང་ལུང་། སྣང་རྩེ་བའི་རྟ་ནག་གི་དབང་ལུང་། གདུགས་དཀར་ལྷ་བཅུ་བདུན་མའི་དབང་། ཕ་དམ་པའི་འཇམ་དབྱངས་ཆོས་སྐོར། སྒྲོལ་མའི་མཚན་བརྒྱ་རྩ་བརྒྱད་དང་མཐུན་པའི་རྗེས་གནང་། འཁྲུངས་རབས་སོ་བཞི་པའི་ལུང་སོགས་མང་དུ་གསན། ཆོས་དབང་རིན་པོ་ཆེའི་གདུང་འཛིན་ལྷ་བྲོ་སྤྲུལ་སྐུ་ཀརྨ་གུ་རུ་ཞེས་ལོ་ཆེན་བཻ་རོ་ཙ་ནའི་སྤྲུལ་པར་ལུང་གིས་ཟིན་ཅིང་བཀའ་གཏེར་ཆོས་ཀྱི་སྲོག་ཤིང་ཆེན་པོ་གང་དེའི་གདམས་པའི་བཀའ་བབས་སྒྲུབ་མཆོག་ཆོས་དབང་བསམ་གྲུབ་ཀྱི་གདམས་པས་ཐུགས་རྒྱུད་ཡོངས་སུ་གང་བའི་མཐུས་སྲིད་པའི་ཕུན་ཚོགས་མཐའ་དག་ཆུ་ཤིང་གི་འབྲས་བུ་དང་མེ་འོབས་ལྟ་བུར་གཟིགས་ནས་ཆོས་བརྒྱད་ཀྱི་བུན་ལོང་ཐམས་ཅད་རྒྱབ་

― GLG008_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་བསྐྱུར་ཉེ་བས་མཐའི་དབེན་གནས་སུ་ལྷུན་གྲུབ་སྣང་བ་བཞི་ཁོར་ཡུག་ཏུ་འདའ་བའི་མཚུངས་མེད་ཆོས་དབང་ཀུན་བཟང་ལ་ཆོས་དབང་གི་བླ་མ་གསང་འདུས་ཀྱི་དབང་ལུང་། བླ་མ་སྐུ་གསུམ་གྱི་སྒྲུབ་པ། པདྨ་ལམ་ཟབ་ཀྱི་གུ་རུ་ཁྲོ་བོ་རིགས་གསུམ་གྱི་དབང་ལུང་། ཚེ་དཔག་མེད་རྫོང་ཆེན་མའི་ཚེ་དབང་། རྫོགས་ཆེན་སངས་རྒྱས་མཉམ་སྦྱོར་གྱི་ཆོས་སྐོར། ཐུགས་རྗེ་ཆེན་པོ་ཡང་སྙིང་འདུས་པའི་དབང་ལུང་། རྟ་མགྲིན་ནག་པོའི་དབང་ལུང་། བླ་མ་གསང་འདུས་ཀྱི་ཆ་རྐྱེན་པདྨ་བཅུད་བསྡུས་ཀྱི་ཆོས་སྐོར་དོན་ཚན་བཅུ་གཉིས་པ། དཔལ་མགོན་མ་ནིང་གི་ཆོས་སྐོར། མངའ་རིས་པཎ་ཆེན་པདྨ་དབང་རྒྱལ་གྱི་པདྨ་སྙིང་ཏིག་གི་ཆོས་སྐོར། རྫོགས་པ་ཆེན་པོ་ཀུན་བཟང་སྙིང་ཏིག་གི་ཆོས་སྐོར། རྫོགས་པ་ཆེན་པོའི་རྒྱུད་བཅུ་བདུན་སོགས་ཀྱིས་མཚོན་པའི་ཟབ་ཆོས་མང་དུ་གསན། གངས་ཅན་གྱི་ལྗོངས་འདིར་བསྟན་པ་དབུ་བསྙེངས་པའི་གནས་ཆེན་ཕོ་བྲང་ཡུམ་བུ་བླ་མཁར་མཇལ་བར་ཕེབས་ཏེ། ཆོས་རྒྱལ་ཐོ་ཐོ་རི་སྙན་ཤལ་གྱི་མཁར་བྱིན་རླབས་ཅན་དེར་བསྟན་པ་རྒྱས་པའི་ཕྱག་མཆོད་སྨོན་ལམ་མཛད་ཞོལ་དེར་ཚལ་དུས་བཞེངས་པའི་གྱང་ལོགས་ཤིག་ལ་མགོན་པོ་གུར་གྱི་བལ་བྲིས་རྙིང་པ་བྱིན་རླབས་ཅན་ཞིག་ཡོད་པར་འདི་བབས་ཆགས་ཤིང་ཟིལ་ཆེ་ཞེས་སྙན་ཤལ་སྒྲོན་པའི་ཚེ་དེ་འཕྲལ་ཞལ་ནས་བདུད་རྩི་ཟིལ་པ་ཁྲོམ་ཁྲོམ་བྱུང་བའི་ཤུལ་ད་ལྟ་ཡང་ཡོད། དེའི་ཤར་ཕྱོགས་ཀྱི་བང་སོ་དེར་གཏེར་མང་པོ་ཡོད་པ་འདྲ་ཞེས་གཟིགས་རྟོག་གནང་བས་གྱང་ཧྲབ་ཙམ་བརྐོས་ཤུལ་ཀྱི་སྟེང་ན་གཡམ་པའི་གནམ་སྒོ་ཞིག་འདུག་པར་ཕྱག་རེག་པས་ཁྲལ་ཁྲོལ་བྱེད་པར་འདི་རྔོགས་ན་གཏེར་ཡོད་ངེས་རུང་རེ་ཞིག་གཞོག་གསུངས་པ་ཞམ་

― GLG008_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲིང་པ་སོགས་དེར་ཡོད་ཐམས་ཅད་ཀྱིས་ངེས་ཤེས་སུ་གྱུར་ནའང་རྗེས་སུ་བལྟས་པས་ཤུལ་ཙམ་ཡང་མ་བྱུང་སྣང་། བསྟན་པ་སྤྱི་སྒོས་ཀྱི་ཆེད་དུ་འཇིགས་བྱེད་དྲུག་ཅུ་པའི་གཏོར་བཟློག་གནང་། སྐབས་ཤིག་གཟིམས་ཆུང་གི་ནང་ཤ་ཆེན་གྱི་གསུར་དུད་ཆེན་པོས་ཁེངས་པ་བཀའ་ལས་ཁྱོད་ཚོས་ཤ་བསྲེགས་པའི་དྲིས་ངའི་གྲེ་བ་འགགས་གསུངས་པར་མཆོད་དཔོན་གྱི་ངེད་ཚོའི་ཁྲོད་ན་བསྲེག་མཁན་མེད་གཟིམས་ཆུང་ནང་རང་ནས་དྲི་མ་བྱུང་ཞུས་པས་ཅང་མི་གསུང་། དེ་ནུབ་བླ་བྲང་ཐོག་ནས་གཏོར་མ་འཕེན་པ་གནང་བས་སྨན་ལུང་གི་མདའ་ན་ཆོས་སྡེ་ལ་ཤིན་ཏུ་བརྣག་པའི་མ་རུངས་པ་ཞིག་ཡོད་པ་དེ་སྲོད་འཁོར་ལ་གྲིར་གུམ། བླ་བྲང་གི་རྒྱབ་ཏུ་སྔར་ནས་བཙན་ཞིག་ཡོད་པ་གཏོར་ཟོར་བབས་པ་དཔལ་ལྡན་དུས་ཀྱི་དགྲ་བོའི་གཟི་བྱིན་མ་བཟོད་པར་སྣེ་མོ་ཁང་གསར་གྱི་རྒྱ་ལམ་ཁར་སྤོས་པ་ད་ལྟའང་ཡོད་དོ། །ཆགས་བྲལ་ཚངས་པར་སྤྱོད་ཀྱང་འདོད་ཡོན་ཀུན། །ལམ་ཁྱེད་རྡོ་རྗེ་གདན་མཚུངས་ཆོས་ཀྱི་སྡེར། །ཐུབ་བསྟན་དགོངས་པ་གཅིག་པའི་འགལ་མེད་གར། །བསྒྱུར་ཚེ་ཀླུ་སྒྲུབ་སྙིང་པོ་གཟུགས་གཞན་བཟུང་། །དཔལ་ལྡན་ཆོས་ཀྱི་འབྱོར་པ་གླིང་ཡངས་པོར། ཁུ་སྟོན་སྨྲ་ལ་ངག་གི་དབང་ཕྱུག་པ། །རྣམ་དཔྱོད་ཡིད་བཞིན་རྒྱལ་མཚན་རྩེར་བཀོད་ལས། །སྡེ་བཞིའི་ལུང་གི་འདོད་རྒུ་ཆར་དུ་བསྙིལ། །ཚུལ་ལྡན་ཁྲིམས་གནས་མཁྱེན་པའི་ལྷ་ལམ་ངོས། །སྨིན་གྲོལ་གཞུང་བཤད་འཇའ་ཚོན་རབ་བཀྲ་བ། །ཤིས་བརྗོད་གླུ་ཡི་ཉི་མས་ཡོངས་ཁྱབ་པའི། །གླིང་འདིར་ངེས་གསང་བསྟན་པའི་བདག་པོར་བསྐོས། །གཞོམ་མེད་བློ་མཆོག་ཡངས་པ་རྡོ་རྗེའི་ཁམས། །རྣམ་དཔྱོད་གཡས་

― GLG008_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྱིལ་མགྲིན་ལས་ལེགས་བཤད་སྒྲ། །འདྲེན་པའི་སྙན་གྱི་དབང་པོར་ཆེས་དངར་བས། །དབྱངས་བདུན་ཚང་བའི་གླུ་ལ་ཡི་རང་བཅད། །ཆོས་བརྒྱད་ཚ་ཟེར་སྤངས་པའི་རྟ་ལྡན་སྣར། །ཀུན་བཟང་ཆོས་ཀྱི་ས་བོན་ཡོངས་ཞུགས་འབྲས། །འོད་གསལ་སྣང་བཞིའི་ལུས་རྫོགས་ཐ་སྐར་སྐྱེས། །འཇམ་མགོན་མཐོ་རིས་དབང་པོའི་བླ་ཡི་སྨན། །གངས་ཅན་འཛིན་མའི་མངལ་དུ་བསྟན་པའི་དབུ། །ཐོག་མ་སྦྲུམས་པའི་ཕོ་བྲང་ཡོམ་བུ་རུ། །ཀུན་ཡིད་ཚར་དུ་མངར་བའི་བརྗོད་པའི་མཐའ། །འཚོལ་ལ་ཁྱབ་འཇུག་གོམ་པས་མ་བགྲོད་ངལ། །རིས་བྲལ་འགྲོ་ལ་རང་བདེ་གཏོང་ནུས་པའི། །རྒྱལ་སྲས་སྤྱོད་ལ་བསླབ་པའི་སེམས་དཔའ་ཆེ། ཁྲག་འཐུང་ཡེ་ཤེས་རྡོ་རྗེའི་མཚོན་རྣོན་པོས། །བརྩེ་མེད་དགྲ་བགེགས་དོན་སྙིང་འབིགས་འདི་ཅི། །ཧོར་ཟླ་དྲུག་པའི་ནང་དུ་ཆིབས་ཁ་བསྐྱོད་དེ་གོང་དཀར་རྡོ་རྗེ་གདན་གྱི་ལྷ་གླིང་སྤྱིལ་པོར་ཕྱི་རོལ་རྣམ་པར་གཡེང་བའི་འདུ་འཛི་ཐམས་ཅད་རྒྱང་དུ་བསྲིངས་ནས་སྐུ་གསུང་ཐུགས་ལྷ་སྔགས་ཡེ་ཤེས་ཀྱི་རོལ་པས་ཁོར་ཡུག་ཏུ་འདའ་བའི་བཅད་རྒྱ་ཟླ་བ་བརྒྱད་ཀྱི་རིང་མཛད་པའི་སྐབས་དམ་བཅའི་ཕྱག་བྲིས་སུ་གནང་བ་སྐུའི་བཀོད་པ་བསྡུས་རྗེས་རྙེད་པ་ལས་འདི་ལྟར། ཨོཾ་བདེ་ལེགས་སུ་གྱུར་ཅིག །རང་བྱུང་ལྷུན་གྲུབ་ཡེ་ཤེས་ཁྱབ་བརྡལ་ལས། །མ་འགགས་རང་རྩལ་སྤྲུལ་པའི་སྐུ་རུ་བྱོན། །འགྲོ་བ་ཀུན་གྱི་སྐྱབས་གཅིག་པདྨ་འབྱུང་། ཁྱད་པར་བདག་གི་འདི་ཕྱིའི་མགོན་གཅིག་པུ། ཁྱེད་ལ་གསོལ་འདེབས་སྙིང་ནས་སྐྱབས་སུ་མཆི། །རྒྱལ་བ་གང་དེའི་ཡེ་ཤེས་རྣམ་རོལ་ལས། །སྤྲུལ་པའི་ཟློས་གར་བཤེས་གཉེན་དམ་པའི་ཚུལ། །མདོ་སྔགས་གསར་རྙིང་བཀའ་གཏེར་མ་ལུས་པ། །ཉི་ལྟར་

― GLG008_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་མཛད་མཁྱེན་བརྩེའི་དབང་ཕྱུག་མཁྱེན། །དེ་ཡི་རྡོ་རྗེ་ཡེ་ཤེས་རྣམ་གསུམ་གྱིས། །བསྐྲུན་པའི་རྒྱལ་ཚབ་གྲུབ་དབང་རྡོ་རྗེ་འཆང་། །བཀའ་དྲིན་མཉམ་མེད་དབང་ཕྱུག་རབ་བརྟན་གྱི། །ཞབས་ལ་ཕྱག་འཚལ་གསོལ་འདེབས་སྐྱབས་སུ་མཆི། །ཆོས་དབྱིངས་བདེ་ཆེན་མཐའ་བྲལ་རང་ཉིད་ལས། །གང་འདུལ་ཐབས་ཀྱིས་འགྲོ་བ་རྗེས་གཟུང་ཕྱིར། །ཞི་དང་ཁྲོ་དང་ཞི་མ་ཁྲོ་ཡི་ཚུལ། །རབ་འབྱམས་ལྷ་ཚོགས་བདག་གིས་བསྙེན་ཅིང་སྒྲུབ། །རྡོ་རྗེ་འཆང་དབང་ཐུགས་ལས་རྣམ་སྤྲུལ་པའི། །རྒྱལ་བའི་བསྟན་སྲུང་མ་རུངས་ཚར་གཅོད་པ། །དྲག་ཤུལ་མཐུ་ལྡན་དམ་ཅན་ཚོགས་རྣམས་ཀྱིས། །བྱང་ཆུབ་བསྒྲུབ་པའི་གྲོགས་མཛོད་བར་ཆད་སོལ། །ཇི་ལྟར་འདབ་བཟང་དབང་པོ་མཁའ་ལ་བགྲོད། །དེ་ལ་འགྲན་མིན་ཉམ་ཆུང་བུང་བའི་ཚོགས། །རང་རྩལ་འབད་ནས་ནམ་མཁར་འཕུར་བ་ལྟར། །སྔོན་བྱོན་དམ་པ་རྣམས་ལ་འགྲན་མིན་ཡང་། །རང་ཉིད་འཁོར་བའི་འདམ་ལས་རབ་བརྒལ་ནས། །མ་རྒན་འགྲོ་བ་སྨིན་གྲོལ་ལ་འགོད་ཕྱིར། །དམ་པའི་རྗེས་ཞུགས་གོ་ཆ་ཆེར་གྱོན་ནས། །ཉོན་མོངས་དགྲ་ཚོགས་གཡུལ་ལས་རྣམ་རྒྱལ་ཏེ། །སྐུ་བཞིའི་རྒྱལ་སྲིད་འཐོབ་ཕྱིར་ངས་འདིར་འབད། ། དེ་ལ་འ་ཞའི་རྒྱལ་རིགས་ལས་བྱུང་བའི་བཙུན་པ་མཁས་གྲུབ་དམ་པ་མང་པོའི་དབོན་དུ་གྱུར་ཅིང་རྗེས་སུ་བཟུང་བ། དམ་པའི་ཆོས་ཚུལ་མང་དུ་ཐོས་པ། རྒྱུ་འབྲས་ཀྱི་ཆོས་ལ་བདེན་པའི་དད་པ་ཐོབ་པ། བླ་མ་རྒྱལ་བ་སྲས་དང་བཅས་པ་ལ་མི་ཕྱེད་དད་པས་ཕྱུག་པ་མིང་གནས་གསར་དབོན་པོ་མགོན་པོ་བསོད་ནམས་མཆོག་ལྡན་ཞེས་བགྱི་བ་བདག་ཡོངས་འཛིན་བླ་མ་མང་པོས་ཐུགས་རྗེས་

― GLG008_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱངས་པའི་དབང་འཁྲིད་གདམས་པ་མང་དུ་ཐོབ་ཀྱང་རང་ཉིད་ཀྱི་རྒྱུད་ལ་ནི་མ་འབྱོར། ལུང་རྟོགས་དང་སྦྱངས་པའི་ཡོན་ཏན་ནི་མེད། ཤེས་རབ་དང་བརྩོན་འགྲུས་ནི་ཞན། དཀའ་སྤྱད་སྡུག་རུས་ནི་ཆུང་། ལེ་ལོ་དང་སྙོམ་ལས་ནི་ཆེ། སྦྱིན་སྟོབས་དང་བསྒོམས་སྟོབས་ནི་ཉུང་། གཉིད་རྨུགས་དང་རྣམ་གཡེང་ནི་མང་། དེ་ལ་སོགས་པའི་སྐྱོན་དང་ཉེས་པ་ནི་བརྗོད་པས་མི་ལང་། ཡོན་ཏན་དང་དགེ་བ་ནི་བཙལ་བས་མི་རྙེད་པའི་ཚོད་ཙམ་དུ་འདུག །མི་ཚེ་ནི་ཕྱེད་ལྷག་སོང་འདུག །འཚང་རྒྱ་བར་ནི་སྤུ་ཙམ་མི་ཉེ་བའི་ཁར་ཉེས་ལྟུང་མང་པོ་ཞིག་གིས་མར་ལ་ཨེན་ཙམ་ཉེ་རུ་སོང་འདུག་སྙམ་པའི་བློ་ལ་བདེ་བའི་སྐབས་མ་བྱུང་བས་སླར་ཡང་ཡང་བསམས་པས་མཚམས་མེད་པའི་སྡིག་པོ་ཆེ་ཡང་གསང་སྔགས་ཀྱི་གནད་གསང་ཤེས་ན་མྱུར་དུ་འཚང་རྒྱ་བར་གསུངས་འདུག །སྙིང་རུས་དང་ལྡན་ན་ཟླ་བ་དྲུག་རྩེ་གཅིག་བསྒོམས་པས་ཕུང་པོ་ལྷག་མེད་འགྲུབ་པར་ཡང་གསུངས། ཚུལ་བཞིན་དུ་བསྒོམས་ན་ཞག་བདུན་གྱིས་བདེན་པ་མཐོང་བར་དུས་འཁོར་ལས་གསུངས་པ་སོགས་ཀྱིས་སྤྲོ་བ་སླར་རྙེད། ད་ཆ་རང་ལོ་སོ་བརྒྱད་པ་འབྲུག་ལོ་ཟླ་བ་དང་པོ་ནས་བཟུང་ཇི་སྲིད་འཚོའི་བར་ཚེ་འདིའི་བདེ་སྐྱིད་སྙན་གྲགས་ཆེད་དུ་མི་སྒྲུབ་ཟས་སྟེར་མི་བྱུང་ན་བྱོལ་ཉོག་ཏུ་མ་སོང་བར་ལོངས་སྤྱོད། མ་བྱུང་ན་བཅུད་ལེན་ལ་སོགས་པའི་ངན་ངོན་ལ་བརྟེན་གོས་སྟེར་མི་བྱུང་ན་གྱོན། མ་བྱུང་ནའང་ཆོས་གོས་རྣམ་གསུམ་ངན་རྙིགས་དག་གཏུམ་མོ་ལ་བརྟེན་པ་བྱེད། ཆོས་བཀའ་གཏེར་མདོ་སྔགས་རྣམ་དག་ཞུ་ས་གང་ན་ཡོད་ཀྱང་ཞུ། ཁྱད་པར་ཁེ་དང་རྒྱལ་ཁ་གཞན་ལ་བསྐུར་ཞིང་གྱོང་རང་གིས་ལེན་པ་གང་ཡོང་ཡོང་བྱེད། ལྷག་

― GLG008_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ལྷའི་བསྙེན་པ་རིགས་མི་གཅིག་པ་བརྒྱ་ཕྲག་བྱེད། རྟགས་དང་མཚན་མ་ཡོད་རེ་མེད་ཀྱང་གྲངས་བསྙེན། དུས་བསྙེན། གཙོ་འབུམ། འཁོར་ཁྲིར་ལོངས་པ་བརྒྱ་ཕྲག་གཅིག་ལོ་ཞེ་དགུ་ཚུན་ལ་གྲུབ་པ་བགྱིད། དེ་ནས་ཀྱང་མ་ཤི་ན་ཅི་འགྲུབ་བྱེད། དེ་དག་གིས་ཁས་ལེན་དང་དམ་བཅའ་ལ་རྟ་ཟི་བ་དང་ཉམས་ལེན་ལག་ཐོག་ཡོད་པ་ལ་ཁྱི་མི་རི་བ་བྱུང་གི་དོགས་འདུག་པས་ཡང་ཡང་ཞུས་དག་བྱེད། གྲུབ་ན་ཁེངས་རློམས་སྤངས་ཏེ་ཆོས་ཆོས་སུ་སོང་བ་བྱེད། དེ་དག་འགྲུབ་མ་འགྲུབ་བལྟ་ཕྱིར་ཡི་གེ་བྲིས་པ་ཡིན། སྤྲང་བན་བདག་གི་དམ་བཅའི་ཚིག་འདི་དག །བྱས་བྱུང་ཡི་གེར་འདྲི་བའང་མི་འོས་མོད། །འོན་ཀྱང་ཁེངས་དྲེགས་བཟང་འདོད་མ་ཡིན་པའི། །མ་འགྲུབ་ཚེ་ན་རང་ག་རང་ཁྲེལ་འདེབས། །ཚུལ་བཞིན་འགྲུབ་ན་ཞེན་མེད་དགའ་བ་སྒོམ། །དེས་ན་བླ་མ་ཡི་དམ་ཆོས་སྐྱོང་ཚོགས། །བདག་གི་དམ་བཅའ་ཚུལ་བཞིན་འགྲུབ་པ་དང་། །བསྒྲུབས་པའི་འབྲས་བུ་ཚུལ་བཞིན་འཐོབ་པར་མཛོད། །ཅེས་གསུངས་པ། རྗེ་མཁྱེན་བརྩེའི་གསུང་མགུར་ལས། དུས་དང་པོར་འཇིག་རྟེན་བྱ་བ་ཐོང་། །དུས་བར་དུ་ཚེ་འདིའི་བྱ་བ་ཐོང་། །དུས་ཐ་མར་ཆོས་ཀྱི་བྱ་བ་ཐོང་། །ང་ཅི་ནུས་བྱ་བཏང་རྣལ་འབྱོར་བགྱིད། །ལུས་སྣ་ཚོགས་རྒྱན་གྱིས་རབ་བརྒྱན་ཀྱང་། །རུས་ཤ་དང་པགས་པས་གཡོགས་པ་འདིས། །གོས་མཛེས་པས་བརྒྱན་ཀྱང་སྣང་ཤས་རྒྱུ། །ང་ཆ་ལུགས་ངན་ངོན་ཙམ་ལ་བརྟེན། །ཞེས་པའི་དོན་དང་མཚུངས་པར་མ་ཟད་ལྗོངས་འདིའི་མཁས་གྲུབ་ཆེན་པོའི་རྣམ་ཐར་ངོ་མཚར་བའི་གནས་འགངས་ཆེ་ཤོས་སུ་འདུག་ཅིང་ཞིབ་ཏུ་བརྟགས་ཚེ་ཞལ་གྱིས་འཆེས་པ་ཁོ་ན་མཛད་པར་ཡིད་ཆེས་ཀྱི་ངེས་པ་རྙེད་

― GLG008_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

པས་དད་པའི་གསོས་བླ་ན་མེད་པའོ། །དེ་ནས་དྲང་སྲོང་སྲིན་པོ་རིའི་གནས་མཇལ་ལ་བྱ་བྲལ་འགྲོས་ཀྱིས་ཕེབས། དེང་ང་འབྲི་གུང་པས་པཎ་ཆེན་ཤཱཀྱ་གདན་དྲངས་པའི་ཚེ་པཎྜི་ཏའི་བྷཱུ་ཏི་ཙནྟྲས་ཕྱག་རྒྱ་བ་རྫུན་ཆེ་ཞེས་སྐུར་པ་བཏབ་པའི་སྒྲིབ་སྦྱོང་དུ་རྗེ་བཙུན་མའི་ལུང་བསྟན་ལྟར་བདེ་མཆོག་གི་ལྷ་ཁང་བཞེངས་པའི་སྐུ་ཁྱད་པར་ཅན་དེའི་ཞབས་འོག་ཏུ་དར་སྐུད་འདྲོངས་པ་སོགས་བར་སྣང་མར་གྲགས་པ་དེ་ལམ་ཁྱུད་གང་ཙམ་ས་ལ་མ་རེག་པའི་ངོ་མཚར་གྱི་བཀོད་པ་དཀོན་གཉེར་དང་ཞམ་འབྲིང་བས་མཚོན་དེར་འཁོད་ཀུན་གྱི་འདྲེན་བྱེད་ཀྱི་ཡུལ་དུ་གྱུར། སྙན་དར་དང་ལྷ་བཤོས་མར་མེ་སོགས་མཆོད་སྤྲིན་སྤྲོས་ཏེ་བླ་མ་དང་དཔལ་འཁོར་ལོ་སྡོམ་པ་དབྱེར་མེད་ངོ་བོ་གཅིག་པའི་རྣལ་འབྱོར་གྱི་དབང་བཞི་བཞེས་པ་དང་བསྟན་འགྲོ་རྒྱས་པའི་སྨོན་ལམ་རྒྱ་ཆེར་འདེབས་པར་མཛད། དེ་ནས་གོང་དཀར་ཆོས་སྡེ་བརྒྱུད་རིམ་གྱིས་ཧོར་ཟླ་བཅུ་གཉིས་པ་ཉིས་བརྩེགས་ཀྱི་ལྕགས་འབྲུག་ཧོར་ཟླ་དང་པོར་རོང་ཁུ་ལུང་དུ་ཕེབས། རྗེ་བཙུན་མི་ལས་ལྷ་རྗེ་གནུབས་ཆུང་པར་དྲག་སྔགས་གཟའ་གདོང་དམར་ནག་གསན་ནས་ལས་སྦྱོར་གྱི་མཐུ་ཁང་ལག་མཐུས་གླགས་མི་རྙེད་པའི་ཆེད་དུ་བྲུས་པའི་ཕུག་པ་དེར་བྱོན་ཏེ་ནམ་ཟླ་ཟད་དུས་ཡིན་རུང་བྲག་ལས་སྒྲུབ་ཆུ་གློ་བུར་དུ་བབས་པ་ཕྱག་ཕྱི་བ་རྣམས་ཀྱིས་ལྕེ་ཐོག་ཏུ་མྱོང་ཞིང་ཡིད་ཆེས་ཀྱི་གནས་སུ་གྱུར། ཡུམ་བགྲེས་མོས་གསོལ་བ་བཏབ་པར་བརྟེན་གཞིས་ཀར་ཟླ་བ་ལྔ་ཙམ་གྱི་རིང་ལྗགས་བསྙེན་ཁ་གསོའི་སྐུ་མཚམས་དང་ཕྱོགས་འདུས་ཀྱི་སྣོད་ལྡན་རྣམས་ལ་དབང་འཁྲིད་ལུང་མན་ངག་སོགས་ཆོས་འཁོར་མཐའ་ཡས་པ་བསྐོར། དེ་ནས་བཀྲ་ཤིས་རྩེ་ཆོས་སྡེར་བྱོན། ཐུབ་གསུང་རིན་པོ་ཆེ་བཀའ་འགྱུར་རོ་ཅོག་ཡོངས་རྫོགས་ཀྱི་ལུང་

― GLG008_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་ཉག་ཕྲ་བ་ཐུགས་ཀྱིས་མ་བཟོད་པའི་ཕྱོགས་གང་དང་གང་དུ་ཡོད་ཅེས་རྩད་གཅོད་གནང་ཡང་ངེས་ཁུངས་མ་ཆོད་པའི་མུར་ཀོང་པོ་གཏེར་སྟོན་འཇའ་ཚོན་སྙིང་པོར་ཡོད་པའི་གནས་ཚུལ་གསན་པར་བརྟེན་འདེགས་རྩིས་མཛད། མེ་བྱི་བྱར་དྭགས་རྣམས་ཀྱིས་གཙང་སྡེ་སྲིད་ཀྱི་ཞབས་འདྲེན་བྱས་པ་ནས་བཟུང་བཀག་པོ་མང་དུ་འཕེལ་བའི་དྭགས་ཀོང་ཕྱོགས་སུ་རྒྱུ་འགྲུལ་མི་བདེ་བ་ཡོད་པས་ཕེབས་པ་མི་འགབ་པ་ཞུ་མི་མང་བ་བྱུང་ནའང་གསན་འཇོག་མ་གནང་བར་ཆོས་ཀྱི་གདུང་ཤུགས་དྲག་པོས་བལྟོས་མེད་དུ་ཕེབས་པའི་དྭགས་པོ་རུའི་གྲུ་བཏོན་སྒམ་པོའི་གཞིས་ཀ་ཀླུ་མཁར་ཞོལ་དུ་བཞུགས་ནུབ་སྔར་ཞལ་འདྲིས་མེད་ཀྱང་གདུང་བརྒྱུད་ནས་སྣེ་ལེན་དང་བཀག་པོའི་ཉེས་སེལ་ལ་སྡེ་པ་བཀྲ་ཤིས་རྩེ་བའི་སྐུ་སྐྱེ་ཡིན་ཟེར་བའི་བཙུན་པ་དྲག་པ་ཞིག་གིས་འགོ་བྱས་མི་བཅུ་གཉིས་ཙམ་ཕེབས་སྐྱེལ་དུ་བཏང་བའི་དྭགས་ལ་སྒམ་པོའི་ཕུ་གཉལ་ལ་མ་ཐེབས་ཙམ་གྱི་བྱང་སྟོངས་ན་ཆུ་ཆེན་པོས་བཅད་ནས་མི་ཐར་བར་ཐུག་ཚེ་བཀའ་ལས་ཡས་མས་ཚོར་འཁྱགས་ཟམ་ཡོད་འདྲ་ལྟོས་དང་གསུངས་པ་ལྟར་བྱ་རོག་ཅིག་གིས་སྣ་དྲངས་པའི་སྙེད་ནས་ཕ་རིར་བྱོན་པ་དང་འཁྱགས་ཟམ་བརྡེབ་པ་ན་སྣ་མོ་ཤག་གྲུབ་ཆེན་པས་མཆི་མ་འདོན་ཞིང་ཕྱག་མང་དུ་བཙལ་བླ་མ་ཁྱེད་ལ་ཐུགས་རྗེ་ཡོད་ཀྱང་ཡོད་བྱུང་ཡང་བྱུང་། ཞུས་ཤིང་ཇག་པ་ཁ་ཤས་འོང་བའང་ཆུར་མ་ཐར་པ་སོགས་ཆོམ་རྐུན་གྱི་འཇིགས་པ་ལས་གྲོལ་ཏེ་ཀུན་ཡ་མཚན་དུ་གྱུར། ཞབས་སྐྱེལ་བ་དམངས་ལ་ལ་འགྲོ་མ་འདོད་པའི་བྲོས་ཤིང་རྒད་བུ་ཞིག་ལུས་པས་ལམ་རྒྱུས་ཞུས་གཉལ་ལ་དེ་ཁ་བ་ཆེས་པས་ཁལ་རྣམས་དབང་སྐྱེལ་དང་རྐང་ལག་འཕྱིད་པ་ཁ་ཡར་སོགས་ཚང་མ་འོ་བརྒྱལ་བའི་ངང་ནས་ཕེབས་པའི་གནས་མལ་དུ་

― GLG008_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་ནུབ་ཕྱག་གཡོག་ཚོ་སྡོད་སའི་ཐོག་བརྡིབ་སྟེ་འུར་ཞོགས་ཆེའང་ཉེས་སྐྱོན་མ་བྱུང་བས་གཏེར་གསར་གྱི་སྲུང་མ་རྣམས་གཉན་པའི་འཚུབ་ཏུ་ངོས་འཛིན་མཛད། སང་ཉིན་བཤུལ་དུ་བཞུགས་སྐབས་ཕར་གནས་ཚུལ་གྱི་སྔན་ཕར་གནང་བ་མདའ་རྒྱང་དེ་ཙམ་ནས་མི་ཞིག་དང་འཕྲད་དེ་གླེང་མོ་བྱས་ཡར་སླེབས་བྱུང་བ་གཏེར་སྟོན་གྱིས་ཕེབས་བསུར་བརྫངས་པའི་ང་ལ་དབོན་པོ་ཡིན་ཟེར་བས་ཁ་བཏགས་ཀྱི་ཕྱག་མཇལ་དང་སྤོས་ཆག་སྤར་བཞིན་པས་སྤྱན་དྲངས། ཁྱེད་དཔོན་སློབ་ལ་སུས་ཞུས་གནང་བས་སྐད་ཆ་མི་དགོས་ཁོ་རང་གིས་ཤེས་ཡོང་ཟེར་སྐད། གཏེར་སྟོན་དཔོན་སློབ་དགུན་ཚང་དུ་ཆོས་ཐོག་ལ་ཕེབས་པ་དང་འགྲིག་པར་དངོས་པོ་བརྒྱ་ཕྲག་ཏུ་ལོངས་པའི་འབུལ་བ་དང་བཅས་མཇལ། གཏེར་སྟོན་གྱིས་བཀའ་འགྱུར་ཐོག་མཐའ་བར་གསུམ་གྱི་ལུང་ལས་མཚན་ཉིད་པ་གསན་ཚོད་ཀྱང་མིན་འདུག །གཏེར་སྟོན་རང་གི་ཕྱག་གཡས་གཡོན་མཛུབ་མོ་གཉིས་སྦྲེལ་བའི་ཕྱག་རྒྱ་མཛད་ནས་ངེད་རང་དཔོན་སློབ་གཉིས་འདི་ག་བྱུང་བ་བཀའ་འགྱུར་གྱི་ལུང་ཡིན། ཕྱག་སོར་རྣམས་ཟླུམ་པོ། ཟླ་གམ། གྲུ་བཞི། གྲུ་གསུམ་དུ་མཛད་དེ་སྤོས་ཕོར་ནང་དུ་ཏིལ་བཏབ་པའི་ཞི་རྒྱས་དབང་དྲག་གི་སྦྱིན་སྲེག་ཅིག་ཅར་དུ་གྲུབ་པ་སོགས་སྣང་ཚུལ་དང་གནས་ཚོད་མི་གཅིག་པའི་གྲུབ་ཐོབ་ཞིག་པོའི་རྣམ་ཐར་རྟོགས་དཀའ་བ་དང་མ་ནས་ཚད་ཐུབ་ཀྱི་གཏེར་སྟོན་དུ་ཐུགས་ངེས་ཤེས་འདྲོངས་པའི་གཏེར་གསར་ཡང་ཟབ་དཀོན་ཅོག་སྤྱི་འདུས། ཚེ་དཔག་མེད་གནམ་ལྕགས་རྡོ་རྗེ་དངོས་གྲུབ་ཀུན་འབྱུང་། ཐུགས་རྗེ་ཆེན་པོ་ངན་སོང་རང་གྲོལ། ཞི་ཁྲོ་ངེས་དོན་སྙིང་པོ། རྟ་ཕག་ཡིད་བཞིན་ནོར་བུ་ཀརྨ་གླིང་པའི་ཞི་ཁྲོ་དགོངས་པ་རང་གྲོལ་རྣམས་

― GLG008_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དབང་ལུང་། སྒྲུབ་ཐབ་གསེར་ཆོས་མའི་ལུང་། བི་མཱ་ལའི་སྙིང་ཏིག་གི་ཆོས་སྐོར། ཡང་རྫོང་སྙིང་ཏིག་གི་ཆོས་སྐོར། མཁའ་འགྲོ་སྙིང་ཏིག་གི་ཆོས་སྐོར་རྣམས་གསན། ཕར་ས་ལུགས་ཀྱི་ཆོས་སྐོར་ཁ་ཤས་འབུལ་བ་གནང་། གཏེར་སྟོན་གྱི་རྣམ་ཐར་དུ་ལམ་འབྲས་དགོང་བསྟད་མ་གསན་གསུང་བ་དགོངས་བསྟད་དང་ཐོག་མཐའ་བར་གསུམ་བྱེད་པ་ས་ལུགས་ལ་མངོན་སུམ་མི་དགོངས་རྨི་ལམ་དུའང་མི་སྲིད་ཅིང་རྗེ་འདི་ཉིད་ཀྱི་ཐུགས་ལ་ཡང་ག་ནས་ཤོང་ཕལ་ཆེར་ཀྱེ་རྡོར་གྱི་དབང་དང་ཟབ་ལམ་གྱི་རྣལ་འབྱོར་ལྟ་བུ་གནང་བར་ལམ་འབྲས་སུ་མིང་བཏགས་པའི་རྟག་བརྟན་སྤྲུལ་སྐུའི་རྣམ་ཐར་ཞིག་དེ་རུ་ཕེབས་པ་འདྲའོ། །གསུང་གླེང་ཞིག་ལ། གཏེར་གསར་ལུང་བསྟན་དུ། ནུབ་ནས་བྱང་སེམས་འགྲོ་འདུལ་ཉི་ཤུ་གཅིག༔ སྟག་ཡོས་ལོ་པ་རང་རྟགས་དཔྲལ་སྨེ་ཅན༔ ཞེས་པ་ཉིད་ཡིན་པར་འདུག་ཅེས་ངོས་འཛིན་མཛད་པ་ལྟར་དགུང་ལོ་ཡོས་དང་དབུ་དཔྲལ་ལ་སྨེ་བ་ཉིས་བརྩེགས་ཡོད་པར་དེར་ཚོགས་རྣམས་ངེས་པ་རྙེད་ཀྱང་རྗེ་བླ་མ་བདག་གིར་ཆེར་མི་མཛད། གཞན་ཡང་གཏེར་སྟོན་རྗེ་ལྕགས་ཟམ་པར་འཁྲུངས་པའི་དུས་ལྕགས་ཟམ་ཐེན་པའི་སྤྲུལ་པའི་གྱད་དུ་གྱུར་པ་དང་རྗེ་འབངས་ཉེར་ལྔའི་ནང་ཚན་ཞིག་ཡིན་ཚུལ་ཁྲོམ་བསྒྲགས་སུ་གསུངས་པ་སོགས་ཐུགས་ཡིད་གཅིག་ཏུ་འདྲེས། གཏེར་སྟོན་གྱི་དུས་ཚོད་འདི་གང་འདྲ་ཡོད་མི་ཤེས་པས་ཡར་མགྱོགས་ཙམ་ཕེབས་གསུང་བ་ཟླ་ཤས་ནས་གཙང་སོག་གི་བདེ་གཟར་ལངས་པ་སོགས་མཁྱེན་པར་སྣང་། ཡར་ལམ་ཡང་འདུལ་གྱི་གཙུག་ལག་ཁང་བུ་ཆུར་ཐུགས་རྗེ་ཆེན་པོ་དང་རྟ་མགྲིན་སོགས་གནས་རྟེན་མཇལ་ཞིང་མཆོད་འབུལ་དང་སྨོན་ལམ་གནང་། དུང་མཚོར་ཚོང་དཔོན་བཀྲ་ཤིས་ཀྱིས་

― GLG008_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོས་པ་རྣམས་ཀྱིས་ཇ་སྣམ་ཐུག་གི་འབུལ་བ་དང་བཅས་བྱིན་རླབས་དང་ཆོས་འབྲེལ་ཞུས། གཏེར་སྟོན་སངས་རྒྱས་གླིང་པའི་གདུང་བརྒྱུད་ཀྱི་ཇོ་མོ་སྒམ་པོའི་ལྕམ་གྱིས་གཞིས་ཀར་མཇལ་ནས་གཞིས་ལེན་བསྟབ། སང་ཉིན་ཕུའི་གནས་སུ་བྱོན་ཤོག་སེར་དམ་རྫས་སོགས་རྟེན་རྣམས་ཞིབ་ཏུ་མཇལ། ང་ལར་ཕེབས་མཚམས་དྭགས་པོ་གྲོ་ལུང་གི་ཨྱོན་ཟེར་བའི་རྩུབ་སྤྱོད་ཅན་དེའི་མ་རུངས་པའི་བློ་ཞི་སྟེ་ཞབས་འདྲེན་མ་ཞུས་པར་མ་ཟད་བྱིན་རླབས་ཞུ་བས་མཚོན་གུས་པའི་རྣམ་འགྱུར་བྱས། ཉེར་འཚེ་ཅུང་ཟད་ཀྱང་མེད་བཞིན་པ་ནས་ཡར་ཀླུངས་སུ་བདེ་བར་ཕེབས་ཏེ་གདན་ས་ཆེན་པོ་ཉིད་དུ་སྟན་ཆགས། བླ་མ་བཀའ་བརྒྱད་ཡོངས་འདུས་ཀྱི་སྤྱི་ལུང་མདོར་བསྡུས་སྙིང་པོ་ལས། ཁྱད་པར་གདུག་པ་སྦྲུལ་གྱི་ལོ་ཤར་དུས༔ གནམ་རྟགས་འོད་དཀར་སྐྱ་རེངས་ཡང་ཡང་འཆར༔ གཟའ་སྐར་འཁྲུག་ཅིང་བྱང་དུ་ཧོར་སོག་གཡོ༔ འོལ་དགའི་ཕྱོགས་སུ་ཆོས་པས་རྐྱེན་བྱས་འཁྲུག༔ དབུས་གཙང་སྡེ་འཁྲུག་འགྲོ་རྣམས་ཉམ་ཐག་འགྱུར༔ ས་གཡོས་ནད་རིམས་ལོ་གསུམ་ལོ་ཉེས་འབྱུང་༔ ལོ་དགུའི་བར་དུ་དབུས་གཙང་དབུ་རུར་འཚོག༔ ཅེས་པ་དང་། ཡོལ་མོ་སྤྲུལ་སྐུ་གཏེར་སྟོན་བསྟན་འཛིན་ནོར་བུའི་གཏེར་གསར་དུ། ཡོས་ཀྱི་ལོ་ལ་ངལ་གསོ་བྱེད༔ འབྲུག་གི་ལོ་ལ་འབྲུག་ལྟར་ལྡིར༔ སྤྲུལ་པ་སྤྲུལ་ཤུན་ལྟ་བུར་འཐོར༔ དེ་ཕྱིར་ཡོས་བུའི་ལོ་ལ་ལོང་༔ ཞེས་པའི་ལུང་བསྟན་དུས་ལ་བབ་པའི་གཙང་སོག་གི་དུས་འཁྲུག་ཆེན་པོ་ལངས་པར་ཉེ་བ་མཆོག་དམན་མཐའ་དག་བློ་འཚུབ་པར་བརྟེན་གཙང་སྡེ་སྲིད་ནས་ས་རྙིང་གི་སྔགས་སྡེ་ཕལ་ཆེར་ལ་སོག་བཟློག་གི་སྐུ་རིམ་བཙུགས་པའི་རྣམ་གྲངས་མང་ཙམ་བྱུང་སོང་བ་དང་ཕྱོགས་མཐུན་དུ་བསླབ་སྟོན་དང་བསྟུན་པའི་དམར་ཆེན་

― GLG008_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་བཟློག་གི་ཚེ་ཟངས་གྲི་ཅན་གྱི་གཏོར་མ་སྒོ་ཕྱོགས་སུ་འཆུས་ཤིང་ཡུངས་ཀར་གང་བཟང་རྣམས་རང་བཞིན་གྱི་སིལ་སྒྲ་ཆད་མེད་སྒྲོགས། གཏོར་མ་འཕེན་སར་གཏོར་མ་ལས་མེ་ལྷབ་ཀྱི་འབར་ཏེ་རྩེ་མོ་ནས་བཙོ་བྱད་ཤར་ཕྱོགས་སུ་རྒྱུགས་པ་སོགས་རྡོ་རྗེ་ཆོས་སྐྱོང་རྣམས་བྲན་དུ་བཀོལ་བའི་མཐུ་སྟོབས་རྫུ་འཕྲུལ་བསམ་གྱིས་མི་ཁྱབ་ཅིང་དེ་ལོ་ལྷོ་བྱང་ཀུན་ཏུ་དུས་ཀྱི་ཆད་པའི་བརྡབས་གསིགས་སྣ་ཚོགས་བྱུང་ནའང་ཡར་ཀླུངས་སྟོད་སྨད་ཀྱི་སྡེ་དགོན་ཡུལ་གྲུ་ཚོར་གནོད་པ་ཆེར་མ་བྱུང་བའི་ཁར་སྒོས་སུ་དམིགས་མེད་ཀྱི་དབྱིངས་སུ་རྒྱས་འདེབས་པའི་གྲ་བསྒྲིག་ཀླུངས་སུ་མ་རྒྱུགས་པའི་ཉེས་པ་རྣམས་རིམ་གྱིས་ཞི་བས་ནུས་མཐུའི་གཟི་བྱིན་འོད་དུ་འབར། འོན་ཀྱང་ལོ་འདི་དང་ཆུ་རྟའི་བར་སྟོད་སྨད་ཀྱི་བདེ་གཟར་གཅིག་མཇུག་གཅིག་ནོན་ལྟ་བུའི་རྒྱ་མཚོའི་རླབས་ལྟར་ཡོལ་བ་མེད་པས་འཁོར་ལོ་གསུམ་གྱི་མཛད་འཕྲིན་ཧ་ཅང་གི་རྒྱ་ཆེ་བ་གནང་མ་ཐུབ་རུང་གདན་ས་ཉིད་དུ་སྟན་ཆགས་ཤིང་། གོང་དཀར་ཆོས་སྡེར་ཡང་ཉི་མ་གླིང་དུ་ཆོས་ཀྱི་གསན་པ་མཛད། ཁྲ་འབྲུག་གི་ལི་མ་རྣམས་བྱིན་རླབས་ཞུ་མི་མངས་པར་བརྟེན་དྲེག་པས་ནོགས་པ་ཆུ་ལུག་སྡེ་པ་བཀྲ་ཤིས་རྩེ་པས་སྦྱིན་བདག་མཛད་དེ་སྟར་བུ་སོགས་ཀྱིས་བཀྲུས་ནས་གསར་པ་ལྟ་བུར་སོང་བར་ཞལ་གསེར་སྤྱན་འབྱེད་དབུ་མཐིང་གི་ཞིག་གསོས། རྗེ་ཉིད་ནས་རས་ལས་གྲུབ་པའི་སྟོད་སྨད་ཀྱི་གོས་ཟུངས་འབུལ་བ་གནང་། ལྕགས་སྦྲུལ་བདེ་གཟར་སྐབས་རྒྱལ་ཁང་བཤིག་པར་བརྟེན་གནས་རྙིང་རྒྱལ་པོ་རྟེན་མེད་དུ་སོང་བའི་ཨེ་གཉལ་ཡར་ཀླུངས་ལྷོ་ཁ་ཕྱོགས་སུ་འཁྱར་བའི་གནོད་པ་སྣ་ཚོགས་བྱས་པ་འདི་དུས་ཁྲ་འབྲུག་གི་ཕྱག་བཞི་པའི་མགོན་ཁང་མདོར་ཡོད་པ་སྣ་མོ་ཤག་གྲུབ་ཆེན་པས་རབ་གནས་ཀྱི་

― GLG008_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་བདག་ཞུས་ཏེ་རྗེ་ཉིད་ཕེབས་རྒྱུའི་སྔ་ནུབ་ལྷ་འདྲེའི་དམག་སྒར་རྣམས་འུར་བའི་ཆུ་བྱང་ཁར་སོང་བ་ལེགས་བཤད་གླིང་པའི་གྲ་པ་དགེ་སློང་རྗེ་བཙུན་ཟེར་བའི་མིག་མཐོང་ཤིན་ཏུ་གསལ་བས་ངེས་ཤེས་འདྲོངས་པའི་ཡ་མཚན་དུ་བྱེད་པ་བཅོམ་ལྡན་འདས་ཧེ་བཛྲ་གྱི་རྣམ་པར་རོལ་པའི་གཟི་བྱིན་མ་བཟོད་པར་སྣང་། དེའང་གཏེར་ཁ་མང་པོར་གནས་ཆེན་རྣམས་ལ་རབ་གནས་བསྐྱར་ན་བོད་འབངས་ཀྱི་བདེ་ཐབས་ལ་ཕན་པར་གསུངས་བཞིན་མཆོད་ཡོན་ཐམས་ཅད་ཐུགས་རྩེ་མཐུན་ཏེ་ཐོག་མར་སྡེ་བརྒྱད་ཆ་མཉམ་པའི་ཕྱིར་བསངས་དང་གསེར་སྐྱེམས། དངོས་གཞི་དགྱེས་མཛད་རྡོ་རྗེའི་དཀྱིལ་འཁོར་ལ་བརྟེན་ནས་རབ་ཏུ་གནས་ཤིང་མེ་ཏོག་གི་ཆར་ཆེན་པོ་ཕབ་པའི་ཚེ་ལྷ་སྲས་ཀྱི་ཕྱག་བཟོའི་དཔལ་ཨྱོན་ཆེན་པོའི་སྐུ་ལ་རང་ཉིད་ཀྱིས་ང་འདྲ་གསུངས་ཏེ་མཁུར་ཆོས་ལ་ཕྱག་མཛུབ་བཙུགས་ཤུལ་རྒྱལ་བློན་གྱི་དུས་ནས་ཀྱོང་ཙམ་ཡོད་པའི་ནང་དུ་སྔར་མེད་པའི་ཨ་འབུར་དོད་གསལ་བ་དཀོན་གཉེར་གྱིས་མཐོང་བ་སོགས་གངས་ཅན་བདེ་ལེགས་སྤེལ་བའི་རྩ་ལག་ཏུ་གྱུར། སྦྲུལ་ལོ་བསྟན་པ་སྤྱི་རིམ་སོགས་མཛད་པར་བསྙད་གཞན་སྦྱོར་ཕུན་ཚོགས་མི་བཟོད་པར་ཕྲག་དོག་ཅན་འདྲས་སྙན་ཕྲ་སྣ་ཚོགས་ཕུལ་བར་བརྟེན་ས་སྐྱོང་བསོད་ནམས་རབ་བརྟན་ཀྱང་ཐུགས་ཀྱི་འཛིན་སྟངས་གཞན་དུ་གཞོལ་བའི་གནང་སྒོ་ལ་ཞོགས་དྲུད་དེ་དགོན་གནས་ལ་འཕོ་ལེན་སོགས་བཀའི་ལུང་ལྕི་བའི་ཆད་པ་འདྲ་འོང་ངམ་ཞེས་བརྗོད་རིགས་དུ་མས་ཕྱོགས་དེའི་སྐྱ་སེར་ཕལ་ཆེར་རེ་དོགས་དང་སོམ་ཉིར་གྱུར་པ་སྡེ་པ་བཀྲ་ཤིས་རྩེ་པས་དག་སངས་ཀྱི་རྒྱུ་མཚན་ཕུལ་བ་འགབ་ཚུལ་ཞུས་ཚོད་དུ་འདུག་རུང་ཧ་ཅང་དབྱིངས་ཆེས་པས་མཛུབ་མོས་གནམ་མི་ཐེག་པའི་དཔེ་བཞིན་ཞུ་འབུལ་སྣ་ཕིབས་ཡོང་བ་

― GLG008_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

དཀའ་བ་དང་རྗེ་ཉིད་ཀྱི་དགོངས་པ་ནི། ཐམས་ཅད་མཁྱེན་པའི་གསུང་མགུར་དུ། སྡུག་མི་འདོད་ཅི་དང་ཅི་བྱུང་ཡང་། །དེ་བྱུར་ངན་རང་གི་ཉེས་པ་ཡིན། །མི་གཞན་ལ་སྡུག་ཡུས་མི་འཚོང་བ། །ང་ཅི་ནུས་ཀུན་གྱི་སྡུག་བསྔལ་འཁུར། །སྐྱིད་བདེ་བ་ཅི་དང་ཅི་བྱུང་ཡང་། །རྗེ་མཉམ་མེད་བླ་མའི་བཀའ་དྲིན་བསམ། །བདག་རང་གི་བསོད་ནམས་མི་བགྱིད་པར། །ད་འགྲོ་དྲུག་ཀུན་ལ་མཉམ་པར་འབུལ། །ཞེས་གསུངས་པ་ལྟར། སྐྱིད་ན་དཀོན་ཅོག་གི་ཐུགས་རྗེ་དང་སྡུག་ན་ལས་ངན་འཛད་པའི་ཆོས་ཐོག་ཏུ་འཇོག་བཞེད་ཁོ་ནས་ལྷ་བཙུན་བོ་དྷི་རཱ་ཛས། ཇོ་བོ་ཆེན་པོ་བསམ་ཡས་སུ་བཞུགས་པར་མ་འདོད་པའི་ཚེ། གང་ན་འཐབ་ཅིང་རྩོད་པ་བས། །དཔག་ཚད་བརྒྱ་ཡི་ཕ་རོལ་འགྲོ། །ཞེས་གཞན་དུ་ཕེབས་པའི་ལོ་རྒྱུས་དང་མཚུངས་པའི་འཕྲལ་རྐྱེན་བསྐུལ་མ་ལྟ་བུའི་དོན་ལོ་གསུམ་གྱི་བཞེད་པ་འགྲུབ་པའི་དུས་བབ་ཀྱི་རིང་པོར་མ་ལོན་པར་ཞ་ལུར་ཕེབས་ཏེ་ལོ་གསུམ་གྱི་བར་རི་ཕུག་གི་རྣམ་གྲོལ་ཡང་རྩེར་ཤིང་སྤྲེལ་ཧོར་ཟླ་བདུན་པའི་ཚེས་བཅུ་གསུམ་ནས་ཕྱི་རོལ་གྱི་རྣམ་གཡེང་མཐའ་དག་རྒྱང་དུ་བསྲིང་བར་མཛད་པའི་ཀྱེ་རྡོར་བསྙེན་ཆེན། རིགས་འཛིན་གདུང་སྒྲུབ། ནཱ་རོ་མཁའ་སྤྱོད། མ་ཧཱ་མཱ་ཡ། དགྲ་ནག །བདེ་ཆེན་རལ་གཅིག །གསང་འདུས་མི་བསྐྱོད་པ། དུས་འཁོར་སོགས་རྒྱུད་སྡེ་བཞིའི་དཀྱིལ་འཁོར་དང་ལྷ་ཕྲན་གྱི་རིམ་པ་སྐུ་ན་ཕྲ་བའི་དུས་གནང་བ་ནས་བཟུང་ད་ལམ་སྟན་ཐོག་གཅིག་ཏུ་གྲུབ་པ་ཡན་ཆད་བསྡོམས་པར་ལྕགས་འབྲུག་དམ་བཅའ་གནང་བའི་བརྒྱ་རྩ་བརྒྱད་པོ་ལྷག་དང་བཅས་པ་ལེགས་པར་སོང་བར་གོང་གི་ལྷ་གྲངས་ཀྱི་ལྗགས་བསྙེན་ཞིབ་ཆའི་ཐོ་མ་རྙེད་ཅིང་དམ་བཅའི་ལྗགས་བསྙེན་བརྒྱ་

― GLG008_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་དང་རྒྱུན་བཟླས་མི་ཐེ་བའི་སྔ་ཕྱིར་མང་ཙམ་མཛད་པའི་བསྙེལ་ཐོའི་སྙིང་པོ་བསྡུས་པ་འདི་ལྟ་སྟེ། སྐྱབས་འགྲོ་བཞི་ཁྲི་བཞི་སྟོང་བཞི་བརྒྱ། སེམས་བསྐྱེད་སུམ་བརྒྱ། ཡིག་བརྒྱ་ཉིས་འབུམ་ཆིག་ཁྲི་དགུ་སྟོང་བརྒྱད་བརྒྱ། བཛྲ་སཏྭ་དྲུག་འབུམ་ཆིག་ཁྲི་མཎྜལ་ཉིས་སྟོང་ཉིས་བརྒྱ། བཛྲ་གུ་རུ་ས་ཡ་གཉིས་དགུ་ཁྲི་བདུན་སྟོང་། ཚིག་བདུན་མ་བཞི་ཁྲི་བདུན་སྟོང་བདུན་བརྒྱ། སྔགས་འཆང་བསོད་ནམས་ཆོས་འཕེལ་གྱི་སྐུ་བསྟོད་སྐྱབས་གནས་མ་སུམ་ཁྲི་བརྒྱད་སྟོང་བདུན་བརྒྱ། རྡོ་རྗེ་འཆང་གི་སྐུ་བསྟོད་མཁྱེན་ལྡན་མ་ཆིག་འབུམ་བརྒྱད་ཁྲི་བཞི་སྟོང་བདུན་བརྒྱ། འཇིགས་བྱེད་ཀྱི་སྙིང་པོ་ས་ཡ་གསུམ་སུམ་འབུམ་སུམ་ཁྲི། ཉེ་སྙིང་བདུན་འབུམ་དྲུག་ཁྲི་དྲུག་སྟོང་དྲུག་བརྒྱ། ཀཱ་ལ་རཱུ་པ་བཞི་འབུམ་བཞི་ཁྲི་བཞི་སྟོང་བཞི་བརྒྱ། གསང་འདུས་ཀྱི་སྔགས་ཆིག་འབུམ། མི་གཡོ་བའི་སྔགས་བཞི་འབུམ། ཨོཾ་གསུམ་མའི་སྔགས་དྲུག་ཁྲི། རྣམ་རྒྱལ་མའི་གཟུངས་རིང་ཐུང་སྟོང་ཕྲག་རེ། དུན་ཉིས་སྟོང་། སརྦ་རཱུ་པ་ཆིག་ཁྲི་ཉིས་སྟོང་། པདྨ་སཾ་བྷ་བའི་སྔགས་འབྲུ་བཅོ་བརྒྱད་པ་སུམ་འབུམ་སུམ་སྟོང་། ཡིག་དྲུག་བྱེ་བ་གཅིག་ས་ཡ་གཅིག་ཉིས་འབུམ་དྲུག་ཁྲི་ལྔ་སྟོང་། འཆི་མེད་འོད་སྣང་གི་གཟུངས་དྲུག་སྟོང་། དྲག་སྔགས་སོ་ལྔ་པ་ཆིག་འབུམ་སུམ་སྟོང་། རྡོ་རྗེ་གྲོ་ལོད་ཀྱི་སྔགས་བྱེ་བ་གཉིས་དང་ཆིག་སྟོང་། དྲག་སྔགས་བཅུ་གཉིས་པ་ས་ཡ་གཅིག་དང་བཞི་འབུམ། བཀའ་བརྒྱད་བདེ་འདུས་ཀྱི་ཆེ་མཆོག་གི་གཟུངས་ས་ཡ་གཅིག་དང་ཉིས་འབུམ། མགོན་པོའི་ཡིག་བདུན་ས་ཡ་གཅིག་དང་ཉིས་འབུམ་སུམ་ཁྲི་བདུན་སྟོང་། ལྷ་མོའི་སྔགས་བརྒྱད་ཁྲི། བོད་རྦད་ཁྲི་ཚོ་ལྔ། ཕྱག་རྡོར་གཏུམ་པོའི་སྔགས་ས་ཡ་གཅིག་དང་བདུན་འབུམ། །

― GLG008_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་མཆོད་ཁ་ཐོར་ལྗགས་ཐོག་ནས་སོང་བ་ལ། ཀྱེ་རྡོར་བདུན་ཅུ་དོན་བཞི། བདག་མེད་མ་ལྔ། བདེ་མཆོག་ཉི་ཤུ་རྩ་དགུ །དུས་འཁོར་བཅོ་བརྒྱད། འཇིགས་བྱེད་ཉིས་བརྒྱ་དང་ལྔ། གཤེད་དམར་གཉིས། གསང་འདུས་བདུན་ཅུ་དོན་དགུ །མ་ཧཱ་མཱ་ཡ་གཉིས། མཁའ་འགྲོ་རྒྱ་མཚོ་བཅུ་བཞི། སངས་རྒྱས་མཉམ་སྦྱོར་ལྔ། སཾ་བུ་ཊི་ལྔ། ནཱ་རོ་མཁའ་སྤྱོད་བདུན། ཨིནྡྲ་མཁའ་སྤྱོད་གཉིས། མཻ་ཏྲི་མཁའ་སྤྱོད་གཉིས། ཕྱག་རྡོར་གཏུམ་ཆེན་བཅོ་བརྒྱད། བཀའ་བརྒྱད་བཅུ་དྲུག །ཐུགས་རྗེ་ཆེན་པོ་ཉིས་བརྒྱ་བཅུ་བཞི། ཚེ་དཔག་མེད་ཛེ་ཏཱ་རིའི་ལུགས་བརྒྱད། ཀུན་རིག་ལྔ། སྒྲོལ་དཀྱིལ་བརྒྱད། འོད་ཟེར་ཅན་མ་བཅུ་གཅིག །རིག་བྱེད་མ་བརྒྱད། མི་འཁྲུགས་པ་ཉི་ཤུ་རྩ་བཞི། བླ་མ་དྲག་པོ་གསུམ། རྣམ་རྒྱལ་སྟོང་། འཆི་མེད་འོད་སྣང་བཅུ་དགུ། བསྐང་གསོ་ཁ་ཐོར་ལ་གུར་མགོན་ལ་སྟོང་དང་ལྔ་བརྒྱད་བཅུ་གསུམ། ལྷ་མོ་ལ་སྟོང་དང་སུམ་བརྒྱ་དོན་གཉིས། ཞལ་ལ་སྟོང་དང་བཞི་བརྒྱ་ང་གསུམ། ལས་མགོན་པུ་ཏྲ་དང་བཅས་པར་བརྒྱ། བེག་ཙེ་ལ་སུམ་བརྒྱ་སོ་བཞི། ལས་གཤིན་ལ་དྲུག་བརྒྱ་རེ་གཅིག །རྩིས་མགོན་ལ་སོ་གཅིག །བེང་ལ་བརྒྱ་དང་ཞེ་བརྒྱད་རྣམས་ཆ་ཤས་ཙམ་ཡིན་འདུག་རུང་རྗེས་འཇུག་རྣམས་ཀྱི་མིག་རྒྱན་ལ་ཕན་ནམ་སྙམ་གྱིས་བྲིས་སོ། །ད་ལྟའི་ཞ་ལུ་མཁན་ཆེན་ཀུན་སྤངས་པ་དེ་སྐབས་རི་ཕུག་གི་དབུ་མཛད་ཆེན་མོ་ཡིན་པ་ཐུན་འཚམས་སུ་གསུང་གླེང་དང་བཅས་འཕྲལ་འཕྲལ་ཕེབས་ཤིང་དཀྱིལ་འཁོར་རེའི་ལྗགས་བསྙེན་རྫོགས་འཚམས་ཆོས་བཀའ་ཕར་གསན་ཚུར་གསན་ཀྱང་ཅུང་ཟད་གནང་ངོ་། །འཚོ་བ་ཆོག་ཤེས་རྒྱལ་

― GLG008_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

སྲས་ཕུ་ཆུང་པ། །བདག་གཞན་མཉམ་པར་བརྗེ་ནུས་འཆད་ཀ་བ། །རབ་འཁུ་དམ་ཆོས་འཚོལ་ལ་བག་སྟོན་རྗེ། །རྩེ་གཅིག་སྒྲུབ་ལ་གཞོལ་བ་བྲག་ཕུག་པ། །ཧཱུྃ་འོད་ཉང་བན་ཐུགས་ལས་ཉེར་འཕྲོས་པས། །ཧཱུྃ་སྒྲའི་ང་རོ་ཆེར་སྒྲོག་གཏེར་སྟོན་གྱིས། །ཧཱུྃ་ནག་ཆོས་ཀྱི་བདག་པོར་བཀའ་བབས་ཞེས། །ཧཱུྃ་མཚན་ཐུགས་དགྱེས་ངང་ནས་ལྗགས་རིང་བརྐྱང་། །ཡོམ་ཡོམ་གླིང་དགུའི་རྒྱལ་ཁམས་འདར་བའི་ཚེ། །རྔམ་རྔམ་རྡོ་རྗེ་སྲིན་པོའི་བརྟུལ་ཞུགས་ཀྱིས། །ཐིབས་ཐིབས་བསམ་ངན་འཆང་བའི་སྦྱོར་རྩུབ་མུན། །འཇིགས་འཇིགས་མངོན་སྤྱོད་རྟ་ལྗང་ཅན་དེས་སངས། །ཀུན་བཟང་བླ་མའི་ཆོས་ཀྱི་གདུང་གསོབ་ཆེད། །ཀུན་མཁྱེན་བུ་སྟོན་ཞབས་ཀྱི་དབེན་གནས་སུ། །ཀུན་དགའི་མཛའ་བ་སྟེར་བའི་བསྙེན་སྒྲུབ་ལ། །ཀུན་ཏུ་ལྷོད་མེད་ལོ་གསུམ་བཅད་རྒྱས་བཅིངས། །ལྷ་སྔགས་ཡེ་ཤེས་རྣལ་འབྱོར་མཐར་ཕྱིན་པས། །ལྷ་ཚོགས་རང་ཞལ་གཟིགས་སོགས་ངོ་མཚར་ལྟས། །ལྷ་མིའི་བློར་འདས་ཆོ་འཕྲུལ་དཔག་ཡས་ཀྱང་། །ལྷར་བཅས་འགྲོ་ཁྱོད་མི་མངོན་བརྫུ་ལ་བརྟེན། །ཆེར་རློམ་མང་ཞིག་རྡུལ་ཕྲའི་ཡོན་ཏན་ལ། །ལའུར་ལྟོས་ཞེས་མཁའ་ལ་འཕྱར་མཐོང་ཚེ། །ཚེ་རབས་དུ་མར་གོམས་པའི་དམ་པའི་ཚུལ། །ཚུལ་མིན་རྐུན་པོའི་ནོར་ལྟར་སྦ་འདི་མཚར། །མེ་ཁྱིའི་དབྱར་སྡེ་པ་བཀྲ་ཤིས་རྩེ་པ་མཆོད་ཡོན་མཇལ་ཐོག་ལྷ་སར་གྲོངས་པ་ཡར་འདྲེན་ལ་གདན་དྲངས་ཆོག་པ་དགོས་ཚུལ་དཔོན་སས་སྡེ་པ་བསོད་ནམས་རབ་བརྟན་ལ་སྙན་འབུལ་ཞུས་པ་ཁྲོལ་བར་བརྟེན་གདན་འདྲེན་གདོས་དྲག་གཤིས་ལོ་གསུམ་མཐེངས་པ་དང་འགྲིག་པའི་དེ་

― GLG008_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲལ་དུ་ཆིབས་ཁ་བསྒྱུར་ཏེ་བཀྲ་ཤིས་རྩེ་ཆོས་སྡེར་ཕེབས། སེར་ཚོགས་ཀྱི་གྲལ་དབུ་གནང་ནས་དགེ་སྒྲུབ་ཀྱི་དངོས་པོ་ཐམས་ཅད་དོན་ལྡན་སྙིང་པོར་སྨིན་པའི་འབྲས་བུ་སྦྱིན་བདག་འཁོར་བཅས་གནས་སྐབས་ལྷ་མི་དང་རིང་མིན་འཁོར་བ་མཐའ་ཅན་དུ་མཛད་པའི་རེ་བ་ཡོངས་སུ་བཀང་། རྟ་ལུག་ཚོར་མཆོད་ཡོན་དུ་ཞུ་འབུལ་མ་གནང་བའང་གནས་སྐབས་སུ་ཐུགས་སུ་མ་ཆུན་པའི་རྣམ་པ་འདྲ་ཞིག་ཏུ་མཆིས་རུང་མ་འོངས་པའི་འབྱུང་འགྱུར་མཁྱེན་ནས་རེ་ཞིག་བཏང་སྙོམས་སུ་བཞག་པ་གོར་མ་ཆག །དེ་ཡང་བོད་དུ་འགྱུར་རོ་ཅོག་གི་རྒྱལ་བའི་བཀའ་རྣམས་ལས་རྒྱུད་ཤེར་ཕྱོགས་མདོ་ལུང་སོགས་ཀྱི་རྒྱུན་སྔོན་ནས་དར་ནའང་མདོ་མང་གི་ལུང་ཤིན་ཏུ་དཀོན་པར་གྲོ་ལུང་པ་བློ་གྲོས་འབྱུང་གནས་ཀྱིས་སྟེངས་པ་ལོ་ཙཱ་བ་རྒྱ་གར་དུ་འཚོལ་བར་བཏང་བ་དང་ཆོས་ཀྱི་རྒྱལ་པོ་འཕགས་པ་རིན་པོ་ཆེས་སྤྱིལ་བུ་བ་སྟག་སྟོན་ཤེས་རབ་འོད་ཟེར་ལ་མདོ་མང་གི་ལུང་དག་པ་ཞིག་འཚོལ་བཀའ་གནང་བ་སོགས་ལུང་རྒྱུན་མཐའ་དག་ཤབ་པ་བག་སྟོན་གཞོན་ནུ་ཚུལ་ཁྲིམས་ཀྱིས་གསན་ཞིང་བར་སྐབས་སུ་རིན་པོ་ཆེ་གྲགས་དོན་པ། བཀའ་འགྱུར་བ་ཤཱཀྱ་རྒྱལ་མཚན། ཀུན་མཁྱེན་རྡོ་རྗེ་གདན་པ་སོགས་རྒྱལ་བའི་བསྟན་པ་རིན་པོ་ཆེ་གཅེས་པར་འཛིན་པའི་སྔོན་བྱོན་དམ་པ་དུ་མའི་བཀའ་དྲིན་ལས་དར་རྒྱས་སུ་གྱུར་པ་དུས་དབང་གིས་རིམ་གྱིས་འགྲིབ་ཅིང་གྲུབ་མཐའ་སོ་སོར་ཡང་རང་རང་གི་ཆོས་ལུགས་ཀྱི་ཁ་འཛིན་ཙམ་ལས་སངས་རྒྱས་ཀྱི་བཀའ་རྣམས་སྤྱི་རྟ་སྒལ་རལ་བཞིན་དུ་ལུས་པ་རྗེ་བཙུན་བླ་མ་འདི་ཉིད་ཀྱིས་བདེ་བར་གཤེགས་པའི་རིང་ལུགས་

― GLG008_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྲོལ་འཆད་ཉན་རྩི་སྨན་ལྗོན་པས་འཐུད་པའི་སྙིང་སྟོབས་ཀྱིས་ཁུར་ཕྲག་པར་བཞེས་པའི་རྒྱུད་འབུམ་དང་འདུལ་ལུང་གཉིས་ངོར་དང་གོང་དཀར་དུ་གསན་ཟིན་ཀྱང་། ཤེར་ཕྱོགས་དང་མདོ་མང་གཉིས་ཕྱོགས་ཀུན་ཏུ་འཚོལ་བ་གནང་བར། འཐོར་ཀློག་ལྕགས་རི་མ། དབའ་བཤུར་མ། ཐོག་མཐའ་བར་གསུམ་སོགས་ཉན་བཤད་ཀྱི་གཟུགས་བརྙན་ཙམ་ལས་མཚན་ཉིད་དང་ལྡན་པ་མ་བྱུང་བ་སྡེ་པ་རྣམ་གླིང་པ་སྡོམ་བརྩོན་ཚོགས་གཉིས་དཔལ་གྲུབ་ལ་མཐར་ཆགས་སུ་ཆད་མེད་ཀྱི་ཀློག་ལུང་ཡོད་པའི་ཁུངས་ཆོད་པར་བརྟེན་ཁྲ་ཚང་པ་ཆེན་པོ་མཁས་གྲུབ་བློ་མཆོག་རྡོ་རྗེར་གཡུ་པད་གསེར་དངུལ་སོགས་སྐུ་ཆས་ཀྱི་མཐུན་རྐྱེན་གྱ་ནོམ་པ་དང་བཅས་ལྷོ་བྲག་ཕྱོགས་སུ་རྫོང་བདའ་གནང་བ་དྷཱི་ཚ་སྤྲུལ་པའི་སྐུར་བླ་མ་ཚོགས་གཉིས་དཔལ་གྲུབ་ཀྱིས་ལུང་ཕུལ་བའི་ཤེར་ཕྱོགས་རྫོགས་མཚམས་དང་འགྲིག་པའི་སྐོར་གཅིག་གསན་མ་ཐུབ་རུང་མདོ་མང་རྣམས་རྫོགས་པར་བྱུང་བ་དམ་པའི་ཆོས་ཀྱི་སྐྱེས་བཟང་པོ་དང་བཅས་བྱོན་པར་ས་བྱི་ལོ་གསན། དེའང་ངེད་རང་ཚར་ལུགས་སྙན་བརྒྱུད་ཚད་མ་བཞི་ལྡན་གྱི་ཆོས་ལ་ཤིན་ཏུ་མོས་ནའང་ཡུལ་དུས་གནས་སྐབས་ཀྱི་མོས་པ་ལམ་བྱེད་དུ་ལུས་ཤིང་ཟུར་ཐམས་ཅད་མཁྱེན་པ་ཟབ་ལམ་ནཱ་རོ་མཁའ་སྤྱོད་གསན་བཞེད་པ་ཉེ་སྐོར་ཚོར་གསན་ཡུལ་གཞན་མ་རྙེད་པའི་ཆོས་རྗེ་རབ་འབྱམས་པ་ཀུན་དགའ་ལྷུན་གྲུབ་ཀྱི་ཞལ་སློབ་དགེ་སློང་རི་ཁྲོད་པ་ཞིག་ལ་ཡོད་པ་ཁུངས་ཆོད་རུང་། དེ་ལ་ཉམས་ལེན་ལས་སྤྲོས་པའི་འཆད་ཉན་ཚད་ལྡན་ཡོང་མི་ཡོང་སོམ་ཉིར་གྱུར་པའི་ངང་ལ་ལུས་པའི་མུར་འ་ཞའི་རྡོ་རྗེ་འཛིན་པ་ཞ་ལུ་ནས་སྐུ་མཚམས་

― GLG008_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོལ་འཕྲལ་ཕེབས་ལམ་དུ་བཤད་དྲགས་པས་སྐྱ་བབས་ཀྱི་སྐུ་མ་བདེ་བ་ལ་རོང་ནས་དྲུང་འཚོ་དབོན་པོ་གདན་དྲངས་པའི་སྐུའི་འཕྲོད་བསྟེན་དང་མཆོད་ཡོན་གྱི་དགོངས་བབས་ཐུགས་ལྷུས་མ་ཐིངས་པའི་མངོན་ཆུང་ལྟ་བུར་བཞུགས་གཤིས་མེ་ཕག་གི་དབྱར་བར་གནས་ཚུལ་ཞིབ་པ་མ་ཐོས་ཤིང་སྟོན་མཇུག་ཉེ་ལེན་གྱི་ཡི་གེ་ཕུལ་བར་ལན་ཚིགས་བཅད་མ་ཞིག་བྱུང་བས། འདི་ག་ནས་བསྐུལ་མ་དང་རྗེ་བླ་མའང་ཕེབས་བཞེད་འདོམ་པའི་ས་བྱི་ཟླ་བ་དང་པོ་ཉིས་བརྩེགས་ཀྱི་སྔོན་མར་ཡར་ཀླུངས་སུ་ཐེགས་ནས་ཟླ་གཅིག་གི་བར་ཆོས་སྡེར་བཞུགས། དཔོན་སློབ་གཉིས་སྔར་ནས་འདྲིས་པ་ལྟ་བུའི་ཐུགས་ནང་དག་ཅིང་དགྱེས་རྩེར་སོན་པའི་ཟུར་ཀུན་མཁྱེན་ཆེན་པོར་ཀྱེ་རྡོར་མན་ངག་ལུགས་རས་བྲིས་ལ་བརྟེན་པའི་དབང་། ནཱ་རོ་མཁའ་སྤྱོད་ཀྱི་བྱིན་རླབས། ཉམས་ཁྲིད་ཤིན་ཏུ་ཞིབ་པ་ཆོས་སྐོར་ཡོངས་རྫོགས། ཨིནྡྲ་དང་མཻ་ཏྲི་མཁའ་སྤྱོད་གཉིས་ཀྱི་ལུང་། རིག་བྱེད་མའི་ཐུན་མོང་བ་དང་ཐུན་མོང་མ་ཡིན་པའི་རྗེས་གནང་ལྷ་ལྔའི་བྱིན་རླབས། ཚོགས་བདག་གི་ཐུན་མོང་བའི་རྗེས་གནང་། དམར་པོ་སྐོར་གསུམ་གྱི་ལུང་། དམར་ཆུང་སྐོར་གསུམ་གྱི་རྗེས་གནང་དང་། ཆོས་སྐོར་ཡོངས་རྫོགས་ཀྱི་ལུང་། ཞལ་བསྙེན་དུས་ཀྱི་རྗེས་གནང་། གསང་ཁྲིད་མ་གཏོགས་རྗེ་ཚར་ཆེན་གྱི་དཀར་ཆག་ལྟར་གྱི་བེའུ་བུམ་དང་ཧ་ལ་ནག་པོའི་སྐོར་སོགས་ཆོས་འཁོར་རྒྱ་ཆེར་བསྐོར། གསེར་ཆོས་ཀྱི་དམར་པོ་སྐོར་གསུམ་གྱི་གདམས་པ་ཟབ་གྲགས་ཆེས་པས་མཁས་གྲུབ་ཆེན་པོ་བོད་མཁར་བ། སྤྱན་སྔ་རིན་པོ་ཆེ། ཆོས་རྗེ་ཀུན་

― GLG008_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་ལྷུན་གྲུབ་གསུམ་སྡེ་པ་དགའ་ལྡན་པའི་བླ་མར་གྱུར་པ་སོགས་འཕྲིན་ལས་ཆེས་པ་ལ་སྐྱིད་ཤོད་ཕྱོགས་སུ་ངན་དོགས་ཀྱི་དབང་སྡུད་ཡོད་ཟེར་བའི་སྒྲོ་སྐུར་ཐུགས་ལ་མངའ་བ་དང་། ཕག་མོ་གྲུ་པ་དང་ཤེན་རྡོར་སེང་གཉིས་ཀྱི་ལོ་རྒྱུས་ལྗགས་ལུང་གི་དུས་གསན་པས་ཀྱང་རྐྱེན་བྱས་རྗེ་འདིའི་མཆོད་གྲལ་དུ་འཕེལ་གདུང་བཞུགས་པའི་བ་སོའི་ཟེའུ་ཞིག་ཡོད་འདུག་པ་དེར་དབང་སྡུད་ཀྱི་འཁོར་ལོ་མེད་དམ་དགོངས་པའི་ཐུགས་རྟོག་འཕྲོས་པ་མཁྱེན་ཏེ་གཟིགས་འབུལ་དགོས་འདུག་གསུངས་ནས་ཟ་མ་ཏོག་ཁ་ཕྱེ་ནས་སྤྱན་འབེབས་ཕུལ་བས་མངོན་མཁྱེན་ལ་ཐུགས་ཡིད་ལྷག་པར་ཆེས། ཚུར་སྣང་གསལ་བ་བཀྲ་ཤིས་རྒྱ་མཚོ་ལ་དག་སྣང་དུ་སློབ་དཔོན་ཆེན་པོས་གནང་བའི་ཚེ་དབང་ཧྲཱིཿགཅིག་མ་གསན་ཅིང་འདོད་ཆོས་མང་ཙམ་ཞུ་བའི་སྙན་གསན་མཛད། ཧོར་ཟླ་དྲུག་པའི་ནང་དུ་ཁྱབ་བདག་བཀའ་འགྱུར་བ་སྐྱིད་ཤོད་དུ་ཆིབས་ཁ་བསྐྱོད་དེ་འབྲས་སྤུངས་སུ་ཞག་ཤས་སུ་བཞུགས་རིང་ངོས་མཇལ་ཁ་ཡར་བྱུང་བའི་ཐོག་མའི་ཉིན་ཆོས་ཀྱི་གསུང་གླེང་གནང་བ་ཙམ་ནས་མོས་གུས་ཀྱི་དད་པ་ལྷག་པར་འཕེལ། ཆོས་འབྲེལ་དགོས་ཚུལ་ཕེབས་པ་བཞིན་ཐམས་ཅད་མཁྱེན་པ་བསོད་ནམས་རྒྱ་མཚོར་གྲུབ་ཆེན་དཔལ་ལྡན་རྡོ་རྗེས་གནང་བའི་ཚེ་དབང་ཉེ་བརྒྱུད། བཀའ་གདམས་ཐིག་ལེ་བཅུ་དྲུག་གི་ཡིག་རྙིང་། ཕ་ཆོས་ནས་ཆོས་ཐུན་གསུམ་ཙམ། ཤ་བ་རི་པའི་ལུགས་ཀྱི་ཞལ་གྱི་ལས་ཚོགས་གང་ཐོབ་ཀྱི་ལུང་རྣམས་ཕུལ། དེ་ནས་ཞང་བདེ་བའི་རྡོ་རྗེའི་བསྟི་གནས་གུང་ཐང་དུ་ཕེབས་པའི་གཟིམས་ཁང་ཤར་དུ་བཞུགས་རིང་གི་གསོལ་ཕོགས་དང་དགོས་

― GLG008_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ་མཐའ་དག་གཞུང་ནས་བསྐྲུན། ཟུར་ཐམས་ཅད་མཁྱེན་པ་ལ་ཨིནྡྲ་མཁའ་སྤྱོད་མཻ་ཏྲི་མཁའ་སྤྱོད་ཀྱི་བྱིན་རླབས། གུར་མགོན་ལྷ་བརྒྱད། བཅུ་གཉིས་མ། ལྔ་མ། བཅུ་བདུན་མ་དང་བཞིའི་དབང་། མགོན་པོ་ལྷ་གསུམ། བརྒྱད་མ། བཅུ་གཉིས་མ་དང་གསུམ་གྱི་ཐུན་མོང་བ། མགོན་པོ་ཁྲོ་བཅུ་རྣམས་ཀྱི་རྗེས་གནང་། ཕྱི་འཁྲིད་རྡོ་རྗེ་བྲག་རྫོང་ལ་ཕྱི་ནང་གསང་གསུམ་གྱི་ཉམས་འཁྲིད། རྩ་གསུམ་འཁོར་ལོ་ལྔ་ལྡན་གྱི་གསང་བའི་ཉམས་འཁྲིད། མེ་འབར་ཁ་སྐོང་། གྱི་ལྗང་། སྙན་བརྒྱུད། དུད་སོལ་དང་བཅས་པའི་པོ་ཏི་རྣམས་ཀྱི་ལུང་མན་ངག །ཞལ་སྒྲུབ་དུས། ཐུན་མོང་བ། ལས་བཞི། བྲམ་ནག་ཤན་པ་དྲུག་སྐོར་རྣམས་ཀྱི་རྗེས་གནང་། ཕྱི་འཁྲིད་སྲུང་འཁོར་ཚེ་སྒྲུབ། ནང་གི་ཉམས་འཁྲིད། དེའི་རྒྱབ་བརྟེན་ལུང་གི་སྐོར། མགོན་པོ་ཕུར་ཞབས་མའི་སྒྲུབ་ཐབས། རྡོ་རྗེ་གདན་པའི་གཏོར་སྐྱོང་དང་གཏོར་ཆེན་སོགས་ཆོས་སྐྱོང་ཆེ་ཆུང་གི་ལས་ཚོགས་ཐོར་བུའི་ལུང་། བདག་ཆེན་རྡོ་རྗེ་འཆང་གི་བདུད་རྩི་རིལ་བུའི་སྒྲུབ་ཐབས། གནོད་སྦྱིན་བེག་ཙེའི་རྗེས་གནང་དང་ཆོས་སྐོར། འཇམ་དཔལ་ནག་པོའི་རྗེས་གནང་དང་ཆོས་སྐོར། འདོད་རྒྱལ་གྱི་འདོད་པ་ལྷའི་རྗེས་གནང་།སེང་ལྡེང་ནགས་སྒྲོལ། དཔལ་ལྡན་དམག་ཟོར་མ། ཁྲོ་མོ་སྨེ་བརྩེགས། གནས་བཅུ་རྣམས་ཀྱི་རྗེས་གནང་དང་སྒྲུབ་ཐབས་སོགས་ཡིག་སྣའི་ལུང་ཁ་ཤས། གཏེར་ཁ་འོག་མའི་བླ་མ་གསང་འདུས་ཀྱི་ཟླུམ་པོ་བཞི་དབང་དང་ལུང་། བཀའ་བརྒྱད་གསང་རྫོགས། ཕུར་པ་སྤུ་གྲི། བསྟན་མ་བཅུ་གཉིས། པདྨ་ཡང་གསང་ཁྲོས་པ་རྣམས་ཀྱི་དབང་

― GLG008_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་ཡོངས་རྫོགས། མངའ་རིས་སྐུ་མཆེད་ཀྱི་བླ་མ་བཀའ་བརྒྱུད་ཡོངས་འདུས་ཀྱི་རྩ་དབང་དང་སྒོས་དབང་ཐོར་བུ་དེ་དག་དང་འབྲེལ་བའི་ཆོས་སྐོར། ལེགས་ལྡན་རྗེའི་དྲག་པོ་དབུ་དགུའི་ཆོས་སྐོར། ཉང་གི་དྲག་དམར་དབང་ཆོག་རྡོ་རྗེ་སྤྱི་བླུགས་ཀྱི་དབང་རྫོགས་པ། དུམ་པ་བརྒྱའི་འཆར་ཀ་སྒྲོམ་བུ་མ་དང་བཀའ་མ་སྤྲིན་ཤུགས་མ་ཉིས་འདུས་གཤིན་རྗེ་འཇོམས་བྱེད་འབར་བའི་དབང་། ཆོས་སྐོར་ཐོར་བུ། རྣམ་སྲས་སྤྲིན་གསེབ་པའི་རྗེས་གནང་དང་སྒྲུབ་སྐོར། བྱང་གཏེར་གྱི་ཚེ་དབང་ལྕགས་སྡོང་མ་བཀྲ་བཟང་པ་ཆོས་སྐྱོང་བསོད་ནམས་ཀྱི་ཕྱག་བཞེས། ཐང་ལྷའི་སྲོག་གཏད། ཐང་སྟོང་པའི་ཚེ་དབང་འཆི་མེད་དཔལ་སྟེར་སོགས་ཟབ་ཆོས་མང་དུ་ཕུལ། །དེ་ཡང་ཟུར་ཀུན་མཁྱེན་ཆེན་པོས་སྔོན་ཆད་གསང་སྔགས་གསར་རྙིང་གི་ཆོས་བཀའ་མང་དུ་གསན་མོད་ཀྱང་ཉེ་ལམ་ཤིན་ཏུ་དགྱེས་པའི་ངེད་ལའང་སྐུ་ཞབས་ཐུགས་རྩོལ་གྱིས་ཁྱབ་པར་བརྟེན་ད་ཆ་གཞན་ལ་འགྲམ་ཆུ་ལྡང་མི་དགོས་པའི་ཐོབ་རྒྱ་བྱུང་ཞེས་བཀའ་ཕེབས་པ། འཇམ་དབྱངས་མཁྱེན་བརྩེའི་གསུང་མགུར་དུ། སྨིན་བྱེད་དབང་གི་ཆུ་བོ་མཐའ་དག་ལེགས་པར་ཐོབ་ནས། །དེ་དག་རྗེས་སུ་འབྲེལ་བའི་རིམ་གཉིས་ཉམས་སུ་བླངས་ཤིང་། །དམ་ཚིག་སྡོམ་པ་སྐྱོན་མེད་སྲོག་བཞིན་གཅེས་པར་བསྲུངས་པས། །རྡོར་འཛིན་ཚོགས་པའི་ཁྲོད་ནས་མཁྱེན་བརྩེའི་དབང་ཕྱུག་སྐྱིད་དོ། །རྒྱ་བོད་མཁས་གྲུབ་བླ་མ་མཚན་ལྡན་མང་དུ་བསྟེན་ནས། །མདོ་སྔགས་གསར་རྙིང་སྨིན་གྲོལ་བཤད་བཀའ་མང་དུ་ཐོས་ཤིང་། །རྣམ་ཐར་ཐོས་པའི་དོན་མང་ཚུལ་བཞིན་ཅུང་ཟད་རྟོགས་པས། །མང་ཐོས་ཚོགས་པའི་

― GLG008_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་ན་མཁྱེན་བརྩེའི་དབང་ཕྱུག་སྐྱིད་དོ། །ཞེས་པའི་དོན་འདི་ཉིད་ཀྱི་རྣམ་ཐར་དུ་སོང་ངོ་། །གུང་ཐང་པ་རྣམས་གཙོ་བོར་གྱུར་པའི་ཁྲོམ་ལ་གྲུབ་རྒྱལ་ལུགས་ཀྱི་ཚེ་དབང་དང་། མ་ཎི་བ་རྣམས་ལ་ཐུགས་རྗེ་ཆེན་པོ་གཙོ་འཁོར་གསུམ་པའི་རྗེས་གནང་སྩལ། བར་དེར་མོང་བཟའ་ཁྲི་བཙུན་གྱིས་བཏབ་ཅིང་སློབ་དཔོན་ཆེན་པོ་པདྨ་སཾ་བྷ་ཝ་དང་མཉམ་མེད་ཇོ་བོ་ཆེན་པོ་དཱི་པཾ་ཀ་ར་སོགས་དམ་པ་དུ་མས་བྱིན་གྱིས་བརླབས་པ་ཡེར་པའི་གནས་མཇལ་བར་ཕེབས་ཏེ་རྟེན་བརྟེན་པ་རྣམས་ལ་ཡན་ལག་བདུན་པ་རྒྱས་པར་ཕུལ། འཚོ་རྒྱལ་ཕུག་ཏུ་གསོལ་འདེབས་ལེའུ་བདུན་མའི་སྐབས་སྐུ་ཆོས་ལ་ཚེ་ཆུ་ཐིགས་པ་རེ་གཉིས་བབས་པ་ཇེ་འཕེལ་ལ་སོང་བ་ནས་དཔོན་སློབ་ཐམས་ཅད་ལ་མཆོད་རྒྱུ་བྱུང་ཞིང་སྣོད་དུ་བླུག་སྟེ་བསྣམས་ཕེབས་རྒྱུ་སོགས་ཡེ་ཤེས་མཁའ་འགྲོའི་གཙོ་མོ་དེས་རྗེས་སུ་བཟུང་བའི་མཚན་མ་ཁྱད་པར་ཅན་དུ་གདའོ། །ཟུར་ཀུན་མཁྱེན་ཆེན་པོར་གསན་པ་བླ་མ་ནོར་བུ་རྒྱ་མཚོའི་སྒྲུབ་དབང་། བཀའ་བརྒྱད་བདེར་གཤེགས་འདུས་པའི་དབང་། རཏྣའི་ཀློང་གསལ་སྙིང་ཐིག་གི་ཆོས་སྐོར། དམ་ཅན་སྐྱེས་བུའི་སྲོག་དབང་ལུང་བཅས། གཤིན་རྗེ་ཚེ་བདག་ལྕགས་འདྲ་དང་ལྕགས་སྡིག །ཁྲོ་ཆུ། དྲི་མེད་ལྷུན་པོའི་དོན་ཏིག་འགྲོ་བ་ཀུན་སྒྲོལ་རྣམས་ཀྱི་དབང་ལུང་ཡོངས་རྫོགས། རླུང་དམར་གྱི་སྐོར། རྡོར་འབུམ་ཆོས་གྲགས་ཀྱི་བདུད་རྩི་བུམ་པ་དང་། གཡུ་ཐོག་སྙིང་ཐིག་གཉིས་ཀྱི་དབང་ལུང་། བྲང་ཏིའི་གདམས་ངག་དངུལ་བྲེའི་དྲང་སྲོང་སེར་སྐྱའི་སྒྲུབ་ལུང་། སངས་རྒྱས་གླིང་པའི་རྣམ་སྲས་སེར་ཆེན་

― GLG008_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་སྲོག་དབང་ལུང་བཅས། གྲྭ་པའི་ཞང་བློན་ལས་ཚོགས་ཀྱི་ལུང་། ལས་འབྲེལ་རྩལ་གྱི་བདུད་མགོན་གྱི་བཀའ་གཏད་དྲེགས་དབང་ལུང་བཅས། འབྲོ་ལོའི་ཁམས་གསུམ་འཁྲུག་བྱེད་རླུང་ནག་གི་སྐོར། བྲམ་ཟེ་སྡོམ་བཟང་གི་རླུང་འཁོར་བླ་མ་ཞང་གི་བཀའ་འབུམ་པོད་བཞི་བཀའ་རྒྱ་མ་དང་བཅས་པ། སྣར་ཐང་བརྒྱ་རྩའི་རྗེས་གནང་ལུང་བཅས་སོགས་ཆོས་བཀའ་མཐའ་ཀླས་པ་གསན། འདི་དང་ལྕགས་སྟག་གི་ཆོས་འཁོར་གྱི་འདུས་པ་དང་གཉིས་ཀྱི་གཙོ་བོ་སྐྱེད་ཚལ་མཁན་ཆེན་བྱམས་པ་ངག་དབང་བསྟན་འཛིན་ཡོད་པར་སྣང་ངོ་། །ཧོར་ཟླ་དགུ་པའི་ནང་དུ་ཁྱབ་བདག་བཀའ་འགྱུར་བ་འབྲས་སྤུངས་སུ་ཕེབས་ནས་ཕ་དམ་པའི་འཆི་མེད་མགོན་པོར་བརྟེན་པའི་རིང་པོར་འཚོ་བའི་རྟེན་འབྱུང་གི་གསུང་ཆོག་རྒྱས་པར་གནང་། རྗེ་མཁྱེན་བརྩེའི་གསུང་མགུར་དུ། ཡོངས་བླ་མ་བསྟེན་པ་མང་ན་ཡང་། ཁོང་སློབ་འཁོར་རྒྱས་པའི་འུར་རྒྱང་ཅན། །སྒྲོབ་གང་ཆེའི་རྗེས་སུ་རྒྱུག་པ་ལས། །རྗེ་མཚན་ལྡན་བསྟེན་པ་དཀོན་ན་ཡང་། །དཔལ་རྒྱལ་བ་ཀུན་དངོས་སྒོ་རུམ་པ། །སྲས་ཚར་པའི་ཞབས་པད་བསྟེན་ལགས་པས། །བདག་སྤྲང་པོ་བསམ་བཞིན་སྐྱིད་དུ་ཚོར། ཁྱེད་མཆེད་གྲོགས་ཚོའི་ཐུགས་ལ་ཇི་ལྟར་གདའ། །ཞེས་པའི་དོན་ལྟར་སྐུ་གསུང་ཐུགས་ཀྱི་མཛད་པ་ལ་གུས་པར་བྱུང་བས། ཚར་ཆེན་ཆོས་ཀྱི་རྒྱལ་པོས་ཟབ་ལུང་བདེར་གཤེགས་འདུས་པའི་སྐུ་བརྙན་དྲུང་དུ་མཛད་པའི་ཨྱོན་རིན་པོ་ཆེའི་གསོལ་འདེབས་ཀྱི་ལུང་དང་ཚར་ཆེན་གྱི་ཕྱག་དཔེ་ངོས་མའི་ཧ་ལ་ནག་པོའི་བེའུ་བུམ་མགོ་ཐོག་ཏུ་འཇོག་པ་གནང་བའི་བཀའ་བསྒོ་ཞིག་ཞུས་ཕེབས་རྫོངས་གཟབས་

― GLG008_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་དང་བཅས་ཡར་ལམ་ཟུར་ཀུན་མཁྱེན་བླ་མ་དང་ཞལ་རྒྱས་ངོས་རྒོད་དཀར་ལ་བརྒྱུད་དཔལ་ཟན་གཡང་ལྷུན་གྱིས་གྲུབ་པའི་གཙུག་ལག་ཁང་ཆེན་པོར་ཕེབས་ཏེ་དབུ་རྩེ་རིགས་གསུམ་ཡཀྴ་བླ་འོག །གླིང་བཞི། གླིང་ཕྲན། ཇོ་མོའི་གླིང་གསུམ་དང་བཅས་པའི་རྟེན་བརྟེན་པ་རྣམས་ལ་དཀར་མེ་སྙན་ཤལ་སོགས་ཀྱི་ཚོགས་གསོག །བཤད་སྒྲུབ་ཀྱི་རིང་ལུགས། སྐྱེ་རྒུའི་ལེགས་བྱས་འཕེལ་བའི་སྨོན་ལམ་གྱིས་མཚམས་སྦྱར་བའི་དུས་མཁན་ཚང་པ་དང་རབ་བྱུང་བ་རྣམས་ཀྱིས་ཞབས་དྲུང་སྒར་ཆེན་ཞིང་ཁམས་གཞན་དུ་གཤེགས་ནས་ལྕོག་ཏུ་རང་ལུགས་ཀྱི་བླ་མ་ཕེབས་མཁན་གཞན་མ་བྱུང་གཤིས་ད་ལམ་ཆོས་སྐྱོང་ཆེན་པོ་སྐུ་ཕེབས་དང་འགྲིག་པས་ངོས་མཇལ་འགབ་ཞུས་རུང་སྙན་དར་དང་དམོད་ནས་ཙམ་ཕུལ་བས་འཐུས་རྩིས་ལ་སྨོན་གྲོང་གི་དྲེའུ་གཡར་པོར་བཙད་འབངས་པའི་མཛོས་བརྡུངས་པ་མ་མཇལ་ན་འཁྲེན་པའི་བརྡར་དགོངས་ཏེ་ལྕོག་ལ་ཕེབས་པ་དྲེགས་པ་ཡོངས་ཀྱི་སྡེ་དཔོན་གནོད་སྦྱིན་ཙེའུ་དམར་པོ་ཁོག་ཏུ་བརླམས་པ་རྡོ་སྐྱགས་མགོར་བསུ་བར་ཕེབས་ནས་ཁྲོམ་པ་རྣམས་ལྷ་རྒྱལ་ལན་གསུམ་ཐེན་བཅུག་ཅིང་དགྱེས་པའི་རྣམ་འགྱུར་མཛད།སྡེ་པ་སྟག་རྩེ་བས་དུང་ཆེན་གསར་བརྡུངས་སྤྱན་འབེབས་ཞུས་པ་ད་རེས་མཁན་པོ་བྱོན་པ་དང་འགྲིག་པ་རྟེན་འབྲེལ་གྱི་སྒོ་ཡོད་པས་ཕྱོགས་བཞི་ནས་འབུད་དུ་བཅུག་པ། ཇི་སྐད་དུ། སྔོན་གྱི་རྒྱལ་པོ་གྲགས་པའི་གཟུགས། །ངག་གི་རང་བཞིན་མེ་ལོང་ཐོབ། །དེ་ཉིད་ཉེ་བར་མི་གནས་ཀྱང་། །རང་ཉིད་ཉམས་པ་མེད་ལ་ལྟོས། །ཞེས་པ་ལྟར་རྗེ་བླ་མ་དག་ཞིང་དུ་གཤེགས་ནས་ལོ་བཅོ་བརྒྱད་ཙམ་སླེབས་ཀྱང་སྐུ་གསུང་ཐུགས་ཀྱི་རྣམ་པར་ཐར་པའི་

― GLG008_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས་སྙན་ཕྱོགས་བྲལ་གྱི་རྣ་བའི་རྒྱན་དུ་ཇེ་ཆེར་འཕེལ་བའི་བརྡར་མངོན། སྔོན་དགེ་སློང་ནག་པོ་སོགས་ཀྱི་སྐྱེ་རྒྱུས་བྷ་ཏ་ཧོར་གྱི་སྒོམ་གྲྭ་ནས་བྱོན་ཏེ་གུ་རུ་པདྨས་གཙུག་ལག་ཁང་གི་སྲུང་མར་བསྐོས་པ་ནས་ད་བར་མ་ཉམས་པར་མཛད་ལུགས་ཀྱི་རྒྱུ་མཚན་རྒྱས་པར་གསུངས་པའི་ཚེ་རྗེ་ཉིད་ཀྱིས་ཤིན་ཏུ་ལེགས་ཚུལ་དང་དགེ་རྒྱས་འདི་བྱེ་མའི་གནོད་པས་འཇིག་པར་ཉེ་བ་ཆོས་སྐྱོང་ཆེན་པོའི་རྫུ་འཕྲུལ་གྱིས་ཞི་བ་བྱུང་ན་ཞེས་ཞུས་པའི་ལན་དུ་སྤྱིར་འགྲོ་བའི་ལས་གཙོ་ཞིང་སྒོས་སུ་གཟུགས་ཅན་གྱི་མིས་མ་བྱས་ན་ངེད་གཟུགས་མེད་ཀྱིས་དཀའ་གསུང་། དམོད་ནས་དང་བཅས་བསྟན་འགྲོའི་ཕན་བདེ་སྒྲུབ་པའི་འཕྲིན་བཅོལ་དང་འགྲོ་བ་རྣམས་ཀྱང་མི་དགེ་བར་སྤྱོད་པ་ཤས་ཆེ་བས་མི་ལུས་ཐོབ་པའང་དཀའ་མོར་མཆིས་པ་ཞིང་བཅུ་ཚང་བའི་རིགས་མ་གཏོགས་སྐྱེ་འགྲོའི་སྲོག་དབུགས་ལ་གནོད་པ་མཛད་ན་མི་ལེགས་ཚུལ་ཞུ་བ་གནང་བར་སངས་རྒྱས་ཀྱི་བསྟན་པ་སྲུང་བའི་བྱ་ར་བྱེད་ཅིང་བསྟན་འགྲོའི་བདེ་སྐྱིད་འཕྲོག་པའི་དགྲ་བགེགས་ནི་སྔར་ཡང་ཚར་བཅད་ད་རུང་གུ་རུ་པདྨའི་བཀའ་ལས་མི་འདའ་དེ་མིན་སྡུག་འདྲེས་སེམས་ཅན་ཚོར་གནོད་པ་ག་ལ་བྱེད། འགྲོ་བ་རྣམས་ཀྱིས་སྡིག་པ་མི་དགེ་བ་བསགས་པའི་འབྲས་བུ་སྡུག་འདྲེའི་རྣམ་པར་ཤར་བ་ཡིན་པས་བྱ་ཐབས་ག་ལ་ཡོད་གསུངས་པར་རྗེས་སུའང་ཐུགས་ངེས་ཤེས་འདྲོངས་པར་སྣང་།སྔར་ཁྱེད་ཀྱིས་མཛད་ཟེར་རྒྱུ་མིན་ཀྱང་སྡུག་འདྲེར་དམིགས་པའི་སྲུང་མདུད་མངས་ན་བར་ཆད་ཀྱི་རྒྱུར་འགྲོ་བས་མི་འགབ་ཚུལ་གསུང་བའི་ཤུགས་བསྟན་ཆེད་དུ་དམིགས་ནས་བསྐྱེད་ཆོག་མཛད་པ་རེ་གཉིས་ལ་སྔོན་རྗེ་བཙུན་རྡོ་རིང་པ་ཆེན་པོར་གནས་རྙིང་རྒྱལ་པོས་ཁས་བླངས་པ་དང་འདྲ་

― GLG008_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

བར་སེམས་ཤིང་སླར་སྐུ་རིམ་སོགས་བླང་དོར་གྱི་ལུང་བསྟན་ཞིབ་ཏུ་མཛད། རྡོ་སྐྱགས་མགོའི་བར་ཕེབས་སྐྱེལ་ཞུས་ཤིང་མཆོད་རྟེན་དམར་པོ་བའི་བཙུན་པས་སྟག་ལུང་ཞབས་དྲུང་ཕེབས་པ་ལས་འཚུབ་པ་དང་ད་རེས་ལས་འཇམ་པ་མ་དྲན་ཟེར་བ་ནི། རྗེ་མཁྱེན་བརྩེའི་གསུང་མགུར་ལས། ཕྱི་རོལ་གྱི་དྲེགས་པ་རྒྱུད་གསུམ་པོ། །རང་སེམས་ཀྱི་རྩལ་དུ་རང་ངོ་འཕྲོད། །ཡིན་ལུགས་ཀྱི་ཤེས་པ་ལྷུག་པ་ལ། །བཟོ་བཅོས་མེད་པ་བླ་མའི་དྲིན། །ཞེས་པའི་དོན་བཞིན་གསང་ལས་ཡང་གསང་སྙིང་པོའི་མན་ངག་གི་ཆེ་བའོ། །རིམ་གྱིས་བཀྲ་ཤིས་ཆོས་ཀྱི་སྡེ་ཆེན་པོར་ཕེབས། ཞོལ་ནས་ནང་པ་ཤོད་པ་བས་སྤྱན་དྲངས་ཏེ་ནང་མི་དམངས་ལ་ཚེ་དབང་གྲུབ་རྒྱལ་མ་དང་སྐྱེར་སྒང་ལུགས་ཀྱི་རྟ་མགྲིན་གྱི་བྱིན་རླབས། ཚོང་དཔོན་ཕུན་ཚོགས་ཁྱོ་ཤུགས་གཉིས་ལ་ལྕག་སྡོང་མའི་ཚེ་དབང་བརྒྱ་རྩ་དང་། རྣམ་སྲས་སེར་ཆེན་གྱི་རྗེས་གནང་སྩལ། དབང་གཏོར་གྱི་ཁང་བརྩེགས་དེ་ལོ་འཁོར་དུ་བཞག་པ་སོས་ཀའི་ཚ་བ་དང་གཏོར་མ་བཞག་པའི་ནང་དེར་ལོ་རོ་བ་ལྔ་ཙམ་གྱིས་མཆོད་ཀོང་དང་ཏིང་སོགས་བླུག་པའི་མེ་དུགས་རྣམས་འདོམས་ནའང་རྒྱན་སྤྲོད་ཀྱི་མར་མ་ཞུ་ཞིང་བག་རྡུལ་གྱིས་བཀྲག་མ་ཉམས་པས་མཚོན་སྐྱོན་གང་ཡང་མ་བྱུང་གནོད་སྦྱིན་ངལ་བསོས་པོ་འདོད་རྒྱལ་གྱི་ལྕགས་ཀྱུས་བཅུག་པའི་རྟགས་མཚན་མངོན་སུམ་དུ་གསལ་བ་དེའོ། །ས་མོ་གླང་ལོར་ཁྱབ་བདག་ཁྲ་ཚང་བ་ཆེན་པོ་ལྷོ་བྲག་ཉི་ལྡེར་དྷཱི་ཚ་སྤྲུལ་སྐུ་འཇིག་རྟེན་དབང་ཕྱུག་གི་དྲུང་དུ་ཤེར་ཕྱོགས་སྐོར་གསན་པར་རྫོང་བདའ་གནང་། ཕེབས་སྒོ་བཞིན་གསོལ་ཆས་རྣམས་དོ་བོ་རྫོང་ནས་འཚེམས་མེད་དུ་བསྟར། དབྱར་ཟུར་ཀུན་

― GLG008_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་ཆེན་པོས་ཡར་ཀླུངས་སུ་ཕེབས་པར་མགོན་པོ་ལྷ་བརྒྱད་དང་བཅུ་གཉིས་མ་ཐུན་མོང་མ་ཡིན་པ། དུད་སོལ་མའི་རྗེས་གནང་ནན་ཆགས་མ། པུ་ཏྲ། བེར་ནག་ཟངས་གྲི་ཅན་ཕྱི་ནང་། བྲན་བདུད་ཐུན་མོང་བ། ལས་སྦྱོར་གྱི་མགོན་པོ་གླང་གདོང་མ། ཕྱག་རྡོར་གོས་སྔོན་ཅན། རྣམ་སྲས་སེར་ཆེན་སྨད་ལུགས། དཀར་བདུད་ལྕམ་བྲལ་རྣམས་ཀྱི་རྗེས་གནང་། ཡང་གསང་ཁྲོས་པའི་རྫོང་ཆུང་ཚེ་དབང་། བྱང་གཏེར་འཆི་མེད་འོད་སྣང་གི་དབང་། དྲག་པོ་དབུ་དགུའི་རྩ་དབང་། ཚེ་དཔག་མེད་གྲུབ་རྒྱལ་ལྷ་གཅིག་བུམ་གཅིག་མ། ཚེ་སྦྱིན་དཀར་པོ་ཞག་བདུན་མ། ཚར་ཆེན་གྱི་བཀའ་འབུམ། བླ་མ་དམ་པ་དང་མུས་ཆེན་གྱི་ཀྱེ་རྡོར་མངོན་རྟོགས། དཀྱིལ་ཆོག་བྱ་བྲལ་མ། སྒོ་རུམ་པའི་རྣམ་ཐར་རྗེ་མཁྱེན་བརྩེས་མཛད་པ་སོགས་དགོངས་བཞེད་ཀྱི་ཆོས་བཀའ་མང་དུ་འབུལ་བ་གནང་། རྗེ་ཁྲ་ཚང་བ་ཆེན་པོ་ལྷོ་བྲག་ནས་ཕྱིར་ཕེབས་པ་ལ་བརྒྱད་སྟོང་པ་མ་གཏོགས་པའི་ཤེར་ཕྱོགས་ཡོངས་རྫོགས་ཀྱི་ལུང་གསན་དུས་གསུང་ངག་ལམ་འབྲས་དང་རྡོ་རྗེ་ཕྲེང་བ་སོགས་སྤྱི་བཀའ་ཟུར་བཀའ་མང་ཙམ་ཞུ་བའི་སྙན་གསན་འབེབས་པར་སྡེ་པ་བསོད་ནམས་རབ་བརྟན་གྱིས་ཐུགས་ཁུར་བཞེས་ནས་རྒྱལ་རྩེ་སྨན་གྲོང་ཚེ་དབང་དར་རྒྱས་རྫོང་བདའ་མཛད། ཤེར་ཕྱོགས་ཀྱི་ལྗགས་ལུང་འཕྲོ་གསན་དགོས་དང་ཕྱག་དཔེ་གཟིགས་རྟོག་སྦྲགས་པའི་ཐུགས་བྲེལ་ཁྱད་ཀྱི་ཟླ་བ་ཕྱེད་གཉིས་ཙམ་ནས་འབྱོན་པའི་དུས་ཚེས་བསྒྲིགས། ཧོར་ཟླ་བཅུ་པའི་འགོར་རྒྱལ་ཁབ་ཆེན་པོ་ཕོ་བྲང་པོ་ཏ་ལར་ཕེབས་ཏེ་ཐོག་མར་རྟེན་འབྲེལ་གྱི་ཁྱད་ནས་ཚེ་དཔག་མེད་གྲུབ་རྒྱལ་མའི་བསྐྱེད་རྫོགས་ཀྱི་ཉམས་འཁྲིད་དང་ཚེ་དཔག་མེད་དཀར་པོ་ཆག་ལུགས་ཀྱི་རྗེས་གནང་སྩལ་བའི་སྔ་དྲོ་ལི་མ་ལྷ་ཁང་དུ་

― GLG008_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་ངག་གི་ཁྲིད་དང་དགོངས་ཇ་ཁར་རང་བྱུང་འཕགས་པའི་ལྷ་ཁང་དུ་དབང་རྗེས་གནང་གི་རིགས་རིམ་གྱིས་གནང་བར་གསུང་ངག་རིན་པོ་ཆེ་སློབ་བཤད་ཀྱི་ཉམས་ཁྲིད་སྨིན་རྒྱས། རྒྱུ་དབང་། ལམ་དབང་། བདག་མེད་ལྷ་མོ་བཅོ་ལྔའི་དབང་བྱིན་རླབས་ཀྱི་སྐོར་རགས་རིམ། ནཱ་རོ་མཁའ་སྤྱོད་ཀྱི་བྱིན་རླབས། རྒྱབ་རྟེན་གྱི་ལུང་། རྡོ་རྗེ་ཕྲེང་བ་ཞེ་ལྔ་མ། བདེ་མཆོག་ལཱུ་ཨི་པའི་དབང་བཀའ་བབས་བདུན་ལྡན། ནག་པོ་པ། མཁའ་འགྲོ་རྒྱ་མཚོའི་དབང་བཀའ་བབས་བཞི་ལྡན། གཤིན་རྗེ་དགྲ་ནག་ར་ལུགས་བཅུ་གསུམ་མ། གདན་བཞི་ལྷ་དགུ་བཅུ་རྩ་བདུན་མ། བདེ་མཆོག་བོང་ཞལ་ཅན་ལྷ་སོ་བདུན་མའི་དབང་། གསང་བ་འདུས་པ་ས་ལུགས་ལྷ་བཅུ་དགུ་མའི་དབང་། གཤེད་དམར་ལྷ་ལྔའི་དབང་བརྒྱུད་པ་སུམ་ལྡན། འཇིགས་བྱེད་ལྷ་ཞེ་དགུ་མ་དང་རོ་ལངས་བརྒྱད་སྐོར། ཀུ་རུ་ཀུལླེ་ལྷ་ལྔ། གུར་མགོན་ལྷ་ལྔ་སིནྡྷུ་རའི་དཀྱིལ་འཁོར་ལ་བརྟེན་པ། དམ་པ་ལུགས་ཀྱི་འཇམ་དབྱངས་སྨྲ་སེང་གི་དབང་། ཛེ་ཏཱ་རི་ལུགས་ཀྱི་ཚེ་དཔག་མེད་ལྷ་དགུ་རྣམས་ཀྱི་དབང་དེའི་སྒྲུབ་ཐབས་དབང་ཆོག་བསྟོད་པ་ཛེ་ཏཱ་རིས་མཛད་པ། དཀོན་ཅོག་ལྷུན་གྲུབ་ཀྱི་དཀྱིལ་ཆོག་དབང་བཅས་པའི་ལུང་། འདོད་རྒྱལ་གསང་སྔགས་སྒྲའི་རྗེས་གནང་། བྲམ་ཟེ་ནག་པོའི་མངག་གཏད་ཐུན་མོང་མ་ཡིན་པ། འཇམ་དབྱངས་ཨ་ར་པ་ཙ་ནའི་རྗེས་གནང་། དེའི་སྒྲུབ་ཐབས་ས་པཎ་གྱིས་མཛད་པ་དང་རྗེས་གནང་གི་ཡི་གེ་ངོར་ཆེན་གྱིས་མཛད་པ། བརྟག་གཉིས། ཚེ་མདོ་ལེ་ཚན་གཉིས། མི་འཁྲུགས་པའི་རྒྱུད་རྣམས་ཀྱི་ལུང་། གཉན་སྒྲོལ་ཡན་ལག་དྲུག་པའི་རྗེས་གནང་། མཚན་བརྒྱ་རྩ་བརྒྱད་པའི་ལུང་དང་བཅས་པ།

― GLG008_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

ནཱ་རོ་མཁའ་སྤྱོད་ཀྱི་བྱིན་རླབས་ཀྱི་ཆོ་ག་ཚར་ཆེན་གྱིས་མཛད་པ་དང་རྗེ་ཉིད་ཀྱིས་མཛད་པའི་གུར་མགོན་གྱི་སྐུ་རྟེན་བཞེངས་ཚུལ་རབ་གནས་དང་བཅས་པའི་ལུང་། ཚེ་དཔག་མེད་གྲུབ་རྒྱལ་ལུགས་ཀྱི་ཉམས་འཁྲིད། སྒྲོལ་དཀར་ཡིད་བཞིན་འཁོར་ལོ་འོད་ཟེར་དྲུག་སྦྲགས་ཐུན་མོང་མ་ཡིན་པའི་རྗེས་གནང་རྣམས་ཐུགས་དགྱེས་པ་ཆེན་པོའི་སྒོ་ནས་སྩལ་ཞིང་གསེར་དངུལ་གོས་དར་ཇ་རས་འབྲུ་སོགས་ཟང་ཟིང་གི་མཎྜལ་ཆོས་ཡོན་ཏུ་བཏེག །དེ་ཡང་། ཀུན་མཁྱེན་མཁྱེན་བརྩེའི་གསུང་མགུར་ལས། སྤྲང་པོ་ལས་ངན་གྱི་དབང་གིས་སྙིགས་དུས་མཐའ་འཁོབ་ཏུ་སྐྱེས་ཀྱང་། །ཚེ་སྔོན་དག་པའི་སྨོན་ལམ་གྱིས་མཚན་ལྡན་བླ་མ་དང་མཇལ་ནས། །ཐོས་དཀའ་རྟོགས་པར་དཀའ་བའི་ཟབ་ལམ་དུ་མ་ཞིག་ཐོབ་པས། །ཤི་ཡང་འགྱོད་མེད་ཀྱི་བློ་བདེ་གཞན་ལས་ལྷག་པ་ཞིག་གདའ་བས། །དགའ་དགའ་སྐྱིད་སྐྱིད་མོ་གཞན་ལ་ཡིད་སྨོན་མེད་པ་ཞིག་གདའོ། །ཞེས་པའི་དོན་བཞིན། སྔོན་ཆད་རྡོ་རྗེ་སློབ་དཔོན་མང་དུ་བསྟེན་པའི་སྐལ་པ་ཕྲ་ཞིང་ཅུང་ཟད་རྙེད་པའང་ཞབས་པད་བསྟེན་ཡུན་ཐུངས་པ་དང་གཞན་རྐྱེན་གྱི་འཇིགས་པས་གསང་ཐབས་རྐུན་ནོར་ལྟར་སྤྱོད་དགོས་པ་ལ་ཉེ་ལམ་དེ་རིགས་ཀྱི་སྐྱོན་དང་བྲལ་ཞིང་ཐོས་བསམ་གྱི་ཆ་སྤྱོད་ཡུལ་ཡངས་པ་སྔོན་བསགས་ལེགས་བྱས་ཀྱི་འབྲས་བུ་དུས་སུ་སྨིན་པར་མ་ཟད་དམ་པ་འདི་ཉིད་ཀྱི་སྐུ་གསུང་ཐུགས་ཀྱི་མཛད་པ་མཐའ་དག་སྔར་དམ་བཅའ་གནང་འདུག་པའི་དོན་དང་ཆ་མཚུངས་པའི་ཞལ་གྱིས་འཆེས་པ་ལ་དཔའ་བ་ཙམ་མ་ཡིན་པར་དོན་མཐུན་ཁོ་ནར་སྣང་བ་ཤ་སྟག་ཏུ་མཐོང་བ་དཔེར་ན་འཕྱོང་རྒྱས་ཞབས་དྲུང་དམག་དཔོན་ལྷའི་དབང་ཕྱུག་གིས་བཀའ་ཤོག་གཏན་ཚིགས་ཐམས་ཅད་

― GLG008_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

རས་སུ་བོར་བའི་འཕྱོས་ལམ་རིམ་པས་བཀྲ་ཤིས་ཆོས་སྡེ་བའི་དཀོར་སའི་གྲལ་ཁུངས་སོགས་ཕྲོགས་པ་ཆོས་སྡེ་བ་རྣམས་ཀྱང་རེ་བ་ཆེ་ཞིང་ཕྱི་ཡུལ་ནས་བལྟས་པར་ཡང་བབས་འབྲེལ་འདུག་རུང་ཕེབས་སྒོར་ཁོ་རང་ཚོར་དཀོར་སྐལ་ཟ་རྒྱུ་ནི་འདུག་གྲལ་གྱི་རྒྱབ་མདུན་གང་དུ་བསྡད་ཀྱང་ཁྱད་ཅི་ཡོད་ཅེས་ཞུ་བའི་རྩོམ་པ་ཙམ་ཡང་མི་མཛད་ཅིང་སྐུ་སྒེར་དོན་དུ་གཏོགས་པ་རྗེ་སྨན་ལུང་པ་ཤེར་ཕྱོགས་གསན་པའི་གསོལ་ཕོགས་དང་དབོན་མཁྱེན་རབ་རྣམ་རྒྱལ་ཕྱག་ཕྱིར་བསྡད་ཆོག་པའི་དགོངས་ཁྲོལ་ཙམ་མ་གཏོགས་ཞུ་དོན་མཛད་པ་མ་མཐོང་ཞིང་དགོན་གྲ་རིགས་སྦྱིན་བདག་སོགས་རེ་བ་མཁན་པོ་དུ་མར་ཡང་ངེད་རང་ཕེར་ཕེར་དང་ཡོང་ཡོང་བ་དེ་འདྲ་ལར་མི་དགའ་ཞེས་ཞུ་དོན་གྱི་སྣ་ལེན་ཡེ་མི་གནང་། བསྟན་པ་འཕེལ་བ་དང་འགྲོ་བའི་བདེ་སྐྱིད་སོགས་སྤྱི་ལ་ཕན་པའི་ཞལ་ཏ་ལྷུར་བཞེས་ཤིང་། ཤེས་རབ་སྡོང་བུ་ལས། འགྲོ་བ་ཤིན་ཏུ་གྲངས་མེད་ཀྱང་། །སེམས་ཅན་ཡོན་ཏན་ལྡན་པ་དཀོན། ཡུལ་ལྗོངས་དཔག་ཏུ་མེད་མོད་ཀྱི། །རིན་པོ་ཆེ་དག་འབྱུང་བ་དཀོན། །ཞེས་གསུངས་པ་ལྟར། ཁྱད་པར་དབང་བྱིན་རླབས་རྗེས་གནང་རིག་གཏད་ཉམས་འཁྲིད་ལ་ད་ལམ་ལོང་ཆུངས་པའི་དགག་བྱ་དགོས་པ་ཡིན་ཞེས་མཚོན་དོན་ཙམ་གྱི་བསྡུ་བ་དང་འདིའི་ཚབ་འདིས་འོང་འདིའི་དོད་འདིས་བྱེད་ཅེས་ཆོས་ལ་དབང་མི་ཟ་བར་སོ་སོའི་ལུགས་བཞིན་མ་འདྲེས་པ་ཁོ་ན་དང་ལྗགས་ལུང་གི་སྐབས་དཔེ་རྣམ་གྲངས་ཕྲ་མོ་མང་དུ་ཡོད་པའི་རིགས་ལ་བསྙེལ་ཐོ་དང་བསྟུན་ནས་གསན་མ་གསན་གྱི་དབྱེ་བ་འབྱེད་པ་ལས་ཡི་གེ་ལྷོགས་པ་རྒྱུ་མཚན་དུ་བྱས་ཏེ་བྱུང་ཚད་ལྗགས་སྒྲོག་མི་གནང་། ཕྱག་ལེན་གྱི་རིགས་གང་ལ་

― GLG008_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

དོགས་གཅོད་ཞུས་ཀྱང་འདི་ནི་འདིའོ་ཞེས་ཤིག་མཛུབ་སྤྲད་པའི་ངེས་ཤེས་ཁོ་ན་ལས་མུན་ནག་འདོམ་འཇལ་གྱི་ཟོལ་སྦྱོར་ཅི་ཡང་མི་སྲིད་པས་དབང་རྣོན་ཆོས་རྗེས་འབྲང་བའི་དད་པ་བརྟན་པོའི་གཏིང་ཚུགས་སོ། །ཐུགས་རྗེ་འོད་ཀྱི་སྤུབས་གུར་བདེ་བའི་ལམ། །ས་སྤྱོད་རིག་པའི་ཁྱེའུ་ཆུང་དག་ཞིང་དུ། །དྲངས་ཚེ་དགེ་སྡིག་གཅིག་ཏུ་དཀར་རོ་ཞེས། །ལས་ཀྱི་མེ་ལོང་ལྟ་བའི་ངལ་བ་བཏང་། །མཁས་པའི་གཞུང་ལུགས་ས་ཧ་ཀ་ར་ཡི། །སྙེ་མ་ནམ་མཁའི་ཕ་མཐར་ཡོངས་དུད་ཀྱང་། །ས་བོན་ཐུབ་པའི་གསུང་རབ་གཅེས་པའི་ནོར། །བསྟན་འཛིན་ཕལ་གྱིས་དོར་བས་དགུན་ཆུ་བཞིན། །དེ་ཚུལ་བཟོད་མིན་སྙིང་སྟོབས་རི་རྩེའི་ཆབ། །བརྩོན་འགྲུས་ཤུགས་ཀྱིས་འབབ་པ་ལེ་ལོའི་རགས། །སྡིག་ཏོའི་འཕྲུལ་གྱིས་མི་ལྡོག་ཆོས་འཚོལ་བར། །མི་ཞུམ་རྒྱལ་སྲས་སྤྱོད་པ་འདི་རྨད་བྱུང་། །བཅོས་མིན་ངེས་པར་འབྱུང་བའི་ཆོས་བརྒྱད་ལས། །ལོག་པའི་ཐུགས་ཀྱི་སྣ་དེ་རབ་ཐུང་ཡང་། །ཤཱཀྱ་སེང་གེའི་རིང་ལུགས་སྤེལ་བའི་བློའི། །ཞགས་རིང་བརྐྱངས་མཐའ་བསྐལ་པར་རྫོགས་ནུས་མིན། །ཉང་སྟོན་རིག་སྔགས་འཆང་བའི་དབང་ཕྱུག་དེ། །དམ་པའི་བཞེད་པ་སྐོང་བའི་མཎྜ་ལ། །བཏེག་ཚེ་སྲིད་ཞིའི་ཡོན་ཏན་ནོར་བུའི་དཔྱ། །ཕྱུར་བུར་སྤུངས་ཏེ་ཆོས་བཟང་མདུན་སར་གླེང་། །གསར་རྙིང་ཉི་ཟླ་ཟུང་འབྲེལ་འོད་པོ་ཆེས། །འཁོར་མུན་མཐར་བྱེད་ལས་སྨོན་མཐུ་བཙན་པོས། །ཟུར་ཆེན་རྗེ་དང་སྟབས་ཅིག་སྟན་འཛོམ་པ། །ཕན་བདེའི་སྣང་བ་འདྲེན་པའི་ཤིང་རྟ་བཞིན། །མ་རིག་ལས་འཁོན་འཇམ་མགོན་རིམ་བྱོན་ཆོས། །མ་དག་འཁྲུལ་བའི་དྲ་བ་གཅོད་པའི་མཚོན། །མ་ལུས་

― GLG008_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་གཉེན་ས་སྐྱའི་བླ་ཆེན་གྱིས། །མ་སྨད་སྙན་བརྒྱུད་གསེར་འཁོར་མཁའ་ལ་འཕགས། །གཉགས་བན་ཛྙཱ་ནའི་སྤྲུལ་པའི་ཟློས་གར་དེས། །མགོན་ཁྱོན་པདྨཱ་ཀ་རའི་གདུང་འཚོབ་ཁྲིར། །ཐེག་མཆོག་ནོར་བུའི་ཅོད་པན་དབུར་བཅིངས་ནས། །བཀོད་ཚེ་ཕྱོགས་བཅུའི་རྒྱལ་ཀུན་མེ་ཏོག་གཏོར། །བདེ་ཆེན་འདྲེན་པའི་ལས་རྒྱ་མཁར་ཆེན་བཟས། །འཆི་མེད་བདུད་རྩིའི་རྒྱུན་གྱི་བཅུད་བྱིན་ཚེ། །གནས་འདི་ལས་གཞན་ཌཱི་ཀ་ཌཱ་ཀྐིའི་ཚོགས། །འདུ་བའི་ཨྱོན་ཡུལ་དེ་འཚོལ་རྣམས་ངལ། །སྣང་སྲིད་དྲེགས་པའི་སྡེ་དཔོན་ཙི་དམར་བས། །མགོན་ཁྱོད་འཕྲིན་ལས་སྒྲུབ་པར་ཞལ་འཆེས་པ། །ལྷུན་གྲུབ་རྟེན་ཅིང་འབྲེལ་འབྱུང་དུང་ཆེན་སྒྲ། །ཕྱོགས་བྲལ་བུ་མོའི་རྣ་ལུང་མཛེས་པ་བཞིན། །བཤེས་གཉེན་མངལ་དུ་མ་སྦྲུམས་སྟོང་པའི་སྒྲ། །གྲང་དྲོད་ལས་བཙས་ཁྱེའུ་དཀར་མིན་འབྲས། །དྲང་སྲོང་ཨུ་པའི་རེ་སྐོང་རྒོད་མ་ཁ། །གཏན་མདུན་རྒྱ་མཚོ་སྐམ་པའི་ཆོ་ག་ལྟར། །འོན་ཏེ་སྲིད་མང་འཕྲང་བགྲོད་དཀའ་སྤྱད་ཀྱི། །བསོད་ནམས་ཛམ་བུའི་ཤིང་འབྲས་མཚོར་ལྷུངས་པ། །དལ་རྟེན་དོན་ལྡན་གསེར་གྱི་ཕུང་པོ་ལ། །སྤྱོད་པའི་སྐལ་བཟང་འདི་ལ་གཅིག་ཏུ་རངས། །སྙན་བརྒྱུད་རིམ་བཞིའི་རྟེན་འབྲེལ་ཡོངས་འགྲིག་པ། །མ་ནུབ་དབང་བཞིའི་ལམ་ལས་འབྲས་བུར་སྨིན། །རྒྱུད་སྡེ་རྣམ་བཞིའི་ཆོས་ཀྱི་ཐེམས་སྐས་ལ། ཁྲིད་ནས་སྐུ་བཞིའི་གྲོང་དུ་བཅུག་འདི་མཚར། །ཁུ་ལུང་དུ་ཡུམ་བསྙུན་པའི་གདན་འདྲེན་བྱུང་བར་བརྟེན་ལྕགས་སྟག་གི་ལོ་གསར་གདོང་རོང་ཕྱོགས་སུ་ཐེགས་ནས་ཟླ་གཅིག་གི་བར་བྱིན་རླབས་སྐུ་རིམ་དང་འཕྲོད་བསྟེན་གྱི་ཞལ་བཀོད་དང་བཅས་ཞལ་ངོ་རྣམས་ཀྱི་དགོངས་པ་བཀང་སྟེ་

― GLG008_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

ཞང་འགྲོ་བའི་མགོན་པོའི་བསྟི་གནས་སུ་ཕེབས་པའི་དབྱར་སྟོན་གྱི་རིངས་བཞུགས། གསོལ་ཆས་དགོས་ཆ་རྣམས་བྱི་ལོའི་སྐབས་ལྟར་ཕུལ་ཞིང་ཟུར་ཀུན་མཁྱེན་ཆེན་པོས་དབུ་མཛད་དོན་གཉེར་ཅན་དུ་མ་ལ་གང་བློ་མ། དབང་གི་སྒྲོལ་མ་དམར་མོ། དུས་འཁོར་གྱི་ཐུན་མོང་སྒྲུབ་པའི་ལྷ་གསུམ། སྨན་བླ་བདེར་གཤེགས་བདུན། ཕྱག་རྡོར་ཨུ་ཙཪྻ། བ་རིའི་རྣམ་འཇོམས། སྨེ་བརྩེགས། མི་གཡོ་བ་དཀར་སྔོན། རྟ་མགྲིན་རས་ཆུང་ལུགས། རྟ་ནག་ལྕགས་རལ་ཅན། སེང་གདོང་ནག་པོ། ཛམ་སེར་ནག །སྤྱན་རས་གཟིགས་གཙོ་འཁོར་གསུམ་པ། དུར་ཁྲོད་བདག་པོ། རྣམ་སྲས་དྲག་པོ་བཀའ་ཤིན་ཏུ་གཉན་པ། གསང་སྒྲུབ་ལྗང་སེར་བེ་ཅོན་ཅན། དྲག་བྱེད་རྟ་སྔོན་སྲིན་མོ་བཞི་སྐོར། ནང་གསང་ལྟར་སྒྲུབ་པ་ལྷ་དགུ། དྲག་བྱེད་སེང་ཞོན་ཀླུ་བརྒྱད་ཀྱིས་བསྐོར་བ། དྲག་བྱེད་རྐང་ཐང་ལྷ་བརྒྱད། མདུང་དམར་ཅན་ལྷ་བཅུ་གསུམ། ཡང་གསང་དྲག་པོ་སྲིན་པོ་བཞི་སྐོར། མཐིང་ཁ་ཞལ་གསུམ་ཕྱག་དྲུག་པ་ལས་མཁན་མདུང་དམར་ཅན་དང་བཅས་པའི་གཙོ་འཁོར་གཉིས་གར་མཁན་མཆོག་ལྗང་གུ་ཞལ་གསུམ་ཕྱག་བཅོ་བརྒྱད་པ་ལྷ་བརྒྱད། གར་མཁན་མཆོག་དམར་སྨུག་ཞལ་གསུམ་ཕྱག་བཅོ་བརྒྱད་པ། དཀར་པོ་ཚེ་འཕེལ་ལྷ་དགུ། ཡང་གསང་མདུང་དམར་ཅན་ཕྱག་མཚན་བཞི་པ། གུར་གསང་འཁྲིད་རྣམས་ཀྱི་རྗེས་གནང་། བྲན་བདུད་ཀྱི་རྗེས་གནང་ཐུན་མོང་མ་ཡིན་པ། ཞལ་སྒྲུབ་དུས་ཐུན་མོང་མ་ཡིན་པ། ཁྱུང་ཞལ་ཅན། སེང་གདོང་ནག་པོ། ལྷ་མོ་རྡོ་རྗེ་རབ་བརྟན་མ་རྣམས་ཀྱི་རྗེས་གནང་། ཕག་དཀར་ཤེས་རབ་གསལ་བྱེད་དང་རྟ་མགྲིན་སྐྱེར་སྒང་

― GLG008_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་ཀྱི་བྱིན་རླབས། རྡོ་རྗེ་ནམ་མཁའ་ལྡིངས་གསེར་མིག་འཁྱིལ་བའི་རྗེས་གནང་ལུང་བཅས་སྒྲུབ་ཐབས་རྒྱ་མཚོ་ལས་སྐུའི་རྣམ་འགྱུར་དང་སྔགས་མི་འདྲ་བ་བརྒྱ་བཞི་བཅུའི་རྗེས་གནང་དང་རྒྱ་གཞུང་གི་ལུང་། དུས་འཁོར་གྱི་བདག་པོ་ཆེན་པོ་མ་གཏོགས་སྐུ་གསུང་ཐུགས་ཡོངས་རྫོགས། གཤིན་རྗེ་གདོང་དྲུག །རྣམ་སྣང་མངོན་བྱང་། རྣམ་འཇོམས་མཐིང་ནག་ལྷ་བཅུ་དགུ །རིགས་གསུམ་སྤྱི། གདུགས་དཀར་ལྷ་བཅུ་བདུན། སྲུང་བ་ལྷ་ང་གཅིག །མི་འཁྲུགས་པ་ལྷ་མོ་བརྒྱད་ཀྱིས་བསྐོར་བ། ས་ཕུར་ལྷ་ཁྲའི་སྟོད་ལས་རྣམས་ཀྱི་དབང་དང་སྨད་ལས་དྲག་པོའི་རྗེས་གནང་། ཨེ་ཛ་ཀ་ཏཱིའི་སྲོག་གཏད་དང་ལུང་། མ་ཎི་ཀ་ནཱ་ཐས་འཇམ་དབྱངས་མཁྱེན་བརྩེར་གནང་བའི་གསར་འགྱུར་ཨྱོན་སྐུ་གསུམ་སྒྲུབ་པ་རྒྱ་འགྱུར་དེའི་ལོ་རྒྱུས་འགྲེལ་པ་དང་བཅས་པ་འཇམ་དབྱངས་མཁྱེན་བརྩེའི་ཟིན་བྲིས་ཀྱི་ལུང་། དཀར་བདུད་ལྕམ་དྲལ་གྱི་སྒྲུབ་སྐོར། ལམ་སྐོར་ཕྱི་མ་བརྒྱད་ཀྱི་ལུང་ཡོངས་རྫོགས། ཚར་གསུམ་ཁུག་པའི་བྱིན་རླབས། གསུང་ངག་སློབ་བཤད་ཀྱི་ཆོས་འབྱུང་ཟིན་བྲིས་འཇམ་དབྱངས་མཁྱེན་བརྩེས་མཛད་པ། ཚར་ཆེན་གྱི་ཀྱེ་རྡོར་བསྐྱེད་རིམ་སོགས་ཆོས་སྦྱིན་རྒྱ་ཆེར་མཛད་ཅིང་རྗེ་བླ་མ་ཟུར་ཆན་ལ་སྔ་འགྱུར་གཙོ་བོར་གྱུར་པའི་ཟབ་ཆོས་མང་དུ་གསན། དྲན་པ་ནམ་མཁའ་དང་གནུབས་ཆེན་གྱི་རྣམ་པར་སྤྲུལ་པ་དར་རྒྱས་ཆོས་སྡིངས་པ་འཕྲིན་ལས་ལྷུན་གྲུབ་བྱོན་པར་དཔོན་སློབ་གཉིས་ཀས་ལྷན་དུ་པཎ་ཆེན་པདྨ་དབང་རྒྱལ་གྱི་རིག་འཛིན་ཡོངས་འདུས་ཀྱི་དབང་ལུང་། ལྷོ་བྲག་གུ་རུ་ལྷ་ཁང་ནས་ཡང་གཏེར་གྱི་སྐོར། རཏྣའི་ཕུར་པ་ཡང་གསང་

― GLG008_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མེད། རྟག་ཕག་གསང་སྒྲུབ། ཐུགས་རྗེ་ཆེན་པོ་ཞི་དྲག་ལམ་གྱི་ཆ་རྐྱེན་གསང་བ་སྙིང་པོ་འདུས་པ། སྐུ་གསུམ་ཡོངས་རྫོགས་རྩ་གསུམ་འབྲས་བུའི་དོན་འཁྲིད། ཕྱག་རྒྱ་ཆེན་པོ་མུན་སེལ་ཉི་མའི་སྙིང་པོ། སྐྱེས་རབས་ལུང་གི་ལྡེ་མིག་སོགས་ཟབ་གཏེར་ཁ་ཐོར་བའི་སྐོར། མནལ་ལམ་དག་སྣང་གི་སྐོར། རིག་འཛིན་རྒོད་ལྡེམ་གྱི་གུ་རུ་མཐིང་ཁ་སྤྱན་མངས་ཀྱི་སྒྲུབ་ལུང་། ལས་འབྲེལ་རྩལ་གྱི་དྲེགས་འདུལ་སྒྲུབ་ཐབས་ཆིག་བརྒྱུད་མའི་ལུང་། ཀུན་མཁྱེན་ཀློང་ཆེན་པའི་ཡིད་བཞིན་མཛོད། ཤེས་རབ་མེ་འབར་གྱི་རྫོགས་ཆེན་འཁོར་འདས་རང་གྲོལ་གྱི་དབང་ལུང་། སྤ་གྲོ་གཏེར་སྟོན་ཚེ་རིང་རྡོ་རྗེའི་རྫོགས་ཆེན་ཅི་ཏིའི་གསལ་བྱེད་ནོར་བུའི་དབང་ལུང་། དྲི་མེད་ཀུན་དགའི་ཐུགས་རྗེ་ཆེན་པོ་ཡེ་ཤེས་འོད་མཆོག །ལྷོ་ལས་འཕྲོ་གླིང་པ་ནམ་མཁའ་རྡོ་རྗེའི་རྡོ་རྗེ་སེམས་དཔའི་ཐུགས་སྒྲུབ་ཀྱི་དབང་ལུང་། ཨེ་སྤེེལ་ལྕོག་ལས་འཕྲོ་གླིང་པའི་བླ་སྒྲུབ་ཕྱི་ནང་གསང་གསུམ་གྱི་དབང་ལུང་། གཏེར་སྟོན་འཇམ་དཔལ་རྡོ་རྗེའི་ཚེ་སྒྲུབ་ཐུགས་ཀྱི་ཡང་སྙིང་གི་ཆོས་སྐོར། སྣང་རྩེ་བའི་ཚེ་འཁྲིད་ཡང་སྙིང་འདུས་པ། འཇམ་དཔལ་ནག་པོའི་ཡིག་སྣ་གཉིས། གཏེར་སྟོན་ཤེས་རབ་འོད་ཟེར་གྱི་འཆི་མེད་སྐུ་གསུམ་འདུས་པ། སྤོ་བོ་གཏེར་སྟོན་པདྨ་རིག་འཛིན་རྩལ་གྱི་ནོར་བུ་པདྨའི་འཕྲེང་བའི་གསང་སྒྲུབ་ཀྱི་སྐོར། ཟླ་བན་གཟི་བརྗིད་འབར་གྱི་སྔགས་སྡེབས་སྙིང་གི་མེ་ལོང་ཟུང་གི་ལུང་། རྒྱ་བན་རྡོ་རྗེ་དབང་ཕྱུག་གི་བཅུད་ལེན་གྱི་གདམས་སྐོར། སྤྲུལ་སྐུ་དམ་པ་དམར་པོའི་བདུད་རྩི་བུམ་པའི་བཅུད་ལེན་སྐོར། བལ་པོ་བཛྲ་མ་ཏིའི་རིམ་སྲུང་། གུ་རུ་ཁྱུང་ནག་གི་གཤིན་རྗེའི་སྐུ་གསུང་ཐུགས་ཀྱི་ཟ་ཡིག །གཏེར་སྟོན་བོན་པོ་དྲག་རྩལ་གྱི་རཱ་ཧུ་

― GLG008_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཤིས་བསྟན་པ་དང་རུས་སྦལ་སེར་སྲུང་། ལྕང་སྨན་དོན་གྲུབ་དར་གྱི་དུག་སྨན་གྱི་གདམས་པ། གཡུ་ཐོག་སྙིང་ཐིག་གི་སྨན་ལྷ་མཆེད་གསུམ་ཡེ་ཤེས་ཁྱེའུ་དང་བཅས་པའི་རྗེས་གནང་། དེ་བཞིན་དུ་གསུང་སྤྲུལ་ཚུལ་ཁྲིམས་རྡོ་རྗེ་ལ་བླ་མ་སྙིང་ཏིག་གི་དབང་ལུང་སོགས་གསན་ཞིང་ཁོང་དཔོན་སློབ་གཉིས་ལ་ཕར་ཡང་བཀའ་ཆོས་ཅི་རིགས་སྩལ། ཆར་འབེབས་ལ་ཟུར་ཀུན་མཁྱེན་ཆེན་པོ་དང་ཆབས་ཅིག་པར་ཚལ་ཡང་དགོན་དུ་ཕེབས། ཞང་རིན་པོ་ཆེའི་གཟིགས་སྣང་དང་ཕྱག་བཟོར་གྲགས་པའི་ཡེ་ཤེས་མགོན་པོ་ཕྱག་བཞི་པའི་སྐུ་ལ་ཁྲུས་གསོལ་དང་བཅོལ་དམ་གནང་བས་མགོན་པོའི་ཞལ་ལས་བདུད་རྩི་བབས་པ་དེར་འཁོད་རྣམས་ཀྱིས་མཐོང་ནས་རྒྱུ་མཚན་གསོལ་བ་ན་དཔོན་སློབ་རིན་པོ་ཆེ་ཕེབས་པས་ཡིན་གསུང་། སྐྱིད་ཤོད་པ་ལམ་ནུབ་ཤེ་མ་མཁར་བའི་བུ་ནད་ཚབས་ཆེན་པོས་བཏབ་སྟེ་སྨན་པས་མི་འཚོ་བར་ཐག་བཅད་པའི་དུས་བྱིན་རླབས་གནང་བས་ནད་ལས་གྲོལ། ལྷ་གདོང་ཤན་ཁ་བའི་མ་འཆི་བར་ཐུག་པར་སྔོན་གྱི་ཕ་མེས་ཚེས་གཅིག་དཔལ་འབྱོར་གྱིས་བསྒྲུབས་པའི་དུར་ཁྲོད་ཀྱི་བདག་མོ་འདྲེ་མོ་ངན་ནེ་མའི་སྒྲུབ་ཁང་ཡོད་པ་དེའི་འཁྲེན་དོགས་སུ་མཁྱེན་ནས་དུར་ཁྲོད་བདག་མོ་ལ་ཐུན་རྫས་དང་བཅས་བཀའ་བསྒོ་གཉེར་གཏད་གནང་བས་དེ་འཕྲལ་གཞི་མེད་དུ་བདེ། གཟིམས་ཁང་ཤར་དུ་རྩིས་མགོན་གྱི་འཛིན་གཏོར་བཙུགས་པ་འཇིག་པར་ཉེ་བར་གསར་དུ་བརྗེ་བའི་སྟ་གོན་གྱི་རྙིང་པ་བཏོན་པའི་ཤུལ་གྱི་གཏོར་སྣོད་བདུད་རྩིས་ཁེངས་པ་མཆོད་དཔོན་འཇམ་དབྱངས་རྒྱལ་མཚན་དང་ཞ་ལུ་ཤེར་རིན་པ་གཉིས་ཀྱིས་ལོངས་སྤྱོད་རྒྱུ་བྱུང་བས་མཚོན་ཡ་མཚན་གྱི་ལྟས་མང་པོ་ཞིག་བྱུང་ཚོད་དུ་མཆིས། བཀྲ་ཤིས་རྩེའི་

― GLG008_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་ས་བསམ་ཡས་ཆོས་སྐྱོང་གི་འཁོར་དུ་སྐྱེས་པ་མཁྱེན་པའི་ཚེ་བྱང་བཞུ་གནང་བས་ཁུགས་ཟིན་ནས་རྗེས་སྙེགས་ལ་བཙུན་པ་དང་ཨ་ཙར་འདྲ་བ་འོངས་ཏེ་ཕྱིར་ཁྲིད་སོང་བ་ཨ་ལགས་བསོད་ནམས་ཀྱིས་ཞུས་པས་སང་ཉིན་གླུད་སྔོན་དུས་ཀྱི་སྲིད་པའི་དབྱིབས་ཇི་ལྟ་བ་བཟོས་པ་བྱིན་གྱིས་བརླབས། རྣམ་ཤེས་ཁུགས་འཕྲལ་གླུད་སྔགས་རྒྱ་ཏིང་ངེ་འཛིན་གྱིས་བསྔོས་པའི་མཐུས་ལྷ་འདྲེའི་ཕོ་ཉ་རྣམས་རབ་ཏུ་ཚིམས་ནས་ལོག་རྗེས་ལམ་སྟོན་རྒྱས་པར་མཛད་དེ་དག་ཞིང་དུ་བསྐྱལ་ལོ། ། གུང་ཐང་གི་བཀའ་ཆོས་རྣམས་གྲོལ་བའི་རྗེ་བཀའ་འགྱུར་བ་ཆེན་པོས་འབྲས་སྤུངས་སུ་ཕེབས། རིང་འཚོའི་རྟེན་འབྱུང་གི་གསུང་ཆོག་གནང་། རྗེ་བཙུན་རྡོ་རིང་པས་མཛད་པའི་གུར་གྱི་གསང་འཁྲིད། ཚར་ཆེན་གྱི་བྲག་རྫོང་དང་གསང་འཁྲིད་རྒྱུན་ཁྱེར་གཉིས། རབ་གནས་དོན་གསལ་སོགས་ཀྱི་ལྗགས་ལུང་དང་། རྒྱལ་སྲས་རིན་པོ་ཆེའི་བློ་སྦྱོང་དོན་བདུན་མའི་སྟེང་ནས་ཉམས་འཁྲིད་མདོར་བསྡུས། དཀྱིལ་འཁོར་གྱི་ཆོ་ག་མང་པོའི་ཕྱག་ལེན་དང་ཕྱག་རྒྱ་འཆིང་ཚུལ་གྱི་སྐོར་སོགས་ལ་དོགས་གཅོད་ཞིབ་ཏུ་ཞུས། བསམ་གཏན་པར་རློམ་པའི་ཚུལ་འཆོས་མཁན་འདྲས་གཞན་འབྱོར་ཕུན་ཚོགས་མ་བཟོད་པར་བྱད་རྦོད་ཀྱིས་རྗེའི་སྐུ་ལ་སྡོ་བའི་སྦྱོར་ངན་ཡོད་འཕྲོས་ཐོས་པས། བྲག་རྫོང་མའི་སྲུང་བཟློག་གི་ཐུགས་དམ་གཙོ་བོར་གནང་དགོས་ཚུལ་ཞུས་པར་སྔ་སོར་གནད་བསྣུན་ཁ་ཡར་བྱས་པར་བསམ་སྦྱོར་ངན་པ་ཡོད་འདྲ་བསམ་པ་འགའ་ཞིག་འདས་སོང་བས་རྣམ་ཤེས་འདྲེན་པའི་ནུས་པ་དཀའ་བས་དེ་རིགས་ཀྱང་ལས་གསག་པར་སོང་དོགས་བྱེད་འདུན་མེད་གསུང་། དགུན་ཡར་ཀླུངས་ཕྱོགས་སུ་ཐེགས།བོང་བུ་ཞེས་

― GLG008_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྕགས་ཡོས་ཀྱི་དཔྱིད་གོང་དཀར་རྡོ་རྗེ་གདན་དུ་ཕེབས་ནས་སྐུ་མཚམས་ཀྱི་བཅད་རྒྱ་ཡུན་རིང་དུ་བསྡམས། ངེད་རྡོ་རྗེ་ཕྲེང་བའི་དབང་ཚོགས་ཆེན་ལ་འབུལ་བའི་གྲབས་ཡུལ་གྱི་སྐབས་སུ་སླེབས་པ་སྔར་ཕྱག་ལེན་རྣམས་ལ་རྟོག་འཇུག་དང་དོགས་གཅོད་ཞིབ་པར་ཞུས་ཁུལ་ཡིན་ནའང་གསང་སྔགས་ཀྱི་ཕྱག་བཞེས་ཆེས་ཞིབ་ཅིང་ཕྲ་བ་དང་རང་རེ་བློ་གྲོས་དམན་པའི་གཤིས་ཀུན་རྟོག་གི་སྤྲོས་པ་བན་བུན་དུ་ཤར་བའི་ཡིད་གཉིས་རྣམས་ལ་དོགས་སེལ་གྱི་ཤོག་དྲིལ་ཕུལ་བར་བཀའ་མཆན་ཞིབ་པར་སྩལ། འདི་ལོ་ཆར་དཀོན་པའི་ལོ་ཏོག་རྣམས་ཐན་པའི་འཇིགས་པས་ཉེན་པ་ཐུགས་ཀྱིས་མ་བཟོད་པར་རྫས་སྔགས་ཏིང་ངེ་འཛིན་ལ་བརྟེན་པའི་ཆར་འབེབས་ཀྱི་ཕྱག་ལེན་གནང་ཡང་ལྷ་འདྲེའི་ཚུབ་ལྷོངས་ལྟ་བུས་ཕེབས་དཀའ་བར་དཔལ་ཨྱོན་ཆེན་པོ་ལ་གདུང་ཤུགས་དྲག་པོས་གསོལ་འདེབས་གནང་བས་ཀླུ་དབང་གླིང་གི་རྒྱ་དང་མཉམ་པའི་སྤྲིན་ལས་ཆར་བབས་ཤིང་གཞན་དུ་སྤྲིན་མ་འཁྲིགས་པས་དེ་ལོ་ཚོས་ལས་ཀྱི་བུད་ཤིང་ལ་ཁ་རེག་གི་ནགས་བཅད་པས་ཁྱུང་བཙུན་ཁྲོས་པའི་དེ་ཕྱོགས་སུ་ཡམས་དང་ལྕེ་འབབ་པ་སོགས་བྱུང་སྣང་བས་དེ་དང་དབྱིབས་མཚུངས་པར་དགོངས་ཏེ་རྡོ་རྗེ་དཔལ་གྱི་ཡུམ་ལ་གཏོར་བསྔོས་དང་བཅས་དམ་བསྒྲགས་པས་ཁ་རེག་གི་རི་རྩེ་ལས་ཆུ་འཛིན་དཀར་པོ་ལང་ལོང་དུ་གཡོས་ཤིང་ཐོག་མར་དྲག་ཆར་གྱི་ལྷོངས་ཆེ་ཙམ་དང་བཅས་རིམ་གྱིས་སྤྲིན་ཕྱོགས་ཀུན་ཏུ་ཁྱབ་པའི་ཆར་གྱི་རྒྱུན་ཆེན་པོས་མྱུ་གུའི་ཚོགས་ཀྱི་བསྐྱེད་རབ་ཏུ་བསྲིངས་ནས་ཡུལ་ཁམས་མང་པོར་འབྲུའི་མཆོད་སྦྱིན་དོན་གྱིས་སྩལ་ལོ། །ཆོས་སྡེ་འདི་ག་དང་ཕྱོགས་འདུས་ཀྱི་དོན་གཉེར་ཅན་ཁ་ཤས་

― GLG008_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གཤིན་རྗེ་གདོང་དྲུག །སངས་རྒྱས་མཉམ་སྦྱོར། འཇིགས་བྱེད་བཅུ་གསུམ་མ། མི་འཁྲུགས་པ་ལྷ་དགུ་རྣམས་ཀྱི་དབང་། ཚེ་དཔག་མེད་ལྷ་དགུའི་དབང་བརྒྱ་རྩ། གུར་ལྷ་བཅུ་བདུན། བཅུ་གཉིས། བརྒྱད་མ་གསུམ་གྱི་དབང་། བྲག་རྫོང་མའི་ཕྱི་འཁྲིད་དང་ཞལ་གྱི་གསང་འཁྲིད་གཉིས་ཀྱི་ཉམས་འཁྲིད། རིན་ཅེན་གླིང་པའི་ནཱ་ག་རཀྴའི་རིག་གཏད། དབྱུ་གུ་སྤུན་གསུམ་གྱི་སྒྲུབ་སྐོར། མགོན་པོད་ནས་ཁ་ཤས་ཀྱི་ལུང་། མགོན་པོ་མ་ནིང་གི་ཆར་འབེབས། དབུ་མ་ལུགས་ཀྱི་སེམས་བསྐྱེད། སྤྱན་རས་གཟིགས་ཀྱི་དམར་འཁྲིད། རབ་འབྱམས་སྨྲ་བ་རིན་ཅེན་རྒྱ་མཚོར་གཡུ་ཐོག་སྙིང་ཏིག་གི་དབང་ལུང་། ཁྲོ་བོ་སྨེ་བརྩེགས་དང་ཁྲོ་མོ་སྨེ་བརྩེགས་ཀྱི་རྗེས་གནང་། དམར་ཆེན་སྐོར་གསུམ། སྐྱེས་རབས་སོ་བཞིའི་ལུང་སོགས་ཆོས་བཀའ་སྔ་ཕྱིར་དུ་མར་གནང་།དགའ་བ་ཞེས་པ་ཆུ་འབྲུག་ཧོར་ཟླ་གཉིས་པའི་ནང་དུ་ངེད་རྒྱ་ནག་ལ་འགྲོ་བའི་ངོས་འཕྲད་ལ་ཕེབས་ནས་གཟིམས་ཆུང་མགོན་ཁང་ལྕང་ལོ་ཅན་དུ་རིང་པོར་གནས་པའི་རྟེན་འབྲེལ་གྱི་ཆོ་ག་རིགས་མི་གཅིག་པ་གསུམ་ཙམ་ཞིག་གནང་། ཚེ་དབང་ཁ་ཤས་དགོས་ཚུལ་ཕེབས་པ་བཞིན་འཆི་མེད་དཔལ་སྟེར་གྱི་སྒོ་ནས་ཕུལ་བཅས་དེ་ཀའི་སྟེང་ནས་ངེད་རང་གིས་ཀྱང་ཚར་གཅིག་ཞུས་ཤིང་འཕྲལ་ཡུན་གྱི་བསླབ་སྟོན་མང་དུ་གནང་བར་རྒྱ་ནག་ནས་རིང་པོར་མི་ཐོགས་པར་ལྡོག་པའི་འདུན་པ་ཡོད་པས་དེ་བར་རྡོ་རྗེའི་རྣལ་འབྱོར་མཆོག་ལས་མི་གཡེལ་བའི་སྲུང་འཁོར་དང་འཆད་ཉན་ལ་ཐུགས་རྩོལ་གང་ཆེའི་ངོས་གཙོ་བོར་བསྟན་འགྲོའི་གཉེན་དུ་འཚོ་གཞེས་ཀྱི་ཐབས་ཚུལ་ལྷོད་མེད་དགོས་པའི་སྙན་འབུལ་དང་བརྟན་བཞུགས་ཕུལ། དེ་ནས་གུང་ཐང་དུ་ཐེགས་པའི་ཟླ་བ་ཕྱེད་གཉིས་ཙམ་གྱི་བར་ཟུར་

― GLG008_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་ཆོས་ཀྱི་རྒྱལ་པོར་གཤེད་དམར་ལྷ་ལྔའི་དབང་དང་སྤྲོས་མེད་ཀྱི་ཉམས་འཁྲིད། རྭ་ཆེན་གྱི་སྒྲུབ་དཀྱིལ་ལ་འཇམ་དབྱངས་མཁྱེན་བརྩེའི་ལྷན་ཐབས་སྦྱར་བའི་རྭ་ལུགས་ཐུན་མོང་མ་ཡིན་པ་ལྷ་བཅུ་གསུམ་མའི་དབང་། རྭ་ཁྲིད་མཁའ་འགྲོ་སྙན་བརྒྱུད་ཀྱི་ཉམས་འཁྲིད། རྭ་ཆེན་ཤེས་རབ་རྒྱལ་མཚན་གྱི་དཀར་ཆག་ཏུ་གསལ་བ་དང་དེར་མ་འདུས་པའི་ཁ་སྐོང་བཅས་པའི་རྭ་པོད། འབྲི་གུང་དཔལ་འཛིན་གྱི་པོད་ཆུང་། བུ་སྟོན་ཐམས་ཅད་མཁྱེན་པའི་གསང་འདུས་མི་བསྐྱོད་པའི་འཁྲིད་ཡིག་ཟ་མ་ཏོག་ལ་འཇམ་དབྱངས་མཁྱེན་བརྩེའི་ཁ་འབྱེད་ལྷན་ཐབས་སྦྱར་བའི་རིམ་ལྔའི་དམར་འཁྲིད། ཁ་ཆེ་པཎ་ཆེན་ལུགས་ཀྱི་བདེ་མཆོག་དཀར་པོའི་ཉམས་འཁྲིད། རིག་འཛིན་ཆེན་པོ་ལེགས་ལྡན་རྡོ་རྗེས་ཆུ་བོ་རི་ནས་གདན་དྲངས་པའི་བླ་མ་སྐུ་གསུམ་གྱི་ཉམས་འཁྲིད། འཁྲིད་ཡིག་སོ་སོའི་ལུང་། གཙུག་ཏོར་དྲི་མེད་ལྷ་ལྔའི་དབང་། བིར་སྲུང་ནང་མའི་བྱིན་རླབས། ཇོ་བོའི་ཆོས་ཆུང་བརྒྱ་རྩ། རྟོགས་བརྗོད་དཔག་བསམ་འཁྲི་ཤིང་། གསར་མ་རྒྱུད་འབུམ་ནས་རྒྱུད་ཆེ་ཆུང་བསྡོམས་པ་རེ་ལྔ་དང་བཅས་པའི་ལྗགས་ལུང་འབུལ་བ་གནང་། དེ་ནས་ལ་མོར་ཚངས་པ་དུང་གི་ཐོར་ཚུགས་ཅན་གྱི་གནས་ཁང་དུ་ཕེབས། ཆོས་སྐྱོང་ཁོག་ཏུ་བརླམས་པས་བསུ་བ་མཛད། ཚོགས་འཁོར་སྤྱན་གཟིགས་གྱ་ནོམ་པ་བསྟབ། སྤྱི་སྒོས་ཀྱི་དྲི་བ་གནང་བར་མཁན་པོ་རང་གི་ཐུགས་ལ་ལྐོག་གྱུར་གྱི་ཆོས་ཀུན་གསལ་བཞིན་དུ་དྲི་བ་མཛད་སྤྱི་སྒོས་སོགས་བསྟོད་བསྔགས་དང་བཅས་སྐུ་རིམ་གྱིས་མཚོན་པའི་བླང་དོར་གནང་རྒྱུའི་ལན་ཞིབ་ཏུ་ཕུལ་ཞིང་ཁྱེད་སྔོན་རྗེ་འབངས་ཉེར་ལྔའི་ནང་ནས་

