རྒྱལ་དབང་ལྔ་པ་ཆེན་པོའི་གསུང་འབུམ།

རྒྱལ་དབང་ལྔ་པ་ཆེན་པོའི་གསུང་འབུམ།

གླེགས་བམ། ཏ༽

ངག་དབང་བློ་བཟང་རྒྱ་མཚོ།

Nitartha international

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཐམས་ཅད་མཁྱེན་པ་ལྔ་པ་ཆེན་པོའི་གསུང་འབུམ་པོད་ཏ་བའི་དཀར་ཆག

― GLG009_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་མཁྱེན་པ་ལྔ་པ་ཆེན་པོའི་གསུང་འབུམ་པོད་ཏ་བའི་དཀར་ཆག་བཞུགས་སོ།

― GLG009_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ་གྱི་རྣམ་ཐར་ཐེག་མཆོག་བསྟན་པའི་ཤིང་རྟ་ཤོག་གྲངས་༡༢༢ ཉང་སྟོན་ཁྲ་ཚང་པ་བློ་གྲོས་མཆོག་གི་རྡོ་རྗེའི་རྟོགས་པ་བརྗོད་པ་ཉུང་ངུ་རྣམ་སེལ་ལ་ཤོག་གྲངས་༥༩ རིགས་དང་འཁོར་ཀུན་གྱི་ཁྱབ་བདག་རྡོ་རྗེ་འཆང་བློ་གསལ་རྒྱ་མཚོ་གྲགས་པ་རྒྱལ་མཚན་དཔལ་བཟང་པོའི་རྣམ་པར་ཐར་པ་སློབ་བཤད་བསྟན་པའི་ཉི་འོད་ལ་ཤོག་གྲངས་༡༡༦ རྒྱལ་ཀུན་འདུས་པའི་ངོ་བོ་ཁྱབ་བདག་ཧེ་རུ་ཀ་དུར་སྨྲིག་གར་གྱི་རྣམ་པར་རོལ་པ་གདན་གསུམ་ཚང་བའི་སྡེ་དཔོན་རྗེ་བཙུན་བླ་མ་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོའི་རྟོགས་པ་བརྗོད་པ་བདུད་རྩིའི་ཟ་མ་རྟོག་ལ་ཤོག་གྲངས་༥༤ དུས་གསུམ་གྱི་བདེ་བར་གཤེགས་པ་མ་ལུས་པའི་ངོ་བོ་ཁྱག་བདག་རིན་ཆེན་བསོད་ནམས་མཆོག་གྲུག་བསྟན་པའི་རྒྱལ་མཚན་དཔལ་བཟ།ང་པོའི་རྣམ་ཐར་དཔྱོད་ལྡན་ཡིད་དབང་འགུགས་པའི་ལྕགས་ཀྱུ་ལ་ཤོག་གྲངས་༥༣ ཁྱོན་བསྡོམས། ༤༠༤

ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ་གྱི་རྣམ་ཐར་ཐེག་མཆོག་བསྟན་པའི་ཤིང་རྟ།

― GLG009_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ་གྱི་རྣམ་ཐར་ཐེག་མཆོག་བསྟན་པའི་ཤིང་རྟ་ཞེས་བྱ་བ་བཞུགས་སོ།

― GLG009_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མཿཤྲཱི་མཏྟྲཻ་མཱལཱ་ཡ། དུས་གསུམ་སངས་རྒྱས་ཐམས་ཅད་ཀྱི་མཁྱེན་བརྩེ་ནུས་པའི་རང་གཟུགས་རབ་འབྱམས་ཞི་ཁྲོའི་དཀྱིལ་འཁོར་རྒྱ་མཚོ་སྤྲོ་ཞིང་སྡུད་པའི་ཁྱབ་བདག་ཀུན་བཟང་ཧེ་རུ་ཀཿ རིག་སྔགས་འཆང་བའི་འཁོར་ལོས་སྒྱུར་བའི་ཟློས་གར་མཁན་ཟུར་ཆེན་ཐམས་ཅད་མཁྱེན་པ་ཆོས་ཀུན་ཀ་དག་དབྱིངས་ནས་རང་སར་གྲོལ་བ་དཔལ་འབྱོར་འཕྲིན་ལས་རབ་རྒྱས་ཀྱི་རྣམ་པར་ཐར་པ་ཐེག་མཆོག་བསྟན་པའི་ཤིང་རྟ་ཞེས་བྱ་བ་བཀའ་དྲིན་མཉམ་མེད་དཔལ་ལྡན་བླ་མ་དམ་པར་ཕྱག་འཚལ་ཞིང་སྐྱབས་སུ་མཆི་ན་ཞབས་ཟུང་འཁོར་ལོའི་རི་མོ་རང་རིག་གདོད་མའི་རང་ཞལ་མངོན་གྱུར་དེ་སྲིད་འབྲལ་བ་མེད་པར་བརྩེ་བས་རྗེས་སུ་བཟུང་དུ་གསོལ། སྤྲོས་པའི་མཚན་མ་ཡོངས་དང་ཉེར་བྲལ་ངོ་བོ་ཆོས་སྐུའི་མཁའ་ཀློང་ལས། །རང་བཞིན་ལྷུན་གྲུབ་གསལ་འགྲིབ་མེད་པ་ལོངས་སྤྱོད་རྫོགས་སྐུ་ཉིན་མོར་བྱེད། །སྐུ་དང་ཡེ་ཤེས་རང་གདངས་འགགས་མེད་སྣ་ཚོགས་སྤྲུལ་སྐུའི་ཐར་འཕྲེང་ཅན། །རྒྱལ་ཀུན་སྤྱི་གཟུགས་ཆོས་དབྱིངས་རང་སར་གྲོལ་བའི་(༢ན)

― GLG009_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་དེས་དགེ་ལེགས་སྩོལ། །མདོ་རྒྱུད་གཙུག་ལག་དཔལ་གྱི་འབྱོར་བ་ལ། །མངའ་སྒྱུར་མཆོག་དམན་གདུལ་བྱ་མ་ལུས་པར། །ཆད་མེད་འཇུག་པའི་ཆེས་དཀར་འཕྲིན་ལས་རྒྱུན། །རབ་རྒྱས་རྡོ་རྗེ་འཛིན་ཁྱོད་ཕྱག་གི་གནས། །ངག་དབང་འཇམ་མགོན་གྲུབ་པས་ཐོག་མཐའ་བར། །བཀྲ་ཤིས་རྣམ་གསུམ་འཁོར་ལོའི་མཛད་བཟང་ནོར། །ཀུན་ནས་ཡིད་དགའི་འདོད་པ་འཇོ་བའི་གཏེར། །དམ་པའི་ངོ་མཚར་རྟོགས་བརྗོད་གླེང་བའི་གཞི། །རྒྱ་གར་རིགས་འཛིན་བརྒྱད་ཀྱི་ཡོན་ཏན་ཆ། །རབ་གང་རྗེ་འབངས་ཉེར་ལྔའི་ནུས་མཐུའི་ཐེར། །བྱིན་རླབས་ག་བུར་གཟེགས་མ་འབུམ་འཛག་པ། །གདུང་མུན་སེལ་ལ་ཟླ་མེད་ཟླ་བའི་མཆེད། །འཁོར་འདས་ཀུན་ལ་ཡ་ང་བྲལ་བའི་རྩལ། །རྫོགས་ཆེན་འདུས་མ་བྱས་པར་ལྷུན་གྲུབ་པ། །ཤཱཀྱ་སེང་གེ་གཟུགས་གཞན་ཡོངས་བསྒྱུར་བའི། །མངལ་སྐྱེས་པདྨཱ་ཀ་ར་བྱོན་ཏམ་ཅི། །ཐ་དད་འཆར་སྒོའི་འབུམ་ཕྲག་ཆུ་ནང་དུ། །ཤར་ཟླ་རང་གི་ངོ་བོ་མི་གཏོང་ཞིང་། །འཇིག་རྟེན་ཁམས་རྡུལ་གྲངས་ཀྱི་དཔོགས་མིན་(༢བ)

― GLG009_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །འདྲེན་པའི་ཁྱད་པར་དབྱེ་ནུས་རྣམ་མཁྱེན་ཙམ། །འོན་ཏེ་ཤེལ་དཀར་ཁ་དོག་གཅིག་པུ་ལ། །བརྒྱ་ཕྲག་ཚོན་གྱི་མདངས་འོད་འཆར་བ་ལྟར། །གདུལ་བྱའི་དབང་པོར་འཚམ་པ་སྒྱུ་མའི་གར། །སྐྱེ་བ་མེད་ལས་སྐྱེ་བའི་ཆོ་འཕྲུལ་ཤར། །ལྔ་རིག་ཤེས་བྱའི་ཐང་ཕུང་ལོ་མའི་ཁུར། །འཐིབས་པོར་ལྕི་ཡང་མདོ་སྒྱུ་སེམས་ཕྱོགས་ཀྱི། །དོན་བཟང་རོ་བརྒྱའི་འབྲས་བུས་ཡོངས་དུད་པ། །བཤེས་གཉེན་དཔག་བསམ་ལྗོན་པའི་ཁྱད་པར་ཆོས། །འགྲོ་ཀུན་དུབ་པའི་སྨིན་ལེགས་འཁྱོག་ཟུར་གྱིས། །གཞན་ཕན་ཐུགས་བསྐྱེད་གཞོན་ནུ་ཉེར་ཁྲིད་ཀྱང་། །མི་དགེའི་ནུ་འབུར་རེག་བྱར་རྗེས་ཆགས་བློ། །བག་ཡོད་རྣམ་གསུམ་ཁྲིམས་ཀྱིས་རིང་དུ་བཏང་། །གསར་རྙིང་ཆོས་ཀྱི་བཀའ་རྣམས་གངས་ལྗོངས་འདིར། །སྡུག་པོ་ལག་ན་རྡོ་རྗེ་མི་ཡི་གཟུགས། །བསྒྱུར་བའི་སྐུ་གསུང་ཐུགས་ཀྱི་མཛད་པའི་ཚད། །ཆུ་གཏེར་གཏིང་བཞིན་བདག་འདྲས་ག་ལ་རྙེད། །མཁའ་མཐའ་ཟད་ནས་ལྡོག་མིན་རང་ནུས་ཙམ། །ཚད་དུ་བྱེད་པའི་འདབ་ཆགས་རྗེས་འགྲོ་བར། །རང་བློས་གང་དཔོགས་དད་པའི་སོར་མོ་ཡིས། །རྟོགས་བརྗོད་རྒྱུད་མངས་ལས་དྲངས་གླུ་དབྱངས་ལེན། །དེ་ཡང་ཐམས་ཅད་མཁྱེན་པ་ཆོས་སྐྱོང་བཟང་པོའི་གསུང་ལས། གང་གི་གསུང་ཟེར་ཆ་ཙམ་གྱིས་ཀྱང་སེང་གེ་འཕྲོག་བྱེད་ནོར་གྱི་གཉེན་སོགས་ཀྱི། །གཞུང་ལུགས་ཀུན་དའི་ཚལ་རྣམས་ཟུམ་མཛད་གསེར་མངལ་ཅན་དང་དཔལ་མགྲིན་ལ་སོགས་པ། །འཇིག་རྟེན་འདི་ན་ཆེ་བར་རབ་གྲགས་ལྷ་མཆོག་ཀུན་གྱིས་གང་གི་ཞབས་པད་ལ། །གུས་པས་བཏུད་པའི་ལྷ་མིའི་བླ་མ་ཟས་གཙང་སྲས་པོས་རྟག་ཏུ་དགེ་ལེགས་མཛོད། །ཅེས་ཡུལ་རྣམ་པ་ལ་ཆེད་དུ་བརྗོད་པའི་སྒོ་ནས་ཤིས་པ་བརྗོད་པ་དང་། འཇམ་དབྱངས་ས་པཎ་གྱི་(༣ན)

― GLG009_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

སྡེབ་སྦྱོར་མེ་ཏོག་ཆུན་པོ་ལས། གང་གིས་སྲིད་དང་རྣམ་གྲོལ་རྣམ་གསུམ་གྱི། །ཐེ་ཚོམ་དྲ་བ་ཀུན་ནས་འབྲེལ་མཛད་པ། །དུས་གསུམ་རྒྱལ་བ་ཐམས་ཅད་བསྐྱེད་པའི་ཡུམ། །འཇམ་མགོན་བླ་མའི་ཞབས་ལ་མགོས་ཕྱག་འཚལ། །ཞེས་ཡུལ་ཁྱད་པར་ཅན་ལ་ཕྱག་བྱ་བ། མཁས་པའི་དབང་པོ་སྟག་ཚང་ལོ་ཙཱ་བས། རྒྱལ་བའི་གསུང་རབ་མཐའ་དག་གསུངས་དང་ནི། །ཏིང་གི་མཐའ་ཅན་ལེགས་སྦྱར་ལྷ་ཡི་སྐད། །བྱིངས་དང་རྣམ་འགྱུར་རྐྱེན་གྱི་རང་བཞིན་དུ། །གནས་ཕྱིར་འཕགས་ཡུལ་མཁས་རྣམས་ཚུལ་འདིར་རོལ། །ཞེས་བརྡ་སྤྲོད་ཀྱི་བརྗོད་བྱའི་གཙོ་བོ་དངོས་པོ་ངེས་པར་བསྟན་པ་ལྟ་བུས་མཚོན་ཏེ་སྔོན་བྱོན་གྱི་མཁས་པ་རྣམས་བསྟན་བཅོས་ཀྱི་ཐོག་མར་གསུམ་པའམ་གང་རུང་རེ་མཛད་པའི་རྗེས་སུ་འབྲངས་ཏེ་ཚིགས་སུ་བཅད་པ་སྔོན་དུ་བཏང་ནས་གླེང་བར་བྱ་བ་ནི། རིག་སྔགས་འཆང་བའི་འཁོར་ལོས་བསྒྱུར་བ་ཁྱབ་བདག་རྡོ་རྗེ་སེམས་དངོས་ཆོས་དབྱིངས་རང་གྲོལ་གྱི་གསང་བ་བསམ་གྱིས་མི་ཁྱབ་པའི་རྣམ་པར་ཐར་པ།(༣བ)

― GLG009_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་གདམས་གླེགས་བམ་རིན་པོ་ཆེ་ལས། ང་སྙིང་རྗེ་ཆེ་བས་ཞིང་ཁམས་དག །ང་སྣ་ཚོགས་སྤྲུལ་པ་སྟོན་ན་ཡང་། །རྒྱུད་མ་དག་རྣམས་ལ་ཅི་ཆ་ཡོད། །ང་བུ་མེད་རྣམས་ལ་བུར་སྟོན་ཡང་། །མ་སྙིང་མེད་མ་ལ་ཅི་ཆ་ཡོད། །མི་དབུལ་པོ་དག་ལ་ནོར་སྟོན་ཡང་། ཁོང་མངོན་ཤེས་མེད་ལ་ཅི་ཆ་ཡོད། །ཐང་སྐམ་པོ་དག་ལ་ཆུར་འབྱིན་ཀྱང་། །མི་མངོན་ཤེས་མེད་ལ་ཅི་ཆ་ཡོད། །མི་ནད་ཀྱིས་གདུངས་ལ་སྨན་སྟོན་ཡང་། །ནད་སྒྲིབ་པས་གཡོགས་ལ་ཅི་ཆ་ཡོད། །ང་ཁྲིམས་ལྡན་མཁན་པོའི་སྐུར་སྟོན་ཀྱང་། །ང་ཐུགས་རྗེ་ཆེན་པོར་ང་ཡིས་ཤེས། །ང་གནས་ལྔ་མཁྱེན་པའི་པཎྜི་ཏ། །རྒྱུད་གང་ལ་གང་ཕན་སྟོན་གྱུར་ཀྱང་། །མི་མཁས་པར་རློམ་ལ་ཅི་ཆ་ཡོད། །ཅེས་པ་ལྟར་སངས་རྒྱས་སྲས་དང་བཅས་པ་རྣམས་ནི་གདུལ་བྱའི་མོས་པ་སྣ་ཚོགས་པའི་དབང་ལས། མཁས་པ། གྲུབ་པ། བརྟུལ་ཞུགས་སྤྱོད་པ། སྦས་ཚུལ་ཅན། འཁོར་ལོས་བསྒྱུར་བའི་རྒྱལ་པོ། རྒྱལ་ཕྲན། བློན་པོ། སྣ་བོ། ཁྱིམ་བདག །བུད་མེད། བྱ། རི་དྭགས། གྲུ་ཟམ། ཟས་གོས་གནས་མལ་སོགས་སྤྲུལ་པ་སྣ་ཚོགས་བསྟན་ནས་སེམས་ཅན་གྱི་དོན་མཛད་པའི་ཚད་ནི་སྤྱན་དང་མངོན་པར་ཤེས་པ་མངའ་བ་མ་གཏོགས་ཚུར་མཐོང་བྱིས་པའི་བློ་ཅན་རྣམས་ཀྱིས་བརྗོད་པའི་ཡུལ་མིན་ནའང་། སྐུའི་སྐྱེས་རབས་དང་ཐུགས་རྒྱུད་གཅིག་པས་འགྲོ་དོན་མཛད་ཚུལ་རགས་པ་ཙམ་རྡོ་རྗེའི་གསུང་དྲི་མ་མེད་པ་འདི་ལྟ་སྟེ། གུ་རུ་པདྨ་སིདྡྷི་ཧཱུྃ། འདིར་སྐྱེས་རབས་ཤིག་དགོས་གསུངས་པ་ལ་མགོན་པོ་འབྲི་གུང་པ་དང་རྒྱལ་བ་གཡུང་གི་གསུང་ལས་སློབ་མ་དད་པ་ཆེས་ན་སློབ་དཔོན་ཟོག་པོར་གཏོང་གསུང་བ་བཞིན། ཐོག་མེད་ནས་རྣམ་སྨིན་གྱི་ལུས་བླངས་པ་ལ་ཐུག་པ་མེད་མོད། དེའི་ནང་ནས་(༤ན)

― GLG009_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ལུས་ཆོས་ལྡན་བར་མ་ཆད་ཀྱི་སྐྱེ་བ་བླངས་པ་ནི་སྲིད་མཐའ་ཙམ། ངན་འགྲོར་སྐྱེས་པའི་རབས་ནི་བརྗོད་ཀྱང་དགོས་རྒྱུ་ཆུང་། བླ་མ་དང་ལྷག་པའི་ལྷས་རྗེས་སུ་བཟུང་སྟེ་འགྲོ་དོན་ནུས་པ་ནི་ཁ་ཡར་བླངས། འོན་ཀྱང་འདི་ནས་འདིར་སྐྱེས་ཞེས་པའི་སྐྱེས་རབས་སྟོན་མཁན་ནི་མ་མཆིས། རང་གིས་ཤེས་པ་ལ་ནི་མཁྱེན་གཉིས་ཀྱི་སྤྱན་མེད་པའི་སྟེང་ཉམས་གྲིབ་དང་དད་ཟས་ཀྱི་སྒྲིབ་པས་མོག་མོག་པོར་སོང་བས་ཤེས་པར་དཀའ། འོན་ཀྱང་སྐབས་འགར་གསལ་སྣང་ཙམ་དང་ལུང་གི་ཟིན་ཚུལ་ཙམ་བྱེ་མ་ལ་མར་ནག་གི་དཔེ་ལྟར་དམ་ཚིག་གཙང་ཕྱིར་ཞུ་ན། དེ་ཡང་གྲང་སོ་གཏེར་སྟོན་རིགས་འཛིན་སྟོབས་ལྡན་དཔའ་བོའི་གཏེར་བྱང་ལས། ཀུ་མཱ་ར་ཡི་སྤྲུལ་པ་ཞིག །དགའ་བའི་ཚུལ་སྟོན་བར་ཆོད་སེལ། །ཞེས་ཆོས་བདག་ཏུ་ངོས་འཛིན་གནང་བ་དང་། དེ་དང་མཐུན་པར་རིགས་འཛིན་སྲོག་སྒྲུབ་ཀྱི་ཆོས་བདག་ལུང་བསྟན་དུ། དབང་ཆེན་ཆེ་མཆོག་བྱིན་བརླབས་པའི། །བྱང་སེམས་འགྲོ་འདུལ་མཐུ་སྟོབས་བདག །རིགས་འཛིན་ཀུ་མཱའི་ཡང་སྤྲུལ་གྱིས། །ཟབ་གནད་གདམས་པའི་བཀའ་བབས་ཐོབ། །གང་བརྩམས་ལས་སྦྱོར་མྱུར་རྟགས་ཐོན། །ཞེས་དང་། འདི་དང་སྔོན་ཚེ་ཆེ་མཆོག་སྤྲུལ། །ཞི་དུལ་སྒོ་ནས་དྲག་པོ་རུ། ཁྲོས་ནས་མ་རུངས་ཀུན་འཇོམས་པ། །མཐུ་ཡིས་འཛམ་གླིང་དུས་གནས་བདེ། །ཞེས་གསུངས་པས་དུས་གསུམ་མཁྱེན་པ་སློབ་དཔོན་ཆེན་པོའི་སྤྱན་སྟར་གཉགས་བན་དུ་ངོས་བཟུང་ཞིང་། དེ་རྗེས་གོ་རིམ་ངེས་མེད་འགྲོ་དོན་ནུས་ཙམ་དུ་སྐྱེས་པ་ནི། ལ་སྟོད་དམ་པ་དམར་པོར་སྐྱེས། ཡེར་པ་ནས་ཆོས་རྒྱལ་སྲོང་བཙན་གྱིས་སྦས་པའི་གཏེར་ཁ་ཁ་ཡར་བླངས་པའི་གསལ་སྣང་ཙམ་བྱུང་། དེ་རྗེས་ཟུར་མོ་དགེ་འདུན་(༤བ)

― GLG009_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

འབུམ་དུ་སྐྱེས་པ་ཞིག་དྲན་ཞིང་ད་ལྟ་སྔ་འགྱུར་གྱི་བསྟན་འཛིན་ཕལ་མོ་ཆེའི་ཐུགས་སྲས་སུ་འགྱུར་བའི་རྒྱུ་མཚན་དེ་ལྟར་ལགས་དེ་ནས་བར་སྐབས་མལ་ཡེར་པ་བའི་གཏོར་གཤོམ་བཙུན་མར་སྐྱེས་པའི་འབགས་པ་ཤོར་བས་སྐྱེ་བ་དེའི་འོག་སྤོས་དང་དབུས་སུ་རིའི་བྱིའུ་ཞིག་ཏུ་སྐྱེས་པ་གསལ་པོར་དྲན་ཀྱང་མ་དག་པའི་སྐྱེ་བ་བརྗོད་ཀྱིས་མ་ལང་། སླར་ཡབ་སྲས་གཉིས་ཀས་རྗེས་སུ་བཟུང་བའི་བག་ཆགས་ཀྱིས་ཞང་གཡུ་བྲག་པའི་ཞབས་ཟིན་ཙམ་དུ་གང་ནས་སངས་རྒྱས་འབུམ་ཞེས་པར་སྐྱེས། སྒོམ་སྡེའི་ཁྲི་དང་ཕུག་རོན་གྱི་བརྒྱ་དཔོན་གྱི་ཁྲལ་འཇལ་ཙམ་མ་གཏོགས་བསྟན་པའི་བྱ་བ་རླབས་ཆེན་མི་ཡོང་བའི་རྒྱུ་མཚན་དེ་ཡིན། དེ་རྗེས་སྨན་ལུང་པའི་སྲས་སུ་སྐྱེས། ཁྲ་ཚང་དགོན་པའི་ནགས་ཁྲོད་དུ་བསྡད་པ་གསལ་པོར་དྲན། བསྟན་པ་ལ་ཕན་ཐོགས་ཇི་ལྟར་བྱུང་མ་ཤེས་འདི་མཚམས་གསང་ཕུ་གླིང་སྟོད་དུ་བླ་བྲང་པ་ཆོས་དཔལ་བཟང་པོ་ཞེས་པར་གྱུར། ཀུན་མཁྱེན་ཆོས་ཀྱི་རྒྱལ་པོ་སོགས་དགེ་བའི་བཤེས་གཉེན་མང་པོའི་སློབ་དཔོན་བྱས་པ་ཆོས་སྐྱོང་གི་ཉིང་འཁྲུལ་དུ་བསྟན་ནོ། །དེ་ནས་སྟག་མགོ་ཆོས་རྗེ་ཡོན་ཏན་དཔལ་བར་གྱུར། རིགས་འཛིན་རཏྣ་གླིང་པས་རྗེས་སུ་བཟུང་། རྗེ་བཙུན་ཙོང་ཁ་པ་ལ་བསྙེན་པར་རྫོགས་ད་ལྟ་དེ་གའི་བག་ཆགས་ལགས། དེ་རྗེས་རྒྱ་མ་གོག་ཅེས་པར་རྒྱ་མ་ཁྲི་དཔོན་གྱི་རིགས་སུ་གཏོགས་ཙམ་གྲུབ་པའི་དབང་ཕྱུག་ནོར་བུའི་འཕྲེང་བ་ལྟར་བྱོན་པའི་སྲས་ཆེ་འོག་ཏུ་སྐྱེས། མིང་དཀོན་ཅོག་རིན་ཅེན་དུ་གྲགས། ཟིང་པ་སྟག་མགོ་དང་སྣང་གསལ་སོགས་ཀྱི་གདན་ས་ལོ་ཁ་ཤས་བྱས། དེ་ནས་འབྲོམ་ཆུ་རིས་ཀྱི་སྣོད་དུ་ཟུར་གྱི་གདུང་ལས་མིའི་སྲིད་པ་བཟུང་བའི་གནས་ཚུལ་ནི་ད་ལྟའི་འདི་གའོ། །རང་དོན་མ་འགྲུབ་པའི་བསྟན་པ་ལ་ཕན་པའི་རྒྱུ་མཚན་ནི། (༥ན)

― GLG009_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་འདུས་ཀྱི་ལུང་བསྟན་བཀའ་རྒྱ་ལས་གསལ་ལོ། །དེ་ནས་གཞན་རིགས་འཛིན་གཏེར་སྟོན་མང་པོའི་ཡོན་བདག་དང་ལས་རྒྱ་དང་། ཆིབས་པ་སོགས་སུ་སྐྱེས་པའི་ཚད་མང་པོ་འདུག་ཀྱང་གང་གསལ་རྣམས་བྲིས་པ་ལགས་པས་རང་བཞིན་གྱི་སྒྲོ་སྐུར་གྱི་གནས་སུ་འགྱུར་བས་གཞན་ལ་མི་སྟོན་པ་མཁྱེན་མཁྱེན། ཞེས་རིགས་འཛིན་གུ་གུ་ཡང་ཝང་གི་རིགས་དབོན་རིག་སྔགས་འཆང་བ་དོན་གྲུབ་བཀྲ་ཤིས་ཀྱིས་ལོ་མང་པོར་ནན་ཏན་གྱིས་ཕེབས་པའི་བཀའ་མ་ཆོགས་པར་བྲིས་པ་ལགས་སོ། །ཞེས་བྱུང་ཞིང་སྤུས་སྲང་ལྷ་རྗེ་བློ་བཟང་ནོར་བུས་དྲི་བ་ཞུས་པར་ཆོས་རྒྱལ་སྲོང་བཙན་སྒམ་པོའི་དུས་ཞང་བློན་སྣ་ཆེན་པོར་འཁྲུངས་ཤིང་ཆོས་རྒྱལ་སྤྲུལ་པ་ལྷ་རྗེ་དགེ་བ་འབུམ་གྱིས་ར་ས་ལ་ཞབས་ཏོག་མཛད་དུས་ངེད་གདན་ས་བ་སངས་རྒྱས་འབུམ་དུ་གྱུར་པས་སྔོན་གྱི་ལས་འཕྲོས་མཐུན་གྲོགས་བྱས་སོགས་མང་པོ་ཞིག་གསུང་བའི་འགོ་བརྩམས་མུར་ཨ་ཁུ་དང་དབོན་པོ་ཆོས་བརྒྱད་བྱུང་བའི་རྐྱེན་བྱས་ཐུགས་བསྙེལ་བའི་ཚུལ་གྱིས་ད་མི་དྲན་པ་འདུག་ཅེས་གསུང་། མ་ཉན་ནན་གྱིས་གསོལ་བས་ཁྱེད་རང་ཡང་ལྷ་སའི་གཙུག་ལག་ཁང་བརྩིགས་དུས་ལས་བསྐུལ་བར་ཡོད་པ་འདྲ་ཞིག་འདུག་པ་སླར་གསལ་པོ་དྲན་བྱུང་ན་རིམ་གྱིས་རྒྱུ་མཚན་བྱེད་ཅིང་ཐེངས་ཤིག་ཡང་བསམ་གྲུབ་གླིང་གི་རྟེན་མཁར་གྱི་རྩ་བར་བུད་མེད་མཆེ་བ་གཙིགས་པ་རལ་པ་སར་ཉིལ་བ་ཞིག་གིས་གཉགས་བན་གཉགས་བན་ཁྱོད་དྲང་སྨན་སྤྱིལ་ཆོས་རྗེ། ལྷ་རྗེ་བློ་བཟང་ནོར་བུ་གསུམ་སྐྱེ་བ་སྔ་མ་སྤུན་ཡིན་པས་ད་ལམ་ཡང་སྙིང་ཏིག་གི་གདམས་པ་ཤོད་ཟེར་བས་སྒྲ་ལྷང་ངེ་བ་གསན་ཚུལ། ཡང་མི་ཞིག་གིས་ཁྱོད་སྒྲོལ་མ་སྐྱབས་ཀྱི་སྐྱེ་བ་ཡིན་ཟེར་བ་དེ་སུ་ཡིན་དྲི་བ་མཛད་པར་ཐམས་ཅད་མཁྱེན་པ་དགེ་འདུན་གྲུབ་ཀྱི་(༥བ)

― GLG009_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེ་གནས་ང་ཡིན་ཟེར་བྱུང་སོགས་ཁ་ཡར་གསུངས་པས་ཞང་བློན། ཉེ་གནས་སྒྲོལ་མ་བ་གཙང་དུ་ཕེབས་ཚེ་སྤུན་དུ་ཐུགས་དྲན་གསོས་པའི་ལྷ་རྗེ་ཟུར་བུ་ཆེ་ཤཱཀྱ་འབྱུང་གནས་སུ་འཁྲུངས་པ་ཞལ་གྱིས་འཆེས་ནའང་འདིར་མི་གསལ་ལ་ཟུར་མོ་དགེ་འདུན་འབུམ་ལྔ་རྟིང་གཉིས་ཙམ་བྱུང་འདུག་པས་ཤཱཀྱ་འབྱུང་ཕྱི་མའི་ལྕམ་སྲིང་མ་དེ་ཡིན་པར་མཆིས་སྨན་ལུང་པའི་རིགས་སུ་འཁྲུངས་པ་ནི་ཉང་ཆོས་ལྡན་མགོན་པོ་ཡིན་ནམ་སྙམ། གཞན་མའི་ཞིབ་ཆ་ནི་རང་ཉིད་འཆི་བ་མ་དྲན་པའི་བློ་ངན་གཞན་འགེབས་ཀྱི་རྣམ་པས་རྗེ་བླ་མ་དེ་ཡུན་རིང་པོར་བཞུགས་པ་གཞིར་བཅས་ཀྱིས་སླར་ཞུ་ལོང་ཡོང་བའི་ཕྱི་གཤོལ་གྱིས་ཞིབ་པར་མ་འཚལ། དགོངས་འདུས་ཀྱི་ལུང་བསྟན་པ་བཀའ་རྒྱར་གསལ་གསུང་བ་ནི། དེ་དུས་གཉགས་སྟོན་ཡེ་ཤེས་ཀུ་མཱ་ར། །ལས་ཀྱི་གྲངས་ཟད་ལྷ་དང་ཞལ་མི་གཉིས། །རྗེ་ཡི་ཆབ་སྲིད་ང་དང་ལས་ཀྱིས་འབྲེལ། །མ་འོངས་འཇུག་པ་དུས་ཀྱི་མཐར་ལྷུངས་ཚེ། ཁྱོད་ནི་བྱང་ཁམས་སྐྱོང་བའི་རྣལ་འབྱོར་བ། །མི་ཡི་སེང་གེ་ཤེས་རབ་སྟོབས་དང་ལྡན། །ཆ་ལུགས་མ་ངེས་ཅིར་ཡང་སྟོན་བྱེད་ཅིང་། །བསྟན་པའི་སྲོོལ་འཛིན་རྒྱལ་གྱི་མིང་ཅན་ཞིག །གདུག་པ་འདུལ་ཅིང་འགྲོ་བ་དཔག་མེད་འདྲེན། །དེ་དང་དེ་ཚུལ་བསྟན་པའི་མཐར་ཐུག་པར། །ངེས་པར་བསྟན་པའི་མེ་རོ་ཡང་ཡང་སློང་། །དེ་ཕྱིར་བསམ་པའི་གོ་ཆ་བརྟན་པོར་བཟུང་། །ཞེས་གསང་མཚན་པདྨ་དབང་རྒྱལ་དུ་གྲགས་ཤིང་བྱང་ཁམས་ཀྱི་མཐར་ཐུག་པར་མཐུ་སྟོབས་ཀྱི་སྒོ་ནས་བསྟན་པ་འཕེལ་གསང་སྔགས་གསར་རྙིང་གི་ཆོས་རྒྱུན་ཆད་པར་ཉེ་བ་མང་པོའང་གསོ་བ་མཛད། འཕྲལ་ཐུགས་ཆུང་བ་ལྟར་ལ་དོན་འཁོར་འདས་གང་ལའང་ཉམ་ང་མེད་པ་སེང་གེ་ལྟ་བུའི་སྤྱོད་པ་དང་ཐུགས་རབ་ཀྱི་རྩལ་སོགས་གང་ས་ནས་ལུང་བསྟན་ཤིན་ཏུ་(༦ན)

― GLG009_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲིག་པར་སྣང་ངོ་། །འགྲོ་ལ་རྗེས་བརྩེའི་ཤར་རིའི་ཕྲག་པ་ནས། །སྐྱེས་རབས་ཟླ་བའི་འཕྲེང་བ་མཛད་མེད་དུ། །བསྟན་འགྲོའི་ཀུནྡ་བཞད་པའི་གྲངས་འཛིན་ན། །སྨྲ་བོ་ཐོག་མར་སྤྱན་སྔ་མངོན་ཤེས་སྒྲུབས། །འོན་ཏེ་ཞིང་འདིར་ཡེ་ཤེས་སྒྱུ་མའི་གར། །ཆ་ཙམ་སྐལ་ལྡན་གདུལ་བྱའི་ཨཱ་དཪྴར། །རབ་གསལ་ཀེ་ཏ་ཀས་བགྲུངས་དྭངས་མཚོའི་སྤུན། །ཐེ་ཚོམ་རྙོག་མའི་དྲི་མ་རྒྱང་དུ་བསྲིངས། །ཞི་ཁྲོ་ཀུན་འདུས་ཆེ་མཆོག་ཧེ་རུ་ཀའི། །བཀའ་བབས་གཉགས་བན་ཛྙཱ་ན་ཀུ་མཱ་ར། །བཀའ་གཏེར་བསྟན་པའི་སྲོག་གི་ཟུང་ཆེན་བེར། །སླར་བྱོན་པདྨ་ཐོད་འཕྲེང་གཉིས་པ་བཞིན། །དེ་ཡང་དཔལ་དུས་ཀྱི་འཁོར་ལོ་དང་བདེ་མཆོག་མཁའ་འགྲོ་རྒྱ་མཚོ་སོགས་ལས་གླིང་བཞི་གླིང་ཕྲན་དང་བཅས་པ་ལས་ཀྱི་ས་པར་གསུངས་པའི་བཞེད་ཚུལ་ཡོད་ནའང་ཆོས་མངོན་པར། སྒྲ་མི་སྙན་སྒྲིབ་གསུམ་དུ་འདོད། །ཅེས་དང་། སྡོམ་གསུམ་དུ། གླིང་གསུམ་སྐྱེས་པ་བུད་མེད་ལས། །འགྲོ་བ་གཞན་ལ་སྡོམ་པ་བཀག །ཅེས་སོ་སོ་ཐར་པའི་སྡོམ་པ་སྐྱེ་བ་སོགས་ནས་འདུལ་མངོན་པའི་དགོངས་པའི་ཤུགས་ལ་གླིང་འདི་ཉིད་ལས་ཀྱི་ས་པར་བསྟན་ལ། བདེ་མཆོག་སྡོམ་འབྱུང་དུ། ཤར་གྱི་ལུས་འཕགས་བ་ལང་སྤྱོད། །དེ་བཞིན་བྱང་གི་སྒྲ་མི་སྙན། །གླིང་གསུམ་པོ་ཡི་མི་རྣམས་ནི། །ལོངས་སྤྱོད་ཆེན་པོས་ཡང་དག་འཚོ། །རྣམ་རྟོག་མེད་ཅིང་རྟོག་དཔྱོད་མེད། །བླུན་རྨོངས་བྱེ་བྲག་མི་ཕྱེད་པའོ། །འཛམ་བུ་གླིང་དུ་ལེགས་སྐྱེས་པ། །ལས་ཀྱི་ས་པར་རབ་ཏུ་གྲགས། །ལེགས་བྱས་ཉེས་པར་བྱས་པའི་ལས། །མཆོག་དང་འབྲིང་དང་ཐ་མ་ཡི། །སྐྱེ་བ་སྔོན་མའི་རྣམ་སྨིན་འདིར། །སྐྱེ་བོ་ཀུན་ལ་མཐོང་བར་འགྱུར། །ཞེས་འཛམ་བུ་གླིང་པ་ཉིད་ལས་ཀྱི་ས་པ་དང་ཁྱད་པར་བླང་དོར་གྱི་ལས་ལ་མ་རྨོངས་ཤིང་དབང་པོ་རྣོ་བ་(༦བ)

― GLG009_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། ཤེས་རབ་ཆེ་བས་སློབ་དཔོན་ཀླུ་བྱང་གིས། འོན་ཀྱང་འགོ་སྨོས་པས་གོ་བ་དང་དབང་པོ་རྣོ་ཞིང་གྲིམས་པ་སྟེ། དེས་ན་བྱང་ཆུབ་སེམས་དཔའ་རྣམས་འཛམ་བུའི་གླིང་གི་སྐྱེ་བོའི་གནས་ཀྱི་དབུས་སུ་འཁྲུངས་ཤིང་ཆོས་སྟོན་པར་འགྱུར་རོ། །ཞེས་མཆོག་གི་སྤྲུལ་སྐུའི་ཚུལ་བསྟན་ནས་ཆོས་གསུང་བའི་ས་ཡང་གླིང་འདི་ཉིད་ཡིན་པར་གསུངས་ལ། རི་ཀི་ཨ་ར་ལེའི་རྒྱུད་ལས། གནས་ནི་ཤར་གྱི་ལུས་འཕགས་པོ། །དེ་བཞིན་དུ་ནི་བ་ལང་སྤྱོད། །གནས་ནི་བྱང་གི་སྒྲ་མི་སྙན། །གནས་ནི་དེ་བཞིན་འཛམ་བུ་གླིང་། །གླིང་བཞིར་ལྷ་མོ་བཞི་དང་ནི། །རི་རབ་སྤྱི་བོར་རི་ཀི་བཞུགས། །ཞེས་བཅུ་གསུམ་རྡོ་རྗེ་འཛིན་པ་ཆེན་པོ་འགྲུབ་བྱེད་ས་བཅུ་གསུམ་པ་མངོན་དུ་བྱེད་པ་ལ་ནང་དུ་སྦས་པའི་རྩ་ལྔའི་རླུང་སེམས་དབུ་མར་ཆུད། ཕྱིའི་ཡུལ་ཆེན་ལྔར་བརྟུལ་ཞུགས་སྤྱོད་པས་དེའི་མཁའ་འགྲོ་དབང་དུ་བསྡུས་ས་བཅུ་གསུམ་གྱི་རྟོགས་པ་བསྐྱེད་དོ། །དེའི་རྟོགས་པ་བསྐྱེད་པའི་ཕྱིར་ཡུལ་ཆེན་ལྷག་མ་ལྔར་བསྟན་པ་གླིང་བཞི་དང་རི་རབ་ལ་ངོས་འཛིན་ཏེ། ནང་གི་སྦས་པའི་རྩ་ལྔ་དང་། །ཕྱི་རུ་ཡུལ་ཆེན་ལྷག་མ་ལྔ། །འདུས་པས་བཅུ་གསུམ་ས་བསྐྱེད་པར། །རྣལ་འབྱོར་ཆེན་པོའི་རྒྱན་ལས་གསུངས། །ཞེས་གསུངས་ཤིང་བདེ་མཆོག་ལ་ས་བཅུ་གཉིས་ལས་མ་བཤད་དབང་བདེ་ཆེན་འཁོར་ལོ་ལྷ་ལྔ་པོ་དེ་རང་ལུས་ལ་འགོད་པ་ན་སྙིང་གའི་ནང་གི་འཁོར་ལོ་རྩ་འདབ་བཞི་དབུས་དང་བཅས་པར་བཀོད་ནས་དོན་གྱི་ས་བཅུ་གསུམ་པ་དང་སྤྱོད་པར་མཛད། ཆོས་མངོན་པ་ནས་བཛྲཱ་ས་ར་ཞེས་བོད་སྐད་དུ་རྡོ་རྗེ་གདན་དུས་གསུམ་གྱི་བདེ་བར་གཤེགས་པ་རྣམས་ཁྱོད་དང་འབྱོན་འགྱུར་གྱི་གནས་མཆོག་ལྟེ་བར་བྱས་པའི་བྱང་ངོས་རི་ནག་པོ་བརྒྱུད་དགུ་འདས་པའི་ཕ་རོལ་དུ་གངས་རི་དཔལ་དང་ལྡན་པའང་རི་བོ་སྤོས་ངད་ལྡན་པ་གཉིས་(༧ན)

― GLG009_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་བར་ན་མཚོ་མ་དྲོས་པ་ཡན་ལག་བརྒྱད་དང་ལྡན་པ། དེའི་ཕྱོགས་བཞིའམ་བྲག་ནས་ཆུ་བོ་ཆེན་པོ་བཞི་ལ་བདུན་རེ་གཡས་ཕྱོགས་སུ་བསྐོར་ནས་ཕྱོགས་སོ་སོར་འབབ། སྤོས་ངད་ལྡན་གྱི་བྱང་དཔག་ཚད་ཉི་ཤུ་ན་བྲག་གསེར་གྱི་བྱ་སྐྱེབས་ཅན་ལྷ་མ་ཡིན་གྱི་ངོས་ཞེས་བྱ་བ། དེ་ནས་རིམ་གྱིས་དཔག་ཚད་ཉི་ཤུ་ན་ཤིང་སཱ་ལ་རྒྱལ་པོ་རབ་བརྟན། དེའི་ཤར་ཕྱོགས་དཔག་ཚད་ཉི་ཤུ་ན་རྫིང་བུ་དལ་གྱིས་འབབ་པ། བརྒྱ་བྱིན་གྱི་གླང་པོ་ཆེ་རབ་བརྟན་བྲག་ཞིང་རྫིང་བུ་གསུམ་ལ་དགུན་དཔྱིད་སྟོན་གསུམ་གྱི་ཟླ་བ་བཞི་སོ་སོར་རྒྱུ་བ། མ་དྲོས་པའི་མཚོར་ཛམྦུའི་ཤིང་འབྲས་བུ་དམར་པོ་རྫ་མ་ཙམ་ཡོད་པ་ཆུའི་ནང་དུ་ལྷུངས་པའི་སྒྲར་བརྟེན་ནས་ལྷོ་གླིང་འདི་ལ་འཛམ་བུའི་གླིང་ཞེས་མིང་ཆགས་པའི་གླིང་འདི་ཉིད་ལ། དུས་འཁོར་ལས། འཕགས་ཡུལ་བོད་ལི་རྒྱ་ནག་དང་། །ཀེ་ལ་ཤ་དང་གངས་ཅན་ཆེ། །ཞེས་ཡུལ་དྲུག་ཏུ་གསུངས་པའི་བོད་ནི། ཇོ་བོ་སྤྱན་འདྲེན་གྱི་ཆེད་དུ་རྒྱལ་བ་འབྲོམ་གྱིས་བོད་སྟོན་རྣམས་ལ་བརྫངས་པའི་འཕྲིན་ཡིག་ཏུ། །ཤིང་རྟའི་དབྱིབས་འདྲ་འཛམ་གླིང་གི །བྱེ་བྲག་བརྗིད་ལྡན་གངས་རིའི་བྱང་། །ལོ་ཧ་ཏེ་འགྲམ་རིན་ཆེན་ཁུངས། ཁ་བ་ཅན་ཞེས་མིང་གྲགས་ན། །བློ་ཆེན་སྟོབས་ལྡན་མི་སྲུན་པ། །བོད་ཅེས་བྱ་བ་གནས་པའི་ཕྱིར། །ཞེས་པའི་རྒྱལ་ཁམས་འདི་ཉིད་ཀྱང་། །འཇམ་དཔལ་རྩ་རྒྱུད་ལས། ང་ཡི་དུས་ནས་ལོ་བརྒྱ་ན། ཁ་བ་ཅན་དུ་མཚོ་བྲི་ནས། །སཱ་ལའི་ནགས་ནི་འབྱུང་བར་འགྱུར། །ཞེས་ཁ་བ་ཅན་གྱི་ཡུལ་མཚོས་གང་བ་རིམ་གྱིས་བྲི་ནས་སཱ་ལའི་ལྗོངས་བྱུང་ཞིང་། རྒྱ་གར་གྱི་རྒྱལ་པོ་རཱུ་པ་ཏི་དཔུང་བཅས་གཡུལ་ཕམ་སྟེ་བུད་མེད་ཀྱི་ཆས་སུ་ཞུགས་ནས་འོངས་པ་ལས་རིམ་གྱིས་མིའི་འགྲོ་བ་འཕེལ་བར་བཤད་པ་དང་། གཙོ་བོར་ལག་ན་པདྨའི་སྤྲུལ་པ་སྤྲེའུ་བྱང་(༧བ)

― GLG009_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་སེམས་དཔའ་དང་། འཕགས་མ་སྒྲོལ་མས་བྱིན་གྱིས་བརླབས་པའི་བྲག་སྲིན་མོ་འདུས་པ་ལས་གདོང་དམར་ཤ་ཟན་གྱི་ཕྲུག་གུ་མང་དུ་འཕེལ་ཏེ་བོད་མིའི་རྒྱལ་ཁམས་སུ་གྱུར་པར་འབངས་སྤྱི་ལ་དབང་བའི་རྒྱལ་པོར་འཕགས་པ་རིགས་གསུམ་གྱི་མགོན་པོའི་རྣམ་པར་སྤྲུལ་པ་རིམ་པར་བྱུང་བའི་ཐོག་མར་རྗེ་གཉའ་ཁྲི་བཙན་པོ་བྱོན། དེ་ནས་ལྷ་མོ་དྲི་མ་མེད་པར་ལུང་བསྟན་པའི་མདོ་ལས། ང་ཡོངས་སུ་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་ན་གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ། །ཞེས་པ་ཐོག་ཏུ་བབས་ཏེ་ཀུན་ཏུ་བཟང་པོའི་རྣམ་སྤྲུལ་ལྷ་ཐོ་ཐོ་རི་སྙན་ཤལ་གྱིས་ཕོ་བྲང་ཡུམ་བུ་བླ་སྒང་དུ་བསྟན་པའི་དབུ་བརྙེས། དེ་ནས་གདུང་རབས་ལྔ་ན་ཕྱག་ན་པདྨའི་སྤྲུལ་པ་ཆོས་རྒྱལ་སྲོང་བཙན་སྒམ་པོས་མཐའ་འདུལ་ཡང་འདུལ་རུ་གནོན་གྱི་གཙུག་ལག་ཁང་རྣམས་སྔོན་དུ་འགྲོ་བའི་འཕྲུལ་སྣང་དང་ར་མོ་ཆེའི་གནྡྷོ་ལ་བཞེངས། ཇོ་བོ་རྣམ་གཉིས་གདན་འདྲེན་པ་སོགས་བསྟན་པའི་སྲོལ་གཏོད། དེ་ནས་མི་རབས་ལྔ་ན་འཇམ་དཔལ་དབྱངས་ཀྱི་སྤྲུལ་པ་ཆོས་རྒྱལ་ཚངས་པ་ལྷའི་མེ་ཏོག་གིས་མཁན་སློབ་རྣམ་གཉིས་ཀྱིས་གཙོས་ལོ་པཎ་རྣམས་བླའི་མཆོད་གནས་སུ་བཀུར། ཟན་གཡང་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་བརྩིགས། དགེ་འདུན་གྱི་སྡེ་དང་འཆད་ཉན་སྒོམ་སྒྲུབ་ཀྱི་གྲ་བཙུགས་ནས་བསྟན་པ་དར་རྒྱས་སུ་མཛད། རྒྱལ་རབས་གཉིས་ན་ཕྱག་ན་རྡོ་རྗེའི་སྤྲུལ་པ་ལྷ་ཁྲི་ལྡེ་སྲོང་བཙན་གྱིས་ཡབ་མེས་ཀྱི་གསུང་རབ་དགོངས་འགྲེལ་རྣམས་སྐད་གསར་བཅད་ཀྱིས་གཏན་ལ་ཕབ། རྨ་གཉགས་གནུབས་ཉང་སོགས་ཀྱི་བརྒྱུད་པ་རིམ་པར་བྱོན་པས་མདོ་སྒྱུ་སེམས་སོགས་སྔགས་རྙིང་མའི་བསྟན་པ་རྒྱ་ཆེར་སྤེལ། བསྟན་པ་ཕྱི་དར་ལ་ཇོ་བོ་སྨྲི་ཏི། དཔལ་མར་མེ་མཛད། ཁ་ཆེའི་བསོད་(༨ན)

― GLG009_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

སྙོམས་པ་ཆེན་པོ་སོགས་ཚད་ཐུབ་ཀྱི་པཎ་ཆེན་དང་། རིན་བཟང་། འབྲོག་མི་སོགས་འཇིག་རྟེན་གྱི་མིག་གཅིག་པུ་ཆེས་མང་བ་རྗེས་འབྲང་དང་བཅས་པས་མདོ་སྔགས་ཀྱི་བསྟན་པ་ཤིན་ཏུ་དར་བར་མཛད་པས་ན། ཁྲོ་ཕུ་ལོ་ཙཱ་བས་པཎྜི་ཏ་ཛ་ཡ་ཤྲཱི་ཅན་མངགས་ནས་བཻ་ཌཱུཪྻའི་ཚོང་འདུས་སུ་ཁ་ཆེ་པཎ་ཆེན་ལ་ཞུ་འཕྲིན་ཕུལ་བར། མ་ག་དྷ་སོགས་རིགས་འབྱུང་གནས་ཀྱང་སྡིག་ཏོ་ཡི། །དམག་ཚོགས་ཀྱིས་བཅོམས་ཨོ་རྒྱན་ཁ་ཆེ་བལ་ཡུལ་ཡང་། །ལོག་སྤྱོད་ཀྱིས་ཁེངས་དེང་སང་བསྟན་སྲོག་ལེགས་གནས་ནི། །བོད་ཡུལ་འདིར་ཟད་སྐྱེས་ཆེན་བྱང་ཕྱོགས་ཞབས་བསྐྱོད་ཞུ། །ཞེས་དཔལ་ལྡན་ཤཱཀྱ་སེང་གེའི་རིང་ལུགས་ཆེས་ཆེར་དར་བ་བོད་ཡུལ་འདིར་རྗེ་བླ་མ་འདི་ཉིད་བསྟན་འགྲོའི་ཆེད་དུ་ཡང་སྲིད་བཟུང་བའི་རིགས་རུས་ཆོ་འབྲང་ནི། མཁན་ཆེན་ལས་ཀྱི་རྡོ་རྗེའི་རྣམ་ཐར་དུ། མི་བརྒྱུད་ལྷ་ནས་ཆད་པ་དང་། ཆུ་བརྒྱུད་གངས་ལས་བྱུང་བ་དགོས་ཚུལ་གསུངས་པ་ལྟར་ཁུངས་བཙུན་པའི་གདུང་རབས་ནི། འོག་མིན་རིག་པ་རང་གསལ་ལྷུན་གྱིས་གྲུབ་པའི་ཞིང་ཁམས་ནས་རང་རིག་གདོད་མའི་སྟོན་པ་ཀུན་ཏུ་བཟང་པོའི་ཐུགས་རྗེ་གཟུགས་ཁམས་བསམ་གཏན་གཉིས་པའི་རྩེ་མོ་འོད་གསལ་ལྷའི་གནས་སུ་འགྲོས་ནས་ལྷ་དབང་པོ་སྨེ་བའི་གཙུག་ཏོར་ཅན་དུ་སྤྲུལ་བས་འོད་གསལ་ལྷ་དབང་གཞོན་ནུ་གཙུག་ཏོར་ཅན་དུ་གྲགས་ཤིང་། ལྷ་རྣམས་ཀྱིས་སྲི་ཞུ་རྒྱ་ཆེར་བསྐྲུན། གདུལ་བྱའི་ཞིང་འཛམ་བུ་གླིང་དུ་ཡོད་པར་དགོངས་ནས་གནས་གོང་མ་རྣམས་ལས་རིམ་གྱིས་བབས་ཏེ་བརྒྱ་བྱིན་གྱི་ཕོ་བྲང་རྣམ་པར་རྒྱལ་བའི་ཁང་བཟང་གི་རྩེ་མོར་བྱོན། རང་འོད་ཀྱི་གུར་ཁྱིམ་དུ་བཞུགས་པར་བརྒྱ་བྱིན་འཁོར་བཅས་ཀྱིས་བསྙེན་བཀུར་ཞིང་མཚན་བདེ་བྱེད་གཞོན་ནུར་གྲགས། དེའི་ཚེ་ལྷ་མིན་གྱི་དབང་པོ་སྒྲ་(༨བ)

― GLG009_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན། མགུལ་ཕྲེང་། རབ་གནོན། ཐག་བཟང་རིས་བཞིས་གཙོ་བོ་བྱས་པའི་ལྷ་མ་ཡིན་གྱི་གཡུལ་བཤམས་པ་ན། བརྒྱ་བྱིན་གྱིས་ལྷ་གྲགས་ལྡན་མཆོག་སྐྱོང་ལ་ཐབས་ཞུས་པས་བདེ་བྱེད་གཞོན་ནུས་འདུལ་བར་ལུང་བསྟན་པ་བཞིན་གསོལ་བ་བཏབ་པས་ཁང་བཟང་གི་རྩིག་པའི་ཟུར་ལས་བབས་ཏེ་ཕྱི་རོལ་ཏུ་བྱོན། ལེགས་ལྡན་ཚོགས་བདག་ནག་པོ་ལ་བཀའ་བསྒོས་པས་ཙན་དན་གྱི་བེང་ཆེན་པོའི་ནང་ནས་བདུད་འདུལ་གྱི་དམག་དཔུང་། བེང་སྟོད་ནས་ལྷ་དམག་བྱེ་བ་དུང་ཕྱུར། བེང་རྐེད་ནས་བཙན་དམག་བྱེ་བ་དུང་ཕྱུར། བེང་སྨད་ནས་བདུད་དམག་བྱེ་བ་དུང་ཕྱུར་སྤྲོས་ནས་ལྷ་མིན་གྱི་དཔུང་ཚོགས་བཅོམས་པས་མཚན་ལྷ་རྗེ་དཔའ་བོ་གཡུལ་ལས་རྒྱལ་བར་གསོལ། རི་རབ་ཀྱི་ལྷོ་ཕྱོགས་ནས་བབས་ཏེ་མ་ག་དྷ་སོགས་རྒྱ་གར་གྱི་གནས་རྣམས་སུ་བཞུགས་ནས་སྒོམ་སྒྲུབ་འཆད་ཉན་མཛད་པས་སྙན་པའི་གྲགས་པ་ས་སྟེང་ཀུན་ཏུ་ཁྱབ་པས་འོད་གསལ་ལྷའི་རིགས་ཡིན་ཞིང་། རྣམ་རྒྱལ་ཁང་བཟང་གི་རྩིག་པའི་ཟུར་ལས་བབས་པས་ཟུར་ཞེས་བོད་སྐད་དུ་སྒྲ་བཤད་པའང་སྣང་། འདི་ཉིད་ཀྱིས་བསྟན་འགྲོའི་སྨན་ཡོན་དུ་མ་གྱུར་བར་དགོངས་ནས་མཚན་ལྡན་གྱི་བུ་མོ་ཞིག་ཕྱག་རྒྱར་བསྟེན་པས་སྲས་ཟུར་སྤྱང་ཞུ་ཅན་འཁྲུངས་པ་བོད་དུ་བྱོན། མངའ་བདག་ཁྲི་སྲོང་ལྡེའུ་བཙན་གྱི་དུས་གནུབས་ནམ་མཁའི་སྙིང་པོ། འབྲེ་རྒྱལ་བ་བློ་གྲོས། རོ་གོང་བིདྱ་རཱ་ཛཱ། དྲུ་བུ་ཨུ་པེ་ཤ རླངས་དཔལ་གྱི་སེང་གེ ལྕེ་ཀུ་ཀུ་རཱ་ཛཱ་ལ་སོགས་པས་ལོ་ཙཱ་མཛད་ནས་གསང་སྔགས་ཀྱི་རྒྱུད་སྡེ་མང་དུ་བསྒྱུར། ཨོ་རྒྱན་སངས་རྒྱས་གཉིས་པས་གཉགས་གནུབས་འཁོན་སྭོ་ཟུར་སོགས་སྔགས་འཆང་གྲུབ་བརྙེས་མང་པོ་སྨིན་པར་མཛད་པས་བོད་དུ་ཟུར་གྱི་ཐོག་མ་ཡིན་ངེས་མདོ་ཁམས་ཀྱི་སོག་(༩ན)

― GLG009_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སྒང་དུ་བྱོན་ནས་སྲས་བསྐྲུན་པར་ཟུར་རྒྱལ་བ་གསུམ་བསྒྲགས་བྱུང་། དེ་སྲས་ཟུར་བཤེས་གཉེན་རྟག་སྤྲ་ཅན། དེ་སྲས་ཟུར་དབང་ཕྱུག་རྒྱལ་བ། དེ་སྲས་ཟུར་རིན་ཆེན་རྒྱ་མཚོ། དེ་སྲས་ཟུར་འཚོ་བཟང་མིག་པོ་ཆེ་ལྔ་པོ་ནི་མདོ་ཁམས་སུ་བྱོན། དེའི་སྲས་ཟུར་ཨཱ་ཙཪྻ་ཆེན་པོ། ཟུར་ཁ་ཅན་ལག་ཅན། ཟུར་བཟང་ཤེས་རབ་འབྱུང་གནས་གསུམ་འཁྲུངས་པའི་ཨཱ་ཙཪྻས་རྒྱ་གར་དུ་ཐེངས་གསུམ་བྱོན། རྒྱལ་རིགས་ཟླ་བའི་དབང་མོ་ཕྱག་རྒྱར་བསྟེན་པས་སྲས་ཉི་མའི་སྙིང་པོ་འཁྲུངས། དེ་ནས་རྒྱ་གར་དུ་རིགས་བརྒྱུད་མང་པོ་འཕེལ་སྐད། ཟུར་ཁ་ཅན་ལག་ཅན་རིགས་པའི་གནས་ལྔ་ལ་མཁས་ཤིང་ཉིས་ཐོག་གི་ཀ་བ་འདེགས་པའི་གྱད་ཀྱི་རྩལ་དང་ལྡན། གཙང་དུ་བྱོན་པས་སྲས་མོ་འཁྲུལ་ཞིག་རྗེ་བཙུན་ཞེས་པ་བྱུང་བས་པ་ཚབ་ཀྱི་ཡངས་པ་ཆེན་པོར་བཞུགས། བསྐྱེད་རྫོགས་གསུམ་ལ་མཁས་ཤིང་རྒྱུད་བཤད་མན་ངག་མང་དུ་གསུངས་ཟུར་མོ་བྱོན་པའི་ཐོག་མ་འདི་ཡིན་ཞིང་སྐུ་འབུམ་ལ་མི་མ་ཡིན་གྱིས་སྐོར་བ་བྱས་པས་ལམ་དོད། དེ་འོག་ཟུར་མོ་དཀར་རྒྱན། དེ་འོག་ཟུར་མོ་དགེ་འདུན་འབུམ་སྲས་གཉིས་དང་བཅས་བྱུང་ཡང་གདུང་ནི་མ་འཕེལ་ཟུར་བཟང་ཤེས་འབྱུང་ནི་ཆུང་ངུ་ནས་མཁྱེན་པ་ཆེ། བསྐྱེད་རྫོགས་རྒྱུད་མན་ངག་འཚོལ་བར་གནུབས་སངས་རྒྱས་ཡེ་ཤེས་རིན་པོ་ཆེ་དགུང་ལོ་བརྒྱ་དང་སུམ་ཅུར་ཉེ་བ་བསྒྲགས་ཡང་རྫོང་དུ་བཞུགས་པ་དང་མཇལ་ནས་ཟབ་ཆོས་རྣམས་ཞུས། སྭོ་ཡེ་ཤེས་དབང་ཕྱུག །གནུབས་བླ་ཆེན་བྱང་སྙིང་གསུམ་མཆེད་གྲོགས་མཛད་པས་སྭོ་ཟུར་གནུབས་གསུམ་ཞེས་གྲགས། འདི་ལས་སྲས་བཞི་བྱུང་བའི་ཆེ་བ་ལྷ་རྗེ་ཟུར་བུ་ཆེ་ཤཱཀྱ་འབྱུང་ཟུར་བླ་མ་ཟུར་སྒོམ་ཆེན་རྡོ་རྗེ་འབྱུང་གནས། ཟུར་སྒོམ་ཆུང་དང་བཞི་བྱུང་བའི་ཡབ་ལ་ངོས་འཛིན་མི་མཐུན་(༩བ)

― GLG009_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འགའ་སྣང་ཡང་ཁུངས་བཙུན་པ་མདོ་ཁམས་ནས་ལུང་པ་རིལ་པོ་རྗོང་དུ་སོང་བ་གཡང་མོ་བྱ་བར་ཡབ་གོང་དུ་སྨོས་པ་དང་ཡུམ་པདྨ་གསལ་ལེ་གཉིས་ཀྱི་སྲས་སུ་འཁྲུངས་པའི་ཚེ་ཡབ་ཀྱི་མནལ་ལམ་དུ་གསེར་གྱི་འཁོར་ལོ་རྩིབས་སྟོང་ཅན་ཡུམ་གྱི་ཕྱག་ཏུ་བབས་པ་དང་མནལ་སད་ནས། ཉི་མ་ཤར་བ་འགྲིག་པ་སོགས་ཡབ་ཡུམ་གཉིས་ཀ་ལ་ལྟས་ཡ་མཚན་པ་མང་དུ་བྱུང་། སྐུ་བལྟམས་ནས་མེས་རིན་ཅེན་རྒྱལ་མཚན་གྱིས་མཚན་ཤཱཀ་འབྱུང་དུ་བཏགས། གཞོན་ནུ་ནས་ཡིག་ཀློག་བྱང་ཞིང་ཡབ་མེས་སོགས་སྔགས་རྙིང་མའི་བླ་མ་དུ་མར་དབང་གདམས་པ་མང་དུ་གསན། བླ་ཆེན་དགོངས་པ་རབ་གསལ་གྱི་དྲུང་དུ་ཚིག་རྫོགས་མཛད་པས་སྤྲུལ་སྐུར་འདུག་ཅེས་མཚན་མ་སྤོས། ཁམས་སུ་བཞུགས་རིང་མེས་རིན་ཅེན་རྒྱ་མཚོ་ལ་མདོ་སྔགས་ཀྱི་ཐོས་བསམ་མང་དུ་མཛད། འགྲོ་དོན་དབུས་གཙང་དུ་ཡོད་པར་དགོངས་ནས་ཡར་ཀླུངས་ན་མོ་ལུང་དུ་ཕེབས། ཀྲི་ཡོག་སྡེ་གསུམ་ལ་སྒྲུབ་པ་མཛད་ཀྱང་བོགས་ཆེ་བར་མ་བྱུང་བས་ལུང་བསྟན་བཞིན་རྫོགས་ཆེན་ཞུ་བར་གཙང་ལ་བྱོན། ཆོས་ལུང་གི་ཉང་ཡེ་ཤེས་འབྱུང་གནས་ལ་སྒྱུ་འཕྲུལ་དང་སེམས་ཕྱོགས། གེ་གོང་གི་ལྕེ་ཤཱཀྱ་མཆོག་ལ་བདུད་རྩི། ཡུལ་གསར་གྱི་གཉན་ནག་དབང་གྲགས་ལ་དབང་དང་ཐབས་ལམ། ཐོ་དཀར་ནམ་མཁའ་ལྡེ་ལ་མདོ་ལྔ་ཐེམས་དང་འགྲེལ་པར་བྱེད་པ་པར་ཁབ། ཉང་སྟོད་ཀྱི་འབྲེ་ཁྲོ་ཆུང་པ་ལ་ཀ་དག་དང་ལྷུན་གྲུབ། རྩ་ཤོད་ལྡན་མ་ཤེར་ཚུལ་ལ་ཡང་དག །བཀའ་སྡོད་ཡེ་ཤེས་སྙིང་པོ་ལ་མདོ་སོགས་མདོར་ན་བླ་མ་བརྒྱ་རྩ་ལྷག་ཙམ་བསྟེན་ནས་ཆོས་མཐའ་དག་ལ་སྒྲོ་འདོགས་བཅད་དེ་མཁས་པའི་ཕུལ་དུ་ཕྱིན་ཀྱང་ཚེ་གཅིག་ལ་རིགས་འཛིན་གྱི་སར་བགྲོད་པ་ཞིག་བྱེད་དགོངས་པའི་ཚེ། མཁའ་འགྲོའི་ལུང་བསྟན་བཞིན་དགོན་པ་མེད་ཀྱང་ད་ལྟའི་འུག་(༡༠ན)

― GLG009_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལུང་གི་ཆོས་ཁྲིའི་གཡས་ལོགས་ཀྱི་ཕུག་པར་བཞུགས་ནས་སྒྲུབ་པ་མཛད་པས་ས་ལམ་གྱི་རྟོགས་པ་མཐོན་པོར་སོན། ཨ་རའི་སློབ་མ་དྲུ་བུ་ཀློག་འབྱུང་ལ་སྦན་དུ་རྫོགས་ཆེན་གསན། བྲག་དུམ་ཕུག་པ། སྤང་པོ་ཆེའི་བྲག་སྒོམ་ཆེན། བྲག་དམར་ཆང་ལྡིང་སོགས་དབེན་པ་མང་དུ་བསྟེན་ནས་སྒྲུབ་པ་མཐར་ཕྱིན། སློབ་མ་ལྟ་དགོངས་ཀྱི་རྩེ་མོ་ཟུར་ཆུང་བ། སྒྱུ་འཕྲུལ་གྱི་རྩེ་མོ་མི་ཉག་འབྱུང་གྲགས། མཁྱེན་བརྩེའི་རྩེ་མོ་ཞང་འགོས་ཆུང་བ། སྒོམ་སྒྲུབ་ཀྱི་རྩེ་མོ་བཟང་སྒོམ་ཤེར་རྒྱལ་ཏེ་རྩེ་མོ་བཞི། རྩེ་ལྐོག་བརྒྱད་ནི། ལོ་རོག །ལོ་ཐུང་། རྟ་རོག །ཙག་བླ་མ། སུམ་པ་དབང་ཚུལ། སུམ་པ་བློ་རྒྱལ། འོལ་སྒོམ། ཕུག་སྟོན་ནམ་མཁའ་འོད། གཞན་ཡང་སྒོམ་ཆེན་བརྒྱ་རྩ་བརྒྱད་སོགས་སློབ་མ་མང་དུ་བྱུང་བའི་ཟུར་ཆུང་པ་ཤེས་རབ་གྲགས་ནི་ཟུར་ཨཱ་ཙཪྻ་བོད་དུ་བྱོན་ནས་ཐག་ཏུ་བཞུགས་པའི་སྲས་ཐག་པ་སྒོམ་ཆེན་དང་ཇོ་མོ་ཤེས་རབ་སྐྱིད་གཉིས་ཀྱི་སྲས་སུ་རྒྱན་འཕར་གདོང་དུ་འཁྲུངས་ཁར་ཡུམ་ལ་ཉི་ཟླ་ཤར་ནས་འཇིག་རྟེན་གྱི་མུན་པ་བསལ་བ་སོགས་མནལ་ལྟས་ཡ་མཚན་པ་ལྔ་བྱུང་། ཐུགས་རབ་ཤིན་ཏུ་ཆེ་བས་འབྲི་ཀློག་དང་ཆོ་ག་ཆོས་སྤྱོད་བརྡ་བསྟན་པ་ཙམ་གྱིས་མཁྱེན། དགུང་ལོ་བཅུ་གཅིག་པ་ལ་ཇོ་མོ་ཞིག་བླངས་པ་ཞིང་གི་ཤཱ་འོད་རྒྱུག་སར་དོར་མ་གསར་པ་ཞིག་གསོལ་བ་ཆུས་སྦངས་པ་ལ་ཇོ་མོས་ཁྲོས་པའི་རྐྱེན་གྱིས་བེར་དང་སྤྱང་ཐུལ་ཞིག་ཡོད་པ་བསྣམས་ནས་ཟུར་པོ་ཆེའི་དྲུང་དུ་ཆས་བྲོས་ལ་བྱོན་པ་དུས་མཚུངས་སུ་ཁྲབ། ཟངས་ཞུ། གཡུ་ཁྱེར་བའི་ཆོས་ཞུ་བ་གསུམ་ཡང་འཛོམ། ཟུར་ཆུང་པ་འབྱོར་རྒྱུའི་གོང་དུ་བླ་མ་ལ་སྐུ་ཕྲག་སྟེང་དུ་སེང་འབྲུག །འཁྲབ་པ་སོགས་མཚན་ལྟས་ཁྱད་པར་ཅན་བྱུང་ནས་དྲུང་དུ་ཤར་མར་བཏང་། ཁོང་བཞི་པོར་སྦང་ཟན་དང་ལོ་(༡༠བ)

― GLG009_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུག་གནང་བ་ཟུར་ཆུང་པ་མ་གཏོགས་གཞན་གསུམ་གྱིས་ཟར་མ་ཉན་པར་རྟེན་འབྲེལ་འཕྱུགས་ཏེ་ཁོང་གསུམ་གྱི་ཕྱག་རྟེན་མ་བཞེས་པས་བླ་མ་དང་ཆོས་གཞན་ནས་རྙེད་འོང་ཞེས་ཕྱིར་ལྡོག་པའི་གཅིག་འགོས་ཁུག་པ་ལྷས་བཙས་ཡིན་པ་ཁོང་རྒྱ་གར་ནས་ཕྱིར་བྱོན་རྗེས་སྔར་གྱི་དེ་ལ་སྙིང་ནད་བྱས་ནས་གསང་སྔགས་རྙིང་མ་ཆོས་ལོག་ཡིན་ཞེས་དྲིལ་བསྒྲགས་སྐད། ཟུར་ཆུང་པས་བོན་པོའི་ཡས་ཟན་དང་ལོ་ཚོད་སོགས་དཀའ་ཐུབ་ལ་བརྟེན་ནས་ཐོས་བསམ་ལ་བརྩོན་འགྲུས་ཆེར་མཛད། ཉིན་ཞིག་ལྷ་རྗེ་ཆེན་པོས་བསེའི་གའུ་ཕུལ་དགུ་ཙམ་འགྲོ་བ་ཞིག་བསྣམས་ནས་ཁྱོད་ལ་སྐོམ་སྟེར་རྒྱུ་མེད་དམ་གསུང་བ་ཡས་ཀྱི་ཟན་ཆང་ཡོད་ཞུས་པ་ཁྱེར་ཤོག་གསུངས་ནས་སྣོད་དོ་གསོལ། དེ་ནས་ཀྱང་ཡོད་ན་ཁྱེད་ཤོག་གསུངས་ནས་ལན་གཉིས་གསོལ། ད་འདུག་གམ་གསུང་བར་བྲེ་གང་ཙམ་འདུག་ཞུས་པར་ད་མི་ཡོག་པ་འདུག་ཡོག་ན་ཁྱོད་བསོད་ནམས་བོད་དུ་མི་ཤོང་བ་ཞིག་འོང་ད་དུང་ཡང་བསོད་ནམས་ཆེན་པོ་འོང་གསུངས་ནས་ནས་ཁལ་གསུམ་གནང་། འདི་ཟད་རྗེས་ཡོ་བྱད་ཡོང་བར་ལུང་བསྟན་པ་བཞིན་དེ་ཁོ་ན་ལྟར་བྱུང་། དབང་ཞུ་བ་དང་དཔེ་འབྲི་བ་སོགས་ཀྱི་མཐུན་རྐྱེན་དུ་སྤར་གྱི་མཁར་སྔོན་ན་གཡུ་མོ་བྱ་བ་ཕྱུག་མོ་མ་སྨད་གཉིས་ཡོད་པའི་བདག་གིས་གསུང་བ་ལྟར་བཀའ་བཞིན་བསྒྲུབས། དེ་གཉིས་ཀྱི་ཀ་ཅ་ལ་བརྟེན་ནས་དཔེ་འབྲི་བ་སོགས་ཆོས་ཀྱི་མཐུན་རྐྱེན་མཛད། རིང་ཞིག་ན་ཁྱོད་ཀྱིས་བསྟན་པའི་དོན་རྒྱ་ཆེན་པོ་སྒྲུབ་དགོས་པ་ཡོད་པས་ལོགས་སུ་སྡོད་གསུང་བ་ལྟར་མཛད་ནས་ལྷ་རྗེའི་དྲུང་དུ་བཞུགས་པའི་ཚེ་བྱེ་སྟོང་ནས་ཆང་འདྲེན་པ་དང་། རི་རྩེ་ཞལ་ཟས་འབུལ་བ་སོགས་གང་ལའང་ཐོགས་པ་མེད་པའི་དངོས་གྲུབ་བརྙེས། ལྷ་རྗེ་ཟུར་བུ་ཆེས་ཟུར་ཆུང་པས་གཙོས་སློབ་མ་རྣམས་ལ་སྒྱུ་འཕྲུལ་གྱི་ཆོས་མང་དུ་གསུངས། ཡང་(༡༡ན)

― GLG009_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

དབེན་དུ་སྒྲུབ་པ་མཛད་པའི་ཚེ་རྣལ་འབྱོར་པ་ཞིག་གཏོར་མ་སློང་བའི་བརྡ་ཐབས་ལ་བརྟེན་བཟང་གོང་ཤེས་རབ་རྒྱལ་པོ་བསམ་ཡས་མཆིམས་ཕུར་རོག་ཤཱཀ་འབྱུང་གི་སང་ཆོས་ཞུ་བར་བཏང་བས་གདམས་པ་ཤིན་ཏུ་མང་བ་གནང་སྟེ་ཚང་བ་བླ་མ་ལ་ཕུལ། ཆོས་ཀྱི་རྗེས་སུ་ཚངས་པ་དུང་ཐོད་ཅན་འབྲངས་པས་ཟུར་པའི་ཕོ་ལྷ་ཆེན་པོར་མངའ་གསོལ། ལྷ་རྗེས་མཆིམས་ཕུའི་ཆོས་ཀྱི་ཁྲོད་ནས་ཡང་དག་བདག་དོན་གྲུབ་པ་ལ་ཉམས་ལེན་མཛད་པའི་ཚེ་ཆུ་མར་ཁུར་གྱུར་པ་དང་། ཆང་འཚོད་གཅིག་གིས་མི་ཉི་ཤུ་ཙམ་ལ་ཟླ་གཅིག་ལྡངས་པ་སོགས་གྲུབ་རྟགས་མང་དུ་བསྟན། བླ་ཆེན་འབྲོག་མིས་པཎྜི་ཏར་གསེར་འབུལ་བའི་ཁ་ལོང་འཁྱེར་ཤོག་གསུངས་པ་ལྟར་མི་མ་ཡིན་གྱི་བྱུང་བའི་གསེར་སྲང་བརྒྱ་ཕུལ་ནས་ལམ་སྒོར་བརྒྱད་ཀྱི་ནང་ཚན་བསམ་མི་ཁྱབ་གསན་པའི་རྫོགས་ཆེན་ལ་བོགས་ཐོན། ཆོས་ཀྱི་འགྲོ་དོན་ཆེ་སྒང་ལ་བོ་དོང་མངའ་བདག་བྲག་གི་ཕུག་ཏུ་ཡང་དག་མར་མེ་གཅིག་པའི་སྒྲུབ་པ་མཛད་ཀྱིན་བཞུགས་པའི་ཚེ་ཟུར་ཆུང་པས་གཙོས་སློབ་མ་རྣམས་ཀྱང་འདུས་པས་དཔོན་སློབ་ཐམས་ཅད་ཀྱིས་སྒྲུབ་པ་མཛད། མཁའ་འགྲོའི་ལུང་བསྟན་ལྟར་རྟ་ནག་གི་མདའ་གྲོག་པོ་ཁ་ལྷོར་བསྟན་པའི་མདོ་ན་ཕུག་པ་ཤར་བསྟན་ཞིག་རྙེད་པ་དེར་སྒྲུབ་པ་མཛད་པས་ཡང་དག་ལྷ་དགུའི་ཞལ་གཟིགས། ཉེ་སྐོར་གྱི་གྲོག་པོའི་ལོགས་ལ་འུག་པའི་ཚང་ཡོད་པས་དེ་ནས་བཟུང་བླ་མ་འུག་པར་གྲགས། ཕྲག་པ་རའི་ཟི་རི་སེ་ཅན་ཟེར་བའི་བཙན་རྒོད་དེས་འཕྲིན་ལས་བསྒྲུབས་ཤིང་ཟུར་པའི་ཆོས་སྐྱོང་གི་གྲལ་དུ་མཛད། ཕྱོགས་དེར་འདུ་འཛི་ཆེ་དྲགས་པས་ཕྱིར་བྱོན་ཚེ་གཞི་བདག་ཇོ་བོ་སྣང་མར་གྱིས་སྲོག་སྙིང་ཕུལ། བྲག་རྒྱ་བོར་ཕེབས་ནས་སྒྲུབ་པ་མཛད་པའི་ཚེ་མཁའ་འགྲོ་མ་གསུམ་གྱིས་(༡༡བ)

― GLG009_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

ཤངས་ཀྱི་མདའ་ན་ལུང་པ་ཟླ་གམ་ལྷོ་ནུབ་ཏུ་སྒོ་བསྟན་པ་སོགས་ཚེ་གཅིག་ལ་བྱང་ཆུབ་ཐོབ་པའི་གནས་ཁྱད་པར་ཅན་ཡོད་པ་ཚོལ་ཟེར་བའི་ལུང་བསྟན་ལྟར་དཔོན་སློབ་རྣམས་ཀྱིས་གདོང་པོ་ཐང་ཁ་ནས་ཤངས་ཀྱི་ལུང་པའི་དཔྱད་ལ་གཟིགས་ཏེ་རྒྱུད་ནས་བཤད་པའི་གནས་དེར་ཕེབས་ཞང་མོ་ཡོན་ཏན་རྒྱན་གྱིས་ས་ཕུག་ཕུལ། ཟུར་ཆུང་པ་སོགས་འཁོར་རྣམས་ཀྱང་རང་ཤོང་གི་ཁང་པ་བརྩིགས་ནས་སྒྲུབ་པ་མཛད་པར་ཡུལ་མི་ཀུན་དད་དེ་རྙེད་བཀུར་བསྟབ། སློབ་མ་རྣམས་ལ་ཡང་དག་གི་དབང་གནང་བའི་དུས་ཟུར་ཆུང་པས་བླ་མས་ཇི་ལྟར་གཟིགས་པ་བཞིན་བདག་ཅག་རྣམས་ལ་སྟོན་པར་ཞུས་པས་སྙིགས་དུས་འབྱུང་པོ་སྟོབས་ཆེ་སྐབས་འདིར་དེ་འདུལ་བའི་ཕྱིར་དུ་ཧེ་རུ་ཀའི་སྐུ་ཞིག་བཞེངས་པས་དེ་དུས་བསྟན་གྱིས་གསུང་། ཟུར་ཆུང་པས་ཟབ་ཆོས་ཤིག་ཞུས་པས། ང་ནི་ནམ་མཁའི་སྙིང་པོ་སྟེ། །སྐྱེ་འཆི་མེད་པ་རྡོ་རྗེའི་སྐུ། །འདའ་དང་མི་འདའ་ཡོངས་མི་མངའ། །འགྲོ་དོན་མཐར་ཕྱིན་རྫོགས་དབང་བྱིན། །སྐལ་ལྡན་ཁྱོད་ལ་སྨིན་པར་ཤོག །ཅེས་བྱིན་གྱིས་བརླབས་པས་རྟོགས་པ་ཕུལ་དུ་ཕྱིན་པ་བརྙེས། ཁྱད་པར་ཁྲག་འཐུང་ལྔ་བཅུ་རྩ་བརྒྱད་ཀྱི་ལྷ་དངོས་སུ་གཟིགས་ཤིང་མི་དང་མི་ལབ་པ་བཞིན་གསུང་གླེང་མཛད་པ་བྱུང་། དེ་ནས་འུག་པ་ལུང་སྔར་གནས་རྙིང་པ་ཡིན་པ་དང་རྒྱུད་མན་ངག་ལས་བྱུང་བའི་ཡོན་ཏན་རྣམས་ཚང་བར་དགོངས་པའི་དེར་ཕེབས། རྔའམ་དྲེའུ་ལ་ཤིང་བཀལ་ནས་བརྟན་པ་མཛད་པའང་ཤིང་ཆུ་མིག་འོད་མའི་མདོག་ཅན་གྱི་སར་ཕབ་པས་ཀླུ་དེ་ཡང་སྲུང་མར་འགྱུར་བར་དགོངས་ཏེ་སྨན་དང་རྫས་ལ་བརྟེན་ནས་ཀླུ་བཅོས་ཟངས་ལུང་དགུ་པ་ཞིག་གིས་ཁ་བཅད། དབུ་རྩེ་བ་ནོར་ཁང་སྟེང་འོག་ཁྱམས་སྟོད་སྨད་དང་བཅས་པའི་འགྲམ་པ་བཏིང་བའི་རྒྱ་རྩིས་གནས་གསར་(༡༢ན)

― GLG009_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མཉམ་པ་མཛད་རྒྱུར་རྡོ་བཟོ་བས་ཅུང་ཟད་བསྐུམས་ཟེར། དབུ་རྩེའི་ཀ་བ་གཅིག་གིས་མ་སྙོབས་དེ་ལྷ་རྗེའི་ཞབས་ཀྱིས་བསྒྲིལ་བས་སྙོབས་པར་གྱུར་ཅིང་ཤིང་འཁྱོག་པོ་རྣམས་མདའ་ལྟར་སྲོང་བ་སོགས་རྫུ་འཕྲུལ་བསྟན་པས་ཤིང་བཟོ་བ་དད་དེ་སྔར་ཤིང་གྲོན་ཆེན་པོ་བཅུག་པའི་འགྱོད་མཚང་ལ་རྩིག་པ་མེད་པའི་ཀ་བཞི་མ་ཕུག་ནས་ཕུལ་བར་མགོན་ཁང་མཛད། ལྷ་ཁང་གྲུབ་ནས་དབུ་རྩེ་ན་ཡོ་གའི་ལྷ་སོགས་བརྟེན་པ་ལྷའི་ཚོགས་རྣམས་བཞེངས། ལྷ་ཁང་ལེགས་པོ་བྱུང་བས་འདིའི་ཉེ་སྐོར་གྱི་ཐང་རྣམས་ཀྱང་གསེར་དུ་འབྱུག་པ་འབྲོམ་རི་ཚུར་ཟུར་ནས་གསེར་འདོན་པར་དགོངས་པ་ན་དེའི་བཙན་གྱིས་ནམ་ཕྱེད་ཙམ་ལ་འོངས་ཏེ་དེ་ལྟར་མཛད་ན་ངའི་གསེར་ཐམས་ཅད་ཟད་འགྲོ་བས་ལྷ་ཚོགས་ལ་འབྱུག་རྒྱུའི་གསེར་འབུལ་བས་ལེན་པར་ཐོང་གསོལ་བ་བཞིན་རྟེན་གྱི་སྐུ་ཤ་ཐམས་ཅད་གསེར་ཆུས་བྱུགས། གསེར་རའི་མཆིན་པ་ཙམ་ཞིག་ལྷ་ཁང་ཞིག་གསོས་ཀྱི་ཐེབས་ལ་གཏེར་དུ་སྦས་པར་གྲགས། རབ་གནས་ཀྱི་ཚེ་ཟུར་ཆེ་ཆུང་གིས་རྣམ་སྣང་གི་དབུ་གཙུག་ནས་ཞུགས་ཐུགས་ཀར་ཐོན། ཐུགས་ག་ནས་ཞུགས་པ་སྤྱི་གཙུག་ཏུ་ཐོན་པ་ཀུན་གྱིས་མཐོང་བ་སོགས་ངོ་མཚར་གྱི་ཆོ་འཕྲུལ་ལ་བརྟེན་བཟོ་བོ་རྣམས་དད་དེ་ལྷ་ཁང་གི་རྒྱབ་ཏུ་བཀྲ་ཤིས་སྒོ་མང་གི་མཆོད་རྟེན་བཞེངས། བླ་མའི་མཚན་གནས་ལ་ཐོགས་ཏེ་དཔལ་འུག་པ་ལུང་དུ་གྲགས། རྩེ་མོ་བཞི་ལ་གོ་ཚོད་ཀྱི་དྲི་བ་མཛད་པར་ལན་ཕུལ་པས་ལྷ་རྗེ་དགྱེས་ནས་ཁྱེད་རྣམ་པའི་སྙིང་གཏམ་འདི་ཉོན་ཞིག །དམ་པའི་ལྷ་ཆོས་བྱེད་པ་ལ། ལམ་ལྟ་སྒོམ་སྤྱོད་པ་གསུམ་དུ་གདའ་ཞེས་སོགས་ཀྱི་ཞལ་གདམས་གསུངས། ལྷ་རྗེས་ཚོགས་པ་བསྐྱངས་ཤིང་ཟུར་ཆུང་པས་ཡང་དབེན་དུ་རུ་ལུའི་སྒྲུབ་པ་མཛད་(༡༢བ)

― GLG009_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཤངས་ཀྱི་སྒྲུབ་ཁང་གདོང་ལ་རྒྱུའི་ཧེ་རུ་ཀཿཞལ་གཅིག་ཕྱག་གཉིས་པ་ཞིག་ཕྲེང་ངེ་འདུག་པ་གཟིགས་ཏེ་བླ་མར་ཞུས་པས་ཁྱོད་ཀྱིས་དཔལ་ཆེན་པོའི་གྲུབ་པ་ཐོབ་པར་འདུག་པས་འུ་ཅག་རྣམས་འདེངས་གསུངས་ནས་ཤངས་ཀྱི་སྒྲུབ་ཁང་གདོང་དུ་ཕེབས། དེར་ལྷ་ཁང་བརྩིག་པར་ཐག་བཅད་ནས་ས་འདུལ་མཛད་པས་བླ་མ་དཔལ་ཆེན་དུ་མཐོང་བ་མང་པོ་བྱུང་། གྲ་པ་ཀུན་གྱིས་རྡོ་རེ་བསྐྱལ་ནས་ཟུར་ཆུང་པས་གྱད་རྡོ་ཞིག་བཞག་ཡོད་གླེངས་པས་མང་མ་ཚ་བ་ལ་སོང་ཤུལ་བདེ་གཤེགས་རྒྱ་བོས་ཕ་བོང་བསྒུལ་མ་ཐུབ་པ་རེ་ཕྱོགས་བཞི་མཚམས་བཞིར་བཞག་པས་གཞན་རྣམས་ཆགས་སྡང་དང་བྲལ་ཏེ་གུས་པར་གྱུར། འོག་ཁང་གི་ཀ་བ་འཁྱོག་པོ་བཞི་ཡང་མདའ་ལྟར་བསྲངས། ལྷ་རྗེས་གནུབས་ནམ་མཁའི་སྙིང་པོའི་ལུང་བསྟན་བཞིན་དཔལ་ཆེན་པོའི་སྐུ་བཞེང་བའི་སྟ་གོན་གྱི་ཚེ་ཏིང་ངེ་འཛིན་གྱིས་བཀུག་པས་ལྷ་བཟོ་མཁས་པ་འདྲ་ཆོས་ཞུ་བར་འོངས་པ་ཡིན་ཟེར་འབྱོར་བར་ཆོས་ཅི་འདོད་ཡོང་བས་དུས་ཀྱི་སྙིགས་མར་ནག་ཕྱོགས་རྣམས་འདུལ་བའི་དཔལ་ཆེན་པོའི་སྐུ་ཞིག་འགྲུབ་ན་འགྲོ་དོན་ཆེ་བས་གྲོགས་གྱིས་གསུང་བ་བཞིན་ཁས་བླངས། དམ་རྫས་དང་ས་སྣ་རྡོ་སྣ་སོགས་སྐུ་རྒྱུ་དང་བསྲེས་པའི་ཐོ་ཚད་ཅིག་བཞེང་བའི་ཞལ་བཀོད་མཛད། བཟོ་གང་ལེགས་བྱས་ཀྱང་ཞལ་གཟིགས་དང་མ་མཐུན་པས་སང་ང་ལ་བལྟས་ནས་བཞེངས་ན་ཡོང་བས་ཤོག་གསུངས་དེ་ཉིན་ཟུར་ཆུང་བ་དང་བཟོ་བོ་སོགས་འདུས་པར་བླ་མ་དཔལ་ཆེན་ཕྱག་གཉིས་པ། ཞབས་གཡས་འུག་པ་ལུང་གི་བྲག་གདོང་དང་། གཡོན་བཙད་པོ་པུར་ཁང་ཞེས་པའི་རི་རྩེར་བཞག་པས་བཟོ་བོ་རྣམས་རེ་ཞིག་དྲན་མེད་དུ་སོང་། དྲན་གསོས་ནས་སྐུའི་ལྟེ་བ་མན་ཆད་ཙམ་ལས་མི་དྲན་པ་འདུག་ད་ཞལ་གསུམ་(༡༣ན)

― GLG009_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་དྲུག་པ་ཞིག་སྟོན་པར་ཞུས་པས་དེ་འདྲ་མི་དགོས་ཞལ་གཅིག་ཕྱག་གཉིས་པ་ཞིག་བཞེངས་པས་ཡོང་གསུངས་པའི་ལྟེ་བ་མན་ཆད་བླ་མ་དཔལ་ཆེན་གྱི་སྐུར་བཞེངས་པ་ཇི་ལྟ་བ་ལ་སྐུ་སྟོད་ཚུལ་ལྡན་མ་བྱུང་བས། ཁྱེད་ཚོ་ལས་མ་དག་པའི་སྐྱོན་ཡིན་པས་སྐུ་རྒྱུའི་རྫས་རྣམས་སྦྱར་ནས་འདི་གར་ཞོག་ཁྱེད་རང་ཚོ་སྒྲུབ་ཆུ་ལ་ཁྲུས་དང་ལྷ་ཁང་ལ་སྐོར་བ་བདུན་བྱས་ནས་ཤོག །དེ་བར་ངས་ལྷ་ལ་གསོལ་འདེབས་བྱ་ཡི་གསུངས་པ་ལྟར་ནང་དུ་འོངས་ཙ་ན་སྐུ་སྟོད་རང་བྱོན་དུ་ཕེབས། ལྷ་རྗེས། ང་ཉིད་ལྟ་བུའི་གང་ཟག་ལ། །ང་ཉིད་ལྟ་བུའི་རྟེན་ཞིག་བྱུང་། །སྙིགས་མའི་དུས་སུ་འགྲོ་བ་འདྲེན། །ནད་དང་གདོན་གྱི་གཉེན་པོར་འགྱུར། །སྔར་ཡང་ཧེ་རུ་ཀཿ ཉིད་ལ་བརྟེན་ནས་ཧེ་རུ་ཀཿཉིད་བྱུང་བ་ཡིན་ལ། ད་ཡང་ཧེ་རུ་ཀཿ ཉིད་ལ་ཧེ་རུ་ཀཿཐིམ་པར་འགྱུར། ཞེས་མ་འོངས་པའི་ལུང་བསྟན་མཛད། རྒྱུད་ལུང་དང་མཐུན་པའི་ཁྲོ་མོ་བརྒྱད་དང་། ལྡེབས་རིས་ལ་མདོ་སྒྱུའི་ལྷ་ཚོགས་སོགས་རྒྱ་ཆེར་བྲིས། རབ་གནས་མངའ་གསོལ་གྱི་ཆས་དགོན་པར་ཟུར་ཆུང་པས་འོག་གདོང་བྲག་གི་ཀླུ་མིང་སྲིང་བཀུག་སྟེ་རྫ་མར་བཅུག །དེ་སྟེང་ནས་དཀར་མོ་གཙང་མས་བཀང་ལྷ་རྗེའི་སྐུ་ཕོད་བཀག །རྡོ་རྗེ་མདུད་པའི་རྒྱས་བཏབ་པས་ཆང་ལོ་ཟླར་མི་མཛད་པ་བྱུང་། ཕད་སྣོད་མང་པོ་གཡར་བར་རྩམ་པ་ཁྱོར་བ་རེ་བླུག་བླ་མས་གཏོར་མ་མཛད་པས་ནང་པར་སྣོད་ཐམས་ཅད་ཕྱེས་གང་། སྲམ་ས་བོན་གྲོང་པར་གླང་མང་པོ་གཡར་ནས་ཤ་ལ་ལོངས་སྤྱོད་སླར་གླང་རྣམས་ཕྱིར་གཏད་པས་ཤ་ཆང་ཟན་རྣམས་འཛད་པ་མེད་པའི་རྫུ་འཕྲུལ་བསྟན། བླ་མས་ལྡེར་སྐུ་ལ་མ་འོངས་འགྲོ་དོན་མཛད་འཚལ་ཞུས་པས་སྐུ་སྟོད་འགྱིང་ཞིང་ཧེ་ཧེ་གསུངས་པས་ད་ལྟ་བཞད་ཞལ་དུ་ཡོད། (༡༣བ)

― GLG009_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་རྟགས་བསྟན་པའི་ཤ་ཆང་ཟན་སོགས་ཀྱི་ལྷག་ཡོད་པས་དཔོན་སློབ་རྣམས་ཀྱིས་ལོ་གཅིག་གི་བར་སྒྲུབ་པ་བཙུགས། རྩེ་མོ་བཞི་དགོངས་པ་འགྲན་བཅུག་པས་གཞན་གསུམ་རི་བོ་ལྟར་མི་གཡོ་བར་བྱུང་ཡང་ཟུར་ཆུང་པ་ཏཱ་ལ་གང་ཙམ་འཕགས་ནས་བཞུགས། ཟུར་ཆུང་པའི་འཛབ་སྒྲ་སྒྲུབ་ཁང་། ཕྱི་རོལ། རི་སྣ་གསུམ་ནས་ཉན་པ་སོགས་ལ་ཆེ་ཆུང་མ་བྱུང་བས། ལྷ་རྗེའི་ཞལ་ནས། མཆེད་གྲོགས་མཉམ་པོ་ཡིན་ཡང་ཁྱེད་གསུམ་གྱིས་ཟུར་ཆུང་པ་ལ་འགྲན་པར་མི་ནུས་པའི་གཟེངས་བསྟོད། དཔོན་སློབ་རྣམས་གྲོག་པོའི་སུམ་མདོར་བྱོན་ནས་གཟིགས་རྟེན་བརྟེན་པ་རྣམས་ལེགས་པོ་བྱུང་ཞེས་བྲག་སྟེང་དུ་ཞབས་བྲོ་མཛད་པས་ལོང་བུ་མན་ཆད་འདམ་ལ་རྒྱབ་པ་ལྟར་སོང་། ཟུར་ཆུང་པས་ཞབས་རྗེས་ལ་བྱིན་རླབས་ཞུས་པས་རལ་པའི་ཐོར་ཚུགས་ནས་སྙན་ཆ་ཡན་འཇིམ་པ་ལ་བཅུག་པ་ལྟར་ཤུལ་ལམ་མེ་གསལ། འུག་པ་ལུང་དུ་འབྲས་བུ་དཔལ་ཆེན་པོ་ཞལ་གསུམ་ཕྱག་དྲུག་པའི་ལྷ་ཁང་བཞེང་བར་བྱོན་པའི་ཚེ་ཟུར་ཆུང་པ་མཁའ་ལ་འཕུར་ནས་བྲག་རྒྱ་བོར་བཞུད། ལྷ་རྗེ་ཞབས་ཆུ་ལ་མ་རེག་པར་བྱོན་པའི་རྗེས་སུ་ཉེ་གནས་ཀྱི་བླ་མ་ལ་འཇུས་ནས་འོང་མ་ནུས་པས་གཙང་པོ་ཕ་རིར་ལུས། ཀོ་བ་སྒུག་རིང་ཁ་སྐོམ་ཏེ་ཆང་བཙགས་ནས་བཏུང་པ་ཆང་བཙོས་ནས་ལོ་གཅིག་དང་ཟླ་བ་བཞི་སོང་བས་འདིར་གཅིག་བཅུག་ཡོད་པ་འདུག་བསམ་བལྟས་པས་སྦྲུལ་གཉིས་ཕྱིར་ཐོན། དེ་ནས་ཆང་མ་བྱུང་བས་རྟེན་འབྲེལ་འཕྱུགས་ཏེ་ལྷ་ཁང་མ་འགྲུབ། ལྷ་རྗེ་ཆེན་པོར་སྐུ་བསོད་རྒྱས་པའི་སྐབས་ཉ་རིན་མ་མ་གཡུང་དྲུང་བཀྲ་ཤིས་བཟའ་མི་གཉིས་དགེ་བ་བྱ་འདོད་ནས་མཆོད་གནས་སུ་བཟང་དྲིས་པས་བན་སྔགས་བོན་གསུམ་ལ་ཁ་མ་འཆམ་པས་གསུམ་ག་གདན་དྲངས་ནས་ཚོགས་གསོག་བྱས། ལྷ་(༡༤ན)

― GLG009_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

ཁང་བཞེང་བའི་ཡོན་སྦྱར་ནའང་རྟེན་གྱི་གཙོ་བོ་ལ་མཆོད་གནས་གསུམ་མ་དད་པས་སོ་སོར་བརྩིགས། འུག་པ་ལུང་པས་བོན་པོ་དང་བསྡེབས་ནས་བརྩིག་པར་བརྩམས་པའི་ཚེ་བན་བོན་ལྷ་བསྲེས་ན་མི་ལེགས་པར་དགོངས་ཏེ་རྩིགས་པས་བོན་པོར་བྱིན་ནས་སྒྲོ་ཕུག་ཏུ་བརྩིགས་པ་ན་སྒྲོ་ཕུག་གི་རྒྱབ་རི་ལྷ་རི་གདོང་དང་ཐང་གི་ཡང་གདོང་གཉིས་ལ་རི་སྦུབས་སུ་བཅུག་པའི་གསེར་འབུམ་རེ་བྱེད་གསུངས་པས་ལྷ་རི་གདོང་གི་གཞི་བདག་དང་རྟ་ནག་འབྲོང་རི་ཚུགས་པོ་གཉིས་འོངས་ནས་གསེར་འབུམ་མོ་བཞེང་བ་དང་གསེར་ཅི་འདོད་འབུལ་བར་ཁས་བླངས། ལྷ་རྗེས་ལེན་པར་བྱོན་པར་ཕ་བོང་ཁ་ཕྱེ་བའི་ནང་ནས་གསེར་ཀ་པཱ་ལ་གང་བསྣམས། འབྲོང་རིར་རྣལ་འབྱོར་ལྔ་བཏང་བ་རྡོ་དཀར་ཞིག་བཏེག་པའི་འོག་ནས་གསེར་བྱུང་བ་གསུམ་གྱིས་བླ་མའི་བཀའ་བཞིན་སྲོག་ཆགས་ཀྱི་གཟུགས་བྱུང་བ་དང་འཕྲོ་བཅད་ནས་འོངས། གཉིས་ཀྱིས་སྲེད་པ་བྱས་པས་གསེར་ཁུང་རྡིབ་པའི་འོག་ཏུ་ཤི །གསེར་གྱི་ཁྲོད་དུ་མནལ་ལམ་དང་མཐུན་པའི་གསེར་རའི་མཆིན་པ་ཙམ་ཡང་བྱུང་། རྟེན་གྱི་རྒྱུ་ཆར་སོང་བའི་ལྷག་མ་བྲེ་གསུམ་ཙམ་ལྷ་ཁང་ཞིག་གསོས་ཀྱི་ཐེབས་སུ་གཏེར་དུ་སྦས། བླ་མའི་གསུང་བཞིན་ཟུར་ཆུང་བས་མདོ་དགོངས་འདུས་བཤད་པས་དུས་གཅིག་ལ་དཔེ་འགྲེམས་སུམ་བརྒྱ་ཙམ་བྱེད། རིམ་གྱིས་གཡས་རུ་ཁང་ཁྲིའི་ལྷ་ཁང་དུ་འཆད་ཉན་སྐྱོང་བའི་དུས་གོ་མ་ཆོད་མི་གསུམ་ལ་གྲ་པ་རྣམས་གཏད་ནས་བྲག་རྒྱ་བོའི་དབྱིབས་དཔལ་ཆེན་པོ་གཽ་རཱ་མ་བརྒྱད་ཀྱིས་བསྐོར་བའི་རྣམ་པར་ཡོད་པས་བྲག་རྒྱ་བོ་དགུ་འདུས་སུ་གྲགས་པར་བྱོན་ནས་སྒྲུབ་པ་མཛད་པའི་ཚེ་སྲོག་ཆགས་སྡིག་པ་རེའུ་ཙམ་པ་དང་གཞན་ཡང་གྲངས་མེད་པ་དངོས་སུ་བྱུང་ཞིང་། མནལ་ལམ་དུ་མི་ནག་པོ་(༡༤བ)

― GLG009_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་གིས་ཐག་གི་ཐང་ལ་བསྐྱུར་བ་མནལ་སད་ཙ་ན་ཐང་དེ་གར་བྱོན་འདུག་པ་ཡང་མེད་པར་གནས་དེ་ཉིད་དུ་སྒྲུབ་པ་མཛད་དེ་སྒྱུ་འཕྲུལ་ལས་བྱུང་བའི་རྡོར་སེམས་ལ་བསྒྲུབས་པས་ཞལ་གཟིགས་ཤིང་ཐག་གི་ལུང་པ་ཐམས་ཅད་རྡོ་རྗེ་སེམས་དཔས་གང་བ་བྱུང་བ་བསམ་གཏན་གྱི་མཐུ་ཙམ་ལས་དོན་དམ་པར་ཅི་ཡང་མེད་སྙམ་དུ་རྒྱུན་བསྐྱངས་པས་རྫོགས་པ་ཆེན་པོ་རང་སྣང་རིག་མེད་ཀྱི་དགོངས་པ་ཤར་ཏེ་རྡོས་བཅས་ཀྱི་དངོས་པོ་གང་ལའང་མི་ཐོགས་པར་བྱུང་། དེ་ཚེ་སྦ་དགེ་མཐོང་བྱ་བ་མཚན་ཉིད་པའི་སློབ་དཔོན་ཞིག་གི་གྲ་པ་འདྲ་འདས་ནས་ཀ་བ་ཆོས་ཅན་དུ་བཟུང་ནས་ཐལ་འགྱུར་འཕངས་པ་ན་ངེད་རྫོགས་ཆེན་པ་རང་སྣང་རིག་མེད་ལ་ཀ་བ་མི་གདའ་ཞེས་ཀ་བ་ལ་ཕྱག་དབྱུག་དབྱུག་མཛད་པས་ཐོགས་མེད་སོང་བས་དད་པ་ཐོབ་ནས་སློབ་མར་གྱུར་པ་མ་ཐོགས་བྱང་འབར་དུ་གྲགས། གནས་དེར་ལོ་བཅུ་བཞིའི་ངོ་མཐོང་སྒྲུབ་པ་མཛད་དེ་དགོན་པར་འབྱོན་རྐྱེན་སྔར་སློབ་དཔོན་དུ་བསྐོས་པའི་མགོ་བྱ་ཆས་གསང་སྙིང་འདི་ལ་ཐབས་ལམ་གྱི་དུས་རྒྱབ་ཆོས་སུམ་རྒྱུད་དགོས་ཟེར་ནས་འགོས་ལ་དགྱེས་རྡོར་ཉན་པར་ཕྱིན། མིག་ཆུང་དབང་སེང་གིས་སྒྱུ་འཕྲུལ་གྱི་དཀྱིལ་འཁོར་ཕྱིར་འདོན་པའི་དུས་སུ་ཡོ་ག་དགོས་ཟེར་ནས་སུམ་པ་ཡེ་འབར་ལ་ཡོ་ག་ཉན་དུ་ཕྱིན། འོག་ཆུང་དབང་ངེས་སྒྱུ་འཕྲུལ་འདི་ལ་གྲུབ་མཐའ་འཛིན་པར་ཚད་མ་དགོས་པ་འདུག་ཟེར་ནས་སྤང་ཁ་དར་ཆུང་པའི་སར་ཚད་མ་ཉན་དུ་ཕྱིན་ཏེ་གོ་མ་ཆོད་གསུམ་གྱི་བསྟན་པ་མ་ཟིན་པ་དང་། ལྷ་རྗེ་ཆེན་པོའི་སྒོ་ཕུག་གི་གཙུག་ལག་ཁང་བརྩིགས་པའི་ཕྱག་རྗེས་ཀྱི་འཇུག་སྐྱོང་མཛད་དགོས་པར་བྱུང་སྟེ་བླ་མ་གཤེགས་པའི་གོང་དུ་བྲག་རྒྱ་བོ་ནས་བོས་ཏེ་གདན་སར་བསྐོས། ཟུར་ཆུང་པས་ཀྱང་ང་བཞིན་སློབ་མ་སྐྱོངས། རྗེས་འཇུག་(༡༥ན)

― GLG009_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱིས་ཀྱང་བཀུར་དགོས་པའི་ཞལ་ཏ་མཛད། ལྷ་རྗེ་སྲམ་སྒྲུབ་ཁང་དུ་ཕེབས། ཞོགས་པ་ཞིག་ཉི་མ་རྩེར་ཤར་ལ་ཉེ་གནས་ཀྱིས་ཕྱིན་ཙ་ན་བླ་མ་སྐུ་ཚགས་མཛད་ཟིན་འདུག་པར་གང་ལ་ཐེགས་དྲིས་པར། ང་བདེ་བ་ཅན་དུ་འགྲོ་ཞེས་ཕྱག་གཉིས་ཀྱིས་རྡོར་དྲིལ་བཟུང་འོད་ཀྱི་རང་བཞིན་དུ་གྱུར་ནས་དཔལ་ཆེན་པོའི་ཐུགས་ཀར་འོད་ཟེར་ཁ་དོག་ལྔ་ལྡན་ཤིན་ཏུ་འཚེར་བ་ཞིག་འཕྲོ་འདུ་ལན་གསུམ་བྱས་ནས་རྡོས་བཅས་ཀྱི་དངོས་པོ་རྣམས་ཆོས་ཉིད་ཟད་སར་འཁྱོལ་ཏེ་ཆོས་སྐུའི་ཀློང་དུ་ཐིམ་ནའང་ལས་མ་དག་པའི་ངོར་ཡང་དབེན་དུ་ཁམས་པ་ཞིག་ལ་གསང་དབང་དངོས་སུ་བསྐུར་བ་ལ་ལོག་ལྟས་དབང་མ་ཞུས་པར་སོང་བ་བསྒྲལ་ཞིང་དུ་དགོངས་ཏེ་མངོན་སྤྱོད་མཛད་པས་སྟག་གྲུ་ཁར་ཤི་བ་གནས་སྤར། སློབ་མ་དམ་ཉམས་པའི་རྐྱེན་གྱིས་བླ་མའང་རིགས་འཛིན་གྱི་གྲལ་དུ་གཤེགས་པའི་ཡང་དབེན་གྱི་མར་གདོང་ན་པུར་སྦྱངས་པའི་མཆོད་རྟེན་ཞིག་བཤུལ་དང་པུར་སོལ་ཡོད་སྐད་དོ། །ལྷ་རྗེ་ཟུར་བུ་ཆེ་གཤེགས་པའི་དགོངས་རྫོགས་སུ་སྒྲོ་ཕུག་གི་ལྷ་ཁང་མཇུག་སྐྱོང་དང་རབ་གནས་མཛད། འཆད་ཉན་ཤིན་ཏུ་འཕེལ་བས་སློབ་མ་མང་དུ་འདུས་པའི་ཀ་བ་བཞི་ནི་ཁྱུང་པོ་གྲགས་སེང་གིས་ལྷ་རྗེ་འུག་པ་ལུང་པ་སུན་འབྱིན་པར་གྲ་པ་མཁས་པ་བཞི་བཏང་བའི་སྐྱོ་སྟོན་ཤཱཀ་ཡེས་ཁྱེད་རྫོགས་ཆེན་པའི་ལུགས་ཀྱི་སྒྲུབ་པ་ཁོ་ན་མཛད་དམ་དྲིས་པར་ང་དམིགས་པ་གང་ལ་བསྟད་འདུག་གསུངས། འོ་ན་མི་སྒོམ་པ་ལགས་སམ་ཞེས་པས་ང་གང་ལ་གཡེངས་འདུག་གསུངས་པས་སྤོབས་པ་ཞུམ། དེ་རྗེས་གླན་ཤཱཀ་བཟང་གིས་ཁྱེད་སྒྱུ་འཕྲུལ་བ་སྣང་བ་ཐམས་ཅད་ལྷ་དང་ལྷ་མོར་འདོད་དམ་དྲིས་པར་ཡུལ་བེམ་པོ་རང་རྒྱུད་དུ་སྣང་བ་མངོན་སུམ་གྱི་ཚད་མ་སུས་འགབས་གསུངས། འོ་ན་(༡༥བ)

― GLG009_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འདོད་དམ་བྱས་པས་སེམས་ཅན་རྣམས་ཀྱི་མ་དག་པའི་འཁྲུལ་སྣང་རང་རྒྱུད་པ་སྤྱོད་པར་བྱེད་པའི་ཆེད་དུ་བཀའ་མདོ་རྒྱུད་དུ་མ་ལས་འབྱུང་བ་དང་སུས་འགལ་བར་ནུས་གསུངས་པས་ལན་མེད་དུ་གྱུར་པ་ན་ཁོང་བཞི་པོས་བླ་མ་ཁྱད་པར་ཅན་འདི་འདྲ་རྙེད་པར་དཀའ་བས་བླ་མ་ཁྱུང་པོ་དང་ཐབས་ཀྱིས་བྲལ་ནས་དྲུང་དུ་འོང་བའི་བྲོ་བོར། ཁྱུང་པོ་གྲགས་སེང་གིས་སུན་དབྱུང་ངམ་དྲིས་པར་མ་ནུས་ཚུལ་བརྗོད་པས་ལྟ་ལོག་མཁན་དེ་འདྲ་བསད་ན་སངས་རྒྱས་ཐོབ་གསུངས་པ་གསན་པས་ལྷ་རྗེ་རྒྱ་བོར་ཆོས་ཁྲིའི་ཁར་ཕེབས་པའི་ཚེ་སྦྱོར་སྒྲོལ་གྱིས་འཚང་རྒྱ་བ་སྔགས་ལུགས་མ་གཏོགས་མེད་སྙམ་ཡང་ཁྱུང་པོ་གྲགས་སེང་ལྟ་བུའི་མཚན་ཉིད་པའང་བློ་ཕུགས་ངའི་ཆོས་ལ་གཏོད་པར་འདུག་གསུངས་བཞད་སྐད། མཚན་ཉིད་པ་བཞི་པོ་སློབ་མར་གྱུར་པ་ནི་སེམས་ཕྱོགས་ཀྱི་ཀ་བ་གུང་བུའི་སྐྱོ་སྟོན་ཤཱཀ་ཡེ། མདོའི་ཀ་བ་སྐྱེད་ལུང་གི་ཡང་ཁེན་བླ་མ། སྒྱུ་འཕྲུལ་གྱི་ཀ་བ་ཆུ་བར་གྱི་གླན་ཤཱཀྱ་བཟང་པོ། འཕྲིན་སྒྲུབ་ཀྱི་ཀ་བ་ནག་མོ་རིའི་མདའ་ཏིི་ཆོས་ཤཱཀ་བཞི། གདུང་བརྒྱད་ནི། མ་ཐོག་པ། སྐྱ་སྟོན་ཆོས་སེང་། གླན་ཤཱཀྱ་བྱང་ཆུབ། ཅཀ་ཤཱཀ་རིན། གནུབས་སྟོན་བག་མ། དབུས་པ་ས་འཐོར། ཤུ་སྟོན་ཟླ་གྲགས། རྩེ་ཁྲམ་བྱང་དཔལ་དང་བརྒྱད། སྒོམ་ཆེན་གཉིས་ནི། འབའ་སྒོམ་དིག་མ། བོན་སྒོམ་དོ་བོ། ཡུས་བོ་ཆེ་ནི། ལ་སྟོད་ཀྱི་ཟི་སྟོན་བསོད་རྒྱལ། ལྕམ་བཅུ་དྲུག །དྲལ་མ་སུམ་ཅུ་རྩ་གཉིས། དཀྱུས་མ་མི་གཉིས། སྟ་ཀུ་ར་མི་གཉིས། གོ་མ་ཆོད་མི་གསུམ་ལ་སོགས་པ་མང་དུ་བྱུང་། ལྷ་རྗེ་འདི་ཉིད་ཀྱིས་འུག་པ་ལུང་དུ་སྔ་ཆོས། སྒོ་ཕུག་ཏུ་གུང་ཆོས། བྲག་རྒྱ་བོར་དགོངས་ཆོས་གསུངས། ལྷ་རྗེ་རྒྱ་བོ་ལ་སྔགས་རྙིང་མ་བའི་ཁྲོད་ནས་མི་འདུད་པ་མེད་པ་ཙམ་ཡོད་པར། འགོས་ལྷས་(༡༦ན)

― GLG009_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

བཙས་ཀྱིས་གསར་མ་བ་རྣམས་ལྷ་རྗེ་འུག་པ་ལུང་པ་ལ་ཕྱག་མི་འཚལ་བའི་ཁྲིམས་བཅས་པའི་སྐབས་ཤིག་ཤངས་སུ་སྟོན་མོ་ཞིག་གི་གྲལ་དབུར་ལྷ་རྗེ་བཞུགས་པ་དང་འགོས་དཔོན་སློབ་བྱོན་པ་འགྲིག་ནས་འགོས་ཀྱིས་ཕྱག་མཛད་པ་ན་གྲ་པ་རྣམས་ཀྱིས་ཅི་ཡིན་དྲིས་པས་ཁོའི་སར་སླེབས་ན་དཔལ་ཆེན་པོའམ་དེ་ཡིན་སྙམ་པ་ལས་འདུ་ཤེས་གཞན་མི་འཆར་གསུངས་སྐད། རྒྱ་བོར་བཞུགས་དུས་ནམ་ཕྱེད་ལ་རྟ་པ་དཀར་པོ་ཞིག་བྱུང་ནས་ཤར་རི་དཔལ་གྱི་རྩེ་ལ་བྱོན་ཟེར་བ་ལྟར་ཕེབས་པའི་རྫིས་ར་ཞིག་ཏུ་དྲོ་བསྟབ། ལྷ་ཟེ་མོའི་རྩེར་མཁའ་འགྲོ་མ་རྣམས་ཀྱིས་བྲོ་འཁྲབས་པའི་རྗེས་སུ་བཞེས་པ་མཛད་དགོངས་པར་ཆས་རྣམས་རྫིས་རར་ལུས་པས་ཕྱིར་བྱོན་པ་དེར་གསོལ་ཟན་གྱི་ལྷག་མ་ལ་ཙན་དན་དཀར་པོའི་མྱུ་གུ་ཞིག་སྐྱེས་པ་རྙིང་མའི་བསྟན་པ་རྒྱས་པའི་རྟེན་འབྲེལ་དུ་དགོངས་ཏེ་ལྷ་ཁང་ཀ་དགུ་མ་ཞིག་བཞེངས་པ་ཉིན་མོ་མི་ལས་མཚན་མོ་མཁའ་འགྲོས་བརྩིགས་པ་འོལ་ཆེ་བར་བྱུང་བས་མཁའ་འགྲོ་ལྷ་ཁང་དུ་གྲགས། ལེགས་ལྡན་ཚོགས་ཀྱི་མགོན་པོ་རྙིང་བསྟན་སྤྱི་དང་ཁྱད་པར་ཟུར་པའི་བསྟན་པ་བསྲུང་བར་དམ་བསྒྲགས། ཀ་བ་དགུ་ལ་ཡང་དག་ལྷ་དགུ་བཞེང་བའི་དགོངས་པ་ཡོད་པ་དེ་དང་ཉེ་བའི་སྒྲུབ་ཁང་གདོང་དུ་སྐུ་སྙེས་མཛད། སྒྲོ་ཕུག་གི་ལྷ་རི་གདོང་ལ་ཞབས་གཡས་བརྐྱང་། སྒྲུབ་ཁང་གདོང་དུ་གཡོན་བརྐྱང་བའི་འབྲས་བུ་ཧེ་རུ་ཀཿཞིག་གཟིགས་པས་ཞབས་གཡོན་པའི་ཐད་དུ་ཧེ་རུ་ཀཿཞལ་གསུམ་ཕྱག་དྲུག་པའི་ལྷ་ཁང་བཞེངས། འགྲོ་དོན་རྒྱ་ཆེ་བའི་ངང་ནས་དགུང་ལོ་དྲུག་ཅུ་རེ་གཅིག་གི་དུས་བྲག་རྒྱ་བོ་ནས་ཨོ་རྒྱན་མཁའ་འགྲོའི་གླིང་དུ་གཤེགས། གདུང་ཞུགས་འབུལ་གྱི་ཚེ་མེ་ཏོག་གི་ཆར། འཇའ་འོད་ཀྱི་གུར། དྲི་ངད་བཟང་པོ་སྒྲ་སྙན་པ་སོགས་ཀུན་གྱི་(༡༦བ)

― GLG009_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་ཡུལ་དུ་གྱུར་ཅིང་ལས་དག་པ་འགས་ལྷའི་གདུགས་རྒྱལ་མཚན་བ་དན་ཡང་མཐོང་སྐད། པུར་དུད་བྲག་ལ་ཆགས་པར་མཆོད་རྟེན་རང་བྱོན་བྱུང་། གདུང་རིང་བསྲེལ་ཕལ་ཆེར་མཁའ་འགྲོས་གདན་དྲངས། སྔར་བྲག་རྒྱ་བོར་ལོ་བཅུ་བཞི་ཙམ་བཞུགས་དུས་སྤྱན་དང་ཞལ་ལ་སྡོམ་གྱི་བ་ཐག་ཆགས་པ་ཉེ་གནས་ཀྱིས་ཆུས་ཤིང་འཐེན་པས་སྤྱན་ཧུར་གྱིས་གཟིགས་ནས་ང་དེ་གར་བཞག་ན་ཐོད་པ་མགོ་ལ་མི་འགེབས་པ་ཞིག་ཡོང་རྒྱུར་ད་སྐྱེ་བ་ཞིག་ལེན་དགོས་པ་འདུག་གསུངས་པ་རྗེ་བཙུན་ས་པཎྜི་ཏ་ཡིན་པར་སྣང་ངོ་། །ལྷ་རྗེ་ཟུར་ཆུང་པའི་ཇོ་མོར་བཙད་མོ་དར་མ་བོ་དྷི་བྱོན་པར་སྲས་ཇོ་བཙུན་རྡོ་རྗེ་འབར་དང་སྲས་མོ་ཤཱཀྱ་ལྕམ་མོ་གཉིས་འཁྲུངས་འདི་ནས་མང་དུ་མཆེད་པའི་སྲས་སྔ་ཚར་ཟེར་ཆོས་ཞུ་བ་འཁྲིད་ནས་རིམ་གྱིས་ཐུགས་མཐུན་པའི་གསང་ཡུམ་མདའ་ཏི་ཇོ་ཤཱཀ་གི་ལྕམ་མདའ་མོ་གཙུག་ཏོར་ལྕམ་བྱ་བ་ཁབ་བཞེས་མིན་པར་བརྟེན་གྲ་པ་རྣམས་ཀྱིས་སྡང་བར་བྱས་པ་ན་སྐྱོ་སྟོན་ཤཱཀ་ཡེ་ལ་འདིའི་སྲིན་ལག་ལ་བསྟན་པའི་གཙོ་བོ་ཞིག་འདུག་པ། གླན་ལ་ཇོ་མོའི་ལུས་ལ་སངས་རྒྱས་ཀྱི་སྐུ་ཐིམ་པ། མདའ་ཏི་ཇོ་ཤཱཀ་ལ་སྤྱི་གཙུག་ནས་གསེར་གྱི་རྡོ་རྗེ་ཐིམ་པ་སྟེ་སློབ་མ་གསུམ་གྱིས་མནལ་ལམ་དང་ལྷ་རྗེའི་ཞལ་ནས་འདིའི་ལུས་ལ་ཕྱག་རྡོར་གྱི་སྐུ་ཞིག་ཐིམ་པས་བདེ་བར་ཞོག་གསུངས་པ་ལྟར་རིང་ཞིག་ནས་སྲས་བལྟམས་པར་མནལ་ལྟས་དང་བསྟུན་ནས་ཡབ་ཀྱིས་ཤཱཀྱ་སེང་གེར་བཏགས། སྤྱན་རྩ་གྲུང་བས་ཡུམ་གྱིས་ཧོར་པོ་ཞང་པོ་ནས་གྲས་ཏེ་མདའ་ཚ་ཧོར་པོ། ཕྱིས་སྒྲོ་ཕུག་ཏུ་བསྟན་པ་བསྐྱངས་པས་གསང་བདག་སྒྲོ་ཕུག་པར་གྲགས། དེའི་ཚེ་ཡབ་ཀྱིས་སྤོང་དག་མཛད་པ་དང་ཐུག་ནའང་བཙུན་མ་ཞིག་གིས་ནས་བོང་རྒྱབ་བརྒྱ་དང་མར་ཁལ་བརྒྱ་ཙམ་ཕུལ་པས་རྐན་མར་ཐོགས་མེད་དུ་(༡༧ན)

― GLG009_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་། དུས་དེར་མདོ་ཁམས་ནས་ཇ་དང་གསེར་གྱི་འབུལ་པ་གཏོས་ཆེན་བྱུང་བར་གྲགས། ཡབ་སྔ་མ་ནས་གཤེགས་ཀྱང་ཡུམ་དང་ཞང་པོས་བསྐྱངས། དགུང་ལོ་བཅོ་ལྔ་ཚུན་མདའ་ཕུར་བཞུགས་ནས་ཡིག་ཆོས་དང་སྒྲུབ་འཕྲིན་བསླབས། དེ་ནས་གླན་དང་ཁྱེད་ཀྱི་སར་བྱོན་ནས་ཡབ་ཆོས་ཀྱི་རྒྱུད་ལུང་མན་ངག་ལ་སྦྱངས། དགུང་ལོ་བཅུ་དགུ་པ་ལ་གདན་སར་ཕེབས་པ་སྐུ་བསོད་ཆེ་བས་སྐྱོའི་སར་ལོ་གཅིག་ཙམ་མ་གཏོགས་ཆོས་འཚོལ་བར་འབྱོན་མ་ཐུབ་པས་ཚུར་གདན་དྲངས་ཏེ་ཀ་བ་བཞི་ལ་མདོ་སྒྱུ་འཕྲུལ་སེམས་ཕྱོགས་གསུམ་གྱི་རྒྱུད་མན་ངག་འཕྲིན་སྒྲུབ་དབང་། གླན་ལ་རྫོགས་ཆེན་སྐོར་ལུགས། ལྷ་རྗེ་ཤངས་པ་ནག་པོ་ལ་རྫོགས་ཆེན་པ་རྒྱུད་པ་ཐ་མའི་སྐོར་རྒྱུད་གདམས་ངག་དང་བཅས་པས་མཚོན་ཏེ་བླ་མ་མང་དུ་བསྟེན་ནས་མཁས་པའི་མཐར་སོན་པས་ཟུར་ཐམས་ཅད་མཁྱེན་པར་གྲགས། འགྲོ་ཕན་ཤིན་ཏུ་ཆེ་བས་སློབ་མ་གདུགས་ཐོགས་པ་སྟོང་། པོ་ཏིའི་ཁ་ཕྱེ་བའི་ཤོབ་སྒྲས་ཉ་རི་ལུང་པའི་ལུག་གི་ཁྱུ་འདྲོགས་པ་ལྟ་བུ་བྱུང་། ཆོས་གྲྭར་ཆོས་ཉན་པའི་གོ་ས་དགའ་མི་དགའ་ལ་གསེར་ཐང་ནས་ཁལ་ཉི་ཤུ་རྩ་བཞི་མའི་དུས་ཀྱིས་ཞོ་རེའི་འཇལ་ལེན་བྱེད་པ་བྱུང་། དེ་དག་ནས་ཐུགས་ཟིན་པའི་སློབ་མ་བཞི་གསུམ་བཅུ་གཉིས་ཀྱི་ནག་པོ་བཞི་ནི་ཟུར་ནག་འཁོར་ལོ། རྒྱ་ནག་སྐྱི་མཁར་པ། ཉང་ནག་རྡོ་པོ། ལྕེ་ནག་དཔལ་སེང་། སྟོན་པ་བཞི་ནི། ཉེ་སྟོན། ཞང་སྟོན། གྱབས་སྟོན། རྒྱ་སྟོན། མེས་བཞི་ནི། གཙང་པ་ཁྱི་སྟོན། གཡུང་སྟོན་ཧོར་པོ། སྤོང་སྟོན་ལྕགས་ཀྱུ། དབུས་པ་ཆོས་སེང་རྣམས་ཡིན་ལ་དེའི་ནང་ནས་རྒྱ་ནག་སྐྱི་མཁར་བས་རྒྱ་བརྩོན་སེང་སུན་དབྱུང་བ་སོགས་ལ་བླ་མ་དགྱེས་ཏེ་མན་ངག་ཕྲ་མོ་ཚུན་ཆད་གནང་བས་སློབ་མ་གཞན་ལས་གདམས་པ་ཆེ། སྐབས་(༡༧བ)

― GLG009_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིག་སྟོན་པ་བཞི་པོར་ཚོགས་ཆས་ཁྱེར་ཤོག་གསུངས། ལྷ་རྗེས་ཀྱང་བསྣམས་ཏེ་དཔོན་སློབ་ཐམས་ཅད་ལྷ་རི་གདོང་གི་རྩེར་བྱོན་ཚོགས་འཁོར་མཛད། ཁྱེད་རྣམས་ང་མེད་པ་ལ་མྱ་ངན་མ་བྱེད་ཅེས་གདམས་ནས་གསུང་མགུར་རེ་དང་སྦྲགས་ནམ་མཁའ་ལ་འཕུར་ཏེ་མི་མཐོང་བ་ཙམ་དུ་གཤེགས་པ་ན་སློབ་མ་རྣམས་ཀྱིས་སྡུག་བསྔལ་གྱི་རྣམ་འགྱུར་མང་པོ་དང་བཅས་མཚན་ནས་བོས་པས་བླ་མ་མར་བྱོན་ནས་ངས་ཁ་བརྡ་བཅག་པ་ལ་མི་ཉན་པ་བརྒྱུད་པ་ལ་ཤིས་པ་བག་མི་ཡོང་གསུངས། ལོ་ཕྱི་མ་ལ་མྱ་ངན་ལས་འདས་ཏེ་པུར་སྦྱོང་བའི་ཚེ་སྔགས་གཞོན་ཆས་མཛེས་ཤིག་གིས་རྟ་ངང་པ་བཟང་པོར་དུང་གི་སྒ་རང་གུག་ལེགས་པོ་ཞིག་གཏད་ནས་ཕུལ་བ་རྩད་མ་ཆོད་པ་ལྷས་གདུང་འབུལ་བྱས་པར་གྲགས། གཞན་ཡང་ཀླུ་དང་གནོད་སྦྱིན་སོགས་ཀྱིས་ནོར་བུ་མང་པོ་ཕུལ། མདོར་ན་ལྷ་རྗེ་འདི་ཉིད་གསང་བདག་མིའི་སྲིད་པ་བཟུང་བའི་སྔ་འགྱུར་གྱི་བསྟན་པའི་ཉི་མ་ཆེན་པོ་ཞིག་གོ །འདི་ཉིད་ལ་སྲས་རྡོ་རྗེ་གྲགས་དེ་ནས་མང་དུ་འཕེལ་བ་ལ་ཕྱི་ཚར་དུ་གླེང་མོད་ཡོངས་གྲགས་སྒྲོ་ཕུག་པ་ཆེན་པོ་ཚངས་པར་སྤྱོད་པས་སྲས་མེད་པར་གྲགས། ལྷ་རྗེ་ཟུར་པོ་ཆེའི་གཅུང་སྒོམ་ཆེན་རྡོ་རྗེ་འབྱུང་གནས་ཀྱི་སྲས་ཟུར་རལ་པ་ཅན་ཞེས་ཆོས་སྐྱོང་བྲན་དུ་འཁོལ་ཞིང་སྦྱོར་སྒྲོལ་མཐར་ཕྱིན་པས་སྔགས་ནག་ཅིག་བྱུང་། དེའི་སྲས་ཟུར་ཤཱཀྱ་མུ་དྲ། དེའི་སྲས་རྡོ་རྗེ་དབང་ཕྱུག་དང་ཟུར་བཟང་སྒོམ་གཉིས་བྱུང་བ་ཟུར་ལུགས་ཀྱི་འཕྲིན་སྒྲུབ་བརྒྱ་ལུགས་སོགས་ལ་མཁས་པར་གྲགས། རྡོ་རྗེ་དབང་ཕྱུག་ལ་སྲས་ཟུར་ཨ་མེས་ཤེས་རབ་བློ་གྲོས། ཟུར་སྟོན་བླ་མ། ཟུར་ཨ་མེས་ཤེས་རབ་འབྱུང་གནས་གསུམ། ཨ་མེས་ཤེས་རབ་བློ་གྲོས་ལ་སྲས་ཟུར་རྡོ་བཙུན་ཤེས་རབ་བཟང་པོ། ཟུར་ལྷ་རྗེ་རྡོ་ཁམ། ཟུར་ལྷ་རྗེ་དབང་(༡༨ན)

― GLG009_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

ངེ་། ཟུར་དཔལ་ལེ་དང་བཞིའི་ཤེས་རབ་བཟང་པོ་ནི་བདུད་རྩི་སྨན་སྒྲུབ། ཐུན་མོང་ཚེ་སྒྲུབ། དངོས་གྲུབ་བམ་སྒྲུབ། མཆོག་གི་ཡང་དག་སྒྲུབ་པ་བཞི་ལ་ཤིན་ཏུ་མཁས། ཨ་མེས་ཤེར་བློ་ནས་གདུང་ཐོར་བུ་འཕེལ། ཟུར་ཤེར་བཟང་གིས་སྲས་ཟུར་ཧེ་རུ་ཀས་ནག་ཆང་ཤར། ཀ་ཚ་གོང་འོག །འུག་པ་ལུང་གི་བླ་བྲང་རྣམས་བཞེངས་ཤིང་དགོངས་མཁྱེན་མཐོ་བར་གྲགས། དེའི་སྲས་ཟུར་འོད་པ་ནི་ཤོང་པའི་བླ་མ་ཉང་གི་གདུང་བརྒྱུད་དུ་འཁྲུངས་པའི་ཚེ་སྐྱེ་བ་ཕྱི་མ་འུག་པ་ལུང་དུ་འབྱོན་པ་དང་སྐུ་ཚེ་འདི་ལ་སྔོན་གནས་གསང་བ་དྲན་པས་སྐུ་སྐྱེ་སྔ་ཕྱིའི་སློབ་མ་མཐའ་དག་སྐྱོང་བར་མཛད། ཇོ་མོ་མ་གཅིག་དཔལ་དགེ་ལ་སྲས་མོ་ལྔ་བཏུད་ནས་བྱུང་བས་ཐུགས་ཆད་དེ་ཡོད་པའི་ཚེ་ཁ་ཆེ་པཎ་ཆེན་ཕེབས་པ་གདན་དྲངས་པས་པཎ་ཆེན་གྱིས་གནས་འདིའི་བྱ་རི་དྭགས་ཀྱང་འཕགས་པའི་སྤྲུལ་པ། བྱང་ལ་ངོས་བསྟན་པའི་རི་འདི་དག་རིགས་ལྔའི་ཚུལ། བྱ་རི་ལ་གྲས་པའི་ལུང་ཆུང་འདི་དག་ཀྱང་ཡི་གེ་འཁོར་ལོ་ཚོགས་ཆེན་གྱི་རྣམ་པར་ཡོད་པའི་གནས་འདིར་གསང་སྔགས་སྟོན་པའི་དགེ་བའི་བཤེས་གཉེན་བར་མ་ཆད་དུ་འབྱུང་ཞིང་སླར་སྲས་པོ་གཉིས་ཡོང་བར་ངའི་མིང་ནས་གྲས་པ་ཐོགས། སྲས་མོ་རྣམས་ཀྱིས་ཀྱང་གཞན་ཕན་ཡོང་བས་སྡང་པོ་མ་མཛད་ཅེས་ལུང་བསྟན་གནང་། སྲས་མོ་ལྔའི་ཆེ་བ་ཟུར་མོ་འོད་འབུམ་མཁའ་ལ་འཕུར་བ་སོགས་རྫུ་འཕྲུལ་ཆེ། ཟུར་མོ་སྒོམ་ཆེན་གྱིས་མགོན་པོ་བྲན་དུ་འཁོལ་ཏེ་མཐུ་ཆེ་བས་ཕ་མེས་ཀྱི་དགྲ་རྣམས་བརླག་པར་མཛད། ཟུར་མོ་གཡང་དཔལ་མི་མ་ཡིན་ལ་ཆོས་སྟོན་པ། ཟུར་མོ་གཡང་འབུམ་ཁྱིམ་ལ་བྱོན་ཞིང་ཟུར་མོ་དཀར་རུ་ཆུང་ངུ་ནས་ཞིང་ཁམས་གཞན་དུ་འཕོས། སྲས་ཟུར་ཤཱཀྱ་མགོན་པོ་དང་པ་ཤི་ཤཱཀ་འོད་གཉིས་བྱུང་བའི་(༡༨བ)

― GLG009_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

གཅེན་ནི་མངོན་ཤེས་མངའ་བས་སྐྱེ་འཆི་དང་བར་དོ་གཟིགས་པ་བརྟུལ་ཞུགས་ཤིན་ཏུ་ཆེ། གཅུང་པ་ཤི་ཤཱཀ་འོད་ཀྱིས་བྲག་རྡོ་རྗེ་ཚེ་བརྟན་ནས་ཚེ་ཆུ་མུ་མེན་གྱི་ཀ་པཱ་ལ་གང་དང་སློབ་དཔོན་ཆེན་པོའི་དབང་གི་ཕྱག་ཕུར་རིན་པོ་ཆེ་ཟེ་ཁྱིམ་ལས་གྲུབ་པ་སྤྱན་དྲངས། མཁས་གྲུབ་ཀྱི་སྙན་པ་ཆེ་བས་སེ་ཆེན་རྒྱལ་པོས་གོང་དུ་ཡོང་དགོས་པའི་ལུང་བྱུང་བར་སློབ་དཔོན་ཁྲོ་བོ་སྐུ་ཚབ་ལ་མངགས། ཚེ་ཆུ་ཕུལ་བ་བཞེས་པས་གོང་མ་སེ་ཆེན་དགུང་ལོ་བརྒྱད་ཅུ་ཐུབ་པ་དེའི་བྱིན་རླབས་ཡིན་ཟེར། ཕུར་པ་འུག་པ་ལུང་ནས་རིན་པོ་ཆེ་ཀུན་བཟང་རྩེ་བའི་ཕྱག་ཏུ་འབྱོར་བ་ཐམས་ཅད་མཁྱེན་པ་བསོད་ནམས་རྒྱ་མཚོ་སོག་ཡུལ་ལ་ཐེགས་ཁར་སྐུ་སྲུང་ལ་ཕུལ་བའི་མཚན་པད་ཕུར་ཁམས་གསུམ་རྣམ་རྒྱལ་དུ་གྲགས། གོང་ནས་གནང་སྦྱིན་གྱ་ནོམ་པ་དང་སྦན་ཧོར་དུད་ཞེ་ལྔའི་སའི་འཇའ་ས་བྱུང་། ཀླུའི་ཆོ་འཕྲུལ་གྱིས་རྒྱ་རྒན་གྱི་མཚོ་བསྐམས་བཅུག་ནས་ཕུལ་བའི་སར་སྔགས་སྡེ་ཆེན་པོ་བཏབ། ཕྱག་བཟོ་མཛད་པའི་ལེགས་ལྡན་གྱི་སྐུ་དེ་ཁྱུང་ཚང་ནས་སྤྱན་དྲངས་པའི་དུས་དགུན་ཐོག་སེར་སོགས་འཚུབ་ལྷོངས་ཆེ། ཀ་ཅ་སོགས་གནས་གཞི་འགའ་བྱ་རོག་ཚང་ལ་གཤོར་བ་ཚུར་བླངས། སྣང་སྲིད་ལྷ་འདྲེ་ལ་བསྡོས་ནས་སྦན་ལ་རྐ་ཆུ་དྲངས། ཚེ་ཆུའི་གཏེར་ཡིག་ལས། རྡོ་རྗེ་བྲག་གི་ལྟེ་བ་ལཿ བྱང་ཆུབ་སྒྲུབ་པའི་སྒྲུབ་གནས་འབྱུང༔ ཞེས་པ་ལྟར་སྐུ་ཚེའི་སྨད་ལ་མཁར་བྲག་རྡོ་རྗེ་བྲག་གི་ལྟེ་བ་ལ་སྒྲུབ་པ་མཛད། མི་མ་ཡིན་དམ་ལ་བཏགས་དགུང་ལོ་དྲུག་ཅུ་རྩ་གསུམ་པ་ལ་དག་ཞིང་དུ་གཤེགས། བླ་མ་འདི་ལ་ཡུམ་མི་གཅིག་པའི་སྲས་ཟུར་ཉི་མ་སེང་གེ །ཟུར་ཤཱཀྱ་སེང་གེ །ཟུར་དཔལ་ལྡན་མགོན་པོ་གསུམ་གྱི་དང་པོ་ནི་ཁྲོ་ཕུ་ལོ་ཙཱ་བས་ཉི་མ་སེང་གེ་ཞེས་པའི་མཚན་བཏགས། མཁན་ཆེན་བསོད་ནམས་སེང་གེའི་(༡༩ན)

― GLG009_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུང་དུ་རབ་ཏུ་བྱུང་། ཡབ་ཀྱི་དགོངས་རྫོགས་རྒྱས་པར་བསྐྲུན་ཞིང་ཟུར་ཚོའི་གདན་ས་ལོ་བཅུ་གཅིག་ཙམ་མཛད། ཞ་ལུ་ཨ་མེས་ཀྱི་ལག་ནས་ཡབ་ཀྱིས་བཅོལ་བའི་འཇའ་ས་བླངས། རྒྱ་རྒན་བར་སྒོ་ཕྱིན་ཆད་ཀྱི་ལྕགས་རི་སྦྱངས་སྐུ་བསོད་རྒྱས་པས་ཟུར་ཚོའི་ལྷ་སྡེ་མི་སྡེ་འབྲོག་དང་བཅས་པ་སྟོང་སྐོར་གསུམ་དུ་ཕྱེ། ས་སྐྱའི་ནང་ཆེན་གྱིས་གོང་དུ་ཞུ་ལོག་ཕུལ་ནས་བྱ་རོག་ཚང་དུ་དཔོན་ཆེན་ཀུན་བཟང་པ་བཀྲོངས་པའི་དུས་རྒྱའི་དམག་དཔོན་མི་ཆེན་སངྒྷས་བླ་མར་གསེར་ཀ་ཊོ་ར་གང་ཕུལ་བ་མ་བཞེས་པར་དེ་ཚབ་ཏུ་འགྲོ་བ་མང་པོའི་སྲོག་བསྐྱབས་དེ་རྣམས་ཀྱིས་ཟུར་པའི་བཟའ་ཁྲལ་གཞལ། བར་དགའ་ལྷ་ཁང་ཁྱམས་དང་བཅས་པ་བཞེངས་སྐུ་རིམ་སྒྲུབ་པའི་སྔགས་པ་ཁྲལ་མེད་མང་པོ་གཞིས་འཇགས་སུ་བཅུག །ཁྲོ་ཕུར་འབུམ་མོ་ཆེ་བའི་བརྩིག་སྐབས་ཆུ་དཀོན་པར་ཕུད་གཏེར་བདེན་པ་བདར་སྐུ་ཆོས་བརྡབས་པས་ཆར་ཆེན་པོ་བབས། གོང་གི་སྐུ་རིམ་དུ་རྒྱ་རྒན་སྤའུ་སྲོག་མཁར་དགེ་ལེབ་ཏུ་སྔགས་བཞིའི་མཚམས་ལ་བཅུག །འབྲི་གུང་པས་སྟོད་ཧོར་གྱི་དམག་དྲངས་པའི་ཚེ་རྒྱ་ནག་གི་དམག་དཔོན་ཐི་མུར་བྷེ་ཁ་དང་དཔོན་ཆེན་ཨང་ལེན་གྱིས་གཙོས་པའི་ས་སྐྱའི་དམག་གིས་དཔལ་མོ་དཔལ་ཐང་དུ་གདོང་བསུ་བཏང་བའི་ཚེ་གོང་སོ་སྒོམ་ཆེན་གྱིས་འགོ་བྱས་གཤིན་རྗེའི་སྒྲུབ་པ་དང་རླུང་ནག་བསྐོར་བས་སྟོད་ཧོར་གྱི་གཡུལ་ཕམ་ནས་མང་དུ་བསད་ཅིང་ཁྲི་ཆེ་གསུམ་ཙམ་བྲོས་པ་གངས་འུར་གྱིས་མནན་ནས་ཤི །སྟོད་ཧོར་གྱི་དམག་དཔོན་རྒྱལ་བུ་རིན་ཆེན་དང་འབྲི་གུང་གི་སྒོམ་པ་བཙོན་དུ་ཟིན་པས་ས་སྐྱ་བའི་བསྟན་པའི་སྲོག་རྩ་བཟུང་། ར་ཙ་པའི་བུ་སྲིང་ཕྱུག་མོ་བྱིན་རླབས་ཁབ་ཏུ་བཞེས་པའི་སྲས་ཟུར་བྱམས་པ་སེང་གེ །སློབ་དཔོན་མགོན་པོ་དར། བདེ་བྱེད་(༡༩བ)

― GLG009_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་པོ་དཔལ་གསུམ་དང་། ཡུམ་མི་གཅིག་པའི་སྲས་མོ་གཡང་འབུམ་དང་བཞི་བྱུང་བའི་ཐམས་ཅད་མཁྱེན་པ་བྱམས་པ་སེང་གེ་ནི་ཆུང་ངུ་ནས་འབྲི་ཀློག་འབད་རྩོལ་ལ་མ་བལྟོས་པར་མཁྱེན། ཡབ་ཀྱི་དྲུང་དུ་དོང་སྤྲུག་དང་ཡང་ཕུར་ཆ་གསུམ་གྱི་སྒྲུབ་དབང་གསན། འཕྲིན་ལས་ཀྱི་སྐོར་རྣམས་སློབ་དཔོན་སངས་རྒྱས་མགོན་ལ་ཞུས། ཁྲོ་ཕུར་མཁན་ཆེན་བསོད་ནམས་སེང་གེ་ལ་དགེ་ཚུལ་བསྒྲུབས་པའི་མཚན་བྱམས་པ་སེང་གེར་བཏགས། མཚན་ཉིད་ཀྱི་ཆོས་ལ་སྦྱངས་ནས་བཅུ་བཞི་ལ་གྲལ་སྐོར་མཛད་པས་མཁས་གྲགས་ཐོན། མཁན་པོས་སེམས་བསྐྱེད་གསུམ་པའི་བཞུགས་ཁྲིའི་སྟེང་ནས་ཚོགས་པ་ལ་མངོན་པ་བཤད། ཟུར་ཤཱཀ་སེང་ལ་ཡང་དག་དང་སྒྱུ་འཕྲུལ་ཚེ་སྒྲུབ། མདའ་ཤཱཀ་འཕེལ་ལ་གསང་སྙིང་། ལྕེ་སྟོན་སྒྲུབ་པ་འབུམ་ལ་སྒྱུ་འཕྲུལ་དང་རྫོགས་ཆེན། བླ་མ་སྦ་སྟོན་ལ་སྒྱུ་འཕྲུལ་ཟུར་ལུགས་དང་དགོངས་འདུས་རྩ་ཕུང་། ཟོ་ལུང་པ་བླ་མ་བཤེས་གཉེན་ལ་མདོ་དབང་དང་སེ་ལུགས་ཀྱི་ཞི་ཁྲོ། ཐ་ལོ་ལ་སྒྲ་ཚད། ཁྲོ་ཕུ་དཔལ་མཆོག་ལ་རྡོར་ཕྲེང་། བསམ་སྡིངས་འགྲུབ་པ་དཔལ་ལ་ལམ་འབྲས། བླ་མ་ཡོན་ཏན་མགོན་པོ་ལ་མདོ་ལུགས་ཀྱི་ཕྱག་རྡོར་དང་རྣམ་འཇོམས། དཔོན་དཔལ་མགོན་ལ་བསྟན་སྲུང་། སྨན་རྩིས་གཡུལ་རྒྱལ་སྐོར། གངས་པ་ཤཱཀ་འབུམ་ལ་རྫོགས་ཆེན་ཀློང་སྡེ་དང་གཤིན་རྗེ་དམར་ནག །བླ་མ་ཞབ་པ་སྲས་འཛོམ་དང་མགོན་སར་གྱི་བླ་མ་ལྷ་རྗེ་སོགས་ལ་གདམ་ངག་མང་དུ་གསན་ཏེ་ཐོས་བསམ་མཐར་ཕྱིན། གནས་ཤར་རྩེ་རྒྱལ། འུག་པ་ལུང་། ཉ་རི་སྒྲུབ་ཕུག་སོགས་སུ་སྒོམ་སྒྲུབ་ལྷུར་བླངས་ནས་སྐྱེད་རྫོགས་རྫོགས་པ་ཆེན་པོ་ལ་ནང་བྱན་ཆུད། ཡི་དམ་གྱི་ལྷའི་ཞལ་གཟིགས། དམ་ཅན་བྲན་དུ་འཁོལ་བའི་སྔགས་འཆང་ཆེན་(༢༠ན)

― GLG009_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་འདི་ལ་སློབ་མ་སྔ་ཚར་གཡུང་སྟོན་རྡོ་རྗེ་དཔལ། སྦན་གསུམ་གྲོང་ཀརྨ་རྒྱལ་མཚན། ཤངས་རི་པའི་སྡོམ་པ་ལྷ་རྗེ་བཟང་། དཔེ་པོ་ཆེ་བ་ཡོན་ཏན་གྲུབ། སློབ་དཔོན་མགོན་སེང་། ཉང་སྟོད་སྟག་ཚལ་བ་སློབ་དཔོན་དགའ་རབ། ལ་སྟོད་སྦ་སྟོན་གཟི་བརྗིད་བྱམས་པ་དཔལ། ཕྱི་ཚར་ནི་རྟ་ནག་སྒྲོལ་མ་སྦུག་པ་འཇམ་དབྱངས་བསམ་གྲུབ་རྡོ་རྗེ། ར་ཐུང་གྲགས་བཟང་། སྙེ་མོ་ཉི་ཟླ། ཤངས་ཕུའི་བླ་མ་རིན་ཅེན་རྡོ་རྗེ། ལ་སྟོད་པ་རྡོར་སེང་། ཐུགས་རྗེ་བྱིན་རླབས་གཉིས། ཁ་རེག་པ་གཞོན་ནུ་མགོན། རྒྱ་རྒན་པའི་ཇོ་བོ་མགོན་གྲུབ་སོགས་ཁྱད་པར་ཅན་གྱི་སློབ་མ་དང་གཞན་ཡང་རྗེས་འཇུག་རྒོད་པོའི་ཉིན་ལམ་གྱིས་ཁྱབ་པ་ལྟ་བུ་རྣམས་འཁོར་ལོ་རྣམ་པ་གསུམ་གྱི་ལས་ལ་བཀོད། སྔར་གངས་པ་ཤཱཀ་འབུམ་ལ་ལྷ་རྗེ་བྱམས་སེང་དང་གཡུང་སྟོན་པ་དཔོན་སློབ་གཉིས་ཀྱིས་ཚེ་བདག་སྡིག་པ་སྙིང་འཛིངས་ཀྱི་འཁྲུལ་འཁོར་ལ་མཁས་པར་སྦྱངས་པས་དཔོན་སློབ་གསུམ་གྱི་སྟེང་དུ་ཞ་ག་སྲས་འཛོམ་སྟེ་བཞིས་འུག་པ་ལུང་དུ་བཅས་ཆོག་མཆོད་རྟེན་བཞེངས། གཡུང་སྟོན་པས་ཐོད་པ་ཞལ་དབྱེ་བསྒྲུབས་པའི་བཀའ་ཤིན་ཏུ་གཉན་ཆ་ཆེ་བ་ཞིག་ཐམས་ཅད་མཁྱེན་པ་བསོད་ནམས་རྒྱ་མཚོའི་ཕྱག་ཏུ་འབྱོར། ལྷ་ཁུད་ཀྱི་བྱོན་སྡེའི་མཛོ་རོ་དངོས་གྲུབ་ཀྱིས་ལྷ་རྗེ་ལ་ཟས་ངན་དྲངས་ནས་དགུང་ལོ་སོ་དྲུག་ལ་གཤེགས་པར་གཡུང་སྟོན་པས་གཤིན་རྗེ་ཚུ་བུང་གི་འཁོར་ལོ་བསྐོར་ནས་བོན་གྲོང་མི་ནོར་དང་བཅས་པ་གཙང་པོས་ཁྱེར་ནས་ཤུལ་མེད་དུ་སྟོངས་པས། བླ་མའི་སྐུ་དགྲ་ཐུག་ལ་ཁོ་བོ་ཙམ། ཞེས་སོགས་ཀྱི་ཞལ་པོའང་མཛད། གཅུང་བདེ་བྱེད་མགོན་པོ་རྒྱུད་བཤད་དང་འཕྲིན་སྒྲུབ་ལ་མངའ་བརྙེས། ཕུར་སྲུང་བྲན་དུ་འཁོལ། གཡང་འབུམ་ནི་ལྕེ་སྟོན་སྒྲུབ་པ་བ་ལ་ཐུག་ནས་ལོ་བཞི་བཅུའི་བར་(༢༠བ)

― GLG009_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་མཛད་པས་སྒྲུབ་སྐྲ་ཐོག་གིས་མི་འགྱོངས་པ་བྱུང་། བདེ་བྱེད་མགོན་པོ་སོགས་ནས་བརྒྱུད་པ་མང་དུ་འཕེལ། པ་ཤི་ཤཱཀ་འོད་དང་ཡུམ་མི་གཅིག་ཁྱེད་འདྲེན་དཔལ་གཉིས་ཀྱི་སྲས་ཟུར་ཤཱཀྱ་སེང་གེ་ཆུང་དུས་ལྗགས་མི་བདེ་བར་དབྱངས་ཅན་མ་བསྒྲུབས་པས་སྨྲ་བའི་སེང་གེར་གྱུར། འཕགས་པ་རིན་པོ་ཆེར་དགེ་བསྙེན་ཞུས་ཤིང་མཚན་ཡང་འཕགས་པས་བཏགས། ཁྲོ་ཕུ་བསོད་སེང་ལ་དགེ་ཚུལ་གསན། སློབ་དཔོན་ལྕོག་རོ་རྡོ་རྗེ་ལ་ཡང་ཕུར་ཚེ་གསུམ་སོགས་འཕྲིན་སྒྲུབ་མཁས་པར་སྦྱངས། སྣ་བཞི་རྡོ་ལྷུན་ལ་གདངས་དབྱངས། གཡུང་སྟོན་ཡེ་ཤེས་པ་ལ་གསང་སྙིང་། བླ་མ་མདོ་སྡེ་པར་ཡང་དག །ལྕེ་སྟོན་ལ་རྫོགས་ཆེན་གཤིན་རྗེ་ཕུར་པ། བླ་མ་ཡོན་ཏན་མགོན་པོ་སོགས་ལ་ཆོས་དང་གདམས་པ་མང་དུ་གསན། ཡབ་ཀྱི་གཤེགས་རྫོང་གྲུབ་ནས་གདན་སར་བྱོན། གོང་ནས་གོ་ལུག་རྒྱལ་པོས། གསེར་བྲེ་ཆེན་བཞི། དངུལ་བྲེ་ཆེན་ཉི་ཤུ། གོས་ཡུག་ཉིས་བརྒྱ་སོགས་ཀྱི་གནང་སྦྱིན་བྱུང་བར་བརྟེན་དགོན་པ་རྣམས་ཀྱི་ཆོས་གཞིས་དང་མི་སྡེ་འཇགས་པའི་ཆེད་དུ་བཏང་། གོང་ནས་དབུས་གཙང་མངའ་རིས་ཀྱི་སྔགས་པ་ཐམས་ཅད་ཀྱི་མགོན་དུ་བསྐོས་པའི་འཇའ་ས་ལ་ས་སྐྱ་ནས་བླ་མ་བདག་ཉིད་ཆེན་པོས་རྒྱབ་གནོན་མཛད། འཆད་ཉན་དང་བསྟན་སྲིད་ཀྱི་སྐུ་རིམ་ལ་བརྩོན་ཞིང་ལུགས་གཉིས་ནས་མངོན་པར་མཐོ་བའི་མཛད་པ་རྒྱ་ཆེ། པ་ཤིའི་སྲས་ཆུང་བ་དཔལ་ལྡན་མགོན་པོ་ནི་བླ་མ་སྒྲུབ་པ་བ་དང་བླ་མ་མདོ་སྡེ་པ། གཡུང་སྟོན་ཡེ་ཤེས། རྒྱལ་སྲས་མི་ཏྲི་སེང་ཧ། ཟུར་སངས་རྒྱས་མགོན་པོ་རྣམས་བསྟེན་ནས་ཡོ་ག་གསུམ་གྱི་ཆོས་ལ་མཁས་པར་སྦྱངས། འདི་ནས་མཆེད་པའི་བརྒྱུད་པའང་མང་། ཟུར་ཤཱཀྱ་སེང་གེ་དང་ཇོ་མོ་དོན་གྲུབ་དཔལ་གཉིས་ཀྱི་སྲས་སུ་ཟུར་བཟང་པོ་དཔལ། (༢༡ན)

― GLG009_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུར་སེང་གེ་བཟང་པོ། ཟུར་ཤཱཀྱ་བཟང་པོ་དང་གསུམ་བྱུང་བའི་གཅེན་ནི། བླ་མ་བྱམས་པ་སེང་གེ །སློབ་དཔོན་རྡོ་རྗེ་མགོན་པོ། ཇོ་བོ་རྡོ་རྗེ་འབུམ་རྣམས་ལ་རྒྱུད་བཤད་དང་འཕྲིན་སྒྲུབ་ཞུས། ས་སྐྱ་རིན་ཆེན་སྒང་དུ་འཇམ་དབྱངས་དོན་ཡོད་རྒྱལ་མཚན་དཔལ་བཟང་པོར་དགེ་བསྙེན་བསྒྲུབས་པའི་མཚན་བཟང་པོ་དཔལ་དུ་བཏགས། གོང་མ་སྤུ་ཡན་ཐོ་གན་གྱི་གནང་སྦྱིན་བཟང་པོ་བསྩལ་ཞིང་གོང་དུ་ལན་གཉིས་བྱོན་པའི་སྔོན་མར་ཆར་འབེབས། ངོ་ལོག་པར་ཐོག་སེར་བཏང་བས་གོང་མ་མཉེས། ཕོ་བྲང་སྟེང་དུ་སྤྲིན་ནག་སྡིག་པའི་གཟུགས་ཅན་སུས་ཀྱང་བཤིག་པར་མ་ནུས་པར་མ་མོ་ཕང་ཁབ་ཀྱི་མདོས་དར་ཁང་བཅོ་བརྒྱད་ཀྱིས་བཅིངས་པ་བཏང་བས་སྤྲིན་ནག་འཐོར། གོང་མ་ལ་ཡང་དག་གི་དབང་ཕུལ། ཕོ་བྲང་ཤངས་མདོར་མཚམས་ཚུགས་པའི་ལས་བཞིའི་ཕུར་པ་ཡོད་སྐད། རྒྱལ་པོར་དགེ་བསྐུལ་ཞུས་ནས་འགྲེལ་པ་པར་ཁབ་སོགས་རྙིང་མའི་ཆོས་སྡེ་ཉི་ཤུ་རྩ་བརྒྱད་པར་དུ་བརྐོས། རྟ་ཁལ་དྲུག་ཅུའི་གསུང་རབ་བོད་དུ་གདན་དྲངས། གོང་མ་སྐུ་གཤེགས་རྗེས་བླ་མ་ཚད་པའི་སྙུན་གྱིས་གྲོངས་པར་ཐུག་པར་མཁའ་འགྲོ་མ་སྔོན་མའི་རྣམ་པ་ཅན་གྱིས་བུམ་ཆུ་དང་། ཆོས་སྐྱོང་གི་སྤྲུལ་པའི་སྔགས་པ་ནག་པོས་ཐུགས་ཀར་ཆུ་གཏོར་བས་སྙུན་ལས་གྲོལ། བཙུན་མོ་ཐ་འུས་དངུལ་བྲེ་བཅུ་ཕུལ་བར་རྡོ་རྗེ་སེམས་དཔའི་སྐུ་དང་། ལྕམ་དྲལ་གྱི་འཆམས་སྐུ་བཞེངས་པའི་འཆམས་སྐུས་བོད་ལ་གོམ་པ་བདུན་སྤོས་པས་བསེ་འབག་གོམ་བདུན་མར་གྲགས། བོད་དུ་བྱོན་ནས་བཞི་ཐོག་ཏུ་བླ་མ་བདག་ཉིད་ཆེན་པོར་འབུལ་བ་སོགས་མཆོག་དམན་མཐའ་དག་ཆོས་དང་ཟང་ཟིང་གིས་ཚིམ་པར་མཛད། སླར་གོང་དུ་བྱོན་ནས་དགུང་ལོ་སོ་བརྒྱད་པ་ལ་རྒྱ་ཡུལ་དུ་སྐུ་གཤེགས། ཟུར་བཟང་(༢༡བ)

― GLG009_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་དཔལ་དང་ཡོན་བདག་མོ་ཨ་འཛིན་གཉིས་ལ་སྲས་ཟུར་ཤཱཀ་འབྱུང་ཕྱི་མ་བླ་མ་ཆོས་རྒྱལ་བ། དཔལ་ལྡན་འོད་འཚམ་གསུམ་འཁྲུངས། གཅེན་གྱིས་དགུང་ལོ་ལྔ་ལ་རྩ་རྒྱུད་གསང་བ་སྙིང་པོར་བཤད་པ་མཛད། དགུང་ལོ་བདུན་ནས་བཤད་གྲ་བསྐྱངས། བླ་མ་ཀུན་སྤངས་པ་ལ་དགེ་ཚུལ་དང་བྱང་སེམས་བསོད་གྲགས་པའི་དྲུང་དུ་བསྙེན་པར་རྫོགས་པའི་མཚན་ཤཱཀྱ་འབྱུང་གནས་སུ་གསོལ་དཔལ་ལྡན་བླ་མ་དམ་པ། ཟུར་ཤཱཀ་སེང་། ས་བཟང་ལོ་ཆེན། སྒྲོལ་མ་པ་འཇམ་དབྱངས་བསམ་གྲུབ་རྡོ་རྗེ། གཡུང་སྟོན་པ་མཁས་བཙུན་སངས་རྒྱས་སོགས་བླ་མ་མང་དུ་བསྟེན་ནས་གསང་སྔགས་རྙིང་མ་གཙོར་གྱུར་པའི་མདོ་རྒྱུད་བསྟན་བཅོས་ལ་ཐོས་བསམ་རྒྱ་ཆེར་མཛད། མཁས་གྲུབ་ཀྱི་སྙན་པས་ས་སྟེང་ཁྱབ་གཞན་དོན་རྒྱ་ཆེ་བའི་ངང་དུ་དགུང་ལོ་སོ་བརྒྱད་པ་ལ་གཤེགས། གཅུང་ལྷ་ཆོས་མི་ཆོས་ལ་མཁྱེན་པ་ཆེ་བ་དེ་ཕོ་བྲང་ཏའི་ཏུར་དགུང་ལོ་ཉེར་ལྔ་པ་ལ་གཤེགས། ལྕམ་སྲིང་མ་མི་ཆོས་མཛད་པའི་མཚན་ཟུར་མོ་དགེ་འདུན་འབུམ་ཞེས་རྡོ་རྗེ་མཁའ་འགྲོའི་སྤྲུལ་པར་བྱེད། ཤཱཀ་འབྱུང་ཕྱི་མ་འདི་ཉིད་ནས་ཡང་དབེན་དང་ཡངས་པའི་གསང་སྔགས་གླིང་སོགས་ཀྱི་བརྒྱུད་པ་འཕེལ། འབྲིང་པོ་ཟུར་སེང་གེ་བཟང་པོ་ནི་ཡབ་ལ་སྔགས་རྙིང་མའི་ཆོས་ཕལ་ཆེར་གསན། སྒྲོལ་ཆེན་ལ་གསང་སྙིང་དང་ལམ་རིམ་ཞུས། དགུང་ལོ་བཅུའི་སྟེང་དུ་རྒྱུད་ལ་བཤད་པ་མཛད། བླ་ཆེན་ཏི་ཤྲི་ཀུན་དགའ་རྒྱལ་མཚན་གྱི་དྲུང་དུ་རབ་ཏུ་བྱུང་། གླན་བསོད་ནམས་མགོན་པོ་དང་བསོད་ནམས་འབུམ་པ་གཉིས་ལ་མདོ་དང་འཕྲིན་སྒྲུབ་སོགས་མང་བར་སྦྱངས། གདན་སར་བྱོན་རྗེས་བླ་མ་ཤེས་རབ་རྒྱ་མཚོ་སོགས་བསྟེན་ནས་མདོ་སྔགས་ཀྱི་ཆོས་མང་པོར་ཐོས་བསམ་མཛད། གོང་མ་དོ་གོན་(༢༢ན)

― GLG009_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

གན་གྱིས་དངུལ་ཐམ་གནང་བའི་ཕུད་ཆོས་རྗེ་སྒྲོལ་མ་བར་ཕུལ། བཤད་ཉན་སྒོམ་སྒྲུབ་སྤྱི་རིམ་མདོས་གཏོར་སོགས་སྔར་གྱི་སྲོལ་རྒྱུན་རྣམས་ཇེ་བཟང་དུ་བཏང་། དགུང་ལོ་དོན་གཉིས་པ་ལ་འུག་པ་ལུང་དུ་གཤེགས། གཅུང་ཟུར་ཤཱཀྱ་བཟང་པོ་ཐོག་མར་གདན་ས་མཛད་ཅིང་དེ་རྗེས་གོང་གི་བླ་མཆོད་དུ་ལན་གཉིས་ཙམ་བྱོན། ལྕམ་སྲིང་མ་ཡང་དག་འབུམ་དགུང་ལོ་བཅུ་གསུམ་ལ་གྲོངས་པའི་ཤ་རཱི་རམ་བདུན་ཙམ་དང་དེ་ནས་མང་དུ་འཕེལ། ཟུར་སེང་གེ་བཟང་པོ་དང་དབོན་མོ་འབུམ་མེ་གཉིས་ཀྱི་སྲས་ཆ་ཧོ་ཏ་ཧུ་ན་གང་དུ་བྱོན་པའི་མཚན་ད་ར་ཁ་ཆེར་བཏགས། གོང་མའི་ལུང་གིས་ཆ་ཧོ་ཏ་ཧུའི་ལས་ཀ་བཟུང་། བླ་མ་དམ་པའི་དྲུང་དུ་དགེ་བསྙེན་ཞུས་མཚན་བསོད་ནམས་འབུམ་དུ་བཏགས། ཟབ་ཆོས་མང་དུ་གསན་ཞིང་གདན་ས་ཡུན་རིང་བསྐྱངས་འདིའི་བརྒྱུད་པ་རྒྱ་རྒན་སྤན་དུ་འཕེལ། སེང་གེ་བཟང་པོའི་ཕྱི་ཚར་ཡུམ་ཕྱུག་མོ་ཁྱེད་འདྲེན་འབུམ་ལ་ཟུར་རི་རྒྱལ་ལྷུན་པོ་འཁྲུངས་པ་ཆུང་ངུ་ནས་གཤེགས་པའི་གཅུང་ཟུར་རྡོ་རྗེ་རྒྱལ་མཚན་ནི་བླ་མ་ལེགས་ལྡན་པ་ལ་ཡབ་ཆོས་རྣམས་གསན། ལྷ་ཆོས་མི་ཆོས་གཉིས་ཀའི་སྒོ་ནས་བསྟན་པ་བསྐྱངས། དེའི་གཅུང་བླ་མ་གྲགས་ཆེན་པ། དེའི་སྲས་དཔལ་ཆེན་མགོན་པོ། གཅུང་སངས་རྒྱས་རྡོ་རྗེ་ནི་ངན་ལམ་རྒྱལ་བ་མཆོག་དབྱངས་ཀྱི་སྤྲུལ་པར་གྲགས་དགུང་ལོ་བཅུ་བཞིར་འུག་བྱ་ལུང་གི་གདན་སར་བྱོན། ཐུགས་སྲས་བསོད་ནམས་རྒྱལ་མཚན་སོགས་བླ་མ་དུ་མ་བསྟེན་ནས་ཐོས་བསམ་མཛད། འཁོར་ལོ་གསུམ་གྱི་བྱ་བ་ལ་མཆོག་ཏུ་བརྩོན། པ་རྣམ་བདེ་བ་སྒང་དུ་བླ་མའི་ཁྲི་ཁར་དཔལ་རྟ་མགྲིན་བཞུགས་པ་ལས་དག་མང་པོས་མཐོང་བ་སོགས་རྫུ་འཕྲུལ་གྱི་བཀོད་པ་རྒྱ་ཆེར་བསྟན། (༢༢བ)

― GLG009_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་མགོ་དངོས་སུ་དཀྱིལ་འཁོར་གྱི་སྟེང་དུ་སྲུང་མས་བསྐྱལ་བས་མཚོན་མཐུ་སྟོབས་ཀྱི་སྙན་གྲགས་ཆེ། སྣེའུ་རྫོང་རྩེ་ནས་བདག་པོ་གྲགས་པ་འབྱུང་གནས་ཀྱིས་ཅ་ཧུ་སོགས་བདག་རྐྱེན་ཆེར་མཛད། ལྷ་ས་བསམ་ཡས་སོགས་གནས་ཆེན་རྣམས་མཇལ་ཞིང་ཆེ་དགུ་ཀུན་གྱིས་བཏུད་དེ་ཟང་ཟིང་གི་འཕྲིན་ལས་རྒྱས་པར་གྱུར། སྔར་དྲུང་ཆེན་རིན་པོ་ཆེས་ས་སྐྱའི་མངའ་ཐང་བསྡུས་པའི་ཞར་ལ་འུག་པ་ལུང་པའི་སྟོང་སྐོར་གྱི་སྡེ་རྣམས་ཀྱང་གཤོར་ཞིང་ཞལ་ངོ་འདི་གཉིས་ཀྱི་ཐོག་ཁག་གསུམ་དུ་གྱེས་པའི་འཇིག་རྟེན་གྱི་འཁྱེར་ཁ་ཆེར་མ་བྱུང་ཟེར། ཡབ་སངས་རྒྱས་རྡོ་རྗེ་དང་ཡུམ་རྡོ་རྗེ་དཔལ་བ་གཉིས་ཀྱི་སྲས་སུ་ཟུར་ཁྲག་འཐུང་ཚེ་དཔལ་མགོན་པོ་འཁྲུངས། ཟུར་བུ་ཆེ་ཤཱཀྱ་འབྱུང་གནས་ཀྱི་སྐུའི་སྐྱེ་བ་ཡིན། ཀ་བཞི་གདུང་བརྒྱད་ཀྱི་མཁས་པ་སོགས་བླ་མ་མང་དུ་བསྟེན་ནས་ཡབ་ཆོས་ཀྱིས་གཙོས་སྔགས་གསར་རྙིང་མང་དུ་སྦྱངས། རྗེ་སྒྲོལ་མ་པ་སངས་རྒྱས་རིན་པོ་ཆེ་ལ་སྒྱུ་འཕྲུལ་ཚེ་བདག་གཤེད་དམར་ཞུས་ཤིང་སྒྲོལ་མ་བའི་འཕྲེང་སྐོར་བཅོ་ལྔ་ལ་མཁས་པར་གྱུར། ཙགས་བླ་མ་དང་གཉགས་བསོད་ནམས་བཟང་པོ་ལ་ཡང་དག་གི་སྐོར་གསན། རྗེ་བཙུན་མ་དོན་གྲུབ་བཟང་མོ་ལ་བཀའ་གཏེར་གྱི་ཆོས་མཐའ་ཡས་པ་ཞུས་ཤིང་ཁྱད་པར་འོད་གསལ་སྒྲོལ་མ་དྲུག་པའི་ཆོས་བདག་ཏུ་དགོངས་ཏེ། གཡུང་སྟོན་སངས་རྒྱས་ཀྱི་རྡོ་རྗེ་སེམས་པའི་ཐུགས་ཀྱི་མེ་ལོང་། རྒྱལ་སྲས་ཆོས་རྗེའི་མཎྜལ་ཆེན་མོ། རྗེ་བཙུན་མ་ཉིད་རང་གི་འཁྲིད། དབང་ངོ་སྤྲོད་ཀྱི་ཆས་ཚང་མ་གནང་ནས་ཐིག་ལེ་གསང་སྐོར་གྱི་བདག་པོར་བསྐོས། གདན་སར་བཞུགས་ནས་བསྟན་པ་དར་རྒྱས་སུ་མཛད། འབྱུང་པོ་སྐད་ངན་ཙེར་རེ་འདུལ་བ་དང་དགྲ་བོ་བསྟན་སྲུང་གི་ཞལ་དུ་དམར་སྟོབ་མཛད་པའམ་མངོན་སྤྱོད་(༢༣ན)

― GLG009_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ནང་བྱན་ཆུད། པཎ་ཆེན་སྐུ་མཆེད་ཀྱི་ཡབ་འཇམ་དབྱངས་རིན་ཆེན་རྒྱལ་མཚན་སོགས་མཁས་གྲུབ་ཀྱི་སློབ་མ་མང་དུ་བྱུང་། བླ་མ་འདིའི་གཅུང་རྡོ་རྗེ་ཚེ་དཔལ་ནི། གཞོན་ནུའི་དུས་ཀློག་ཡིག་རང་ཤུགས་ཀྱིས་མཁྱེན་ནའང་རི་དྭགས་རྔོན་པ་སོགས་ཐུགས་སྤྱོད་རྩིངས་པར་ཡབ་ཀྱིས་ཞི་དྲག་གི་ཐབས་དུ་མས་དཀའ་སྤྱད་ལ་བཅུར་བས་སྡིག་སྒྲིབ་རྣམས་བྱང་སྟེ་ཐུགས་བློ་ལས་སུ་རུང་ཞིང་འཁྲིད་ཁང་དུ་རྫོགས་ཆེན་གསང་སྐོར་གྱི་བླ་མ་རྣམས་ཞལ་གཟིགས་ཤིང་ཨེ་ཀ་ཛ་ཊི་སོགས་ཀྱིས་འཕྲིན་ལས་སྒྲུབ་པར་ཁས་བླངས། རང་བྱུང་གི་རྟོགས་པ་ནང་ནས་བརྡོལ་བ་བླ་མའི་བཀའ་དྲིན་དུ་མཁྱེན་པས་གཞན་དོན་གྱི་སྐབས་མ་གཏོགས་ཚེ་དང་སྒྲུབ་པ་མཉམ་པའི་དམ་བཅའ་མཛད། རྫོགས་ཆེན་གྱི་སྒོ་ནས་གདུལ་བྱ་མང་པོ་སྨིན་གྲོལ་ལ་བཀོད་ཅིང་ཁྱད་པར་གཤིན་རྗེའི་བསྙེན་པ་འབུམ་ཕྲག་སུམ་ཅུ་ཙམ་མཛད་པས་མཐུ་སྟོབས་ཀྱི་སྙན་པ་ཆེ། དྲུག་ཅུ་རྩ་གཅིག་པ་ལ་གཤེགས་པའི་དུས་མེ་ཏོག་གི་ཆར། འཇའ་འོད་ཀྱི་གུར། རྩིབས་ཤར་གྱེན་བསྒྲེང་སོགས་ཀུན་གྱིས་མཐོང་བ་དང་ལས་དག་གི་སྣང་ངོར་སངས་རྒྱས་བྱང་སེམས་ལྷའི་བུ་བུ་མོ་མང་པོས་བསྐོར་ནས་མངོན་དགའི་ཞིང་དུ་གཤེགས་པ་མཐོང་། མི་མ་ཡིན་རྣམས་ཀྱིས་ཟླ་གཅིག་གསོལ་བ་བཏབ་པས་གཟུགས་མེད་པའི་སྒྲར་བླ་མ་ལ་གསོལ་བ་འདེབས་སོ་བྱིན་གྱིས་རློབས་ཟེར་བ་བྱུང་། བླ་མ་འདི་དང་བྱང་སེམས་ཆོས་སྐྱོང་དམ་པ་ལ་སྲས་ཟུར་ཤཱཀྱ་དཔལ་འབྱོར། ཟུར་མཁྱེན་མཆོག་སིདྡྷི་ཕ་ལ། ཟུར་ཨཱཪྻ་རཏྣ་གསུམ་འཁྲུངས་པའི་གཅེན་ནི་གཞོན་ནུའི་དུས་ནས་ཀློག་ཡིག་དཀའ་ཚེགས་མེད་པར་མཁྱེན་སྔགས་འཆང་ཧོར་མགོན་ལ་ཉེར་མཁོའི་ཆོས་སྐོར་དང་ཟུར་ཧྭ་མ་ཡབ་སྲས་ལ་ཡབ་ཆོས་རྣམས་གསན། ན་(༢༣བ)

― GLG009_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

བཟའ་ཕྱིང་པ་ནག་པོ་ཞིག་གསོལ་བ་དང་ཁ་མཆུ་མང་དུ་ལངས་པས་ཡུལ་མི་རྣམས་ཀྱིས་ཁ་མཆུ་ནག་པོར་བཏགས། རིན་སྤུངས་ནས་བཀའ་བཀྱོན་གྱི་རྣམ་པ་བྱུང་བ་རྐྱེན་ངན་གྲོགས་ཤར་གྱི་ཚེ་བདག་མཆོད་རྟེན་གྱི་སྒྲུབ་པ་དང་ཕུར་པ་ལོ་གསུམ་དུ་བསྒྲུབས་པས་ཞལ་གཟིགས། གཤིན་རྗེ་དང་ཕུར་པའི་ནུས་མཐུ་ལ་མངའ་བརྙེས་པས། །ཨེ་མ་ལོ་གསུམ་བར་དུ་སྒྲུབ་ཁང་ཞྭ་བཞིན་གྱོན། །བསྙེན་སྒྲུབ་རྣམ་བཞི་ཆུ་བོའི་གཞུང་བཞིན་བསྲངས། །ཚོགས་འཁོར་བསྟོད་བསྐུལ་མ་ནོར་གཞུང་བཞིན་བྱས། །དེ་ཡི་འབྲས་བུ་བསྐྱར་རྟོགས་ཟུང་འབྲེལ་ཐོབ། །འདི་ཕྱིའི་སྐྱབས་གནས་བློ་གཏད་སུས་ཞུས་ལ། །མཐུ་དབང་སྟེར་བའི་རྡོར་གཞན་ང་ཡིན་སྙམ། །ལོག་ལྟའི་དགྲ་བགེགས་རྩད་ནས་གཅོད་པའི་དུས། །སྒྲོལ་བྱེད་བཤན་པའི་སྔགས་ནག་ང་ཡིན་སྙམ། །ཚེ་ལུང་ཁྲུས་ལུང་རྣམ་ཤེས་རྡོ་རྗེར་གསལ། །སྦྱོར་བའི་དུས་སུ་སངས་རྒྱས་ང་ཡིན་སྙམ། །ཞེས་གསུངས་པའང་དོན་ལ་གནས། །འགྲོ་དོན་འཕྲིན་ལས་ཤིན་ཏུ་འཕེལ་ཕ་རྒོད་བསོད་ནམས་བཟང་པོ་དང་ཆག་ལོ་རིན་ཆེན་ཆོས་རྒྱལ་སོགས་ལ་སྔགས་གསར་རྙིང་གི་ཆོས་མང་དུ་གསན། རིན་པོ་ཆེ་ཟི་སྣ་ཀུན་བཟང་རྩེ་བ་ཆོས་ཀྱི་འབྱུང་གནས། སྟོན་པ་ཤཱཀ་རྡོར། ཁྲ་རི་རིན་པོ་ཆེ། གཅུང་གཉིས་སོགས་ཞལ་སློབ་མཁས་གྲུབ་མང་དུ་ཐོན། ཁྱད་པར་གཅུང་གཉིས་དང་སྲས་ཤཱཀྱ་རཏྣ་ལྕམ་སྲིང་ལ་ཡབ་ཆོས་མཐའ་དག་ཤིན་ཏུ་འགྲུས་པ་གཏད་རྒྱའི་བར་དུ་མཛད། རིན་སྤུངས་དོན་ཡོད་རྡོ་རྗེའི་ཞབས་ཕྱིར་ཡར་ཀླུངས་ལ་བྱོན་དུས་སྣེ་གདོང་གོང་མ་ཆེན་པོ་སྐུ་ལྟེམ་པར་ཕུར་དབང་ཕུལ་བས་དཔོན་ས་སྡེ་སྲིད་ཀྱི་ཏི་ཤྲི་ཡིན་ཞེས་སྡེ་དཔོན་ཀུན་གྱི་བླ་མར་གྱུར། ངོ་མཚར་པའི་ལྟས་དུ་མ་དང་བཅས་ཏེ་འོག་མིན་དུ་གཤེགས། གཅུང་(༢༤ན)

― GLG009_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲིང་བ་མཁྱེན་མཆོག་སིདྡྷི་ཕ་ལ་ནི། རྒྱ་གར་གྱི་པཎྜི་ཏའི་བག་ཆགས་སད་པས་སཾ་སྐྲྀ་ཏའི་སྐད་སོགས་རིག་གནས་ལ་ཐོགས་པ་མི་མངའ། འུག་པ་ལུང་པ་ཉག་ཕྲ་སྐབས་སླར་འདི་གར་འོང་ཞེས་ཞལ་གྱིས་བཞེས་པར་གྲགས། གཅུང་ཨཱཪྻ་རཏྣ་ནི། སྐུ་ཚེ་སྨད་ལ་གསང་སྐོར་སོགས་རྫོགས་ཆེན་ལ་ཉམས་ལེན་ཆིག་དྲིལ་མཛད། འགྲོ་དོན་འཕྲིན་ལས་རྒྱ་ཆེ་ཞིང་གཤེགས་པའི་དུས་པུར་ལས་མར་ཁུ་བབས་པ་མཚོ་ལྟར་འཁྱིལ་ཞིང་ལྷའི་བདུད་རྩིའི་རོ་བྲོ་བ་བྱུང་སྐད། ཟུར་ཤཱཀྱ་དཔལ་འབྱོར་གྱི་སྲས་ཟུར་ཤཱཀྱ་རཏྣ་ནི་གདུང་བརྒྱུད་ཉག་ཕྲ་བར་བྱུང་བས་བུ་སློབ་ཐམས་ཅད་ཀྱིས་དགའ་སྟོན་རྒྱ་ཆེར་མཛད། བླ་མ་ཤཱཀ་རྡོར་གྱི་དྲུང་དུ་སློབ་སྦྱང་། ཡབ་དང་ཟུར་ཨཱཪྻ་ལ་ཡབ་ཆོས་རྫོགས་པར་གསན། འཇིག་རྟེན་གྱི་ཚུགས་ཀ་ངན་པར་གཙང་ཆེན་དོན་ཡོད་རྡོ་རྗེའི་མངའ་ཐང་སྒང་ལ་རྒྱབ་པའི་གཏན་ཚིགས་ལོན་པས་གོ་བཅད། བླ་མ་རཏྣའི་མཚན་ཅན་ལ་རྫོགས་ཆེན་གསང་སྐོར། རིགས་འཛིན་རྒོད་ལྡེམ། སངས་རྒྱས་གླིང་པ། རཏྣ་གླིང་པ། མངའ་རིས་མཐོ་ལྡིང་གི་གཟའ་རྒོད་སོགས་གཏེར་ཆོས་མང་པོ་དང་། གཞན་ཡང་གནུབས་ཆེན་རཏྣ་ཤྲཱི། གནུབས་རོལ་དཔལ་རྡོ་རྗེ། དཀར་ཆེན་ཀུན་དགའ་གྲགས་པ། བྲག་དཀར་སེམས་དཔའ་ཆེན་པོ་སོགས་བསྟེན་ནས་གསར་རྙིང་གི་ཆོས་མང་དུ་གསན། འགྲོ་དོན་ཆེ་ཞིང་ཁྱད་པར་རིན་སྤུངས་པའི་སྲུང་འཁོར་བའི་གཙོ་བོ་མཛད། ཤཱཀྱ་རཏྣ་དང་ཡུམ་རིན་ཅེན་རྒྱལ་མོ་གཉིས་ལ་འཇམ་དབྱངས་རྒྱལ་བའི་སྲས་པོ་དང་གསང་བདག་ནོར་བུ་གཉིས་འཁྲུངས་པའི་གཅེན་མཚན་ཤཱཀྱ་རྡོ་རྗེ་ཉི་མ་དཔལ་བཟང་པོར་བཏགས། ཆུང་ངུའི་དུས་ནས་འཆམས་དབྱངས་ཆོ་ག་ཕྱག་ལེན་ལ་ཤིན་ཏུ་བྱང་། (༢༤བ)

― GLG009_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

གསེར་མདོག་ཅན་གྱི་ལྕང་ར་པཎ་ཆེན་བློ་གྲོས་བཟང་པོ་ལ་དགེ་བསྙེན་དང་ཆོས་ཁ་ཡར་ཞུས། ཡང་ཟུར་ཧྭ་མ་ཤཱཀྱ་རཏྣ། སློབ་དཔོན་ཚེ་རིང་མགར་ལེགས། སྒྲོོལ་མ་བ་རྣམ་རྒྱལ་རཏྣ། ལོ་སྟོན་སོགས་མང་དུ་བསྟེན་ནས་སྔགས་རྙིང་མ་བཀའ་གཏེར་གྱི་ཕྱོགས་ལ་མཁས་པར་སྦྱངས། གཞིས་ཀ་རིན་སྤུངས་སུ་མཁས་མང་འཚོགས་སར་མཁྱེན་པ་ཆེ་བའི་གྲགས་པ་ཐོན། ཡབ་ཡུམ་གྱི་སྐུ་དགྲ་གདུག་པ་ཆེན་པོ་ཞིག་མངོན་སྤྱོད་ཀྱིས་བསྒྲལ། ལྷ་ས་བསམ་ཡས་སོགས་བོད་ཀྱི་གནས་ཆེན་རྣམས་མཇལ་བར་ཕྱིན། གདན་སའི་འཛིན་སྐྱོང་ལ་བརྩོན་ཞིང་འཕྲིན་ལས་ཆེ། གཅུང་གསང་བདག་ནོར་བུ་ནི་ཆུང་ངུའི་དུས་ནས་བྱང་སེམས་ཆོས་སྐྱོང་དཔལ་མོའི་བག་ཆགས་སད་དེ་མཁྱེན་པ་ཡངས། གཟུངས་སྟོན་གྲགས་པ་ལ་ཆོ་ག་ཕྱག་ལེན་གར་འཆམས་སོགས་སྦྱངས། གཏེར་ཆེན་ཆོས་ཀྱི་རྒྱལ་པོ་ལྷ་བཙུན་ལེགས་ལྡན་བདུད་འཇོམས་རྡོ་རྗེ། གཅེན་དང་ཟུར་མོ་ཐུབ་ཆེན་མས་གཙོས་བླ་མ་མང་དུ་བསྟེན་ནས་གསང་སྔགས་རྙིང་མ་ལ་མཁས་པར་གྱུར། རིན་སྤུངས་ཞལ་ངོ་ནང་མཚམས་ཀྱི་དགེ་སྐྱོན་ལ་བརྟེན་ཞབས་དྲུང་ངག་དབང་འཇིགས་གྲགས་གཟིགས་ཕྱོགས་མ་ལེགས་པས་དྲུང་འཁོར་མ་རུངས་པས་བརྙས་པར་ཆོས་སྐྱོང་གི་རྟགས་མཚན་བསྟན། འབྲུག་པ་པདྨ་དཀར་པོས་འབྲོང་རྩེ་རྒྱལ་བྱེད་ཚལ་འདེབས་པའི་ས་འདུལ་བ་མཛད། རྗེ་པདྨ་དཀར་པོར་མོས་པ་ཆེན་པོ་ཐོབ་པས་འབྲུག་ལུགས་ཀྱི་ཆོས་མང་དུ་གསན། དུར་ཁྲོད་བས་མཐའ་སོགས་དབེན་པ་བསྟེན་ནས་དྲག་དམར་གྱི་གྲུབ་པ་བརྙེས། བརྟུལ་ཞུགས་ཀྱི་སྤྱོད་པ་སྐྱོང་བའི་རྣལ་འབྱོར་པ་མཛད་བཞེད་ཀྱང་གཙང་སྟོད་སྡེ་པ་ཀརྨ་མཐུ་སྟོབས་པའི་བླ་མཆོད་སྲུང་འཁོར་ལ་བསམ་གྲུབ་རྩེར་བཞུགས། །(༢༥ན)

― GLG009_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་ས་ཡར་རྒྱབ་མར་སྲིང་འབེབས་མཛད་པས་ཀརྨ་ཕུན་ཚོགས་རྣམ་རྒྱལ་འཁྲུངས། དེ་མཚུངས་མཆོག་དམན་ཀུན་ལ་འགྲོ་ཕན་གྱི་འཕྲིན་ལས་རྒྱ་ཆེ་གཤེགས་ཁར་ཟུར་བསྟན་འཛིན་རྡོ་རྗེར་རིག་པ་གཙིགས་བཟུང་ལ་ཨོ་རྒྱན་སྒོམས་ཤིག་ཟེར་བའི་གསལ་འདེབས་ཀྱིས་གསུང་བ་ལྟར་དགུང་ལོ་དོན་ལྔ་པ་ལ་ཟངས་མདོག་དཔལ་རིར་བྱོན། མཆེད་གཉིས་ཀྱི་ཇོ་མོ་རྡོ་རྗེ་རྒྱལ་མོ་ལ་སྲས་ཟུར་དབང་ཕྱུག་རྡོ་རྗེ། ཟུར་དོན་ཡོད་རྡོ་རྗེ། ཟུར་རྡོ་རྗེ་རྒྱལ་མཚན། ཟུར་དཔལ་མགོན་རྡོ་རྗེ། ཟུར་ཤཱཀྱ་གྲགས་པ། ཟུར་པདྨ་རྒྱལ་པོ་སྟེ་མཆེད་དྲུག་བྱུང་པའི་དང་པོ་ནི། ཐུགས་རབ་ཆེ་ཞིང་ཡིག་ཆོས་ཆོ་ག་ཕྱག་ལེན་རྣམས་ཚེགས་ཆུང་ངུས་མཁྱེན། དགུང་ལོ་བཅུ་གསུམ་ལ་བསམ་གྲུབ་རྩེར་འཆམས་བཤད་བྱང་བ་དང་འཆམས་མཁས་པའི་གྲགས་པ་ཐོན། རྒྱས་བའི་སྲས་པོ་ལ་ཡབ་ཆོས་རྣམས་གསན་བཻ་རོ་སྒྲུབ་ཕུག་ཏུ་ལོ་གསུམ་གྱི་རིང་མཚམས་བཅད། བདག་ཆེན་ངག་གི་དབང་ཕྱུག་ལ་ཕུར་དབང་གསན། རིགས་འཛིན་བདུད་འཇོམས་རྡོ་རྗེ་ཆུ་བོ་རིར་བཞུགས་པའི་དུས་བྱོན་ནས་ཡུན་རིང་པོའི་བར་ཞབས་འབྲིང་དུ་བཅར་ཏེ་གདམས་པ་མཐའ་ཡས་པ་དང་བྱང་ཐེག་མཆོག་གླིང་དུ་ཆོས་རྒྱལ་བཀྲ་ཤིས་སྟོབས་རྒྱལ་ལ་དབང་ཆོས་མང་དུ་གསན། གཞན་ཡང་བླ་མ་མཁས་གྲུབ་དུ་མ་བསྟན། ཀོང་པོར་བྱོན་སྐབས་ཆོས་འཁོར་རྒྱལ་དུ་ཐམས་ཅད་མཁྱེན་པ་བསོད་ནམས་རྒྱ་མཚོར་ཕུར་པའི་དབང་ཕུལ། དྭགས་ཀོང་ཚོར་འགྲོ་དོན་རྒྱ་ཆེ་བའི་ངང་ནས་ཤངས་རྡོ་རྗེ་གླིང་དུ་ཐུགས་ཁུར་བཞེས་ནས་བཟུང་དཔལ་མགོན། བྲམ་བྱམས་མགོ་བ། དགེས་ལུང་པ། རི་སྦུག་པ། དགོན་སར་བ། གླན་ཉ་ཚལ་བ། རྩེགས་པ་དགོས་སྐྱེས་ལ་སོགས་པ་སྔགས་འཆང་མང་དུ་འདུས་པར་མཆོག་(༢༥བ)

― GLG009_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་ལེགས་ལྡན་རྡོ་རྗེས་འདུས་པ་མདོ་དབང་ཆེན་མོ་གནང་བས་བསྟན་པའི་ཉི་འོད་བརྡལ། རང་ཉིད་ཀྱིས་སྒོམ་སྒྲུབ་དང་སློབ་མ་རྣམས་ལ་འཆད་ཉན་གྱི་འགྲོ་དོན་ཆེ། སློབ་མའང་ཀྱི་སྟོན་ཚེ་རིང་དབང་པོ། ཟུར་བསྟན་འཛིན་རྡོ་རྗེ། དཔལ་མགོན་དབང་ཕྱུག་སོགས་གཞན་ཕན་ནུས་པ་མང་དུ་བྱུང་། ཟུར་རྡོ་རྗེ་རྒྱལ་མཚན་ཡི་དམ་ལྷས་རྗེས་སུ་བཟུང་ནས་མཚན་མ་ཁྱད་པར་ཅན་བརྙེས། ཟུར་དཔལ་མགོན་རྡོ་རྗེ་ནི་མཆོག་སྤྲུལ་ལེགས་ལྡན་རྡོ་རྗེ་དང་ཡབ་སོགས་བླ་མ་མང་དུ་བསྟེན་ནས་མཁས་གྲུབ་ཏུ་གྱུར་ཅིང་གདན་ས་བསྐྱངས། རྡོ་རྗེ་རྒྱལ་མཚན་གྱི་སྲས་ཟུར་བསྟན་འཛིན་རྡོ་རྗེ་ནི་གསུང་རབ་སྤྱི་དང་ཐ་སྙད་རིག་པ་སོགས་ལའང་མཁྱེན་པ་ཡངས། སྔགས་རྙིང་མ་བཀའ་གཏེར་གྱི་དབང་ལུང་འཁྲིད་མན་ངག་སྒྲུབ་པ་འཕྲིན་ལས་ལ་ནང་བྱན་ཆུད། ཁྱད་པར་ཀྱི་སྟོན་ཚེ་རིང་དབང་པོ་ལ་རིགས་འཛིན་ཆེན་པོ་ནས་བརྒྱུད་པའི་མདོ་དབང་གསན་པའི་ཕྱག་ཕྱིར་བླ་ཆེན་ཆོས་རྒྱལ་རྡོ་རྗེ་ཡོད་པས་དེ་ལ་ཁྱབ་བདག་ཁྲ་ཚང་པ་ཆེན་པོས་གསན། དེས་མཆོག་སྤྲུལ་པདྨ་འཕྲིན་ལས་ལ་ཕུལ་བས་དེ་ལ་བརྟེན་ནས་དབུས་གཙང་ཁམས་གསུམ་དུ་རྣམ་པར་དག་པའི་དབང་རྒྱུན་གྱིས་ཁྱབ། བར་སྐབས་སུ་སྤྱན་འགྲིབ་པ་ཟབ་ཕུར་བྱོན་དུས་མི་དཀར་པོ་ཞིག་གིས་རས་ཀྱིས་ཞལ་ཁྱིམ་ཕྱིས་པ་ཞིག་མནལ་ལམ་དུ་བྱུང་བ་དེ་ནས་ཞག་ཤས་སོང་ཚེ་རང་བྱེར་སོང་བ་སློབ་དཔོན་ཆེན་པོའི་བྱིན་རླབས་སུ་ཐུགས་ངེས་མཛད། ཤིང་ཕག་སོག་པོ་ཨར་ས་ལང་གི་དམག་ཡར་འབྲོག་ལ་བརྒྱགས་སྐབས་རིགས་འཛིན་ཡོལ་མོ་པ་ཆེན་པོ་པ་རྣམ་དུ་སོག་བཟློག་མཛད་པའི་དཀྱིལ་འཁོར་གྱི་མཐར་སྔགས་པ་འུག་པ་ལུང་པས་དབང་ཕྱུག་མ་ཉེར་བརྒྱད་བཏང་བ་ཡིན་ཟེར་ནས་མི་མགོ་མང་པོ་སྤུངས་པ་གཟིགས་པས་སྐུ་རིམ་དོ་དམ་(༢༦ན)

― GLG009_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་འབྱོར་བྱང་པ་འཕེལ་འཕེལ་ལ་ལྟས་འདི་བཞིན་བྱུང་བས་སོག་པོ་དེ་བས་གནོད་པར་མི་ནུས་པའི་རྒྱུ་མཚན་གསུངས་པ་སོགས་དམ་ཅན་ལས་སུ་འཁོལ་བའི་མཐུ་རྩལ་ཆེ་བར་གྲགས། དེ་སྲས་ཟུར་ཚེ་དཔལ་ཉི་མ་བཟང་པོ། ཟུར་ཡང་ཕུར་ཚེ་བདག་རྡོ་རྗེ། ཟུར་ཤཱཀྱ་ཤེས་རབ་གསང་བདག་བསྟན་འཛིན་དབང་པོ་དང་གསུམ་བྱོན་ཟུར་ཤཱཀྱ་ཤེས་རབ་ཀྱི་སྲས་ཟུར་ཚེ་དབང་བསྟན་འཛིན་ཉི་མ་བཟང་པོ་དང་ཟུར་མཐུ་སྟོབས་དབང་པོ་མཆེད་གཉིས། དེ་གཉིས་ཀྱི་སྲས་ཟུར་ཤཱཀྱ་བསྟན་འཛིན་བསོད་ནམས་དཔལ་འབྱོར་བཟང་པོ་སོགས་ཉ་རི་འུག་པ་ལུང་པ་དང་ཡངས་པའི་གསང་སྔགས་གླིང་གཉིས་ཀའི་གདུང་བརྒྱུད་གཞུང་མ་ཆོས་སྲིད་གཉིས་ལྡན་དུ་ཡོད་ཅིང་མཁྱེན་མཆོག་ཤཱཀྱ་འབྱུང་གནས་ཀྱི་སྲས་བླ་མ་ཕ་ལ་སྐུ་མཆེད་ནས་ཡང་དབེན་དང་གསང་སྔགས་གླིང་སོགས་སུ་འཕེལ་ཞིང་དེ་དག་ལས་འཕྲོས་པའི་གདུང་བརྒྱུད་ལ་ལ་དབེན་པ་བསྟེན་པ་དང་གནས་ངེས་མེད་དུ་བྱོན་པ་ནས་ལ་སྟོད་ལྷོ་བྲག་དང་སྐྱིད་ཤོད་ཚོར་མཆེད་པའི་ལ་སྟོད་དུ་སྤང་བདེ་ལེགས་རྒྱལ་མཚན་ཞེས་མཁས་གྲུབ་འགྲན་ཟླ་དང་བྲལ་བ་དེ་ནས་གདུང་འཕེལ། ལྷོ་བྲག་ཏུ་ཟུར་དྭངས་མ་བ་བསྟན་འཛིན་འགྱུར་མེད་ཀྱིས་མངའ་རིས་རིགས་འཛིན་ཆེན་པོ་དང་རླུངས་ནོར་བུ་དབང་རྒྱལ་སོགས་དམ་པ་དུ་མ་བསྟེན་ནས་རྙིང་མ་བཀའ་གཏེར་ཕྱོགས་ལ་དཔྱིས་ཕྱིན་པར་སྦྱངས། ཁྱད་པར་མངོན་སྤྱོད་ཀྱི་སྐོར་ལ་རྩལ་དུ་ཐོན་པས་རླུངས་རིགས་རབ་བརྟན་དབང་པོ་དང་གུང་རུ་དབྱངས་དཔོན་པ་སོགས་ཞལ་སློབ་མཐུ་སྟོབས་ཅན་མང་དུ་བྱུང་། སྐྱིད་ཤོད་ཕྱོགས་སུ་མཆེད་པ་ནི་གདུང་བརྒྱུད་གཅིག་དབུས་ཀྱི་གནས་རྣམས་མཇལ་བར་བྱོན་པའི་བསམ་ཡས་སུ་བཞུགས་སྐབས་སྐྱིད་ཤོད་དུ་དགོན་གནས་བཏབ་ན་འགྲོ་དོན་ཡོང་(༢༦བ)

― GLG009_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་མཁའ་འགྲོའི་ལུང་བསྟན་བཞིན་རྒོད་དཀར་ལ་ཐོག་ནས་གཟིགས་པས་སྐྱིད་ཤོད་ཐང་པའི་མདའ་དེ་ལུང་བསྟན་གྱི་གནས་ཡིན་པར་མཁྱེན་ཀྲི་ལུང་དགོན་བཏབ་ནས་བཞུགས་པས་བླ་མ་ཀྲི་ལུང་པར་གྲགས། བུ་སློབ་མང་དུ་འདུས་པར་སྒྱུ་འཕྲུལ་ཡང་ཕུར་གཤིན་རྗེ་སོགས་རྙིང་མ་བཀའ་གཏེར་གྱི་ཆོས་རྒྱ་ཆེར་གསུངས་གཞན་ཕན་གྱི་འགྲོ་དོན་ཆེ་བར་བྱུང་། དེ་ལ་སྲས་རིགས་འཛིན་ཐང་པ་འཁྲུངས་གཞོན་ནུའི་དུས་ཡིག་ཆོས་སྒྲུབ་འཕྲིན་སྦྱོང་བ་དང་ཡབ་ཀྱི་ཆོས་རྣམས་བུམ་པ་གང་བྱོ་ལྟ་བུར་གནང་། རྒྱལ་སྔོན་ལྕགས་ཞུ་སོགས་ཀྱི་སེར་སྲུང་དང་གྲོང་ཆོག་གི་འཕྲིན་ལས་ཆེ་བར་བྱུང་། གཟིམས་ཁང་གསར་དུ་བརྩིགས་ནས་ཕུར་སྒྲུབ་མཛད་པས་གྲུབ་རྟགས་མང་དུ་ཐོན། ཁྱད་པར་རྐང་མགྱོགས་ཀྱི་དངོས་གྲུབ་བརྙེས་པས་འཕན་ཡུལ་ཟིང་པ་སྟག་མགོ་ནས་གཟིམས་ཁང་གི་བར་དུ་ཉིན་འཁོར་བཏང་བའི་ཀུན་ཡ་མཚན་གྱི་གནས་སུ་འཛིན། གཟིམས་ཁང་ལ་ཕུར་སྒྲུབ་ཁང་དུ་གྲགས་དེའི་སྲས་ཟུར་དྷི་ངམ་གྱིས་ཡང་ཕུར་གཤིན་རྗེ་སོགས་ཆོས་བཀའ་རྣམས་ཡབ་ལ་གསན། དགུན་ཕུར་སྒྲུབ་ཁང་དང་དབྱར་འབྲོམ་ཆུ་རིགས་བརྒྱུད་ཀྱི་སེར་བ་བསྲུངས། ལོ་ལོ་བཞིན་ཕུར་སྒྲུབ་མཛད་པར་གཤེགས་རྒྱུའི་ལོ་སེར་བསྲུང་ལ་ཕེབས་གདོང་ཕུར་ཆུ་རྣམས་ལ་གསོལ་འདེབས་སྨོན་ལམ་མཛད་ནས་ཕྱིར་བྱོན་པའི་རྗེས་སུ་སྲས་ཕུར་ཞིག་ལྷུངས་བྱུང་བ་ན་བཟའ་ལ་འཁྲིལ་བ་ཡིན་ནམ་སྙམ་ཡར་སྐྱལ་བར་ཆས་པ་ན་ད་ལོ་འབྲོམ་སྟོད་ལ་འགྲོ་དགོས་ཡོད་ཅེས་ཕུར་པས་གསུང་བྱོན་པས་གདན་དྲངས། ཕུར་པ་གསུང་འབྱོན་མ་ད་ལྟའང་ཡོད། ཇོ་མོ་སྐྱིད་དཔལ་ཟེར་བ་ལ་སྲས་ཟུར་ལྷུན་གྲུབ་རྡོ་རྗེ་འཁྲུངས། ཆུང་ངུ་ནས་ཡབ་གཤེགས་པས་སེར་སྲུང་ཡུམ་གྱིས་མཛད། སྲས་དགུང་ལོ་བརྒྱད་པའི་(༢༧ན)

― GLG009_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་འབྲི་གུང་པའི་ཏི་སེའི་རི་ལ་འགྲོ་མཁན་དང་སྦྲགས་ནས་ས་སྐྱར་ཕུར་པའི་དབང་ཞུ་བར་བྱོན་པ། བདག་ཆེན་ངག་གི་དབང་ཕྱུག་གདན་སར་ཕུར་སྒྲུབ་མཛད་པའི་རྒྱལ་མོ་བསྡམས་པ་དང་དེར་ཕེབས་པ་འགྲིག །སླར་ཡང་ཤེས་པས་རྟེན་འབྲེལ་ལེགས་ཞེས་ཞལ་གྱིས་བཞེས་ནས་ཕུར་པའི་དབང་དང་འབྲེལ་བའི་ཡིག་ཆའི་ལུང་གནང་། རི་པ་ལོག་མི་དང་འགྲོགས་ནས་འུག་བྱ་ལུང་དུ་བྱོན། ཡབ་ཆོས་ཅི་རིགས་གསན། གནས་རྣམས་ཞིབ་པར་མཇལ་ཏེ་འབྲོམ་སྟོད་དུ་ཕེབས། དུར་ཁྲོད་ཀླུ་མོས་རྒྱལ་དུ་ལོ་གསུམ་གྱི་བར་ཕུར་པ་ཆིག་དྲིལ་དུ་བསྒྲུབས་ལོ་གསུམ་རྫོགས་པར་ཉེ་བའི་ནུབ་ཅིག་སྒོའི་ཐད་དུ་འོད་དམར་ལམ་མེ་བ་ཞིག་བྱུང་བ་ཅི་ཡིན་ནམ་སྙམ་གཟིགས་ཙ་ན་མེ་དཔུང་ཆེན་པོའི་དབུས་ན་དཔལ་རྡོ་རྗེ་གཞོན་ནུ་ཞལ་ཕྱག་ཡོངས་སུ་རྫོགས་པ་ཁྲ་ལམ་གྱིས་གཟིགས་པའི་མུས་ལ་འུར་སྒྲ་དང་བཅས་ནམ་མཁའི་མཐོངས་སུ་གཤེགས་སོང་བས་རབ་དངོས་སུ་ཞལ་སྟོན་པའི་བསྙེན་རྟགས་མཆོག་ཏུ་གྱུར་ཅིང་ཡི་དམ་ལྷས་རྗེས་སུ་བཟུང་བས་མཐུ་སྟོབས་ནུས་པ་ཤིན་ཏུ་ཆེ། སྒྲུབ་འཕྲིན་གྱི་ལས་གང་མཛད་ཐོག་ཁོ་ནར་འགྲོ་བའི་ཆུ་ལྷོ་བྱང་གི་ཁེངས་རློམས་ཅན་རྣམས་ཀྱང་སྤོ་བོས་མཐུ་བྱེད་དུ་འོང་ཟེར་ནས་བརྙས་བཅོས་བྱེད་མི་ནུས། རྡོ་རྗེ་འཆང་དཔལ་འབྱོར་ལྷུན་གྲུབ་ཀྱི་གསུང་ལས་ཀྱང་སྤོ་བོ་དེ་རི་མོ་སོགས་ཕྱག་བདེ་བ་ཞིག་མི་འདུག །ནུས་མཐུ་ཟུར་པའི་གདུང་བརྒྱུད་ཕྱིས་བྱུང་བ་ནི་ཤས་ཆེ་ཞེས་བསྔགས་བརྗོད་ཁོ་ན་མཛད། ཟིང་པ་སྟག་མགོའི་གདན་སར་སྣང་གསལ་ནས་རྒྱལ་མོ་གཡུ་སྒྲ་སྙིང་པོའི་རྣམ་སྤྲུལ་ཀུན་དགའ་ཆེ་མཆོག་ཕེབས་པ་དང་འགྲིག་སྟེ་མཇལ་བར་བྱོན། རིན་པོ་ཆེ་རྙིང་མ་གཏེར་མའི་སྐོར་ལ་མཁས་གྲུབ་ཤིན་ཏུ་ཆེ་བས་ཡུན་(༢༧བ)

― GLG009_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

རིང་པོར་བསྟེན་ནས་བཀའ་བརྒྱད་བདེ་འདུས། གཏེར་ཁ་གོང་འོག་གི་ལོག་ཏྲི།ནཱ་ག་རཀྴ། འཆར་ཀཚེ་བདག་མེའི་སྤུ་གྲི། ཁྲོ་ཆུ་སོགས་གནུབས་ལུགས་སྐོར། མཁའ་འགྲོ་སྙིང་ཏིག་དང་ཡང་ཏིག་ཁྱབ་འཇུག་སྐོར། རཏྣ་གླིང་པའི་ཕུར་པ། རྟ་ནག །མ་ནིང་། དྲི་མེད་ལྷུན་པོའི་རླུང་དམར། པདྨ་གླིང་པའི་གུ་རུ་ཞི་དྲག །ཀརྨ་གླིང་པའི་ཐོས་གྲོལ། འབྲི་གུང་པའི་གཏེར་གསར་དགོངས་པ་ཡང་ཟབ་སོགས་དབང་ལུང་འཁྲིད་རྒྱ་ཆེར་གསན། ཡི་དམ་གྱི་ལྷ་རྣམས་ལ་བསྙེན་སྒྲུབ་མང་དུ་མཛད། ཁྱད་པར་ནཱ་ག་རཀྴའི་སྒོ་ནས་ཕྱག་རྒྱ་ཐེངས་གསུམ་སྤོས་པས་ཐུགས་རུས་ཆེ་བའི་ཚད་དུ་ཕྱིན། སྐུ་ཆས་བཀྲེན་པར་རཏྣ་གླིང་པའི་རྣམ་སྲས་མདུང་དམར་ཅན་གྱི་སྒྲུབ་པ་མཛད་པས་ཞལ་དངོས་སུ་བསྟན་ནས་སྦྱིན་པ་ཕྱོགས་མེད་དུ་ཐོངས་ལོངས་སྤྱོད་ཡོང་གསུངས་པ་བཞིན་གྲོང་ཆོག་ལ་བྱོན་པའི་འབུལ་བ་དང་སྐྱོས་མ་ཀུན་དབུལ་པོའི་རིས་ལ་འཕངས་མེད་དུ་བཏང་བས་འབྱོར་པ་ཆེ་བར་བྱུང་། ཡེར་པ་ཟླ་བ་ཕུག་ཏུ་མཚམས་མཛད་ཚེ་ཆོས་རྒྱལ་བཀྲ་ཤིས་སྟོབས་རྒྱལ་གནས་གཟིགས་པ་ལ་ཕེབས་པའི་གནས་འབྲེལ་གྱི་དུས་སྤོ་བོས་རྡོར་སེམས་སྙིང་ཏིག་གི་གསོལ་འདེབས་གསུངས་པ་གསན་ནས་ཁྱོད་ཀྱིས་ཐེག་པའི་ཡང་བཅུད་ཐོབ་པ་ཨེ་ཡིན་དྲི་བ་གནང་བར་མ་ཐོབ་ཞུས་པར་ཁྱོད་ཀྱིས་འདོན་པའི་གསོལ་འདེབས་དེ་གང་གི་ཡིན་གསུངས་པར་རྡོར་སེམས་སྙིང་ཏིག་གི་ཡིན་ཞུས་པར་འོ་མང་པོ་ཁྱོད་ཀྱིས་མིང་གི་རྣམ་གྲངས་མ་ཤེས་འདུག །བླ་མ་སུ་ལ་ཞུས་གསུང་བར་རྒོད་ཕྲུག་སྙན་བརྒྱུད་རས་པར་ཐོས་ཚུལ་ཞུས་པས་དགོས་ཕེབས་པ་བཞིན་སྐུ་མཚམས་ཁོག་ནས་དབང་ལུང་འཁྲིད་རྣམས་ཕུལ། ཞབས་དྲུང་རིན་པོ་ཆེར་ཡང་ཆོས་འབྲེལ་གསན། སྐུ་དགྲའི་རིས་ལ་རླུང་འཁོར་དང་མནན་(༢༨ན)

― GLG009_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

གཏད་སོགས་ལས་སྦྱོར་གྱི་སྒོ་ནས་ཚར་བཅད་པའི་ཕྱག་རྗེས་ཀྱང་མང་དུ་སྣང་། དགོངས་འདུས་ལུང་བསྟན་བཀའ་རྒྱར། རྣལ་འབྱོར་རྦ་གསལ་ཡེ་ཤེས་དབྱངས་ཁྱོད་ཀྱང་༔ སྔ་མའི་ལས་བཟང་འདི་ལ་སྤྱོད་བྱེད་ཅིང་༔ འདི་ཡི་སྨོན་ལམ་མཐུ་ལ་བརྟེན་ནས་ཀྱང་༔ ཡང་ཅིག་སྐྱེ་འགའ་བརྒྱུད་པའི་ཡང་ཕྱི་ལ༔ འགྲོ་བའི་དོན་རྩ་འབྲོམ་ཞེས་བྱ་བའི་ཡུལ༔ མི་འགྱུར་རྡོ་རྗེ་ཡེ་ཤེས་དབྱངས་ཀྱི་མཚན༔ ངང་ཚུལ་བཟང་པོ་ལེགས་པའི་བློ་དང་ལྡན༔ གཙུག་ལག་ཁང་སྐྱོང་དེ་ལ་བརྟེན་ནས་ཀྱང་༔ རླབས་ཆེན་སྤྱོད་པས་འགྲོ་བ་འདྲེན་ཐབས་སྟོན༔ ཡཀྴ་མེ་དཔལ་རླུང་གི་འཁོར་ལོ་སྒྱུར༔ རྫུ་འཕྲུལ་སྟོན་བྱེད་བསྟན་པ་སྐྱོང་བ་འབྱུང་༔ དེ་ཕྱིར་རྒྱུད་མར་རིམ་བཞིན་འགྲོ་བ་འདྲེན༔ ཞེས་ཡུལ་མཚན་མཛད་པ་སོགས་ཀྱིས་ཡིད་ཆེས་པའི་ལུང་བསྟན་གྱིས་ཟིན་པར་སྣང་། འདི་ཉིད་ལ་སྲས་ལྔ་བྱོན་པའི་ཆེ་བ་ཟུར་ཆེན་གཞོན་ནུ་དོན་གྲུབ་ནི་ཆོས་རྒྱལ་བཀྲ་ཤིས་སྟོབས་རྒྱལ་གྱིས་རིགས་འཛིན་ཀུ་མཱ་རཱ་ཛའི་སྐྱེ་བ་ཡིན་ཞེས་ལུང་བསྟན། ཆུང་ངུ་ནས་ཡི་གེ་འདྲི་ཀློག་མཁས་པར་མཁྱེན། ཐུགས་གཉེར་གྱི་ཚེ་ལྷ་གདོང་སྔགས་འཆང་ཚེས་གཅིག་དཔལ་འབྱོར་གྱིས་བརྙས་བཅོས་སེ་བ་བྱེད་འདུག་པས་ལྷ་གདོང་པ་མཚམས་ཀྱི་ཚེ་རྨི་ལམ་དུ་བུད་མེད་ཅིག་གིས་ཤེལ་གྱི་སམ་ཊ་ཞིག་བསྟན་ནས་ཁྱོད་ཀྱིས་སློབ་དཔོན་གྱི་སྲས་ལ་བརྙས་པ་བྱེད་པ་ཞིག་འདུག་པ་མི་རིགས་ཟེར་བར་སམ་ཊར་བལྟས་པས་ཁྲི་སྲོང་ལྡེ་བཙན་གྱིས་སྲས་མོ་ལྷ་ལྕམ་པདྨ་གསལ་གྱི་ཞལ་ཟླ་མ་དཔལ་མཚོ། དེ་ནས་ཡེར་པར་རིགས་འཛིན་ཀུ་མཱ་རཱ་ཛ་སོགས་ཡིན་ཚུལ་འདུག་པས་དེ་ནས་བཟུང་དད་མོས་ཆེ་བར་བྱེད། རྩིས་དཀར་ནག་དང་ལྷ་རིས་ཕུལ་དུ་ཕྱིན་པ་སྦྱངས། ཡབ་ལ་ཉེར་མཁོའི་ཆོས་དང་གདམས་པ་ཞུས། སྣང་(༢༨བ)

― GLG009_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བ་རིན་པོ་ཆེ་ཀུན་དགའ་ཚེ་མཆོག་ལ་གཏེར་ཁ་གོང་འོག །རྒྱ་ཞང་ཁྲོམ། ཨོ་རྒྱན་གླིང་པ། ལས་འབྲེལ་རྩལ། སངས་རྒྱས་གླིང་པ། རཏྣ་གླིང་པ། པདྨ་གླིང་པ། ཀརྨ་གླིང་པ། རྗེ་འབྲི་གུང་པ་གནམ་ལྕགས་མེ་འབར་གྱི་གཏེར་ཆོས་སོགས་གཏེར་ཁ་མང་པོ་དང་། ཀློང་ཆེན་པའི་དགོངས་གཏེར་གྱི་དབང་འཁྲིད་ལུང་མན་ངག་ཕྱག་ལེན་མཐའ་དག་ཞིབ་པར་གསན། ལྷ་སྲས་རྒྱལ་པོའི་རྣམ་སྤྲུལ་འབྲི་གུང་ཞབས་དྲུང་ཆོས་རྒྱལ་ཕུན་ཚོགས། བྱང་བདག་རིགས་འཛིན་ཆེན་པོ། རྗེ་བཙུན་བོན་མཁར་བ་མཻཏྲི་བྱམས་པ་དོན་གྲུབ་རྒྱལ་མཚན། སྡེ་པ་སྣང་རྩེ་བ་ནམ་མཁའ་ཚེ་བརྟན་རྒྱལ་པོ། སྟག་ལུང་ཞབས་དྲུང་ངག་དབང་རྣམ་རྒྱལ་སོགས་རིས་མེད་ཀྱི་བླ་མ་མང་པོར་གསང་སྔགས་གསར་རྙིང་གི་ཆོས་དུ་མ་དང་ཁྱད་པར་བཻ་རོ་ཙ་ནའི་རྣམ་སྤྲུལ་འཕྲང་མགོ་གཏེར་སྟོན་ཤེས་རབ་འོད་ཟེར་གྱི་གྲོལ་ཏིག་གི་ཆོས་བདག་ཏུ་ངོས་བཟུང་གཏེར་གསར་གྱི་སྐོར་རྫོགས་པར་གནང་། དེའི་ཚེ་གཏེར་སྲུང་གི་ལྷོངས་ཀྱིས་གློ་བུར་དུ་བསྙུན་ཞིང་མཚན་མོ་དངོས་ཉམས་འདྲེས་པར་ཁྲག་གི་རྦ་ཀློང་དུ་སྐུ་གཟུགས་གཡེངས་པ་ལྟ་བུའི་ཆོ་འཕྲུལ་བྱུང་བར་གཏེར་སྟོན་གྱིས་གཏོར་བསྔོས་དང་གཏེར་སྲུང་གི་སྲོག་གཏད་མཛད་པས་རང་ཞིར་སོང་། འཚུབ་དེ་ཡང་བསྟན་སྐྱོང་རྡོ་རྗེ་གཤོག་རྒོད་མའི་ཞལ་གཟིགས་པའི་སྔོན་འགྲོར་འདུག །རིན་པོ་ཆེ་ཀུན་དགའ་ཚེ་ཆོག་གི་ཞབས་འབྲིང་དུ་ལོ་མང་བཅར་བའི་ཆོས་ལྷག་མ་རྣམས་ཀྱང་བུམ་པ་གང་བྱོར་གསན་པའི་རྩ་བའི་བླ་མ་ཡིན་ཞིང་ཐུགས་དམ་ཐང་ཁ་འབྲི་བ་སོགས་སྤྱོད་ལམ་གྱི་སྒོ་ནས་ཀྱང་བླ་མ་མཉེས་པར་མཛད། གཙོ་བོ་ཐོས་བསམ་སྒོམ་གསུམ་ལ་བརྩོན་པས་ཐུགས་སྲས་སུ་བྱུང་། རིན་པོ་ཆེ་སྐུ་བཤེགས་(༢༩ན)

― GLG009_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གདུང་ལ་སྐུ་འདྲ་དང་རིང་བསྲེལ་དཔག་མེད་བྱུང་བའི་གཙོ་བོ་དབུ་ཐོད་བམ་རིལ་ལ་ཨྱོན་རིན་པོ་ཆེ། ཚེ་ཆོག །ཐུགས་རྗེ་ཆེན་པོ་སོགས་རང་བྱོན་ཕེབས་པའི་བཞུགས་གནས་གསེར་གདུང་རིན་པོ་ཆེ་བཞེང་བས་མཚོན་གཤེགས་རྫོང་རྒྱས་པར་སྒྲུབ་པའི་དོ་དམ་མཛད། གུང་རུ་དབྱངས་དཔོན་པ་དཔལ་ལྡན་གྲགས་པ་སྡེ་པ་ཡུག་སྔགས་འཆང་དང་ཟུར་དར་མ་བ་བསྟན་འཛིན་འགྱུར་མེད་གཉིས་ནས་བརྒྱུད་པའི་སྡེབ་གཤོར་རླུང་གསུམ་གཟའ་གདོང་དམར་ནག་གཏད་སེལ་དབྱེ་བསྐྲད་སོགས་མངོན་སྤྱོད་ཀྱི་ལས་མཐའ་མང་པོའི་དབང་ལུང་ཕྱག་ཁྲིད་ལ་ཞིབ་པར་སྦྱངས་པས་དུས་ཐོག་དེར་དབུས་གཙང་གི་ལྗོངས་སུ་ཟླ་མེད་ཀྱི་སྔགས་འཆང་དུ་གྱུར། ཡར་གཙང་སྐུར་གསུམ་མངའ་ཐང་སྒང་ལ་རྒྱབ་པའི་སྐྱིད་ཤོད་ལུང་པ་ཕལ་ཆེར་ཡང་བཟུང་བའི་ཤུགས་ཀྱིས་དགེ་ལུགས་ཡོན་མཆོད་མཛད་དཀའི་ཚེ་ཐམས་ཅད་མཁྱེན་པ་ཡོན་ཏན་རྒྱ་མཚོས་ཐུགས་ཁུར་བཞེས་ཏེ་བསྟན་པའི་སྤྱི་རིམ་མང་དུ་མཛད་སྐབས་རབ་འབྱམས་པ་བསོད་གྲགས་པ་སོགས་ཟ་ཟིའི་ཁྲོམ་འདུལ་གྱི་སྔགས་རློམ་དུ་མ་ཡོད་ན་ཡང་གུང་རུ་དབྱངས་དཔོན་པ་ཁྲག་འཐུང་ཡེ་ཤེས་རྡོ་རྗེ་དང་ཆབས་གཅིག་པར་འཁྲུལ་མེད་ཀྱི་ལས་སྦྱོར་གནད་དུ་བསྣུན་ཏེ་ཡར་རྒྱབ་པ་དཔོན་བློན་ལ་རྟགས་མཚན་འགྱངས་མེད་དུ་བསྟན་པའི་ཞལ་པོ་དང་ལག་ལེན་འཕྲུགས་པར་བརྟེན་བདག་རྐྱེན་ཆེ་བ་དང་མཚན་རིགས་འཛིན་འཁོར་ལོའི་དབང་ཕྱུག་ཏུ་གསོལ། སྐུ་ཡོན་དང་མཐུ་སྟོབས་ཕན་ཚུན་འགྲན་བཞིན་པས་སྟོད་སྨད་ཀུན་གྱི་བླའི་མཆོད་གནས་སུ་བཀུར། དགུང་ལོ་དོན་དགུ་པ་ལ་རིགས་འཛིན་གྱི་གྲལ་དུ་གཤེགས་སོ། །ཀུན་བཟང་ཐུགས་རྗེའི་འོད་ཟེར་ལྷ་ཡི་བུར། །ཡོངས་ཤར་(༢༩བ)

― GLG009_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ལྔའི་ལམ་ལས་ཉེར་བབས་ཏེ། །གྲགས་པའི་མུ་ཁྱུད་ཉེ་དབང་ཚོགས་བཅས་ཀྱི། །བསོད་ནམས་ཞིང་དུ་རྣམ་རྒྱལ་ཁང་རྩེར་བྱོན། །ཕྱོགས་ལྷུང་གདོན་གྱིས་སྙིང་བཏབ་ལྷ་མིན་དཔུང་། །ལེགས་ལྡན་ནག་པོ་ཁྲོས་པའི་གཡུལ་ངོ་རུ། །སྲོག་སོགས་མགོ་ལུས་གཏུབས་པའི་ཁྲག་གི་རྒྱུན། །གངྒཱའི་ཀླུང་ཆེན་དེས་ཀྱང་བསྒྲུན་ནུས་མིན། །འཕགས་བོད་འཛིན་མར་འོད་གསལ་ལྷ་ཡི་གདུང་། །ཟུར་རིགས་སྔགས་འཆང་མུ་ཐི་ལ་ཡི་འཕྲེང་། །རིམ་བྱོན་རྣམ་དག་བརྗོད་པའི་སྲད་བུ་ལ། །བརྒྱུས་འདི་བློ་ལྡན་མགྲིན་པའི་རྒྱན་དུ་ལོངས། །དམ་པ་འདི་ཉིད་ནི་ཆོས་རྒྱལ་མེས་དབོན་གྱི་དུས་དབུས་གཙང་རུ་བཞིར་གྲགས་པའི་དབུ་རུའི་སའི་ཆ་ས་ཧོར་མཆོད་ཡོན་གྱི་དུས་ཁྲི་སྐོར་བཅུ་གསུམ་དུ་ཕྱེ་བའི་ཚེ་ཧོར་དགའ་བདེ་བཟང་པོ་དང་སི་ཏུ་སྨོན་ལམ་རྡོ་རྗེ་ཁུ་དབོན་གྱིས་བདག་མཛད་པའི། ཚལ་པ་ཁྲི་སྐོར་གྱི་ཆར་གཏོགས་ཤིང་དེའི་ནང་གསེས་ས་སྐྱོང་བཀྲ་ཤིས་རབ་བརྟན་གྱིས་བྲག་དཀར་འདམ་ར་མན་ཆད་སྐྱིད་ཤོད་དུ་ངོས་བཟུང་བའི་དགེ་བཅུ་ཚང་བའི་ཡུལ་གྲུ་དེ་ཡང་། འཇམ་དཔལ་རྩ་བའི་རྒྱུད་ལས། དེ་བཞིན་གཤེགས་པའི་བསྟན་འདི་ལ། །རྣམ་པ་སྣ་ཚོགས་བྱ་བ་བྱེད། །བྱང་གི་ཕྱོགས་ལ་བརྟེན་ནས་ནི། །དེ་ཡི་ཚེ་ན་འབྱུང་བར་འགྱུར། །ལྷ་ལྡན་ཡུལ་ཞེས་བྱ་བ་ཡི། །གངས་ཅན་དེ་ཡི་ནང་གནས་པའི། །རྒྱལ་པོ་མི་ཡི་ལྷ་ཞེས་པ། །ལི་ཙ་བྱི་རྣམས་རིགས་སུ་འབྱུང་། །དེ་ཡང་སྔགས་ཀྱི་དོན་བསྒྲུབས་ཏེ། །ལོངས་སྤྱོད་ཚེ་དང་ལྡན་པར་འགྱུར། །རིག་པ་ལོངས་སྤྱོད་ལྡན་ཞེས་བྱ། །མི་ཡི་བདག་པོ་དེ་ཡང་འགྲུབ། །ལོ་ནི་བརྒྱད་ཅུར་རྒྱལ་སྲིད་བྱ། །ཞེས་ཆོས་སྐྱོང་བའི་རྒྱལ་པོ་སྲོང་བཙན་སྒམ་པོས་བོད་ཡུལ་འདིར་སངས་རྒྱས་ཀྱི་བསྟན་པ་རིན་པོ་ཆེ་སྲོལ་གཏོད་པའི་ཚེ། ལྷ་ལྡན་སྤྲུལ་(༣༠ན)

― GLG009_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གཙུག་ལག་ཁང་དང་ར་མོ་ཆེ་གཉིས་ཀྱི་གནྡྷོ་ལ་ཤཱཀྱའི་རྒྱལ་པོའི་ཕོ་བྲང་ཆེན་པོ་བཞེངས་པའི་ས་ཡུལ་ཕྱོགས་འདིར་མཛད་པའང་། །བཀའ་གདམས་གླེགས་བམ་རིན་པོ་ཆེར། མི་ཁོ་ལ་ཉོན་མོངས་མི་མངའ་ཡང་། །ང་འཇིག་རྟེན་སྒྲོལ་མ་ཟག་མེད་ལ། །མི་ཁོ་ཡི་བཙུན་མོ་བྱེད་དོ་སྐད། །རྒྱ་ནག་པོའི་མཆོད་གནས་བོད་དུ་འདྲེན། །བོད་ཡུལ་གྱི་དབུས་སུ་བྱེད་དོ་སྐད། །ས་པདྨ་འདབ་བརྒྱད་ཡུལ་གྱི་དབུས། །གནམ་འཁོར་ལོ་རྩིབས་བརྒྱད་ཕུབ་པའི་འོག །ཕྱོགས་བཀྲ་ཤིས་རྟགས་བརྒྱད་ཡོད་པའི་ས། །གནས་ཕུན་སུམ་ཚོགས་པ་དམ་པའི་ཡུལ། །མི་ཁྱོད་ཀྱི་ཞིང་ཁམས་དམ་པ་ཡིན། །གནས་དེ་རུ་ལས་ཅན་དཔག་མེད་འདུ། །ཆོས་བདེ་སྟོང་རོལ་པའི་གླུ་ལེན་ཅིང་། །ཉམས་བཀྲ་ཤིས་བདེ་བར་སྐྱོང་ངོ་ཞེས། །ཞེས་གསུངས་པའི་དོན་ལྟར་ལྷ་ས་ལྟེ་བར་བྱས་པའི་སྟེང་གནམ་འཁོར་ལོ་རྩིབས་བརྒྱད། །འོག་ས་པདྨ་འདབ་བརྒྱད། ལོགས་བཀྲ་ཤིས་རྟགས་བརྒྱད་ཀྱི་རི་མོ་མངོན་པར་གསལ་བ་ཕུན་ཚོགས་དགེ་མཚན་དང་ལྡན་པའི་ནོར་འཛིན་གྱི་ཆ་འབྲོམ་ཆུ་རིགས་ཀྱི་བརྒྱུད་དུ་ཡང་སྲིད་བཟུང་བའང་གོང་དུ་འཁྲུངས་རབས་ཀྱི་རིམ་པ་སྨོས་པའི་རྗེས་མ་དྲུང་པ་དཀོན་མཆོག་རིན་ཅེན་ཞེས་རྒྱ་མ་ཁྲི་དཔོན་པའི་རིགས་ལས་གཏེར་སྟོན་ཀུན་དགའ་དཔལ་བཟང་གི་གདུང་བརྒྱུད་ཀུན་དགའ་ཚེ་མཆོག་གི་གཅུང་དུ་གྱུར་པ་དེས་ཟིང་པ་དང་སྣང་གསལ་གྱི་གདན་ས་ལོ་ཤས་མཛད་ཅིང་གདུང་བརྒྱུད་སྤེལ། རིགས་འཛིན་རཏྣ་གླིང་པའི་ཆོས་རྒྱུན་འཛིན་པ་རྗེ་པདྨ་གར་དབང་འབྲི་གུང་དུ་བཀའ་ཆོས་ཞུ་བར་བྱོན་པའི་རྫོང་གསར་གྱི་མདུན་དུ་སྒར་མཛད་བཞུགས་པའི་སར་རཏྣ་གླིང་པའི་གཏེར་ཆོས་རྣམས་གསན་པར་བྱོན་པའི་ཚེ་ཟངས་ཀྱི་དབང་ཕྱུག་མི་(༣༠བ)

― GLG009_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

ཚད་ཙམ་ཁུར་བ་རྫོང་ནས་དཔལ་འབྲི་གུང་གི་ཆོས་རྒྱལ་ཕུན་ཚོགས་ཀྱི་གཟིགས་སྣང་ལ་ཤར་བས་མི་མ་གིས་འདི་འདྲ་ཞིག་ཁུར་ཞེས་ཉེ་འཁོར་བ་རྣམས་ལ་གསུངས། པདྨ་གར་དབང་གིས་དྲུང་པར་དབང་ལུང་མང་པོ་དང་ཁྱད་པར་ལྷ་ཆེན་གྱི་སྐོར་རྫོགས་པར་གནང་། རཏྣའི་ཕྱག་ནས་ཀྱི་དབང་རྟེན་བྱིན་རླབས་སུ་སྩལ་བར་བརྟེན་གདུལ་བྱའི་འུར་ལངས། ལྷ་ས་བསམ་ཡས་རྭ་སྒྲེང་འབྲི་གུང་མཐིལ་སོགས་སུ་དཀར་མེ་སྐོར་ཆེན་གྱི་མཆོད་སྤྲིན་མང་དུ་མཛད་པའི་རྗེས་མ་ལྷ་སར་ཕེབས་དུས་ཡར་ལམ་མར་ལམ་གཉིས་ཀ་འབྲོམ་སྟོད་དུ་བཞུགས་ནས་གཏེར་ཆོས་དུ་མ་དང་། ཁྱད་པར་རིགས་འཛིན་རཏྣ་གླིང་པའི་རླུང་ཞགས་ཀྱི་དབང་ལུང་ཚང་བར་གནང་བས་དེང་སང་བརྒྱུད་པའི་གཙོ་བོའང་འདི་སྐོར་འདྲེན། རིགས་འཛིན་ལྷུན་གྲུབ་རྡོ་རྗེ་ལ་རཏྣའི་ཕྱག་ནས་མའི་དབང་བརྟེན་གནང་ནས་འདི་ངའི་སྐྱེ་བ་རྗེས་མ་ལ་སྤྲོད་རྒྱུ་ཨེ་ཡོང་ལྟོས་གསུངས། ཁྱེད་ཀྱི་སྲས་པོའི་ཇོ་མོ་འདི་མཁའ་འགྲོའི་མཚན་རྟགས་དང་ལྡན་པར་འདུག་ཅེས་མཉེས་མཉེས་དང་བཅས་མཛོ་མོ་ཞིག་གི་གནང་སྦྱིན་མཛད། ཞལ་ངོ་རྣམས་ཀྱིས་ཕེབས་སྐྱེལ་ཞུས་སྐབས་ངེད་རང་རྣམས་མྱུར་དུ་ཐུག་པའི་སྨོན་ལམ་བྱེད་ཅེས་དོན་གྱིས་སྐུ་སྐྱེ་བཞེས་པའི་ལུང་བསྟན། ཡར་བྱོན་ནས་དམ་སེལ་ཞིག་གིས་སྐུ་གཤེགས་པ་སྐྱེ་བ་གཞན་གྱིས་བར་མ་ཆོད་པར་ཡང་སྲིད་འཛིན་པར་སྔོན་དུ་ཕྱོགས་པའི་ཚེ་ཡུམ་གྱི་མནལ་ལམ་དུ། ཉི་ཟླ་ཤར་བ་མཁའ་ལ་འཕུར་བ། ལོ་ཏོག་དང་ཤིང་ཏོག་རྒྱས་པ། ལུས་སེམས་ལ་སྔར་མེད་པའི་དགའ་བདེ་ཁྱད་པར་ཅན་བྱུང་བ་དང་མཐུན་པར་ཡབ་ཟུར་གཞོན་ནུ་དོན་གྲུབ་དང་། ཡུམ་མཁའ་འགྲོའི་མཚན་ལྡན་ཡིད་འཛིན་གཉིས་ཀྱི་སྲས་སུ་ཁྲོ་མོ་ཞེས་པ་ཤིང་ཕོ་འབྲུག་(༣༡ན)

― GLG009_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ལོར་ཡུམ་ལ་བསྙུན་པ་སོགས་མི་བདེ་བ་མེད་པའི་ངང་ནས་སྐུ་བལྟམས། ཞབས་གོམ་འདེབས་མཁྱེན་པ་དང་གསུང་འབྱོན་པའི་འགོ་བརྩམས་པ་ནས་སྔོན་གྱི་བག་ཆགས་སད་དེ་ང་འབྲི་གུང་དུ་འགྲོ་ཞེས་གསུངས་པར་བརྟེན་རྒྱབ་ཏུ་གདན་དྲངས་ནས་ཤར་ཕྱོགས་སུ་རྒྱང་ཙམ་རེ་འབྱོན་པའི་སྟང་ཀ་བྱེད་དགོས་པ་བྱུང་། ཡབ་ཀྱིས་མཚན་ཆོས་རྗེ་ནོར་བུར་གསོལ། མེ་ལུག་དགུང་ལོ་བཞི་པའི་དུས་མེས་རིགས་འཛིན་ལྷུན་གྲུབ་རྡོ་རྗེ་སྐུ་གཤེགས་པའི་དགོངས་རྫོགས་ལ་སྣང་གསལ་ནས་རིན་པོ་ཆེ་ངག་དབང་ཡེ་ཤེས་གྲུབ་པ་གདན་དྲངས་པའི་ཚེ་སྔོན་ཆད་ཐུགས་རྒྱུས་མེད་ཀྱང་ཐུགས་འཚེར་སྣང་ཡེ་མེད་པར་རིན་པོ་ཆེའི་སྐུ་པང་དུ་ཡང་ཡང་བྱོན། ཕྱག་དྲིལ་ལ་འཇུས་ནས་འདི་ངའི་དྲིལ་བུ་ཡིན་གསུངས་པས་ཁོང་དཔོན་སློབ་ཐུགས་རྟོག་ཟོས་ནས་དྲིལ་མངས་དང་བསྲེས་ཏེ་ཁྱེད་རང་གི་དྲིལ་བུ་ལོང་གསུངས་པ་ན་འཁྲུལ་མེད་དུ་ངོས་བཟུང་ནས་ང་རང་གི་འདི་ཡིན་ཞེས་བདག་འཛིན་གྱི་ཚུལ་མཛད་པ་ན་ཐུགས་ཡིད་ཆེས་ཏེ་དྲུང་པ་དཀོན་མཆོག་པའི་སྐུ་སྐྱེར་ངོས་འཛིན་མཛད། ཚེ་དབང་ཧྲིཿ གཅིག་མ་དང་བླ་མ་ཞི་དྲག་གི་དབང་སོགས་ཅི་རིགས་གནང་། དྲིལ་བུ་སྩལ་བ་དེ་ལ་རྒྱ་དྲིལ་ཁ་ཆག་གི་མིང་ཐོགས། གཞན་ཡང་སྣང་གསལ་དང་ལྷང་ལྷིང་གི་གནས་ཚུལ། སྔོན་གནས་སད་པའི་ཡིད་ཆེས་མང་དུ་གསུངས་པས་སྐུ་སྐྱེ་ཡིན་མིན་གྱི་བརྟག་དྲིལ་སོགས་མ་དགོས། དེ་ནས་རིམ་གྱིས་ཕྱག་བྲིས་འབྲི་ཀློག་རྣམས་བརྡ་བསྟན་པ་ཙམ་གྱིས་མཁྱེན་པར་མ་ཟད་སྔགས་ལུང་རྗེས་སུ་བྲེལ་པོ་མ་ཡིན་པའི་ཉན་པ་པོའི་རྣ་བར་ལྷོན་པ་ལ་པོ་ཏི་ཚད་མ་ཙམ་ཉིན་རེ་འདྲིལ་བ་ལ་ཧ་ཅང་གིས་གྲུལ་པ་མི་དགོས་ཤིང་ལཱཉྪ་ཝརྟུ། ཀསྨི་ར། ནཱ་ག་ར། རྒྱ་མཚོ་མཐས་མཚོན་རྒྱ་(༣༡བ)

― GLG009_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིག་ལུས་འགྱུར་མི་འདྲ་བ་བཅུ་གསུམ་ཙམ། ཧོར་ཡིག་གསར་རྙིང་། བོད་ཀྱི་གཟབ་ཤུར། ཨོ་རྒྱན་ཟི་ཆེན་ཟི་ཆུང་སོགས་གཏེར་ཁ་དུ་མའི་བརྡ་ཡིག་གིས་མཚོན་པའི་ཡིག་རིགས་རྣམས་གཟུགས་ལེགས་ཤིང་བརྡ་དག་ཕུལ་དུ་ཕྱིན། ཡབ་ཀྱིས་འཕྲལ་དུ་ཉེར་མཁོའི་སྒྲུབ་འཕྲིན་གྱི་ལུང་གནང་། བླ་མ་ཞི་དྲག །ཞི་ཁྲོ། བཀའ་བརྒྱད། ཡང་ཟབ། ཁྲོ་ཆུ་སོགས་ཆོག་འཕྲིན་ཆོས་སྤྱོད་ཀྱི་རིས་འཕྲལ་གྱི་ཉེར་མཁོ་མཐའ་དག་བྱང་ཆུབ། ཐུན་མོང་ཞེས་པ་ལྕགས་ཕོ་ཁྱིའི་ལོ་སྣང་གསལ་དུ་རིགས་འཛིན་ཆེན་པོ་ངག་དབང་ཡེ་ཤེས་གྲུབ་པར་དབུ་སྐྲ་གཙུག་ཕུད་ཕུལ་བའི་མཚན་ངག་དབང་བཀྲ་ཤིས་ཀུན་དགར་གསོལ། དབང་རྗེས་གནང་དང་ལྗགས་ལུང་ཉེར་མཁོ་སྩལ། ལྷང་ལྷིང་མོར་ཕེབས་དུས་མཆོད་གཤོམ་འོག་ཏུ་ངའི་ལྷམ་ཡོད་གསུངས་པར་བཙལ་བ་ཞབས་ཕྱག་ལ་ཐར་པོ་ཞིག་རྙེད་པས་ཐམས་ཅད་ཡིད་ཆེས། ཡང་གཏོར་སྒམ་འོག་ཏུ་སྔར་སྦྲུལ་ཞིག་ཡོད་པ་ད་ཨེ་ཡོད་དམ་གསུངས་ནས་བསྔོགས་པས་སྦྲུལ་དཀར་པོ་ཞིག་དོན་ནས་སྐུ་པང་དུ་སྡོད། སྐུ་གོང་མའི་གསང་ཡུམ་གྱི་པང་དུའང་སྔ་མོའི་དུས་བཞིན་བསྡད་སོང་བས་དེར་འཁོད་རྣམས་བླ་མ་དྲན་པའི་དད་དུངས་ཀྱིས་མཆི་མ་འདོན་པ་དང་ལུས་ཀྱི་བ་སྤུ་ཆེས་ཆེར་ལྡང་བར་གྱུར། ཆུ་བྱི་ལོ་ཞང་སྣ་ནམ་པ་རྡོ་རྗེ་བདུད་འཇོམས་ཀྱི་སྤྲུལ་པའི་ཟློས་གར་བྱེད་པ་རིགས་འཛིན་ངག་གི་དབང་པོ་རྒྱ་ཧ་ཀ་ལིང་ཙེ་བར་གྱི་རྒྱལ་ཁམས་ཕྱོགས་མེད་ཀྱི་གདུལ་བྱའི་འགྲོ་དོན་ལ་བཞུགས་སྒར་བཏེག་ནས་ཕེབས་པའི་མཁའ་རོག་ཤན་ཁར་ཡབ་སྲས་ལྷན་རྒྱས་སུ་མཇལ་བར་བྱོན་པས་རིགས་འཛིན་ཆེན་པོ་རྒོད་ལྡེམ་གྱི་དག་སྣང་ཚེ་གུར་སྦྲགས་མའི་བཀའ་དབང་གནང་། སྐུ་སྐྱེ་འདི་གསང་སྔགས་རྙིང་མའི་བསྟན་པ་ལ་ཕན་ཐོགས་ཆེན་པོ་ཞིག་ཡོད་(༣༢ན)

― GLG009_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

པས་གཙང་སྦྲ་དང་དོ་དམ་ཆེན་པོ་གྱིས་ཞེས་ཡབ་ལ་བསླབ་བྱ་དང་བཀའ་བསྒོ་ཕྱག་མདུད་དམ་རྫས་སོགས་རྒྱས་པར་བསྩལ། དགུང་ལོ་ལྔ་དྲུག་ནས་གཟུགས་འགྲོས་འབྲི་བའི་ཚེ་རི་མོའི་རིས་རང་ཤུགས་ཀྱིས་མཁྱེན་པའི་ཀློང་བརྡོལ་བ་ལྟར་དགུང་ལོ་དགུ་བཅུ་ནས་ཡབ་ཀྱིས་ཐིག་རྩར་བཅུར་བའི་ལྷ་བྲིས་ཕུལ་བ་ཚེགས་ཆུང་ངུས་མཁྱེན་ཅིང་། རྗེས་སུ་ཆོས་ཀྱི་འཕྲིན་ལས་ཆེ་དྲགས་པའི་གནང་ལོང་མི་ཡོང་བ་མ་གཏོགས་ཞི་ཁྲོའི་སྐུ་གང་ལའང་ལྷོངས་ཤིན་ཏུ་ཆེ་ཞིང་ཞིང་བཀོད་སོགས་ཆེ་ཕྲ་ཚང་མར་ཉམས་དོད་པས་ལྷ་བྲིས་ཆོས་དབྱིངས་སུ་གྲགས་པའི་ཁེངས་པ་ཅན་གྱིས་ཀྱང་ཁོང་གི་བླ་མ་མ་མཛད་པར་ངེད་ཚོ་ལྟར་རི་མོ་ཉག་བསྐྱངས་ན་སྨན་ཐང་འཇམ་དབྱངས་ལྟ་བུའི་འགྲན་ཟླ་དང་བྲལ་བ་ཁོ་ན་ཡོང་རྒྱུར་འདུག་ཅེས་གླེང་། ཁམས་པ་ཀུན་དགའ་རྩེ་མོ་དང་འབྲི་གུང་ཕྱོགས་ནས་དར་བའི་བྱེད་སྒྲུབ་ཀྱི་ལྔ་བསྡུས་སྒྲ་གཅན། ལོ་འཕོ་ཟླ་འཕོ། མགྱོགས་རྩིས། རྒྱ་ནག་གི་སྤོར་ཐང་གི་རྡེལ་འགྲེམས་སོགས་ཀྱང་ཡབ་ཀྱི་དྲུང་དུ་གསན། ཤིང་ཡོས་མཐུ་སྟོབས་ཀྱི་དབང་ཕྱུག་གུང་རུ་དབྱངས་དཔོན་པ་ཁྲག་འཐུང་ཡེ་ཤེས་རྡོ་རྗེའི་དྲུང་དུ་ཆོས་དབང་གི་རླུང་ལས་བྱེད། རཏྣའི་སྟོབས་ལྡན་རླུང་འཁོར། བྲམ་ཟེ་སྡོམ་པ་བཟང་པོའི་རླུང་འཁོར། ཀླུ་སྒྲུབ་ཀྱི་བྱང་ཆུབ་རླུང་འཁོར། དྲི་མེད་ལྷུན་པོའི་རླུང་དམར། བཻ་རོའི་ཉེ་འབྱེད་རླུང་འཁོར། འབྲོ་ལོའི་རླུང་ནག །རྟ་མགྲིན་གསང་འདུས་ཀྱི་མངོན་སྤྱོད་སྐོར། སྔགས་སྡེབ་སྙིང་གཟེར་ནག་པོ། རྒྱས་སྡེབ་སྙིང་གི་མེ་ལོང་། དྲེགས་པ་ཉི་ཤུ། ཁྲ་མོ་བྲག་གི་གཟའ་གདོང་དམར་ནག་སོགས་དྲག་སྔགས་ཀྱི་རིགས་མང་དུ་གསན། ཤིང་ཡོས་དགུང་ལོ་བཅུ་གཉིས་ཙམ་ནས་རིན་པོ་ཆེ་ངག་དབང་ཡེ་ཤེས་གྲུབ་པའི་ཞབས་(༣༢བ)

― GLG009_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུང་དུ་བཅར་ཏེ་ཟིམ་པ། སྣང་གསལ། བྱི་ཕྱི་ལུང་པ། ཟུར་དུ་བྲག་དཀར་སོགས་སུ་བླ་མ་མངའ་བདག་ཆེན་པོའི་གཏེར་བྱོན་བཀའ་བརྒྱད་བདེ་གཤེགས་འདུས་པའི་སྒྲུབ་ཆེན་དང་འབྲེལ་བའི་དབང་། རྒྱུད་ལུང་ཉི་ཤུ། འཕྲིན་ལས་ཆེ་འབྲིང་། ཁྲོ་བོ་རོལ་པའི་སྐོར་སོགས་རྒྱབ་བརྟེན་གྱི་ལུང་། གཞན་ཡང་ལས་འབྲེལ་རྩལ་གྱི་མཁའ་འགྲོའི་སྙིང་ཏིག །ཀློང་ཆེན་པའི་ཡང་ཏིག །པད་གླིང་པའི་བླ་མ་ནོར་བུ་རྒྱ་མཚོ། བླ་མེད་བདུན། བཀའ་སྲུང་། དྲག་དམར། ཚེ་དཔག་མེད་རྡོ་རྗེ་འཕྲེང་བ། ཀརྨ་གླིང་པའི་ཞི་ཁྲོ་དགོངས་པ་རང་གྲོལ། གཏེར་སྒྲོམ་ནས་ཆོས་རྒྱལ་རིན་ཅེན་ཕུན་ཚོགས་ཀྱི་གདན་དྲངས་པའི་ཡང་ཟབ་ཀྱི་དབང་ཆེན་དབང་ཕྲན་སོགས་ཕལ་ཆེར་སྒྲུབ་ཆེན་དང་འབྲེལ་བ། སྒྲུབ་སྐོར་གྱི་ལུང་། རྫོགས་ཆེན་གྱི་ཉམས་འཁྲིད། གཞན་ཡང་ཚེ་བདག་མེའི་སྤུ་གྲི། གཤིན་རྗེ་ཁྲོ་ཆུ། ཕྱག་རྡོར་དྲེགས་འདུལ། འཆར་ཀ་ཉང་ལུགས། གཏེར་མགོན་ཕྱག་བཞི་པ། གཤིན་རྗེ་ཤ་ཟན་འབར་མ། རཏྣ་གླིང་པའི་དཔལ་མགོན་མ་ནིང་སོགས་གཏེར་ཁ་སྣ་ཚོགས་ཀྱི་དབང་ལུང་མན་ངག་མང་དུ་གསན། བདེ་འདུས་ཀྱི་མེ་ཏོག་དབུས་ཆེ་མཆོག་ལ་བབས། བླ་མ་དང་ཚེ་དཔག་མེད་སོགས་ནུབ་ཕྱོགས་སུ་བབས་པས་གསང་མཚན་པདྨ་དབང་རྒྱལ་དང་། དབང་གི་གྲོང་ཁྱེར། ཐོས་གྲོལ་གྱི་གསང་མཚན་ཆོས་དབྱིངས་རང་གྲོལ་སོགས་མཚན་མང་དུ་སྣང་། ཕྱག་ཆེན་ལྔ་ལྡན། གཅོད་ཀྱི་དབང་འཁྲིད་དང་། ཆོས་བཀའ་གཞན་ཡང་འགའ་ཞིག་གསན། སྣང་གསལ་ལུགས་ཀྱི་ཆོ་ག་ཕྱག་ལེན་གར་ཐིག་དབྱངས་སོགས་དཔྱིས་ཕྱིན་པར་སྦྱོང་བར་མཛད། སྣང་གསལ་བའི་རྒྱུན་ལ་ལོ་གསུམ་མ་གཏོང་སྲོལ་ཡོད་པས་རྐྱེན་བྱས་གཙོ་བོར་ནང་དོན་དང་བསྙེན་སྒྲུབ་ཕུགས་གཞོལ་བས་ཟིང་པ་སྟག་མགོར་ལོ་གསུམ་(༣༣ན)

― GLG009_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་གསུམ་གནང་བ་ལོ་གཅིག་གི་བར་ཐོག་མར་ཐུན་མོང་གི་སེམས་འཛིན་སོགས་ཕྱག་ཆེན་གྱི་ཉམས་བཞེས་ཅུང་ཟད་དང་གཙོ་བོར་སློབ་དཔོན་ཆེན་པོ་པདྨ་ཐོད་ཕྲེང་གི་ཐུགས་ཀྱི་ཉིང་ཁུ་ཇོ་མོ་མཁར་ཆེན་བཟའ་ལ་གནང་བའི་རྫོགས་པ་ཆེན་པོ་མཁའ་འགྲོ་སྙིང་ཏིག་གི་ཀ་དག་ལྷུན་གྲུབ་ཀྱི་སྐོར་ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་པའི་ཡང་ཏིག་གི་དགོངས་པ་ལྟར་ཐུགས་ཉམས་སུ་བཞེས་པས་ཀུན་རྫོབ་ཀྱི་ཆོས་མ་ལུས་པའི་རྫུན་ཕུག་རྡིབ་སྟེ་རང་རིག་གདོད་ནས་དག་པའི་ཀུན་ཏུ་བཟང་པོ་གཅིག་མཐོང་དུ་ཐུགས་སུ་ངོ་འཕྲོད། འོད་གསལ་ལོངས་སྐུའི་ཞིང་ཁམས་ལ་ཁོར་ཡུག་ཏུ་འབྱམས་པས་སྔོན་གཉགས་བན་གྱིས་གླིང་དུ་གྱུར་པ་སླར་ཡང་མེ་དང་སྤྲ་བའི་ཚུལ་དུ་བོགས་ཆེན་ཐོན། སྙིང་ཏིག་དང་ཐོས་གྲོལ་གྱིས་བར་དོ་ཐུགས་ཉམས་འོག་ཏུ་ཆུད་པས། པཎ་ཆེན་ཤུལ་དུ་ཐ་མལ་འབྱུང་གཟུགས་ནི། །བཞག་པ་མང་མཐོང་དུཿཁས་ཡིད་སྐྲག་ནས། །ལམ་འདིའི་ས་བཅད་འབྲིང་པོ་རྩལ་དུ་གཏོན། ཁོ་བོའི་བླ་མ་བར་དོ་རྣམ་དྲུག་ཡིན། །ཞེས་གདེངས་ཁེལ་གྱི་གསུང་ཡང་བསྩལ། པད་གླིང་པའི་བླ་མ་ཞི་དྲག་ཕྱག་རྡོར་དྲེགས་འདུལ་བདེ་འདུས་ཀྱི་བཀའ་བརྒྱད་དྲིལ་སྒྲུབ་སོགས་ཀྱི་ལྗགས་བསྙེན་ཚད་ཐེམས་དང་། ནཱ་ག་རཀྴའི་བསྙེན་པའི་ཚེ་ཞག་བདུན་ཐོག་ཏུ་ཕྱག་རྒྱ་ཐེབས་ནས་དེ་ལས་ཡང་བ་མཛད་མ་དགོས། ཁྱབ་འཇུག་གི་བསྙེན་པའི་དུས་རྭ་གཞོབ་ཀྱི་དྲི་ཆིལ་བྱུང་བའི་མེ་རླུང་དམར་ནག་གི་ཁྲོད་ན་གཟའ་བདུད་ཆེན་པོ་ཁྲ་ལམ་གྱིས་བསྟན་ནས་ཁྱོད་ཀྱི་སྐྱེ་རབས་ཀྱི་ཆོས་སྐྱོང་ང་ཡིན་ཟེར་བས་ལུས་ཟི་བུན་བ་ཞིག་བྱུང་། གཡུ་སྒྲོན་མའི་སྒྲུབ་པ་མཛད་པ་འཁོར་བའི་རྟགས་གསལ་ཞིང་ལྷན་ཅིག་ཕྱག་གཡོག་གིས་སྣོད་ལུས་ནས་གཏོར་མ་གཤོམ་མ་ཐུབ་(༣༣བ)

― GLG009_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

པས་དེ་ནུབ་མནལ་ལམ་དུ་གཏོར་མ་མ་ཆག་པར་དགོས་པའི་བརྡ་སྟོན་དང་། གཞན་ཡང་སང་ཉིན་མི་འདི་འདྲ་འོང་སོགས་འབྱུང་འགྱུར་ལུང་མང་དུ་བསྟན། བསྙེན་སྒྲུབ་ཀྱི་དུས་རྩ་བ་གསུམ་གྱི་དངོས་ཉམས་སུ་ཞལ་གཟིགས་ལུང་བསྟན་ཆོས་འཆད་བྱུང་བ་རྣམས་སྦས་ཚུལ་གྱི་རེག་ཟིག་དང་གཞན་ལ་འཕྲོས་ཆར་མ་མཛེས་པས་དེས་ཁུངས་འདྲི་བའི་རྔོ་མ་ཐོགས། རྗེ་ངག་དབང་ཡེ་ཤེས་གྲུབ་པའི་ཞབས་ཕྱི་གནང་ནས་རྩ་བ་བཞིས་ཀར་ནཱ་རོ་ཏ་པའི་རྣམ་སྤྲུལ་འབྲི་གུང་ཞབས་དྲུང་བཀྲ་ཤིས་ཕུན་ཚོགས་ལ་ལོག་ཏྲིའི་རིག་གཏད་དང་འབྲི་གུང་དགོངས་གཅིག་གི་ལུང་ཐོར་བུ་གསན། ཟིང་པར་བཞུགས་སྐབས་རིན་པོ་ཆེ་པའི་སྦྱིན་བདག་གཅིག་གིས་སྐུ་དགྲ་བྱས་པར་བླ་མའི་ཕྱག་གཡོག་མཛད་ནས་དཔོན་སློབ་བདུན་གྱིས་གཤིན་རྗེ་ཤ་ཟན་འབར་མའི་ལས་ཚོགས་མཛད་པས་རྟགས་མྱུར་དུ་ཐོན། ཞྭ་དམར་མཆོག་གི་སྤྲུལ་སྐུ་ཟ་དམ་ནས་འབྲི་གུང་ལ་ཕེབས་རྩིས་ཀྱིས་ཡུང་ཐང་དུ་བཞུགས་སྒར་གནང་སར་ཕྱག་དབང་ལ་ཕེབས་པས་ཁྱོད་སྐུ་སྐྱེ་ཡིན་ན་ཡོན་ཏན་ལ་སྦྱངས་པ་བྱེད་དགོས་ད་དུང་བསླབ་གཉེར་ཞིག་བྱས་ན་ཡོང་བའི་བཀའ་འཕྲོས་དངོས་སུ་ཕེབས་འདུག་པ་ཟ་དམ་གྱི་ཆོས་གྲ་འགྲིམས་ན་དགོངས་པའི་མདངས་ཡིན་པ་འདྲ། སྒར་པ་གནང་སྐྱོང་བཟང་བས་གནང་སྦྱིན་དང་བདག་རྐྱེན་ཆེ་བར་མཛད། དྲུང་པ་ཕུན་ཚོགས་པ་ལ་དབང་ལུང་དང་གདམས་པ་ཁ་ཡར་དང་ཡབ་འཁོར་ལོའི་དབང་ཕྱུག་ལ་མ་ཎི་བཀའ་འབུམ། ཚེ་དཔག་རྡོར་འཕྲེང་། དྲེགས་འདུལ། ཙ་རིི་ཞིང་སྐྱོང་། ཟབ་ཆོས་ཕྱག་བཞེས་དམར་འཁྲིད་ཀྱི་མཐའ་རྒྱས་བཅད་དོ། །ཡང་དབེན་དཀར་མོའི་མངལ་དུ་མ་སྒྲུབས་ཀྱང་། །འཕྱུགས་མེད་རིགས་ཀྱི་གངྒཱས་བསྲིངས་པའི་བསྐྱེད། །བློ་(༣༤ན)

― GLG009_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོས་གདོང་དྲུག་སྔ་འགྱུར་སྨིག་ཚལ་དུ། །ན་ཚོད་གཞོན་ནུའི་ཁྱེའུ་རྩེད་འཇོར་རོལ། །ས་ལམ་ཡོན་ཏན་ཆ་གང་ཆུ་ཤེལ་དབང་། །དམ་པའི་སྤྱོད་ཚུལ་རི་དྭགས་རབ་བཀྲའི་ཞར། །སྣ་ཚོགས་རིག་བྱེད་ས་མོས་ཁ་འབྱེད་པའི། །མཁྱེན་ཡངས་ཟེར་འཕྲེང་འགྱེད་ལ་མི་ངལ་སྤྲོ། །རྣམ་གསུམ་ཡོ་གའི་ཆུ་ཀླུང་མགོན་ཁྱོད་ཞབས། །བསིལ་བའི་རྒྱལ་མཚན་ཏོག་ཏུ་ལྷ་སྔགས་ཀུན། །སྣང་བཞིར་འབྱམས་ཀླས་གཞན་སྡེ་སྦྱིན་སྐྱེས་ལ། །དོགས་བྲལ་རང་བསྟན་འཆི་མེད་དགའ་སྟོན་དཔྱིད། །ལྕགས་སྤྲེལ་ལོ་དཔོན་ས་སྟག་ལུང་མ་གཤེགས་པའི་དགོངས་རྫོགས་ལ་ཕ་བོང་ཁ་ནས་རྡོ་རྗེ་འཆང་དཔལ་འབྱོར་ལྷུན་གྲུབ་གདན་དྲངས། ཡབ་ཟུར་ཆེན་འཁོར་ལོའི་དབང་ཕྱུག་ཕྱི་རྟེན་གྱི་བྲིས་སྐུ་བཞེང་བར་བྱོན་པ་གདན་འཛོམ། སྔོན་ནས་དཔོན་སློབ་ཐུགས་འདྲིས་ཡོད་པའི་གསུང་གླེང་ཞིབ་མོལ་མང་པོར་བྱུང་བའི་མུས་ནས་ཁྱེད་ཀྱི་སྲས་པོ་སྣང་གསལ་དྲུང་པའི་སྐུ་སྐྱེ་དེ་ཆུང་ངུ་ནས་སྒོམ་ལ་དྲིལ་ན་བསྟན་པ་དང་སེམས་ཅན་ལ་ཕན་པ་རྒྱ་ཆེ་བ་དཀའ་ཞིང་ལྷག་ཏུ་སྒྱུ་འཕྲུལ་གསང་སྙིང་འདི་ལ་བཤད་རྒྱུན་ཉག་ཕྲ་བར་འདུག་པས་རྒྱུད་བཤད་ཀྱི་བླ་སྐོར་ཞིག་མཛད་ན་བསྟན་པའི་མིག་རྒྱན་ལ་ཕན་པ་ཡོང་བས་རེ་ཞིག་ངེད་ཀྱི་སར་བསླབ་གཉེར་ལ་ཐོང་། དེར་མ་ཟད་སྔགས་གསར་རྙིང་གྲུབ་མཐའ་རིས་མེད་ཀྱི་ཆོས་གང་དགོས་བྱེད་པར་སྤྲོ། ཆོས་ལ་ཕྱོགས་རིས་ཆེ་ན་བླ་མ་བཟང་བ་དཀའ་ལས་ཆེ་ཕེབས་པ། དེ་ཡང་རྡོ་རྗེ་འཆང་ཕ་བོང་ཁ་བ་ལོ་ཙཱ་བ་སྐ་བ་དཔལ་བརྩེགས་དང་རྗེ་འདི་ཉིད་གཉགས་ལོ་ཙཱ་བར་འཁྲུངས་པའི་དུས་རྗེ་འབངས་ཉེར་ལྔའི་ནང་ཚན་དུ་གྱུར་པའི་རྡོ་རྗེའི་མཆེད་པོ་དང་། གཞན་ཡང་སྐུ་ཚེ་མང་པོར་དཔོན་སློབ་ཏུ་འབྲེལ་ཞིང་རྗེ་ཕ་བོང་ཁ་པར་ལྐོག་གྱུར་གྱི་ཆོས་རྣམས་(༣༤བ)

― GLG009_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

འཆགས་ཐོགས་མི་མངའ་བའི་མངོན་པར་མཁྱེན་པས་དམ་པ་འདི་ཉིད་རིས་མེད་ཀྱི་གྲུབ་པའི་མཐའ་རྒྱ་མཚོ་ཆེན་པོའི་ཕ་རོལ་ཏུ་སོན་ཏེ་བསྟན་པ་སྤྱི་བྱེ་བྲག་གི་རྒྱུན་བཟང་པོ་སྤེལ་བར་དགོངས་པར་མཆིས། ཡབ་ཀྱི་ཐུགས་ལ་ཤིན་ཏུ་འཐད་པ་བཞིན་རྗེ་ཉིད་འདི་གསུང་གླེང་མཛད་པར་བླ་མ་ལ་དད་པ་དང་གསན་སྦྱོང་ལ་སྤྲོ་བ་ཕན་ཚུན་འགྲན་བཞིན་པའི་ཡབ་སྲས་བཀའ་གྲོས་མཐུན་ཏེ་ཆོས་རྒྱལ་སྲོང་བཙན་སྒམ་པོ་ཡབ་ཡུམ་གསུམ་གྱིས་བོད་ཀྱི་ས་འདུལ་བའི་ཐོག་མར་སྒྲུབ་པ་མཛད་པས་རིགས་གསུམ་མགོན་པོ་ཞལ་གཟིགས་པའི་གནས་ཕོ་བྲང་མ་རུའམ་ཕ་བོང་ཁ་བྱང་ཆུབ་ཤིང་གི་ནགས་ཁྲོད་དུ་དུས་གསུམ་གྱི་རྒྱལ་བའི་སྤྱི་གཟུགས་རིགས་དང་དཀྱིལ་འཁོར་ཀུན་གྱི་ཁྱབ་བདག་འཁོན་སྟོན་ཆོས་ཀྱི་རྒྱལ་པོ་དཔལ་འབྱོར་ལྷུན་གྲུབ་ཀྱི་ཞབས་དྲུང་དུ་ཕེབས། ཞལ་མཇལ་བ་ཙམ་གྱིས་མི་ཕྱེད་པའི་དད་པ་ཐུགས་རྒྱུད་ལ་འཁྲུངས། དགེ་བསྙེན་དང་བར་མ་རབ་བྱུང་གི་སྡོམ་པ་བཞེས་མཚན་དཔལ་འབྱོར་འཕྲིན་ལས་རབ་རྒྱས་སུ་གསོལ། རི་ཁྲོད་པའི་དགེ་སློང་འགའ་ཞིག་གིས་སྐུ་སྐྱེ་སྐུ་གཞོན་ཞིང་ཐུགས་རབ་ཆེ་བར་འདུག་པས་སེ་ར་བྱེས་ལྟ་བུར་མཚན་ཉིད་ཀྱི་ཐུགས་གཉེར་དང་གྲུབ་མཐའ་དགེ་ལུགས་པ་ཁ་གཙང་བ་འགབ་ཚུལ་བྱུང་བ། ཀུན་མཁྱེན་ཀློང་ཆེན་པ། ཡབ་འཇམ་དབྱངས་རྒྱལ་མཚན་སྲས་མངའ་རིས་པཎ་ཆེན་སོགས་སྔོན་གྱི་རྙིང་མའི་བླ་མ་དུ་མས་མདོ་ཕྱོགས་ཀྱི་ཐུགས་གཉེར་མཛད་ཅིང་ཤེས་བྱའི་མཐའ་རྒྱ་གཅོད་པ་ལའང་གུ་ཡངས་ཉམས་ཆེ་བས་ཐུགས་ལ་མི་འཐད་པ་རང་མ་བྱུང་རུང་ཡབ་ཟུར་ཆེན་འཁོར་ལོའི་དབང་ཕྱུག་མཚན་ཉིད་ལ་བཞེད་པ་ཆེ་བ་རང་མེད་འདུག་ཅིང་། རྗེ་རྡོ་རྗེ་འཆང་ལ་སྙན་འབུལ་མཛད་པར། བཀའ་ལས་ཁྱེད་ཀྱི་ཐུགས་རབ་དང་དགུང་ལོ་སོགས་སྒོ་དུ་མ་ནས་མདོ་(༣༥ན)

― GLG009_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཀྱི་གྲར་ཞུགས་ན་ཤོགས་ཆེ་ངེས་ཡོང་རུང་། གདུང་རུས་དང་སྐྱེ་བརྒྱུད་མཐའ་དག་རྙིང་མ་བར་སོང་བས་རྟེན་འབྲེལ་གྱི་དབང་གིས་སྔོན་གྱི་སྔ་འགྱུར་བའི་བཤེས་གཉེན་མདོ་ཕྱོགས་ལ་མཁས་པ་འགའ་ཞིག་བྱུང་ཡང་ཕྱོགས་རེ་ལ་བརྟེན་པའི་འཕྲིན་ལས་རྒྱ་ཆེར་མ་འཕེལ། ཁོ་བོས་བསླབ་སྦྱངས་མཐར་ཕྱིན་བྱས་པ་ཡིན་རུང་ཉི་མ་ཐང་དང་བྱེས་ཀྱི་འཆད་ཉན་ཁྱུག་ཙམ་ཞིག་བྱས་པ་མ་གཏོགས་བསྟན་པའི་བྱ་བ་བློ་ཁ་ཁེངས་པའི་རྒྱ་ཆེ་བ་ཞིག་མ་འགྲུབ། རྗེས་སོར་བྱང་རྩེ་སོགས་གདན་ས་ཆེན་པོའི་རིས་ལ་ཤོག་ཟེར་ཡང་དེ་ལས་གནས་འདིར་སྒྲུབ་སྡེ་ཞིག་ཚུགས་ན་བོད་སྤྱིའི་བདེ་ཐབས་ལ་ཕན་པའི་ལུང་བསྟན་དང་ལོ་རྒྱུས་དུ་མ་མཐོང་བས་ལྷག་བསམ་རྣམ་དག་གིས་ཀུན་ནས་བསླངས་ཏེ་ནང་དོན་ལ་དྲིལ་ནས་བསྡད་པ་ཡིན། ཉིད་ཀྱང་སྒྱུ་འཕྲུལ་ལ་བསླབ་གཉེར་ཞིབ་པ་ཞིག་མཛད་ནས་རྩེས་དང་དུ་བསྟན་པའི་རྣམ་གཞག་ཅིག་མཛོད། དེ་རྗེས་ངེད་ཀྱིས་ཐོབ་པའི་མདོ་སྔགས་ཀྱི་ཆོས་རྣམས་གསན་ན་ཕུགས་བསྟན་པ་སྤྱི་སྒོས་ཐམས་ཅད་ལ་ཕན་པ་ཡོང་བའི་བསླབ་སྟོན་ཕེབས་པ་དོན་ལུང་བསྟན་དུ་འདུག་ཅིང་དེ་དོན་ཁོ་ན་དང་ལེན་གནང་། གནས་ཚུལ་དེ་ཐོས་པས་གྲ་ཁྲོད་ནས་རྗེ་བླ་མ་ལ་འཁང་རའི་རྣམ་པས་སྐུར་ཞུས་བྱེད་པ་བྱུང་། འོན་ཀྱང་དྲུང་དུ་བཅར་བཞུགས་ཀྱི་ངོས་ཐུགས་དམ་གཏོར་བཞེངས་དང་དྲུང་ཡིག་སྐུ་བརྙན་འབྲི་བ་སོགས་ཕྱག་གཡོག་འཕྲལ་སེལ་གནང་། འདི་ནས་བཟུང་དག་ཞིང་དུ་མ་གཤེགས་བར་སྐུ་ཚེའི་རྟེན་འབྲེལ་དུ་ཚེ་དཔག་མེད་དང་སྒྲོལ་དཀར་གྱི་བརྒྱ་ཐང་ལོ་ལོ་བཞིན་ཕྱག་བསྟར་ནས་བཞེངས། གཙོ་བོར་གནང་རྒྱུའི་ཆོས་ཀྱང་རྡོ་རྗེ་འཆང་ཟུར་སྒྲོ་ཕུག་པ་ཤཱཀྱ་(༣༥བ)

― GLG009_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

སེང་གེའི་བག་ཆགས་སད་པར་མ་ཟད་ཡབ་འཁོན་ཚེ་དབང་ནོར་རྒྱས་ཀྱི་བར་དུ་རྒྱུད་བཤད་ཟམ་མ་ཆད་པར་ཡོད་གཤིས་རྩལ་བཤད་ལ་མ་ལྟོས་པར་རིགས་འཛིན་རིམ་པའི་གསུང་རྒྱུན་དང་མཁྱེན་པའི་ཀློང་ནས་རྡོལ་བ་ཟུང་དུ་འཇུག་པའི་གསང་སྙིང་གི་བརྩི་བཞག་ཆོས་ཐུན་གཉིས་རེ་གནང་བ་འཛིན་གྲ་སོགས་མེད་པའི་སྐྱོན་གྱིས་ཐུགས་འཛིན་དཀའ་ཙམ་བྱུང་བ་ཟིན་བྲིས་རྒྱབ་ཨེ་ཆོག་ཞུ་བ་མཛད་པར་ཤོག་བུ་སུམ་ཅུ་ཙམ་ལ་མ་སླེབས་པར་ཟིན་བྲིས་མཛད་ན་འཇགས་ཆེན་པོ་མི་ཡོང་བས་ངེད་ཀྱིས་ཚོད་བྱེད་གསུངས། སྐབས་ཤིག་དེ་ཙམ་རན་ཚོད་ཡིན་པས་ཚིག་ཟུར་དག་མ་དག་སོགས་ལྟ་ཁྱད་ཀྱིས་ཐོག་ཁའི་གནམ་ཡེངས་ཀྱི་ཟུར་ནས་དགོངས་མོ་སྐྱོར་མཛོད་ཕེབས་པ་བཞིན་གཟིམས་ཆུང་སྟེང་ནས་བཤར་སྦྱང་གནང་བས་ད་ཆ་ཟིན་བྲིས་སུ་ཕོབ་ཕེབས་པ་བཞིན་ལེའུ་ལྔ་པ་ཡན་ལ་ཟིན་བྲིས་ཤིག་ཀྱང་མཛད། རྒྱུད་ཡོངས་རྫོགས་ཀྱི་ཊཱི་ཀ་སོང་ཡང་དེ་མན་གྱི་རེག་ཟིག་འཕྲོ་ཅན་དུ་ལུས། ཕྱོགས་ནས་དབང་ཆོས་ཞུ་མཁན་བྱུང་ཚད་ཀྱི་གྲྭར་མཆོད་དཔོན་གྱི་ཕྱག་གཡོག་དང་སྦྲགས་ནས་གསན་ཞིང་དབང་རྗེས་གནང་གི་ཕྱག་ལེན་ལ་ཟིན་བྲིས་བཏབ་སྟེ་སྤྱན་ལམ་དུ་ཕེབས་པ་འདི་འདྲ་ཡིན་ན་བརྩི་བཞག་ཀྱང་ཐེངས་རེས་ཆོག་པ་འདུག་ཅེས་དགྱེས་པའི་རྩེར་སོན། འདི་སྐབས་བསྙེན་རྫོགས་མ་གྲུབ་པ་དང་མ་ནས་ཕ་བོང་ཁར་བསླབ་གྲལ་མ་གཏོགས་སློབ་མི་འདུག་རུང་རྡོ་རྗེ་འཆང་འབྲས་སྤུངས་ཚོར་ཕེབས་པའི་སྐབས་རྗེ་འདི་ཉིད་ཚད་མའི་གྲལ་འགོར་འཇོག་པ་དང་རྒྱུན་དུ་ཕྱག་གཡོག་གཅིག་ལ་ཕོགས་སོགས་བདག་རྐྱེན་གཟེངས་བསྟོད་པ་མཛད། མཁན་པོ་ཤཱཀ་གཞོན་དང་སློབ་དཔོན་ཡེ་བརྩོན་གཉིས་ཀྱིས་(༣༦ན)

― GLG009_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་འབྲོག་མི་དང་སྟག་ལོ་གཉིས་རྒྱ་གར་དུ་བརྫངས་སྐབས་བསྟན་པའི་གཞི་མ་ཡིན་པས་འདུལ་བ་ཉོན། །བསྟན་པའི་སྙིང་པོ་ཡིན་པས་ཤེར་ཕྱིར་ཉོན། །བསྟན་པའི་ཉིང་ཁུ་ཡིན་པས་གསང་སྔགས་ཉོན། །ཞེས་བསླབ་བྱ་མཛད་པ་དང་། དེབ་སྔོན་དུ། དེ་ལྟར་བོད་ཡུལ་འདིར་འདུལ་བའི་བསྟན་པ་ལ་འཕེལ་འགྲིབ་ཆེར་བྱུང་མོད་ཀྱིས་ཐེག་པ་ཆེན་པོ་གསང་སྔགས་ནི་དེང་སང་གི་བར་དུ་ནུབ་མ་མྱོང་ཞིང་ཞེས་པའང་བསྟན་པ་དར་ནུབ་བྱུང་ཞེས་པ་འདུལ་བ་ལ་ངོས་བཟུང་པས་བསྟན་པའི་རྩ་བར་དགོངས་ཏེ་རྗེ་བླ་མའི་ཞབས་དྲུང་དུ། མངལ་བཤོལ་བརྩིས་པའི་དགུང་ལོ་ཉི་ཤུའི་དབང་དུ་བཏང་སྟེ་རྔ་ཆེན་ཞེས་པ་ཆུ་ཕོ་ཁྱིའི་ལོ་ཡང་བསྐྱར་གྱི་ཚུལ་དུ་དགེ་བསྙེན་ནས་བཟུང་བསྙེན་རྫོགས་ཀྱི་བར་དགེ་འདུན་གྲངས་ཚང་བའི་དབུས་སུ་རབ་བྱུང་ཞུ་བ་ནས་གསོལ་བཞིའི་ལས་ཀྱི་བར་བསྒྲུབ་བྱ་གསུམ་ཁོ་ནར་བཅད་པའི་གདན་ས་ཆེན་པོ་རི་བོ་དགའ་ལྡན་གྱི་ཕྱག་ལེན་འཁྲུལ་བ་མེད་པའི་སྟེང་ནས་སྒྲུབ་པ་མཛད། བླ་མ་དམ་པའི་སྤྱན་ལྟོས་ཀྱིས་བྱིན་ལེན་དང་རུང་ཆུ་སོགས་བཅས་པ་ཕྲ་མོས་མཐའ་བརྟེན་པའི་བསླབ་པ་ལ་གུས་ཤིང་ཐུགས་རྒྱུད་དུལ། འཕྲལ་གྱི་སྤྱོད་ལམ་ཙམ་གྱིས་ཀྱང་བསྟན་རྒྱུན་ལ་ཕན་པའི་བག་ཡོད་ཁོ་ན་ལྷུར་བཞེས་པས་གཞན་དག་ཀྱང་ངེད་ཀྱི་བཙུན་པ་འདི་ཟིང་པ་སྐུ་སྐྱེ་འདྲ་བ་ཞིག་བྱུང་ན་ཞེས་ཚད་དུ་བཟུང་སྟེ་ཡིད་སྨོན་དུ་བྱེད། གསང་སྙིང་གི་ཊཱི་ཀ་རྫོགས་ནས་འགྲེལ་པ་པར་ཁབ། ཀློང་ཆེན་པའི་ཕྱོགས་བཅུ་མུན་སེལ་ལ་གཟིགས་འཇུག་དང་སྔགས་གསར་མའི་གསང་འདུས་རྩ་རྒྱུད་དང་སྒྲོན་གསལ་ལ་ས་བཅད་མཆན་བུ་མཐའ་གཅོད་སྦྱར་བའི་(༣༦བ)

― GLG009_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲེལ་པ་བཞི་སྦྲགས་སུ་གྲགས་པ་རྒྱལ་བ་བཙོང་ཁ་པ་ཆེན་པོའི་བཞེད་སྲོལ་དྲི་མ་མེད་པ་དང་། རིམ་ལྔ་གསལ་སྒྲོན། བདེ་མཆོག་སྦས་དོན་ཀུན་གསལ། མཁས་གྲུབ་ནོར་བཟང་རྒྱ་མཚོས་མཛད་པའི་དུས་འཁོར་སྤྱི་དོན་དྲི་མེད་འོད་རྒྱན་རྣམས་ཀྱི་ལྗགས་ལུང་དང་སྦྲགས་པའི་ཞིབ་བཤད་གསན།མཁས་གྲུབ་ནོར་བཟང་པས་མཛད་པའི་གསང་འདུས་བསྐྱེད་རྫོགས། གསང་འདུས་ཀྱི་ཊཱི་ཀའི་ཟིན་བྲིས་རགས་རིམ་ཐུགས་བློར་བཟུང་། རྩེས་དང་གི་གྲ་སྐོར་ལ་ལས་ཆེན་པ་ཚོས་བསྟན་པ་རིས་མེད་ནས། དྲི་བ་སྣ་ཚོགས་ཡོང་གི་ཡོད་འདུག་པར་བརྟེན་རྡོ་རྗེ་འཆང་གིས་ཐུགས་རྒྱུས་ཁོག་ནས་དེབ་ཐེར་སྔོན་པོ། ཚལ་པའི་དེབ་དམར། བུ་སྟོན་ཆོས་འབྱུང་སོགས་རྒྱ་བོད་ཀྱི་མཁས་གྲུབ་དུ་མའི་རྣམ་ཐར་ཡིག་ཚང་། ཆོས་མངོན་པ། ཕ་རོལ་ཏུ་ཕྱིན་པའི་ས་ལམ་གྱི་རྣམ་གཞག །བོད་དུ་ཆེན་པོ་རྣམ་གསུམ་དུ་གྲགས་པའི་ལྟ་བའི་ཁྱད་པར། རིག་གནས་ལྔའི་སྤྱི་བཤད། རླངས་ཀྱི་པོ་ཏི་བསེ་རུ་དང་ཆོས་འབྱུང་མིག་འབྱེད་འོད་སྟོང་སོགས་ནས་བསྡུས་པའི་ཕག་མོ་གྲུ་པའི་སྡེ་སྲིད་བྱུང་ཚུལ་སྔགས་ལེགས་སུན་འབྱིན་དུ་གྲགས་པའི་རྙིང་མ་གཙོ་བོར་གྱུར་པ་ལ་ཞར་བྱུང་གསར་མའི་ཕྱོགས་ལའང་འཇམས་ཡིག་དང་དེ་ལན་གྱི་རྩོད་སྤོང་སོགས་སྣ་སྒོར་མ་ནས་གཟིགས་རྟོག་མཛོད་གསུང་བ་བཞིན། ཕྱག་དཔེ་མང་པོར་གཟིགས་རྟོག་དང་རྡོ་རྗེ་འཆང་གི་གསུང་རྒྱུན་ཟིན་བྲིས་ཀྱི་རིས་ཁ་ཡར་ཐུགས་སུ་ཆུད་པར་མཛད་ནས་འཕྲལ་འཕྲལ་དོགས་གཅོད་གནང་བར་བརྟེན་མདོ་རྒྱུད་ཀྱི་ཆོས་ཐམས་ཅད་ལ་མཁྱེན་པའི་ཀློང་རྡོལ་བ་ལྟ་བུར་གྱུར། ཤིང་ཕོ་བྱི་བའི་ལོ་ཆོས་གྲ་ཆེན་པོ་དཔལ་གྱི་རྩེས་དང་གི་དགུན་ཆོས་ཐོག་གྲ་སྐོར་(༣༧ན)

― GLG009_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཕེབས། ཐུགས་གཉེར་གནང་སའི་སྟོབས་ཀྱིས་ལྔ་མཆོད་བར་བབས། གནས་ཚང་གིས་བཤད་པ་གནང་སའི་ཀ་བ་དེ་ལ་རྡོ་རྗེ་གཡུ་སྒྲོན་མ་གནས་པས་གསོལ་མཆོད་གནང་བ་འགབ་ཚུལ་ཞུས་པ་ལྟར་མཆོད་མཇལ་དང་སྦྲགས་གསོལ་མཆོད་བཟབས་རྒྱས་མཛད་པས་མཆོད་ཁང་ནང་དུ་ཕེབས་དུས་སྟེང་གི་དར་ལྕོག་དང་སྙན་ཤལ་རྣམས་གཡོ་ཞིང་དབུ་ཐོག་ཏུ་སྙན་དར་ཞིག་བབས་པ་སྲུང་མ་དགྱེས་པའི་མཚན་མར་འདུག་ཅེས་དཀོན་གཉེར་གླེང་། དེ་ཡང་གཡུ་སྒྲོན་མ་འདི་བསྟན་མ་བཅུ་གཉིས་ཀྱི་ནང་ཚན་རྡོ་རྗེ་གཡའ་མ་སྐྱོང་ཡིན་ཞིང་གཉན་ཆེན་པོ་ཐང་ལྷ་ཟུར་ཕུད་ལྔ་པའི་གསང་ཡུམ་གནམ་མཚོའི་རྒྱལ་མོར་ཡང་གྲགས། གྲོལ་ཏིག་གི་གཏེར་སྲུང་རྡོ་རྗེ་གཤོག་རྒོད་མ་དང་ཞི་ཁྲོའི་ཁྱད་མ་གཏོགས་ཐུགས་རྒྱུད་གཅིག་པས་དམ་པ་འདི་ཉིད་ལ་ཤིན་ཏུ་འགོ་བ་ཞིག་ཡིན་པར་སྣང་། སྣེའུ་སྡོང་རྩེ་དང་རྩེས་དང་གཙང་གཞུང་ནས་བཟུང་བའི་སྐབས་རྩེས་དང་འོང་གསེབ་ཏུ་ཆ་ཁ་པའི་གནོད་པ་བྱུང་བ་སྔར་ཆོས་རྒྱལ་བྱང་བས་འབག་པ་གེའི་ཞབས་འདྲེན་ཞུ་མི་རྣམས་ལ་ཐ་ན་སྐྱེལ་གནང་བའི་སྣོད་རྒྱ་མཚོ་སྦུག་ཏུ་ཆག་ནས་འཕེལ་བ་ཡིན་པས་གཞན་གྱིས་བཟློག་མི་ནུས་ཞེས་རྫོང་དཔོན་དྲུང་འཚོ་བློ་རྣམ་པས་རྡོ་རྗེ་བྲག་ནས་བྱང་བདག་རིགས་འཛིན་བླ་མ་རིན་པོ་ཆེ་གདན་དྲངས་པ་དང་འགྲིག་པས་སྔར་སྐུ་ན་ཕྲ་དུས་སྤྱན་ལམ་དུ་ཐོགས་ཙམ་ལས་ཐུགས་འདྲིས་ཆེ་བ་མེད་ནའང་དེ་སྐབས་ཕྱག་འབུལ་ལ་ཆེད་བསྟད་ཕེབས་ཏེ་རྒྱུ་མཚན་སྙན་དབང་དུ་གསོལ་བར། སྔར་རྙིང་མ་ཕྱོགས་ལ་རྒྱུད་བཤད་ཀྱི་དར་རྒྱས་ཆེའང་དུས་ཀྱིས་བསྟན་པ་མར་འགྲིབ་ལྟ་བུར་འདུག་པ་ཁྱེད་ཀྱིས་གསང་(༣༦བ)

― GLG009_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་ལ་བཤད་པ་མཛད་པ་ཤིན་ཏུ་ལེགས་ཞེས་དགྱེས་པར་བྱུང་། སྔར་ཨེ་བྲག་སྣ་རབ་འབྱམས་པ་ལའང་རྩོད་པ་བྱུང་འདུག་པས་ད་ལམ་ཡང་དེ་རིས་མི་ཡོང་བའི་ངེས་པ་མེད་པས་ཟོན་སྐྱོར་མཛོད་གསུང་བའི་བསླབ་སྟོན་དང་། དྲུང་འཁོར་ཕྱགས་ཕྱི་བ་རྣམས་ལ་དེ་རིང་བར་པ་འདྲ་ཡང་མི་དགོས་པའི་ངེས་པ་མེད་པས་བཤད་པའི་སར་ལྟད་མོར་རྒྱུག་ཅེས་ཕྱག་གཡོག་འཕྲལ་སེལ་མ་གཏོགས་རྫོང་བདའ་མཛད་པ་མངོན་མཁྱེན་དུ་ཤར་བར་མཆིས། གསུང་བཤད་ཚུགས་གདོང་དེ་སྔོན་ཆོས་སྡེ་བ་རྣམས་ཀྱིས་ས་ཀར་རྙིང་གསུམ་ཕྱོགས་མཐུན་པ་ཡིན་པས་ས་ཀར་གང་རུང་ལ་འབབ་དགོས་རྒྱུ་མ་བབས་པའི་ཉེས་ཆད་ལྟ་བུར་ལས་ཆེན་པོ་ཚོར་ཕྱག་ཆོས་ཞེས་རྩོད་པ་བཏང་བར། ལྔ་མཆོད་པ་རྣམས་ཀྱིས་དེ་ལན་འཇལ་རྩིས་བྱས་པར་རྗེ་ཉིད་ཀྱིས་དགེ་འདུན་གྱི་དབྱེན་དུ་གྱུར་ན་སྐབས་སུ་མི་བབས། ཁོ་བོ་ཕྱག་འཚལ་བ་ལ་མི་འཚེར་གསུངས་ནས་ཕྱག་མཛད་པས་རྩོད་པ་ཆོས་ཐོག་ཏུ་ཞི། གསུང་བཤད་བརྗོད་བྱའི་དོན་བཟང་ཞིང་རྗོད་བྱེད་ཀྱི་ཚིག་སྦྱོར་འཇེབས་པ་ལས་ཚན་པ་རྣམས་ཀྱིས་མདོ་སྔགས་ཐ་སྙད་གང་ལ་དྲི་བ་ཞུས་ཀྱང་ལན་ཐོགས་མེད་དུ་འབྲེལ་ཆགས་ཁོ་ན་མཛད་པས་སྐུ་ཡོན་དང་མཁྱེན་རབ་ཀྱི་གྲགས་པ་ཐོན། ཕྱག་ཕྲེང་གི་ཐག་པ་ཆད་པ་འདི་འདྲའི་རིས་ལ་འཕྲིན་ལས་ཆེ་བའི་རྟེན་འབྲེལ་ཡོང་ཞེས་གླེང་། ལྔ་མཆོད་པའི་ལས་ཆེན་པས་གསུང་བཤད་ཤིན་ཏུ་ལེགས་པ་བྱུང་བ་རྗེས་ཀྱི་དཔེ་ལ་ཞོག་ཅེས་གཟེངས་བསྟོད། དེ་སྔོན་ཆོས་སྡེ་བ་ཕྱོགས་ནས་ལྔ་མཆོད་པ་ཚོར་སྔགས་བོན་འདྲ་ལ་བྱེད་དུ་བཅུག་ནས་ངན་གཏད་ཡོད་དམ་ཞེས་སོམ་ཉི་ཆེ་བར་ང་ལ་སྲུང་(༣༨ན)

― GLG009_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག་གི་ཐབས་དགོས་ཚུལ་གསོལ་བ་ལྟར་སྤྱི་སོའི་སྐུ་རིམ་མངོན་བྱུང་གི་སྒོ་ནས་གནང་། བྱང་པ་རིགས་འཛིན་ཆེན་པོ་རྩེས་དང་ཟ་ར་བས་གདན་དྲངས་པའི་ཞབས་ཕྱིར་ཕེབས་གསུང་གླེང་ཞིབ་མོལ་དང་བསྟན་པའི་རྣམ་གཞག་མཛད་པར་ལེགས་སྐྱེས་སྩལ། གཏེར་ཁ་གོང་མའི་བྲག་དམར་འབྲིང་ཕོ་མོའི་སྤུ་གྲིའི་དབང་ཞུ་བ་གནང་། དཔལ་རི་སྒྲུབ་སྡེར་ཕེབས་ནས་རིགས་འཛིན་ཤེས་རབ་འོད་ཟེར་གྱིས་གཏེར་རྫས་སོགས་རྟེན་རྣམས་ཞིབ་པར་མཇལ་ཞིང་རྒྱལ་སྲས་ཀརྨ་ཀུན་བཟང་ལ་ཆོས་འབྲེལ་གསན།ཐང་ཡིག་ལས། ཁྱད་པར་ཡར་ལུང་ཤེལ་གྱི་བྲག་ཕུག་འདིཿ བདུད་རྩི་སྨན་སྒྲུབ་བྱས་པའི་གནས་ཡིན་པསཿ གསང་སྔགས་མཐར་ཕྱིན་ཨྱོ་རྒྱན་ཡུལ་ལྟ་བུཿ ཡ་མཚན་སྒྲུབ་ཁང་བྲག་ཕུག་ཁྱད་འཕགས་ཡོདཿ ཞི་ཁྲོ་སོགས་ཀྱི་གཞལ་ཡས་ཁང་མང་བཞུགསཿ བོད་འབངས་དགའ་དང་སྤྲོ་བར་གྱུར་བའི་བྲགཿ ཡོན་ཏན་བརྒྱད་ལྡན་བསམ་ལས་འདས་པར་བརྗོདཿ དེ་ལ་གནས་ཚད་ཏུ་རུ་ཥྐས་མི་ཕེབསཿ གངས་དཀར་ཏི་སི་རྩ་རི་ཟབ་བུ་ལུངཿ གནས་གཞན་ལ་ཡང་ཡོན་ཏན་ཡོད་མོད་ཀྱང་ཿ བསམ་གྲུབ་ཤེལ་གྱི་བྲག་ཕུག་ཆར་མི་ཉེཿ ཨྱོ་རྒྱན་ཧེ་རུ་ཀཿདང་མཚུངས་དཔེར་བཞགཿ འབྲིང་དང་ཐ་མས་སྦས་ཡུལ་གངས་ལ་བསྒྲུབཿ སྒྲུབ་གངས་རི་བྲག་མང་པོ་བསམ་འདས་ཀྱངཿ སྒྲུབ་གནས་གཙུག་ལག་ཁང་དང་ཟུང་འབྲེལ་བཿ འདི་གསུམ་དགེ་བ་བརྒྱ་འགྱུར་འཐོབ་པའི་གནསཿ ཚོགས་འཁོར་བྱས་ཚད་ཆུད་ཟོས་སོང་རེ་སྐནཿ ཞེས་སློབ་དཔོན་ཆེན་པོའི་སྐུ་གསུང་ཐུགས་ཡོན་འཕྲིན་ལས་ཀྱི་གནས་ལྔ་དང་ཆོས་འཁོར་གསུམ་དང་ཟུང་འབྲེལ་གྱི་གནས་གསུམ་དུ་གསུངས་པ་(༣༨བ)

― GLG009_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཀྱི་ནང་ནས་འགྲན་ཟླ་དང་བྲལ་བ་ཡར་ཀླུངས་ཤེལ་གྱི་བྲག་ཕུག་མཇལ་བར་ཕེབས། གནས་འདི་ཨོ་རྒྱན་ཆེན་པོས་སྨན་སྒྲུབ་མཛད་པ་ཡིན་ཞིང་གཉགས་ཛྙཱ་ན་ཀུ་མཱ་ར་ཆེ་མཆོག་ཡོན་ཏན་གྲུབ་པའི་བཀའ་བབས་པས་གནས་ཞག་གནང་སྐབས་རྩ་བ་གསུམ་གྱི་ཞལ་གཟིགས་དང་སྔོན་གནས་རྗེས་དྲན་གསལ་བར་བྱུང་། པདྨ་གསང་ཕུག་དང་མཚོ་རྒྱལ་ཕུག་སོགས་གནས་གཟིགས་ཞིབ་པ་དང་བསྟན་འགྲོར་བདེ་སྐྱིད་འབྱུང་བའི་སྨོན་ལམ་རླབས་པོ་ཆེ་མཛད། ཚུར་ལམ་རྡོ་རྗེ་བྲག་ཏུ་སྤྲུལ་སྐུ་རིགས་འཛིན་ཆེན་པོར་དྲག་པོ་རྩལ་གྱི་བྱིན་རླབས་ཐུགས་དབང་ཨེ་ཀ་ཛཱ་ཊིའི་བཀའ་གཏད་ལྗགས་ལུང་ཐོར་བུ་གསན། འབྲོམ་སྟོད་གཟིགས་ཁང་དུ་རྒྱང་ཙམ་གཞུགས་ནས་ཕ་བོང་ཁར་ཕེབས། འདི་ནས་བཟུང་ཕྱོགས་ཕེབས་ཁ་ཡར་མ་གཏོགས་ལོ་བདུན་ཙམ་གྱི་བར་བཅར་བཞུགས་མཛད་ནས་བཀའ་གདམས་གླེགས་བམ། བསྟན་རིམ་ཆེན་མོ། བེའུ་བུམ་སྔོན་པོ། དཔེ་ཆོས་སྐོར་གསུམ། བཀའ་གདམས་ཐོར་བུ། བློ་སྦྱོང་ལེགས་བཤད་ཀུན་འདུས། དཔལ་ཡེ་མ། མཚོན་ཆ་འཁོར་ལོ་རྨ་བྱ་དུག་འཇོམས་ཀྱིས་མཚོན་པའི་བློ་སྦྱོང་གི་ཡིག་སྣ་མང་པོ། མདོ་སྡེ་མཛངས་བླུན་དང་མདོ་ཕྲན་གྱི་རིས་ཁ་ཤས། སྐྱེས་ཚོམས། བསླབ་སྤྱོད། ས་རྒྱན་ཏེ་བཀའ་གདམས་གཞུང་དྲུག །བྱམས་ཆོས་སྡེ་ལྔ། དབུ་མ་རིགས་ཚོགས་དྲུག་སོགས་རྒྱ་བོད་ཀྱི་གཞུང་མང་པོ། གསང་སྔགས་ལམ་རིམ་གྱིས་ཐོག་དྲངས་རྒྱལ་བ་ཙོང་ཁ་པ་ཆེན་པོས་མཛད་པའི་གསང་འདུས། གཤེད་སྐོར། བདེ་དགྱེས་དུས་འཁོར་སོགས་ཀྱི་མངོན་དཀྱིལ། བསྐྱེད་རྫོགས། གཞུང་འགྲེལ། ཟིན་བྲིས་ཕལ་མོ་ཆེ་(༣༩ན)

― GLG009_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་ལམ་རིམ་ཆེ་ཆུང་། རྩ་འཇུག་གི་རྣམ་བཤད། ཚུལ་ཁྲིམས་ལེའུའི་རྣམ་བཤད་སོགས་མདོ་ཕྱོགས་དང་འབྲེལ་བའི་གསུང་རབ་དུ་མ། གསུང་འབུམ་ཐོར་བུ། འདུལ་འཛིན་པའི་གླེང་འབུམ། བསླབ་བྱ་ཆེ་ཆུང་ཀུན་རིག་ཊཱིཀ་ཆེན་གྱིས་གཙོས་རྒྱལ་ཚབ་མཁས་གྲུབ་སོགས་རྗེས་འབྲངས་ཀྱི་ཡིག་ཆ་དུ་མ། ཡང་དགོན་པའི་རི་ཆོས། རྒྱལ་སྲས་བཀའ་འབུམ། སྤྱན་སྔ་ལྷ་གཟུགས་རས་པའི་ཆོས་དྲུག་སོགས་གྲུབ་མཐའ་མི་གཅིག་པ་སྣ་ཚོགས་ཀྱི་ལུང་མང་དུ་གསན། གསང་འདུས་རིམ་ལྔ། འཕོ་འཁྲིད་གསེར་གྱི་སྒོ་འབྱེད། རྒྱལ་སྲས་ཐོགས་མེད་པའི་ཡིག་ཆའི་སྟེང་ནས་བློ་སྦྱོང་དོན་བདུན་མ། ཐམས་ཅད་མཁྱེན་པ་བསོད་རྣམས་རྒྱ་མཚོའི་བདུད་རྩི་གསེར་ཞུན་གྱི་སྟེང་ནས་བྱང་ཆུབ་ལམ་རིམ། རྗེ་རྡོ་རྗེ་འཆང་གིས་མཛད་པའི་ལྟ་བ་སྤྱི་ཁྱབ་རྣམས་ཉམས་འཁྲིད་དུ་གསན། དམར་འཁྲིད་ཀྱི་རྟགས་རྣམས་གོ་རིམ་མ་ལོག་པར་གསལ་བར་བྱུང་བ་སྙན་དུ་ཕུལ་བས་སྐྱེ་བ་གོང་མ་ཞིག་གོམས་པའི་ལས་འཕྲོ་སད་པ་ཡིན་ཞེས་དགྱེས། དཔང་ལོས་མཛད་པའི་མེ་ལོང་མའི་འགྲེལ་པའི་སྟེང་ནས་སྙན་ངག་གི་གསུང་བཤད་རྫོགས་པར་གནང་། ལེའུ་ཕྱི་མ་གཉིས་ལ་རྩོམ་རྒྱུགས་ཕུལ་ཞིང་ཐུགས་རྩོམ་དམ་ལྷོད་ཅི་འདྲ་ཞིག་མཛད་ཀྱང་སྒྲ་དོན་རྒྱན་དང་འགྲེལ་བའི་ཉམས་འགྱུར་ཅན་ཤ་སྟག་འོང་། སྒྲ་པ་ཀུན་དགའ་ཆོས་འབྱོར་གྱི་ཡི་གེའི་སྟེང་ནས་མཚམས་སྦྱོར་ལྔ་པའི་རི་མོ། སྡེབ་སྦྱོར་པྲྀཏྟའི་སྐོར་སོགས་ཐ་སྙད་ཀྱི་གཙུག་ལག་ཀྱང་མང་དུ་སྦྱོང་དར་མཛད། རིགས་འཛིན་རཏྣ་གླིང་པས་བྲག་དམར་རི་མོ་ཅན་ནས་གདན་དྲངས་པའི་རྫོགས་པ་ཆེན་པོ་ཀློང་གསལ་སྙིང་ཏིག་གི་དབང་། དབང་ཕྲན་(༣༩བ)

― GLG009_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་འཁྲིད་རྣམས་རྫོགས་པར་གསན་ཞིང་ཀ་དག་ལྷུན་གྲུབ་ཀྱི་འཁྲིད་བསྐྱངས་པ་སྔར་རྗེ་ངག་དབང་ཡེ་ཤེས་གྲུབ་པ་ལ་མཁའ་འགྲོ་སྙིང་ཏིག་གསན་པ་གཅིག་གྲོགས་གཅིག་ཏུ་སོང་བའི་སྐུ་ཚེ་འདི་ག་ལ་ཆོས་ཉིད་རང་སར་འཁྱོལ་བ་འདྲ་དགོངས་པ་ཙམ་གྱི་ཉམས་རྟོགས་ཆེས་ཆེར་འཁྲུངས། ར་སའི་གཙང་ཁང་བྱང་ནས་སྤྲུལ་སྐུ་དྲི་མེད་ལྷུན་པོས་གདན་དྲངས་པའི་རྫོགས་པ་ཆེན་པོ་དོན་ཏིག་འགྲོ་བ་ཀུན་སྒྲོལ་གྱི་དབང་ལུང་སོགས་སྔགས་རྙིང་མའི་སྐོར་ཡང་མང་དུ་གསན། མཁས་གྲུབ་དགེ་ལེགས་དཔལ་བཟང་གིས་མཛད་པའི་ཁམས་གསུམ་རྣམ་རྒྱལ་གྱི་སྟེང་ནས་རྡོ་རྗེ་འཇིགས་བྱེད་ཀྱི་འཕྲིན་ལས་རྣམ་བཞིའི་འཁྲུལ་འཁོར། ཡེ་ཤེས་ཀྱི་མགོན་པོ་ཕྱག་དྲུག་པའི་བེའུ་བུམ་ཡོངས་རྫོགས། གཏོར་ཆེན་གཏོར་སྒྲུབ་འཁོར་ལོའི་ལས་རིམ་སོགས་ཤོག་དྲིལ་བཅུ་གསུམ་གྱི་ཕྱག་བཞེས་དམར་འཁྲིད་གནོད་སྦྱིན་བེག་ཙེའི་རྗེས་གནང་ལས་ཚོགས་མན་ངག་དང་བཅས་པ་གསན། རྗེ་འདི་ཉིད་གྲུབ་མཐའི་གདོད་སྔགས་རྙིང་མ་བ་ཡིན་ཡང་གསར་མ་སྤྱི་དང་བྱེ་བྲག་བཀའ་གདམས་དང་དགེ་ལུགས་ཀྱི་ཆོས་ལ་ཤིན་ཏུ་མཁས། བྱི་ལོའི་དགུན་བྱང་ཕྱོགས་ཧོར་གྱི་རྒྱལ་ཁམས་ནས་ཞབས་དྲུང་བྱམས་པ་དགེ་འདུན་དཔལ་བཟང་རྒྱ་མཚོ་བླ་མ་སེར་མོ་བ་བརྒྱ་ཕྲག་མང་པོའི་འཁོར་དང་བཅས་པའི་སྒར་པ་གཏོས་ཆེ་བ་དབུས་ཕྱོགས་སུ་བྱོན་པའི་བླ་མ་སེར་པོ་པའི་ཁྲོད་ནས་རྗེ་རྡོ་རྗེ་འཆང་གི་དྲུང་དུ་དབང་རྗེས་གནང་ལུང་མན་ངག་ཙམ་ལན་མང་བ་མཐའ་དག་དང་ཆབས་ཅིག་པར་གསན། ཉེ་གནས་དཀའ་བཅུ་འཕྲིན་ལས་ཕུན་ཚོགས་ཀྱིས་འགྲུལ་པའི་ཐང་དོམ་བླངས་ནས་སྐུ་སྐྱེས་སྲུབས་དབར་ཚོར་ཕྱག་བྲིས་མཛོད། (༤༠ན)

― GLG009_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་མཛོད་དང་གཉེར་ཚང་གི་གསོས་ལ་ཕན་པ་འདུག་ཚུལ་བྱུང་བ་གླུ་མའི་ཞབས་ཏོག་ཏུ་དགོངས་ཏེ་འབད་ནས་མཛད་པས་ཕྱག་བྲིས་ཀྱང་ཞག་སྐྱེད་ཉིན་སྐྱེད་ཀྱིས་ཐོན། ཤིང་གླང་ལོ་སོག་པོ་ཚོ་ཆེན་བཞི་བཅུའི་གུར་དཀར་པོའི་བདག་པོ་ཇི་ནོར་རྒྱལ་པོའི་གཅུང་ཐུབ་པ་ཐལ་སུན་ཧུང་ཐའི་ཇི་མདུན་ན་འདོན་མི་བཟང་སོགས་དཔུང་ཆེན་པོའི་རྟ་རྨིག་གི་རྡུལ་གྱིས་ནམ་མཁའི་ཁམས་གང་བར་བྱེད་པ་ལྟ་བུས་གཙོས་ཏའི་ཆིང་ཆོས་རྗེ། གྲ་གཙང་རྗེ། སེ་ཆེན་ཆོས་རྗེ། པཎྜི་ཏ་ཀླུའི་རྒྱལ་མཚན་སོགས་སེར་མོ་བ་བརྒྱ་ཕྲག་ལྷག་པའི་བྱང་འགྲུལ་གཏོས་ཤིན་ཏུ་ཆེ་བ་འབྱོར། ཞྭ་ཆང་ཆོས་རྗེ་དང་པཎྜི་ཏ་གཉིས་ཀྱིས་ཐོག་དྲངས་སེར་མོ་བ་ཕལ་ཆེར་གྱིས་སྦྱིན་བདག་བྱས་ཏེ་རྡོ་རྗེ་འཆང་གདན་དྲངས་ནས་ལྷ་སར་ཟླ་བ་ཕྱེད་གཉིས་ཙམ་བཞུགས་རིང་། བྲག་དགོན་སྤྱན་སྔ་ནས་བརྒྱུད་པའི་ཕྲེང་བ་ཞེ་ལྔ་མའི་དབང་ཤིན་ཏུ་དངོས་གཙང་བ། ཟུར་བཀའ་གསང་འདུས་མི་བསྐྱོད་པ་བདེ་མཆོག་ལོ་དྲིལ། འཇིགས་བྱེད། གཤེད་དམར། ཕྱག་རྡོར་འཁོར་ཆེན། ཀུན་རིག་མི་འཁྲུགས་པ། ཚེ་དཔག་མེད་སོགས་གསར་མའི་དབང་དུ་མ། བཀའ་བརྒྱད། ཐུགས་རྗེ་ཆེན་པོ་འགྲོ་བ་ཀུན་སྒྲོལ། རྟ་མགྲིན་ཡང་གསང་གིས་མཚོན་པའི་རྙིང་མའི་དབང་འགའ་ཞིག་སྤྱི་བཀའི་རྗེས་གནང་སྒྲུབ་ཐབས་རྒྱ་མཚོ། རྣམ་རྒྱལ་འཇོམས་ཀྱིས་མཚོན་པའི་ཟུར་བཀའ་རྗེས་གནང་སོགས་ཆོས་ཀྱི་འཁོར་ལོ་རྒྱ་ཆེན་པོ་བསྐོར་བའི་དུས་ཕྱག་ལས་དང་བསྲེ་མ་དགོས་ན་དབང་དོན་འཕྲོད་པར་དགོངས་ནས་དེ་བར་གྱི་མཆོད་དཔོན་དགོངས་པ་ཞུས་ནས་དབང་གྲལ་དུ་བཞུགས། མཆོད་དཔོན་གྱི་ཕྱག་གཡོག་དབོན་པོ་ལྷོ་བྲག་པས་ཞུས། དབང་རྗེས་(༤༡བ)

― GLG009_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

གནང་གི་ཕྱག་ལེན་མི་མཐུན་པའི་ཁྱད་ཆོས་མཐའ་དག་ཟིན་བྲིས་སུ་བཏབ་ནས་སྤྱན་ལམ་དུ་ཕབ།སླར་ཕ་བོང་ཁར་ཕེབས་ནས་ཀྱང་བྱང་འགྲུལ་དང་དབུས་གཙང་གི་ཆོས་ཞུ་བ་དུ་མར་ཚེ་དཔག་མེད་གྲུབ་རྒྱལ་ལུགས། རྟ་མགྲིན་སྐྱེར་སྒང་། ལྕགས་རལ་ཅན། སྒྲོལ་མ་ཉེར་གཅིག །སྣར་ཐང་བརྒྱ་རྩ། མགོན་པོ་བཅུ་གསུམ། རིགས་གསུམ་མགོན་པོ་ལུགས་མི་གཅིག་པ་དུ་མ། སྒྲོལ་དཀར། དབྱངས་ཅན་མ་དཀར་དམར། དམག་ཟོར་མ། གུར་ཞལ་རྣམ་སྲས། ཞང་བློན། དཔལ་ལྷ་སོགས་ཡི་དམ་ཆོས་སྐྱོང་གི་བྱིན་རླབས་རྗེས་གནང་མཐའ་ཀླས་པ་གནང་བ་དང་སྡེབས་སུ་གསན། མེ་སྟག་རྒྱ་བཏབ་ར་མོ་ཆེའི་སྨོན་ལམ་གྱི་ཚོགས་དབུར་ས་སྐྱོང་བསོད་ནམས་རབ་བརྟན་གྱིས་རྡོ་རྗེ་འཆང་གདན་དྲངས་པའི་སྐབས་གཞིས་ཀ་ཤར་དུ་འགྲུལ་པའི་ཐང་མངས་འདྲི་བའི་ཕྱག་ལས་ལ་ཕེབས་པ་བཤོལ་ནས་མཆོད་དཔོན་མཛད་པར་ཕེབས་ནའང་ཚོགས་དབུ་འཕྲིན་ལས་ཆེན་པོ་འུར་ལངས་ཀྱི་སྐྱོན་གྱིས་ཀླུངས་སུ་མ་བརྒྱུགས་པས་རྗེ་བླ་མ་སེ་རར་ཕེབས་པའི་ཞབས་སྐྱེལ་མཛད། གཞིས་ཀ་ཤར་ནས་རྗེ་ཉིད་ཀྱི་གཅེན་ལགས་ཀུན་དགས་དོ་དམ་བྱས་ཏེ་ཚེས་བཅུ་ཤར་མ་བ་རྣམས་ལ་རྡུལ་ཚོན་གྱི་དཀྱིལ་འཁོར་ལ་བརྟེན་ནས་པདྨ་གླིང་པའི་རྫོགས་ཆེན་དབང་གི་ཕྲེང་བའི་དབང་བཞི་ཡོངས་རྫོགས་དང་མཐའ་བརྟེན་དུ་རས་ཆུང་རྣམ་སྤྲུལ་བཀྲ་ཤིས་རྒྱ་མཚོ་ལ་དག་སྣང་དུ་བྱུང་བའི་ཚེ་དབང་ཧྲཱིཿགཅིག་མའི་དབང་གནང་བ་ཆོས་སྒོ་ཕྱེ་བའི་ཐོག་མ་ཡིན་ཞིང་། དེ་ནས་ལོ་གནངས་ཆགས་ལྟ་བུར་ལྷ་སའི་ཚེས་བཅུ་བ་ཚོར་སྤྱི་དབང་རྒྱས་པ་རེ་མཛད། རྡོ་རྗེ་འཆང་སྐུ་ན་སྨིན་པའི་ཕེབས་འགྲུལ་མ་རྟག་གཤིས་ར་མ་རྩེ་མཉེས་ཐང་མཁར་རྔ་སོགས་སྦྱིན་བདག་མང་པོའི་སར་རྐྱེན་སེལ་གྱི་(༤༡ན)

― GLG009_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་བྱབ་ཁྲུས་གནང་བའི་སྐུ་ཚབ་ཏུ་རྫོང་བདའ་མཛད། མཁར་རྔར་ཐོག་མར་ཕེབས་པའི་ནུབ། ནུབ་བྱང་གི་ཟུར་དུ་ཐུགས་དམ་ལ་བཞུགས་པས་མནལ་ཐུམ་ཞིག་སད་པའི་སྲོད་འཁོར་ལ་མུན་ནག་གི་དབུས་ནས་མེ་མཐེ་བོང་ཙམ་ཞིག་འདུག་པ་ཇེ་ཉེར་འགྲོ་བ་བྱུང་བས་བར་གཅོད་ཀྱིས་མཐོ་འཚམ་པ་ཞིག་ཡིན་འདྲ་དགོངས་ནས་མགོ་འཁོར་དང་ཚར་ཚད་མི་ཡོང་བའི་ཕུང་པོ་ཟན་སྐྱུར་གྱི་སྤྱན་དམིགས་གནང་བ་སླར་འོད་གསལ་གྱི་ངང་ལ་སྐུ་དཔུང་གཡས་པའི་འོག་ཏུ་བཙུན་པ་ཞིག་ཁ་སྦུབ་ཏུ་ཆུད་ནས་མ་ཐོན་པར་ཞུ་འབུལ་བྱེད་པ་ཞིག་ཤར་བ་དེ་གའི་རྒྱལ་ཕྲན་དེ་དམ་ལ་ཐོགས་པའི་ཉམས་ཀྱིས་སང་ནུབ་ནས་འཚུབ་ཀྱི་ཐུགས་དོགས་ཙམ་ཡང་མ་བྱུང་བར་སྣང་། ནང་སོ་དར་རྒྱས་ལ་ལྷ་ཆེན་གྱི་དབང་གནང་བའི་དུས་ཁོང་གི་སྤྱི་གཙུག་ཏུ་ཐོག་མཚམས་ནས་བདུད་རྩིའི་ཐིག་པ་ལྔ་བབས་པ་དབང་རྟགས་ཀྱི་རྟེན་འབྲེལ་ལེགས་པར་མངོན།ལྷ་སྲས་མུ་ཏིག་བཙན་པོའི་ཡང་སྲིད་དཔལ་འབྲི་གུང་པ་ཆོས་ཀྱི་གྲགས་པས་ཆོས་རྗེ་བྱ་ཁྱུང་པ་མཁས་གྲུབ་པདྨ་བསྟན་འཛིན་གདན་དྲངས་ཏེ་དགོངས་འདུས་གཙོ་བོར་གྱུར་པའི་སངས་རྒྱས་གླིང་པའི་གཏེར་ཆོས་རྣམས་གསན་པའི་ཞབས་ཕྱིར་དཔལ་རི་ནས་རྒྱལ་སྲས་དཀོན་མཆོག་ཆོས་དབང་གྲགས་པ་བྱོན། དེ་ཞོར་ཟིང་པ་སྟག་མགོར་རྗེ་ངག་དབང་ཡེ་ཤེས་གྲུབ་པར་ཐོས་གྲོལ་སོགས་མང་དུ་གསན་པའི་སྐབས་རྗེ་འདི་ཉིད་ཀྱིས་གསོལ་འདེབས་གནང་བར་བརྟེན་ཆོས་རྗེ་རྒྱལ་སྲས་པས་གྲོལ་ཏིག་གི་སྒྲུབ་ཆེན་བཙུགས་པའི་ཐུགས་རྗེ་ཆེན་པོ། རྟ་མགྲིན་སོགས་དབང་ཕྲན་རྣམས་དང་། ཉམས་འཁྲིད་ལུང་ཡོངས་རྫོགས། གཤིན་རྗེ་ནག་པོ་སུམ་དྲིལ་ཏེ་རྗེ་པྲཛྙཱ་ར་སྨིའི་གཏེར་ཆོས་ཡོངས་(༤༡བ)

― GLG009_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས། སངས་རྒྱས་གླིང་པའི་འཇམ་དཔལ་ཞི་དྲག་ཕྱེད་མ། རྣམ་སྲས་སྐོར་སོགས་གསན། ཆོས་རྗེ་རྒྱལ་སྲས་ཕ་བོང་ཁར་ཐུགས་དད་དང་ངེད་ལ་དཔོན་ཞེན་གྱི་ཕྲད་པར་འབྱོན་བཞེད་པའི་རྗེ་ཉིད་ལ་དགེ་རྒན་གནང་དགོས་ཚུལ་གསུངས་ནའང་སླར་གྲ་པ་འདྲས་བསྒྱུར་བ་ཡིན་ནམ་ཐུགས་དོགས་ཅི་འདྲ་ཞིག་ཤར་རུང་ད་ལམ་ལོང་མི་འདུག་ཅེས་ལྷ་ས་ནས་འཕྱོང་རྒྱས་སུ་ཤར་མར་བྱོན་སྐད། དགེ་འབྲི་གཉིས་འགྲས་ཆེས་པའི་རྗེ་ཀུན་དགའ་རིན་ཅེན་ཡན་ལ་འབྲི་གུང་ཕྱོགས་ནས་བདེ་གཟར་ཡང་མང་དུ་བསླང་། དགོན་པ་བཅུ་གསུམ་ཙམ་གྱི་ཞྭ་ཐབས་བསྒྱུར། ཆོས་རྒྱལ་རིན་ཆེན་ཕུན་ཚོགས་ནས་བཟུང་མངོན་སྤྱོད་ཀྱི་ལས་སྦྱོར་མཛད་ཅིང་ཞྭ་ལྷ་ཁང་དུ་ཁྱབ་འཇུག་གི་སྒྲུབ་པ་སོགས་ལ་བརྟེན་ཁྲི་རིན་པོ་ཆེ་བདེ་བ་ཅན་པ་མན་ཆད་སྟེང་གྲིབ་ཀྱིས་སྐྱོན་པ་མང་བས་འདི་ལོ་འཇམ་དཔལ་དབྱངས་དཀོན་མཆོག་ཆོས་འཕེལ་ཁྲི་ཐོག་ཏུ་ཕེབས་པའི་སྐུའི་དོགས་སེལ་གྱི་སྲུང་འཁོར་བཞེང་བར་དགའ་ལྡན་དུ་གདན་འདྲེན་གནང་། ལྟོ་འཁོར་སོགས་སྐུ་སྲུང་ཟབ་ཁྱད་ཅན་ཁ་ཤས་འབྲེལ་བ་དང་རྒྱ་ལམ་གཅོད་པར་མཛད། ལོ་བཞི་ཙམ་སོང་དུས་བྲག་དཀར་སྟོན་ཆེན་གྱིས་བཅུ་གསུམ་འཁོར་རྩིས་བཏབ་པར་ཁྲི་རིན་པོ་ཆེར་སྐུ་གྲིབ་ཀྱི་སྙུན་གཞི་ཡོང་བའི་མོ་ཟུར་ལ་ཤར་ཡང་དེ་ནས་དག་ཞིང་དུ་གཤེགས་པར་ལོ་བཅོ་བརྒྱད་ཙམ་སོང་རུང་མཉེལ་བབས་དེ་རིས་ཀྱི་ཐུགས་དོགས་ཙམ་ཡང་མ་བྱུང་བས་ཐུགས་ངེས་ཤིན་ཏུ་ཆེ་བར་མཛད། རྒྱུན་གཅོད་ཀྱི་འཁོར་ལོ་མ་ཉམས་པའི་སྟབས་ཀྱིས་ཁྲི་རིན་པོ་ཆེ་ཀོང་པོ་བསྟན་འཛིན་ལེགས་བཤད་ཀྱང་ཟེར་ཁའི་རིས་ཀྱིས་མ་བསྙུན་པའི་བར་དུ་སོང་དགའ་ལྡན་དུ་བཞུགས་རིང་འཇམ་དབྱངས་དཀོན་མཆོག་ཆོས་འཕེལ་གྱི་ཞབས་(༤༢ན)

― GLG009_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲིང་པ་མཁར་གྲོང་ཆོས་མཛད་ལ་ཕུག་ལུགས་ཚེས་སྤྱོད་ཉིན་ཞག་གི་གཟའ་ལྔ་རྩ་སྒྲུབ། མཁས་གྲུབ་ནོར་བཟང་པའི་མགྱོགས་རྩིས། དུས་སྦྱོར་དུམ་དྲུག་ཏཏྐཱལ་དང་བཅས་པ། ཉི་ལྡོག་འཁོར་ལོ། ཞག་གསུམ་རྣམ་དབྱེ། སྟོང་འཇུག་དབྱངས་འཆར་སོགས་ལ་སྦྱོང་དར་མཛད། སྐབས་ཤིག་བྲག་ཁར་བྱང་བདག་རིགས་འཛིན་ཆེན་པོས་འཇམ་དཔལ་གཤིན་རྗེ་གཤེད་ཀྱི་དྲག་པོའི་སྦྱིན་སྲེག་གི་སྒོ་ནས་འབྱུང་བའི་འཚུབ་ལྷོངས་ཚར་བཅད་ནས་ཐུབ་བསྟན་རྡོ་རྗེ་བྲག་ཏུ་ཕེབས་པའི་དྲུང་དུ་བྱོན། དཔལ་ཕྱག་ན་རྡོ་རྗེའི་རྣམ་སྤྲུལ་ཆབ་མདོ་རྗེ་དྲུང་རིན་པོ་ཆེ་བསྟན་པ་རྒྱ་མཚོ། ཀློང་ཆེན་རབ་འབྱམས་གསུམ་པ་ཤ་ཟུག་པ་ངག་དབང་བཀྲ་ཤིས་རྣམ་རྒྱལ་གྱིས་ཐོག་དྲངས་ཕྱོགས་འདུས་དང་གཉུག་མར་གནས་པའི་དོན་གཉེར་དུ་མ་དང་ལྷན་ཅིག་པར་རིགས་འཛིན་གདུང་སྒྲུབ་ཀྱི་རབ་འབྱམས་བཀའི་དབང་། ཟླུམ་པོ་བཞི་དབང་། ཆོས་སྐོར་གཡུ་ཐོག་སྙིང་ཏིག་གི་དབང་བཞི་ཚེ་དབང་ཆོས་སྐོར། ཀི་ཀང་རླུང་སྒྲུབ། ལས་འབྲེལ་རྩལ། ཀློང་ཆེན་པ་སོགས་གཏེར་ཁ་ཐམས་ཅད་ཕྱོགས་གཅིག་ཏུ་བསྡོམས་པའི་གཟའ་པོད་ཡོངས་རྫོགས། གཟའ་དབང་སོགས་ཟབ་ཆོས་མང་དུ་གསན། ཐུགས་བྲེལ་ཆེ་སྐབས་དང་མ་འགྲིག་ཚེ་ཆོས་ཐུན་གཉིས་རེ་ཆག་མེད་དུ་སྩལ། ཆབ་མདོ་རྗེ་དྲུང་རིན་པོ་ཆེར་སྔགས་གསར་རྙིང་གི་ཆོས་སྐྱོང་དུ་མའི་རྗེས་གནང་ལུང་མན་ངག་མང་དུ་གསན། ཆོས་རྗེ་ཤ་གཟུག་པར་དུས་སྦྱོར་དུམ་དྲུག་གི་དོགས་གཅོད་ཀྱང་གནང་། ཞབས་དྲུང་རིན་པོ་ཆེའི་དབུ་ཞྭ་བཞེས་འཕྲོ་བཅས་བྱིན་རླབས་རྟེན་སོགས་བདག་རྐྱེན་རྒྱས་པར་མཛད་ངོས་ཕ་བོང་ཁར་ཕེབས།ཆོས་རྗེ་སྐུ་སྐྱེ་ངག་དབང་བསྟན་པའི་ཉི་མ་དབྱངས་ཅན་དགྱེས་པའི་ལང་ཚོར་གྲགས་པས་བཟང་སྡིངས་དགོན་པར་གདན་དྲངས། (༤༢བ)

― GLG009_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་རྗེ་རྫིང་ཁ་བའི་ཁྲི་སྟེང་ནས་སྒྲུབ་པ་ཕོ་མོ་ལ་སྤྱན་སྔ་ལྷ་གཟིགས་རས་པའི་ཆོས་དྲུག་གི་ལུང་དང་། ཆོས་རྗེ་སྐུ་སྐྱེར་སྦེར་དུ་པདྨ་གླིང་པའི་གུ་རུ་ཞི་དྲག་སོགས་དབང་ལུང་མང་དུ་གནང་། ཚུར་འབྲུག་པ་སྤྲུལ་སྐུ་པདྨ་དཀར་པོས་མཛད་པའི་ཕྱག་ཆེན་ཆོས་དྲུག་བསེ་འཕོ་སོགས་ཀྱི་ཡིག་ཆའི་ལུང་ཡང་གསན་ཞིང་དཔོན་སློབ་གཉིས་ཀ་ཐ་སྙད་རིག་པ་ལ་བྱང་བས་མཁས་པ་མཁས་པའི་མདུན་སར་མཛེས་པའི་དཔེ་ལྟར་ཐུགས་ཁ་འགྲེ་བར་བྱུང་། རྟིང་སོར་ཆོས་རྗེ་སྐུ་སྐྱེས་བཟང་སྡིངས་སུ་ཆོས་ཁྲིམས་བསྡམས་པས་ཆོས་བཟང་རྒྱལ་པོ་སོགས་རྟོགས་ལྡན་རྒན་པོ་ཐམས་ཅད་མགྲིན་གཅིག་དབྱངས་གཅིག་གིས་བླ་མ་བཀྲོང་བར་ཐག་བཅད་པ་སོགས་ཁ་མཆུ་ཆེར་ལངས་བདེ་ཆེན་རྫོང་དཔོན་རྟ་ནག་འོ་རློན་པར་བླ་མས། དཔལ་གངས་ཅན་འཛིན་མའི་དབང་པོ་དང་། ཁྱོད་ཕུར་བུའི་བློ་ལྡན་མདུན་ན་འདོན། །བདག་ཅི་བརྟོལ་གྱི་ཡུས་ཁ་མ་ལགས་ཀྱང་། །རང་ཆོས་བཞིན་དུ་བགྱིད་པའི་མགོ་འདོན་ཞུ། །ཞེས་དང་། གཤིན་རྗེ་རྣམས་ལོག་སྒྲུབ་རིགས་མཐུན་ཁྱུ། །ད་ཆགས་སྡང་གི་ཚེར་དོང་དུ་ཅུང་མ་ཚུགས། །ཞེས་སོགས་ཀྱི་འཕྲིན་ཡིག་དང་ཞུ་ཁྲ་སྦྲགས་མ་བསྐུར་ཞིང་། བདེ་ཆེན་ཆོས་འཁོར་དུ། ཐོས་བསམ་སྒོམ་པའི་སྤྱོད་ཚུལ་མི་དམན་ཀྱང་། །ཟས་གོས་གཉེན་གྱིས་ཕོངས་པའི་དཱ་རི་ད། །འདུག་ཚུལ་གཤིན་རྗེའི་འཇིག་རྟེན་ལ་འཁུ་བ། འདི་འདྲ་ཐུགས་ཀྱིས་བཟོད་ན་སེམས་དཔའ་མིན། །ཞེས་སོགས་ཀྱི་འཕྲིན་གསོལ་ནའང་ཡས་མས་ཚང་མ་ནས་ཤོགས་མ་ཐོན་པར་བྱ་ཡུལ་ཏུ་འབྲུག་པ་སྤྲུལ་སྐུ་རིན་པོ་ཆེའི་སྐུ་ཞབས་སུ་བྲོས་པའི་ཚེ་གཞིས་ཀ་གོང་དཀར་གྱི་ཐད་དུ་རྟོགས་ལྡན་གྱི་རྗེས་བསྙེགས་སླེབས་ཀྱང་རྗེ་འདི་ཉིད་ཀྱིས་ཇག་ཆིངས་ར་རུ་མ་བསྐུར་བ་གནང་བའི་མཐུས་མ་མཐོང་བས་སྐྱོན་དུ་མ་གྱུར་པ་གཅིག་པུའི་བཀའ་དྲིན་ཡང་བསམ་ལས་འདས། (༤༣ན)

― GLG009_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

ས་སྦྲུལ་ལོ་བཀྲ་ཤིས་ལྷུན་པོ་ནས་དཔོན་སློབ་པཎ་ཆེན་རིན་པོ་ཆེའི་ཞབས་དྲུང་གདན་ས་ཆེན་པོ་རི་བོ་དགའ་ལྡན་གྱི་གསེར་ཐོག་བཞེང་བར་ཕེབས་པའི་འདི་ལོ་དགུང་སྐག་སྔ་བསུ་དང་མོ་རྩིས་དང་སྤྱན་ལྟས་ལའང་འཚུབ་ལྷོངས་ཀྱི་ཐུགས་རྟོག་ཆེ་བའི་བླ་མ་གོང་མ་ཞིག་གིས་པུས་འཁྱུད་དྲ་མིག་མ་སོགས་བྱིན་རྟེན་མང་པོ་སྐུ་ལ་བཅངས་འདུག་ཅིང་། རྒྱུ་མཚན་མ་གོ་བའི་སེར་འབྲས་ཀྱི་གྲ་པ་འདྲས་དཔོན་སློབ་རིན་པོ་ཆེར་སྒོམ་ཞྭ་བཞེས་པའི་ཁར་ད་ནི་སྒོམ་ཐག་དང་བཅས་དགེ་ལུགས་པའི་བླ་མ་མི་འདྲ་པ་འདུག་ཅེས་གླེང་བའང་བྱུང་། ལྷ་སར་ཕེབས་ནས་རྗེ་ཉིད་གདན་འདྲེན་གནང་སྟེ་གསང་བདག་ལྟོ་འཁོར་སོགས་ཁྱབ་འཇུག་གི་སྐུ་བསྲུང་དགོས་ཕེབས་པ་དྲི་བ་མཛད་ནས་སྤྱན་ལམ་དུ་ཕབ། རབ་གནས་འདི་ག་ནས་གནང་། བདག་གིས་ཆིངས་སོགས་བྱེད་ཞུས་པས་བཀའ་ལས། ཁྱེད་ཀྱི་སྲུང་བ་བཏགས་པ་དེ་སྐྱབས་འོག་ཏུ་བཅུག་པ་ཡིན་པས་རབ་གནས་ཀྱང་ཉིད་ཀྱིས་མཛོད་ཅིག་གསུང་བ་བཞིན་ཕྱག་གཡོག་གང་དགོས་དང་། ལྷ་སའི་གཉེར་པ་རབ་འབྱམས་པ་ཆོས་དཔལ་སྟེང་གྲིབ་ཀྱི་དོགས་གཞིས་ན་བར་སྲུང་བཅོས་མཛད་པས་གཞི་མེད་དུ་སོང་། དཔོན་སློབ་ཞབས་དྲུང་གི་ཕེབས་སྒོར་ཁྲི་རིན་པོ་ཆེ་ན་རིམ་ལ་འབྲི་གུང་ཕྱོགས་ནས་གཟའ་མཐུའི་དོགས་གཞིའི་བསྙུན་མཁན་མང་བར་འདུག་པར་དེ་ལ་ཕན་པའི་རིས་གསེར་ཐིག་གི་གཉྫི་རར་འཇུག་རྒྱུ་དགོས་གནང་བ་བཀའ་བཞིན་བསྒྲུབས་ཏེ་དགའ་ལྡན་དུ་བཞུགས་སྐབས་འབུལ་པར་ཕེབས། དཔོན་སློབ་པཎ་ཆེན་རིན་པོ་ཆེ་དགའ་ལྡན་ནས་ལྷ་སར་ཕེབས་སྐབས་ཡང་དགོན་སྤྱན་སྔ་སྐལ་ལྡན་རྒྱ་མཚོ་སོགས་ཆོས་ཞུ་བ་ཁ་ཤས་དང་ལྷན་དུ་བདེ་མཆོག་ལོ་ཨི་པའི་དབང་དང་། ཕྱག་བཞི་བའི་བུམ་དབང་བཅུ་བཞི་པ་སོགས་གསན། སྟོན་མཇུག་རྡོ་རྗེ་འཆང་གིས་ཤེས་(༤༣བ)

― GLG009_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་ནས་ངེད་ཕ་བོང་ཁར་ཡོང་སྐབས་རྗེ་ཉིད་ཞབས་ཕྱིར་བཞུགས་པའི་སྒེར་གྱིས་ངོས་འཕྲད་ལ་བྱོན། དེ་སྔ་ཕན་སྤྱན་འདྲིས་ཙམ་ལས་མེད་ཀྱང་འདི་སྐབས་ནས་ཐུགས་འདྲིས་པའི་འགོ་ཚུགས། འོན་ཀྱང་ངེད་རང་ན་ཕྲ་གཤིས་ངོས་ཀྱི་གསུང་གླེང་སོགས་ནི་མ་བྱུང་། ས་སྐྱོང་བསོད་ནམས་རབ་བརྟན་དང་ཚ་བ་དཀའ་བཅུ་བ་སོགས་ཀྱིས་ཟིང་པ་སྐུ་སྐྱེ་འདི་སྤྱོད་ལམ་ཞི་དུལ་ཆེ་ཞིང་ཡོན་ཏན་ཅན་ཞིག་འདུག་ཅེས་གསུང་འཕྲོས་མཛད་ཀྱི་འདུག་ནའང་ངེད་རང་མཚན་ཉིད་པའི་ཉམས་ཀྱིས་དག་སྣང་ཆུང་བས་འགངས་ཆེ་སྙམ་པའི་ཉམས་སྣང་མ་བྱུང་། སྐྱིད་ཤོད་སྟོད་སྨད་ཀྱི་སྔགས་སྲིད་ཀྱི་མགོན་ལ་སྤོ་བོ་དཔལ་ལྡན་རིན་ཆེན་གྱི་ཁང་པར་ཕེབས། སྒྲུབ་ཞག་དང་འབྲེལ་བའི་གཏོར་བཟློག་གྲོལ་རྗེས་འབྲོམ་སྟོད་མན་ནས་གླང་ར་ཡན། ཐང་པ་རྒྱལ་སྔོན་སོགས་ཀྱི་ཁྲོམ་སྟོང་ཕྲག་བརྒལ་བར་ཚེ་དབང་གནང་། ལྕགས་ལུག་ལོ་འཇམ་དབྱངས་བླ་མ་དཀོན་མཆོག་ཆོས་འཕེལ་གྱིས་ཟིང་པ་སྐུ་སྐྱེའི་སྲུང་བ་འདི་རྣམས་ཟབ་པ་ཞིག་འདུག་པས་དཔོན་སློབ་ཚོ་ད་ལོ་ཨེ་རི་སྒོ་ཕྱོགས་ལ་ཕེབས་པ་དང་བཅས་སྲུང་འཁོར་བཞེངས་ན་ཡོང་ཞེས་ས་སྐྱོང་བསོད་ནམས་རབ་བརྟན་ལ་ཕེབས་སྒོ་གནང་བ་ལྟར་རྗེ་ཉིད་འབྲས་སྤུངས་སུ་གདན་དྲངས། ཉི་འོད་རྩེར་ཞག་ཤས་བཞུགས་ནས་སྲུང་འཁོར་རྣམས་བཞེངས། འཁོར་ལོ་ལུས་ལ་བཅང་བའི་བླང་དོར་གྱི་རིམ་པ་གནང་བར་གསུང་འཕྲོས་བརྗོད་པ་དག་པོ་ཞིག་འདུག་སྙམ་པ་ལས་རྟོག་གེ་པའི་བློ་ངན་གྱིས་བསྒྲིབས་ནས་དག་སྣང་གང་ཡང་མ་བྱུང་། འདི་ལ་ཡུམ་ཡིད་འཛིན་མ་ཆབ་བསགས་ཀྱིས་སྐུ་ལྟེམ་པར་ཕ་བོང་ཁ་ནས་འབྲོམ་སྟོད་དུ་ཕེབས་སྙུན་གཡོག་སོགས་སྲི་ཞུ་འབད་པ་ཆེན་པོས་གནང་ཡང་ཟླ་བ་བརྒྱད་པའི་ནང་དུ་སྐུ་གཤེགས་པ་རྗེ་ཉིད་ཀྱིས་རྡོ་རྗེ་སློབ་དཔོན་མཛད་ནས་ཟིང་པའི་གྲ་པ་རགས་བསྡུས་ཀྱིས་ཞི་ཁྲོ་གཞན་ཕན་(༤༤ན)

― GLG009_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཀྱི་འཁོར་ལོའི་གདུང་ཆོག་བཙུགས་པའི་སྟོང་རྩ་དང་། རྗེ་ངག་དབང་ཡེ་ཤེས་གྲུབ་པ་དཔོན་སློབ་སུམ་ཅུ་སྐོར་གྱིས་ཞག་གསུམ་གྱི་བར་གསུང་ཆོག་དང་རྗེས་སུ་སྲེག་སྦྱང་མཛད་དགོན་སྡེ་མང་པོར་མང་ཇ། བླ་མ་དུ་མར་བསྔོ་རྟེན། དཔལ་ལྡན་སྟོད་རྒྱུད་གྲ་ཚང་དུ་ཚ་ར། བྲིས་འབུར་གྱི་རྟེན་བཞེངས་སོགས་དགོངས་པ་རྫོགས་ཐབས་རྒྱས་པར་མཛད། ཐུགས་བྲེལ་རྣམས་ཆོད་ནས་ལོ་ཙཱ་བ་ཆེན་པོ་གཉན་དར་མ་གྲགས་ཀྱི་བསྟི་གནས་གཉན་མགོན་ཕུག་ཏུ་ཟླ་བ་གསུམ་གྱི་བར་སྐུ་མཚམས་དམ་པར་བཅད། དེ་མུས་ནས་ཁ་རུ་སྲང་ནང་པ། གཤེ་མ་མཁར་པ། རིང་མཁར་པ། རྒྱལ་སྔོན་པ་སོགས་ལ་སོ་སོའི་འདོད་ཆོས་དང་རྩིས་དཀར་ནག་གི་ཕྱག་འཁྲིད་བསླབ་སྟོན་སྩལ་ལོ། །འཁོན་སྟོན་འཇམ་དཔལ་ཞལ་ལུང་ཉི་ཟེར་གྱིས། །མཁྱེན་པའི་འདབ་རྒྱ་གྲལ་ལས་ཤེས་བྱ་ཀུན། །གཟིགས་པའི་ལེགས་བཤད་སྦྲང་རྩིའི་བཅུད་མངར་པོས། །མཐོ་རིས་སརྦྦ་ཛྙ་ཡི་ཁེངས་པ་བཏང་། །རྩེས་དང་བློ་གསལ་འདུ་པའི་ཆོས་ཀྱི་གྲྭར། །འཆད་མཁས་གཏམ་གྱི་སྦྱོར་བའི་རྒྱུད་མང་གླུར། །སྔ་འགྱུར་ཆོས་སྒྲ་འདྲེན་པའི་རྣམ་དཔྱོད་ཀྱི། །གདུབ་གསིལ་དབྱངས་ཅན་ཕྱག་སོར་རྗེས་སུ་སྙེགས། །ཚུལ་ལྡན་བག་ཡོད་ལྕགས་ཀྱུ་རྣོན་པོ་ཡིས། །སྒོ་གསུམ་ཉེར་དུལ་མཁས་བཙུན་བཟང་པོའི་གླིང་། །རིས་མེད་ཐུབ་བསྟན་ཤལླི་ཀ་ཡི་ཁྲོད། །ཐོས་བསམ་སྒོམ་པའི་འགྲོས་ཀྱིས་ལྷོད་པོར་རྒྱུ། །ཤར་ཕྱོགས་གུར་པ་པའི་ཕ་འདས་པའི་དགེ་རྩར་ཡེར་པ་སྤོས་དགའ་བ་རྣམས་ཚོགས་ཀྱང་ཁོང་ཚོའི་བླ་མ་སྟོད་རྒྱུད་དབུ་མཛད་འོན་པོ་རབ་འབྱམས་པ་གྲོངས་ནས་བར་གསེང་དང་འགྲིག་པས་རྗེ་ཉིད་བླ་ཚབ་ཏུ་གདན་དྲངས་པ་བཞིན་ཕེབས་པས་སྐུ་གསུང་ཐུགས་ཀྱི་མཛད་པས་ཡིད་ཕྲོགས་ཏེ་བླ་མ་གནང་དགོས་པའི་སྙན་གསན་ཕུལ་བར། ཕ་བོང་ཁར་རྡོ་རྗེ་འཆང་(༤༤བ)

― GLG009_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཅི་འགབ་ཀྱི་བསླབ་སྟོན་ཞུ་བ་གནང་བར་ཁྱེད་ལ་དེང་སང་བཞུགས་པའི་པར་བཀབ་ཅིག་མི་འདུག་པས་རེ་ཞིག་ཁོང་ཚོའི་འདོད་པ་དང་བསྟུན་ནས་བླ་མ་མཛད་ན་འཕྲིན་ལས་ཀྱང་ཆེ་ཞིང་ལེགས་པ་འོང་ཚུལ་བསླབ་བྱ་རྒྱས་པར་གནང་། སྔར་སྤོས་དགའ་གསང་སྔགས་མཁར་པའི་དགོན་ལག་ལྟ་བུས་སྔགས་མཁར་ནས་བསྐོ་སྲོལ་ཡོད་པ་ལྟར་དཔོན་སློབ་ཁྲི་རིན་པོ་ཆེ་ནས་ཐུགས་ཁུར་བཞེས་པ་ཞིག་བྱུང་ན་དགོངས་པ་ཤར་ཡང་ཡེར་པ་ཕུ་མདའ་རྣམས་འཕན་ཡུལ་ཟ་དམ་པའི་འོག་ཏུ་སོང་བའི་ཀར་ལུགས་ཤུགས་ཆེ་སྒང་དང་འགྲིག་པས་ཟ་དམ་ནས་སྤོས་དགའི་ཁུར་བཞེས་མཛད་དགོས་པའི་རྒྱུ་མཚན་ཕུལ་བ་ལྟར་ཞལ་གྱིས་བཞེས། ཕ་བོང་ཁ་རི་ཁྲོད་པའི་ཉམས་ཀྱིས་གཟན་པ་མེ་ཤིང་དཀོན་གཤིས་གཞིས་ཀ་ཤར་དུ་བྱོན། དེར་སྤོས་དགའ་བའི་ཕེབས་བསུ་དང་ཉེ་སྐོར་གྱིས་ཕེབས་སྐྱེལ་བ་འཛོམ་པའི་གྲ་འགྲིག་དང་བཅས་གཟའ་སྐར་དུས་སྦྱོར་ལེགས་པའི་ཐོག་སྤོས་དགའི་གདན་སར་ཕེབས། ཕ་བོང་ཁ་ནས་རྡོ་རྗེ་འཆང་། ཨོ་ཀེ་ནས་ཞབས་དྲུང་རྗེ་བཙུན་དྲུང་། ཟ་དམ་སྤྱི་གཉེར་གསུམ་ནས་བསྐོ་འཇའི་ཚན་གྲངས། གྲ་རིགས་སྦྱིན་བདག་སྐུ་ཉེ་སོགས་ཀྱིས་འབུལ་བ་རྒྱས་པར་བསྟར་ཞིང་ཕུན་སུམ་ཚོགས་པའི་དགའ་སྟོན་སྤེལ། སྔོན་མ་ལ་ཡེར་པ་བའི་གཏོར་གཤོག་མཛད་དུས་འབག་བཙོག་གཤོར་བས་བྱེའུར་འཁྲུངས་པའི་ཚེ་བླ་མས་ཆོས་གསུང་བ་གསན་པ་སོགས་སྔོན་གནས་ཐུགས་ཀྱིས་གསལ་བར་དྲན། དགོན་པའི་སྲུང་མ་གཙོ་བོ་དཔལ་ལྡན་ལྷ་མོ་དུང་སྐྱོང་མ་ཡིན་འདུག་པ་དགྱེས་པའི་མཚན་མ་བྱུང་གསུང་བ་ཞལ་གཟིགས་ལུང་བསྟན་འདྲ་བྱུང་ཚོད་དུ་སྣང་། དམ་སྲིའི་རིགས་ཀྱིས་རྒྱལ་སར་ཡོད་སྣང་བ་རྗེ་བླ་མའི་ལྷ་སྔགས་ཡེ་ཤེས་ཀྱི་གཟི་བྱིན་མ་བཟོད་པའི་ཐོག་མར་གྲ་རིས་རྣམས་ལ་བདེ་དོག་གི་འཚུབ་ལྷོངས་ཅི་རིས་བྱུང་ནའང་རིམ་གྱིས་རང་ཞིར་(༤༥ན)

― GLG009_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་། དགོན་བདག་སྟབས་ནས་ཟ་དམ་ཀརྨ་ཐུབ་བསྟན་ཉིན་བྱེད་གླིང་གི་གནས་མཇལ་དང་མང་ཇ་ཞུ་བར་ཕེབས། སློབ་དཔོན་རབ་འབྱམས་པ་སྨན་ཐང་པ་དང་གཉེར་པ་གཉིས་ཀྱིས་བཀུར་བཟོས་མཛེས་མཚོན་ཆེ་བ་བྱས། ཚོགས་ལ་སྒྱུ་འཕྲུལ་གྱི་གསུང་བཤད་མཛད་པར་དཀའ་རབ་འབྱམས་རྣམས་ཀྱིས་ལེགས་གསོའི་ཚིག་གི་མེ་ཏོག་གཏོར། གྲ་ཚང་གི་གྲ་རྒྱུན་ཡེར་པ་བ་ཚོས་ཕྱོགས་དཀར་གྱི་ཇ་ཞུས་བྱས། ཡེར་པ་ཕུ་མདའ་དང་འབྲོམ་ཆུ་རིགས་ཀྱི་སྦྱིན་བདག་དྲག་རིམ་སྔགས་པ་ལྷ་རྗེ་རྣམས་ཀྱིས་དབང་གཞི་བཏེགས་པའི་ཁྲོམ་པ་སྟོང་ཕྲག་ཏུ་ཉེ་བར་ཚེ་དབང་གནང་། བླ་བྲང་དང་མཆོད་ཁང་དགོན་རྙིང་གོག་པའི་ཉམས་ཀྱིས་འཇིག་ཏུ་ཉེ་བར་གསར་དུ་བསྐྲུན་ཞིང་། སྒྲུབ་མཆོད་དང་ཡེར་པ་མདོས་ཆེན་གྱི་རྒྱུན་ཇེ་འགྲིབ་ལ་སོང་བའང་རྒྱས་པར་མཛད། ཟླ་ཤས་སྐུ་མཚམས་བཅད་དེ་རྫོགས་པ་ཆེན་པོ་ཀློང་གསལ་སྙིང་ཏིག་གི་སྣང་བཞིའི་ལམ་ལ་རྩལ་འདོན་གྱི་ཉམས་བཞེས་བསྐྱངས་པས་རིག་པ་ཚད་ཕེབས་ཀྱི་རྟགས་མང་དུ་ཤར་བས་སྐུ་མཚམས་གྲོལ་ནས་ཕ་བོང་ཁར་ཕྱག་དབང་ལ་ཕེབས་དུས་འོད་གསལ་འཆར་ལུགས་ཀྱི་རྒྱུ་མཚན་རྣམས་སྙན་དུ་གསོལ་བའི་ལན་དུ། ཁྱེད་སྟག་མགོ་ཡོན་ཏན་དཔལ་དུ་འཁྲུངས་སྐབས་ཉམས་བཞེས་མཛད་པའི་བག་ཆགས་བཟང་པོ་བག་ལ་ཞ་བ་གསལ་འདེབས་གྱི་ཚུལ་དུ་སོང་བ་ཡིན་ཞེས་དགྱེས་པ་ཆེན་པོས་གཟེངས་བསྟོད། ཡེར་པ་བྲག་གསེབ་ཏུ་ངན་ལམ་རྒྱལ་བ་མཆོག་དབྱངས་བཞུགས་པའི་ཕུག་པར་བླ་མ་སྐུ་གསུམ་གྱི་སྒྲུབ་པ་ཟླ་བ་གསུམ་གནང་བའི་སྐབས་རྡོ་རྗེ་བྲག་ནས་བྱང་བདག་རིགས་འཛིན་ཆེན་པོས་གཡུ་ཐོག་སྙིང་ཏིག་འདི་སྲུང་མའི་བསྟབས་ནས་བཀའ་ཤིན་ཏུ་གཉན་པས་གཞན་ལ་མ་བཤད་གོང་དུ་བླ་སྒྲུབ་ཅིག་མཛད་པ་འགབ་ཚུལ་བྱུང་བ་བཞིན་གནང་བ་སྒྲུབ་པ་མ་གྲོལ་རིང་བྲག་གསེབ་ཀྱི་ནང་དུ་(༤༥བ)

― GLG009_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་གྱི་དྲི་ངད་ཡང་ཡང་ལྡང་བས་མི་ཀུན་ཅི་ཡིན་སྙམ་པའི་ཐེ་ཚོམ་ཟ་བ་བྱུང་། ནུབ་ཅིག་གི་མནལ་ལམ་དུ། ཉི་ཐང་ལྷ་རྗེ་བློ་བཟང་རྒྱ་མཚོ་འདི་མཚོ་སྨད་མཁན་ཆེན་གྱི་སྐྱེ་བ་ཡིན་པས་ལུང་ཚར་གཅིག་བསྐྱར་ནས་ཉོན་ཟེར་བ་ཞིག་བྱུང་བར་བརྟེན། སྤོས་དགར་གདན་དྲངས་ནས་གཡུ་ཐོག་སྙིང་ཏིག་དང་བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་གྲགས་པའི་ལུང་གསན། འཚོ་བྱེད་ཕུ་ལུང་པ་དང་ཆ་པ་དྲུང་འཚོས་གཙོས་པའི་སྐྱིད་ཤོད་སྟོད་ཁའི་ལྷ་རྗེ་དང་སྔགས་པ་སོགས་དོན་གཉེར་ཅན་མང་པོ་ལ་གཡུ་ཐོག་ཡོན་ཏན་མགོན་པོའི་ཐུགས་ཏིག་རིགས་འདུས་བླ་མ་སྨན་རྒྱལ་གྱི་དཀྱིལ་འཁོར་ཆེན་པོར་དབང་བཞི་མཐའ་བརྟེན་དྲང་སྲོང་བཀའ་སྲུང་གི་རིགས་གཏད། ཚེ་དབང་འཆི་བདག་བདུད་འཇོམས། པོ་ཏི་ཡོངས་རྫོགས་ཀྱི་ལུང་དང་བཅས་རྒྱས་པར་སྩལ། ཨོ་ཀེ་གཞིས་ཀར་སྐྱིད་ཤོད་ཀྱི་ལྕམ་དཔོན་ས་རྗེ་བཙུན་མར་ལོ་ལོ་བཞིན་རྐྱེན་སེལ་གྱི་ཚེ་དབང་བརྒྱ་རྩ་སོགས་བཀའ་དབང་གི་རིས་འབུལ་བ་གནང་། དཔོན་ས་སྐུ་ན་དང་སྐུ་ཆས་ཐམས་ཅད་སྨིན་པའི་མཐར་སོན། ཟ་དམ་པའི་ཕོགས་པ་ལྟ་བུར་སོང་བའི་ཟང་ཟིང་གི་དབང་ཡོན་འབུལ་བ་གནང་མ་བདེ་བས་མཁས་གྲུབ་ནོར་བཟང་རྒྱ་མཚོ་དང་ཐམས་ཅད་མཁྱེན་པ་ཡོན་ཏན་རྒྱ་མཚོའི་དབུ་སྐྲ། ཐམས་ཅད་མཁྱེན་པ་བསོད་ནམས་རྒྱ་མཚོའི་ཕྱག་རྗེས་སོགས་ནང་རྟེན་གྱི་རིགས་མང་དུ་འབུལ་བ་མཛད། རྗེ་ཀུན་དགའ་ཚེ་མཆོག་གི་ཁྲོ་ཆུའི་མདུན་བསྐྱེད་ཞལ་གསུམ་ཕྱག་དྲུག་བཤད་པར་འབྲི་གུང་པ་ཆོས་ཀྱི་གྲགས་པས་རྩོད་པ་ལ་ལུང་རིགས་ཉི་མའི་སྣང་བར་གྲགས་པ་ལྕགས་སྟག་ལོ་མཛད་པ་དངོས་ལན་བཏབ་ན་མ་འགབ་པས་འདི་སྤོ་བོ་བན་གྲོང་པས་ཞབས་དྲུང་ལ་ཁ་གཡར་ནས་བརྩམས་པར་ངོས་བཟུང་སྟེ་རྗེ་ཉིད་ཀྱིས་རྩོད་ལན་ལེགས་བཤད་འཁྲུལ་པའི་མུན་སེལ་ཞེས་ཆུ་སྤྲེལ་ས་ག་ཟླ་བའི་ཚེས་(༤༦ན)

― GLG009_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་བཞི་ལ་ཐུགས་རྩོམ་མཛད་པ་ཞབས་དྲུང་རིན་པོ་ཆེའི་སྤྱན་ལམ་དུ་ཕབ། དེ་ལན་རྒྱས་པ་ཞིག་མཛད་རྩིས་ཀྱི་ནུབ་ལྷོ་ཕྱོགས་ནས་མཚོན་ཆའི་ཆར་པ་འབབ་པའི་མནལ་ལྟས་བྱུང་བ་འཇམ་དཔལ་དུག་སྡོང་མ་མཉེས་པའི་ཐུགས་དོགས་ཀྱིས་རིན་པོ་ཆེ་ངག་དབང་ཡེ་ཤེས་གྲུབ་པར་འཇམ་དཔལ་རིགས་གསུམ་འདུས་པའི་དབང་བརྒྱ་ཚར་གསན་ཏེ་ཡང་ལན་མ་གནང་བར་བཞག་སྐད། ཆུ་སྤྲེལ་སྤྲེལ་ཟླའི་མར་ངོའི་ཚེས་བཅུ་ལ་ལྷ་སའི་ཚེས་བཅུ་ཤར་མ་བ་རྣམས་ཀྱིས་ཡེར་པར་དཔལ་ཨོ་རྒྱན་ཆེན་པོའི་མཆོད་པ་རྒྱས་པར་བཏེག་པའི་གྲལ་དབུར་གདན་དྲངས་པར་བླ་མ་ནོར་བུ་རྒྱ་མཚོའི་ཟླུམ་པོ་བཞི་དབང་གནང་། མར་ལམ་ཚེས་བཅུ་བ་རྣམས་ལ་གདབ་ལན་གྱི་ཚུལ་དུ་སྤོས་དགར་གཞིས་ལེན་རྒྱས་པར་མཛད། འདི་ལོ་ཐན་པ་ཆེ་བར་སྟོད་སྨད་ཀུན་ནས་ཆར་འབེབས་ཀྱི་རིགས་བྱེད་མཁན་མང་ཡང་ཐོག་ཏུ་ཡེ་མ་བབས་པའི་ལོ་ཏོག་རྣམས་ཚིག་པར་ཉེ་བར་རྒྱ་ནག་ཆུ་འཁོར་མཇོ་རུ་མ། སྨྱུག་ཚིགས་སོགས་ཀྱི་ལས་སྦྱོར་མཛད་པས་ཞག་བདུན་ཚུན་ལ་རི་ཀླུངས་ཀུན་ཆར་གྱི་རྒྱུན་ཆེན་པོས་བརླན་ཏེ་མི་ཕྱུགས་མཐའ་དག་བདེ་བའི་ངལ་གསོར་བཀོད། ཕྱག་ལེན་གཙང་ཞིང་བྱིན་རླབས་ཆེ་བའི་སྙན་གྲགས་ཀྱི་འུར་ལངས། ཁམས་ཀ་ཐོག་གི་བླ་མ་པདྨ་བློ་གྲོས་བྱོན་ནས་རྗེ་འདི་ལྷ་སར་གདན་དྲངས། གཏེར་ཁ་དུ་མའི་དབང་ལུང་དང་གསང་སྙིང་གི་འགྲེལ་པ་ཕྱོགས་བཅུ་མུན་སེལ་གྱི་བཤད་ལུང་གནང་བ། སྤྲུལ་སྐུ་གསུང་སྤྲུལ་སོགས་ཁམས་བོད་མང་པོར་ཆོས་རྒྱུན་ཁྱབ་ཆེ་བར་བྱུང་། ཚུར་དགོངས་འདུས་ཀྱི་པོ་ཏིའི་ལུང་དང་དབང་སྤྱི་རྒྱུད་སོགས་རྒྱུད་དགུ་བཅད་ཐབས་དང་བཅས་པ། ལས་བྱང་མེ་ཏོག་འཕྲེང་མཛེས། བཀའ་སྲུང་གི་ལས་བྱང་བསྐང་གསོ། ཟོར་ལས་གནམ་ལྕགས་ཐོག་མདའ་སོགས་ལུང་ཁ་ཡར་གསན། བླ་མས་སྦྱིན་བདག་མཛད་ནས་མཚན་བརྒྱད་གྲ་ཚར་(༤༦བ)

― GLG009_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སློབ་དཔོན་ཆེན་པོའི་རྣམ་ཐར་ཞིང་བཀོད་ཕྱག་བྲིས་སུ་མཛད། ཁམས་སྟོད་ནས་བླ་མ་དཔལ་འབར་དྲུང་པ་ལྷ་སར་འོངས་ཏེ་ལྟག་སྒོ་བའི་དེར་གནས་ཚང་བྱས། དགོངས་འདུས་གཙོ་བོ་དགུའི་གསེར་སྐུ་དང་བྲིས་ཐང་སོགས་བཞེང་བའི་ཞལ་བཀོད་དང་། གོན་ཇོ་སྐུ་སྐྱེ་ཟར་བས་ཆོས་ལོངས་སྤྲུལ་གསུམ་གྱི་གསེར་སྐུ་ཁྲུ་རེ་ལྷག་ཙམ་བཞེང་བ་སོགས་ཁོང་ཁག་གཉིས་ཀའི་འབུར་སྐུ་རྣམས་ཀྱི་གཟུངས་འབུལ་རབ་གནས་མཛད་ཅིང་འདོད་ཆོས་ཀྱང་ཁ་ཡར་སྩལ། རྟེན་བཞེངས་ཀྱི་འཚུབ་ཡིན་ནམ་ཟེར་གང་ལྟར་བླ་མའི་ནུ་བོ་ལྷ་སར་འདས། ཕུང་པོ་བསམ་ཡས་མཆིམས་ཕུར་བསྐྱལ་བའི་སྲེག་སྦྱངས་ལ་གདན་དྲངས་པ་བཞིན་པུར་སྦྱོང་གནང་བའི་ཐོག་མ་གནས་བཟང་བའི་རྟེན་འབྲེལ་དུ་དགོངས་ཏེ་ཕེབས། མཆིམས་ཕུ་དང་ཟན་གཡང་མི་འགྱུར་ལྷུན་གྱིས་གྲུབ་པའི་རྟེན་བརྟེན་པ་རྣམས་ཞིབ་མཇལ་སྙན་དར་གསེར་ཆབ་སོགས་དངོས་བཤམས་ཡིད་སྤྲུལ་གྱི་མཆོད་འབུལ་ངོས་རྒྱལ་བསྟན་འཕེལ་བ་དང་འགྲོ་ལ་བདེ་སྐྱིད་འབྱུང་བའི་སྨོན་ལམ་རྒྱ་ཆེར་མཛད། ཕར་ཚུར་གཉིས་ཀའི་ཕེབས་ལམ་རྒོད་དཀར་བརྒྱུད་ལྷ་སར་ཕེབས། དཔལ་འབར་བླ་མ་དེ་ནུ་བོ་ལ་ཤིན་ཏུ་བརྩེ་བ་ཞིག་ཡོད་འདུག་པས་ཆེད་གཉེར་དུ་ཞུས་པ་བཞིན་ཟླ་གཅིག་གི་བར་རུས་པ་རྣམས་ལ་སྦྱང་བ་གནང་། བླ་མ་གཉིས་ཀྱིས་འབུལ་ཞབས་ཀྱང་རྒྱས་པར་བྱས་ནས་དཔལ་སྡོང་ཞེས་པ་ཆུ་མོ་བྱའི་ལོ་ལྷ་ས་སྡེ་མ་ལག་དང་བཅས་པ་གཙང་སྡེ་སྲིད་ནས་དགའ་ལྡན་ཕོ་བྲང་དུ་སྦྱོར་འཇགས་གནང་བའི་སྨོན་ལམ་ཆེན་མོའི་དུས་ལེགས་བྱ་འབུལ་བར་ཕེབས། སྐྱིད་ཤོད་སྟོད་སྨད་ཀྱི་སྔགས་པ་རྣམས་ཀྱིས་གཙོ་བོར་གསོལ་བ་བཏབ་པའི་ཞར་བྱུང་དུ་ལྷ་སའི་ཚེས་བཅུ་བ་ཐོར་བུ། འཚོ་བྱེད་ཀྱི་རིས། འཕྱོང་རྒྱས་སྲས་པོ་སོགས་དོན་གཉེར་ཅན་དྲུག་ཅུ་སྐོར་ལ་མངའ་བདག་ཆོས་ཀྱི་རྒྱལ་པོའི་གཏེར་བྱོན(༤༧ན)

― GLG009_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་བརྒྱད་བདེ་གཤེགས་འདུས་པ་ལྷ་བདུན་བརྒྱ་ཉེར་ལྔའི་རྡུལ་ཚོན་གྱི་དཀྱིལ་འཁོར་དང་འབྲེལ་བའི་སྒྲུབ་ཆེན་ཞག་ཉེར་གཅིག་འཛུགས་པ་གནང་བའི་སྨན་སྒྲུབ་ཀྱི་ཚེ། ཁྲོལ་བུའི་སྒྲུབ་པར་འཕེལ་དཀའ་རུང་འདི་སྐབས་མངོན་པ་འཕེལ་ཞིང་ཕྱི་མའི་སྒྲུབ་པའི་ཚེ་སྤོས་དགའི་དགོན་པའི་ནང་སྨན་དྲིས་གང་ཞིང་རླུང་གི་རྒྱུ་ཕྱོགས་ཀྱིས་ཡེར་པ་ཕུ་མདའ་དང་ཉེ་སྐོར་གྱི་གྲོང་གསེབ་ཚོར་ཡང་དྲི་ངད་ལྡང་ཞིང་འཕེལ་ཁ་ཤིན་ཏུ་ཆེ་བས་སྒྲུབ་པའི་རྟགས་མཚན་བླ་ན་མེད་པའི་དམ་རྫས་ཡུངས་འབྲུ་ཙམ་རེ་ཁར་སོང་ཡང་འཁོར་བ་མཐའ་ཅན་དུ་གྱུར་ཏེ་མྱོང་གྲོལ་གྱི་འཕྲིན་ལས་རླབས་པོ་ཆེ་སྤེལ། རྡོ་རྗེ་སྤྱན་མའི་རྨི་ལམ་དུ་འཚུབ་ལྷོངས་ཀྱི་ལྟས་ཤར་ཡང་བཀའ་སྲུང་གི་གསོལ་མཆོད་ལ་གཙོ་འདོན་མཛད་པས་བར་ཆད་ཀྱི་འཚེ་བ་ཅུང་ཟད་ཀྱིས་ཀྱང་མ་ཉེན། ཆོས་རྒྱལ་རིན་ཆེན་ཕུན་ཚོགས་ཀྱི་ཕྱག་ལེན་ཀུན་དགའ་ཚེ་མཆོག་སོགས་ནས་བརྒྱུད་པའི་ལུགས་བཞིན་མཐའ་བརྟེན་དུ་སྦྱིན་སྲེག་དང་གྲོས་མོལ་གནང་ཞིང་། ནང་གི་དངོས་གྲུབ་ལེན་ཆོག་གྲོལ་ནས་ཡར་ཕེབས་པ་དང་ཚེས་བཅུ་བཞིའི་ཟླ་བ་ཤར་བ་འགྲིག་པས་རྟེན་འབྲེལ་གྱི་སྒོ་ལེགས། གྲོལ་དབང་གི་ཉིན་སྟག་རྩེ་ནས་གུང་ཐང་བར་གྱི་ཚེས་བཅུ་པ་སོགས་དོན་གཉེར་ཅན་ལྔ་བརྒྱ་ཙམ་ལ་བཀྲ་ཤིས་ཚེའི་དབང་དང་དངོས་གྲུབ་ལེན་ཆོག་གནང་ཞིང་སྒྲུབ་གཏོར་དང་བདུད་རྩི་ཆོས་སྨན་གྱི་སྐལ་བ་བཀྱེ། རྗེ་ངག་དབང་ཡེ་ཤེས་གྲུབ་པ་ལྷ་སར་ཇོ་མཇལ་ལ་ཕེབས་པའི་ཡར་ལམ་སྤོས་དགར་གདན་འདྲེན་གནང་ནས་གཞིས་ལེན་བདོག་པའི་དངོས་པོ་གྱ་ནོམ་པའི་འབུལ་བ་དཔངས་མཐོ་བར་མཛད། ཧྲཱིཿགཅིག་མའི་ཚེ་དབང་གསན་ཞིང་པད་གླིང་པའི་ཚེ་དཔག་རྡོར་འཕྲེང་ཡང་བསྐྱར་དུ་གསན་པས་སྙན་གསན་ཕུལ་བར་དབང་ཙག་གཅིག་ཕྱག་བྲིས་མཛད་ནས་བསྣམས་འབྱོན་པ་ཞུ་གསུངས་(༤༧བ)