― GLG008_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

གནུབས་ནམ་མཁའི་སྙིང་པོའི་རྣམ་འཕྲུལ་ཡིན་ཞེས་ངོས་འཛིན་མཛད་པ་གཏེར་སྟོན་འཇའ་ཚོན་སྙིང་པོས་རྗེ་འབངས་ཉེར་ལྔའི་ཁྲོད་ནས་གཅིག་ཡིན་གསུང་བའི་རྒྱབ་ཆོས་སུ་སོང་བས་ཡིད་ཆེས་ཀྱི་གནས་སུ་ངེས། བཀའ་འགྱུར་གྱི་ལྗགས་ལུང་གནང་བའི་སྦྱིན་བདག་སྡེ་པ་སྲས་གླིང་པས་མཛད་པའི་ས་དཔྱད་གྲུབ་ནའང་། མཚུངས་མེད་ཉི་མ་གླིང་ནས་ཀྱིས་གོང་དཀར་རྡོ་རྗེ་གདན་རང་དུ་བཙུགས་ན་གནས་བཟང་ཞིང་ཚོགས་འདུ་ཆེ་བ་དང་། བསྟན་པ་ཕྱོགས་མཐར་རྒྱས་པའི་རྟེན་འབྲེལ་ཡོད་ཚུལ་གསུངས་པ་ལྟར་ནམ་མཐོངས་ཟླ་བའི་ཚེས་བཅུ་སྐོར་ལ་ཀུན་མཁྱེན་འཇིགས་མེད་དཔའ་བོའི་གདན་ས་གསང་སྔགས་ཀྱི་ཆོས་སྡེ་ཆེན་པོར་ཐེགས། ཐུགས་སྲས་ཀུན་དགའ་རྒྱལ་པོའི་གཟིམས་སྤྱིལ་ཀླུ་དབང་གླིང་དུ་རྡོ་རྗེ་བྲག་ནས་རིག་འཛིན་སྤྲུལ་པའི་སྐུ་མཆོག །སྐྱེད་ཚལ་གོང་འོག་གི་མཁན་པོ། སྣ་མོ་ཤག་གྲུབ་ཆེན་མི་ཕམ་ཀརྨ་སངས་རྒྱས་སོགས་ཕྱོགས་འདུས་ཀྱི་དོན་གཉེར་ཅན་དུ་མ་དང་རྡོ་རྗེ་གདན་གྱི་གྲྭ་ཚང་ཁག་གི་སློབ་དཔོན་འགའ་ཞིག་བྲེལ་བས་མ་འབྱོར་ཞིང་། རིན་པོ་ཆེ་ཉི་མ་གླིང་པས་བསྐལ་བཟང་། དཀོན་བརྩེགས། འཇམ་དབྱངས་རྣམ་པར་རོལ་པ། རྣམ་པར་འཕྲུལ་པ། པད་དཀར་རྣམ་གསུམ་སོགས་ཁ་ཤས་ལས་ཚང་མར་བསྙུན་ནས་འབྱོན་མ་ཐུབ། དེ་ཕྱིན་ཆོས་འཆད་པ་རྣམས་ཀྱིས་གཙོས་པའི་གྲྭ་པ་རགས་བསྡུས་ལ་འོ་སྐོལ་གྱི་སྟོན་པ་རྒྱལ་བ་ཟས་གཙང་གི་སྲས་པོ་རྡོ་རྗེ་གདན་གྱི་སྤོར་བདུད་བཞི་ལས་རྣམ་པར་རྒྱལ་བའི་བྱང་ཆུབ་བརྙེས་པའི་ཚུལ་བསྟན་ཏེ་མཆོག་གི་སྤྲུལ་པའི་སྐུའི་རྣམ་པར་རོལ་བའི་དུས་ཆེན་ཚེས་བཅོ་ལྔ་ལ་ཐོག་མར་རྟེན་འབྲེལ་ཁྱད་ཀྱི་མདོ་སྡེ་བསྐལ་པ་བཟང་པོ་ནས་

― GLG008_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་པ་བཞིན་དབུ་འཛུགས་པ་གནང་བ་དེའི་ཚེ་ནམ་མཁའ་ཐམས་ཅད་དྲི་མ་དང་བྲལ་བའི་གཡའ་དག་པར་ཆོས་སྡེའི་ཁྱོན་དང་མཉམ་པར་ཆུ་འཛིན་གྱི་ཉི་འོད་མི་སྒྲིབ་པ་ཞིག་ནས་རྒྱ་གར་སྐད་དུ་གསུང་བ་དང་ལྷན་ཅིག་པར་ས་སྦངས་པའི་ཆར་ཤར་གྱིས་བབས་ཤིང་སྔར་ཕན་ཆར་དཀོན་པ་ཡོད་པ་དེ་ཉིན་ནས་དཀར་ཕྱོགས་ཀྱི་ལྷ་རྣམས་དགའ་བའི་ཆོས་ཡོན་གྱི་ཆེད་དུ་ཕབ་ཅིང་ཐག་རིང་བ་ཚོས་མཐོང་བ་ན་ཀླུ་དབང་གླིང་ལ་འཇའ་ཟུག་པ་སོགས་བླ་མ་དང་ཆོས་ཀྱི་ཆེ་བས་གཟུར་གནས་རྣམས་མི་ཕྱེད་པའི་དད་པ་ལ་བཀོད། མདོ་སྡེ་ཟ་མ་ཏོག་གི་སྐབས་ཚོགས་པ་རྣམས་ལ་ཡིག་དྲུག་གསུང་བ། ཡེ་ཤེས་རྒྱས་པའི་མདོའི་དུས་སངས་རྒྱས་ཀྱི་མཚན་རེ་འཛིན་དགོས་ཚུལ་གྱི་བསླབ་བྱ་དང་བཀའ་འགྱུར་ལྕེ་ཐོག་ནས་ཚར་རེ་སྒྲོག་པའི་དམ་བཅའ་འབུལ་མི་ཁ་ཤས་བྱུང་། དེ་བཞིན་གཤེགས་པ་ཤཱཀྱ་ཐུབ་པ་ལ་ཐུབ་པ་འོད་སྲུངས་ཀྱིས་གདུལ་བྱ་རྣམས་གཏད་པ་བཞིན་དུ་ངའི་བསྟན་པ་ལ་རབ་ཏུ་བྱུང་བ་ལ་སོགས་པ་བྱམས་པར་ཡོངས་སུ་གཏད་པ་ཡིན་ནོ་སོགས་གསུང་སྐབས་བདག་ཅག་ལ་སྟོན་པ་བདེ་བར་གཤེགས་པ་ཐུགས་བརྩེ། ཞེས་སྤྱན་ཆབ་རྒྱུན་རིང་བར་སྣང་། དེས་མཚོན་ཁྱིམ་པ་བྱིན་རླབས་ཞུ་མཁན་གྱི་རྣ་བར་བྱམས་པས་དམ་བཅས་པའི་གཟུངས་ཚར་རེ་སྒྲོག་པར་མཛད། ས་སྐྱོང་བསོད་ནམས་རབ་བརྟན་ལ་གཡར་པོ་ཞུས་པའི་བཀའ་འགྱུར་མཚལ་པར་མ་དང་། ཆོས་སྡེའི་བཀའ་འགྱུར་གཉིས་ལ་ཞར་བྱུང་དུ་ཞུས་དག་པའི་ཡི་གེའི་འདུ་བྱེད་དགེ་སློང་འཕྲིན་ལས་རྣམ་རྒྱལ་དང་། གོང་དཀར་གྱི་གླེགས་

― GLG008_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

བམ་ཁྲོད་དུ་མ་བཞུགས་པ་འདྲ་མཚལ་པར་མའི་སྟེང་ནས་ལུང་གནང་བ་ཞལ་སྔ་ནས་བྲག་སྣ་བས་སྡེ་པར་སྙན་ཕྲ་ཕུལ་ནའང་ཡར་བཞེས་རྒྱུ་ཐུགས་ཀྱིས་བསྙེལ་ནས་ལྗགས་ལུང་གི་བགེགས་སུ་མ་སོང་བར་གདའ། མདོ་མངས་ཐོར་བུ། དཀོན་བརྩེགས། ཕལ་ཆེན། ཤེར་ཕྱོགས་སྐོར་གྲུབ་ནས། དེ་ཡང་སྔར་ངོར་དུ་བསྒྲུབས་པ་གནང་བ་དེ་ཕྱག་ལེན་མཁན་སློབ་ཁ་སྐོང་ཚང་མ་ཁུངས་བཙུན་ནའང་ཤར་ཆེན་ཡེ་ཤེས་རྒྱལ་མཚན་གྱིས་ཡར་ཀླུངས་རྣམ་རྒྱལ་དུ་ཚག་མིག་མཁན་ཆེན་དཀའ་བཞི་ཚུལ་ཁྲིམས་རིན་ཅེན་ལ་བསྒྲུབས་པའི་སྡོམ་རྒྱུན་ཡིན་ལ། གོང་དཀར་རྡོ་རྗེ་གདན་གྱི་སྡོམ་རྒྱུན་ལ་ས་པཎ་བརྒྱུད་པར་བཞུགས་པ་དང་། ཕྱོགས་དེའི་གདུལ་བྱ་རྗེས་འཛིན་ལ་དགོངས་ཏེ་སྨིན་དྲུག་ཟླ་བའི་ཚེས་ཉི་ཤུའི་གཟའ་ལྷག་པ་དང་སྐར་མ་རྒྱལ་འཛོམ་པའི་ཉིན་སྔ་དྲོ་སྡོམ་པ་འབུལ་བ་གནང་བའི་བརྡ་ཆད་ཙམ་དུ་ཙར་མོའི་སྟེང་ན་བཟའ་དཀར་པོ་ཞིག་བཞེས། ཕྱི་དྲོ་གནས་བརྟན་འདུལ་བ་འཛིན་པ་ཆེན་པོ་ཚུལ་ཁྲིམས་བཀྲ་ཤིས་པས་མཁན་སློབ་སྦྲགས་མ། གསང་སྟོན་སྐྱིད་ཚལ་འོག་མཁན་པོ་ངག་དབང་བསྟན་འཛིན། དུས་སྒོ་བ་རབ་འབྱམས་ཆོས་རྗེ་རིན་ཅེན་རྒྱ་མཚོ། ཁ་སྐོང་བ་བྲག་ཐོག་པ་ཤཱཀྱ་མཆོག་ལྡན་སོགས་དད་པའི་དགེ་འདུན་གྲངས་ཚང་བའི་དབུས་སུ་ཚིགས་སྔ་མ་དགེ་བསྙེན་ནས་བཟུང་སྟེ་སྡོམ་གསུམ་རིམ་གྱིས་མནོས་པའི་ཉི་མ་རི་རྐེད་ལ་ཡོད་དུས་བསྙེན་པར་རྫོགས་པའི་སྡོམ་པ་ཐུགས་རྒྱུད་ལ་བསྟར། དེ་ནས་ཞག་ལྔ་ཙམ་ན་འདུལ་ལུང་ཁྱིམ་པའི་སྤྱོད་ཡུལ་དུ་མ་འོས་ཤིང་རབ་བྱུང་ཤ་སྟག་དགོས་པ་ཆོས་སྡེ་གཉིས་ཀྱི་གྲྭ་རིགས་ཉི་ཤུ་སྐོར་གྱིས་

― GLG008_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

ཉི་མ་གླིང་དུ་སྐུ་ངོ་སྦྲན་པས་རྗེ་ཚུལ་ཁྲིམས་བཀྲ་ཤིས་ཀྱིས་ད་ལམ་བསྐྱར་བཞེས་གནང་ནས་ཡུན་རིང་མ་སོང་ཡང་མཁན་པོའི་བྱ་བ་མཛད་དགོས་པར་གསོལ་བ་བཞིན་རྗེ་ཉིད་ཀྱིས་མཁན་པོ། མཚུངས་མེད་ཉི་མ་གླིང་པས་ལས་སློབ་བསྟར་ཏེ་རྩེས་དང་ཆེན་མོ་བྱང་མ་བ་ངག་དབང་བསྟན་འཛིན་གྱིས་གཙོས་པའི་བསྙེན་རྫོགས་པ་ཁ་ཤས་དང་རྡོ་རྗེ་བྲག་སྤྲུལ་སྐུ་རིན་པོ་ཆེ་དཔོན་སློབ་ལྔ་དགེ་ཚུལ་དུ་བསྒྲུབ་པ་གནང་བའི་ཆེན་མོ་བྱང་མ་པའི་མཚན་ལ་སླར་བྱམས་པ་བསྣན་ཏེ་འདོགས་པར་མཛད། ཆོས་ཞུ་བ་པོ་རྣམས་ཀྱིས་དཀྱིལ་འཁོར་ལ་བརྟེན་པའི་དབང་ཐོབ་གཤིས་གསང་སྒྲོག་གི་ཉེས་པ་མི་འབྱུང་ཡང་རྒྱུད་དང་འབྲེལ་བའི་ལྷའི་རིག་གཏད་ལྟ་བུ་བྱུང་ན་ཕྱག་ལེན་གཙང་བའི་དབང་དུ་མཛད་ཟུར་བཀའི་དཀྱིལ་འཁོར་རྗེས་གནང་གི་སྲོལ་མི་འདུག་རུང་། སྒྲུབ་ཐབས་རྒྱ་མཚོའི་ཀྱེ་རྡོར། གསང་འདུས་འཇམ་རྡོར། ཧེ་རུ་ཀཿཕྱག་གཉིས་པ། བདག་མེད་མ། གཤིན་རྗེའི་གཤེད་དམར་ནག །ཕག་མོ་ལྷ་ལྔ་ཕྱག་རྡོར་། མི་གཡོ་བ། སྤྱན་རས་གཟིགས་གཙོ་འཁོར་གསུམ་པ། གུར་མགོན། མགོན་པོ་ཕྱག་བཞི་པ། ཟུར་བཀའ་སྣ་ཚོགས་ཡུམ། ཁྲོ་ཕུའི་འཇམ་དཀར། ཕྱག་རྡོར་འགྲོ་བཟང་སོགས་སྤྱི་བཀའ་ཟུར་བཀའ་སྐབས་སུ་གང་བབས་ནས་རྒྱུད་སྡེ་ཚན་དུ་ཕྱེ་བ་ཕལ་ཆེར་དང་འབྲེལ་བར་སྔོན་དུ་རྗེས་གནང་རེ་མཛད་པའི་རྒྱུད་འབུམ་ནས་བདེ་མཆོག་མཁའ་འགྲོ་རྒྱ་མཚོ་ལ་སོགས་པའི་སྔགས་ཡས་མས་དཀྲུགས་པ་རྣམས་བསྡེབས་པས་མཚོན་མདོར་ན་ཆོས་བཤད་པའི་དུས་ཚོད་སྔ་ཕྱི་སོགས་གང་ལའང་ཐུགས་བྲེལ་གྱི་རྗེས་སུ་མི་འབྲང་ཞིང་དཔོན་སློབ་རྣམས་

― GLG008_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཀུན་ཏུ་སྤྱོད་པ་ཡང་མདོ་རྒྱུད་ལས། ཇི་ལྟར་བྱུང་བ་ལྟར་བསྟན་རྒྱུན་ལ་དགོངས་པའི་ཐུགས་རུ་ཤིན་ཏུ་ང་བའི་སྒོ་ནས་ཆོས་སྡེའི་རིགས་གྲ་དང་རྣལ་འབྱོར་རྒྱུད་ཀྱི་སྒྲུབ་མཆོད་སོགས་ལ་རྟ་མ་ཆག་ཙམ་དང་གཞན་མ་ཉི་ཁྱོངས་སུ་གནང་བ་ཧོར་ཟླ་བཅུ་གཉིས་པའི་ཚེས་བཅོ་ལྔ་ལ་ལེགས་པར་གྲུབ་ཅིང་རྟེན་འབྲེལ་ཁྱད་ཀྱིས་བསྟན་འགྱུར་གསན་ཁྲོད་ནས་པོ་ཏི་གསུམ་ཙམ་དང་། ཆོས་ཞུ་བའི་ཚོགས་ལ་ཉིན་རེ་བཞིན་མང་ཇ་གཉིས་རེ་ཆད་མེད་དང་། ཀུན་མཁྱེན་བུ། རྗེ་རྡོ་རྗེ་གདན་པ། ཚར་ཆེན། འཇམ་དབྱངས་མཁྱེན་བརྩེ་ཁུ་དབོན་རྣམས་ཀྱི་དུས་དྲན་ལ་བཀའ་འགྱུར་རིན་པོ་ཆེར་བརྒྱ་མཆོད། ཚོགས་སུ་མང་ཇ་འཕར་མ། སྐབས་འགར་ཆོས་སྟོན་མཇུག་ཏུ་གྲོལ་སྟོན་གྱི་ཚིམ་པ་སོགས་བསྡུ་བ་རྣམ་པར་བཞིའི་སྒོ་ནས་རྗེས་སུ་བཟུང་ཞིང་གཉུག་མར་གནས་པ་དང་གློ་བུར་དུ་ལྷགས་པའི་ཁོང་ནས་རྡོ་རྗེ་བྲག་སྤྲུལ་སྐུ་རིན་པོ་ཆེའི་ཡབ་གཞིས་ནས་བསྙེན་བཀུར་གཟབས་རྒྱས་ལན་གཉིས། གཞན་ཕལ་ཆེར་གྱིས་མང་ཇའི་ཐོག་འབྱོར་པ་དང་བསྟུན་པའི་ཟང་ཟིང་གི་བདོག་པ་མཎྜལ་དུ་བཏེག །མཚོ་སྔོན་པོའི་སྒར་ཐོག་ནས་དྷརྨ་ཁེ་ཡ་ཐའི་ཇི་བོད་དུ་བཏང་སྐབས་ངེད་རང་ནས་འཕྲིན་གསོལ་དངུལ་གྱི་རྟེན་ལྡན་བརྟན་བཞུགས་ཀྱི་ཚིགས་བཅད་དང་བཅས་ཕུལ་བ་ཆོས་ཞུ་བ་རྣམས་ཀྱིས་ཤེས་ནས་འཕྲལ་དུ་བཙུགས་ཏེ་ཉིན་སྟར་གྱིས་གསུང་བ་སོགས་རྟེན་འབྲེལ་འགྲིག་ཅིང་གཞན་དོན་དུ་དགོངས་ནས་བརྟན་བཞུགས་གསོལ་འདེབས་སུ་བསྒྱུར་ཏེ་དེང་སང་ཡང་ཚོགས་འདོན་ཆག་མེད་དུ་ཡོད་སྣང་། ཆོས་གྲོལ་རྗེས་རྟེན་འབྲེལ་གྱི་ཁྱད་ནས་སྐྱ་སེར་གྱི་ཁྲོམ་ཆེན་པོ་ཚོགས་པར་ཕྱི་རོལ་གྱི་རྡོ་ཅལ་བཞུགས་ཁྲིའི་ཐོག་ཏུ་ཕེབས་ཤིང་འཇམ་དབྱངས་ས་པཎ་གྱི་

― GLG008_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

དབུ་ཞྭས་ཞུ་མཆོད། གྲུབ་རྒྱལ་ལུགས་ཀྱི་ལྷ་གཅིག་བུམ་གཅིག་ལ་བརྟེན་པའི་ཚེ་དབང་། ད་ལམ་གྱི་ཆོས་འཁོར་འདི་ལ་བརྟེན་པའི་འཆད་ཉན་ཞབས་ཏོག་མཐུན་རྐྱེན་སྒྲུབ་སོ་ཅོག་ཀུན་གྱི་དགེ་བའི་རྩ་བ་རྣམས་བྱང་ཆུབ་ཆེན་པོར་བསྔོ་བའི་ཡོན་བཤད། བཀྲ་ཤིས་ཀྱི་མཐའ་བརྟེན་དང་བཅས་རྒྱས་པར་སྩལ་བ་ནི། ཀུན་མཁྱེན་མཁྱེན་བརྩེའི་གསུང་མགུར་ལས། གང་འདིའི་ཐུབ་བསྟན་ཐ་མར་གྱུར་པའི་མཐུས། །ཇི་སྙེད་ཆོས་ཀྱི་བཀའ་བབས་ཆད་གྱུར་ཅིང་། །ཅུང་ཟད་ལུས་རྣམས་འཆད་ལ་ཉེ་བ་འདི། །བསམས་བཞིན་སྙིང་ནས་མ་དགའ་ཤེས་པར་འཕྱོ། །རྒྱལ་བའི་བསྟན་པ་མཆོག་ལ་དད་པ་དང་། །མར་གྱུར་འགྲོ་ལ་བརྩེ་བའི་ལྷག་བསམ་གྱིས། །ཕན་བདེའི་འབྱུང་གནས་ཐུབ་བསྟན་རིན་ཅེན་སྒྲོན། །སྤེལ་བའི་ཐབས་ལ་སྙིང་ནས་སྤྲོ་བར་གྱུར། །ཞེས་པའི་དོན་དང་མཐུན་པར་མཆིས་སོ། ། རིན་ཅེན་ཚུལ་ཁྲིམས་བཀྲ་ཤིས་དང་གསུང་གླེང་ལ་རི་ཕུག་ཏུ་ལོ་གསུམ་མའི་སྐབས་སྒྲུབ་ཐབས་རྒྱ་མཚོའི་ལྷ་རྣམས་ཀྱི་བསྙེན་པ་ཚད་དུ་འཁྱོལ་བ་ཁྱད་པར་བྱ་རྒྱུད་ལ་ལེགས་གྲུབ་ཀྱི་དགོངསཔ་བཞིན་གཡལ་དང་སྦྲིད་པ་སོགས་བྱུང་ན་ཕྲེང་སྐོར་གཅིག་པུ་དེ་གྲངས་སུ་མི་བརྩི་བས་མཚོན་ཕྲ་མོ་རྣམས་ལའང་ཐུགས་རུ་ང་ཚུལ་གསུངས་པ་དཔྱོད་ལྡན་འཕྲིན་ལས་རྣམ་རྒྱལ་གྱི་ཐོས་འཛིན་དུ་གྱུར་པར་ཡ་མཚན་དུ་འཛིན་ཞིང་ཁོ་བོའང་རྗེས་སུ་ཡི་རང་ངོ་། །ཉེ་སྐོར་ནས་ཞིང་འཁྱར་ཁ་ཤས་གཟིགས་པ་ཧོར་ཟླ་བདུན་པའི་རྣལ་འབྱོར་རྒྱུད་ཀྱི་སྒྲུབ་མཆོད་ཐེབས་སུ་ཉིན་གཅིག་འཕར་བའི་སྦྱོར་འཇགས་གནང་། དེ་ནས་མི་རིང་བར་རྣམ་སྣང་མངོན་བྱང་ལ་

― GLG008_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེར་ལྔར་གཅོད་མི་དགོས་པ་རྒྱུད་ཀྱི་དགོངས་པ་དང་དམ་པའི་ཕྱག་བཞེས་བཞིན་ཆོས་སྡེ་ཡས་མས་ཀྱི་གྲྭ་པ་བཞི་བཅུར་དབང་། གཙུག་དགུའི་དབང་ཆ། གྲངས་བཅོ་ལྔར་དྲིལ་བུ་ལུས་དཀྱིལ་གྱི་དབང་། རྣམ་སྲས་སྤྲིན་གསེབ་མ་དང་ཛམ་ལ་དམར་པོ་ཡུམ་བཅས་ཀྱི་རྗེས་གནང་། སྐྱེད་ཚལ་འོག་གཞི་བ་སློབ་དཔོན་པ་སོགས་ལ་སྤྱན་རས་གཟིགས་ཚེམ་བུ་ལུགས་ཀྱི་དམར་འཁྲིད་ཀྱིས་མཚོན་འདོད་ཆོས་ཁ་ཤས་སྩལ། སྔོན་ཆད་ཡོངས་འཛིན་མང་པོར་མདོ་རྒྱུད་གྱི་གདམས་པ་རྒྱ་ཆེར་གསན་ཡང་ལོ་ཆེན་རཏྣ་བྷ་དྲས། ཆོས་པའི་སོ་ནམ་ཡིན་པས་ཐོས་བསམ་བྱས། །ཆོས་ཀྱི་རྩ་བ་ཡིན་པས་གནས་ལུགས་བསྒོམས། །ཆོས་ལ་འབྲས་བུ་དགོས་པས་སྨོན་ལམ་བཏབ། །སྒོ་གསུམ་ཐ་མལ་ནམ་ཡང་བཞག་མ་མྱོང་། །སྔོན་ཆད་གདམས་ངག་བརྒྱ་ཕྲག་དུ་མ་བསླབས། །འོན་ཀྱང་ད་དུང་གཞན་ལ་འཚོལ་བར་འདོད། །ཅེས་པ་ལྟར་སླར་ཡང་ངོམས་པ་མེད་པར་ཐོས་བསམ་མཛད་བཞེད་ཀྱི་ཆུ་མོ་སྦྲུལ་ལོ་ཤར་ནས་གཙང་ཕྱོགས་སུ་གཤེགས་ཞོར་ལྕགས་ཟམ་སྤྲུལ་བའི་སྐུ་ཀུན་དགའ་བསོད་ནམས་དབང་ཕྱུག་གི་དྲུང་དུ་འཁྲིད་བརྒྱ་སོགས་ཟབ་ཆོས་ཁ་ཡར་གསན་ཞིང་། ངོར་ཨེ་ཝཾ་ཆོས་ལྡན། གདན་ས་ཆེན་པོ་དཔལ་ལྡན་ས་སྐྱ། སློབ་དཔོན་ཆེན་པོའི་སྒྲུབ་གནས་རི་བོ་བཀྲ་བཟང་སོགས་སུ་ཞབས་པད་ཀྱི་ཕྲེང་བ་བཀོད་ནའང་། རྗེ་མཁྱེན་བརྩེའི་གསུང་མགུར་དུ། བདུད་ཀྱིས་དབང་སྒྱུར་སྐལ་ངན་ཆེས་མང་བས། །དམ་ཆོས་འཚོལ་ལ་འགལ་རྐྱེན་ཆར་བཞིན་འབབ། །མཐུན་རྐྱེན་མི་འབྱུང་བྱུང་ཡང་སྟོབས་ཞན་པས། །ཇི་ལྟར་བསམས་པ་བཞིན་དུ་གྲུབ་མ་གྱུར། །ཞེས་གསུངས་པ་ལྟར། ངོར་མཁན་

― GLG008_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་ཤར་པ་ཤེས་རབ་འབྱུང་གནས་དང་། བཀྲ་བཟང་པ་ཆེན་པོ་ནམ་མཁའ་རིག་འཛིན་གཉིས་སྐུ་ན་ཧ་ཅང་སྨིན་པར་མ་གྱུར་རུང་བསྟན་པའི་གེགས་ཆགས་ལྟ་བུས་དག་ཞིང་གཞན་དག་ཏུ་སྒྱུ་འཕྲུལ་གྱི་བཀོད་པ་བསྡུས་པ་དང་འགྲིག་ཅིང་སྔགས་འཆང་བླ་མ་སེམས་དཔའ་ཆེན་པོ་ཁྲི་ཆེན་འཇམ་དབྱངས་ངག་དབང་ཀུན་དགའ་བསོད་ནམས་རྩ་དཀར་གྱི་བསྟེན་བབས་ལྕི་བ་སོགས་གཞན་འཕྲུལ་དབང་བྱེད་ཀྱི་བདག་པོ་ཉི་མའི་གཉེན་གྱི་རིང་ལུགས་ལ་པི་ནཱ་ཡའི་ཆོ་འཕྲུལ་ཅུང་ཟད་ནུས་པའི་དུས་དང་འགྲིག་པས་ཆོས་གསན་རྩིས་རྣམས་བཞེས་པ་དང་མཐུན་པ་མ་བྱུང་ན་ཡང་བཞི་ཐོག་ཏུ་བདག་ཆེན་ཁྲི་རིན་པོ་ཆེ་ནས་བདག་རྐྱེན་ཚད་མེད་པ་དང་བཅས་ལུགས་གཉིས་དང་འབྲེལ་བའི་བཀའ་མཆིད་ཀྱི་རིམ་པ་ཞིབ་རྒྱས་སུ་སྩལ། མཆོད་ཁང་དང་མགོན་ཁང་ཆེས་མང་བ་མཐའ་དག་མཇལ་བར་ཕེབས་པའི་ཚེ་དངོས་བཤམས་ཡིད་སྤྲུལ་གྱི་མཆོད་པ་དང་། འཇིག་རྟེན་ཁམས་སུ་བདེ་སྐྱིད་རྒྱ་ཆེར་འབྱུང་བའི་སྨོན་ལམ་མཛད། ངེད་གོང་ནས་ཕྱིར་འཁོར་བའི་ཧོར་ཟླ་བཅུ་གཅིག་པའི་ནང་དུ་ངོས་འཕྲད་ལ་དགའ་ལྡན་ཕོ་བྲང་དུ་ཕེབས་ཐུགས་དགྱེས་པའི་གསུང་གླེང་བག་ཕེབས་པར་མཛད། བྱེས་ལམ་དུ་ཡུལ་དུས་གནས་སྐབས་ཀྱི་རང་དབང་འདུ་མི་འདུ་དང་གཙོ་བོར་ལེ་ལོ་དང་སྙིང་རུས་གཉིས་ཚོང་ཐེབས་པའི་ཁ་ཏོན་དགེ་སྦྱོར་བྱེད་བློ་རྣམས་མོས་འདུན་ཙམ་དུ་ལུས་གཤིས་ཆག་མེད་བཞི་གསོས་ཤིང་། བསམ་མི་ཁྱབ་ཀྱི་བྱིན་རླབས། དེ་བཞིན་གཤེགས་པའི་ཡི་གེ་བརྒྱ་པ། ཕྱག་བཙལ་བའི་ཕན་ཡོན་འགའ་ཞིག །གདུགས་དཀར་གཞན་གྱི་མི་ཐུབ་པ། འཇམ་

― GLG008_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་མཁྱེན་བརྩེས་མཛད་པའི་དྲི་མེད་ཀྱི་སྲོག་ཤིང་འཛུགས་ཆོག་རྣམས་ཀྱི་ལུང་དང་། སྔར་གུང་ཐང་དུ་གནང་རྩིས་ཀྱི་གཏོར་གཤོམས་གྲུབ་མཚམས་གནམ་ངོ་ཆེན་པོ་གློ་བུར་དུ་བྱུང་བ་འོང་གསེབ་ཏུ་བཤོར་ན་དཔོན་སློབ་གཉིས་ཀར་སྐུར་འདེབས་བྱུང་དོགས་ཀྱི་གཤོལ་བ་གནང་འདུག་པ་ད་ལམ་ཞལ་གསང་འཁྲིད་དང་ཤིས་བསྟན་པའི་རྗེས་གནང་ཡང་ཞུས། རྗེ་བླ་མ་དམ་པར་བྱང་ལུགས་ཕྱག་ལེན་གྱི་ཚེ་དཔག་མེད་ལྕགས་སྡོང་བརྒྱ་རྩ། །རིག་འཛིན་རཏྣ་གླིང་པ་ཀློང་གསལ་གྱི་ཚེ་དབང་། ཆོས་རྒྱལ་བཀྲ་ཤིས་སྟོབས་རྒྱལ་གྱི་མཚོ་སྐྱེས་རྡོ་རྗེ་སྐུ་གསུམ་རིགས་འདུས་ཀྱི་དབང་ལུང་རྣམས་ཕུལ་ཞིང་གཏེར་གསར་གྱི་ཚེ་མདའ་རྩེ་སོར་གསུམ་ཙམ་འཕེལ་བས་སྐུ་ཚེའི་རྟེན་འབྲེལ་འགྲིག །རྒྱ་ནག་ནས་འཁོར་བའི་སྐྱེས་མ་དང་ཆོས་ཡོན་སྔགས་པའི་མཎྜལ་རྒྱས་པར་བཏེག་ཅིང་ཡར་ལམ་གུང་ཐང་དུ་ཞག་ཤས་བཞུགས་ཏེ་རིམ་གྱིས་བཀྲ་ཤིས་རྩེ་ཆོས་སྡེར་ཐེགས། ད་དུང་ཚེ་འདིའི་ཆེ་ཐབས་བསྒྲུབས་ཀྱང་འགྲུབ་པར་དཀའ་ཞིང་། གྲུབ་ཀྱང་སྐྱིད་མོད་ངང་ནས་གནས་ངན་དུ་མར་འཁྲིད་པས། ཅི་བྱས་དམ་པའི་ཆོས་དང་ཡང་ཡང་རྗེས་སུ་བསྟུན་ནས། ཆོས་བརྒྱད་སྤོང་བའི་ཐབས་ལ་འབད་པ་བགྱིད་པ་མ་གཏོགས། ཚེ་འདིའི་མདུན་མ་སྒྲུབ་པའི་ཞེ་འདོད་མེད་པ་ཞིག་གདའོ། །ཞེས་རྗེ་ཐམས་ཅད་མཁྱེན་པའི་གསུང་མགུར་ལས་བྱུང་བ་ལྟར། ལོ་སྔོན་མ་འབྲས་སྤུངས་སུ་ཕེབས་སྐབས་གསུང་གླེང་ལ་ད་ཆ་ལོའང་མང་དུ་ལོན་ཅིང་དེ་བར་སྡེ་དགོན་གྱི་ཁ་འཛིན་སོགས་བན་བུན་གྱི་གཡེང་བའི་ངང་དུ་ཟད་པ་ཞིག་བྱུང་བ་ཚེ་མཇུག་འདི་ལ་དབེན་པ་བསྟེན་ནས་དགེ་སྦྱོར་ལ་ཆིག་སྒྲིལ་བྱེད་

― GLG008_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

འདུན་ཡོད་གནང་བར་ད་དུང་དགུང་ལོ་སོགས་ཧ་ཅང་གི་མཐོ་བར་མ་ཟིན་ཅིང་སྐུ་གཟུགས་ཀྱིས་རྐྱེན་མི་ཐེག་པའང་མི་འདུག་པས་རེ་ཞིག་སྤྱི་སྒོས་ཀྱི་ཆོས་རྒྱུན་སྤེལ་བས་མཚོན་པར་ཐུགས་ལས་ཆུང་ངུར་མ་སོང་བ་དགོས་ཚུལ་ཞུས་ཤིང་ཤིང་རྟ་ཆོས་སྡེ་པ་ཚོར་དེ་མཚུངས་ཀྱི་བསླབ་སྟོན་གནང་བ་གྲྭ་རིགས་སྦྱིན་བདག་སྐྱ་སེར་ཐམས་ཅད་ཀྱིས་མགྲིན་གཅིག་ཏུ་གསོལ་བ་བཏབ་པ་སོགས་གང་ཅི་ནས་ཐུགས་དབང་མ་འདུས་པར་བརྟེན་ད་ཆ་ཚེ་དང་སྒྲུབ་པ་མཉམ་པ་མ་ཐུབ་ཚེ་གཡེང་བ་བྱེད་རིན་ཆོག་པ་བགྱིད་གསུང་ཐོག་བབས་སུ་བཀའ་འགྱུར་བཞེང་བའི་དགོངས་པ་བསྟད་ནས་ཤོག་བུ་སྒྲུབ་པའི་སྟ་གོན་དུས་སྡེ་པ་བློ་བཟང་མཐུ་སྟོབས་ཀྱི་གཅུང་གསུང་རབ་རྒྱ་མཚོས་སྣག་ཚ་དང་སྨྱིག་རྒྱུའི་སིག་ཕུལ་བས་རྟེན་འབྲེལ་འགྲིག་ཅེས་དགྱེས་པར་གྱུར། ཤོག་བུ་སྒྲུབ་མི་སླེབས་པ་དང་མོན་ནས་ཤོག་ཚོང་བ་གཏོས་ཅན་ཡོངས་པ་འགྲིག་པས་གནས་པོ་ཡང་དུས་གཅིག་ལ་བཀའ་འགྱུར་ལྡངས་པ་འདི་འདྲ་ཡོང་བ་ཐུགས་རྗེ་རང་དུ་གོ་བའི་དད་པ་ལྷག་པར་སྐྱེས་ཏེ་འབྲས་ཀྱི་སྐྱེས་ཕུལ་ཞིང་སྲུང་བ་ཞུས། ལ་ལ་དག་ཐུགས་རིག་ལ་སྟེང་ཤོད་མེད་དམ་ཕྱག་རྫས་སྟོབས་ཆེ་བ་མེད་པར་ཐུགས་གྲ་འདི་བསྒྲིག་པ་ཞེས་ཐུགས་ལྷུས་མ་ཐིངས་པའི་སྐུར་ཞུས་བྱེད་པ་བྱུང་ནའང་རྒྱལ་བ་བཙོང་ཁ་པ་ཆེན་པོས་རྫིང་ཕྱིའི་ཞིག་གསོས་ཀྱི་ཚེ་དཔོན་སློབ་བཅུ་གཉིས་ཀྱི་སྐུ་ཆས་ལ་ཟི་གོང་བརྒྱབ་པར་གསེར་ཞོ་བཅུ་གཉིས་ལས་མ་བྱུང་བ་དེ་ནུབ་རྣམ་སྲས་ལ་འཛིན་གཏོར་ཞིག་གནང་བས་སང་ནས་ཡོ་བྱད་འབད་མེད་དུ་བྱུང་ཞིང་ཐམས་ཅད་མཁྱེན་པ་དགེ་འདུན་གྲུབ་པ། ངོར་ཆེན་རྡོ་རྗེ་འཆང་། པཎ་ཆེན་

― GLG008_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

ཤཱཀྱ་མཆོག་པ་ལྟ་བུའང་སྙོམས་ཆུང་བྱ་བྲལ་གྱི་ངང་ནས་བཀྲ་ཤིས་ལྷུན་པོ། ཨེ་ཝཾ་ཆོས་ལྡན། གསེར་མདོག་ཅན་གྱི་སྡེ་བཏབ་པས་མཚོན་འཕགས་བོད་ཀྱི་གང་ཟག་ཁྱད་པར་ཅན་རྣམས་གནས་སྐབས་སུ་འདོད་ཡོན་ལ་མི་དགྱེས་པས་གསོག་འཇོག་མི་མཛད་ཀྱང་ཆོས་ལྡན་གྱི་མཛད་པ་རྒྱ་ཆེན་པོའི་དུས་ནམ་མཁའ་མཛོད་ལ་མངའ་འབྱོར་བའི་ཤུགས་ཀྱིས་འབད་རྩོལ་ལ་མི་བལྟོས་པའོ། །འཇིག་རྟེན་མཐུན་འཇུག་ཟང་ཟིང་བདོག་པ་ལ། །ཕན་ཚུན་སྐྱེས་སུ་བསྟར་བ་དོན་ལྡན་དུ། །བྱེད་པའི་ངང་ཚུལ་མཐོང་ན་དམ་ཆོས་ནོར། །གཏོང་ལེན་འདི་ཀོ་དམ་པའི་རྣམ་པར་ཐར། །སྔོན་དུ་ལོ་པཎ་མཁས་གྲུབ་མང་བྱོན་ནས། །རྒྱལ་བསྟན་དར་ཚེ་རྩོལ་བར་ཅི་ཞིག་བལྟོས། །འཆད་ཉན་དགུན་གྱི་ཆུ་བྲན་ལྟར་གྱུར་དིང་། །ཐོས་བསམ་ཁུར་གྱི་ལྗིད་ལ་ལྷག་པར་རངས། །སྔ་ཕྱིར་འགྱུར་བའི་སྨོན་གྲོལ་མན་ངག་ལུང་། །པདྨའི་སྐུད་པར་རྡོ་རྗེ་བཞུ་བླུགས་པས། །སྲོག་འཚོའི་རིག་བྱེད་དྲན་པའི་མཁྱེན་དཔྱོད་ཀྱི། །ཚངས་རིས་གྲུབ་པའི་ལྷ་དེ་གཞན་མིན་དྲང་། །སྤྲུལ་ཞིང་ལྟ་ན་སྡུག་ནས་འོངས་མིན་པར། །སྐྱེ་རྒུའི་སྲོག་འཚོ་སྨན་གྱི་བླ་མ་དངོས། །གིང་ཆེན་ཚངས་པས་བསྙེམས་བཏང་གང་གི་ཞབས། །ནམ་མཁའི་སྙིང་པོར་ངེས་ཏེ་གཙུག་ཏུ་བླངས། །ལྷ་མིན་དམོད་པའི་ལྕགས་ཏིམ་མ་སྐྱེས་པར། །གཟུར་གནས་བློ་ཡི་དཔལ་བེའུ་སྙིང་ག་རུ། །རི་མ་རབ་བཀྲའི་སྐལ་ལྡན་ནབས་སོ་སྐྱེས། ཁྱོད་ཞལ་བདུད་རྩི་འཐུང་ལ་ལྷག་པར་རིངས། །རྣམ་གསུམ་ཆོས་འཁོར་དུས་གཅིག་ཡོངས་བསྐོར་བར། །དཀར་ཕྱོགས་ལྷ་རྣམས་དགའ་མགུར་ལྟ་བ་ལ། །མཎྡ་ར་ཡི་སྨིན་ལེགས་ཕྲེང་མཛེས་དང་། ཁོར་

― GLG008_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུག་དབང་གཞུའི་དྲ་བས་སྦྲེལ་ཕྱིར་བརྫུ། །གཡས་རུའི་འཛིན་མར་འཁྲུལ་མེད་ལམ་སྟོན་ཤེས། །ཉུང་ཟད་ཙམ་ཡང་མ་བཟོད་ལུས་མེད་མདས། །རེ་ཞིག་བཞེད་པའི་དཀའ་ཐུབ་འཇིག་ནུས་པ། །ཆེས་ཆེར་ལྔ་བདོའི་ཤུགས་དེ་གང་གིས་བཟློག །འདམ་སྐྱེས་འདམ་གྱིས་མ་གོས་པདྨ་ལྟར། །འཁོར་གནས་འཁོར་བའི་རྒྱ་ལས་ཡོངས་གྲོལ་ཡང་། །སློབ་ལམ་སློབ་པའི་ཆེད་དུ་ཞི་བདེ་ལ། །ངེས་པར་ངེས་འབྱུང་ཚུལ་གྱིས་འདྲིད་དེ་ཅི། །ནམ་མཁའི་སྐ་རགས་མ་ངེས་འཆིང་དཀའ་བའི། །གྲངས་མེད་འགྲོ་འདྲེན་ཐུགས་བསྐྱེད་རྡོ་བའི་ངོས། །བྲིས་པའི་རི་མོ་སེམས་ཅན་ཟད་པའི་མཐའ། །དེ་སྲིད་མི་ཡལ་རྒྱལ་སྲས་སྤྱོད་པའི་གཤིས། །མྱོས་བྱེད་ཅེས་པ་ཤིང་ལུག་ཟླ་བ་གསུམ་པའི་ཚེས་དགུ་ལ་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་ཕེབས་པའི་ཞར་བྱུང་དུ་གྲ་དར་རྒྱས་ཆོས་སྡིངས་སུ་གདན་གྲངས་ཡབ་རྗེ་གནུབས་ཆེན་སྤྲུལ་པའི་ཟློས་གར་དང་གདུང་བརྒྱུད་བགྲེས་པ་ཆོས་རྒྱལ་གཏེར་བདག་གླིང་པ་གཉིས་ལ་དཔལ་ཀྱེ་རྡོ་རྗེ་མན་ངག་ལུགས་དང་ཛེ་ཏཱ་རིའི་ཚེ་དཔག་མེད་ལྷ་དགུའི་དབང་གནང་། ཚུར་རིག་འཛིན་ཕྲིན་ལས་ལྷུན་གྲུབ་ལ་གཏེར་ཆོས་ཅི་རིགས་པ་གསན་ཏེ་རིམ་གྱིས་དགའ་ལྡན་ཕོ་བྲང་དུ་ཞག་དགུའི་བར་སྟན་ཆགས་པའི་དུས་འཁོར་བདག་པོ་ཆེན་པོའི་དབང་། སིནྡྷུ་ར་ལ་བརྟེན་པའི་བདག་མེད་ལྷ་མོ་བཅོ་ལྔ། །བདེ་མཆོག་དཀར་པོ། ཏོག་ཙེ་བའི་བསམ་མི་ཁྱབ་གསུམ་གྱི་བྱིན་རླབས། ཨཥྚའི་བཟླས་ལུང་། གུར་སྤྲིན་གསེབ་མའི་རྗེས་གནང་། སུམ་པ་ལོ་ཙཱའི་བློ་སྦྱོང་དང་ཚེམ་བུ་ལུགས་ཀྱི་དམར་འཁྲིད་གཉིས་འཇམ་དབྱངས་མཁྱེན་བརྩེའི་ཟིན་བྲིས་སྟེང་ནས་ཉམས་འཁྲིད་སྔ་དགོངས་སོ་སོར་སྨིན་རྒྱས། རྗེ་བཙུན་གྲོལ་མཆོག་གི་འཁྲིད་བརྒྱའི་སྐོར་ཡོངས་རྫོགས། དམ་ཆོས་དགོངས་པ་ཡང་ཟབ་ཀྱི་ཆོས་སྐོར་ཕལ་ཆེར། བསྟན་གཉིས་གླིང་པའི་རྟ་གླུད། ཀྱེ་རྡོར་དབང་ཆོག་གི་ལྷན་ཐབས་ཚར་ཆེན་གྱིས་མཛད་པ། དེའི་སྦྱིན་སྲེག་དང་སཱ་ཙྪཱ་འདེབས་ཆོག་ཀུན་མཁྱེན་མཁྱེན་བརྩེས་

― GLG008_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པ། རྗེ་ཉིད་ཀྱིས་མཛད་པའི་བྱང་གཏེར་སྐྱེས་བདུན་སྒྲུབ་ཐབས། སམྦྷུ་ཊ་རྒྱུད་ཕྱི་མ་དང་བཅས་པ། གསང་བ་རིང་བསྲེལ། བྱང་ཆུབ་རྒྱན་འབུམ། ལས་སྒྲིབ་རྣམ་སྦྱོང་། རྟེན་འབྲེལ་སྙིང་པོ། འོད་ཟེར་ཅན་མ། དུག་སེལ་མ། གདུགས་དཀར་མཆོག་གྲུབ། རྣམ་རྒྱལ་མའི་གཟུངས་རྟོག་པ་དང་བཅས་པ། ངན་འགྲོ་སྦྱོང་བའི་རྣམ་རྒྱལ། གཙུག་ཏོར་དྲི་མེད། མཆོད་པའི་སྤྲིན་གྱི་གཟུངས། རྒྱལ་མཚན་རྩེ་མོའི་དཔུང་རྒྱན། མིག་ནད་སྦྱོང་བ། གཞང་འབྲུམ་ཞི་བ། ནད་ཐམས་ཅད་རབ་ཏུ་ཞི་བ། མི་རྒོད་རྣམ་འཇོམས། བྱམས་པས་དམ་བཅས་པའི་གཟུངས། གཟའ་ཡུམ། ནོར་རྒྱུན་མ། ཚེ་དཔག་མེད་ཀྱི་སྙིང་པོ། མི་འཁྲུགས་པའི་རྒྱུད། སྟོབས་པོ་ཆེ། རྒྱལ་པོ་མདོ་ལྔ་སོགས་མདོ་ཕྲན་ཁ་ཤས་རྣམས་ཀྱི་ལུང་ཞུས་ཤིང་འཕྲང་འགོ་གཏེར་སྟོན་གྱི་ཚེ་དཔག་མེད་སྐུ་གསུམ་རིགས་འདུས་ཀྱི་དབང་ཕུལ། རིམ་གྱིས་གུང་ཐང་བརྒྱུད་དེ་བཀྲ་ཤིས་ཆོས་ཀྱི་སྡེ་ཆེན་པོར་ཕེབས་པའི་ཨེ་རིག་པའི་འབྱུང་གནས་ཆོས་ལུང་དཀར་པོ་ནས་དཔོན་ཡིག་མཁས་པ་དོན་བདུན་བོས་པར་དབུ་མ་ལུགས་ཀྱི་སེམས་བསྐྱེད་དང་ཐོས་གྲོལ་གྱི་ལྗགས་ལུང་། ས་ག་ཟླ་བ་སྐུ་བལྟམས་པའི་དུས་ཆེན་ཡར་ཚེས་བདུན་གྱི་རེས་གཟའ་ལྷག་པ་དང་སྐར་མ་རྒྱལ་གྱི་འཕྲོ་དགེ་བར་བཀའ་འགྱུར་རིན་པོ་ཆེ་བཞེང་བའི་དབུ་བཙུགས་པའི་ཚུགས་སྟོན་རྩེས་དང་ནས་སྣ་མོ་ཤག་གྲུབ་ཆེན་ཀརྨ་སངས་རྒྱས་ཀྱིས་བསྙེན་བཀུར་བརྒྱ་འབུལ་བཟབས་རྒྱས་སུ་བསྟར། དེ་སྐབས་ཡར་ཤར་ནུབ་ཚོར་བཤལ་རིམས་མཆེད་པའི་ཤི་ཆད་ཁ་ཡར་བྱུང་བར་ཤ་བརྒྱ་ཟན་བརྒྱ་གཏོང་བ་གནང་བས་ཡམས་ནད་རྣམས་

― GLG008_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

རིང་པོར་མ་ལོན་པར་ཆད་ཅིང་ལྷག་པར་བཀྲ་ཤིས་རྩེ་ཞོལ་དུ་ནད་པ་མངས་པར་ཡིག་མཁན་རྣམས་ཚབ་ཚུབ་ཏུ་གྱུར་ཚེ་སྲུང་བ་གནང་བས་འཛེམ་མེད་དུ་ཕྱིན་ཀྱང་འགོ་བ་གཏན་མ་བྱུང་བས་མོས་པ་ལྷག་པར་འཕེལ། ཧོར་ཟླ་ལྔ་བའི་ནང་དུ་ཁྱབ་བདག་ཞ་ལུ་པ་ཆེན་པོ་སློབ་བཤད་ཞུ་བ་ལ་ཕེབས་པར་བཀའ་འགྱུར་མ་གྲུབ་པས་འཛུགས་པ་གནང་མ་ཐུབ་པའི་དེའི་རིང་སྒྲུབ་ཐབས་རྒྱ་མཚོ། གསར་མ་རྒྱུད་འབུམ། གཤེད་དམར་སྤྲོས་མེད་ཀྱི་འཁྲིད་སོགས་འབུལ་བ་གནང་ཞིང་། ཚུར་ཡང་འཁོར་ལོ་སྡོམ་ཆེན་སོགས་དབང་ལུང་མང་དུ་གསན། རྣམ་སྲས་གླིང་པས་གཙོས་སྦྱིན་བདག་སྐྱ་སེར་རྣམས་ཀྱིས་དུས་སྟོན་གྱི་ཐོག་ལེགས་འབུལ་གྱི་བདོག་པ་རྒྱ་ཆེར་བསྟབས་པའི་ཚོགས་གསོག་ལ་བརྟེན་ཕོགས་ཇ་ཐུག་གི་གཏོང་ཆས་མཚོན་དགོས་ཆེ་མཐའ་དག་ངང་གིས་འགྲུབ་པའི་སྒོ་ནས་ཟླ་བ་ཕྱེད་བདུན་དུ་ཉེ་བ་ཧོར་ཟླ་བཅུ་པའི་ཚེས་བཅོ་བརྒྱད་ལ་ཞལ་ཁེབས་གདོང་དར་གླེགས་ཤིང་གླེགས་ཐག་གླེགས་ཆབ་སོགས་ཆ་འགྲིག་ལེགས་པར་གྲུབ། གོང་དཀར་དུ་ལྗགས་ལུང་གནང་སྐབས་བཀའ་འགྱུར་གྱི་ནང་ནས་བྱུང་བའི་སངས་རྒྱས་ཀྱི་མཚན་ཟུར་དུ་ཕྱུང་བ་ཁྲི་ལྷག་བཅས་ཐོར་བཀོད་པ་འདི་དང་དུས་མཚུངས་སུ་ས་ལེ་སྦྲམ་ཞུན་མའི་ཁུ་བས་བྲིས་ལེགས་ཕུན་སུམ་ཚོགས་པ་གོང་གཤམ་ཞལ་ཁེབས་ཏོག་བཅས། ཤིང་པར་ལ་བརྟེན་ནས་ཞལ་བཀོད་གནང་བའི་བྱང་ཆུབ་མཆོད་རྟེན་བཅུ་ཚར་མི་ཚད་ཙམ། ནང་བཞུགས་གཟུངས་སྔགས་སཱཙྪ་ཕྱག་དར་བའི་འབུམ་ཕྲག་གནང་སྟེང་ནས་གང་འགྲོ་དང་གསོལ་ཕུད་དུ་སཱཙྪ་སོགས་ཀྱིས་གཏམས་པར་ལྷང་

― GLG008_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

ཙེར་བཏུལ་མའི་ན་བཟའ་གསོལ་ཏེ་བླ་གཡེའི་སྒོའི་གཡས་གཡོན་གྱི་ཐོག་འོག་ཏུ་བཞུགས་སུ་གསོལ་བ་རྣམས་ཀྱི་སྨོན་ལམ་གསུང་རྩོམ་འདི་ལྟ་སྟེ། ལྷ་རིགས་འ་ཞའི་དགེ་སློང་བྱང་ཆུབ་སེམས། །གསང་སྔགས་ཀུན་འཛིན་མགོན་པོ་བསོད་ནམས་ཀྱིས། །སྔོན་བྱོན་མཁས་གྲུབ་རྣམས་ཀྱི་རྗེས་ཞུགས་ནས། །རྒྱལ་བའི་བསྟན་ལ་ཡུན་རིང་རྒྱས་ཕྱིར་དང་། །མཐའ་ཡས་འགྲོ་ལ་ཕན་པ་ལྷུར་ལེན་ཕྱིར། །རྒྱལ་བའི་གསུང་རབ་དམ་ཆོས་འགྱུར་རོ་འཚལ། །དཀའ་བ་དུ་མས་ཀུན་ནས་ལུང་ནོས་ཤིང་། །བསྟན་འགྲོར་ཕན་ཕྱིར་ལུང་ཡང་འབད་པས་བགྱིས། །གླེགས་བམ་ཐམས་ཅད་དུས་གཅིག་འབད་པས་བསྒྲུབས། །བཀའ་འགྱུར་ནས་བསྟན་རྫོགས་སངས་རྒྱས་པའི་སྐུ། ཁྲི་ཕྲག་བརྒལ་བའི་གསེར་གྱི་བྲིས་སྐུ་དང་། སཱཙྪ་འབུམ་ཕྲག་བྱང་ཆེན་མཆོད་རྟེན་བཅུ། །དེ་སོགས་རྣམ་དཀར་དྲི་མེད་དགེ་བའི་མཐུས། །བདག་དང་ཕ་མ་སྤུན་ཟླ་མིང་སྲིང་དང་། །བྲན་གཡོག་ལས་བྱེད་ཁལ་ཁུར་དུད་འགྲོར་བཅས། ཕན་ཐོགས་ཡི་རང་དཀར་ནག་འདྲེས་པ་ཀུན། །སྒྲིབ་བྱང་ཚོགས་རྫོགས་རྣམ་མཁྱེན་མྱུར་ཐོབ་ཤོག །ཅེས་པ་མཛད། དེ་ལྟར་སྐུ་གསུང་ཐུགས་རྟེན་རྣམས་ལ་རྒྱུད་ཐམས་ཅད་ཀྱི་རྒྱལ་པོ་གཉིས་སུ་མེད་པ་དཔལ་དགྱེས་པ་རྡོ་རྗེ་མན་ངག་ལུགས་ཀྱི་སྒྲུབ་མཆོད་དང་འབྲེལ་བའི་སྒོ་ནས་རབ་གནས་བཀྲ་ཤིས་རྒྱ་མཚོ་ལ་རྗེ་རྡོ་རྗེ་འཆང་དབང་ཕྱུག་རབ་བརྟན་གྱི་ཕྱག་བཞེས་ཀྱིས་བརྒྱན་ཏེ་རབ་ཏུ་གནས་པ་ཉིན་གསུམ་མ་མངའ་དབུལ་གྱི་དུས་རྒྱས་པ་དང་ཆོ་གའི་མཐར་ལྷག་ཆད་ཁ་སྐོང་བའི་ཞི་བའི་སྦྱིན་སྲེག་དང་བཅས་རྒྱལ་ཀུན་གསང་བ་རབ་འབྱམས་ཀྱི་འཁོར་ལོ་མ་ལུས་པ་རྟེན་

― GLG008_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟེན་པ་ལྷའི་ཚོགས་ཆུ་དང་འོ་མ་བཞིན་རོ་གཅིག་ཏུ་མཛད་པས་ཕྱོགས་ཀུན་བཀྲ་ཤིས་དང་བདེ་ལེགས་ཀྱིས་ཁྱབ་པར་གྱུར། བྲིས་པས་གཙོས་བཟོ་བོའི་ཚོགས་ཡོན་རྫོངས་སུ་གསེར་གོས་དར་ཇ་རས་གཡུ་བྱུ་རུ་སྤོས་ཤེལ་གོ་ཁྲབ་ཁྲོ་ཟངས་རྟ་དྲེལ་ཕོ་མོའི་གོས་སྣ་སྣམ་ཕྲུག་སོགས་ཀྱི་རྙེད་པས་བློའི་རེ་བ་ཡོངས་སུ་བཀང་སྟེ་ཚིམ་པར་མཛད། ཟླ་བ་དེ་ཀའི་ཚེས་ཉི་ཤུའི་རྒྱལ་ཕུར་གྱི་འགྲུབ་སྦྱོར་ནས་བཟུང་མཁན་ཆེན་ཞ་ལུ་པ་ཁྱབ་བདག་རིན་ཅེན་བསོད་ནམས་མཆོག་གྲུབ། འབྲས་ཡུལ་སྐྱེད་ཚལ་མཁན་པོ་བྱམས་པ་ངག་དབང་བསྟན་འཛིན། རྩེ་ཚོགས་དུམ་བུ་ཆོས་འཁོར་སོགས་ཕྱོགས་ནས་འདུས་པ་དང་། གཉུག་མར་གནས་པ་བཅས་དགེ་འདུན་དུ་མའི་ཚོགས་ལ་དུས་གསུམ་བདེར་གཤེགས་རྣམས་ཀྱི་བགྲོད་པ་གཅིག་པའི་ལམ་མདོ་རྒྱུད་མན་ངག་ཀུན་གྱི་ཡང་བཅུད། འཕགས་ཡུལ་གྲུབ་དབང་བིཪྺ་པ་ཆེན་པོ་ལ་རྗེ་བཙུན་རྡོ་རྗེ་བཙུན་མོས་མངོན་སུམ་དུ་གནང་བའི་ལམ་འབྲས་བུ་དང་བཅས་པ། འབྲས་བུ་ལམ་དང་བཅས་པ། གཅིག་ཤེས་པས་མང་པོ་གྲོལ་བ། སྐྱོན་ཡོན་ཏན་དང་བར་ཆད་དངོས་གྲུབ་ཏུ་བླང་བ། ལྟས་ངན་གཡང་དུ་ལེན་པ། ཏིང་ངེ་འཛིན་ངོ་ཤེས་པས་བསམ་གཏན་གྱི་གེགས་སེལ་བ། བར་ཆད་ངོ་ཤེས་པས་བདུད་ཀྱི་གེགས་སེལ་བ། སྡེ་སྣོད་གསུམ་གྱི་དེ་ཉིད་ཤེས་པས་གསེར་འགྱུར་གྱི་རྩི་ལྟ་བུ། མཆོག་མཐུན་གྱི་དངོས་གྲུབ་མ་ལུས་པ་འབྱུང་བའི་གསུང་ངག་རིན་པོ་ཆེའི་འཁྲིད་བོད་ཡུལ་འདིར་འཇིག་རྟེན་གྱི་མིག་གཅིག་པུ་འབྲོག་མི་ལོ་ཙཱ་བ་ཆེན་པོས་ལེགས་པར་བསྒྱུར་ནས་བཟུང་བཤད་སྲོལ་མི་འདྲ་བ་མང་དུ་བྱུང་བའི་གཙོ་

― GLG008_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་རྡོ་རྗེ་འཆང་དང་ཞལ་གཉིས་པ་རྗེ་བཙུན་ས་སྐྱ་པ་ཡབ་སྲས་ལ་བཀའ་བབས་པ་ཚོགས་བཤད་དང་སློབ་བཤད་གཉིས་ལས་རྗེས་འབྲངས་མཁས་གྲུབ་ཕལ་ཆེར་ལ་མ་གྲགས་པ་རིན་ཅེན་སྒང་པ་གདུང་བརྒྱུད་སྒོས་ཀྱི་ཟབ་ཆོས་ལྟ་བུ་གསང་ཆེན་སློབ་བཤད་ཀྱི་ཉམས་འཁྲིད་ཟབ་མོ་དབང་བྱིན་རླབས་རྒྱབ་བརྟེན་ལུང་དང་བཅས་པ་མཐའ་དག་ཟླ་བ་ཕྱེད་བཞི་ལྷག་ཙམ་གྱི་བར་གནང་རྗེས་དགྱེས་པ་རྡོ་རྗེའི་རྒྱ་གཞུང་སོ་གཉིས་གནང་བའི་དུས་ཁོ་བོས་ངོར་རྫོང་ཚར་ལུགས་གསུམ་གའི་ལམ་འབྲས་ཐོབ་པས་རྒྱུན་གསུམ་ག་ཡོད་གཤིས་གང་འདོད་ཀྱི་རྗེས་སུ་འབྲངས་ཆོག་ཅེས་བཀའ་སྩལ་ཞིང་། མེ་སྤྲེལ་ཧོར་ཟླ་གཉིས་པའི་ཚེས་བརྒྱད་ལ་གེགས་མེད་དུ་གྲུབ་པ་ནི། །སྦྱང་གཞི་དཀྱིལ་འཁོར་རྣམ་བཞིའི་ཞིང་ས་མཆོག་ཏུ་གཤིན་པོ། །སྦྱོང་བྱེད་སྨིན་གྲོལ་རྣམ་བཞིའི་ཆུ་ལུང་རྐྱེན་གྱིས་སྦྱངས་ཏེ། །སྦྱངས་འབྲས་སྐུ་བཞིའི་ས་བོན་གང་བཏབ་མཆོག་ཏུ་ལེགས་པའི། །ས་ཞིང་མཆོག་དེའི་འདུལ་སྦྱོང་བདག་རང་མཁས་སྙམ་བགྱིད་པས། །ཐ་རངས་ཐུལ་མེད་ཀྱི་ཞིང་ལ་ཡིད་སྨོན་མེད་པ་ཞིག་གདའོ། །ཞེས་ཐམས་ཅད་མཁྱེན་པའི་གསུང་མགུར་ལས་བྱུང་བ་ལྟར་ཤིན་ཏུ་སྨིན་པའི་གྲོལ་སྟོན་དང་རྡོ་རྗེ་ཆོས་སྐྱོང་རྣམས་ལ་གཏང་རག་གི་བསྐང་བསྟོད་གནང་བའི་མཇུག་ཙམ་དུ་གཞན་གྱིས་བསྲེགས་པ་པོ་མེད་པར་ཤ་ཆེན་གྱི་དྲིས་བླ་བྲང་སྟེང་ཤོད་མེད་པ་ཁྱབ་པའི་དམ་ཅན་དགྱེས་པའི་ཆོ་འཕྲུལ་ཅི་ཡང་མཛད། ཞ་ལུ་མཁན་རིན་པོ་ཆེ་ཡང་ཞག་ཤས་བཞུགས་པར་བླ་མ་བཀའ་བརྒྱད་ཡོངས་འདུས་ཀྱི་དབང་སོགས་ཁ་ཡར་འབུལ་བ་གནང་ཞིང་རྗེ་བླ་མས་ཀྱང་ཉེར་མཁོའི་དབང་ལུང་

― GLG008_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

ཅི་རིགས་གསན། ཚོགས་ལ་བཀའ་གདམས་ཀྱི་ཆོས་སྐོར་འགའ་ཞིག་གནང་སྐབས་མེ་ཏོག་སེར་པོ་དང་དམར་པོ་ལག་པས་ཟིན་ལ་ཁད་པའི་ཆར་བབས། སྒོ་ཁང་དུ་ཁྲ་འབྲུག་ཆོས་སྐྱོང་གི་རྟེན་གཏོར་ཡོད་པ་ལྷ་མིའི་བར་དུ་སེལ་ཅུང་ཟད་བྱུང་བ་། རྡོ་རྗེ་འཆང་དབང་ཕྱུག་རབ་བརྟན་གྱི་རྟེན་ཁྲ་འབྲུག་རྒྱལ་ཁང་རང་དུ་སྐྱེལ་བ་མཛད་པ་རྗེ་འདི་ལ་ཆོས་སྐྱོང་གིས་སྔར་ལྟར་དགོས་ཞུས་པའི་ལན་རས་གཞིར་ཁོ་རང་ཇི་ལྟར་བཞེད་པའི་རྟ་གླང་པགས་རིགས་སོགས་བྲིས་པ་སྔགས་དྲུག་ཕྱག་རྒྱ་དྲུག་གིས་བརླབ་པ་གནང་བར་དགྱེས་ཏེ་མཁན་པོས་འདི་ལྟར་བྱུང་ཞེས་མི་ཐམས་ཅད་ལ་སྟོན་པར་མཛད། སྡེ་པ་བློ་བཟང་མཐུ་སྟོབས་འོལ་དགའ་ཆུ་ཚན་ཁར་འདྲེད་བརྡབས་ལ་གེགས་ཀྱི་རྣམ་པའི་ཡར་ཀླུངས་སུ་འབྱོར་ནས་ཀྱང་སྐྱེད་ཆེ་བ་མ་བྱུང་བ་དམ་པ་འདི་ཉིད་ཀྱིས་དབང་བྱིན་རླབས་མང་དུ་མཛད་པས་ཚེར་མ་དབྱུང་བ་ལྟར་གཞི་མེད་དུ་བདེ། ནུབ་ཅིག་མཆོད་དཔོན་གྱིས་ཞབས་བྱུག་ཞུ་སྐབས་ཙིང་སྒྲ་ཆེན་པོ་བྱུང་བ་གང་ཡིན་ནམ་གསུང་བར་ཁྱི་ལྟ་བུ་སྲོག་ཆགས་ཤིག་གི་སྐད་ཡིན་ནམ་ཞུས་པ་ན་མིན་པ་འདྲ་ཐུག་གི་སྐད་ཡིན་ནམ་གསུང་བ་ལྟར་ཕྱིན་པས་གཟིམས་ཆུང་སྟེང་དུ་ཐུག་གསུམ་ཡོད་པའི་དཀྱིལ་མ་རྩིས་མགོན་གྱི་ཐུག་དེ་ཙིང་སྒྲ་ཆེན་པོ་རྒྱག་གིན་འདུག་རུང་མུན་པས་སྒྲ་ཙམ་ལས་གཞན་མ་མཐོང་སང་ཞོགས་ལྟས་ཙ་ན་རྫ་མ་ནས་ཁྲག་འཛགས་པས་ས་གཞི་ལ་འཐོར་ཞིང་རྩ་བར་ཁྲག་སྙིམ་པ་གང་ཙམ་འཁྱིལ་བ་ཆོས་སྐྱོང་འདི་ཤིན་ཏུ་འགོ་ཞིང་བཀའ་གཉན་པ་ཡོད་འདུག་པ་ནས་བསྟན་པ་སྤྱི་སྒོས་ཀྱི་དགྲ་བོ་ཞིག་བསྒྲལ་བའི་རྟགས་སུ་འཆིས། སྣ་མོ་ཤག་གྲུབ་ཆེན་པས་བསམ་

― GLG008_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

གཏན་གླིང་གི་སྤྱིལ་པོར་སྲི་ཞུའི་ཆེད་དུ་སྤྱན་དྲངས་པའི་ཕེབས་ཞོར་ཚེ་ཆུང་འབུམ་པ་མཇལ་བ་གནང་དུས་ཚེ་ཆུ་ཆེར་བབས་པ་ཟླ་བ་བརྒྱད་པ་ཡིན་པས་དེ་དུས་ཡོང་བའི་སྐབས་མིན་རུང་བྱུང་བར་ཡ་མཚན་དུ་འཛིན། མེ་བྱ་གཙང་ཕྱོགས་སུ་ཆིབས་ཁ་བསྒྱུར་ཏེ་གདན་ས་ཆེན་པོ་དཔལ་ལྡན་ས་སྐྱར་ཕེབས། སྔགས་འཆང་བླ་མ་སེམས་དཔའ་ཆེན་པོའི་ཞབས་རྡུལ་དབུ་གཙུག་ཏུ་བཞེས་ནས་སྒྲུབ་ཐབས་བརྒྱ་རྩའི་རྗེས་གནང་། ཞབས་དྲུང་ཉིད་ཀྱིས་མཛད་པའི་ཕུར་བའི་ཆོས་འབྱུང་སོགས་ལྗགས་ལུང་མང་དུ་སྩལ། གཙོ་བོར་གསན་བྱ་རྣམ་སྲས་ཀྱི་བེའུ་བུམ་ཡིན་ནའང་བསམ་ཡས་ཀྱི་སྡིག་ཁྲབ་སྒྲོག་པར་ཕེབས་རིངས་པའི་སླར་ཡོང་བའི་བཀའ་བཞེས་གནང་། ཞབས་དྲུང་ཁྲི་ཐོག་པ་ངག་དབང་བསོད་ནམས་དབང་ཕྱུག་དང་རྗེ་བཙུན་མ་གཉིས་ལའང་བཀའ་ཆོས་ཁ་ཡར་གསན། གདན་ས་དང་ཁའུ་བསམ་བརླིང་སོགས་ཀྱི་གནས་གཟིགས་གནང་། རིགས་འཛིན་ལྷ་ཁང་གི་འགག་ཏུ་ངོར་ཟུར་འཆད་ཆོས་རྗེ་དཔལ་གླིང་པ་དང་ལྷན་ཅིག་ཏུ་འཛོམ་པ་ད་རེས་རྡོ་རྗེ་འཆང་ཀུན་དགའ་བཟང་པོའི་ཁྲིར་འབྱོན་པའི་རྟེན་འབྲེལ་བྱེད་དགོས་པ་འདུག་པས་ཇ་སྔོན་ལ་མཆོད་གསུང་བ་དེ་སྐབས་མཁན་པོ་ཡོང་བའི་དོགས་པ་ཙམ་ཡང་མེད་པས་ཐུགས་ཁྲེལ་བཞིན་མིན་ནམ་བསམ་རུང་དེ་ནས་མ་འགྱངས་པར་མཁན་པོ་བྱེད་དགོས་བྱུང་བ་མངོན་མཁྱེན་དུ་འདུག་ཅེས་ཐུགས་ཡིད་ཆེས་པའི་དཔེར་འཛིན། བཞི་ཐོག་ཏུ་ཞབས་དྲུང་རིན་པོ་ཆེར་མཁའ་འགྲོ་བསུན་བཟློག་དང་འབྲེལ་བའི་བརྟན་བཞུགས་རྒྱས་པར་ཕུལ་ནས་དགུང་ལོ་བརྒྱད་ཅུ་རྩ་ལྔའི་བར་དུ་བཞུགས་པའི་བཀའ་བཞེས་ཞུས་པར་མཁན་པོ་རང་བསྟན་དོན་ལ་དགོངས་ནས་དེ་ཙམ་བཞུགས་

― GLG008_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ནི་ང་ཡང་ད་ག་བགྱིད་དེ་མིན་ངེད་རང་གཉིས་ལྷན་དུ་འགྲོ་བ་ཡིན་ཕེབས་པའི་གནས་ཚུལ་རྗེ་བླ་མ་འབྲས་སྤུངས་སུ་ཕེབས་དུས་གསུང་འཕྲོས་གནང་འདུག་ཅིང་ས་ཕག་ཧོར་ཟླ་དགུ་པའི་ཚེས་བཅུ་བཞི་ལ་དམ་པ་འདི་དང་བཅུ་གཉིས་པའི་ཚེས་བཅོ་བརྒྱད་ལ་བདག་ཆེན་རིན་པོ་ཆེ་མེ་ཏོག་འཐོར་བ་ལ་དཔགས་ན་བླ་མ་རྣམ་གཉིས་སྤྲུལ་གཞི་གཅིག་ལས་བསྟན་འགྲོའི་ཆེད་དུ་སྤྲོ་བསྡུ་མཛད་དགོས་པར་སེམས། ངོར་མཁན་ཆེན་རྒྱལ་རྩེ་ཞབས་དྲུང་བྱམས་པ་ངག་དབང་བསོད་ནམས་རྒྱལ་མཚན་གྱི་དྲུང་དུ་ནེ་གུ་ནས་བརྒྱུད་པའི་དབང་བྱིན་རླབས། རྩ་བ་ནེ་གུ་ཆོས་དྲུག་སྡོང་པོ་ཕྱག་རྒྱ་ཆེན་པོ། ཡལ་ག་ལམ་ཁྱེར་རྣམ་གསུམ། མེ་ཏོག་མཁའ་སྤྱོད་དཀར་དམར། འབྲས་བུ་འཆི་མེད་རང་གྲོལ་རྣམས་ཀྱི་འཁྲིད་ལུང་སོགས་ཚང་བ་གསན། དེ་ནས་རིམ་བཞིན་ཁུ་ལུང་དུ་ཕེབས། དེ་ཡང་བླ་མ་སོག་བཟློག་པ་ནས་བརྒྱུད་པའི་མདོ་དབང་ཆེས་དར་ནའང་། སོག་བཟློག་པའི་ཞུ་ས་རིགས་འཛིན་གཡུ་འབྲུག་རྡོ་རྗེ་ཤངས་རྟ་ནག་པའི་ཡུལ་མི་རྣམས་ལ་རྒྱུས་མེད་པའི་དཔྱོད་ལྡན་ཚོ་ཐེ་ཚོམ་གྱི་གཞིར་མཛད་གཤིས་རིགས་འཛིན་ཆེན་པོ་མངའ་རིས་པ་ནས་བརྒྱུད་པ་བླ་ཆེན་ཆོས་རྒྱལ་རྡོ་རྗེ་ལ་ཁྱབ་བདག་སྨན་ལུང་པས་གསན་པའི་བསྐུལ་མའང་བླ་མ་དམ་པ་འདི་ཉིད་ཀྱིས་གནང་ཞིང་ཉེ་ཆར་རྗེ་སྨན་ལུང་པ་གདན་དྲངས་ཏེ་རྡུལ་ཚོན་གྱི་དཀྱིལ་འཁོར་ལ་བརྟེན་ནས་གསན་ལ་སྤེལ་བའི་བཞེད་པ་མ་གྲུབ་རུང་རྗེས་སུ་རྡོ་རྗེ་བྲག་ནས་རིགས་འཛིན་སྤྲུལ་སྐུ་རིན་པོ་ཆེས་ཁྱབ་བདག་ཁྲ་ཚང་པ་ཆེན་པོར་གསན་ནས་དབུས་གཙང་ཁམས་གསུམ་དུ་དར་རྒྱས་ཀྱི་བསྟན་པའི་མེ་རོ་བསླང་བ་ཡང་རྗེ་

― GLG008_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

འདིའི་བདག་རྐྱེན་ལས་བྱུང་བར་སེམས་སོ། །ཟུར་ཐམས་ཅད་མཁྱེན་པ་ཧོར་ཟླ་བདུན་པའི་ཉེར་ལྔ་ལ་པདྨ་འོད་ཀྱི་ཞིང་ཁམས་སུ་སྐུའི་བཀོད་པ་བསྡུས་པའི་ཐུགས་དམ་འདོགས་བཅས་འབུལ་བ་དང་རྟེན་བཞེངས་ཀྱི་གཟུངས་བཞུགས་རབ་གནས་ལ་ཕེབས་དགོས་པའི་སྙན་གསན་ཕུལ་ཞིང་ཞལ་གྱིས་འཆེས་ནའང་ས་སྐྱོང་བསོད་ནམས་རབ་བརྟན་གྱིས་བྱུང་ན་དགེ་ལུགས་པ་ཞིག་རབ་དེ་མིན་རྙིང་མ་བ་ཞིག་བྱུང་ན་མངོན་ཆུང་བ་ཡོང་། ས་སྐྱ་པའི་རིགས་བོས་ན་མི་ཡོང་བའི་བཀག་ཆ་མཛད་པར་བརྟེན་སྐོར་ཅིག་ཕེབས་མི་དགོས་པའི་རྒྱུ་མཚན་འབུལ་མི་མངགས་པ་གམ་པ་ལར་མཇལ་བས་བཀའ་ལས་ངེད་དཔོན་སློབ་གཉིས་སྔོན་ལ་སུ་སོང་ཡང་རྗེས་ཀྱི་བྱ་བ་བྱེད་པའི་ཆ་དོན་ཡོད་པ་ནས་ད་ལམ་ང་ལ་བབས་ཐོབ་ཡོད་ཀྱང་རྟེན་འབྲེལ་འཕྱུགས་གསུངས་ནས་མ་མཉེས་པའི་ཚུལ་མཛད། རྔོག་ཞབས་དྲུང་མཁའ་སྤྱོད་ཀྱི་གནས་སུ་གཤེགས་པའི་གཞུང་སྦྲེལ་ཤིང་དུ་ཤར་མར་ཕེབས། རྗེ་བཙུན་འཇམ་དབྱངས་འོད་ཟེར་གྱི་སྐུ་གདུང་དཀྱིལ་འཁོར་གྱི་གཙོ་བོར་གྱུར་པ་ལ་མེ་མཆོད་དང་གདུང་ཚ་བཞུགས་པའི་ཐུགས་རྟེན་གྱི་ལྗགས་བཀོད་དང་བཅས་སྐོར་ཅིག་སྟན་ཆགས། ངོར་པའི་ཁམས་པ་བསྙེན་ཆེན་ཉེར་གཅིག་སོང་ཟེར་བ་གནམ་རབ་བསམ་གཏན་སྒྲུབ་སྡེ་བ་དགེ་སློང་ཤེས་རབ་དཔལ་བཟང་མཇལ་བར་འོངས་པ་ཁྱོད་ཀྱི་གའུའི་ནང་དུ་ཅི་ཡོད་ཀྱི་དྲི་བ་གནང་བར། བྱིན་རླབས་མིན་པ་གཞན་མེད་ཞུས་པས། སྤྱན་ཆེར་གཟིགས་ནས་དེ་མིན་པ་ཞིག་ཡོད་པས་གའུ་སྟོན་དང་གསུངས་ནས་ཁ་ཕྱེ་བས་ཁོ་རང་ལ་གནག་པའི་དགྲ་ལ་ལས་སྦྱོར་བྱེད་བསམས་པའི་དུག་ཁྲག་གི་རྫས་ཐུམ་ཡོད་པ་བཏོན་ནས་མེར་བསྲེགས་

― GLG008_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གནང་བ་དགེ་སློང་གི་བསམ་པར་ངན་སེམས་དེ་མཁྱེན་སོང་སྙམ་པའི་བློ་འཇིགས་ཞུམ་པ་བྱུང་སྐད། མར་ལམ་རྒྱལ་གྲུབ་གླིང་འོག་གི་འོབས་རགས་བསམ་གྲུབ་སྒངས་བའི་བུ་མོ་འཇིག་རྟེན་ཕ་རོལ་ཏུ་འགྲོ་བ་ཉེ་བར་བྱིན་རླབས་གནང་བས་ནད་གདོན་ལས་གྲོལ་ཏེ་གཞི་མེད་གྱུར་པའི་མིང་ཤི་ལྷོགས་སུ་འདོགས་པར་མཛད་དོ། །བདག་རྒྱུད་ཐ་རེངས་ཞིང་སར་བློ་སྦྱོང་དང་། །དམར་འཁྲིད་གདམས་པའི་མྱུ་གུ་ཅི་ཡང་བསྐྱེད། །ངེས་གསང་བྱིན་རླབས་རྗེས་གནང་བཀླག་ལུང་གི །བཀའ་དྲིན་བྱང་ཆེན་དེ་སྲིད་འཁོར་ནུས་མིན། །ཟས་གཙང་སྲས་ཀྱི་རྣམ་གསུམ་འཁོར་ལོའི་བཀའ། །རྒྱལ་བློན་ལོ་པཎ་མཐུ་ལས་འགྱུར་རོ་ཅོག །བསྐྲུན་ལ་བྱ་དཀའི་ཀུན་བཟོད་ཁུར་མཐོང་ཚེ། །མི་སྔོན་རུས་སྦལ་གཟུགས་སྤྲུལ་གཏམ་དུ་ཟད། །ཐུབ་གསུང་ལས་རྙེད་ཁྲི་ཁྲག་བརྒལ་བའི་སྐུ། །བྱང་ཆུབ་མཆོད་རྟེན་བཅུ་ཕྲག་གཟུངས་བཞུགས་ཅན། །སྨན་ལྗོངས་ཡར་ཀླུངས་སྐྱེ་རྒུའི་ལེགས་བྱས་སུ། །གྲུབ་འདི་ཚངས་པ་མིན་པ་བྱེད་པོ་སུ། །ལུས་མེད་ཐུལ་དང་དེ་སྲས་སློབ་མར་བཅས། །དག་ཞིང་རྒྱ་མཚོའི་གནས་ཀྱི་ཡེ་ཤེས་སེམས། །སྤྱན་དྲངས་མཆོད་བསྟོད་མེ་ཏོག་ཆར་བབས་པར། །ལྷུན་པོས་ཉི་ཟླའི་སྒྲོན་མེ་བཏེག་ནས་ལྟ། །བཟོ་རིག་གཙུག་ལག་ཡངས་པོར་སྦྱངས་པའི་མིག །དྲི་མེད་གསལ་བའི་དཔྱོད་ལྡན་དེར་ཚོགས་ལ། གཏོང་བའི་ཕྱག་རིང་བརྐྱང་ཚེ་ངལ་གསོས་བུའི། །བང་མཛོད་ཕྱེ་ཞེས་ལེགས་བྲིས་མདུན་སར་སྒྲོག །བཀྲ་ཤིས་རྒྱལ་མཚན་འཆང་བ་བྱང་གླིང་པའི། །ཡང་སྲིད་རིན་ཅེན་བསོད་ནམས་མཆོག་གྲུབ་སོགས། །སྣོད་ལྡན་དུ་མའི་སྒྲ་འཛིན་དབང་པོ་རུ། །ཚད་མ་བཞི་ལྡན་

― GLG008_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་བརྒྱུད་པི་ཝཾ་བརྡུངས། །ཚུལ་འདིའི་ཆེད་དུ་དགོངས་རྩེ་ཉེར་གཏོད་པ། །མ་འོངས་བརྩེ་ཆེན་བླ་མའི་ཁྱད་པར་གྱི། །ཟབ་དོན་བཀའ་བབས་ཆུ་བོ་མི་ནུབ་པའི། །དྲི་བྲལ་ཡེ་ཤེས་གཟིགས་པར་ད་གདོད་ཁུམས། །ལེགས་ལྡན་དགྲ་སྲོག་ལ་རྔམ་ཁུས་སྒྲ་དང་། །ལྷན་ཅིག་དམར་ཆེན་ཨརྒྷཾ་ཆལ་ཆིལ་འཛག །རབ་སྨིན་འབྲས་བུ་ཁུར་དུ་དུད་པའི་ཚེ། །འཛད་མེད་བདུད་རྩིའི་ཆུ་རྒྱུན་ཅི་ཡང་འབབ། །འཁོན་རིགས་འཇམ་དཔལ་དཔའ་བོའི་ཞལ་གྱི་ལུང་། །རོ་མངའི་བུ་རམ་སྙན་གྱི་བཅུད་དུ་མངར། །བསོད་ནས་རྒྱལ་མཚན་རྗེ་བཙུན་ཨེ་ཝཾ་པའི། ཁྲིར་འབྱོན་ལྐོག་གྱུར་གནས་དེ་མངོན་སུམ་མཁྱེན། །བསྐལ་བརྒྱར་ཚེ་བྱིན་བརླབས་ནུས་ས་ཆེན་གྱི། །ཡོན་ཏན་ཁྱོད་ཀྱིས་གཞན་ལ་དངོམ་པའི་ཚེ། །སྔགས་འཆང་ཆེ་དེས་སྤངས་རྟོགས་མཉམ་མོ་ཞེས། །གང་གི་སྦས་པའི་རྣམ་ཐར་སྒྲོག་ལ་བརྩོན། །མཁའ་འགྲོའི་དབང་ཕྱུག་ནེ་གུའི་ཐུགས་ཀྱི་བཅུད། །ཟུང་འཇུག་གར་མཁན་ཁྱུང་པོའི་ཆོས་དྲུག་ལམ། རྡོར་འཛིན་བྱེ་བའི་གཙུག་རྒྱན་རྒྱལ་རྩེ་བས། །ལེགས་བཤད་མཆོད་ཡོན་སྦྲེངས་པས་ཞལ་སྒོ་འཛུམ། །ཐེག་པ་རིམ་དགུ་ཚང་བའི་དཀྱིལ་འཁོར་དུ། །ཐེག་ཚུལ་འཁྲུལ་པ་མེད་པ་ཉང་རིགས་རྗེས། །ཐེག་ཆེན་བྱང་སེམས་འབྱོངས་པ་གནས་གསར་བ། །ཐེག་མཆོག་བསྟན་པའི་བདག་པོར་མངའ་གསོལ་མཛད། །མཁས་གྲུབ་ཆད་མེད་གདུང་བྱོན་རྔོག་པའི་ཞབས། །དཔའ་བོའི་གྲོང་དུ་ཞུགས་ཚེ་རགས་པའི་པུར། །སྲི་ཞུ་བསྐྲུན་པའི་བཞུགས་གནས་མཆོད་སྡོང་ཆེ། །རབ་བཞེངས་ཆོས་སྐུའི་ཀློང་དུ་ཐུགས་དགོངས་རྫོགས། །དེ་ནས་བཀྲ་ཤིས་ཆོས་ཀྱི་འདུས་

― GLG008_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གླིང་ཆེན་པོར་ཕེབས་ནས་ས་ཁྱི་མ་རྫོགས་པར་སྟན་ཆགས། དེ་ཡང་རྣམ་ཐར་གྱི་ས་བོན་ལ་ལོ་ཚིགས་ཞིབ་ཆ་ཡོད་མེད་སྣ་ཚོགས་དང་ཡོད་པ་ལའང་སྣང་ལ་མ་ངེས་ཀྱི་དཔྱད་མི་བཟོད་པ་འགའ་མཐོང་ནའང་བླ་མ་རགས་རིམ་གོང་སྨོས་ལྟར་ཡིན་ལ། ཞིབ་ཏུ་མ་འཚལ་བར་ཕྱོགས་གཅིག་ཏུ་བསྡོམས་པར་རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ་བཀྲ་ཤིས་གྲགས་པ་རྒྱལ་མཚན། ས་སྐྱ་སྒར་ཆེན་མཐུ་སྟོབས་དབང་ཕྱུག །ས་སྐྱ་ཁྲི་ཆེན་ངག་དབང་ཀུན་དགའ་བསོད་ནམས་བཀྲ་ཤིས་གྲགས་པ་རྒྱལ་མཚན་དཔལ་བཟང་པོ། དེ་སྲས་ཀུན་དགའ་བསོད་ནམས་དབང་ཕྱུག །ལྕམ་རྗེ་བཙུན་མ། ཞྭ་དམར་མཆོག་གི་སྤྲུལ་སྐུ། ར་ལུང་ཞབས་དྲུང་མི་ཕམ་བསྟན་པའི་ཉི་མ། སྒེར་པའི་རིན་པོ་ཆེ་ཉི་མ་པ། སྔགས་འཆང་ཚེ་རིང་དབང་པོ། ཆོས་རྗེ་འོད་མཆོག་པ། ཆོས་སྡེའི་ཟུར་འཆད་པ་ཀུན་བཟང་རྩེ་བ་ཀུན་དགའ་བཀྲ་ཤིས། ཆོས་རྗེ་མི་ཕམ་བློ་གྲོས་སོགས་ཀྱིས་མཚོན་པ་རྣམས་ལ་སྔགས་གསར་རྙིང་གི་དབང་རྗེས་གནང་འཁྲིད་ལུང་སྡེ་སྣོད་གསུམ་གྱི་ཆོས་ཚུལ་མང་དུ་གསན་པ་དང་ཆེས་ཉུང་བ་ལ་ལར་བླ་མའི་རྣལ་འབྱོར་ཚེ་དབང་ཚིགས་བཅད་རེ་གསན་པ་ཡན་ཆད་ལ་འབྲོམ་གྱིས་སེ་བཙུན་དང་མི་ལས་མར་པ་བསྟེན་པའི་རྣམ་ཐར་བཞིན་མཉེས་པ་གསུམ་གྱི་སྒོ་ནས་གུས་པ་ལྷུར་ལེན་པ་ལས་ལོག་སྒྲུབ་དང་བླ་མའི་སྐྱོན་ཕྲ་མོ་ཙམ་ཡང་མི་འཚོལ་ཞིང་ཐམས་ཅད་ཡོན་ཏན་དུ་འཆར་བ་ལོ་ཆེན་འབྲོག་མིས་གསང་སྔགས་ཀྱི་ཆོས་ཟབ་པའི་བརྡར་བདག་མེད་མའི་དབང་རྫོགས་རེ་ལ་འབྲི་བཅོ་ལྔ་དང་ལྷ་མོ་རལ་གཅིག་མའི་རྗེས་གནང་རེ་ལ་འབྲི་གཡག་རེ་དགོས་ཀྱི་ཡོད་ཚུལ་མར་པའི་

― GLG008_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་ཐར་དུ་གསལ་བ་ལྟར། བླ་མ་དང་ཆོས་ཀྱི་ཆེ་བ་འདོན་སླད་དུ་སྲི་ཞུ་ཁོ་ན་མཛད་ཅིང་ཆོས་གསན་པ་ཚོར་ཡང་ཐོས་ལོ་བྱུང་ལོའི་མིང་ཙམ་ལ་མི་འཆེལ་བར་རྒྱ་བོད་ཀྱི་གྲུབ་མཐའ་སོ་སོའི་བཞེད་ཚུལ་གྱི་ཕྱག་ལེན་དང་བཤད་ཐབས་མཐའ་དག་ཡོང་རྒྱུ་བ་དང་ཤེས་རྒྱུ་བའི་ཟག་ཟོག་སྦུབ་ལྡིར་གྱི་རྫོང་གོག་ཡེ་མི་འཛིན་པར་མཁྱེན་དཔྱོད་རྣམ་པར་དག་པས་དཔྱད་བཟོད་ཁོ་ནར་གནང་སྟེ་དཔེར་ན་རྔོག་ལུགས་དང་ས་ལུགས་ཀྱི་དབང་གིས་དྲིལ་བུ་དཀྲོལ་ལུགས་ཀྱི་མཐའ་བརྟེན་པ་སྤུ་རིས་ཕྲ་མོ་ཙམ་ཡང་མ་འདྲེས་པ་སོ་སོར་དབྱེ་ལ། རིས་མེད་པའི་ཆོས་ཀྱི་རྒྱུན་དང་གདུལ་བྱའི་ཁམས་དང་བསམ་པ་ཐ་དད་པའི་དབང་གིས་གསན་པ་རྒྱ་གང་ཆེར་གནང་བ་ལས་གཙོ་བོར་ཐུགས་ཉམས་བཞེས་སུ་དགོངས་པ་དག་བྱས་སོ་བྱུང་ངོ་ཙམ་མ་ཡིན་པའི་ཡི་དམ་ལྷའི་ཞལ་མཐོང་པ། གསུང་གིས་གནང་བ་ཐོབ་པ། དམ་ཅན་བྲན་དུ་བཀོལ་བ། རྫོགས་རིམ་གྱི་ལམ་ལ་དྲོད་ཐོབ་པ་མཛད་ཅིང་གཞན་དག་ཀྱང་གསན་པ་ཙམ་དུ་མ་ལུས་པར་སོ་སོར་བློ་དང་འཚམ་པར་རྒྱ་ཆེར་སྤེལ་བའི་ཞལ་སློབ་ཀྱི་གྲངས་ཐམས་ཅད་བརྗོད་པར་ལྟ་བ་ཞིག་བསྟན་པ་འཛིན་པའི་བཤེས་གཉེན་རགས་བསྡུས་ཙམ་བརྗོད་ན། དཔལ་ཞ་ལུ་གསེར་བཀང་གི་གདན་ས་པ་ཁྱབ་བདག་རིན་ཅེན་བསོད་ནམས་མཆོག་གྲུབ། གླང་ཕུ་ཆོས་རྗེ་འཇམ་དཔལ་ཆོས་སྐྱོང་དབང་ཕྱུག །ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། ཁྲ་ཚང་པ་ཆེན་པོ་ཁྱབ་བདག་བློ་མཆོག་རིག་པའི་རྡོ་རྗེ། རྡོ་རྗེ་བྲག་ནས་རིགས་འཛིན་མཆོག་སྤྲུལ་པདྨ་འཕྲིན་ལས། རྒྱ་རྩེ་བདག་པོ་བྱམས་པ་ངག་དབང་བསོད་ནམས་རྒྱལ་མཚན། ངོར་མཁན་པོ་ཐར་རྩེ་ནམ་མཁའ་རིན་ཅེན།

― GLG008_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

ཨེ་ཝཾ་མཁན་ཆེན་དཔལ་གླིང་པ་བསོད་ནམས་རྒྱལ་མཚན། བྱེ་རྫིང་ཚོགས་མཁན་པོ་སངས་རྒྱས་དཔལ་བཟང་། གསུང་སྤྲུལ་ཚུལ་ཁྲིམས་རྡོ་རྗེ། བང་རི་གཏེར་སྟོན་ཧཱུཾ་ནག་མེ་འབར། སྐྱེད་ཚལ་གོང་མཁན་པོ་བྱམས་པ་ངག་དབང་བསྟན་འཛིན། སྐྱེད་ཚལ་འོག་མཁན་པོ་ངག་དབང་བསྟན་པ། དར་རྒྱས་ཆོས་སྡིངས་པ་རིགས་འཛིན་འཕྲིན་ལས་ལྷུན་གྲུབ། དེ་སྲས་སྤྲུལ་སྐུ་གཏེར་སྟོན་ཆེན་པོ་འགྲོ་འདུལ་གཏེར་བདག་གླིང་པ། རིགས་འཛིན་ཆོས་དབང་ཀུན་བཟང་། རྗེ་དཔལ་འབྱོར་གླིང་པ་ངག་དབང་རྣམ་རྒྱལ། མཚུངས་མེད་ཉི་མ་གླིང་པ་རིན་ཅེན་ཚུལ་ཁྲིམས་བཀྲ་ཤིས། ཀུན་བཟང་རྩེ་པ་པཎ་ཆེན་བསོད་ནམས་མཆོག་ལྡན། རྗེ་ཀུན་དགའ་བཀྲ་ཤིས། རབ་འབྱམས་ཆོས་རྗེ་རིན་ཅེན་རྒྱ་མཚོ། མདོ་བ་ཆོས་རྗེ་དགེ་བའི་དབང་པོ།ཤར་ལུང་རབ་འབྱམས་པ། དགེ་སློང་འཕྲིན་ལས་རྣམ་རྒྱལ་སོགས་རྡོ་རྗེ་གདན་སློབ་དཔོན་དང་ཟུར་འཆད་པ་ཚང་མ། དེ་སྔོན་ཆོས་སྡེའི་སློབ་དཔོན་པཎ་ཆེན་ལུང་རིགས། རིགས་འཛིན་ཀརྨ་གསང་སྔགས། སྣ་མོ་ཤག་གྲུབ་ཆེན། སྨན་སྒོམ་འབྲང་རྒྱས་པ། ཀྲེ་བོ་བླ་མ། སྒྲུབ་རྙིང་བླ་མ་འཇམ་དབྱངས་རྒྱལ་མཚན་སོགས་མང་དུ་བྱུང་བ་ཕལ་ཆེར་གྱིས་གསུང་རྒྱུན་བཟུང་བའི་ཕྱོགས་ཀུན་ཏུ་སྤེལ་ནས་བསྟན་པ་རིན་པོ་ཆེའི་སྲོག་ལེགས་པར་འཐུད་ཅིང་ལ་ལས་ཚེ་འདིའི་རྣམ་གཡེང་མཐའ་དག་རྒྱང་དུ་བསྲིངས་ཏེ་བསམ་གཏན་གྱི་རོ་མྱང་བ། འགའ་ཞིག་གིས་འཕྲིན་ལས་རྣམ་བཞིའི་སྒོ་ནས་འགྲོ་བའི་དོན་མཛད་པ་ཤ་སྟག་བྱུང་ཞིང་ཆོས་ཞུ་བ་པོ་མཆོག་དམན་སུ་འདྲ་ཞིག་གིས་ཀྱང་ན་ཡམ་ཙམ་མ་ཡིན་པའི་དོན་

― GLG008_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་གཉེར་བ་རྣམས་ལ་དམར་འཁྲིད་བཤད་བཀའ་ཕྱག་ལེན་གང་ལའང་བློར་མ་ཆུད་བར་དུ་སྐྱོ་ངལ་མེད་པར་ཡང་ཡང་བསྐྱར་ནས་ཅི་ཆུད་མཛད། དམ་པ་འདིའི་ཡོན་ཏན་གྱི་ཁྱད་པར་ནི་སྐུ་མཐོང་ན་མི་མཐུན་པ་མེད་པའི་མཛེས་ཤིང་བརྗིད་ཆགས་པ་གཞན་སྣང་ཟིལ་གྱིས་གནོན་ཅིང་གང་ཟག་གཅིག་ལའང་མཐོང་ཚུལ་མ་ངེས་པ་སྣ་ཚོགས་སུ་ཤར་བ་མཐོང་བ་ཙམ་གྱིས་ཉོན་མོངས་པ་དང་སྡུག་བསྔལ་གྱི་རྟོག་པ་ཐམས་ཅད་རང་ཤུགས་ཀྱིས་འགགས་པ། ཡིད་བདེ་ཞིང་བག་ཕེབས་ལ་དགེ་བ་དང་མངོན་པར་རྟོགས་པའི་ཡོན་ཏན་ངང་གིས་འཕེལ་བ། རང་གི་མངའ་ཐང་དང་ལོངས་སྤྱོད་ཀྱི་ཆེད་དུ་གདམས་ངག་མི་མཛད་ནའང་སེམས་ཅན་གྱི་དོན་དུ་འགྱུར་ན་དེར་མ་ཟད་ལུས་ལོངས་སྤྱོད་ལ་ཆགས་པ་མེད་པར་གཞན་དོན་སྒྲུབ་པ་ལ་མི་སྐྱོ་བ་རྒྱལ་སྲས་འཕགས་པ་ངན་འགྲོའི་གནས་ཀྱང་མཐོ་རིས་ཀྱི་དགའ་ཚལ་དུ་གཟིགས་པའི་ངང་ཚུལ་ཅན། ཆོས་ཞུ་བའི་ཚོགས་ལ་ཕོགས་ཟུར་གསོས་མཐུན་རྐྱེན་འཚེམས་མེད་དང་རང་གནས་སུ་འགྲོ་བའི་ཚེ་གནང་སྦྱིན་དང་ཐོས་བསམ་སྒོམ་སྒྲུབ་ཀྱི་བསླབ་སྟོན་བློ་དང་འཚམ་པར་གནང་བས་དཔོན་སློབ་འབྲལ་མི་ཕོད་པ་ལྟ་བུ་བྱུང་། ཚུལ་ཁྲིམས་ཀྱི་དྲི་ངད་འཐུལ་ཞིང་གཤེགས་བཞུད་དལ་བྲེལ་རན་པ་སོགས་སྤྱོད་ལམ་རྣམས་ལྷུན་ཆགས་པ། གསུང་གི་གདངས་ཆེ་ཆུང་སྙོམས་ཤིང་ཧ་ཅང་དལ་བ་དང་ཕུལ་བ་མ་ཡིན་པའི་སྙན་ཞིང་འཇེབས་ལ་ཚིག་འབྲུ་གསལ་བས་ཆོས་གསུངས་པ་མཐའ་དག་ཉན་པ་པོའི་ཚོགས་ཀྱིས་ཚིག་དོན་རྟོགས་པར་སླ་ཞིང་བློ་འཁུལ་བས་ཐོས་པའི་མོད་ལ་ཐ་མལ་གྱི་སྣང་བ་འགགས་ཤིང་མི་ཕྱེད་པའི་དད་པ་ཐོབ་སྟེ་རང་དབང་མེད་པར་རྗེ་ཉིད་མ་གཏོགས་མི་

― GLG008_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་བའི་གུས་པ་སྐྱེས་པས་འབྲེལ་ཚད་དོན་ལྡན་གྱི་སྒོ་ནས་ཐར་པའི་ལམ་དུ་འདྲེན། རང་བཞིན་གྱི་གསུང་གླེང་རྣམས་ཀྱང་བསྟན་པ་འཛིན་པའི་བཤེས་གཉེན། གྲྭ་པ་ཆོས་བྱེད་ཀྱི་རིགས་སུ་མ་ཟད་སྡེ་དཔོན་སྦྱིན་བདག་ཐ་ན་སྐྱེས་པ་བུད་མེད་རང་བཞིན་པ་ཚུན་ལ་ཡང་སོ་སོའི་བློ་དང་འཚམ་པའི་ངོས་དགེ་བ་ལ་བཀྲི་བའི་ཐབས་མིན་པ། དམག །ཚོང་། གཤགས། གྲུབ་མཐའ་སྣ་ཚོགས་ཀྱི་ཆོས་དང་བླ་མ་སུན་འབྱིན། འབྲེལ་མེད་ཀྱི་ཉོག་གཏམ། རྫུན། ཕྲ་མ། ཚིག་རྩུབ། ངག་ཀྱལ་སོགས་མི་གནང་། ཆོས་གང་གསུང་ཡང་རང་ལུགས་མ་འདྲེས་པ་སྟོན་པ་ལས་གཞན་གྱི་ལུགས་ལ་ཟུར་མི་ཟ། གསོལ་བ་འདེབས་མཁན་མ་བྱུང་བར་བསྟན་ན་ཆོས་བཙོངས་པ་ལྟ་བུར་འགྲོ་ཞེས་འདི་བཞིན་ཡོད་པས་ཉོན་ཅིག་ཅེས་བསྐུལ་མ་མི་གནང་ཐོས་བསམ་སྒོམ་པ་འཆད་ཉན་སྐུ་གསུང་ཐུགས་རྟེན་བཞེངས་པ་དགོན་པའི་འཛིན་སྐྱོང་ནད་པ་དབུལ་ཕོངས་ལ་ཕན་བཏགས་པས་མཚོན་མཛད་པ་གང་ལའང་ངས་འདི་བྱས་སོ་བའི་ཡུས་མི་འདྲེན། བསྙེན་སྒྲུབ་ལས་སྦྱོར་གྱི་རྟགས་མཚན་བླ་མ་ཡི་དམ་ཆོས་སྐྱོང་གི་ཞལ་གཟིགས་ལུང་བསྟན་དབུགས་དབྱུང་མངོན་ཤེས་གྲུབ་རྟགས་སོགས་ཡོན་ཏན་ཁྱད་པར་ཅན་བྱུང་བ་སྐད་མི་གསུང་ཞིང་གཞན་ནས་དེ་འདྲའི་དོགས་གནས་ཀྱི་དྲི་བ་ཞུས་པར་མི་དགྱེས་པ་སྣེ་ཙམ་ཡང་མི་ལེན་ཞིང་དམན་ཆ་ཁོ་ན་གནང་། ཐུགས་དམ་ཞལ་གཟིགས་ངོ་མཚར་བའི་བསྙེལ་ཏོ་འདི་ས་བོན་ཙམ་ལས་དངོས་སུ་ཞལ་ལུང་ཞུ་ཐུབ་ན་ཟབ་ཅིང་རྒྱ་ཆེ་བ་ཞིག་ཡོད་རིགས་སུ་སྣང་ནའང་ད་སྒོས་འདིའི་དོན་འགྲོལ་བར་མ་ནུས་ཤིང་རྟོག་བཟོའི་ན་ཡམས་བྱས་ན་སྐབས་སུ་མ་ཆེ་

― GLG008_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

བས་གང་འདུག་བཀོད་པར། ཚེས་བཅུ་བཞི་ལ་བདེ་མཆོག་ནག་པོ་པའི་སྟ་གོན་ཚུགས་སྒྲུབ་ཅིང་མཆོད་པ་ཐེངས་གཅིག་དང་གཞན་སྒྲུབ་མཆོད་བདག་འཇུག་བཅས་པར་རྡུལ་ཚོན་སྟེང་ནས་ཚར་བཅུ་གསུམ་དབང་ཚར་གཉིས་ཡིད་ཆེས་པར་སོང་། ཚུགས་པའི་ནུབ་ཞལ་བཞི་པ་ལི་མའི་སྐུ་དང་། གྲོལ་བའི་ནུབ་ས་ཆེན། སེམས་དཔའ་ཆེན་པོ། ཞ་ལུ་བ། བུདྡྷ་བྷ་དྲ་སོགས་ཀྱི་བྲིས་སྐུ་དང་སྐད་ཆ་ཟ་ཟིར་མང་བ་ལེགས་པ་ཙམ་ཡིན་རྗེ་བླ་མ་གསུང་བས་ཚེ་གཅིག་ཉམས་ལེན་བྱས་ན། བྱིན་རླབས་ཡོང་བ་ཨེ་ཡིན་ནམ་གཞན་ནམ་རིང་གི་རྨི་ལམ་ལ་ཏིག་ཏིག་མེད། མེད་རང་མེད། རྗེ་བཙུན་གྲགས་པའི་ཐུགས་དམ་མཚོ་སྐྱེས། མི་གཡོ་བ་ཕྱག་གཡོན་རང་མགོ་བག་དྲོ་ལྟས་བཟང་། ཆུ་སྤྲེལ་པདྨ་སཾ་བྷའི་བསྙེན་པ་ཡིད་ཆེས་པར་སོང་། གཞུང་གི་རྟགས་ཅུང་ཟད་དངོས་རྨིར་མཐོང་། ཁྱེའུ་བླ་མ་ཤེལ་མཆོད་རྟེན། བྱ་ཟླ་བ་བརྒྱད་པའི་ཚེས་གསུམ་བཞི་དེ་པ་ལ། དབང་ཕྱུག་རབ་བརྟན་བཀའ་གཏེར་ཆོས་ཀྱི་མཛོད། ཧཱུྃ་ནག་མེ་འབར་ཐུགས་སྲས་དམ་པ་དང་། སོགས་དང་ཤོག་དྲིལ་གཏེར་གནས་དང་རས་ཐུམས་གསོལ་འདེབས་ལ་བརྩོན་ན་ལོ་གཅིག་གི་ནང་དུ་མཇལ་ཟེར་བ་དང་། སྤྲེལ་ལོ་དཔྱིད་ཟླའི་ཚེས་བཅུར་ཡང་ཟེར། ཚེས་བཅུ་གཅིག་ལ་མཁའ་འགྲོས་གདན་འདྲེན། དབང་ལུང་མན་ངག་སྟོན་པ་ཡིན་ཟེར་བ་དང་། དྲག་པོའི་ཞལ་གྱི་སངས་རྒྱས་བསྟན་པ་ལ་དགྱེས་སོགས་མང་དག་གོ་སྲིན་པོའི་འཇིགས་པས་སྔགས་པ་ལས་གུ་རུ་མེ་ཏོག་དམར་པོ་ལ་བདག་དང་སེམས་ཅན་ཐམས་ཅད་དུ་བདུད་དང་གཤིན་རྗེའི་འཇིགས་པ་ལས་སྐྱོབ་ཏུ་གསོལ་བས་ཇེ་བདེར་སོང་

― GLG008_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་། ཡིད་ཀྱིས་ནས་བུར་ཐུད་སོགས་ཕུལ་བ་དང་། བླ་མ་རིན་པོ་ཆེའི་ཐུགས་དམ་ཞལ་སྔོ་སྐྱ་དང་། དེ་རྗེས་མགྲིན་སྙིང་སྒྲུབ་དུས་མཐེབ་ཚིགས་ཙམ་བདུན། གཞི་ནས་ཙམ་ལ་གཡུང་རྒྱལ་སྔོ་སྐྱ་ནས་ཙམ་གསལ་བ་མི་རྟོག་ཏིང་འཛིན་ལ་གནས་ནས། ར་ཏྲི་ཏ་ཧཱུཾ་ཕཊ། ཌོམྦྷི་ནི་ཧཱུཾ་ཕཊ་སོགས་དང་། གདོང་བརྙན་ཅན་ནག་པོ་བདག་ཆེན་ཐུགས་དམ་དང་། རྡོ་རྗེ་གདན་པའི་ཐུགས་དམ་སྒྲུབ་དུས་མདའ་གང་ཙམ་མོ། །མཁའ་སྔོ་སངས་རང་དུ་བུད་མེད་སྔོ་ནག་དཔྲལ་བར་འགྲོན་བུ་བཏགས་པ་ཞིག་གིས་ད་དུང་སྒྲིབ་པ་མ་བྱང་བ་འདུག་ཟེར་སྡིགས་མཛུབ་ནམ་མཁའ་ལ་བསྟད་དོ། །བི་རཱུ་པ་ཤིན་ཏུ་ཆེ་གསལ་བ་དང་། ས་ཆེན་ན་བཟའ་འོད་འཕྲོ་བ་སྔོན་པོ་ཞལ་རས་དམར་མདངས་ཆེ་བ་གྭ་དང་བཅས་པ། ཤངས་སུ་ཚེ་དཔག་མེད་དང་། དྲག་དམར་ཡོངས་རྫོགས། བསམ་གྲུབ་ཏུ་དབུ་དགུ་པ་ཤིན་ཏུ་གསལ་བ། འདར་མགོན་ཁང་དུ་ནཱ་རོ་པ་མི་ཚད་ཙམ། ཡང་ཨྱོན་གྱི་ཐུགས་ཀར་ཀྱེ་རྡོར་ལྷ་དགུ །མཁའ་སྤྱོད་དྲུག །ཟླ་བ་བརྒྱད་པའི་ཚེས་བཅུའི་ཐོ་རངས་ཨྱོན་ད་ལྟ་ཇི་ལྟ་བ་རག་ལ་ཡང་གཏེར་སོགས་ཡིན་སྙམ། སྒམ། བག་ཤི །འཇའ་གུར་འཇའ་སྐྱ་འདུག །ས་སྐྱ་བ་ཆེན་པོ་གོས་སྔོན་དྭངས་གསལ་རྙོག་མེད། ཤངས་སུ་ལྷན་སྐྱེས། འཇམ་དཔལ་བཤེས་གཉེན་ལས་གུ་རུ་རྒྱ་དང་བཅས་པའི་གྲུ་བཞི་སྒོར་མོ་གསལ། འདར་དུ་ཚེ་དཔག་མེད། སྐྱེ་བདུན་གྲོལ་འཕྲལ་ཨྱོན་ཆེ་ཞིང་གསལ། པདྨ་ནི་མི་གསལ། ཐུགས་རྗེ་ཆེན་པོ་ཞལ་བཅུ་གཅིག་དང་བཅས་ཤིན་ཏུ་གསལ། ཡང་ས་ཆེན་གྱི་རྣམ་ཐར་ཡིན་ཡང་ཟེར་ཨྱོན་རྣམ་ཐར་ཡིན་པའི་

― GLG008_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

ཁུལ་གྱི་བྱང་ཤིང་། དཀར་ཐལ་སྲབ་མོ་ཡོད་པ་ལ་ཡིག་འཕྲེང་བཞི་བྲིས་པ་རྟེན་ཁེབས་ཀྱིས་གྲིལ་བ་ཞིག་བྱུང་། དེའི་སང་ཟབ་བརྒྱའི་པོ་ཏི་དྭགས་པོ་ནས་འབྱོར་ཡང་ལན་གཅིག་གཏོར་བསྔོས་ཀྱི་སྐབས་ཆོས་སྐྱོང་ཐམས་ཅད་ཟང་ངེ་དང་ཟིང་ངེ་ཉམས་སྣང་དུ་བྱུང་། ཆོས་རྗེ་ཚར་པ་ཞ་ཐུལ་སེར་པོ་བཞེས་པ་ཞིག་ཀྱང་བྱུང་། གཏེར་སྒོ་གཏེར་རྟགས་ཁ་བྱང་བཏབ་འདུག་བྲག་ཕུག་འདི་བཞིན་ལ་དཔགས་ན་ཟབ་གཏེར་བཞེས་རྒྱུ་ཞིག་ཀྱང་ཡོད་པར་མངོན། ཀུན་མཁྱེན་བུས། རང་ཉིད་རྒྱལ་འདོད་ཕ་རོལ་དམའ་དབབ་འདོད། །གཡོ་སྒྱུའི་རྩོད་པ་ཚིག་རྩུབ་ངན་སེམས་ཅན། །ངག་ཀྱལ་སྣ་ཚོགས་སྨྲ་ཞིང་གཞན་རྒྱུད་བསྲེག །ད་ལྟའི་རྩོད་པ་འདི་ཡང་དམྱལ་བའི་རྒྱུ། །ཞེས་པའི་དོན་ལྟར་རྩོད་པ་འདི་གཞན་དག་རང་གི་ཉེས་པ་ཁས་བླངས་ནས་སྤང་བླང་མི་བྱེད་པས་ཕྲག་དོག་དང་ཀུན་སློང་ངན་པ་འཕེལ་ཏེ་བསྟན་སེལ་གྱི་རྒྱུ་ལས་མེད་ཅེས་མི་མཛད། ཐུགས་རབ་ཀྱི་ཀློང་ཤིན་ཏུ་ཡངས་པས་ཚིག་བཅད་ལྷུག་གང་ལའང་ཕུན་སུམ་ཚོགས་ཤིང་དཔེར་ན་དུས་ཀྱི་འཁོར་ལོའི་མངོན་དཀྱིལ་དང་རྣམ་སྲས་ལྔ་ཕྲག་ལྔའི་ཆོག་སྒྲིགས་ལྟར་ཆོས་རྒྱུན་མི་ནུབ་པའི་བཙས་སུ་ངེས་པར་འགྲོ་ན་ཡང་མི་དགོས་ཁ་མེད་རེ་གཉིས་མ་གཏོགས་གསར་པ་མངས་པ་དམ་པ་གོང་མ་རྣམས་ཀྱི་གསུང་རབ་ནུབ་པའི་རྒྱུར་འགྲོ་ཞེས་བརྩམས་ཆོས་པོ་ཏི་དུ་མར་ལོངས་པ་ཡོད་སྐད་ཀྱི་རང་ཆེ་མི་འབྱིན།སྐྱ་སེར་མང་པོ་ཚོགས་པའི་སར་རང་ཉིད་མཁས་སོའི་གྲགས་པ་སྒྲོག་ཆེད་དགོས་མེད་དུ་བཤད་པ་མཁས་ཉམས་མི་གནང་ཞིང་ཁྱད་པར་གསང་སྔགས་ཀྱི་ཆོས་སྣོད་ལྡན་མ་གཏོགས་ནོར་དང་ངོ་བསྲུང་གི་སླད་དུ་སྟོན་པ་དང་

― GLG008_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོམ་སྒྲགས་མཛད་པར་ཡ་ཤིན་ཏུ་ང་བའི་གླེང་བརྗོད་དང་དེ་དང་མཐུན་པར་བཀའ་དམ་པར་མཆིས། ཐུགས་ཕྲ་རགས་ཀྱི་བསྐྱེད་རིམ་ལ་བརྟན་པ་ཐོབ་ཅིང་རྫོགས་རིམ་གྱི་ལམ་བཟང་པོའི་གྲུབ་མཐའ་སྙོགས་པ་རྣལ་འབྱོར་དབང་ཕྱུག་དང་ལོ་ཆེན་འབྲོག་མི་ལྟ་བུའི་བསམ་གྱིས་མི་ཁྱབ་པའི་གནས་རྣམས་བརྗོད་པའི་ཡུལ་ལས་འདས་མོད་མདོ་རྒྱུད་ཀྱི་ཆོས་ཚུལ་གང་ལའང་ཚེགས་ཆུང་ངུ་ཙམ་གྱིས་ཐུགས་སུ་ཆུད་པས་དུས་འཁོར་དང་མཁའ་འགྲོ་རྒྱ་མཚོ་སོགས་དཀྱིལ་འཁོར་ཤིན་ཏུ་ཆེ་བ་ལ་ཉིན་བཞི་ལྔ། བདེ་མཆོག་ལོ་ནག་གུར་རིགས་བསྡུས་ཀྱིས་མཚོན་པར་ཉིན་གཉིས་ཙམ། དཀྱིལ་འཁོར་ཆུང་བའི་རིགས་ལ་ཉིན་རེའི་བསྙེལ་གསོས་མཛད་པས་སློབ་མ་རྗེས་སུ་འཛིན་པའི་དུས་ཚིག་ཟུར་ཕྲ་བ་ལ་ཡང་སྐྱོན་མེད་པའི་རྒྱུན་གྱི་ཞལ་འདོན་ལྟར་བྱང་ཆུབ་པ་དང་ཐུགས་འཛིན་གསར་དུ་གནང་དགོས་ལའང་ས་གླང་འཕྲེང་བའི་སྙན་གསན་ཕུལ་བ་ཟླ་བ་གསུམ་ཙམ་གྱི་ཁོངས་སུ་ཤེར་ཕྱོགས་ཀྱི་ལུང་གསན་པ་སོགས་དང་འདོམ་པའི་སྲུབས་དབར་ལ་པཎ་ཆེན་ཐར་རྩེ་པས་མཛད་པའི་ཕྲེང་བའི་མངོན་དཀྱིལ་ཤོག་བུ་ཉིས་བརྒྱ་ལྷག་ཙམ་དེ་ཤིན་ཏུ་བྱང་བ་ཐོས་ལོ་ཟེར་ལོ་མ་ཡིན་པར་ཁོ་བོའི་མངོན་སུམ་དུ་གྱུར་ཅིང་མདོར་ན་བྱིན་རླབས་རྗེས་གནང་། རིག་གཏད། འཁྲིད། མན་ངག་གང་གི་སྐབས་སུའང་ཆགས་ཐོགས་མི་མངའ་བ་བློ་ཆེན་ཚངས་པ་རྒན་པོས་ཀྱང་འགྲན་པར་ག་ལ་ནུས། ཆོས་མཐུན་འཚོ་བ་མེད་པ། ཡ་རབས་དམངས་སུ་བབས་པ། རྒས་ཤིང་ཁོགས་པ། ངན་སོང་། ནད་པ། དབུལ་འཕོངས་ཉམ་ཐག་གི་རིགས་རྣམས་ལ་རང་

― GLG008_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

གི་བུ་གཅིག་པུ་ལྟར་རྗེས་སུ་བརྩེ་ཞིང་སྐུ་ལ་བསྡོ་བའི་དགྲ་བོར་ཆོས་སྐྱོང་གིས་འཕྲིན་ལས་རང་ཤུགས་ཀྱིས་བསྒྲུབས་ན་མིན་པ་འཁོན་འཛིན་དང་ལས་སྦྱོར་དམིགས་སུ་ཕུག་པ་མི་གནང་བར་ཐེག་པ་ཆེན་པོའི་བློ་སྦྱོང་བ་འབའ་ཞིག་གིས་ལྟས་ངན་གཡང་དུ་ལེན། སྐྱེ་བ་དང་འཇུག་པ་ལ་དབང་ཐོབ་པས་བྱང་གཙང་རོང་གསུམ། གྲ་དོལ་ཡར་ཤར་ནུབ་ནས་རྒྱལ་ནད་སྨྱོ་འབོག་སོགས་གདོན་དྲག་པོས་ཟིན་ཏེ་སྨན་པས་བོར་བ་དུ་མའང་བཀའ་བསྒོ་རྗེས་གནང་བྱིན་རླབས་ཙམ་གྱིས་ནད་གདོན་རྣམས་ཕྱིར་འཕོ་བ་དང་རྩ་ལོག་ལུང་ལོག་གི་གེགས་སེལ། འདུ་བ་རྣམ་བཞི་འཁྲུགས་པ་སྨན་གྱིས་མ་སྙོམས་པ་དག་ཀྱང་གཞིལ་ཏེ་འཆི་བདག་གི་ཁ་ནས་ཕྱིར་སློག་པ་གྲངས་མང་བ་ཐུགས་རྡོ་རྗེའི་ཏིང་འཛིན་ལས་སུ་རུང་བའི་མཐུར་སེམས། དབང་གི་ཡེ་ཤེས་འབེབས་པ་གནང་ཚེ་ལུས་ཀྱི་བུད་བྱེད་ཅིང་འཕར་གཡོ། ངག་གལ་ཞིང་སྨྲ་ཉམས། སེམས་བདེ་སྟོང་གི་ངང་དུ་ལྷན་ནོར་འགྲོ་བ་སྣ་རེ་ངེས་པར་འོང་གཤིས་ད་ལྟ་རང་ཡེ་ཤེས་ཕེབས་བྱུང་སྙམ་པའི་དགའ་སྤྲོ་མོས་གདུང་ཚད་མེད་པ་འབྱུང་། སྒམ་ཞིང་དུལ་ལ་ངོ་ལྐོག་ཆུང་བས་ལན་ཅིག་མཇལ་བ་དང་རྒྱུན་དུ་འདྲིས་པ་གཉིས་ལ་ཁྱད་པར་མེད་པ་བཀའ་གདམས་ཇོ་བོ་ཡབ་སྲས་ཀྱི་རྣམ་ཐར་དང་མཚུངས། ཕྱོགས་ཕེབས་ཀྱི་འཆད་ཉན་གྱིས་གཙོས་པའི་གཞན་ཕན་གྱི་འཕྲིན་ལས་སྐྱོང་དགོས་པའི་སྐབས་མ་གཏོགས་དོན་མེད་ཀྱི་འདུ་འཛིའི་རྗེས་སུ་མི་འབྲང་བར་སོ་སོད་ལྐོག་ཉལ་གྱི་ཅི་བདེར་གནས་པ་ལ་མཚམས་ཀྱི་མིང་བཏགས་པའི་ཆེན་པོ་རྣམས་ཀྱི་སྤྱོད་ཚུལ་བུག་སྒོ་འདག་འབྱར་གྱི་ཁོངས་ནས་ཡིག་འགྲུལ་དང་མདུན་གཤོམས། མཚམས་ཡུན་རིང་དུ་བཅད་ཀྱང་ད་ལམ་

― GLG008_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་བསལ་གྱི་གལ་ཆེན་བྱུང་ཟེར་བ་ཚོ་དང་མི་འདྲ་བའི་ཐོག་མར་ཇི་ཙམ་བཅད་པ་ནས་བཟུང་གྲོལ་བའི་དུས་ལ་མ་སླེབ་ཀྱི་བར་དུ་དམ་བཅའ་ལས་མི་གཡེལ་བ་ལྷུར་མཛད། ཐུགས་བྲེལ་དང་སྐུ་བསྙུན་པ་གང་གིའང་རྗེས་སུ་མི་འགྲོ་བར་བསྐྱེད་རྫོགས་ཀྱི་རྣལ་འབྱོར་ཐེག་པ་ཆེན་པོའི་བློ་སྦྱོང་སོགས་ཀྱི་སྤྲོས་མེད་དང་ཆོ་ག །ལྗགས་བཟླས། གཏོར་ཆོག །དུས་གཏོར་བླ་མ་རྣམས་ཀྱི་དུས་དྲན་གྱིས་མཚོན་པ། ཞག་རེ་དང་ཟླ་རེའི་སྟར་ཆགས་རྣམས་ལ་ཐང་ལྷོད་མ་ཤོར་བའི་ཅི་མཛད་རྒྱ་བོད་ཀྱི་པཎ་གྲུབ་ཀྱི་རྣམ་པར་ཐར་པ་དང་མཐུན་པར་སྣང་ངོ་། །འདི་ལོའི་དབྱར་སྔར་དང་མི་འདྲ་བའི་མེ་ཏོག་ལ་ཤིན་ཏུ་མཉེས་ཤིང་དེའང་རྟེན་གྱི་དྲུང་དུ་མི་བསྒྲིག་པར་སྐུའི་རྒྱབ་མདུན་གཡས་གཡོན་ཁོར་ཡུག་བསྐོར་བ་ལ་སྤྲོ་བར་མཛད་པ་ནི་འོག་མིན་སོགས་ཀྱི་གནས་རྣམས་སུ་མེ་ཏོག་གིས་བརྒྱན་པའི་བཀོད་པ་བཤད་པ་དང་མཐུན་པའི་ཞིང་ཁམས་གཞན་དག་ཏུ་གཤེགས་པའི་བརྡར་སྣང་། མཆོད་དཔོན་འཇམ་དབྱངས་ལ་ཉིན་གཅིག་ཀྱལ་ཀའི་ཚུལ་དུ་ང་ཤི་ན་སྐྱེ་བ་བླངས་དགའ་འམ། མ་བླངས་པ་དགའ་གསུང་བར་དེ་འདྲ་མི་གནང་བ་ཞུ། རྣམ་རྟོག་ཀྱང་ཟ་དེ་བཞིན་བྱུང་ན་སྐྱེ་བ་བཞེས་པ་རང་ལས་དགའ་ཞུས་པས་ཁྱེད་རང་ཚོ་བསམ་བློ་ལེགས་པོ་ཞིག་ཐོང་དང་བསམས་བཞིན་སྲིད་པར་སྐྱེ་བ་བཞེས་པ་ནི་ངོ་མཚར་ཆེ་ཤས་ཁ་གཞན་མ་སྐྱེ་བ་ཟེར་ཚད་ནི་ཡ་མཚན་རྒྱུ་རང་ཅི་མཆིས་འཁོར་བ་ཐོག་མ་མེད་པ་ནས་འཁོར་བཞིན་པར་འདུག་ཁྱོ་ག་ཁྱེད་ཚོ་དང་ང་མི་འདྲ་བས་ལྟོས་ཤིག་གསུང་བ་དང་གཞན་ཡང་ཐེངས་འགའ་རེ་དེ་དང་དབྱིབས་མཚུངས་པ་ཁ་ཡར་གནང་བ་ལོ་རྟིང་མ་གཟུགས་

― GLG008_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་རགས་པའི་ཟ་མ་ཏོག་བསྡུ་བའི་བརྡར་སྣང་ཡང་ཕྱག་ཕྱི་རྣམས་ལ་རྟོག་པ་འཕྲོས་ཚོད་དུ་མི་གདའོ། ། རང་ཆེ་ཁེངས་པའི་རི་བོ་མཐོན་པོའི་རྩེར། །ལེགས་བཤད་གཏམ་གྱི་ཆུ་བོ་ག་ལ་འདྲོངས། །གཟུར་གནས་ཐུགས་ཀྱི་གཤོང་བུར་མདོ་རྒྱུད་ཀྱི། །མཁའ་གླང་གཟེགས་མ་ཕྱོགས་བརྒྱ་ནས་འབབ་འཁྱིལ། །འཇིག་རྟེན་མཐུན་འཇུག་གཏན་བདེའི་དོན་པོ་ཆེར། །རློམས་ན་ཆོས་ཉིད་བདེན་སྟོན་ཐུབ་པ་ཡི། །བཞེད་འབྲས་གསུང་ལས་སྐྱེས་པའི་སློབ་བུའི་ཚད། །རྒྱུ་སྐར་གྲངས་ཀྱིས་གཞལ་ཡང་རྟོགས་ནུས་མིན། །མཐོང་བས་མཚན་དཔེའི་མཛེས་སྐུ་མི་མཐུན་བྲལ། །ཐོས་པས་དྲུག་ཅུའི་དབྱངས་སྙན་རྣ་བའི་དཔྱིད། །དྲན་པས་སྲིད་ཞིའི་འཇིགས་སྐྱོབ་ཆོས་ཀུན་གཟིགས། །རྣམ་འདྲེན་ཡོན་ཏན་ཚོགས་རྣམས་གཅིག་བསྡུས་འདྲ། །ཆགས་བྲལ་ཚུལ་ཁྲིམས་དྲི་ལྡང་ཉན་ཐོས་གཟུགས། །གཞན་ཕྱིར་ལུས་སྲོག་གཏོང་ཕོད་རྒྱལ་བའི་སྲས། །བདག་མེད་གཙོ་མོས་མགྲིན་པར་རྟག་འཁྱུད་པའི། །སྒྱུ་མའི་རོལ་རྩེད་འདི་ཀོ་སུ་ཡིས་བསྐྲུན། །འཇིག་རྟེན་སྤྱོད་པའི་རྗེས་འགྲོ་ཆོས་བརྒྱད་གདོན། །ཕྲ་མོའི་ཤས་ཀྱང་གང་ཐུགས་མ་གོས་པས། །ཅི་མཛད་དམ་པའི་ཆོས་སུ་ཉེར་འགྲོ་བར། །ཤཱཀྱ་སེང་གེའི་རྣམ་ཐར་དཔེ་ཟླར་འོས། །མཐོན་པོའི་གྲུབ་མཐའ་སྙོགས་ཏེ་ཟུང་འཇུག་སྐུར། །བཞེངས་པར་ངེས་ཀྱང་ད་དུང་སློབ་ལམ་ལ། །སྦྱོངས་ཞེས་དམན་ཆ་འཛིན་པའི་ཟོལ་སྦྱོར་འདི། ཆེར་སྙིགས་གདུལ་བྱའི་སྣང་ངོར་དགོས་སམ་སྙམ། །ཞིང་གཞན་བཟང་པོའི་སྐལ་བ་ཅན་གྱི་འགྲོ། །འདྲེན་ལ་སྤྲོ་བའི་རྩེ་འཇོ་རྒོད་པའི་བརྡ། །རྟོགས་མིན་ཡིད་སྲུབས་མཐུ་ལས་ཀུན་དགའ་བོའི། །གསོལ་གདབ་

― GLG008_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོག་ཚོགས་རགས་པ་འགགས་པའི་སྤུན། །སྒྱུར་བྱེད་ཅེས་པ་ས་ཕག་ཧོར་ཟླ་དང་པོའི་ནང་དུས་དཔལ་ལྡན་འབྲས་སྤུངས་སུ་གདན་དྲངས་ཏེ་མདོ་དབང་གིས་གཙོས་པའི་གསང་སྔགས་གསར་རྙིང་གི་ཟབ་ཆོས་མང་དུ་ཞུ་བའི་རྩིས་ཡིན་ནའང་གནས་ཆུང་ཆོས་སྐྱོང་ཆེན་པོ་ཁོག་ཏུ་བརླམས་ཏེ་ད་ལམ་ཆོས་བཀའ་སོགས་རྒྱས་པར་ཚུགས་ན་ཁྱེད་དཔོན་སློབ་སུ་རིགས་ལ་གེགས་ཆེ་བ་འདུག་པས་སྐོར་ཅིག་འཐེན་པའི་སླར་རིམ་གྱིས་བཙུགས་ཆོག་ཚུལ་གྱི་ཞིབ་ཆ་སྡེ་པ་བློ་བཟང་མཐུ་སྟོབས་ལ་གསུངས་འདུག་པ་བཞིན་རྗེ་བླ་མར་ཡང་དེ་གའི་རྒྱུ་མཚན་ཕུལ་ཞིང་ཞག་བདུན་ཙམ་བཞུགས་རིང་ལྗགས་ལུང་ཐང་ཐུང་འདྲ་དང་ཆོས་དང་འབྲེལ་བའི་གླེང་མོ་གང་འཕེལ་ཞུས་ལེགས་ལྡན་རྗེའི་ཤངས་མཚལ་གྱི་ཁུ་བས་བརྫིས་པའི་ཚེ་དཔག་མེད་ཀྱི་སྐུ་ཁྱད་ཅན་དེ་གནང་། ད་ལོ་སྐུ་དོག་ཡོད་པར་སྐུ་རིམ་དང་ཆོས་སྡེར་སྐུ་མཚམས་གནང་རྒྱུ་ཡང་ཚེ་སྒྲུབ་དང་བསུན་བཟློག་ལ་ཆེད་གཉེར་མཛད་དགོས་ཚུལ་གསོལ་བ་ན། རྗེ་མཁྱེན་བརྩེའི་གསུང་མགུར་དུ། ཚེ་རིང་ལོ་བརྒྱ་ཐུབ་པ་དང་། ཚེ་ཐུང་ད་ལྟ་ཤི་བ་གཉིས། །རྣམ་པའི་སྒོ་ནས་ཁྱད་པར་ཆེ། །ངོ་བོའི་སྒོ་ནས་བཟང་ངན་མེད། །ཐམས་ཅད་སྒྱུ་མ་རྨི་ལམ་ཡིན། ཚེ་རིང་ཐུང་གང་དགའ་མ་དགར་ཞོག །ད་འཆི་བ་ལ་འཇིགས་པ་མི་གདའོ། །ཞེས་པའི་དོན་དང་མཚུངས་པར་དཀའ་ལས་ད་ཆ་བློ་སྦྱོང་བའི་ལུགས་ཡིན་པས། ན་བ་དགའ་ན་ན་བ་བྱིན་གྱིས་བརླབ་ཏུ་གསོལ། ཞེས་སོགས་ལུང་འདྲེན་དང་བཅས་ན་ཤི་གསོན་བདེ་ཅི་བྱུང་ཡང་དཀོན་ཅོག་ལ་བློ་བཀལ་ནས་ཤི་དོགས་པའི་རིམ་གྲོ་བྱས་ན་དཀོན་ཅོག་ལ་ཡིད་མ་ཆེས་

― GLG008_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འགྲོ་བ་འདྲ་གསུང་བར་གཅིག་ཏུ་དེ་བཞིན་ཡིན་ཀྱང་རྒྱ་བོད་ཀྱི་དམ་པ་ཚོའི་རྣམ་ཐར་ལ་བརྟགས་ཚེ་དགག་བྱ་དགོས་དབང་གིས་ངེས་པ་མི་འདུག་པས་རེ་ཞིག་གི་བར་དུ་འཚོ་ཞིང་གཞེས་ན་སྤྱི་སྒོས་མཐའ་དག་གི་བསྟན་པའི་སྲོག་ཤིང་ཏུ་འགྱུར་ངེས་པས་ཐུགས་སྣ་བསྟུངས་པ་དེ་ལྟར་མི་ལེགས་ཚུལ་ནན་ཏར་གསོལ་བ་ན་བཀའ་བཞིན་བསྒྲུབ་གསུང་བ་རྗེས་སུ་བྱས་ཚེ་གཞན་ངོ་བསྲུང་བར་འདུག །རྗེ་རྡོ་རྗེ་གདན་པའི་དུས་ཀྱི་མཁྱེན་བརྩེ་ཆེན་མོའི་ཕྱག་བྲིས་མདོ་དབང་གི་ཙ་ཀ་ལི་རྣམས་རས་བསེ་ལས་གྲུབ་པའི་ལྗིད་ཆེ་བ་ནས་སླར་བཀའ་དབང་ལ་ཕེབས་དགོས་ཕྱིན་ད་ལམ་འདི་གར་བཞག་པ་འགབ་འདྲ་ཞམ་རིང་པ་རྣམས་ཀྱིས་ཞུས་ཚེ་ཁོང་དཔོན་སློབ་མཐོང་ཆེན་པོ་ཡོད་པས་ད་རེས་ཁྱེད་ནས་རྩིས་འབུལ་ཞུ་གསུང་། ཆུ་ཁ་བར་སྨན་སྒོམ་འབྲང་རྒྱས་པས་གདན་འདྲེན་ལ་ཕྱིན་སྐབས་བཀའ་ལས་ད་ཆ་རྒྱུན་རིང་པོ་རང་སྡོད་པ་མི་འཆར་ངེས་ཡིན་པས་སླར་ཆོས་སྡེ་ནས་འཕྲོས་ཤིག་གཏོང་བས་དེ་དུས་ཅིས་ཀྱང་ཡོང་ཐུབ་པ་དགོས་ཚུལ་གནང་བར་ད་དུང་བསྟན་དོན་ལ་རྒྱུན་གང་རིང་བཞུགས་དགོས་ཞུས་པས་ཟངས་མདོག་དཔལ་རིར་ཨྱོན་ཆེན་པོའི་གཡས་གཡོན་དུ་བཞུགས་ཁྲི་རིམ་པར་བཤམས་འདུག་པ་ལ་རྗེ་རྡོ་རིང་པ་ཆེན་པོ་ནས་རྡོ་རྗེ་འཆང་དབང་ཕྱུག་རབ་བརྟན་ཡན་བཞུགས་པའི་མཐར་ཁྲི་སྟོང་པ་ཞིག་མཆིས་པ་བདག་གི་ཡིན་འདུག་ཅེས་ཞལ་གྱིས་མ་བཞེས། དེས་ན་སྐུ་སྐྱེ་ཕེབས་དགོས་ཞུས་པར་རྗེ་བཙུན་ཀུན་སྤངས་པ་ཆེན་པོ་དང་སྒོ་རུམ་པ་གཉིས་ཟངས་མདོག་དཔལ་རི་ཁོ་ནར་བཞུགས་པ་ལ་ཚར་ཆེན་སོགས་བླ་མ་ཡབ་སྲས་གཅིག་ལ་གཅིག་ཐུགས་ཆགས་པའི་འབྲལ་

― GLG008_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཕོད་པ་ལྟ་བུར་ཡོད་གཤིས་བདག་ཀྱང་དེ་མཚུངས་སུ་སྡོད་པས་སྐྱེ་བ་མི་ལེན། འཕྲོས་འདི་རྣམས་བདག་མ་ཤི་བར་སུ་ལའང་བཤད་ན་མི་ཡོང་བའི་དཔང་པོར་དཔལ་མགོན་འཁོར་བཅས་དང་རང་གཉིས་ཀའི་མདུན་ན་ཡོད་དོ། །ཞེས་ལྷག་པར་སྩལ་སྣང་། དེ་ནུབ་སྣེའུ་ཞོལ་གྱི་བཞུགས་འཚེར་གྱི་ཐོག་ནས་འབྲས་སྤུངས་ཕྱོགས་སུ་ཞལ་གཟིགས་ཏེ་རིང་འཚོའི་སྨོན་ལམ་དང་མཆོག་གསུམ་དམ་པར་གསོལ་འདེབས་གནང་། སང་ཉིན་སེ་མོ་དོའི་ཐང་ལ་ཕྱག་གཡོག་དམངས་མ་རྣམས་སྔོན་དུ་བརྫངས། ཆིབས་ཤོལ་ནས་མཆོད་དཔོན་དང་བྱམས་པ་གཉིས་ཀྱིས་ཕྱག་ཕྱི་ཞུས་ནས་སྐུ་ངལ་གསོས་ཤིང་དེ་ནས་ཆིབས་ཐོག་ཏུ་ཁྱོན་པ་དང་ལྷན་དུ་ལམ་ཁྱོད་ལ་ད་ལམ་ཙམ་མིན་པ་ཡོང་མི་དགོས་པ་འདུག་གསུང་བ་བྱམས་པས་སླར་སྐུ་མཚམས་གྲོལ་ནས་ཕེབས་དགོས་པས་དེ་འདྲ་མི་གསུང་བ་ཞུ་ཞེས་ཞུས་སོང་བ་བཀའ་ལས་ཁྱེད་ཚོ་མི་གླེན་པར་འདུག་ད་ལོ་ང་རང་གི་སྣང་རྟགས་དང་སྐུ་ཞབས་ཆེན་མོའི་བཀའ་གང་ལ་དཔགས་ཀྱང་མི་སྡོད་པར་འདུག་གསུང་ཞིང་དེར་མ་ཟད་ཞ་ལུ་མཁན་རིན་པོ་ཆེ་སྨན་ཁང་ནས་ལ་ཡང་གཙང་དུ་རྗེས་མ་ཕེབས་དུས་གསུང་བགྲོས་བྱུང་ཚོད་དུ་མཆིས། ཆོས་སྡེར་ཕེབས་ནས་ངེད་རང་གིས་རྒྱུ་མཚན་གསོལ་བ་དང་ཕྱག་གཡོག་སོགས་ཕྱི་ནང་མང་པོ་ནས་བསྐུལ་མ་ཞུས་པ་ངོ་མ་བཟློག་པའི་གོང་དཀར་ཆོས་སྡེར་མང་ཇ་སྦྱོར་སྦྲེལ་ཐོག་ཚེ་གཟུངས་ཤེར་སྙིང་གི་བཟློག་པ། བཀྲ་ཤིས་རྩེ་ཆོས་སྡེའི་མགོན་ཁང་སོ་སོར་བསྐང་གསོ་བརྒྱ་རྩ། བཀའ་འགྱུར་སྒྲོག་པ། སཱཙྪཱ་འབུམ་ཐེར་སོགས་བསྒྲུབ་པ་གནང་། རྡོ་རྗེ་གསུམ་མི་འདའ་བའི་སྐུ་མཚམས་དམ་པའི་ངང་ནས་ཐུན་འཚམས་ཚོར་གསན་ཡིག་གི་ཟིན་བྲིས་

― GLG008_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་དཔེར་འབེབས་པའི་ཡིག་མཁན་ཆོས་སྡེ་བའི་གྲ་པ་ཆོས་མཛད་རྒྱལ་མཚན་བཟང་པོས་བྱས་པ་ཆིག་དྲིལ་དུ་གནང་མ་ཐུབ་གཤིས་པོ་ཏི་ཐུང་ངེ་བ་ཞིག་གི་རྩིས་ལས་ལྷག་མ་རྣམས་འཕྲོར་ལུས་པས་ད་ལམ་རྣམ་ཐར་སྐབས་སུ་ཞིབ་པར་འདྲི་བའི་རྔོ་མ་ཐོགས། སྐུ་ཅུང་ཟད་མ་བདེ་བའི་རྣམ་པ་ལ་སྨན་སྒོམ་འཚོ་བྱེད་འབྲང་རྒྱས་པ་སྐུའི་འཕྲོད་བསྟེན་དུ་འབོད་པ་གནང་སོང་བ་རྗེ་བཙུན་ཡབ་དང་ཐུན་མོང་བའི་རྩ་དབུ་མའི་ཉམས་འཁྲིད་སོགས་ཟབ་ཆོས་འགའ་ཞིག་གནང་བཞེས་པའི་བསྙད་བཏགས་ལས་འཕྲོད་བསྟེན་འགངས་ཅན་འབུལ་མ་དགོས་ཤིང་གསོལ་སྨན་ཁ་ཡར་ཕུལ་ནས་གཞི་མེད་དུ་སོང་ནའང་ཞིང་འདིར་བཞུགས་བཞེད་མེད་པའི་མདངས་ཀྱི་གསུང་གླེང་འགའ་ཞིག་བྱུང་ཚོད་དུ་འདུག་ཀྱང་ཡར་འབྱོར་ནས་སྐུ་ཁམས་བདེ་བའི་གནས་ཚུལ་ལས་དེ་རིགས་ཀྱི་ཞིབ་ཆ་མ་བྱུང་། ལྷ་རྗེ་འབྲང་རྒྱས་པ་རྫོང་བདའ་གྲུབ་རྗེས་ནས་བཟུང་སྐུ་ཟོ་མདོག་སྔར་ལས་བཟང་ཞིང་ཡང་ཟོར་ཆེ་བའི་ཚུལ་མཛད་ནའང་། གངས་ཅན་གྱི་ལྗོངས་འདིར་བསྟན་པ་རིན་པོ་ཆེ་འཆད་ཉན་བསམ་སྒོམ་གྱི་སྒོ་ནས་སྤེལ་བའི་འཕྲིན་ལས་རྒྱ་ཆེར་གྲུབ་པ་དང་སྙིགས་མར་སྤྱོད་པའི་འགྲོ་བའི་ངང་ཚུལ་ལ་གཞན་སྣང་ཙམ་དུ་ངེས་པར་འབྱུང་བའི་ཐུགས་སུན་སྣང་སྐྱོ་ཤས་ཆེ་ཞིང་གྲངས་མེད་པའི་ཞིང་ཁམས་རྒྱ་མཚོར་ཡིད་ཅན་རྣམས་ཀྱི་དོན་རླབས་པོ་ཆེ་འགྲུབ་པའི་དུས་བབས་ལ་གཟིགས་ཏེ་ལོ་སྔོན་མའི་ཧོར་ཟླ་བཅུ་གཅིག་པ་གཤོལ་བའི་དབང་དུ་བྱས་ན་ཧོར་ཟླ་དགུ་པ་དང་བ་དེད་ཀྱི་སྨིན་དྲུག་ཟླ་བའི་འཇམ་མགོན་ས་སྐྱ་པཎྜི་ཏ་མངོན་དགའི་ཞིང་དུ་གཤེགས་པའི་དུས་ཆེན་ཡར་ཚེས་བཅུ་བཞིའི་ཉིན་ཕན་སྙུན་དུ་མངོན་པ་ཅི་ཡང་མེད་བཞིན་པའི་ངང་ནས། རྗེ་མཁྱེན་བརྩེའི་གསུང་མགུར་ལས་

― GLG008_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

སྐལ་ལྡན་རྣམས་ལ་ཁོ་བོ་སྙིང་ནས་མགུ། །དེ་ཕྱིར་དུས་དང་རྣམ་པ་ཐམས་ཅད་དུ། །མ་བརྗེད་སྙིང་གི་དཀྱིལ་ནས་གསོལ་བ་ཐོབ། ཁོ་བོས་སྙིང་ནས་བརྩེ་བའི་བསམ་སྦྱོར་གྱིས། །དུས་ཀུན་རྗེས་སུ་འཛིན་ནོ་སྐལ་ལྡན་ཚོ། །བརྒྱུད་པ་བཟང་པོ་ས་སྐྱ་པ་ཡིས་ཟིན། །མེས་པོ་མཚན་ལྡན་ཚར་པ་ཆོས་རྗེ་བསྐྱངས། །བན་རྒན་ང་རང་བསླུ་མེད་ཡིན་ནམ་སྙམ། །བུ་ཀུན་ཙབ་ཙོབ་མ་མང་གསོལ་བ་ཐོབ། །འདི་ཕྱི་བར་དོར་བསླུས་ན་ཁོ་བོ་ཞན། །བྱིན་རླབས་ཆེ་ཆུང་ཚར་པ་ཆོས་རྗེས་ཤེས། །འདི་སྐྱིད་ཕྱི་མར་ཨ་སྐྱིད་ང་རང་ཤེས། །ང་རང་གང་འགྲོ་ཨྱོན་པདྨས་ཤེས། །ཆུ་འགོ་གངས་ལ་ཐུག་པའི་ཚུལ་ཡིན་པས། །ཇི་སྐད་སྨྲས་པའི་དགེ་སྦྱོར་ཉམས་ལེན་མཛོད། །ཅེས་པའི་དོན་བཞིན་དེ་ནུབ་དྲུང་དུ་འཁོད་པ་རྣམས་ལ་སྔར་དང་མི་འདྲ་བའི་དགྱེས་པ་ཆེན་པོའི་སྒོ་ནས་བླ་མ་རྣམས་ཀྱི་རྣམ་ཐར་ཐོར་བུ་གསུངས། ཆོས་དང་འབྲེལ་བའི་བསླབ་སྟོན་ཤུགས་འབྱུང་དང་ངེད་རང་ལ་ཐུགས་མཉེས་པའི་བཀའ་འཕྲོས་ཀྱང་ཁ་ཡར་གནང་ཞིང་སོ་སོའི་མགོ་ལ་ཕྱག་གིས་བྱིལ་བྱིལ་དང་དབུ་ཐུག་གིས་བྱིན་གྱིས་བརླབས་ཏེ་གནས་སོ་སོར་བཏང་། གཏོར་གཞིས་རྣམས་ཡུན་རིངས་པས་གསར་དུ་སྤོ་དགོས་འདུག་ཅེས་བསྟབ་པ་དང་ཚང་མ་ཆབས་ཅིག་པར་སྤལ་གྱི་ཡང་ཐོག་ཏུ་རྒྱས་པར་འབུལ་བ་མཛད་ནས་བྱམས་པར་སང་ཞོགས་ཐོར་ཇ་མི་དགོས་ད་དུང་ཇ་ཞིམ་པོ་སྐོལ་གསུངས་བྱམས་པས་སྙུང་བ་བཞིན་མེད་དམ་ཆབ་སྐོལ་ཨེ་བཞེས་ཞུས་པར་ན་ཚ་མེད་པར་ཆུ་སྐོལ་ག་ལ་དགོས་ཞེས་བཞད། དེ་ནས་སྲོད་ཐུན་ལ་ཚུགས་པའི་སྒང་མཇུག་ཙམ་

― GLG008_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འདའ་ཁ་བའི་མའི་རྣལ་འབྱོར་གྱིས་མཚམས་སྦྱར་ཏེ་དཔའ་བོ་དང་རྣལ་འབྱོར་མའི་ཚོགས་བསམ་གྱིས་མི་ཁྱབ་པས་མེ་ཏོག་གི་ཆར་གདུགས་དང་བ་དན་རོལ་མོ་སོགས་མཆོད་སྤྲིན་དཔག་ཏུ་མེད་པས་སྣ་དྲངས་ནས་བདེ་ཆེན་དག་པའི་ཞིང་ཁམས་གདན་གསུམ་ཚང་བའི་དཀྱིལ་འཁོར་ཆེན་པོའི་རིགས་ཀྱི་བདག་པོར་གདན་དྲངས། དེའི་དུས་བྱམས་པ་གཟིམས་ཆུང་དུ་ཉེར་ལེན་ལ་བསྡད་པའི་གཉིད་ཐུམ་པ་ཞིག་གི་གསེང་ལ་ཧིག་གི་སྒྲ་བྱུང་ནས་བལྟས་ཙ་ན་སྐུ་གཤེགས་ཟིན་འདུག་ཟེར། དེ་སྐབས་སྡེ་པ་བརྒྱ་ཚོ་བའི་ཆོས་རྗེ་བཀྲ་ཤིས་ལྷུན་པོའི་སྔགས་གྲ་བའི་སྒྲིགས་འགྲིམ་པ་དེ་གསུང་ཆོས་ཞུ་བར་འོངས་པ་དེ་ནུབ་ཀྱི་རྨི་ལམ་ལ་སྟན་དཀར་སྟེང་དུ་རྗེ་ཉིད་བཞུགས་པའི་ཟུར་བཞི་ནས་བུད་མེད་བརྒྱད་ཀྱིས་བཟུང་སྟེ་ནམ་མཁར་ཡེར་རེར་བཏེག་པ་ཐར་ཇ་འདྲེན་མི་ལ་མདང་ང་ལ་རྨི་ལམ་འདི་འདྲ་བྱུང་བ་ཅི་ཡིན་ཞེས་བློ་མ་བདེ་བའི་རྣམ་པ་བྱེད་ཅིང་། དུས་མཚུངས་སུ་ཞ་ལུར་ཁྱབ་བདག་རིན་ཅེན་བསོད་ནམས་མཆོག་གྲུབ་ཀྱི་འོད་གསལ་དུ་རྗེ་འདི་ཉིད་དགྱེས་པའི་ཚུལ་དུ་ཕེབས་རཀྴའི་ཕྲེང་བ་འདི་ཐུགས་ཆགས་གནང་བ་ཞུ་ད་ངེད་ལ་མི་དགོས་པ་འདུག་གསུང་བར་བྱུང་གནང་། ཞག་ཁ་ཡར་གྱི་སྔོན་ཙམ་ལ་སྟོང་ར་བའི་མནའ་མ་སྡེ་པ་འཕྲང་འགོ་བའི་ཚ་མོར་གཏོགས་པ་རྩ་སྒོ་ཡངས་པ་དེའི་རྨི་ལམ་དཀྱུས་མ་དང་མི་འདྲ་བའི་གསལ་པོར་བྱེད་པ་ཞིག་ལ་རྨི་ལམ་དུ་ཉི་མ་བཞུད་ལ་ཁད་ལྷོ་ནུབ་ཀྱི་ནམ་མཁར་བླ་མ་རྡོ་རྗེ་གདན་པ་ཡིན་ཟེར་བ་ལེགས་པར་བཏགས་ཚེ་རྡོ་རྗེ་འཆང་གི་སྐུའི་དབྱིབས་ལ་ས་ཞུ་བཞེས་ནས་

― GLG008_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་བྲལ་གྱི་མཚམས་སུ་འཇའ་འོད་དང་བཅས་ཡེར་གྱིས་ཕེབས་སོང་རྗེ་ཉི་མའང་བཞུད་དེ་ནག་ཐུམ་བྱེད་པ་རྨིས་ཚུལ་དེ་གའི་མ་རྒན་མོ་འཕྲང་འགོ་བའི་སྤྱིལ་པོར་སྡོད་མིར་བཤད་པ་ཞིང་བརྗེས་པའི་སྐད་ཆ་ཚོར་བས་ངའི་བུ་མོའི་རྨི་ལམ་དེ་ལ་ལྟ་བ་འདྲ་ཟེར་སྐད། སྐུ་མཚམས་དང་འགྲིག་པའི་ཕྱག་གཡོག་ཉུང་གཤིས་ཉི་མ་གཉིས་གསུམ་གསངས་པའི་བཀྲ་ཤིས་ཆོས་སྡེ་ནས་མཆོད་དཔོན་འཇམ་དབྱངས་རྒྱལ་མཚན་དང་ཤེར་རིན་པ་སོགས་འབོད་མི་བཏང་། ཚེས་བཅོ་ལྔ་ནས་ནམ་མཁའ་གཡའ་དག་པར་འཇའ་སྤྲིན་རི་མོས་བྲིས་པ་ལྟ་བུ་ལྷ་ས་ནས་གོང་དཀར་ཕྱོགས་སུ་ཞག་ཤས་ཀྱི་བར་རྒྱུགས་པ་ཀུན་གྱིས་མཐོང་ཞིང་གཞིས་ཀ་རྩེར་གད་སྒོ་ཞང་ཚན་གྱི་ཟི་བུན་དང་ཐུག་པའི་ཟླ་མཇུག་ངེད་ཇུས་རིམ་གྱི་འཁོར་ལོ་འདྲི་བར་དགའ་ལྡན་ཡང་རྩེའི་སྒོ་མངས་ཕྱེ་སྟེ་ཡོད་དུས་ཀྱང་གོང་དཀར་ཕྱོགས་ནས་འཇའ་སྤྲིན་པིར་གྱིས་བྲིས་པ་འདྲ་བ་མང་དུ་མཐོང་བས་དེ་མཚུངས་ཟླ་ཕྱེད་ཙམ་གྱི་བར་དུ་བྱུང་བར་མངོན། དཔོན་སློབ་ཀྱི་སྐུ་ཞབས་ནས་འོངས་ཟེར་བའི་བང་ཆེན་བྱུང་བའི་རྟེན་གྱི་དྲིལ་ཁ་བཤིག་པའི་ནང་དུ་ལི་སྐུ་བཏགས་སྨན་ཙེ་དང་བཅས་སུམ་ཚན་ཡོད་པ་ལ་ཕྱག་བྲིས་མི་འདུག་པས་ཅི་ཡིན་ནམ་སྙམ་པའི་ཐེ་ཚོམ་དུ་གྱུར་པ་རྗེས་སུ་བྱས་ཚེ་ཞམ་འབྲིང་པ་རྣམས་ཀྱིས་འགྱོགས་བསྔོར་བཏང་བ་ཡིན་འདུག །ཞག་གསུམ་ཙམ་ན་ཤེར་རིན་པ་ཐུགས་དམ་གསལ་འདེབས་ཀྱི་རྟེན་ཁྱེར་ནས་བྱུང་འཕྲལ་བླ་མ་དགྱེས་མཛད་རྡོ་རྗེའི་དཀྱིལ་འཁོར་གྱི་གཙོ་བོར་གྱུར་པ་ལ་མཆོད་འབུལ་གསོལ་འདེབས་རྒྱས་པར་བྱས། སྐུ་

― GLG008_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

གདུང་རིན་པོ་ཆེར་སྙན་དར་ལ་སྨོན་ལམ་ཚིགས་བཅད་བྲིས་པ་དཀར་མེ། དགོངས་རྫོགས་ཀྱི་ཐེབས་སུ་གོས་དར་ཤ་མར་འབྲུ་ཆ་སོགས་བདོག་པ་གྱ་ནོམ་པ་ཕུལ་ཞིང་དབུས་གཙང་སྟོད་སྨད་ཀུན་ནས་གདུང་འབུལ་གྱི་མཆོད་སྤྲིན་རྒྱས་པར་སྤྲོས། གོང་དཀར་དུ་གདུང་ཆོག་དང་བཀྲ་ཤིས་ཆོས་སྡེར་ཆོག་གྲའི་རིགས་མང་དུ་བཙུགས། དྲུང་ཆེན་བྱམས་པ་དང་མཆོད་དཔོན་འཇམ་དབྱངས་གཉིས་གདན་ས་གོང་དུ་མངགས་པའི་དཔལ་ལྡན་ས་སྐྱར་ཆོས་དུང་དཀར་པོ་རྒྱང་གྲགས་བུས་ཏེ་མང་འགྱེད་བཏང་། བཞི་ཐོག་ཏུ་བདག་ཆེན་རིན་པོ་ཆེར་འབུལ་བར་རྣ་རོའི་བནྡེ་གཤིན་རྗེ་གྲགས་ཀྱིས་བཞེངས་པའི་རྗེ་བཙུན་རིན་པོ་ཆེའི་སྐུ་བརྙན་གཞིས་ཀ་སྣེའུར་བཞུགས་པ་རྗེས་སོར་ཕྱག་ཏུ་ཕུལ་བ་དེས་གཙོས་ཟང་ཟིང་གི་དངོས་པོ་རིང་པོར་བརྐྱངས། གཞན་ཡང་ཞ་ལུ་ངོར་ཆོས་འཁོར་ཡང་རྩེ་གསུམ་གྱིས་ཐོག་དྲངས་དབུས་གཙང་གི་ཆོས་སྡེ་དུ་མར་མང་ཇ་བསྔོ་རྟེན། ཡར་ཀླུངས་སུ་སེར་ཚོགས་སོགས་དག་པ་དང་མ་དག་པའི་ཞིང་གི་གདུལ་བྱ་རྗེས་འཛིན་གྱི་དགོངས་པ་ཡོངས་སུ་རྫོགས་པའི་རིམ་པ་ཁུ་ལུང་ནས་སྡེ་པ་ནམ་མཁའ་དོན་གྲུབ་དབང་པོ་ཡབ་སྲས་ལྕམ་སྲིང་ཞམ་འབྲིང་བ་རྣམས་ཀྱིས་ལེགས་པར་བསྒྲུབས། དགུང་ཞག་ཞེ་དགུའི་བར་ལྷོ་ནུབ་མཚམས་ནས་ཉིན་རེ་བཞིན་འཇའ་དཀར་ཀུ་ཤ་བཀྲམ་པ་ལྟར་བྱུང་ནས་སྐུ་གདུང་རིན་པོ་ཆེའི་ཐད་ཀྱི་ནམ་མཁར་གདུགས་ཕུབ་པ་བཞིན་གྱུར་པ་ལ་ཀུན་ཡ་མཚན་དུ་འཛིན། དེ་སྐབས་གཙང་ཕྱོགས་སུ་བདེ་གཟར་