― GLG009_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟར་ཐུགས་དམ་རྟེན་གྱི་ཐང་ཁ་ཞིག་ཀྱང་བཞེངས་ནས་ཟིང་པར་ཕེབས། ཙཀ་ལི་ཕུལ་ནས་ཞལ་ཐང་ལ་ཕྱག་ནས་ཞུས་ཤིང་དབང་རྒྱས་པར་གསན། ངེད་ཧོར་ནང་བརྒྱུད་རྒྱལ་ནས་འབྲས་སྤུངས་སུ་སླེབས་སྐབས་སྙན་ངག་གི་ལམ་ནས་དྲངས་པའི་ཕྱག་ཐམ་སྩལ་བ་ནི། གངས་ཅན་འགྲོ་བ་ཀུན་གྱི་སྐྱབས་གཅིག་པུ། །རྒྱལ་བའི་སྲས་པོ་སེམས་དཔའ་སྐྱབས་སྒྲོལ་མཛད། །ཞིང་འདིར་ངུར་སྨིག་གར་གྱིས་རྣམ་རོལ་པ། །རྒྱལ་དབང་ཐམས་ཅད་མཁྱེན་པའི་ཞབས་དྲུང་དུ། །ཀུན་རྟོག་ཟིར་གྱིས་འཛིན་མའི་ཁྱོན་མ་ལུས། །ཚར་དུ་དངར་བའི་མཆོད་སྤྲིན་གྱིས་བྲིས་ཤིང་། །སོར་བཅུ་སྙིང་གར་ཟུམ་པའི་འཇོ་སྒེག་དང་། །ལྷན་ཅིག་གུས་པ་ཆེན་པོས་མཆིད་འདི་ཞུ། །ལེགས་བྱས་ཆུ་གཏེར་ལས་འོངས་ལྷ་བཅས་ཀྱི། །མགོན་དུ་གྱུར་པའི་ཡིད་བཞིན་རིན་ཆེན་དབང་། །ཐུབ་བསྟན་རྒྱལ་མཚན་རྩེ་ལ་མཆོད་འོས་པ། །འཚོ་ཞིང་གཞེས་པ་སྲིད་གསུམ་དཔལ་དུ་གྱུར། །གང་འདི་སྒྱུ་འཕྲུལ་སྲས་པོ་སླར་འོངས་སམ། །འོན་ཏེ་མ་ཕམ་མགོན་པོའི་ཟློས་གར་ཉིད། །སྔོན་མེད་ལེགས་བཤད་ཚ་ཟེར་འབུམ་འགྱེད་པའི། །རྩོད་དུས་རྫོགས་ལྡན་ཉིན་བྱེད་ཁྱོད་དུ་ངེས། །འཆད་རྩོད་རྩོམ་པའི་ཚ་ཟེར་རབ་འགྱེད་ཀྱང་། །ཐོས་བསམ་སྒོམ་པའི་ཆ་ཤས་མ་ཡོལ་ཞིང་། །མཁས་བཙུན་འབུམ་ཕྲག་དུ་མའི་རལ་པའི་རྩེར། །གང་གི་ཞབས་སེན་ཟླ་བ་འདི་རྨད་བྱུང་། །ཆོས་འདུལ་སྦྲང་རྩིའི་རྒྱལ་མཚན་ལེགས་བཟུང་ཡང་། །རྩ་གྲོལ་ལྷག་པར་ཆགས་པའི་སྙིང་རྗེ་དང་། །སྣོད་བཅུད་དཀྱིལ་འཁོར་འཁོར་ལོར་ཤར་བའི་རྩལ། །གསུམ་ལྡན་འདི་ཀོ་མགོན་མེད་ཀུན་གྱི་མགོན། །མཁྱེན་པ་ཆོས་ཀུན་གཟིགས་པ་འཇམ་དཔལ་དབྱངས། །འགྲོ་ཀུན་བརྩེ་བས་སྐྱོང་ལ་འཇིག་རྟེན་དབང་། །མ་རུང་བདུད་དཔུང་འདུལ་ལ་མཐུ་ཆེན་ཐོབ། །སྐུ་གསུམ་འབྲས་བུའི་སྙེ་མ་དེང་འདིར་(༤༨ན)

― GLG009_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

སྨིན། །འདི་ན་ཕྱོགས་བྲལ་འགྲིམ་པའི་གུས་ལྡན་པ། །སྒྱུ་ལུས་ལྔ་པའི་མགྲོན་དུ་མ་གཉེར་ཀྱང་། །སྲིད་པའི་ཉེས་བརྒྱ་མཐོང་བས་ཡིད་ཕྱུངས་ཏེ། །འདོད་ཆུང་དབེན་པར་རྒྱུ་ལ་རིང་ཞིག་མཆིས། །ཞུ་མཆིད་སྙིང་པོར་བགྱིས་པ་བཻཌཱུཪྻ། །རྒྱུད་མང་དད་གུས་སྙན་པའི་སྒྲ་དབྱངས་ཅན། །མགོན་ཁྱོད་ལྷ་བཅས་འགྲོ་བའི་ཅོད་པན་དུ། །ཞབས་སེན་ས་འཛིན་སྤོ་ལྟར་ཡུན་རིང་པོར། །བརྟེན་པའི་གདུང་ཤུགས་ཀྱིས་བསྐུལ་འདོད་པའི་སྨྲངས། །གང་གི་རྒྱལ་བའི་མཛད་པ་མཐའ་ཀླས་པ། །དཔག་ནུས་མིན་ཡང་གུས་པས་ཡིད་དྲངས་ཏེ། །ཞལ་དཀྱིལ་མཇལ་འདོད་སྤུ་ལོང་ཆེ་ཆེར་གཡོ། །འོན་ཀྱང་ཟིན་མེད་བྱ་བས་བློ་བྲིད་ཅིང་། །འདབ་གཤོག་རྣམ་གཡེང་གཞན་དབང་གིས་བཅིངས་པས། །ངོས་ཀྱིས་མཇལ་བར་མ་སླེབ་ཡིད་གདུངས་ཏེ། །འཕགས་ནོར་བདུན་གྱི་བདུད་རྩིའི་ཟས་ལྡན་ཡང་། །བདག་ཅག་ལེགས་བྱས་ཞིང་དུ་གྱུར་སླད་དུ། །ལྷ་རྫས་མཆོད་པའི་རིམ་གྲོ་དང་བཅས་ཏེ། །ཆུ་ཤེལ་དབང་པོ་སྨིན་དྲུག་རེས་བབས་པའི། །སྔ་མའི་ཕྱོགས་ཀྱི་བཟང་པོ་གཉིས་པ་ལ། །བཀའ་བརྒྱུད་ཀུན་གྱི་གཙུག་རྒྱན་གཡུ་བྲག་པའི། །གཙུག་གི་རྒྱན་གྱུར་རྗེ་བཙུན་མལ་ཡེར་གྱི། །གྲུབ་པའི་གནས་མཆོག་དུས་ཀྱིས་བསྐལ་གྱུར་པ། །སྡེ་དགོན་གོག་པོའི་གཙུག་ལག་ཁང་ནས་ཕུལ། །ཞེས་པར་དེ་མཚུངས་ཀྱི་ལན་འབུལ་ནི་རྔོ་མ་ཐོགས། སྐུ་ཡོན་སྒོར་མ་ནས་ལེགས་པོ་ཡོད་འདྲ་སྙམ་པ་ཤར། གཞན་ཡང་བིཏྤཱ་ཏ་ཡོད་པའི་ཚིགས་བཅད་ཀྱི་ཕྱག་བྲིས་ངོ་མཚར་བ་རྗེས་སུ་ཁ་ཤས་བྱུང་རུང་མཐའ་དག་བྲིར་མ་ལང་། ད་མཐུན་གྱི་ལན་འགའ་ཞིག་ཀྱང་ཕུལ། སྔགས་འཆང་ལྷ་གདོང་པའི་མཐུ་བྱུང་བ་འདྲ་ཟེར་གང་ལྟར་ནང་པ་གླང་ཁ་བའི་ཕ་བུ་གཉིས་ཀ་འགྱངས་མེད་དུ་འདས་པའི་བསྔོ་རྟེན་ལ་བླ་མ་ཞང་(༤༨བ)

― GLG009_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

གི་བཀའ་འབུམ་པོ་ཏི་དང་པོ་འབུལ་མི་སླེབས་གདོང་སྤོས་དགར་རྒྱུན་དུ་སྡོད་པའི་བྱ་རོག་གཉིས་གྲོག་སྐད་སྙན་པོ་སྒྲོག་ཅིང་གཟིམས་ཆུང་གི་ཞལ་དཀར་ནང་དུ་ཡོད་ལ་ཁད་པའི་རྐྱེན་གྱིས་ཐུགས་ལ་སྔར་མེད་པའི་དགྱེས་ཉམས་ཆེ་བ་ཤར། ནུབ་ཅིག་འོད་གསལ་ལ་མི་ནག་པོ་ཞིག་གིས་འདིར་ཤོག་ཟེར་ནས་བྱོན་པའི་མཆོད་ཁང་ཆེན་པོ་ཞིག་གི་ནང་དུ་གདན་དྲངས་བྱུང་པ་བླ་མ་ཞང་ཡིན་ཟེར་བ་ཞིག་དང་མཇལ་བ་ནི་སྔར་གྱི་བྱ་རོག་དང་མི་ནག་པོ་གཉིས་ཀ་དཔལ་ཡེ་ཤེས་ཀྱི་མགོན་པོ་ཕྱག་བཞི་པའི་རྣམ་འཕྲུལ་བསྟན་ནས་གུང་ཐང་གི་བླ་མ་མཛད་དགོས་པར་བསྐུལ་བ་དང་། དེ་ལ་འགྲོ་མགོན་གཡུ་བྲག་པའང་དགྱེས་པའི་སྐུའི་སྣང་བ་བསྟན་པར་གོར་མ་ཆག །མི་རིང་བར་གུང་ཐང་ཆོས་ཁྲི་ལྷོ་ལྕོག་གཉིས་ནས་བླ་མ་མཛད་དགོས་པའི་སྙན་གསན་བྱུང་བ་འགྲོ་མགོན་བརྩོན་འགྲུས་གྲགས་པའི་བསྟན་པ་ལ་ཕན་ཞིང་མགོན་པོ་བྱ་རོག་གདོང་ཅན་གྱིས་འཕྲིན་ལས་སྒྲུབ་པའི་སྔར་བྱུང་བའི་རྟགས་དེ་རྣམས་ཡིན་པར་དགོངས་ཏེ་ཞལ་གྱིས་བཞེས། སྡེ་པ་རྩེ་ཁ་བ། ལོ་པའི་ནང་སོ་གྲགས་པ། ཚེ་རུ། སྤུས་གླིང་། ཞལ་སླར་བརྩམ་པ་སོགས་དྲུང་འཁོར་དང་སྡེ་ཕན་ཚུན་གྱི་ཆེ་བགྲེས་རྣམས་ཀྱིས་ཆིབས་བསུ། གྲ་དམངས་ཀྱི་གདུགས་བ་དན་རོལ་མོ་སོགས་ཕྱག་མཚན་ཐོགས་པའི་སེར་སྦྲེང་དར་བཅས་སྨིན་དྲུག་གིས་ཉ་བའི་གཟའ་སྐར་འཕྲོད་སྦྱོར་དགེ་བའི་དུས་ཆོས་ཁྲིའི་གདན་སར་ཕེབས་པར་བདེ་ཆེན་རྩེ་ནས་སྡེ་པ་རྫོང་ཕྱི་བའི་བསྐོ་འཇའ། གྲ་རིགས་སྦྱིན་བདག་རྣམས་ཀྱིས་ཟང་ཟིང་གི་བདོག་པ་རྒྱ་ཆེར་ཕུལ། དེ་ཉིན་ནམ་མཁའ་དག་པ་ལ་འཇའ་སྤྲིན་པིར་གྱིས་བྲིས་པ་ལྟ་བུ། ཉི་མ་སྔར་ལས་འོད་གསལ་ལ་དགུན་ཡིན་ཀྱང་དབྱར་སོས་འདུ་བའི་ས་ལ་དྲོད་ཆེན་པོ་ཕེབས་པའི་ཡ་མཚན་ཞིང་སྐྱ་སེར་ཚང་མ་བག་དྲོ་བའི་(༤༩ན)

― GLG009_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟས་བཟང་བ་ནི་གདན་ས་པ་སངས་རྒྱས་འབུམ་སླར་ཡང་རང་གི་བསྟི་གནས་སུ་ཕེབས་པའི་ལྟས་སུ་སྣང་། དེ་ཉིན་བཙུན་པ་བྱེད་མཁན་བདུན་ཙམ་བྱུང་བའི་སྐྲ་ཕུད་བཞེས་ཤིང་མིང་འདོགས་མཛད། མཆོད་ཁང་ཆེན་མོ་མཇལ་བར་ཕེབས་དུས་སྔོན་ཀ་ནས་རྗེས་དྲན་མང་དུ་ཤར། ཁྱད་པར་མགོན་ཁང་གི་སྒོ་རང་བྱེར་སོང་མགོན་ཁང་ཤིན་ཏུ་མུན་པ་ནག་ཀྱང་མགོན་པོའི་ཞལ་གྱི་ཐད་དུ་འོད་སྒོར་མོ་ཞིག་ཤར་ནས་ཐམས་ཅད་གསལ་བར་གཟིགས་པས་ཀུན་ཡ་མཚན་དུ་བྱེད། སྒོམ་སྡེར་བྱོན་དུས་སྐུ་སྐྱེ་སྔོན་མའི་དུས་ཐུགས་ལ་ཤར་ཞིང་སངས་འབུམ་གྱི་སྐུ་གདུང་གཟིགས་པའི་ཚེ་དེ་དང་རྗེ་ཉིད་དབྱེར་མེད་དུ་སོང་བ་ལྟ་བུའི་ཐུགས་ཉམས་ལ་ཇ་ཕོར་གང་འཐུང་ཡུན་ཙམ་འབྱམས། སྐུ་གདུང་གི་སྲིན་མཛུབ་དེ་བྱིན་རླབས་རྟེན་ལ་བསྣམས། དེ་ནུབ་མནལ་ལམ་དུ་རྒྱལ་པོ་བསེའི་ཁྲབ་ཅན་འོངས་ནས་ཁྱོད་བླ་བྲང་པ་ཆོས་དཔལ་བཟང་པོར་གྱུར་དུས་བསྲུང་མ་ཡིན་གསུང་བ་སོགས་དགྱེས་པའི་རྣམ་འགྱུར་མང་དུ་བསྟན། སྦྱིན་བདག་རྣམས་ཀྱིས་སོ་སོའི་གནས་ཁང་དུ་གདན་འདྲེན་པ་དང་ཚུལ་སྤོམ་འབུལ་གྱིས་མཚོན་པའི་རྙེད་བཀུར་རྒྱ་ཆེར་བཏབ། ཤིང་བྱིའི་ལོ་ཞང་ལྷ་ཚེ་རུ་བ་སྦུས་གྲོང་པ་གསུམ་གྱིས་དོ་དམ་བྱས་ནས་ཁྲོམ་དབང་དང་དྲུང་འཁོར་སོ་སོར་སྒེར་དབང་སྩལ། རྒྱ་མ་བཙོང་གཏུན་རོང་པའི་རབ་འབྱམས་པས་ཐང་ཡིག་ལ་དགག་པ་བཏང་བའི་རྩོད་ཡིག་འབྲི་གུང་རྡོ་རྗེ་བྲག་སྣང་གསལ་གསུམ་དུ་ཕུལ་བའི་ཞུ་ཡིག་ཏུ་དེང་སང་དབུས་ཕྱོགས་སུ་རྙིང་མ་ལ་ཁྱེད་དཔོན་སློབ་གསུམ་མཁས་པ་འདུག་པས་འདི་ལ་ལན་ཞིག་མཛད་དགོས། དྲང་ངེས་ཀྱི་དོན་སོ་སོར་ཕྱེ་སྟེ་ལུང་རིགས་དང་འབྲེལ་བའི་ལན་བྱུང་ན་ཁོ་བོའང་རྙིང་མ་ལ་འདུག །དེ་མིན་རྣམ་དག་མིན་པ་སོགས་ཀྱི་རྒྱུ་མཚན་(༤༩བ)

― GLG009_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་སྣང་བ་འབྲི་གུང་དང་རྡོ་རྗེ་བྲག་གཉིས་ནས་བླ་ཆེན་དབྱིངས་ཆེ་སའི་ལུགས་ཀྱིས་ཞུ་ལན་ཙམ་ཡང་མ་བྱུང་འདུག །ཟིང་པར་རིན་པོ་ཆེ་ངག་དབང་ཡེ་ཤེས་གྲུབ་པས་ཁོས་རྙིང་མའི་བསྟན་པར་ཞུགས་པས་ཕན་རྒྱུ་ཡང་མེད་མ་ཞུགས་པས་གནོད་རྒྱུ་ཡང་མེད་འདི་འདྲའི་ལན་བྱེད་པ་ལས་བྲེལ་བ་གཞན་བཅད་ཆོག་ཚུལ་གྱི་བསྒྱུར་བྱང་འུར་སྡུམ་རྦད་ཀྱི་ལན་ཞིག་བྱུང་ཚོད་དུ་འདུག་པས་ལྷག་པར་ཡི་མ་རངས་པའི་སྔ་འགྱུར་གྱི་རིང་ལུགས་ལ་ངན་སྨྲས་ཀྱི་ཐན་སྐད་ཕྱོགས་བརྒྱར་སྒྲོག་པའི་གནས་ཚུལ་ཕུ་ལུང་ཀྱང་ར་གྲོང་འཚོ་ནས་རྒྱུ་མཚན་རྗེ་ཉིད་ཀྱི་སྙན་དུ་གསོལ་བར་བརྟེན་ལན་གནང་བཞེད་ཀྱིས་རྩོད་ཡིག་རྩད་གཅོད་མཛད་ཀྱང་དུམ་བུ་ཞིག་ལས་ཕྱག་ཏུ་མ་འབྱོར་ཞིང་། དེ་རྡོ་རྗེ་འཆང་ལ་སྤྱན་འབེབས་གནང་འདུག་པ་ངེད་ཀྱིས་ཕ་བོང་ཁར་བཀའ་ཆོས་ཞུ་བར་ཕྱིན་དུས་གསུང་སྒྲོས་ཀྱི་ལྷོངས་ལ་ཐང་ཡིག་གི་ལོ་རྣམས་དབྱར་ལོ་དགུན་ལོ་སྟོན་ལོ་དཔྱིད་ལོ་སོགས་སྣ་ཚོགས་བརྩིས་པས་ལོ་རིལ་པོར་འཇོག་མི་ཐུབ་ཅིང་། འདུལ་བ་ལུང་ནས་བཤད་པའི་རྒྱ་གར་གྱི་ཡུལ་ཆེན་པོ་དྲུག་དང་ཡུལ་ཕྲན་མཐའ་ཡས་པས་སྤྱི་བྱེ་བྲག་གི་དབྱེ་བ་ཕྱེད་པོ་མི་འདུག་པས་རྩོད་པ་དང་འབྲེལ་ཆེ་བར་མ་མཐོང་། དེ་ལས་དཔལ་འཛིན་གྱི་རྩོད་ཡིག་ཚིག་དོན་བཟང་རྒྱ་མཚོ་གླིང་གི་དབང་མོ་ཆེ་སོགས་ཀྱི་རིགས་ལྔ་གདན་དུ་བཏིང་བའི་སྐོར་ལྟ་བུར་གསང་འདུས་ཀྱི་རྒྱུད་དུ། ཁྱོད་ཀྱིས་སྲོག་ཆགས་གསད་པར་བྱ། །ཞེས་སོགས་དང་། དུས་གསུམ་པ་ཡི་སངས་རྒྱས་རྣམས། །དགྲ་བོས་བསད་པར་བསམས་ནས་ནི། །ཞེས་པས་མཚོན་ཏེ་དངོས་ཤུགས་ཀྱི་དགོངས་པ་ལེན་རྒྱུ་མང་པོ་འབྱམས་ཡིག་གི་རིགས་ཚོའི་ལན་ལ་དཀའ་བ་མི་ཡོང་ཡང་བུ་སྟོན་ཐམས་ཅད་མཁྱེན་པས། རང་ཉིད་རྒྱལ་འདོད་ཕ་རོལ་སྨད་བབ་འདོད། །གཡོ་སྒྱུའི་(༥༠ན)

― GLG009_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

རྩོད་པ་ཚིག་རྩུབ་ངན་སེམས་ཅན། །ངག་འཆལ་སྣ་ཚོགས་སྨྲ་ཞིང་གཞན་རྒྱུད་བསྲེག །ད་ལྟའི་རྩོད་པ་འདི་ཡང་དམྱལ་བའི་རྒྱུ། །ཞེས་པ་ལྟ་བུའི་རྩོད་ལན་གྱི་གཡེང་བ་ལས་མཉམ་གཞག་ཐུན་གཅིག་བྱེད་པ་དགའ་གསུང་བ་ཐོས་ཤིང་། དུས་ཕྱིས་འབྲས་སྤུངས་སུ་རྗེ་ཉིད་དང་གསུང་གླེང་བྱུང་བའི་རྐྱེན་གྱིས་སླར་སྤུས་སྲང་གསེར་ཁང་པ་བརྒྱུད་རྩད་གཅོད་མཛད་པས་སྤུས་སྲང་པས་བྲག་སྒོ་རབ་འབྱམས་པར་ཡོད་ཚུལ་ཐོས་ནས་གཡར་བ་དགེ་སློང་ཤཱཀྱ་ལ་བཅོལ་བའི་ས་ནས་མ་བྱུང་ཞེས་གཡར་དུ་མ་འདོད། རྩོད་ཡིག་ཚང་བར་མ་འབྱོར་པས་ལན་གནང་མ་ཐུབ་པའི་ངང་ལ་ལུས། དུས་ཕྱིས་བྲག་སྒོ་རབ་འབྱམས་པས་བརྩམས་པ་རྣམས་ཀྱང་རྒྱ་མ་རབ་འབྱམས་པའི་དེ་ག་ནས་ཁོལ་དུ་ཕྱུང་བའི་རིས་སུ་འདུག ། ཇི་སྐད་དུ། ཡོན་ཏན་ལྡན་པ་ཡོན་ཏན་ལ་དགའ་ཞིང་། །ཡོན་ཏན་མེད་པ་ཡོན་ཏན་ལ་མི་དགའ། །ནགས་ཀྱི་བུང་བ་མཚོ་ཡི་པདྨར་དགའ། །སྦལ་པ་ལྷན་ཅིག་གནས་ཀྱང་དེ་ལྟ་མིན། །ཞེས་པ་ལྟར་སྣང་བ་རིགས་ཀྱི་སྨན་པ་གཙང་སྟོད་དཔོན་ཚང་ཚ་རོང་པ་ཚེ་དབང་རིགས་འཛིན་དུ་གྲགས་པའི་དཔྱོད་ལྡན་དེས་དམ་པ་འདི་ཉིད་ཀྱི་སྙན་པའི་གྲགས་པས་ཡིད་དྲངས་ཏེ་ལན་ཅིག་མ་ཡིན་པར་གཙང་ཕྱོགས་སུ་ཕེབས་དགོས་པའི་སྙན་འབུལ་བྱུང་བ་དང་། སྡེ་སྲིད་སྐུ་ཞབས་ཆོས་ཁྲི་བའི་ཞུ་དོན་ཡོད་པ་གཉིས་སྦྲགས་ནས་གཡས་རུ་གཙང་གི་རྒྱལ་ཁམས་སུ་བྱོན་པའི་འུག་པ་ལུང་གི་མདའ་སྤན་གྱི་ཐད་དུ་ཕེབས་པ་ན། ལྷ་རྗེ་ཟུར་བུ་ཆེ་དང་ཟུར་མོ་དགེ་འདུན་འབུམ་དུ་སྐུ་འཁྲུངས་པའི་དུས་ཀྱི་གནས་ཚུལ་དུ་མ་བསྙེལ་གསོས། འུག་བྱ་ལུང་ཕྱོགས་ཀྱི་རྟེན་བཤད་དང་ལོ་རྒྱུས་རྣམས་གསུངས་པས་ཞབས་འབྲིང་པ་(༥༠བ)

― GLG009_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོ་ངོ་མཚར་དུ་གྱུར། བཀྲ་ཤིས་ལྷུན་པོར་དཔོན་སློབ་པཎ་ཆེན་རིན་པོ་ཆེའི་ཞབས་དྲུང་མཇལ་བར་ཕེབས་པས་བདག་རྐྱེན་ཐུགས་ལ་བཏགས། དགའ་ལྡན་བཀའ་བརྒྱུད་ཀྱི་ཕྱག་ཆེན་རྩ་འགྲེལ་དེ་སྐབས་རང་ཕྱོགས་ལ་གྲགས་ཆེ་བས་ལྗགས་ལུང་གསན། གཞིས་ཀ་རྩེར་ཞུ་དོན་ཡོད་ན་དཔོན་བློན་རྣམས་དབྱིངས་ཆེ་བས་འགོར་གཞི་ཆེན་པོ་ཡོང་བའི་ལུང་བསྟན། ཕོ་བྲང་བསམ་དོན་ལྷུན་གྱིས་གྲུབ་པའི་རྩེ་མོར་ས་སྐྱོང་མིའི་དབང་པོ་མཇལ་བར་ཕེབས་པར་བཞུགས་གྲལ་ལན་མང་གནང་ཞིང་ཟུར་གསོས་གནང་སྦྱིན་དཔངས་མཐོ་བ་ཞུ་དོན་གྱི་ཕེབས་གསལ་སོགས་འཕྲལ་དུ་གནང་། དཔོན་ཚང་ཚ་རོང་པར་གསོ་བ་རིག་པའི་གཞུང་ལུགས་ཀྱི་ཡང་སྙིང་རེགས་འདུས་སྨན་རྒྱལ་གུ་ཎའི་བླ་སྒྲུབ་ཀྱི་དབང་བཞི། དྲང་སྲོང་དང་ཆོས་སྐྱོང་གི་བཀའ་གཏད་ཚེ་དབང་ལུང་མན་ངག་ཐམས་ཅད་རྫོགས་པར་སྩལ་བས་ཁོང་པ་རྒྱུ་མཚན་ཤེས་ནས་དད་པ་ལྷག་པར་ཐོབ། ཕྱིར་ཕེབས་གདོང་གཙང་སྡེ་སྲིད་ནས་སྐྱིད་ཤོད་ཕྱོགས་སུ་རྙིང་ལུགས་ཀྱི་བླ་མ་ཁུངས་ཅན་ཡོད་པ་ཤེས་མ་བྱུང་ཁྱེད་རིགས་རུས་ཡོན་ཏན་ཐམས་ཅད་ནས་ཁུངས་བཙུན་པར་འདུག་པས་སླར་བསྟན་སྲིད་སྤྱིའི་སྐུ་རིམ་བྱེད་དགོས་པ་འདུག་ཚུལ་གྱི་བཀའ་བཀོད་མགྲོན་གཉེར་དཔོན་རྩ་ཁུ་ནས་ཀྱིས་བསྒྱུར། ཚུར་ལམ་ཉང་སྟོད་དཔལ་འཁོར་ཆོས་སྡེའི་དགེ་རྩ་ཚུགས་པའི་སྒྲུབ་མཆོད་ཀྱི་གར་འཆམས་སོགས་གཟིགས་མོ་ཆེ་ཞིང་གཙུག་ལག་ཁང་དང་མཆོད་རྟེན་ཆེན་མོས་གཙོས་པའི་གནས་མཇལ་མཛད། སློབ་དཔོན་ཆེན་པོ་པདྨ་འབྱུང་གནས་ཀྱི་དངོས་སློབ་རྒྱ་སྔགས་འཆང་ཆེན་པོ་འཇམ་དཔལ་གསང་བ་སོགས་རིགས་འཛིན་རིམ་པར་བྱོན་པའི་གནས་རྙིང་དང་། (༥༡ན)

― GLG009_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་བརྒྱུད་ཀྱི་གདན་སར་ལུང་གིས་མཚོན་པའི་གནས་གཟིགས་གནང་ནས་ལུམ་པའི་གྲུ་བཏོན་ཕྱག་གཡོག་དམངས་མ་གཞུང་ལ་བཏང་སྟེ། དཔོན་སློབ་ཉུང་བསྡུས་ཤིག་གིས་རིགས་འཛིན་ཆེན་པོ་མཇལ་བར་ཕེབས་ནས་རྡོ་རྗེ་བྲག་ཏུ་བཞུགས་ཞག་གཉིས་གནང་རིམ་གྱིས་གུང་ཐང་དུ་བྱོན། གཙང་ལ་ཕེབས་རིང་གྲ་པ་གཞོན་པ་རྣམས་ལ་ཀློག་གྲྭ། བར་ཤར་བ་རྣམས་ལ་ཀུན་རིག་གི་ཕྱག་རྒྱ་འཆིང་ཚུལ་དང་དུང་ཆེན་སྦྱོང་བ་སོགས་ཞལ་བརྡ་གནང་བ་ཚོ་ཚུལ་ལྡན་བྱུང་མ་བྱུང་གི་རྒྱུགས་བཞེས་པར་དེར་རིན་པོ་ཆེ་ངག་དབང་ཡེ་ཤེས་གྲུབ་པ་དག་ཞིང་དུ་གཤེགས་པའི་ཞུགས་འབུལ་སོགས་གྲུབ་ནའང་མཆོད་འབུལ་ལ་སྣང་གསལ་དུ་ཕེབས་རྩིས་ལ་དབུར་སྟོད་ཕྱོགས་སུ་ཧོར་ཡན་གྱི་ཇག་ཆོམ་མང་བར་ཡབ་ཟུར་ཆེན་གྱིས་ཇག་ཆིངས་རྭ་རུ་མ་སྒྲུབ་པ་གནང་བར་མནལ་ལམ་དུ་མུན་པ་འཐིབས་པ་དང་སེར་བ་འབབ་པ་གཉིས་ཀ་བྱུང་བར་ཐུགས་དོགས་ཤར་རུང་བླ་མ་ལ་དད་པའི་གདུང་ཤུགས་ཀྱིས་ཐེ་ཚོམ་མེད་པར་ཕེབས་པས་ཕེབས་ལམ་དུ་ཧོར་རྟ་པ་བདུན་བརྒྱད་ཙམ་ཞིག་དང་མཇལ་ཡང་དྲི་བ་ཞུ་བ་ལས་ཉེར་འཚེ་མ་བྱུང་། བྱ་ཡུལ་མང་རའི་མདོར་རྟ་པ་སུམ་ཅུ་ཙམ་ཁད་ཉེར་འབྱོར་ཀྱང་དཔོན་སློབ་རྣམས་མ་མཐོང་བས་གདམས་པ་དང་མཚན་ལྟས་གཉིས་ཀར་ཐུགས་ཡིད་ཆེས། རིན་པོ་ཆེའི་དབུ་ཐོད་བམ་རིལ་ལག་མཐིལ་གྱི་རྒྱ་ཙམ་གྱི་དབུ་སྐྲ་ཡང་མ་ཚིག་པ་ཐུགས་ལྗགས་སྤྱན་གསུམ་གདུང་ལྕགས་གཅོད་དང་བཅས་པ་རྣམས་ལ་དངོས་བཤམས་ཀྱི་མཆོད་འབུལ་སྙན་དར། བླ་མ་དཀྱིལ་འཁོར་གྱི་གཙོ་བོར་བཞུགས་པ་ལ་གསོལ་འདེབས་དང་ཏིང་ངེ་འཛིན་གྱི་དབང་བཞེས་པ། བསྟན་འགྲོ་ཀུན་ལ་སྨན་ཡོན་དུ་འགྱུར་བའི་སྨོན་ལམ་མཛད། ཞག་ཤས་ཀྱི་(༥༡བ)

― GLG009_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བཞུགས་ནས་གྲ་རིས་རྣམས་དང་ཁམས་པ་གསར་རྙིང་གི་གསུང་གླེང་ཞིབ་རྒྱས་གནང་། རིན་པོ་ཆེ་ཀུན་དགའ་ཚེ་མཆོག་གི་ཕྱག་ནས་མའི་ཨོ་རྒྱན་རིན་པོ་ཆེའི་རྣམ་ཐར་ཞིང་བཀོད། ཕྱག་དཔེ་ཉེར་མཁོ་ཁ་ཡར། གདུང་སྐལ་གྱི་བྱིན་རྟེན་སོགས་བསྣམས་ལམ་ཞོར་དུ་རྣམ་རྒྱལ་ཆོས་རྫོང་དུ་ཕེབས། རིན་པོ་ཆེ་ངག་དབང་ཡེ་ཤེས་གྲུབ་པ་ཞབས་དྲུང་ཆོས་ཀྱི་གྲགས་པའི་དབུ་ལྷར་སོང་བའི་ཕྱོགས་འཕུལ་གྱིས་མི་མཉེས་པ་ཡོད་འདུག་གཤིས། ཁྱེད་ཚོའི་བླ་མ་སྣང་གསལ་བ་ཟངས་མདོག་དཔལ་རིར་འབྱོན་རྩིས་ཕྱག་མཛོད་པས་རྟ་མ་བསྐུར་བའི་ལམ་ལ་ལུས་པ་ཨེ་ཡིན་དབུ་སྐྲ་མ་ཚིག་པ་བཟང་ངན་ཅི་ཡིན་ཞེས་ཞེ་མ་གཤགས་གསུངས་པར། ཕེབས་ལན་དུ་དག་པ་ཡེ་ཤེས་ཀྱི་སྐུ་ཟངས་མདོག་དཔལ་རིར་འབྱོན་པར་ཆིབས་པའི་དགོས་བྱེད་མེད་པ་འདྲ། དབུ་སྐྲ་མ་ཚིག་པ་དེ་རིས་ཞབས་དྲུང་གོང་མ་རིན་པོ་ཆེ་རྣམ་རྒྱལ་ལའང་བྱུང་འདུག་པས་བཟང་ལས་ཆེ་ཞུས་པར་ཕྱག་མཛོད་པ་ཧོར་ཆེ་བརྒྱུད་ཀྱི་མི་ངོ་ལྦ་བ་ཅན་དེ་མ་དགའ་བའི་རྣམ་འགྱུར་ཆེན་པོ་བྱས་སྐད། འབྲི་གུང་ཞབས་དྲུང་དཀོན་ཅོག་རིན་ཅེན་ཡེར་པ་དང་ལྷ་སའི་གནས་མཇལ་ལ་བྱོན་པའི་ཚེ་ཐུགས་རྒྱུས་ཁོག་ནས་ཕྱག་ཆེན་ལ་ཤོག་གསུང་བ་བཞིན་ཕེབས་པ་པོ་ཏ་ལའི་མཆོད་ཁང་དམར་པོར་ནང་སོ་ནུབ་པ་བར་ཞབས་དྲུང་གིས་ཇོ་བོའི་གཡས་མཇལ་འདི་རང་ལ་དགའ་བ་བྱེད་པའི་རྒྱུ་མཚན་ཅི་ཡིན་དྲི་བ་གནང་བར་ཐུགས་ཀ་གཡས་ན་ཡིད་བཞིན་ནོར་བུ་བཞུགས་པས་ཡིན་པ་འདྲ་ཞུས་པའི་ལན་དུ། ཇོ་བོའི་སྐུ་ལུགས་མ་ཡིན་ན་ལུགས་རྒྱག་དུས་ཡིད་བཞིན་ནོར་བུ་ཐུགས་ཀ་གཡས་ལ་སོང་བ་སུས་མཐོང་སོགས་འབྲེལ་མེད་མང་པོ་གསུང་གི་འདུག་ཟེར་བ་དང་ངེད་དགའ་ལྡན་ཁང་གསར་དུ་བསྡད་ཡོད་པར་གླེང་བརྗོད་(༥༢ན)

― GLG009_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་སྣང་། གླང་རའི་བར་ཆིབས་སྐྱེལ་མཛད་པས་བླ་མས་ཕྱོགས་དཀར་དང་རྒྱུས་ཡོད་ཐིགས་བྱུང་ཞེས་མཉེས་མཉེས་མཛད་ཅིང་ཞབས་དྲུང་ལ་ཕྱག་བཞི་པའི་དབང་སོགས་ཆོས་འབྲེལ་ཡང་གསན། སྤོས་དགར་ཟླ་གཅིག་ཙམ་གྱི་རིན་པོ་ཆེ་སྣང་གསལ་བའི་གདུང་རུས་ལ་མཆོད་འབུལ་དང་དྲི་མེད་བཤགས་རྒྱུད་ཀྱི་གསུང་སྒྲོག་ཆག་མེད་དུ་མཛད། དགའ་ལྡན་ཁང་གསར་དུ་ངོས་འཕྲད་ལ་ཕེབས་བྱུང་བར་དཔོན་སློབ་གླིང་སྨད་ཞབས་དྲུང་དང་གསུང་གླེང་ཞིབ་རྒྱས་ངོས་དཔོན་སློབ་རིན་པོ་ཆེས་རིན་སྤུངས་ཞབས་དྲུང་ངག་དབང་འཇིགས་གྲགས་ཀྱིས་མཛད་པའི་འཇིགས་མེད་སེང་གེའི་རྒྱུད་ང་རོ་དེ་བཟངས་སྡིངས་སྐུ་སྐྱེར་ཡོད་འདུག་པས་ཆོས་རྗེའི་དྲུང་གིས་གཡར་ནས་ཕྱག་དཔེ་བཤུ་བའི་མ་དཔེར་ཡོང་བ་མཛོད་ཅེས་ཕེབས་སྒོ་གནང་། དཀར་ཕིབས་ཆེན་མོར་གསོལ་ཚིགས་ཞུ་སར་སྐུ་མདུན་སྨན་ཐང་ནས་བློ་བཟང་རྒྱ་མཚོའི་ཕྱག་བྲིས་མའི་ཆ་འཕྲུལ་གྱི་ཐང་ཁ་བཀྲམ་འདུག་པ་ནས་ཤོག་དཔེ་འགའ་ཞིག་འཕྲལ་དུ་འབྲི་བ་གནང་སོང་བར་གནམ་ཡངས་ནས་ལྟ་མཁན་གྱི་དྲུང་འཁོར་མང་པོས་མཐོང་བས་ཕྱག་བདེ་བ་དག་ཐུགས་རྩོལ་ཆེ་བའི་དཔེར་འཛིན། དེ་ཡང་ཕ་རོལ་ཏུ་ཕྱིན་པ་ལྔའི་མདོ་ལས། གལ་ཏེ་བྱང་ཆུབ་སེམས་དཔའ་བསྐལ་པ་གངྒཱའི་ཀླུང་གི་བྱེ་མ་སྙེད་དུ་ཁྱིམ་ན་གནས་ཏེ། འདོད་པའི་ཡོན་ཏན་ལྔ་རྣམས་ལ་བརྟེན་ཅིང་ལོངས་སྤྱོད་ལ། ཉན་ཐོས་ཀྱི་སའམ་རང་སངས་རྒྱས་ཀྱི་སར་ཡང་སེམས་མི་བསྐྱེད་ན། དེ་ཙམ་གྱིས་ནི་བྱང་ཆུབ་སེམས་དཔའ་ཚུལ་ཁྲིམས་འཆལ་པ་ཞེས་མི་བརྗོད་དོ། །དེ་ལྟར་འདིས་འདི་ལྟ་སྟེ། ཐམས་ཅད་མཁྱེན་པ་ཉིད་ཀྱི་ལྷག་པའི་བསམ་པ་མ་དཀྲུགས་པའི་ཕྱིར་རོ། །ཚེ་དང་ལྡན་པ་གང་པོ་དཔེར་ན། མི་ལ་ལ་(༥༢བ)

― GLG009_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་ཉེས་པ་མེད་པར་བཙོན་རར་བཅུག་སྟེ། དེ་བཙོན་ར་དེར་ལོ་མང་པོ་ལོ་བརྒྱ་ཕྲག་མང་པོ། ལོ་འབུམ་ཕྲག་མང་པོ་བཙོན་རར་བཅུག་ལ། དེའི་ལྷག་པའི་བསམ་པ་ཡང་འཁྲུགས་པར་མ་གྱུར། དེས་རྐུན་པོའི་སེམས་ཀྱང་མ་བསྐྱེད་དུ་ཟིན་ཀྱང་། དེ་བཙོན་རར་བཅུག་ན། དེ་ཙམ་གྱིས་ནི་དེ་རྐུན་པོ་ཞེས་བརྗོད་པ་མ་ཡིན་ནོ། །ཚེ་དང་ལྡན་པ་དེ་བཞིན་དུ་བྱང་ཆུབ་སེམས་དཔའ་དེ་ཡང་ཁྱིམ་ན་གནས་ཤིང་འདོད་པའི་ཡོན་ཏན་ལྔ་རྣམས་ལ་ལོངས་སུ་སྤྱོད་པ་དེས། ཚུལ་ཁྲིམས་འཆལ་པ་ཞེས་བྱ་བར་མི་བརྗོད་དོ། །གལ་ཏེ་བསྐལ་པ་གངྒཱའི་ཀླུང་གི་བྱེ་མ་སྙེད་དུ་ཚངས་པར་སྤྱོད་པ་སྤྱོད་ལ། དེ་ཡང་ཉན་ཐོས་ཀྱི་སའམ་རང་སངས་རྒྱས་ཀྱི་སར་ཡོངས་སུ་བསྔོ་ཞིང་ཐམས་ཅད་མཁྱེན་པ་ཉིད་ཀྱི་ལྷག་པའི་བསམ་པ་ཡང་། འཁྲུགས་ན་དེ་ཙམ་གྱིས་ན་དེས་ཚུལ་ཁྲིམས་དང་ལྡན་པ་ཞེས་མི་བྱའོ། །གང་གི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཉན་ཐོས་ཀྱི་ཚུལ་ཁྲིམས་ལ་གནས་ན། དེ་བྱང་ཆུབ་སེམས་དཔའ་ཞེས་མི་བརྗོད་དོ། །དེ་ཅིའི་ཕྱིར་ཞེ་ན་འདི་ལྟ་སྟེ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་འགལ་བའི་ཕྱིར་རོ། །ཞེས་དང་། རིན་པོ་ཆེ་སྡུད་པ་ལས། གལ་ཏེ་བྱང་ཆུབ་སེམས་དཔའ་འདོད་ཡོན་ལྔ་སྤྱོད་ཀྱང་། །སངས་རྒྱས་ཆོས་དང་འཕགས་པའི་དགེ་འདུན་སྐྱབས་སོང་སྟེ། །སངས་རྒྱས་འགྲུབ་བྱ་སྙམ་དུ་ཀུན་མཁྱེན་ཡིད་བྱེད་ན། །མཁས་པ་ཚུལ་ཁྲིམས་ཕ་རོལ་ཕྱིན་གནས་རིག་པར་བྱ། །ཞེས་སེམས་ཅན་གྱི་དོན་དུ་བྱང་ཆུབ་སེམས་དཔའི་སྤྱོད་པ་རླབས་པོ་ཆེ་བསླབ་པ་རྣམས་ལ་འདོད་ཡོན་རྣམས་གྲོགས་སུ་འགྱུར་བ། འོད་སྲུངས་ཀྱིས་ཞུས་པའི་མདོ་ལས། ཇི་ལྟར་གྲོང་ཁྱེར་སྐྱེ་བོའི་མི་གཙང་ལུད། །དེ་ནི་བུ་རམ་ཤིང་པའི་ཞིང་ལ་ཕན། །དེ་བཞིན་བྱང་ཆུབ་སེམས་དཔའི་ཉོན་(༥༣ན)

― GLG009_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

མོངས་ལུད། །དེ་ནི་སངས་རྒྱས་ཆོས་རྣམས་བསྐྱེད་ལ་ཕན། །ཞེས་གསུངས་པ་དང་མཐུན་པར། མདོ་སྡེ་ལས། བྲམ་ཟེའི་ཁྱེའུ་བླ་མས་ཚོང་དཔོན་གྱི་བུ་མོ་ལ་སྤྱོད་པས་ཚུལ་ཁྲིམས་ཀྱི་ཕར་ཕྱིན་རྫོགས་པ་དང་དེད་དཔོན་སྙིང་རྗེ་ཅན་གྱིས་མི་ནག་མདུང་ཐུང་བསད་པས་བསྐལ་པ་གྲངས་མེད་དགུའི་ཚོགས་འདུམས་པར་བཤད་པ་སོགས་ཐུན་མོང་བའི་ཐེག་པའི་སྐབས་སུའང་གནང་བཀག་གི་ཁྱད་པར་ཆེས་མང་ཞིང་། སློབ་དཔོན་སེང་གེ་བཟང་པོས་བརྒྱད་སྟོང་འགྲེལ་ཆེན་དུ། བསྐལ་པ་གྲངས་མེད་པ་གསུམ་མམ་བཅུའམ་སུམ་ཅུ་རྩ་གསུམ་གྱི་བར་དུ་བསོད་ནམས་དང་ཡེ་ཤེས་ཀྱི་ཚོགས་གཉིས་བསགས་ཏེ་གདོང་མངོན་པར་རྫོགས་པར་འཚང་རྒྱ་བར་འགྱུར་རོ། །ཞེས་ཕ་རོལ་ཏུ་ཕྱིན་པ་ལ་ཡུན་རིང་པོར་ཚེགས་ཀྱིས་སངས་རྒྱས་སྒྲུབ་དགོས་ནའང་རྡོ་རྗེ་ཐེག་པའི་ཁྱད་པར་གྱི་ཆོས་སྙིགས་དུས་ཀྱི་ཚེ་ཐུང་གཅིག་ལ་འཚང་རྒྱ་བར་ནུས་པ། བཤད་རྒྱུད་སམྦུ་ཊི་ལས། །ཚེ་འདི་ཉིད་ལ་སངས་རྒྱས་སམ། །རྡོ་རྗེ་སེམས་དཔའ་ཉིད་ཐོབ་ལ། །ཞེས་དང་། མཁའ་འགྲོ་མ་རྡོ་རྗེ་གུར་གྱི་ལེའུ་དྲུག་པ་ལས། སྐྱེ་འདིར་སངས་རྒྱས་མཆོག་ཉིད་དུ། །སེམས་བསྒོམས་པས་ནི་སངས་རྒྱས་སོ། །རིན་ཅེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད། །ཅེས་ཉེ་ལམ་ཁྱད་པར་ཅན་དུ་གསུངས་པའི་ཐབས་ཀྱང་རྩ་རྒྱུད་བརྟག་པ་གཉིས་པ། བཤད་རྒྱུད་སམྦུ་ཊ། དཔལ་འཁོར་ལོ་སྡོམ་པའི་རྒྱུད་ལེའུ་ལྔ་བཅུ་རྩ་གཅིག་པ་རྣམས་མཐུན་པར། དགོད་དང་ལྟ་དང་ལག་བཅངས་དང་། །གཉིས་གཉིས་འབྱུང་དང་དེ་བཞིན་དུ། །རྒྱུད་ཀྱང་རྣམ་པ་བཞི་རྣམས་ཀྱི། །ཞེས་འདོད་ཆགས་ལམ་དུ་བྱེད་ཚུལ་མི་འདྲ་བ་བཞི་ཙམ་གསུངས་པའི་གཙོ་བོ་རྣལ་(༥༣བ)

― GLG009_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་བླ་ན་མེད་པའི་སྨིན་གྲོལ་གྱི་རིམ་པ་ཡིན་པས། སྡོམ་གསུམ་དུ། དེས་ན་སྨིན་བྱེད་དབང་དང་ནི། །རིམ་པ་གཉིས་ལ་འབད་བྱས་ན། །དེ་ནི་ཚེ་འདི་བར་དོའམ། །སྐྱེ་བ་བཅུ་དྲུག་དག་ནས་འགྲུབ། །ཅེས་དབང་པོ་རབ་འབྲིང་ཐ་གསུམ་གྱི་ཁྱད་པར་གསུངས་པའི་ཚེ་གཅིག་གི་ལུས་རྟེན་ལ་གྲོལ་བར་བྱེད་པ་དབང་པོ་གཉིས་སྦྱོར་གྱི་ཕྱག་རྒྱའི་ལམ་ལ་བལྟོས་པས། སྤྱོད་བསྡུས་སྒྲོན་མེར། དེ་ལྟར་ཆ་རྐྱེན་མ་ཚང་བ་མེད་པས་ལེགས་པར་བསླབས་པའི་ཕྱག་རྒྱ་རྣམས་དང་ལྷན་ཅིག་བདེ་བ་ཆེན་པོའི་ཏིང་ངེ་འཛིན་ལ་སློབ་པར་བྱེད་པ་དག་གི་ཕན་ཡོན་བསྟན་པ་ནི། ཞག་བདུན་ཞེས་པ་ལ་སོགས་པས་གསུངས་ཏེ། དབང་པོ་རབ་ཀྱིས་དངོས་གྲུབ་ཀྱི་དུས་ནི་ཞག་བདུན་ནོ། །དབང་པོ་འབྲིང་གིས་ཟླ་བ་ཕྱེད་དེ་ཞག་བཅོ་ལྔའོ། །དབང་པོ་ཐ་མ་ཡིས་ནི་ཟླ་བ་གཅིག་གམ་ཟླ་བ་ཕྱེད་དང་གཉིས་ཏེ་ཟླ་བ་ཕྱེད་ཀྱིས་ལྷག་པའི་ཟླ་བ་ནི་ཟླ་བ་ཕྱེད་དང་གཉིས་ཏེ་དེས་དབང་པོ་ཐམས་ཅད་འགྲུབ་པར་འགྱུར་རོ། །ཞེས་སེམས་དབེན་གྱི་དཔེའི་འོད་གསལ་སྐབས་ངེས་པར་ལས་རྒྱ་ལ་བརྟེན་ནས་བདེ་ཆེན་གྱི་ཡེ་ཤེས་འདྲེན་དགོས་པ། རིམ་ལྔ་ལས། སྒྱུ་མ་དག་ནི་ཐམས་ཅད་ལས། །བུད་མེད་སྒྱུ་མ་ཁྱད་པར་འཕགས། །ཡེ་ཤེས་གསུམ་གྱི་དབྱེ་བ་ནི། །གསལ་བར་འདི་ལས་མཚོན་པར་འགྱུར། །འདོད་ཆགས་ཉིད་དང་ཆགས་བྲལ་དང་། །དེ་ཡི་བར་དོ་གསུམ་པོ་ནི། །དབང་པོ་ཉིད་ནི་མཉམ་སྦྱོར་པའི། །རྡོ་རྗེ་པདྨ་ལུས་ལས་སོ། །ཞེས་དང་། གསང་བ་གྲུབ་པ་ལས། །ལས་ཀྱི་ཕྱག་རྒྱ་མཉམ་ལྡན་པས། རྡོ་རྗེ་པདྨ་མཉམ་སྦྱོར་བ། །བདེན་པ་གསུངས་པས་མངོན་སུམ་དུ། །འདི་འདྲའི་སྒོམ་པ་གང་གསུངས་པ། །དང་པོའི་ལས་ཅན་སེམས་ཅན་ལ། །ལས་(༥༤ན)

― GLG009_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཕྱག་རྒྱ་གང་སྤོངས་ནས། །བྱང་ཆུབ་སེམས་ནི་རབ་སྟོན་པ། །གཞན་གྱིས་མཚོན་པས་མི་མཐོང་སྟེ། །དང་པོའི་ལས་ཅན་རིག་པར་བྱ། །ཞེས་མེད་དུ་མི་རུང་བའི་ལམ་ཉམས་སུ་ལེན་པའི་ཕོ་ཉའི་མཚན་ཉིད་ནི། མདོར་བཅས་ལས། དམེ་ཤ་ཅན་གྱི་བདག་ཉིད་ཆེ། །བུ་མོ་ཨུཏྤལ་མཐིང་ཁའི་མདོག །མིག་ཡངས་དམ་པ་རྙེད་ནས་ནི། །མཉམ་པར་བཞག་ཅིང་ལེགས་པར་བསླབས། །སྒྲུབ་པ་པོ་ལ་ཤིན་ཏུ་མོས། །ཞེས་གསུངས་ཤིང་། ཐེག་དགུའི་ཡང་རྩེ་ངེས་དོན་རྫོགས་པ་ཆེན་པོ་ཁྲེག་ཆོད་དང་ཐོད་བརྒལ་གྱི་ལམ་གཉིས་ལ་ལྟ་བ་དང་། སྤྱོད་པས་བོགས་འདོན་པའི་ཕྱི་མའི་སྐབས། ཀློང་གསལ་ཐེམས་ཡིག་ལས། དེ་དག་ཀློང་གསལ་སྙིང་ཁྲག་དྭངས་མའི་སྐོར། །མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས། །ཞེས་པའི་ནང་ཚན་ཟབ་ལམ་ཉི་ཟླ་ཁ་སྦྱོར་ལས། བདེ་བའི་རང་བཞིན་ཆགས་མེད་དབྱིངས་ན་རོལ། །ཀུནྟའི་དཔའ་བོ་རྩ་རླུང་བདེ་བས་ཚིམ། །ཞུ་བདེའི་རང་བཞིན་འཁོར་ལོ་ལྔ་ལ་རྒྱས། །ཞེས་གཞན་ལུས་ཐབས་ལྡན་ལ་བརྟེན་ནས་ཤིན་ཏུ་མྱུར་བའི་གསང་ལམ་ལ་བསླབས་པར་སྔགས་མཁར་ཕྱུག་པོ་གླིང་སྨད་པའི་དགེ་སློང་སོགས་དུ་མས་ཡོ་ག་སྒྲོག་པ་ནི། ནཱ་ལནྡར་རྣལ་འབྱོར་དབང་ཕྱུག་དགེ་འདུན་རྣམས་ཀྱིས་འབྱུང་བ་དང་། གྲུབ་པའི་དབང་ཕྱུག་དྲིལ་བུ་པར་གྲོང་ཁྱེར་བ་རྣམས་ཀྱིས་ཐལ་མོ་བརྡབས་པའི་ཚུལ་དུ་སྣང་ཞིང་། སློབ་དཔོན་དྲིལ་བུ་པས། ཨོཌྜི་བི་ཤའི་ཡུལ་གྱི་རྒྱལ་པོར། དངོས་རྣམས་ཡོངས་སུ་ཤེས་པའི་མཁས་པ་རྣམས་ལ་བརྙས་པར་མི་བྱ་སྟེ། དེ་ནི་རྩ་རྩེ་ཆུང་བ་བས་ཀྱང་ཆུང་བའི་འབྱོར་པ་རྣམས་ལ་ཆགས་པ་མིན། །རྒྱུན་མི་ཆད་པར་ཆང་འཛག་པ་ཡིས་འགྲམ་པ་ནག་པོར་གྱུར་པ་ལ། །གླང་ཆེན་རྣམས་ནི་(༥༤བ)

― GLG009_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨའི་སྐུད་པ་ཕྲ་མོས་ཁྱིག་པར་མི་ནུས་བཞིན། །ཞེས་པའི་དོན་དུ་མངོན། ཤིང་ཕག་ཕག་མོ་ལོའི་བཀའ་བརྒྱུད་ཕོ་བྲང་དུ་ཆོས་རྗེ་སྐུ་སྐྱེ་དགེ་བ་གཏེར་ཁའི་ཁྲག་ཞག་མ་ཐེམས་པར་སྦྱིན་བདག་གཅིག་གི་རྟེན་བཞེངས་ལ་རབ་གནས་མཛད་པ་བསྒུལ་བསྐྱོད་དང་། རོལ་མོས་ཉེན་བསླངས་གློ་བུར་ཏུ་གྲོངས་པའི་སྲེག་སྦྱངས་དང་རྟེན་བཞེང་གི་ཐིག་རྩ་ཞལ་བཀོད་གཟུངས་བཞུག་རབ་གནས་གནང་། བསྔོ་ཞུས་འབུལ་མིར་བྱ་ཡུལ་ནས་འབྲུག་པ་སྤྲུལ་སྐུ་དཔག་བསམ་དབང་པོས་དཔེ་ཆ་ཐམས་ཅད་ཐོ་ནང་བཞིན་ཟེགས་འཐོར་མེད་པར་བསྐུར་གསུངས་པར་བརྟེན། དེར་ཕ་བོང་ཁར་བསྡད་ཐོག་རྗེ་ཉིད་ཀྱིས་ཕྱག་བྲིས་དང་བཅས་རིན་སྤུངས་པའི་སྙན་ངག་གི་འགྲེལ་པ་བྱ་ཡུལ་ནས་རྩད་གཅོད་བྱུང་བས་དགོས་ཚུལ་ཕེབས་པ་བཤུས་གྲུབ་མཚམས་དང་འགྲིག་པའི་ཞུས་དག་གཏོང་ལོང་མེད་པར་འབུལ་དགོས་བྱུང་། དབྱར་གྱི་རིང་རྗེ་བླ་མ་འབྲས་སྤུངས་སུ་གདན་དྲངས། ངེད་ཟིལ་གནོན་གྱི་བསྙེན་མཚམས་ཤིག་བྱེད་ཀྱི་ཡོད་པའི་མཚམས་ཁོག་ཏུ་ཕེབས་ནས་གེགས་སེལ་བོགས་འདོན་དང་དམིགས་སྐོར་ལྗགས་ལུང་སོགས་ཆོས་འབྲེལ་ཁ་ཡར་ཞུས། ཕལ་ཆེར་ཉི་འོད་རྩར་བཞུགས་པའི་ཚེ་བདག་གི་ཞལ་ཐང་ཆེ་ཆུང་སོགས་ཕྱག་བྲིས་གནང་། འཇམ་དཔལ་མེའི་སྤུ་གྲིའི་ཕྱག་འཁྲིད་ཞིབ་པར་ཞུས། འཕན་ཡུལ་ཟ་དམ་གྱི་གཉེར་པ་སྟེང་གྲིབ་ཀྱིས་མནར་བའི་བྱིན་རླབས་ལ་བྱང་པ་རིགས་འཛིན་ཆེན་པོ་གདན་དྲངས་པ་མཁའ་རོག་གི་གྲུ་བརྒྱུད་ཕེབས་གཤིས་ཤན་ཁར་གུང་གི་དྲོ་འདེབས་པའི་རྙེད་བཀུར་རྒྱས་པར་གནང་། ཞབས་དྲུང་རིན་པོ་ཆེས་རྗེ་འདི་ཉིད་ཀྱི་སྙན་ལ་ཞལ་སྦྱར་ནས་གསུང་གླེང་མང་དུ་གནང་བས་དེར་འཁོད་རྣམས་དཔོན་སློབ་ཐུགས་ནང་གཙང་ཞེས་གླེང་བ་འཕན་(༥༥ན)

― GLG009_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་ནས་ཚུར་ལམ་ཡེར་པ་བྲག་གསེབ་ཀྱི་གནས་གཟིགས་གནང་ནས་སྤོས་དགར་གདན་འདྲེན་མཛད། དེ་དགོང་འབྲོམ་སྟོད་གཞུང་གི་ཚེས་བཅུ་བ་ཚོར་ལེའུ་བདུན་མ་དང་བླ་མའི་རྣལ་འབྱོར་གྱི་ལུང་གནང་། མཚན་མོ་རྗེ་ཉིད་ལ་བྲག་སྟག་པའི་མན་ངག་སྒྲོན་མ་དྲུག་པ། ཕག་སྟོན་གྱི་རིན་པོ་ཆེ་འོད་འཕྲོ། སེ་སྟོན་པའི་མཆོད་རྟེན་གསལ་བྱེད་ཀྱི་སྒྲོན་མེ་རྣམས་ཀྱི་ལུང་། མངའ་བདག་ཉང་གི་བླ་མ་རྡོ་རྗེ་འཆང་། བྱང་གཏེར་གྱི་ཕུར་པ་སྲིད་གསུམ་བདུད་འདུལ་དང་སྲས་མཆོག་ཉི་མ་སོགས་སྐུ་ལ་བཅང་བའི་ནང་རྟེན་རྣམས་ཀྱི་མཇལ་ཀ་དང་ཆོས་སྨན་གྱིས་གཙོས་དམ་རྫས་བྱིན་རྟེན་གྱི་རིས་དང་བྱ་མང་ཕུག་གི་གཏེར་མའི་ཨོ་རྒྱན་ཆེན་པོའི་ཐུགས་དམ་སྡིག་པར་ཡང་ཁ་ཤས་བཏབ་ནས་གནང་། ནང་པར་དཔོན་སློབ་སུམ་ཅུ་སྐོར་ལ་ཚེ་གུར་སྦྲགས་མའི་བཀའ་དབང་སྩལ། དཔོན་སློབ་ཐུགས་ཡིད་གཅིག་འདྲེས་ལྟ་བུའི་དགྱེས་པར་གྱུར། ནང་པར་ལྷ་སར་ཆིབས་ཁ་བསྒྱུར་བར་རྒྱང་ཙམ་གྱི་བར་ཕེབས་སྐྱེལ་གནང་། ཟུར་ཆེན་གཞོན་ནུ་དོན་གྲུབ་ཀྱི་སྐུའི་ཚོགས་གསོག་ཏུ་དམིགས་པའི་ཡེར་པ་བྲག་གསེབ། སྤོས་དགའ་བ། གར་ཕུ་དགོན། འབྲོམ་སྟོད་དགོན། སྡིངས་ཕུ་པ། ལྕགས་རྫོང་རྩ་བརྒྱད་པ་སོགས་ཆུ་བྱང་ཁའི་སེར་ཚོགས་ཀྱི་གྲལ་དབུ་བྲག་གསེབ་བླ་མ་གདན་དྲངས། བྱང་བརྒྱུད་ཀྱི་སྐྱེ་བོ་ཕོ་མོ་རྣམས་ལ་སྟོན་མོ་སྦྱིན་གཏོང་གིས་ཚིམ་པར་མཛད། སྤོས་དགའི་ཐུགས་ཁུར་བཞེས་རིང་བྲག་གསེབ་དང་སྤོས་དགའི་སྨན་བླའི་ཆོ་ག་བློ་ལ་གང་ཡོད་རྣམས་ཚོགས་པར་ལོ་ལོ་བཞིན་བདེ་གཤེགས་བརྒྱད་ཀྱི་མཆོད་པ་སྟོང་ཚར་བཙུགས། སྐྱིད་ཤོད་སྟོད་ཀྱི་སྔགས་པ་རྣམས་ཀྱིས་དཔའ་བོའི་བརྟན་བཞུགས་ཕུལ་བ་བརྟན་བཞུགས་ཀྱི་ཐོག་མ་ཡིན་འདུག་ཅིང་སྤོས་(༥༥བ)

― GLG009_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

དགར་སྟན་ཆགས་རིང་བཞུགས་གདན་དེ་ག་འདིང་བ་གནང་ངོ་། །རིས་མེད་འགྲོ་བ་བརྒྱ་ཕྲག་ཕན་བདེའི་སྒོ། །ཐོག་མའི་རྟེན་འབྲེལ་འཕྲིན་ལས་ལྡེ་མིག་གིས། །མལ་ཡེར་གཡུ་བྲག་གདན་སར་ལེགས་ཕྱེ་ཚེ། །སྔ་དྲོ་དགོངས་ཁྱད་བཞིན་དུ་སྔོན་བྱུང་གསལ། །སྐུ་གསུམ་བསྙེན་པའི་དངོས་གྲུབ་བྱང་བདག་གིས། །ལུང་བསྟན་རིགས་འདུས་སྙིང་ཏིག་སྒྲུབ་པའི་དུས། །རྩི་སྨན་དྲི་བསུང་མངར་པོས་ཀུན་ཁྱབ་པ། །གཡུ་ཐོག་མགོན་དེ་སླར་ཡང་བྱོན་ཏམ་སྙམ། །དབྱིངས་རིག་དག་པའི་མཁའ་ལ་འོག་མིན་ཤིང་། །མངོན་སུམ་ཞི་ཁྲོར་འབྱམ་ཀླས་སྟག་མགོ་རྗེས། །བསྒོམས་ཉམས་དིང་འདིར་སད་པའི་གཟེངས་བསྟོད་གླུ། །རྗེ་བཙུན་བླ་མའི་མགུར་གྱི་བུམ་པར་བླངས། །ཞི་དང་ཁྲོ་བོ་ཀུན་འདུས་བཀའ་བརྒྱད་ལྷའི། །བགྲང་ཡས་དཀྱིལ་འཁོར་བྱེ་བའི་རིགས་སོ་སོར། །སྐལ་བཟང་གདུལ་བྱ་ཉེར་སྨིན་མཱནྡ་རའི། །ཅོད་པན་དབང་རྟགས་གཙུག་ཏོར་རྒྱན་དུ་མཛེས། །བཅུ་དྲུག་ཕྱེད་ཕྱེད་རྫོགས་པ་དགའ་བ་བཞིའི། །བདེ་ཆེན་ཀ་དག་དབྱིངས་སུ་ཟུང་འཇུག་པས། །བཅུ་གསུམ་ལམ་གྱི་བགྲོད་པའི་རྩེ་མོ་རུ། ཁ་སྦྱོར་བདུན་ལྡན་ལོངས་སྤྱོད་རྫོགས་སྐུར་བཞེངས། །འཐིབས་བུའི་སྒྲིབ་སྲབ་དད་པའི་སྐྱ་རེངས་མས། །རབ་དྲངས་མགོན་ཁྱོད་ཞབས་སེན་ཉི་འོད་ཀྱིས། །བདག་བློའི་པདྨ་ཐོག་མར་ཡོངས་བཞད་པའི། །བསོད་ནམས་བྱས་འབྲས་སྨིན་པའི་རྩེ་དགའ་རྒོད། །འཇམ་དཔལ་ཕྱག་རྒྱ་ཟིལ་གནོན་གྱི་སྐོར་དུས་ཕྱིས་དབུས་གཙང་གཉིས་ཀའི་རྙིང་མ་རིགས་རུས་དང་སྐྱེ་བའི་རློམ་སེམས་ཅན་ཕལ་ཆེར་གྱིས་ཆ་ཙམ་ཡང་མ་རྟོགས་ཤིང་ཤེས་པར་ཁས་འཆེ་བ་འདྲ་ཡང་ལོག་རྟོག་གི་ཟང་ཟིང་ལོ་ཁོ་ནར་གྱུར་པར་མཐོང་བས་བྱིན་རླབས་ཀྱི་ཆུ་བོ་མ་ནུབ་ཅིང་མན་ངག་ལ་ནང་བྱན་ཆུད་པ་འབྲི་གུང་ཞབས་(༥༦ན)

― GLG009_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུང་དང་བྱང་བདག་རིགས་འཛིན་གཉིས་པོ་ལས་མེད་འདྲ་བས། དེ་གཉིས་གང་རུང་གི་དྲུང་དུ་ཆོས་བཀའ་རྣམས་གསར་པར་བབས་པ་འགབ་ཚུལ་གྱི་རྒྱུ་མཚན་གསོལ་ཞིང་དགོངས་པར་བསྟད་པའི་འབྲི་གུང་ཞབས་དྲུང་བྱེ་རི་སྟག་རྩེར་བཞུགས་གཤིས་སྐབས་སུ་བབས་པ་ཙམ་འདུག་རུང་འབྲི་སྟག་གཉིས་སྔར་ནས་སྒྲོབ་ཤིན་ཏུ་ཆེ་བའི་ཁར་གཙང་ནས་ལྕམ་ཕེབས་པའི་གཤིས་དྲུང་འཁོར་རྣམས་ཀྱིས་སྐུ་དབྱིངས་ཆེད་དུ་བཅོས་པ་འདྲ་མོའི་སྙན་འབུལ་ཞུ་ཁག་པ་ཙམ་བྱུང་དོགས་ཀྱིས་རྡོ་རྗེ་བྲག་ཏུ་ཕེབས་པར་ཐག་བཅད། སྟོན་གྱི་མེ་ཏོག་གྲུབ་བསྟུན་ཕེབས་རྒྱུར་སོག་པོ་ཨར་ས་ལང་དམག་ཁྲི་ཕྲག་ཙམ་དང་བཅས་འདམ་དུ་འབྱོར་པའི་སྟོད་སྨད་ཐམས་ཅད་གཡང་སྲག་ཆེ་བས་དགོན་ཕན་ཚུན་གྱི་ཉ་ལེན་དང་བཅས་སྐོར་ཅིག་ཕེབས་མ་ཐུབ། དགུན་སྨད་ཆིབས་ཁ་བསྐྱོད་དེ་ཞལ་གྱི་ཕུར་ཕེབས་སྐབས་ཨེར་ཁེ་ཇའི་སང་གིས་གཙོས་པའི་སོག་པོ་གཡས་རུའི་དམག་རྣམས་འབྲི་གུང་ནས་མར་འོངས་དམངས་མ་འཕན་ཡུལ་དུ་བརྫངས། ཉིས་བརྒྱ་ཙམ་ཞིག་ལྷ་ས་དང་འབྲས་སྤུངས་སུ་འོངས་པའི་ག་རེ་འབྲོམ་སྟོད་ཚོར་མེ་རྒྱག་ཤིང་བཤུས་ཚ་དམ་ཆེས་པས་ཡབ་འཁོར་ལོའི་དབང་ཕྱུག་གིས་ཐུགས་བློར་མ་ཆུད་ནས་གདན་འདྲེན་བཏང་བ་ལྟར་ལོག་ཕེབས་པས་རྔ་ཆེན་འཕྲང་དུ་སོག་པོ་དང་མཇལ་རུང་མ་མཐོང་བ་བཞིན་མིན་ནམ་སྐྱོན་དུ་མ་གྱུར། སོག་པོ་དེ་ཀར་སོག་གི་གྲགས་ཆེ་ཞིང་ཁྱད་པར་ཁོང་ཚོའི་བླ་མར་ཞྭ་དམར་རབ་འབྱམས་པ་བཟང་པོ་ཟེར་བ་ཡོད་པའི་སྟབས་ཟ་དམ་ནས་ཡེར་པ་ཕུ་མདའ་ཁྱབ་པའི་ལུགས་བྱས་འདུག་ཀྱང་། རྗེ་ཉིད་ཐུགས་བློས་མ་ཁེལ་བར་དགའ་ལྡན་ཕོ་བྲང་དུ་སྲུང་ཁ་དགོས་ཚུལ་ཞུ་བ་མཛད་པ་ལྟར་དར་ཁན་(༥༦བ)

― GLG009_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

ཨེམ་ཇིའི་གཉེར་པ་ཤེས་རབ་བཀྲ་ཤིས་གནང་བ་དང་། མ་ནས་གཡས་རུའི་དམག་དཔོན་དེ་གྲུབ་མཐའ་དགེ་ལུགས་ཡིན་སྣང་བས་གནོད་པའི་རིགས་མ་བྱས་འདུག །ཨར་ས་ལང་གིས་གཙོས་པའི་སོག་མངས་ཡར་འབྲོག་ཏུ་ཡོད་པ་ཕྱོགས་ག་ལ་འགྲོ་འོན་མ་ཐིངས་པའི་གཤིས་འཐངས་མ་ཕྱེ་བར་སྟན་ཆགས་ངོས་འབྲས་སྤུངས་སུ་ཞག་བཅུ་སྐོར་ཞིག་བཞུགས་སར་ཕེབས། འཇམ་དཔལ་རླུང་སྒྲུབ་དང་འགོང་པོ་ཨར་གཏད་ཀྱི་ལུང་ཕྱག་འཁྲིད་ཞུས། ཧོར་ཟླ་བཅུ་གཉིས་པའི་མཇུག་ཏུ་ཐའི་ཇིས་གཙོས་པའི་དམག་རྣམས་གན་པ་ལ་རྒྱབ་ནས་འོང་སྐབས་སོག་པོ་ཁ་འཐོར་བ་མངས་པའི་སྲུང་ཁ་རྐྱང་པས་ཐུབ་རིས་མི་འདུག་རུང་། གུ་རུ་ཚེ་བརྟན་རྒྱལ་མཚན་གྱི་དམག་བཟློག་སོགས་ཇག་ཆིངས་སྒྲིབ་ཤིང་གི་རིས་མཛད་པས་སྤོས་དགའ་དགོན་ལ་འབྲོམ་ཆུ་རིགས་ཀྱི་སྐྱེས་ཤིན་ཏུ་ཚན་ཆེའང་གནོད་པའི་རིགས་མ་བྱུང་། དམག་དུམ་ཞིག་གིས་ཐང་པའི་ཕུ་བརྒྱུད་བྲག་གསོབ་ལ་རྒྱབ་ནས་གཤོར་གོད་ཆེ་བར་བྱུང་བས་ཕུ་མདའ་གཡོག་གཤིས་ཡ་མཚན་དུ་འཛིན། མེ་བྱི་ཟླ་བ་དང་པོའི་ནང་དུ་ཆིབས་ཁ་བསྒྱུར་བའི་ཚེ་ཞབས་དྲུང་བླ་མ་རིན་པོ་ཆེ་དཔོན་སློབ་གཙང་ནས་སོག་བཟློག་སྒོ་གང་གཟབ་མཛད་དགོས་ཚུལ་ལ་བརྟེན། མཚམས་ལུང་དབང་ཆེན་དང་ཡང་རྫོང་དུ་གཤིན་རྗེའི་སྒྲུབ་པ་ལ་ཕེབས་པའི་ཡང་རྫོང་དུ་བཞུགས་པ་དང་འགྲིག །གཏེར་གསར་ལུང་བསྟན་དུ། དྲག་པོའི་བུ་མཆོག་དཔྲལ་སྨེ་ཅན༔ གནས་ཆེན་དྲག་པོར་ཟབ་གཏེར་སྦསཿ ཞེས་པའི་ཐོག་མའི་ཆོས་བཀའ་དྲག་པོའི་མཚན་ཉིད་ཚང་བའི་གནས་ཤིག་ཏུ་སྤེལ་དགོས་པ་བྱུང་ནས་དོལ་གྱི་ཕུར་གནམ་ས་གཉིས་ཀ་གྲུ་གསུམ་དུ་ཡོད་པ་ཞིག་ལ་རྗེ་གོང་མ་ཐུགས་ཐེ་ཚོམ་གནང་བའི་ལོ་རྒྱུས་དང་བཅས་ཡང་རྫོང་འདི་སློབ་(༥༧ན)

― GLG009_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་ཆེན་པོའི་སྐུ་འཇམ་དཔལ་གཤིན་རྗེའི་དབེན་གནས། གནུབས་ཆེན་གྱིས་ཉེ་འབྱེད་རླུང་གི་འཁོར་ལོ་བསྐོར་བ་སོགས་མངོན་སྤྱོད་ཀྱི་ལས་སྒྲུབ་ས་ཡིན། ད་ལམ་ཀརྨ་གུ་རུའི་སྒྲུབ་པ་དང་འགྲིག་པ་རྟེན་འབྲེལ་ལེགས། སྐུ་མཚམས་མ་གྲོལ་བར་བཞུགས་གསུང་བ་བཞིན་ཕྱག་དཔེ་འདྲ་འབྲི་བ་དང་ཡང་རྫོང་གི་གནས་རྣམས་མཇལ་བ་མཛད་པས་གནུབས་ཆེན་གྱི་གཟིམས་ཕུག་ཏུ་ཚེ་བདག་གི་ཞལ་རས་རང་བྱོན་གསལ་བར་གཟིགས། བྲག་གི་དབར་ནས་རྡོའི་དུང་དཀར་རང་བྱོན་ཞིག་ཕྱག་ཏུ་འབྱོར། གྲུབ་ཐོབ་མེ་ལོང་རྡོ་རྗེ་དང་ཞང་གི་ཐུན་མོང་གི་གནས་དར་ཕུག་ཏུ་སང་ཕེབས་རྒྱུའི་ནུབ་གནས་བདག་ཀླུ་མོས་དགའ་བའི་རྣམ་འགྱུར་གཟིགས་སྣང་དུ་ཤར། གནས་སུ་ཕེབས་ཚེ་སྔོན་གྱི་བག་ཆགས་འགའ་ཞིག་སད། གྲུབ་ཐོབ་མེ་ལོང་རྡོ་རྗེའི་སྐུ་དང་ཞབས་རྗེས་སྤྱན་ལམ་དུ་ཐོགས་དུས་ཐུགས་མོས་ཤིན་ཏུ་ཆེ་བ་དང་གནས་འདིར་སྒྲུབ་པ་ལ་སྒྲིལ་ན་དགོངས་པ་ཐུན་མོང་མ་ཡིན་པ་ཤར། གནས་སྐོར་གྲུབ་པ་དང་སྐུ་མཚམས་འགྲོལ་གདོང་འགྲིག་པའི་སྒྲུབ་གཏོར་སྟེང་ནས་ཀརྨ་གུ་རུའི་སྲོག་གཏད་ཡོངས་རྫོགས་ལུང་བཅས། གནས་ཀྱི་ཁྱད་ནས་ཚེ་བདག་ལྕགས་འདྲའི་གཉེན་པོ་དོན་རྒྱུད་དང་དྲག་སྔགས་མཚོན་ཆ་ནག་པོའི་རྒྱུད་སོགས་ཆོས་ཚན་ཁ་ཤས་ཀྱི་ལྗགས་ལུང་གི་དབུ་བཙུགས། སང་ཉིན་ཞབས་དྲུང་རིན་པོ་ཆེ་རྡོ་རྗེ་བྲག་ལ་ཐེགས་ཞོར་སྒྲགས་སྔགས་གྲར་ཕེབས་རྩིས་ཀྱིས་གནུབས་ནམ་མཁའི་སྙིང་པོའི་ཐུགས་དམ་རྟེན་ཐུབ་ཆེན་གྱི་སྐུ་ལ་དར་དཀར་ཡུག་འདི་འབུལ་རྒྱུ་ཡིན་པ་ངེད་རང་རྙིང་མ་བ་ལ་མི་ཚོས་མི་ཤེས་པའི་མཐོང་རང་བྱེད་ཀྱི་འདུག་པས་ཁྱེད་ཀྱིས་ཐུགས་རྩོམ་དང་པཎྜི་ཏ་སོགས་མཛོད་གསུང་བ་བཞིན་རྗེ་ཉིད་ཀྱིས་ཕྱག་བྲིས་སུ་བཏབ། སྔགས་(༥༧བ)

― GLG009_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

གྲྭར་སྒར་པའི་གཟིམས་ཆུང་དུ་གདན་དྲངས་དུས་ཀརྨ་པའི་བཞུགས་ཁྲིའི་ཆེ་བ་ཡིན་ཟེར་ནས་ཞབས་དྲུང་བླ་མ་རིན་པོ་ཆེར་ཁ་གང་མ་གཅིག་ལས་མ་བཏིང་བས་ཐུགས་དགྱེས་རྒྱུ་མ་བྱུང་ཞིང་ཐུབ་ཆེན་གྱིས་གཙོས་པའི་མཆོད་ཁང་རྣམས་ལ་ཕེབས་དུས་མགོན་ཁང་དུ་རྡོ་ནག་པོ་སྙིང་གི་དབྱིབས་ཅན་ཞིག་མགོན་པོ་བེར་ནག་གི་ཐུགས་ཡིན་ཟེར། མཇལ་ཀར་ཕུལ་ཚེ་སྔགས་འཆང་སྤོས་ཕོར་བས་ཀར་ལུགས་ལ་མཐུ་མི་ཡོང་བ་བདེན་པ་འདུག །ཆོས་སྐྱོང་སྐུ་གཤེགས་འདུག་ཅེས་གཤགས་ཁ་བྱས་སྐད། རྡོ་རྗེ་བྲག་ཏུ་ཟླ་བ་གསུམ་གྱི་བར་ཞབས་ཕྱིར་བཞུགས་ཏེ་ངེས་དོན་བདེ་འཇུག་གི་སྟེང་ནས་བཀའ་གཏེར་གྱི་དབང་གི་ཆུ་བོ་ཐམས་ཅད་གཅིག་ཏུ་འདྲེས་པའི་འཇམ་དཔལ་ཕྱག་རྒྱ་ཟིལ་གནོན་གྱི་དབང་བཞི་ཡོངས་རྫོགས། ལྕགས་འདྲ་པད་གནུབས་ཀྱི་རིགས་སོ་སོར་མ་འདྲེས་པ། ལྕགས་སྡིག་ཆོས་སྡེ་རྣམས་ཀྱི་ལུང་མན་ངག །ཁྱད་པར་མཆོད་རྟེན་བཅས་ཆོག་གི་ཕྱག་ལེན་དམར་འཁྲིད་དུ་བསྟར། གཞན་ཡང་ཐུགས་སྒྲུབ་དྲག་པོ་རྩལ་གྱི་སྒྲུབ་པ་སྡེ་བརྒྱད་དང་སྡེ་དྲུག་གི་དབང་། ཆོས་ཚན་ཉེར་ལྔ་ཐེམས་ཅན་ཐེམས་མེད། དམར་ནག་གཤིན་རྗེའི་ཡང་སྙིང་མཐུ་སྟོབས་དྲེགས་པའི་རྒྱལ་པོ། གནུབས་ཀྱི་ཤོག་རིལ་དགུ་པ་སོགས་གདམས་པ་ཟབ་དགུ་གནང་འཕྲིན་ལས་ཆེ་ཞིང་ལྗགས་ཀློག་དལ་བ་སོགས་ནས་འཕྲོ་ལུས་དོགས་ནས་གལ་ཆེ་བ་རྣམས་སྐུ་དངོས་དང་གཞན་མ་བླ་མ་ཨཾ་ལྗག་པར་ཞུས་ན་ཇི་ལྟར་ཡོང་སྙན་དུ་གསོལ་བར་ཚང་མ་ངེད་རང་གིས་ཐུབ་པར་བྱེད་པས་གཏན་ནས་མི་འགབ་ཕེབས་པ་དེ་དུས་དོགས་པ་མ་ཤར་ཡང་རྗེས་སུ་སྔགས་འཆང་ངག་དབང་ཕུན་ཚོགས་ཀྱིས་དཔོན་སློབ་བར་དུ་སེལ་ཅུང་ཟད་ཡོད་པ་དེ་ལ་དགོངས་འདྲ་ཟེར། དགོངས་པ་མ་ཁྲོལ་(༥༨ན)

― GLG009_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ལྷོ་བྲག་མཁར་ཆུར་འབྱོན་ཉིན་དབུ་ཞྭ་ཡང་བརྡབས་ཞེས་པ་མི་བདེན་ལས་ཆེ། བདེན་ན་མ་ཞུས་པ་སྐབས་སུ་བབས་པ་བྱུང་འདུག་གསུང་། གནམ་ལྕགས་ཨུར་མོའི་དཔེའུ་རིས་གཞུང་གི་ཤུགས་བསྟན་ཟབ་ཁྱད་ཅན་ཆོས་རྒྱལ་བཀྲ་ཤིས་སྟོབས་རྒྱལ་གྱི་ཕྱག་དཔེའི་སྟེང་ནས་ཟུར་རིགས་འཛིན་པས་འབྲི་གུང་རྩེ་བར་ངོས་བཤུས་མཛད་པ་སྤྱན་ལམ་དུ་ཕབ་པས་འདིའི་དཔེ་ཆ་འདིར་ཡོད་པ་དེ་བོར་ནས་མ་རྙེད་པ་ད་ལམ་བུ་ཡིག་བསྣམས་བྱོན་པ་དངོས་གྲུབ་རང་དུ་བྱུང་ཞེས་དགྱེས་པ་ཆེན་པོས་ཚར་གཅིག་བཤུ་བ་གནང་ཞིང་། རིགས་འཛིན་ཆེན་པོ་འཕྲང་འགོ་ཤེལ་གོང་དུ་ཕེབས་པའི་ལམ་དུ་རང་འཐག་ཡ་ཁོད་ཅིག་འདུག་པར་ཆིབས་ཁ་བསྐྱིལ་ནས་སྟེང་འོག་གི་འཁོར་ལོ་སྤྲོད་ལུགས་སོགས་ཀྱི་ངོ་སྤྲོད་ཞིབ་ཏུ་གནང་། འདི་ལོ་གཙང་སྡེ་སྲིད་ནས་བསྐུལ་ལྕག་མཛད་པ་རྣམས་སུ་མ་ཟད་རྙིང་མ་བ་ཐམས་ཅད་དད་བླངས་ཀྱིས་ཧཱུྃ་རུབ་ཕཊ་རུབ་དང་། ལྷག་ཏུ་བྱེད་པ་རིགས་འཛིན་ཆེན་པོས་སོག་པོ་འདི་པས་གཙང་པོ་ལྷོ་ཁར་འདོན་པ་སོགས་སྔར་མ་གྲགས། བོད་ཀྱི་ལྷ་མི་ཐམས་ཅད་ལ་བརྙས་གསུངས་ཤིན་ཏུ་མི་དགྱེས་པའི་དགུ་གཏོར་ཁྱབ་འཇུག་གི་འགྱུ་དུས་ཐམས་ཅད་བྱང་ལ་འཕེན་ཞིང་དབུ་ཞྭ་བརྡབས། གདབ་ལས་ཀྱི་ཚེ་མིང་འབོད་སོགས་ཧོར་བཟློག་ལ་ཤིན་ཏུ་བརྩོན་པར་གནང་། བཀའ་ཆོས་ཀྱི་སྲུབས་དབར་ཚོར་བལ་པོ་རྡོ་བརྐོས་པས་བཞེངས་པའི་རྒྱ་གར་གྱི་རིགས་འཛིན་བརྒྱད། བོད་ཀྱི་གྲུབ་ཆེན་དགུ། གནྡྷོ་ལ་རྣམས་ལ་གསེར་ཆབ་སྒྲོན་པ། ཐུགས་དམ་ཙག་ལི་བཞེང་དགོས་པའི་སྟབས་མཚན་མོ་མར་མེ་ལ་སྒོར་གྱིས་ཕྱག་དཔེ་འབྲི་བ་སོགས་ཀྱིས་སྤྱན་མཉེལ་བར་ཚུར་ཕེབས་གདོང་(༥༨བ)

― GLG009_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་འཛིན་ཆེན་པོའི་བཀའ་ལས། བསྟན་པ་ལ་ཨེ་ཕན་དགོངས་པའི་ཐུགས་རུས་ཆེས་ན་ཕུགས་སྤྱན་ལ་སྐྱོན་ཡོང་བས་ཐུགས་ཟོན་མཛོད་གསུང་བའི་བསླབ་སྟོན་དང་། ཉིད་ཞང་གི་གདན་སར་བཞུགས་པ་ལ་མཁོ་ཆེ་བ་ཡོང་བས་བླ་མ་ཞང་གི་སྐུ་མར་པ་ལྷ་སྐལ་མ་གཡས་རུ་བྱང་པའི་རྟེན་གཙོ་འདི་འབུལ་གསུངས་ནས་གནང་། ཚུར་ཕེབས་ནས་སྤོས་དགར་ཡབ་སྲས་གཉིས་དང་རྒྱལ་སྔོན་ཨ་ཁུ་པདྨ་གསུམ་གྱིས་འཁོར་ལོ་རྣམས་ཀྱི་དཔེའུ་རིས་བཞེངས། སྒོ་ཚང་ནང་པ་ལགས་རིགས་འཛིན་སོགས་ཀྱིས་ལྕགས་སྡིག་གི་གླེགས་བམ་བྲིས། དེ་དུས་ངེད་འཕན་ཡུལ་ལྷ་ཁང་ན་བསྡད་ཡོད་པར་རྗེ་ཉིད་ཀྱི་ཕྱག་བྲིས་དང་ལྕགས་འདྲའི་གླེགས་བམ་ཕྱེད་ལྷག་ཙམ་ཞིག་བཤུ་བའི་མ་དཔེར་གནང་། དབྱར་དགེ་འཕེལ་དུ་འབྲུམ་འཛེམ་ལ་ཡོད་ཐོག་ལྕགས་སྡིག་བྱང་པའི་བླ་དཔེ་དང་བུ་ཡིག་གཉིས་ཀ་གུང་ཐང་ནས་སྐྱེལ་མི་གནང་བ་བུ་ཡིག་མ་དཔེར་ཕྱག་ཚགས་དང་མ་དཔེར་ཆོས་རྒྱལ་བྱང་པའི་བླ་དཔེ་ཡིན་པ་གྲས་ཁ་བྲིས་ཤོག་ཚང་མར་གཟིགས་འཇུག་ངོས་ཕྱིར་བསྐུར་གསུང་བར་དགེ་སློང་གཉེར་པས་དཔེ་ཆ་གཅེས་པོ་ཡོད་ན་ཆུ་མོ་འདི་འདྲ་ལ་བསྐུར་ནས་ཆུ་ལ་གཤོར་ན་མི་ལ་སྤྲོད་རྒྱུ་མེད་པར་ཅི་དྲག་གང་དྲག་ཡོང་ཟེར་ཉམས་འཆར་བྱེད་སྣང་། ངེད་རྒྱལ་དུ་འབྲུམ་འཛེམ་ལ་ཟླ་བ་དྲུག་པའི་ནང་དུ་འགྲོ་དགོས་ཤར་བས་རྗེ་བླ་མ་འགྱངས་མེད་ཕེབས་དགོས་པའི་ཞུ་འཕྲིན་ཕུལ། ཧོར་ཟླ་དགུ་པའི་ནང་དུ་དཔོན་སློབ་རྣམས་ཀྱི་ཕྱག་ཕྱིར་དབུ་མཛད་དོན་གྲུབ་བཀྲ་ཤིས་དང་བཅས་ཆོས་འཁོར་རྒྱལ་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་དུ་ཕེབས། ཟླ་བ་ལྔ་ཙམ་གྱི་བར་བཞུགས། དབང་ལུང་མན་ངག་ཇི་སྙེད་དང་ཁྱད་པར་བཅས་ཆོག་ཆེན་མོའི་ཕྱག་ལེན་དང་དབང་(༥༩ན)

― GLG009_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་མན་ངག་མཐའ་དག་ཤིན་ཏུ་ཞིབ་པར་ཞུས། འབྲུག་པ་སྤྲུལ་སྐུས་སྒྲོན་མ་དྲུག་པ་གནམ་ལྕགས་འཕྲུལ་གྱི་ལྡེ་མིག་ཏུ། ཀཀྞི་འདོམ་གང་གྲུ་བཞི་བརྩིག །ཅེས་པ་མ་གཟིགས་པར་ནག་པོ་ཁྲུ་གང་བང་རིམ་བཞི་ཞེས་པའི་ཚོགས་ལ་འཁྲུལ་ནས་སྲོག་ཤིང་ལ་མདའ་ཚད་མི་དགོས་གསུང་བས་མཚོན་རྫ་ཚིག་ལུང་མ་དྲོས་ཚོར་དཔགས་ཀྱང་ཆོས་འདི་ཤེས་པ་རང་གི་སར་གཏུག་པ་གནང་བ་ལེགས་འདུག་བསམ་པ་ཤར། དཔེའུ་རིས་པོ་ཏིར་ལོངས་པའི་ཕྱག་བྲིས་གནང་། ལྷུན་གྲུབ་དགའ་བའི་ཚལ་གྱི་དེ་ཝཱི་ཀོ་ཊིར་དཔལ་ལྡན་དམག་ཟོར་མའི་རྟེན་མདོས་འཛུགས་པ་མཛད། སྐྱིད་ཤོད་དུ་ཕེབས་གདོང་ངེད་ཀྱི་ཟླ་བོ་སྡེ་པ་འཕྲིན་ལས་རྒྱ་མཚོས་བྱས་ནས་བྱེད་རྩིས་ཀྱི་ལྔ་བསྡུས་སྒྲ་གཅན་དང་ནག་རྩིས་རགས་རིམ་ཙམ་ཞུས་བཀའ་གདམས་གླེག་བམ་གྱི་ཞུ་ལན་ནོར་བུའི་འཕྲེང་བའི་ལུང་དགོས་གསུང་བ་ཕུལ། རྒྱལ་ནས་ཕྱིར་ཕེབས་ཞོར་ཆོས་འཕྲོ་དོགས་གཅོད་འདྲ་དང་བཅས་རྡོ་རྗེ་བྲག་ཏུ་ཞག་ཁ་ཤས་བཞུགས་རྩིས་ལ་འཕྲང་འགོ་ཕྱོགས་སུ་འབྲུམ་པ་མཆེད་དག་ཅིང་ཕྱག་གཡོག་རྣམས་ཀྱིས་མཐོང་བ་མ་ཐར་བ་དང་ཨར་ས་ལང་གི་ཕ་ཆོག་ཐུའི་དཔོན་མོ་ཞིག་འདས་པའི་དགེ་རྩ་མོ་རང་གི་ཁ་ཆེམས་བཞིན་གྲུབ་མཐའ་རིས་མེད་ཀྱི་བླ་མ་མང་པོར་འབུལ་རྒྱུ་བསྐུར་འདུག་པ་རྡོ་རྗེ་བྲག་ཏུ་ཕུལ་བ་རྣམས་ཡར་སྟོད་བཀྲས་རབ་ཀྱི་ས་ཆའི་ཞུ་རྟེན་ལ་སོང་བའི་ཐུགས་མཁོ་དང་དྲག་ལས་གནང་བའི་དམ་སེལ་གྱི་ལྕོག་སྒང་བའི་གྲ་པ་མང་པོ་འབྲུམ་མཇུག་སྟེང་གྲིབ་ཀྱིས་བྱས་པའི་ཞབས་དྲུང་རིན་པོ་ཆེ་ཐུགས་ངལ་བ་སོགས་ཕྱོགས་དུས་གནས་སྐབས་ཐམས་ཅད་ནས་མདོར་བསྡུས་པའི་རྒྱུར་བརྟེན་ཞག་གསུམ་ལས་མ་བཞུགས་པར་གོ་བོར་(༥༩བ)

― GLG009_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་གུང་ཐང་དུ་ཕེབས། དགུན་ཟླ་གསུམ་གྱི་རིང་འབྲུམ་ནད་མཆེད་སྐབས་སྦྱིན་བདག་གྲ་རིས་ཚོར་ཕན་ཐོགས་མ་བྱུང་ཞེས་རེ་འཁང་ཐོར་བུ་ཞུས་སྣང་། ཆུ་ལྷོ་ཁའི་དགོན་སྡེ་རྣམས་ཀྱི་རེ་འདོད་བསྐང་ནས་སྤོས་དགར་ཕེབས། འབྲོམ་ཆུ་བརྒྱུད་སོགས་བྱང་ཁ་བ་ཚོས་མཇལ། དུས་རྒྱུན་དུ་འཕྲིན་ལས་ཆེ་བའི་ཁར་འདི་དུས་ཐོར་ནད་སྟབས་ནས་གསོན་པོའི་རིམ་གྲོ་སྲུང་བ། གཤིན་པོའི་ཡར་འདྲེན་སོགས་ཀྱི་ཐུགས་བྲེལ་ཤིན་ཏུ་ཆེ་བ་བྱུང་། མེ་གླང་ལོ་འདི་ཆར་ཞོད་ལྷག་པར་ཆེ་བས་བྲག་སྒོ་ཀཀྞི་ཞིག་ཏུ་ཉེ་བར་སྡེ་པ་བསོད་ནམས་རབ་བརྟན་གྱི་ཕེབས་སྒོ་བཞིན་ལྟོ་འཕྱེའི་ཐིག་དང་ས་འདུལ་ལ་ཕེབས། མཆོད་རྟེན་གྱི་ཐིག་རྩ་དང་ཞལ་བཀོད་ཟུར་ཆེན་གཞོན་ནུ་དོན་གྲུབ་ཀྱིས་མཛད། རྡོར་དབྱིངས་ཀྱི་དཀྱིལ་འཁོར་རྗེ་བླ་མའི་ཕྱག་བྲིས་དང་ཕྱོགས་མཚམས་ཀྱི་དཀྱིལ་འཁོར་བརྒྱད་གཞིས་ཀ་ཤར་ནས་ལགས་ཀུན་དགས་བྲིས། གཙང་ནས་སོག་བཟློག་ལ་ལྷ་སར་རྗེ་ཉིད་ཀྱིས་ཁྲོ་རོལ། རྒྱུད་སྟོད་སྨད་ནས་དྲུག་ཅུ་པ། སེར་འབྲས་ནས་དགེ་འདུན་ལྔ་བརྒྱ་ཙམ་གྱིས་རྒྱབ་ཆོས་དང་བཅས་སྐུ་རིམ་གནང་། ཟླ་བ་བརྒྱད་པའི་ཚེས་བཅུ་ལ་ཕ་བོང་ཁར་རྡོ་རྗེ་འཆང་དག་པའི་ཞིང་དུ་གཤེགས་པར་ཉི་ཐང་སློབ་དཔོན་དྲུང་འཚོ་བ་དང་དཀའ་བཅུ་འཕྲིན་ལས་ཕུན་ཚོགས་གཉིས་མོལ་བསྡུར་ངོས་རྗེ་བླ་མ་མ་ཕེབས་པར་གསང་རྩིས་ཀྱིས་དགེ་སློང་འཕྲིན་ལས་ཆོས་རྒྱལ་གདན་འདྲེན་ལ་བཏང་བ་བཞིན་འཕྲལ་དུ་ཕེབས་སྔར་ནས་གསུང་འཕྲོས་ཀྱི་ལྷོངས་ལ་རིག་འཛིན་རཏྣ་གླིང་པའི་ལུང་འདྲེན་དང་བཅས་བྱ་སྤྲེལ་ལྕགས་ཁམས་ཡིན་ཞིང་། ཁྱད་པར་ལྕགས་ཀྱི་བྱ་སྤྲེལ་མེ་ལ་སྲེག་མི་རུང་བས་ཐོག་མར་ནང་བཞུགས་བྱས་ན་ཉེས་པ་སེལ་བའི་ཕེབས་སྒོ་ཡང་ཡང་གནང་བ་ཐུགས་ལ་བཅགས་ཏེ་ཞག་བདུན་(༦༠ན)

― GLG009_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་དམ་ལ་བཞུགས་རིང་གསུང་ཆོག་དང་མཆོད་འབུལ་མཛད། ཐུགས་དམ་གྲོལ་རྗེས་གཟའ་སྐར་དང་བསྟུན་པའི་ཚེས་ཉི་ཤུའི་དགོང་མོ་སྐུ་གདུང་རིན་པོ་ཆེ་ཆུད་མི་འཛའ་བའི་ཕྱག་ཚགས་དམ་པར་མཛད་ནས་རིན་པོ་ཆེའི་སྒྲོམ་བུ་བཅུག་སྟེ་ནང་བཞུགས་སུ་མངའ་གསོལ། ལོ་མ་གསར་རིང་རྗེ་ཉིད་ནས་གདུང་ཡིད་བཞིན་ནོར་བུའི་དྲུང་དུ་ཉིན་རེ་བཞིན་མཆོད་པ་ལྔ་ཚར་ཆག་མེད། གདུང་ཆོག་པ་ཚོར་ཉིན་འཁྱོངས་ཀྱི་ཞབས་ཏོག་གདུང་འབུལ་རྒྱས་པར་མཛད། ས་སྟག་ཤར་ནས་ཞུགས་འབུལ་མཛད་པའི་སྔོན་དུ་གྲུབ་རྩིས་ཀྱིས་དངུལ་གདུང་བཞེང་བའི་ཐིག་རྩ་བཟོ་བཀོད་གཟུངས་བཞུགས་རབ་གནས་ཀྱི་བར་ཕལ་ཆེར་ཕ་བོང་ཁར་བཅད་བཞུགས་གནང་ནས་ཕྱག་བསྟར། ཆོས་ལུང་མདོ་སྤྱིལ་གྱི་དགོན་པ་དགའ་ལྡན་ཕོ་བྲང་ནས་གནང་བ་ལྟར་རྩིས་བཞེས། ཆོས་ཁྲི་ལྷོ་ལྕོག་གཉིས་ཀར་བླ་བྲང་དང་འདུ་ཁང་བརྟེན་ཐུབ་མེད་ཅིང་གྲ་ཚང་གི་མིང་སོ་སོར་བཏགས་ཀྱང་དོན་ལ་ཤོགས་ཆུང་བས་གཅིག་ཏུ་བསྒྲིལ། བླ་བྲང་འདུ་ཁང་གསར་བཞེང་གི་ཆར་བླ་བྲང་གི་ཕྱག་འདེབས། སྒྲིབ་ཀྱི་ཤས་ཡོང་གྲ་ཚང་གཉིས་རང་གི་གཤས་བོགས་རྣམས་ལོ་སྔ་མ་ཚོ་ནས་ཟུར་དུ་བསགས། རྗེ་ཉིད་ཀྱིས་དགའ་ལྡན་ཞོལ་ཐར་རྒྱས་ནས་སྒྲིབ་ཀྱི་བར་ལ་མེ་ཏོག་མཛད་པ་རྣམས་ཕྱོགས་གཅིག་ཏུ་བསྒྲིལ་ཏེ་དཔོན་པོ་དགེ་འདུན་བསོད་ནམས་དང་དཀོན་ཅོག་རྒྱ་མཚོ་གཉིས་ལ་རྩིས་སྤྲད་ནས་དོ་དམ་བཅོལ། ཆོས་ཁྲིའི་བླ་བྲང་རྙིང་པའི་སྟེང་ན་སྤྱིལ་བུ་ལྔ་ཙམ་བསྣན་ཏེ་རྒྱ་ཁྱོན་ཆེ་བ་མཛད་རྩིས་ས་སྟག་ཟླ་བ་གཉིས་པའི་ནང་དུ་ཡབ་སྲས་ལྷན་དུ་ཕེབས། སྤོམ་གཏའ་སོགས་རྩིས་དཀར་ནག་ལས་བྱུང་བའི་བཅོས་ཀ་རྒྱས་པར་མཛད་ནས་ཧོར་ཟླ་གསུམ་པའི་གཟའ་སྐར་བཟང་བར་རྩིག་རྨང་ཁྲིད་དེ་ཨར་(༦༠བ)

― GLG009_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་བཙུགས། མི་རིང་བར་དགའ་ལྡན་ཁང་གསར་དུ་གདན་དྲངས་འབྲས་སྤུངས་མཆོད་ཁང་ཆེན་པོར་བཞུགས་པའི་བདེ་གཤེགས་མཆོད་རྟེན་བརྒྱད་ཀྱི་ཐིག་རྩ་དང་ལྗགས་བཀོད་ལཉྪ་དང་ཇོ་བོ་ཤཱཀྱ་མུ་ནིའི་དབུ་རྒྱན་ཞིག་གསོས་ཀྱིས་ཟོང་འཕུལ་གྱི་ཕྱག་བྲིས་སོགས་གནང་ཞིང་། སྔར་ངེད་རང་དང་སྡེ་པ་འཕྲིན་ལས་རྒྱ་མཚོ་གཉིས་ཀྱིས་རྒྱལ་དུ་བསླབ་སྦྱང་ཞུས་པའི་འཕྲོ་མཐུད་གྲུབ་རྩིས་ཀྱི་ལྔ་བསྡུས། བྱེད་གྲུབ་ཀྱི་མགྱོགས་རྩིས། ལོ་འཕོ་ཟླ་འཕོ། གཟའ་ལྔ་ཚེས་སྤྱོད་དང་ཉིན་ཞག་གི་རྩ་སྒྲུབ། ཉིན་ཞག་མའི་མགྱོགས་རྩིས། དུས་སྦྱོར་དུ་མ་དྲུག །སྟོང་འཇུག །ཞག་གསུམ་རྣམས་དབྱེ། དབྱངས་འཆར། ལྟོ་འཕྱེའི་ཐིག་རྩ་རྣམས་ཞིབ་པར་ཉན། སྟོད་རྒྱུད་ཞལ་སྔ་ནས་བཟང་གྲོང་པ་སོགས་ལྷ་ས་སྐོར་དུ་སྟེང་གྲིབ་ཀྱི་གནོད་པ་སྣ་ཚོགས་བྱུང་བར་སྲུང་བཅོས་བྱིན་རླབས་མང་དུ་གནང་།དབྱར་སོས་ཆོས་ལུང་ཚེས་བཅུ་བ་རྣམས་ཀྱིས་དབང་གཞི་བཏེག་ནས་དགོན་པ་སྟེང་ཤོད་དུ་ཁྲོམ་དབང་སྩལ། གུང་ཐང་མཁར་ལས་གྲ་རིགས་རྣམས་མ་གཏོགས་མི་ལག་ཉུང་པའི་འོལ་ཆུང་བར་བརྟེན་ལས་གཡོར་ཡོང་དུ་རེ་བའི་བྱི་རི་སྟག་རྩེར་འབྲི་གུང་ཞབས་དྲུང་རིན་པོ་ཆེ་ཆོས་ཀྱི་གྲགས་པའི་དྲུང་དུ་ཕེབས་ནས། སྣང་རྩེ་གཏེར་སྟོན་གྱི་ལུང་བསྟན་དུ༔ ཞོ་སྟོད་ནང་ནས་འབྲི་ཡིས་གད་བདར་བྱེདཿ ཚལ་ཐང་རྩེ་ན་མངའ་ཐང་བསྐྱེད་པར་འབྱུངཿ ཟེར་བ་འདི་འབྲི་གུང་ནས་ཐུགས་ཁུར་བཞེས་པའི་ཚལ་གུང་ཕྱོགས་སུ་ཞིག་གསོས་གནང་ན་འབྲི་གུང་པའི་ཆོས་སྲིད་ལ་ཕན་པ་ཡོད་འདྲ་བའི་རྒྱུ་མཚན་འཇེབས་ཆགས་པ་འབུལ་བ་གནང་ཡང་རྫོང་གི་གཞིག་གསོས་སོགས་བྱེད་སྒོ་མངས་པའི་འུ་ལག་གི་མཐུན་རྐྱེན་མི་ཐུབ་ཅེས་ཞལ་གྱིས་མ་བཞེས་པ་ཐུགས་ལ་གནང་མ་འདོད་པ་རང་ཡིན་ཤས་མ་ཁ་རུང་སྟག་རྩེས་(༦༡ན)

― GLG009_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོས་པའི་ས་སྨད་རྣམས་གཙང་པའི་ལྕམ་སྐུ་དབང་བཙན་གཤིས་འབྲི་གུང་ནས་དོན་དུ་ཐུགས་དབང་འདུས་པའི་ལས་གཡོར་གནང་ཐབས་ག་ལ་བདེ། མ་ནས་སྔར་ཆོས་རྒྱལ་རིན་ཅེན་ཕུན་ཚོགས་རྒྱ་མ་ཁྲི་ཁང་གི་གྲོ་བོ་ལུང་དུ་མེ་ཏོག་འཐོར་ནས་ལོ་ངོ་གསུམ་བར་གསང་སྒོ་བྱས་དུས་གལ་ལ་ཧོར་དང་ལྕང་འཇིག་པ་སོགས་བློན་པོ་རྣམས་ཀྱིས་མངའ་རིས་རིགས་འཛིན་ཆེན་པོ་དང་སྣང་རྩེ་གཏེར་སྟོན་གཉིས་ལ་ཞབས་དྲུང་སྐུ་བདེ་དོག་གི་བརྟག་པ་ཞུས་པར་རིགས་འཛིན་རྗེས་སྐུ་ཁམས་མཐར་ཐོན་མི་ཡོང་བའི་ཕྱོགས་དང་། སྣང་རྩེ་ནས་སྐུ་རིམ་ཕབ་པའི་སྐུ་ཁམས་བཟང་བ་ཡོང་མ་བྱུང་ན་ང་གཏེར་ཆོས་ལག་ཏུ་མི་ལེན་ཞེས་ལུང་བསྟན། གསང་སྒོ་འགྲོལ་གདོང་སྣང་རྩེ་ནས་བརྟན་བཞུགས་འབུལ་བར་བྱོན་པ་སྐུ་གདུང་ནང་བཞུགས་བྱས་སར་བཏང་ནས་ཡོལ་བ་བསལ་བས་སྡེ་པ་སྣང་རྩེ་བ་ཞལ་སྐྱེངས་ཏེ་ཨོ་རྒྱན་པདྨས་ང་བསླུ་བ་ཞིག་ཡིན་ཞེས་གསུངས་པ་སོགས་ཀྱིས་འབྲི་གུང་ཕྱོགས་སུ་ཁོང་པར་ཡིད་བརྟན་ཆུང་ཞིང་སྣང་རྩེ་ནས་ཕག་མོ་བའི་བླ་མ་ཡིན་གཤིས་ཕྱོགས་འཕུལ་སོགས་གང་ས་ནས་ལུང་བསྟན་དེས་རྦ་ཕིགས་རིས་སུ་མི་སྣང་། འོན་ཀྱང་ཞབས་དྲུང་རིན་པོ་ཆེར་སྒྲོལ་དཀར་ཡིད་བཞིན་ནོར་མཆོག་གི་སྐོར་གསན་ནས་གུང་ཐང་དུ་ཕེབས། རིགས་འཛིན་ཡོལ་མོ་བ་ཆེན་པོ་རྡོ་རྗེ་བྲག་ནས་ཡེར་པར་སོག་བཟློག་ལ་ཕེབས་པ་རྗེ་ཉིད་སྟག་རྩེར་བཞུགས་པ་དང་དུས་འགྲིག་ནས་མཇལ་ཀ་དང་གཞི་ལན་གནང་མ་ཐུབ་པར་ཐུགས་འགྱོད་ཆེར་མཛད། དབུས་གཙང་གི་ཐོར་ཐག་ཕལ་ཆེར་ཆོད་ནས་འབྲི་གུང་ཕྱོགས་སུ་བྱུང་བའི་སྣང་གསལ་དྲུང་པ་ཕུན་ཚོགས་པ་ཐོར་ནད་ཀྱིས་གྲོངས་པའི་ཕྱི་རྟེན་ལ་སློབ་དཔོན་ཆེན་པོའི་རྣམ་(༦༡བ)

― GLG009_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གྲ་ཚར་ལྔ། བསམ་པ་ལྷུན་གྲུབ་མ་རྣམས་བཞེངས་པའི་རབ་གནས་ལ་ཟིང་པར་ཕེབས། མང་ཇ་བསྔོ་རྟེན་གནང་ཞིང་གྲ་རིས་རྣམས་ཀྱིས་བསྙེན་བཀུར་ནས་ཞག་ལྔ་ཙམ་བཞུགས། ས་ཡོས་ཟླ་བ་དང་པོའི་ནང་དུ་ངེད་ཡེར་པའི་གནས་མཇལ་ལ་ཕྱིན་རི་སྐོར་སོགས་ཚང་མར་རྟེན་བཤད་ལ་རྗེ་ཉིད་ཕེབས་ཏེ་གནས་ཀྱི་ལོ་རྒྱུས་ལས་འཕྲོས་པའི་གསུང་གླེང་ཤིན་ཏུ་རྒྱས་པར་བྱུང་། མཆོད་རྟེན་རྩེ་དགུ་དང་སྲི་གཅོད་འབུམ་པ་སྐོར་སར་གནས་འདི་ལ་ཕྱིས་སྐོར་ཧོར་སོག་གི་གནོད་པ་མང་བས་ཕྱིས་ནས་དེ་རིས་མི་ཡོང་བའི་སྤྱོད་ལམ་གྱིས་ཕེབས་པ་ལྟར་བྱེད་བློ་ཙམ་ཞུས། ཕྱིར་ལམ་སྤོས་དགའི་འཁྲིས་སུ་རྗེ་བླ་མས་དཀར་སྤྲོའི་གཞི་ལེན་གནང་ཞིང་ཟུར་ཆེན་གཞོན་ནུ་དོན་གྲུབ་དང་མོལ་མཆིད་སྨར་བར་བྱུང་། ཞབས་དྲུང་རྗེ་བཙུན་མ་སྐུ་གཤེགས་པའི་གསལ་འདེབས་ནས་བཟུང་ཞག་ཤས་བཞུགས་རིང་བྱང་ཞུ་ལམ་བསྟན་སོགས་མ་ཆག་པ་དང་ཞུགས་འབུལ་གནང་། བྱང་བདག་རིགས་འཛིན་ངག་གི་དབང་པོ་པདྨ་འོད་ཀྱི་ཞིང་ཁམས་སུ་བཤེགས་པའི་གནས་ཚུལ་གསན་འཕྲལ་རྡོ་རྗེ་བྲག་ཏུ་ཕེབས་ཀྱང་སྟོད་ནས་རིགས་འཛིན་ཡོལ་མོ་བ་མ་བྱོན་མེ་མཆོད་འགྱངས་པའི་སྐུ་གདུང་རིན་པོ་ཆེ་ནང་བཞུགས་གྲུབ་པ་དང་འགྲིག་པས་གདུང་ཁང་དྲུང་དུ་བླ་མ་དཀྱིལ་འཁོར་འཁོར་ལོའི་མགོན་པོར་ཤར་བ་ལ་གསོལ་འདེབས་མཆོད་པ་གདུང་འབུལ་གྱིས་མཚོན་པའི་ལེགས་བྱས་ཀྱི་ཚོགས་ཆེན་པོ་བསྐྲུན་ཞིང་དབང་བཞི་བྱིན་རླབས་ཀྱི་ཚུལ་དུ་བཞེས། ཞུགས་འབུལ་དུས་འཕྲོས་གཏོང་བའི་ཆ་དན་གནང་སྟེ་ཕྱིར་ཕེབས། ཞེ་དགུའི་སྐུ་ཚིགས་ཐམས་ཅད་ལ་གསུང་ཆོག་མཆོད་འབུལ་དང་ལོ་ལོ་བཞིན་དུས་དྲན་གྱི་མཆོད་པ་མཛད། རྒྱ་མ་བྱེན་ཆེན་གཞིས་ཀ་དང་བཙོང་(༦༢ན)

― GLG009_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

གཏུན་རོང་པའི་མི་ངོ་སྐྱེས་རྒྱལ་རྣམས་ལ་ཆད་ལྷག་ཆེ་བར་སྲི་ངན་བཟློག་པའི་རིམ་གྲོར་གདན་དྲངས་པའི་ཞོར་ལ་རི་བོ་མཎྜལ་དང་ཁྲི་ཁང་། ཨོ་རྒྱན་ཆེན་པོའི་སྒྲུབ་གནས་གོག་ཆུང་གསང་བའི་ཕུག་པ་མཇལ་ཏེ་སྒྲུབ་ཕུག་ཏུ་བླ་མ་ལས་བྱང་ཚོགས་མཆོད་དང་བཅས་པ་གནང་ཞིང་ཚོགས་འཁོར་བགོད་འགྲེམ་གྱི་སྐབས་སློབ་དཔོན་ཁང་དམར་བྲག་གུ་རུས་རྗེ་ཉིད་ཀྱི་སྐུ་སྐལ་མ་ཞུས་པར་ཐུགས་རྟོག་ཟོས་ཏེ་ཐུགས་དམ་བརྟག་པ་གནང་བར་ཡུལ་ཕྱོགས་དེ་ག་ལ་གནོད་པ་ཤར་བ་ཨོ་རོད་དུ་རལ་དཔོན་པོའི་དམག་གིས་ལོ་མཇུག་རྒྱ་མ་བཅོམས་པའི་རྟགས་སུ་གནང་། ཧོར་ཟླ་བདུན་པའི་ཚེས་བཅུ་ལ་འབྲོམ་སྟོད་གཞུང་གི་ཚེས་བཅུ་བ་རྣམས་ཀྱིས་ཡེར་པར་གདན་དྲངས། བླ་མ་ནོར་བུ་རྒྱ་མཚོའི་དབང་རྒྱས་པར་སྩལ་ཞིང་སྤོས་དགར་སྦྱིན་བདག་རྣམས་ལ་གཞི་ལེན་བཤམས། རིགས་འཛིན་ཡོལ་མོ་བའི་གཏེར་ལུང་དུ། རི་བོ་དཔལ་འབར་གྱི་ཟབ་གཏེར་ས་ཡོས་ལོ་གདན་འདྲེན་དགོས་པའི་དུས་རྟགས་སུ་སླེབས་ནའང་། ལོ་སྔ་མ་གཙང་དཔུང་ལྷོ་ནང་དུ་བཅུག་པ་དང་འགྲིག་པའི་མདའ་དཔོན་དགོས་ལུང་པས་དབང་ཡོད་ཀྱི་ཕག་རིར་སྐུ་རིམ་ལ་བཞུགས་སུ་བཅུག་པ་དང་། རི་བོ་དཔལ་འབར་གྱི་གཏེར་བྱང་ཡོམ་བུ་ལུང་ནས་སྤྱན་དྲངས་པའི་བརྗོད་དོན་བཞིན་བླ་གཉེར་གྲ་རིགས་ལོག་སྒྲུབ་བྱེད་པའི་ངན་དབང་ཅན་ཚོས་རང་ཐག་ཆོད་བཞིན་དུ་འཁྱགས་པ་ཁའི་མེ་འབུད་ལྟ་བུར་སྤྲུལ་པའི་སྐུ་སྟོད་ནས་གདན་འདྲེན་པ། གལ་ཏེ་འགོང་པོ་སྤུན་དགུ་ཡིས༔ མཐོ་འཚམས་གཏེར་འདི་ཐོན་པ་དཀའ༔ ཞེས་པའི་ཐོག་ཏུ་བབས་ཏེ་རིགས་འཛིན་ཡོལ་མོ་བ་རྡོ་རྗེ་བྲག་ཏུ་ཕེབས། འཕྲོས་བྱུང་བ་ལྟར་རྗེ་ཉིད་ཀྱང་བྱོན་ཞུགས་མི་འབུལ་བའི་ཕྱག་གཡོག་གནང་གསུང་སྐལ་(༦༢བ)

― GLG009_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་རྟེན་ཞུས་ཤིང་གཏེར་སྟོན་ཡོལ་མོ་བར་བཀའ་ཆོས་ཀྱི་འབྲེལ་བ་གསན། རིགས་འཛིན་རྗེས་དད་ཀྱང་རྟེན་བཞེངས་མ་གྲུབ་བར་སྡོད་རྩིས་ཡོད་པས་བླ་མ་རིན་པོ་ཆེས་སྐུ་རྟེན་བྲིས་སྐུ་བསེ་ཙཀ་ལ་ཆ་བཞག་ཅིག་འབྲི་བ་དང་རྟེན་གྱི་ཞལ་བཀོད་ལ་ཕེབས་དགོས་གསུངས་པ་བཞིན་སླར་མ་འགྱངས་པར་ཆིབས་ཁ་བསྐྱོད། ཐུབ་བསྟན་རྡོ་རྗེ་བྲག་ཏུ་རེ་ཞིག་སྟན་ཆགས་ངོས་རིགས་འཛིན་བརྒྱད་ཀྱི་སྐུ་ཐང་། དུར་ཁྲོད་ཀྱི་བཀོད་པ་བཀའ་བརྒྱད་གསང་རྫོགས་ལས་བྱུང་བའི་བྱིན་ཅན་ངོ་མཚར་མའི་ཞིང་བཀོད་དང་ལྷ་མགྲོན་རྣམས་རིགས་འཛིན་ཉིད་ཀྱིས་ཕྱག་བྲིས་མཛད་པ་སོར་བཞག །ཐུབ་ཆེན་གྱི་ཐིག་རྩ། གདུང་ཚ། ཚེ་དཔག་མེད་ལྕགས་སྡོང་མ། ཨོ་རྒྱན་རིན་པོ་ཆེ། རིགས་འཛིན་ངག་གི་དབང་པོ་དང་བཅས་པའི་སྣང་བརྙན་ཁྲི་ཚོར་བཅར་བར་གསེར་དངུལ་མཚལ་གསུམ་སྒྲོན་པ་ཐུབ་ཆེན་གྱི་བཞུགས་ཁྲིའི་འོག་ཏུ་བོད་འབངས་སྤྱིའི་བདེ་ཐབས་ལ་ཕན་པའི་འགོང་པོ་ཨར་གཏད་དང་སྒོས་ཀྱི་དམ་སྲིར་དམིགས་པའི་ལོག་ཏྲིའི་འཁོར་ལོ་སོགས་འདྲི་བའི་ཕྱག་ལེན་མཛད་ནས་རང་གི་བསྟི་གནས་སུ་ཕེབས། མདོ་སྤྱིལ་དུ་ཨ་ཁུ་ཚེ་དབང་གྲོངས་པའི་སྐུ་གདུང་ཞུགས་འབུལ་དང་ཆོག་མངས་ཀྱི་གྲལ་དབུར་ཡང་དགོན་སྤྱན་སྔ་གདན་དྲངས། ཟླ་བ་བཅུ་པ་འདི་ནག་རྩིས་པའི་ལོ་མཇུག་སྔགས་པ་ཟོར་འཕེན་གྱི་ཟླ་བར་སོང་གཤིས་ཁྲོ་རོལ་སོགས་དུས་རིམ་མང་ཙམ་སྟར་ཆགས་སུ་གནང་བ་ཟིན་ནས་ཕྱིར་ལམ་ལྷ་སར་དཔོན་སློབ་པཎ་ཆེན་རིན་པོ་ཆེ་དང་སྡེ་པ་བསོད་ནམས་རབ་བརྟན་གཉིས་མཇལ་ནས་འབྲས་སྤུངས་སུ་ཞག་གཅིག་བཞུགས། ཚར་ཆེན་ཆོས་ཀྱི་རྒྱལ་པོའི་ཐུགས་དམ་དུང་ཆོས་རིན་པོ་ཆེ་བོད་མཁར་བར་གནང་སྒོ་མོ་དབོན་པོ་བརྒྱུད་ཕྱག་ཏུ་བྱུང་འདུག་ལ་སྟེར་བྱ་མཛད། རྡོ་རྗེ་བྲག་ཏུ་(༦༣ན)

― GLG009_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

ཕེབས་ནས་ཐུབ་ཆེན་གྱི་ཞལ་གསེར་སྤྱན་འབྱེད་སོགས་རྟེན་བཞེངས་ཀྱི་མཇུག་སྐྱོང་རྣམས་གྲུབ་སྟེ་རྗེ་ཉིད་གཙོ་བོར་གྱུར་པའི་དཔོན་སློབ་གཞི་བྱེས་རྣམས་ཀྱིས་མཆོག་སྤྲུལ་ཞིག་མ་ཕེབས་བར་གྲང་སོ་གཏེར་སྟོན་ཆེན་པོ་རིགས་འཛིན་བླ་མའི་གདན་སར་བཞུགས་དགོས་པའི་གསོལ་འདེབས་གནང་བ་བཞིན་ཞལ་གྱིས་འཆེས། ལྕགས་འབྲུག་གི་ལོ་གསར་ནས་སྔར་རིགས་འཛིན་ཡོལ་མོ་བས་རྒྱང་ཡོན་པོ་ལུང་ནས་གཏེར་གྱི་ཁ་བྱང་བཞེས་པའི་ཤོག་སེར་གྱི་ལྗགས་ལུང་དང་ཆོས་བདག་ལས་ཅན་སྙིང་གི་བུ་བདུན་བྱུང་བའི་གཉགས་ཛྙཱ་ན་ཀུ་མཱ་རའི་སྤྲུལ་པ་དེ་རྗེ་བླ་མར་ངོས་འཛིན་མཛད། བྱང་གཏེར་རྡོ་རྗེ་ཕུར་པ་ལུགས་གསུམ་ལས་འབྲིང་པོ་སྤུ་གྲིའི་དབང་དང་ལུགས་གསུམ་གའི་ཆོས་སྐོར་གྱི་ལུང་། གྲུ་གུ་ཡང་ཝཾ་གི་གཏེར་མའི་འཇོམས་བྱེད་རྩལ་ཆེན་ཉི་ཟླ་ནག་པོའི་བཀའ་གཏད་ལུང་མན་ངག་ཕྱག་ལེན་དང་བཅས་པ་གསན། བདེ་ཆེན་རྫོང་དཔོན་ཆུམས་བདེ་ཡངས་པས་རྫོང་གི་ལྡེབས་སུ་མཁར་ལས་གསར་རྒྱག་བྱས་པས་སྔགས་མཁར་ཀླུ་བདུད་ཀྱི་གནོད་པས་བྱིན་གཞུག་ལ་སྟེའུ་ཐེབས་པར་གཉན་ཁ་འཁྲིས་པའི་ཤིན་ཏུ་ཉེན་པར་སྐུ་རིམ་ལ་གདན་དྲངས་རྒྱལ་པོའི་མདོས་དང་གཏོར་བཟློག་སོགས་གནང་ཞིང་འབྲུག་པ་བཀའ་བརྒྱུད་ཆོས་སྡིངས་བླ་མས་མཚོན་ཐབས་རྟེན་འབྲེལ་ཤེས་སོ་ཅོག །ཡོད་འདུག་རུང་ནད་པར་ཕན་ངོ་མ་ལྟས་ཤིང་ཉི་ཐང་སློབ་དཔོན་དྲུང་འཚོ་བས་ནད་པའི་རྩ་ནི་བསྔོགས་ཚར་ཁྱེད་མདོས་འཆོས་ཀྱི་བཞུགས་རྒྱུ་ཨེ་ཡིན་སོགས་རྗེ་ཉིད་ལ་གསུངས་པ་ཐུགས་བཞེད་ཀྱང་འབྱོན་སྟབས་མ་བདེ། འོན་ཀྱང་ཞང་སྟོན་པའི་བོན་པོས་ཀླུ་བཅོས་པས་ནད་པ་ཤི་མལ་ནས་ལྷོགས། རྫོང་དཔོན་རྒན་པར་ཕན་ཐོགས་(༦༣བ)

― GLG009_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་བ་གནང་རྒྱུ་མ་བྱུང་རུང་གསོག་ཁང་ནས་ལ་འདོད་ཆོས་ཁ་ཡར་སྩལ། ནུབ་ཅིག་མནལ་ལམ་དུ་མི་དཀར་པོ་དར་དཀར་གྱི་གོས་རིམ་པ་མང་པོ་བརྩེགས་པ་ཕྱིང་ཞྭ་དཀར་པོ་གྱོན་པ་ཞིག་གིས་རྫོང་ལ་ཕྱིན་ཁ་ལོག་ཏུ་བསྐོར་བ་དང་། ཡང་མི་གཉིས་ཇི་བཤད་ལྟ་བུས་ཚུལ་གྱིས་རྫོང་བདག་མྱུར་དུ་བརྗེས་འགྲོ་ཟེར་བ་གསན་པས་མནལ་སད་དུས་རྫོང་དཔོན་གཉིས་བརྗེ་རྒྱུ་ཨེ་ཡིན་དགོངས་པ་བསམ་མ་བྱུང་རུང་ལ་རྟིང་མ་རྫོང་སྡེ་པ་དགའ་ལྡན་པར་གཤོར་བས་དེའི་ལྟས་དང་མི་དཀར་པོ་དེ་སོག་པོའི་ལྷ་ཡིན་པ་འདྲ་གསུངས། དབྱར་ཁ་ལམ་ཤར་ནུབ་རྣམས་ཀྱིས་སྦྱིན་བདག་ཞུས་ནས་ཁྲོམ་དབང་དང་དེ་གའི་གདབ་ལན་སོགས་དབྱར་གཟིགས་ཀྱི་ཐུགས་སྤྲོ་བར་བྱུང་། རྗེ་ཉིད་ཀྱི་གཅེན་ལགས་ཀུན་དགའ་ལོ་སྔ་མ་སྣ་དཀར་རྩེ་ནས་ཆུ་བོ་རིར་ཁྲི་ལྕམ་དེ་ཉིད་ཀྱི་སྐུ་གདུང་གདན་འདྲེན་པའི་རྩིས་བཤགས་ནས་ཚུར་འཁོར་བ་དང་བསྟུན་སྟེང་གྲིབ་ཀྱི་རྣམ་པས་ཡུན་རིང་མ་བདེ་བར་དབང་བྱིན་རླབས་རིམ་གྲོ་སོགས་ལུང་ཡང་དུ་སྩལ་ཞིང་། ལོ་འདིའི་སྟོན་དུས་ཀྱི་ཆོས་ཉིད་དུ་གྱུར་ཚེ་བདེ་ཆེན་གྱི་ཞིང་དུ་འདྲེན་པ་དང་པུར་སྦྱང་སོགས་རྒྱས་པར་གནང་། དེ་དགའ་ལྡན་ཁང་གསར་དུ་ཙནྡྲ་པའི་རྩ་བ། སྙན་ངག་མེ་ལོང་། གསོ་དཔྱད་ཀྱི་རྒྱུད་ཆུང་གསུམ་འཛིན་པ་སོགས་ཐ་སྙད་ཀྱི་བསླབ་སྦྱངས་བྱེད་སྐབས་ལྷ་ས་ནས་སྡེ་པས་རྒྱལ་པོ་བར་ཁམས་སུ་བཞུགས་པའི་སྐུ་རིམ་ལ་ལས་སྦྱོར་མང་ཙམ་དགོས་པའི་རྒྱུ་མཚན་ཡང་ཡང་བྱུང་བས། སྔར་ལས་སྦྱོར་གྱི་རིས་ལ་སྦྱོང་བདར་བྱས་པ་རྣམས་ཀྱང་བར་སྐབས་སུ་བློས་བཏང་བའི་ངེས་རྒྱུ་རང་མེད་པས་རྗེ་བླ་མ་དགའ་ལྡན་ཁང་གསར་དུ་གདན་དྲངས། གཤིན་རྗེ་དང་རླུང་འཁོར་གྱི་ལག་ལེན་ལ་བརྗེད་གསོས་དང་དོགས་གཅོད་ཞུས། བི་རིར་བདེ་གཟར་ཡུན་རིང་འགོར་ན་(༦༤ན)

― GLG009_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་སྦྱོར་ཚན་ཆེ་བ་དགོས་མདོག་ཁ་བ་ནས་མཆོད་རྟེན་ལ་དགོས་པའི་རྫས་གསོག་པ་སོགས་འོག་བྲབས་གནང་བའི་སྙན་གསན་ཕུལ་ནས་འབྲས་སྤུངས་སུ་ཕྱིན། མ་འགྱངས་པར་འཆི་བདག་ཞལ་དབྱེ་གསར་བསྐྲུན་ཞིག་དང་འཁོར་ལོ་འགའ་ཕྱག་བྲིས་སུ་སྩལ་ནས་གནང་ཞིང་སླར་ཡང་དོགས་མ་ཆོད་པའི་རིས་ལ་སྙན་སུན་ཡང་ཡང་ཞུ་དགོས་བྱུང་། དབོན་པོ་སྦྱིན་པ་རྒྱལ་དུ་རྫོང་བདའ་མཛད་སྐབས་དཔོན་གཡོག་ཐམས་ཅད་ཨརྒྷཾ་གྱིས་མྱོས་ཏེ་ལམ་དུ་བདེ་ཡངས་པའི་གཡོག་པོ་དང་ཐུག་ཕྲད་བྱུང་བར་བརྟེན་རྫོང་དཔོན་གྱི་རྟ་དྲེལ་བརྒྱད་ཅུ་སྐོར་ཕྲོགས། དམག་གིས་ཆོས་ལུང་བཀྲ་ཤིས་སྒང་གི་གཞིས་ཀ་བསྐོར་དུས་རྗེ་བླ་མ་བར་མཚམས་ལ་ཕེབས་པ་རྫོང་དཔོན་གཞོན་པ་གསོག་ཁང་ནས་གནམ་ལྕགས་དྲག་འབེབས་དད་གུས་ཆེ་གཤིས་དམག་ལོག་པ་དང་རྟ་དྲེལ་གྱི་གཏོད་ལེན་སོགས་ངོ་ཚ་སྦས་པ་ལྟ་བུའི་ཞབས་ཏོག་ཏུ་འགྱུར་བ་བྱུང་། ལྕགས་སྦྲུལ་སྨོན་ལམ་ནས་འཁོར་འཕྲལ་རྗེ་བླ་མ་འབྲས་སྤུངས་སུ་ཕེབས། འཇོམས་བྱེད་ཉི་ཟླ་ནག་པོས་གཙོས་པའི་ལུང་མན་ངག་ཁ་ཤས་ཞུས། དེ་མུས་བདག་ཐོར་ཡན་ཞིག་གིས་ན་བར་བྱང་ངོས་ནས་སྐུ་གཞོན་པར་མི་རྣམས་ཀྱིས་མཆུ་འགྲོས་ལས་ཐག་ཆོད་རང་མི་གསུང་འདུག་པ་སྡེ་པ་དང་ཏ་ཞིང་ཆོས་རྗེ་སོགས་ཐུགས་ཉམས་ཅན་རྣམས་ཀྱིས་འབྲུམ་བར་ཐག་བཅད་འཕྲོད་བསྟེན་གྱི་ཚེ་རྗེ་ཉིད་ནས་སྲུང་འཁོར་གེགས་སེལ་གྱི་བྱིན་རླབས་དང་མདོས་གཏོར་གྱི་རིམ་གྲོ་མང་དུ་སྩལ། རབ་གསལ་གྱི་རྟོགས་པ་བརྗོད་པའི་ཡལ་འདབ་ལས་བྱུང་བའི་གླང་པོའི་ལོ་རྒྱུས་ལྟར་སྡེ་པ་གཙང་དུ་དམག་མཛད་པར་ཐུགས་བློ་རྩེ་གཅིག་པའི་ཤུགས་ཀྱིས་རྨ་ཁ་དང་ཁྱི་ཚིལ་གྱི་དཔེ་བཞིན་བཅས་ཆོག་མཆོད་རྟེན་བཞེང་བའི་མཐུན་རྐྱེན་(༦༤བ)

― GLG009_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་བཞེད་འདུག་པར་བརྟེན་དུས་གཞན་དུ་དགོས་བྱེད་གྲ་མི་འགྲིག་པར་ངེས་ཏེ་ངེད་རང་ནས་རྗེ་ཉིད་ལ་རྒྱུ་མཚན་གསོལ་བ་ལྟར་ཆོས་ལུང་མདོ་སྤྱིལ་དུ་ཕེབས། སྡེ་པས་གྲོང་སྨད་ནང་སོ་ཨ་བར་བཏང་བའི་ཆོས་ལུང་གཞིས་ཀ་ནས་གསོལ་ཕོགས་སོགས་དགོས་ཆ་རྣམས་ཕུལ། ལྷ་འདྲེ་དྲག་པོ་གནས་ཁྱད་ཀྱི་ཟ་ལུང་འདུ་ཁང་གི་ཤིང་ཆ་ནས་དགོས་འཚམ་དྲངས། ཤིང་བཟོ་བ་སེ་ར་རབ་བརྟན། སྤྲུལ་སྐུ་ལམ་རྙེད། ཆ་ཁར་དཔོན་པོ། ཆོས་ལུང་པ་གཉིས། ལག་གཡོག་གང་དགོས་རྣམས་གཏོང་དགོས་པའི་ངོས་སྦྱོར་ཞུས། སྡེ་པ་བྱང་ནས་ཕེབས་བསྟུན་གྲུབ་པ་དགོས་པའི་ཕེབས་སྒོ་ལ་བརྟེན་ཐུགས་བྲེལ་གཞན་པའི་རིས་བསྐྱུར་ནས་བཅད་རྒྱ་གནང་ཞིང་དཔོན་སློབ་ཚང་མ་ནམ་ལངས་ས་རུབ་ཀྱིས་ཐུགས་རྩོལ་མཛད་ཀྱང་ཕྱི་རྒྱའི་མཚོན་རྩི་སོགས་གྲུབ་ཙམ་དང་ནང་གི་ལྷ་དང་ཞིབ་ཆགས་རྣམས་མ་གྲུབ་པའི་དུས་རྒྱལ་མོ་ཆེ་ཆུང་གིས་གཙོས་པའི་སོག་པོ་སྐྱིད་ཤོད་དུ་སླེབས། བདེ་ཆེན་མངའ་ཁུལ་གྱི་དྲུང་འཁོར་དང་གསང་སྔགས་མཁར་པ་རྣམས་ངོ་ལོག་པར་ཐའི་ཇི་རྡོ་རྗེ་རྣམ་རྒྱལ་དང་དར་ཁན་ནང་སོས་རྒྱལ་མོ་ཆེ་ཆུང་གི་སོག་དམག་ཁྲིད་པ་རྣམས་རྩེ་འཛོམ་དུ་བདེ་ཆེན་རྫོང་ལ་སྐོར་རྒྱག་བཏང་བའི་ཚེ། ཚལ་གུང་གི་བླ་མ་རྣམས་ཀྱིས་སྐྱིད་ཤོད་ཐའི་ཇི་མཇལ་བར་ཕེབས་པའི་སྐབས་ཆུ་གསོར་ཐོངས་ལ་རེས་རྗེ་ཉིད་ལ་ཆུ་བསྒྱུར་ཆར་གཅོད་གནང་དགོས་ཚུལ་ཞུས་པ་འབྲས་སྤུངས་སུ་ཕེབས་པར་གཏུགས་གཤིས་དེ་གའི་ཕྱག་ལེན་རྣམས་གཅུང་ལ་བསླབ་སྟོན་མཛད་དེ་ཧོར་ཟླ་ལྔ་པའི་ཚེས་བཅོ་བརྒྱད་ལ་ཆོས་ལུང་མདའ་ནས་དན་བག་བར་གཞུང་ཀོ་གནང་ནས་འབྲས་སྤུངས་སུ་ཕེབས། ལྷ་ཚོགས་ཀྱི་སྐུ་དང་འཁོར་ལིང་སོགས་ཞིབ་ཆའི་ཕྱག་ལས་དང་ཉེར་ལྔའི་ཉིན་(༦༥ན)

― GLG009_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུན་གདོང་མཁར་ལ་འཚངས་ཀའི་སྐབས་སྒྱོགས་གཅོག་པ་སོགས་རྩིས་དཀར་ནག་གིས་ལྟོ་བཅོས་དེ་ཉིན་དགོས་པ་རྣམས་ཐུགས་གྲབས་ཚགས་སུ་བཙུད་དེ་བརྩོན་འགྲུས་དཀའ་བཅུ་བར་རྩིས་སྤྲད་ནས་བྱེད་ལུགས་ཀྱི་བསླབ་སྟོན་གནང་། རྫོང་ནང་ནས་སྒྱོགས་གཉིས་ཙམ་ཞིག་བཙུགས་ཡོད་འདུག་པ་ཐབས་བྱས་འཕྲལ་ཆག་པ་སོགས་ངེས་ཤེས་འདྲོངས་པ་མང་དུ་བྱུང་། སྔོན་ཆད་སོག་པོས་གཙང་པར་དམག་བྱས་པ་མཐའ་དག་རླུངས་སུ་མ་བརྒྱུགས་ཤིང་སྡེ་སྲིད་གཙང་པ་མངའ་ཐང་སྒང་ལ་རྒྱབ་དུས་ཡིན་གཤིས་རང་ཕྱོགས་ཀྱི་གྲ་རིས་དེ་ཉིད་མ་གོ་བའི་སྣང་བ་གདོང་ངེད་ཀྱི་རིས་ཐོར་བུ་ལ་ཆ་ཅི་ཡོད་འགངས་ཆེ་ས་ནས་དཔོན་སློབ་པཎ་ཆེན་རིན་པོ་ཆེ་དང་ས་སྐྱོང་བསོད་ནམས་རབ་བརྟན་གཉིས་པོ་མ་གཏོགས་རྐེད་སོ་ཡན་གྱི་རང་ཕྱོགས་པ་ཕལ་ཆེར་ལ་ང་ཞིང་འབག་མགོ་གཉིས་ཀྱི་འཇོལ་འགྲོས་མཁན་མང་བ་འཇིག་རྟེན་གྱི་བྱ་བཞག་འདི་ལ་ལྷུས་ཐིངས་པ་གལ་ཆེ་བ་དོན་ལ་མི་བདེན་རྒྱུ་ཡང་མི་འདུག །ལྷག་ཏུ་རྗེ་འདི་ཉིད་ལྟ་གྲུབ་ཀྱང་གསང་སྔགས་རྙིང་མ་བ་ཡིན་ཞིང་གཙང་པ་ནས་སྐུ་རིམ་པའི་གྲལ་དུ་འཇུག་པའི་བདག་རྐྱེན་སོགས་གང་ས་ནས་གཞོགས་ཕྱེད་གཡང་བསྐྱུར་གྱི་ཐལ་སོང་དེ་འདྲ་གནང་དོན་མི་འདུག་རུང་ཕ་བོང་ཁར་བཞུགས་ཡུན་རིངས་པའི་དགེ་བསྟན་ལ་ཐུགས་ཞེན་དང་སྐྱིད་ཤོད་པའི་དཔོན་ཞེན་ཡིན་འདྲ་བསམ་པ་བྱུང་རུང་། སླར་ཞིབ་ཏུ་དཔྱད་ཚེ་དམ་པ་འདི་ཉིད་ལ་ལྐོག་གྱུར་གྱི་གནས་རྣམས་ཆགས་ཐོགས་མི་མངའ་བར་མངོན་པར་མཁྱེན་པ་ཞིག་སྣང་བས། དགེ་ལུགས་མཆོད་ཡོན་གྱི་བདེ་གཟར་ཚབས་སུ་འགྲོ་བ་ཡེ་ཤེས་གཟིགས་པའི་མེ་ལོང་དུ་ཤར་བ་གོར་མ་ཆག །ལྕགས་འབྲུག་གི་དཔྱིད་གཙང་གི་སྤན་དུ་སྐྱ་(༦༥བ)

― GLG009_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

བཙུན་གཉིས་འགྲོ་བའི་རྗེས་ལ་རླུང་ནག་ཆེན་པོ་དུམ་ཆད་རྡེའུ་རྣམས་ཀྱང་ཁྱེར་འགྲོ་བའི་ཐག་སྒྲ་བྱེད་པའི་འཚུབ་མའི་ཁྲོད་དུ་བུད་མེད་ནག་མོ་རལ་པ་རྟིང་པར་སླེབས་ཤིང་དྲེའུ་ལ་ཞོན་པ་ཞིག་གི་རྒྱབ་མདུན་ཀུན་ཏུ་མི་རོ་མང་པོ་བརྩེགས་ནས་ཁུར་བ་ཡུལ་མི་འགས་མཐོང་བས་རྟོག་པ་སྐྱེས་ཏེ། ཨ་གསས་ཕབ་ནས་དྲིས་པར་ལྷ་མོ་དམག་ཟོར་མས་སྡེ་སྲིད་གཙང་པའི་བླ་ཁུར་ཞེས་སྨྲས་པ། གཏམ་དེ་བློར་མ་ཆུད་ནས་ཁ་ཁྲིམས་བསྡམས་པས་ལོ་ཤས་བརྗོད་གླེང་ཆེར་མ་བྱུང་འདུག་རུང་ཕྱི་སྐོར་གཅིག་ནས་གཉིས་སུ་མཆེད་པའི་གནས་ཚུལ་དང་ཡུལ་མི་རྡོར་བསམ་སོགས་ལའང་རྒྱས་འདུག་པ་སྲིད་གསུམ་དབང་མོས་རྗེ་བླ་མར་ལུང་མ་བསྟན་པའི་ངེས་པའང་མེད་དམ་སྙམ། བཅས་ཆོག་གི་རབ་གནས་སྒྲུབ་པ་ལས་སྦྱོར་མཇུག་རློན་གཏད་ཀྱིས་མཐའ་བསྡུ་བའི་བར་མཐའ་དག་ལ་ཞལ་བཀོད་ཀྱིས་ཁྱབ་པར་མཛད། གཏད་པ་ལམ་གྱི་མཚོ་ཁ་རལ་དང་འཁར་ནག་གང་ལ་འགབ་ཀྱི་གསུང་འཕྲོས་བྱུང་བར་མཁར་ནག་ལ་གཏད་ན་མིང་ཡིག་རིགས་རིམ་ལོ་གསུམ་ལས་མི་འགྱངས་པ་འདུག་ཅེས་ལུང་བསྟན་པ་ལྟར་དེ་ཁོ་ནར་སོང་། ཁམས་གསུམ་འཁྲུག་བྱེད་ལས་ཀྱི་རླུང་དམར་དང་གནམ་ལྕགས་ཨུར་མོའི་སྐོར་ཡང་ཕྱག་བསྟར་ནས་བཞེངས། རླུང་འཁོར་ཤུན་གྱི་སྤེལ་ཧྲིལ་དུ་འཛུགས་པར་ཕེབས་པ་མ་འགྱངས་པར་རྫོང་རྒྱབ་ཏུ་གླ་པ་སྒལ་རལ་འོངས་པ་སོགས་རྟགས་སྣ་ཚོགས་བྱུང་། ཐན་རྣམས་ཆོས་སྡེ་གསར་པར་འཁྱོལ་གནས་འཛིན་ཆའི་ནང་ཀུན་གྲ་མི་འགྲིག་པའི་ཉམས་ཆེན་པོ་བྱུང་ཞེས་ངམ་རིང་མཁན་ཆེན་ལོ་ཙཱ་བ་གསུང་འགྲོས་མཛད། ཧོར་སྟོད་པའི་དཔོན་རྣམ་སྲས་ཅན་གྱི་དམག་སྟོང་ཕྲག་ཙམ་ཡས་མས་གང་འོས་སུ་མཐོ་འཚམ་པའི་(༦༦ན)

― GLG009_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོགས་འཆབ་ཀྱིས་སྡེ་པས་སྲས་པོ་རབ་བརྟན་བཏང་ནས་དམིགས་བསལ་ཞིག་དགོས་ཚུལ་བྱུང་བ་བཞིན་སྲོག་འཕྱན་པ་ནག་པོའི་རླུང་འཁོར་འཛུགས་པ་གནང་སོང་བ་ཟླ་པ་གཅིག་གི་སྟེང་དུ་དཔོན་རྣམ་སྲས་ཅན་ཁ་ཤས་ཆུ་ཤུར་དུ་སོག་པོས་བསད། དེ་ནས་ལོ་གཅིག་གཉིས་ཀྱི་ཁོངས་སུ་རྣམ་རུ་བ་རྣམས་རྩ་བརླག་ལྟ་བུར་སོང་། སོག་པོའི་རྟ་པ་ཁ་ཤས་ཀྱིས་སྙེ་ཕུ་བརྒྱུད་སླེའུ་ཆུང་དུ་ཕྱིན་པར་ཡུལ་པ་རྣམས་ཀྱིས་རྟ་དེད་པ་སླར་ལྷ་སར་འབུལ་དུ་འོངས་ཀྱང་སྡེ་པའི་དགོངས་པར་ཕོགས་པའི་བཀའ་བཀྱོན་བབས་ལྕི་བ་ཡོང་བའི་སྔོན་འགྲོ་དང་། སྔར་ནས་སོག་བཟློག་པའི་གྲས་སུ་སོང་བ་དང་། ལྕོག་སྒར་བའི་བླ་མ་ཨཾ་ལྗག་གིས་མཆོད་ཡོན་གྱི་ཐོག་ཏུ་སྔགས་བསྡེབས་ཀྱི་རླུང་འཁོར་བཙུགས་པའི་གྲགས་པ་བསམ་ཡས་ཟུར་མཁར་ཕྱོགས་སུ་མཆོད་པ་དགུ་མཛད། མདོ་སྔགས་གླིང་པས་ཁྱེར་ཡོངས་པར་བརྟེན། སྡེ་མགོན་ཆགས་འཇིག་ལ་གྱ་བའི་ཉེས་དམིགས་ཤར་སྐབས་རབ་འབྱམས་པ་ལྦ་བ་དང་སྔགས་འཆང་སྤོས་ཕོར་བ་གཉིས་ཀྱིས་ཡོལ་མོ་སྤྲུལ་པའི་སྐུའི་ཕྱག་ཐམ་ཁྱེར་ནས་རྗེ་ཉིད་ཀྱི་དྲུང་དུ་འོངས་པ་བསྟན་པ་དང་བླ་མའི་དམ་ཚིག་ལ་དགོངས་ཏེ་ཐུགས་ཁུར་ཆེ་བཞེས་གནང་བས་ཨེ་ཝཾ་ལྕོག་སྒར་བའི་རྩ་བ་ཚུགས། སློབ་དཔོན་པའི་རླུང་འཁོར་རྗེས་སུ་འབེབས་པའི་སྤར་བཀབ་མེད་པར་ཐོག་སྟེང་དུ་སྐྱུར་ནས་ཐུམས་རལ་ཏ་རེ་གཉིས་འཁྱར་བ་གྲ་རིས་འདྲས་དཔེ་ལ་ཁྱེར་འདུག་ཅེས་སྙེ་མོ་དགོན་པ་བའི་ནང་ཟན་འདྲ་ལས་འཕྲང་སྒོ་དྲུང་པའི་བུས་ཐོས་པ་རྗེས་སུ་གླེང་བརྗོད་བྱེད་སྣང་། བདེ་ཆེན་རྫོང་སྡེ་པ་དགའ་ལྡན་པས་རྩིས་བཞེས་པར་རྫོང་འོག་གི་སྡེ་དགོན་མཐའ་དག་གི་ལེགས་བྱ་ཕུལ་ཟིན་གཤིས་དབེན་ས་བྱང་སེམས་(༦༦བ)

― GLG009_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

མས་འགྲེལ་ཡང་ཡང་མཛད་པ་ཡབ་ཟུར་ཆེན་གྱིས་གསན་པས་གནས་ཚུལ་འདི་བཞིན་འདུག་པས་མགྱོགས་ཙམ་ཕེབས་གསུངས་པ་དང་ཐུགས་བྲེལ་ཡང་ཧ་ལམ་ཆོད་པས་ཡར་ཕེབས་གདོང་ཚེ་དབང་ཞིག་དགོས་གསུང་བ་བཞིན་ཕུལ་དུས་ངེད་ཀྱི་གཟུགས་ཐུགས་རྗེ་ཆེན་པོ་སེམས་ཉིད་ངལ་གསོའི་རྣམ་པ་ཕྱི་གསལ་ནང་གསལ་རྒྱབ་ཀྱི་པོ་ཏིའི་རྩིག་པ་སོགས་ཀྱང་མི་སྒྲིབ་པ་ཞིག་ཏུ་གཟིགས་ཏེ་ཙཀ་ལིར་འདྲ་བ་གནང་འདུག་པ། རང་བློ་རང་ལ་ལྐོག་ཏུ་གྱུར་པར་གཞལ་ན་ཡོང་དོན་ག་ལ་ཡོད་ཀྱང་རྗེ་ཉིད་བློ་འདས་བདེ་སྟོང་ཆོས་སྐུའི་ངང་ནས་དམ་པ་རིགས་བརྒྱའི་ཚོམ་བུ་ཁོར་ཡུག་ཏུ་ཤར་བའི་གཟིགས་སྣང་ཡིན་ནམ་སྙམ། ཡབ་སྲས་ལྷན་རྒྱས་སུ་སྐྱིད་ཤོད་ཀྱི་ཞལ་ངོ་ཕྱི་ལྟར་དུ་གཡང་མོ་ཁྱུ་གཅིག་ལ་ནང་ལྟར་དུ་མ་རེ་བུ་རེའི་ཚུལ་གྱི་གསོལ་ཐབ་ཁག་བཞི་ཙམ་ཡོད་སྣང་བར་སོ་སོར་ཐུགས་བདེ་དྭངས་པའི་ལེགས་འབུལ་མཛད། མ་གཅིག་ཐའི་ཇིའི་དཔོན་མོ་དང་ཨོ་པ་ཤི་སོགས་ལ་སྤོས་དགར་ཕེབས་ནས་བཀའ་དབང་གནང་མུས་ལ་ཟུར་འཁོར་ལོའི་དབང་ཕྱུག་གློ་བུར་དུ་བསྙུན་པའི་མདོ་སྤྱིལ་དུ་ཕེབས། སྙུན་གཡོག་སྐུ་རིམ་སྨན་དཔྱད་ཀྱི་སྲི་ཞུ་ཆེར་མཛད་ནའང་དགུང་ལོ་བདུན་ཅུ་དོན་དགུར་ཕེབས་པའི་ཞིང་ཁམས་གཞན་དུ་གཤེགས། ཡང་ཟབ་ཀྱི་འཁྲིད་ཟབ་མོའི་ཐུགས་དམ་དང་སྐུ་ཚེ་སྔོན་མའི་བག་ཆགས་ཀྱིས། འཇམ་གསར་པས། དང་པོར་འཆི་བས་འཇིགས་ནས་ཐོས་པ་བཙལ། །བར་དུ་འཆི་བྲོད་དགོས་སྙམ་སྒོམ་པ་བྱས། །ཐ་མར་འཆི་རྒྱུ་མེད་པས་ཉལ་ནས་བསྡད། །རྒོད་པོ་ང་ཡི་བྱ་བ་ཚར་ནས་གདའ། །ཞེས་པ་ལྟར་ཆོས་པ་རབ་འཆི་བ་ལ་བྲོད་པའི་ཚུལ་མ་གཏོགས་ཆོས་པའི་མལ་སར་ཐ་མལ་པའི་ཕུང་པོ་འཇོག་པ་ཆ་དང་འདྲ་བར་མ་མཆིས། འོན་ཀྱང་རྗེས་འཇུག་རྣམས་ཀྱི་(༦༧ན)

― GLG009_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་བྱས་ཀྱི་ཆེད་དུ་འབྲི་གུང་དང་ཡོལ་མོ་སྤྲུལ་པའི་སྐུ་སོགས་བླ་མ་རྣམས་ལ་བསྔོ་རྟེན། ཞི་ཁྲོ་དང་ཀུན་རིག་གི་ཆོག་གྲྭ། ཆོག་མང་ལ་ཚལ་གུང་གྲ་དམངས་ཀྱི་མགོན་དུ་ཡང་དགོན་སྤྱན་སྔ་སྐལ་ལྡན་རྒྱ་མཚོ་དང་གྲོལ་སྟོན་ལ་ཆོས་ཁྲི་བའི་ཚོགས་དབུར་ར་བ་སྟོད་ནས་ཞལ་སྔ་ནས་དམ་ཆོས་རྣམ་རྒྱལ་གདན་དྲངས། སྐུ་གདུང་ཞུགས་འབུལ་ཡང་དགོན་སྤྱན་སྔས་མཛད་ཅིང་གདུང་ཐམས་ཅད་ལྕགས་གཅོད་དུ་སོང་དགོངས་རྫོགས་ཀྱི་བདོག་པ་ཀུན་སྤམས་བསྟོད་པས་ལགས་རིགས་འཛིན་སོགས་སྐུ་ཉེ་མཐའ་དག་རྗེས་སུ་ཡི་རང་བར་གྱུར། ཨ་མདོ་ནས་ཞིང་སྐྱོང་པཎྜི་ཏ་ཟེར་བ་རྩིས་དཀར་ནག་དང་ལྷ་བྲིས་ཤེས་པ་དེས་སྔར་ཁྱེད་རྩད་བཅད་ཀྱང་དགེ་རྒན་རྣམས་ཀྱིས་མ་བཤད་པས་མ་བྱུང་། ད་ལམ་མཇལ་དུ་འོངས་པ་ཡིན་ཟེར་ནས་བཀའ་བརྒྱད་བདེ་འདུས་ཀྱི་མགྱོགས་དབང་སོགས་ཆོས་བཀའ་ཁ་ཤས་དང་གོ་ལའི་འཁོར་ལུགས་ཀྱིས་མཚོན་པའི་རྩིས་ཀྱི་དོགས་གཅོད་མང་དུ་ཞུས། དངུལ་གོས་དར་ཇས་གཙོས་པའི་འབུལ་བ་ཕུལ། གསེར་ཐོག་ཆོས་རྗེ་ལོ་སྔ་མ་ཡོངས་པ་ནས་བཟུང་འབྱོར་རེས་ཀྱིས་བཀའ་ཆོས་ཞུས་ཤིང་འབུལ་བ་སོགས་གུས་པ་ལྷུར་ལེན། འདི་ལོ་མི་ཚོགས་ཆེས་པ་དང་དམ་སེལ་གྱི་སྐུ་ཁམས་ཉོག་པ་ཙམ་བྱུང་བར་ཟླ་བ་བརྒྱད་པ་ནས་བཟུང་སྐུ་མཚམས་ཤིན་ཏུ་དམ་པ་རྒྱང་ཙམ་གནང་བའི་ཁྲུས་ཆབ་སོགས་རྟེན་འབྲེལ་གྱི་ཆོ་གས་དམ་གྲིབ་ཀྱི་རིགས་རྣམས་རྗེས་མེད་དུ་བསངས། ཟླ་བ་དགུ་པའི་ཚེས་གསུམ་གྱི་ནུབ་མོ་ལོ་འདི་ག་དང་རྗེས་སུ་རྒྱལ་པོའི་སོག་པོ་དང་ཡོང་ཤེ་ཡེའི་བུ་ནོར་བུ་རིན་ཅེན་འཁྲུགས་ནས་ཕན་ཚུན་བཅོམ་རེས་ཡོང་བ་དང་མ་དམིགས་པའི་ས་ནས་དགྲ་དཔུང་ཡོངས་པ། ཚེས་བཞིའི་དགོངས་དགའ་ལྡན་ཕོ་བྲང་གི་(༦༧བ)

― GLG009_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོམས་སུ་བླ་མ་མགོ་དཀར་པོ་གཉིས་ཀྱི་རྐང་པ་ལྕགས་སྒྲོག་གིས་བཅིངས་པ་ཚེས་ལྔའི་ནུབ་འོད་གསལ་དུ་རྡོ་རྗེ་འཆང་ཕ་བོང་ཁ་པ་ཕེབས་ནས་སློབ་དཔོན་པདྨའི་སྐུ་སེང་གེ་ལ་བཅིབས་པ་ཞིག་གནང་བ། ཚེས་དྲུག་གི་དགོང་དགའ་ལྡན་ཕོ་བྲང་གི་ལྟག་སྒོ་རྒྱབ་ཏུ་སྡེ་པ་གཅོད་པ་དཔོན་སློབ་ཚང་མ་དང་ཁྱད་པར་མགྲོན་གཉེར་དོན་ཚང་པ་ཤིན་ཏུ་གསལ་བར་གྲོང་སྨད་ནས་ཀྱིས་སྐོར་གཡེང་འགའ་ཞིག་མཛད་མཐར་གཡུ་བདེ་སོགས་སྐུ་ཆས་རྣམས་རིམ་གྱིས་རྩིས་བླངས་པ་ཤར་ཚུལ་གྱི་ཐོ་ཆུང་དང་ཕྱག་ཐམ་དངོས་གཞིར་དམིགས་ལྟས་འདི་ཚོར་དཔགས་ན་བཙུན་པ་ལྕགས་ཀྱིས་བཅིངས་པ་ཨར་ལ་གཏད་པས་རང་ཞིར་འགྲོ་ཉམས་ཀྱིས་གནས་རྙིང་རྒྱལ་པོའི་བར་ཆད་ལ་ཐུགས་དོགས་ཆེ་བ་མ་དགོས་ཤིང་གཙང་པའི་མཚན་དོན་ཡང་མཐའ་ཚེས་པ་ཞིག་ཡོང་བ་མི་འདུག །དགྲ་ངོ་གསར་པ་ཞིག་ལ་ཐུགས་བཅག་དགོས་ཕེབས་པ་རྗེས་སུ་དཔྱད་ཚེ་གཞིས་ཀ་རྩེར་བར་པ་སྐོར་གཡེང་ཡང་གྲོང་སྨད་ནང་སོ་ཨ་བར་ཡན་འདུག་པ་དང་གཞན་མའི་དོགས་གནས་སོགས་ལུང་བསྟན་དུ་ངེས་པ་རྙེད། གུ་རུའི་སྐུ་སེང་གེ་ལ་བཅིབས་པ་ནི་བདེ་གཟར་ལ་བརྟེན་ནས་བོད་ཀྱི་ལྷ་འདྲེ་འཚུབ་མ་ཟིལ་གྱིས་གནོན་པ་དང་། རི་དྭགས་སེང་གེས་གཅན་གཟན་འཇོམས་པ་ལྟར་འཇིགས་པ་མེད་པའི་བརྡ་ཐབས་ཡིན་ནམ་སྙམ། ཞབས་དྲུང་བྱམས་པའི་གཟིམས་དཔོན་སེ་ཆེན་ནོ་མོན་ཧན་གྱི་འདོད་སྦྱར་བཞིན་ལྷ་སར་ཕེབས། ཆོས་ཁ་ཡར་དང་གཟའ་ལྔ་དུས་སྦྱོར་ཕན་བྱེད་མན་ངག་གི་ཕྱག་ལེན་གྱི་རིས་གནང་གོས་དར་གྱི་འབུལ་བ་གྱ་ནོམ་པ་ཕུལ་ཞིང་ཁོང་བྱང་ལ་ཤོན་གདོང་སྤོས་དགར་གཞིས་ལེན་རྫོང་བ་གནང་། ཧོར་ཟླ་བཅུ་གཉིས་པའི་ནང་དུ་རྗེ་བླ་མ་འབྲས་སྤུངས་སུ་གདན་དྲངས་ཏེ་གཏེར་ཁ་དུ་མའི་དཀྱིལ་(༦༨ན)

― GLG009_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་གྱི་དབང་དང་ལུང་མན་ངག་མང་དུ་ཞུས། ལོ་གསར་དུས་རིམ་ལ་གཤིན་རྗེ་ཁྲོ་ཆུའི་སྒྲུབ་ཞག་བདུན་དང་བཅས་ཏེ་ཟོར་ལས་གནང་བའི་ཚེ་སྐུ་མདོག་ཀྱང་རྒྱུན་དང་མི་འདྲ་བར་སྨུག་ནག་ཏུ་འགྱུར་ཞིང་ལྟ་བར་མི་བཟོད་པའི་གཟི་བྱིན་དང་བཅས་མེ་རླུང་སོགས་ཟོར་བཀྲ་རྣམས་ཤིན་ཏུ་ལེགས་པའི་བྱིན་རླབས་ཀྱི་ཚན་ཁ་ཆེ། ཆུ་རྟ་ཟླ་བ་དང་པོར་ཡབ་ཀྱི་དགོངས་རྫོགས་ལ་བྱང་ཆུབ་ཆེན་པོའི་གསེར་གདུང་རྒྱུག་མཐོ་ལྔ་པ་ཞིག་བཞེང་བ་གནང་བའི་དོ་དམ་དབོན་པོ་སྦྱིན་པ་དང་། བལ་པོ་གུ་ཎ་ཤི་ན་ཅན་གསུམ་གྱིས་བྱས་པའི་བརྡུང་འཕུལ་ཕྲ་གསུམ་དངོས་གཙང་ཞིང་གཟུངས་བཞུགས་ཕྱག་བསྟར་མ། གསུང་རྟེན་ལ་དྲི་མེད་བཤགས་རྒྱུད་གསེར་ཆོས་དང་ཐང་ཡིག་སྐྱ་ཆོས། སྐུ་བརྙན་འཕྲལ་དུ་མ་གྲུབ་པའི་དོད་ཞལ་ཐང་རྙིང་པ་རྣམས་ཀྱི་གོང་གཤམ་ཞལ་ཁེབས་གསར་དུ་བརྗེས་པའི་རབ་གནས་པ་ཡང་དགོན་སྤྱན་སྔ་དང་། བཟོ་བོ་འགོ་ལུང་ཚང་མར་ཞབས་ཏོག་ཡོན་འབར་གཟབ་རྒྱས་གནང་།ཧོར་ཟླ་གསུམ་པའི་ནང་དུ་ངེད་གཙང་ལ་འགྲོ་གདོང་རྗེ་བླ་མ་གདན་དྲངས་རྐྱེན་སེལ་གྱི་དབང་ཁ་ཞུས་ཤིང་ཁྱད་པར་དམ་སེལ་ལ་ཕན་པའི་སྲུང་བ་ཟབ་མོ་མང་དུ་སྩལ་བའི་ཕན་ཡོན་གྱིས་དམ་གྲིབ་ཀྱི་ན་བུན་ཆེན་པོ་འཁྲིགས་གསེབ་ཏུ་ཕྱིན་ཀྱང་གེགས་དབང་དུ་མ་གཤོར་བའི་བཀའ་དྲིན་བླ་ན་མེད་པ་མཛད། གུང་ཐང་མེ་ཏོག་མཆོད་པར་སྐྱིད་ཤོད་ཐའི་ཇི་བགྲེས་པ་རྡོ་རྗེ་རྣམ་རྒྱལ་གཟིགས་མོར་བྱོན་པའི་བཞུགས་མཚེར་ཆོས་ཁྲིར་མཛད་པར་གཞི་ལེན་གཟབ་རྒྱས་བསྟར། དབྱར་མཆོད་ཡོན་ལྷན་རྒྱས་གཙང་ནས་འཁོར་བའི་ངེད་ཀླུ་སྦུག་ཏུ་སྒར་བྱས་ཡོད་ཐོག་ཚལ་གུང་གི་བླ་མ་རྣམས་དང་ཕྱོགས་མཐུན་དུ་ངོས་འཕྲད་ལ་ཕེབས་ཤིང་ལྷག་པར་རྗེ་བླ་མས་རིགས་འཛིན་ཆེན་པོའི་ཕྱག་བྲིས་མའི་ཕུར་(༦༨བ)

― GLG009_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

པོད་ཡོངས་རྫོགས་ཁའུའི་རྟེན་རྡོ་ལ་ཞལ་གྱི་སྐུ་བརྙན་ཐམས་ཅད་མཁྱེན་པ་བསོད་ནམས་རྒྱ་མཚོའི་ཕྱག་བྲིས་མ་བྱིན་རྟེན་དུ་སྩལ། བླ་མ་གོང་མའི་དཔོན་ཡིན་དགོངས་པའི་ཟིང་པའི་དབོན་པོ་ནལ་ནལ་གཞུང་དུ་སྣེ་སྦྱོར་སོགས་ཡར་སྐྱེད་ཡོང་ལ་རེ་ཁོ་ན་ཐུགས་ལ་བཅགས་ཀྱང་དབོན་པོ་རང་གི་རང་ལ་བྱིན་རླབས་ཞུ་བའི་མར་མཆོངས་རྒྱག་པ་ལ་དགའ་བ་ཞིག་འདུག་པས་གནང་ཐེབས་ཆེ་བ་ཞིག་བྱུང་མ་སོང་།ཟླ་བ་བདུན་པ་ཉིས་བརྩེགས་ཀྱི་སྔོན་མའི་ཚེས་དགུའི་མཚན་ལམ་མནལ་སད་འཕྲལ་ཕྱག་བྲིས་སུ་བཏབ་ནི། ན་མོ་གུ་རུ་མ་ཧཱ་ཀཱ་རུ་ཎི་ཀཱ་ཡ། རྗེ་ཟླ་བྲལ་འཁོར་ལོའི་མགོན་པོ་མཆོག །དཔལ་ཚོགས་གཉིས་ཀྱི་འབྱོར་ལྡན་ངག་གི་དབང་། །དོན་ཡེ་ཤེས་སུ་ལྷུན་གྲུབ་ཡོངས་འཛིན་རྗེ། །མཚན་བརྗོད་དཀའ་གསུམ་སྤྱི་བོའི་རྒྱན་དུ་མཆོད། །ཡོངས་རྟ་ལོ་གྲོ་བཞིན་ཟླ་བ་ཡི། །ཚེས་བུ་གའི་དགུང་གི་ཐོ་རངས་ཆའི། །རྨི་ལམ་གྱི་བར་དོའི་འཁྲུལ་ངོ་ལ། །བདག་དུས་ཀྱི་ཕྱོགས་སུ་ཁ་བཟླས་འདུག །དགུང་སྔོ་སངས་དང་ས་གཞི་མུན་པའི་ཀློང་། །གཞའ་ཚོན་གྱི་དྲ་བས་སྦྲེལ་ནས་འདུག །དེའི་བར་མཚམས་མེད་པར་ཐོག་སེར་དང་། །བཙོ་གློག་དམར་གྱི་བུ་ཡུག་འཚུབ་ཅིང་འདུག །འདི་ལྟ་བུའི་ཆོ་འཕྲུལ་ཅི་ཡིན་སྙམ། །ཤར་ཕྱོགས་ཀྱི་ངོས་ལ་ཕར་བལྟས་པས། །མི་ལུས་ལ་གཡག་གི་མགོ་ཅན་ཞིག །དོན་ཆུ་འཛིན་གཟུགས་སུ་གྲུབ་ནས་འདུག །ལྷོ་ཕྱོགས་ནས་རྟ་ཡི་མགོ་ཅན་ཞིག །སྔ་མ་བཞིན་ཕྱོགས་འདིར་བལྟས་ནས་འདུག །ད་ནུབ་ནས་ཀྱང་དེ་བཞིན་ཡོད་དམ་སྙམ། །ཆུ་ལྷ་ཡི་ཕྱོགས་སུ་ཕར་བལྟས་པས། །མདོག་དམར་པོ་ཁྲོ་བོའི་གདོང་ཅན་ཞིག །སྔ་མ་བཞིན་ཚུར་ལ་བལྟས་ནས་འདུག །ད་ཁོ་བོ་བར་དོར་འཁྱམས་འདུག་སྙམ། །བདེན་མེད་ཀྱི་མོས་བློ་མ་བཏོགས་པ། །འཇིགས་སྐྲག་གི་རྣམ་པ་ཆེར་མ་བྱུང་། །(༦༩ན)

― GLG009_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་རྒྱལ་བ་ཉིད་གང་དུ་བཞུགས་ཡོད་སྙམ། །ཤྲཱི་དྷཱ་ནྱ་ཀ་ཊའི་ཕྱོགས་བལྟས་པས། །སྐུ་འོད་ཀྱི་རང་བཞིན་བུམ་པའི་གཟུགས། །དོན་བརྟན་གཡོས་མི་བརྫི་བ་རུ་མཐོང་། །བགེགས་ཆོ་འཕྲུལ་འདི་ཡི་ལྟ་ག་ལ། །སྙམ་པའི་དགའ་སྤྲོའི་གདེངས་ཤིག་བྱུང་། །དེ་ཡི་མོད་ལ་གཟུགས་མེད་སྒྲ་གཅིག་གིས། ཁོང་ཐུགས་རྗེའི་ཉིན་བྱེད་བུམ་པར་སྦས། །སྤྱིར་འགྲོ་དྲུག་ཀུན་མུན་པའི་ཀློང་དུ་འདུག །སྒོས་རྐང་གཉིས་ཀུན་མུན་ཁུང་ལམ་མི་རྟོལ། །འདི་མྱུར་དུ་འཆར་བའི་གསོལ་བ་ཐོབ། །ཅེས་ཟེར་བའི་མོད་ལ་འཁྲུལ་སྣང་སད། །སྤྱིར་རྨི་ལམ་ལ་རྟག་པའི་གོ་སྐབས་བྲལ། །སྒོས་ཁོ་བོ་ལ་ཏིག་གཏད་མ་མཆིས་ཀྱང་། ཁོ་འཁྲུལ་སྣང་འཁྱར་བོའི་བརྡ་ཆོས་འདི། །དོན་ཐོག་ཏུ་བབ་པ་འགའ་ཡང་བྱུང་། །འདི་རྒྱལ་བའི་ཐུགས་རྗེའི་འཇུག་པ་དང་། །འབངས་འགྲོ་བའི་བདེ་སྡུག་གི་ལྟས་མ་གཏོགས། །མི་ཁོ་བོ་ལ་ཆོ་འཕྲུལ་འདི་ཙམ་ཅི། །མགོན་རྒྱལ་བའི་སྙན་དུ་གསོལ་བ་ལགས། །དོན་བླང་དོར་གྱི་ཐུགས་རྗེས་འགྲོ་བ་ཀུན། །བདེ་ལྡན་གྱི་ཞིང་དུ་ཁྲིད་ཀྱང་འཚལ། །ཞེས་ཤུགས་འབྱུང་དུ་མལ་གྱི་དགོན་ཧྲུལ་དུ་བྲིས། །ཞེས་ངེད་ལ་དོག་ཆ་ཡོད་པའི་ལུང་བསྟན་དང་མཐུན་པར་དམ་སེལ་ལ་བརྟེན་ནས་ལུད་པར་ཁྲག་ཡོང་བའི་གློ་ནད་འདྲ་མོ་ལ་ལྷ་རྗེ་རྣམས་ཀྱིས་ངོས་འཛིན་ཆེར་མེད་ཅིང་སྨན་འཇམ་རྩབ་གང་གིས་ཀྱང་མི་ཕན་པའི་རིམ་མེད་ལ་འགྲོ་བ་ཞིག་གིས་ཟླ་བ་ཕྱེད་གཉིས་ཙམ་མནར་བ། ཟླ་བ་བརྒྱད་པའི་མཇུག་ཏུ་འཕྲོད་བསྟེན་ལ་མ་ལྟོས་པར་བླ་མ་དམ་པའི་ཐུགས་རྗེས་གློ་བུར་དུ་ཞི་བས་མོས་པ་ལྷག་པར་འཕེལ། ཁལ་ཁ་ཨེར་ཏི་ནི་ཧུང་ཐའི་ཇིས་ཀླུ་སྦུག་གླིང་ཁར་གདན་དྲངས། སེང་གདོང་མས་གཙོས་འདོད་ཆོས་ཀྱི་དབང་རྗེས་གནང་དུ་མ་དང་སྲུང་བའི་རིས་མང་དུ་སྩལ། གཙང་གི་སྐྱ་ལངས་ལ་དཔོན་(༦༩བ)

― GLG009_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

སློབ་པཎ་ཆེན་རིན་པོ་ཆེའི་སྐུ་ཞབས་ནས། དམག་བསྐུལ་གྱི་མི་སྣ་བཀའ་ཤོག་བྱུང་བ་ལྟར་སྡེ་པ་འཕྲིན་ལས་རྒྱ་མཚོ་ཨེར་ཏི་ནི་ཧུང་ཐའི་ཇིའི་རྩར་རྒྱུ་མཚན་མོལ་བར་བཏང་བ་དེ་གོང་ཐའི་ཇིས་རྗེ་བླ་མར་གཙང་ཕྱོགས་ཀྱི་བདེ་གཟར་ཅི་འདྲ་ཡོང་གི་བརྟག་པ་ཞུས་པར། དེ་ནུབ་འོད་གསལ་ལ་ནུབ་ཕྱོགས་སུ་སྤྲིན་ནག་ཁྲོད་ནས་ཐོག་སེར་གློག་སོགས་འཚུབ་ཆེན་པོ་དང་སྤྲིན་གྱིས་ཉི་མ་སྒྲིབ་ལ་ཁད་ལ་བུད་མེད་རྟ་ལ་ཞོན་པ་ཞིག་གིས་ཉི་སྤྲིན་གྱི་མཚམས་ལ་རྒྱུག་ཅིང་ངའི་གནས་གཞི་འཇིག་དོགས་འདུག་ཟེར་བའི་མོད་ལ་ཉི་མ་སྤྲིན་གྱིས་མ་སྒྲིབས་ཙམ་ཤར་ཚུལ་གསུངས་པའང་དྲན་ཏེ་ཐའི་ཇི་རང་གི་གཅུང་པོ་ད་ཡན་ནོ་ཡོན་དམག་བཅས་བཏེག་པས་སོག་པོའི་སྒྲ་སྐད་ཀྱིས་ཀྱང་ཕན་ཐོགས་ཆེན་པོར་སོང་། རྩིས་སྙན་ངག་སྡེབ་སྦྱོར་མངོན་བརྗོད་ལོ་རྒྱུས་སོགས་ལ་དོགས་གཅོད་ཞུས་པར་ལན་རྒྱས་པར་གནང་བས་ཤིན་ཏུ་མོས་ཏེ་དངུལ་གྱི་མཎྜལ་ཇ་གོས་དར་ཁ་གྲངས་ལྔ་བཅུ་ལྷག་བཅས་ཀྱི་བདོག་པ་ཕུལ། ཐའི་ཇི་འདི་བོད་ཀྱི་སྐད་ཡིག་ལ་མཁས་ཤིང་མཐོང་རྒྱ་ཆེ་བའི་ཁེངས་པས་བླ་མ་ཡིན་ཚད་ལ་གུས་པོ་བྱེད་རིས་སུ་མ་མཆིས། ངེད་རང་གི་དགེ་སྦྱོར་རྟེན་དུ་རིགས་འཛིན་རྡོ་རྗེ་དྲག་པོ་རྩལ་དང་ཁྱབ་འཇུག་གི་བྲིས་སྐུའི་ཕྱག་བྲིས་གནང་ཚེ་འོད་གསལ་དུ་གཟིམས་ཆུང་མགོན་ཁང་ཡིན་རྒྱུ་བ་ཞིག་ན་ཁྱབ་འཇུག་གི་སྣང་བརྙན་གཟི་བྱིན་ལྟར་མི་བཟོད་པའི་ལྷ་དངོས་སུ་སོང་བ་འདྲ་མོ་དང་། རྭ་གཞུ་ཐོག་ཚད་ཙམ་པ་སོགས་ཆོས་སྐྱོང་འཁོར་བའི་སྤྱན་ལྟས་མང་དུ་ཤར་ཞིང་། ངེད་ཀྱི་ཕ་མེས་བརྒྱུད་པའི་སྲུང་མའི་ལུགས་སུ་སོང་གཤིས་བླ་རྡོ་སྲོག་འཁོར་རྟོད་གནོན་སོགས་འཁོར་ལོ་ཚང་མ་ལུས་ལ་བཅད་རྒྱུ་གནང་བ་འབྱོར་དུས་དེ་ཕན་དམ་གྲིབ་ཀྱི་རྣམ་པའི་ལྷོངས་ཤིག་ཡོད་པའང་ཚེར་མ་དབྱུང་བ་ལྟར་གྱུར། ཟིལ་གནོན་གྱི་ཐོད་སྐུ་(༧༠ན)

― GLG009_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་བྲིས་སུ་མཛད་དུས་མཚན་ལྟས་བྱུང་བ་ཕྱག་བྲིས་སུ་སྩལ་པ་ནི། རྨིས་ལྟས་ཐོད་པ་འདི་བྲི་དུས་འདི་ཐོད་པ་མིན་རུས་སྦལ་གྱི་ཁོག་པ་ཡིན་ཟེར། བལྟས་པས་རུས་སྦལ་ཁོག་པ་གསེར་གྱི་མདོག་ཅན་ཞིག་འདུག །མི་ཞིག་གིས་གླིང་འདི་སྙོམས་འཇུག་དགུ་དག་པ་ཡིན། གླིང་འདི་འཕགས་ལམ་བརྒྱད་དག་པ་ཡིན། གླིང་འདི་རྟེན་འབྲེལ་ཡན་ལག་བཅུ་གཉིས་དག་པ་ཡིན་ཟེར་གླིང་སོ་སོར་རྟེན་བཤད་བྱེད་པ་ཞིག་བྱུང་། དེ་ནས་བཟུང་རྣམ་རྟོག་ཙམ་ལ་ཐོད་པ་འདི་ཁ་དོག་གསེར་དུ་སོང་འདྲ་དང་ལྕི་རུ་སོང་བ་འདྲ་ཞིག་བྱུང་ལགས། ཞེས་ཕེབས་པའང་དཔལ་ལྡན་དུས་དགྲའི་དབང་པོའི་ཐུགས་ཀྱི་ངོ་བོ་རྣམ་པ་སྲིད་གསུམ་ཚེ་སྲོག་འཆང་བའི་རུས་སྦལ་དུ་བསྟན་པ་སོགས་ཆེད་དུ་གཉེར་ནས་བསྒྲུབས་པར་མ་བལྟོས་པའི་ཡེ་ཤེས་པ་རང་བཞིན་ལྷུན་གྱིས་གྲུབ་བའི་ལྟས་སུ་མངོན་མོད། ཁོ་བོ་བརྩོན་པ་ཆུང་བའི་བཅས་སྒྲུབ་རིང་དུ་འགྱངས་ནའང་འདི་ལོ་སྒྲུབ་པ་མཐར་ཕྱིན་པའི་ངོས་བཅས་ཆོག་བུམ་པར་བཞུགས། དགུན་སྨད་བདེ་ཆེན་གླིང་ཁར་ཀུན་ཅི་རྒྱལ་མོའི་སྒར་ཐོག་ཏུ་གུ་ཤྲི་བླ་མ་དང་ཨེར་ཏེ་ནི་ཆོས་རྗེ་གཉིས་ཡོད་པས་གདན་དྲངས། སྲུང་འཁོར་དང་རིམ་གྲོ་མཛད། གུ་ཤྲི་བླ་མས་ཐེག་ཆེན་གན་དྲིལ་དང་རྟ་སོགས་ཀྱི་འབུལ་བ་མང་དུ་ཕུལ། བདག་ནད་འདི་ལས་གྲོལ་ན་ཡེར་པ་ཕུ་མདའ་ཆོས་གཞིས་སུ་ཞུས་བྲག་གསེབ་གཙང་དགོན་ལ་བཏང་ནས་བདེ་མཆོག་གི་སྒྲུབ་སྡེ་འཛུགས། ཉིད་ཀྱང་སྤོས་དགའི་ཁུར་བཞེས་རྒྱུན་སྐྱོང་དགོས་ཡེར་པ་དམ་པ་ཆོས་ཐེབས་སུ་སྦྱོར་སོགས་ཞུས་འདུག་ཀྱང་བླ་མ་མ་འགྱངས་པར་གྲོངས་པའི་ཐོག་ཏུ་མ་ཁེལ། མལ་དྲོ་གུང་མཁར་ལ་ས་སྐྱོང་ཐོག་རྒོད་རྣམ་རྒྱལ་གྱིས་དབུ་མཛད་པའི་དམག་གིས་བསྐོར་བའི་ཇུས་རིམ་ལ་བདེ་ཆེན་དུ་གདན་དྲངས་ཁྲོ་འཆར་དང་གླང་(༧༠བ)

― GLG009_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་སྣ་བསྒྱུར་གནང་། དྲུང་འཚོ་ཆ་པར་ཤིག་ནད་བྱུང་བར་ཀཱུ་སུ་ལུའི་ཚོགས་གསོག་གཅོད་དམིགས་སོགས་ལ་ནན་ཏན་བྱས་ན་ཕན་ཡོང་ཤིག་གིས་སོ་བཏབ་པར་མི་ཚུགས་ན་གསང་སྤྱོད་ཇི་ལྟར་ཐོངས་ཀྱི་ཞུ་ལན་བྱུང་བའི་དེ་ནུབ་ནས་ཤིག་རྣམས་གར་སོང་ཆ་མེད་དུ་གྱུར་ཏོ། །པད་གནུབས་བརྒྱུད་པའི་ཞལ་ལུང་ཞོ་འཐུང་རུས། །མཐུ་སྟོབས་རྩེ་བརྒྱ་འབར་བ་རྡོ་རྗེའི་མཚོན། །ཆོས་རྒྱལ་བྱང་པས་མགོན་ཁྱོད་ཕྱག་མཚན་དུ། །གཏད་ཚེ་དགའ་རབ་དབང་ཕྱུག་སྙིང་རྩ་འདར། །ལན་ཅིག་མིན་པར་ངེས་གསང་བདུད་རྩིའི་ཐིགས། །བདག་སྙིང་སྤྲིན་པས་རིག་རྩལ་ཀུན་བཟང་སྲོག །ཟུངས་གྱུར་དྲིན་ལན་བྱང་ཆེན་ཐོབ་ནས་ཀྱང་། །རིགས་ཀྱི་ཅོད་པན་གྱུར་ལ་མཇལ་པར་སྤྲོ། །རྗེ་བཙུན་གཡུ་བྲག་ཡེ་ཤེས་ཕོ་བྲང་ཆ། །ཚུར་མཐོང་སྣང་ངོར་ངན་ཧྲུལ་གློ་བུར་དུ། །འཆི་མེད་གྲོང་ཁྱེར་ས་ལ་མངོན་སུམ་པར། །འཇིག་རྟེན་མེས་པོས་སྤྲུལ་སྙམ་འཕྱང་མོ་ཉུག །པདྨ་འོད་ཞིང་བསྒྲིགས་པའི་ལྷ་གྲལ་དུ། །ཐུགས་རྗེ་དབང་གྲུབ་རང་རྩལ་ཉེར་འཕོས་ཀྱང་། །རྒྱལ་བའི་གདུང་འཚོབ་གཙོ་བོར་གྲང་སོ་བ། །བསྟན་འཛིན་གཙུག་ཏོར་རྩེར་བཀོད་ནོར་བུའི་ཉོག །སྣམ་ཟན་གྲོང་པའི་རྐང་འཐུང་འཁྲིག་པའི་ཀླུང་། ཁེ་ཉེན་བཤེར་གྱིས་དོན་ཆེན་འགྲུབ་པའི་ཞུགས། །འབར་མིན་མ་བབས་ལས་ཀྱི་རྟ་གདོང་མེས། །སྒར་གཙང་སྲིད་སྡེའི་ཆུ་བོ་སྐེམ་སྟེ་མཚར། །འབྱུང་འགྱུར་ལྕགས་རྡུལ་ལས་ཕྲའི་གཟུགས་བརྙན་ཀུན། །ཡེ་ཤེས་མེ་ལོང་ངོས་སུ་སྒྲིབ་མེད་པར། །ཤར་ཚེ་ཨཽཌྜི་ཡ་ནའི་མཁན་པོ་དང་། །ལྕི་ཡང་འཕྲང་ལ་གཞལ་ཀྱང་གང་གིས་དབྱེ། །བརྒྱ་བཤིག་སྟོང་དུ་འགུགས་པའི་གཡོ་འཁྲུལ་གྱིས། །རྙེད་འཚོལ་འབྱོན་མའི་ཟློས་གར་བསྒྱུར་མིན་ཡང་། །རང་རྒྱུད་རྣམ་པར་གྲོལ་བའི་ཐུགས་རྗེ་ཆེའི། །འཕྲིན་ལས་གདུལ་བྱར་འཇུག་དེ་དངོས་པོའི་གཤིས། །(༧༡ན)

― GLG009_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་ལུག་ཆོས་འཁོར་བསམ་ཡས་སུ་ཕེབས། །དབུ་རྩེ་ཡཀྴ་བླ་འོག་གླིང་བཞི་གླིང་ཕྲན་ཇོ་མོ་གླིང་གསུམ་སོགས་རྟེན་བརྟེན་པ་རྣམས་ཞིབ་མཇལ་དང་གསེར་ཆབ་སྤྱན་འབྱེད་དཀར་མེ་སྙན་དར་གྱི་མཆོད་འབུལ། འཇིག་རྟེན་སྤྱི་དང་བྱེ་བྲག་གངས་ཅན་ལྗོངས་ཀྱི་སྐྱེ་རྒུ་རྣམས་བཀྲ་ཤིས་བདེ་ལེགས་སུ་འགྱུར་བའི་སྨོན་ལམ་གྱི་མཚམས་སྦྱོར་གནང་བར་དགེ་ལུགས་མཆོད་ཡོན་སྒེར་གྱི་བསྟན་སྲིད་ལ་ཕན་ཐབས་ཟུར་པ་ཞིག་ཡིན་པར་དོགས་ནས་བསམ་ཡས་རབ་བྱུང་པ་རྣམས་ཀྱིས་དེའི་ནུས་པ་སྦྱོང་བྱེད་ཀྱི་ལུགས་སུ་དཔོན་སློབ་རྣམས་གྲགས་རིམ་གྱིས་ཁྲུས་གསོལ་བྱས་པའི་གནས་ཚུལ་བྲག་ཁ་བའི་དྲུང་འཁོར་འདྲས་མངའ་རིས་དྲུང་པར་བཤད་འདུག །བསམ་ཡས་མཐིལ་དུ་བཞུགས་རིང་བྱང་བརྒྱུད་གློ་བུར་རྒྱལ་པོ་ཉག་རེ་ཨ་འཕེལ་གྱིས་གཟན་ཤིང་རྒྱས་པར་ཕུལ། མཚམས་ཕུག་གི་སྒྲུབ་གནས་སུ་ཕེབས་པའི་བློན་པོ་མགུལ་དུ་རང་གྲོལ་གྱི་རྣལ་འབྱོར་པ་ཀོང་སྨོན་ལྷ་བཙུན་ནམ་མཁའ་འཇིགས་མེད་དང་མཇལ། བང་རི་གཏེར་སྟོན་ཧཱུྃ་ནག་མེ་འབར་གྱི་དཀོན་ཅོག་སྤྱིའི་དུས་ཀྱི་དབང་ལུང་རྣམས་གསན། གསང་ཕུག་གིས་གཙོས་པའི་གནས་རྣམས་སུ་མཆོད་འབུལ་གསོལ་འདེབས། སྨོན་ལམ་རྒྱས་པར་མཛད། ཕྱིར་ལམ་ཕྱག་འཕྲེང་གི་ཐག་པ་ཆད་པ་མ་མཁྱེན་པར་དུར་ཁྲོད་དུ་ཕེབས་དུས་མདོ་འཛིན་མ་གཏོགས་མ་བྱུང་བར་ཐུགས་དོགས་ཀྱི་རྣམ་པ་གཞན་ངོར་གནང་བ་དོན་དུ་མཛད་པ་ཐ་མའི་ཡང་མཐའ་སྐུ་གདུང་རིན་པོ་ཆེ་དེར་གདན་འདྲེན་པའི་མཚན་མ་ཁོ་ནར་མཆིས། ཕྱིར་ལམ་རྡོ་རྗེ་བྲག་ཏུ་ཕེབས། རིགས་འཛིན་ཡོལ་མོ་བ་སྔར་ཡམ་བུ་རྒྱལ་པོས་གདན་དྲངས་དུས་བལ་ཚད་ཀྱི་སྙུན་རོ་ཡོད་པ་ལངས་པའི་མཇུག་དང་འགྲིབ་རྐྱེན་སེལ་གྱི་བྱབ་འཁྲུས་འབུལ་བ་གནང་། ཞག་ཁ་ཡར་(༧༡བ)

― GLG009_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་འཆང་ཆེན་པོའི་ཞབས་པད་བསྙེན། སྨོན་ལམ་གྱི་ཐོག་ཡོལ་མོ་སྤྲུལ་སྐུ་ལྷ་སར་མཆོད་ཡོན་མཇལ་བར་བྱོན་པའི་སྣེ་ཤན་གྱི་སྙན་འབུལ་དང་དོ་དམ་མཛད། ས་སྐྱོང་བསོད་ནམས་རབ་བརྟན་གཟིགས་ཕྱོགས་ལེགས་པ་དང་འགྲིག་པའི་མཐོང་བཟོས་བདག་རྐྱེན་བསྒྲགས་ཞང་ལྷན་གྱི་མཆོད་གཞིས་དང་གནང་སྐྱེས་རྒྱས་པར་བྱུང་སོང་བ་སྤྲུལ་པའི་སྐུས་དབུ་མཛད་ཕྱོགས་དེའི་གཟུར་གནས་མཐའ་དག་རྗེ་འདི་ཉིད་ཀྱི་བཀའ་དྲིན་ཕྱུངས་པའི་རྗེས་སུ་ཡི་རང་མོད། རབ་འབྱམས་པ་ལྦ་བ་སོགས་ལྷས་སྦྱིན་དྲིན་བཟོ་མེད་པའི་རིང་ལུགས་ལ་བརྟེན་པ་རྣམས་ལ་ཆ་མི་འཚལ། གཞིས་ཀ་ཤར་དུ་གནས་གཡར་བའི་རིགས་འཛིན་ཆེན་པོ་དཔོན་སློབ་ལ་རྙེད་བཀུར་གཟབས་རྒྱས་དང་ལྷ་ཆེན་རྡོ་རྗེ་འབར་བ་རྩལ་གྱི་ཆོས་ཀ་ཡོངས་རྫོགས་གསན། སོག་པོ་ནོར་བུ་རིན་ཅེན་ལ་དམིགས་པའི་གནུབས་ཀྱི་མན་ངག་རལ་གྲི་ཕྱུང་རྒྱག་ཅིག་མདོ་སྤྱིལ་དུ་བཟོས་ནས་བློ་བཟང་ཆོས་དབང་ལ་བསྐུར་ཏེ་བླ་བྲང་གི་ནང་དུ་མ་ཁྱེར་གནང་འདུག་པ་བཞིན་རགས་སུབས་ཤིག་ལ་སྦས་ཕྱག་བྲིས་ནང་དུ་ཁྱེར་ཡོངས་པ་དང་འཚུབ་ཀྱི་རྣམ་པའི་ཏཱ་ཞིང་ཆོས་རྗེ་སྟེང་གྲིབ་ཕོག་པའི་ངག་ལྐུགས་པར་རྫས་སྔགས་ཟ་ཡིག་གི་བཅོས་ཀས་འཕྲལ་དུ་སྨྲ་བ་བྱེ་བའི་ངོ་གསོ་ཐོན། སྔར་ཕན་སྟོན་ཡས་མས་ཚོར་མེ་ཏོག་ཁོ་ན་ལ་བརྟེན་ནས་དཔོན་གཞིས་བླ་བྲང་འཛིན་དགོས་པར་པདྨ་མཁར་པའི་ཕྱག་བཟོ་བདེ་མཆོག་མཁའ་འགྲོ་རྒྱ་མཚོའི་གསེར་སྐུས་ཐོག་དྲངས་ཞུ་རྟེན་དང་བཅས་མཆོད་གཞིས་ཞུ་བ་གནང་བ་ཆར་ཞོད་སྙོམས་ཚེ་འབྲུ་ཁལ་ལྔ་བརྒྱ་ཙམ་ཐོན་པ་ཆོས་ལུང་ན་གའི་ཐོག་ནས་སྦྱོར་འཇགས་ཀྱིས་འཚོ་བ་བསོད་སྙོམས་ལ་བརྟེན་མི་དགོས་པ་ལས་གསུང་རམ་འདེགས་པའི་གྲ་ཚང་འཛུགས་ཐུབ་པའི་ཐུགས་ཀྱི་རེ་ཆེ་(༧༢ན)

― GLG009_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

སར་བྲོ་ཐབས་པ་ནི་མ་བྱུང་། ཟླ་བ་གཉིས་པའི་མཇུག་དགའ་ལྡན་ཕོ་བྲང་དུ་ཕེབས། པདྨ་གླིང་པའི་བླ་མ་ནོར་བུ་རྒྱ་མཚོ་དང་ཕུར་པ་ལྕགས་ཁང་མའི་དབང་སོགས་ཟབ་ཆོས་མང་དུ་ཞུས། ཟླ་བ་གསུམ་པའི་ཚེས་བརྒྱད་ཀྱི་དགོང་ཕུར་པའི་དབང་གི་སྟ་གོན་གནང་ནས་བཞུགས་གནས་སུ་ཕེབས་ཐོག་གྲང་ཤུམ་དང་འདར་སིལ་གྱིས་སྐུ་བསྙེལ་བར་རིམ་གྲོ་པས་ཞབས་བྱུག་ཕུལ་ཀྱང་མནལ་ཡེ་མ་བྱུང་བའི་ངང་ལ་ཕོ་བྲང་ཞོལ་གྱི་འཁུར་ཐབ་ལ་མེ་གཤོར་ནས་རིམ་གྱིས་ཤར་བརྒྱུད་རྣམས་ཚིག་པའི་ཞུགས་ཀྱི་ཕུང་པོ་བདུན་ཐོག་ཙམ་འབར་ཏེ་ལུང་པ་ཐམས་ཅད་ཉིན་མོ་ལྟར་གསལ་བ་ན་སྙུན་ཆེར་མ་ཕྱུངས་པ་ལྟར་ཞི་ཞིང་། བྱང་ལྟས་དང་རྒྱལ་འགོང་གི་འཚུབ་ལྷོངས་ཀྱིས་ཕོ་བྲང་ལྟེ་བ་ལ་འཆོར་ཉེ་བའང་རྗེ་བླ་མའི་ལྷ་སྔགས་ཡེ་ཤེས་ཀྱི་ནུས་པས་རླུང་ཁ་ཤར་ཕྱོགས་སུ་འགྱུར་བས་གནོད་པ་མ་བྱུང་། གཙོ་བོར་ཕུར་པའི་དཀྱིལ་འཁོར་སྒྲུབ་མཆོད་གནང་ཟིན་པའི་མཐུར་མངོན། འབྲས་སྤུངས་སུ་ཨར་པོའི་སྟབས་ངེད་སེ་རར་སྡོད་དགོས་ཤར་བས་རྗེ་ཉིད་ཀྱང་ཕེབས་རྒྱང་ཙམ་བཞུགས་ནས་ཆོས་འཕྲོ་རྣམས་སྩལ། གནས་རྙིང་རྒྱལ་པོའི་འཚུབ་ལྷོངས་ཆེ་ཙམ་བྱུང་བར་འཇམ་དཔལ་གཤིན་རྗེའི་སྒོ་ནས་མནན་སྲོག་སྒྲུབ་པའི་འཁོར་ལིང་འབྲི་བ་དང་ཕྱག་ལེན་གྱི་ཞལ་བཀོད་གནང་། ཡེར་པར་ལམ་དུ་རིགས་འཛིན་དུས་ཀྱི་ཆོས་ཉིད་དུ་གྱུར་པར་གསལ་འདེབས་སྟོན་མཇུག་མེ་མཆོད་ལེགས་བྱས་སྤེལ་བའི་མཐུན་རྐྱེན་གྱ་ནོམ་པའི་ཆེས་འཇུག་རྣམས་ཀྱི་བློའི་རེ་བ་བཀང་། བླ་མ་བཀའ་བརྒྱད་ཡོངས་འདུས་ཀྱི་སྤྱི་ལུང་མདོར་བསྡུས་སྙིང་པོ་ལས། ཁྱད་པར་(༦༢བ)

― GLG009_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

གདུག་པ་སྦྲུལ་གྱི་ལོ་ཤར་དུསཿ གནམ་རྟགས་འོད་དཀར་སྐྱ་རེངས་ཡང་ཡང་འཆར༔ གཟའ་སྐར་གཟུག་ཅིང་བྱང་དུ་ཧོར་སོག་གཡོ༔ འོལ་དགའི་ཕྱོགས་སུ་ཆོས་པའི་རྐྱེན་བྱས་འཁྲུག༔ དབུས་གཙང་སྡེ་འཁྲུག་འགྲོ་རྣམས་ཉམ་ཐག་འབྱུང་༔ ས་གཡོས་ནད་རིམས་ལོ་གསུམ་ལོ་ཉེས་འབྱུང་༔ ལོ་དགུའི་བར་དུ་དབུས་གཙང་དབུ་རུར་འཚོག༔ ཅེས་པའི་དོན་ལྟར་སྦྲུལ་རྟ་གཉིས་ལ་རྒྱལ་ཁམས་བྱིངས་ལ་སད་མོ་ཆེ་བྱུང་ནས་ཐམས་ཅད་མུ་གེས་མནར་བར་བརྟེན་སྐྱིད་ཤོད་ནས་སྡེ་པ་ཐོག་རྒོད་རྣམ་རྒྱལ་གྱིས་དེ་རིས་ལ་ཕན་པའི་བཅོས་ཐབས་དགོས་ཚུལ་གསོལ་བ་བཞིན་བདེ་ཆེན་དུ་དཔོན་སློབ་ཚང་མས་ཞག་བདུན་གྱི་བར་སྡོང་དཀར་གྱི་ངོས་བུམ་གཏེར་བཅའ་བ་དང་སྒྲུབ་པ་མཛད་ནས་སྐྱིད་ཤོད་སྟོད་སྨད་ཀྱི་རི་མཐོ་ས་བཀྲ་ལེགས་པ་དཀར་ཕྱོགས་ལ་དགའ་བའི་ལྷ་ཀླུ་ཡོད་སར་སྦས། ནོར་བུ་མཆོག་རྒྱལ་གྱི་གཡང་འགུགས་གནང་བས་ཉེ་སྐོར་ཚོར་སད་སྐྱོན་ལོ་སྔ་མ་ལས་ཆུང་ཙམ་བྱུང་རུང་ཡུལ་ཁམས་བྱིངས་ལ་སྟོན་ཐོག་བསྡུ་མེད་དུ་མ་སོང་ཙམ་ལས་ལུང་བསྟན་གྱི་ལོ་མ་ཐེངས་པས་ལེགས་པ་ཞིག་བྱུང་ཚོད་མིན་འདུག །ཡོལ་མོ་སྤྲུལ་པའི་སྐུའི་ཞབས་དྲུང་དུ་ཕེབས་པའི་ཚེ་སྤྲུལ་སྐུ་རིན་པོ་ཆེ་ཡང་རབ་འབྱམས་པ་སོགས་གྲ་རིས་མ་རུངས་པ་དུ་མས་ཐུགས་དཀྲུགས་ཤིང་ལོ་རྒྱུས་ལ་ལར་སྤྲུལ་པའི་སྐུ་དང་ཨམ་ལྗགས་སེལ་མེད་པར་གྲགས་ལ། ཕྱག་མཛོད་མངའ་བདག་པས་སྡེ་སྲིད་སྣ་དཀར་རྩེ་པར་ཞུས་པ་ལྟར་ན་རབ་འབྱམས་པ་སོགས་ལས་ཀྱང་སློབ་དཔོན་པར་ཐུགས་འཁང་ཆེ་ཚུལ་ཐོས་པ་དང་སྔགས་སྡེབས་སྙིང་གཟིར་ནག་པོའི་མ་(༧༣ན)

― GLG009_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

ཡ་དང་མའི་ཁ་བྲལ་ནས་ཡ་དང་དེ་བཞིན་པ་དང་ལ་སོགས་ཡིག་འབྲུ་མང་པོར་བྲིས་སྲུབས་ཀྱིས་སྔར་སློབ་སྦྱངས་བྱས་པ་རྣམས་དང་མི་མཐུན་པའི་མགོ་འཁྲུགས་པར་བརྟེན་རྗེ་བླ་མས་ཕྱག་དཔེ་དེ་ག་ཡོལ་མོ་སྤྲུལ་སྐུར་སྤྱན་འབེབས་དང་སྦྲགས་དག་པ་ཞིག་གཡར་པོ་དགོས་ཚུལ་ཞུས་པའི་ལན་དུ་སློབ་དཔོན་པ་ཐུགས་བསམ་ནག་དྲགས་དཔེ་མང་པོར་འདི་འདྲ་འགའ་འགའ་བྱོན་འདུག་པའི་ཁྲོད་ཀྱི་སྡེབས་ཤིག་ཏུ་མཆིས། དག་པ་འདི་བཞིན་ཕུལ་ཡོད་ངོ་གསུང་པའི་ཕྱག་བྲིས་ངོ་མ་མཐོང་བ་དང་ཀླུ་གོང་བློན་པོའི་སྐྱེ་བའི་ངོས་འཛིན་སོགས་ལ་དམིགས་ན་ཡིད་གཉིས་སུ་སྣང་བ་ཅི་ཡིན་ཆ་མ་འཚལ། གང་ལྟར་གྲོས་དབང་མ་རུངས་པ་ཁ་ཤས་ཀྱིས། ཆུ་རྟ་སྐྱ་ལངས་ཆེན་མོའི་དུས་ཀར་ལུགས་དང་ས་འོག་འབྲེལ་ཐག་བྱས་ནས་དམག་ཕྱི་འབྲངས་རྩིས་ཀྱིས་སྒར་བཏགས་ལ་རྩེ་གསུམ་བསྐྱོན་པ་སོགས་སླར་གནས་པས་ང་འདི་ཚོའི་ཁྲོད་དུ་བསྡད་ན་མི་རྒན་རྗེས་སུ་ཁྲིམས་རར་མི་ཚུད་པའི་ངེས་པ་མི་འདུག་ཅེས་འཕྲང་འགོ་ཤེལ་གྲོང་དུ་གཟིམས་ཁང་བྱུང་བཞུགས་པ་དང་འགྲིག །རྗེ་འདི་ཉིད་ཀྱི་གཟིགས་སྣང་ལ་གཟིམས་ཁང་གི་གཡོན་རི་ལ་ཉེ་སྲས་བརྒྱད་རང་བྱོན་དང་ཆུ་བོ་གྱེན་དུ་འགྲོ་བ་སོགས་ཡ་མཚན་པ་བྱུང་བ་རྣམས་ཕྱག་བྲིས་སུ་བཀོད་ནས་སྤྱན་འབབས་དང་གནས་ཚུལ་གནང་བར་བླ་མ་རིན་པོ་ཆེ་ལུང་ཟིན་གྱི་སྐྱེས་བུ་དམ་པ་ཡིན་པ་དང་ཐུགས་ངེད་ཀྱང་གཞན་དང་མི་འདྲ་བས་དག་སྣང་ལ་ངེས་པ་ཅི་ཡོད། གཞན་ཁོ་བོའི་ཉལ་ས་ལ་དེ་འདྲ་ཡོང་བའི་རེ་མེད། གཡུང་གི་རྣམ་ཐར་དུ་སློབ་མ་དད་པ་ཅན་གྱིས་བླ་མ་ཟོག་པོར་གཏོང་བའི་དཔེ་ཡིན་འདྲ་གསུང་། (༧༣བ)

― GLG009_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་རྒྱལ་བྱང་པའི་གཏེར་གསར་བླ་མ་མཚོ་སྐྱེས་རྡོ་རྗེ་སྐུ་གསུམ་རིགས་འདུས་ཀྱི་དབང་ལུང་གི་གཙོས་ཟབ་ཆོས་དུ་མ་གསན། སྤྲུལ་པའི་སྐུ་དགུང་ལོ་སོ་བདུན་དུས་བྱོན་པའི་ཚེམས་ཤིག་སྔར་གནང་ཡོད་འདུག་པ་རྟགས་བཞིན་ཨེ་བྱུང་ཞེས་དྲི་བ་མཛད་པར་ད་ལོ་རིང་བསྲེལ་ཞིག་འཁྲུངས་ཚུལ་ཞུས་པར་ད་རྒད་པོ་འགྲོ་རན་པའི་རྟགས་ཡིན་ཕེབས། ཚུར་ཆིབས་ཁ་བསྒྱུར་གདོང་ཐུགས་དམ་རྟེན་གྱི་ཕག་མོའི་སྐུ་ཁྱད་འཕགས་ཤིག་ལ་བཞུགས་ཁང་བཟོ་རོགས་གྱིས་གསུང་བ་བཞིན་བསྣམས་ཕེབས། གུང་ཐང་ཆོས་ཁྲིའི་ཤིང་རྩི་འཛུགས་པའི་སྟ་གོན་མཛད། ཤེལ་གྲོང་ནས་སྤྲུལ་པའི་སྐུའི་ཕྱག་བྲིས་ཤིག་བྱུང་བ་བདག་གི་རྨི་ལམ་དུ་དུར་ཁྲོད་འདི་ན་ངེད་ཀྱི་གཙོ་མོ་མི་འདུག་ཟེར་བུད་མེད་མང་པོ་ངུ་བ་ཞིག་བྱུང་བས་ཕག་མོའི་སྐུ་དེ་མེད་པས་ལན་འདྲ་བ་བཞུགས་ཁང་གི་ཚད་བླངས་པའི་སྐུ་ཚུར་བསྐུར་གསུང་བ་བཞིན་འཕྲལ་འབུལ་དང་བཞུགས་ཁང་ཡང་བལ་པོས་མྱུར་དུ་བཟོས་ནས་ཕྱག་དུ་འབྱོར་བས་དགྱེས་པར་གྱུར། འདི་ལོ་སོས་དབྱར་གཉིས་ཀ་ཆར་ཞོད་ཤིན་ཏུ་དཀོན་ཞིང་སྤྲིན་འཁྲིགས་པ་ན་རླུང་དམར་ཆེན་པོས་གཏོར་བའི་སྟོད་སྨད་ཀྱི་ཆར་འབེབས་པ་ཀུན་ངལ་བརྒྱས་འབད་པ་བྱ་ལམ་རྗེས་མེད་དུ་སོང་། རྗེ་བླ་མའང་ཕྱོགས་ཕེབས་ཐུགས་བྲེལ་གྱིས་ལུས་པ་དབྱར་དཀྱིལ་ལའང་ཞིང་ཐམས་ཅད་ཟངས་སྡེར་ལྟ་བུ་ཐུགས་ཀྱིས་མ་བཟོད་ནས་ལས་སྦྱོར་གནང་བར་འབེབས་མ་རག་ལ་སྔར་བཞིན་རླུང་གིས་གཏོར་བ། ནུབ་ཅིག་མནལ་ལམ་གྱི་ཚུལ་དུ་བླ་མ་ཆེན་པོ་དབུ་ཤིན་ཏུ་དཀར་བ་སྒར་གཏོས་ཆེན་པོ་རྒྱབ་པའི་གཟི་བརྗིད་ཅན་ཞིག་མཆིས་(༧༤ན)

― GLG009_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྔར་ནས་ཐུགས་འདྲིས་ཡོང་རྒྱུ་བའི་མཇལ་བར་ཕེབས་པའི་དྲི་བ་མཛད་པར་ངེད་ཚོ་འདིར་ཆར་པ་སྲུང་གི་ཡོད་ཟེར་བས། ནང་པར་ནས་འབྱུང་པོ་དེ་དག་ཡས་ཀྱིས་བཅོས་མ་ཐག་ཆར་ཆེན་པོ་ཞག་ཁ་ཡར་བབས་ཀྱང་གཞི་ནས་ཞོད་ཆུང་བས་ལོ་ཏོག་གི་རྩ་བ་ཚུགས་པ་ནི་སེམས་ཅན་སྤྱི་མཐུན་གྱི་ལས་ལ་མ་གྲུབ་པས་དཀའ་བར་སྣང་། གྲ་ཚང་དུ་ཕུར་པ་ཞིག་འཛུགས་རྩིས་ཀྱིས་ལས་བྱང་གི་རྒྱས་བསྡུས་སོགས་ལ་བསླབ་སྟོན་ཞུས་པར་གྲང་སོ་གཏེར་སྟོན་གྱིས་མཛད་པའི་སྒྲོལ་བྱེད་དྲག་པོའི་རྣོ་མཚོན་ཆོས་དབང་གི་གཏེར་གཞུང་ཁ་ཡར་དང་བཅས་བཀའ་གཏེར་གྱི་བླ་མ་མང་པོའི་བཞེད་ཚུལ་གྱི་དོགས་སེལ་སྩལ། སྟག་ལུང་ཞབས་དྲུང་དང་རྒྱལ་ཚབ་དྲུང་པ་ལྷོ་བྲག་ནས་གཙང་དུ་ཕེབས་པའི་སྒར་ཁྲོད་དུ་འབྲུམ་ནག་གཅིག་མཆེད་པ་མཆོད་ཡོན་སྟོན་ཀ་དབུས་སུ་ཕེབས་སྐབས་ནད་མཚམས་མ་ཆོད་པའི་སྐྱིད་ཤོད་སྐོར་དུ་གྲོན་ཆད་ཁ་ཡར་བྱུང་བས་ངེད་འོལ་དགའ་ཕྱོགས་སུ་འགྲོ་བའི་སྒོ་དོད། རྗེ་བླ་མ་དངོས་སུ་གདན་འདྲེན་མ་ཐུབ་པས་སྲུང་བ་ཞུ་བར་སྡེ་པ་བློ་བཟང་མཐུ་སྟོབས་དེ་སྐབས་གྲ་ཚང་གི་སྒྲིགས་འགྲིམ་ཡིན་པ་བཏང་བར་གང་ཅིའི་བླང་དོར་གྱི་བསླབ་བྱ་ལྷུག་སྩོལ་དུ་བྱུང་། འོལ་དགར་བསྡད་སྐབས་རྗེ་བླ་མ་སྐུ་ཁམས་མི་བདེ་བའི་གནས་ཚུལ་ཐོས་པར་ཚེ་དཔག་མེད་ལྕགས་ཀྱི་སྡོང་པོའི་དབང་བསྐུར་གྱི་དམིགས་རིམ་དང་འབྲེལ་བའི་སྐུ་ཚེ་བསྲིང་ཐབས་ཀྱི་བརྟན་བཞུགས་མང་དུ་བྱས་པའི་ཚེ་འོད་གསལ་གྱི་ཚུལ་དུ་བདག་གིས་ཚེ་དབང་ཕུལ་བའི་རྣམ་པ་བྱུང་བ་དང་མི་རིང་བར་སྙུན་ཚུལ་བསྟན་པའང་གཞི་མེད་དུ་དྭངས་པའི་ངོས་མཇལ་ཚེ་ཟླ་དུས་ཚེས་གྲངས་(༧༤བ)

― GLG009_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲིག་པའི་གསུང་གླེང་ཐོས་པ་རྣམས་ངོ་མཚར་གྱི་གནས་སུ་འཛིན་པ་ངེད་ལ་དེ་འདྲ་འོང་བའི་ལུང་རྟོགས་ཀྱི་ཆ་ཤིན་ཏུ་ཕྲ་ནའང་རྗེ་བླ་མ་མི་འཕྲོག་པའི་ཐུགས་རྗེ་དང་ནུས་མཐུ་ཚད་མེད་པ་མངའ་བས་ཁོ་བོའི་ཆེ་བ་དབྱུང་ངམ་སྙམ། སྟག་ལུང་ཞབས་དྲུང་རིན་པོ་ཆེའི་བཀའ་དྲིན་ལ་བརྟེན་ནས་ཀར་ལུགས་ཀྱི་དགོན་པ་སྡོད་མཁས་ཉི་ཤུ་སྐོར་མ་དོར་ཙམ་གྱི་སུ་པྲ་ཏིཥྛས་རབ་ཏུ་གནས་ནའང་སྨྱུག་ལ་ལེགས་བཤད་གླིང་པས་སྔ་ཕྱི་བར་གསུམ་དུ་བྱེད་འཛོལ་འཇི་བ་སྤྱོད་པས་འཆི་བར་ཉེ་བའི་དཀྱིལ་འཁོར་ཉེར་བསྡུར་ཐུག་གཤིས་སླེའུ་ཆུང་བྱམས་པ་གླིང་དང་སྨོན་པོ་བདོག་གཉིས་ལེགས་གླིང་པར་ནི་མི་འཇགས། ཞང་ལྷན་དང་ས་བརྗེས་ཞུས་ན་ཕྱག་འཚལ་སྒོག་རྙིད་ལྟ་བུའི་བཙུན་ཆུང་གང་ལས་གདུང་མ་དེ་ལ་འབྱར་བའི་དཔེའི་རྙིང་མ་པ་རྣམས་ཀར་ལུགས་ཀྱི་དགོངས་པ་ལེན་དགོས་གཤིས་མ་ནུས། སླེའུ་ཆུང་རྩ་བ་དགེ་ལུགས་ཀྱི་དགོན་པ་ཡིན་པ་བླ་མ་དྲག་ཤུལ་མཐུ་ལྡན་ཞིག་བྱུང་ན་མཆོད་གཞིས་རྣམས་ཀྱང་རང་དབང་མ་འདུས་དོགས་པས་སད་སྲུང་བའི་སྤྲིན་པ་ལྟ་བུར་རྗེ་ཉིད་ཀྱིས་ཞལ་འཛིན་གནང་དགོས་ཚུལ་རྡོ་རྗེ་བྲག་པ་དཔོན་སློབ་ཚོ་ནས་བྱུང་བ། དགོན་པ་འཇིག་པར་ཉེ་བའི་གསེར་བཏོན་པའི་ས་རོ་དེ་འདྲ་ལ་ཐུགས་བེད་ག་ལ་ཡོད་ཀྱང་རིགས་འཛིན་ཡབ་སྲས་ཀྱི་དམ་ཚིག་ལ་དགོངས་ནས་ཞལ་བདག་གནང་སྟེ་ཞབས་ཀྱིས་བཅགས། དེར་སྤྲུལ་སྐུ་སླེའུ་ཆུང་པའི་སྤྱིལ་བུ། བཟོ་ར། མཆོད་ཁང་ན་ཕྱག་བཟོའི་དུས་གསུམ་སངས་རྒྱས་གནྡྷོ་ལའི་ནང་དུ་བཞུགས་པ། གསེར་གདུང་གཉིས། ཇོ་བོ་རྗེ། རྒྱལ་བ་བཙོང་ཁ་པའི་སྐུ་འདྲར་ནང་བཞུགས་སྐུ་ཆོས་དང་གཙང་ཁང་ནུབ་ཏུ་ནག་པོ་སྐོར་གསུམ་གཙོ་བོ་ཐོག་ཚད་ལ་རྗེའི་ཞལ་དཀར་ཡོད་པ། (༧༥ན)

― GLG009_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

གཙང་ཁང་ཤར་དུ་དམ་ཅན་སེང་ཞོན་ཐོག་ཚད་རྣམས་བཞུགས་པའི་ལྷ་ཁང་ཡང་འཇིག་ཏུ་ཉེ་བར་ཞིག་གསོས་ཀྱི་ཞལ་བཞེས་མཛད་རུང་དགོན་པའི་ཁ་འཛིན་མ་གནང་ན་ས་སྐྱོང་བསོད་ནམས་རབ་བརྟན་ཀྱང་མི་དགྱེས། རྒྱས་རྒྱས་གནང་བར་གྲ་རིས་རྣམས་ཀརྨ་པ་ཁོ་ནར་སོང་ཞིང་རྡོ་རྗེ་བྲག་པའི་གཉེར་ལས་འཛིན་རྣམས་ཀྱང་རྟ་པོའི་སྒལ་བཅོས་ངན་ལ་མངོན་ཏེ་ཕྱོགས་འཕུལ་གྱིས་གནང་དཀའ་དགག་བྱ་ཆེ་ཞིང་དགོས་པ་ཆུང་བར་དགོངས་ཏེ་ལོ་ཤས་ནས་འཁུར་བ་སྐམ་པོའི་ཟེམ་འཇོག་མཛད་པ། སྤྱི་པ་དང་བར་པ་གྲོས་པ་གསུམ། །ཕྱོགས་རིས་ཟུག་རྔུ་ལྡང་བའི་རྒྱུ། །ཞེས་པའི་དོན་དུ་མ་སོང་བའི་ལེགས་ཐོག་ཏུ་འཁྱོལ། ཚལ་མཐིལ་གྱི་དགོན་ལག་ཡིན་ཟེར་བ་ཚོར་འགོང་པོ་སྤུན་དགུ་འཚུབ་པ་འདྲ་བའི་རས་རུལ་གྱིས་དུས་འདའ་བས་སླེའུ་ཆུང་གི་འོད་གསལ་སྒང་དུ་བླ་མགོན་གྱི་སྐུ་བསྐུམ་ཁྲུ་གང་ཙམ་པ་སརྦ་གཙྪར་ཉེ་བ་ལ་ཞིག་གསོས་ཕྲན་བུ་གནང་། རྒྱང་ཙམ་བཞུགས་བཞེད་ཀྱང་ཤིང་ཆུའི་སྟབས་ཀྱིས་མ་ཐུབ་ཅིང་ཕྱིར་ལམ་ཤེལ་གྲོང་དུ་རིགས་འཛིན་ཆེན་པོར་བརྟན་བཞུགས་ཕུལ་ཞིང་ཞག་བཞི་ལྔ་ཙམ་སྟན་ཆགས། སྤང་གཤོང་ཧ་རི་ཁ་པ་ཚོས་བླ་མའི་སྙན་གསན་ཕུལ་ཀྱང་མཛད་པར་མ་ཤར། ཤིང་སྤྲེལ་ལོ་ཆོས་འཁོར་ལྷ་སར་གནམ་སའི་དབང་ཕྱུག་བསྟན་འཛིན་ཆོས་ཀྱི་རྒྱལ་པོའི་སྐུ་རིམ་དུ་འཇོམས་བྱེད་འཆར་ཁ་ནག་པོའི་བཟློག་པ་གནང་། རིགས་འཛིན་ཡོལ་མོ་བ་སྐུ་ལྟེམ་ཞིང་མཁའ་འགྲོས་གདན་འདྲེན་པའི་སྤྱན་ལྟས་བྱུང་བ་གཅུང་སྒམ་སྨྱོན་སྤྲུལ་སྐུ་དང་ཕྱག་མཛོད་མངའ་བདག་པ་ཅན་གྱིས་བསུན་བཟློག་བརྟན་བཞུགས་སྐུ་རིམ་གྱི་རིས་བྱས་ན་གསོལ་བར། རིན་པོ་ཆེ་སྤོས་དགའ་ནས་གདན་འདྲེན་ཐུབ་ན་ངེད་རང་གི་གཏེར་ལུང་དུ་གསལ་བ་བཞིན་(༧༥བ)

― GLG009_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ས་ནས་རྟེན་འབྲེལ་འགྲིག་པ་ཙམ་ཡོང་ཤས་ཆེ་གཞན་བྱས་མ་བྱས་མེད་གསུངས་པ་ལྟར་གདན་འདྲེན་བྱུང་བ་བཞིན་ཕེབས། མཁའ་འགྲོ་གྲིབ་སེལ་བསུན་བཟློག་དང་འབྲེལ་བའི་བརྟན་བཞུགས། མཁའ་འགྲོའི་བཤགས་སྐོང་། རྗེ་ཉིད་ནས་ན་བཟའ་དང་བཅས་སྒར་པ་སོ་སོས་བརྟན་བཞུགས་ཕུལ། དམ་ཚིག་གཙང་བ་དང་ཡིད་མཐུན་པ་བྱུང་བས་ལོ་གཅིག་ཙམ་སྡོད་གསུངས་པ་དེར་འཁོད་རྣམས་ཀྱི་མྱ་ངན་སེལ་བྱེད་ཀྱི་དགོངས་གཞི་ཅན་ལས་ཚད་ལྡན་མིན་འདུག་གཤིས་རིགས་འཛིན་ཉིད་ཀྱི་སྐུ་རཱ་ཧུ་ལའི་རྣམ་པར་གྱུར་པ་དང་ནུབ་ཅིག་རཱ་ཧུ་ལའི་སྐལ་བ་ཆད་ཅེས་བུད་མེད་ཀྱི་སྐད་ལྷང་བ་ཞིག་གསན་པས་དེ་མ་ཐག་བཞེས་ཅན་ནང་གི་ཁྲུང་བཞེས་འཕྲོ་དེ་བསྔོས་ནས་གནང་། སང་ཉིན་ནས་ཁྱབ་འཇུག་གི་མདོས་ནག་ཅིག་གཏོང་དགོས་འདུག་ཅེས་རྡོ་རྗེ་བྲག་ནས་སྔགས་འཆང་བྲག་ལྷ་བ་དོན་གྲུབ་རྒྱལ་མཚན་གྱིས་གཙོས་པའི་བརྒྱད་གྲ་གཅིག་བོས་ནས་བཏང་བའི་མདོས་ཡང་ཐོག་ཏུ་བསྒུལ་བའི་དུས་རིགས་འཛིན་ཆེན་པོས་སྔགས་པ་རྐྱང་པས་བཏང་བའི་ཉམས་ཀྱིས་རིམ་གྲོ་ལ་འགྱུར་མདོག་ཁ་པོ་འདུག་ཀྱང་མདང་རྨི་ལམ་དུ་རབ་འབྱམས་པ་ལྦ་བ་གར་བྱེད་པ་བྱུང་བས་མི་རྒན་ཡུན་རིང་མི་སྡོད་པར་འདུག་གསུངས། ཉིན་ཅིག་ཤོག་བུ་ལ་རྣལ་འབྱོར་པ་ཨང་རག་ཙམ་མ་གཏོགས་གོས་མེད་པ་ཧེ་རུ་ཀའི་ཆས་སྤྲད་ཅིང་ལག་ན་ཁ་ཊྭཱཾ་ག་བཟུང་བ་ཞིག་ཕྱག་བྲིས་སུ་མཛད་ནས་རྗེ་བླ་མ་དང་སྒམ་པོ་སྤྲུལ་སྐུ་སོགས་ལ་སྟོན་པར་གནང་། འདི་གང་ཡིན་ཞུས་པས་མ་འགྱངས་པར་མི་རྒན་དབྱིབས་འདི་འདྲ་བ་བྱས་ནས་རྒྱ་གར་ཕྱོགས་སུ་འགྲོ་བ་འདུག །སྐྱེ་བ་ཕྱི་མའི་ཕ་མ་གཉིས་ཀྱང་མདུན་ཐབས་བྱས་ཟིན་པས་རྒྱ་གར་དུ་སྐྱེ་བ་ལེན་དགོས་ཤས་(༧༦ན)

― GLG009_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་གསུངས་པའི་ཚེ། དཔོན་སློབ་རྣམས་ཀྱིས་ངེས་པར་སྐུའི་བཀོད་པ་བསྡུ་ན་གཏེར་ཞབས་བཞེས་པའི་ཆེད་བོད་རང་དུ་སྐུ་སྐྱེ་ཕེབས་དགོས་ཚུལ་གྱི་གསོལ་འདེབས་ནན་ཆེར་མཛད་ན་ཡོང་རྒྱུར་ད་དུང་བཞུགས་ལ་རེས་རྟེན་འབྲེལ་ལ་གནོད་དོགས་པ་ལྟ་བུས་རི་བོ་དཔལ་འབར་གྱི་གཏེར་འགྱངས་སྐྱོན་དུ་སོང་། གསང་བའི་ལུང་བསྟན་སོགས་ཞལ་ཆེམས་ཕལ་ཆེར་རྗེ་བླ་མ་ལ་གསུང་འཕྲོས་ཀྱི་ཚུལ་དུ་གནང་། རེ་ཞིག་སྐུ་ཁམས་བདེ་བའི་ཁུལ་གྱིས་གུང་ཐང་དུ་ཕེབས། སྨན་ཆུ་བླ་མ་སྟེང་གྲིབ་ཀྱིས་མནར་བར་སྲུང་བཅོས་བྱིན་རླབས་མཛད་པས་བདེ་འགོ་བསྟད། ཆོས་ཁྲིའི་འདུ་ཁང་གི་ལྡེབས་བྲིས་རྣམས་ཕྱག་བསྟར་ཏེ་གནང་བའི་སྨན་བླ་བདེ་གཤེགས་བརྒྱད་ཀྱི་ལ་ལ་མཁྱེན་ལུགས་འགའ་རེ་སྨན་ལུགས་དང་རྣམ་གྲོལ་བ་ལྟ་བུ་རྫུ་འཕྲུལ་ཕྱག་གིས་འདུ་མཛད། གནས་བཅུ་རྒྱལ་གྱི་སི་ཐང་ལ་ཆ་བཞག་བཞེང་བར་གནང་བ་ལྷ་བཟོ་བ་དམངས་མས་མདངས་ཚོན་བཅད་གསུམ་གྱི་འཕྲོ་འཐུད་ནས་ལེགས་པར་གྲུབ། དྲུང་རམས་པ་དཔོན་དར་བ་དཔལ་འབྱོར་དར་རྒྱས་དགེ་བའི་བཤེས་གཉེན་ཆེན་པོ་ཡིན་ཡང་རྫས་བསོད་ཆུང་བས་སྐུ་ཆས་དབུལ་བར་གྲ་པའི་ཛམ་དམར་གྱི་དབང་ལུང་གནང་བ་བཞིན་ཟླ་གཅིག་གི་བར་ཁོང་གིས་བསྒྲུབས་པས་མཚམས་གྲོལ་རྒྱུའི་ཞོག་བྱེ་རི་སྟག་རྩེ་ནས་སྐུ་རིམ་ལ་བྱོན་ཟེར་བའི་བདའ་བྱུང་བས་དངོས་གྲུབ་མྱུར་བའི་ཐོག་ཆོད། དེ་ནས་བཟུང་སྟེ་སྡེ་པ་དགའ་ལྡན་པ་ཁག་གཉིས། སྐྱིད་ཤོད་སྟོད་སྨད་ཀྱི་རྟ་དྲུང་མང་པོ་དང་སོག་པོའི་དཔོན་མི་བཟང་དུ་མའི་བླ་མཆོད་དུ་གྱུར། མེ་ཕག་ལྷོ་འབྲུག་པའི་ཐོག་ཏུ་ཡེ་ཤེས་མགོན་པོ་ཕྱག་དྲུག་པའི་གཏོར་ཆེན་སོགས་བསྒྲུབ་པར་འབྲས་(༧༦བ)

― GLG009_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

སྤུངས་སུ་བྱོན་ཞིང་ཕ་བོང་ཁའི་གདན་ས་མཛད་ནས་བསྟན་འཛིན་ཆོས་ཀྱི་རྒྱལ་པོའི་ཏི་ཤིར་གྱུར་པས་མཚོན་འཕྲིན་ལས་ནམ་མཁའ་དང་མཉམ་པའང་རྗེ་འདི་ཉིད་ཀྱི་བཀའ་དྲིན་ཡིན། གུང་ཐང་མཆོད་ཁང་གི་ཚེ་དཔག་ལྷ་ཁང་དུ་སྤྱན་སྔ་སྐལ་ལྡན་རྒྱ་མཚོར་རྣམ་སྲས་དང་ཚེ་རིང་མའི་སྐོར་སོགས་བཞེད་ཆོས་ཁ་ཤས་འབུལ་བ་གནང་། སྤྲེལ་ཟླའི་ཚེས་བཅུའི་ཉིན་ངེད་རང་གི་དགེ་སྦྱོར་རྟེན་མཚན་བརྒྱད་ཀྱི་བྲིས་སྐུ་ཉིན་ཐང་དུ་གྲུབ་པའི་ཞིབ་པོ་དེ་འདྲ་རྫུ་འཕྲུལ་གྱི་བཀོད་པ་མ་གཏོགས་ལྷ་བཟོ་བ་ཇི་ལྟར་ལག་མགྱོགས་ཀྱང་ཡོང་ཚོད་དུ་མ་མཆིས། གློ་བུར་དུ་གདན་འདྲེན་བྱུང་བ་ལྟར་འཕྲང་འགོ་ཤེལ་གྲོང་དུ་ཕེབས། རིགས་འཛིན་ཆེན་པོ་མཇལ་བ་གནང་མ་འགྱངས་པར་པདྨ་འོད་ཀྱི་ཞིང་ཁམས་སུ་གཤེགས་པའི་སྐུ་པུར་ནམ་ཟླའི་སྟབས་ཀྱིས་ནང་བཞུགས་ཀྱི་ཞལ་བཀོད་མཛད། བླ་གཉེར་གྲོས་པ་ཚོས་དགོངས་རྫོགས་ཀྱི་ཁུར་གང་ཡང་འཁུར་མ་ཉན་པས་བྱིས་པ་རྣམས་ཀྱིས་གྲ་མ་འགྲིག་པར་རེ་ཞིག་གསང་བའི་རྒྱས་བཏབ། ངེད་འོལ་དགའ་ནས་འབྲས་སྤུངས་སུ་སླེབས་དུས་རྗེ་བླ་མས་བྱེ་མ་ཨ་ཀྲོང་གི་སློབ་དཔོན་ཆེན་པོའི་སྐུ་ལ་སྟོད་བྱང་པའི་ནང་རྟེན་གཙང་སྡེ་སྲིད་ནས་ཐེག་མཆོག་གླིང་པའི་སྤྱི་རྫས་སུ་སྦྱར་བ་ཐེག་གླིང་དབུ་མཛད་རབ་རྒྱས་ཀྱིས་སྤྲུལ་པའི་སྐུར་ཕུལ་བ་དང་ཐོབ་རྒྱལ་དུ་བཞེངས་པའི་བཀའ་བརྒྱད་གྲ་ཚར་དཔུས་བསྒྱུར་དུ་བྱུང་བར། སྡེ་པ་བསོད་ནམས་རབ་བརྟན་གྱིས་མཁོ་དགུའི་འབྱོར་པ་ཆར་བཞིན་དུ་སྙིལ་བས་རྡོ་རྗེ་བྲག་གི་གདན་ས་བའི་དགོངས་རྫོགས་སྡེ་པ་གཞུང་ནས་བཏང་བ་དེ་འདྲ་ལ་དཔགས་ན་ལས་མ་བྱས་པ་དང་མི་འཕྲད་བྱས་པ་ཆུད་མི་འཛའ་བར་བཤད་པའང་མི་བདེན་པ་འདྲ་ཞིག་(༧༧ན)

― GLG009_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་། ཕྱག་མཛོད་མངའ་བདག་པས་དཔུས་བསྒྱུར་གྱི་འབྱོར་ལན་དུ་སྐྱབས་མཆོད་དམ་པས་བོར་བའི་ཉམ་ཐག་བར་དོར་འཁྱམས་པ་ལྟ་བུ་བདག་འདྲ་བླ་མའི་དགོངས་རྫོགས་ཙམ་ཡང་གཏོང་རྒྱུ་མེད་པའི་སྐབས་སུ་དགོས་བྱེད་བཀའ་དྲིན་ཆེ་ཚུལ་གྱི་ཡི་གེ་ཤོད་ཐེབས་མེད་པ་བྲིས་འདུག་པ་མྱངས་ན་རང་བཞིན་བརྗོད་པའི་རྒྱན་ཁོ་ནར་སྣང་། རྗེ་ཉིད་ནས་ཞེ་དགུའི་བར་གྱི་སྐུ་ཚིགས་དང་དུས་དྲན་གྱི་མཆོད་པ་སོགས་དངོས་གྲུབ་ཀྱི་རྩ་བ་བླ་མར་དགོངས་ཏེ་མཛད། ལོ་སྔ་ཕྱི་ཚོར་གསང་སྔགས་མཁར་པའི་བསོད་ནམས་རྒྱལ་མཚན་སོགས་ཁ་ཤས་ཀྱིས་ས་སྐྱོང་ཐོག་རྒོད་རྣམ་རྒྱལ་གྱི་སྐུ་མདུན་ནས་བོགས་པའི་བོང་བུ་ཁལ་བཅས་འཕྲོག་པ་སོགས་སྡེ་པ་གཙང་པའི་མཚན་དོན་གྱི་ཉི་མ་ནུབ་ལོང་མེད་པ་ནས་རྨུ་རྒོད་སྐྱེ་བོའི་འུག་པ་སྐད་གསང་མཐོན་པོར་སྒྲོག་པའི་རིམ་པ་མང་དུ་བྱུང་སོང་བའི་སྡེབས་སུ། འབྲོམ་སྟོད་ནས་གཅུང་ལགས་དགོས་པས་སེར་བོགས་རྫོང་དུ་ཕུལ་བར་སྔགས་མཁར་བས་སྙིང་ནད་ཀྱིས་སེར་གཞིས་ཕྲོགས་པར་སྡེ་པ་བསོད་ནམས་རབ་བརྟན་ཀྱི་བཀའ་ཤོག་ཞུས་པའི་ལམ་དུ་མ་སོང་བའི་ལན་དུ་ངན་བསླབས་ཀྱིས་གཅུང་རྐྱེན་ལམ་དུ་བཏང་བ་ཁ་མཆུའི་འཇོག་ཁ་མི་མངོན་དུ་ཞལ་རས་འདེགས་ཐུབ་པ་ཞིག་ཡོང་ལ་རེས་ཞུ་འབུལ་གནང་སོང་རུང་ཨ་མ་ཤི་བའི་བང་ཕྱིན་གྱི་དཔེ་ཁོ་ནར་སོང་། གཙང་དུས་བླ་མ་སོག་བཟློག་པ་དང་ཁམས་པ་ལུང་པའི་ནུ་བོ་ལྟ་བུ་བསད་ན་གེ་སར་གྱི་སྟོང་ལྟར་བྱས་པས་མི་ཟིན་པ་ཡོད་ཚོད་དུ་འདུག་ནའང་འདི་རེས་ལྷ་ས་སྐོར་ལམ་གྱི་ཀུ་ཀུ་ཞིག་བསད་པ་ལས་དྲག་པའི་དགེ་སྟོང་ས་བཅད་མ་སྟོངས་ཙམ་ལས་བྱུང་མ་སོང་། འོན་ཀྱང་འདི་སྣང་གི་བཟང་ངན་མུན་(༧༧བ)

― GLG009_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་གི་གློག་འགྱུ་ཙམ་དང་ཁྱད་པར་རྫོགས་ཆེན་པ་རྣམས་སྣང་གྲགས་ཐམས་ཅད་བདེ་གསང་ཆོས་སྐུའི་རོལ་བ་ཡིན་གཤིས་གོང་གི་གནས་ཚུལ་ཐམས་ཅད་སྤྲོས་བྲལ་གྱི་ངང་ནས་ཕཊ་རྒྱབ་སྟེ་ཚེ་ཕྱི་མ་བཤུལ་ཐག་རིང་བར་དགོངས་ནས་དགེ་སྒྲུབ་ཀྱི་བསླབ་སྟོན་གནང་། རྐྱེན་ངན་དང་དེ་ལ་དམིགས་པའི་ཞེ་སྡང་གི་རྒྱུས་མི་མ་ཡིན་གྱི་ལུས་བླངས་འདུག་ཚུལ་ཨ་ལགས་བསོད་ནམས་ཀྱིས་སྙན་དུ་ཕུལ་བར་བརྟེན་ཞི་ཁྲོ་དང་ཐུགས་རྗེ་ཆེན་པོའི་སྒོ་ནས་རིགས་དྲུག་གནས་འདྲེན་དང་། གྲི་སྒྲོལ་གསང་བའི་མན་ངག་ལ་བརྟེན་ནས་གནས་ངན་ལེན་ལས་སྤར་ཏེ་མི་ལུས་སུ་ཉིང་མཚམས་སྦྱར་བ་ནི་གཞིས་ཀ་ཤར་གྱི་ལགས་འཕྲིན་ལས་རྣམ་རྒྱལ་ཡིན་པར་སྣང་། རྩས་མ་ཆོད་ནས་གྲང་སོ་གཏེར་སྟོན་ཆེན་པོའི་སྐུ་གདུང་ཞུགས་འབུལ་ལ་ཕེབས། གདུང་ལ་མཆོད་པ་བརྒྱ་རྩ་ཟང་ཟིང་གི་འབུལ་བ་མཛད། མེ་མཆོད་གྲུབ་ནས་ཞག་གསུམ་གྱི་བར་པུར་ཁང་རྒྱས་བཏབ་པའི་རིང་ཡེ་ཤེས་ཀྱི་མེ་རང་འབར་ལྟ་བུས་དབུ་ཐོད་རིལ་པོ་དང་གདུང་རུས་ཕྲན་བུ་ཙམ་མ་གཏོགས་ཕལ་ཆེར་ཡལ་བ་མཁའ་འགྲོས་གདན་དྲངས་པར་ཐུགས་ངེས་མཛད། སྤྲུལ་སྐུ་ཕྱག་རྡོར་ནོར་བུ་དང་མངའ་བདག་ཕྱག་མཛོད་པ་སོགས་ཁ་ཤས་ལ་ཞི་ཁྲོ་དགོངས་པ་རང་གྲོལ་གྱི་དབང་ལུང་གནང་ཞིང་སྤྲུལ་སྐུ་ལ་ལྟ་བས་བོགས་འབྱིན་པ་གསང་བ་རྨད་བྱུང་དང་དུར་ཁྲོད་བདག་པོའི་རྗེས་གནང་ཆོས་སྐོར་གསན། རིགས་འཛིན་ཡོལ་མོ་བའི་སྲས་མོ་ལྷ་ལྕམ་ཇོ་མཇལ་ལ་བྱོན་པ་སྣེ་ཤན་སོགས་ཀྱི་ཞབས་འདེགས་དང་ཁྱད་པར་བླ་མའི་སྲས་མོར་སོང་བས་འབུལ་བ་རྙེད་བཀུར་བཟབས་པར་གནང་། སྟག་རྩེར་སྡེ་པ་ཐའི་ཇི་མཆེད་ཀྱི་ཇོ་མོར་ལྷ་རྒྱ་རི་བའི་ལྕམ་བྱོན་པའི་སྣ་ཆོག་སྲུང་འཁོར་(༧༨ན)

― GLG009_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་རིམ་ལ་ཕེབས། ཕན་བདེ་སྤྲུལ་སྐུ་ངག་དབང་རྒྱ་མཚོ་ཁེངས་དྲེགས་ཀྱིས་བླ་མ་བསྟེན་པར་བག་ཚ་བས་ཆོས་ཐོབ་ཐོབ་ཉུང་བར་རྗེ་ཉིད་ཀྱིས་འཇིགས་བྱེད་བཅུ་གསུམ་མས་ཐོག་དྲངས་གསར་རྙིང་གི་དབང་ཆོས་མང་དུ་གནང་། ཁོང་པར་མི་ཏྲ་འཁྲིད་དྲུག་ཏུ་གྲགས་པའི་ཞལ་སྔ་བཀའ་བརྒྱུད་པའི་ཟབ་ཆོས་ཡིན་ཁུལ་ཞིག་ཡོད་སྣང་བ་གསན། གནམ་གོང་བླ་མ་པད་མ་ལེགས་གྲུབ་ཀྱིས་ཕན་བདེ་བའི་ཟླར་ཆོས་ཞུས་སྣང་བ་ཁོང་པ་ཡོན་ཏན་ཆེ་ཚད་ཅིག་འདུག་པ་ཐུགས་མགུ་བའི་གསུང་གླེང་མཛད། བར་ཁམས་ནས་འཕགས་པ་ལྷའི་དྲུང་འཚོ་བར་གཡུ་ཐོག་སྙིང་ཏིག་གི་དབང་ལུང་། རྒྱུད་བཞིའི་ལུང་། ངའི་ཟླ་གྲོགས་སྔགས་པ་ཞིག་ལ་ཐོས་གྲོལ་གྱི་དབང་ལུང་སྩལ། མདོ་སྤྱིལ་བ་རྣམས་ཀྱིས་རྒོད་ཚང་པའི་གསང་ཡུམ་མ་གཅིག་འགྲོ་བ་བཟང་མོའི་ཕྱག་ལེན་གྱི་བརྟན་བཞུགས་ཕུལ། འདི་ལོ་ནས་བཟུང་ཧོར་ཟླ་བཅུ་པར་ཁྲོ་རོལ། པད་གླིང་དྲག་དམར་གཤིན་རྗེ་ཁྲོ་ཆུ། འཇོམས་བྱེད། འཆར་ཁ། མགོན་པོ་འབར་མ། སྡེ་བདུན་རྣམས་ཀྱི་མདོས་གཏོར་གྱི་རིམ་པ། ཧོར་ཟླ་བཅུ་གཉིས་པར་གཞུང་གི་སྐུ་རིམ་དུ་དམིགས་པའི་བླ་མ་ཞི་དྲག །གཤིན་རྗེ་དུག་སྡོང་ནག་པོ་གསུམ་གྱི་ཚོགས་བརྒྱ། གཏེར་མགོན་ཕྱག་བཞི་པ་དང་དམ་ཅན་སྡེ་དགུའི་བསྐང་བརྒྱ། འཇམ་དཔལ་ཁྲོ་ཆུ་རིགས་གསུམ་འདུས་པའི་གཏོར་བཟློག་རྣམས་སྟར་ཆགས་སུ་འཛུགས་པ་མཛད། སྟག་རྩེ་ནས་ཟིང་པའི་དགོན་འོག་གི་མི་ཕྱུགས་ལ་ཁྲལ་གསར་འགེལ་བྱུང་བར་བླ་མས་ཐའི་ཇིར་ཞུས་ཀྱང་བ་ཁང་སྐུ་སྐྱེས་མི་དབང་གཡུལ་རྒྱལ་ནོར་བུའི་དགོངས་པ་འདི་ནི་རྟ་རྔ་བརྒྱ་གཤགས་ལས་ཀྱང་ཕྲ་ཞེས་བྱས་པའི་ལོ་རྒྱུས་ལྟར་དོན་མ་སྨིན་པས་(༧༨བ)

― GLG009_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་གྲ་ནང་ཞིག་པས་རྗེ་བླ་མས་མཐུན་རྩིས་ཀྱི་བསླབ་སྟོན་མཛད་རུང་། གྲ་པ་རྣམས་ཀྱིས་སྟག་རྩེར་གཏུགས་པས་དགོན་པ་རྩིས་བཞེས་སྐབས་བླ་མར་འཇགས་གང་ཆེའི་ཐབས་དང་སྦྱིན་བདག་ཚོ་དང་བསྟུན་པའི་ངོས་སླར་ལྡབ་རྒྱུའི་ས་བཅད་ལ་གཡོག་ཁམས་པ་ཞིག་གིས་མོ་སྟོན་བསད་པའི་རྐྱེན་གྱིས་འབྲི་གུང་ཕྱོགས་སུ་བྲོས། སྡེ་པ་སྟག་རྩེ་བས་དབུར་སྟོད་སེམས་དཔའ་ཆེན་པོ་བླ་མར་བསྐོ་བའི་འཇས་བྱུང་བར་གྲ་རིས་རྣམས་འཇིགས་ཏེ་རྗེ་ཉིད་དགོས་ཚུལ་སྟག་རྩེར་ཞུས་པ་བཞིན་ཐའི་ཇིའི་ཕྱག་ཐམ་བྱུང་བ་འདི་རིས་ཐུགས་སུན་ལས་སྤྲོས་པའི་དགེ་མཚན་ཆེ་བ་མི་འདུག་རུང་བླ་མ་གོང་མའི་བསྟན་རྒྱུན་ལ་དགོངས་ནས་ཞལ་གྱིས་བཞེས། ཟིང་པ་དཔོན་པོ་རང་གིས་བྱས་ཉེས་མ་གོ་བའི་རྗེ་བླ་མར་ལོག་པར་བལྟས་ཏེ་ཟས་ངན་གྱི་སྦྱོར་བ་རྩོམ་ཞིང་ནང་རྟེན་དང་ཁྱབ་འཇུག་གི་ངམ་ཤིང་བརྐུ་བར་བཏང་ཡང་ལམ་དུ་མ་སོང་ངོ་། །རྟག་ཏུ་གང་སྣང་ཐམས་ཅད་དག་ཞིང་གི །རྟེན་དང་བརྟེན་པའི་དལ་བར་འབྱམས་ཀླས་ཀྱང་། །ཟན་གཡང་གསུང་གི་དབེན་གནས་ཟུང་འབྲེལ་བར། །སྲི་ཞུ་གཞན་བསྐུལ་ཆེད་དུ་དངོམ་མམ་སྙམ། །གཏེར་མིན་གཏེར་བརྫུས་རག་ལ་གསེར་གསོལ་མཁན། །མ་ཡིན་སྤྲུལ་པའི་སྐྱེས་མཆོག་གྲང་སོ་བ། །དགྱེས་བསྐྱེད་རྩེ་མོར་སོན་པའི་མཆོད་པའི་སྤྲིན། །དུས་གསུམ་རྒྱལ་བ་ཀུན་ལ་བསྟབ་པ་བཞིན། །དགའ་ལྡན་བསྟན་པའི་ཞབས་འདེགས་སྔ་འགྱུར་བས། །མི་སྲིད་སྲིད་པའི་ངལ་བསྟེན་སྙེ་མའི་འབྲས། །སྨིན་ཚེ་བཞེད་པའི་དོན་གྱི་ཨེ་རཎྜ། །བསྐམས་པའི་ཆོ་ག་རྫུན་མིན་མངོན་སུམ་རྫོགས། །ལུས་མེད་ལུས་ཅན་སྣ་ཚོགས་སྦྱོར་འཕྲུལ་མེ། །དུས་མཐའི་(༧༩ན)

― GLG009_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་ཟ་ལྟར་འབར་ཚ་དབལ་རྩེ། །དཔལ་ཆེན་ཕུར་པའི་བྱིན་རླབས་འཐོར་རླུང་གིས། །ཤར་ཕྱོགས་རྒྱ་མཚོར་སླེབས་པར་བསྙལ་བ་བཞིན། །ཤེལ་གྲོང་རི་བོའི་ཁྱད་པར་གཟིགས་པའི་ཉམས། །འོད་མཚན་དཔག་མེད་གནས་ཀྱི་མཆེད་པོར་འགྲན། །ཀུན་དགའི་ར་བར་ཐུབ་དབང་སྲས་སློབ་ཀྱི། །སྣང་བརྙན་སྒྱུ་མ་བཀྱེ་བའི་གྲོང་ལ་འཁུ། །ཀླུ་གོང་ལོག་པའི་སྨོན་ལམ་ཐུགས་བཙན་ཡང་། །སྤྲུལ་པའི་གཏེར་སྟོན་རེ་ཞིག་བཞུགས་གསོལ་ཐེབས། །རས་ལ་སྣུམ་ལྟར་རྔ་ཡབ་གླིང་གཤེགས་པར། །དྲིན་བཟོའི་མཛད་ཁུར་མགོན་ཁྱོད་ཕྲག་པར་ལྕི། །ཤིང་མོ་བྱ་ལོ་དམར་པོ་རིར་ཕོ་བྲང་གསར་བཞེང་གི་སྒོ་དོད་པའི་ཐོག་མར་རྗེ་བླ་མ་འབྲས་སྤུངས་སུ་ཕེབས་ཞག་ཤས་བཞུགས་ནས་ངེད་དཔོན་སློབ་ཕྱོགས་མཚུངས་སུ་ས་འདུལ་ལ་པོ་ཏ་ལར་བྱོན། རྗེ་ཉིད་ཀྱིས་ལྷ་སྲིན་སྡེ་བརྒྱད་ཆ་མཉམ་པའི་ཆེད་དུ་རྒྱགས་རྔན་གྱི་ཆོ་ག་ཞོགས་སྟར་དང་། ཧོར་ཟླ་གསུམ་པའི་ཉེར་བརྒྱད་ཀྱི་ཉིན་ཕྱག་བསྟར་ནས་རྒྱུད་སྡེའི་དགོངས་དོན་བཞིན་ས་བདག་ལྟོ་འཕྱེའི་ཐིག་འདེབས་གནང་། རང་བྱོན་འཕགས་པ་ལོ་ཀེ་ཤྭ་ར་ས་སྐྱོང་གཡུལ་རྒྱལ་བའི་དུས་པོ་ཏ་ལ་ནས་གཞིས་ཀ་བྲག་དཀར་དུ་གདན་དྲངས། རྟ་ལོ་སྡེ་པ་ཨ་དཔལ་གྱིས་དམག་གི་རྔན་པར་སེ་ཆེན་ཐའི་ཇི་ལ་ཕུལ་བ་བོད་རྟེན་གཅིག་མཐའ་ལ་འཁྱར་ན་མཐའ་དབུས་འཇིག་ཅེས་ལུང་བསྟན་ལྟར་ཤེས་ལྡན་རྣམས་བློ་མི་བདེ་ཞིང་རྡོ་རྗེ་འཆང་ཕ་བོང་ཁ་པ་འཕགས་པ་ཡར་གདན་འདྲེན་པའི་རྩོལ་བ་བྱེད་རན་ཡིན་ཞེས་མང་པོར་གསུང་ཡང་དོ་དམ་བྱེད་མཁན་དཀོན་ཞིང་ཡུལ་དུས་གནས་སྐབས་ཀྱིས་འགྲུབ་(༧༩བ)

― GLG009_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་དཀའ་བར་འདིའི་དུས་བློ་གྲོས་དང་བརྩོན་པ་མཆོག་ཏུ་ཡངས་པ་ད་ལའི་ཀུན་ཅི་རྒྱལ་མོས་དོ་དམ་མཛད་ནས། འཕགས་མཆོག་འཇིག་རྟེན་དབང་ཕྱུག་གི་སྐུ་བརྙན་ཡིད་བཞིན་གྱི་ནོར་བུ་གདན་དྲངས་པ་དང་འགྲིག་རྟེན་གནངས་ཆེ་བ་ཙམ་གྱིས་ཕྱི་འབྲང་གི་འབྱུང་པོ་མི་ཡོང་བའི་ངེས་པ་མི་འདུག་པ་དང་རྒྱ་འདྲེ་ཞིག་ཡོད་པའི་མཚན་ལྟས་ཀྱང་ཤར་བར་བརྟེན། དཔལ་ཆེན་ཁྲག་འཐུང་དྲག་པོར་ཁྲོས་པའི་ཆས་སུ་ཞུགས་ཏེ་བགེགས་སྐྲོད་གནང་བས་མི་མ་ཡིན་གྱི་ཚོགས་རྒྱ་མཚོའི་ཕ་མཐར་བསྐྲད་རྨང་ཞབས་སུ་དགྲ་འདྲེ་གནོན་པ། སྟོད་དུ་བུམ་གཏེར་དང་སེལ་སྲུང་འཇུག་པ་སོགས་ཕོ་བྲང་ཆེན་པོ་བཀྲ་ཤིས་དགེ་ལེགས་ཀྱིས་ཁྱབ་པའི་འཕྲིན་ལས་མང་དུ་གནང་། དེ་ནས་མདོ་སྤྱིལ་ནས་དབེན་པར་དགོངས་ཏེ་ཟླ་བ་དགུ་པའི་བར་རྡོ་རྗེ་གསུམ་མི་འདའ་བའི་བཅད་རྒྱ་དམ་པར་མཛད། འཕྲིན་ལས་དྲག་པོར་བསྒྲུབ་པའི་རིགས་འཛིན་ཀརྨ་མ་ཧཱ་གུ་རུའི་ལྗགས་བསྙེན་གྱི་ཚེ་ནུབ་ཅིག་སེང་གཡབས་ནས་གཟུགས་མེད་པའི་ལག་པ་ནག་པོ་ཞིག་བརྐྱང་ནས་མར་མེ་ལ་ལག་པ་འགེབས་པའི་འཚུབ་ལྷོངས་ཀྱི་རྣམ་པའང་བྱུང་། ཡང་ཟབ་ཀྱི་རྡོ་རྗེ་གྲོ་ལོད་དང་བྱང་པའི་གཏེར་གསར་འཆི་མེད་སྐུ་གསུམ་རིགས་འདུས་ཀྱི་ལྗགས་བསྙེན་དུས་དམ་སྲི་འབྱུང་པོ་ཐུལ་ཉམས་དང་སྐུ་ཚེའི་བར་ཆད་སེལ་བའི་ལྟས་ཡ་མཚན་ཅན་འགའ་ཞིག་ཤར། ཞོགས་ཤིག་གསང་སྤྱོད་ཀྱི་སྐར་གསལ་ནས་ཐིག་ལེ་དཀར་པོ་ཞིག་ཤར་བ་རིམ་གྱིས་གཅིག་འཕེལ་གཉིས་འཕེལ་སོང་ནས་མཐར་གཟིམས་ཆུང་གི་ནང་ཐམས་ཅད་ཁེངས་པ་ན་ཞལ་དང་སྤྱན་ཡོ་ཞིང་ཕྱག་གཡོན་པས་ཚོ་མི་ཟིན་པ་བྱུང་བ་མངོན་སྤྱོད་ཀྱི་(༨༠ན)

― GLG009_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་སྦྱོར་མངས་པ་དང་། གཞུང་གི་དྲུང་འཁོར་ལས་ཚན་ལ་དགྲ་གཉེན་བར་མ་མཐའ་དག་མཉམ་པ་རིས་མེད་ཀྱི་ཚུལ་དུ་ཤན་དང་ཆུ་ཁ་ད་རྦད་བཅད་ལ་སོང་བའི་དམ་སེལ་གྱི་སྐྱོན་དུ་ངེས་ཤིང་། ཞབས་འབྲིང་པ་རྣམས་ཀྱིས་བཅོས་ཀ་གནང་དགོས་ཚུལ་གསོལ་བར་ཐོག་མར་སྔགས་རྫས་ཀྱི་ཐབས་ཤིག་མཛད་ན་དགོངས་པ་ལ་དེང་སང་བསྟན་སྲིད་ཐམས་ཅད་དར་ཞིང་རྒྱས་པའི་སྐབས་འདིར་བསྐྱས་ཆེན་བཏབ་པ་མི་ལེགས་རྒྱུ་མི་འདུག་དགོངས་ཁུ་འཁྲིག་མེད་པའི་ཐུགས་ཐག་རྦད་ཆོད་ཀྱིས་རོ་སྙོམས་གནང་བས་ནང་པར་སྙུང་གཞིའི་ཤུལ་ཙམ་ཡང་མ་ལུས་པར་སྦྲུལ་གྱི་ཤུན་པ་བརྗེས་པ་ལྟ་བུར་སོང་།འབྲི་གུང་པ་རིགས་འཛིན་ཆེན་པོ་ཆོས་ཀྱི་གྲགས་པས་མཆོད་ཡོན་དུ་ལས་སྦྱོར་གནང་བ་རྣམས་ནག་གུ་ཟེར་བའི་ཕྱག་གཡོག་ནང་མ་ཞིག་གིས་སྟག་རྩེ་ཐའི་ཇི་བརྒྱུད་མཆོད་ཡོན་དུ་གསོལ་བ་ལ་བརྟེན་སྟོན་མཇུག་ཞབས་དྲུང་རིན་པོ་ཆེ་ལྷ་སར་སྒོར་བསྐྱིལ་གྱིས་ཐུགས་སུན་ཆེ་སྐབས་ཕན་ཐོགས་དགོས་པའི་རྗེ་བླ་མས་ཕྱག་བྲིས་བྱུང་བ་དང་ཆོས་རྒྱུན་སོགས་གང་ས་ནས་བྱེད་སྤྲོ་བས་སྡེ་པར་ཉེ་ལེན་བཏང་བར་མི་ཡོང་བའི་འཇས་བྱུང་རུང་ནན་ཏན་ཆེན་པོ་བྱས་པས་སྐུ་ལ་དམ་དོག་ཡོད་པའི་ཉེས་དམིགས་ལྟ་ཞོག་ས་ཆ་རྫོང་གཞིས་སྐུ་ཆས་ཚང་མ་ལ་ཟེགས་འཐོར་མེད་པའི་རང་འཇགས་ཀྱི་ཞབས་ཏོག་འགྲུབ་པའང་གཙོ་བོར་དམ་པ་འདི་ཉིད་ཀྱི་ཐུགས་རྗེའི་མཐུ་ཁོ་ནར་ངེས། རྗེ་བླ་མ་འབྲས་སྤུངས་སུ་གདན་དྲངས་ཏེ་བཀའ་བརྒྱད་བདེ་གཤེགས་འདུས་པའི་སྒྲུབ་དབང་། གཡུ་ཐོག་སྙིང་ཏིག་སོགས་ཟབ་ཆོས་མང་པོའི་བཀའ་དྲིན་སྩལ། རྗེ་ཉིད་ཀྱིས་བྲག་སྣ་ཆོས་རྗེ་ཨོ་རྒྱན་བསྟན་འཛིན་(༨༠བ)

― GLG009_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཡང་རྫོང་སྙིང་ཏིག་གསན་སོང་རུང་ཁོང་པ་མཐོ་དམའ་ཆེ་དྲགས་པས་བརྒྱུད་པ་ལ་ཡང་མེད་པ་ལགས་སམ་སྙམ་ཁོ་བོས་ནི་ཞུ་བ་མ་ཤར། མེ་ཁྱི་ཟླ་བ་དང་པོའི་མཇུག་ཏུ་འཇམ་དབྱངས་བླ་མ་དཀོན་ཅོག་ཆོས་འཕེལ་དགའ་ལྡན་གྱི་གནས་སུ་རྗེ་བཙུན་ཙོང་ཁ་པ་ཆེན་པོའི་སྤྱན་སྔར་ཕེབས་པར་སྔོན་དུ་ཕྱོགས་པའི་ངེད་ཀྱི་ཕྱག་འབུལ་ལ་ཕྱིན་པའི་དུས་རྗེ་བླ་མའི་སྐུ་མཚམས་ཟླ་དགུ་མའང་གྲོལ་ཟིན་པ་དང་འགྲིག་པས་མར་ལམ་ཆོས་ཁྲི་བླ་བྲང་དུ་ཞག་གཅིག་བསྡད་གཞི་ལེན་རྒྱས་པར་གནང་། ཚེ་དབང་ལྕགས་སྡོང་མ་ཞུས་ཤིང་དེ་ཐོག་ནས་བརྒྱ་རྩ་ཞིག་སྐུ་ཚེའི་རྟེན་འབྲེལ་དུ་ཕུལ། བླ་བྲང་འདུ་ཁང་སོགས་ལ་ཤིས་བརྗོད་ཀྱིས་གསུང་བ་བཞིན་མེ་ཏོག་གཏོར། འདི་ལོའི་དབྱར་ངེད་ཀྱང་མཚམས་དམ་པ་ཞིག་བྱས་པའི་སྐབས་དེ་དུས་རང་གཞན་སུ་ལའང་དོགས་གནས་མེད་རུང་རྗེ་བླ་མའི་སྤྱན་ལྟས་སུ་ངེད་རྒྱ་ནག་ལ་འགྲོ་དགོས་པ་ཤིན་ཏུ་གསལ་བའི་ལུང་བསྟན་དང་བུད་མེད་དཀར་མོ་ཞིག་གིས་རས་ཀྱིས་གྲིལ་བའི་བུམ་པ་གཉིས་ཁྱེར་ནས་འདི་ཚེ་ཆུ་ཡིན་པས་བཞེས་པ་ཞུ་ཞེས་ཕུལ་འདུག་པ་དེ་སྐབས་སྐུ་ཁམས་མི་བདེ་བའི་དུས་ཡིན་པས་སྐུ་ཚེའི་འཕྲང་བསལ་བར་སྣང་། བུམ་པ་ཅིག་ཤོས་ཀྱི་ཆུ་ནས་ཀྱང་དགོས་གསུངས་པས་འདི་ངེད་ལ་སྟེར་རྒྱུ་ཡིན་འདི་མ་གསོལ་ན་ད་ལོ་དོག་ཆ་ཆེན་པོ་ཡོད་ཚུལ་དང་ཡང་གསང་དྲག་མོའི་བྲིས་སྐུ་བཞེང་བ་གནང་བར་བུ་མོ་དེས་བལྟས་ནས་ཁྱེད་མ་གཅིག་དཔལ་ལྷའི་སྐུ་བཞེང་གི་ཡོད་པ་ཨེ་ཡིན་ཟེར་བ་སོགས་ངོ་མཚར་བའི་གཟིགས་སྣང་མང་དུ་བྱུང་བ་མཐའ་དག་བློར་མ་ངེས་ཤིང་བྲིར་ཡང་མ་ལང་། རིགས་འཛིན་ཡོལ་མོ་བ་ཆེན་པོའི་ཐུགས་དམ་གསལ་སྣང་ལ་ཤར་བ་བཞིན་ཆོས་རྒྱལ་བྱང་པ་ངག་གི་དབང་པོའི་སྐུའི་རྣམ་པར་སྤྲུལ་པ་མོན་མཁར་རྣམ་སྲས་གླིང་དུ་བྱ་ནག་གི་རིགས་སུ་(༨༡ན)

― GLG009_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོན་པའི་ལུང་བསྟན་ཤོག་ཁྲ་གནང་བ་ལྟར་ངེས་ཤེས་འདྲོངས་ནས་སྤྲུལ་སྐུ་རིན་པོ་ཆེ་རྡོ་རྗེ་བྲག་ཏུ་གདན་དྲངས་པ་རིམ་གྱིས་འབྲས་སྤུངས་སུ་དབུ་གཙུག་གསིལ་བར་ཕེབས་དུས་རྗེ་བླ་མ་སྐུ་ཁམས་བསྙུན་པ་དང་འགྲིག་གཤིས་ངོས་ཕེབས་མ་ཐུབ་པར་ལེགས་སྐྱེས་ཀྱི་ཞུ་འཕྲིན་འབུལ་བ་རྒྱས་པར་གནང་། སྔར་སྒར་པ་མངའ་ཐང་སྒང་ལ་རྒྱབ་པའི་དུས་ཞྭ་དམར་བའི་དྲུང་ཡིག་ཁ་རག་བོད་འབྲུག་པ་འཇམ་དབྱངས་སྔགས་རྙིང་མ་ལ་མི་གུས་ཤིང་ཁྱད་པར་རིགས་འཛིན་ཡོལ་མོ་བ་དཀར་ཆས་སུ་གྱུར་པ་ཚན་པོ་ཆེ་འདེབས་པ་སྒར་པ་ལུགས་གཉིས་ཀ་ནས་དགུན་ཆུ་བཞིན་རིམ་བྲིའི་སྟེང་སྡེ་པ་རྒྱལ་བཟང་པ་ཡུལ་དོན་པས་ཁོ་པ་སྡོད་གནས་མ་རྙེད་པར་རྡོ་རྗེ་བྲག་ཏུ་ཆུད་ལ་རེའི་རྒྱུ་མཚན་ལེགས་ལགས་མང་པོ་གསོལ་ཡང་། གྲང་སོ་གཏེར་སྟོན་ཐུགས་བཀྱེལ་ཆེ་བས་མཆོད་ཡོན་ནས་དགོངས་ཁྲོལ་བྱུང་ན་མ་གཏོགས་མི་ནུས་ཞེས་དེ་རིས་ཀྱི་བསྟེན་སྒོར་མ་མཛད་རུང་། རྗེས་སོར་བླ་མ་ཨཾ་ལྗག་གིས་ཀར་བཙུན་མང་པོ་བསྐྱིལ་བའི་གནས་ཚུལ་འཕྲང་འགོ་དྲུང་པས་ས་སྐྱོང་བསོད་ནམས་རབ་བརྟན་གྱི་སྙན་དུ་ཕུལ་བས་རྟེན་བརྟེན་པ་ཐམས་ཅད་གནས་དབྱུང་མཛད་རྒྱུའི་གསུང་གླེང་དངོས་སུའང་ཐོས་ཤིང་བླ་མ་བཙན་འཇོག་གི་ཕྱག་ཐམ་གནང་བར་རྗེ་བླ་མ་ཟུར་ཆེན་ལ་ངན་དོགས་བྱེད་ཚུལ་ལྷོ་བྱང་གཉིས་ཀར་གླེང་ཞིང་བླ་མའི་གཡོག་དེ་དོན་འདི་ཡིན་མེད་པར་གུང་ཐང་དུ་ཡོངས་ནས་ཉིན་ཁ་ཡར་བརླག་སྟོར་འཚོལ་བ་ལྟ་བུའི་བླ་བྲང་གི་ཕྱི་ནང་ཀུན་ཏུ་སྒོར་སྒོར་ཉུག་ཉུག་མང་དུ་བྱས་པ་ན་ཞབས་འབྲིང་པ་རྣམས་ཀྱིས་མི་(༨༡བ)

― GLG009_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོའི་ལབ་རིགས་དང་བཅས་ཟག་རྫས་འཚོལ་མི་ཡིན་འདྲ་ཞེས་ཞུས་འདུག་རུང་ཁོང་དེ་འདྲ་མཛད་དོན་མེད་ཅེས་ཐུགས་དོགས་ཆེར་མི་གནང་། སྡེ་པ་ཞང་མཁར་ནས་རིག་བྱེད་པ་འཇམ་དཔལ་རྡོ་རྗེ་རིགས་འཛིན་ངག་གི་དབང་པོར་ཤིན་ཏུ་གུས་ཤིང་ཚུར་ཡང་ཐུགས་ནང་གཙང་བའི་ཕེབས་སྒོར་བྱང་པ་དང་འཕྱོང་རྒྱས་པ་སྐུ་ཉེ་མཆོད་ཡོན་གཞན་དང་མི་འདྲ་གཤིས་ཐམས་ཅད་མཁྱེན་པ་བསྙེན་རྫོགས་བཞེས་པར་ལེགས་ཇ་དང་བཅས་ངོས་ཀྱི་མཇལ་འཕྲད་བྱེད་འདོད་ཡོད་ཀྱང་སློབ་དཔོན་ཨཾ་ལྗག་པ། སྡེ་པ་ཕུན་ཚོགས་གླིང་པ་ཞབས་དྲུང་སྙིང་སྙིང་སོགས་ཀྱི་བློར་མི་ཆུད་འདུག་པས་ལག་ཐོག་ཏུ་འགེལ་མི་བདེ་བ་འདྲ་གསུངས་པ་དང་། རིགས་འཛིན་ཡོལ་མོ་བ་ཆེན་པོས་ད་ལམ་སློབ་དཔོན་པ་རང་ཡང་མཆོད་ཡོན་མཇལ་བར་ལྷན་དུ་འགྲོ་གསུངས་པར་དཔོན་སློབ་རྣམས་ཚུར་ཕེབས་པ་དང་ཨཾ་ལྗག་སྐྱིད་གཤོངས་བདེ་བ་ཅན་པའི་རིམ་གྲོར་འགྲོ་བ་རྒྱབ་གྱེས་བྱས། འདས་པའི་བར་ལ་ལོ་མང་རབ་སོང་རུང་མཆོད་ཡོན་ཕྱོགས་སུ་ཡེ་མི་ཡོང་བ་མནོང་ལངས་རྒྱུ་ཡོད་མདོག་ཁ་མོ་ལ་ཁོང་པ་སྐྱོན་ཅན་མིན་པའི་སྒྲུབ་ཕྱོགས་ཀྱང་ཅི་རིགས་སྣང་བས། ཀུན་མཁྱེན་བུས་རྙིང་རྒྱུད་ལ་གསུངས་པ་ལྟར་ལྐོག་གྱུར་གྱི་རིགས་འདི་བཏང་སྙོམས་སུ་བཞག་པ་ལེགས་སམ་སྙམ་མོ། །རྗེ་ཉིད་ལུས་ཅན་ཀུན་ལ་བྱམས་བརྩེ་ཆེ་བར་མ་ཟད་སྔ་འགྱུར་གྱི་བསྟན་པ་སྤྱི་དང་བྱེ་བྲག་རྡོ་རྗེ་བྲག་ཕྱོགས་ཀྱི་ཉེས་སྐྱོན་མཐའ་དག་སྦེད་པ་ལྷུར་ལེན་པ་ལས་གསང་བའི་རྣམ་ཐར་ཚོ་ཞལ་གྱི་ཟུར་ཙམ་ལའང་འདོན་པ་མི་སྲིད་རུང་བརྒྱ་ཁ་ཐལ་མོས་མི་ཁེབས་པའི་ཉམས་(༨༢ན)

― GLG009_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་སྐད་ཅ་གཞན་དག་ནས་རིམ་གྱིས་མཆེད་པའི་གྲ་ལས་དོལ་གསལ་བའི་དཔེར་སྣང་ངོ་། །རྡོ་རྗེ་བྲག་ནས་གྲུ་གུ་ཡང་ཝཾ་གི་དབོན་བརྒྱུད་ཁམས་པ་སྔགས་འཆད་དོན་གྲུབ་བཀྲ་ཤིས་དང་གོང་དཀར་ནས་སྔགས་འཆང་སྟོད་གྲོང་པ་གཉིས་ལ་འཇམ་དཔལ་རིགས་གསུམ་འདུས་པ་ཁྲོ་ཆུ་དུག་སྡོང་། དམ་ཆོས་དགོངས་པ་ཡང་ཟབ། སྦ་དོང་གི་གཏེར་མའི་འཇམ་དཔལ་ཞི་དྲག་ཕྱེད་གསུམ། ལྷ་ཆེན་དབང་ཕྱུག་རླུང་ཞགས། གཏེར་ཁ་འོག་མ་དང་རིན་ཅེན་གླིང་པའི་ནཱ་ག་རཀྴ རཏྣའི་དམ་ཅན་གཏེར་གནས་མི་འདྲ་པ་གཉིས། རླུང་འཁོར་ཞི་དྲག་གི་རིས་སོགས་དབང་ལུང་ཕྱག་འཁྲིད་མང་དུ་གནང་། གཟིམས་ཁང་ཤར་པའི་བླ་མ་གྲ་རིས་འགའ་ཞིག་གིས་རྗེ་འདི་ཉིད་ལ་འོས་ཐོ་བྱས་པར་དགེ་སློང་བསོད་ནམས་རྒྱལ་མཚན་ཅན་གྱིས་དགེ་མིན་རྙིང་མིན་འདི་འདྲ་ལ་མི་བསྐོ་ཞེས་མས་འཇོག་གི་གཏམ་བཏང་ནའང་ནཱ་ལནྡའི་འབུལ་དཔོན་ཁམས་པ་བྲོས་ཐབས་ཀྱིས་སོང་རྗེས་བླ་མ་མེད་མུར། བཀྲ་ཤིས་ལྗོངས་ཆོས་རྗེའི་བླ་མ་དབུ་མཛད་ཟེར་བ་བདེ་ཆེན་ནས་བསྐོ་བར་སྔོན་དུ་ཕྱོགས་པ་གང་ས་ནས་ཁོང་ཚོའི་བློར་མ་ཆུད་པའི་སླ་ང་ཚ་དུས་ཀྱི་སྐམ་པ་དང་གྲོད་པ་ལྟོགས་དུས་ཀྱི་ཟན་གོང་བཞིན་ཁོང་ཚོ་གྲོས་ཐོག་ནས་གུང་ཐང་ལྕགས་རི་ནང་ལ་བླ་མ་གཉིས་ཀྱི་དགོས་དོན་མི་འདུག །ལྷག་ཏུ་ས་རྙིང་གཉིས་ནང་མཐུན་པ་བཅས་བླ་མ་གནང་དགོས་པའི་རྒྱུ་མཚན་གསོལ་བ་ཁོང་ཚོའི་གཡོ་སྐོར་གྱི་ཞུ་བ་མཁྱེན་པ་གཞིར་བཅས་དང་སླེའུ་ཆུང་གི་སྐོར་ལ་རྡོ་རྗེ་བྲག་གི་སློབ་དཔོན་དང་ཆོས་མཛད་རྡོར་ལེགས་སོགས་གྲོས་དབང་ཁ་ཤས་ཀྱི་ཐུགས་སུན་ཆེ་ཙམ་བྱུང་བའི་ལྟེ་བོར་དབོན་པོ་དགོས་པ་ལ་ཐུག་པ་སླར་(༨༢བ)

― GLG009_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

བཤགས་པ་འབུལ་བར་འོངས་པ་ན་སྐུ་འཁོར་རྣམས་ཀྱིས་དམ་སེལ་འདྲ་ཨེ་ཡོད་གསོལ་བར་ངེད་རང་རྫོགས་ཆེན་པར་སོང་བས་འཁོན་འཛིན་བྱས་ཞན་འདྲ་ཞེས་སྤྱན་འདྲིས་ངན་པ་ཙམ་ཡང་མི་གནང་ཞིང་། བསྟན་དོན་ལ་ཐུག་པའི་རིས་མ་གཏོགས་སྔར་གཅུང་པོ་གསོད་མི་གྲོས་བཅས་སོགས་ལ་ལས་སྦྱོར་གནང་དགོས་ཚུལ་ཚང་མས་ཞུས་པར་ཐུགས་དོ་མི་གལ་བས་མཚོན་རང་དོན་དུ་སྐུ་དགྲ་གདུག་པ་ཅན་གྱིས་དྲུང་དུ་བཏུད་ན་ཕན་པ་ལྷུར་མཛད་པའི་རྒྱལ་སྲས་ཆེན་པོའི་རྣམ་ཐར་མ་གཏོགས་ཡེ་མི་གནང་བ་དང་། གཟིམས་ཁང་ཤར་པ་རྣམས་གྲུབ་མཐའ་བསྒྱུར་དོགས་ཀྱི་མྱ་ངན་གྱིས་ནོན་པར་བརྩེ་བ་ཆེན་པོས་ཞལ་གྱིས་བཞེས་ཤིང་བདེ་ཆེན་དུའང་དེ་ཀའི་རྒྱུ་མཚན་གནང་བ་ཐུགས་ལ་འཐད་རྒྱུ་མེད་ཙམ་གྱི་ངོས་སྡེ་པ་གཞུང་གི་ལ་ཆའི་རལ་གྲི་ལ་འཛེམ་བྱའི་རྣམ་པས་འགབ་གྲས་དང་བཅས་གཟའ་ཚེས་དགེ་བར་གཟིམས་ཁང་ཤར་པ་བ་རྣམས་ཀྱིས་ཆིབས་བསུ་སེར་སྦྲེང་གི་མདུན་བསུས་ཏེ་གདན་སར་ཕེབས་ཐོག་ས་སྐྱོང་ཐོག་རྒོད་རྣམ་རྒྱལ་གྱིས་བསྐོ་འཇའི་གནང་སྐྱེས། ཡང་དགོན། ཆོས་ཁྲི་སོགས་སྡེ་ཕན་ཚུན་གྱི་གྲ་རིས་སྦྱིན་བདག་ཚང་མས་ལེགས་འབུལ་བཟབས། སྒོམ་སྡེ་དང་གདན་ས་ཁྱོན་གཅིག་པའི་གཤིས་སྐུ་ཚེ་གོང་མའི་རྟེན་འབྲེལ་གྱིས་ནམ་མཁའ་འཇའ་སྤྲིན་གྱིས་ཁྱབ་པ་སོགས་ལྟས་ངོ་མཚར་བ་བྱུང་། དབྱར་གཟིམས་ཁང་ཤར་པ་རྣམས་ཀྱིས་དབང་གཞི་བཏེག་པའི་ཚེ་བདེ་ཆེན་ནས་སྒྲིབ་བར་གྱི་ཁྲོམ་དམར་ནག་ཏུ་འཁྱིལ་བར་ཚེ་དབང་གནང་། སྦྱིན་བདག་རྣམས་ལ་ཤངས་ལེན་བཟང་དུ་མཛད། མེ་ཕག་ཤར་ནས་བླ་མ་ཁྲོ་བུ་བས་གསོལ་བ་བཏབ་པ་(༨༣ན)

― GLG009_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བརྟེན་བཀའ་བརྒྱད་བདེ་གཤེགས་འདུས་པའི་སྒྲུབ་ཆེན་འཛུགས་པ་གནང་བར་ཡང་དགོན་སྤྱན་སྔ། གནོན་འཛེམ་པ་སྒང་པ། སྔགས་འཆང་དོན་གྲུབ་བཀྲ་ཤིས་སོགས་ཀྱིས་གཙོས་པའི་བླ་མ་སྔགས་པ། སྨན་པ་སོགས་བརྒྱ་སྐོར་ལ་སྨན་སྒྲུབ་མ་གཏོགས་སྒྲུབ་དབང་རྒྱས་པར་སྩལ། གྲོལ་དབང་ཁྲོམ་དུ་དབང་རྫས་ཡང་དགོན་ཞབས་དྲུང་གིས་འདེགས་མཁན་མཛད་པ་སྤྱན་སྔ་ལུགས་གཉིས་ཀ་ནས་ཁུང་བཙུན་པའི་གྲགས་པས་ཀུན་ཧ་ལས་ལས་སུ་བྱེད། མཚོ་སྨད་དུ་བྱང་ངོས་ནས་བཀྲ་ཤིས་ཕུན་ཚོགས་ཀྱིས་གདན་དྲངས་པའི་ཞོར་ལམ་སྣང་རྩེ་གཞིས་ཀར་གུ་རུ་ཇོ་ཚེའི་གཏེར་རྫས་དུ་མ་དང་སྡེ་པ་ནམ་མཁའ་ཚེ་བརྟན་རྒྱལ་པོའི་ཕྱི་རྟེན་གྱི་གསེར་གདུང་། གཏུམ་དྲག་མེ་འཁོར་གྱི་རྫ་སྐུ་སོགས་གནས་གཟིགས་མཛད། དེ་ཉིན་གུང་ཚིགས་ཀྱི་བཞེས་པ་གྲ་འགྲིག་རྒྱུ་མེད་པར་ཇི་ལྟར་འགབ་ཞུས་པས་གཞིས་ཀའི་རྒྱལ་པོ་འདིས་གཞི་ལེན་བྱེད་པ་འདུག་གསུང་བ་ལྟར་གཞིས་གཉེར་བློ་འགྱུར་ནས་གློ་བུར་དུ་གསོལ་ཚིགས་ཞུས། རྒྱལ་ཁང་གི་རྒྱལ་པོ་དེས་ཀྱང་གཟུགས་དངོས་སུ་བསྟན་ནས་འཕྲིན་ལས་སྒྲུབ་པར་དམ་བཅས་ཚོད་དུ་འདུག །དྲག་དམར་གྱི་རྫ་སྐུ་དེ་དེང་རྒྱ་ནག་ལ་འགྲོ་དུས་རྟོག་པ་བཅུག་པས་གཏེར་ཁ་ཚད་ལྡན་ཚོའི་སྐུ་དང་མི་འདྲ་བའི་འཇིམ་བཟོ་བ་མཁས་པ་ཞིག་གིས་བཟོས་ཚོད་ནས་བྱོན་ཤིན་ཏུ་གཙང་བར་སྣང་། ཀོང་པོ་རྫོགས་ཆེན་པ་འབྲས་ལྗོངས་ཕྱོགས་ལ་འབྱོན་པའི་ལམ་ཡིག་རྗེ་ཉིད་ཀྱི་གསུང་བཞིན་སྨིན་གྲུབ་ཞུས། མེ་ཏོག་མཆོད་པའི་སྐྱ་ཧྲགས་གཅིག་སྒོམ་སྡེ་བར་འཁྲི་བའི་གྲ་བསྒྲིག་ཚར་དུ་དངར་བས་ཡང་དགོན་དབུས་གླིང་གཉིས་ཀྱང་ནད་ལངས་པའི་ཇེ་རྒྱས་སུ་སོང་། ཆིབས་རགས་ཕན་ཚུན་གཟིགས་རེས་བྱུང་སྐབས་ཡང་(༨༣བ)

― GLG009_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

དགོན་སྤྱན་སྔས་དབུ་ཞྭ་འབུད་པ་སོགས་བཀུར་བཟོས་ཆེ་བར་ཕུལ། སྟོན་མཇུག་འབྲས་སྤུངས་སུ་ཕེབས་ནས་ཞག་ཤས་བཞུགས་དེ་མོ་སྤྲུལ་སྐུས་ཀོང་པོ་སྤྱི་ཁང་དུ་གདན་དྲངས་ཁྲོ་ཆུའི་ཆོས་སྐོར་སོགས་ཞུ་འདོད་ཚད་ཚད་པ་ལ་ཕན་བདེ་སྤྲུལ་སྐུ་ཕྱོགས་སུ་ཕུལ་ནས་ཕྱག་ཐོག་ཏུ་མ་བཀལ་བའི་གསུང་གླེང་ཞིབ་མོལ་དང་ཁོང་གི་ཕྱག་ཏུ་རྐུན་རྒྱབ་རྫུན་མས་བྱས་པའི་ཞལ་གྱི་བེའུ་བུམ་ནག་པོའི་དཔེ་ཡོད་འདུག་པ་མ་དཔེ་དཀོན་གཤིས་འཕྲལ་བཤུས་གནང་སོང་བ་མི་འགྱངས་པར་ཆོས་ཕྱག་ཏུ་འཕྲོད་པའི་རྟེན་འབྲེལ་སྔོན་འགྲོར་དོགས། ལྷོའི་ཇུས་རིམ་ལ་ཆོས་རྗེ་དཔོན་དར་གྱིས་ཕྱག་དྲུག་པའི་གཏོར་ཆེན་མཛད་པའི་འཁོར་ལོ། སྔགས་འཆང་དོན་བཀྲས་པས་ཤུན་དུ་འཛུགས་རྒྱུའི་འཇོམས་བྱེད་རླུང་འཁོར་རྒྱུན་གྱི་བཟློག་མནན་སོགས་ཕྱག་བྲིས་སུ་སྩལ། གུང་ཐང་དུ་གཤིན་རྗེ་ཁྲོ་ཆུའི་ཟོར་ལས་ཀྱི་སྒྲུབ་ཞག་བཅོ་ལྔ་གནང་བ་རྟགས་བཟང་པོ་ཡོད་འཕྲོར་ཡང་དགོན་སྤྱན་སྔ་འབྲུག་ཞེན་ཆེས་པའི་ཇ་རྒྱུགས་ཀྱི་གདོང་ཟོར་ས་ལ་ལྷུངས་པ་གུར་དང་གོ་ཆ་གུ་རུ་རཏྣའི་སྔོན་འགྲོར་སོང་། ཡང་དགོན་ཞབས་དྲུང་གིས་དབུ་མཛད་གུང་ཐང་པ་རྣམས་ཀྱིས་གྲིབ་སེལ་བསུ་བཟློག་དང་འབྲེལ་བའི་བརྟན་བཞུགས་ཕུལ། རིན་པོ་ཆེ་ངག་དབང་ཡེ་ཤེས་གྲུབ་པའི་དབུ་ཐོད་ཟིང་པ་བ་ཚོའི་རྟེན་སྐལ་དུ་ཧྲིལ་ལེ་བཞུགས་པ་རིན་པོ་ཆེ་རང་གི་སྐུ་བརྙན་བཞེང་བ་གནང་སྟེ་ནང་དུ་བཅུག་ནས་ཟིང་པར་གདན་འདྲེན་ལ་ཕེབས་གུང་ཐང་དུ་གྲུབ་པའི་དབང་ཕྱུག་ཚེ་འཕེལ་བཟང་པོའི་སྤྲུལ་སྐུ་ཀུན་བཟང་དབང་པོ་ལ་བྱང་ཆུབ་གླིང་པ་དཔལ་རྒྱལ་མཚན་གྱི་ཟབ་ཆོས་ཀུན་བཟང་ཐུགས་གཏེར། རཏྣའི་དྲག་དམར། བདུད་རྩི་བུམ་པའི་དབང་སོགས་ཟབ་ཆོས་དཀོན་པ་མང་དུ་གསན། སྟག་རྩེ་ཐའི་ཇི་(༨༤ན)

― GLG009_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

མཆེད་ཀྱིས་དགོས་པའི་རྡོ་རྗེའི་སྐུ་རིམ་སྲུང་འཁོར་ལ་གདན་དྲངས། འབྲི་གུང་གི་ཕྱག་དཔེ་སྐུ་ཁྲུས་པའི་དཔེ་ཆ་སྣ་བསྡུས་པའི་མི་ཁུར་གཅིག་ཙམ་དང་། རྭ་ལོའི་ཐུགས་དམ་རྟེན་ཡིན་ཁུལ་རྡོ་རྗེ་འཇིགས་བྱེད་ཀྱི་ཞལ་ཐང་ཕུལ། སླེའུ་ཆུང་དུ་མི་ཞིག་འདྲེར་སྐྱེས་ནས་ཁོག་ཏུ་བརླམས་ཏེ་བླ་མ་འདྲ་ལ་གཏུགས་ནས་ང་ལུས་འདི་དང་བྲལ་བའི་ཐབས་ཤིག་གྱིས་ལབས་པར་བརྟེན། ནང་མི་རྣམས་ཀྱིས་བྱང་བཞུ་ཕུལ་བས་རིང་པོར་མ་ལོན་པར་ཚེ་འཕོས་ནས་མི་ལུས་ཐོབ་སྟེ་བྱིས་པའི་དུས་ང་སྤོས་དགའ་དཔོན་སློབ་ཀྱིས་འདིར་བཏང་ཟེར་སྨྲས་པས་འུར་ལངས་ཏེ་སྐྱབས་འཇུག་ཞུ་མི་ཇེ་མང་དུ་སོང་། དགའ་ལྡན་ཕོ་བྲང་དུ་ཕེབས་ནས་ཞག་ཤས་བཞུགས་དབང་ལུང་འགའ་ཞིག་ཞུས་ཤིང་སྔ་སོར་གསུང་གླེང་ཡོད་པ་ལྟར་ཡར་ཀླུངས་བཀྲ་ཤིས་རྩེ་ཆོས་སྡེར་ཁྱབ་བདག་གནས་གསར་བ་ཆེན་པོའི་དྲུང་དུ་ཟབ་ཆོས་རྣམས་གསན་པར་འགྱངས་མེད་དུ་ཕེབས་པའི་ཐུགས་ཐག་བཅད་གུང་ཐང་དུ་གྲབས་ཡུལ་ལ་སྐོར་ཙམ་ཕེབས་ངོས། རྡོ་རྗེ་བྲག་ཏུ་རིགས་འཛིན་སྤྲུལ་པའི་སྐུ་མཆོག་མཇལ་བར་ཕེབས་ཆོས་འབྲེལ་གྱི་ཐོག་མ་ཚེ་དབང་ཧྲཱིཿགཅིག་མ་འབུལ་བར་མཛད། རྗེ་བླ་མས་རིགས་འཛིན་སྤྲུལ་པའི་སྐུར་ལྕགས་སྡོང་མའི་དབང་གི་ཕྱག་འཁྲིད་སྩལ་ཞིང་ཙག་ལི་ཡང་འདྲི་བ་གནང་དབང་བསྐུར་ལུགས་ཀྱི་དེབ་ལའི་རྒྱུགས་བཞེས་པའི་སྐྱོན་བསལ་ངོས་སྐུ་ཚེ་འདིའི་བཀའ་ཆོས་ཀྱི་ཐོག་མ་ངེད་རང་ནས་ཞུ་ཞེས་དབང་ཁང་དུ་རྗེ་བླ་མ་དམ་པས་དབུས་རྣམ་གླིང་སྡེ་བ་ཡབ་ཡུམ་གྲ་རིས་རྒན་རིམ་དང་བཅས་པར་ལྕགས་སྡོང་མའི་དབང་ཚར་གཅིག་དང་ཕྱི་དྲོ་རྗེ་བླ་མ་དང་ལྕོག་སྒར་བ་ཡོངས་རྫོགས་ལ་གསོལ་འདེབས་ལེའུ་བདུན་མའི་ལུང་སྟེ་ཆོས་སྒོ་གཉིས་འབྱེད་པའི་ཁུར་བཞེས་གནང་བར་སྤྲུལ་སྐུ་རིན་པོ་ཆེ་ཡང་(༨༤བ)

― GLG009_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་སུ་ཡི་རང་གི་ཐུགས་བཟོ་བའི་གསུང་བགྲོས་ཀྱང་ཐོས། རྣམ་སྲས་གླིང་ནས་གདན་འདྲེན་བྱུང་བ་དཔོན་སློབ་ལྷན་དུ་བྱོན་པ་བཅུར་དུ་བཞུགས་པའི་ནུབ་རྣམ་སྲས་གླིང་གི་སྡེ་བ་ཨ་མི་གློ་བུར་དུ་ཚེ་དུས་བྱས་པའི་བང་ཕྱིན་སྲོད་འཁོར་ལ་བྱུང་བ་གསལ་འདེབས་ལ་འཕྲལ་དུ་བཏེག་པ་བྱ་སྐད་རྒྱབ་པ་དང་རྣམ་སྲས་གླིང་དུ་ཕེབས་པའི་འཕོ་བ། བར་དོའི་སྨོན་ལམ་དང་རིགས་དྲུག་གནས་འདྲེན་མཛད། ལེགས་པ་གླིང་ནས་གླང་ཕུ་ནས་དགྲ་འདུལ་གྱིས་མཚམས་སྦྱོར་གྱི་ཞུ་ཡིག་དང་བཅས་བཀྲ་ཤིས་རྩེ་ཆོས་སྡེར་ཞབས་དྲུང་དབོན་རིན་པོ་ཆེར་བཀའ་ཆོས་ཞུ་བར་ཕེབས་ཆོག་པའི་ཉེ་ལེན་དང་། སྣེའུ་སྡོང་རྩེར་བཀྲ་ཤིས་རྩེའི་གཞིས་ཀ་བཞུགས་མཚེར་ལ་གཡར་པོ་ཞུ་བར་ཐེག་གླིང་དབུ་མཛད་རྫོང་བདའ་གནང་། དེ་ནུབ་བྱ་སར་བཞུགས་གནས་མཇལ་མཛད་སང་ཕེབས་ལམ་དུ་ཚེ་ཆུ་འབུམ་པ་མཇལ་མཁན་རྣམས་ལོག་བྱུང་བ་དེ་ངེད་རང་ཚོ་ཕྱིས་པ་ཙམ་ཡིན་འདྲ་ཡང་འགྲོ་དགོས་གསུངས་ཚེ་ཆུ་འབུམ་པར་ཞབས་སྐོར་གནང་བས་གཉགས་ལོ་ཙཱ་བར་འཁྲུངས་པའི་དུས་ཀྱི་མཛད་པ་མང་པོ་གསལ་བར་ཐུགས་ཀྱིས་དྲན། ཚེ་ཆུ་ཅོ་ནེར་བཟེད་ཆོག་པའི་མང་བ་བབས། ཤེལ་བྲག་ལ་རྒྱང་ཕྱག་དང་སྨོན་ལམ་རྒྱས་པར་མཛད། བཀྲ་ཤིས་རྩེ་ཆོས་སྡེའི་རྒྱལ་སྒོའི་འགག་ཏུ་གྲ་དམངས་རྣམས་ཀྱིས་བསུ་བ་དང་བཅས་བླ་བྲང་དུ་དཔོན་སློབ་གཉིས་དར་སྣ་དང་ཕྱག་འབུལ་རྩེ་སྤྲོད་ཀྱིས་མཇལ་འཛོམ་གནང་། སྔར་ཕན་ངོས་མཇལ་ལྟ་ཞོག་ཕྱག་བྲིས་ཕར་གནང་ཚུར་གནང་གི་ཤུགས་འདྲིས་ཀྱང་མེད་རུང་སྔ་མོ་ནས་ཐུགས་འདྲིས་པ་ཞིག་བར་སྐབས་སུ་མ་མཇལ་བ་མཇལ་བ་ལྟ་བུའི་དགྱེས་ཚོར་དང་དག་སྣང་ཆེན་པོ་རྗེ་བླ་མ་གཉིས་ཀར་བྱུང་བ་སྐུ་ཚེ་སྔོན་མ་ནས་དཔོན་སློབ་ཏུ་འབྲེལ་བ་ཞིག་ཡིན་ཚོད་དུ་འདུག་(༨༥ན)

― GLG009_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་སྐུ་འཁོར་བ་རྣམས་ལ་གསུངས་པ་སྔར་ཞལ་འདྲིས་ཡེ་མེད་པའི་སྐབས་རྗེ་བླ་མའི་དག་སྣང་ལ་ཁྱབ་བདག་བཀའ་འགྱུར་བ་ཁ་ཆེ་དྷརྨ་པཱ་ལའི་རྣམ་སྤྲུལ་དང་གཟིམས་ཁང་ཤར་གྱི་བླ་བྲང་རུང་བ་ཞིག་ཏུ་ཁྲི་མཐོ་བའི་སྟེང་ས་སྐྱ་པའི་བླ་མ་སྐུ་བོངས་ཆེ་ཞིང་གཟི་བརྗིད་ཕུན་སུམ་ཚོགས་པ་ལ་ཆོས་མང་དུ་གསན་པ་བྱུང་བ་རྗེས་སུ་རྗེ་བཙུན་བཀའ་འགྱུར་བ་ཆེན་པོའི་བཞུགས་གནས་བཀའ་ཆོས་གནང་ཚུལ་སོགས་སྒོ་མཚུངས་པ་དང་དེར་མ་ཟད་ཁའུ་བྲག་རྫོང་པའི་བསྟན་པ་སྤེལ་བར་རྡོ་རྗེ་འཆང་ཚར་པ་རྗེའི་རྣམ་སྤྲུལ་དུ་ཐུགས་ངེས་འདྲོངས་པར་ཆ་མཚུངས་སུ་མཆིས། ཐོག་མར་ནང་སོ་ཆོས་མཛད་པའི་སྤྱིལ་བུར་བཞུགས་ཞག་གཅིག་མཛད་རུང་སང་ཉིན་ལྷ་གཟིགས་མའི་དབང་པོས་བཀྲ་ཤིས་རྩེའི་གཞིས་ཀ་བཞུགས་མཚེར་དུ་གཡར་པོ་ཕུལ་ནས་དེར་བཞུགས་ཡུལ་གནང་། རྗེ་བཀའ་འགྱུར་བ་ཆེན་པོར་འདི་ནས་བཟུང་སྔ་ཕྱིར་སྙན་བརྒྱུད་ཚད་མ་བཞི་ལྡན་གྱི་ཆོས་བཀའ་གཏོས་ཆེ་བ་རེ་གསན་རེས་རིན་ཅེན་གསེར་གྱི་མཎྜལ་དང་ཚོགས་ཀྱི་འཁོར་ལོ་སོགས་སྙན་བརྒྱུད་དང་པོའི་རྟེན་འབྲེལ་སྒྲིག་ཕྱོགས་རྒྱས་པར་མཛད་ནས་ཐོག་མར་ཚེ་དཔག་མེད་དཀར་པོ་ཕྱག་ལུགས་ཀྱི་རྗེས་གནང་གིས་སྒོ་ཕྱེ། ཀྱེ་རྡོ་རྗེ་མན་ངག་ལུགས་ཀྱི་རྒྱུ་དབང་། ནཱ་རོ་མཁའ་སྤྱོད་ཀྱི་སིནྡྷུ་རའི་དཀྱིལ་འཁོར་ལ་བརྟེན་པའི་བྱིན་རླབས་ཉམས་འཁྲིད་ཤིན་ཏུ་སྨིན་རྒྱས་ནཱ་རོ་ཏ་པའི་བཞེད་གཞུང་སློབ་བཤད་ཐུན་མོང་མ་ཡིན་པ་ཆོས་སྐོར་ཡོངས་རྫོགས། ཨིནྡྲ་མཁའ་སྤྱོད་དང་མཻ་ཏྲི་མཁའ་སྤྱོད་ཀྱི་ལུང་། རྗེ་བཙུན་ཀུ་རུ་ཀུལླཻ་ཐུན་མོང་དང་ཐུན་མོང་མ་ཡིན་པའི་རྗེས་གནང་། ཌོཾ་བྷི་ལུགས་ཀྱི་སིནྡྷུ་ར་ལྷ་ལྔའི་བྱིན་རླབས། དམར་ཆེན་(༨༥བ)

― GLG009_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

བགེགས་ཀྱི་རྒྱལ་པོ་ཕྱག་བཅུ་གཉིས་པའི་ཐུན་མོང་བའི་རྗེས་གནང་། དཔལ་མོ་སྙིང་གི་གསེར་ཐག་ཅན། ནོར་རྒྱུན་མ་དམར་མོ། ལྷ་མོ་ཏི་ནུ་གསུམ་གྱི་རྗེས་གནང་། དམར་ཆེན་སྐོར་གསུམ་དང་དམར་ཆུང་སྐོར་གསུམ་གྱི་བེའུ་བུམ་ཡོངས་རྫོགས། ཞལ་བསྙེན་དུས་ཀྱི་མགོན་པོའི་རྗེས་གནང་། རྩ་གསུམ་འཁོར་ལོ་བཞིའི་འཁྲིད་ཀྱི་ཡིག་སྣ་རྣམས་མ་གཏོགས་པའི་དཀར་ཆག་ནང་གི་ཆོས་སྐོར་ཚང་བ། སྙན་བརྒྱུད་ཧ་ལ་ནག་པོའི་བེའུ་བུམ་སོགས་ཟབ་ཆོས་ལྷུག་པར་སྩལ་བར་གསེར་སྲང་གང་ཕྱག་གཏོད་ཀྱི་འབུལ་བའང་མཛད། རྗེ་བཙུན་བོད་མཁར་བ་ཆེན་པོ་ཡབ་སྲས་སློབ་རྒྱུན་དབུ་རུ་ཕྱོགས་སུ་འཕྲིན་ལས་ཆས་པར་སྐྱིད་ཤོད་དུ་ཁོང་དཔོན་སློབ་ལ་དབང་སྡུད་ཡོད་ཅེས་ལོག་རྟོག་བྱེད་པ་ཐུགས་ལ་མངའ་བ་དང་། གཤེན་རྡོར་སེང་གིས་ཕག་མོ་གྲུ་པ་དབང་དུ་བསྡུས་པའི་ཀག་ཆོལ་མའི་ལོ་རྒྱུས་ཀྱིས་ཀྱང་རྐྱེན་བྱས་རྗེ་བླ་མའི་ཐུགས་ལ་མཆོད་གྲལ་གྱི་ཟེའུ་དམར་པོ་ཕ་གི་ན་དབང་སྡུད་ཅིག་མེད་དམ་དགོངས་པ་ཁྱབ་བདག་བཀའ་འགྱུར་བའི་མངོན་པར་མཁྱེན་པས་མཆོད་དཔོན་འཇམ་དབྱངས་ལ་དེ་ཚུར་ཐོང་དང་གསུངས་ནས་ཟེའུ་ཁ་ཕྱེ་སྟེ་བྱིན་རླབས་རྟེན་སོགས་སྤྱན་འབེབས་གནང་བས་རྗེ་ཉིད་ཐུགས་མོས་བླ་ནས་བླར་འཕེལ། ཆོས་འབྲེལ་དགོས་ཚུལ་ཕེབས་པར་རས་ཆུང་རྣམ་སྤྲུལ་བཀྲ་ཤིས་རྒྱ་མཚོར་སློབ་དཔོན་ཆེན་པོས་དག་སྣང་དུ་སྩལ་བའི་ཚེ་དབང་ཧྲཱིཿགཅིག་མ་འབུལ་བ་མཛད་རིང་སླར་ཆོས་བཀའ་མང་ཙམ་ཞུ་བའི་སྙན་གསན་གནང་། མཁའ་སྤྱོད་མའི་འཁྲིད་ཀྱི་བསྙེལ་ཐོ་སྤྱན་ལམ་དུ་འབེབས་པ་གནང་བར་འབུལ་ཐེངས་གཅིག་ལ་འདི་འདྲའི་དངོས་གཙང་བ་ཡ་མཚན་ཆེ་ཞེས་ཤིན་ཏུ་དགྱེས། ལུགས་གཉིས་(༨༦ན)

― GLG009_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་གནས་ཚུལ་གྱི་གསུང་གླེང་ཞིབ་རྒྱས་ངོས་འཛམ་གླིང་རྒྱན་གཅིག་ཕོ་བྲང་སྣེའུ་སྡོང་རྩེར་གོང་མ་ཆེན་པོར་ཕྱག་འབུལ་ལ་ཕེབས་པར་སུམ་གདན་སྙེས་འབོལ་གྱི་བཀུར་བཟོས་དང་གཞི་ལེན་ཟུར་གསོས་གྱ་ནོམ་པ་གསོལ་ཇ་སྦྱོར་སྦྲེལ་གྱི་བར་དྲི་བ་ཞིབ་རྒྱས་སླར་ཇོ་མོ་ལུགས་ཀྱི་ཕུར་པའི་དབང་ལུང་ཞུ་དགོས་འདུག་ཅེས་བཀའ་སྩལ། འདི་ལོ་ཟླ་བཤོལ་ཁྱད་ནས་ཧོར་ཟླ་དང་པོའི་ཚེས་བཅུ་བཞིའི་ཕྱག་བཞི་པའི་གཏོར་ཆེན་རྟེན་འདོགས་དང་འགྲིག་པའི་དཔལ་ལྡན་བླ་མ་དམ་པའི་ཕྱག་ནས་མའི་ཡེ་ཤེས་ཀྱི་མགོན་པོ་ཕྱག་བཞི་པའི་རུ་མཚོན་ཆེན་པོ་བཀྲམ་འདུག་པར་སྨོན་ལམ་འཕྲིན་བཅོལ་མཛད། ཡར་ལམ་རྣམ་སྲས་གླིང་དུ་རྗེས་གཅོད་ལ་པད་གླིང་དྲག་དམར་གྱི་གཏོར་བཟློག །ནག་རྩིས་ཀྱི་སྲི་གནོན་དང་ཉེས་པ་ཀུན་སེལ་གྱི་མདོས་གནང་། སྒྲགས་སུ་རྒྱལ་ཡུམ་ཡེ་ཤེས་འཚོ་རྒྱལ་གྱི་བླ་མཚོ་དང་ཞབས་རྗེས་མཇལ། གུང་ཐང་དུ་ཕེབས་པའི་འོད་གསལ་དུ་མི་རས་ལྗང་གུའི་ཨང་རག་གྱོན་པ་རྒྱ་དང་སྨ་ར་དཀར་བ་ལག་ཏུ་རྐང་དུང་ཁྱེར་བ་ཞིག་བྱུང་ནས་མགོན་པོ་བསོད་ནམས་མཆོག་ལྡན་སྔོན་ཁ་ཆེ་དྷརྨཱ་པཱ་ལ་དང་ཚར་པ་ཆོས་རྗེ། གཟིམས་ཁང་ཤར་གྱི་བླ་མ་སོགས་ཀྱི་སྐྱེ་བ་ཡིན་ང་ལ་གཏོར་མ་རེ་ཡང་མ་ཆག་པ་སྦྱིན་དགོས། ངའི་ཆོས་སྐོར་རྣམས་གང་རུང་རུང་ལ་མ་སྟེར་ཟེར་བ་བྱུང་བའི་སང་ཉིན་མགོན་པོ་ཤིང་དྲུང་མ་དང་ཞལ་གྱི་ཐང་རྙིང་ཞིག་འབུལ་མི་འབྱོར་པ་རྟེན་འབྲེལ་གྱི་སྒོ་འགྲིག་པར་དགོངས་ནས་ཕྱོགས་ཕེབས་ཀྱི་ཚེ་འབྲལ་སྤང་མཛད། ངེད་ལྷ་སར་ཡོང་ཐོག་ཡར་ཀླུངས་ལ་ཕེབས་བའི་གནས་ཚུལ་གནང་བར་ཉང་ཙམ་ཕེབས། མི་རིང་བར་དགའ་ལྡན་ཕོ་བྲང་མེ་ཏོག་མངོན་པར་བཀྲ་བའི་ལྡིང་ཁང་དུ་བྱོན། འདི་ལོ་ལྷོར་དམག་བཅུག་ནས་མཆོད་ཡོན་གཙང་དུ་(༨༦བ)

― GLG009_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་པའི་འགོལ་སྐབས་དང་འགྲིག་ཁྱབ་བདག་བཀའ་འགྱུར་བ་ཆེན་པོར་གསན་པའི་ཆོས་བཀའ་རྣམས་ཚང་བར་ཞུས། ཁྱད་པར་ནཱ་རོ་མཁའ་སྤྱོད་ཀྱི་ཉམས་འཁྲིད་རྡོ་རུས་ཐུག་པར་བསྒོམས་པས་ཁ་ཕྱིར་བལྟས་ཀྱི་ཤེས་པ་ནང་དུ་ཁུགས་ནས་གསར་མའི་དགེ་སྦྱོར་ལམ་དུ་ལོངས་པའི་ཐོག་མའང་འདི་ཉིད་ཡིན་པས་བླ་མ་དམ་པའི་སྐུ་དྲིན་ནི་བྱང་ཆུབ་ཀྱི་བར་དུ་འཁོར་རིས་སུ་མི་གདའ། དཔལ་མགོན་གདོང་བརྙན་ཅན་གྱི་ཟབ་ཆོས་གནང་དུས་གནས་ཆུང་ཆོས་སྐྱོང་ཡིན་ཟེར་བའི་རྒྱལ་པོ་ཁོག་ཏུ་ཞུགས་པའི་གཟི་བརྗིད་ཅན་ཞིག་ཕོ་བྲང་ལྟག་སྐོའི་འགག་ཏུ་བྱུང་ནས་ཞིང་སྐྱོང་དབང་པོའི་ཆོས་སྐོར་འདི་རྣམས་གང་རྩོལ་གྱིས་གྲུབ་པ་གྱིས་ཟེར་བ་བྱུང་གསུང་བ་ཆོས་རྒྱལ་རྡོ་རྗེ་དྲག་ལྡན་རང་ཡིན་ནམ་མགོན་པོའི་འཁོར་ཞིག་གིས་རྣམ་པ་དེ་འདྲར་བསྟན་པ་ཡིན་ཆ་མ་འཚལ་ཡང་དོན་ལ་ཆོས་གྲུབ་པའི་འཕྲིན་ལས་མཛད་པའི་ལེགས་པར་མངོན། གྲུམ་བུའི་བསྙེལ་རོ་ཡོད་པར་དྭགས་ཡུལ་ཆབ་ཚན་ལ་ཕེབས་པས་འཕྲལ་དུ་དྭངས་ཚུར་ལམ་བཤེས་གཉེན་ཆེན་པོ་ཤ་ར་བའི་འབུམ་པ་མཇལ་བ་གནང་ཞིང་བླ་མ་ཨ་རོང་དགེ་སློང་གིས་གནས་བཤད་བླ་བྲང་དུ་གདན་དྲངས་ནས་གཞི་ལེན་ཞུས། ས་སྐྱོང་བསོད་ནམས་རབ་བརྟན་འདམ་བསམ་གྲུབ་བདེ་ཆེན་གྱི་ཨར་པོའི་ཞལ་བཀོད་ལ་ཐེགས་པའི་ས་བརྐོ་རྡོ་སློག་གི་ཉེན་སེལ་གྱི་སྐུ་སྲུང་འབུལ་བར་མཁར་རྩེ་ལྕང་རར་བྱོན་པའི་གདབ་ལན་དུ་ཡར་ཀླུངས་བཀྲ་ཤིས་རྩེ་ཕྱོགས་ཀྱི་འགྲུལ་ལ་མ་མཉེས་པའི་སྒྱུར་སྦྱང་གནང་། ཟིང་པ་དགོན་གོང་འོག་ལ་ཚེ་དཔག་མེད་དང་བླ་མ་ཞི་དྲག་གི་དབང་སྩལ་ནས་གུང་ཐང་དུ་ཕེབས། ཡང་དགོན་ཀ་དགུ་མའི་སྦུག་ཏུ་བདེ་མགོན་འཁོར་མང་གི་ལོགས་བྲིས་སྐྱ་རིས་དང་སྤྱན་འབྱེད་གནང་། སྤྱན་སྔ་(༨༧ན)

― GLG009_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

སྐལ་ལྡན་རྒྱ་མཚོར་ཞང་བཀའ་རྒྱའི་དབང་ལུང་ཡོངས་རྫོགས་གསན། ཁྱབ་བདག་བཀའ་འགྱུར་བ་ཆེན་པོས་ལས་སྦྱོར་མང་པོ་གནང་ཟེར་བའི་སྙན་ཁྲ་ལ་བརྟེན་ས་སྐྱོང་བསོད་ནམས་རབ་བརྟན་གྱི་ཐུགས་ཀྱི་འཛིན་སྟང་གཞན་དུ་གཞོལ་བ་འདྲའི་བརྗོད་པ་སྣ་ཚོགས་ཀྱིས་སྐྱིད་ཤོད་ཕྱོགས་སུ་ཕེབས་པར་ཐུགས་ཡ་ང་བ་རྗེ་བླ་མས་མཚམས་སྦྱོར་གནང་བའི་རྐྱེན་གྱིས་མང་མཁར་མུ་གུ་ལུང་གཉིས་པར་རྣམ་པར་གྲོལ་བའི་དགའ་སྟོན་གྱི་དབུ་ཚུགས་ཏེ་དབྱར་གྱི་དུས་རྗེ་བཙུན་བཀའ་འགྱུར་བ་དཔོན་སློབ་རྒོད་དཀར་བརྒྱུད་གུང་ཐང་དུ་ཞག་ཤས་བཞུགས་ནས་དཔལ་ལྡན་འབྲས་སྤུངས་སུ་ངེད་དང་ངོས་འཕྲད་ལ་ཕེབས་པ་ཆོས་དང་འབྲེལ་བའི་གསུང་གླེང་ཞིབ་མོལ་དང་། སྡེ་པ་བསོད་ནམས་རབ་བརྟན་གྱིས་སྤྱན་རས་ཀྱིས་བཙའ་བ་ནས་ཆོས་འཁོར་དཔལ་གྱི་ལྷ་སར་བསྟན་པའི་བདག་པོ་ཇོ་ཤཱཀ་སོགས་གནས་ཁྱད་པར་ཅན་གྱི་མཇལ་ཀ་གནང་ངོས་ཞང་བདེ་བའི་རྡོ་རྗེའི་ཕོ་བྲང་ཆེན་པོར་ཆོས་ཀྱི་འཁོར་ལོ་རྒྱ་ཆེན་པོ་བསྐོར་བའི་མཐུན་རྐྱེན་ཕུལ་ནས་རྗེ་བླ་མ་རྣམ་གཉིས་སྟབས་གཅིག་པར་བཞུགས།རྗེ་ཉིད་ཀྱིས་བཀྲ་ཤིས་རྩེ་ཆོས་སྡེར་གསན་པའི་ཆོས་འཕྲོའི་རིམ་པ་མི་དབང་ཆོས་གསུམ་དང་། མཻ་ཏྲི་མཁའ་སྤྱོད་གཉིས་ཀྱི་བྱིན་རླབས། བསྟན་སྲུང་བྱེ་བའི་སྡེ་དཔོན་དཔལ་གུར་གྱི་མགོན་པོ་ལྷ་བརྒྱད། བཅུ་གཉིས་མ། གྲི་གུག་ལྷ་ལྔ་མ། གཤིན་རྗེ་ལྟར་གྲུབ་པ་ལྷ་བཅུ་བདུན་མ་བཞིའི་དབང་། མགོན་པོ་ལྕམ་དྲལ་ལྷ་གསུམ། ལྷ་བརྒྱད་མ། ལྷ་བཅུ་གཉིས་མ་གཉིས་ཀྱི་རྗེས་གནང་ཐུན་མོང་བ། མགོན་པོ་ཁྲོ་ཆུའི་རྗེས་གནང་། ཕྱི་འཁྲིད་རྡོ་རྗེ་བྲག་རྫོང་། ནང་གི་བྲག་རྫོང་སྔགས་རྒོད། གསང་བ་སེམས་ཉིད་རྩལ་འདོན། རྩ་གསུམ་འཁོར་ལོ་ལྔ་ལ་བརྟེན་པའི་གསང་འཁྲིད་རྣམས་(༨༧བ)

― GLG009_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཉམས་འཁྲིད་སྨིན་རྒྱས།མགོན་པོད་མེ་འབར་མ། དེར་མ་འདུས་པའི་ཁ་སྐོང་པོ་ཏི། གྱི་ལྗང་གླེགས་བམ། དུད་སོལ་པོ་ཏི། གསང་བ་ལས་ཀྱང་ཆེས་གསང་བ་སྙན་བརྒྱུད་པོ་ཏི་རྣམས་ཀྱི་ལུང་མན་ངག་ཕྱག་ལེན་ངོ་སྤྲོད། མཐུ་སྟོབས་ཀྱི་དབང་ཕྱུག་དཔལ་མགོན་སྟོབས་འཕྲོག་ནག་པོ་གདོང་བཞི་པའི་ཐུན་མོང་བ་དང་། ལས་བཞིའི་མགོན་པོ། བྲམ་ནག་ཤན་པ་དྲུག་སྐོར་རྣམས་ཀྱི་རྗེས་གནང་། ཚེ་སྒྲུབ་སྲོག་འཁོར་དང་བཅས་པ་དང་གསང་འཁྲིད་ཟབ་མོའི་ཉམས་འཁྲིད། དེ་སྐོར་གྱི་ཡིག་ཆ་དང་སྔར་འཕྲོ་ལུས་པའི་མན་ངག་སྐོར་ཁ་ཤས། ཞལ་གྱི་ལས་མཁན་དམར་པོ་གནོད་སྦྱིན་བེག་ཙེའི་རྗེས་གནང་དང་སྒྲུབ་སྐོར་ཡོངས་རྫོགས། ལྷ་ཆེན་ཊཀྐི་རཱ་ཛའི་འདོད་པ་ལྷའི་རྗེས་གནང་། འཇམ་དཔལ་ནག་པོའི་རྗེས་གནང་ལུང་བཅས། སེང་ལྡེང་ནགས་སྒྲོལ། དཔལ་ལྡན་དམག་ཟོར་མ། གནས་བརྟན་བཅུ་དྲུག །ཁྲོ་མོ་སྨེ་བརྩེགས་རྣམས་ཀྱི་རྗེས་གནང་། དེ་དག་དང་འབྲེལ་བའི་ཡིག་ལུང་། རྡོ་རྗེ་འཆང་བློ་གྲོས་རྒྱལ་མཚན་གྱིས་མཛད་པའི་བདུད་རྩི་རིལ་སྒྲུབ། གཏེར་ཁ་འོག་མའི་ཐོད་འཕྲེང་རྩལ་གྱི་ཟླུམ་པོ་བཞི་དབང་། བླ་མ་གསང་འདུས་ཀྱི་སྐོར། ཉང་གི་དྲག་དམར་རྡོ་རྗེ་སྤྱི་བླུགས་ཀྱི་དབང་། བཀའ་བརྒྱད་གསང་བ་ཡོངས་རྫོགས། ཕུར་པ་སྤུ་གྲི། བསྟན་མ་བཅུ་གཉིས་གསུམ་གྱི་དབང་དང་ཆོས་སྐོར་ཡོངས་རྫོགས། རྟ་མགྲིན་ཡང་གསང་ཁྲོས་པའི་དབང་། རྟ་པོད་ཡོངས་རྫོགས། པཎ་ཆེན་སྐུ་མཆེད་ཀྱི་གཏེར་མའི་བླ་མ་བཀའ་བརྒྱད་ཡོངས་རྫོགས་ཀྱི་རྩ་དབང་སྒོས་དབང་ཆོས་སྡེའི་སྐོར། མངའ་རིས་རིགས་འཛིན་ཆེན་པོའི་གཏེར་མ་དྲག་པོ་དབུ་དགུའི་སྐོར་གྱི་ལུང་། འཆར་ཁ་སྤྲིན་ཤུགས་མ་དང་སྒྲོམ་བུ་མ་ཉིས་འདུས། འཇོམས་བྱེད་འབར་བའི་དབང་ཆེན་ཆོས་སྣ་ཐོར་བུ། རྣམ་སྲས་སྤྲིན་གསེབ་མའི་དབང་སྒྲུབ་སྐོར། དྲི་ཟའི་རྒྱལ་པོ་འབར་བ་རྩལ་(༨༨ན)

― GLG009_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་སྲོག་གཏད། གྲུབ་ཆེན་ལྕགས་ཟམ་པའི་ཚེ་དབང་། བྱང་གཏེར་ཚེ་དབང་ལྕགས་སྡོང་མ་ལྡོང་སྟོན་ཆོས་སྐྱོང་བསོད་ནམས་ཀྱི་ཕྱག་བཞེས་མ་སོགས་སྔགས་གསར་རྙིང་གི་ཟབ་ཆོས་མཐའ་ཀླས་པ་གསན། གུར་ཞལ་དམར་པོ་སྐོར་གསུམ་སོགས་ཀྱི་གཏོར་མ་ལ་བརྟེན་པའི་ཕྱག་ལེན་ངོ་སྤྲོད་ཁྱད་ནས་མཆོད་དཔོན་པ་རྫོང་བདའ་གྱིས་གནང་བ་བཞིན་བཏང་བར་ལུགས་སྲོལ་མི་འདྲ་བ་མཐའ་དག་དཔེ་རིས་སུ་གཏན་ལ་ཕབ། ལག་བཟོ་བྱེད་དགོས་རྣམས་ཀྱང་དམར་འཁྲིད་དུ་ངེས་ཤེས་འདྲོངས་པར་བྱུང་། དཔོན་སློབ་ལྷན་དུ་ཡེར་པ་སྤོས་དགར་ཕེབས་ནས་ཁྱབ་བདག་བཀའ་འགྱུར་བར་འཇོམས་བྱེད་ཉི་ཟླ་ནག་པོའི་བཀའ་གཏད་ཕུལ་ནས་རྗེ་བླ་མ་གར་པར་དབྱར་མཇལ་གྱི་ཁྲོམ་དབང་གནང་བ་སོགས་ཀྱི་ཐུགས་བྲེལ་གཅོད་རིང་བཀའ་འགྱུར་བ་དཔོན་སློབ་བྲག་གསེབ་ཀྱི་གནས་གཟིགས་ལ་ཐེགས་པའི་སྣེ་ཤན་སོགས་ཁུར་བཞེས་མཛད། རྗེ་བླ་མས་ཁྱབ་བདག་བཀའ་འགྱུར་བ་ཆེན་པོ་གཙོ་བོར་གྱུར་པའི་དོན་གཉེར་ཅན་མང་བར་ཐེག་པ་ཀུན་གྱི་ཡང་རྩེ་རྫོགས་པ་ཆེན་པོ་ཀློང་གསལ་སྙིང་ཏིག་ཅེས་ཆོས་རྒྱལ་རཏྣ་གླིང་པའི་གཏེར་མའི་དབང་ལུང་། སྤྲུལ་སྐུ་དྲི་མེད་ལྷུན་པོའི་རྫོགས་པ་ཆེན་པོ་དོན་ཏིག་འགྲོ་བ་ཀུན་སྒྲོལ་གྱི་དབང་ལུང་། བླ་མ་ནོར་བུ་རྒྱ་མཚོའི་སྒྲུབ་ཆེན་དང་འབྲེལ་བའི་དབང་ཆེན་དབང་ཕྲན། བཀའ་བརྒྱད་བདེ་གཤེགས་འདུས་པའི་དབང་ཆེན། འཇམ་དཔལ་ཕྱག་རྒྱ་ཟིལ་གནོན་གྱི་དབང་བཞི་ལྕགས་སྡིག་ལྕགས་འདྲ་ཡོངས་རྫོགས། འཇམ་དཔལ་རིགས་གསུམ་འདུས་པ་ཁྲོ་ཆུ་དུག་སྡོང་ནག་པོའི་དབང་ལུང་། དམ་ཅན་སྐྱེས་བུའི་སྲོག་དབང་ལས་ཚོགས། འཁྲུག་བྱེད་ལས་ཀྱི་རླུང་དམར་དང་རླུང་(༨༨བ)

― GLG009_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

ནག །བྲམ་ཟེ་སྡོམ་བཟང་གི་རླུང་འཁོར། སངས་རྒྱས་གླིང་པའི་རྣམ་སྲས་སེར་ཆེན་གྱི་དབང་དང་སྒྲུབ་སྐོར། ཞང་བློན་གྱི་རྒྱུད་སྒྲུབ་ཐབས། ཙ་རི་ཞིང་སྐྱོང་གི་སྲོག་གཏད། གཡུ་ཐོག་སྙིང་ཏིག་དང་བདུད་རྩི་བུམ་པའི་དབང་ལུང་། བྲང་ཏིའི་གདམས་ངག་དངུལ་བྲེའི་དྲང་སྲོང་སེར་སྐྱའི་སྒྲུབ་ལུང་། སྣར་ཐང་བརྒྱ་རྩའི་རྗེས་གནང་ལུང་བཅས། བླ་མ་ཞང་གི་བཀའ་འབུམ་པོད་བཞི་མ་སོགས་ཟབ་ཆོས་མཐའ་ཡས་པ་འབུལ་བར་མཛད།བཀའ་འགྱུར་བ་ཆེན་པོ་འབྲས་སྤུངས་སུ་སྐོར་ཙམ་ཕེབས་ནས་ཡར་ལམ་གུང་ཐང་དུ་དཔོན་སློབ་མཇལ་འཛོམ་ངོས་ཡར་ཀླུངས་སུ་ཐེགས་ཁར་འབུལ་བ་ཞབས་ཏོག་བཟབས་རྒྱས་མཛད། ཟླ་གཅིག་ལ་ཉེ་བར་སྐུ་མཚམས་ཤིན་ཏུ་དམ་པའི་སྒོ་ནས་བྲག་རྫོང་མའི་ལས་རུང་གི་གཞི་བསྙེན་ཞིག་གནང་བར་རྟགས་ཡ་མཚན་ཅན་བྱུང་ཚོད་ནས་ངེད་ཀྱིས་སྐྱེ་བ་སྔོན་མ་ས་ལུགས་ཀྱི་ཡི་དམ་ཆོས་སྐྱོང་གི་སྐོར་ལ་ཉམས་ལེན་དགའ་རབ་བྱས་པ་འདྲ་བག་ཆགས་གཞན་ལས་ཆེ་བ་ཞིག་འདུག་གསུང་། དགུན་གྱི་རང་དགའ་ལྡན་ཕོ་བྲང་དུ་ཕེབས་རྡོ་རྗེ་འཆང་གནས་གསར་བར་གསན་པ་ཕལ་ཆེར་དང་གཞན་ཡང་རྒྱལ་པོ་བཀའ་འབུམ། ཞི་ཁྲོ་དགོངས་པ་རང་གྲོལ་གྱིས་གཙོས་པའི་དབང་འཁྲིད་ལུང་མན་ངག་མཐའ་ཀླས་པ་སྩལ། བྲག་རྫོང་མའི་འཁྲིད་ཀྱི་དུས་དམིགས་ལྟས་བྱུང་བ་རྣམས་སྙན་དབང་དུ་ཕུལ་བས་དྲེགས་པ་རྒྱུད་གསུམ་དབང་དུ་འདུས་པའི་ལྟས་སུ་འདུག་ཅེས་དགྱེས་པར་གྱུར། བྲག་རྫོང་མའི་ཉམས་འཁྲིད་ཀྱིས་སྲུང་བཟློག་བསད་མནན་གྱིས་ས་མ་དྷི་གཞན་དག་ལའང་མུན་ཁུང་དུ་སྒྲོན་མེ་བཏེག་པ་ལྟར་བོགས་ཐོན་ཞིང་། མགོན་པོ་གཉིས་ཀྱི་ནང་འཁྲིད་ཀྱིས་སྔོན་ཆད་ཆོས་(༨༩ན)

― GLG009_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་ཟེར་ན་ཁ་གདངས་མཆེ་བ་གཙིགས་པ་ཞིག་ཕྱི་རོལ་ན་ཡོད་རྒྱུའི་འཛིན་རྟོག་གི་ངན་མཚང་རྡིབ་ནས་རྩ་ཁམས་རླུང་གསུམ་ཐམས་ཅད་དྲེགས་པའི་ངོ་བོར་ངེས་ཤིང་དེ་ཡང་གསལ་སྟོང་ཟུང་འཇུག་སེམས་ཉིད་གཅིག་པུའི་ངོ་བོར་ཐག་ཆོད་པའི་ས་སྐྱའི་བླ་ཆེན་ཁོ་ནའི་ཁྱད་པར་གྱི་ཐུགས་ཀྱི་ཆོས་ཟབ་མོ་འདིས་འབྲོག་མིས་ཟུར་བུ་ཆེ་ལ་བསམ་མི་ཁྱབ་ཀྱི་འཁྲིད་གནང་ཚེ་བླ་མ་ཆེན་པོའི་བཀའ་དྲིན་གྱིས་ཨ་པོའི་སེམས་ཕྱོགས་ནོར་དུ་སོང་ཞེས་པའི་ལོ་རྒྱུས་བཞིན་སྔར་རྫོགས་ཆེན་གྱི་སེམས་ངོ་སྤྲད་པ་ཚོ་ལ་རྩལ་ཐོན་པས་སྔགས་གསར་རྙིང་གང་ལའང་དམ་པ་འདིས་དྲིན་གྱིས་བསྐྱངས་པ་ལ་མཐའ་མ་མཆིས་སོ། །མེ་ཕག་གི་བདེ་གཟར་གྱི་སྐབས་ནས་ལྷོ་འབྲུག་གི་དགོན་པ་མཐའ་དག་བཛྲ་མུའི་འདྲེས་སུ་མི་དབང་བསོད་ནམས་རབ་བརྟན་གྱིས་བཀྲ་ཤིས་འབྲུག་རྒྱལ་གྱི་དགོན་པ་སྦྱོར་འཇགས་གནང་སོང་བར་རྗེ་བླ་མ་སྐུ་ཚེ་ཐམས་ཅད་དུ་འདོད་ཆུང་ཆོག་ཤེས་ལ་གོམས་པས་ཐུགས་དམ་སྐོང་སླ་གཤིས་དགྱེས་པར་གྱུར། ས་གླང་ལོ་གུང་ཐང་གཟིམས་ཁང་ཤར་གྱི་འདུ་ཁང་གསར་རྒྱག་དང་བླ་བྲང་ལ་ཞིག་གསོས་ཀྱི་བྱ་བ་ལས་ཀྱི་འཁོར་ལོ་རིམ་བཞིན་གནང་། ཡང་དགོན་སྤྱན་སྔ་བསྙུང་བར་ཡང་ཡང་སྐུ་ཁམས་སྐོར་བར་ཕབས་རྡོ་རྗེ་དྲག་ལྡན་མ་མཉེས་པའི་མཚན་མ་ཐུགས་དམ་ལ་ཤར་བའི་བསླབ་སྟོན་བཞིན་གནས་ཆུང་ནས་སྐུ་ཁོག་འབོད་པར་བཏང་བ་མ་འབྱོར་གོང་ལ་སྤྱན་སྔ་གློ་བུར་དུ་གཤེགས་པའི་ཐུགས་དམ་གསལ་འདེབས་དང་ཕྱག་གཡོག་གྲུལ་ཐུབ་མེད་གཤིས་དགོངས་རྫོགས་ཀྱི་བསླབ་སྟོན་མེ་མཆོད་ཕྱག་བསྟར་མཆོད་འབུལ་སོགས་ནན་ཏན་དུ་གནང་། ཞིག་གསོས་ཀྱི་ས་རིས་རྣམས་གུང་ཐང་དུ་མཆོད་ཁང་སུས་(༨༩བ)

― GLG009_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་ལ་བབས་འབྲེལ་ཡོད་གཤིས་སྡེ་བ་བསོད་ནམས་རབ་བརྟན་གྱིས་ལྷ་ཁང་དང་སྦྲགས་རྩིས་སྤྲོད་མཛད། མགར་སྟོང་བཙན་ཡུལ་སྲུངས་ཀྱི་གདུང་རབས་ཆད་པས་སོག་རྩ་བཙུགས་པའི་སྟོན་བསྡུ་ལོང་མེད་པར་བདེ་ཆེན་ནས་ཡང་དགོན་ནང་སོའི་ས་རིས་རྣམས་རྩིས་བཞེས་པའི་རྒྱུས་རྟེན་བཞེངས་སོས་ཀྱི་ཐན་སྤྲིན་ལྟར་གྱུར་པར་རྗེ་ཉིད་ནས་ཡོ་བྱད་དགོས་བྱ་ཕྱག་འདོན་དང་དོ་དམ་གནང་ནས་སྤྱན་སྔའི་གསེར་སྐུ་མདའ་གང་པ་ཞིག་བསྐྲུན་ཏེ་ཡང་དགོན་དུ་བཞུགས་སུ་གསོལ་བར་སྐྱིད་ཤོད་སྟོད་སྨད་ཀྱི་གཟུར་གནས་མཐའ་དག་དད་པའི་གསོས་སུ་གྱུར། ཡང་དགོན་པའི་རྟེན་བཞེངས་ཀྱི་ཞར་ལ་ཐུགས་དམ་རྟེན་དུ་ཨོ་རྒྱན་ཆེན་པོ། རྒྱལ་བ་ཙོང་ཁ་པ། རྗེ་ཕ་བོང་ཁ་པ། ཞབས་དྲུང་བླ་མ་རིན་པོ་ཆེ། ཡོལ་མོ་སྤྲུལ་སྐུ། རིན་པོ་ཆེ་ཀུན་དགའ་ཚེ་མཆོག་ཁུ་དབོན། ཟུར་ཆེན་གཞོན་ནུ་དོན་གྲུབ། ངེད་ཀྱི་འདྲ་འབག་རྣམས་ཁྱིད་གང་བ་རེ་བཞེངས་པར་བལ་པོ་གུ་ཎ་དང་ཤི་ན་ཅན་ལ་གླ་ཐོབ་ཡོན་འཕར་སོགས་བཟབས་རྒྱས་སུ་སྩལ།དབྱར་སྟོད་ཡར་ཀླུངས་བཀྲ་ཤིས་རྩེ་ཆོས་སྡེར་ཕ་རྒོད་གནས་གསར་ཆོས་རྗེའི་དྲུང་དུ་ཆིབས་ཁ་བསྒྱུར། ཚད་མ་བཞི་ལྡན་གྱི་ཆོས་རྣམས་བཀའ་གཉན་ཞིང་བཀའ་སྡོད་གཤིན་རྗེ་པུ་ཏྲ་ཁྱབ་བདག་བཀའ་འགྱུར་བས་ཕེབས་བསུར་བཏང་བའི་ལྷོངས་ལྟ་བུས་ལམ་དུ་བཞུགས་པའི་ནུབ་སྔར་མི་གྲགས་ཀྱི་ཁ་བ་བབས་པས་སང་ལ་ལ་ཕྱགས་ཕྱི་རྣམས་མིག་ཕྱིད་གངས་ཞུ་བའི་ཆུ་གློ་བུར་དུ་རྡོལ་ནས་ཕུ་ཆུ་ལ་ཕེབས་མ་ཐུབ་པར་རྔ་འགོར་བཞུགས། སང་ཉིན་ཤར་མར་ཕེབས་རྩིས་བུ་ཚལ་དུ་ཅིས་ཀྱང་འགྲོ་གསུངས་ཕེབས་དེར་གཟིགས་སྣང་གི་རིམ་པ་བྱུང་བ་ཕྱག་བྲིས་སུ་སྩལ་བ་འདི་ལྟ་སྟེ། ངས་སྔོན་(༩༠ན)

― GLG009_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་མང་དུ་བསྡད་པ་ཡིན་བསམས་ཙ་ན་ཌཱ་དྲིལ་གྱི་སྒྲ་ཞིག་བྱུང་བའི་ངང་ལ་མདུན་དུ་སློབ་དཔོན་ཆེན་པོ་པདྨ་འབྱུང་གནས་རིགས་འཛིན་གདུང་སྒྲུབ་ཀྱི་གཙོ་བོ་ལྟ་བུ། གཡས་སུ་པཎ་ཆེན་བི་མཱ་ལ་ཆོས་གོས་ངུར་སྨྲིག་ཅན་པཎ་ཞྭ་ལི་ཁྲིའི་མདོག་ཅན་གསོལ་བ། ཕྱག་གཡས་ན་པོ་ཏི་ཕྲ་རིང་བསྣམས་པ། སློབ་དཔོན་ཆེན་པོའི་གཡོན་ན་མ་གཅིག་ཡེ་ཤེས་མཚོ་རྒྱལ་བུ་མོ་ལོ་བཅུ་དྲུག་ལོན་པའི་ན་ཚོད་ཙམ་དབུ་སྐྲ་གསིལ་མ་རྒྱབ་ཏུ་བཅིངས་པ། ན་བཟའ་དར་དཀར་དམར་མཐིང་གསུམ། སྐུ་རགས་ལིང་སྔོ་སྐྱ་བཅིངས་པ། ཕྱག་ན་སྔོན་པོ་རིལ་རིལ་ཞིག་བསྣམས་པ་མཐོང་བྱུང་བས་གུ་རུ་ཞི་བའི་ཡན་ལག་བཅུ་པ་ཚར་གཅིག་བྱས་ནས་ཛཿཧཱུྃ་བཾ་ཧོཿས་དབང་བཞི་བླངས་པས། གུ་རུའི་ཞལ་ནས། ཛྙཱ་ན་ཀུ་མཱ་མ་ཡེངས་གསོན་མཛོད་ཅིག །ཆོས་དབྱིངས་རྣམ་དག་ཡེ་གྲོལ་གདོད་མའི་ཀློང་། །ངོ་བོ་རང་བཞིན་ཐུགས་རྗེ་གསུམ་དང་ལྡན། །མི་འགྱུར་གཏིང་ཟབ་བརྗོད་བྲལ་ལྷང་ངེ་བ། །དྲི་བྲལ་ཡན་པ་ལྷུན་གྲུབ་ཆོས་ཀྱི་སྐུ། །ཞེས་ངོ་སྤྲད། བི་མཱ་ལས། འཁོར་འདས་ཐམས་ཅད་བྱང་ཆུབ་སེམས་ཀྱི་དཀྱིལ། །གདོད་ནས་དག་པ་སྐུ་གསུམ་ལྷུན་གྱིས་གྲུབ། །དེ་ཉིད་མ་བཅོས་ལྕོག་བཞག་སོ་མའི་ངང་། །ཡེ་གྲོལ་དག་པ་དེ་ཉིད་ཉམས་སུ་ལོང་། །ཞེས་གསུངས། འཚོ་རྒྱལ་གྱིས། ཡང་དག་དོན་ལ་སྐྱེ་འཆི་གཉིས་མེད་ཀྱང་། །གནས་སྐབས་ཤ་ཁྲག་ལུས་འདི་ངེས་པར་འགྱུར། །ཚེ་འདིའི་སྣང་བ་རྨི་ལམ་སྒྱུ་མ་འདྲ། །རང་ངོ་ཤེས་ནས་སྐད་ཅིག་བརྟན་པ་ཐོབ། །ཅེས་གསུངས། དེ་ནས་བདག་ལ་སྐུ་ཞབས་ཆེན་མོའི་ཕེབས་སྒོར་བཀྲ་ཤིས་ཆོས་སྡེའི་བླ་མར་ས་སྐྱའི་ཞལ་ངོ་ནས་བརྒྱུད་པའི་ཆོས་(༩༠བ)

― GLG009_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོར་གྱི་འཕྲོ་རྣམས་ཞུས་གནང་བྱུང་བར་བླ་མ་དེ་ཅི་འདྲ་ཡོད་དམ་ཞེས་སྔར་གུང་ཐང་དུ་ལུང་བསྟན་ཟུར་ཙམ་བྱུང་ནའང་དེ་ཁོ་ན་ལ་ཐུགས་མ་བཀལ་བར་ཞུས་པས་སློབ་དཔོན་ཆེན་པོས་ཆོས་རྒྱལ་ཁྲི་སྲོང་ལྡེ་བཙན་འདི་རིས་ལོ་ཙཱ་བསླབས་ནས་ཆོས་མང་དུ་བསྒྱུར་བཅུག་ལོ་པཎ་རྣམས་ལ་ཆོས་ཞུས། བཙུན་མོ་དང་བློན་པོའི་དབང་དུ་སོང་ནས་ལོ་པཎ་རྣམས་ལ་དཀའ་བ་སྤྱོད་དགོས་མང་དུ་བྱུང་། ད་ལྟའང་དབང་འཁྲིད་ལུང་སོགས་བྱེད་དགོས་པ་སྔོན་གྱི་ལས་འཕྲོ་སད་པ་ཡིན། སྙིགས་དུས་གསང་སྔགས་རྡོ་རྗེ་ཐེག་པའི་བསྟན་པའི་སྒྲོན་མེ་ལྟ་བུའོ། །ཞེས་གསུངས་པའི་ངང་ལ་མི་རས་ལྗང་གུའི་ཨང་རག་གྱོན་པ་རྒྱ་དང་སྨ་ར་དཀར་པོ་བྲང་དུ་སླེབ་པ་རལ་པ་སྤྱི་བོར་བཅིངས་གསེབ་ཏུ་གཙོད་རྭ་གཟེར་བ་ལག་ཏུ་རྐང་དུང་ཁྱེར་བ་ཞིག་གིས་མགོན་པོ་བསོད་ནམས་མཆོག་ལྡན་འདི་སྔོན་ཆོས་རྒྱལ་ཁྲི་སྲོང་གི་ལོ་པཎ་རྣམས་བསམ་ཡས་སུ་གདན་དྲངས་པའི་དུས་ཁ་ཆེའི་པཎ་ཆེན་དྷརྨ་པཱ་ལ་ཡིན། དེ་ནས་རྒྱལ་སྲས་དངུལ་ཆུ་ཆོས་རྫོང་པ་དང་གོང་དཀར་ཆོས་སྡེའི་བླ་མ། གཟིམས་ཁང་ཤར་གྱི་ཁྲི་པ། ཚར་ཆེན་བློ་གསལ་རྒྱ་མཚོ། དེའི་སྐྱེ་བ་ད་ལྟའི་བླ་མ་འདི་ཡིན་པས་ཁྱེད་ཀྱི་རྩར་ངས་ཡོངས་པ་ཡིན་ལ་གཏོར་མ་རེ་མ་ཆག་པར་སྟེར་དགོས་ང་དང་གཞན་མི་འདྲ་བས་ངའི་ཆོས་སྐོར་རྣམས་གང་རུང་རུང་ལ་མ་སྦྱིན་ཞིག་ཟེར་རོ། །ཞེས་པའི་གསུང་གི་གནང་བ་དངོས་སུ་སྩལ་ཞིང་ཨོ་རྒྱན་གྱི་མཁན་པོ་གསང་བ་ཤེས་རབ་ལྟར་པཎྜི་ཏ་དྷརྨཱ་པཱ་ལའང་ཚེའི་རིག་པ་འཛིན་པ་ལ་མངའ་བརྙེས་པས་རྗེ་ཁྲི་སྲོང་ལྡེ་བཙན་གྱི་དུས་བྱོན་ནས་ལོ་ཆེན་གྱི་བར་བཞུགས་པར་མངོན། པཎྜི་ཏ་འདི་རྒྱ་གར་ཤར་ཕྱོགས་པ་ཡིན་ཡང་ཁ་ཆེ་དྷརྨཱ་པཱ་ལ་ཞེས་གྲགས་ཆེ་(༩༡ན)

― GLG009_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

བས་འཇིག་རྟེན་གྱི་གྲགས་པ་མི་འགོག་པའི་ཆེད་དུ་དགོངས་པ་འདྲ། དེ་ནས་གཙང་ཆུང་གླིང་ཁར་ཕེབས་རྩིས་ལ་སྲུང་མའི་འཚུབ་ཀྱིས་རླུང་དམར་ཤིན་ཏུ་ཆེ་བ་ལངས་པས་གྲུ་གཏོང་མ་ཐུབ་པར་བློ་མདར་བཞུགས། སང་ཉིན་གཡོ་རུ་ཁྲ་འབྲུག་གི་གཙུག་ལག་ཁང་གི་རྟེན་བརྟེན་པ་རྣམས་མཇལ་བ་མཛད་ཚེ་རྒྱལ་ཁང་གི་སྐུ་ཐོག་མར་ཁ་དོག་དམར་བ་ལ་མཐར་སྨུག་ནག་ཏུ་འགྱུར་བ་ཞིག་ཀུན་གྱིས་གཟིགས། བཀྲ་ཤིས་རྩེ་ཆོས་སྡེར་གཟིམས་ཁལ་འབེབས་ལོང་མེད་པར་སེར་བ་དྲག་པོ་གློ་བུར་དུ་བབས་པའི་ཐིགས་པས་དཔོན་སློབ་མཇལ་འཛོམ་གྱི་དུས་སྒོ་མངས་ཀྱི་སྟེང་དུ་བཞུགས་གདན་འདིང་དགོས་བྱུང་། དེ་དང་དུས་མཚུངས་སུ་གོང་དཀར་འོང་གསེབ་ཏུ་ཆུ་འཐབ་ཀྱི་རྣམ་པས་མི་ཞིག་བསད་པ་དང་། བཀའ་ཆོས་ཚུགས་ནས་རིང་པོར་མ་ལོན་པར་རྗེ་བླ་མ་སྐུ་ལྟེམ་པའི་བང་ཕྱིན་བྱུང་འཕྲལ་བྱང་ངོས་ནས་དཔོན་ཚང་གཞན་ཕན་དབང་པོས་སྔོན་མོ་ཆུ་འདྲེན་གྱི་ཆབ་སྨན་སྦྱར་བ་འཕྲལ་དུ་འབུལ་མི་བཏང་ཞིང་ཁྱབ་བདག་བཀའ་འགྱུར་བ་ཆེན་པོའི་ཐུགས་དམ་བརྟག་པར་ཆོས་སྐྱོང་གི་འཚུབ་ལྷོངས་ཡིན་ཚུལ་ཤར་བར་བརྟེན་མགོན་པོ་ཆེ་ཆུང་ལས་མཁན་གཉིས་དང་བཅས་པར་གྲ་པ་བཅུ་གཉིས་ཀྱིས་ཉིན་གཉིས་ཀྱི་བར་བསྐང་བཤགས་བརྒྱ་ཚར་བསགས། ཆོས་སྡེར་མང་ཇ་སྤོང་དག་གི་སྤྱི་འགྱེད་གནང་། སྣེའུ་སྡོང་རྩེའི་བླ་སྨན་གྱིས་ཕྱག་རྩ་ཞུས་ཤིང་ཕུ་ལུང་དྲུང་འཚོ་བ་རྩ་རིའི་གནས་སྐོར་ནས་འོངས་པའི་འཕྲོད་བསྟེན་ཞུས་པ་སོགས་རྒྱུ་རྐྱེན་འཛོམ་པའི་མཉེལ་བབས་ལྕི་ཡང་སྨན་ཐུན་ལྔ་ཙམ་གྱི་ཐོག་གཞི་མེད་དུ་སོང་བ་ཆབ་གསོག་དཀྱུས་མ་ལ་དེ་འདྲ་དཀའ་ནའང་མ་འོངས་པ་ན་སློབ་མ་དམ་ཉམས་ཤིག་ཡོང་བ་(༩༡བ)

― GLG009_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་སྐྱོང་གི་མཁྱེན་པའི་རྟགས་ཁོ་ནར་སྣང་། བཀའ་ཆོས་ཀྱི་རིམ་པ་མགོན་པོ་ལྷ་བརྒྱད་དང་ལྷ་བཅུ་གཉིས་མའི་རྗེས་གནང་ཐུན་མོང་མ་ཡིན་པ། དུད་སོལ་མའི་རྗེས་གནང་ནན་ཆགས་མར་གྲགས་པ། པུ་ཏྲ། བེར་ནག་ཟངས་གྲི་ཅན། གཅེར་བུ་ཟངས་གྲི་ཅན། རུ་མཚོན་གྱི་ལས་མཁན་བྲན་བདུད་ཐུན་མོང་བ། ཞལ་ལས་སྦྱོར་གྱི་མགོན་པོ་གླང་གདོང་མ། ཕྱག་རྡོར་གོས་སྔོན་ཅན། རྣམ་སྲས་སེར་ཆེན་སྨད་ལུགས། དཀར་བདུད་ལྕམ་དྲལ་རྣམས་ཀྱི་རྗེས་གནང་། རྟ་མགྲིན་ཡང་གསང་ཁྲོས་པའི་རྫོང་ཆུང་ཚེ་དབང་། མཛོད་དབུས་མ་ནས་བྱོན་པའི་ཚེ་དཔག་མེད་དཀར་པོའི་དབང་། དྲག་པོ་དབུ་དགུ་ཡེ་ཤེས་རང་གསལ་གྱི་རྩ་དབང་། རས་ཆུང་ལུགས་ཀྱི་ཚེ་དབང་ལྷ་གཅིག་བུམ་གཅིག །ཚེ་སྒྲུབ་ཞག་བདུན་མ། ཚར་ཆེན་གྱི་བཀའ་འབུམ། སྒོ་རུམ་པ་དང་འཇམ་དབྱངས་མཁྱེན་བརྩེ་གཉིས་ཀྱི་རྣམ་ཐར་གྱི་ལུང་། བླ་མ་དམ་པ་དང་མུས་ཆེན་གྱི་ཀྱེ་རྡོར་མངོན་རྟོགས། དཀྱིལ་ཆོག་བྱ་བྲལ་མ་སོགས་ཟབ་ཆོས་མཐའ་ཡས་པ་དང་། མན་ངག་ཞལ་བཞེས་སྙིང་ནང་གི་ཁྲག་ལྟ་བུ་རྣམས་སྦ་སྲིས་མེད་པར་སྩལ་བའི་ལྗགས་ལུང་ནང་གི་སློབ་དཔོན་དྷརྨཱ་པཱ་ལའི་བརྗོད་བྱ་ཞིག་གི་སྐབས་རྗེ་བཀའ་འགྱུར་བས་སྤྱན་ནམ་མཁར་གཟིགས་ནས་ཞལ་འཛུམ་ཙམ་མཛད་པ་བུ་ཚལ་གྱི་ལུང་བསྟན་དེ་མཁྱེན་པ་ཡིན་ནམ་དགོངས་པའི་ཐུགས་དོགས་ཤར། བྲན་བདུད་ཀྱི་བཀའ་གཏད་སྐབས་འཚུབ་མ་ཁམ་ནག་ཅིག་གིས་དཀྱིལ་ནས་མི་ནག་པོ་རལ་པ་ལྟག་པར་བཅིངས་ཤིང་རེ་བའི་གོས་གྱོན་པ་རྟ་ནག་ཞོན་པ་ཞིག་རྡོ་གཅལ་ནས་གཟིམས་ཆུང་བར་འུར་འུར་ཟེར་ནས་རྟ་མ་བབས་པར་ནང་དུ་བྱུང་བ་བཀའ་ལས། དེ་འདྲ་གསལ་པོ་མཐོང་ཡང་རྙིང་མ་(༩༢ན)

― GLG009_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་རིས་ལ་ཟོག་གི་ཁག་ཡོང་བས་དགོངས་ཁྲེལ་དོགས་སྙན་འབུལ་ཞུ་མ་ནུས་གསུང་། སྔགས་སྡེབ་སྙིང་གཟེར་ནག་པོ་དང་སྲིད་པའི་གཏེར་ཁྱིམ་གྱི་ལུང་དགོངས་བཞེད་བཞིན་འབུལ་བ་གནང་། ནང་སོ་དགེ་འདུན་རྒྱ་མཚོར་གཏེར་མགོན་ཕྱག་བཞི་པ་དང་སྨན་ལུང་ལྷ་མོའི་དབང་དང་བསྐང་གསོའི་ལུང་སྩལ། ཚུར་ཕེབས་གདོང་དཔོན་རིན་པོ་ཆེས་ད་ལམ་ངེད་རང་ཚར་ལུགས་པ་རྣམས་ཀྱི་གདམས་པ་ཡོད་དགུ་ཐམས་ཅད་ཕུལ་བ་ཡིན་པས་ཆོས་སྐྱོང་རྣམས་ཕྱི་འབྲང་བྱས་མི་ཡོང་ལ་ཆེ། སྔོན་གྱི་བླ་མ་རྣམས་ལའང་དེ་ལྟར་བྱུང་འཕྲོས་འདུག་ཕེབས། སང་ཐེགས་ཁར་བླ་བྲང་དུ་གདན་དྲངས་ཆོས་སྡེའི་རྒྱལ་སྒོ་བར་ཁྱབ་བདག་བཀའ་འགྱུར་བས་སྐྱེལ་མར་བྱོན་ངེད་ཚོས་གཡབ་དབྱུག་ཞུ་དུས་ཆིབས་ཀྱི་ཞལ་ཁ་བསྒྱུར་བ་ཞུ་གསུངས་པ་བཞིན་ལྕང་གསེབ་སྒྲོལ་མཚམས་ལ་ཕེབས་པ་ན་ཐོག་ཁ་ནས་རྗེ་བཙུན་ཉིད་ཀྱིས་གཡབ་དར་དང་ཞབས་འབྲིང་པ་ཚོས་གཟན་གྱིས་གཡབ་མོ་སོགས་ཆོས་སྐྱོང་ཕྱི་འབྲང་མི་ཡོང་བའི་རྟེན་འབྲེལ་བསྒྲིག་པ་གནང་། སྣེའུ་སྡོང་རྩེར་ཞབས་དྲུང་གདུང་བརྒྱུད་རིན་པོ་ཆེ་བློ་བཟང་མཁྱེན་བརྩེའི་དབང་ཕྱུག་ནོར་འཛིན་ཆོས་ཀྱི་རྒྱལ་པོ་ངག་གི་ལྷ་མཇལ་བར་ཕེབས་ཐུགས་འདོགས་བདག་རྐྱེན་ཚད་མེད་སྩལ། བསམ་གཏན་གླིང་ནས་སྣ་མོ་ཤག་གྲུབ་ཆེན་མི་ཕམ་ཀརྨ་སངས་རྒྱས་ཇ་ཞུས་དང་བཅས་ཕྱག་དབང་ལ་འབྱོར། རྩེ་ཚོགས་མཁན་ཆེན་སྐྱོང་བས་ཇ་འདྲེན་ཞུས། གཙང་ཆུང་གླིང་ཁར་སྡེ་པ་བྱིང་པ་མ་ཆེན་གྱིས་གུང་གི་དྲོའི་བསྙེན་བཀུར། རྣམ་སྲས་གླིང་དུ་ཞག་གསུམ་བཞུགས་པར་སྤྱི་སྒེར་སོ་སོ་ནས་ཞབས་ཏོག་དང་སྡེ་པ་མ་ཆེན་གྱིས་གཙང་གི་བདེ་(༩༢བ)

― GLG009_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

གཟར་དུས་ནོམ་པར་བྱུང་བའི་རྟ་མགྲིན་གྱི་ལི་སྐུ་ཕུལ། ཟན་གཡང་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོའི་རྟེན་ལ་སྙན་དར་དཀར་མེ་ཞལ་ཟས་ཀྱི་མཆོད་འབུལ་རྒྱ་ཆེར་བསྟབ་ཅིང་སྨོན་ལམ་རྣམ་དག་གི་མཚམས་སྦྱོར་དང་སློབ་དཔོན་ཆེན་པོས་གུང་ཐང་ལ་ཁར་བཞག་པའི་ཞབས་རྗེས་ངོ་མཚར་ཅན་དང་། བཻ་རོའི་ཕྱག་བཟོའི་རྟ་མགྲིན་སོགས་ཕོ་བྲང་འོག་ཏུ་ཡོད་པ་རྣམས་ཀྱང་ཞིབ་མཇལ་མཛད། རྟ་མགྲིན་གླིང་དུ་ཚེས་བཅུ་གནང་རྩིས་མཆོད་པ་ཐེངས་གཉིས་སྐྱེལ་བར་ཞབས་འབྲིང་པ་ཞིག་གིས་ཕྱིན་སྐབས་སྒོ་མ་བྱུང་བ་དང་ཕེབས་ཉིན་ཡང་སྦུག་གི་ལྡེ་མིག་ལུས་ནས་སྒུག་པ་གནང་དགོས་བྱུང་བར་ཐུགས་ཚིག་པའི་རྣམ་པས་རྟ་མགྲིན་གྱི་ཞབས་འོག་ལ་ནན་ཆེར་གཟིགས། བཞུགས་མཚེར་དུ་ཕེབས་ནས་རྟ་མགྲིན་གླིང་ན་ཆོས་གཏེར་གྱི་སྐལ་བ་ཞིག་ཡོད་རུང་རྟེན་འབྲེལ་མ་འགྲིག་ཅེས་དྲུང་དུ་འཁོད་པ་རྣམས་ལ་བཀའ་སྩལ། བསམ་ཡས་མདོ་སྡེ་མཆོད་པའི་དེབ་ལ་དང་འགྲིག་སྟེ་ལྕོག་ཏུ་ཕེབས་བསྟན་སྲུང་དྲེགས་པའི་སྡེ་དཔོན་གནོད་སྦྱིན་ཆེན་པོས་སྟག་ལྤགས་ཁར་ཁ་གང་མ་ཞིག་བཏིང་བའི་གདན་བཟོས་དང་གུ་རུ་པདྨའི་བསྟན་པ་ལ་སྔར་བཞིན་འཛིན་སྐྱོང་སྤེལ་གསུམ་བྱེད་དགོས། སྲུང་འཁོར་དང་མདུད་པ་ལ་རྒྱས་བསྡུས་འཚམ་པ་དགའ། རིགས་འཛིན་པ་རང་གི་བསྟན་པ་འདི་ཡུན་རིང་པོའི་བར་དུ་གནས་པའི་འཕྲིན་ལས་སྡུག་འདྲེས་བྱེད་དོ་ཞེས་དགྱེས་དགྱེས་དང་མཚོན་ཆ་རྣམས་ཀྱང་རྗེ་ཉིད་ཕྱོགས་སུ་ཡེ་མ་འཕངས་པས་ཐའི་ཇིས་གཙོས་པ་ཀུན་ཡ་མཚན་གྱི་གནས་སུ་བྱེད། ཕུ་ལུང་གྱ་ར་བས་ཞག་གཅིག་གིས་ཞབས་ཏོག་ཞུས་ཤིང་བ་ལམ་ཤར་ནུབ་སོགས་སྟོད་སྨད་ཀྱི་སྔགས་པ་(༩༣ན)

― GLG009_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་བསྡུས་པའི་མཁའ་འགྲོ་བསུ་བཟློག་དང་འབྲེལ་བའི་བརྟན་བཞུགས་ཕུལ། སྟོན་པོ་ཏ་ལར་ཕེབས་ཉིན་པུ་ཏྲའི་འཚུབ་ལྷོངས་ཀྱི་རྣམ་པས་སེར་བ་ཆེན་པོ་གློ་བུར་དུ་བབས། བཀྲ་ཤིས་རྩེར་གསན་པའི་བཀའ་ཆོས་རྣམས་དང་སྔགས་གསར་རྙིང་གི་ཆོས་བཀའ་མང་དུ་ཞུས། དྲག་པོ་དབུ་དགུའི་དབང་གི་ཉིན་མཆོད་དཔོན་པས་གཏོར་མ་ཁུར་ཡོངས་པ་གནམ་སྒོ་ལ་ལྷུང་གྲབས་ཀྱི་རྔུར་ཆེ་བར་བྱུང་། འདི་རེས་དང་དུས་གཞན་དག་ཏུའང་སྔ་འགྱུར་གྱི་ཆོས་སྲུང་བཀའ་གཏད་འདྲའི་ཚེ་སློབ་མ་ཕུར་པ་གཤིན་རྗེ་རྟ་མགྲིན་སོགས་ཐུགས་ལ་གང་འཐད་པ་ཞིག་གི་བསྐྱེད་རིམ་མཛད་པ་ཞུ་ཞེས་བརྡ་སྤྲོད་པ་གནང་དུས་རང་གི་བློ་ལ་གང་འཐད་བསྒོམས་པ་སླར་གཏོར་མ་ལག་ཏུ་གཏོང་པའི་ཚེ་སྔར་གང་བསྒོམས་པ་དེ་ཀའི་མཚན་སྨོས་ཏེ་ཁྱེད་རང་དེར་གསལ་བ་ལ་ཆོས་སྐྱོང་གཏད་བྱུང་དགོངས་པའི་མོས་པ་མཛོད་སོགས་གཞན་སེམས་མཁྱེན་པའི་མངོན་ཤེས་ཐོགས་མེད་མ་གཏོགས་ཕོ་ཚོད་དང་གསང་གཏམ་ཉན་དགོས་པའི་རིས་དེ་འདྲ་ཡེ་མིན། ཕན་བདེ་ལེགས་བཤད་གླིང་པར་སྔ་འགྱུར་གྱི་སྒྲུབ་འཕྲིན་འཛུགས་པའང་བླ་མ་དགེ་དར་བས་གྲ་མི་འགྲིག་པའི་ཐབས་ཁོ་ན་དང་ཁོ་རང་གི་ཁ་ལ་ཉན་པ་ཚོར་ཁྲལ་བཅོས་ལས་ཚུལ་ལྡན་བྱས་གཞན་འདྲ་དང་སྡེ་པའི་སྙན་དུའང་སྤོས་དགའ་སྐུ་སྐྱེས་ཞུ་འབུལ་མངས་པའི་ངེད་ཚོར་བྱེད་གཏད་བྱུང་ཚུལ་རྗེ་བླ་མར་ལྐོག་ཏུ་སྐུར་འདེབས་ཚན་པོ་ཆེ། ཡར་ཀླུངས་བཀྲ་ཤིས་རྩེ་ཆོས་སྡེ་འཇིག་ཏུ་ཉེ་བའི་འཕྲུལ་སོགས་གསང་བའི་རྣམ་ཐར་མང་ཡང་། བཤེས་སྤྲིངས་ལས། མི་ནི་ཨ་མྲའི་འབྲས་བཞིན་མ་སྨིན་ལ། །སྨིན་པ་དང་འདྲ་སྨིན་ལ་མ་སྨིན་འདྲ། །མ་སྨིན་མ་སྨིན་པར་སྣང་སྨིན་ལ་(༩༣བ)

― GLG009_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། །སྨིན་པར་སྣང་ཞེས་བགྱི་བར་འདྲར་རྟོགས་མཛོད། །ཅེས་པའི་དོན་ཐུགས་ལ་མངའ་བའི་ཚུལ་བསྟན་གྱིས་ཁོང་པ་བསམ་བསམ་པ་རྟ་དང་འགྲོ་ཁར་རྐང་ཐང་གི་རྣམ་པའི་བླ་མ་བྱེད་པར་ཆོས་འཆད་རྒྱུས་ལག་གཏུགས་ནས་སླ་ང་ཚ་དུས་ཀྱི་སྐམ་པའི་ཚུལ་དུ་རྡོ་རྗེ་འཆང་ཕ་བོང་ཁ་པ་ནས་བརྒྱུད་པ་དང་། ནཱ་རོ་མཁའ་སྤྱོད་གུར་ཞལ་སོགས་གནང་བ་སྔར་སྟོབས་འཕྲོག་དབང་པོས་ངའི་ཆོས་བཀའ་སུ་བྱུང་བྱུང་ལ་མ་བྱེད་གསུངས་པའང་འདི་རིས་ལ་དགོངས་གཤིས་སྐུ་ཚེའི་གེགས་སུ་སོང་བའི་འགྱོད་པ་ནི་རྟས་མི་ཟིན་པ་ལྟ་བུར་སྣང་། ལྕགས་སྟག་ནང་དུ་རྡོ་རྗེ་བྲག་ནས་རིགས་འཛིན་སྤྲུལ་པའི་སྐུ་དཔོན་སློབ་བཀའ་ཆོས་གསན་པར་ཕེབས། བྱང་གཏེར། ཚེ་བདག །དགོངས་པ་ཡང་ཟབ། གཟའ་པོད་སོགས་དབང་ལུང་མང་དུ་འབུལ་བ་གནང་། གར་བུ་དགོན་དུ་སྤྲུལ་སྐུ་རིན་པོ་ཆེ། བླ་མ་འཛོམ་པ་སྒང་པ། གཞིས་སུ་གནས་པ་དང་ཕྱོགས་མཐའི་སྔགས་བན་མང་དུ་ཚོགས་པར་ཞི་ཁྲོ་དགོངས་པ་རང་གྲོལ་གྱི་སྒྲུབ་ཆེན་ཞག་བཅོ་ལྔ་སྐོར་ལ་རྫོགས་པར་མཛད་པའི་འོག་སྒོ་བདེ་ཆེན་གྱི་སྐོར་དཔོན་སློབ་ཉུང་བསྡུས་དང་། སྟེང་སྒོ་རྣམ་གྲོལ་གྱི་ཆོས་སོགས་དངོས་གཞི་ཚོགས་པ་བྱིངས་ལ་སྩལ་བའི་མཐའ་བརྟེན་སྦྱིན་སྲེག་གི་བར་སྣང་གསལ་བའི་ཕྱག་ལེན་མ་འཕྱུགས་པ། གྲོལ་དབང་ལ་སྟོད་སྨད་ཀྱི་ཁྲོམ་ཆེན་པོར་བཀྲ་ཤིས་ཚེ་དང་སྒྲུབ་རྫས་ཀྱི་དབང་བསྐུར་གནང་། གར་བུ་དགོན་པ་བ་ཚོར་སྒེར་དུ་སྤྱན་རས་གཟིགས་ཀྱི་བྱིན་རླབས། སྨྱུང་གནས་ཀྱི་ཆོ་ག །མ་ཎིའི་བཟླས་ལུང་སོགས་ཀྱི་རེ་བ་བཀང་། ཡང་དགོན་བླ་མ་ཤ་ར་ཧོར་སྐུ་སྐྱེར་ཚལ་ལུགས་བདེ་མགོན་གྱི་དབང་སོགས་ཉེར་མཁོའི་ཆོས་བཀའ་མང་དུ་སྩལ། ལྷོ་བྲག་ནས་སྤྲུལ་སྐུ་(༩༤ན)

― GLG009_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་སྤྲུལ་དཀོར་ཆེན་བཤགས་ཏེ་ལྷ་སར་བྱོན་པའི་ལམ་ཞོར་གུང་ཐང་དུ་དཔོན་སློབ་གདན་འཛོམ། ཕར་གསང་བ་སྙིང་པོའི་རྒྱུད་ཀྱི་དབུ་ཚུགས་དང་ཚུར་ཆོས་འབྲེལ་ཙམ་གསན། པོ་ཏ་ལར་ས་འདུལ་གྱི་ཚེ་ལྷ་སར་མཆོད་ཡོན་ཞལ་མཇལ་བར་བྱོན་འདུག་རུང་ཞལ་འཚོ་བ་བཞིན་མེད་པས་འདི་རེས་སྤྲུལ་སྐུ་རང་ལ་ཐིག་ལེ་བཅུ་དྲུག་གི་ལུང་དང་ཐུགས་སྲས་ཟླ་བའི་དགེ་བསྙེན་བསྒྲུབ་པར་འབྲས་སྤུངས་སུ་འབྱོན་པར་རྗེ་བླ་མས་མཚམས་སྦྱོར་གྱི་ཕྱག་བྲིས་གནང་ངོ་། །གནམ་གྱི་ཤེ་མོང་དཔུང་པ་སྲིད་པའི་རྫོང་། །རྫོགས་ལྡན་སླར་བཞིན་ངོམ་པ་གསར་པ་སྒོ། །བརྒྱ་ཕྲག་འབྱེད་ལ་ཡངས་པའི་རྣམ་དཔྱོད་ཀྱིས། །ས་ལ་བློ་གསལ་ཕུར་བུའི་མཆེད་པོར་འགྲན། །རང་རིག་བླ་མར་ངེས་བཙལ་ཟླ་དགུའི་བར། །རང་བཞིན་ལྷུན་གྲུབ་འདུས་མ་བྱས་པའི་ཀློང་། །རང་ལས་མི་གཞན་དོན་གྱི་པདྨ་འབྱུང་། །རང་སྣང་ངོ་བོར་འབྱམས་ཀླས་དངོས་གྲུབ་བརྙེས། །ལྷ་གཅིག་མུ་ཏིག་བཙན་པོའི་སྒྱུ་མའི་འཕྲུལ། །གྲགས་པ་དོན་ལྡན་ཆོས་རྒྱལ་འབྲི་གུང་པའི། །བསྟན་སྲིད་པདྨའི་སྐུད་པ་ལྟར་ཕྲ་བ། །མི་ཟད་རྡོ་རྗེའི་ཟུངས་སུ་དེང་བྱིན་བརླབས། །ཀུན་འདུས་ཞི་ཁྲོའི་བུ་རམ་ལྗོན་ཚལ་དུ། །བདག་རྒྱུད་དུག་ལྔའི་ཐིག་ལེའི་ཡེ་ཤེས་ལྔར། །དབང་ཆུ་ཉི་མས་སྨིན་འབྲས་ཤཱཀྱའི་བརྒྱུད། །གཏན་མདུན་དོན་རྣམས་གྲུབ་དྲིན་གང་གིས་གཞལ། །མགོན་ཁྱོད་གཙུག་རྒྱན་མི་ཉག་བྱང་པ་རྗེའི། །མཆོག་སྤྲུལ་ཟླ་བ་ཚེས་པ་འཁོར་འདས་ཀྱི། །ཡོན་ཏན་བྱེ་བའི་ཆ་རྫོགས་ཉེར་བསྡོགས་སུ། །རྡོ་རྗེའི་སློབ་དཔོན་ཆེན་པོར་དེང་འདིར་གྲུབ། །རྒྱུན་གྱི་དབང་པོའི་མཁན་པོ་ཁྲིམས་ལྡན་གཙོ། །བརྟུལ་ཞུགས་སྤྱོད་པ་མཐར་ཕྱིན་བི་རཱུ་བ། །(༩༤བ)