― GLG008_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་ལམ་ཧ་ཅང་བདེ་བ་མེད་ཀྱང་འདི་ག་ནས་ཕེབས་དགོས་པའི་ཧུང་རྒྱ་ལམ་ཡིག་དང་བཅས་ཞ་ལུ་ནས་མཁན་ཆེན་རྡོ་རྗེ་འཛིན་པ་ཆེན་པོ་ཕེབས་ཏེ་ཧོར་ཟླ་བཅུ་གཅིག་པའི་ཚེས་གཉིས་དགུང་ཞག་རྫོགས་པ་དང་བསྟུན་བླ་མ་ན་རིམ་གྱི་ཐུགས་དམ་རྣལ་འབྱོར་དབང་ཕྱུག་བིཪྺ་པའི་བཞེད་གཞུང་གཤེད་དམར་ལྷ་ལྔའི་དཀྱིལ་འཁོར་གྱི་གཙོ་བོ་བླ་མ་འཇམ་པའི་རྡོ་རྗེ་སྦྱིན་སྲེག་གི་མཆོད་པས་མཉེས་པར་མཛད་པའི་ཚེ་ཆེད་དུ་རྩོལ་བ་ལ་མ་བལྟོས་པའི་གདུང་ཡིད་བཞིན་ནོར་བུར་ཡེ་ཤེས་ཀྱི་མེ་རང་འབར་ལྟ་བུར་གྱུར། །དེའི་སང་མེ་ཏོག་གི་ཆར་འདྲ་བ་ཉི་མའི་འོག་ནས་འོད་སྐྱ་སིམ་སིམ་གདུང་ཁང་དུ་ཉེ་བར་མང་དུ་བབས་པ་དམངས་ལ་ཆེར་མི་ཡོང་བའི་རྟགས་ཡ་མཚན་པ་བྱུང་། པུར་ཁང་ཞལ་ཕྱེ་ནས་གདུང་སྐལ་བགོ་བའི་དུས་རིང་བསྲེལ་ཤེལ་ལྟར་འཚེར་བ་ཁ་ཡར་ཕེབས། ཁྱབ་བདག་ཞ་ལུ་པ་ཆེན་པོ་ཐུགས་བྲེལ་ཆོད་དེ་འདིར་བྱོན་དུས་ལྟས་ཡ་མཚན་པ་བྱུང་ཚུལ་ཙམ་ལས་བདེ་གཟར་སོགས་ཀྱི་གཡེང་བ་དང་རྗེ་ཉིད་ཀྱང་ཡར་ཐེགས་པར་རིང་ཁྱད་འདུག་གཤིས་ཞག་མང་དུ་སྦྲེལ་བའི་འདི་དུས་ཞིབ་ཆ་མ་འཚལ། དངུལ་གདུང་ཐེབས་ཀྱི་གསེར་དངུལ་གཡུ་ཤེལ་གྱིས་མཚོན་པའི་མཐུན་རྐྱེན་གྱི་བདོག་པ་གྱ་ནོམ་པ་བསྟབ་ཅིང་བཀའ་འགྱུར་དང་དགོངས་རྫོགས་ལ་སོང་བའི་ལྷག་མ་རྣམས་དང་བཅས་གཞིས་བྱེས་རྣམས་ཀྱིས་ཁུར་བླངས་ཏེ་བཀྲ་ཤིས་རྩེ་ཆོས་སྡེར་ཧོར་ཟླ་གསུམ་པའི་ཚེས་བཅུ་ནས་བརྩམས་པའི་སྐུ་རྟེན་སྨན་འདམ་ལས་གྲུབ་

― GLG008_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མཐོང་གྲོལ་ཡིད་བཞིན་ནོར་བུ་སྐུ་ཚད་དང་མཉམ་པ། གསུང་རྟེན་གླེགས་བམ་ཡུམ་རྒྱས་པ་དུམ་པོ་བཅུ་དྲུག་མཆོད་དཔོན་འཇམ་དབྱངས་ཀྱིས་ཐིག་རྩ་བགྱིས་པའི་ཐུགས་རྟེན་གསེར་དངུལ་ལས་གྲུབ་པའི་བྱང་ཆུབ་མཆོད་རྟེན་ཐོག་ཚད་ཕྲ་འཕུལ་སོགས་བཀོད་པས་ཁྱད་པར་འཕགས་པ། རིང་བསྲེལ་རྣམ་པ་བཞི་དང་གནོད་སྦྱིན་འཁོར་ལོ་ཁྱད་པར་དྲི་མེད་ནས་གསུངས་པའི་སྲོག་ཤིང་འཛུགས་པའི་ཆོ་ག་ཐམས་ཅད་མཁྱེན་པ་མཁྱེན་བརྩེ་དབང་ཕྱུག་གི་ཕྱག་བཞེས་ལྟར་དབོན་མཁྱེན་རབ་བློ་ལྡན། མཆོད་དཔོན་འཇམ་དབྱངས་རྒྱལ་མཚན། དགེ་སློང་སངས་རྒྱས་དབང་ཕྱུག་གསུམ་གྱིས་ལག་བསྟར། བཞུགས་གནས་གཙུག་ལག་ཁང་ཞིག་གསོས་ལ་བརྟེན་པའི་རྒྱ་དང་དཔངས་བསྟོད་པར་བཞུགས་སུ་གསོལ་སྐུ་རྟེན་ལ་བླ་ཆས་ཆ་འགྲིག །གསུང་རྟེན་དང་གདུང་རྟེན་ལ་ཁྲི། ཐུན་མོང་དུ་ས་རྒྱན། གནམ་རྒྱན། མཆོད་རྫས་ཀྱི་རིམ་པ་ཚར་དུ་དངར་བ་ཟླ་བ་བཞིའི་ཁོངས་སུ་ལེགས་པར་གྲུབ་པ་ལ་གོང་དཀར་ཆོས་སྡེའི་ཆོས་འཆད་པ་རབ་འབྱམས་སྨྲ་བ་རིན་ཅེན་རྒྱ་མཚོས་རྡོ་རྗེ་སློབ་དཔོན་མཛད་དེ་གཉུག་མར་གནས་པའི་དགེ་འདུན་གྱི་ཚོགས་དང་ལྷན་ཅིག་པར་ཀྱེ་རྡོ་རྗེ་མན་ངག་ལུགས་ཀྱི་རས་བྲིས་ཀྱི་དཀྱིལ་འཁོར་ལ་བརྟེན་པའི་རབ་ཏུ་གནས་པ་དང་རྟེན་བཞེངས་གནྡྷོ་ལའི་རྨང་འདིང་བ་ཚང་མའི་དུས་སུ་འཇའ་སྤྲིན། ཐན་པའི་ཚེ་ཆར་གྱི་རྒྱུན་འབབ་པ་སོགས་རྒྱལ་ཀུན་ངོ་བོ་དཔལ་ལྡན་བླ་མ་དམ་པའི་ཐུགས་དགོངས་ཆོས་དབྱིངས་སུ་རྫོགས་པའི་ངོ་མཚར་མཐའ་

― GLG008_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

ཀླས་པ་བྱུང་། གནས་གསར་སྡེ་པ་ནམ་མཁའ་དོན་དབང་དང་དབོན་མཁྱེན་རབ་རྣམ་རྒྱལ་ཡབ་སྲས་གཉིས་ཀྱིས་གོང་དཀར་རྡོ་རྗེ་གདན་དུ་གཟིམས་མལ་སྐུ་འདྲ་རིན་པོ་ཆེ་གོང་མཚུངས་བཞེངས་ཏེ་བླ་ཆས་མཆོད་རྫས་རབ་ཏུ་གནས་པས་མཐའ་བརྟེན་ནས་བླ་མ་ལྷ་ཁང་དུ་བསྒྲིགས། འཇམ་དབྱངས་མཁྱེན་བརྩེ་ཡབ་སྲས་ཀྱི་གདུང་རིན་པོ་ཆེ་དབང་གི་རྒྱལ་པོ་བཞུགས་པའི་མཆོད་རྟེན་ཞིག་དཔལ་ལྡན་བླ་མ་དམ་པ་དེ་ཉིད་ཀྱིས་དགོངས་པར་ཡོད་བཞིན་པའི་ངང་དུ་ལུས་པ་ཁུ་ལུང་གཞིས་ཀར་གསེར་དངུལ་ལས་གྲུབ་པའི་ཁྲུ་ཕྱེད་གསུམ་ཙམ་བཞེངས་པར་རིགས་ཀུན་ཁྱབ་བདག་རིན་ཅེན་བསོད་ནམས་མཆོག་གྲུབ་ཀྱིས་གཟུངས་འབུལ་དང་གསུང་རམ་པ་དང་བཅས་རྣལ་འབྱོར་རྒྱུད་དང་འབྲེལ་བའི་སྒོ་ནས་རབ་ཏུ་གནས་ཏེ་བཀྲ་ཤིས་ཀྱི་དགེ་མཚན་ཕྱོགས་ཀུན་ཏུ་ཁྱབ་པར་གྱུར་ཏོ། །ཟབ་ཆོས་དྭངས་མ་དཀར་མིན་མེ་ལྷའི་མཐུས། །ཉེར་སྤྱོད་བློ་ཡིས་མངལ་ལས་ཕྱིར་འཕངས་པས། །སླར་བརྩོན་གངྒཱའི་ལྟོར་སྨིན་ཀརྟི་ཀཿ །ཐོས་བསམ་སྨྱུག་མའི་ཚལ་རྒྱུ་རིང་ཞིག་འགྱངས། །ཐུབ་བསྟན་སྲོག་གི་ཟུངས་སུ་འཚོ་གཞེས་པར། །བསྐུལ་གསོལ་གཞན་ངོ་བསྲུང་བའི་གཡར་ཁྲལ་ལས། །མ་དག་ཞིང་ལ་ཉེར་སུན་ཐུགས་ཀྱི་རྩེ། །བདེ་ཆེན་ས་ལ་སྤྲོ་དགའ་སུ་ཡིས་བཟློག །འབྲས་དཀར་སྤུངས་པའི་ཆོས་སྡེར་ཞལ་ཕྱོགས་ནས། །རྨད་བྱུང་རྣམ་པར་དག་པའི་སྨོན་ལམ་གྱིས། །མཚམས་སྦྱོར་བདག་སོགས་བླ་མེད་བྱང་ཆུབ་བར། །མི་གཏོང་བཤེས་

― GLG008_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ཞལ་འཆེས་དམ་བཅར་ངེས། །ཐོས་དོན་མཚོར་འཕངས་རྡོ་བ་བྱ་ལམ་རྗེས། །དལ་བའི་འབྲས་བུ་ཙམ་དུ་མ་འཇོག་ཅེས། ཕྱི་རབས་དཔྱོད་ལྡན་བསྐུལ་ཆེད་གང་གསན་ཆོས། །ངོ་མཚར་པུ་སྟ་ཀཿ །བསྒྲིག་ཆོ་ག་བསྟར། ཁྲི་སྟན་ཟུར་བཞི་ཌཱ་ཀིས་ཉེ་བར་བཏེག །དཔའ་བོ་མཁའ་འགྲོའི་བསུན་མས་མཆོད་སྤྲིན་བཅས། །འོག་མིན་ཞིང་ཁམས་ཞིང་གི་རིགས་བདག་ཏུ། །དཔལ་ལྡན་རྡོ་རྗེ་སེམས་དཔར་བཞེངས་དེ་ཅི། །ཐུབ་བསྟན་ཆ་ཤས་བཅུ་གཉིས་ཡོངས་རྫོགས་ཤིང་། །མཁྱེན་བརྩེ་ནུས་པའི་ཚ་ཟེར་སྟོང་འཕྲོ་བའི། བཤེས་གཉེན་ཆོས་དབྱིངས་མཐུན་འཚམས་གཞོན་ནུའི་ཕག །གཟིམས་པའི་དུས་ཀྱི་སྒལ་ངན་ཀྱེ་མ་ཧུད། །བཻཌཱུར་ཞུན་མ་ལྟར་འཕོས་མཁའ་ངོས་ལ། །སྣ་ཚོགས་འཇའ་སྤྲིན་འོད་དྲའི་རི་མོའི་མདངས། །ལེགས་བྲིས་བཀོད་པ་བསྐྲུན་པའི་སྒྱུ་མ་ཡིས། །རྗེས་འཇུག་མྱ་ངན་གདུང་མ་གཞིལ་ལམ་ཅི། །འོན་ཏེ་གངྒཱའི་ཀླུང་གི་རྡུལ་སྙེད་ཀྱིས། །བགྲང་བར་ནུས་མིན་དག་པའི་ཞིང་ཁམས་སུ། །མཐའ་ཀླས་སྤྲུལ་པ་སྟོན་པའི་ཐུགས་རྗེའི་སྤྱན། །བདག་སོགས་གདུལ་བྱར་གཟིགས་ཚེ་ཡིད་དབང་སྤྲོ། །ཚོགས་གཉིས་ཉལ་འགྲོའི་ཕུང་པོའི་ཆུ་གཏེར་ལ། །དགེ་བའི་ཀླུང་གིས་གང་བར་བལྟོས་མིན་ཀྱང་། །རྗེས་འབྲང་ལེགས་བྱས་ཞིང་གི་སོ་ནམ་དུ། །འཛད་མེད་རྣམ་དཀར་ཆར་རྒྱུན་ཆལ་ཆིལ་ཕོབ། །རིགས་བརྒྱའི་ཁྱབ་བདག་རྗེ་བཙུན་ཞ་ལུ་པས། །དུས་དགྲ་འཇམ་དཔལ་དམར་པོ་ལྷ་ལྔ་དང་། །སྐུ་གདུང་རིན་ཅེན་དབང་གི་རྒྱལ་པོ་གཉིས། །དབྱེར་མེད་ངོ་མཚར་མཆོད་པ་དེ་རྨད་བྱུང་། །དེ་ལྟར་དུས་གསུམ་རྒྱལ་བ་ཐམས་ཅད་ཀྱི་སྤྱི་གཟུགས་བཀའ་དྲིན་མཚུངས་མེད་དཔལ་ལྡན་བླ་མ་དམ་པ་ཁྱབ་བདག་རྡོ་

― GLG008_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་སེམས་དཔའ་དང་གཉིས་སུ་མེད་པ་གང་གི་རྣམ་པར་ཐར་པ་ཆེས་ཕྲ་བ་ནི་སྤྱན་དང་མངོན་པར་ཤེས་པ་ལ་ཆགས་ཐོགས་མེད་པ་རྣམས་མ་གཏོགས་འཇིག་རྟེན་གྱི་བྱེད་པོ་ཚངས་པ་ལྟ་བུས་ཀྱང་བརྗོད་པར་མི་ནུས་ན་གཞན་དག་གིས་ལྟ་ག་ལ་ཞིག་ཐུན་མོང་བའི་གདུལ་བྱའི་སྤྱོད་ཡུལ་དུ་གྱུར་པའི་མཛད་པ་རགས་པའི་ལོ་ཟླ་ཚེས་གྲངས་ཡུལ་དང་གནས་སོགས་རྗེས་འཇུག་རྣམས་ལེ་ལོའི་མལ་དུ་འདུ་འཛིའི་གཉིད་ལ་གཡུར་བས་ཞིབ་པར་མ་རྟོགས་ཀྱང་རྒྱུས་ཡོད་ཀྱི་ཐོ་ཐོར་བུ་དང་ཡིད་གཉིས་སུ་གྱུར་པ་མང་དག་ཁྱབ་བདག་མཁན་ཆེན་ཞ་ལུ་པ་ཆེན་པོ། སྒྲུབ་རྙིང་སློབ་དཔོན་འཇམ་དབྱངས་རྒྱལ་མཚན། གོང་དཀར་ཆོས་སྡེའི་ཟུར་འཆད་པ་དཔྱོད་ལྡན་འཕྲིན་ལས་རྣམ་རྒྱལ་སོགས་འགའ་ཞིག་ལ་དཔྱད་ཅིང་གསན་ཡིག་དང་དམ་པ་གཞན་གྱི་རྣམ་ཐར་ལོ་རྒྱུས། དུས་དང་ལོ་ཟླ་ལུང་རིགས་ཀྱིས་བསྒྲུབ་ནུས་པ་དང་ལ་ལར་རུང་མཐུན་ཀྱང་འགའ་ཞིག་སྦྱར་བའི་གོ་རིམ་བསྒྲིགས་པར་སོ་སྐྱེའི་སྣང་ལ་མ་ངེས་ཀྱི་འཁྲུལ་པར་ཚད་བཟུང་དཀའ་ནའང་ཕྱོགས་འགྲོ་ཙམ་ལ་ཡིད་བརྟན་དུ་རུང་བའི་ལུགས་སུ་བགྱིས་ཏེ་རྟོགས་བརྗོད་ཀྱི་རིམ་པ་ཆེར་ལོང་ཙམ་བཤད་ཟིན་ཏོ། །བློ་ཆེན་མེས་པོས་རིག་བྱེད་གཏམ་གྱི་སྦྱོར་བ་མ་ལུས་གཅིག་ཏུ་བསྡུས། །དབྱངས་ཅན་ལྷ་མོ་མགྲིན་པར་བྱོན་ཏེ་བརྗོད་པ་རྣམ་དག་ཚིག་འཕྲེང་སྤེལ། །བརྟན་པའི་འཁོར་ལོས་གསང་གསུམ་མི་ཟད་ཡོན་ཏན་བང་མཛོད་སྒོ་ཕྱེ་ནས། །བླ་མ་མཆོག་གི་རྟོགས་པ་བརྗོད་ལས་བདག་འདྲའི་བློ་གྲོས་མཐུ་ཡིས་ཅི། །ལྷ་ལམ་གསེར་ལྡན་རི་བོ་མཐོན་པོའི་ཁྱོན། །རབ་ཕྲ་བུག་པའི་ནང་ནས་ལྟ་བ་བཞིན། །འཕགས་ཆེན་དམ་པའི་རྣམ་ཐར་ཆེས་བརླིང་ཡང་། །རང་བློ་དང་འཚམ་བརྗོད་ལ་ཀླན་ཀ་སུ། །ཟས་གཙང་སྲས་ཀྱི་བརྒྱ་ཕྲག་མཛད་པ་ལ། །བསྔགས་པའི་དཔལ་ལྡན་མ་ཁོལ་བསོད་ནམས་ཀྱིས། །ཕུང་པོ་སྲིད་རྩེར་འཕྱུར་དེས་ཡིད་དྲངས་ནས། །ངལ་བའི་དཀའ་

― GLG008_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་ལེན་ལ་གཅིག་ཏུ་སྤྲོ། །རྒྱལ་སྲས་སྤྱོད་པའི་སྤངས་རྟོགས་མཚོ་ལྟར་ཟབ། །ལྡུགས་སྣོད་ཚིག་དོན་ཨ་མྲའི་ཚིག་གུ་ཙམ། ཁོ་བོའི་བློ་གྲོས་ཀུ་ཤའི་རྩེ་བཞིན་ཕྲ། །དེ་ཕྱིར་མ་རྟོགས་འཁྲུལ་པས་ནོངས་ཀུན་འཆགས། །དེ་ལྟ་ན་ཡང་རྗེ་བཙུན་བཀའ་འགྱུར་བའི། །མཛད་པའི་ཆ་ཤས་མཐོང་བའི་ཤིང་རྟ་ཡིས། །མི་ཕྱེད་དད་པའི་ནོར་གྱི་དཔྱ་དྲངས་ཚེ། །སྲིད་ཞིའི་དབུལ་ཕོངས་གདུང་བ་ཕ་མཐར་བྱེད། །འདི་ལ་སྒོ་གསུམ་འབད་ཆེན་ངལ་བསྟེན་ཚོགས། །མགོན་པོ་ཁྱོད་ཀྱི་དཔལ་ཆེན་ཧེ་རུ་ཀའི། །གྲོང་དུ་ཉེར་ཁྲིད་ཁ་སྦྱོར་བདུན་ལྡན་སྐུ། །རིང་པོར་མི་ཐོགས་འགྲུབ་པར་བདག་བྱིན་རློབས། སྤྱི་དང་ཁྱད་པར་ཚར་ཆེན་ཡབ་སྲས་ཀྱི། །སྙན་བརྒྱུད་ཚད་མ་བཞི་ལྡན་རིང་ལུགས་བསྟན། །མ་ཕམ་དབུས་འགྱུར་འཆང་དུ་འབྱོན་མིན་བར། །ཐོས་བསམ་སྒོམ་པ་དར་ཞིང་རྒྱས་གྱུར་ཅིག །དེ་ལྟར་འ་ཞ་རྒྱལ་པོའི་གདུང་ལས་བཀའ་དྲིན་མཚུངས་པ་མ་མཆིས་པའི་དཔལ་ལྡན་བླ་མ་དམ་པ་ཁྱབ་བདག་རྡོ་རྗེ་སེམས་དཔའི་ངོ་བོ་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོའི་རྣམ་ཐར་དད་པའི་རླབས་འཕྲེང་འདི་ནི་རྡོ་རྗེ་འཆང་ཆེན་པོ་མཁན་ཆེན་ཞ་ལུ་བ་རིན་ཅེན་བསོད་ནམས་མཆོག་གྲུབ་ཀྱིས་རིང་པོ་ཞིག་ནས་བཀའ་གནང་ཞིང་དབོན་མཁྱེན་རབ་རྣམ་རྒྱལ་དང་མཁྱེན་རབ་བློ་ལྡན་གཉིས་ཀྱིས་རེག་ཟིག་དང་བཅས་སྔ་མོ་ནས་བསྐུལ་བ་དང་རྡོ་རྗེ་བྲག་ནས་རིག་འཛིན་སྤྲུལ་པའི་སྐུ་མཆོག་སོགས་དད་འདུན་ཅན་དུ་མས་མཚམས་སྦྱར་བ་ལྟར་འདུན་པ་རྩེ་གཅིག་པ་ཡོད་ནའང་ཁོ་བོ་དོན་མེད་རྣམ་གཡེང་གི་ཡང་བྲན་དུ་གྱུར་པས་མོས་པ་ལམ་བྱེད་དུ་སོང་བ་ཉེ་ལམ་རྡོ་རྗེ་འཆང་མཁྱེན་རབ་རིན་པོ་ཆེའི་དབོན་རིགས་རྒྱུད་སྡེ་རྒྱ་མཚོའི་མངའ་བདག་བཅོ་བརྒྱད་ཆོས་རྗེ་བྱམས་པ་ངག་དབང་ལྷུན་གྲུབ། ཁྱབ་བདག་བཀའ་འགྱུར་བ་ཆེན་པོའི་དབོན་རིན་པོ་ཆེ་ནམ་མཁའ་བསོད་ནམས་དབང་གི་རྒྱལ་པོ། ཐུབ་པའི་དབང་ཕྱུག་ལྕགས་ཟམ་

― GLG008_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཆེན་པོའི་གདུང་རིགས་རྗེ་དྲུང་ངག་དབང་བསྟན་འཛིན་ཕུན་ཚོགས་གསུམ་གྱིས་ཐོག་དྲངས་སྐལ་ལྡན་གྱི་གདུལ་བྱ་ཉི་ཤུ་སྐོར་ལ་ཞ་ལུ་མཁན་ཆེན་ཀུན་སྤངས་པ་ཆེན་པོས་སྐྱིད་ཤོད་དོགས་བདེ་ལྷོ་མོས་གཞིས་ཀར་མདོ་རྒྱུད་རྒྱ་མཚོའི་ཡང་སྙིང་ངེས་དོན་སྙིང་པོའི་དམ་ཆོས་གསུང་ངག་སློབ་བཤད་རིན་པོ་ཆེ་རྫོགས་པར་སྩལ་པའི་ཚེ་དཔོན་སློབ་གསུམ་གྱིས་བླ་མ་བརྒྱུད་པའི་ཁ་སྐོང་དུ་ཅིས་ཀྱང་རྩོམས་ཤིག་པར་གསུང་གིས་བསྐུལ་བ་ལ་བརྟེན་ནས་སློབ་བཤད་འཛིན་པའི་ཟ་ཧོར་གྱི་བནྡེ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས་ཨཱ་ན་ལ་ཞེས་པ་མེ་འབྲུག་ནག་པ་ཟླ་བའི་ཚེས་བཅུ་བདུན་ལྷག་པ་ལྷ་མཚམས་ཀྱི་འགྲུབ་སྦྱོར་ནས་དབུ་བཙུགས་ནའང་ཟིན་བྲིས་ལ་དོགས་གནས་མངས་པའི་ཕྱོགས་ཀུན་ཏུ་དྲི་མལ་གྱི་སྒུགས་སྡོད་ལ་བརྟེན་དལ་འགྲོས་ཀྱི་ངོས་སྣྲོན་གྱི་ཟླ་བའི་ཡར་ངོའི་ཚེས་གཉིས་རྡོ་རྗེ་འཆང་དབང་ཕྱུག་རབ་བརྟན་གྱི་དུས་དྲན་གྱི་ཉིན་རྒྱལ་ཁབ་ཆེན་པོ་དམར་པོ་རིར་སྦྱར་བའི་ཡི་གེ་པ་ནི་གནས་བརྟན་རིག་པ་འཛིན་པ་འཇམ་དབྱངས་གྲགས་པས་བགྱིས་པ་སློབ་བཤད་ཟབ་མོའི་བསྟན་པ་རིན་པོ་ཆེ་ཕྱོགས་དུས་གནས་སྐབས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག །མངྒ་ལཾ།། །།

― GLG008_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

འཇམ་དཔལ་དབྱངས་ཆོས་ཀྱི་རྗེ་དཀོན་མཆོག་ཆོས་འཕེལ་གྱི་རྟོགས་བརྗོད་མཁས་པའི་རྣ་རྒྱན།

― GLG008_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དཔལ་དབྱངས་ཆོས་ཀྱི་རྗེ་དཀོན་མཆོག་ཆོས་འཕེལ་གྱི་རྟོགས་བརྗོད་མཁས་པའི་རྣ་རྒྱན་བཞུགས་སོ།།

― GLG008_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་བྱས་སྣང་བ་རྒྱ་མཚོའི་ཕ་མཐའ་ཚུར་མཐོང་བློ་གྲོས་གཞལ་བར་རབ་དཀའ་བླ་མེད་རིན་ཆེན་འབྱུང་གནས་ཆེ། །རླབས་ཆེན་ཚོགས་གཉིས་རླུང་གི་ཤུགས་ཀྱིས་རང་དབང་དང་བྲལ་ཟུང་འཇུག་གླིང་དུ་བདེ་བར་སོན་པའི་རིགས་བརྒྱའི་བདག །མཐའ་ཡས་ལུས་ཅན་ཀུན་མཁྱེན་ཁང་པར་འཇུག་པའི་སྒོ་འཕར་བརྒྱ་ཕྲག་འབྱེད་ཕྱིར་སྒྱུ་འཕྲུལ་དྲ་བའི་རོལ་གར་ལས། །ཉི་མའི་གཉེན་གྱི་ཅོད་པཎ་ལེགས་འཆང་དམ་པའི་ཆོས་ཀྱི་འཁོར་ལོས་སྒྱུར་བ་ཙོང་ཁ་པ་ལ་སྤྱི་བོས་འདུད། །གང་གི་དྲི་མེད་བསྟན་པའི་ཤིང་རྟ་ལོག་པར་རྟོག་པའི་འདམ་རྫབ་ཏུ། །བྱིང་ནས་མཁས་པའི་བྱེད་པོ་ཕལ་ཆེར་དུབ་པས་བཏང་སྙོམས་ལ་གནས་ཚེ། །ཐོགས་མེད་འདྲེན་པའི་ཁ་ལོ་བ་རུ་ཟུར་ཕུད་ལྔ་པ་མིའི་ཟོལ་ཅན། །སྨྲ་བའི་དབང་ཕྱུག་དཀོན་མཆོག་ཆོས་འཕེལ་ཐུབ་བསྟན་ཡོངས་ཀྱི་བླ་ན་མཐོ། །ལུང་རྟོགས་ལྷུན་པོས་རབ་ལྕི་བསྟན་པའི་ས། །ཉེས་བཤད་ཆུ་མཚོར་ནུབ་ལ་མངོན་ཕྱོགས་ཚེ། །རྣམ་དཔྱོད་རུས་སྦལ་ཁུར་གྱིས་བཏེག་པ་ན། །ཁྱབ་འཇུག་སྐྱེངས་ཏེ་སུམ་རྩེན་གནས་སུ་བྲོས། །བདག་པས་གཞན་གཅེས་རྨད་བྱུང་སྙིང་རྗེའི་གཏེར། །ཆོས་ཀུན་རྗེན་པར་རྟོགས་པའི་མཁྱེན་པའི་ཀློང་། །སྨྲ་ངན་ནག་པོའི་སྡེར་བཅས་འཇོམས་པའི་མཐུས། །རིགས་

― GLG008_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་མགོན་ཡང་འདི་ལས་གཞན་དུ་ཅིི། །དེ་ཕྱིར་མཛད་པའི་མཁའ་ཡི་ཕ་མཐའ་ལ། །བློ་གྲོས་གཤོག་པས་གཞལ་བའི་ནུས་བྲལ་ཡང་། །ཐུན་མོང་སྣང་ངོར་བསྟན་པའི་ལྷ་ལམ་ངོས། །སྙན་ཚིག་འཕུར་ལྡིང་བགྱིད་ལ་སུ་མི་སྤྲོ། ཁྱད་པར་རྣམ་འདྲེན་ཀུན་འདུས་བླ་མ་ལ། །སྤེལ་ལེགས་སྙན་པའི་ཚིག་ལས་དྲངས་པའི་བློས། །རྣམ་པར་ཐར་པའི་བསྟོད་བསྔགས་བརྗོད་པ་ཡི། །བྱེད་པོ་དུས་མཁྱེན་རྒྱལ་པོར་ཚུལ་མཐུན་སྙམ། །བསོད་ནམས་ཞིང་གྱུར་དགེ་འདུན་ཡོངས་ཀྱི་དཔལ། །གང་དེར་ཕྱོགས་ལྷུང་ཉིན་བྱེད་འོད་དཀར་གྱིས། །བྱེད་མིན་དད་པའི་བ་ཀུ་ལ་ལྡན་པའི། །བློ་ལྡན་རྣམ་རྒྱལ་ངག་གི་འོད་རྣོན་གྱིས། །དམ་པའི་དྲིན་ལས་གཞུང་ལུགས་མང་ཐོས་པའི། །ཟ་ཧོར་བནྡྷེའི་རྣ་བའི་པདྨ་དཀར། །ཕྱེ་བས་རྟོགས་བརྗོད་སྦྲང་རྩི་མངར་བའི་རོ། །སྤེལ་གྱིས་བློ་གསལ་རྐང་དྲུག་དགའ་སྟོན་བྱོས། །དེ་ཡང་གྲངས་མེད་པའི་སྐུ་ཚེ་རྣམས་སུ་མཁས་པ་པཎྜི་ཏ་རིམ་པར་བརྒྱུད་པའི་བག་ཆགས་བླ་ན་མེད་པས། ཆེས་ཤིན་ཏུ་ཟབ་ཅིང་བརླིང་བའི་གསུང་རབ་མཐའ་དག་ཀྱང་། ལྟ་བ་པོ་ལ་མི་དགའ་བའི་བརྟུལ་ཞུགས་ཀྱིས་ཁྲོ་བའི་བཞིན་རས་ནག་པོར་སྟོན་པའི་མདུད་པ་དབང་མེད་པར་གྲོལ་བའི་ངོ་མཚར་གྱི་འཕྲེང་བ་རྣམ་དཔྱོད་ཀྱི་མགུལ་

― GLG008_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བཅིངས་ནའང་། དངོས་སུ་མཁས་པ་འདི་དང་འདི་ཞེས་སྐྱེ་བར་ཞལ་གྱིས་མི་འཆེས་པར་སྐྱེ་དགུ་ཕལ་པའི་སྣང་ཚུལ་དང་བསྟུན་པའི་རྫུ་ལ་བརྟེན་ནས། རྒྱ་བོད་ཀྱི་མཁས་གྲུབ་དམ་པ་ཀུན་གྱི་མཛད་པ་ལྟར། ཐོས་བསམ་སྒོམ་པའི་ཚུལ་ལ་ཐུགས་གཞོལ་བར་གྱུར་པས། སྙིགས་དུས་ཀྱི་རྒྱལ་བ་ཀུན་གྱི་དབང་པོ་ཆོས་ཀྱི་རྒྱལ་པོ་ཙོང་ཁ་པ་ཆེན་པོ་ཞེས་གྲགས་པའི་རྫ་རྔ་སྲིད་འདི་ཡོངས་ཀྱི་རྣ་བར་སྤུད་པ་གང་གི་རྒྱལ་ཚབ་དམ་པ། འཁོར་ལོས་སྒྱུར་བའི་སྲས་ཀྱི་མཆོག་སེང་གེའི་ཁྲི་ལ་དབང་བསྐུར་བ་ལྟར་གྱུར་བའི་ཐུབ་བསྟན་ཡོངས་ཀྱི་རྩ་ལག་རྗེ་བཙུན་དཀོན་མཆོག་ཆོས་འཕེལ་གྱི་རྣམ་པར་ཐར་པའི་མུ་མཐའ་ཀུན་མཁྱེན་པའི་ཡུལ་ལས་གཞན་གྱི་གནས་མིན་ཡང་། རང་ཅག་རྣམས་ཀྱིས་ཇི་ལྟར་ཁོང་དུ་ཆུད་པའི་ཚུལ་ཅུང་ཟད་བརྗོད་པར་བྱའོ། །སྔོན་གནས་རྗེས་དྲན་མཁས་གྲུབ་སྐྱེ་བ་ཡི། །རྒྱུད་ལས་འོངས་མིན་ཚེ་འདིར་སྦྱངས་སྟོབས་ཀྱིས། །མཁས་པའི་བྱ་བ་རྣམ་གསུམ་ཀུན་རྫོགས་པས། །བརྒྱ་བའི་ཚེའི་ཡུན་མེས་པོས་རིང་པོར་སྤྲུལ། །ཨེ་མ་འཕགས་ཡུལ་མཁས་པའི་བག་ཆགས་ཀྱི། །བཟང་པོའི་ཆ་ཤས་ཡོངས་སུ་གང་མིན་ན། །བསིལ་ལྡན་ཁ་བའི་ལྗོངས་སུ་སྐྱེས་པའི་མི། །ཕལ་ཆེར་ཁྱོད་དང་མི་མཚུངས་གང་གི་སྐྱོན། །མི་བསྲུན་སྐྱེ་བོས་གང་བའི་མཚན་མོའི་དུས། །དཔག་དཀའི་མཛད་པའི་ཚལ་རྣམས་ཟུམ་པའི་རྫུ། །རྟོགས་བརྗོད་ཉིད་བྱེད་དབང་པོ་ཤར་བའི་ཚེ། །ཞིག་པ་དངོས་པོའི་ཆོས་ཉིད་ཡིན་ལགས་དྲང་། །འོན་ཀྱང་དམ་པའི་སྐྱེ་བར་ཁས་འཆེ་ནས། །ཐོས་བསམ་སྒོམ་པའི་མཐུ་དམན་ཟང་ཟིང་གིས། །གཞན་སྣང་སྒྱུར་བ་ཁོ་ན་སྐྱབས་བསྟེན་པས། །ལྗོངས་འདི་གང་ཚེ་ཁྱོད་ཀྱི་དད་པའི་གསོས། །དེ་ཡང་བདག་ཉིད་ཆེན་པོ་འདི་ཉིད་འཁྲུངས་པའི་ཡུལ་ནི། གངས་ཀྱི་རྡུལ་མང་བརྩེགས་པའི་རི་བོའི་འཕྲེང་བ་ཁོར་

― GLG008_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུག་ཀུན་དུ་དཀྲིས་པའི་ལྗོངས་ཆེན་པོ་འདི་རྗེ་བཙུན་ཕྱག་ན་པདྨའི་ཐུགས་རྗེའི་ཟློས་གར་ལས། བོད་དང་པོར་སྐྱོང་བའི་རྒྱལ་པོ་གཉའ་ཁྲི་བཙན་པོ་ནས་བཟུང་སྟེ། མེས་དབོན་རྣམ་པ་གསུམ་སོགས་ཁ་བ་ཅན་གྱི་ལྗོངས་འདི་བདག་གིར་མཛད་པའི་རྒྱལ་དང་རྒྱལ་བའི་སྲས་ཀྱི་སྤྲུལ་པ་ཉག་གཅིག་ཏུ་བྱོན་པ་རྣམས་ཀྱི་དབུ་རྨོག་བཙན་པོ་འཇིགས་པ་མེད་པའི་ལུགས་གཉིས་ཀྱི་ཁྲིམས་བཟང་པོ་མཆོག་དམན་སྐྱེ་བོ་ཀུན་གྱི་གཉའ་བ་ན་ལྕི་བས། ཕན་བ་དེའི་སྨན་ཡོན་མཐའ་དག་ངང་གིས་འདུ་བའི་སྐབས། རུ་བཞིར་གྲགས་པ་ལས་གཡོན་རུའི་ཆར་གཏོགས་ཤིང་། གླང་དར་མ་འུ་དུམ་བཙན་གྱིས་བསྟན་པ་རིན་པོ་ཆེར་རྨ་ཅུང་ཟད་ཕྱུང་བའི་རྗེས་སུ། སླར་ཡང་ལྷག་པ་ཚུལ་ཁྲིམས་ཀྱི་བསླབ་པ་ལ་གཙོ་བོར་ནན་ཏན་དུ་བགྱིད་པའི་མདོ་རྒྱུད་ཀྱི་བཤད་སྲོལ་མཐའ་དབུས་ཀུན་ཏུ་ཁྱབ་པ་ལས། དུས་ཡུན་མི་རིང་བར་གནམ་བསྐོས་ཀྱི་རྒྱལ་པོ་འཇམ་དབྱངས་གོང་མའི་ལུང་དང་། རང་ཉིད་བསོད་ནམས་ཀྱི་དཔལ་མངོན་པར་བདོ་བའི་བྱེད་པོས། ཉི་མ་ནུབ་ཕྱོགས་ཀྱི་རྒྱལ་ཁམས་མཐའ་དག་ལ་སྟོབས་ཀྱི་འཁོར་ལོས་རང་དབང་དུ་སྤྱོད་པའི་སྡེ་སྲིད་ཕག་མོ་གྲུ་པའི་མདུན་ན་འདོན་རྣམས་ཀྱི་ནང་ནས། བོད་ཡུལ་འདིར་བཀའ་དྲིན་མཚུངས་པ་མེད་པ་འཇམ་དབྱངས་ཐོན་མི་སམྦྷོ་ཊའི་གདུང་འཛིན་ནང་སོ་ཡར་རྒྱབ་པའི་མངའ་འབངས་ཀྱི་སའི་ཆ། གྲྭ་རིག་པའི་འབྱུང་གནས་ཞེས་བྱ་བ་རྒྱལ་པོའི་ཁྲིམས་བཙན་པོས་ངན་སྤྱོད་ཀྱི་སྐྱེ་བོ་མཐའ་དག་རྨེག་མེད་པར་འཇོམས་པའི་དྲག་ཤུལ་གྱིས་འཛིན་མའི་ཁྱོན་ཡང་རྣམ་པར་སྐྲག་སྟེ། མི་བདེ་བའི་གཅོང་རོང་དང་ངམ་གྲོག་མཐའ་དག་རྒྱང་རིང་དུ་བསྐྲད་ནས། ཤིན་ཏུ་འཇམ་ཞིང་ཁོད་མཉམ་པའི་ཁོར་མོ་ཡུག་ཏུ་དབྱར་གྱི་དཔལ་མོ་རྣམ་པར་བཞད་པའི་རྐང་འཐུང་གི་འཕྲེང་བ་ཡལ་འདབ་འབྲས་བུའི་ཁུར་

― GLG008_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་དུད་པ། གཡུལ་ངོར་ཆས་པའི་རུ་མཚོན་ལྟ་བུར་གཟིངས་པའི་བྲག་རིའི་ཚོགས་ཀྱིས་དབེན་པའི་ས་འཛིན་ཕལ་ཆེར་མརྒད་ཀྱི་འོག་པག་གྱོན་ཞིང་། འགའ་ཞིག་མཐོ་རིས་ཀྱི་དཔལ་མོའི་མདུན་སར་བསྙེག་ཕྱིར་ལྗོན་ཤིང་དང་སྤང་ལྗོངས་ཀྱི་གོས་དང་བྲལ་བར་བྱས་ནས་ཟླ་བའི་དུམ་བུ་ལྟ་བུའི་ཁ་དོག་ངོམ་པའི་ཡུལ་གྲུ་དག་གི་ཆར། སྙིགས་དུས་ཀྱི་རྒྱལ་བ་གཉིས་པ་བཙོང་ཁ་པ་ཆེན་པོའི་རིང་ལུགས་པ་མཁས་པའི་དབང་པོ་བསོད་ནམས་རྣམ་པར་རྒྱལ་བ་མི་ཕམ་དགའ་བའི་བཤེས་གཉེན་གྱི་གདན་ས་བྱམས་པ་གླིང་གི་ཆོས་རྭ་དང་འདབས་ཆགས་པ་དགོན་པ་ཞོལ་ཞེས་བྱ་བ་ཡིན་ནོ། །འཇིག་རྟེན་དབང་ཕྱུག་ཐུགས་རྗེའི་རང་གཟུགས་ཀུན། །རབ་དཀར་ཁ་བའི་གཟུགས་སུ་ཆགས་པའི་ལྗོངས། །མཁས་གྲུབ་དུ་མས་ཉེར་བསྟེན་གཡོན་རུའི་ཆ། །དགེ་བཅུའི་ཡོན་ཏན་མགྲོན་དུ་འགུགས་པ་བཞིན། །བཟའ་ཤིང་ར་བའི་མགོ་ལྕོགས་ལྡེམ་པའི་རྩེར། །འབྲས་བུའི་ཁུར་དུ་སྨིན་པའི་འོད་མདངས་ཀྱིས། །རང་མིན་གཉིས་པའི་རྒྱུ་སྐར་འཕྲེང་བ་ཞིག །བསྒྲིགས་སྙམ་བལྟ་ཕྱིར་མཁའ་ལ་འོངས་པ་འདྲ། །གནམ་སྔོན་ཞུན་མར་འཁྱིལ་འདྲའི་པཀྵུའི་ཀླུང་། །ནོར་འཛིན་བུ་མོའི་གོས་སུ་ཀླུབས་པ་ལྟར། །ཆལ་ཆིལ་རླབས་ཕྲེང་གཡོ་ཞིང་རྒྱུ་བ་ན། །ཆུ་ཕྲན་ཕལ་ཆེར་ཡུལ་གཞན་བྲོས་སམ་སྙམ། །རྡུལ་མང་བརྩེགས་འགའ་འཆི་མེད་སར་བསྙེག་ཕྱིར། །གཅེར་བུའི་རང་གཟུགས་གསལ་བར་བསྟན་པ་ན། །ཕལ་ཆེར་སྐྱེངས་པས་དབྱར་སྐྱེས་གཞོན་ནུ་དག །སྒྲིབ་གཡོགས་གོས་ཀྱི་ཚུལ་དུ་བྱས་མིན་ནམ། །དང་པོའི་སངས་རྒྱས་རྒྱུད་དོན་སྨྲ་བའི་སྒྲས། །གསང་ཆེན་ནཱ་དའི་དབྱངས་ཀུན་དེར་བླངས་ན། །འཇམ་དཔལ་གྲགས་པ་འདི་ན་ཅི་བྱ་ཞེས། །ཞུམ་སྟེ་མི་འགྱུར་བདེ་བའི་དབྱིངས་སུ་ཡིབ། །དེ་ཡང་བོད་ཡོངས་ཀྱི་འདྲེན་མཆོག་རླངས་ལྷ་གཟིགས་

― GLG008_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་གདུང་ལས། སྤྱན་སྔ་གྲགས་པ་བྱང་ཆུབ་ལྟ་བུ་ཡང་། རྒྱལ་བ་ཙོང་ཁ་པའི་བསླབ་སྦྱངས་ཀྱི་ཚུལ་ལ་ཐུགས་ཧ་ལས་པར་གྱུར་ནས། ངེད་ཀྱི་སྐྱེ་ས་འདི་འདྲ་བ་ཞེས་རིགས་རུས་སྲིད་འབྱོར་མཐའ་དག་ནས་མཆོག་ཏུ་གྱུར་པས་ཀྱང་རྒྱལ་བའི་གསུང་རབ་ལ་ཐོས་བསམ་སྒོམ་པའི་གེགས་ཆེན་པོའི་རྐྱེན་དུ་གྱུར་པར་གྲགས་པ་དང་། སྤྱན་སྔ་ངག་གི་དབང་ཕྱུག་དང་། བདག་པོ་འཇམ་དབྱངས་པ་ལྟ་བུའི་མཁས་པ་ཡང་རྒྱལ་སྲིད་ཀྱི་ཆེད་དུ་ཚངས་པར་སྤྱོད་པའི་བསླབ་པ་འབུལ་དགོས་པ་སོགས་རྒྱ་བོད་ཀུན་དུ་རིགས་རུས་དང་སྟོབས་འབྱོར་ལ་བརྟེན་ནས། རབ་ཏུ་བྱུང་སྟེ་ཀློག་པ་ཐོས་བསམ་དང་སྤོང་བ་བསམ་གཏན་བགྱིད་པའི་མི་མཐུན་ཕྱོགས་མང་དུ་བྱུང་བའི་ཕྱིར་ན། ཤཱ་རི་བུའི་སྨོན་ལམ་དུ། ཧ་ཅང་ཕྱུག་པོའི་ཁྱིམ་དང་ནི། །དབུལ་པོའི་ཁྱིམ་དུ་མི་སྐྱེ་བར། །བར་མའི་ཁྱིམ་དུ་སྐྱེས་ནས་ཀྱང་། །རབ་ཏུ་བྱུང་བ་བྱེད་པར་ཤོག །ཅེས་པའི་དོན་ལྟར། ཡབ་བཀྲ་ཤིས་རྣམ་རྒྱལ་དང་། ཡུམ་ལྷ་མོ་གཉིས་ཀྱི་སྲས་སུ། འཕགས་ཡུལ་དུ་ཤྲཱི་མུ་ཁ་ཞེས་པ་ཕྱོགས་འདིར་དཔལ་གདོང་དུ་གྲགས་ཤིང་། རྒྱ་ནག་པོའི་གཙུག་ལག་ཏུ་དབང་ཐང་དང་བསྟུན་པ་ཆུ་མོ་བྱའི་ལོ་ལ་སྐུ་བལྟམས་སོ། །དྲི་མེད་སྟོན་གྱི་མཁའ་ལ་འོད་དཀར་ཅན། །ཤར་ཚེ་རིག་སྨྲའི་བྲམ་ཟེ་དགའ་བྱེད་ན། །འཇམ་དཔལ་སྙིང་པོའི་བསྟན་པ་མཛེས་པའི་རྒྱན། །བསྐྲུན་འདི་སྐལ་བཟང་ཡོངས་ཀྱི་དགའ་སྟོན་གནས། །འཁྲུངས་ནས་དགུང་ལོ་ལྔ་དྲུག་མན་དུ། །གུང་ཐང་ནས་བླ་མ་ཞང་གི་གསུང་ལས་མྱུར་དུ་ཤོག་གསུང་བའི་སྣང་བ་དང་། གསང་ཕུ་དབྱར་ཆོས་ལ་འགྲོ་གསུང་བ་སོགས་སྔོན་གནས་རྗེས་དྲན་གྱི་གསུང་མང་དུ་བྱོན། དགུང་ལོ་ལྔ་ལོན་པ་དབང་ཕྱུག་ཅེས་པ་མེ་གླང་གི་ལོ། ཡར་རྒྱབ་ནས་ས་སྐྱ་བདག་ཆེན་སྔགས་འཆང་

― GLG008_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་སྤྱན་དྲངས། ཁོང་ཚར་ཆེན་ཆོས་ཀྱི་རྒྱལ་པོ་དང་འཇམ་དབྱངས་མཁྱེན་བརྩེའི་དབང་ཕྱུག་སོགས་བསྟན་འཛིན་ཡིན་ངེས་ཚོར་དགྲར་ལྟ་བ། ཞྭ་སེར་གྱིས་བསམ་ཡས་བར་ཁང་གི་ཞལ་བ་འཕྱི་བའི་རྡོག་ཕྱིས་བྱེད་པ་སོགས་མཛད་པ་སྣ་ཚོགས་ལ་བརྟེན་ཕྱོགས་སུ་མ་ལྷུང་པའི་སྐྱེ་རྒུ་སྤྱི་ལ་བདག་སྨྱོན་ས་རུལ་དུ་གྲགས་ལ། འགའ་ཞིག་སློབ་དཔོན་བཻ་རོ་ཙ་ནའི་སྤྲུལ་པ་ཞེས་བསྔགས་རྗོད་བྱེད་སྣང་བ། སྡེ་པ་སྣང་རྩེ་བའི་ལུང་བསྟན་དུ་འདུག་ཀྱང་། ཁོང་གཏེར་བརྫུས་པ་ཡིན་པར་དགོངས་འདུས་ཀྱི་འགག་སྡོམ་རྩ་བའི་ཆིངས་ལྔ་པར་ཤིན་ཏུ་གསལ་བར་ཡོད་ལ། འཕྲང་འགོ་གཏེར་སྟོན་ཤེས་རབ་འོད་ཟེར་གྱི་ལུང་བསྟན་གབ་རྒྱ་ཅན་ལས་བཻ་རོའི་སྤྲུལ་པར་བསྟན་ཟེར་བ་ཡོད་ངེས་ཁོ་ན་ཡིན་ཚེ། འཕྲང་མགོ་དགེ་བཤེས་པ་ཚད་ལྡན་ཡིན་འདུག་པས། བདག་ཆེན་པའི་མཛད་སྤྱོད་ངན་པ་རྣམས་སེམས་ཅན་ལས་མ་དག་པའི་སྣང་ངོར་ཤར་བའི་དབང་དུ་བྱས་ཏེ། སྐྱེས་བུ་དམ་པར་འབད་པ་ཆེན་པོས་བསྒོམས་ནས་སྨྲ་ན། རྗེ་ཉིད་ཡུམ་གྱིས་ཁུར་ཏེ་མཇལ་བར་ཕེབས་པས། བདག་ཆེན་སྔགས་འཆང་ཆེན་པོའི་གསུང་ལས། ཡུམ་ལ་ཁྱོད་ཀྱི་བུ་འདི་ལ་གཙང་སྦྲ་ཆེན་པོ་གྱིས། མ་འོངས་པ་ན་བསྟན་པ་ལ་ཕན་པ་ཞིག་འོང་བར་འདུག་ཅེས་མ་འོངས་མངོན་སུམ་དུ་མཁྱེན་པའི་བཀའ་སྩལ་གྱི་བསླབ་སྟོན་གནང་ངོ་། །སྐྱེ་མང་མཁས་བཙུན་བཟང་པོའི་སྒྱུ་དྲའི་གར། །སྔོན་གནས་རྗེས་དྲན་ན་ཚོད་ཆེས་ཕྲ་བས། །གསལ་བར་གསུངས་འདིའི་ཐ་མལ་སྐྱེས་བུ་རུ། །རྫུ་བའི་རྫུན་མཚང་དངོས་སུ་སྟོན་པ་བཞིན། །འཁོན་གྱི་རིགས་འཁྲུངས་དཔལ་ལྡན་ས་སྐྱ་པ། །གང་གི་མངོན་པར་མཁྱེན་པའི་མེ་ལོང་དུ། །ཁྱོད་ཀྱི་མཛད་པའི་གཟུགས་བརྙན་ཡོངས་ཤར་པའི། །ཚུལ་འདི་ཀུན་མཁྱེན་ཡེ་ཤེས་གཞན་ལ་

― GLG008_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

ངོམ། །དགུང་ལོ་བརྒྱད་ལོན་པ་རྣམ་གནོན་ཞེས་པ་ལྕགས་ཕོ་འབྲུག་གི་ལོ་ལ་ས་ལུགས་ཀྱི་དགོན་པ་གྲྭ་བཀྲ་ཤིས་ཆོས་གླིང་དུ། རིན་པོ་ཆེ་བསོད་ནམས་རྒྱལ་མཆོག་པའི་དྲུང་དུ། བསྟན་པ་རིན་པོ་ཆེ་ལ་ཐོག་མར་འཇུག་པའི་སྒོ་སྐྱབས་སུ་འགྲོ་བ་དགེ་བསྙེན་གྱི་སྡོམ་པ་མནོས་ཏེ། མཚན་ཡོན་ཏན་རྣམ་རྒྱལ་དུ་གསོལ་ཏོ། །ཡོན་ཏན་བྱེ་བའི་གཞིར་གྱུར་ཚུལ་ཁྲིམས་ཀྱི། །སྐྱབས་གསུམ་འཛིན་པའི་དགེ་བསྙེན་བསླབ་པ་ཡིས། །ལྷ་བུའི་བདུད་ཀྱི་དགྲ་ལས་རྣམ་རྒྱལ་བའི། །མི་འགྱུར་གཏན་མདུན་སྒྲུབ་པའི་ཞིང་སར་གཤིན། །དེའི་ཚེ་ཐམས་ཅད་མཁྱེན་པ་དགེ་འདུན་རྒྱ་མཚོ་དཔལ་བཟང་པོའི་ཞབས་ཀྱི་པདྨོ་ལ་སྤྱི་བོས་རེག་ཅིང་གསུང་གི་བདུད་རྩིས་འཚོ་བའི་དྲུང་གནས་དཀོན་མཆོག་པས་ཀློག་གི་སློབ་དཔོན་བགྱིས་ཏེ། གངས་ཅན་གྱི་མཁས་པ་ཐོན་མིའི་གཙུག་ལག་ལྟར་ཀ་འཕྲེང་སུམ་ཅུ་ལས་འོངས་པའི་ཡི་གེའི་བརྡ་དག་རྣམས་ཀྱང་དཀའ་ཚེགས་ཆུང་དུས་འཁྲུལ་མེད་དུ་ཐུགས་སུ་བྱོན། དེ་ནས་མི་རིང་བར། སྲིད་འདིའི་གནས་སྐབས་ཀྱི་བདེ་བ་མཐའ་དག་གློག་འཕྲེང་ལྟར་མི་བརྟན་ཅིང་། ཁྱིམ་དུ་གནས་པ་མེ་འོབས་ལྟ་བུར་སྡུག་བསྔལ་གྱི་འབྱུང་གནས་སུ་དགོངས་ཏེ། དགུང་ལོ་བཅུ་གཉིས་ལོན་པ་ཉི་སྒྲོལ་བྱེད་ཅེས་པ་ཤིང་ཕོ་སྤྲེའུའི་ལོ་ལ། རྒྱལ་བས་ལུང་བསྟན་པའི་དབེན་གནས་ཆོས་འཁོར་རྒྱལ་ལེགས་བཤད་སྒྲོག་པའི་དགའ་ཚལ་གྱི་གྲྭ་ཚང་། ཤིང་རྟ་ཆེན་པོ་ཡབ་སྲས་ཀྱི་བླ་ན་མེད་པའི་ལམ་སྲོལ་ལུང་རིགས་ཀྱིས་གཏན་ལ་འབེབས་པའི་དྭགས་པོ་གྲྭ་ཚང་དུ་ཉེ་དུའི་བཤོལ་འདེབས་སོགས་ངེས་པར་འབྱུང་བའི་བར་ཆད་མི་འཇུག་པའི་སླད་དུ་གསང་སྟབས་ཀྱིས་ཆོས་བྲོས་ལ་ཕེབས། གྲུམ་མདའ་ཆོས་རྗེ་བློ་བཟང་ཆོས་འཕེལ་བའི་དྲུང་དུ་ཚིགས་

― GLG008_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

སྔ་མ་དགེ་ཚུལ་གྱི་སྡོམ་པ་ཡང་དག་པར་བཞེས། མཚན་དཀོན་མཆོག་ཆོས་འཕེལ་དུ་བཏགས་སོ། །རྒྱ་ཆེན་གཙུག་ལག་རིན་ཆེན་དོ་ཤལ་དག །དབྱངས་གསལ་བསྡེབས་ཀྱི་སྲད་བུར་བརྒྱུས་པའི་འཕྲེང་། །མགུལ་པར་བརྒྱན་པའི་མཐོ་རིས་སརྦྦ་ཛྙ། །ཁ་བའི་ལྗོངས་སུ་འོངས་ཞེས་ལྷ་རྣམས་གླེངས། །ཉེས་བརྒྱའི་འབྱུང་གནས་ཁྱིམ་གྱི་ཆུ་གཏེར་ལས། །ངེས་འབྱུང་རྫིངས་ཀྱིས་བདེ་བའི་གནས་བགྲོད་པས། །སྡུག་བསྔལ་སྟེར་བྱེད་མེ་ཏོག་མདའ་ཡི་རླབས། །བློ་བྲིད་ལྦུ་བའི་འཕྲེང་བཅས་རང་སར་ལོག །མདོག་དམར་མཆུ་སྒྲོས་རབ་མཛེས་མཛེས་པའི་བཞིན། །རྣམ་པར་ལེགས་ངོམ་མཐོན་མཐིང་མཐིང་ཁའི་སྐྲ། །ལན་བུ་རབ་གཡོ་གཡོན་མིག་མིག་ཟུར་མདའ། །འཕངས་ཀྱང་ཁྱོད་ཐུགས་སྲ་དེ་དེ་ཕྱིར་བརྟན། །གྲུམ་མདའ་མཁན་པོ་དང་། དངོས་སྟོབས་རིགས་པའི་དབང་ཕྱུག་སློབ་དཔོན་ནམ་མཁའ་རྒྱ་མཚོ། ཡུམ་དོན་གསལ་བའི་སྒྲོན་མེ་སློབ་དཔོན་བྱམས་པ་བརྟན་པ་རྣམས་གྲྭ་ཚང་གི་ལུང་རིགས་སྨྲ་བའི་ཆོས་ཀྱི་ཁྲི་ལ་རིམ་པར་བྱོན་པའི་བར་ལོ་གྲངས་བཅུའི་རིང་། རིགས་གཞུང་རྒྱ་མཚོའི་སྒོ་འཕར་ཅིག་ཅར་དུ་འབྱེད་པའི་བསྡུས་པ་ནས་བཟུང་། འཕགས་ཡུལ་གྲུབ་མཐའ་སྨྲ་བ་བཞི་པོ་སོ་སོའི་ལུགས་ཕྱིན་ཅི་མ་ལོག་པར་སྟོན་པའི་པོ་ཏི་ཕྱི་ནང་ཀུན་བརྒལ་བརྟག་གིས་གཏན་ལ་ཕབ་སྟེ་ཐུགས་ཀྱི་བུམ་བཟང་ཡོངས་སུ་བལྟམས་པར་མཛད་དོ། །གྲུབ་མཐའ་རྣམ་བཞིའི་ལུགས་འཛིན་འཕགས་ཡུལ་གྱི། །མཁས་མང་གཞུང་ལུགས་ཡན་ལག་བརྒྱད་ལྡན་ཆབ། ཁྱོད་བློའི་ལྟོ་བར་བལྟམས་པས་ཀླུ་སྒྲུབ་ཞབས། །གཞན་དོན་ཟོལ་གྱིས་སྒྲ་མི་སྙན་དུ་གཤེགས། །ཆོས་ཀུན་རྣམ་འབྱེད་ཤེས་རབ་ཞགས་པ་ཡིས། །བདེན་གཉིས་མ་ལུས་ཅིག་ཅར་བཅིངས་པ་ན། །སྐབས་གསུམ་ལམ་དེ་རང་གི་ཕ་མཐའི་ཚད། །གཞལ་དོགས་ཆུ་འཛིན་སྟུག་པོས་སྒྲིབ་སྙམ་བྱེད། དེ་སྐབས་ཞལ་སྔ་ནས་ནམ་མཁའ་རྒྱ་མཚོ་དྭགས་པོ་སྐུ་

― GLG008_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ཏུ་རྗེ་དྲུང་ཀརྨ་པ་དབང་ཕྱུག་རྡོ་རྗེའི་དྲུང་དུ་བྱ་མ་ཏར་བཏང་སྐབས། གྲུམ་མདར་ཞག་སའི་ནུབ་མནལ་ལམ་དུ་རྗེ་བཙུན་བྱམས་པ་སྐུ་བོངས་ཚད་ཤིན་ཏུ་ཆེ་བ་ཞིག་གིས་ཕྱག་གཉིས་ཀྱིས་དབུ་རྒྱན་ཕུད་དེ་དབུ་ལ་བཀོན་པའི་མཚན་ལྟས་ཁྱད་པར་ཅན་བྱུང་འདུག་ནའང་། །རྗེ་ཉིད་ནི་རྨི་ལམ་འཁྲུལ་པའི་སྣང་བ་ལ་མི་འབྱུང་བའི་མཐའ་རྙེད་དཀའ་བས་ཏིག་གཏད་ག་ལ་མཆིས་ཞེས་བདག་གིར་མི་མཛད་པ་ནི། སྐུ་ཚེ་འདི་ཉིད་ལ་མཁས་པའི་བྱ་བ་རྣམ་གསུམ་གྱི་མཛད་པ་མཐའ་དག་མངོན་སུམ་དུ་བསྟན་པའི་ཕྱིར་ན། ཉམས་དང་རྨི་ལམ་ཙམ་དང་ཚུལ་བསྟན་ལ་རེ་བ་འཆའ་མ་དགོས་པ་ལ་དགོངས་པ་འདྲ་ཞིང་། ཉེ་བར་བརྟགས་ཚེ། རྒྱལ་བ་ཙོང་ཁ་པ་ཆེན་པོ་དང་། གངས་ཁྲོད་པའི་རིགས་པ་སྨྲ་བ་མཐའ་དག་གི་གཙུག་རྒྱན་སྐད་གཉིས་སྨྲ་བ་བློ་ལྡན་ཤེས་རབ་ཀྱི་གདན་ཁྲི་གཉིས་ལ་ཆབས་གཅིག་ཏུ་ཞབས་ཟུང་གི་པདྨོ་རྣམ་པར་བཀོད། ས་དགེའི་མཁས་པ་ཕལ་ཆེར་གྱི་རལ་པའི་ཟུར་ཕུད་མཛེས་རྒྱན་དུ་འགྱུར་བའི་ལྟས་སུ་མངོན། དེ་སྐབས་རོང་ཆད་དཀར་དུ་ཆོས་རྗེ་རིན་པོ་ཆེ་བྱམས་པ་རྒྱ་མཚོ་ཕེབས་པ་ལ་བླ་མའི་རྣལ་འབྱོར་དང་། ཡར་ཀླུངས་བཀྲ་ཤིས་རྩེར་རྗེ་རྒྱལ་བ་གཉིས་པའི་བསྟན་པའི་གསལ་བྱེད་མཁས་པའི་དབང་པོ་སྒོམ་སྡེ་ནམ་མཁའ་རྒྱལ་མཚན་གདན་དྲངས་སྐབས་གྲྭ་ཚོགས་དང་ལྷན་དུ། ཟབ་མོ་རྟེན་ཅིང་འབྲེལ་པར་འབྱུང་བ་གསུང་པ་ལ་བསྟོད་པའི་ཊཱི་ཀ་སོགས་དམ་པའི་ཆོས་ཀྱི་དཀའ་འགྲེལ་གསན་ཅིང་། རྒྱལ་དབྱར་ཆོས་ཤིག་གི་སྐབས། སྐུ་ཚེ་དེ་ཉིད་ལ་ཟུང་འཇུག་གི་གོ་འཕང་མངོན་དུ་མཛད་པའི་སྙིགས་དུས་ཀྱི་གྲུབ་པའི་དབང་ཕྱུག་ཆེན་པོ་མིང་དང་དོན་མཐུན་པ་ན་ཁ་དཀའ་བཅུའི་དྲུང་དུ་ཐོག་མཐའ་བར་དགེའི་ལུང་གསན་ཏོ། །གསུང་

― GLG008_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ལུས་ཕྲར་ཆགས་པའི་དམར་བའི་ལྕེ། །ཚིག་དོན་ལང་ཚོ་ངོམ་པའི་ལྕགས་ཀྱུ་ཡིས། །ཤེར་ཕྱིན་སྦས་དོན་མཐའ་དག་བཀུག་གོ་ཞེས། །གྲགས་སྙན་དབྱངས་ཀྱིས་འཆི་མེད་ཡུལ་དུ་བསྙེགས། །རྒྱལ་བའི་བསྟན་པ་མ་ལུས་འདེགས་པའི་ཁུར། ཁྱོད་ཉིད་གཅིག་པུས་ཁྱོགས་ལ་བླངས་པ་ན། །མི་ཕམ་མགོན་དེས་ཅོད་པན་ཉེར་གཏད་ནས། །ཞི་བའི་དབྱིངས་སུ་ངལ་གསོ་མཛད་ཀྱི་དོགས། །བརྒྱ་ཕྲག་ཐབས་ཀྱིས་ཐོས་པའི་སྒྲོ་འདོགས་ཀུན། །གཅོད་ཕྱིར་ངལ་བརྒྱ་ལྷུར་ལེན་སྙིང་སྟོབས་ཀྱིས། །ནཱ་རོ་ཏ་པའི་དཀའ་སྤྱད་དྲག་པོ་ལ། །ཆེས་ཆེར་གདུང་བའི་མོས་པ་ལྷོད་པོར་བྱས། །དེ་ནས་དགུང་ལོ་ཉེར་གཅིག་ལོན་པ་རྣམ་རྒྱལ་ཞེས་པ་ཆུ་མོ་སྦྲུལ་གྱི་ལོ། ས་གཞིའི་དབང་ཕྱུག་དྲུང་ཆེན་རིན་པོ་ཆེ་ཏའི་སྭི་ཏུ་བྱང་ཆུབ་རྒྱལ་མཚན་གྱིས། དྭགས་པོའི་བཀའ་བརྒྱུད་ཀྱི་ཕྱོགས་སུ་སྔོན་ཆད་བཤད་གྲྭའི་སྲོལ་མ་མཆིས་པ་དག་བསྟན་པ་རིན་པོ་ཆེའི་བཙས་སུ་སྤེལ་བར་བཞེད་ནས། ཕྱག་དར་ཏེ་འདེབས་པར་མཛད་པའི་ཆོས་གྲྭ་ཆེན་པོ་དཔལ་གྱི་རྩེས་ཐང་ཞེས་རིགས་པ་སྨྲ་བའི་མཁས་མང་རྒྱ་མཚོ་འདུ་བའི་དབུས་སུ་ཕར་ཚད་གཉིས་ཀྱིས་ཐོག་དྲངས་པའི་རྒྱ་གར་མཁས་པའི་ཞལ་ལུང་ལས་འོངས་པའི་བཀའ་པོད་ཀྱི་ཚིག་དོན་ཕྱིན་ཅི་མ་ལོག་པར་འགྲེལ་བའི་གསུང་བཤད་དང་། ཕྱིར་རྒོལ་བ་རྣམས་ཀྱི་རིགས་པའི་ཐལ་འགྱུར་གྱི་མཚོན་སྣོན་པོས་ཅུང་ཟད་ཀྱང་གཞོམ་གཞིག་དང་བྲལ་བའི་དམ་བཅའ་སོགས་ཀྱི་རབ་འབྱམས་གྲྭ་བསྐོར་མཛད་པས། ཕྱོགས་དེར་འཁོད་པའི་རིས་བྲལ་གྱི་མཁས་པ་མཐའ་དག་ཐུགས་ལྷག་པར་ཕྲོགས་ཤིང་། ཁྱད་པར་ཀར་ལུགས་ཀྱི་རབ་འབྱམས་པ་སྨྲ་སེང་དང་རྩོད་པ་མཛད་པས། མགྲིན་སྔོན་ཅན་གྱི་མདས་གྲོང་ཁྱེར་སུམ་

― GLG008_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩེགས་བཅོམ་པ་ལྟར། ཆོས་ཀྱི་འགྲོ་བས་མིང་གི་ལྷག་མ་ལྟར་མཛད་པའི་སྙན་གྲགས་ཕྱོགས་ཀྱི་བུ་མོའི་མགྲིན་པར་བླངས་པས། རོང་ཆད་དཀར་དུ་ཞབས་དྲུང་ཁྲི་ཆེན་ལྷག་པར་ཐུགས་དགྱེས་པའི་ངོས་མཇལ་སྐབས་ལེགས་སོའི་བྱ་དགའ་ཆེན་པོ་སྩལ། དེ་དུས་ཆོས་རྗེ་རིན་པོ་ཆེ་རྡོ་རྗེ་འཛིན་པ་དཔལ་འབྱོར་ལྷུན་གྲུབ་ཀྱང་ཡོན་བདག་རབ་འབྱམས་པ་ཞེས་དྭགས་པོ་གྲྭ་ཚང་གི་དགེ་བཤེས་ཆེ་ཁད་ཡོད་འདུག་པ་ལ། དཀོན་མཆོག་གསུམ་གྱི་དཀའ་གནས་ལས་བརྩམས་པའི་འཛིན་ཆོས་དང་། ལེགས་པར་སྦྱར་པ་ཀ་ལཱ་པའི་འཚམས་སྦྱོར་ལྔ་པའི་གསན་པ་མཛད། དེ་ནས་བཅོམ་ལྡན་འདས་དཔལ་གསང་བ་འདུས་པའི་རྟེན་དང་བརྟེན་པའི་དཀྱིལ་འཁོར་འགྲོ་བ་ཡོངས་ཀྱི་ཐུན་མོང་དུ་སྤྱོད་པའི་སྣང་ངོར་འདུས་པའི་སྡེ་ཆེན་པོའི་གཟུགས་སུ་ཤར་བ་རྒྱལ་མེ་ཏོག་ཐང་དུ། མངའ་དྭགས་གཉིས་སོགས་ཀྱི་རིགས་པ་སྨྲ་བ་བགྲང་ཡས་པ་ཚོགས་པའི་དབུས་སུ། སཱ་ལའི་ལྗོངས་འདིའི་མཚན་ཉིད་པ་མཐའ་དག་ལ་གྲགས་པའི་གཞུང་ཆེན་པོ་ཀུན་ལ་གསུང་བཤད་དང་དམ་བཅའི་ལེགས་པར་བཤད་པའི་དབྱངས་ཀྱི་པི་ཝང་མཁས་པ་ཡོངས་ཀྱི་རྣ་བའི་རྒྱན་དུ་བརྡུང་བར་མཛད། དེ་ཞོར་རྒྱལ་རི་ཁྲོད་དུ་བླ་མ་ཁྱུང་པོ་ལ་དཔལ་རྡོ་རྗེ་འཇིགས་བྱེད་ཀྱི་དབང་བཞི་གསན་ཏོ། །ཆེས་ཕྲའི་ན་ཚོད་དཀར་བའི་ཟླ་ཚེས་གང་། །ཐོས་བསམ་བཅུ་དྲུག་ཆ་ཤས་ཡོངས་རྫོགས་པའི། །རྒན་པོའི་བློ་འཆང་གཞོན་ནུའི་ཚུལ་འཛིན་འདི། གདོང་དྲུག་སུམ་རྩེན་སྙེགས་པའི་ཟོལ་གྱིས་སོང་། །རྒོལ་ངན་ལོག་སྨྲའི་འགོག་པའི་བརྟུལ་ཞུགས་ཀུན། །དངོས་སྟོབས་རིགས་པའི་མེ་ཏོག་མདས་བཤིག་ཚེ། །

― GLG008_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

མདའ་ལྔ་པ་དང་ཁྱོད་ཀྱི་སྣང་ཚུལ་ལ། །རགས་པའི་ལུས་ཀྱིས་ཁྱད་པར་བྱས་པ་བཞིན། །དེའི་ཚེ་དྭགས་པོ་ལྷོ་སྡིངས་ནས་ཆོས་ཀྱི་རྗེ་ནམ་མཁའ་རྒྱ་མཚོའི་གསུང་ལས། ཉིད་སྔར་ཕན་རྒྱལ་བའི་གསུང་རབ་རྣམས་ལ་ཐོས་བསམ་གྱིས་ལེགས་པར་གཏན་ལ་ཕབ་ནའང་། དེ་ཙམ་གྱིས་ཡིད་ཚིམ་པར་བྱ་མི་རིགས་པས། དེང་སང་བོད་ཁ་བ་ཅན་གྱི་བསྟན་པའི་སྙིང་པོ་གནས་པའི་ས། རྗེ་རྒྱལ་བ་གཉིས་པའི་གདན་ས་རིན་པོ་ཆེས་ཐོག་དྲངས་པའི་བཤད་སྒྲུབ་ཀྱི་འདུས་སྡེ་ཕལ་ཆེར། དགེ་བཅུའི་ཡོན་ཏན་ཡོངས་སུ་རྫོགས་པའི་སྐྱིད་ཤོད་ཕྱོགས་སུ་ཡོད་པ་དང་། ཁྱད་པར་མདོ་རྒྱུད་བསྟན་པའི་རྩ་ལག་ཆོས་ཀྱི་རྗེ་རིན་པོ་ཆེ་དཔལ་འབྱོར་རྒྱ་མཚོའི་དྲུང་དུ། མདོ་སྔགས་ཀྱི་སྒྲོ་འདོགས་གཅོད་དགོས་ཚུལ་སོགས་ཀྱི་གསུང་གིས་ནན་ཏར་བསྐུལ་བ་ལ་བརྟེན་ནས། དགུང་ལོ་ཉེར་གཉིས་ལོན་པ་རྒྱལ་བ་ཞེས་པ་ཤིང་རྟ་ལ་སྐྱིད་ཤོད་དུ་ཕེབས་ཏེ། ཐོག་མར་ལྗོངས་འདིའི་མཉམ་མེད་ཟས་གཙང་གི་སྲས་པོའི་བསྟན་པའི་རྩ་ལག །དཔལ་གསང་ཕུ་ནེའུ་ཐོག་གི་ཆོས་གྲྭ་ཆེན་པོ་མཛེས་པར་བྱེད་པའི་རྒྱན་གཅིག །ཚད་མ་རིག་པའི་ཆུ་ཀླུང་མཐའ་དག་གཅིག་ཏུ་འདུ་བའི་དཔལ་ར་བ་སྟོད་དུ། འཇམ་དབྱངས་གཞོན་ནུ་མཐོན་མཐིང་རལ་བའི་ཟུར་ཕུད་དོར་ཏེ་ངུར་སྨྲིག་གི་ཟོལ་ལ་ཉེ་བར་བརྟེན་པའི་ཆོས་ཀྱི་རྗེ་བློ་གྲོས་རྒྱ་མཚོའི་ཞབས་ལ་བཏུད་དེ། སྔོན་ནས་ཐུགས་སུ་ལེགས་པར་བྱོན་ཟིན་ནའང་། དྲུང་ཆེན་ལེགས་བཟང་བའི་ལུགས་ཀྱི་རིགས་པའི་དབང་ཕྱུག་གི་གཞུང་འདི་ལ་གཞན་ལ་མེད་པའི་ཁྱད་ཆོས་དུ་མ་དང་ལྡན་པའི་སྙན་པ་ལ་བརྟེན་ནས། རྗེ་བཙུན་ས་པཎ་གྱིས། རང་བློ་ཤེས་བྱ་ཀུན་ལ་མ་སྦྱངས་ན། །ཐམས་ཅད་

― GLG008_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་པ་ནམ་མཁའི་མཐའ་ལས་རིང་། །དེ་ལྟར་དགོངས་ནས་རྒྱལ་དང་མཁས་རྣམས་ཀྱིས། །ཤེས་བྱའི་གནས་རྣམས་སྦྱོངས་ཞེས་ལེགས་པར་གསུངས། །ཞེས་པའི་དོན་ལྟར། རྒྱས་པའི་བསྟན་བཅོས་ཚད་མ་རྣམས་འགྲེལ་གྱི་ཚིག་དོན་མཐའ་དཔྱོད་ཀུན་ལ་བསླབ་སྦྱངས་ཀྱིས་པཎ་ཆེན་ལྷ་ཤཱཀ་གཉིས་ཀྱི་རྣམ་ཐར་ཀུན་རང་གིར་མཛད། ཆོས་མཚམས་ཀྱི་བར་ཐམས་ཅད་ལ་རྗེ་ཞལ་སྔ་ནས་སྟག་ལུང་བྲག་པའི་དྲུང་དུ་བྱང་ཆུབ་ལམ་རིམ་ཆེན་མོའི་བཟབས་བཤད་གསན། དེ་ནས་དྲང་སྲོང་ཆུ་ལྷའི་བུའི་བདེན་ཚིག་གི་མཐུས་ཉལ་འགྲོ་མཐའ་དག་སྨན་གྱི་རོ་མངར་པོ་འཐུལ་བའི་འབྲས་ལྡན་དུས་ཀྱི་དགའ་སྟོན་ལ་བབས་པའི་ཚེ། འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་དུ། དུས་དེའི་ཚེ་རྒྱལ་བ་གཉིས་པའི་བསྟན་འཛིན་ཀུན་གྱི་གཙུག་ན་མངོན་པར་མཐོ་བའི་ཆོས་རྗེ་རིན་པོ་ཆེ་དཔལ་འབྱོར་རྒྱ་མཚོའི་དྲུང་དུ་ཕེབས་ཏེ། སྔར་ནས་ཐུགས་སུ་བྱོན་པའི་ཕར་ཚད་སོགས་དང་། གཙོ་བོར་རྒྱུད་ཐམས་ཅད་ཀྱི་རྒྱལ་པོ། མདོ་སྡེ་ཐམས་ཅད་ཀྱི་ཟ་མ་ཏོག །གསང་བ་འདུས་པའི་རྒྱུད་སྡེའི་བཤད་སྲོལ། སྔ་རབས་པ་ཕལ་ཆེར་གྱི་སྤྱོད་ཡུལ་དུ་མ་གྱུར་བ། རྗེ་རྒྱལ་བ་གཉིས་པའི་ལེགས་པར་བཤད་པའི་བདུད་རྩིའི་བགོ་སྐལ་ཡང་དག་པར་བླངས་སོ། །ཕུན་ཚོགས་དགེ་བཅུའི་ངོ་མཚར་ཡོངས་གང་ཞིང་། །ཤཱཀྱའི་བསྟན་པའི་འབྱུང་གནས་སྐྱིད་ཤོད་དུ། །ཡོངས་འཛིན་བླ་མའི་བཀའ་བཞིན་ཉེར་ཕེབས་ཚེ། །འདབ་བཟང་དབང་པོའི་བགྲོད་པའི་ཚུལ་ལ་འགྲན། །གཞུང་ལུགས་ཁ་བའི་རྡུལ་བརྩེགས་ནེའུ་ཐོག །མཛེས་བྱེད་པཀྵུའི་ཀླུང་ཆེན་ར་བ་སྟོད། །འཇམ་དབྱངས་སྨྲ་བའི་དབང་པོའི་མདུན་ས་དེར། །དངོས་སྟོབས་

― GLG008_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་པའི་བཏུང་བ་ཡུན་དུ་བསྟེན། །མི་ཕམ་མགོན་པོའི་ཕོ་བྲང་འཛིན་མ་འདིར། །འཕོས་འདྲར་གསང་བ་སྔགས་ཀྱི་ཐོས་བསམ་གྱིས། །རྒྱུད་ཀུན་འདི་ཉིད་གཅིག་པུས་བདག་བྱེད་ཅེས། །གསང་སྔགས་ཕལ་ཆེར་མཁའ་འགྲོའི་མཛོད་དུ་སྦས། །དེ་ནས་དགུང་ལོ་ཉེར་བཞི་ལོན་པ་གདོང་ངན་ཞེས་པ་མེ་ཕོ་སྤྲེའུའི་ལོ་འགྲོ་བའི་བླ་མ་ཤཱཀྱ་སེང་གེས་ངོ་མཚར་བའི་ཆོ་འཕྲུལ་གྱི་བཀོད་པ་མཐའ་ཡས་པ་བསྟན་པའི་དུས་སྟོན། ལྷ་ལྡན་སྤྲུལ་པའི་གཙུག་ལག་ཁང་དུ་རྗེ་བདག་ཉིད་ཆེན་པོའི་ཕྱག་ལེན་གྱི་སྲོལ་མ་ཉམས་པ་སྨོན་ལམ་ཆེན་མོའི་དུས། ཆོས་རྗེ་རིན་པོ་ཆེ་དཔལ་འབྱོར་རྒྱ་མཚོ་ཉིད་ཀྱིས་མཁན་སློབ་ཅིག་ཅར་དུ་མཛད་ཅིང་། དད་པའི་དགེ་འདུན་གྲངས་ཚང་བའི་དབུས་སུ་རྒྱུ་སྐར་ཤར་བའི་ཚེ། ཚངས་པར་སྤྱོད་པ་རྣམས་ཀྱི་མཆོག་ཡོངས་སུ་རྫོགས་པ་དགེ་སློང་གི་དངོས་པོ་མནོས་ཏེ། ངུར་སྨྲིག་འཛིན་པ་རྣམས་ཀྱི་བླ་ན་མངོན་པར་མཐོ་བར་གྱུར་ཏོ། །བོད་ཡུལ་དབུས་འགྱུར་ར་ས་འཕྲུལ་སྣང་དུ། །འཚམས་སྤྲིན་བླ་གོས་གསར་པས་དཀྲིས་པ་ན། །འདུལ་འཛིན་ཡོངས་ཀྱི་གཙུག་ན་མཐོའོ་ཞེས། །འཆི་མེད་དབང་པོའི་མདུན་སར་ལྷ་རྣམས་གླེང་། །བླ་མ་དེ་ཉིད་ཀྱིས་འཁོར་ལོ་སྡོམ་པ་ལཱུ་ཨི་པའི་དཀྱིལ་འཁོར་དུ་བཅུག་སྟེ་སྨིན་པར་མཛད། དེ་ནས་ཆོས་གྲྭ་ཆེན་པོ་གསང་ཕུ་ནེའུ་ཐོག་ཏུ་གསུང་བཤད་དང་ཐལ་འགྱུར་གྱི་འཕྲེང་བས་དཔྱོད་ལྡན་ཡོངས་ལ་སྐྱེས་ཀྱི་ཕུལ་དུ་བྱུང་བ་གཞུང་ལུགས་ཀྱི་དོན་སྩལ་བ་དང་། རྒོལ་ངན་རྣམས་སྨྲ་བའི་སྤོབས་པ་འཕྲོག་པ་ལྷན་ཅིག་ཏུ་མཛད་དེ། ལྷ་སར་སྐབས་གསུམ་པའི་རིགས་ལས་ཆད་པ་གཉོས་ཀྱི་གདུང་ལས་ལྷ་རིན་པོ་ཆེ་ལྷ་དབང་རྒྱ་མཚོ་བ་ལ་གྲུབ་ཆེན་བིཪྺ་པ་ནས་བརྒྱུད་པའི་

― GLG008_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྒྲུབ་གསན། ལམ་འབྲས་ཀྱི་ཆ་ལག་རླུང་ལ་བརྟེན་པའི་ཚེ་སྒྲུབ་དེ་ཡིན་པ་འདྲ། དེ་ནས་ཆོས་རྗེ་རིན་པོ་ཆེ་བསོད་གྲགས་པས་ཆོས་འབྱུང་ཡིད་ཀྱི་མཛེས་རྒྱན་དུ། མཁའ་ལ་ཉི་ཟླ་བཞིན་དུ་སླར་ཡང་རྒྱུད་ཀྱི་བཤད་གྲྭ་གཉིས་པ་བྱུང་ཚུལ་ནི། ཞེས་བསྔགས་པ་ཆེས་ཆེར་མཛད་པ་ཕ་རྒྱུད་འདུས་པའི་ལམ་སྲོལ་འཛིན་པ་ལ་ཨིནྡྲ་བྷཱུ་ཏི་རྒྱལ་བློན་རབ་ཏུ་བྱུང་བའི་ཚུལ་གྱིས་བྱང་ཕྱོགས་ཀྱི་གཞི་འདིར་འཕོས་པ་ལྟ་བུའི་སྟོད་རྒྱུད་མཁས་འདུས་ཀྱི་གྲྭ་ཚང་གི་ཆོས་ཀྱི་ཁྲི་ལ་ཆོས་རྗེ་ཆོས་གཉེར་གྲགས་པ་བཞུགས་སྐབས་ཕེབས་ཏེ། ལོ་གསུམ་གྱི་རིང་འདུས་པའི་རྒྱུད་འགྲེལ་མཐའ་དག་ལེགས་པར་སྦྱངས་པའི་ཕུལ་དུ་ཕྱིན་པར་གྱུར། དོལ་ཆོས་རྫོང་གི་མཁན་པོ་སྲིད་སྒྲུབ་གཉིས་པ་ལྟ་བུའི་དྲུང་དུ། དུས་ཀྱི་འཁོར་ལོའི་རྒྱུད་འགྲེལ་གཏན་ལ་འབེབས་པའི་ཡན་ལག་རྩིས་ཀྱི་གཙུག་ལག་ལས་ལྔ་བསྡུས་ཀྱི་ཕྱག་ཁྲིད་ཞུས། དེ་སྐབས་ཆོས་ཀྱི་རྗེ་དཔལ་འབྱོར་རྒྱ་མཚོ་ཞིང་ཁམས་གཞན་དུ་འཕོ་བ་ལ་ཐུགས་ཉེ་བར་གཞོལ་ཏེ། ཕྱི་རྟེན་གྱི་ཆེད་དུ་བདོག་པའི་དངོས་པོ་སྒྲུབ་པའི་འབུལ་སྡུད་དུ་འབྱོན་དགོས་པའི་བཀའ་ཕེབས་པ་ལྟར། བསོད་ནམས་ཀྱི་ཚོགས་གསོག་པའི་ཞིང་དམ་པར་དགོངས་ཏེ། དགུང་ལོ་ཉེར་བརྒྱད་ལོན་པ་ཀུན་ལྡན་ཞེས་པ་ལྕགས་ཕོ་བྱི་བའི་ལོ་ལ་བར་ཁམས་ཕྱོགས་སུ་ཕེབས་ཏེ། ནག་རྒྱས་སོགས་ཀྱི་ཡུལ་གྲུར་ཟླ་བ་བཅུ་བཞིའི་རིང་ཆོས་དང་ཟང་ཟིང་གི་རྣམ་པར་དཀར་བའི་འཕྲིན་ལས་བླ་ལྷག་ཏུ་བསྐྱངས། རྟ་ཚག་རྗེ་དྲུང་ལྷ་དབང་ཆོས་ཀྱི་རྒྱ་མཚོ་ལ་དམར་པོ་སྐོར་གསུམ་གྱི་རྗེས་གནང་། སྤག་ཤོད་ཆོས་རྗེ་རིན་ཆེན་རྒྱ་མཚོ་ལ་བྱང་ཆུབ་ལམ་རིམ་ཆེན་མོའི་སྤྱོད་པ་སྤྱི་སློབ་ཡན་གྱི་ལུང་།

― GLG008_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་པ་ལྷ་བསོད་ནམས་རྣམ་རྒྱལ་བ་ལ་ཆོས་ཀྱི་འགྲེལ་པ་གསན། མི་རིང་བར་མཁོ་དགུའི་འབྱོར་པ་ཇི་སྙེད་པ་དང་བཅས་ཏེ་སྐྱིད་ཤོད་དུ་ཕེབས། ཆོས་རྗེ་རྒྱལ་ཁང་རྩེ་བ་ཉིད་ཞིང་གཞན་དུ་གཤེགས་གྲུབ་ནའང་། བླ་ན་མེད་པའི་དགོངས་པ་རྫོགས་ཐབས་སུ་ཟང་ཟིང་གི་ཡོ་བྱད་ལྷག་མ་ལུས་པར་ལེགས་བྱས་ཀྱི་སྨན་ཡོན་སྐྲུན་པའི་ཐབས་ཁོ་ནར་བསྒྱུར་ཞིང་། དངུལ་གདུང་ཡང་གེགས་མེད་པར་གྲུབ་བོ། །ལེགས་བྱས་ནོར་བུའི་གན་མཛོད་བླ་མ་རྗེའི། །བཀའ་བཞིན་སྒྲུབ་པའི་དད་པའི་ལྡེ་མིག་གིས། །དངོས་གྲུབ་སྒོ་གླེགས་རྣམ་པར་བཀྲལ་བ་ན། །རྟག་ཏུ་ངུ་ཡི་བརྩོན་པ་ལྷོད་པོར་བྱས། །དེ་ནས་གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་གི་ཆོས་ཁྲིམས་སྐབས། ཆོས་རྗེ་རིན་པོ་སངས་རྒྱས་རིན་ཆེན་པ་ལ། བཅོམ་ལྡན་འདས་མི་བསྐྱོད་རྡོ་རྗེའི་དབང་བཞི་དང་། རྒྱལ་བ་ཙོང་ཁ་པའི་གསུང་འབུམ་ཐོར་བུའི་ལུང་། གླིང་སྨད་ཆོས་རྗེ་དོན་གྲུབ་སེང་གེ་ལ་དང་པོའི་སངས་རྒྱས་དུས་ཀྱི་འཁོར་ལོ་དང་། ཀུན་རིག་གི་དབང་གསན། དེ་ཡང་ཆོས་རྗེ་རྒྱལ་ཁང་རྩེ་པའི་ཞལ་ཆེམས་སུ། ཆོས་རྗེ་བློ་གྲོས་རྒྱ་མཚོ་ལ། ཁྱེད་ཀྱི་རྗེས་སུ་ར་བ་སྟོད་ཀྱི་འཆད་ཉན་བྱམས་གླིང་རབ་འབྱམས་པ་འདི་པས་ལུགས་གཉིས་ཐད་ནས་ཕེར་པ་ཡོད་པས་སྐོས་གསུང་བ་དང་། རྗེ་ཉིད་རྩེས་ཐང་དུ་གྲྭ་བསྐོར་ལ་ཕེབས་སྐབས། ཆོས་རྗེ་སྟག་ལུང་བྲག་པ་དང་མཇལ་བར། སྔར་ནས་ཐུགས་འདྲིས་ཆེ་བ་མེད་ནའང་། རབ་འབྱམས་པ་འདི་ངེད་རང་གི་གྲྭ་པར་བྱུང་ན་ར་བ་སྟོད་ཀྱི་འཆད་ཉན་འོང་བ་འདྲ་སྙམ་པ་ལྷན་སྐྱེས་སུ་བྱུང་འདུག་པ་སོགས་རྟེན་འབྲེལ་གྱི་ཆོས་ཉིད་རང་འགྲིག་ཏུ་གྱུར་པ་

― GLG008_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། སྔོན་གྱི་རྣམ་པར་དཀར་བའི་སྨོན་ལམ་གྱི་འབྲེལ་བའི་མཐུས། དགུང་ལོ་སུམ་ཅུ་ལོན་པ་དགེ་བྱེད་ཅེས་པ་ཆུ་ཕོ་སྟག་གི་ལོའི་ཧོར་ཟླ་བརྒྱད་པའི་ཚེས་བཅུ་དགུ་གཟའ་སྐར་དུས་སྦྱོར་ཕུན་སུམ་ཚོགས་པའི་ཉིན། དངོས་སྟོབས་རིགས་པ་སྨྲ་བའི་ཆོས་ཀྱི་ཁྲི་ལ་མངོན་པར་འཛེགས་སོ། །རིང་ནས་གོམས་པའི་སྨོན་ལམ་མདོག་ལྔ་པ། །ཐ་སྙད་རྟེན་ཅིང་འབྲེལ་འབྱུང་རླུང་ཤུགས་ཀྱིས། །འཆད་རྩོད་རྩོམ་པའི་གདན་ཁྲིའི་ཀུན་གསལ་ལ། །འགོག་མེད་རྒྱུ་སྟེ་དངོས་པོའི་གཤིས་ལུགས་མཚར། །རབ་དཀར་ཙན་དན་གཞོན་ནུའི་སྡོང་པོ་ལས། །ག་བུར་ཐིགས་པ་འཛག་ལ་མཚར་དུ་ཅི། །འཁྲུལ་མེད་མངོན་སུམ་རྗེས་དཔག་ཚད་མ་ཡིས། །བརྟན་གཡོའི་ཆོས་ཚུལ་རི་མོར་བྲིས་མིན་ནམ། །བོད་ཡུལ་སྔ་རབས་ཕལ་གྱི་དམ་བཅའི་རི། །གནམ་ལྕགས་རིགས་པའི་ཐོག་མདས་གསིལ་བ་ན། །རིགས་པའི་དབང་ཕྱུག་ཕྱོགས་ཀྱི་གླང་པོ་དེ། །རང་ཉིད་ཞི་བདེར་གཞོལ་བའི་ཐུགས་བསྐྱེད་སྙམ། །དེ་སྐབས་བསྟན་བཅོས་ཚད་མ་རྣམ་འགྲེལ་གཙོ་བོར་གྱུར་པའི་གྲུབ་མཐའ་གོང་འོག་རྣམས་ཀྱི་གཞུང་ལ་བཤད་ཉན་ཆེས་ཆེར་འཕེལ་བར་བརྟེན། དགེ་བའི་བཤེས་གཉེན་ནམ་མཁའ་ལ་རྒྱུ་སྐར་གྱི་འཕྲེང་བ་འཁྲིགས་པ་ལྟ་བུར་གྱུར་ཅིང་། ཐུབ་བསྟན་བཤད་སྒྲུབ་ཀྱིས་འཛིན་སྐྱོང་སྤེལ་བར་ནུས་པའི་མཁས་པའི་གྲགས་སྙན་དང་ལྡན་པ་གདན་ས་ཆེན་པོ་རི་བོ་དགའ་ལྡན་གྱི་འཇིགས་མེད་སེང་གེའི་ཁྲི་ལ་འཛེགས་ཤིང་མདོ་རྒྱུད་རྒྱ་མཚོའི་ཕ་མཐར་སོན་པ་སྲས་ཁང་སྐུ་སྐྱེ་ངག་དབང་ཆོས་ཀྱི་རྒྱལ་མཚན། རྒྱུད་སྟོད་སོགས་མདོ་སྔགས་ཀྱི་བཤད་གྲྭ་དུ་མའི་ཆོས་ཁྲི་ལ་འཛེགས་པ་སློབ་དཔོན་བློ་

― GLG008_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་བསྟན་འཛིན། ར་བ་སྟོད་ཀྱི་སློབ་དཔོན་བྱང་གླིང་རབ་འབྱམས་པ་བློ་གྲོས་རྒྱལ་མཚན། སྐྱོར་མོ་ལུང་གྲྭ་ཚང་གི་སློབ་དཔོན་པ་དོན་གྲུབ་རིན་ཆེན། དྭགས་པོ་གྲྭ་ཚང་གི་སློབ་དཔོན་བྱམས་པ་ཆོས་མཆོག །སེ་ར་བྱེས་གྲྭ་ཚང་གི་སློབ་དཔོན་པ་འཕྲིན་ལས་བསམ་གྲུབ། མདོ་རྒྱུད་ཀུན་ལ་བློ་གྲོས་ཀྱི་རྩལ་ཡོངས་སུ་རྫོགས་ཤིང་ཐ་སྙད་རིག་པའང་བློ་གྲོས་ཀྱི་འཇུག་པས་ཕྱོགས་ཙམ་རིག་པ་ད་ལྟའི་འོལ་ཁ་བསམ་གླིང་སློབ་དཔོན་པ་བསྟན་པ་རྒྱ་མཚོ། རྫིང་ཕྱི་མཁན་པོ་དགེ་འདུན་རྣམ་རྒྱལ། གཞན་ཡང་རབ་འབྱམས་པ་ལྷ་དབང་བློ་གྲོས། རབ་འབྱམས་པ་སྤྱན་རས་གཟིགས། རབ་འབྱམས་པ་བྱམས་པ་རྣམ་རྒྱལ་སོགས་བཀའ་རབ་འབྱམས་སྨྲ་བ་མང་དུ་ཐོས་པའི་ཡོན་ཏན་གྱིས་ཕྱུག་པ་བགྲང་ཡས་པ་བྱུང་བ་དག་ནི། བླང་དོར་ཚུལ་བཞིན་དུ་ཤེས་པའི་གཟུར་གནས་ཤིག་གིས་བརྟགས་ཚེ། བསྟན་པ་སྤྱི་དང་། ཁྱད་པར་རྒྱལ་བ་གཉིས་པ་ཙོང་ཁ་པ་ཆེན་པོའི་བསྟན་པ་ལ་སྲིད་དང་ཟང་ཟིང་ཙམ་མ་ཡིན་པའི་དོན་སྙིང་པོའི་བྱ་བ་ཡང་དག་པར་མཛད་པ་ཡིན་ནོ། །དེ་ནས་དགུང་ལོ་སོ་གཅིག་པ་མཛེས་བྱེད་ཅེས་པ་ཆུ་ཡོས་ལ་ར་བ་སྟོད་སྨད་ཐུན་མོང་གི་དྲུང་ཆེན་གྱི་ཁྲི་ལ་ཕེབས། མི་རིང་བར་ཡུལ་ལྷོ་ཕྱོགས་སྨན་གྱི་ནགས་ལྗོངས་ཡར་ཀླུངས་ཕྱོགས་སུ་ཆོས་དབང་བཏེག་སྐབས། ཐོོག་མར་མཁར་ཐོག་ནས་དཔོན་སས་གྱ་ནོམ་པའི་བསྙེན་བཀུར་དང་། བཀའ་ཆོས་ཀྱི་འབྲེལ་བ་ཞུ་བ་མཛད། དེ་ནས་ཕོ་བྲང་ཆེན་པོ་སྣེའུ་གདོང་རྩེར། གོང་མ་མིའི་དབང་པོའི་ཕྱག་འབུལ་ལ་ཕེབས་སྐབས། དཔོན་སློབ་ཚང་མར་བདག་རྐྱེན་མགོ་འདྲེན་ཡང་དག་གནང་ཞིང་། རིམ་གྱིས་འཕྱོང་རྒྱས་སུ་ཕེབས་པར།

― GLG008_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

གྲྭ་ཚང་ལ་བསྙེན་བཀུར་དང་། སྤྱིར་གྲྭ་ཚང་གི་སློབ་དཔོན་གྱི་རིགས་ལ་གདན་བཟོས་སོགས་མངོན་ཐོགས་པའི་སྲོལ་མི་འདུག་ནའང་། རྗེ་ཉིད་ལ་ཚེས་བཅུ་ཆེན་མོའི་གཟིགས་མོའི་ཉིན། ཞལ་ངོ་རྣམས་ཀྱི་བཞུགས་གདན་གྱིས་ཕྱེད་ཙམ་དུ་སླེབ་པའི་གདན་བཟོས། ནང་རྟེན་གྱི་མཇལ་ཁ་སོགས་བདག་རྐྱེན་ཕུལ་དུ་བྱུང་བའི་ཐུགས་ཡིད་གཅིག་ཏུ་འདྲེས་པ་ལྟ་བུར་གྱུར་ཅིང་། སྤྱན་གཡས་སུ་ཁྲོམ་དབང་། སྤྱིར་གྲྭ་ཚང་གི་ཆོས་ཐོག་རྣམས་སུ་སྤྱི་ཆོས་ལ། མཉམ་མེད་ཇོ་བོ་ཡབ་སྲས་ཀྱི་གསང་ཆོས་གླེགས་བམ་རིན་པོ་ཆེ། བྱང་ཆུབ་ལམ་གྱི་རིམ་པ། རྗེ་བླ་མའི་གསུང་འབུམ་ཐོར་བུ་སོགས་ཟབ་རྒྱས་ཆོས་ཀྱིས་གདུལ་བྱའི་ཡིད་ཀྱི་རེ་བ་ཡོངས་སུ་གང་བར་མཛད། ཕྱིར་ལམ་གནས་ལྔ་རིག་པའི་པཎྜི་ཏ་ཤཱཀྱ་ཤྲཱི་བྷ་དྲའི་ཆོས་ཀྱི་གདན་ཁྲི་ལ་མངོན་པར་འཛེགས་པའི་ཇོ་གདན་མཁན་པོ་རིན་ཆེན་རྒྱལ་མཚན་པ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པའི་ལུང་དང་། གདུགས་དཀར་གྱི་དབང་གསན། དེ་ནས་གཡས་རུ་གཙང་གི་ཕྱོགས་ནས་ཐམས་ཅད་མཁྱེན་པ་ཡོན་ཏན་རྒྱ་མཚོ་དབུས་ཕྱོགས་སུ་ཕེབས་ཏེ། དཔལ་ལྡན་འབྲས་སྤུངས་ཆོས་ཀྱི་སྡེ་ཆེན་པོར་བཞུགས་པའི་དྲུང་དུ་མཇལ་བར་ཕེབས་ནས། སྤྱན་རས་གཟིགས་ཕྱག་བཞི་པ་དང་། མི་གཡོ་བའི་རྗེས་གནང་གསན། མི་རིང་བར་སྡེ་པ་གཙང་སྟོད་པའི་དམག་གིས་ཡར་རྒྱབ་པ་དང་ལྷན་ཅིག་པར། སྐྱིད་ཤོད་ཕྱོགས་སུ་དཔུང་གི་འཇུག་སྒོ་བྱས་སྐབས། ཉེན་སྐག་སོགས་ལ་ལྟོས་པ་མེད་པར་ཡུལ་གྲུ་དང་དགོན་པ་དུ་མར་མི་འཇིགས་པའི་སྦྱིན་པས་དབུགས་དབྱུང་བར་མཛད། འདི་སྐབས་ཤར་དྭགས་པོ་གྲྭ་ཚང་གི་འཆད་

― GLG008_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

ཉན་ལ་གདན་འདྲེན་ནན་གྱིས་བྱུང་ནའང་ཕེབས་མ་ཐུབ། དེ་ནས་ལོ་ཙཱ་བ་ཆེན་པོའི་དུས་མཆོད་ལ་འདུས་པའི་ཚོགས་རྣམས་ལ་རྨད་དུ་བྱུང་བའི་བསྙེན་བཀུར་དང་། ཚོགས་གསོག་པ་གཉིས་ཀྱིས་དམ་བཅའ་ལོ་རེ་བཞིན་འཇོག་པ་དང་། ཁང་ཐོག་ནས་མདའ་རྡོ་མི་བརྒྱབ་པ། སྒྱོགས་མི་འཛུགས་པ་སོགས་གཞན་དག་དང་བ་འདྲེན་པའི་སྒྲིགས་རྣམ་གཞག་གསར་དུ་བཙུགས་སོ། །རྒྱ་གར་མཁས་མང་མགྲིན་པར་སྒྲོག་པའི་དབྱངས། །ཁྱོད་ཉིད་གཅིག་པུས་མགུལ་པར་བླངས་པ་ན། །རིན་ཆེན་རྩིག་ངོས་འབོད་གྲོགས་གཟུགས་བརྙན་བཞིན། །སྒྱུ་མའི་སྣང་ཚུལ་འདི་ཀོ་ངོ་མཚར་རྨད། །གནམ་སྔོན་ས་ལ་བབས་འདྲའི་རྫིང་བུ་ལ། །རིང་ནས་ངང་པའི་ཚོགས་ཀུན་འདུ་བ་ལྟར། ཁྱོད་ཀྱི་མཁས་པའི་གྲགས་པས་དཔྱོད་ལྡན་ཀུན། །དུས་གཅིག་འཛོམ་པའི་ཆད་སོ་བྱས་པ་བཞིན། །མི་དམན་བསོད་ནམས་འབར་བའི་གཟི་བརྗིད་ཀྱིས། །ཡངས་པའི་ནོར་འཛིན་སྐྱོང་བའི་དྲེགས་ལྡན་ཀུན། །ཁྱོད་ཀྱི་རྣམ་དཀར་མཛད་པའི་ལྕགས་ཀྱུ་དེ། །མ་བཏབ་ན་ཡང་འདུད་ལ་རིངས་པར་བྲེལ། །སོ་ག་ཚད་པས་གདུངས་པའི་གླང་པོ་དེ། །ཆུ་ཀླུང་ངོགས་སུ་ངང་གིས་རྒྱུ་བྱེད་ན། །སྐལ་མེད་གང་དག་ཁྱོད་རྗེས་མི་འཇུག་པ། །སེམས་མེད་ཡིན་ནམ་འོན་ཏེ་གདོན་གྱིས་བཏབ། །ཆུ་ཤིང་ལྟ་བུའི་ནོར་གྱི་ཚོགས། །བསོད་ནམས་ཆེད་དུ་སྒྱུར་མཁས་པའི། །ཚུལ་འདིས་རབ་དགའི་ས་ཐོབ་པའི། །སེམས་དཔའ་ཀུན་ལ་ཞུམ་པ་བྱིན། །དེ་ནས་དགུང་ལོ་བཞི་བཅུ་ལོན་པ་ཡོངས་འཛིན་ཞེས་པ་ཆུ་ཕོ་བྱི་བའི་ལོ་ལ། འབྲས་སྤུངས་ནས་ཐམས་ཅད་མཁྱེན་པ་ཡོན་ཏན་རྒྱ་མཚོ་དང་། སྡེ་པ་དགའ་

― GLG008_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་པ་མཆོད་ཡོན་གྱི་བཀའ་ཕེབས་དང་། སྟོད་རྒྱུད་གྲྭ་ཚང་གི་གྲྭ་རིགས་རྣམས་མོས་མཐུན་རྩེ་གཅིག་པ་ལ་བརྟེན་ནས། འབྲས་བུ་གསང་སྔགས་རྡོ་རྗེ་ཐེག་པའི་ཆོས་ཀྱི་དགའ་སྟོན་རྒྱུན་མི་འཆད་པར་སྒྲོག་པའི་གསང་སྔགས་ཀྱི་སྡེ་ཆེན་པོ་སྟོད་རྒྱུད་གྲྭ་ཚང་གི་ཆོས་ཀྱི་ཁྲི་ལ་ཕེབས། སྔོན་རྒྱུད་པ་ཀུན་དགའ་དོན་གྲུབ་ཀྱིས་ཀྱང་སྨོན་ལམ་མཛད་འདུག་པ་ལྟར་རན་འཛབ་བྱམས་པའི་དྲུང་དུ་བསྟན་པ་རྒྱས་པའི་སྨོན་ལམ་གནང་བས་ཐུགས་ཀ་ནས་བདུད་རྩིའི་རྒྱུན་དངོས་སུ་བབས། ཤིང་རྟ་ཆེན་པོ་ཀླུ་སྒྲུབ་ཞབས་ཀྱི་ཞལ་ལུང་ལས་འོངས་པའི་བསྐྱེད་རྫོགས་མཛུབ་ཁྲིད། འགྲེལ་པ་བཞི་སྦྲགས། རིམ་ལྔ་གསལ་སྒྲོན་སོགས་དཔག་པར་དཀའ་བའི་དོན་རྣམས་དཔྱིས་ཕྱིན་པའི་གསུང་བཤད་ཀྱིས་མཁས་པ་རྣམས་ཀྱི་ཡིད་རང་དབང་དུ་ཕྲོགས་ཤིང་། མཉམ་མེད་ཇོ་བོ་ཆེན་པོའི་བསྟི་གནས་ཡེར་པ་ལྷ་རི་སྙིང་པོར། ལེགས་པར་གསུངས་པའི་ཆོས་འདུལ་བ་ལས་བྱུང་བའི་དབྱར་ཞལ་བཞེས་དང་།ཚོགས་པ་མཐའ་དག་འགྲེལ་བཤད་ཉན་པར་འབྱོན་དགོས་པའི་སྒྲིགས་སོགས་ལུགས་གཉིས་ཀྱི་འཛིན་སྐྱོང་ཕུལ་དུ་བྱུང་བ་མཛད་དོ། །གསང་ཆེན་ཐེག་པ་མཆོག་གི་ཆུ་གཏེར་ལས། །མཁས་གྲུབ་དགོངས་དོན་ཡིད་བཞིན་ནོར་བུའི་ཚོགས། །སྣོད་ལྡན་མགུལ་བར་བརྒྱན་པའི་མཛད་པ་ཡིས། །ས་ར་ཧ་དེ་མཁའ་སྤྱོད་གནས་སུ་བྲོས། །ཕྱི་རུ་ཆགས་བྲལ་ངུར་སྨྲིག་འཆང་བའི་ལུས། །ནང་དུ་བདེ་ཆེན་ལ་རོལ་ཉེ་ལམ་སྤྱོད། །སྒྱུ་མའི་རོལ་རྩེད་འདི་ཡིས་ཐུབ་བསྟན་ཀུན། །འགལ་མེད་དགོངས་པ་གཅིག་པའི་རང་མཚང་བསྟན། །ཐ་མལ་

― GLG008_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་ཞེན་ཡོངས་དག་འཁོར་ལོའི་དཔྱིད། །གྲགས་སྟོང་ང་རོ་སྒྲོག་པའི་རྡོ་རྗེའི་ཚིག །བདེ་སྟོང་གཉིས་མེད་ཉམས་ལྡན་ཟུང་འཇུག་གིས། །བསིལ་ལྡན་ཡུལ་འདི་འོག་མིན་ཞིང་དུ་བྱས། །བྱམས་མགོན་དངོས་དང་དབྱེར་མེད་སྣང་བརྙན་བྱུང་། །བྱམས་བརྩེའི་ཐུགས་ཀྱིས་གསོལ་བ་བཏབ་པའི་ཚེ། །བྱམས་པའི་ཏིང་འཛིན་ཆུ་རྒྱུན་འབབ་པ་དག །བྱམས་ལྡན་འཁོར་གྱིས་བཏུང་བའི་དགའ་སྟོན་བྱས། །དེ་སྐབས་རྡོ་རྗེ་ཐེག་པའི་ཆོས་ཉན་པའི་འཁོར་དུ་འདུས་པ། ཤར་པ་ཆོས་རྗེ་མདོ་སྔགས་རབ་འབྱམས་པ་སངས་རྒྱས་བཀྲ་ཤིས། རྒྱལ་བ་ཙོང་ཁ་པའི་ཁྲི་ལ་འཛེགས་པ་འཇང་རབ་འབྱམས་པ་དགེ་འདུན་རིན་ཆེན་རྒྱལ་མཚན། སྟོད་རྒྱུད་གྲྭ་ཚང་དང་རིགས་གཞུང་རྒྱ་མཚོའི་འདུས་སྡེ་ལེགས་བཤད་ཆོས་འཁོར་གླིང་པའི་འཆད་ཉན་གྱི་གདན་སར་འཁོང་པ་བཟང་གྲོང་རབ་འབྱམས་པ་ངག་དབང་ཆོས་འཕེལ་སོགས་དགེ་བའི་བཤེས་གཉེན་མཐའ་ཀླས་པ་ཇི་ལྟར་དབྱར་གྱི་ལང་ཚོ་རྣམ་པར་རྒྱས་པ་ན་དལ་འགྲོའི་ཀླུང་མཐའ་དག་ཆེས་ཆེར་འཕེལ་བ་ལྟར་གྱུར་ཅིང་། ཀླུང་ཤོད་དུ་ཆོས་བར་བཏེག་པས། གངས་ཀྱི་རི་བོ་ཟླ་བའི་འོད་ཀྱིས་ཁྱབ་པ་ལྟར། སྔོན་གྲྭ་ཚང་ལ་མོས་མཐུན་ཆེ་བའི་སྟེང་དུ། ཉིད་ཀྱི་རྣམ་པར་ཐར་པ་ལས་བྱུང་བའི་ཆར་གྱིས་དད་པའི་མྱུ་གུའི་བསོས་ཟླ་བྲལ་དུ་གྱུར། བློ་གསལ་གླིང་གི་འཆད་ཉན་དུ་ཕེབས་དགོས་པའི་སྙན་གསན་བྱུང་ཡང་དེ་རེས་ཕེབས་པ་མ་ཤར། དེ་ནས་གཞིས་ཀ་བྲག་དཀར་དུ་བྱང་ཕྱོགས་ནོར་འཛིན་སྐྱོང་བ་སྡེ་པ་དགའ་ལྡན་པ་དཔོན་བློན་གྱིས། སྟག་ལུང་ཞབས་དྲུང་ངག་དབང་རྣམ་རྒྱལ་ཞེས་སྟག་ལུང་བཀའ་རྒྱུད་ལ་ལྟོས་པའི་མཁས་པ་ཆེན་པོར་

― GLG008_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས་པ་དེ་གདན་དྲངས་པ་དང་། རྗེ་འདི་ཉིད་གདན་འཛོམ་པར། དམ་པའི་ཆོས་འདུལ་བ་ལས་བརྩམས་པའི་དཀའ་གནད་ཀྱི་གསུང་གླེང་བྱུང་བར། རྗེ་འདིས་ཐེ་ཚོམ་གྱི་མདུད་པ་མཐའ་དག་བཀྲོལ་བས། སྟག་ལུང་རིན་པོ་ཆེ་ཐུགས་ཧ་ལས་ནས། རྗེས་སུ། དེ་དང་མཉམ་དུ་ཟླ་གཅིག་བསྡད་ནའང་བློ་བསྐྱེད་དཔག་ཏུ་མེད་པ་ཡོང་བ་འདུག་ཅེས་པ་བསྔགས་པ་མཛད་དོ། །གྲངས་མེད་རོ་བརྒྱའི་འབྲས་བུའི་འཕྲེང་བ་ཡིས། །དཔག་བསམ་ཡོངས་འདུར་མཛེས་ལ་མཚར་དུ་ཅི། །མཁས་མང་གདེངས་ཀའི་གྲིབ་བསིལ་རབ་ལྡེམ་པའི། །བཤེས་གཉེན་ཀླུ་དབང་ཁྱོད་ནི་གང་གིས་བསྐྲུན། །ཤེས་བྱའི་ཁྱོན་ཀུན་ལྟ་བའི་མིག་སྟོང་དང་། །སྨྲ་མཁས་དབྱངས་ཅན་ངོམ་པའི་ལག་ཉལ་གྱིས། །གྲུབ་རིགས་རྒན་པོའི་ཐེ་ཚོམ་རི་བོའི་རྐང་། །མཐར་བྱེད་གྲགས་པ་ཕྱོགས་ཀྱི་མགྲིན་པར་འཛེར། །དེ་ནས་དགུང་ལོ་ཞེ་གསུམ་ལོན་པ་སྲིན་པོ་ཞེས་པ་ཤིང་ཡོས་ལ་ཆོས་སྡེ་རིན་ཆེན་གླིང་གི་མཁན་པོར་ཕེབས། འཆད་ཀ་དང་རིན་ཆེན་གླིང་སྡེ་ཕན་ཚུན་མི་འཛའ་བའི་དགེ་འདུན་གྱི་དབྱེན་བཟླུམས་པའི་བདེ་སྐྱིད་ལ་བཀོད། རིམ་གྱིས་སྐྱིད་ཤོད་ལ་ཕེབས་ཏེ། གྲུབ་ཆེན་བྱམས་པ་བསོད་ནམས་ལ་ལས་ཆེན་ཀུན་རྒྱལ་བས་མཛད་པའི་བཀའ་གདམས་ཆོས་འབྱུང་དང་། པཎ་ཆེན་རིན་པོ་ཆེས་མཛད་པའི་དྲུག་ཅུ་པའི་ལུང་། སྤྲུལ་སྐུ་བསོད་ནམས་དགེ་ལེགས་དཔལ་བཟང་ལ་བསྐྱེད་རིམ་དངོས་གྲུབ་རྒྱ་མཚོ། ཚེ་དཔག་མེད་ལྷ་དགུའི་དབང་། གུར་མགོན་གྱི་རྗེས་གནང་གསན། དགུང་ལོ་ཞེ་དྲུག་ལོན་པ་དུས་ཀྱི་ཕོ་ཉ་ཞེས་པ་ས་རྟ་ལ་འདུལ་མངོན་གྱི་བཤད་གྲྭ་སྐྱོར་མོ་ལུང་

― GLG008_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

གི་གདན་སར་ཕེབས། ཡང་དག་པར་རྫོགས་པའི་སངས་རྒྱས་ཀྱི་འཁྲུངས་རབས་སོགས་སྐྱ་སེར་གྱི་ཁྲོམ་ཆེན་པོ་འདུས་པ་ལ་གསུངས། འཇམ་མགོན་གྲུབ་པའི་དཔའ་བོ་ཀུན་དགའ་གྲོལ་མཆོག་གིས་རང་ཉིད་ལ་སྐུ་སྐྱེ་བོད་དུ་མི་འབྱུང་བར་གསུངས་ཀྱང་། སྤྲུལ་པའི་སྐུར་གྲགས་པའི་ཇོ་ནང་པ་ཀུན་དགའ་སྙིང་པོ། གླིང་སྨད་ཆོས་རྗེ་འཕྲིན་ལས་དཔལ་འབྱོར་གྱིས་གདན་དྲངས་པའི་ཚེ་མངོན་ཤེས་དང་ཕོ་ཚོད་གང་ཡིན་ཡང་། འཕྲོས་གཏམ་ལ། ད་ལྟའི་ར་བ་སྟོད་པའི་དྲུང་ཆེན་གྱི་རྣམ་དཀར་གྱི་ལས་ཤུགས་ཆེས་པས། ཁྱེད་དང་དེའི་རྗེས་མ་གཉིས་ཀ་ལ་ཡུན་རིང་དཀའ་གསུང་བ་སྟབས་འགྲིག་པ་འདྲའི། དགུང་ལོ་ཞེ་བདུན་ལོན་པ་དོན་གྲུབ་ཅེས་པ་ས་ལུག་ལ། གངས་རིའི་ལྗོངས་འདིའི་འཆད་ཉན་ཐམས་ཅད་ཀྱི་འབྱུང་ཁུངས་གཅིག་པུ་རྔོག་ལོ་ཙཱ་བ་བློ་ལྡན་ཤེས་རབ་ཀྱི་ཆོས་ཀྱི་གདན་ཁྲི་ལ་ཕེབས་ནས། ལོ་སྟར་ཆགས་སུ་ཟླ་བ་ཕྱེད་གཉིས་ཀྱི་རིང་ས་དགེའི་མཁས་པ་རྣམས་འཚོགས་པའི་དབུས་སུ་གསུང་རབ་ཀྱི་འབྲེལ་བའི་གཏམ་ཕུལ་དུ་བྱུང་བས་མཁས་རློམ་དྲེགས་ལྡན་ཕལ་ཆེར་གྱི་སྤོབས་པ་ཕྲོགས། ཚོགས་ཆོས་སུ་ཤིང་རྟ་ཆེན་པོ་ཀླུ་སྒྲུབ་ཀྱིས་རྒྱལ་པོ་བདེ་སྤྱོད་ལ་སྤྲིངས་པའི་བཤེས་པའི་སྤྲིངས་ཡིག་དང་། རྒྱལ་བའི་སྲས་པོ་ཞི་བ་ལྷའི་བྱང་ཆུབ་སེམས་དཔའི་སྤྱོད་པ་ལ་འཇུག་པ་སོགས་གསུངས་སོ། །དེ་ཡང་རཏྣའི་བསྟན་པ་སྤྱི་ལུང་དུ། །གསང་ཕུའི་ཆོས་གྲྭར་འཇམ་དབྱངས་སྤྲུལ་པ་འབྱུང་། །ཞེས་པ་ཡང་ལ་ལ་རྗེ་ཉིད་དུ་ངོས་འཛིན་པ་དོན་ལ་གནས་པར་སེམས་སོ། །ཐོས་བྲལ་སྒོམ་པའི་ཚང་ཚིང་སྟུག་པོའི་ནང་། །མང་ཐོས་ལོ་འདབ་གཡུར་ཟའི་ཨ་ཤྭདྠི། །

― GLG008_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

མར་མེ་མཛད་ཀྱིས་ལུང་བསྟན་གསང་ཕུ་དེར། །མཁས་མང་རྒྱན་དུ་མཁས་འདི་མཛེས་ཞེས་སྒྲོག །དགུང་ལོ་ཞེ་བརྒྱད་ལོན་པ་དྲག་པོ་ཞེས་པ་ལྕགས་སྤྲེལ་གར་མི་ཡོན་ཏན་གཡུང་དྲུང་གི་གདན་ས་རྫིང་ཕྱིའི་ཁྲི་ཐོག་ཏུ་ཕེབས། དེ་ཡང་སྔར་ལུག་ལོའི་སྡེ་གཟར་སྐབས། སྟག་རྩེ་སྒང་དུ་སྐུ་རབ་དམག་དཔོན་པ་ཤོར་བའི་ཙེན་གྱིས། དེ་དུས་འོལ་དགའ་སྟག་རྩེ་སྐུར་བ་ནས་བཟུང་བར། རྫིང་ཕྱི་བ་རྣམས་ཡ་ང་བ་ཡོད་པ་ལ། རྗེ་ཉིད་སྤྱིར་ཡང་ལུགས་ཟུང་གི་གནང་ཁྱབ་མཐོ་བ་དང་། ལྷག་ཏུ་སྟག་རྩེར་སྡེ་པ་ཟུར་ཁང་ནས་ཡོད་པའི་མཆོད་ཡོན་གྱི་འབྲེལ་སོ་དང་བཅས་ཕན་ཚུན་ཀུན་རེ་དོགས་ཀྱི་འཆིང་བ་ལས་བཀྲོལ། དགུང་ལོ་ཞེ་དགུ་ལོན་པ་བློ་ངན་ཞེས་པ་ལྕགས་བྱ་ལ་འདམ་དུ་ཐུ་མེད་ཀྱི་རྒྱལ་རིགས་ལྷ་བཙུན་དང་ཧོང་ཐའི་ཇི་སོགས་ཧོར་སོག་གི་དམག་དཔུང་ཆེན་པོ་འབྱོར་པར། བོད་སོགས་ཆིངས་མདུན་གླེང་བར་གཙོ་བོར་བཀྲ་ཤིས་ལྷུན་པོ་ནས། རྒྱལ་བ་གཉིས་པའི་བསྟན་པའི་གསལ་བྱེད་ཆེན་པོ་པཎ་ཆེན་རིན་པོ་ཆེ་ཕེབས་པ་དང་ལྷན་ཅིག་ཏུ་སྟག་ལུང་སོགས་སུ་ཕེབས། བསླབ་བཏུས། སྤྱོོད་འཇུག །བཅོམ་ལྡན་འདས་རྡོ་རྗེ་འཇིགས་བྱེད་ཀྱི་འཁྲུལ་འཁོར་ཁམས་གསུམ་ལས་རྣམ་པར་རྒྱལ་བའི་ཉི་འོད་རྣམས་གསན། སྟག་ལུང་ཞབས་དྲུང་ངག་དབང་རྣམ་རྒྱལ་ལ་ཕྱག་ན་རྡོ་རྗེ་གཏུམ་པོ་གཟའ་ཤམ་ཅན་གྱི་རྗེས་ནང་ཞུས། མི་རིང་བར་སྔགས་མཁར་གྱི་གདན་སར་ཕེབས། བདེ་ཆེན་རྩེ་ནས་གཙང་པའི་བཀའ་བློན་རྣམས་ཀྱིས། དགོན་པ་ལྡན་རི་ལ་སྤོ་དགོས་པར་ཉེ་ཚེ། ཟང་ཟིང་གི་བདོག་པ་དང་བཀའ་ནན་ཆེན་པོས་སྔར་

― GLG008_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཀྱི་ཕན་པ་ཆེར་བསྒྲུབས་མོད། འོན་ཀྱང་ལྷས་བྱིན་དྲིན་གཟོ་མེད་པའི་རིང་ལུགས་པ་མང་པོ་ནི་ཇི་མི་སྙམ་མོ། །དགུང་ལོ་ང་གཅིག་པ་ཁྲག་སྐྱུག་ཅེས་པ་ཆུ་ཕག་ལ་དཔལ་ལྡན་འབྲས་སྤུངས་ཀྱི་གྲྭ་ཚང་མཁས་པ་བློ་གསལ་གླིང་གི་འཆད་ཉན་དུ་ཕེབས། ཤེས་རབ་ཀྱི་ཕ་རོལ་ཏུ་ཕྱིན་པའི་དོན་མ་ལུས་པ་རྫོགས་པར་སྟོན་པའི་བསྟན་བཅོས་མངོན་རྟོགས་རྒྱན་རྩ་འགྲེལ་དང་། དཔལ་མགོན་འཕགས་པ་ཀླུ་སྒྲུབ་ཀྱི་དགོངས་པ་ཕྱིན་ཅི་མ་ལོག་པར་འགྲེལ་བ་དབུ་མ་ལ་འཇུག་པ་སོགས་ཀྱི་དགོངས་པ་འཁྲུལ་བྲལ་ལུང་རིགས་ཀྱི་དབྱར་རྔ་ལན་གཅིག་མིན་པར་བསྒྲགས་པས་བློ་ལྡན་རྨ་བྱ་མཐའ་དག་དགའ་བའི་རྩེད་འཇོར་རོལ་ལོ། །ད་ལྟའི་བློ་གསལ་གླིང་སློབ་དཔོན་པ་འཇམ་དབྱངས་བཀྲ་ཤིས། སྟོད་རྒྱུད་དབུ་མཛད་འོལ་དགའ་རབ་འབྱམས་པ་བྱམས་པ་རྣམ་རྒྱལ། རབ་འབྱམས་པ་དོམ་ཉག་བསོད་ནམས་ཆོས་བཟང་། རབ་འབྱམས་པ་འབུར་སྟག་པ་ངག་དབང་དཔལ་བཟང་སོགས་དགེ་བཤེས་ཆེས་མང་དུ་འདུས། ཕག་མོ་ཆོས་སྡེའི་བླ་མར་ཕེབས་དགོས་པའི་གསོལ་བ་ནན་གྱིས་བཏབ་ཀྱང་བཀའ་བཞེས་མ་གནང་ངོ་། །ཐབས་མང་སྒྲུབ་པའི་གྱ་གྱུའི་ཚུལ། །སྤངས་ཀྱང་ཀུན་གྱི་གཙུག་འགྱིང་བའི། །རྣམ་པར་རྒྱལ་བའི་དཔལ་ཐོབ་པས། །ཁྱབ་འཇུག་མཁའ་ལྡིང་ཞོན་ནས་བྲོས། །གཟུར་གནས་བློ་ཡི་ཀ་ཤིའི་ངོས། །སྦས་དོན་གཞུང་གི་ལི་ཁྲིའི་ཚོན། །རྣམ་དཔྱོད་པིར་གྱིས་བྲིས་པ་ཡིས། །རི་མོའི་སྣང་བརྙན་ཅི་ཡང་འཆར། །དགུང་ལོ་ང་གསུམ་པ་ཁྲོ་བོ་ཞེས་པ་ཤིང་གླང་ལ་དགའ་ལྡན་ཤར་གྱི་གདན་ས་དང་། དེའི་ལོ་ཕྱི་མ་ཟད་པ་ཞེས་པ་མེ་སྟག་ཧོར་ཟླ་ལྔ་

― GLG008_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དུས་ཚེས་དགེ་བར། དུས་གསུམ་རྒྱལ་བ་ཀུན་གྱི་གསང་བ་གསུམ་མཐའ་ཀླས་པ་གཅིག་ཏུ་བསྡུས་པའི་རང་བཞིན་ཅན་ཁམས་གསུམ་ཆོས་ཀྱི་རྒྱལ་པོ་ཙོང་ཁ་པ་ཆེན་པོའི་གདོང་ལྔས་རྣམ་པར་བཏེག་པའི་རིན་པོ་ཆེའི་ཁྲི་ལ་སྟོབས་བཅུ་མངའ་བ་ཀུན་གྱིས་དབང་བསྐུར་ཏེ། འདུལ་བ་འཛིན་པ་མཐའ་དག་གི་གཙུག་ན་མཛེས་པར་གྱུར་ཏོ། །ནགས་ཚལ་དྲ་བས་སྦྲེལ་བའི་དབེན་པའི་གནས། །དཀའ་ཐུབ་དྲག་པོའི་ངལ་བ་བསྟེན་པ་དང་། །བརྒྱ་ཕྲག་མཆོད་སྦྱིན་དག་ལས་ལེགས་བྲིས་གཙོའི། །གོ་འཕང་ཐོབ་པས་བསྒྲུན་དུ་མ་མཆིས་པས། །རྒྱལ་བ་ཀུན་གྱི་ཡབ་གཅིག་འཇམ་དཔལ་དབྱངས། །རྒྱལ་བའི་ཆོས་ཚུལ་སྤེལ་ལ་བསིལ་ལྡན་འདིར། །རྒྱལ་བ་ཀུན་ལས་མཁྱེན་བརྩེ་ཆེས་ལྷག་པའི། །རྒྱལ་བའི་ཏོག་གྱུར་བློ་བཟང་གྲགས་པ་ཡི། །རིན་ཆེན་རྡུལ་མང་བརྩེགས་པ་ཆོས་ཀྱི་ཁྲིར། །འཇིགས་བྲལ་ཞབས་ཀྱི་པདྨོ་ལེགས་བཀོད་པས། །གསེར་མངལ་གཙུག་ན་ཟླ་བ་པད་དཀར་མིག །འདུད་ཕྱིར་ཡངས་པའི་ས་ནི་དོག་པོར་བྱས། །དེ་ནས་བཟུང་སྟེ་དབྱར་དགུན་གྱི་དུས་ཆོས་རྣམས་སུ་ཇོ་བོ་ཆེན་པོ་དཔལ་ལྡན་ཨ་ཏི་ཤའི་ཐུགས་ཀྱི་ཉིང་ཁུ་བྱང་ཆུབ་ལམ་གྱི་སྒྲོན་མའི་དོན་རྒྱས་པར་སྟོན་པ་བྱང་ཆུབ་ལམ་གྱི་རིམ་པ་ཆེན་མོ་དང་། བཀའ་གདམས་གླེགས་བམ་སོགས་བཟབས་བཤད་དང་བཅས་གསུངས། དགུང་ལོ་ང་ལྔ་ལོན་པ་རབ་འབྱུང་ཞེས་པ་མེ་ཡོས་ལ་རྒྱལ་བས་ཆོ་འཕྲུལ་བསྟན་པའི་དུས་ཁྱད་པར་ཅན་ལ་རིས་སུ་མ་ཆད་པའི་རབ་ཏུ་བྱུང་བའི་སྡེ་བགྲང་ཡས་པ་ཚོགས་པའི་སྨོན་ལམ་གྱི་མགོན་དུ་ཕེབས་ཏེ། སྔ་དྲོ་སྙན་དངགས་ཀྱི་

― GLG008_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་བཅོས་ཆེན་པོ་འཁྲུངས་རབས་སོ་བཞི་པ་ཞེས། དབྱངས་ཅན་མགྲིན་པར་ཆགས་པ་དཔའ་བོའི་ཞལ་ལུང་ལས་བྱུང་བ་དེ་ཉིད་ཀྱི་དཀའ་བའི་གནད་རྣམས་བསྟན་པས་དྲང་སྲོང་ཕུར་བུ་ཡང་མཁའ་ལ་ཉུལ་བའི་ཚུལ་གྱིས་ཉན་པར་ལྷགས་སོ། །སྙན་ཚིག་ཚིག་རྒྱན་དཔལ་ལྡན་མ་ཁོལ་གྱི། །ཞལ་ལུང་ལུང་བཟང་མཁས་རློམ་ཀུན་གྱིས་ཀྱང་། །མ་རྟོགས་རྟོགས་ཕྱིར་ལེགས་བཤད་སྙིམ་པ་ཡིས། །ཚིག་དོན་དོན་གྱིས་མདུད་པ་མཐའ་དག་བཀྲོལ། །མི་དགེའི་དྲི་མས་སྦགས་པའི་ནག་པོའི་མདངས། །ཚུལ་མིན་ཀུན་ནས་འཁྲུད་པའི་དགེ་བའི་ཆུས། །རྣམ་སྨིན་དཀར་པོ་འཛག་པའི་ཐིགས་པ་ཡིས། །ལེགས་ལམ་འཛིན་མ་མ་ལུས་བརླན་སྙམ་བྱེད། །དེ་ནས་འབྲས་སྤུངས་སུ་ཕེབས་ནས་ཟླ་བ་གསུམ་གྱི་རིང་གཏན་ཆགས་སུ་བཞུགས་པ་ནས་བཟུང་ལོ་དྲུག་གི་རིང་ཁོ་བོས་ཀྱང་ཞལ་གྱི་བདུད་རྩི་ལས་འོངས་པའི་བསྡུས་པ་ནས་བཟུང་། ཆོས་མངོན་བར་གྱི་ཊཱིཀྐ་སྤྱི་དོན་ཐལ་འཕྲེང་རྣམས་ཞུས། ཚིག་དོན་མཐའ་དཔྱོད་གང་ལ་ཡང་ཆོས་དེ་དང་དེ་དངོས་སུ་སྟོན་རྒྱུ་ཡོད་པ་ལྟ་བུའི་འཆད་མཁས་པའི་རྣམ་དཔྱོད་ཀྱིས་དྲུང་དུ་ཉེ་བར་འཁོད་པ་མཐའ་དག་དམ་པའི་ཆོས་ལ་བློ་ངམ་ངམ་ཤུགས་ཀྱིས་འགྱུར་བའི་ངོ་མཚར་ཁྱད་པར་ཅན་དུ་སྣང་། དངོས་ཅག་ལྟ་བུའི་བརྩོན་འགྲུས་དང་ཤེས་རབ་ཆེས་དམན་པ་རྣམས་ལའང་། ཇི་ལྟར་ཉི་མའི་འོད་ཀྱིས་པད་ཚལ་ཀུན་རང་དབང་མེད་པར་འབྱེད་པ་ལྟར། གཞུང་གི་དོན་ཕྱོགས་འགྲོ་ཙམ་བློ་ཡུལ་དུ་མི་འཇགས་པའི་དབང་མི་འདུག་ཅིང་། ངེད་རང་ནས་ཀྱང་ཐོས་པ་ཁོ་ནར་བློ་ཞུགས་པའི་འཛིན་པ་ཤར་རིགས་ལུང་སོགས་

― GLG008_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

ཚང་མར། བོད་མི་ཆེན་གྱི་ཆེ་ཁྱད་སོགས་ཤེས་འདོད་མེད་པ་དང་བཅས་གཏན་མ་བྱས་པར་ཆོས་ལ་དོན་གཉེར་འབའ་ཞིག་བྱས་པས་དགོངས་པར་ཡང་ལྡན་པ་བྱུང་། དགུང་ལོ་ང་བདུན་པ་དཀར་པོ་ཞེས་པ་ས་སྦྲུལ་ལ་སྡེ་བ་ཟུར་ཁང་ཤར་པ་དངོས་གྲུབ་རྒྱ་མཚོ་དུས་ཀྱི་ཕོ་ཉའི་དབང་དུ་གྱུར་པ་དག་མངོན་མཐོ་དང་ངེས་ལེགས་ཀྱི་ས་བོན་བསྐྲུན་པའི་ཕྱིར་ལྷོ་ཁ་ཕྱོགས་སུ་གདན་དྲངས་སྐབས། སོས་ཐན་གྱི་ཚ་བའི་འཇིགས་པས་སྤང་ལྗོངས་དང་ལྗང་པ་གཞོན་ནུ་རྣམས་གསེར་གྱི་གོས་གྱོན་པ་ལ་མངོན་དུ་ཕྱོགས་ཚེ། རྗེ་ཉིད་པཎ་ཆེན་བྱམས་པ་གླིང་པའི་སྐྱེ་བ་ཡིན་ན་ཆར་ཆེན་པོ་ཕོབ་ཅིག་ཅེས་བདེན་པའི་ཚིག་བརྗོད་པ་གནང་བས། དེ་ནུབ་ནས་བཟུང་ཟད་མི་ཤེས་པའི་ཆར་གྱི་རྒྱུན་བབས་ཏེ། དབྱར་སྐྱེས་ཀྱི་ཕུང་པོ་ཀུན་མརྒད་ཀྱི་སྟོད་གཡོགས་གྱོན་ནོ། །བྱམས་གླིང་པ་རྣམས་ཀྱིས་བསྟི་སྟང་དང་བཅས་མཆོད་རྟེན་ཆེན་པོའི་སྟེང་ནས། ཁྲོམ་ལ་ཐུགས་རྗེ་ཆེན་པོའི་བཟླས་ལུང་དང་། ཡང་ཟབ་བླ་མའི་རྣལ་འབྱོར་བསྩལ་བས། སྐབས་གསུམ་པ་རྣམས་ཀྱང་དང་བའི་ཡིད་ཀྱིས་ལྷགས་ཏེ་མཆོད་པའི་སླད་དུ་མེ་ཏོག་གི་ཆར་དབབ་པར་བྱས་སོ། །མཁས་པའི་ལེགས་བཤད་སྐྱུག་པའི་གང་གཱའི་རྒྱུན། །འཁྲུལ་པའི་རྙོག་པ་དང་བྲལ་དྭངས་པའི་ཀླུང་། །ནམ་ཡང་མི་ཟད་གསུང་རབ་ཆུ་བོའི་གཏེར། །བློ་གསལ་སྐལ་ལྡན་ཤིང་རྟའི་དཔལ་དུ་ཆེ། །གཟོད་མ་ཉིད་ནས་རྒྱལ་སྲས་འཕགས་པའི་སར། །གཤེགས་ཕྱིར་བདེན་ཚིག་གྲུབ་ལ་མཚར་དུ་ཅི། །དྲང་སྲོང་དམོད་པའི་མཐུ་ཡིས་བརྒྱ་བྱིན་ལ། །མིག་སྟོང་བྱུང་བར་རིག་བྱེད་གཏམ་དུ་

― GLG008_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས། །དགའ་ལྡན་གཟིམས་ཁང་དུ་རབ་འབྱམས་པ་དོན་གྲུབ་རྒྱ་མཚོ་སོགས་དགེ་བཤེས་མང་དག་ལ་མདོ་རྒྱུད་ཀྱི་ཊཱིཀྐ་གནང་བས། རབ་འབྱམས་དོན་རྒྱམ་པ་ཡང་ཁེངས་པ་བོར་ཏེ་ཕྱིས་སུ་བསྔགས་བརྗོད་ཁོ་ན་བྱེད་ཟེར། འདི་དག་གི་སྔ་ཕྱི་རྣམས་སུ་རྟ་ཚག་རྗེ་དྲུང་། སྤྲུལ་པའི་སྐུ་གྲགས་པ་རྒྱལ་མཚན། ངག་དབང་སྤྲུལ་སྐུ། ད་ལྟའི་གླིང་སྟོད་ཆོས་རྗེ། སྐྱེད་ཚལ་མཁན་པོ། སྐྱིད་ཤོད་ཀྱི་སྡེ་པ་ཆོས་རྗེ། དབོན་དྲུང་སྐུ་སྐྱེ། ཆ་ཀར་སྐུ་སྐྱེ་སོགས་ཆེན་པོར་གྲགས་པ་རྣམས་དང་། གནམ་གྱི་བུ་བོ་དོན་ཆ་མིར་གན་གྱི་རྒྱུད་ལས་བྱུང་བ་ཇུ་ནང་ཐུབ་པ་ཐའི་ཇིས་མཚོན་པའི་ཧོར་གྱི་རྒྱལ་རིགས་དང་། བསྟན་འཛིན་ཆོས་ཀྱི་རྒྱལ་པོ་སོགས་ཆེན་པོ་མང་པོས་ཀྱང་ཞབས་ལ་གཏུགས་སོ། །དེ་སྐབས་གསང་ཕུའི་འདུ་ཁང་དེ་ལེགས་རྒྱུ་མི་འདུག་པར་གསར་བཅོས་ཀྱི་ཐུགས་འདུན་གཏད་པའི་སྤྱི་ཚོགས་བཀའ་བགྲོས་མོལ་བསྡུད་ནས། ཤིང་སོགས་ཀྱི་རྩོལ་སྒྲུབ་མཛད་ཀྱང་། འགའ་ཞིག་ལོགས་བྲིས་སོགས་བསྣོན་འཕྲི་བྱུང་དོགས་པའི་མི་འདོད་པའི་རྣམ་པས་རྐྱེན་བྱས་ལུས་མེད་ཀྱིས་ཇི་ལྟར་བསམས་པའི་དབང་དུ་གྱུར། དགུང་ལོ་ང་དགུ་པ་སྐྱེ་བདག་ཅེས་པ་ལྕགས་ལུག་ལ་དགའ་ལྡན་གཟིམས་ཁང་དང་། དེའི་ལོ་ཕྱི་མ་སྐྱོར་མོ་ལུང་གི་གཟིམས་ཁང་མཁར་ལས། སྔར་ཆོས་རྗེ་རིན་ཆེན་བཤེས་གཉེན་པས་སྤོམ་རྟ་བསླང་རྗེས་གློོ་བུར་དུ་གཉན་ནད་ཀྱིས་གྲོངས་པ་སོགས་འཚུབ་ཆེ་བར་གྲགས་ནའང་། འདི་སྐབས་འགལ་རྐྱེན་གྱི་བགེགས་མེད་པར་འགྲུབ། །དགུང་ལོ་རེ་ལྔ་པ་དབང་ཕྱུག་ཅེས་པ་མེ་གླང་ལ། དགའ་ལྡན་དུ་རཱི་ཎའི་ཡུལ་གྲུ་ལས་འོངས་པའི་

― GLG008_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

དངུལ་སྲང་མཁའ་མཁའ་རྒྱ་མཚོའི་གྲངས་ལྡན་དང་། སུ་ཝརྞ་མཁའ་ཀླུའི་འཁོར་ལོ་ཅན་ལས་གྲུབ་པའི་བདེ་བར་གཤེགས་པའི་བྱང་ཆུབ་ཆེན་པོའི་མཆོད་སྡོང་། ཤེལ་དཀར་གྱི་ལྷུན་པོ་ནོར་བུའི་འཕྲ་ཚོམས་ཀྱིས་བསྐོར་བ་ལྟ་བུ་འགྲོ་བའི་བསོད་ནམས་ཀྱི་ཞིང་དུ་བསྐྲུན་པ་ལ། རྗེ་ཉིད་རྡོ་རྗེ་སློབ་དཔོན་གྱི་གདན་ཁྲི་ལ་གཙོ་བོར་བཞུགས་ཏེ། དཔལ་གསང་བ་འདུས་པ་མི་བསྐྱོད་རྡོ་རྗེའི་དཀྱིལ་འཁོར་ཞལ་ཕྱེ་ནས། རྒྱུད་སྡེ་ལས་ཇི་ལྟར་འབྱུང་བའི་ཡེ་ཤེས་སེམས་དཔའི་ཚོགས་རྟེན་ལ་གཉིས་མེད་དུ་བྱེད་པའི་རབ་ཏུ་གནས་པའི་ཆོ་ག་རྒྱས་པར་མཛད་ཅིང་། ནི་པཱ་ལའི་བཟོ་བོ་རྣམས་མཁོ་དགུའི་འབྱོར་པས་ཚིམ་པར་གྱུར་ཏོ། །རྒྱལ་རྣམས་མཆོག་དམན་འགྲོ་དང་འཚམ་པའི་ཚུལ། །སྟོན་ཕྱིར་བྱ་བ་ལས་ཀྱི་འཁོར་ལོ་ཡིས། །བློ་དམན་སྐྱེ་དགུའི་རེ་བ་ཆེས་སྐོང་བ། །དེ་ཡང་སེམས་དཔའ་ཆེ་རྣམས་མཛད་པའི་འོས། །སྣང་སྟོང་འཁོར་ལོའི་བདག་པོར་གསལ་བ་ཡི། །གཡོ་མེད་ཏིང་འཛིན་མཐུ་ཡིས་དུས་གསུམ་གྱི། །རྣམ་འདྲེན་མ་ལུས་ཕྱོགས་འདིར་ཉེར་དྲངས་ན། །ཞིང་གཞན་ལུས་ཅན་མགོན་པོ་མཆིས་སམ་ཅི། །དགུང་ལོ་རེ་དྲུག་པ་འབྲུ་མང་ཞེས་པ་ས་སྟག་ལ་འཕྲུལ་སྣང་གཙུག་ལག་ཁང་དང་ཟུང་དུ་འབྲེལ་བའི་འཆི་མེད་ཀྱི་གྲོང་ཁྱེར་ས་ལ་འཕོས་འདྲ་དགའ་ལྡན་ཁང་གསར་དུ་ཟླ་ཤས་བཞུགས་ཏེ། དངོས་ཅག་ལ་འདུས་པའི་འགྲེལ་པ་སོགས་ཀྱི་བཀའ་དྲིན་བླ་མེད་དུ་བསྩལ། དེ་ནས་དགུང་ལོ་དོན་གཉིས་པ་ཉི་སྒྲོལ་བྱེད་ཅེས་པ་ཤིང་སྤྲེལ། དབང་ཕྱོགས་རྒྱལ་ཁབ་ཀྱི་གན་མཛོད་ལས་འོངས་པའི་བཟང་གོས་ཡུག་མཁའ་མེ་གཟུགས་ཀྱི་གྲངས་ལྡན་ལས་གྲུབ་པའི་སྙིགས་

― GLG008_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ཀྱི་རབ་འབྱམས་སྟོབས་བཅུ་མངའ་བ་ཡོངས་ཀྱི་དབང་ཕྱུག་ཙོང་ཁ་པ་ཆེན་པོའི་སྐུ་བརྙན་བཞེང་བར་མེ་ཏོག་མདའ་ཅན་གྱི་འཆིང་བའི་ཞགས་པས་ཅུང་ཟད་ཀྱང་གཡོ་བར་མ་ནུས་པར་ལྷུན་གྱིས་གྲུབ་སྟེ། རྒྱལ་བ་གཉིས་པ་དག་པའི་ཞིང་དུ་གཤེགས་པའི་དུས་ཆེན། འདུལ་མངོན་པའི་ལོ་གསར་ཚེས། རྒྱ་ནག་པའི་དགུན་ཐ། ཡོངས་གྲགས་ཀྱི་ཧོར་ཟླ་བཅུ་པའི་དབྱངས་ཨཽ་འཆར་བ། དམར་ཕྱོགས་ཀྱི་རྫོགས་པ་གཉིས་པའི་ཚེས་ལ་རབ་ཏུ་གནས་པ་འགྲིག །རྟེན་འབྲེལ་ཕུན་སུམ་ཚོགས་པར་གྱུར། དེ་སྐབས་འབྲས་སྤུངས་སུ་ཟླ་ཤས་བཞུགས་ཏེ། ཁོ་བོས་རྗེ་རྒྱལ་བ་གཉིས་པའི་གསུང་རབ་ཀྱི་དཀའ་གནད་རྣམས་ཞུས། བཀའ་ལས་བྱང་ཆུབ་ལམ་རིམ་གྱི་བཟབས་བཤད་རྗེ་བླ་མ་ནས་བརྒྱུད་པ་བར་མ་ཆད་པ། འཇམ་དབྱངས་སྟག་ལུང་བྲག་པའི་གསུང་རྒྱུན་ཡོངས་སུ་རྫོགས་པར་ཐོབ་པ་ཁོ་བོ་ཙམ་དུ་འདུག་པས། ད་ལམ་འབུལ་ཐུབ་པ་འདི་ལེགས་བྱུང་ཞེས་ཐུགས་དགྱེས་པ་ཆེན་པོ་གནང་། ཞལ་སྔ་ནས་བསམ་མཆོག་པས། བསམ་གཏན་མཆོག་ནི་མགོ་དཀར་པོ་ཡིན། བསམ་གཏན་མཆོག་ཤི་ན་ལམ་རིམ་ཤི་ཟེར་བའི་དཔེ་དེ་དེར་བྱུང་། དགའ་ལྡན་ཕོ་བྲང་དུ་བཞུགས་སྐབས་དེ་ཁ་ནས་རྗེ་བྱམས་པ་གླིང་པའི་གདན་སར་ཕེབས་དགོས་ཚུལ་གྱི་བཀའ་བགྲོས་བྱུང་སོང་ནའང་། ས་ཐག་རིངས་པ་དང་སྐུ་ན་ཕེབས་པ་སོགས་ཀྱིས་མི་ཕེབས་པར་ཐུགས་ཐག་བཅད། གསང་ཕུའི་གྲྭ་ཚང་རྣམས་དབྱར་ཆོས་ཕྱི་མ་སྔོན་དུས་འདུལ་བ་འཛིན་པའི་སྡེ་ཆེན་པོ་ས་དགེའི་བཤད་ཉན་ཤིན་ཏུ་དར་བ་བར་སྐབས་སུ་དྭགས་བརྒྱུད་པའི་ཕྱོགས་སུ་གྱུར་པའི་ཟུལ་ཕུར་ཚོགས་པའི་དགོན་གནས་མཐུན་རྐྱེན་གྱི་ཕོགས་སོགས་བསྟན་པའི་

― GLG008_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་ལ་གནས་པ་དང་། ར་བ་སྟོད་པ་རྣམས་ལ་གྲྭ་བརྒྱད་གྲྭའི་དགེ་འདུན་གྱི་ཀུན་དགའ་ར་བ་དང་། ལོ་སྟར་ཆགས་ཀྱི་མཐུན་རྐྱེན་སོགས་འབྱུང་བའི་བཀའ་ཕེབས་ཀྱི་བྱ་བ་ལས་ཀྱི་འཁོར་ལོས་ལུགས་བརྒྱ་ཕྲག་གི་སྒོ་ནས་ཕན་བདེའི་སྨན་ཡོན་ཆེས་ཆེར་སྤེལ་བར་མཛད་བཞིན་པ་འདི་ཁ་ལྟར། སླད་ནས་ཀྱང་། ཀུན་མཁྱེན་བུ་རམ་ཤིང་པའི་བསྟན་པ་སྤྱི་དང་། ཁྱད་པར་ཁམས་གསུམ་ཆོས་ཀྱི་རྒྱལ་པོ་ཙོང་ཁ་པའི་ལུང་རྟོགས་བསྟན་པ་དྲི་བྲལ་གྱི་དཔྱིད་དམ་པར། ཇི་སྲིད་ཟླ་ཉིའི་འོད་ཀྱིས་ཡངས་པའི་ས་ཆེན་པོ་ཀུན་ལ་གསལ་བྱེད་ཀྱི་འོད་སྣང་འབར་བ་དེ་སྲིད་དུ་ཞབས་ཟུང་མི་འགྱུར་རྡོ་རྗེའི་གཞི་ལ་བརྟན་པར་གྱུར་ཅིག །མཐའ་བྲལ་ལུས་ཅན་ཀུན་ལ་རབ་བརྩེ་བརྩེ་ལྡན་ཐུགས་རྗེ་ཆེན་པོའི་རྒྱུན། །རྒྱུན་ཆད་མེད་པར་ཕྱིན་དྲུག་འཛིན་མ་མ་ལུས་ཡོངས་བརླན་རྒྱལ་བའི་སྲས། །སྲས་བཅས་ཀུན་གྱི་རླབས་ཆེན་སྤྱོད་ཚུལ་ཚུལ་བཞིན་ཉམས་བསྟར་མཆོག་གསུམ་དངོས། །དངོས་རྒྱུད་བླ་མའི་མཁྱེན་བརྩེ་ནུས་ཀུན་ཀུན་ནས་རབ་བསྡུས་ཡོངས་འཛིན་རྗེ། །སྲིད་ཞིའི་ཁམས་ན་ཆེས་དཀོན་ལེགས་པའི་ལམ། །མཆོག་ཏུ་གྲུབ་པའི་གསང་བ་གསུམ་གྱི་མཛོད། །ཆོས་ཚུལ་མི་ཟད་འདོད་དགུ་ཆེར་འཕེལ་བའི། །གནས་འདི་རྣམ་མཁྱེན་ལས་གཞན་སྤྱོད་ཡུལ་མིན། །ཚུར་མཐོང་བྱིས་པའི་བློ་ཡིས་ཤེས་བྱའི་ཚད། །འཇལ་བ་རང་ཉིད་ངལ་བ་སྒྲུབ་པ་ལྟར། །འཇམ་མགོན་བླ་མའི་མཛད་པ་རྗེས་དཔོགས་ནས། །སྨྲ་ན་ཐོག་མར་སངས་རྒྱས་གོ་འཕང་སྒྲུབས། །ཟད་པའི་གོ་སྐབས་དང་བྲལ་རྒྱ་མཚོ་ཆེ། །ཀུ་ཤའི་རྩེ་མོས་ཕ་མཐར་འཛད་བྱེད་པའི། །དྲག་པོའི་དཀའ་

― GLG008_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་ཡུན་དུ་སྟེན་པ་དང་། །འདི་ལྟའི་རྟོགས་བརྗོད་རྫོགས་སྨྲ་ཅིས་མི་མཚུངས། །འོན་ཀྱང་རླབས་ཆེན་མཛད་པའི་སུ་ཝཪྞ། །ཉུང་ངུའི་ཟོར་ཡང་མི་དམན་བྱེད་པོ་ཡིས། །དཔྱོད་ལྡན་ཡ་རབས་རྣ་བའི་རྒྱན་འགྱུར་བས། །ཅུང་ཟད་བརྗོད་པའི་བསོད་ནམས་སྐལ་བས་རྙེད། །ཚངས་པས་གཏམ་རྒྱུས་སྦྱོར་བར་མ་བྱས་ཤིང་། །དབྱངས་ཅན་ཚིག་འཕྲེང་སྤེལ་ལ་མ་འོངས་པའི། །མཁས་མང་སྐྱེས་སུ་འོས་པའི་རྟོགས་བརྗོད་འདི། །སྨྲ་བའི་སྐད་གཉིས་པ་དེ་གང་ནས་འོངས། །སྙིང་ནས་རྣམ་གཡེང་སྤངས་པའི་དྲང་སྲོང་ཀུན། །བསམ་གཏན་ཚེར་མའི་སྙན་ཚིག་སྤོང་བདེན་ཡང་། །རི་བོར་དལ་འབྱོར་སྟོང་པར་ཡོལ་བྱེད་རྣམས། །མི་འདོར་རང་ཉིད་ཐོས་ཉུང་རྨོངས་པའི་སྐྱོན། །ཤར་ལྷོའི་ལུགས་བཟང་དཎྜིའི་གཙུག་ལག་རྒྱུད། །ངོ་མཚར་གཏམ་གྱིས་བསྒྱུར་བའི་པི་ཝཾ་དེས། །གཟུར་གནས་རིགས་ལྡན་ཡོངས་ཀྱི་དགའ་བའི་འཛུམ། །རྫོགས་ལྡན་གསར་པར་ཆགས་ནས་བསུ་བ་བཞིན། །དགེ་བའི་རྔ་ཡབ་དྲི་བཞོན་གྱིས། །བསོད་ནམས་མ་ལ་ཡ་དག་ལས། །བོས་པའི་བཤེས་གཉེན་དྲི་བསུང་ལ། །ཚེ་རབས་ཀུན་ཏུ་སྤྱོད་གྱུར་ཅིག །ཅེས་འཇམ་མགོན་ངུར་སྨྲིག་འཆང་བ་རབ་འབྱམས་བསྟན་པའི་རྩ་ལག་རྗེ་བཙུན་དཀོན་མཆོག་ཆོས་འཕེལ་གྱི་རྟོགས་བརྗོད་མཁས་པའི་རྣ་རྒྱན་འདི་ཡང་། རྫིང་ཕྱི་མཁན་པོ་དགེ་འདུན་རྣམ་རྒྱལ་གྱིས་བསྐུལ་བ་དང་། རང་ཉིད་ཀྱི་དད་པའི་གསོས་སུ་བསམས་ཏེ། དམ་པ་དེ་ཉིད་ཀྱི་གསུང་གི་བདུད་རྩིས་འཚོ་བའི་ལོ་རྒྱུས་སྨྲ་བའི་བཙུན་པ་ངག་དབང་བློ་བཟང་

― GLG008_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས། ཉི་སྒྲོལ་ཞེས་པ་ཤིང་སྤྲེའི་ལོ། རྒྱ་ནག་གཙུག་གི་དཔྱིད་འབྲིང་། ཆུ་ཤེལ་གྱི་དབང་པོ་རྒྱལ་གྱིས་ཉ་བའི་ཕྱོགས་སྔ་མའི་དགའ་བ་གསུམ་པའི་ཚེས་ལ་དགའ་ལྡན་ཕོ་བྲང་དུ་སྦྱར་བའི་ཡི་གེ་པ་ངག་དབང་དགེ་ལེགས་སོ།། །།མངྒལཾ།། །།

― GLG008_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཁྱབ་བདག་འཁོར་ལོའི་དབང་ཕྱུག་དཔལ་འབྱོར་ལྷུན་གྲུབ་ཀྱི་རྣམ་ཐར་སྐལ་བཟང་དད་པའི་ཤིང་རྟ།

― GLG008_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་བདག་འཁོར་ལོའི་དབང་ཕྱུག་དཔལ་འབྱོར་ལྷུན་གྲུབ་ཀྱི་རྣམ་ཐར་སྐལ་བཟང་དད་པའི་ཤིང་རྟ་ཞེས་བྱ་བ་བཞུགས་སོ།།

― GLG008_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

སྭ་སྟི་སིངྔྷི། རིགས་ཐམས་ཅད་ཀྱི་ཁྱབ་བདག་དང་པོའི་མགོན་པོ་ཀུན་བཟང་སྒྱུ་འཕྲུལ་དྲ་བའི་རོལ་གར་མཁན་འཁོན་སྟོན་ཆོས་ཀྱི་རྒྱལ་པོ་དཔལ་འབྱོར་ལྷུན་གྲུབ་ཀྱི་རྣམ་པར་ཐར་པ་སྐལ་བཟང་དད་པའི་ཤིང་རྟ་ཞེས་བྱ་བ། དུས་གསུམ་རྒྱལ་བ་ཀུན་གྱི་མཁྱེན་བརྩེ་ནུས་པའི་དབང་ཕྱུག་དཔལ་ལྡན་བླ་མ་དམ་པའི་ཞབས་ཀྱི་པདྨོར་ཕྱག་འཚལ་ཞིང་སྐྱབས་སུ་མཆིའོ། །བརྩེ་བ་ཆེན་པོས་རྗེས་སུ་གཟུང་དུ་གསོལ། དཔལ་ལྡན་རྒྱལ་ཀུན་ཆོས་དབྱིངས་བདེ་བ་ཆེན་པོའི་མཁའ་ཀློང་ཡངས་པ་ལས། །མཐའ་ཀླས་མཚན་དཔེའི་འབྱོར་པ་རབ་རྒྱས་ལོངས་སྤྱོད་རྫོགས་སྐུའི་དབྱར་སྐྱེས་འཕྲེང་། །ཐེག་ཀུན་གདུལ་བྱར་འཕྲིན་ལས་ལྷུན་གྲུབ་སྣ་ཚོགས་སྤྲུལ་སྐུའི་གྲུ་ཆར་འབེབས། །དུས་གསུམ་འདྲེན་པ་ཡོངས་ཀྱི་གཙོར་གྱུར་གདན་གསུམ་ཚང་བའི་བླ་མར་འདུད། །དངོས་གྲུབ་རིན་ཆེན་དབང་གི་རྒྱལ་པོ་ཆེ། །བརྒྱ་ཕྲག་ཐབས་ཀྱིས་འགྲོ་ལ་སྩལ་བའི་ཕྱིར། །རྡོ་རྗེ་འཆང་ཀུན་བཤེས་གཉེན་རྣམ་རོལ་དུ། །སྟོན་ཕྱིར་བླ་མ་མཆོག་ཁྱོད་འཁོར་ལོའི་མགོན། །རང་སེམས་ཆོས་སྐུར་གྲོལ་བས་ཤྲཱི་སིང་། །གཞན་ཕན་ལྷག་བསམ་འབྱོངས་པས་ཨ་ཏི་ཤ །ཐུབ་བསྟན་རྩ་ལག་གྱུར་པས་ཙོང་ཁ་པ། །རྣམ་གསུམ་མཛད་

― GLG008_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མ་ལུས་གཅིག་ཏུ་གྲུབ། །ཨིནྡྲ་བྷཱུ་ཏི་ཀླུ་སྒྲུབ་མདའ་བསྣུན་ཞབས། །རྒྱ་བོད་མཁས་གྲུབ་ཀུན་གྱིས་དམ་པ་འདིའི། །མཛད་པར་བསྒྲུན་ནུས་མིན་ཕྱིར་པད་འབྱུང་གི །རྣམ་པར་ཐར་དེ་དཔེ་རུ་བསྟན་ནམ་སྙམ། །རྒྱལ་རྣམས་སྐྱེ་སྤྲུལ་བགྲང་ཡས་སྟོན་པས་ན། །ཚུར་མཐོང་བློ་ཡིས་གཞལ་ལས་རབ་འགོངས་ཀྱང་། །ཐུན་མོང་གདུལ་བྱར་ལེགས་བསྟན་སྐྱེས་རབས་འཕྲེང་། །སྤེལ་བ་སྔོན་འགྲོའི་རྟོགས་པ་བརྗོད་ལ་སྤྲོ། །མཐའ་ཡས་རིགས་ཅན་གསུམ་སོགས་གདུལ་བྱའི་ཁམས། །ཇི་བཞིན་འཚམ་པའི་མཛད་པའི་ཆུ་གཏེར་ལས། །བློ་བཟང་རྒྱལ་བསྟན་སྤེལ་ཕྱིར་དངོས་ཀྱི་སྐུའི། །རྣམ་ཐར་བདུད་རྩི་སྐལ་བཟང་སྙིང་ལ་བྱིན། །མང་ཐོས་མཁས་དབང་ཡོངས་ཀྱི་མཁྱེན་པ་དང་། །རྒྱལ་སྲས་དམ་པའི་མི་དམིགས་བརྩེ་བ་ཆེ། །གྲུབ་རིགས་རྒྱ་མཚོའི་ནུས་མཐུ་གཅིག་བསྡུས་པས། །རིགས་གསུམ་མགོན་གྱི་ངང་ཚུལ་རང་གིར་མཛད། །དམ་པའི་སྣང་ཚུལ་ཚུལ་བཞིན་སྟོན་པ་ལ། །མི་སྐྱོའི་སྙིང་སྟོབས་སྟོབས་ལྡན་དཔའ་བོ་ཆེ། །བློ་དང་བརྩོན་པ་པ་སངས་ལྟར་དཀར་བ། །དཔག་ནུས་མིན་འདི་འདི་ཞེས་སུས་བརྗོད་ནུས། །འོན་ཀྱང་དང་བའི་དད་པས་རབ་བསྐུལ་ནས། །རྒྱལ་དང་དེ་