― GLG009_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

ལྗོངས་འདིར་གནས་གསར་ཆོས་རྗེར་ཡོངས་གྲགས་ཞབས། །དམ་པའི་གཙུག་ཏོར་རྩེར་འགོད་རྟེན་འབྲེལ་འགྲིག །བླ་མ་ཡི་དམ་ཁྱད་པར་གཉན་མགོན་དེས། །ལུང་བསྟན་བདེན་གཏམ་འགྱུར་མེད་གཏན་ཚིགས་ཀྱིས། །སྙན་བརྒྱུད་ཚད་མ་བཞི་ལྡན་བདུད་རྩིའི་བཅུད། །གང་གི་ཐུགས་གསང་དཔལ་བེར་ཡོངས་སུ་གཏམས། །ཕྱི་འགྱུར་ཆོས་ཟབ་ཀྱིས་གདུངས་གནས་ངན་ལས། །བདེ་འགྲོའི་རྟེན་ལ་དངོས་སུ་ཉམས་མྱོང་བདག །ཟབ་རྒྱས་གདམས་པ་རོ་བརྒྱའི་བཟའ་བ་ལ། །ཅི་དགར་སྤྱོད་འདི་ཨ་ཧོ་བླ་མའི་དྲིན། །ས་དབང་སྒྲ་འཛིན་ལ་བཅུག་ཕྲ་མ་ཡི། །ཆང་མྱོས་གཉིས་འཐུང་རྒོལ་བའི་སྤོབས་བྲལ་ཡང་། །ངག་འཇམ་གཞན་སྣང་འདྲིད་པ་སོར་མོའི་དུག །འཁོར་ལོའི་རི་མོ་ཅན་གྱི་ཞབས་ལ་བསྐུ། །ཐུགས་རྗེ་ཉི་དཀྱིལ་མཁའ་ལ་རྟག་འཆར་ཡང་། །འཕྲིན་ལས་ཆུང་ངུའི་བུ་གར་རབ་འཇུག་པས། །མཆོག་དམན་བར་པ་རྗེས་འཛིན་ཁྱོད་ཉིད་ཀྱི། ཁྱད་པར་མ་ལགས་སངས་རྒྱས་སྤྱི་ཡི་ལུགས། ཁྱབ་བདག་བཀའ་འགྱུར་བ་ཆེན་པོ་ས་གླང་གི་མཇུག་ཁུ་ལུང་དུ་ཡབ་ཡུམ་གྱི་སྲི་ཞུ་ལ་ཕེབས་པའི་ཐུགས་བྲེལ་ཆོད་འཕྲལ་གུང་ཐང་དུ་ཤར་རྒྱག་ཆིབས་ཁ་བསྐྱོད་ནས་སྟན་ཆགས། དཔོན་སློབ་གཉིས་བྱི་ལོ་ཆོས་ཀྱི་སྐྱེས་འབུལ་རེས་གནང་བའི་འཕྲ་མུས་ཁྱབ་བདག་བཀའ་འགྱུར་བ་ཆེན་པོར་གསན་པར་དུས་ཀྱི་འཁོར་ལོའི་ཐུན་མོང་པའི་ལས་སྒྲུབ་ལྷ་གསུམ་དུ་གྲགས་པའི་ཚེར་མ་ཅན་གྱི་ནང་ཞི་བ་སྣ་ཚོགས་ཡུམ་དཀར་མོ། ཀླུ་དང་ས་བདག་འཇོམས་པ་རྡོ་རྗེ་ཁྱུང་ཁྲ། ཆར་དབབ་གཅོད་བྱེད་པ་རྡོ་རྗེ་ཤུགས། སྨན་བླ་སྤྲུལ་སྐུ། དབང་གི་སྒྲོལ་མ་དམར་མོ། འཇམ་དཔལ་ཡེ་ཤེས་ཡོན་ཏན་བཟང་པོ། རྣམ་འཇོམས་ལྗང་སྔོན་བ་(༩༥ན)

― GLG009_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

རི་ལུགས། ཕྱག་རྡོར་ཨུ་ཙཪྻ། མི་གཡོ་དཀར་སྔོན། སྨེ་བརྩེགས། ཟླ་རྒྱལ་ལུགས་ཀྱི་རྟ་མགྲིན་ལྕགས་རལ་ཅན། རས་ཆུང་ལུགས་ཀྱི་རྟ་མགྲིན། སྤྱན་རས་གཟིགས་གཙོ་འཁོར་གསུམ་པ། ཛམ་སེར་ནག །སེང་གདོང་ནག་མོ། དུར་ཁྲོད་བདག་པོ། གུར་མགོན་གསང་འཁྲིད་ཀྱི་རྗེས་གནང་། བྲན་བདུད་ཀྱི་རྗེས་གནང་ཐུན་མོང་མ་ཡིན་པ། ཞལ་སྒྲུབ་དུས་ཐུན་མོང་མ་ཡིན་པ། ཁྱུང་ཞལ་ཅན། སྲིན་པོ་རིའི་དཔལ་མགོན་སེང་གེ་ནག་པོ། ལྷ་མོ་རྡོ་རྗེ་རབ་བརྟན་མ་རྣམས་ཀྱི་རྗེས་གནང་། རྣམ་སྲས་དྲག་པོ་བཀའ་ཤིན་ཏུ་གཉན་པ། གསང་སྒྲུབ་ལྗང་སེར་བེ་ཅོན་ཅན། དྲག་བྱེད་རྟ་སྔོན་སྲིན་མོ་བཞིས་བསྐོར། ནང་གསང་ལྟར་སྒྲུབ་པ་ལྷ་དགུ། དྲག་བྱེད་སེང་ཞོན་ཀླུ་བརྒྱད་ཀྱིས་བསྐོར་བ། དྲག་བྱེད་རྐང་ཐང་ལྷ་བརྒྱད། མདུང་དམར་ཅན་ལྷ་བཅུ་གསུམ། ཡང་གསང་དྲག་པོ་སྲིན་པོ་བཞིས་བསྐོར། མཐིང་ཁ་ཞལ་གསུམ་ཕྱག་དྲུག་པ་ལས་མཁན་མདུང་དམར་ཅན་དང་བཅས་པའི་གཙོ་འཁོར་གཉིས། གར་མཁན་མཆོག་ལྗང་གུ་ཞལ་གསུམ་ཕྱག་བཅོ་བརྒྱད་པ་ལྷ་བརྒྱད། གར་མཁན་མཆོག་དམར་སྨུག་ཞལ་གསུམ་ཕྱག་བཅོ་བརྒྱད་པ། དཀར་པོ་སེམས་དཔའི་ལྷ་དགུ། ཡང་གསང་མདུང་དམར་ཅན་ཕྱག་མཚན་བཞི་པ། ཕག་དཀར་ཤེས་རབ་གསལ་བྱེད། རྟ་མགྲིན་སྐྱེར་སྒང་ལུགས་ཀྱི་བྱིན་རླབས། རྡོ་རྗེ་ནམ་མཁའི་ལྡིང་གསེར་མིག་འཁྱིལ་པ་འབྱུང་པོ་འུར་འདེད་ཀྱི་རྗེས་གནང་། མན་ངག་སྐོར་སྒྲུབ་ཐབས་རྒྱ་མཚོ་ལས་སྐུའི་རྣམ་འགྱུར་དང་སྔགས་མི་འདྲ་བ་བརྒྱ་བཞི་བཅུའི་རྗེས་གནང་དང་རྒྱ་གཞུང་གི་ལུང་། དུས་འཁོར་གྱི་བདག་པོ་ཆེན་པོ་མ་གཏོགས་སྐུ་གསུང་ཐུགས་ཡོངས་རྫོགས། གཤིན་རྗེ་གདོང་(༩༥བ)

― GLG009_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག །རྣམ་སྣང་མངོན་བྱང་། མ་ཎི་ཀ་བཛྲ་ལུགས་ཀྱི་རྣམ་འཇོམས་མཐིང་ནག་ལྷ་བཅུ་དགུ། གདུགས་དཀར་ལྷ་བཅུ་བདུན། སྲུང་བ་ལྔ། ལྷ་ང་གཅིག །རིགས་གསུམ་སྤྱི། མི་འཁྲུགས་པ་ལྷ་དགུ། རྡོ་རྗེ་ཕུར་པ་ལྷ་ཁྲ་སྟོད་ལས་བྱང་ཆུབ་སྒྲུབ་པའི་དབང་། སྨད་ལས་དྲག་པོ་སྒྲོལ་བའི་རྗེས་གནང་། སྔགས་སྲུང་མའི་སྲོག་གཏད་དང་ཆོས་སྐོར། ཨོ་རྒྱན་བླ་མ་སྐུ་གསུམ་སྒྲུབ་པ། གསར་འགྱུར་མ་ནི་ཀ་ནཱ་ཐས་ཐམས་ཅད་མཁྱེན་པ་མཁྱེན་བརྩེར་གནང་བའི་རྒྱ་གཞུང་དང་དེའི་ལོ་རྒྱུས་འགྲེལ་པ་མཁྱེན་བརྩེའི་ཞབས་ཀྱི་ཞལ་ལུང་། དཀར་བདུད་ཀྱི་སྒྲུབ་སྐོར། ལམ་སྐོར་ཕྱི་མ་བརྒྱད་ཀྱི་ལུང་། ཚར་གསུམ་ཁུག་པའི་བྱིན་རླབས། ཚར་ཆེན་གྱི་ཀྱེ་རྡོར་བསྐྱེད་རིམ། གསུང་ངག་ཁོག་ཕུག་རྗེ་མཁྱེན་བརྩེའི་ཟིན་བྲིས་སོགས་སྨིན་རྒྱས་དང་། ཁྱབ་བདག་བཀའ་འགྱུར་བའི་ཞབས་ཕྱིར་དབོན་མཁྱེན་རབ་རྣམ་རྒྱལ་སོགས་ཁ་ཤས་ལ་སངས་རྒྱས་གླིང་པའི་འཇམ་དཔལ་སྐོར་གསུམ་དང་། དྲག་དམར་དབང་ཕྱུག །དྲེགས་པ་ཉི་ཤུ །གནོད་སྦྱིན་རྟག་མཐའི་སྐོར། སེར་སྲུང་དྲག་པོ་ལྔ་དྲིལ། རཏྣ་གླིང་པའི་རྣམ་སྲས་མདུང་དམར་ཅན། ཛམ་ནག །ལྷ་ཆེན། བླ་མ་ཞང་གི་བཀའ་འབུམ་བཀའ་རྒྱའི་དབང་ལུང་། བཀའ་ཆེམས་བཀའ་ཁོལ་མ་སོགས་སྔགས་གསར་རྙིང་གི་ཆོས་མཐའ་ཀླས་པ་འབུལ་བ་མཛད། དར་རྒྱས་ཆོས་སྡིངས་ནས་མཁས་གྲུབ་ཆེན་པོ་རིགས་འཛིན་འཕྲིན་ལས་ལྷུན་གྲུབ་ལ་རྗེ་བླ་མ་རྣམ་གཉིས་ཆབས་གཅིག་པར་རིགས་འཛིན་རཏྣ་གླིང་པའི་གཏེར་ཆོས་ཀྱི་ཕུར་པ་ཡང་གསང་བླ་མེད། རྟ་ཕག་གསང་སྒྲུབ། ཟབ་ལམ་གསང་འདུས། རྩ་གསུམ་འབྲས་བུའི་དོན་འཁྲིད། ཕྱག་ཚན་ཉི་མའི་སྙིང་པོ། སྐྱེས་རབས་ལུང་གི་ལྡེ་མིག་སོགས་ཟབ་གཏེར་(༩༦ན)

― GLG009_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་འཐོར། དག་སྣང་མཛོད་ཁང་དགུ་པ། བྱང་གཏེར་དྲག་པོ་སྤྱན་མང་། ལས་འབྲེལ་རྩལ་གྱི་དྲགས་འདུལ། སྒྲུབ་ཐབས་ཆིག་བརྒྱུད། རིགས་འཛིན་ཡོངས་འདུས་ཀྱི་དབང་ལུང་སྔར་མ་གསན་པའི་འཕྲོས་གང་ཡོད། གུ་རུ་ལྷ་ཁང་གི་ཡང་གཏེར་སྐོར་ཀློང་ཆེན་པའི་ཡིད་བཞིན་མཛོད། ལྷོ་ལས་འཕྲོ་གླིང་པ་ནམ་མཁའ་རྡོ་རྗེའི་སེམས་དཔའི་ཐུགས་སྒྲུབ་ཀྱི་དབང་ལུང་། དྲི་མེད་ཀུན་དགའི་ཐུགས་རྗེ་ཆེན་པོ་ཡེ་ཤེས་འོད་མཆོག །སྤ་གྲོ་གཏེར་སྟོན་ཚེ་རིང་རྡོ་རྗེའི་རྫོགས་ཆེན་ཅི་ཏིའི་གསལ་བྱེད་ནོར་བུའི་དབང་ལུང་། ཤེས་རབ་མེ་འབར་གྱི་རྫོགས་ཆེན་འཁོར་འདས་རང་གྲོལ། གར་དབང་ལས་འཕྲོ་གླིང་པའི་བླ་སྒྲུབ་ཕྱི་ནང་གསང་གསུམ། རྒྱ་བན་རྡོ་རྗེ་དབང་ཕྱུག་གི་རྟག་ཏུ་ངུའི་བཅུད་ལེན། དམ་པ་དམར་པོའི་བདུད་རྩིའི་བཅུད་ལེན། འཕྲང་འགོ་གཏེར་སྟོན་གྱི་འཆི་མེད་སྐུ་གསུམ་འདུས་པ། ཟླ་བན་གཟི་བརྗིད་འབར་གྱི་སྔགས་སྡེབ་སྙིང་གི་མེ་ལོང་། མང་རོང་གཏེར་སྟོན་གྱི་ཚེ་སྒྲུབ་ཐུགས་ཀྱི་ཡང་སྙིང་། སྣང་རྩེ་སྡེ་པའི་ཚེ་འཁྲིད་ཡང་སྙིང་འདུས་པ་དང་འཇམ་དཔལ་ནག་པོ། སྤོ་བོ་པདྨ་རིགས་འཛིན་གྱི་ནོར་བུ་པདྨའི་འཕྲེང་བའི་གསང་སྒྲུབ། བལ་པོ་བཛྲ་མ་ཏིའི་རིམས་སྲུང་། གུ་རུ་ཁྱུང་ནག་གི་གཤིན་རྗེའི་སྐུ་གསུང་ཐུགས་ཀྱི་ཟ་ཡིག །བོན་པོ་དྲག་རྩལ་གྱི་སེར་སྲུང་། ལྕང་སྨན་དོན་གྲུབ་དར་གྱི་དུག་སྨན་གདམས་པ། གཡུ་ཐོག་སྙིང་ཏིག་གི་སྨན་བླ་མཆེད་གསུམ་ཡེ་ཤེས་ཁྱེའུ་དང་བཅས་པའི་རྗེས་གནང་། དེ་ནས་མི་རིང་བར་གསུང་སྤྲུལ་འབྲི་གུང་ནས་ཚུར་བྱོན་པ་དང་འགྲིག་པར་བླ་མ་ཡང་ཏིག་གི་རྗེས་གནང་སོགས་འགའ་ཞིག་གསན་ཞིང་ཁྱབ་བདག་བླ་མ་རྣམ་གཉིས་ནས་ཁོང་དཔོན་སློབ་གཉིས་ལ་(༩༦བ)

― GLG009_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེད་ཆོས་ཁ་ཤས་འབུལ་བ་མཛད། འདི་ལོ་ནུབ་ཅིག་རྗེ་བླ་མའི་འོད་གསལ་ལ་ཤར་ཚུལ་བཀའ་ལས། ནུབ་མོ་ཞིག་གསེར་ཁང་གླིང་དུ་འདུག་པས་འོག་ཁང་གི་གུང་ན་ཨོ་རྒྱན་ཆེན་པོ་དང་མཁན་པོ་བི་མཱ་ལ་ཡིན་རྒྱུའི་པཎ་ཆེན་གསུམ་ཞལ་ཤར་དུ་གཟིགས། ཁྲི་ཆེན་པོའི་ཐོག་ཏུ་ཞལ་བཞིན་དང་པཎ་ཞུ་རེས་མཐོང་རེས་མུན་པའི་ཀློང་ནས་མི་མཐོང་བ་ཞིག་བཞུགས་འདུག །གཡས་གྲལ་དུ་པཎ་ཆེན་མང་པོའི་གྲལ། གཡོན་དུ་རྒྱལ་པོ་ཁྲི་སྲོང་ལྡེ་བཙན་གྱིས་ཐོག་དྲངས་བཙུན་མོ་མང་པོ་འདུག །བདག་དང་ཟླ་བོ་ངོ་མི་ཤེས་པ་གཉིས་གསུམ་ཞིག་ཁ་ཡར་ཁྱུ་བྱས་གདན་མེད་པར་འདུག །བཞུགས་གྲལ་དེར་ཇ་ཆང་ཞུས་པའི་ཉམས་ཙམ་བྱུང་། དེ་ནས་གྲལ་གྲོལ་བའི་སློབ་དཔོན་གསུམ་བཞུགས་གཡས་ཀྱི་གྲལ་རྐེད་ནས་པཎ་ཆེན་རྒད་བུ་རས་དཀར་པོའི་ཕྱྭ་ར་གསོལ་བ་འཁར་བ་དང་ཀུ་བའི་སྣོད་ཁྱེར་བ་ཞིག་འདུག །རྒྱལ་པོ་དེའི་ལྷོ་ཟུར་གྱི་ལྕོག་དེར་སྒྲོན་མེ་བཅས་ཐེགས་པ་དང་མཉམ་དུ་བདག་ལ་རྩིས་སྤྲད་ནས་དོ་ནུབ་ཁྱོད་ཀྱི་སློབ་དཔོན་འདིའི་ཞབས་ཕྱི་གྱིས་ལ་ནུབ་ལྕོག་ཏུ་བཞུགས། ད་ལྟའང་ཁྱེད་རང་དཔོན་སློབ་ཏུ་འདུག །སློབ་དཔོན་འདི་ཁྲུང་སིང་ལ་དགྱེས་པོ་ཡོད་པས་འདི་ཞུས་སྐུ་རྡབ་མ་བྱུང་བ་གྱིས་གསུངས་ཀུ་བའི་སྣོད་ཆང་གིས་གང་བ་ཞིག་གཏད་བྱུང་། ནུབ་ལྕོག་ཏུ་གདན་དྲངས་པའི་སྒྲོན་མེ་ཡང་འདུག་ཆང་ཞུ་ཞིང་བསྡད་པས་དགྱེས་དགྱེས་མཛད། སྐད་ཆ་མང་པོ་རྒྱ་སྐད་མཛད་བྱུང་ཡང་གོ་མ་བྱུང་ད་ལྟའང་སློབ་དཔོན་དེ་མིག་སྔར་གསལ་པོ་འདུག་པས་བྲིས་པ་ཡིན། དཔྱོད་ཤེས་པ་ནི་མ་བྱུང་། པཎ་ཆེན་འདི་ལ་སློབ་དཔོན་ཐམས་ཅད་གཟིགས་ནས་བཞད་མོ་དང་དགྱེས་དགྱེས་མཛད་ཅིང་གཅེས་(༩༧ན)

― GLG009_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲས་ཆེན་པོ་མཛད་ཀྱིན་འདུག་གོ །ཞེས་སློབ་དཔོན་དེའི་སྐུ་གཟུགས་ཕྱག་བྲིས་སུ་བཏབ་པ། ལོ་པཎ་རྒྱལ་བློན་འཛུམ་པའི་གཟིགས་སྣང་དང་པཎྜི་ཏ་བགྲེས་པོ་དེ་ཁྲུང་ལ་དགྱེས་པ་ད་ལྟའང་དཔོན་སློབ་ཏུ་འབྲེལ་ཚུལ་གང་ལ་དཔགས་ཀྱང་རྣལ་འབྱོར་དབང་ཕྱུག་བི་རཱུ་པ་ཡིན་པར་སྣང་། ཞབས་འབྲིང་པོ་དང་ཉེ་སྐོར་གྱི་སྔགས་བན་རྣམས་བསྡུས་པའི་བསུ་བཟློག་དང་འབྲེལ་བའི་བརྟན་བཞུགས་ཕུལ་བར་ཁྱབ་བདག་བཀའ་འགྱུར་བ་ཆེན་པོ་གདན་འདྲེན་གནང་ནས་དཔོན་སློབ་ཞལ་རྒྱས་ཀྱི་རྟེན་འབྲེལ་ལེགས་ཚོགས་སུ་གྱུར། འདི་ལོ་དགུན་སྟོད་ནས་རྗེ་བླ་མ་གདན་དྲངས་པའི་ཟབ་ཆོས་མང་པོ་ཞིག་ཞུ་རྩིས་ལ་འཚུབ་ལྷོངས་ཀྱི་རྣམ་པས་ངེད་རང་བྲོ་འཚལ་བ་དང་མཆོད་དཔོན་པ་ན་བ་ཤེད་མ་གསོས་པ་སོགས་ནས་རིམ་གྱིས་འགྱངས་པ་ཧོར་ཟླ་བཅུ་གཅིག་པར་རིགས་འཛིན་ཡོངས་འདུས་ཀྱི་འཕྲོ་མུས། གུར་ཞལ་རྣམ་སྲས་ཀྱི་རྗེས་གནང་སྔར་མ་ཐོབ་པ་ཕལ་ཆེར། གཞན་ཡང་ཉེར་མཁོའི་རྗེས་གནང་རྣམ་གྲངས་མང་བ་ཞུས་པ་མཐའ་དག་དགྱེས་བཞིན་དུ་སྩལ། མཆོད་དཔོན་དབུ་མཛད་གཉིས་ཀྱིས་འདོད་ཆོས་མང་དུ་ཞུས་པའི་ནུབ་མནལ་ལམ་དུ་མི་ཞིག་ན་རེ། མཆོད་དཔོན་པ་འདི་འབྲོམ་སྟོན་པའི་ཉེ་གནས་སུ་སྐྱེས་སྐབས་ས་བདག་གི་ནད་ཀྱིས་ཟིན་པའི་སྙོགས་སྐྱེ་བ་གཞན་དུའང་བྱུང་ཞིང་ད་ལོ་ན་བའི་གནོད་པའང་དེ་དུས་ཀྱི་ཀླུ་གཉན་དེ་ག་ཡིན་པས་ཟོན་བྱེད་དགོས་འདུག་ཞུས་པར་བརྟེན་སླར་གཏེར་ཁ་འོག་མའི་ནཱ་ག་རཀྴའི་དབང་དང་སྲུང་བ་ཟ་ཡིག་མང་དུ་སྩལ། དེས་མཚོན་སྔགས་རམས་པ་བློ་བཟང་དོན་གྲུབ་ཀྱིས་གསང་བ་སྙིང་པོའི་ཊཱི་ཀའི་རྩི་ཞག་དང་། གཞན་ཡང་དབུ་མཛད་བློ་བཟང་བསྟན་འཛིན། (༩༧བ)

― GLG009_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་རམས་པ་ནམ་མཁའ་བཟང་པོ་སོགས་གྲ་ཚང་གི་གྲ་པ་རགས་རིམ་ལ་འདོད་ཆོས་དུས་སྔ་ཕྱི་དུ་མར་མང་དུ་གནང་། ས་སྐྱོང་བསོད་ནམས་རབ་བརྟན་ནས་ལྷོ་འབྲུག་པ་ལ་རྟགས་ཐོན་པའི་ལས་སྦྱོར་མཛད་དགོས་པའི་ཕེབས་སྒོ་བཞིན་མདོ་སྤྱིལ་དུ་སྐུ་མཚམས་ཁོག་ནས་ལགས་ཨ་གུར་དང་ངག་དབང་འཕྲིན་ལས་གཉིས་ཀྱིས་ཞམ་རིང་ཞུས་རླུང་དམར་དང་སྲོག་འཕྱན་པ་ནག་པོའི་འཁོར་ལོ་ཕྱག་ལེན་དུ་བསྟར་བ་ཁྲོ་ཆུ་དུག་སྡོང་ནག་པོའི་སྒོ་ནས་དགུགས་གཞུག་ལྷ་དབྱེ་རླུང་ལྷའི་མཆོད་བསྟོད་བསྐུལ་ཟོར་འཕེན་སོགས་དང་། དགེ་སློང་བྱམས་པ་བློ་བཟང་ཅན་གྲ་ཚང་གི་གྲ་པ་བཞིས་འཁོར་ལོ་སྒྲུབ་པའི་ཕྱག་གཡོག་ཞུས་ཕག་རི་རྣམ་རྒྱལ་དཀར་པོའི་རྫོང་དུ་འཇུགས་པར་གྲ་ཚང་གི་གྲ་པ་སྣང་རྩེ་བ་དང་ལགས་ངག་དབང་འཕྲིན་ལས་གཉིས་ཀྱིས་ཕྱིན། ཐན་རྫས་རྣམས་རྡོས་པོའི་ཕུ་དང་ཀུ་ཀུ་འཕྲང་སོགས་སུ་བསྐྱལ་བས་མི་རིང་བར་རྡོ་གདན་ལྕགས་རིར་དུག་སྦྲུལ་བརྒྱུགས་པ། རྟ་ཁྱུ་ལ་རྟ་ནད། ར་ལུང་གི་དུང་རང་བྱོན་གྱི་གངས་ཞུ་བས་མཚོན་ལྟས་ངན་སྣ་ཚོགས་བྱུང་ཞིང་ཟླ་བ་ལྔ་ཙམ་ནས་ཞབས་དྲུང་འབྲུག་པ་ཆུ་ཚན་དུ་བྱོན་ཐོག་ཆུ་ལ་བསེ་དུག་འདེབས་མཁན་བྱུང་ནས་སྐྲངས་སམ་ཡང་ཟེར། ལ་ལ་སྟེང་གྲིབ་རྒྱབ་བམ་ཟེར་བ་སོགས་ཁ་མི་མཐུན་པའི་ཆུ་ཚན་ཁ་ནས་འདོལ་ལེར་གདན་དྲངས་ཏེ་སྤུ་ནག་ཁར་སྐུ་མཚམས་བསྡམས་སོ་ཞེས་དྲིལ་བསྒྲགས་ནས་ད་ལོ་ཕན་ལོ་ཉེར་དྲུག་གི་བར་ཕྱི་ནང་སུས་ཀྱང་མཐོང་རྒྱུ་མེད་པར་གསང་བའི་རྒྱས་བཏབ་པའི་ཕྱག་རྗེས་ནི་ལྷ་རྗེ་ཟུར་བུ་ཆེ་ཆུང་གིས་ཀྱང་དཀའ་བར་སྣང་བས་གནུབས་བན་སངས་རྒྱས་ཡེ་ཤེས་ཀྱི་མཆེད་ཟླར་འོས་སམ་སྙམ། བླ་མ་ཙ་རི་བ་འབྲུག་པའི་ཕྱག་ཏུ་རྒྱབ་ན་དམར་གསོད་ལས་ཐེ་མི་(༩༨ན)

― GLG009_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོམ་ཡང་ཀར་བརྒྱུད་པའི་རིགས་འདི་བོང་བུ་སྣ་ཚུགས་ཀྱི་རྨོངས་དད་ཆེ་བའི་བག་ཆགས་ཤིག་ཡོད་འདུག་པའི་སྐྱོན་ཡིན་ནམ་དམ་སེལ་ལྟ་བུས་ཁོང་པ་རྫོང་དཔོན་བྱེད་སྐབས་ཡིན་པ་མ་འགྱངས་པར་འདས། ལྕགས་སྦྲུལ་བདེ་གཟར་རང་བསྟན་ཆགས་འཇིག་ལ་གྱ་བའི་ཉེན་ཅན་གྱི་སྐུ་རིམ་མཛད་པར་འབྲུ་ཁལ་ལྔ་བརྒྱ་ལས་མ་བྱུང་རུང་ད་ལམ་འབྲུག་པ་གདུང་བརྒྱུད་གཤེགས་པར་དབུས་གླིང་འོད་གསལ་རྩེའི་བོགས་ཁལ་བདུན་བརྒྱ་ཙམ་གྱི་སྦྱོར་འཇགས་བྱུང་། སྒམ་སྨྱོན་སྤྲུལ་སྐུ་ལྷ་སར་ཞབས་སྐོར་ལ་བྱོན་པར་གཞིས་ཀ་ཤར་དུ་གནས་གཡར་ནས་བསྙེན་བཀུར། སྡེ་པས་བྲག་གསེབ་བླ་མའི་གཞི་རྟེན་ལ་ཡེར་པ་སྤོས་དགའ་བཞེས་པ་ཐོག་མའི་དགོན་པར་སོང་བས་ཐུགས་ལ་མ་བབས་ཀྱང་རྩིས་འབུལ་གནང་། སྔར་ཆོས་རྒྱལ་བྱང་པར་རིགས་འཛིན་རྒོད་ལྡེམ་གྱི་གཏེར་མའི་དུག་དབང་ཚར་གཅིག་གསན་ཡང་ལྕགས་ཡོས་ལོ་སྒམ་སྨྱོན་སྤྲུལ་སྐུ་ཕྱག་རྡོར་ནོར་བུར་འགྲོ་དོན་ཆེད་དུ་ཚར་གསུམ། ཚེ་དབང་བརྒྱ་རྩ། བྱང་གཏེར་གྱི་ཆོས་ཚན་ཁ་ཤས། མ་གཅིག་ལབ་སྒྲོན་གྱི་གཅོད་ལུང་དང་། རྗེ་བཙུན་མི་ལའི་དུས་ཀྱི་རས་པ་བརྒྱད་ཀྱི་ནང་ཚན་གཅིག་གི་སྤྲུལ་པ་ཡིན་ནམ་ཟེར་བའི་གླེང་གཞི་ལ་བརྟེན་སྐབས་སུ་བབས་པར་དགོངས་ཏེ་མི་ལའི་རྣམ་མགུར་སོགས་བཀའ་བརྒྱུད་ཀྱི་ཆོས་དུ་མ་གསན། ཕར་རྫོགས་པ་ཆེན་པོ་མཁའ་འགྲོ་སྙིང་ཏིག་གི་དབང་དང་འཁྲིད་ཡིག་ལ་དཀའ་གནད་ཀྱི་སར་ཞིབ་བཤད་དང་བཅས་པའི་ངོ་སྤྲོད། རས་ཆེན་དཔལ་འབྱོར་བཟང་པོའི་འཕོ་བ་འཇག་ཚུགས་མ་འབུལ་བ་གནང་། གཟིམས་ཁང་ཤར་གྱི་འདུ་ཁང་གི་ལྡེབས་བྲིས་བཅུགས་པའི་སྐྱ་བྲིས་རྣམས་ཕྱག་(༩༨བ)

― GLG009_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟར་ཞིང་མཐར་གཙོ་བོ་རྣམས་ཀྱི་སྤྱན་འབྱེད་ཀྱང་མཛད། ཆོས་ཁྲིའི་མགོན་ཁང་དུ་ཕྱག་བཞི་པའི་འབུར་སྐུ་མི་ཚད་ཙམ་བཞེངས་པའི་གཟུངས་བཞུགས་རབ་གནས་གནང་། ཀོང་པོ་རྫོགས་ཆེན་པ་གསུང་སྙན་བླ་མ་ནམ་མཁའ་འཇིགས་མེད་དུ་གྲགས་པས་ལྷ་འབྲས་མོ་གཤོང་གི་གནས་སྒོ་ཕྱེ་ནས་འོད་འབར་ལྷ་རི་རྡོ་རྗེའི་ཕུག་ཏུ་ཐོག་མར་ལུང་བསྟན་གྱིས་དབུ་བརྙེས་ནས་རིགས་འཛིན་སྲོག་སྒྲུབ་ཀྱི་ཟབ་ཆོས་བྱུང་བ་རྣམས་གུང་ཐང་དུ་གདན་དྲངས། ལུང་བསྟན་དུ། བྱང་སེམས་འགྲོ་འདུལ་མཐུ་སྟོབས་བདག༔ ཅེས་སོགས་ཀྱིས་ཆོས་བདག་ཏུ་ངོས་བཟུང་སྟེ་རྩ་དབང་ཚེ་དབང་ཆོས་སྐོར་རགས་རིམ་གྱི་ལུང་། ཤར་དུང་མཛོད་དཀར་པོ་ནས་བྱོན་པའི་རྫོགས་པ་ཆེན་པོ་ཀ་དག་རང་བྱུང་རང་ཤར། དབུས་སྙིང་མཛོད་སྨུག་པོའི་ལྷུན་གྲུབ་དགོངས་པ་ཟང་ཐལ་གྱི་དབང་ལུང་ཉམས་འཁྲིད་ཤིན་ཏུ་རྒྱས་པ། སྤྱོད་པས་བོགས་འབྱིན་པ་ཕག་མོ་ཟབ་རྒྱའི་དབང་ལུང་འཁྲིད། རླུང་འཁྲུལ་འཁོར་དང་བཅས་པ། སངས་རྒྱས་གླིང་པའི་ཐུགས་རྗེ་ཆེན་པོ་ལུགས་གསུམ་གྱི་ནང་ཚན་ཕྱི་རྒྱལ་པོ་ལུགས་ཀྱི་སྐོར་སོགས་ཟབ་ཆོས་མང་དུ་གསན། ཉིན་ཞིག་རྗེ་ཉིད་མ་ཕེབས་པར་རིན་པོ་ཆེ་ཀོང་པོས་གཙོས་པ་རྣམས་ཀྱིས་གུང་ཐང་མཆོད་ཁང་དུ་འཁྲུལ་འཁོར་མཛད་པའི་སྒང་ལ་དབུ་རུ་ཕྱོགས་ཀྱི་བླ་ཆེན་ཞིག་གློ་བུར་དུ་བྱོན་པས་ཁོང་དཔོན་སློབ་འབྲོས་དགོས་པ་དང་རྫོགས་ཆེན་པའི་ཕྱག་ལ་ཨ་རང་བྱོན་གྱི་རི་མོ་ཡོད་པའང་ཞག་གསུམ་གྱི་བར་མགོ་མཇུག་ལྡོག །རིགས་འཛིན་རཏྣ་གླིང་པ་སོགས་གཏེར་ཁ་གསར་རྙིང་གི་ལུང་བསྟན་གྱིས་ཟིན་པ་ཞིག་ཏུ་ཐུགས་ངེས་ཀྱི་ཞག་གསུམ་གྱི་བར་གུང་ཐང་མཆོད་ཁང་རྩེར་གཅོད་དམིགས་མཛད་པས་ངན་རྟགས་དེ་རྣམས་བཟློག་སོང་(༩༩ན)

― GLG009_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་རྗེ་བླ་མའི་སྙན་དུ་གསོལ། རིན་པོ་ཆེ་རྫོགས་ཆེན་པར་པདྨ་གླིང་པའི་ཆོས་སྐོར་ཁ་ཤས། རྒྱལ་པོ་བཀའ་འབུམ་ཡོངས་རྫོགས། དྲི་མེད་བཤགས་རྒྱུད། ནཱ་ག་རཀྴ །ཀི་ཀང་ནག་པོ། སྨྱུང་གནས་ཀྱི་ཕྱག་ལེན་སོགས་བཞེད་ཆོས་དུ་མ་འབུལ་བ་མཛད། རིན་པོ་ཆེ་རྫོགས་ཆེན་པའི་མནལ་ལམ་དུ་འབྲུག་པ་ངག་དབང་རྣམ་རྒྱལ་མྱུར་དུ་གཤེགས་པའི་རྟགས་དང་། རྗེ་བླ་མར་ཡང་དེ་མཚུངས་བྱང་པ་དཔོན་སློབ་ཕན་ཚུན་ཞིབ་མོལ་གྱི་གསུང་གླེང་དང་ཐུགས་ཡིད་གཅིག་འདྲེས་སུ་གྱུར། དཔོན་སློབ་གཉིས་ཆབས་ཅིག་པར་རིགས་འཛིན་སྲོག་སྒྲུབ་ཀྱི་འཆི་མེད་ཚེའི་རིལ་སྒྲུབ་མཛད། ཚགས་གུར་དུ་མགྲོན་གཉེར་ཀུན་དགའ་བློ་གྲོས་ཀྱིས་གདན་དྲངས་ཏེ་ཚེ་དབང་ཞུས། གཡོག་རྣམས་ཀྱི་སར་བླ་མ་འདི་འགངས་ཆེན་པོ་ཞིག་འདུག་ཀྱང་སྒྲུབ་པ་བ་ཀུན་བཟང་རྣམ་རྒྱལ་ལ་ཆོས་ཞུས་པ་དེ་བྱབས་ཆེན་པོ་མ་བྱུང་ཟེར། འདི་ནས་བཟུང་ལོ་ལོ་བཞིན་གདན་དྲངས་ནས་བསྙེན་བཀུར་བའི་སྦྱིན་བདག་གི་མཐིལ་དུ་གྱུར། སློབ་དཔོན་ཆེན་པོས་རྒྱ་གར་རྡོ་རྗེ་གདན་ནས་སྤྱན་དྲངས་ཏེ་གཉགས་ཛྙཱ་ན་ཀུ་མཱ་རར་གནང་བ་སྡེ་པ་གཙང་པ་གཉགས་ཀྱི་བརྒྱུད་པ་ཡིན་ཁུལ་གྱིས་ཞལ་ངོ་ན་རིམ་གྱི་སྐུ་སྲུང་ཡིན་པའི་སྙན་པ་གླང་ཕུ་ནས་སོགས་ཀྱིས་བརྗོད་པ་དང་། ལ་ལ་གནུབས་ཀྱི་སྔགས་འཆང་ནག་པོར་རོ་ཟན་གྱི་ཐུགས་དམ་རྟེན་ཡིན་ཟེར་བ་སྟོད་ལིང་དཀར་ལ་སྨད་ལྕགས་ལས་གྲུབ་པའི་མདའ་གང་ཙམ་བདེ་གཟར་གྱི་ལོ་ཆོས་སྡེ་གསར་པའི་རྦབ་ཡོལ་བྱས་པའི་ཆེ་བ་དང་བཅས་མཆོད་ཡོན་ནས་གནང་བའི་གཏན་ཚིགས་རྒྱབ་གནོན་ལེན་པའི་སྟེར་བྱ་ལ་མགྲོན་གཉེར་ཀུན་བློས་རྗེ་བླ་མ་བརྒྱུད་འབྲས་སྤུངས་སུ་བྱུང་བ་ཕུར་གཤོག་ལ་གཟོང་གིས་བརྐོས་པའི་རྒྱལ་སྲས་(༩༩བ)

― GLG009_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་གྱི་ཐུགས་དམ་རྟེན་དུ་བཞེངས་ཟེར་བ་སྣང་བས་རྒྱ་གར་རྡོ་རྗེ་གདན་ནས་ཕེབས་པ་སོགས་ནི་དགོངས་པ་ངེས་པར་ཞུ་དགོས་སུ་འདུག །གང་ལྟར་རྒྱབ་གནོན་འགངས་ཆེ་བའི་རིས་ཀྱང་སྡེ་པ་བསོད་ནམས་རབ་བརྟན་གྱི་སྙན་གསེང་གི་ཨུཏྤལ་མ་ཕྱེ་བར་བྱས་ཆོག་གི་མེད་གཤིས་གསུང་གླེང་བྱུང་བར་རྒྱབ་གནོན་གནང་ཆོག་ཕུར་གོག་འདི་འདྲ་ཕྱག་རོ་དགག་པ་ལས་མི་ཡོང་གསུང་བ་ཐུགས་ཀྱང་བདེན་པར་འདུག་པས་ཕྱིར་ཕུལ་བ་ཚག་གུར་དུའང་ལག་རོ་ཞིག་དགོག་གི་ཡོད་ཚོད་ནས་རྗེ་བླ་མའི་ཕྱག་ཏུ་ཕུལ། སེ་དུང་སྐུ་སྐྱེས་ཐང་སྟོང་རྒྱལ་པོའི་ཕྱག་འཕྲེང་ཡིན་ཟེར་བའི་འཕྲེང་རྡོག་གཅིག་དང་ཁམས་ཕྱོགས་སུ་གླང་པོ་ཆེའི་སོ་ལ་སྒྲོ་བཏགས་ནས་བྱང་ཆུབ་སེམས་དཔའ་ཆོས་འཕགས་ཀྱི་ཚེམས་ཡིན་ཟེར་བ་མང་པོ་ཡོང་གིན་ཡོད་འདུག་པ་དེ་འདྲ་ཞིག་ཀྱང་ཕུལ། གུང་ཐང་མཆོད་ཁང་ཐུབ་ཆེན་གདན་སའི་མཆེད་ཟླར་སོང་བའི་ཕྱི་རྒྱ་ཆེ་ལ་ནང་དུ་མཆོད་པ་དཀོན་གཤིས་ལྟད་མོ་ལ་ཁྲོམ་ཆེ་བ་རེ་ལོ་སྟར་གྱིས་འདུས་ན་དེ་ཐོག་ཏུ་དགེ་བསྐུལ་གྱི་མར་མེའི་རྒྱུན་འཕེལ་བར་དགོངས་པའི་ཚེས་བཅུའི་འཆམས་འཛུགས་པ་གནང་རྩིས་ཀྱིས་ཨོ་རྒྱན་ཡབ་ཡུམ་གསུམ། སང་རྡོར་གཉིས། མཁའ་འགྲོ་སྡེ་ལྔ། གསུང་སྤྲུལ་ཕྱོགས་ཀྱི་གྲི་གིང་སྤྲེའུའི་ཟློས་གར་བཅས་འཛུགས་པ་གནང་། ལོ་རྟིང་མ་ནས་སྡེ་པས་ཕོད་ཀ་བཅུ་ཙམ་གྱི་གནང་སྦྱིན་དང་ཡང་དགོན་ནས་ཞལ་བརྙན་གཡར་བའི་ཚེས་བཅུའི་གར་འཆམས་གུང་ཐང་པའི་གྲ་པ་རྣམས་ཀྱིས་བསླབས་ནས་བརྒྱབ། ཞང་འགྲོ་བའི་མགོན་པོའི་མཆོད་པ་ལ་ཚང་མས་ཁུར་བླངས་དགོས་གྲས་ནས་ས་དགེའི་གྲས་སུ་འོས་ཀྱིས་ལས་པ་ལོ་བཅུ་གསུམ་གྱི་བར་ཙམ་སྒྲིག་པ་གནང་བའི་དེང་སང་ཡང་དགེ་བ་རྒྱུན་(༡༠༠ན)

― GLG009_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་སུ་ཡོད། དབྱར་འབྲས་སྤུངས་སུ་ཟླ་བ་གཉིས་ཙམ་སྟན་ཆགས་དུས་འཁོར་དང་སྒྲུབ་ཐབས་རྒྱ་མཚོ་སོགས་ལོ་སྔ་མ་ནམ་དུས་གྲང་གཤིས་ཞུ་མ་ཐུབ་པའི་དབང་ལུང་མན་ངག་ཚོ་དང་དུག་དབང་ཚར་གསུམ། བྱང་གཏེར་གྱི་རྫོགས་པ་ཆེན་པོ་ཀ་དག་ལྷུན་གྲུབ་ཡོངས་སུ་རྫོགས་པ་གནང་བའི་ཉམས་འཁྲིད་གནད་དུ་བསྣུན་དྲགས་པས་རྒྱུན་འདི་ག་སྐྱོང་རྒྱུ་བྱུང་ན་ཡར་སངས་རྒྱས་ལ་རེ་བ་དང་མར་ངན་སོང་ལ་འཇིགས་པ་གཉིས་ཀ་མི་དགོས་པ་འདུག་སྙམ་པའི་བྲོད་ཁ་ཙམ་བྱུང་རུང་། ཆོས་བསོད་མེད་པའི་རིས་འདི་ཡོང་ལ་ཁད་ཚོད་ལ་མི་ཐེ་བའི་དཔེའི་ཉམས་ཀྱིས་རྒྱུན་སྐྱོང་རྒྱུ་མ་བྱུང་། སྔར་མཁའ་འགྲོ་སྙིང་ཏིག་དང་ཀློང་གསལ་སྙིང་ཏིག་ཞུས་པའི་ཕན་ཡོན་གྱིས་ད་ལམ་ངོ་འཕྲོད་པའང་སླ་བ་ཙམ་སྣང་། ཕག་མོ་ཟབ་བརྒྱའི་སྐོར་ཡང་གཞན་ལུས་ཐབས་ལྡན་གཅིག་པུ་མ་གཏོགས་ཉམས་འོག་ཏུ་ཆུད་ངེས་སྩལ། རང་བློ་བརྩོན་གཉིས་ཀ་ཞན་དྲགས་པའི་སྐྱོན་མ་གཏོགས་སངས་རྒྱས་ལག་བཅངས་སུ་གཏོད་པའི་འདྲེན་པ་འདི་ལས་ལྷག་པ་གཞན་ནས་འཚོལ་མི་དགོས་པར་ངེས་པའི་ཕུ་ཐག་ཆོད། དག་སྣང་རིགས་འཛིན་སྲོག་སྒྲུབ་ཀྱི་དབང་ལུང་ཡང་ཚང་བར་སྩལ། ངེད་གོང་གི་ལུང་ལྕི་བའི་ཕོ་བྲང་དུ་འདེགས་པའི་སྔོན་འགྲོར་ཆོས་འཁོར་རྒྱལ་དུ་འགྲོ་རྩིས་ཀྱིས་ལྷ་ས་ནས་ཐོན་པའི་ཉིན་རྗེ་ཉིད་ཚལ་གུང་གི་བླ་མ་རྣམས་ཀྱི་སྡེབས་ལ་བསུ་སྐྱེལ་གནང་བར་ཕེབས། བློ་ཁང་གསར་དུ་གུང་གི་དྲོའི་སར་རྗེ་ཉིད་ཀྱི་གཟིགས་སྣང་དང་རིགས་འཛིན་སྲོག་སྒྲུབ་ཀྱི་ལུང་བསྟན་སྐོར་ལ་བརྟེན་པའི་གསུང་གླེང་ཞིབ་རྒྱས་གནང་། གུང་ཐང་དུ་ནུབ་ཅིག་མནལ་ལམ་ན་བུད་མེད་དར་གྱི་ན་བཟའ་གསལ་བ་ཞིག་གིས་ཁྱེད་རང་ལ་སྟོད་དམར་པོ་འཁྲུངས་(༡༠༠བ)

― GLG009_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གཏེར་ནས་སྤྱན་དྲངས་པའི་དུང་དེ་མཚོ་སྨད་མཁན་པོའི་སྐྱེ་བས། སྟེར་བ་འདུག་ཟེར་བ་སང་ཉིན་གླིང་སྟོད་ཆོས་རྗེ་བློ་བཟང་རྒྱ་མཚོས་དམ་པ་དམར་པོའི་གཏེར་མའི་དུང་འདི་བདག་ལ་གནས་བྱང་པས་སྦྱིན་བྱུང་བ་འབུལ་དུ་བཏང་ཡོད་ཚུལ་གྱི་ཞུ་ཤོག་འབྱོར་པ་ནི་དཔོན་སློབ་གཉིས་ཀའི་ཆེ་བར་མངོན། བཀྲ་ཤིས་འབྲུག་རྒྱལ་དུ་ཁྲོམ་གཏོས་ཆེ་བར་ཚེ་དབང་གནང་། དགོན་པ་དེ་གའི་སྲང་ནང་པའི་སྤྱིལ་བུར་རྡོ་རྗེ་གསུམ་མི་འདའ་བའི་བཅད་རྒྱ་ཤིན་ཏུ་དམ་པ་མཛད་པ་གྲོལ་བསྟུན་རྡོ་རྗེ་བྲག་ཏུ་ཕེབས། གཞི་བྱས་ནང་མ་གཤིན་པར་མཐུན་སྦྱོར་པ་ཆེན་པོའི་ཀློང་དུ་རོ་གཅིག་པར་གྱུར་པ་མཆོག་སྤྲུལ་སྐུ་ན་ཕྲ་བ་དང་བཅས་སྔགས་འཆང་ངག་དབང་ཕུན་ཚོགས་ཀྱིས་རྗེ་བླ་མའི་ཕྱག་གཡོག་ཞུས་ནས་སྡེ་ཚན་སོ་སོར་བཞུགས་པའི་བཀའ་དྲིན་མཛད། སྡེ་པ་རྣམ་སྲས་གླིང་པས་གཞིས་ཀར་བསྙེན་བཀུར་ནས་ཀླུངས་བསྐོར་ཏེ་གུ་རུ་ཇོ་ཚེའི་གཏེར་གནས་བོད་ཀྱི་རི་བོ་རྩེ་ལྔའམ་ཟངས་གཡག་བྲག་གི་གནས་མཇལ་གནང་། བྲག་ལ་བཀའ་འགྱུར་གཏེར་དུ་བཞུགས་པ་སོགས་དཀོན་གཉེར་ལ་རྒྱུས་མེད་པའི་གསུང་བཤད་ལ་དད་ནས་རྗེས་སུ་མཇལ་བར་འོངས་། ངེད་ལྷོ་ཁ་ནས་འཁོར་ཏེ་འབྲས་སྤུངས་སུ་སླེབས་བསྟུན་ངོས་ཕྲད་ལ་ཕེབས། ཡར་ལམ་གྲོང་སྨད་དུ་ནང་སོ་ཚེ་དཔལ་བ་རིགས་དྲུག་གནས་འདྲེན་དང་སྡེ་བ་འཕྲིན་ལས་རྒྱ་མཚོའི་མ་ལ་ཚེ་དབང་སྩལ། བདེ་ཆེན་དུ་སྣེའུ་སྡོང་རྩེ་ནས་ཞབས་དྲུང་ལྕམ་ཕབས་པའི་སྣ་(༡༠༡ན)

― GLG009_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོག་ལ་གདན་དྲངས་པ་བཞིན་གེགས་སེལ་སྐུ་རིམ་གྱི་རིམ་པ་མང་དུ་གནང་། ཆུ་འབྲུག་ཟླ་བ་གཉིས་པར་རྒྱ་ནག་ཏུ་འདེགས་གདོང་གི་མི་ཚོགས་ཆེས་པར་བརྟེན་ཧ་ཅང་གི་འགོལ་རྒྱུ་མེད་རུང་རྗེ་བླ་མས་འབྲས་སྤུངས་སུ་རྒྱང་ཙམ་བཞུགས་དེ་དུས་ལྕགས་ཟམ་སྤྲུལ་སྐུ་ཀུན་དགའ་བསོད་ནམས་དབང་ཕྱུག་ཕེབས་པར་མངའ་རིས་རིགས་འཛིན་ཆེན་པོས་འབྲས་གཤོང་ལྷ་རི་རིན་ཅེན་སྙིང་ཕུག་ནས་གདན་དྲངས་པའི་ཚེ་སྒྲུབ་བདུད་རྩི་འཁྱིལ་བའི་སྐོར་དང་། ཨོ་རྒྱན་ཆེན་པོས་རིགས་འཛིན་རྗེ་ལ་དག་སྣང་དུ་སྩལ་བའི་རླུངས་སྦྱོར་ཚེ་སྒྲུབ་གཉིས་གསན་ནས་ངེད་རང་ལ་གནང་བ་ནི་རྒྱ་ནག་ཏུ་ཚེ་ལ་བར་ཆད་མེད་པར་གེགས་མེད་དུ་འཁོར་བའི་རྟེན་འབྲེལ་ལྷུན་གྲུབ་ཏུ་འགྲིག །ཐུགས་དམ་བརྟག་པ་དང་སྤྱན་ལྟས་ཚང་མར་རྒྱ་ནག་ཏུ་འགོར་གཞི་ཆེ་བ་མི་ཡོང་བའི་ཕེབས་སྒོ་བྱུང་བ་ལྟར་དེ་བར་དགོངས་འདུས་སོགས་ཆོས་བཀའ་མང་ཙམ་གསན་དགོས་པའི་སྙན་འདེབས་དང་རྐྱེན་སེལ་གྱི་རྗེས་གནང་འགའ་ཞིག་ཞུས། རྗེ་བླ་མར་བརྟན་བཞུགས་ཀྱི་ཚིགས་བཅད་དང་བཅས་པའི་རྟེན་འབྱུང་བསྒྲིགས། འཕྲལ་ཡུན་གྱི་བསླབ་བྱ་སོགས་གསུང་གླེང་ཞིབ་པར་གནང་། ལམ་གྱི་གེགས་སེལ་ལ་པོ་ཏ་ལའི་ཟིལ་གནོན་ལྕོག་ནས་ཁྲོ་རོལ་རྒྱས་པ་ཞིག་མཛད་རྗེས་ཚལ་གུང་བྱིངས་དང་སྦྲགས་ནས་དགའ་ལྡན་ཕོ་བྲང་དུ་སྐོར་ཙམ་ཕེབས་པའི་ཞག་གཉིས་བཞུགས། ཁྱབ་བདག་གནས་གསར་བ་ཆེན་པོ་ངེད་དང་ཕྲད་པར་ཕེབས་ཞོར་གུང་ཐང་དུ་ཟླ་བ་ཕྱེད་གཉིས་ལྷག་ཙམ་སྟན་ཆགས་པར་བུ་སྟོན་ཐམས་ཅད་མཁྱེན་པའི་གསང་འདུས་མི་བསྐྱོད་པའི་འཁྲིད་ཡིག་ཟ་མ་ཏོག་ལ་འཇམ་དབྱངས་མཁྱེན་བརྩེས་ཁ་འབྱེད་ལྷན་ཐབས་སྦྱར་བའི་རིམ་ལྔའི་དམར་འཁྲིད། པཎ་ཆེན་ཤཱཀྱ་(༡༠༡བ)

― GLG009_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

ཤྲཱི་ནས་བརྒྱུད་པའི་བདེ་མཆོག་དཀར་པོའི་ཉམས་འཁྲིད། རྣལ་འབྱོར་དབང་ཕྱུག་གི་ཐུགས་ཀྱི་ཉིང་ཁུ་འདམ་དཔལ་དམར་པོ་ལྷ་ལྔའི་དབང་དང་སྤྲོས་མེད་ཀྱི་ཉམས་འཁྲིད། རྭ་ཆེན་གྱི་སྒྲུབ་དཀྱིལ་ལ་འཇམ་དབྱངས་མཁྱེན་བརྩེའི་ལྷན་ཐབས་སྦྱར་བའི་རྭ་ལུགས་ལྷ་བཅུ་གསུམ་མའི་དབང་། ཡེ་ཤེས་མཁའ་འགྲོའི་ཞལ་ལུང་རྭ་འཁྲིད་མཁའ་འགྲོ་སྙན་བརྒྱུད་ཀྱི་འཁྲིད་རྭ་ཆེན་ཤེས་རབ་རྒྱལ་མཚན་གྱི་དཀར་ཆག་དང་དེར་མ་འདུས་པ་སོགས་རྭ་པོད་ཡོངས་གྲགས་དང་ཤིན་ཏུ་ཟབ་པ་དཔལ་འཛིན་པོད་ཆུང་། མཆོག་སྤྲུལ་ཉི་ཟླ་འོད་ཟེར་གྱིས་ཆུ་བོ་རི་ནས་གདན་དྲངས་པའི་བླ་མ་སྐུ་གསུམ་གྱི་ཉམས་འཁྲིད། གཙུག་ཏོར་དྲི་མེད་ལྷ་ལྔའི་དབང་། བིར་སྲུང་ནང་མ། རྟོགས་བརྗོད་རིན་པོ་ཆེ་དཔག་བསམ་འཁྲི་ཤིང་། ཇོ་བོའི་ཆོས་འབྱུང་བརྒྱ་རྩ། གསར་མ་རྒྱུད་འབུམ་ནས་པོ་ཏི་ཁ་ཤས་རྣམས་ཀྱི་ལྗགས་ལུང་གསན། དཔོན་སློབ་གཉིས་ཀར་དགེ་སློང་བསོད་ནམས་རྒྱ་མཚོས་བསྙེན་བཀུར་གདན་དྲངས་པའི་ཕེབས་ལམ་དུ་ལུག་གུ་ནག་པོ་ཞིག་གཟིགས་པའི་རྐྱེན་གྱིས་ཁྱབ་བདག་བཀའ་འགྱུར་བས་དུག་དབང་ཞིག་ཞུ་དགོས་ཡོད་གསུངས་ལན་དུ་རྗེ་བླ་མས་འདི་འདྲའི་རིགས་ཀྱི་ཤ་ཞིག་དགོས་ཀྱང་མི་རྙེད་པ་འདྲ་གནང་བའི་སང་ཉིན་མེས་སྟོན་ཁྲོ་རྒྱལ་དཔལ་མགོན་གྱིས་གནས་མོ་དུང་དཀར་ལ་སྔགས་རྒྱག་པར་ཕྱིན་སྐབས་ལམ་དུ་ཁང་སང་གི་ལུག་གུ་དེ་འཕགས་འཕགས་འགའ་ཞིག་བྱས་ནས་ཤི་བ་མཐོང་བས་གནས་མོར་བླངས་ཏེ་དཔོན་སློབ་གཉིས་ལ་གནས་ཚུལ་དང་བཅས་ཕུལ་བས་ཕན་ཚུན་གཅིག་གིས་གཅིག་ལ་བདོག་པའི་སྐྱེས་དབུལ་ནས་ལུག་གུའི་ཆེད་དུ་བཟང་སྤྱོད་སྨོན་ལམ་དང་ལྗགས་བསྔོ་གནང་། རྗེ་བཀའ་འགྱུར་བས་ཐུགས་རྗེ་ཆེན་པོ་འགྲོ་བ་ཀུན་སྒྲོལ་(༡༠༢ན)

― GLG009_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཆོ་ག་དང་རྗེ་བླ་མས་ཞི་ཁྲོའི་བཀོངས་མཛད་ཅིང་ཤ་དེ་ལ་བརྟེན་ནས་བྱང་གཏེར་དུ་དུག་དབང་ཀྱང་འཕྲད་འབུལ་གྱི་བཞེད་པ་བཀང་། གླིང་སྟོད་ཞབས་དྲུང་གི་གསང་ཕུར་གདན་དྲངས་འདུ་ཁང་ཆེན་མོར་དགྲམ་རྒྱའི་རས་ཡོལ་གྱི་རྟེན་གལ་ཆེ་བར་ཕྱག་བྲིས་དང་གཞན་མ་རྣམས་ལ་བསླབ་སྟོན་མཛད། ངེད་རྒྱ་ནག་ནས་མ་འཁོར་བར་སྡེ་པས་ཟིལ་གནོན་ལྕོག་ཏུ་རྗེ་ཉིད་བཞུགས་གདན་འཇགས་པའི་བསྟན་པ་སྤྱི་སྒོས་ཀྱི་སྐུ་རིམ་གང་དགོས་ཀྱི་ཐུགས་དམ་བརྟག་པ་ཞལ་བཀོད་སྐུ་ངོས་ཀྱི་གནང་དགོས་རྣམས་མཐུད་མ་ཤོར་བ་དགོས་པའི་བསླབ་སྟོན་བཞིན་ཕལ་ཆེར་བཞུགས། རིན་པོ་ཆེ་དར་རྒྱས་ཆོས་སྡིངས་པར་བླ་མ་དགོངས་པ་འདུས་པ་པོ་ཏི་དགུའི་དབང་ལུང་། པད་གླིང་པའི་བཀའ་བརྒྱད་ཐུགས་ཀྱི་མེ་ལོང་། ནག་པོ་སྐོར་གསུམ་སོགས་པད་མ་གླིང་པའི་གཏེར་ཆོས་སྔར་མ་བྱུང་བ་མང་དུ་གསན་ཞིང་ཕར་ཆོས་རྒྱལ་བྱང་པའི་གཏེར་གསར་ཀརྨ་གུ་རུ། ལས་འབྲེལ་རྩལ་གྱི་གནོད་སྦྱིན་དམར་ནག །ལྷ་ཆེན་གྱིས་མཚོན་པའི་བཞེད་ཆོས་དུ་མ་སྩལ། གུང་ཐང་དཀར་མེའི་དུས་ཁྲོམ་དབང་དང་ཡར་འབྲོག་བྲག་ལ་བླ་མར་ཞང་གི་བཀའ་འབུམ་བཀའ་རྒྱ་མ་གནང་བར་གུང་ཐང་དུ་རྒྱང་ཙམ་བཞུགས། སླར་པོ་ཏ་ལའི་ཟིལ་གནོན་ལྕོག་ནས་ཁྲོ་བོ་རོལ་བ་དང་སྒྲོལ་མའི་མདོས་སོགས་སྤྱི་སྒོས་ཀྱི་རིམ་གྲོ་མང་དུ་མཛད། རིན་པོ་ཆེ་རྫོགས་ཆེན་པ་གཙོ་བོར་དག་སྣང་ལུང་བསྟན་དུ། ལྟར་སྣང་ཟ་ཟི་བློ་བྲིད་རྗེས་འབྲང་ཞིང་། །མི་ཆེན་འདོད་པའི་རྐྱེན་ཁར་བཏང་སྲིད་ན། །ལྔ་བཅུ་རྩ་དྲུག་ཚེ་ཡི་ཚད་ཉིད་དོ། །ཞེས་ཆོས་སྐོར་རྣམས་འཕྲལ་དུ་སྤེལ་དྲགས་ན་ང་དྲུག་མི་བསྒྲལ་བར་བཤད་པ་དང་འཕྲལ་རྐྱེན་འབྲས་ལྗོངས་སུ་མངའ་བདག་སྟག་(༡༠༢བ)

― GLG009_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

ཤམ་པ་ཕྱོགས་ནས་ཟས་ངན་དྲངས་པའི་སྙུན་ནད་ཆུད་པ་དང་སྤོ་བོ་བདུད་འདུལ་རྡོ་རྗེ་ཟེར་བའི་གཏེར་ཆོས་གང་སླེབས་སུ་བཀྲ་མི་ཤིས་པ་རེ་ཡོང་གི་ཡོད་སྣང་བས་ཁམས་ནས་ཁོང་པའི་སློབ་མ་ཞིག་ཆོས་སྐྱེལ་དུ་བཏང་བ་ལུང་གསན་པའི་སྒང་ལ་པདྨ་དྲ་བ་བཀོད་པའི་ཞིང་དུ་གཤེགས་པར་མཆོད་འབུལ་རྒྱས་པར་མཛད། རིན་པོ་ཆེས་ཞལ་ཆེམས་བཞག་པའི་དོན་བཞིན་འབྲས་མོ་ལྗོངས་སུ་བུམ་གཏེར་སྐྱེལ་བ་དང་ཞུ་དོན་འདྲ་ཡོད་འདུག་པས་མཚམས་སྦྱོར་གྱི་རོགས་རམ་གནང་། བྲག་དཀར་བཀྲ་ཤིས་སྟེང་དུ་བཀའ་འགྱུར་གདན་འདྲེན་དགོས་སྐོར་ལྷོ་ཕྱོགས་ཀྱི་དུས་གཟིངས་དང་བཅས་སྡེ་པའི་དགོངས་པར་མ་བབས་པས་ཕྱག་ཐོག་ཏུ་མ་ཁེལ། ལྷ་བཙུན་མཁའ་འགྲོའི་དབང་ཕྱུག་གིས་ཞལ་ཆེམས་མང་དུ་བཞག་ནས་གཤེགས་སོང་བའི་གནས་ཚུལ་གླ་བ་སྒང་པ་ཡོང་སྐབས་གནང་འདུག །གུང་ཐང་དུ་དཔལ་རི་སྤྲུལ་སྐུ་ལ་རིགས་འཛིན་སྲོག་སྒྲུབ་ཀྱི་བཀའ་སྲུང་གི་དབང་དང་སྔོན་མའི་འཕྲོ་མུས་ཀྱི་ལུང་རྣམས་ཚང་བར་གསན་ཞིང་ཕར་ཡང་ཆོས་བཀའ་ཅི་རིགས་སྩལ། ངེད་ཀྱི་མཚོ་ཁ་ནས་དྷརྨ་ཁཱི་ཡ་ཐའི་ཇི་བོད་ལ་བརྫངས་སྐབས་ཞུ་འཕྲིན་དངུལ་གྱི་རྟེན་དང་བཅས་པའི་བརྟན་བཞུགས་སླར་བཀའ་ཆོས་གསན་དགོས་ཀྱི་ཐོ་སོགས་ཕུལ་བ་ལྟར་བླ་མའི་རྩད་གཅོད་ཀྱི་ཐུགས་རྩིས་མཛད་རུང་། ལོ་ཕྱི་མའི་དཔྱིད་ཀ་ལྷོ་འབྲུག་པས་མོན་བུམ་ཐང་ལ་གསང་དམག་བཏང་བས་མཚོན་ཆུ་དང་ཉའི་དཔེ་བཞིན་དགྲ་གནོན་གླང་ཆེན་སྣ་བསྒྱུར། གའུ་ཆུ་བསྐྱུར་སོགས་ཇུས་རིམ་གནང་དགོས་མངས་པའི་ཐུགས་གཡེང་གིས་རིམ་འགྱངས་སུ་ལུས། སོག་ཡུལ་ནས་རྒྱལ་ཁང་རྩེ་སྤྲུལ་སྐུ་ཡུམ་སྲས་དང་གཉུག་མར་གནས་པའི་ཚ་བ་སྐུ་སྐྱེ་ཅན་བྱང་རིས་པའི་བླ་མ་ཆེ་ཁ་ལ་(༡༠༣ན)

― GLG009_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་སོའི་བཞེད་པ་དང་བསྟུན་པའི་དབང་ཆོས་མང་དུ་གསུངས་ཤིང་བྱིན་རྟེན་གྱི་རིམ་པས་ཐུགས་འདོད་བསྐངས། གསེར་དངུལ་གོས་དར་སོགས་ཀྱི་འབུལ་བ་ཚན་པོ་ཆེ་བསྟབ། གནམ་སའི་དབང་ཕྱུག་བསྟན་འཛིན་ཆོས་ཀྱི་རྒྱལ་པོ་སྐུ་ཅུང་ཟད་སྲེབ་པར་གདོན་འགྲོལ་གྱི་ཆོ་གས་གཞི་མེད་དུ་དྭངས། ཨ་མདོ་ནས་ཞིང་སྐྱོང་པཎྜི་ཏ་དགེ་ལོགས་ཀྱིས་འོངས་ནས་ཟང་ཟིང་གི་བདོག་པའི་ཕྱག་རྟེན་རིང་དུ་བརྐྱང་ཞིང་འདོད་ཆོས་ཅི་རིས་ཞུས། ཆུ་སྦྲུལ་གསར་ནས་དཔལ་ཕག་མོ་གྲུ་པ་མི་ཕམ་བསོད་ནམས་དབང་ཕྱུག་གྲགས་པ་རྣམ་རྒྱལ་དཔལ་བཟང་མཆོད་ཡོན་དང་མཇལ་འཛོམ་ལ་ཕེབས་པ་བཞུགས་མཚེར་དུ་མཇལ་བར་བྱོན་པས་བཞུགས་ཁྲིའི་སྟེང་ནས་བཞེང་བ་སོགས་བཀུར་བཟོས་བླ་ན་མེད་པ་གནང་། བསྟན་པ་སྤྱི་སྒོས་ཀྱི་སྐུ་རིམ་ཅི་འདྲ་མཛད་ཀྱིན་ཡོད་ཀྱི་དྲི་མོལ་དང་དགྱེས་ཞལལྷུག་པར་བསྟན་མེ་ཏོག་མཆོད་པའི་དུས་འགྲེམ་པའི་གོས་སྐུ་ཧ་ཅང་ཧྲུལ་དྲགས་པར་གསོ་རན་གྱི་གྲུབས་ཡུལ་ལ་དགོངས་པ་ཞུ་བ་མཛད་པས་ས་སྐྱོང་བསོད་ནམས་རབ་བརྟན་གྱིས་སྨན་བླའི་གོས་སྐུ་རྙིང་པ་ལས་ཆུང་ཙམ་ཞིག་གནང་བ་ཞིག་གསོས་པར་སྦྱོར་འཇགས་མཛད། ལྷུན་གྲུབ་ཕོ་བྲང་པར་གདུང་བརྒྱུད་གྲུལ་ཐུབ་མེད་པར་སྐུ་སྐྱེའི་སྒྲིབ་ཤིང་ལ་བརྟེན་སྐབས་མཚོ་སྣ་དགའ་ལྡན་རྩེ་ཕྱོགས་ནས་རྒྱལ་པོའི་ཆད་པ་ཆེན་པོ་ཡོང་བའི་ཐབས་མཁས་ཀྱིས་དྲིལ་བསྒྲགས་ཏེ་མོན་ཕྱོགས་སུ་བསྐྲད་ནས་དགོན་པ་བདག་གིར་བཟུང་བའི་རྙིང་མ་རྒྱུད་འབུམ་རྣམས་གོང་དཀར་དགའ་ལྡན་གསང་སྔགས་གླིང་པའི་སྤྱི་རྫས་དང་དམངས་མ་རྣམས་པོ་ཏ་ལར་དྲངས་ནས་རྗེ་བླ་མས་དབྱེ་གཡང་མཛད་པར་(༡༠༣བ)

― GLG009_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་སྟོན་ཡབ་སྲས་ཀྱི་ཕྱག་དཔེ་འགངས་ཅན་རྣམས་གོང་པའི་ཕལ་ཆེར་འདམ་སྙིགས་ཆ་ཁང་མ་ཤས་ཆེ་བས་དགོངས་འདུས་པོ་ཏི་དགུ་པ་ཞིག་མ་གཏོགས་ཚང་བའི་རིས་དཀོན་པ་འདུག་གསུང་། དྭགས་ཡུལ་ཆབ་ཚན་ལ་ཕེབས་ཐོག་རྒྱལ་སྨད་བླ་མས་ཆོས་འབྲེལ་ཞུ་བ་དང་གཟིམས་གུར་ལ་སྐོར་བ་བརྒྱ་རྩ་སོགས་གཏིང་ནས་མོས་པའི་རྣམ་འགྱུར་བྱས། སླར་པོ་ཏ་ལར་ཕེབས་ནས་ཁྲོ་རོལ་སླང་དགུ་མས་གཙོས་བསྟན་པ་སྤྱི་སྒོས་ཀྱི་སྐུ་རིམ་དུ་མ་གནང་། ནུབ་ཅིག་མནལ་ལམ་དུ་སྡེ་པ་བསོད་ནམས་རབ་བརྟན་ཀླུ་སྦུག་ཏུ་སྐུ་མཚམས་ལ་བཞུགས་པ་ཞིག་བྱུང་བ་ས་བདག་གི་གནོད་པ་ཡོད་པར་དགོངས་ཏེ་ཀླུའི་གཏའ་སྡོམ་དང་དུམ་གཏེར་གྱིས་མཚོན་པའི་བཅོས་ཀ་དུ་མ་མཛད། མི་རིང་བར་འབྲས་སྤུངས་གསེར་ཐོག་གི་ཕྱག་ལས་དུས་སྡེ་པའི་ཞབས་གློ་བུར་དུ་སྐྲངས་པའི་ཉེན་དམིགས་ཆེ་བར་མྱུར་དུ་དྭངས་པ་བཅོས་སྔོན་ཆུག་ནས་གནང་བའི་ཕན་ཡོན་དུ་མཆིས། གཞིས་ཀ་རྩེའི་ཚེས་བཅུའི་འབག་རྣམས་གུང་ཐང་དཀར་མེའི་འཆམས་ལ་དགོས་ཚུལ་ཞུ་བ་མཛད་པ་རྒྱུ་རྐྱེན་ལྷུན་གྲུབ་ཀྱིས་དགྱེས་བཞིན་དུ་གནང་། དཀར་མེ་བསྐུལ་དབང་དང་འབྲོམ་གཞུང་གི་ཚེས་བཅུ་བ་རྣམས་ལ་བླ་མ་ཞི་བའི་དབང་རྒྱས་པ་ཞིག་མཛད། ལོ་སྔ་མ་སད་སྐྱོན་ཆེ་བ་བྱུང་བ་འདི་ལོ་སྡེ་པས་བསླབ་སྟོན་ཕེབས་པ་ལྟར་སད་སྲུང་སྤྲིན་གྱི་གོ་ཆའི་ཕྱག་ལེན་བཞིན་ཐུགས་ཁུར་བཞེས་པས་ལོ་ཏོག་མོད་ལ་འཁྱོལ་བའི་ལེགས་ཚོགས་སུ་གྱུར། ངེད་རྒྱ་ནག་ནས་འཁོར་བའི་སྨིན་དྲུག་ཟླ་བའི་ཚེས་བཅུ་དྲུག་གི་ཉིན་ཐང་སག་དགའ་ལྡན་ཆོས་འཁོར་དུ་རྗེ་ཉིད་བསུ་བར་ཕེབས་པ་དང་གསོལ་བའི་རིང་གསུང་གླེང་གི་(༡༠༤ན)

― GLG009_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

རིས་ཞིབ་རྒྱས་དང་། འབྲོམ་སྟོད་དུ་འབྱོར་སྐབས་ཚལ་གུང་པ་བྱིངས་དང་ལྷན་ཅིག་པར་ཡང་ཞབས་ཟུང་འཁོར་ལོའི་རི་མོ་ཕྱོགས་དེར་མངོན་པར་བཀོད། ཟིང་པ་བ་གྲ་པ་བཅོ་ལྔས་གུང་ཐང་དུ་ཞི་ཁྲོ་གཞན་ཕན་འོད་ཀྱི་འཁོར་ལོའི་ཆོ་ག་སྟོང་རྩ་ཞིག་འཛུགས་པ་མཛད། ངེད་ཕྲད་པར་བྱོན་པའི་ཕྱོགས་འདུས་ཀྱི་ཁྲོད་ནས་ཞལ་འདྲིས་ཡོད་པའི་བླ་མ་མང་དག་ཅིག་མཇལ་ཀ་གསུང་ཆོས་ཞུ་བར་འབྱོར་པས་ཐུགས་གཡེང་ཆེ་ཙམ་བྱུང་ཞིང་། ཁྱབ་བདག་བཀའ་འགྱུར་བ་ཆེན་པོ་འབྲས་སྤུངས་སུ་ཕེབས་པའི་ཕྱིར་ལམ་གུང་ཐང་དུ་ཞུག་ཤས་དཔོན་སློབ་གདན་འཛོམ་ནས་བཀའ་ཆོས་གསན་རེས་ཁ་ཡར་གནང་ངོ་། །མཁན་སློབ་ཆོས་གསུམ་ཞལ་ལུང་མངར་པོའི་རོ། །བྱེ་བ་ཕྲག་བརྒྱ་མྱངས་པས་མ་ཚིམ་པར། །དེང་དུས་བཏུངས་པའི་བག་ཆགས་སླད་མའི་ཚེ། །ཡང་ཡང་སད་པའི་སྐྱེས་རབས་ཕ་མཐའ་རིང་། །རྒྱལ་ཁམས་རླུང་ལ་བསྐུར་ནུས་འཕུང་བྱེད་ལས། །སྡེ་བརྒྱད་རྦ་ཀློང་འཁྲུག་པ་འཁོར་ལོའི་རྩེ། །ལྷོ་འབྲུག་གདུང་བརྒྱུད་བློན་འབངས་མིང་གྲངས་ཅན། །ཕལ་ཆེར་རིང་མིན་མི་རྟག་ལམ་ལ་བཀོད། །སྦས་ཡུལ་ཀུན་རྩེ་འབྲས་མོའི་གཤོང་གླིང་དུ། །ནམ་མཁའི་རྣལ་འབྱོར་བཀོད་སྨྱོན་ཧེ་རུ་ཀར། །བཀའ་བབས་རིགས་འཛིན་སྲོག་སྒྲུབ་ཆོས་བདག་གི །གཙོ་བོར་མགོན་ཁྱོད་མངའ་གསོལ་མེ་ཏོག་གཏོར། །སྔོན་དུས་རང་གཏེར་སྐལ་བར་རྙེད་པའི་དུང་། །བླ་སྨན་ཤཱཀྱ་དབང་ཕྱུག་རྣམ་སྤྲུལ་གྱིས། །སླར་ཡང་དབུལ་བའི་ལུང་བསྟན་མངོན་སུམ་པ། །རྨི་ལམ་ཚུལ་དུ་སྟོན་པའི་རྒྱུ་དེ་ཅི། །རམས་ཚོས་རྒྱས་འདུས་(༡༠༤བ)

― GLG009_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

སེང་ཕྲུག་མཛེས་པའི་འཕྲུལ། །གཞན་འདྲིད་མ་ཡིན་ཟབ་གཏེར་གཡུ་རལ་ཅན། །ལེགས་ལྡན་ཐུགས་བཅུད་བདུད་རྩི་རབ་འཁྱིལ་བས། །འགྱུར་མེད་སྲོག་གི་ཀ་བ་དེང་འདིར་ཚུགས། །བདེ་གཤེགས་ཀུན་ཚང་ཆེ་མཆོག་ཧེ་རུ་ཀའི། །བདུན་བརྒྱ་ཉི་ཤུའི་འཁོར་ལོ་རང་སྡེའི་ཚོགས། །ཉེར་ཆུད་བཟློག་བསད་མཚོན་ཆར་བདུད་སྡེ་ལ། །ཕབ་འདི་དྲག་སྔགས་བདག་པོ་གནུབས་ཆེན་བཞིན། །གངས་ཅན་བསྟན་སྲིད་དཔལ་མོའི་སྲོག་གི་ཤིང་། །མི་དབང་གཉན་རྒོད་བྱད་ཀྱི་ཞགས་རྒྱ་ལས། །བཀྲོལ་འདི་མཆིམས་ཕུའི་གནས་སུ་པདྨ་འབྱུང་། །འཇམ་དཔལ་ཀླུ་ཡི་སྲིན་པོའི་རྗེས་སུ་འགྲོ། །ཤིང་རྟ་ཟླ་བ་དང་པོར་དགའ་ལྡན་ཕོ་བྲང་དུ་ཕེབས་ཟླ་བ་གསུམ་ཙམ་གྱི་བར་སྟན་ཆགས་ཀུན་རྫོབ་ཀྱི་ཆོས་ཐམས་ཅད་རང་མཚང་རྗེན་པར་སྟོན་པ་འཇམ་དཔལ་གཤིན་རྗེ་གཤེད་དམར་པོའི་སྤྲོས་པ་མེད་བའི་ཟབ་འཁྲིད་རྡོ་རྗེ་འཆང་ཚར་པ་ཆོས་རྗེའི་གསུང་རྒྱུན་ཐུན་མོང་མ་ཡིན་པ། ཡེ་ཤེས་མཁའ་འགྲོའི་ཞལ་གྱི་དྲོད་རླངས་མ་ཡལ་བ་རྭ་འཁྲིད་མཁའ་འགྲོ་སྙན་བརྒྱུད་ཀྱི་ཉམས་འཁྲིད། རྭ་པོད། བླ་མ་དགོངས་འདུས་པོ་ཏི་དགུ། རིགས་འཛིན་རཏྣ་གླིང་པའི་གཏེར་ཁ་སོགས་ཟབ་ཆོས་མང་དུ་ཞུས། སྐྲངས་འབུར་གྱི་གློ་བུར་དུ་ཞབས་བསྙུན་ནས་འཕྲོད་བསྟེན་ལ་གུང་ཐང་དུ་ཕེབས་པའི་ཚེ་ཞང་འགྲོ་བའི་མགོན་པོ་ཞལ་གཟིགས་བཀའ་རྒྱའི་དབང་གི་དུས་ངར་སྦུག་གི་ཀླུ་མོའི་གཏོར་མ་ཆད་པས་ལན་ཀླུ་གཏོར་བཏང་ན་ལེགས་གསུང་བ་བཞིན་མཛད་པས་གསོས་སྨན་གྱི་འཕྲོད་བསྟེན་ལས་ངོ་གསོ་ཆེ་བ་བྱུང་། ངེད་བཅད་རྒྱ་དམ་པོ་ཞིག་ཡོད་པའི་ཁོག་ནས་ཞབས་པད་བརྟན་པའི་རྟེན་(༡༠༥ན)

― GLG009_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་སྨོན་ལམ་ཚིགས་བཅད་དང་བཅས་པ་ཕུལ། སྒགས་སྔགས་ལྕོག་གཉིས་ནང་མ་འཆམ་པར་དགེ་སློང་ཡིད་བཞིན་ཟེར་བས་གུང་ཐང་དུ་འོངས་ནས་སྡེ་པར་སྙན་འབུལ་གྱི་སྣེ་སྦྱོར་ཞུས་པར་ཕན་ཚུན་གཉིས་ཀར་དགེ་བཤད་སྡིག་གྲོལ་གྱིས་དབྱེན་བཟླུམས་ནས་བཛྲ་མུ་ལས་རྣམ་པར་གྲོལ་བའི་ཀར་བསྟན་ལ་ཕན་པ་གནང་བ་ནི་སྔགས་རྙིང་མ་བའི་ཕྱག་ལེན་གྱི་གསོས་སུ་གྱུར། བདུན་གསུམ་གྱི་བར་བསྙེན་སྒྲུབ་ཀྱི་སྐུ་མཚམས་ཤིན་ཏུ་དམ་པ་གནང་། ནུབ་གཅིག་མནལ་ལམ་དུ་མི་དཀར་པོ་ཨཱ་ཙཪྻའི་རྣམ་པ་ཅན་ཞིག་གིས་ལམ་སྣ་བྱས་ཏེ་ནུབ་ཕྱོགས་སུ་ཞལ་བསྟན་རི་མཐོན་པོ་ཞིག་ལ་འཛེགས་ནས་ཐེགས་པས་འཕང་རིང་པོ་བརྒྱུད་པའི་མཐར་གནམ་སྒོ་འདུག་པ་ཕྱེ་ནས་ནང་དུ་བྱོན། རི་ཁྲོད་ཁ་ལྷོ་སྨད་དུ་བལྟ་བ་ཕྱི་ནས་ཆོམ་རྐུན་སོགས་ཀྱི་འཇིགས་པ་མེད་པའི་ཤིན་ཏུ་བཙན་པ་ནང་ཡངས་ཤིང་རྩི་ཤིང་ནགས་ཚལ་མེ་ཏོག་འབྲས་བུ་ཅན་སོགས་བདེ་བ་ཅན་གྱི་ཞིང་བཀོད་ལྟ་བུའི་ཤིན་ཏུ་སྤྲོ་བ་ཁང་པ་རྣམས་ཀྱང་རྒྱ་ཁང་འདྲ་རུང་བའི་གསེར་ཐོག་གཡུ་ཐོག་ཡོད་པ། སྣང་བར་བནྡེ་དང་སྐྱེ་བོ་རྣལ་འབྱོར་པ་སོགས་རི་ཁྲོད་པ་ཡིན་ཁུལ་དེ་རྣམས་སྔར་ནས་ཐུགས་འདྲིས་ཡོད་རྒྱུ་བ་ལ་འཕྲལ་དུ་འདི་ཡིན་རང་གི་ངེས་འཛིན་མི་ཐུབ་པ་ཞིག་འདུག་པར་ཐུགས་དགོངས་ལ་གནས་འདི་འདྲ་ལས་སྐྱིད་པ་ང་མི་རྙེད་པས་ཚེ་མཚམས་བྱེད་དགོས་དགོངས་ཐུགས་ཐག་བཅད་པའི་ངང་ལ་མནལ་སད་བྱུང་གསུང་བ་དེ་ནས་ལོ་གསུམ་ཙམ་གྱི་ཐོག་སྐུའི་བཀོད་པ་བསྡུས་ནས་པདྨ་འོད་ཀྱི་ཞིང་ཁམས་སུ་རེ་ཞིག་གི་བར་བཞུགས་པའི་རྟགས་སུ་མངོན། དར་རྒྱས་ཆོས་སྡིངས་ནས་རིགས་འཛིན་ཆེན་པོ་འཕྲིན་ལས་ལྷུན་གྲུབ་ཀྱིས་བཀའ་བརྒྱད་བདེར་གཤེགས་འདུས་པ་ཡོངས་རྫོགས་ཀྱི་ལུང་རྒྱུན་དམ་ཉམས་འདྲེས་ཁྱེར་གྱི་བསླད་(༡༠༥བ)

― GLG009_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མ་ཞུགས་པའི་ཁུངས་བཙུན་པ་ཨེ་ནས་རིགས་འཛིན་ཆོས་དབང་ཀུན་བཟང་ལ་གསན་ཏེ་གུང་ཐང་དུ་ཕེབས་ཟླ་ཤས་བཞུགས་པར་བཀའ་བརྒྱད་བདེ་འདུས། འཇམ་དཔལ་རྫོགས་ཆེན་སོགས་མཐའ་ཡས་པ་གསན། རིན་པོ་ཆེ་ཆོས་སྡིངས་པ་དང་གྲུབ་ཆེན་ཀརྨ་གསང་སྔགས་གཉིས་ལ་རིགས་འཛིན་སྲོག་སྒྲུབ་ཀྱི་དབང་ལུང་གསན་ཞིང་གྲུབ་ཆེན་གསང་སྔགས་པར་རྫོགས་པ་ཆེན་པོ་སངས་རྒྱས་མཉམ་སྦྱོར་གྱི་ལུང་སོགས་ཆོས་བཀའ་ཅི་རིས་གསན། གར་པར་དབྱར་མཇལ་ལ་ཕེབས་པའི་ནུབ་འོད་གསལ་དུ་ཇོ་བོ་ཤཱཀྱ་མུ་ནེའི་སྐུ་མདུན་དུ་བླ་མ་བླ་གོས་ཐར་སོང་བཞེས་པའི་དབུ་དཀར་བ་ཞིག་ལ་མི་མང་པོས་གུས་འདུད་བྱེད་འདུག་པ་སུ་ཡིན་དྲི་བ་གནང་བར་བཀའ་གདམས་ཀྱི་དགེ་བའི་བཤེས་གཉེན་བྱ་འཆད་ཀ་བ་ཡིན་ཟེར། དེས་རྗེ་ཉིད་ལ་ཕྱག་མཛད་པ་བྱུང་བ་སང་ཉིན་གསང་ཕུ་རྣམ་རྒྱལ་གསེར་བཀང་པའི་དྲུང་ཆེན་དཀོན་ཅོག་དཔལ་འབྱོར་གུང་ཐང་དུ་བྱོན་བྱུང་བ་དཔོན་སློབ་གཉིས་ཐུགས་ནང་དག་ཅིང་ཆོས་བཀའ་གསན་རེས་མཛད། འཇམ་དབྱངས་བླ་མ་དཀོན་ཅོག་ཆོས་འཕེལ་དག་ཞིང་དུ་གཤེགས་རྗེས་དྲུང་ཆེན་འདི་ལས་མཁས་བཙུན་བཟང་བ་ཞིག་གསང་སྣེའུ་ཐོག་ཕྱོགས་སུ་མ་བྱུང་བར་མ་ཟད་ཁྱད་པར་རྫོགས་པ་ཆེན་པོ་དང་གསུང་ངག་ལམ་འབྲས་གཉིས་ཀ་ལ་ཕུལ་དུ་ཕྱིན་ཞིང་བྱང་ཆུབ་ཀྱི་སེམས་ལ་མངའ་འབྱོར་བས་འཆད་ཀ་བ་ཡེ་ཤེས་རྡོ་རྗེའི་རྣམ་སྤྲུལ་དུ་ཐེ་མི་ཚོམ་པར་གནང་། ངེད་གཙང་ནས་འཁོར་བ་དང་བསྟུན་ཞག་ཤས་རྗེ་ཉིད་འབྲས་སྤུངས་སུ་བཞུགས་པའི་གཞིས་ཀ་ཤར་ལགས་ཨ་གུར་གྱི་ཞིང་བཀོད་ཁ་ཡར་བྲིས་པའི་ཞལ་བཀོད་དང་ཤོག་དཔེ་གནང་། བྱང་པ་རིགས་འཛིན་ཆེན་པོའི་རྣམ་ཐར་འབྲི་དགོས་ཚུལ་ཕེབས་པ་བཞིན་ཉེར་བསྡོགས་བྱས། ཟླ་བ་བཅུ་གཅིག་པའི་ནང་དུ་རྗེ་བླ་མ་འབྲས་སྤུངས་སུ་གདན་དྲངས་དགོངས་འདུས་ཀྱི་དབང་ཆེན་དབང་ཕྲན་གྱིས་གཙོས་པའི་ཆོས་བཀའ་མང་དུ་(༡༠༦ན)

― GLG009_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུས། ལྷོ་བྲག་སྨྲ་བོ་ལྕོག་ནས་མངའ་བདག་བསྟན་འཛིན་ཆོས་དབང་ལ་སྲིད་པའི་གཏེར་ཁྱིམ་གྱི་ལྗགས་ལུང་སྩལ་ཞིང་ཕར་ཡང་ཆོས་འབྲེལ་གསན། ཟླ་བ་བཅུ་གཉིས་པའི་ནང་དུ་བསྟན་འཛིན་ཆོས་ཀྱི་རྒྱལ་པོ་སྐུ་གཤེགས་པའི་ལོ་གཅིག་གི་བར་གདུང་ནང་བཞུགས་བྱེད་པར་ཤར་བ་ར་མོ་ཆེའི་གཙུག་ལག་ཁང་ཀླུའི་རྒྱལ་པོའི་ཕོ་བྲང་གི་སྟེང་དུ་ཡོད་པ་ཕྱོགས་དེ་ཀླུ་ས་ཆེ་གཤིས་ཞལ་ངོ་ཕྱི་མ་རྣམས་ལ་སྐྱོན་མི་འཇུག་པའི་སླད་དུ་ཕྱོགས་བཞིར་འཁོར་ལོ་སྦྱོར་བ་སོགས་གེགས་སེལ་གྱི་བཅོས་ཐབས་མང་དུ་གནང་། ལོ་སྔ་མ་མཆོད་ཡོན་རྩེར་རྒྱས་གཞིས་ཀ་རིན་སྤུངས་སུ་བྱོན་དུས་བླ་མ་བོན་ལུང་པ་གར་དབང་ཚུལ་ཁྲིམས་རྒྱལ་མཚན་གྱིས་མཇལ་ཀ་མ་ཞུས་པར་རྫོང་དཔོན་དྭགས་པོ་བཀྲ་ཤིས་ཀྱིས་གཙང་པོ་ལྷོ་ཁའི་བསོད་སྙོམས་བཀག་པ་སོགས་དྲག་ཤུལ་གྱི་ཆོ་ག་ཅི་རིས་བྱུང་བར་ཤིང་ལུག་ཁོང་པ་གུང་ཐང་དུ་རྗེ་བླ་མ་མ་འདྲིས་པའི་མཛའ་བཤེས་ཆེན་པོའི་དྲུང་དུ་བྱོན། གོང་ར་ལོ་ཆེན་གྱིས་ཆོས་ལོག་ཏུ་ངོས་འཛིན་པའི་ཀརྨ་གུ་རུ་རྣམ་དག་ཏུ་སོང་ནས་སྲོག་གཏད་དང་ལུང་རྫོགས་པར་ཞུས། དོན་གྱི་གཙོ་བོ་ས་སྐྱོང་བསོད་ནམས་རབ་བརྟན་གྱི་ཕྱག་འབུལ་གྲུབ་པའི་སྣེ་སྦྱོར་གནང་། ཕག་མོ་བཀའ་བརྒྱུད་ཆོས་སྡིངས་པའི་སྐུ་སྐྱེས་གཙོས་ཕྱོགས་འདུས་མང་བར་འདོད་ཆོས་ཀྱིས་རེ་བ་བཀང་། ནུབ་གཅིག་མནལ་ལམ་དུ་འབྲི་གུང་ནས་གདན་འདྲེན་ལ་འོངས་ཟེར་བའི་བུ་མོ་འགའ་ཞིག་བྱུང་བ་མི་ལེགས་པར་དགོངས་ཏེ་དེ་ལ་དམིགས་པའི་སྐུ་མཚམས་གནང་རུང་མཚན་ལམ་དུ་ཐོག་འབབ་པ་སོགས་འཚུབ་ལྷོངས་ཆེ་བ་ལས་བཟང་ལྟས་ཆེར་མ་ཤར་བས་གཤིན་རྗེ་ཁྲོ་ཆུའི་བཟློག་དང་གཞིས་ཀ་ཤར་ནས་སྦྱིན་བདག་བྱས་པའི་མཁའ་འགྲོ་བསུ་བཟློག་གི་བརྟན་བཞུགས་ཕུལ། ཁོ་བོས་མོ་རྩིས་སོགས་ཞུས་པར་ཤར་བའི་སྐུ་རིམ་གྱི་རིས་ཕལ་མོ་ཆེ་དང་བྱིང་པ་སྔགས་རམས་པ་བློ་བཟང་དོན་གྲུབ་ཀྱིས་རྡོ་རྗེ་སློབ་དཔོན་བྱས་པའི་གྲ་ཚང་(༡༠༦བ)

― GLG009_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

གི་གྲ་པ་གྲངས་བཅད་ཀྱིས་གུང་ཐང་དུ་འཇམ་དཔལ་མེའི་སྤུ་གྲིའི་སྲུང་བཟློག་སྲེག་མནན་དང་བཅས་བསྒྲུབས་པས་བསྟན་འགྲོའི་མགོན་དུ་ལྷམ་མེར་བཞུགས་པའི་སྐལ་བཟང་དུ་གྱུར། ཟླ་བ་གསུམ་པའི་ནང་དུ་ཁྱབ་བདག་བཀའ་འགྱུར་བ་ཆེན་པོ་འབྲས་སྤུངས་སུ་ཕེབས་པའི་ཕར་ལམ་གུང་ཐང་དུ་ཞག་ཤས་དཔོན་སློབ་གདན་འཛོམ་པའི་རྐྱེན་སེལ་གྱི་བཀའ་ཆོས་གསན་ལན་མཛད། ལྷོ་བྲག་ནས་རིན་པོ་ཆེ་གསུང་སྤྲུལ་ཕེབས་པར་པད་གླིང་པའི་དྲག་དམར་གྱི་དབང་སོགས་སྔ་འགྱུར་གྱི་ཆོས་བཀའ་མང་དུ་གསན་ཞིང་ཕར་ཡང་དེ་མཚུངས་འབུལ་བ་གནང་། རྗེ་བླ་མའི་སྐུ་རིམ་དུ་རིན་པོ་ཆེ་གསུང་སྤྲུལ་གྱིས་དྲག་དམར་གྱི་གཏོར་བཟློག་མཛད། སྣོན་ཆོས་རྗེ་འཛོམ་པ་སྒང་པར་མཆོག་སྤྲུལ་མངའ་རིས་པཎ་ཆེན་གྱི་གསུང་རྒྱུན་འཁྲུལ་པ་མེད་པ་རྒྱལ་པོ་ལུགས་ཀྱི་ཐུགས་རྗེ་ཆེན་པོའི་ཉམས་འཁྲིད་སོགས་ཆོས་ཁ་ཤས་གསན། སྣང་བ་མཐའ་ཡས་ཀྱི་རྣམ་སྤྲུལ་ཞང་འགྲོ་བའི་མགོན་པོའི་དབེན་གནས་བྱ་དཀར་འབྲོང་པོར་ཕེབས། སྐུ་འདྲ་རིན་པོ་ཆེས་གཙོས་རྟེན་རྣམས་ལ་གསེར་ཆབ་སྤྱན་འབྱེད་སྙན་ཤལ་མཆོད་པ་སྨོན་ལམ་སོགས་རྒྱས་པ་གནང་བའི་ཉིན་ནམ་མཁའ་དང་བྱ་དཀར་འབྲོང་པོའི་ཉི་གྲིབ་མཚམས་གཉིས་ཀར་འཇའ་ཚོན་དང་ཉི་མའང་འཇའ་སྤུངས་ཀྱིས་བསྐོངས་པར་མེས་ཀྱི་སྔགས་འཆང་ཁྲོ་རྒྱལ་དཔལ་མགོན་གྱིས་ལྟས་བཟང་པོ་བྱུང་བ་ངོ་མཚར་ཆེ་ལགས་ཞུས་པར་སྔོན་གྱི་སྨོན་ལམ་གྱི་ཤུགས་ཡིན་དེ་བས་ལྷ་མོ་ཁང་ཡིན་སྙམ་པ་ཞིག་ཏུ་བདག་ལ་ཞང་གིས་རྩ་བའི་བླ་མ་དྲུག་གི་སྒྲུབ་ཐབས་གསུང་ཡོད། མཁས་བཙུན་སྤེལ་ཕུག་པ་ཞེས་པར་སྐྱེས་དུས་གཙང་འོ་ཡུག་ཏུ་བསྡད་པ་ཞིག་ཀྱང་དྲན་གསུངས། སྤྱིལ་བུ་བྲག་ཐོག་གི་བླ་མས་གདན་དྲངས་ནས་བསྙེན་བཀུར། དབྱར་འབྲས་སྤུངས་སུ་སྟན་ཆགས་བཀའ་བརྒྱད་བདེར་གཤེགས་འདུས་པ་པོ་ཏི་དགུ་དང་དཔག་བསམ་འཁྲི་ཤིང་སོགས་བཀའ་ཆོས་(༡༠༧ན)

― GLG009_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

མང་དུ་སྩལ།དེ་དུས་དྭགས་ལྷ་སྒམ་པོའི་སྤྲུལ་སྐུས་ཁྲ་མོ་བྲག་ནས་གཏེར་བཏོན་ཁུལ་ལ་ཞིབ་ཏུ་དཔྱད་ན་ཤོག་སེར་རྣམས་ཕར་སྦས་ནས་མེད་ཚུལ་གྱིས་རབ་རིབ་མཛད་ནས་ཤོག་སེར་གཅིག་ལུས་འདུག་ཅེས་སྟོན་པ་མཛད་བྱུང་བ་རྗེ་བླ་མར་སྤྱན་འབེབས་ཞུས་པ་རྒྱབ་མདུན་གཉིས་ཀར་ཞིབ་ཏུ་གཟིགས་ནས་ཤེལ་བྲག་ཏུ་མཆོག་གྲུབ་རྒྱལ་པོའི་དོན་ལ་སྦས་ཚུལ་འདུག་པས་ཨོ་རྒྱན་གླིང་པའི་ཤོག་སེར་རྙིང་པ་ཡིན་འདྲ་ཞེས་བཞད། རྨེ་རུ་བ་རྣམས་ལྷ་ལྡན་སྡེའི་ཕྱི་རོལ་ཏུ་འཕོ་བ་དང་བསྟན་འཛིན་ཆོས་ཀྱི་རྒྱལ་པོའི་རྟེན་བཞེངས་ཀྱི་སྐུ་རྣམས་བཞུགས་གནས་ཤིག་དགོས་པ་ཉིས་འདོམ་གྱིས་གནས་ཁང་གསར་དུ་རྩིག་པའི་ས་འདུལ་ལ་ཡར་ལམ་ཞབས་ཀྱིས་བཅགས་ནས་ལྟོ་འཕྱེའི་ཐིག་མཛད། རྡོ་རྗེ་བྲག་ནས་རིགས་འཛིན་མཆོག་གི་སྤྲུལ་སྐུ་གུང་ཐང་དུ་ཕེབས་པར་བྱང་གཏེར་རྫོགས་ཆེན་ཀ་དག་ལྷུན་གྲུབ་ཀྱི་དབང་ལུང་ཉམས་འཁྲིད་ཆོས་ཀྱི་བདག་པོར་དགོངས་ནས་སྨིན་རྒྱས་སུ་སྩལ་བའི་སྔོན་འགྲོར་རྫོགས་ཆེན་བཀའ་གཉན་པའི་སྐུ་ཚེའི་གེགས་སེལ་ལ་རིིག་འཛིན་སྤྲུལ་སྐུ་རིན་པོ་ཆེས་ཁྱབ་བདག་བླ་མ་དམ་པར་བརྟན་བཞུགས་བཟབས་རྒྱས་དང་ཚེ་དབང་ཞིག་འབུལ་བ་གནང་ཞིང་། སྐབས་ཤིག་བླ་བྲང་གི་ཞམ་རིང་བ་རྣམས་ལ་ཚེ་དབང་དགོས་ཚུལ་རྗེ་བླ་མའི་བཀའ་ཕེབས་ལྟར་སྤྲུལ་སྐུ་རིན་པོ་ཆེས་ཆོས་ཁྲིའི་རབ་གསལ་དུ་དབང་སྒྲུབ་མཛད་པ་ཟིན་མཚམས་རྗེ་བླ་མའང་འབུལ་ཆས་དང་བཅས་ཕེབས་པར་བཞུགས་སྟན་ངེས་པར་དགོས་གསུངས་པ་ལ་ཡང་མ་གསན་པར་དབང་གྲལ་དུ་བཞུགས་པ་སོགས་རིགས་འཛིན་ངག་གི་དབང་པོར་མི་ཕྱེད་པའི་ཐུགས་དད་གཅམ་བུ་ཙམ་མ་ཡིན་པའི་ནང་རྟགས་ཕྱིར་ཤར་གནང་། རྗེ་བླ་མའི་སྐུ་རིམ་ལ་སྤྲུལ་སྐུ་རིན་པོ་ཆེས་འཇམ་དཔལ་ཕྱག་རྒྱ་ཟིལ་གནོན་གྱི་ཟོར་ལས་དྲག་པོའི་ཆས་སུ་ཞུགས་ནས་གནང་བ་རིགས་འཛིན་ཡོལ་མོ་བའི་རྣམ་ཐར་དུ། པད་གནུབས་བརྒྱུད་པའི་(༡༠༧བ)

― GLG009_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

ནུས་སྟོབས་དྲག་པོའི་མཚོན། །རིམ་གྱིས་བསྟར་བ་ཁོ་བོའི་ལག་ཆར་ལོན། །མི་བཟད་དྲག་རྩལ་འབར་བའི་གནམ་ལྕགས་ཐོག །མཐུ་ཆེན་དམར་གྱི་གཏོར་མའི་འགྲན་ཟླར་སོང་། །ཞེས་བྱིན་ཆགས་པོ་ཞིག་མ་གཏོགས་རྡོ་རྗེ་སློབ་དཔོན་གྱིས་སྦུག་ཆོལ་དཀྲོལ་བ་དང་མེ་དར་དབྱུག་དབྱུག་སོགས་ཨ་ཅེ་ལྷ་མོ་མཛད་སྲོལ་ནི་མི་སྣང་། ལྷོ་ནས་ཞང་གི་ལུགས་འཛིན་ཀ་ལེབ་དགོན་པ་བ་ཡིན་ཟེར་བའི་བླ་མ་དཔོན་གཡོག་གསུམ་འོངས་པར་བཀའ་འབུམ་བཀའ་རྒྱའི་དབང་ལུང་དང་བྱིན་རླབས་རྟེན་སོགས་སྩལ་བ་དེ་ཚོ་ལྷོ་འབྲུག་གི་ས་ཉལ་མ་བླ་ཆེན་སྟག་ཚས་རྗེ་ས་སྐྱ་པ་ཆེན་པོ་བཀྲོང་བར་ཁམས་པ་རྡོར་རྒྱལ་བཏང་བའི་ལོ་རྒྱུས་བཞིན། དད་རྟེན་འབྲུག་ཕྱོགས་ཀྱི་སྲུང་བ་དང་ཟག་རྫས་བྱས་ཚོད་དུ་འདུག་པས་རྙིང་མ་བཞལ་ངོ་ཚོ་གསོལ་ལྟོགས་ལ་རྒྱས་བསྡུས་གནང་དགོས་པའི་བརྡ་ཆོས་སུ་འདུག །མེ་སྤྲེལ་ལོ་བྱང་ཕྱོགས་སའི་ཚངས་པ་དགའ་ལྡན་པ་ཐོག་རྒོད་རྣམ་རྒྱལ་གྱིས་བཀའ་འགྱུར་རིན་པོ་ཆེ་བཞེངས་པའི་རབ་གནས་ལ་ཤོག་གསུང་བ་བཞིན་ངེད་ཀྱིས་བདེ་ཆེན་རྩེར་ཕྱིན་པའི་ཡར་ལམ་མར་ལམ་ཚོ་ཚལ་གུང་གི་བླ་མ་རྣམ་པ་ཚོ་བསུ་བར་བྱོན་པའི་སྡེབས་སུ་རྗེ་ཉིད་ཕེབས་ཤིང་ཕྱིར་ལམ་ཆོས་ཁྲིད་གུང་གི་དྲོའི་གཞི་ལེན་བཟབས་རྒྱས་དང་། རིགས་འཛིན་ཆེན་པོ་གཞོན་ནུ་དོན་གྲུབ་ཀྱི་ཕྱག་བྲིས་མའི་བཀའ་བརྒྱད་བདེ་འདུས་ལྷ་བདུན་བརྒྱ་ཉེར་ལྔའི་ཞལ་ཐང་གྲ་ཚར་སྟེར་སྦྱིན་མཛད། རྣམ་པར་རྒྱལ་བའི་ཕན་བདེ་ལེགས་བཤད་གླིང་པར་བསྙེན་བཀུར་དང་བཀྲས་བཏགས་ཀྱི་འགྱེད་གནང་། དར་རྒྱས་ཆོས་སྡིངས་ཀྱི་གདུང་བརྒྱུད་བགྲེས་པ་འབྲས་སྤུངས་སུ་གཙུག་ཕུད་འབུལ་བར་ཕེབས་ཞོར་ཡར་ལམ་གུང་ཐང་དུ་ཕེབས། ཆོས་རྗེ་མ་ཆེན་གྱིས་གནང་བ་མི་འགབ་ཚུལ་ཞུས་པ་ལ་མ་གསན་པར་རྗེ་བླ་མས་སྐུ་ན་ཕྲ་མོ་དེ་ལ་བཞེང་བ་ཕྱག་ལན་བཙལ་བ་བཻ་རོའི་རྣམ་སྤྲུལ་ཆོས་རྒྱལ་གཏེར་བདག་གླིང་པ་ཡིན་པར་མངོན་མཁྱེན་དུ་ཤར་བར་སྣང་ཞིང་རྟེན་འབྲེལ་ལ་དགོངས་ནས་(༡༠༨ན)

― GLG009_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

དབུ་ཞྭ་སོགས་ཀྱི་སྐྱེས་གནང་། ཡབ་སྲས་གཉིས་ལྷན་ཅིག་པས་བདུད་རྩི་བུམ་པའི་དབང་ལུང་དང་ཐོ་ལིང་གི་གཟའ་མོན་པའི་སྐོར་རྫོགས་པར་གསན། དབྱར་སྨད་འབྲས་སྤུངས་སུ་ཕེབས་གྲུ་གུའི་སྔགས་འཆང་དོན་གྲུབ་བཀྲ་ཤིས་ལ་ཆོས་རྒྱལ་བྱང་པའི་གཏེར་གསར་མ་རྒྱུད་སྙིང་པོ་དོན་གསུམ་གྱི་སྐོར་གསན་ཞིང་དེ་འཕྲལ་ངེད་ཀྱིས་ཀྱང་ཞུས། གྲ་ཚང་གི་གྲ་པ་འགའ་ཞིག་ལ་སྔགས་རིས་སྦྱོང་བའི་གྲས་འདེབས་པ་དང་བྲིས་དཔེ་སོགས་ཀྱི་བསླབ་སྟོན་མཛད། འདི་ལོ་ལྷོར་དཔུང་འཇུག་ཆེན་མོའི་སྒོ་དོད་རྗེ་བླ་མས་དབྱངས་འཆར་མཁའ་འགྲོ་སྡེ་ལྔ་སོགས་ཀྱི་མོའི་རིས་དང་གཙོ་བོར་ཐུགས་དམ་བརྟག་པ་ཚད་མར་འགྲོ་ཁྱབ་མི་ཡོང་བའི་གསལ་ཁ་བྱུང་སོང་རུང་སྡེ་པའི་དགོངས་པར་མ་བབས་གཤིས་གཞན་མ་གནང་ཐེབས་དང་བྲལ་བའི་ཇུས་རིམ་དུ་སྔར་བཙུགས་པའི་རླུང་དམར་ཚུར་བླངས་ནས་ཁ་གསོ་བ་དང་དྲེགས་པ་ཉི་ཤུ་གསར་དུ་འཛུགས་པའི་ཕྱག་གཡོག་གཞིས་ཀ་ཤར་ཨ་གུར་དང་ངག་དབང་འཕྲིན་ལས་གཉིས་ཀྱིས་བྱས་ནས་ཕག་རིར་སྔར་བཞིན་འཛུགས་པ་གནང་། སྔགས་པ་རྣམས་ཀྱིས་ལོང་དུས་སྐུ་རིམ་ལ་བཀའ་བརྒྱད་ཀྱི་ཐང་ཀ་མེད་ན་བག་གྲང་ཚུལ་ཞུས་པ་ལྟར་སྣང་གསལ་གྱི་ཐང་རྙིང་གྲ་ཚར་འབྲི་གུང་ན་ཡོད་པ་གཡར་པོ་ཞུས་ཏེ་སྐྱ་རིས་རྣམས་ཕྱག་བསྟར་མ་ཚོན་མདངས་བཅད་སྤྱན་འབྱེད་བླ་མ་དགའ་རབ་ཀྱིས་གཙོས་པ་ལྔ་ཙམ་གྱིས་བྱས། མཁའ་ཀློང་ཡངས་པའི་བཀའ་བརྒྱད་འབྲུ་འགྲེལ་གྱི་སྟེང་ནས་ཞུ་དག་མཛད་པ་རྟ་མགྲིན་དང་མ་མོའི་ལྷ་ཐང་རྙིང་ལ་ཆད་པ་འདྲ་ཐོན་པའི་མ་ལས་བུ་རྒྱས་པ་ལེགས་པར་གྲུབ། དེ་ཡང་བཀའ་ཕྱི་མ་གསུམ་ལ་འཇིག་རྟེན་པའི་མིང་བཏགས་ཀྱི་དྲེགས་པ་དྲག་རྩལ་ཅན་མངས་པའི་འཚུབ་ལྷོངས་སེལ་བྱེད་དུ་ཟིང་པའི་དགེ་སློང་སེང་གེ་སྒང་པས་ཉིན་རེ་བཞིན་བཀའ་བརྒྱད་ཀྱི་ལས་གཞུང་བསྲངས་ཏེ་སྡེ་དཔོན་སུམ་ཅུའི་གསོལ་མཆོད། སྡེ་དགུའི་སྒེར་བསྐངས་(༡༠༨བ)

― GLG009_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

མདང་བསྐངས། ཚོགས་མཆོད་ཆག་མེད་དུ་བཏང་། རྡོ་རྗེ་བྲག་ནས་རིགས་འཛིན་སྤྲུལ་པའི་སྐུ་དཔོན་སློབ་ཀྱིས་རང་བྱུང་རང་ཤར་གྱི་ལས་གཞུང་བསྲངས་རང་ལུགས་རབ་གནས་བསེ་སྒྲོམ་མ་ལ་རྗེ་བཙུན་ཆེན་པོའི་དོན་གསལ་གྱི་མཛེས་རྒྱན་སྤྲད་དེ་སྟ་གོན་དངོས་གཞི་སོགས་སྦྱོར་དངོས་རྗེས་ཚང་གི་ཚུལ་དུ་དམ་ཡེ་དབྱེར་མེད་དུ་གནང་། རྟེན་བཞེངས་ལ་འགྱོགས་དང་ལེགས་བྱ་འབུལ་བའི་སྐུ་ཉེ་སྦྱིན་བདག་གྲ་རིས་རྣམས་ལ་གདང་ལན་གྱི་དགའ་སྟོན་རྒྱ་ཆེར་མཛད། སྲང་ནང་པ། དབང་ལྡན་གླིང་པ། གླིང་བྱང་པ། ཨ་བོ་རྫོང་དགའ་རྣམས་ཀྱིས་བསྡུས་པའི་མཁའ་འགྲོ་བསུ་བཟློག་དང་འབྲེལ་བའི་བརྟན་བཞུགས་ཕུལ། མེས་ཀྱི་སྔགས་འཆང་ཁྲོ་རྒྱལ་དཔལ་མགོན་གྱིས་གུང་ཐང་མཆོད་ཁང་རྩེར་ཚེ་དཔག་ཧྲཱིཿགཅིག་མའི་སྒྲུབ་པ་བྱས་དུས་རྨི་ལམ་དུ་ཁོ་རང་རས་དང་སྐྱའི་གོས་དང་ཕྱིང་ཞྭ་གྱོན་ནས་རྟ་ནག་པོ་སྒ་གཏད་པ་ཞིག་ཁྲིད་རྒྱ་ནག་ཡིན་ཁུལ་གྱི་གྲོང་ཁྱེར་ཆེན་པོའི་སྒོ་འགྲམ་ན་འདུག་པ་ནང་ནས་དར་གྱི་གོས་གོན་པའི་མི་བག་དྲོན་ཞིག་ཡོངས་རྟ་དེ་ལ་ཞོན་ཁོ་རང་གིས་ཁྲིད་པ་བྱུང་བ་གཉིད་སད་ནས་ཀྱང་མིག་སྔར་ལམ་ལམ་ཤར་བས་སྐྱོ་ཤས་ཀྱིས་མཆི་མ་མི་ཐུབ་པ་བྱུང་བ་གང་ཡིན་དྲི་བ་ཞུས་ལན་དུ་རྗེ་ཉིད་ཆོས་རྒྱལ་སྲོང་བཙན་སྒམ་པོའི་དུས་ཀྱི་ཞང་བློན་སྣ་ཆེན་པོར་གྱུར་པའི་ཚེ་ཨ་ཁུ་རྟ་རྫི་ཡིན་པ་ད་ལམ་མཚམས་བྱས་པས་སྡིག་པ་སྲབ་ཏུ་སོང་ནས་སྐྱེ་བ་དྲན་པ་ཡིན་གསུངས། སྟོད་སྨད་ཀྱི་སྔགས་པ་དང་སྦྱིན་བདག་གྲ་རིས་སོགས་བསྡུས་པའི་གྲིབ་སེལ་བསུ་བཟློག་དང་འབྲེལ་བའི་བརྟན་བཞུགས་རྒྱས་པར་ཕུལ། འབྲས་སྤུངས་སུ་གང་ཅིའི་བསླབ་སྟོན་དང་གསུང་གླེང་ལ་སྐོར་ཙམ་ཕེབས་པའི་ཡར་ལམ་གྲོང་སྨད་དུ་ནང་སོ་ཨ་སུག་འདས་པར་གནང་སྐྱེས་དང་བཅས་བྱོན། སྡེ་པ་འཕྲིན་ལས་རྒྱ་མཚོ་དང་སངས་རྒྱས་རྒྱ་མཚོ་གཉིས་ལ་རྐྱེན་སེལ་དུ་ཚེ་དབང་དང་དྲག་པོའི་དབང་སྩལ། རིགས་འཛིན་སྤྲུལ་སྐུ་དང་གྲུབ་མཆོག་(༡༠༩ན)

― GLG009_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

ཀརྨ་གསང་སྔགས་ལ་རིགས་འཛིན་སྲོག་སྒྲུབ་ཀྱི་དབང་ལུང་ཡོངས་རྫོགས། རྒྱུད་བཅུ་བདུན། གཏེར་མགོན་ཕྱག་བཞི་པ་དང་འབར་ཆུང་སྐོར་གྱིས་གཙོས་པའི་ཆོས་འཁོར་རྒྱ་ཆེར་བསྐོར། འབྲི་གུང་ཞབས་དྲུང་རིན་པོ་ཆེ་ཆོས་ཀྱི་གྲགས་པ་འབྲས་སྤུངས་སུ་ངེད་དང་ངོས་འཕྲད་ལ་ཕེབས་པའི་ཡར་ལམ་འབྲོམ་སྟོད་དུ་རྗེ་ཉིད་དང་རིགས་འཛིན་སྤྲུལ་པའི་སྐུ་དཔོན་སློབ་ལྷན་ཅིག་པར་མཇལ་བར་ཕེབས་ནས་ཚེ་བདག་རྣོན་པོ་ནང་གཅོད་ཀྱི་དབང་དང་། འཆར་ཁ་གནམ་སྐས་མའི་ཟོར་དབང་གསན་ཅིང་། སྔ་སོར་གཡར་པོའི་ཐང་དཔེ་ཕྱིར་འབུལ་གསར་བཞེངས་ཚོ་སྤྱན་འབེབས་དང་ཕྱག་ནས་ཞུ་བ་གནང་། གུང་ཐང་དུ་ཕེབས་ནས་སྤྲུལ་སྐུ་རིན་པོ་ཆེར་གཟའ་པོད་སོགས་བཀའ་ཆོས་ཀྱི་འཕྲོས་དང་ནེའུ་ཆུང་རི་སྐུ་སྐྱེར་ཕྱག་རྡོར་དྲེགས་འདུལ་གྱི་སྐོར་སྩལ། རིགས་འཛིན་སྤྲུལ་སྐུ་གཉན་ཚད་ཀྱིས་སྐུ་ལྟེམ་བབས་ལྕི་བར་དྲུང་འཚོ་ཕུ་ལུང་པས་གསོས་སྨན་དང་རྗེ་བླ་མས་རྒྱ་ནག་སྤོར་ཐང་གི་ཀག་རྩིས་དང་བསྟུན་པའི་སྐུ་རིམ་རྒྱ་མི་ཆུང་བ་འབེབས་པ། འཆི་བླུ་སྐྱས་རྫོངས་གནང་ཡང་སྐུ་ཁྲུས་བཏང་བ་མ་ཕིགས། ལྷ་རྗེ་འབྲང་རྒྱས་པའང་རི་ཁྲོད་དུ་མཚམས་ལ་ཡོད་པ་དང་འགྲིག །མཁའ་རུ་སྲང་ནང་པ་འབོད་དམ་ཞེས་གླེང་གཞི་བྱུང་འདུག་ནའང་ཁོང་ཚོ་སྣང་རྩེ་བའི་བརྒྱུད་འཛིན་ཡིན་ཞེས་སྤྲུལ་པའི་སྐུའི་ཐུགས་ལ་མི་འབབ་ཅིང་སྲང་ནང་པའང་མ་ངེས་པ་འདྲ་བྱུང་ན་སྨན་ལོག་བཏང་བའི་ཁག་ངན་བྱེད་དོགས་ཀྱིས་འཕྲལ་ཀ་མ་འགྲིག་པས། འབྲང་རྒྱས་པར་ཕུ་ལུང་པས་ཅི་དྲག་གི་དྲི་བ་བཏང་བར་རི་ལུ་དྲུག་ཅུའི་བར་སྤར་ནས་བཏང་བས་ཕིགས་ཡོང་དེ་ནས་མ་བྱུང་ན་བྱེད་ཐབས་མེད་ཀྱི་ཁ་དམར་བཏགས། དྲུང་འཚོ་བས་ཀྱང་སྨན་བསྣན་ནས་ཕུལ། རྗེ་བླ་མས་དྲག་དམར་གྱི་བཀའ་དབང་མཛད་པས་སྐུ་སྲོག་ལ་གླགས་ལྟ་བའི་འབྱུང་པོ་འཛམ་བུ་གླིང་ན་ཡོངས་སུ་གྲགས་པ་དེ་མཐར་(༡༠༩བ)

― GLG009_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྲད་པའི་མཐུ་སྨན་གྱིས་སྙུན་ནད་ཐམས་ཅད་ཕྱིར་དེད་ནས་ཟླ་བ་གཟའ་ལས་གྲོལ་བ་ལྟར་རྒྱལ་དབང་པདྨཱ་ཀ་རའི་བསྟན་སྲོག་གི་ཟུངས་སུ་གྱུར། ལྷོའི་དཔུང་འཇུག་གི་སྐུ་རིམ་ལ་མགོན་པོ་གཡུལ་བཟློག་གི་མདོས་ཆེན་བཏང་། གུ་རུ་མཚན་བརྒྱད་གཙོ་བོར་གྱུར་པ་ལ་སིནྡྷུ་རྒྱ་མཚོའི་ཞིང་བཀོད་ཡོད་པའི་ཐུགས་དམ་ཐང་ཁ་གྲ་ཚར་གྱི་སྐྱ་རིས་ཕྱག་བསྟར་བ་ཚོན་མདངས་ཀྱི་ཕྱག་གཡོག་བླ་མ་དགའ་རབ་དང་ལེགས་རྒྱན་པ་ཅན་གྱིས་བྱས་ནས་བཞེངས། ནུབ་གཅིག་མནལ་ལམ་དུ་རྗེ་ཉིད་ཀྱི་ཕྱག་ཕྱིར་སྦུས་སྲང་ལྷ་རྗེ་བློ་བཟང་ནོར་བུ་སོགས་ཚེས་བཅུ་བ་ཁ་ཤས་དང་བཅས་ཟངས་མདོག་དཔལ་རིར་ཐེགས་ཁུལ་གྱིས་ཕོ་བྲང་དེའི་རྩ་བར་ཕེབས་པ་ན་ཨོ་རྒྱན་ཆེན་པོ་ཡིན་ཟེར་བའི་དྲང་སྲོང་གི་རྣམ་པ་ཅན་ཞིག་འདུག་པར་ཕྱག་མཆོད་མཛད་མུར་གནས་དེ་ལྟ་ན་སྡུག་པའི་གྲོང་ཁྱེར་དུ་སོང་བའི་ནང་དེར་སྨན་རྒྱལ་གཅིག་པུ་ལས་མ་བཞུགས་ཤིང་ཕོ་བྲང་གི་རྩེར་ཕེབས་པ་དང་ཉི་མའང་ལ་ཐོག་ཏུ་སླེབས་པ་ཞིག་བྱུང་བས་ཁོ་བོ་ཡུན་རིང་སྡོད་མདོག་མ་ཁ་ཁྱེད་རང་ཚེ་གཟུངས་འབུམ་ཐེར་སོགས་རིམ་གྲོ་བཟང་བ་བྱས་ན་ལོ་ཤས་སྐྱོན་མི་ཡོང་ཚུལ་གྱི་ཕྱག་ཐམ་གནང་བས་ལྷ་སར་གདན་དྲངས་ནས་ཚེ་དབང་བརྒྱ་རྩ་ཞུས་དུས་རྗེ་ཉིད་ཀྱིས་ཨོ་རྒྱན་རིན་པོ་ཆེ་ཡབ་ཡུམ་མངོན་སུམ་དུ་ཞལ་གཟིགས་པའི་མུར་སློབ་དཔོན་ཆེན་པོ་ཡལ་བ་ཞིག་བྱུང་བ། བཀའ་ལས་བདག་ལ་རྟེན་འབྲེལ་ལེགས་རྒྱུ་མ་བྱུང་ཁྱེད་རང་ལ་དམིགས་པ་སྤྲད་དུ་ཚེ་དཔག་མེད་ཀྱི་གསལ་སྣང་ལེགས་པ་བྱུང་སོང་བས་ལོ་ཤས་སྐྱོན་མི་ཡོང་བའི་ཁག་ཐེག་བྱེད་གསུང་བ་བཞིན་དེ་ཁོ་ནའི་ཐོག་ཏུ་བབས། མེ་བྱ་ལྷ་ས་བའི་སྤྱི་རིམ་གྱི་ཁྲོ་རོལ་ལ་བར་ཁང་དུ་ཕེབས། མི་རིང་བར་ལ་སྟོད་ནས་ཟུར་སྤང་སྟོན་བདེ་ལེགས་རྒྱལ་མཚན་གྱི་དབོན་བརྒྱུད་རིན་པོ་ཆེ་ཆུ་མིག་པ་ངག་དབང་(༡༡༠ན)

― GLG009_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུན་ཚོགས་ལ་མཛད་ལྔ་འདུས་པའི་ཟབ་གཏེར་གྱི་དབང་འཁྲིད་ལུང་ཆེས་མང་བ་གསན་ཞིང་། ཕར་རཏྣའི་གཏེར་ཆོས་གཙོ་བོར་གྱུར་པ་བཞེད་སྦྱར་སྩལ། ཟླ་བ་ལྔ་པའི་འགོར་ཐུགས་དམ་ཐང་ཁ་ལེགས་པར་གྲུབ་པའི་ཚེས་བཅུའི་ཉིན་མཆོད་པ་རྒྱ་ཆེན་པོ་མཛད་པས་མར་མེ་འཛིན་པ་སོགས་ཡེ་ཤེས་པ་རང་བཞིན་དུ་བཞུགས་པའི་ལྟས་ངོ་མཚར་བ་བྱུང་གྲ་ཚང་ཆོས་རྗེ་ལ་འདོད་ཆོས་ཁ་ཡར་སྩལ་ཞིང་གོས་དར་སོགས་ཀྱི་འབུལ་བའང་བཟང་དུ་བསྟར། དེ་ཡང་བཀའ་ཆོས་གསན་པའི་བླ་མ་སྔར་སྨོས་པ་ལས་གཞན་པ་ཡོད་ཤས་ཆེའང་ངོ་འཕྲོད་པ་མ་བྱུང་ཞིང་དམ་པའི་ཆོས་ཀྱི་བཀའ་དྲིན་སྩལ་བའི་སློབ་མ་ནི། དཀྱིལ་འཁོར་རྒྱ་མཚོའི་ཁྱབ་བདག་རྡོ་རྗེ་འཆང་གནས་གསར་བ་མགོན་པོ་བསོད་ནམས་མཆོག་ལྡན། ཞང་སྣ་ནམ་པ་རྡོ་རྗེ་བདུད་འཇོམས་ཀྱི་མཆོག་གི་སྤྲུལ་སྐུ་བློ་བཟང་པདྨ་འཕྲིན་ལས། བྱ་འཆད་ཀ་བའི་རྣམ་སྤྲུལ་གླིང་སྟོད་ཆོས་རྗེ་དཀོན་ཅོག་དཔལ་འབྱོར། གླིང་སྨད་ཆོས་རྗེ་སྟག་ཁ་རལ། གྲ་ཐང་མཁན་པོ་སངས་རྒྱས་དཔལ་བཟང་། འབྲས་ཡུལ་སྐྱེད་ཚལ་མཁན་པོ་བྱམས་པ་ངག་དབང་བསྟན་འཛིན། ལྷ་ལྕམ་པདྨ་གསལ་གྱི་རྣམ་སྤྲུལ་གསུང་སྤྲུལ་ཚུལ་ཁྲིམས་རྡོ་རྗེ། ཡང་ལྡན་མ་རྩེ་མང་ཞུ་ལན་ལས། བོད་ཁམས་གངས་རི་རྩེ་དགུའི་ལྗོངས་འདིར་རུ༔ བསམ་ཡས་ལྷོ་ཕྱོགས་མཐའ་འཁོབ་མོན་ཁ་རུཿ གྲོང་ཁྱེར་རྡོ་མཆོག་ཅན་ཀྱང་བྱཿ བྲག་དམར་ཟམ་ལམ་ཅན་ཀྱང་བྱ༔ གཏམ་ཤུལ་སྤར་རྗེས་ཅན་ཀྱང་བྱ། སྨྲ་བོ་ལྕོག་པོ་ཞེས་བྱ་བའི༔ མཁའ་འགྲོས་བྱིན་རླབས་གནས་དེ་རུ༔ གསང་སྔགས་བརྒྱུད་འཛིན་རལ་པས་ལུས་ནུབ་པ༔ སྲིད་པ་ཐ་མའི་སྐྱེས་བུ་མི་ཡི་མགོནཿ རྒྱལ་པོ་མཚན་རྟགས་ལེགས་པ་ལྔ་དང་ལྡན༔ སྒྱུ་མའི་སྐྱེས་བུ་(༡༡༠བ)

― GLG009_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་རིགས་རྣལ་འབྱོར་པ༔ གསང་སྔགས་རྒྱུད་སྡེ་གནས་ཀྱི་སྙིང་པོ་རྣམས༔ རིག་པ་བརྡ་ཡི་ཚུལ་གྱི་ཆར་དུ་འབེབས༔ རྒྱལ་བའི་སྲས་མཆོག་མི་ཡི་སེང་གེ་དེ༔ ལྷོ་བྲག་གཏམ་ཤུལ་སྨྲ་བོ་ལྕོག་པོ་རུ༔ མ་འོངས་གསང་སྔགས་བདག་པོར་གྱུར་ནས་ནིཿ སྐུའི་བཀོད་པས་འགྲོ་བ་མ་ལུས་འདུལ༔ ཐུགས་རྗེ་ཆེན་པོ་དངོས་ཀྱིས་འགྲོ་བ་འདུལ་བ་ཡིན༔ ཉིད་ཀྱི་གདུལ་བྱས་འགྲོ་བ་མཐར་ཐུག་པ༔ འགྲོ་དོན་སངས་རྒྱས་ཉིད་དང་མཉམ་པ་འབྱུང་༔ ཉང་རལ་གདུང་རབས་བཅོ་བརྒྱད་ཡན་ཆད་དུ༔ སྔོན་ཚེ་རྒྱལ་པོའི་སྨོན་ལམ་མཐུ་ཡོད་པས༔ ཆོས་བཞིན་མ་བྱས་སངས་རྒྱས་ཐོབ་པར་འགྱུརཿ བྱང་ཆུབ་སེམས་དཔའི་རིགས་ཀྱང་མང་དུ་འབྱུང་༔ ལོག་སྤྱོད་བདུད་ཀྱི་ཚང་འདྲེས་ལ་རྟོག་པ༔ གང་ཟག་ལས་འཕྲོ་མེད་པ་གཅིག་མི་འབྱུང་༔ སྙིང་གི་དཀྱིལ་དུ་ཆོངས་ལ་སྒྲུབ་པ་གྱིས༔ ཞེས་པའི་གདུང་རབས་བཅུ་དྲུག་པ་མངའ་བདག་སྨྲ་བོ་ལྕོག་ཆོས་རྗེ་བསྟན་འཛིན་ཆོས་དབང་། བི་མཱའི་རྣམ་སྤྲུལ་ཁྱབ་བདག་ཁྲ་ཚང་པ་ཆེན་པོ་བློ་མཆོག་རྡོ་རྗེ། བརྟུལ་ཞུགས་སྤྱོད་པའི་དབང་པོ་ཀོང་སྨྱོན་རྫོགས་ཆེན་པ་ནམ་མཁའ་འཇིགས་མེད། དྲན་པ་ནམ་མཁའི་རྣམ་སྤྲུལ་དར་རྒྱས་ཆོས་སྡིངས་པ་རིགས་འཛིན་འཕྲིན་ལས་ལྷུན་གྲུབ། དེ་སྲས་ཆོས་རྒྱལ་གཏེར་བདག་གླིང་པ། དཔལ་རི་སྤྲུལ་སྐུ་ངག་དབང་པདྨ་འཕྲིན་ལས། ཟུར་ཆུ་མིག་པ་ངག་དབང་ཕུན་ཚོགས། སྒམ་སྨྱོན་སྤྲུལ་སྐུ་ཕྱག་རྡོར་ནོར་བུ། ཡང་དགོན་སྤྱན་སྔ་སྐལ་ལྡན་རྒྱ་མཚོ། རྒྱལ་ཁང་རྩེ་སྐུ་སྐྱེ། ཕ་བོང་ཁའི་གདན་ས་པ་དཔལ་འབྱོར་དར་རྒྱས། བྱམས་ཆེན་བླ་མ་བློ་བཟང་ཆོས་གྲགས། ལམ་པ་བླ་མ་སྟར་སྡོང་བློ་གྲོས་ལྷུན་གྲུབ། འདུལ་བ་སློབ་(༡༡༡ན)

― GLG009_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་པ་བློ་གྲོས་རྣམ་རྒྱལ། མཁས་གྲུབ་ཀརྨ་གསང་སྔགས། རིགས་འཛིན་ཀུན་བཟང་དབང་པོ། བླ་མ་འཛེམ་པ་སྒང་པ། སྔགས་འཆང་དོན་གྲུབ་བཀྲ་ཤིས། ཁམས་པ་བླ་མ་པདྨ་བློ་གྲོས། བཟང་སྡིགས་སྐུ་སྐྱེ་ངག་དབང་བསྟན་པའི་ཉི་མ་དབྱངས་ཅན་དགྱེས་པའི་ལང་ཚོ། ཕྱག་མཛོད་མངའ་བདག་ཀརྨ། སྨན་སྒོམ་འབྲང་རྒྱས་པ་ངག་དབང་དོན་གྲུབ། ཀ་ཐོག་པ་དཔལ་འབར་དྲུང་པ། སྦྲེ་བོན་པོ་ལུང་པ། ཏྲེ་བོ་སེ་དུང་སྐུ་སྐྱེ། ཁལ་ཁ་སེ་ཆེན་ནོར་མོན་ཁན། ཨོ་རོད་གྲ་ཚང་ཆོས་རྗེ། ཞིང་སྐྱོང་པཎྜི་ཏ། གསེར་ཐོག་ཆོས་རྗེ། བླ་མ་དགེ་འདུན་དར་རྒྱས། བླ་མ་ཁྲོ་ཕུ་བ། ཆོས་རྗེ་སྐྱི་སྟོན་པ་གུ་རུ་ཚེ་བརྟན། ཆོས་རྗེ་རྔོད་པ། བྱར་གསུང་སྙན་སྐུ་སྐྱེ། ཤ་ར་ཧོར་སྐུ་སྐྱེ། བླ་མ་སྨན་ཆུ་བ། སྣ་ཚོགས་རང་གྲོལ་གྱི་སྐུ་སྐྱེ། བླ་མ་ཁམས་པ་སྤུན། བླ་མ་ཐེག་མཆོག་གླིང་པ། སྣ་བུ་ཆོས་ལུང་པ། རྩ་སྒྲུབ་སྡེ་སྐུ་སྐྱེ། སྤྱིལ་བུ་བྲག་ཐོག་པ། འཕན་ཡུལ་རྒྱལ་སྨད་བླ་མ། སྒོ་མོ་སྐུ་སྐྱེ། དར་མ་སྒང་བླ་མ་བསོད་ནམས་དཔལ་འབྱོར། ཆོས་རྗེ་བླ་མ། ཀོང་པོ་གནམ་སྒོམ་བླ་མ། བླ་མ་སྔགས་རམས་པ། བཀའ་བརྒྱུད་ཕོ་བྲང་སྐུ་སྐྱེ། བླ་མ་བྲག་ར་བ། མདོ་པ་སྐུ་སྐྱེ། རྫིང་ཁ་སྐུ་སྐྱེ། བླ་མ་དགའ་རབ། སྔགས་འཆང་སྟོད་གྲོང་པ། བཀའ་བརྒྱུད་ཆོས་སྡིངས་བླ་མ། པདྨ་གླིང་པའི་གདུང་བརྒྱུད་མཆེད། ཀ་ལེབ་བླ་མ། བླ་མ་བསོད་ནམས་ལྷུན་གྲུབ། བླ་མ་ཆོས་དབྱིངས་རང་གྲོལ། ཟངས་ཡག་བྲག་བླ་མ། བླ་མ་ནོར་བུ་རྒྱ་མཚོ་སོགས་བསྟན་པ་ཟིན་པ་དང་ཆོས་འབྲེལ་ནོས་པ་རགས་རིམ་ཙམ་བརྗོད་ཀྱིས་མཐའ་དག་གླེང་བར་ག་ལ་ནུས། གཞན་ཡང་བཟོ་རིག་པ། སྒྲ་སྙན་ངག །རྩིས་སྐར་ནག་སོགས་(༡༡༡བ)

― GLG009_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

ཐ་སྙད་གཙུག་ལག་གི་སློབ་མ་དང་འདི་ཕྱི་བར་གསུམ་གྱི་སྐྱབས་གནས་ཞུས་པའི་ཡོན་བདག་བཅས་པའི་གྲངས་ནི་སྟོན་མཚན་དྭངས་པའི་རྒྱུ་སྐར་གྱི་གྲངས་ལྟ་བུར་མངོན། ཐུགས་རྩོམ་གསང་བ་སྙིང་པོའི་ལེའུ་ལྔ་པ་ཡན་གྱི་ཊཱིཀྐ་རྡོ་རྗེ་འཆང་ཕ་བོང་ཁ་པའི་གསུང་རྒྱུན་ཟིན་བྲིས་སུ་མཛད་པ་གཡུང་འགྲེལ་རྒྱན་གྱི་མེ་ཏོག་ཅེས་ངོ་མཚར་བ། ངེད་རང་ནས་གསོལ་བ་བཏབ་པའི་བཀའ་བརྒྱད་བདེ་འདུས་ཀྱི་སྒྲུབ་ཆེན་སྨིན་བྱེད་ཀྱི་ཆོག་སྒྲིགས་ལྷན་ཐབས་དང་བཅས་པ་རིན་པོ་ཆེའི་འཕྲེང་བ། གཞིས་ཀ་ཤར་པ་སྤུན་གྱིས་ཞུས་པའི་དྲག་པོ་དམར་ཆེན་གྱི་བཀང་གསོ་དང་འཆི་བླུའི་ལག་ལེན། ལས་བྱང་པདྨ་ལྗོན་ཤིང་གི་འབྲུ་འགྲེལ། གཡུ་ཐོག་སྙིང་ཏིག་གི་སྡེ་དགུའི་ལས་བྱང་དམ་སྐོང་དྲེགས་པ་ཚར་གཅོད་སོགས་འཕྲིན་སྒྲུབ། བཀང་བ། གཏོར་བསྔོས། གསོལ་འདེབས། སྨོན་ལམ། བརྟན་བཞུགས། སྙན་དར་ཞལ་བྱང་། ཆབ་ཤོག །དྲི་བ་དྲིས་ལན། རྩོད་བཟློག །འགྲེལ་ཊཱིཀ་སོགས་མཐའ་དག་ཕྱོགས་གཅིག་ཏུ་བསྒྲིལ་ན་པོ་ཏི་གཉིས་ལྷག་ཙམ་ཡོད་ཚོད་དུ་འདུག་པ་ངེད་ཀྱི་བསམ་པར་ཡབ་ཟུར་ཆེན་གཞོན་ནུ་དོན་གྲུབ་ཀྱི་སྐུ་ཚེ་དང་མཉམ་པ་ཞིག་ཡོང་ལ་རེའི་གསུང་རྩོམ་རྣམས་ཀྱི་ལྗགས་ལུང་དང་བཀའ་བསྡུ་བྱེད་པའི་འདུན་པ་ཡོད་རུང་རྟག་འཛིན་ཅན་རྣམས་ཆོས་ལ་བསྐུལ་ཕྱིར་གཉགས་ལོ་ཙཱ་བའི་ཐུགས་ཀར་རིང་པོར་མ་ལོན་པར་བསྡུས་པས་མོས་པ་ལམ་བྱེད་དུ་གྱུར། ལར་ནས་རྗེ་ཉིད་བཀའ་གདམས་པའི་དགེ་བའི་བཤེས་གཉེན་ལྟར་འཇིག་རྟེན་ཆོས་བརྒྱད་ཀྱི་རིས་ལ་ཡེ་མི་དགྱེས་པའི་གཤིས་ཐུགས་རྩོམ་རྣམས་ཀྱང་བསྐུལ་བ་པོ་སོ་སོར་རྩ་ཡིག་དེ་ག་གནང་ནས་མ་དཔེ་མེད་པ་ཁ་ཡར་བྱུང་སྣང་། ཟིན་བྲིས་ལུས་པ་རྣམས་ཀྱང་(༡༡༢ན)

― GLG009_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གི་ལྟོ་རྒྱབ་དང་འདུ་འཛི་ཁོ་ན་ལས་བླ་མའི་རྣམ་ཐར་དང་ཡོན་ཏན་མི་སེམས་པའི་དགེ་འདུན་ཉི་ཤུའི་ཐོག་མའི་ཞབས་འབྲིང་པ་ཁོ་ནས་བསྐོར་ཏེ་གར་སོང་ཆ་མེད་དུ་གྱུར་གཤིས་བརྗོད་བྱ་རྗོད་བྱེད་དང་བྲལ་བའི་རྫོགས་ཆེན་གྱི་གནས་ལུགས་ཁོ་ནའོ། །སྙིང་པོར་དྲིལ་ན་ཐ་སྙད་ཀྱི་གཞུང་ལུགས། ནང་རིག་པ་སྡེ་སྣོད་གསུམ། རྒྱུད་སྡེ་བཞི་གང་ལ་ཡང་ཚེ་རབས་མང་པོར་སྦྱངས་པའི་བག་ཆགས་སད་པའི་ཉམས་ཀྱིས་འབྲུ་མར་ལྟ་བུར་བཙིར་ནས་དཔྲལ་བ་རྔུལ་འཛག་གི་དཀའ་སྤྱད་ལ་མ་ལྟོས་པར་ལན་རེ་ལན་གཉིས་གཟིགས་པ་ཙམ་གྱིས་ཐུགས་སུ་ཆུད་ལ། དེ་ཡང་ཐུགས་སུ་ཆུད་དོ་བའི་དཔེར་ན་གསར་མའི་དཀྱིལ་འཁོར་གཅིག་གི་རིགས་འགྲེ་དཀྱིལ་འཁོར་ཐམས་ཅད་ལ་འགེབས་པ། རྗེས་གནང་ལ་གཅིག་ཤེས་ཀུན་གྲོལ། རྙིང་མའི་སྒྲུབ་འཕྲིན་ཀྱང་སྣ་གཅིག་པུ་དེ་ག་ཚང་མར་ཁྱེར་ནས་གོང་མའི་ཕྱག་ལེན་མཐའ་དག་ཉ་དང་ཉུག་མ་བསྲེས་པའི་ཁྱད་ཆོས་ཅུང་ཟད་ཙམ་ཡང་མི་མཛད་པར་བཀའ་མལ་མདོ་སྒྱུ་སེམས་གསུམ་གྱི་དབྱེ་བ། དེ་ལའང་རྨ་གཉགས་གནུབས་གསུམ། སོ་ཟུར་ཉང་སོགས་སོ་སོའི་བཀའ་བབས་དང་བཞེད་ཚུལ། གཏེར་ཁ་གོང་འོག །གནུབས་གཏེར། བྱང་གཏེར། གླིང་པ་བཅུ་གཅིག །དྲི་མེད་གསུམ་གྱིས་མཚོན་པའི་གཏེར་ཁ་སོ་སོ་དང་རྗེས་འབྲང་གི་བླ་མ་རྣམས་ཀྱི་ཕྱག་ལེན་མི་འདྲ་བའི་ཁྱད་པར། གསར་མའི་རྒྱུད་སྡེ་བཞིའི་དབང་རྗེས་གནང་འཁྲིད་རྒྱུད་བཤད་ལ་རྡོ་རྗེ་འཆང་ཕ་བོང་ཁ་པ་འདི་ལྟར་མཛད་ཅེས་སྐབས་ཐོབ་མ་འདྲེས་པ་དང་ཁྱད་པར་ཁྱབ་བདག་བཀའ་འགྱུར་བ་ཆེན་པོ་ཡོངས་འཛིན་དུ་བསྟེན་པ་ནས་བཟུང་སྤྱིར་ས་(༡༡༢བ)

― GLG009_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་དང་སྒོས་ཁའུ་བྲག་རྫོང་པའི་དབང་བྱིན་རླབས་རྗེས་གནང་རིག་གཏད་འཁྲིད་མན་ངག་མཐའ་དག་ལ་འདི་ནི་འདིའོ་ཞེས་ཤིན་ཏུ་ཞིབ་ཆ་ཆེ་བའི་གངས་ཅན་འདིར་འགྱུར་རོ་ཅོག་གི་ཆོས་ཀུན་ལ་འདི་ཁོ་ནར་སྦྱངས་འདུག་སྙམ་པ་མ་གཏོགས་ད་ལམ་རང་ཨོ་ཟོབ་ཟོབ་དང་སྤོམ་ཡོར་ཡོར་ཡིན་འདུག་སྙམ་པའི་རྣམ་རྟོག་ཟ་བ་ཅུང་ཟད་ཀྱང་མ་མཐོང་བས་འཇམ་དབྱངས་གཞོན་ནུ་མཐོན་མཐིང་རལ་པའི་ཟུར་ཕུད་དོར་ནས་བྱོན་ཀྱང་འདི་ཕན་ལས་འགྲོ་རྒྱུ་མེད་བསམ་པ་ཡོད། སྔར་ནས་ཞལ་འདྲིས་མེད་པ་དང་ཡོད་ཀྱང་མི་གུས་པའི་རྣམ་འགྱུར་ཁོ་ན་ལྷུར་ལེན་ཅིང་དངོས་དང་བརྒྱུད་པའི་སྒོ་ནས་སྐུ་ལ་སྡོ་བ། རིགས་ལ་བརྙས་པ་སོགས་དགྲ་གུས་པའི་གཉེན་བཏང་སྙོམས་པ་བར་མའི་འགྲོ་བ་མཐའ་དག །རིགས་པའི་དབང་ཕྱུག་གིས། ཙནྡན་སྟེའུར་མཚུངས་པ་ལ། །ཆགས་བྲལ་ཞེས་ནི་བརྗོད་པ་ཡིན། །ཞེས་གཡས་ནས་ཙནྡན་གྱི་ལྡེ་གུས་བྱུག་པ་དང་གཡོན་ནས་སྟ་རེ་ཕྱར་ཏེ་གནོད་པ་བྱེད་པ་གཉིས་མཉམ་པ་ཉིད་ཁོ་ནར་གཟིགས་ཏེ་རྗེ་དཔོན་དང་སྡེ་དགོན་གྱིས་ཆད་པ་དྲག་པོས་གཟིར་ཏེ་སྡུག་བསྔལ་བ་རྣམས་ལ་ཐབས་དུ་མའི་སྒོ་ནས་མི་འཇིགས་པ་སྐྱབས་ཀྱི་སྦྱིན་པ། སྡེ་ཕན་ཚུན། བླ་གྲ། དཔོན་གཡོག །གྲོང་པ་ཡུལ་པ། སྤུན་ཟླ་ཁྱོ་ཤུག་སོགས་ནང་མ་འཆམ་པར་ཁྲིམས་རར་གཏུག་པ་ལ་མངོན་དུ་ཕྱོགས་ནས་རང་གཞན་ཀུན་མཉམ་ཉེས་ཀྱི་སྦྱོར་བ་ལ་བརྩོན་པ་རྣམས་ལ་ཁེ་ཉེས་དམིགས་དགེ་བཤད་སྡིག་གྲོལ་གྱི་བསླབ་བྱ་བར་པ་རྒྱུ་འདོན་གྱི་གནང་སྦྱིན་སོགས་ཐབས་དུ་མའི་སྒོ་ནས་བཟླུམས་ཏེ་བདེ་འཇགས་སུ་འགོད། འཕྲལ་དུ་ཐུགས་ལ་ཕོག་པའི་རིས་ལའང་དུས་རེ་ཞིག་མ་གཏོགས་ཕུགས་མ་ནས་འཁོན་དུ་འཛིན་པའི་གནག་པའི་མཐར་ཐུག་མི་མཛད་པར་སླར་ཐུགས་རྗེ་ཆེན་པོས་རྗེས་སུ་འཛིན་ཐམས་ཅད་མཁྱེན་པ་བུ་སྟོན་རིན་པོ་(༡༡༣བ)

― GLG009_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེའི་ཞལ་གདམས་སུ། གཡོག་པོ་སྲག་སྲེག་མང་པོ་ལས་ཀ་མི་ཡོང་བ། བཟའ་བ་ཡོང་བ། འབུལ་བ་བཙལ་ནས་མི་ཡོང་བ། ཁ་སྨྲས་བཙལ་ནས་ཡོང་པ། ཆ་རྐྱེན་ཁྱེར་ནས་མི་ཡོང་པ། གོད་ཁ་ཁྱེར་ནས་ཡོང་བ། གཏམ་སྙན་ཁྱེར་ནས་མི་ཡོང་བ། གཏམ་ངན་ཁྱེར་ནས་ཡོང་བ་དེ་ལྟ་བུའི་གཡོག་པོ་འཁོར་དུ་མི་བཞག་པ་གལ་ཆེ། བཞག་ན་གུས་ཞབས་ཡེ་མ་བྱུང་ནའང་ལོ་གཅིག་ལ་ཟན་སྟོང་བརྒྱད་ཅུ་བྱ་ན་དང་བཅས་པ་འཆོར་བ་ཡིན་པས་དེ་འདྲ་མི་འཇོག་པ་གལ་ཆེ། ཞེས་གསུངས་པ་ལྟར་མཁྱེན་རབ་དང་རྣམ་དཔྱོད་འདི་ཙམ་ལ་སྔར་འཕྲིན་ལས་ཆུང་དུས། ཕྱག་བྲིས་གནང་བ་རྣམས་མ་གཏོགས་ཕྱིས་ཀྱི་ཕྱག་དཔེ་རྣམས་ཡིག་གཟུགས་སྡེབ་བརྡ་དག་ལེགས་རྒྱུ་མེད་ཅིང་བཀའ་བརྒྱད་པོད་དགུས་གཙོས་པའི་གླེགས་བམ་མང་པོ་བཞེང་བའི་དགོངས་པ་བསྟད་རུང་དེ་རིས་ཀྱི་ཡོན་ཏན་ཅན་ཆེད་དུ་ཞབས་ཕྱིར་བསྐྱིལ་བའི་ཐུགས་རྩོལ་ཞན་ཞིང་དགོན་པའི་རིས་ཀྱི་གྲ་པ་བསྟན་བཤིག་ཕྱིར་ལྡོག་ན་དགེ་འདུན་གྱི་དབྱེན་བྱེད་མཁན་རྣམས་ལྟོ་གོས་ཀྱིས་མགོ་བསྐོར་ནས་ཐབས་ཀྱིས་བསྐྱིལ་བ་ནག་ཅན་གཞན་དུ་འགྲོ་མི་ནུས་པ་ཆོས་འཇིག་རྟེན་གཉིས་ཀ་མི་ཡོང་བའི་མི་འཁྱམས་མང་པོ་ཞབས་ཕྱིར་བསྟེན་པ་གཞན་དག་འདྲས་འདི་འདྲ་ལྟོ་གྲོན་ཆེ་ལ་ཕྱག་གཡོག་ཏུ་མི་འགྱུར་ཚུལ་ཞུས་པ་ན་དངོས་གཞི་དེ་ག་འདྲ་ཞིག་འདུག་ཀྱང་ཡོང་ཐང་ཆེན་པོ་ཆོ་གང་བྱས་ཀྱང་ལས་སླ་འདི་འདྲའི་རིས་ཚོ་མི་ཚེ་ཕྱིད་པ་དཀའ་པོ་ཡོང་བས་སྙིང་རྗེས་སྐྱོང་བའི་ཡུལ་ཡིན། ངེད་རང་གི་ཉམས་ལེན་རྒྱ་ཆེན་པོ་ཞིག་མ་ཐུབ་ཀྱང་ཐེག་པ་ཆེན་པོ་བློ་སྦྱོང་དང་སྤྲོས་བྲལ་བདེ་ཆེན་མའི། འདི་ལྟར་མིག་གི་ཡུལ་དུ་སྣང་བ་ཡི༔ ཞེས་སོགས་ཤློ་ཀ་གསུམ་པོའི་དོན་དང་མ་འགལ་ཙམ་ཞིག་དགོས་རིས་སུ་འདུག །བླ་མ་(༡༡༣བ)

― GLG009_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

མང་པོ་བསྟེན་ནས་ཆོས་ལ་ཐོས་བསམ་བྱས་པའི་དགོས་པ་བདེ་སྡུག་གི་རྟོགས་པ་གང་ཤར་སྤང་གཉེན་གྱིས་ཟིན་པ་ཞིག་མ་བྱུང་ན་དྲེད་པོ་ཆོས་རྒྱུས་མཁན་ཆོས་དང་གང་ཟག་ཡ་བྲལ་དུ་འགྲོ་བས། རྒྱལ་སྲས་རིན་པོ་ཆེས། ལྟོ་འགྲངས་ཉི་མ་དྲོ་ཚེ་ཆོས་པོའི་གཟུགས། །རྐྱེན་ངན་སྡུག་བསྔལ་བྱུང་ཚེ་ཐ་མལ་པ། །ཞེས་གསུངས་པའི་དོན་དུ་མ་སོང་བ་ཞིག་དགོས། ཞི་བ་ལྷས། གང་ལ་གནོད་པ་བྱས་ཀྱང་བདེ་འབྲེལ་བ། །བདེ་བའི་འབྱུང་གནས་དེ་ལ་སྐྱབས་སུ་མཆི། །ཞེས་གནོད་ལན་དུ་བཟོད་པ་བསྒོམ་པ་ནི་གནད་ཆེན་པོ་ཡོད་ཚུལ་རྡོ་རྗེ་འཆང་ཕ་བོང་ཁ་པ་གསུང་ཞེས་རྒྱུ་མཚན་ཡང་ཡང་དུ་མཛད། མི་དབང་བསོད་ནམས་རབ་བརྟན་གྲུབ་མཐའི་དབང་གིས་ཞལ་མཛེས་ཙམ་ལས་གཏིང་ནས་ཡེ་མི་དགྱེས་པས་ཤ་ཚར་བཅར་བའི་ཐུགས་འདོགས་མི་གནང་བ་མཁྱེན་རུང་བདེ་གཟར་སྔ་ཕྱི་བར་གསུམ་ཚང་མར་ལས་སྦྱོར་གྱི་སྐུ་རིམ་དང་སྡེ་པའི་སྐུ་ཚེ་བར་ཆད་སེལ་བྱེད་ཀྱི་སྲུང་འཁོར་འབུལ་བ། བརྟག་པ་དང་མོ་ཕྱྭ་རྩིས་བསྡུར་མཛད་ནས་སྐུ་རིམ་གྱི་ཞབས་བསྐུལ་ཤ་བརྒྱབ་རུས་ནའི་དཔེ་ཁོ་ན་གནང་། རྗེ་ཉིད་ཀྱི་སྐུ་དགྲ་སྒེར་དམིགས་ཀྱི་རིས་ལ་ད་ལམ་རང་ལས་སྦྱོར་ཙམ་མཛད་ན་བསམས་ཀྱང་ཞག་འཕུལ་ཉིན་འཕུལ་ཁོ་ནར་འགྲོ་བའི་ཞིབ་མོར་དཔྱད་ན་སེམས་ཅན་མཐའ་དག་ལ་རིས་སུ་མ་ཆད་པའི་བརྩེ་བ་སྙིང་རྗེ་ཆེན་པོ་ཕྱག་ན་པདྨ་མངོན་སུམ་དུ་ཀྲོང་གིས་བྱོན་བྱུང་ཡང་དེ་ལས་ལྷག་པ་ཞིག་འོང་དོན་མེད། སོག་པོ་ནོར་བུ་རིན་ཅེན། ཧོར་སྟོད་པ། འབྲུག་པ་ངག་དབང་རྣམ་རྒྱལ། ཀོང་ཀར་སྲིད་ཀྱི་བླ་དཔོན་སོགས་མིང་ཡིག་དམིགས་སུ་བཅུག་ནས་ལས་སྦྱོར་གང་མཛད་ལོ་ལྔ་དྲུག་ཙམ་ལས་འཕྱི་མཐའ་བྱས་ཏེ་དང་པོའི་སངས་རྒྱས་འཇམ་དཔལ་གྱི་ཞིང་དུ་སྤྱན་དྲངས་པ་ཁོ་ན་ཡིན། འབྱུང་པོ་མ་རུངས་པས་འཚེ་བ་ལ་སྲུང་བཅོས་བྱིན་རླབས་ཅི་(༡༡༤ན)

― GLG009_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ་ཞིག་མཛད་ཀྱང་རྟགས་མཚན་འཕྲལ་དུ་ཐོན། འཕྲལ་ཐུགས་ཆེ་འགྱིངས་སོགས་མེད་པའི་དྲག་ཞན་མཐའ་དག་ལ་གུས་འདུད་ལྷུར་མཛད་ཀྱང་བླ་ཆེན་དུ་རློམས་ནས་ཆོས་སྐྱོང་གི་རིས་ཀྱི་ལྡེར་སྐུ་དང་གསེབ་ཀྱི་ཞབས་ལ་འཇུས་ནས་ཚེ་རིང་བ་དང་ནད་མེད་པ་དང་ང་ལ་བར་ཆད་མ་གཏོང་སོགས་ཀྱི་གསོལ་འདེབས་མི་མཛད་པར་འཇིག་རྟེན་ལས་འདས་པ་དང་མ་འདས་པའི་བསྟན་སྲུང་དྲེགས་པ་ཀུན་གྱི་གཙུག་ཏུ་རྡོ་རྗེའི་ཕྱག་རྒྱ་བཀོད་ནས་དམ་བསྒྲགས་པ་བརྟུལ་ཞུགས་གྲུབ་པའི་རྟགས་མཚན་སོགས་མཐུ་སྟོབས་ཀྱི་ཁྱད་པར་ནི་ལྕང་ལོ་ཅན་ནས་གསང་བའི་བདག་པོ་གར་དགུའི་ཉམས་ཀྱིས་རོལ་པ་དང་རྣམ་པ་ཙམ་ལས་ངོ་བོ་ཐ་མི་དད་པར་ངེས། འཕྲལ་དུ་མོ་རྩིས་ཀྱི་རྣམ་པ་མཛད་ནའང་དོན་དུ་རྫོགས་པ་ཆེན་པོའི་འོད་གསལ་ཁོར་ཡུག་གི་ངང་ནས་ཇི་ལྟ་ཇི་སྙེད་ཀྱི་ཆོས་ཀུན་རྗེན་པར་གཟིགས་ཉམས་ཀྱི་འབྱུང་འགྱུར་གྱི་གསུང་འཕྲོས་གང་མཛད་ཐོག་ཁོ་ནར་འགྲོ་བས་རྒྱལ་དབང་པདྨཱ་ཀཱ་ར་གཉིས་པ་ལས་གཞན་དུ་མ་གྱུར་པ་སོགས་རྡོ་རྗེ་འཆང་ཀུན་སྤངས་ཆོས་རྗེས་ངེད་དང་གྲུབ་ཐོབ་ལྕགས་ཟམ་པའི་རྣམ་ཐར་གཞན་གྱིས་བློར་མི་ཆུད་གསུངས་པའི་མཆེད་ཟླར་མངོན་པས་རང་བློར་ཤར་ཚོད་ཀྱི་སྙིང་པོ་ཙམ་བསྡུས་ཏེ་སྨོས་པ་ཡིན་ནོ། །རིམ་གྱིས་འབྲས་སྤུངས་སུ་ཕེབས་ཟླ་བ་གཉིས་ཙམ་སྟན་ཆགས་གྲ་ཚང་གི་གྲ་པ་ཉི་ཤུ་སྐོར་ལ་སྔགས་རིས་ཀྱི་བསླབ་སྟོན་དང་འདུལ་བ་སློབ་དཔོན་བློ་གྲོས་རྣམ་རྒྱལ་ལ་འཕོ་འཁྲིད་སོགས་འདོད་ཆོས་འགའ་ཞིག་སྩལ། གཏེར་སྟོན་ཨོ་རྒྱན་གླིང་པའི་གཏེར་མའི་བོད་སྲིན་མོ་གན་རྐྱལ་དུ་བསྒྱེལ་བའི་ཤོག་སེར་བུ་ཡིག་གི་སྟེང་ནས་རས་གཞི་ལ་ཞིང་བཀོད་ཆེ་བ་ཞིག་ཕྱག་བྲིས་སུ་གནང་། ངེད་ཀྱི་ཉམས་འཁྲིད་དབང་ལྗགས་ལུང་མང་དུ་ཞུས། དབང་རྣམས་རྫོགས་རེས་ཀྱིས་བདག་གིས་གང་ཐོབ་ཀྱི་ཆོས་རྣམས་ད་ཆ་ཕལ་ཆེར་རྫོགས་(༡༡༤བ)

― GLG009_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིན་ཞེས་རིང་པོར་མི་བཞུགས་པའི་བརྡ་ཆོས་གསུང་ཡང་ཀྱལ་ཀ་ལྟ་བུར་གོ །ཟླ་བ་བདུན་པའི་ཚེས་གསུམ་གྱི་ཉིན་གནས་ཆུང་ལྕོག་ནས་ཆོས་སྐྱོང་ཆེན་པོས་རིག་པ་འཛིན་པ་འདི་འདྲ་ཕྱིས་ནས་རྙེད་པར་དཀའ་བས་ཆོས་ལ་རྩོལ་འདོན་གྱིས་གསུང་བ་རང་བཞིན་གྱི་བསྐུལ་མ་ཡིན་ནམ་སྙམ་པ་ལས་གཞན་པའི་རྣམ་རྟོག་མ་འཕྲོས། ངེད་ཀྱིས་ཚེ་དཔག་མེད་འཆི་མེད་འོད་སྣང་གི་དཀྱིལ་འཁོར་ལ་བརྟེན་པའི་བརྟན་བཞུགས་ཕུལ་བའི་ཚེ་གཏོར་མར་ཆབ་སྦྲན་པ་མར་མེ་ལ་ཕོག་ནས་སྐད་ཅིག་ལ་ཤི་བ་སོགས་རྣམ་རྟོག་ཟ་བའི་ལྟས་མི་ལེགས་པ་འགའ་ཞིག་བྱུང་། དེ་ཡང་གཟིམས་ཁང་ཤར་པ་ཚོར་ད་ལོ་ངེད་ཀྱིས་མེ་ཏོག་མཆོད་པར་མ་ཡོངས་པར་བླ་ཚབ་ཅིག་བཏང་ན་དིང་སང་གཞན་འདྲས་བྱེད་སྐབས་ཤུལ་ཆུང་ཁྱད་ཡོང་གསུངས་པར་རྒན་པ་རྣམས་ཀྱིས་ཕེབས་དགོས་ཚུལ་ནན་དུ་གསོལ་བར་ངེད་དེ་ལྟར་བསམས་ཀྱང་འདོད་པར་ཡོད་ན་བྱས་ཆོག་ཅེས་ཞལ་གྱིས་བཞེས་ཚག་གུར་བའི་ནང་མི་སོགས་ཕྱོགས་ཕྱོགས་ཀྱི་སྦྱིན་བདག་འདྲ་ལའང་ད་ལོ་མེ་ཏོག་མཆོད་པར་ཅིས་ཀྱང་ཤོག་གནང་ཞིང་སོ་སོའི་བློ་དང་འཚམ་པར་བསླབ་སྟོན་རྒྱས་པར་མཛད། གུང་ཐང་དཀར་མེ་བ་ཚོར་བདག་ཁྲོམ་ལ་ཡོང་དགོས་པའི་ཀ་པེ་མ་མི་འདུག་གྲ་གང་འགྲིག་གྱིས་གསུང་བར་ཁོང་ཚོས་ཞུ་ནན་ཕུལ་བར་དོ་ཞག་ནས་ཤུལ་ཆེ་བ་མི་ཡོང་ན་ཡོངས་ཆོག་ཕེབས་པས་གདན་ས་འཇོག་པའི་ལོ་མཚམས་ལྟ་བུ་གནང་རྒྱུ་བཞིན་ཡིན་ནམ་སྙམ་པ་ལས་རྣམ་རྟོག་གཞན་འཕྲོས་ཚོད་མི་འདུག །འབྲས་སྤུངས་སུ་ཕེབས་གདོང་ཚག་གུར་སྡེ་པ་བསོད་ནམས་རྣམ་རྒྱལ་ལ་ཁྱེད་ངེད་དང་ལྷན་དུ་འགྲོའམ་ཇི་ལྟར་བྱེད་གནང་བ་ནང་དུ་ལོག་ཚུལ་གསོལ་བ་ན་ཕྱག་མདུད་ལེགས་པ་ཞིག་སྩལ་སླར་ཕྲད་ཡོང་ཤས་ཆེའང་ཁྱེད་ཚང་སྡིག་ཆེ་བ་འདུག་པས་འཛེམ་དགོས་ཚུལ་སོགས་ཀྱི་བསླབ་སྟོན་དང་བླ་བྲང་ནས་ཕྱིར་(༡༡༥ན)

― GLG009_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

ཕེབས་གདོང་མགུལ་ནས་སྐུ་སྲུང་ཞིག་བཀྲོལ་ཏེ་ཐུགས་སྲས་མར་གནང་བ་སོགས་ཀྱང་རྗེས་སུ་བཏགས་ན་ཡུན་དུ་མི་བཞུགས་པའི་བརྡ་ཆོས་སུ་མཆིས། ཟླ་བ་བཞི་པ་ཙམ་གྱི་ནང་དུ་གུང་ཐང་མཆོད་ཁང་རྩེར་བཞུགས་པའི་ནུབ་ཀྱི་མནལ་ལམ་དུ་རྗེ་བླ་མ་དང་ངེད་དཔོན་སློབ་ལྷན་ཅིག་ཏུ་རི་ལོགས་ཤིག་ལ་བྱོན་པར་ངེད་ཚོའི་རིའི་སྟོད་དུ་སོང་ཞིང་རྗེ་ཉིད་སྨད་དེར་ཕེབས་ནས་གཟིགས་རྟོག་མ་ཆུག་པའི་མུར་མི་ནག་པོ་གཉིས་ཀྱིས་འཛིན་པར་འོངས་ཞེས་སྐུ་ལ་མཐོ་འཚམ་པ་བསྙེན་ཕུར་གྱིས་ཕྱིར་དེད་པ་ཞིག་བྱུང་གསུངས། ལགས་རབ་བརྟན་གློ་བུར་དུ་ན་བར་སྨན་སྒོམ་འབྲང་རྒྱས་པས་བླ་རྩའི་བབས་དཔོན་སློབ་རང་གི་སྐུ་ལ་ཉེན་པ་ཤར་བས་སྐུ་རིམ་གནང་དགོས་ཚུལ་ནན་བསྐྱེད་ཞུས་པར་ད་ལྟ་ལག་ན་ཡོད་པས་ཀ་ཅ་འདི་བཀའ་འགྱུར་གྱི་རྒྱུར་བསྔོས་གྲུབ་གསུངས་ནས་ཚལ་གུང་དུ་མང་ཇ་སོགས་ཉུང་ཟད་ལས་མ་མཛད། གུང་ཐང་པའི་གྲོང་པ་ཞིག་གི་ཁང་པ་ལ་གློ་བུར་དུ་མེ་ཤོར་བ། ཞང་རིན་པོ་ཆེའི་སྐུ་འདྲ་གསུང་འབྱོན་མའི་དབུ་ཞྭ་ལན་གཉིས་སར་ལྷུངས་པ། ཞབས་འབྲིང་པ་དང་གྲ་རིས་སོགས་ལ་རྨི་ལམ་ངན་པ་སྣ་ཚོགས་བྱུང་ཡང་ཚང་མ་དམུ་གབ་ཀྱིས་བཅིངས་པའི་རྣམ་རྟོག་ཆེར་མ་འཕྲོས། ཁྲོ་རྒྱལ་དཔལ་མགོན་གྱི་རྨི་ལམ་དུ་རྗེ་ཉིད་གྱང་ཞིག་ལ་བྱམས་བཞུགས་མཛད་ནམ་མཁའ་ནས་འཇའ་ཚོན་གྱི་སྣེ་ནར་གྱི་བཏང་བར་ཕྱག་གིས་འཇུས་ནས་ཐེགས་པ་བྱུང་བ་སང་ཉིན་སྙན་དུ་ཕུལ་ཞིང་གསོལ་བ་བཏབ་པས་ང་རང་ལའང་དེ་འདྲ་བ་འགའ་རེ་བྱུང་གལ་ལ་ཧོར་པའི་སྐུ་སྐྱེའང་གཤེགས་འདུག་ང་ལ་དེར་རང་ཡང་སྒར་ཆེན་མགྱོགས་ཉིན་འདོད་པ་འདྲ་ཕེབས་པ་སོགས་ཞིང་འདིར་མི་བཞུགས་པའི་རྟགས་མང་དུ་བྱུང་བར་སྣང་། ཧོར་ཟླ་བདུན་པའི་ཉེར་ལྔའི་ཉིན་གསར་མ་རྒྱུད་འབུམ་གྱི་ལྗགས་ལུང་གནང་བའི་འཕྲོ་ནས་ཆོས་མཚམས་(༡༡༥བ)

― GLG009_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད། སྔར་ཕན་རྟེན་འབྲེལ་གྱིས་ལྗགས་ལུང་གཞན་མའི་ཚིག་བཀྲ་ལེགས་པ་ཞིག་ནས་དབུ་འཛུགས་ཆེད་གཉེར་གནང་ཡང་ད་ལམ་དེ་འདྲའི་པར་བཀབ་མ་བྱུང་། འཕྲལ་རྐྱེན་སྔར་སྨོས་པ་བཞིན་སློབ་མ་དམ་ཚིག་དང་མི་ལྡན་པར་ཟབ་ཆོས་སྩལ་བ། བསྟན་སྲིད་ཀྱི་ཆེད་དུ་བདེ་གཟར་སྔ་ཕྱི་བར་གསུམ་མཐའ་དག་ལ་དྲག་ལས་ཀྱི་སྐུ་རིམ་མངས་ཤིང་གཞུང་གི་གཉེར་ལས་འཛིན་པ་ལའང་བདེ་གཟར་སྔོན་མའི་དུས་དགྲའི་ལྟེ་བོའི་རིས་ཀྱང་མ་ངེས་པར་འོང་བ་སོགས་དམ་སེལ་གྱི་རིས་འབད་མེད་ལྷུན་གྲུབ་ཏུ་བྱུང་ཞིང་བདག་གཞན་མཉམ་བརྗེ་ལྟ་བུའི་དགོངས་པས་ཁྱབ་འཇུག་གི་སྲུང་བཅོས་ལའང་འཛེམ་བག་ཡེ་མེད་པའི་ཧ་ཅང་རྒྱ་ཆེས་པས་སྒོ་དུ་མ་ནས་སྐུ་ཚེའི་བར་ཆད་དུ་སོང་ངམ་སྙམ། འོན་ཀྱང་དམ་པའི་རིས་ཞིང་ཁམས་གཞན་དུ་གཤེགས་པར་གཞོལ་བའི་ཚེ་སྡེ་བརྒྱད་རྣམས་ཀྱང་བསུ་མའི་ཚུལ་ལ་སྤྲོ་བའང་ཡོད་འཕྲོས་སུ་སྣང་། གཙོ་བོར་ཞིང་འདིའི་མཛད་པ་ཕལ་ཆེར་རྫོགས་ནས་རྔ་ཡབ་པདྨ་འོད་དུ་ཕེབས་པར་དགྱེས་པའི་རྒྱུས་ངེད་ཀྱི་གམ་ནས་ཕྱིར་བྱོན་པའི་བཞུགས་གནས་སུ་འབྱོར་མ་ཐག་སྐུ་ཁམས་ཉོགས་ཏེ་ཅུང་ཟད་བསྙུན་པའི་ཚུལ་བསྟན་ཏེ་ས་སྲོད་ཙམ་ལ་ལྟར་སྣང་དུ་སྐུའི་བཀོད་པ་བསྡུས་ནས་ཞག་གསུམ་གྱི་རིང་ཆོས་ཉིད་ཀྱི་བར་དོའི་འོད་གསལ་ལ་མཉམ་པར་བཞག་ནས་ཆོས་དབྱིངས་བདེ་བ་ཆེན་པོའི་ཀློང་དུ་གཤེགས། ཞིང་ཁམས་འཕོས་ཚུལ་བསྟན་མ་ཐག་པ་ནས་གདུང་ཡིད་བཞིན་ནོར་བུའི་དྲུང་དུ་དངོས་འབྱོར་གྱི་མཆོད་པ་ཤིན་ཏུ་རྒྱས་པ་སྙན་དར་སྨོན་ལམ་ཚིགས་བཅད་མ། བླ་མ་དཀྱིལ་འཁོར་འཁོར་ལོའི་མགོན་པོར་བཞུགས་པ་ལ་བསོད་ནམས་ཀྱི་ཚོགས་གསོག་པ་དང་དབང་བཞི་ལེན་པ་སོགས་ནན་ཏན་ཏུ་བྱས་ཐུགས་དམ་གྲོལ་ནུབ་ངེད་ཀྱི་རྨི་ལམ་དུ་རྗེ་བླ་མ་ལྷོ་ནུབ་ཕྱོགས་ཀྱི་ཐག་རིང་བ་ཞིག་ལ་ཐེགས་རྒྱུའི་ཁུལ་གྱིས་ཕྱག་གཡོག་(༡༡༦ན)

― GLG009_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

དམངས་དང་རྟ་སྒ་གཏད་པ་སུམ་ཅུ་ཙམ་དགོན་གཤམ་དུ་རོལ་རོལ་འདུག་པ་སྔར་འདི་འདྲའི་སྤྲོས་པ་མི་མཛད་པར་ད་ལམ་གཟི་བརྗིད་ཆེན་པོ་ཞིག་གནང་བ་ཅི་ཡིན་སྙམ་པ་ཤར། རྗེ་ཉིད་གཟིམས་ཆུང་རབ་གསལ་དུ་ཤར་མར་ཕེབས་ནས་སྣང་གསལ་བ་བཀྲ་ཤིས་རྒྱ་མཚོའི་དག་སྣང་ཚེ་དཔག་མེད་ཧྲཱིཿགཅིག་མའི་དབང་ལུང་གཉིས་ཀ་སྔར་ནས་ཕུལ་ཟིན་ཀྱང་ཉམས་འཁྲིད་ལུས་སོང་བ་ད་ལམ་འབུལ་ཞེས་ཚར་གཅིག་ཐུགས་ལས་ཤར་གྱིས་གསུངས་ནས་རིང་སྟབས་སུ་ཐེགས་པ་བྱུང་བ་ཡེ་ཤེས་ཀྱི་སྐུས་རྗེས་སུ་བཟུང་ངམ་སྙམ། གནས་ཚུལ་རྡོ་རྗེ་བྲག་ཏུ་གསན་མ་ཐག་སྤྲུལ་སྐུ་རིན་པོ་ཆེ་མཆོད་འབུལ་ལ་ཕེབས་དབུ་ཞྭས་གཙོས་པའི་མགྱོགས་བསྔོ་ཕུལ། ཐུགས་དམ་མ་གྲོལ་བར་གསང་སྒོའི་རྣམ་པ་བྱས་པར་གོ་བོ་སྤྱི་ཁང་དུ་སྡོད་མི་འདྲས་དགའ་ལྡན་ཕོ་བྲང་ནས་རེ་མ་ཁང་གི་བར་དུ་འཇའ་དཀར་པོ་ཏལ་མར་ཟུག་པ་མཐོང་བས་བླ་མ་དེ་གྲོངས་ཡོད་པ་ཐག་ཆོད་གླེངས། སྐུ་རིམ་དུ་མིང་བཏགས་པའི་གྲ་ཚང་གི་གྲ་པ་ཁ་ཤས་ཀྱིས་ཐུགས་རྗེ་ཆེན་པོའི་ཆོ་ག་བཏང་། ཉེ་ལེན་ཡིན་ཁུལ་གྱི་མཆོད་དཔོན་པ་ཡང་ཡང་ཕྱིན་པར་སྐུ་མདངས་སྔ་དྲོ་དགོངས་ཞོགས་ཀྱི་བར་ལའང་ལེགས་སུ་སོང་བའི་ཞིང་མ་བརྗེས་པ་འདྲ་མོ་འདུག་ཟེར། ལགས་ཨ་གུར་རབ་བརྟན་ངག་དབང་འཕྲིན་ལས་སོགས་སྐུ་ཉེ་རྣམས་ཀྱིས་གྲོས་ཐོག་ནས་དགོངས་རྫོགས་ཀྱི་དོ་དམ་པ་ཞིག་དགོས་ཚུལ་བྱུང་བ་ལྟར་ཞང་ཚ་དཀོན་ཅོག་རྣམ་རྒྱལ་བཏང་། དགོངས་རྫོགས་ལ་སེར་འབྲས་གཉིས་སུ་མང་ཇའི་ཐོག་བླ་མ་ཁྲི་གདན་ཟུར་བསྡོམས་པ་བཅུ་དྲུག་ལ་སོ་སོར་བདུན་ཚན་རེ། ཕ་བོང་ཁར་མང་ཇ་དངུལ་གདུང་རིན་པོ་ཆེར་སྙན་ཤལ་མཆོད་འབུལ་གདན་ས་བར་དགུ་ཚན། འཕྲུལ་སྣང་ར་མོ་ཆེ་པོ་ཏ་ལ་གསུམ་དུ་དངུལ་སྲང་ལྔ་བཅུ་གཞལ་བའི་དཀར་མེ། ཇོ་བོ་ཤཱཀྱ་མུ་ནིར་ལིང་སེར་གྱི་སྣམ་སྦྱར། སྙན་(༡༡༦བ)

― GLG009_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

ཤལ་ཆེ་བ་གསུམ། དེ་ཕྱིན་དམར་ལྕགས་བསྡོམས་པའི་མཆོད་ཁང་སུམ་ཅུ་སྐོར་ལ་སོ་སོར་སྙན་དར་གསུམ་རེ་མཆོད་པ་སྣ་ལྔ། ཚལ་གུང་དུ་མཆོད་པ་སྙན་ཤལ། ཆོས་ཁྲི་བ། གཟིམས་ཁང་ཤར་པ། ཟིང་པ་བ་གསུམ་བསྡུས་ཀྱི་གདུང་ཆོག་པ་སུམ་ཅུ། གྲུབ་ཆེན་ཀརྨ་གསང་སྔགས་པའི་སྤྲོས་མེད་འོད་གསལ་དོན་གྱི་མཆོད་འབུལ། གཏོར་མ་བ་གཅིག །སྐུ་ཉེ་གྲ་རིས་སྦྱིན་བདག་སོགས་ཀྱི་གདུང་མཇལ་ལ་འོངས་པའི་དཀར་མེ་སྙན་དར་སོགས་མཆོད་འབུལ་རྒྱས་པར་བྱས། རྩིས་བཤགས་པས་ཆུ་ལུག་བསམ་ཡས་སུ་ཕེབས་དུས་ཕྱག་འཕྲེང་གི་བརྟག་པའི་ཐོག་ཏུ་བབས་ཏེ་སྐུ་གདུང་རིན་པོ་ཆེ་མཆིམས་ཕུར་གདན་འདྲེན་པའི་སྟ་གོན་ལ་ལགས་ཨ་གུར་དང་རབ་བརྟན་གཉིས་ཀྱིས་དགོན་ཞབས་བར་རེ་མོས་ཀྱིས་གདན་དྲངས། དེ་ནས་ཆུ་ཁ་བར་འདོ་ལེ་ལ་བཏེག་ནས་ལགས་ངག་དབང་འཕྲིན་ལས། དཔལ་ནོར་བུ། དགོས་ནོར། བཀྲ་ཤིས་བཞིས་སྤྱན་འདྲེན་ཞུས། སང་ཉིན་ཀོ་གཞུང་ལ་ཕེབས་པ་ནས་བཟུང་འཇའ་སྤྲིན་རྩིབས་ཤར་གྱེན་བསྒྲེང་ཟ་འོག་མིག་མང་རིས། ཉི་མ་དང་ཉེ་བའི་སྤྲིན་ཐམས་ཅད་འཇའ་རིས་ཀྱི་རྣམ་པ་རྒྱུན་མི་ཆད་པའི་ངང་ནས་ཐུབ་བསྟན་རྡོ་རྗེ་བྲག་གི་མདུན་དུ་དར་ཅིག་ཀོ་བ་འགྱིངས་པ་ནི་སྤྲུལ་སྐུ་རིན་པོ་ཆེས་གཙོ་མཛད་དད་འདུས་ཀྱི་སློབ་བུ་རྣམས་ཐུགས་རྗེའི་སྤྱན་རས་ཀྱི་བྱང་ཆུབ་བར་དུ་བཙའ་བའི་བརྡར་མངོན། ཁྱད་པར་མཆིམས་ཕུའི་རི་མཐོང་བ་ནས་བཟུང་སྟེ་ཕྱོགས་ཀྱི་སྤྲིན་ཐམས་ཅད་ལྷའི་གཟུགས་དང་བཀྲ་ཤིས་རྟགས་བརྒྱད་ཀྱི་རྣམ་པར་སོང་། དུར་ཁྲོད་དུ་སྐུ་གདུང་ཞག་གསུམ་བཞུགས་རིང་གྲ་ནས་རིགས་འཛིན་འཕྲིན་ལས་ལྷུན་གྲུབ་དཔོན་སློབ་བཅོ་ལྔ་ཕེབས་ཏེ་སྐུ་གདུང་རིན་པོ་ཆེ་ཀུན་བཟང་དགོངས་པ་འདུས་པའི་དཀྱིལ་འཁོར་གྱི་གཙོ་བོར་གྱུར་པ་ལ་ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་རྒྱ་ཆེར་མཛད། གསང་(༡༡༧ན)

― GLG009_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུག་ཏུ་བཻ་རོ་ཙ་ནའི་ཕྱག་བཟོའི་སློབ་དཔོན་ཆེན་པོའི་སྐུ་བརྙན་གྱིས་གཙོས་པར་གསེར་ཆབ་སྤྱན་འབྱེད་དཀར་མེ་སྙན་ཤལ་མཆོད་པ། མཆིམས་ཕུའི་གྲ་ཚང་ལ་མང་ཇ་སྤྱི་འབུལ། དཔལ་རི་སྤྲུལ་སྐུར་གོས་ཕོད་ཀྱིས་གཙོས་པའི་དགུ་ཚན། བསམ་ཡས་མཐིལ་གྱི་མཆོད་ཁང་རྣམས་ལ་གསེར་ཆབ་སྙན་ཤལ་མཆོད་པ་ཁྱད་པར་བྱང་ཆུབ་ཆེན་པོར་གོས་ཕྲུག་ནག་པོའི་ཐོག་སེའུའི་གནས་བཅུ་ཚང་བའི་བླ་བྲེ་ཆེ་ལེགས། བར་ཁང་སྟེང་ཁང་གཉིས་སུ་འཕན་ཆ། རྡོ་རྗེ་བྲག་ནས་རིགས་འཛིན་སྤྲུལ་སྐུ་རིན་པོ་ཆེ་དཔོན་སློབ་ཉི་ཤུ་སྐོར་གྱིས་ཐུགས་རྗེ་ཆེན་པོ་འགྲོ་བ་ཀུན་སྒྲོལ་གྱི་ཆོ་ག་ལ་བརྟེན་ནས་སྐུ་གདུང་རིན་པོ་ཆེ་འཕགས་མཆོག་ཕྱག་ན་པདྨ་དང་དབྱེར་མ་མཆིས་པར་སྲེག་རྫས་ཀྱི་མེ་མཆོད་ཕུལ་བའི་དུད་པའི་སྣེ་ལ་འོད་དཀར་པོ་སྡེར་མ་ཙམ་ཞིག་གསང་ཕུག་ཏུ་འཇའ་དཀར་ཟུག་པའི་སྟེང་དུ་སོང་བ་དེར་ཡོད་ཀུན་གྱིས་མཐོང་ཞིང་མེ་ཏོག་གི་ཆར་བབས། རྒོད་དཀར་པོ་ཞིག་གིས་ནམ་མཁའ་ནས་སྐོར་བ་བྱས་པ་འཕྲལ་གྱི་ལྟར་སྣང་ཙམ་ལས་དོན་གྱི་སློབ་དཔོན་ཆེན་པོའི་སྤྲུལ་བར་སེམས། པུར་ཁང་ལ་ཞག་གསུམ་གྱི་བར་དར་སྡིངས་པ་དཔོན་སློབ་ཀྱིས་མཆོད་པ་མཛད་ནས་ཞལ་ཕྱེ་བའི་ཚེ་དབུ་ཐོད་དང་ཐུགས་རིལ་པོ། གདུང་ལྕགས་གཅོད་དང་གདུང་ལོག་མང་དུ་ཕེབས། སྤྲུལ་སྐུ་རིན་པོ་ཆེར་སྐུ་ཕོད་ཀྱིས་གཙོས་པའི་དགུ་ཚན་གསུམ། སློབ་དཔོན་པས་དབུས་པར་སྤྱི་འབུལ། ཆོས་རྗེ་དར་སྡིངས་པར་གོས་ཕོད་ཀྱིས་གཙོས་པའི་དགུ་ཚན་གཉིས། གྲ་པ་རྣམས་ལ་སྤྱི་འབུལ། གདུང་ཐལ་རྣམས་དུར་ཁྲོད་གོང་དུ་བཞུགས་ཁང་བརྩིགས་བཞུགས་པར་སྐུ་དཀར་ཅོད་པན་ཕུལ། གདུང་རྣམས་གདན་དྲངས་པ་རྒོད་དཀར་ལ་ཐོག་ཏུ་ཁ་བ་བབས་པའི་རྡོག་པོ་རྣམས་ས་ལ་ལྷུང་མ་ཐག་འདབ་མ་ལྔ་དྲུག་བདུན་བརྒྱད་སོགས་མེ་ཏོག་གི་རྣམ་པར་སོང་། ཁྱབ་བདག་(༡༡༧བ)

― GLG009_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་འགྱུར་བ་ཆེན་པོ་གཙང་དུ་བཞུགས་པ་དང་འགྲིག་པའི་སྐུ་གདུང་གི་བྱ་བ་ལ་གདན་འདྲེན་མ་ཐུབ། ཐུགས་དམ་གསལ་འདེབས་གོས་བེར་གྱིས་གཙོས་པའི་དགུ་ཚན་གསུམ་འབུལ་བ་དང་དངུལ་གདུང་གི་རབ་གནས་གཟུངས་བཞུགས་ལ་ཕེབས་དགོས་པའི་སྙན་གསན་ཕུལ་བ་ཞལ་གྱིས་བཞེས་ནའང་། སྡེ་བ་བསོད་ནམས་རབ་བརྟན་གྱིས་རྙིང་མ་བ་ཞིག་བྱུང་ན་མངོན་ཆུང་བ་ཙམ་ཡང་རབ་ཏུ་དགེ་ལུགས་པ་ཞིག་རང་འགབ། ས་སྐྱ་པའི་རིས་མ་འབོད་གསུངས་པར་བརྟེན་དེ་གའི་གསེད་བཀྲོལ་ཞུ་མཁན་བཏང་བར་ངེད་དཔོན་སློབ་གཉིས་སུ་སྔོན་ལ་ཡོང་ཡང་ཅིག་ཤོས་དེས་རྗེས་ཀྱི་བྱ་བ་བྱེད་པའི་ས་བཅད་ཡོད་རུང་བླ་མ་དམ་པའི་དགོངས་པ་མི་རྫོགས་པ་འདྲ་ཞེས་ཐུགས་ཅུང་ཟད་མི་དགྱེས་པའི་ཚུལ་མཛད་སྣང་། འབྲི་གུང་ཞབས་དྲུང་རིན་པོ་ཆེ། དཔོན་སློབ་པཎ་ཆེན་རིན་པོ་ཆེ། དགའ་ལྡན་ཁྲི་གདན་ཟུར་ལྕགས་ཟམ་སྤྲུལ་སྐུ། གསུང་སྤྲུལ། སྒམ་སྨྱོན་སྤྲུལ་སྐུ། གསང་ཕུ་གླིང་སྟོད་སྨད། ར་བ་སྟོད། རྩེ་ཤར། བཀྲ་ཤིས་ལྗོངས། ཚལ་སྟོད་སྨད། ཡེར་པ། རྨེ་རུ་བ། བཀའ་བརྒྱུད་ཕོ་བྲང་པ། རྩ་སྒྲུབ་སྡེ་པ། བཀའ་བརྒྱུད་ཆོས་སྡིངས་པ། ནེའུ་ཆུང་རི་པ་སོགས་བླ་མ་མང་པོར་བསྔོ་རྟེན། སྐུ་ཚིགས་ཐོག་ཚལ་གུང་གི་དགེ་འདུན་དྲུག་ཅུ་ཙམ་ལ་ཞབས་ཏོག །ཐུགས་རྗེ་ཆེན་པོའི་ཆོ་ག་སྟོང་རྩ་ལ་ཕན་བདེ་ལེགས་བཤད་གླིང་པས་ཞག་གསུམ་བཞུགས་ཤིང་དགུང་ཞག་པ་དང་བཅས་པའི་ཞབས་ཏོག་དུས་རེ་གཞིས་ཀ་ཤར་དང་གཞིས་ཀ་ཕྲ་མོ་གཉིས་ནས་བཏེག །གྲ་ཚང་ལ་བསྔོ་རྟེན་སྤྱི་འབུལ་དུ་བཀའ་བརྒྱད་གྲ་ཚར་ཕྱག་བྲིས་མ། རྔ་ཆས་གཙོས་པའི་ཚན་གྲངས། ཞང་རིན་པོ་ཆེའི་སྐུ་འདྲ་གསུང་བྱོན་མར་རྗེ་ཉིད་ཀྱིས་མེ་ཏོག་མཆོད་པར་བཞེས་པའི་དབུ་ཞྭ། གོས་བེར། ལྷ་ཁང་གཞན་མ་རྣམས་ལ་སྙན་དར་མཆོད་(༡༡༨ན)

― GLG009_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

འབུལ། བདུན་ལྔ་པའི་ཞབས་ཏོག་ལགས་ངག་དབང་འཕྲིན་ལས་ཀྱིས་བསྟར། ཆོག་མང་ཚལ་གུང་གི་ཐོག་ཙ་རི་བ། སྒ་ལོ་ཕུག །ཁང་དམར་བྲག་པ། བཀྲ་ཤིས་འབྲུག་རྒྱལ། དགོན་པ་རྩེ་དང་འོག །བྱང་མཁར་བ། བཀའ་བརྒྱུད་ཆོས་སྡིངས་པ་རྣམས་ཀྱི་གྲལ་དབུ་ཡང་དགོན་སྤྱན་སྔས་མཛད་པར་འབུལ་བ་ཚ་ར་སྤྱི་འགྱེད། དེར་མ་འདུས་པ་སྤོས་དགའ་བ། གར་བུ་དགོན་པ་བ། མདོ་སྤྱིལ་བ། ཟིང་པ་སྟག་མགོ་བ། རིན་ཅེན་བྲག་པ་རྣམས་ལ་མང་ཇ་འགྱེད་བཅས། རྡོ་རྗེ་བྲག་ཏུ་མང་ཇ་ཕུར་པས་གཙོས་པའི་སྤྱི་འགྱེད་བཏང་། ཨོ་རྒྱན་རིན་པོ་ཆེ་དང་ནཱ་རོ་མཁའ་སྤྱོད་ཀྱི་པར་ལ་གདུང་ཚ་སོ་སོར་སྟོང་ཕྲག་ལྔ་རེ་སྨན་སྒོམ་འབྲང་རྒྱས་པས་ཁུར་བསྐྱེད་ནས་བཏབ་པར་གསེར་དངུལ་མཚལ་གསུམ་གང་བབས་ན་བཟའ་སྦྲན་ནས་དད་རྟེན་དུ་བཀྱེ། སྤྲུལ་བའི་སྐུ་མྱུར་འབྱོན་གྱི་གསོལ་འདེབས་དགོས་ཚུལ་བཞིན་བརྩམས་ནས་ཕན་བདེ་ལེགས་བཤད་གླིང་པ་དང་དགོན་ཁག །ཚེས་བཅུ་བ་རྣམས་ལ་བཙུགས། སྦྲེ་བོན་པོ་ལུང་པ་སོགས་ཕྱོགས་མཐའི་བླ་མ་དང་བདེ་ཆེན་གྱིས་གཙོས་སྦྱིན་བདག་ཆེ་ཕྲ་རྣམས་ཀྱིས་གདུང་འབུལ་རྒྱས་པར་སྤེལ། ཐོན་ཐོན་ལ་དགུང་ཞག་པ་སོ་སོར་དཀྱིལ་ཐང་། བུམ་པ། མཆོད་ཀོང་། ཏིང་བདུན་ཚར། རྟེན་ཁེབས། སྤྱི་འབུལ། གྲ་པ་སོ་སོར་རྡུལ་གཟན་རེས་གཙོས་པའི་ལྔ་ཚན་རེ་རྒྱར་དོད་དང་བཅས་པ། སྐུ་ཉེ་རྣམས་ཀྱི་སྐུ་མྱུར་ཕེབས་ལ་སྐུ་རིམ་གྱི་བརྟག་པ་དགོས་ཚུལ་བྱུང་བ་བརྟག་བབས་ནང་བཞིན་གྲུབ་ཆེན་མནྡྲ་གུ་ཧྱས་ཡེར་པར་དྲག་དམར་གྱི་བསྙེན་པ་བྱེ་ཆུང་གཅིག །ཤེལ་བྲག་ཏུ་སྔགས་རམས་པ་ནམ་མཁའ་བཟང་པོས་བཛྲ་གུ་རུ་བྱེ་ཆུང་གཅིག་བཏང་། དངུལ་གདུང་བྱང་ཆུབ་མཆོད་རྟེན་རྒྱུག་མཐོ་བཅུ་བདུན་པའི་ཐིག་རྩ་གཞིས་ཀ་ཤར་ལགས་ཨ་གུར་གྱིས་བྱས། ཤིང་བཟོ་བ་ལམ་རྙེད་(༡༡༨བ)

― GLG009_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དཀོན་ཅོག་གཉིས་ཨ་མ་ཤིང་གིས་གཙོས་པའི་བལ་པོ་བརྒྱད་སྐུ་རྒྱུར་དངུལ་སྲང་བཞི་བརྒྱ། གསེར་ཞོ་ཉིས་བརྒྱ། ཟངས་དངུལ་ཆུ་སོགས་དགོས་ཆ་ཕོན་མ་ཆུངས་པ། ཞལ་འདེབས་གཞུང་ནས་གཡུ་པད་ལ་གཏོགས་ཙམ་གཅིག །གཡང་ཊིའི་འཕྲེང་བ་གཉིས། བྱུ་རུའི་འཕྲེང་བ་སོགས་དང་། ལྷ་སའི་ཚེས་བཅུ་ཤར་མ་བ་རྣམས་ཀྱིས་དངུལ་སྲང་ལྔ། སྒོ་སྣ་ཤག་པའི་དངུལ་སྲང་བདུན། སྐུ་ཉེ་གྲ་རིས་སྦྱིན་བདག་རྣམས་ནས་ཀྱང་ཞལ་འདེབས་འགྱོགས་སོགས་མང་དུ་བྱུང་། ལས་རྒྱུན་ཟླ་བ་གསུམ་གྱི་བར་བཟོ་བོ་རྣམས་ལ་ཕོགས་ཐོག་མཐའ་བར་གསུམ་གྱི་སྟོན་མོ་གླ་ཐོབ་ཡོན་འཕར་དང་བཅས་པ། བཀའ་འགྱུར་ཞིག་འཕྲལ་བཞེངས་ཀྱི་ཐུགས་རྩིས་འདུག་པ་ལམ་དུ་མ་བརྒྱུགས་པར་དངུལ་ལྔ་བཅུ་མ་དང་སྦུག་ཆོལ་གྱི་ཞུ་རྟེན་བྱུང་བར་བརྟེན་དགོངས་པ་རྫོགས་བྱེད་དུ་རྒྱལ་རྩེ་ནས་དྲངས་པའི་བཀའ་འགྱུར་གུང་ཐང་མཆོད་ཁང་དུ་བཞུགས་སུ་གསོལ། ས་ཁྱི་ཟླ་བ་གསུམ་པར་རྟེན་བཞེངས་གེགས་མེད་དུ་གྲུབ་པའི་དར་རྒྱས་ཆོས་སྡིངས་ནས་རིགས་འཛིན་ཆེན་པོ་འཕྲིན་ལས་ལྷུན་གྲུབ་དཔོན་སློབ་བཅོ་ལྔ་སྐོར་གྱིས་ས་ག་ཟླ་བའི་ཚེས་གསུམ་ནས་དེ་བཞིན་གཤེགས་པའི་འཕེལ་གདུང་གིས་གཙོས་པའི་ཡུངས་འབྲུ་ལྟ་བུའི་རིང་བསྲེལ་བླ་མ་གོང་མ་རྣམས་ཀྱི་སྐུ་གདུང་དང་སྐུ་བལ་གྱི་རིང་བསྲེལ། གཟུངས་ཆེན་སྡེ་ལྔ་གཙོ་བོར་གྱུར་པའི་ཆོས་སྐུའི་རིང་བསྲེལ། བླ་མ་ཞང་གི་གསུང་འབུམ་སོགས་པོ་ཏི་དྲུག་ཅུ་སྐོར། བུམ་པའི་ནང་དུ་གཙོ་བོར་དབུ་ཐོད་བམ་རིལ། ཐུགས། སངས་རྒྱས་བྱང་སེམས་ཀྱི་སྐུ་པར་བཏབ་པའི་གདུང་ཚ་སྟོང་ཕྲག་བདུན་ཙམ། སེང་ཁྲིའི་ནང་དུ་ཆོས་སྐྱོང་ནོར་ལྷའི་གཟུངས། ཤིས་པ་བརྗོད་པའི་ཚིགས་བཅད། གནོད་སྦྱིན་འཁོར་ལོ། ཚོགས་བདག་འཁོར་ལོ། ལྷ་ཆེན་དབང་ཕྱུག་གི་རྟེན་མདུད། དཔལ་མགོན་མ་ནིང་ནག་པོའི་གྲི་སྙིང་སྲོག་འཁོར། ལ་སྟོད་དམར་པོའི་གཏེར་(༡༡༩ན)

― GLG009_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

དུང་། ཇ་གོས་དར་མཚོན་ཆ་སོགས་གཟུངས་བཞུགས་ཤིན་ཏུ་རྒྱས་པ། བུམ་པའི་སྒོ་ནང་དུ་རྗེ་ཉིད་རྡོ་རྗེ་འཆང་གི་ཆ་ལུགས་ཅན་གྱི་སྐུ་ཁྲུ་གང་ཙམ། ཚེ་དཔག་ལྷ་ཁང་དུ་སྔར་ལྡེབས་རིས་མེད་པ་ལ་ལྡེབས་རིས་གསར་དུ་བསྐྲུན་ཏེ་བྱང་གི་དབུས་སུ་དངུལ་གདུང་། གཡས་གཡོན་དུ་བཀའ་འགྱུར། ཡབ་ཀྱི་གསེར་གདུང་དང་བཅས་བཞུགས་པའི་དབུ་ཐོག་ཏུ་གོས་བཟང་བསྒྲིགས་ཀྱི་བླ་བྲེ་བཞི། གོས་དང་ཁ་བཏགས་སོ་སོའི་འཕན་ཆ་རེ། གཞིས་ཀ་ཤར་དང་ལགས་ངག་དབང་འཕྲིན་ལས་ཀྱིས་ཕུལ་བའི་ཁ་བཏགས་ཀྱི་འཕན་ཆ་རེ། སྙན་དར་གོང་པ་གཤམ་བཅས། དར་ཁ་དོག་སྣ་ཚོགས་སུམ་ཅུ་སྐོར། ལི་ཏིང་གསར་རྙིང་བདུན་ཚར་རེ། ཀོང་བུ་གཉིས། ཟངས་དམར་གྱི་མེ་དམ་ཆ། གི་གུ་ཤེལ་གྱི་མཎྜལ། ཕུད་ཕོར་ཆ། གོས་སྐུ་གདན་འདྲེན་གྱི་རྒྱ་སྦུག །རྒྱ་དུང་། རྔ། གོས་ངུར་སྨྲིག་གི་གདུགས་རྣམས་ཀྱི་སྤྱན་གཟིགས་རྒྱ་ཆེར་སྤེལ། རིན་པོ་ཆེ་དར་སྡིངས་པས་བླ་མ་ནོར་བུ་རྒྱ་མཚོའི་སྒོ་ནས་ཚེས་བཞི་ལ་སྟ་གོན་དང་ལྔ་ལ་རབ་ཏུ་གནས་པའི་ཐོག་རྡོ་རྗེ་བྲག་སོགས་ཕྱོགས་འདུས་དང་གཉུག་མར་གནས་པ་རྣམས་ཀྱིས་ཕུལ་བའི་སྙན་དར་གྱི་དྲ་བས་སྦྲེལ། རབ་སྟོན་ཡོན་བཟབས་རྒྱས་དང་དེར་འདུས་ཀུན་ལ་གང་འཚམ་གྱིས་བསྙེན་བཀུར། ལོ་གཅིག་གི་བར་ཟླ་རེའི་དུས་མཆོད་ལ་དགེ་འདུན་སུམ་ཅུ་རེར་སྲི་ཞུ། སྐུ་མཆོད་ཆེན་མོར་ར་སྟོད་གྲ་ཚང་གིས་ཞག་གསུམ་གྱི་བར་གསུང་སྒྲོག་དང་ཚལ་གུང་གི་ཚ་རའི་གྲལ་དབུ་གླིང་སྟོད་ཆོས་རྗེས་མཛད། དབུས་གླིང་རྩེའི་བོགས་སྟེང་ནས་ཉིན་ལྟར་གྱིས་མར་མེ་སྡོང་རྐང་རེ་དང་ཞལ་ཟས་ལྔ། སྐུ་མཆོད་ཆེན་མོར་མཆོད་པ་ཉེར་གཅིག་དང་དགེ་འདུན་བདུན་ཅུ་སྐོར་ལ་ཞབས་ཏོག་ཉིན་ཐུབ། དེ་མཐུན་ཡུམ་སྲས་གཉིས་ནས་མར་མེ་སྡོང་རྐང་རེ། དཀོན་གཉེར་གྱི་ཕོགས་དང་སྐུ་མཆོད་ཀྱི་ཐེབས་སོགས་གན་གཙང་དུ་སྦྱོར་བའི་བར་གྱི་དོ་དམ་ཞང་ཚ་དཀོན་ཅོག་རྣམ་རྒྱལ་(༡༡༩བ)

― GLG009_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་བྱས་སོ། །འཇམ་དཔལ་ཐུགས་ཀྱི་མེ་ལོང་དྭངས་ཤེལ་ངོས། །ཆོས་ཀུན་ཡེ་ནས་སྤྲོས་མེད་རང་སེམས་སུ། །ཐག་ཆོད་བློ་ལས་འདས་པ་གདོད་མའི་མགོན། །གཞན་ནས་འཚོལ་བའི་གཉིས་འཛིན་འཆིང་རྒྱ་བཅད། །ཕུན་ཚོགས་བདེ་ལྡན་ངོ་མཚར་ཞིང་ཁམས་ན། ཁྱོད་ཐུགས་དགའ་བའི་ཨོ་རྒྱན་མཁན་པོ་དེས། །ཆུ་དང་རླབས་བཞིན་སྣང་ཚུལ་ཐ་དད་པས། །སྤྱོོན་ཞེས་བསྐུལ་བའི་སྒྱུ་མའི་འཕྲུལ་དེ་མཚར། །སྣ་ནམ་རིག་སྔགས་འཆང་བའི་སྤྲུལ་པའི་སྐུར། །ཆོས་ཀུན་ཡེ་ནས་ལྷུན་གྲུབ་འདུ་མ་བྱས། །ཟང་ཐལ་ཟད་སར་འཁྱོལ་བའི་འཕོ་བ་ཆེའི། །ལམ་ཟབ་ཕ་ཕབ་ཚུལ་དུ་མངོན་སུམ་བསྟན། །རབ་འབྱམས་ཞིང་རྡུལ་སྙེད་དུ་བགྲང་མིན་ཡང་། །བདུན་བརྒྱ་ཉེར་ལྔའི་ལྷར་གྲགས་སྒྲུབ་སྡེ་བརྒྱད། ཁྲག་འཐུང་གར་ལ་བཞེངས་པའི་ཉམས་འགྱུར་ཚོགས། །རས་དཀར་དྭངས་མཚོར་ཤར་བའི་ཟླ་གཟུགས་བཞིན། །ཤེས་བྱར་སྲིད་ཀུན་མཁྱེན་ལ་འཇམ་དཔལ་དབྱངས། །རིས་མེད་འགྲོ་བརྩེ་ལག་ན་པདྨའི་མཆེད། །བདུད་སྡེའི་དཔུང་ཚོགས་གཞོམ་ལ་གསང་བའི་བདག །བཤེས་གཉེན་དམ་པའི་གཟུགས་སུ་དེང་འདིར་གྲུབ། །རྔ་ཡབ་གླིང་ལ་དགྱེས་པའི་ཞབས་ཀྱི་གོམ། །དབང་གཞུའི་ལམ་ལ་ལྷོད་པོར་གཤེགས་པའི་འགྲོས། །ངོ་མཚར་ལྟས་ཀྱིས་ཁ་བས་ཡོངས་བསྐོར་འགྲོ། །འདོར་བའི་འཕྱོན་མའི་གར་ལ་མཆི་མ་བཀུ། །འོན་ཏེ་གཉགས་བན་ཐུགས་བསྐྱེད་ཟླ་བའི་ཆ། །གང་བའི་གཞོན་ནུ་རི་བོང་འཛིན་པའི་གཟུགས། །ལྗོངས་འདིའི་མཁའ་ལ་ཡོངས་ཤར་ག་བུར་རྡུལ། །གདུང་སེལ་སྙིང་ག་ཕན་བདེ་ཅི་ཡང་བཞད། །དེ་ལྟར་ཨཽཌྜི་ཡ་ནའི་སློབ་དཔོན་ཆེན་པོ་འཆི་མེད་གྲུབ་པའི་རིགས་འཛིན་པདྨ་ཀ་རའི་གདུང་འཚོབ་ཟུར་ཆེན་ཆོས་ཀྱི་རྒྱལ་པོ་འདི་ཉིད་ཀྱི་རྣམ་(༡༢༠ན)

― GLG009_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཐར་པ་གསང་བ་ལས་ཀྱང་ཆེས་གསང་བ་ནི་སྤྱན་དང་མངོན་པར་ཤེས་པས་མ་གཞལ་བར་དཔེ་དང་གཏན་ཚིགས་ཙམ་གྱིས་བསྒྲུབ་པའི་གནས་མིན་ཞིང་ཐུན་མོང་བའི་གདུལ་བྱ་རྣམས་ཀྱི་བློ་ངོར་ཤོང་པའི་རྟོགས་བརྗོད་རྒྱས་པ་ཙམ་ཞིག་བྲིར་འདོད་ནའང་། དམ་པ་ཉིད་ཞིང་ཁམས་འདིར་སྐུའི་བཀོད་པ་མངོན་སུམ་དུ་གྱུར་པའི་དུས་རེག་ཟིག་ཏུ་འཁོད་པ་མེད་ཅིང་དྲི་བྱའི་ཡུལ་ཡང་ཆེས་ཆེར་དཀོན་པས་རྒྱ་ཆེར་གླེང་བའི་རྔོ་མ་ཐོགས་རུང་གཞིས་ཀ་ཤར་ལགས་ཨ་གུར་དང་། ངག་དབང་འཕྲིན་ལས་གཉིས་ཀྱིས་སྤྱོད་ཡུལ་དུ་གྱུར་པ་རྣམས་ལ་མེས་ཀྱི་སྔགས་འཆང་ཁྲོ་རྒྱལ་དཔལ་མགོན་སོགས་ཀྱིས་ཟུར་བརྒྱན་པའི་ཤོག་དྲིལ་གྱི་ས་བོན་ཞིག་བྱུང་བར་ངེད་རང་ནས་ལོ་ཟླ་དུས་ཚེས་མཛད་པའི་རིམ་པ་མངོན་སུམ་དུ་ངེས་པའི་སྟེང་ནས་ལེགས་པར་དཔྱད་དེ་བཀོད་ཀྱང་སྤྱིར་སོ་སོ་སྐྱེ་བོའི་ཀུན་རྫོབ་ཀྱི་འཁྲུལ་པ་ལ་ཟད་པ་མེད་པས་སྣང་ལ་མ་ངེས་ཀྱི་དོགས་གཞི་ལ་དཔྱད་པ་དང་གཟིགས་སྣང་སོགས་ཡ་མཚན་པའི་རིས་གང་རྙེད་སྣོན་པར་མཛོད་ཅིག་ཅེས་སྐབས་ལེགས་པར་དབྱེའོ། །ཨེ་མ་རང་རིག་ཀུན་བཟང་ཆོས་ཀྱི་སྐུ། །སྒྲིབ་བྲལ་ཉི་མའི་སྙིང་པོ་རྡོ་རྗེ་སེམས། །ཁྱབ་བདག་བླ་མའི་རྟོགས་པ་བརྗོད་པའི་གླུ། །ཚུར་མཐོང་བྱིས་པས་ལེན་པའི་གོ་སྐབས་ཅི། །འོན་ཏེ་ཟླ་བའི་མ་མ་ཡོངས་རྫོགས་པ། །འཐུང་བར་ནུས་པ་མིན་ཡང་ཧུབ་གཅིག་གིས། །སྐོམ་པའི་གདུང་བ་སེལ་ལྟར་མཛད་པའི་ཆ། །ཕྲ་མོས་བསྐལ་བཟང་གདུལ་བྱའི་དགའ་བ་བསྐྱེད། །ལོང་ལོང་ཆུ་འཛིན་གསར་པའི་ཕང་བ་ནས། །སྙན་སྙན་དབྱར་གྱི་རྔ་གསང་སྒྲོག་པའི་མོད། །ལྡེམ་ལྡེམ་གཙུག་ཕུད་གཡོ་བ་རྨ་བྱའི་ཚོགས། །ཟླུམ་ཟླུམ་སྒྲོ་(༡༢༠བ)

― GLG009_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

གཤོགས་གདུགས་ཕུབ་ཟློས་གར་རྩེན། །མང་དུ་ཐོས་དོན་དོན་བཞིན་བསམ་ལ་མཁས། །རྒྱུ་འབྲས་ཕྲ་ཞིབ་ཞིབ་མོར་དཔྱད་པས་བཙུན། །འགྲོ་ཀུན་ལ་བརྩེ་བརྩེ་བའི་ཐུགས་རྗེས་བཟུང་། །རྫུ་འཕྲུལ་ནུས་སྟོབས་སྟོབས་ལྡན་ལྷ་མིན་འདར། །རྩ་བརྒྱད་སྟོང་སྦྱར་འཆི་མེད་བདུད་རྩིའི་བཅུད། །བཅུད་ཆེན་བསྟན་བདེའི་སྲོག་གི་ཟུངས་གྱུར་སྨན། །སྨན་མཆོག་མྱོང་བས་རྣམ་གྲོལ་ཤིང་རྟའི་སྲོལ། །སྲོལ་འཛིན་ཡེ་ཤེས་གཞོན་ནུ་གཞན་ན་སུ། །པདྨའི་འདབ་སྟོང་བྱེད་དབུས་སྔོན་བྱོན་པའི། །སྙན་པའི་གཏམ་གྱིས་རྣ་བ་ཆེས་མངར་དིང་། །འཇིགས་མེད་བརྟུལ་ཞུགས་གྲུབ་པའི་ཐོད་འཕྲེང་རྩལ། །གཉིས་པ་འདྲེན་བྱེད་གཟིགས་མོར་དངར་འདི་མཚར། །རྒྱ་བོད་རིགས་འཛིན་ཚོགས་ཀྱི་མཁྱེན་བརྩེ་ནུས། །གཅིག་བསྡུས་རྡོ་རྗེའི་སློབ་དཔོན་རྣམ་པར་ཐར། །ཆུ་གཏེར་ཆེ་ལས་བདག་བློ་ཀུ་ཤའི་རྩེས། །ལེན་གང་སྔོན་བསགས་བསོད་ནམས་བྱེ་བས་རྙེད། །ལེགས་བྱས་འདིའི་མཐུས་རིག་རྩལ་ཀུན་ཏུ་བཟང་། །མངོན་སུམ་རང་ངོ་འཕྲོད་མིན་དེ་སྲིད་དུ། །སྐྱེ་བར་མགོན་པོ་ཁྱོད་ཀྱི་དགེ་བའི་བཤེས། །མཛད་ནས་འབྲལ་བ་མེད་པར་རྗེས་འཛིན་ཤོག །ལོག་སྨོན་དམོད་པའི་ལྕགས་ཀྱི་གཏུན་བུ་དག །འཁྲུལ་བློའི་མངལ་དུ་མི་རྟོགས་བླང་དོར་ལ། །བཅུ་ཕྲག་འཇུག་པ་ཡངས་པའི་མིག་སྔོན་པ། །འཚོ་བ་སྲིད་ཞི་ཡོངས་ལ་དོན་ལྡན་ཤོག །རྒྱལ་གསུང་མཐའ་དག་སེམས་ཅན་མ་ལུས་པའི། །ཕན་བདེའི་སྲོག་སོང་ཁོ་ནར་ངེས་རྙེད་ཀྱང་། །ཐེག་པའི་ཡང་རྩེ་བཀའ་གཏེར་སྙིང་པོའི་བསྟན། ཁ་བའི་ལྗོངས་འདིར་དུས་ཀུན་དར་བར་ཤོག །རྩ་གསུམ་ཐུགས་རྗེ་ཉི་མའི་དཀྱིལ་འཁོར་ཆེ། །འཆར་ནུབ་སྤངས་པའི་བྱིན་རླབས་སྣང་བའི་གཟི། །འགྲོ་རྣམས་བདེ་སྐྱིད་དགུང་ནས་(༡༢༡ན)

― GLG009_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

རྟག་འབར་བའི། །བཀྲ་ཤིས་དཔལ་གྱིས་འཇིག་རྟེན་ཡོངས་ཁྱབ་ཤོག །ཅེས་དུས་གསུམ་རྒྱལ་བ་ཐམས་ཅད་ཀྱི་མཁྱེན་བརྩེ་ནུས་པའི་བདག་ཉིད་ཁྱབ་བདག་རྡོ་རྗེ་སེམས་དངོས་ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ་གྱི་རྣམ་ཐར་ཐེག་མཆོག་བསྟན་པའི་ཤིང་རྟ་ཞེས་པ་འདི་ནི་རང་ཉིད་ལ་བྲི་འདུན་སྔ་མོ་ནས་ཡོད་པ་དང་། ཉེ་ཆར་རྗེ་བཙུན་བླ་མ་མཆོག་གི་ཐུགས་སྲས་དམ་པ་རིགས་འཛིན་སྤྲུལ་པའི་སྐུ་མཆོག་བློ་བཟང་པདྨ་འཕྲིན་ལས་ཐེག་མཆོག་དབང་གི་རྒྱལ་པོ་ཡོངས་འདུའི་སྡེའི་གསུང་གིས་བསྐུལ་ཞིང་གཞན་ཡང་གཞིས་ཀ་ཤར་པ་ལགས་ཨ་གུར་སྤུན། ངག་དབང་འཕྲིན་ལས། མེས་ཀྱི་སྔགས་འཆང་ཁྲོ་རྒྱལ་དཔལ་མགོན་སོགས་དོན་གཉེར་ཅན་དུ་མས་བསྐུལ་བ་ལ་བརྟེན་ནས་བླ་མའི་བཀའ་འབངས་ཟ་ཧོར་གྱི་སྔགས་སྨྱོན་གང་ཤར་རང་གྲོལ་གྱིས་མེ་འབྲུག་ཧོར་ཟླ་བརྒྱད་པའི་དཀར་ཆའི་བཟང་པོ་གཉིས་པ་ལ་རྒྱལ་ཁབ་ཆེན་པོ་ཕོ་བྲང་དམར་པོ་རིར་སྦྱར་བའི་ཡི་གེ་པ་ནི་འཕྱོང་རྒྱས་སྤུན་བདུན་པ་ལྷུན་གྲུབ་རྒྱ་མཚོས་བགྱིས་པ་ཕྱོགས་དུས་ཀུན་ཏུ་དགེ་ཞིང་བཀྲ་ཤིས་པར་གྱུར་ཅིག །སརྦ་མངྒ་ལཾ།། །།

ཉང་སྟོན་ཁྲ་ཚང་པ་བློ་གྲོས་མཆོག་གི་རྡོ་རྗེའི་རྟོགས་པ་བརྗོད་པ་ཉུང་ངུ་རྣམ་གསལ།

― GLG009_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

ཉང་སྟོན་ཁྲ་ཚང་པ་བློ་གྲོས་མཆོག་གི་རྡོ་རྗེའི་རྟོགས་པ་བརྗོད་པ་ཉུང་ངུ་རྣམ་གསལ་ཞེས་བྱ་བ་བཞུགས་སོ། །

― GLG009_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མསྶརྦ་ཀཱུ་ལ་པྲ་བྷུ་ཤྲཱི་མངྒུ་ར་ཝེ། ཞི་དང་ཁྲོ་བོའི་བགྲང་ཡས་དཀྱིལ་འཁོར་མ་ལུས་པ་སྤྲོ་ཞིང་སྡུད་པའི་ཁྱབ་བདག་ཀུན་ཏུ་བཟང་པོ་ཉང་སྟོན་ཁྲ་ཚང་པ་བློ་གྲོས་མཆོག་གི་རྡོ་རྗེའི་རྟོགས་པ་བརྗོད་པ་ཉུང་ངུ་རྣམ་གསལ་ཞེས་བྱ་བ་ཐེག་དགུའི་ཡང་རྩེ་འོད་གསལ་རྫོགས་པ་ཆེན་པོའི་བསྟན་པ་སྤེལ་བར་པཎ་ཆེན་བི་མཱ་ལ་མི་ཏྲའི་གསང་བ་བསམ་གྱིས་མི་ཁྱབ་པའི་སྤྲུལ་པའི་རོལ་གར་ཤཱཀྱ་སྐྱབས་སྦྱིན་རྒྱལ་ཀུན་འདུས་པའི་ངོ་བོ་བླ་མ་རྡོ་རྗེ་འཆང་དང་གཉིས་སུ་མེད་པ་རང་རིག་དོན་གྱི་པདྨ་ཐོད་འཕྲེང་རྩལ་མངོན་སུམ་རང་ངོ་འཕྲོད་མིན་དེ་སྲིད་ཀྱི་བར་དུ་བདེ་ཆེན་འཁོར་ལོའི་པད་མཚོར་འབྲལ་བ་མེད་པར་གསོལ་བ་འདེབས་ན་ཐུགས་རྗེ་ཆེན་པོས་རྗེས་སུ་བཟུང་སྟེ་སྐུ་གསུང་ཐུགས་ཡོན་ཏན་འཕྲིན་ལས་ཀྱི་དངོས་གྲུབ་སྩལ་དུ་གསོལ།ངོ་བོ་རིག་རྩལ་འདུས་མ་བྱས་པ་གདོད་ནས་ཆོས་སྐུ་མན་ཤེལ་གདངས། །རང་བཞིན་འགགས་མེད་ཡེ་ཤེས་ལྔར་ཤར་ལོངས་སྤྱོད་རྫོགས་སྐུ་མ་འདྲེས་ཚོན། །ཐུགས་(༢ན)

― GLG009_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་ཀུན་ཁྱབ་སྣ་ཚོགས་སྤྲུལ་སྐུ་གཅིག་པུ་ཉིད་ལས་དུ་མའི་གར། །བསྒྱུར་མཛད་བློ་གྲོས་མཆོག་གི་རྡོ་རྗེའི་ཞབས་ཟུང་འཁོར་ལོར་མགོས་ཕྱག་འཚལ། །དུས་གསུམ་སངས་རྒྱས་ཀུན་འདུས་པདྨ་འབྱུང་། །མཚན་བརྒྱད་རྣམ་རོལ་ཤཱཀྱ་སེང་གེ་དེའི། །མི་འཇིགས་སྐྱབས་ཀྱི་སྦྱིན་པའི་ཕྱག་རྒྱ་ཡིས། །སྔ་འགྱུར་བསྟན་པའི་བདག་པོར་དེང་གཟེངས་བསྟོད། །དྲི་མེད་བཤེས་གཉེན་འཇའ་ལུས་འཕོ་བ་ཆེ། །ཡོངས་གྲུབ་རི་བོ་རྩེ་ལྔར་སྒྱུ་མའི་སྐུ། །མ་བསྡུས་མངོན་སུམ་བཞུགས་པ་རྫུན་པའི་གཏམ། །མིན་ན་ཉང་སྟོན་རིགས་སུ་བྱོན་འདི་ཅི། །མཁྱེན་སྤྱོད་ལང་ཚོ་དར་བའི་རྔ་ཡབ་ཀྱིས། །རྙིང་བསྟན་གོག་པོའི་རྡུལ་འཕྱག་གད་བདར་གྱི། །མཁན་པོར་པདྨཱ་ཀ་རས་མངའ་གསོལ་བར། །རྒྱལ་རྣམས་དགྱེས་པའི་ལེགས་སོ་སྟེར་བ་བཞིན། །བརྒྱ་བྱིན་གཙུག་ཏོར་ནོར་བུར་རེག་པའི་མོད། །མི་ལུས་སྐབས་གསུམ་གཟུགས་སུ་སྒྱུར་བྱེད་ན། །ཐེག་མཆོག་ཆོས་ཀྱིས་གཉིས་འཛིན་རྒྱ་བྲལ་(༢བ)

― GLG009_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར། །ས་ལམ་རྫོགས་པའི་ཀུན་ཏུ་བཟང་དེ་ཉེ། །ཆེད་དུ་དམན་ཆ་བླངས་པའི་མཚན་མོའི་མལ། །སོ་སྐྱེའི་གཉིད་ལ་གཡུར་འདོད་རྫུ་བག་མུན། །མཁས་གྲུབ་ངང་ཚུལ་སྐྱ་རེངས་མས་དྲངས་པའི། །རྣམ་ཐར་རྟ་ལྗང་ཅན་ཤར་གང་གིས་འགོག །གཞན་གསོས་མགྲིན་པའི་དྲིལ་ཆུང་འཁྲོལ་བའི་གླུ། །སྙན་པོ་རྣ་བར་མངར་བའི་ཕོ་ཉ་ཡིས། །ལེགས་བོས་སྤང་ལྗོངས་མར་གད་གོས་གྱོན་པ། །དབྱར་གྱི་དཔལ་མོའི་བཞིན་ངོམ་དངོས་པོའི་གཤིས། །ཐུབ་མཆོག་རྣམས་ཀྱི་ཡོན་ཏན་ཉེར་བརྗོད་པའི། །ཉམས་འགྱུར་སྒྲ་དོན་བྷྲ་མ་ར་ཡི་གླུར། །མེ་ཏོག་མཆུ་སྒྲོས་འདབ་མ་རྒོད་པ་ནས། །སོ་འཕྲེང་ཟེའུ་འབྲུ་དཀར་པོ་སྟོན་ལ་བྲེལ། ཁུངས་བཙུན་རིགས་བལྟམས་ཐོས་བསམ་དངོས་གྲུབ་བརྙེས། །ཆོས་འཁོར་ལེགས་བསྐོར་འགྲོ་དོན་དཔག་ཡས་མཛད། །ཟབ་དང་རྒྱ་ཆེའི་བསྟན་བཅོས་མང་དུ་བརྩམས། །ཞི་བའི་ཀློང་གཟིམས་དོན་ལྡན་གཏམ་གྱི་གཞི། །གསང་ལས་ཡང་གསང་དབྱངས་ཅན་ཕང་འགྲོའི་སྒྲ། །ཐུན་མོང་གཅིག་པུའི་ཐོས་འཛིན་ཡུལ་མིན་ཡང་། །མཁས་བཙུན་བཟང་པོའི་རྒྱུད་མངས་ལས་དྲངས་པའི། །གླུ་འདི་ཤེས་ལྡན་ཡིད་གསོས་རྩི་སྨན་ལྗོན། །མི་ཕྱེད་ཆོས་རྗེས་འབྲང་དང་ཟླ་ཟེར་གྱིས། །དམ་པའི་ཡོན་ཏན་ཀུནྡ་ཁ་འབྱེད་པའི། །སྐལ་བཟང་འདི་ཀོ་དུས་མཁྱེན་རྒྱལ་པོ་དང་། །མཚུངས་སྙམ་སྤོབས་མགྲིན་མཐར་བཏེག་སྨྲ་འདི་ཉོན། །དེ་ཡང་བསྟན་བཅོས་རྩོམ་པ་དང་བཀའ་དང་དགོངས་འགྲེལ་བསྒྱུར་པའི་ཚེ་ཡུལ་ཁྱད་པར་ཅན་ལ་ཕྱག་འཚལ་བ་ལོ་པཎ་རྣམས་ཀྱི་ཕྱག་བཞེས་ཡིན་པས། མངོན་པའི་སྡེ་སྣོད་ཀྱི་ཐོག་མར་འཇམ་དཔལ་དབྱངས། (༣ན)

― GLG009_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་སྡེའི་སྡེ་སྣོད་ལ་སངས་རྒྱས་དང་བྱང་ཆུབ་སེམས་དཔའ།འདུལ་བ་ལ་ཐམས་ཅད་མཁྱེན་པ་ལ་ཆེད་དུ་བརྗོད་པས་བསོད་ནམས་འཕེལ་ཞིང་བར་ཆད་མི་འཇུག་པ་དང་ཆོས་དེ་སྡེ་སྣོད་གསུམ་པོ་གང་གི་ཁོངས་སུ་གཏོགས་ཤེས་སླ་བར་གསུངས་པར་མ་ཟད་བརྡ་སྤྲོད་པའི་བསྟན་བཅོས་ཙནྡྲ་བྱཱ་ཀ་ར་ཎར། གྲུབ་པ་ཀུན་མཁྱེན་ཀུན་ལ་སྨན། །འགྲོ་བའི་བླ་མར་ཕྱག་འཚལ་ནས། །ཞེས་དང་། ཆ་བསགས་ཀྱི་མདོར། གཉིས་སུ་མེད་པར་གསུང་བ་སངས་རྒྱས་ལ་ཕྱག་འཚལ་ཞིང་། སྡེབ་སྦྱོར་གྱི་བསྟན་བཅོས་རིན་ཆེན་འབྱུང་གནས་ལས། རྒྱལ་བ་ཐུབ་པ་ཉི་མ་ནི། །སྣང་བ་མཆོག་གི་བདག་ཉིད་ཅན། །ནང་གི་མཚན་མོ་ཤེས་བྲལ་གྱི། །ནང་གི་ཉིན་བྱེད་ལ་ཕྱག་འཚལ་དང་། མངོན་བརྗོད་མུ་ཏིག་འཕྲེང་བར། གསེར་གྱི་མདོག་ཅན་བསོད་ནམས་བརྒྱ་ཡི་མཚན་མངའ་བ། །བསོད་ནམས་ཕུང་པོ་རི་བོ་དངོས་སུ་རྒྱུ་བ་བཞིན། །ལྷ་དང་མིས་མཆོད་དཔལ་ལྡན་ཤཱཀྱ་སེང་གེ་གང་། །(༣བ)

― GLG009_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

གསེར་གྱི་རྒྱ་མཚོ་འདྲ་བ་དེ་ལ་ཕྱག་བགྱིའོ། །ཞེས་རྒྱ་གར་ཁ་སྤུ་ཅན་རྣམས་ཀྱི་རྣམ་པར་ཐར་པའི་རྗེས་སུ་འབྲངས་ཏེ་ཡུལ་ཁྱད་པར་ཅན་ལ་ཕྱག་འཚལ་བ་སྔོན་དུ་འགྲོ་བའི་སྒོ་ནས་ལས་སུ་བྱ་བ། མདོ་ལས། དེ་བཞིན་གཤེགས་པ་དུས་མཁྱེན་རྒྱལ་པོ་ནི། །སྙན་ངག་མཁན་དེ་བདེ་གཤེགས་རྩྭ་མཆོག་ལ། །ཚིགས་སུ་བཅད་པའི་དབྱངས་ཀྱིས་བསྟོད་ནས་ཀྱང་། །དང་པོར་བྱང་ཆུབ་མཆོག་ཏུ་སེམས་བསྐྱེད་དོ། །ཞེས་སྐྱེས་བུ་དམ་པ་རྣམས་ལ་སྙན་ངག་གི་ལམ་ནས་དྲངས་ཏེ་བསྟོད་པའི་བསོད་ནམས་ཀྱི་ཕུང་པོ་ནི་གངྒཱའི་ཀླུང་གི་བྱེ་མ་སྙེད་ཀྱི་རྡུལ་གྱིས་བགྲང་བར་མི་ནུས་ལ། སྙན་ངག་ཀྱང་མཁས་དབང་དཎྜིས། ཚིགས་བཅད་རྐང་བཞི་དེ་ཡང་ནི། །བྲྀཏྟ་ཛཱ་ཏི་ཞེས་རྣམ་གཉིས། །དེ་ཡི་སྤྲོས་པ་མཐའ་དག་ནི། །སྡེབ་སྦྱོར་གཞུང་དུ་ངེས་པར་བསྟན། །རིག་དེ་སྙན་ངག་རྒྱ་མཚོ་ནི། །ཟབ་མོ་རྒལ་འདོད་རྣམས་ཀྱི་གྲུ། ཞེས་རྐང་པ་བཞིར་བཅད་པའི་ཚིགས་བཅད་ཉིད་གཙོ་བོར་གསུངས་ཤིང་སྙན་ངག་རྣམས་ཀྱི་མཆོག་རྟོགས་བརྗོད་རིན་པོ་ཆེ་དཔག་བསམ་འཁྲི་ཤིང་ཡང་དེ་དང་ཆ་མཐུན་མོད། མཐའ་གཅིག་ཏུ་ངེས་པ་མེད་པ་སློབ་དཔོན་ཆེན་པོ་དཔལ་ལྡན་མ་ཁོལ་གྱི་བདེ་བར་གཤེགས་པའི་འཁྲུངས་རབས་སོ་བཞི་པ་བཅད་ལྷུག་སྤེལ་མར་མཛད་པ་དང་། ལྗོངས་འདིར་ཟློས་གར་གྱི་བསྟན་བཅོས་ཀྱང་ཚུལ་དེ་ལྟ་བུར་ངོས་འཛིན་པས། རིམ་ལྔ་ལས། རྡོ་རྗེ་སློབ་དཔོན་ལུས་འདི་ལ། །རྒྱལ་བའི་སྐུ་ནི་རིམ་བཞིན་གནས། །ཞེས་བླ་མ་དམ་པ་ནི་གདན་གསུམ་ཚང་བའི་དཀྱིལ་འཁོར་འཁོར་ལོའི་དབང་ཕྱུག་ཡིན་པས་དེ་ལ་མཆོད་བསྟོད་སོགས་རི་མོར་གང་བྱས་(༤ན)

― GLG009_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་གྱི་རྒྱལ་བ་སྲས་དང་བཅས་པ་ལ་བྱས་པར་འགྱུར་བའི་ཚོགས་རྒྱ་ཆེན་པོ་གསོག་ལ། དེ་ཡང་ཚོགས་གསོག་ཚུལ་རྣམ་གྲངས་མང་བ་གཞན་དག་གི་སྒོ་ནས་བསགས་ན་མི་རུང་ངམ་སྙམ་ན་རང་གི་བསགས་སྦྱངས་ལ་ཁྱད་པར་མེད་ནའང་བདེ་བར་གཤེགས་པ་ཞི་ཁྲོ་རབ་འབྱམས་མ་ལུས་པ་འདུས་པའི་བདག་ཉིད་ཀུན་བཟང་རྡོ་རྗེ་འཆང་མཉམ་མེད་ཁྲ་ཚང་པ་ཆེན་པོ་བློ་གྲོས་མཆོག་གི་རྡོ་རྗེ་ཆོས་སྐུ་བདེ་བ་ཆེན་པོའི་དབྱིངས་སུ་གཟུགས་སྐུ་སྒྱུ་མའི་རྣམ་འཕྲུལ་ཉེ་བར་བསྡུས་ཀྱང་། མེ་ལོང་མར། སྔོན་གྱི་རྒྱལ་པོ་གྲགས་པའི་གཟུགས། །ངག་གི་རང་བཞིན་མེ་ལོང་ཐོབ། །དེ་དག་ཉེ་བར་མི་གནས་ཀྱང་། །རང་ཉིད་ཉམས་པ་མེད་ལ་ལྟོས། །ཞེས་སྔོན་གྱི་རྒྱལ་པོ་ང་ལས་ནུ་ལ་སོགས་པ་དེང་སང་དངོས་སུ་མེད་རུང་དེ་དག་གི་སྙན་གྲགས་འགྲོ་བ་རྣམས་ཀྱི་རྣ་བའི་རྒྱན་དུ་གྱུར་པ་བཞིན་འོ་སྐོལ་གྱི་སྟོན་པ་ཤཱཀྱའི་རྒྱལ་པོ་ནས་བཟུང་རྒྱ་བོད་ཀྱི་མཁས་གྲུབ་ཕལ་མོ་ཆེར་རྣམ་པར་ཐར་པའི་ཡི་གེ་ཡོད་པ་མང་ཞིང་ཚུལ་དེ་དག་བརྗོད་པའང་། བཤེས་སྤྲིངས་སུ། འཇིག་རྟེན་མཁྱེན་པ་རྙེད་དང་མ་རྙེད་དང་། །བདེ་དང་མི་བདེ་སྙན་དང་མི་སྙན་དང་། །བསྟོད་སྨད་ཅེས་བགྱི་འཇིག་རྟེན་ཆོས་བརྒྱད་པོ། །བདག་གི་ཡིད་ཡུལ་མིན་པར་མགོ་སྙོམས་མཛོད། །ཅེས་འཇིག་རྟེན་ཆོས་བརྒྱད་ཀྱི་དབང་དུ་སོང་བའི་གྲགས་པ་དང་སྙན་པ་དོན་དུ་གཉེར་བ་མ་ཡིན་པ། མཁས་མཆོག་དཔའ་བོས། གྲགས་པའི་མཚན་མར་གྱུར་པ་བཟང་པོ་འདི་རྣམས་ཀྱིས། །བདེ་བར་གཤེགས་གྱུར་ལམ་རྣམས་གང་ཡིན་བསྟན་པར་འགྱུར། །ཡིད་ལ་དད་པ་མེད་པ་རྣམས་ཀྱང་དད་པར་འགྱུར། །(༤བ)

― GLG009_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་དང་ལྡན་པའི་གཏམ་གྱིས་རབ་ཏུ་དགའ་བར་འགྱུར། །ཞེས་དམ་པའི་རྣམ་པར་ཐར་པ་ལ་བརྟེན་ནས་སྔར་དད་པ་མེད་པ་རྣམས་གསར་དུ་སྐྱེ་ཞིང་ཡོད་པ་རྣམས་གོང་ནས་གོང་དུ་རྒྱས་པའི་ཕྱིར་ན་འགྲོ་བ་ཀུན་གྱི་ལེགས་བྱས་རྒྱ་ཆེར་འཕེལ་བ། དཀོན་ཅོག་སྒྲོན་མའི་གཟུངས་ལས། དད་པ་སྔོན་འགྲོ་མ་ལྟར་བསྐྱེད་པ་སྟེ། །ཡོན་ཏན་ཐམས་ཅད་བསྲུང་ཞིང་འཕེལ་བར་བྱེད། །དོགས་པ་སེལ་ཞིང་ཆུ་བོ་རྣམས་ལས་སྒྲོལ། །དད་པ་བདེ་ལེགས་གྲོང་ཁྱེར་མཚོན་བྱེད་ཡིན། །དད་པ་རྙོག་པ་མེད་ཅིང་སེམས་དང་བྱེད། །ང་རྒྱལ་སྤོང་ཞིང་གུས་པའི་རྩ་བ་ཡིན། །དད་པ་ནོར་དང་གཏེར་དང་རྐང་པའི་མཆོག །ལག་པ་བཞིན་དུ་དགེ་སྡུད་རྩ་བ་ཡིན། །ཞེས་ལེགས་ཚོགས་ཐམས་ཅད་ཀྱི་འབྱུང་གནས་དད་པ་ལ་རག་ལས་པའི་ཕྱིར་རྡོ་རྗེའི་སློབ་དཔོན་ཆེན་པོའི་རྟོགས་བརྗོད་རྒྱས་པ་ཞིག་འབྲི་བར་སྤྲོ་བའི་རྗེ་བླ་མའི་ཞབས་འབྲིང་བ་སོ་སོར་རྣམ་ཐར་གྱི་ས་བོན་དགོས་ཚུལ་མོལ་བར་ཆོས་རྗེ་གདན་ས་བ་སྨར་ངག་དབང་ཐུབ་བསྟན་གྱིས་ས་བོན་འཕྲིན་ཤོག་ཆེ་བ་ཙམ་གྱི་རྩིས་ལས་ཞབས་ཕྱིར་ཡུན་རིང་བསྡད་ཀྱང་བློར་མ་འཇགས་ཚུལ་དང་གསན་ཡིག་གི་གླེེགས་བམ་ལས་མ་བྱུང་ཞིང་། རོང་བ་སྐུ་སྐྱེ་ངག་དབང་འཇམ་དབྱངས་ཀྱིས་ཁོ་རང་ཞབས་འབྲིང་དུ་བསྡད་པ་ཚུན་ཞིབ་ཙམ་བྲིས་འདུག་རུང་སྟོད་ཆ་རྣམས་གསལ་བ་མི་སྣང་བས་སྟོད་སྨད་མི་མཚུངས་པའི་གོ་རིམས་བསྒྲིགས་པ་ལེགས་ཆར་མི་འགྱུར་བ་ནས་མཛད་པ་རྣམས་སྡེ་ཚན་དུ་བྱས་ཏེ་ཉུང་ངུར་འགོད་པ་ལ་ཁུངས་བཙུན་གདུང་ལས་བལྟམས་པ། ཡོངས་འཛིན་བསྟེན་ནས་ཐོས་པ་རྒྱ་ཆེར་(༥ན)

― GLG009_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པ། བསྐྱེད་རྫོགས་རྫོགས་པ་ཆེན་པོར་གོམས་པས་དངོས་གྲུབ་བརྙེས་པ། གྲངས་མེད་པའི་སློབ་མར་ཆོས་འཁོར་རྒྱ་ཆེར་བསྐོར་བ། དགོན་གནས་ཀྱི་ཞལ་བདག་དང་བྱ་བ་ལས་ཀྱི་འཁོར་ལོ་སོགས་འགྲོ་དོན་མཛད་པ། ལེགས་བཤད་ཀྱི་བསྟན་བཅོས་བརྩམས་པ། རྟག་འཛིན་ཅན་རྣམས་ཆོས་ལ་བསྐུལ་ཕྱིར་ཆོས་དབྱིངས་སུ་འདུས་མ་བྱས་པའི་ཀློང་དུ་སྐུའི་བཀོད་པ་བསྡུས་པ་དང་བདུན་ལས། དང་པོ་ནི། དྲི་མེད་འོད་ཀྱི་འཇིག་རྟེན་ཁམས་ལེར། འཇིག་རྟེན་ཀུན་རྫོབ་ཏུ་མོས་པ་སྣ་ཚོགས་པའི་སེམས་ཅན་རྣམས་ཀྱི་བསམ་པའི་དབང་གིས་འཇིག་རྟེན་གྱི་ཁམས་ལ་ཚད་སྣ་ཚོགས་གསུངས་ཤིང་། དོན་དམ་པའི་བདེན་པས་འཇིག་རྟེན་གྱི་ཁམས་ལ་ཚད་མེད་དེ། སེམས་ཅན་གྱི་བསོད་ནམས་དང་སྡིག་པའི་དབང་གིས་འཇིག་རྟེན་གྱི་ཁམས་ལ་ཚད་སྣ་ཚོགས་སུ་སྣང་བ་ཡིན། ཞེས་འགྲོ་བའི་ལས་ཀྱི་སྣང་ངོར་འཆར་ཚུལ་མཐའ་ཡས་པར་འདི་ཙམ་ཞེས་ཚད་བཟུང་བར་མི་ནུས་ནའང་མངོན་པ་གོང་འོག །སངས་རྒྱས་རྨ་ག་ཆད། དུས་འཁོར་བདེ་མཆོག་མཁའ་འགྲོ་རྒྱ་མཚོ་སོགས་མདོ་རྒྱུད་དུ་མ་ནས་ཚད་གསུངས་པའི་ཆོས་མངོན་པ་ལས། གླིང་བཞི་པ་དང་ཉི་ཟླ་དང་། །རི་རབ་དང་ནི་འདོད་ལྷ་དང་། །ཚངས་པའི་འཇིག་རྟེན་སྟོང་ལ་ནི། །སྟོང་ནི་སྤྱི་ཕུད་ཡིན་པར་འདོད། །དེ་སྟོང་ལ་ནི་སྟོང་གཉིས་པ། །བར་མའི་འཇིག་རྟེན་ཁམས་ཡིན་ནོ། །དེ་སྟོང་ལ་ནི་སྟོང་གསུམ་པ། །མཉམ་དུ་འཛིན་ཅིང་འབྱུང་བ་ཡིན། །ཞེས་འཇིག་རྟེན་གྱི་ཁམས་འདི་གཅིག་ཏུ་བྱས་པ་དེ་འདྲ་བ་སྟོང་གི་ནང་ཚང་བ་སྟོང་སྤྱི་ཕུད། དེ་དང་(༥བ)

― GLG009_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

མཚུངས་པ་སྟོང་གི་གྲངས་ཚང་བ་བར་མའི་འཇིག་རྟེན་གྱི་ཁམས། དེ་ལྟ་བུ་སྟོང་གི་གྲངས་ཚང་བ་གངས་ཆེན་མཚོའི་རྒྱ་མཚོ་ཆེན་པོར་བརྟེན་ཁོར་ཡུག་གཅིག་གིས་བསྐོར་བ་སྟོང་གསུམ་གྱི་འཇིག་རྟེན་གྱི་ཁམས་རྣམས་ཆགས་འཇིག་ཅིག་ཅར་དུ་འབྱུང་བ་འདི་ནི་མཆོག་གི་སྤྲུལ་སྐུའི་ཞིང་དུ་འདོད་ལ། ཐེག་ཆེན་པའི་ལུགས་ལ་བཤད་མ་ཐག་པ་དེ་བྱེ་བ་ཕྲག་བརྒྱར་རབ་འབྱམས་མཚམས་སྦྱོར་གཅིག །དེ་བྱེ་བ་ཕྲག་བརྒྱར་རབ་འབྱམས་རྒྱུད་གཅིག །དེ་བྱེ་བ་ཕྲག་བརྒྱར་རབ་འབྱམས་རྒྱ་མཚོའམ་བར་མའི་རྒྱུད་གཅིག །དེ་བྱེ་བ་ཕྲག་བརྒྱར་གཞི་དང་སྙིང་པོ་མེ་ཏོག་གིས་བརྒྱན་པའི་འཇིག་རྟེན་གྱི་ཁམས་སྤྲུལ་པའི་སྐུ་གཅིག་གི་ཞིང་དེ་རྣམ་སྣང་གངས་ཅན་མཚོའི་བ་སྤུའི་ཁུང་བུ་རེ་དང་ཞིང་གི་རྡུལ་རེར་ཡང་བྱེ་བ་ཕྲག་བརྒྱར་གནས་ཤིང་ཐུབ་པ་འདི་ཉིད་བདག་ཅག་གི་སྟོན་པ་ལོངས་སྐུར་བཞེངས་པ་ཡིན་ལ། གོང་གི་ཞིང་ཁམས་རྣམས་གཅིག་ཏུ་བསྡོམས་པ་ལོངས་སྐུའི་ཞིང་ཁམས་རེར་སོང་ཚུལ་འདི་ཡིས་ནམ་མཁའ་ཇི་སྲིད་ཁྱབ་པར་གྱུར་པ་དེ་སྙེད་རྒྱལ་བའི་ཞིང་དང་སྐུའང་གནས་སོ། །ཐུབ་པ་དེའི་ལྷུང་བཟེད་དུ་པདྨའི་སྡོང་པོ་ཉེར་ལྔ་གནས་པའི་བཅུ་གསུམ་པའི་སྟེང་ན་གླིང་བཞི་རི་རབ་བྱེ་བ་ཕྲག་བརྒྱས་བརྒྱན་པ་ནི་མི་མཇེད་འཇིག་རྟེན་གྱི་ཁམས་འདིར་སངས་རྒྱས་སྟོང་ལ་སོགས་པ་འབྱོན་པའི་ས་ཡིན་ཞིང་། དེ་ཡང་འཇིག་རྟེན་ཁམས་ལེར། གླིང་ནི་ཟླ་བ་འོད་དཀར་ཅན་དང་རབ་མཆོག་ཀུ་ཤ་དང་ནི་མིའམ་ཅི་དང་ཁྲུང་ཁྲུང་དང་། །དྲག་པོ་ཡང་ནི་ལོངས་སྤྱོད་ས་སྟེ་བདུན་པར་ཛམྦུའི་མི་རྣམས་གནས་པ་དག་ནི་ལས་ཀྱི་ས། །ཞེས་རི་རབ་ཀྱི་རིའི་འོག་ན་ཡོད་པའི་(༦ན)

― GLG009_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

གླིང་དྲུག་ནི་ལོངས་སྤྱོད་ཀྱི་ས་དང་། དེའི་ཕྱི་རོལ་གྱི་གླིང་བཞི་གླིང་ཕྲན་བརྒྱད་ལས་ཀྱི་ས་པར་གསུངས་པ་དང་ཕྱོགས་མཚུངས་པ་མཁའ་འགྲོ་རྒྱ་མཚོ་སོགས་ནས་ཀྱང་འབྱུང་ལ། ཛ་ན་སྐྱེ་བ་ལའོ་ཞེས་པའི་བྱིངས་ལས་བསྒྲུབས་པའི་ཛམྦུའི་གླིང་དེ་ས་དུམ་བུ་བཅུ་གཉིས་རྫོགས་པར་ངོས་བཟུང་སྟེ་འཛམ་གླིང་ཆེན་པོ་དང་རི་རབ་ལྷོ་ཕྱོགས་ཀྱི་གླིང་འདི་ལ་ཆུང་ངུའི་ཐ་སྙད་དུ་འདོགས་ནའང་ཆོས་མངོན་པ་སོགས་ཕལ་ཆེར་དུ་འཛམ་གླིང་ཆེ་ཆུང་གི་ཐ་སྙད་མི་མཛད་ཅིང་ལས་ཀྱི་ས་པ་ཡང་། བདེ་མཆོག་སྡོམ་འབྱུང་དུ། ཤར་གྱི་ལུས་འཕགས་བ་ལང་སྤྱོད། །དེ་བཞིན་བྱང་གི་སྒྲ་མི་སྙན། །གླིང་གསུམ་པོ་ཡི་མི་རྣམས་ནི། །ལོངས་སྤྱོད་ཆེན་པོས་ཡང་དག་འཚོ། །རྣམ་རྟོག་མེད་ཅིང་རྟོག་སྤྱོད་མེད། །བླུན་རྨོངས་བྱེ་བྲག་མི་ཕྱེད་པའོ། །འཛམ་བུ་གླིང་དུ་ལེགས་སྐྱེས་པ། །ལས་ཀྱི་ས་པར་རབ་ཏུ་གྲགས། །ལེགས་བྱས་ཉེས་པར་བྱས་པའི་ལས། །མཆོག་དང་འབྲིང་དང་ཐ་མ་ཡི། །སྐྱེ་བ་སྔ་མའི་རྣམ་སྨིན་འདིར། །སྐྱེ་བོ་ཀུན་ལ་མཐོང་བར་འགྱུར། །ཞེས་ལྷོ་འཛམ་བུ་གླིང་འདི་ཉིད་ལས་ཀྱི་ས་པར་གསུངས་པའི་ལྟེ་བ་རྡོ་རྗེ་གདན་དུས་གསུམ་གྱི་སངས་རྒྱས་རྣམས་མཆོག་གི་སྤྲུལ་པའི་སྐུར་མངོན་པར་རྫོགས་པ་འཚང་རྒྱ་བའི་གནས་བསྐལ་པ་ཆགས་འཇིག་གི་དུས་ཀྱང་གཞོམ་ཞིག་དང་བྲལ་བ། ཤར་རྒྱ་ནག་གི་རྒྱལ་ཁམས་སུ་འཕགས་པ་འཇམ་དཔལ་གྱི་ཕོ་བྲང་རི་བོ་རྩེ་ལྔ། ལྷོ་ཕྱོགས་རྒྱ་མཚོའི་འགྲམ་ན་འཕགས་པ་སྤྱན་རས་གཟིགས་ཀྱི་གནས་པོ་ཏ་ལ། ནུབ་ཕྱོགས་ཨཽཌྜི་ཡ་ན་ཞེས་འཕུར་འགྲོའི་ཐེག་པར་མཁའ་འགྲོ་འདུ་(༦བ)

― GLG009_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་གླིང་རང་བྱུང་གི་གཙུག་ལག་ཁང་བྱང་ཕྱོགས་ན་ཆོས་རྒྱལ་རིགས་ལྡན་གྱི་རྒྱལ་ས་ཤམྦྷ་ལའི་གྲོང་ཁྱེར་གྱིས་མཚོན་པའི་ཞིང་དང་ཡུལ་གྱི་བཀོད་པ་མཐའ་ཀླས་ནའང་། ལྷ་མོ་དྲི་མ་མེད་པས་ཞུས་པའི་མདོ་ལས། ང་ཡོངས་སུ་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་ན་གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ། །ཞེས་འཕགས་ཡུལ་ནས་བརྩིས་པའི་བྱང་ཕྱོགས་ཁ་བ་ཅན་གྱི་ཡུལ་ནི། འཇམ་དཔལ་རྩ་རྒྱུད་ལས། ང་ཡི་དུས་ནས་ལོ་བརྒྱ་ན། ཁ་བ་ཅན་དུ་མཚོ་བྲི་ནས། །སཱ་ལའི་ནགས་ནི་འབྱུང་བར་འགྱུར། །ཞེས་མཚོ་རྣམས་ཀོང་ཆུ་བརླག་ཏུ་ཐེམ་ནས་སཱ་ལའི་སྨན་ལྗོངས་སུ་གྱུར་པའི་སྤྱན་རས་གཟིགས་དང་འཕགས་མ་སྒྲོལ་མས་བྱིན་གྱིས་བརླབས་པའི་སྤྲེའུ་དང་བྲག་སྲིན་མོ་འདུས་པ་ལས་གདོང་དམར་ཤ་ཟན་གྱི་ཕྲུག་གུ་མང་དུ་འཕེལ་ཏེ་རིམ་གྱིས་མིའི་ཁམས་སུ་གྱུར་པ། ཚལ་པའི་དེབ་དམར་དུ། མ་སངས་སྤུན་དགུ། རྒྱལ་ཕྲན་ཉི་ཤུ་རྩ་ལྔ། བཅུ་གཉིས། སིལ་མ་བཞི་བཅུས་རིམ་གྱིས་དབང་བྱས་པ་དུས་རིང་ཞིག་ན་བོད་སྤྱི་ལ་དབང་སྒྱུར་བའི་རྒྱལ་པོ་ནི་གླང་དར་ཙམ་མ་གཏོགས་བཙད་པོ་རྣམས་རིགས་གསུམ་མགོན་པོས་མཚོན་པའི་འཕགས་ཆེན་དམ་པའི་རྣམ་སྤྲུལ་ཤ་སྟག་ཏུ་བྱུང་བས་ན། བཀའ་གདམས་གླེགས་བམ་རིན་པོ་ཆེའི་ལྷའི་རྒྱལ་པོའི་སྐྱེས་རབས་སུ། ད་ཧྲིལ་ཏེ་དྲིལ་ན། སྔོན་གྱི་རྒྱལ་བློན་བྱང་ཆུབ་སེམས་དཔའ་དེ་དག་རིགས་གསུམ་མགོན་པོའི་སྤྲུལ་པར་གྲགས་ཏེ། རལ་པ་ཅན་ལ་སོགས་པ་གཅིག་གཉིས་རིགས་གཞན་ཡིན་གྱི་ཕལ་ཆེ་བ་ནི་མགོན་པོ་སྤྱན་རས་གཟིགས་ཀྱི་སྤྲུལ་བ་རྒྱལ་བའི་(༧ན)

― GLG009_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་གནས་ཉིད་ཡིན་ལ། མཁན་བརྒྱུད་བྱང་ཆུབ་སེམས་དཔའ་དེ་རྣམས་ནི་ང་ཁོ་ན་ཉིད་ཡིན་གྱིས་གཞན་དུ་མ་སེམས་ཤིག །ཅེས་གསུངས་པས་ཤེས་ནུས་ཤིང་བྱེ་བྲག་འཕགས་པ་སྒྲིབ་པ་རྣམ་སེལ་གྱིས་བསྐུལ་བའི་རྐྱེན་གྱིས་བོད་འདུལ་བར་བྱོན་པ། དེ་ཉིད་ལས། པོ་ཏ་ལ་ཡི་རི་བོ་ན། སྤྱན་རས་གཟིགས་དབང་ང་བཞུགས་ཚེ། །སྒྲིབ་པ་རྣམ་སེལ་དེར་བྱོན་ཏེ། །མགོན་པོ་བོད་ཀྱི་ཡུལ་དུ་བྱོན། །བོད་རྗེ་གཉའ་ཁྲི་བཙན་པོར་མཛོད། །འགྲོ་བའི་དོན་དུ་ངེས་འགྱུར་གསུངས། །ང་ནི་བདེར་གཤེགས་ཆོས་སྐུ་ལ། །འགྲོ་འོང་ཐ་དད་མི་མངའ་མོད། །བོད་རྗེ་གཉའ་ཁྲི་བཙན་པོར་གྲགས། །སྣང་ངོར་ཐ་དད་དུ་མ་འབྱུང་། །ཞེས་བཤད་པ་ལྟར་རྒྱ་གར་རྒྱལ་པོ་དམག་བརྒྱ་པའི་བརྒྱུད་ལས་རྗེ་གཉའ་ཁྲི་བཙན་པོ་ལྷ་རི་རོལ་པོའི་རྩེར་བྱོན་པ་ཡོན་ཏན་ཅན་གྱི་མི་བཅུ་གཉིས་ཀྱིས་མཐོང་བ་གང་ནས་འོངས་དྲིས་པས་ནམ་མཁའ་ལ་མཛུབ་མོ་ཀེར་བས་ལྷའི་ཡུལ་ནས་འོངས་པ་ཞིག་ཏུ་གོ་སྟེ་གཉའ་ཁྲི་བྱས་གདན་དྲངས་པས་མཚན་ཡང་དེར་ཐོགས་ཤིང་བོད་ཡོངས་ཀྱིས་ལྷ་བཙན་པོར་མངའ་གསོལ། འདི་ནས་བཟུང་གནམ་གྱི་ཁྲི་བདུན། བར་གྱི་སྟེང་གཉིས། སའི་ལེགས་དྲུག །ལྡེ་བརྒྱད་ཀྱི་རྗེས་སུ་བཙན་ལྔར་གྲགས་པའི་ཁྲི་ཐོག་རྗེ་བཙན་ཏེ་རྒྱལ་རབས་ཉེར་བདུན་གྱི་བར་ཆབ་སྲིད་སྒྲུང་ལྡེའུ་བོན་གྱིས་བསྐྱངས། ཉེར་བརྒྱད་པའང་དེ་ཉིད་ལས། པོ་ཏ་ལ་ཡི་རྩེ་མོ་ན། །སྙིང་རྗེ་ཆེན་པོ་ང་བཞུགས་ཚེ། །ཀུན་ཏུ་བཟང་པོ་དེར་བྱོན་ཏེ། །ཐུགས་རྗེ་ཆེན་པོ་བོད་དུ་བྱོན། །ཐོ་ཐོ་རི་ཞེས་བོད་རྗེར་མཛད། །སེམས་ཅན་དོན་དུ་ངེས་འགྱུར་རོ། །ང་ནི་བདེ་གཤེགས་ཆོས་(༧བ)

― GLG009_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ལ། །འགྲོ་དང་འོང་བ་མི་མངའ་ཡང་། །ཐོ་ཐོ་རི་ཞེས་བྱ་བར་གྲགས། །སྣང་ངོར་ཐ་དད་དུ་མ་འབྱུང་། །ཞེས་ལྷ་ཐོ་ཐོ་རི་གཉན་བཙན་ཕོ་བྲང་ཡུམ་བུ་བླ་སྒང་དུ་བཞུགས་པའི་ཚེ་དཔང་སྐོང་ཕྱག་བརྒྱ་པ། ཚིནྡྷ་མ་ཎིའི་རྐོས་ཕོར་གསེར་གྱི་མཆོད་རྟེན་མདོ་སྡེ་ཟ་མ་ཏོག་གི་སྙིང་པོ་ཡི་གེ་དྲུག་པ་རྣམས་བབས་པ་དོན་མ་ཁྲོལ་ཡང་མཚན་གཉན་པོ་གསང་བར་བཏགས་ཏེ་མཆོད་པ་མཛད་པས་རྒྱལ་པོ་གཞོན་ཤ་ཅན་དུ་གྱུར་ཏེ་དགུང་ལོ་བརྒྱ་དང་ཉི་ཤུ་བཞུགས་པར་གྲགས། དེ་ནས་རྒྱལ་རབས་བཞི་པ་གནམ་རི་སྲོང་བཙན་གྱི་སྲས་ནི་དེ་ཉིད་ལས། པོ་ཏ་ལ་ཡི་ཞིང་ཁམས་ན། །བརྩེ་བ་ཆེན་པོ་ང་བཞུགས་ཚེ། །ཐུགས་རྗེ་ཆེན་པོ་ཉིད་བྱོན་ཏེ། །རྒྱལ་བ་རྒྱ་མཚོ་བོད་དུ་བྱོན། །བོད་རྗེ་སྲོང་བཙན་སྒམ་པོར་མཛོད། །སེམས་ཅན་དོན་དུ་ངེས་འགྱུར་རོ། །ང་ནི་བདེ་གཤེགས་ཆོས་སྐུ་ཡིན། །འགྲོ་དང་འོང་བ་མི་མངའ་ཡང་། །དེ་ཚེ་སྲོང་བཙན་སྒམ་པོར་གྲགས། །སྣང་ངོར་ཐ་དད་དུ་མ་འབྱུང་། །ཞེས་ལུང་གིས་ཟིན་པའི་རྒྱལ་པོ་སྲོང་བཙན་སྒམ་པོས་འཇམ་དཔལ་གྱི་སྤྲུལ་པ་ཐུ་མི་རྒྱ་གར་དུ་བརྫངས་ཏེ་བརྡ་སྤྲོད་པའི་བསྟན་བཅོས་རྣམས་ལ་མཁས་པར་སྦྱངས་ནས་བོད་དུ་བྱོན་ཏེ་སྔར་ཡི་གེ་མེད་པ་ལ་འབྲི་ཀློག་དར་བར་མཛད། རྒྱ་བལ་གྱི་ཡུལ་ནས་ཀོང་ཇོ་དང་ཁྲི་བཙུན་ཁབ་ཏུ་བཞེས་པའི་རྟེན་སྐལ་ལ་ཇོ་བོ་རྣམ་གཉིས་སོགས་རྟེན་ཁྱད་འཕགས་རྣམས་སྤྱན་དྲངས། ཡབ་ཡུམ་གསུམ་གྱིས་ཕ་བོང་ཁའི་ཕོ་བྲང་མ་རུར་སྒྲུབ་པ་མཛད་པས་རིགས་གསུམ་མགོན་པོས་ཞལ་གཟིགས་ལུང་བསྟན་པ་ལྟར་བོད་སྲིན་མོ་གན་རྐྱལ་དུ་བསྒྱེལ་བའི་དབྱིབས་ཅན་གྱི་སའི་མེ་(༨ན)

― GLG009_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

བཙའ་རྣམས་བཅོས་ཏེ་ཤཱཀྱའི་རྒྱལ་པོའི་ཕོ་བྲང་གི་གནྡྷོ་ལ་བཞེངས་པ་སོགས་བསྟན་པའི་སྲོལ་བཏོད། དེ་ནས་མི་རབས་བཞི་པ་མེས་ཨག་ཚོམ་གྱིས་པཎྜི་ཏ་སངས་རྒྱས་ཞི་བ་དང་སངས་རྒྱས་གསང་བའི་སར་མངགས་པའི་ཕོ་ཉས་བློར་གཟུང་བའི་ཐེག་པ་ཆེན་པོའི་མདོ་སྡེ་ལྔ་གླེགས་བམ་དུ་འདྲི་བ་དང་བཞུགས་གནས་ཀྱི་ལྷ་ཁང་བཞེང་བ་སོགས་དཀོན་ཅོག་གསུམ་ལ་བླ་མར་བཟུང་། དེའི་སྲས་ལྗང་ཚ་ལྷ་དཔོན་གྱི་བཙུན་མོར་རྒྱ་མོ་བཟའ་ཕྱི་མ་བསུས་པ་རྒྱལ་བུ་སྐུ་གཤེགས་ཏེ་ཡབ་དང་འདུས་པའི་སྲས། དེ་ཉིད་ལས། པོ་ཏ་ལ་ཡི་ཕོ་བྲང་ན། །རྒྱལ་བའི་འབྱུང་གནས་ང་བཞུགས་ཚེ། །འཇམ་པའི་རྡོ་རྗེ་དེར་བྱོན་ཏེ། །དཔའ་བོ་ཆེན་པོ་བོད་དུ་བྱོན། ཁྲི་སྲོང་ལྡེ་བཙན་བོད་རྗེར་མཛོད། །འགྲོ་བའི་དོན་དུ་ངེས་པར་འགྱུར། །ང་ནི་བདེ་གཤེགས་ཆོས་སྐུ་སྟེ། །འགྲོ་དང་འོང་བ་མི་མངའ་ཡང་། །དེ་ཚེ་ཁྲི་སྲོང་ཞེས་བྱར་གྲགས། །སྣང་ངོར་ཐ་དད་དུ་མ་འབྱུང་། །ཞེས་ཆོས་རྒྱལ་ཚངས་པ་ལྷའི་མེ་ཏོག་གིས་འཕགས་ཡུལ་གྱི་གནས་བརྟན་ཆེན་པོ་ཨཱ་ཙཪྻ་བོ་དྷི་སཏྭ་སྤྱན་དྲངས་དགེ་བ་བཅུ་དང་ཁམས་བཅོ་བརྒྱད་ལ་བརྟེན་པའི་འཆད་ཉན་མཛད་པར་སྲིད་པའི་ལྷ་ཆེན་དགུ་དང་བསྟན་མ་བཅུ་གཉིས་སོགས་བོད་ཀྱི་མི་མ་ཡིན་ཐུ་བོ་ཆེ་རྣམས་བོན་ལ་དགའ་བས་ཐོག་དང་ཤྭ་འོད་ནད་ཡམས་ཀྱི་ཆོ་འཕྲུལ་སྣ་ཚོགས་བསྟན་པས་ཡོན་མཆོད་བཀའ་བགྲོས་ཏེ་སྲིད་པ་གསུམ་ན་ཆེ་བའི་སྔགས་འཆང་པདྨ་ཐོད་འཕྲེང་རྩལ་གདན་འདྲེན་པའི་ཕོ་ཉ་བརྫངས་པ་བཞིན་བལ་བོད་ཀྱི་མཚམས་ནས་བཟུང་རྫུ་འཕྲུལ་གྱིས་ཐོགས་མེད་དུ་གཤེགས་ནས། (༨བ)

― GLG009_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་སྲིན་གདུག་པ་ཅན་རྣམས་ཀྱི་ཚ་ངར་བཅག་ཟིན་ཡང་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་གེགས་མེད་དུ་འབྱོངས། མཁན་པོས་རབ་བྱུང་གི་སྡེ་བཙུགས། སློབ་དཔོན་ཆེན་པོས་རི་བྲག་དབེན་གནས་ཐམས་ཅད་བྱིན་གྱིས་བརླབས་ཏེ་ཟབ་གཏེར་སྦས། ལོ་པཎ་རྣམས་ཀྱིས་གསུང་རབ་བསྒྱུར་ནས་འཆད་ཉན་གྱིས་གཏན་ལ་ཕབ་སྟེ་བསྟན་པ་དར་རྒྱས་སུ་མཛད། འདིའི་སྲས་མུ་ནེ་བཙན་པོས་སྡེ་སྣོད་གསུམ་གྱི་མཆོད་པ་བཙུགས་ཤིང་ལྟོགས་ཕྱུག་ལན་གསུམ་བསྙོམས། མུ་རུག་བཙན་པོས་མཐའི་སོ་ཁ་བསྲུངས་ནས་རྒྱ་ཧོར་གྱི་ཡུལ་ཁམས་ཆམ་ལ་ཕབ། སད་ན་ལེགས་མཇིང་ཡོན་གྱིས་སྐར་ཆུང་རྡོ་རྗེ་དབྱིངས་ཀྱི་གཙུག་ལག་ཁང་བཞེངས། དེའི་སྲས་ནི་དེ་ཉིད་ལས། རི་རབ་རི་ཡི་རྩེ་མོ་ན། །ལྷ་མིན་འདུལ་ཞིང་ང་བཞུགས་ཚེ། །རྡོ་རྗེ་འཛིན་པ་དེར་བྱོན་ཏེ། །སྤྲུལ་པའི་རྒྱལ་པོ་འགྲོ་ལ་གཟིགས། ཁྱོད་ཀྱི་ཞིང་ཁམས་བོད་ཡུལ་དེར། །ད་ཡང་བདུད་སྡེ་བསམ་ངན་རྒྱུ། །མཐའ་ཡི་བདུག་པ་དེར་ལྷགས་ཏེ། །ཐམས་ཅད་སྡིག་ལ་བཀོད་པ་སྲིད། །དེ་བས་རྡོ་རྗེ་འཛིན་པ་དང་། ཁྱེད་དང་དབྱེར་མེད་དཔའ་བོར་བགྱི། །དེ་ཚེ་བདག་གིས་འདི་སྐད་དུ། །རལ་པ་ཅན་ཞེས་བོད་ཁམས་སུ། །མཐའ་དམག་ལ་སོགས་བདུད་སྡེ་རྣམས། །དྲག་པོས་འདུལ་ཞིང་བསྟན་པ་བསྲུང་། །ཞེས་མངའ་བདག་ཁྲི་ལྡེ་སྲོང་བཙན་གྱིས་འུ་ཤང་རྡོ་དཔེ་མེད་བཀྲ་ཤིས་དགེ་འཕེལ་གྱི་གཙུག་ལག་ཁང་བཞེངས། ཡབ་མེས་ཀྱི་དུས་བསྒྱུར་བའི་ཆོས་རྣམས་སྐད་གསར་བཅད་ཀྱིས་གཏན་ལ་ཕབ། འོན་ཀྱང་རྒྱལ་པོ་སུམ་ཅུ་རྩ་དྲུག་ལ་གཤེགས་རྗེས་གཅེན་དར་མའི་(༩ན)

― GLG009_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ལ་གདོན་གསོལ་ཏེ་བསྟན་པ་རིན་པོ་ཆེ་འཕེལ་འགྲིབ་བྱུང་ནའང་སྟོད་སྨད་གཉིས་ནས་སོ་སོར་ཐར་པའི་བསྟན་པའི་མེ་རོ་གསོས། སྨྲྀ་ཏི་ཛྙཱ་ན་ཤྲཱི། མཉམ་མེད་ཇོ་བོ་ཆེན་པོ་མར་མེ་མཛད། ཁ་ཆེའི་བསོད་སྙོམས་པ་ཆེན་པོ་ཤཱཀྱ་ཤྲཱི། རྒྱལ་སྲས་ནགས་ཀྱི་རིན་ཅེན་སོགས་པཎྜི་ཏ་ཚད་ཐུབ་དུ་མ་དང་། སྐད་གཉིས་སྨྲ་བ་རིན་ཅེན་བཟང་པོ་དང་། སྒྲ་བསྒྱུར་རྒྱལ་པོ་འབྲོག་མི་ལོ་ཙཱ་བ་གཉིས་ཀྱིས་ཐོག་དྲངས་མལ་འགོས་མལ་བ་རི་རྭ་གཉན་ས་རྔོག་ཤོང་དཔང་ཆག་བུ་ཞ་ལུ་ལོ་ཆེན་གྱིས་མཚོན་པའི་སྐད་གཉིས་སྨྲ་བ་རྒྱུ་སྐར་གྱི་འཕྲེང་བ་ལྟར་བྱོན་ནས་ཕྱི་དར་དུ་གྲགས་པའི་མདོ་རྒྱུད་ཀྱི་སྲོལ་བླ་ནས་བླར་འཕེལ། དམ་པའི་ཆོས་འདུལ་བའི་སྐབས་ས་རྩིས་དང་ཆོས་རྩིས་གཉིས་ཀའི་སྒོ་ནས་མཐའ་འཁོབ་ཏུ་བཤད་མོད། བཤད་སྒྲུབ་ཀྱི་ཆ་ནས་འཕགས་ཡུལ་གྱི་བསྟན་པ་རིམ་གྱིས་འགྲིབ་སྟེ་ཕྱོགས་འདི་ལྷག་པར་གྱུར་པས། ཁྲོ་ཕུ་ལོ་ཙཱ་བ་གནུབས་བྱམས་པའི་དཔལ་གྱིས་ཁ་ཆེ་པཎྜི་ཏ་ཆེན་པོར་ཕུལ་བའི་ཞུ་འཕྲིན་དུ། མ་ག་དྷ་སོགས་རིགས་འབྱུང་གནས་ན་སྡིག་ཏོ་ཡི། །དམག་ཚོགས་ཀྱིས་བཅོམས་ཨོ་རྒྱན་ཁ་ཆེ་བལ་ཡུལ་ཡང་། །ལོག་སྤྱོད་ཀྱིས་ཁེངས་དེང་སང་བསྟན་སྲོག་ལེགས་གནས་ནི། །བོད་ཡུལ་འདིར་ཟད་སྐྱེས་ཆེན་བྱང་ཕྱོགས་ཞབས་བསྐྱོད་ཞུ། །ཞེས་གསུངས་ཤིང་ལྷག་པར་འཕགས་མཆོག་ཕྱག་ན་པདྨའི་འདུལ་ཞིང་ཁྱད་པར་ཅན་ཡིན་པས་ཇོ་བོ་རྗེ་ལྷ་གཅིག་རྡོ་རྗེ་གདན་གྱི་ནུབ་ཕྱོགས་ན་འོད་དཔག་མེད་ཀྱི་ལྷ་ཁང་ཞིག་ཡོད་པའི་ནང་དུ་བྱམས་སྙིང་རྗེ་བྱང་ཆུབ་ཀྱི་སེམས་བསྒོམ་པའི་ཐུགས་དམ་ལ་བཞུགས་པར་(༩བ)

― GLG009_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

ཇོ་བོ་སྤྱན་རས་གཟིགས་ཀྱི་ཞལ་མངོན་སུམ་དུ་བསྟན་ཞིང་གཟིགས་ཏེ་ཐུགས་རྗེ་ཆེན་པོའི་ཞལ་ནས་སྐྱེས་བུ་དམ་པ་ལེགས་སོ་ལེགས་སོ་དུས་གསུམ་གྱི་སངས་རྒྱས་ཐམས་ཅད་ཀྱི་གསང་བའི་མཛོད་གང་ཡིན་པ་དེ་ཁྱོད་ཀྱིས་ཤེས་སམ་འདི་ནས་ཀྱང་བྱང་ཕྱོགས་ན་ངའི་ཞིང་ཁམས་ཡོད་ཁྱོད་ཀྱི་ཡི་དམ་ཇོ་མོ་སྒྲོལ་མའང་དེ་ན་སེམས་ཅན་གྱི་དོན་མཛད་ཅིང་བཞུགས་ཁྱོད་ཀྱི་གདུལ་བྱ་མང་པོ་ཡང་དེ་ན་ཡོད་པས་བྱང་ཕྱོགས་བོད་དུ་སོང་ཞིག །ཅེས་སྲས་བཅས་རྒྱལ་བས་ཆེས་ཆེར་བསྔགས་པའི་ཁ་བས་བསྐོར་བའི་སྨན་ལྗོངས་འདིའི་འགྲོ་བ་རྣམས་བཀའ་ཆེམས་ཀ་ཁོལ་མར་སྤྲེལ་ཕྲུག་སྤུན་བཞི་བརྒྱ་པོ་སྡེ་ཚན་བཞིར་འཐབས་པ་དང་མེས་པོས་བར་མཚམས་བྱས་ཏེ་ཞིང་ལ་ཆ་བཞིར་བགོས་གཅིག་ལ་གཅིག་འཇིགས་ནས་ཚན་བཞིར་ཆད་པས་སེ་དང་། རྨུ་དང་ལྡོང་དང་སྟོང་སྟེ་ནང་གི་མིའུ་རིགས་བཞི་པོ་རིགས་ཀྱི་ཕྱི་མོར་གྲགས། དྲུག་ཏུ་བྱེད་ན་སྤྱན་སྔ་ལྷ་གཟིགས་རས་པའི་ཡིག་ཚང་དུ། དགའ་ལྡོང་འབྲུ་གསུམ་དགྲ་དང་བཞི། །ནུ་མོ་དཔའ་མདའ་གཉིས་ཏེ་དྲུག་ཏུ་གསུངས་པར་ཉང་ཞེས་པ་དངོས་སུ་མི་གསལ་ཡང་ཞྭ་དམར་བ་བཞི་པ་སྤྱན་སྔ་ཆོས་ཀྱི་གྲགས་པས་མཛད་པའི་ཁྲུས་ཁང་པའི་རྣམ་ཐར་དུ་ཕྱིའི་རུས་ཆེན་ལྡོང་ལ་ནང་ཚན་བཅོ་བརྒྱད་དུ་གྱེས་པའི་རོག་ཡིན་ཏེ་ཞེས་རུས་དེ་རྣམས་ནང་གསེས་ཀྱི་རྣམ་གྲངས་བྱུང་བར་སེམས་ཤིང་དེ་ཡང་ཉང་རིགས་ལམ་རྗེ་སྲོང་བཙན་སྒམ་པོའི་དུས་རྒྱ་ནག་ཏུ་རྒྱ་མོ་བཟའ་གདན་འདྲེན་པའི་ཕོ་ཉར་བྱོན་པའི་བློན་པོ་ཉང་དང་། པཎ་ཆེན་བི་མཱ་ལའི་སློབ་མ་ཉང་ཏིང་འཛིན་བཟང་པོ། ཉང་ཏ་ཐཱ་ག་ཏ། ཉང་(༡༠ན)

― GLG009_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་རབ་འབྱུང་གནས་སོགས་གསང་སྔགས་ཀྱི་གྲུབ་པ་བརྙེས་པ་ཟམ་མ་ཆད་པར་བྱོན་པའི་གདུང་ལས་ཉང་སྟོན་བྱ་ཁྲིད་འཁོར་ལོ་དང་ཉང་པོ་ཆེ་བྱ་བ་ཡབ་ཚན་དུ་གྱེས་པའི་བྱ་ཁྲིད་འཁོར་ལོའི་སྲས་གཏེར་སྟོན་ཆོས་ཀྱི་རྒྱལ་པོ་ཉི་མ་འོད་ཟེར་དང་ཕྱི་མ་ནས་བརྒྱུད་པ་བླ་མ་བརྩོན་སེང་སྟེ་ལྷོ་བྲག་ཉང་ཚོ་དང་འཕྱོང་རྒྱས་ཉང་ཚོར་གྲགས་ཤིང་དེ་དག་ལས་ཀྱང་འཕེལ་བ་ཨེ་ན་ཉང་ཆོས་ལྡན་པས་མཚོན་སྟོད་སྨད་དུ་ཁྱབ་ཆེ་ཞིང་ཉང་སྟོན་བརྩོན་འགྲུས་སེང་གེའི་གཅུང་གི་སྲས་བླ་མ་མཉམ་མེད་ཆེན་པོ་ནམ་མཁའ་བསོད་ནམས་ལ་སྲས་སྐུ་མཆེད་ལྔ་བྱུང་བར་ཡར་ཀླུངས་སྤྲུལ་སྐུ་མཆེད་ལྔར་གྲགས་པ་སྨན་ལུང་པ། ཆོས་ལྡན་པ། དུར་ཁྲོད་པ། སྐལ་ལྡན་པ། དབང་རྒྱལ་བ་རྣམས་ཡིན་པས་སྤྲུལ་སྐུ་ཆོས་མགོན་པའི་འཕྲིན་ཡིག་ཏུ། ཉང་སྟོན་ཆེན་པོས་བསྟན་པའི་དབུ་བརྙེངས་ནས། །མཉམ་མེད་དབོན་སྟོན་བསྟན་པའི་སྲོལ་ཆེན་བཏོད། །མཁས་ཆེན་སྨན་ལུང་པ་ཡི་དབུ་བཟུང་ནས། །ཉང་བན་སྐུ་མཆེད་རིང་འདིར་དར་ཞིང་རྒྱས། །ཞེས་གསང་སྔགས་སྔ་འགྱུར་བ་བཀའ་གཏེར་གྱི་བསྟན་པ་ཕྱོགས་དེར་དབུ་བརྙེས་སྲོལ་བཏོད་དར་རྒྱས་སུ་མཛད་ཚུལ་གསུངས་པར་མ་ཟད་གཏེར་སྟོན་ཆོས་ཀྱི་དབང་ཕྱུག་གི་ཡབ་མཁས་པ་སྟོན་ཉིའི་སྐུའི་སྐྱེ་བ་ཆོས་ལྡན་པ་ཡིན་པས་སྤྲུལ་སྐུར་གྲགས་ཤིང་སྐུ་མཆེད་མཐའ་དག་ལ་མཚན་དེ་ལྟར་ཐོགས། འདིའི་དུས་སྨན་ལུང་གི་གདན་སར་མ་བྱོན་པས་ཆོས་དབང་རིན་པོ་ཆེས་བཀའ་འབུམ་དུ་ཡབ་ནས་གྲས་ཏེ་རིན་པོ་ཆེ་སྐལ་ལྡན་པ་ཡབ་སྲས་སམ་ཉང་སྟོན་དབོན་པོ་ཡབ་སྲས། (༡༠བ)

― GLG009_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་འགར་ཡར་ཀླུངས་ཀྱི་དགེ་བཤེས་ཤཱཀྱ་འོད་དང་གསང་མཚན་མི་བསྐྱོད་རྡོ་རྗེ་ཞེས་པ་ལ་དགོངས་ནས་སློབ་མ་རྒྱལ་བ་རིགས་ལྔ་ཡོད། འོག་རྟ་མགྲིན་དབང་རྒྱལ་ཡོད། ཅེས་གསུངས། དུས་ཕྱིས་གླེན་བསོད་ནམས་མགོན་པོའི་གདན་ས་སྨན་ལུང་དུ་བཞུགས་ནས་མཚན་དེ་ལྟར་ཐོགས། བླ་མ་འདི་ཉིད་ཀྱིས་བླ་རྫོགས་ཐུགས་གསུམ། མདོ་སྒྱུ་སེམས་གསུམ། རྫོགས་བཞི་སྤྱོད་གསུམ་སོགས་ཀྱི་སྒོ་ནས་འགྲོ་དོན་རྒྱ་ཆེར་མཛད། ཁྱད་པར་སྨན་སྒྲུབ་རྒྱ་ལུགས་དང་གསང་རྫོགས་ཀྱི་ཕྱག་ལེན་གཅིག་ཏུ་དྲིལ་ནས་སྣང་སྲིད་ཐམས་ཅད་ཡེ་ཤེས་ལྔའི་རང་བཞིན་བདེ་བ་ཆེན་པོའི་ངོ་བོར་བྱིན་གྱིས་བརླབས་ཏེ་ལས་ཅན་གྲངས་མེད་པ་ཡེ་ཤེས་ལྔའི་སར་བཀོད། སྒྱུ་འཕྲུལ་རྒྱུད་དོན་རྣམ་ངེས་སྐོར་ཆོས་ཚན་ལྔ། བདུད་རྩི་རིན་པོ་ཆེའི་བཀོད་པས་མཚོན་ལུང་རིགས་དང་འགྲེལ་བའི་བསྟན་བཅོས་དུ་མ་མཛད། སྤང་སྟོན་མཚན་ལྡན་ཉི་མ། སྤྲུལ་སྐུ་ཆོས་ལྡན་པ་སོགས་གཅུང་མཆེད་བཞི། དེ་དག་གི་སྲས་བརྒྱད་ཤཱཀ་འབུམ་ཤཱཀ་གཞོན་གཉིས། གཞན་ཡང་དྭགས་སྟོན་དབང་རྡོར། མགར་སྟོན་ཁམས་སྟོན་གྲགས་པ། གཉལ་རི་གྲོང་པ། བལ་བཀོད་དགེ་བཤེས་ཀྱིས་གཙོས་པའི་སློབ་མ་མང་དུ་བྱོན། རྫོགས་པ་ཆེན་པོ་ཆོས་སྐུ་འདུས་མ་བྱས་པས་ལྷུན་གྲུབ་འོད་གསལ་གྱི་ལམ་མངོན་དུ་གྱུར་པས། དྭགས་སྟོན་གྱི་རྫོགས་ཆེན་བརྒྱུད་འདེབས་སུ། ཤེས་བྱའི་གནས་རྣམས་མ་ལུས་ཐུགས་སུ་ཆུད། །ཐེག་མཆོག་ངེས་དོན་བཀའ་ཡི་གདམས་པ་དང་། །གསང་བའི་རྒྱུད་ལུང་དབང་གི་ཆུ་བོ་འཛིན། །རྟོག་ཚོགས་འོད་ལྔར་དག་པའི་སྨན་(༡༡ན)

― GLG009_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་པ། ཞེས་པའང་དོན་ལ་གནས། དེ་ལྟར་གཅུང་ཆོས་ལྡན་པ་དང་དུར་ཁྲོད་པ་གཉིས་ཀྱི་སྲས་ཉང་སྟོན་ཤཱཀྱ་འབུམ་དང་ཤཱཀ་གཞོན་གཉིས་དེ་གཉིས་ཀྱི་སྲས་སྨན་ལུང་པ་འཁྲུལ་ཞིག་བསོད་ནམས་རྒྱལ་མཚན། རྨ་བསོད་ནམས་པ་ཤཱཀྱ་སེང་གེ །སྲོང་བཙན་པ་གཞོན་དབང་གསུམ་ལས་དང་པོ་ནི་ཤཱཀྱ་དཔལ། དེའི་སྲས་སངས་རྒྱས་རིན་ཅེན། དེའི་སྲས་བློ་གྲོས་རྒྱ་མཚོ། དེའི་སྲས་ནམ་མཁའ་རྒྱལ་མཚན། དེའི་སྲས་ནམ་མཁའ་ཚེ་དབང་བླ་མ་འདིས་མངའ་བདག་ཆེན་པོ་ཉང་རལ་པ་ཅན་གྱི་བྱང་ལས་ཀྱི་མཁའ་འགྲོའི་བཀའ་བབས་བླ་མ་གཉོས་ཞིག་ཆེན་པོ་མཐིང་མ་བར་གྲགས་པའི་གདུང་རུས་ཁ་ཡར་ནས་ཁྲ་ཚང་དང་དེ་ནས་གུང་རུར་ཆད་པ་གུང་མཐིང་ཁྲ་གསུམ་ཞེས་སྔགས་སྡེ་གསུམ་དུ་གྱེས་པའི་ཁྲ་ཚང་པའི་གདུང་རབས་རྫོགས་ཏེ་སྲས་མོའི་སྐུ་མག་ལ་བྱོན་ནས་གདན་ས་ཡས་མས་གཉིས་ཀ་སྦྲགས་པས་ཆོས་རྗེ་ཁྲ་ཚང་པ་དང་སྨན་ལུང་པ་ཞེས་མཚན་གྱི་འབོད་ཕྱོགས་གཉིས་སུ་གྱུར་ཅིང་། དེའི་སྲས་ཉང་ཀརྨ་གཟི་བརྗིད་དང་ཀརྨ་མཐུ་སྟོབས་གཉིས་ཀྱི་ཇོ་མོ་ཡར་སྟོད་འཆད་དཀར་ནས་སྡེ་པ་མཁར་ལྡན་པའི་སྲས་མོ་བུད་མེད་ཀྱི་ཉེས་པའི་སྐྱོན་བརྒྱད་དང་བྲལ་བ་ཐུགས་རྗེ་ཆེན་པོ་སྤྱན་རས་གཟིགས་ལྷག་པའི་ལྷར་བཟུང་སྟེ་ཡི་གེ་དྲུག་པའི་ཉམས་ལེན་ཆིག་དྲིལ་དང་སྐྱེས་ཆེན་མང་པོའི་མཚན་ནས་སྨོས་ཏེ་གསོལ་འདེབས་བརྒྱ་ཕྲག་མཛད་པ་དགུང་ལོ་གོ་གསུམ་གྱི་བར་དུ་བཞུགས་པའི་མཁའ་འགྲོའི་རིགས་ཅན་དེ་ཁབ་ཏུ་བཞེས་པར་དམ་པ་འདི་ཉིད་འཁྲུངས་པའི་ཡུལ་ནི་ཆོས་རྒྱལ་མེས་(༡༡བ)

― GLG009_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

དབོན་གྱི་དུས་དབུས་གཙང་རུ་བཞིར་གྲགས་པ་ལས་གཡོན་རུ་སྟེ། དེང་སང་གཡོར་པོ་དང་གཡོ་རུ་ཞེས་སྒྲ་ཟུར་ཆག་པའི་འདོན་ཚུལ་སྣང་ཞིང་། ས་གསུམ་གྱི་མགོན་པོ་འཕགས་པ་རིན་པོ་ཆེ་དང་གོང་མ་སེ་ཆེན་རྒྱལ་པོ་གཉིས་ཀྱི་དུས་གནམ་ལ་ཉི་ཟླ་ཟུང་འབྲེལ་དང་ས་ལ་ས་ཧོར་ཟུང་འབྲེལ་དུ་གྱུར་པའི་ཚེ་ཁྲི་སྐོར་བཅུ་གསུམ་དུ་ཕྱེ་བའི་ཕག་གྲུ་ཁྲི་སྐོར་གྱི་ཁོངས་སུ་གཏོགས་པ་འཛམ་གླིང་རྒྱན་གཅིག་ཕོ་བྲང་སྣེའུ་སྡོང་རྩེ་དང་ཧ་ཅང་གི་ཐག་མི་རིང་བ་གཡུ་པ་གཞུང་ཞེས་འདི་མེད་ཀྱི་དགའ་ཚལ་ས་ལ་འཕོས་པ་འདྲ་བའི་ཆ་གངས་རིའི་ལྗོངས་འདིར་བསྟན་པ་རིན་པོ་ཆེ་དབུ་བརྙེངས་པ་ལྷ་བཙན་པོའི་སྐུ་མཁར་ཡུམ་བུ་གླ་སྒང་གི་བྱ་འདབས་གསང་ཆེན་རྙིང་མའི་གྲུབ་བརྙེས་ཧེ་རུ་ཀ་དཔལ་མིའི་སྒྱུ་དྲའི་གར་མཁན་རིམ་པར་བྱོན་པའི་བསྟི་གནས་ཁྲ་ཚང་བླ་བྲང་དུ་འཕགས་པའི་ཡུལ་དུ་སྟོད་འགྲེལ་བ་ལྟར་མང་ན་ཞེས་པ་ལྗོངས་འདིར་མྱོས་བྱེད་གྲགས་ཤིང་ཤར་ཕྱོགས་རྒྱལ་པོའི་ཁབ་ཏུ་ཡི་ཝུའི་དུ་འབོད་པ་དབང་ཐང་དང་བསྟུན་པའི་ཤིང་མོ་ལུག་གི་ལོ་རྟ་ལྗང་དབང་པོ་མེ་བཞིའི་དགའ་མ་དང་རྩེ་བའི་འགྲུབ་སྦྱོར་གྱི་འཕྲོད་དགེ་བ། ཉིན་མོར་བྱེད་པ་ཤར་གྱི་རི་པོའི་ཕྲག་པ་ལས་ཉེ་བར་ཐོན་པའི་ཚེ་ཡུམ་ལ་མི་བདེ་བ་མེད་པར་དམ་པ་ཉིད་སྐུ་སྟོན་མཚན་སྤྲིན་བྲལ་གྱི་མཁའ་ལ་ཟླ་བ་ཤར་བ་ལྟར་ལེགས་པར་བལྟམས། གཟའ་སྐར་དུས་སྦྱོར་གྱི་འབྲས་བུ་འཁོར་ལོས་སྒྱུར་བའི་རྒྱལ་པོར་འགྱུར་པའི་བཤད་པ་ཡོད་སྣང་བ་དེ་བཞིན་གཤེགས་པ་སྐུ་འཁྲུངས་པའི་དུས་མཚན་མཁན་གྱིས། ས་བདག་རྟོག་པ་པོ་རྣམས་བློ་གྲོས་འཁྲུལ། །རྩོད་པའི་དུས་སུ་འཁོར་ལོས་སྒྱུར་མི་འབྱུང་། །བསོད་ནམས་(༡༢ན)

― GLG009_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་གྱི་ཆོས་ཀྱི་མཛོད་འདི་ནི། །ཉེས་ལས་རྣམ་པར་རྒྱལ་ནས་སངས་རྒྱས་འགྱུར། །ཞེས་ལུང་བསྟན་པ་ལྟར་དམ་པ་འདི་ཉིད་ཀྱང་མཁས་བཙུན་གྲུབ་པའི་དབང་ཕྱུག་ཆེན་པོར་གྱུར་བའི་དོན་དུ་མངོན། ལྷུམས་སུ་ཡོད་པའི་སྐབས་སློབ་དཔོན་བཻ་རོ་ཙ་ནའི་རྣམ་པར་སྤྲུལ་པ་ལྷ་བྲོ་བ་མཁས་གྲུབ་ཆེན་པོ་ཀརྨ་གུ་རུས་བྱིན་རླབས་གནང་ཞིང་བསྟན་པ་ལ་ཕན་པའི་སྲས་ཁྱད་པར་ཅན་འཁྲུངས་པར་ལུང་བསྟན། འཁྲུངས་ནས་ཡུམ་གྱི་པང་ཐོགས་ཀྱི་དུས་ཀྱང་རྗེ་ཀརྨ་གུ་རུ་ལ་ཚེ་དབང་གསན་ཞིང་བྱིན་རླབས་ཀྱི་མཐུ་དཔུང་ཐུགས་རྒྱུད་ལ་ཞུགས་པས་མདོ་སྒྱུ་སེམས་གསུམ་དང་གཏེར་ཁ་གོང་འོག་གཉིས་ཀྱིས་གཙོས་གསང་སྔགས་སྔ་འགྱུར་གྱི་བསྟན་པའི་བདག་པོར་འགྱུར་བའི་རྟེན་འབྲེལ་འགྲིག །ཡབ་མཆེད་གཉིས་ཐུགས་འདོད་མ་སྙོམས་པའི་རྗེ་བླ་མ་དགུང་ལོ་བཞིའི་དུས་གསོལ་ཐབ་སོ་སོར་གྱེས་པའི་ཀརྨ་མཐུ་སྟོབས་ཡུམ་བཅས་ཀྱིས་སྨན་ལུང་དུ་བཞུགས། གསུང་འབྱོན་པ་ཡོང་བ་ནས་ཕྱག་དཔེ་གཟིགས་པའི་སྟང་ཀ་སོགས་ཆོས་ཕྱོགས་ཀྱི་བག་ཆགས་ཁོ་ན་མ་གཏོགས་བྱིས་པ་ཐ་མལ་པའི་ངང་ཚུལ་ཡེ་མི་མཛད། སྨན་ལུང་པའི་གྲ་རྒན་དབོན་པོ་ནམ་རྒྱལ་ཟེར་བས་ཉིན་རེ་བཞིན་གསོལ་ཞོ་ཁྱེར་ནས་དགོས་དགོས་འདི་བཞེས་སྐུ་འཆམས་གནང་ངོ་ཞུས་པའི་ཚེ་ཕྱག་གཅིག་གོང་ལ་དང་གཅིག་ནམ་རྒྱལ་བར་བརྟེན་ནས་རྩ་ཚིག་དང་བསྟུན་པའི་འགྲོས་ཀྱི་སྟང་ཀའི་ཞབས་ཀྱི་འདེགས་འཇོག་མཛད། ཡབ་ཀྱིས་མཚན་ཤཱཀྱ་སྐྱབས་སྦྱིན་དུ་གསོལ་ལོ། །ཕལ་སྤྱོད་རྙོག་མའི་འདམ་གྱིས་གོས་མེད་(༡༢བ)

― GLG009_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་། ཁུངས་བཙུན་ཉང་རིགས་པད་དཀར་རྫིང་བུའི་དབུས། །དམ་པའི་ངང་ཚུལ་མ་སྙིགས་སྤེལ་ལེགས་འདབ། །ཕན་བདེའི་དགའ་སྟོན་བསུ་ལ་འཛུམ་པ་བཞིན། །གན་ཇག་ཐང་ཏའི་རྣམ་སྤྲུལ་ལྷ་གྲོ་པའི། །བྱིན་རླབས་བདུད་རྩིས་ཐུགས་གསུམ་ཡོངས་གཏམས་པ། །ཨཽཌྜི་ཡ་ནའི་མཁན་པོའི་བསྟན་པ་ཡི། །བདག་པོར་ཁྱོད་ཉིད་བསྔགས་ཆེད་གཟེངས་སུ་བསྟོད། །གཟིག་ཤུན་གོས་ཀྱིས་ཀླུབས་པའི་མགྲིན་པ་བཟང་། །གཞན་འདྲིད་རྫུ་ལ་མི་རེ་ཡང་སྲིད་ཀུན། །མཁས་གྲུབ་བརྒྱུད་མར་བྱོན་པ་མ་ལ་ཡའི། །དྲི་བསུང་རྩོལ་བར་བལྟོས་མིན་ངང་གིས་འཐུལ། །གཉིས་པ་ཡོངས་འཛིན་བསྟེན་ནས་ཐོས་པ་རྒྱ་ཆེར་མཛད་པ་ནི། དགེ་བའི་བཤེས་གཉེན་མང་དུ་བསྟེན་པའི་གཙོ་བོ་རྒྱལ་བའི་གསུང་རབ་ལས། མཐའ་བཞི་གངས་ཀྱིས་བསྐོར་བའི་ར་བ་རུ༔ སྦས་པའི་རྣལ་འབྱོར་མེ་ལོང་འཛིན་པ་འབྱུང་༔ ཞེས་དང་། ཐང་ཡིག་ལས། སྣ་ཐག་སས་བྱས་ཧོར་དམག་བོད་དུ་འབྱུང་༔ ངན་སོང་ཟེར་ཡང་དེ་འདྲའི་སྡུག་བསྔལ་མེད༔ མི་ལ་སྲིད་གཅད་སྲིད་སྲུང་མང་དུ་ཡོང་༔ སེམས་ཅན་ས་འོག་ནོན་པའི་དུས་ཙ་ན༔ གནམ་སྐས་མཁར་ཆུར་སྦས་པའི་གཏེར་ཁ་འདི༔ མི་བཞག་འདོན་པའི་རྟགས་དེར་བསྟན་ནས་འབྱུང་༔ གཏེར་སྟོན་ཆོས་ཀྱི་དབང་ཕྱུག་ཅེས་བྱ་འབྱུང་༔ ཞེས་ལུང་བསྟན་པ་ལྟར་སངས་རྒྱས་གཉིས་པ་སློབ་དཔོན་ཆེན་པོ་པདྨ་འབྱུང་གནས་ཀྱི་གསུང་གི་སྤྲུལ་པ་གུ་རུ་རིན་པོ་ཆེ་ཆོས་ཀྱི་དབང་ཕྱུག་གི་ཐུགས་སྲས་པདྨ་དབང་ཆེན་ཞེས་ལང་འགྲོ་ལོ་ཙཱ་བ་དཀོན་ཅོག་འབྱུང་གནས་ཀྱི་རྣམ་པར་སྤྲུལ་པ་གང་(༡༣ན)

― GLG009_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་གདུང་བརྒྱུད་མཁས་ཤིང་གྲུབ་པའི་འཁོར་ལོས་སྒྱུར་བ་མཚུངས་མེད་གར་དབང་ཀརྨ་དབང་འབྱོར་ཡར་སྟོད་ཤམ་པོ་གངས་ཀྱི་ཉེ་འདབས་ཀརྨ་ལྷ་ཁང་དུ་བཞུགས་པའི་དུས་དགུང་ལོ་བཅུ་བཞི་ལོན་ནས་ཟབ་རྒྱས་ཀྱི་ཆོས་རྣམས་གནང་དགོས་པའི་གསོལ་འདེབས་མཛད་པའི་ཚེ་ཐུགས་མཐོང་ཤིན་ཏུ་ཆེ་བས་དགྱེས་པ་ཆེན་པོས་དེ་བཞིན་ཅིས་ཀྱང་ལེགས་ཆོས་བདག་པོའི་ལག་ཏུ་སྤྲོད་པ་ཡིན་ཞེས་ཞལ་གྱིས་འཆེས་ནས་ཐོག་མར་ཇི་སྐད་དུ། བླ་མའི་ཐུགས་སྒྲུབ་ཐུགས་དམ་ཁྱད་འཕགས་སྐོར༔ གཙོར་བཏོན་དགོས་པ་ཀུན་འབྱུང་ཐུགས་གཏེར་གཅིག༔ ལྷོ་བྲག་གནམ་སྐས་ཅན་གྱི་བྲག་ལ་མཆིས༔ ཐུགས་གཏེར་ལྔ་ལས་ཁྱད་འཕགས་འདི་ཁོ་ན༔ ཅིའི་ཕྱིར་ང་ཡི་སྙིང་ནོར་མིག་འབྲས་ཡིན༔ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས༔ ཞེས་དང་། གཞན་ཡང་། ཐུགས་གཏེར་གཅིག་ནི་ལྷོ་བྲག་གནམ་སྐས་ཅན་ལ་སྦེད༔ ཁྱད་པར་བླ་མའི་སྒྲུབ་སྐོར་ཡིན༔ མངའ་བདག་གསུང་གི་སྤྲུལ་པས་འདོན་པར་འགྱུར༔ ཞེས་གུ་རུ་ཆོས་ཀྱི་དབང་ཕྱུག་གི་ཟབ་གཏེར་རྣམས་ཀྱི་ནང་ནས་མཆོག་ཏུ་གྱུར་པ་ཀླུ་བདུད་སྐུ་སྟོད་ནས་ཕྱུང་བ་བླ་མ་གསང་བ་འདུས་པའི་དབང་ལུང་འཁྲིད། གཞན་ཡང་གསང་བ་བླ་མེད་མཆོག་གི་སྒྲུབ་པ། གསོལ་འདེབས་ཚིག་བདུན་མ། པདྨ་ཐོདའཕྲེང་གསང་མཚན་གྱི་སྒྲུབ་པ། པདྨ་བཅུད་བསྡུས་ཐབས་ལམ་གྱི་སྒྲུབ་པ། སྐུ་རྐེད་ནས་བྱུང་བ་བླ་མ་སྐུ་གསུམ་གྱི་སྒྲུབ་པ། བླ་མ་ཡོངས་རྫོགས་ཀྱི་དབང་། རྩ་གསུམ་སྒྲུབ་ཐབས་དངོས་གྲུབ་ཀུན་(༡༣བ)

― GLG009_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་། བཀའ་རྩིས་ལས། རིམ་གྱིས་བྱང་ཆུབ་ཐོབ་ཐོབ་ཆོས་མང་གི༔ ཅིག་ཅར་བྱང་ཆུབ་ཐོབ་ཆོས་འདི་ན་མཆིས༔ དེ་གང་ཞེ་ན་སངས་རྒྱས་མཉམ་སྦྱོར་སྐོར༔ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས༔ ཞེས་ཐེག་པ་རིམ་དགུའི་ཡང་རྩེ་རྒྱུད་སྡེ་ཀུན་གྱི་གཙོ་བོ་རྫོགས་པ་ཆེན་པོ་སངས་རྒྱས་མཉམ་སྦྱོར་གྱི་སྨིན་བྱེད་ཀྱི་བྱིན་རླབས་རང་རིག་ཀུན་ཏུ་བཟང་པོ་གཅེར་མཐོང་དུ་ངོ་སྤྲོད་པའི་ཉམས་འཁྲིད། ལུང་ཡོངས་རྫོགས། མ་བརྒྱུད་སྤྲོས་བྲལ་དོན་གསལ་ཆེན་མོའི་རྒྱུད་དང་བཅས་པ། ལྷོ་བྲག་མཁར་ཆུ་དཔལ་གྱི་ཕུག་རིང་ནས་དམ་ཆོས་འདུས་པ་སྐོར་དགུ་གདན་དྲངས་པའི་ནང་ཚན་བསྟན་པ་བབས་ཀྱི་ལོ་རྒྱུས་ལས། ལྟ་བ་ཡངས་ཤིང་སྤྱོད་ལམ་བདེ༔ དེ་ཕྱིར་ཐུགས་རྗེའི་བསྟན་པ་རྒྱས༔ སྒོམ་སྒྲུབ་མ་གཙོ་བཀླགས་པས་འགྲུབ༔ དེ་ཕྱིར་ཐུགས་རྗེའི་བསྟན་པ་རྒྱས༔ བྱ་བླ་ཚེགས་ཆུང་སྒྲུབ་ཐག་ཉེ༔ དེ་ཕྱིར་ཐུགས་རྗེའི་བསྟན་པ་རྒྱས༔ ཞེས་དང་། རྩོད་དུས་འཕགས་པའི་འཕྲིན་ལས་དག༔ ཨོ་རྒྱན་ཐུགས་སྲས་སྐྱེས་མཆོག་གིས༔ བསྟན་པའི་གསོལ་འདེབས་དར་རྒྱས་བྱེད༔ཅེས་འཕགས་མཆོག་ཐུགས་རྗེ་ཆེན་པོ་སྤྱན་རས་གཟིགས་ཀྱི་སྒྲུབ་ཐབས་ཡང་སྙིང་འདུས་པའི་དབང་ལུང་། གཞན་ཡང་འཁོར་བ་དོང་སྤྲུག །བཀའ་རྩིས་ལས། ཞི་ཁྲོ་བཀའ་བརྒྱད་སྒོས་སྒྲུབ་ཆོས་མང་གི༔ ཁྱད་པར་ཡོངས་རྫོགས་དྲིལ་སྒྲུབ་འདི་ན་མཆིས༔ དེ་གང་ཞེ་ན་གསང་བ་ཡོངས་རྫོགས་སྐོར༔ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས༔ ཞེས་དང་། ཡི་དམ་རྩ་བར་གསང་བ་ཡོངས་རྫོགས་སྒྲུབས༔ དུས་གསུམ་རྒྱལ་བའི་སྤྱི་སྒྲུབ་(༡༤ན)

― GLG009_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ག་གཟབ༔ འདི་འཆང་ཨོ་རྒྱན་ང་དང་འདུ་འབྲལ་མེད༔ ཅེས་བརྗོད་བྱེད་ཀྱི་ཚིག་ཧ་ཅང་མངས་པ་དང་ཉུངས་པའི་སྐྱོན་མེད་ཅིང་བརྗོད་བྱའི་དོན་ཟབ་ཅིང་རྒྱ་ཆེ་བ་ཞི་ཁྲོ་ཡོངས་རྫོགས་སློབ་དཔོན་ཆེན་པོའི་ཐུགས་ཀྱི་ཐིགས་པ་ཡིན་པས། བདེ་གཤེགས་འདུས་པ་འོ་མའི་རྒྱ་མཚོ་ལས༔ གསང་བ་ཡོངས་རྫོགས་མར་གྱི་ཉིང་ཁུ་ཕྱུངས༔ ཞེས་སྙིང་པོ་ཡང་སྙིང་དེ་ཉིད་ཀྱི་སྒྲུབ་ཆེན་དང་འབྲེལ་བའི་དབང་བདུད་རྩི་སྨན་གྱི་སྒྲུབ་པ་དང་བཅས་པ་སྤྲོས་པ་ཤིན་ཏུ་ཆེ་བའི་སྒོ་ནས་ཐུགས་རྒྱུད་ཡོངས་སུ་སྨིན་པར་མཛད་པའི་ནུས་དབང་གི་དུས་ཁྲི་མཐོན་པོའི་སྟེང་དུ་རྗེ་བླ་མ་བཞུགས་སུ་གསོལ་བར་རྒྱལ་བའི་སྲས་པོ་ཀརྨ་དབང་འབྱོར་ཉིད་ཀྱི་དབུ་ཞྭ་དང་སྐུ་བེར་སྒྲོན། རྡོ་རྗེ་དྲིལ་བུ་ཕྱག་ཏུ་གཏད་ཁྱེད་ཆོས་ཀྱི་བདག་པོ་ཡིན་ནོ། །ཞེས་གཟེངས་བསྟོད་ཆེར་མཛད་པ་ཨེ་གཉལ་ལྷོ་བྲག་གཙང་ཕྱོགས་ན་གདུང་བརྒྱུད་མང་ཞིང་གཞན་ཡང་བླ་ཆེན་དུ་གྲགས་པའི་སློབ་མ་མང་བས་ཕལ་ཆེར་གྱིས་རྗེ་འདི་ཉིད་འགངས་ཆེན་དུ་མི་བརྩི་ནའང་རྒྱལ་དབང་པདྨའི་བཀའ་གཏེར་གྱི་བསྟན་པ་སྤྱི་དང་བྱེ་བྲག་གཏེར་སྟོན་ཆོས་ཀྱི་དབང་ཕྱུག་གི་བསྟན་པའི་སྲོག་འཐུད་པ་འབྱུང་འགྱུར་རྟོགས་པའི་བླ་མའི་མངོན་མཁྱེན་དང་སློབ་མའི་ཆེ་བ་གཉིས་ཀ་ཕན་ཚུན་འགྲན་པར་སྣང་། ངེད་ལ་དབང་སྩལ་སྐབས་བླ་མ་དམ་པ་ཀརྨ་དབང་འབྱོར་འདི་ལྟར་གནང་བ་སྐུ་ཞབས་སུ་འབུལ་བ་ལ་དགོངས་གསུང་བ་ནི་གཞན་ངོ་བསྲུང་བ་ཙམ་དུ་མངོན། ཀླུ་བདུད་དབུ་ནས་སྤྱན་དྲངས་པའི་ཐུགས་སྒྲུབ་དྲེགས་པ་ཚར་གཅོད་ཀྱི་དབང་ལུང་། རྫོགས་ཆེན་ཚེ་དབང་། རྟ་(༡༤བ)

― GLG009_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲིན་དབུ་དགུ་པ། རྟ་ནག་ལྕགས་རལ་ཅན། བཀའ་རྩིས་ལས། ཕོ་མོ་ཀླུ་གསུམ་སྒྲུབ་མཐུའི་ཆོས་མང་གི༔ བཟློག་ཐབས་མེད་པའི་ཅོག་རྡུང་འདི་ན་མཆིས༔ དེ་གང་ཞེ་ན་མ་ནིང་ཚིག་ཤུར་སྐོར༔ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས༔ ཞེས་དང་། རྨི་ལམ་ཉམས་འཇིགས་ལྟས་ངན་ཆོས་མང་གི༔ མི་ནག་སྒོས་སུ་སྒོ་གཅོག་འདི་ན་མཆིས༔ དེ་གང་ཞེ་ན་མ་ནིང་ཡང་འཁོལ་སྐོར༔ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས༔ མཛེ་འབྲས་ནད་འབྱུང་གཏད་ཀྱི་ཆོས་མང་གི༔ ཧུར་ཐུམ་མི་སྡེ་རྩད་གཅོད་འདི་ན་མཆིས༔ དེ་གང་ཞེ་ན་ཀླུ་བདུད་གན་ལོག་སྐོར༔ མཐར་ཐུག་ཡིན་ནོ་སྙིང་གི་དཀྱིལ་དུ་ཆོངས༔ ཞེས་དཔལ་མགོན་མ་ནིང་གི་སྐོར་ཟབ་པ་ལས་ཀྱང་ཆེས་ཟབ་པའི་དབང་ལུང་། འཇམ་དཔལ་ནཱ་ག་རཀྴ། སྟག་ཞོན་བྱད་མ་འབུམ་ཐུབ། མཁའ་རི་ཞུ་ལན་སོགས་གཏེར་ཁ་འོག་མའི་དབང་ལུང་མན་ངག་ཕལ་མོ་ཆེ། གཏེར་ཆེན་ཆོས་ཀྱི་རྒྱལ་པོ་མངའ་བདག་ཉང་རིན་པོ་ཆེའི་བཀའ་བརྒྱད་བདེ་གཤེགས་འདུས་པ། རྟ་མགྲིན་དྲག་པོ་ལྷ་གསུམ། རྒྱུད་བཅུ་བདུན། ལེའུ་བདུན་པའི་སྐོར་གྱིས་མཚོན་པའི་གཏེར་ཁ་སྣ་ཚོགས་ཀྱི་ཆོས་རྒྱུན་ཡང་མང་དུ་སྩལ། ཐུགས་ལ་ཤིན་ཏུ་འདོགས་པས་བཞེས་ཁྲུང་གིས་ཅུང་ཟད་བད་པའི་བད་འགོང་གི་རྣམ་པ་དང་སྦྲགས་དབུ་ལ་ཕྱག་བྱིལ་བྱིལ་དང་ཕུར་ཕུར་མཛད་ཅིང་བུལ་ཆོས་བུམ་པ་གང་བྱོར་བྱེད་དོ་ཞེས་ཞར་ཞོར་ལའང་ཕྱག་ལེན་དང་དཀའ་གནད་ཐམས་ཅད་ཡང་ཡང་བཀྲོལ་ནས་གནང་བས་ཐུགས་ལ་ཤིན་ཏུ་བྱང་ཆུབ་པས་གཏེར་ཁ་གོང་(༡༥ན)

― GLG009_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་ལ་གཞན་དྲིང་མི་འཇོག་པའི་མཁྱེན་པ་ཟླ་མེད་པ་ནི་ང་ཀརྨ་དབང་འབྱོར་ལ་གཏུགས་པ་ཡིན་ཞེས་ངོམ་ཆོག་པ་ཞིག་མཛོད་ཅེས་བཀའ་གནང་བ་མེད་ཀྱང་ཙམ་དུ་མ་ལུས་པ་ཕྱག་ཐོག་ཏུ་ཁེལ་བ་མཆོག་དམན་ཀུན་གྱི་མངོན་སུམ་དུ་གྱུར་ལ། རྫོགས་པ་ཆེན་པོའི་སྒོམ་ཉམས་མཐོ་ཞིང་རྩ་རླུང་ལ་ནང་བྱན་ཆུད་པའི་བདེ་སྟོང་གི་ཡེ་ཤེས་འདྲེན་པ་ལ་མངའ་བརྙེས་པ་བླ་མ་ཡི་དམ་དུ་མའི་ཞལ་གཟིགས་ཤིང་དམ་ཅན་སྲུང་མ་བྲན་དུ་ཁོལ་ཞེས་སྐུ་གསུང་ཐུགས་ཀྱི་ཡོན་ཏན་ལ་ཐུགས་དད་དང་བཀའ་དྲིན་ཟླ་མེད་པའི་རྩ་བའི་བླ་མར་འཛིན་པ་ཡིན་ནོ། །ཆོས་དབང་རིན་པོ་ཆེའི་སྲས་ཆུང་བ་མཚན་ལྡན་ཉི་མ་འོད་ཟེར་གྱི་གདུང་བརྒྱུད་བྲག་སྣ་བ་ཆོས་དབང་བསྟན་འཛིན་ཉི་མའམ་ཀུན་མཁྱེན་དབང་ཕྱུག་ཏུ་གྲགས་པའི་དྲུང་དུ་བླ་མ་མངའ་བདག་ཉང་གི་གཏེར་བྱོན་ཚེ་སྒྲུབ་མཚོ་སྐྱེས་རྡོ་རྗེའི་སྐོར། རྣམ་ཐར་ཟངས་གླིང་མ། མཁའ་འགྲོ་གསང་རྫོགས། གསང་སྔགས་ལམ་རིམ། ལོག་ཏྲི། ནཱ་ག་རཀྴ་ཆུ་སྲིན་གདོང་ཅན། རྟ་མགྲིན་དྲག་པོ་ལྷ་གསུམ་གྱི་སྐོར། གཏེར་ཁ་འོག་མའི་རྫོགས་ཆེན་ཅི་ཏེ། སངས་རྒྱས་མཉམ་སྦྱོར། མ་རྒྱུད་སྤྲོས་བྲལ་དོན་གསལ་ཆེན་མོ། ཀླུ་བདུད་སྐུ་རྐེད་བླ་མའི་སྒྲུབ་ཐབས་ཀྱི་ནང་ཚན་བླ་མ་གསང་བ་ཡོངས་རྫོགས་ཀྱི་དབང་ལུང་། ཀརྨ་གུ་རུ་དར་ནག་བེར་ཆེན། ཕུར་པ་སྤུ་གྲིའི་དབང་ལུང་། ཇོ་མོའི་ཉམས་ལེན་སྐོར་དགུ། མནལ་ལམ་ཞྭ་ནག་མ་དང་རྟ་དཀར་མ།བཀའ་རྒྱ་མ།བཀྲ་ཤིས་ཚེའི་རྫོང་སྒྲུབ། རྣམ་ཐར་མཛད་པ་བཅུ་གཅིག་པ་(༡༥བ)

― GLG009_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་གཏེར་བཀའ་འབུམ། ཞུ་ལན་སྐོར། ཉང་ཞུས་ངེས་དོན། སྒྲོལ་དཀར། ཛམ་དཀར་དམར། དབང་སྡུད་ལས་ཀྱི་འཁོར་ལོ། ནཱ་ག་རཀྴ ལྕགས་རལ་ཅན། ག་པའི་ཛམ་དམར། ཕྱག་རྡོར་དྲེགས་འདུལ། དམ་ཆེན་སྐྱེར་མདུང་། རྫོགས་ཆེན་ཐིག་ལེ་གསང་སྐོར། རིན་ཅེན་གླིང་པའི་ཀླུ་བདུད་མགོ་དགུའི་སྒྲུབ་ཐབས། གཉལ་སྟོན་ནག་པོའི་ལྷ་ཆེན་གཙང་ཤུག་མའི་སྐོར། བཀའ་མ་སྙན་བརྒྱུད་རྡོ་རྗེ་ཟམ་པའི་དབང་ལུང་གིས་གཙོས་པའི་གསན་པ་རྒྱ་ཆེར་མཛད་ཅིང་བླ་མའང་ཐུགས་ཤིན་ཏུ་མཉེས་པའི་ངེད་ལ་ཕྱོགས་མཐའི་སློབ་མ་ཡོང་མཁན་དགོན་པར་བྱུང་ཁྱེད་ཀྱིས་ཆེད་བསྟད་བྱོན་པ་ལེགས་བྱུང་ཞེས་རྡོ་རྗེ་གླིང་པའི་དངུལ་ཆུ་སྔགས་ཀྱིས་འདུལ་བའི་མན་ངག་གིས་མཐའ་བརྟེན་པའི་གདམས་པ་ཆེ་ཆུང་ལ་མ་བལྟོས་པ་མཐའ་དག་སྦ་བསྲིས་མེད་པར་གནང་ཞེས་ཐུགས་མོས་ཆེ་ཞིང་བླ་མ་འདི་ཉིད་ཧ་ཅང་གི་མཁས་ཚུལ་མི་སྟོན་ཡང་སློབ་དཔོན་ཆེན་པོའི་ཞལ་ཡང་ཡང་གཟིགས་པ་སོགས་གྲུབ་པའི་གོ་འཕང་མཐོན་པོར་གཤེགས་ཞེས་བསྔགས་བརྗོད་མཛད། བུལ་ཤིང་དགོན་པར་རང་གྲོལ་གྱི་རྣལ་འབྱོར་པ་ཆེན་པོ་ནམ་མཁའ་ཆོས་དབང་ཞེས་མཁས་གྲུབ་ཀརྨ་གུ་རུའི་དབུ་མཛད་ཆེན་མོར་གྲགས་པ་ལ་ཐེག་པ་ཆེན་པོ་སྙན་བརྒྱུད་རྡོ་རྗེའི་ཟམ་པ་གྲུབ་ཐོབ་དངོས་གྲུབ་ནས་ཉེ་བར་བརྒྱུད་པའི་བཀའ་བརྒྱད་བཀའ་མ་རྫོང་འཕྲང་གི་སྐོར། རིན་ཆེན་གླིང་པའི་ཚིག་ཆོད་ཀུན་གྲོལ་གྱི་དབང་ལུང་། ཉང་གི་བླ་མ་དམར་འཁྲང་། ཤིན་ཏུ་ཟབ་པ་ཁྲོས་ནག་གི་དབང་ལུང་། ཐུགས་རྗེ་ཆེན་པོ་འགྲོ་འདུལ་ཡིད་བཞིན་(༡༦ན)

― GLG009_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་བུ། མགོན་པོ་གཡུལ་བཟློག་སྐོར། པཎྜི་ཏ་ཆེན་པོ་བི་མཱ་ལ་མི་ཏྲའི་ཐུགས་བཅུད་གཏེར་སྟོན་མདང་མ་ལྷུན་རྒྱལ་གྱིས་དབུ་རུ་ཞྭ་ལྷ་ཁང་ནས་གདན་དྲངས་པའི་ཟབ་པ་པོད་བཞིའི་སྐོར། འོད་གསལ་སྒྲོལ་མ་དྲུག་སྐོར་གྱི་ལུང་རགས་པ། གཏེར་ཁ་འོག་མའི་རྫོགས་ཆེན་ཅི་ཏིའི་རྒྱུད་སྐོར་ཉི་ཤུ་རྩ་ལྔ། སངས་རྒྱས་མཉམ་སྦྱོར། སྒྲུབ་ཐབས་དངོས་གྲུབ་ཀུན་འབྱུང་ལེའུ་བཅོ་བརྒྱད་པ། མནལ་ལམ་ཞྭ་ནག་མ་དང་རྟ་དཀར་མ། མ་ཎི་བཀའ་འབུམ། གཏེར་སྟོན་གྱི་སྐུ་གསུང་ཐུགས་ཀྱི་རྣམ་ཐར། བཀའ་ཆེམས་གཏེར་འབྱུང་ཆེན་མོ། ལྷ་བུ་བཙོན་འཛིན་གྱི་གདམས་པ། རྒྱ་བན་རྡོ་རྗེ་དབང་ཕྱུག་གིས་ལྷོ་བྲག་མཁར་ཆུ་ནས་གདན་དྲངས་པའི་རྟག་ཏུ་ངུའི་བཅུད་ལེན། གྲུབ་ཐོབ་མེ་ལོང་རྡོ་རྗེའི་རྣམ་ཐར་ལེ་ཚན་ལྔ་དང་མགུར་འབུམ། དོ་ཧ་སྐོར་གསུམ། ཡབ་མཉམ་མེད་ཆེན་པོའི་རྣམ་ཐར། རིན་ཅེན་འོད་འབར་སོགས་བཀའ་འབུམ་ཐོར་བུ། སྨན་ལུང་པ་མི་བསྐྱོད་རྡོ་རྗེའི་རྣམ་ཐར་གྱིས་མཚོན་པའི་ཟབ་ཆོས་ཤིན་ཏུ་མང་བ་གསན་ཞིང་བཀའ་དྲིན་ཆེ་བའི་བླ་མ་གཅིག་ཏུ་མཛད།གསང་ཆེན་སློབ་བཤད་ཀྱི་སྔགས་གྲ་བཀྲ་ཤིས་ཆོས་ཀྱི་སྡེར་སྒྲིགས་འགྲིམ་མཛད་ནས་རྒྱང་ཙམ་བཞུགས་འཕགས་ཡུལ་གྱི་གྲུབ་ཆེན་ཀུ་ཀུ་རི་པ་དང་བོད་ཡུལ་འདིར་དཔྱལ་སྟོན་ཆེན་པོ་སོགས་མཁས་གྲུབ་དུ་མའི་རྣམ་པར་སྤྲུལ་པ་རྡོ་རྗེ་འཆང་དབང་ཕྱུག་རབ་བརྟན་གྱི་དྲུང་དུ་དགུང་ལོ་བདུན་པའི་ཚེ་དགེ་བསྙེན་གྱི་སྡོམ་པ་དང་ཚེ་དབང་གྲུབ་རྒྱལ་མ་ལྕགས་སྡོང་མ་ཡོངས་རྫོགས་ལྷ་འཁྲིད་དུ་བསྟར་(༡༦བ)

― GLG009_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཟབ་གནད་ཀུན་ལྷུག་པར་གསན་པས་ཆོས་བཀའ་རྒྱ་ཆེ་ཆེ་མོ་ཞུ་མ་ཐུབ་རུང་གཅིག་ཤེས་ཀུན་གྲོལ་ལྟ་བུའི་བོགས་ཆེ་ཞིང་སེམས་ཐོག་ཏུ་བབས་པ་བྱུང་གསུང་བ་ཡང་ཐོས། འབྲུམ་ནག་མཆེད་པ་ཞིག་ལ་བསླབ་སྟོན་ཞུས་པར་ཨོ་ལོ་རང་བྲེད་མི་དགོས་ཞེས་བྱིན་རླབས་དང་སྲུང་བ་གནང་བས་དུས་དེར་མ་ཟད་གཞན་དོན་དུ་མི་གཤེགས་པར་རྡོ་རྗེ་ཚེར་མའི་ནད་དབུས་གཙང་དུ་ལན་བདུན་བརྒྱད་ཙམ་བྱུང་བར་ཆེད་དུ་གཉེར་བའི་འཛེམ་ཆ་མ་ཐུབ་རུང་འགོས་པ་གཏན་མ་བྱུང་བ་དམ་པ་དེའི་བཀའ་དྲིན་ཡིན་ཞེས་ཐུགས་གཏིང་ནས་གུས་པའི་རྣམ་འགྱུར་དང་གསུང་འཕྲོས་ཡང་ཡང་གནང་། དམ་ཅན་སྲུང་མ་སྤྲིན་བཞིན་འདུ་བའི་གནས་རྩེས་དང་བསམ་གླིང་བདེ་བ་ཆེན་པོའི་གཙུག་ལག་ཁང་སྣེའུ་སྡོང་གོང་མ་ཆེན་པོས་བར་སྐབས་སུ་རྩིས་སྤྲོད་གནང་ནས་བཞུགས་དུས་དཔལ་ལྡན་བླ་མ་དམ་པ་དང་ཡར་ཀླུངས་པ་ཁུ་དབོན་གྱི་དུས་ཀྱི་རྟེན་ཐུག་བཀའ་ཤིན་ཏུ་གཉན་པས་འགྱེལ་ཆག་ཏུ་གྱུར་ཏེ་གཞན་གྱིས་ལག་ཙམ་ཡང་རེག་མ་ནུས་པར་ལུས་པ་རྣམས་ཉམས་གསོས་ཀྱི་དགོངས་པ་གཏད་ནས་གྲུབ་པའི་འཁོར་ལོས་སྒྱུར་པ་བི་རཱུ་པ་དང་རྡོ་རྗེ་འཆང་ཚར་པ་ཆོས་རྗེ་སོགས་ཀྱི་སྒྱུ་འཕྲུལ་དྲ་བའི་རོལ་གར་མགོན་པོ་བསོད་ནམས་མཆོག་ལྡན་གྱི་དྲུང་དུ་གཉིས་མེད་རྒྱུད་ཀྱི་རྒྱལ་པོ་ཀྱེ་རྡོར་མན་ངག་ལུགས་ཀྱི་དབང་། གུར་ལྷ་བརྒྱད་ཐུན་མོང་བ་དང་ཞལ་བསྙེན་དུས་ཀྱི་མགོན་པོའི་རྗེས་གནང་གསན་པའི་དུས་ཁྱབ་བདག་བཀའ་འགྱུར་བ་ཆེན་པོས་རྙིང་མར་སྟོང་ཚིགས་ཀྱི་མཆོད་པ་ཞེས་དང་འགའ་ཞིག་བསྟོད་ཚིགས་ཀྱི་མཆོད་པ་(༡༧ན)

― GLG009_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུང་བ་ཇི་ལྟར་ཡིན་ཕེབས་པར་སྟོང་ཚིགས་ཀྱི་མཆོད་པ་ཡིན་ཚུལ་དང་། གཞན་ཡང་རྒྱུད་ལས། སྟོང་སྟོང་མཚམས་སུ་ཁྲོ་རྒྱལ་བསྐུལ། །ཞེས་སོགས་ཡོད་ཚུལ་ཞུ་བ་གནང་བས་གསར་མ་ལའང་རྣམ་རྒྱལ་སྟོང་མཆོད་ཅེས་གཟུངས་སྔགས་སྟོང་སྟོང་གི་མཚམས་སུ་མཆོད་ཅེས་གཟུངས་སྔགས་སྟོང་སྟོང་གི་མཚམས་སུ་མཆོད་པ་འབུལ་བ་ཡོད། གསར་རྙིང་དགོངས་པ་ལོས་གཅིག་གསུངས་ཕྱག་ཐལ་མོ་སྦྱར་དགྱེས་དགྱེས་གནང་ཞིང་རྙིང་མའི་ཆོས་སྐོར་མང་ཙམ་ཞུ་འདོད་ཀྱང་ཞུས་དཀོན་པ་བྱུང་། ད་ཆ་གང་བཞུགས་སྩོལ་དགོས་པའི་གསོལ་བཏབ་མཛད་དེ་དཔོན་སློབ་ཐུགས་ཡིད་གཅིག་འདྲེས་ལྟ་བུར་གྱུར། གཞན་ཡང་ཟབ་ལམ་ནཱ་རོ་མཁའ་སྤྱོད་ཀྱི་བྱིན་རླབས་ཆོས་སྐོར་གྱི་ལུང་། དཔལ་རྡོ་རྗེ་འཇིགས་བྱེད་རྭ་ལུགས་བཅུ་གསུམ་མ། སངས་རྒྱས་མཉམ་སྦྱོར་ལྷ་བརྒྱ་དང་ཞེ་གཉིས། གཤེད་དམར་ལྷ་ལྔ། གུར་མགོན་གྲི་གུག་ལྷ་ལྔ། རྣམ་འཇོམས་དཀར་པོ། ཕུར་པ་སྤུ་གྲི། ཕུར་པ་དཔྱལ་ལུགས་རྣམས་ཀྱི་དབང་། རྟ་མགྲིན་ཟླ་རྒྱལ་ལུགས། བྱང་གཏེར་ཐུགས་རྗེ་ཆེན་པོ་འགྲོ་བ་ཀུན་གྲོལ་གཏེར་ཁ་གོང་མའི་དྲག་པོ་གཞུང་ཆེན་བདེ་གཤེགས་འདུས་པ། འབྲིང་པོ་མེའི་སྤུ་གྲི། ཆུང་བ་དཔའ་བོ་ལྷ་གསུམ། གཞན་ཡང་ཐེམས་མེད་སོགས་ཆོས་སྐོར་ཡོངས་སུ་རྫོགས་པ་རྡོ་རྗེ་སྤྱི་བླུགས་འབྲིང་པོ་མེའི་སྤུ་གྲིའི་དབང་བཅས། ཆོས་དབང་གི་ཡང་གསང་དྲག་པོ་རྟ་སྐད་ཅན། འཁོར་བ་དོང་སྤྲུག །ཚེ་སྒྲུབ་བུ་སྟོན་གོང་ཁུག་མ། དཔལ་མགོན་མ་ནིང་གི་སྲོག་དབང་ཤིན་ཏུ་རྒྱས་པ། ཆུ་མོ་ཕུག་(༡༧བ)

― GLG009_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་གུ་རུ་ཚེ་བརྟན་རྒྱལ་མཚན་གྱིས་སྤྱན་དྲངས་པའི་དྲག་པོ་སྤྱན་མང་། གནུབས་ལུགས་སྟག་ཞོན་གྱི་རྒྱུད་ལེ་ཚན་དང་དབང་། ཞལ་གླང་གདོང་མ་དང་ཁྱུང་ཞལ་ཅན། བྲམ་ནག་བཤན་པ་དྲུག་སྐོར་རྣམས་ཀྱི་རྗེས་གནང་དང་གཉན་ལོའི་གཏེར་མའི་བྲམ་ཟེ་དཀར་པོའི་སྒྲུབ་ཐབས། རྟ་མགྲིན་ཟླ་རྒྱལ་ལུགས། སེང་གདོང་ནག་མོ། འཆར་ཀ་སྒྲོམ་བུ་མ་བཀའ་གཏེར། ཨོ་རྒྱན་གླིང་པའི་སྟག་ཞོན་གྱི་དབང་ལུང་། དཔལ་འཛིན་གྱི་འཇིགས་བྱེད་པོད་ཆུང་། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པའི་ལུང་གིས་མཚོན་གསང་སྔགས་གསར་རྙིང་གི་ཆོས་བཀའ་མཐའ་ཡས་པ་གསན། སྐུ་ཆས་དབུལ་པོ་བྱུང་བར་ཆོས་རྒྱལ་རིན་ཆེན་ཕུན་ཚོགས་ཀྱི་གཏེར་གསར་དབྱུག་གུ་སྤུན་གསུམ་གྱི་དབང་ལུང་གནང་བ་ནས་བཟུང་ལོངས་སྤྱོད་ཀྱང་རིམ་པར་འཕེལ་གསུང་། དམ་པ་འདི་ཉིད་མཁས་གྲུབ་ཀྱི་ཚད་དུ་འཛིན་པའི་ཐུགས་ཤིན་ཏུ་གུས་པར་མཛད། རྗེ་མཉམ་མེད་དྭགས་པོ་ཟླ་འོད་གཞོན་ནུའི་སློབ་མ་ཁམས་པ་མི་གསུམ་ཕྱི་ནང་ཚན་རྗེ་དབུ་སེ་དུས་གསུམ་མཁྱེན་པར་གྲགས་པའི་ཉེ་གནས་ནམ་མཁའ་འོད་དེ་ནས་རྗེ་གྲགས་སེང་སོགས་དྲུང་རྟོགས་ལྡན་པ་རིམ་པ་གསུམ་གྱི་བར་ཀརྨ་པ་ན་རིམ་གྱི་བུ་ཆེན་མགོ་འོག་ཏུ་ལུས་ཆུད་ཡིན་ནའང་། བཞི་པ་ཐམས་ཅད་མཁྱེན་པ་ཆོས་ཀྱི་གྲགས་པ་ཡེ་ཤེས་དཔལ་བཟང་པོས་སྙིགས་དུས་ཀྱི་མཁས་པ་ཀུན་གྱི་གཙུག་གི་ནོར་བུ་འགོས་ཡེ་བཟང་རྩེ་པ་གཞོན་ནུ་དཔལ་དང་ཁྲུས་ཁང་ལོ་ཙཱ་བ་བསོད་ནམས་རྒྱ་མཚོའི་སྡེ་སོགས་ཐུབ་བསྟན་(༡༨ན)

― GLG009_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་རྫོགས་ཀྱི་བཤེས་གཉེན་དུ་མ་བསྙེན་ནས་ཤེས་བྱའི་གནས་མཐའ་དག་ལ་མཁས་པའི་རྩེར་སོན། ཨ་པའི་གསོལ་ཞལ་གོག་པོ་ལ་གཙང་གཙང་མོའི་རྨོངས་ཞེན་མི་མཛད་པར་དཔྱད་པ་གསུམ་གྱིས་དག་པའི་རྒྱུད་སྡེའི་བཤད་སྲོལ་དང་ཕྱག་ལེན་མཛད་པས་ར་ཕོ་དཀར་པོ་ལུག་ཁྱུར་མི་འགྲེ་ཞིང་འཛམ་གླིང་ཆོས་གྲགས་རྒྱ་མཚོས་ཐུབ་ཆེན་གདན་ས་བཏིང་ནས་རྩོད་པ་ལྷུར་ལེན་གྱིས་འཕྲིན་ལས་སྐྱོང་བར་ཐུགས་མ་རངས་ཏེ་ཁོ་བོ་ཟག་པ་མི་འཕེལ་བའི་སར་གནས་གཞི་འདིང་ཞེས་བདེ་ཆེན་ཡངས་པ་ཅན་གྱི་ཆོས་སྡེ་བཙུགས། ས་སྐྱོང་དོན་ཡོད་རྡོ་རྗེ་གཞན་འཕྲུལ་དབང་བྱེད་ཀྱི་སྦྱོར་བས་ཆོས་སྡེ་ཆེན་པོ་དཔལ་ལྡན་འབྲས་སྤུངས་མིང་གི་ལྷག་མར་གཏོང་བར་ཉེ་ཚེ་མི་འཇིགས་པ་སྐྱབས་ཀྱི་སྦྱིན་པ་མཛད་པ་སོགས་ལ་དྲུང་རྟོགས་ལྡན་པས་ནད་པ་སྨན་གཞུང་བཞིན་མ་ན་སྙམ་པའི་ཕྱིར་འབུད་དང་རྗེས་སུ་རྗེ་མི་བསྐྱོད་པ་དབྱངས་ཅན་དགའ་བར་གྲགས་པས་རི་བོ་དགའ་ལྡན་པའི་བསྟན་འཛིན་ཆེན་པོ་ཞིག་འདི་ལྟར་བཞེད་ཅེས་ཟུར་ཟ་བའང་མཛད་སྣང་། གཙོ་བོར་གནམ་གྱིས་བསྐོས་པའི་རྒྱལ་པོ་དཔལ་ཕག་མོ་གྲུ་པ་སྤྱན་སྔ་ངག་གི་དབང་ཕྱུག་ཞིང་གཞན་དུ་གཤེགས། གོང་མ་ཆེན་པོ་ཀོན་དིང་ཏའི་གོ་ཤྲཱི་ཆེན་ཧོང་ཝང་སྐུ་ནར་མ་སོན་པའི་བར་དུ་རྒྱལ་ཁབ་ཆེན་པོ་སྣེའུ་སྡོང་རྩེའི་དཔོན་སའི་གོ་ས་དང་གདན་ས་མཐིལ་ཀུན་བཟང་ནགས་ཁྲོད་ཀྱི་སྤྱན་སྔ་ཟུང་དུ་འབྲེལ་བའི་སྒོ་ནས་བོད་ཤིང་སྒོ་ཅན་གྱི་རྒྱལ་སྲིད་ཉམས་པ་མེད་པའི་མཛད་བཟང་ལ་བརྟེན་དཔོན་ས་གོང་མ་རིམ་བྱོན་དང་ཁྱད་(༡༨བ)

― GLG009_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

པར་མེད་པའི་ལུང་ལས་ཀྱི་མངོན་པར་མཐོ་བ་ནས་སྒར་ཕྱོགས་ཀྱི་དྲུང་རྟོགས་ལྡན་པ་ཞེས་སྤྱན་མས་འགེབས་མཛད་པའི་སྤྲོས་པ་དང་བྲལ་མ་པང་དུ་བུ་མ་ཤོང་བའི་ཞྭ་དམར་ནག་གཉིས་ཞལ་མཛེས་ཙམ་ལས་བྱ་རོག་འུག་པའི་བརྟུལ་ཞུགས་སུ་གྱུར་པ་དེ་བཞིན་ཡིན་ལ། སྤྱན་སྔ་རིན་པོ་ཆེ་ཞི་བར་གཤེགས་རྗེས་སྟོད་ལུང་དུ་བདེ་ཆེན་སྤྲུལ་སྐུར་གྲགས་པ་ཤིན་ཏུ་གསལ་བ་བྱོན་པར་ཆོས་རྒྱལ་འབྲི་གུང་པ་ཆེན་པོ་རིན་ཅེན་ཕུན་ཚོགས་ཀྱིས་བདག་རྐྱེན་དང་། བྱང་སྟག་ལུང་ནས་ཀྱང་དེ་དང་ཕྱོགས་མཚུངས་གནང་ནའང་རྗེ་མི་བསྐྱོད་རྡོ་རྗེས། ཞྭ་དམར་ཅན་གྱི་ཆར་པ་བབས་གྱུར་ཀྱང་། །ང་ཡི་ཞྭ་དམར་དཀོན་ཅོག་ཡན་ལག་ཡིན། །ཕུན་སུམ་ཚོགས་པར་གྱུར་ན་རྗེས་ཡི་རང་། །དངོས་སུ་མཇལ་སྙམ་འགྲམ་ཆུ་མི་ལྡང་ངོ་། །ཞེས་ཀོང་པོ་སྐྱེམ་པའི་ཞལ་ངར་འཁྲུངས་པ་དེ་ལ་ངོས་བཟུང་བའི་སྤྲུལ་སྐུ་བྱེ་བ་ཐེར་འབུམ་གྱི་དབུ་ཚུགས། རྗེ་དཀོན་ཅོག་ཡན་ལག་གི་སྤྲུལ་སྐུ་འབྲི་གུང་སྐྱུ་རའི་རིགས་སུ་སྐུ་བལྟམས་པ་དཔལ་ལྡན་གར་དབང་ཆོས་ཀྱི་དབང་ཕྱུག་དོན་ཀུན་ཡོངས་སུ་གྲུབ་པ་ཕྱོགས་ཐམས་ཅད་ལས་རྣམ་པར་རྒྱལ་བ་ཁམས་ཕྱོགས་ཀྱི་འགྲོ་བ་རྣམས་མཐོང་བས་དོན་ལྡན་དུ་མཛད་ནས་ཡར་ཕེབས། རིང་པོ་མ་ལོན་པར་གཙང་སྐུར་གཉེན་སྲིད་རྡོ་རྗེའི་བྲག་ལྟ་བུའང་དུས་ཀྱི་ཆད་པས་དུམ་བུར་སོང་བའི་བདེ་གཟར་ཆེར་ལངས་པས་ཡར་ཀླུངས་ཤར་ནུབ་མཐིལ་གསུམ་དུ་སྟོན་ཏོག་བསྡུ་རྒྱུ་མ་བྱུང་བས་རྐྱེན་བྱས་རྙིང་ལུགས་ཀྱི་བླ་མ་ལྔ་ཙམ་ཞིག་གསོལ་ཆས་ཀྱིས་བརྡུགས་ཏེ་ད་ཇི་ལྟར་དྲག་གམ་ཞེས་འགྲོ་ལྡིང་པའི་ངང་ནས་ཞྭ་(༡༩ན)

― GLG009_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་ཐམས་ཅད་མཁྱེན་པའི་སྒར་དུ་བྱོན་པར་ཐག་བཅད་པའི་ཡ་གྱལ་ཞིག་རྗེ་འདི་ཉིད་ཡིན་ལ། ཀར་ལུགས་འདི་ཁོག་ཡངས་ཤིང་མཛད་པ་རླབས་ཆེ་བས་འདི་ཆུང་འདི་མི་ཆུང་ཅེས་རིས་སུ་ཆད་པ་མེད་གཤིས་ཁོང་དཔོན་སློབ་རྣམས་ཐུན་མོང་དུ་གུར་དཀར་ནག་གཡབས་ཐབ་ཆས་རྟ་དྲེལ་གྱི་རྩིས་འཁྲི། སྒར་པ་དཔེ་འགྲེའི་འཕོགས་དང་གཟིམས་གུར་འགག་ཏུ་ཉུང་ཇ་བསྒུགས་ཆོག་པ་སོགས་ཐུགས་བརྩེ་བ་ཆེན་པོས་རྗེས་སུ་བཟུང་། བླ་མ་གཞན་རྣམས་ཀྱི་ལོ་གཅིག་ཙམ་ནས་དགོངས་པ་ཞུས་ཏེ་སོ་སོའི་གནས་སུ་བྱོན། རྗེ་བླ་མའི་ཐུགས་ལ་ཐོག་མར་སྒར་དུ་འཇུག་རྐྱེན་དེ་བཞིན་ཡིན་ཡང་ཞྭ་དམར་ཐམས་ཅད་མཁྱེན་པ་འདི་ཉིད་མདོ་སྔགས་དང་ཐ་སྙད་སོགས་ཤེས་བྱ་རིག་པའི་གནས་ལྔར་མཁྱེན་པའི་སྤྱན་ཡངས་པ་དེང་སང་བོད་འདིར་བླ་ཆེན་ཀུན་གྱི་ནང་ནས་འགྲན་ཟླ་དང་བྲལ་བ་ཞིག་མཆིས་པས་རེ་ཞིག་ཞབས་ཀྱི་པདྨ་བསྟེན་ནས་ཐོས་བསམ་རྒྱ་ཆེ་བ་མཛད་པར་དགོངས་ཏེ་ཐོག་མར་བར་མ་རབ་བྱུང་ནས་བཟུང་བསྙེན་རྫོགས་བར་གྱི་སྡོམ་པ་རྣམས་ཞུ་བ་མཛད་པའི་ཚེ་མཚན་ཀརྨ་བློ་མཆོག་རིག་པའི་རྡོ་རྗེར་འདོགས་པ་གནང་། སྒར་ཕྱོགས་ཀྱི་བསྙེན་རྫོགས་པ་རྣམས་ཀྱང་རྔུལ་ལེན་དང་ལྡིང་སློག་སོགས་གོས་སྦུ་གུ་ཅན་ལ་མཆོར་ཆས་སུ་བྱེད་པའི་སྤྱན་ལྟོས་མ་མཛད་པར་རབ་ཏུ་བྱུང་བའི་རྟགས་ཁོ་ན་ལྷུར་བླངས་པས་རྗེ་ཉིད་ཀྱི་དཔེ་ཟླར་འོས་པ་ལོ་ཙཱ་བ་བསྟན་པ་ཙམ་མ་གཏོགས་མ་བྱུང་བས་གངས་བབས་པའི་ཞོགས་ཤིག་གུར་སྡུད་པའི་ཚེ་ལོ་ཙཱ་བ་བསྟན་པར་ཟླ་བོ་ཞིག་གིས་སྟོད་གོས་གཡར་(༡༩བ)

― GLG009_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་བཏང་བ་མགོ་མཇུག་སློག་ནས་གྱོན་འདི་བཞིན་འདུག་བྱས་པར་ད་ནང་མིན་པ་རྐང་གོས་དང་ལག་གོས་ཨང་དེ་གྱོན་མ་མྱོང་བྱས་སྐད། ཐམས་ཅད་མཁྱེན་པའི་ཞབས་དྲུང་དུ་དུས་འཁོར། རྒྱལ་བ་རྒྱ་མཚོ། ཕག་མོ། དགྱེས་རྡོར་ལྷ་དགུ། བདེ་མཆོག་ལྷ་ལྔ། ཀུན་རིག །ཚེ་དཔག་མེད་རྩ་གསུམ་དྲིལ་སྒྲུབ་རྣམས་དབང་། ཕྱག་རྡོར་འབྱུང་འདུལ། བཅུ་གཅིག་ཞལ། འཇམ་དཀར། སྨན་བླ་སྤྲུལ་སྐུའི་རྗེས་གནང་། ཚེ་དབང་ལྷ་གཅིག་བུམ་གཅིག །ཕྱག་ཆེན་ཆོས་དྲུག་གི་འཁྲིད་སོགས། ཀརྨ་ཀམ་ཚང་ལུགས་ཀྱི་དབང་འཁྲིད་རྗེས་གནང་དུ་མ། གཞན་ཡང་ཀླུ་སྒྲུབ་ལུགས་ཀྱི་སེམས་བསྐྱེད། དབུ་མ་འཇུག་པ། མངོན་རྟོགས་རྒྱན། མདོ་སྡེ་རྒྱན། མངོན་པ་མཛོད། སྤྱོད་འཇུག །འདུལ་བའི་བསླབ་བྱ་རྒྱས་པ། དཔེ་ཆོས་རིན་ཆེན་སྤུངས་པ། ཟབ་མོ་ནང་དོན། སྤྱན་སྔ་ཆོས་ཀྱི་གྲགས་པའི་བཀའ་འབུམ། བློ་སྦྱོང་སྐོར། འཁྲུངས་རབས་སོ་བཞི་པ་ཀུན་མཁྱེན་རང་བྱུང་རྡོ་རྗེའི་ཁ་སྐོང་དང་བཅས་པའི་ལྗགས་ལུང་གི་རིས་གང་ཐོབ་གནང་། རྒྱུན་པར་གཟིམས་གུར་དུ་དཔེ་མཚམས་ལྟ་བུས་དུས་འཁོར་བསྡུས་རྒྱུད། ཀྱེ་རྡོར་རྩ་རྒྱུད་བརྟག་པ་གཉིས་པ། རྒྱུད་གསང་བ་སྙིང་པོ། རྒྱུད་བླ་མ། སུམ་རྟགས། སྙན་ངག་མེ་ལོང་གིས་གཙོས་པའི་རྒྱ་བོད་ཀྱི་གཞུང་མང་པོའི་རྩ་བ་ཐུགས་ལ་འཛིན་པ། ཊཱིཀ་འགྲེལ་རྣམས་ལ་གཟིགས་རྟོག་གིས་མཚོན་པའི་གསན་སྦྱོངས་ལྷུར་གནང་། འོན་ཀྱང་སྒར་པ་འཕྲིན་ལས་ཆེ་ཞིང་ཕྱོགས་ཀུན་ཏུ་ཕེབས་དགོས་པའི་སྟབས་བྱེས་ལ་གཞིས་བཅོལ་བ་ལྟ་བུས་ཐུགས་ཀ་ཁེངས་(༢༠ན)

― GLG009_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱག་དཔེ་རང་ནི་མ་བྱུང་གསུང་། ཤངས་སུ་སྡེ་པ་ལྷ་བུ་བས་ཆོས་རྒྱལ་རིན་ཆེན་ཕུན་ཚོགས་ཀྱི་གཏེར་གསར་རྡོ་རྗེ་གྲོ་ལོད་ཀྱི་དབང་ཞུས་དུས་དབང་རྫས་ཀྱི་ཕུར་པ་མ་རྙེད་པར་སྡེ་པ་ཆོས་རྒྱལ་ཕོ་བྲང་པས་བསྙེན་ཕུར་གཡོར་བར་བྱུང་བ་དབང་གྲལ་དུ་ཆུད་པའི་གསོལ་བཏབ་མཛད་པས་རྗེས་སུ་བཟུང་། ཟབ་བུ་གདན་ས་པ་མཚུངས་མེད་ཀརྨ་དབང་རྒྱལ་གྱིས་ཞུས་པས་དོན་གཉེར་ཅན་ཁ་ཤས་ལ་མཁའ་འགྲོ་སྙིང་ཏིག་གི་ལྗགས་ལུང་སྩལ་བ་ལྷན་དུ་གསན། ལུང་ནས་གཉན་པའི་རིས་ཁ་ཤས་བྱེད་མི་ནུས་གསུངས་ནས་མ་གནང་ཞིང་དབང་ཡང་མ་བྱུང་འབྲི་གུང་པའི་ཞལ་ངོར་གོང་གཤིས་རྙིང་ཆོས་རྒྱ་ཆེ་བ་ཨེ་ཐོབ་བསམས་རུང་དེ་ཕྱོགས་ལ་དགོངས་པ་ཤིན་ཏུ་མ་གཏོད་པས་གནང་བའི་སྤྲོས་པ་དང་བྲལ། ཚེས་བཅུའི་དུས་དབང་དང་དངོས་གྲུབ་ཀྱི་དབྱེ་བ་ནི་སྒར་ཕྱོགས་ལ་ཅི་ཡང་མི་འདུག །གཏོར་མ་མགོ་ལ་བཞག་ནས་བཛྲ་གུ་རུ་གསུང་བའི་བྱིན་རླབས་ཡོང་བ་ངེད་ལྷན་དུ་སྡོད་མིའི་རྙིང་བླ་ལྔ་པོ་དང་བླ་མ་འོལ་བབ་སོགས་ཀྱིས་ལྐོག་ཏུ་འདི་འདྲས་དབང་དང་དངོས་གྲུབ་གང་གིའང་གོ་མི་ཆོད་པ་འདྲ་ཞེས་གླེངས་ནའང་ཕྱི་ཡུལ་དུལ་བ་ག་ལ་ནུས། འོན་ཀྱང་ཐམས་ཅད་མཁྱེན་པ་དེ་གར་དབང་སྣང་བ་མཐའ་ཡས་དངོས་ཡིན་པས། ཚིག་གི་བདག་པོས་ཚིགས་སུ་བཅད། །ཅེས་པ་ལྟར་གང་གནང་ཡང་ཚབས་སུ་འགྲོ་བ་ཞིག་ཡོད་པ་གཞིར་བཅས་གསུང་། དཔོན་སློབ་ཞྭ་དམར་བར་ཡང་རི་དྲུང་པ་ཕྱོགས་ནས་བྱུང་ངམ་ཟེར་གང་ལྟར་གསོལ་ཟས་ངན་པ་ཞིག་གིས་སྐུ་ལྟེམ་བབས་ལྕི་བར་ཚང་མས་སྐུ་རིམ་བརྟན་བཞུགས་འཕྲོད་(༢༠བ)

― GLG009_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟེན་ལ་འབད་པས་བསྟན་འགྲོའི་སྨན་ཡོན་དུ་དྭངས་སྐྱེད་ཆེ་བར་གྱུར་ཏེ་སྒར་སྤོ་བའི་ཉིན་ཞིག་རྒྱ་འདྲེའི་འཚུབ་ལྷོངས་ཀྱི་རྣམ་པས་ཐུགས་འཁྲུལ་བས་གཟིམས་དཔོན་སྡེ་པ་སྤེལ་ཆུང་པར་འོལ་བ་ངག་དབང་ཆོས་གྲགས་མ་གཏོགས་རྟ་པ་ཐམས་ཅད་ཀྱིས་བེར་ཟླམ་དང་བསེ་ཐེབ་ཞེ་གཅིག་ལ་རྟ་རྒྱབ་ཏུ་སྤྲེའུ་རེ་བསྐྱོན་འདུག་པ་འདི་འདྲ་ཅི་ཡིན་ཞེས་དྲི་བ་གནང་འདུག །ཆིབས་རགས་བསྒྲིགས་མ་དམ་དྲགས་གཤིས་ངེད་རྟ་ཆས་ཧྲུལ་བས་ཁལ་མའི་ཟླ་ལ་འགྲོ་དགོས་པས་ཆིབས་རགས་ཀྱི་ཞབས་ཕྱིར་མེད་གསུང་བར་དཔགས་ན་མཁས་བཙུན་གྱི་ཡོན་ཏན་གཟིགས་པས་ཞྭ་དམར་བས་ཕྱི་ལྟར་དུ་ཕྱག་ཕྱིའི་གྲས་སུ་གནང་ཡང་ཐུགས་ཀྱི་འཇོག་སོ་བླ་མ་ཁོ་ནའི་མོས་པ་མཛད། དེའི་སྟབས་ཀྱིས་སྒར་པ་དམངས་མའི་སེམས་ལ་མ་རན་པའི་སྐུར་ཞུས་ཁོ་ན་བྱེད་པ་ཡོད་ཚུལ་གྲ་རིགས་འདྲས་གླེང་བ་བླ་མར་བསྟོད་བསྔགས་ཀྱི་ལུགས་ཡིན་འདྲ་ཡང་། གསུང་སྟོན་པས། སློབ་མ་དད་པ་ཅན་གྱིས་བླ་མ་ཟོག་པོར་གཏོང་གསུང་བའི་དཔེར་མཆིས་རྗེ་དབུ་སེ་དང་ཉེ་གནས་ནམ་མཁའ་འོད་གཉིས་ཁམས་ཀྱི་རི་ཁྲོད་གཅིག་ཏུ་བཞུགས་པའི་བྲག་ཕུག་གི་སེར་ཁ་ནས་སྦྲུལ་ཐོན་པ་དེ་ཡང་རི་དྲུང་པ་ཀུན་དགའ་ལྷུན་གྲུབ་ཡིན་པའི་སྨོན་ལམ་དང་རྟེན་འབྲེལ་མདོ་ཁམས་སུ་ཞྭ་དམར་ནག་ནང་ཞིག་པའི་རྐྱེན་བྱས་སམ་ཟེར་སླར་ཡར་སྟོད་ལྷུན་པོ་སྒང་དུ་ཀརྨ་པ་ཡོན་མཆོད་ལྷོ་བྲག་དཔའ་བོའི་རིམ་འདེགས་དང་བཅས་ཡང་རི་བ་རྣམས་སརྦ་གཙྪ་བཏང་ཐོས་སྒར་པ་ཕྱོགས་གཅིག་ཏུ་འདྲིལ་ཏེ་རྒྱལ་བ་ཡབ་སྲས་ཉི་ཟླ་ཟུང་འབྲེལ་(༢༡ན)

― GLG009_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་སོང་། ཡབ་སྲས་ཐམས་ཅད་བསམ་ཡས་སུ་ཕེབས་པའི་ཚེ་དཔེ་ཀར་ལྕོག་ཏུ་དྲེགས་པའི་སྡེ་དཔོན་ཙིའུ་དམར་པོས་རྒྱལ་བ་ཀརྨ་པར། ཞྭ་ནག་འོག་གི་བན་ཆུང་ཁྱོད། །དམ་ཚིག་དེ་ཐུབ་བམ་མི་ཐུབ་ཅེས་རལ་གྲི་རྡག་རྡག་དང་བཅས་ཏེ་འཚུབ་པའི་རྣམ་འགྱུར་སྟོན་ཚེ་ཞྭ་དམར་ཐམས་ཅད་མཁྱེན་པས་དམོད་ནས་མཛད་པའི་མུས་ལ་ཅོད་བན་འཛིན་པ་ཞེས་འཇམ་མུས་ཀྱིས་འགྲོ་བ་ཞིག་ཡོད་པ་སྤྱན་སྔ་ཆོས་ཀྱི་གྲགས་པའི་དུས་རྩེ་འཁྲི་མཛད་པ་དང་སྐུ་ཚེ་འདིར་འབྲི་གུང་གི་ཞལ་ངོར་འཁྲུངས་པར་ཆོས་སྐྱོང་བཟོས་ཆེ་བ་ཡིན་འདྲ་གསུང་། སྒར་པ་ཡབ་སྲས་གཙང་ཕྱོགས་སུ་ཕེབས་ཀརྨ་པ་དབང་ཕྱུག་རྡོ་རྗེ་གཤེགས་ནས་སྒར་མང་མའི་ཐུགས་ཁུར་དཔོན་སློབ་ཞྭ་དམར་བས་མཛད་པ་འདི་རེས་སྤྲུལ་སྐུ་ཆོས་དབྱིངས་རྡོ་རྗེ་ལ་ཆོས་འཇིག་རྟེན་གཉིས་ཀ་གྲ་ཆག་གྲུ་མ་ཉམས་པར་རྩིས་འབུལ་ཞུ་བ་གནང་སྐབས་ཚེས་བཅུའི་འཆམས་ཀྱི་གཟིགས་མོ་རྒྱས་པར་ཕུལ་བའི་བླ་མ་སྐུ་སྐྱེས་བྱིན་དབབ། སྡེ་པ་ཕོ་བྲང་པས་གཏུམ་རྔམས། རྗེ་བླ་མས་ཚོགས་ལེན་གྱི་འཆམས་དཔོན་མཛད་པ་དགོངས་པར་འབྱོར་ཆེ་བའི་གཏང་རག་ཏུ་ཆིབས་སྒ་སྤུ་ལེན་སྲབ་རྨེད་སོགས་ཆ་འགྲིག་ལེགས་པ་ཞིག་སྩལ། དེ་ནས་བཟུང་ཆིབས་རགས་ཀྱི་ཕྱགས་ཕྱིར་ཡང་ཆུད། བྲག་ཁ་གཟིམས་ཤག་པའི་ཆོས་མཛད་འཁོར་ཞག་ཏུ་སོང་བའི་གཞིས་ཀ་རྩེར་ཕེབས་དུས་ཁོ་པའི་ཆབ་ཀྱི་ཕྱག་ཕྱག་ཁྱེར་མི་གྱིས་ཕེབས་པར་ལས་ཆན་དུ་ཆུད་དགོངས་པའི་མཉེས་ཚོར་ཆེ་བ་བྱུང་། རྒྱུན་དུ་བཞུགས་སྒར་ལས་རྫོང་དུ་མི་བཞུགས་ནའང་ཞག་བཅོ་ལྔ་(༢༡བ)

― GLG009_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་ཞིག་གི་བར་ཀརྨ་པ་དཔོན་སློབ་བཅུ། ཞྭ་དམར་བ་བརྒྱད། དྲུང་པ་ལྔ་རྣམས་རྫོང་དུ་བཞུགས་པར་གསོལ་ཐབ་ཀྱང་མ་བཟུང་བའི་གཙང་གཞུང་ནས་ཞབས་ཏོག་ཤིན་ཏུ་སྨིན་པ་མཛད་པ་དེ་ཁྲོད་དུ་ཆུད་མི་ཆུད་ཀྱི་གླེང་བརྗོད་ཀྱང་ཡོང་གིན་ཡོད་འདུག །རྫོང་དུ་ཞག་བཞུགས་ལ་ཕེབས་ཉིན་ཕྱག་ཕྱག་དོལ་པོ་ཆོས་མཛད་གཞོན་པར་བསྐུར་སོང་བར་ཞལ་སྐྱེངས་པའི་ཉམས་ཀྱིས་རྫོང་དུ་གདན་འདྲེན་ལའང་མ་ཕེབས་པར་གུར་ནང་དུ་བཞུགས། རེ་ཞིག་བཀའ་ཆོས་གསན་པ་དང་སྐུ་ཡོན་སྦྱོང་དར་མཛད་པ་ལས་ཕུགས་ཡུལ་ཀར་ལུགས་མཛད་པ་མི་འཆར་གཞི་བཞག་གིས་ཀར་ལུགས་ཀྱི་ཆོ་ག་ཆོས་སྤྱོད་རྣམས་ཐུགས་ལ་མ་བཟུང་ཞིང་དབུས་གཙང་གི་མི་རྣམས་ཀྱང་སྒར་སྐད་ཟེར་བའི་ཁམས་སྐད་འདྲ་མོ་ཞིག་བྱེད་དགོས་ཀྱི་ཡོད་སྣང་བ་མ་མཛད་པས་བླ་མ་ཁྲ་ཚང་བ་ཟེར་བ་འདི་རྙིང་མ་བའི་ཆོས་ཁོབ་ཁོབ་འདི་དང་ཡར་ཀླུངས་པའི་སྐད་ཏྲེབ་ཏྲེབ་འདི་ལ་འགྱུར་རྒྱུ་ཡང་མི་འདུག་ཅེས་དམངས་མས་སྡང་བ་ཙམ་ཞུས་འདུག །མ་ནས་རབ་གནས་ཀྱི་དོགས་སེལ་སོགས་གསར་མ་ཕྱོགས་ཀྱི་གསུང་འཕྲོས་ཕལ་ཆེར་ལ་ཞ་དམར་བ་དྲུག་པ་འདི་བཞེད་ཅེས་ཚད་མར་འཛིན་ཅིང་མཁས་བཙུན་བཟང་གསུམ་མཐའ་དག་གི་སྒོ་ནས་ཐུགས་དད་ནི་ཆེ་བར་སྣང་། འོན་ཀྱང་ཞྭ་དམར་ཅོད་པན་འཛིན་པ་ཉིད་ཀྱིས་ཡོལ་མོ་གངས་རའི་རྡོ་རྗེ་གླིང་དུ་མཛད་པའི་བཅད་ལྷུག་སྤེལ་མའི་གླུ་ལས། སློབ་མ་བཟང་མང་ཐོན་པ་དེ། །བླ་མའི་ཡོན་ཏན་གཙོ་བོ་ཞེས། །མཁས་གྲུབ་རྣམས་ལ་གྲགས་གྱུར་ན། །དེ་ཅི་ཁྱོད་ལ་ལྡན་མཐོང་ངམ། །ངེད་ལ་སློབ་(༢༢ན)

― GLG009_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བཟང་པོ་མང་པོ་ཡོད་ཟེར་བའི་གྲགས་པ་དོན་དུ་གཉེར་བ་ཡིན་ན་སྤྲུལ་སྐུ་སྐྱེས་ཆེན་མཁན་སློབ་བླ་ཆེན་སྐུ་ཆེ་རིགས་བཙུན་སོགས་གྲངས་འདྲེན་རྒྱུ་ནི་ལག་མ་ཐོགས་པ་ཡོད་ཀྱང་། མ་ལ། རང་ལ་འཁོར་བའི་བུ་སློབ་འཁོད། །མཁས་བཙུན་བཟང་པོར་བསྐྱེད་ནས་ཀྱང་། །སངས་རྒྱས་བསྟན་པ་བསྲུང་ནུས་པ། །ཀྱེ་མ་ཤིན་ཏུ་དཀོན་པ་བྱུང་། །ཅི་ཞིག་འདི་ལྟ་བུ་འབྱུང་བའི་རྒྱུ་ནི་གང་ཡིན་ན། ཕ་རོལ་གཞན་གྱི་སྐྱོན་ནི་ཅུང་ཟད་ཀྱང་མ་ཡིན་ཏེ། ཕྲུ་བར་མེད་པའི་གཟར་བུ་བཞིན། །རང་རྒྱུད་ཡོན་ཏན་མེད་པས་ན། །གཞན་ལ་དེ་ལྟར་མི་འབྱུང་བ། །གཙོ་བོའི་རྒྱུ་ནི་དེ་ཉིད་ཡིན། གཅིག་ཏུ་རང་རྒྱུད་ལ་བསླབ་ཤེས་ཀྱི་ཡོན་ཏན་སྨིན་པར་མེད་པ་དང་། གཉིས་སུ་གང་ཤེས་པའི་ཆོས་དེ་ཡང་ཟླ་གཅིག་སྦྲེལ་བའི་འཆད་ཉན་མི་ནུས་པ་དང་། གསུམ་དུ་གོ་ས་མཐོན་པོར་བཏགས་ནས་སྙོམས་ཆུང་ཤེས་ལྡན་གྱི་དྲི་སྨེད་བྱེད་པ་ལྟ་ག་ལ་ཞིག་གམ་དུ་འོང་ས་ཡང་མེད་ཅིང་ཞུ་མི་ནུས་ཟེར་སྤ་བཀོང་སྟེ་གནས་དགོས་པ་དང་། བཞིར་ན་དེ་ཚོ་ཐམས་ཅད་འོང་བའི་རྩ་བ་འུར་སྒྲོབ་རྣམ་གཡེང་གི་འཁོར་ལོ་བསྐོར་བ་སྟེ་སྐྱོན་རྩ་རང་རྐྱེན་བཞི་པོ་དེར་འདུས་འདུག་གོ །ཞེས་པ་ལྟར་སྐུ་དབྱིངས་ཧ་ཅང་ཆེས་པས་བཀའ་ཆོས་ཀྱང་གཞན་གྱི་ཞོར་སྒུག་ལས་རྐང་བཙུགས་ཞུ་གནང་གི་སྦ་མི་ཕིགས་ཤིང་དེ་ཡང་ཐུགས་བྲེལ་གྱིས་སྦྱོར་དངོས་རྗེས་གསུམ་ཚང་བ་དཀོན་ཞིང་སྒྲ་སྙན་སྡེབ་སྦྱོར་རྩིས་ལ་སོགས་ཐ་སྙད་དང་གཞུང་ལུགས་ཀྱི་དོགས་གཅོད་ཞུ་བའི་སྐབས་ཀྱང་ཆེར་མི་ཡོང་བར་མ་ཟད་ཕྱི་ལྟར་དུ་འགྲོ་བ་མཐའ་དག་ལ་རིས་མེད་པ་ལྟ་བུ་ལས་(༢༢བ)

― GLG009_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དུ་གཞིས་རྩེའི་ནང་མགྲོན་ལྟར་སྤྱི་སྤྱིའི་ནང་གི་སྒེར་སྒེར་གྱིས་མཚོན་དགེ་སྐྱོན་དུ་མ་ནས་རྗེ་ཀརྨ་དབང་འབྱོར་ལ་ཆོས་འཕྲོ་ཞུ་བ་དང་བླ་མ་གཞན་དག་བསྟེན་པ་ཁེ་ཆེ་བར་མཁྱེན་ནས་དགོངས་པ་ཞུས་པས་སྐུ་ཞབས་སུ་ཤོག་གསུངས་ནས་ཉིད་རང་ཀར་ལུགས་ཕྱོགས་གཏོགས་བྱེད་པ་བཞིན་མ་བྱེད་ཀར་བསྟན་འདི་རང་གང་འདྲ་བྱེད་མི་ཤེས་ཁྱེད་རང་ནི་མཉམ་མེད་ཆེན་པོ་ནས་བཟུང་སྨན་ལུང་པ་མི་བསྐྱོད་རྡོ་རྗེ་སོགས་རྙིང་མའི་སྐྱེས་ཆེན་མང་རབ་ཅིག་བྱུང་འདུག་པས་སྤྱིར་རྙིང་མ་ཡང་སྒོས་ཕ་ཆོས་རང་ལ་ཉམས་ལེན་མཛོད་ཀྱི་བསླབ་དོན་ཞིབ་རྒྱས་གནང་བ་མངོན་པར་མཁྱེན་པ་མིན་པའི་ཁ་མཚོན་མི་ཆོད་མོད་ཕལ་ཆེར་རྗེ་ཆོས་དབྱིངས་རྡོ་རྗེའི་མཛད་པ་བའི་ཉལ་ལུགས་ཀྱི་བེའུ་ལྡན་ཀྱོག་སྐྱེ་བ་མཁྱེན་རླབས་ཀྱིས་ཆོད་པ་འདྲའོ། །གཙང་རོང་གོང་རར་མང་རོང་གཏེར་སྟོན་འཇམ་དཔལ་རྡོ་རྗེ་ཟེར་བ་ཞིག་བྱུང་བ་ལ་ཐང་ཡིག་ནང་གི་བདེ་ཆེན་གླིང་པ་དང་གཅིག་པར་འདོད། གང་ལྟར་གཏེར་སྟོན་ཚད་ལྡན་བྱུང་ཚོད་དུ་འདུག །གཏེར་སྟོན་དེ་ལ་སྲས་སོགས་ཀྱི་བརྒྱུད་འཛིན་མཁན་ནི་བྱུང་རིས་མིན་འདུག་པས་བླ་མ་ཆོས་ཉིད་རང་གྲོལ་གྱི་རིགས་བརྒྱུད་ཉི་ཟླ་གྲགས་པ་ཟེར་བས་གོང་ར་བཟུང་སྡེ་པ་སྣང་རྩེ་བས་ཆོས་བདག་བྱས། དེའི་རྗེས་སུ་གོང་ར་ངག་གི་དབང་པོ་ཞེས་སྒྲ་སྙན་ངག་ལ་ཤིན་ཏུ་མཁས་པ་བྱུང་རིན་སྤུངས་ཞབས་དྲུང་ངག་དབང་འཇིགས་གྲགས་ཀྱི་དགོངས་པར་ཡང་བདེ། ཞྭ་དམར་སྤྲུལ་སྐུ་དྲུག་པའི་རིག་གནས་ཀྱི་སློབ་དཔོན་ཡང་ཡིན་ཟེར་བ་དེའི་ཚ་བོ་གོང་ར་ལོ་ཙཱ་བ་གཞན་ཕན་རྡོ་རྗེ་ཞེས་སྒྲ་ཀ་ལཱ་པ། སྙན་ངག་མེ་ལོང་། སྡེབ་སྦྱོར་མངོན་བརྗོད་ལ་བྱང་བ་སོག་བཟློག་པ་བློ་(༢༣ན)