― GLG008_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

སྲས་ཡོན་ཏན་ཕྲ་མོ་དག །སྨྲ་བའི་ལེགས་བྱས་ཕ་མཐའ་ཡས་གྱུར་ན། །རྡོ་རྗེ་སློབ་དཔོན་བསྔགས་ལ་སུ་མི་དད། །རྒྱ་མཚོ་རྩྭ་ཡིས་འཇལ་ལྟར་བདག་བློ་ཡིས། །འཕགས་ཆེན་ཡོན་ཏན་རྫོགས་པ་ནུས་མིན་ཡང་། །ཐུན་མོང་གདུལ་བྱར་བསྟན་པའི་སྣང་ཚུལ་ཙམ། །སྤེལ་བ་བསྐལ་པར་བསོད་ནམས་ཟོང་གིས་བསྒྲུབས། །དེ་ཕྱིར་གཟུར་གནས་རྣམས་དང་ཆབས་གཅིག་ཏུ། །དཀར་ཕྱོགས་མངོན་པར་དགའ་བའི་འཆི་མེད་ཀུན། །སུག་པར་མནྡྷ་ར་སོགས་མཆོད་པའི་ཚོགས། །ཐོགས་ཏེ་གཡེལ་བ་མེད་པར་སྒྲ་འཛིན་ཉོན། །སྲིད་འདིར་དྲི་ཟའི་རྒྱུད་མང་སྒྲོག་པ་ལས། །ཆགས་ལྡན་སྐྱེ་བོའི་ཡིད་ལ་དགའ་བསྐྱེད་ན། །རབ་འབྱམས་སངས་རྒྱས་ཀུན་དངོས་ཡོངས་འཛིན་རྗེའི། །གསང་གསུམ་གཏམ་གྱིས་ཕན་བདེ་ཅིས་མི་སྩོལ། །དབྱངས་ཅན་བུ་མོའི་མགྲིན་ལས་སྙན་ཚིག་གི །མི་ཟད་འདོད་པ་འཇོ་བའི་རྟོགས་བརྗོད་འཕྲེང་། །འགྱུར་མེད་སྐལ་བཟང་དད་པའི་ཤིང་རྟ་འདི། །གླེགས་བུའི་རྭ་བར་འདྲེན་ནོ་ཤེས་ལྡན་ཀྱེ། །དེ་ཡང་ངེས་པའི་དོན་ཉིད་དུ་དུས་གསུམ་རྒྱལ་བ་ཀུན་གྱི་དཀྱིལ་འཁོར་འཁོར་ལོའི་བདག་ཉིད་ཆེན་པོར་བཞུགས་པའི་ཁྱབ་བདག་དང་པོའི་མགོན་པོ་ལས་ངོ་བོ་ཐ་མ་དད་ཅིང་། ཐུན་མོང་གི་གདུལ་བྱའི་ཁམས་དང་། བསམ་པ་དང་། བག་ལ་ཉལ་ལ་གཟིགས་ཏེ། ཉན་ཐོས་དང་རིམ་གྱིས་སྦྱངས་པའི་བྱང་ཆུབ་སེམས་དཔའ་བགྲང་ཡས་པར་སྟོན་པས། རང་ཅག་སྙིགས་མ་ལྔ་ཆེས་ཆེར་བསྡོ་བའི་ལུས་ཅན་རྣམས་ལ་བརྩེ་ཆེན་ཐུགས་རྗེའི་དབང་གིས་ལྷག་པར་རྗེས་སུ་བརྟས་པའི་རྗེ་བཙུན་རྡོ་རྗེ་འཛིན་པ་ཆེན་པོ་དཔལ་ལྡན་བླ་མ་དམ་པ་དཔལ་འབྱོར་ལྷུན་གྲུབ་ཀྱི་

― GLG008_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས་པ་བརྗོད་པ་ཡི་གེའི་ཕྲེང་བར་ཅུང་ཟད་ཅིག་སྤེལ་བར་བྱའོ། །དེ་ཡང་སྤྱིར་ལོངས་སྤྱོད་རྫོགས་པའི་སྐུ་རྣམས་ཡེ་ཤེས་རང་སྣང་གི་གཞལ་ཡས་ལས་མི་གཡོ་བཞིན་དུ། སྤྲུལ་པ་གྲངས་མེད་པ་སྟོན་པ་ལྟར། བླ་མ་འདི་ཉིད་ཀྱི་སྐུའི་སྐྱེ་སྤྲུལ་ཡང་འདི་དང་འདིའོ་ཞེས་རང་ཉམས་ཀྱི་བློས་དཔྱོད་པའི་ཡུལ་ལས་ཆེས་འགོངས་ནའང་། གང་གི་ཞལ་ལུང་ལས་སྣོད་ལྡན་ལ་བཀའ་སྩལ་བ་ལྟར་ཅུང་ཟད་བརྗོད་ན། བསྐལ་པ་བཟང་པོ་འདིའི་འགྲོ་བའི་བླ་མ་སྟོབས་བཅུ་མངའ་བ་སྟོང་གི་ནང་ནས་མཆོག་ཏུ་གྱུར་པ་རྒྱལ་བ་བུ་རམ་ཤིང་པའི་སྤྱན་སྔར། དགྲ་བཅོམ་པ་ཙུནྡར་སྐུ་འཁྲུངས། དེ་ནི་བྱད་གཟུགས་ཀྱི་ལང་ཚོ་ཀུན་ནས་བརྟས་ཤིང་། དམ་པའི་ཆོས་སྨྲ་བའི་ཚིག་གི་བརྗོད་པ་བླ་ན་མེད་པའི་སྒྲ་དབྱངས་ཀྱིས། རྒྱལ་པོ་དང་བྲམ་ཟེ་སོགས་མཆོག་དམན་གྱི་སྐྱེ་བོ་རྣམས་དགེ་བའི་ས་བོན་སྤེལ་པའི་དད་པའི་ཡིད་རང་དབང་མེད་པར་སྐྱེད་པར་བྱེད་ཅིང་། ལུང་སྡེ་སྣོད་གསུམ་ལ་མཁས་པ་དང་། བསླབ་པ་གསུམ་གྱིས་ཐུགས་ཀྱི་རྒྱུད་ཡོངས་སུ་ཕྱུག་པར་མཛད་དོ། །དེ་ནས་སློབ་དཔོན་ཤཱཀྱ་བཤེས་གཉེན་དུ་སྐུ་བལྟམས། དེ་ནི་ཤིང་རྟ་ཆེན་པོ་ཀླུ་སྒྲུབ་ཀྱི་སྲས་ཀྱི་ཐུ་བོ། གསུང་རབ་སྤྱི་དང་། ཁྱད་པར་འདུས་པ་སོགས་སྔགས་ཀྱི་བསྟན་པའི་བདག་པོ་ཆེན་པོའོ། །དེ་རྗེས་སྐ་བ་དཔལ་བརྩེགས་སུ་སྐུ་སྐྱེ་བ་བཞེས་པ་ནི། ཐང་ཡིག་ཏུ། ཡབ་མིང་སྐ་བ་བློ་ལྡན་ཞེས་བྱ་བཿ ཡུམ་མིང་འབྲོམ་བཟའ་རྡོ་རྗེ་ལྕམ་གྱི་བུཿ ཤཱཀ་ཐུབ་ཉེ་གནས་ཙུནྡར་ཚེ་འཕོས་པཿ སྐྱེས་བུ་སྐ་བ་དཔལ་བརྩེགས་ཞེས་བྱ་བཿ ཞེས་གསུངས་པ་ལྟར། སྐད་གཉིས་སྨྲ་བའི་དབང་པོ་སྐ་བ་དཔལ་བརྩེགས་ཞེས་

― GLG008_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་སྔགས་ཀྱི་ཆོས་མཐའ་ཡས་པ་བསྒྱུར་ཅིང་། ལོ་ཙཱ་བ་བརྒྱ་དང་བརྒྱད་ཀྱི་ནང་ནས་མཆོག་ཏུ་གྱུར་པ་དེ་ཉིད་དོ། །དེ་རྗེས་སྒྲོ་ཕུག་པར་སྐྱེ་བ་བཞེས། དེ་ནི་སོ་ཟུར་སྣུབས་གསུམ་སྔགས་པའི་རྒྱལ་པོ་ཞེས་ཡོངས་སུ་གྲགས་པའི་ཟུར་གྱི་རྒྱུད་ལས་བྱུང་ཞིང་། གཞོན་ནུའི་དུས་སུ་ཡུམ་དང་ཞང་པོས་བསྐྱངས་ཏེ། མངའ་ཕུར་ལོ་བཅོ་ལྔ་དང་། དེ་ནས་ཆུ་བར་དུ་གླན་དང་། སྐེད་ལུང་དུ་བྱོན་ཏེ་ལོ་གསུམ་གྱི་རིན་ཆོས་གསན། དགུང་ལོ་བཅུ་དགུ་ལ་ཆེ་འདོན་མཛད་པས་འཕྲིན་ལས་ལྷག་པར་རྒྱས། ཐོས་བསམ་ལ་ཅུང་ཟད་གནོད་པ་ལྟར་བྱུང་ཡང་། གླན་ཤཱཀྱ་བྱང་ཆུབ་སོགས་བླ་མ་མང་པོ་སྤྱན་དྲངས་ཏེ། མདོ་སྒྱུ་འཕྲུལ་སེམས་ཕྱོགས་ཀྱི་རྒྱུད་མན་ངག་སྒྲུབ་འཕྲེང་ཕྱག་བཞེས་མཐའ་དག་རྫོགས་པར་གསན་ཅིང་། གསང་སྔགས་སྔ་འགྱུར་གྱི་བསྟན་པའི་བདག་པོར་གྱུར། གསང་བའི་བདག་པོ་ཕྱག་ན་རྡོ་རྗེའི་སྤྲུལ་པར་གྲགས་སོ། །དེ་ནས་སྤྱན་རས་གཟིགས་སི་སི་རི་པར་སྐུ་བལྟམས། དེ་ནི་ཡུལ་ཨེ་རིག་པའི་འབྱུང་གནས་ཀྱི་སའི་ཆར། ཐུགས་རྗེ་ཆེན་པོ་ཕྱག་ན་པདྨ་དངོས་སུ་འགྲུབ་ཅིང་། སྐབས་འགར་ཐགས་བཏགས་པས་ལས་དག་པ་ཞིག་གིས་ཕྱག་བཞི་ཡོད་པར་ཡང་མཐོང་། ཡི་གེ་དྲུག་པའི་སྒོ་ནས་རང་གཞན་གྱི་དོན་རྒྱ་ཆེན་པོ་མཛད་པའི་སྦས་པའི་རྣལ་འབྱོར་ཞིག་གོ །དེ་རྗེས་འཕགས་པ་རིན་པོ་ཆེར་སྐུ་སྐྱེ་བ་བཞེས། དེ་ནི་རྗེ་བཙུན་ས་པཎ་གྱི་གཅུང་ཟངས་ཚ་བསོད་ནམས་རྒྱལ་མཚན་དང་མ་གཅིག་ཀུན་དགའ་སྐྱིད་ཀྱི་སྲས་འཁོན་བློ་གྲོས་རྒྱལ་མཚན་དཔལ་བཟང་པོ་ཞེས། སེ་ཆེན་རྒྱལ་པོ་འཇམ་དབྱངས་གོང་མའི་ཁྲི་ལ་མངའ་སྒྱུར་བ་དང་ཆབས་གཅིག་པར་རྒྱལ་པོ་གང་དེའི་ཏི་ཤྲིར་གྱུར་ཏེ། དམ་པའི་ཆོས་ཀྱི་སྐྱེས་བཟང་པོ་སྩལ་བའི་ལན་དུ།

― GLG008_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

བོད་ཆོལ་ཁ་གསུམ་དུ་གྲགས་པ་ཕུལ་ཏེ། ལུགས་གཉིས་ནས་མངོན་པར་མཐོ་བའི་བླ་མ་ཆོས་ཀྱི་རྒྱལ་པོ་ཀྭན་དིང་ཏའི་གུ་ཤྲི་ཞེས་གྲགས་སོ། །དེ་ནས་འགྲོ་མགོན་བསོད་ནམས་པར་སྐུ་བལྟམས། དེ་ནི་བླ་མ་བདག་ཉིད་ཆེན་པོ་བཟང་པོ་དཔལ་ཞེས་མགོན་པོས་རྗེས་སུ་བཟུང་བའི་འཁོན་རིགས་དམ་པ་གང་དེར་ཇོ་མོ་མང་དུ་ཡོད་པ་ལས། མ་གཅིག་གཞོན་ནུ་འབུམ་གྱི་སྲས་སུ་འཁྲུངས། གཞོན་ནུའི་དུས་ཉིད་ནས་གསུང་རབ་མཐའ་དག་ལ་ཐོས་བསམ་ཕུལ་དུ་ཕྱིན་པར་མཛད་ཅིང་། ཕྱི་ཚངས་པར་སྤྱོད་པའི་བརྟུལ་ཞུགས་ལ་གནས་ཀྱང་། ནང་གསང་སྔགས་ཀྱི་རྡོ་རྗེ་འཛིན་པའི་ས་ཆེན་པོ་མངོན་དུ་གྱུར་པ། ཁྱད་པར་དཔལ་ལྡན་ས་སྐྱ་པའི་ཟབ་དོན་སྙན་རྒྱུད་ཀྱི་བདག་པོར་བཞུགས་ཤིང་། དབུས་ཕྱོགས་སུ་སྡེ་སྲིད་ཕག་མོ་གྲུ་པའི་རྩ་བའི་ཡོངས་འཛིན་མཛད་པས་འཕྲིན་ལས་ཀྱི་སྒོ་མཆོག་ཏུ་རྒྱས། ཆོས་འཁོར་བསམ་ཡས་སུ་བཞུགས་སྐབས་དཀོར་སྲུང་གནོད་སྦྱིན་ཆེན་པོས་ཀྱང་བཀའ་བཞིན་བསྒྲུབ་པར་དངོས་སུ་ཁས་བླངས་པ་སོགས་དྲེགས་པ་ཅན་མཐའ་དག་བྲན་དུ་འཁོར་བར་ནུས་པའི་མཁྱེན་བརྩེ་ནུས་གསུམ་གྱི་བདག་ཉིད་ཅན་ཆོས་རྗེ་བླ་མ་དམ་པ་ཞེས་གྲགས་སོ། །དེ་རྗེས་བྱམས་ཆེན་ཆོས་རྗེར་སྐུ་སྐྱེ་བ་བཞེས། དེ་ནི་སྐྱིད་ཤོང་གུང་ཐང་དུ་ཁྲུངས། ཆུང་ངུ་ནས་གསུང་རབ་ལ་ཡུན་དུ་སྦྱངས་པས་མཁས་པའི་གོ་འཕང་ཐོབ། གོང་མ་ཏ་མིང་རྒྱལ་པོས་རྒྱལ་བ་ཙོང་ཁ་པ་གདན་འདྲེན་བཏང་བའི་རྒྱལ་ཚབ་ཏུ་ཕེབས་ནས་རྒྱ་ནག་པོའི་ཡུལ་ཐམས་ཅད་རྒྱལ་བ་གཉིས་པའི་བསྟན་པས་ཁྱབ་པར་མཛད་དེ། སླར་དབུས་སུ་ཕེབས་སེ་ར་ཐེག་ཆེན་གླིང་གི་ཆོས་སྡེ་ཆེན་པོ་འདི་ཉིད་གསར་དུ་བསྐྲུན་པར་མཛད་ཅིང་། བྱམས་ཆེན་ཆོས་ཀྱི་རྒྱལ་པོ་ཏའི་བའུ་ཧ་ཝང་དུ་གྲགས་སོ། །

― GLG008_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་རྗེ་བཙུན་ཆོས་ཀྱི་རྒྱལ་མཚན་དུ་སྐུ་འཁྲུངས། དེ་ནི་མྱང་སྟོད་སྨིན་དྲུག་ཁྱུང་རྩེར་དཔོན་སྐྱ་ཞིག་གི་རིགས་སུ་བལྟམས། རྗེ་བཙུན་དམ་པ་དོན་ཡོད་པ་སོགས་ཡོངས་འཛིན་མང་དུ་བསྟེན་ནས་སྡེ་སྣོད་གསུམ་ལ་ཐོས་བསམ་ཕུལ་དུ་ཕྱིན། ཤཱཀ་ལན་དང་ཀར་ལན་སོགས་བསྟན་བཅོས་ཀྱི་རིགས་མང་དུ་མཛད་ཅིང་སྐུ་ཚེ་ཕལ་ཆེར་འཆད་རྩོད་རྩོམ་གསུམ་གྱིས་དུས་འདའ་བ་ཞིག་གོ །དེ་ལྟར་ཐུན་མོང་གི་གདུལ་བྱའི་སྣང་ངོ་དང་བསྟུན་པའི་གོ་རིམ་ལྟར་བརྗོད་ཀྱི། མཐའ་དག་བརྗོད་པའི་ཡུལ་ག་ལ་ཞིག་སྟེ། མངའ་བདག་མྱང་གི་གཏེར་ཁའི་ལུང་བསྟན་ལས་ལོ་ཙཱ་བ་སྐ་བ་དཔལ་བརྩེགས་ཁྱོད༔ སྐྱེ་བ་བཅུ་བཞིར་རྒྱ་དཀར་ནག་རུ་བཞིའི་ཡུལ༔ སྡེ་སྣོད་སྤྱོད་ཅིང་འགྲོ་དོན་བྱེད༔ཅེས་འབྱུང་བ་ལྟར་དང་། རྒྱལ་པོ་བཀའི་ཐང་ཡིག་ལས་ཀྱང་། ཤཱཀྱའི་ཞིང་ཁམས་ལུག་སྟོད་ཞེས་པ་ནས༔ བྱང་ཆུབ་སེམས་དཔའ་གཞན་གྱི་དོན་ལ་བརྩོན༔ ཕ་བོང་ཁ་པ་ཞེས་པ་འབྱུང་བར་འགྱུར༔ དེ་ནས་འཕོས་ཏེ་སྤྱོད་པ་རླབས་ཆེན་མཛད༔ ཅེས་སྣང་ཞིང་། རིག་འཛིན་རཏྣ་གླིང་པའི་གཏེར་ལུང་དུ། མཚོ་རྒྱལ་སྤྲུལ་པ་འགྲོ་བའི་དོན་སྤྱོད་པ༔ བསོད་ནམས་མིང་ཅན་ཨེ་ཡི་ཕྱོགས་སུ་འབྱུང༔ ཞེས་མཁར་ཆེན་བཟའི་སྤྲུལ་པར་བཤད་པ་དང་། གཏེར་ཁ་དུ་མར་འཇམ་དཔལ་དབྱངས་ཀྱི་སྤྲུལ་པར་བསྟན་པ་ཆེས་མང་ངོ་། ། ཨེ་མ་སྟོན་དུས་ཀུན་གསལ་འགྲམ་པ་ལ། །གཉིས་སྐྱེས་རྒྱལ་པོའི་དཀྱིལ་འཁོར་ཡོངས་ཤར་བས། །སྣང་བརྙན་གྲངས་མེད་རྫིང་བུར་འཆར་བ་ལ། །རྨོངས་ལྡན་བྱིས་པ་འཁྲུལ་ཉམས་ཅི་ཡང་སྟོན། །དེ་བཞིན་རྒྱལ་རྣམས་བདེ་བ་ཆེན་པོའི་ཀློང་། །དབྱེར་མེད་ངོ་བོ་གཅིག་པའི་རང་བཞིན་ལ། །ཐ་དད་དུ་མར་སྣང་བའི་སྤྲུལ་པའི་གར། །གདུལ་བྱའི་མོས་ངོས་ཡིན་ཕྱིར་

― GLG008_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

ཚད་གཟུང་ཅི། །མ་དག་ལྔ་བདོའི་མུན་པས་ཆེར་སྦགས་ཚེ། །གང་གི་སྐྱེས་རབས་འོད་དཀར་ཅན་གྱི་འཕྲེང་། །བསྟན་འགྲོའི་མཁའ་ལ་འགོག་མེད་འཆར་བ་འདི། །སེམས་བསྐྱེད་རླུང་གི་རྟ་ཡིས་དྲངས་པར་ངེས། །རྣམ་འདྲེན་མཐའ་དག་སྤངས་རྟོགས་མཉམ་མོ་ཞེས། །སྡེ་སྣོད་མང་པོར་ཡང་ཡང་གསུངས་གྱུར་ན། ཁྱོད་ཀྱི་ཐུགས་བསྐྱེད་སྙིང་སྟོབས་བླ་མེད་ལ། །ཀུན་མཁྱེན་གཞན་གྱིས་བསྒྲུན་དུ་མེད་འདི་ཅི། །འཕགས་ཆེན་དམ་པའི་སྲིད་པ་གྲངས་མེད་པ། །བཟུང་བ་མིན་ན་གང་གི་ཡོན་ཏན་ཚོགས། །བརྒྱ་པའི་ཚེ་ཡུན་གཅིག་ལ་ཡོངས་རྫོགས་པ། །ཀུན་མཁྱེན་ཚད་མས་གཞལ་ནུས་ག་ལ་ཞིག །རྨད་བྱུང་ལུང་རྟོགས་ཁུར་ལྡན་མཁས་གྲུབ་ཀྱི། །སྤྲུལ་པའི་ཟློས་གར་འཛིན་ལ་མཚར་དུ་ཅི། །རབ་འབྱམས་དུས་གསུམ་རྒྱལ་བ་མ་ལུས་པའི། །འཁོར་ལོ་ཁྱོད་ཀྱི་སྐུ་ལ་རྫོགས་མིན་ནམ། །དེ་ཡང་བདག་ཉིད་ཆེན་པོ་འདི་ཉིད་ཀྱི་གདུང་ནི། གནམ་ནས་ལྕེ་རིང་གཡུ་རིང་། གཡུ་བསེ་མཆེད་གསུམ་ལས། གཡུ་རིང་གིས་དམུའི་བུ་མོ་དམུ་ས་ལྡེམ་ཁབ་ཏུ་བཞེས་པའི་སྲས་སྤུན་བདུན་བྱུང་བའི་ཆུང་བའི་སྲས་ཐོག་ཚ་དཔའ་བོ་སྟག་དང་། མོན་བཟའ་མཚོ་མོ་རྒྱལ་གཉིས་ཀྱི་སྲས་གཡའ་སྤང་སྐྱེས་ཀྱིས་སྲིན་པོ་སྐྱ་རེངས་ཁྲག་མེད་བསད། གཡའ་བྲུམ་སིལ་མ་ཕྲོགས་ཏེ་ཁབ་ཏུ་བཞེས་པར་སྲས་བལྟམས་པ་དེ་སྲིན་པོ་དང་འཁོན་པའི་བར་དུ་སྐྱེས་པས་མིང་འཁོན་པར་སྐྱེས་སུ་བཏགས་ཏེ། འཁོན་གྱི་གདུང་བརྒྱུད་ཅེས་པའི་དོན་ཡང་དེ་ལྟར་ཡིན། དེའི་སྲས་དཔའ་པོ་ཆེས་མངའ་བདག་ཁྲི་སྲོང་ལྡེ་བཙན་གྱི་བློན་པོ་མཛད། རླངས་ལོ་ཙཱ་བའི་བུ་མོ་ལྷ་ས་ཁྲེམ་བུ་ཁབ་ཏུ་བཞེས་པར་སྲས་ཁྲི་མཛེས། ལྷ་ལེགས། ཚེ་ལ་དབང་ཕྱུག །འཁོན་ཀླུའི་དབང་པོ། ཚེ་

― GLG008_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་རྣམས་ལས། ཀླུའི་དབང་པོས་མཁན་པོ་རིན་ཆེའི་དྲུང་དུ་རབ་ཏུ་བྱུང་ཞིང་། སློབ་དཔོན་ཆེན་པོ་པདྨའི་དངོས་ཀྱི་སློབ་མར་གྱུར། གཅུང་གི་སྲས་རྡོ་རྗེ་རིན་ཆེན་སློབ་དཔོན་པདྨས་རྡོ་རྗེ་ཕུར་པའི་དཀྱིལ་འཁོར་དུ་སྨིན་པར་མཛད། རིག་སྔགས་འཆང་བ་ཆེན་པོ་དེའི་སྲས་ཤེས་རབ་ཡོན་ཏན་གྱིས་གྲོམ་པར་བྱོན། དེའི་སྲས་ཡོན་ཏན་འབྱུང་གནས། དེའི་སྲས་ཚུལ་ཁྲིམས་རྒྱལ་པོ། དེའི་སྲས་རྡོ་རྗེ་གཙུག་ཏོར་ཤེས་རབ། དེའི་སྲས་དགེ་སྐྱབས། དེའི་སྲས་དགེ་མཐོང་། དེའི་སྲས་འཁོན་སྟོན་བལ་པོ་ཞེས་པས་ཚ་མོརོང་གི་བྲག་ལ་སྒྲུབ་པ་མཛད་པས་རྡོ་རྗེ་ཕུར་པ་ཞལ་གཟིགས། དེའི་སྲས་ཤཱཀྱ་བློ། དེའི་སྲས་གཅེན་འཁོན་རོག་ཤེས་རབ་ཚུལ་ཁྲིམས་དང་། གཅུང་འཁོན་དཀོན་མཆོག་རྒྱལ་པོ་བྱོན་ཏེ། སྐབས་ཤིག་ཁྲོམ་ཆེན་པོའི་དབུས་ན་སྔགས་པ་མང་པོས་དབང་ཕྱུག་མ་ཉི་ཤུ་རྩ་བརྒྱད་ཀྱི་ཞལ་བརྙན་དང་ཕྱག་མཚན་སོགས་དང་བཅས་ནས་གར་འཆམས་མང་པོ་བྱེད་ཀྱི་འདུག་པ་གཅུང་གིས་གཟིགས་པས། ད་གསང་སྔགས་འཆོལ་བས་རྙིང་མ་ལ་གྲུབ་ཐོབ་མི་འབྱུང་གསུངས་ནས་རང་གི་ཡབ་ཆོས་རྣམས་གཏེར་དུ་སྦས་ཏེ་སྔགས་གསར་མའི་ལོ་ཙཱ་བ་བླ་ཆེན་འབྲོག་མི་སོགས་བསྟེན་ནས་གསང་སྔགས་ཕྱི་འགྱུར་ལ་གཙོ་བོར་མཛད། འོན་ཀྱང་ཆོས་སྐྱོང་དཀར་མོ་བདུད་རྒྱལ་གྱི་ཆོ་འཕྲུལ་ཆེ་བར་བྱུང་པས་རྡོ་རྗེ་གཞོན་ནུའི་སྐོར་ལ་སླར་ཡང་ཉམས་ལེན་གནང་། གྲ་བོ་ལུང་པར་དགོན་པ་ཞིག་བཏབ་པས་ས་སྐྱ་གོག་པོར་གྲགས་ཤིང་། དེ་རྗེས་དཔོན་པོ་རིའི་ངོས་སུ་དཔལ་ལྡན་ས་སྐྱའི་ཆོས་སྡེ་ཆེན་པོ་འདིང་བར་མཛད། དེའི་སྲས་བླ་མ་ས་སྐྱ་པ་ཆེན་པོ་ཀུན་དགའ་སྙིང་པོ་རྗེ་བཙུན་འཇམ་དཔལ་དབྱངས་ཀྱིས་དངོས་སུ་བྱིན་གྱིས་བརླབས་པས།

― GLG008_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་བཟུང་སྟེ་དཔལ་ས་སྐྱ་པ་འཇམ་དབྱངས་འཁོན་གྱི་རིགས་ཞེས་གྲགས། དེ་ལ་སྲས་བཞི་བྱུང་བའི་ཆེ་བ་རྒྱ་གར་དུ་ཚད་པས་གཤེགས། དེ་འོག་སློབ་དཔོན་རིན་པོ་ཆེ་དང་རྗེ་བཙུན་རིན་པོ་ཆེ་གཉིས་རྡོ་རྗེ་འཛིན་པའི་ས་ཆེན་པོ་མངོན་དུ་མཛད་ལ། གཅུང་དཔལ་ཆེན་འོད་པོ་ཆེ་ལ་པཎ་ཆེན་སྐུ་མཆེད་གཉིས་བྱུང་བའི་ཆེ་བ་གནས་ལྔ་རིག་པའི་པཎྜི་ཏ་ཆེན་པོར་རྒྱ་བོད་ཡོངས་སུ་གྲགས་ཤིང་། གཅུང་ལ་སྲས་འཕགས་པ་རིན་པོ་ཆེ་སོགས་བདུན་བྱུང་བའི་སློབ་དཔོན་ཡེ་ཤེས་འབྱུང་གནས་ཀྱི་སྲས་བདག་ཉིད་ཆེན་པོ་བཟང་པོ་དཔལ་ཡིན་ལ། དེ་ཡང་འགྲོ་མགོན་ཕྱག་ནས། ཁོང་རང་གི་སྲས་དྷརྨ་རཀྵི་ཏ་གདན་སར་བཞག་ནས། བླ་མ་བདག་ཉིད་པ་འདི་གདུང་བརྒྱུད་ཁུངས་མ་མིན་ཚུལ་གྱི་སྙན་འཕྲ་གོང་མ་རྒྱལ་པོ་ལ་ཕུལ་བར་བརྟེན། རྒྱ་མཚོ་དང་ཉེ་བའི་ཡུལ་དུ་རེ་ཞིག་ཕེབས་དགོས་པ་བྱུང་ཞིང་། དེ་ནས་མི་རིང་བར་ས་སྐྱའི་དཔོན་ཆེན་སོགས་ཀྱིས་གདན་སར་གདན་དྲངས་ཆོག་པའི་གསེར་ཡིག་པ་མངགས་ཀྱང་དོན་མ་མཐོང་། ཆོས་རྗེ་ཁུ་དབོན་གྱི་མགོན་པོའི་བཀའ་བབས་ཀྱི་སློབ་མ་གྷ་ཨ་ཉན་དམ་པས་ཕོ་བྲང་གི་སྟེང་དུ་ལ་ཁའུའི་རྡོ་ཆར་དང་བྱ་རོག་ལྕགས་ཀྱི་མཆུ་སྡེར་ཅན་གྱིས་སྐད་བསྒྲགས་པ་སོགས་ཀྱི་ཆོ་འཕྲུལ་བསྟན་པས། བླ་མ་བདག་ཉིད་པ་ལ་བཀུར་སྟི་ཕུན་སུམ་ཚོགས་པ་དང་བཅས་ཏེ་གདན་སར་མངའ་གསོལ་བར་མཛད། བླ་མ་འདི་ཉིད་ལ་མདོ་ཁམས་སུ་སྲས་གཅིག་དང་། དབུས་གཙང་དུ་ཇོ་མོ་བདུན་བཞེས་པའི་སྲས་ཆེ་བ་རྒྱུད་ལས་དྷ་རྨ་པཱ་ལ་རཀྵི་ཏ་བྱ་བ་སོགས་རིམ་གྱིས་ཨེ་རིག་པའི་འབྱུང་གནས་ཀྱི་སའི་ཆར་རུས་ཚོ་གྱེས་པ་ཡིན་ནོ། །ལྷ་རིགས་དཔག་བསམ་ཡོངས་འདུ་གསར་པ་ལས། །འཇམ་དབྱངས་འཁོན་གྱི་ཡལ་འདབ་རབ་རྒྱས་རྩེར། །མཁས་དང་

― GLG008_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་པའི་གང་བུ་ལྡེམ་པ་འདི། །ཐུབ་བསྟན་ནོར་འཛིན་མཛེས་པའི་རྒྱན་གྱི་དཔྱིད། །དམན་པའི་རིགས་བྲལ་འོད་གསལ་ལྷ་ཡི་གདུང་། །ནུས་མཐུའི་རྩལ་ལྡན་རིག་སྔགས་འཆང་བའི་རྒྱུད། །མཁྱེན་པའི་དཔལ་མངའ་འཇམ་དབྱངས་འཁོན་གྱི་རིགས། །ཚུལ་འདིས་ཤཱཀྱའི་གདུང་གི་བསྙེམས་པ་ཕྲོགས། །གང་གི་རིགས་ལས་མཁས་དང་གྲུབ་པའི་ཚོགས། །རྒྱུན་ཆད་མེད་པར་རྟག་ཏུ་འོང་གྱུར་ན། ཁྱོད་ཀྱི་གསང་བ་གསུམ་གྱི་ཡོན་ཏན་ཀུན། རྩོལ་མེད་ལྷུན་གྱིས་གྲུབ་པར་གོར་མ་ཆག །དེ་ཡང་ཡུལ་ཕྱོགས་དེའི་དབྱིབས་ཡི་གེ་ཨེའི་རྣམ་པ་ཅན་དུ་ཡོད་པ་དང་། བོད་དུ་ཧོར་གྱི་ལུང་བྱུང་སྐབས། དཔོན་པོ་གྲོག་མོ་སྐམ་པོ་ལ་ཆོལ་ཟེར་ནས་མཁར་བཙན་པོ་མང་དུ་བརྩིགས་པས་ཧོར་གྱི་ཁྲིམས་འཁུར་མ་དགོས་ཞེས་རྒན་པོའི་ངག་སྒྲོས་སུ་གླེང་ཞིང་། ཕག་མོ་གྲུ་པའི་སྡེ་སྲིད་ཀྱི་དུས། ལྷ་བཙན་པོ་འོད་སྲུངས་ཀྱི་གདུང་བརྒྱུད་ནང་སོ་རྒྱ་རི་བའི་མངའ་འབངས་སུ་གྱུར་པ། སྐྱེ་བོ་ཕལ་ཆེ་བ་དག་ཡིག་རིགས་དང་རྩིས་སྐར་ནག །སྐུ་བརྙན་གྱི་བྲིས་འབུར་སོགས་ཆེ་ཕྲའི་ཡོན་ཏན་ལ་བསླབ་སྦྱངས་ཆེས་དར་བའི་ཡུལ་དེའི་སྐྱོགས་མཁར་ཞེས་པའི་གྲོང་དུ། ཡབ་འཁོན་རིགས་གསང་སྔགས་རྙིང་མ་བཀའ་གཏེར་མཐའ་དག་ལ་གསན་པ་རྒྱ་ཆེ་ཞིང་། གྲུབ་པའི་ཡོན་ཏན་ཡང་དག་པར་བརྙེས་པ་དཔོན་ཚེ་དབང་ནོར་རྒྱས་དང་། ཡུམ་བུད་མེད་ཐ་མལ་པའི་སྐྱོན་གྱི་རིགས་མཐའ་དག་རྒྱང་དུ་བསྲིངས་པའི་ཡེ་ཤེས་ཀྱི་མཁའ་འགྲོའི་མཚན་ཉིད་དང་ལྡན་པ་རྒྱལ་མོ་འཛོམ་ཞེས་བྱ་བའི་སྲས་སུ་རབ་བྱུང་བཅུ་པ་འཕགས་པའི་ཡུལ་དུ་དུ་རྨ་ཏི་ཞེས་པ་བསིལ་ལྡན་གྱི་ལྗོངས་འདིར་བློ་ངན་དུ་འབོད་ཅིང་། རྒྱ་ནག་པོའི་རྒྱལ་ཁམས་སུ་ཟིན་ཡི་འུར་བརྗོད་པ། ཕྱོགས་འདིར་དབང་ཐང་དང་

― GLG008_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟུན་པ་ལྕགས་མོ་བྱའི་ལོ་ལ་སྐུ་བལྟམས་ཤིང་མཆེད་གསུམ་ལས་བགྲེས་པ་ཡིན་ཞེས་གྲག་གོ །རབ་དང་གཙང་མའི་ཆུ་རྒྱུན་སྦྲེང་བ་ཡིས། །མངལ་གྱི་དྲི་མ་འཁྲུད་པའི་རིམ་གྲོ་པ། །ཚངས་དང་བརྒྱ་བྱིན་ལྷགས་པར་ཉེ་འཁོར་གྱི། །སྐྱེ་བོས་མ་མཐོང་མ་རིག་སྒྲིབ་པའི་སྐྱོན། །ལེགས་བྲིས་བུ་མོའི་མཉེན་འཇམ་ལག་པད་ཀྱིས། །མནྡྷ་ར་དང་ཨུ་དུཾ་ཝཱ་ར་སོགས། །ཆུ་སྐྱེས་འཕྲེང་བ་ཚར་དུ་མངར་བ་ལ། །དབང་པོའི་གཞུ་ཡི་སྲད་བུའི་དྲ་བས་སྦྲེལ། །ཚུལ་འདིས་མེ་ཏོག་མདའ་ཅན་ལ་སོགས་པའི། །བདུད་སྡེའི་སྙིང་ལ་ཟུག་རྔུ་བྱིན་པ་དང་། །དཀར་ཕྱོགས་སྐྱོང་ལ་སྤྲོ་དགའ་ཆེར་རྟས་རྣམས། །ཡིད་ཀྱི་དགའ་སྟོན་སྤེལ་བ་མཉམ་དུ་བྱས། བཙས་མ་ཐག་པ་ནས་ཧྲཱིཿདང་དྷཱིཿདང་ཨ་ར་པ་ཙ་ན་སོགས་འབའ་ཞིག་འདྲེན་པ་བྱུང་ཞིང་། ན་ཚོད་གཞོན་ནུའི་དུས་ཉིད་ནའང་བྱིས་པའི་རྣམ་པ་ཡེ་མེད་པར་རྩེད་མོའི་ཚབ་ཏུ་ཡང་བྱིས་པ་ཟླ་བོ་རྣམས་ལ་དབང་བསྐུར་ཆོས་བཤད་མཛད་པ། རྩིག་པ་དང་རྡོ་ལ་ཡི་གེ་འབྲི་བའི་རྣམ་པ་སོགས་མཁས་ཤིང་གྲུབ་པའི་སྐྱེ་བ་རིམ་པར་བརྒྱུད་པའི་བག་ཆགས་བཅོས་མ་མ་ཡིན་པ་ལྷུར་མཛད་པས། བོད་རྒན་པོ་གཞན་གྱི་ལུགས་ལྟར་ཕ་མ་གཡོ་ཅན་གྱིས་ཆེད་དུ་གཉེར་ནས་བཅོས་པའི་ངང་ཚུལ་སོགས་ནི་རྒྱང་དུ་བསྲིངས་སོ། །ཨེ་མ་རྟ་ལྗང་དབང་པོ་དེ། །ཤར་ཚེ་པུཎྜ་རི་ཀའི་ཚལ། །འདབ་མ་རྣམ་པར་བཞད་བྱེད་བཞིན། །དམ་པའི་ངང་ཚུལ་ལྷུན་གྱིས་གྲུབ། །བསིལ་སྦྱིན་མཁན་པོའི་འོད་ཟེར་གྱིས། །པད་ཚལ་རྒྱས་པར་འདོད་པ་ལྟར། །གཡོ་ཅན་བཅོས་མའི་སྒྲོ་འདོགས་དེ། །སྐྱ་རེངས་འཆར་ཁའི་སྐར་ཚོགས་བཞིན། །ཆེས་ཕྲའི་ན་ཚོད་མྱུ་གུའི་རྩེར། །འཕགས་མཆོག་ཡོན་ཏན་གང་བུའི་ཁུར། །རྣམ་པར་

― GLG008_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕི་བའི་ངོ་མཚར་འདིས། །ཀུན་མཁྱེན་ངང་ཚུལ་གསལ་བ་བཞིན། །དགུང་ལོ་བདུན་བརྒྱད་ཙམ་གྱི་དུས་ཡི་གེའི་འབྲི་ཀློག་རྣམས་དཀའ་ཚེགས་ཆེན་པོ་མ་དགོས་པར་མཁས་པར་མཁྱེན་ཞིང་། དེ་སྐབས་ཡིག་རིས་སྟོན་པའི་སློབ་དཔོན་དེའི་དཔེ་ཆའི་ཁྲོད་ན་ཐེག་པ་ཆེན་པོའི་བློ་སྦྱོང་གི་སྐོར་མང་དུ་འདུག་པས། འབྲི་ཀློག་གི་གསེང་དང་། སློབ་དཔོན་གྱིས་མ་གཟིགས་པའི་ལྐོག་ཐམས་ཅད་དུ་ལྗགས་ཀློག་གནང་བས། ངེས་འབྱུང་གི་བསམ་པ་བཅོས་མ་མ་ཡིན་པ་ཐུགས་རྒྱུད་ལ་འཁྲུངས་ཤིང་། ཁྱད་པར་གྲོང་པའི་མི་ཞིག་གིས་ཁྱི་ལ་གྲི་བརྒྱབ་པའི་རྨའི་ཟུག་རྔུ་མི་བཟོད་པ་བྱུང་ནས་སྐད་དྲག་པོ་ཡང་ཡང་འདོན་པ་གསན་ཞིང་གཟིགས་པ་བྱུང་བས་ཀྱང་རྐྱེན་བྱས་ཏེ། ཁྱི་དེས་དངོས་སུ་དཔེར་མཚོན་པའི་འགྲོ་བའི་སྡུག་བསྔལ་ལ་མི་བཟོད་པའི་སྙིང་རྗེ་ཤུགས་དྲག་པོའི་དབང་གིས་སྤྱན་ཆབ་མང་དུ་འདོན་པ་བྱུང་། འདི་སྐབས་ན་ཚོད་ཀྱང་ཕྲ་ཞིང་སྐུ་ཚེ་འདིའི་གསུང་རབ་ཀྱི་སྦྱངས་པ་ཆེར་མ་མཛད་པའི་སྐབས་ཡིན་འདུག་ཀྱང་། རྒྱལ་སྲས་དམ་པའི་ངང་ཚུལ་སྟོན་པ་དེ་ནི་ཐུན་མོང་བའི་རྣམ་ཐར་ཅིག་ལ་ཆེ་བར་མཐོང་ཞིང་། ལར་མི་ཚེ་ཧྲིལ་པོར་ཐོས་པ་བྱས་ཀྱང་ཆོས་ཉོན་མོངས་པའི་གྲོགས་སུ་སོང་བའི་མཁས་རློམ་དང་། སེམས་ཅན་སྡུག་བསྔལ་གྱིས་མནར་བ་ལ་བ་སྤུ་ལ་གཡོ་འགུལ་ཙམ་ཡང་མེད་པའི་འགྲོ་བའི་འདྲེན་པར་རློམ་པའི་བཤེས་གཉེན་གྱི་ཤ་ཚུགས་ཅན་གྱིས་ལྗོངས་འདི་གང་བ་མཐོང་བས་ཀྱང་ལྷག་པར་དད་པའི་གསོས་སོ། །འཁོར་བའི་ཆུ་གཏེར་ཆེ་ལ་གནས་བཅས་ཏེ། །སྐྱེ་རྒ་ན་འཆིའི་རྦ་ཀློང་རབ་འཁྲུག་པའི། །མི་ཟད་འགྲོ་ལ་བརྩེ་བའི་སྙིང་རྗེ་ཡིས། །ཕྱིན་དྲུག་སྤྱོད་ལ་འཇུག་པར་རིང་དུ་ཆས། །རང་གི་གནས་སྐབས་མཐར་ཐུག་བདེ་བ་ཀུན། །གཞན་ལ་གཏོང་ཞིང་

― GLG008_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་དང་ལེན་པའི། །ཚུལ་འདིས་རྒྱལ་བའི་སྲས་ཀྱི་མཛད་པ་ཀུན། ཁྱོད་ཀྱི་རྣམ་ཐར་ཡིན་པར་ད་གདོད་ཁུམས། །རིམ་གྱིས་ཆུ་མིག་ལོ་ཙཱ་བས་མཛད་པའི་ལེགས་པར་སྦྱར་བ་ཀ་ལཱ་པའི་སྟེང་ནས་སྒྲའི་རི་མོ་དང་། གཞན་ཡང་མཁས་དབང་དཎྜིའི་གཙུག་ལག་སྙན་ངག་མེ་ལོང་གི་དཔེར་བརྗོད། མཁན་པོ་ཐོན་མིའི་གཞུང་སུམ་རྟགས། གསོ་རིག་གི་སྐོར་སོགས་ལ་བསླབ་སྦྱངས་མཛད་པས་ཐུགས་སུ་ལེགས་པར་ཆུད། ཡུལ་ལུགས་ཀྱི་སྟབས་ནས་གསུང་རབ་འབྲི་བ་ཡང་མང་དུ་མཛད་དོ། །སྔོན་སྦྱངས་མང་དུ་ཐོས་པའི་བང་མཛོད་གང་། །ཐོགས་མེད་སྤྱོད་ལ་ངལ་བའི་གནས་བྲལ་ཞེས། །སྟོན་ཕྱིར་བརྡ་སྟོན་ཙམ་གྱིས་རིག་པའི་གནས། །མ་འདྲེས་ཐུགས་ཀྱི་མེ་ལོང་ངོས་སུ་ཤར། །ན་ཚོད་ཆེས་གཞོན་བློ་གྲོས་རྒན་པོའི་རྩལ། །ཐ་མལ་ཚུལ་བཟུང་དམ་པའི་རྣམ་ཐར་སྐྱོང་། །བསླབ་སྦྱང་ལ་བརྩོན་སྔོན་ནས་ཆོས་ཀུན་མཁྱེན། །མཁས་པར་གྱུར་ཀྱང་ཡོན་ཏན་ངོམས་པ་མེད། །དེ་ནས་དགུང་ལོ་བཅུ་ལོན་པའི་ཚེ། ཐམས་ཅད་མཁྱེན་པ་བསོད་ནམས་རྒྱ་མཚོ་ནང་སོ་རྒྱ་རི་བས་རི་སྒོ་ཆོས་རྫོང་དུ་སྤྱན་དྲངས་སྐབས། མ་གཅིག་གྲུབ་རྒྱལ་ལུགས་ཀྱི་ཚེ་དབང་། ཐུགས་རྗེ་ཆེན་པོའི་སྒོམ་ལུང་། ཐེག་ཆེན་ཐུན་མོང་མ་ཡིན་པའི་སྐྱབས་འགྲོ་དང་སེམས་བསྐྱེད་ཞུས། ཆོས་རྗེ་སྐལ་བཟང་པ། ཆོས་རྗེ་དགེ་འདུན་བསམ་གྲུབ། ཆོས་རྗེ་སངས་རྒྱས་བློ་གྲོས་གསུམ་ལ་ཚེ་དབང་གསན།དགུང་ལོ་བཅུ་གསུམ་ལོན་ཚེ་དྭགས་པོ་གྲྭ་ཚང་གི་སློབ་དཔོན་སྐལ་བཟང་རྒྱ་མཚོ་ལ་སྒྲོལ་མ་ཉི་ཤུ་རྩ་གཅིག་གི་རྗེས་གནང་། ཕྱག་འཚལ་ཉེར་གཅིག་གི་ལུང་། གདུགས་དཀར་བསྟོད་པ་དང་བཅས་པའི་ལུང་། བྱང་ཆུབ་ལམ་རིམ་ཆུང་བའི་དཀར་པོའི་ལས་འབྲས་ལ་ཐུག་གི་བར་གྱི་བཤད་ལུང་གསན། སྔགས་

― GLG008_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

རྙིང་མའི་རིན་པོ་ཆེ་ནོར་བུ་ཡོངས་གྲགས་ལ་ཚེ་སྒྲུབ་གསང་བ་འདུས་པ། ཟུར་རི་སློབ་དཔོན་པར་ཀརྨ་ཀཾ་ཚང་ནས་བརྒྱུད་པའི་ཚེ་དབང་གྲུབ་རྒྱལ་ལུགས། སྔགས་གྲྭ་ཆེ་ཆུང་གི་བླ་མ་གཉིས་ལ་འབྲུག་པ་ནས་བརྒྱུད་པའི་རས་ཆུང་སྙན་རྒྱུད་ལུགས་ཀྱི་ཚེ་རྟ་ཟུང་འབྲེལ་ཏིང་འཛིན་གྱི་དབང་དང་བཅས་པ། ཡབ་ལ་རྒྱུད་གསང་བ་སྙིང་པོ་དང་། དེའི་འགྲེལ་པ་གཡུང་སྟོན་གྱིས་མཛད་པ། ཀུན་མཁྱེན་ཀློང་ཆེན་པའི་ཕྱོགས་བཅུ་མུན་སེལ་སོགས་ཟབ་ཆོས་ཅི་རིགས་པ་གསན། དགེ་བའི་བཤེས་གཉེན་རྔོག་ལེགས་པའི་ཤེས་རབ་ཀྱིས་ལམ་ཁར་དགེ་བསྙེན་ཞིག་ལ་ཆོས་ཞུས་པའི་རྣམ་ཐར་བཞིན། ཀུ་སུ་ལུ་པའི་བླ་མ་མང་པོ་ལ་དབང་གདམས་ངག་གསན་པས་དམ་པའི་ཆོས་ཕྱིར་དུ་སྙིང་སྟོབས་ཀྱི་བརྟུལ་ཕོད་པ་ནི། བྱང་ཆུབ་སེམས་དཔའ་རྟག་ཏུ་ངུའི་མཛད་པ་བཞིན་ནོ། །དམ་པའི་ཆོས་དང་ཟང་ཟིང་ནོར་བརྗེ་བའི། །དུས་ངན་འདིར་ཡང་ཐོས་བསམ་སྒོམ་པའི་ཆེད། །དཀའ་སྤྱད་ཁུར་དུ་བཟོད་པའི་སེམས་དཔའ་ཁྱོད། །མི་གནས་མྱང་འདས་ས་དེར་རིངས་སམ་སྙམ། །གདོད་མ་ཉིད་ནས་རྡོ་རྗེ་འཛིན་པའི་ས། །མངོན་དུ་གྱུར་ཀྱང་ཚུལ་དེ་ཐོབ་པའི་ཐབས། །སྒྱུ་འཕྲུལ་དྲ་བའི་རོལ་གར་རྒྱ་མཚོ་ཡིས། །བློ་དམན་ཕལ་ཆེར་འཕྱང་མོའི་དྲ་བར་མཛུད། །དགུང་ལོ་བཅུ་བདུན་པ་དབང་ཕྱུག་ཅེས་པ་མེ་མོ་གླང་གི་ལོ། ས་སྐྱ་ནས་བདག་ཆེན་སྔགས་འཆང་ཆེན་པོ་བསམ་ཡས་སུ་ཕེབས། ཡབ་སྲས་གཉིས་ཀ་མཇལ་བར་ཕེབས་རྩིས་ལ། བདག་ཆེན་པས་ཞྭ་སེར་གྱིས་བར་ཁང་གི་ཞལ་བ་འཕྱི་བའི་རྡོག་ཕྱིས་བྱེད་ཟེར་བའི་གཏམ་ངན་ཞིག་བྱུང་བས། ཡབ་ཀྱིས་མཛད་པ་དེ་འདྲ་ཡིན་ན་མི་རུས་ནི་མཉམ། ཅི་བྱེད་ཅེས་མ་བྱོན། ཕྱིས་གཏམ་དེ་བདེན་པའི་ངེས་པ་མི་འདུག །ཆོས་ཀྱི་གེགས་བྱུང་གསུང་ཡང་བདག་ཆེན་འདི་མཛད་པ་

― GLG008_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

ལོང་པོ་ཞིག་ཡོད་འདུག་པས་ཕལ་ཆེར་བདེན་པ་འདྲ། རྒྱལ་བ་ཐམས་ཅད་མཁྱེན་པ་བསོད་ནམས་རྒྱ་མཚོ་དཔལ་བཟང་པོ་ནང་སོ་རྒྱ་རི་བས་གདན་དྲངས། གཙུག་ཕུད་འབུལ་མི་ཤིན་ཏུ་མང་བ་འདུག་པ་དང་ལྷན་ཅིག་པར། རྗེ་འདི་པའི་ཐུགས་དགོངས་ལ། རྒྱལ་བ་འདི་ལྟ་བུ་ལ་རབ་ཏུ་བྱུང་ཐུབ་ན་སྐལ་བ་རེ་བཟང་སྙམ་པའི་ཐུན་མོང་མ་ཡིན་པའི་ཐུགས་དད་འཁྲུངས་ཏེ། རབ་ཏུ་བྱུང་། མཚན་བསོད་ནམས་རྣམ་རྒྱལ་དུ་གསོལ་ཏེ། ཆོས་ཀྱི་རྒྱལ་པོ་ཙོང་ཁ་པ་ཆེན་པོའི་བསྟན་པའི་སྒོར་ཞུགས། ཉེས་བརྒྱའི་འབྱུང་གནས་ཁྱིམ་གྱི་ལྷ་མིན་དཔུང་། །གླགས་བལྟར་ནུས་མིན་ཐུབ་བསྟན་ལྷ་དབང་གི ། རྣམ་རྒྱལ་ཁང་བཟང་ནང་དུ་ལེགས་ཞུགས་པས། །གཏན་བདེར་འཆི་བ་མེད་པའི་བདུད་རྩིར་སྤྱོད། །དེ་སྐབས་ཀྱང་ཐམས་ཅད་མཁྱེན་པའི་དྲུང་དུ་སྐྱབས་འགྲོ་སེམས་བསྐྱེད་ཀྱི་ཆོས་སྐོར། གྲུབ་རྒྱལ་ལུགས་ཀྱི་ཚེ་དབང་། སྤྱན་རས་གཟིགས་ཀྱི་སྐྱེས་རབས། དེའི་དམར་ཁྲིད། འཁྱེར་སོ་གསུམ་གྱི་ངང་ནས་ཡིག་དྲུག་བཟླ་ལུགས་རྒྱས་བསྡུས་གཉིས། བསྟོད་ཚོགས་སྐོར་འགའ་ཞིག་གི་ལུང་། དཔལ་ལྡན་ལྷ་མོ་དམག་ཟོར་མའི་རྗེས་གནང་ཐུན་མོང་མ་ཡིན་པ། མ་གཅིག་དཔལ་ལྷ་དང་སྤྱན་རས་གཟིགས་ཕྱག་བཞི་པའི་རྗེས་གནང་གཉིས། ཐམས་ཅད་མཁྱེན་པ་བསོད་ནམས་རྒྱ་མཚོས། ཆོས་རྒྱལ་སྲོང་བཙན་སྒམ་པོ་ལ་དངོས་སུ་གསན་པའི་ཉེ་རྒྱུད། སློབ་དཔོན་པདྨའི་དངོས་སློབ་གྲུབ་ཆེན་པདྨ་བཛྲ་ལ་དངོས་སུ་གསན་པའི་ཚེ་དབང་ཉེ་རྒྱུད་རྣམས་གསན། དེ་དུས་ཆོས་སྒོར་ཞུགས་པ་ཕལ་ཆེར་ལ་རྒྱལ་དྭགས་པོ་གྲྭ་ཚང་དུ་འགྲོ་དགོས་པའི་བཀའ་ཕེབས་གནང་གི་འདུག་པ་ལྟར། རྗེ་འདི་ཉིད་ཕེབས་བཞེད་བྱུང་ན་ཡང་ཡོ་བྱད་མ་འགྲིག་པ་སོགས་ཀྱི་སྟབས་ནས་ལོ་ངོ་བཞི་ཙམ་གྱི་རིང་འབྲི་ཀློག་གི་སྒོ་ནས་འགྲོ་ཕན་མཛད་པ་དང་། ཁྱད་པར་དགུང་ལོ་བཅོ་བརྒྱད་ལོན་པ་འབྲུ་མང་ཞེས་པ་ས་ཕོ་སྟག་གི་ལོར། ཁུ་བོ་སྔགས་

― GLG008_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

རྙིང་མའི་རྟོགས་ལྡན་གངས་ཀྱི་སེང་གེ་འདྲ་བ་ཞིག་ཡོད་པ་དེ་དང་ལྷན་དུ། སློབ་དཔོན་ཆེན་པོའི་དངོས་ཀྱི་སློབ་མ། ཡང་དག་ཐུགས་ཀྱི་བཀའ་བབས་སྣུབས་ནམ་མཁའི་སྙིང་པོའི་རྣམ་འཕྲུལ། རིག་འཛིན་ཆེན་པོ་ཉི་ཟླ་སངས་རྒྱས་པའི་དྲུང་དུ་ཐེག་པ་རིམ་དགུའི་ཡང་རྩེ། རྒྱུད་སྡེ་ཀུན་གྱི་གཙོ་བོ། རྫོགས་པ་ཆེན་པོ་ཀློང་གསལ་སྙིང་ཐིག་ཅེས་རྒྱལ་བློན་གྱི་དུས་ཀྱི་ལོ་ཙཱ་བ་ལང་འགྲོ་དཀོན་མཆོག་འབྱུང་གནས་ཀྱི་སྐྱེ་མཐའ་འགྲོ་འདུལ་གླིང་པས་སྤྱན་དྲངས་པའི་གཏེར་མའི་དབང་ལུང་ཁྲིད་མན་ངག་དང་བཅས་པ་གསན་པས་སྔོན་གྱི་བླ་ན་མེད་པའི་བག་ཆགས་ཀྱི་མཐུས་མེ་ལྕགས་དང་སྤྲ་བའི་སྣང་ཚུལ་ལྟར། གདོད་ནས་འཁྲུལ་མ་མྱོང་བའི་རང་རིག་ཆོས་ཀྱི་སྐུར་ངོ་འཕྲོད་དོ། །མ་རིག་སྤྲིན་གྱིས་རང་སེམས་ཉིན་མོར་བྱེད། །བསྒྲིབས་པའི་འཁྲུལ་པའི་འགྲོ་འདི་རང་མཚང་རྣམས། །སྟོན་པའི་ཆོས་ཚུལ་འདི་ཀོ་ཀུན་ཏུ་བཟང་། །མ་བཅོས་རང་སར་གྲོལ་བའི་གཟིགས་མོར་ཡེངས། །ཐ་མལ་སྣང་ཞིང་ཞེན་པའི་ཆོ་འཕྲུལ་ཀུན། །སེམས་ཀྱི་ཀློང་དུ་དག་པས་གང་ཤར་རྣམས། །ཆོས་སྐུར་གྲོལ་ཚེ་བཻ་རོ་ཙ་ན་དེ། །འགྱུར་མེད་བདེ་བའི་དབྱིངས་སུ་ཞི་བར་མནལ། །ཨ་ཏིའི་ཆོས་ཚུལ་ཡན་ལག་བརྒྱད་ལྡན་ཆབ། །རྨད་བྱུང་བློ་ཡིས་ཅིག་ཅར་འཐུངས་པ་ན། །ལྗོངས་འདིར་འགྱུར་པའི་སེམས་ཀློང་མན་ངག་སྡེ། །གླེགས་བམ་མང་པོར་གྲགས་ཀྱང་གཏམ་དུ་ཟད། །གཞན་ཡང་དྲག་པོ་རང་བྱུང་རང་ཤར་གྱི་དབང་འབྲིང་པོ། དམ་རྫས་སྐྱེ་བདུན་གྱི་སྐོར། རྗེ་ཉིད་ཀྱི་རྣམ་མགུར། གཏེར་སྟོན་རིན་ཆེན་དཔལ་བཟང་གི་མནལ་ལམ་དར་དཀར་མའི་སྙན་རྒྱུད་མཛོད་རྐང་དགུ་པ་ཡན། དེའི་རྣམ་ཐར་རྒྱས་འབྲིང་བསྡུས་གསུམ། དམ་ཅན་སྡེ་བདུན་གྱི་གཏོར་ཆོག །གཏེར་ཀ་འོག་མའི་བཏགས་གྲོལ། སྐྱེར་སྒང་ལུགས་ཀྱི་རྟ་མགྲིན་གསང་

― GLG008_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ། མངའ་བདག་དུང་མཚོ་རས་པའི་ཚེ་སྒྲུབ་ཉི་ཟླ་ཁ་སྦྱོར། མ་འོངས་ལུང་བསྟན་སོགས་ལྷོ་བྱང་གི་གཏེར་མའི་དབང་ལུང་མང་དུ་གསན། ཉམས་ལེན་གྱི་ཚེ་ཐང་ལྷོད་ཕྲན་ཚེགས་བྱུང་དུས། ཁུ་བོས། སྐས་ཁའི་འོག་གི་ལྗང་བུ་དང་འདྲ་བ་ཁྱོད་གསུང་ཞིང་། བཀའ་སྐྱོན་དང་ཕྱག་འབེབས་ཡང་ཡང་མཛད། ཚན་གྱི་བཅུད་ལེན་འབའ་ཞིག་ལ་བརྟེན་ནས་བསྒོམས་པས་ཉམས་རྟོགས་ཤིན་ཏུ་འཕེལ་བ་བྱུང་། དགུང་ལོ་བཅུ་དགུ་བཞེས་པའི་ཚེ། རྗེ་ཉི་ཟླ་སངས་རྒྱས་པ་དེ་ཉིད་སྒྲུབ་སྡེ་ཀུན་བཟང་རྩེར་ཕེབས་པའི་ཕྱག་ཕྱི་མཛད། སླར་ཡང་དབང་དང་གདམས་པ་གནང་བར་གསོལ་བ་བཏབ་སྟེ། སྤྲུལ་སྐུ་དྲི་མེད་ལྷུན་པོས་བོད་ཡུལ་གྱི་རྡོ་རྗེ་གདན་ར་ས་འཕྲུལ་སྣང་གི་གཙུག་ལག་ཁང་གི་རང་བྱུང་ཐུགས་རྗེ་ཆེན་པོའི་གཙང་ཁང་ནས་གདན་དྲངས་པའི་དོན་ཏིག་འགྲོ་བ་ཀུན་གྲོལ་གྱི་དབང་ལུང་འཁྲིད་མན་ངག་ཀུན་གསན་ནས། ཐུགས་ཉམས་སུ་བསྟར་པའི་ཚུལ་མཛད། གཞན་ཡང་ཀུན་མཁྱེན་རིན་པོ་ཆེའི་ཐེག་མཆོག་མཛོད་ཀྱི་བཤད་ལུང་། བླ་མ་སྐུ་གསུམ་གྱི་སྒྲུབ་པའི་ཆོས་སྐོར། རིན་པོ་ཆེ་བྱེ་ཚང་པས་མཛད་པའི་ཁུག་པ་ལྔའི་ངོ་སྤྲོད་སོགས་མང་དུ་གསན། སྐབས་ཤིག་གཏེར་སྟོན་བདེ་ཆེན་གླིང་པ་ཨེ་གཉལ་ཚོར་འགྲོ་དོན་ལ་ཕེབས་པར་ཞལ་མཇལ་གནང་། བཀའ་འབྲེལ་མེད་ཀྱང་ལུང་ཟིན་གྱི་གཏེར་སྟོན་དུ་དགོངས་པའི་ཐུགས་མོས་ཚད་མེད་པ་འཁྲུངས། ཨེ་ཡི་ནང་དུ་ཁྲག་མཚོ་ལན་གསུམ་ཁོལ༔སོགས་དང་། བུ་དལ་ལ་དམག་ཡོང་བའི་ལུང་བསྟན་ཀྱང་ངེས་པ་ཤིན་ཏུ་འགྲོངས་པ་བྱུང་གནང་ངོ་། །མི་རིང་བར་ཡབ་གཤེགས་པའི་དེ་མ་ཐག་གསལ་འདེབས་ཀྱི་རྟེན་འབུལ་བར་

― GLG008_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

གྲབ་ཏུ་རྗེ་ཉི་ཟླ་སངས་རྒྱས་ཀྱི་སྐུ་ཞབས་སུ་ཕེབས་པས། སྒོ་དྲུང་དུ་གྲྭ་པ་ཞིག་གིས་ཡབ་གྲོངས་པ་ཡིན་ནམ་ཞེས་དྲིས་བྱུང་བར། སྐད་ཆ་ཡོང་ཚོད་མིན་པར་སུས་གླེངས་གསུངས་པས། རིན་པོ་ཆེས་ཐུགས་དམ་འོད་གསལ་གྱི་ངང་ནས་གཟིགས་པས་བཀའ་ཕེབས་གནང་ཟེར་བས། སྔར་ནས་ཐུགས་དད་བླ་ན་མ་མཆིས་པ་ཡོད་པའི་སྟེང་དུ་སླར་ཡང་བརྗོད་དུ་མེད་པའི་གོང་འཕེལ་དུ་གྱུར། དུས་ཕྱིས་བཀའ་ཕེབས་གནང་བའི་མདངས་ལ་བརྟགས་ཚེ། རིག་འཛིན་འདི་ཉིད་ལ་ཨོ་རྒྱན་གྱི་སློབ་དཔོན་ཆེན་པོ་དེ་དང་ངོ་བོ་ཐ་མི་དད་པའི་ཐུགས་ངེས་ཕུལ་དུ་བྱུང་བ་ཞིག་འཁྲུངས་པར་མངོན། དེ་དུས་མདོ་སྔགས་ཀྱི་ཐོས་པ་རྣམས་གྲུབ་རྗེས་ཚེ་དང་སྒྲུབ་པ་མཉམ་པའི་རི་ཁྲོད་ཁོ་ན་མ་གཏོགས་གོ་ས་འཛིན་པ་སོགས་གཏན་མི་བྱེད། ཁྱད་པར་ངེས་དོན་ཡང་ཟབ་རྫོགས་པ་ཆེན་པོ་དང་མཇལ་བར་ཆེས་དཀའ། ད་རེས་སངས་རྒྱས་ལག་པར་གཏོད་རྒྱུ་ཡོད་པའི་སྐབས་འདིར་མི་མེད་ཀྱི་དབེན་པ་ལོ་ན་བསྟེན་དགོངས་ཏེ། སྒྲུབ་འཕྲིན་མངོན་སྤྱོད་སོགས་ལ་དོན་གཉེར་ཆེར་མ་གནང་བས། རིན་པོ་ཆེའི་གསུང་ལས། ངེད་ཀྱང་སྔ་མོ་ཁྱོད་ཀྱི་བློ་དང་འདྲ་བ་ཞིག་ཡོད་ཀྱི། དུས་ཕྱིས་བུ་སློབ་འདྲ་མང་བས་འཕྲིན་ལས་རྣམ་བཞིའི་སྐོར་འདི་ཡང་དགོས་པ་ཅིག་བྱུང་གསུང་། ཕྱིས་ཉི་ཐང་གི་བླ་མ་གནང་དུས་འཕྲེང་པོ་སོགས་སུ་བན་སྔགས་མང་པོས་སྒྲུབ་འཕྲིན་ཞུར་འོངས་པ་ལ་བརྟེན། རྗེ་བཙུན་ལས་ཀྱི་རྡོ་རྗེ་སོགས་ལ་སླར་དོན་གཉེར་བྱེད་དགོས་བྱུང་། དེ་སྐབས་ནི་འདོད་ཆོས་དེ་དག་མ་ཐོབ་པས་བྱེད་མ་ཐུབ། སླར་ཆོས་ཞུ་བ་དེ་ཚོ་མ་བྱུང་བས་ཅི་ཡིན་ནམ་སྙམ་ཙ་ན། རྗེས་སུ་བདག་པོ་རིན་པོ་ཆེའི་དབོན་སྐུ་མཆེད་

― GLG008_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་དེར་བཞུགས་པའི་སྟབས་ཀྱིས་ཆོས་ཀྱིས་མ་ཕོངས་པ་ཡིན་པར་འདུག་ཅེས་བཀའ་ཕེབས་པ་ཐོས་པས། རིན་པོ་ཆེའི་གསུང་དེ་ནི་མངོན་པར་མཁྱེན་པའོ། །ཡོན་ཏན་དབྱར་སྐྱེས་གཞོན་ནུ་ཀུན། །སྐྱེད་ལ་གཤིན་པའི་ནོར་འཛིན་མཆོག །འགྱུར་མེད་དད་པའི་དམ་བཅའ་དེ། །ལྷུན་པོ་བས་ཀྱང་ཆེས་ཆེར་བརྟན། །ཟུར་རིགས་དམ་པར་སྲིད་གཟུང་ཚེ། །ཐེག་མཆོག་དགོངས་དོན་མངོན་གྱུར་ན། །སླར་ཡང་ཐོས་བསམ་སྒོམ་པ་ལ། །བརྩོན་འདི་གདུལ་བྱའི་ངོར་ལགས་སམ། ། དེ་ནས་དགུང་ལོ་ཉི་ཤུ་ལོན་ཚེ་སྔར་གྱི་ཐུགས་བཞེད་ལྟར། ཤར་ཕྱོགས་བསྟན་པའི་སྒྲོན་མེ་དྭགས་པོ་གྲྭ་ཚང་དུ་ཕེབས་རྩིས་ཀྱིས་རི་སྒོ་རྫོང་དུ་ནང་སོ་རྒྱ་རི་བར་ལམ་སྐྱེལ་དགོས་ཚུལ་ཞུས་པས། ཁྱོད་ལ་སངས་རྒྱས་ཞག་བདུན་མའི་གདམས་པ་ཡོད་ནས། གྲྭ་ཚང་ལ་འགྲོ་མི་དགོས་ལ་ཆེ་ཞེས། གྲབ་ཏུ་རིན་པོ་ཆེའི་སྐུ་གཞོགས་སུ་བྱོན་པ་ལ་མ་རངས་པའི་ཀུན་སློང་སྐྱོན་ཅན་གྱི་ཟུར་ཟ་བར་བྱུང་བས། སླར་བསྐྱར་བ་སོགས་མ་གནང་བར་ཐུགས་ཐག་བཅད་དེ་འགྲུལ་ཚན་གཞན་དང་བསྡེབས་ནས་ཕེབས། དེ་ནི་ཚར་ཆེན་རིན་པོ་ཆེས། ལར་སྣངས་ཆུང་ལ་བློ་རིགས་རྒོད་པའི་སྡེ་དཔོན་དབོན་སྐྱའི་རིགས་འདི་ལུག་ཐུག་གི་སྒྲོ་བས་ཝ་མོ་ཉིན་ཐེབས་གཅོག་པ་མ་གཏོགས་དགོས་པ་མི་འདུག་པས། དེ་འདྲའི་རིགས་ལ་བྱ་བྲལ་རྣམས་ལམ་གཞུང་སྲོང་བ་རང་གནད་དུ་གདའ་ཞེས་གསུང་བ་དང་མཐུན་པར་སྣང་ངོ་། །རྣམ་གནོན་ཞེས་པ་ལྕགས་ཕོ་འབྲུག་གི་ལོ་དེའི་ཧོར་གྱི་ཟླ་བ་ལྔ་པའི་ཚེས་བཅུའི་ཉི་མའི་བཞི་ཆ་ལུས་པའི་དུས་སུ། མཁན་པོ་རིན་པོ་ཆེ་མང་ཐོས་མཁས་པའི་དབང་པོ་འོལ་ཁ་

― GLG008_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་པ་བློ་བཟང་རྒྱ་མཚོའི་དྲུང་དུ་དགེ་ཚུལ་གྱི་སྡོམ་པ་ཡང་དག་པར་མནོས། དེ་ནས་བཟུང་སྟེ་གྲྭ་ཚང་གི་སྒྲིགས་འགྲིམ་ལ་བཞུགས། བསྡུས་པ་སོགས་ཆེད་གཉེར་གྱི་བསླབ་སྦྱང་མ་དགོས་པར་རང་ཤུགས་ཀྱིས་མཁྱེན། ཆོས་ཀྱི་རྒྱལ་པོ་ཙོང་ཁ་པ་ཆེན་པོ་ལ་དབུས་སུ་ཕེབས་ཁར། ཆོས་རྗེ་དོན་གྲུབ་རིན་ཆེན་གྱིས། ཐོག་མར་ཕར་ཕྱིན་ལ་གསན་པ་མཛད་དགོས་པར་གསུངས་པ་བཞིན། སྔོན་དུ་ཕར་ཕྱིན་གྱི་བསྐྱར་ཆོས་ཡོངས་རྫོགས་གཉིས་དང་། དབུ་མའི་བསྐྱར་ཆོས་ཚར་འགའ་གསན་ཅིང་། རིགས་ལུང་སོགས་ཀྱིས་མཐའ་ཆོད་པར་གནང་བས། ཐེག་པ་ཆེན་པོའི་སྡེ་སྣོད་ཀྱི་དོན་རྣམས་ཚིག་ཙམ་དུ་མ་ལུས་པར་གདམས་ངག་ཏུ་ཤར་ཏེ། སྔོན་བྱོན་གྱི་མཁས་གྲུབ་རྣམས་དགྱེས་པ་བསྐྱེད་པར་མཛད་དོ། །གྲངས་མེད་ཐུབ་བསྟན་ནགས་ཀླུང་འཕྲེང་བའི་དབུས། །བློ་བཟང་གྲགས་སྙན་རིང་ལུགས་ཡོངས་འདུའི་ལྗོན། །དྲི་མེད་ཚར་དུ་མངར་བའི་འབྲས་བུ་ཡི། །གང་ཐུགས་ལེགས་བྲིས་ཚོགས་ཀྱི་བརྟན་པ་ཕྲོགས། །འཕགས་ཡུལ་མཁས་མང་གཙུག་རྒྱན་ཤིང་རྟ་ཆེའི། །གསུང་རབ་རྒྱ་མཚོའི་ཕ་མཐར་བགྲོད་བྱེད་པའི། མཚུངས་མེད་མཁྱེན་དཔྱོད་བརྩོན་པའི་གྲུ་རྫིངས་འདི། །དྲེགས་ལྡན་གཞན་གྱི་བློ་ཡི་ཡུལ་ལས་འགོངས། །སྔོན་ནས་ཤེར་ཕྱོགས་མདོ་དང་བསྟན་བཅོས་ཀྱི། །ཨུ་ཏྤལ་ཕང་ཕུང་རྒོད་པའི་ཟེའུ་འབྲུ། །བློ་གྲོས་ཅོད་པན་རྒྱན་དུ་འཛུམ་བྱས་ན། །སླར་ཡང་གསན་འདི་གཞན་ལ་ཅོ་འདྲིར་ངེས། །སྤྱི་ཆོས་སུ་བྱང་ཆུབ་ལམ་རིམ་ཆུང་བའི་སྐྱེས་བུ་ཆུང་ངུའི་སྐོར་གྱི་བཤད་ལུང་། རྒྱལ་བ་ཙོང་ཁ་པའི་རྣམ་ཐར་དད་པའི་འཇུག་ངོགས་དང་། གསང་བའི་

― GLG008_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་ཐར། བཀའ་གདམས་གླེགས་བམ་རིན་པོ་ཆེ་ལས་རྔོག་ཆོས་ཀྱི་སྐོར་དང་། ཐམས་ཅད་མཁྱེན་པ་དགེ་འདུན་རྒྱ་མཚོའི་རྣམ་ཐར་རྣམས་ཀྱི་ལུང་བཟབས་བཤད་དང་བཅས་པ་གསན། ཆུ་རྟ་དགུང་ལོ་ཉེར་གཉིས་ལོན་ཚེ་དཔལ་གསང་བ་འདུས་པའི་གཞལ་མེད་ཁང་མཆོག་དམན་གྱི་སྐྱེ་བོ་ཡོངས་ཀྱི་སྤྱོད་ཡུལ་དུ་གྱུར་པ་ཆོས་འཁོར་རྒྱལ་གྱི་དབྱར་ཆོས་དུས། ཤིང་རྟ་ཆེན་པོ་ཀླུ་སྒྲུབ་ཀྱི་དགོངས་དོན་ཕྱིན་ཅི་མ་ལོག་པ་དཔལ་ལྡན་ཟླ་བའི་ཞལ་ལུང་ལྟར། སྙིགས་དུས་ཀྱི་རྒྱལ་བ་གཉིས་པ་ཙོང་ཁ་པ་ཆེན་པོའི་བཞེད་པ་ཇི་བཞིན་དུ་གསལ་བར་སྟོན་པའི་ཟབ་མོ་དབུ་མའི་ལྟ་ཁྲིད་ཀྱི་ཐུགས་རྩོམ་གནང་བས། རབ་འབྱམས་སྨྲ་བའི་མཁས་པ་ཕལ་ཆེར་ཐུགས་ཡིད་ཕྲོགས་ཤིང་། མཛད་བྱང་གསལ་ཁ་མེད་པ་ལ་བརྟེན། རྗེ་ཉིད་དང་གྲྭ་ཐོག་གཅིག་པའི་ཆགས་སྡང་གི་རྣམ་པ་ཡིད་ལ་བྱེད་པ་ཞིག་གིས་སུས་མཛད་མ་ངེས་ཤིང་དོན་བཟང་པོ་འདུག་པ་ལ་བརྟེན་བློ་ལ་བཟུང་ནས་བཤར་སྦྱང་མང་དུ་བྱས་ཤིང་། སྐབས་ཤིག་མཛད་པ་པོ་ཤེས་ནས་འཕྲོ་བཅད་དོ། །དེ་རྗེས་ཡུམ་དོན་གསལ་བའི་སྒྲོན་མེ་གྲུབ་མདའ་མཁན་པོ་བློ་བཟང་ཆོས་འཕེལ་གྲྭ་ཚང་གི་ཆོས་འཆད་ཁྲི་ཐོག་ཏུ་བྱོན་པ་ནས་བཟུང་རིམ་གྱིས་ཕར་ཕྱིན་གྱི་སྤྱི་དོན། རིགས་པའི་དབང་ཕྱུག་གི་བསྟན་བཅོས་ཚད་མ་རྣམ་འགྲེལ། འདུལ་མཛོད་སོགས་ཀྱི་གཞུང་འགྲེལ་ཀུན་ལ་ཐོས་བསམ་ཕུལ་དུ་བྱུང་བ་མཛད། ཨེ་རི་སྒོའི་ཆོས་ཐོག་ཞིག་གི་སྐབས་མཆེད་གྲོགས་ཞིག་གིས་བསྐུལ་བ་ལ་བརྟེན་ནས་དཀོན་མཆོག་གསུམ་ལ་སྐྱབས་སུ་འགྲོ་ཚུལ་གྱི་གདམས་པ་ཟབ་མོ་སྙན་བརྒྱུད་ཁྱད་པར་གསུམ་ལྡན་ཞེས་བྱ་བའི་ཐུགས་རྩོམ་

― GLG008_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

གནང་། ལོ་ཤས་ནས་རི་སྒོ་ཆོས་སྡེའི་དགེ་སྐོས་ཀྱི་ལས་སྣེ་ལས་བབས་ཏེ། གཞི་དགོན་དུ་ལོ་གཅིག་བཞུགས། ལས་སྣེ་ཐོན་རྗེས་རི་ཁྲོད་ཅིག་ཏུ་འགོལ་བཞུགས་ཀྱི་སྐབས། དྭགས་པོ་རབ་འབྱམས་པ་དང་། བྱམས་གླིང་རབ་འབྱམས་པ་ཞེས་དཔལ་རི་བོ་དགའ་ལྡན་པའི་བསྟན་པའི་གསལ་བྱེད་ཆེན་པོ་དཔོན་སློབ་ཁྲི་རིན་པོ་ཆེ་དཀོན་མཆོག་ཆོས་འཕེལ་གཉིས་ལ། རྒྱས་པའི་བསྟན་བཅོས་ཚད་མ་རྣམ་འགྲེལ་གྱི་ཊཱི་ཀ་དང་། ཁྱད་པར་རྣམ་འགྲེལ་ལེའུ་གཉིས་པ་ལ་རྒྱལ་བ་ཙོང་ཁ་པའི་དགོངས་པ་ཐུན་མོང་མ་ཡིན་པའི་བཟབས་བཤད་དང་། ཞར་ལ་དཀོན་མཆོག་གསུམ་གྱི་དཀའ་གནད་དང་། སྒྲ་འཚམས་སྦྱོར་ལྔ་པ་གསུངས། དུས་ཕྱིས་སྐྱིད་ཤོད་དགའ་ལྡན་ཁང་གསར་དུ་དཔོན་སློབ་གཉིས་གདན་འཛོམ་པའི་ཚེ། ཁྲི་རིན་པོ་ཆེ་ནས་ཕྱག་ལན་སོགས་ནི་མི་གནང་བས། ནག་ཚོ་ལོ་ཙཱ་བ་བྲི་ཀ་མ་ལ་ཤཱི་ལར་བཞུགས་སྐབས་ནཱ་རོ་པ་ཕེབས་པ་ལ་ཇོ་བོ་ཆེན་པོས་ཕྱག་མི་འཚལ་བར་འདུག་པས། ནཱ་རོ་པ་ཇོ་བོའི་བླ་མ་མིན་ནམ་སྙམ་པའི་ཐེ་ཚོམ་བྱུང་བའི་ལོ་རྒྱུས་དང་མཚུངས་པར་མངོན་ནོ། །རླབས་ཆེན་མཁྱེན་པའི་ཤིང་རྟ་ཡིས། །དྲངས་པའི་ཡོན་ཏན་ཕུང་པོའི་ཚོགས། །གསེར་ལྡན་ལྟོ་བ་འདིར་ཤོང་བ། །ཨེ་མ་ས་ནི་ཤིན་ཏུ་ཡངས། །ཐ་དད་གདུལ་བྱའི་ཀུན་གསལ་ངོས། །ཆོས་ཕུང་ཆར་སྤྲིན་སྟོང་འཁྲིགས་ཀྱང་། །ལམ་བཟང་ཞིང་ས་བརླན་པ་ལ། །མཚུངས་པའི་གནད་དོན་ལྷུག་པར་གཟིགས། །མཐའ་བྲལ་རྟེན་ཅིང་འབྲེལ་འབྱུང་གི ལེགས་བཤད་དབྱར་རྔ་བསྒྲགས་པའི་ཚེ། །སྐལ་ལྡན་གཙུག་ཕུད་ཅན་རྣམས་ཀུན། །དགའ་བའི་ཟློས་གར་བྱེད་ལ་བྲེལ། །དེ་ལྟར་དྭགས་པོ་གྲྭ་ཚང་དུ་

― GLG008_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་ཕྱོགས་ཀྱི་ཐོས་བསམ་ལ་གཞན་དྲིང་མི་འཇོག་པའི་སྤོབས་པ་དང་ལྡན་ཡང་། སྔོན་གྱི་དམ་པ་རྣམས་ཀྱིས་ཀྱང་ཐོས་བསམ་ལ་ངོམས་པ་མེད་པར་མཛད་པའི་རྣམ་པར་ཐར་པ་དང་། ལྷག་པར་རྗེ་ཉིད་བྱམས་ཆེན་ཆོས་རྗེ་དང་རྗེ་བཙུན་ཆོས་ཀྱི་རྒྱལ་མཚན་དུ་སྐུ་སྐྱེ་བ་བཞེས་པའི་སྔོན་གནས་རྗེས་སུ་དྲན་པའི་བག་ཆགས་ཀྱི་མཐུས། སེ་ར་ཐེག་ཆེན་གླིང་གི་བྱེས་མཁས་མང་གྲྭ་ཚང་འདི་སྤྱིར་ཡང་གཞུང་ལུགས་མཐའ་དག་གཏན་ལ་འབེབས་པའི་རབ་འབྱམས་སྨྲ་བའི་འདུས་སྡེ་ཆེན་པོ་ཡིན་པ་དང་། ཁྱད་པར་ཟབ་མོ་དབུ་མའི་གནད་དོན་གཏན་ལ་འབེབས་པའི་བཀའ་བབས་ཡིན་པའི་ཐུགས་ངེས་དང་བཅས་ཏེ་སྐྱིད་ཤོད་སེར་བྱེས་སུ་ཕེབས། འཆད་ཉན་ལས་ཐོག་ཏུ་ཆོས་རྗེ་དཔལ་འབྱོར་བསོད་ནམས་ལྷུན་གྲུབ་དང་འཕྲིན་ལས་ལྷུན་གྲུབ་གཉིས་རིམ་པ་བཞིན་བཞུགས་འདུག་པ་ལ་གུས་པ་གསུམ་གྱིས་བཏུད་དེ། དཔལ་མགོན་འཕགས་མཆོག་ཀླུ་སྒྲུབ་ཀྱི་སྲས་ཀྱི་ཐུ་བོ་ཟླ་བའི་ཞབས་ཀྱི་འཇུག་པ་རྩ་འགྲེལ་དང་། དེའི་དགོངས་དོན་འཁྲུལ་བ་མེད་པར་སྟོན་པའི་རྒྱལ་དབང་བློ་བཟང་གྲགས་པ་ཡབ་སྲས་ཀྱི་ལེགས་བཤད་རྣམས་ཀྱི་ཉིང་ཁུར་བསྒྲིལ་ཏེ་ཊཱི་ཀ་འགྲེལ་གཙོ་བོར་གསན། འགྱངས་མེད་དུ་གླིང་བསེ་གྲུབ། རྗེ་འཕྲིན་ལས་ལྷུན་གྲུབ་ལ་སྤྱི་ཆོས་དང་སྒོས་ཆོས་ཅི་རིགས་པར། རྒྱལ་བ་ཙོང་ཁ་པའི་བཀའ་འབུམ་ཐོར་བུ། གླེངས་བམ་བཀའ་རྒྱ་མ། ལྷ་ཆོས་བདུན་ལྡན། རང་རྒྱུད་ལ་བསྐུལ་མ་འདེབས་པ་དད་པའི་ལྗོན་ཤིང་། མ་འོངས་ལུང་བསྟན། ལོ་རྒྱུས། ཞུ་ལན་ནོར་བུའི་ཕྲེང་བའི་རྩ་བ། མདོ་སྡེ་རྒྱན། རྒྱུད་བླ། འབྱེད་གཉིས་དང་། ཆོས་འཚམས་སུ་པདྨ་དབང་ཆེན་ཡང་གསང་ཁྲོས་

― GLG008_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དབང་། ཕྱག་རྡོར་འཁོར་ཆེན་གྱི་དབང་། ཚེ་དཔག་མེད་ལྷ་དགུའི་དབང་། དབྱངས་ཅན་མ་དཀར་མོའི་རྗེས་གནང་རྣམས་གསན། དེ་ནས་ཕུན་ཚོགས་དགེ་བཅུའི་ཡོན་ཏན་གཅིག་ཏུ་འདུ་བའི་ཡུལ་གྲུར། སྡེ་སྲིད་རིན་པོ་ཆེ་དྲུང་ཆེན་ཏའི་སྭི་ཏུས་ཕྱག་བདར་ཏེ་འདེབས་པར་མཛད་པའི་ཆོས་གྲྭ་ཆེན་པོ་དཔལ་གྱི་རྩེས་ཐང་ཞེས་རིས་སུ་མ་ཆད་པའི་རིགས་པ་སྨྲ་བ་མཐའ་ཀླས་པ་ཚོགས་པའི་འདུས་པ་རྒྱ་མཚོའི་དབུས་སུ་གཞུང་ལུགས་རབ་འབྱམས་སྨྲ་བའི་གྲྭ་བསྐོར་མཛད་དོ། །གསུང་རབ་ཀྱི་དཀའ་བའི་གནད་ལ་བཤད་པ་འབྱམས་ཀླས་པས་དཔྱོད་ལྡན་ཡོངས་ཀྱི་སྒྲ་འཛིན་བུ་མོའི་བརྟན་པ་ཡོངས་སུ་ཕྲོགས་ཤིང་། རྩོད་པའི་ང་རོས་རྒོལ་ངན་རི་དགས་ཀྱི་སྤོབས་པ་འཇོམས་པར་མཛད་དོ། །ཐེག་ཆེན་ཆོས་ཀྱི་སྲིད་ལ་དབང་འབྱོར་བས། སྔོན་གནས་རྗེས་དྲན་མཐུ་ཡིས་བསྐུལ་བ་ན། །རིན་ཆེན་གླིང་དུ་འདོད་ལྡན་སྐྱེ་བོ་བཞིན། །ཆོས་ཕྱིར་བཤུལ་རིང་ཞུགས་ལ་ལྷག་པར་བརྩོན། །རབ་འབྱམས་ཤེས་བྱའི་མཐའ་དེ་ཁྱོད་ཉིད་ཀྱིས། །རབ་ཡངས་མཁྱེན་པའི་སྲང་ལ་གཞལ་བ་ན། །རབ་མཛེས་འཇམ་མགོན་བསྟན་པའི་འཁོར་ལོ་དེ། །རབ་དགའི་ཚུལ་གྱིས་ཁྱོད་ཀྱི་མགྲིན་པར་འཁྱུད། །སུམ་རྩེན་འཛིན་མར་འཕོས་འདྲའི་སྨན་ལྗོངས་ཀྱི། །བགྲང་ཡས་མཁས་མང་འདུ་བའི་རྩེས་ཐང་དུ། །ལུང་རིགས་ནོར་བུ་ཆར་དུ་བསྙིལ་བ་ན། །མཁས་འདོད་མཆིང་བུའི་རང་མཚང་ཕལ་ཆེར་བསྟན། །སླར་ཡང་སྐྱིད་ཤོད་དུ་ཕེབས། དགའ་ལྡན་ཆོས་རྗེ་བྱམས་པ་རྒྱ་མཚོ་ལ་བྱང་ཆུབ་ལམ་རིམ་ཆུང་བའི་བཤད་ལུང་གསན། དེ་སྐབས། ལྷས་བྲག་དགོན་སྤྱན་སྔ་

― GLG008_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

གཞོན་ནུ་ཆོས་དཔལ་བཟང་པོ་མདོ་སྔགས་ཀྱི་གསན་རྒྱ་ཤིན་ཏུ་ཆེ་བའི་གྲགས་པ་ལ་བརྟེན། བྲག་དགོན་དུ་ཕེབས། སྤྱན་སྔ་རིན་པོ་ཆེའི་དྲུང་དུ་དཔལ་སྣར་ཐང་བའི་མངོན་རྟོགས་བརྒྱ་རྩ། རྡོ་རྗེ་འཕྲེང་བ་དང་། ཀྲི་ཡས་མུཉྪ་ཟུང་དུ་འཇུག་པ་ཞེ་ལྔ་མའི་དབང་། གྲི་གུག་ལྕམ་དྲལ་གྱི་རྗེས་གནང་སྙིང་ཞུགས་དང་སྦྲགས་པ། རྣམ་འཇོམས། བདེ་མཆོག་དཀར་པོ། །རྟ་མགྲིན་ཤོ་ཎ་བཞི་བསྐོར། དབྱངས་ཅན་མ་གསང་སྒྲུབ། རྗེ་བཙུན་རིག་བྱེད་མ། འཇམ་དབྱངས་ནང་བསྒྲུབ། དུར་ཁྲོད་བདག་པོ། འཇམ་དཀར་གཙོ་འཁོར་ལྔ་པ། འཇམ་དབྱངས་ལུས་དཀྱིལ། དཔའ་གཅིག །སྒྲོལ་དཀར། སེང་གདོང་མ། ཚོགས་བདག་དཀར་དམར་རྣམས་ཀྱི་རྗེས་གནང་། བྱང་སེམས་ཟླ་བ་རྒྱལ་མཚན་ལུགས་ཀྱི་རྟ་མགྲིན་ལྕགས་རལ་ཅན་གྱི་རྗེས་གནང་ལས་ཚོགས་དང་བཅས་པ། དབྱངས་ཅན་མ་དཀར་མོའི་རྗེས་གནང་། ཆོས་སྐོར། འཇམ་དབྱངས་ནག་པོའི་བཟླས་ལུང་། གུ་རུ་ཞི་བའི་བླ་མའི་རྣལ་འབྱོར། ཚེ་རིང་མཆེད་ལྔའི་རིགས་གཏད། འཇམ་དབྱངས་ཆོས་སྐོར། རྩ་ཤེ། ལམ་སྒྲོན། གླང་ཐང་པའི་བློ་སྦྱོང་ཚིགས་བརྒྱད་མ། བློ་སྦྱོང་མཚོན་ཆ་འཁོར་ལོ། རྨ་བྱ་དུག་འཛོམས། རྟོག་པ་འབུར་འཇོམས། སྐྱིད་སྡུག་ལམ་འཁྱེར། ཉི་མའི་འོད་ཟེར། བསླབ་བྱ་ཆེན་མོ། །གནས་བཅུའི་སྒྲུབ་ཡིག །དཔེ་ཆོས་རིན་ཆེན་སྤུངས་པ་རྩ་འགྲེལ། སྤྱན་སྔ་བློ་གྲོས་རྒྱལ་མཚན་པའི་ལམ་རིམ་གྱི་ཁྲིད། ཁ་རག་པའི་ཨང་ཡིག་བདུན་ཅུ། ཁྲིད་ཆེན་བརྒྱད་ཀྱི་ཁ་སྐོངས། ཐམས་ཅད་མཁྱེན་པ་བསོད་ནམས་རྒྱ་མཚོས་མཛད་པའི་ལམ་རིམ་གྱི་ཁྲིད། །ཐམས་ཅད་མཁྱེན་པ་དགེ་འདུན་རྒྱ་མཚོའི་གསུང་འབུམ་ཅ་དུམ་པ་དང་ཆ་

― GLG008_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

དུམ་པའི་ལུང་སོགས་དབང་ལུང་མན་ངག་གི་རིགས་མཐའ་ཡས་པ་གསན། སྤྱན་སྔ་འདི་ཉིད་ཆོས་ཀྱི་གན་མཛོད་ལྟ་བུ་ཡིན་པར་འདུག་ཅེས་ཕྱིས་ཀྱང་བསྔགས་བརྗོད་མང་དུ་གནང་། ལན་གཅིག་སྤྱན་སྔ་ལ་སྐྱེ་བརྟག་ཞུས་པས། ལྷ་མོ་ཤྲ་ཝ་ཎའི་སྒོ་ནས་རྨི་ལམ་བསྒུགས་གསུངས་པ་བཞིན་གནང་བས། སྲོད་ཀྱི་མནལ་ལམ་དུ་བུད་མེད་ཅིག་བྱུང་ནས་ཁྱོད་ལ་ལོ་བདུན་ཚེ་ལས་མེད་ཟེར་བས། ཆོས་ལྡན་གྱི་དགོས་པ་དུ་མ་སྒྲུབ་པའི་གེགས་སུ་གྱུར་གྱི་དོགས་ནས་ཐུགས་འཛངས་པར་བྱུང་བས། སླར་སྨོན་ལམ་བཏབ། བར་གཅོད་སེལ་བྱེད་ལ་ཅི་ཕན་དྲིས་པས། ཐོ་རངས་ཁའི་མནལ་ལམ་དུ་ལོ་རེ་ལ་ཚེ་དཔག་མེད་དང་སྒྲོལ་དཀར་གྱི་སྐུ་བརྒྱ་རེ་བཞེངས་ན་ལོ་བདུན་ཅུ་དོན་བདུན་ཐུབ། དེ་ནས་ཅི་བྱས་ཀྱང་མི་ཕན་ཟེར་བ་བྱུང་བ་ལྟར། སྐུ་བརྙན་རྣམས་ལོ་ལྟར་གྱི་མ་ཆག་པ་གནང་། སྐབས་ཤིག་བར་གཅོད་ཀྱི་རྣམ་པས་གྲང་གཞིའི་སྙུན་གྱིས་སྐུ་ཅུང་ཟད་མ་བདེ་བ་ལ། དྲུང་པ་སྔགས་རམ་པ་བཟང་པོ་རྣམ་རྒྱལ་བྱིན་རླབས་ཆེ་བར་གྲགས་པས། སྲས་ཁང་དགོན་པར་ཕེབས་ཏེ། བྱིན་རླབས་དང་ཐབས་ཞུས་པས། མགོན་པོ་ཏྲག་ཤད་ཀྱི་རྗེས་གནང་མཛད། དེ་ནུབ་རྨི་ལམ་སྒུགས་ཤིག་གསུང་། སྲོད་ཀྱི་མནལ་ལམ་དུ་མི་ཕོ་མོ་ཐལ་སྐྱ་མང་པོ་ཞིག་འདུག་པ་ལ། མི་ནག་རྟ་ནག་ཞོན་པ་མདུང་ཁྱེར་བ་ཞིག་གིས་དེད་སོང་བ་བྱུང་། ནངས་པར་ཕྱག་འབུལ་ལ་ཐེགས་པས། མདང་འམ་བུས་ཁོ་གཏང་ཡོད་པ་སླེབ་ཨེ་བྱུང་གསུང་། ཆོས་སྐྱོང་བྲན་དུ་འཁོལ་བའི་རྟགས་སུ་འདུག་ཅེས་ཕྱིས་བཀའ་ཕེབས་གནང་། གཞན་ཡང་མགོན་པོ་ཕྱག་དྲུག་པའི་རྗེས་གནང་

― GLG008_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་བཞི་དྲིལ་སྒྲུབ་དང་བླ་མགོན་དབྱེར་མེད་ཀྱི་ཁྲིད། དམིགས་བརྩེ་མའི་ཁྲིད། ལྟུང་བཤགས་ཀྱི་ཁྲིད། འཕོ་ཁྲིད། གཤེད་དམར་ལྷ་བཅུ་གསུམ་གྱི་དབང་། ཟ་མ་ཏོག་གི་ལུང་ཁྲིད། བཅུ་གཅིག་ཞལ་ལྷ་ལྔ་དང་དོན་ཞགས་ལྷ་ལྔའི་དབང་། ཞལ་ཀླུ་སྒྲུབ་རྩ་མགོན་གྱི་རྗེས་གནང་། ཞལ་བྲམ་གཟུགས་ཀྱི་བླ་མའི་རྣལ་འབྱོར། མགོན་པོ་དང་རྣམ་སྲས་ཀྱི་རྒྱས་པ་དང་དབང་གི་འཁྲུལ་འཁོར་གྱི་ཕྱག་ལེན། སྨན་བླ། ཕྱག་རྡོར་གོས་སྔོན་ཅན། རྣམ་སྲས་སེར་ཆེན་སོགས་ཆོས་བཀའ་མང་དུ་གསན། ཆུ་འབྲུག་ལོར་ཡར་ཀླུངས་མཁར་ཐོག་ཏུ་མང་ཐོས་མཁས་པའི་དབང་པོ་ཆོས་རྗེ་ནམ་མཁའ་རྒྱལ་མཚན་ལ་དཔལ་རྡོ་རྗེ་འཇིགས་བྱེད་ཀྱི་དབང་བཞི། དེའི་སྔགས་བཏུ། མགོན་པོ།ཆོས་རྒྱལ་ཕྱི་ནང་གསང་གསུམ། རྣམ་སྲས། རྣམ་འཇོམས། ཕག་དཀར་ཤེས་རབ་གསལ་བྱེད་ཀྱི་རྗེས་གནང་གསན། སླར་ཡང་འདོད་ཆོས་ཞུ་བར་ཡོངས་ཆོག་པའི་བཀའ་བཞེས་བཟང་པོ་གནང་ཞེས་ཕྱིས་ཀྱང་ཐུགས་གཟོ་བའི་བཀའ་འཕྲོས་གནང་། སྐྱིད་ཤོད་ཉང་བྲན་ཕ་བོང་ཁར་ཆོས་རྗེ་རིན་ཆེན་བཤེས་གཉེས་པར། འཇིགས་བྱེད་ཀུན་རིག་གཉིས་ཀྱི་དབང་། ཆོས་རྒྱལ་རྣམ་སྲས་གཉིས་ཀྱི་རྗེས་གནང་། ལྕམ་སྲིང་སེང་གདོང་མ་གཉིས་ཀྱི་རྗེས་གནང་ལུང་དང་བཅས་པ། བྱང་ཆུབ་གཞུང་ལམ། འདུལ་བའི་སྤྱི་དོན་མཁས་གྲུབ་བཀའ་འབུམ་གྱི་སྟོད་ཆ་རྣམས་གསན་ནོ། །ཕྱོགས་རེའི་ཡོན་ཏན་ཕྲ་མོའི་ཁྲོན་པ་ཡིས། །བསྙེམས་ལྡན་མཁས་རློམ་རུས་སྦལ་ཚོགས་རྣམས་ཀྱིས། །གང་གི་མང་ཐོས་ཆུ་གཏེར་རླབས་འཁྲུག་པ། །མཐོང་ཚེ་ཁེངས་པའི་སྙིང་

― GLG008_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་གས་ཀྱི་དོགས། །བཤེས་གཉེན་མང་བསྟེན་བརྩོན་པའི་ལྗོན་ཤིང་ལ། །མི་ཕྱེད་དད་པའི་མེ་ཏོག་ཅི་ཡང་གཡོ། །ཡོན་ཏན་འབྲས་བུ་གཡུར་དུ་ཟ་བ་ཡི། །ཚུལ་དེ་དཔྱོད་ལྡན་དགྱེས་པའི་ཡུལ་ཞིག་ལགས། །སྐབས་ཤིག་སྟོད་ལུང་ཕྱོགས་སུ་ཕེབས་པས། ལམ་ཁར་སྡེ་པ་སྣང་རྩེ་ནས་ཁྲོམ་དབང་ཞིག་མཛད་ཀྱི་འདུག་པས། ཁྲོམ་གྱི་མཐའ་གཅིག་ཏུ་བཞུགས་ནས་གསན་ཀྱང་། གསུང་ཆུང་ཞིང་ཐག་འགྱངས་པས་ཚིག་འབྲུ་གསལ་བར་མ་གསན། བུམ་པ་དང་ཙ་ཀ་ལི་འགྲེམས་པ་སོགས་ཞིབ་པར་གཟིགས། ཕྱིས་རྩད་བཅད་པས་ཐུགས་རྗེ་ཆེན་པོ་འཁོར་བ་ལས་སྒྲོལ་གྱི་དབང་ཡིན་པར་འདུག །འོན་ཀྱང་ཚིག་སོགས་གསལ་བ་མ་བྱུང་བར་བརྟེན་དབང་ཐོབ་པའི་གོ་ཆོད་པ་མི་གནང་བར་མངོན་ཞིང་། དེ་དུས་གཏེར་སྟོན་པ་གྲགས་ཆེ་སྐབས་ཡིན་འདུག་པས་ཐུགས་མོས་ཆེ་བ་ཙམ་བྱུང་བ་འདྲ་ཡང་། དུས་ཕྱིས་ལུང་བསྟན་སོགས་མང་དུ་གཟིགས་པས་ལྷད་ཆེ་བར་དགོངས་ཏེ་བཏང་སྙོམས་སུ་བཞག་གནང་བ་འདྲ་ཞིག་ཡོད་ཀྱང་། དོན་དུ་སྡེ་པ་སྣང་རྩེ་བ་རྗེས་འབྲང་དང་བཅས་པའི་རང་བཟོའི་རྣམ་ཐར་ལ་མཁས་པ་ཆེན་པོ་འདི་ཐུགས་རྟིང་ནས་ཁྲེལ་བར་ཁོ་བོ་སེམས་སོ། །དགུང་ལོ་སོ་བཞི་ལོན་པ་རྒྱལ་བ་ཞེས་པ་ཤིང་ཕོ་རྟའི་ལོ་ཧོར་གྱི་ཟླ་བ་བཅུ་པ་ཉིས་བརྩེགས་སུ་བྱས་པའི་ཕྱི་མའི་མར་ངོའི་ཚེས་བཅུ་གཉིས་ཀྱི་རྒྱུ་སྐར་འཛོམ་པའི་དུས་སུ། ཁམས་གསུམ་ཆོས་ཀྱི་རྒྱལ་པོ་རྒྱལ་བ་ཙོང་ཁ་པ་ཆེན་པོས་ཆོས་ཀྱི་སྐུ་མངོན་དུ་མཛད་པའི་གནས་དགའ་ལྡན་རྣམ་པར་རྒྱལ་བའི་གླིང་གི་གཟིམས་ཁང་རྒྱལ་ཁང་རྩེར། རྗེ་རྒྱལ་བ་གཉིས་པའི་བསྟན་པའི་གསལ་བྱེད་ཆེན་པོ་ཆོས་རྗེ་དཔལ་འབྱོར་

― GLG008_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་མཚོས་མཁན་པོ་དང་ཆོས་རྗེ་རིན་པོ་ཆེ་དགེ་འདུན་རྒྱལ་མཚན་གྱིས་སློབ་དཔོན་མཛད། དད་པའི་དགེ་འདུན་བཅུ་ཚོགས་ཚང་བའི་དབུས་སུ་ཡོངས་སུ་རྫོགས་པ་དགེ་སློང་གི་དངོས་པོ་མནོས། མཚན་དཔལ་འབྱོར་ལྷུན་གྲུབ་ཏུ་གསོལ། འདུལ་བའི་བསླབ་བྱ་ཆེན་མོ་དང་། འདུལ་བའི་གླེང་འབུམ་སོགས་གྱི་བཤད་ལུང་གསན་ནོ། །མཁས་མཆོག་འཆི་མེད་ལམ་གྱི་འཕང་པ་ནས། །རྣམ་དག་ཚུལ་ཁྲིམས་ལང་ཚོ་ལ་ཆགས་པའི། །བླ་གོས་འཚམས་སྦྲིན་གསར་པའི་ལུས་ཕྲ་མ། །ཐར་པའི་བདེ་ལ་སྤྱོད་ཕྱིར་འཁྱུད་ལ་བྲེལ། །ཉེས་སྤྱོད་རྙོག་པའི་འདམ་ལས་ཆེར་འཕགས་པའི། །བག་ཡོད་སྡོང་བུ་རྣམ་པར་ལྡེམ་པའི་རྩེར། །ཚངས་སྤྱོད་དཔལ་གྱི་འདབ་སྟོང་འཛུམ་པ་དེ། །ཐུབ་བསྟན་རྐང་དྲུག་ཡོངས་ཀྱི་དགའ་སྟོན་གནས། །ཉིས་བརྒྱ་ལྔ་བཅུ་རྩ་གསུམ་གྲངས་ལྡན་གྱི། །ཆེས་ཕྲའི་སྤང་བྱ་ཀུན་ལས་མི་འདའ་བའི། །གཙང་མའི་རྣམ་པར་ཐར་འདིས་འདྲེན་པ་ཁྱོད། །གངས་རིའི་ལྗོངས་ཀྱི་ཉེ་བར་འཁོར་དུ་ངེས། །དེ་ནས་ཐུགས་དགོངས་ལ། ཚེ་འདི་ཡུན་ཐུང་ཤེས་བྱའི་རྣམ་པ་མང་། །ཟེར་བ་བཞིན། རྒྱུ་མཚན་ཉིད་ཀྱི་ཆོས་མཐའ་ཟད་པ་མེད་པ་ལྟ་བུ་ཡིན་པས། སངས་མ་རྒྱས་བར་དུ་སློབ་གཉེར་ཚར་བའི་སྐབས་ཅི་མཆིས་ཀྱང་། སྙིང་པོའི་མཆོག་འབྲས་བུ་གསང་སྔགས་རྡོ་རྗེའི་ཐེག་པ་ཕྱི་འགྱུར་གྱི་སྐོར་ལ་ཐོས་བསམ་མཛད་པའི་དགོངས་འདུན་མངོན་དུ་གྱུར་ཏེ། རྒྱལ་བ་ཙོང་ཁ་པ་ཆེན་པོས་དངོས་སུ་བཀའ་སྩལ་བ་རྗེ་བཙུན་ཤེས་རབ་སེང་གེས་དང་དུ་བཞེས་ཏེ་འཛུགས་པར་མཛད་པའི་འདུས་སྡེ། གངས་རིའི་ལྗོངས་འདིའི་གསང་

― GLG008_Page_0614 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་འཛིན་པ་མཐའ་དག་གི་གཙུག་ན་མངོན་པར་མཐོ་བ་སྨད་རྒྱུད་མཁས་འདུས་གྲྭ་ཚང་དུ་ཕེབས། འཆད་ཉན་ལས་ཐོག་ཏུ་མཁས་ཤིང་གྲུབ་པའི་དབང་ཕྱུག་ཆེན་པོ་རྣམ་རྒྱལ་དཔལ་བཟང་བཞུགས་འདུག་པ་ལ། རྡོ་རྗེ་འཆང་དངོས་ཀྱི་ཐུགས་དང་བར་བཅས་ཏེ་གུས་པས་བསྟེན་ནས། ཤིང་ལུག་ལོར་འདུས་པའི་བསྐྱེད་རྫོགས་ཀྱི་ཊཱི་ཀའི་བསྐྱར་ལུང་། རིམ་ལྔ་གསལ་སྒྲོན། བསྐྱེད་རིམ་རྣམ་བཤད། རིམ་ལྔའི་དམར་ཁྲིད་ཀྱི་སྒོམ་ལུང་། ཁྲིད་ལག་རྗེས་ཚར་ལྔ། རྒྱུད་རྐྱང་ལེའུ་བཅུ་གསུམ་པ་ཡན་དང་། འགྲེལ་པ་མཆན་བཅས་ལེའུ་བཅུ་གསུམ་པའི་འགོག་པ་ཁྲོ་བོའི་འཁོར་ལོ་དྲང་དོན་ཡན་ཚར་གཉིས། ལེའུ་བཅུ་དྲུག་པའི་གནོད་སྦྱིན་ཕོ་མོ་འགུགས་པ་ནས། འགྱུར་བྱང་གི་བར་གྱི་རྩ་འགྲེལ་མཆན་བཅས། དེ་ཐམས་ཅད་ཀྱི་མཐའ་དཔྱོད། བསྟན་པ་སྤྱི་རྣམ་བསྐྱར་ལུང་དང་བཅས་པ་གསན། མེ་སྤྲེལ་འགྲེལ་པ་བཞི་སྦྲགས། ལེའུ་བཅུ་བཞི་པའི་གཤིན་རྗེ་གཤེད་ཀྱི་ལས་སྒྲུབ་པ་ཡན། ལེའུ་བཅོ་ལྔ་པའི་འཚམས་སྦྱོར་ཡན་གྱི་ཊཱི་ཀའི་བསྐྱར་ལུང་། མེ་བྱ་ལ་འགྲེལ་པ་བཞི་སྦྲགས་ཡོངས་རྫོགས། གསལ་སྒྲོན། བསྐྱེད་རིམ་རྣམ་བཤད། ས་ཁྱི་ལ་བཞི་སྦྲགས་ཀྱི་ལེའུ་བཅུ་གསུམ་པའི་ནང་རྒྱས་པ་དང་དབང་གི་ལས་སྤེལ་ཏེ་བསྟན་པ་ཡན། རྒྱུད་ཕྱི་མ། དགོངས་པ་ལུང་སྟོན། ལྷ་མོ་བཞིས་ཞུས་ལོ་ཆེན་དང་འགོས་ཀྱི་འགྱུར་ལ་རྒྱལ་བ་ཙོང་ཁ་པས་ཞུས་དག་གནང་བ་སོགས་གསན། བླ་མས་ཀྱང་རང་རེའི་སྨད་རྒྱུད་ཀྱི་དཔལ་འདུས་པའི་གཞུང་ལུགས་འདི་ལ་རྡོ་རྗེ་འཆང་ནས་རྩ་བའི་བླ་མའི་བར་མི་དབར་ཁྱིས་མ་ཆོད་ཅིང་བྱིན་རླབས་ཀྱི་

― GLG008_Page_0615 ―

^{[མ་དཔེ་གཟིགས་ན་འདིར་གནོན།]}

[Full Size]

དྲོད་མ་ཡལ་ཞེས་སྤྲོ་བ་ཡང་ཡང་བསྐྱེད་པ་གནང་གསུང་ངོ་། །གསང་ཆེན་ཐེག་པ་མཆོག་གི་གྲུ་རྫིངས་ལ། །བརྟེན་ནས་སྐུ་གསུམ་གླིང་དུ་རབ་བགྲོད་པའི། །རིན་ཆེན་སྐྱེས་བུའི་མཛད་པས་འཕགས་ཡུལ་གྱི། །གྲུབ་ཆེན་བརྒྱད་ཅུའི་རྣམ་ཐར་གཅིག་ཏུ་བསྡུས། །ཆགས་བྲལ་ངུར་སྨྲིག་འཛིན་པའི་ཞིང་ས་ལ། །འདོད་ཡོན་ལམ་དུ་སྤྱོད་པའི་དབྱར་སྐྱེས་འབྲས། །བདེ་ཆེན་འབྲས་བུའི་ལོངས་སྤྱོད་མི་ཟད་གཏེར། །སྤྱོད་འདིས་ཀླུ་སྒྲུབ་ཞབས་ཀྱི་ཁེངས་པ་ཕྲོགས། །ཐ་མལ་ཡོངས་དག་གསལ་སྟོང་ལྷ་སྐུའི་མཁར། །གཉིས་མེད་བདེ་སྟོང་རབ་བཀྲ་དབང་པོའི་གཞུ། །སྐུ་གསུམ་རོ་གཅིག་སོ་སོར་མ་འདྲེས་པའི། །སྒྱུ་འཕྲུལ་དྲ་བའི་རོལ་གར་ངོ་མཚར་སྨད། །ལྟར་སྣང་གྲུབ་སྤྱོད་འདམ་གྱིས་མ་གོས་པའི། །ཚངས་སྤྱོད་བརྟུལ་ཞུགས་ཡལ་འདབ་ཚར་རྒྱས་ཀྱང་། །ཉེ་ལམ་བདེ་བའི་སྦྲང་རྩི་མཛད་མེད་ཀྱི། །ཨིནྡྲ་བྷཱུ་ཏི་མཁའ་འགྲོའི་མཛོད་དུ་བྲོས། །གཞན་ཡང་བླ་མ་དེ་ཉིད་ཀྱི་དྲུང་དུ་བདེ་མཆོག་ལཱུ་ཨི་པའི་དབང་། མགོན་པོ་ཕྱག་དྲུག་པ། རྟ་མགྲིན་གསང་བསྒྲུབ། འཛམ་དཀར་སེར་རྣམས་ཀྱི་རྗེས་གནང་། འཇིགས་བྱེད་ཀྱི་བསྐྱེད་རྫོགས་མཁས་གྲུབ་རྗེ་དང་བློ་གྲོས་ཆོས་སྐྱོང་བ་གཉིས་ཀྱིས་མཛད་པ། གཞི་གསུམ་ཆོ་ག །ལམ་རིམ་ཆུང་བའི་སྐྱེས་བུ་འབྲིང་གི་སྡུག་བདེན་འཁོར་བའི་ཉེས་དམིགས་བསམ་པ་ཡན། ལམ་རིམ་གྱི་ཁྲིད། མཚན་བརྗོད། ཕྱག་རྡོར་གྱི་རྒྱུད། དགྲ་ནག་གི་རྒྱུད། འཇིགས་བྱེད་ཀྱི་རྟོག་པ་བདུན་པ། བདེ་མཆོག་གི་རྩ་རྒྱུད། མགོན་པོ་ཕྱག་དྲུག་པའི་ལས་གསུམ་རྣམ་གཞག །བླ་མགོན་དབྱེར་མེད་ཐུན་མོང་མ་ཡིན་པ། གྲིབ་

― GLG008_Page_0616 ―

^{[མ་དཔེ་གཟིགས་ན་འདིར་གནོན།]}

[Full Size]

སེལ། རྟེན་བཞི་གནད་གསུམ། མཁའ་འགྲོ་དབང་སྡུད། མགོན་པོ་གནད་དབབ། དྲུག་ཅུ་པའི་སྒོར། མགོན་པོའི་རྒྱུད་ལེའུ་བརྒྱད་པ། ཆོས་རྒྱལ་གྱི་སྒྲུབ་ཐབས་རྒྱ་གཞུང་སོགས་དམ་པའི་ཆོས་ཀྱི་བགོ་སྐལ་མཐའ་ཡས་པ་ལེན་པ་གནང་། ཚལ་གྱི་རྒྱུད་ཁང་གི་ཁང་ལས་དང་ལོགས་བྲིས་སྐབས་ས་མིན་དང་མཐིང་སྤང་གཞན་སུས་ཀྱང་མ་རྙེད་པར་རྗེ་རྣམ་རྒྱལ་དཔལ་བཟང་ཉིད་ཀྱིས་རྙེད་ཅིང་། དེ་སྐབས་རྗེ་འདི་པས་ཀྱང་ས་མིན་ལེན་པར་ཕེབས་པས། རྗེ་རྣམ་དཔལ་བས་རྡོ་ལ་ཕྱག་ཞབས་ཀྱི་རྗེས་མང་དུ་བཞག་པ་སོགས་སྐུ་གསུང་ཐུགས་ཀྱི་གསང་བའི་མཛད་པ་དཔག་པར་དཀའ་བ་མང་དུ་གཟིགས། དུས་ཕྱིས་རྗེ་ཡབ་སྲས་ཀྱི་གསུང་རབ་ཀྱི་དཀའ་གནད་རྣམས་ལ་གཟིགས་ཚེ་ཡང་། དུས་ཐོག་དེ་ལ་རང་ཕྱོགས་ཀྱི་མཁས་གྲུབ་གྲགས་ཅན་ཤིན་ཏུ་མང་ན་ཡང་། རྗེ་རྣམ་དཔལ་བའི་གསུང་ཉིད་ལེགས་པར་འདུག་ཅེས་རྒྱལ་བ་ཙོང་ཁ་བ་དངོས་ཀྱི་མོས་པ་གནང་། མེ་བྱ་ལ་རྒྱུད་ཀྱི་ཆོས་འཚམས་ཤིག་གི་སྐབས། གདན་ས་ཆེན་པོའི་གཟིམས་ཁང་རྒྱལ་ཁང་རྩེར་མགོན་པོ་བཅུ་གསུམ་གྱི་རྗེས་གནང་། སྒྲུབ་ཐབས་མདོར་བྱས་དང་མདོ་སྲེའི་ལུང་། འགྲེེལ་པ་དོན་གསལ་གྱི་ཊཱི་ཀ །མཛོད་ཀྱི་གནས་བཞི་པ་ཡན་གྱི་ཊཱི་ཀའི་བསྐྱར་ལུང་རྣམས་དང་། བྱང་རྩེ་ཆོས་སྒོ་སློབ་དཔོན་འཕྲིན་ལས་དཔལ་འབྱོར་ལ་ཕྱག་རྡོར་འབྱུང་འདུལ། གུ་རུ་ཞི་བ། གཅོད་ནམ་མཁའ་སྒོ་འབྱེད་གསན་ཅིང་། གཞན་ཡང་རྒྱུད་ཀྱི་ཆོས་འཚམས་རྣམས་སུ། འོད་གསལ་ལྷའི་རིགས་ལས་མཁས་ཤིང་གྲུབ་པ་བརྙེས་པ་ལྷ་རིན་པོ་ཆེ་ལ། དཔལ་ལྡན་དམག་ཟོར་མའི་རྗེས་གནང་། ཞལ་རྣམ་

― GLG008_Page_0617 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བཞིའི་རྗེས་གནང་། ཆོས་རྒྱལ་ནང་སྒྲུབ་དང་། ཞང་བློན་གྱི་རྗེས་གནང་། ལྷ་མོའི་ཐུན་མོང་མ་ཡིན་པའི་བཀའ་བསྒོ་བ། མགོན་པོ་ཕྱག་དྲུག་པའི་ལས་གསུམ་རྣམ་གཞག །གཏོར་མའི་རྣམ་བཤད་རྟེན་བཞི་གནད་གསུམ། སྔགས་དོན། བསད་པ་དྲུག་གི་ཡིག་ཆུང་། ཞལ་ཀླུ་སྒྲུབ་ཀྱི་རྒྱ་གཞུང་། གཉན་ལོའི་བསྐང་ཐུང་། བསྙེན་སྔགས། ལྷ་མོའི་ལས་གསུམ་རྣམ་གཞག །གཏོར་ཆེན་རྣམ་བཤད། ཟོར་བཞི་ཐུན་སྒྲུབ། སྦྱིན་སྲེག །ནད་དང་བྱ་ནག་གཏོང་ཐབས། སྤོགས་ཆོག །ཤོ་མོ། དཔལ་འབར་བརྟག་པ། སྤྱན་སྔ་ཆོས་དྲུག་གི་ལུང་སོགས་མཐའ་ཡས་པ་དང་། སློབ་དཔོན་སངས་རྒྱས་རྒྱལ་མཚན་ལ། རྨེ་རྩེགས། ཁྱུང་ཁྲ། སྒྲོལ་དཀར། ཨུ་རྩཱཪྱ་རྣམས་ཀྱི་རྗེས་གནང་ཆོས་རྗེ་བྱང་མ་ནས་ལ་རྣམ་ཐར་དད་པའི་འཇུག་ངོགས། ལམ་སྒྲོན་གྱི་ཊཱི་ཀ །རྔོག་ཆོས་ཆ་ཚང་རྣམས་གསན། གདན་ས་ཆེན་པོ་དགའ་ལྡན་དུ་སློབ་དཔོན་རིན་པོ་ཆེ་དགེ་འདུན་རྒྱལ་མཚན་ལ་རྡོ་རྗེ་འཆང་གི་ལམ་གྱི་རིམ་པ་དང་། རྒྱལ་བའི་གསུང་རབ་ཐམས་ཅད་ཀྱི་གནད་བསྡུས་པ་ཤིང་རྟ་ཆེན་པོའི་ལམ་སྲོལ་བྱང་ཆུབ་ལམ་གྱི་རིམ་པ་ཆེན་མོའི་དཀའ་གནད་ཀྱི་བཤད་པ་དང་བཅས་པའི་ལུང་ཡོངས་རྫོགས་གསན། གསུང་ཆོས་ཀྱི་སྐབས་ཤིག་བཞུགས་ས་སྤྱི་ཁང་ཞིག་གི་འོག་ཁང་དུ་བྱུང་བས། དེའི་སྔོན་ཙམ་དུ་གནས་སྐོར་བ་མདོ་པ་བསྡད་ཤུལ་ཡིན་འདུག་པས། སྐུ་གྲིབ་ཀྱིས་ཤིན་ཏུ་བསྙུན་པ་ཞིག་བྱུང་ཡང་། བཤད་ལུང་གཉིས་ཀ་རྒྱལ་བ་ཙོང་ཁ་པ་ནས་རིམ་གྱིས་ཚིག་གཅིག་ཀྱང་མ་ཆད་པར་བརྒྱུད་ངེས་ཡིན་པར་

― GLG008_Page_0618 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟེན། ཐུགས་རུས་བསྐྱེད་ནས་ཆོས་ཐུན་གཅིག་ཀྱང་མ་ཆག་པར་མཛད། དེ་ཡང་སྒོམ་པ་ཡོན་ཏན་འབར་གྲང་གཞིའི་ནད་ཀྱིས་ན་བར་རྣལ་འབྱོར་པས་གསུངས་པའི་དོན་ལྟ་བུ་ཐུགས་ལ་ཤར་བར་ངེས་ཤིང་། ལྷག་ཏུ་རྒྱལ་བ་ཙོང་ཁ་པའི་གསུང་རབ་ཀྱི་དཀའ་གནད་ལ་དོན་གཉེར་མཐའ་ཡས་གནང་བའི་སྟབས། སྐུ་ན་མཐོན་པོར་ཕེབས་ཀྱང་བསྙེལ་གསོའི་ཚུལ་སྟོན་པ་གནང་། ལར་ཆོས་ཕྱིར་དུ་དཀའ་སྤྱད་བཟོད་པ་ལ་རྗེ་མར་པ་དང་། དགེ་སློང་དང་དགེ་བསྙེན་གྱི་ཁྱད་པར་ལས་མེད་དོ། །གློག་ལྟར་མི་བརྟན་ཚེ་འདིའི་ཕུན་ཚོགས་ཆེད། །བླུན་པོ་ལུས་སྲོག་འདོར་བར་ཕོད་བྱེད་ན། །ཐེག་ཆེན་ཆོས་ཕྱིར་བརྩོན་པའི་དཀའ་སྤྱད་འདི། །བཟོད་ལ་ཀླན་ཀའི་བརྟུལ་ཞུགས་སུ་ཡིས་འཛིན། །དཀའ་གནད་ཞུན་ཐར་མི་གཅོད་ཐོབ་ལོར་བརྩོན། །ཆོས་འདོད་དེ་སྟོན་བླ་མར་སྙིང་ནས་སྨོད། ཁེངས་པས་ཡོངས་འཛིན་མི་སྟེན་དཔེ་ཧྲུལ་སྡུད། །དེ་འདྲའི་བོད་རྒན་མང་པོའི་སྣང་ཚུལ་དག །མཐོང་ཚེ་ཁྱོད་ནི་ཟབ་གནད་ཡོངས་ལ་མཁས། །བཤེས་གཉེན་དམ་པའི་མགོན་ལ་ལྷག་པར་དད། །ཆོས་ཕྱིར་མཁས་གྲུབ་སྦས་པའི་བརྟུལ་ཞུགས་ཅན། །རིས་མེད་གཙུག་བསྟེན་དེ་ཕྱིར་སུ་མི་དད། །དེ་ནས་ས་ཕག་ལོ་དཔལ་ལྡན་འབྲས་སྤུངས་ཆོས་ཀྱི་སྡེ་ཆེན་པོར་ཆོས་རྗེ་ནམ་མཁའ་བཟང་པོའི་དྲུང་དུ། གསང་འདུས་མི་བསྐྱོད་པ། བདེ་མཆོག་ལཱུ་ཨི་པ། དྲིལ་བུ་ལུས་དཀྱིལ་གསུམ་གྱི་དབང་བཞི་ཡོངས་རྫོགས། ཆོས་རྒྱལ་ཕྱི་ནང་གསང་གསུམ་གྱི་རྗེས་གནང་གསན། ཨེ་ནས་ཡུམ་ཤིན་ཏུ་བསྙུང་པའི་འབོད་མི་བྱུང་བ་དང་ལྷན་ཅིག་ཏུ་བཤུལ་དུ་ཞུགས། ཞོར་ལམ་འཕྱོང་

― GLG008_Page_0619 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་རྩེར་ཕེབས་པས། ཞབས་དྲུང་གཞུང་ངག་དབང་བསོད་ནམས་གྲགས་པ་འཇིག་རྟེན་དགའ་བའི་རྒྱན་གྱིས་བདག་རྐྱེན་ཚང་མ་མཆིས་པ་གནང་། གསུང་ལས། ཡོན་བདག་རབ་འབྱམས་པ་ཁྱེད་གསང་སྔགས་སྔ་འགྱུར་གྱི་སྐོར་ལ་དོན་གཉེར་ཆེ་བ་ཡོད་འདུག་པ། དེས་ན་ཞབས་དྲུང་བདག་པོ་རིན་པོ་ཆེ་དེ་རིང་འདིར་ཕེབས་རྒྱུ་ཡིན་པས། ཁྱེད་རང་ཡང་ཞག་ཤས་འདི་ཁར་སྡོད་ལ། འདོད་ཆོས་མཐའ་དག་ཆོས་ཀྱི་བདག་པོ་ལ་ཞུས་ཆོག་གསུངས་བྱུང་བས། ཐུགས་ཤིན་ཏུ་དགྱེས་ཏེ་ཆོས་འབའ་ཞིག་ལ་ཐུགས་དུངས་པའི་སེམས་མངོན་གྱུར་ཤུགས་ཆེས་པས་ཡུལ་དུ་ཕེབས་དགོས་པ་སོགས་ཟིལ་གྱིས་ནོན་པ་ལྟ་བུར་སོང་ནས། བཞུགས་པར་ཐུགས་ཐག་བཅད་ཚེ། འབོད་མི་དེས་འདི་རུ་ཡུན་རིང་ན་དེ་བར་ཡུམ་གྲོངས་ནས་ངོས་ཀྱིས་མཇལ་རྒྱུ་མི་ཡོང་ཟེར། ནན་ཤིན་ཏུ་ཆེ་བས་འཕྲལ་དུ་ཐེགས་པར་ཤར། ལམ་དུ་ཞུགས་པ་དང་ཁྲི་སྲོང་རྣམ་སྤྲུལ་བདག་པོ་རིན་པོ་ཆེ་དཔལ་བཀྲ་ཤིས་སྟོབས་རྒྱལ་དབང་པོའི་སྡེ་ཕེབས་པ་མཇལ། ཕྱག་འབུལ་གནང་བས། ཐུགས་འདྲིས་མེད་ཀྱང་། སྔར་ནས་ངོ་མཁྱེན་པ་ཞིག་དང་འདྲ་བའི་ཐུགས་དགྱེས་དགྱེས་དཔེ་མེད་གནང་གསུང་། ཉེ་བར་བརྟགས་ཚེ། ངོས་ཀྱིས་ཆོས་བཀའ་གསན་པ་སོགས་རྟེན་འབྲེེལ་ཅུང་ཟད་མ་འགྲིག་ཀྱང་། གང་གི་དངོས་སློབ་རྗེ་བཙུན་ལས་ཀྱི་རྡོ་རྗེ་དང་། མཐུ་སྟོབས་གསང་བའི་དབང་ཕྱུག་སོགས་ལ་གསན་པའི་རྟེན་འབྱུང་གི་དགོངས་པ་མཛད་པར་སེམས་སོ། །རང་ཡུལ་དུ་ཕེབས་ཏེ་ཡུམ་གྱི་འདི་ཕྱིའི་དགོངས་པ་རྫོགས་ཐབས་ཀྱི་དགེ་བའི་མཛད་

― GLG008_Page_0620 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྣམས་བརྩོན་པས་བསྒྲུབས། ལན་བུག་ཨ་མི་ཞེས་དཀར་ཆས་འཛིན་པའི་བླ་མ་ལོ་བརྒྱ་དང་ཉི་ཤུ་ཙམ་ལོན་པ། གྲོངས་དུས་ཀྱང་སྙུང་གཞི་སོགས་ཡེ་མེད་པར་སྲས་ཀྱིས་ཐུགས་ཅུང་ཟད་དཀྲུགས་པར་བརྟེན། ཡི་དམ་ཆོས་སྲུང་རྣམས་ལ་ད་ང་མི་སྡོད་ཐོང་ཞིག་གསུང་བའི་མུས་ལ་གཤེགས་པའི་ནུས་ལྡན་དེ་ཉིད་ཀྱི་དྲུང་དུ། གུ་རུ་ཞི་བ། ཚེ་དབང་། རྟ་མཆོག་རོལ་པ། ཕྱག་རྡོར་དྲེགས་འདུལ། ནཱ་ག་རཀྵ། ཁྱབ་འཇུག །དབང་ཕྱུག་རྣམས་ཀྱི་དབང་། རྟ་ནག །ལྷ་མོ་སྤུ་གྲིའི་རྗེས་གནང་། སྒྲ་མི་སྙན་པའི་ཚེ་སྒྲུབ་ཀྱི་གཏད་ལུང་སོགས་ཆོས་དུ་མ་དང་། ལྷ་བཙུན་ངེས་ལེགས་དཔལ་འབྱོར་ལྷུན་གྲུབ་ལ་ཞང་བློན་གྱི་རྗེས་གནང་གསན། སླར་སྐྱིད་ཤོད་དུ་ཕེབས། གཞིས་ཁ་བྲག་དཀར་དུ་ཆོས་རྗེ་དཔལ་འབྱོར་བསོད་ནམས་ལྷུན་གྲུབ་ལ། མཁས་གྲུབ་ནོར་བཟང་པའི་དུས་འཁོར་སྤྱི་དོན། བདེ་མཆོག་སྦས་དོན་ཀུན་གསལ། དྲིལ་བུ་ལྷ་ལྔའི་རྒྱ་གཞུང་། དེའི་འགྲེལ་པ་རྒྱལ་བ་ཙོང་ཁ་པས་གནང་བ། ལཱུ་ཨི་པའི་དཀྱིལ་ཆོག །ཞུ་ལན་ནོར་བུའི་འཕྲེང་བ། ཁུ་ཆོས་ཚང་བ། རྗེ་བཙུན་རིག་བྱེད་མའི་ཆོས་སྐོར། ཁྱུང་པོའི་མགུར་བརྒྱད་རྩ་འགྲེལ་བླ་མའི་རྣལ་འབྱོར་བྱིན་རླབས་བདུད་རྩིའི་ཆུ་རྒྱུན། མཁས་གྲུབ་རྗེ་དང་གྲུབ་ཆེན་ཐར་པའི་རྒྱལ་མཚན་གཉིས་ཀྱི་བསྟོད་པ་གསན། དེ་ནས་ཕལ་ཆེ་སེ་ར་ཐེག་ཆེན་གླིང་དུ་བཞུགས་ཏེ། ཆོས་རྗེ་འཕྲིན་ལས་ལྷུན་གྲུབ་སོགས་ལ་བཀའ་ཆོས་ཅི་རིགས་པ་ཞུས། མཁས་པ་འཇུག་པའི་སྒོ་ཞེས་ཐུན་མོང་དང་ཐུན་མོང་མ་ཡིན་པའི་རིག་གནས་ཀྱི་རྣམ་གཞག་འགྲན་ཟླ་མེད་པའི་ལེགས་པར་བཤད་པའི་ཐུགས་རྩོམ་གནང་།

― GLG008_Page_0621 ―

^{[མ་དཔེ་གཟིགས་ན་འདིར་གནོན།]}

[Full Size]

འོན་ཀྱང་སྡེབ་སྦྱོར་གྱི་ཛྭ་ཏིའི་སྐོར་ནས་གནང་འཕྲོ་ལུས། སླར་འཕྲོ་མུས་ཀྱི་གསོལ་བ་འདེབས་མི་ཞིག་བྱུང་ན་ཕྱིས་སྐོར་གྱི་བསྟན་བཅོས་ཤིག་ལ་ལེགས་པ་ཞིག་འོང་ཚོད་དུ་འདུག་ཀྱང་། དུས་དབང་གིས་སྐྱེ་བོ་ཕལ་ཆེར་ཇའི་གར་སླ་དང་རྩམ་པའི་མང་ཉུང་མ་གཏོགས། ལེགས་བཤད་དོན་དུ་གཉེར་བ་ཆེས་ཉུང་བས་བསྐུལ་བ་པོ་ཞིག་མ་བྱུང་བར་འདུག །སྐབས་ཤིག་ཉང་བྲན་རིན་ཆེན་ཚལ་པས་བསྙེན་བཀུར་བྱས་ཏེ། དགོངས་ཞོགས་ཡོན་བདག་གི་རིམ་འགྲོ་དང་། ཉིན་བར་ར་ས་འཕྲུལ་སྣང་གི་གཙུག་ལག་ཁང་དུ་ཞབས་སྐོར་བདུན་ཅུ་རེ་ཙམ་མ་ཆག་པར་གནང་བས་སྐོར་འབུམ་འགྱངས་མེད་དུ་བསོགས། གནས་སྐབས་སུ་སྐུ་ངལ་བར་བྱུང་ཡང་སྒྲིབ་པ་དག་པའི་ལྟས་དེ་ལས་ཆེ་བ་བྱུང་གསུང་བ་ཕྱི་རབས་ཀྱི་གདུལ་བྱ་ལ་དགོངས་པ་འདྲ། མི་རིང་བར་གཞན་ཕན་པ་བླ་མ་དུང་དཀར་འབྲུག་གྲགས་ཀྱི་བཀའ་འགྱུར་བཞེང་བ་ལ། ཨེ་པའི་བྲིས་མཁན་རྣམས་ལ་ཞལ་བཀོད་དང་བཅས། བཞུ་ཁང་རབ་འབྱམས་པ་དགེ་ལེགས་ལྷུན་གྲུབ་དང་ལྷན་དུ་ཟླ་བ་གསུམ་གྱི་བར་བཀའ་འགྱུར་ཞུས་དག་དང་། རྒྱལ་པོ་ཡབ་ཡུམ་གྱི་སྐུ་འདྲའི་གཟུངས་གཞུག་སོགས་ཀྱི་བྱ་བ་མཛད། གཞན་ཡང་འདི་དག་གི་སྔ་ཕྱི་འགའ་ཞིག་ཏུ། སློབ་དཔོན་བཀྲ་ཤིས་པའི་དྲུང་དུ་རྣལ་འབྱོར་དག་རིམ། རིམ་ལྔ་གདན་རྫོགས་སོགས། སློབ་དཔོན་སངྒྷ་ལ་ཆོས་རྗེ་རྒྱལ་སྲས་པའི་བཀའ་འབུམ། ཡིག་ཆུང་ཉེར་གཅིག །ཆོས་རྗེ་བློ་གྲོས་མཐའ་ཡས་ལ་རྣམ་སྣང་མངོན་བྱང་། བདེ་མཆོག་ལྷ་ལྔ། འཇམ་དབྱངས་ཞི་ཁྲོ་སྦྲགས་སྒྲུབ། རྭ་སྒྲེང་པ་རིན་ཆེན་དཔལ་འབྱོར་ལ་མགོན་པོ་ལྷོ་ནུབ་པ། བཀའ་གདམས་

― GLG008_Page_0622 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་བཞིའི་རྗེས་གནང་། སློབ་དཔོན་བྱམས་པ་བརྟན་པ་ལ་ཚིག་གསལ་གྱི་སྟོང་ཐུན། འདུལ་བའི་གཞི་སྟོད། རྟ་མགྲིན་གསང་སྒྲུབ་ཀྱི་རྗེས་གནང་། གཞན་ཡང་ལྕིལ་པོ་རབ་འབྱམས་པ་ངག་དབང་ཆོས་གྲགས་སོགས་བཀའ་འབྲེལ་གསན་པའི་བླ་མ་གྲངས་ཀྱིས་མི་ལང་། མདོར་ན་བསྡུས་ཚད་ནས་བཟུང་ཐུགས་གཉེར་མཛད་དུས་ཀྱི་རྣམ་པ་ཐམས་ཅད་ལ། སློབ་གཉེར་འདི་བྱས་པ་ལ་བརྟེན་ནས་སེམས་ལ་ཕན་པའི་ཉམས་ལེན་ཞིག་བྱེད་རྒྱུ་ཨེ་ཡོང་དགོངས་པ་མ་གཏོགས། གཞན་ཁྱད་བསོད་རྙེད་པ་དང་བཀུར་སྟིའི་ཕྱིར་བསམས་པ་སྐད་ཅིག་ཀྱང་མེད་ཅེས་བཀའ་ཕེབས་པ་ནི། རྗེས་འཇུག་རྣམས་ཀྱང་མིག་ཡར་བལྟའི་ཚུལ་དུ་བྱེད་དགོས་པའི་ཆེད་དུའོ། །མཐའ་བྲལ་ཤེས་བྱའི་འཆི་མེད་དགའ་ཚལ་དུ། །མདོ་རྒྱུད་ཡོངས་འདུ་ཚར་དུ་མངར་བ་ཡིས། །ཐོས་བསམ་སྒོམ་པའི་འབྲས་བུ་རོ་བརྒྱ་པ། །སྤྱོད་པའི་སྐལ་བཟང་ནོར་དེ་ཁྱོད་ཀྱིས་རྙེད། །རྒྱ་བོད་བརྡ་སྤྲོད་ས་སྲུང་དབང་པོའི་སྟེང་། །ཐ་སྙད་རིག་པའི་མིག་སྟོང་ཕྱོགས་བཅུར་གཡོ། །ངེས་དོན་ཟབ་མོའི་རྡོ་རྗེ་རྩེ་བརྒྱ་པས། །སྒྲིབ་གཉིས་རི་བོ་མཐར་བྱེད་ཁྱོད་མིན་སུ། །ཤེས་བྱའི་ཕ་མཐའ་གཞལ་ཚེ་སྒྱིད་པ་སྐྱུར། །དམ་པའི་རྣམ་ཐར་བསམས་ཚེ་སྤྲོ་བ་འཕེལ། །བླུན་པོ་འབྱོར་ལྡན་མཐོང་ཚེ་གད་མོ་བྲོ། །ཆོས་ལྡན་གཏམ་རྣམས་གླེངས་ཚེ་དགེ་ལ་སྦྱོར། །དབུས་འགྱུར་དགེ་བཅུའི་ཡུལ་གྲུར་ཆོས་ཀྱི་ཕྱིར། །ལན་མང་བགྲོད་དེ་བརྐྱང་ན་འཕགས་ཡུལ་ཡང་། །འཁོར་བས་སྔོན་བྱོན་སྐད་གཉིས་སྨྲ་བ་རྣམས། །དམ་པ་འདི་ཡི་རྣམ་ཐར་ལས་ལྷག་མིན། །ཀུན་མཁྱེན་ཚད་མས་གཞལ་ཡང་རྙེད་དཀའ་བའི། །

― GLG008_Page_0623 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཚུལ་ཕ་མཐའ་ཁྱོད་བློས་ཉུལ་བའི་ཚེ། །ལྷ་ལམ་སྐྱེངས་ཏེ་ཆུ་འཛིན་སྟུག་པོའི་གོས། །སྒྲིབ་གཡོགས་ཚུལ་གྱིས་གྱོན་ལ་རིངས་པ་བཞིན། །དེ་ནས་དགུང་ལོ་ཞེ་གཅིག་པ་འཕར་བ་ཞེས་པ་ལྕགས་མོ་གླང་གི་ལོ་ལ་གངས་རིའི་ལྗོངས་ཀྱི་རིགས་པ་སྨྲ་བ་མཐའ་དག་གི་འབྱུང་གནས་དཔལ་གསང་ཕུ་ནེའུ་ཐོག་གི་གྲྭ་ཚང་ཉི་མ་ཐང་གི་འཆད་ཉན་དུ་ཕེབས། ལོ་ལྔའི་བར་དུ་འཆད་ཉན་འཕེལ་ཞིང་། ལྷོ་བྲག་རབ་འབྱམས་པ་བྱམས་པ་ཆོས་དབང་། ནམ་མཁའ་ནོར་བུ། གུང་རུ་རབ་འབྱམས་པ་ཀུན་དགའ་ལྷུན་གྲུབ་སོགས་མང་དུ་ཐོན། གསོལ་སྐོར་སོགས་མཁས་པ་རྣམས་འདུ་འཚོག་གི་ཚེ། མདོ་ཕྱོགས་གཅིག་པུར་མ་ཟད་ཐ་སྙད་རིག་པ་དང་ཆོས་འབྱུང་ལོ་རྒྱུས་སོགས་གསུངས་པས། ཕལ་ཆེར་ལ་སྔོན་མེད་པའི་ལེགས་བཤད་དུ་གྱུར། ཆུ་སྟག་ལ་འབྲས་སྤུངས་སུ་རྗེ་ནམ་བཟང་པ་ལ་རྡོ་རྗེ་ཕག་མོ། བདེ་མཆོག་དཀར་པོ། དུར་ཁྲོད་བདག་པོ་གསུམ་གྱི་རྗེས་གནང་གསན། འཕྲང་མགོར་ཆོས་ཐོག་ཕེབས་སྐབས། ཀོང་ཆེན་རིན་པོ་ཆེའི་སློབ་མ་ཨོ་རྒྱན་ཆོས་རྫོང་གི་བླ་མ་ལ། དགོངས་འདུས་ཡོངས་རྫོགས་ཞིག་གསན་བཞེད་བྱུང་ཡང་། ཉེ་གནས་ཀྱིས། ཆོས་གྲྭ་ཆག་ན་གྲྭ་པ་རྣམས་ཀྱིས་སྐུར་ཞུགས་ཡོང་ཞེས་བཤོལ་བས་མ་འགྲུབ། ཤིང་སྦྲུལ་བྱེས་ཀྱི་སློབ་དཔོན་འཕྲིན་ལས་ལྷུན་གྲུབ་པས་ཀུན་སྤངས་མཛད། ངེད་ཀྱི་རྗེས་སུ་ཉི་ཐང་སློབ་དཔོན་ཡོན་བདག་རབ་འབྱམས་པ་འདི་ཤེས་རབ་དང་། མདོ་སྔགས་སྦྱངས་པ་ཆེ། ཁྱད་པར་བྱེས་པའི་གྲུབ་མཐའི་དཀའ་གནད་ཐམས་ཅད་ལ་འདྲིས་པར་ཡོད་པས་གདན་དྲངས་པ་འཐད་གསུང་བ་བཞིན། གདན་འདྲེན་

― GLG008_Page_0624 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བས། དུས་མཆོད་ཀྱི་ཐོག་ནས། བྱེས་མཁས་མང་གྲྭ་ཚང་གི་ཆོས་ཀྱི་ཁྲིར་ཕེབས་སོ། །རྙེད་བཀུར་གོ་ས་འདོད་པའི་སྐྱེ་བོ་ལ། །དགུན་གྱི་འབྲུག་སྒྲ་ཇི་བཞིན་སྙིང་པོས་དབེན། །རྣམ་གཡེང་སྤོང་བར་བཞེད་པའི་སེམས་དཔལ་ལ། །འཕྲིན་ལས་དབྱར་གྱི་སྤྲིན་བཞིན་ལང་ལོང་གཡོ། །བློ་གསལ་རྒྱ་མཚོའི་བསྟི་གནས་གསང་ཕུ་དེར། །གནས་ལྔ་རིག་པའི་ང་རོ་ཆེར་བསྒྲགས་པས། །མཁས་མང་རི་དྭགས་དབུས་ན་ཟླ་བྲལ་ཞེས། །འཇིགས་མེད་དབྱངས་དེ་སྲིད་རྩེའི་བར་དུ་སྒྲོག །ཐེག་པ་གོང་འོག་མདོ་འགྲེལ་ཀུན་སྨྲ་ཡང་། །ཐེག་ཆེན་དབུ་མའི་ཚུལ་ལས་མི་འགོང་བའི། །ཐེག་གསུམ་སྟོན་པའི་སེང་གེའི་གདན་ཁྲི་ལ། །ཐེག་མཆོག་ཆོས་ཀྱི་རྒྱལ་པོ་རྣམ་པར་འགྱིང་། །འཆད་ཉན་ཤིན་ཏུ་འཕེལ་བའི་གྲགས་སྙན་གྱིས་ཕྱོགས་མཐའི་མཁས་པ་ཐམས་ཅད་ཀྱང་བྱེས་སུ་འདུས། ཆོས་གྲྭར་བྱང་ཆུབ་མེ་ཏོག་ཤིན་ཏུ་མང་བ་སྐྱེས་པས་འགའ་ཞིག་གིས་བཙུགས་པ་ཡིན་ནམ་ཞེས་ལོག་རྟོག་བྱེད་ནའང་། རྗེ་འདིས་བླ་མ་བཞག་པ་དང་མཉམ་དུ་བྱང་ཆུབ་མེ་ཏོག་ཀྱང་ཆེར་མ་མཆིས་སོ། །ཆུ་ཡོས་ཐམས་ཅད་མཁྱེན་པ་ཡོན་ཏན་རྒྱ་མཚོ་བྱང་ཕྱོགས་ཧོར་གྱི་ཡུལ་ནས་དབུས་ཕྱོགས་སུ་ཆིབས་ཁ་བསྒྱུར། མི་རིང་བར་གཡས་རུ་གཙང་གི་ཕྱོགས་ནས་དཔོན་སློབ་པཎ་ཆེན་རིན་པོ་ཆེ་མཇལ་བར་འབྲས་སྤུངས་སུ་ཕེབས། དེ་ཡང་ཐམས་ཅད་མཁྱེན་པ་ནས་སྔར་རྗེ་དགེ་འདུན་རྒྱལ་མཚན་བར་བཀའ་ཆོས་མང་པོའི་སྙན་འབུལ་གནང་བས། ང་རྒས་པ་དང་དགའ་ལྡན་གྱི་ཁྲི་ལས་ཐོག་པ་ཡིན་པས་བཅར་སྡོད་ཀྱིས་ཆོས་འབུལ་མི་ཐུབ་འདུག །ད་ལྟའི་བཀྲ་ཤིས་ལྷུན་པོའི་པཎ་ཆེན་འདི་སྐུ་ན་

― GLG008_Page_0625 ―

^{[མ་དཔེ་གཟིགས་ན་འདིར་གནོན།]}

[Full Size]

གཞོན་ཞིང་གསན་རྒྱ་ཆེ་བ་ཡོད་པས་བཀའ་ཆོས་གསན་པ་ལེགས་གསུང་བ་སོགས་རྟེན་འབྲེལ་རང་འགྲིག་ཏུ་གྱུར་ནས། སྐྱིད་ཤོད་འབྲས་སྤུངས་ཀྱི་གཟིམས་ཆུང་ཉིད་འོད་དུ་རྗེ་ཡོན་ཏན་རྒྱ་མཚོ་དང་། སེར་འབྲས་ཀྱིས་མཚོན་རང་ཕྱོགས་ཀྱི་སློབ་དཔོན་ཆོས་འཆད་སོགས་མཁས་མང་འདུས་པ་ལ་རྡོ་རྗེ་འཕྲེང་བས་གཙོས་པའི་ཆོས་ཀྱི་འཁོར་ལོ་མཐའ་ཡས་པ་བསྐོར་བ་གནང་སྐབས་རྗེ་འདི་པས་ཀྱང་ཕེབས། མཁས་གྲུབ་ཆེན་པོ་ཨ་བྷྱ་ཡཱ་ཀ་རའི་ཐུགས་དམ་རྡོ་རྗེ་འཕྲེང་བ་དང་སྒྲུབ་ཐབས་རྒྱ་མཚོ་སོགས་གསན། རྗེ་འདི་པ་ཡང་། དཔོན་སློབ་པཎ་ཆེན་རིན་པོ་ཆེར། རྒྱལ་བ་གཉིས་པའི་བསྟན་འཛིན་ཀུན་གྱི་གཙུག་ན་མཁས་བཙུན་བཟང་གསུམ་གྱི་མཛད་པས་མངོན་པར་མཐོ་བས་རིགས་ཐམས་ཅད་ཀྱི་བདག་པོར་གདོན་མི་ཟ་བའི་ཐུགས་མོས་འཁྲུངས། པཎ་ཆེན་རིན་པོ་ཆེ་ནས་ཀྱང་དེ་སྐབས་ཆོས་རྗེ་དམ་ཆོས་དཔལ། བཞུ་ཁང་རབ་འབྱམས་པ། རབ་འབྱམས་པ་ཆོས་གྲགས་རྣམ་རྒྱལ་སོགས་དགེ་བཤེས་གྲགས་ཅན་མང་པོའི་ཁྲོད་ནས། རྗེ་འདི་ལ་སྐྱེས་བུ་དམ་པར་དོན་གྱིས་ངོས་བཟུང་པའི་གཞན་ལས་ཐུགས་རྩིགས་ཆེ་ཞིང་། གཞུང་ལུགས་ཀྱི་དཀའ་གནད་མང་པོ་ལ་དྲི་བའི་ཚུལ་གྱིས་དོགས་གཅོད་ཀྱང་གནང་། དུས་ཕྱིས་སུ་རྗེ་ཕ་བོང་ཁ་པ་དེ་བླ་མ་རྣམ་དག་རང་ཡིན་ཞེས་བསྔགས་བརྗོད་གནང་བ་ལན་མང་ཐོས། མཆོད་གཞིས་ཀྱི་དོན་ཞིག་ལ་སྡེ་པ་གཡུལ་རྒྱལ་བར་ཡང་ཡང་ཞུས་པས་གསལ་ཁ་མ་བྱུང་བས་སྐབས་ཤིག །མི་དབང་མཛད་པ་རྒྱ་མཚོའི་རྦ་ཀློང་དུ། །ལྡོམ་བུའི་ཞུ་ཡིག་ལུས་ཕྲས་སིམ་གྱུར་ན། །གསུང་གི་ཞི་མིན་མཛད་

― GLG008_Page_0626 ―

^{[མ་དཔེ་གཟིགས་ན་འདིར་གནོན།]}

[Full Size]

པས་གང་གི་ཐུགས། །འདོད་དགུར་མཆོད་ལ་ལྷན་སྐྱེས་དགའ་བས་རོལ། །ཞེས་སྙན་ངག་དམ་པ་ཡིག་ཆུང་དུ་འབུལ་བ་གནང་བས། སྡེ་པས་མ་དགོངས་པར་སྐུ་མདུན་བྱང་མ་ནས་ལ་བསྟན་པས་འབྲུ་གཞན་དུ་རྒྱབ་ནས་ཡིག་ཆུང་དེ་མེད་པར་མཛད། རྗེས་སུ་མཇལ་དུས་ཁྱེད་རྫི་ཆུང་བ། དེ་འདྲ་སྡེ་པར་ཕུལ་ནས་ཁོང་ས་བདག་མིན་པ་འདུག་པ་ཨེ་ཡིན་གསུང་། ཡིག་ཆུང་གི་དོན་ནི། རྒྱ་མཚོའི་ནང་དུ་གཟུགས་ཆུང་ཆུང་རྣམས་མི་མངོན་པ་ལྟར། སྡེ་པའི་ཐུགས་བྲེལ་གྱིས་རྗེ་ཉིད་ཀྱི་ཞུ་ཡིག་དབར་དུ་འཁྱམས་ན། གསུང་རྟ་མགྲིན་གྱི་ཞི་བ་མིན་པ་དྲག་པོའི་མཛད་པས་ཁྱོད་ཀྱི་སྙིང་ཟོ་ཞེས་པའི་དོན་ནོ། །རྟེན་འབྲེལ་གྱི་དབང་གིས་སྡེ་པ་ཡང་མ་འགྱངས་པར་གྲོངས། ལར་དཔོན་རིགས་ཡིན་ཀྱང་ཐ་སྙད་ཀྱི་ཡོན་ཏན་རེ་མི་ཤེས་ན་གུ་དོག་གོ །ས་སྤྲེལ་ལོར་ཐམས་ཅད་མཁྱེན་པ་ཡོན་ཏན་རྒྱ་མཚོ་སེ་ར་ཐེག་ཆེན་གླིང་དུ་བཞུགས། རྗེ་འདི་ཉིན་ལྟར་གྱིས་ཕྱག་འབུལ་ལ་ཕེབས་པར། ཉིན་གཅིག་བཀའ་འཕྲོས་ཀྱི་ལྷོངས་ལ། རྭ་པོད་དང་མཁས་གྲུབ་རིན་པོ་ཆེའི་ཁམས་གསུམ་རྣམ་རྒྱལ་གྱི་ལས་ཚོགས་ཀྱི་ལག་ལེན་སོགས་ལག་ཏུ་ཁེལ་མི་ཁེལ་དང་། ཁྱེད་ཀྱིས་ཨེ་ཡོང་གི་དྲི་བ་གནང་བར། ཕེབས་ལན་དུ། ལག་ལེན་གསལ་ཞིང་ཟབ་ཀྱང་། ལག་ཏུ་ལོན་པ་ལ་དབང་ལུང་མན་ངག་མཐའ་དག་ཐོབ་པ། བླ་མ་དང་དམ་ཚིག་གི་སེལ་མ་ཞུགས་པ། བསྙེན་པ་ཚད་དུ་ཐེམས་པ། ལྟ་བའི་རྒྱབ་དང་སྒོམ་པའི་རྩལ་ཡོད་པ་ཞིག་མེད་ན། དོན་མེད་པའམ་རང་ཕུང་པའི་རྒྱུ་ཡིན་པས། ངེད་ཚོས་ཕྱོགས་འགྲོ་ཤེས་ནའང་བྱེད་པ་ཐོག་ཏུ་ཁེལ་དཀའ་ཞུས་པར། སྐུ་གཞོགས་ན་བཞུ་ཁང་རབ་འབྱམས་པ་ཡོད་འདུག་

― GLG008_Page_0627 ―

^{[མ་དཔེ་གཟིགས་ན་འདིར་གནོན།]}

[Full Size]

པས། ཞལ་སྔ་ནས་བྱེས་པའི་དེ་ཐུགས་བདེན་ཞེས་སླར་སྒྲུབ་བྱེད་མང་པོ་གསུང་ཞེས་གནང་། རྒྱུད་གསང་བ་སྙིང་པོ་འདི་སྔར་བཤད་སྲོལ་ཆེས་དར་ཡང་ཕྱིས་སྐོར་རིམ་གྱིས་ནུབ་པའི་ཤུགས་ཀྱིས། བྱང་བདག་པོ་རིན་པོ་ཆེས་ཆོས་རྗེ་ཀརྨ་གུ་རུ་ལ་གསང་སྙིང་གི་བཤད་རྒྱུན་ཡོང་མེད་དྲི་བ་གནང་བར་མེད་ཞུས་པས། ཁྱེད་རྣམས་གདུང་རུས་སོགས་གང་ས་ནས་ཨེ་ཡོད་བསམས་པ་ཡིན། ཞེས་གསུང་ལྕི་བ་ཕེབས། དེ་ཐུགས་ལ་བཞག་ནས། བྲག་སྣ་ཆོས་རྗེར་ཁྱོད་ཀྱི་བུ་ཞིག་གསང་སྙིང་ཤེས་པའི་རིགས་རྩད་ཆོད་ན་ཅིས་ཀྱང་སློབ་པར་ཐོང་གསུངས་པར། རེ་ཞིག་མ་རྙེད། བར་ཞིག་ན་རྗེ་འདི་པས་སློབ་དཔོན་གཞན་ལ་ཞིབ་བཤད་གསན་མ་ཐུབ་ཀྱང་། གསང་བདག་སྒྲོ་ཕུག་པའི་སྔོན་གནས་རྗེས་དྲན་གྱི་མཐུས། གཟིགས་པ་ཙམ་གྱིས་ཟབ་གནད་ཐམས་ཅད་རང་བྱང་ཆུབ་པར་མཁྱེན་པའི་སྙན་གྲགས་བྱུང་བར་དཔགས། ཆོས་རྗེ་ཨུ་རྒྱན་བསྟན་འཛིན་ཆེད་གཉེར་གྱིས་སེ་རར་སྐུ་གཞོགས་སུ་བཏང་། ལམ་ཞོར་ཆད་དཀར་དུ་ཕྱག་འབུལ་ལ་བྱོན་པར། ཁྲིའི་དྲུང་གིས་ཀྱང་གནང་སྦྱིན་སོགས་གནང་སྟེ་ལེགས་པོ་སློབས་ཤིག་ཅེས་དགྱེས་དགྱེས་མཛད། ཁོང་པ་སྐུ་གཞོགས་སུ་སླེབ་ནས་བླ་བྲང་དུ་བཅར་སྡོད་བྱས། ཆོས་ཐོག་གི་སྐབས་རྩེ་གཞག་དངོས་གཞི་རྫོགས་རྗེས་ཆོས་མཐུན་རེ་དང་། ཆོས་འཚམས་ཀྱི་གཟིམས་ཆུང་དུ་གནང་བ་སོགས་གཡུང་འགྲེལ་གྱི་སྟེང་ནས་ཤིན་ཏུ་ཞིབ་ཅིང་མཐའ་ཆོད་པར་གྲུབ་པས་ལེའུ་ལྔ་པ་ཡན་གྱི་ཟིན་བྲིས་ཀྱང་དིང་སང་མཆིས། གླིང་བསེ་བྱེད་སླ་བའི་སྟབས་ཀྱིས་མིག་ལྟོས་རེ་ཕྲད་བྱུང་བར་བརྟེན་གླིང་བསེ་བྱེད་ཁར་དབུ་ཕར་གཉིས་ལ་དམ་བཅའ་ཉི་མ་གསུམ་རེ་དང་

― GLG008_Page_0628 ―

^{[མ་དཔེ་གཟིགས་ན་འདིར་གནོན།]}

[Full Size]