― GLG009_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོས་རྒྱལ་མཚན་དང་སྙིང་ཕུ་རིགས་འཛིན་གྱིས་གཙོས་བླ་མ་དུ་མ་བསྟེན་ནས་སྔགས་རྙིང་མ་ལ་ཐོས་རྒྱ་ཆེ་བ་གཏེར་ཁ་གོང་འོག་གིས་ཐོག་དྲངས་སྔ་འགྱུར་བྱིངས་བདེན་མེད་དུ་རྟོགས་ཤིང་སངས་རྒྱས་གླིང་པ་དང་སྣང་རྩེ་བ་གཉིས་བདེན་འཛིན་མངོན་དུ་གྱུར་པ་རྒྱུད་ལ་ལྡན་པའི་ཁེངས་རློམས་ཅན་དེའི་དྲུང་དུ་འབྱོན་པའི་རྐྱེན་སྨན་ལུང་གི་ཡབ་ཡུམ་གྲ་རིས་རྣམས་ཀྱིས་ཇོ་མོ་ལེན་རྩིས་བྱས་པ་རྗེ་འདི་ཉིད་ཚངས་པར་སྤྱོད་པའི་བརྟུལ་ཞུགས་འཕགས་པ་འོད་སྲུངས་ཆེན་པོ་ལྟར་ཤིན་ཏུ་བརྟན་པས་ཐུགས་ལ་མ་བཞེད་ནས་རེ་ཞིག་འཕུལ་ཐབས་སུ་རིག་གནས་བསླབ་པར་སྙད་དེ་གོང་རར་ཕེབས། སྔར་སྒར་དུ་བཞུགས་དུས་ཐ་སྙད་ཀྱི་སྐོར་སྦྱང་བཞེད་ཀྱང་ཟུར་མཁར་བློ་གྲོས་རྒྱལ་པོས། ཚུལ་དེ་ལྟ་མོད་ཀྱི་སྤུར་རྒྱལ་འདིར། །གཞན་ཀུན་ལ་ཕྱོགས་མེད་གཏོང་བ་དང་། །རང་ལེགས་བཤད་འཚོལ་བར་རློམ་ན་ཡང་། །དོན་སྦྱིན་ལེན་གཉིས་ཀ་གསེར་ལས་དཀོན། །ཞེས་པ་ལྟར་ཞིབ་ཆ་མཛད་རྒྱུ་མ་བྱུང་བར་བརྟེན་ལོ་ཆེན་པཱ་ར་ཧི་ཏའི་དྲུང་དུ་ལེགས་པར་སྦྱར་བ་ཀ་ལཱ་པའི་མཚམས་སྦྱོར། མིང་ལེ། ཀུན་བཤད། ཀྲོ་ཏ་རྣམས་ཀྱི་ས་རིས་ཡོངས་རྫོགས། སྙན་ངག་མེ་ལོང་ལེའུ་གསུམ་གྱི་རྩོམ་རྒྱུགས་སྡེབ་སྦྱོར་རིན་ཆེན་འབྱུང་གནས་སོགས་རིག་པའི་གནས་རྣམས་ལ་རྟག་འགྲུས་སུ་མཛད། གཞན་ཡང་ཐུགས་སྒྲུབ་དྲག་པོ་རྩལ། བཀའ་བརྒྱད་བདེ་འདུས། ཁྲ་མོ་བྲག་གི་བླ་མ་སྤྱི་འདུས། རཏྣའི་རྟ་མགྲིན་གསང་འདུས། བི་མཱ་ལའི་སྙིང་ཏིག །བསྟན་གཉིས་གླིང་པའི་སངས་རྒྱས་དགོངས་འདུས། ཉང་གི་(༢༣བ)

― GLG009_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་བཞི་པ། ནཱ་རཀ་དོང་སྤྲུག །སངས་གླིང་པའི་ཐུགས་རྗེ་ཆེན་པོ། སྤོ་བོ་པདྨ་རིགས་འཛིན་གྱི་བླ་མ་ཞི་དྲག་རྣམས་ཀྱི་དབང་ལུང་། གསང་སྐོར་སྙན་བརྒྱུད་ཤངས་ལུགས། ཉང་གི་གསང་སྔགས་ལམ་རིམ། བཻ་རོའི་འདྲ་འབག་སོགས་བཀའ་གཏེར་གྱི་ཆོས་མང་བ་གསན། ཁྱད་པར་འགྲོ་མགོན་དུང་མཚོ་རས་པའི་ཡང་ཏི་ནག་པོ་གསེར་གྱི་འབྲུ་གཅིག་ལ་རྟགས་ཐོན་པ་བྱུང་གསུང་། དབང་བསྐུར་གྱི་ཕྱག་ལེན་བརྗོད་མི་གཙང་བ་མེད་ཅིང་ལུང་གི་རས་ཀློག་བཟང་བས་འགྲོ་ཆེ་བ་འཁྲིད་འབོག་ལུགས་ཀྱང་ལེགས་རབ་ཡོད་འདུག་རུང་རྫོགས་པ་ཆེན་པོ་ལྟ་བའི་ཀློང་ནས་ཡོད་རྒྱུའི་ཁུལ་གྱིས་སྒྲུབ་མཆོད་ཚུལ་ལྡན་ཡེ་མི་མཛད་ཅིང་དཀྱིལ་འཁོར་ལའང་ཐིག་ཚོན་གྱི་ཆོ་ག་གང་ཡང་མེད་པར་མདོས་དཀྱིལ་དཀྱུས་མ་ལྟར་གང་བདེར་འབྲི་བ་ཞིག་ཡོད་སྣང་། ལྷོ་བྲག་ནས་གུ་རུ་ཟེར་བའི་བླ་མ་ཞིག་གིས་སྐུ་ཚབ་མཐོང་གྲོལ་ཁུངས་བཙུན་པ་ཁྱེར་ནས་བྱུ་རུ་སྤོས་ཤེལ་གཡུ་མུ་ཏིག་འདྲ་དང་ཨེ་བརྗེ་ཞེས་འོངས་པ་རྗེ་ཉིད་ཀྱིས་གཙོས་པའི་ཆོས་ཞུ་བ་རྣམས་ཀྱིས་དེ་འདྲའི་རིན་མེད་ཅེས་ཕྱིར་སློག་ཚར་ནས་ལོ་ཆེན་གྱིས་དེ་འདྲ་བྱུང་བ་ངེད་ལ་འཕྲོས་མི་གཏོང་བ་གསུངས་ཁྲོ་བའི་རྣམ་འགྱུར་མཛད་པར་དེ་ཞི་བར་སྨན་འདི་རང་ཟབ་ཅེས་སྣང་རྩེ་གཏེར་སྟོན་གྱི་གཏེར་ཆོས་རྣམས་དགོས་པའི་སྙན་གསན་ཕུལ་ནས་ལྷ་ཞི་ཀླུ་ཞིར་སོང་སྐད་སོག་བཟློག་བཀའ་དམ་པས་དེ་སྐོར་མ་གཏོགས་པའི་གཏེར་ཆོས་ཚང་མ་གསན། ཞང་སྣ་ནམ་པ་རྡོ་རྗེ་བདུད་འཇོམས་དང་། མཆོག་གི་སྤྲུལ་སྐུ་རིགས་འཛིན་མངའ་རིས་པ་གཏེར་ཆེན་ཉི་ཟླ་འོད་ཟེར་གྱི་སྤྲུལ་པའི་ཟློས་གར་བྱང་པ་རིགས་འཛིན་ངག་གི་དབང་པོ་ཆོས་རྒྱལ་བསྟན་པའི་(༢༤ན)

― GLG009_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་མཚན་དཔལ་བཟང་པོའི་ཞབས་འབྲིང་དུ་བཞུགས་ནས་སྐུ་བེར་འཁུར་བ་སོགས་གཟིམས་དཔོན་གྱི་ལས་ཚན་མཛད། དཀྱིལ་འཁོར་གྱི་དབང་ཁ་ཤས་དང་གདམས་པ་འདྲ་མ་གཏོགས་པའི་མཉམ་སྦྱོར་གྱི་འཁྲིད་ཆེན་བརྒྱད། ཐུགས་རྗེ་ཆེན་པོ་ཡང་སྙིང་འདུས་པའི་ལུང་ཐོར་བུ། འཚོ་རྒྱལ་གཙུག་གི་རྒྱན་གཅིག །སེམས་བསྐྱེད་བསྟན་པའི་སྙིང་པོ། ཁ་འབར་མ་དཀར་ནག་ཁྲ་གསུམ། ཕྲ་མེན་ཐུན་གྱི་བཟློག་པའི་འཆོང་། རྟ་མཆོག་ཡིད་བཞིན་ནོར་བུ། ཆོས་རྒྱལ་མངྒའི་མཚན་ཅན་གྱི་གསུང་ཁ་ཤས། གཉན་ལོའི་གཏེར་མའི་དཔལ་མགོན་དར་ཁྲ་ཅན། ཚེ་དཔག་མེད་འཆི་མེད་དཔལ་སྟེར་སོགས་ཟབ་ཆོས་ཁ་ཤས་གསན། དབང་བརྡ་འཕྲོད་ཅིང་ཕྱག་ལེན་གཙང་བར་སྣང་། ལུང་ལྗགས་ཀློག་དལ་དྲགས་པ་དང་ཐུགས་བྲེལ་སོགས་འགྲོ་ཆེ་བ་མི་ཡོང་འདུག་གསུང་། ནུབ་ཅིག་ཐུན་དྲུག་གི་གསོལ་འདེབས་འུར་དིང་ངེ་བ་མ་བྱུང་བས་ངེད་རང་ཚོ་ལ་གཞན་ནི་ལག་རྗེས་གང་ཡང་མེད་ཡབ་ཆོས་རྒྱལ་མངྒའི་མཚན་ཅན་གྱི་ཕྱག་བཞེས་ལེའུ་བདུན་ཐུན་དྲུག་མ་ཡོད་ཁུལ་འདིའང་ཁྱེད་ཚོས་བྱེད་རྒྱུ་མིན་པ་ཨེ་ཡིན་ཞེས་ཕྱི་རོལ་ཏུ་བྱོན་ནས་བཀའ་བཀྱོན་ཚ་དྲག་གནང་བ་ཞིག་ཐོས། གཞན་མཚན་མོའང་སྐུ་ཞབས་སུ་བཅར་སྡོད་བྱས་རུང་ཐུགས་རྒྱུད་ཤིན་ཏུ་འབྱོངས་ཤིང་མཚན་བཅས་མཚན་མེད་ཀྱི་ཟབ་བཞེས་འཕེལ་བ་འཕྲལ་དུ་ངེད་རང་ལ་ཡོན་ཏན་མེད་ཅེས་དམན་ཆ་མཛད་ནའང་མཁྱེན་བརྩེ་ནུས་གསུམ་གྱི་གཏིང་དཔོག་པར་མི་ནུས་པ་ཞིག་ཡོད་གསུང་། སྔོན་རྗེ་འབངས་ཉེར་ལྔའི་ནང་གི་ལང་གྲོའི་སྔགས་འཆང་ལོ་ཙཱ་བ་དཀོན་ཅོག་འབྱུང་གནས་ཀྱི་གདུང་ལས་(༢༤བ)

― GLG009_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་ནག་སྒྲོལ་མ་སྦུག་པ་བསམ་གྲུབ་རྡོ་རྗེ། སངས་རྒྱས་རིན་ཆེན། ནམ་མཁའི་རྣལ་འབྱོར་སོགས་ཧེ་རུ་ཀཿདཔལ་གོས་དཀར་ལྕང་ལོའི་འཕྲེང་བ་འཛིན་པ་ཤ་སྟག་ཏུ་བྱོན་པའི་རིགས་ལས་སྒྲོལ་སྦུག་ནས་སྐུ་འབྲིང་བ་ཞེས་ཆོས་བློན་པདྨ་གུང་བཙན་གྱི་རྣམ་སྤྲུལ་ཡོལ་མོ་སྤྲུལ་སྐུ་བསྟན་འཛིན་ནོར་བུའི་གཏེར་གསར་དུ་ལས་ཅན་སྙིང་གི་བུ་བདུན་འབྱུང་ཞེས་པའི་ནང་ཚན། དཔལ་གྱི་རྡོ་རྗེའི་སྐྱེ་བ་ཞིག༔ གསང་བའི་ཚུལ་དུ་སློབ་དཔོན་བྱེད༔ ཅེས་ལུང་གིས་ཟིན་པའི་མཁས་གྲུབ་དེ་ལ་སེ་སྟོན་ཆེན་པོའི་དབང་ཆོག་ངེས་དོན་བདེ་འཇུག་གི་སྟེང་ནས་འཇམ་དཔལ་ཚེ་བདག་ཕྱག་རྒྱ་ཟིལ་གནོན་གྱི་དབང་བཞི་ཡོངས་རྫོགས་དང་། སྒྲོན་མ་དྲུག་པ་སོགས་ལྕགས་འདྲའི་ཆོས་སྐོར་གྱི་ལུང་གསན། ཐང་ཡིག་ནས་བཤད་པའི་གཏེར་སྟོན་ལས་འཕྲོ་གླིང་པ་འཁྲུལ་མེད་ཅིག་ལྷོ་བྲག་ཆོས་སྟེང་དགོན་པར་བྱོན་བཅོ་ལྔའི་ལོ་ལ་གཏེར་བཞེས། ཉེར་ལྔའི་ལོ་ལ་སྐུ་འདས་པ་ཞིག་བྱུང་བ་དཔལ་བཀྲ་ཤིས་སྟོབས་རྒྱལ་གྱི་གསུང་ལས། ཡོངས་ལ་ཚད་མར་གྲགས་པའི་རྡོ་རྗེ་གླིང་། །དེ་ཡི་ངོས་བཟུང་ནོར་བ་ག་ལ་སྲིད། །མ་ནོར་ལས་འཕྲོ་གླིང་པ་ཅི་ལ་ནོར། །ཞེས་གསུངས་པ་ལྟར་སོམ་ཉི་ག་ལ་ཡོད། འོན་ཀྱང་འགྲོ་འདུལ་ལས་འཕྲོ་གླིང་པ། གར་དབང་ལས་འཕྲོ་གླིང་པ། ཆོས་འབྱུང་ལས་འཕྲོ་གླིང་པ། འཇའ་ཚོན་ལས་འཕྲོ་གླིང་པ་སོགས་ཕྱོགས་ཀུན་ནས་ཧབ་ཐོབ་དིར་རི་བ་བྱུང་བའི་བང་རི་འཇའ་ཚོན་སྙིང་པོས། སྡོང་པོ་གཉིས་པོ་དམར་ནག་ཞྭ་ཡི་མིང་༔ ཞེས་སོགས་ཀྱི་ལུང་བསྟན་དང་བཅས་མཚུར་ཕུར་བྱོན་པ་ཞྭ་དམར་མཆོག་གི་སྤྲུལ་སྐུ་ཞིང་ཁམས་འཕོས་(༢༥ན)

― GLG009_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་ཅིང་རྒྱལ་བ་ཀརྨ་པ་ཆོས་ཕྱོགས་ལ་གཟིགས་པ་མི་འཇུག་པས། གཏེར་ཆོས་རྣམས་དབོན་པོ་ཕྱག་མཛོད་པ་བརྒྱུད་ནས་ཕུལ་གསུང་བར་བརྟེན་ཟློས་གར་ར་མཇུག་གི་ཚོས་རྒྱག་མ་བྲིན་པའི་ཡར་ཀླུངས་སུ་ཕྱིར་ལོག་འབྱོན་སྐབས་བྲག་ཁར་རྗེ་ཉིད་ཀྱིས་དཀོན་ཅོག་སྤྱི་འདུས་ཀྱི་དབང་ལུང་གསན། ཕར་ཆོས་དབང་གི་མ་ནིང་སྐོར་དགོས་གསུང་བ་དཔེ་མེད་ཚུལ་ཞུས་པས་ཐོབ་ཡིག་ཨེ་ཡོད། ཡོད་ན་དེ་ཀ་ཀློག་པས་ཆོག་གསུངས་བྱུང་ཞེས་ཐུགས་ཡ་ཞི་བ་མཛད་འདུག །འཇའ་ཚོན་སྙིང་པོ་གུ་ཡངས་དྲགས་པས་དེར་མ་ཟད་དཔོན་སློབ་མཇལ་རེས་མེད་པར་ཡང་ཆོས་འཆད་ཉན་ཡོང་བའི་རྒྱལ་བ་ཟས་གཙང་གི་སྲས་པོ་ལས་སྤངས་རྟོགས་མཐོ་བ་ཙམ་ཡོད་པར་གྲགས། ཉམས་དང་རྟོགས་པའི་མངའ་བདག་བྲིས་པ་བླ་ཆེན་ཆོས་རྒྱལ་རྡོ་རྗེའི་དྲུང་དུ་གཏེར་ཆེན་ཆོས་ཀྱི་རྒྱལ་པོ་ཉི་ཟླ་འོད་ཟེར་ནས་བརྒྱུད་པའི་འདུས་པ་མདོ་དབང་ཆེན་མོ། འཇམ་དབྱངས་བླ་མའི་རྩ་གསུམ་དྲིལ་སྒྲུབ་དབང་ལུང་ཡོངས་རྫོགས། འཆར་ཀ་གནུབས་ལུགས་དང་གནམ་སྐས་མའི་བརྒྱུད་པ་ཆུ་བོ་ཉིས་འདྲེས་ཀྱི་ཟོར་དབང་སོགས་ཟབ་ཆོས་མང་དུ་གསན། ཡབ་རྗེ་ཁྲ་ཚང་པ་ཆེན་པོ་ཉང་སྟོན་ཀརྨ་མཐུ་སྟོབས་དང་། ཀརྨ་གཟི་བརྗིད་ལ་མངའ་བདག་གི་བྱང་ལས་ཀྱི་མཁའ་འགྲོའི་བཀའ་བབས་མཐིང་མ་བ་གཉོས་ཞིག་ཆེན་པོ་ནས་བཟུང་ཁྲ་ཚང་པ་ཞལ་ངོ་ནང་བརྒྱུད་ཀྱི་ཁྲོ་བོ་རོལ་པའི་ལུང་ཕྱག་ལེན་ཞིབ་པར་གསན་པས་མུན་ནག་འདོམ་འཇལ་གྱི་ཁྲོ་རོལ་མཁས་པོ་རྣམས་དང་ཡེ་མི་འདྲ་བའི་པདྨཱ་ཀ་རའི་གཞུང་དང་མན་ངག་གཞལ་བཞེས་གཉིས་ཤིག་མཛུབ་(༢༥བ)

― GLG009_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོད་རྒྱུ་ཡོད་པའི་ཕུལ་དུ་ཕྱིན་པ་ཐུགས་སུ་ཆུད། གཞན་ཡང་། མཁའ་རིའི་ཞུ་ལན། འཆར་ཀའི་མདོས་འཁོར་གྱི་ཕྱག་ལེན་ཕྲ་ཞིབ། ཀརྨ་མཐུ་སྟོབས་ལ་སྒེར་དུ་ཆོས་ལྡན་པས་མཛད་པའི་བླ་མ་གསང་འདུས་ཀྱི་ལས་བྱང་དང་སྒོམ་རིམ་གྱི་ལུང་གསན། པད་གླིང་གསུང་སྤྲུལ་ཚུལ་ཁྲིམས་རྡོ་རྗེའི་དྲུང་དུ་ཆོས་རྒྱལ་རཏྣ་གླིང་པ་ནས་ཉེ་བར་བརྒྱུད་པའི་རྙིང་མ་རྒྱུད་འབུམ་གྱི་ལུང་དང་པདྨ་གླིང་པའི་བླ་མ་ནོར་བུ་རྒྱ་མཚོ་སོགས་ཀྱི་ཆོས་བཀའ་ནོད་པར་མཛད། ཡར་འབྲོག་ཡོན་པོ་དོ་པ་བླ་ཆེན་བཀྲ་ཤིས་ལྷུན་གྲུབ་ལ་རྒྱུད་འབུམ་པོ་ཏི་བཅུ་ལྷག་གི་ལུང་གོང་ར་ལོ་ཆེན་དང་ཆབས་གཅིག་པར་གསན་པའི་དུས་བླ་མ་འདིས་རིན་པོ་ཆེ་སྤ་ལུང་པར་ཐུག་པའི་མངའ་རིས་རིགས་འཛིན་ཆེན་པོ་ནས་བརྒྱུད་པའི་གཏེར་ཆོས་མང་པོ་ཡོད་སྣང་བ་གསན་བཞེད་ཀྱང་ཤྲཱི་བྷ་དྲས་ཡང་ཡང་བརྫི་གསང་ལྟ་བར་འོངས་པ་དང་ལོ་ཆེན་གཞན་ཕན་པའི་སྒྲ་འཛིན་གྱི་དབང་པོར་སོན་ན་ཐུགས་ཀའི་ཧཱུྃ་སྔོན་པོ་ལས་འོད་ཟེར་འཕྲོས་དོགས་ནས་ཐུགས་རྩོལ་ཆེར་མ་བདེ་རྐུན་པོའི་ནོར་ལྟར་ལྐོག་ངོས་ཁོ་ནའི་སྒོ་ནས་རྒྱལ་པོ་བཀའ་འབུམ་གྱི་ལུང་དང་མངོན་དོད་དུ་པད་གླིང་དྲག་དམར་གྱི་དབང་ལུང་། མནལ་ལམ་ལེ་ཚན་གསུམ་གྱི་ལུང་ཆོས་དབང་དགོངས་གཏེར་གྱི་མ་ཎི་བཀའ་འབུམ། འདུས་པ་སྐོར་དགུའི་ནང་ཚན་བདུད་རྩི་བཅུད་ལེན་འདུས་པ། ཡང་དག་འཛབ་དགོངས་འདུས་པ། བསྟན་གཉིས་གླིང་པའི་ཕྱག་ཆེན་མ་རིག་མུན་སེལ་སྐོར། གསང་སྐོར་གྱི་སྤྱི་རྒྱུད་ཐིག་ལེ་ཀུན་གསལ་རྣམས་གསན། གཙང་སྡེ་སྲིད་ཀྱི་བདག་མོ་འབྲི་གུང་དབོན་མོ་རྟག་བརྟན་སྤྲུལ་སྐུས་འགུགས་སྔགས་(༢༦ན)

― GLG009_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྦྱོར་བ་ལ་བརྟེན་ནས་ཐུགས་རིག་མ་གནས་པ་མཁར་རྩེ་ཕྱོགས་ཀྱི་རྒྱུ་འགྲུལ་ཆེས་པར་ཀླུ་གོང་རྒྱལ་པོའི་གནོད་པར་འཁྲུལ་ཏེ་ཀོང་པོ་ནས་གཏེར་སྟོན་སངས་རྒྱས་གླིང་པའི་གདུང་བརྒྱུད་སྙིང་བུ་ཀརྨ་རིགས་འཛིན་དབང་པོ་གདན་འདྲེན་མཛད་པ་གདོན་གྱི་གནོད་པར་མ་སོང་བས་ཕན་ཐོགས་ཆེ་བ་མ་བྱུང་རུང་གོང་ར་ལོ་ཙཱ་བས་གཙོས་པའི་དོན་གཉེར་ཅན་མང་པོ་ལ་བླ་མ་དགོངས་འདུས་ཀྱི་ཆོས་སྐོར་བཙུགས་པའི་མཇུག་ཙམ་ལ་རྗེ་བླ་མ་ཡར་ཀླུངས་ནས་རོང་དུ་ཕེབས་པ་དང་འགྲིག །སངས་རྒྱས་གླིང་པའི་གཏེར་མ་ཕུར་སྒྲུབ་ཐུགས་ཀྱི་ཉིང་ཁུ་དང་རྣམ་སྲས་ཀྱི་དབང་ལུང་། ཟབ་པ་པོད་བཞི། གཏེར་སྟོན་ཉི་མ་འོད་ཟེར། སྲས་འགྲོ་བའི་མགོན་པོ། མངའ་བདག་བློ་ལྡན། མངའ་བདག་བདུད་འདུལ། དེ་སྲས་རྡོ་རྗེ། དེ་སྲས་པདྨ་དངོས་གྲུབ། དེ་སྲས་འཇམ་དཔལ་ནོར་བུ། དེ་སྲས་ཀུན་དགའ་རྒྱལ་མཚན། དེ་སྲས་བཟང་པོ་ལྷུན་གྲུབ་རྣམས་ཀྱི་རྣམ་ཐར། བཀའ་བརྒྱད་བདེ་འདུས་ཀྱི་ལུང་རགས་རིམ་དང་ཁྲོ་རོལ་སྐོར་ལ་མཐའ་ཆོད་པར་མཛད་པས་གཉོས་ཞིག་གི་ཕྱག་ལེན་དང་ཁྱད་པར་མེད་པའི་ཁུངས་བཙུན་པར་འདུག་གསུང་། རྗེ་འབངས་ཉེར་ལྔའི་ནང་ཚན་ཆུ་ལ་ཉ་ལྟར་རྒྱུག་པའི་གྲུབ་ཐོབ་འོ་བྲན་དཔལ་གྱི་དབང་ཕྱུག་གི་གདུང་བརྒྱུད་བླ་མ་འོལ་པ་བ་ངག་དབང་ཆོས་གྲགས་ལ་གུ་རུ་དྲག་པོ་ལྷ་དགུའི་དབང་འོ་བྲན་ལུགས། དེའི་ཡིག་ཆ་ཀུན་མཁྱེན་རང་བྱུང་རྡོ་རྗེ་དང་དཔའ་བོ་གཙུག་ལག་པས་བསྒྲིགས་པ། ཕྱག་རྡོར་གཏུམ་པོ་ཉེར་གཅིག །ཚེ་དཔག་མེད་ལྷ་དགུའི་དབང་། བཅུ་གཅིག་ཞལ། ཀླུ་དབང་གི་རྒྱལ་པོ་(༢༦བ)

― GLG009_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྡོར་འབྱུང་འདུལ། ཨུ་ཙཪྻ། འོ་བྲན་ལུགས་ཀྱི་དམག་ཟོར་མ། ཞང་བཙུན་དར་མ་རིན་ཅེན་པའི་གཏེར་མ་དཔལ་ལྡན་རང་བྱུང་རྒྱལ་མོ། སེང་གདོང་མ། མགོན་པོ་ཕྱག་དྲུག་པ་རྣམས་ཀྱི་རྗེས་གནང་། ཏྲག་ཤད་ཐལ་མོ་བརྡབས་ཆོག་གི་དབང་ལུང་། རྟ་མགྲིན་གསང་སྒྲུབ། འཆར་ཀ་གནམ་སྐས་མ། ལྷ་མོ་དུད་སོལ་མའི་ལས་ཚོགས། བློ་སྦྱོང་མཚོན་ཆ་འཁོར་ལོ། རྨ་བྱ་དུག་འཇོམས་སོགས་ཆོས་མང་དུ་ཞུ་བ་མཛད། ཁོང་པ་གསན་རྒྱ་ཆེ་བས་དེ་ལས་མང་བ་ཡོང་རིས་ཡོད་འདུག་ཀྱང་བླ་མ་སྟག་ལུང་དུ་བཞུགས་སྐབས་འཕྲིན་ལས་ཆེས་པ་དྲུང་པ་ཀ་དྲུག་པས་གཙོས་པའི་བླ་མ་གཞན་རྣམས་མ་འདོད་པའི་ཆགས་སྡང་གི་བཀྲོང་རྩིས་བྱས་པས་སྐུ་སྲོག་ཐོན་པ་གཙོ་བོར་བཟུང་བྲོས་པ་ཀ་ཅ་མཐའ་དག་གཤོར་པ་ནས་ཕྱག་དཔེ་དབང་རྫས་ཀྱིས་རྒྱ་སྡུགས་ནས་མ་བྱུང་སྐད། གནམ་མཚོ་ངོ་བོ་པ་སྦྱིན་པ་བཟང་པོས་གཏེར་ཁ་གོང་མའི་རྟ་ནག་ཡང་ཆུང་བསྒྲུབས་པའི་ཚེ་ལུང་པ་རྟ་སྐད་གཅིག་གིས་གང་བའི་སྒྲ་གསན་པ་སོགས་ཡི་དམ་གྱི་རྗེས་སུ་བཟུང་བ་དེ་ལ་བླ་མ་འོལ་བ་པས་གསན་ནས་ཉམས་བཞེས་ཀྱི་མཐིལ་མ་གཏོགས་གཞན་སུ་ལའང་མ་གནང་བ་འགྲོངས་རྒྱུའི་ཟླ་བ་གཉིས་ཙམ་གྱི་སྔོན་དུ་རྗེ་ཉིད་ལ་སྩལ་བ་དཔོན་སློབ་གཉིས་ཀའི་ཆེ་བར་མངོན། ཡར་སྟོད་གཡའ་བཟང་གི་བླ་མ་ཀརྨ་ཤེས་རབ་ལ་སྙན་བརྒྱུད་རྡོར་ཟམ་གྱི་བཀའ་སྲུང་ལྷ་མོ་ཙཎྜི་ཀ་འབར་མའི་གདོང་ཅན་དང་སྒྲོལ་དཀར་གྱི་རྗེས་གནང་། ཉི་མ་མདུང་གང་མའི་སྐོར་གྱི་ལུང་ནོད་པ་མཛད། ཕོ་བྲང་པའི་སྲས་མཁའ་རེག་སྤྲུལ་སྐུ་ལ་དམ་ཆོས་ཞི་བྱེད་ཡང་སྙིང་སྐོར་(༢༧ན)

― GLG009_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

གསན། བླ་མ་བོན་ལུང་པ་གར་དབང་ཚུལ་ཁྲིམས་རྒྱལ་མཚན་ལ་པད་གླིང་ནོར་བུ་རྒྱ་མཚོའི་སྐོར་སོགས་འགའ་ཞིག་ཞུ་བ་མཛད། དེ་ཡང་རྡོ་རྗེ་འཆང་གནས་གསར་བ་ཆེན་པོས་ངོར་དུ་རྒྱུད་འབུམ་དང་། གོང་དཀར་ཆོས་སྡེར་འདུལ་བ་ལུང་གསན་ནའང་དེ་འཕྲོས་མ་གསན་པའི་རྒྱུན་འཚལ་བ་ལ་བྱང་ཆུབ་སེམས་དཔའ་རྟག་ཏུ་ངུ་ལྟ་བུའི་ངང་ཚུལ་དང་ལྡན་པས་ཁོ་བོ་བཀའ་འགྱུར་གྱི་ལུང་ཡོངས་སུ་རྫོགས་པ་ཞིག་འདོད་ནའང་ཞ་ལུར་ལོ་གསུམ་བྱས་སྐབས་རྒྱུད་སྡེ་འོག་མ་གསུམ་གྱི་ཚེ་སྡོར་དཀར་ལ་བརྟེན་པའི་སྟབས་བད་ཀན་འཕེལ་ཞིང་ལུས་སྟོབས་ཞན་པ་དང་། ཁྱད་པར་ཆོས་སྡེ་འདི་ཉིད་ཀྱི་ཁུར་འཁུར་གྱི་མིང་བཏགས་མཁན་ཚུགས་ཀྱི་སྒྲོབ་སྒྲོབ་ཀྱིས་ཕྱོགས་མེད་དུ་འཇུག་བདེའི་བགྲོད་དཀའ་བ་བྱུང་བས་ཁྱེད་ཀྱིས་ཆོས་འཚོལ་བའི་ཐུགས་ཁུར་བཞེས་དགོས་ཞེས་སྐུ་ཆས་ཀྱི་མཐུན་རྐྱེན་དུ་གཡུ་པད་ཀྱིས་གཙོས་པའི་བདོག་པ་གྱ་ནོམ་པ་སྩལ་ནའང་འཕྲལ་དུ་སྟབས་འགྲིག་པ་ཞིག་ཅི་འདྲ་འོང་དགོངས་པའི་ཐུགས་ཐེ་ཚོམ་གྱི་དུས་ལྷོ་བྲག་ཉི་ལྡེ་དགོན་པར་དྷཱི༔ཚ་སྤྲུལ་སྐུ་བཀའ་འགྱུར་གསན་རྩིས་ཀྱིས་མཁའ་རེག་ནས་སྡེ་པ་རྣམ་གླིང་པ་སྡོམ་བརྩོན་ཚོགས་གཉིས་དཔལ་གྲུབ་གདན་དྲངས་པའི་གནས་ཚུལ་དང་། ཁྱེད་རང་ཡང་བཀའ་འགྱུར་གསན་འདོད་ཡོད་ན་ཞོར་ལ་འགྲོ་བའི་གོང་ར་ལོ་ཙཱ་བས་འཕྲིན་ཡིག་བསྐུར་བ་གཟིགས་མ་ཐག་བླ་མ་ཚོགས་གཉིས་པའང་རི་ཁྲོད་པར་སོང་དཔོན་སློབ་ཐམས་ཅད་ཆས་རྐྱེན་འཛོམ་པ་ཞིག་ཅི་འདྲ་འོང་ངམ་སྙམ་པ་སོམ་ཉིའི་སྐབས་ཉི་ལྡེ་སྤྲུལ་སྐུས་ཆོས་འཁོར་བཙུགས་པ་དང་དེའི་(༢༧བ)

― GLG009_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཚུལ་འཕྲལ་དུ་ཐོས་པས་སངས་རྒྱས་ཀྱི་ཐུགས་རྗེ་ཡིན་དགོངས་རྗེ་ཉིད་ལ་ཆིབས་དང་ཕྱག་གཡོག་གཅིག་བཅས་ཚམ་ཚོམ་མེད་པར་སྙིང་སྟོབས་ཆེན་པོས་ལམ་ལ་ཞུགས་ནས་ཐེབས་པས་ལམ་ནོར་ནས་སེང་གེ་རྫོང་དང་ཉེ་བ་ལུང་པ་ཁ་དོག་ལ་གཏིང་ཟབ་པ་ཞིག་ཏུ་བྱོན། དེར་སྐད་ཆ་དྲིས་བཤད་ཀྱི་ཡུལ་ཙམ་ཡང་མ་རྙེད་པས་ཉེ་གནས་ཀྱིས་ཆིབས་ཁྲིད་རྗེ་ཉིད་ཀྱིས་འཕོངས་ནས་སྐྱོར་གྱིན་ལམ་གཟར་པོ་ལ་དཀའ་སྤྱད་མཛད། མཐར་ཟམ་པ་ཕྲ་མོ་སྣར་གྲོད་གཅིག་ཡོད་པར་ཕེབས་དེའི་མི་ཞིག་གིས་ཅི་ཡིན་དྲི་བ་ཞུས་པར་ཉི་ལྡེ་དགོན་དུ་འགྲོ་མཁན་ཡིན་ཚུལ་གསུངས་པ་ན་ལམ་འདི་ལ་རྟ་ཐར་བ་ངོ་མཚར་ལམ་ནོར་ཚབས་ཆེན་ཞིང་མི་རྟ་ལ་སྐྱོན་མ་བྱུང་བའང་གོ་སྤྱད་དོ་ནུབ་གྲོང་ཡོད་སར་མི་འབྱོར་བས་འདི་ཁར་བཞུགས་ཟེར་བ་ལྟར་མཛད། སང་ཉིན་དྲི་བ་གནང་བར་ཡོངས་གྲགས་ཀྱི་ལམ་འདི་ཡིན་རང་གི་པར་བཀབ་མེད་ཀྱང་ཟམ་པ་འདི་དོན་རི་འདི་ཚོ་ཡར་འཛེགས་པ་ན་ལུང་སྟོན་ཁ་ཡར་ཡོད་སྟབས་ལེགས་ན་བཀྲ་ཤིས་བདེ་ཆེན་ཟེར་བར་སླེབས་འོང་ཞུས་པ་ལྟར་རིམ་གྱིས་ཕེབས་པས་ལུང་སྟོང་ཞིག་ཏུ་དྲོ་མཛད་པའི་ལྷོ་ཕྱོགས་ནས་བྱ་རོག་ཅིག་འཕུར་ནས་སྐད་སྣ་ཚོགས་སྒྲོག་ཅིང་དྲུང་དུ་ཉེ་སར་སྡོད་པ་ན་ངེས་འབྱུང་དང་ཆོས་སྐྱོང་ལ་གདུང་ཤུགས་དྲག་པོ་འཁྲུངས་ཏེ་གསོལ་ཟན་གྱི་སྟེང་ནས་གཏོར་དབྱིབས་བཟོས་སྔགས་ཀྱི་བསྔོ་བ་མཛད་པས་བྱ་རོག་དེས་ལྷག་མེད་དུ་ཟོས་ད་བྱ་རོག་གང་སོང་གི་རྗེས་ལ་འགྲོ་ཞེས་ཕེབས་པ་ན་བྱ་དེས་ཀྱང་མདའ་རྒྱང་གང་ལས་མི་རིང་བར་འཕུར་སྡོད་བྱེད་པའི་ངང་ནས་ལྷོ་སྟོད་ཀྱི་གྲོང་སྣ་ཟིན་པར་འབྱོར། བྱ་(༢༨ན)

― GLG009_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

རོག་དེ་དཔལ་རྡོ་རྗེ་ནག་པོ་ཆེན་པོ་གུར་གྱི་མགོན་པོའི་སྤྲུལ་པར་མངོན། གྲོང་པ་དེ་དག་གིས་ཉི་ལྡེ་བླ་མ་བཀྲ་ཤིས་བདེ་ཆེན་དུ་བྱོན་སོང་ཟེར་བ་ལྟར་འཕྲལ་དུ་ཕེབས་པས་བླ་མ་གཟིམས་མལ་དུ་བཞུགས་གྲུབ་པའི་དྲུང་དུ་ཤར་མར་གདན་དྲངས་ཤེར་ཕྱོགས་རྫོགས་ནས་མདོ་མང་ཚུགས་པའི་ཐོག་ཏུ་འདིར་དོན་གཅོད་ཅིག་ལ་འོངས་པ་ཡིན་སང་ལྷན་དུ་འདེགས་གསུངས་དགྱེས་དགྱེས་མཛད་ནས་སྤྲེའུ་ལ་བརྒྱུད་ཉི་ལྡེར་ཕེབས། བླ་མ་ཚོགས་གཉིས་པས་ཀྱང་ཁྱེད་བྱུང་ན་བསམས་ཡང་ཡང་སེམས་ལ་ཤར། ད་ལམ་ཅིས་ཀྱང་ལེགས་ཉིན་མཚན་གཉིས་ག་འདི་གར་བཞུགས་གསུངས་མདོ་མང་གི་པོ་ཏི་ཆ་པ་ཡན་སོང་གྲུབ་པའང་སྲུབས་དབར་ཚོར་གནང་བས་ཤེར་ཕྱོགས་ཐོར་བུ་དང་། དཀོན་བརྩེགས་ཕལ་ཆེན་བཅས་པོ་ཏི་ལྔ་བཅུར་ཉེ་བའི་ལུང་གསན་པས། དམ་པའི་ཆོས་ཐོག་མར་དགེ་བ། བར་དུ་དགེ་བ། དོན་བཟང་པོ། ཚིག་འབྲུ་བཟང་པོ་འདི་འདྲའི་ཚིགས་བཅད་གཅིག་ཙམ་ཐོས་པས་བསོད་ནམས་ཆེ་ན་ཚང་བ་ལྟ་ཅི་སྨོས་དགོངས་པའི་སྟོན་པ་བདེ་བར་གཤེགས་པ་དང་ཆོས་སྟོན་པ་ལ་ཐུགས་མོས་འཕེལ་བར་མ་ཟད་འདི་ལྟ་བུའང་རྗེ་བཙུན་བཀའ་འགྱུར་བ་ཆེན་པོའི་བཀའ་དྲིན་ཡིན་དགོངས་པའི་གུས་པ་དབྱར་མཚོ་ལྟར་གྱུར། སླར་ཡང་རྡོ་རྗེ་འཆང་མགོན་པོ་བསོད་ནམས་མཆོག་ལྡན་གྱི་བསྐུལ་མ་གནང་བར། རྣམ་གླིང་སྡེ་པ་ཚོགས་གཉིས་དཔལ་གྲུབ་སྐུ་གཤེགས་ཟིན་པས་སྔར་ཞ་དམར་ནག་གི་བར་དུ་ཕྱོགས་ཁྱེར་གྱི་སྡེ་འཁྲུག་བསླང་བ་དང་མོན་(༢༨བ)

― GLG009_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཞྭ་དམར་བ་བཞི་པ་འཕྲིན་ལས་རྒྱས་པའི་སྒོ་དོད་པ་ལྷོ་འབྲུག་པས་མ་བཟོད་པར་རྟོགས་ལྡན་གྱི་དམག་བཏང་ནས་བཀྲོང་རྩིས་བྱས་པ་བླ་མའི་ཆེད་དུ་སྐུ་སྲོག་བཏང་སྟེ་བྱ་བྲལ་འགའ་ཞིག་བསད་པས་བླ་མ་འདི་སྡིག་པའི་རྩ་བ་ཡིན་ཞེས་བླ་དྭགས་རྗེས་སུ་དྷཱིཿཚ་ཞེས་མཛེས་བཙལ་བར་སྣང་ཞིང་ཞྭ་དམར་པ་དང་དྷཱིཿཚ་སྐུ་སྐྱེ་ན་རིམ་ལྟར་འབྲལ་བ་མེད་བར་སྨོན་ལམ་ཐེབས་པའི་སྐྱེས་བུ་དམ་པར་གླེང་བ་དེ་ལ་གསན་པའི་སྒོ་དོད། གསོལ་ཆས་ཀྱི་མཐུན་རྐྱེན་རྣམས་དོ་བོ་རྫོང་ནས་ཕུལ་ནས་རྗེ་བླ་མ་ལྷོ་བྲག་བཀྲ་ཤིས་དགེ་འཕེལ་དུ་ཕེབས། སྤྲུལ་སྐུ་འཇིག་རྟེན་དབང་ཕྱུག་ལ་བརྒྱད་སྟོང་པ་མ་གཏོགས་ཤེར་ཕྱོགས་ཡོངས་སུ་རྫོགས་པའི་ལུང་ནོས་པ་གནང་། རྗེ་བཙུན་བཀའ་འགྱུར་བར་འདུལ་ལུང་འབུལ་མ་དགོས་པའི་སྟབས་ཐུགས་རྩོལ་མ་ཐུབ་པ་ངེད་ཀྱིས་མདོ་མང་དང་ཤེར་ཕྱོགས་ཞུས་པའི་རྐྱེན་གྱིས་བླ་མ་ཚོགས་གཉིས་བར་ལུང་ཐོབ་པའི་བསོད་སྙོམས་པ་གྲུབ་པའི་རྡོ་རྗེ་ལ་རོང་རི་ལུང་སྦུག་ཏུ་འདུལ་བ་ལུང་སྡེ་བཞི་ཚང་བ་དང་གཏེར་སྟོན་ཨོ་རྒྱན་གླིང་པས་སྤྱན་དྲངས་པའི་ཐང་ཡིག་སྡེ་ལྔའི་ལུང་གསན། ངེད་ཀྱིས་ཟུར་ཐམས་ཅད་མཁྱེན་པར་གསར་མ་རྒྱུད་འབུམ་ཞུས་པ་འཕྲོ་ཅན་དུ་ལུས་པའི་ངོར་གྱི་ལུང་རྒྱུན་ཁུངས་མ་དེ་གོང་དཀར་ཆོས་སྡེར་ཡོད་པ་གསན་དགོས་པའི་གསོལ་བ་བཏབ་པ་ལྟར་རབ་འབྱམས་ཆོས་རྗེ་རིན་ཅེན་རྒྱ་མཚོ་ལ་གསར་མ་རྒྱུད་འབུམ། དཔལ་འཁོར་ལོ་སྡོམ་པ་བདེ་ཆེན་རལ་གཅིག་གི་དབང་ལུང་། ཚེ་དཔག་ལྷ་དགུའི་དབང་འཆི་བདག་བཟློག་བྱེད་ཀྱི་ཆོ་ག་དང་འདྲེས་པ། སེང་གདོང་མ་སྔོན་མོའི་རྗེས་གནང་དང་ལས་ཚོགས། བ་(༢༩ན)

― GLG009_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

རི་ལུགས་ཀྱི་གུར་མགོན་རྗེས་གནང་། སྒྲོལ་དཀར་གྱི་ཚེ་འཁྲིད། རྗེ་བཙུན་རིན་པོ་ཆེས་མཛད་པའི་གཏོར་མ་བརྒྱ་རྩ། མ་ནིང་གི་ལས་མཐའ་ཆར་འབེབས་ཟབ་རྒྱས་མ་སོགས་ཆོས་དུ་མ་གསན། འདི་སྐབས་འཚུབ་ཀྱི་རྣམ་པས་སྐུ་བསྙེན་པས་དྲུང་འཚོ་གསུམ་དགའ་རྫོང་བདའ་བྱས་ཤིང་མགོན་པོ་ཆེ་ཆུང་ལ་བཀང་གསོས་གཙོས་སྐུ་རིམ་ཆེ་ཕྲ་ཕལ་ཆེར་ཆོས་སྡེ་རང་དུ་འཕྲལ་གྲུབ་གནང་བས་གསོལ་སྨན་གྱི་ངོ་བླངས་ཏེ་ཡུན་མི་རིང་བར་གཞི་མེད་དུ་དྭངས་ཁྲ་ཚང་པའི་ཆོས་སྐྱོང་གི་གཙོ་བོ་གཅིག་རྒྱལ་པོ་པེ་ཀར་ཡིན་པས་གསོལ་མཆོད་གནང་རྒྱུ་མཐུ་སྟོབས་ཀྱི་དབང་ཕྱུག་རྡོ་རྗེ་གདན་པས་དགོན་པ་སྲུང་འཁོར་དུ་བཅུག་གཤིས་ཆོས་སྡེའི་ནང་དུ་རྒྱལ་རྨིས་ཀྱང་མི་ཡོང་ལ་གསོལ་ཁའང་གཏོང་སྲོལ་མེད། ས་སྐྱ་ཁྲི་ཆེན་ཕེབས་དུས་འམ་བུ་ཡོང་སར་ཙི་དམར་བ་ཡོང་བ་གཞིར་བཅས་ཞེས་བཀང་གསོ་མཛད་པས་ཆིབས་ཆེན་ལ་སྦྲག་ཤི་རྒྱབ་པའི་ལོ་རྒྱུས་དང་བཅས་ཆོས་སྡེ་པ་ཚོའི་སྙན་འབུལ་ལ་གསན་ནས་ཆུ་བོ་རིར་རྒྱལ་པོ་ལ་བཀང་བཤགས་གནང་ལྷ་སྲས་མུ་ཏིག་བཙན་པོའི་ཡང་སྲིད་འབྲི་གུང་ཞབས་དྲུང་ཆོས་ཀྱི་གྲགས་པ་འཕྲིན་ལས་རྣམ་པར་རྒྱལ་པའི་སྡེ་ཞེས་རྒྱལ་དབང་པདྨའི་གདུང་འཚོབ་ཆེན་པོ་དེ་ཉིད་སྡེ་པ་རྒྱལ་བཟང་པས་དཔོན་ས་དོ་བྲག་མའི་ཡར་འདྲེན་ལ་གདན་དྲངས་པའི་ཚེ་སྣེའུ་སྡོང་རྩེ་ནས་ཇ་འདྲེན་ལ་རྫོང་བདའ་གནང་སྐབས་དམ་ཆོས་དགོངས་པ་ཡང་ཟབ་ཀྱི་ཉམས་ལེན་དམིགས་རིམ་གྱི་ཆོས་འབྲེལ་གསན། མཆོག་སྤྲུལ་ལེགས་ལྡན་རྡོ་རྗེའི་ཆོས་བདག་ལུང་ཟིན་སྤྱན་མངའ་བ་ལེ་བ་སངས་རྒྱས་བཟང་(༢༩བ)

― GLG009_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་རྣམ་སྤྲུལ་རྗེ་བཙུན་སྟག་ལུང་པ་ངག་དབང་བཀྲ་ཤིས་དཔལ་གྲུབ་ངེས་དོན་ཆོས་ཀྱི་ཉི་མ་རྣམ་གྲོལ་མཆོག་གི་སྡེར་གཏེར་ཆེན་ཉི་ཟླ་འོད་ཟེར་གྱིས་བསམ་ཡས་བར་ཁང་རྣམ་སྣང་ཐུགས་ཀ་ནས་གདན་དྲངས་པའི་ཐུགས་རྗེ་ཆེན་པོ་འཁོར་བ་དབྱིངས་སྒྲོལ་གྱི་དབང་འཁྲིད་ལུང་རྣམས་གསན་ཞིང་རྗེ་བ་ལེ་བའི་ཕྱག་བྲིས་གླེགས་བམ་སྐུའི་འབྲལ་སྤངས་དེའང་མ་དཔེར་གཡར་པོ་སོགས་ཐུགས་རྗེས་ཤིན་ཏུ་འཛིན་པ་མཛད། གཉགས་ཛྙཱ་ན་ཀུ་མཱ་རའི་སྤྲུལ་པའི་ཟློས་གར་ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ་ལ་འབྲས་སྤུངས་ཀྱི་དངོས་གྲུབ་སྤྱིལ་པོར་བླ་མའི་རྣལ་འབྱོར་གྱི་ཆོས་འབྲེལ་དང་། རྗེས་སོར་དཔོན་སློབ་གཉིས་ཆོས་བཀའ་ཕར་གསན་ཚུར་གསན་གྱིས་བཅད་མཛད་ནའང་ཡུལ་དུས་ཀྱིས་བསྐལ་པས་ཕྱག་ཐོག་ཏུ་མ་ཁེལ། ཆོས་རྒྱལ་བྱང་པ་ངག་གི་དབང་པོའི་སྤྲུལ་པའི་སྐུ་མཆོག་བློ་བཟང་པདྨ་འཕྲིན་ལས་ཐེག་མཆོག་དབང་གི་རྒྱལ་པོ་ཡོངས་འདུའི་སྡེར་རྒྱལ་པོ་བཀའ་འབུམ་གྱི་དབང་། བཀའ་གདམས་ལྷ་བཞིའི་རྗེས་གནང་འཁྲིད། མགོན་པོ་མིའུ་ཐུང་ཆོས་རྒྱལ་བྱང་པ་ངག་གི་དབང་པོའི་སྤྲུལ་པའི་སྐུ་མཆོག་བློ་བཟང་པདྨ་འཕྲིན་ལས་ཐེག་མཆོག་དབང་གི་རྒྱལ་པོ་ཡོངས་འདུའི་སྡེར་རྒྱལ་པོ་བཀའ་འབུམ་གྱི་དབང་། བཀའ་གདམས་ལྷ་བཞིའི་རྗེས་གནང་འཁྲིད། མགོན་པོ་མིའུ་ཐུང་གསོད་བྱེད་ཀྱི་རྗེས་གནང་། ཆོས་རྒྱལ་བྱང་པའི་གཏེར་གསར་བླ་མ་མཚོ་སྐྱེས་རྡོ་རྗེའི་དབང་། ཞབས་དྲུང་བདག་པོའི་དག་སྣང་མ་སྲིད་པ་སྤྱི་སྐོང་གི་མདོས། མཁས་གྲུབ་མངའ་རིས་པཎ་ཆེན་གྱིས་མཛད་པའི་སྡོམ་གསུམ་རྣམ་ངེས་སོགས་ཆོས་བཀའ་དུ་མའི་བཀའ་དྲིན་ནོད་པར་མཛད། རིགས་འཛིན་སྲོག་སྒྲུབ་དང་གཏེར་གསར་རིགས་འཛིན་ཐུགས་ཏིག་གཉིས་ཀ་ནས་མཁར་ཆེན་བཟའ་འཚོ་རྒྱལ་གྱི་སྤྲུལ་པར་ལུང་གིས་ཟིན་པ་དཔལ་རི་སྤྲུལ་སྐུ་ངག་དབང་པདྨ་(༣༠ན)

― GLG009_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲིན་ལས་ལ་ཆོས་རྒྱལ་འབྲི་གུང་པ་རིན་ཆེན་ཕུན་ཚོགས་ཀྱི་གཏེར་གསར་དམ་ཆོས་དགོངས་པ་ཡང་ཟབ་ཀྱི་དབང་ཆེན་དབང་ཕྲན་ལུང་ཡོངས་རྫོགས། རིགས་འཛིན་པྲཛྙཱ་རསྨིའི་གཏེར་མའི་རྟ་མགྲིན་དྲེགས་པ་ཟིལ་གནོན་གྱི་དབང་། གྲོལ་ཐིག་དང་གཤིན་རྗེ་ནག་པོ་གསུམ་དྲིལ་གྱི་ཆོས་སྐོར་ཡོངས་རྫོགས། འཇམ་དཔལ་ཚེ་བདག་ནག་པོ་མེའི་སྤུ་གྲིའི་གཟའ་གདོང་ཞལ་གདམས་སྐོར་གྱིས་གཙོས་པའི་ཆོས་ཚན་མང་རབ། རླུང་ནག་འཁྲུགས་པ་དྲེགས་པ་ཁམས་བྱོན་མ་རྣམས་གསན། ཁོང་དཔོན་སློབ་ནས་སྒོ་སྣ་ཤག་པ་དང་ཡིག་འཕྲུལ་ལ་བརྟེན་པའི་འཕྱོང་རྒྱས་སུ་སྒོར་བསྐྱིལ་དང་ཆད་ལས་སོགས་ཀྱི་ནན་ཏུར་ལ་སྔ་ཕྱིར་ཕན་ཐབས་ཀྱི་ཁུར་བཞེས་ཀྱང་ཆེ་བར་མཛད་པ་ཆོས་ཡོན་གཞན་ལས་ཁྱད་པར་དུ་འཕགས་པར་སེམས། ཆོས་རྒྱལ་གཏེར་བདག་གླིང་པ་འགྱུར་མེད་རྡོ་རྗེས་བྲག་དམར་གཡའ་མ་ལུང་ནས་གདན་དྲངས་པའི་ལུང་བསྟན་རབ་གསལ་མེ་ལོང་ནས། བི་མཱའི་ཡང་སྤྲུལ་རཏྣ་བཛྲ་མིང་༔ གཡུ་རུའི་སར་འབྱུང་འདི་དང་འཕྲད་པ་ན༔ བར་ཆོད་དམ་སྲིའི་འཚེ་བ་ངེས་པར་སེལ༔ ཞེས་ཆོས་བདག་ཏུ་གྱུར་པར་བརྟེན་གཏེར་གསར་རིགས་འཛིན་ཐུགས་ཏིག་གི་དབང་ལུང་གི་བདུད་རྩིས་ཐུགས་ཀྱི་བུམ་པ་གཏམས། བྱང་གླིང་འཇམ་དཔལ་དབྱངས་བཀྲ་ཤིས་རྒྱལ་མཚན་གྱི་སྐུའི་རྣམ་པར་སྤྲུལ་པ་ཞ་ལུ་མཁན་པོ་ཁྱབ་བདག་རིན་ཆེན་བསོད་ནམས་མཆོག་གྲུབ་ལ་རྩ་གསུམ་དྲིལ་སྒྲུབ་ཀྱི་དབང་སོགས་ཆོས་འབྲེལ་ཁ་ཡར་གསན། བཤེས་གཉེན་ཆེན་པོ་འཆད་ཀ་བ་ཡེ་ཤེས་རྡོ་(༣༠བ)

― GLG009_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའི་སྒྱུ་འཕྲུལ་གྱི་རོལ་པ་གླིང་སྟོད་ཆོས་རྗེ་མཚུངས་མེད་དཀོན་ཅོག་དཔལ་འབྱོར་ལ་བཟང་སྤྱོད་ལ་བརྟེན་པའི་འོད་དཔག་མེད་ཀྱི་ཉལ་སྒོམ་གྱི་འཁྲིད་དང་ཆོས་རྒྱལ་བཀྲ་ཤིས་སྟོབས་རྒྱལ་གྱིས་མཛད་པའི་དུར་ཁྲོད་བདག་པོའི་མན་ངག་གི་ལུང་སོགས་གསན། འདན་མ་རྩེ་མངས་ཀྱི་ཞུ་ལན་ལས། ཉང་རལ་གདུང་རབས་བཅོ་བརྒྱད་ཡན་ཆོད་དུ༔ སྔོན་ཚེ་རྒྱལ་པོའི་སྨོན་ལམ་མཐུ་ཡོད་པས༔ ཆོས་བཞིན་མ་བྱས་ཀྱང་སངས་རྒྱས་ཐོབ་པར་འགྱུར༔ ཞེས་ལུང་གིས་ཟིན་པའི་གདུང་རབས་བཅུ་དྲུག་པ་མངའ་བདག་རྨ་བོ་ལྕོག་པ་མཚུངས་མེད་བསྟན་འཛིན་ཆོས་དབང་གི་དྲུང་དུ་བླ་མ་མངའ་བདག་ཆེན་པོའི་གཞུང་ཆེན་བདེ་གཤེགས་འདུས་པའི་སྨིན་ལམ་དབང་གི་རྒྱལ་པོ་སྣང་སྲིད་ལྷ་འདྲེའི་སྲོག་དབང་དང་གཞན་ཡང་དྲག་པོ་སྒོ་འབྱེད་ཀྱི་དབང་ལུང་ཐོར་བུ་གསན། སེ་བརྒྱ་མཁར་བ་ཆེན་པོའི་གདུང་འཛིན་ཟོ་ལུང་པ་སྔགས་འཆང་ལེགས་གྲུབ་ཚེ་རིང་ལ་ཞི་ཁྲོ་སྒྱུ་འཕྲུལ་གྱི་དབང་། འཇམ་དཔལ་གཤིན་རྗེ་གཤེད་གདོང་དྲུག་གི་ཐུགས་སྒྲུབ་བསྐྱེད་རྫོགས་ཟུང་འབྲེལ་གྱི་དབང་ལུང་། ཙནྡྲ་གོ་མིས་མཛད་པའི་རིགས་གསུམ་མགོན་པོའི་མཆོད་རྟེན་བཞེང་ཐབས་ཀྱི་ལུང་རྣམས་གསན། སེའི་སྔགས་འཆང་མཁས་གྲུབ་རིམ་པར་བྱོན་པའི་རིགས་ལས་མངའ་བདག་གི་རྣམ་འཕྲུལ་བཀྲ་བཟང་ཆོས་རྗེ་ཐུགས་མཆོག་འོད་འབར་ལ་ཆུ་མོ་ཕུག་གཏེར་མའི་དྲག་པོ་ཡཀྴ་མེ་དབལ་དབུ་དགུ་པ། བྱང་གཏེར་ཕུར་པ་ཆེ་མཆོག་དང་ལྕགས་ཁང་མ་རྣམས་ཞུ་བ་གནང་། སོ་ཟུར་གནུབས་གསུམ་སྔགས་པའི་རྒྱལ་པོར་གྲགས་པའི་ཟུར་སྤང་སྟོན་བདེ་ལེགས་རྒྱལ་མཚན་གྱི་དབོན་བརྒྱུད་མང་ཐོས་མཁྱེན་པའི་(༣༡ན)

― GLG009_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱན་ལྡན་ངག་དབང་ཕུན་ཚོགས་ལ་སྤྲུལ་སྐུ་ཚེ་བརྟན་རྒྱལ་མཚན་གྱིས་ཆུ་ཕུག་ནས་སྤྱན་དྲངས་པའི་བླ་མ་རིགས་འདུས་ཀྱི་དབང་དང་ལུང་ཡོངས་རྫོགས། ཚེ་དབང་བདུད་རྩི་འཁྱིལ་བ། ཉང་གི་སྣང་སྲིད་ལྷ་འདྲེའི་སྲོག་དབང་། བྱིན་རླབས་ལུ་གུ་བརྒྱུད། ཆོས་རྒྱལ་རིན་ཆེན་གླིང་པའི་དྲག་དམར་གྱི་དབང་། ཞི་ཁྲོ་དོང་སྤྲུག་གི་དབང་། མགོན་པོ་ལེགས་ལྡན་གྱི་དབང་ཆོས་སྐོར། བྱང་གཏེར་ཚེ་དབང་མ་ནིང་དང་སྟག་ཞོན་ལྕགས་སྒྲོག་ཅན་གྱི་དབང་། རོང་ཟོམ་གྱི་གསང་སྙིང་འགྲེལ་པ། ཆོས་ཚན་ཉེར་ལྔའི་ཁ་སྐོང་སོགས་བྱང་གཏེར་གྱི་ཆོས་སྣ་ཐོར་བུ། ལྔ་དབང་རིན་པོ་ཆེ་དབང་ལུང་། གྲ་པ་མངོན་ཤེས་ཀྱི་ལྷ་འཁོན་སྦྱོང་ཐབས། གཏེར་ཁ་སྣ་ཚོགས་ཀྱི་མན་ངག་ཐོར་བུ་མང་དུ་གསན། ཕོ་བྲང་གོང་རི་དཀར་པོའི་ཆོས་རྗེ་དཀོན་གཉེར་དཔོན་མཚུངས་མེད་དགེ་སྟེང་པ་བྱམས་པ་ཀུན་དགའ་འབྱུང་གནས་ལ་ས་ཕུར་ལྷ་ཁྲ། གདུགས་དཀར་ལྷ་བཅུ་བདུན་མ་གཉིས་ཀྱི་དབང་། བཀྲ་ཤིས་ཚེ་རིང་མའི་རྗེས་གནང་། ལེའུ་བདུན་མའི་ལུང་རྣམས་གསན། ཆོས་རྒྱལ་འབྲི་གུང་པ་ཞབས་དྲུང་དཀོན་ཅོག་ཕུན་ཚོགས་ཀྱི་ཐུགས་སྲས་མངའ་རིས་བླ་ཆེན་དཀོན་ཅོག་ལྷུན་གྲུབ་ལ་དགོངས་པ་ཡང་ཟབ་ཀྱི་དབང་ཕྲན་ཁ་ཤས། ཚེ་བདག་ལྕགས་སྡིག་ཡོངས་རྫོགས། འཇམ་དཔལ་མེའི་སྤུ་གྲིའི་ཆོས་སྐོར་མང་བ། འཇམ་དཔལ་ཁྲོ་ཆུ་དུག་གདོང་གི་ཆོས་སྐོར་ཁ་ཤས། གཤིན་རྗེ་དུ་བ་དུམ་བུ། དམར་ཆུང་རླུང་སྒྲུབ། གནུབས་ལུགས་བཀའ་མ་དང་རྒྱའི་གཏེར་མའི་གཏད་སེལ་ངན་སྔགས་ཀྱི་སྐོར་སྣ་ཚོགས་པ། སངས་(༣༡བ)

― GLG009_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་གླིང་པའི་དབང་ཕྱུག །གཏད་ཁྲམ་རུས་སྦལ་ནག་པོ། རྒྱལ་སེལ་ལྷ་ཁང་མ། ཀོང་པོ་བྱ་ཁྱུང་པས་བསྒྲིགས་པའི་གཟའ་བཅོས་དང་གཟའ་ཡུམ་གྱི་དབང་། གཏད་ཁྲམ། རྒྱལ་པོ་བྱེས་ཆས། རླུང་འཁོར་ཆ་ཕྲི་ནག་པོ་སོགས་གཏེར་ཁ་སྣ་ཚོགས་ཀྱི་གདམས་པ་ཁྱད་པར་ཆོས་དབང་རིན་པོ་ཆེའི་འཇམ་དཔལ་ནཱ་ག་རཀྴའི་དབང་། འཆི་བདག་ཞལ་དབྱེ་བའི་དབང་རྫས་ཁྱད་འཕགས་རྙིང་རློམ་ཕལ་གྱི་སྤྱོད་་ཡུལ་དུ་མ་གྱུར་པ་མངའ་རིས་རིགས་འཛིན་ཆེན་པོའི་ཕྱག་བཞེས་འཁྲུལ་མེད་ཀྱི་དབང་། སྒྲ་མི་སྙན་པའི་ཚེ་དབང་པཎ་ཆེན་ནགས་རིན་ནས་བརྒྱུད་པ་དང་རྗེ་དཀོན་ཅོག་ཕུན་ཚོགས་ཀྱི་དག་སྣང་མ་སོགས་ཟབ་ཆོས་མང་དུ་ནོད་པར་གནང་། རཏྣ་གླིང་པ། འགྲོ་འདུལ་གླིང་པ། ཞིག་པོ་གླིང་པ་སྟེ་གཏེར་སྟོན་གཅིག་ལ་གླིང་པ་གསུམ་དུ་ལུང་གིས་ཟིན་པའི་གདུང་བརྒྱུད་ཨེ་ཆོས་རྗེ་སྤེལ་ལྕོག་པ་ཐུགས་སྲས་ཆོས་རྗེ་རིན་ཆེན་བཟང་པོ་ལ་ཆོས་རྒྱལ་རཏྣ་གླིང་པས་རི་བོ་ཁྱུང་ཆེན་ལྡིང་ནས་གདན་དྲངས་པའི་ཐུགས་སྒྲུབ་ཡང་སྙིང་འདུམ་པ་དང་མཁར་ཆུ་ཕུག་རང་ནས་བཏོན་པའི་དྲག་པོ་མེའི་འཕྲེང་བ་གཉིས་ཀྱི་དབང་ལུང་ཡོངས་རྫོགས་ཡང་སྙིང་འདུས་པའི་སྒྲུབ་ཆེན་དང་འབྲེལ་བར་གསན། གཏེར་ཆེན་རཏྣ་གླིང་པའི་ཆོས་རྒྱུན་འཛིན་པ་ལ་འགྲན་ཟླ་དང་བྲལ་བ་ཨེ་ཉང་ཆོས་ལྡན་པར་རཏྣ་འཕྲིན་ལས་ལ་ཆོས་རྒྱལ་ཞིག་པོ་གླིང་པས་ཀོང་པོ་བུ་ཆུ་ནས་གདན་དྲངས་པའི་སྨན་སྒྲུབ་གསང་རྟོགས་ཀྱི་ལུང་གསན། ལྷོ་བྲོ་ཤུའི་གཏེར་སྟོན་བདེ་ཆེན་གླིང་པའི་སྤྲུལ་སྐུ་ཀརྨ་ཆོས་དབང་རྒྱ་མཚོ་ལ་གཏེར་ཆེན་རྡོ་རྗེ་གླིང་པའི་དྲག་དམར་གྱི་སྐོར། བདེ་(༣༢ན)

― GLG009_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་གླིང་པའི་གཏེར་མ་ཚེ་འཁྲིད་ཡིད་བཞིན་མེ་ལོང་གི་དབང་ལུང་རྣམས་གསན། ཆོས་རྒྱལ་བྱང་པ་ངག་གི་དབང་པོའི་ཞལ་སློབ་རྣམ་དཔྱོད་མཆོག་ཏུ་ཡངས་པ་བླ་མ་བྲག་ལ་བ་ངག་དབང་དོན་གྲུབ་རྒྱལ་མཚན་ལ་རི་སྦུག་པ་རྒྱལ་སྲས་རྡོ་རྗེ་ཐུགས་མཆོག་རྩལ་ནས་བརྒྱུད་པའི་རྫོགས་ཆེན་གསང་སྐོར་གྱི་དབང་ལུང་ཡོངས་རྫོགས། རླུང་ནག་དྲེགས་པ་ཉི་ཤུ་ཆོས་རྒྱལ་མངྒའི་མཚན་ཅན་གྱི་བཞེད་སྲོལ་ཐུན་མོང་མ་ཡིན་པ་རྣམས་ཞུ་བ་མཛད། སྣང་ཚད་ཆོས་སྐུ་བདེ་བ་ཆེན་པོའི་ཀློང་དུ་གྱུར་པའི་རང་གྲོལ་གྱི་རྣལ་འབྱོར་པ་ཀརྨ་གསང་སྔགས་ལ་རིན་ཆེན་གླིང་པའི་ནཱ་ག་རཀྴའི་དབང་ལུང་། འཚོ་རྒྱལ་སྐོར་གསུམ་གྱི་དབང་། རཏྣ་གླིང་པའི་རྩ་གསུམ་ནོར་བུའི་དོན་འཁྲིད། ཚེ་དཔག་མེད་རྡོར་འཕྲེང་། ཀློང་གསལ་གྱི་དབང་ལུང་ཁ་ཤས། དམ་ཅན་གྱི་སྐོར་སོགས་ཁ་ཐོར་སྣ་ཚོགས། མ་གཅིག་ནས་བརྒྱུད་པའི་གཅོད་སོགས་གསན། ཞལ་སྔ་ནས་བྲག་སྣ་བ་ཨོ་རྒྱན་བསྟན་འཛིན་ལ་རྫོགས་པ་ཆེན་པོའི་རྒྱུད་བཅུ་བདུན། དཔལ་ལྡན་དམག་ཟོར་མའི་རྗེས་གནང་སོགས་གསན་པ་མཛད། བླ་མ་རིན་ཅེན་གྲུབ་ལ་གཏེར་སྟོན་ཨོ་རྒྱན་གླིང་པའི་ཚེ་དབང་རྫོང་ཆུང་མ་ཞུ་བ་གནང་། ཁྱབ་བདག་བཀའ་འགྱུར་བ་ཆེན་པོའི་མཆོད་དཔོན་བླ་མ་འཇམ་དབྱངས་རྒྱལ་མཚན་ལ་ཇོ་བོ་ལུགས་ཀྱི་ཛམྦྷ་ལ་དཀར་པོ། མགོན་པོ་ཏྲག་ཤད་ཀྱི་རྗེས་གནང་། ཆོས་དབང་གི་ཐུགས་རྗེ་ཆེན་པོ་འཁོར་བ་དོང་སྤྲུག་གི་ལམ་དབང་། གུར་ཞལ་གྱི་ཡིག་ཆ་ཐོར་བུའི་ལུང་གསན། གསང་སྔགས་འཆང་བ་དཔལ་འབྱོར་གྲགས་པའི་དབྱངས་ལ་ཁྱབ་འཇུག་གསང་མདོས་ཀྱི་(༣༢བ)

― GLG009_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་ཆེད་དུ་ནོད་པ་གནང་། བླ་མ་ལྷ་རྩེ་བའི་སྤྲུལ་སྐུ་ངག་དབང་ཀུན་དགའ་ལྷུན་གྲུབ་ལ་གཏེར་མགོན་ཕྱག་བཞི་པའི་སྐོར་གསན་པའི་ཞར་ལ་དྲག་པོ་ཕུར་ཞབས་མའི་དབང་ལུང་བྱུང་འདུག་ནའང་པདྨ་གླིང་པའི་དྲག་དམར་གྱི་པདྨ་ཀཱི་ལཱ་ཡ་ཟུར་དུ་ཕྱུང་བ་ལྟ་བུའི་ཐུགས་རབ་ཀྱི་རྩལ་ལས་ཐོན་པ་མ་གཏོགས་ཚད་ལྡན་ཡིན་མིན་དཔྱད་དཀའ་གསུང་། སྨན་སྒོམ་འབྲང་རྒྱས་པ་ངག་དབང་དོན་གྲུབ་ལ་དཔལ་ལྡན་རྒྱུད་བཞི། བྱེ་བ་རིང་བསྲེལ། ཉམས་ཡིག་བརྒྱ་རྩ་རྣམས་ཀྱི་ལུང་གསན། རྩེ་ལུགས་ཀྱི་ཕུར་པའི་སྐོར་ཞབས་དྲུང་ཡབ་སྲས་ནས་ཐུགས་རྩོལ་གནང་དགོས་ཚུལ་ལ་བརྟེན་འོན་ནས་ཆོས་རྗེ་བན་གྲོང་པར་ཕུར་པའི་ལས་བྱང་འཕྲིན་ལས་རྒྱ་མཚོ། ཁ་སྐོང་ཧུ་ལུཏྣའི་ཆུ་རྒྱུན་གྱིས་གཙོས་པའི་ཆོས་སྣ་དཀོན་པ་དུ་མ་གསན། གོང་དཀར་དཀོན་གཉེར་བླ་མ་པར་ཁང་པ་དང་ཆོས་རྗེ་འགྲེལ་ལྔ་པ་ལ་ཕུར་པའི་རྩ་འཆམས། འབྲུབ་འཆམས། རིགས་བསྡུས། འཆམས་གསར། ཚེས་བཅུའི་འཆམས། གར་ཐིག་དབྱངས་གསུམ་གྱི་སྐོར། ཁྲོ་ཕུ་དུས་ཞབས་པར་ཙནྡྲ་པའི་ཁོག་ཕུག །དགུང་ལོ་བདུན་ཙམ་འགྲོ་བ་ནས་རིམ་གྱིས་རྒྱ་བོད་ཀྱི་ཀློག་ཡིག་དུ་མར་སྦྱངས་ཤིང་ལཉྪ་སློབ་དཔོན་མ་རྙེད་པས་པཎ་ཆེན་རི་ཟངས་ཏོག་པའི་ཕྱག་བྲིས་ལ་དཔེ་མཛད་པས་ཕྱོགས་འགྲོ་མཁྱེན་ནའང་དེ་ཙམ་གྱིས་ཆོག་འཛིན་མེད་པར་ལྷོ་བྲག་སྒོ་མོ་བར་རྒྱ་བོད་ཀྱི་ཡིག་སྣའི་དོགས་གཅོད་སོགས་ཤེས་བྱའི་གནས་ཕྲ་རགས་གང་ལའང་མཐའ་གཅོད་ཅིང་ཆོས་རྒྱུན་དཀོན་པ་ཆད་དུ་ཉེ་བའི་རིས་ཁུངས་བཙུན་པ་ཞིག་བྱུང་ཕྱིན་གསན་པར་ཁེངས་དྲེགས་ཅུང་ཟད་ཙམ་ཡང་མི་མཛད་ཅིང་། བཀའ་ལས། མེ་ཚོགས་སྤུ་(༣༣ན)

― GLG009_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

གྲིའི་སོ་ཡང་བརྒལ་ནས་ནི། །འཆི་མཐར་ཐུག་གི་བར་དུ་དམ་ཆོས་བཙལ། །ཞེས་པའི་དོན་ཡིན་པས་ཡོན་ཏན་གཞན་རྒྱ་ཆེ་བ་ལས་ཆོས་ཐོབ་རྒྱ་ཆེ་བ་དགའ་གསུང་ངོ་། །ཤེས་བྱར་སྲིད་པའི་ཡོན་ཏན་མཐོ་རིས་ཆུ། །བློ་བརྩོན་ཧུབ་ཀྱིས་དྲངས་ཀྱང་རྣམ་དཔྱོད་ཀྱི། །ལྟོ་བ་མི་དོག་ཡངས་པའི་ཛཧྣུ། །ཉང་སྟོན་རིགས་ཀྱི་ཐིག་ལེར་དེང་འདིར་བྱོན། ཁྱད་པར་རྩ་བའི་འདྲེན་པ་ལྷ་དྲོ་པས། །སྲས་ཀྱི་ཐུ་བོར་བཟུང་ནས་སྨིན་གྲོལ་ལུང་། །ཆོས་དབང་བསྟན་པའི་རྒྱལ་སྲིད་ཡོངས་གཏད་ཚེ། །སྔགས་འཆང་མང་བཀུར་སེང་གེའི་ཁྲི་སྟེང་འགྱིང་། །གཙུག་ལག་བཤོལ་མེད་མར་ཆགས་དམོད་མཚན་དབྱིབས། །བློ་གྲོས་མིག་སྟོང་བཀྲ་བའི་རྣམ་དཔྱོད་མཚོན། །རྩེ་བརྒྱ་གདེངས་ཚེ་རབ་རྨོངས་ལྷ་མིན་མོའི། །མངལ་ལྷུང་བརྒྱ་བྱིན་བླ་གོས་ཟོལ་གྱིས་བསྒྲིབས། །བགྲང་ཡས་ཡོངས་འཛིན་ཆུ་ཤེལ་གཙུག་ཏོར་རྒྱན། །མཁྱེན་སྤྱན་ཟླ་ཟེར་ཕོག་ཆུས་མགོན་ཁྱོད་བཞིན། །བཀྲུ་བར་ལྟ་ཕྱིར་གདོང་པ་དྲུག་སྤྲུལ་ནས། །གར་མཁན་ཞེན་ཏེ་ས་འདིར་བསྐྱོད་ཀྱི་དོགས། །མི་མངོན་ཉམས་རྟོགས་མུན་པའི་ཁུང་བུ་རུ། །སྣ་ཚོགས་རྫུན་གཏམ་འཁྱུག་པའི་ལྕེ་གཉིས་པ། །མ་ཡིན་ལྔ་རིག་གདེངས་ཀ་མཐོན་པོའི་རྩེར། །ལེགས་བཤད་དབང་གི་རྒྱལ་པོ་གཟི་འོད་འཕྲོ། །ཐ་སྙད་ཚིག་ལ་ཞེན་པ་སྲ་བའི་གཞུ། །གོ་ཡུལ་རྒྱུད་ཀྱིས་མ་ཁུགས་མཁས་རློམས་དང་། །མཚུངས་མིན་སྣང་གྲགས་ཆོས་སྐུའི་རང་རིག་པར། །ངོ་སྤྲད་ཙམ་ནས་ངང་གིས་ཀློང་དུ་གྲོལ། །གསུམ་པ་བསྐྱེད་རྫོགས་རྫོགས་པ་ཆེན་པོར་(༣༣བ)

― GLG009_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

གོམས་པས་དངོས་གྲུབ་བརྙེས་པ་ནི། ཁྲ་ཚང་དང་སྨན་ལུང་གཉིས་གདན་ས་ཕན་ཚུན་ཟུང་འབྲེལ་ཡིན་ནའང་སྨན་ལུང་གི་སྲས་མོའི་ཐོག་ཏུ་བཀྲ་ཤིས་ཆོས་སྡེའི་གྲ་པ་དགེ་འདུན་རྒྱ་མཚོ་ཟེར་བ་ཞིག་གིས་མག་པ་བྱས་ཏེ་མི་བདག་བདག་ཏུ་གཟུང་བདག་པོ་སྒོ་ཕྱིར་འབུད་པའི་དཔེ་བཞིན་སྐུ་ཚ་མོས་ཀྱང་མི་གུས་པ་ལྷུར་བླངས་པས་མཉམ་མེད་ཇོ་བོ་ཆེན་པོ་བསམ་ཡས་སུ་བཞུགས་དུས་ལྷ་བཙུན་བོ་དྷི་རཱ་ཛ་བག་དོག་པའི་རྐྱེན་གྱིས། གང་དང་འཐབ་ཅིང་རྩོད་པ་ནི། །དཔག་ཚད་བརྒྱ་ཡི་ཕ་རོལ་འགྲོ ། ཞེས་གསུངས་པའི་དོན་བཞིན་ཁྲ་ཚང་དུ་སྐུ་མཚམས་མཛད་ནས་སྲི་ཞུ་ཡུམ་གྱིས་ཞུས་ཏེ་རྫོགས་པ་ཆེན་པོ་སངས་རྒྱས་མཉམ་སྦྱོར་དང་བླ་མ་ཡང་ཏིག་གསང་སྐོར་སོགས་རྫོགས་ཆེན་ཀ་དག་ལྷུན་གྲུབ་ཀྱི་ཉམས་ལེན་གཙོ་བོར་གནང་བས་རིག་རྩལ་ཀུན་ཏུ་བཟང་པོར་གཅེར་མཐོང་དུ་ངོ་འཕྲོད། ཆོས་ཉིད་མངོན་སུམ་དང་ཉམས་གོང་འཕེལ་གྱི་འོད་གསལ་ལོངས་སྐུའི་ཞིང་ཁམས་ལ་འབྱམ་ཀླས། དེའི་མུས་ནས་ཇི་སྐད་དུ། ང་སྒྲུབས་སངས་རྒྱས་ཐམས་ཅད་འགྲུབ། །ང་མཐོང་སངས་རྒྱས་ཐམས་ཅད་མཐོང་། །ང་ནི་བདེ་གཤེགས་འདུས་པ་ཡིན། །སྙིང་པོ་བདེ་གཤེགས་འདུས་པའི་སྔགས། །རྒྱལ་བ་ཀུན་འདུས་དྲིལ་སྒྲུབ་ཡིན། །ས་ནི་བཅོ་ལྔ་ལམ་ལྔ་ཡང་། །ང་སྒྲུབས་ཐོད་འཕྲེང་བཟླས་པས་བགྲོད། །དུས་གསུམ་སངས་རྒྱས་ཐམས་ཅད་ཀྱི། །གསུང་རབ་ཐམས་ཅད་བཀླགས་དང་མཚུངས། །ཨྱོན་པདྨ་ཐོད་འཕྲེང་རྩལ། །ལྷོ་ནུབ་རྔ་ཡབ་གླིང་ཕྲན་གྱི། །ཐག་རིང་ཞིག་ན་ཡོད་པ་མིན། །མོས་གུས་ཅན་གྱི་དྲུང་ན་ནི། །ང་ཉིད་འདུ་འབྲལ་མེད་པར་གནས། །མངོན་(༣༤ན)

― GLG009_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་དྲུག་ལྡན་སྟོབས་བཅུ་སོགས། །བདེ་གཤེགས་རྣམས་ལ་མངའ་བས་ན། །གསོལ་བ་བཏབ་པ་ང་ཡིས་གསན། །མོས་གུས་བྱེད་པ་ང་ཡིས་ཤེས། །སྒྲུབ་པ་བྱེད་པ་ང་ཡིས་མཐོང་། །ང་ཡིས་མི་མཁྱེན་གང་ཡང་མེད། །དེས་ན་དགའ་བྲོད་སྤྲོ་ཚུལ་གྱི། །རིགས་ལྔ་བསྐྱེད་ལ་བཟླས་པ་བྱ། །ཞེས་པ་ལྟར་རིགས་འཛིན་བླ་མའི་སྒྲུབ་ཐབས་གྲངས་ཡས་པའི་ནང་ནས་གཙོ་བོར་གྱུར་པ་ཐུགས་སྒྲུབ་གསང་བ་འདུས་པ་སྒྲུབ་པའི་སྒྲོམ་བརྒྱད་ཀྱི་ཕྱག་ལེན་དང་བཅས་བསྙེན་སྒྲུབ་ལས་སྦྱོར་གྱི་རིམ་པ་གཏེར་གཞུང་ལ་ཞལ་ཤེས་ཀྱིས་བརྒྱན་ཏེ་ཟླ་བ་གསུམ་གྱི་བར་ཐུགས་ཉམས་སུ་བསྟར་བས་སློབ་དཔོན་ཆེན་པོ་པདྨ་འབྱུང་གནས་ཞེས་པཎ་ཞུ་རྒོད་སྒྲོ་ལྡེམ་མེ་ཕྱི་རོལ་ནས་འབྱོན་མཁན་ཡོད་པའི་ཀུན་རྫོབ་ཨ་འཐས་ཀྱི་རྫུན་ཕུག་བརྡིག་ནས་རང་རིག་དོན་གྱི་པདྨ་ཐོད་འཕྲེང་རྩལ་དུ་ཐག་ཆོད། ཡི་དམ་ཀུན་གྱི་ནང་ནས་ཁྱད་པར་དུ་འཕགས་པ་ཞི་ཁྲོ་བཀའ་བརྒྱད་ཡོངས་རྫོགས་ཕྱི་རྡུལ་ཚོན་གྱི་དཀྱིལ་འཁོར་ལ་བརྟེན་ནས་མ་ཧཱ་ཡོ་ག་ལྟར་སྒྲུབ་པ་འཕྲིན་ལས་ཡོངས་རྫོགས། ནང་ལུས་དཀྱིལ་ལ་བརྟེན་ནས་ཨ་ནུ་ཡོ་ག་ལྟར་སྒྲུབ་པ་གཅིག་དྲིལ། ཡོངས་རྫོགས་ཕུར་སྒྲུབ་རྣམས་རྫོགས་པ་ཆེན་པོའི་ལྟ་བས་རྩིས་ཟིན་པ་ཁོ་ན་རྡོ་རྗེ་འཆང་དབང་ཕྱུག་རབ་བརྟན་གྱི་ཞལ་འཁྲིད་ལྟར་མཛད་པས་ཡོ་ག་གསུམ་གྱིས་སྒྲུབ་ལུགས་མཐར་ཕྱིན་པས་ཨཽཌྜི་ཡ་ནའི་ཨཱ་ཙཪྻའི་དགོངས་དོན་འཁྲུལ་མེད་མངའ་རིས་པཎ་ཆེན་རིན་པོ་ཆེས་ཇི་ལྟར་གསུངས་པ་རྗེ་འདི་ཉིད་ཀྱི་ཐུགས་ཉམས་སུ་བཞེས་པར་མངོན། གཞན་ཡང་བོད་འདིར་བསྟན་པ་རིན་(༣༤བ)

― GLG009_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཆེའི་དབུ་ཐོག་མར་བརྙེས་པ་ཡུམ་བུ་གླ་སྒང་དང་ཁྲ་ཚང་དུ་ཉང་གི་དྲག་དམར་གཞུང་ཆེན་བདེ་གཤེགས་འདུས་པ་དང་ཆོས་དབང་གི་དྲེགས་པ་ཚར་གཅོད་གཉིས་ཀ་ལ་ལྗགས་བསྙེན་མཛད་པ་གཏེར་ཁ་འོག་མ་རྩུབ་ཅིང་གོང་མ་འཕྲལ་འཇམ་ལ་ཕུགས་ཆུན་ཆེ་བ་ཡོད་ཅེས་གནོག་ཆོས་སུ་མཛད་ཅིང་བསླབ་སྟོན་ལྟར་ངེད་ཀྱིས་ཀྱང་ཉམས་ལེན་གྱི་ལུགས་བྱས་པ་དྲག་པོ་དབུ་དགུ་ཚ་ངར་ཆེའང་འདི་ཉིད་འཇམ་རྩུབ་རན་པར་གོ་ཞིང་ཞག་འགའ་སོང་བ་ན་འཁྲུལ་སྣང་དུ་པོ་ཏ་ལའི་མཆོད་ཁང་དམར་པོའི་བྱང་བརྒྱུད་ཀྱི་རྩིག་སྟེང་ན་གཉྫིར་ཤིན་ཏུ་ཆེ་བ་ཞིག་སྣང་བ་རླུང་དྲག་པོས་བསྒྱེལ་སོང་བ་བརྒྱུགས་ནས་ཐག་པ་འདྲ་མོས་འཐེན་པས་གཡང་ལ་མ་ཤོར་བར་སྔར་ཤུལ་ལས་འཁྲོངས་པ་བྱུང་བ་བར་ཆད་ལས་རྒྱལ་བའི་མཚན་མར་མངོན། བླ་མ་མངའ་བདག་པར་མཁའ་འགྲོའི་བཀའ་བབས་པ་ཡིན་ཞིང་མཁས་གྲུབ་ཆེན་པོ་མངའ་རིས་པཎ་ཆེན་ཀྱང་འདི་ལ་ཡི་དམ་གྱི་གཙོ་བོར་མཛད་ཚུལ་གྱི་ལོ་རྒྱུས་དང་བཅས་གསུང་བ་ཐོས་ཤིང་སངས་རྒྱས་གཉིས་པ་ཨོ་རྒྱན། པདྨ་འབྱུང་གནས་ཀྱི་གནས་ཡར་ཀླུངས་ཤེལ་གྱི་བྲག་ཕུག་ཏུ་ཉང་གི་ཁྲོས་ནག་ལ་བསྙེན་པ་དང་རྒྱུན་གྱི་ཉམས་བཞེས་ཀྱང་གཙོ་བོར་གནང་། སྲིད་པ་གསུམ་ན་འགྲན་ཟླ་དང་བྲལ་བ་ཆོས་རྗེ་བླ་མ་དམ་པ་བསོད་ནམས་རྒྱལ་མཚན་དང་། རྣལ་འབྱོར་གྱི་དབང་ཕྱུག་ཡར་ཀླུངས་པ་སེང་གེ་རྒྱལ་མཚན་ཁུ་དབོན། མཐུ་སྟོབས་ཀྱི་དབང་ཕྱུག་དཔལ་ཀུན་བཟང་རྩེ་པ་ཡབ་སྲས་ཀྱིས་མཚོན་པའི་དམ་པ་དུ་མས་བྱིན་གྱིས་བརླབས་པའི་གནས་ཧེ་རུ་ཀཿརང་བྱུང་གི་གཙུག་(༣༥ན)

― GLG009_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་ཁང་དམ་ཅན་སྤྲིན་བཞིན་འདུ་བ་བསམ་གླིང་བདེ་བ་ཆེན་པོ། སྨན་ལུང་ཆོས་དབྱིངས་རྩེ་མོ་སོགས་གནས་དུ་མར་རྫོང་ཆེན་ཚེ་སྒྲུབ་ཏུ་གྲགས་པ་ཉང་ཆོས་དབང་ཨོ་རྒྱན་གླིང་པ་གསུམ་གར་ཡོད་པ་དང་བྱང་གཏེར་གྱི་ནང་ལོངས་སྤྱོད་རྫོགས་སྐུར་སྒྲུབ་པ། གཞན་ཡང་གནམ་སྐས་མ། རྒྱུན་ཁྱེར་མཁར་ཆུ་མ། ཁོ་ལྷ་ཁང་གི་གཏེར་མ་སོགས་དགོངས་དོན་གཅིག་ཏུ་དྲིལ་པའི་བསྙེན་སྒྲུབ། ཐུགས་རྗེ་ཆེན་པོ་ཡང་སྙིང་འདུས་པ་འཁོར་བ་དོང་སྤྲུག་གི་ཉམས་བཞེས་ཀྱང་མཐར་ཕྱིན་པས་ངས་ནི་ལྷོག་སྔགས་དང་གཉན་སྔགས་སོགས་སྒེར་དུ་ཤེས་ཀྱིན་མེད། ནད་པ་ལའང་ཡིག་དྲུག་གི་སྔགས་བཏབ་པས་ཕན་ཚུལ་གསུང་གིན་ཡོད་པར་སྣང་། མགོན་པོ་ལེགས་ལྡན་དང་དཔལ་མགོན་མ་ནིང་སོགས་ཆོས་སྐྱོང་དུ་མ་བསྙེན་སྒྲུབ་གནང་བས་མཚོན་མདོར་ན་གནས་དེ་དག་ཏུ་རིང་བ་ལོ་དང་ཐུང་བ་ཟླ་གྲངས་སུ་བཅད་དེ་བསྙེན་སྒྲུབ་དཔྱིས་ཕྱིན་པར་མཛད་པས་ཡི་དམ་གྱི་ལྷའི་ཞལ་གཟིགས་ལུང་སྟོན་སོགས་མང་དུ་བྱུང་བར་གོར་མ་ཆག་ཀྱང་གཞན་དག་གིས་དྲི་བ་ཞུས་པའི་ཚེ་མཉམ་སྦྱོར་དང་བླ་མ་འགའི་གསུང་ལས། སྒྲུབ་པའི་སྙིང་པོ་འདི་ལ་དྲིལ་ནུས་ན། །སྤྱོད་པ་བསླབ་གསུམ་མཛེས་པའི་སྒྲུབ་རྟགས་ཤིག །རང་གཞན་ཀུན་གྱི་སྣང་ངོར་སྟོན་ནུས་ཤིང་། །དེ་ལས་གཞན་པའི་གྲུབ་རྟགས་མེད་ཀྱང་བཟོད། །ཅེས་དེ་འདྲའི་རིས་མངོན་པ་ཟུར་ཙམ་ཡང་མི་མཛད་ནའང་གསེར་ས་འོག་དང་། འོད་ནམ་མཁའི་དཔེ་བཞིན་དགྲ་འདྲེས་མཚོན་མི་མཐུན་པའི་ཕྱོགས་ཐམས་ཅད་ལ་འཇིགས་པ་མེད་པའི་བརྟུལ་ཞུགས་ཀྱི་དཔའ་(༣༥བ)

― GLG009_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

གདེངས་ཆེ་ཞིང་དེ་དག་ཀྱང་བློ་འདས་ཆོས་སྐུ་འཛིན་མེད་ཀྱི་ཀློང་དུ་རང་གྲོལ་བས་གདེངས་ཚད་བློའི་ར་བ་ལས་ཡོངས་སུ་བརྒལ་བ་ཞིག་མཆིས། ཐུགས་ཉམས་བཞེས་ཀྱི་རིམ་པ་དེ་དག་ཀྱང་ཇི་སྐད་དུ། ང་དང་འཕྲད་པར་འདོད་ན་ཐུགས་ཀྱི་སྒྲུབ་པ་སྒྲུབ༔ མྱུར་དུ་འཚང་རྒྱ་འདོད་ན་མཉམ་སྦྱོར་ཉམས་སུ་ལོང་༔ འགྲོ་བ་འདུལ་བར་འདོད་ན་ཐུགས་རྗེ་ཆེན་པོ་སྒྲུབས༔ སྐུ་ཚེ་རིང་འདོད་བཅུད་ལེན་ཉམས་སུ་ལོང་༔ མཐུ་རྩལ་ཆེ་འདོད་ཅོག་རྡུང་དྲུག་པོ་སྒྲུབས༔ མཁའ་འགྲོ་འདུ་འདོད་དམ་གཙང་ཚོགས་འཁོར་རེམས༔ ཐུན་མོང་སྒྲུབ་འདོད་ལས་ཚོགས་མ་ལུས་སྒྲུབས༔ དམ་ཆོས་སྤྱོད་འདོད་འཁོར་བ་བློ་ཡིས་ཐོང་༔ གཏེར་རྣམས་འདོད་ན་ཐུབ་ཆོད་ཆེན་མོ་སྒྲུབས༔ དེ་དག་ཀུན་འདོད་བཀའ་བརྒྱད་ཡོངས་རྫོགས་སྒྲུབས༔ ཞེས་པའི་དོན་ཁོ་ན་ཐོག་ཏུ་བབས་པར་མངོན། ཚེ་སྒྲུབ་བྱེད་མཁན་མང་ཡང་ཚེ་ཚད་ཁ་དམར་གདགས་དཀའ་བ་འོག་ཏུ་གསལ་བའི་ལོ་རྒྱུས་ལྟར་དྲུང་ཆེན་རིན་པོ་ཆེས་གདན་ས་ཆེན་པོ་དཔལ་ལྡན་ས་སྐྱར་ཞབས་འདྲེན་མཛད་པར་བརྟེན་ས་ཕག་གཉིས་ལུགས་མ་ལེགས་པའི་བདེ་གཟར་རྒྱུན་རིང་ཞིང་བརྡོས་དྲག་པ་བྱུང་བའི་ཚེ་བཞི་ཐོག་བླ་བྲང་ནས་མཐུ་སྟོབས་ཀྱི་དབང་ཕྱུག་མཁས་བཙུན་ནམ་མཁའ་ལེགས་པས་ཆོས་སྐྱོང་རྦད་བསྐུལ་མཛད་པའི་དུས་ཇོ་ནང་དུ་ཀུན་སྤངས་ཐུགས་རྗེ་བརྩོན་འགྲུས་ཀྱིས་སྦྱོར་དྲུག་བཅུགས་པའི་འཁྲིད་པ་ཞིག་རླུང་འགྲོ་འོང་གིས་སེམས་མི་གནས་པ་ལྟ་བུ་བྱུང་བས་འཆར་སྒོར་སྦུས་རུའི་དམག་དཔོན་ནི་མཁས་བཙུན་ལེགས་པ་ཡིན། གཡས་རུའི་དམག་དཔོན་ནི་མགོན་པོ་གུར་(༣༦ན)

― GLG009_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་སོགས་སྨྲས་པ་ལྟར་སྣེའུ་སྡོང་རྩེ་ཕྱོགས་སུ་ཟ་ཁ་ཤིན་ཏུ་ཟུག་ཆེ། ཁྱད་པར་རྫོང་ཆུང་བ་སྔགས་འཆང་ཆེན་པོ་གཟུངས་ཀྱི་དཔལ་བས་མགོན་པོ་ཞལ་གྱི་གཏོར་ཆེན་གཙང་པོ་ལ་བསྐྱུར་བས་སྐྱོན་མེད་དུ་ཆུས་ཁྱེར་བ་གདན་ས་མཐིལ་གྱི་ཡས་ཟུར་དུ་འབར་ནས་ཉིན་མོ་དུད་པ་འཐུལ་བ་དང་མཚན་མོ་མེ་འབར་བའི་ཆོ་འཕྲུལ་སྣ་ཚོགས་བྱུང་བ་དོགས་པ་ཟོས་ཏེ་སྣེའུ་སྡོང་རྩེ་ནས་ལྟར་བཏང་བ་གཏོར་མ་དང་ཆུ་འགྲམ་ན་རྡོལ་ཞལ་བྲམ་གཟུགས་ཀྱི་སྐུ་རང་བྱོན་ཞིག་ཀྱང་འདུག་ཚུལ་བྱུང་བར་བརྟེན་མཐིལ་དུ་བསམ་ཐོངས་མགོན་ཁང་ཟེར་བ་བརྩིགས། གཏོར་མ་སྒམ་ནང་དུ་བཅུག་པ་དང་རྡོ་སྐུ་རྣམས་སྤྱན་དྲངས་རྩེ་མཐིལ་གཉིས་ཀར་ཆོས་སྐྱོང་དུ་བསྟེན་པས་ལྟས་ངན་གཡང་ཁུགས་ཀྱི་རྣམ་པས་མཐུ་བཟློག་སྟེ་ཕག་མོ་གྲུ་པའི་བསྟན་སྲིད་ཀྱང་ཡུན་རིང་དུ་གནས་ཤིང་དེང་སང་གི་བར་དུ་གདུང་བརྒྱུད་མི་ཆད་པ་འདི་བཞིན་བྱུང་། རྡོ་སྐུ་ཐམས་ཅད་མཁྱེན་པ་བསོད་ནམས་རྒྱ་མཚོས་གདན་དྲངས་ནས་དེང་སང་ཆོས་འཁོར་རྒྱལ་དུ་བཞུགས་ཏེ་རྡོ་སྐུ་མེ་འབར་མར་གྲགས། གཏོར་མ་འགར་བའི་ཡུལ་དེར་གཉན་ཆ་ཞེས་མིང་ཆགས། བསམ་ཐོངས་མགོན་ཁང་ཆོམས་རྡིབ་ལ་སོང་བ་གཉན་པའི་གྲགས་པས་ཞྭ་དམར་བའི་སྒར་ཁྲོད་ཀྱི་བླ་མ་དབུ་ཆེ་ང་ཡིན་བསམས་པ་གང་གིས་ཀྱང་འགྲོ་མ་ནུས་པར་རྗེ་འདི་ཉིད་འཁྱགས་པ་ཁའི་མེ་འབུད་ལྟ་བུར་རྫོང་བདའ་མཛད་པ་རིགས་འཛིན་ཆེན་པོ་ཡོལ་མོ་བས། སྣང་སྲིད་དང་ལྷ་འདྲེའི་ཆོ་འཕྲུལ་དེ་ཁྱོངས་ཤོག །ཡ་ང་དང་མེད་པའི་ཐོག་བརྫིས་ཤིག་བྱའོ། །ཞེས་པའི་དོན་ལྟར་རིག་སྔགས་འཆང་བའི་བརྟུལ་ཞུགས་འཇིགས་(༣༦བ)

― GLG009_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་སེང་གེ་ལྟ་བུའི་སྤྱོད་པས་ཕེབས་ཏེ་མགོན་ཁང་རྡོ་ཕུང་ལྟ་བུར་སོང་བ་འུ་ལག་རྣམས་ཀྱིས་ས་སེལ་རྡོ་སེལ་བྱས་པའི་ནང་ནས་སྤྱན་གཟིགས་འགངས་ཆེ་བ་གོ་མཚོན་རོལ་མོ་ནས་བཟུང་གཏོར་སྣོད་ཀྱི་རྫ་སླང་གིས་མཐའ་བརྟེན་པ་ཐམས་ཅད་ཆག་གྲུམ་མེད་པར་ཐོན་ཀྱང་ས་སྐྱའི་གཏོར་མ་སྒམ་བཅས་ཡེ་མ་རྙེད་པས་ལས་མི་རྣམས་ཟན་ལ་བཀྲམ། རྗེ་ཉིད་གཅིག་པུར་ཞལ་གྱི་གཏོར་བསྔོས་མཛད་པའི་མུས་ལ་སྐུ་མདུན་གྱི་ཉེ་ཕྱོགས་སུ་འཇའ་མདུང་ཚུགས་སུ་ཟུག་པའི་ཤུལ་དུ་བརྐོས་པས་རྟེན་སྒམ་རྙེད། མགོན་ཁང་ཕྱིའི་མཁར་ལས་དང་ནང་གི་རྟེན་དང་གཏོར་མ་སྤྱན་གཟིགས་མཆོད་པ་རྣམས་སྔར་ལྟར་བསྒྲིགས་རབ་གནས་མཛད་པས་བཀའ་གཉན་པའི་གྲགས་པ་དེང་སང་གི་བར་དུ་མ་ཉམས་པ་འདི་བཞིན་བྱུང་། གོང་དཀར་རྡོ་རྗེ་གདན་དུ་བཞུགས་སྐབས་ནུབ་ཅིག་འོད་གསལ་ལ་གསེར་དངུལ་ཉ་ཕྱིས་དུང་དང་། གཞན་ཡང་མིའི་དངོས་པོ་ལས་འདས་པ་མིང་བརྗོད་དཀའ་བའི་རིན་པོ་ཆེའི་སྣོད་དུ་མ་བཅུད་སྣ་ཚོགས་ཀྱིས་བཀང་བ་མི་མ་ཡིན་གྱིས་ཕུལ་ནས་བསྙེན་བཀུར་བའི་ཚུལ་བྱེད་པ་ནི་ལྷ་ཀླུ་གནོད་སྦྱིན་ལྗོན་པ་རྟ་མགོ་ཅན་གྱིས་མཚོན་པའི་མཐུ་བོ་ཆེ་རྣམས་ཀྱིས་ཀྱང་རྗེ་འདི་ཉིད་མགོན་སྐྱབས་དཔུང་གཉེན་དུ་བཟུང་བར་གདོན་མི་ཟའོ། །སྐྱིད་གཤོང་དུ་བཞུགས་དུས་མཉྫུ་མཉྫུ་ཡང་ཡང་གསུང་བར་ཅི་ཡིན་ནམ་ཞུས་པས་འདི་ཚོད་སྡུས་ཕེབས་པར་ནམ་གུང་ཡིན་ཅི་ཡང་བསྡུ་རྒྱུ་མེད་གསོལ་བར་ཡོད་ཅེས་ཡང་བསྐྱར་དུ་བཀའ་སྩལ་བས་མལ་ནས་ལངས་དྲུང་དུ་ཕྱིན་ཏེ་ཅི་ཡིན་ནམ་གང་ཡིན་ནམ་གང་ཡང་མི་མཐོང་འདུག་ཞུས་པ་ན་ད་མེད་སོང་གཞན་ངེད་ཀྱི་མདུན་འདིར་ཟ་མའི་རིགས་མེད་པའི་མཐའ་དང་བྲལ་བ་ཞིག་བྱུང་(༣༧ན)

― GLG009_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

ད་དེ་གས་ཡོང་འདུག་ཉོལ་ཤོག་གསུང་བ་དཔའ་བོ་མཁའ་འགྲོ་རྣམས་ཀྱིས་ཚོགས་ཀྱི་མཆོད་པ་རྒྱ་ཆེན་པོ་ཕུལ་བའི་ཚོད་དུ་སྣང་། པོ་ཏ་ལར་ཕེབས་སྐབས་ཤིག་ལྗངས་ཀྱི་བཞུགས་མཚེར་དུ་དག་སྣང་ལ་སྒྲོལ་དཀར་མང་དུ་ཞལ་གཟིགས་ཤིང་རྟ་བརྡབ་འབྱུང་ཉེན་ཆེ་བས་སྒྲོལ་མ་ཐོན་ཞེས་པའི་ལུང་བསྟན་ལྟར་ནང་པར་ཆིབས་ཐོག་ཏུ་ཕེབས་འཕྲལ་སྐུ་སྐྱེ་ལ་བསྐུལ་ཞིག་ཅེས་བཀའ་གནང་ནས་དཔོན་སློབ་ཐམས་ཅད་ཀྱིས་ཕྱག་འཚལ་ཉེར་གཅིག་གསུང་བཞིན་པའི་ངང་ལ་སྙེ་ཐང་རྒྱ་གྲོང་དུ་མ་ཕེབས་ཙམ་ལ་གློ་བུར་དུ་ཆིབས་པ་འདྲོགས་ནས་ཉེན་ཅན་ལ་ཐུག་པ་དོན་དུ་སྐུ་རྡབ་མ་ཤོར་བ་སྒྲོལ་མའི་བྱིན་རླབས་དང་པོ་ཏ་ལ་ནས་སྣེའུ་སྡོང་རྩེར་ཆིབས་ཁ་སྒྱུར་རྒྱུའི་ནུབ་སྐུ་ཆས་དུ་མ་ཆུ་ལ་ཤོར་བའི་མཚན་ལམ་ཤར་བ་ནང་པར་ཞབས་འབྲིང་པ་རྣམས་ལ་འདི་བཞིན་བྱུང་བས་བཅའ་ག་གྱིས་གསུངས་པ་བ་མ་རིའི་ཟམ་པ་ནས་ཁལ་མ་ལྷུངས་ཏེ་སྐུ་འགན་སྦྱར་གྱིས་གཙོས་པའི་ན་བཟའ་སོགས་མང་རབ་ཅིག་ཆུས་སྤངས། པོ་ཏ་ལར་བཞུགས་སྐབས་ཤིག་ཁང་པ་ཆེན་པོ་འདི་ཡིན་མེད་པའི་སྦུག་ན་ཙེ་བེར་དང་སག་ཐེབ་གྱོན་པའི་བཙུན་པ་མི་བོངས་གསུམ་འགྱུར་ཙམ་པ་གཟི་བྱིན་ཅན་ཞིག་བསྡད་དེ་འདྲ་རུང་བས་སྒོའི་ཕྱི་རོལ་ཏུ་དོན་ནས་རྗེ་ཉིད་ཀྱི་ཕྱག་ཏུ་སྤྱི་སྒོས་ཀྱི་ལེགས་ཉེས་བླང་དོར་ཡོད་ཟེར་བའི་ཤོག་རིལ་ཆེན་མོ་ཕུལ་བ་ནང་པར་ལྗགས་ལུང་གི་སར་རྒྱལ་པོ་ལི་བྱིན་ཧ་ར་འདི་འཁོར་པོ་ཡོད་པས་ཡིན་ནམ་མདང་འདི་བཞིན་བྱུང་། སྐུ་རིམ་དགོས་ཚུལ་ཧ་ལམ་འདི་འདྲ་འདུག་ཕེབས་པ་ནས་ཇ་ཡུན་གཅིག་ཙམ་གྱི་ཚེ་གནས་ཆུང་ཆོས་རྒྱལ་སྐུ་ཐོག་བབས་ཀྱི་སར་མགྲོན་གཉེར་(༣༧བ)

― GLG009_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུང་པས་ཕྱིན་པས་ཇི་ལྟར་གསུང་བ་དང་ཕྱོགས་མཐུན་པའི་ཤོག་རིལ་ཞིག་བསྐུར་བ་མཛད་འདུག །རིན་སྤུངས་སུ་སྐུ་རིམ་ཞིག་གི་སྐབས་གོང་ར་བའི་མཆོད་གཡོག་དེས་བསླབ་སྟོན་རྣམས་རས་སུ་བོར་ཞིང་རྩེ་སག་ལུས་ལ་བཅངས་ཏེ་མིག་ངན་ཁོ་ན་བལྟ་བ་དེ་ཉེར་དགུའི་ནུབ་ཁམས་སང་ལ་ཕྱིན་པ་ཚོམས་ཆེན་སྟེང་དུ་ལྷུངས་ནས་གནམ་གང་གི་ཉིན་ཚེའི་དུས་བྱས་ཟླ་བོ་རྣམས་ལ་ང་མི་ནག་པོ་ཞིག་དང་འཕྲད་པས་ལྷུངས་བྱུང་གླེངས་པ་སོགས་སྐུ་དགྲའི་རིས་ལ་ཆེད་དུ་མ་བསྐུལ་ཡང་མ་ནིང་ནག་པོས་ཡལ་བར་མི་འདོར་བས་མཚོན་ངོ་མཚར་བའི་ལོ་རྒྱུས་མང་པོ་ཡོད་ཚོད་དུ་འདུག་ཀྱང་སྦས་ཚུལ་ཧ་ཅང་ཐལ་བས་མང་བ་མ་འཚལ་ལོ། །སྒྲིབ་མུན་དག་རིག་ཉི་མའི་སྙིང་པོའི་ཁམས། །ཡེ་ཤེས་འོད་ཚོན་ལྔ་རྫོགས་འཇའ་རིས་ཅན། །ཆོས་ཉིད་ཟད་མཐར་ཁྱོལ་ཉེ་བི་མཱ་ལས། །སྔོན་ནས་མྱོང་ཟིན་དེ་ལ་མཚར་དུ་ཅི། །སྲས་བཅས་རྒྱལ་ཀུན་བྱིན་རླབས་དཀར་མོའི་འབྲུ། །རིག་རྩལ་བླ་མར་ངེས་པའི་ཡེ་མལ་དུ། །གནད་གསང་ཕབ་རྩིས་སྦྲན་པའི་དངོས་གྲུབ་ཆང་། །དངར་པོས་མྱོས་པའི་རྒྱང་གླུ་རྣ་བའི་གསོས། །ཀ་དག་ཐུགས་ཀྱི་བགྲང་ཡས་རྫིང་བུའི་ནང་། །ཞི་ཁྲོའི་བསིལ་སྦྱིན་མཁན་ཤར་བྱིས་པ་རྣམས། །མཚར་འཛིན་ངེས་པར་མཚན་དཔེའི་རི་དྭགས་གཟུགས། །གསལ་ཟླ་འོག་མིན་མཁར་བགྲོད་སུ་ཞིག་བསྙོན། །གཏུམ་ཆེན་དྲག་པོའི་གར་ལ་བཞེངས་པའི་ཞལ། །གདངས་ལས་སྔགས་འཕྲེང་ཞུན་མར་རབ་ཁོལ་བ། །རྡོ་རྗེའི་ཚ་ཚ་འཕྲོས་པའི་དཔལ་གྱི་རྩེར། །ཡིད་སྲུབས་སྦུར་མ་ཚུགས་པའི་གོ་སྐབས་ཅི། །མི་བཟད་འཁོར་དོང་ཡོངས་སྤྲུགས་སྙིང་པོའི་གཟུངས། །སྡིག་(༣༨ན)

― GLG009_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲིབ་དེས་བསྐྱེད་ནད་གདོན་དུག་སེལ་སྨན། །འགྲོ་མངས་ཟུག་རྔུའི་ཚེར་དབྱུང་ཆ་བྱད་ཀྱི། །ཆུ་ལྷའི་བུ་ཡི་ཁེངས་པ་ཐུང་ངུར་བྱེད། །བཞི་པ་གྲངས་མེད་པའི་སློབ་མར་ཆོས་འཁོར་རྒྱ་ཆེར་བསྐོར་བ་ནི་རིགས་དང་དཀྱིལ་འཁོར་ཀུན་གྱི་ཁྱབ་བདག་དྲུག་པ་རྡོ་རྗེ་འཆང་ཆེན་པོ་གནས་གསར་བ་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོར་གཏེར་ཁ་འོག་མའི་བླ་མ་ཡོངས་རྫོགས། རྫོགས་ཆེན་ཚེ་སྒྲུབ། བཀའ་བརྒྱད་གསང་རྫོགས། རྟ་ནག་ལྕགས་རལ་ཅན། ཐུགས་སྒྲུབ་དྲེགས་པ་ཚར་གཅོད། གཏུམ་པོ་སེང་གེ་སྒྲ་སྒྲོག ཉང་གི་མཁའ་འགྲོ་གསང་རྫོགས། བླ་མ་དམར་འཁྲིད། རྟ་མགྲིན་ནག་ཆུང་། རཏྣ་གླིང་པའི་ཐུགས་སྒྲུབ་ཡང་སྙིང་འདུས་པ། དྲག་དམར་མེའི་འཁོར་ལོ། སྣང་རྩེ་བའི་རྟ་ནག་རྣམས་ཀྱི་དབང་ལུང་ཡོངས་རྫོགས། རྟ་མགྲིན་དབུ་དགུ་ཕྱག་བཅོ་བརྒྱད་པ། འཆར་ཀ་གནམ་སྐས་མ། གྲ་པའི་ཛམ་དམར། ཕ་དམ་པའི་འཇམ་དབྱངས་ཆོས་སྐོར། གདུགས་དཀར་བཅུ་བདུན་མའི་དབང་། སྒྲོལ་མའི་མཚན་བརྒྱ་རྩ་བརྒྱད་པའི་རྗེས་གནང་། དུང་མཚོ་རས་པའི་གཏོར་མའི་རྫོགས་ཆེན་ཡང་ཏི་ནག་པོ་གསེར་གྱི་འབྲུ་གཅིག་མའི་འཁྲིད། འདུས་པ་མདོ་དབང་ཆེན་མོ་ལ་ཐོག་མར་སྔོན་དུ་འགྲོ་བའི་དབང་སྒོ་འབྱེད་ཕྱག་རྡོར་ཞེས་པ་རྩིབས་ཀྱི་ལྷ་ལ་སྱཱ་མ་ལ་སོགས་པ་བཞི། གྲ་བཞིར་བདུག་སྤོས་མ་ལ་སོགས་པ་མཆོད་ལྷ་བཞི། སྒོ་བཞིར་ལྕགས་ཀྱུ་མ་སོགས་ཏེ་ལྷ་བཅུ་གསུམ་གྱི་དཀྱིལ་འཁོར་དུ་བདུད་རྩི། བུམ་པ། འཕྲེང་བ། ཅོད་པན། མེ་ལོང་། འཁོར་ལོ་(༣༨ན)

― GLG009_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

དུང་། རྒྱ་གྲམ། སྣ་ལྔའི་ཐུར་མ། སྣ་བདུན་འཁོར་ལོ། རལ་གྲི། མདའ་གཞུ། སེང་གེ །ཉི་ཟླ། མཐའ་རྒྱས་བཀྲ་ཤིས་རྟགས་བརྒྱད་ཀྱི་དབང་དང་བཅས་ཏེ་དབང་རིམ་ཆེན་མོ་ཡོངས་སུ་རྫོགས་པ། ལྷ་མིའི་ཐེག་པ་ནས་བརྩམས་ཏེ་ཉན་ཐོས་རང་རྒྱལ་སོགས་དང་བྱང་ཆུབ་སེམས་དཔའི་ཐེག་པ། ཀྲྀ་ཡ། ཨུ་པ། ཡོ་ག །མ་ཧཱ་ཡོ་ག །ཨ་ནུ་ཡོ་ག་ལ་དཀྱིལ་འཁོར་སྒོ་སྦྲགས་བཅུ་གཅིག་ཡོད་པའི་ནང་མ་ནས་རིམ་བཞིན་ཞི་བ། ཁྲོ་བོ། སྤོར་བརྒྱད། དབང་ཕྱུག་ཉེར་བརྒྱད་མཁའ་འགྲོ་སུམ་ཅུ་རྩ་གཉིས། མ་བདུན། སྲིང་བཞི། གསང་བའི་ཡུམ་བཞི། གིང་ཆེན་བརྒྱད། ཁྲོ་ཚོགས་བཅུ་དྲུག །ཕོ་ཉ་སུམ་བརྒྱ་དྲུག་ཅུ། མ་མོ་དྲུག་ཅུ། རིགས་འཛིན་རྩལ་འཆང་། སྒྲུབ་པ་བཀའ་བརྒྱད། རྒྱ་བོད་ཀྱི་རིགས་འཛིན་བརྒྱ་རྩ་བརྒྱད་དང་བཅས་པའི་དབང་ཡོངས་སུ་རྫོགས་པ། རྫོགས་པ་ཆེན་པོ་ཨ་ཏི་ཡོ་ག་ལ་ཕྱི་མཚོན་བྱེད་རྡུལ་ཚོན་ལ་དོན་བཅོ་བརྒྱད་དམ་ནང་སློབ་དཔོན་གྱི་ལུས་དཀྱིལ་ལ་བརྟེན་ནས་མན་ངག་བྱང་ཆུབ་ཀྱི་སེམས་རིག་པའི་རྩལ་དབང་བཅོ་བརྒྱད་ཀྱི་ངོ་སྤྲོད། རྫོགས་ཆེན་སེམས་སྡེ་ཉེར་གཅིག་དང་སེམས་མང་བཅོ་བརྒྱད་ཀྱི་ངོ་སྤྲོད་རྫོགས་པ། གཞན་ཡང་དངོས་གྲུབ་ཆེ་མཆོག་རྡོ་རྗེའི་ཚེ་དབང་། རིགས་འཛིན་བརྒྱུད་པ་བླ་མའི་དབང་ཕྱག་ལེན་ལུང་བཅས་གཏེར་ཆེན་ཆོས་ཀྱི་རྒྱལ་པོ་ལྷ་བཙུན་ལེགས་ལྡན་རྡོ་རྗེའི་ཕྱག་ལེན་འཁྲུལ་བ་མེད་པ། བསྟན་པ་རིན་པོ་ཆེའི་རྩ་ལག་དམ་པར་གྱུར་པ་བརྒྱད་སྟོང་པ་མ་གཏོགས་པའི་ཤེར་ཕྱོགས་ཡོངས་རྫོགས། དཀོན་ཅོག་བརྩེགས་པ། སངས་རྒྱས་ཕལ་པོ་ཆེ། མདོ་སྡེ་སྣ་ཚོགས་(༣༩ན)

― GLG009_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྟེ་ཁྱོན་བསྡོམས་བཀའ་འགྱུར་རོ་ཅོག་ནས་གླེགས་བམ་བདུན་ཅུ་སྐོར་གྱིས་ཐོག་དྲངས་མདོ་སྔགས་ཀྱི་ཆོས་གྲངས་མེད་པ་འབུལ་བ་གནང་། ཇ་གོས་དར་གྱི་ཆོས་ཡོན་ཀྱང་སྔ་ཕྱིར་མཎྜལ་གྱི་ཚུལ་དུ་བཏེག །ཐུབ་བསྟན་རྡོ་རྗེ་བྲག་ཏུ་རིགས་འཛིན་སྤྲུལ་པའི་སྐུ་མཆོག་དཔོན་སློབ་རགས་བསྡུས་ལ་འདུས་པ་མདོ་དབང་གི་ཚོགས་ཆེན་འདུས་པའི་དཀྱིལ་འཁོར་ལ་ཚུགས་ནས་སྐུ་ཆས་ཞུགས་ཀྱི་རྡོ་རྗེའི་འགྲོས་སོགས་སྤྲོས་པ་ཤིན་ཏུ་ཆེ་བའི་སྒོ་ནས་དབང་ཡོངས་རྫོགས་ལུང་ཕྱག་བཞེས། བཀའ་བརྒྱད་གསང་བ་ཡོངས་རྫོགས་ཀྱི་སྒྲུབ་ཆེན་བདུད་རྩི་སྨན་སྒྲུབ་དང་འབྲེལ་བ་ཤིན་ཏུ་རྒྱས་པ། ཨེ་ཝཾ་ལྕོག་སྒར་བ་ཡོངས་རྫོགས་དང་བཅས་པར་བླ་མ་གསང་འདུས་ཀྱི་དབང་ལུང་། བཀའ་བརྒྱད་དང་ཁྲོས་ནག་གི་ཆོས་སྐོར་གྱི་ལུང་རྣམས་ཕུལ། ཕོ་བྲང་ཆེན་པོ་སྣེའུ་སྡོང་རྩེར་ལྷ་གཟིགས་ཕག་མོ་གྲུ་པ་བློ་བཟང་མཁྱེན་བརྩེའི་དབང་ཕྱུག་ནོར་འཛིན་ཆོས་ཀྱི་རྒྱལ་པོ་ངག་གི་ལྷ་ཡབ་ཡུམ་སྲས་བཅས་ལ་གཏེར་ཁ་འོག་མའི་བླ་རྫོགས་ཐུགས་གསུམ། རྫོང་ཆེན་ཚེ་དབང་། བཀའ་བརྒྱད་གསང་རྫོགས་སྒྲུབ་ཆེན་དང་འབྲེལ་བ། ཕུར་པ་སྤུ་གྲི། མཐིལ་ལུགས་ཕྱག་བཞི་པའི་བུམ་དབང་བཅུ་བཞི་པ། ཞིང་སྐྱོང་། མ་ནིང་། ཞང་བློན། ཚེ་རིང་མ། རྣམ་སྲས་གསེར་ཆེན། དུར་ཁྲོད་བདག་པོས་མཚོན་པའི་རྩེ་ལུགས་སྐོར་གྱི་དབང་ལུང་མང་བ། གཞན་ཡང་གཡུ་ཐོག་སྙིང་ཏིག །སྨན་བླའི་རྗེས་གནང་། སྒྲོལ་དཀར་སོགས་དགོངས་པ་དང་བསྟུན་པའི་ཆོས་བཀའ་མང་དུ་འབུལ་བ་མཛད། ཞལ་ངོ་རྣམས་ལ་བརྟན་བཞུགས་འབུལ་བ་གནང་(༣༩བ)

― GLG009_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་དྲུང་ཆེན་རིན་པོ་ཆེ་ཏའི་སི་ཏུའི་བཀའ་ཆེམས་སུ་ང་ངེད་རང་གིས་ཆུན་པས་ནང་སྐོར་རྣམས་ཆུན། ནང་འཁོར་ཆུན་པས་ཕྱི་འཁོར་ཆུན། ཕྱི་འཁོར་ཆུན་པས་འབངས་འཁོར་མཐའ་དག་ཆུན་པ་ཡིན་རུང་བར་སྐབས་སུ་བདག་མོ་སྔོན་མས་བཀའ་དྲིན་མ་བསྐྱངས་པའི་སྡོད་པ་དེ་རྒྱུ་མ་བྱུང་ཡང་། སྡེ་སྲིད་དགའ་ལྡན་ཕོ་བྲང་པས་ཐོ་ཡོར་ལ་མི་གཟུགས་བཟོ་བ་གནང་། ད་ལམ་སྣེའུ་སྡོང་གོང་མ་ཆེན་པོའི་ཏི་ཤྲཱིར་བཀུར་བའི་ཐུགས་རྗེས་བཟུང་ཚུལ་སོགས་རྒྱུ་མཚན་ཞིབ་རྒྱས་འབུལ་བ་མཛད། དབང་གྲོལ་བའི་དགའ་སྟོན་ལ་བཞུགས་ཁྲི་དཔངས་བསྟོད་ཚོགས་འཁོར་རྒྱ་ཆེ་བའི་ཐོག་གོས་དར་ན་བཟའ་ཆིབས་ཀྱིས་གཙོས་པའི་ཡོན་རྒྱ་ཆེར་ཕུལ། དཔལ་རི་སྤྲུལ་པའི་སྐུ་ངག་དབང་པདྨ་འཕྲིན་ལས་ལ་བླ་མ་གསང་འདུས་ཀྱི་དབང་ལུང་སོགས་ཆོས་བཀའ་ཁ་ཡར་སྩལ། གོང་དཀར་དཀོན་གཉེར་དཔོན་རིན་པོ་ཆེ་དགེ་སྟེང་པར་བཀའ་བརྒྱད་ཡོངས་རྫོགས་ཀྱི་མགྱོགས་དབང་བུམ་པའི་རྒྱ་ཅན་དང་དཔལ་མགོན་མ་ནིང་གི་སྲོག་དབང་གནང་ཞིང་ཚེས་བཅུའི་གར་འཆམས་ཀྱི་ཕྱག་ལེན་ཡང་སྩལ། དཔོན་སློབ་གཉིས་ཐུགས་ཡིད་གཅིག་འདྲེས་ལྟ་བུའི་རྗེ་ཉིད་ནས་རྩེ་ལུགས་ཀྱི་ཆོ་ག་ཕྱག་ལེན་དཔོན་སློབ་དགེ་སྟེང་པ་ལས་ལྷག་པ་མེད་ཚུལ་དང་དགེ་སྟེང་ནས་ཀྱིས་ཀྱང་རྗེ་ཁྲ་ཚང་པ་སྐུ་བཙུན་པ་དང་གསན་རྒྱ་ཆེ་བའི་དཔེར་འཛིན་པར་སྣང་། རྟ་ནག་སྒྲོལ་(༤༠ན)

― GLG009_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

མ་སྦུག་པའི་གདུང་བརྒྱུད་བགྲེས་པ་གུ་གེ་ཆུ་རོངས་པ་མངའ་རིས་འོད་གསལ་མཆོག་གི་སྤྲུལ་སྐུ། ཆོས་དབང་གདུང་བརྒྱུད་ཉང་སྟོད་ཁ་མོ་བས་གཙོས་པའི་ཆོས་ཞུ་བ་དྲུག་ཅུ་སྐོར་ལ་བཀའ་བརྒྱད་གསང་བ་ཡོངས་རྫོགས་ཀྱི་སྒྲུབ་ཆེན་སྨན་སྒྲུབ་དང་འབྲེལ་བའི་དབང་རྒྱས་པར་བཙུགས་པའི་གྲོལ་དབང་གི་ཉིན་ཁྲོམ་པ་སྟོང་ཕྲག་བརྒལ་བ་བྱུང་། གཞན་ཡང་བཀའ་བརྒྱད་བདེ་འདུས། བླ་མ་གསང་འདུས། རྗེ་ཉིད་ཀྱི་ཐུགས་རྩོམ་མའི་བཀའ་བརྒྱད་ཀྱི་སྦྱིན་སྲེག་རབ་གནས་ཁྲོ་རོལ་ཆོག་སྒྲིགས་རྣམས་ཀྱི་ལུང་སྩལ། སེ་སྟོན་ཆེན་པོ་བཀྲ་བཟང་པ་ཐུགས་མཆོག་འོད་འབར། གདུང་བརྒྱུད་ཁ་མོ་བ། འབྲིང་མཚམས་ཕྱོགས་ཀྱི་སྔགས་པ་སོགས་དོན་གཉེར་ཅན་དྲུག་ཅུ་སྐོར་ལ་དང་པོ་ས་ཆོག་ནས་བརྩམས་ཏེ་སྔོན་འགྲོ་ལས་རིམ་བཅུ་གཅིག་པ་ས་ལྷ་རྣམས་སྟ་གོན་ལ་གནས་པར་གསོལ་བ་གདབ། དངོས་གཞི། རྒྱལ་ཆེན་མཐོ་འཛུགས། དམ་སྲི་མནན་པ། སྒོ་བྱང་། མ་ཏྲཾ་བསྒྲལ་བ། རྫས་བསག་པ། ཕྱག་ཕྱག་ཐིག་གདབ། ཚོན་བྱིན་རླབས། དཀྱིལ་འཁོར་བྲི་བ། རྒྱན་འགོད། བསྲེ་མནན། ཆས་འབུལ། མངའ་གསོལ། སྨན་སྒྲུབ་ཀྱི་ཁྲོལ་བུའི་སྒྲུབ་པ། བཏགས་བཙགས་གོང་བུའི་སྒྲུབ་པ། ཉེར་དགུ་པ་བསྙེན་སྒྲུབ་ཚར་ནས་དབང་བསྐུར་བར་ཕྱིའི་དབང་རིམ་བརྒྱད་ལ་ཅོད་པན། བུམ་པ་རྣམས། ནང་གི་དབང་རིམ་དགུ་ལ་རིགས་ལྔ་ནས་རབ་གནས་མངའ་གསོལ་བར་རྫོགས་པ་དྲག་པོ་སྒྲོལ་དབང་། དྲེགས་པའི་སྲོག་དབང་བཀའ་གཉན་པའི་གཤིས་བླ་མ་ལྔ་པོར་སྩལ། རྡོ་རྗེ་རྒྱལ་པོ་བཀའ་རབ་འབྱམས་ཀྱི་དབང་(༤༠བ)

― GLG009_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཚེ་བླ་མ་རྣམས་ཁྲི་སྟན་མཐོན་པོའི་སྟེང་དུ་བཀོད། གདུགས་རྒྱལ་མཚན་བསྒྲེངས་རྡོར་དྲིལ་གཏད་དེ་ནུས་དབང་བརྒྱད་ཐུན་མོང་གི་དབང་ལྔ། གསང་དབང་། ལྟ་བ་སྤྱི་འབྱམས། དངོས་གྲུབ་ལེན་ཆོག །གཏོར་ཟོར། མར་མེ་སྨོན་ལམ། སྲུང་འཁོར་བསྡུ་བ། བདག་བསྲུང་གི་བར་ཤིན་ཏུ་སྤྲོས་པ་ཆེ་བ་མཛད། བཀའ་བརྒྱད་གསང་རྫོགས་པོ་ཏི་གཉིས། ཐུགས་རྗེ་ཆེན་པོ་ཡང་སྙིང་འདུས་པ། མ་ནིང་རྒྱུད་སོགས་རྣམ་གྲངས་ཤིན་ཏུ་མང་བའི་ཆོས་འཁོར་བསྐོར། སྤང་སྟོན་དབོན་པོ་ཟུར་ཆེན་ངག་དབང་ཕུན་ཚོགས་ལ་བླ་མ་གསང་འདུས། སངས་རྒྱས་མཉམ་སྦྱོར། གཏེར་མགོན་ཕྱག་བཞི་པ་རྣམས་ཀྱི་དབང་ལུང་། ཐང་ལྷའི་སྲོག་གཏད་ཀྱིས་མཚོན་པའི་བཞེད་ཆོས་དུ་མ་སྩལ། གོང་ར་ལོ་ཙཱ་བར་བླ་མ་གསང་འདུས་ཀྱི་སྐོར་གནང་། ལེགས་ལྡན་ནག་པོས་ཉེ་བར་སྤྲུལ་པ་དཔའ་དར་མཛངས་གསུམ་འཛོམ་པ་མ་སངས་ཀྱི་རིགས་བརྒྱུད་སྡེ་སྲིད་སྣ་དཀར་རྩེ་པ་ཟིལ་གནོན་དབང་རྒྱལ་རྡོ་རྗེ་སྣང་ཐིག་གོས་སྔོན་ནོར་བུའི་རྣ་རྒྱན་གྱི་ཁུར་རིང་དུ་དོར་ཏེ་གོས་དཀར་རིག་སྔགས་འཆང་བའི་བཞུགས་གྲལ་དོག་པོར་ཕེབས་པའི་ཡོངས་འཛིན་དུ་འགྲོག་སྣ་དཀར་རྩེའི་རྫོང་དུ་གདན་དྲངས་པ་དང་སླར་རོང་རི་ལུང་སྦུག་ཏུ་མིའི་དབང་པོས་ཞབས་པད་ཚུར་བསྐྱོད་ཀྱི་དུས་སྔ་ཕྱི་བསྡོམས་པར་བླ་མ་གསང་འདུས། ཐུགས་རྗེ་ཆེན་པོ་ཡང་སྙིང་འདུས་པ། འཇམ་དཔལ་ནཱ་ག་རཀྴ་གསུམ་གྱི་དབང་ལུང་། རྣམ་ཐར་ཟངས་གླིང་མ། ཀུ་རུ་དམར་འཁྲིད། ཐུགས་རྗེ་ཆེན་པོ་འགྲོ་འདུལ་ཡིད་བཞིན་ནོར་བུ། བདེ་འདུས་རྒྱུད་ལུང་ཉི་ཤུ་རྣམས་ཀྱི་ལྗགས་ལུང་འབུལ་བ་གནང་། ཡར་(༤༡ན)

― GLG009_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོད་ཀརྨ་ལྷ་ཁང་གི་སྤྲུལ་སྐུ་ཀརྨ་ནོར་བུ་དང་གདུང་བརྒྱུད་སོགས་ལ་བཀའ་བརྒྱད་སྨན་སྒྲུབ་དང་འབྲེལ་བའི་དབང་གིས་གཙོས་གཏེར་ཁ་འོག་མའི་ཆོས་བཀའ་ཕལ་ཆེར་བསྟན་རྒྱུན་ལ་དགོངས་ཏེ་འབད་པ་ཆེན་པོས་སྩལ། དྷཱིཿཚ་རིན་པོ་ཆེ་འཇིག་རྟེན་དབང་ཕྱུག་གི་སྐུ་སྐྱེ་ལ་རྫོང་ཆེན་ཚེ་དབང་གནང་། ཡར་འབྲོག་པདྨ་གླིང་པར་བླ་མ་གསང་འདུས། རྫོགས་ཆེན་སངས་རྒྱས་མཉམ་སྦྱོར། བཀའ་བརྒྱད་གསང་རྫོགས། འཇམ་དཔལ་ཕྱག་རྒྱ་ཟིལ་གནོན་གྱི་དབང་མཛད། ལྷོ་གཤོག་བྱང་རིང་ཚལ་དཀར་བར་བླ་མ་གསང་འདུས། ཐུགས་རྗེ་ཆེན་པོ་ཡང་སྙིང་འདུས་པ། རྫོང་ཆེན་ཚེ་སྒྲུབ་ཀྱིས་གཙོས་པའི་གཏེར་ཁ་འོག་མའི་ཟབ་ཆོས་ཅི་རིགས་གནང་། ཤམྦྷར་བླ་མ་སྣང་དཀར་བར་བླ་མ་གསང་འདུས་དང་ཚེ་བདག་གི་སྐོར་སྩལ། ཨེ་དམར་བླ་མ་ལྷོ་སྟོད་པ་ཀརྨ་བསྟན་སྲུང་ལ་ཚེ་དབང་དང་སྒྲོལ་དཀར་གྱི་རྗེས་གནང་མཛད།མངོན་དགའ་རབ་འབྱམས་ཆོས་རྗེ་རིན་ཆེན་རྒྱ་མཚོ་ལ་སྨན་རྒྱལ་ཡོན་ཏན་མགོན་པོའི་ཐུགས་བཅུད་གཡུ་ཐོག་སྙིང་ཏིག་གི་དབང་ལུང་རྫོགས་པ་ཐུགས་བཞེད་དང་སྦྱར། ཞལ་སྔ་ནས་བྲག་སྣ་བ་ཤེས་རབ་རྒྱལ་མཚན་ལ་གཏེར་ཁ་འོག་མའི་དབང་ཆོས་འགའ་ཞིག་དང་། དགའ་ལྡན་གསང་སྔགས་གླིང་གི་གྲ་ཚང་ལ་བཀའ་བརྒྱད་གསང་བ་ཡོངས་རྫོགས་ཀྱི་དབང་གིས་ཐོག་དྲངས་ཉེར་མཁོའི་ཆོས་སྐོར་ཁ་ཡར་འབུལ་བ་མཛད། ལ་སྟོད་ཤྲཱི་ལོ་སྤང་པ་བླ་མ་སངས་རྡོར་བ་བརྒྱུད་བཅས་ཀྱི་ཕ་ཆོས་གོག་པོ་འདོར་དུ་འཇུག་པ་དང་དགོན་གནས་འཕྲོག་ཏུ་ཉེ་བའི་མྱ་ངམ་གྱི་ཐང་ལས་ཕྱིར་ཐོན་པའི་ཚེ་ཆེད་དུ་གསོལ་བ་བཏབ་པ་བཞིན་བླ་མ་གསང་འདུས་(༤༡བ)

― GLG009_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཀའ་བརྒྱད་གསང་བ་ཡོངས་རྫོགས་ཀྱི་དབང་ལུང་གིས་ཡིད་ཀྱི་གདུང་བ་རབ་ཏུ་གསལ། ཡངས་པའི་གསང་སྔགས་གླིང་གི་གདུང་བརྒྱུད་ལ་རྫོགས་ཆེན་སངས་རྒྱས་མཉམ་སྦྱོར་དང་བཀའ་བརྒྱད་རྫོགས་སྐོར་སྩལ། ཉང་སྟོད་ནས་གནུབས་ཀྱི་གདུང་བརྒྱུད་བླ་མ་བགྲང་པ་ལ་འཇམ་དཔལ་གཤིན་རྗེ་ཚེ་བདག་དང་གཏེར་ཁ་འོག་མའི་དབང་ཆོས་ཁ་ཡར་གནང་། བྱམས་ཆེན་མཁན་པོ་ཉང་པོ་ང་ཕོད་ཆོས་རྗེར་བླ་མའི་སྒྲུབ་སྐོར་འགའ་ཞིག །རྫོང་ཆེན་ཚེ་དབང་། སྒྲོལ་མའི་རྗེས་གནང་སོགས་ཐུགས་བཞེད་དང་སྦྱར། གྲ་ཕུ་དགོན་སྦུག་པར་གཏེར་ཁ་འོག་མའི་བླ་རྫོགས་ཐུགས་གསུམ་གྱི་སྐོར་གནང་། སྐྱེད་ཚལ་མཁན་པོར་རྒྱལ་པོ་སྐུ་ལྔའི་སྲོག་དབང་ཕུལ། གོང་ར་ངེས་གསང་རྡོ་རྗེ་གླིང་པར་བླ་མ་གསང་འདུས། ཐུགས་རྗེ་ཆེན་པོ་ཡང་སྙིང་འདུས་པ། བཀའ་བརྒྱད་གསང་རྫོགས་ཀྱི་དབང་ལུང་། རྫོགས་ཆེན་སངས་རྒྱས་མཉམ་སྦྱོར་གྱི་འཁྲིད་ལ་རྒྱུ་འབྲས་ཆོས་བཤད་ནས་བརྩམས་ནས་སྐྱབས་སེམས་རྡོར་སེམས་སྒོམ་བཟླས། མཎྜལ། བདག་བྱིན་རླབས། བླ་མའི་རྣལ་འབྱོར། བླ་མ་སྤྲུལ་སྐུ་བསྙེན་པ། ལོངས་སྐུར་སྒྲུབ་པ། ཆོས་སྐུར་ལས་ལ་སྦྱོར་བ། འཁོར་འདས་རུ་ཤན་དབྱེ་བ། ལུས་ངག་ཡིད་གསུམ་རུ་ཤན་དབྱེ་སྟེ་གཏན་ལ་ཕབ། དེ་ནས་ངོ་སྤྲོད་རྩལ་སྦྱོང་གདམས་གཏད་བར་ལེགས་པར་གནང་གདམས་གཏད་འདི་བླ་མའི་སྐུ་ཚེར་གཟན་ཟེར་པ་ཡིན་ཀྱང་ངེད་ཀྱི་བུའི་ཚབ་གྲ་ཚང་ཡིན་པས་ང་ནི་རྒས་ནས་གཡེང་བ་ཆེར་གཏོང་དགོས་པ་ཞིག་བྱུང་། ང་ཁྱེད་རྣམས་ཀྱི་ཧུར་ཐག་ཐོང་རང་གཞན་ཐམས་ཅད་ལ་མགོ་མི་སྐོར་བའི་ཁྱད་པར་ཡོད་པས་མཉམ་གཞག་ཁོ་ན་ལ་རྩོལ་འདོན་དགོས་པའི་བསླབ་སྟོན་(༤༢ན)

― GLG009_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་གནང་། ས་ཕག་གད་སྒོ་ཞང་ཚན་གྱིས་བདེ་གཟར་བསླང་བའི་འཕྲོ་མ་ཆོད་ཅིང་སྡེ་པ་ནོར་བུ་དང་གོང་རའི་གྲ་རྙིང་རྣམས་འདྲིས་ཟབ་པས་བཞུགས་མ་ནུས་པར་པོ་ཏ་ལར་ཕེབས་ལྕགས་བྱིའི་ལོ་གསར་གྱི་བཞུགས་གྲལ་ལ་བསྟན་པ་སྤྱི་བྱེ་བྲག་ལས་བརྩམས་བའི་འཕྲོས་གཏམ་ཟབ་ཅིང་རྒྱ་ཆེ་བ་བློ་ལྡན་རྣམས་ཀྱི་ཡིད་དབང་འཕྲོག་པ་དང་དབྱར་གྱི་རིང་གཏེར་ཁ་གོང་འོག་གི་དཔེ་ཆ་མང་པོར་ཞུ་དག་གོང་འོག་སྒྲིག་པ་འདི་ལོའི་སྟོན་ངེད་རང་གི་ཆོས་འབྲེལ་ཞུས་པ་ནས་བཟུང་ལྕགས་གླང་ནས་མེ་རྟའི་བར་ལོ་ལོ་བཞིན་ཕོ་བྲང་ཆེན་པོ་པོ་ཏ་ལར་གདན་དྲངས་པའི་འདུས་པ་མདོ་དབང་ཆེན་མོ། ཞི་ཁྲོ་སྒྱུ་འཕྲུལ་ཚེ་དབང་དང་བཅས་པ། དོང་སྦྲུག །མདོ་མགོན་ལེགས་ལྡན་གྱི་དབང་ལུང་། སྙན་བརྒྱུད་རྡོ་རྗེའི་ཟམ་པས་གཙོས་པའི་རྙིང་མ་བཀའ་མའི་སྐོར་བཀའ་བརྒྱད་གསང་བ་ཡོངས་རྫོགས་ཀྱི་སྒྲུབ་དབང་ཆེན་མོ། བླ་རྫོགས་ཐུགས་གསུམ། ནཱ་ག་རཀྴ །སྔགས་རྒོད་ལོག་ཏྲི། རྟ་མགྲིན་དབུ་དགུ །རྟ་ནག་ཡང་ཆུང་། དཔལ་མགོན་མ་ནིང་སོགས་ཆོས་དབང་གི་ཟབ་གཏེར་ཕལ་མོ་ཆེ། ཁྱད་པར་སངས་རྒྱས་མཉམ་སྦྱོར་དང་བླ་མ་གསང་འདུས་ཀྱི་ཉམས་འཁྲིད་ཞུས་པས་ཟུར་ཐམས་ཅད་མཁྱེན་པའི་དྲུང་དུ་རྫོགས་ཆེན་མང་དུ་ཐོབ་པའི་མེ་འབར་བའི་སྟེང་ཤིང་བསྣན་པ་ལྟར་ཉམས་ལེན་གྱི་བོགས་ཆེས་ཆེར་ཐོན་གཏེར་ཁ་གོང་མའི་བླ་མ་དམར་འཁྲིད། ཐུགས་རྗེ་ཆེན་པོ་འགྲོ་འདུལ་ཡིད་བཞིན་ནོར་བུ། ཁྲོས་ནག །མཁའ་འགྲོ་གསང་རྫོགས། ལོག་ཏྲི། གཏེར་སྟོན་གདུང་བརྒྱུད་དང་བཅས་པའི་རྣམ་ཐར། ཁྲོ་བོ་རོལ་པའི་སྐོར་གྱི་ལུང་ཕྱག་བཞེས་(༤༢བ)

― GLG009_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་འཁྲིད། མགོན་པོ་སྲོག་འཁོར་དང་ལྷ་མོ་པ་ཏྲ་ཀུན་བཟང་། རྒྱལ་པོ་བཀའ་འབུམ། ཟབ་པ་པོད་བཞི། འབྲི་གུང་ནས་བརྒྱུད་པའི་ཚེ་བདག་ལྕགས་སྡིག །འཇམ་དཔལ་མེའི་སྤུ་གྲི་སོགས་གནུབས་ཀྱི་དྲག་སྔགས་ཟབ་ཆོས་མཐའ་ཡས། རྡོ་རྗེ་གླིང་པའི་གུར་དྲག །རིན་ཅེན་གླིང་པའི་ཆིག་ཆོད་ཀུན་གྲོལ། བྱང་གཏེར་ཕུར་པ་ལུགས་གཉིས་ཀྱི་དབང་། བསྟན་སྲུང་ཡོངས་རྫོགས། རཏྣ་གླིང་པའི་དྲག་དམར། དགོངས་པ་ཡང་ཟབ། གྲོལ་ཐིག་གིས་གཙོས་གཏེར་ཁ་སྣ་ཚོགས་པའི་དབང་ལུང་མན་ངག །སྔགས་གསར་མའི་རྒྱུད་འབུམ་སྔར་ཐོབ་པའི་པོ་ཏི་འགའ་ཞིག་མ་གཏོགས་བཀའ་འགྱུར་ཡོངས་རྫོགས། རྙིང་མ་རྒྱུད་འབུམ་ནས་པོ་ཏི་ཁ་ཡར་གྱིས་མཚོན་དམ་པའི་ཆོས་ཀྱི་བཀའ་དྲིན་ཟླ་མེད་པ་ཞུས་ཤིང་ངེས་གསང་རྡོ་རྗེ་གླིང་པའི་གྲ་ཚང་ཚུགས་པའི་མཆོད་ཐེབས་རོང་དང་གོང་དཀར་ཕྱོགས་ནས་རྒྱ་མི་ཆུང་ཙམ། ཆུ་བོ་རིའི་ཚེ་ཆུ་སྒྲུབ་སྡེ་བཅས་པ་སྦྱོར་འཇགས། གོས་དར་གསེར་དངུལ་སོགས་ཆོས་ཡོན་གྱི་མཎྜལ་གང་རྒྱས་ཀྱི་ལུགས་སུ་ཕུལ་བ་སྔར་ལོ་པཎ་རྣམས་ཀྱིས་ཆོས་ཕྱིར་སྲོག་ཀྱང་འདོར་བར་ནུས་བའི་དཀའ་སྤྱད་དང་། འབྲོག་མི་ལོ་ཙཱ་བ་དང་ཁྱུང་པོ་དུ་གུ་བས་གསེར་སྲང་ལྔ་བརྒྱ་དུས་གཅིག་ལ་ཕུལ་བའི་ལོ་རྒྱུས་ལྟ་བུར་དཔགས་ན་དེ་འདྲས་གར་ཡང་མི་ཕྱིན་མོད། དེང་སང་ཁ་རྐྱང་ལག་སྟོང་མཁན་གྱི་ཆོས་ཞུ་བ་ཚོར་བསམས་ན་ངོ་མི་གནོང་ངམ་སྙམ། རྣམ་པར་རྒྱལ་བའི་ཕན་བདེ་ལེགས་བཤད་གླིང་པའི་ཚོགས་ལ་བླ་མ་གསང་འདུས་དང་བཀའ་བརྒྱད་ཀྱི་མགྱོགས་དབང་བུམ་པའི་རྒྱ་ཅན་མཛད། གཞན་ཡང་ཆོས་གང་གནང་ཞིབ་ཏུ་མ་འཚལ་བའི་ཞལ་སློབ་(༤༣ན)

― GLG009_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

ཞ་ལུ་མཁན་རིན་པོ་ཆེ་ཁྱབ་བདག་རིན་ཅེན་བསོད་ནམས་མཆོག་གྲུབ། སྒམ་པོ་སྤྲུལ་སྐུ། དྷཱིཿཚ་སྤྲུལ་སྐུ། ཆོས་རྒྱལ་འགྲོ་འདུལ་གཏེར་བདག་གླིང་པ་འགྱུར་མེད་རྡོ་རྗེ། འབྲས་ཡུལ་སྐྱེད་ཚལ་མཁན་པོ་བྱམས་པ་ངག་དབང་བསྟན་འཛིན། མངའ་བདག་རྨ་བོ་ལྕོག་བསྟན་འཛིན་ཆོས་དབང་། གནས་གཞི་ཆོས་རྗེ་བློ་བཟང་པདྨ་ཚེ་དབང་། མངའ་རིས་བླ་ཆེན་སྔགས་འཆང་དཀོན་ཅོག་ལྷུན་གྲུབ། རྟོགས་པའི་མངའ་བདག་བྲེས་པ་ཆོས་རྒྱལ་རྡོ་རྗེ། བོན་ལུང་གར་དབང་ཚུལ་ཁྲིམས་རྒྱལ་མཚན། ཤམྦྷར་གདན་ས་བ་བྲག་ལ་བླ་མ་དོན་གྲུབ་རྒྱལ་མཚན། རང་གྲོལ་གྱི་རྣལ་འབྱོར་པ་མཚུངས་མེད་ཀརྨ་གསང་སྔགས། ཨེ་ཝཾ་ལྕོག་སྒར་སློབ་དཔོན་དཔལ་འབྱོར་གྲགས་པའི་དབྱངས། བླ་མ་ཤ་ཟུག་པ། རཏྣ་བྷ་དྲའི་གདུང་བརྒྱུད། མོན་པ་སྨལ་པོ་བ། ཚར་སྟེང་ཆོས་རྗེ། དྲག་གསུམ་པ། སྣ་མོ་ཤག་མི་ཕམ་ཀརྨ་སངས་རྒྱས། མཆོད་དཔོན་དབུ་མཛད། དགེ་སློང་འཇམ་དབྱངས་གྲགས་པ་འདར་པ་ལོ་ཆེན། སྨན་སྒོམ་འབྲང་རྒྱས་པ་ངག་དབང་དོན་གྲུབ། དྲུང་འཚོ་ངག་དབང་ལྷག་བསམ། དར་མོ་སྨན་རམས་པ་བློ་བཟང་ཆོས་གྲགས་སོགས་མང་དུ་ཡོད་འདུག་ནའང་ཐོར་བུ་ཙམ་ལས་རང་ཉིད་ཀྱིས་མ་ངེས་པ་དང་དྲི་བྱའི་ཡུལ་མ་འཚལ་ལོ། །ཐུབ་བསྟན་འཛིན་མར་བཏབ་པའི་ལེགས་བཤད་ཀྱིས། །ས་བོན་དར་དྲག་མཁས་གྲུབ་ཡོངས་འདུའི་ཤིང་། །ཐོས་བསམ་སྒོམ་པའི་འབྲས་བུ་རོ་བདའ་བ། །སྐལ་བཟང་འཆི་མེད་ཚོགས་ཀྱི་དགའ་སྟོན་གནས། །བཤེས་གཉེན་དུ་མས་སྔ་འགྱུར་རིང་ལུགས་ཀྱི། །གདུགས་དཀར་ཡུ་བ་ཁྱོད་(༤༣བ)

― GLG009_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཉེར་གཏད་པའི།། ཕྱག་བཞེས་སྨིན་གྲོལ་གདམས་པའི་གྲིབ་བསིལ་ལ། །བགྲང་ཡས་ལས་ཅན་ངལ་གསོར་བྱས་འདི་མཚར། །ཐེག་དགུའི་ལམ་རྫོགས་མདོ་དབང་ཙནྡན་ལྗོན། །བུམ་སྟོང་གཅིག་ནས་གཅིག་བྱོའི་དུག་སྦྲུལ་གྱིས། །འཁྲིལ་སྲོག་ཟུར་ལུགས་མ་ཀི་ཏས་བཅད་དྲི། །རྣམ་དག་བསྟན་པའི་རླུང་ཞོན་ཕྱོགས་ཀུན་ཁྱབ། །རིས་མེད་གྲུབ་མཐའི་སྤྱི་རྟ་ཐུབ་པའི་གསུང་། །འཆད་ཉན་གསེས་བྲལ་རིམ་གྲོའི་འགྲུལ་ཞུད་ཅན། །ཐོས་བསམ་ལང་ཚོ་དར་བབ་གོམ་འགྲོས་གསང་། གངས་ཅན་ཐང་ལ་དཀྱུས་ཐོག་བཅད་དེ་རྨད། །ལྔ་པ་དགོན་གནས་ཀྱི་ཞལ་བདག་བྱ་བ་ལས་ཀྱི་འཁོར་ལོ་སོགས་འགྲོ་དོན་མཛད་པ་ནི། རྗེ་བླ་མ་འདིས་ཁྲ་ཚང་དང་སྨན་ལུང་གི་གདན་སའང་གཅུང་དང་སྐུ་ཚ་མོ་སོགས་ཅི་དགར་སྤྱོད་པ་ལས་བདེན་འཛིན་གྱི་ཞེན་པ་མི་མངའ་ཞིང་རྩེས་དང་བསམ་གཏན་གླིང་གནས་ཁྱད་དུ་འཕགས་པ་དང་སེར་ཁྱིམ་པ་སོགས་ཀྱི་འདུ་འཛི་མེད་པ་ནས་ཟབ་བཞེས་ཀྱི་བསྟི་གནས་སུ་ཐུགས་རྩེ་བསྟད་པ་སྣེའུ་སྡོང་བདག་མོ་སྔོན་མས་བཞུགས་སུ་མ་སྟེར་བས་ཤེལ་བྲག །བཀྲ་ཤིས་རྩེ་ཆོས་སྡེ། ས་བ་གྲུས་མཚོན་པའི་གནས་ངེས་མེད་དུ་བཞུགས་ངོས་སྣེའུ་སྡོང་རྩེར་དགོས་དུས་རྡོ་རྗེ་དང་མི་དགོས་རྡོ་འཇོང་གི་དཔེས་བཞུགས་གྲལ་འཕྲོས་གཏམ། བཀའ་ཤོག་གལ་ཆེ་བའི་རིས་ཀྱི་བོད་རྩོམ། ཁྲོ་རོལ་འཆར་ཀ་དགྲ་མནན་སྐོང་བཤགས་སོགས་སྐུ་རིམ་གྱི་ཚེ་ལྷ་གཟིགས་གོང་མ་ཆེན་པོའི་ཞབས་འབྲིང་དུ་བཅར་པའི་མུར་ཤིང་རྟ་གོང་ར་ལོ་ཙཱ་བ་གྲོངས་པའི་སློབ་མ་མཐའ་དག་དེར་འདུས་ཁྲོད་ནས་སྲེག་ཆོག་གསལ་འདེབས་ཀྱི་ཆོ་ག་བའི་གཙོ་བོ་རྗེ་ཉིད། (༤༤ན)

― GLG009_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་པོ་ཆེ་བྲེས་པ། བླ་མ་བོན་ལུང་པ་གསུམ་བཞུགས་གནས་ཀྱང་གཅིག་ཏུ་མཛད། གསུང་འཕྲོས་ཀྱི་ལྷོངས་ལ་ཀ་ཅ་ཆེ་ཆུང་གི་གླེང་གཞིར་བྲེས་ནས་ཀྱིས་གཞིས་ཀ་རྩེ་དང་ཐག་ཉེ་བས་བསྔོ་རྟེན་ལ་བྱུང་བའི་གསེར་དངུལ་དང་བྱུ་རུ་སྤོས་ཤེལ་ཕྲན་ཙམ་མ་གཏོགས་གཞན་འགངས་ཅན་མེད་ཚུལ། བོན་ལུང་པས་ཧོར་འབྲོག་དང་འདྲིས་ཆེ་བས་རྟ་སྤུ་གནག་འོས་འཚམ་ཡོད་གསུང་བར། རྗེ་བླ་མས་ཁོ་བོར་དཔེ་ཆ་པོ་ཏི་ཁ་ཤས་ལས་གཞན་འགངས་ཆེ་བ་མེད་ཕེབས་པ་གོང་རའི་གྲ་རིས་འདྲས་ཚོར་བས་བླ་མ་སྨན་ལུང་ནས་ཀྱི་གསུང་དེ་རྣམ་དཔྱོད་ཆེ་ཞེས་ངོ་མཚར་དུ་འཛིན། བླ་མ་གསུམ་ཐུན་མོང་དུ་གསལ་འདེབས་ཀྱི་ཡོན་བྱུང་བའི་སྟེང་ནས་ཁེ་དང་རྒྱལ་ཁ་གཞན་དང་གྱོང་དང་བུག་ཁ་རང་གིས་ལེན་པའི་རྣམ་པས་ཁོང་དཔོན་སློབ་གཉིས་ཀྱི་ཐུགས་དང་བསྟུན་ནས་བོན་ལུང་པས་ཧོར་སིལ། བྲེས་ནས་ཀྱིས་ཕོད་ཀ་བདག་གིར་མཛད་པའི་ལྷག་རྟ་དང་ཤམ་ཐབས་བསྣམས་པས་ཐུགས་འཛིན་ཆགས་ཆུང་བའི་ཚད་དུ་སོང་། གོང་ར་བ་ཚོའི་ནང་གྲོས་སྐུ་སྐྱེ་མ་བྱུང་བར་བླ་མ་བོན་ལུང་པས་འཛིན་བདག་གི་མིང་བཏགས་དང་། དེ་གཞུང་གི་དགོངས་པར་མ་བསྟད་ན་སྐོར་ཅིག་བླ་མའི་མིང་བཏགས་མེད་པ་བྱས། བསྔོ་བ་དང་གྲོང་ཆོག་གི་དབུ་མཛད་སོགས་བླ་ཚབ་ཤྲཱི་བྷ་དྲས་བྱེད་རྩིས་རྡོ་ཁ་གཅིག་ནས་གཉིས་སུ་འཁྱར་བའི་རིན་སྤུང་རྫོང་སྡོད་དྭགས་པོ་བཀྲ་ཤིས་ཀྱིས་ཚོར་བ་སྡེ་པའི་སྙན་དུ་ཕུལ་བ་དང་དེ་སྔ་གོང་ར་ལོ་ཙཱ་བ་ཆོས་གོས་ངུར་སྨྲིག་དང་ཞྭ་སེར་གྱི་སྒྲིབ་ཤིང་ལ་བརྟེན་སྡེ་པ་ཐུགས་འཁྲུལ་ནས་སྤྱན་རྒྱང་མཛད་ནའང་། བླ་མ་སོག་བཟློག་པའི་སློབ་(༤༤བ)

― GLG009_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་གཙོ་བོ་ཡིན་ཚུལ་གསན་པས་སོག་བཟློག་པ་དགེ་ལུགས་ལ་ཤིན་ཏུ་གནག་པ་གཙང་གི་དྲུང་འཁོར་ལ་བཞུགས་དུས་ནས་ཐུགས་རྒྱུས་ཡོད་པར་བརྟེན་སྔར་བདག་རྐྱེན་གནང་བའང་ཐལ་ཆར་སོང་སྙམ་པའི་ཐུགས་འཛིན་སྟངས་གཞན་དུ་གཞོལ་ཏེ་ཁོང་ཚོའི་ཞུ་བ་མཐའ་དག་སྒྲིམ་སློག་རྗེ་བླ་མ་སྔར་ནས་ཅུང་ཟད་སྤྱན་སྔར་ཡང་ཐོགས་པ་དང་། ངེད་རང་ནས་ཀྱང་སྐབས་སུ་བབས་ཚུལ་མོལ་བའི་རྒྱུས་རྗེ་ཉིད་དང་སངྒ་བྷ་དྲ་ཅན་ལྷན་ཅིག་པར་སྡེ་པའི་བསླབ་སྟོན་ལ་སྔར་ཕན་གོང་ར་བའི་གནས་ཚུལ་ཞིབ་པ་ཤེས་མ་བྱུང་། ཁྱེད་ཚོ་སྣང་རྩེ་གཏེར་སྟོན་དང་བླ་མ་སོག་བཟློག་པའི་བརྒྱུད་འཛིན་ཡིན་འདུག་པ་ཆོས་ལུགས་དེ་བཞིན་བྱས་ན་དགེ་ལུགས་དང་དམ་སེལ་ཆེས་པས་གཞུང་གི་སྐུ་རིམ་པ་མི་ཡོང་འདུག །ད་ཆ་སྔར་བྱེད་མཐའ་དག་བཞག་ནས་ཉང་ཆོས་དབང་སོགས་གཏེར་ཁ་རྙིང་པའི་རིས་ཆོ་ག་ཕྱག་ལེན་གྱིས་མཚོན་སྐབས་སུ་གང་བབས་བླ་མས་འཛུགས་པ་དང་། ཁྱེད་ཚོས་ཀྱང་བླ་མས་གང་ཟེར་ལ་ཉན་དགོས་པའི་རྒྱུ་མཚན་ཞིབ་གསེད་རྫོང་སྡོད་ལ་བསླབ་སྟོན་བསྐོ་འཇའ་སོགས་གནང་ནས་བསྐོ་བཞག་མཛད། ལོ་ཆེན་གྱི་ཕྱི་རྟེན་ལ་དངུལ་གདུང་། རྫོགས་ཆེན་བླ་བརྒྱུད། གཙང་ཁང་དུ་དེ་བཞིན་གཤེགས་པའི་སྐུ་རྣམས་བཞེང་བའི་ཐིག་རྩ་ཞལ་བཀོད་རབ་གནས་ཀྱི་བར་ཐུགས་ཁུར་ཆེར་མཛད། འདི་དུས་རྟེན་གྱིས་རབ་གནས་ཀྱི་མེ་ཏོག་བཟུང་བས་མཚོན་དབུས་གཙང་ཀུན་ཏུ་ཕྱག་ནས་བཟུང་བའི་ལོ་རྒྱུས་མང་དུ་སྣང་། འདུ་ཁང་ལོགས་བྲིས་དང་གཙང་ཁང་གཡས་ལ་རྗེ་བླ་མའི་ཡུམ་གྱི་དགོངས་རྫོགས་སུ་ཨོ་རྒྱན་ཡབ་ཡུམ་གསུམ། བླ་མ་གསང་འདུས་དང་ཐུགས་རྗེ་ཆེན་པོ་ཡང་(༤༥ན)

― GLG009_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་འདུས་པའི་ལྷ་ཚོགས་འབར་མ་སྔགས་སྲུང་གི་སྐུ་རྣམས་བཞེངས། དེ་ལྷག་ཡང་དག་པར་རྫོགས་པའི་སངས་རྒྱས་ལ་གནས་བཅུས་བསྐོར་བའི་ཞལ་བྱང་ལ་ཐུགས་རྩོམ་གནང་། རྗེ་ཉིད་གཏེར་ཁ་གོང་འོག་ལ་ཐུགས་ཞེན་ཤིན་ཏུ་ཆེ་ནའང་སྣང་རྩེ་གཏེར་སྟོན་ཕྱོགས་ལ་མི་དགྱེས་པ་མེད་པའི་བར་གོང་ར་ལོ་ཙཱ་བར་ཐུགས་དང་དམ་ཚིག་གི་ཁྱད་ནས་དེ་ཕྱོགས་ཀྱི་ཆོས་ལུགས་བསྒྱུར་བ་སྐབས་སུ་མི་བབས་ཤིང་གྲ་རིས་ཀྱི་བློར་ཡང་མི་ཆུད་པས་ལམ་དུ་མི་རྒྱུག་པ་སོགས་སྒོ་དུ་མའི་རྒྱུ་མཚན་དང་བཅས་རོང་བྱམས་ཆེན་དུ་སྡེ་པ་བློ་བཟང་མཐུ་སྟོབས་དེ་སྐབས་མཆོད་དཔོན་ཡིན་པ་བརྒྱུད་ནས་དབྱིངས་ས་ལ་ནི་བཀའ་གང་ཕེབས་ལས་སྙན་འབུལ་ཞུ་མ་ནུས། དངོས་གཞི་ཤར་ཚོད་འདི་ལྟར་བྱུང་བས་ཆོས་ལུགས་རང་བབས་སུ་བཞག་པའི་སྒོ་ནས་བླ་མའི་གདན་ས་བྱེད་པ་ལ་ནི་མི་སྤྲོ་བ་མེད། གྲུབ་མཐའ་བསྒྱུར་བར་ཤར་ན་བླ་མའི་དགོངས་པ་མ་རྫོགས་དོགས་པ་དང་ངེད་རང་ལའང་ཕྱོགས་མཐོང་གི་བྱེད་དཀའ་ལས་སྤྲོས་པའི་ཐོན་གསོགས་མི་ཡོང་འདྲ་སྣང་སོག་གོང་གསུམ་གྱི་ལུགས་བསྣུབ་པ་རང་གི་དགོངས་བསྟད་ཡིན་ན་བླ་མ་གཞན་ཞིག་བསྐོ་བ་གནང་ན་འགབ་ཚུལ་བྱུང་བར། དངོས་གཞི་ཐུགས་བསམ་ཐོངས་པའི་གསུང་འཕྲོས་ཡིན་འདུག་རུང་ཐག་ཆོད་ནས་བསྒྱུར་བཀོད་བྱས་ཚེ་སྡེ་པའི་དགོངས་འཕོག་ཀྱང་བྱུང་དོགས་ཡོད་ཐུགས་བསམ་ལ་དྲི་མ་མེད་ཕྱིན་དཔོན་པོའི་གཞན་དབང་དུ་གྱུར་པ་ལ་ཉེས་པ་ཡོང་རྒྱུ་མི་འདུག་པས་བསླབ་སྟོན་དང་བསྟུན་པའི་སྒོ་གང་ཟབ་མཛད་དགོས་པའི་ལེན་ཕུལ་བ་ཐུགས་ལ་བཞག་པའི་བླ་མ་གསང་(༤༥བ)

― GLG009_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་དང་བཀའ་བརྒྱད་གསང་རྫོགས་འཛུགས་པའི་སྒྲ་སྒྲིག་གནང་། དྭགས་པོ་ན་གསང་རྫོགས་ལས་བྱང་གི་པར་ཡོད་པ་རྣམ་རྒྱལ་གྱི་རྫོང་དཔོན་རོང་བདེ་སྐྱིད་གླིང་པར་གང་མང་བཏབ་ནས་དགོས་ཚུལ་གྱི་ཕྱག་བྲིས་མཛད། ཆོས་དབང་གིས་ཟབ་གཏེར་བཞེས་པའི་སྙན་པ་སྨན་ལུང་པ་མི་བསྐྱོད་རྡོ་རྗེས་གསན་ནས་སྤྱན་སྔར་བྱོན་ཏེ་བླ་མ་རིན་པོ་ཆེ་ལ་སྔར་མ་གྲགས་པའི་དམ་ཆོས་ཁྱད་པར་ཅན་ཞིག་ཡོད་འདུག་པ་བདག་ལ་ཐུགས་རྗེས་འཛིན་པར་ཞུ་ཞུས་པས་འདི་ལྟར་ཟབ་ཅིང་རྒྱ་ཆེ་བའི་ཆོས་འདི་དང་པོར་བྱོན་པ་ཡིན་ཏེ་ལོ་བཅུ་གསུམ་གྱི་བར་དུ་གཏེར་ལུང་བཞིན་བཀའ་རྒྱས་བཏབ། དེ་ནས་ཀྱང་རྒྱུད་འདི་གདན་མ་དྲངས་ཀྱི་བར་དུ་རྒྱབ་བརྟེན་ལུང་དང་བྲལ་བས་རྩོད་པས་འཇིགས་ནས་མ་བསྟན། ད་སྟོན་པ་ལའང་བསྟན་པའི་ཡུལ་ཡང་དཀོན་པར་བྱུང་ཁྱེད་བྱོན་པ་ལེགས་དེའི་སྔོན་ལ་དབང་གལ་ཆེ་བས་གྲ་སྒྲིག་ལ་ལྷ་གྲོ་དགོན་པར་ཕེབས་ཕྱོགས་ཀྱི་ཆོས་ཞུ་བ་རྣམས་ལ་བརྡ་འགྲེམ་གྱི་ཕོ་ཉ་བཏང་ནས་མ་འདུས་པར་གདངས་དབྱངས་རྣམས་སྦྱོང་དར་མཛད་པ་སྨན་ལུང་པའི་ཐུགས་སུ་ཆུད་པའི་འཁྲུལ་མེད་དྭགས་སྟན་དབང་ཕྱུག་རྡོ་རྗེས་རྩེ་ལེ་དགོན་དུ་བཙུགས་པ་ད་ལྟའི་བར་དུ་རྒྱུན་མི་ཆད་དུ་ཡོད་འཕྲོས་མཆིས་པས་གྲ་རིས་གྲས་ནས་སློབ་མཁན་གྱི་ཁས་ལེན་པ་ཨེ་ཡོད་གསུངས་པ་ཛི་ན་ཀླུ་ལས་ཁས་བླངས་ནས་གདངས་དབྱངས་རྣམས་ཞིབ་ཏུ་དཔྱད་གྲ་རིས་རྣམས་ལ་ཁྲིད་པས་ཕལ་ཆེར་གྱི་བློར་ཆུད། ཧོར་ཟླ་དྲུག་པའི་ནང་དུ་བླ་མ་གསང་འདུས། བྱང་གཏེར་ཐུགས་སྒྲུབ་དྲག་པོ་རྩལ། བཀའ་བརྒྱད་གསང་རྫོགས། སྒྱུ་འཕྲུལ་ཞི་ཁྲོ། ཐུགས་རྗེ་ཆེན་པོ་ཡང་(༤༦ན)

― GLG009_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་འདུས་པ། ཕུར་པ་སྤུ་གྲི། དགོངས་འདུས་པདྨ་བཛྲ་རྩལ་གྱི་དཀྱིལ་འཁོར་རྣམས་རྡུལ་ཚོན་ལ་བརྟེན་པའི་ཆོག་མང་བཙུགས། བསྔོ་ཞུས་ཀྱིས་གཙོས་པའི་འདི་ཕྱིའི་དོན་དུ་འབུལ་པ་གང་བྱུང་གྲ་རིས་ལ་མང་འགྱེད་འཆམ་དབྱངས་བྲིས་ཐིག་སོགས་ཡོན་ཏན་སྤྲོད་མཁན་རྣམས་ལ་ཟུར་ཇས་མཚོན་སྐྱེད་བསྟར་ལེགས་པོ་མཛད་རུང་སངྒྷ་བྷ་དྲ་དང་ཤྲཱི་བྷ་དྲས་ཐོག་དྲངས་གྲ་པ་ཕལ་ཆེར་རྗེ་ཉིད་བླ་མ་མཛད་འདོད་ནས་རི་བསྒུལ་མཚོ་སྐྱོམ་དང་གཏེར་ཁ་འོག་མའི་སྐོར་འཇུགས་བཞེད་ཀྱིས་སྣང་རྩེ་བའི་ལུགས་བསྣུབས་པ་ལས་གཞུང་ནས་མི་མཛད་དཀའ་མེད་བཏང་བ་ཡིན་སྙམ་པ་མེད་པའི་ལོག་རྟོག་གི་མུན་པས་བཏིབས་ནས་ཅི་མཛད་ཐམས་ཅད་ལེགས་པར་མཐོང་། གཞུང་ནས་གནང་བའི་བསྐོ་བཞག་ཀྱང་ལྷ་དབང་ཕྱུག་ཆེན་པོ་འཇིག་རྟེན་ཐམས་ཅད་ངས་བྱས་མཉམ་པའི་དཔེ་བཞིན་གོང་ར་ལོ་ཙཱ་བའི་ཤུལ་གྱི་དགོན་ཆོས་བཞིས་ཕྱི་ནང་ནོར་རྫས་གྲ་རིས་ཚང་མ་ཆོས་རྗེ་ཁྲ་ཚང་པར་སྤྲད་ཡོད་དོ་བའི་ཏིང་ངེ་འཛིན་ལ་མཉམ་གཞག་བརྟན་ནའང་གོང་ར་བླ་མ་ཞེས་པའི་སྙན་པོའི་མིང་ཙམ་ལས་ཕྱི་ནང་ནོར་རྫས་རྣམས་ལ་ཞལ་འཇུག་པ་ལྟ་ཅི་སྤྱན་གྱིས་གཟིགས་དབང་ཙམ་ཡང་མེད། སངྒྷ་རང་བསྡད་དུས་ཁོ་པའི་ཞོར་གྱི་གསོལ་ཇ་དང་བཞེས་པ་བརྟེན་ཐུབ་ཙམ་ཡོང་ནའང་སངྒ་ནི་རི་ལུང་སྦུག་དང་སྐྱིད་ཁང་པའི་ནང་གཉིས་སུ་ཏིཥྛ་བཛྲ་གྱི་མཐུས་མང་ཇ་མ་གཏོགས་ཉུང་ཇའི་ཟུར་གསོས་ཙམ་ཡང་མེད་ཅིང་དམངས་རྩམ་གསར་རྙིང་ལ་མ་ལྟོས་པ་བཞེས་རྒྱུ་བྱུང་བ་རང་ལ་ཡ་མཚན་དུ་བརྩི། རྒྱུན་གྱི་ཕྱག་གཡོག་ཨོ་རྒྱན་བཛྲ། རྒྱལ་མཆོག་(༤༦བ)

― GLG009_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རི་ཀརྨ། ཨཱི་ཤ་སོགས་རེ་མོས་ཀྱིས་ཞབས་འབྲིང་དུ་བསྟེན་ཡང་ཆོས་ཕྱོགས་ཀྱི་དད་པ་དང་འཇིག་རྟེན་གྱི་ཁྲེལ་གཞུང་གང་ཡང་མེད་པའི་ཁྲལ་ཆོས་ཁོ་ན་ལྷུར་བླངས་པས་བསྔོ་ཞུས་ལ་བྱུང་བའི་ཕོ་མོའི་གོས་སྣའི་རིས་གསོལ་ཇ་ཉོ་བར་བྱམས་ཆེན་སོགས་སུ་རྫོང་བདའ་མཛད་པ་ནོར་ཉན་པ་རྣམས་ཁོ་རང་ཚོས་ཚགས་བྱས། རྙིང་པ་དག་སྡུག་བཙོངས་པའི་རིན་གྱིས་འུ་ཟི་འདྲ་སྲུལ་བ་མང་དུ་བཞེས་པའི་སྐྱོན་གྱིས་དབུ་ཡ་དང་ཞབས་ནད་སོགས་སྐུ་གཟུགས་མ་བདེ་བས་ཆུ་བཟང་དུ་རེ་བའི་རི་ལུང་སྦུག་ཏུ་བཞུགས་པའི་ཚེ་གྲ་པ་སྒྲིགས་འགྲིམ་མ་ནུས་པ་རྣམས་དོན་སངྒ་ལ་འཁོར་བ་ཁག་བླ་མར་བཏགས་པའི་གོང་རའི་ཆགས་སུ་སྡོད་མི་ཆེར་མ་བྱུང་བས་རྐྱེན་བྱས་དམངས་མ་གྲོས་ཐོག་ནས་བླ་མའི་ཕྱག་གཡོག་ལ་བཙུན་ཆུང་རྣམས་རེ་མོས་བྱས་དམངས་མ་གོང་ར་རང་དུ་བསྒྲིལ་བར་ཐག་བཅད། གྲ་གཞོན་ལྔ་ཟན་རིལ་བསྒྲིལ་བ་རོང་པ་སྐུ་སྐྱེ་འཇམ་དབྱངས་རབ་རྒྱས་ལ་བབས་པའི་ཕྱག་གཡོག་ལ་བསྐོས་རྗེས་སདྒྷས་མདོ་དབང་གི་བོད་རྩག་རྣམས་རོགས་བྱེད་ཙམ་ཡང་མེད་པར་སྐུ་སྐྱེ་བསྐུར་པ་ན་གཞོན་པའི་ཐེག་དཀའ་བ་ཙམ་ལ་སྙིང་རུས་བསྐྱེད་ནས་ཤ་རའི་གྲུ་བཏོན་ཁུ་ལུང་དུ་ཁྱབ་བདག་བཀའ་འགྱུར་བར་མདོ་དབང་འབུལ་བ་གནང་བའི་ཞབས་ཕྱིར་འབྱོར་བ་ནས་བཟུང་ཞིང་གཞན་དུ་མ་གཤེགས་པར་ཕྱག་གཡོག་ཁུར་བསྐྱེད་བཅར་སྡོད་བྱས་སྣང་གོང་རའི་གྲ་པ་རྣམས་ཀྱང་ཁ་མཛེས་ཙམ་ལས་ཧ་ཅང་གུས་རྒྱུ་མེད་པས་ཐུགས་ཞེན་གསོག་པར་དགོངས་ཏེ་གཉེན་པོ་བསྟེན་པ་ལས་ཡུལ་ངན་སྤོང་བའི་དཔེ་ལྟར་ཕྱག་ཕྱིར་སྐུ་སྐྱེ་དང་གཙང་དགེ་འཁོར་ནས་ཆོས་ཞུ་བའི་སྔགས་གཞོན་དཀར་པོ་བ་གཉིས་(༤༧ན)

― GLG009_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲིད་ནས་འབྲས་ཡུལ་སྐྱེད་ཚལ་གྱི་ཕུའི་དགོན་ཆུང་ཆུ་ལེགས་པ་ཞིག་ཏུ་སྐུ་མཚམས་མཛད་ཟླ་བ་ལྔ་ཙམ་ནས་གསོལ་ཆས་ཆད་རི་ལུང་སྦུག་གི་གཉེར་པ་སདྒྷའི་སྲུ་མོས་བྱེད་ཡོད་པ་དེའི་སར་དགོན་ཆུང་དེའི་གྲ་པ་རྣ་བ་འོན་པ་ཞིག་ཡོད་པ་ཕོ་ཉར་མངགས་པའི་ཕྱག་བྲིས་འདི་ལྟ་སྟེ། སྲུ་མོ་རང་གྲོལ་རྣལ་འབྱོར་མ། །མོས་གུས་དག་སྣང་ཅན་དེ་ལ། །ད་ལམ་ཡི་གེ་ཕུལ་བའི་དོན། །སྡུག་རྒན་བྱིས་པ་གཉིས་དང་བཅས། །བདག་ཅག་བྱ་བྲལ་མི་གསུམ་གྱི། །ཆོས་བརྒྱགས་རྩམ་པ་རྦད་ཆད་སོང་། ཁྱེད་ཀྱི་སྙིང་རྗེས་ཀུན་བླངས་ནས། །ད་ལམ་ཕྱེ་ཁུག་གང་ཙམ་ཞིག །འོན་པ་འདི་ལ་བསྐུར་བ་མཁྱེན། །ལྟོགས་པའི་ནད་ལ་ཕན་པའི་སྨན། །བག་ཟན་གྲོ་ཞིབ་བྱུང་ཡང་ཞུ། །འདི་ནས་ཡི་གེ་འདི་བཞིན་གྱི། །གནས་ཚུལ་སངྒྷར་གསུང་བར་མཛོད། །ཅེས་པ་གནང་རུང་ཞག་ལྔ་ཙམ་གྱི་བར་བང་ཕྱིན་མ་འཁོར་བར་རྗེ་བླ་མ་ནི་ཁྱབ་བདག་བཀའ་འགྱུར་བ་ཆེན་པོས་དབང་ཡོན་ལ་བསྟར་བའི་ནག་པོ་སྤུས་ལེགས་དེ་ག་ནས་སྐོལ་ཏེ་ཞུས་པས་བཞེས་པའི་གོ་ཡང་བཅད་གསུང་ངག་བསྡམས་ནས་ལྷ་སྔགས་ཡེ་ཤེས་ཁོ་ནས་དུས་འདའ། བང་ཕྱིན་ཨེ་བྱུང་ཞེས་པའི་ཕྱག་བརྡ་མཛད་པ་མ་བྱུང་མཐོང་ས་ལ་མི་འདུག་དོ་ནུབ་ཀྱང་མི་ཡོང་བ་འདྲ་ཞུས་པར་སམ་ཊ་ལ་ཕྱག་བྲིས་གནང་ནས་ཁྱེད་གཉིས་ན་གཞོན་པས་ལྟོགས་ཡོད་གཏོར་མའི་མཐེབ་སྐྱུ་འདི་རྣམས་ཕབ་ལ་ཟན་ཚོད་གྱིས་སྐྱོན་མེད་གསུངས་པ་བཞིན་ཞབས་ཕྱི་བ་གཉིས་ཀྱིས་མཐེབ་སྐྱུ་ཟོས་དགོན་ཁྲོད་ནས་རྩམ་པ་བཙལ་བས་ནས་ནག་གི་ཕྱེ་ཞིག་རྙེད་པ་དེ་མེད་པ་ལས་ཨེ་དྲག་སྙམ་བྲེ་ལྔ་ཙམ་ཞིག་ཁྱེར་(༤༧བ)

― GLG009_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་སྐུ་སྐྱེས་སྐུ་ཞབས་སུ་ཕུལ་བས་འདི་བད་ཀན་ལ་རྒྱག་ང་ལྟོགས་པ་མི་འདུག་ཁྱེད་རང་གཉིས་ཟོ་ཡ་གསུང་བའི་ཕྱག་བྲིས་གནང་། དེ་ནས་བང་ཕྱིན་འཁོར་ཏེ་དམངས་རྩམ་རྡོ་སག་འདྲེས་པ་ཁལ་གཉིས་ཙམ་བྱུང་བ་ལའང་དགྱེས་པ་ཆེན་པོར་གྱུར། རིན་སྤུངས་ཀྱི་ཡོངས་སྡུད་བཀར་རྒྱ་བ་སོགས་ཀྱིས་གོང་ར་བ་བླ་གྲ་རྣམས་ལུགས་ལེགས་པོ་མེད་འདུག་ཟེར་བའི་སྐད་ཆ་གཅིག་ནས་གཉིས་སུ་མཆེད་པ་འབྲས་སྤུངས་སུ་བྱུང་བ་བྲག་སྣ་ཆོས་རྗེར་འདྲི་བར་བཏང་བའི་ཡིག་ལན་དུ་སྨན་ལུང་པ་འདི་ལ་བྱབས་མེད་པས་ཕོ་སྐྱེས་པའི་རྒྱུ་མཚན་འབུལ་བ་ཡོང་རིས་སུ་མི་འདུག །ད་ཆ་དབྱེ་གཡང་མ་བྱུང་ན་མི་ཚེ་མི་ཕྱིད་ཐག་ཆོད་ཡིན་ཚུལ་ལ་བརྟེན་རིན་སྤུངས་རྫོང་སྡོད་དང་ཁང་དམར་བ་ཐུན་མོང་དུ་སྡེ་པས་བཀའ་ཤོག་གནང་བའི་དགོན་ཆས་མཆོད་གཞིས་རྣམས་སདྒྷའི་ལག་ནས་བླངས་ནས་བླ་མར་ཕྲད་ཟེར་བ་ཡོད་པ་ལྟར་རིན་སྤུངས་ནས་རྒྱུ་མཚན་འདི་ཡིན་མེད་པར་འཕྲལ་དུ་ཕེབས་དགོས་པའི་ཞུ་ཡིག་ཕུལ་བ་དེ་སྐབས་འཚུར་ཕུར་དྲུང་པ་རིན་པོ་ཆེ་གཤེགས་པའི་སྐབས་དང་འགྲིག་པས་ཀར་ལུགས་ཚོར་རྩི་བཞག་གནང་བ་རྗེ་ཉིད་སྔར་ཞྭ་དམར་བའི་སྒར་དུ་ཕེབས་པའི་ཕྱོགས་འཕུལ་གྱིས་ཐུགས་ཟོས་མི་བདེ་བ་ཞིག་ཨེ་ཡིན་དགོངས་པའི་ཅི་ཡིན་ནམ་གང་ཡིན་ནམ་ཞེས་ཐུགས་བློ་མི་བདེ་བའི་ངང་ནས་བཀྲ་ཤིས་གླིང་གི་གྲོང་དུ་གནས་ཚང་མཛད་པའི་ནུབ་བཀའ་ལས། ཀར་ལུགས་ཀྱི་གྲལ་དུ་བསྡམ་ར་བཞིན་ཨེ་ཡིན་གཞན་ནི་སྒར་ལ་ཕྱིན་ཙམ་ལས་སྤྲོས་པའི་ཀར་ལུགས་ཀྱི་ཞབས་ཏོག་དང་དགེ་ལུགས་ལ་ཞབས་འདྲེན་མངོན་ཐོགས་པ་ནི་མེད། ང་རང་གི་ཡོན་ཏན་ཕྲན་བུ་རེ་སྦྱངས་ཆོས་བཀའ་གང་ཐོབ་བླ་མ་ངེས་(༤༨ན)