འདུལ་བར་ཉིན་གཅིག་འཇོག་པའི་སྒྲིགས་གནང་བས་བསྟན་པའི་རྒྱུན་ལ་ཆེས་ཕན་པར་བྱུང་། སླར་སེར་འབྲས་ཀྱི་གྲྭ་ཚང་གཞན་རྣམས་ཀྱིས་ཀྱང་དེ་ལ་དཔེ་བྱས་ནས་བཙུགས་སོ། །ཁྱོད་སྔོན་རྒྱུད་རྒྱལ་ཚུལ་ལ་སྦྱངས་པའི་མཐུས། །ཚེ་འདིར་མ་བསླབས་ཕུལ་བྱུང་མཁྱེན་གྱུར་ན། །མཁས་པའི་སྐྱེ་བར་གྲགས་པ་ཕལ་ཆེར་རྣམས། གང་དང་མི་མཚུངས་ཅི་ཡིས་ཉེས་གྱུར་ཏམ། །བློ་བཟང་རྒྱལ་བའི་ཆོས་ཀྱི་རྒྱལ་མཚན་མཆོག །སྒྲེང་ལ་ཟླ་བྲལ་མཁས་དང་དམ་པ་ཁྱོད། ཕན་ཚུན་བསྟོད་ཅིང་བསྔགས་པར་མཛད་པ་དེ། །མཁས་པ་མཁས་པའི་དྲུང་ན་མཛེས་པའི་རྟགས། །སླར་ཡང་པཎ་ཆེན་རིན་པོ་ཆེ་དབུས་ཕྱོགས་སུ་ཕེབས་སྐབས་ཤིག །བདེ་མཆོག་རྩ་རྒྱུད། དུས་འཁོར་བསྡུས་རྒྱུད། དབང་མདོར་བསྟན་རྣམ་འཇོམས་རྒྱུད། རྣམ་རྒྱལ་གཟུངས། བྱམས་པས་དམ་བཅས་པས་གཟུངས། རྡོར་གཅོད། བདེ་མཆོག་དྲིལ་བུ་པའི་མངོན་རྟོགས། ཆོས་རྒྱལ་གསང་བསྒྲུབ་མངོན་རྟོགས། བླ་མའི་རྣལ་འབྱོར། དུས་འཁོར་སྒྲུབ་ཐབས། དཀྱིལ་ཆོག །ཤིས་བརྗོད། སྨོན་ལམ། འཇིགས་བྱེད་ཀྱི་རྒྱུད། ཏེའུ་ལོ་པའི་རྟོག་པ། ཙྪུད་ཚ་ར། ཆོས་རྒྱལ་སྒྲུབ་ཐབས། པདྨ་ཡང་གསང་གི་རྒྱུད། འཇིགས་བྱེད་བདུད་ལས་རྣམ་རྒྱལ་སོགས་ཆོས་མང་དུ་གསན། གྲུབ་ཆེན་ལས་ཀྱི་རྡོ་རྗེའི་སྐྱེ་སྤྲུལ་རྗེ་དྲུང་རིན་པོ་ཆེ་སྐྱིད་ཤོད་ཕྱོགས་སུ་ཕེབས། དེ་ཉིད་འཕྲལ་གྱི་སྣང་ཚུལ་གྲུབ་སྤྱོད་ཤིན་ཏུ་རྩིང་བ་ཞིག་མཛད་པའི་སྟབས་ནས། སྐྱེ་བོ་བློ་དམན་རྣམས་ཀྱི་བློར་ཡང་མི་ཆུད་ཅིང་། ཁྱད་པར་རང་ཕྱོགས་ཀྱི་དྲི་མ་མེད་པའི་བསྟན་པ་རིན་པོ་ཆེ་འདི་ཉིད་

― GLG008_Page_0629 ―

^{[མ་དཔེ་གཟིགས་ན་འདིར་གནོན།]}

[Full Size]

འདུལ་བའི་དང་ཚུགས་གྲུབ་མཐའ་གཞན་ལས་ཁྱད་ཞུགས་པའི་དབང་གིས་རྡུལ་ཁྲོད་ཀྱི་ནོར་བུ་བཞིན་དུ་སྒྱུར་བར་བྱེད་ནའང་། རྗེ་འདི་ཉིད་ཀྱི་ཐུགས་ལ། རྒྱ་གར་གྱི་སློབ་དཔོན་སངས་རྒྱས་ཡེ་ཤེས་ཞབས་ཀྱིས། དེ་ཁོ་ན་ཉིད་སྟོན་པའི་སློབ་དཔོན་བྱི་བའི་ཤམ་ཐབས་ཅན་ཡོད་པའི་བརྡ་བྱུང་བ་ལྟར་བཙལ་བས། དགེ་སྦྱོང་ཆོས་གོས་ཀྱིས་ཐོད་བྱས་ནས་ཞིང་རྨོད་ཅིང་འདུག །རྗེས་སུ་འཛིན་པར་ཞུ་ཞུས་པས། ཁྱིམ་དུ་སོང་ཟེར་ཕྱིན་པས་ཆུང་མ་དང་ཁྱི་མོ་ཞིག་མིན་པ་མི་སྣང་། སླད་ཁོང་རང་སླེབ་ནས་ཞིང་ནས་འཐུས་པའི་འབུ་སྲིན་ཐུ་བ་གང་གཏད་ནས་ཚོས་ལ་ཟོ་ཞིག་ཟེར། ཐེ་ཚོམ་བྱུང་བས། རྟོག་གེ་བ་བྱ་བ་འདི་ག་ཡིན། ཟེར་བའི་མོད་ལ་ཐམས་ཅད་མེད་པའི་འཇམ་དཔལ་རྡོ་རྗེའི་དཀྱིལ་འཁོར་དུ་གྱུར་པ་དང་། ཏེ་ལོས་ནཱ་རོ་ལ་སྤྲུལ་པ་སྣ་ཚོགས་བསྟན་པ་དང་། དགེ་ཚུལ་ཚིམ་བུ་པས་མཛེ་མོ་ཁུར་བས་ཆུའི་དཀྱིལ་ནས་རྡོ་རྗེ་ཕག་མོར་སོང་བའི་ལོ་རྒྱུས་དང་། རྒྱ་གར་ཆུ་བོ་གང་གཱ་ཚུན་ཆད་དུ་རྟོགས་པ་མཐོ་བའི་གྲུབ་ཆེན་གླིང་རས་ཀྱི་རྣམ་ཐར་སོགས་དམ་པའི་མཛད་པ་ལ་མཐའ་རྙེད་པར་མི་ནུས་ཤིང་། ཁྱད་པར་བླ་མ་དེ་རྒྱུད་ཐམས་ཅད་ཀྱི་སྡུད་པ་པོ་ལག་ན་རྡོ་རྗེའི་སྤྲུལ་པར་ཐུགས་ཀྱིས་ངེས་པ་རྙེད་ནས་ཡོངས་འཛིན་དུ་བསྟེན། ཞལ་རྣམ་འགྱུར་བཞིའི་རྗེས་གནང་། དྲག་པོ་དམར་ཆེན་གྱི་དབང་། མགོན་པོ་ཨ་གྷོ་ར། འཛམ་ལ་དམར་པོའི་རྗེས་གནང་། མགོན་པོ་ར་ཐོད། ཀླུ་སྲུང་། དབྱུ་གུ་སྤུན་གསུམ། ཧྲི་དམར། རྣམ་སྲས་མདུང་དམར་གྱི་ལས་ཚོགས། ཀུན་མཁྱེན་མུ་སྤྲས་པ་ལུགས་ཀྱི་ཞལ་གྱི་ཆོས་སྐོར། གཞན་ཡང་མ་གཤིན་སོགས། བདག་པོ་རིན་པོ་ཆེ་

― GLG008_Page_0630 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རྗེ་འབྲི་ཁུང་གཉིས་ནས་བརྒྱུད་པའི་ཆོས་བཀའ་མཐའ་ཡས་པ་གསན། ཕྱིས་ཀྱང་རྒྱལ་བ་ཀུན་གྱི་མཐུ་སྟོབས་ཀྱི་དབང་ཕྱུག་ཡིན་ཞེས་བསྔགས་བརྗོད་མང་དུ་གནང་། གཞན་ཡང་གུང་རུ་དབྱངས་དཔོན་པ་དཔལ་ལྡན་གྲགས་ཞེས། བདག་པོ་ཡབ་སྲས། ཆོས་རྗེ་དྭངས་མ་བ། ཡུག་ནས་སོགས་བླ་མ་མང་དུ་བསྟེན་ནས། ཆོས་ཚིགས་བཅད་རེའི་ཕྱིར་དཀའ་བ་མང་དུ་སྤྱད་པའི་གསང་སྔགས་འཆང་བ་དེ་ཉིད་རྒྱུན་བཞུགས་ས་ར་རྩེར་མཛད་པའི་སྟབས་ཀྱིས་འཕྲལ་འཕྲལ་བླ་བྲང་དུ་བྱོན་ནས་ཆོས་ཀྱི་གསན་གླེང་ཇི་སྙེད་ཅིག་མཛད་དོ། །ཡང་ཟབ་ནོར་བུ་དབང་གི་རྒྱལ་པོ་ཆེ། ཁྱོད་ཐུགས་བཻཌཱུར་དཀར་པོའི་དཔལ་བེའི་མཛོད། །ཡོངས་གང་མི་ཟད་ཐེག་མཆོག་འདོད་དགུའི་ཆར། །སྐུ་གསུམ་དཔག་བསམ་ལྗོན་འབྲས་དང་བའི་དཔྱིད། །ཇོ་ནང་སྤྲུལ་སྐུ་ཀུན་དགའ་སྙིང་པོ་ཤུན་ཞབས་དྲུང་སོགས་ཀྱིས་གདན་དྲངས་ནས་དབུས་སུ་ཕེབས་དུས་དགའ་ལྡན་ཁང་གསར་དུ་བཞུགས་འདུག་པར། བཀའ་འབྲེལ་མང་དུ་གསན་བཞེད་ནས་ཕེབས་ཀྱང་ཐུགས་བྲེལ་གྱི་སྟབས་ནས་མཇལ་ཁ་དང་ཆོས་འབྲེལ་ཡོད་ཙམ་ལས་མ་འགྲུབ། དཔལ་ས་སྐྱའི་ཁྲི་ཆེན་བསོད་ནམས་དབང་པོ་ལྷ་སར་ཕེབས་སྐབས། ས་སྐྱའི་སྙན་རྒྱུད་སོགས་ཟབ་ཆོས་མང་ཞིག་གསན་པར་བཞེད་ནས་ཉན་ལེན་ཞིག་གནང་ཡང་། ཁོང་དཔོན་སློབ་མྱུར་སྟབས་ཀྱིས་ཕེབས་པས་སྟབས་མ་འགྲིག །ཐམས་ཅད་མཁྱེན་པ་ཡོན་ཏན་རྒྱ་མཚོ་ཐེག་ཆེན་གླིང་དུ་བཞུགས་དུས་ཤིག །བདག་པོ་དབོན་རིན་པོ་ཆེ་ཕེབས། རྗེ་འདིས་དབྱངས་དཔོན་པ་བརྒྱུད་ནས། བྱེས་བླ་བྲང་དུ་ཞག་ཤས་ཀྱི་བཞུགས་ཡུལ་དང་། རྟ་མགྲིན་ཁང་གི་ཕུར་མཇལ་སོགས་

― GLG008_Page_0631 ―

^{[མ་དཔེ་གཟིགས་ན་འདིར་གནོན།]}

[Full Size]

གནང་། འདོད་ཆོས་ཅི་རིགས་ཀྱི་སྙན་གསན་ཕུལ་བས། །ཐུགས་དགྱེས་དགྱེས་དང་བཅས་ཞལ་བཞེས་མཛད་ཀྱང་། བྱང་འགྲུལ་ཚན་ཆེན་སླེབ་པ་དང་འགྲིག །ཐམས་ཅད་མཁྱེན་པ་འབྲས་སྤུངས་སུ་ཕེབས། ཁོང་དཔོན་སློབ་ཀྱང་འབྲས་སྤུངས་ནས་རྫོང་བརྡ་བྱེད་ཅེས་འཕྲལ་འབྱོན་དགོས་བྱུང་བས་དེ་རེས་འགྱངས་སོ། །བཤེས་གཉེན་བསྟེན་ལ་བརྩོན་པའི་མཛད་པ་ལ། །སྐབས་འགར་རྟེན་འབྲེལ་ཅུང་ཟད་མ་འཛོལ་ན། །ཡོངས་འཛིན་ཕྱོགས་ལ་དད་དུངས་མེད་པའི་མིས། །མ་ཎིའི་བཟླས་ལུང་ཙམ་ཡང་ཐོབ་མི་འགྱུར། །ཉོན་མོངས་སྤངས་ཀྱང་ཆོས་ལ་སྲེད་པ་འཕེལ། །སྡོམ་ཁྲིམས་དག་ཀྱང་ཟབ་དོན་མ་བྱིན་ལེན། །ཞི་ཞིང་དུལ་ཡང་བག་མེད་དགྲ་ལ་སྡང་། །ཐོས་ནོར་མང་ཡང་ཆོག་ཤེས་ངོམས་པ་མེད། །སྐབས་ཤིག་གྲོང་སྨད་དུ་མི་ཞིག་ལ་གདོན་ཤིན་ཏུ་ཆེ་བ་ཞིག་བཏབ་བྱུང་ཟེར་ནས་ནམ་ཕྱེད་ཙམ་ན་གདན་འདྲེན་པ་བྱུང་བས། དོ་ནུབ་མུན་པའི་སྟབས་ཀྱིས་ཡོང་མི་ཐུབ་པར་འདུག །རྟ་སྒ་ཐོད་ལ་ཁ་གྲོང་སྨད་ཕྱོགས་སུ་ཐོང་ལ་ཞོག །ཁྱོད་རང་ལོག་གསུང་གདན་འདྲེན་པ་སློག་པས་མི་དེ་ཕྱིར་སླེབ་ཙ་ན་ནད་པ་དྲག་འདུག་ཟེར། དེ་ནི་དམིགས་པ་གར་གཏད་ལ་ནུས་པའི་རྩལ་འབྱིན་པའི་རྟགས་སོ། །ཆོས་འཚམས་ཚོར་བསྟན་རྩིས། འཕྲུལ་སྣང་གཙུག་ལག་ཁང་གི་དཀར་ཆག །གསང་འདུས་སྨོན་ལམ། ས་གསུམ་མ། ཇ་མཆོད་ཀྱི་ཊཱི་ཀ །རབ་གནས་ཀྱི་དོགས་དཔྱོད་སོགས་ལེགས་བཤད་ཀྱི་ཐུགས་རྩོམ་མང་དུ་གནང་བར་ཁམས་ནས་བ་སོ་སྤྲུལ་སྐུ་དང་ཤེས་དབང་སྤྲུལ་སྐུ་སོགས་རིམ་གྱིས་བྱོན། བྱེས་གྲྭ་ཚང་དུ་སློབ་གཉེར་མཛད་སྐབས་

― GLG008_Page_0632 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་སྲེག་ཞིག་གི་སར། རྟ་ཚག་རྗེ་དྲུང་ཆེད་གཉེར་གྱིས་འབོད་པ་གནང་། ཁོང་གིས་ཕྱག་ལེན་ལ་མ་བལྟས་པར་མནལ་བས། རྗེ་ཉིད་ཐུགས་རྒྱལ་བཞེངས་ཏེ། ང་སྦྱིན་སྲེག་མགོ་མ་ཐོན་པར་ཁྱེད་བོས་པ་མིན། ཁྱེད་རང་ལ་རྗེས་སུ་ཕན་དུ་རེ་བ་ཡིན་ཞེས་བཀའ་བཀྱོན་གསུང་། དེ་ཙམ་གྱིས་ཀྱང་གཟུར་གནས་ཀྱི་སློབ་མའི་རིགས་ལ་མི་དགེ་བའི་རྟོག་པ་བྱུང་རེས་ཀྱིས་བཀའ་དེ་དྲན་ནས་ཟིལ་ཆུམ་པ་རེ་འོང་རིགས་སུ་འདུག །ཤེས་དབང་སྤྲུལ་སྐུ་དང་ལྷན་དུ་ལྷ་སར་རྡོ་རྗེ་འཛིན་པ་ཆེན་པོ་པཎ་ཆེན་རིན་པོ་ཆེའི་སྐུ་གཞོགས་སུ་བ་རི་བརྒྱ་རྩ་ཡོངས་སུ་རྫོགས་པ་གསན། བྱེས་གྲྭ་ཁང་གི་ལོགས་བྲིས་གནང་དུས། པདྨ་ཡང་གསང་བཀའ་སྲུང་དང་བཅས་པའི་སྟབས་ཀྱིས་གཉན་པས། འབྲོམ་སྟོད་སྔགས་འཆང་གིས་རི་མོ་བའི་གཙོ་བོ་བྱས། རྗེ་ཉིད་ཀྱིས་སྐུ་བརྙན་རྣམས་ལ་ཡེ་ཤེས་སེམས་དཔའ་དངོས་སུ་བཅུག་ཅིང་། ཁྱད་པར་ཐིག་དང་སྐྱ་རིས་ལ་རབ་གནས་མཛད་པ་ཙམ་གྱིས་མཆོད་མེ་འཛིན་པ་སོགས་ངོ་མཚར་བའི་ལྟས་མང་དུ་བྱུང་ཞིང་གེགས་མེད་པར་གྲུབ། ཕྱིས་སྐོར་ལོགས་བྲིས་བྱས་པ་རྣམས་ལ་དྲང་སྲོང་གི་གནོད་པ་སོགས་བྱུང་ཟེར། སྐབས་ཤིག་གཞིས་ཀ་སྣེའུར་རྗེ་འདི་པ་ཕེབས། རབ་གསལ་སྒོ་མངས་བསྒྲིགས་པའི་ཐེམ་པ་ཡོད་སར་བཞུགས་པར། གསོལ་ཇ་འདྲེན་མཁན་ལ་ཁྱེད་རྐང་པ་ཐེམ་པའི་ཁར་ཞོག་མཛོད་ཐེམ་པས་མཚམས་ཆོད་ན་བྱིན་ལེགས་མི་ཆགས་ཞེས་བཅས་པ་ཕྲ་མོར་ཡང་འཛེམ་པ་གནང་། ཕྱིས་སྐུ་གཞོགས་སུ་བསྡད་སྐབས་ཀྱང་སྡོམ་པ་གསུམ་གྱི་བཅས་པ་དང་འགལ་བའི་མཛད་པ་མངོན་པ་ནི་ཅུང་ཟད་ཀྱང་མ་མཆིས་སོ། །འདི་དུས་གསར་འགྲུལ་

― GLG008_Page_0633 ―

^{[མ་དཔེ་གཟིགས་ན་འདིར་གནོན།]}

[Full Size]

མང་དུ་སླེབ་ཅིང་། རྨ་ཆེན་སྤོང་རའི་འགུལ་གྱི་ཁྲབ་ཅེས་བྱ་བའི་ས་ནས་དཔལ་རྡོ་རྗེ་འཇིགས་བྱེད་ཀྱི་རྣལ་འབྱོར་པ་དགེ་སློང་ཤཱཀྱ་རྒྱལ་མཚན་གྱིས་དབུས་སུ་འོང་བ་ལ་བར་ཆད་མེད་པར་འགྲུབ་པའི་དོན་དུ་ཟླ་བ་གསུམ་མཚམས་བཅད་དེ་ལྷ་ལ་གསོལ་བ་བཏབ་པས། མཚམས་འགྲོལ་ཁར་ད་ཆ་མྱུར་དུ་འགྲུལ་ཚན་མང་བར་འགྱོགས། ཁྱོད་བར་ཆད་མེད་པར་བྱམས་ཆེན་ཆོས་རྗེའི་སྐུ་སྐྱེ་དང་མཇལ། དོན་འགྲུབ་ཅེས་ལུང་བསྟན་པ་དང་། གཉིད་སད་པ་དུས་མཚུངས་སུ་བྱུང་། དེ་འཕྲལ་གསར་བརྡ་བྱུང་བས་ཡིད་ཆེས་ཏེ་ཐེ་ཚོམ་མེད་པར་འོངས། འདམ་དང་སེར་འབྲས་ཚོར་གྲྭ་པ་རྣམས་ལ། བླ་མ་འདི་དང་འདི་བྱམས་ཆེན་ཆོས་རྗེའི་སྐུ་སྐྱེ་ཨེ་ཡིན་ཞེས་དྲིས་པས། སྒྲོས་པ་མེད་ཟེར། སྔར་ལུང་བསྟན་ཡོད་པ་མི་བསླུ་ལ་ཆེ་སྙམ་པའི་ངང་ནས་སེ་རའི་མང་ཇ་སྐོལ་བའི་དུང་གཏོང་ཁར་རྨི་ལམ་དུ། ད་ནང་ཁྱོད་ཀྱི་བླ་མ་བྱམས་ཆེན་ཆོས་རྗེའི་སྐུ་སྐྱེ་དེདང་མཇལ་ཡོང་བས་སེམས་དགའ་བར་གྱིས་ཟེར། སྤོས་བསྐོར་ལ་ཡོངས་པ་དང་། རྗེ་འདི་པ་མཐོང་མ་ཐག་རྨི་ལམ་དུ་བྱུང་བ་དང་ཁྱད་མི་འདུག་ཟེར་རབ་ཏུ་དགའ་བའི་རྣམ་འགྱུར་དང་བཅས་འཕྲལ་འཕྲལ་འོངས་ནས་ཆོས་དུ་མ་དང་། བསྙན་རྫོགས་ཀྱི་སློབ་དཔོན་ཞུས་སོ། །ལྷ་ལྡན་གྱི་ཚེས་བཅུ་པ་ཁག་ལ་བླ་མའི་དབང་གནང་བས་དམ་རྫས་ཀ་པཱ་ལའི་ནང་ནས་ཁོལ་ཞིང་ལུད། དབུས་གཙང་དང་མདོ་སྟོད། མདོ་སྨད། རྒྱ་ཧོར་སོགས་སྐྱེ་དགུ་མང་པོར་གསང་བདེ་འཇིགས་གསུམ་སོགས་འདོད་ཆོས་ཇི་སྙེད་སྩལ། ཚལ་དང་ལྷ་ས་སོགས་སུ་ཆོས་བར་བཏེག་པས། སྤྱིར་གྲྭ་ཚང་བཟང་བ་དང་། ལྷག་ཏུ་རྗེ་ཉིད་ཀྱི་ཐུགས་

― GLG008_Page_0634 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའི་མཐུས། ལུགས་གཉིས་ཀའི་གདུལ་བྱ་འཕྲིན་ལས་ས་འུར་ལ་སོང་། སྐབས་ཤིག་སྟོད་རྒྱུད་པ་དང་ལྷན་དུ་ལྷ་སར་འཛོམ་པར། འདི་ཕྱི་གཉིས་ཀའི་སྐྱབས་གནས་ཞུ་བའི་ཕྱིར་དུ་ཕོགས་ཇ་ཚུལ་འབུལ་ནོད་སོགས་བྱས་པ་བཟང་བར་བྱུང་བས། འགའ་ཞིག་མདོ་ལས་སྔགས་སྡེ་རྐྱེན་སེལ་ཡར་འདྲེན་གང་ལ་ཡང་། འཇིག་རྟེན་པ་རྣམས་མོས་པར་བྱེད་ནའང་། ད་རེས་རྒྱུད་པ་དང་བྱེས་པ་གོ་ལོག་པ་འདི་ཅི་ཡིན་ཞེས་མང་དུ་གླེང་། ལ་ལ་བྱེས་པའི་བླ་མ་ཡོན་བདག་རབ་འབྱམས་པ་འདིས་དབང་སྡུད་བཞིན་བྱས་སམ་ཞེས་ཟེར་བ་ཡང་བྱུང་མོད། བླ་མ་འདི་ཉིད་ཀྱིས་དབང་སྡུད་སོགས་ལས་རབ་འབྱམས་ཀྱང་ཇི་སྙེད་ཅིག་མཁྱེན་པའི་ཀློང་དུ་གསལ་ཡང་། གནས་སྐབས་ཀྱི་ཟང་ཟིང་ཕྲ་མོའི་ཆེད་དུ་ལས་སྦྱོར་གནང་བའི་ཐུགས་འདུན་ཙམ་ཡང་ག་ལ་མཆིས། དེ་ནི་སྔོན་ཕོ་བྲང་སྣེའུ་གདོང་རྩེར་རྒྱལ་བ་ཙོང་ཁ་པ་ཕེབས་དུས་འཕྲིན་ལས་ཧ་ཅང་ཆེ་བས། མཁན་ཆེན་སེང་རྒྱལ་བའི་ཐུགས་ལ་དབང་སྡུད་རང་ཞིག་ཡོད་སྙམ་ནས། བཞུགས་གྲལ་དུ་དེ་སྐོར་གྱི་དྲི་བ་ཞུས་པར། རྒྱལ་བ་གཉིས་པས་རྒྱུད་ནས་བཤད་ཚུལ་མང་པོ་ཞིག་གསུངས་རྗེས། དབང་སྡུད་ཀྱི་གཙོ་བོ་ནི་བྱང་ཆུབ་ཀྱི་སེམས་ཡིན་བཀའ་ཕེབས་པར་གྲགས་པ་ལྟར། རྗེ་འདི་ཉིད་ཀྱི་ཡང་ལྷག་པའི་བསམ་པ་རྣམ་པར་དག་པའི་མཐུའོ་སྙམ་མོ། །དཔྱིད་དུས་ས་བོན་མ་བཏབ་སྟོན་གྱི་ཚེ། །འབྲས་བུའི་ལོངས་སྤྱོད་འདོད་པའི་སྐྱེ་བོ་བཞིན། །རླབས་ཆེན་སྦྱིན་པའི་སྐྱེད་བྱེད་མི་ལྡན་པར། །ཟང་ཟིང་ལོངས་སྤྱོད་འདོད་པ་འཁྲུལ་པའི་མཚང་། །ལེགས་བྱས་ཕུང་པོའི་ཆུ་ཡི་ལྕིད་ཀྱིས་ནོན། །མཁས་གྲུབ་སྒྲ་བརྒྱ་ལྷག་

― GLG008_Page_0635 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་གློག་འཁྱུག་ཚེ། །རྣམ་མང་བདོག་པའི་གྲུ་ཆར་འབེབས་མི་འབེབས། སྐྱེ་དགུའི་ནམ་མཁར་རང་དབང་ཇི་ལྟར་ཡོད། །ཆོས་ཚུགས་པའི་སྐབས་དང་། གཞན་དུ་ཡང་ཕྱོགས་མཐའི་དགེ་བཤེས་དུ་མ་སྐུ་གཞོགས་སུ་འདུས་ཏེ་དཀའ་གནད་ཀྱི་དོགས་གཅོད་དྲི་ལན་མཐའ་དཔྱོད་སོགས་གནང་ཚེ། སྐུ་ཚེ་ཧྲིལ་པོར། རྒྱ་གར་གྱི་རྒྱན་དྲུག་མཆོག་གཉིས་རྗེས་འབྲང་བཅས་པ་དང་། བོད་ཡུལ་གྱི་ཆ་གཙང་སོགས་ཀྱི་བསྟན་བཅོས་ཁོ་ན་ལ་སྦྱངས་པ་མཛད་པ་ཞིག་ཡིན་པར་འདུག་སྙམ་པའི་མཚན་ཉིད་པ་མཐའ་དག་གིས་སྟོན་པར་འཛིན། རྒྱུད་སྟོད་སྨད་ཀྱི་མཁས་པ་རྣམས་འདུས་ཏེ་རྒྱུད་སྡེ་བཞིའི་སྐོར་ལ་རྒྱལ་བ་གཉིས་པའི་གསུང་རབ་དང་བསྟུན་པའི་གཟབས་བཤད་ཀྱིས་གསང་སྔགས་ཁོ་ན་ལ་སྦྱངས་ཤིང་མཁས་པ་ཞིག་ཡིན་པར་འདུག་སྙམ་པའི་རྟོག་པ་དང་བཅས་ཏེ་རྡོ་རྗེ་སློབ་དཔོན་ཆེན་པོར་བྱེད། རང་གཞན་གྱི་སྒོམ་ཆེན་དབུ་མ། ཕྱག་རྫོགས། ཞི་བྱེད། གཅོད་ཡུལ་བ་སོགས་དུ་མ་དྲུང་དུ་འདུ་བ་རྣམས་སོ་སོའི་གེགས་སེལ་བོགས་འདོན་དཔྱིས་ཕྱིན་པར་མཛད་པས། ཚེ་དང་སྒྲུབ་པ་མཉམ་པའི་རྟོགས་པའི་དོན་མངོན་དུ་གྱུར་པ་ཞིག་ཡིན་པར་འཛིན། སྒྲུབ་འཕྲིན་ཕྱག་བཞེས་དོན་དུ་གཉེར་བ་རྣམས་ནི་ལག་ལེན་གྱི་དཀའ་གནད་ཕྲ་མོ་རྣམས་ཀྱང་འཛུབ་བཙུགས་སུ་སྟོན་པས། ར་ལོ་ཙཱ་བ་རྡོ་རྗེ་གྲགས་དང་། བསེ་སྟོན་ཉི་མ་བཟང་པོ་ལྟ་བུའི་རིགས་སྔགས་འཆང་བ་དང་མཚུངས་པར་ལྟ། བརྡ་སྤྲོད་སྙན་ངག་སོགས་ཐ་སྙད་རིག་པ་བ་རྣམས་ལ་འཕགས་ཡུལ་གྱི་ཙནྡྲ་གོ་མི་དང་། བོད་ཡུལ་གྱི་དཔང་ལོ་ཙཱ་བ་བློ་གྲོས་བརྟན་པ་ལྟ་བུའི་རྣམ་ཐར་སྟོན། མདོར་ན་ཆོས་གང་དང་གང་ལ་ཡང་

― GLG008_Page_0636 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་མཁྱེན་ཅེས་བྱ་བ་མ་གཏོགས་མི་འབྱུང་པས། ཤེས་བྱ་ཐམས་ཅད་མཁྱེན་པ་ཞེས་བྱ་བའི་སྒྲ་བཤད་ནི་བླ་མ་འདི་ཉིད་ལ་ཚང་བར་མངོན་ནོ། །ཨེ་ནས་སྲིད་སྒྲུབ་གཉིས་པ་འདྲ་བའི་བོན་རྩིས་པ་སློབ་དཔོན་ནོར་བུ་དང་གཉལ་པ་སྔགས་འཆང་བ་གཉིས་སྐུ་གཞོགས་སུ་བསྡད་ནས། རྩིས་དང་ཡི་གེའི་སྐོར་སོགས་ཞལ་བཀོད་གནང་སྟེ། དབྱངས་གསལ་ཀླག་ཐབས་ཀྱི་རིའུ་མིག །རྡོ་རྗེ་རྣམ་འཇོམས་ཀྱི་སྔགས་འཁོར་སོགས་བྲིས་རིམ་གྱིས་ཞུས་དག་དང་། རྩིས་དཀར་ནག་གི་ཕྱག་དཔེ་རྣམས་ལ་ཡང་དག་ཐེར་གནང་། འཆད་ཉན་འཕེལ་བའི་སྟབས་ཀྱིས་ཕྱིས་སྐོར་གྲྭ་ཚང་གི་སློབ་དཔོན་དུ་འཁོད་པའི་རབ་འབྱམས་པ་བྱམས་པ་སྨོན་ལམ། རབ་འབྱམས་པ་འཕྲིན་ལས་བསམ་གྲུབ། རོང་པ་རབ་འབྱམས་པ་བསོད་ནམས་བཀྲ་ཤིས། རྩེས་ཐང་རབ་འབྱམས་པ། གསང་སྔགས་མཁར་གྱི་གཞི་པ་བླ་མ་ངག་དབང་རྡོ་རྗེ་སོགས་དགེ་བཤེས་གྲངས་ཀྱིས་མི་ལང་བ་ལྟ་བུ་བྱུང་། འོན་ཀྱང་རོང་པ་རབ་འབྱམས་པ་སོགས་དྲེད་པོ་ཆོས་རྒྱུས་མཁན་དུ་མ་དང་། ཚ་བ་དགེ་རྒན་སོགས་ཅི་རིགས་ཀྱིས་རང་རྒྱུད་ཉོན་མོངས་ཁ་རྒྱལ་དུ་ཤོར་བའི་བྱེད་སྤྱོད་དང་མ་མཐུན་པ་རྟགས་སུ་བཀོད་ནས་བླ་མའི་མཛད་པ་ཐམས་ཅད་ལ་ལོག་པར་བལྟས། ཐུགས་སུན་མང་དུ་ཕྱུང་། དེ་ནི་སྔོན་ཡང་ལོ་ཙཱ་བ་སྐ་བ་དཔལ་རྩེགས་སུ་འཁྲུངས་ཚེ། རྒྱ་གར་ནས་པཎ་ཆེན་བ་མ་ལ་མི་ཏྲ་གདན་དྲངས་ཏེ་བསམ་ཡས་སུ་བྱོན་ནས། བཙན་པོ་མཉེས་སུ་རེ་བར། སྡིག་བློན་འགའ་ཞིག་གིས་རྒྱལ་པོར། ལོ་ཙཱ་བས་ཁྲིད་ཡོངས་པ་དེ་པིཎྜ་ཏ་གཤའ་མ་མིན་པར་འདུག །བོད་ཕུང་བའི་ངན་སྔགས་མཁན་པོ་ཡིན་ཟེར་ཕྲ་མ་

― GLG008_Page_0637 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུས་ནས་རེ་ཞིག་པཎ་ཆེན་དང་རྒྱལ་པོ་མཇལ་བའི་གེགས་བྱས། ལོ་ཙཱ་བ་བཞིན་གནགས་སུ་བཅུག་པས། དེ་དུས་གནོད་པ་བྱས་པའི་འཕྲོ་ལུས་པའི་ལྷག་ལ་སྤྱོད་ཕྱིར་སྐྱེ་བ་བླངས་པར་གདོན་མི་ཟའོ། །སྤྲིན་བྲལ་འབྲས་ལྡན་དུས་ཀྱི་ལྷ་ལམ་ངོས། །རྟ་བདུན་དབང་པོའི་དཀྱིལ་འཁོར་ཤར་བ་དེས། །ཨུཏྤལ་ནགས་ཀླུང་རྒྱས་པར་བྱེད་པ་ལ། །དཔག་ཚད་དུ་མས་འགྱངས་པར་བལྟོས་པ་ཅི། །བོད་དང་བོད་ཆེན་རྒྱ་ཧོར་ཡུལ་གྲུ་ནས། །མཆོག་དམན་འགྲོ་བའི་ཡིད་ཀྱི་གཉིས་འཐུང་སྣར། །རྣམ་པར་ཐར་པའི་ལྕགས་ཀྱུ་འདེབས་པ་པོ། །མེད་ཀྱང་བཏབ་པ་བཞིན་དུ་ངང་གིས་འདུ། །རྒྱུ་མཚན་མེད་པར་ཆུ་ཀླུང་ཆེན་པོའི་ཚོགས། །རྒྱུན་ཆད་མེད་པར་འབབ་ན་སེམས་ལྡན་ཀུན། །བསྟེན་པས་ཐར་པའི་གོ་སར་འཁྲིད་བྱེད་པའི། །དམ་པའི་རྗེས་སུ་འཇུག་ལ་ཅིས་མི་བྲེལ། །ཟས་གཙང་སྲས་དང་མཚོ་སྐྱེས་རྡོ་རྗེར་ཡང་། །མུ་སྟེགས་བོན་བློན་ངན་པས་གཤེ་བྱེད་ན། །དུས་ངན་འདི་ན་རྒྱལ་སྲས་སྤྱོད་པ་ལ། །བདུད་རིགས་སྡང་བ་རང་གི་ངང་ཚུལ་ཡིན། །སྲ་བརྟན་བཟོད་པའི་གོ་ཆ་དང་། །སྙིང་རྗེའི་རལ་གྲི་རྣོན་པོ་ཡིས། །ཞེ་སྡང་དགྲ་བོ་གཞོམ་བྱེད་པ། །ཁྱོད་ལ་སུ་ཡིས་ཅི་བྱར་ཡོད། །དེ་ནས་མཁྱེན་དཔྱོད་ཀྱིས་ཕྱིའི་དུས་རྟགས་འགྱུར་བ་སོགས་དགོངས་ཤིང་། །ཐུན་མོང་བའི་གདུལ་བྱའི་ངོར་མོ་རྩིས་གནང་བ་ལྟར་སྟོན་ཡང་། དོན་དངོས་པོར་མངོན་པར་མཁྱེན་པ་ཉིད་ཀྱིས་དུས་མི་བདེ་བ་འོང་བར་དགོངས་ཏེ། རི་ཁྲོད་དུ་ཐེགས་རྩིས་ཀྱིས་གདན་ས་རྩིས་སྤྲོད་པར་ཐུག་པ་ན། འགའ་ཞིག་ནི་བསྟན་པའི་དོན་དུ་ཞེ་ཐག་པ་དང་། ཁ་ཅིག་ནི་མཛེས་

― GLG008_Page_0638 ―

^{[མ་དཔེ་གཟིགས་ན་འདིར་གནོན།]}

[Full Size]

མཛེས་དང་། ལ་ལ་ནི་འཇིག་རྟེན་མི་མཁྱེན་པ་ལ་མཛད་དགོས་པར་ཉེ་བའི་མནད་མནད་ཀྱི་སྒོ་ནས་གསོལ་བ་བཏབ། རྟ་ལོའི་བར་འཆད་ཉན་གྱི་འཕྲོ་སྐྱོང་གནང་དགོས་བྱུང་། མེ་སྦྲུལ་མཇུག་ཏུ་ཁར་ཁ་ཚེ་ཁུར་དཔོན་པོ་སོགས་དམག་དང་འགྲུལ་པ་གཏོས་ཤིན་ཏུ་ཆེ་བ་སླེབ། དེ་སྐབས་འཇིག་རྟེན་གྲགས་པའི་རྗེས་སུ་འབྲང་བ་མང་པོ་ཞིག་སྡེ་གཟར་གྱི་འདོད་པ་མངོན་དུ་གྱུར། རྗེ་འདི་ཉིད་ནི། སྤྱིར་ཡང་སེར་དམག་མི་འོས་ཤིང་། ཁྱད་པར་དབྱངས་འཆར་སོགས་ནས་ཀྱང་དོན་དུ་མི་འགྱུར་བ་ཞིག་གཟིགས། དེ་ཡང་སྔོན་འཕགས་སྐྱེས་པོས་ཤཱཀྱ་བདུན་ཁྲི་བདུན་སྟོང་བསད་པ་རྒྱལ་བ་ཤཱཀྱ་ཐུབ་པས་ཀྱང་བཏང་སྙོམས་སུ་གཞོལ་བ་ལས་ཐབས་མ་བྱུང་བ་ལྟར། སེམས་ཅན་གྱི་ལས་ཀྱི་འབྲས་བུ་མངོན་དུ་གྲུབ་ཟིན་པ་རྒྱལ་བ་རྣམས་ཀྱིས་ཀྱང་ཟློག་མི་ནུས་པས། དཔོན་སློབ་པཎ་ཆེན་རིན་པོ་ཆེས་ཀྱང་ཐུགས་དབང་འདུས་པའི་ངེས་པ་མི་འདུག་ནའང་། འགལ་བ་མེད་པར་དགོངས་ཏེ་འབྲས་སྤུངས་སུ་ཕེབས་ནས། དུས་རྟགས་རྟེན་འབྲེལ་སོགས་ཀྱི་སྙན་འབུལ་ཞུས། ས་རྟ་ལྷ་ས་སྨོན་ལམ་གྱི་སྲོད་སྐོར་ཞིག་གི་སྐབས་ཕན་བདེ་ལེགས་བཤད་གླིང་གི་སློབ་དཔོན་པ་རྟའུ་རི་ཁྲོད་པ་ཕུན་ཚོགས་བཟང་པོ་དང་མཉམ་དུ་བྱུང་བས་གསུང་འཕྲོས་ཞིག་གི་མུས། ཁོང་གི་ངེད་ཚོ་ད་ལོ་པཎ་ཆེན་རིན་པོ་ཆེའི་ཕྱགས་ཕྱིར་མངའ་རིས་ལ་འགྲོ་རྒྱུ་ཡིན་ཞེས་ཟེར་བས། ཁྱེད་རྣམས་བསོད་ནམས་ཤིན་ཏུ་ཆེ། ད་ལོ་ངེད་འདི་ཕྱོགས་སུ་སྡོད་མི་རྣམས་ནི་ཆགས་སྒོ་རང་ཆེ་གསུང་། དེ་ནས་རིམ་གྱིས་སྡེ་གཟར་གྱི་སྒོ་དོད་དེ། དགའ་ལྡན་ཕོ་བྲང་སོགས་ནས་བཤོལ་བ་འགབ་ཚུལ་མཛད་ཀྱང་། གཙང་སྲིད་ལ་འཕུལ་བས་མཐོང་ཕྱོགས་ཀྱིས་ཉན་འཇོག་མ་བྱས། དེ་མཚུངས་

― GLG008_Page_0639 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་འདི་པས་ཆོས་མཐུན་གྱི་བཀའ་ཕེབས་པར། སྤྲེ་རྒན་རྣམས་ཀྱིས་མི་བཟུང་ནས། །མཇུག་མ་མེད་ཅེས་བཞད་གད་བྱེད། །ཅེས་པ་ལྟར། ཐམས་ཅད་ཀྱི་བློ་ལ་མ་བབས་པའི་གྲོས་པའི་དཀྱིལ་ནས་སྐྱར་ཕུད་ལ་བཏང་བས་འཆད་ཉན་འཇོག་རྩིས་ཀྱིས་སྐུ་ཆས་རྣམས་འགའ་རུ་ཁང་དུ་བསྐྱལ། སྐུ་དངོས་བླ་བྲང་ནས་ཕེབས་མ་གྲུབ་གོང་དུ། ལྷ་སའི་གཡུལ་འཁྲུག་སྐབས་ཚང་མས་མ་བཞག་པས་ལྷ་སར་ཕེབས། སྲོག་སྐྱབས་འདྲ་ཨེ་འོང་གི་རྩིས་གནང་ཡང་། ཚུར་མཐོང་གི་སྐྱེ་བོ་ཞེ་སྡང་གི་རང་བཞིན་ཅན་རྣམས་སྲོག་གཅོད་པ་ཁོ་ན་ལ་དགའ་བས་ཐུགས་བཞེད་དང་མཐུན་པ་ཆེར་མ་བྱུང་། སྤྱིར་ཡང་སྙིགས་མ་ལྔ་བདོ་བས་འཁྲུག་ལོང་མི་བཟད་པ་འདི་ལྟ་བུ་དང་། ཁྱད་པར་སེར་དམག་ཏུ་མིང་བཏགས་པས་བསྟན་པ་འགྲིབ་ཅིང་འགྲོ་བའི་ཕན་བདེ་ལ་ཆེས་གནོད་པའི་དུས་ངན་འདི་ལྟ་བུ་སྙམ་དུ་ཐུགས་སྐྱོ་བ་དང་སྙིང་རྗེ་ཕན་ཚུན་འགྲན་པ་བཞིན་དུ་གྱུར་བའི་ངང་ནས་སེ་རར་ཕེབས། ཧོར་ཟླ་བདུན་པའི་ནང་དུ་བརླིང་ལོག་བྱུང་སྟེ། སེར་འབྲས་ཕལ་ཆེར་སྟག་ལུང་ཚོར་བཏེག་སྐབས། རྗེ་འདི་པ་རིམ་གྱིས་སོག་ཡུལ་ལ་ཐེགས་དགོས་པ་བྱུང་དོགས་ནས་ཡེར་པར་བཞུགས། ཕྱིས་འདི་སྐོར་གྱི་གསུང་འཕྲོས་བྱུང་དུས། བཙུན་པས་ཆོས་མིན་གྱི་ལས་བྱས་པ་ལ་དཀོན་མཆོག་གི་བཀའ་ཆད་ཡིན་གསུང་། དཔོན་ས་སྟག་ལུང་མའི་གཉེར་པས། ཡེར་པར་གཙང་པས་ཉུལ་མི་བཏང་དོགས་ནས། དཔོན་སློབ་རྣམས་ནང་དུ་བཞུགས་སུ་བཅུག །ཕྱི་ནས་སྒོ་ལྕགས་བརྒྱབ་ནས་མཛོད་ཡིན་པའི་ལུགས་སུ་བྱས། སྔར་ནས་ཐུགས་འདྲེས་ཡོད་པའི་ཡེར་པའི་བཙུན་པ་ཀརྨ་བརྩོན་

― GLG008_Page_0640 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུས་ཟེར་བ་ཞིག་གིས་མི་སྣ་ལ་སྐད་ཆ་བཤད་པས་སྐུ་ཆས་རྣམས་ཤོར་རོ། །བླང་དོར་འབྱེད་ལ་མ་རིག་སྒྲིབ་གཡོགས་ཀྱིས། །བདེ་བའི་ཆེད་དུ་སྡུག་བསྔལ་རྒྱུ་སྒྲུབ་པའི། །འཁྲུལ་པའི་སྐྱེ་བོས་བསྒྲུབ་པའི་མདུན་མ་ནི། །བྱིས་པ་འཇའ་ཚོན་འཛིན་དང་ཁྱད་པར་ཅི། །མཁྲིས་ནད་ཅན་དག་གངས་རི་གསེར་མདོག་ཏུ། །སྣང་ལྟར་ལེགས་པར་བསླབས་ཀྱང་ལོག་པར་མཐོང་། །སྨིག་སྒྱུར་བསྙེགས་པས་སྐོམ་པ་སེལ་འདོད་པའི། །སྨོངས་པའི་སྐྱེ་བོ་རང་མཚང་གཞན་ལ་ངོམ། །གཞན་གྱིས་བསགས་པ་རང་གིས་མི་མྱོང་ཞེས། །གཞུང་ལུགས་མང་པོར་གསུངས་པ་ངེས་པར་བརྫུན། །བདེན་ན་སྡེ་འཁྲུག་གཞན་གྱིས་བྱས་པ་ལ། །ཁྱོད་ཉིད་ཡུལ་གཞན་འབྲོས་དེ་ཅི་ཞིག་ལགས། །དེ་ནས་སླར་སྟག་ལུང་ནས་དོ་དམ་མཛད་དོ། །དགོན་པ་ཁག་ཀྱང་སོ་སོར་རང་གནས་ཀྱི་ལུགས་ཙམ་བྱུང་སྐབས། རྗེ་འདི་ཉིད་ཀྱང་ཞབས་ཐང་ལ་ཡེར་པ་ནས་གད་ཁ་ས་བརྒྱུད་དེ་སེ་རར་ཕེབས། །ཞོགས་གཅིག་ཚོགས་སུ་མང་ཇར་ཕེབས་པས། གྲྭ་པ་རྣམས་སྒོ་སོགས་ཇི་བཞིན་མེད་པ་ལ་དཔགས། ཆས་ཀ་ཕྲན་ཚེགས་ཡོད་པ་ཁུར་ནས་འོངས་པ་དང་། སྣོད་མ་ཆག་པ་གཡོར་ས་མ་རྙེད་པས། །ཐུགས་ལ། བསྟན་པའི་སྙིང་པོ་ནི་རྒྱལ་བ་ཙོང་ཁ་བའི་རིང་ལུགས་ཡིན། དེ་ཡང་དུས་དབང་གིས་འདི་ལྟ་བུར་གྱུར་འགྲོ་བ་དགོངས་ཐུགས་ཤིན་ཏུ་ངལ་བ་བྱུང་། དེ་ནས་ཕྱག་དཔེ་འཐོར་བ་རྣམས་འགའ་རུ་ཁང་དུ་བླངས་ཏེ་སྒྲིག་པ་གནང་ཡང་། བར་དེར་སྲང་མདོ་ཆེར་བླུག་པའི་ཤུལ་གྱི་ཆར་ལྷགས་ཀྱིས་ཆུད་ཟོས་པ་དང་། དམག་མི་འགའ་ཞིག་གིས་དཔེ་ཆའི་སྟེང་དུ་དུད་འགྲོ་བསད་བའི་ཁྲག་

― GLG008_Page_0641 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་སྦགས་པ་སོགས་ཤིན་ཏུ་མ་རུངས་པར་གྱུར་འདུག་པས། ཐུགས་བེད་སྤྱོད་ཐུབ་ཙམ་ཡན་ཆད་གླེགས་བམ་དུ་མཛད། དེ་ཕྱིན་ཚ་ཁང་སོགས་འོ་མི་བརྒྱལ་བའི་སར་བཞུགས་སུ་བཅུག །ཟླ་ཤས་ར་མ་རྩེར་ཞབས་ཏོག་ཞུས་ནས་བཞུགས། ཡེར་པར་སྐུ་ཆས་འདྲེན་པར་ཉང་བྲན་བློན་པོ་པའི་གཡག་མང་པོ་ཡོད་པ་མ་བྱུང་ཟེར་གཞིས་ཀ་སྣེའུར་བཏུགས་ནས་མི་སྣ་ཕབ། རྗེ་ཉིད་ཐུགས་རྒྱལ་བཞེངས་ཏེ་གཏོར་ཟོར་འཕངས་པས་བློན་པོ་བསོད་ནམས་གུམ་མོ། །དེ་ནས་སྒྲུབ་པ་འབའ་ཞིག་ལ་ཐུགས་གཞོལ་ཞིང་། སྒྲུབ་གནས་ཀྱང་དཔོན་ས་སྟག་ལུང་མས་ཡེར་པ་བྲག་གསེབ་ཏུ་བཞུགས། འཚོ་ཆས་ཀྱི་ཞབས་འདེགས་འདི་ནས་བྱེད་གསུང་བ་དང་། འགའ་ཞིག་གིས་ནི་རྒྱལ་འོལ་དང་ཨེ་དྭགས་ཕྱོགས་སུ་ཐེགས་པ་འགབ་ཟེར་བ་མང་དུ་བྱུང་ཡང་། དགོངས་པ་ལ་ཉང་བྲན་ཕ་བོང་ཁ་འདི་སྔོན་ཆོས་ཀྱི་རྒྱལ་པོ་སྲོང་བཙན་སྒམ་པོས་སྒྲུབ་པ་མཛད་པས་གྲུབ་པ་ཐོབ་སྟེ། མཐའ་འདུལ་ཡང་འདུལ་གྱི་གཙུག་ལག་ཁང་དང་། དེ་རྗེས་ར་ས་འཕྲུལ་སྣང་གཙུག་ལག་ཁང་རྣམས་བཞེངས་ཏེ། བོད་ཀྱི་ཕན་བདེ་རྒྱས་པར་མཛད་ཅིང་། དེ་ནས་བཟུང་སྟེ་སད་མི་མི་བདུན་རབ་ཏུ་མ་བྱུང་ཡན། སྔགས་པ་རལ་པ་ཅན་བརྒྱ་ཙམ་དང་། མངའ་བདག་ཁྲི་རལ་ཡན་ལ་རབ་ཏུ་བྱུང་བ་བརྒྱ་ཙམ་ཕ་བོང་ཁར་བཞུགས་པས། ཆོས་ཁྲིམས་དང་རྒྱལ་ཁྲིམས་གཉིས་ཀ་དར་ལ། དེ་ནས་རྒྱལ་པོ་དར་མས་རབ་བྱུང་རྣམས་བསྐྲད་པས་བོད་འཁྲུགས་ཏེ་སིལ་བུར་སོང་། དེ་རྗེས་དབུས་གཙང་གི་མི་བཅུས་བསྟན་པ་སྤེལ་ཀྱང་། ཕ་བོང་ཁར་དགེ་འདུན་གྱི་སྡེ་མ་ཚུགས་པར་བརྟེན་

― GLG008_Page_0642 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་བོད་འཁྲུགས་པས། རྒྱལ་ལྷ་ཁང་དང་རྭ་སྒྲེང་ལ་བརླིང་ལོག་བྱུང་། དེ་ལ་བརྟེན་ནས་དགེ་བཤེས་བྲག་དཀར་བས་ཕ་བོང་ཁར་འདུས་སྡེ་བཙུགས་པས། ལོ་མང་པོའི་བར་དུ་བསྟན་པ་དང་སེམས་ཅན་གྱི་བདེ་སྐྱིད་ཤིན་ཏུ་ཆེ། གདན་རབས་བདུན་ཙམ་ནས་ཅུང་ཟད་འགྲིབས་པ་ལ་བརྟེན། ཧོར་དམག་བོད་དུ་ལྷགས། སླར་ས་སྐྱ་པས་རྒྱ་ནག་པོའི་བླ་མ་བྱས་ནས་ཡར་ཕེབས་དུས་ཕ་བོང་ཁར་ཞིག་གསོས་དང་། བསྟན་པ་རྒྱས་པའི་སྨོན་ལམ་མཛད་པས། ས་སྐྱ་པས་བོད་ཀྱི་བདག་པོ་མཛད་པའི་རིང་བདེ་སྐྱིད་ཆེ་ཡང་། ལོ་བདུན་ཅུ་ཙམ་ནས་སྡེ་འདི་ཅུང་ཟད་ཉམས་པས་ས་ཕག་འཁྲུགས་ཏེ་དབུས་གཙང་ཐམས་ཅད་མི་བདེ་བར་གྱུར། དེ་ནས་ཐེག་ཆེན་ཆོས་ཀྱི་རྒྱལ་པོས་ཕེབས་ནས་བསྟན་པ་རྒྱས་པའི་སྨོན་ལམ་དང་སྡེ་ཚུགས་པ་ལ་བརྟེན། ཕག་མོ་གྲུ་པའི་སྡེ་སྲིད་ཀྱིས་བོད་འདི་ལོ་ཉིས་བརྒྱ་ཙམ་བདེ་བར་བསྐྱངས། དེ་ནས་ཞབས་དྲུང་གོང་མ་ཆེན་པོའི་དུས་ལུང་བསྟན་ལྟར། བདུད་མི་སྤུན་དགུས་ཕག་ཚང་དཀྲུགས་ཏེ་བོད་ཀྱི་བདེ་སྐྱིད་བཤིག །དེ་རྗེས་ཆོས་རྗེ་བདེ་ལེགས་ཉི་མ་ཕ་བོང་ཁར་བཞུགས་པ་ནས་བཟུང་། རབ་བྱུང་བཅུ་པའི་ས་རྟ་ཡན་ལ་བོད་བདེ་བར་བྱུང་ནའང་། ལོ་དེར་དགེ་སློང་བརྒྱད་གྲྭ་ཞིག་ཡོད་པ་མ་མཐུན་པར་སོ་སོར་གྱེས་རྗེས། བོད་ཡུལ་གྱི་རྡོ་རྗེ་གདན་དུ་སྡེ་འཁྲུག་འདི་ལྟ་བུ་བྱུང་བས། སླར་རྒྱལ་བའི་བསྟན་པ་རིན་པོ་ཆེ་འཕེལ་བ་དང་། སེམས་ཅན་གྱི་བདེ་སྐྱིད་ལ་དགོངས་ཏེ། ཕ་བོང་ཁ་བྱང་ཆུབ་ཤིང་གི་ནགས་ཁྲོད། ཡུལ་ཉི་ཤུ་རྩ་བཞིའི་ཡ་གྱལ། དེ་ཝཱི་ཀོ་ཊར་བཞུགས་པའི་ཐུགས་ཐག་བཅད། ས་མོ་ལུག་གི་ནང་དུ་ཕེབས་སོ། །ཕྱག་ན་པདྨའི་ཐུགས་རྗེའི་སྒྱུ་འཕྲུལ་གར། །

― GLG008_Page_0643 ―

^{[མ་དཔེ་གཟིགས་ན་འདིར་གནོན།]}

[Full Size]

བསིལ་ལྡན་རྒྱལ་པོར་ཤར་བ་སྲོང་བཙན་རྗེ། །སྒྲུབ་པའི་བསྟི་གནས་བྱང་ཆུབ་ཤིང་གི་ཁྲོད། །བོད་འབངས་ཕན་དང་བདེ་བའི་རྩ་ལག་མཆོག །གཞན་ཕན་ཁུར་འཁྱེར་སེམས་ཀྱི་མདོག་ལྔ་པས། ཁྱབ་བདག་འཁོར་ལོའི་དབང་ཕྱུག་ཉིན་མོར་བྱེད། །དབེན་གནས་འཆི་བ་མེད་པའི་ལམ་ཡངས་པོར། །དྲངས་ཚེ་གངས་ཅན་བདེ་བའི་པདྨོ་འཛུམ། །དེར་ཡང་ཐུགས་དམ་སྤྲོས་བཅས་ཀྱི་རིམ་པ་དཔལ་འཁོར་ལོ་སྡོམ་པ་དྲིལ་བུ་ལུས་དཀྱིལ། དཔལ་རྡོ་རྗེ་འཇིགས་བྱེད་བཅུ་གསུམ་མ། དེ་དག་གི་བཟླས་པ་སྟོང་ཚོ་རེ་ལ་མཐའ་བརྟེན། བླ་སྒྲུབ། བསམ་གཏན་གྱི་སྦྱིན་སྲེག །ཡེ་ཤེས་ཀྱི་མགོན་པོ་ཕྱག་དྲུག་པ། ལས་གཤིན། ཞལ་དམར་ནག །དམག་ཟོར་མ། རྣམ་སྲས་སོགས་ཆོས་སྐྱོང་སྐོར་གྱི་མཆོད་གཏོར། ཕྱི་གཏོར་བརྒྱ་རྩ། བསངས་མཆོད། ཉེར་ལྔ་བྱུང་རེས་ཀྱི་དཔལ་གསང་བ་འདུས་པ། གཞན་ཡང་པདྨ་ཡང་གསང་སོགས་རྒྱུད་སྡེ་ཆེ་བའི་རིགས་ཇི་སྙེད་དང་། གསོལ་འདེབས་ཆོས་སྤྱོད་ཀྱི་རིགས་ཀྱང་མང་དུ་གནང་། གཙོ་བོར་སྤྲོས་མེད་འོད་གསལ་སྣང་བཞིའི་སྐོར་ལ་ཐུགས་དམ་གྱི་མཐིལ་དུ་བསྟར། །ཐུགས་དམ་གྱི་བོགས་འདོན་དང་བསྟན་དང་འགྲོ་བ་ལ་ཕན་པ་རྒྱ་ཆེན་པོའི་ལྟས་ཡ་མཚན་པ་མང་དུ་བྱུང་ངོ་། །སྔོན་ནས་སྟོབས་བཅུའི་གོ་འཕང་གང་། །བརྙེས་ཀྱང་ཟབ་མོའི་ཉམས་ལེན་ལ། །བརྩོན་པར་མཛད་དེ་རྗེས་འཇུག་རྣམས། །ཆོས་ལ་བསྐུལ་བའི་བརྡ་རུ་ངེས། །ལྕགས་སྤྲེ་ནང་དུ་དཔོན་ས་སྟག་ལུང་མ་གཤེགས་པའི་ཡར་འདྲེན་དུ་ཕེབས། དེ་དུས་བྱང་རྩེ་ཆོས་རྗེ་ངག་དབང་ཆོས་གྲགས་འབྲོམ་གླིང་མར་གཤེགས་པའི་གདུང་དགའ་ལྡན་བྱང་

― GLG008_Page_0644 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེར་དྲངས་པའི་ཞུགས་འབུལ་ལ་ཕེབས། རྒྱལ་བ་ཙོང་ཁ་པའི་ཕྱག་དྲིལ། ནཱ་རོའི་ཁྲུས་བུམ་གྱིས་སྣ་དྲངས་པའི་འབུལ་ནོད་རྒྱ་ཆེར་བྱུང་། དགུང་ལོ་རེ་གཅིག་པ་ལྕགས་བྱ་ལ་སྒོམ་སྡེ་ཆོས་རྗེ་རིན་ཆེན་འོད་ཟེར། ལྷ་རྩེ་དབོན་མོ་སོགས་འགྲུལ་པ་མང་དུ་འབྱོར། སྒོམ་སྡེ་ཆོས་རྗེ་དང་སྒར་པ་གྲྭ་ཚང་གི་སློབ་དཔོན་དུང་མཁན་སོགས་ཀྱིས་གསོལ་བ་བཏབ་སྟེ། འགྲེལ་པ་སྒྲོན་གསལ་གྱི་དབུ་ཚུགས་ཙམ་དང་། བདེ་མཆོག་འདོད་འཇོ། སྤྱོད་འཇུག །རྒྱལ་བ་ཙོང་ཁ་པའི་གསུང་འབུམ་ཐོར་བུ། ཐམས་ཅད་མཁྱེན་པ་དགེ་འདུན་རྒྱ་མཚོའི་གསུང་འབུམ། འདུལ་བའི་གླེང་འབུམ་སོགས་མདོ་རྒྱུད་ཀྱི་བཤད་ལུང་དུ་མ་དང་། ཀུན་རིག་གི་དབང་། བཅུ་གཅིག་ཞལ་གྱི་དབང་། སྒྲོལ་མ་ཉེར་གཅིག །སྣར་ཐང་བརྒྱ་རྩ། ཆོས་སྐྱོང་སྐོར་གྱི་རྗེས་གནང་། སྒྲུབ་ཡིག་གི་ལུང་། དཔལ་རི་བོ་དགའ་ལྡན་པར་གྲགས་པའི་ཁྲིད་ཆེན་བརྒྱད། སྙིང་པོ་དོན་གསུམ། དབུ་མའི་ལྟ་ཁྲིད། ལྟ་བ་སྤྱི་ཁྱབ་སོགས་ཀྱི་སྐོར་ཡང་མང་དུ་གནང་། ཧོར་ཟླ་བཅུ་གཅིག་པའི་ནང་དུ་རྗེ་ཉིད་ཀྱི་ཐུགས་སྲས་དམ་པ་ཆོས་ཀྱི་རྗེ་སྔགས་རམ་པ་ཟུར་བཙུན་དཔལ་འབྱོར་འཕྲིན་ལས་རབ་རྒྱས་དཔལ་བ་ཟང་པོ་ཡང་། སྐུ་ཞབས་སུ་འབྱོར། ཕྱག་དཔེ་དང་། །ཐུགས་དམ་ཐང་ཀ་འབྲི་བ་སོགས་ཞབས་ཕྱིར་ཤིན་ཏུ་འགྱུར། མདོ་སྔགས་གསར་རྙིང་གི་གསུང་ཆོས་ཀྱང་འདི་དག་གི་སྔ་ཕྱི་ཁོ་ནར་འཕེལ། སྐབས་ཤིག་ལྷ་རྩེ་དབོན་མོས་ལྷ་ས་ནས་བཏོན་ཟེར་བའི་དཔེ་ཆ་འགའ་དང་། ཕ་བོང་ཁ་ནས་ཀྱང་གཏེར་འདོན་རྒྱུ་ཡོད་ཟེར་སྐུ་ཞབས་སུ་འོངས་པར། བརྟགས་དཔྱད་གནང་བས་གཏེར་ཡང་ཟོབ་དང་། གྲུབ་རྟགས་ལ་ཡང་ཐུགས་ཐེ་ཚོམ་བྱུང་བས། ཁྱེད་རང་གི་འཕྲིན་

― GLG008_Page_0645 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ལྷ་སར་འཕེལ་ཞིང་། གནས་འདི་ནས་གཏེར་བཏོན་ནས་བཅུད་ཉམས་འགྲོ་ཞེས་ཐབས་མཁས་ཀྱིས་རྫོང་བ་གནང་། མི་རིང་བར་དཔོན་མོ་འབྲུམ་པའི་ནད་ཀྱིས་ཐེབས་ནས་བཀའ་དབང་ལ་གདན་དྲངས། རྣམ་འཇོམས་ཀྱི་བྱབ་ཁྲུས་གནང་བས། དེ་དགོངས་རྨི་ལམ་དུ་སྤྲང་པོ་འདྲ་བའི་ཕོ་མོ་མང་པོ་འབོག་ཁྲེས་ཁུར་ནས། ད་མི་འཇོག་པར་འདུག་ཟེར་འགྲོ་གྲབས་བྱེད། སང་ནས་ཁམས་བདེ་བར་བྱུང་ཟེར། རྗེ་འདི་ཉིད་གསུང་བཙུན་པས་དངོས་སུ་བཀའ་མི་བཀྱོན་ཡང་། མདངས་ལ་བརྟགས་ན་གཏེར་དང་རྫུ་འཕྲུལ་ཐམས་ཅད་ཟོག་ཁོ་ནར་དགོངས་པ་ཞིག་ཡོད་པར་ངེས། དུས་ཕྱིས་ཁོ་བོས་ཀྱང་དེའི་གཏེར་ལུང་ཡིན་ཟེར་མང་དུ་མཐོང་བས། མངའ་བདག་ཁྲི་རལ་ལས་མ་གཅིག་ལབ་སྒྲོན་སྔ་བ་སོགས་མི་འགྲིགས་པའི་རྫུན་གྱི་རྫོབ་རྟགས་མང་དུ་འདུག །ལར་ལས་འབྲས་མི་ཤེས་པའི་མི་སྙིང་ཁམ་ཅན་གྱི་བྱེད་པ་ལ་མཐའ་མི་སྣང་ངོ་། །ཉན་རང་ཞི་བདེར་གཞོལ་དང་མཚུངས་མིན་པའི། །དབེན་པ་བསྟེན་ཡང་གཞན་ཕན་རྣམ་གཡེང་ཅན། །འདུ་འཛི་འཕེལ་ཡང་རང་དོན་ཡལ་འདོར་བའི། །རྒྱལ་སྲས་དམ་པའི་མཛད་པ་བླ་ན་མེད། །སྒྱུ་མའི་རྟ་དང་གླང་པོའི་སྤྲུལ་སྒྱུར་གྱིས། །ཚུར་མཐོང་སྐྱེ་བོ་བདེན་པར་ཞེན་པ་ལྟར། །མིག་འཕྲུལ་རྫུན་གྱིས་རྨོངས་པའི་འགྲོ་བ་ཀུན། །མེ་དོང་ཐལ་བས་གཡོགས་ལ་ལག་པ་འཇུག །དུས་གསུམ་སྒྲིབ་མེད་གཟིགས་པའི་མཁྱེན་སྤྱན་གྱིས། །དུས་ངན་ཟོག་པོའི་རྫུན་མཚང་ཀུན་རིག་ནས། །དུས་ཀུན་འདོད་དགུའི་གཏེར་གྱུར་ལྷ་ས་དེར། །དུས་བསྟུན་

― GLG008_Page_0646 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས་མཁས་གསུང་གིས་རྫོང་བར་མཛད། །དེ་ཡང་ཐེག་པ་འོག་མ་ལྟར་ན་ཡང་དག་པར་རྫོགས་པའི་སངས་རྒྱས་ཀྱང་ལས་ཀྱི་ལྷག་མའི་མཐུས་ཞབས་ལ་སེང་ལྡེང་གི་ཚལ་བ་སོར་བཅུ་དྲུག་པ་ཟུག་སྟེ་བསྙུན་པ་དང་། ཐེག་པ་གོང་མའི་དབང་དུ་བྱས་ན་ཚུལ་བསྟན་བཞིན། རྗེ་འདི་ཡང་ཟ་འཕྲུག་གི་སྙུན་དམ་པོས་སྐུ་ལ་བཏབ་སྟེ། སྨན་དཔྱད་སོགས་བཅོས་ཀ་ཅི་བྱས་ཀྱང་ཕན་ངོ་ཆེ་བ་མ་བྱུང་བས། །ཐུགས་དམ་གྱི་ངང་རང་དུ་བཞུགས་པས་གདངས་བསྐྱེད་ཆེ་བར་བྱུང་། བར་གཅོད་སེལ་བྱེད་དུ་དཔོན་སློབ་པཎ་ཆེན་རིན་པོ་ཆེ་སྤྱན་འདྲེན་གནང་། ཚེ་དབང་བརྒྱ་རྩ། འགུར་དྲག ཁྱུང་དམར་ནག །ཕྱག་རྡོར་སོགས་ཀྱི་རྗེས་གནང་གསན། དེ་ཉིན་ཉི་མ་ལོག་པོས་རིང་བ་དང་། ནམ་མཁའ་ལ་འཇའ་ཚོན་འཁྲིགས་པ་སོགས་ཡ་མཚན་པའི་རྟགས་མང་དུ་བྱུང་བས་མི་རྣམས་ཀྱིས་ཞིང་བརྗེ་བར་གླེང་། བྱང་རྩེའི་ཁྲི་དང་ལྕང་ར་མཁར་ཐོག་སོགས་ཀྱི་སྙན་གསན་བྱུང་ཡང་། བོད་འབངས་ཀྱི་བདེ་ཐབས་ཐུགས་ལ་བརྣགས་ཤིང་། རང་ཉིད་གདན་ས་ཆེ་གེ་བྱས་སོ་ཞེས་པའི་སྙན་གྲགས་ལ་ཇི་མི་མཉམ་པ་གཉིས་འཛོམ་པས་མི་ཕེབས་པར་ཐུགས་ཐག་བཅད། རྒྱུན་གྱི་ཉམས་བཞེས་དང་། སེར་འབྲས་རྒྱུད་སྟོད་སྨད་མདོ་ཁམས་ལྷོ་བྱང་གི་དགེ་བའི་བཤེས་གཉེན་མང་པོ་ལ་ཆོས་ཀྱི་བཀའ་དྲིན་སྩལ་བ་སོགས་རྣམ་དཀར་གྱི་མཛད་པ་ཕན་ཚུན་འགྲན་པ་བཞིན་དུ་གྱུར། བྱིང་གིར་གནམ་གྱི་རྒྱལ་བརྒྱུད་ལྷ་བཙུན་དང་། འགུ་རུ་ཧུང་ཐའི་ཇི་སོགས་རྒྱལ་བརྒྱུད་ཀྱི་རིགས་དུ་མས་ཞབས་ཀྱི་པདྨོར་བཏུད་དེ་དམ་པའི་ཆོས་ཀྱི་བཀའ་དྲིན་མནོས། ཆ་གན་རྒྱལ་

― GLG008_Page_0647 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་སོགས་ཀྱི་བླ་མ་ཅོ་ཎེ་ཆོས་རྗེར་ཡང་དབང་རྗེས་གནང་འདོད་ཆོས་ལྷུག་པར་སྩལ། རྗེ་ཉིད་ཀྱི་དབོན་པོ་ཆོས་བཟང་ནད་དམ་པོས་བཏབ་སྟེ་ཁོ་རང་གིས་ཀྱང་འཆི་བ་ཐག་བཅད། ལྷ་རྗེ་སོགས་ཀྱང་ཚམ་ཚོམ་དུ་གྱུར་སྐབས། ཞོགས་གཅིག་བཀའ་ལས། མདང་སྙིང་ཐིག་གི་འོད་གསལ་ལ་གནས་པའི་སྐབས་ཤིག །སོག་པོ་དགེ་འདུན་རྒྱ་མཚོའི་རྗེས་ལ་འབྲངས་པའི་མཐའ་འདྲེ་ཅིག་གིས་དབོན་པོ་ལ་བར་གཅོད་བྱེད་པ་ཤར་བས། དེ་རིང་འདྲེ་དེ་རྫོང་དགོས་པ་འདུག་ཅེས་རྣམ་འཇོམས་ཀྱི་བྱབ་ཁྲུས་དང་བཅས་གླུད་རྫོངས་གནང་བས་མ་འགྱངས་པར་ནད་ལས་གྲོལ། ཆོས་རྗེ་སྔགས་རམ་པར་སྒྱུ་འཕྲུལ་གསང་བ་སྙིང་པོའི་འགྲེལ་ཊཱི་ཀ་གཡུང་འགྲེལ་གྱི་སྟེང་ནས་ཉིན་རེ་ཆོས་ཐུན་ཚར་གཉིས་རེ། གཞན་ཡང་སྙིང་ཐིག་གི་སྐོར་སོགས་ཆོས་མཐའ་ཡས་པ་གནང་། ཁྱད་པར་གསང་སྙིང་གི་སྒོ་ནས་ཆོས་གྲྭ་ཆེན་པོ་དཔལ་གྱི་རྩེས་ཐང་དུ་གྲྭ་བསྐོར་གྱི་བསླབ་བསྟོན་གནང་བས། སྔ་འགྱུར་ལ་རྒྱུད་བཤད་མེད་དམ་སྙམ་པའི་ལོག་རྟོག་ཐམས་ཅད་བསལ་བ་ཡིན་ནོ། །གང་ཞིག་རྟོག་གེའི་རིགས་པས་དུས་འདའ་བའི། །ཡུལ་གྲུར་ཐེག་མཆོག་ཆོས་ཚུལ་འདི་ལྟ་བུ། །སྐལ་བཟང་གདུལ་བྱའི་སྤྱད་བྱར་ཡོད་དོ་ཞེས། །སྒྲོག་ཕྱིར་བཤད་པའི་ཟོལ་གྱིས་ཕོ་ཉ་མངགས། །རྒྱ་ཧོར་དྲེགས་ལྡན་མང་པོའི་ཟུར་ཕུད་ལ། །ཞབས་རྡུལ་ཆུ་སྐྱེས་བཀོད་པ་མཚར་དུ་ཅི། །ལྷར་བཅས་འཇིག་རྟེན་ཀུན་གྱི་འདྲེན་པ་ཞེས། །སྒྲོག་པའི་དབྱངས་འདི་ཚངས་པའི་ཡུལ་དུ་ལྡིར། །ཤིང་ཕོ་བྱི་བའི་ལོ་ལ་ཆོས་རྗེ་བྱམས་པ་རྒྱ་མཚོའི་སྤྲུལ་སྐུས་གཙོས་པའི་

― GLG008_Page_0648 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུལ་ཚན་ཤིན་ཏུ་ཆེ་བ་སླེབ། དམ་པ་རྣམས་ཟང་ཟིང་གི་འདུ་འགོད་ལྷུར་མི་མཛད་ཀྱང་། འགྲོ་བའི་བསོད་ནམས་ཀྱི་ཞིང་དུ་མཁོ་དགུའི་ཡོ་བྱད་ཇི་སྙེད་ཕུལ། བདོག་པ་རྣམས་རི་ཁྲོད་ཀྱི་མཐུན་རྐྱེན་སོགས་སུ་བསྒྱུར། དོན་ལྡན་དུ་མཛད། ལོ་སྔ་མ་རྣམས་སུ་ཕྱག་གཡོག་སྣ་ཚོགས་ཀྱི་སྟབས་ནས་སྐུ་ཆས་ཐང་ལྷོད་ཅི་རིགས་བྱུང་། ཕེབས་སྒོར་འཕྲིན་ལས་ཕུན་ཚོགས་ཟེར་བ་ཞིག་ཡོད་པ་དེ་ངེད་དང་ལོ་ཁམས་མཐུན་པས་ལག་གཡོག་བྱས་ན་འགྱུར་བ་ཡོད། མ་ཤི་ན་ངོ་ཞག་ཙམ་སླེབ་ཡོང་གསུང་བ་ལྟར། དཀའ་བཅུ་འཕྲིན་ལས་ཕུན་ཚོགས་སྐུ་ཞབས་སུ་འབྱོར། འདི་དག་གི་སྔ་ཕྱིར་འདོད་ཆོས་ཞུ་བ། གསང་བདེ་འཇིགས་གསུམ་སོགས་ཡི་དམ་གྱི་བསྙེན་སྒྲུབ་དང་། ཉམས་ཁྲིད་སྐྱོང་འདོད་དོགས་གཅོད་ཞུ་བ་ལ་དཀའ་བཅུ་རབ་འབྱམས་སོགས་དུ་མ་ལ་ལ་ལོ་ཤས། འགའ་ཞིག་དབྱར་གནས་ཙམ་སྡོད་མི་ཉུང་མཐའང་བཅུ་རེ་ཙམ་སྟར་ཆགས་སུ་བྱུང་བར། དད་འབུལ་བསྔོ་རྟེན་གྱི་སྟེང་ནས་ཉིན་རེ་ཇ་གཉིས་རེ་དང་། གཞུང་དུ་ཞུ་བ་གནང་བའི་ཕོགས་སོགས་འཚོ་ཆས་ཀྱི་མཐུན་རྐྱེན་དང་། གཙོ་བོར་རྒྱལ་བ་ཙོང་ཁ་པའི་མདོ་སྔགས་ཀྱི་གསུང་རབ་རྣམས་ཀྱིས་ཐོག་དྲངས་པའི་གྲུབ་མཐའ་རིས་སུ་མ་ཆད་པའི་འདོད་ཆོས་ཀྱིས་ཚིམ་པར་གནང་། ཤིང་གླང་ལོར་ཇུ་ནང་ཐུབ་པ་ཐའི་ཇི་སོགས་བྱང་ཕྱོགས་ཧོར་སོག་གི་ཡུལ་གྱི་སྐྱ་སེར་ཇི་སྙེད་འབྱོར། གྲྭ་ཚང་ཆོས་རྗེ་བསོད་ནམས་བཀྲ་ཤིས་དང་། དུ་རལ་ནང་སོ་གཉིས་ཀྱིས་གསོལ་བ་བཏབ་ནས། བོད་ཀྱི་རྡོ་རྗེ་གདན་ལྷ་སར་གདན་དྲངས། རྡོ་རྗེ་འཕྲེང་བ་ཞེ་ལྔ་མའི་དབང་། བདེ་མཆོག་དྲིལ་བུ་ལྷ་ལྔའི་དབང་། རྟ་མགྲིན་ཡང་

― GLG008_Page_0649 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་། ཐུགས་རྗེ་ཆེན་པོ་སོགས་ཀྱི་དབང་ལུང་རྗེས་གནང་མང་པོའི་ཆོས་ཀྱི་སྒོ་འཕར་ཟླ་བ་གཅིག་ཏུ་ཕྱེ། ཁྱད་པར་གསང་འདུས་ཡེ་ཤེས་ཞབས་ཀྱི་དབང་གི་དགོངས་མོ་ས་གཡོ་བ་སོགས་ལྟས་ཡ་མཚན་པ་མང་དུ་བྱུང་། དེ་དུས་ཐམས་ཅད་མཁྱེན་པ་ཡོན་ཏན་རྒྱ་མཚོའི་དངུལ་གདུང་ཐུ་མེད་ཀྱི་དཔོན་པོ་ཧུང་ཐའི་ཇིས་སྦྱིན་བདག་བྱས་ནས་བཞེངས་པའི་རབ་གནས་ལ་དཔོན་སློབ་པཎ་ཆེན་རིན་པོ་ཆེས་གཙོ་གནང་སེར་འབྲས་ཀྱི་སློབ་དཔོན་ལས་ཐོག་ཟུར་པ་ཐམས་ཅད་འདུས། རབ་གནས་དགའ་སྟོན་གྱི་ཚེ། རྗེ་འདི་དང་སྒོ་མངས་སློབ་དཔོན་ཆོས་གྲགས་རྣམ་རྒྱལ་གཉིས་གསང་སྔགས་གསར་རྙིང་གི་མཚམས་ལ་ཆོས་ཀྱི་འབྲེལ་གཏམ་མཛད་པས་ལུང་རིགས་གཉིས་ཀའི་སྒོ་ནས་སྒོ་མང་སློབ་དཔོན་རྨེག་མེད་པ་ལྟ་བུར་མཛད་པ་ནི། དབང་ཕྱུག་གི་མདས་གྲོང་ཁྱེར་སུམ་བརྩེགས་བཞིན་ནོ། །བར་ཁམས་ནས་འཕགས་པ་ལྷ་ཕེབས་ཏེ། ཐོག་མར་ནི་བཀའ་ཆོས་ཤིག་གསན་བཞེད་ཡིན་པས་དགོངས་འདུས་ཞུ་ཟེར། དེ་ཡོངས་རྫོགས་མ་ཐོབ་གནང་བར་ཐུགས་མཐོ་དམའ་རེ་ཆེ་ཡོད་ཚོད་དུ་གདའ་བས་རྗེས་མ་ཆོས་ནི་མ་ཞུས་འདུག །མཻ་ཏྲི་བརྒྱ་རྩའི་དབང་ཆོག་ཞིག་བསྐུལ་ནས། གསལ་བའི་སྒྲོན་མེ་ཞེས་པ་ཐུགས་རྩོམ་གནང་། མེ་སྟག་སྨོན་ལམ་ཆེ་ཆུང་འཛུགས་པར་ཤར་ཚེ། དཔོན་སློབ་པཎ་ཆེན་རིན་པོ་ཆེ་ཕེབས་ལམ་དུ་ཐུགས་བྲེལ་གྱིས་གཡེངས་ནས་ཅུང་ཟད་འགྱངས་པས། སྨོན་ལམ་ཆུང་བར་མ་ཕེབས་དོགས། འཕྲལ་དུ་དགའ་ལྡན་ཕོ་བྲང་ནས་སྙན་གསན་གནང་བ་ལྟར། ར་མོ་ཆེའི་སྨོན་ལམ་གྱི་མགོན་དུ་ཕེབས་ཀྱང་། པཎ་ཆེན་རིན་པོ་ཆེ་

― GLG008_Page_0650 ―

^{[མ་དཔེ་གཟིགས་ན་འདིར་གནོན།]}

[Full Size]

ཕེབས་གྲུབ་པ་ནས། སྨོན་ལམ་ཡོངས་རྫོགས་ཀྱི་མགོན་ནི་གནང་མ་དགོས། མེ་ཡོས་ཀྱི་སྟོན་མཇུག །ངེད་ལ་བཀའ་ཐོ་ཞིག་གནང་བྱུང་བ་དེ་འོང་རྒྱུའི་དགོངས་མོ་ཟླ་བོ་གཉིས་ཙམ་དང་ལྷན་དུ་ཡོད་པས་གློ་བུར་དུ་ཕྱི་ན་རླུང་ཡེ་མེད་པར་ནང་དུ་རླུང་དམར་གྱི་སྐོར་ཚུབ་བྱས། དེའི་ཁྲོད་དུ་མི་དམར་པོ་ཞིག་གཅིག་གིས་མཐོང་འདུག །ཕལ་ཆེར་བེག་རྩེ་འདི་བཀའ་ཉན་བྲན་གཡོག་རང་བྱེད་པ་ཅིག་ཡོད་འདུག་པས། ཕྱག་བྲིས་ཀྱི་ཕོ་ཉར་སྔོན་དུ་འོངས་པ་ཞིག་ཡིན་པར་སེམས་སོ། །པད་དཀར་ཚལ་དུ་བྷྲ་མ་ར། ཉལ་འགྲོའི་རྫིང་བུར་ངང་མོ་དཀར། །སྐལ་ལྡན་ཡོངས་ཀྱི་གཙུག་ཕུད་དེ། ཁྱོད་ཞབས་བསྙེན་ལ་ངང་གིས་འདུ། །ཚུལ་ཁྲིམས་དྲི་ངད་ཀྱིས་བོས་པའི། །དུག་གསུམ་ཚད་གདུངས་གླང་པོ་རྣམས། །ངེས་ལེགས་བསིལ་བའི་བདེ་བ་དེ། །འཐོབ་ཕྱིར་ཙན་དན་ཁྱོད་དྲུང་ལྷགས། །སྡུག་བསྔལ་གཞོམ་པས་སྨན་པ་སྟེ། །བདེ་བ་སྟེར་བས་རི་དྭགས་མིག །སྐུ་གསུམ་གླིང་འཁྲིད་དེད་དཔོན་ཆེ། །རྒྱལ་བའི་བསྟན་ལ་བཤེས་གཉེན་ཚུལ། །སྐུའི་འཕྲོད་བསྟེན་དུ་ཨེའི་ཆབ་ཚན་ལ་ཕེབས། དེ་ཡང་གདུལ་བྱའི་ངོར་ཆབ་ལ་ཞུགས་པར་སྟོན་པ་ཙམ་མ་གཏོགས། དོན་སྐུ་ན་ཕེབས་སོགས་ཀྱིས་ད་རེས་ལས་ཨེ་ཕྱོགས་ཕེབས་པར་མི་འཆར་ཞིང་། འདུལ་དགོས་ཀྱི་གདུལ་བྱ་ལྷག་མ་མང་པོའི་དོན་དུ་དགོངས་ཏེ་མཐོང་ཐོས་དྲན་རེག་བཀའ་འབྲེལ་གྱི་སྒོ་ནས་རྣམ་དཀར་གྱི་ལས་རླབས་པོ་ཆེ་བསྐྲུན། ཁྱད་པར་རི་སྒོ་ཆོས་སྡེར་ཕེབས་ནས་སྨན་བླ་བདེ་གཤེགས་བདུན་གྱི་དབང་། ཆོས་སྐྱོང་སྐོར་གྱི་རྗེས་གནང་སོགས་འདོད་ཆོས་དུ་མ་དང་། ཇ་གོས་དར་སོགས་ཟང་

― GLG008_Page_0651 ―

^{[མ་དཔེ་གཟིགས་ན་འདིར་གནོན།]}

[Full Size]

ཟིང་གི་འགྱེད་ཀྱིས་ཚིམ་པར་མཛད། གྲྭ་པ་རྣམས་ཀྱིས། ཞལ་སྔ་ནས་བྱམས་པ་བརྟན་པས་མི་ཚེ་ཧྲིལ་པོ་བླ་མ་མཛད་པ་ལས་ཞལ་སྔ་ནས་ཡོན་བདག་ཐེངས་གཅིག་ཕེབས་པ་ལུགས་གཉིས་ནས་དགའ་བ་བྱུང་ཞེས་གླེང་། གསོལ་དཔོན་རབ་བརྟན་གྱིས་གཙོས་པའི་སྐྱེ་བོ་མང་པོ་ཡན་ལག་བརྒྱད་པའི་བསླབ་ཁྲིམས་ལ་འགོད་པར་མཛད། ཕེབས་ཞོར་ཆད་དཀར་རྫོང་དུ་ཞབས་དྲུང་ཁྲི་པས་བསྙེན་བཀུར་གྱ་ནོམ་པ་དང་བཅས་སྙིང་ཐིག་ཞུ་བའི་སྙན་གསན་ཕུལ། འོན་ཀྱང་སྐྱིད་ཤོད་དུ་ཐུགས་རིངས་བས་འཕྲལ་དུ་འབུལ་མ་ཐུབ། སླར་སྒྲུབ་པའི་བསྟི་གནས་ཉིད་དུ་ཕེབས། དགེ་འདུན་བཅུ་ཕྲག་རེ་ལྷག་པར་ལོ་རེ་བཞིན་དབྱར་གནས་དགག་དབྱེ་གསོ་སྦྱོང་སྟེ་གཞི་གསུམ་གྱི་ཕྱག་ལེན་དང་། རྒྱུན་ལྡན་དུ་བསྟན་འགྲོའི་ཕན་བདེའི་ཆེད་དུ། སྔ་ཇ་ལ་ཤེར་སྙིང་ཚར་སུམ་ཅུ། ནག་པོ་སྐོར་གསུམ། དམག་ཟོར་མ། རྣམ་སྲས། ཞལ་དམར་ནག །ཏྲག་ཤད། དཔལ་ལྷ་སོགས་ཀྱི་མངོན་རྟོགས། དགོངས་ཇ་ལ་བསྐང་གསོ། གཏོར་བསྔོ། སྨོན་ལམ་ཤིས་བརྗོད་བར། ཉེར་ལྔ་བྱུང་རེས་ཀྱི་གསང་འདུས་མངོན་དཀྱིལ་གྱི་རྒྱུན་འཛུགས་པར་གནང་། ལོ་སྟར་ཆགས་སུ་དགག་དབྱེ་སྟོན་མོའི་དགེ་འདུན་གྱི་བསྙེན་བཀུར་གྲོང་སྨད་ནས་ཚང་རྗེ་འདི་ལ་གུས་པའི་སྟབས་ནས་གང་ལྕོགས་བྱེད་ཀྱི་ཡོད་འདུག །རྡོ་རྗེ་འཆང་ཆེན་པོའི་ལམ་རིམ། བྱང་ཆུབ་ལམ་རིམ། དབང་ལུང་ཁྲིད་སོགས་སོ་སོའི་རེ་འདོད་དང་སྦྱར་ཏེ་ཆོས་འཕེལ་བར་མཛད། འདི་དག་གི་སྔ་ཕྱི་རྣམས་སུ་ལེགས་བཤད་ཀྱི་ཐུགས་རྩོམ་གནང་བ་ཡང་། སེ་ཆེན་བླ་མས་བསྐུལ་ནས། འཇིགས་བྱེད་

― GLG008_Page_0652 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཆོས་འབྱུང་ནོར་བུའི་ཕྲེང་བ། རྒྱུད་པ་དབུ་མཛད་རབ་འབྱམས་པ་ཡོན་ཏན་རྒྱ་མཚོའི་ངོར་དཔལ་རྡོ་རྗེ་འཇིགས་བྱེད་ཀྱི་འཕྲིན་ལས་བཞིའི་སྤྱིན་སྲེག་བྱེད་ཚུལ་དང་། སྨན་བླ་བདེ་གཤེགས་བདུན་གྱི་དབང་ཆོག་ཕན་བདེའི་འབྱུང་གནས། རྒྱལ་ལེགས་བཤད་སྒྲོག་པའི་ཚིལ་གྱི་རི་ཁྲོད་སྤྱི་སོས་ཞུས་ནས། ཐམས་ཅད་མཁྱེན་པ་དགེ་འདུན་རྒྱ་མཚོའི་བླ་མ་མཆོད་པའི་རྣམ་བཤད། ནང་སོ་ཚེ་འཕེལ་གྱིས་བྱང་གཏེར་ཐུགས་སྒྲུབ་ཀྱི་མངོན་རྟོགས་གསར་མ་ལྟར་ལྷུག་འདོན་ཞིག་བསྐུལ་ནས་སྒྲུབ་ཐབས་དངོས་གྲུབ་རྒྱ་མཚོ་བུམ་བསྐྱེད་དང་སྦྲགས་པ། ཟལ་དཀར་ཆོས་རྗེས་བསྐུལ་ནས། རྒྱལ་བ་ཙོང་ཁ་པར་འཇམ་དབྱངས་ཞལ་གཟིགས་ཚུལ་བརྡས་བཅིངས་པའི་འགྲོལ་བློ་བཟང་དགོངས་རྒྱན། གཞན་ཡང་བྱེས་ཀྱི་ཕུར་པའི་ལོ་རྒྱུས། བདེ་བ་ཅན་སྨོན་ལམ་གྱི་འགྲེལ་པ་སོགས་གསོལ་འདེབས་སྨོན་ལམ་ཞལ་གདམས་དྲི་ལན་གྱི་རིགས་དང་། བསྟན་བཅོས་མངོན་རྟོགས་རྒྱན་རྩ་འགྲེལ་གྱི་ཊཱི་ཀ་ཤིན་ཏུ་རྒྱས་པ། རྒྱལ་ཚབ་རིན་པོ་ཆེའི་རྣམ་བཤད་ཀྱི་དགོངས་དོན་ལྷུག་པར་སྟོན་པ་གངས་ཁྲོད་ཀྱི་ཕར་ཕྱིན་ཡིག་ཆར་ལྟོས་པར་ལེགས་པ་ཞིག་གནང་། རྐུན་མ་ཞིག་གིས་དར་པོ་ཆེ་བརྐུས་པར། རི་ཁྲོད་པ་རྣམས་ཀྱིས་དར་པོ་ཆེ་སྣངས་ཆུང་ཡང་འདི་རིགས་མངས་ན་རྗེས་སོར་རི་ཁྲོད་མི་ཆགས་པས་འདི་ལ་མངོན་སྤྱོད་ཀྱི་རྟགས་ཐོན་པ་ཞིག་དགོས་ཞུས་པས། བེག་རྩེའི་ལས་སྦྱོར་གྱིས་ལོ་མ་འགྱངས་པར་མི་དེ་གུམ། དྲག་ལས་གནང་ན་རྭ་སྣུབས་དང་མཚུངས་པའི་མཐུ་བོ་ཆེ་ཞིག་ཡོང་ངེས་ཀྱང་། རྩལ་འདོན་མི་གནང་། བཀའ་ཕེབས་ལ་ཡང་

― GLG008_Page_0653 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་མི་ལས། ང་མཆོག་ལ་སེམས་པའི་རྣལ་འབྱོར་པ་གསུངས་པ་ཡིན་ཞེས་ལུང་འདྲེན་འཕྲལ་འཕྲལ་གནང་། འབྲུག་ལུགས་པའི་བཟང་སྡིངས་སྐུ་སྐྱེས། རྒྱ་བོད་ཀྱི་སྐད་ཤན་སྦྱར་སྡེབ་སྦྱོར་སོགས་ཡོད་པའི་ཞུ་ཡིག་སྙན་ངག་གི་ལམ་ནས་དྲངས་པ་ཞིག་ཕུལ་བར། ཞབས་ཕྱི་བ་རྣམས་ཀྱིས། ད་རེས་འདི་ག་དང་མཚུངས་པའི་བཀའ་ཤོག་གནང་བ་ལེགས་ཞུས་པས། དེ་ངེད་རང་རི་ཁྲོད་དུ་བསྡད་ནས་གཡེང་བ་གང་ཆུང་དང་དགེ་སྦྱོར་གང་འཕེལ་ལ་གཙོ་བོར་བྱེད་པ་ལས། ཐ་སྙད་སྤྲོས་པའི་རིགས་ཀྱིས་དགོས་པ་ཆུང་། འདི་ལ་ལན་དེ་འདྲ་ཞིག་བྱས་ན། སླར་ཁོང་གིས་དེའི་ལན་བྱེད། ཡང་ལན་གྱི་མནོ་བསམ་གཏོང་དགོས་ཡོང་བས། དེ་ཐམས་ཅད་ཀྱི་ཚབ་ཏུ་དམིགས་རྐང་རེ་བསྐྱངས་ཀྱང་སླེབ་ཚོད་ཅིག་ཡོད་གསུང་། དེ་ནི་རྗེ་ཉིད་ལ་དེ་འདྲས་ལྟོས་པ་ག་ལ་མཆིས་ཀྱང་། དུས་དབང་གིས་དབེན་པ་བསྟེན་ནས་སླར་རྣམ་གཡེང་ཁོ་ན་དོན་དུ་གཉེར་བའི་ལྷ་བུའི་བདུད་ཀྱིས་ཟིན་པ་མང་བས་རྗེས་འཇུག་ལ་བག་ཡོད་པར་གདམས་པའི་དགོངས་པ་ཅན་ནོ། །ཀྱེ་མ་འཇིག་རྟེན་འདི་ན་ཅི་ཡང་སྣང་། །མཁས་རྣམས་རྩོམ་པའི་རྣམ་གཡེང་སྤོང་བ་སྐད། །བླུན་པོ་ལྡབ་ལྡིབ་ཡི་གེར་འགོད་ལ་བརྩོན། །གོ་རིམ་ལྡོག་པའི་བྱེད་པོ་སུ་ཞིག་ཡིན། །རྟག་འཛིན་སྐྱེ་བོ་ངེས་པར་འབྱུང་བའི་ཆེད། །ལོང་མེད་ཉམས་ལེན་སྒྲུབ་ལ་བརྩོན་སྟོན་ཡང་། །འཆད་རྩོད་རྩོམ་པའི་གྲགས་སྙན་སྟོང་གི་རྒྱུད། །བརྡུང་བའི་སྒྲ་དེ་སྲིད་འདིར་སུ་ལ་བསྙོན། །བཀའ་གདམས་ཀྱི་ཕྱག་ལེན་ལ་ཐུགས་ཤིན་ཏུ་དགྱེས་པས། དབྱར་གནས་དང་དུས་བཟང་མང་པོར།

― GLG008_Page_0654 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་བཅུའི་སྒྲུབ་མཆོད་སྣར་ཐང་པའི་ལུགས་བཞིན་ཕྱག་ལེན་དུ་གནང་། ས་ཕོ་འབྲུག་གི་ལོར་ཆུ་འཛིན་གྱི་སྒྲིབ་གཡོགས་སོགས་མེད་པར་ནམ་མཁའ་གཡའ་དག་བཞིན་དུ་ཉིན་བྱེད་དབང་པོའི་འོད་མོག་མོག་པོར་གྱུར་པ་ལ་བརྟེན། སྐྱེ་འགྲོ་ཕལ་ཆེར་ཡིད་ཚམ་ཚོམ་དུ་གྱུར་ཅིང་། འདི་འདྲ་གང་གི་རྟགས་ཡིན་ནམ་ཞེས་གླེང་སྐབས། གྲུབ་ཐོབ་མདུང་རྩེ་རས་པའི་དབོན་བརྒྱུད་ཆོས་རྗེ་ལྷུན་གྲུབ་རྒྱ་མཚོ་དང་། ཡེ་གེ་དྲུག་པའི་འཕྲིན་ལས་པ་བླ་མ་དུང་དཀར་བ་སོགས་དུ་མས། རྗེ་འདི་པའི་དྲུང་དུ་དྲི་བ་ཞུས་པར། མ་འོངས་འབྱུང་འགྱུར་གྱི་རིམ་པ་བཤད་པའི་ལུང་བསྟན་ལྔ་པ། ཡངས་པའི་རྒྱལ་ཁམས་བདེ་ཐབས་ཀྱིས་སྐུ་རིམ་དགེ་བསྐུལ་གྱི་རིམ་པ་ཕན་བདེའི་འབྱུང་གནས་ཞེས་པ་གནང་། དེ་ནི་འགའ་ཞིག་ལྟར་ཐེའུ་རང་བརྟེན་ནས་སྨྲ་བ་དང་། ལ་ལ་ཕོ་ཚོད་དང་། རྣ་བ་གསང་པོ་འཕར་གཏམ་ཉན་པ་དང་། བྱུང་རྒྱལ་དུ་ལུང་བསྟན་མངོན་ཤེས་འཆད་པ་སོགས་མཐར་རང་གི་རྫོག་རྟགས་སྐྱེལ་བ་ཚོ་དང་མི་འདྲ་སྟེ། ངེས་དོན་དུ་མངོན་པར་མཁྱེན་པ་ཆགས་ཐོགས་མི་མངའ་ཡང་གདུལ་བྱའི་ངོར་རྩིས་དཀར་ནག་དབྱངས་འཆར་ལ་གཟིགས་པ། སློབ་དཔོན་ཆེན་པོའི་ལུང་བསྟན། ལྷོ་བྲག་གྲུབ་ཆེན་གྱི་གསུང་། བླ་མ་གོང་མ་ཚད་ཐུབ་ཀྱི་གསུང་། རྗེ་ཉིད་ཀྱི་དངོས་ཉམས་མནལ་ལྟས་སོགས་དུ་མ་ཞིག་སྒོ་བསྟུན་གནང་བས་འཁྲུལ་པ་ག་ལ་སྲིད། དེ་སྐབས་ཚུར་མཐོང་སྐྱེ་བོ་བྱིས་པ་དང་འདྲ་བ་དུ་མས། ཁྱུང་ནམ་མཁར་ལྡིང་བ་ལ་ཁྱིམ་བྱས་འཕྱ་བ་དང་མཚུངས་པའི་གཏམ་སྣ་ཚོགས་ཟེར་ཡང་། རབ་བྱུང་བཅུ་གཅིག་པའི་ས་སྦྲུལ་ནས་ལྕགས་འབྲུག་བར་

― GLG008_Page_0655 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་དུས་རྟགས་རྣམས་ལ། ནད་རིམས་དང་། ཨ་ས་ལང་ལ་བརྟེན་པ་སོགས་དུས་འཁྲུག་ལྷོ་བྱང་མང་པོར་བྱུང་སོང་བ་ཐམས་ཅད་ཀྱི་སྤྱོད་ཡུལ་དུ་གྲུབ། ཀུན་གྱིས་དམིགས་བརྩེ་མར་སྒྲིལ་གསུང་བ་ནི། བསྟན་འཛིན་ཆོས་རྒྱལ་གྱི་ལུང་གིས་གངས་རིས་བསྐོར་བའི་ལྗོངས་འདིར་མངའ་སྒྱུར་བའི་བརྡའོ། །ལྐོག་གྱུར་ཆོས་ཀྱི་གཟུགས་བརྙན་རྣམས། །མཁྱེན་པའི་མེ་ལོང་ངོས་ཤར་ཚེ། །ཀུན་མཁྱེན་པདྨ་ཀ་ར་དང་། །དབྱེར་མེད་ཡིན་པར་ད་གཟོད་ངེས། །ས་སྦྲུལ་ཧོར་ཟླ་དགུ་པར། ངེད་ཚོ་ལ་དབེན་གནས་སུ་འོང་དགོས་ཚུལ་ཕེབས་པ་ལྟར་ཕྱིན། བཞུགས་གྲལ་ཚོར་ལོ་རྒྱུས་ཀྱིས་འབྱམས་ཀླས་ཤིང་། དྲུང་འཚོ་སོག་སྒོར་གྱི་སྤྱིལ་བུར་ཇ་བཞེས་སར་འདུལ་བའི་ལྗགས་བཤད་ཅིག་གནང་གི་འདུག་པས། བླ་མ་མཁས་པ་ཞིག་ཡོད་འདུག་སྙམ་པ་ཙམ་མ་གཏོགས་མ་བྱུང་། དེ་སྐབས་ནས་ཞབས་པད་བསྟེན་ནས་ཟབ་རྒྱས་ཆོས་ཀྱི་བཀའ་དྲིན་ཞུས་ན། རྒྱ་མཚོ་ལས་ཆུ་བཅུ་བ་ལྟར་ལྗོངས་འདིར་འགྱུར་རོ་ཅོག་གི་ཆོས་ལ་གང་དགོས་སུ་སྤྱད་ཆོག་པ་ཞིག་འོང་རྒྱུར་འདུག་ཀྱང་། དེ་དུས་རྟོག་གེའི་ལོག་རྟོག་གིས་དད་པ་བསྒྲིབས་ནས་ཐལ་འགྱུར་གྱི་འཕྲེང་བ་མ་གཏོགས། གཞན་གང་ལ་ཡང་ཁྱད་གསོད་ཀྱི་དབང་དུ་སོང་བས། ཕྱིས་སུ་བསམས་ཚེ་ཆོས་ཀྱིས་འཕོངས་པའི་རྒྱུ་ཡིན་པར་གདའ། རྗེ་འདི་རང་རེ་ལ་ཐུགས་རྗེས་འཛིན་པའི་ཤུགས་ཀྱིས་འཕྲལ་འཕྲལ་བསླབ་སྟོན་བཀའ་ཤོག་གནང་སྐབས་ཤིག །ཁྱོད་ཀྱིས་མགོན་པོ་ཞལ་ལ་བསྙེན་སྒྲུབ། བསྟེན་མཆོད་བྱས་ན་མཚན་མ་མྱུར་བར་འོང་བ་འདུག །རྒྱུ་མཚན་སྔོན་ས་ཕག་གཉིས་འགྲས་དུས་ས་

― GLG008_Page_0656 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱ་ནས་ཆོས་སྐྱོང་འདི་ཕག་གྲུ་དཔོན་བློན་ཐམས་ཅད་ལ་རྦད་ཡུན་རིང་བས་འཕྱོང་རྒྱས་ཚོར་ཟ་ཁ་ཡང་ཟུག །འདི་འདྲའི་རིགས་ཚུར་ཁུགས་ཏེ་གཡང་དུ་ལོན་པ་ཅིག་ཀྱང་འོང་ཞེས་གནང་།ལྕགས་རྟ་བར་ཁམས་ནས་བ་སོ་སྤྲུལ་པའི་སྐུ་བྱོན། བདོག་པའི་འབུལ་ནོད་ཀྱི་བཀུར་སྟི་གྱ་ནོམ་པ་ཕུལ། བདེ་མཆོག་ལཱུ་ཨི་པའི་དབང་བཞི་ཡོངས་རྫོགས་ཞུས། ལྕགས་ལུག་ཞལ་སྔ་ནས་སྐུ་སྐྱེས་རྒྱུད་ཀྱི་འཆད་ཉན་འཇོག་རྒྱུ་ཡིན་པས་བླ་མ་གནང་དགོས་ཚུལ་གྱི་སྙན་གསན་བྱུང་ཡང་མི་ཕེབས་པའི་བཀའ་གསལ་གནང་། ཁར་ཁ་དཔོན་པོ་ཨ་ཁས་ཏའི་ཆིན། ཆ་ཀར་སྐུ་སྐྱེ། ཅོ་ཎེ་ཆོས་རྗེ་སོགས་བྱང་འགྲུལ་མང་དུ་འབྱོར། དབང་བཀའ་རྗེས་གནང་ལུང་སོགས་ཀྱིས་སོ་སོའི་རེ་བ་ཡོངས་སུ་བསྐང་། ཙཱི་ཎའི་ཡུལ་གྲུ་ལས་འོངས་པའི་དངོས་པོ་འགྲོ་བའི་ལེགས་སྤྱད་ཀྱི་རྒྱུར་བསྐྲུན། ཆུ་སྤྲེལ་ལོ་སྐུ་ཤིན་ཏུ་བསྙུན་པ་ཞིག་བྱུང་བས། འགའ་ཞིག་གིས་ད་ལོ་བར་གཅོད་ཆེ་བ་ཞིག་མི་ཡོང་ལ་ཆེ་ཞེས་ཞུས་པར། ངེད་གནས་འདིར་སླེབ་ནས་རྟེན་འབྲེལ་མང་དུ་བརྟགས་པར་ད་ལོ་ཅུང་ཟད་འཚེ་བ་ཙམ་ཡོད་ནའང་། རིམ་གྲོས་ཟློག་པར་འདུག །ལོ་དྲུག་གི་རིན་སྡོད་བསམ་པ་ཡོད་གསུང་། ཆུ་བྱ་ཧོར་ཟླ་གསུམ་པའི་ནང་དུ་དགའ་ལྡན་ཕོ་བྲང་དུ་ཕེབས། ངེད་ཁ་ཤས་ལ་ཞལ་བྲམ་གཟུགས་ཀྱི་བླ་མའི་རྣལ་འབྱོར། ནཱ་ག་རཀྴ། བླ་མ་དྲག་པོ། ཐུགས་རྗེ་ཆེན་པོའི་དབང་། དུར་ཁྲོད་བདག་པོ་རྣམས་ཀྱི་རྗེས་གནང་སྩལ། ཕེབས་གདོང་དུ་ཆོས་དང་འབྲེལ་བའི་བསླབ་སྟོན་ཡང་མང་དུ་གནང་། ཤིང་ཁྱིའི་དབྱར་སྨད་སྐུ་ཤིན་ཏུ་བསྙུན་པའི་ཚུལ་བསྟན། ཉི་ཐང་དྲུང་འཚོ་བས་

― GLG008_Page_0657 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་སྨན་དང་། ཕྱག་གཡོག་རྣམས་ཀྱིས་གྲྭ་པ་ཕན་ཚུན། རྒྱུད་སྟོད་སྨད་ཚོར་མང་འགྱེད་སོགས་སྐུ་རིམ་མང་དུ་བསྒྲུབས། རི་ཁྲོད་ཀྱི་འདུས་པས་བརྟན་བཞུགས་ཕུལ་བས་མྱ་ངན་ལས་མི་འདའ་བར་དགོངས་པ་གཏད་དེ་སྐུ་ཚེ་བྱིན་གྱིས་བརླབས་སོ། །མཁས་བཙུན་བཟང་པོར་གྲུབ་པའི་ཁབ་ལེན་རྡོས། །འཕགས་ནོར་བདུན་གྱི་ལྕགས་ཕྱེ་བསྡུས་པ་ནི། །སྲིད་འདིའི་འབྱོར་པའི་རྡུལ་མང་ཀུན་དྲེད་ནས། །མ་བསྡུས་པར་ཡང་ཁྱོད་ཀྱི་དྲུང་དུ་ལྷགས། །ལས་ཉོན་སྐྱེ་འཆིའི་འཕྲང་ལས་བརྒལ་ཟིན་ཀྱང་། །སྐྱེ་དང་གཤེགས་པའི་སྣ་ཚོགས་ཆོ་འཕྲུལ་གྱིས། །མཐའ་བྲལ་ལུས་ཅན་མྱ་ངན་འདས་པའི་སར། །འཁྲིད་འདི་ཐེག་ཆེན་འཕགས་པའི་ངང་ཚུལ་ལགས། །ཟུག་རྔུ་སྤངས་ཀྱང་སྨན་དཔྱད་ཉེ་བར་བསྟེན། །བདུད་བཞི་བཅོམ་ཀྱང་མི་མཐུན་ཟློག་ལ་བརྩོན། །འཇའ་ལུས་གྲུབ་ཀྱང་ལུས་ཀྱི་མཐུ་དམན་སྐད། །རང་དབང་གྱུར་ཀྱང་གཞན་གྱིས་ཕན་ལྟར་སྟོན། །ཤིང་ཕག་ནག་པ་ཟླ་བའི་ནང་དུ་སྔར་ནས་བཀའ་བཞེས་ཡོད་པ་ལྟར། ངེད་ཀྱིས་ཕ་བོང་ཁར་སྐུ་གཞོགས་སུ་ཕྱིན། ཟླ་བ་ཕྱེད་གཉིས་ལ་ཐུག་གི་བར་དུ་ཞབས་ཀྱི་པདྨོ་བསྟེན་ཏེ། གསང་སྔགས་གསར་རྙིང་གི་དབང་ལུང་འཁྲིད་མན་ངག་ཇི་སྙེད་ཅིག་ལྷུག་པར་སྩལ། རྒྱལ་བ་ཙོང་ཁ་པའི་གསུང་སྒྲོས་རིན་པོ་ཆེ་ཡིག་ཆུང་ཉེར་གཅིག་གི་ལྗགས་ལུང་སྐབས། ཡི་གེར་མ་བཏབ་ན་རྗེའི་གསུང་ངག་རྣམས་རིམ་གྱིས་ནུབ་དོགས་ཚུལ་འདུག་ཅེས་མཁས་གྲུབ་རིན་པོ་ཆེའི་གསུང་རྣམས་བྱུང་བས་རྐྱེན་བྱས་སྤྱན་ཆབ་ཤར་མར་ཤོར་ཏེ་ཡུག་

― GLG008_Page_0658 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་ལྗགས་ཀློག་གི་འཚམས་འཇོག་དགོས་བྱུང་། ལར་རྒྱལ་བ་གཉིས་པའི་བསྟན་པ་འདི་ཐུགས་རང་ལ་གཅགས་པའི་ཉམས་ཆེན་པོ་བརྗོད་ལས་འདས་པར་གདའ་བས། རྗེ་འདི་ཞལ་བཞུགས་སྐབས། རིས་མེད་ཆོས་ལ་མཁྱེན་པ་ཆེ་བས་གྲུབ་མཐའ་མི་གཙང་བར་གླེང་མཁན་མང་པོ་ཡོད་དེ། གྲུབ་མཐའ་གཙང་གཙང་མོ་ཚོས་ཀྱང་། རྒྱལ་བ་ཙོང་ཁ་པའི་བསྟན་པ་ལ་ཐུགས་ཞེན་བཅོས་མིན་རྗེ་འདི་པ་ཙམ་དཀའ་བར་མཆིས། ཕྱག་དཔེ་དཔེ་ཁྲིར་རྩིག་པའི་ཚེ་ཡང་། རྒྱལ་བ་གཉིས་པའི་གསུང་རབ་རྣམས་སྟེང་ཁོ་ནར་འོང་བ་གནང་། གལ་བོར་འོག་ཏུ་ཆུད་ན་བཀའ་བཀྱོན། བསྐྱེད་རིམ་གྱི་རྟོགས་པ་མཐར་ཕྱིན་པའི་རྟགས་ཀྱི་གསུང་ཐོལ་བྱུང་དུ་ཡང་ཡང་གནང་། སླར་ཞིབ་ཏུ་ཞུས་ན་སྦས་པའི་བརྟུལ་ཞུགས་འཛིན། ངེད་སྐུ་གཞོགས་ན་ཡོད་དུས་གཅིག་རྫི་བོ་ཞིག་རྦབ་ལ་ཤོར་ནས་ཤི་བའི་བསྔོ་ཞུས་བྱུང་བས་དེ་མ་ཐག་བཅོས་མིན་གྱི་སྙིང་རྗེ་ཆེན་པོ་བླ་ན་མེད་པའི་རྣམ་པ་དང་བཅས་སྨོན་ལམ་གྱི་ཐུགས་འདུན་གཏད། སླར་སྐུ་མདུན་གྱི་མི་ཚོར་སྦུབ་ཟོའི་རྣམ་པས་ཇི་མི་སྙམ་པ་ལྟ་བུར་བཞུགས། ཐུགས་དམ་བརྟག་པ་འགའ་ཞིག་ཞུས་པས། ལྟ་སྣང་དུ་ཕྱག་འཕྲེང་ལ་བརྩིས་པའི་མོ་ཞིག་གནང་། བཀའ་ཕེབས་གང་གནང་ཐམས་ཅད་ཀྱི་ཐོག་ཁོ་ནར་སོང་། དོན་དུ་ནི་ཡེ་ཤེས་ཀྱི་གཟིགས་པ་སྟེ། འཕྲེང་མོ་དེ་ངེད་ལ་སློབ་པ་གནང་བྱུང་བར། ལག་ཏུ་བླངས་ཚེ་ཡིད་གཏན་རུང་བ་ནི་ཅི་ཡང་མ་བྱུང་། གཞན་ལ་ཡང་དེ་དང་འདྲ་བ་བྱུང་ངོ་། །རིན་པོ་ཆེ་དངས་མ་བའི་ལུགས་ཀྱི་སྔགས་འཁོར་གྱི་ཕྱག་ཁྲིད་གནང་ཚེ་ལག་སྦྱོངས་བྱས་པའི་འཁོར་ལོ་

― GLG008_Page_0659 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་གོང་ལར་བཙུགས་པས། རླུང་ཚུབ་ཆེན་པོ་གློ་བུར་དུ་བྱུང་ནས་འཁོར་ལོ་ཁྱེར། བཀའ་ལས། ད་རེས་ལག་ལེན་དངོས་གཞི་མིན་ནའང་འཚུབ་ཀྱི་རྣམ་པ་ཡིན་ངེས་སུ་འདུག་པས་ཡ་རྣམས་འཕྲལ་དུ་བསུབས་པ་ལེགས་གསུང་། བླ་མེད་ཀྱི་བཀའ་དབང་ཆེ་བ་རེ་གང་གནང་ཡང་དབང་རྫས་མཆོད་པ་ཡོ་བྱད་ཕྲ་མོ་ཚུན་ལ་ཡང་སོ་སོའི་བཤད་སྲོལ་ལྟར་ཞིབ་ཏུ་གནང་བ་མ་གཏོགས་སླ་ཆོས་གཏན་མི་གནང་། འཁྲིད་ཕྱག་བཞེས་ཀྱི་རིགས་ཀྱང་བླ་མ་འདི་འདི་འདྲ་བཞེད་ཅེས་ཞིབ་ཆ་ཤིན་ཏུ་ཆེ། རྗེས་སོར་དམིགས་ཁྲིད་ཀྱི་ཁྱད་འོང་ཞེས་བློར་འཇགས་ཐབས་ཀྱི་བསླབ་སྟོན་འབའ་ཞིག་གནང་། ཉིན་གཅིག་འཇིགས་བྱེད་ཀྱི་འཁྲུལ་འཁོར་ལས་འཕྲོས་ནས། དབང་གི་ལས་ཁོ་ན་ལ་བསྔགས་བརྗོད་དང་། དོན་གྱིས་བྱེད་དགོས་པའི་བརྡ་ལྟ་བུ་གནང་། དེ་སྐབས་རང་བཞིན་གྱི་བཀའ་ཕེབས་ཡིན་ནམ་སྙམ་པ་ལས་མ་གོ །ཕྱིས་བསམས་ཚེ་ལོ་དེའི་འཇུག་ཏུ་ཁར་ཁ་ཨ་ས་ལང་འོང་རྒྱུ་ཡིན་པ་ལ་དགོངས་པར་འདུག །བཀའ་ཆོས་ཀྱི་མཚམས་ལ་གསུང་འཕྲོས་ཀྱི་རིགས་སྔོན་བྱོན་གྱི་ལོ་རྒྱུས། རྒན་རབས་ཀྱི་ངག་སྒྲོས་ཀྱིས་མཐའ་བརྟེན་པ་མ་གཏོགས་རྒྱུ་མཚན་དང་མི་འབྲེལ་བའི་དུག་གསུམ་གྱིས་ཀུན་ནས་བསླང་བའི་ལོང་གཏམ་གསུང་བ་ནི་མ་ཐོས། ཚུར་འོང་ཁར་ཐོས་བསམ་སྒོམ་གསུམ་བྱེད་ལུགས་སོགས་ཀྱི་བསླབ་སྟོན་དང་། ད་འགྱངས་མེད་བསྙེན་རྫོགས་ཅིག་ཀྱང་སྒྲུབ་རན་པས། པཎ་ཆེན་རིན་པོ་ཆེ་མཁན་པོར་གདན་འདྲེན་དགོས་པ་སོགས་ཞིབ་རྒྱས་ཀྱི་བཀའ་ཕེབས་གནང་། ཧོར་ཟླ་དགུ་པའི་ནང་དུ་ཨ་ས་ལང་དམག་གི་

― GLG008_Page_0660 ―

^{[མ་དཔེ་གཟིགས་ན་འདིར་གནོན།]}

[Full Size]

དཔུང་ཆེན་པོ་དང་བཅས་ཏེ་འདམ་དུ་འབྱོར། སླེབ་མ་ཐོག་ཡོང་ཤ་བུའི་དཔོན་ཁག་བཞི་ཙམ་བཅོམ་པ་སོགས་ཀྱི་དྲག་ཤུལ་གྱིས་བོད་རྣམས་སྐྲག་ཅིང་། རྒྱལ་བ་གཉིས་པའི་བསྟན་པ་ལ་མི་བསྲུན་པའི་བློ་ཡོད་པ་འདྲ་ཞེས་ཕལ་ཆེར་ཡིད་གཉིས་སུ་གྱུར་ཀྱང་། རྗེ་འདི་ཉིད་ཀྱིས་སྐྱོན་དུ་འགྱུར་བ་མི་འོང་བའི་བཀའ་གསལ་ཕྱག་བྲིས་སུ་གནང་། དེ་ཡང་སོག་དམག་དེས་སྤྱིར་བསྟན་པ་དང་བོད་ཁམས་ལ་མི་དགེ །ཁྱད་པར་རྒྱལ་བ་ཙོང་ཁ་པའི་བསྟན་པ་ལ་ངན་སེམས་འཆང་བ་མཁྱེན་ཏེ། དཔལ་རྡོ་རྗེ་འཇིགས་བྱེད་ཀྱི་རྒྱུད་རྟོག་པ་གསུམ་པའི་དོན་རྒྱས་པར་བཤད་པ་ཁམས་གསུམ་ལས་རྣམ་པར་རྒྱལ་བའི་ཉི་འོད་ཀྱི་འཕྲིན་ལས་རྣམ་བཞིའི་སྒོ་ནས་སྡང་སེམས་ཞི་བ། སྤ་བཀོང་བ། དབང་དུ་བསྡུ་བ་སོགས་ཀྱི་ལས་སྦྱོར་དང་། ཨ་ས་ལང་ལ་ཡང་རྒྱལ་བ་གཉིས་པའི་བསྟན་པ་ལ་གུས་མཆོད་ལྷུར་བླངས་ན་འདི་ཕྱིར་དགེ་བའི་ཞལ་ཏ་དང་ཕྱག་ཐམ་གནང་ངོ་། །མི་བསྲུན་སྐྱེ་བོའི་སྡང་སེམས་མུན་པའི་དཔུང་། །རྨད་བྱུང་ཐུགས་རྗེའི་འོད་ཀྱིས་རབ་ཞི་བས། །ཐུབ་བསྟན་པད་མོའི་འདབ་མ་རྒྱས་སོ་ཞེས། །སྙན་གྲགས་ཕྱོགས་བྲལ་བུ་མོའི་འགྲམ་པར་བཀོད། །རང་བཞིན་གྱིས་སྟོང་ཐ་སྙད་རྟེན་འབྱུང་དུ། །གྲུབ་ཕྱིར་གནག་པའི་ཡིད་ཀྱང་གཉེན་གཤིན་པར། །གྱུར་པས་ཟླ་བའི་ཞབས་ཀྱི་རི་མོའི་བར། །འོ་མ་བཞོས་པའི་ངོ་མཚར་གཉིས་པ་བྱས། །སོག་པོའི་དམག་གིས་ཡར་འབྲོག་ཕྱོགས་སུ་བརྒྱུགས་པ་ལ་བརྟེན། མེ་བྱིའི་དཔྱིད་ཀ་གཙང་ས་ནས། བོད་ཁྲི་སྐོར་བཅུ་གསུམ་གྱི་དཔུང་གནམ་མཚོ་ལེ་གོང་དུ་བཏེག །བོད་སོག་གི་མདུན་འཆིངས་གླེང་བར་གཙང་ནས་འགྲོ་དགོས་ཚུལ་བྱུང་བ་ལྟར།

― GLG008_Page_0661 ―

^{[མ་དཔེ་གཟིགས་ན་འདིར་གནོན།]}

[Full Size]

ངེད་རྣམས་འཕན་ཡུལ་རྒྱལ་ལྷ་ཁང་བར་ཕྱིན། ཚུར་ལམ་ཕ་བོང་ཁར་སྐུ་གཞོགས་སུ་འོངས། བཀའ་ཆོས་ཀྱི་རིམ་པ་ཞུ་བ་དང་བཅས་ཟླ་ཤས་སྡོད་རྩིས་ཡིན་ཡང་། ཉེ་སྐོར་ཚོར་འབྲུམ་པ་མཆེད་པས། ཞག་བཅུ་སྐོར་གྱི་བར་ལས་སྡོད་པ་མ་ཤར། འོན་ཀྱང་། སླེབ་ཉིན་སྤྲེལ་ཟླའི་ཚེས་བཅུ་དང་འགྲིག་པས། དེ་ཉིན་རང་ཐུན་དྲུག་གི་ལྗགས་ལུང་དང་། སང་ནས་བཟུང་འདོད་སྦྱར་གྱི་བཀའ་ཆོས་རྣམས་ལྷུག་པར་སྩལ། བཀའ་ལས། ད་ལོའི་འབྲུམ་ནད་འདི་ཡང་མཐའ་དམག་བོད་དུ་ལྷགས་ཆེས་པའི་མཐའ་འདྲེའི་ཁ་རླངས་ཡིན་པས། རྒྱ་འགོང་གནད་ལ་གཟིར་བའི་སྐོར་འདི་ལག་ལེན་དུ་བསྟར་དགོས་ཚུལ་གྱི་བསླབ་སྟོན་དང་ལྗགས་ཁྲིད་གནང་། དགེ་འཕེལ་དུ་སླེབ་འཕྲལ་ལག་ལེན་བྱས་པས་རྨི་ལྟས་ཀྱང་ཕེབས་སྒོ་བཞིན་བྱུང་། དེ་དུས་བསྟན་པ་དང་སེམས་ཅན་གྱི་དོན་དུ་ཡུན་རིང་པོར་བཞུགས་དགོས་པའི་གསོལ་བ་བཏབ་པས། བྲག་དགོན་དུ་སྐྱེ་བརྟག་གནང་བའི་ལོ་རྒྱུས་སོགས་གསུང་ཞིང་། ང་ལོ་དོན་དྲུག་པ་ཡིན་པས། ད་ཡུན་རིང་ཨེ་སྡོད་མི་ཤེས་ཞེས་ཞལ་གྱིས་བཞེས་པ་མ་བྱུང་། སྐུ་སྐྱེ་བ་གང་དུ་བཞེས་ཞུས་པར་ཡང་། སྔར་སློབ་གཉེར་གྱི་མུས་ལ་རི་ཁྲོད་ཉག་བསྐྱངས་ནས་སྒྲུབ་པ་ཞིག་བྱེད་རྒྱུ་བྱུང་ན་དག་པའི་ཞིང་ཞིག་ཏུ་སྐྱེ་ཨེ་ཐུབ་ཀྱི་འདུན་པ་ཡིན་ནའང་། བར་དུ་རྣམ་གཡེང་དང་དཀོར་གྱི་དབང་གིས་རང་དབང་འདུས་པ་ཞིག་དཀའ་བར་འདུག་ཀྱང་། རྒྱ་ཧོར་དབུས་གཙང་སོགས་སུ་སྐྱེ་བ་ལེན་འདོད་ནི་མེད་ཅེས་བཀའ་ཕེབས། དེ་ཡང་ཐུགས་དབང་མི་འདུས་པ་སོགས་ནི་དགོངས་པ་ཅན་དུ་ངེས་ཤིང་། ལོ་སྔོན་

― GLG008_Page_0662 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་སྐབས་ཐུན་དྲུག་མའི་སྐོར་ནས་འཕྲོས་ཏེ། འདི་ནས་གནང་གི་ཨེ་ཡོད་ཞུས་པས། མ་ཆག་པ་རང་བྱེད་ཀྱི་ཡོད་ལགས། རྔ་ཡབ་པདྨ་འོད་ཀྱི་གཞལ་ཡས་སུ་འགྲོ་དགོས་པ་ཞེས་བཀའ་ཕེབས་པས། ཐེག་ཆེན་འཕགས་པ་སྙིང་རྗེ་དང་སྨོན་ལམ་གྱི་དབང་གིས་སྐྱེ་འཆིའི་ཚུལ་སྟོན་པ་ནི། བུ་ཕ་ཁྱིམ་དུ་འགྲོ་བ་ལས་ཀྱང་ཆེས་སླའོ། །བཀའ་ཕེབས་རྣམས་ལ་བརྟགས་ན། ཐམས་ཅད་མཁྱེན་པ་དགེ་འདུན་གྲུབ་ཀྱིས། རྒྱ་ནག་ཏུ་ཆོས་དར་པོ་མེད་འདུག་པས་སྐྱེ་བ་ལེན་པའི་ཤེས་འདོད་མེད་གསུངས་པ་ལྟར། མཐའ་འཁོབ་ཀྱི་ཡུལ་དམ་པའི་ཆོས་ཀྱི་སྣང་བརྙན་ཙམ་ལས་མེད་པ་རྣམས་ལ་ནི། རྗེ་འདི་ཉིད་སྐུ་སྐྱེ་བ་མི་བཞེས་པར་གཏན་ཚིགས་སུ་གྲུབ་ལ། དབུས་གཙང་གི་ཕྱོགས་སུ་གདུལ་བྱའི་འཕྲོ་མ་དང་། སངས་རྒྱས་བྱང་སེམས་ཀྱིས་བསྐུལ་ཏེ་སྤྲུལ་པའི་རྣམ་རོལ་སྟོན་པ་ཡང་སྲིད་མོད། དེ་ཡང་ཉི་མ་ཤར་བ་ན་མུན་པའི་ཚོགས་མཐའ་དག་ངང་གིས་འཇོམས་པ་ལྟར། གཞན་གྱིས་འགེབས་པར་མི་ནུས་པས། སྐུ་གསུང་ཐུགས་ཀྱི་མཛད་པ་ངོ་མཚར་བའི་ཚུལ་རང་བབས་ཀྱིས་སྟོན་པ་ལས་ཕ་མ་གཡོ་སྒྱུ་ཅན་གྱིས་གཏམ་སྣ་ཚོགས་སུ་སྒྲོག་པ། གྲྭ་རིགས་སྦྱིན་བདག་གི་ཚོད་འདིང་བ་སོགས་མུན་ཁུང་དུ་མདའ་འཕེན་པའི་སྦྱོར་བ་ཙམ་ལ་ནི་ཡིད་རྟོན་པར་མི་ནུས་སོ། །ཧོར་ཟླ་བདུན་པའི་ནང་དུ་ཨ་ས་ལང་མི་བཟང་དང་བཅས་ཇོ་མཇལ་ལ་འོངས། རྗེ་འདི་ཉིད་མཇལ་ཏེ། ལེགས་ཉེས་ཀྱི་བརྟག་པ་ཞུ་བ་དང་། ཟང་ཟིང་གི་འབུལ་ནོད་མང་དུ་བྱས། དམ་སེལ་གྱི་རྣམ་པས་ནམ་མཁའ་ཤིན་ཏུ་ཚུབ་ཅིང་། ཁྱད་པར་དགེ་འཕེལ་གྱི་རི་རྒྱུད་ནས་སྣ་དྲངས། ཕ་བོང་ཁའི་བར་སེར་བ་དྲག་ཏུ་བབས། དེ་འཕྲལ་

― GLG008_Page_0663 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐང་བཤགས་དང་གཏོར་འབུལ་སོགས་མཛད་པས་ནམ་མཁའ་དྭངས། བརྟག་པ་ཡང་། ཨ་ས་ལང་ཕར་མཚོ་ཁར་ལོག་ན་ཕ་དང་ཨེ་འཕྲད་ཞུས་པས་མི་འཕྲད་ཅིང་བར་ཆད་ཆེ་བ་འདུག་གསུངས། ཕའི་བློན་པོ་ཐའི་ཅིང་གིས་ང་འདི་ནས་མགྱོགས་པར་མཚོ་ཁར་ཕྱིན་ན་དཔོན་པོ་དང་ཨེ་མཇལ། སྡེ་རྣམས་འཚམ་པོར་ཨེ་ཡོད། དཔོན་སྐུ་ཁམས་ཨེ་བཟང་ཞུས་པས། ད་ལྟ་སྡེ་ཡང་འཚམ་པོར་ཡོད། དཔོན་ཡང་སྐུ་ཁམས་བཟང་བར་འདུག །ཁྱོད་དང་དཔོན་མི་མཇལ་གསུངས། ཐའི་ཅིང་གི་བསམ་པ་ལ། དཔོན་སྐུ་ཁམས་བཟང་། སྡེ་འཚམ་པོར་ཡོད་ན་ཟླ་བ་གཉིས་གསུམ་ལ་ང་མཚོ་ཁར་ནི་སླེབ་འགྲོ །བརྟག་པ་འདི་ཅི་འདྲ་ཡིན་བསམས་པ་ཤར་བ་རྗེས་སུ་གླེང་བརྗོད་བྱུང་འདུག །དེ་ནས་ཟླ་བ་དྲུག་ཐོག་ལ་བར་ཁམས་སུ་ཨ་ས་ལང་དཔོན་གཡོག་ནང་འཁྲུག་དང་། མཚོ་ཁར་ཨོ་རོད་ཀྱི་དམག་གིས་བཅོམ་པ་དུས་མཉམ་དུ་བྱུང་ངོ་། །གྲངས་མེད་འགྲོ་ལ་བརྩེ་བའི་ཆུ་རྒྱུན་གྱིས། །ཐུགས་རྗེའི་ཞིང་ས་དུས་དྲུག་བརླན་པ་ལས། །ལེགས་ཉེས་འབྱུང་འགྱུར་གསལ་བའི་འབྲས་བུའི་ཁུར། །རིས་མེད་སྐྱེ་དགུའི་ཐོས་འཛིན་རྒྱན་དུ་ལྡེམ། །མ་འོངས་མངོན་སུམ་སྟོན་པའི་གསང་བའི་ཚིག །མཐའ་འཁོབ་རྗེ་འབངས་རྣ་བར་བསྒྲགས་པ་ན། །ལོག་རྟོག་ཅན་འགའ་ཐེ་ཚོམ་ཁྱོགས་འཆང་ཡང་། །དྲུག་གི་ཟླ་བར་མཐའ་དག་མངོན་དུ་གྱུར། །མེ་མོ་གླང་གི་ལོ་ལ་དབྱར་གནས་སོགས་སྔར་བཞིན་རྒྱས་པར་གནང་། གནས་བཅུ་ཕྱག་མཆོད་ཀྱི་ཞལ་བཀོད་དང་། ཐ་མའི་ཞལ་གདམས་མང་དུ་གསུངས་ཀྱང་མི་བཞུགས་པའི་བརྡར་མ་གོ །དགག་དབྱེ་གྲོལ་རྗེས་ཧོར་ཟླ་བརྒྱད་

― GLG008_Page_0664 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཚེས་བརྒྱད་ནས་སྐུ་ཅུང་ཟད་བསྙུང་བའི་ཚུལ་བསྟན། ཉི་ཐང་དྲུང་འཚོ་བ་སོགས་ཀྱིས་འཕྲོད་བསྟེན་མང་དུ་བྱས་ཀྱང་གདངས་བསྐྱེད་ཆེར་མ་བྱུང་། སྔ་མོ་ནས་དགུང་ལོ་དོན་བདུན་ལས་མི་བཞུགས་པ་དང་། རིག་འཛིན་རཏྣ་གླིང་པའི་རྣམ་ཐར་དུ་ཁམས་ལྕགས་ཡིན་པས་བཞུར་ཡང་མི་བཏུབ་གསུང་བའི་ལུང་འདྲེན་ཡང་ཡང་གནང་སྟེ། ཁྱེད་ཉེ་འཁོར་རྣམས་ཀྱིས་འཁུར་དང་བུལ་ཏོག་སོགས་ལྕག་རྩོལ་གྱིས། ཁོ་བོ་ལྕགས་ཁམས་ཡིན་པས་ལོ་གཅིག་གི་བར་སྲེག་མི་བཏུབ། རྟེན་སྨན་སྐུ་ཙམ་ལས་མ་ཐུབ་ཀྱང་གནས་འདི་ཁར་བཞེངས་པ་འགྲོ་དོན་ཆེ་གསུངས། བྲག་སྣ་ཆོས་རྗེ་ལྷ་སར་འབྱོར་འཕྲལ་སྐུ་གཞོགས་སུ་ཕྱིན་པར་སྐུ་ཤིན་ཏུ་བསྙུན་པའི་ཚུལ་སྟོན་སྐབས་ཡིན་འདུག་ཀྱང་ཕྱག་གཉིས་ཀས་ཕྱག་དབང་ནོན་ཆེན་དབུ་ཐུག་དང་། རྣམ་རྒྱལ་གྲྭ་ཚང་གི་བླ་མ་བྱས་པ་ལེགས། གྲྭ་ཚོགས་ཙམ་ཡོད་ཅེས་དྲི་བ་སོགས་དགྱེས་དགྱེས་གནང་། ཚེས་དགུ་དང་བཅུའི་ཉིན་ནམ་མཁའ་ལ་ཡང་ཡང་གཟིགས་ཀྱིན་བཞད་མོ་དང་བཅས་ཏེ་དགྱེས་པའི་རྣམ་འགྱུར་མང་དུ་མཛད། དེ་ལ་དགོངས་གཞི་ཆེ་བ་ཡོད་ཚོད་དུ་འདུག་ཀྱང་འདི་ཞེས་བརྗོད་པའི་ཡུལ་ལས་འདས་སོ། །ཚེས་བཅུ་གཅིག་གི་སྲོད་དུས་ལ་ཟབ་ཞི་སྤྲོས་བྲལ་འོད་གསལ་ཆོས་ཀྱི་སྐུ་མངོན་དུ་གྱུར་ཅིང་། ཞིང་འདིའི་མཛད་པ་ཐ་མ་བསྟན་ཏེ་གཟུགས་སྐུ་ཆོས་དབྱིངས་སུ་ཐིམ། འདི་སྐབས་ངེད་ཚོ་རྒྱལ་ཕྱོགས་ནས་ཡོངས་ཏེ་དགའ་ལྡན་ཁང་གསར་དུ་འབྱོར་ཚེ། དག་པའི་ཞིང་དུ་གཤེགས་ནས་ཞག་གཉིས་སོང་གྲུབ་འདུག་པས་ངོས་ཀྱིས་མཇལ་བའི་སྐལ་པ་དང་ནི་བྲལ། གདུང་མཇལ་ཞིག་ལ་འགྲོ་འདོད་བྱུང་ཡང་། ལྷོ་བྱང་ནས་ཡོང་མི་མང་བ་སོགས་

― GLG008_Page_0665 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་རྣམ་གཡེང་གིས་རང་དབང་མ་ཐོབ། དེ་ཡང་སེམས་ངོ་ཇི་བཞིན་མ་འཕྲོད་པའི་སྐྱོན་དུ་འདུག་གོ །འགྱུར་མེད་ཆོས་དབྱིངས་ངང་གཅིག་ཀྱང་། །གཉིས་མེད་གཉིས་སུ་ཤར་བ་ཡི། །སྣ་ཚོགས་སྤྲུལ་སྐུའི་ཟློས་གར་དེ། །མཁའ་ལ་མཁའ་ཡི་སྦྱོར་བ་བཞིན། །འདི་སྣང་ལ་ཞེན་འཛིན་པ་ཅན། །ཆུ་ཤིང་འབྲས་ལྟར་གྲུབ་པའི་གཟུགས། །རྡོ་རྗེའི་སྐུ་ཡང་འཇིག་ཚུལ་གྱིས། །རྙོག་བྲལ་ཆུ་མཚོར་གསལ་བར་ཤར། །ཞག་བདུན་གྱི་བར་དད་ལྡན་གསོལ་བ་འདེབས་པ་རྣམས་ཀྱི་ཆེད་དང་། དམངས་ཕལ་པ་རྣམས་ཀྱི་དད་པའི་གསོས་སུ་ཐུགས་དམ་ལ་བཞུགས་པའི་རྟགས། དྲི་བཟང་པོས་ཁྱབ་པ་དང་། སྐུ་མདངས་མ་ཡལ་བ་སོགས་བྱུང་། ཁྱད་པར་འཆི་བ་འོད་གསལ་ཆོས་ཀྱི་སྐུ་ཨ་ཏི་ཡོ་གའི་དོན་ལས་མི་འདའ་བའི་རྟགས་སུ། ནམ་མཁའ་གཡའ་དག་པ་ལ་འཇའ་འོད་ཀྱི་གུར། རྩིབས་ཤར། གྱེན་འདྲེན། ཐིག་ལེའི་རྣམ་པ་ཉི་མ་མང་དུ་བྱུང་ངོ་། །འོད་སྐོར་ཚོམ་བུ་ཆུ་ཡི་སྒྲོན་མ་སོགས། །ནང་དུ་ཇི་བཞིན་མངོན་དུ་གྱུར་པའི་རྟགས། །ཕྱི་རོལ་སྐྱེ་བོའི་མིག་ལ་སྟོན་པ་ནི། །རྒྱུ་འབྲས་བསླུ་བ་མེད་པའི་ངང་ཚུལ་ངོམ། །ཚེས་བཅུ་དགུའི་ཉིན་ད་ལྟའི་དགའ་ལྡན་ཁྲི་ཐོག་པ་ཆོས་རྗེ་ཆོས་རྒྱལ་པ་སྨད་རྒྱུད་གྲྭ་ཚང་གི་སློབ་དཔོན་ལས་ཐོག་པ་ཡིན་པས། དཔོན་སློབ་ཐམས་ཅད་ཀྱིས་གདུང་མཇལ་དང་། སྐུ་གདུང་རིན་པོ་ཆེའི་སྐུ་གཞོགས་སུ་འདུས་པའི་སྨོན་ལམ་མགྲིན་གཅིག་གསུངས་པས་འཚམས་སྦྱར་ཏེ། འཆི་བ་འོད་གསལ་ཆོས་ཀྱི་སྐུ་ལས་བར་དོ་ལོངས་སྤྱོད་རྫོགས་སྐུར་བཞེངས་པའི་རྟགས་སུ་ཐུགས་དམ་གྲོལ། གདུང་ཆོག་ལ་དགེ་སློང་

― GLG008_Page_0666 ―

^{[མ་དཔེ་གཟིགས་ན་འདིར་གནོན།]}

[Full Size]

རི་ཁྲོད་པ་རྣམས་ཀྱིས་དཔལ་གསང་བ་འདུས་པའི་དཀྱིལ་འཁོར་གྱི་ཆོ་གའི་སྒོ་ནས་ཀུན་ཏུ་བཟང་པོའི་མཆོད་པའི་སྤྲིན་ཟད་མི་ཤེས་པ་འབུལ་བ་དང་། རྒྱུད་སྟོད་སྨད་ཚོར་འདུས་པའི་སྟོང་རྩ། སེར་འབྲས་དགེ་གསུམ་ལ་མང་འགྱེད། དཔོན་སློབ་པཎ་ཆེན་རིན་པོ་ཆེ་སོགས་བླ་མ་རྣམས་ལ་ཐུགས་དམ་འདོགས་ཆས་ཀྱིས་མཚོན་དགོངས་པ་རྫོགས་ཐབས་རྒྱ་ཆེན་པོ་དཀའ་བཅུ་པ་འཕྲིན་ལས་ཕུན་ཚོགས་ཀྱིས་དོ་དམ་བྱས་ཏེ་བསྒྲུབས། དེ་ཡང་ཞལ་ཆེམས་བཞིན། གླང་ལོའི་འཕྲོ་མ་རྫོགས་ཀྱི་རིང་སྐུ་གདུང་རིན་པོ་ཆེ་བཞུགས་པ་འགབ་པར་ཀུན་མཐུན་ཏེ། ཚེས་ཉི་ཤུའི་དགོངས་མོ་ཆོས་རྗེ་སྔགས་རམ་པ་དང་ཉི་ཐང་སློབ་དཔོན་གཉིས་ཀྱིས་སྤུར་ཆས་བྱས་ནས་མཆོད་པའི་རྟེན་དུ་བཞུགས་སུ་གསོལ། ཟླ་བ་བཅུ་པའི་ནང་དུ་བསྟན་འཛིན་ཆོས་ཀྱི་རྒྱལ་པོ་དང་། ཅོ་ཎེ་ཆོས་རྗེ་སོགས་ཀྱིས་གདུང་མཇལ་དུ་བྱོན། དངུལ་སྲང་ལྔ་བཅུ་མ། དངུལ་གྱི་ཀ་ཏོ་ར་སོགས་རྟེན་བཞེངས་ཀྱི་མཐུན་རྐྱེན་མཆོག་དམན་དུ་མས་མང་དུ་ཕུལ། དཀའ་བཅུ་པས་བླ་མ་ལ་སྲི་ཞུ་ཆེ་བ་སོགས་བསམ་པ་རྣམ་པར་དག་པས་ཕྱི་རྟེན་ལ་དངུལ་གདུང་བཞེང་རྩིས་ཀྱིས་ལོ་གསར་ནས། བྱེས་པ་སློབ་དཔོན་བྱམས་པ་སྨོན་ལམ་དང་། རི་ཁྲོད་པ་རྣམས་ཀྱིས་གདུང་ཞུགས་སུ་ཕུལ་བས་ནམ་མཁའ་དྭངས་པ་དང་། འཇའ་འོད་ཀྱི་གུར། མེ་ཏོག་གི་ཆར་བབས། ཕྱིར་མི་ལྡོག་པའི་རྟགས་སུ་དབུ་ཐོད་བམ་རིལ། ཐུགས། སྐུ་ཉུངས་འབྲུ་ལྟ་བུའི་རིང་སྲེལ་འགའ་ཞིག་བྱོན། དེ་ཡང་ཞུགས་འབུལ་བ་བྱེས་པ་སློབ་དཔོན་འཕྲིན་ལས་བསམ་གྲུབ། བྲག་སྣ་ཆོས་རྗེ། ཆོས་རྗེ་སྔགས་རམ་པ་སོགས་སློབ་མ་དམ་ཚིག་གི་སེལ་མེད་པ་ཞིག་

― GLG008_Page_0667 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ན། གདུལ་བྱ་རྣམས་ཀྱི་དད་རྟེན་དུ་རང་བྱོན་གྱི་སྐུ་དང་གདུང་ཤ་རྭི་རཾ་སོགས་ཇི་སྙེད་ཅིག་འོང་ཚོད་དུ་འདུག་ཀྱང་། རབ་འབྱམས་པ་བྱམས་པ་སྨོན་ལམ་བྱེས་ཀྱི་དགེ་སྐོས་སྐབས་རྗེ་འདི་པའི་ཐུགས་དཀྲུགས་པའི་དམ་ཚིག་གི་སེལ་རེ་ཆེ་ཡོད་འདུག་པས་ཉམས་གྲིབ་ཀྱི་སྐྱོན་དུ་ངེས་ཏེ། གླིང་རས་པདྨ་རྡོ་རྗེར་ཡང་དམ་སེལ་ཅན་ཞིག་ལ་བརྟེན་ནས་གཤེགས་པའི་ལོ་རྒྱུས་དང་དུས་གྱིས་ཀྱང་རྗེ་རྣམ་རྒྱལ་དཔལ་བཟང་ཐུགས་དམ་ལ་བཞུགས་པའི་དྲུང་དུ་སྡེ་པ་གཡུལ་རྒྱལ་བས་བྱོན་པས་ཐུགས་དམ་གྲོལ་བ་སོགས་མང་ལ། དཔོན་སློབ་ཀྱི་བར་གྱི་དམ་ཚིག་ནི་ཤིན་ཏུ་འཇིགས་པས་སོ། །གཟུང་མེད་བརྗོད་བྲལ་སྣང་སྟོང་འཇའ་ཡི་ལུས། །ཡེ་ཤེས་ཞུགས་ཀྱིས་བསྲེགས་ཚེ་ཤ་རཱི་རཾ། །ཐ་སྙད་རྟེན་འབྱུང་ངོ་བོར་གྲུབ་པའི་གདུང་། །ཕྱུར་བུར་སྤུངས་ཀྱང་མཁའ་འགྲོས་ཞིང་གཞན་དྲངས། །ས་སྟག་ནང་དུ་བྱང་ཆུབ་ཆེན་པོའི་མཆོད་རྟེན་མཐོ་བཅུ་པ་ཉིད་ཆོས་རྗེ་སྔགས་རམ་པས་ཐིག་རྩ། གཟུང་གཞུག་འབུལ་བ་དང་། གང་ཅིའི་ཁུར་ལེན་དཀའ་བཅུ་པས་བགྱིས་ཏེ། བལ་པོ་བདུན་གྱིས་ཟླ་བ་གཅིག་ལ་གེགས་མེད་པར་ལྷུན་གྱིས་གྲུབ། རི་ཁྲོད་པ་རྣམས་ཀྱིས་རབ་ཏུ་གནས་ཤིང་། ཟླ་བ་ལྔ་པའི་ནང་དུ་ངེད་ལ་མེ་ཏོག་འཐོར་བར་འོང་དགོས་ཚུལ་བྱུང་བ་ལྟར་དབེན་གནས་སུ་འོངས། དབུ་ཐོད་དང་ཚེམས་འཕེལ་བའི་དུང་གཡས་འཁྱིལ་རྣམས་གདུང་རྟེན་དུ་བཞུགས་འདུག་པས། དངུལ་གདུང་སྐུ་གཞོགས་སུ་ཞག་གཅིག་བསྡད། སྨོན་ལམ་གྱིས་མཚམས་སྦྱར། བཀྲ་ཤིས་པའི་ཚིགས་སུ་བཅད་པའི་ཤིས་པ་བརྗོད་དོ། །དེ་ནས་བཟུང་ད་ལྟའི་བར་

― GLG008_Page_0668 ―

^{[མ་དཔེ་གཟིགས་ན་འདིར་གནོན།]}

[Full Size]

དཀའ་བཅུ་པ་སོགས་དགེ་སློང་བརྒྱད་གྲྭར་མཐའ་བསྟེན་པ་ཕ་བོང་ཁར་རྒྱུན་ཆད་མེད་པར་གནས་པ་ནི་རྗེ་དེ་ཉིད་ཀྱིས་དགོངས་པ་གཏད་པའི་བདེན་ཚིག་གི་མཐུའོ། །སླད་ནས་ཀྱང་བོད་གངས་ཀྱི་ར་བས་ཡོངས་སུ་བསྐོར་བའི་བསྟན་འགྲོའི་ཕན་བདེ་སྙིང་ལ་གཅགས་པ་ཡིན་ན། གནས་འདི་ཉིད་དུ་དགེ་འདུན་གྱི་སྡེ་ཚུགས་པ་དང་སྲི་ཞུ་བགྱིད་པ་ལ་བརྩོན་པར་རིགས་སོ། །རབ་འབྱམས་རྒྱལ་བ་ཀུན་དངོས་དངོས་རྒྱུད་བླ་མ་ཡོངས་ཀྱི་དཔལ། །དཔལ་ལྡན་ཀུན་མཁྱེན་ཡེ་ཤེས་ཤེས་བྱ་རྣམས་ལ་ཐོགས་མེད་དུ། །དུ་མར་འབྱེད་ཅིང་ལེགས་དཔྱོད་དཔྱོད་ལྡན་དགའ་བའི་འབྱོར་བའི་གཏེར། །གཏེར་མཛོད་ཇི་བཞིན་མ་ལུས་ལུས་པ་མེད་པར་ལྷུན་གྲུབ་པ། །རྡོ་རྗེ་འཆང་དབང་བཤེས་གཉེན་རྣམ་རོལ་ཅན། །མཁས་བཙུན་བཟང་པོར་གྲགས་པའི་སྙན་པའི་རྔ། །ཕྱོགས་བྲལ་ཡོངས་ཀྱི་རྣ་ལུང་མཛེས་བྱེད་པའི། །འཁོར་ལོའི་མགོན་ཁྱོད་མཛད་པ་ཕ་མཐའ་ཡས། །མཐའ་བྲལ་བསྐལ་པར་བབས་པའི་ཆར་གྱི་གྲངས། །འཛིན་པའི་ངལ་བ་བསྟེན་ལྟར་བླ་མ་རྗེའི། །དཔག་ཡས་མཛད་པའི་ཕ་མཐའ་ཡོངས་རྫོགས་པར། །བརྗོད་པ་ཀུན་མཁྱེན་ལས་གཞན་སུ་ཡིས་ནུས། །འོན་ཀྱང་ཐུན་མོང་གདུལ་བྱའི་བསམ་པའི་མཚོར། །ཚངས་སྤྱོད་རི་དྭགས་གཟུགས་ཀྱི་འཇོ་སྒེག་ལས། །རྣམ་ཐར་ཆ་ཤས་ཙམ་གྱི་ཟེགས་མས་ཀྱང་། །དད་ལྡན་གཉིས་སྐྱེས་དགའ་བའི་གར་གྱིས་རོལ། །ཁྱབ་བདག་དམ་པའི་ཡོན་ཏན་ནོར་བུའི་དཔྱ། །ཐུབ་བསྟན་རྒྱལ་མཚན་རྩེ་མོར་མཆོད་པ་ལས། །བདེ་ལེགས་འདོད་དགུའི་གཏེར་གྱི་ཆར་ཆེན་པོས། །ཡངས་པའི་ནོར་འཛིན་ཀུན་ལ་ཁྱབ་གྱུར་ཅིག །ཁྱད་པར་ཚེ་རབས་

― GLG008_Page_0669 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཏུ་མགོན་ཁྱོད་ཀྱིས། །དགྱེས་བཞིན་བརྩེ་བས་གཟུང་སྟེ་ངེས་གསང་ལམ། །ཐེག་ཆེན་ཆོས་ཀྱི་དཔལ་ལ་དབང་བསྒྱུར་ནས། །དོན་གཉིས་ལྷུན་གྱིས་གྲུབ་པར་བྱིན་གྱིས་རློབས། །རིགས་ཐམས་ཅད་ཀྱི་བདག་པོ་ཁྱབ་བདག་འཁོར་ལོའི་མགོན་པོ་འཁོན་སྟོན་ཆོས་ཀྱི་རྒྱལ་པོ་དཔལ་འབྱོར་ལྷུན་གྲུབ་ཀྱི་རྣམ་པར་ཐར་པ་སྐལ་བཟང་དད་པའི་ཤིང་རྟ་ཞེས་པ་འདི་ཡང་། རིང་མོ་ཞིག་ནས་བྲི་འདོད་པས། སློབ་མའི་ཚོགས་མང་པོ་དང་གླེང་མོ་ཞིབ་ཏུ་བྱས་ཀྱང་། དགེ་བའི་བཤེས་གཉེན་པུ་ཏོ་བའི་ཞལ་ནས། རང་ཅག་ཆོས་ལ་ཅི་ཡང་མི་རྩི་བར་ཇ་སུན་རེའི་མཐོ་དམན་ལ་ཐུགས་ལ་བཏགས་མ་བཏགས་ཐམས་ཅད་རྩི་བ་དེ་ཕུགས་རུལ་བའི་རྟགས་ཡིན་གསུང་བ་ལྟར། ཕལ་ཆེར་ནི་ཕོགས་བཟང་ངན། བདག་རྐྱེན་ཆེ་ཆུང་ཇ་ཚུལ་གར་སླ་ལས་སྤྲོས་པའི་བླ་མའི་སྐུ་གསུང་ཐུགས་ཀྱི་རྣམ་པར་ཐར་པ་བཤད་རྒྱུ་ཡོད་པ་ནི་ཉིན་མོའི་སྐར་མ་ལྟར་སྣང་བས། མཚན་ཉིད་པས་བླ་མ་མགྲིན་བཟང་དུ་མཐོང་ཟེར་བའི་གཏམ་རྒྱུད་བདེན་པར་གདའ། འོན་ཀྱང་ཆོས་རྗེ་སྔགས་རམ་པས་དམ་པ་དེ་ཉིད་ཀྱི་ཞལ་ལུང་ཟིན་བྲིས་སུ་བཏབ་བ་ལ་གཞི་བྱས། བྲག་སྣ་ཆོས་རྗེ། ཉི་ཐང་སློབ་དཔོན། དཀའ་བཅུ་འཕྲིན་ལས་ཕུན་ཚོགས་རྣམས་དང་འཕྲོས་བྱུང་བ་དག་གིས་ཟུར་བརྒྱན། རང་ཉིད་ཀྱིས་དངོས་སུ་ཞལ་ལུང་ལས་ཐོས་ཤིང་། རྒྱུས་ཡོད་ཀྱི་ངེས་པ་རྣམས་ཀྱིས་ཁ་བསྐང་སྟེ། བཤེས་གཉེན་མཆོག་དེའི་བཀའ་དྲིན་གྱིས་ཉེ་བར་འཚོ་བའི་ཟ་ཧོར་གྱི་བཙུན་པ་ངག་དབང་བློ་བཟང་རྒྱ་མཚོས། དམ་པ་དེ་ཉིད་གཟུགས་སྐུ་ཆོས་དབྱིངས་སུ་བསྡུས་ནས་ལོ་བརྒྱད་འདས་པ། ས་སྐྱོང་ཞེས་པ་ཤིང་མོ་བྱའི་ལོ།

― GLG008_Page_0670 ―

^{[མ་དཔེ་གཟིགས་ན་འདིར་གནོན།]}

[Full Size]

ཧོར་གྱི་ཟླ་བ་དྲུག་པའི་དཔའ་བོ་དགའ་སྟོན་གྱི་ཚེས་ལ་སྦྱར་བའི་ཡི་གེ་པ་ནི་ངག་དབང་དགེ་ལེགས་སོ།། །།ཤུ་བྷམ་སུ་སརྦ་ཛ་ག་ཏཾ།། །།མངྒ་ལཾ།། །།

བྱང་པ་རིག་འཛིན་ཆེན་པོ་ངག་གི་དབང་པོའི་རྣམ་པར་ཐར་པ་ངོ་མཚར་བཀོད་པ་རྒྱ་མཚོ།

― GLG008_Page_0671 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་པ་རིག་འཛིན་ཆེན་པོ་ངག་གི་དབང་པོའི་རྣམ་པར་ཐར་པ་ངོ་མཚར་བཀོད་པ་རྒྱ་མཚོ་བཞུགས་སོ།།

― GLG008_Page_0672 ―

^{[མ་དཔེ་གཟིགས་ན་འདིར་གནོན།]}

[Full Size]

ནམཿཔྲབྷུཙཀྲེཤྭརབིདྱཱདྷརཝཱགིནྡྲཱཡ། ཕུན་ཚོགས་ངོ་མཚར་བཀོད་པའི་རང་བཞིན་དཀྱིལ་འཁོར་རྒྱ་མཚོའི་གླིང་བཞི་ལ། །རྨད་བྱུང་མཁྱེན་བརྩེ་ནུས་པར་ལྡན་པའི་གསེར་སྦྱངས་འཁོར་ལོ་རྩིབས་སྟོང་གིས། །མངའ་སྒྱུར་ངག་དབང་རིག་འཛིན་རྡོ་རྗེ་ཆོས་རྒྱལ་བསྟན་པའི་རྒྱལ་མཚན་ཞེས། །སྔགས་འཆང་ཡོངས་ཀྱི་གཙུག་ན་མངོན་མཐོ་པདྨའི་གདུང་ཚབ་དམ་པ་རྒྱལ། །ཀ་དག་ཆོས་དབྱིངས་ཀློང་དུ་རོ་གཅིག་ཀྱང་། །ལྷུན་གྲུབ་གཟུགས་སྐུའི་བཀོད་པ་དབང་པོའི་གཞུ། །བགྲང་ཡས་སྒྱུ་འཕྲུལ་དྲ་བའི་རོལ་གར་མཁན། །འགྲོ་ལ་ཀུན་ཁྱབ་ཐུགས་རྗེའི་གཟིགས་མོར་མཚར། །དེ་ཕྱིར་རྒྱལ་དབང་པདྨའི་རིང་ལུགས་མཆོག །སྤེལ་ཕྱིར་སྐྱེ་རབས་དཔག་བསམ་ནོར་བུའི་འཕྲེང་། །སྲིད་ཞིའི་ལེགས་ཚོགས་འདོད་པ་འཇོ་བའི་གཏམ། །སྙན་པ་སྲིད་པའི་རྩེ་མོའི་བར་དུ་ཁྱབ། །ཟབ་ཅིང་ཆེས་བརླིང་རླབས་འཕྲེང་གྱིས་སྦས་པ། །དཔག་དཀའི་མཛད་བཟང་ཡིད་བཞིན་དབང་གི་རྒྱལ། །ཀུན་གྱིས་མཐོང་བའི་སྐལ་བ་ཕྲ་ན་ཡང་། །ཕན་བདེའི་ནོར་བུའི་འབྱུང་ཁུངས་གཅིག་

― GLG008_Page_0673 ―

^{[མ་དཔེ་གཟིགས་ན་འདིར་གནོན།]}

[Full Size]

པུར་ངེས། །ཚངས་པས་བསྐལ་པར་ངལ་བའི་ཁུར་བསྟེན་ནས། །སྨྲས་ཀྱང་མཛད་པའི་ཕ་མཐའ་རྫོགས་མིན་ཕྱིར། །ཐུན་མོང་གདུལ་བྱར་འཚམ་པའི་རྟོགས་རྗོད་ཀྱི། །ཚིག་དོན་ངོ་མཚར་བཀོད་པའི་རྒྱ་མཚོ་སྤེལ། །རྨད་བྱུང་ལེགས་པར་བཤད་པའི་ཟིལ་དངར་ཅན། །སྐལ་བཟང་འཆི་མེད་དབང་པོའི་སྤྱད་བྱའི་བཅུད། །གཟུར་གནས་ལེགས་བྲིས་ཚོགས་ཀྱི་དགའ་སྟོན་དུ། །གླེགས་བམ་རིན་ཆེན་ཟ་མ་ཏོག་ཏུ་འཁྱིལ། །ཞེས་ཤིས་པ་བརྗོད་པའི་ཚིགས་གིས་སྔུན་བསུས་ཏེ། དཔལ་ཨཽཌྜི་ཡཱ་ནའི་སློབ་དཔོན་ཆེན་པོ་པདྨ་འབྱུང་གནས་ཀྱི་རྒྱལ་ཚབ་རིག་སྔགས་འཆང་བའི་འཁོར་ལོས་སྒྱུར་བ་མི་ཉག་བྱང་པ་སྔགས་འཆང་ངག་དབང་རིག་འཛིན་རྡོ་རྗེ་ཆོས་རྒྱལ་བསྟན་པའི་རྒྱལ་མཚན་དཔལ་བཟང་པོ་ཞེས་མཚན་གྱི་རྔ་གསང་ཕྱོགས་ཀྱི་རྣ་རྒྱན་དུ་འགོད་པ་གང་དེའི་ཞིང་ཁམས་རྒྱ་མཚོར་སྤྲུལ་པའི་རྣམ་རོལ་གྲངས་མེད་པའི་བཀོད་པ་སྟོན་པའི་ནང་ནས་རྒྱ་མཚོ་ཆེན་པོ་ལས་སྐྱོགས་ཀྱིས་བཅུས་པ་ལྟར་སྐྱེས་རབས་ཀྱི་འཕྲེང་བ་སུམ་ཅུ་རྩ་གསུམ་གྱི་གསོལ་འདེབས་ཚིགས་སུ་བཅད་པ་དྲི་མེད་པད་དཀར་བཞད་པའི་འཕྲེང་བ་ཞེས་བྱ་བ། གྲང་སོ་

― GLG008_Page_0674 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་སྟོན་གསུམ་པ་རིག་འཛིན་ཆེན་པོ་ཡོལ་མོ་བ་བསྟན་འཛིན་ནོར་བུའམ་སྔགས་འཆང་ཆེན་པོ་སྟོབས་ལྡན་དཔའ་བོས་མཛད་པ་ལས། འོག་མིན་དག་པའི་ཞིང་དུ་ཐོག་མའི་མགོན་པོ་དཔལ་ཀུན་དུ་བཟང་པོ། མཁའ་ལས་འཇའ་ཚོན་བྱུང་བ་ལྟར་འཁོར་གྱི་རྣམ་པར་ཤར་བ་དཔལ་རྡོ་རྗེ་སེམས་དཔའ། དེ་ནས་རིམ་པ་བཞིན་རྒྱལ་སྲས་རྡོ་རྗེ་སྙིང་པོ། ཁྱིའུ་ཆུང་ཤེ་ལ་རོག་པོ། རྒྱལ་སྲས་དེ་བ་བཟང་སྐྱོང་། བྱང་སེམས་ཡེ་ཤེས་སྙིང་པོ། བཀའི་སྡུད་པོ་ནམ་མཁའི་མདོག་ཅན། བདག་ཅག་གི་སྟོན་པ་ཟས་གཙང་གི་སྲས་པོའི་སྤྱན་སྔར་སྐྱེ་རྒུའི་བདག་མོ། དགའ་རབ་རྡོ་རྗེའི་ཡུམ་མཁའ་འགྲོ་བདེ་ལྡན་མ། མཁའ་འགྲོ་རིག་བྱེད་བདེ་མ། སློབ་དཔོན་འཇམ་དཔལ་བཤེས་གཉེན་གྱི་སློབ་མ་ཡིད་བྱིན་དཔལ། རྒྱལ་པོ་ཨིནྡྲ་བྷཱུ་ཏིའི་ཆོས་བློན་བློ་གྲོས་མཆོག །སློབ་དཔོན་ཆེན་པོ་སིནྡྷུ་རྒྱ་མཚོ་རོལ་པའི་མཚོ་གླིང་དུ་རྫུས་ཏེ་སྐུ་བལྟམས་པའི་ཚེ་སྐུ་ཁྲུས་གསོལ་བ་པོ་བྱང་སེམས་ནམ་མཁའི་སྙིང་པོ། སློ་དཔོན་ཆེན་པོས་ཨུ་རྒྱན་གྱི་རྒྱལ་སྲིད་བཟུང་བའི་དུས་འཁོར་སྦས་པའི་བརྟུལ་ཞུགས་འཛིན་པ་སེམས་དཔའ་ཆེན་པོ། སློབ་དཔོན་ཆེན་པོ། དུར་ཁྲོད་བསིལ་བའི་ཚལ་དུ་བརྟུལ་ཞུགས་ཀྱི་སྤྱོད་པ་མཛད་ཅིང་ཆོས་འཁོར་སྐོར་བའི་ཚེ་ལས་བྱེད་བདེ་བའི་རྡོ་རྗེ། རི་བོ་མ་ལ་ཡར་སློབ་དཔོན་ཆེན་པོ་སྡེ་བརྒྱད་ཀྱི་གཙོ་བོར་བཞུགས་པའི་དུས་ཀྱི་འཁོར་དྲག་པོ་གཏུམ་པོ། སློབ་དཔོན་ཆེན་པོ་དུར་ཁྲོད་བརྒྱད་དུ་སྤྱོད་པ་མཛད་པའི་དུས་ཀྱི་འཁོར་ཤཱཀྱ་མི་ཏྲ། ཀུན་དགའ་བོའི་དྲུང་དུ་སློབ་དཔོན་ཆེན་པོ་དང་ལྷན་ཅིག་ཏུ་བསྙེན་པར་རྫོགས་པ་དགེ་སློང་ཞི་བའི་སྙིང་པོ། མཁའ་འགྲོའི་དབང་མོ་ལྷ་ལྕམ་མནྡྷ་ར་བ། བདེ་ཆེན་ཡེ་ཤེས་སྐྱེད་མཛད་ཆང་འཚོང་མ་བི་ན་ས། ཟ་ཧོར་རྒྱལ་པོ་གཙུག་ལག་འཛིན་གྱི་ཆོས་བློན་ཡེ་ཤེས་

― GLG008_Page_0675 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ། ཨུ་རྒྱན་གྱི་ཡུལ་གྲུ་ཆེན་པོ་བཅུ་དྲུག་སྐྱོང་བའི་ཚེ་བཀའི་སྡུ་བ་པོ་བདེ་བའི་འབྱུང་གནས། སེང་གེ་སྒྲ་སྒྲོག་གིས་རྡོ་རྗེ་གདན་དུ་མུ་སྟེགས་ཚར་གཅོད་པའི་ཚེ་གཏེར་གྱི་སྒྲོམ་བུ་འབུལ་བ་པོ་མཁའ་འགྲོ་མ་གར་གྱི་དབང་ཕྱུག་ཀླུའི་རྒྱལ་པོ་ཁྱབ་འཇུག་འདུལ་བའི་ཚེ་བདེ་མཆོག་དུས་སྙིིང་གི་ཡུམ་ལྷ་མོ་བདེ་འབྱུང་གཉིས་པ། དབུས་འགྱུར་རྡོ་རྗེ་གདན་གྱི་སྲི་ཞུ་ལ་བརྩོན་པ་དགེ་བསྙེན་སྡེ་དཔོན་ཀ་ཁ་འཛིན། བལ་ཡུལ་ཡང་ལེ་ཤོད་དུ་རྡོ་རྗེ་ཕུར་པའི་རྒྱུད་སྤྱན་འདྲེན་པའི་ཕོ་ཉ་བལ་པོ་ཛི་ན་མི་ཏྲ། འདི་ཡན་ནི་རྒྱ་གར་དུ་བྱོན་པའི་སྐྱེ་རྒྱུད་ཡིན་ལ། དེ་རྗེས་སློབ་དཔོན་ཆེན་པོ་པདྨ་འབྱུང་གནས་བོད་གངས་ཅན་གྱི་ལྗོངས་འདིར་ཕེབས་པའི་ཚེ་ལས་ཅན་དག་པའི་འཁོར་ལྔའི་ནང་ཚན་ཞང་སྣ་ནམ་པ་རྡོ་རྗེ་བདུད་འཇོམས་ཞེས་སྔགས་ཀྱི་རྣལ་འབྱོར་པ་ཆེན་པོར་ཨུ་རྒྱན་རིན་པོ་ཆེས་ལེའུ་བདུན་མའི་སྟོང་ཐུན་དུ། ཉིན་ཅིག་སྔགས་ཀྱི་རྣལ་འབྱོར་པ༔ ང་ཡི་རྣམ་ཐར་མཛད་ཚུལ་ནི༔ བསམ་གྱིས་མི་ཁྱབ་བརྗོད་མི་ལང་༔ ཞེས་གཟེངས་བསྟོད་ཅིང་གྲུབ་རྟགས་མི་འདྲ་བ་ངོ་མཚར་ཅན་རེ་སྟོན་པའི་རྗེ་འབངས་ཉི་ཉུ་རྩ་ལྔའི་ཡ་གྱལ་གཅིག་ཡིན་པས་ཆོས་རྒྱལ་དབང་པོའི་སྡེས་རྗེ་འབངས་ཉི་ཤུ་རྩ་ལྔའི་གསོལ་འདེབས་སྨིན་བྱེད་དབང་གི་ཆུ་རྒྱུན་དུ། རྡོ་རྗེ་བདུད་འཇོམས་རླུང་ལྟར་ཐོགས་མེད། །ཅེས་བསྔགས་པ་དེའོ། །དེ་ནས་བསྟན་པ་ཕྱི་དར་གྱི་དུས་གསོལ་འདེབས་དེ་ཉིད་ལས། གནུབས་ཀྱི་རིགས་འཁྲུངས་དགེ་སློང་ཆེན་པོ། །ལྷོ་བྲག་མཁར་ཆུར་ཡང་དག་གྲུབ་རྙེད། །ཉི་ཟེར་ལ་ཆིབས་ནམ་མཁའི་སྙིང་པོ། །ཞེས་དང་། གནུབས་ཡུལ་རོང་འཁྲུངས་སངས་རྒྱས་ཡེ་ཤེས། །བསྒྲགས་ཀྱི་ཡང་རྫོང་གཤིན་རྗེ་གཤེད་འགྲུབ། །མཐུ་སྟོབས་བྲག་ལ་ཕུར་པ་འདེབས་དེར། །

― GLG008_Page_0676 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་བསྔགས་པ་བརྗོད་པའི་ཡུལ་དུ་གྱུར་པ་དེ་དག་དང་གདུང་རུས་གཅིག་པ་སྔགས་འཆང་ནག་པོ་རོ་ཟན་གྱི་སྲས་ཁྲོ་ཕུ་ལོ་ཙཱ་བ་བྱམས་པ་དཔལ་ཞེས་གསང་སྔགས་གསར་མའི་ལོ་ཙཱ་བ་ཆེན་པོ་དེ་ཉིད་དུ་གྱུར་པའི་ཚེ་པཎ་གྲུབ་རྣམ་པ་གསུམ་ལ་བརྟེན་ནས་དམ་པའི་ཆོས་མང་དུ་བསྒྱུར་ཅིང་། རྗེ་བཙུན་བྱམས་པའི་སྐུ་མཐོང་ཐོས་དྲན་རེག་དོན་ལྡན་འདི་ཉིད་བཞེང་བར་མཛད་དོ། །དེ་རྗེས་ཟབ་གཏེར་ཆོས་ཀྱི་བདག་པོར་གྱུར་པ་ནི་རིག་འཛིན་ཆེན་པོ་དངོས་གྲུབ་རྒྱལ་མཚན་ཡིན་ལ། འདི་ཉིད་ཀྱི་རིགས་ནི་ཧོར་གུར་སེར་རྒྱལ་པོའི་རྒྱུད་ལས་དེ་གྱིན་དེ་ཝ་རཱ་ཛ་ཞེས་སྔོན་ཆོས་སྐྱོང་བའི་རྒྱལ་པོ་སྲོང་བཙན་སྒམ་པོའི་དུས་སུ་རྒྱ་མོ་བཟའ་ཀོང་ཇོ། བོད་སྐད་དུ་མཚོ་ནང་གི་པདྨར་གྲགས་པའི་ཞང་པོ་སྟེ། དེ་དག་གི་གདུང་ལས་བྱུང་བ་ཧོར་འཇིག་རྟེན་མགོན་པོས་ཆེ་མཆོག་དང་མ་མོའི་གྲུབ་པ་ཐོབ་པ་ནས་བཟུང་རིག་འཛིན་ཆེན་པོའི་ཡབ་ཕུར་པའི་སྤྲུལ་པ་སློབ་དཔོན་བདུད་འདུལ་དཔལ་ཡན་ཆད་དུ་སྤྱིར་གསང་སྔགས་རྙིང་མ་ལ་མཁས་ཤིང་ཁྱད་པར་རྡོ་རྗེ་ཕུར་པའི་གྲུབ་ཐོབ་ཤ་སྟག་བྱུང་ངོ་། །དེ་ཡང་ཡབ་སློབ་དཔོན་བདུད་འདུལ་དཔལ་གྱི་སྲས་སུ་མེ་མོ་གླང་གི་ལོ་རྟ་ཆེན་ཟླ་བའི་དཀར་ཕྱོགས་ཀྱི་ཚེས་བཅུའི་དཔའ་བོ་མཁའ་འགྲོ་འདུ་བའི་དུས་དགེ་བར་རི་བོ་བཀྲ་བཟང་གི་ཤར་མདུན་སྣ་མོ་ལུང་གི་གཟིམས་ཁང་དུ་སྐུ་བལྟམས་པས། ལས་ཅན་གྱི་ཐེམ་བྱང་ལས། གླང་ངམ་འབྲུག་གི་ལོ་ཤར་ཚེ༔ ཕག་མོ་ཡུམ་གྱི་སྐུ་ལས་སྐྱེད༔ ཆོས་ཉིད་སྒྲ་དང་བཅས་ཏེ་འཁྲུངས༔ བོད་ལ་བདེ་སྐྱིད་ལྡན་པར་འགྱུར་༔ ཞེས་དབུ་གཙུག་ཏུ་སྨེ་བ་དཀར་ནག་གཉིས། ལྟེ་བར་སྨེ་བ་སུམ་སྒྲོམ། ཐུགས་ཀར་ཡི་གེ་ཨོཾ། དཔྲལ་བར་གཉེར་མ་གྱེན་འགྲེང་གསུམ་ཡོད་པའི་མཚན་རྟགས་བཟང་པོ་དང་ལྡན་པ། ཁྱད་པར་དགུང་ལོ་བཅུ་གཉིས་པའི་དུས་དབུ་གཙུག་ཏུ་རྩ་བ་སྤུ་དཀར་

― GLG008_Page_0677 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་རྣམ་པ་ལ་རྩེ་མོར་རྒོད་ཀྱི་སྒྲོ་ཇི་ལྟ་བ་གསུམ་དང་། དགུང་ལོ་ཉེར་བཞི་པའི་དུས་རྒོད་ཀྱི་སྒྲོ་ལྔ་སྐྱེས་པས་འཁྲུངས་ཡུལ་དང་མཚན་རྟགས་སོགས་ཀྱི་ངེས་པ་ནི་ཐུགས་སྒྲུབ་དྲག་པོ་རྩལ་གྱི་ལུང་བྱང་ལས། ལྔ་བརྒྱ་ཐ་མ་ཤར་བའི་ཚེ༔ རི་བོ་བཀྲ་བཟང་ཤར་འདབ་ཏུ༔ ལས་ཅན་སྦས་པའི་རྣལ་འབྱོར་པ༔ རྒོད་ཀྱི་ལྡེམ་ཕྲུ་ཅན་ཞིག་འབྱུང༔ དེ་ཕྱིར་ང་ཡི་ཐུགས་སྒྲུབ་བཞག༔ ཅེས་དང་། རི་ཁྲོད་པ་བཟང་པོ་གྲགས་པའི་གཏེར་ལུང་སྙིང་ཐིག་གནད་ཀྱི་མན་ངག་དོན་བདུན་མ་ལས། བྱང་ཕྱོགས་མཐོ་ཡོར་ནག་མོའི་ས་ཕྱོགས་སུ༔ རི་བོ་བཀྲ་བཟང་ཞེས་བྱའི་ཤར་འདབས་སུ༔ ཆུ་ཁམས་གླང་ལོ་སྨེ་བའི་མཚན་རྟགས་ཅན༔ པདྨ་ང་ཡིས་བྱིན་གྱིས་བརླབས་པའི་རྟགས༔སྤྱི་བོར་རྒོད་ཀྱི་ལྡེམ་ཕྲུ་ཡང་ཡང་འབྱུང༔ ཞེས་པ་ལྟར་རོ། །རིག་འཛིན་ཆེན་པོ་འདིས་གཞོན་ནུའི་དུས་ནས་ཡབ་ཆོས་ཞི་ཁྲོ་སྒྱུ་འཕྲུལ་དང་། བཀའ་བརྒྱད་མ་གཤིན་ཕུར་གསུམ་ལ་ཐོས་བསམ་སྒོམ་པ་ནན་ཏན་དུ་མཛད། འདི་ཉིད་ཀྱིས་སྤྱན་དྲངས་པའི་ཟབ་གཏེར་རྣམས་ནི་ཨུ་རྒྱན་ཆེན་པོ་ལྷོ་ནུབ་སྲིན་པོའི་ཡུལ་དུ་གཤེགས་པའི་ཡར་ལམ་གནོད་སྦྱིན་བུ་ལེའི་གངས་འདབས་ནས། རྗེ་ལྷ་སྲས་མུ་ཁྲི་བཙན་པོ། འབངས་སྣ་ནམ་རྡོ་རྗེ་བདུད་འཇོམས། གྲོགས་མཁའ་འགྲོ་ཡེ་ཤེས་མཚོ་རྒྱལ་ཏེ་ལས་ཅན་གྱི་འཁོར་གསུམ་དང་བཅས་ནས་སློབ་དཔོན་ཆེན་པོའི་རྫུ་འཕྲུལ་གྱིས་རི་བོ་བཀྲ་བཟང་གི་རྩེ་མོར་ཕེབས། རྡོ། ཟངས། ཁྲོའི་གའུ་ཁ་སྦྱར་གྱི་ནང་དུ་མཁའ་འགྲོ་མས་ཕུལ་བའི་འཛེང་དཀར་གྱི་རྡོ་རེང་གསུམ་ཤོག་སེར་དང་བཅས་པ་གཏེར་དུ་སྦས། དེ་འདོན་པའི་ཁ་བྱང་ནི། རི་ཁྲོད་པ་བཟང་པོ་གྲགས་པའི་གཏེར་མའི་སྙིང་བྱང་མན་ངག་གནད་ཀྱི་དོན་བདུན་མ། སྙིང་བྱང་རྒྱས་པ་གནད་ཀྱི་ཐེམ་བུ།

― GLG008_Page_0678 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་བྱང་འབྲིང་པོ་ཐུགས་རྗེའི་འོད་ཟེར། སྙིང་བྱང་བསྡུས་པ་ཐུགས་རྗེའི་ལྕགས་ཀྱུ་རྣམས་ལས་གསལ་བ་ལྟར་ཡིན་ལ། དེ་ཡང་གཏེར་སྟོན་བཟང་པོ་གྲགས་པ་དེ་ཉིད་ཐོག་མར་ཕྱག་རྒྱ་ཆེན་པོའི་སྒོམ་ཆེན་ཞིག་ཡིན་པ་ལ་གནོད་སྦྱིན་བུ་ལེས་གཏེར་འདོན་པར་བསྐུལ་བ་དང་། རེ་ཞིག་ན་དིང་རིར་ལྡོམ་བུ་ལ་བྱོན་པའི་ཚེ་སློབ་དཔོན་ཆེན་པོའི་སྤྲུལ་པ་སྙེ་ནམ་ལ་སྒོམ་ཟེར་བས་ཀྱང་བསྐུལ་མ་མཛད་པར་བརྟེན། གྲོམ་པ་རྒྱང་གི་ལྷ་ཁང་དང་རྒྱང་ཡོན་པོ་ལུང་གི་ཕུག་པ་གཉིས་ནས་ཟབ་གཏེར་མང་དུ་སྤྱན་དྲངས་པའི་ནང་ཚན་གོང་གི་ཤོག་དྲིལ་བཞི་པོའི་སྟེང་དུ་ཕྱིར་ཟློག་འཁོར་ལོ་འབར་བ། ཞལ་ཆེམས་ཐུགས་ཀྱི་ཐིགས་པ། ཁ་བྱང་གཏེར་གྱི་བང་མཛོད། ལམ་བྱང་གསལ་བའི་སྒྲོན་མེ་སྟེ་ཆོས་ཚན་བརྒྱད་པོ་འདི་རྣམས་ལྷ་བྲག་གི་གཏེར་འདོན་པའི་ཆ་ལག་ཏུ་དགོས་པར་མཁྱེན་ནས་སྟོན་པ་བསོད་ནམས་དབང་ཕྱུག་ལ་བསྐུར་ཏེ། སྔགས་པ་ལག་ན་ལྷའི་སྐུའམ་ཕུར་པ་ཐོགས་པ་ཐོག་མར་བོད་བདེ་སྡུག་གི་གཏམ་འདྲི་བ་ཞིག་ལ་ཐོད་གསུང་བ་ལྟར་ལམ་དུ་ཞུགས་ཏེ་བྱོན་པས་རིག་འཛིན་ཆེན་པོ་དང་མཇལ་བས་གོང་གི་གསུང་རྣམས་དང་མཐུན་པར་བྱུང་བ་ལ་བརྟེན་ནས་ཤོག་དྲིལ་རྣམས་སྤྲད། གཏེར་ཁ་སྔ་ཕྱི་གཉིས་ཀྱི་གཏེར་ཚབ་གུང་ཐང་རྒྱལ་པོས་བཅུག་ན་ལེགས་པར་བཤད་པ་ལྟར་ཞུ་བར་བྱོན་ཀྱང་། མངའ་བདག་ཕུན་ཚོགས་དཔལ་གྲོམ་སྟོད་དཔལ་ལྡན་ས་སྐྱར་བྱོན་པ་དང་འགྲིག །མངའ་བདག་ཐུགས་བྲེལ་གྱིས་གཡེངས་ནས་ཉིན་ཞག་མང་པོའི་བར་དོ་གལ་མ་མཛད་པར་ལུས། མཐར་གསེར་ཞོ་གང་གནང་། ཡར་ལམ་ངམ་རིང་ནས་གཏེར་ཚབ་ཏུ་དར་སྣ་དང་འབྲུ་སྣ་གཏོས་ཆེ་བ་ཕུལ། དེ་ནས་མེ་རྟ་སྦྲུལ་གྱི་ཟླ་བའི་ཡར་ངོའི་ཚེས་བརྒྱད་རྒྱལ་ཕུར་གྱི་འགྲུབ་སྦྱོར་ལ་རི་བོ་བཀྲ་བཟང་གི་རྩེ་མོར་ཕེབས་ཏེ་སྐྱ་

― GLG008_Page_0679 ―

^{[མ་དཔེ་གཟིགས་ན་འདིར་གནོན།]}

[Full Size]

རེངས་དང་པོའི་ཚེ་གཏེར་གནས་ཀྱི་ཐང་དུ་འོད་ཟེར་སྐར་ཆེན་ཤར་བ་ལྟ་བུ་དང་། ཉི་མའི་རྩེ་ལ་དཔག་བསམ་གྱི་སྡོང་པོ་ལྟ་བུའི་འོད་ཟེར་དཀར་པོ་རི་བོ་བཀྲ་བཟང་གི་ཐད་ལ་ཟུག །བྲག་ལ་ཟིལ་པ་ཁ་བ་བབས་པ་ཙམ་འདུག་པའི་འོག་ནས་འཛེང་རྡོ་དཀར་པོ་སོགས་སྤྱན་དྲངས་པ་ཡིན་ཏེ། སྙིང་བྱང་རྒྱས་པ་ལས། རྟ་ལོ་སྦྲུལ་གྱི་ཟླ་བ་ཡི༔ ཚེས་བརྒྱད་སྟག་གི་ཁ་རླུངས་ལ༔ རི་དེའི་མིག་གི་རྣམ་པར་ལྟ༔ འོད་ཟེར་སྐར་ཆེན་ཤར་འདྲ་འབྱུང་༔ ཞེས་དང་། འབྲིང་པོ་ལས། འཛེང་བྲག་དཀར་པོའི་རྡོ་རེང་ལ༔ ནང་ན་བྱང་ཆུབ་སྲོག་ཤིང་ལ༔ གཏེར་ཆེན་གསུམ་གྱི་ལྡེ་མིག་ཡོད༔ གཏེར་ཕྲན་བརྒྱ་རྩ་འདོན་པར་འགྱུར༔ མུན་པ་འོད་དུ་སྣང་བ་ལ༔ ཉི་ཤར་སྟེང་དུ་ཟིལ་པ་འབྱུང༔ ཞེས་སོ། །ལྟས་ངོ་མཚར་བ་དེ་ལ་དགོངས་ནས་གཏེར་སྟོན་གྱིས་མཛད་པའི་གསོལ་འདེབས་བརྡ་ཆེན་བཅོ་བརྒྱད་མ་ལས། རི་རྒྱལ་རྩེ་ནས་གཏེར་ཆེན་ལྡེ་མིག་རྙེད༔ ངོ་མཚར་རྨད་དུ་བྱུང་བའི་རྟགས་གསུམ་མཐོང༔ དོན་ཆེན་ཐེ་ཚོམ་མེད་པར་འགྲུབ་པའི་བརྡ༔ ཞེས་སོ། །སྙིང་བྱང་བསྡུས་པ་ལས། ལྡི་མིག་བཏོན་རྗེས་ཀླུ་གཏེར་གཞུག༔ ཅེས་པའི་དོན་ལྟར་གཏེར་ཚབ་སྦས༔ ཕྱི་རབས་ཡིད་ཆེས་ཀྱི་དོན་དུ་གཏེར་ཤུལ་དངོས་འཇོག་པ་གནང་བར་དེང་སང་རླུང་གསེང་དུ་གྲགས། ལོ་ཕྱི་མའི་ལོ་གསར་གྱི་སྐབས་མྱུར་གུ་གསར་དུ་སྐྱེས་པ་ལ་བརྟེན། གར་ཆེན་མ་ལས། རི་བོ་བཀྲ་བཟང་གཏེར་ཆེན་འདུས་པའི་རྩེར། །ལོ་གསར་འཁྱགས་པའི་དུས་སུ་ལོ་ཏོག་སྨིན། །གནས་དེར་དད་ལྡན་ཅི་བསམས་འགྲུབ་པའི་བརྡ། །ཞེས་སོ། །ལུང་བསྟན་བཞིན་དཀྱིལ་འཁོར་གྱི་དབུས་སུ་འཛེང་གི་རྡོ་རེང་བཀོད། རྡོ་རྗེ་ཕུར་པའི་སྒོ་ནས་གཏེར་གྱི་མདཱ་དབུལ་དང་དངོས་

― GLG008_Page_0680 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་བླང་བ་མཛད། ལོ་དེའི་ལུག་ཟླའི་ཚེས་བཞིའི་སྲོད་ལ་བྲག་རི་དུག་སྦྲུལ་སྤུངས་འདྲའི་སྐེད་པའི་བྲག་ཕུག་ནས་རྡོ་རྗེའི་རྒྱ་གྲམ་གྱི་མཚན་རྟགས་ཀྱི་འོག་ཏུ་ལྡེ་མིག་བསྣུན་པས་བྲག་གི་སྒོ་གསལ་བའི་ནང་དུ་རྡོ་སྔོན་པོ་གྲུ་བཞི་སྒོ་དགུ་ཡོད་པ། སྒོ་རྒྱན་དངུལ་གྱི་མདོག་འདྲ་བའི་གཟེར་བཏབ་པ། སྟེང་ན་སྦྲུལ་ཁ་དོག་སྔོ་སྐྱ། ལྟོ་བ་སེར་པོ། སྦོམ་ཕྲ་ལག་ངར་ཙམ་པ། རིན་པོ་ཆེ་ཟུར་བརྒྱད་པའི་དབྱིབས་སུ་འཁྱིལ་བ། ཁ་ཤར་ལྷོར་བསྟན་པ། སྙིང་ཁ་ན་འབུར་གསུམ་ཡོད་པའི་ནང་ནས་ཤོག་དྲིལ་གཅིག་དང་རིན་པོ་ཆེ་ཞིག་སྟོན། དེ་ནས་དབུས་སྙིང་མཛོད་སྨུག་པོ་ནས་ཤོག་དྲིལ་གསུམ་དང་ཕུར་པ་གསུམ་ཆུ་དར་སྨུག་པོ་ཅིག་གིས་གྲིལ་བ། ཤར་དུང་མཛོད་དཀར་པོ་ནས་ལས་རྒྱུ་འབྲས་ལ་ཟློ་བའི་ཆོས་དགོངས་པ་ནམ་མཁའ་དང་མཉམ་པ། ལྷོ་གསེར་མཛོད་སེར་པོ་ནས་བསྙེན་སྒྲུབ་རྣམ་བཞིའི་ཆོས་སྤྱོད་པ་ཉི་ཟླ་ལྟར་གསལ་བ། ནུབ་ཟངས་མཛོད་དམར་པོ་ནས་རྟེན་འབྲེལ་ཁྱད་པར་ཅན་གྱི་ཆོས་ཙན་དན་གྱི་སྡོང་པོ་ལྟ་བུ། བྱང་ལྕགས་མཛོད་ནག་པོ་ནས་དགྲ་བགེགས་ཐལ་བར་རློག་པའི་ཆོས་དུག་གི་སྡོང་པོ་ལྟ་བུ་སྟེ། མདོར་ན་ཀུན་བཟང་དགོངས་པ་ཟངས་ཐལ་གྱིས་ཐོག་དྲངས་པའི་ཆོས་དང་དམ་རྫས་བགྲང་བར་ཡས་པ་སྤྱན་དྲངས་པས། ཞལ་ཆེམས་བདུན་པ་ལས། གཏེར་ཆོས་ཟབ་མོའི་མན་ངག་རྩ་བ་བཞི༔ ཤར་ན་དུང་མཛོད་དཀར་པོ་འབྲས་བུའི་ཆོས༔ ཚེ་འདིར་སངས་རྒྱས་ལག་བཅངས་གཏད་ཐབས་ཡོད༔ རྩ་བ་རྒྱུད་གཅིག་མན་ངག་རྣམ་པ་བཅུ༔ དེ་ལ་ཕྲན་བུའི་མན་ངག་བཅུ་བཅུ་ཡོད༔ སོ་སོར་ཕྱེ་བས་མན་ངག་བརྒྱ་རྩ་གཅིག༔ ལྷོ་ན་གསེར་མཛོད་སེར་པོ་བསྙེན་སྒྲུབ་ཆོས༔ ལམ་གྱི་བར་ཆད་སེལ་བའི་སྒྲུབ་ཐབས་ཡོད༔ ཡི་དམ་ལྷ་ཡི་སྒྲུབ་ཐབས་རྩ་བ་བཅུ༔ དེ་རྣམས་རེ་རེ་ལ་ཡང་མན་ངག་བཅུ༔

― GLG008_Page_0681 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་སོར་ཕྱེ་བས་མན་ངག་བརྒྱ་རྩ་གཅིག༔ ནུབ་ན་ཟངས་མཛོད་དམར་པོ་རྟེན་འབྲེལ་གྱི༔ ཟབ་ལམ་ཐབས་ཀྱི་དངོས་གྲུབ་གནང་ཏིག་ཡོད༔ རྩ་བ་གཅིག་ལ་མན་ངག་བརྒྱ་རྩ་གཅིག༔ བྱང་ན་ལྕགས་མཛོད་ནག་པོ་ངན་སྔགས་ཀྱི༔ རེག་གཅོད་སྒྲུབ་ཐབས་ཉི་ཤུ་རྩ་གཅིག་ལ༔ མ་བུ་ལྔ་ལྔར་ཕྱེ་བས་བརྒྱ་རྩ་གཅིག༔ དབུས་ན་ཤོག་དྲིལ་རྒྱ་ཅན་གསུམ་ཡོད་པས༔ ལས་ཅན་སྣོད་བརྟག་དམ་མེད་སྤང་བ་དང༔ གདོང་དམར་ལྷོ་བོད་མཚམས་ཀྱི་གདུལ་བྱའི་གནད༔ སྐྱེས་བུ་ཁྱོད་ལ་དགོས་པའི་ཆོས་དྲུག་ཡོད༔ དུག་སྦྲུལ་ལྟོ་བ་བཤགས་པ་ཐུན་མོང་གི༔ སྒྲུབ་པ་ཟབ་མོ་གཉིས་དང་ཞལ་ཆེམས་གཅིག༔ དབུས་ན་རྩིས་རྒྱར་མ་བཞག་གབ་པ་ཡི༔ གང་ཟག་སྤྱི་ལ་དགོས་པའི་ཆོས་ཚད་མ༔ ཟབ་ལ་གནང་འདུས་ཤིན་ཏུ་གཅེས་པ་ཡོད༔ ཅེས་སོ། །དེ་ལྟ་བུའི་ཟབ་གཏེར་འདོན་པའི་དུས་རྟགས་ནི། ལམ་བྱང་གསལ་བའི་སྒྲོན་མེ་ལས། རི་བོ་བཀྲ་བཟང་གི་རྩེ་ལ་ཞྭ་གྱོན༔ བྱང་ཕྱོགས་ནས་མང་ཡུལ་དུ་དམག་གློག་ལྟར་འཁྱུག༔ རྒྱ་གར་གྱི་བྱང་ཆུབ་ཤིང་ལྷོ་རུ་ཡོ༔ ཁ་ཆེའི་མཆོད་རྟེན་བྱང་ཤར་དུ་རལ༔ བལ་པོའི་འཕགས་པ་ཤིང་ཀུན་གྱི་མཆོད་རྟེན་བྱང་ཤར་དུ་ཡོ༔ བསམ་ཡས་བྲག་དམར་ལ་ཐོག་འབབ༔ དེ་ལྟ་བུའི་ལྟས་བྱུང་དུས་བྲག་རི་དུག་སྦྲུལ་སྤུངས་འདྲ་ནས་རྟའི་ལོ་ལ་གཏེར་འབྱུང་བར་འགྱུར་རོ། །ཞེས་གསུངས་པ་ལྟར་དང་། གཏེར་འདོན་པའི་དགོས་ཆེད་ཀྱང་། སྐུལ་བྱང་ལས། ཟང་ཟང་ལྷ་བྲག་གི་སྐེད་པ་ན༔ སངས་རྒྱས་བསྟན་མ་ཡུན་སྲིང་བའི་ཐབས་ཡོད་དོ༔ དེ་དུས་ལ་བབ་པའི་ཚེ་འཐོན་ན༔ བོད་ལ་མི་ལོ་བརྒྱ་དང་རྩ་གཅིག་བདེ་སྐྱིད་འབྱུང༔ ཞེས་དང་། ཕྱི་གཏེར་གསོལ་འདེབས་ཀྱི་མཇུག་ཏུ༔ མ་འོངས་ཐ་མའི་དུས་སུ་ནུབ་ཕྱོགས་སུ༔

― GLG008_Page_0682 ―

^{[མ་དཔེ་གཟིགས་ན་འདིར་གནོན།]}

[Full Size]

ང་ཡི་རྗེས་འཇུག་སྦས་པའི་རྣལ་འབྱོར་པ༔ འགྲོ་དོན་ཆེར་སྤྱོད་ལྷག་པར་ང་ལ་མོས༔ ཐེ་ཚོམ་ཆུང་ཞིང་ཆོས་རྒྱལ་གདུང་རྒྱུད་སྐྱོབ༔དེ་འདྲའི་ལས་ཅན་སྙིགས་མའི་དུས་སུ་འབྱུང༔ ཞེས་དང་། ནང་གཏེར་ལྷ་སྲས་ཞུ་ལན་གྱི་མཇུག་ཏུ། དུས་ངན་ཐ་མ་མཐར་ཕུག་སླེ་ཀ་རུ༔ རི་བོ་བཀྲ་བཟང་ཞེས་བྱའི་ཤར་འདབས་སུ༔ སྦས་པའི་རྣལ་འབྱོར་གཅིག་གི་སྨོན་ལམ་གྱིས༔ ང་ཡི་གཏེར་དོན་ལྷ་སྲས་གདུང་རྒྱུད་སྐྱོབ༔ ཐུགས་ངལ་མ་མཛད་ལྷ་སྲས་བོད་ཀྱི་རྗེ༔ དུས་ངན་ཐ་མའི་སེམས་ཅན་ཟོག་པོས་འདུལ༔ དེ་ཡི་སྐྱོན་གྱིས་ལོག་ལྟའི་འདམ་ལ་ཚུད༔ ཆོས་དང་ཆོས་འདྲ་མི་ཕྱེད་ཐེ་ཚོམ་ཆེ༔ རི་བོ་བཀྲ་བཟང་ཤར་འདབས་འབྱུང་བ་དེ༔ གསང་སྔགས་ཐེག་པ་ཆེན་པོའི་བཀའ་དང་མཐུན༔ དགེ་བའི་ཚུལ་སྤྱོད་སྦས་པའི་རྣལ་འབྱོར་པས༔ གུང་ཐང་རྒྱལ་པོ་རྗེ་འབངས་སྐྱོང་བར་ངེས༔ ཞེས་པ་ལྟར་མངའ་བདག་རྒྱལ་པོ་རྗེ་བཀྲ་ཤིས་ལྡེ་དང༔ གཏེར་སྟོན་ཆེན་པོ་དང་མཛོད་ལྔ་འདུས་པའི་ཟབ་གཏེར་འཐོན་པ་རྣམས་དུས་གཅིག་ཏུ་འཛོམ་ན་བོད་ལ་བདེ་སྐྱིད་ཆེན་པོ་འབྱུང་བར་དགོངས་ནས། གབ་པ་སྙིང་གི་ལྡེ་མིག་ལས། སློབ་དཔོན་དང་ནི་ཟབ་མོའི་གཏེར༔ གུང་ཐང་རྒྱལ་པོ་གསུམ་འཛོམ་ན༔ དེ་དུས་བོད་ཀྱི་བསྟན་པ་ནི༔ བརྒྱ་དང་རྩ་གཅིག་གཏེར་ངེས་འཛིན༔ ཞེས་བྱུང་བའི་དོན་ལྟར་འགྲོ་བའི་བསོད་ནམས་ཀྱི་སྨན་ཡོན་དམ་པར་འགྱུར་རྒྱུ་དེ། བདུད་ཀྱི་བར་ཆད་ཀྱི་དབང་གིས་རྟེན་འབྲེལ་ཅུང་ཟད་མ་འགྲིག་པར་སྣང་སྟེ། སྙིང་བྱང་འབྲིང་པོ་ལས། དང་པོ་དད་པ་མ་སྐྱེས་ན༔ གདུང་གསུམ་གྲི་རུ་འགུམ་པར་འགྱུར༔ ཞེས་དང་། སྙིང་ཏིག་གནད་ཀྱི་མན་ངག་དོན་བདུན་མ་ལས། གལ་ཏེ་གུང་ཐང་རྒྱལ་པོ་བདུད་ཀྱིས་བར་དུ་བཅད་དེ་རྟོག་གེ་སྒྲ་ཚད་ལྟ་བུའི་ཐེ་ཚོམ་རྟོག་ཅིང་དད་པ་དང་མི་ལྡན་ན་བོད་ཀྱི་སྐྱིད་པ་ཟད་

― GLG008_Page_0683 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིན་ཏེ༔ གུང་ཐང་རྒྱལ་པོའི་གདུང་རྒྱུད་བདུད་ཀྱིས་གཅོད༔ བོད་ཀྱི་ཕུང་མགོ་གུང་ཐང་ནས་འཛུགས་སོ༔ ཞེས་དང་། སྔོན་ཆོས་ཀྱི་རྒྱལ་པོ་རྟེན་འབྲེལ་ཉམས་གྲིབ་ཀྱི་སྲིས་ངའི་གཏེར་དང་ཕྲད་དུས་འཆིའོ༔ ཞེས་གསུངས་པས་འདི་དག་གི་དོན་སྔ་ཕྱི་རྣམས་ལ་བརྟགས་ན། སྔར་གཏེར་ཚབ་ཞུ་བའི་སྐབས་ཀྱང་བདག་པོ་ས་སྐྱར་བྱོན་པ་དང་འགྲིག་ཅིང་། རྟོག་གེ་དང་ཐ་སྙད་ལ་ཞེན་པའི་རིགས་ཀྱིས་ཅལ་སྒྲོག་དང་། ལྟ་གྲུབ་ཀྱི་ཀུན་སློང་ལ་བརྟེན་ནས་གུང་ཐང་རྒྱལ་པོའི་ཐུགས་རྒྱུད་བསྒྱུར་ནས་ཟབ་གཏེར་ལ་ཡིད་གཉིས་སུ་གྱུར་ཏེ་གཏེར་ཚབ་ཀྱང་ཆེར་མ་ཕུལ་བ་སོགས་གཏེར་སྟོན་ལ་ཐུགས་མོས་དང་མི་ལྡན་པར་གསལ་ལ། དེའི་དུས་སུ་ས་སྐྱར་སློབ་དཔོན་ཆེན་པོ་པདྨའི་རྣམ་སྤྲུལ་བདག་ཆེན་འཇམ་དབྱངས་ཆེན་པོ་ནམ་མཁའ་རྒྱལ་མཚན་ཞེས་གསང་ཆེན་སློབ་བཤད་ཀྱི་བདག་པོ་ཁྱད་པར་ཅན་དེ་ལྟ་བུ་བཞུགས་པའི་སྐབས་ཙམ་ཡིན་པར་སྣང་ནའང་། ཆོས་རྗེ་དཔལ་ལྡན་བླ་མ་དམ་པ་དང་། བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་སོགས་ལ་ཡང་ས་སྐྱ་པ་ནང་གི་གདུང་རྒྱུད་དང་བུ་སློབ་སོགས་ནས་ཐུགས་སུན་ཕྱུང་བ་མང་དུ་བྱུང་འདུག་པས་སྐབས་འདིར་ས་སྐྱའི་བདག་པོ་དཀྱུས་མའི་རིགས་དང་དགེ་བཤེས་སུ་མིང་བཏགས་པ་འདྲས་གུང་ཐང་རྒྱལ་པོའི་རྟེན་འབྲེལ་འཕྱུགས་པའི་ཐབས་ལྷུར་བླངས་པར་མངོན་ནོ། །ཚུལ་འདི་དག་དང་མཚུངས་པར་རིག་འཛིན་རཏྣ་གླིང་པའི་གཏེར་ལུང་ལས། གྲོས་མགོ་དམག་དཔོན་ནག་མོས་བྱེད་པ་དང༔ ནལ་ཕྲུག་གསོད་ཅིང་མནའ་ལ་འགམ་པ་དང༔ ཆད་ལ་མདོ་མེད་སྙིང་དང་འདྲ་བས་བསླུས༔ བཙུན་པའི་ཞིམ་ཟས་ཤ་ལ་བྱེད་པ་དང༔ དགེ་བཤེས་ཐམས་ཅད་ཕྱོགས་ཆའི་བདུད་ཀྱིས་

― GLG008_Page_0684 ―

^{[མ་དཔེ་གཟིགས་ན་འདིར་གནོན།]}

[Full Size]

ཟིན༔ ཆོས་དང་ཆོས་པ་གཞན་ལ་སྨོད་པ་དང༔ ཁྱད་པར་བདུད་ཀྱིས་བྱིན་བརླབས་དགེ་བཤེས་འགས༔ པདྨ་ང་ཡི་ཆོས་ལ་ཆོས་ལོག་ཟེར༔ སྦས་ཡུལ་གཏེར་ཆོས་སྨོད་དང་ཡ་ག་སྒྲོག༔ ལྷོ་རུ་ཚ་རྡོལ་བྱང་དུ་དམག་རྡོལ་ནས༔ བོད་ཀྱི་ཡུལ་རྣམས་བདེ་སྐྱིད་མེད་ལ་ཟད༔ དེ་འདྲའི་དུས་ངན་ཐ་མར་ཤར་དུས་སུ༔ ཧོར་དམག་བྱང་གི་ཕྱོགས་ནས་འབྱུང་བར་འགྱུར༔ དེ་ཡི་འོང་ལུགས་དང་པོ་ཇག་ཡན་ཚུལ༔ ཚྭ་བ་གསེར་པ་བྱང་འབྲོག་བསྣུན་པར་བྱེད༔ དེ་ནས་རྗེ་ཉེ་འབྲོག་གི་ཚུལ་དུ་འོངས༔ བོད་དང་སྲིད་སྦྲེལ་གློ་བ་ཉེ་བར་བྱེད༔ དེ་རྣམས་སྣ་དྲངས་གཏིང་ནས་དམག་རྡོལ་ནས༔ བྱང་འབྲོག་འཇོམས་ཤིང་རིམ་གྱིས་བོད་ཀྱང་འཇོམས༔ དེ་ཚེ་བོད་ཡུལ་དམག་གི་ཁ་རླངས་གིས༔ ནད་ངན་ལོ་ཉེས་དུས་ཟིངས་གློ་བུར་འབྱུང་༔ དམག་མ་སླེབ་ཀྱང་ཤིས་ངན་འཆི་བར་འགྱུར༔ དུས་ཀྱི་ཐ་མ་མཐར་ཐུག་དེ་ཡི་དུས༔ བོད་ལ་ཕན་ཐབས་ང་ཡི་བཀའ་ལས་མེད༔ ཤཱཀྱ་ཐུབ་པའི་རྒྱལ་ཚབ་ང་ཡིན་པས༔ ང་ཡི་བཀའ་བཞིན་བསྒྲུབས་ན་བོད་ཡུལ་བདེ༔ ཕྱི་མ་མཐོ་རིས་འཐོབ་པར་གདོན་མི་ཟ༔ དེ་དུས་ང་ཡི་སྤྲུལ་པ་འགའ་ཙམ་འབྱུང༔ སྦས་པའི་ཚུལ་གྱིས་སྣ་ཚོགས་འགྲོ་དོན་བྱེད༔ བོད་ཡུལ་བདེ་ཞིང་སྐྱིད་པའི་རྟེན་འབྲེལ་འགྲིག༔ མཐའ་དམག་ཟློག་པའི་ཐབས་ཀྱང་བྱེད་འགྱུར་ཞིང་༔ ང་ཡི་ཐུགས་རྗེ་དེ་དུས་མྱུར་བར་འབྱུང་༔ ཟབ་མོའི་གཏེར་སྟོན་རིམ་གྱིས་བྱུང་ནས་ནི༔ ང་ཡི་ཞལ་ཆེམས་མང་དུ་འབྱུང་བར་འགྱུར༔ ལས་ཅན་སྦས་ཡུལ་འཚེལ་བའང་མང་དུ་འབྱུང་༔ དེ་ཚེ་ང་ལ་བདུད་ཅེས་དགེ་བཤེས་འགས༔ གཏེར་ཆོས་སྦས་ཡུལ་མི་བདེན་རྫུན་ཡིན་ཟེར༔ སྨོད་ཅིང་ཡ་ག་སྒྲོག་པའི་རྐྱེན་བྱས་ནས༔ ལས་ཅན་རྣམས་ཀྱང་ཕྱི་བཤོལ་བྱེད་པར་འགྱུར༔

― GLG008_Page_0685 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་བོད་སྤྱི་བྱེ་བྲག་གི་བདེ་ཐབས་ལ་བར་གཅོད་སྣ་ཚོགས་འོང་བར་བཤད་པས་ཀྱང་ཤེས་པར་ནུས་སོ། །འོན་ཀྱང་ཟབ་གཏེར་འདི་ཉིད་ཀྱི་སྙན་པས་བོད་ཡུལ་ཁྱབ་ཅིང་། སྲས་བརྒྱུད། ཡུམ་བརྒྱུད། སློབ་བརྒྱུད་གསུམ་ནས་འོངས་པའི་ཆོས་ཀྱི་རྒྱུན་དེང་སང་གི་བར་མ་ནུབ་པར་གནས། ཁྱད་པར་ནུབ་དགོན་པ་ཕྱོགས་ནས་བརྒྱུད་པ་སློབ་བརྒྱུད་གཙོ་ཆེ་ཞིང་། བརྒྱུད་པ་གཞན་རྣམས་ལ་རིག་འཛིན་མངའ་རིས་པ་ཆེན་པོ་བཞུགས་པ་ཤས་ཆེ་ནའང་། ལས་འབྲས་རྒྱབ་ཏུ་བོར་བ་འགའ་ཞིག་གིས་སྒོ་ང་དང་སྒོང་སྐོགས་ཀྱི་དཔེ་བྱེད་པར་མཐོང་། གབ་པ་སྙིང་གི་ལྡེ་མིག་ལས། བོད་ཁམས་ཕུང་བའི་རྟགས་བྱུང་ན༔ ཡོལ་མོ་སྟོད་ལ་གྲོ་མོ་སྨད༔ བར་ཡུལ་རིན་ཆེན་འབྲས་མོ་གཤོངས༔ གང་གི་རྟགས་བྱུང་དེ་རུ་རྒྱུག༔ ཅེས་པ་ལྟར་དང་། བོད་བདེ་ཐབས་ཀྱི་རྟེན་འབྲེལ་ཅུང་ཟད་མ་འགྲིག་པར་བརྟེན། སྦས་ཡུལ་འབྲས་མོ་གཤོངས་ཀྱི་གནས་སྒོ་འབྱེ་བར་ཕེབས། དེའི་རྒྱུ་མཚན་གྱི་གཙོ་བོ་ནི་སྐུལ་བྱང་ཆེན་མོ་ལས། ལྷོ་འབྲས་མོ་གཤོངས་ཀྱི་སྒོ་ཕྱེད་པ་ཙམ་གྱིས་ལོ་བདུན་འཛམ་བུ་གླིང་གི་བདེ་སྐྱིད་འབྱུང༔ དེའི་དུས་དབུས་སུ་རྒྱལ་པོའི་མངའ་གསོལ་ན༔ ལོ་བཅུ་གསུམ་འཛམ་བུའི་གླིང་དུ་བདེ་སྐྱིད་འབྱུང༔ ཞེས་པ་ལྟར་རོ། །མཛོད་ལྔ་སྟག་རྩེ་བརྒྱུད་འབྲས་གཤོངས་མཐིལ་དུ་ཕེབས། བྲག་དཀར་བཀྲ་ཤིས་སྡིངས་སུ་མགུར་གསུངས། སྒོ་ཡོལ་གྱི་ལུང་ཕྲན་ལྔ་དང་དགའ་བདེ་སོགས་སུ་བཞུགས། འབྲས་མོ་གཤོངས་ཀྱི་གནས་སྒོ་ཕྱེད་པའི་ཕྱག་རྟགས་སུ། གུ་རུ་ལ་ན་མོ༔ གྲུབ་ཐོབ་བླ་མ་རྣམས་ཀྱིས་གསུངས་པའི༔ ཤཱཀྱའི་བསྟན་པ་ཕྱིན་ཆད་ནི༔ སངས་རྒྱས་ཀུན་གྱིས་

― GLG008_Page_0686 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པའི༔ དེང་སང་སྙིགས་མའི་དུས་འདིར་སླེབ་ནས་ཡོད༔ རྒྱ་གར་ཟངས་གླིང་གི་བྱང་ཕྱོགས༔ མོན་ཕག་རི་ཁའི་ལྷོ་ནུབ་གུ་རུ་མ་ཧཱའི་བསྒྲུབ་གནས་ཡོད་པའི་ས་ནས་རྡོ་རྗེ་ཐོད་འཕྲེང་རྩལ་གྱིས་བོད་ཁ་བ་ལྗོངས་པ་རྣམས་ལ་སྤྲིངས་པ༔ བོད་འགྲོ་བ་སེམས་ཅན་ཐམས་ཅད་ཀྱི་དོན་དུ་བདག་གིས་དཀའ་བ་མང་དུ་སྤྱད་ནས༔ འབྲས་མོ་ལྗོངས་ཀྱི་གནས་སྒོ་ཕྱེ་ནས་ཡོད་པས༔ ཞེས་སོགས་ཀྱི་སྤྲིངས་ཡིག་ངོ་མཚར་པ་མཛད། འབྲས་མོ་ལྗོངས་སུ་མ་ཟད། བདེ་ལྡན་སྐྱིད་མོ་ལུང་། སྦས་པ་པདྨའི་ཚལ། རོལ་པ་མཁའ་འགྲོའི་གླིང་། རྒྱལ་གྱི་མཁན་པ་ལུང་། ལྷའི་ཕོ་བྲང་སྡིངས། གྲོ་མོ་ཁུད་དེ་སྦས་ཡུལ་བདུན་གྱི་ཐེམ་བྱང་དང་། སྦས་ཡུལ་སྤྱིའི་ཐེམ་ཡིག །བྱེ་བྲག་ཏུ་ཡོལ་མོ་གངས། བུ་ལེ་གངས། འབྲས་མོ་ཁུད། སྐྱིད་མོ་ལུང་། མཁན་པོ་ལུང་། སྟག་སོ་གངས་རི་སོགས་སྦས་ཡུལ་ཅི་བྱེ་བྲག་མང་པོའི་ལྡེ་མིག །ཁ་བྱང་། ལམ་བྱང་། སྙིང་བྱང་། གནས་ཡིག །རི་ཀུན་དུ་གཟིགས་ཀྱི་སྟོད་རིགས་རྒྱུད་དར་བའི་གནས། བར་བསོད་ནམས་དང་ལོངས་སྤྱོད་དར་བའི་གནས་སྨད་ཕུང་བྱེད་མཐའ་དམག་ཟློག་པའི་གནས་ཀྱི་ས་གནད། གན་ཏིག་ལུང་བསྟན་སོགས་དུ་མ་ཡང་ཟང་ཟང་ལྷ་བྲག་ནས་སྤྱན་དྲངས་ཏེ་བཀའ་བབས། དེ་ཡང་གཏེར་སྟོན་སངས་རྒྱས་གླིང་པ་དང་རིག་འཛིན་ཆེན་པོ་འདི་ཉིད་དགུང་ལོ་བགྲེས་གཞོན་མ་གཏོགས་ཐོག་མཚུངས་པར་བྱོན། གཏེར་སྟོན་གཉིས་ལ་ཐུགས་མི་མཐུན་པ་ག་ལ་མངའ་ནའང་བུ་སློབ་འདྲ་མི་མཛའ་བའི་ཆགས་སྡང་ལ་བརྟེན། དགོངས་འདུས་པ་ཞིག་གིས་རིག་འཛིན་ཆེན་པོའི་དབུ་སྐྲའི་གསེབ་ཀྱི་རྒོད་སྒྲོ་ལ་བསྙད་ནས་ལུང་བསྟན་བཀའ་རྒྱར་

― GLG008_Page_0687 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷད་འདི་ལྟར་བཅུག་སྟེ། རྣལ་འབྱོར་སྨྱོན་པ་སྐྲ་རྒོད་ཅན་ཞིག་བྱུང་ནས་འབྲས་མོ་གཤོངས་ཀྱི་ལུང་ཕྲན་སྒོ་ཡོལ་སྔོག་པ་རྣམས་འབྱུང་ཞིང་། ཞེས་དང་། དེའི་འོག་ཙམ་དུ། དེ་ཡང་ཐོག་མར་བསམ་ཡས་ཧས་པོ་རིའི་རྩེ་ལ་དགེ་སྦྱོང་འོད་ཟེར་མཐའ་ཡས་ཀྱི་གདུང་དངུལ་གྱི་གའུར་བཅུག་ནས་སེང་ལྡེང་གི་སྒྲོམ་དུ་བཞུགས། རྒྱ་རིམ་པ་གསུམ་གྱིས་མནན་ཅིང་བྲག་དཔལ་བཤོས་འདྲ་བའི་འོག་ཏུ་བཞུགས་པ། སྤྲུལ་པའི་རྣལ་འབྱོར་མཆེད་བཞིས་བཏོན་ནས་བྲག་དཀར་བཀྲ་ཤིས་སྡིངས་ཀྱི་དབུས་དྲང་པོར་རྡོ་འདོམ་གང་ཆུ་ཞེང་གབ་པའི་ངོས་ལ་རྡོ་ཐལ་གྱིས་བྲིས་པའི་གཡུང་དྲུང་རིས་ཡོད་པའི་སྟེང་དུ་ཙན་དན་ལ་སོགས་པའི་དྲི་བཟང་པོའི་ཤིང་གིས་རྭ་བ་བཞི་གང་རུང་གི་ཉ་ལ་བཞུ་བས་འབྲས་མོ་གཤོངས་ཀྱི་ཕྱོགས་ཐམས་ཅད་རང་བཞིན་གྱིས་དུལ་ནས་ལྷ་འདྲེ་དང་གཅན་གཟན་དང་དུག་སྦྲུལ་ལ་སོགས་པའི་འཚེ་བ་མི་འབྱུང་ཞིང་། བར་ཆད་གང་ཡང་མི་འབྱུང་སྟེ། དེ་ཡང་དུས་ཀྱི་མཐའ་ལ་འགྲོ་བ་སྤྱི་མཐུན་གྱི་བསོད་ནམས་ཟད་པས། བདུད་ཀྱི་སྤྲུལ་པ་ངའི་ཆ་བྱད་དུ་ཞུགས་པ་ཅིག་གིས་བྲམ་ཟེ་སྐྱེ་བ་བདུན་པའི་གདུང་གང་འབྲེལ་ངན་སོང་ཁེགས་པ་ཞིག་ཡོད་པ་སྦྱིན་ནོ་ཟེར་ཞིང་། ཁྲོམ་ཆེན་པོ་བསྡུས་ནས་དགེ་སྦྱོང་འོད་ཟེར་མཐའ་ཡས་ཀྱི་གདུང་འབྱིན་པ་འོང་། དེས་ཐམས་ཅད་ཕུང་བར་བྱེད། འབྲས་མོ་གཤོངས་ཀྱི་གནས་རེངས་ནས་སྔ་ཐོག་རིམ་གཅིག་ཕུང་བར་བྱེད་ཅིང་། རིམ་པས་བར་ཆད་ཀྱི་རྒྱུ་མང་པོའི་རྐྱེན་དུ་འགྱུར་བས། མ་འོངས་པའི་འགྲོ་བ་རྣམས་ཀྱིས་དེ་དག་ཤེས་པར་གྱིས་ཤིག །ཅེས་པ་འདི་ཡང་། རིག་འཛིན་རྒོད་ལྡེམ་གྱིས་འབྲས་མོ་གཤོངས་ཀྱི་གནས་སྒོ་

― GLG008_Page_0688 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱེད་ཀྱི་འདུག་ཟེར་བ་ཐོས་པ་ལ་བརྟེན་ནས། ཧས་པོ་རི་ནས་དགེ་སྦྱོང་འོད་ཟེར་མཐའ་ཡས་ཀྱི་གདུང་ཡང་བཏོན་འོང་སྙམ་པའི་མ་འོངས་པ་སྔུན་བསུས་ཀྱི་ཀུན་སློང་སྐྱོན་ཅན་གྱི་སྒོ་ནས་བཅུག་པར་གདོན་མི་ཟའོ། །སླར་ཡང་གུང་ཐང་རྒྱལ་པོ་མཆོག་གྲུབ་ལྡེས་ཏི་ཤིར་བཀུར་ཏེ་གཙུག་ཏུ་བསྟེན་པས་བོད་ཀྱི་བདེ་སྐྱིད་ལ་ཕན་པར་བྱུང་། སྤྱིར་ཟབ་གཏེར་ཐམས་ཅད་བོད་ཀྱི་བདེ་སྐྱིད་འབྱུང་ཐབས་ཡིན་ཡང་། ཁྱད་པར་བྱང་གཏེར་འདི་བོད་ལ་ཕན་ཐབས་གཙོ་ཆེ་བས། རི་ཀུན་དུ་གཟིགས་ཀྱི་ལུང་བསྟན་ལས། རྒྱལ་པོའི་གདུང་རབས་ཉི་ཤུ་སོང་བ་དང༔ བྱང་ཟང་ཟང་ལྷ་བྲག་གི་སྐྱེད་ནས་མཛོད་བཞི་འདུས་པའི་གཏེར་རིག་འཛིན་རྒོད་ཀྱི་ལྡེམ་ཕྲུ་ཅན་བྱ་བས་རྙེད་ནས་ལྷོ་བོད་ཀྱི་མཚམས་སུ་དགེ་བའི་ལས་བསྟན་པ་འཛིན་པ། མཐའ་དམག་ཟློག་པ། རིམས་ནད་གཅོད་པ། བོད་ཀྱི་ནང་འཁྲུག་ཞི་བར་བྱེད་པ། འགོང་པོ་ཨར་ལ་གཏད་པ། སྡེ་པའི་མངའ་ཐང་གསོ་བ། ས་ནད་དང་གཉན་ནད་འདུལ་བ་ལ་སོགས་གང་ལ་གང་དགོས་གཏེར་མཛོད་དེའི་ནང་དུ་ཡོད་པས་འགྲོ་དོན་ལ་བརྩོན་པར་གྱིས་ཤིག༔ འདིའི་སྐབས་སུ་ཁྱུང་ལུང་བྲག་མཁར་ནས་ཁམས་ཀྱི་ཀློང་ཐང་སྒྲོལ་མ་ཡར་བཅད་ཀྱི་བོད་སྤྱིའི་དོན་དང་ས་ཁོལ་བུ་ཁོལ་བུར་བདེ་བའི་ཐབས་སྣ་ཚོགས་ཡོད་པ་ཟུར་དུ་ལྟོས་ཤིག༔ ཅེས་བྱུང་བ་ལྟར་རོ། །ཤེས་ལྡན་གཟུར་གནས་ཡོད་ན་ལྷག་བསམ་དག་པའི་སྒོ་ནས་གངས་ཅན་གྱི་ལྗོངས་འདི་བདེ་བའི་ཐབས་ལ་བརྩོན་པར་རིགས་སོ། །སྦས་ཡུལ་སྐྱིད་མོ་ལུང་གི་གནས་སྒོ་ཕྱེ། དགུང་ལོ་བདུན་ཅུ་རྩ་གཉིས་ཀྱི་བར་དུ་འགྲོ་བ་རྣམས་སྨིན་གྲོལ་གི་ལམ་ལ་འགོད་པར་མཛད་དོ། །རིག་འཛིན་ཆེན་པོ་རྒོད་ཀྱི་ལྡེམ་ཕྲུ་ཅན་མཚན་གཞན་དངོས་དངོས་གྲུབ་རྒྱལ་མཚན་དུ་གྲགས་

― GLG008_Page_0689 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་ཉིད་ཀྱི་སྐུའི་སྐྱེ་བ་ནི་རིག་འཛིན་མངའ་རིས་པ་ཆེན་པོ་ལེགས་ལྡན་བདུད་འཇོམས་རྡོ་རྗེ་སྟེ། འདི་ཉིད་གྱི་རིགས་ནི་འོད་གསལ་ལྷ་རིགས་བོད་ཆོས་ཀྱི་རྒྱལ་པོའི་གདུང་འཛིན་པའི་གསང་སྔགས་འཆང་བའི་རྒྱུད་ལས་བྱུང་བ་ཡིན། ཡང་ཡབ་སྔགས་འཆང་ཆེན་པོ་འཇམ་དབྱངས་རྒྱལ་མཚན་གྱིས་རྗེ་གྲུབ་པའི་དབང་ཕྱུག་ལྕགས་ཟམ་པ་ཆེན་པོ་ཐང་སྟོང་རྒྱལ་པོ་དང་། གཏེར་སྟོན་ཀུན་སྐྱོང་གླིང་པའི་ཞབས་ལ་ཐུག །མངའ་རིས་སུ་ལོག་འབྱོན་ཁར་གཏེར་སྟོན་ཀུན་སྐྱོང་གླིང་པའི་བཀའ་ལས། ཁྱོད་ཌོམྦྷིའི་སྐུ། བཻ་རོའི་གསུང་། མར་པའི་ཐུགས་ཀྱི་འོད་ཟེར་ལས་སྤྲུལ་པ་ཡིན། སྐྱེ་བ་སྔོན་མ་རབ་འབྱམས་པ་ཀུན་བཟང་ཉི་མར་གྱུར་དུས་གཞན་ལ་ཁྱད་གསོད་བྱས་པའི་རྣམ་སྨིན་ལ་བརྟེན། དྲིན་གང་ཆེ་སྡང་བ་ཞིག་འོང་། འོན་ཀྱང་ཤིང་སྟག་པ་སྐྱེ་བའི་གནས་སུ་སྒྲུབ་པ་བྱས་ན་ཕུང་པོ་འོད་སྐུར་སྨིན། མདོ་རྒྱུད་ཀྱི་བཤད་ཉན་བྱས་ན་བསྟན་པ་ལ་ཕན་པ་རྒྱ་ཆེར་འོང་། ཕལ་ཆེར་གཞན་རྐྱེན་གྱིས་ཆུང་མ་ལེན་དགོས་ཤས་ཆེ་ཡང་། དེ་ག་བསྟན་པའི་རྩ་ལག་ཏུ་འགྱུར་ཏེ་ཁྱོད་ལ་རིགས་ཀྱི་སྲས་བརྒྱད་འབྱུང་བའི་དང་པོ་ལ་དོན་གྲུབ་རྡོ་རྗེ། གཉིས་པ་ལ་དབང་རྒྱལ་རྡོ་རྗེ། གསུམ་པ་ལ་རིན་ཆེན་རྡོ་རྗེ། བཞི་པ་ལ་སྣང་མཛད་རྡོ་རྗེ། ལྔ་པ་དང་དྲུག་པ་ལ་མིང་མི་དགོས། བདུན་པ་ལ་ཀུན་བཟང་རྡོ་རྗེ། བརྒྱད་པ་ལ་མགོན་པོ་ལེགས་ལྡན་རྡོ་རྗེར་ཐོགས། ཞེས་དང་པོ་ལྔ་རྒྱལ་བ་རིགས་ལྔའི་སྤྲུལ་པ་དང་། ཕྱི་མ་མགོན་པོ་ལེགས་ལྡན་གྱི་སྤྲུལ་པར་ལུང་བསྟན་པའི་རིག་འཛིན་ལེགས་ལྡན་རྡོ་རྗེ་འདི་ཉིད་ཡབ་ཀྱིས་དཔལ་རྡོ་རྗེ་ཕུར་པའི་བསྐྱེད་རིམ་ལ་གནས་བཞིན་པའི་ངང་ནས་ཡུམ་གྱི་མངལ་དུ་བསྐྲུན་པར་མཛད། སྐུ་ན་ཕྲ་མོ་

― GLG008_Page_0690 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བཟུང་བླ་མ་ཡི་དམ་མཁའ་འགྲོ་ཆོས་སྐྱོང་གྲངས་མེད་པ་ཞལ་གཟིགས་ཤིང་གསུང་གི་གནང་བ་ཐོབ། ཡབ་དང་སྔགས་འཆང་ཤཱཀྱ་བཟང་པོ། གཅེན་མངའ་རིས་པཎ་ཆེན། རྒྱ་མ་གཏེར་སྟོན་མི་འགྱུར་ཀུན་དགའ་དཔལ་བཟང་། ཀོང་ཆེན་ནམ་མཁའ་དཔལ་ལྡན། སྔགས་ནག་གསང་སྔགས་རྡོ་རྗེ་སོགས་མདོར་ན་མངའ་རིས་ནས་བཟུང་ཀོང་པོ་ཡན་གྱི་མཁས་གྲུབ་གྲངས་མེད་པ་བསྟེན་ནས་ཐོས་བསམ་སྒོམ་པ་ཕུལ་དུ་ཕྱིན་པ་མཛད། ཁྱད་པར་ཟབ་མོ་གཏེར་གྱི་བཀའ་བབས་ཚུལ་ནི། འདུས་པ་སྔ་ཕྱི་བར་གསུམ་ལས་འདས་པ་དང་པོ་གཏེར་སྟོན་ཨུ་རྒྱན་གླིང་པས་ཡར་ལུང་ཤེལ་བྲག་ནས་གདན་དྲངས་པའི་བཀའ་འདུས་ཆོས་ཀྱི་རྒྱ་མཚོ། འདུས་པ་བར་པ་གཏེར་སྟོན་སངས་རྒྱས་གླིང་པས་སྤུ་རི་ཕུག་མོ་ཆེ་ནས་གདན་དྲངས་པའི་བླ་མ་དགོངས་པ་འདུས་པ། འདུས་པ་ཕྱི་མ་གཅེན་མངའ་རིས་པཎ་ཆེན་དང་གཅུང་ལེགས་ལྡན་རྡོ་རྗེ་གཉིས་ཀྱིས་ཐུན་མོང་དུ་བསམ་ཡས་དབུ་རྩེ་རྣམ་སྣང་མི་བཞི་རྒྱབ་སྤྲོད་ཀྱི་སྙིང་མཛོད་ནག་པོ་མུན་པའི་དཀྱིལ་འཁོར་ནས་གདན་དྲངས་པའི་རིག་འཛིན་ཡོངས་འདུས་དང་གསུམ་གྱི་ཕྱི་མ་རིག་འཛིན་ཡོངས་འདུས་ཀྱི་ལུང་བྱང་ལས། འདི་ནས་ཉི་མ་ནུབ་ཕྱོགས་སུ༔ ཡང་འདུལ་པྲ་དུམ་རྩེ་ཡི་ལྷོ༔ གེ་གར་ཀླུ་ཡི་ཁ་གནོན་བྱང༔ རི་རྒྱལ་གླང་ཆེན་འགྱིང་འདྲའི་འདབས༔ ཆུ་ཆེན་དྲག་པོ་འབབ་པའི་འགྲམ༔ གློ་བོ་མ་ཐང་ཞེས་བྱའི་ཕུར༔ རྗེ་རིགས་སྔགས་འཆང་རྣལ་འབྱོར་པ༔ ཕ་མ་རྒྱལ་མཚན་གཉིས་ཀྱི་བུ༔ཀུན་བཟང་དགོངས་པའི་ཀློང་ནས་བསྐྲུན༔ བྷི་མ་མཚོ་རྒྱལ་སྤྲུལ་པའི་སྲས༔ སྤུན་བདུན་ཚིགས་སམ་མཐའ་རུ་འབྱུང༔ ལྷུམས་ནས་ཧཱུཾ་ཧྲཱིཿའི་སྒྲ་སྒྲོག་ཅིང༔ སྐྱེས་པའི་ལོ་ནས་བདེ་སྐྱིད་ལྡན༔ ཡུལ་ཁམས་

― GLG008_Page_0691 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་ཞིང་བསམས་དོན་འགྲུབ༔ ཆུ་ཁམས་ལུག་གམ་སྤྲེའུ་ལོ་པ༔ བདག་གིས་བྱིན་བརླབས་པདྨ་རྒྱལ༔ མཚོ་རྒྱལ་བྱིན་བརླབས་འོད་ཟེར་མིང༔ ཆོས་རྒྱལ་བྱིན་བརླབས་གྲོ་བོ་ལོད༔ ནམ་སྙིང་རྡོ་རྗེ་ཐོགས་མེད་རྩལ༔ བདུད་འཇོམས་བྱིན་བརླབས་རྡོ་རྗེའི་མིང༔ བཻ་རོས་བྱིན་བརླབས་གཏེར་བདག་གླིང༔ ཞེས་སོགས་གཏེར་སྟོན་གཉིས་པོ་ཐུན་མོང་དུ་ལུང་བསྟན་པ་དེ། ཡུལ་གྱི་མིང་དབྱིབས་དང་ཡབ་ཡུམ་རིགས་རུས་སོགས་ནི་སྐུ་མཆེད་ཡིན་པས་ཚིག་ཅིག་གིས་དོན་གཉིས་སྟོན་ལ། སྤུན་བདུན་ཚིགས་སམ་མཐའ་རུ་འབྱུང༔ ཞེས་པའི་ཚིགས་ཏེ་བར་དུ་འབྱུང་རྒྱུ་གཅེན་མངའ་རིས་པཎ་ཆེན་དང་། མཐའ་རུ་འབྱུང་རྒྱུ་གཅུང་ལེགས་ལྡན་རྡོ་རྗེ། ཆུ་ཁམས་ལུག་གམ་སྤྲེའུའི་ལོ་ཞེས་པ་ནི་ལུང་བསྟན་རྙིང་པ་མང་པོར་ཤེད་བཞི་ལོ་པ་རྣམས་ཕན་ཚུན་གདམ་ཁ་ཅན་དུ་སྣང་ཞིང་། ཁྱད་པར་ཁྱིའམ་འབྲུག་ལུག་གམ་གླང་ཞེས་འབྱུང་བ་མང་བས། སྐབས་འདིར་ལུག་གམ་གླང་ཞེས་པ་མངའ་རིས་པཎ་ཆེན་གྱི་འཁྲུངས་ལོ་དང་། སྤྲེའུ་ལོ་ནི་ལེགས་ལྡན་རྗེའི་འཁྲུངས་ལོ་བསྟན་ཅིང་། པདྨ་རྒྱལ་དང་། འོད་ཟེར་མིང་དང་། རྡོ་རྗེ་ཐོགས་མེད་ལ་དང་། གཏེར་བདག་གླིང་པ་རྣམས་ནི་གཅེན་མངའ་རིས་པཎ་ཆེན་གྱི་མཚན་གྱི་རྣམ་གྲངས་ཀྱི་ཚུལ་དུ་ལུང་བསྟན་པ་དང་། གྲོ་བོ་ལོད་དང་། རྡོ་རྗེའི་མིང་ནི་གཅུང་ལེགས་ལྡན་རྗེའི་ལུང་བསྟན་ནོ། །གཞན་ཡང་རཏྣའི་སྤྱི་ལུང་དུ། མངའ་རིས་སྟོད་ནས་ཨུ་རྒྱན་སྤྲུལ་པ་གཅིག༔ རྫུ་འཕྲུལ་སྟོན་ཅིང་བསྟན་པའི་སྒྲོན་མེ་སྤོར༔ ཞེས་དང་། པདྨ་གླིང་པའི་ཀུན་གསལ་མེ་ལོང་སོགས་གཏེར་ཁ་དུ་མར་ངོ་མཚར་པའི་ལུང་བསྟན་མང་པོ་འདུག་ཀྱང་ཡི་གེ་མངས་ཀྱི་དོགས་མ་བྲིས། བྱེ་བྲག་

― GLG008_Page_0692 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ལུང་བསྟན་ནི། ལེགས་ལྡན་རྡོ་རྗེའི་རང་གཏེར་ཐུགས་རྗེ་ཆེན་པོ་འཁོར་བ་དབྱིངས་གྲོལ་གྱི་ལོ་རྒྱུས་རིན་ཆེན་འཕྲེང་བར། བདག་གི་སྨོན་ལམ་མཐུ་བཙན་པས༔ རྡོ་རྗེ་བདུད་འཇོམས་སྐྱེ་བའི་མཐར༔ བྱང་སེམས་སྤྲེའུའི་ལོ་པ་ཅིག༔ ལས་ལྡན་ཐོག་ཕབས་ཚུལ་དུ་འབྱུང༔ དེ་ཡིས་འདི་འབྱིན་འགྲོ་འདྲེན་འགྱུར༔ ཞེས་བྱུང་བ་ལྟར། རིག་འཛིན་ཆེན་པོ་མངའ་རིས་པ་ལེགས་ལྡན་བདུད་འཇོམས་རྡོ་རྗེ་མཚན་གཞན་གཏེར་སྟོན་རྡོ་རྗེ་གྲོ་ལོད་དམ་གཏེར་སྟོན་ཉི་ཟླའི་མཚན་ཅན་དུ་གྲགས་པ་འདི་ཉིད་ཀྱིས་གཏེར་ཁ་འགའ་བཞེས་པའི་དང་པོ་ནི། སྲིན་མོ་སྦར་རྗེས་ནས་གདན་དྲངས་པའི་བླ་མ་བཀའ་བརྒྱད་ཡོངས་འདུས་ཀྱི་ཁ་བྱང་དོན་སྒྲོན་གནད་གསལ་ལས། བཞི་བཅུར་ཉེ་དུས་ཐུགས་གཏེར་ངེས་པར་འཕྲད༔ དངོས་དང་ཉམས་སུ་ང་ཡིས་དབང་བཞི་བསྐུར༔ དཔའ་བོ་མཁའ་འགྲོའི་བསྐུལ་མ་ཐེངས་གསུམ་འོད༔ དེ་དུས་ཐེ་ཚོམ་མ་བྱེད་གནད་ཐེམས་ཡིན༔ རྣམ་པར་སྣང་མཛད་ཐུགས་ཀྱི་ཀློང་སྒྲོམ་ན༔ བླ་མའི་སྒྲུབ་པ་ཡོངས་འདུས་རྣམ་གསུམ་ཡོད༔ སྒྲ་སྒྲོག་འབྲུག་གི་ལོ་ལ་བབས་པའི་དུས༔ གཏེར་བདག་བྱ་དཀར་སྙུག་རྒོད་གཏོར་མས་མཆོད༔ རང་ཉིད་དབང་དྲག་ང་རྒྱལ་ལྡན་པ་ཡིས༔ བདེན་པ་བདར་ཞིང་དམ་བསྒྲགས་གནང་ཐེམས་ཡིན༔ ཞེས་པ་ལྟར། གཅེན་དང་ལྷན་ཅིག་པར་བསམ་ཡས་དབུ་རྩེ་རྣམ་སྣང་མི་བཞི་རྒྱབ་སྒྲོད་ལྟ་བུའི་དཀྱིལ་མུན་པ་ནག་པོའི་གསང་སྒྲོམ་དུ་རྒྱས་བཏབ་པའི་ཟབ་གཏེར་རིག་འཛིན་ཡོངས་འདུས་ཀྱི་ཆོས་སྐོར་དགྲ་བཅོམ་པ་ཟུང་གི་ལྷུང་བཟེད་ཀྱི་ནང་ནས་སྤྱན་དྲངས། ཟབ་གཏེར་འདི་ཉིད་ཀྱི་ཆོས་བདག་ནི། སྤྱི་ལུང་མདོར་བསྡུས་སྙིང་པོ་ལས། འདིར་འདུས་པདྨ་རྒྱལ་པོ་ང་ལ་ཉོན༔

― GLG008_Page_0693 ―

^{[མ་དཔེ་གཟིགས་ན་འདིར་གནོན།]}

[Full Size]

སྐལ་ལྡན་སྐྱེས་བུ་དེ་ལ་འདུད་བྱེད་བུ༔ ཉེ་བའི་བུ་དགུ་བུ་མོ་རྣམ་པ་དགུ༔ བདེ་སྟེར་ཚེ་གསོལ་འདེབས་བྱེད་སྦས་ཚུལ་གཅིག༔ ཞབས་འདེགས་བདེ་སྐྱོད་དད་ལྡན་རྣམ་པ་དགུ༔ བཟང་པོ་ཆོས་ཀྱི་འབྲེལ་ཐོགས་ཁྲི་འབུམ་གཅིག༔ ངན་འབྲེལ་ཐོགས་པའི་འགྲོ་བ་བདུན་ཅུ་གསུམ༔ ཁྲ་མོ་རིགས་འདུས་བྱེད་པ་སུམ་ཅུ་གཅིག༔ རྟོགས་ལྡན་ས་བོན་ལམ་ཟིན་བརྒྱ་རྩ་གསུམ༔ ཆོས་འདིར་མོས་བྱེད་བདུན་ཕྲག་ཉི་ཤུ་ལྔ༔ མི་མིན་འདུལ་ཞིང་འགྲོ་བ་མང་དུ་འབྱུང༔ སྐྱེ་ཞིང་སྐྱེ་བར་བྱིན་བརླབས་བླ་མ་དགུ༔ མངོན་སུམ་མི་མངོན་བརྡ་འགྲོལ་མཁའ་འགྲོ་ལྔ༔ རྗེ་བློན་འབངས་འཁོར་དག་ལྡན་འབྲེལ་ལྡན་དགུ༔ དེ་དུས་སྨོན་ལམ་སྟོབས་ཀྱིས་འཛོམ་པར་འགྱུར༔ ཞེས་སོགས་མཆོག་དམན་བར་པ་མང་དུ་འབྱུང་བའི་གཙོ་བོ་ནི། ཆོས་བདག་སྐྱེས་བུ་འདུད་བྱེད་རིགས་ལྔ་ནི༔ ཞེས་པའི་ནང་ཚན། ལྷ་སྲས་སྤྲུལ་པ་བོངས་འཚམ་སྦྲུལ་ལོ་པ༔ བློ་སྒམ་སྙིང་སྟོབས་རྩལ་ལྡན་གདོང་སྨེ་ཅན༔ སྣ་ཚོགས་མིང་ཅན་འགྲོ་བའི་དེད་དཔོན་མཆོག༔ རིན་ཆེན་འཛིན་པ་ཉི་གྲོས་དུས་སུ་འབྱུང༔ ཞེས་པའི་ལུང་ཟིན་འབྲི་གུང་པ་ཆོས་རྒྱལ་རིན་ཆེན་ཕུན་ཚོགས་ལ་མངའ་རིས་པཎ་ཆེན་རིན་པོ་ཆེས་ཆོས་འདི་དབུ་ཚུགས་ཙམ་མ་གཏོགས་གནང་མ་ཐུབ། ཞིང་ཁམས་འཕོ་ཁར་ཞལ་ཆེམས་སུ། བསམ་ཡས་དབུ་རྩེའི་བྱང་ཆུབ་ཆེན་པོའི་སྐུ་མདུན་དུ་ཁོ་བོའི་རུས་པ་གདན་དྲོངས་ལ་ཁྱེད་རང་གིས་དབང་རྣམས་བདག་འཇུག་གི་ཚུལ་དུ་ལོང་གསུང་བ་ལྟར་རྟེན་འབྲེལ་སྒྲིག་པ་མཛད་ཅིང་། བཀའ་རྫོགས་ལུང་རྫོགས་ནི་གཅུང་ལེགས་ལྡན་རྡོ་རྗེ་ལ་གསན་པར་མཛད། གཞན་ཡང་ལེགས་ལྡན་ཞབས་ཀྱིས་རྗེ་འབྲི་གུང་པ་ལ་གཏེར་

― GLG008_Page_0694 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་གོང་འོག་གཉིས་ཀྱིས་ཐོག་དྲངས་པའི་ཆོས་དཔག་ཏུ་མེད་པ་གནང་བར་འབྲི་གུང་པའི་ཕྱིས་ཀྱི་གདུང་རྒྱུད་སོགས་ཤེས་ལྡན་ཀུན་ལ་རླུང་ལྟར་གྲགས་ཀྱང་། སྡེ་པ་སྣང་རྩེ་བ་རྗེས་འབྲང་དང་བཅས་པ་རྣམས་བཀའ་བརྒྱད་པ་དེར་འདུས་སོགས་ཆོས་མང་པོ་རྗེ་འབྲི་གུང་པ་ནས་བརྒྱུད་པ་ཉམས་སུ་ལེན་བཞིན་དུ། དེས་གསན་ཡུལ་གྱི་མངའ་རིས་རིག་འཛིན་ཆེན་པོ་བརྒྱུད་གྲལ་ནས་འདོན་པ་ནི་རང་ཉིད་ལས་འབྲས་མི་ཤེས་པའི་ནང་རྟགས་ཕྱིར་ཤར་བའོ། །གཞན་ཡང་ཆོས་བདག་རིགས་ལྔའི་ནང་ཆེན། ཆོས་རྒྱལ་ཁྱོད་སྤྲུལ་མེ་ཏོག་མིང་འཛིན་པ༔ དངོས་ལས་ལྷག་པའི་སྐྱེས་བུ་སྙིང་སྟོབས་ཅན༔ བཀའ་གཏེར་ཆོས་བདག་བོང་རིང་ལུག་སྤྲེ་ལོ༔ རིན་ཆེན་ཕྱག་རྟེན་དགོངས་ཀྱི་དུས་སུ་འབྱུང༔ ཞེས་པའི་ལུང་ཟིན་འ་ཞའི་གདུང་ལས་གནས་གསར་བ་འཇམ་དབྱངས་མཁྱེན་བརྩེའི་དབང་ཕྱུག་ལ་ཆོས་སྐོར་འདི་རྫོགས་པར་གནང་། རིག་འཛིན་ཡོངས་འདུས་འདི་ཉིད་ཀྱི་ཆོས་རྒྱུན་འཛིན་པའི་སྤྲུལ་པའི་གཏེར་སྟོན་ཆེན་པོ་བཞི་འབྱུང་བའི་ལུང་བསྟན་ནི། དེ་ལ་འདུད་བྱད་སྤྲུལ་པའི་གཏེར་སྟོན་བཞིས༔ ང་ཡི་ཟབ་ཆོས་དམ་པ་གཏེར་ནས་འདོན༔ ཞེས་པའི་གཏེར་སྟོན་བཞི་ནི་པདྨའི་རྒྱལ་ཚབ་འབྲི་གུང་རིན་ཆེན་ཕུན་ཚོགས། མི་འགྱུར་ལས་འཕྲོ་གླིང་པ་ཀུན་དགའ་དཔལ་བཟང་། གནས་གསར་བ་མདོ་སྔགས་གླིང་པ་མཁྱེན་བརྩེའི་དབང་ཕྱུག །འཕྲང་མགོ་གཏེར་སྟོན་ཤེས་རབ་འོད་ཟེར་བཞིར་ངེས་ཤིང་། རྗེ་མཁྱེན་བརྩེས་རྟེན་འབྲེལ་འཕྱུགས་པས་གཏེར་ཁ་མང་བ་ཞིག་མ་བཞེས་ཀྱང་། ཐོག་སེར་གྱི་སྐོར་སོགས་གདམས་པ་ངོ་མཚར་པ་པོ་ཏི་གཅིག་ཙམ་ཞིག་སྤྱན་དྲངས་པ་ཡིན། བདུད་ཀྱིས་བྱིན་བརླབས་དམ་སྲིའི་སྤྲུལ་པ་བཞིས། གུ་རུ་བརྫུས་ནས་

― GLG008_Page_0695 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་ཡི་རྐུན་མ་བྱེད༔ ཅེས་པའི་ནང་ཚན་གྱི་གཅིག་སྣང་རྩེ་བ་ལ་དོགས་མོད། ཤེས་ལྡན་རྣམས་དཔྱད་པར་འཚལ། ཨུ་རྒྱན་གླིང་པའི་གཏེར་མའི་ཐང་ཡིག་ཚིག་སྣ་རིང་བ་ལས། མཐའ་དམག་དབུས་འཐིབས་འབྲི་དང་ཕག་པ་ལ་འཐབ༔ དབུས་གཙང་སིལ་བུ་ཕག་ཁྱུ་ཚལ་པར་གས༔ འོན་ཕུ་སྟག་ཚང་སྦས་པའི་གཏེར་ཁ་འདི༔ མི་གཞག་འདོན་པའི་རྟགས་དེ་བསྟན་ནས་འབྱུང༔ གཏེར་སྟོན་རྡོ་རྗེ་གྲོ་ལོད་ཞེས་བྱ་འབྱུང༔ ཞེས་པའི་དུས་རྟགས་ཧོར་སོག་གིས་མདོ་སྨད་ལ་གནོད་པ་བྱེད་པའི་མགོ་ཚུགས། འབྲི་གུང་པ་ནང་ཞིག །སྡེ་སྲིད་ཕག་མོ་གྲུ་པའི་བསྟན་པ་ཉམས་ཏེ་ཚལ་པར་སོང་བ་སོགས་ཤིན་ཏུ་དུས་འགྲིག་པ་ལ་བརྟེན། རྗེ་ལེགས་ལྡན་ཞབས་ཀྱིས་འོན་བུ་སྟག་ཚང་ནས། དྲག་པོ་དབུ་དགུའི་ཆོས་སྐོར་ཡོངས་སུ་རྫོགས་པ་སྤྱན་དྲངས། ཆོས་བདག་གི་གཙོ་བོ་གནས་གསར་བ་མཁྱེན་བརྩེའི་དབང་ཕྱུག་ལ་གནང་། རང་གཏེར་ཚེ་སྒྲུབ་བདུད་རྩི་འཁྱིལ་བའི་ལོ་རྒྱུས་དོན་བསྡུས་གསལ་བའི་སྒྲོན་མེ་ལས། ཀྱཻ་ཧོ་སྔགས་ཀྱི་རྣལ་འབྱོར་པ༔ ཚེ་སྒྲུབ་བདུད་རྩི་འཁྱིལ་བའི་སྐོར༔ མ་བུར་བཅས་པར་མི་སྤེལ་ཏེ༔ རིན་ཆེན་སྙིང་པོའི་བྲག་ལོགས་ལ༔ འཆི་མེད་ལྷ་ཚོགས་རང་བྱོན་ཡོད༔ དེ་ཡི་གཡོན་ཟུར་ཚེ་ཆུའི་སྟེང༔ རིན་ཆེན་འདྲ་བའི་བྲག་འོག་ཏུ༔ ཚེ་ཆུར་བཅས་ཏེ་གཏེར་དུ་སྦེད༔ ད་ལྟ་སྤེལ་བའི་དུས་མ་ཡིན༔ད་ནས་མི་ལོ་སྟོང་ཟིན་དུས༔དུས་ངན་བཅུ་གསུམ་འཆར་བ་དང༔འཕགས་པའི་དབོན་དུ་ལྷ་བཟང་འདི༔ སྤྲེའུའི་ལོ་པ་གདོང་སྨེ་ཅན༔ བྱུང་ནས་ཉང་སྟོད་སྐྱོང་དུས་སུ༔ བཻ་རོའི་སྤྲུལ་པ་ཅིག་བྱུང་ནས༔ བསྟན་པའི་རིམ་གྲོ་བྱེད་དུས་སུ༔ རྟེན་

― GLG008_Page_0696 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲེལ་བསྒྲིགས་ན་བོད་ཁམས་འདིར༔ ཉེར་ལྔའི་ལོ་རུ་བོད་ཡོངས་བདེ༔ དབོན་བརྒྱུད་བཅུ་གསུམ་ལུགས་གཉིས་སྐྱོང༔ དེ་དང་འདི་ཉིད་མ་ཕྲད་ན༔ ལྷ་བཟང་རིགས་བརྒྱུད་ཡིད་འཛིན་འདི༔ ཁྱི་ཕག་ལོ་པ་ནམ་མཁའི་མིང༔ བོངས་འཚམ་བློ་སྒམ་དད་བརྩོན་ཅན༔ སྨོན་ལམ་ཤུགས་ཀྱིས་རྒྱལ་སྲིད་སྐྱོང༔ ཕ་ཤུལ་བུ་ཡིས་འཛིན་པ་ཡིན༔ དེ་དུས་མཐའ་དམག་ཕྱོགས་ཀུན་གཡོ༔ སྡེ་དབོན་དྲུག་དང་གཉེན་སྲིད་སྡེབ༔ དབྱར་དགུན་དུས་ལོག་ལོ་བདུན་འབྱུང༔ གཉན་གྱི་འབྲུམ་བུས་ལོ་བདུན་བར༔ བོད་གྱི་མི་ཕྱེད་ཤི་ནས་འགྲོ༔ དེ་དུས་བདག་གི་ཐུགས་རྗེ་དང༔ ཁྱེད་ཀྱི་སྨོན་ལམ་མཐའ་བཙན་པས༔ བདུད་འཇོམས་སྐྱེ་བ་ཉི་ཟླའི་མིང༔ དྲག་སྐྱོང་ཧུར་འགྲོགས་བརྟུལ་ཞུགས་ཅན༔ དུག་ལྔ་རགས་ལ་ཡུན་ཐུང་བ༔ པདྨའི་གནས་ཆེན་སྒོ་འབྱེད་བྱེད༔ དེ་དུས་ཟབ་གཏེར་འདི་དང་འཕྲད༔ དེ་ཡིས་བོད་ཁམས་ལོ་སྐོར་བདེ༔ གཉན་ནད་དེ་ཡི་ཐུགས་རྗེས་ཞི༔ དེ་དང་ཡོན་མཆོད་འཛོམ་པ་ན༔ ཉེར་ལྔའི་བར་དུ་བོད་ཁམས་བདེ༔ ཞེས་པའི་ལུང་བསྟན་གྱི་དོན་ཐོག་ཏུ་བབས་ཏེ་འབྲས་མོ་གཤོངས་ཀྱི་གནས་སྒོ་འབྱེ་བར་ཕེབས།ས་འབྲུག་ཟླ་བ་བདུན་པའི་ཚེས་བཅུའི་སྲོད་ལ་ཚེ་སྒྲུབ་བདུད་རྩི་འཁྱིལ་བའི་ཆོས་སྐོར་ངོ་མཚར་ཅན་འདི་རིན་ཆེན་སྙིང་པོས་བྲག་ནས་སྤྱན་དྲངས། གཞན་ཡང་འཇམ་དཔལ་ཞི་དྲག །ཕྱག་རྡོར་གྱི་ཆོས་སྐོར་སོགས་གཏེར་ཆོས་མང་དུ་བཞེས། སྐབས་ཤིག་བསམ་ཡས་ཀྱི་གནོད་སྦྱིན་ཆེན་པོ་ཙི་དམར་བ་རྒྱུད་འཇམ་དུ་གཏོང་བར་བཞེད་ནས། ཧས་པོ་རིར་སྐུ་མཚམས་ལ་བཞུགས་པས་ཆོས་སྐྱོང་གིས་མངོན་ཤེས་ཀྱིས་རིག་ནས་མིའི་ཁོག་ལ་དངོས་སུ་

― GLG008_Page_0697 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུགས། བསམ་ཡས་མཐིལ་པ་རྣམས་དམག་ལ་བསྐུལ་ཏེ་བར་ཆད་བྱེད་པར་འོངས་པ་ན། ཏིང་ངེ་འཛིན་གྱི་ནུས་པས་ཆོས་སྐྱོང་གན་རྐྱལ་དུ་འགྱེལ། སླར་ཨར་ལ་གཏད་པས་ཡུན་རིང་པོའི་བར་མིའི་ཁོག་ལ་འཇུག་རྒྱུ་མ་བྱུང་། དེའི་ཚེ་སློབ་དཔོན་ཆེན་པོ་དངོས་སུ་ཞལ་བསྟན་ནས། ངས་གཙུག་ལག་ཁང་གི་སྲུང་མར་བསྐོས་པ་ལ་དེ་འདྲ་མ་བྱེད་ཅེས་མི་དགྱེས་པའི་རྣམ་འགྱུར་མཛད་པས། བཅིངས་པ་ལས་བཀྲོལ་ཏེ་ཆོས་སྐྱོང་ཆེན་པོ་མིའི་ཁོག་ཏུ་འཇུག་ཐུབ་པར་གྱུར། སྔར་གནུབས་སངས་རྒྱས་ཡེ་ཤེས་དང་རྭ་ལོ་ཙཱ་བ་རྡོ་རྗེ་གྲགས་ལྟ་བུའི་ནུས་ལྡན་བྱུང་ནའང་། དུས་ཕྱིས་མཐུ་སྟོབས་དང་ནུས་པ་རིག་འཛིན་ཆེན་པོ་འདི་ཉིད་ལས་ལྷག་པ་ནི་མ་བྱུང་པ་འདུག །སྡེ་པ་སྣང་རྩེ་ནས་ཀྱི་གཏེར་མར་གྲགས་པའི་ཟབ་པ་སྐོར་བདུན་གྱི་ལོ་རྒྱུས་ལུང་བསྟན་ཏུ། ཞང་བློན་ཁྲ་ཡི་མགོ་ཅན་སྐྱེ་བ་ནི༔ གློ་བོ་གེ་གར་ཉེ་བའི་ས་ཕྱོགས་སུ༔ ལེགས་ལྡན་མིང་ཅན་བན་གཟུགས་སྔགས་བཙུན་ཆས༔ གཏེར་མིན་གཏེར་འདྲས་འགྲོ་བ་སླུ་བྱེད་ཅིང༔སྐལ་བཟང་སེམས་དཔའ་བཅུ་ཡི་སྙིང་ཁྲག་འབྱིན༔ སྦས་ཡུལ་འབྲས་མོ་ལྗོངས་ཀྱི་སྒོ་འབྱེད་ཅེས༔ སེམས་ཅན་ཉམ་ཆུང་སྡུག་ལ་འགོད་པ་འབྱུང༔ ཞེས་བྲིས་སྣང་བ་བན་དེ་དང་བཙུན་པ་གཉིས་དོན་གཅིག་ཅིང་། བན་གཟུགས་ཞེས་པ་རབ་བྱུང་གི་རྟགས་ཅན་དུ་ངོས་འཛིན་དགོས་པས་མངའ་རིས་རིག་འཛིན་དཀར་ཆས་ཅན་ཡིན་པས་དངོས་སུ་འགལ། སྔགས་པ་དང་རབ་བྱུང་གཉིས་ཀ་ཡིན་པ་ཞིག་ལ་སྔགས་བཙུན་ཟེར་བ་ཡིན་གྱི། སྔགས་པ་གོས་དཀར་ཅན་ལ་

― GLG008_Page_0698 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་བཙུན་ཟེར་བ་ནི་ཀུན་ལ་མ་གྲགས། སྙིང་ཁྲག་འབྱིན་པ་རྣམ་སྣང་ཐུགས་ཀ་ནས་དབྱིངས་གྲོལ་གྱི་ཆོས་སྐོར་གདན་དྲངས་པ་ལ་ཟེར་རྒྱུ་ཡིན་ན། གཏེར་སྟོན་གོང་མ་མང་པོ་ལ་ཡང་སྐྱོན་འདི་འཇུག་ཅིང་། མ་བཏོན་པར་བཏོན་བརྫུ་བྱས་པ་ཡིན་ན་སྙིང་ཁྲག་འབྱིན་རྒྱུ་ཅི་ལ་ཡོད་པས། སྙིང་ཁྲག་འབྱིན་པ་འདི་གཏེར་མིན་གཏེར་འདྲ་ཞེས་པ་ཡང་ཚིག་དངོས་སུ་འགལ། འབྲས་མོ་ལྗོངས་ཀྱི་སྒོ་འབྱེད་དུས་གངས་འུར་གྱིས་མི་འགའ་ཞིག་ཚེའི་དུས་བྱས་པ་ལ་སེམས་ཅན་སྡུག་ལ་བཀོད་ཟེར་ན། རྟའི་རྒྱལ་པོ་བ་ལ་ཧའི་རྒྱབ་ནས་ཚོང་སྤྲུག་རྣམས་བྲུལ་ཏེ་སྲིན་མོས་ཟོས་པ་ལ། སྤྱན་རས་གཟིགས་ཀྱིས་སེམས་ཅད་རྣམས་སྡུག་ལ་བཀོད་ཟེར་རམ་ལེགས་པར་སོམས་ཤིགསྔོན་གྱི་གཏེར་སྟོན་གོང་མ་རྣམས་ཀྱི་གཏེར་ཆོས་ཕན་ཚུན་ཞུས་དག་ཕེར་བ་ཚོ་ཡང་གཏེར་གནས་ཀྱི་སྟབས་ཀྱིས་གཏེར་སྲུང་མི་གཅིག་པར་བྱུང་བ་ལ། ཉང་རིན་པོ་ཆེས་ལྷོ་བྲག་ཕྱོགས་ནས་བཞེས་པའི་དྲག་དམར་དང་། ཁྱེད་ཀྱིས་སྐྱིད་ཤོད་ཕྱོགས་ནས་བཏོན་པའི་དྲག་དམར་གཉིས་གཏེར་སྲུང་ལ་ཁྱད་མི་འདུག་པ་ལྐུགས་པས་རིགས་འགྲེ་བྱས་པའི་དཔེ་ཁོ་ནར་སོང་། ཟབ་པ་སྐོར་བདུན་གྱི་རྫུན་པོད་དེར་བླ་མེད་ཀྱི་ལྷ་རྡོ་རྗེ་གྲོ་ལོད་དང་། བྱ་རྒྱུད་ཀྱི་ལྷ་མི་འཁྲུགས་པ་དབང་ཆོག་གཅིག་གིས་བསྐུར་བ་སོགས། ཀྲི་ཡ་དང་མཧཱ་ཡོ་གའི་རྣམ་དབྱེ་མ་ཕྱེད་པ་དེ་འདྲ་ཨུ་རྒྱན་རིན་པོ་ཆེའི་གསུང་ཡིན་ཟེར་བ་འདི་ལས། སློབ་དཔོན་སངས་རྒྱས་གཉིས་པའི་ཞབས་འདྲེན་པ་དང་སྔ་འགྱུར་གྱི་བསྟན་པར་རྨ་འབྱིན་ཚབས་ཆེ་བ་ཅི་ཞིག་དགོས། རང་དམའ་རང་གིས་མ་ཕབ་ན་བརྒྱ་བྱིན་གྱིས་ཀྱང་ག་ལ་ཕེབས་ཞེས་དང་། སེང་གེ་དཀར་མོའི་སྲོག་ཁོག་པའི་ནང་གི་སྲིན་བུས་

― GLG008_Page_0699 ―

^{[མ་དཔེ་གཟིགས་ན་འདིར་གནོན།]}

[Full Size]

གཅོད་པའི་དཔེ་ལྟར། འབྲི་གུང་དཔལ་འཛིན་སོགས་ཀྱི་རིག་པ་རྣོན་པོར་རློམ་པའི་རྩོད་པ་ལ་ལན་བཟློག་ཏུ་མེད་པའི་སོམ་ཉི་ཟ་བ་མི་འདུག་པས་གནོད་པར་མ་ནུས་ཀྱང་། ཁྱོད་འདྲའི་གཏེར་སྟོན་དུ་བརྫུས་ནས་རྙིང་མའི་བསྟན་པ་འཇིག་པའི་བདུད་ལས་སྟོབས་ལྡན་ལ་སུ་ཞིག་གིས་ཀླན་ཀ་འཇུག་པར་བྱེད་དེ། གོ་རྒྱུ་མེད་པའི་གླང་ཆེན་ལ། །རྒྱལ་པོའི་བཀའ་ལས་དབྱུག་པ་བཙན། །ཞེས་པའི་དོན་དུ་སྣང་ལ། ས་དགེ་བཀའ་བརྒྱུད་ཀྱི་བླ་མ་མང་པོ་བདུད་སྤྲུལ་དུ་བསྟན་པས་དེ་དག་གི་འཆད་རྩོད་རྩོམ་གསུམ། ཐོས་བསམ་སྒོམ་གསུམ་སོགས་མཁས་གྲུབ་ཀྱི་མཛད་པ་ཚོ་ཁྱེད་རང་གི་ངོས་ནས་བདུད་ལས་སུ་སོང་བ་ཐུགས་མེད་པར་གང་སྟེ་ཚུ་རི་ལ་ལྟོས་ནས་ཕ་རིར་འཇོག་པ་ལས་འོས་ཅི་མཆིས། རིན་སྤུངས་པ་ངག་དབང་འཇིགས་གྲགས་ཀྱིས་དབུས་གཙང་ཁམས་གསུམ་དཀྲུག་ཅིང་མཚོན་ཆར་འབེབས་པར་བསྟན་པ་དེ་ནི། མངའ་ཐང་ཆེ་སྐབས་ཀྱང་མདོ་ཁམས་ལྟ་ཅི། གན་པ་ལ་མནལ་ལུང་གཏོང་རྒྱུ་ཆེར་མ་བྱུང་བ་མཆོག་དམན་ཡོངས་ལ་གྲགས་ཀྱང་། སྣང་རྩེ་ནས་རང་གི་དག་སྣང་ལ་བྱུང་བ་ལས་འོས་མི་འདུག་པས། དེ་ལ་སྡེ་གཟར་དག་སྣང་མ་ཟེར་དགོས་པར་གོར་མ་ཆག །ལུང་བསྟན་དེ་ཚོའི་ཁྲོད་དུ། སེར་སྐྱའི་ཁབ་ཏུ་ཤཱཀྱ་དོན་གྲུབ་མིང་། བདུད་སྤྲུལ་མཚན་དཔེས་བརྒྱན་པའི་ཚུལ་འཆོས་མཁན། །དེ་ཡི་རྗེས་འབྲང་ཀུན་གྱི་གཉེན་པོ་རུ། །ལྷ་སྦྱིན་སྣང་བ་དགུ་འགྱུར་འདུས་པའི་སྐོར། །ལས་ཅན་གསུང་སྲས་སྤྲེའུ་ལོ་ནམ་མཁའི་མིང་། །གར་གྱི་དབང་ཕྱུག་དེ་དང་འཕྲད་པར་ཤོག །ཟེར་བ་ཞིག་ཆད་ཡོད་པ་འདྲ་བས། འབྲུག་ར་ལུང་པ་མི་ཕམ་ཆོས་རྒྱལ། གོང་ར་བ་ཉི་ཟླ་གྲགས་པ། གདོང་ཁ་མཚོ་

― GLG008_Page_0700 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་བློ་གྲོས་རྒྱལ་མཚན། ཕར་ཚང་བླ་མ་དོལ་པ་སོགས་དཔོན་སློབ་ཐམས་ཅད་བཀའ་གྲོས་ཐུགས་ལྷུས་གང་ཐིངས་མཛད་པ་ཞུ། རྫུན་པོ་ཏ་ཚེ་སྒྲུབ་རྒྱལ་བ་འདུས་པའི་སྐོར་ལ་ཡང་སྐྱོན་མང་པོ་འདུག་པ་རྣམས་ཡི་གེ་མངས་ཀྱི་དོགས་པས་འདིར་མ་བཀོད། གཏེར་ཆོས་ལ་ལ་ཚད་ལྡན་དུ་སྣང་བ་ནི། གུ་རུ་ཇོ་རྩེས་གཏེར་ཆོས་མང་དུ་སྤྱན་དྲངས་ཀྱང་ཤོག་སེར་ཕལ་ཆེར་འབེབས་མ་ཐུབ་པར་གེ་རེ་ལྷ་པའི་ཕྱག་ཏུ་ལུས་པ་ནས། སྣང་རྩེ་དང་གེ་རེ་སྐུ་ཉེ་ཡིན་པའི་སྟབས་ཀྱིས་དེ་ནས་ཁྱེད་ཀྱིས་བསྣམས་ཏེ་བདག་གིར་མཛད་ཅེས་ངག་བགྲོས་ཁུངས་མ་ལས་ཐོས། གཙོ་བོར་ཉིད་དགོངས་འདུས་ཀྱི་གཏེར་ཞབས་སྡུད་པར་ཞལ་གྱིས་བཞེས་འདུག་པ། བླ་མ་དགོངས་འདུས་ཀྱི་མཐའ་རྟེན་འགག་འདོམས་རྩ་བའི་ཆིངས་ལྔའི་ཐ་མ་གཏེར་སྲུང་བཀའ་བསྒོའི་ཆིངས་ཀྱི་མཇུག་ལས། བདག་འདྲ་པདྨའི་ངག་ལ་སླུ་ཚིག་མེད༔ ཆོས་དང་གང་ཟག་འདྲ་མིན་བརྟག་པ་གཅེས༔ ཁྱད་པར་འབྲོམ་བཟའ་བདུད་ཀྱིས་བསླུས་པའི་མཐུས༔ ད་ལྟ་པདྨ་ང་དང་འབྲེལ་ཡོད་ཀྱང༔ ལས་ཀྱི་དབང་གིས་དགོངས་འདུས་དར་བའི་ཚེ༔ དཔེ་དཀར་སྙིང་ཞུགས་འདྲ་མིན་གཏེར་ཆོས་རྩོམ༔ སླུ་ཆོས་ཕན་ཚུན་གཡོ་བའི་ཚུལ་དུ་འབྱུང༔ གང་འབྲེལ་ལོག་ལམ་འདྲེ་སྲིན་འབྱུང་བར་སྐྱེ༔ འབྱུང་པོའི་གཡོས་དར་པདྨའི་ཆོས་ལ་གནོད༔ འོན་ཀྱང་ལས་ཀྱི་མཐའ་ནི་མི་སྟོངས་པས༔ སྐྱེ་བརྒྱུད་ཐ་མར་ང་ཡི་རྗེས་སུ་འཇུག༔ ལས་ཀྱི་སྒྲིབ་བྱང་སྨོན་ལམ་རྫོགས་པའི་ཚེ༔ པདྨ་ཅན་གྱི་ཞིང་དུ་སྐྱེ་བར་འགྱུར༔ ཚེ་ཏོལ་མ་དག་སྐྱེ་བོས་སླར་བསླུས་ན༔ ང་འདྲ་ང་མིན་བསྟན་པ་ཡུན་རིང་སྤེལ༔ གཏེར་མིན་གཏེར་འདྲ་གཏེར་གྱི་བསྟན་ལ་གནོད༔ དེ་སོགས་ཆོ་ཏོལ་བོད་ཁམས་ཡོངས་ལ་ཁྱབ༔

― GLG008_Page_0701 ―

^{[མ་དཔེ་གཟིགས་ན་འདིར་གནོན།]}

[Full Size]

སླུ་ཙམ་སླུ་ན་དེ་འདྲས་བསླུས་ཉེན་ཡོད༔ འདྲ་མིན་མ་བྱེད་དད་པའི་རྗེས་འབྲང་བ༔ བླུན་པོར་བསམ་ཞིང་དེ་འདྲའི་སྣོད་མ་ཡིན༔ དད་ལྡན་མཁས་པའི་མིག་དང་སེམས་ལ་འཕྲོད༔ བདག་འདྲ་པདྨས་སྙིང་གཏམ་ཡི་གེར་བཀོད༔ ཀུན་ཀྱང་གཙུག་ཏུ་ཡིད་བཞིན་ཐོད་ལྟར་འཁུར༔ བཀྲེས་སྐོམ་གདུངས་པས་བཟའ་བཏུང་མཐོང་བཞིན་སྤྱོད༔ དེ་ལྟར་ཚུལ་བཞིན་སྤྱོད་པའི་རྣལ་འབྱོར་ལ༔ འདོད་རྒུ་མིས་སྟེར་བཀུར་སྟི་གཞན་གྱིས་བྱེད༔ འཚོ་བ་ལྷས་སྦྱོར་བསམས་པ་ཡིད་བཞིན་འགྲུབ༔ བདག་གཞན་དོན་འབྲས་སངས་རྒྱས་བསྟན་པ་ཚུགས༔ད་ལྟ་མངའ་བདག་ཡབ་སྲས་འཁོར་བཅས་དང༔མ་འོངས་རྗེས་འཇུག་དེ་ལྟར་སེམས་ལ་ཆོངས༔ སཱ་མཱ་ཡཱ་དྷ་ཐིམ༔ ཞེས་པ་ནི་སྡེ་པ་སྣང་རྩེ་ནས་ཉིད་ཀྱི་ལུང་བསྟན་དུ་དུས་གསུམ་མཁྱེན་པ་ཨུ་རྒྱན་གྱིས་བཀའ་སྩལ་བར་གདའ་བས་བདག་རྐྱེན་མཛད་པ་དང་། གཞན་ཡང་ཐང་ཡིག་གི་ཞིག་པོ་གླིང་པའི་མཚན་ལ་ཞལ་བདག་མཛད་པར་འདུག་ཀྱང་། རཏྣའི་སྤྱི་ལུང་དུ། ཁྱུང་ཆེན་རི་དང་མཁར་ཆུའི་ཟབ་གཏེར་འདོན༔ གསང་བའི་མཚན་ཡང་ཞིག་པོ་གླིང་པ་ཡིན༔ ཞེས་པ་བྱུང་བས་དོག་འཚང་མི་མཛད་པ་ཞུ། གཞན་ཡང་ཉིད་ཀྱི་རྣམ་ཐར་སྟོད་ཆ་ཐུགས་རྩོམ་མ་སྣང་རྩེའི་གསུང་འབུམ་ཁྲོད་ནས་འཁྱར་བ་དར། སངས་རྒྱས་ཤཱཀྱ་ཐུབ་པའི་འཕེལ་གདུང་རྒྱལ་པོ་གཟུགས་ཅན་སྙིང་པོའི་རྟེན་སྐལ་དེ་གུ་རུ་ཇོ་རྩེས་གཏེར་ནས་གདན་དྲངས་གསུངས་འདུག་པ། དེ་བཞིན་གཤེགས་པ་མྱ་ངན་ལས་མ་འདས་པའི་སྔ་རོལ་ཏུ་མ་སྐྱེས་དགྲས་ཡབ་གཟུགས་ཅན་སྙིང་པོ་བཀྲོངས་པར་རྒྱལ་བའི་བཀའ་དྲི་མ་མེད་པ་ནས་

― GLG008_Page_0702 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པས། སྐུ་སྐྱེ་སྔ་མ་དྲན་པ་ལས་འོས་མ་མཆིས་ནའང་། གསུང་རབ་སྤྱི་དང་མཐུན་པ་ལེགས་པས་བསྟན་བཅོས་རྩོམ་པ་ཀུན་ཁུངས་གང་ཆོད་དང་། དོགས་པ་བྱུང་བའི་རིགས་ལ་སྡེ་པ་ཡངས་པ་ཅན་པ། སྡེ་པ་སྤ་ར་བ་སོགས་སྟོད་ལུང་གི་ནང་སོ་རྣམ་པ་ཚོར་དྲི་མོལ་མཛད་འཚལ་ལོ། །རིག་འཛིན་ཆེན་པོ་སྐུ་ཚེའི་སྟོད་ལ་བྱང་ཆུབ་སེམས་དཔའ་རྟག་ཏུ་ངུ་ལྟར་ཆོས་ཕྱིར་དཀའ་སྤྱད་ལྷུར་ལེན་པ་གནང་། སྐུ་ཚེའི་མཇུག་ཏུ་རྗེ་འབྲི་གུང་པ་ཆོས་རྒྱལ་རིན་ཆེན་ཕུན་ཚོགས་ཡབ་སྲས་བྱང་པ་བདག་པོ་དཔལ་བཀྲ་ཤིས་སྟོབས་རྒྱལ། འབྲུག་པ་སྤྲུལ་སྐུ་པདྨ་དཀར་པོ། བྱ་པ་ཁྲི་དཔོན་མཚོ་སྐྱེས་རྡོ་རྗེ། ཞ་ལུ་མཁན་ཆེན་འ་ཞ་མཁྱེན་བརྩེའི་དབང་ཕྱུག །དཀྱིལ་འཁོར་རྒྱ་མཚོའི་མངའ་བདག་འ་ཞ་དབང་ཕྱུག་རབ་བརྟན་སོགས་ལུགས་གཉིས་ནས་མངོན་པར་མཐོ་བ་མང་པོས་གཙུག་གི་རྒྱན་དུ་བཀུར། གནོད་སྦྱིན་ཙི་དམར་བས་གླགས་གཞན་ལྟ་བར་མ་ནུས་ཀྱང་ས་སྐྱ་བདག་ཆེན་ཀུན་དགའ་རིན་ཆེན་སོགས་སྐྱེ་བོ་དུ་མའི་རྒྱུད་བརླམས་ནས། དམ་རྫས་ལ་དགེ་སློང་འོད་ཟེར་མཐའ་ཡས་ཀྱི་ཤ་འདྲེས་ཟེར་བའི་སྒྲོ་སྐུར་སྣ་ཚོགས་བྱས། རིག་འཛིན་རྒོད་ལྡེམ་ལ་དམིགས་ནས་ལྷད་བཅུག་པའི་དགོངས་འདུས་ཀྱི་བཀའ་རྒྱའི་ལུང་བསྟན་དེ་ལེགས་ལྡན་རྗེ་ལ་སྦྱར་ནས་སྣང་རྩེ་བ་ཕྱོགས་ཀྱིས་བསྒྲགས། དེ་དག་ལ་བརྟེན་ནས་སྐལ་དམན་མང་པོ་ཐེ་ཚོམ་གྱི་གཞིར་བཀོད་ནའང་། མུ་སྟེགས་བྱེད་ཀྱིས་དེ་བཞིན་གཤེགས་པ་ལ་བྲམ་ཟེའི་བུ་མོ་དང་མཛའ་ཞེས་བརྗོད་པ་དང་། སྡིག་བློན་རྣམས་གྱིས་སློབ་དཔོན་པདྨ་མངའ་བདག་ལ་དུག་གཏོང་བར་འདུག་ཅེས་སྒྲོག་པ་ལྟ་བུའོ། །སྐུ་ཚེ་མཐར་ཕྱིན་ནས་བྱང་ཐེག་མཆོག་གླིང་དུ་བཞུགས་

― GLG008_Page_0703 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་པའི་ངང་ནས་སྙུན་གཞི་ཡེ་མེད་པར་ཞིང་ཁམས་གཞན་དུ་འཕོ་བའི་ཚུལ་བསྟན་པར། ས་སྐྱ་བདག་ཆེན་སྔགས་འཆང་ཆེན་པོ་ཀུན་དགའ་རིན་ཆེན་གྱིས། ཁོང་གི་མཐུ་ཡིན་ཞེས་དྲིལ་རྒྱ་ཆེར་བསྒྲགས་ནའང་ནམ་མཁའི་འཇའ་ཚོནལྟ་བུ་སྟེ། ཚར་ཆེན་ཆོས་ཀྱི་རྒྱལ་པོ་ལ་ཡང་མཐུས་ནུས་པ་མ་ཐེངས་པར་བརྟེན། ས་སྐྱ་བདག་པོ་དང་སྡེ་པ་གདོང་ཁ་བ་སོགས་རྩེ་གཅིག་པར་དམག་བཤམས་ནས་བཀྲོང་རྩིས་མཛད་ཀྱང་ཆོས་སྐྱོང་གི་ནུས་པས་གླགས་མ་ཁེལ་དེའི་དུས་རྗེ་བཙུན་ཁའུ་པ་ཆེན་པོ་མཐུ་སྟོབས་ཀྱི་དབང་ཕྱུགས་དེ་སེང་གེ་ལ་ཆིབས་ནས་ཞལ་གཟིགས་པའི་གཟིགས་སྣང་བསྟོད་པ་བདུད་དཔུང་ཕྱེར་འཐག་མ་མཛད་པ་ཡིན། དེ་ནི་རཏྣའི་བསྟན་པ་སྤྱི་ལུང་དུ། ས་ཡི་ཕྱོགས་སུ་བླ་མས་སློབ་མ་སླུ༔ ཞེས་པའི་དུས་རྟགས་སུ་གསལ་ཏེ་བདག་པོ་སྔགས་འཆང་བ་སྐུ་གཞོན་དུས་ཁོང་ལ་ཚར་ཆེན་གྱིས་བླ་མ་མཆོད་པའི་ལུང་གསན་པར་སྣང་ངོ་། །ས་སྐྱ་བདག་པོས་པུ་ཏྲའི་ལས་སྦྱོར་གྱི་སྒོ་ནས་འཇམ་དབྱངས་མཁྱེན་བརྩེའི་ཞབས་བསྒྲལ་བ་ཡིན་གསུང་བ་ལྟར་ན། པུ་ཏྲས་ས་སྐྱའི་རྗེ་བཙུན་གོང་མ་རྣམས་ཀྱི་སྤྱན་སྔར་བསྟན་འཛིན་སྒྲོལ་ཞིང་བསྟན་པ་ལ་རྨ་འབྱིན་མཁན་རྣམས་ཀྱི་གྲོགས་བྱེད་པར་ཁས་བླངས་པ་ལས་འོས་ཅི་ཡོད། དེས་ན་འཇིག་རྟེན་ཁམས་ཀྱི་གྲོངས་ཆད་བྱུང་བ་ཐམས་ཅད་ས་སྐྱ་བདག་པོའི་མཐུ་ཡིན་པར་གདའ་བས། ཁུངས་མེད་ཀྱི་མགོན་པོ་དྲུག་ཅུ་པར་གྲགས་པའི་ཟན་གྱི་ཕུང་པོས་ཁྱི་རྒན་རྣམས་ཀྱི་ལྟོ་བ་ཡོངས་སུ་གང་བར་གྱུར། བདག་པོ་འདི་པའི་མཛད་ཚུལ་ལ་དཔགས་ན། གཏེར་སྟོན་བྱང་ཆུབ་གླིང་པའི་ཐུགས་གཏེར་འཁོར་འདས་རང་གྲོལ་གྱི་ཞུ་ལན་གསལ་

― GLG008_Page_0704 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་སྒྲོན་མེ་ལས། མངའ་རིས་གདུག་པའི་དམག་འགོ་གཡོ༔ འཁོན་རིགས་ཀུན་ཞེས་བྱ་བས་འཁྲུག༔ ཁོལ་བུར་སྡུག་བསྔལ་ཅུང་ཟད་སྐྱེད༔ ཅེས་དང་། གཏེར་ཁ་དེ་ཀའི་ལུང་བསྟན་གསལ་བའི་ཤོགས་དྲིལ་དུ། དུས་ལྔ་བཅུ་ཁ་རལ་ལ་ཉེར་སོང་བའི་དུས་སུ་རྒྱལ་པོ་ཉིད་ཀྱི་གདུང་རྒྱུད་ཀྱང་ཉམས་ཏེ༔ མང་ཡུལ་གུང་ཐང་གངས་རིའི་འདབས་ཀྱི་བུ་སྡུག་བསྔལ་བར་འགྱུར༔ དེ་དུས་ནས་བཟུང་སྟོད་སྨད་རིམ་གྱིས་འཁྲུག་པར་འགྱུར༔ དབུས་ཕྱོགས་སུ་གནས་དགོན་དུད་འགྲོའི་མིང་ཅན་སུམ་ཅུ་དར༔ གྲོམ་པ་ས་ཞེས་བྱ་བ་ང་མིན་ང་འདྲའི་ཆ་ལུགས་ཅན་གྱི་བདུད་ཀྱི་སྤྲུལ་པས་འཛིན༔ དེ་རྣམས་ཡོང་བའི་ལྟས་སུ༔ ཉི་ཟླ་ལ་དགྲ་ཡང་ཡང་ཡོང༔ ནམ་མཁའ་ལ་སྤྲིན་དང་ཁུ་རླངས་མདོག་མི་སྡུག་པས་ཁེངས་ནས་འོད་མི་གསལ༔ གཟའ་སྐར་གདུག་པ་ཅན་འཆར༔ ཞེས་སོགས་གསུངས་པའི་དུས་རྟགས། དགོན་པ་གསུམ་ནི། འབྲི་གུང་། སྟག་ལུང་། འབྲུག་གསུམ་ཡིན་པར་མངོན། །དུས་ཕྱིས་ཀྱི་ས་སྐྱའི་གདུང་རྒྱུད་གཅིག་ལ་བདག་པོ་འདི་སྡེ་གཟར་སློང་བའི་མཛད་པ་མང་བས་འགྲིག་གམ་སྙམ། གབ་རྒྱ་ཅན་གྱི་ལུང་བསྟན་དེ་ནི་གྲགས་པའི་མཚན་ཅན་གྱི་གདུང་རྒྱུད་སྔ་ཕྱི་མང་དུ་བྱུང་འདུག་པས། ལུང་བསྟན་དང་ལུང་བསྟན་ཡུལ་གྱི་གང་ཟག་གཉིས་རྟེན་འབྲེལ་འཕྱུགས་པ་མིན་ལ་ཆེ། གང་ལྟར་བློ་ལྡན་རྣམས་ཀྱིས་དཔྱད་པར་འཚལ། དབྱར་དུས་ཆུ་འཛིན་དབུས་ནས་འབྲུག་གི་སྒྲ། །དལ་བུ་སྒྲོག་ཚེ་རྨ་བྱ་གར་བྱེད་ན། །ངོ་མཚར་ལུང་ཁུངས་བསྒྲིགས་པའི་གཏམ་རྒྱུད་ཀྱིས། །བློ་གསལ་སྐྱེ་བོའི་བརྟན་པ་ཅིས་མི་འཕྲོག །རྒྱལ་དབང་པདྨའི་ཐུགས་སྲས་སྣ་ནམ་པ། སླར་ཡང་རིག་སྔགས་འཆང་བའི་སྒྱུ་མའི་འཕྲུལ། །ཟབ་གཏེར།

― GLG008_Page_0705 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ་རྒྱས་ཕྱིར་སྒྱུར་བ་ལ། །རྒོད་ཀྱི་ལྡེམ་ཕྲུ་ཅན་ཞེས་གྲགས་སྙན་དཀར། །འཁོར་འདས་སྲིད་ཞིའི་ལེགས་ཚོགས་བདུད་རྩིའི་རྒྱུན། །སྐལ་ལྡན་འགྲོ་ལ་སྟེར་མཛད་རིག་སྔགས་འཆང་། །ནུས་པས་བདུད་སྡེའི་དཔུང་ཚོགས་འཇོམས་སོ་ཞེས། །མཐུ་སྟོབས་རྡོ་རྗེ་གདེངས་མཛད་མངའ་རིས་པ། །གང་གི་མཛད་བཟང་ཉི་མའི་འོད་ཟེར་གྱིས། །ཕྱོགས་ལྷུང་བྲག་རིས་གནས་པའི་འབྱུང་པོའི་བྱ། །ལོང་ཡང་གཟུར་གནས་དཔྱིད་ཀྱི་ཕོ་ཉའི་ཚོགས། །དགའ་བའི་འཕུར་ལྡིང་རྩེད་འཇོ་བྱེད་ལ་བྲེལ། །དེ་ལྟར་སྐྱེས་རབས་ཀྱི་འཕྲེང་བ་ཚར་དུ་དངར་བའི་རིག་འཛིན་ངག་གི་དབང་པོའི་གདུང་ནི། རྒྱ་ནག་གོང་མའི་ཁྲི་ལ་གནམ་གྱིས་བསྐོས་པའི་མི་ཉག་སིའུ་རྒྱལ་པོ་ནས་རིམ་པར་བརྒྱུད་པའི་རིགས་ལས་མི་ཉག་སེང་གེ་དར། དེའི་སྲས་རྡོ་རྗེ་དཔལ། འདིས་རྗེ་བཙུན་གྲགས་པ་རྒྱལ་མཚན་གྱི་ཞགས་ལ་ཐུགདེའི་སྲས་དཀོན་མཆོག་པ། དེ་ལ་སྲས་གསུམ་བྱུང་བའི་འབུམ་སྡེས་རྗེ་བཙུན་ས་པཎ་གྱི་སྦྱིན་བདག་མཛད། འདི་ལ་སྲས་གསུམ་བྱུང་བའི་ཡོན་བཙུན་གྱིས་ས་སྐྱ་པའི་སྦྱིན་བདག་མཛད། གོང་ནས་སི་ཏུའི་ལས་ཀ་གནང་། ངམ་རིང་གི་ཆོས་སྡེ་བཙུགས། དེའི་སྲས་མགོན་པོ་རྡོ་རྗེས་ཡབ་མེས་ཀྱི་སྲོལ་བཟུང་། ཚོགས་སྡེ་བཞིའི་སྦྱིན་བདག་མཛད། དེ་ལ་སྲས་དྲུག་ལས་ནམ་མཁའ་བསྟན་པས་གོང་དུ་བྱོན་པས་སྟག་མགོ་ནོར་བུ་གསུམ་པ་དང་། གུའི་གུང་གི་མཚན་དང་། ཤེལ་གྱི་ཐོ་ཤུ་རྣམས་གནང་། སླར་ཏ་དབེན་གུ་ཤྲིའི་མིག་དང་ཤེལ་གྱི་དམ་ཁ་བླངས། འདི་ཉིད་མཁྱེན་པ་ཆེ་བར་གྲགས་ཀྱང་གོང་མ་སྡེ་སྲིད་རིན་པོ་ཆེ་ཏའི་སི་ཏུའི་བཀའ་ཆེམས་ལས། སྔོན་ཚེ་དཔལ་

― GLG008_Page_0706 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་ས་སྐྱ་པ། །མངའ་ཐང་དགུང་ལ་རེག་པའི་དུས། །དཔོན་ཆེན་ནམ་མཁའ་བསྟན་པ་དེ། །ན་སོ་གཞོན་པས་ལན་པ་དང་། །ཞེས་པ་ལྟར་ན། དཔོན་ཆེན་འདི་ཉིད་ཀྱི་མཛད་པ་མ་ལེགས་པས་ས་སྐྱ་པར་གནོད་པ་འདྲ། དེའི་སྲས་གཉིས་ལས་ཆེ་བ་རིན་ཆེན་རྒྱལ་མཚན་གྱིས་ཆེན་པོའི་ལས་ཀ་བཟུང་། སྤྱན་རས་གཟིགས་ཀྱི་སྤྲུལ་པར་གྲགས། འདིའི་སྲས་སྔ་ཚར་དགུའི་གུང་ཆོས་གྲགས་དཔལ་བཟང་གིས་སི་ཏུ་ཆང་གུའི་ལས་ཀ་བླངས། དེའི་སྲས་གཅེན་རྣམ་རྒྱལ་གྲགས་བཟང་དང་གཅུང་དཀོན་མཆོག་ལེགས་པ་གཉིས་ལས། གཅེན་གྱིས་ཏའི་སི་ཏུའི་ལས་ཀ་བླངས། རིག་པའི་གནས་ལྔ་ལ་མཁས་པ་ཕུལ་དུ་ཕྱིན་པས་རྒྱལ་པོ་པཎྜི་ཏར་གྲགས། དེའི་སྲས་ནམ་མཁའ་ཚེ་དབང་རྡོ་རྗེ། དེ་ལ་སྲས་ནམ་མཁའ་རིན་ཆེན། བསོད་ནམས་རྒྱལ་མཚན། ཀུན་དགའ་ལེགས་པ་དང་གསུམ་ལས་འབྲིང་པོ་རབ་ཏུ་བྱུང་། མཆེད་གཉིས་ཀྱི་སྲས་ནམ་མཁའ་རྒྱལ་མཚན། ཀུན་དགའ་རིན་ཆེན། བཀྲ་ཤིས་སྟོབས་རྒྱལ་སོགས་ལས། དཔལ་བཀྲ་ཤིས་སྟོབས་རྒྱལ་དབང་པོའི་སྡེ་ནི་མངའ་རིས་པཎ་ཆེན་གྱི་སྐུའི་སྐྱེ་བ་ཡིན་ལ། མངའ་རིས་པཎ་ཆེན་རིན་པོ་ཆེ་ནི་བསམ་པ་ལྷུན་གྲུབ་མའི་ཕྱི་སྒྲུབ་ཡོན་ཏན་གཏེར་མཛོད་ལས། འདི་ནས་ཚེ་ལོ་ལྔ་བཅུ་ཁ་རལ་དུས༔ ང་ཡི་ཐུགས་རྗེས་སྤྲུལ་པའི་རིགས་འཛིན་ནི༔པདྨ་རྒྱལ་པོ་ཡེ་ཤེས་རོལ་པ་རྩལ༔ཕྱི་ལྟར་རབ་བྱུང་སྔགས་པའི་ཆ་ལུགས་ཅན༔ ནང་ལྟར་སེམས་སྐྱེད་བསྟན་པའི་བྱ་བར་བརྩོན༔ གསང་བ་གཉིས་མེད་རྫོགས་ཆེན་དོན་དང་ལྡན༔ ཆོས་རྒྱལ་ཡབ་སྲས་མཚོ་རྒྱལ་སྨོན་ལམ་གྱིས༔ སྤྲུལ་པའི་གཟུགས་གྱིས་མ་འགགས་སྤྱོད་པ་སྐྱོང༔ དེ་འདྲའི་གང་ཟག་ནུབ་ཀྱི་ཕྱོགས་ནས་འོང༔ ཞེས་དང་། བདེ་གཤེགས་

― GLG008_Page_0707 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་འཛིན་ཡོངས་རྫོགས་འདུས་པའི་ཆོས༔ གཏེར་ནས་འབྱིན་པའི་སྐྱེས་བུ་རྫུ་འཕྲུལ་ཅན༔ པདྨ་རྒྱལ་པོ་ཡེ་ཤེས་རོལ་པ་རྩལ༔ མངའ་རིས་གཙང་གི་ཕྱོགས་ནས་གློག་བཞིན་འཁྱུག །དབུས་གཙང་ལྷོ་ཡི་ཕྱོགས་སུ་འབྲུག་བཞིན་བསྒྲགས༔ ཁམས་ཡུལ་རྒྱ་ཡི་ཡུལ་དུ་གྲགས་པ་ནི༔ ལུས་ལ་རྟགས་ཀྱི་རྡོ་རྗེ་སྤྱི་བོར་ཤར༔ རྒྱ་གྲམ་འཕྲིན་ལས་ཕྱག་གི་མཐིལ་ན་གསལ༔སྤྱན་མིག་ཆོས་ཀྱི་འཁོར་ལོས་ཕྱག་ཞབས་སྤྲས༔ འཇོམས་བྱེད་ཧུཾ་གི་ཡི་གེ་རྐང་ལ་མངོན༔ ལྟེ་བ་བུམ་པའི་ཕྱག་རྒྱ་སྨེ་བས་བརྒྱན༔ སྤྱོད་པ་མ་ངེས་ཐོགས་མེད་རླུང་ལྟར་རྒྱུ༔ ཏིང་འཛིན་མི་གཡོ་རྡོ་རྗེ་ལྟ་བུར་བརྟན། སྔགས་དང་ཕྱག་རྒྱའི་ཆོ་འཕྲུལ་རྒྱུན་ཆད་མེད༔ ཨུ་རྒྱན་ང་དང་རྟག་ཏུ་བཀའ་གྲོས་འཆང༔ ཞེས་དང་། གཞན་ཡང་གཏེར་ཁ་གོང་འོག་སོགས་ཁུངས་བཙུན་མང་པོ་ནས་ལུང་གིས་ཟིན་པ་སྟེ། དེ་ཡང་མངའ་རིས་པཎ་ཆེན་རིན་པོ་ཆེ་ཉིད་གཏེར་གསར་གྱི་ནང་བཞིན་སྐུ་ཚེའི་རྟེན་འབྲེལ་མ་འགྲིག་པར་བརྟེན། །མྱུར་དུ་སྐུའི་སྐྱེ་བ་བཞེས་ཚུལ་སོགས་ཉེ་གནས་རིན་རྡོར་བས་ཐོག་དྲངས་སྐུ་འཁོར་པ་རྣམས་ལ་ཁྲོམ་བསྒྲགས་སུ་གསུངས་པ་དང་མཐུན་པར། བྱང་པ་རིག་འཛིན་ཆེན་པོ་ཉིད་ཀྱིས་རང་གཏེར་གྱི་ཐོག་མ། དཔལ་བསམ་ཡས་ཨཱཪྻ་པ་ལོའི་གླིང་ནས་མྱོང་གྲོལ་པདྨ་རཱ་ག་དང་ལྷན་ཅིག་བྱོན་པ་གཏེར་ཁ་སྤྱི་ལ་གཅེས་པའི་ཞལ་གདམས་ལས། མཐའ་ཡས་སྤྲུལ་སྐུ་པདྨ་འབྱུང་གནས་བདག༔ རིན་ཆེན་མཚོ་གླིང་པདྨའི་སྡོང་པོ་ལ༔ རང་བྱུང་མཚན་ལྡན་སྐུ་རུ་སྨིན་པའི་ཚེ༔ ཐུགས་རྗེ་ཆེན་པོས་ལུང་བསྟན་ཁྱད་པར་དུ༔ ཁ་བ་ཅན་དུ་འགྲོ་དོན་རྟེན་འབྲེལ་འགྲིག༔ མཁན་སློབ་ཞལ་འཛོམ་ཁྲི་སྲོང་དགོངས་པ་བཀང༔ ད་ལྟ་བོད་ཡུལ་དམ་

― GLG008_Page_0708 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཉི་འོད་གདལ༔ ལན་ཅིག་ལྔ་བརྒྱ་ཐ་མར་གྱུར་པའི་ཚེ༔ འགྲོ་བའི་སྡུག་བསྔལ་སྐྱོབ་བྱེད་ཐུགས་རྗེའི་གཏེར༔བརྒྱ་དང་རྩ་བརྒྱད་བྱེ་བ་སར་སྦས་ཀྱང༔ ཉི་ཤུ་རྩ་ལྔ་ཁྱད་པར་ཐུགས་གཏེར་ལྔ༔ ད་ལྟ་མགོ་ནག་སྤྱི་ཡི་རྒྱལ་པོ་ཁྱོད༔ སྨོན་ལམ་དག་པའི་སྐྱེ་བ་རྣམ་ལྔས་འདོན༔ དམ་རྫས་འདི་དང་ཕྲད་པའི་སྐྱེས་བུ་དེ༔ སྐྱེ་བ་དུ་མར་ཟབ་གཏེར་ལ་སྤྱད་པའི༔ སྐུ་ཡི་གཟི་བརྗིད་མཚན་རྟགས་བཅུ་གསུམ་ལྡན༔ བདེན་པའི་ངག་འགྲུབ་སྒྲ་དབྱངས་ཚངས་པའི་གསུང༔ ཐུགས་ཀྱི་བྱིན་རླབ་དགོངས་པའི་གཏིང་དཔག་དཀའ༔ བདག་དང་རྒྱལ་པོའི་ཡོན་ཏན་སྤྲུལ་པ་དེ༔ འཕྲིན་ལས་རྣམ་པ་ལྔ་ལ་རང་དབང་སྤྱོད༔ ད་ལྟའི་བཙུན་མོ་བདུད་བློན་དམ་སེལ་གྱིས༔ བར་གཅོད་ལོག་པའི་ལམ་དུ་མ་ཤོར་ན༔ འདི་ནས་ནུབ་ཕྱོགས་མི་ཉག་རྩྭ་ཤིང་གི༔ རྒྱལ་རིགས་ཁྱིའམ་འབྲུག་གི་ལོ་པར་སྐྱེ༔ གལ་ཏེ་བཙུན་མོས་བར་གཅོད་དབང་བཙན་ན༔ དེ་ཡི་བློན་རིགས་བྱ་སྤྲེ་ལོ་པར་འགྱུར༔ དང་པོའི་རྟེན་འབྲེལ་མ་ལོག་སྐྱེད་བྱེད་ནི༔ ད་ལྟ་ཤུད་བུ་དཔལ་གྱི་སེང་གེ་འདི༔ སྨོན་ལམ་བདེན་པའི་སྐྱེ་རྒྱུད་མང་དུ་འབྲེལ༔ ཡུན་དུ་མི་འགྲོགས་བློན་རིགས་སྐྱེས་པ་ན༔ ཕ་ལྟར་བརྩེ་ཞིང་འཕྲིན་ལས་སྤེལ་བར་བྱེད༔ བཙན་ཕྲན་བློན་པོའི་རིགས་སུ་ཐལ་བ་ན༔ སྐྱེད་བྱེད་མ་ནི་ཉང་བན་རིགས་མ་མཆོག༔ མ་བཙས་ཚེ་ཡི་དུས་བྱེད་སྒྲ་དང་འོད༔ ལྟས་དང་བཅས་ནས་ཞིང་ཁམས་འཕོ་ཚུལ་སྟོན༔ཡབ་ཀྱི་འབྲེལ་པ་མ་བཟུང་ཡུན་རིང་འགྲོགས༔ སྦས་པའི་ཚུལ་དེ་སྔོན་འབྲེལ་བག་ཆགས་ཅན༔ སྨོན་ལམ་མཐུ་བཙན་ཡུམ་ནི་ད་ལྟ་ཡི༔ དངོས་དང་དངོས་འདྲ་སྤྲུལ་བའི་འོད་ཟེར་འགྱེད༔ ལོ་ཙཱའི་སྲས་བཟུང་རྟེན་འབྲེལ་སྨོན་ལམ་གྱིས༔ བཅུ་གསུམ་ལོར་འགྲོགས་སྲས་རྒྱུད་མངའ་

― GLG008_Page_0709 ―

^{[མ་དཔེ་གཟིགས་ན་འདིར་གནོན།]}

[Full Size]

ཐང་ཅན། དམ་སྲི་བདུད་མོའི་བར་ཆད་དབང་སོང་ན༔ ཡུལ་ཕྱོགས་དེར་ཡང་མི་རུང་ལྟས་ངན་པ༔ ཉི་ཟླ་དུས་མིན་གཟས་བཟུང་འབྱུང་བ་འཁྲུག༔ ས་ཡི་བཅུད་ཉམས་མུ་གེ་ནད་རིམས་དང༔ དམག་དང་འཁྲུག་རྩོད་དུས་ངན་སྤྱོད་པ་དར༔ ཞེས་པའི་དོན། རྒྱལ་པོ་ཁྲི་སྲོང་ལྡེའུ་བཙན་ཁྱེད་ཀྱི་སྨོན་ལམ་དག་པའི་སྐྱེ་བ་ལྔས་ཟབ་གཏེར་སྤྱན་འདྲེན་པར་མཛད་པའི་སྐབས་ལས། སློབ་དཔོན་ཆེན་པོ་དང་མངའ་བདག་གཉིས་ཐུན་མོང་དུ་སྐུའི་སྤྲུལ་པ་ཉང་རིན་པོ་ཆེ་ཉི་མ་འོད་ཟེར། གསུང་གི་སྤྲུལ་པ་གུ་རུ་ཆོས་ཀྱི་དབང་ཕྱུག །ཐུགས་ཀྱི་སྤྲུལ་པ་མངའ་རིས་པཎ་ཆེན་པདྨ་དབང་རྒྱལ་རྡོ་རྗེ། ཡོན་ཏན་གྱི་སྤྲུལ་པ་ཆོས་རྒྱལ་དབང་པོའི་སྡེ་ཡིན་ལ། དེ་ཉིད་རྟེན་འབྲེལ་མ་འཕྱུགས་ན་མི་ཉག་རྩྭ་ཤིང་གི་རྒྱལ་རིགས་ཁྱིའམ་འབྲུག་གི་ལོ་པར་སྐྱེ། རྟེན་འབྲེལ་མ་འགྲིག་ན་རྒྱལ་རྒྱུད་དེའི་བློན་པོའི་རིགས་བྱང་ཁང་གསར་བའི་བུ་བྱ་སྤྲེ་ལོ་པར་སྐྱེ། དེའི་ཚེ་བུ་མ་བཙས་གོང་ནས་ཕ་མི་འཚོ། རྒྱལ་རིགས་སུ་སྐྱེས་ན་ཕ་དང་ཡུན་རིང་དུ་འགྲོགས་པར་བཤད། ཆོས་རྒྱལ་འདི་ཉིད་མྱ་ངན་ལས་འདས་ནས་རི་ཞིག་ཟངས་མདོག་དཔལ་རིར་བཞུགས། སླར་དུས་བབས་སུ་ཕེབས་རྒྱུའི་སྐྱེ་བ་ནི། འཕྲིན་ལས་ཀྱི་སྤྲུལ་པ་འབྱུང་བར་བཤད་པ་དེ་ཡིན་ལ། དེ་ཉིད་སླར་འབྱུང་རྒྱུ་ཡིན་པས་ཟབ་གཏེར་སྤྱན་འདྲེན་པ་སོགས་འགྲོ་དོན་རྒྱ་ཆེན་པོ་མཛད་པར་གསལ། དོན་འདི་མ་གོ་བར་བླུན་པོ་ཕྱོགས་ལྷུང་ཅན་མང་པོ་དག་གིས། བྱང་བདག་པོས་སྨོན་ལམ་ལོག་པར་བཏབ་ནས་སྡེ་པ་གཙང་པའི་བུར་སྐྱེ་བ་བླངས་པ་ཡིན་ཟེར་བ་ནི། གཙང་པའི་རྒྱལ་པོ་ཀརྨ་བསྟན་སྐྱོང་དབང་པོ་དེ་རྣམ་དཀར་གྱི་མཛད་པ་འགངས་ཆེ་ལུགས་ལ་དཔགས་ན་སྐྱེས་བུ་དམ་པ་ཞིག་ཡིན་ཤས་ཆེ་ཡང་། གྲུབ་མཐའི་

― GLG008_Page_0710 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོ་བོ་གསང་སྔགས་རྙིང་མ་ལ་མི་མཛད་ལ། རྙིང་ལུགས་ཀྱི་ཆོས་སྐོར་ཅུང་ཟད་མཛད་པ་རྣམས་ཀྱང་སྡེ་པ་སྣང་རྩེ་བའི་ཕྱོགས་འབའ་ཞིག་ཡིན་འདུག་ཅིང་། གཏེར་འདོན་པ་དང་འདོན་པའི་སྟ་གོན་ཙམ་ཡང་ལྟ་ཅི་སྨོས། འདོན་རྒྱུ་བྱུང་ན་དགོངས་པའི་མོས་དུང་ཙམ་ཡང་མེད་པར་སྣང་བས། ཆོས་རྒྱལ་འདི་ཉིད་ཀྱི་བག་ཆགས་མ་སད་པ་ནི་ལུང་རིགས་ཐམས་ཅད་ཀྱིས་འགྲུབ། ལ་ལ་དག་བླུན་གཏམ་གྱི་རྗེས་སུ་འབྲངས་ནས་རང་བཟོའི་ལུང་བསྟན་དུ། བདག་ཆེན་སྐྱེ་བའི་བསྟན་པ་མཐའ་ནས་སྡུད། ཟེར་པ་ནི་རང་ཉིད་གསལ་བར་སྟོན་པའི་མེ་ལོང་ངོ་། །གཞན་ཡང་ཉང་རིན་པོ་ཆེ་སོགས་ཀྱི་སྐྱེ་རྒྱུད་ཀྱི་ཁུངས་ནི། རྟོགས་ཆེད་དུ། ཉི་མའི་འོད་ཟེར་གྱིས་བསྐྱེད་ཆོས་ཀྱི་དབང་། །འདོད་ཆགས་རྡོ་རྗེ་ཟ་བྱེད་སྤྲུལ་པའི་བུ༔ པདྨ་རྒྱལ་པོའི་བྱིན་རླབས་འོད་ཟེར་ལས༔ བཀྲ་ཤིས་དབང་གི་མིང་ཅན་རྒྱུད་མེ་ཏོག༔ ཅེས་དང་། འཕྲང་མགོ་གཏེར་སྟོན་པའི་ལུང་བསྟན་དུ། མངའ་བདག་རྒྱལ་པོ་མཆིམས་ཀྱི་མདའ་རུ་འབྱུང༔ཞེས་དང་། ལུང་བསྟན་ཀུན་གསལ་ལས། གང་བཟང་མགུལ་དུ་མེ་ཏོག་བབས་པའི་དུས༔ ཞེས་པས་ཀྱང་ཤེས་སོ། །གཟིགས་སྣང་ཞིང་ཁམས་གསལ་བར༔ ཤིང་ཕོ་རྟ་ལོ་ཧོར་ཟླ་བཅུ་པའི་ཚེས་དགུའི་ཐོ་རངས་ཀྱི་ཆར་བསམ་ཡས་སུ་ཕེབས་ཏེ་གནས་གཞི་ཡངས་སུ་མ་སོང་བ་ལ་ལྷུན་པོ་གླིང་བཞི་གླིང་ཕྲན་དང་བཅས་པ་ཆུང་དུ་མ་སོང་བ་ཞིག་མཎྜལ་གྱི་ཚུལ་དུ་འབུལ་བ་མཛད་བའི་ཚེ། རྣམ་སྨིན་སྒྱུ་ལུས་ཀྱི་བག་ཆགས་འགགས་ཏེ། སྐུ་མེ་ཏོག་གི་

― GLG008_Page_0711 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པར་ཤར་ཚུལ་གསུང་བ་ཡང་དཔྱད་གཞི་ཆེ་བར་འདུག་གོ ། དེ་ཡང་ཐོག་མར་བྱང་པ་རིགས་ལྡན་ཆེན་པོ་ནམ་མཁའ་རིན་ཆེན་གྱི་སྲས་སུ་སྐུ་བལྟམས་ནས་ན་ཚོད་ཕྲ་མོའི་དུས་ཀྱང་རིན་པོ་ཆེའི་རྒྱན་དང་གོས་བཟང་པོ། ལོངས་སྤྱོད་ཕུན་སུམ་ཚོགས་པས་བཀུར་བ་དང་བཅས་གཅེས་པར་བཟུང་། སྐུ་ཚེའི་སྟོད་སྨད་བར་གསུམ་དུ་ཆོས་ཕྱིར་ཡོངས་འཛིན་གྱི་བླ་མ་འཇམ་དབྱངས་ཀུན་དགའ་གྲོལ་མཆོག །དུས་ཞབས་པ་ཤཱཀྱ་དཔལ་བ། ལོ་ཆེན་རཏྣ་བྷ་དྲ། ནུབ་དགོན་པ་ཆེན་པོ་མཉམ་མེད་བྱམས་པ་ཆོས་ཀྱི་རྒྱལ་མཚན། མཆོག་གི་སྤྲུལ་སྐུ་མངའ་རིས་པ་ལེགས་ལྡན་བདུད་འཇོམས་རྡོ་རྗེ། ཐུགས་སྲས་བློ་གྲོས་རྒྱལ་མཚན། རིག་འཛིན་རྒྱལ་བའི་སྲས་པོ་པདྨ་ཆོས་རྒྱལ། སོ་སྟོན་ལེགས་ལྡན་རྡོ་རྗེ། རྒྱལ་སྲས་ལྷ་རྗེའི་རྣམ་འཕྲུལ་རྗེ་འབྲི་གུང་པ་ཆོས་རྒྱལ་ཕུན་ཚོགས། རྒྱལ་སྲས་བསྟན་པའི་འབྱུང་གནས། གཏེར་སྟོན་ཤེས་རབ་འོད་ཟེར། རྡོ་རིང་པ་ཀུན་དགའ་རྒྱལ་མཚན། ངོར་ཆེན་དཀོན་མཆོག་དཔལ་ལྡན། བདག་ཆེན་བསོད་ནམས་དབང་པོ། བླ་མ་ཊེ་བོ་རིན་པོ་ཆེ། བཀའ་བཞི་ཚུལ་ཁྲིམས་འགྱུར་མེད། འབྲུག་པ་པདྨ་དཀར་པོ་སོགས་རིས་མེད་ཀྱི་དམ་པ་དུ་མ་ལ་ཆོས་ཀྱི་གསན་པ་རྒྱ་ཆེར་མཛད། གཙོ་བོར་རང་གཏེར་ལས། སྔོན་དུ་བྱུང་བའི་ཟབ་གཏེར་མཐའ་དག་གི༔ བཀའ་བབས་འབྱུང་གི་མི་ནུབ་རྒྱལ་མཚན་ཚུགས༔ ཞེས་པ་ལྟར། གཏེར་སྟོན་བརྒྱ་རྩའི་གསོལ་འདེབས་ཇི་ལྟར་མཛད་པའི་

― GLG008_Page_0712 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་བཞིན། དབང་འཁྲིད་ལུང་མན་ངག་གི་བདུད་རྩིས་ཐུགས་ཀྱི་བུམ་བཟང་ཡོངས་སུ་གང་བར་གནང་། ཐ་སྙད་ཀྱི་རིག་པ་ལ་ཡང་མཁྱེན་པའི་སྤྱན་མཆོག་ཡངས། རང་གཏེར་སྐུ་གསུམ་རིགས་བསྡུས་ཀྱི་ལུང་བསྟན་ལས། དབང་དྲག་རྒྱས་དང་ཞི་བ་མཆོག་འགྲུབ་པའི༔ རྟགས་རྣམས་རིམ་གསལ་བཞིན་དུ་འགྲོ་དོན་མཛད༔ཅེས་པའི་དོན་ལྟར། ལ་སྟོད་བྱང་གི་རྒྱལ་སྲིད་འཛིན་པའི་དུས། རྒྱ་དཀར་ནག་ཧོར་སྟོད་སྨད་སོགས་ཀྱི་སྤྱད་དངོས་རྔམ་ཆེ་བ་མང་པོ་དང་། གཏེར་རྫས་དམ་རྫས་ཀྱི་རིགས་བགྲང་ཡས་པ་ཕྱག་ཏུ་འབྱོར་བ་ནི་ལུང་བསྟན་གྱི་ནང་གི་དབང་གི་འཕྲིན་ལས་འགྲུབ་པའི་སྐབས། དེ་རྗེས་དྲག་པོའི་འཕྲིན་ལས་ནི། མངའ་ཐང་ཅན་ལ་གཏེར་གྱི་སྐལ་བ་མེད༔ ཅེས་པ་ལྟར། སྙིང་པོ་མེད་པའི་རྒྱལ་སྲིད་སྤངས་ནས་གསང་ཆེན་རྙིང་མའི་བསྟན་པའི་བདག་པོར་མངའ་གསོལ་བར་རྐྱེན་ངན་ལམ་དུ་ལྷོངས་པ་ཡིན་པས་དེའི་ཚུལ་ནི་འཕྲང་འགོ་གཏེར་སྟོན་གྱི་རྟ་མགྲིན་དྲེགས་པ་ཀུན་འདུལ་གྱི་བསྐྱེད་རྫོགས་འཁྲུལ་མེད་ཙིཏྟ་དམར་པོ་ལས། ལྔ་བརྒྱ་ཐ་མ་དུས་ཀྱི་སྙིགས་མ་ལ༔ ཤཱནྟིའི་མིང་འཛིན་བདུད་ཀྱི་བར་ཆད་ཀྱིས༔ མངའ་རིས་ཕྱོགས་ནས་ཧོར་གྱི་མནན་པ་འདོན༔ ཧ་ལ་འབིག་གིས་ངམ་རིང་བར་དུ་འཇོམས༔ བྱང་གི་དམ་རར་བདུད་སྲིན་འོག་ནས་སློང༔ ས་བདག་ནམ་མཁའི་སྙིང་ལ་བར་ཆད་འཇུག༔ དེ་དུས་བྱང་གི་རི་ནག་བཅུ་གསུམ་རྩེར༔ པདྨ་མཚན་བརྒྱད་གཙུག་ལག་བཅུ་གསུམ་རེ༔ བརྩིགས་ན་བྱང་ཕྱོགས་རྒྱལ་པོ་མངའ་ཐང་རྒྱས༔ ཞེས་པ་ལྟར། བདག་པོ་ནམ་མཁའ་རྒྱལ་མཚན་སོགས་ཀྱི་སྙིང་ལ་བར་ཆད་ཞུགས་པ་ཡིན་ལ། ཞུགས་ཚུལ་ནི། རིག་འཛིན་ཡོངས་འདུས་ཀྱི་སྤྱི་ལུང་ལས་

― GLG008_Page_0713 ―

^{[མ་དཔེ་གཟིགས་ན་འདིར་གནོན།]}

[Full Size]

འཛམ་གླིང་ཤར་ལྷོའི་ཕྱོགས་མཚམས་སུ༔ བདུད་མོ་རྣོ་མྱུར་ནག་མོ་ལ༔ བུ་དགུ་སྐྱེས་ནས་འཛམ་གླིང་འཇོམས༔ ཁྱད་པར་བོད་ཡུལ་གངས་ཅན་འདིར༔ མ་འོངས་བཞི་བཅུར་ཉེ་དུས་སུ༔ བདུད་སྤྲུལ་དགུ་དང་སྡིག་བློན་དགུ༔ བཙུན་མོ་ཕྱི་ནང་ལས་བྱེད་དགུ༔ འབངས་འཕྲིན་དབུ་གཙོ་དམག་དཔོན་དགུ༔ དགུ་དགུ་བརྒྱད་ཅུ་གྱ་གཅིག་གིས༔ འགྲོ་ཀུན་ཀ་ལོ་ཐུར་དུ་འཁྲིད༔ ཅེས་སྤྱིར་སེམས་ཅན་གྱི་བདེ་སྐྱིད་འཇོམས་པ་ལ་བདུད་སྤྲུལ་སྤུན་དགུ་ཡང་སྤྲུལ་གྱི་ཚུལ་དུ་ཡང་ཡང་འབྱུང་བར་གསུངས་པ་ལས། ཞིང་ཤག་ཚེ་བརྟན་རྡོ་རྗེ་ལ་བུ་དམ་སྲིའི་སྤྲུལ་པ་སྤུན་དགུ་བྱུང་ཞིང་། སྤུན་དགུའི་གཙོ་བོ་ཀུན་སྤངས་ལྷ་དབང་རྡོ་རྗེ་སྟེ། ཞིང་ཤག་པ་ཕ་བུ་རྣམས་དང་བྱང་པ་ནམ་མཁའ་རྒྱལ་མཚན་སོགས་འབྲེལ་བཏགས་བྱས་ནས་རིག་འཛིན་ཆེན་པོ་འདི་ཉིད་དབུས་ཕྱོགས་སུ་གནས་དབྱུང་བ་སོགས་ཞབས་འདྲེན་ཆེན་པོ་བྱས་པར་བརྟེན། མ་རུངས་པ་དེ་དག་དྲག་པོའི་སྒོ་ནས་བཏུལ་ཏེ་རྗེས་སུ་འཛིན་དགོས་པའི་གདུལ་བྱར་མཁྱེན་ནས། འཕྱོང་རྒྱས་དང་འབྲི་གུང་སོགས་སུ་བཞུགས་སྐབས་འཇམ་དཔལ་གཤིན་རྗེ་གཤེད་ཀྱི་སྐོར་མང་པོ་དང་། ཁྱབ་འཇུག་གཟའི་སྤུ་གྲི་སོགས་དྲག་སྔགས་ཀྱི་ལས་སྦྱོར་དུ་མའི་སྒོ་ནས་རིང་པོར་མ་ལོན་པར་དགྲ་བོ་རྣམས་འཆི་བདག་གི་ཁར་འདུད་པར་མཛད་ཅིང་། མཐུ་སྟོབས་དང་ནུས་པ་ལ་གཞན་གྱིས་འགྲན་ཟླ་དང་བྲལ་བ་ཡིན་པས། རཏྣའི་གཏེར་ལུང་དུ། རྒྱལ་པོའི་མིང་ཅན་མཐུ་སྟོབས་བདག་བོ་འབྱུང༔ ཞེས་དང་། རྟ་མགྲིན་དྲེགས་པ་ཀུན་འདུལ་ལས། འདི་ལ་ཆོས་བདག་སྐྱེས་བུ་སྟག་ལོ་པ༔ རྒྱལ་པོའི་མིང་འཛིན་སྔགས་འཆང་མཐུ་སྟོབས་ཅན༔ ཚངས་སྐུད་རྡོ་རྗེ་སྨེ་བས་སྤྲས་པ་དང༔

― GLG008_Page_0714 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་འབྱུང་བ་ལྟར་འཕྲང་འགོ་གཏེར་སྟོན་རིན་པོ་ཆེའི་ཆོས་བདག་ཏུ་ངོས་བཟུང་ལ། ལོ་ཚིགས་ཅུང་ཟད་མ་འགྲིག་པ་ནི་གཏེར་ཁ་མང་པོར་གང་ཟག་གཅིག་ལ་ལོ་བདག་འདེམ་ཁ་ཅན་སྣང་བས་སྐྱེ་སྲིད་འཛིན་པ་རྟེན་འབྲེལ་གྱི་དབང་གིས་སྔ་ཕྱི་སྣ་ཚོགས་འབྱུང་བ་ལ་དགོངས་སོ། །དབུས་སུ་ཕེབས་སྐབས་ཞིང་ཤག་པས་སྙིང་ཚིམ་གྱི་ཡི་གེར། སྟོབས་ཞེས་བྱ་བའི་སྟོབས་མེད་འཁྱམས་པོ་ཁྱོད། ཁོ་བོས་པྲེེ་ཏ་པུ་རའི་འགྲམ་དུ་བསྐྲད། །ཅེས་བཀུར་བའི་ལན་དུ། ཞིང་ཞེས་བྱ་བའི་ཞིང་བཅུ་ཚང་བ་ཁྱོད། །བདག་གིས་རཱ་ཧུ་ལ་ཡི་ཞལ་དུ་གདབ། །ཅེས་གསུངས་འདུག་པ་ལྟར། སྐུ་མདུན་དུ་ཞིང་ཁྱབ་འཇུག་གཟའི་ཟེར་ཁས་གྲོངས་པ་ཡིན། དེའི་རྒྱུ་མཚན་སྐོར་རིག་འཛིན་རྒྱལ་བའི་སྲས་པོ་པདྨ་ཆོས་རྒྱལ་ལ་འབུལ་བ་གནང་འདུག་པ་འདི་ལྟ་སྟེ། ཞབས་དྲུང་རྒྱལ་བའི་སྲས་པོ་གང་གི་ཞབས་དྲུང་དུ། ཞུ་བ། དེང་དུས་ཀྱང་སྐུ་རིན་པོ་ཆེ་མཆོག་ཏུ་དྭངས་ངོས་དེ་ཁར་ཕེབས་ཡོད་འདུག་པ་བཀའ་དྲིན་ཆེ། རྒྱལ་དབང་པདྨའི་གཟིགས་པས་བསླུ་མེད་ཅིང་། །རིག་འཛིན་མཆོག་གི་འདའ་ཁ་རྡོ་རྗེའི་གསུང་། །ཆེས་ཆེར་དམ་ལ་བཞག་པའི་རྟེན་འབྲེལ་གྱིས། །རཱ་ཧུ་ལ་དེ་བདག་གི་བྲན་ལྟར་གྱུར། །སྔ་ནས་མི་དགེའི་བག་ཆགས་ཡོངས་བརྟས་པས། །དགེ་བྱེད་ལ་སྡང་ཚུལ་མིན་ལོག་སྤྱོད་མཁན། །ཞིང་ཞེས་ཞིང་བཅུ་ཚང་བའི་སྙིང་ཁྲག་དེ། །མཐུ་ལྡན་གཟའ་མཆོག་ཆེན་པོས་མོད་ལ་བཞེས། ཁེངས་པར་སྤྱོད་པའི་འཁོར་ཚོགས་མང་པོའི་དབུས། །དཀར་ནག་ཕྱོགས་ཀྱི་ཉམས་འཇུག་དུས་ཀྱི་ཚེ། ཁྱབ་འཇུག་ཡབ་ཡུམ་སྲས་འཁོར་ཕོ་ཉར་བཅས། །ཕྱོགས་དེར་རྔམ་སྟབས་ཤུགས་ཀྱིས་མྱུར་བར་འོངས། །དེ་ཡི་མོད་

― GLG008_Page_0715 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གཟི་བརྗིད་དུག་གཟེར་གྱིས། །རེངས་དང་རྨོངས་པའི་རྣམ་འགྱུར་དུ་མ་དང་། །ཁ་ནས་མི་བཟད་གདུང་བའི་སྐད་དང་བཅས། །དམྱལ་བར་རིངས་པ་བཞིན་དུ་ས་ལ་ལྷུང་། །དགྲ་གཉེན་བར་མར་སྤྱོད་པའི་འཁོར་དེ་དག །འདི་ལྟའི་ཚུལ་ནི་རང་གི་བདེན་མེད་ཀྱིས། །རིན་དུ་བྱས་ཏེ་ཉོས་པའི་དཔེ་བཞིན་ནོ། །དེ་ནི་སྔགས་ནག་དེ་ཡི་མཐུ་ཡིན་ནོ། །ཞེས་ཟེར་ལ་ལ་ཡིད་དགའ་ཤུབ་བུར་སྨྲ། །བུ་དང་ཆུང་མ་མྱ་ངན་འཁོར་ཚོགས་རྣམས། །སྟབས་བུར་སྤྱོད་པས་སྡུག་བསྔལ་མྱོང་དེ་ལ། །འཁྱུད་བཞིན་ཆོ་ངེ་དྲག་པོ་འདེབས་པར་གྱུར། །ཆོ་ངེའི་སྒྲ་ནི་འབོད་པའི་དུང་བཞིན་དུ། །ཡུལ་དེར་གནས་པའི་མཐའ་དག་སྐྱེ་བོའི་ཚོགས། །ཀུན་ཀྱང་ཚུལ་དེ་མཐོང་བས་སོམ་ཉི་བྲལ། །སྔགས་པ་དགྲར་བསླང་འདི་ལྟར་ཡོང་ཞེས་སྨྲས། །དེ་ནས་གཉེན་གྲོགས་རྣམས་ཀྱི་བརྩེ་སེམས་ཀྱིས། །གསོ་རིག་པ་དང་ཚུལ་འདིའི་རིག་བྱེད་མཁན། ཁུར་འཛིན་དེ་དག་རྣམས་ཀྱིས་ཤེས་བྱའི་ཁྱོན། །དུས་དེར་འོས་པའི་བླུན་རྨོངས་འགའ་ཚོགས་ནས། །ངན་འགྲོར་སྤྱོད་པའི་སྡུག་བསྔལ་སློབ་པ་བཞིན། །ཧཱུྃ་ཕཊ་དྲག་པོའི་སྒྲ་དང་ཐུན་སྣ་ཚོགས། ཚ་གྲང་མྱོང་ལ་གསོད་མདའ་ཇི་བཞིན་དུ། །མེ་ཆུའི་ལྕག་གིས་ཡང་ཡང་འདེབས་ལ་བརྩོན། །ཡང་དེར་རང་རིགས་རྗེས་འཇུག་ཞ་ལུ་པས། །སྣ་ཚོགས་རྟེན་འབྲེལ་ཟབ་མོའི་ཆོ་ག་ཡིས། །སྐབས་སྐབས་ཅུང་ཟད་སྨྲ་དང་སྡུག་བསྔལ་དག །མྱོང་བར་ཤེས་པ་ཞག་འགའི་བར་དུ་བྱུང་། །དེ་དུས་དེ་ཡིས་སེམས་ལ་འགྱུ་བའི་ཚོགས། །སྲིད་པའི་བདེ་བར་ཞེན་དང་དེ་འབྲེལ་བའི། །སྡུག་བསྔལ་དག་ལ་གཟུགས་སུ་བྱས་པ་ན། །ལྷུན་པོ་ལ་ཡང་འགྲན་པར་གདོན་མི་ཟ། །སྐབས་དེར་ཉེ་གྲོགས་རྣམས་དང་ལྷན་ཅིག་པར། །སྔོན་དུ་ཐལ་བའི་ལས་ཚོགས་རྣམས་དྲན་ཏེ། །

― GLG008_Page_0716 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱོད་བཞིན་དུག་ལས་བདུད་རྩིར་འདོད་པ་ལྟར། །བདག་ལ་སྲུང་བ་སློངས་ཟེར་གླེང་བ་ཐོས། །དེ་ནས་འགྱུ་བའི་ཚེས་ལ་སླད་ནས་ཀྱང་། །སྲིད་གསུམ་བདག་པོས་མིང་གི་ལྷག་མར་མཛད། །བདེན་པ་བསླུ་མེད་སྟོན་པའི་དུས་དེའི་ཚེ། །ཇི་ལྟའི་ཚུལ་ལྟར་འདིར་ནི་མངོན་སུམ་གསལ། །རིག་སྔགས་དྲག་པོ་སྒྲུབ་པའི་ས་ཁུང་དུ། །ལིང་ག་དག་ལ་དྲོད་ཕེབས་ཚལ་པར་གས། ཁ་ལིང་མེར་འབར་གཞན་ཡང་མཚན་མ་ནི། །དངོས་ཉམས་ཇི་སྙེད་མཐོང་ནས་གཏང་རག་ཕུལ། །དེ་རྗེས་ཕོ་ཉའི་གཏམ་སྙན་འཕྲེང་བ་དག །ལེགས་ཐོས་འདི་ལྟའི་ཚུལ་ནི་ད་དུང་ཡང་། །བདག་ཉིད་བདེན་ཚིག་ཆེས་བཙན་ལོ་ཁོངས་སུ། །གཞན་དག་ལ་ཡང་གཟིགས་པ་གནང་འཚལ་ལོ། །བྱང་ཕྱོགས་ལོག་སྤྱོད་སྐྱེ་བོའི་ཡུལ་དག་ཏུ། །དཔྱིད་དུས་གྲང་རེག་སྤྱོད་ལ་ཉེ་སྐབས་ཀྱང་། །གནམ་ལྕགས་དྲག་པོའི་ཐོག་གིས་བསྣུན་པ་དང་། །གཙུག་ལག་ཁང་ལ་རྫུ་འཕྲུལ་མེ་འབར་ཞིང་། །བདག་ལ་མཐོ་འཚམ་དཔུང་ཚོགས་རྣམས་ལ་ཡང་། །ཕྱི་ལོག་དུས་སུ་སུམ་ཅུར་ཉེ་བའི་གྲངས། །གདོང་ཐུག་བརྒྱབ་སོགས་ཞིབ་ཆ་ནང་མཆིས་པ། །ཡོངས་འཛིན་དམ་པའི་སྙན་དུ་གསན་ངེས་སམ། །འདི་དག་རང་སྟོབས་ཅི་ཞིག་ཨུ་རྒྱན་རྗེའི། །ཐུགས་རྗེའི་འཇུག་པ་དག་དང་ཁྱད་པར་དུ། །བཀའ་དྲིན་མཉམ་མེད་རིག་འཛིན་མཆོག་དེ་ཡིས། །མ་འོངས་དུས་མཁྱེན་དམ་བཞག་བྱིན་རླབས་དང་། །སེལ་མེད་དམ་ཚིག་གཅེས་སྤྲས་སྙིང་ལྟར་བཅངས། །འགྱོད་མེད་བདེན་པའི་རི་བོ་རྒྱབ་ཏུ་ཁུར། །གཡེལ་མེད་ཆོས་སྐྱོང་སྲུང་མ་མཆོད་ལ་བརྩོན། །དགྲ་མེད་རང་གནས་མྱུར་དུ་འཛིན་པར་སྨོན། །ཞེས་སྐྱེ་བ་ནས་ཚེ་རབས་ཐམས་ཅད་དུ་བཀའ་དྲིན་གཞལ་བར་དཀའ་བའི་ཡོངས་འཛིན་དམ་པ་བཀའ་དྲིན་ཅན་གྱི་ཞལ་སྐྱིན་གང་དེར་དད་པ་མཆོག་གིས་ཁྱེད་ཉིད་དགྱེས་པའི་མཆོད་སྤྲིན་དུ་དགོངས། ཅི་བདེར་ཉམས་དགར་ཕུལ། ཞེས་སོ། །

― GLG008_Page_0717 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དུས་ཀྱི་ལས་སྦྱོར་གྱི་དམ་སེལ་གྱི་འཚུབ་ལྷོངས་བརྒྱུད་འཛིན་ཚོར་ཡང་བྱུང་བས། དུས་ཕྱིས་རིག་འཛིན་ཡོལ་མོ་བ་བསྟན་འཛིན་ནོར་བུས་གཞིས་ཀ་རྩེར་གཏོར་ཟློག་མཛད་སྐབས་ཀྱང་ཐོག་སེར་བབས་ཏེ་ཁྱབ་འཇུག་གཟའི་འཁུ་བཟློག་བྱུང་བར་སྣང་། རྒྱས་པའི་འཕྲིན་ལས་ཀྱི་སྐབས་ནི། འབྲི་གུང་ཞབས་དྲུང་ཡབ་སྲས། སྡེ་པ་འཕྱོང་རྒྱས་པ་ཧོར་མི་དབང་སྟོབས་རྒྱལ་དང་། ཧོར་ངག་དབང་བསོད་ནམས་གྲགས་པ་འཇིག་རྟེན་དགའ་བའི་རྒྱན་སྡེ་པ་ཡར་རྒྱབ་པ། སྐྱིད་ཤོད་ནས་ས་སྐྱོང་གཡུལ་རྒྱལ་ནོར་བུ། དགའ་ལྡན་ཕོ་བྲང་གི་དཔོན་གཉེར་ལུགས་གཉིས་ཀྱི་མཁྱེན་དཔྱོད་ཅན་སྐུ་མདུན་ཆོས་བཟང་འཕྲིན་ལས། སྡེ་པ་ཐོབ་རྒྱལ་བ། སྡེ་པ་སྙེ་མོ་བ། བར་ཁམས་ཀྱི་སྡེ་པ་ཀ་ནམ་པ་རྒྱ་ཧ་ཀ་རང་ལིང་རྩེའི་རྒྱལ་པོ་སོགས་སྟོབས་ལྡན་ཆེན་པོ་མང་པོའི་ཏི་ཤྲིར་གྱུར། སྣང་གསལ་ཆོས་རྗེ་ཀུན་དགའ་ཚེ་མཆོག །ལྷ་གྲོ་ཆོས་རྗེ་ཀརྨ་གུ་རུ། ཀ་ཐོག་ཆོས་རྗེས་ཐོག་དྲངས་སྔ་འགྱུར་བཀའ་གཏེར་གྱི་རིག་སྔགས་འཆང་བ་བགྲང་བར་དཀའ་བ་དང་། གྲུབ་མཐའ་རིས་མེད་ཀྱི་བླ་མ་མཐའ་ཡས་པས་ཞབས་ལ་བཏུད་དེ། རྣམ་དཀར་གྱི་འཕྲིན་ལས་དབྱར་མཚོ་ལྟར་གྱུར། ཞི་བའི་འཕྲིན་ལས་ནི། སྤྱིར་ནད་གདོན་སོགས་ཞི་བ་དང་། སྒྲིབ་གཉིས་བག་ཆགས་དང་བཅས་པ་ཞི་བ་གཉིས་བྱུང་བ་ལས། སྐབས་འདིར་ཞི་བ་དེ་དང་པོ་ལ་བསྙག་དགོས་ཏེ། མཆོག་གྲུབ་པ་ཞེས་པའི་ཚིག་གིས་རྗེས་མ་བསྟན་པས་སོ། །དེ་ཡང་སྐུ་ཚེའི་མཇུག་ཏུ་སྦྱིན་བདག་གི་མཐིལ་འཕྱོང་རྒྱས་དང་ཡར་རྒྱབ་གཉིས་སུ་ཕལ་ཆེར་བཞུགས་ནས། སྦྱིན་བདག་དང་གདུལ་བྱ་མཆོག་དམན་རྣམས་ཀྱི་བར་ཆད་སེལ་ཞིང་ཆོས་དང་སྲིད་ཀྱི་འདོད་པའི་དོན་གྱི་རེ་བ་སྐོང་བར་མཛད་དོ། །འཕྱོང་རྒྱས་སྟག་རྩེའི་གཟིམས་ཆུང་ཚེ་རིང་ཕོ་བྲང་དུ། དག་པའི་སྣང་བར་རྒྱལ་

― GLG008_Page_0718 ―

^{[མ་དཔེ་གཟིགས་ན་འདིར་གནོན།]}

[Full Size]

སྲས་བསྟན་པའི་འབྱུང་གནས་ཕེབས་ནས། ལྟ་བའི་སྐོར་གྱི་བཀའ་གནད་མང་པོ་དྲི་བ་དྲིས་བཤད་ཀྱི་ཚུལ་དུ་གསུངས། ཡང་སྤྲུལ་ལ་སྨིན་དྲུག་ཟླ་བའི་ཚེས་བཅོ་བརྒྱད་ཀྱི་དུས། ཆུ་བོ་གསེར་ལྡན་གྱི་ལྷོ་ངོས་དོན་འགྲུབ་གླིང་གི་སྒར་དུ། མནལ་ལམ་འོད་གསལ་དུ་ཤར་བར། ཆོས་རྒྱལ་སྲོང་བཙན་སྒམ་པོས་བྱིན་གྱིས་བརླབས་པའི་མཚན་མ་ངོ་མཚར་ཅན་དང་། དེ་ནས་ཞག་ལྔ་སོང་བའི་ཚེ་རྗེ་གྲུབ་པའི་དབང་ཕྱུག་གིས་བྱིན་གྱིས་བརླབས་ཚུལ་སོགས་གཟིགས་སྣང་གི་སྐོར་རྣམས་གསུང་འབུམ་དུ་གསལ། མཆོག་གི་དངོས་གྲུབ་འགྲུབ་པ་ནི་རིག་འཛིན་ཆེན་པོ་ཉིད་ངེས་པའི་དོན་དུ་སྤངས་རྟོགས་ཀྱི་ཡོན་ཏན་མཐར་ཕྱིན་པར་མ་ཟད། ཐུན་མོང་བའི་སྣང་ངོར་སྐུ་ཚེ་འདི་ཉིད་ལ་རྫོགས་པ་ཆེན་པོར་ཐོས་བསམ་སྒོམ་པ་ནན་ཏན་དུ་མཛད་པས་རྟོགས་པ་ཀློང་དུ་གྱུར་ཏེ་གྲུབ་པའི་མཚན་མ་ངོ་མཚར་བ་མང་དུ་བསྟན་ཅིང་། གཙོ་བོར་ཐུགས་སྲས་རིག་འཛིན་སྐུ་མཆེད་ལ་ཟབ་ཆོས་རྣམས་བུམ་པ་གང་བྱོའི་ཚུལ་དུ་གནང་བ་དང་། སྐལ་ལྡན་གྱི་གདུལ་བྱ་མང་པོ་ཀུན་བཟང་དགོངས་པ་ཟངས་ཐལ། འཇམ་དཔལ་རྫོགས་ཆེན། ཡང་ཏིག་གཅེས་སྒྲོན་སོགས་ཀྱི་སྒོ་ནས་སྨིན་གྲོལ་ལ་བཀོད་པའི་ཚུལ་རྣམས་ཀྱིས་ཤེས་པར་ནུས་སོ། །མཛད་པའི་གཙོ་བོ་ཟབ་གཏེར་སྤྱན་དྲངས་ཚུལ་ནི། རང་གཏེར་ལས། གཏེར་ཆོས་པདྨའི་གསུང་དང་མ་ཕྲད་ན༔ བཅུ་བཞི་པ་ལ་ཚེ་ཡི་བར་ཆད་འབྱུང༔ དེ་དུས་བར་ཆད་བདུད་དབང་མ་གྱུར་ན༔ རང་གཏེར་ཟབ་མོའི་སྐལ་བ་ངེས་པར་འབྱིན༔ ཞེས་པའི་དོན་ལྟར་སྐུ་ན་ཕྲ་མོའི་དུས་རྗེ་བཙུན་ཀུན་དགའ་གྲོལ་མཆོག་གིས། ཐོད་འཕྲེང་རྩལ་གྱི་དཀྱིལ་འཁོར་དུ་ཟླུམ་པོ་བཞི་དབང་གི་སྒོ་ནས་སྨིན་པར་མཛད་པའི་རྟེན་འབྲེལ་གྱིས། གཙང་རོང་ཆུང་གི་སྦས་ཡུལ་ཁམ་བུ་ལུང་ནས་ཧོར་སོག་མཐའ་དམག་ཟློག་ཐབས་ཀརྨ་གུ་རུའི་སྐོར་དང་། སློབ་དཔོན་ཆེན་

― GLG008_Page_0719 ―

^{[མ་དཔེ་གཟིགས་ན་འདིར་གནོན།]}

[Full Size]

པོས་འདུད་རིགས་དམ་ལ་བཏགས་པའི་བྲག་ལྷང་ལྷང་མའི་མཚམས་ཕུག་དགེ་བའི་དབེན་གནས་ནས་མཚོ་སྐྱེས་རྡོ་རྗེའི་སྐོར་སྤྱན་དྲངས་པ་སྟེ། དེ་ཡང་བླ་མ་མཚོ་སྐྱེས་རྡོ་རྗེ་ལ་རིགས་གསུམ་ཡོད་པའི། དང་པོ་མངའ་བདག་ཉང་གིས་ལྷོ་བྲག་ཕྱོགས་ནས་སྤྱན་དྲངས། ཕྱི་མ་སངས་རྒྱས་གླིང་པས་དྭགས་པོ་སྒེར་བྱེ་མ་དཀར་པོ་ནས་སྤྱན་དྲངས། བར་པ་ཆོས་དབང་རིན་པོ་ཆེའི་གཏེར་ཁ་བཅུ་བདུན་པའི་གཏེར་ཞབས་ཡིན་པ་རིག་འཛིན་ཆེན་པོ་འདི་ཉིད་ཀྱིས་སྤྱན་དྲངས་པ་སྟེ། རང་གཏེར་འཆི་མེད་ཚེའི་དོན་དབང་གི་གཏད་རྒྱའི་སྐབས་ལས། རྒྱལ་པོས་བཞེངས་པའི་གཙུག་ལག་གཉིས་ཀྱི་མཚམས༔རོང་མདོ་ཆུ་བོ་ཆེན་པོ་རྒྱུག་པའི་འགྲམ༔ ས་ཁམས་ཁྱི་འབྲུག་ལོ་པ་སྙིང་རྗེ་ཅན༔ དྲག་ཤུལ་ཆོ་རོལ་སྤྱོད་པ་རིགས་བཞིའི་རྟགས༔ དཀར་དམར་སྨེ་བ་སྦྲུལ་གྱི་མགོ་བོ་ཅན༔ ལག་གཡས་དྲག་པོ་མཚོན་ཆའི་རི་མོ་གསལ༔ ལྟོ་བ་བུམ་པའི་དབྱིབས་ལ་སྨེ་བས་མཚན༔ མཁའ་འགྲོ་དབང་སྡུད་བརླ་གཡོན་སྨེ་བའི་སྤྱན༔ ཞི་འགྲུབ་རྐང་གཡོན་རི་མོ་པདྨས་མཚན༔ རྟགས་དང་ལྡན་པའི་སྐྱེས་བུ་དེ་དང་ཕྲད༔ ཅེས་པ་བྱུང་ལ། གཞན་ཡང་བསམ་ཡས་ཨཱཪྻ་པ་ལོའི་གླིང་ནས་དམ་རྫས་མྱོང་གྲོལ་དང་ལུང་བསྟན་གྱི་སྐོར། ལྷོ་བྲག་འཇོང་པ་གསེར་གྱི་མཆོད་རྟེན་ནས་མ་རྒྱུད་རྙཨང་པོ་དོན་གསུམ། མན་ངག་ཐོར་བུ་དང་ཕུར་པ་དམ་རྫས་ཀྱི་རིགས། གཙང་ཉང་སྟོད་དང་། ཁམས་ཀྱི་ཀློང་ཐང་སྒྲོལ་མའི་ཀ་གཞུའི་འཆོལ་སོགས་ནས་ཟབ་གཏེར་མང་དུ་སྤྱན་དྲངས། གཏེར་ཐམས་ཅད་ངོ་མཚར་ཡིད་ཆེས་ཀྱི་གནས་འབའ་ཞིག་ཏུ་བྱུང་བས། ཚེ་དབང་གི་ཆེ་རྗོད་ཀྱི་སྐབས་གཏེར་ལུང་གི་འཕྲོས་ལས། ཁྱད་པར་འདི་ཉིད་ཉམས་སུ་བླངས་པ་ན༔ ཚེ་འཕྲང་སྒྲོལ་ཞིང་ཚེ་ཡི་ཚད་ལས་བསྲིང༔ དབང་བསྐུར་ལན་རེས་ལོ་རེའི་ཚེ་སྤེལ་འགྱུར༔

― GLG008_Page_0720 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་དང་ཉེར་གཅིག་དབང་ཐོབ་སྐལ་བ་ཅན༔ བདག་དང་དབྱེར་མེད་བྱིན་རླབས་མཆོག་ཐོག་འགྱུར༔ ཞེས་པ་ལྟར་རོ། །ལུང་བསྟན་ལྟར་ལྷང་ལྷང་མའི་གཏེར་གསར་གྱི་ཤོག་སེར་རྣམས་ཀོང་པོ་རྒྱ་ལར་འབེབས་པ་གནང་བ་དང་། རྒྱ་ལ་རང་ནས་ཀྱང་བོད་ཁམས་སྤྱི་ལ་ཕན་པའི་མཐའ་དམག་ཟློག་ཐབས་ཀྱི་ལས་ཚོགས་ཀྱི་གཏེར་བཞེས་རྒྱུ་ཡོད་པ་ནས་ཀོང་པོར་ཕེབས། དེའི་དུས་རྩེ་ལྷ་སྒང་དུ་ཀརྨ་བ་དབང་ཕྱུག་རྡོ་རྗེ་བཞུགས་པའི་ཀར་སྲིད་གྲ་འགྲིག་ཅིང་དབང་ཆེ། གྲུབ་མཐའ་མི་གཅིག་པའི་རིགས་མཐའ་དག་ལ་འཇམ་རྩུབ་སྣ་ཚོགས་པའི་སྒོ་ནས་འདུལ་ཐབས་ལྷུར་མཛད་པའི་སྐབས་ཡིན་འདུག་པས། ཀོང་ཡུལ་འདི་གསང་སྔགས་རྙིང་ང་མ་ལ་མོས་པའི་སྟབས་ཀྱིས་འཕྲིན་ལས་རྒྱ་ཆེར་བྱུང་དོགས་པའི་ཕྲག་དོག་གིས་མཐོ་གནོན་དང་། སྒར་གཙང་མཆོད་ཡོན་ཐུན་མོང་ལ་ངན་གཏད་རྦ་དོང་ལ་བརྒྱབ་དོགས་པའི་འཇིགས་སྣང་ཕན་ཚུན་འགྲན་བཞིན་པ་ལ་བརྟེན། སྐྱོན་གནོན་པ་མངགས་ཏེ་གཏེར་གནས་ཀྱི་ཕྱོགས་སུ་ཡེ་འབྱོན་མ་བཅུག་པས། གཏེར་སྲུང་ཁྲོས་པའི་འཚུབ་དང་། གཏེར་ལུང་དུ། དེ་དུས་དྲག་པོའི་ལྟས་ཅིག་འབྱུང༔ ཞེས་གཏེར་གསར་གྱི་ཤོག་སེར་ཀོང་པོ་རྒྱ་ལར་འབེབས་པ་ལ་འཚུབ་འོང་བར་གསུངས་པའི་འཚུབ་འགྱུར་གཉིས་ཀ་འདོམ་པའི་ནུས་པས། རི་ཕན་ཚུན་ཉིལ་པའི་སྣེ་འགྲིག་པས་གཙང་པོའི་རྒྱུན་ལམ་འགགས་ཏེ་གྲོང་ཁྱེར་མང་པོ་ཆུར་ནུབ། དཔོན་སློབ་རྣམས་ཀྱང་རེ་ཞིག་གྱེན་དུ་བྲོས་པས་ས་སྲོས་ཏེ་ཕེབས་མ་ཐུབ་པས་ཆུ་མཚམས་སུ་ཆོས་དབང་རིན་པོ་ཆེའི་གཏེར་མའི་དྲག་སྔགས་འདུས་པའི་ལྕགས་ཕུར་བཏབ་པས། མཚན་མོའི་བར་དེར་ཆུས་ཀྱང་ས་མཚམས་ལས་མ་བསྒྲལ། ནམ་ལངས་ནས་ཕུར་པ་བཏོན་ཏེ་ཕེབས་པ་ན་འབྲོས་འདེད་ལྟར་ཆུ་གྱེན་ལ་ལུད། དེ་ནས་གཏོར་ཟོར་འཕངས་

― GLG008_Page_0721 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་བདེན་པ་བརྗོད་པས། གཙང་པོའི་ལམ་བྱེ་ནས་ཆུ་སྔར་བཤུལ་དུ་སོང་སྟེ། འགྲོ་བ་རྣམས་ལ་མི་འཇིགས་པའི་སྦྱིན་པ་སྩལ། རིག་འཛིན་ཆེན་པོ་འདི་ཉིད་ཀྱིས་བདེན་སྟོབས་མ་བརྗོད་ན། འདི་སྐབས་ཀྱང་ཆོས་རྗེ་ཀརྨ་པའི་བཀའ་དྲིན་ལ་བརྟེན་ནས་ཀོང་པོ་རྣམས་ཆུའི་འཇིགས་པས་སྟོངས་རྒྱུ་ཡིན་པར་སྣང་། བྱང་བདག་པོས་ཡར་རྒྱབ་གཙང་པོ་ཞག་བདུན་གྱི་བར་དུ་གྱེན་ལ་སློག་ཟེར་བའི་གྲགས་པས། བྱང་གཙང་གི་དམ་ཉམས་ལྷག་ལུས་པ་རྣམས་ཀྱང་སྙིང་རྩ་འདར་བར་གྱུར་ཏོ། །བླ་རྫོགས་ཐུགས་གསུམ་ཚང་བའི་གཏེར་ཁ་ཆེ་བ་ཞིག་ཐག་ལ་འཕྲེད་ནས་བཞེས་རྒྱུ་ཡོད་པ། སྡེ་བ་གཙང་སྟོད་པ་སོགས་ཀྱི་སྟབས་ནས་སྤྱན་འདྲེན་མ་ཐུབ་པར་རྟེན་འབྲེལ་འཕྱུགས་པས། རང་གཏེར་དུ། ལྔ་བཅུ་རྩ་གསུམ་ཚེའི་ཡི་འཕྲང་ལ་གཟབ༔ ཅེས་པའི་ལུང་བསྟན་གྱི་དོན་ཐོག་ཏུ་བབ་པར་བརྟེན་རེ་ཞིག་འགྲོ་དོན་གཞན་དུ་ཆེ་བར་དགོངས་ཏེ་གཟུགས་སྐུའི་བཀོད་པ་བསྡུས་ནས་ཟངས་མདོག་དཔལ་གྱི་རིར་གཤེགས་པ་ཡིན་ལ། གཅན་གཟན་དྲེགས་པའི་རོ་ལ་སེང་གེ་མི་འཇིགས་པ་ལྟར་སྔགས་རློམ་གཞན་གྱིས་པདྨའི་རྒྱལ་ཚབ་འདི་ཉིད་ལ་གླག་ལྟ་བར་ག་ལ་ནུས་ཀྱང་། ཡོལ་བ་བླ་ཆེན་གྱིས་བརྩམས་པའི་མཁན་ཆེན་གཞོན་ནུ་བློ་གྲོས་ཀྱི་རྣམ་ཐར་དུ། བྱང་བདག་པོས་འཕྱོང་རྒྱས་པའི་སྐུ་རིམ་མཛད་པར་བརྟེན། ཡར་ལུངས་བཀྲ་ཤིས་རྩེ་ཕྱོགས་ཀྱི་མཐུ་ཁ་ཟུག་ནས་ཞབས་དྲུང་བདག་མོ་གཤེགས་པ་ཡིན་ཚུལ་གྱི་རྒྱུ་མཚན་མང་པོ་བྲིས་པའི་མཇུག་ཏུ། སྔགས་རྒྱུད་སྦྱོར་བས་དམན་ཡང་སྣང་ཤས་ཀྱིས། །དྲག་ཤུལ་ཆོ་གའི་ལད་མོ་ཟློས་པ་དག །རང་ཉིད་རིངས་པར་ཆས་པ་གཤིན་རྗེའི་གྲོང་། །ཉུལ་བའི་གྲོགས་སུ་སྤྲོ་བས་སྒྲོན་པ་བཞིན། ཞེས་སྨད་པར་སྣང་བ་ནི་རྟེན་འབྲེལ་འགྲིག་

― GLG008_Page_0722 ―

^{[མ་དཔེ་གཟིགས་ན་འདིར་གནོན།]}

[Full Size]

མ་འགྲིག་སོགས་ལུང་བསྟན་གྱི་དོན་མ་གོ་བའི་མུ་ཅོར་གྱི་གཏམ་དུ་སྣང་ངོ་། ། ས་ལ་སྤྱོད་པའི་གནམ་གྱི་ཚངས་པ་ཆེ། །ཤར་ཕྱོགས་ནོར་འཛིན་སྐྱོང་བ་མི་ཉག་གི །གདུང་ལས་རིགས་ལྡན་རིམ་པ་བྱོན་པའི་ལྷ། །ནོར་བུའི་འཕྲེང་བ་ཇི་བཞིན་འཛད་མེད་རིང་། ཁུངས་བཙུན་རིགས་ཀྱིས་མཐོ་བའི་དུང་དཀར་པོ། །ལེགས་བྱས་བཀྲ་ཤིས་རི་མོ་གཡས་འཁྱིལ་བ། །བསོད་ནམས་སྟོབས་འབྱོར་དར་བའི་སྙན་པའི་སྒྲ། །འཛམ་གླིང་ཀུན་ལ་ཁྱབ་པར་བསྒྲགས་འདི་རྒྱལ། །བྱང་རིགས་གདུང་གི་རྙོག་བྲལ་རྫིང་བུའི་ནང་། ཁྲི་སྲོང་སྤྲུལ་པའི་ཟློས་གར་ཟླ་བའི་གཟུགས། །ཤར་ཚེ་སྔ་འགྱུར་བསྟན་པའི་ཀུ་མུ་ད། །ཐོས་བསམ་སྒོམ་པའི་འཛུམ་ཕྲེང་ཆེས་ཆེར་གཡོ། །དེ་ལྟར་ཆོས་རྒྱལ་དཔལ་བཀྲ་ཤིས་སྟོབས་རྒྱལ་དབང་པོའི་སྡེ་དྲག་པོ་སྟོབས་ཀྱི་འཁོར་ལོས་སྒྱུར་བ་འཇིགས་བྲལ་ཕྱོགས་ལས་རྣམ་པར་རྒྱལ་བའི་དཔའ་བོ་ཞེས་ཡོངས་སུ་གྲགས་པ་གང་གི་ཐུགས་སྲས་རིག་འཛིན་ཆེན་པོ་ངག་གི་དབང་པོ་ནི། སྔར་ཆོས་རྒྱལ་བཀྲ་ཤིས་སྟོབས་རྒྱལ་གྱི་བྱང་ཐེག་མཆོག་གླིང་དུ་རིག་འཛིན་མངའ་རིས་པ་ཆེན་པོ་ལ་ཟབ་ཆོས་མང་དུ་གསན་པའི་ཀུན་བཟང་དགོངས་པ་ཟང་ཐལ་གྱི་བར་དོ་ལྔའི་སྙན་བརྒྱུད་གསུང་བའི་སྐབས་མཛད་པ་ཐ་མ་སྟོན་པར་བཞེད་པའི་གསུང་གྱ་མ་དོ་འདྲ་ཐོད་རྒལ་དུ་བྱོན་པས། ཆོས་རྒྱལ་དབང་པོའི་སྡེས་ཆོས་གྲལ་གྱི་དབུས་སུ་བཞེངས་ཏེ་ཐལ་མོ་སྦྱར་ནས། རབ་ཏུ་མྱ་ངན་ལས་མི་འདའ་བར་བཞུགས་པ་དང་། གལ་སྲིད་ཞིང་ཁམས་འཕོ་བར་བཞེད་ན་མཆོག་གི་སྤྲུལ་སྐུ་མྱུར་དུ་ཕེབས་དགོས་ཞེས་ནན་གྱིས་གསོལ་བ་བཏབ་པས། ང་ད་རེས་བསྡད་པས་ཡོང་བ་མེད། ཁྱེད་དེ་ཙམ་གྱི་རྩིགས་ཆེ་ན་བདག་པོ་རང་གི་བུར་སྐྱེ་བ་ལེན་ནོ་ཞེས་པའི་རྡོ་རྗེའི་གསུང་

― GLG008_Page_0723 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བ་མེད་པར་བརྟེན། ཡབ་རིག་འཛིན་ཆེན་པོ་དབང་པོའི་སྡེ་ཉིད་དང་། ཡུམ་འཕྱོང་རྒྱས་ཟ་ཧོར་གྱི་གདུང་ལས་ལྕམ་ཡིད་འཛིན་དབང་མོ། ལེགས་སྦྱར་གྱི་སྐད་དུ་མནྡྷ་རེནྡྷ་འབོད་པ་དེའོ། །སྐུ་འཁྲུངས་པའི་ཡུལ་ནི་ཞང་ཡུལ་དུ་ཚ་སྐྱེ་མི་རུང་བའི་ཐུགས་དོགས་ཀྱིས་གངས་ཅན་གྱི་ལྗོངས་འདིར་ཆོས་རྒྱལ་མེས་དབོན་རྣམ་གསུམ་གྱི་དུས། དབུས་གཙང་རུ་བཞིར་གྲགས་པ་ལས་གཡོན་རུའི་སའི་ཆ། གྲྭ་ཕྱི་མའི་ཕུ་ཆོས་སྡིངས་དགོན་པར། འཕགས་པའི་ཡུལ་དུ་བཱི་ར་ཞེས་པ་གནམ་གནོན་དུ་གྲགས་ཤིང་། བོད་ཡུལ་འདིར་རྒྱ་ནག་གི་གཙུག་ལག་ལྟར་ལྕགས་ཕོ་འབྲུག་གི་ལོ་ལ་ངོ་མཚར་པའི་ལྟས་དང་བཅས་ཏེ་སྐུ་བལྟམས་པས། རིག་འཛིན་ཡོལ་མོ་བ་ཆེན་པོས། འགྲོ་འདུལ་དུས་དང་བྱང་ཕྱོགས་རྒྱལ་པོའི་གདུང་། །རྡོ་རྗེ་རིགས་མཆོག་བཀྲ་ཤིས་གྲགས་པའི་སྟོབས། །རབ་རྒྱས་ཡིད་འཛིན་ས་སྤྱོད་དབང་མོ་སྟེ། །ལྔར་གཟིགས་ལྷུམས་སུ་ཞུགས་དེར་གསོལ་བ་འདེབས། །ལུམྦི་ནི་ཡི་ཚལ་མཚུངས་ཡུལ་དབུས་ཆར། །ཚངས་པ་ལྷ་ཡི་མེ་ཏོག་རྣམ་པར་བཞད། །མནྡྷ་ར་ཡི་འཁྲི་ཤིང་འཛུམ་ལྡན་པར། །ལུང་བཞིན་མངོན་པར་བལྟམས་དེར་གསོལ་བ་འདེབས། །ཞེས་སོ། ། ན་ཚོད་ཕྲ་མོའི་དུས་ནས་ཐུགས་སྒམ་ཞིང་དཀྱེལ་ཆེ་བ་བྱིས་པ་ཐ་མལ་གྱི་རོལ་རྩེད་ཡེ་མི་མཛད་ཅིང་། །རིག་འཛིན་ལེགས་ལྡན་རྗེའི་བག་ཆགས་སད་པའི་མཛད་པ་བསྟན་པ་དང་གསུང་བྱོན་པ་ལ་བརྟེན། ཡབ་དབང་པོའི་སྡེས། ངའི་བླ་མའི་སྐུ་སྐྱེ་ཞེས་གཅེས་པར་བཟུང་བས་མཚན་ཞབས་དྲུང་བླ་མར་གྲགས། ཕྱག་རྫས་དང་སྐུ་འཁོར་མང་པོ་ལ་ངོས་འཛིན་མཛད། ཡབ་ཀྱིས། རྒྱལ་བ་ཀུན་དངོས་སྐྱབས་མཆོག་རིག་འཛིན་རྗེའི། །ལུང་བཞིན་རྣམ་སྤྲུལ་ངག་

― GLG008_Page_0724 ―

^{[མ་དཔེ་གཟིགས་ན་འདིར་གནོན།]}

[Full Size]

གི་དབང་པོ་ཡི། །ཞེས་སོགས་ཀྱི་སྐུ་ཚེ་བརྟན་བཞུགས་ཀྱི་ཚིགས་བཅད་འབུལ་བ་སོགས་ལེགས་ལྡན་རྗེ་དངོས་ཀྱི་ཐུགས་དད་དང་བཀུར་ཟོས་གནང་། བཀའ་འདུས་ཆོས་ཀྱི་རྒྱ་མཚོ་ནས། གཏེར་སྟོན་ཨུ་རྒྱན་གླིང་པའི་སྐྱེ་རབས་སུ་ལུང་གིས་ཟིན་པའི་དཔལ་འབྲི་གུང་པ་ཆོས་རྒྱལ་ཕུན་ཚོགས་ལ་གཙུག་ཕུད་ཕུལ། མཚན་ངག་དབང་རིག་འཛིན་རྡོ་རྗེ་ཆོས་རྒྱལ་བསྟན་པའི་རྒྱལ་མཚན་དཔལ་བཟང་པོར་གསོལ། བྱང་ཆུབ་སེམས་དཔའི་སྡོམ་པ་གནང་སྟེ་རྒྱལ་སྲས་སེམས་དཔའ་མཆོག་གི་གོ་སར་དབང་བསྐུར། དོན་འདི་ལ་དགོངས་ནས་རིག་འཛིན་ཡོལ་མོ་བས། ཡབ་གཅིག་མི་མཇེད་བདག་པོ་ཆོས་ཀྱི་རྒྱལ། །ཕུན་ཚོགས་འཆི་མེད་དབང་པོས་རབ་བསྔགས་ཤིང་། །གང་ཞིག་ཐོས་པས་སྲིད་པ་ཕྱིར་བསྙིལ་བའི། །མཚན་གསོལ་གུས་པས་བསྙེན་དེར་གསོལ་བ་འདེབས། །ཞེས་སོ། །སྐུ་ཚེ་སྔོན་མ་ལེགས་ལྡན་རྗེའི་དུས་སུ་བྱ་བྲལ་གྱི་བརྟུལ་ཞུགས་བཟུང་སྟེ་ཡོངས་འཛིན་གྲངས་མེད་པ་བསྟེན་ནས་ཆོས་ཕྱིར་དཀའ་སྤྱད་མཛད་པའི་ཟབ་ཆོས་རྣམས་ཡབ་དབང་པོའི་སྡེས་བུམ་པ་གང་བྱོའི་ཚུལ་དུ་གནང་བ་ལ་བརྟེན། སྐུ་ཚེ་འདིར་བླ་མ་མང་པོ་ལ་ལྟོས་མ་དགོས་པར་ནོར་གྱི་བཅལ་པོ་ལེན་པ་ལྟར་ཆོས་རྣམས་ཕལ་ཆེར་ཡབ་ལ་གསན་པས། གྲང་སོ་གཏེར་སྟོན་གྱིས། དེད་དཔོན་བྱེ་བས་ཉེར་བླངས་ཡིད་བཞིན་ནོར། །སྤྱོད་པའི་རང་དབང་ཡབ་གཅིག་ཁོ་ན་ལས། །ཚེགས་མེད་གྲུབ་ཚེ་འགྲོ་འདིའི་རྒུད་པའི་མཐའ། །རབ་བཅོམ་ཀུན་དགར་མཛད་དེར་གསོལ་བ་འདེབས། །ཞེས་སོ། །དེ་ཡང་ཡབ་ཆོས་རྒྱལ་དབང་པོའི་སྡེས། ནུབ་དགོན་ཆོས་རྗེ། མངའ་རིས་རིག་འཛིན་ཆེན་པོ། དྲན་མཆོག་དཔལ་ལྡན་བློ་གྲོས་སོགས་བླ་མ་མང་དུ་བསྟེན་ནས་གསན་པའི་ཆོས་རྣམས་བུམ་པ་གང་བྱོའི་ཚུལ་དུ་ཐུགས་ཀྱི་ཟ་མ་ཏོག་ཡོངས་སུ་གང་བའི་གཙོ་བོ་གསང་སྔགས་སྔ་འགྱུར།

― GLG008_Page_0725 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལ་ཡང་བཀའ་གཏེར་གཉིས་ལས། ཟབ་པ་གཏེར་མའི་སྐོར་གྱི་ཆོས་ཀྱི་རྣམ་གྲངས་ནི་བརྗོད་པའི་མཐའ་ག་ལ་ཞིག །གཏེར་སྟོན་གྱི་མཚན་ཙམ་སྨོས་ན། གཏེར་སྟོན་སངས་རྒྱས་བླ་མ། རྡོར་འབུམ་ཆོས་གྲགས། མ་གཅིག་ཀུན་དགའ་འབུམ། ཇོ་མོ་སྨན་མོ། མངའ་བདག་ཉང་། གུ་རུ་ཆོས་དབང་། གྲགས་པ་བཟང་པོ། རྒྱ་ཞང་ཁྲོམ། དགེ་བཤེས་དྲང་ཀུན་གྲགས། རྒྱ་ཕུར་བུ། ལྷ་རྗེ་གནུབས་ཆུང་། རྒྱ་སེང་གེ་དར། གཉགས་ལྷ་འབར། པདྨ་དབང་ཕྱུགཚེ་བརྟན་རྒྱལ་མཚན། སྙེ་མོ་རིག་གོང་པ། གྲུབ་ཐོབ་དངོས་གྲུབ། དགེ་བཤེས་དྲི་འཛིན། གྲུ་གུ་ཡང་དབང་། བྱང་ཆུབ་གླིང་པ། ཉི་ཟླ་སངས་རྒྱས། ཟླ་བན་གཟི་བརྗིད། ལྷོའི་བནྡེ། རོག་བན་འབྲོག་པོ། སར་སྟོན་ཕྱོགས་མེད། ལྡང་མ་ལྷུན་རྒྱལ། ལྕེ་སྟོན་ནག་པོ། ཞང་སྟོན་བཀྲ་ཤིས། མེ་ལོང་རྡོ་རྗེ། དུང་མཚོ་རལ་པ་གཡུ་སྒོམ་པ། རིག་འཛིན་རྒོད་ལྡེམ། བ་མཁལ་སྨུག་པོ། འཇམ་དབྱངས་བླ་མ། ཡེ་ཤེས་ཁྱུང་བྲག །སངས་རྒྱས་འབར། གཡུ་སྟོན་མགོན་རྒྱལ། ར་ཤག་གཏེར་སྟོན། ཟླ་བ་རྡོ་རྗེ། བཛྲ་མ་ཏི། ཁྱུང་པོ་ཐིག་གེ བལ་པོ་བྷ་རོ། །ཤུད་བུ་དཔལ་གྲགས། དཔལ་མར་མེ་མཛད། ལྷ་བཙུན་བྱང་ཆུབ་འོད། འབྲོམ་ཆོས་སྙིང་། འབྲོག་མི་ལོ་ཙཱ། གྲ་པ་དར་ཡེ། ལྷ་བཙུན་སྔོན་མོ། སུམ་པ་བྱང་ཆུབ་འོད། སེ་སྟོན་རིང་མོ། ཁ་ལ་མེ་འབར། རྒྱང་གྲགས་འོད་ཟེར། འོད་ཟེར་སྟོན་པ། མངའ་བདག་མོལ་མི་འཁྱིལ། དུ་གུ་རིན་སེང་། ཤཱཀྱ་འོད། གཙང་པ་རིང་མོ། སྤྲུལ་སྐུ་དམར་པོ། སུམ་པ། རྐྱང་པོ། འབྲེལ། བླ་མ་གྲུབ། ནག་པོ་མཁར། སྐྱེ་བན་རྡོ་རྗེ། བནྡེ་ཆུང་ངུ་། ཁྱུང་རྒོད། མི་ཉག་དབུ་མ། མགར་སྟོན་པ། ཨ་ཝ་དྷཱུ་ཏཱི། སྒོམ་ཆེན་འབྲུག་པ། གཉན་སྟོན་འཛམ་ལ། དོན་གྲུབ་སེང་

― GLG008_Page_0726 ―

^{[མ་དཔེ་གཟིགས་ན་འདིར་གནོན།]}

[Full Size]

གེ །པདྨ་གྲགས་པ། སྤྲུལ་སྐུ་ཚུལ་རྡོར། ཤོ་བན། ཟངས་རི་རལ་པ། དབང་ཕྱུག་ཤཱཀྱ། ཉི་འབུམ་ཁྲི། པྲ་དུམ་པ། ཉི་མ་ཤེས་རབ། གྲ་པ་མངོན་ཤེས། ར་མོ་ཤེས་སྨན། སུམ་སྟོན། བྲང་ཏི་ཁར་བུ། ཉང་ཤེས་རབ་གྲགས། གཙང་སྟོན་ཆོས་འབར། གུ་རུ་ཧཱུྃ་འབར་སྐལ་ལྡན་བྱིས་པ། གུ་རུ་ཇོ་རྩེ། ཉི་མ་སེང་གེ །གཉལ་སྟོན་ནག་པོ། ཤེས་རབ་མེ་འབར། ཁམས་པ་མེ་ཟོར། སྣ་ནམ་ཐུབ་རྒྱལ། ཨུ་རྒྱན་གླིང་པ། སངས་རྒྱས་གླིང་པ། རྡོ་རྗེ་གླིང་པ། ཀུན་སྐྱོང་གླིང་པ། རིན་ཆེན་གླིང་པ། རཏྣ་གླིང་པ། ཀརྨ་གླིང་པ། ལས་འཕྲོ་གླིང་པ། བསམ་གཏན་གླིང་པ། བསྟན་གཉིས་གླིང་པ། ཀློང་ཆེན་པ། དྲི་མེད་ལྷུན་པོ། དྲི་མེད་ཀུན་དགའ། མཆོག་ལྡན་མགོན་པོ། སྔགས་འཆང་ཤཱཀྱ་བཟང་པོ། མངའ་རིས་པཎ་ཆེན། མངའ་རིས་རིག་འཛིན། འབྲི་གུང་རིན་ཆེན་ཕུན་ཚོགས། འཕྲང་མགོ་ཤེས་རབ་འོད་ཟེར། ཡབ་གཏེར་སྟོན་མངྒའི་མཚན་ཅན་རྣམས་ཀྱིས་སྤྱན་དྲངས་པའི་གཏེར་ཆོས་ལས། ལ་ལའི་གཏེར་ཆོས་ཡོངས་རྫོགས་དང་། འགའ་ཞིག་གི་གཏེར་ཆོས་བྱེ་བྲག་ཅི་རིགས་གསན་ཅིང་། གསན་པ་ཀུན་ཀྱང་ཐོས་བློ་ཙམ་མིན་པར་བསམ་པ་དང་སྒོམ་པའི་སྒོ་ནས་ནན་ཏན་ཏུ་མཛད་པས། གཏེར་སྟོན་བི་ཤྭ་ཌཱ་ཀིས། ཁྱད་པར་པདྨའི་ཞལ་ལུང་བུང་བའི་ཚོགས། །གང་ཁྱོད་སྙན་གྱི་པད་འདབ་དྲིས་བོས་ཤིང་། ཁྱོད་ཐུགས་དགའ་བའི་ཚལ་ནས་སྙན་སྒྲོགས་དབྱངས། །སྐལ་བཟང་ཡོངས་ལ་བསྙད་དེར་གསོལ་བ་འདེབས། །ཞེས་སོ། །ཡར་ལུངས་ཤེལ་བྲག་སོགས་སྒྲུབ་པའི་གནས་ཆེན་མང་པོ་དང་། འཕྱོང་རྒྱས་ཡར་རྒྱབ་ནམ་མཁའ་མཛོད་སོགས་སུ་ཟླ་བ་ལྔ་དྲུག་སྦྲེེལ་བའི་བསྙེན་སྒྲུབ་ལན་མང་དུ་མཛད་པས། ཡི་དམ་ཆོས་སྐྱོང་དུ་མའི་ཞལ་གཟིགས་པ་དང་གསུང་གི་གནང་བ་དུ་

― GLG008_Page_0727 ―

^{[མ་དཔེ་གཟིགས་ན་འདིར་གནོན།]}

[Full Size]

མ་སྩལ་ཞིང་། གང་གིས་ཀྱང་ཐུལ་བར་དཀའ་བའི་གདོན་གྱིས་བཏབ་པའི་རིགས་ལ་བྱིན་རླབས་མཛད་པ་ཙམ་གྱིས་རང་གྲོལ་དུ་འགྱུར། གསང་སྔགས་ཟབ་མོའི་དཀའ་གནད་འགྲོལ་བ་ལ་མཁྱེན་རབ་ཟབ་ཅིང་བརླིང་། ན་ཚོད་ཕྲ་མོའི་དུས་ནས་ཐུགས་རྗེ་ཆེན་པོའི་གཞན་དབང་གི་མཐུས་གདུལ་བྱ་རྣམས་མཚོ་ལ་ངང་པ་ལྟར་འདུ་བས། རིག་འཛིན་ཡོལ་མོ་བ་ཆེན་པོས། བརྩོན་པས་སྦྱངས་མིན་ཆོས་ཀུན་མ་འདྲེས་འབྱེད། །འབད་པས་བསྒྲུབས་མིན་རིག་སྔགས་ནུས་པས་གྲུབ། །རྙེད་པས་བསྡུས་མིན་མོས་བློས་ཀུན་འདུ་བའི། །ངོ་མཚར་དཔལ་ཀུན་འཛིན་དེར་གསོལ་བ་འདེབས། །ཞེས་སོ། །ཡབ་དབང་པོའི་སྡེས་གཏེར་ཁ་སྤྱན་དྲངས་ནས་རེ་ཞིག་ན། ཀ་ཐོག་པ་རྡོ་རྗེ་རྒྱལ་མཚན་སྣང་རྩེ་ཕྱོགས་ཀྱི་ཀུན་སློང་ངན་པའི་རིགས་ཅན་གྱི་སྐྱེ་བོས་རྒྱུད་བསྒྱུར་བ་བརྟེན། བྱང་པ་བདག་པོ་ཁྱེད་གཏེར་སྟོན་པར་གྲགས་པ་ཇི་ལྟ་བུ་སོགས་ཚོད་བགམ་པར། ཤོག་སེར་སྟོན་པར་གནང་བས་ཐེ་ཚོམ་ཞི་བ་ཡིན་པས། རང་གཏེར་དུ། དང་པོ་འདྲ་མིན་ཆོལ་བུར་སྤེལ༔ ཐེ་ཚོམ་བྱེད་པའི་འཁོར་ཚོགས་འདུལ། །ཞེས་པའི་སྐབས་ཏེ་དེ་ནས། རང་འདྲའི་སློབ་བུ་ཉི་ཤུ་གཅིག༔ གནས་ཆེན་དྲག་པོར་ཟབ་གཏེར་སྤེལ༔ དུས་རྟགས་མ་ནོར་གནད་བསྟེམས་པ༔ སྤྱི་ལུང་གསང་པའི་གལ་མདོར་ལྟོས༔ ཞེས་པ་ལྟར། ཆོས་བདག་ཉེར་གཅིག་ལས་གཙོ་བོ་ནི་གསང་སྒྲུབ་སྙིང་ཐིག་ནག་པོའི་སྐོར༔ ལོ་བཅུར་རང་མིན་ཀུན་ལ་སྦོས༔ སྤྱི་ལུང་བཞིན་དུ་རྟགས་བྱུང་ན༔ དྲག་པོའི་བུ་མཆོག་དཔྲལ་སྨེ་ཅན༔ དེ་སོགས་རྟགས་དང་སྦྱར་ལ་སྤེལ༔ ཞེས་བུ་མཆོག་དཔྲལ་བའི་སྨེ་བ་ཅན་ནི། རིག་འཛིན་ངག་གི་དབང་པོ་ཉིད་དུ་ངོས་

― GLG008_Page_0728 ―

^{[མ་དཔེ་གཟིགས་ན་འདིར་གནོན།]}

[Full Size]

བཟུང་སྟེ་གཏེར་གསར་གྱི་ཆོས་སྐོར་ཐམས་ཅད་རྫོགས་པར་གནང་ནས་ཆོས་བདག་ཏུ་མངའ་གསོལ། ཡབ་ཆོས་ཀྱི་རྒྱལ་པོའི་ཞབས་ཕྱི་མཛད་ནས། རྒྱ་ཧ་ཀ་ལིང་ཙེའི་བར་དུ་ཕེབས། མདོ་ཁམས་སྟོད་སྨད། རྒྱ་ནག་པོའི་ཡུལ་ལ་ཐུགས་པའི་སྐྱེ་རྒུ་ཐམས་ཅད་སྐུ་གསུང་ཐུག་ཀྱི་མཛད་པས་རེ་བ་བཀང་། རིག་འཛིན་ཡོངས་འདུས་ཀྱི་ཕྱི་སྒྲུབ་ཡོན་ཏན་གཏེར་མཛོད་ལས། ཁམས་ཡུལ་རྒྱ་ཡི་ཡུལ་དུ་གྲགས་པ་ནི། །ཞེས་པ་མངའ་རིས་པཎ་ཆེན་སྐུ་མཆེད་ཀྱིས་མདོ་སྨད་དུ་མ་ཕེབས་ཤིང་། དེ་ཕྱོགས་ནས་གྲགས་ཆེ་བའི་བུ་སློབ་ཀྱང་མི་མང་བས། མཆེད་གཉིས་ཀྱི་གཏེར་ཆོས་སོགས་ཀྱི་སྙན་གྲགས་འདི་དག་གི་སྐབས་རྒྱས་པར་མཛད་པ་ལ་དགོངས་སོ། །ཡབ་དང་ལྷན་ཅིག་པར་དབུས་སུ་ཕེབས་ནས། འཕྱོང་རྒྱས་དང་ཡར་རྒྱབ་སོགས་སུ་ཕལ་ཆེར་བཞུགས་ཤིང་འགྲོ་དོན་རྒྱ་ཆེ་བའི་ངང་ནས། ཆོས་རྒྱལ་མངྒའི་མཚན་ཅན་རེ་ཞིག་ཟངས་མདོག་དཔལ་རིར་ཨུ་རྒྱན་ཆེན་པོའི་ཞབས་དྲུང་དུ་གཤེགས་རྗེས། ཡབ་ཆོས་ཀྱི་རྒྱལ་པོའི་རྒྱལ་ཚབ་དམ་པར་བཞུགས་ཏེ། རྣམ་པར་དཀར་བའི་འཕྲིན་ལས་རྒྱ་ཆེར་སྤེལ་བཞིན་བའི་ངང་ནས། རོང་ཆུང་དུ་སྔོན་ཚེ་ཨུ་རྒྱན་ཆེན་པོས་བདུད་རིགས་དམ་ལ་བཏགས་པའི་གནས། བྲག་ལྷང་ལྷང་མ་དང་། དེ་དང་ཐག་ཉེ་བའི་སྐད་ཐོས་ཀྱི་སར། རྗེ་གོང་མས་གནས་སྒོ་གསར་དུ་ཕྱེ་བའི་ཁམ་བུ་ལུང་གཉིས་མཇལ་བར་ཕེབས། ལྷང་ལྷང་མར་ཞབས་དྲུང་གོང་མས་གསར་དུ་བཏོན་པའི་སྒྲུབ་ཆུ་ཡོད་འདུག་ཀྱང་། ཁམ་བུ་ལུང་དུ་ཆུ་མེད་པས། དེར་གཏེར་སྟོན་པདྨ་གླིང་པའི་ཆོས་བརྒྱུད་འཛིན་མཁན་དབུ་མཛད་འོད་གྲགས་ཀྱིས་དགོན་པ་གསར་དུ་བཏབ་པར་ལྷང་ལྷང་མ་ནས་ཆུ་ལེན་དགོས་སོགས་ཆུ་ཐག་རིང་བའི་སྐབས་ལ། རིག་འཛིན་ཆེན་པོ་འདི་ཉིད་ཀྱིས། དེའི་ཉེ་འདབས་

― GLG008_Page_0729 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་བྲག་ལ་ཕྱག་སོར་གྱིས་རེག་པས་སྒྲུབ་ཆུ་རྡོལ་ཏེ། ད་ལྟའི་བར་དུ་ཡང་དེ་ཁ་ནས་ཆུ་ལེན་པ་ཡིན་འདུག །དེ་དང་མཚུངས་པར་ཡར་ལུངས་ཤེལ་བྲག་གི་ཕུག་པ་གོང་མ་ནས་ཀྱང་སྒྲུབ་ཆུ་འབྱིན་པར་མཛད་པས། རིག་འཛིན་སྟོབས་ལྡན་དཔའ་བོས་འགྲན་སེམས་ཆགས་སྡང་རིང་དུ་སྤངས་ནས་ཀྱང་། ཛྙཱན་ཀུ་མཱ་ར་ཡི་སྒྲུབ་མཚན་ལ། །ཡོངས་འགྲན་ཕྱག་སོར་རྩེ་མོས་བྲག་ཆེན་ལས། །བདུད་རྩིའི་རྒྱུན་མང་བྱུང་དེར་གསོལ་བ་འདེབས། །ཞེས་སོ། །སྨན་ཐང་གི་གྲོང་པ་ཞིག་ལ་འོན་དགོན་ཕུག །དཀར་མོ་བས་རྐུན་མ་བྱས་པ་རྩད་ཆོས་ནས་ཐོད་གསུངས་པ་ལ། ངོས་མི་ལེན་པར་མ་ཟད་སྐུ་ལ་སྡོ་བ་དང་སྨོད་པ་མང་དུ་བྱས་པར་ཆོས་བརྒྱད་ཀྱི་འགྱུ་དུས་ཀྱི་གཏོར་མ་འཕངས་པས། དགུན་དུས་ཡིན་ཡང་ཐོག་བབས་ནས་མི་ནོར་ཁང་ཁྱིམ་དང་བཅས་པ་གཏན་བརླག་ཏུ་སོང་། སྣེའུ་གདོང་རྩེ་དང་བྲག་ཁ་གཉིས་འགྲས་གཞི་ཆེན་པོ་བྱུང་བ་ལ། རྒྱལ་བཟང་གཞིས་ཀར་གདན་དྲངས། འཇམ་དཔལ་གཤིན་རྗེ་གཤེད་ཀྱི་གཏོར་ཟློག་མཛད་པས་སྣེའུ་གདོང་རྩེར་རྡོ་ཆར་བབས། སྐབས་ཤིག་སྣེའུ་གདོང་རྩེ། ཡར་སྟོད། ཡར་རྒྱབ་རྣམས་ཀྱི་དམག་རྩེ་ཐང་དུ་སྒར་བརྒྱབ་ནས། འོན་དུ་དཔུང་འཇུག་པར་སྔོན་དུ་ཕྱོགས་པ་ན། སྨན་ཐང་ནས་དམག་ཟློག་མཛད་པས། དམག་རྣམས་དོན་མེད་དུ་འུར་ཞོགས་ཆེན་པོ་ཞིག་བྱུང་ནས་བྲོས། དེ་ལ་སོགས་པའི་ནུས་མཐུའི་མཚན་མ་མང་པོ་ལ་མངའ་བརྙེས་པས། གྲང་སོ་གཏེར་སྟོན་གྱིས། སློབ་དཔོན་སྨོད་བརྩོན་མ་རུངས་སྡིག་ཅན་འགར། །ཉིད་ཀྱི་མཐུ་ཡིས་བསིལ་ལྡན་མ་ཡི་དུས། །གནམ་ལྕགས་ལྕེ་ལྷུང་འབར་བའི་ཤུགས་ཆེན་པོས། །འཁོར་བཅས་མིང་མཐར་མཛད་ལ་གསོལ་བ་འདེབས། །ཞེས་སོ། །

― GLG008_Page_0730 ―

^{[མ་དཔེ་གཟིགས་ན་འདིར་གནོན།]}

[Full Size]

སླར་ཡང་རྒྱལ་ཁམས་ཕྱོགས་མེད་དུ་གདུལ་བྱའི་དོན་ལ་དགོངས་ནས་མདོ་ཁམས་སུ་ཕེབས་ཁར། ཡར་ལུངས་བཀྲ་ཤིས་རྩེ་ཆོས་སྡེར་འ་ཞའི་རིགས་ལས་ཁྱབ་བདག་འཁོར་ལོའི་མགོན་པོ་དབང་ཕྱུག་རབ་བརྟན་གྱིས་གདན་དྲངས། དཔོན་སློབ་ཕན་ཚུན་ཐུགས་ཡིད་གཅིག་འདྲེས་སུ་གྱུར་ཏེ། ཕར་བྱང་གཏེར་གྱི་ཚེ་དབང་སོགས་ཆོས་བཀའ་དུ་མ་གནང་ཞིང་། ཚུར་རིག་འཛིན་སྐུ་མཆེད་ཀྱི་གཏེར་གསར་འགའ་ཞིག་གསན་པ་མཛད། ཧས་པོ་རིའི་རྩེ་ནས་སྐུ་རྟེན་ཞིག་གཏེར་ནས་སྤྱན་དྲངས། འབྲི་གུང་དུ་ཕེབས། ཞག་ཤས་བཞུགས་ཞབས་དྲུང་སྐུ་མཆེད་ཚོར་ཆོས་བཀའ་མང་དུ་འབུལ་བ་གནང་། ཐོག་མར་ཀོང་པོར་ཕེབས་གཏེར་ཁ་གསར་པ་གཞན་གྱི་ཁ་བྱང་ཀོང་པོ་སྔགས་འཆང་ཞིག་གི་ལག་ན་ཡོད་པ་ཕུལ་ཏེ། ཕྱག་ཏུ་འབྱོར་བ་དང་ཉི་མ་ཤར་བ་དུས་འགྲིག །ཁ་བྱང་གི་ཡི་གེ་གཟིགས་པས། མར་གད་ལས་གྲུབ་པའི་རྟ་འགྲིན་གྱི་སྐུ་ཞིག་ཡོད་འདུག་པས། དུས་ཕྱིས་རྒྱུ་མཚན་རིག་འཛིན་ཡུལ་མོ་བར་གསུངས་པར་སྣང་། ཀོང་པོ་གཉོས་ནས་ཀྱང་ཐུགས་རྗེ་ཆེན་པོའི་ཆོས་སྐོར་གྱི་ཆོས་གཏེར་ཞིག་གདན་དྲངས་པས། གྲང་སོ་གཏེར་སྟོན་གྱིས། སྣོད་མིན་འགྲོ་ངོར་རྒྱས་བཏབ་གསང་བའི་གཏེར། །རིམ་བདུན་ཕྱག་རྒྱས་བཅིངས་རྣམས་གསལ་བྱེད་པའི། །ལྡེ་མིག་རང་བྱུང་སྤྲུལ་པའི་སྐུ་ཉིད་ཀྱིས། །ལེགས་སྩལ་གེགས་མེད་ལོན་དེར་གསོལ་བ་འདེབས། །ཞེས་སོ། །དེའི་ཚེ་འབྲུག་ལུགས་ཀྱི་ཆོས་རྗེ་དུང་དཀར་སྐུ་སྐྱེ་མིང་གཞན་མི་ཕམ་བློ་གྲོས་ཞེས་ཕྱག་རྒྱ་ཆེན་པོའི་རྟོགས་པ་ཀློང་དུ་གྱུར་པ་དེ་ལ། རྨི་ལམ་དུ་ཨུ་རྒྱན་རིན་པོ་ཆེ་ཕེབས་ནས་ངའི་བུ་ཅིག་འདིར་སླེབ་ཡོད་པས་དེ་ལ་མཆོད་པ་ཕུལ། འཕྲིན་ལས་སྤེལ་བའི་གྲོགས་གྱིས་གསུང་བའི་སྣང་བ་བྱུང་བས། ཁོང་པ་ཡིད་ཆེས་

― GLG008_Page_0731 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ངེས་པ་རྙེད་དེ་ཞལ་ཟས་ཁྲུ་དོ་ཙམ་བརྒྱ་རྩ། མར་མེ་བརྒྱ་རྩ་སོགས་མཆོད་པ་མང་པོ་སྐུ་ལ་དངོས་སུ་བསྐོར་ནས་ཕུལ་བས། རིག་འཛིན་ཡོལ་མོ་བ་ཆེན་པོས། མགོན་དེས་རྗེས་བཟུང་མི་ཕམ་བློ་གྲོས་ལ། པདྨས་ལུང་བསྟན་གང་གི་སྤྲུལ་པའི་སྐུར༔ ངེས་ནས་ཀུན་བཟང་མཆོད་སྤྲིན་ལྟ་བུ་ཡི། །མཆོད་སྤྲིན་རྒྱ་མཚོས་མཆོད་ལ་གསོལ་བ་འདེབས། །ཞེས་སོ། །རིག་འཛིན་ཡོངས་འདུས་ཀྱི་སྤྱི་ལུང་དུ༔ དབུས་མཐའ་ཀུན་ལ་ཧོར་དམག་ཟ་ཁ་ཟུག༔ འགྲོ་རྣམས་ཉམ་ཐག་ཆོ་ངེས་འདེབས་པར་འགྱུར༔ མཆིམས་ཀྱི་གད་སྐྱའི་གཙུག་ལག་ཡང་ཡང་གསོ༔ བླ་མ་ཞི་དྲག་སྒྲུབ་བཙུགས་ས་དགྲ་མནན༔ ཀོང་ཡུལ་ཀུན་ལ་མ་ཎིའི་ཐུན་ཁ་འཛུགས༔ དབུས་རི་ནག་པོར་སྡེ་བརྒྱད་དམ་བདར་བྱ༔ རྒྱ་ལའི་རྦ་ལ་བསྟན་དགྲའི་ཁྲམ་ཁ་གཏད༔ བུ་ཆུའི་གནས་སུ་རིམ་གྲོ་མང་དུ་བྱ༔ བྱང་གོང་དོ་ལར་བླ་མའི་སྒྲུབ་པ་འཛུགས༔ རིམ་གྲོ་རྒྱས་པ་བྱ་ཐབས་ཞིབ་རྒྱས་སུ༔ མཆིམས་ཀྱི་གང་སྐྱའི་ལྷ་ཁང་སྒོ་ལ་ཡོད༔ ཅེས་པའི་དོན་ལ་དགོངས་ནས། ཨུ་རྒྱན་རིན་པོ་ཆེའི་ལུང་བསྟན་ཡོད་པས་ངའི་གྲོགས་མཛོད་ལ་མ་ཎིའི་དགེ་སྐུལ་གྱིས། ཞེས་ཆོས་རྗེ་དུང་དཀར་སྐུ་སྐྱེ་ལ་གསུངས་པར་བརྟེན། ཁོང་པས་རིག་འཛིན་ཆེན་པོ་འདི་ཉིད་ཀྱི་ཞབས་ཏོག་བསྒྲུབས་ཏེ་ཀོང་ཡུལ་དུ་མ་ཎི་དུང་འཕྱུར་བཅོ་བརྒྱད་ཙམ་བཙུགས། དབུས་རི་ནག་པོའི་མཇུག་གི་སྣའི་སྟེང་དུ་ཕེབས། ལུང་པོ་བྱང་ཆུབ་གླིང་པའི་གཏེར་མའི་བཀའ་ནན་རབ་བརྗིད་ཀྱི་ཕྱག་ལེན་ལ་བརྟེན་ནས། ལྷ་སྲིན་སྡེ་བརྒྱད་དམ་ལ་བཏགས། དེའི་ཚེ་ཞིང་སྐྱོང་གི་སྐུ་ཁོག་བླ་མ་དབང་པོ་ཟེར་བའི་མིག་མཐོང་གསལ་པ་ཞིག་གིས་བལྟས་པས། ལྷ་འདྲེ་གཟུགས་དབྱིབས་མགོ་བརྙན་སྣ་ཚོགས་པ་ས་གཞིར་མི་ཤོང་བ་ཙམ་

― GLG008_Page_0732 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་པ་མཐོང་ནས། དེར་འཁོད་པ་རྣམས་ལ། དམ་བདར་མ་ཚར་པར་རྒྱུ་འགྲུལ་མ་བྱེད། ཐོ་རེང་ཁ་རླངས་ཀྱི་དུག་ཕོག་ཉེན་ཆེ་ཟེར་བས། མི་རྣམས་འཇིགས་སྐྲག་གིས་བློ་ཚབ་ཚུབ་ཏུ་གྱུར། བླ་མ་དཔའ་བོས་མཐོང་བ་ལྟར་རྗེ་ཉིད་ཀྱིས་ཀྱང་གཟིགས། གཞན་ཡང་མནན་སྲེག་འཕང་གསུམ། ས་གནད་གསོ་བ་སོགས་ཀྱི་སྒོ་ནས་བོད་དང་བོད་ཆེན་པོའི་རྒྱལ་ཁམས་ཀྱི་བདེ་ཐབས་མང་དུ་གནང་། སྤྲུལ་སྐུ་སངས་རྒྱས་གླིང་པའི་གདུང་བརྒྱུད་སྙི་ཕུ་རིག་འཛིན། གཏེར་བདག་སློབ་བརྒྱུད་སྔགས་འཆང་བྱ་ཁྱུང་པ། རྩེ་ལེ་བ་སོགས་སྔ་འགྱུར་གྱི་བསྟན་འཛིན་རྣམས་གཙོ་བོར་གྱུར་བའི་སྐྱ་སེར་གྲངས་མེད་པས་གུས་པས་བཏུད། ཆོས་ཀྱི་སྦྱིན་པ་རྒྱ་ཆེར་སྩལ། བྲག་གསུམ་མཚོ་ཁར་ཕེབས་དུས་གཞི་བདག་ཀླུ་བཙན་གྱིས་མཆོད་པའི་ཕྱིར་དུ་མཚོའི་ཁ་དོག་འོ་མའི་མདངས་ལྟར་བསྒྱུར་བས། སྔར་དད་པ་མི་བྱེད་པའི་མི་རྣམས་ཀྱང་དད་མོས་ཀྱི་འུར་ལངས་སྙན་གྲགས་ཇེ་ཆེར་སོང་། འཇིག་རྟེན་གྱི་འབྱོར་བ་ཡང་དཀར་འབྲུག་སྤྲུལ་སྐུར་འགྲན་བཟོད་པར་གྱུར་པས། རིག་འཛིན་ཡོལ་མོ་བས། ཀོང་ཡུལ་ནགས་པའི་ལྗོངས་དབུ་མཚོ་རྫོང་དུ། །གདེངས་ཅན་བཙུན་མོས་མཚོ་ཉིད་འོ་མར་བསྒྱུར། །གསེར་གྱི་པདྨོ་ཚར་དུ་དངར་འདྲ་བའི། །རིན་ཆེན་སྒྲོན་མས་མཆོད་དེར་གསོལ་བ་འདེབས༔ ཞེས་དང་། བདུད་རི་ནག་པོར་སྡེ་བརྒྱད་དམ་བདར་ཆེ། །བོད་ཡུལ་ལྷ་སྲིན་ཡོངས་འདུས་བཀའ་ཉན་པར། ཁས་བླངས་ཕྱག་རྒྱ་གཉན་པོས་ཟིལ་གྱིས་མནན། །པདྨ་ཐོད་འཕྲེང་གཉིས་པར་གསོལ་བ་འདེབས། །ཞེས་སོ། །སྔར་དཔལ་བཀྲ་ཤིས་སྟོབས་རྒྱལ་ཀོང་པོ་ཕྱོགས་སུ་ཕེབས་དུས། །ཕན་སྡེ་དགོན་པ་དང་རོང་ཆུ་མདོ་བ་སོགས་ཀར་གེའི་སྡེ་དགོན་མང་པོས། ཕེབས་ལམ་བཀག་ཅིང་རྡོ་ཆོམས་བཏང་བ་སོགས་ཐུགས་སུན་ཆེ་བར་

― GLG008_Page_0733 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བ་ལ། རྗེས་སུ་ལས་འབྲས་ཀྱི་ངང་ཚུལ་ལ་བསམས་ཏེ་འགྱོད་པ་དང་བསྟན་སྲུང་གི་ཆོ་འཕྲུལ་ལ་རྣམ་རྟོག་སྣ་ཚོགས་འཆར་བ་སོགས་སྒོ་དུ་མའི་རྒྱུས། རིག་འཛིན་ཆེན་པོ་འདི་ཉིད་ལ་དགྲ་ཤུལ་དར་འཇམ་དུ་སོང་སྟེ་དགོན་སྡེ་དེ་དག་གིས་སེར་འཕྲེང་གི་བསུ་བས་སྔུན་བསུས་ཤིང་བསྙེན་བཀུར་དང་ཕུ་དུད་རྒྱ་ཆེར་བསྟབས། འབྲུ་ལ་དགོན་དུ་ཆོས་ཀྱི་རྒྱལ་པོ་ཙོང་ཁ་པ་ཆེན་པོའི་གསེར་སྐུ་ཐོག་ཚད་མ་ཞིག་བཞེངས་པར། གཟུངས་བཞུགས་འབུལ་མཁན་གྱིས་གྲུལ་མ་བཏུབ་པའི་གཟུངས་རྣམས་འཁྲུགས་པ་དང་དབུ་ཞབས་ལོག་སྟེ་ཡོད་པ་ལྐོག་ཏུ་གྱུར་པ་ལ་བརྟེན། དེ་ནས་རིང་པོར་མ་ལོན་པར་དགོན་པར་མེ་ཐེངས་གསུམ་ཤོར་བ་སོགས་མི་ཤིས་པ་སྣ་ཚོགས་བྱུང་བར་ཀུན་ཡིད་གཉིས་སུ་གྱུར་བ་ན། རིག་འཛིན་འདི་ཉིད་དགོན་པར་གདན་དྲངས་ཏེ་གནས་ཚུལ་རྣམས་ཞུས་པས། གཟུངས་བཞུགས་རྣམས་འདི་ལྟར་འདུག་པ་སླར་ཐོན་ལ་ཕུལ་གསུངས་པ་ལྟར་འཕྲལ་དུ་བལྟས་པས་ཇི་ལྟ་བ་བཞིན་དུ་བྱུང་སྟེ་མཐའ་དག་ཕྱོགས་འཛིན་གྱི་མདུད་པ་གྲོལ་ནས་དད་མོས་ཇེ་ཆེར་འཕེལ། བྱང་པ་བདག་པོ་ལ་མངོན་མཁྱེན་ཐོགས་པ་མི་འདུག་གོ་ཞེས་སྙན་གྲགས་ཀྱི་འུར་ལངས། ཞོ་ཁའི་མདའ་ན་སྐམ་པོ་དིང་ཐང་ཟེར་བའི་ཆར་ཆུ་ཆེས་དཀོན་པ་ཞིག་ཡོད་འདུག་པར་ཡུལ་མི་རྣམས་ཀྱིས་གསོལ་བ་བཏབ་པས། གྲོང་དང་ཝང་པའི་བར་དེར་མཆོད་ཡོན་ཐམས་ཅད་བསྒྲིལ་ནས་ཉིན་གཅིག་ལ་མཆོད་རྟེན་ཐོག་ཚད་ཕྱེད་གཉིས་ཙམ་ཞིག་བརྩིགས། ནང་དུ་གཟུངས་བཞུགས་དང་བྱིན་རླབས་ཀྱི་རྟེན་འབྲེལ་མང་པོ་མཛད། མིང་ལ་བསམས་འགྲུབ་འབུམ་པར་བཏགས། ཡུལ་པ་རྣམས་ཀྱི་ཚོགས་བརྒྱ་ཞུས་པའི་ཚེ། ད་

― GLG008_Page_0734 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིན་ཆད་ཡུལ་འདིར་ལོ་ཉེས་ནད་ཡམས་འཁྲུག་ལོང་ཅི་བྱུང་ཡང་མཆོད་རྟེན་འདི་ལ་ཚོགས་བརྒྱ། ཕྱག་མཆོད་སྨོན་ལམ་ཐོབ། བསམས་པ་བཞིན་དུ་འགྲུབ་ཅེས་གསུངས་པ་ད་ལྟའི་བར་དུ་སླུ་མེད་ཀྱི་རྒྱུ་ལས་འབྲས་བུ་འབྱུང་བར་ཡོད་འདུག་པ་ནི། སྐུ་གསུང་ཐུགས་ཀྱི་གདུལ་བྱ་ལས། རོང་སྒོ་ས་སྒོ་ཐམས་ཅད་དུ༔ བྱང་ཆུབ་ཆེན་པོའི་མཆོད་རྟེན་བཞེངས༔ ཞེས་དང་། དེ་སྟེང་མཆོད་རྟེན་བཞེང་བར་བྱ༔ བུམ་པར་གཟུངས་སྔགས་བཞུགས་པ་ནི༔ གུ་རུའི་ཐུགས་ཀྱི་སྙིང་པོའི་མཐར༔ སྨོན་ལམ་རྣམ་དག་རྒྱ་ཆེན་བཞུགས༔ རཏྣའི་གཟུངས་རྣམས་རྒྱས་པར་བཞུགས༔ རབ་གནས་མངའ་གསོལ་བཀྲ་ཤིས་བྱ༔ དེ་ལྟར་བྱས་ན་བོད་ཁམས་བདེ༔ ཡུལ་ཕྱོགས་བཀྲ་ཤིས་བདེ་སྐྱིད་འབྱུང༔ ཞེས་པའི་དོན་ཐོག་ཏུ་བབས་པའོ། །ཀོང་པོ་མཐིལ་དུ་ཕེབས་དུས་སྤྱིར་ཀར་ལུགས་འདི་སྡེ་དཔོན་དཔོན་སྐྱ་མང་པོས་ལང་དུ་བཏང་བའི་རང་མཐོང་ཆེ་ཞིང་། ཁྱད་པར་རྩེ་ལྷ་སྒང་པ་རྣམས་ཀར་སྲིད་ཀྱི་ཁྲོད་ནས་མངའ་ཐང་རྒྱས་པའི་ང་རྒྱལ་ཆེ་བའི་སྒང་ལ་ཡོད་པར་སྣང་བས། ངེད་ཀྱི་མངའ་ཞབས་སུ་ཁྱེད་དཔོན་སློབ་དཀྱིལ་གདུགས་འབུབས་པ་དང་རྦ་རྒྱུག་འཁྱེར་ས་མི་ཡོང་ཞེས་གླུ་མ་བླངས་པ་ནས་གྲེ་བ་འཛེར་བ་ལ། ཀརྨ་པ་ཤིའི་དབོན་རྒྱུད་རྩེ་ལྷ་སྒང་གི་དྲུང་ཟེར་བ་རྗེ་ཀརྨ་པ་མ་གཏོགས་གཞན་ལ་ཕྱག་མི་འཚལ་བ་ཞིག་ཡོད་འདུག་པ་དེ། རིག་འཛིན་ཆེན་པོ་འདི་ལ་མོས་པ་ཐོབ་སྟེ། རྩེ་ལྷ་སྒང་དུ་གདན་དྲངས་ནས་ཆོས་འབྲེལ་ཞུས་པས་མི་བསྲུན་སྒྱུ་འཕྲུལ་དྲ་བའི་སྣང་ཚུལ་དེ་དག་རང་ཞིར་སོང་། རིམ་བཞིན་ཁམས་ཕྱོགས་སུ་ཕེབས། ཁམས་སྤོ་བོའི་ཡུལ་སྟོད་སྨད་འཁྲུགས་པའི་མི་གསོད་སོགས་སྡིག་རྒྱུན་ཆེན་པོ་བྱུང་བ་ལ་བཟླུམས་

― GLG008_Page_0735 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པར་གྲོང་ཚོ་གཅིག་གིས་མ་ཉན་པས་ཐོག་བབས་ཏེ་མི་ནོར་མང་པོ་ཆུད་ཟོས། དེ་ལ་འཇིགས་ནས་ཐམས་ཅད་ཀྱིས་ཟླ་བ་བདུན་གྱི་བར་ཆིངས་བྱེད་པར་ཁས་བླངས། ཟླ་བ་བདུན་སོང་བའི་འཚམས་ལ་ཡུལ་སྟོད་པས་ཡུལ་སྨད་པ་ལ་དམག་དྲངས་པས། ཡུལ་སྨད་པའི་དཔོན་གྱིས་ཁང་ཐོག་ནས། ངེད་ཚོས་བླ་མ་བྱང་པ་ཆོས་རྗེའི་གསུང་མ་བཅག །ཁྱོད་རང་ཚོ་ཡང་དེ་འདྲ་མི་དགའ། ཡར་ལོག་ཟེར་བ་སོགས་བྱས་པ་ལ་མ་ཉན་པར་འཛངས་པས་ཡུལ་སྟོད་པའི་དམག་དཔོན་གྱི་དཔྲལ་བ་ལ་མདའ་ཐེབས་ནས་ཤི་བས་རྣམ་རྟོག་ཟོས་ཏེ་ལོ་གྲངས་མང་པོའི་བར་དུ་དུས་འཁྲུག་རང་ཞིར་སོང་། གནམ་པའི་དཔོན་གསང་སྔགས་སོགས་ཕྱོགས་དེའི་སྡེ་དགོན་རྣམས་ཀྱིས་གདན་དྲངས། དེའི་ཉིན་ངོ་མཚར་བའི་ལྟས་སྣ་ཚོགས་བྱུང་། ཡུལ་ལུགས་དང་བསྟུན་པའི་འབུལ་བ་ཞབས་ཏོག་རྒྱ་ཆེར་བྱས། ཆོས་དང་ཟང་ཟིང་གི་སྒོ་ནས་ཚིམ་པར་མཛད། བྷ་ག་དགོན་པར་ཕེབས་དུས། ཤུ་ཝ་ཟམ་སོ་ཟེར་བའི་རིའི་རྩེ་བར་སྒར་མཛད་པ་ལ། ས་གཡོས་ཆེན་པོ་ཞིག་དང་ལྷན་དུ་རྦབ་རྡོ་ཆེ་བ་ཁང་པ་ཙམ་དང་ཆུང་བའི་རྦབ་ཕྲན་མང་པོ་གཟིམས་གུར་གྱི་ཐད་དུ་འདྲིལ་བྱུང་བ་ལ་སྡིགས་མཛུབ་མཛད་པས་གཡས་གཡོན་དུ་བྱོལ་བ་ལྟ་བུར་བྱས་ཏེ་སོང་བ་ཕྱོགས་རེའི་སྐྱེ་བོ་མང་པོས་མཐོང་བས། བྱང་པ་བདག་པོས་རི་གཟར་གྱི་རྦབ་ཀྱང་ཟློག་ནུས་པ་ཞེས་སློབ་དཔོན་སངས་རྒྱས་གཉིས་པ་དང་མཚུངས་པ་ལྟ་བུའི་དད་པ་དང་འཕྲིན་ལས་སྙན་གྲགས་ཐམས་ཅད་དབྱར་མཚོ་ལྟར་འཕེལ་ལོ། །སློབ་ཆུ་མདོ་བའི་གྲོས་པ་འགའ་ཞིག་གིས་ལམ་དགག་པ་སོགས་གྲོས་ངན་བཤམས་པ་ན། གྲྭ་པ་རྒན་པ་མང་པོས། སྔར་

― GLG008_Page_0736 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་འདིའི་ཡབ་བྱོན་དུས་ཐུགས་འགལ་མང་པོ་བྱས་པས་ཆོ་འཕྲུལ་ཆེན་པོ་བྱུང་། བླ་མ་འདི་པ་ཁ་སང་ཀ་ནམ་དུ་བྱོན་དུས་སྒྲ་དང་ས་གཡོས་སོགས་ལྟས་ཡ་མཚན་ཅན་བྱུང་སྐད་འདུག །གནོད་པ་བྱས་པ་མི་དགའ། བདེ་བར་ཕེབས་ཆུག་ཅེས་གྲོས་བཏོན་པས། རྩོད་པ་ཆོས་ཕྱོགས་སུ་ཞི། སྤོ་བོ་ནས་ལ་རྒྱབ་འོ་འདུ་སྒང་དུ་ཕེབས། དེ་མོ་སྤྲུལ་སྐུ་ལྷ་དབང་ཆོས་ཀྱི་རྒྱལ་མཚན་གྱིས་མཇལ་ཞིང་། འཇིགས་བྱེད་ཐུབ་པ་ནག་པོ་སོགས་ཆོས་འབྲེལ་མང་དུ་གསན། རིམ་གྱིས་ཁམས་རི་བོ་ཆེ་ནས་སྒོམ་སྡེ་ནང་ཆེན་པའི་ཐོག་ཏུ་ཕེབས། ཉི་ཟླ་སྐར་གསུམ་དུས་གཅིག་ལ་ཤར། ནམ་མཁའ་འཇའ་སྤྲིན་ཁ་དོག་ལྔ་ལྡན་གྱིས་ཁྱབ་པས། སྔར་ཁོང་ཚོ་ཀར་ལུགས་ཁོ་ནར་དད་ཀྱང་འདི་ནས་བཟུང་གསང་སྔགས་རྙིང་མ་ལ་འགྱུར་བ་ལྟ་བུའི་སྦྱིན་བདག་གི་མཐིལ་དུ་སོང་། ལུང་པ་དེའི་སྤྱི་སྟོད་ཟེར་བའི་ཡུལ་གྲོང་ཆེན་པོའི་ཞིང་རྣམས་བཙའ་དང་འབུས་ཟོས་ནས་མུ་གེ་ཆེན་པོས་སྟོངས་པ་ལ་ཐུག་པ་ན། དེ་ལ་ཕན་པའི་བྱིན་རླབས་ཞུས་པས་རིན་ཆེན་ཁང་བུའི་མན་ངག་གི་སྒོ་ནས་ཡུལ་དེའི་མི་རྣམས་དབུལ་བའི་སྡུག་བསྔལ་ལས་ཐར་བར་མཛད། དེའི་ལོ་ལས་ལོ་ལེགས་པ་དང་སྐྱ་རྒྱལ་བ་མ་བྱུང་ཞེས་གླེང་། དེ་ནས་སྤྱི་སྨད་ཀྱི་གཡི་གུ་བྲག་ཞབས་ཟེར་བའི་ཞིང་ཐོག་ཏུ་སྒར་ཕབ། བཀའ་བརྒྱད་གསང་བ་ཡོངས་རྫོགས་ཀྱི་སྒྲུབ་ཆེན་བཙུགས་ཏེ་དད་འདུས་ཀྱི་སྐྱེ་རྒུ་མཐའ་དག་ཐེག་པ་མཆོག་གི་ལམ་ལ་བཀོད། དབང་ཡོན་གྱི་ནས་ཕུང་ཤིན་ཏུ་ཆེ་བར་བླ་མ་སྒར་པ་གཞན་ལ་འདི་འདྲས་མ་བྱུང་ཞེས་ཀུན་ཧ་ལས་པ་ལྟར་བྱེད། དེ་ནས་ཕྱམ་ལ་ཁ་ཟེར་བའི་སྡེ་སྟོད་སྨད་བར་གསུམ་གྱི་སྐྱེ་བོ་རྣམས་གཅིག་ཏུ་ཚོགས་ཏེ་གསོལ་བ་བཏབ་པས་སྒྲུབ་པ་བཀའ་བརྒྱད་ཀྱི་དཀྱིལ་འཁོར་ལ་

― GLG008_Page_0737 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟེན་ནས་སྨིན་ཅིང་གྲོལ་བར་མཛད། རིམ་གྱིས་བི་རི་སྟོད་པ་དགེ་རྒྱས་ཀྱི་སྡེ་ཐོག་ཏུ་གདན་དྲངས། མར་མེ་གདོང་ལམ་ཟེར་བའི་སར་དཔོན་གྱིས་བསུ་བ་ལ་འོངས་པས་ངོ་མཚར་བའི་ལྟས་མཐོང་བས་རྐྱེན་བྱས་ཏེ་དད་པ་ཆེས་ཆེར་འཕེལ། རྟ་ནོར་ཕྱུགས་ལུགས་སོགས་འབུལ་བ་དང་ཞབས་ཏོག་མང་དུ་བྱས། བར་ཆད་སེལ་བ་དང་མངོན་མཐོ་ངེས་ལེགས་ཀྱི་ཐབས་སུ་འགྱུར་བའི་དམ་པའི་ཆོས་ཀྱིས་འགྲོ་དོན་མང་དུ་མཛད། དེའི་ཚེ་སོག་པོ་ཐུ་མེད་ཀྱི་དམག་ཅིག་དགེ་རྒྱས་ཀྱི་སྟེང་དུ་འོངས་པས་སྡེ་རྣམས་འུར་ཞིང་འབྲོས་པར་བརྩམས་པ་ན། རིག་འཛིན་པདྨ་གླིང་པའི་གུ་ལང་གི་སྒོ་ནས་ཟློག་པ་མཛད་པས་སོག་པོའི་དམག་དཔོན་དེའི་བུ་རྟས་བརྡབས་ནས་ཤི་ཟེར་བའི་གཏམ་ལ་བརྟེན་ཕྱིར་ལོག་པས་མཐུ་སྟོབས་ཀྱི་སྙན་པས་ཕྱོགས་ཀུན་ཏུ་ཁྱབ། སྒོམ་སྡེ་ནང་ཆེན་པ་དང་འབྲོང་པ་གཉིས་འཁྲུག་རྩོད་ཆེན་པོ་བྱུང་བ་ལ་བླ་ན་མེད་པའི་བྱང་ཆུབ་ཀྱི་སེམས་རྣམ་པར་དག་པའི་སྒོ་ནས་ཞལ་ཏ་མཛད་པས་མ་རུངས་པའི་ཞེ་སྡང་གི་དུག་ཐམས་ཅད་རང་སར་ཞི་ནས་ཕན་ཚུན་ཐམས་ཅད་མཉེན་བཤིན་པར་གྱུར། འབྲོང་པ་རྡོ་རྗེའི་བུ་ཨ་རིག །པདྨ་དབང་དྲག །བླ་མ་མགོན་ཏེ་སྤུན་གསུམ་ཡོད་པ་ལས། ཆུང་བ་བླ་མ་མགོན་ནད་དྲག་པོ་ཞིག་གིས་བཏབ་སྟེ་གློ་བུར་དུ་ཤི་བས་ཁྲུས་ཆོག་དབང་བསྐུར་ལ་གདན་དྲངས། དེར་ཕེབས་ཏེ་རྣམ་ཤེས་བཀུག་ནས་གནས་སྦྱོང་དང་དབང་བསྐུར་མཛད་པས་མིག་རིག་རིག་ལྟ་ཞིང་དབུགས་རྒྱུ་བ་དང་ལུས་མགུལ་བས། དེར་འཁོད་རྣམས་རོ་ལངས་སུ་དོགས་ཏེ་འཇིགས་པ་ན་སྐྱོན་མེད་གསུངས་ཏེ་བྱིན་རླབས་མཛད་པས་གཏམ་ཡང་སྨྲ་ཤེས་པར་གྱུར།

― GLG008_Page_0738 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་ཚེ་དབང་དང་གུ་རུ་དྲག་པོའི་དབང་སོགས་གནང་བས་སྐྱོན་མེད་དུ་སོས། གཉེན་བཤེས་མངའ་འབངས་མཐའ་དག་མི་ཕྱེད་པའི་དད་པ་ཐོབ། སློབ་དཔོན་ཆེན་པོས་གསོལ་འདེབས་བསམས་པ་ལྷུན་གྲུབ་མར་ཞལ་གྱིས་བཞེས་པའི་བཀའ་མི་འགྱུར་པའི་བདེན་པ་དངོས་སུ་བསྟན། དཔོན་བླ་མ་མགོན་གྱིས་ཚེ་རིང་ཐུང་སོགས་ཀྱི་ལུང་བསྟན་ཞུས་པས། དམག་ཇག་རི་དྭགས་སོགས་སེམས་ཅན་གྱི་སྲོག་ལ་མི་འཚེ་བའི་དམ་བཅའ་བྱེད་ན་ལོ་གསུམ་གྱི་ཁག་ཐེག་གསུངས་པས་དམ་བཅའ་ཕུལ། དེ་ནས་སླར་ཡང་བི་རི་སྟོད་པའི་ཐོག་ཏུ་ཕེབས་སྐབས། འབྲོང་པ་སྟོད་པ་ཚོ་གསུམ་ལ། བི་རི་དགེ་རྒྱས་དང་འབྲོང་པ་གཉིས་ཀའི་དམག་ཆའི་བར་བརྩམས་པ་ན། རིག་འཛིན་ཆེན་པོས་འབྲོང་པ་སྟོད་པ་ལ་ནི་མི་ཐེབས། ཚུར་ལམ་དགོན་པ་ཞིག་དང་ཐུག་ཉེན་ཡོད་སོགས་རྒྱས་པར་གསུངས་ཀྱང་མ་ཉན་པར་ཕྱིན་པས། འབྲོང་པ་སྟོད་པ་རྣམས་ཚ་བ་རོང་ལ་བྲོས་ནས་དམག་ཇག་མ་ཐེབས། ཚུར་ལམ་སྤུ་ནེ་དགོན་ཟེར་བའི་དགེ་ལུགས་ཀྱི་དགོན་རེ་ཆེ་ཞིག་གི་མདུན་དུ་དམག་མི་སྔོན་མ་རྣམས་ཀྱིས་སླེབ། བཟན་ཤིང་དང་ཆས་ཀ་དགོས་ཞེས་དགོན་པ་ལ་ཨར་ཤེད་བྱས་པས། གྲྭ་པ་རྣམས་ཀྱིས་མ་ཁུར་བར་བརྟེན་དགོན་པ་ལ་དམག་བརྒྱབ་ནས་སྐུ་གསུང་ཐུགས་རྟེན་དང་རབ་བྱུང་གི་རྟགས་ཆ་ལུགས་མང་པོ་ནོམ་པ་ལ་ཐོབ། དེ་ཐོག་དུ་དགེ་རྒྱས་ཀྱི་དཔོན་སློབ་པས་འགྱོད་པ་ཆེན་པོ་སྐྱེས་ནས་དམག་མི་རྣམས་ལ་ཆད་པ་བཅད༔ རྗེས་སུ་ཡང་བྱང་པ་རིག་འཛིན་འདི་མངོན་ཤེས་ཐོགས་པ་མེད་ཅེས་མོས་པ་ཇེ་ཆེར་སོང་། དེ་ནས་ཟུར་མང་གི་སྟོད་ཇོ་གོ་ཇེ་ནང་དུ་ཕེབས། དཔའ་བོ་དུར་ཁྲོད་ཀྱི་བདག་པོའི་

― GLG008_Page_0739 ―

^{[མ་དཔེ་གཟིགས་ན་འདིར་གནོན།]}

[Full Size]

བཀང་བ་མཛད་པས་རླུང་ཡེ་མེད་པ་ལ་ཚོགས་གུར་རླུང་ཆེན་པོས་བསྐྱོད་པ་ལྟར་འགུལ་བའི་ཚེ། རྔ་ཆིངས་དང་བསྟུན་དུར་ཁྲོད་བདག་པོ་ཡབ་ཡུམ་གར་མཛད་པ་མངོན་སུམ་དུ་གཟིགས། ཟུར་མང་ནས་རྒྱམ་ཤིས་ཟེར་བའི་ལ་བརྒྱུད་ནས་འདམ་ལྡོག་ཕྱོགས་སུ་ཕེབས་རྩིས་ལ། དེ་གོང་དུ་ཁ་བ་ཉིན་ཞག་བཅུ་དགུའི་བར་བབས་པས་ཉིན་ལམ་གསུམ་གྱི་ས་ཐམས་ཅད་གངས་ཀྱིས་ཁྱབ་སྟེ་མི་འགྲུལ་ཆད་ནས་ཞག་མང་སོང་བར་བརྟེན་ལམ་མ་རྙེད་པར་དཀའ་བར་གྱུར་པ་ན་རྗེ་ཉིད་ཀྱིས་ལམ་སྣ་མཛད་དེ་ཁ་བ་བཤགས་པ་ན་གངས་འུར་ཤིན་ཏུ་ཆེ་བ་མི་རྣམས་ཀྱི་སྟེང་དུ་བྱུང་བ་ལ་གཟིགས་སྟངས་དང་སྡིགས་མཛུབ་མཛད་པས་གཡས་གཡོན་དུ་བྱེར་ཏེ་གནོད་པ་ཡེ་མ་བྱུང་། ལ་ཁའི་བར་དུ་ཕེབས་ཀྱང་ལམ་རྙིང་པ་མ་རྙེད་པས་ཕྱིར་ལོག་རྩིས་མཛད་པ་ན་གཡས་རིའི་ལོགས་ནས་རི་དྭགས་དགོ་བ་ཅིག་འོངས་ཏེ་སྒར་པ་རྣམས་ཀྱི་མདུན་ཐད་ནས་ཐུར་དུ་ཕར་སྐྱོག་ཚུར་སྐྱོག་བྱེད་ཀྱིན་བབས་སོང་བ་ལ། འདི་གཞི་བདག་གི་ཆོ་འཕྲུལ་དུ་འདུག་པས་དེའི་རྗེས་སུ་ཁལ་མ་སོགས་ཐོང་གསུང་ཕེབས་པ་ན་དཀའ་ཚེགས་ལ་མ་ལྟོས་པར་བདེ་བར་བྱོན། གཡག་འདམ་ཐོག་ཏུ་ས་སྐྱ་བདག་ཆེན་ཀུན་དགའ་བློ་གྲོས་མཇལ་བར་ཕེབས་པས་སུམ་གདན་སྙེ་འབོལ་བཞེང་བ་སོགས་བཀུར་ཟོས་ཆེ་བར་མཛད། བདག་ཆེན་གྱི་སྐུ་རིམ་ལ་ཁྲོ་བོ་རོལ་པའི་གཏོར་ཟློག་སོགས་གནང་བའི་སྐབས། ནར་མས་ཀྱི་སོག་པོ་འགའ་ས་སྐྱ་བདག་ཆེན་མཇལ་བར་འོངས་པས་མཐོང་སྟེ། སྒར་པ་འདི་རྣམས་སུ་ཡིན་ཞེས་དྲིས་པ་ལ། བྱང་པ་བདག་པོ་ཞེས་རྙིང་ལུགས་ཀྱི་བླ་མ་ཆེན་པོ་ཞིག་ཡིན་ཟེར་བ་ཐོས་པས་རྟ་འགའ་

― GLG008_Page_0740 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྟེན་དུ་ཁྱེར་ཏེ་མཇལ་བར་བྱུང་བ་ལས། རིམ་གྱིས་ཕྱག་དབང་ཞུས་པས་གསུམ་པ་དེ་ལ། ཁྱོད་ཀྱི་ཕའི་ལག་པ་ལ་མཐེ་བོང་མེད་པ་ཅི་ཡིན་གསུངས་པས། དེའི་རྒྱུ་མཚན་ཞུ་ཞིང་ལྐོག་གྱུར་གྱི་ཆོས་རྣམས་མངོན་སུམ་དུ་མཁྱེན་པ་ལ་ངེས་ཤེས་ཆེར་རྙེད། དེ་ནས་ས་དཀར་དགོན་དུ་ཕེབས། རྗེ་གོང་མ་བཀྲ་ཤིས་སྟོབས་རྒྱལ་གྱིས་བི་མ་ལའི་སྤྲུལ་པར་ངོས་འཛིན་གནང་པའི་སྐུ་དྲུང་བསོད་ནམས་རྒྱལ་མཚན་ཞེས་གྲུབ་རྟགས་དང་ནུས་མཐུ་ཐོགས་པ་མེད་པ་མངའ་བ་དེས། རྡོ་རྗེ་དྲག་པོ་རྩལ་གྱི་དབང་སོགས་ཆོས་བཀའ་རྒྱ་ཆེར་ཞུས་ཁོང་པ་ས་སྐྱ་བདག་ཆེན་ཞིག་གི་སྐྱེ་བར་གྲགས་པས་ཆེན་པོའི་ཚུགས་ཀ་འཛིན་ཅིང་མི་རྣམས་ཀྱང་མོས་པར་ཡོད་པས། རིག་འཛིན་ཆེན་པོ་འདི་ཉིད་ལ་སྙིང་ནས་དད་པའི་གུས་འདུད་ཆེན་པོ་མཛད་པར་བརྟེན། སྔ་འགྱུར་བསྟན་པ་འཕེལ་རྒྱས་ཀྱི་སྒོ་དམ་པར་གྱུར། དེ་ནས་སོག་དོགས་ཆེན་པོ་ཡོད་པའི་ལ་རྩ་ཞིག་ཏུ་བཞུགས་པའི་ནུབ་ཐུགས་དམ་བཀང་གསོ་མཛད་པའི་ཚེ་གནོད་སྦྱིན་ཙིའུ་དམར་པའི་སྐུ་ཁོག་བླ་མ་དཔའོ་ཟེར་བ་དེས། དེ་ནུབ་ཆོས་སྐྱོང་ཐམས་ཅད་སྐུ་ལ་བསྐོར་ནས་ཁྲིག་གེ་འདུག་པས་སོག་པོའི་དམག་གི་གནོད་པ་མི་འོང་བ་འདྲ་ཞུས་པ་ལ། ངེད་རང་གི་མིག་ལྟས་དང་བྱིངས་ཕེབས་ལུགས་ལ་བལྟས་ན་དེ་ཀ་འདུག་གསུང་། དཔའ་རི་སྒྲུབ་སྡེ་བའི་འདུལ་དཔོན་དགེ་སློང་སངས་རྒྱས་ཕུན་ཚོགས་དཔོན་སློབ་སྔར་སྤོ་བོ་རུ་ནང་ཞབས་དུས་མཐུན་སྒྲིགས་དང་རྗེས་སུ་མགོ་འདོན་བདག་རྐྱེན་ཁོ་ན་མཛད་པ་ལ། ཁོང་རྣམས་ཀ་ཐོག་ཏུ་སྔོན་ལ་ཕྱིན་ནས་ལ་ལའི་སར། ང་བྱང་པ་བདག་པོའི་དབོན་པོ་འབྲིང་མ་ཡིན་ཟེར་བ་དང་ཕལ་ཆེར་ལ། བྱང་བདག་པོའི་གདུང་རྒྱུད་གཉིས་ཀ་གཤགས་ནས་རིགས་ཆོས་ཀྱི་བརྒྱུད་པ་འཛིན་མཁན་མེད་

― GLG008_Page_0741 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེར་བ་སོགས་ལྷས་བྱིན་དྲིན་གཟོ་མེད་པའི་རིང་ལུགས་ཁོ་ནར་བརྟེན་པ་རྣམས་ལ་ཡང་ཁྲོ་བ་ཡེ་མི་མཛད་ཅིང་སླར་ཕན་པ་འབའ་ཞིག་སྒྲུབ་པ་ནི་འཕགས་ཆེན་རྒྱལ་བའི་སྲས་ཀྱི་རྣམ་པར་ཐར་པ་སྟེ། ར་གན་གསེར་ཆུས་བྱུགས་པའི་ཆེར་རློམ་ཚུལ་འཆོས་མཁན་རྣམས་ཀྱི་སྤྱོད་ཚུལ་དང་འདྲ་བར་མི་སེམས་སོ། །མདོ་ཁམས་ཀྱི་གསང་སྔགས་རྙིང་མའི་བསྟན་པའི་འབྱུང་གནས་ལྟ་བུ་ཀ་ཐོག་དགོན་པར་ཕེབས། ཕྱོགས་དེའི་སྐྱ་སེར་ཀུན་གྱིས་གསེར་གངུལ་གཡུ་རྟ་ཁྲབ་ཇ་སོགས་ཟང་ཟིང་གི་འབུལ་བ་དང་བསྙེན་བཀུར་རྒྱ་ཆེར་བསྟབས། སོ་སོའི་བློ་དང་འཚམ་པའི་དབང་ལུང་མན་ངག་སོགས་དམ་པའི་ཆོས་ཀྱིས་འགྲོ་དོན་རྒྱ་ཆེར་སྤེལ། འོན་ཀྱང་སྡེ་པ་སྣང་རྩེ་བའི་བརྒྱུད་འཛིན་འགའ་ཞིག་གིས་ཀུན་སློང་ངན་པས་དབྱེན་བཅས་ཏེ་སྤྱི་ཐོག་ཏུ་བཀའ་བརྒྱད་སྒྲུབ་ཆེན་ཚུགས་པ་སོགས་ནི་མ་བྱུང་། ཡབ་ཆོས་རྒྱལ་བཀྲ་ཤིས་སྟོབས་རྒྱལ་ཕེབས་སྐབས་ཀ་ཐོག་པ་རྣམས་ཀྱི་རྩ་གསུམ་ཇ་མཆོད་ཅིག་དགོས་ཞུས་པ་ལ། རིག་འཛིན་མངའ་རིས་པ་ཆེན་པོའི་མཚན་དཔེ་ལ་ཡོད་པའི་ལེགས་པའི་ལམ་སྟོན་མ་ཐུགས་རྩོམ་མཛད་དེ་བཙུགས་པ་རྒྱུན་དུ་འདོན་ནའང་རིག་འཛིན་རྗེའི་མཚན་དཔེ་ལ་ཡོད་པ་མ་ཤེས་པ་ལ། རྗེས་སུ་གཙང་པ་རབ་འབྱམས་པ་ཟེར་པའི་ཡོན་ཏན་དང་ཤེས་རབ་རེ་ཆེ་ཡོད་པ་སྣང་རྩེ་སྡེ་པའི་དངོས་སློབ་ཡིན་པ་ཞིག་གིས་ངོ་ཤེས་ཏེ། དར་མའི་ལམ་སྟོན་ཞེས་འདོན་པ་བསྒྱུར་པས། དེ་ལ་ཐུགས་ཁྲོས་ཏེ་གཙང་པ་རབ་འབྱམས་པ་དང་རྟ་དྲེལ་མང་པོ་རྐུ་བའི་དཔོན་པོ་ཚེ་རྒྱལ་གཉིས་ལ་འཇོམས་བྱེད་ཉི་ཟླ་ནག་པོའི་རླུང་འཁོར་འཛུགས་པ་གནང་བས་དབོན་པོ་ཚེ་རྒྱལ་གློ་བུར་དུ་ཤི། གཙང་པ་

― GLG008_Page_0742 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་འབྱམས་པ་སྦྱིན་བདག་རྣམས་དང་མ་མཐུན་པར་ལུང་པ་གསུམ་གྱི་གཅིག་ནས་གཅིག་ཏུ་ཡུལ་དོན་པའི་མཐར་རིམས་གདོན་དྲག་པོས་བཏབ་སྟེ་འཇིག་རྟེན་ཕ་རོལ་ཏུ་སོང་ངོ་། །དེའི་དུས་ཀྲེ་པོ་ན་ཀརྨ་པ་ཆོས་དབྱིངས་རྡོ་རྗེ་བཞུགས་ཡོད་འདུག་པ་མཇལ་བར་ཕེབས་པ་ལ་ལམ་ནོར་ཏེ་ཧོར་བེ་ལག་ཟེར་བའི་སྡེ་ཞིག་དང་ཉེ་སར་སྒར་བབས་པ་ན། ཧོར་རྣམས་ཀྱིས་གནོད་པ་བྱེད་པར་མངོན་དུ་ཕྱོགས་པའི་ཚེ་སྒར་པ་རྣམས་འཛིང་ངམ་འབྲོས་སམ་ཞེས་འཇིགས་ཏེ་ཚམ་ཚོམ་དུ་གྱུར་པའི་སྐབས། ཕོ་རོག་ནག་ཅིང་སྣུམ་པ་ཞིག་གིས་གཟིམས་གུར་སྟེང་དུ་བབས་ནས་སྐད་སྙན་པ་མང་པོ་སྒྲོག །དེ་ནས་ཅུང་ཞིང་ལོན་པ་དང་ཧོར་དེ་བློ་འགྱུར་ཏེ་གློ་བུར་དུ་དད་ནས་བྱིན་རླབས་རྟེན་སློང་ཞིང་། ལུང་པའི་ཕུ་འདི་ན་ངེད་ཚོ་མིན་པའི་ཧོར་མང་པོ་ཡོད་པས་དོ་ནུབ་འདིར་མ་བཞུགས་པར་ལ་ཕར་ནང་དུ་ཕེབས་ཞུ་བ་སོགས་རྒྱུ་མཚན་མང་དུ་ཕུལ། དེ་ནི་རྗེ་ཉིད་ཀྱི་བྱང་ཆུབ་ཀྱི་སེམས་དང་ཆོས་སྐྱོང་གི་ནུས་པའོ། །ཧོར་དེས་ལམ་བསྟན་པ་ལྟར་མཚན་འགྲོས་མཛད་ནས་ཐོ་རངས་ལ་རྩེ་ཞིག་ཏུ་སྒར་བབས་ནས་བཞུགས། སང་ནམ་ལངས་པ་ན་ལ་བརྒྱབ་སྟེ་དགོན་པ་ནམ་རག་མགོའི་ཕུ་དེར་བཞུགས་སྒར་མཛད། དེ་དུས་གསོལ་འདེབས་ལེའུ་བདུན་མ་ལེའུ་རེ་རེ་ནས་སྐུ་ཞབས་སུ་བརྒྱ་རྩ་གསོག་གིས་ཡོད་འདུག་པས། སྤྲོས་བྲལ་བདེ་ཆེན་མ་གསུང་བའི་སྐབས་རི་ལ་ཡང་ཡང་གཟིགས་ནས་གྲལ་མགོ་ན་བི་རི་དཔོན་པོ་ཟེར་བ་ཞིག་ཡོད་འདུག་པ་ལ། འདི་ན་སོག་པོ་འདྲ་ཡོང་ས་མེད་དམ་གསུང་བར་ཡོད་ཞུས་པས། སྐྱོན་མི་འདུག་ཕེབས། རྗེས་སུ་སྐུ་འཁོར་རྣམས་ཀྱིས་རྒྱུ་མཚན་ཞུས་པས། རི་གདོང་འདི་ལ་སོག་པོ་བརྒྱ་ཙམ་ཞིག་ས་ཐག་རོང་ངེ་བབས་

― GLG008_Page_0743 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བ་མི་སྨུག་ཡོར་རེ་བ་ཞིག་གིས་བསྒྲིབས་ནས་གར་སོང་མ་བྱུང་གསུང་། དེ་ནས་སྔགས་འཆང་ཀུན་ལྷུན་པ་ཀྲེ་བོ་སྟོད་ཀྱི་དཔོན་པོའི་སར་ཇ་འདྲེན་ལ་བཏང་བའི་ཚེ་དཔོན་པོའི་མདུན་ན་སོག་པོ་འགའ་ཞིག་འདུག་པས། དཔོན་དེའི་ངག་ལས། ཁ་སང་སོག་པོ་འདི་ཚོས་ཁྱེད་དཔོན་སློབ་ལ་ངན་བྱེད་པར་བརྩམས་པ་ན། གློ་བུར་དུ་བོར་ནས་མ་མཐོང་འདུག་པས་ནུས་མཐུ་ཤིན་ཏུ་ཆེ། བནྡེ་ཐམས་ཅད་ཀྱི་བསྟན་པ་བཟུང་ཞེས་དགའ་དགའ་བྱེད། སོག་པོ་རྣམས་ནི་ཚིག་པ་ཟོས་ཏེ་ཁ་ཤ་འཐེན་སྐད་དོ། །དེ་ནས་སྒར་དུ་ལྷ་བསངས་བརྒྱགས་རྔན་རྒྱས་པ་ཞིག་མཛད། དེའི་ཚེ་གནོད་སྦྱིན་ཙི་དམར་བ་ཁོག་ཏུ་ཞུགས་པ་ལ་སྔར་གྱི་ལྟས་རྟེན་འབྲེལ་རྣམས་ཀྱི་དྲི་བ་གནང་བས། རི་སྒྱེད་པོ་སྤུན་གསུམ་འདྲ་བ་རུ་ཉེན་ཆེན་པོ་ཡོད། དེ་དུས་ང་འོང་བྱས་པ་དེ་ཕོ་རོག་དེ་ཡིན། མི་སྨུག་པོ་ཆེན་པོ་དེ་ར་ཧུ་ལ་ཡིན་ཞེས་གསུངས་པས་ཆོས་སྐྱོང་སོ་སོ་ལ་གཏང་རག་མཛད། རིམ་གྱིས་ཀྲེ་བོའི་ཆུ་བརྒལ། ཧོར་ཚང་གི་དགེ་ལུགས་ཀྱི་གམ་ཚེ་དགོན་པའི་འདབས་སུ་སྒར་མཛད། ཟླ་བ་གཉིས་ཙམ་བཞུགས། ཀརྨ་པ་དང་མཇལ་འཕྲད་ཀྱི་དོན་དུ་ལྕགས་མོ་རུ་མི་སྣ་བཏང་ཡང་། ཡང་རི་དྲུང་པས་བཀག །རྐུན་མ་མང་པོ་ཡོངས་པས་རྟ་དྲེལ་དང་། ཕྱུགས་ཀྱི་རྫིའུ་རྣམས་མི་མ་ཡིན་དུ་མཐོང་ནས་འཇིགས་སྐྲག་དང་བཅས་ཏེ་བྲོས། དེའི་ཚེ་ཡང་རི་དུང་པ་ཀུན་དགའ་ལྷུན་གྲུབ་ཕྱི་མ་བཅོས་ལྷུག་པའི་སྒྲིབ་ཤིང་ལ་ནང་གྱོད་ཀྱི་ཕུང་པོ་ཆེན་པོ་དེས་ཚོད་བགམ་པའི་ཕྱིར་དུ་མཇལ་བ་སྐད་བྱས་ནས་འོངས་པ་ལ། ངེད་ཀརྨ་པ་དང་མཇལ་འཕྲད་བྱེད་པར་འོངས་ཆོགས་དགོས་གསུངས་པར། དེའི་ལན་དུ་ཁྱེད་ཀྱིས་ཞྭ་དམར་སྤྲུལ་སྐུ་ལ་མཐུ་བསླབས། ཁྱེད་ཀྱི་ནུ་བོ་བདག་པོ་དཔོན་གྱིས་

― GLG008_Page_0744 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་སྤུངས་སྤྲུལ་སྐུ་ལ་མཐུ་བསླབས་ནས་ངེད་ལ་མཐུ་བྱེད་རྩིས་བྱས་ཟེར་བ་དང་། ཀརྨ་པ་ལ་ཁྱེད་རང་ཚོ་དབང་ཆེ་མོད། ང་སྟག་ལུང་པའི་ཚོང་པ་རྒད་པོ་ཞིག་གིས་ཅི་ཤེས་ཟེར་བ་སོགས་གཡོ་སྒྱུ་ཁྲམ་གསུམ་ལ་གོམས་པའི་ཉམས་ཀྱིས་ཆེ་སྐད་ཆུང་སྐད་ཀྱི་གཏམ་ཡ་མ་ཟུང་སྣ་ཚོགས་སྨྲས་སྐད་དོ། །ནུབ་ཅིག་གནོད་སྦྱིན་ཆེན་པོ་ཁོག་ཏུ་ཞུགས་ནས། ཡང་རི་དྲུང་པ་འདི་བདུད་ཡག་ཤེར་ནག་པོའི་སྤྲུལ་པ་ཡིན་པས་དེ་དང་ཕྲད་པས་ཚེ་ལ་བར་ཆད་བྱུང་ཉེན་ཡོད། མི་མཐུན་ཕྱོགས་ཟིལ་གྱིས་གནོན་པའི་ཐབས་མཛད་དགོས་ཚུལ་གསུངས། དེ་ནས་ཤེལ་རམ་སྒང་དུ་ཕེབས། རྗེ་གོང་མའི་གྲྭ་རིགས་སྦྱིན་བདག་རྣམས་ཀྱིས་བསྙེན་བཀུར། སྨིན་གྲོལ་ཆོས་ཀྱི་འཁོར་ལོ་བསྐོར། བི་རི་མང་དགེ་ཕག་མོ་ཟེར་བ་ཨར་ཇག་རྐུ་གསུམ་ལ་གོམས་པ། སྒར་པ་ཆེ་ཆུང་གནས་སྐོར་པས་མཐའ་བརྟེན་པ་ཀུན་ལ་གནོད་པ་བྱེད་མཁན་ཞིག་ཡོད་འདུག་པ་དེས་ལན་གསུམ་གྱི་བར་དུ་མཚན་མོ་ཇག་པ་འོངས་པས། ནུབ་གཅིག་ཡུར་བ་ཆུ་ཆེན་པོར་འཁྲུལ་བ་དང་། དེ་བཞིན་དུ་མཐའ་མེས་བསྐོར་བ་དང་། སྒར་གྱི་ནང་ཐམས་ཅད་མིས་གང་བ་སོགས་ཆོ་འཕྲུལ་སྣ་ཚོགས་མཐོང་ནས་གླགས་ལྟ་བར་མ་ནུས་པས། ད་སྒར་པ་འགྲིམ་པའི་ལམ་དུ་ངན་བྱེད་བསམས་ཏེ་རྟ་དམག་སུམ་བརྒྱ་ཙམ་ཞིག་གིས་བསྒུགས་པ་ན། སྒར་པའི་གཡས་གཡོན་དུ་དམག་ཁྲབ་ཅན་མང་པོ་འགྲོ་བ་མཐོང་ནས་བྱེད་རྒྱུ་མ་རྙེད་པས། བསམ་པ་ལ་བླ་མ་སྒར་པ་ལ་དམག་དེ་འདྲ་འོང་དོན་མེད། ལྷ་འདྲེའི་ཆོ་འཕྲུལ་ཡིན་ནམ་སྙམ་ཐེ་ཚོམ་སྟེ། སྒར་པ་ལུང་ནང་དུ་བབས་ཟིན་པ་དང་ལྟ་མི་བཏང་པས་དེ་རྣམས་དང་ཁྲབ་རེང་འགའ་ཞིག་འཕྲད་པའི་སྣང་བ་ཤར་ཏེ་ཕྱིར་ལོག །དེ་

― GLG008_Page_0745 ―

^{[མ་དཔེ་གཟིགས་ན་འདིར་གནོན།]}

[Full Size]

དག་ལ་བརྟེན་ནས་མང་དགེ་ཕག་མོ་དཔོན་གཡོག་ཡིད་ཆེས་ཀྱི་དད་པ་ཐོབ་སྟེ་མཇལ་བར་འོངས། ངས་གྲུབ་མཐའ་རིས་མེད་ཀྱི་བླ་མ་སྒར་པ་མང་པོ་བཅོམ་པ་ཡིན་ཏེ། མཐུ་དང་ནུས་པ་བྱང་པ་ཆོས་རྗེ་ཁྱེད་ལས་ཆེ་བ་མ་མཐོང་། ངའི་ཡུལ་ན་བླ་མ་རྒད་པོ་གཉིས་དབུས་གཙང་གི་གནས་མཇལ་བ་དང་སེར་འབྲས་དགེ་གསུམ་གྱི་གཙོས་པའི་དགོན་པ་མང་པོར་མང་བཀོལ་བ་གཏོང་རྒྱུ་ཡིན་པས། དེ་ཚོ་བླ་མ་ཁྱེད་ཀྱི་ཕྱགས་ཕྱི་བྱས་ནས་རྫོང་དགོས་འདུག་པས་ཐུགས་ལ་བཞུགས་ཟེར་བ་སོགས་མང་དུ་ཞུས་ཤིང་འབུལ་བ་ཞབས་ཏོག་བྱས། རིམ་གྱིས་རྟའུ་ལ་བྱོན། ཡུལ་མི་རྣམས་སྤྱོད་པ་འཚུབ་པས་ནང་ཁུལ་དུ་སྒོ་ནོར་རི་ལ་གཏོང་མི་ཐུབ་པའི་འཁྲུག་ཇག་བྱེད་ཅིང་། ཕྱི་ནས་འོང་མིའི་འགྲུལ་པ་རྣམས་འཕྲོག་རྡུང་སྣ་ཚོགས་ཀྱི་སྒོ་ནས་མནར་ཞིང་། ཁྱད་པར་རྒྱ་བོད་ཧོར་གསུམ་ཀུན་ལ་བླ་ཆེན་དུ་གྲགས་པའི་སྙན་པ་དང་ཁེངས་པ་ཤིན་ཏུ་ཆེ་བ་མཆོག་གི་སྤྲུལ་སྐུ་ཞྭ་དམར་བ་ལྟ་བུ་ཡང་བཅོམ་སྟེ་དཱ་རི་དྲའི་གནས་ལ་བཀོད་པས། མཆོག་དམན་མཐའ་དག་ཕྱོགས་དེར་འགྲོ་བ་ལ་སྲིན་ཡུལ་ཡིན་པ་ཙམ་གྱི་འཇིགས་སེམས་བྱེད་པ་ལས། འདིའི་སྐབས་མི་ཞིག་གིས་དྲེའུ་བརྐུས་པས་དྲེའུའི་ཁ་ནས་མེ་འབར་བའི་འཁྲུལ་སྣང་བྱུང་སྟེ་ཕྱིར་ཕུལ། རྙིང་ལུགས་ཀྱི་དགོན་པ་སྡེ་པ་སྣང་རྩེ་བའི་བརྒྱུད་འཛིན་ཞིག་གིས་ཇག་བྱེད་པར་འོངས་པ་ལ། གཟིགས་སྣང་དུ་ཁྱབ་འཇུག་ཆེན་པོ་འཁོར་ལྷ་སྲིན་སྡེ་བརྒྱད་དང་བཅས་པས་ཕྱིར་དེད་པ་དང་། དངོས་སུ་དུས་མིན་གྱི་རླུང་ཚུབ་ཆེན་པོ་ལངས་ཏེ་ཇག་པ་རྣམས་འགྲོ་གནས་མིན་པར་དེད་པ་སོགས་ཆོ་འཕྲུལ་སྣ་ཚོགས་བྱུང་བས་སླར་མ་རུངས་པའི་བསམ་པ་བོར་ཏེ་གུས་པས་བཏུད། གནས་

― GLG008_Page_0746 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་དེ་དག་ལ་བརྟེན་ནས་ཡུལ་མི་མཐའ་དག་གིས་ཡུལ་ལུགས་དང་བསྟུན་པའི་བསྙེན་བཀུར་གྱ་ནོམ་པ་བསྟབས། རབ་བྱུང་སྔགས་པ་སྐྱེ་བོའི་ཚོགས་རྣམས་ལ་རང་རང་དང་འཚམ་པའི་ཆོས་ཀྱི་སྦྱིན་པ་རྒྱ་ཆེར་མཛད། ཁྱད་པར་ཕྱི་ནང་གང་དུའང་འཐབ་རྩོད་འཁྲུག་ལོང་ཆེན་པོ་མི་བྱེད་པའི་དམ་བཅའ་བཞེས་ཏེ་མི་འཇིགས་པ་སྐྱབས་ཀྱི་སྦྱིན་པས་འགྲོ་བ་རྣམས་ཀྱི་དབུགས་བདེ་བར་ཕྱུང་། དེ་ནས་མི་ཉག་གི་ཡུལ་དུ་ཕེབས་པའི་ཚེ། ཤར་བཞག་ར་ལྷ་རྩེའི་རིའི་ཐོད་ལ་སྤྲིན་དཀར་པོ་རེ་རྒྱུན་དུ་མི་ཡལ་བར་སྡོད་པ་ལ། དུས་དེར་སྤྲིན་པ་རིའི་སྐེད་པར་བབས་པས་མི་ཉག་རྣམས་ཀྱིས། རང་རེའི་ཨ་ཁུ་བླ་མ་བྱོན་པ་ལ་བཞག་རས་ཞྭ་ཕུད་བྱས་པར་འདུག་ཅེས་གླེང་། དེ་ན་མཐའ་འདུལ་གྱི་གཙུག་ལག་ཁང་ཡིན་ཟེར་པའི་ལྷ་ཁང་ཞིག་ཡོད་པ་མཇལ་བར་དར་རྩེ་མདོ་པའི་ས་བདག་དཔོན་ཟེར་བ་དེས་འོངས་པ་དང་དཔོན་སློབ་རྣམས་ཕེབས་པ་འགྲིག །ཚེས་བཅོ་ལྔའི་འགྱུ་དུས་གྲོལ་བ་དང་མཉམ་དུ་གནོད་སྦྱིན་ཆེན་པོ་ཁོག་ཏུ་ཞུགས་ནས། དར་རྩེ་མདོ་པའི་ཨ་པོ་ཚོ། རྒྱ་བོད་གཉིས་ཀྱི་གསེར་གྱི་གཉའ་ཤིང་ཆག་ལ་ཁད་པ་དེ་ཨེ་ཚོང་ཞེས་ལན་གསུམ་གསུངས་པས། དྲུང་ནས་མདོ་པ་རྣམས་ལ། ཁྱེད་ཚོ་ཡོང་སྐབས་འཁྲུག་ཟིངས་སོགས་ཀྱི་འཕྲོས་མེད་དམ་གསུངས་དྲི་བ་གནང་བར། དེ་འདྲ་མེད་ཚུལ་ཞུས། དེ་ནས་ཞག་གཅིག་ཙམ་སོང་བ་ན་དར་རྩེ་མདོ་ནས་མི་བྱུང་དེ། ཧ་ཀ་དང་ལིང་ཙེ་གཉིས་ཐུག །མདོ་བ་རྣམས་ཀྱང་ལིང་ཙེའི་དམག་རོགས་ལ་འགྲོ་དགོས་པ་བྱུང་། མྱུར་དུ་ཕེབས་དགོས་ཞེས་གདན་འདྲེན་ཚ་དྲག་ཞུས་པ་ལྟར་ལིང་ཙེར་ཕེབས། དེ་ནུབ་མདོ་པའི་དམག་མི་མང་པོ་ཧ་ཀ་བའི་དམག་རོགས་རྒྱ་ལྗང་རྣམས་ཀྱིས་མཚན་བཏིབ་བྱས་ནས་

― GLG008_Page_0747 ―

^{[མ་དཔེ་གཟིགས་ན་འདིར་གནོན།]}

[Full Size]

གསད་པ་སྐད་ཙམ་བྱུང་བའི་སྔོན་དུ་གནོད་སྦྱིན་པ་ཁོག་ཏུ་ཞུགས་ཏེ། དར་རྩེ་མདོ་བའི་ཨ་པོ་ཚོ། མགོ་མེད་ཀྱི་དཔུང་པ་རོང་རོང་དེ་ཨེ་མཐོང་ཟེར་བས། མདོ་པ་རྣམས་རྣམ་རྟོག་ཟ་བའི་མུས་ལ་གཏམ་གྱིས་སླེབ། དེའི་ཚེ་གྲྭ་པ་འགའ་ཞིག་ཁྱབ་འཇུག་གི་འཕྱར་དར་དང་བཅས་ཧ་ཀའི་རྫོང་གི་མདུན་དུ་ཕྱིན། ཁ་མཆུ་ལབ་པར་བརྩམས་པ་ན་ཧ་ཀ་རྣམས་ཀྱིས་མ་ཉན་པས། ཁོང་ཚོའི་མཐོང་སྣང་ལ་རིག་འཛིན་ཆེན་པོ་ཉིད་ནམ་མཁའ་ལ་འཕུར་ཏེ་རྫོང་གི་སྟེང་དུ་བྱོན་པ་དང་རྫོང་གི་ཕྱོགས་བཞི་ནས་མེ་འབར་བར་གྱུར་པས་འཇིགས་ཏེ་མདུན་མ་བྱེད་པར་ཁས་བླངས། ཧ་ཀའི་རོགས་བྱེད་མི་རྒྱ་ལྗང་གི་དམག་རྣམས་ཀྱང་ཕྱིར་ལོག །དེའི་དུས་སུ་རྒྱའི་མི་དཔོན་གདུགས་དཀར་ནག་ཕུབ་པ་གཉིས་ཀྱིས་འོངས་ཏེ། ཧ་ཀ་དང་ལིང་ཙེའི་ཁ་མཆུའི་རྩ་བ་བྱེད་མཁན་འདི་ཚོས་སོ་མ་ར་ཙའི་ཐག་པས་ལག་པ་གཉིས་བསྡམས་ཏེ་བཏགས། འཕོངས་ལ་ཀོ་ཤ་མང་པོ་བརྒྱབ་སྟེ་ཁྲིམས་བསྒྲགས་ཀྱང་བཟླུམས་དཀའ་བ་ལ། ཁྱེད་བོད་ཀྱི་བླ་མ་བྱང་ཆུབ་སེམས་དཔའ་སེམས་ཅན་གྱི་དོན་ལ་བྱོན་པ་ངོ་མཚར་ཆེ། ད་དུང་འདིའི་མཇུག་རྣམས་སྐྱོང་བར་མཛོད། ངེད་ཀྱིས་གོང་དུ་ཡི་གེ་བརྒྱག་ཅེས་ཞུས་པར། ང་སེམས་ཅན་གྱི་དོན་བསམ་པ་མ་གཏོགས་རང་འདོད་མེད་པས་དེ་འདྲ་མི་དགོས་གསུངས། དེའི་ཚེ་ཁ་མཆུ་བཟླུམས་པའི་ཡི་གེ་ལ་ཕྱག་དམ་བརྒྱབ་པའི་དར་ལྕོག་ཧ་ཀ་དང་ལིང་ཙིའི་བར་གྱི་ཟམ་པ་ལ་བཙུགས་པ་མི་ཅིག་གིས་ཁྱེར་བས་ཆོས་སྐྱོང་གི་བཀའ་ཆད་བྱུང་ནས་གྲི་ཁར་ཤི །གཡུལ་འཁྲུག་རླབས་པོ་ཆེ་ཞི་བའི་སྲོག་སྐྱབས་སོགས་རྣམ་པར་དཀར་བའི་འཕྲིན་ལས་རྒྱ་ཆེར་གྱུར། དུས་འཁྲུག་ལ་བརྟེན་རྒྱའི་ཚོང་པ་རྣམས་ཀྱིས་སྙུག་མའི་གཡབས་རིང་མདའ་རྒྱང་གསུམ་ཙམ་གྱི་འོག་ཏུ་

― GLG008_Page_0748 ―

^{[མ་དཔེ་གཟིགས་ན་འདིར་གནོན།]}

[Full Size]

ཇ་འབུམ་ཙམ་བརྩིགས་པ་སྲུང་མི་བཞག་སྟེ་ཕལ་ཆེར་རང་ཡུལ་དུ་ལོག་པ་ལས། མདུན་མ་གྲུབ་ནས་གཉེར་པ་རྩེ་ཆེན་པས་འབོད་པར་ཕྱིན་པས་དགའ་བ་དང་བཅས་ཏེ་ཡར་འོངས་རྒྱ་བོད་ཀྱི་གསེར་ཟམ་སོར་ཆུད། དར་རྩེ་མདོར་ཕེབས། གཏང་རག་གི་ཚུལ་དུ་བསྙེན་བཀུར་རྒྱ་ཆེར་བྱས། མདོ་དེར་མི་སྐད་རིགས་མི་གཅིག་པ་མང་པོ་ཚོགས་པའི་སྟབས་ཀྱིས་རྒྱུན་ཏུ་འཁྲུག་འོང་ལོང་བར་སྙིང་རྗེ་ཆེན་པོས་ཀུན་ནས་བསླང་བའི་ཐུགས་བསྐྱེད་ཀྱིས་ཁ་མཆུ་མཐའ་དག་ཞི་བར་མཛད་པ་ཚེ། མི་ཆེན་དཔོན་དང་ཡ་རུ་མགོན་པོ་གཉིས་ལག་ཐུག་བྱུང་བར་བར་པ་ལ་ཕེབས་པས། སྐུ་ལ་མདའ་རྡོ་མང་པོ་ཕོག་ཀྱང་གནོད་པར་མི་ནུས་པ་ནི་ཨུ་རྒྱན་རྡོ་རྗེའི་གུར་དང་ལྡན་པའི་རྡོ་རྗེའི་གསུང་བསླུ་བ་མེད་པའི་མཐུའོ། །སྔར་བླ་ཆེན་རྣམས་བྱོན་པ་ལ་མདོ་བ་རྣམས་ཀྱིས་བསྡུས་ནས་མི་ཆེན་གྱི་རྭ་བར་བརྒྱ་འབུལ་བྱེད་པ་ལ། འདིའི་དུས་སོ་སོར་བརྒྱ་འབུལ་ནས་ཉི་ཤུའི་བར་སྟོབས་འབྱོར་དང་བསྟུན་ཏེ་ཕུལ་བས་བླ་ཆེན་ཡོངས་ཀྱི་ངོམ་གཅིག་མོ་ཟང་ཟིང་གི་ལོངས་སྤྱོད་ཀྱང་དབྱར་གྱི་ཆུ་བོ་ལྟར་འཕེལ། དེ་ནས་སྒར་པ་ཡར་བཏེག །མི་ཉག་བརྒྱད། སྐམ་པོ་གནས་ནང་དུ་ཞྭ་དམར་བ་དྲུག་པ་ཆོས་ཀྱི་དབང་ཕྱུག་མཇལ། འབུལ་བ་ཆེས་པས་སྒར་པ་རྣམས་ཀྱི། བྱང་པ་བདག་པོའི་འབུལ་བ་དེ་ཙམ་ལ་དབུ་ཞྭ་མི་སྒྲོན་པར་ཞེས་བློར་མི་ཤོང་བ་ལྟ་བུ་བྱེད། རྗེ་ཞྭ་དམར་བ་ཡང་ཀུན་ལ་མི་ཆོས་མཁས་པ་དང་། ཁྱད་པར་འབྲི་བྱང་གཉིས་སྔར་ནས་ལུགས་ལེགས་པའི་རྒྱུན་ལ་དགོངས་ཏེ་དག་སྣང་དང་ལེགས་སྐྱེས་ཕུན་སུམ་ཚོགས་པ་མཛད། དེ་ནས་བྱང་པ་རིག་འཛིན་དཔོན་སློབ་ལྗང་ཞབས་སུ་རྣམ་དཀར་གྱི་འཕྲིན་ལས་སྐྱོང་བའི་སྐབས་ཀོང་པོའི་ཚོང་པ་དང་ལྗང་

― GLG008_Page_0749 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྣམས་འཁྲུག་པ་ཆེར་བྱུང་། དེའི་བར་པ་ལ་འབའ་པ་དཔོན་པོ་ཟེར་བ་ཞིག་གིས་གདན་དྲངས། ཐུགས་དམ་བརྟག་པ་མཛད་པས་རུ་ཡོན་ཟེར་བའི་ལྗང་ཀོང་ཐུག་པའི་ས་དེར་དགུ་ཚིགས་དང་རྒྱ་གྲམ་དུ་འཇའ་ནག་པོ་ཞིག་ཏལ་གྱི་ཟུག་པས་ལེགས་པར་དགོངས་ཏེ་ཞལ་གྱིས་བཞེས། རུ་ཡོན་ཏུ་ཕེབས་པ་ན་ཀོང་པོའི་དམག་གིས་ཁང་པ་ཕལ་ཆེར་མེ་ལ་བསྲེགས་འདུག །སོ་སོར་མི་སྣ་བསྔགས་པ་ན་ལྗང་གི་ཁྲོད་ནས་དབང་བཙན་པ་སམ་པཀྴི་ཟེར་བ་ཅིག་གིས། ཁ་མཆུ་མི་ལབ་ཟེར་ནས་མ་ཉན་པ་ཐུགས་འཁྲུགས་ཏེ་ཁྱབ་འཇུག་གི་འགྱུ་དུས་ཀྱི་ཐུན་གཏོར་བསྒུལ་བས་སམ་པཀྴི་སྣ་ཁྲག་ཤོར་བ་མ་ཆད་པར་འདས། དེའི་རྐྱེན་གྱིས་མདུན་མ་ཡོང་བའི་འགོ་ཚུགས་ཏེ་དམག་རྣམས་སོ་སོར་ཐེན། ལྗང་ཀོང་གི་དཔོན་རྣམས་དྲུང་དུ་བསྡུས་ཏེ་དགེ་སྡིག་གི་ཉེས་དམིགས་སོགས་ལས་འབྲས་ཀྱི་ཆོས་མང་དུ་གསུངས་ཤིང་ལབ་དན་གྱིས་སྐོར་ཡང་མཛད་པའི་ཚེ། ཁ་མཆུའི་རྩ་བ་བྱེད་མི་ཁམས་གསི་བའི་ཚོང་དཔོན་གཅིག་གིས་མ་ཉན་པར་ལང་གི་ཐོག་ཏུ་དམག་དང་བཅས་རྟ་རྒྱུགས་བྱས་པ་ལ་ཐུགས་འུར་ནས་ཁྱབ་འཇུག་གི་རྟེན་རྫས་དང་དབུ་ཞྭ་བརྡབས་པས་ཚོང་དཔོན་དེ་ལ་ཟེར་ག་ཐེབས་ཏེ་རྟ་ཐོག་ནས་ལྷུང་། ང་ལ་མདའ་ཐེབས་བྱུང་ཟེར། གཡོག་རྣམས་ཀྱིས་བལྟས་པས་མདའ་རྨས་མ་བྱུང་འདུག་ཟེར་བའི་མུས་ལ་འཇིག་རྟེན་ཕྱི་མའི་ལྟད་མོར་སོང་བས་ཕན་ཚུན་ཐམས་ཅད་འཇིགས་ཏེ་བཀའ་བཞིན་སྒྲུབ་པར་ཁས་བླངས། དེའི་ཚེ་ཀོང་པོ་ཚོང་དཔོན་ཁམས་སྤྲུག་ཟེར་བ་ཅིག་གིས། བླ་མ་དང་དགའ་ལོད་ཆུང་། ག་ལི་ག་ལི་ཐན་འདྲ་ལྟས་ངན་འདྲ་མི་གཏོང་བར་ཏབ་ཏོབ་ལ་མི་གསོད་ན་སྡིག་པ་མི་

― GLG008_Page_0750 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་བ་ཨེ་མིན་ཟེར་བས་ཀུན་བཞད་གད་ཐེག་གེ་བར་གྱུར། དེ་ནས་འབའ་ནང་དུ་ཀོང་པོ་གཤོག་ལྔས་འབུལ་བ་ཆེར་བྱས། འབའ་ཁྲམ་མགོས་དངུལ་གྱི་དོང་ཁ་ཟླ་བ་གསུམ་ཕུལ། རིམ་གྱིས་དགའ་རྗེ་གཞུང་དུ་ཕེབས་པ་ན། སྔར་དེ་ན་དཔོན་གོང་འོག་གཉིས་ཡོད་པ། འོག་མས་གོང་མ་བཅོམ་སྟེ་ཉམས་ཡོད་པ་ལས། དེའི་ཚེ་གོང་མའི་ཉེ་བ་ཚོང་དཔོན་རྟ་མགྲིན་གྱིས་ཇ་པ་རྣམས་དམག་རོགས་ལ་སྦྲན་ཏེ་གཡུལ་གཤོམ་པར་རྩོམ་པ་ན། འོག་མའི་དཔོན་ཕུན་ཚོགས་གཡུལ་རྒྱལ་གྱིས་རྗེ་འདི་ཉིད་གདན་དྲངས། ཁྲོ་བོ་རོལ་པའི་གཏོར་ཟློག་མཛད་པས་ཕ་རོལ་གྱི་དམག་རྣམས་ནང་ཞིགས་ཏེ། སོས་ཀྱི་ཐན་སྤྲིན་ལྟར་གྱུར། དེ་ནས་ཀར་ལུགས་ཀྱི་དགོན་པ་དཔུང་རི་ཟེར་བའི་ཁད་ཉེར་ཕེབས། དགོན་པ་དེའི་ཆུ་མིག་བསྐམས་པ་ལ་རྗེ་ཞྭ་དམར་བས་བྱིན་རླབས་གནང་ཡང་། སེམས་མེད་ཀྱི་འབྱུང་བ་ལ་འཛམ་གླིང་རྒྱན་གཅིག་གི་བརྟུལ་ཞུགས་མ་སོང་བས་ཆུ་མ་བྱུང་། དེ་ལ་བརྟེན་ཕྱོགས་འཛིན་གྱི་ཀུན་སློང་དོར་ནས་རིག་འཛིན་ཆེན་པོ་འདི་ཉིད་གདན་དྲངས་གསོལ་བ་བཏབ་པས་ཆུ་མིག་ཁར་ཕེབས་ནས་གཏོར་མ་ཞིག་གནང་། གཏོར་ཆུ་རྣམས་བསྐམས་ཤུལ་དེར་བླུགས་པ་དང་ཆབས་གཅིག་པར་ཆུ་སྒོ་ནར་གྱི་བྱུང་། དཔུང་རི་དྲུང་པའི་ང་རྒྱལ་བྱེ་མའི་ཆང་བུ་ལྟར་ཞིག་སྟེ་ཕྱག་དབང་དང་ཆོས་འབྲེལ་ཞུས། ཀརྨ་པ་དབང་ཕྱུག་རྡོ་རྗེའི་དབུ་ཐོག་གི་བླ་བྲེ་དང་ཧོར་ཚགས་ཀྱི་སྤོས་ཕོར་སོགས་ནོར་སྣ་རྔམས་ཆེ་བ་མང་དུ་ཕུལ། གཙང་པ་སྡེ་པ་མཐུ་སྟོབས་པའི་གཡུ་དྲུང་དམར་ཁྱད་འཕགས་ཞིག་ཕྱག་ཏུ་བྱུང་བ་སྤུས་སྒྱུར་བྱེད་པར་ལྗང་དུ་བླ་མ་བསམ་ཡས་རྫོང་སྟ་མཛད། རྒྱལ་ཐང་ཇག་པ་ཟེར་

― GLG008_Page_0751 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བློན་པོ་ཞིག་གིས་དངུལ་སྲང་སུམ་བརྒྱ་ཙམ་བཅལ་ཏེ་ཉོས། བློན་པོ་དེས། བྱང་པ་ཆོས་རྗེས་ངེད་རྒྱལ་བློན་གྱི་མངའ་ཞབས་ལ་འཁྲུག་པ་བཟླུམས་པའི་བཀའ་དྲིན་ཆེན་པོ་བྱུང་འདུག་ད་ལྟ་གང་དུ་བཞུགས། སྔར་བླ་མ་འདིའི་ཡབ་འདི་ཕྱོགས་སུ་ཕེབས་སྐབས་རྒྱལ་པོས་གདན་འདྲེན་ཞུ་རྩིས་བྱས་ཏེ། བློན་པོ་རྒྱུས་ཡོད་ཅིག་གིས་བླ་མ་རལ་པ་ཅན་དེ་མགུ་ན་དག་འཚེངས་ཏེ་མ་དགའ་ན་ཡུལ་འདི་བརླག་ཉེན་ཡོད་ཟེར་བཤོལ་འདུག །ད་ཁྱོད་མགྱོགས་པར་སོང་ལས་ཐག་རིང་དུ་མ་ཕེབས་འདུག་ན་མི་ཐོང་། ས་ཐམ་སྟེང་དུ་གདན་འདྲེན་པའི་མི་སྣ་གཏོང་བ་ཡིན་ཟེར་བ་བྱས་འདུག་པས། བླ་མ་བསམ་ཡས་པས་མྱུར་དུ་འོངས་ནའང་དབུས་གཙང་དུ་མགྱོགས་པར་འབྱོན་དགོས་པའི་སྤྱན་ལྟས་ཤིག་བྱུང་བས་རྐྱེན་བྱས། ཆིབས་ཁ་བསྒྱུར་ཏ་རྨེ་ཤོད་ཕྱོགས་སུ་འབྱོན་རྩིས་ལ། སོག་པོའི་དམག་འདུག་ཟེར་བར་བྱོལ་ནས་ཕེབས་ཀྱང་ལམ་འཕྱུགས་ཏེ་སོག་པོའི་དམག་དང་ཉེ་ས་ཞིག་ཏུ་བྱུང་བའི་ཚེ། སྒར་པའི་སོ་པ་དང་སོག་པོའི་རི་དྭགས་པ་ཕྲད་པ་ན། སོ་པའི་ཁྲོད་དུ་བི་རི་དགེ་སློང་གོ་ཙོང་གྲགས་པ་ཟེར་པའི་སོག་སྐད་ཤེས་པ་ཞིག་ཡོད་པས་ཕན་ཚུན་དུ་སྐད་ཆ་དྲི་རེས་བྱས། བླ་མ་ཡིན་ན་ཞབས་ཏོག་བྱེད་ཟེར་སྡེ་ཐོག་ལ་གདན་དྲངས། བསྙེན་བཀུར་དང་འབུལ་བ་ཕུལ། ངེད་ཚོས་གཤེན་དར་སྡིངས་པའི་སྒར་པ་ཞིག་ལ་བརྒྱབ་པས་བོན་པོའི་མཐུས་མི་མང་པོ་ཤི །ད་ཁྱེད་ཀྱིས་མཐུ་ཟློག་མཛད་དགོས་ཞུས་པར་ལན་དུ། ངེད་ཚོ་སྔགས་རྙིང་མ་བའི་བླ་མ་མཐའ་དམག་ཟློག་པའི་བཀའ་བབས་དང་ལུང་བསྟན་ཡོད་པ་ཚོས་སོག་པོའི་རིམ་གྲོ་བ་མི་ཡོང་། གལ་ཏེ་བྱས་ན་ཨུ་རྒྱན་རིན་པོ་ཆེ་མི་དགྱེས་ཤིང་

― GLG008_Page_0752 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུང་མ་རྣམས་ཀྱི་འཚུབ་ཡོད། ད་ལམ་ཁྱེད་ཚོའི་སྡེ་ཐོག་ཏུ་ལམ་ནོར་ཏེ་སླེབ་པས་ཟས་འབྲེལ་མི་བྱེད་ཀ་མེད་བྱུང་གསུངས་པར། སླར་ཡང་ནན་ཆེན་པོ་ཞུས་བྱུང་བ་ལ། དེ་ལྟར་ཡིན་ན་སྐྱ་སེར་དྲག་ཞན་སུ་ལ་ཡང་དགྲ་ཇག་མི་བྱེད་པའི་ཁས་ལེན་བསྐོར་བ་མཛད་པས་དཔོན་དང་མི་བཟང་རྣམས་ཀྱིས་ཕྱག་འཕྲེང་ལ་འཇུས་ནས་དམ་བཅའ་ཞུས། འཇམ་དཔལ་ཚེ་བདག་ནག་པོའི་སྒོ་ནས་མཐུ་ཟློག་གི་རིམ་གྲོ་གནང་བས། དེའི་དམ་སེལ་དང་འཚུབ་ལྷོངས་ཀྱི་རྣམ་པས་སྒར་ལ་མེ་ཤོར་ཏེ་ཉེན་ཆེན་པོ་བྱུང་བ་ན་ན་བཟའ་ལན་གསུམ་བརྡབས་པས་མར་མེ་ལ་ཕུ་བཏབ་པ་བཞིན་དུ་ཤི །སོག་པོ་རྣམས་ལྷག་པར་དད་དེ་བསྙེན་གནས་གཏན་ཁྲིམས་དུས་ཁྲིམས་སོགས་དགེ་བའི་ལམ་ཆེན་པོར་བཀོད། དེ་ནས་ཡར་ཕེབས་པ་ན། དགྲ་ཇག་འདུག་ཟེར་བའི་འུར་ཞོགས་ཆེན་པོ་ཞིག་བྱུང་བས་ཕྱག་གཡོག་རྣམས་ཀྱིས་ཚེས་བཅུ་བཤོལ་ནས་ཐེགས་པ་ལེགས་ཚུལ་ཞུས་པར། ཨུ་རྒྱན་གྱིས་བསླུས་མི་ཡོང་གསུངས་ཏེ་ཅག་མལ་མཛད་ནས་གསུང་ཆོག་གནང་པས་ཉེས་པར་མ་གྱུར། ཉིན་གཅིག་དགྲ་འདི་འདྲ་ཞིག་འོང་བ་འདུག་པས་འཕྲལ་དུ་འགྲོ་གསུངས་ཏེ་བཤད་དྲག་ཀྱིས་ཕེབས་པ་ན། ཇ་ཡུན་གཉིས་ཙམ་སོང་བའི་ཚེ་བཞུགས་སའི་ཤུལ་དེར་དགེ་ཚེ་དང་ལྕགས་མོའི་དམག་མང་པོ་བྱུང་བ་རྗེས་སུ་ཐོས་པས་ཀུན་ཡ་མཚན་དུ་གྱུར། ཀྲེ་བོའི་འབྲོག་པ་ཞིག་གིས་རྟ་དྲེལ་དེད་པས་དྲེའུའི་སྒལ་སྟེང་དུ་ཕུག་རོན་བབས་པ་དང་རླུང་ཆེན་པོས་སྦྲ་གུར་བཤགས་ཏེ་ནམ་མཁའི་མཐོངས་སུ་ཁྱེར་བས་རྟོག་བཟོས་ཏེ་ཕྱིར་བཤགས་པ་དང་བཅས་ཏེ་ཕུལ། རིམ་གྱིས་འདམ་འདོག །སྒོམ་སྡེ་ནང་ཆེན་པ། བི་

― GLG008_Page_0753 ―

^{[མ་དཔེ་གཟིགས་ན་འདིར་གནོན།]}

[Full Size]

རི་སྟོད་པ་སོགས་སྔར་གྱི་སྦྱིན་བདག་རྣམས་ཀྱི་སར་ཕེབས་ནས་འགྲོ་དོན་རྒྱ་ཆེར་མཛད། འབྲོང་པ་བླ་མ་མགོན་དེས་ལོ་ཕྱེད་དང་གསུམ་ཙམ་གྱི་བར་སྲོག་གཅོད་སྤོང་བའི་ཁས་ལེན་ལས་མ་འགལ་འདུག་ནའང་། ཉིན་གཅིག་རི་དྭགས་མང་པོ་བྱུང་བ་ལ། བི་རི་རྣམས་ཀྱིས་མདའ་ཐེབས། འབྲོང་པ་རྣམས་ཀྱིས་ཡེ་མ་ཐེབས་པས་ཚིག་པ་ཟོས་ནས་མདའ་བརྒྱབ་པས་ཤ་བ་གཅིག་བསད། དེས་རྐྱེན་བྱས་ཏེ་ཞག་གསུམ་ཙམ་གྱི་ནད་ཡུན་བྱས་ནས་ཤི་བས། སྔར་ལུང་བསྟན་གནང་བ་རྣམས་ལ་ཐམས་ཅད་ངེས་པ་ཆེས་ཆེར་རྙེད། དགེ་རྒྱས་དཔོན་གྱིས། ཁྱེད་བོད་དུ་ཕེབས་ཀྱང་གཙང་པས་བཟང་པོ་ཨེ་བྱེད་མི་ཤེས། འདི་ཕྱོགས་སུ་བཞུགས་ན་འགྲོ་དོན་ཆེ་ཞེས་ནན་ཆེར་ཞུས་ཀྱང་མ་འོངས་པའི་འབྱུང་འགྱུར་མཁྱེན་ཏེ་མ་བཞུགས། ཁྱུང་པོ་གསེར་རྩ་བས་ཐབ་བསུ་དང་བཅས་ཏེ་གདན་དྲངས་པའི་ཉིན་གཟིམས་ཆུང་སྐོར་གྱི་ཁལ་མ་རྣམས་རྗེས་ལ་ལུས་པ་ཁྱུང་པོ་ནང་རུ་བ་རྣམས་ཀྱིས་ཇག་བྱས་ནས་ཁྱེར། དེ་ནུབ་ས་སྲོས་པས་བྱེད་རྒྱུ་མ་རྙེད། སང་སྒར་པ་རྣམས་ཀྱིས་འཛིང་བར་འགྲོ་གྲབས་བྱས་པས་བཀའ་བཀྱོན་ནས། དེ་འདྲ་མི་དགོས་རྟགས་ཐོན་པ་ཞིག་བྱེད་གསུང་། བསྟན་སྲུང་ཡོངས་རྫོགས་དང་ཁྱད་པར་ཁྱབ་འཇུག་ལ་འཕྲིན་བཅོལ་རྒྱས་པར་མཛད། དེའི་ཚེ་ཇག་པ་རྣམས་ཀྱིས་ནོམ་པ་ཐོབ་པ་ལ་འགོ་བཤའ་བྱས་པས། སྒམ་ཁ་ཕྱེ་བའི་ནང་ནས་ཐོག་མར་གཟའ་ཕོད་དོན་ཏེ་གཟའ་མིག་ཁྲ་ཆིལ་ཆིལ་བྱུང་བར་ཀུན་ཧ་ལས་ནས་ཧུར་རེ་ལུས། དེའི་ཚེ་ཇག་དཔོན་དེ་སྨྱོ་ནས། ངའི་ནོར་ཁྱེར་ཤོག་ཅེས་ཟླ་བོ་རྣམས་ལ་མདའ་གཞུ་བཀང་ནས་རྡེག །

― GLG008_Page_0754 ―

^{[མ་དཔེ་གཟིགས་ན་འདིར་གནོན།]}

[Full Size]

དྲེའུ་ཞིག་སྐས་ལ་ཐོགས་པ་མེད་པར་སོང་བ་ལ་མི་གཅིག་གིས་ལྟ་བར་ཕྱིན་པས། ཐོག་སྟེང་ན་བུད་མེད་མིག་གཅིག་ཡོད་པ་ཞིག་གིས། ངའི་ཆས་ཀ་རྣམས་ཁྱེད་ཚོ་ཟོ་ཞིག་ཅེས་སྐད་བརྒྱབ་བྱུང་བས་འཇིགས་སྐྲག་ཆེན་པོར་གྱུར་ཏེ་སྐུ་ཆས་ཐམས་ཅད་གྲུ་ཚང་སྒར་པའི་རྩར་བསྐྱལ། གྲུ་ཚང་པ་རྣམས་ཀྱི་ངེད་ཚོས་ཁྱེད་དཔོན་སློབ་ཡིན་པ་མ་ཤེས། ཐོག་མ་ནས་ཕྱག་གཡོག་ཏུ་འགྱུར་བ་མ་བྱུང་བས་དགོངས་མ་ཁྲེལ་ཞེས་འབུལ་ཆས་དང་བཅས་སྐུ་ཆས་རྣམས་ཚང་བར་ཕུལ། དེར་དགེ་ལུགས་ཀྱི་དགོན་པ་འགའ་ཞིག་ཡོད་འདུག་པར་མང་ཇ་གནང་བས། ལུང་པ་འདི་བོན་ལུང་དུ་སོང་། བན་དེ་ལ་ཤིན་ཏུ་གནག་པ་ཡོད་པར་ཁྱེད་དཔོན་སློབ་ཀྱི་ནུས་མཐུས་ཀུན་གྱི་མིག་ལྟོས་ལ་ཕན་པ་བྱུང་ཞེས་གཟེངས་བསྟོད། རིམ་གྱིས་ཧོར་སྨད་པའི་སྡེར་ཕེབས། དཔོན་དབང་ཀླུས་བསྙེན་བཀུར། ལྕུམ་མདའ་གཅོང་རོང་ཟེར་བའི་དགེ་ལུགས་ཀྱི་དགོན་པ་ཞིག་གི་ཁྲིས་ཀྱི་ཟམ་པ་ལ་འགྲུལ་པ་ཆེ་ཆུང་སུ་འགྲོ་ཡང་ཚུགས་སྤྲོད་དགོས་པར། ཁྱེད་དཔོན་སློབ་ཀྱིས་ཁམས་ཕྱོགས་སུ་མཐུ་ནུས་ཀྱིས་བན་དེ་ཀུན་གྱི་མགོ་བཏོན་ཞེས་ཚུགས་མི་ལེན་པར་མ་ཟད་ཕུ་དུད་བྱས། ལྷ་རི་སྣ་དང་འཛམ་གླིང་རྫོང་ཁར་ཕེབས་དུས་ཧོར་ཚ་བར་པའི་དམག་ཇག་མང་པོ་བྱུང་བ་ལ། སྒྲོལ་མའི་འཇག་ཆིངས་མཛད་པས་ཧོར་རྣམས་ཀྱིས་ཡེ་མ་མཐོང་བར་ལོང་པོའི་ཕུར་ཕེབས། ཀ་ཐོག་དགོན་པ་དང་བཅལ་སྡེ་སྔགས་གྲོང་པ་སོགས་ལ་བཀའ་བརྒྱད་གསང་རྫོགས་ཀྱི་སྒྲུབ་དབང་གནང་། གྲོལ་དབང་གི་ཉིན་ཉང་ལོང་གི་ཁྲོམ་སྟོང་ཕྲག་མང་པོ་ཚོགས། ཆོས་དང་ཟང་ཟིང་ལ་བརྟེན་པའི་གདུལ་བྱས་འུར་ལ་སོང་། ཅི་དཀར་ལྷ་ལུང་མྱོས་ཀྱི་ནང་དུ་ཕེབས། མར་

― GLG008_Page_0755 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་གཏེར་བཞེས་དུས་ཀྱི་གཏེར་གཡོག་བུ་མོ་སྔོ་བསངས་མ་ཅིག་ཡོད་པ་དེ་ལ་མདའ་དར་དམར་པོ་ཞིག་བསྐུར་ནས་སྔོན་མའི་གཏེར་གནས་ཀྱི་ནུབ་ཕྱོགས་ཀྱི་བྲག་ལོགས་མཚལ་གྱི་རི་མོ་ཡོད་པ་དེར་ཚུགས་གསུང་། སླར་ཡང་གཏེར་བཞེས་རྒྱུ་ཡོད་རིགས་སུ་འདུག །ཀ་ཐོག་དགོན་ནས་ཆིབས་ཁ་བསྒྱུར། ཉང་པོའི་ཕུ་ན་ཧོར་ཚ་བར་པའི་དཔོན་ཚང་གི་སྦྲ་ཡོད་པའི་ཐོག་དུ་འབྲི་གུང་དབོན་མོས་སྤྱན་དྲངས་ཏེ་རྐྱེན་སེལ་གྱི་ཆོས་ཀ་མང་དུ་ཞུས། རྟ་ཁྲབ་སོགས་འབུལ་བ་རྒྱ་ཆེར་ཕུལ། ཧོར་མ་རུངས་པའི་བསམ་སྦྱོར་ངན་པ་རྣམས་ཀྱང་མཚོ་ལ་ཁ་བ་བབ་པ་ལྟར་གྱུར་པས། རིག་འཛིན་སྟོབས་ལྡན་དཔའ་བོས། ཆགས་སྡང་རླུང་གིས་རབ་དཀྲུགས་འཐབ་ཀྲོལ་ཤིང་། །འཇིགས་རུང་རལ་གྲིའི་ཡལ་འདབ་གཡོ་ལྡན་ཀུན། །རྫུ་འཕྲུལ་མཐུ་དང་རྣམ་བཞིའི་སྦྱིན་པ་དང་། །བཀའ་རྒྱས་འདུལ་བར་མཛད་ལ་གསོལ་བ་འདེབས། །ཞེས་སོ། །གཞན་ཡང་མ་རུངས་པའི་རིགས་གདུལ་སླད་ཁྱབ་འཇུག་གཟའ་དངོས་སུ་ཕབ་པས། ཀུན་གྱི་མིག་ལམ་དུ་མེ་དཔུང་ཆེན་པོ་འབར་བ་མཐོང་ནས་བྱང་པ་བདག་པོས་གཟའ་བྲན་དུ་བཀོལ་ཟེར་བ་སོགས་ཀྱི་གྲགས་པས་ཁེངས་དྲེགས་ཅན་དང་བློ་ལས་སུ་མི་རུང་བ་ཐམས་ཅད་ཞི་ཞིང་དུལ་བར་མཛད། མདོར་ན་རྒྱ་ཧ་ཀ་ལིང་ཙེ་ནས་བཟུང་དབུས་གཙང་གི་བར་གྱི་འགྲོ་བ་མཐའ་དག་ཆོས་དང་ཟང་ཟིང་མི་འཇིགས་པའི་སྒོ་ནས་ཕན་བདེའི་ལམ་ལ་བཀོད། ཁྱད་པར་ཨུ་རྒྱན་སངས་རྒྱས་གཉིས་པའི་བསྟན་པ་ཉིན་མོ་ལྟར་གསལ་བར་མཛད་དོ། །གྲུབ་བརྙེས་མ་ལ་ཡ་ཡི་དགའ་ཚལ་ནས། །རྣམ་སྣང་ཐུགས་རྗེའི་རླུང་གིས་རབ་བསྐུལ་ཏེ། །ངོ་མཚར་སྤྲུལ་པའི་

― GLG008_Page_0756 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་བསུང་ཡོངས་འཐུལ་བ། །སྲིད་ཞིའི་རྒུད་པ་སེལ་བའི་ཆོ་ག་མཁན། །ལེགས་པའི་ལམ་སྟོན་རྗེ་བཙུན་བླ་མ་མཆོག །རིགས་ལྡན་ཆོས་རྒྱལ་རྡོ་རྗེའི་གདུང་སྲས་སུ། །བསམས་བཞིན་རྣམ་པར་རོལ་བའི་ཐུགས་རྗེའི་འོད། །སྔ་འགྱུར་བསྟན་པའི་སྣང་བ་ཆེས་ཆེར་གསལ། །དྲི་བྲལ་གཏེར་ལུང་གིས་ཟིན་ཛ་ཧྣུ། །ཆོས་ཚུལ་གངྒཱ་ཧུབ་ཀྱིས་ལེགས་བཏུངས་ནས། །བོད་དང་བོད་ཆེན་ཕྱོགས་བྲལ་གདུལ་བྱ་ལ། །ཐེག་མཆོག་ཆུ་རྒྱུན་ཆད་མེད་སྐྱུག་དེ་མཚར། །དེ་ནས་ཞ་ལྷ་ཁང་དུ་ཕེབས། གནས་གཟིགས་དང་ཁྱད་པར་ཁྱབ་འཇུག་གི་སྐུ་བརྙན་ལ་སྤྱན་གཟིགས་མཆོད་གཏོར་རྒྱས་པར་མཛད། འབྲི་གུང་རྫོང་གསར་དུ་གདན་དྲངས། ཞལ་ངོ་རྣམས་དང་མཇལ་ཕྲད་དབང་ལུང་མན་ངག་གི་གསན་ལེན་ཟང་ཟིང་གི་འབུལ་སྐྱེས་གནང་རེས་སོགས་སྔར་འཁྱུད་བཞིན་ལུགས་ལེགས་བྱུང་། དེ་ནི་འབྲི་བྱང་གཉིས་ཀ་རིག་འཛིན་མངའ་རིས་པ་ཆེན་པོའི་སློབ་རྒྱུན་རྡོ་རྗེའི་སྤུན་གྲོགས་དམ་ཚིག་ལ་བསེལ་མེད་པའི་རྟེན་འབྲེལ་དུ་གོ །སྐྱིད་ཤོད་བདེ་ཆེན་གྱི་མདུན་དུ་ཕེབས་པའི་ཚེ་ཆིབས་རགས་ཀྱི་སྔོན་དུ་རྒྱ་མི་གཉིས་ཡོད་པ་ལ་ལྕགས་སྦག་ཞིག་རྒྱག་འཇོག་པ་གནང་བར་སྐད་མ་བྱུང་བས་སྡེ་པ་སྐྱིད་ཤོད་པའི་མཚན་དོན་མྱུར་དུ་འཇིག་པར་ལུང་བསྟན། བོད་ཀྱི་རྡོ་རྗེ་གདན་ར་ས་འཕྲུལ་སྣང་དུ་ཕེབས་ཉིན་ནང་པ་རགས་ཁ་བའི་མདུན་དུ་མེ་སྦག་ཞིག་རྒྱག་བཅུག་པར་སྐད་ཤིན་ཏུ་ཆེ་བར་བྱུང་། ཇོ་ཤག་ལ་སྙན་དར་ཇུས་ཡུག་གཅིག་ཕུལ་བས་དེ་ནུབ་མནལ་ལམ་དུ་སྙན་དར་གྱི་རྟེན་འབྲེལ་དེས་གནས་འདིའི་བདག་པོ་ལ་ཇུས་ཡགས་ཡོང་ཟེར་བ་ཞིག་བྱུང་བས་སྡེ་བ་གཙང་པ་ལ་དགེ་བར་འདུག་གསུང་

― GLG008_Page_0757 ―

^{[མ་དཔེ་གཟིགས་ན་འདིར་གནོན།]}

[Full Size]

མྱུར་དུ་ས་རྟའི་སྡེ་གཟར་ལངས་ཏེ་གཙང་དཔུང་གཡུལ་ལས་རྒྱལ་བའི་རྟགས་སུ་མངོན། བྱམས་ཁང་མ་གཏོགས་པའི་མཆོད་ཁང་ཐམས་ཅད་ཞིབ་ཏུ་མཇལ་ནས་བསྟན་པ་དང་འགྲོ་བའི་བདེ་སྐྱིད་འབྱུང་བའི་སྨོན་ལམ་རླབས་པོ་ཆེ་མཛད། ར་མ་སྒང་དུ་གཅུང་རིག་འཛིན་འཕྲིན་ལས་རྣམ་རྒྱལ་དཔོན་སློབ་ཀྱིས་བསུ་བ་ལ་ཕེབས་སྐུ་མཆེད་མཇལ་འཛོམ་གནང་ནས་རྡོ་རྗེ་བྲག་ཏུ་གཞིས་ལེན་དང་བཤང་ལེན་རྒྱས་པར་མཛད། འོན་ཀྱང་རྗེ་གོང་མའི་གདུང་ལ་དཔོན་རིན་པོ་ཆེས་དོ་དམ་ཆེ་བ་མ་བྱུང་དགོངས་པ་སོགས་ཀྱི་རེ་འཁང་ལ་བརྟེན་པའི་འགལ་འཛོལ་ཅུང་ཟད་བྱུང་། དེ་ནས་སྔར་གྱི་མཆོད་ཡོན་འབྲེལ་སོ་དང་བཅས། འཕྱོང་རྒྱས་སྟག་རྩེར་སྤྱན་དྲངས། ཡུན་རིང་པོའི་བར་དུ་གདན་ཆགས། ཞབས་དྲུང་བདུད་འདུལ་རབ་བརྟན་དེ་ཉིད་ལ་ཚེ་དབང་། བླ་མ་ཞི་དྲག །ཚེ་བདག་འཆར་ཀ་སོགས་ཀྱི་དབང་ལུང་གདམས་སྐོར་མང་དུ་གནང་། ངོས་བཙས་ནས་རིང་པོར་མ་ལོན་པའི་སྐབས་དེར་འཆི་མེད་ལྕགས་གདོང་མ་དང་གཏེར་ཁ་གོང་མའི་དྲག་དམར་གྱི་སྒོ་ནས་སྨིན་པར་མཛད། མཚན་བཅས་མཚན་མེད་ཀྱི་སྲུང་འཁོར་སོགས་སྲིའུ་གསོ་བའི་རིམ་གྲོ་མང་དུ་གནང་། འཇམ་དཔལ་ཚེ་བདག་གི་སྒོ་ནས་གཏོར་ཟློག་རྒྱས་པར་མཛད་པའི་ཉིན་འཚམས་པའི་ཁྲོད་དུ་འཕྱོང་རྒྱས་ཞབས་དྲུང་དེ་ཉིད་ཀྱང་ཕེབས་ཡོད་འདུག་ཅིང་། རིག་འཛིན་ཆེན་པོ་ཧེ་རུ་ཀ་དྲག་པོར་ཁྲོས་པའི་བདུད་ཆས་སུ་ཞུགས་ནས་ཟོར་འཆམས་མཛད་པའི་ཚེ་ཕྱག་ཡ་གཅིག་ཡེ་མ་ཁྱོགས་པར་ཐུགས་རྟོག་ཟོས་ཏེ་བརྟག་པ་གནང་བས། སྦྱིན་བདག་ལ་ངན་པར་མཁྱེན་ནས། ལོ་གསུམ་ཙམ་ནས་སྐུ་རིམ་གྱིས་

― GLG008_Page_0758 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་མ་འཁོར་ན་དགྲ་ངོ་ཤིན་ཏུ་ཆེ་བ་འདུག་ཚུལ་སོགས་སློབ་སྟོན་མང་དུ་མཛད། ཚེས་བཅུའི་ཉིན་ལས་བྱང་ལེའུ་བརྒྱད་མ་དང་འབྲེལ་བའི་གར་འཆམས་ཤིན་ཏུ་རྒྱས་པའི་གཟིགས་འབུལ་གནང་བས། བྱང་པ་ཞབས་དྲུང་དཔོན་སློབ་ཐུགས་ལྷག་པར་དགྱེས་ཏེ་ཨུ་རྒྱན་མཁའ་འགྲོའི་གླིང་དུ་སླེབ་པ་འདྲ་བ་བྱུང་ཕེབས། སྡེ་པ་བྲག་ཁ་ནས་ཀྱིས་བསམ་ཡས་སུ་གདན་དྲངས། ཁམས་གསུམ་ཟངས་མཁར་གླིང་དུ་བཞུགས། བསམ་ཡས་མཆིམས་ཕུར་དཔོན་སློབ་ཉུང་འདུས་ཞིག་གིས་བདུན་ཕྲག་གཅིག་སྐུ་མཚམས་གནང་། ཆོས་གཏེར་ཞིག་བཞེས། ཆོས་དེ་ཐོག་མར་ཆོས་རྗེ་དུང་དཀར་རས་པ་ལ་སྤེལ་དགོས་ཡོད་འདུག་པ་ལ་ཁོང་པ་གཞན་དུ་བྲེལ་བས་རྟེན་འབྲེལ་མ་འགྲིག །བྲག་ཁ་ནས་ཀྱིས་ཁམས་གསུམ་འབུལ་ཞེས་ཐོག་མར་ཁས་ལེན་མཛད་ཀྱང་། རྗེས་སུ་བསམ་ཡས་རབ་བྱུང་བ་རྣམས་ཀྱི་གཡོ་ཐབས་ལ་བརྟེན་པའི་ཐོག་ཏུ་མ་ཁེལ། དབུ་རྩེ་རིགས་གསུམ་གླིང་བཞི་གླིང་ཕྲན་རྣམས་ལ་དངོས་བཤམས་ཡིད་སྤྲུལ་གྱི་མཆོད་པ་རྒྱས་པ་གནང་ཞིང་སྨོན་ལམ་རྣམ་པར་དག་པས་འཚམས་སྦྱར། བསྟན་སྲུང་གནོད་སྦྱིན་ཙི་དམར་པ་ལ་གཏང་རག་ཏུ་མཆོད་པ་སྤྱན་གཟིགས་གྱ་ནོམ་པ་དང་བཅས་ལྷ་མི་མཇལ་བའི་དགའ་སྟོན་མཛད། བྲག་དམར་གཡའ་མ་ལུང་དུ་ཕེབས། འཆི་མེད་ཚེའི་ལྗགས་བསྙེན་གནང་བས་ཚེ་ཆུ་གསར་དུ་འཕེལ་བ་སོགས་ངོ་མཚར་བའི་ལྟས་བྱུང་། འཕྲང་འགོ་ཤེལ་གྲོང་དུ་ཕེབས། སྐུ་མཆེད་མཇལ་འཛོམ་གནང་། ས་ཕོ་རྟའི་ལོ་སྡེ་གཟར་ཆེན་མོ་ལངས་ཏེ་གཙང་དཔུང་ལུམ་པར་འབྱོར། སྡེ་སྲིད་ཕུན་ཚོགས་རྣམ་རྒྱལ་དང་མཇལ་འཕྲད་མཛད། དེ་ལོ་མཚན་དོན་

― GLG008_Page_0759 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུག་པ་དང་རྒྱ་རྒན་བ་སོགས་བློན་པོ་འགའ་ལ་མ་རུངས་པའི་བློ་ཡོད་པ་སོགས་ཐུགས་དམ་གྱི་ལྟས་ལ་ཤར་བ་གཙང་པར་རྒྱུ་མཚན་གནང་ངམ་དགོངས་ཏེ་ཕྱག་གཡོག་གཙང་པ་ཡིན་པའི་འཚོ་བྱེད་ཞིག་ལ་གསུང་འཕྲོས་མཛད་པས། དེ་འདྲ་ཐོག་ཏུ་བབ་ན་ལེགས་ཏེ་གལ་ཏེ་མི་བདེན་པ་བཞིན་བྱུང་ན་སྔར་ནས་ལུགས་མི་ལེགས་པ་དང་བཅས་སྡེ་སྲིད་ཀྱི་ཐུགས་ལ་ཅི་འཆར་མི་ཤེས་པས་མི་འགབ་ཞུས་པར་བརྟེན་གསུངས་མ་ནུས་པར་སྣང་། འོན་སྨན་ཐང་དུ་བཞུགས་དུས་ཚག་གཟི་རྒྱལ་ཕུག་གི་ཆུ་མིག་ཏུ་ཆར་འབེབས་ལ་ཕེབས། སྦྱར་སྡོང་གི་རྩ་བར་ཅོག་པུ་ཕུབ་ནས་ཐུགས་དམ་གནང་བའི་ཚེ། སྦྱར་སྡོང་སྟེང་གི་སྐྱ་གའི་ཚང་ནས་ཕྲུ་གུ་ས་ལ་འགྲིལ་བྱུང་བས་མི་ཤིས་པའི་མཚན་མ་ཆེན་པོར་དགོངས་པའི་ཐུགས་རྟོག་ཟ་བའི་མོད་ལ་བང་ཆེན་ཞིག་བྱུང་སྟེ་འཕྱོང་རྒྱས་སུ་དུས་འགྱུར་བྱུང་བའི་གནས་ཚུལ་ཕུལ། ལོ་དུས་ཀྱི་ཉིན་ཀག་ཡོད་པའི་ལུང་བསྟན་མཛད་པ་ཐོག་ཏུ་ཁེལ། སྔ་གོང་དེར་རང་ལ་དེང་སང་སྟོད་ཕྱོགས་ནས་སློབ་མ་འགངས་ཆེ་བ་ཞིག་འོང་བ་འདུག་ཚུལ་ཡང་ཡང་གསུང་བ་ལྟར། འོན་སྨན་ཐང་དུ་བཞུགས་ཐོག་སྔགས་འཆང་ཆེན་པོ་ཤཱཀྱ་བཟང་པོའི་སྐུ་སྐྱེ་ཡོལ་མོ་སྤྲུལ་སྐུ་བསྟན་འཛིན་ནོར་བུ་དྭགས་བརྒྱུད་རྒན་པོའི་སྐྱོ་མ་སྔ་བཙན་གྱི་རིང་ལུགས་དོར་ཏེ། གསང་སྔགས་རྙིང་མའི་བསྟན་པ་དྲི་མ་མེད་པའི་སྒོར་འཇུག་པའི་སླད་དུ་འབྱོར། ཚེ་དབང་ལྕགས་གདོང་མས་ཐོག་དྲངས། བྱང་གཏེར་གྱི་ཐུགས་སྒྲུབ་རྣམ་གསུམ། ཕྱག་རྡོར་དྲེགས་འདུལ་སོགས་དབང་ལུང་གདམས་པའི་ཆོས་

― GLG008_Page_0760 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་རྒྱ་ཆེར་བསྐོར། སྤྲུལ་སྐུ་རིན་པོ་ཆེ་ཉིན་བྱེད་གླིང་ནས་ཕྱིར་བྱོན་ཏེ་རིང་པོར་མ་ལོན་པས། རྟོག་གེ་པའི་ཉམས་ཀྱིས་ཚོགས་འཁོར་གསོལ་བ་ལ་འཚེར་སྣང་དང་། དྲེགས་འདུལ་གྱི་ལས་ཚོགས་ལ་སེམས་ཅན་ལ་གནོད་པ་བྱེད་པ་འབའ་ཞིག་ཏུ་འདུག་དགོངས་པའི་ལོག་རྟོག་སྣ་ཚོགས་ཤར་བ་ན། རིག་འཛིན་ཆེན་པོས་སྤྲུལ་པའི་སྐུ་ལ་སྤྱན་གཅེར་གྱི་གཟིགས་ནས། གསང་སྔགས་རྙིང་མ་འདི་ལ་དྲག་པོ་མངོན་སྤྱོད་ཀྱི་སྐོར་མངས་པས་ཐུགས་ཁྲེལ་ཡོད་དམ་གསུང་བ་ན། མཚན་ཉིད་པའི་ཁྱད་གསོད་དང་ང་རྒྱལ་གྱི་ཧམ་ཐུལ་ཡུལ་བུད་དེ། བླ་མ་དང་ཆོས་ལ་མི་ཕྱེད་པའི་མོས་པ་གཏིང་ནས་འཁྲུངས་པས་རྙིང་མ་བའི་སྔགས་འཆང་དུ་གཙང་སིང་གི་སོང་ངོ་། །གཙང་ནས་སྡེ་པ་ཐོབ་རྒྱལ་བའི་གདན་འདྲེན་བྱུང་བ་བཞིན་འགྲུལ་དུ་ཞུགས། དེའི་ཚེ་སྡེ་པ་བྲག་ཁ་ནས་ཀྱིས། གདན་འདྲེན་ཞུས་པ་ལྟར་ཕེབས། ཞག་ཁ་ཡར་བཞུགས་ཤིང་བསྙེན་བཀུར་རྒྱས་པར་བསྟབས། མཆོད་ཡོན་གཉིས་ཀ་ཉང་པོ་གྲུ་ལ་བྱོན་པར་གྲུ་ཕ་རིར་འགྲོ་མ་ཉན་པ་ལ་འོན་གྱི་གཞི་བདག་ཕོ་ལྷ་རྒྱ་རྒོད་ཀྱི་ལྷ་འཁྲེན་དུ་དགོངས་ནས། གསེར་སྐྱེམས་དང་བཅས་བཀའ་བསྒོས་པས་གྲུ་མདའ་འཕངས་པ་ལྟར་སོང་། དེ་ནས་ཡར་ཀླུངས་ཕྱོགས་སུ་འགྲོ་ཕན་དང་ཁྲ་འབྲུག་གི་གནས་མཇལ་སོགས་མཛད། རིམ་གྱིས་གྲྭ་དོལ་བརྒྱུད། ཆུ་བོ་རི་ནས་བྱང་ཁར་དོན། ཐོག་མར་སྡེ་པ་སྙེ་མོ་བས་གདན་དྲངས་ཏེ་ཕེབས། དབང་རྗེས་གནང་རིམ་གྲོ་སོགས་འདོད་སྦྱར་གྱི་བཀའ་དྲིན་མཛད། དེའི་ཚེ་སྙེ་མོའི་ལ་རྒྱབ་ཏུ་ཡོལ་གོར་ཇིང་གིས་ཁྲིད་པའི་ཧོར་སོག་གི་དམག་མང་པོ་སླེབ། ལུང་བསྟན་ཏུ་བྱང་ཁ་

― GLG008_Page_0761 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་བརྒྱད་བཤད་པའི་མང་ཚན་ཕག་སྣ་ཟེར་བ་དེར་སོག་ཟློག་ལ་དམིགས་ནས་རིག་འཛིན་མངའ་རིས་པ་ཆེན་པོས་མཆོད་རྟེན་ནག་པོ་ཞིག་བཞེངས་པ་དུས་ཕྱིས་བདག་རྐྱེན་མེད་པར་ཞིག་རལ་ཆེན་པོ་བྱུང་ཡོད་འདུག་པ་ལ་ཞིག་གསོས་མཛད་ཅིང་སོག་ཟློག་གི་རིགས་གནང་བས། འབྲི་གུང་བཤགས་རམ་སྒྲུབ་སྡེ་བའི་བླ་མ་དེས། ཞབས་དྲུང་བླ་མ་རིན་པོ་ཆེ་སྐུ་ན་བགྲེས་པོ་ལ་ཐུགས་ཚོད་ཆུང་བ། ཕྱག་གཡོག་ཚོད་ཡོད་པ་ཅིག་ཀྱང་མེད་པ་འདྲ། སོག་པོ་ལ་རྒྱབ་ཏུ་སླེབ་པ་ག་ལ་བཟློགས་ཟེར་ནས་སྐུར་པ་སྣ་ཚོགས་བཏབ་བས། སང་དེ་སོག་པོ་རྣམས་འུར་ཞོགས་ཤིག་བྱུང་སྟེ་བྲོས་པ་ན་མི་ཀུན་ཧ་ལས། བླ་མ་དེས་ཀྱང་རིགས་རྒྱུད་དང་སྐུ་སྐྱེས་ཁྱོགས་པའི་མཐུ་ནུས་ཡོད་བདེན་ཡིན་པ་འདུག་ཟེར་རོ། །སླར་ཐོབ་རྒྱལ་ནས་གདན་འདྲེན་བྱུང་བས་ཡར་ལམ་ལྷང་ལྷང་མ་སོགས་གཏེར་གསར་གྱི་གནས་རྣམས་མཇལ་ཏེ་ཐོབ་རྒྱལ་རྫོང་དུ་ཕེབས། གཞིས་ལེན་དང་ཤང་ལེན་རྒྱས་པར་མཛད། ཟབ་ཕུ་ལུང་གི་གནས་མཇལ་ལ་ཕེབས། ཟངས་མདོག་དཔལ་རིའི་རྩེ་ནས་བོད་ཀྱི་གཞི་བདག་རྣམས་ལ་བག་ཆགས་སྟོབས་འཇོམས་ཀྱི་ཁྲུས་མཛད། ལྷ་བསངས་བརྒྱགས་རྔན་དང་བཅས་བཀའ་ནན་རབ་བརྗིད་ཀྱི་སྒོ་ནས་ལྷ་སྲིན་དམ་ལ་བཏགས། དེའི་ཚེ་ན་ནམ་མཁའི་མཐོངས་སུ་སྤྲིན་དཀར་པོ་ཞིག་ནར་གྱི་བྱུང་བའི་སྟེང་དུ་ཨུ་རྒྱན་རིན་པོ་ཆེ་བཞུགས་པ་མངོན་སུམ་དུ་གཟིགས། གཏེར་ལུང་རྣམས་རིམ་གྱིས་མཇལ་བའི་ཚེ། གཏེར་ལུང་བརྒྱད་པར་ཉེ་བ་ན་ཕྱག་གཡོག་རྣམས་བཞག་སྟེ་ཆིབས་བརྒྱུགས་མཛད། རི་སྒངས་ཤིག་ཏུ་སྔོན་ལ་ཕེབས་པའི་ཚེ། གཏེར་ལུང་བརྒྱད་པའི་མཚོ་ཨུཏྤལ་འདྲ་བའི་ནང་

― GLG008_Page_0762 ―

^{[མ་དཔེ་གཟིགས་ན་འདིར་གནོན།]}

[Full Size]

ཕ་བོང་ཞིག་གི་སྟེང་དུ་འབོལ་སུམ་བརྩེགས་ཀྱི་གདན་ལ་ཨུ་རྒྱན་ཆེན་པོ་ཨཱ་ཙཪྱའི་ཚུལ་དུ་བཞུགས་པ་གཟིགས་ནས་ཕྱག་མཛད་པར་མངོན་དུ་ཕྱོགས་པ་ན། ཞམ་རིང་བ་དགེ་སློང་སྦྱིན་པ་བྱུང་བས་ཡལ་བ་ཐུགས་ལ་ཤིན་ཏུ་ཕངས་པར་གྱུར་པས། རིག་འཛིན་བི་ཤཱ་ཌཱ་ཀིས། དགོངས་པ་དབྱེར་མེད་གྱུར་ཀྱང་ཆུ་ཟླའི་ཚུལ། །རིགས་ཀུན་བདག་པོ་པདྨ་སཾ་བྷ་ཝ། །དངོས་དང་སྤྲུལ་པའི་ཞལ་སྐྱིན་མངོན་སུམ་དུ། །གཟིགས་ནས་ཇི་བཞིན་གསོལ་དེར་གསོལ་བ་འདེབས། །ཞེས་སོ། །སླར་ཐོབ་རྒྱལ་དུ་ཕེབས། དཔོན་ས་ཡུམ་སྔར་ནས་སྟེང་གྲིབ་ཀྱིས་ཟིན་པའི་གཡས་སྟར་རྒྱུད་འགུལ་མི་ཤེས་པ་ལ་བྱིན་རླབས་མཛད་པས་གཞི་མེད་དུ་གསོས། སྡེ་བ་དེ་སྤྱིར་རྙིང་ལུགས་ལ་གུས་ཤིང་དེའི་ནང་ནས་ཀྱང་རིག་འཛིན་ཆེན་པོའི་བརྒྱུད་འཛིན་ཁོ་ན་ལ་དད་པ་ཆེ། དེའི་རྒྱུ་མཚན་ཡང་ཐོབ་རྒྱལ་བའི་བློན་པོ་གངས་བཟང་བའི་མི་ངོ་དཔོན་པོ་སྨོན་སྐྱིད་པ་ཟེར་བ་དེ་བླ་མ་སོག་ཟློག་པར་རྩ་བའི་བླ་མ་འཆོལ་བས། སྐབས་ཤིག་ཏུ་བླ་མ་སོགས་ཟློག་པ་ཐོབ་རྒྱལ་དུ་བྱུང་སྟེ། སྣང་རྩེ་ནས་ཀྱི་གཏེར་མའི་ལུང་བསྟན་ཏུ། སྡེ་པ་ཕྱག་ན་རྡོ་རྗེའི་སྤྲུལ་པར་ཡོད་ཚུལ་འདི་བཞིན་ཡིན་ཞེས་ལུང་བསྟན་ཁུལ་བུ་བསྟན་ཅིང་བསྔགས་བརྗོད་ཆེན་པོ་བྱས་པ་ལ་སྡེ་པ་དེས་ཅི་ཡིན་མི་ཤེས་སྙམ་ནས་ལུང་བསྟན་ལ་བདག་གིར་དང་བླ་མ་ལ་བདག་རྐྱེན་ཆེར་མ་བྱས་པས་ལོ་གཅིག་གཉིས་སོང་བ་ན་ཁོང་གིས། སྣང་རྩེ་ནས་ཀྱི་གཏེར་ལུང་དུ་སྡེ་པ་ཐོབ་རྒྱལ་བ་བདུད་ཡིན་ཚུལ་འདི་བཞིན་ཡོད་ཅེས་མི་འགའ་ལ་བསྟན་ཅིང་བསྒྲགས་པ་སྡེ་པས་ཐོས་པ་ལ་བརྟེན་ཞེ་ཁྲེལ་ཏེ་ཕྱོགས་དེ་ལ་མི་མོས་པ་ཡིན་ཚུལ་ཐོབ་རྒྱལ་བའི་དྲུང་འཁོར་རྒྱུས་ཅན་འདྲས་གླེང་ངོ་། །དེ་རིགས་

― GLG008_Page_0763 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་འཕྲོས་དོན་སྡེ་བ་སྣང་རྩེ་བས་ཁོ་རང་མི་དགའ་བའི་བླ་མ་སྡེ་དཔོན་མང་པོར་ལུང་བསྟན་ངན་པ་བྱས་པས། བྱ་ཡུལ་དུ་འབྲུག་པ་སྤྲུལ་སྐུ་པདྨ་དཀར་པོ་དང་རིག་འཛིན་ཆེན་པོ་མངའ་རིས་པ་གདན་འཛོམ་པའི་ཚེ་འབྲུག་པ་སྤྲུལ་སྐུས། སྣང་རྩེ་ནས་ཀྱིས་ཁྱེད་རང་ཞང་བློན་ཁྲ་མགོ་ཡིན་ཟེར་བའི་ལུང་བསྟན་བྱས་ཡོད་འདུག །ངས་ཁོང་བར་ལུང་བསྟན་ངན་པ་ཞིག་རྩོམ་པས་དེ་ཁྱེད་རང་གི་གཏེར་ཆོས་ཁྲོད་དུ་ཆུག་གསུང་བ་ལ། རིག་འཛིན་རྗེས། ཁོང་རང་ཅི་གསུང་རུང་ང་ནི་ཨུ་རྒྱན་རིན་པོ་ཆེའི་གཏེར་ཆོས་སུ་གང་འདུག་ལས་རང་གི་དགའ་སྡུག་ལ་བརྟེན་པའི་བཟང་ངན་འཇུག་མི་ནུས། བླ་མ་མཁའ་འགྲོའི་བཀའ་ཆད་དང་སྲུང་མའི་འཚུབ་ཡོང་གསུངས་པས་འབྲུག་པ་ཞལ་སྐྱེངས། འབྲུག་པ་རང་ལ་ཡང་ལུང་བསྟན་ངན་པ་ཡོད་སྣང་བའི་ལན་ལེན་རྩིས་ཀྱི་ལས་འབྲས་རྒྱབ་བསྐྱུར་གྱི་རྣམ་པར་འདུག་པས། ཚུལ་དེས་ཀྱང་ལེགས་ལྡན་རྗེ་ལ་གཟུར་གནས་ཀུན་གྱིས་བསྔགས་པར་བྱེད་དོ། །སྡེ་པ་ལ་ཐུགས་སྒྲུབ་རྣམ་གསུམ་སོགས་ཀྱི་བཀའ་དབང་མཛད་པའི་ཚེ། བྱིན་ཕབ་པ་ན་སྡེ་པ་འདར་བ་དང་དགོད་པ་སོགས་བྱུང་ལ། རྗེ་ཉིད་ཀྱི་ཕཊ་ཀྱི་སྒྲ་དྲག་པོ་དང་བཅས་ཏེ། དེ་ཀའི་ངོ་བོ་ལ་ལྟོས་ཤིག་གསུངས་པ་ན། ཇ་དཀར་ཡོལ་གང་འཐུང་ཡུན་ཙམ་ཀ་དག་ལ་ཆམ་གྱི་གནས་པ་སོགས་ལས་འཕྲོ་སད་པའི་རྟགས་ངོ་མཚར་བ་བྱུང་། ཡོལ་མོ་སྤྲུལ་པའི་སྐུ་ཆེད་གཉེར་གྱིས་བྱོན་པ་ལ་ཟླ་བ་བཞི་ཙམ་གྱི་རིང་བྱང་གཏེར་གྱི་ཕུར་པ་ལུགས་གསུམ། འཇམ་དཔལ་ཚེ་བདག་པད་ལུགས་དང་གནུབས་ལུགས་ཀྱི་ཕྱི་ནང་གསང་བའི་སྐོར་སོགས་སྨིན་བྱེད་ཀྱི་དབང་། སྦྱིལ་བྱེད་ཀྱི་འཁྲིད། རྒྱབ་རྟེན་གྱི་ལུང་། ལས་བཞིའི་འཕྲིན་ལས་སྒྲུབ་པའི་

― GLG008_Page_0764 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་བཞེས་མན་ངག་དང་བཅས་པ་རྫོགས་པར་གནང་། སྡེ་པ་ཐོབ་རྒྱལ་པའི་སྐུ་རིམ་ལ་ཁྲོ་རོལ་ཚེ་བདག་སོགས་ཀྱི་གཏོར་ཟློག་ཆེ་ཕྲ་མང་དུ་མཛད། ཨེ་ཝཾ་ལྕོག་སྒར་བའི་གྲྭ་ཚང་རྣམས་རེ་ཞིག་སྡེ་པའི་སྐུ་རིམ་ལ་ཐོབ་རྒྱལ་དུ་འཇོག་པ་གནང་ནས་དཔོན་སློབ་ཉུང་འདུས་དབུས་སུ་ཕེབས། དེ་དུས་གཙང་སྐུར་ཟློས་པའི་སྡེ་གཟར་ཆེན་པོ་ལངས་པ་དང་འགྲིག །ཡར་ཀླུངས་སུ་སྡེ་སྲིད་ཕུན་ཚོགས་རྣམ་རྒྱལ་དང་མཇལ་འཛོམ་གནང་། མཆོད་གཞིས་འོས་འགའ་ཞིག་འབུལ་སྦྱོར་མཛད། བྱུས་ཐག་ཆོད་ནས་དཔུང་གྱེས་གདོང་ལ་དོལ་སྔོན་རྫོང་དུ་གཙང་པ་བཞུགས་ཐོག་མཇལ་བར་ཕེབས་པས། ཉིན་མོ་སྡེ་སྲིད་ཐུགས་བྲེལ་གྱིས་གཡེངས་ཏེ་མུན་རུབ་པ་དང་གདན་འདྲེན་བྱུང་བས། ང་སྔགས་པ་དང་མཚན་མོ་མཇལ་བ་ལ་དགའ་རྒྱུ་ཨེ་ཡོད་མི་ཤེས་གསུངས། གང་ལྟར་མཆོད་ཡོན་བར་དུ་དམ་སེལ་ཆེ་བ་དང་། རྗེ་ཉིད་པད་གནུབས་ཀྱི་གདམས་པ་ཟབ་མོ་ལ་ནང་བྱན་ཆུད་པའི་ལྟས་ངན་གཡང་དུ་ལོན་པས། སྡེ་པ་ཕུན་ཚོགས་རྣམ་རྒྱལ་འབྲུམ་པའི་སྙུང་ནད་ཀྱིས་བཏབ་པ་ལ་ཟླ་བར་ཉེ་ནས་ཀྱང་སྣག་ཆུ་འཁོར་རྒྱུ་མེད་པའི་གསོ་བྱེད་མཁན་པོ་རྣམས་ཀྱིས་བཅོས་སུ་དཀའ་བ་ཞིག་བྱུང་ནས། འཆི་བདག་བཻ་ཝ་སཏྭའི་ལྟོ་བའི་གྲོང་ཁྱེར་དུ་གཤེགས་སོ། །དེ་ནས་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་དུ་ཕྱག་དང་ཞབས་སྐོར་གཉིས་ཀ་འབུམ་ཐེར་རེའི་སྒོ་ནས་བསག་སྦྱང་དང་། དཀར་མེ་ཞལ་ཟས་སོགས་མཆོད་པ་ཉིན་སྟར་གྱིས་བཤམས་ཤིང་། དཀར་མེ་རུ་བའི་རྒྱུན་བཙུགས་ཏེ་རྣམ་དཀར་གྱི་དགེ་ཚོགས་རྒྱ་ཆེར་སྤེལ། དབུ་རྩེ་རིགས་གསུམ་གླིང་ཕྲན་ཇོ་མོ་གླིང་གསུམ་རྣམས་ཀྱི་

― GLG008_Page_0765 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འགངས་ཆེ་བ་སོ་སོའི་མདུན་དུ་རེས་མོས་ཀྱིས་དུས་ཆེན་དགུའི་གསོ་སྦྱོང་བཞེས། བསམ་ཡས་ཀྱི་སྡེ་པའི་ཇོ་མོ་ལ་གནོད་སྦྱིན་ཆེན་པོ་ཤིན་ཏུ་གནོད་པར་བྱུང་བས་ཐབས་ཞུས་པར་རཱ་ཛ་རྒྱུ་ལམ་གཅོད་པའི་འཁོར་ལོ་སྒོ་ལ་སྦྱར་བ་ན། ཆོས་སྐྱོང་ཆེན་པོ་ཐུགས་ཁྲོས་ཏེ་སྤེ་དཀར་ལྕོག་ཏུ་ལྷ་མི་འཛོམ་ཐོག་ཏུ། ང་རང་ཤ་རང་གིས་ཟ། རང་ཁྲག་རང་གིས་འཐུང་དབང་མི་འོང་བ་ཅི་ཡིན། ཁྱོད་འཇིགས་ན་ང་ལུས་རྟེན་འདི་ལས་ཕྲོལ་ནས་ལྷ་གནས་སུམ་ཅུ་རྩ་གསུམ་དུ་སྐྱོལ་དང་སོགས་འཇིགས་འཇིགས་མང་དུ་གསུང་བ་ལ། ང་སེམས་ཅན་གྱི་དོན་བྱེད་མཁན་ཡིན་པ་ལ་སྲུང་བ་ནི་འདོགས་དགོས་བྱུང་། རྒྱལ་འགོང་ཕྲ་རགས་དཀྱུས་མའི་རིགས་མ་གཏོགས་ཁྱེད་བསྟན་སྲུང་རྣམས་ལ་གནོད་པ་ནི་མ་བྱས་སོགས་འཇམ་པའི་སྒོ་ནས་གསུངས་པ་ལ་ཆོས་སྐྱོང་ཁྲོ་བ་མ་ཞི་བས། རིག་འཛིན་ཆེན་པོས་ཕྱག་གི་རྡོ་རྗེ་དེ་ཕྱར་ཐབས་དང་བཅས་ཏེ། འོ་ན་བདེན་པ་སུ་ལ་ཡོད་བལྟ་བས་ཁྱེད་རང་དམོད་བོར་ཞིག་གསུངས་པ་ལ། ཆོས་སྐྱོང་ཆེན་པོས་ནས་ནམ་མཁའ་ལ་གཏོར་བས་ཆོས་སྐྱོང་གི་ཕྱོགས་སུ་ནག་པོ་དང་རྗེའི་ཕྱོགས་སུ་དཀར་པོ་བབས། དེ་ནས་ཀྱང་འཚུབ་འགྱུར་མ་ཞི་བས། ཐུགས་འུར་ཏེ། ཁྱོད་འཇིགས་ན་ངའི་གནས་ཚང་འགག་གི་ཡུ་འབོག་སྡོང་པོ་འདི་བསྒྱེལ་ཐུབ་པ་གྱིས། ང་འཇིགས་ན་ཁྱོད་ཀྱི་བཙན་ཁང་འགག་གི་དར་པོ་ཆེ་འདི་བསྒྱེལ་ཐུབ་པ་བྱེད་གསུངས་ནས་བཞུགས་མཚེར་དུ་ཕེབས། ཁྱབ་འཇུག་གི་ཐུན་གཏོར་གནང་བས་རླུང་ཚུབ་ཆེན་པོ་ཞིག་གློ་བུར་དུ་ལངས་ནས་སྤེ་དཀར་ལྕོག་གི་དར་པོ་ཆེ་བཅག །མཁན་ཚང་པ་རྣམས་ཀྱིས་སྡེ་པ་བྲག་ཁ་བ་བསྒུལ་ནས་སྡེ་པས་ལྷ་མི་དམ་ཚིག་སྲེ་བའི་བར་ཞུས་ཏེ་སྤེ་དཀར་

― GLG008_Page_0766 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕོག་ཏུ་གདན་དྲངས། དེའི་ཚེ་ཐང་ལྷའི་གསོལ་ཀ་མཛད་ནས་འདིའི་གནས་སྲུང་ཐང་ལྷ་ལ་བཅོལ་བས་ཁྱོད་རང་བྱེད་མི་དགོས། ཨུ་རྒྱན་རིན་པོ་ཆེས་མ་འོངས་པ་ཐང་ལྷས་བྱེད་པར་གསུངས་ཡོད་ཅེས་པ་དང་། ཁྱོད་ཀྱི་སྲོག་སྙིང་ང་ལ་ཡོད། ངའི་སྲོག་སྙིང་ཁྱོད་ལ་མེད་ཅེས་བབས་ལྕི་བའི་གསུང་བྱོན་པ་ནི། འཁོར་འདས་ཀྱི་ཚེ་སྲོག་ཐམས་ཅད་ལ་དབང་སྒྱུར་བའི་ཕྱག་རྒྱ་ཟིལ་གནོན་གྱི་སྐུར་བཞེངས་པའི་རྟགས་སོ། །དེ་ནས་ལྷ་མི་དམ་ཚིག་སྲེ་བར་མཛད། ཆོས་སྐྱོང་གི་དབུ་ལ་རྡོ་རྗེ་འཇོག་པ་སོགས་དམ་བསྒྲགས་སོ། །ཟངས་རི་ཕྱོགས་སུ་ག་ཇག་པ་འཕུར་བའི་ཚེ་ཉི་མ་སྒྲིབ་པ་ཙམ་གྱི་མང་པོ་བྱུང་ནས་ལོ་ཐོག་ལ་གནོད་པ་ཆེན་པོ་བྱས་པར། མི་མང་པོས་དར་འཕྱར་བ། དུང་སོགས་རོལ་མོ་འབུད་དཀྲོལ། གདན་ས་ཐིལ་གྱི་རྟེན་བྱིན་རླབས་ཅན་རྣམས་འོང་སྐོར་དུ་གདན་འདྲེན་བྱེད་པ། ཞྭ་དམར་ནག་གི་ཕྱག་ནས་གཏོར་བ་སོགས་ཐབས་ཇི་ལྟར་བྱས་ཀྱང་མ་ཕན། དེའི་ཚེ་རིག་འཛིན་ཆེན་པོ་དབྱེའི་ཆུ་ཚན་ལ་ཕེབས་པའི་སྐད་ཅ་ཚོར་ནས་གདན་དྲངས། འོངས་སྐོར་ལ་ཕེབས་ནས་སྔགས་དང་ཏིང་ངེ་འཛིན་གྱིས་བྱིན་རླབས་མཛད་པས་ག་ཇག་པ་རྣམས་ཙ་རི་དང་ཡར་ལྷ་ཤམ་པོའི་ཕྱོགས་སུ་བྲོས། དེ་དག་གི་སྙན་པ་ལ་བརྟེན་ནས་རོང་ཆད་དཀར་དུ་སྡེ་པ་རྒྱ་རི་བས་གདན་དྲངས། ལྷ་ཀརྨ་ཆོས་རྒྱལ་བ་དེ་སྣང་རྩེ་ནས་ཀྱི་ལུང་བསྟན་འདྲ་ལ་བརྟེན་ནས་ལོག་ལྟ་ཞིག་ཡོད་འདུག་པས་རང་བཞིན་གྱིས་མཇལ་འཕྲད་ལས་ཆོས་ཞུ་བ་སོགས་ནི་མ་མཛད། དེའི་ཚེ་ཆད་དཀར་རྫོང་གི་བཀང་གསོ་བ་གནས་བརྟན་རྒན་པོ་ཞིག་གིས། ཞབས་དྲུང་འདི་རྙིང་མ་བ་མ་བྱས་ན་ཡོང་བ་འདུག་སྟེ་བྱེད། ངེས་པར་བྱེད་

― GLG008_Page_0767 ―

^{[མ་དཔེ་གཟིགས་ན་འདིར་གནོན།]}

[Full Size]

ན་བྱང་པ་བདག་པོ་འདི་ཁུངས་བཙུན་པ་འདུག་སྟེ་འདི་ལ་ཆོས་མི་ཞུ། ཁུངས་མེད་རྐྱང་པ་ལ་ཆོས་ཞུ། རྫི་ཆུང་ཞེས་སྐུར་པ་བཏབ་ཚུལ་བྲག་སྣ་ཆོས་རྗེ་སོགས་རྒྱུས་ཅན་འགས་གླེང་ངོ་། །དེ་ནས་ཡར་ཀླུངས་ཕྱོགས་སུ་ག་ཇག་པའི་གནོད་པ་བྱུང་བ་ལ། དྲུང་འཚོ་བློ་རྣམ་པ་དང་དམག་དཔོན་བཞི་པོས་གདན་དྲངས། ག་ཇག་པ་རྣམས་སྔར་བཞིན་ཕྱོགས་གཞན་དུ་སོང་། དེ་ལོ་ཞོད་ཆེས་པས་ཤེལ་བྲག་གི་རི་ནས་ཤྭ་འོད་དང་རྦབ་གཡག་ཤད་ཙམ་མང་པོ་འགྲིལ་ནས་བཙན་ཐང་དང་དེའི་རྒྱུད་ཀྱི་འོངས་པ་རྣམ་ལ་གནོད་པར་མངོན་དུ་ཕྱོགས་པ་ན། སྤྱན་གྱི་གཟིགས་སྟངས་དང་སྡིགས་མཛུབ་མཛད་པས་ཕར་འགྱུར། བར་སྐབས་སུ་ཐན་པ་ཆེན་པོ་བྱུང་བར་རྩེས་ཐང་བསྟན་མའི་ཆུ་མིག་ཁར་ཞག་གསུམ་བཞུགས་ཏེ་ཆར་འབེབས་མཛད་པས་ཆར་ཆེན་པོ་ཕྱོགས་ཀུན་ཏུ་ཁྱབ་པར་བབས། རྟེན་མཁར་དེ་ལ་ཐུགས་དོགས་ཟོས་ཏེ། རྟེན་མཁར་རྙིང་པ་དེ་འདི་མིན་པའི་གཙུག་ལག་ཁང་གི་ལྟག་དེར་ཡོད་ཚོད་དུ་འདུག །བུ་མོ་སྟག་ལོ་མ་མིང་དང་དབྱིབས་འདི་འདྲ་བ་ཞིག་ཚོལ་གསུང་བ་བཙལ་བས་རྙེད། དེ་ལ་བསྟན་མ་བབས་ཏེ་ལྷ་མི་ཐམས་ཅད་ཀྱིས་གཙུག་ལག་ཁང་གི་ལྟག་དེར་བྱོན། ས་བརྐོས་པས་སྔར་བསངས་བཏང་བའི་ཤུལ་སོགས་ཐོན་པས་ངེས་ཤེས་རྙེད། བསྟན་མས། འདི་ཀ་ཡིན་ཞེས་གསུངས། ཡར་ཀླུངས་སྟོད་སྨད་ཀྱི་མི་ཐམས་ཅད་དད་པ་དབྱར་མཚོ་ལྟར་འཕེལ། ཐུགས་རྗེ་ནུས་པ་མངོན་མཁྱེན་གྱི་སྒྲ་སྐད་ཐོན། འོན་དུ་ཕེབས་དུས་ཤིག །སྐུ་མཆེད་བར་གྱི་སེལ་ཞི་བའི་དགའ་སྟོན་ལ། རྒྱལ་སྲས་རྣམ་གཉིས་ལྷན་ཏུ་བཞུགས་ཐོག་གྲྭ་རིགས་སྦྱིན་བདག་རྣམས་ཀྱིས་བསྙེན་བཀུར་དང་འབུལ་བ་

― GLG008_Page_0768 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་ཆེར་བྱས། དབོན་རིན་པོ་ཆེ་སོགས་སྒར་དམངས་འཕྲང་མགོར་བཏེག །རིག་འཛིན་ཆེན་པོ་ཤེལ་བྲག་ཏུ་སྐུ་མཚམས་ལ་བཞུགས། འདིའི་དུས་ཡི་དམ་ཆོས་སྐྱོང་གི་གཟིགས་སྣང་དང་ལུང་བསྟན་མང་དུ་བྱུང་། གོང་དཀར་དུ་གདུང་བརྒྱུད་ཉག་ཕྲ་བ་ལ། བླ་ཆེན་དང་བླ་ཆུང་སུས་ཐབས་བྱས་ཀྱང་མ་ཕན་པར་ཐམས་ཅད་ཀྱི་ཕྱག་མཛོད་ཕུག་ལ་སྔོན་ལས་ཀྱི་སྒྲ་བོ་ཆེ་ལ་འབྲོས་ཁུངས་འཆོལ་བའི་ཚེ། རྗེ་ཉིད་ཀྱི་སྙན་པ་གསན་ནས་གོང་དཀར་དུ་གདན་དྲངས། སྡེ་སྲིད་ཕག་མོ་གྲུ་པའི་དབུའི་བླ་མཆོད་དུ་བཀུར་སྲིད་འཕེལ་གྱི་བྱིན་རླབས་དང་རྟེན་འབྲེལ་མཛད་པས་གདུང་རྒྱུད་འཁྲུངས་ཏེ་ཐུགས་མོས་ཇེ་ཆེར་སོང་། སྡེ་པ་ཐོབ་རྒྱལ་བ་འགྲོངས་པར་ཐུག་ནས་རིག་འཛིན་འཕྲིན་ལས་རྣམ་རྒྱལ་ལ་གདན་འདྲེན་ནན་ཆེར་བྱུང་སྟེ་ཕེབས་པས། རོང་གི་ཆབ་ཚན་མ་འཕྲོད་པར་སྐུ་ཁམས་ལོག་སྟེ་འཕྲང་འགོར་ཕེབས་ཙམ་ལ་ཞིང་ཁམས་འཕོས། རྗེ་ཉིད་བྲག་ཁར་བཞུགས་པ་དང་འགྲིག་ནས་ངོས་ཀྱིས་ཞལ་མཇལ་མཐུབ་ཀྱང་དགོངས་པ་རྫོགས་ཐབས་རྒྱ་ཆེར་མཛད། དཔལ་བཀྲ་ཤིས་སྟོབས་རྒྱལ་གྱི་གསེར་གདུང་ལ་ཞིག་གསོས་དང་གཟུངས་གཞུག་རབ་གནས་མཛད་དེ། ཡབ་སྲས་གཉིས་ཀའི་ཕྱི་རྟེན་གྱི་ཚུལ་དུ་བཞུགས་པས་ནམ་མཁའ་ཐམས་ཅད་འཇའ་སྤྲིན་གྱིས་ཁྱབ་བོ། །བྲག་ཁར་ཕེབས། ག་ཇག་པ་ཐོག་མར་བྱུང་ས་རྒྱ་མཚོ་སྦུག་ཏུ་འགོང་རྫོངས་མཛད་པས་དེ་ནས་བཟུང་ག་ཇག་པའི་གནོད་པ་སྟོད་སྨད་ཀུན་ཏུ་མ་བྱུང་། སླར་དྲུང་འཚོ་བློ་རྣམ་པ་སོགས་ཀྱིས་ཡར་ཀླུངས་སུ་གདན་དངས། བསྟན་མའི་སྐུ་མཁར་གསར་པ་ལ་རྟེན་འཛུགས་དང་སྒེར་གསོལ་མཛད། བུ་མོ་ལོ་དགུ་པ་ཞིག་ལ་བསྟན་མ་བབས་ནས། བཀའ་དྲིན་ཆེ་ཟེར་ནམ་མཁའ་

― GLG008_Page_0769 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ནས་གཏོར་ནས། རྩ་གསུམ་གྱི་ལྷ་ཚོགས་མཐོང་བའི་བརྡ་དང་། དུས་རྟགས་ཀྱི་ལུང་བསྟན་མང་པོ་ཞུས། ཟུར་ཆེན་རྡོ་རྗེ་འཛིན་པ་གྲྭ་སྐོར་ལ་ཕེབས། དཔོན་སློབ་ཀྱི་རྟེན་འབྲེལ་ཐོག་མར་འགྲིག །གོང་པོ་རིའི་ཕྱོགས་བཞི་ཐུགས་རྗེ་ཆེན་པོའི་ཡིག་འབྲུ་རེ་རེ་རང་བྱོན་དུ་ཡོད་པ་ལ། རྗེའི་ཡི་གེ་རང་བྱོན་དེ་རིག་འཛིན་ཆེན་པོས་གཟིགས་ཏེ་ཀུན་ལ་སྟོན་པ་མཛད། དེ་ནས་ཟ་ཕུ་གདན་ས་པས་བསམ་ཡས་ཀྱི་ཞིག་གསོས་ལེགས་པར་གྲུབ། ཨུ་རྒྱན་ཆེན་པོའི་ལུང་བསྟན་ན་བོད་ཙམ་ན་ཆེ་བའི་སྔགས་པ་ཞིག་གིས། རབ་གནས་དང་ལྷ་སྲིན་དམ་ལ་བཏགས་ན་བོད་ལ་བདེ་སྐྱིད་འབྱུང་བར་གསུངས། ཟ་ཕུ་གདན་ས་པས་ཉམ་ཁོག་ཏུ་ཆུད་དེ་ངེས་ཤེས་འདྲོངས་ནས་རིག་འཛིན་ཆེན་པོ་འདི་གདན་དྲངས། མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ལ་རབ་ཏུ་གནས་པ་མཛད། ཧས་པོ་རིའི་རྩེ་ནས་བཀའ་ནན་རབ་བརྗིད་ཀྱི་ཆོ་གས་ལྷ་སྲིན་སྡེ་བརྒྱད་ཐམས་ཅད་དམ་ལ་བཏགས། དེ་ལ་ནན་ཏན་མཛད་པའི་རྒྱུ་མཚན་ཡང་། རིག་འཛིན་ཡོངས་འདུས་ཀྱི་ལུང་བྱང་ལས། །བསམ་ཡས་གཙུག་ལག་གསོ་ཞིང་བདེ་འདུས་ཀྱི༔ སྒྲུབ་པ་འཛུགས་ཤིང་མངའ་གསོལ་རབ་གནས་བྱ༔ མཆོད་ཚོགས་བཟང་བཤམས་རྩེ་བརྒྱན་དར་ཕྱར་ནས༔ བོད་ཁམས་བདེ་སྐྱིད་དར་རྒྱས་འགྱུར་རོ་ཞེས༔ ལྔ་ཚང་འབྲུག་གི་ལོ་པས་སྣ་དྲངས་ནས༔ བསྭོོ་སྒྲ་བྱ་ཞིང་ཐེ་ལེ་ཡང་ཡང་གདབ༔ ཅེས་དང༔ ཧས་པོ་རི་ལ་ཐུགས་ཀྱི་ལྷ་གསུམ་བཞེངས༔ བསངས་དང་གསེར་སྐྱེམས་བཀའ་ནན་རབ་ཏུ་བྱ༔ ཞེས་པའི་དོན་ལ་དགོངས་སོ། །ཡར་ཀླུངས་དམག་དཔོན་བཞིས་གདན་དྲངས། བོད་ཆོས་རྒྱལ་གྱི་གནས་ཁྱད་འཕགས་མཐའ་འདུལ་གྱི་གཙུག་ལག་ཁང་

― GLG008_Page_0770 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲ་འབྲུག་ཏུ། སྔོན་ཨུ་རྒྱན་ཆེན་པོས་རྒྱལ་སྲས་ལྷ་རྗེ་ལ་བཀའ་འདུས་ཆོས་ཀྱི་རྒྱ་མཚོའི་དབང་གནང་བའི་དཀྱིལ་འཁོར་གྱི་སྟེགས་བུའི་མདུན་དུ་དཔལ་སྒྲུབ་པ་བཀའ་བརྒྱད་གསང་བ་ཡོངས་རྫོགས་རྡོ་ཚོན་ལ་བརྟེན་པའི་དཀྱིལ་འཁོར་དུ་སྒྲུབ་ཆེན་བཙུགས། རྒྱལ་མཐོའི་ནང་དུ་ཆུད་པའི་དབང་ཞུ་བ་སུམ་བརྒྱ་སྐོར་གྱིས་འཛབ་ཀྱི་ཐུན་འཛིན་པ་སོགས་ཕྱག་ལེན་གཙང་ཞིང་སྨན་སྒྲུབ་འཕེལ་ཆེ་ལ་དྲི་བཟང་པོས་ཕྱོགས་ཀུན་ཏུ་ཁྱབ། སྒྲུབ་པ་གྲོལ་རྒྱུའི་ནུབ་ཆོས་སྐྱོང་ཚངས་པ་དུང་ཐོད་ཅན་ཁོག་ཏུ་ཞུགས་ནས། ཨུ་རྒྱན་གྱི་རྣམ་ཐར་གསོལ་འདེབས་དེ་གདངས་མ་བྱས་ཐོན་གསུང་། སིནྡྷུ་རྒྱ་མཚོ་དང་རྣམ་ཐར་དྲི་མེད་སོགས་མང་བས་གང་ཡིན་དྲི་བར་གནང་པས། ཁྱེད་རང་ལ་གསུངས་པ་དེ་ཐོན་གསུངས། སིན་དྷུ་རྒྱ་མཚོ་ཆེ་བ་དཔོན་སློབ་ཐམས་ཅད་ཀྱིས་གདངས་མ་མཛད་པས། ཆོས་སྐྱོང་འཆི་མ་འདོན་ཞིང་སྙན་དར་གྱི་ཁྲོད་ནས་ཁ་བཏགས་གཅིག་བཀྲོལ་ཏེ་སྐུ་དེ་ལ་བཏགས། སང་ཉིན་ཨུ་རྒྱན་ཕེབས་པ་ཡོད་པས་ཐམས་ཅད་ཀྱིས་གསོལ་བ་ཐོབ་ཟེར་ནས་ཕྱིར་བྱོན་སོང་། སང་སྔ་གྲོ་གྲོལ་དབང་གི་དུས་ཁྲ་འབྲུག་གི་ནེའུ་ཐང་ཆེན་པོ་དེར་ཁྲོམ་ཁྲི་ཕྲག་ཏུ་ཉེ་བ་ཚོགས་པའི་ཚེ། ལྷོ་ནུབ་མཚམས་ནས་རྒོད་གསུམ་འཕུར་ཏེ་ཁྲོམ་གྱི་ཐད་ཀྱི་ནམ་མཁའ་ལ་སྐོར་བ་ལན་གསུམ་བྱས་ནས་ཕྱིར་ལོག་སོང་བ་ན། ཆོས་སྐྱོང་ཚངས་པ་ནི་ཨུ་རྒྱན་ཕེབས་བྱུང་ཟེར་བརྒྱལ་བའི་རྣམ་པ་བྱེད། རིག་འཛིན་ཆེན་པོ་ཡང་ནམ་མཁའ་ལ་གཟིགས་ཤིང་ཕྱག་ཐུགས་ཀར་ཐལ་མོ་སྦྱོར། དབང་གི་གྲོལ་སྟོན་གྱི་བཞུགས་གྲལ་ཐོག་བྱུ་རུ་སྤོས་ཤེལ་གསེར་གཡུ་སྣམ་ཕྲུག་ནས་སོགས་འབུལ་བ་རྒྱ་ཆེ་ཕུལ། ཕོ་བྲང་གོང་རི་དཀར་པོར་ཕེབས། ཡོལ་མོ་སྤྲུལ་པའི་སྐུ་བཀའ་ཆོས་ཀྱི་

― GLG008_Page_0771 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲོས་ཞུ་བར་བྱོན། གོང་དཀར་ཉིད་དུ་དབང་ལུང་མང་དུ་གནང་། རིམ་གྱི་རྡོ་རྗེ་བྲག་དུ་ཕེབས། ཡོལ་མོ་སྤྲུལ་སྐུ་གཙོ་བོར་གྱུར་པའི་ཕྱོགས་འདུས་གྱི་སློབ་མ་རྣམས་ལ་བཀའ་བརྒྱད་གསང་རྫོགས་ཀྱི་སྒྲུབ་ཆེན་དང་། གཞན་ཡང་མངའ་བདག་མྱང་། འཁྲུལ་མེད་ཀྱི་གླིང་པ་བཅུ་གཅིག །བྱང་ཆུབ་གླིང་པ་རྒྱལ་མཚན་དཔལ། རྡོར་འབུམ་ཆོས་གྲགས། མངའ་རིས་པཎ་ཆེན་སྐུ་མཆེད། ཆོས་རྒྱལ་དབང་པོའི་སྡེ་སོགས་གཏེར་ཁ་གྲངས་མེད་པའི་དབང་ལུང་ཁྲིད་མན་ངག་དང་བཅས་པ་བུམ་པ་གང་བྱོར་གནང་། ཆོས་རྗེ་ཤ་གཟུག་པ་ངག་དབང་བཀྲ་ཤིས་རྣམ་རྒྱལ་སོགས་ལ། ཀུན་བཟང་དགོངས་པ་ཟངས་ཐལ་གྱི་ཁྲིད་སྤྲུལ་པའི་སྐུས་མཛོད་ཅེས་སྐུལ་མ་གནང་བ་ལྟར་བཙུགས་པའི་ལྷུན་གྲུབ་ཀྱི་དབང་གི་ནུབ་རིག་འཛིན་ཆེན་པོའི་གཟིགས་སྣང་ལ། དཔལ་བཀྲ་ཤིས་སྟོབས་རྒྱལ་དགྱེས་བཞིན་དུ་བྱོན་པ་དང་། ཐིག་ལེ་ཐིག་ཕྲན་གྱི་དབུས་ན་ཞི་ཁྲོའི་ལྷ་མང་པོ་དང་ཁྱད་པར་ཐུབ་པ་ཆོས་ཀྱི་རྒྱལ་པོ་གསལ་བར་གཟིགས་པ་ལ། སྡུག་བསྔལ་གྱིས་ཉམ་ཐག་པའི་སེམས་ཅན་ལ་གཟིགས་ཞེས་གདུང་ཤུགས་དྲག་པོས་གསོལ་འདེབས་གནང་། སང་སྤྲུལ་པའི་སྐུ་ལ། འདི་ལྟར་བྱུང་བས་ཆོས་དེས་གཞན་རྒྱུད་སྨིན་པར་འདུག་ཅེས་གསུངས་པས། རིག་འཛིན་ཡོལ་མོ་པས། རིང་ནས་རྗེས་འབྲེལ་རྒྱལ་དང་རྒྱལ་ཚབ་ཚུལ། །ཆོས་བློན་གྱིས་སྤྲུལ་སྟོབས་ལྡན་ཤུགས་འགྲོ་རྩལ། །སྨིན་གྲོལ་གདམས་ངག་མངོན་མཁྱེན་འབྱུང་འགྱུར་ལུང་། །དུ་མས་རྗེས་སུ་གསོལ་དེར་གསོལ་བ་འདེབས། ཁྱད་པར་གང་དེས་ཞི་ཁྲོ་ལྷུན་གྲུབ་ཀྱི། །དབང་བསྐུར་སྐལ་བཟང་དང་པོའི་འཁོར་འདུས་ལ། །གྱིས་ཞེས་བཀའ་བསྒྲུབས་ཉིད་ཀྱི་

― GLG008_Page_0772 ―

^{[མ་དཔེ་གཟིགས་ན་འདིར་གནོན།]}

[Full Size]

མནལ་ལམ་དུ། །ཞི་ཁྲོའི་ལྷ་ཚོགས་གཟིགས་དེར་གསོལ་བ་འདེབས། །ཞེས་སོ། །སྡེ་པ་བྲག་ཁ་བས་བཀའ་འགྱུར་བཞེངས་པ་ལ་གདོན་ཆེན་པོ་ཞིག་གིས་བདག་གིར་བཟུང་སྟེ་སྐད་འདོན་པ་དང་མེ་སྟག་འཕྲོ་བ་སོགས་བྱུང་བར། གཏེར་སྟོན་འཇའ་ཚོན་སྙིང་པོ་གདན་དྲངས། སྐོར་བ་བགེགས་སྐྲོད་སོགས་མཛད་འདུག་ཀྱང་། གདན་ས་ཐིལ་པའི་ཆོས་འདོན་པ་བཅུ་གཉིས་ཙམ་གློ་བུར་དུ་ཤི་བ་སོགས་བྱུང་སྟེ་འཚུབ་མ་ཞི་བས། རིག་འཛིན་ཆེན་པོ་གདན་དྲངས། འཇམ་དཔལ་ཚེ་བདག་གི་སྒོ་ནས་དྲག་པོའི་སྦྱིན་སྲེག་བླུགས་པས་གདོན་བགེགས་ཀྱི་མིང་ཙམ་མེད་པར་གྱུར། སྐབས་ཤིག་རྗེ་བཙུན་བླ་མ་ཟུར་པདྨ་དབང་གིས་ཐུགས་སྒྲུབ་དྲག་པོ་རྩལ་དང་གཟའ་པོཏ་སོགས་ཟབ་ཆོས་མང་དུ་གསན་པར་ཕེབས། མ་འོངས་པ་ན་བསྟན་པའི་རྩ་ལག་ཏུ་འགྱུར་པར་དགོངས་ཏེ་ཆོས་རྣམས་གབ་སྦས་མེད་པར་ལྷུག་པར་གནང་ཞིང་ཐུགས་རྩིགས་ནན་ལྟར་ཆེ། ཕོ་བྲང་སྣེའུ་གདོང་རྩེ་དང་ཆོས་རྒྱལ་ཕོ་བྲང་སོགས་སུ་གདན་དྲངས། རྣམ་པར་དཀར་བའི་འཕྲིན་ལས་རྒྱ་ཆེར་སྤེལ། ཁྱད་པར་ཆོས་རྒྱལ་ཕོ་བྲང་པ་ལ་ལྷོ་བྲག་སྤྲུལ་སྐུ་གཙུག་ལག་རྒྱ་མཚོས་གཏོར་མ་མདོ་སྒྲུབ་སོགས་མཛད་འདུག་པ་ཟློག་ཐབས་དགོས་ཚུལ་ཞུས་པར། ཚེ་འཆར་སོགས་འཇམ་དཔལ་གཤིན་རྗེའི་སྒོ་ནས་རང་གཤེད་ཕབ་པས་མི་རིང་བར་ལྷོ་བྲག་སྤྲུལ་སྐུ་གཤེགས། སྤྲུལ་སྐུ་གོང་མ་གཙུག་ལག་འཕྲེང་བ་ཡང་འབྲུག་པ་སྤྲུལ་སྐུས་ངག་མནན་མཛད་པས་སྐུ་ཚེའི་འཇུག་ཏུ་ལྗགས་ལྐུགས་པ་ཞིག་བྱུང་འདུག །སྐུ་ཚེ་སྔ་ཕྱི་མཐའ་དག་མཐུ་བྱད་དུ་ཆུད་དགོས་པའི་ལས་བསགས་པ་ཞིག་ཡིན་ནམ་སྙམ། བསམ་སྡིངས་སུ་ཞབས་དྲུང་ཨུ་རྒྱན་མཁའ་སྤྱོད་མཚོ་མོ་སྟེང་གདོན་གྱིས་བསྙུན་པས་གདན་

― GLG008_Page_0773 ―

^{[མ་དཔེ་གཟིགས་ན་འདིར་གནོན།]}

[Full Size]

དྲངས། བཅོས་ཀ་དང་བྱིན་རླབས་མཛད་པས་མྱུར་དུ་སྙུན་ནད་ལས་གྲོལ། ཁོང་དཔོན་སློབ་བོ་དོང་པའི་བསྟན་འཛིན་གྱི་གཙོ་བོ་ཡིན་ཞེས་ཁེངས་པ་ཆེ་ཡང་བསྙེམས་པ་བཏང་སྟེ་ཚེ་དབང་བརྒྱ་ཚར་སོགས་ཆོས་འབྲེལ་ཞུས། སྣ་དཀར་རྩེ་འབྲོག་ཁྲི་དཔོན་ཀུན་དགའ་དབང་ཆེན་ཕུན་ཚོགས་མཆེད་གཉིས་ཀྱིས་གདན་དྲངས། ཚེ་དབང་འགུར་དྲག་སོགས་དབང་ཆོས་ཞུས། འཇམ་དཔལ་ཕྱག་རྒྱ་ཟིལ་གནོན་གྱི་གཏོར་ཟློག་མཛད། འོན་ཀྱང་གཟའ་རྭ་གནད་ལ་མི་ཕེབས་ཤིང་རྭ་ཟོར་ལོག་པ་ཁོ་ན་བྱུང་བ་ནི་མི་འགྱངས་པར་ཡར་འབྲོག་ཏུ་སོག་པོ་རྒྱུག་པའི་རྟགས་སོ། །སྟོད་སྨད་ཀུན་ཏུ་ཕྲིན་ལས་ཆེས་ཆེར་འཕེལ་ཡང་ཕལ་ཆེར་ནི་རྡོ་རྗེ་བྲག་ཏུ་སྟན་ཆགས། ཕྱོགས་འདུས་ཀྱི་སློབ་མ་རྣམས་ལ་སྨིན་གྲོལ་གྱི་ཆོས་འཁོར་བསྐོར་བ་དང་། རྡོ་རྗེ་གསུམ་ལས་མི་འདའ་བའི་བཅད་རྒྱའི་སྒོ་ནས་བསྙེན་སྒྲུབ་ལས་སྦྱོར་བསྐྱེད་རྫོགས་ཀ་དག་ལྷུན་གྲུབ་ཀྱི་གདམས་པ་ཟབ་མོ་སོགས་ཐུགས་དམ་ཉམས་བཞེས་ལ་གཙོ་བོར་མཛད། འོན་ཀྱང་སྡེ་པ་ལྷ་རྒྱ་རི་བའི་བློན་ཆེན་གསོལ་དཔོན་རབ་བརྟན་དང་། ཀར་ལུགས་ཀྱི་གྲྭ་ཚང་ཉིན་བྱེད་གླིང་པའི་གཉེར་པ་སོགས་སྟོབས་འབྱོར་ཅན་མང་པོ་ནད་གདོན་གྱིས་གཙེས་པ་ལ་བྱིན་རླབས་ཞུ་བ། ལྔ་པའི་ལམ་དུ་གྱུར་པ་མང་པོའི་རིགས་དྲུག་གནས་འདྲེན་དང་གནས་ལུང་སྟོན་པ། གཙང་སྡེ་སྲིད་ཀྱི་དམག་དཔོན་དམག་ལས་པ་སོགས་གཡུལ་དུ་འཇུག་པ་རྣམས་ཀྱིས་མཚོན་ཆའི་སྲུང་བ། བྱ་བྱེད་ལེགས་ཉེས་ཀྱི་བླང་དོར་བརྟག་པ་ཞུ་བ་སོགས་ལ་སྟོད་སྨད་བར་གསུམ་གྱི་སྐྱེ་བོ་མཐའ་དག་མཚོ་ལ་ངང་པ་འདུ་བ་བཞིན་དུ་འོང་། དེ་ལྟར་འོང་བའི་རྒྱུ་མཚན་ཡང་། སྙན་གྲགས་དང་གྲགས་པ་དོན་དང་ལྡན་པ་གཉིས་ལས་བྱུང་བར་སྣང་། དེ་ཡང་ཁམས་ཕྱོགས་སུ་མ་ཕེབས་གོང་གི་སྔ་ཐོག་ཅིག་རོང་བདེ་སྐྱིད་

― GLG008_Page_0774 ―

^{[མ་དཔེ་གཟིགས་ན་འདིར་གནོན།]}

[Full Size]

པས་གདན་དྲངས། ཆིབས་ལས་བབས་པ་དང་མཉམ་དུ་རྡོ་ལ་ཞབས་རྗེས་གསལ་བར་བྱུང་ཞིང་། རྡོ་རྗེ་བྲག་གི་ལྟག་སྒོའི་རྡོ་ལ་ཞབས་རྗེས་གསལ་བར་བཞགས་པས་སྐུ་འཁོར་འདྲས་འདི་ལྟར་སྣང་ཞེས་ཞུས་པས། སྦས་པའི་ཚུལ་གྱིས། ངའི་མིན་ཡོལ་མོ་སྤྲུལ་སྐུ་རིན་པོ་ཆེའི་ཡིན་ནམ་ཞེས་གྲང་སོ་གཏེར་སྟོན་པར་ཟོལ་གྱིས་ཁ་བསྒྱུར་བར་མཛད་ནས་དངོས་སུ་ཞལ་གྱིས་མི་བཞེས། གཞན་ཡང་ཕྱག་ཞབས་ཀྱི་རྗེས་དུ་མ་བྱུང་བར་གྲགས། དེ་ནི་ཟུར་ཆུང་ཤེས་རབ་གྲགས་ཀྱིས་རྫོགས་ཆེན་གྱི་ལྟ་བ་ཀློང་དུ་གྱུར་པས། ཆོས་ཀུན་གྱི་རྫུན་མཚང་རིག་སྟེ་ཐམས་ཅད་ཀ་ནས་དག་པས་རྡོས་བཅས་ཀྱི་རང་ཚུགས་ཞིག་སྟེ་ཕྱག་གིས་ཀ་བ་ལ་ཕར་ཡུག་ཚུར་ཡུག་མཛད་པས་ཟང་ཐལ་ལེ་བྱུང་བ་དང་འདྲ་བར་སྣང་བས། རིག་འཛིན་ཡོལ་མོ་བ་ཆེན་པོས། ཀུན་རྫོབ་ཆོས་ཀྱི་རང་ཚང་ཀུན་གཟིགས་པའི། །འཕགས་ཆེན་ཁྱོད་ངོར་སྲ་འཁྲེགས་ལ་སོགས་ཀྱིས། །རང་མཚན་འཛིན་པར་མ་ནུས་རྡོ་བའི་ངོས། །ཞབས་རྗེས་མང་དུ་བྱོན་དེར་གསོལ་བ་འདེབས། །ཞེས་སོ། །སྐབས་ཤིག་ཐོབ་རྒྱལ་དུ་ཕེབས་དུས། རྗེ་ལེགས་ལྡན་ཞབས་ཀྱི་ཞལ་སློབ་སྔགས་པ་རྒན་པོ་ཞིག་ལ་མིང་ནས་བོས་ཏེ་ངོས་འཛིན་གནང་བར། ད་སྐུ་ན་ཚོད་འདི་ཙམ་ལ་སྔོན་གནས་རྗེས་དྲན་དཀའ་སྙམ་ཚེ། ཁྱོད་ལ་ངས་དུང་ཆོས་གཟུངས་ཐག་བྱིན་པ་དེ་ཨེ་ཡོད་གནང་བས་ཁོ་སྨྲ་མི་ཤེས་པའི་ངེས་ཤེས་ཀྱིས་དད་པ་ཐོབ་ནས་དུས་ཕྱིས་ཀྱང་དེ་འདྲའི་ཡ་མཚན་པ་ཞེས་ཡང་ཡང་ཟེར་སྐད། སྔགས་འཆང་ཀུན་བཟང་དབང་པོ་སྐུ་ཚེ་སྔོན་མའི་དུས་ཀྱི་སློབ་མ་གྲུབ་ཆེན་ཚེ་འཕེལ་བཟང་པོ་ཞེས་པདྨ་གླིང་པའི་གཏེར་བྱོན་དྲག་དམར་གྱི་ཕྱི་ནང་གསང་གསུམ་གྱི་སྒྲུབ་པ་དང་དགོས་སྒྲུབ་ཐམས་ཅད་མཐར་ཕྱིན་པ་དེའི་སྐྱེ་བ་ཡིན་འདུག་པའི་བག་ཆགས་ཀྱིས་ཐུགས་

― GLG008_Page_0775 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིགས་ནན་ལྟར་ཆེ་བས། ཁོང་པ་མཁའ་སྤྱོད་རི་ཁྲོད་དུ་འབྲུམ་འཛེམ་གྱི་མཚམས་བྱས་པར་རྗེ་འདི་འཕྲལ་འཕྲལ་ཕེབས་ཀྱི་ཡོད་སྣང་བར། སང་ཕེབས་རྒྱུ་ཡིན་ན་རྟགས་ངོ་མཚར་བ་རེ་ངེས་པར་འབྱུང་བས་གྲོགས་རྣམས་ལ། སང་རིག་འཛིན་བླ་མ་དེ་ཕེབས་པར་འདུག་ཅེས་བྱས་ཚད་ཐོག་ཁོ་ནར་ཁེལ་བས་བླ་མའི་བྱིན་རླབས་ཀྱིས་སློབ་མ་ཡང་མངོན་ཤེས་ཐོགས་མེད་ཡོད་པ་འདྲ་བྱུང་བར་གདའ། མི་ཤི་བའི་དུས་ཀྱི་སྐྱེ་བརྟག་ཞུ་བར་བྱུང་ཚེ། སྔར་ཐུགས་རྒྱུས་མེད་པ་ཚོར་བྱད་དབྱིབས་དང་བབས་འདི་འདྲ་འདུག་ཚུལ། སྐྱེ་བ་ཁྱེད་རང་ཚོའི་བུ་སྲིང་ཉེ་རིགས་སམ་གྲོང་པ་སོགས་སུ་སྐྱེ་བའི་ལུང་བསྟན་དང་། ཕོ་མོ་གང་གི་ལུས་འཐོབ་སོགས་འཕྱུགས་མེད་དུ་བྱུང་བའི་དཔེར་མཚོན་ན། ཡར་ཀླུངས་སྣ་མོ་གཤག་པ་ལྷ་དབང་ནོར་བུའི་ཕ་ཁོ་རང་གི་བུར་སྐྱེ། དཔོན་མོར་ད་ལྟ་སྦྲུམ་ཡོད་པ་འདི་ཡིན་གསུང་བ་ལྟ་བུ་དང་། རྩེས་ཐང་ཟར་བས་ཁྲིའི་ཞབས་སྟེགས་ལ་སྒམ་བཞག་པར། འདིའི་ནང་དུ་རྟེན་ཞིག་ཡོད་པར་འདུག །རྐང་པ་བཞག་པས་བག་ཚ་གསུང་བར། སྦྱིན་བདག་རང་ལ་རྒྱུས་མེད་ཀྱང་སྒམ་ཁ་ཕྱེ་བས་མཁའ་འགྲོ་སེང་གདོང་མའི་ཞལ་ཐང་ཞིག་བྱུང་ནས་དམ་ཚིག་གསོ་བར་མཛད། དེས་མཚོན་ཞི་དྲག་གི་བྱ་བ་འགྲུབ་མི་འགྲུབ་སོགས་གང་ཞུས་ཐམས་ཅད་ལ་ཡོང་མི་ཡོང་བཟང་ངན་ལུང་བསྟན་ཀུན་འཁྲུལ་མེད་ཁོ་ནར་བྱུང་བས། རིག་འཛིན་ཡོལ་མོ་སྔགས་འཆང་གིས། གདོད་ནས་རབ་སྦྱངས་དྲི་མེད་རྒྱལ་བའི་ཐུགས། །ཤེས་བྱའི་སྣང་བརྙན་ཡོངས་རྫོགས་མེ་ལོང་ངོས། །འགོག་མེད་ཇི་ལྟར་ཤར་བཞིན་དུས་གསུམ་ལུང་། །ཐོགས་མེད་ཅིར་ཡང་སྟོན་དེར་གསོལ་བ་འདེབས། །ཞེས་སོ། །ཡབ་ཆོས་ཀྱི་རྒྱལ་པོ་བཀྲིས་སྟོབས་རྒྱལ་གྱི་དུས། ཨེ་ཝཾ་ལྕོག་སྒར་བར་ཐུགས་

― GLG008_Page_0776 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་གསུམ་དང་འཇམ་དཔལ་ཟིལ་གནོན་སོགས་ཀྱི་ཆོག་སྒྲིགས་གདངས་དབྱངས་རོལ་ཚིག་གར་འཆམས། བསྙེན་སྒྲུབ་ལས་གསུམ་གྱི་ཕྱག་ལེན། ཐུན་དྲུག་གི་རྣལ་འབྱོར་སོགས་སྤྲོས་བཅས་སྤྲོས་མེད་ཀྱི་ཉམས་ལེན་སྔར་ཡོད་དར་རྒྱས་དང་། སྔར་མེད་གསར་འཛུགས་ཀྱི་སྒོ་ནས་རྒྱལ་དབང་པདྨའི་བསྟན་པ་སྤེལ་བར་མཛད་པས། གྲང་སོ་གཏེར་སྟོན་གྱིས་ཐུན་དྲུག་གཡེལ་བ་མེད་བརྩོན་གསོལ་འདེབས་རྒྱུན། །རབ་འབྱམས་ཞི་ཁྲོའི་ལྷ་ཚོགས་མཆོད་ཅིང་སྐུལ། །རིམ་གཉིས་རྣལ་འབྱོར་སྤེལ་དགོངས་ལྕོག་སྒར་གྱི། །འདུས་སྡེ་རྒྱས་པར་མཛད་ལ་གསོལ་བ་འདེབས། །ཞེས་སོ། །སྤྱི་ལུང་ལས།སྟོད་ནས་ལག་པའི་དམག་དཔུང་གཡོ༔ དབུས་གཙང་གཡོ་ཞིང་ས་ཡུལ་འཕྱུགས༔ སྨད་ནས་ཧོར་སོག་བྱང་ཕྱོགས་འཇོམས༔ ལྷོ་རྒྱུད་ཀུན་ཏུ་ཁོལ་བུར་གཡོ༔ ཁ་སྐད་ལོ་རེ་ཟླ་རེར་འགྱུར༔ ཞེས་དང་། ཆར་ཆུ་མི་རྟག་སྒང་གཤོངས་ཆེ༔ ལོ་ཉེས་སད་སེར་མུ་གེ་འབྱུང༔ གནམ་ལ་འོད་ཆེན་སྐྱ་རེངས་འཆར༔ དེ་མཐོང་སྙིང་འཕྱོ་མི་དགེ་དྲན༔ ནམ་མཁའ་ཁྲག་མདོག་སྤྲིན་དམར་མང༔ ཧང་སྐྱ་བུད་ཆོས་ས་གཞི་གང༔ གུང་ཐང་རྗེ་བློན་རྩོད་ཅིང་འཁྲུག༔ ཅེས་དང་། འབྲི་སྟག་རྩོད་ཅིང་ཧོར་ཁ་ཟུག༔ ཧོར་དང་གཉེན་བསྡེབས་སོ་ཁ་རལ༔ དབུས་གཙང་ས་བཅུད་ཞར་ཅིང་ཉམས༔ ཞེས་སོགས་མདོར་ན་གཏེར་ཁ་སྔ་ཕྱི་མང་པོ་ནས། བོད་དུ་སྟོད་སྨད་ཀྱི་ཧོར་སོགས་ལྷགས་ནས་འགྲོ་བ་རྣམས་ཉམ་ཐག་པ་དང་། བོད་ནང་འཁྲུགས་ནས་སྡུག་བསྔལ་མང་དུ་འབྱུང་བར་གསུངས་ཤིང་། དེ་ཡང་སྔར་ས་སྐྱ་པས་རྒྱ་ཧོར་གྱི་དམག་ཁྲིད་ནས་འབྲི་ཁུང་པས་གཙོས་ཡུལ་ཁམས་མང་དུ་བཅོམ། འབྲི་ཁུང་པས་སྟོད་ཧོར་གྱི་དམག་འབུམ་ཙམ་ས་སྐྱ་པའི་ཐོག་ཏུ་དྲངས་

― GLG008_Page_0777 ―

^{[མ་དཔེ་གཟིགས་ན་འདིར་གནོན།]}

[Full Size]

ཀརྨ་པས་དགེ་ལུགས་པ་གཙོ་བོར་གྱུར་པའི་གྲུབ་མཐའ་མི་གཅིག་པ་ཚོ་གཞོམ་པར་འདོད་ནས་བོད་ནང་འཁྲུག་གི་ཆེད་དུ་ཀོང་པོ་ཀར་སྲིད་བསྒྲིགས། བསམ་སྦྱོར་ངན་པ་དེ་དག་གི་ལན་དུ་དགེ་ལུགས་ཀྱི་ཧོར་དམག་བོད་དུ་དྲངས་པ་སོགས་ཤིན་ཏུ་མང་དེ་རྣམས་ཀྱི་དུས་སོ་སོ་དང་མཚུངས་པར་ཟློག་ཐབས་ཀྱི་ཟབ་གཏེར་འདོན་པའི་སྐྱེས་བུ་གུ་རུ་ཆོས་དབང་དང་། པདྨ་ལས་འབྲེལ་རྩལ་མཆོག་ལྡན་མགོན་པོ་སོགས་མང་པོ་རིམ་པར་བྱོན་ཏེ་བཀའ་བབས་ལྟར་བོད་ཀྱི་བདེ་ཐབས་མང་དུ་མཛད་པའི་དུས་ཚོད་ཕྱི་མ་ཚོའི་ཧོར་སོག་ཟློག་པའི་བཀའ་བབས་ཀྱི་ལུང་བསྟན་དཔལ་བཀྲིས་སྟོབས་རྒྱལ་ཡབ་སྲས་ལ་ཡོད་ཀྱང་། སྐྱེ་བོ་སྐལ་དམན་མང་པོས་སོག་ཟློག་པའི་མིང་ཅན་བློ་གྲོས་རྒྱལ་མཚན་རྒྱུད་བཅས་ཀྱིས་ཟློག་ཏུ་རེ་ནས། སྔགས་འཆང་ཡབ་སྲས་རྣམས་ལ་བོད་བདེ་ཐབས་མཛད་དགོས་པར་མ་གསོལ་བས་རྟེན་འབྲེལ་འཕྱུགས་པར་སྣང་མོད། འོན་ཀྱང་རིག་འཛིན་ཆེན་པོ་ཉིད་རྡོ་རྗེ་བྲག་ཏུ་གདན་ཆགས་པ་ནས་བཟུང་ལུང་བསྟན་སྔ་ཕྱི་རྣམས་ནས་བྱུང་བ་ལྟར་བོད་ཀྱི་བདེ་ཐབས་ཀྱི་ཆེད་དུ་སོག་ཟློག་མང་དུ་མཛད། ཁྱད་པར་ཁར་ཁ་ཆོག་ཐུའི་བུ་ཨ་ས་ལང་ཧོང་ཐའི་ཇིས་གཙོས་པའི་དམག་ཁྲི་ཕྲག་ཏུ་ཉེ་བ་བོད་དུ་སླེབ། ཞྭ་དམར་རབ་འབྱམས་པ། ཡང་རི་སྐྱ་ཆེ་བླ་མ། ཟུར་རི་དཔལ་ལྡན་བླ་མ་སོགས་ཀར་ལུགས་པ་རྣམས་ཀྱིས་དབྱེན་བཅོས་ཏེ་སྡེ་སྲིད་གཙང་པ་དང་གཉེན་བྱེད། གཉིས་ཀའི་བླ་མཆོད་ཀར་ལུགས་ལ་འཆོལ། གཙོ་བོར་དགེ་ལུགས་མིང་མེད་ལ་གཏོང་། ཞར་གྱིས་ལུགས་སོགས་ཀྱང་ཡལ་འཇུག་པའི་ཐབས་ཀྱི་གྲོས་ངན་དང་བཅས་གདུག་རྩུབ་ཤིན་ཏུ་ཆེ་བར་མ་ཟད། ཨ་ས་ལང་གིས་ཀར་ལུགས་པའི་གྲོས་དང་མ་བསྟུན་པས་གཙང་སྡེ་སྲིད་ཀྱང་མཛད་དཀར་གྱུར་ཏེ། བོད་ཤིང་སྒོ་ཅན་ཐམས་ཅད་གསུང་སྙན་དྲིལ་བུ་

― GLG008_Page_0778 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲོལ་སྐབས། གཙང་སྡེ་སྲིད་ནས་ནུས་མཐུའི་ཁུར་ཅན་གྱི་བན་སྔགས་བོན་གསུམ་ཐམས་ཅད་དམག་ཟློག་བྱེད་དུ་བཅུག་ཀྱང་གྲགས་པ་དོན་ལྡན་ནི་ཆེས་ཉུང་བས། རྗེ་འབྲི་ཁུང་པ་སྔགས་འཆང་ཆོས་ཀྱི་གྲགས་པས་འཇམ་དཔལ་ཚེ་བདག་དང་ཁྲོ་ཆུ་སོགས་ཀྱི་སྒོ་ནས་མཛད་པར་བླ་ཚེ་དངོས་སུ་འགྱུ་རྟགས་ཡ་མཚན་ཅན་བྱུང་འདུག་ཅིང་། ཁྱད་པར་བྱང་པ་རིག་འཛིན་ཆེན་པོ་འདི་ཉིད་ཀྱིས་བསམ་ཡས་མཐིལ། མཆིམས་ཕུ། སྒྲགས་ཡང་རྫོང་སོགས་སུ་ཕེབས་ཏེ། སྒྲུབ་པ་བཀའ་བརྒྱད་སྤྱི་བྱེ་བྲག །ཁྱད་པར་གཤིན་རྗེ་གཤེད་ཕྱག་རྒྱ་ཟིལ་གནོན་རྣ་ཆ་བརྒྱད་དང་བཅས་པའི་སྒོ་ནས་མནན་གཏད་སྲེག་ཟོར་རླུང་འཁོར་སྐོར་བ། ཁྱབ་འཇུག་གི་འགྱུ་དུས་བརྒྱད་སྐུལ་བ་སོགས་ལས་སྦྱོར་མཛད་པས་སྒྲུབ་པའི་སྐབས་ཀྱང་བཙོ་རྒྱུག་པ། བྱིའུ་སོགས་སྲོག་ཆགས་མེར་འཆོང་བ་དང་། ཧོམ་ཁུང་དུ་ཆུད་པ། གཟའ་རྭ་དགྲ་ཕྱོགས་སུ་རྒྱུག་པ་སོགས་ལྟས་མང་དུ་བྱུང་། དེ་མཚུངས་རིག་འཛིན་ཡོལ་མོ་བས་པ་སྣམ་དང་ཕུང་པོ་རི་བོ་ཆེ་སོགས་ནས་ལས་སྦྱོར་མང་དུ་མཛད་པས་སྔ་མ་དང་འདྲ་བའི་རྟགས་སྣ་ཚོགས་དང་། ནུབ་ཅིག་དབང་ཕྱུག་མ་ཉེར་བརྒྱད་རྣམས་འོངས་ཏེ། སྔགས་པ་འུག་པ་ལུང་པས་བཏང་བ་ཡིན་ཟེར་ནས་མི་མགོ་མང་པོ་ཁྱེར་ནས་དཀྱིལ་འཁོར་གྱི་མཐར་སྤུངས་པ་གཟིགས་པས། སྐུ་རིམ་དོ་དམ་པ་བདེ་འབྱོར་བྱང་པ་ལ། འདི་ལྟར་འདུག །མཚན་ཇུས་ལ་སྐྱོན་མི་ཡོང་བའི་རྒྱུ་མཚན་སྡེ་སྲིད་ལ་ཞུས་གསུང་བར་སྣང་ངོ་། །སོག་དམག་ཡར་འབྲོག་ནས་ལྡོག་དུས་དམག་དུམ་འདྲ་ཐག་ཉེར་བྱུང་བར་དབང་ཕྱུག་དམག་ཟློག་གི་ལས་སྦྱོར་མཛད་པས། དམག་རྣམས་དོན་མེད་དུ་སྟོང་འུར་ཆེན་པོ་བྱས་ཏེ་ཕྱོགས་དེར་གནོད་འཚེ་ཡེ་མ་བྱུང་། ཟླ་བ་བཞི་ཙམ་ནས་ཨར་ས་ལང་ཧོང་ཐའི་ཇི་སྨྱོ་འབོག་གི་

― GLG008_Page_0779 ―

^{[མ་དཔེ་གཟིགས་ན་འདིར་གནོན།]}

[Full Size]

ནད་ཀྱིས་ཟིན། སོག་པོའི་སྦྲ་གུར་མང་པོའི་སྟེང་དུ་ཐོག་བབས། མི་དང་དུད་འགྲོ་ལ་ལྟས་ངན་སྣ་ཚོགས་སྐྱེས་པ་སོགས་ཆོ་འཕྲུལ་མང་དུ་བྱུང་། དེ་ནས་ཟླ་བ་བདུན་བརྒྱད་ཙམ་ན། ཞྭ་དམར་རབ་འབྱམས་པ་དང་ཆོག་ཐུ་མཆོད་ཡོན་གྱི་སློབ་སྟོན་ལྟར། བློན་པོ་ཐའི་ཆིང་གིས་ཨར་ས་ལང་དཔོན་བློན་ཐམས་ཅད་དུས་གཅིག་ལ་བསད་པའི་ནང་འཁྲུག་དང་། ཆོག་ཐུ་རང་ཡང་དགྲ་ལག་ཏུ་ཤོར་ཏེ་མིང་གི་ལྷག་མར་སོང་བའི་མཐུ་ནུས་ཀྱི་ལག་རྗེས་མགོ་དཀར་པོར་སོང་སོང་སྒུག་མ་དགོས་པར་ལོ་གཅིག་ནང་དུ་བྱུང་བ་དེའོ། །འོན་ཀྱང་གཙང་པས་རིག་འཛིན་ཡབ་སྲས་ལ་དྲིན་གཟོ་མ་མཛད་པས། སྤྲུལ་སྐུ་བསྟན་འཛིན་ནོར་བུས། བྱིན་རླབས་དེ་བྱང་པ་བདག་པོས་མཛད། །ལག་ལེན་དེ་ཡོལ་མོ་སྐུ་སྐྱེས་བྱས། །ཁ་པོ་དེ་ཁམ་ལུང་བླ་མས་སྟོན། །ནོམ་པ་དེ་རྩེ་གདོང་བདག་ཆེན་གྱིས་བླངས། ཁོང་རྒྱལ་བ་ཤཱཀྱ་ཐུབ་པས་ཀྱང་། །སེམས་ཅན་ལ་ཉེ་རིང་མ་གསུངས་ཕྱིར། །མཐའ་དང་དབུས་མི་ལ་ཁྱད་པར་མེད། །ད་མཐའ་མིའི་བསམ་པ་འགྲུབ་གྱུར་ཅིག །ཅེས་འཕྲལ་ཉམས་འཆར་གྱི་ཚུལ་དུ་གསུང་བར་སྣང་ཡང་། དེང་སང་བསྟན་འཛིན་ཆོས་ཀྱི་རྒྱལ་པོས་བོད་ཀྱི་རྒྱལ་ཁམས་ལ་དབང་སྒྱུར་བ་འདི་ལ་དཔགས་ན་བདེན་ཚིག་གྲུབ་པའི་གསུང་དུ་ངེས་སོ། །སྐུ་རིམ་རྣམས་བསམ་ཡས་གཙུག་ལག་ཁང་དང་མཆིམས་ཕུ་སོགས་སུ་མཛད་པའི་རྒྱུ་མཚན། ཆོས་དབང་རིན་པོ་ཆེའི་མཁའ་རིའི་ཞུ་ལན་ལས། ནུས་མཐུར་ལྡན་པའི་སྔགས་པ་རྣམས༔ བསམ་ཡས་ལྷུན་གྱིས་གྲུབ་པར་ཚོགས༔ ནག་པོ་བདུད་ཀྱི་ཆས་ཞུགས་ཏེ༔ འགོང་པོ་དགར་དང་མནན་པར་བྱ༔ འབྱུང་བ་རླུང་གི་འཁོར་ལོ་བསྐོར༔ བཀའ་འགྱུར་རོ་ཅོག་

― GLG008_Page_0780 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཐུན་བཟུང་སྟེ༔ ཟློག་ཟོར་བྷྱོས་གདབ་མདོས་བཏང་ན༔ ལོ་སྐོར་གཅིག་ཏུ་སྲིང་བར་གྱུར༔ ཞེས་དང་། སྤྱི་ལུང་ལས། མཆིམས་ཕུར་དབང་ཆེན་འདུས་པའི་སྒྲུབ་པ་བྱ༔ བོད་ཀྱི་ལྷ་སྲིན་དབང་སྡུད་དམ་བསྒྲག་བྱ༔ ཞེས་གསུངས་པའི་དོན་ནོ། །འོན་ཀྱང་ལོ་སྐོར་བར་དུ་མཐའ་དམག་མི་ཟློག་པ་ནི། པདྨ་གླིང་པའི་ལུང་བསྟན་ཀུན་གསལ་ལས། རྫས་རྣམས་ཐམས་ཅད་བསྡུས་ནས་སྦྱིན་སྲེག་བྱེད༔ བཙན་འགོང་ཡམ་ཤུད་དམར་པོ་ཨར་ལ་གཏོད༔ རྒྱ་མི་དམག་དཔོན་དགུ་བསད་ཐོད་པའི་ནང༔ བདུད་མི་དམག་དཔོན་དགུ་ཡི་ལིང་ག་བཅུག༔ ཤཱཀྱ་མུ་ནི་ཞབས་ཀྱི་འོག་ཏུ་མནན༔ རུ་བཞིའི་ཆོས་མཛད་ཐམས་ཅད་དགོངས་པ་བསྟན༔ ཆོ་འཕྲུལ་ཟླ་བའམ་སྤྲེའུའི་ཟླ་བ་ལ༔ རྒྱུད་དང་བསྟུན་ནས་ཉིན་མོ་སྔགས་ལ་འབད༔ གཏོར་མ་མདོས་དང་མནན་སྲེག་ཡང་ཡང་བྱ༔ བྷྱོ་ཟློག་ཟོར་རྣམས་གཤམས་ནས་ཆོས་ཁྲིམས་བྱ༔ ཉན་བཤད་སྒོམ་སྒྲུབ་བྱེད་པའི་བསྟན་པ་གཟུགས༔ རི་རྒྱ་ཀླུང་རྒྱ་ལིང་རྒྱ་ལ་སོགས་གཟུགས༔ སྐྱེ་འགྲོ་སེམས་ཅན་ཐམས་ཅད་བདེ་ལ་དགོད༔ དེ་ལྟར་བྱས་ན་ལོ་བཅུའི་བར་དུ་བདེ༔ ཞེས་བྱུང་བའི་ལྷ་སར་བྱེད་དགོས་རྣམས་ཤིང་ཕག་ལོ་ས་སྐྱ་བདག་པོ་མཐུ་སྟོབས་པ་དང་། ས་སྟག་མངའ་བདག་ཕུན་ཚོགས་རིག་འཛིན་གཉིས་ཀྱིས་ཕྱག་ལེན་སྒྲུབ་པ་ཚད་ལྡན་མེད་པའི་ཁྱི་སྟོན་གྱི་ཟན་སྐྱེལ་རོལ་མོར་བཅས་པ་ལས་སྔགས་འཆང་ཁ་ཡོད་ལག་ཡོད་ཅིག་གིས་བྱས་མ་སོང་བའི་འབྲས་རྟགས་སོ། །དེ་ལྟར་དྲག་པོ་མངོན་སྤྱོད་ཀྱི་སྐོར་དེ་དག་ཀྱང་སྔགས་ཆུང་ཅི་རིགས་ལྟར་མན་ངག་ཕྲན་ཕྲན་འདྲས་སྟབས་ལེགས་དུས་ནུས་པ་ཅུང་ཟད་ཡོད་ཡོད་འདྲ་ལ། སྟབས་མ་འགྲིག་ན་རང་གི་སྒོ་གསུམ་གྱིས་ངལ་བ་བསྟེན་པ་ཙམ་ལས་འབྲས་བུ་གཞན་མི་འབྱུང་བ་དང་། ལ་ལ་རྒྱུ་མཚན་མེད་

― GLG008_Page_0781 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཟན་གོང་དར་འཕྱར་དུང་འབུད་དང་བཅས་ཁྱི་རྒན་གྱི་དུས་སྟོན་སྒྲུབ་པར་བྱེད་པ་ཚོ་དང་ཡེ་མི་འདྲ་སྟེ། བྱང་པ་རིག་འཛིན་འདི་ཉིད་ལྟ་བ་རྒྱབ་ཀྱི་གདེངས་དང་ལྡན། གཉེན་པོ་སྟོབས་ཀྱི་བསྐྱེད་རིམ་དང་བསྙེན་སྒྲུབ་མཐར་ཕྱིན། མན་ངག་ལ་ནང་བྱན་ཆུད། སྡེ་བརྒྱད་བྲན་ལྟར་བཀོལ་བས་ན། རིག་འཛིན་ཡོལ་མོ་བས། རབ་བརྗིད་མིག་སྨན་ལྷུན་པོ་གློག་ཞགས་ཀྱི། །སྨིན་མ་རབ་གཡོ་གངས་རིའི་འཕྲེང་བའི་སོ། །ཉི་ཟླ་འབར་བའི་སྤྱན་བགྲད་མ་མགོན་ཚོགས། །བྲན་འཁོལ་མཐུ་སྟོབས་བདག་པོར་གསོལ་བ་འདེབས། །བསྐལ་པའི་མེ་འབར་དུག་རླངས་འཁྲུག་པའི་དབུས། ཁམས་གསུམ་སྐྱེ་འགྲོ་དུས་གཅིག་ཟ་བའི་ཁ། །གནམ་སར་གདངས་པའི་གཟའ་མཆོག་རཱ་ཧུ་ལ། །འཁོར་བཅས་འབངས་སུ་འཁོལ་དེར་གསོལ་བ་འདེབས། །ཞེས་སོ། །ཟུར་ཆེན་རྡོ་རྗེ་འཛིན་པ་ཁྱབ་བདག་པདྨ་དབང་གིས་སྔར་རྩེས་ཐང་དུ་གྲ་བསྐོར་མཛད་དུས་མཇལ་ཞིང་། ལྕགས་གདོང་མ་དང་། ཉང་ལུགས་དྲག་དམར་གྱི་དབང་གསན་པ་ནས་བཟུང་། ཡང་ཡང་དུ་ཞབས་པད་བསྟེན་ནས་ཐུགས་སྒྲུབ་དྲག་པོ་རྩལ་སོགས་བྱང་གཏེར་སྐོར་མང་པོ་དང་། གཟའ་པོད་ཀྱིས་ཐོགས་དྲངས་པའི་དབང་ཆོས་དུ་མ་གསན། གཙོ་བོར་འཇམ་དཔལ་ཕྱག་རྒྱ་ཟིལ་གནོན་ལྕགས་སྡིག་ལྕགས་འདྲ་སོགས་པད་གནུབས་ཀྱི་གདམས་པ་རྣམས་གསན་པར་འདི་སྐབས་ཕེབས་པས། བྱང་པ་རིག་འཛིན་ཆེན་པོ་སྒྲགས་ཡང་རྫོང་དུ་བཞུགས་པ་དང་འགྲིག །ཡང་རྫོང་ནི་སྐུ་འཇམ་དཔལ་གཤིན་རྗེའི་གནས་ཡིན་པས། རྟེན་འབྲེལ་ཤིན་ཏུ་འགྲིག་པ་བྱུང་གསུང་སྟེ། ལྕགས་འདྲའི་སྐོར་ནས་ཆོས་ཚན་ཉི་ཤུ་ཙམ་གྱི་ལྗགས་ལུང་གནང་། དཔལ་བཀྲ་ཤིས་སྟོབས་རྒྱལ་གྱི་གཏེར་གསར་ཀརྨ་

― GLG008_Page_0782 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུའི་སྐོར། གནས་ཆེན་དྲག་པོར་ཟབ་གཏེར་སྤེལ༔ ཞེས་ཐོག་མར་སྤེལ་བའི་གནས་ཀྱང་ཡང་རྫོང་ཡིན་པས། རྟེན་འབྲེལ་གྱི་ཆེ་བ་ལ་དགོངས་ཏེ། སྲོག་གཏད་ལུང་དང་བཅས་པ་ཆེད་གཉེར་གྱིས་གསོལ་འདེབས་ལམ་ལྟོས་པར་གནང་། ཟུར་ཆེན་ཆོས་ཀྱི་རྒྱལ་པོས་ཡང་རྫོང་གི་ཕུག་པ་གོང་མའི་བྲག་གསེང་ཞིག་ཅུང་ཟད་བྲུས་པས་རྡོའི་དུང་ཆུང་བཟོ་བཀོད་ལེགས་པོ་ཞིག་ཐོན་པས་མཐོང་བ་ཀུན་ངོ་མཚར་དུ་གྱུར། དེ་ནི་དབུས་གཙང་གི་སྐལ་ལྡན་རྣམས་ལ་སྔ་འགྱུར་ཆོས་ཀྱི་དུང་རྒྱ་ཆེར་སྒྲོག་པའི་རྟེན་འབྲེལ་ལོ། །ཉིན་གཅིག་ཚོགས་ཁང་དུ་ལྗགས་ལུང་གནང་བའི་མུས་ལ། རིག་འཛིན་ཆེན་པོས་ཆེ་མཆོག་གི་སྐུའི་ཕྱོགས་དབུ་འདུད་པ་དང་བཅས་ཏེ་ཕྱག་ཐལ་མོ་སྦྱར་ནས་གསོལ་བ་འདེབས་པ་གནང་བར། རྒྱུ་མཚན་ཞུས་པ་ན། རྡོ་རྗེ་བྲག་ནས་འོངས་པ་ཡིན་ཟེར་བའི་བུད་མེད་འཇིགས་སུ་རུང་བ་ཞིག་བྱུང་བའི་སྣང་བ་ཤར། འཕྲང་མགོ་ཕྱོགས་སུ་འབྲུམ་ནད་ཞིག་སླེབ་མེད་ལས་ཆེ་གསུང་བར། དེ་ནས་འགྱང་ཙམ་སོང་བ་ན་བང་ཕྱིན་ཞིག་འབྱོར་པས་གནས་ཚུལ་ཇི་ལྟ་བར་འདུག་པས། དཔོན་སློབ་རྣམས་མྱུར་སྟབས་སུ་རྡོ་རྗེ་བྲག་ཏུ་ཕེབས། དེར་ཟླ་བ་གསུམ་ཙམ་གྱི་རིང་འཇལ་དཔལ་ཕྱག་རྒྱ་ཟིལ་གནོན་གྱི་དབང་ལུང་མན་ངག་ཕྱག་བཞེས་སོགས་ཀྱིས་ཐོག་དྲངས། གཏེར་ཁ་མང་པོ་ཟབ་རྒྱས་གདམས་པའི་ཆོས་ཀྱིས་ཟུར་འཁོར་ལོའི་མགོན་པོ་པད་དབང་གི་ཐུགས་ཀྱི་བང་མཛོད་ལེགས་པར་གཏམས་པར་མཛད་དོ། །འ་ཞའི་རྡོ་རྗེ་འཛིན་པ་ཆེན་པོ་དབང་ཕྱུག་རབ་བརྟན་ཞིང་ཁམས་གཞན་དུ་འཕོས་པའི་དགོངས་རྫོགས་སུ་ཡར་ཀླུངས་བཀྲ་ཤིས་རྩེ་ཆོས་སྡེར་ཕེབས། འཁོར་ལོའི་དབང་ཕྱུག་འཇམ་མགོན་བསོད་ནམས་མཆོག་ལྡན་གྱིས་ཕུ་དུད་རྒྱ་ཆེར་མཛད་ཅིང་

― GLG008_Page_0783 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་ཆོས་དུ་མ་གསན། དཔོན་སློབ་གཉིས་ཀ་ཐུགས་ཡིད་གཅིག་འདྲེས་སུ་གྱུར་ཏོ། །དེ་ཡང་། སྤྱི་ལུང་ལས། བདག་དང་རྡོ་རྗེ་བདུད་འཇོམས་སྨོན་ལམ་ལས༔ གསང་སྔགས་བཀའ་བཞིན་སྤྱོད་པའི་སྐྱེས་བུ་ནི༔ གླང་འབྲུག་ལོ་པ་བྱང་ཕྱོགས་བཀྲ་བཟང་དུ༔ མཐིང་སྨུག་མདོག་ཅན་གཏེར་གྱི་ཆོས་ལ་སྤྱོད༔ སངས་རྒྱས་བསྟན་པའི་སྙིང་པོ་རྒྱས་པར་བྱེད༔ ཅེས་པས་རིག་འཛིན་རྒོད་ལྡེམ་དང་། རིག་འཛིན་འདི་ཉིད་ལྷན་ཅིག་ཏུ་བསྟན་པ་ཡིན་ཏེ། སྐུ་སྐྱེ་སྔ་ཕྱི་ཡིན་པས་རྡོ་རྗེ་བདུད་འཇོམས་ཀྱི་སྐྱེ་བར་སྨོས་པ་དགོས། གླང་གིས་རྒོད་ལྡེམ་དང་འབྲུག་གིས་རྗེ་ངག་གི་དབང་པོའི་འཁྲུངས་ལོ། བྱང་ཕྱོགས་ཞེས་པའི་བྱང་གིས་བྱང་པ་བདག་པོའི་རིགས་རུས་དང་། ཕྱོགས་ཞེས་སྦྱར་བས་རྒོད་ལྡེམ་གྱི་འཁྲུངས་ཡུལ། བཀྲ་བཟང་གིས་རིག་འཛིན་རྒོད་ལྡེམ་གྱི་གཏེར་གནས། མཐིང་སྨུག་གིས་གཉིས་ཀའི་སྐུ་མདོག་བསྟན་པས། ལུང་ཟིན་གྱི་སྐྱེས་བུ་མཆོག་དེས་བསྟན་པའི་སྙིང་པོ་རྡོ་རྗེའི་ཐེག་པ་གསང་སྔགས་སྔ་འགྱུར་གྱི་ཟབ་གཏེར་བརྒྱ་རྩའི་ཆོས་བཀའ་རྒྱས་པར་མཛད་ཚུལ་ནི། དཔལ་འབྲི་ཁུང་པ་ཆོས་རྒྱལ་བཀྲིས་ཕུན་ཚོགས་དང་། ཆོས་ཀྱི་གྲགས་པ་འཕྲིན་ལས་རྣམ་པར་རྒྱལ་བའི་སྡེ་མཆེད་གཉིས། རིག་འཛིན་ཡོལ་མོ་བ་གསུམ་པ་དང་། ཟུར་ཆེན་འཁོར་ལོའི་མགོན་པོ་སོགས་གསང་སྔགས་རྙིང་མའི་བསྟན་པ་རྒྱ་ཆེར་སྤེལ་བའི་ཞལ་སློབ་ཀྱི་གཙོ་བོ་རགས་པ་བརྗོད་ཟིན་ནའང་། བོད་ཀྱི་ཆེ་རྒུ་ཕལ་ཆེར་གྱིས་དྲུང་དུ་ཉེ་བར་བཏུད་པའི་ཚུལ་མདོ་ཙམ་བརྗོད་ན། སྔོན་ཆད་བོད་དུ་ལུགས་གཉིས་ནས་མངོན་པར་མཐོ་བ་དཔལ་ལྡན་ས་སྐྱ་པ་འཇམ་དབྱངས་འཁོན་གྱི་གདུང་བརྒྱུད་བདག་ཆེན་མཐུ་སྟོབས་དབང་ཕྱུག །བོད་ཤིང་སྒོ་ཅན་གྱི་བླ་དཔོན་ཟུང་དུ་འཇུག་པ་སྡེ་སྲིད་ཕག་མོ་

― GLG008_Page_0784 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུ་པ་ལྷ་གཟིགས་མི་ཕམ་བསོད་ནམས་དབང་ཕྱུག་གྲགས་པ་རྣམ་རྒྱལ་དཔལ་བཟང་། ལྷོ་ལུང་ཆེན་བཅོ་བརྒྱད་ལ་དབང་བསྒྱུར་ཏེ་ཆོས་ཀྱི་རྒྱལ་སྲིད་ཀྱིས་མངོན་པར་མཐོ་བ་འབྲི་ཁུང་ཀྱུ་རའི་གདུང་འཛིན་ཞབས་དྲུང་ཆོས་རྒྱལ་བཀྲིས་ཕུན་ཚོགས་དང་། ཞབས་དྲུང་ཆོས་ཀྱི་གྲགས་པ་མཆེད་གཉིས། པཎ་ཆེན་ཤཱཀྱ་ཤྲཱིའི་གདན་ས་པ་རྩེ་ཚོགས་མཁན་ཆེན་བློ་བཟང་དགེ་ལེགས་རྒྱལ་མཚན། གསང་ཕུ་གླིང་སྟོད་ཀྱི་གདན་ས་པ་ཚེའི་རིག་བྱེད་འཛིན་པ་བློ་བཟང་རྒྱ་མཚོ། བོ་དོང་རྗེ་བཙུན་ཨུ་རྒྱན་མཁའ་སྤྱོད་མཚོ་མོ། གསང་བདག་ལས་ཀྱི་རྡོ་རྗེའི་རྣམ་སྤྲུལ་རྗེ་དྲུང་རིན་པོ་ཆེ་བསྟན་པ་རྒྱ་མཚོ། བསམ་ཡས་དཀར་ཆེན་སྤྲུལ་སྐུ་བསྟན་འཛིན་རྒྱ་མཚོ། མགོས་པདྨ་གུང་བཙན་གྱི་རྣམ་སྤྲུལ་གྲང་སོ་བ་གསུམ་པ་གཏེར་སྟོན་བསྟན་འཛིན་ནོར་བུ། དེ་མོ་སྤྲུལ་སྐུ་ལྷ་དབང་ཕྱོགས་ལས་རྣམ་རྒྱལ། ཨུ་རྒྱན་ཆེན་པོའི་འདུས་པ་དང་པོའི་འཁོར་དུ་གྱུར་པའི་འ་ཞའི་རྡོ་རྗེ་འཛིན་པ་དབང་ཕྱུག་རབ་བརྟན། དཔལ་གྱི་དབང་ཕྱུག་གི་སྤྲུལ་པ་སྣང་གསལ་བ་ངག་དབང་ཡེ་ཤེས་གྲུབ་པ། སྤྱན་མངའ་ཚུལ་ཁྲིམས་འབར་གྱི་སྤྲུལ་པ་ལོ་པ་ཀུན་དགའ་དོན་འགྲུབ། ཁ་ཆེ་རིན་ཆེན་རྡོ་རྗེའི་རྣམ་སྤྲུལ་ཁའུ་བྲག་རྫོང་པའི་བསྟན་འཛིན་འ་ཞའི་རིགས་ལས་ཁྱབ་བདག་རྡོ་རྗེ་སེམས་དཔའ་མགོན་པོ་བསོད་ནམས་མཆོག་ལྡན། གཉགས་ཛྙཱ་ན་ཀུ་མཱ་རའི་སྐྱེ་སྤྲུལ་ཟུར་རིགས་ཀུན་བདག་པོ་པདྨ་དབང་གི་རྡོ་རྗེ། མདོ་རྒྱུད་དང་ཐ་སྙད་ལ་ལྟ་བའི་མིག་ཅན་ཤ་གཟུག་པ་ངག་དབང་བཀྲ་ཤིས་རྣམ་རྒྱལ། ཚར་ལུགས་ཀྱི་བསྟན་འཛིན་གླང་བུ་ཆོས་རྗེ་ཆོས་སྐྱོང་དབང་ཕྱུག །འབྲུག་པ་སྤྲུལ་སྐུ་རིན་པོ་ཆེ་ཡོངས་འཛིན་དུང་དཀར་བ་མི་ཕམ་བློ་གྲོས། མངའ་བདག་ཉང་གི་གདུང་བརྒྱུད་སྨྲ་བོ་ལྕོག་པ། ཆོས་

― GLG008_Page_0785 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་གི་གདུང་བརྒྱུད་གནས་གཞི་བ་དང་ལྷ་བ་རོ་བ། ཨུ་རྒྱན་གླིང་པ་དང་། སངས་རྒྱས་གླིང་པ་སོགས་གཏེར་སྟོན་མང་པོའི་དབོན་བརྒྱུད། ཟུར་གསང་སྔགས་གླིང་པ། ཕ་དམ་པའི་སྤྲུལ་པ་བྱང་པ་རྫོགས་ཆེན་པ་ནམ་མཁའ་འབྲུག་སྒྲ་བཟང་པོ། ནུས་པའི་མངའ་བདག་གུང་རུ་དབྱངས་དཔོན་པ་དཔལ་ལྡན་གྲགས། རིག་འཛིན་ཀུ་མཱ་རཱ་ཛའི་སྐྱེ་བ་ཟུར་གཞོན་ནུ་དོན་གྲུབ། ཉང་སྟོན་སྨན་ལུང་པ་བློ་གྲོས་མཆོག་གི་རྡོ་རྗེ། ཟ་ཕུ་གདན་ས་པ་དབང་གི་རྒྱལ་པོ། གཉགས་ཤེལ་བྲག་པ། ལང་གྲོའི་སྔགས་འཆང་ཉི་ཕུག་པ་དང་། རི་ཕུག་པ། གཏེར་སྟོན་གྲུ་གུ་ཡང་དབང་གི་རིགས་ལས་སྔགས་འཆང་དོན་གྲུབ་བཀྲ་ཤིས། ཆོས་རྗེ་དབང་ཆེན་ལྷུན་གྲུབ་ཀྱི་བརྒྱུད་འཛིན་ཆོས་སྡིངས་པ། བླ་མ་འཛོམ་པ་སྒང་པ། སྤ་གྲོ་ཆོས་རྗེ། བླ་མ་ཁྲོ་ཕུ་བ་སོགས་མདོར་ན་རིགས་རུས་སྐྱེ་རབས་གོ་ས་སྟོབས་འབྱོར་དང་། ལུང་རྟོགས་ནུས་མཐུ་སོགས་ཡོན་ཏན་གྱི་སྒོ་ནས་མངོན་པར་མཐོ་བ་དང་། གྲོང་སྔགས་སྒོམ་ཆེན་བྱ་བྲལ་རི་ཁྲོད་པ་སོགས་བགྲང་བར་མི་ཆོད་ཅིང་། མང་དུ་ཐོས་པའི་དཔྱོད་ལྡན་འབྲུག་པ་སངས་རྒྱས་རྡོ་རྗེ་དང་ཞང་ལོ་འཇམ་དཔལ་རྡོ་རྗེ་སོགས་ཐ་སྙད་རིག་པ་ལ་མཁས་པ་མང་པོ། གཡུ་ཐོག་པའི་སྤྲུལ་པར་ལུང་གསེར་ཟིན་པ་བྱང་ངོས་པ་བསྟན་འཛིན་རྒྱལ་པོ་སོགས་ཚེའི་རིག་བྱེད་པ་དུ་མ། གཉགས་བན་ནང་ར་བ་འཇམ་དཔལ་བློ་གྲོས་སོགས་སྐར་ནག་རྩིས་ལ་མཁས་པ་བླ་མཁྱེན་མང་པོས་དྲུང་དུ་བཏུད་པ་མཐའ་ཡས། སྡེ་པ་འཕྱོང་རྒྱས་པ་ཧོར་ངག་དབང་བསོད་ནམས་གྲགས་པ་འཇིག་རྟེན་དགའ་བའི་རྒྱན། ཧོར་ལྷའི་དབང་ཕྱུག །ཧོར་བདུད་འདུལ་རབ་བརྟན་ཏེ་མཆེད་སྲས་དང་བཅས་པ། སྡེ་པ་ཡར་རྒྱབ་པ་བདུད་འདུལ་གྲགས་པ། ཡར་འབྲོག་

― GLG008_Page_0786 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲི་དཔོན་སྡེ་པ་སྣ་དཀར་རྩེ་པ་ཀུན་དགའ་དབང་ཆེན་ཕུན་ཚོགས། ཀུན་དགའ་རྒྱལ་ཆེན་རབ་བརྟན་མཆེད་གཉིས། གཙང་སྡེ་པ་ཐོབ་རྒྱལ་པ། དྲག་ཁ་ནས། ལྷོ་མདོ་མཁར་བ། ཡར་ཀླུངས་ཆོས་རྒྱལ་ཕོ་བྲང་། ཐོན་པ། སྙེ་མོ་བ། དགོན་པ་བ། ལྷོ་བྲག་ལྷ་ཁང་པ། ལྷོ་བྲག་གདང་བ། ཡར་ཀླུངས་བཀྲ་ཤིས་རྩེ་པ། ཟངས་རི་བ། མོན་མཁར་རྣམ་སྲས་གླིང་པ་སོགས་མདོར་ན་སྡེ་རིགས་ནང་སོ་རྣམ་པ་སོགས་སྐྱེ་རྒུ་མཆོག་སྨན་གྲངས་མེད་པས་འདི་ཕྱིའི་སྐྱབས་གནས་ཞུས་ཏེ་གཙུག་ཏུ་བཀུར། ཀུན་ཀྱང་གནས་སྐབས་དང་མཐར་ཐུག་གི་ཕན་པ་དང་བདེ་བའི་ལམ་ཆེན་པོ་ལ་སྦྱོར་བར་མཛད་པས། སྤྲུལ་སྐུ་བསྟན་འཛིན་ནོར་བུས། འོད་གསལ་ལྷ་བརྒྱུད་འཁོན་དང་སྐྱུ་རའི་གདུང་། །རླངས་སོགས་འཇིག་རྟེན་ཆེ་རྒུས་གུས་བཏུད་ཀྱང་། །དུལ་བ་ཁྱོད་ལ་མངོན་རློམ་མ་མཆིས་པས། །དམ་པར་བསྔགས་འོས་མཆོག་དེར་གསོལ་བ་འདེབས། །ཞེས་སོ། །མདོ་སྨད་བྱང་གླིང་དུ༔ ཁའི་མུན་གསལ་ནས། །གངས་ཅན་འཛམ་བུའི་ལྗོན་པས་ཡོངས་དུད་མཁར། །ཐུགས་རྗེའི་རླུང་གི་ཤིང་རྟས་རབ་དྲངས་ཏེ། །སྔ་འགྱུར་ཆོས་ཀྱི་འོད་སྟོང་ལན་བརྒྱར་སྤྲོས། །མཁྱེན་ཡངས་ཟླ་བའི་མ་མ་ལེགས་འཁྱིལ་བར། །བརྩེ་ཆེན་སྙིང་སྟོབས་ཡོལ་མེད་རླབས་འཕྲེང་ཅན། །མཐུ་སྟོབས་ནུས་པའི་ནོར་བུ་འབྱུང་བའི་ཁུངས། །རིགས་གསུམ་སྒྱུ་དྲའི་ཟློས་གར་འདི་རྨད་བྱུང་། ལྷ་རིགས་དྲེགས་པས་མྱོས་པའི་སྟོབས་ལྡན་ཁེངས། །འཕྲོག་བྱེད་སྲིད་འབྱར་རལ་པའི་ནོར་འཛིན་མར། །རྣམ་དཔྱོད་གོམ་པ་གཅིག་གིས་ནོན་པའི་འཕྲུལ། །བྱེད་པོ་སྔོན་མེད་འཁོར་ལོའི་ལག་པ་ཅན། །རིག་འཛིན་ཡོལ་མོ་བས། རི་བོ་དཔལ་འབར་དུ་ཐུགས་སྒྲུབ་གསུམ་གྱི་བསྙེན་པ་མཛད་པའི་རིག་འཛིན་གདུང་སྒྲུབ་ཀྱི་སྐབས། མཁའ་འགྲོ་མ་ཅིག་

― GLG008_Page_0787 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་ཤོག་དྲིལ་ཅིག་གཏད་པ་གཟིགས་པས། ད་ནི་ཉོན་དང་སྟོབས་ལྡན་ཤུགས་འཆང་རྩལ༔ འདི་ནས་བྱང་ཤར་འབར་བའི་ཕུག་པ་རུ༔ ལས་ཅན་བུ་ལ་བཀའ་འདི་གཏོད་ཅིག་ཅེས༔ བུ་མོ་བདག་ནི་རག་ཤའི་གླིང་ནས་འོངས༔ ཞེས་སོགས་ཀྱི་མཇུག་ཏུ་དཔལ་གྱི་བཀའ་འདི་ཡོངས་ལ་སྤེལ་གྱུར་ན༔ གློ་བུར་གཟེར་བཏབ་བཟློག་དཀའི་ཕོ་ཉ་འོང༔ ཞེས་པའི་འོག་ཏུ་མཚལ་ཐམ་ཁ་ཡིག་ལ། ཨོཾ་ཨཱཿཧཱུྃ་ས་མ་ཡ་སིདྡྷི་ཧཱུྃ་ཟེར་བ་ཡོད་པ་ཞིག་བྱུང་། དེ་ནས་ལོ་ཤས་སོང་ཚེ། གཏེར་འདོན་པའི་སྐུལ་མ་ངོ་མཚར་བ་བྱུང་བའི་རྒྱུ་མཚན་རིག་འཛིན་ངག་གི་དབང་པོར་ཞུ་ཡིག་ཕུལ་བའི་ལན་གྱི་སློབ་སྟོན་ལྟར་མཛད་པས། རྒྱང་ཡོན་པོ་ལུང་ནས་ཁ་བྱང་དང་རྡོ་རྗེ་གྲོ་ལོད་ཀྱི་སྒྲུབ་སྐོར་ཞིག་སྤྱན་དྲངས་པའི་ལུང་བསྟན་དུ། གསང་འདུས་བླ་མའི་དཀྱིལ་འཁོར་དུ༔ ལེགས་སྨིན་ཆོས་ཀྱི་བློན་པོ་ནི༔ གུང་བཙན་རྡོ་རྗེ་ལྷ་འབར་ཁྱོད༔ དག་དང་མ་དག་སྐྱེ་བའི་གྲངས༔ བཅུ་ཕྲག་གཅིག་དང་གཉིས་འདས་ཚེ༔ དག་པའི་སྐྱེ་བ་དབྱིག་མཐའི་མིང༔ བོང་ཆེ་ཤ་དཀར་བ་སྤུ་ཅན༔ ཐི་བ་ལས་གྱུར་འདོད་ཆགས་ཆེ༔ སྤྲེའུ་ལས་གྱུར་སྤྲོ་མི་རིང༔ བཙུན་མོ་ལས་གྱུར་ངོ་ཚ་ཆེ༔ ནེ་ཙོ་ལས་གྱུར་སྨྲ་ལ་དགའ༔ བརླ་གཡས་རྒྱལ་མཚན་མཚན་རྟགས་ཅན༔ ཤར་ཀོང་ལོ་མའི་ནང་ནས་འབྱུང༔ གསང་མིང་སྟོབས་ལྡན་ཤུགས་འགྲོ་རྩལ༔ ལྔའམ་དྲུག་གི་ནང་སོན་ཚེ༔ ང་དང་ཕྲད་ནས་བརྡ་སྟོན་བྱེད༔ བཅོ་ལྔ་ལམ་ནི་བཅུ་བདུན་ཚེ༔ པདྨ་ཅན་གྱི་བུ་མེད་ཅིག༔ རྙེད་ཚེ་ཚེ་ཡི་རྒྱ་མདུད་བྱེད༔ ཉི་ཤུ་གཉིས་གསུམ་བཞི་རྣམས་ལ༔ང་ཡི་ཆོས་དང་ཕྲད་པར་འགྱུར༔ ཞེས་རང་གཏེར་གྱི་ལུང་བསྟན་ངོ་མཚར་ཅན་བྱུང་

― GLG008_Page_0788 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བསྣམས་ནས་དབུས་སུ་ཕེབས། བྱང་པ་རིག་འཛིན་ཆེན་པོའི་སྤྱན་ལམ་དུ་ཕབ་པས་ཤོག་སེར་ལ་གཟིགས་ནས། རྣལ་འབྱོར་རྡོ་རྗེའི་སྤྲུལ་པ་ཅིག༔ བླ་མར་འོང་གི་གཙུག་ཏུ་བཀུར༔ ཟེར་བ་འདི་ཁོ་བོ་ཡིན་པར་འདུགཁྱེད་ཀྱི་གཏེར་དངོས་གཞི་དེ་ཐོན་ལ་ངེད་ཡང་ཕན་པར་གདའ་ཞེས་གསུངས། འཇམ་དཔལ་སྤྲུལ་པ་དབུས་སུ་འབྱུང༔ གློ་བུར་རྐྱེན་གྱིས་མ་བསྒྲིབས་ན༔ རྒྱ་བོད་ཧོར་གསུམ་དེ་ཡིས་འདུལ༔ ཞེས་པ་འདི་ངོས་རིག་འཛིན་ཡབ་སྲས་གཉིས་ཀ་ངོས་འཛིན་མཛད་པར་སྣང་། གཞན་ཡང་། གླང་ཕུ་སེ་བོའི་སྐྱེ་བ་ཅིག༔ སློབ་དཔོན་ཚུལ་དུ་འོང་གི་བསྟེན༔ ཞེས་པ་སྤྲུལ་སྐུ་ཕྱག་རྡོར་ནོར་བུ། དཔལ་གྱི་རྡོ་རྗེའི་སྐྱེ་བ་ཅིག༔ གསང་བའི་ཚུལ་དུ་སློབ་དཔོན་བྱེད༔ ཅེས་པ་རིག་འཛིན་ཨུ་རྒྱན་དོན་གྲུབ། ཀུ་མཱ་ར་ཡི་སྐྱེ་བ་ཅིག༔དགའ་བའི་ཚུལ་སྟོན་བར་ཆད་སེལ༔ཞེས་པ་ཟུར་དཔལ་འབྱོར་འཕྲིན་ལས་རབ་རྒྱས༔ཕོ་གྱོང་རྒྱལ་མོའི་སྤྲུལ་པ་ཅིག༔ མའམ་སྲིང་མོའི་ཚུལ་དུ་འོང༔ཞེས་པ་གཏེར་སྟོན་རང་གི་ལྕམ་སྲིང་སྦས་པའི་རྣལ་འབྱོར་མ་ཞིག །ལས་སྨོན་མཐུན་པའི་སྐྱེས་བུ་ཞིག༔ གྲོགས་སུ་འབྱུང་གི་སྙིང་ལ་ཆོངས༔ ཞེས་པ་རྟ་ནག་སྒྲོལ་མ་ཕུག་ནས། གཞན་མ་ཀོ་ཇག་འཇིགས་བྲལ། བྲག་ནག་བདུད་འདུལ། སྐུ་སྐྱེ་འཆི་མེད་དབང་པོ་སོགས་ལུང་བསྟན་གཅིག་གིས་གང་ཟག་སོ་སོར་ཐོན་པ་ཡང་ཡོད་པར་སྣང་ཞིང་། ཟབ་གཏེར་དེའི་དགོས་པའི་གཙོ་བོ་ནི། སྙིགས་དུས་དམ་སྲི་མིར་རྫུ་བའི༔ ཕུང་ཆེན་བླ་མ་སྟོབས་ཆེན་བཞི༔ འདུལ་ཐབས་ང་ཉིད་གྲོ་བོ་ལོད༔ ཕུར་ཐོགས་དྲག་པོའི་སྒྲུབ་པ་ཡོད༔ སེང་ལྡེང་ཕུར་པ་རྐང་གང་པ༔པདྨ་དག་གི་ལས་ཕུར་ཡོད༔ དེ་འཐོན་ཙམ་གྱིས་དེ་གསུམ་ཉམས༔ ཞེས་སོ། །དུས་རྟགས་

― GLG008_Page_0789 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་། ཡོས་ཀྱི་ལོ་ལ་ངལ་གསོ་བྱེད༔ འབྲུག་གི་ལོ་ལ་འབྲུག་ལྟར་ལྡིར༔ སྦྲུལ་ལ་སྦྲུལ་ཤུན་ལྟ་བུར་འཐོར༔ དེ་ཕྱིར་ཡོས་བུའི་ལོ་ལ་ལོང༔ ཞེས་པ་ལྟར། དུས་ཀྱིས་གཏུགས་པས་ས་སྟག་གི་ལོར་སྤྲུལ་པའི་སྐུ་རི་བོ་དཔལ་འབར་གྱི་གཏེར་འདོན་པར་སློབ་སྟོན་དང་བཅས་རྫོང་སྟ་མཛད་ཀྱང་། གཏེར་སྟོན་དྲི་མེད་ཀུན་དགའི་ལུང་བསྟན་གསང་བའི་སྦར་སྐབ་ན། ལྷོ་མོན་གཙང་གཡག་ས་སྟེང་ནས༔ དུར་བཅོལ་ཞེས་བྱའི་མིང་བཟུང་ནས༔ སྒོམ་ཆེན་ཆས་སུ་ཞུགས་ནས་འོང༔ མིག་དམར་ཁྱབ་པ་ལག་རིང་སྟེ༔ ལོག་པའི་རྫུ་འཕྲུལ་སྣ་ཚོགས་ཀྱིས༔ ཏུ་རུ་སྐ་ཡི་དམག་སྣ་འདྲེན༔ བོད་འབངས་ཐམས་ཅད་རླག་པར་བྱེད༔ མིང་ཐོས་རླུང་ཁྱབ་ན་རག་འཁྲིད༔ བསྟན་པའི་ཕྱིན་ལོག་བསྐོར་བ་འོང༔ ཞེས་ལུང་གིས་ཟིན་པའི་འབྲུག་པ་ངག་དབང་རྣམ་རྒྱལ་གྱིས་མོན་བོད་སྡུག་བསྔལ་ལ་སྦྱོར་བའི་སྡེ་གཟར་མང་དུ་སླང་བའི་སྟག་གི་ལོ། གཙང་དཔུང་ལྷོ་མོན་ཕྱོགས་སུ་བཅུག་པ་དང་འགྲིག༔ མདའ་དཔོན་དགོས་ལུང་པས་ཇུས་རིམ་ལ་ཕག་རིར་བཞུགས་བཅུག་པས་དུས་འགྱངས། གཏེར་གནས་ལ་མ་ཕེབས་ཙམ་དུ། རིག་འཛིན་ངག་གི་དབང་པོ་གཤེགས་པའི་གཏམ་སླེབ་ནས། དབུས་སུ་འབྱོན་དགོས་བྱུང་བས་རྟེན་འབྲེལ་མ་འགྲིག །སྔར་སྡེ་སྲིད་ཀརྨ་ཕུན་ཚོགས་རྣམ་རྒྱལ་དང་། ལྷུན་གྲུབ་སྒང་ཆེན་པ་གཉིས་ཀྱིས་མངའ་རིས་རྒྱལ་པོ་ཡུལ་ཕུད་པས། བསྐུལ་བྱང་ལས། དེ་ལྟར་མང་ཡུལ་གུང་ཐང་གི་ཁྲོད་དུ༔ བདུད་ཀྱི་སྤྲུལ་པ་ཤན་པ་ནག་པོ་དྲུག་གིས་རྒྱལ་པོའི་གདུང་བརྒྱུད་བརླག་པར་བྱས༔ བོད་ཀྱི་ཕུང་མགོ་བཙུགས༔ ཞེས་པ་དང་། སྟོབས་དང་དཔུང་ཆེ་བའི་རྒྱལ་ཕྲན་ཞིག་གི་སྙིང་དུ་འགོང་པོ་ཁད་ན་ནག་པོ་ཞུགས་ཏེ༔ དེའི་མཐུ་སྟོབས་ཀྱིས་མངའ་བདག་རྒྱལ་པོའི་གདུང་རྒྱུད་གང་ན་འདུག་པའི་གནས་སུ་ཕྱིན་ཏེ་འཐོར་བ་རྣམ་པ་བདུན་བྱེད་

― GLG008_Page_0790 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལས་ངན་བྱེད་དོ༔ ཞེས་དང་། རཏྣའི་བསྟན་པ་སྤྱི་ལུང་དུ༔ བཙད་པོའི་གདུང་རྒྱུད་གློ་བུར་རྒྱལ་པོས་བརྡུང༔ ཞེས་དང་། བསྟན་གཉིས་གླིང་པའི་ཀུན་གསལ་སྒྲོན་མེ་ལས། མང་ཡུལ་གུང་ཐང་འཐིལ་འདི་རུ༔ ལྷ་སྲས་གདུང་བརྒྱུད་གཙང་མ་ཅིག༔ དམངས་ཀྱིས་གྲི་རུ་འགུམ་པར་བྱེད༔ ཅེས་སོགས་ལུང་བསྟན་སྔོན་མ་མང་པོར་བྱུང་པ་ལྟར་བདུད་སྤྲུལ་དུ་ངེས་ཤིང་། གཏེར་གསར་ལུང་བསྟན་དུ། དེ་ཕྱིར་དམ་སྲི་སྤུན་དགུ་ཡིས༔ མཐོ་འཚམ་གཏེར་འདི་འཐོན་པ་དཀའ༔ ཞེས་པས་འབྲུག་ར་ལུང་པ་ངག་དབང་རྣམ་རྒྱལ་དང་མདའ་དཔོན་དགོས་ལུང་པ་གཉིས་ཀྱང་དམ་སྲིའི་སྤྲུལ་པར་ཐེ་མི་ཚོམ་མོ། །ཁྱབ་བདག་དཀྱིལ་འཁོར་ཀུན་གྱི་མགོན་པོ་མཆོག །མཆོག་ཏུ་ཡངས་པའི་རྣམ་དཀར་འཕྲིན་ལས་རྒྱུན། །རྒྱུན་ཆད་མེད་པར་བབས་པས་གསེར་ལྡན་ལྟོ། །ལྟོ་བ་ཡོངས་སུ་གང་དེ་ཨེ་མ་མཚར། །རྒྱལ་བ་ཀུན་དངོས་དངོས་བརྒྱུད་བླ་མ་མཆོག །པདྨ་འབྱུང་གནས་གནས་གསུམ་མཁའ་འགྲོའི་གཙོ། །གསང་ཆེན་ཐེག་མཆོག་མཆོག་གི་སློབ་དཔོན་དུ། །རྣམ་རོལ་ངག་དབང་དབང་ཕྱུག་བརྒྱད་ལྡན་རྗེ། །ཡང་ཡང་བསམས་ཀྱང་ཁ་བའི་སྨན་ལྗོངས་འདིར། །འཇིགས་འཇིགས་སྔགས་རློམ་ཀུན་གྱིས་ཟླ་བྲལ་བ། །འུར་འུར་མེ་དཔུང་དབུས་འགྱིང་ཧེ་རུ་ཀ །གསལ་གསལ་ཞི་ཁྲོའི་ཟློས་གར་སྒྱུར་དེ་རྒྱལ། །དེ་ལྟར་རིག་འཛིན་ངག་གི་དབང་པོ་འདི་ཉིད་ཀྱིས་ལོ་གཉིས་གསུམ་ཙམ་གྱི་སྔོན་ནས། ཡོལ་མོ་སྤྲུལ་པའི་སྐུར་གཏེར་རྫས་བཀའ་རྒྱ་རྣམས་རྩིས་ལེན་དགོས་ཚུལ་དང་། མི་རིང་པར་ལྷ་ཁང་རྟེན་བཞེངས་ཀྱང་མང་དུ་དགོས་པ་ཡོང་། ངེད་ཀྱང་ད་ལྟ་དང་མི་འདྲ་བར་བླ་མ་གོང་མ་ཞེས་རྩིས་ཆེར་འགྲོ་ཞེས་སོགས་གསུངས་པ་ལྟར། ས་ཡོས་ནག་པ་ཟླ་བའི་ཚེས་བཅུའི་དུས་ཆེན་གྱི་

― GLG008_Page_0791 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིན་སྙུན་གྱི་རིགས་མངོན་གྱུར་མེད་པའི་ངང་ནས། ལྕོག་སྒར་ཚོགས་པར་འཕྲལ་ཡུན་གྱི་སློབ་སྟོན་མང་པོ་དང་། སྔར་མི་མཛད་པའི་དྲི་མེད་བཤགས་རྒྱུད་ཀྱི་འཁོར་རྣམས་རྗེས་སུ་ཡི་རངས་ཏེ་བཤགས་པའི་ལེའུ་དེ་ཚོགས་ལ་དོ་ནུབ་རང་ཚུགས་པ་བྱེད་གསུངས་ནས་དཔལ་འབར་སྤར་ཏེ་དཔེ་འདོན་གྱི་ཚུལ་དུ་བཙུགས། ཆོ་ག་གྲོལ་རྗེས་སྔར་ཆེད་གཉེར་དུ་མི་མཛད་ཀྱང་། དགེ་བ་རྫོགས་བྱང་དུ་བསྔོ་བ་རྒྱས་པར་གནང་སྟེ་གཟིམས་ཆུང་དུ་ཕེབས་ནས་གཟུགས་སྐུའི་བཀོད་པ་རེ་ཞིག་ཟངས་མདོག་དཔལ་རིར་བསྡུས་སོ། །དགོངས་རྫོགས་ཀྱི་གྲལ་དབུར་ས་སྐྱ་ཞབས་དྲུང་མཐུ་སྟོབས་པ་ཕེབས། གདུང་མཇལ་མཛད་སྐབས་གདུང་གི་སྟེང་ན་འཇའ་ཚོན་གྱིས་ཁྱབ། དེའི་ཚེ་རིག་འཛིན་ཡོལ་མོ་བ་སྟོད་ནས་མར་བྱོན་པའི་ལམ་དུ་ཡང་། ཉི་མ་འཇའ་ལྔ་སྦྲག་གིས་བསྐོར་བ་དང་། ནམ་མཁའ་གཡའ་དག་ཅིང་། འཇའ་ཚོན་སྣ་ཚོགས་ཀྱི་ཐིག་ལེ་ཚོམ་བུ་དྲ་བས་འབྲེལ་བ་དང་། གདུང་ཞུགས་སུ་ཕུལ་ཚེ། མེ་ཏོག་དཀར་པོ་ཁྲུང་ཁྲུང་གི་སྒོ་ང་ཙམ་པའི་ཆར་བབས་པས། ཡོལ་མོ་སྔགས་འཆང་གིས། སྙིགས་དུས་ལོག་པར་སྤྱོད་པས་ཐུགས་ཕྱུང་ཞིང་། །སྐུ་ཚེ་འདི་ཡི་གདུལ་བྱ་འདི་ཙམ་ཞེས། །མཁྱེན་ནས་དངོས་བརྒྱུད་བཀའ་ཡིས་ངེས་མཛད་དེ། །རེ་ཞིག་ཞི་བར་གཞོལ་ལ་གསོལ་བ་འདེབས། །ལེགས་བྲིས་བུ་མོའི་ལག་པད་ཀྱིས་གཏོར་བའི། །པུཎྜ་རི་ཀའི་ཆར་གྱིས་མཁའ་སྲིད་ཁེངས། །ཞུགས་སུ་བཞུན་ཚེ་སྣ་ཚོགས་དབང་པོའི་གཞུའི། །དར་དཔྱངས་མཛེས་པས་མཆོད་ལ་གསོལ་བ་འདེབས། ཞེས་སོ། །དགོངས་པ་རྫོགས་ཐབས་ཕལ་ཆེར་གྲུབ་པའི་ཡོས་ལོ་ཟླ་བ་བཅུ་གཉིས་པའི་ཚེས་གཅིག་ཐོ་རངས་རིག་འཛིན་ཡོལ་མོ་བའི་མནལ་ལམ་དུ། ཟླ་བའི་དཀྱིལ་འཁོར་

― GLG008_Page_0792 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ལྔ་མུ་ཁྱུད་ཉིས་རིམ་གྱི་དབུས་ན་རིག་འཛིན་ངག་གི་དབང་པོ་གངས་ཞུ་སྣམ་སྦྱར་ཟབ་བེར་གསོལ་བ། ཕྱག་གཉིས་ན་རྡོ་རྗེ་དང་སྐུ་གསུམ་རིགས་བསྡུས་ཀྱི་ཚེ་བུམ་བསྣམས་པ་དང་མཇལ་བས། ཡོལ་མོ་རྗེས། མོས་དགེ་དག་པའི་སྣང་བ་རབ་འབྱམས་མཁར། །མཚོན་ལྔ་ཉིས་རིམ་འོད་ཀྱི་མུ་ཁྱུད་ནང་། །ཟླ་རྒྱས་དཀྱིལ་འཁོར་ཤིན་ཏུ་རྒྱ་ཆེའི་དབུས། །ཉིད་ཞལ་གསལ་བར་བསྟན་དེར་གསོལ་བ་འདེབས། །ཞེས་སོ། །དེ་ནས་རིག་འཛིན་ཡོལ་མོ་སྤྲུལ་པའི་སྐུས་ཐུགས་ཁུར་བཞེས་ཤིང་། །ཐིག་རྩ་སོགས་ཟུར་ཆེན་རིག་སྔགས་འཆང་བའི་དབང་ཕྱུག་འཁོར་ལོའི་མགོན་པོ་དཔལ་འབྱོར་འཕྲིན་ལས་རབ་རྒྱས་ཀྱིས་མཛད་ནས་ཐུབ་ཆེན་གྱི་གསེར་སྐུ་བཞེངས། སྒྲུབ་སྐོར་གསུམ་གྱི་སྒོ་ནས་རབ་ཏུ་གནས་པར་མཛད། འཕྲང་མགོ་གཞི་པའི་བླ་མ་འཚམས་སྦྱོར་ངན་པས་དམ་སྲི་མ་རུངས་པར་གྱུར་པ་དེ་ཡང་རྟེན་ཆེན་གྱི་འོག་དུ་སྔགས་རྒོད་ལོགས་ཏྲིའི་སྒོ་ནས་མནན་ནོ། །ཡོལ་མོ་སྤྲུལ་པའི་སྐུ་བསྟན་འཛིན་ནོར་བུ་གསང་མཚན་སྟོབས་ལྡན་ཤུགས་འགྲོ་རྩལ་དུ་གྲགས་པའི་སྔགས་འཆང་ཆེན་པོ་དེ་རིག་འཛིན་གོང་མའི་གདན་སར་བཞུགས་ཏེ་ཕྱོགས་བྲལ་གདུལ་བྱའི་རེ་བ་སྐོང་བར་མཛད། ནུབ་གཅིག་མནལ་ལམ་དུ་ཆུ་ཆེན་པོ་ཞིག་བྱང་ནས་བྱུང་གཙང་ཆུ་དང་འདྲེས་ཏེ་ལུང་པ་ཐམས་ཅད་གང་ནས་འགྲོ་བའི་ཚེ་ཟམ་པ་ཕྲ་མོ་ཅིག་ལ་ཕོ་མོ་གསུམ་རྒྱུ་བར་ཐར་མ་སོང་བ་ཞིག་བྱུང་བས། འདི་སྡེ་སྲིད་གཙང་པར་ལྟ་བ་འདུག །སྐུ་རིམ་དགོས་ཚུལ་གསུངས་ཀྱང་། ཆགས་སྒོས་ལྟག་རྩར་སླེབས་གྲུབ་པའི་ཉམས་ཀྱིས་སྔགས་འཆང་མཐུ་སྟོབས་ཅན་འདི་ཚོར་རྩིས་མི་བྱེད། ས་སྐྱ་པའི་འཆམས་ཀྱི་བཀྲ་བཀྲ་ཧྲིག་ཧྲིག་དང་། མངའ་བདག་དཔོན་པོ་ཕུན་ཚོགས་རིག་འཛིན་པའི་ཟོབས་ལ་བློ་བཀལ་བར་སྣང་། ར་ས་འཕྲུལ་སྣང་གི་གཙུག་ལག་ཁང་དུ་ངེད་འཕྲད་པར་ཆེད་གཉེར་གྱིས་བྱོན། ཆོས་དབང་རིན་པོ་ཆེ་

― GLG008_Page_0793 ―

^{[མ་དཔེ་གཟིགས་ན་འདིར་གནོན།]}

[Full Size]

དང་རཏྣ་གླིང་པའི་གཏེར་རྫས་ཁྱད་འཕགས་མང་པོ་སྐྱེས་སུ་མཛད། དེའི་ནུབ་སྔ་མ། སྔགས་སྲུང་དང་ཁྱབ་འཇུག་གིས་ཐོག་དྲངས་གཏེར་སྲུང་རྣམས་དགྱེས་པའི་མཚན་མ་ཁྱད་པར་ཅན་མཐོང་། གཏེར་རྫས་རྣམས་ལ་འཁྲེན་ཆ་མི་མཛད་པའི་བརྡར་གོ །གསུང་གླེང་ཞིབ་པར་བྱུང་། གནང་ཚུལ་གང་ལ་དཔགས་ཀྱང་ཟོག་པོ་གཏེར་བརྫུས་མཁན་གྱི་རིགས་ཚོ་དང་ཡེ་མི་འདྲ་བའི་དཔལ་ཨུ་རྒྱན་ཆེན་པོས་རྗེས་སུ་བཟུང་ངེས་ཤེས་པའི་གཏེར་སྟོན་སྤྲུལ་པའི་སྐུར་ངེས་པ་རྙེད། ཡོལ་མོ་སྤྲུལ་པའི་སྐུས་ཐུགས་ཁུར་བཞེས་ཐོག་ལྕོག་སྒར་བར་མཆོད་ཐེབས་གསར་མཆོད་སོགས་ལུགས་གཉིས་ཀྱི་འཛིན་བཀོད་ཕུལ་དུ་ཕྱིན་པར་གྱུར། གནམ་སའི་དབང་ཕྱུག་བསྟན་འཛིན་ཆོས་ཀྱི་རྒྱལ་པོས། ཆུ་ལུག་ལོར་ངེད་སོག་ཡུལ་དུ་འགྲོ་དགོས་ཚུལ་ནན་ཆེ་བར་རིག་འཛིན་ཆེན་པོ་འདི་ཉིད་ཀྱིས་བརྟག་པ་མཛད་པར། ད་ལྟའི་སོག་པོ་འདི་ཚོས་གདན་འདྲེན་པའི་གྲགས་ཆེ་ཡང་དོན་ལ་ཕེབས་མི་དགོས། ལོ་ཤས་ན་སོག་པོ་འདི་པ་ཚོ་དང་བྱ་སྤྱོད་ཆ་ལུགས་མི་མཐུན་པ་ཉི་མ་ཤར་ཕྱོགས་ཡུལ་སྐད་རིགས་མི་གཅིག་པའི་ས་ནས་གདན་འདྲེན་འོང་། དེར་ཕེབས་དགོས་པ་འོང་ནའང་མྱུར་དུ་ཡར་ཕེབས་པའི་མཚན་མ་འདུག་ཚུལ་གསུང་བ་ཐོག་ཏུ་བབས་པས་ཕོ་ཚོད་ཀྱི་ལུང་བསྟན་མཁན་པོ་ཚོ་དང་ཡེ་མེ་འདྲ། འོན་ཀྱང་གཏེར་གསར་དེ་ཀ་མྱུར་དུ་བཞེས་ཐུབ་ན་བོད་ཀྱི་བདེ་ཐབས་དང་རིག་འཛིན་ཉིད་ཀྱི་སྐུ་ཚེ་མཐར་ཕྱིན་པའི་རྟེན་འབྲེལ་ལ་ཁྱད་ཤིན་ཏུ་ཆེ་ནའང་། བདུད་ཀྱི་ཆོ་འཕྲུལ་འདི་ཐབས་ཟབ་པས་གཞན་རྐྱེན་སྣ་ཚོགས་ཀྱིས་རིམ་འགྱངས་ལ་སོང་བའི་སྟེང་དུ། རང་གཏེར་ལས། མི་མཐུན་བདུད་དུ་བབས་པ་ནི༔ ཀླུ་གོང་བློན་པོའི་སྐྱེ་བ་ནི༔ བླ་མར་བརྫུས་ནས་ཐབས་ཀྱིས་སྨོད༔ བོན་པོ་ཐང་ནག་སྐྱེ་བ་ནི༔ བློན་པོར་

― GLG008_Page_0794 ―

^{[མ་དཔེ་གཟིགས་ན་འདིར་གནོན།]}

[Full Size]

བརྫུས་ནས་ཡ་ག་སྒྲོག༔ བདུད་བློན་ཤིང་རྩའི་སྐྱེ་བ་ནི༔ བནྡེའི་གཟུགས་ཀྱིས་དམ་ལོག་བྱེད༔ ཅེས་པའི་ལུང་བསྟན་ལྟར། དམ་ལོག་མ་རུངས་པ་འགའི་མི་བསྲུན་སྒྱུ་འཕྲུལ་དྲ་བ་སྣ་ཚོགས་ཀྱིས་བར་དུ་བཅད་དེ་སྐུ་ཚེ་དང་འཕྲིན་ལས་མཐར་མ་ཕྱིན་ཅིང་། བར་ཆད་ཀྱི་དབང་དུ་འགྲོ་བར་མངོན་པར་མཁྱེན་པས། མྱུར་དུ་རིག་འཛིན་ངག་གི་དབང་པོའི་སྤྲུལ་པའི་སྐུ་ངོས་འཛིན་པར་དགོངས་ཏེ་འོད་གསལ་གྱིས་གཟིགས་པས་མོན་མཁར་རྣམ་སྲས་གླིང་དུ་འབྱུང་བར་མཁྱེན་ནས་དེར་ཕེབས། སྤྲུལ་སྐུ་འཁྲུངས་མ་ཐག་པར་དབང་བཀའ་ཁ་ཡར་གནང་སྟེ་བྱིན་གྱིས་བརླབས། ལས་ཅན་གྱི་བླ་སྒྲུབ་ཅེས་གཏེར་སྟོན་གྱི་སྒྲུབ་པ་བྱང་གཏེར་གྱི་ཁྱད་ཆོས་ཆིག་བརྒྱུད་མ་དེ་ཟུར་ཆེན་རིག་སྔགས་འཆང་བའི་དབང་ཕྱུག་པར་གནང་། སྤྲུལ་སྐུ་རྣམ་སྲས་གླིང་དུ་འཁྲུངས་པ་དེ་ཡིན་པར་ཀུན་ལ་གསུང་ཞིང་། དྲིལ་བསྒྲགས་ཏེ་དོན་གྱིས་མངའ་གསོལ་བར་མཛད་པ་ལ་བརྟེན། ད་ལྟ་སྤྲུལ་པའི་སྐུ་བློ་བཟང་པདྨ་འཕྲིན་ལས་ཐེག་མཆོག་དབང་གི་རྒྱལ་པོ་ཡོངས་འདུའི་སྡེ། རིག་འཛིན་བླ་མའི་སེང་གེའི་ཁྲིར་བཞུགས་བཞིན་པའོ། །སླར་ཡང་དུས་གསུམ་མཁྱེན་པ་པདྨ་འབྱུང་གནས་ཀྱི་ཐུགས་རྗེ་ཚད་མེད་པའི་མཐུ་ལ་བརྟེན་ནས། ལས་ཅན་རྣམས་ཀྱིས་ཟབ་གཏེར་སྔོན་མ་རྣམས་ཀྱི་འཕྲིན་ལས་སྤེལ་ཞིང་། གསར་དུ་སྤྱན་དྲངས་ནས་བོད་ཁམས་བདེ་སྐྱིད་ཕུན་གསུམ་ཚོགས་པ་ལ་སྤྱོད་པར་ངེས་ཏེ། རིག་འཛིན་ཡོངས་འདུས་ཀྱི་ལུང་བྱང་ལས། ཤཱཀྱ་ཐུབ་པའི་རྒྱལ་ཚབ་ང་ཡིན་པས༔ རྩོད་ལྡན་དུས་སུ་བསྟན་མཇུག་གཏེར་གྱིས་སྐྱོང༔ ཞེས་དང་། ཚེ་སྒྲུབ་བདུད་རྩི་འཁྱིལ་བའི་སྨིན་བྱེད་བསྙེན་པའི་དབང་རིམ་བདུད་རྩི་འཁྱིལ་བ་ལས། ཕྱོགས་རྣམས་ཀུན་ཏུ་དགོངས་

― GLG008_Page_0795 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་སྤྱོད་པ་མང༔ ཅིའི་ཕྱིར་ཨུ་རྒྱན་ཐུགས་རྗེ་མ་བཟོད་དོ༔ ཞེས་དང་། ཚེ་བསྲིང་བའི་ཉམས་ལེན་བདུད་རྩི་རྒྱུན་འབྱུང་ལས། ཨེ་མ་བདུད་རྩི་འཁྱིལ་བའི་རྒྱུད་དོན་སྙིང་པོའི་མཆོག༔ ཚེ་བསྲིང་ཆོ་ག་རྒྱུད་ལས་ཁོལ་དུ་ཕྱུང༔ ཕྱི་རབས་སྙིགས་མའི་འགྲོ་བ་བསྐྱབ་ཕྱིར་དུ༔ ཨུ་རྒྱན་གསུང་བཞིན་ནམ་སྙིང་བདག་གིས་བཀོད༔ ཅེས་དང་། རཏྣའི་སྤྱི་ལུང་ལས། ཐུགས་བསྐྱེད་ཡོད་ན་གཏེར་ཁ་དཔག་མེད་སྣོས༔ ལས་ཅན་བུ་མཆོག་རེ་ལ་སྨོན་ལམ་འདེབས༔ ལྷད་མེད་བྱིན་རླབས་དྲོད་དང་ལྡན་པའི་ཆོས༔ མ་འོངས་འབྲེལ་ཚད་དོན་དང་ལྡན་པར་འགྱུར༔ ཞེས་སོགས་རྒྱ་ཆེར་བྱུང་བ་ལྟ་བུས་མཚོན་པར་ནུས་སོ། །སྨྲས་པ། གདོད་ནས་ཀ་དག་ཀུན་བཟང་ཆོས་ཀྱི་སྐུ། །ལྷུན་གྲུབ་ཞི་ཁྲོའི་ཟློས་གར་ལོངས་སྤྱོད་རྫོགས། །ཐུགས་རྗེ་ཀུན་ཁྱབ་པད་འབྱུང་སྤྲུལ་པའི་གར། །རྣམ་རོལ་མཛད་པས་འགྲོ་འདི་སྐལ་བཟང་བྱས། །ཟབ་གཏེར་ཡིད་བཞིན་དབང་གི་རྒྱལ་པོ་ཆེ། །འཕྲིན་ལས་རྒྱལ་མཚན་རྩེར་འགོད་རྒོད་ལྡེམ་ཞབས། །མཁྱེན་བརྩེ་ནུས་མཐུའི་ལེགས་པའི་དཔལ་ལྡན་པས། །བདུད་སྡེའི་དཔུང་ཚོགས་འཇོམས་པའི་རྡོ་རྗེ་འཛིན། །ཨ་ཧོ་བསམས་ཤིང་སྔ་འགྱུར་བསྟན་པའི་མཁར། །སྤྲུལ་པའི་ཉིན་བྱེད་དཀྱིལ་འཁོར་ཡོངས་ཤར་བའི། །བཀའ་གཏེར་ཆོས་ཀྱི་འདབ་བརྒྱ་བཞད་པ་ལས། །ཕན་བདེའི་སྦྲང་རྩིའི་ཉིང་ཁུ་ཅི་ཡང་འཛག །དཔྱིད་ཀྱི་ལང་ཚོ་རྒྱས་པའི་ཕང་བ་ན། །ཨ་མྲའི་ལྗོན་པ་ལོ་འདབ་གཡུར་ཟ་ཞིང་། །ཕུན་ཚོགས་མངར་བའི་འབྲས་བུའི་ཁུར་དུད་པས། །མི་ཟད་རོ་བརྒྱའི་དཔལ་གྱི་མཛོད་དེ་འཛིན། །རིག་སྔགས་འཆང་བའི་འཁོར་ལོས་སྒྱུར་བ་དེའི། །

― GLG008_Page_0796 ―

^{[མ་དཔེ་གཟིགས་ན་འདིར་གནོན།]}

[Full Size]

རྨད་བྱུང་རྟོགས་བརྗོད་ངོ་མཚར་རྒྱ་མཚོ་ཡིས། །སྐལ་བཟང་གདུལ་བྱའི་དགའ་སྟོན་རབ་རྒྱས་ཤིང་། །དོན་གཉིས་ནོར་བུའི་དཔལ་ལ་སྤྱོད་གྱུར་ཅིག །ཅེས་དུས་གསུམ་མཁྱེན་པ་པདྨ་འབྱུང་གནས་ཀྱི་རྒྱལ་ཚབ་མི་ཉག་བྱང་པ་སྔགས་འཆང་ངག་དབང་རིག་འཛིན་རྡོ་རྗེ་ཆོས་རྒྱལ་བསྟན་པའི་རྒྱན་མཚན་དཔལ་བཟང་པོའི་རྣམ་པར་ཐར་བའི་ངོ་མཚར་བཀོད་པ་རྒྱ་མཚོ་ཞེས་བྱ་བ་འདི་ནི། སོ་ཟུར་གནུབས་གསུམ་སྔགས་པའི་རྒྱལ་པོར་གྲགས་པའི་ཟུར་འུག་བྱ་ལུང་པའི་གདུང་ལས་སོན་ཅིང་། གཉགས་ཛྙ་ན་ཀུ་མཱ་རའི་རྣམ་སྤྲུལ་ཁྱབ་བདག་རྡོ་རྗེ་སེམས་དཔའི་ངོ་བོར་གྱུར་པ་པདྨ་དབང་གི་གྲོང་ཁྱེར་ངག་དབང་བཀྲ་ཤིས་ཀུན་དགའི་གསུང་གིས་བསྐུལ་བ་དང་དུ་བླངས་ཏེ། ཟ་ཧོར་གྱི་རིགས་ལས་ལོ་རྒྱུས་སྨྲ་བའི་བཙུན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས། རིག་འཛིན་ཆེན་པོ་ཡོལ་མོ་བས་མཛད་པའི་རྣམ་ཐར་གསོལ་འདེབས་རྣམ་གྲོལ་ཆོས་དབྱིངས་མ། སྤྲུལ་སྐུ་ཕྱག་རྡོར་ནོར་བུས་མཛད་པའི་བྱང་གཏེར་བླ་བརྒྱུད་ཀྱི་རྣམ་ཐར་བསམ་འཕེལ་མ་ཎི་ཀའི་འཕྲེང་བ་དང་། ཤ་གཟུགས་པ་ངག་དབང་བཀྲ་ཤིས་རྣམ་རྒྱལ་གྱིས་མཛད་པའི་ཆོས་འབྱུང་ཕན་བདེའི་དཔག་བསམ་རབ་ཏུ་རྒྱས་པའི་འདོད་འཇོ་གཉིས་ཀྱི་ནང་གི་རྣམ་ཐར། ཨེ་ཝཾ་ལྕོག་སྒར་བླ་མས་ཟིན་བྲིས་རྒྱས་པར་བཏབ་པའི་ཡི་གེ །གཞན་ཡང་ངག་འགྲོས་

― GLG008_Page_0797 ―

^{[མ་དཔེ་གཟིགས་ན་འདིར་གནོན།]}

[Full Size]

ཁུངས་མ་རྣམས་ལ་བརྟེན་ནའང་། ལོ་ཚིགས་དང་སྔ་ཕྱིའི་དུས་སོགས་ཞིབ་པར་མ་འཚལ་བ་དང་། ལྕོག་སྒར་བླ་མའི་ཟིན་བྲིས་ཀྱི་གོ་རིམ་རགས་པ་ཙམ་འདུག་པའི་ལ་ལར་སོམ་ཉི་རེ་གཉིས་སྣང་ཡང་མཛད་པ་རྒྱ་ཆེ་བའི་ཚིག་སྦྱོར་མང་ཙམ་བྱུང་བ་རྣམས་གོ་རིམ་གྱི་ཚུལ་དུ་བྱས། བརྗོད་བྱའི་དོན་ཉུང་ངུར་བསྡུས་ཆོག་པའི་འགངས་ཆེ་ཆེའི་རིགས་ཕྱོགས་མཐུན་དུ་བགྱི་བར་འོས་པ་རྣམས་ཆབས་གཅིག་ཏུ་བསྡེབས། ལུང་བསྟན་མང་པོའི་ཁུངས་བསྒྲིགས་ཏེ་རྒྱལ་བ་ཞེས་པ་ཤིང་ཕོ་རྟ་ལོ་སྨིན་དྲུག་ཟླ་བའི་དཀར་ཕྱོགས་ཀྱི་དབྱངས་ཨེ་འཆར་བའི་ཚེས་ལ། །གཙུག་ལག་ལུགས་བརྒྱའི་སྒོ་འཕར་གཅིག་ཏུ་ཕྱེ་བའི་ཆོས་སྡེ་ཆེན་པོ་དཔལ་ལྡན་འབྲས་སྤུངས་སུ་སྦྱར་བའི་ཡི་གེ་པ་ནི་འཇམ་དཔལ་ལོ།། །།ཤུ་བྷ་མསྟུ་སརྦྦ་ཛག་ཏཾ། །མངྒ་ལཾ།། །