― GLG009_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ལ་ཞུས་ཉེས་པ་ཡོད་དོན་མི་འཇུག་ཀྱང་གང་ལྟར་ལྷ་ས་ཕྱོགས་ལ་འགྲོ་དགོས་པ་ཡོད་འགྲོ་ཆོས་རྗེ་ནི་མེད་སྔགས་པ་ཁོ་ནི་འགྲོ་ཨེ་ཡོང་མི་ཤེས་ཕྱིན་ཀྱང་ཟ་རོགས་ལས་མི་འདུག །ཁྱོད་ཀྱི་འགྲོ་རོགས་བྱེད་དགོས་གསུངས་པའི་ཕེབས་ལན་དུ་སྐུ་སྐྱེའི་ཞུ་བར་ཐག་རིང་ཐུང་གང་གི་སར་ཡང་མི་འགྲོ་ཅི་ཞུ། གཞན་མ་སྐུ་ཞབས་རང་སྐུ་ན་བགྲེས་ང་ན་གཞོན་ཡོང་ཐང་གང་ཡང་མེད་པས་དཔེར་ན་ད་ལམ་ཕྱག་གཡོག་གྲུལ་ཐུབ་རྒན་པ་ཞིག་ཡོད་ན་གསོལ་ཞིབ་དང་གསོལ་མར་ལུས་མེད་འགྲོ་འོན་ཀྱང་བློ་བསམ་མ་ལོག་པའི་ངོས་ནས་བསླབ་སྟོན་གང་གནང་མི་ཞུ་རི་ཤི་མོད་ཞུས་པས་ཁྱོད་ཀྱིས་སྔར་ལྟར་བྱས་པས་ཆོག་ཕེར་ཡོང་འཛོམ་པས་བྱ་བ་བྱེད་པའི་ངེས་པ་མི་འདུག་གང་བསྐོས་གཙོ་ཆེ་དེའི་ནང་ནས་ཨོ་རྒྱན་རིན་པོ་ཆེའི་ཐུགས་རྗེ་ཡིན་གསུངས་ནང་པར་པཀྵུའི་ཀླུང་ཆེན་པོ་བསྒྲལ་ཏེ་རིན་ཆེན་སྤུངས་པའི་ཕོ་བྲང་དུ་ཕེབས། རྫོང་དཔོན་མཚལ་མིག་པ་དང་ཞྭ་ཁབ་པ་ཡོང་སྡུད་ཁང་དམར་པ་གསུམ་ནས་ཁང་སྟེང་དུ་ཡོད་ཐོག་གདན་དྲངས་ཕྱག་གཡོག་གཉིས་ཕྱིར་བཏོན་བཀའ་གྲོས་འདྲ་མོ་ཞིག་བཙུགས་སོང་བ་ལགས་སྡོང་པོ་བ་ཟེར་བས་གོང་རའི་བླ་མ་རང་རྩད་གཅོད་པ་ཞིག་འདུག་ཅི་ཡིན་གླེང་བ་སོགས་གང་ས་ནས་བཀའ་བཀྱོན་ཡིན་དོགས་ཀྱི་ཕྱག་གཡོག་གཉིས་བློ་འཚུབ་ཆེར་ལངས། ང་འདེབས་གཅིག་སོང་མཚམས་སྐུ་ཞབས་སུ་ཕྱིན་པ་ན་དགོང་དང་མི་འདྲ་བའི་ཐུགས་བློ་ལྷོད་པར་གྱུར་ཏེ་ཞལ་འཛུམ་པ་དང་བཅས་སྐྱོན་མ་མཆིས་སདྒྷའི་ལག་ནས་གང་ཅི་རྣམས་རྩིས་ལེན་དགོས་པའི་བཀའ་ཤོག་དང་བཀའ་བཀོད་བསྒྱུར་བ་ཡིན་འདུག་གསུང་། དེ་གོང་ནས་དོགས་པ་ཞིག་ཡོད་པ་ཡིན་ནམ་རྫོང་ནང་ནས་གཅིག་(༤༨བ)

― GLG009_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གཉིས་བརྟེན་གྱི་བྱ་བཤོར་གང་རུང་གི་སྐྱོན་གྱིས་ཡོངས་གྲགས་རྣམས་མ་གཏོགས་ཀ་ཅ་ཕལ་ཆེར་སྦས་བཤུགས་བྱས་པའི་སྟབས་ཀྱིས་གོང་ར་སྡེ་དགོན་དང་བཅས་པ་ཕྱག་ཏུ་འབྱོར་བའི་གཏམ་དང་གང་ཡོད་ཁ་སིང་ལུགས་ཀྱི་མི་ལ་ཕྱག་གདང་མི་དགོས་པའི་ཕན་ཡོན་ཙམ་ལས་གྲགས་པ་དོན་དང་མཐུན་པ་ནམ་བྱུང་བར་སྣང་། རྩིས་ལེན་དུས་དངོས་པོ་རྣམས་བསྡུ་བ་དང་མི་སྣའི་སྣེ་ལེན་སོགས་ཚང་མ་སྐུ་སྐྱེ་གཅིག་པུའི་སྟེང་དུ་གལ་ཞིང་གྲ་རིས་གཞན་མ་ཚོས་རོགས་རམ་མ་བྱས་པའི་སྦྱོང་སྤྱོད་ཆེ་བ་བྱུང་སྐད། ཀ་ཅ་རྣམས་མ་སྤྲད་པའི་རྒྱུ་མཚན་ལ་བརྟེན་ནས་སླར་རྒྱ་མ་བ་བློ་བཟང་རབ་རྒྱས་རྫོང་བདའ་བྱས་པའི་ཞི་བའི་སྐོར་གཡེང་དང་ཚ་འཇུན་ཅི་ཡང་བྱས་རུང་ཁོ་པས་བྲག་ཕུག་རྒྱབ་བསྟད་ཀྱིས་སྔར་གང་སྤྲད་ལས་སྤྲོས་པའི་ཆས་ཀའི་རིས་མེད་ཅེས་ཁས་མ་བླངས་པར་མི་སྣ་རྫོང་སྡོད་ཀྱིས་སྣུམ་ལ་བཀར་བར་ཐག་བཅད་པ་ན་ཞུ་ལན་དུ། གཞུང་ནས་སྐུ་དྲིན་བསྐྱངས་པ་གཅིག་པུས་ཆོག་རྡོ་སྣུམ་གཏན་མེད་པ་ཞིག་རང་དགོས་ཁོང་རྣམས་ཀྱིས་ནི་མི་ཐོན་ངེས་ཡིན་དེས་ན་ཁྲིམས་རར་ཆུད་ན་ངེད་བཙུན་པའི་ནང་ནས་ཀྱང་བླ་མའི་མིང་བཏགས་ཙམ་ཡིན་པས་ཆོས་ཀྱི་བྱ་བ་དང་མི་འབྲེལ་བས་དེ་འདྲར་མ་ཐུག་པར་མཛོད། ཕྲན་བུར་ཙམ་བྱུང་ཡང་གྲ་པ་སྐྱོང་མཁན་ཡིན་འདུག་མ་བྱུང་ནའང་སྔར་ཡང་གང་བྱུང་ཐུགས་རྗེར་ཤེས་པ་བྱས། ད་དུང་བཟོད་པ་གང་ཐེག་བྱེད་གསུངས་པས་ཁ་མཆུ་ཡོ་གལ་མ་དགོས་པར་ཐག་ཆོད། ས་སྐྱོང་བསོད་ནམས་རབ་བརྟན་ཞབས་མ་བརྟན་རུང་བཞུགས་པ་སྐད་དུ་དྲིལ་རྒྱ་ཆེར་བསྒྲགས་པའི་གསང་སྒོའི་སྐབས་གོང་རའི་དེབ་སོགས་སྤྱན་འབེབས་(༤༩ན)

― GLG009_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུ་བར་ཕེབས། གུང་ཐང་དཔོན་སློབ་ཞབས་པད་མ་བརྟན་པའི་གཤིས་རྙིང་མ་ཕྱོགས་ནས་དགོས་རིགས་རྗེ་འདི་ཉིད་འོས་འདྲ་ཞེས་མཆོད་དཔོན་པའི་འཆར་སྟོན་བྱུང་བ་དང་མ་ནས་སྐུ་ཡོན་གྱི་བབས་ཀྱང་ཆེ་བར་གོ་བས་ལྷ་ས་ནས་ཕྱིར་ཕེབས་ཞོར་འབྲས་སྤུངས་སུ་ཞག་ཤས་བཞུགས་ནས་དེ་ལོ་ངེད་རང་ལ་དོགས་ཆ་ཆེ་ཙམ་ཡོད་པ་སེལ་བྱེད་དུ་ཁ་འབར་མ་དཀར་ནག་ཁྲ་གསུམ། མཁའ་འགྲོ་གྲིབ་སེལ། མཁའ་འགྲོ་བསུ་བཟློག་གནང་། འདིས་མཚོན་ལྕགས་བྱི་ནས་མེ་རྟའི་བར་གོང་སྨོས་ཀྱི་རིམ་གྲོ་དང་སྡེ་བརྒྱད་ཀྱི་གྲིབ་སེལ། འཆི་བླུ། གདོན་འགྲོལ། གཤིན་རྗེ་འཆར་ཀའི་མདོས་ཆེན་རྒྱས་པ་གྲ་ཚང་གི་གྲ་པ་ཁ་ཤས་ཀྱིས་གསུང་རིམ་པ་བྱས་ནས་ཞག་བདུན་གྱི་བར་ལས་བྱང་དུས་བཞིར་བསྲང་བ་སྡིགས་རྒྱུན་དང་བཅས་བསྒྲུབས་མཐར་སྐུ་ནུབ་ཕྱོགས་ཀྱི་ལྕོག་རིལ་དུ་བཞུགས། ཆུ་སྟག་ལོ་ཀོང་པོ་ཕན་བདེ་བས་ཆབ་མདོ་དབོན་དྲུང་སོགས་དང་ལག་སྦྲེལ་བའི་ཁ་འཇམ་གཏིང་རྩུབ་ཀྱི་བྱེད་ངན་ཐོག་དཔུང་ཆེན་བཏེག་པའི་ཇུས་རིམ་ལ་འཆར་ཀ་སེང་ཞོན་མའི་མདོས་གཏོར་གནང་བའི་དུས་སྲོད་ཀྱི་ཐུན་གཏོར་འབུལ་བའི་ཚེ་བཤུགས་གླུའི་སྒྲ་ཆེན་པོ་ཀུན་གྱིས་ཚོར་བ་སྒྲུབ་པ་པོ་རྣམས་ལ་སྤྱན་ལྟས་ངོ་མཚར་བ་མདོས་གཏོང་ཉིན་རླུང་ཚུར་འོད་འཕྲོ་སྐད་ཅིག་ལ་ཤར་ཕྱོགས་སུ་འགྱུར་བའི་མེ་ལྕེའི་ཚོགས་དུམ་བུར་ཆད་པའི་ནུས་རྟགས་ཤིན་ཏུ་ཆེ་བ་བྱུང་། སློབ་དཔོན་པདྨ་ཐོད་འཕྲེང་དང་གྲུབ་པའི་དབང་ཕྱུག་ལྕགས་ཟམ་པ་ཆེན་པོའི་གནས་དཔལ་གྱི་ཆུ་བོ་རིར་ཚེ་ཆོག་འཛུགས་པའི་ཤར་པ་ལོ་ཤས་ཟེ་བོ་འཆི་མེད་བཀོད་པ་དང་དེ་རྗེས་སློབ་དཔོན་ཆེན་པོའི་ཆེ་(༤༩བ)

― GLG009_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུང་ཡོད་པའི་རྟེན་འབྲེལ་གྱི་ཁྱད་དང་བཅས་ཚེ་ཆུ་སྒྲུབ་སྡེ་བཞུགས་གནས་སུ་ཕུལ་ཞིང་ས་རིས་ཀྱང་སྔ་ཕྱིར་སྦྱར་བར་བརྟེན་མཆོག་སྤྲུལ་ལེགས་ལྡན་རྡོ་རྗེས་འབྲས་གཤོང་ལྷ་རི་རིན་ཅེན་སྙིང་ཕུག་ནས་གདན་དྲངས་པའི་ཚེ་དཔག་མེད་བདུད་རྩི་འཁྱིལ་བའི་སྒྲུབ་མཆོད་ལོ་ལོ་བཞིན་ཟླ་བ་བཅུ་གཉིས་པའི་ཉེར་དགུ་ལ་ས་ཆོག །གནམ་གང་ལ་དཀྱིལ་འཁོར་བྲིས་ཐིག་ཚེས་གཅིག་གི་སྔ་ཆར་སྒྲུབ་པ་ཚུགས་པ་བཅོ་ལྔ་ལ་དངོས་གྲུབ་ལེན་ཆོག་བཅུ་དྲུག་གི་ཞོགས་དཀྱིལ་འཁོར་བསྡུས་རྡུལ་ཚོན་གཤེགས་གསོལ་ལ་སེར་སྦྲེང་གི་བཀུར་སྟི་དང་བཅས་ཏེ་ཆུ་བོ་ཆེན་པོར་བཤགས་ཚུར་ཕེབས་རྒྱུན་གྱི་དཀྱིལ་འཁོར་གྱི་ཆ་རྣམས་བཤམས་ཚེ་ཆོག་ཚར་གཅིག་གཏོང་བའི་བར་གྱི་རྡོ་རྗེ་སློབ་དཔོན་དུ་རྗེ་བླ་མ་ཉིད་ཕེབས་ཤིང་དེ་མཚུངས་ཟླ་བ་གསུམ་པའི་ཉེར་དགུ་ནས་བརྩམས་ས་ག་ཟླ་བར་ཡང་ཤིན་ཏུ་རྒྱས་པ་གནང་ཞིང་རྒྱུན་དུའང་གྲངས་བཅད་ཀྱིས་ཚེ་ཆོག་ཆག་མེད་དུ་གཏོང་བའི་ཐུགས་ཁུར་བཞེས། ས་ཁྱི་ནས་བཟུང་བསྟན་པ་སྤྱི་རིམ་བོད་ཁམས་ཀྱི་བདེ་ཐབས་ལ་དམིགས་དབུས་གཙང་གི་སྔགས་སྡེ་མང་པོ་ནས་ཧོར་ཟླ་བཅུ་པའི་ནང་དུ་ཁྲོ་རོལ་གཏོར་རྒྱུན་བཙུགས་པའི་གཙང་གི་ཕུང་པོ་རི་བོ་ཆེར་ཁྲོ་བོ་རོལ་བའི་གཏོར་བཟློག་དཀྱིལ་འཁོར་རྡུལ་ཚོན་བསད་ཟློག་དང་ཁྱུང་བཅས་འཁོར་ལོ། གཞན་ཡང་ལྡེབས་ཁ་དགུ། ཟེར་ཁ་བཅུ། ཁ་བསྒྱུར་ཉེར་གཅིག་གིས་མཚོན་ཤིན་ཏུ་རྒྱས་པར་མཛད་པའི་ཉེར་དགུ་ལ་གཏོར་རྒྱག་དང་། གནམ་གང་ལ་བརྒྱགས་རྔན་སོགས་ཕྱག་ལེན་ཤིན་ཏུ་དངོས་གཙང་བ་གནང་། ཟླ་བ་བཅུ་གཅིག་པར་རིན་སྤུངས་སུ་འཆར་ཅན་གྱི་སྐུ་རིམ་གཞན་ཡང་དམིགས་(༥༠ན)

― GLG009_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

བསལ་གྱི་རིགས་ཇི་སྙེད་དང་ལྷ་འདྲེ་སྟོང་གི་དྲ་བ། མ་མོ་གླིང་བཞིའི་མདོས་དེང་སང་རྙིང་མ་པ་ཕལ་ཆེར་ལ་གྲགས་ཆུང་བ་དག་ཆོས་རྗེ་སྨར་ངག་དབང་ཐུབ་བསྟན་པར་ཕྱག་འཁྲིད་མཛད་ནས་དབུས་གཙང་དུ་ལན་གྲངས་མང་དུ་སོང་བའང་ནད་རིམས་འཁྲུག་རྩོད་ཞི་བའི་གསོས་སྨན་དུ་གྱུར། སྣེའུ་སྡོང་རྩེར་བཀའ་ཆོས་འབུལ་བར་ཕེབས་སྐབས་ཞབས་དྲུང་དགའ་ལྡན་དང་ཕྱོགས་མཐུན་དུ་རྩེས་དང་བསམ་གཏན་གླིང་གི་གནས་མཇལ་གནང་། ཆོས་རྒྱལ་ཕོ་བྲང་ནས་བསྙེན་བཀུར་དགོས་ཆ་རྣམས་གྲ་བསྒྲིགས་གཡོ་རུ་ཁྲ་འབྲུག་གི་གཙུག་ལག་ཁང་དུ་བསྟན་པ་སྤྱི་རིམ་ལ་ཁྲོ་རོལ་སླང་དགུ་མ་རྒྱས་པར་མཛད། བཀྲ་ཤིས་རྩེ་ཆོས་སྡེར་གསེར་གདུང་དངུལ་གདུང་གིས་གཙོས་པའི་མཆོད་ཁང་མགོན་ཁང་རྣམས་ལ་མཆོད་འབུལ་དང་ཚོགས་སུ་མང་ཇ། དེ་མཚུངས་རི་བོ་ཆོས་གླིང་ཡང་ཞབས་ཀྱིས་བཅགས་ནས་མཆོད་མཇལ་མང་སྐོལ་མཛད། ཁྲ་ཚང་དུ་བཞུགས་ཐོག་གཟིམས་ཁང་གོང་འོག །སྤངས་ཆེ་བ། གེ་ར་བ་རྣམས་ཀྱི་མི་ངོ་ལ་ཚེ་དབང་། སྨན་ལུང་དུ་ཁྲིམ་དབང་། ཐང་པོ་ཆེའི་མཁན་པོ་ལ་འཁོར་བ་དོང་སྤྲུགས་དང་ཁྱམས་སྟོད་པར་ཚེ་དབང་སྩལ། འདི་སྐབས་འཇིག་རྟེན་རྨོངས་པ་རྣམས་དད་པ་སྐྱེད་པར་བྱེད་པའི་ཆིབས་ཁལ་གྲ་རིས་སོགས་སྔར་དང་མི་འདྲ་བའི་གྲ་འགྲིག་འབྱོར་པ་ཆེ་བ་ཡོད་ནའང་ཡར་ཀླུངས་ཕྱོགས་སུ་བླ་མ་མཁས་གྲུབ་གཉིས་འཛོམ་གྱི་རིས་ལ་ཕྱིས་སྐོར་འཇུག་སྒོ་ཆེ་བ་ཡོང་གི་མེད་འདུག་པས་འཕྲིན་ལས་ཀྱང་དེ་ཙམ་མོ། །ཕེབས་ལམ་གྱི་ཞོར་དུ་གོང་དཀར་རྡོ་རྗེ་གདན་གྱི་ཆོས་(༥༠བ)

― GLG009_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

གྲ་ཆེན་པོ་མཆོད་ཁང་མགོན་ཁང་རྣམས་ཀྱི་མཇལ་ཁ་དང་ཚོགས་ཆེན་དུ་མང་ཇ་སྐོལ་བ་གནང་། ངེད་རང་ནས་སྨན་གྱི་མཐུན་རྐྱེན་དང་བཅས་གསོལ་བ་བཏབ་ཅིང་རྗེ་ཉིད་ནས་ཀྱང་སྒྲུབ་རྩོལ་གནང་སྟེ་རི་ལུང་སྦུག་ཏུ་ཐོད་སྐུ་རྒྱུ་སྐར་ཉེར་བརྒྱད་རྡུལ་ཚོན་རྣམས་ཀྱི་སྟ་གོན་དང་ས་ཆོག་གིས་བསླང་བ། བཟུང་བ། སྲུང་བ། ཡེ་ཤེས་དང་ལས་ཐིག་གདབ་པ་ནས་རྒྱལ་ཆེན་དམ་སྲི་སྒོ་བྱང་མ་ཏྲཾ་དཀྱིལ་འཁོར་བྲི་བ་སོགས་སྨན་ཁྲོལ་བུ་བཏགས་བཙགས་ཕྱེ་མ་གོང་བུ་རྣམས་ཁྲོལ་བུ་ལའང་དམ་པ་རིགས་བརྒྱས་སྦྱང་བ་དེ་ཉིད་རིགས་ལྔས་སྦྱང་བ་གསང་ཚན་རིགས་གཅིག་གིས་སྦྱང་བ་སྟེ་གོང་བུའི་སྒྲུབ་པ། དེ་ནས་ཤར་དུ་བརྡུང་བ། ལྷོར་ཚག །ནུབ་ཏུ་སྦོོལ། བྱང་དུ་ཡབ་ཡུམ་གཉིས་མེད་བདུད་རྩིར་འཕེལ་བར་བསམ་པ། སྨན་ཞལ་ཕྱེ་ནས་དབང་རྣམས་རིམ་བཞིན་བསྐུར་བས་མཚོན་ཞག་གཅོ་ལྔའི་བར་བསྒྲུབས་པའི་མྱོང་གྲོལ་བྱིན་རླབས་ཀྱི་གཟི་བྱིན་འོད་དུ་འབར་བ་ནས་གཤོས་ཕོར་ཆུང་ཚད་གང་བ་ཙམ་གྱི་དམ་རྫས་འཕྲལ་དུ་སྐྱེལ་མི་གནང་།གཞན་ཡང་འཕགས་མཆོག་ཐུགས་རྗེ་ཆེན་པོ་ཡང་སྙིང་འདུས་པའི་དཀྱིལ་འཁོར་ལ་བརྟེན་ནས་སྐྱེས་བདུན་མྱོང་གྲོལ་གྱི་རིལ་སྒྲུབ་མཛད་དེ་མཚམས་མེད་ལྔར་སྤྱད་པའི་སྡིག་ཅན་རྣམས་ཀྱང་མཐོ་རིས་དང་ཐར་པའི་ལམ་དུ་དྲངས་པས་དཀར་ནག་འབྱེད་པའི་ཆོས་ཀྱི་རྒྱལ་པོའང་ལས་ཀྱི་མེ་ལོང་ཐོགས་པ་ངལ་བའི་ཁུར་དུ་སོང་། ལྷ་ས་འབྲང་རྒྱས་ཤག་ཏུ་ཁྲོ་རོལ། ཚག་གུར་དུ་འཆར་ཁའི་མདོས།འཆི་བླུ། གདོན་གྲོལ། ཚེ་དབང་བརྒྱ་རྩ། ཕྱག་རྡོར་འབྱུང་འདུལ། རྟ་མགྲིན་སྐྱེར་སྒང་(༥༡ན)

― GLG009_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་ཀྱི་དབང་། ཁོ་རེ་སྦུག་ཏུ་ཁྲོམ་པ་ལྔ་བརྒྱ་ཙམ་ལ་ཚེ་དབང་། སྐྱིད་གཤོང་། བདེ་སྐྱིད་གླིང་། གྲགས་པ་བ། ཡུལ་རྣམས་སུ་སྦྱིན་བདག་སོ་སོའི་བློ་དང་མཐུན་པའི་དབང་བཀའ། འཆི་བླུ། གདོན་བྱད་འགྲོལ་བ། མདོས་ཟོར། སྲེག་མནན། སྐོང་བཤགས། ཚོགས་བརྒྱ་སོགས་སྐབས་སུ་གང་བབས་མཛད། འཕྲང་སྒོ་བདེ་སྐྱིད་དཔལ་འབྱོར་དུ་མཆོད་དཔོན་དབུ་མཛད་གཉིས་ཀྱི་རིམ་གྲོར་དགྲ་མནན། ཆུ་ཤུར་ཁྲི་སྨད་དུ་མགྲོན་གཉེར་བསོད་ནམས་དབང་རྒྱལ་གྱི་རྐྱེན་སེལ་གྱི་དབང་བཀའ་དང་རིམ་གྲོ་སོགས་སྐྱིད་ཤོད་ཡར་ཀླུངས་གཙང་རོང་ཕྱོགས་ཀྱི་མཆོག་དམན་བར་པའི་སྦྱིན་བདག་ཀུན་གྱི་འདི་ཕྱིའི་མགོན་སྐྱབས་གླིང་དང་དཔུང་གཉེན་དམ་པ་མཛད་པ་ཤིན་ཏུ་མང་ནའང་ཆེ་ལོང་ཙམ་ལས་མཐའ་དག་བརྗོད་པར་མ་ནུས། གོང་ར་ལོ་ཙཱ་བའི་སྐྱེ་བ་ཟུང་མཁར་སླེ་སྦུས་པའི་བུར་བྱུང་ངམ་ཞེས་པའི་སྒྲོ་བཏགས་ལ་བརྟེན་དྭགས་པོ་གསལ་བ་སྒང་པའི་བུ་ལོ་རང་གི་བ་དང་བླ་མ་གཉིས་ཀ་ཡིན་པའི་ཀརྨ་ཆོས་རྒྱལ་བ་ལ་དགྲར་ལྟ་བའི་སྨྱོན་པ་ཞིག་ཡོད་པ་དེས་ཕྱོགས་ཀུན་ཏུ་དྲིལ་བསྒྲགས། རྗེ་ཉིད་ལའང་གནས་ཚུལ་ཞུས་པར་བརྟེན་བདག་གོང་རའི་གདན་ས་བླ་མའི་སྐུ་སྐྱེ་མ་ཕེབས་བར་བྱེད་མཁན་ཡང་ཡིན་ཅིང་ད་ཆ་སླེ་སྦུས་པའི་དེར་གསལ་པོ་བྱུང་ཡོད་འདུག་པས་སྐུ་སྐྱེ་གདན་མ་དྲངས་ན་རང་གི་རྩ་བའི་བླ་མ་ཡིན་པས་དོན་ལ་མི་བཏུབ་པར་མ་ཟད་ད་ལྟ་རོང་ཕྱོགས་སུ་ངེད་རང་ལ་ལོག་ལྟ་བྱེད་མཁན་མང་བའི་ཁར་སྐུ་སྐྱེ་ལ་བདག་རྐྱེན་མ་སྤྲད་ཅེས་ངན་པའི་ཁྱུར་རྫོང་འདུག་པས་གདན་(༥༡བ)

― GLG009_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

དྲངས་སྐུ་ཞབས་སུ་གཙུག་ཕུད་དང་བདག་གིས་དབང་ཆོས་རྣམས་ཕུལ་ཆོས་ལུགས་སྣང་སོག་ཕྱོགས་དང་མ་འདྲེས་པ་ཞིག་གང་ཡོང་གི་དོ་དམ་བྱེད་གསུངས་པའི་རྒྱུ་མཚན་མཆོད་དཔོན་པ་བརྒྱུད་ངེད་རང་དང་སྡེ་པ་འཕྲིན་ལས་རྒྱ་མཚོར་གསུངས་བྱུང་བ་སྐུ་སྐྱེར་བདག་རྐྱེན་སྤྲད་ཕྱིན་གོང་ར་བ་ལྐུགས་མའི་ཞབས་བྲོ་སྔར་ཤུལ་དུ་ལྷོགས་པ་ལས་འོས་མི་འདུག་པས་རྗེ་ཉིད་ལ་དགོན་མཆོད་གཞིས་གྲ་རིས་དབུས་ཆུ་ལྷོ་བྱང་གང་རིས་ནས་གོང་ར་ལས་མི་ཞན་པའི་སྦྱོར་འཇགས་གང་ལེགས་ཞུ། གོང་རའི་སྐོར་བཅས་རྣམས་རིན་སྤུངས་ནས་རྩིས་བླངས་པའི་རོང་དུ་གོང་ར་ཟེར་བ་ཞིག་དགོས་རྒྱུ་མིན་ངེས་ཡིན་ཚུལ་གསོལ་བས་ངེད་རང་དབུས་ཕྱོགས་སུ་སྡོད་པར་ཡང་སྤྲོ་ཞིང་བཀའ་བཞེས་དེ་བཞིན་བཀའ་དྲིན་ཆེ། རོང་གི་དགོན་གཞིས་རྣམས་རྩིས་འབུལ་བར་བདག་འགྲོ་དགོས་སམ་ཆོས་རྗེ་དྲུང་དགོན་པ་བ་བསྡད་ཡོད་པ་ཁོང་གིས་ཆོག་ཅེས་ཐུགས་ཐག་བཅད་པའི་ཕེབས་སྒོ་གནང་། ཞག་ཤས་ནས་སྐུ་ངོས་ཀྱིས་ངེད་ལ་ཁ་སང་མཆོད་དཔོན་བརྒྱུད་པའི་བསླབ་སྟོན་དེ་བཞིན་ཕེབས་པ་གོང་རའི་གྲ་རིས་མཐོང་སྣང་ཅན་དེ་ཚོ་དང་ལྷན་དུ་སྡོད་མ་དགོས་པ་སོ་སོད་ཅིང་དགེ་སྦྱོར་སྨར་བ་དབུས་ཕྱོགས་ཀྱི་དགོན་གྲ་རིས་རྣམས་རང་དབང་འདུ་ཞིང་ལེགས་པ་ཡོང་འདུག་པ་གོང་རར་བླ་མ་སུ་འདྲ་ཞིག་གནང་ཡང་མ་སྟོངས་ཙམ་བྱུང་ན་དེས་འཐུས་པ་འདུག་རུང་ས་རིས་གཞུང་བཞེས་གནང་བའི་དགོན་པ་ཁུངས་མེད་དུ་སོང་ན་སྨན་ལུང་པས་ཁོ་རང་དབུས་ཕྱོགས་སུ་གྲུ་བཞི་ལམ་ལམ་བྱས་ལོ་ཆེན་གྱི་ཤུལ་རྣམས་མིང་ཙམ་ཡང་མ་ལུས་པའི་རྗེས་ངན་འདི་(༥༢ན)

― GLG009_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ་བཞག་ཅེས་དམ་ལོག་གི་གྲལ་ཆེན་པོར་གཏོང་ཐག་ཆོད་ཡིན་པས་སྐུ་སྐྱེ་གདན་དྲངས་མ་ཆོག་ནའང་སྐོར་ཅིག་ཡར་ལོག་ཆོག་པ་དང་འཚམ་བབས་ལ་འཁུར་བ་སྐམ་པོའི་ཟེམ་འཇོག་བྱས་རྗེས་དབུས་ཕྱོགས་ནས་དགོན་གཞིས་གནང་ན་ཐུགས་རྗེ་ཆེ་འདུག་མ་བྱུང་ཡང་ན་སོ་རྒན་པོ་ཡིན་པས་རི་ཁྲོད་དུ་བསྡད་ཆོག་ཚུལ་ཕེབས་སྒོ་ནན་ཆགས་པ་ལྟར་སྡེ་པ་ལའང་དེ་གའི་མོལ་མཆིད་བྱས། སྐུ་སྐྱེའི་སྐོར་གྱི་གླེང་བརྗོད་མ་བྱུང་ན་ཤམྦྷར་རང་སློག་ཡོང་གྲབས་ཡོད་པས་རྐྱེན་དེས་ཆོས་རྗེ་བྲག་ལ་བར་དཔལ་རྒྱ་མཐོངས་སུ་བབས་གཤིས་འདི་རེས་ནས་ཁལ་སུམ་བརྒྱའི་གཤོར་འདེབས་དང་རྗེས་སུ་ཤོལ་ར་བ་གནས་རྙིང་གི་ཁྲིར་བྱོན་པ་ནས་ཁོང་གིས་གསོལ་སྐལ་རྣམས་ཤམྦྷར་གྱིས་ཚབ་ཏུ་ཕུལ་གྲ་རྙིང་ཕལ་ཆེར་གྲུབ་མཐའི་དབང་གིས་ཕྱོགས་སུ་བྱེར་ནའང་གྲ་བཙུན་གསར་པའི་རིས་དང་དབུས་གཙང་གཉིས་ཀར་དགོན་མཆོད་གཞིས་ཡར་རྒྱས་སུ་སོང་བའི་ངེས་གསང་རྡོ་རྗེ་གླིང་པ་ཞེས་སྔ་འགྱུར་གྱི་བསྟན་པ་མཛེས་པའི་རྒྱན་དུ་མཛད། ས་སྤྲེལ་ནང་དུ་ལས་བྱང་ལེའུ་བརྒྱད་པའི་ཆོག་བསྒྲིགས་དང་འབྲེལ་བའི་ཚེས་བཅུའི་གར་འཆམ་རིན་པོ་ཆེ་ཀུན་བཟང་རྩེ་པའི་ཕྱག་ལེན་འཁྲུལ་པ་མེད་པ་འཛུགས་པ་གནང་བའི་ཞལ་འབག །སྐྲ་བརྙན། ཕོད་ཀ །གར་གོས། རུས་རྒྱན། པྲོག་ཞུ། ཌཱ་དྲིལ། བྷན་ཕུར། ཕྱག་མཚན་གྱི་རིམ་པས་མཚོན་དགོས་ཆ་ཆེ་ཕྲ་མཐའ་དག་དང་སློབ་དཔོན་ཆེན་པོ་ཆེ་མཆོག་གི་བྲིས་སྐུ་སྨན་ལུང་ཤཱཀ་འོད་ཀྱི་འབུར་སྐུ། གཞན་ཡང་རྟེན་མཆོད་ཀྱི་རིམ་པ་ཡོལ་པ། བླ་བྲེ། སྙན་དར། སྦུག་སིལ། རྔ། དུང་(༥༢བ)

― GLG009_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན། ཐབ་གདན་སྤྱད་ཀྱིས་གཙོས་པའི་གྲ་ཚར་གྱི་སྤྱི་རྫས་ཐམས་ཅད་དེབ་ཐེར་དུ་བཀོད། སྔར་ལོ་ཆེན་གྱི་དུས་ཀྱི་སྤྱི་རྫས་རྣམས་སངྒྷ་གཅིག་པུས་བདག་གིར་བཟུང་ནས་རྗེས་སུ་འདི་བྱས་ཅི་ཡང་མ་བྱུང་བས་ད་སྒོས་བླ་གཉེར་གྲ་རིས་སུས་ཀྱང་སྒེར་བདག་ཏུ་མ་སོང་བར་གོང་ར་ངེས་གསང་གླིང་པར་འཇགས་དགོས་པའི་ཚོགས་གཏམ་ཆོས་སྲུང་ལ་གཉེར་གཏད། གྲ་ཚང་གི་བཅའ་ཡིག་རྩོམས་ཤིག་པར་བཀས་བསྐུལ་བ་ལྟར་ས་བོན་གྱི་དོན་བཞིན་བྲིས་པར་ཐམ་ཀས་གནོན་གསུང་བ་བཞིན་རྒྱས་བཏབ། བར་སྐབས་སུ་ཆོས་རྗེ་ཐུབ་བསྟན་པ་དང་འགྱངས་སུ་སོང་བ་འདྲ་ཞིག་སྣང་བ་ཁྲ་ཚང་པའི་ཞལ་ངོའི་རིས་ཁྲོལ་མི་འདུག་པས་ཁོང་པར་ཆོས་ཕྱོགས་ཀྱི་སྤྱན་འཁྲིད་སོགས་བདག་རྐྱེན་མཛད་པ་འགབ་ཚུལ་གསོལ་བ་བཞིན་གདན་སའི་ཐུགས་རྩེ་བསྟད་ཅིང་སྐུ་སྐྱེ་ངག་དབང་འཇམ་དབྱངས་ཀྱང་འོ་བརྒྱལ་སྐབས་དང་རྗེས་སུ་མཆོད་དཔོན་གྱི་ལས་འཛིན་དུ་འགྱུར་བའི་བདག་རྐྱེན་གང་འོས་གནང་རྩིས་ཀྱི་ཕྱག་བྲིས་ཡིག་ཐོག་ཏུ་འཁྱོན་པ་སོགས་དགོན་ཡས་མས་མཐའ་དག་ལེ་དབར་མི་འཆོར་བའི་གྲ་སྒྲིག་གི་བཀའ་ཁྱབ་ཆེར་མཛད་དོ། །གཞན་ཕན་འཕྲིན་ལས་སྦྲང་རྩི་དངར་པོའི་བཅུད། །མཁས་བཙུན་གྲུབ་པའི་སྙན་གྲགས་དྲི་བསུང་ངད་། །ལྷན་ཅིག་འཐུལ་བའི་འདབ་སྟོང་འཛུམ་པ་དེར། །བསྟན་འཛིན་ཨུཏྤལ་གཞན་གྱིས་འགྲན་ནུས་མིན། །སྣ་ཚོགས་ཁམས་ཀྱི་ཁྱད་པར་བརྒྱ་ཕྲག་ནད། །སེལ་བྱེད་སྙིང་པོའི་རོ་ནུས་བསྡེབས་པའི་སྨན། །འདི་ཕྱི་གཏན་དུ་ཉེར་སིམ་ཚོར་བ་ལ། །སྦྱོར་ཁྱོད་བཻ་ཌཱུར་སྣང་ཞིང་མགོན་པོའི་མཆེད། །ལོག་སྒྲུབ་ཚེར་དོང་མལ་ཡང་ཆུ་སྐྱེས་ཀྱི། །འདབ་ལྟར་བསྟེན་(༥༣ན)

― GLG009_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བདག་གཞན་མཉམ་བརྗེས་ཀྱིས། །ངར་འཛིན་འགོང་པོ་རྩ་བ་གཅོད་པའི་མཚོན། །སྙིང་རྗེའི་མཁའ་ལ་གཟས་པར་ད་གདོད་འཁུམས། །དྲུག་པ་ལེགས་བཤད་ཀྱི་བསྟན་བཅོས་བརྩམས་པ་ནི། གསང་འདུས་ལས་གཞུང་བདེ་འཇུག་རབ་གསལ། ཐུགས་སྒྲུབ་གསང་བ་འདུས་པ། བླ་མའི་འཁྲིད་པདྨའི་ཞལ་ལུང་། གསང་འདུས་སློབ་མ་རྗེས་བཟུང་དབང་གི་སྒྲོམ། བླ་མའི་བསྙེན་ཡིག །གསང་འདུས་འཆམ་དབྱངས་ཀྱི་གསལ་བྱེད། རྫོང་ཆེན་ཚེ་སྒྲུབ་ལག་ལེན་ཉི་ཟླ་གསལ་བྱེད། གསང་འདུས་གཞུང་དང་ལྷན་ཐབས་ལེའུ་བརྒྱད་པའི་ངག་འདོན་དཀྱུས་གཅིག་ཏུ་བཀོད་པ། རྫོང་ཆེན་བླ་མའི་གསོལ་འདེབས། མཉམ་སྦྱོར་སྔོན་འགྲོའི་ངག་འདོན། རྒྱུན་གྱི་རྣལ་འབྱོར་བླ་མ་དང་ཞི་ཁྲོ་བཀའ་བརྒྱད་ཡོངས་རྫོགས་ཀྱི་ལས་བྱང་སྐོང་བཤགས་བསྙེན་སྒྲུབ་ཡན་ལག་བཞིའི་དོན་གསལ་བཀའ་གཏེར་ཟུང་འཇུག་རྣམ་རོལ། སྒྲུབ་ཁོག་ངག་འདོན་ཁོལ་དུ་ཕྱུང་བ་ཞི་ཁྲོ་བཀའ་བརྒྱད་གསང་བ་ཡོངས་རྫོགས་ཀྱི་ལས་བྱང་ལྷན་ཐབས་བཀོལ་བྱང་ཕྱོགས་གཅིག་ཏུ་བསྒྲིགས་པ། ཡོངས་རྫོགས་རབ་གནས་བདེ་ལེགས་ཀུན་འབྱུང་། དེའི་ངག་འདོན་ཁོལ་དུ་ཕྱུང་བ། ཁྲོ་རོལ་ཆོག་བསྒྲིགས་ནག་པོ་འགྲོ་ཤེས་ཕྱག་བཞེས་གོ་དོན་གྱིས་གསལ་བར་བྱས་པ། རྡོ་རྗེ་གཏུམ་པོ་མེ་ལྕེ་འཕྲེང་བའི་དབང་ཆོག་དབང་བཤད་དང་བཅས་པ། རྟ་མགྲིན་སྐྱེར་སྒང་ལུགས་ཀྱི་སྒོམ་བཟླས་རྒྱུན་འཁྱེར། བཀའ་བརྒྱད་ཡོངས་རྫོགས་རྣམ་བཤད་འཕྲིན་ལས་རབ་རྒྱས་གུ་རུའི་དགོངས་(༥༣བ)

― GLG009_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན། དེའི་སྔོན་འགྲོའི་ལྷན་ཐབས་རྒྱུ་འབྲས་ཆོས་བཤད། ཡོངས་རྫོགས་མངོན་རྟོགས་བསྟོད་ཆེན་གོང་མའི་ཞལ་ལུང་། ཡོངས་རྫོགས་ལས་བཞིའི་སྦྱིན་སྲེག་མ་འདྲེས་ཡོངས་རྫོགས། གུར་མགོན་གྱི་རྗེས་གནང་། དཔལ་མགོན་མ་ནིང་གི་སྲོག་དབང་། ལྷ་མོ་རང་བྱུང་བའི་སྒྲུབ་སྐོར། བོད་ཡུལ་བསྟན་མའི་སྲོག་དབང་། སེང་ལྡེང་ནགས་སྒྲོལ་གྱི་སྒྲུབ་ཐབས་རྗེས་གནང་སྐལ་བཟང་དགའ་སྟོན། ལྷ་བསངས་བར་ཆད་ཀུན་སེལ། བསྔོ་བ་མདོར་བསྡུས། རྣམ་བཅུ་དབང་ལྡན་དང་མཆོད་རྟེན་གྱི་ཐིག་རྩ་ཉུང་ངུ་གསལ་བྱེད། སུམ་རྟགས་ཀྱི་འགྲེལ་བཤད་ཟུང་འཇུག་སྣང་བྱེད་ཡིད་ཀྱི་ཤིང་རྟ། གསུང་སྙན་རིན་པོ་ཆེའི་དྲི་ལན་ཀ་ཤི་ཀའི་ཆུན་པོ་སྣང་བའི་མཛོད་ཀུན་ཏུ་བཟང་པོའི་དགོངས་པའི་རྒྱན། ནང་སོ་འཇམ་དབྱངས་ལ་ལན་དུ་སྤྲིངས་པའི་གཏམ་བྱིས་པ་རྒན་པོའི་རླུང་སྨན། མཁན་རིན་པོ་ཆེ་ངག་དབང་ཆོས་གྲགས་ཀྱི་དྲི་ལན་ལས་བརྩམས་ཏེ་སྙན་ངག་མེ་ལོང་གི་དཀའ་འགྲེལ་དབྱངས་ཅན་བཞད་པའི་རོལ་མཚོ། གྲུབ་རིས་རླངས་ཀྱི་གདུང་རབས་རྟོགས་བརྗོད། ཛམ་ལ་དཀར་པོའི་རྗེས་གནང་། ཆོས་སྲུང་རྣམས་ཀྱི་མཆོད་བསྟོད་ཀྱི་རིམ་པ། གསང་སྔགས་ནང་གི་གཏོར་བསྔོ། ཚེ་དཔག་མེད་བདུད་རྩི་འཁྱིལ་བའི་གཏོར་འབུལ། བླ་མ་ཆོས་རྒྱལ་རྡོ་རྗེ། སྣེའུ་སྡོང་རྩེ་ཞབས་དྲུང་ཡབ་སྲས། གོང་ར་རྡོ་རྗེ་གླིང་གྲ་དམངས་ཀྱིས་ཞུས་པའི་རྗེ་ཉིད་དང་ཤྲཱི་ལོ་སྤང་པས་ཞུས་པའི་བརྟན་བཞུགས། གཞན་ཡང་ཁྲ་ཚང་ལ་བརྟན་བཞུགས་རྒྱལ་ཡུམ་ཕར་ཕྱིན་མ། ཆོས་དབྱིངས་ཟད་མེད་མ། རྒྱལ་བ་(༥༤ན)

― GLG009_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་མཚོ་མ། བསྟན་པ་མཚུངས་མེད་མ། དོང་སྤྲུག་མཆོད་ཐེབས་གྲ་ཚང་ལ་འཇགས་དགོས་པའི་སྣེའུ་སྡོང་གོང་མ་ཆེན་པོར་ཕུལ་བའི་ཆབ་ཤོག་ནི། རིགས་མཆོག་རིན་ཆེན་དུ་མའི་ས་འཛིན་དབང་། །ལེགས་བྱས་འོད་བརྒྱའི་སྣང་བས་འཁྱུད་པ་དེ། །ཀུན་ཁྱབ་གླིང་བཞིའི་མུན་སེལ་བསྟན་འགྲོའི་དཔལ། །མི་དབང་ཞབས་པད་འགྱུར་མེད་དེར་ཕྱག་འཚལ། །སྒྱུ་ལུས་གོག་པོས་གཙང་རོང་དོག་ས་མྱུལ། །ཤི་གསོན་དཀོར་ཟས་མེ་མུར་འགམ་བཞིན་དུ། །སེམས་ཉིད་རྐང་དྲུག་ཁྱོད་ཞབས་པད་ཚལ་དེར། །འཕུར་ལྡིང་རྩེ་བའི་འབངས་དེས་འདི་སྐད་ཞུ། །བདེ་གཤེགས་ཕག་གྲུ་རང་གི་ཆོས་སྲིད་ཆེ། །འཛིན་ལ་སླར་བྱོན་ཙམ་ལ་ངོ་མཚར་ཅི། །དུག་སྒྲིབ་མ་སྦྱངས་གངས་ཅན་འགྲོ་བ་འདིས། ཁྱོད་མཚན་ཐོས་པའི་སྐལ་བཟང་འདི་ངོ་མཚར། །འོན་ཀྱང་མུན་པའི་བྱུག་པ་ལ་དགའ་བའི། །ཉེ་འཁོར་གྲོགས་ལ་ཅི་ཡང་སྣང་སྲིད་ཕྱིར། ཁྱོད་སྐུ་སྐལ་བཟང་ནམ་མཁའི་ནོར་བུ་དེ། །རྩོད་དུས་ཆུ་འཛིན་སྒྲིབ་བྱེད་རྒྱང་བསྲིངས་སམ། །བསྟན་འགྲོའི་དོན་དགོངས་ཐུགས་བསྐྱེད་འོད་བརྒྱའི་འཕྲེང་། །ཕྱོགས་བཅུར་བཀྱེ་ན་ནམ་མཁའ་རལ་གྱི་དོགས། ཁྱོད་ཐུགས་ཁོ་ནར་རྟག་ཏུ་ཞེན་པ་དེའི། །ཡིད་དམ་བརྟན་པོ་ད་དུང་མི་འདོར་རམ། །བགྲང་གཞིའི་བ་གམ་བརྩེགས་པའི་རི་མགུལ་དུ། །ཚེམས་འཕྲེང་གངས་རི་ཞུ་བའི་གཤེར་རྒྱུན་གྱིས། །དབུ་སྐྱེས་དུང་དང་ཀུནྡ་བཞིན་བྱས་ཀྱང་། །སྤྱན་འབྲས་ཨུཏྤ་ལ་དེར་མ་རེག་གམ། །སྐྱོབ་པའི་སྤྱན་སྔར་བསྙེན་པའི་གྲུབ་རྟགས་ཀྱིས། །རྡོ་རྗེས་ཕས་རྒོལ་རི་བོའི་(༥༤བ)

― GLG009_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

རྐང་པ་ཀུན། །བཅག་པ་སྒྲ་སྐད་ཡི་གེར་འཕོས་པ་ལས། །སྤྱན་སྔ་བཀའ་བརྒྱུད་གྲགས་སྙན་ཕྱོགས་བཅུར་གསལ། །དབྱངས་ཅན་མགྲིན་བརྒྱ་ཆགས་པའི་ལེགས་བཤད་གཏམ། །རི་བོའི་ངོས་ལ་མྱ་ངན་མེད་པ་བཞིན། །ཕྱོགས་ཀུན་བུ་མོའི་རྣ་བའི་རྒྱན་ཉིད་དུ། །སྦྱིན་མཛད་འཇམ་དབྱངས་ཚེས་ལྔ་རིན་པོ་ཆེ། །མཆེད་ཟླར་སྙན་གྲགས་ཐོས་པའི་ཀུན་དགའ་ལེགས། །ས་ཆེན་ཕྱག་གིས་འཁྱུད་པ་དེ་དག་ཀུན། །སྒྲ་སྙན་མངོན་བརྗོད་སྡེབ་སྦྱོར་ཚིག་འཕྲེང་དང་། །དོན་བརྒྱུད་བདེ་སྟོང་གར་དགུའི་ཐུགས་སྙམས་འབར། །དེ་ལྟའི་རྣམ་ཐར་ཤིང་རྟའི་སྲོལ་ཆེན་མ་ཉམས་པ། །རིན་ཆེན་རིན་ཐང་བྲལ་བའི་རྒྱན་ཕྲེང་མཆོག་དེ་ཉིད། ཁྱོད་སྐུའི་གདུང་འཛིན་སྲས་བཅས་རྒྱན་དུ་བཞེས་ཞབས་སེན། །འཇིག་རྟེན་གསུམ་གྱི་སྤྱི་བོར་འགོད་པར་ཆས་ལགས་སམ། །རིང་མོ་ཞིག་ནས་དཔོན་གཡོག་མཆོད་ཡོན་དུ། །འབྲེལ་པ་སྨན་ལུང་པར་གྲགས་རྡོ་རྗེ་འཛིན། །ཙན་དན་སྡོང་པོ་ལྟ་བུ་དེ་དག་ཀུན། །ལྷ་ལམ་གཤེགས་ཤུལ་སྐྱེས་པའི་གཞུག་གུ་ཏོག །ཡོལ་མོའི་ཕུང་པོ་ས་མཐར་འཁྱར་བ་བདག །གོང་མའི་བཀའ་དྲིན་གསོབ་དང་ཁྱོད་དགོངས་ཀྱང་། །འཁྲིད་ཕྱིར་ངན་སོང་དོང་སྤྲུག་སྒྲུབ་མཆོད་ཀྱི། །དམ་བཅའ་ཕུལ་བ་ཉམས་པར་གྱུར་པ་ཡི། །ནོངས་པ་ཆགས་དང་སླར་ཡང་གྲ་ཚང་འདིར། །ཡུན་དུ་འཇགས་པའི་བཀའ་ཤོག་འཚམས་སྤྲིན་མདངས། །འཛམ་གླིང་སྐྱེ་རྒུ་ཡོངས་ཀྱི་ཅོད་པན་དུ། །འཆིང་པར་འོས་པ་བརྩེ་བས་རྗེས་འཛིན་མཁྱེན། །དེ་སྐད་ཞུ་འཕྲིན་ན་ཆུང་མ། །དབྱངས་ཅན་རྒྱུད་མངས་སྒྱུར་མཁས་འདི། །བསོད་ནམས་ཁ་བཏགས་(༥༥ན)

― GLG009_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

གོས་གྱོན་ཏེ། །སོང་བ་སྤྱན་སྔར་སྨིན་གྱུར་ཅིག །ཅེས་པས་གཙོས་སྙན་ངག་གི་ལམ་ནས་དྲངས་པའི་རིགས་མང་བ་ཡོད་འདུག་པས་མཚོན་ལེགས་པར་བཤད་པའི་པུ་སྟ་ཀཿ ཕྱེད་གསུམ་ཙམ་རོང་པ་སྐུ་སྐྱེ་ངག་དབང་འཇམ་དབྱངས་ཀྱིས་བཀའ་བསྡུ་བྱས་པ་འདྲེན་བྱེད་ཀྱི་ཡུལ་དུ་གྱུར་ཅིང་དེར་མ་འདུས་པའང་མང་རབ་ཡོད་ཚོད་དུ་སྣང་ངོ་། །ལོག་པར་རྟོག་པའི་འཁྲུལ་གཏམ་ས་འཛིན་རྐང་། །ཞིབ་མོར་དཔྱད་བའི་རྡོ་རྗེས་ཉེར་བཅག་ནས། །ལེགས་བཤད་རྒྱུད་མངས་འཁྲོལ་དང་ལྷན་ཅིག་གླུ། །སྐལ་ལྡན་ཉེ་དབང་ཚོགས་ཀྱི་རྣ་བའི་དཔྱིད། །རྩོད་སྔགས་གནམ་ལྕགས་འབེབས་ལ་ཆོས་ཀྱི་གྲགས། །ཉམས་འགྱུར་སྙན་ཚིག་སྨྲ་ལ་དབྱུག་པ་ཅན། །རྣམ་དག་བརྗོད་པ་ཙནྡྲ་གོ་མིའི་མཆེད། །ཡངས་པའི་བློ་གྲོས་དྲང་སྲོང་ཕུར་བུ་བཞིན། །ལུང་རྟོགས་ཡོན་ཏན་བླ་ནས་བླར་བརྩེགས་པའི། །ཕུང་པོར་སྤུངས་པ་སྣོད་ཀྱི་འཇིག་རྟེན་དུ། །མ་ཤོང་ནམ་མཁའི་ཕ་མཐའ་རལ་དོགས་ཏེ། །དགུ་ཚིགས་ཞགས་པས་འཆིང་བར་མེས་པོ་བྲེལ། །བདུན་པ་རྟག་འཛིན་ཅན་རྣམས་ཐར་པ་དོན་དུ་གཉེར་བར་བསྐུལ་ཕྱིར་ཆོས་དབྱིངས་འདུས་མ་བྱས་པའི་ཀློང་དུ་སྐུའི་བཀོད་པ་བསྡུས་པ་ནི། ས་ཕོ་ཁྱི་ལོ་གནམ་སའི་དབང་ཕྱུག་བསྟན་འཛིན་ད་ལའི་རྒྱལ་པོའི་ཁྲི་འདོན་ལ་དབུས་སུ་བྱོན་པའི་ཕེབས་ལམ་སྦྲུལ་གྱི་ས་བཅད་པ་སོགས་མི་ཤིས་པའི་རྟགས་མཚན་ཁ་ཡར་བྱུང་བ་དབུས་ནས་འཕྲལ་དུ་ཆིབས་ཁ་བསྐྱོད་དེ་རི་ལུང་སྦུག་ཏུ་ཞབས་ཟུང་གི་པདྨ་བཀོད་མ་ཐག་པ་ནས་སྐུ་མཚམས་བཅད་དེ་རྫོང་ཆེན་ཚེ་སྒྲུབ་ཀྱི་ལྗགས་བསྙེན་གནང་བས་མཚན་ལམ་དུ་མི་ཞིག་(༥༥བ)

― GLG009_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་ལྷུང་བཟེད་བཅུ་བཞི་ཕྱག་ཏུ་སྤྲད་ནས་ཚགས་ཀྱིས་ཟེར་བྱུང་བ་ཚེའི་ཚད་ཡིན་སྙམ་པ་ཡོད། དཔལ་ལྡན་བླ་མ་དམ་པ་བསོད་ནམས་རྒྱལ་མཚན་གྱིས་རྡོར་བཟླས་མཛད་དེ་ལོ་འདི་ཙམ་གྱི་བར་སྐུ་ཚེའི་གེགས་ཞི་བའི་མཚན་མ་རྙེད་པས་ལོ་ཤས་འཆད་ཉན་རང་ལ་རྩོལ་འདོན་བྱས་ཆོག་པ་ཡོད་གསུངས། སྤྱན་སྔ་ཞྭ་དམར་བ་བཞི་པ་ཆོས་ཀྱི་གྲགས་པས་ཚེ་སྒྲུབ་མཛད་པ་ན་དགུང་ལོ་འདི་ཙམ་བཞུགས་ཀྱི་ལུང་བསྟན་བྱུང་འཕྲོས་འདུག །ཆོས་རྗེ་སོག་བཟློག་པའི་ཕུར་པའི་ཆོས་འབྱུང་དུ་ཁམས་པ་རྡོ་རྗེས་ཞ་ལུ་ལོ་ཆེན་གྱི་སྐུ་རིམ་ལ་ཕུར་པ་བསྒྲུབས་པས་ཤིང་ཏོག་མང་པོ་བྱུང་བ་བླ་མར་ཕུལ་བས་གང་བཞེས་ཀྱི་གྲངས་དང་མཉམ་པའི་སྐུ་ཚེ་བྱུང་བ་སོགས་ལོ་རྒྱུས་མང་པོ་ཡོང་མཆིས་པས་དེ་འདྲ་ཞིག་གནང་དགོས་ཞེས་ལྗགས་ལུང་གི་དུས་ངེད་ལ་བསླབ་སྟོན་གྱི་ཚུལ་དུ་ལན་ཅིག་གཉིས་གསུངས་བྱུང་བ་ལོ་གྲངས་ནི་དེ་ཁོ་ནའི་ཐོག་ཏུ་སོང་། ཆུ་བོ་རིར་སྐུ་ལྟེམ་པའི་དུས་ཨོ་རྒྱན་རིན་པོ་ཆེར་གསོལ་འདེབས་མཛད་པས་ནུབ་ཁ་ཡར་གྱི་འོད་གསལ་དུ་ལྷུང་བཟེད་རེ་ཙམ་འབུལ་མཁན་བྱུང་བ་བསྡོམས་ན་ལྔ་ཙམ་གྱི་ཚོད་ཡིན་ཚུལ་སྐུ་སྐྱར་ཕེབས་སྒོ་གནང་འདུག་ཅིང་ཆོས་རྗེ་ངག་དབང་ཐུབ་བསྟན་པར་ལོ་བཅུ་ཙམ་བཞུགས་པའི་མཚན་ལམ་ཞིག་བྱུང་གསུངས་པ་ཡར་ཀླུངས་སུ་རྟིང་མ་ཕེབས་སྐབས་དབང་བཀའ་གཉན་པའི་རིས་མངས་ཤིང་ལོག་ལྟ་ཉི་མའི་གྲིབ་སོ་དང་དད་ཅན་མཚོ་ལ་དར་དུར་གྱི་དཔེའི་དམ་སེལ་འདི་སྐུ་ཚེའི་སང་དུ་ཆེ་བས་ལོ་གྲངས་ཅུང་མ་ཐེངས་པའི་འཕྲོས་སྣང་། ལྕགས་ཕག་ཟླ་བ་ལྔ་པའི་ཚེས་བཅོ་ལྔ་ནས་གཞན་སྣང་དུ་བསྙུན་པའི་ཚུལ་བསྟན་(༥༦ན)

― GLG009_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གནས་ཚུལ་གྱི་ཕྱག་ཐམ་ན་བཟའ་སྐོར་དང་ཆིབས་པས་གཙོས་པའི་རྟེན་གནང་འདུག་པར་བརྟན་བཞུགས་དང་བཅས་འཚོ་བྱེད་ངག་དབང་འཕྲིན་ལས་རྫོང་བདའ་ཞུས། ངེས་གསང་གླིང་དུ་བསྐང་གསོ་བརྒྱ་རྩ། འཆི་བླུ། གྲིབ་སེལ། འབུམ་ཚར་བཅུ། ཉི་ཁྲི་དང་ལུག་བཅུའི་སྲོག་བླུ། གཞན་ཡང་རོང་གཞུང་གི་དགོན་ཆེ་འབྲིང་ཆུང་གསུམ་ལ་སྤོང་དག་མང་སྐོལ་གྱིས་མཚོན་པའི་སྐུ་རིམ་དུ་མ་གནང་། སྐུ་མི་འཁྲུགས་པའི་ཆེད་དུ་གྲ་པ་རྣམས་ཟུར་དུ་ཚོགས་པ་འགབ་ཚུལ་ཞབས་འབྲིང་པ་འདྲས་ཞུས་པར་ཚོགས་པ་དང་མཉམ་དུ་བསྡད་པར་འཁྲུགས་རྒྱུ་ཅི་ཡོད། ངེད་ཀྱི་བླ་མ་མཁས་གྲུབ་ཀརྨ་དབང་འབྱོར་དེའང་ང་ཆོས་སྒྲ་དིར་རི་བའི་ངང་ལ་འཆི་རྒྱུ་ཡིན་གསུངས་ནས་ཨེ་རུ་བདུད་རྩི་སྨན་སྒྲུབ་ཀྱི་ཚོགས་དཀྱིལ་དུ་གཞན་དོན་ལ་དགོངས་པ་ཡིན། ང་རང་གིས་དམིགས་པ་བྱས་གྲ་དམངས་ཀྱིས་ཚིག་དལ་པོར་བཏོན་ན་ཟུང་འབྲེལ་ཡོང་བས་ཚོགས་གཞན་དུ་མི་བྱེད་ཅེས་ཞིང་བརྗེ་ཁ་ཕན་ཚོགས་དབུ་རང་དུ་བཞུགས། གསོལ་དང་འགགས་པ་ཙམ་མ་གཏོགས་སྙུན་ཟུག་ཧ་ཅང་གིས་མངོན་པ་མེད་པས་སྤྲོས་བཅས་སྤྲོས་མེད་ཀྱི་ཐུགས་དམ་གྱི་རིམ་པ་ཆགས་པ་མ་བྱུང་། ངེས་གསང་རྡོར་གླིང་སྤྱི་སོས་བརྟན་བཞུགས་འབུལ་བའི་ཚིགས་བཅད་ཞུས་པར། པད་འབྱུང་རྒྱལ་བ་རྒྱ་མཚོའི་བྱིན་རླབས་ལས། །བློ་གྲོས་མཆོག་གི་དགོངས་པ་མི་འགྱུར་ཞིང་། །གསོལ་འདེབས་སློབ་བུའི་སྒོ་གསུམ་བྱིན་གྱིས་རློབས། །དབྱེར་མེད་ཀ་དག་ཆེན་པོར་ཡོངས་གྲོལ་ཤོག །(༥༦བ)

― GLG009_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་པ་གནང་བར་བརྟན་བཞུགས་ཀྱི་ཚིག་གསལ་བར་མ་བྱུང་བས་དེ་མིན་པ་ཞིག་དགོས་ཚུལ་ཞུས་ལན་དུ་ཕུགས་ཀྱི་རྟེན་འབྲེལ་ཡོད་པས་འདི་ཁས་ཡོང་ཞེས་གསར་དུ་མ་མཛད། ཐོག་པོ་གདུང་བརྒྱུད་ཀྱིས་རྗེའི་སྐུ་དགྲ་བྱས་པའི་སྐྱོན་ཡིན་ནམ་ཁོ་པ་དང་ཐག་མི་གཅིག་པ་དེ་ལ་སྐྱོན་ཅན་ཡོད་མདོག་མ་ཁ་རུང་ཆས་འདྲེས་སྐྱོན་ལྟ་བུས་གང་ལྟར་ཐོག་པོ་བའི་བརྟན་བཞུགས་པ་ཧོར་ཟླ་དྲུག་པའི་ཚེས་བཅུ་བཞིའི་ཉིན་དྲུང་དུ་བཏང་བའི་དམ་སེལ་ལྟ་བུས་རྐྱེན་བྱས་སྐུ་ཁམས་ཐིབས་ཀྱིས་སོང་བ་ཚེས་བཅོ་ལྔའི་ཉིན་ཞབས་འབྲིང་པ་ཚོས་སངས་རྒྱས་ཀྱི་འཕེལ་གདུང་ཕུལ་བ་བཞེས་རྗེས། དེ་ཡང་ནམ་མཁའ་གསུམ་ཕྲུགས་ལྟ་གདེངས་ཆོས། །གསལ་བ་བསམ་བྲལ་སྙིང་པོའི་ཀློང་དུ་ཞོག །ཆོས་སྐུ་མངོན་གྱུར་ཡང་གྱི་ཟངས་ཐལ་འགྲོ། །ཞེས་པའི་དགོངས་པ་ལྟར་སྤྱན་གཡས་བཙུམ་གཡོན་ཡས་མས་གང་དུའང་མ་སྒྲིལ་བར་དཀྱིལ་རང་དུ་ཧྲིག་གེར་སྐུ་དྲོད་སངས་མ་ཡལ་བར་འཇོག་པ་གནང་། དེའི་ཚེ་ནམ་མཁའ་ཐམས་ཅད་འཇའ་འོད་རྨ་བྱའི་གདུགས་བཞིན་དུ་ཕུབ་པས་མཐོང་བའི་མི་རྣམས་སྔར་འདི་འདྲའི་འཇའ་སྤྲིན་མ་དྲན་ཞེས་ཡ་མཚན་དུ་བྱེད། བྱམས་ཆེན་ནས་གནས་མོ་བསོད་ནམས་བུ་ཁྲིད་ཟེར་བས་གོང་ར་རྙིང་པའི་གྲུབ་མཐའ་བཟུང་ཕྱག་དབང་ཞུ་བ་ལྟ་སྨོས་མིག་ཙམ་ཡང་མི་ལྟ་བ་ཞིག་ཡོད་པ་ཞོགས་པ་ཐོག་བསངས་གཏོང་དུས་རི་ལུང་སྦུག་འཇས་གཏུམས་པ་མཐོང་ནས་དེ་གའི་ཁྱིམ་མཚེས་རྣམས་ལ་འདི་འདྲའི་ངོ་མཚར་བ་མཐོང་བས་ཅི་ཡིན་ཞེས་སྨྲས་པར་རི་ལུང་སྦུག་དཔོན་སློབ་སྐུ་ལྟེམ་ཡོད་འདུག་(༥༧ན)

― GLG009_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

པས་མེ་ཏོག་འཐོར་བ་ཨེ་ཡིན་བྱས་པར་སྐད་ཅིག་གིས་དད་པའི་སྤུ་ལོང་གཡོས་ཏེ་ཕྱག་བརྒྱ་སྟོང་དུ་བཙལ། རི་ལུང་སྦུག་ཏུའང་འདས་བཤགས་པའི་ཐབས་མང་པོ་བྱས། ཞག་བཞི་སོང་ཉིན་གནམ་ས་བར་གསུམ་མཐའ་དག་འཇའ་འོད་ཀྱིས་ཁོ་ར་ཁོར་ཡུག་ཏུ་དཀྲིས་ནམ་མཁའ་མཐིང་ཞུན་མའི་མདོག་རྡུལ་བྲལ་སྟོན་གནམ་ལྟར་འོད་དུ་འཚེར་ཞིང་ས་ལ་ཆེར་འབབ་རྒྱུ་མེད་པ་ལ་ཁ་བའི་གཟེགས་མ་འདྲ་བའི་སྐྱ་ཐུལ་ཐུལ་བྱེད་པ་ནི་ལྷ་རྣམས་ཀྱི་མནྡ་རའི་ཆར་གྱི་མཆོད་སྤྲིན་སྤེལ་བར་མངོན། ཉིན་ཞིག་ཚོགས་དབུས་སུ་འཇའ་མདའ་གང་ཙམ་པ་མདུང་ཚུགས་སུ་ཟུག་པ་ཀུན་གྱི་སྤྱོད་ཡུལ་དུ་གྱུར། དབྱར་གྱི་སྒང་ཡིན་ནའང་རུལ་སུམས་དང་འབུའི་གནོད་པ་ལྟ་ཞོག་སྔར་མ་མྱོང་བའི་དྲི་བཟང་པོས་ཁྱབ། སྐུ་གདུང་རིན་པོ་ཆེ་ཡིད་བཞིན་གྱི་ནོར་བུ་ཞི་ཁྲོ་རབ་འབྱམས་ཀུན་གྱི་བདག་ཉིད་ཆེན་པོ་དཀྱིལ་འཁོར་གྱི་གཙོ་བོར་གྱུར་པ་ལ་ཆོས་རྗེ་སྨར་ངག་དབང་ཐུབ་བསྟན་པས་ཐོག་དྲངས་གྲ་སློབ་རྣམས་ཀྱིས་ཕྱི་ནང་གསང་བའི་མཆོད་པ་གདུང་ཆོག་རྒྱས་པར་བཙུགས། འདི་ནས་གདུང་འབུལ་གསེར་སྲང་གང་། དངུལ་སྲང་བརྒྱ། གོས་ཡུག་བཅུ། ཇ་ཁོར་དྲུག་མ་དང་གྲུམ་ཟེ་བཅུ་རེ། ཏཱ་ཚང་ཀོ་དྲ་གསུམ། བུར་ལྟང་། འབྲས་ལྟང་། རྒུན་ལྟང་། དྲིལ་དམར་སྔོ་སེར་ལྗང་ལྭ་ཏ་ཀ་རས་རྣམས་བཅུ་རེ། གོས་ངུར་སྨྲིག་ཡུག་ལ་སྤྲུལ་སྐུ་མྱུར་འབྱོན་གྱི་ཚིགས་བཅད་བྲིས་པའི་སྙན་ཤལ། རིན་སྤུངས་ནས་མང་ཇ་སྙན་དར་མཆོད་པ་བཟབས་པ། བརྒྱད་ཚན། ཕོ་བྲང་ཆེན་པོ་སྣེའུ་(༥༧བ)

― GLG009_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོང་རྩེ་ནས་ལྔ་ཚན། རྡོ་རྗེ་བྲག་ནས་བརྒྱད་ཚན་གསུམ་མང་ཇ་འགྱེད་བཅས། སྣ་དཀར་རྩེ་ཁྲི་དཔོན་པས་བརྒྱད་ཚན། ཞ་ལུ་མཁན་རིན་པོ་ཆེ། བྱམས་ཆེན་མཁན་པོ། གཏེར་སྟོན་རིན་པོ་ཆེ། བཀྲ་ཤིས་རྩེ་དབོན་རིན་པོ་ཆེ། བདེ་ཆེན་ཆོས་འཁོར་བ། བླ་མ་བྲེས་པ། ཁ་མོ་གདུང་བརྒྱུད། མངོན་དགའ་རབ་འབྱམས་པ། བོན་ལུང་པ། མངའ་བདག་པ། དཔོན་ཚང་དར་རྒྱས་པ། ངེས་གསང་རྡོར་གླིང་པ་སྤྱི་སོ། རྭའི་སྔགས་པ་ཆུ་དཔེ་སྡིངས་པ། ཐོག་པ་བ། དགེ་ལུང་པ། རི་ལུང་སྦུག །མུན་ཞོལ། སྐྱེད་ཚལ་སྤྱི་སོ། པདྨ་གླིང་པ། དཔལ་འབྱོར་དར་རྒྱས། དཀར་པོ་ལྕོག །བོན་པོ་བ། ཆོས་རྫོང་སྤྱི་སོ། སྐྱེར་སྤྱི། སྐྱེད་ཚལ་བདེ་རྒྱས་པ། ཟངས་ལ་མཁར། གྲགས་པ་བ། ཨོ་རྒྱན་གླིང་། ཐོག་པོ་བཙུན་མ། བྱམས་ཆེན་མགོན་ཁང་། རི་སྦུག་པ། རྫོང་སྟག་སྤྱི་སོ། དབང་རྒྱལ། ཚེ་རིང་ཐོན་པ། ཆོས་དྲུང་། སྐྱིད་གྲོང་སྡིངས་པ་བ། སྒོ་མོ་རབ་པ། མཚལ་མིག་པ། ལྷུན་གྲུབ་ཆོས་སྡིངས། བྱམས་ཆེན་རྩེ། སེ་ལུང་། གནས་ནང་པ། དཀར་ཆོས་མཐིལ་བླ་བྲང་། བླ་བྲང་འོག །གྱང་ཁ་བ། རྒྱལ་མཁར་གཉེར་པ། མུ་མང་པ། བདེ་སྐྱིད་གླིང་པ། འཚོ་བྱེད་རྒྱལ་མཆོག །སངས་མཐོ། རབ་བརྟན། གསོ་རིག །ལེགས་བཤད། དམ་ཆོས་རྒྱ་མཚོ། ངག་དབང་དོན་གྲུབ། འགྱུར་མེད། ངག་དབང་རྒྱ་མཚོ། བློ་གསལ། བདུད་འཇོམས། མཁྱེན་བརྩེ། དོན་གྲུབ་རྒྱ་མཚོ། ངག་དབང་(༥༨ན)

― GLG009_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཆོས། གུ་ཎ། ཨུ་ད་ཡ། བསྟན་འཕེལ། གཉེར་པ། དཔལ་འབྱོར། རྡོ་རྗེ་རྣམ་རྒྱལ། ཀཱིརྟི། ངག་དབང་དཔལ་ལྡན། འཕྲིན་ལས། བློ་བཟང་རྒྱལ་མཚན། དཀོན་མཆོག་ལེགས་ལྡན། ཨོ་རྒྱན། ནམ་མཁའ། མི་བསྐྱོད། ངག་དབང་པདྨ། རྡོར་རྣམ་པ། ཚུལ་ཁྲིམས་པ། བསྟན་འཛིན། ངག་དབང་ཀུན་དགའ། རྡོ་རྗེ་རྒྱ་མཚོ། བྱམས་ཆེན་ཆོས་མཛད། རུ་པ་བསྟན་འཛིན། སྐྱིད་ཁང་དབང་མོ། རམ་པ་སྤྱི་སོ། ཕན་བདེ་ལེགས་བཤད་གླིང་སྤྱི་སོ། དབུ་མཛད་བློ་བཟང་ཡོན་ཏན། དྲུང་འཚོ་སུམ་དགའ། ལྷ་ས་གཞིས་ཀ་ཤར་པ། ལགས་ངག་དབང་འཕྲིན་ལས། ཀ་བརྒྱད་སྦུག་པ། ཡར་འབྲོག་དཔལ་དེ་བ། ཤར་ཟུར་ཁང་པ། པདྨ། ཆུ་ཤུར་མཁར་བཙུན། ཚེ་ཆུ་སྒྲུབ་སྡེ། དགེ་སློང་དོན་ལྡན། རབ་འབྱམས་པ་གྲགས་པ་དཔལ་ལྡན། ཆུ་བོ་རི་ནས་མངོན་དགའ་གཟིམས་ཁང་པ། བསམ་གཏན་གླིང་པ། ཁང་གསར་ཆོས་མཛད། སྒྲོན་སྡིངས་དཔོན་ཆེན། སྒྲོན་སེ་མི་སེར། རྒན་པོ། ཆོས་རབ་མཛེས། ལྷ་ཁང་པ། གནས་གསར་ནས། སྐྱིད་པ། གཟིམས་དཔོན། མཆོད་དཔོན། མགྲོན་གཉེར། གསོལ་དཔོན། དབུ་མཛད་སོགས་མདོར་ན་དབུས་གཙང་སྟོད་སྨད་ཀྱི་མཆོག་དམན་དུ་མས་ཚན་གྲངས་དང་མར་ཀྲོག་གིས་མཐའ་བརྟེན་པའི་ཟང་ཟིང་གི་མཆོད་སྤྲིན་སྤྲོས། འདི་གར་ཐུགས་དམ་གསལ་འདེབས་ཀྱི་རྟེན་དང་སྡེ་(༥༨བ)

― GLG009_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འབུལ་ཚན། སྣེའུ་སྡོང་རྩེ་རླངས་སྟོན་ཡབ་སྲས། མཁན་ཆེན་ཞ་ལུ་པ་ཆེན་པོ། རྡོ་རྗེ་བྲག་སྤྲུལ་སྐུ། གཏེར་སྟོན་རིན་པོ་ཆེ། སྒྲོལ་མ་སྦུག་པ། བླ་མ་བྲེས་ནས། གནས་གསར་དབོན་རིན་པོ་ཆེ། ཆོས་རྗེ་བཀྲ་བཟང་པ། བླ་མ་ཆུ་མིག་པ། ལོ་སྤང་པ། མངོན་དགའ་རབ་འབྱམས་པ། བདེ་ཆེན་ཆོས་འཁོར་བ། སྣ་དཀར་རྩེ་ཞབས་དྲུང་། ལྕགས་ཟམ་པ། བོན་པོ་ལུང་པ། བླ་བྲང་འོག །བཤད་སྒྲུབ་གླིང་། བྲ་ཕུ་དགོན་པ་བ་རྣམས་ལ་ཐུགས་དམ་གསལ་འདེབས་ཀྱི་རྟེན་ཚན་གྲངས། རྣམ་པར་རྒྱལ་བའི་ཕན་བདེ་ལེགས་བཤད་གླིང་པར་མང་ཇ་སྤྱི་འབུལ་རྒྱ་སིལ་ཤུགས་བཅས། ཡར་ཀླུངས་བཀྲ་ཤིས་རྩེ་ཆོས་སྡེ། གོང་དཀར་རྡོ་རྗེ་གདན། གོང་དཀར་དཀོན་གཉེར་གྲ་ཚང་ཆུ་ཤུར་དགའ་ལྡན་གསང་སྔགས་གླིང་། རོང་དགའ་ལྡན་བྱམས་པ་གླིང་། འབྲས་ཡུལ་སྐྱེད་ཚལ། རྡོ་རྗེ་བྲག་ཨེ་ཝཾ་ལྕོག་སྒར་བ། འབྲོག་སྟག་ལུང་གསང་སྔགས་ཆོས་འཁོར་གླིང་། ཟངས་ལ་མཁར། བྲག་ལ་བ། ཨེ་དམར། ཐོག་པོ་བ། ཆོས་རྫོང་། ཡུལ་ལྷ་བྲག་དཀར། ལྷས་སྒང་། སྡེ་བོ་ཆེ། རྫིང་རྟག །རྒྱ་ཆད། དཀར་ཆོས་གྲགས། དཀར་ཆོས་གནམ་སྡིངས། ཀྱོག་པོ། ཆོས་ལུང་གཞིས་ཀ །བཟད་ལུང་། སྒར་དགའ་ལྡན་འབྲུག་རྒྱལ། ཁམས་ལུང་། བྲག་སྒོ་ཆོས་ལུང་། པདྨ་གླིང་པ། སྤང་ཆེན་ཉེར་སྐྱེར། ཁ་མོ་བ། རི་ལུང་སྦུག །ཆུ་བོ་རིའི་དགོན་ཁག་རྣམས་ལ་མང་ཇ་བསྔོ་རྟེན་ཐུགས་དམ་གསལ་འདེབས་ལ་རྡོ་རྗེ་བྲག་ནས་རིགས་འཛིན་སྤྲུལ་པའི་སྐུ་མཆོག་(༥༩ན)

― GLG009_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

གདན་དྲངས་པར་ཐུགས་རྗེ་ཆེན་པོ་འཁོར་བ་དབྱིངས་སྒྲོལ་གྱི་དཀྱིལ་འཁོར་ལ་བརྟེན་ནས་གསལ་འདེབས་ངེས་གསང་རྡོར་གླིང་པའི་ཚོགས་དབུར་ཕེབས་ཏེ་བླ་མ་གསང་འདུས་ཀྱི་སྒྲུབ་མཆོད་དང་འབྲེལ་བར་གདུང་ཡིད་བཞིན་གྱི་ནོར་བུར་ཁྲུས་གསོལ་དང་དབང་འབུལ་བ་གནང་། སྟན་ཆགས་རིང་གྲ་ཚང་དང་ཆབས་ཅིག་པར་བླ་མ་གསང་འདུས་དོང་སྤྲུག་བཀའ་བརྒྱད་ཡོངས་རྫོགས་ཀྱི་གསུང་ཆོག་མཛད། ཞབས་ཏོག་འབུལ་བ་རྙེད་བཀུར་བཟབས་རྒྱས་ཀྱིས་མཚོན་ལྷ་མཆོད་མི་མཆོད་རྒྱས་པར་བསྟར་བར་མཆོད་བསྔོ་གསུངས། ཟླ་བ་བདུན་པའི་ཚེས་ལྔ་དྲུག་ནས་སྐུ་གདུང་རིན་པོ་ཆེ་རིལ་པོར་བཞུགས་པའི་དངུལ་གདུང་གསར་བཞེངས་བཞུགས་ཁང་ཨར་པོ་སྟ་གོན་ལ་གྲ་རིས་རྣམས་ཀྱི་རྡོ་གསོག་ཕག་འདེབས། འུ་ལག་གི་དང་བླངས་བདེ་སྐྱིད་གླིང་པ། ཡུལ་ལྷ་བ། སྐྱིན་མི་སྒབ་སྡེ་བ། ཆུ་ཚན་ལྷ་ཁང་པ། སྐྱིད་ཁང་པ་རྣམས་དང་ཆོས་རྗེ་ཐུབ་བསྟན་པས་མཁས་གྲུབ་རོང་པ་ཤེར་སེང་གི་ཐུགས་དམ་རྟེན་ཞལ་གཟིགས་དུས་ཀྱི་འཁོར་ལོའི་དཀྱིལ་ཐང་སྤྲིན་གསེབ་མ་བསྐུར་ནས་ཧུང་རྒྱ་དགོས་ཚུལ་བྱུང་བ་ལྟར་ཡི་གེ་བསྲིངས་པ་དང་། ལྷ་ཁང་ཀ་ཐོག་པ་རང་གིས་ཀྱང་དང་དོད་ངོས་ཤིང་རྣམས་དབུལ་བའི་འདྲེན་མཁན་རྨུ་བ་བརྒྱད་མཁར་བ། སྐྱེར་ཤིང་ཤག་པ། རིན་སྤུངས་ཞོལ་པ་སོགས་ཀྱིས་བྱས་པར་བརྟེན་གཙང་ཁང་ཀ་དྲུག་མ་ཉིས་ཐོག་གི་རྩིས་སྤེན་བད་བཅས་ཟླ་བ་དགུ་པའི་ནང་དུ་གྲུབ་བསྟུན་དངུལ་སྲང་སུམ་བརྒྱ། གསེར་ཞོ་བརྒྱ་དང་བཅོ་ལྔ། (༥༩བ)

― GLG009_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

ཟངས་ཁལ་བརྒྱ། ཆུ་ཟངས་ལྔ། ཟངས་སྦུག་ཟངས་རྒྱན་གྱིས་གཙོས་པའི་ཟངས་ལྡང་ཚོད། དངུལ་ཆུ་དང་། འདི་ག་ནས་ཞལ་འདེབས་སུ་གཡུ་པད་གཅིག །ཕུད་གྱུ་གསུམ། བྱུ་རུའི་འཕྲེང་བ། མེ་ཤེལ་གསུམ་གཞན་ཡང་ཞལ་འདེབས་ཀྱི་རིས་འདྲ་དང་བཅས་མདོར་ན་ཤིང་སོལ་བ་སྤྱིན་གྱིས་མཐའ་བརྟེན་པའི་དགོས་ཆ་ལྷུན་གྱིས་གྲུབ་པར་བལ་པོ་དྲུག་དང་ཤིང་བཟོ་བ་གསུམ་གྱིས་སོར་མོའི་འཕྲུལ་ཆེན་པོས་བདེ་བར་གཤེགས་པའི་བྱང་ཆུབ་ཆེན་པོའི་མཆོད་རྟེན་ཟླ་བ་ལྔའི་ཁོངས་སུ་ལེགས་པར་བསྒྲུབས། ཡར་ཀླུངས་བཀྲ་ཤིས་རྩེ་ཆོས་སྡེའི་གཟུངས་པར་གཏོས་ཆེ་བ་བཏབ་འདུག་ཅིང་འདི་ག་ནས་རྒྱལ་རྩེའི་གཟུངས་པར་འགྲོ་དོན་མ་བཏབ་པ་མང་རབ། ཡང་དག་པར་རྫོགས་པའི་སངས་རྒྱས་ཀྱི་ཤ་རཱི་རམ་གྱིས་གཙོས་གསང་སྔགས་རྙིང་མ་གཙོ་བོར་གྱུར་པའི་བླ་མ་རྣམས་ཀྱི་སྐུ་གདུང་སྐུ་བལ་གྱི་རིང་བསྲེལ་དང་བུམ་པའི་ནང་དུ་ཉང་སྟོན་སྨན་ལུང་པ་གོང་མ་རྣམས་ཀྱི་ཕྱག་རྒྱུན་ལྟར་སྐུ་གདུང་རིན་པོ་ཆེ་མ་ཉམས་པས་གཙོས་གཟུངས་འབུལ་འཁྲུལ་པ་མེད་པ་ཆུ་ཕོ་བྱི་བའི་ལོར་བསྐྲུན་པ་ཡང་དག་པར་རྫོགས་པའི་སངས་རྒྱས་ཀྱིས་ལྷོ་ཕྱོགས་དཔལ་ལྡན་འབྲས་སྤུངས་སུ་མཆོག་གི་དང་པོའི་སངས་རྒྱས་ཀྱིས་རྩ་རྒྱུད་གསུངས་པའི་ནག་པའི་ཟླ་བ། རྒྱལ་དབང་པདྨ་ཀ་རས་ཁ་བ་རི་པའི་འགྲོ་བ་རྣམས་ཀྱི་དོན་དུ་སྐུ་དངོས་ཀྱིས་འབྱོན་པར་ཞལ་གྱིས་འཆེས་པའི་ཡར་ངོའི་ཚེས་བཅུའི་ཉིན་ལེགས་པར་བསྒྲིགས། གདན་ས་པ་ཆོས་རྗེ་སྨར་ངག་དབང་ཐུབ་བསྟན་གྱིས་རྡོ་རྗེའི་སློབ་དཔོན་མཛད་ངེས་གསང་རྡོ་རྗེ་གླིང་གི་གྲ་པ་རྣམས་ཀྱིས་བཀའ་བརྒྱད་གསང་བ་ཡོངས་(༦༠ན)

― GLG009_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་ཀྱི་དཀྱིལ་འཁོར་ཞལ་ཕྱེ་ནས་དམ་ཚིག་པ་ལ་ཡེ་ཤེས་པ་དངོས་སུ་འཇུག་པའི་རབ་ཏུ་གནས་པ་བཀྲ་ཤིས་མེ་ཏོག་གི་ཆར་ཆེན་ཕབ། བལ་པོ་རྣམས་ལ་ཟླ་རེར་ཕོགས་ཁལ་གསུམ་རེ། རྒྱར་ལུག་ཁོག་ཕྱེད་གཉིས་རེ་ཇ་ཆང་སོ་སོར་དྲུག་རེ། ཟླ་རེའི་གླ་ལ་དངུལ་སྲང་ལྔ་རེ་ཡོད་རྩིས་ཀྱི་དཔུས་ཆ། ཤིང་བཟོ་བ་གསུམ་གྱིས་ཟླ་བ་ཕྱེད་གཉིས་སོང་བ་དབུ་མཛད་ལ་རྟས་གཙོས་པའི་དགུ་ཚན་དང་། གཞན་གཉིས་ལ་རིམ་གྱིས་ཆ་ཤས་པ་སོགས་དགོངས་པ་ཆོས་ཀྱི་དབྱིངས་སུ་རྫོགས་པའི་ཁུར་ལེན་གྱི་གཙོ་བོ་གདན་ས་པ་ཆོས་རྗེ་ངག་དབང་ཐུབ་བསྟན་སྤྱན་སྔ་བ་སྐུ་སྐྱེ་ངག་དབང་འཇམ་དབྱངས་གྲ་རིས་སྦྱིན་བདག་དང་བཅས་པའི་སྒོ་གསུམ་འབད་པ་ཆེན་པོས་ལེགས་པར་བསྒྲུབས་སོ། །ཆོས་ཉིད་ཟད་སར་འཁྱོལ་བའི་བི་མཱ་ལ། །འགྲོ་ངོར་ཉང་རིགས་ཚུལ་བཟུང་ཡེ་ཤེས་ལམ། །ཡར་གྱི་ཟངས་ཐལ་སྐས་ལ་འཛེགས་སླ་ཡང་། །སྔ་འགྱུར་བསྟན་པ་མུན་པས་བྱུགས་འདི་ཅི། །ཟླ་ཞག་མང་པོར་ཚེགས་ཀྱིས་རྩྭ་མཆོག་གྲོང་། །བགྲོད་པའི་ངས་ཡུས་འཚོང་བ་གཞན་འདྲིད་དེ། །གཡས་རུ་རི་ལུང་སྦུག་འདིར་གདུལ་བྱའི་ཡིད། །མྱ་ངན་ཁང་བུར་བརྒྱལ་ལ་མཆི་མ་བཀུ། །ནང་དུ་འཇའ་ལུས་འཕོ་བ་ཆེན་པོའི་སྐུ། །གྲུབ་པའི་མཚན་མ་ཕྱི་རོལ་ནམ་མཁའ་ལ། །འགོག་མེད་འཆར་བ་དབང་པོའི་གཞུ་རིས་ཚོན། །ཚོགས་གཉིས་པིར་གྱིས་ཆེད་དུ་བྲིས་པ་བཞིན། །དེ་ཡང་འཇམ་དབྱངས་ས་སྐྱ་པཎྜི་ཏས། །བདག་པས་མཐོ་བའི་དམ་པ་ལ། །བརྟེན་ན་བདག་ལ་ཕན་པ་སྒྲུབ། །ལྷུན་པོའི་ངོས་ལ་ཉེ་བ་ཡི། །བྱ་རྣམས་གསེར་(༦༠བ)

― GLG009_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་འགྱུར་ལ་ལྟོས། །ཞེས་ལྷུན་པོའི་ངོས་ལ་ཉེ་བར་འཁོར་བའི་འདབ་ཆགས་ཀྱི་དཔེ་ལྟར་སྐྱེས་བུ་དམ་པ་བསྟེན་པ་དང་དེ་དག་གི་ཡོན་ཏན་ཡིད་ལ་བྱེད་ཅིང་ཡང་ནས་ཡང་དུ་གོམས་པར་བྱས་པ་ན་སྐྱེ་བོ་ཕལ་པ་རྣམས་ཀྱང་སྐྱོན་ཞར་གྱིས་འགྲིབ་ཅིང་ཡོན་ཏན་ངང་གིས་འཕེལ་བར་འགྱུར་པའི་དགོས་པ་ཁྱད་པར་ཅན་ཡོད་པས། ཡུལ་ཤི་བི་པར་སྐྱེས་པའི་རབས་ལས། དེ་ལྟར་བཅོམ་ལྡན་འདས་དེས་བདག་ཅག་གི་ཕྱིར་བྱ་དཀའ་བ་མང་པོས་དམ་པའི་ཆོས་འདི་བསྒྲུབས་པ་ཡིན་པས་རིམ་གྲོར་བསྐྱེད་དེ་ཆོས་ཉན་པར་བྱའོ། །དེ་བཞིན་གཤེགས་པའི་ཆེ་བ་ཉིད་དང་སྔ་མ་བཞིན་དུ་སྙིང་རྗེའི་ཡོན་ཏན་བསྔགས་པ་དང་ཚེ་འདི་ཉིད་ལ་བསོད་ནམས་ཀྱི་འབྲས་བུ་མཐོང་བ་ཡང་བརྗོད་པར་བྱའོ། །དེ་ལྟར་རིམ་གྲོར་བསྐྱེད་དེ་བསོད་ནམས་བསྩགས་པ་ན་བདག་གིས་མཐུ་ཆེན་པོ་ཐོབ་པར་འགྱུར་བའི་མེ་ཏོག་གྲགས་པ་རྒྱུན་ཆགས་པ་ཡིད་དུ་འོང་བ་ཚེ་འདི་ལ་བསྟན་པ་ཡིན་ནོ། །ཞེས་དམ་པའི་ཡོན་ཏན་བརྗོད་པ་ལ་འབད་ན་རང་གཞན་རྣམས་ཀྱི་དོན་རྒྱ་ཆེན་པོ་གྲུབ་པ་ཡིན་ནའང་། ལེགས་བཤད་རིན་པོ་ཆེའི་གཏེར་ལས། མཁས་པ་ཡོན་ཏན་མཛོད་འཛིན་པ། །དེ་དག་ལེགས་བཤད་རིན་ཆེན་སྡུད། །རྒྱ་མཚོ་ཆེན་པོ་ཆུ་ཡི་གཏེར། །ཡིན་ཕྱིར་ཆུ་བོ་ཐམས་ཅད་འབབ། །ཅེས་མཁས་གྲུབ་རྣམས་ནི་རང་དང་གཞན་གྱི་གྲུབ་པའི་མཐའ་ཀུན་རིས་སུ་མ་ཆད་པར་ཐོས་ཤིང་དེ་དག་གི་དོན་ལེགས་པར་བསམས་པའི་སྒོ་ནས་སྡེ་སྣོད་གསུམ་དང་རྒྱུད་སྡེའི་སྙིང་པོ་བླ་ན་མེད་པའི་བྱང་ཆུབ་སྒྲུབ་པའི་ཐབས་ཀྱི་གཙོ་བོ་དང་ཡན་ལག་བསྲེགས་བཅད་བརྡར་པའི་གསེར་ལྟ་བུ་རྣམ་པར་དཔྱད་ཅིང་དཔྱད་དོན་ཉམས་སུ་ལེན་པའི་དགོས་པ་སྟེ་ལུང་རྟོགས་(༦༡ན)

― GLG009_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཡོན་ཏན་མ་ལུས་པས་ཐུགས་རྒྱུད་ཡོངས་སུ་གཏམས་པ་རྒྱ་མཚོ་ཆེན་པོ་ཆུ་བོའི་གཏེར་ཡིན་ལ་དེའི་གཏིང་མཐའ་འདི་ཙམ་ཞེས་ཚུར་མཐོང་གི་སྐྱེ་བོ་རྣམས་ཀྱིས་དཔོག་པར་ནུས་པ་མ་ཡིན་པས་དཔལ་ལྡན་བླ་མ་ཁྱབ་བདག་རྡོ་རྗེ་སེམས་དཔའི་ངོ་བོ་འདི་ཉིད་ཀྱང་འཕགས་ཡུལ་པཎ་གྲུབ་ཀུན་གྱི་གཙུག་རྒྱན་པཎ་ཆེན་དྲི་མེད་བཤེས་གཉེན་དུ་གྱུར་པའི་ཚེ་ཕྱི་ནང་གི་ཐེག་པ་ཀུན་ལ་སྒྲོ་འདོགས་བཅད་པར་མ་ཟད་ཚེ་གཅིག་ལུས་གཅིག་གི་རྟེན་ལ་འཇའ་ལུས་འཕོ་བ་ཆེན་པོ་རྡོ་རྗེའི་སྐུ་མངོན་དུ་མཛད་ནས་སྤྲུལ་གཞི་ད་ལྟ་རི་བོ་རྩེ་ལྔར་དངོས་སུ་བཞུགས་ནའང་དེ་ལས་འགྲོ་བའི་དོན་དུ་སྤྲུལ་པ་སྣ་ཚོགས་སུ་བསྟན་པའི་ཡང་སྲིད་མང་པོར་མཁས་གྲུབ་ཀྱི་བག་ཆགས་བཞག་པ་སྐུ་ཚེ་འདིར་ཡང་སད་པའི་ལུང་རྟོགས་ཀྱི་ཡོན་ཏན་གདྒཱའི་ཀླུང་གི་རྡུལ་གྱི་གྲངས་ཀྱིས་ཀྱང་གཞལ་བར་མི་ནུས་རུང་དེང་སང་འཇིག་རྟེན་བླུན་པོ་རྣམས་ཀྱི་གྲགས་ཚོད་དུ་སྟོབས་འབྱོར་གོས་སྙན་གྲགས་སོགས་ཀྱིས་བླ་མ་བཟང་པོ་བཟང་པོ་ཞེས་བརྗོད་པའི་ཡུལ་དུ་མ་གྱུར་ཅིང་། སྔ་འགྱུར་གྱི་བསྟན་པ་སྤྱི་དང་བྱེ་བྲག་སངས་རྒྱས་ཉང་སྟོན་ཆེན་པོའི་རིང་ལུགས་ཀྱི་འཕྲིན་ལས་ཀྱང་འགོས་དང་དཔལ་འཛིན་སོགས་ཀྱི་འབྱམས་ཡིག་ལ་རི་བོང་ཅལ་སྒྲོག་དང་ལུག་ཆུ་འབབ་ཀྱིས་མཁས་རྨོངས་ཕལ་ཆེར་འཁྲུལ་པའི་ལམ་དུ་འཕྱན་པས་ཇི་སྐད་དུ། འཇིག་རྟེན་མི་ཤེས་རྨོངས་པ་ལ། །བརྟེན་ན་བློ་གྲོས་ལྡན་མི་འབྱུང་། །ཉི་མའི་འོད་ལ་ཉེ་བ་ཡིས། །ཟླ་བ་མར་ངོར་གྱུར་ལ་ལྟོས། །ཞེས་མར་ངོའི་ཟླ་བ་ལྟར་རིམ་གྱིས་འགྲིབ་པས་ཁྲ་ཚང་དང་སྨན་ལུང་ཞེས་སེར་སྲུང་པའི་སྔགས་པ་རང་རྐྱང་གཅིག་ཏུ་ཕྱོགས་དེའི་རྗེ་འབངས་རྣམས་ལ་སྣང་བས་ཐམས་ཅད་མཁྱེན་པ་བུ་སྟོན་ཞབས་ཀྱིས། བླུན་(༦༡བ)

― GLG009_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་བཀུར་ཞིང་མཁས་པ་རྩྭ་ལྟར་འདོར། །ཆོས་ལྡན་བརྙས་པ་གངས་རིའི་ཁྲོད་འདིར་སྐྱེས། །ཞེས་པའི་དོན་ཐོག་ཏུ་བབས་ཏེ་ཇི་སྐད་དུ། ལེགས་བཤད་མཁས་པའི་བློ་གྲོས་ཀྱིས། །གོ་ཡི་བླུན་པོས་དེ་ལྟ་མིན། །ཉི་མའི་འོད་ཟེར་ཤར་བ་ན། །འབྱུང་པོའི་བྱ་རྣམས་ལོང་བར་འགྱུར། །ཞེས་པའི་དོན་བཞིན་དམ་པ་ཉིད་ཀྱི་གསང་བ་གསུམ་གྱི་ཡོན་ཏན་རྡོ་རྗེ་འཆང་བཀའ་འགྱུར་བ་ཆེན་པོས་མཁྱེན་ནས་རིགས་ཀྱི་ཅོད་པན་དུ་བཞེས་པ་ཙམ་མ་གཏོགས་ཡར་ཀླུངས་ཤར་ནུབ་མཐིལ་གསུམ་གྱི་སྐྱེ་བོ་ཕལ་ཆེར་ལེགས་ཉེས་འབྱེད་པའི་བློ་མིག་ལྡོངས་པས་ས་འོག་གི་གསེར་སྦྲམ་ལྟར་ལུས་མོད་འོན་ཀྱང་། ས་སྐྱ་པཎྞི་ཏས། ཁོང་མཛངས་བསོད་ནམས་བསགས་པའི་མི། །གཅིག་པུ་ཡིན་ཀྱང་ཀུན་ལས་རྒྱལ། །རི་དྭགས་རྒྱལ་པོ་སེང་གེ་དང་། །འཁོར་ལོས་སྒྱུར་ལ་གྲོགས་མི་དགོས། །ཞེས་མགར་བ་སོགས་ཀྱིས་བྱས་པ་ལ་མ་བལྟོས་པའི་འཁོར་ལོ་རྩིབས་སྟོང་ཅན་བྱུང་བ་ཙམ་གྱིས་ཕྱོགས་ཀུན་ལས་རྣམ་པར་རྒྱལ་བའི་དཔལ་ངང་གིས་ཐོབ་པ་དང་། སེང་གེ་དཀར་མོ་རྩལ་གསུམ་ཡོངས་སུ་རྫོགས་པས་གྲོགས་ལ་མ་བལྟོས་པར་འཇིགས་པ་མེད་པ་བཞིན་འཁོར་དང་ལོངས་སྤྱོད་ཀྱིས་སྐྱོ་མས་བཏེགས་པའི་མར་ཁུ་ལ་རེ་བ་འཆའ་མི་དགོས་པར། དྲི་ལྡན་མེ་ཏོག་རྒྱང་རིང་ཡང་། །བུང་བ་སྤྲིན་གྱི་ཚོགས་བཞིན་འདུ། །ཞེས་ལུང་དང་རྟོགས་པའི་ཡོན་ཏན་གྱི་རྣམ་པར་ཐར་པས་རི་ནས་བཀུག་སྟེ་སྐུ་ཚེའི་སྨད་ལ་འཕྲིན་ལས་ཀྱི་སྒོ་བརྒྱ་ཕྱོགས་བཅུར་བྱེ་བས་ཇི་སྐད་དུ། དམ་པ་དཔོན་དུ་བསྐོས་གྱུར་ན། །དོན་འགྲུབ་པ་དང་བདེ་སྐྱིད་འཐོབ། །ནོར་བུ་རྒྱལ་མཚན་རྩེར་མཆོད་ན། །ཡུལ་ཕྱོགས་དགེ་ཞེས་མཁས་རྣམས་སྒྲོག །ཅེས་(༦༢ན)

― GLG009_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲིན་ལས་ཀྱི་འཇུག་པའང་ཟང་ཟིང་གི་འདུ་འཁོད་ལྷུར་བླངས་པ་མ་ཡིན་པར་གསང་ཆེན་རྙིང་མ་བཀའ་གཏེར་གྱི་བཤད་སྒྲུབ་དང་གངས་ཅན་སྐྱེ་རྒུའི་ཕན་བདེ་རྒྱས་པའི་ཐབས་སུ་གྱུར་པ་ཤ་སྟག་ཡིན་པས་རྟོགས་བརྗོད་ཀྱི་རིམ་པ་ཤིན་ཏུ་རྒྱས་པ་ཞིག་དགོས་ཐང་ནའང་ཕལ་ཆེར་སྙོམས་ཆུང་པེཎྜ་པའི་བརྟུལ་ཞུགས་ལྷུར་མཛད་པའི་རྣམ་ཐར་ལ་ཕན་པའི་བསྙེལ་ཐོའི་ཟིན་བྲིས་འཕྲེང་གཅིག་ཙམ་ཡང་མ་གནང་བ་དང་གྲ་སློབ་རྣམས་ཀྱང་བླ་མ་བསྟེན་ནས་རང་གི་སྟོབས་འབྱོར་སྙན་གྲགས་རེ་བ་ལས་ཡོན་ཏན་མི་སེམས་ཤིང་ཆོས་བརྒྱ་སྟོང་ཐོས་ནའང་ངས་ཞུས་པ་ཡིན་ཞེས་ཚུར་ཡུས་འདྲེན་ཇ་ཕོར་གང་གིས་མཐོ་དམའ་ལ་ཐུགས་ལ་བཏགས་མ་བཏགས་ཀྱི་བཟླས་བརྗོད་ལྷུར་ལེན་པའི་སྐྱོན་གྱིས་ཡོན་ཏན་གྱི་འཕྲེང་བ་ཚིག་གི་སྲད་བུར་བརྒྱུ་བྱ་རྒྱུ་བྱེད་དང་བྲལ་བས་ས་བཅད་མ་སྟོངས་ཙམ་ཞིག་བརྗོད་ཟིན་ཏོ། །གསང་གསུམ་མི་ཟད་རྒྱན་གྱི་འཁོར་ལོའི་མཛོད། །ལྷ་ལམ་དོག་པོར་བྱེད་ནུས་མགོན་ཁྱོད་ཀྱི། །མཛད་བཟང་རྡུལ་ཆར་བསྒྲུབ་བྲལ་སློབ་འཁོར་གྱི། །དད་པ་ནམ་མཁའི་བྱ་རྗེས་སྟོན་པའི་དཔེ། །མང་མང་གླེང་བར་འདོད་པའི་སེམས་ཀྱི་རྟ། །ཡང་ཡང་དྲི་ཡུལ་ཐད་ལ་བརྒྱུགས་པའི་འབྲས། །ཡོད་ཡོད་དབྱར་ཆུའི་དྲོད་ཙམ་ལ་རེ་འདིས། །གསལ་གསལ་སྐྱོན་མཚང་འཆར་བའི་མེ་ལོང་བཞིན། །ཟབ་ཟབ་རྟོགས་པར་དཀའ་བའི་ཡོན་ཏན་རྣམས། །དམན་དམན་འགྲོ་བློའི་ཡུལ་དུ་གྱུར་མིན་ཡང་། །རང་རང་དབང་པོར་འཚམ་པའི་སྤྱོད་ལམ་ཟླ། །ལོང་ལོང་ལོག་ལྟའི་རྙོག་མས་བསྒྲིབས་སམ་སྙམ། །གངས་ལྗོངས་ཡིད་ཅན་དུ་མའི་འདྲེན་བྱེད་ཀྱི། །འཛིན་མར་རྒྱུ་བའི་ཉམས་ཆུང་ས་ཀུ་རྩིར། །རྒྱ་བོད་རིགས་འཛིན་ཡོངས་ཀྱིས་མགྲིན་གཅིག་ཏུ། །(༦༢བ)

― GLG009_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔགས་ཚེ་སོམ་ཉིའི་དྲ་བར་ཀུན་རྟོག་ཆུད། །གཞན་སྣང་འཁྲུལ་པའི་དབང་དུ་བྱེད་ནུས་མདས། །སྐྱེ་ཕལ་སྙིང་བསྣུན་སྒྲོ་སྐུར་ཆོ་ངེའི་སྐད། །འབྱིན་མོད་བླང་དོར་དཀའ་ཐུབ་ཞིག་པའི་ལྷ། །ཟོག་རྫུན་དཀར་མོའི་མགུལ་པར་འཁྱུད་ལ་བྲལ། །འདམ་རྫབ་རྙོག་མས་གོས་པའི་ཡིད་བཞིན་ནོར། །རྣམ་དག་དཔྱད་གསུམ་ཀ་ཤི་ཀས་ཕྱིས་ནས། །ལུང་རྟོགས་རྒྱལ་མཚན་ཏོག་ཏུ་བཀོད་པའི་ཚེ། །སྲིད་ཞིའི་འདོད་དགུ་ཆར་འབེབས་དངོས་པོའི་གཤིས། །རིགས་ཀུན་ཁྱབ་བདག་ཆེ་མཆོག་ཧེ་རུ་ཀཿ མཚམས་སྤྲིན་གོས་ཀྱིས་ཀླུབས་པའི་རྡོ་རྗེ་སེམས། །དམ་པའི་རྣམ་ཐར་ཆ་ཙམ་ལེགས་བརྗོད་པའི། །བསོད་ནམས་ནམ་མཁའི་མཐས་ཀྱང་འཇལ་ནུས་མིན། །རབ་དཀར་ལྷག་བསམ་ཉ་ཕྱིས་ཡངས་པོའི་ཁོག །ངོ་མཚར་གཏམ་གྱི་མུ་ཏིག་ཕྱུར་བུ་རུ། །སྤུངས་པའི་ཕན་བདེའི་ཆར་པ་ཚེ་རབས་ཀུན། འཁྲི་ཤིང་ལུས་ཕྲའི་ངང་ཚུལ་ལྟར་འབབ་ཤོག །འཁྲུལ་སེམས་འདམ་དང་འགྲོགས་ཀྱང་དྲི་མ་ཡིས། །མ་གོས་རིག་པ་ཆུ་སྐྱེས་ཟེའུ་འབྲུའི་དབུས། །གནས་ལུགས་དོན་གྱི་པད་འབྱུང་སྣང་བ་བཞིའི། །ཡིད་འཛིན་ལྷ་མོར་རྩེད་འཇོས་རྟག་རོལ་ཤོག །མངའ་བདག་ཁྲི་སྲོང་ལྡེའུ་བཙན་སྤྲུལ་པའི་གར། །རིམ་བྱོན་གོང་འོག་གཏེར་སྒོ་ཕྱེ་བའི་ཆོས། །སྨིན་གྲོལ་རྒྱུད་བཤད་གདམས་པའི་ཆར་ཆེན་པོས། །སྔ་འགྱུར་རིང་ལུགས་སྙེ་མ་གཡུར་ཟ་ཤོག །ལྔ་ཕྲག་བཅུ་མཐའ་རྒྱང་རིང་ལུང་གི་བསྟན། །དང་པོར་དར་བ་ཤཱཀྱའི་འཕྲིན་ལས་ཉི། །སྐྱེ་རྒུའི་བསོད་ནམས་དགུང་ལ་ལེགས་ཤར་པའི། །སྣང་བའི་དགའ་སྟོན་ཕྱོགས་བཅུར་ཁྱབ་གྱུར་ཅིག །ཅེས་པཎ་ཆེན་དྲི་མེད་བཤེས་གཉེན་གྱི་རྣམ་སྤྲུལ་དུས་གསུམ་རྒྱལ་བའི་སྤྱི་གཟུགས་ཁྲ་ཚང་པ་ཆེན་པོ་བློ་གྲོས་མཆོག་གི་རྡོ་རྗེའི་རྟོགས་(༦༣ན)

― GLG009_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བརྗོད་པ་ཉུང་ངུ་རྣམ་གསལ་འདི་ནི་འདྲི་འདུན་གྱི་རི་མོ་ཡིད་ཀྱི་རྡོ་བར་གསལ་བཞིན་པའི་སྟ་གོན་གྱི་དུས་སླར་རིགས་འཛིན་སྤྲུལ་པའི་སྐུ་མཆོག་བློ་བཟང་པདྨ་འཕྲིན་ལས་ཐེག་མཆོག་དབང་གི་རྒྱལ་པོ་ཡོངས་འདུའི་སྡེས་རང་ཉིད་ཀྱི་སྒྱུ་འཕྲུལ་ཁ་སྐོངས་སུ་མཛད་པའི་རྣམ་ཐར་ཉུང་ངུ་དད་པའི་འཇུག་ངོགས་ཀྱི་ས་བོན་དང་བཅས་གསུང་གིས་བསྐུལ་བ་དང་དུ་བླངས་ཏེ་ཟ་ཧོར་གྱི་རིགས་ལས་ལོ་རྒྱུས་སྨྲ་བའི་བཙུན་པ་འཇམ་དབྱངས་དགའ་བའི་བཤེས་གཉེན་ནམ་མིང་གཞན་ཆེ་མཆོག་འདུས་པ་རྩལ་དུ་འབོད་པས་དབུས་འགྱུར་འཆང་དུ་ཨ་ནཱ་ལ་ཞེས་ཕྱོགས་འདིར་མེར་གྲགས་ཤིང་མང་བཀུར་རྒྱལ་པོའི་ཁབ་ཏུ་བིན་ཤིན་ཞེས་པ་མེ་ཕོ་འབྲུག་གི་ལོ་ཁྲུམས་སྟོད་ཀྱིས་ཉ་པའི་ཤེས་རབ་ཕྱོགས་ཀྱི་བཟང་པོ་གཉིས་པའི་ཚེས་ལ་གཙུག་ལག་ལུགས་བརྒྱའི་མདུན་ས་ཕོ་བྲང་ཆེན་པོ་དམར་པོ་རིར་སྦྱར་བའི་ཡི་གེ་པ་ནི་འཕྱོང་རྒྱས་སྤུན་བདུན་པ་ལྷུན་གྲུབ་རྒྱ་མཚོས་བགྱིས་པ་སརྦ་ཀཱ་ལེ་ཥུ་ཛ་ཡནྟུ། །ཆོས་སྦྱིན་རྒྱ་ཆེར་སྤེལ་ཕྱིར་དགའ་ལྡན་ཕུན་ཚོགས་གླིང་དུ་པར་དུ་བསྒྲུབས། །མངྒལཾ།།

རིགས་དང་དཀྱིལ་འཁོར་ཀུན་གྱི་ཁྱབ་བདག་རྡོ་རྗེ་འཆང་བློ་གསལ་རྒྱ་མཚོ་གྲགས་པ་རྒྱལ་མཚན་དཔལ་བཟང་པོའི་རྣམ་པར་ཐར་པ་སློབ་བཤད་བསྟན་པའི་ཉི་འོད།

― GLG009_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་དང་དཀྱིལ་འཁོར་ཀུན་གྱི་ཁྱབ་བདག་རྡོ་རྗེ་འཆང་བློ་གསལ་རྒྱ་མཚོ་གྲགས་པ་རྒྱལ་མཚན་དཔལ་བཟང་པོའི་རྣམ་པར་ཐར་པ་སློབ་བཤད་བསྟན་པའི་ཉི་འོད་ཅེས་བྱ་བ་བཞུགས་སོ། །

― GLG009_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མཿཔྲ་བྷུ་བཛྲ་དྷ་རཱ་ཡ། རིགས་དང་དཀྱིལ་འཁོར་ཀུན་གྱི་ཁྱབ་བདག་དྲུག་པ་རྡོ་རྗེ་འཆང་ཆེན་པོ་སྙན་བརྒྱུད་རྒྱ་མཚོའི་བསྟན་པའི་སྲོག་གི་ཟུངས་སུ་བསླབ་གསུམ་ངུར་སྨྲིག་འཆང་བའི་ཟློས་གར་མཁན་ཚར་ཆེན་ཆོས་ཀྱི་རྒྱལ་པོ་བློ་གསལ་རྒྱ་མཚོ་གྲགས་པ་རྒྱལ་མཚན་དཔལ་བཟང་པོའི་རྣམ་པར་ཐར་པ་སློབ་བཤད་བསྟན་པའི་ཉི་འོད་ཅེས་བྱ་བ་དཔལ་ལྡན་བླ་མ་དམ་པའི་ཞབས་རྡུལ་བུང་བ་སྙིང་པད་ཀེ་ས་རར་འགོད་ན་སྨིན་གྲོལ་ལམ་གྱི་འབྲས་མཆོག་མངོན་དུ་གྱུར་མིན་དེ་སྲིད་ཐུགས་རྗེའི་མཐུ་དཔུང་ལྷག་པར་བསྐྱེད་ནས་དངོས་གྲུབ་རྒྱ་མཚོའི་གྲུ་ཆར་སྩལ་དུ་གསོལ། །གཟོད་མ་ཉིད་ནས་ཡོངས་སུ་བརྙེས་པ་བླ་མེད་ཡེ་ཤེས་བདུད་རྩིའི་བཅུད། །སེམས་ཅན་ཀུན་གྱི་ཐར་པའི་སྲོག་སོང་གསང་གསུམ་རྒྱན་གྱི་འཁོར་ལོའི་མཛོད། །རྡོ་རྗེ་འཆང་དབང་མི་ཡི་གཟུགས་ཀྱིས་བློ་གསལ་སྐལ་བཟང་རྒྱ་མཚོའི་མགོན། །གྲགས་པའི་རྒྱལ་མཚན་སྲིད་རྩེར་བསྒྲེང་ཞབས་པད་(༢ན)

― GLG009_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་ཆུན་པོ་ཐོད་དུ་འཆིང་། །མཐའ་ཀླས་མཁྱེན་པའི་ནམ་མཁར་ཐུགས་རྗེའི་ཉི། །འཆར་ནུབ་སྤངས་པའི་རྣམ་དཔྱོད་ཚ་ཟེར་གྱིས། །ཆོས་ཕུང་བྱེ་བའི་འདབ་སྟོང་ཡོངས་གྲོལ་བའི། །མཁས་གྲུབ་སྐྱེས་རབས་ཚངསཔའི་བློ་ལས་བརྒལ། ཁྱད་པར་རྒྱལ་ཀུན་མགྲིན་གཅིག་ལེགས་སོའི་ཚིག །བརྗོད་ཡུལ་འདྲེན་པ་བཞི་པའི་བསྟན་འདི་ལ། །མཐའ་ཀླས་བྱོན་པ་དམ་པའི་ཟློས་གར་གྱི། །གྲངས་ཚང་གཞལ་འདོད་བྱིས་པའི་སེམས་དེ་ངལ། །བྱེ་བྲག་གྲུབ་པའི་འཁོར་སྒྱུར་བི་རཱུ་པ། །ས་སྐྱའི་འཇམ་མགོན་རིམ་བྱོན་ཐུགས་ཀྱི་བཅུད། །སྙན་བརྒྱུད་བསྟན་པའི་ཤིང་རྟ་ཆེན་པོའི་སྲོལ། །ཕྱེ་བའི་རྟོགས་བརྗོད་ཆ་ཙམ་གླེང་བར་སྤྲོ། །ཆུ་འཛིན་སྟུག་པོའི་ཕང་ནས་དབྱར་གྱི་རྔ། །རབ་སྙན་གླུ་དབྱངས་སྒྲོག་ཚེ་མདོངས་མཐའ་ཅན། །དགའ་བའི་ཟློས་གར་བསྒྱུར་ན་ཤེས་ལྡན་རྣམས། །ངོ་མཚར་དད་པའི་སྤུ་ལོང་ཅིས་མི་གཡོ། །རླུང་གིས་སྦུར་མ་མཐོན་པོར་བཏེག་པ་ལྟར། །མེད་བཞིན་སྒྲོ་(༢བ)

― GLG009_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

བཏགས་རྫུན་གྱི་རྣམ་པར་ཐར། །མཐོང་ན་དམ་པའི་སྤྱོད་ཚུལ་ལྷུག་པ་རུ། །སྨྲ་བ་སྔོན་བསགས་ལེགས་བྱས་བྱེ་བས་ཉོས། །ཀུ་ཤའི་རྩེ་མོས་འཐོར་ཏེ་རྒྱ་མཚོའི་མཐའ། །འཛད་བྱེད་དཀའ་ཐུབ་བསྟེན་པའི་རྗེས་འགྲོ་བ། །ཕྲ་མོའི་བློ་གྲོས་ཁབ་ཀྱི་མིག་བུ་རུ། ཁྱོད་ཡོན་ལྷུན་པོ་འཛུད་པའི་གོ་སྐབས་ཅི། །འོན་ཏེ་རིན་ཆེན་གླིང་ནས་ནོར་བུའི་ཚོགས། །དེད་དཔོན་གཅིག་གིས་འདྲེན་པར་མི་བཟོད་ཀྱང་། །རང་གིས་ཇི་ཙམ་འཁུར་ནུས་བདོག་པ་ཡིས། །དབུལ་བའི་གདུང་སེལ་འདོད་འཇོ་དངོས་པོའི་གཤིས། །འཁྱོག་ཚིག་ཆགས་པའི་གདོང་པ་རིག་བྱེད་སྒོར། །སྤྲུལ་པའི་ཟོལ་སྦྱོར་རྒན་པོ་མ་ཡིན་པའི། །མཁས་གྲུབ་ངང་ཚུལ་གསེར་སྒོང་ཡོངས་སྨིན་པ། །སྔོན་མེད་ཚངས་པར་ལྟ་བ་ལྷ་རྣམས་བྲེལ། ཕྱོགས་འཛིན་གདོན་གྱིས་ཕྲག་དོག་སྦྱིན་སྐྱེས་མགོར། །མཐུ་སྟོབས་རྡོ་རྗེ་རྩེ་བརྒྱ་རབ་བསྣུན་ཀྱང་། །རིས་མེད་འགྲོ་ལ་བརྩེ་བའི་སྤྱན་སྟོང་དཀྱུས། །རིང་པོར་སྐྱོང་བའི་བཤེས་གཉེན་འཆི་མེད་གཙོ། །རླབས་ཆེན་མཛད་པ་སོས་ཀྱི་དགའ་སྟོན་དུས། །འདྲེན་བྱེད་ཚིག་སྦྱོར་དཔྱིད་ཀྱི་ལང་ཚོ་མ། །སྤེལ་ལེགས་ཟློས་གར་འཕྲེང་མཛེས་གསོང་པོའི་གླུ། །གཟུར་གནས་གཞན་གསོས་མགྲིན་ནས་ལེན་འདི་ཉོན། །དེ་ཡང་སློབ་དཔོན་དཎྜིས། ཤིས་བརྗོད་ཕྱག་བྱ་དངོས་པོ་ནི། །ངེས་པར་བསྟན་པའང་དེ་ཡི་སྒོ། །ཞེས་ཐོག་མར་ཤིས་བརྗོད། ཕྱག་བྱ། དངོས་པོ་ངེས་བསྟན་རྣམས་སུམ་ལྡན། གཉིས་ལྡན་སོགས་ཅི་རིགས་པ་བཤད་པའི་ད་ལམ་ཕྱི་མའི་སྒོ་ནས་ཚིགས་སུ་བཅད་པ་སྔོན་དུ་སོང་བས་སྐབས་སུ་གླེང་བར་བྱ་བ་ནི། ཇི་སྐད་དུ། མཆོག་གི་ཁྱད་པར་ཉིད་ལ་རེག་ན་དེ་ཡི་ཡོན་ཏན་ཆ་ཤས་ཀྱིས། །(༣ན)

― GLG009_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

དམན་པ་དག་ཀྱང་བསྔགས་འོས་ལ་འགོད་མཐུ་ཆེན་རྣམས་ཀྱི་བྱེད་པའི་ཕུལ། །མ་ལ་ཡར་ཉེ་ཕལ་གྱི་ཤིང་ཡང་རྐང་འཐུང་བཟང་པོའི་དྲི་བསུང་ངད། །འཆང་བར་བྱེད་པའི་ནུས་པ་རབ་མཐོ་ཙནྡན་དེ་དག་རྒྱལ་གྱུར་ཅིག །ཅེས་ལྷོ་ཕྱོགས་མ་ལ་ཡའི་ནགས་ཀླུང་དུ་སྐྱེས་པའི་ཤིང་ཕལ་པ་དག་ཀྱང་འཇམ་མགོན་ས་སྐྱ་པཎྜི་ཏས། མ་ལ་ཡ་ལས་འོངས་པ་ཡི། །སྡོང་དུམ་ཕལ་ལ་རིན་ཐང་བརྩི། །ཞེས་ཙནྡན་གྱི་དྲི་བསུང་ལན་ཅིག་མ་ཡིན་པར་སིམ་པའི་ནུས་པས་ལྗོན་པ་ཕལ་པ་ལའང་ཙནྡན་དང་ཕྱོགས་འདྲའི་དྲི་ནུས་འབྱུང་བ་ལྟར་མཁས་དང་གྲུབ་པའི་ཡོན་ཏན་ཡང་ནས་ཡང་དུ་བརྗོད་ཅིང་བསམས་ན་རང་ཅག་བློ་དང་སྤྱོད་ཚུལ་ཆེས་ཆེར་དམན་པ་རྣམས་ཀྱང་བྱ་བ་ངན་པ་ལས་ལྡོག་ཅིང་སྐྱེད་ཐོན་ནས་དམ་པའི་རྣམ་ཐར་ལ་རིམ་གྱིས་འཇུག་པ་སོགས་དགོས་པ་ལྷག་པར་ཆེ་ཞིང་རང་གི་ལེགས་བྱས་ཀྱི་ཕུང་པོ་བླ་ནས་བླར་འཕེལ་བའི་ཚོགས་རྒྱ་ཆེར་གསོག་པའི་ཕྱིར་དུས་གསུམ་གྱི་བདེ་བར་གཤེགས་པ་མ་ལུས་པའི་གསང་བ་རབ་འབྱམས་མི་ཟད་པ་རྒྱན་གྱི་འཁོར་ལོའི་བང་མཛོད་གདན་གསུམ་ཚང་བའི་ཁྱབ་བདག་དགྱེས་མཛད་རྡོ་རྗེ་བཤེས་གཉེན་དམ་པའི་སྒྱུ་འཕྲུལ་དྲ་བའི་རོལ་པ་ཚར་ཆེན་ཆོས་ཀྱི་རྒྱལ་པོའི་རྣམ་པར་ཐར་པའི་རིམ་པ་ལ། མདོ་སྡེ་རྒྱན་ལས། སྐྱེ་བ་སྐྱེད་མོས་ཚལ་འགྲོ་ལྟར་རྟོགས་ནས། །སྤྲོ་བའི་སེམས་དྲངས་དགའ་ཞིང་དེ་ལ་འཇུག །ཅེས་རྒྱལ་སྲས་འཕགས་པ་སེམས་ཅན་གྱི་དོན་དུ་བསམས་བཞིན་སྲིད་པར་སྐྱེ་བ་ལེན་པ་ངང་པ་པད་མཚོར་འཇུག་པ་ལྟར་སྤྲོ་ཞིང་སྤྲུལ་པ་བྱེ་བ་ཐེར་འབུམ་དུས་གཅིག་ཏུ་སྟོན་པས་འདི་ལྟ་བུའོ་ཞེས་ལྕེ་བརྒྱས་བསྐལ་བར་བརྗོད་ཀྱང་ཟད་པའི་མཐའ་ག་ལ་ཞིག །འོན་ཏེ་ཐུན་མོང་གི་གདུལ་བྱ་(༣བ)

― GLG009_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ་གྲགས་པའི་ཡང་སྲིད་དང་ཐུགས་རྒྱུད་གཅིག་པ་རགས་རིམ་བརྗོད་ན། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་མཛད་པའི་བསྟོད་པ་བཀྲ་ཤིས་མཚན་བཟང་མར། མགོན་ཁྱོད་གདོད་མའི་དབྱིངས་སུ་སངས་རྒྱས་ཀྱང་། །གྲངས་མེད་གདུལ་བྱའི་ཁམས་དང་བསམ་པ་བཞིན། །ངོ་མཚར་སྐྱེ་བའི་ཟློས་གར་བཅུ་གསུམ་གྱིས། །ཕན་བདེའི་དགའ་སྟོན་སྤེལ་ལ་གསོལ་བ་འདེབས། །ཞེས་དང་། །འདར་པ་རིན་ཆེན་དཔལ་བཟང་གིས་མཛད་པའི་ཚིགས་བཅད་མར། །བདེ་ཆེན་འཁོར་ལོའི་མགོན་པོ་ཧེ་རུ་ཀ །བློ་འདས་འོད་གསལ་དགའ་མས་འཁྱུད་པའི་དཔལ། །དཀྱིལ་འཁོར་རྒྱ་མཚོའི་རིགས་བདག་རྡོ་རྗེ་འཛིན། ཁྱབ་བདག་བླ་མའི་ཞབས་ལ་གསོལ་བ་འདེབས། །མགོན་ཁྱོད་འོག་མིན་ཆེན་པོའི་ཞིང་ཁམས་སུ། །སྐུ་གསུམ་ཡན་ལག་བདུན་ལྡན་མངོན་གྱུར་ཀྱང་། །ཞིང་འདིར་སྐལ་བཟང་འགྲོ་རྣམས་བསྒྲལ་བའི་སླད། །བགྲང་ཡས་རྣམ་འཕྲུལ་བསྟན་ལ་གསོལ་བ་འདེབས། །འཕགས་ཡུལ་ཨཽཌྜི་ཡ་ནའི་ནོར་འཛིན་མར། །མཁའ་སྤྱོད་དབང་མོས་རྗེས་བཟུང་སྠ་ཝི་ར། །བརྟུལ་ཞུགས་སྤྱོད་པས་གདུག་ཅན་ཀུན་སྒྲོལ་བའི། །རྣལ་འབྱོར་དབང་པོར་བསྟན་ལ་གསོལ་བ་འདེབས། །གངས་ཅན་ལྗོངས་འདིར་སངས་རྒྱས་སྟོན་པ་དང་། །ཆོས་སྐུ་འོད་ཟེར་མཚུངས་མེད་བུ་སྟོན་རྗེ། །ཡར་ཀླུངས་པ་དང་དགེ་སློང་དབང་མོ་སོགས། །མཁས་གྲུབ་བརྒྱུད་མར་བལྟམས་ལ་གསོལ་བ་འདེབས། །ཞེས་པ་འདིའི་དངོས་བསྟན་ལ་བདུན་ལས་མ་བྱུང་ཡང་བཀྲ་ཤིས་མཚན་བཟང་མར་བཅུ་གསུམ་བྱུང་བ་སྨོས་ན་དཔལ་ལྡན་རྒྱུད་ཀྱི་ཡེ་ཤེས་ལེའུར། དབྱིབས་ཀྱི་རླུང་ནི་ཆེན་པོ་ཐམས་ཅད་དག་གིས་སངས་རྒྱས་ཞིང་རྣམས་མཐའ་དག་རྣམ་པར་འགོད་པར་བྱེད། །(༤ན)

― GLG009_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་ཁམས་འདི་སོ་སོ་དག་ལ་སླར་ཡང་ཁོར་ཡུག་རི་བོ་ཆེན་པོ་དག་ནི་ཀུན་ནས་སོ། །དེ་ཡི་དབུས་སུ་ལས་ཀྱི་ས་ནི་ཆེན་པོ་དག་གི་རང་བཞིན་འཇིག་རྟེན་ཁམས་སུ་རབ་ཏུ་འགྱུར། །ལྷག་མ་ལོངས་སྤྱོད་རང་བཞིན་ཡུལ་གྱི་བདེ་བ་བྱེད་པ་རིན་ཆེན་ཀུན་གྱིས་རབ་ཏུ་གང་བ་རྣམས། །ཞེས་ཕྱི་ནང་སྦྱར་བའི་ཕྱི་རོལ་གྱི་འགྲོ་བའི་ལས་སྣང་གིས་རི་རབ་དབྱིབས་ཚུལ་མངོན་པ་དང་དུས་ཀྱི་འཁོར་ལོ་ཐ་དད་པའི་ལུགས་ཕྱི་མ་ལྟར་རྡོ་རྗེའི་རྭའི་འོག་ན་ཡོད་པའི་གླིང་དྲུག་ནི་ལོངས་སྤྱོད་ཀྱི་ས་དང་དེའི་ཕྱི་རོལ་གླིང་བཞི་གླིང་ཕྲན་བརྒྱད་ལ་བདུན་པ་ལས་ཀྱི་ས་ཞེས་བཤད་ཅིང་། ཛ་ན་སྐྱེ་བ་ལའོ་ཞེས་པའི་བྱིངས་བཞག །ནའི་ཨ་བརྗོད་དོན་ཡིན་པས་ཕྱིས། བུ་ཀ་རྐྱེན་དུ་བྱིན། ཀ་ལ་ཡ་ན་བཞིན་ཡང་སྟེ་ཡ་ལ་བརྗོད་པ་བོར་བའོ་ཞེས་ཀ་ཕྱིས། རྣམ་དབྱེ་དང་པོའི་གཅིག་ཚིག་སི་བྱིན། མི་ཟད་པ་ལ་སི་དབྱིའོ་ཞེས་སི་ཕྱིས། དེའི་སྡེ་པ་ལ་སྡེ་པའི་མཐའ་འོས། ན་མ་རུ་བསྒྱུར། གསལ་བྱེད་དབྱངས་མེད་པ་ཕ་རོལ་གྱི་ཡི་གེར་དྲང་ངོ་། །ཞེས་བསྒྲུབས་པས་ཛམྦུ་ནི་ལུས་ཅན་སྐྱེ་བའི་གནས་ཡིན་ལ། བྱེ་བྲག་འཛམ་གླིང་ཆུང་ངུ་ནི་བདེ་མཆོག་མཁའ་འགྲོ་རྒྱ་མཚོའི་རྒྱུད་ཀྱི་ལེའུ་དང་པོ་ལས། འཛམ་བུ་གླིང་ནི་ཆེན་པོ་ཡི། །དུམ་བུ་བཅུ་གཉིས་ཀྱི་ནི་དབུས། །ཞེས་པའི་ལྷོ་ཕྱོགས་ཛམྦུ་ཏྲི་ཤས་མཚན་པའི་གླིང་འདི་ཉིད་ཀྱི་ལྟེ་བ་མ་དྷྱ་ག་ཏ་དྷར། ཙནྡྲ་པར་པྲྀ་ཥོ་དྷ་ར་ལ་སོགས་པ་རྣམས་སོས། བསྡུ་བ་བྱས་པས་མ་ག་དྷ་སྟེ་དབུས་འགྱུར་འཆང་ཞེས་དུས་གསུམ་གྱི་བདེ་བར་གཤེགས་པ་རྣམས་མངོན་པར་རྫོགས་པར་འཚང་རྒྱ་བའི་རྟེན་ཡིན་པས་བསྐལ་མཐའི་དུས་ཀྱང་གཞོམ་གཞིག་མི་ནུས་པ་རྡོ་རྗེ་གདན་(༤བ)

― GLG009_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟེ་བར་བྱས་པའི་ཕྱི་རོལ་ཏུ། ལུང་ལས། མཉན་ཡོད་གནས་བཅས་ཙམ་པ་ཀ །ཝ་ར་ཎཱ་སི་ཡངས་པ་ཅན། །རྒྱལ་པོའི་ཁབ་དང་དྲུག་པོ་ནི། །དེ་དག་གྲོང་ཁྱེར་ཆེན་པོར་གྲགས། །ཞེས་འཕགས་ཡུལ་ན་ཡོངས་སུ་གྲགས་པའི་གྲོང་ཁྱེར་ཆེན་པོ་དྲུག་དང་གཞན་ཡང་ཤར་ཕྱོགས་རྒྱ་ནག་པོའི་རྒྱལ་ཁམས་ན་འཕགས་པ་འཇམ་དཔལ་གྱིས་རྩིས་ཀྱི་སྒོ་མོ་བརྒྱད་ཁྲི་བཞི་སྟོང་གསུངས་པའི་གནས་རི་བོ་རྩེ་ལྔ། ལྷོ་ཕྱོགས་སུ་དཔལ་ལྡན་འབྲས་སྤུངས་ཀྱི་མཆོད་རྟེན་ན་དུས་ཀྱི་འཁོར་ལོའི་ཡེ་ཤེས་སེམས་དཔའ་མ་བསྡུས་པར་དངོས་སུ་བཞུགས་པ་སྐུ་གསུང་ཐུགས་ཀྱི་དཀྱིལ་འཁོར་ཡོངས་རྫོགས། དེའི་ལྷོ་ཕྱོགས་རྒྱ་མཚོའི་འགྲམ་ན་རི་བོ་པོ་ཏ་ལ་ཞེས་ཐུགས་རྗེ་ཆེན་པོ་སྤྱན་རས་གཟིགས་ཀྱི་གནས། ནུབ་ཕྱོགས་ན་ཨོ་རྒྱན་མཁའ་འགྲོའི་གསང་མཛོད་ཧེ་རུ་ཀཿརང་བྱུང་གི་གཙུག་ལག་ཁང་། བྱང་ཕྱོགས་ན་ཆོས་རྒྱལ་རིགས་ལྡན་རིམ་པར་བྱོན་ནས་འགྲོ་བ་རྣམས་ཕྱི་ནང་གཞན་གསུམ་གྱི་སྒོ་ནས་བཀྲི་བར་མཛད་པའི་གནས་ཤམྦྷ་ལ། དེར་མ་ཟད་ཀྱེ་རྡོར་བདེ་མཆོག་སམྦུ་ཊི་མཁའ་འགྲོ་རྒྱ་མཚོ་སོགས་ལས་འཛམ་བུའི་གླིང་དབུས་མ་འདི་ཉིད་རང་ན་ཡུལ་ཉེར་བཞི་དང་དུར་ཁྲོད་བརྒྱད་སོགས་གནས་སུམ་ཅུ་རྩ་གཉིས་ཡོད་པར་བཤད་ཅིང་། རྨ་བྱ་ཆེན་པོ་ལས།ཡུལ་འཁོར་ལྔ་བརྒྱ། ལྗོངས་ཆེན་པོ་བཅུ་དྲུག །ཡུལ་ཕྲན་སྟོང་། གཞན་ཡང་མི་རིགས་མི་གཅིག་པ་སུམ་བརྒྱ་དང་དྲུག་ཅུ་སྐད་རིགས་བདུན་བརྒྱ་ཉི་ཤུ་སོགས་མཐའ་ཀླས་པའི་ནང་ཚན་རྒྱ་བོད་གཉིས་སུ་སྐུའི་སྤྲུལ་པ་རགས་པ་ཙམ་བཤད་པ་བཅུ་གསུམ་ལས། དང་པོ་རྣལ་འབྱོར་དབང་ཕྱུག་ནི། ཐམས་ཅད་མཁྱེན་པ་མཁྱེན་པའི་བརྩེའི་ཞབས་ཀྱི་གསང་བའི་རྣམ་ཐར་ལས། ནུབ་(༥ན)

― GLG009_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་དཔལ་ཕུག་ཏུ་བཞུགས་ཁྲིའི་སྟེང་ན་བླ་མ་བཞུགས་གསུང་ངག་བསྐུར་ནས་གནང་རྒྱུ་ཡིན་ཟེར་ཞུ་མཁན་མང་པོ་ཚོགས་འདུག་པ་ལ་བསླབ་གསུམ་པ་གསལ་པོ་འདུག་གཞན་ངོ་ཤེས་པ་མི་འདུག །ཁོག་ཕུག་ཡིན་སྙམ་པའི་དཔེ་ཆ་ཞིག་གི་ལུང་མཛད་བྱུང་བ་ན། ཐོད་ཕུའི་བློ་གསལ་རྒྱ་མཚོ་དེ་བིཪྺ་པ་ལགས་སམ་ཟེར་བ་ཞིག་འདུག་པ་ལ་དོན་འདི་ག་ཡིན་ཏེ་ཚིག་འདི་ཅུང་ཟད་སྔ་བ་མ་ཤེས་འདུག་གསུང་། བདག་གིས་ཐོད་ཕུའི་རྣལ་འབྱོར་དབང་ཕྱུག་དེ། ད་ལྟའི་བློ་གསལ་རྒྱ་མཚོ་ཡིན་ཞེས་བྱས་ན་བདེ་བ་འདྲ་ཞུས་པས་དེ་ག་བྲིས་པས་ཡོང་གསུང་། དེ་ནས་གཞུང་བཤད་ཅིག་ཀྱང་འགོ་ཚུགས་སྣང་གསུམ་ཡང་ཚུགས་བྱུང་ནས་ན་ནིང་གི་ཟིན་བྲིས་ལ་ཞུས་དག་བྱེད་དགོས་སྙམ་པ་དང་གཉིད་སད། བསམས་པས་ཐོད་ཕུར་བྱོན་པའི་རྗེ་གྷ་ཡ་དྷ་ར་རྣལ་འབྱོར་དབང་ཕྱུག་གི་ཐུགས་ཀྱི་སྤྲུལ་པར་མནལ་ལམ་བཀའ་རྒྱ་མ་ལས་བཤད། དེ་དང་ཕ་བླ་མ་ཐུགས་རྒྱུད་གཅིག་པའི་བརྡ་རུ་འདུག་སྙམ་པ་བྱུང་གསུངས་པ་ཁུངས་ཤིན་ཏུ་ཆེ་བས་སློབ་དཔོན་འདི་རྡོ་རྗེ་གདན་གྱི་ཤར་ཕྱོགས་བི་ཥན་སྨན་གྱི་དབང་པོའི་གྲོང་ཁྱེར་ན་རྒྱལ་པོ་གསེར་གྱི་འཁོར་ལོའི་སྲས་སུ་སྐུ་བལྟམས་པར་མཚན་མཁན་གྱིས་མཐུ་སྟོབས་ཀྱི་སྒོ་ནས་བསྟན་པ་གསལ་བར་འགྱུར་ཞེས་ལུང་བསྟན་ནས་མཚན་དངུལ་གྱི་འཁོར་ལོར་གསོལ། སོ་མ་པཱུ་རིར་མཁན་པོ་དུལ་བའི་ལྷ་ལ་རབ་ཏུ་བྱུང་རིག་པའི་གནས་ལྔ་ལ་སྦྱངས། ནཱ་ལནྡར་མཁན་པོ་ཆོས་ཀྱི་བཤེས་གཉེན་ལ་བསྙེན་པར་རྫོགས་ཤིང་ཐེག་པ་ཆེ་ཆུང་གི་ཆོས་མཐའ་ཀླས་པ་དང་ཁྱད་པར་རྣལ་འབྱོར་གསང་མཐའ་འཁོར་ལོ་སྡོམ་པ་གསན། གནས་བརྟན་དཔལ་ལྡན་ཆོས་སྐྱོང་(༥བ)

― GLG009_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གྲགས་ཏེ་ནཱ་ལནྡའི་མཁན་པོར་གྱུར། ཉིན་མོ་སྡེ་སྣོད་གསུམ་ལ་འཆད་རྩོད་རྩོམ་གསུམ་དང་མཚན་མོ་བདེ་མཆོག་གི་རྣལ་འབྱོར་ལྷུར་བླངས་ནས་དགུང་ལོ་བདུན་ཅུ་ཙམ་སླེབས་ཀྱང་རྟགས་བཟང་བ་མེད་པའི་ཁར་མི་སྡུག་པའི་མཚན་མ་མང་དུ་བྱུང་བ་སློབ་དཔོན་འདིས་སྦྱོར་ལམ་ཕལ་ཆེར་བགྲོད་ནས་ལྟེ་འོག་གི་ཀྵ་མ་ལ་སོགས་པར་རླུང་སེམས་འདུས་ཏེ་མཐོང་ལམ་ཐོབ་པར་ཉེ་བ་བླ་མའི་གདམས་པའི་ཕུ་ཐག་མ་ཆོད་པའི་སྐྱོན་ཡིན་པ་མ་མཁྱེན་པར་ཁོ་བོ་གསང་སྔགས་དང་ལས་འབྲེལ་མེད་པ་འདུག་དགོངས་འཕྲེང་བ་ཆབ་ཁང་དུ་བསྐྱུར་ཏེ་རྒྱུའི་ཐེག་པ་ལ་གཞོལ་བར་བརྩོན་པ་ན་ཐོ་རེངས་མནལ་ལམ་དུ་བདག་མེད་མ་བུད་མེད་ཐ་མལ་པའི་གཟུགས་ཀྱིས་ལུང་བསྟན་པ་ལྟར་མཛད་པས་ཉེར་གསུམ་གྱི་སྲོད་ལ་བདག་མེད་ལྷ་མོ་བཅོ་ལྔའི་དཀྱིལ་འཁོར་དུ་དངོས་སུ་དབང་ཐོབ་སྟེ་མཐོང་ལམ་རྣམ་པར་མི་རྟོག་པའི་ཡེ་ཤེས་རྒྱུད་ལ་འཁྲུངས། ཁམས་འདུས་པ་དང་པོ་གཏུམ་མོ་དྲོད་རྟགས་ཀྱི་ལམ་འཁྲིད་པའི་དུས་ཟུག་རྔུ་དང་གཅན་གཟན་གདུག་པ་ཅན་སོགས་ཤར། ཁམས་འདུས་པ་བར་མ་ཐིག་ལེ་བདེ་སྟོང་གི་ལམ་འཁྲིད་པའི་དུས་མེ་ཆུ་འཁྲུག་པ། ཁམས་འདུས་པ་ཐ་མ་སྐྱོན་མེད་གཉུག་མ་ཡེ་ཤེས་ཀྱི་ལམ་འཁྲིད་པའི་དུས་བླ་མ་ཡི་དམ་གྱི་ཞལ་རལ་བ་སོགས་སྐྱོན་དུ་བཟུང་བ་ཉེ་ལམ་རྡོ་རྗེ་བཙུན་མོའི་གདམས་པས་ཏིང་ངེ་འཛིན་དུ་ངོ་ཤེས་ནས་ཉམས་སུ་བཞེས་པས་ཞག་རེ་ལ་ས་རེ་ཐོབ་ནས་ཞག་དྲུག་སོང་བ་ནས་དྲུག་པ་མངོན་དུ་གྱུར། ལམ་གྱི་བོགས་འབྱིན་ཤ་ཆང་བསྟེན་པ་ལ་མ་དད་པ་བཟློག་པ་དང་བསྟན་པ་ལ་མི་གནོད་པའི་ཆེད་དུ་རབ་བྱུང་གི་རྟགས་བོར་ཏེ་ངན་པར་ཞལ་གྱིས་བཞེས་ནས་ཝ་ར་ཎཱ་སིར་བྱོན་པ་ཆུ་བོ་གངྒཱའི་འགྲམ་དུ་ང་(༦ན)

― GLG009_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

ངན་པ་ཡིན་པས་ལམ་ཐོང་གསུངས་པས་ཆུ་བོ་གྱེན་དུ་བཟློག །ཝ་ར་ཎཱ་སིར་དགེ་འདུན་རྣམས་ཀྱི་གྲུབ་ཐོབ་ཏུ་ཤེས་ཏེ་སྔར་རྔ་ཁ་གཉིས་པ་བརྡུངས་ནས་གནས་དབྱུང་གི་བྱ་བ་བྱས་པ་ལ་བཟོད་པར་གསོལ། ཝ་ར་ཎཱ་སིའི་ནགས་ཁྲོད་དུ་བཞུགས་པ་རྒྱལ་པོ་གྷོ་ནནྟ་ཙཀྲས་ཕོ་བྲང་དུ་གདན་དྲངས་པ་ནང་པའི་རྣལ་འབྱོར་པར་ཤེས་ནས་ཡན་ལག་རྣམས་ལྕགས་ཀྱིས་བཅིངས་ཏེ་ཆུར་བསྐྱུར་བ་ས་འོག་ཏུ་འཛུད་པ་སོགས་བྱས་ཀྱང་གནོད་པར་མ་ནུས་པས་རྒྱལ་པོ་སོགས་ཡུལ་འཁོར་བ་ཐམས་ཅད་རྡོ་རྗེ་ཐེག་པའི་བསྟན་པར་བཀོད། ལྷོ་ཕྱོགས་སུ་བྱོན་པའི་ལམ་དུ་གྲུ་གླ་ལ་བརྟེན་ནས་ཆུ་བོ་བཟློག་པ་དང་ཕྱིར་འབབ་པའི་རྫུ་འཕྲུལ་མཛད། མཉན་པའང་སློབ་དཔོན་གྱི་རྗེས་སུ་འབྲངས་པས་སྐལ་ལྡན་ཅིག་ཅར་བའི་ལམ་གྱིས་བཀྲི་བར་འོས་པའི་ཌོཾ་བྷི་ཧེ་རུ་ཀར་གྲགས། དེ་ནས་ཆང་འཚོང་མ་ཀཱ་མ་རུ་སིདྡྷི་ལ་ཆང་ཉོ་བའི་རིན་མེད་པར་བརྟེན་ཉི་མ་བཟུང་བ་ན་རྒྱལ་པོས་གསོལ་བ་བཏབ་པ་ལྟར་བཏང་བས་ཞག་གསུམ་གྱི་མཚན་ཕྱེད་ཙམ་སོང་བས་རྡོ་རྗེ་གདན་པའི་བསྟོད་པར། ཆུ་བོ་ཆེན་པོ་གྱེན་དུ་བཟློག །ཆང་ལ་ཉི་མ་གཏེ་མར་བཅུག །བིཪྺ་པ་ཞེས་བྱ་བ་ཡི། །བླ་མ་དེ་ལ་ཕྱག་འཚལ་ལོ། །ཞེས་བསྔགས། རིམ་བཞིན་ལྷོ་ཕྱོགས་བྷི་མི་ས་རའི་རྒྱལ་པོ་ནཱ་ཐ་པ་ཏས་རང་གི་མཆོད་གནས་རལ་པ་ཅན་ལྔ་བརྒྱའི་སློབ་དཔོན་དུ་བསྐོས། ར་དང་མ་ཧེ་ཁྲི་ཕྲག་བསད་པའི་ཁྲག་མཆོད་བྱེད་པའི་དབང་ཕྱུག་གི་རྟེན་ལ་སློབ་དཔོན་འདིས་ཕྱག་མཛད་པ་ན་དེ་ཕྱེད་ཙམ་གས་པས་རྒྱལ་པོ་འཁོར་བཅས་སྐྲག་པར་གྱུར། རལ་པ་ཅན་གཅིག་ལས་སད་ནས་རྗེས་སུ་འབྲངས་པ་སངས་རྒྱས་ཀྱི་བསྟན་པ་ལ་མ་ཞུགས་པ་འཇུག་འདོད་(༦བ)

― GLG009_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པའི་མཚན་གཞི་ཤར་ཕྱོགས་ནག་པོ་པར་གྲགས། དེ་ནས་ཏཾ་བྲ་པྲ་ཏི་མའི་རྒྱལ་པོ་ཛིམ་གིམ་ཞེས་བྱ་བས་འཇོན་དམར་ལས་གྲུབ་པའི་དབང་ཕྱུག་གི་སྐུ་ཞལ་གསུམ་ཕྱག་དྲུག་པ་ཁྲུ་བརྒྱད་ཅུ་ཡོད་པ་ཞབས་རྡོས་བསྣུན་ཏེ་གནས་ཁང་ནས་བསྐྲད་པ་ཁ་བུབ་ཏུ་འགྱེལ་བར་མུ་སྟེགས་པ་རྣམས་ཀྱིས་གསོལ་བ་བཏབ་པས་འབྲས་ཆན་ཙམ་གྱིས་མཆོད་པའི་དམ་བཅའ་འཛིན་དུ་བཅུག་སྟེ་གྱེན་དུ་སླང་བ་སོགས་མུ་སྟེགས་གྲངས་མེད་བཏུལ། ལྷ་མོ་ཙཎྜི་ཀའི་རྡོ་སྐུ་རང་བྱོན་ཞིག་གནས་སར་མི་བྱུང་ཚད་རང་བྱུང་གི་ཏྲི་ཤུ་ལས་བསད་པའི་རོ་ལ་ཚོགས་འཁོར་བྱེད་པའི་རྣལ་འབྱོར་མ་རྣམས་ནང་པའི་བསྟན་པ་ལ་བཀོད། དེ་ཝཱི་ཀོ་ཊིའི་རི་སུལ་གྱི་ཐུགས་རྗེ་ཆེན་པོའི་རྡོ་སྐུའི་དྲུང་དུ་ཕེབས་པའི་ཚེ་ཐུགས་རྗེ་ཆེན་པོས་ཁྱོད་ཀྱི་ནུས་པས་རི་རབ་བརླག་པར་ནུས་ཀྱང་སེམས་ཅན་གྱི་ལས་ཟད་པ་མེད་པས་མུ་སྟེགས་རྣམས་ལ་གནོད་པ་མ་བྱེད་ཅེས་གསུངས་པ་སོ་བ་ནཱ་ཐ་བཏུལ་ནས་བཀའ་བཞིན་སྒྲུབ་པར་དམ་བཅས། སོ་བ་ནཱ་ཐའི་མུ་སྟེགས་པ་རྣམས་བཏུལ་ནས་ནང་པའི་སྡེ་བཙུགས། སློབ་དཔོན་ནག་པོ་པ་ཤར་ཕྱོགས་ཀྱི་ཕྱི་པའི་རྒྱལ་པོ་གདུག་པ་ཅན་འདུལ་བ། ཌཱ་མ་རུ་པ་རྗེས་སུ་འཛིན་པ། ཨོ་རྒྱན་ནས་རྡོ་རྗེའི་ཚིག་རྐང་གི་རྒྱབ་བརྟེན་དུ་གྱུར་པའི་ལུང་སྐོར་སྡེ་ལྔ་སྤྱན་འདྲེན་པའི་དོན་གསུམ་ལ་བརྫངས། སློབ་དཔོན་ཉིད་ཐུགས་རྗེ་ཆེན་པོའི་བཀའ་བཞིན་རེ་ཞིག་བརྟུལ་ཞུགས་ཀྱི་སྤྱོད་པའི་འཕྲོ་བཤོལ་ནས་རྡོ་སྐུར་ཐིམ་མམ་ཟེར། ལ་ལ་སྐུ་དངོས་རྡོའི་རྣམ་པར་སོང་བར་གླེངས། དེ་ཡང་འཇམ་དཔལ་རྩ་རྒྱུད་ལས། །ཡི་གེ་དྷ་ཞེས་སྡོམ་བརྩོན་ཉིད། །ལྷོ་ཡི་ཕྱོགས་སུ་རྣམ་པར་གྲགས། །ཕ་རོལ་རྒོལ་བ་བཟློག་ནས་ཀྱང་། །དེ་(༧ན)

― GLG009_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་སྡོམ་བརྩོན་སྔགས་ཀྱང་འགྲུབ། །ཅེས་པ་ཆོས་འབྱུང་མང་པོར་སློབ་དཔོན་ཆོས་གྲགས་ལ་འཆད་པ་ཆོས་ཀྱི་སྐད་དོད་དྷརྨའི་ཟུར་ནི་གཉིས་ཀར་ཚང་བ་དང་བསྟན་པ་ལ་རབ་ཏུ་བྱུང་བའི་སྡོམ་བརྩོན་ཡིན་པར་མཚུངས་ནའང་ཆོས་གྲགས་ཀྱིས་ཚད་མ་རིགས་པས་རྒོལ་བ་ཚར་བཅད་པ་དེ་འདྲ་བའི་པཎྜི་ཏ་ནི་ཆེས་མང་ལ། བརྟུལ་ཞུགས་སྤྱོད་པའི་རྫུ་འཕྲུལ་གྱིས་ལོག་ལྟ་བཅོམས་པ་བསམ་གྱིས་མི་ཁྱབ་པའི་མཛད་པ་དང་སྐུ་ཚེ་དེ་ལ་མཆོག་གི་དངོས་གྲུབ་བརྙེས་པ་དཔལ་ལྡན་ཆོས་གྲགས་ལ་མ་བྱུང་བས་འཁྲུལ་པ་འོང་དོན་མེད་ཅིང་། གྲུབ་ཐོབ་ཐམས་ཅད་ཀྱི་འཁོར་ལོ་སྒྱུར་བ་ནི་སློབ་དཔོན་འདི་ཉིད་དོ། །གཉིས་པ་སྠ་བི་ར་ནི་ཤིང་སྦྲུལ་འདར་དུ་ཞལ་གྱི་གཏོར་ཆེན་སྐབས་ཚར་ཆེན་རང་གི་མནལ་ལམ་དུ་གསལ་བ་བཞིན་རྡོ་རྗེ་གདན་གྱི་ནུབ་ཕྱོགས་ནས་ངེས་གསང་རྡོ་རྗེ་ཐེག་པའི་ཆོས་ཀྱི་འབྱུང་གནས་ཨཽཌྜི་ཡ་ན་ཞེས་ཡུལ་དེའི་སྐྱེ་བོ་རྣམས་འཕུར་ནས་འགྲོ་བའི་མ་དང་མཁའ་འགྲོ་འདུ་བའི་ཡུལ་ཁྱད་པར་ཅན་དེར་སྐུ་བལྟམས་པ་ན་ཚོད་གཞོན་ནུའི་དུས་རྗེ་བཙུན་རྡོ་རྗེ་བཙུན་མོ་མཁའ་ལ་སྤྱོད་པའི་དབང་མོས་རྗེས་སུ་བཟུང་སྟེ་ལུང་བསྟན་གཟེངས་བསྟོད། མདོ་རྒྱུད་ཀྱི་གཞུང་ལ་སྐྱེས་ཐོབ་ཀྱི་ཤེས་རབ་དང་སྦྱོར་བྱུང་གི་བརྩོན་འགྲུས་ཀྱིས་གནས་ལྔ་མཁྱེན་པའི་པཎྜི་ཏའི་རྩེར་སོན་བསྟན་པའི་རྩ་བ་སོ་སོ་ཐར་པའི་བསླབ་པ་ལ་གཙོ་བོར་མཛད་པས་མཚན་སྠ་ཝི་ར་སྟེ་གནས་བརྟན་དུ་གྲགས། རྒྱ་གར་རྡོ་རྗེ་གདན་གྱི་མཁན་པོར་གྱུར་ཏེ་རྒྱལ་བའི་བསྟན་པ་ཆོས་སྤྱོད་རྣམ་བཅུའི་སྒོ་ནས་ཉམས་པ་གསོ་བ་དང་སྔར་ཡོད་རྣམས་དར་རྒྱས་སུ་མཛད་པར་བརྟེན་པཎ་གྲུབ་ཀུན་གྱི་གཙུག་ཏོར་གྱི་རྩེ་མོར་འཛེགས་(༧བ)

― GLG009_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་བརྟུལ་ཞུགས་ཀྱི་སྤྱོད་པ་མཐར་ཕྱིན་པའི་རྫུ་འཕྲུལ་གྱིས་ནག་ཕྱོགས་ལ་དགའ་བའི་འབྱུང་པོ་གདུག་པ་ཅན་གྱི་ནུས་སྟོབས་ཕྲལ་ནས་ཡང་དག་པའི་ལམ་ལ་བཀོད་པ་སོགས་མཛད་པ་མཐའ་ཡས། རྡོ་རིང་རིན་པོ་ཆེའི་སྐྱེ་བརྒྱུད་གྲུབ་ཆེན་ལྭ་བ་པ་དང་འདི་ཉིད་དུས་མཚུངས་པ་ཡིན་ནམ་སྙམ་མོ། །གསུམ་པ་པཎ་ཆེན་དྷརྨ་པཱ་ལ་ནི། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ་གྱི་གསལ་སྣང་ལ་ཤར་བར་སོམ་ཉི་མི་མངའ་བས། རྒྱ་གར་ཤར་ཕྱོགས་སུ་སྐུ་འཁྲུངས་པའི་སློབ་དཔོན་དྷརྨ་པཱ་ལ་ཞེས་གནས་ལྔ་རིག་པ་མཐར་ཕྱིན་ཞིང་རླུང་སེམས་ལ་རང་དབང་དུ་གྱུར་པས་སྐུ་ཚེ་ལ་མངའ་བརྙེས་པ་ཞིག་བྱོན་པའི་ཚེ། རྡོ་རྗེ་གདན་གྱི་ཀ་བ་ནས་མགོན་པོའི་སྒྲུབ་སྐོར་སློབ་དཔོན་པདྨ་བཛྲ་གྱིས་སྤྱན་དྲངས་པ་རྒྱ་གར་དུ་བཀའ་གཏེར་གཉིས་སུ་གྲགས་པའི་གཏེར་མ་དེ་ཡིན་ཞིང་། མན་ངག་རྣམས་སློབ་དཔོན་ཀླུ་སྒྲུབ་ལ་གསན། བཀའ་མི་ནུབ་པར་བྱ་བའི་ཕྱིར་དུ་པཎ་གྲུབ་དྷརྨ་པཱ་ལ་ལ་གནང་འདི་ཉིད་ཀྱིས་བལ་པོའི་རྟེན་ཁྱད་པར་ཅན་རྣམས་མཇལ་བར་བྱོན་པའི་ཚེ་ཚད་པའི་རྙུན་གྱིས་ཟིན་པར་གངས་རི་མཐོང་སར་ཕེབས་ན་ཕན་ཟེར་བར་བརྟེན་ཧ་ནུ་མནྠས་འཕངས་པའི་ཁ་བའི་དུམ་བུ་ལ་གངས་ཅན་དུ་གྲགས་པའི་མངའ་རིས་སྨད་ཀྱི་གངས་རི་དང་། མཚོ་མ་ཕམ་པ་གཟིགས་སུ་བྱོན་པ་ན་ལྷ་བཙད་པོས་ཆོས་ལ་གུས་པའི་བཀུར་སྟི་ཆེར་མཛད། ཁྱད་པར་སྐད་གཉིས་སྨྲ་བ་རིན་ཅེན་བཟང་པོས་ཡོ་གའི་སྐོར་མང་དུ་གསན། མགོན་པོའི་སྒྲུབ་ཐབས་རྒྱ་གར་གྱི་གཏེར་མ་རྣམས་གསན་པས་ལོ་ཆེན་ནས་བརྒྱུད་པ་ལའང་བཀའ་གཏེར་ཟུང་དུ་འཇུག་ཅིང་། ལས་མགོན་གྱི་སྐོར་ལྷ་བཙུན་བྱང་ཆུབ་འོད་ཀྱི་གཏེར་མ་(༨ན)

― GLG009_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

གསན་ཚེ་གཉིས་པོ་ཞུ་དག་ཕེར་བ་བྱུང་སྐད། ལོ་ཆེན་གྱིས་གསེར་སྙིམ་པས་བཅུས་ནས་ཕུལ་བ་མ་བཞེས་ནན་ཏར་གསོལ་བས་ཁྱེར་མི་དགའ་ན་ངས་འདི་ཁྱེད་གསུངས་ནས་རྡོག་པོ་གཅིག་བསྣམས། འཚོ་བས་ཕོངས་ན་ནོར་དགོས་ཀྱང་ངེད་དེ་འདྲའི་ཚན་མིན་གསུངས། ཕར་གཤེགས་དུས་དྷརྨ་པཱ་ལ་ཡིན་པར་ཤེས་པ་ཙམ་གྱིས་འདོ་ལེ་ལ་སྤྱན་དྲངས་རྙེད་བཀུར་བསམ་གྱིས་མི་ཁྱབ་པ་བྱུང་ཞིང་རྒྱ་གར་དུ་འཕྲིན་ལས་ནམ་མཁའ་དང་མཉམ་སྐད། ལྷག་བསམ་རབ་དཀར་ལས་མེ་འབར་མ་ཡི་དཀར་ཆག་ཕལ་ཆེར་དུ། ཁ་ཆེ་དྷརྨ་པཱ་ལ་ཞེས་གསུངས་པ། །ཡོ་ག་སྟོད་ལུགས་བརྒྱུད་པའི་དེ་ཉིད་དང་། །གཅིག་གམ་གཅིག་ན་ཤར་ཕྱོགས་པར་བཤད་ཅིང་། །ཞེས་པའི་དགོངས་པ་གསལ་བྱེད་མཁན་ཆེན་ངག་དབང་ཆོས་གྲགས་ཀྱི་དྲི་ལན་དུ། མེ་འབར་མ་ཡི་དཀར་ཆག་ཕལ་ཆེར་དང་ཡང་དགོན་པའི་ཟིན་བྲིས་ལས། ཁ་ཆེ་དྷརྨ་པཱ་ལ་ཞེས་བཤད་པ་ནི་ཡི་གེ་པའི་སྐྱོན་ཅུང་ཟད་དམ་གསུང་བགྲོས་མ་ཟིན་པར་སྣང་སྟེ། བོད་དུ་བྱོན་ནས་ལོ་ཆེན་གྱི་བླ་མ་མཛད་པའི་དྷརྨ་པཱ་ལ་འདི་ཉིད་ནི། རྒྱ་གར་ཤར་ཕྱོགས་པ་ཡིན་པར་ཡོ་ག་དང་མགོན་པོའི་ལོ་རྒྱུས་ཡི་གེ་རྣམས་ལས་གསལ་བའི་ཕྱིར་རོ་ཞེས་གསུངས་པས་ཤེས་ནུས་སོ། །བཞི་པ་པཎ་གྲུབ་གྷ་ཡ་དྷ་ར་ནི། འཇམ་དབྱངས་མཁྱེན་བརྩེའི་གསང་བའི་རྟོགས་བརྗོད་ནས་གོང་དུ་དྲངས་པ་བཞིན་རྒྱ་གར་ཤར་ཕྱོགས་བྷངྒ་ལའི་རྒྱལ་པོ་ཙཎྜ་རུ་པ་ཨཀྵིའི་ཡིག་མཁན་གྱི་རིགས་ཡིན་པས་ཀ་པ་སྠ་ཞེས་གྲགས་ཤིང་། མཚན་དངོས་གྷ་ཡ་དྷ་ར་སྟེ་བོད་སྐད་དུ་སྤྲིན་འཛིན་ཟེར་རིག་པའི་གནས་ལྔ་ལ་ཤིན་ཏུ་མཁས་ཤིང་སློབ་དཔོན་གཉིས་སྤངས་ཞབས་ཀྱིས་རྗེས་སུ་བཟུང་ནས་གསུང་(༨བ)

― GLG009_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

ངག་གི་བཀའ་བབས། ཟབ་ཆོས་འདི་ཉིད་བོད་དུ་དར་བའི་རྟེན་འབྲེལ་འགྲིག་ཚུལ་ནི་འབྲོག་མིའི་མནལ་ལམ་བཀའ་རྒྱ་མར། ལྷོ་ནས་མི་ནག་པོ་རི་བོ་ཙམ་པ་འཕུར་བྱུང་བའི་ཁ་ནས་དུང་གི་སེང་གེ་སྐྱུགས། དེའི་ཁ་ནས་གསེར་གྱི་རྡོ་རྗེ་བྱུང་བའི་ལྟེ་བ་ནས་བུམ་པ་ཆུས་གང་བ་ཐུགས་ཀར་ཐིམ་པའི་མནལ་ལམ་བྱུང་བའི་སང་ཉིན་སྒོར་ཨཱ་ཙཪྻས་རྭ་དུང་བུས་བྱུང་བ་ན་ལྟར་བཏང་བས་ལ་བ་དམར་པོ་གྱོན་པ་ཞིག་གིས་ཁྱེད་ལ་བསྟད་ནས་འོངས་ཟེར་བ་ནང་དུ་བོས་ནས་གསུང་གླེང་མཛད་པར་རྒྱུད་སྡེ་རྒྱ་མཚོར་མཁས་ཤིང་ཁྱད་པར་རྣལ་འབྱོར་དབང་ཕྱུག་གི་གདམས་པ་ཡོད་པ་མཁྱེན་ནས་ཐོག་མར་ཚར་གསུམ་ཁུག་པའི་ཆོས་འབྲེལ་སོགས་གསན། ལོ་གསུམ་ནས་ཚུར་བོད་དུ་ཡོང་། དེ་དུས་ཆོས་ལོན་གསེར་སྲང་ལྔ་བརྒྱ་གྲབས་ཀྱིས་གསུང་བ་བཞིན་ཞལ་དན་མཛད། ལྷ་རྩེ་བྲག་ཏུ་བཞུགས་པའི་ཚེ་ཞལ་དན་བཞིན་པཎ་ཆེན་གྷ་ཡ་དྷ་ར་ཕེབས། པཎྜི་ཏའི་ཞལ་ནས་གསུང་ངག་འཛུགས་པ་ལ་གནས་ཁྱད་པར་ཅན་དགོས་གསུང་བ་ཆུ་ལ་མུ་གུ་ཞེས་པའི་སྒྲ་བྱུང་བ་གར་སོང་རྩད་བཅད་པ་མཐར་མུ་གུ་ལུང་དུ་ཐིམ་པས་རྣམ་པར་གྲོལ་བའི་སྒྲ་རྟེན་འབྲེལ་ལེགས་པར་དགོངས་ནས་དེར་གནས་མཛད། གསུང་ངག་རིན་པོ་ཆེ་ལམ་འབྲས་བུ་དང་བཅས་པའི་གདམས་པ་ལོ་གསུམ་ལ་རྫོགས་པར་གནང་། པཎྜི་ཏ་འབྱོན་པར་བརྩམས་པ་ལ་སྔར་ཞལ་དན་བཞིན་ལོ་ལྔ་བཞུགས་པར་གསོལ་ཁས་ཆོས་ཚར་ནས་བསྡད་པར་དགོས་པ་མེད་གསེར་ཕྲི་ནས་ཕུལ་ཆོག་གསུང་ཡང་རྟེན་འབྲེལ་མི་ལེགས་དགོངས་ཏེ་གསེར་སྲང་ལ་བཏེག་པ་ཅུང་ཟད་མ་ལོངས་པར་ལྷ་རྗེ་ཟུར་ཕུ་ཆེ་ལ་གདམས་པ་ཡོད་པས་གསེར་ཁུར་ཤོག་གསུངས་པ་བཞིན་ཕུལ། པཎྜི་ཏར་གསེར་(༩ན)

― GLG009_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

སྲང་ལྔ་བརྒྱ། གླ་རྩི་སྟོང་། རྔ་དཀར་ཉིས་བརྒྱ་དང་རྔ་ནག་སྟོང་། གོས་དར་སོགས་ཆོས་ཡོན་བསམ་གྱིས་མི་ཁྱབ་པ་ཕུལ་བས་པཎྜི་ཏའི་ཐུགས་ལ་གསེར་མང་དྲགས་པས་སྒྱུ་མ་ཡིན་ནམ་དགོངས་མང་མཁར་གྲིལ་ཆེན་གྱི་མི་མང་སར་ཅིར་འདུག་དྲིས་པས་གསེར་ཤིན་ཏུ་བཟང་ཟེར་བར་བརྟེན་མཉེས་ཏེ་ད་ཁྱོད་ལ་ཅི་དགོས་གསུངས་པར་ཆོས་འཕྲོ་འདྲ་ཡོད་ན་ཞུ་གསུངས་པས། སྐུ་རྒྱབ་ཏུ་མགོན་ཐང་བཞེས་འཕྲེང་བ་མགུལ་ལ་བཅུག་གཏོར་མ་དབུ་ཐོག་ཏུ་བསྣམས་ནས་ལྷག་མ་མེད་པའི་དབུ་སྙིང་མཛད། སླར་ཅི་དགོས་གསུང་བར་ཆོས་འདི་བདག་མིན་པ་བོད་དུ་གཞན་ལ་མི་གནང་བ་ཞུ་ཞུས་པས་པཎྜི་ཏ་མཉེས་ཀྱང་ཟེར། ལ་ལ་ཞུ་ལུགས་དེ་ཅུང་ཟད་མ་བྱུང་བས་གདུང་བརྒྱུད་ཀྱིས་མི་ཕན་པའི་རྟེན་འབྲེལ་ཕྱུགས་པར་གླེངས་སྐད། འོན་ཀྱང་མནལ་ལམ་གྱི་ལུང་བསྟན་བཞིན་ཆོས་བརྒྱུད་ཀྱི་བསྟན་པ་བོད་དང་བོད་ཆེན་པོའི་རྒྱལ་ཁམས་ཡོངས་སུ་ཁྱབ་པའི་འཕྲིན་ལས་ནམ་མཁའ་དང་མཉམ། འགོས་ལྷས་བཙས་བླ་ཆེན་ལ་ཆགས་སྡང་གི་རྣམ་པས་ཁྱད་དུ་ཐོན་པ་ཞིག་བཞེད་ནས་མཻ་ཏྲི་པ་གདན་འདྲེན་དུ་བྱོན་པ་ལམ་དུ་གྷ་ཡ་དྷ་ར་དང་མཇལ་བར་སུ་ཡིན་དྲིས་པས་མཻ་ཏྲི་པ་ཡིན་གསུངས་པར་བརྟེན་གསང་འདུས་སོགས་ཀྱི་ཆོས་ཞུ་བསྒྱུར་དུ་མ་མཛད། རྗེས་སུ་རྩད་ཆོད་ཀྱང་ཆོས་ཞུས་ཟིན་པ་དང་ཤིན་ཏུ་མཁས་པར་འདུག་པས་ཞབས་ཏོག་བསྟར། ཕེབས་རེས་འདི་ལ་སྤྲིན་གྱི་ཤུགས་ཅན་དུ་གྲགས་པས། གྲུབ་བརྒྱའི་བསྟོད་པར། རྒྱལ་རིགས་རིག་པའི་གནས་ལྔར་མཁས། །ནམ་མཁའི་ལྷ་ལ་ཐེ་ཚོམ་གཅད། །སྤྲིན་གྱི་ཤུགས་ཅན་ཞེས་པ་ཡི། །བླ་མ་དེ་ལ་ཕྱག་འཚལ་ལོ། །ཞེས་འབྱུང་། (༩བ)

― GLG009_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་ཆེན་གཤེགས་ནས་གྱི་ཇོ་ལོ་ཙཱ་བས་གདན་དྲངས་ཁོང་ལ་གསུང་ངག་ཀྱང་གནང་། གཉོས་ཡོན་ཏན་གྲགས་ཀྱིས་གདན་དྲངས་དེར་པཎྜི་ཏ་ལ་འཆི་ལྟས་བྱུང་བས་མཁའ་རེག་ཐོད་ཕུར་འབྲོག་མིའི་སློབ་མ་སེ་རོག་གཉིས་ཡོད་སར་ཕེབས། གཤེགས་པའི་ཚེ་དབུ་གཙུག་ནས་འོད་དཀར་པོ་རྫ་མ་ཙམ་གྱི་ནང་ནས་རྣམ་ཤེས་ཀྱེ་རྡོར་ཞལ་བརྒྱད་པ་རྐང་གང་ཙམ་ཞིག་སྒྲ་འོད་མེ་ཏོག་གི་ཆར་དང་བཅས་ནུབ་ཕྱོགས་སུ་སོང་བའི་ངོ་མཚར་བ་དེ་འདྲ་བོད་དུ་སུ་ལའང་མ་བྱུང་ཞིང་། མཁས་གྲུབ་ཀྱི་ཡོན་ཏན་ནི་བསམ་གྱིས་མི་ཁྱབ་བོ། །ལྔ་པ་མཁས་གྲུབ་ཁྱུང་པོ་ནི། འགྲོ་མགོན་སངས་རྒྱས་སྟོན་པ་ཡིན་པར་ཚར་ཆེན་ཉིད་ཀྱིས་ཞལ་གྱིས་བཞེས་ཤིང་སངས་རྒྱས་སྟོན་པ་ནི་ཁྱུང་པོའི་སྐྱེ་བར་གྲགས་པས། རྗེ་བཙུན་བོད་མཁར་བ་ཆེན་པོའི་རྣམ་ཐར་དུ། སྔོན་གྱི་དུས་ན་མཁས་གྲུབ་ཁྱུང་པོ་དེ། །བདག་སོགས་དམུ་རྒོད་འགྲོ་ལ་བརྩེར་དགོངས་ནས། །དུས་འདིར་ཚར་ཆེན་རྡོ་རྗེ་འཆང་དུ་གྲགས། །བདག་སོགས་གདུལ་བྱའི་རེ་བ་སྐོང་དེར་འདུད། །ཅེས་པ་ཡིད་བརྟན་གྱི་གནས་ཁོ་ན་ངེས་པའི་ཕྱིར། ཁྱུང་པོ་ཉིད་ཀྱི་གསུང་ལས། བན་ཆུང་བདག་གི་སྐྱེས་ས་གངས་དཀར་མདའ། །སྙེ་མོ་ར་མང་རྗེ་རིགས་ཁྱུང་པོ་ཡིན། །ཕ་རུ་སྨོས་པ་ཁྱུང་རྒྱལ་སྟག་སྐྱེས་དང་། །མ་རུ་སྨོས་པ་མགོ་བཟའ་བཀྲ་ཤིས་སྐྱིད། །དེ་ཉིད་རུམ་དུ་བདག་ཉིད་ཞུགས་པའི་ཚེ། །ཕ་མ་ཡུལ་མི་བདེ་སྐྱིད་ལྡན་པར་གྱུར། །སྟག་གི་ལོ་ལ་མ་ཡི་རུམ་ནས་བཙས། །ཞེས་པ་ལྟར་ཡུལ་སྙེ་མོ་ར་མང་དུ་ཡབ་ཁྱུང་པོའི་རིགས་སྟག་སྐྱེས། བཀྲ་ཤིས་སྐྱིད་ཀྱི་སྲས་སུ་སྐུ་བལྟམས། ལོ་བཅུ་ལོན་ནས་ཡིག་རྩིས་མཁས་པར་ཤེས། བཅུ་གཉིས་ལོ་(༡༠ན)

― GLG009_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཕ་མེས་བག་ཆགས་ཀྱི། །སེམས་ཕྱོགས་བོན་བསླབས་རྫོགས་ཆེན་ཕྱག་ཆེན་བསླབས། །ཞེས་དགུང་ལོ་བཅུ་ནས་འབྲི་ཀློག་རྩིས་སོགས་ལ་མཁས་པར་སྦྱངས། བཅུ་གསུམ་ནས་བླ་མ་གཡུང་དྲུང་རྒྱལ་པོ་ལ་བོན་གྱི་སྐོར་གསན་མཁས་པར་གྱུར་ཏེ་ཀ་པ་ལི་འདྲེན་པ་བདུན་བརྒྱ་ཙམ་གྱི་ཚོགས་པ་བསྐྱངས་ནས་བོན་གྱི་འཆད་ཉན་དང་བསྟན་བཅོས་མང་དུ་མཛད་པས་དབུས་གཙང་ཀུན་ཏུ་དར་རྒྱས་སུ་གྱུར་ནའང་འདི་གཤའ་མ་རང་ཞིག་མིན་པ་འདྲ་སྙམ་རྒྱ་གར་དུ་འབྱོན་པར་བརྩམས་ཚེ་ཡབ་ཡུམ་གཉིས་ཀྱི་རིང་མི་འབྱོན་པར་གཤོལ་བཏབ་པ་ལ་བརྟེན། སྔགས་རྙིང་མ་བ་བླ་མ་འབྱུང་གནས་སེང་གེ་ལ་སེམས་ཀློང་མན་ངག་གི་སྡེ་རྣམས་གསན་ཞིང་སློབ་མ་སུམ་བརྒྱ་ཙམ་བསྐྱངས་ཀྱང་སྤྱོད་པ་ལ་མ་མགུ་བར་ལྷ་ས་བསྐོར་བ་དང་སྦྲགས་བླ་མ་ནི་རུ་བར་ཕྱག་ཆེན། མཚན་བརྗོད། དོ་ཧ། དགྲ་འཇིགས་ཀྱི་སྐོར་སོགས་གསན་ནའང་ཐུན་མོང་གི་དངོས་གྲུབ་ཙམ་ལ་མ་རངས་པས། དེ་ཚེ་རྒྱ་གར་གྲུབ་ཐོབ་ཨ་མོ་གྷས། །འདི་ནི་སྤྲུལ་པའི་སྐུ་སྟེ་རྒྱ་གར་འགྲོ། །པཎྜི་ཏ་དང་གྲུབ་ཐོབ་ཐམས་ཅད་ཀྱི། །ཐུགས་བཅུད་བསྡུས་ནས་འགྲོ་རྣམས་སྨིན་གྲོལ་མཛད། །སྣ་ཚོགས་སྤྲུལ་པས་གདུལ་བྱ་འདུལ་བར་འགྱུར། །ཐེག་ཆེན་སྙིང་པོ་མཐའ་བྲལ་ཆོས་སྒྲ་སྒྲོག །མཐར་ཐུག་གསང་སྔགས་བདེ་སྟོང་དབྱེར་མེད་ཀྱི། །སེང་གེའི་ང་རོ་ཕྱོགས་བཅུར་སྒྲོག་པར་འགྱུར། །ཞེས་ལུང་བསྟན་དང་མཐུན་པར་ཞིང་བཙོངས་པ་དང་། སྲུ་མོའི་གཡུ་སོགས་ལ་བརྟེན་པའི་གསེར་མང་པོ་བསྣམས་ནས་བྱོན་ཚུལ། དེ་ནས་རིན་ཆེན་གསེར་ཕྱེ་འཕངས་མེད་ཁྱེར། །གཅེས་པའི་སྲོག་ལ་མ་བལྟས་དཀའ་སྤྱད་ནས། རྒྱ་དང་བལ་པོའི་ཡུལ་དུ་ལན་(༡༠བ)

― GLG009_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་ཕྱིན། །རྒྱ་གར་མཁས་པ་བརྒྱ་དང་ལྔ་བཅུ་བསྟེན། ཁྱད་པར་མཁས་ཤིང་གྲུབ་ཐོབ་ལྔ་བཅུ་དང་། །རྩ་བའི་བླ་མ་ཁྱད་འཕགས་རྣམ་བཞི་བསྟེན། །ལོངས་སྐུ་དྲུག་པ་རྡོ་རྗེ་འཆང་ཆེན་ལ། །དངོས་སུ་ཆོས་གསན་ཡེ་ཤེས་མཁའ་འགྲོ་གཉིས། །མཉེས་པར་བྱས་ནས་མཐར་ཐུག་གདམས་ངག་ཞུས། །ཞེས་བལ་པོར་པཎྜི་ཏ་བྷ་སུ་ན་མ་ཏི་ལ་བིཏྤཱ་ཏ་སྦྱངས་ཤིང་བྱ་རྒྱུད་ཀྱི་སྐོར་གསན་བླ་མ་རྡོ་རྗེ་གདན་པ་ལ་དགེ་ཚུལ་སྒྲུབ་པ་སོགས་བླ་མ་བརྒྱ་ལྔ་བཅུ་ལ་རྒྱུ་འབྲས་ཀྱི་ཐེག་པའི་ཆོས་མཐའ་ཀླས་པ་གསན། པཎ་གྲུབ་ཐམས་ཅད་ཞལ་མཐུན་པར་ནཱ་རོ་པའི་ལྕམ་ནེ་གུ་ཞེས་རྡོ་རྗེ་འཆང་ལ་ཆོས་དངོས་སུ་གསན་པ་ཞིག་དུར་ཁྲོད་སོ་ས་གླིང་ན་ཡོད་པ་ཐོས་པས་དེར་བྱོན་པ་ན་ཤིང་ཏཱ་ལ་བདུན་སྲིད་ཙམ་གྱི་མཁའ་ལ་བུད་མེད་སྨུག་ནག་རུས་རྒྱན་སྤྲད་པ་ཞིག་འདུག་པར་གསེར་ཕུལ་ཞིང་གསོལ་བ་བཏབ་པས་ཚེས་བཅོ་ལྔའི་སྲོད་ལ་སྒྱུ་ལུས་དབང་མོ་ཆེའི་དབང་གནང་བ་སོགས་ཆོས་དྲུག་གི་གདམས་པ་རྣམས་གསན། གཞན་ཡང་མཻ་ཏྲི་པ་དང་རཱ་ཧུ་ལ་སོགས་ལ་མྱུར་མཛད་མགོན་པོའི་ཆོས་སྐོར་ཞུས་ནས་བོད་དུ་བྱོན། ལྗོངས་འདིར་ཆག་ཆོས་རྡོ་རྗེའི་རྒྱས་བཏབ་ཀྱི་བརྒྱུད་པ་བདུན་ལྡན་སོགས་དཔལ་ལྡན་ཤངས་པ་བཀའ་བརྒྱུད་ཀྱི་བསྟན་པ་ཕྱོགས་ཀུན་ཏུ་ཁྱབ་པར་གྱུར། ཞིང་འདིར་མཛད་པ་རྫོགས་ནས།བླ་མ་ཡི་དམ་ལུང་བསྟན་པའི། །མཐར་ཐུག་གསུམ་གྱི་དུས་ལ་བབས། །ད་ནི་ཞིང་ཁམས་མཐར་ཐུག་པའི། །བདེ་བ་ཅན་གྱི་ཞིང་དུ་འགྲོ། །ཞེས་དུས་ལ་བབས་པས་འཕོ་བ་ཡེ་ཤེས་སྐར་ཁུང་མ་ལ་བརྟེན་ཏེ་དབུ་ཐོད་ལག་མཐིལ་ཙམ་ཞིག་མཁའ་ལ་འཕར་ནས་སྒྲ་འོད་དང་བཅས་ཏེ་གཤེགས། ཁམས་པའི་གྲྭ་(༡༡ན)

― GLG009_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྣམས་ཀྱི་དབང་དུ་སོང་ནས་པུར་སྦྱངས་པས། འདི་ཡི་ལུས་ནི་བདེ་མཆོག་འཁོར་ལོ་སྟེ། །གསུང་ནི་མཧཱ་མཱ་ཡའི་བདག་ཉིད་འགྱུར། །ཐུགས་ནི་དཔལ་ལྡན་དགྱེས་པ་རྡོ་རྗེ་སྟེ། །སྤྲུལ་པའི་གནས་མཆོག་གསང་བ་འདུས་པ་ལ། །གསང་གནས་བདེ་སྐྱོང་གཤིན་རྗེ་གཤེད་དུ་འགྱུར། །ཞེས་པ་དང་མཚུངས་པར། ལྷ་སྐུ་དང་རིང་བསྲེལ་གྱི་ཕུང་པོར་སོང་། དེང་སང་ཡང་ཤངས་ཆོས་ཁུངས་བཙུན་གྱི་རྒྱུན་མ་ཆད་པ་ཚར་ཆེན་གྱི་ཐུགས་རྗེ་ཁོ་ནར་མངོན་ནོ། །དྲུག་པ་པཎ་ཆེན་བསོད་སྙོམས་པ་ཆེན་པོ་ནི། ཀུན་མཁྱེན་ཆོས་སྐུ་འོད་ཟེར་གྱིས་པཎ་ཆེན་གྱི་སྔོན་གནས་དྲན་ཞིང་ཆོས་འོད་ཡིན་པ་རྗེ་མཁྱེན་བརྩེའི་མནལ་ལམ་གྱིས་ཤེས་ནུས་པས། རྒྱ་གར་ནུབ་ཕྱོགས་ཁ་ཆེ་ཁྲི་བརྟན་དུ་ཡབ་ཚོང་དཔོན་སྲིད་བརྟན་ཡུམ་དགེ་བ་མ་གཉིས་ཀྱི་སྲས་སུ་མེ་མོ་ལུག་གི་ལོ་ལ་སྐུ་བལྟམས། སྤྱིར་མ་བྱོན་སངས་རྒྱས་གསུམ་པ་རབ་གསལ་གྱི་རྣམ་པར་སྤྲུལ་པ་ཡིན་པས་འཕགས་པའི་གང་ཟག་གི་ཡོན་ཏན་དཔག་པར་དཀའ་ཞིང་ཐུན་མོང་བའི་སྣང་ངོར་ཡང་ཆུང་ངུའི་དུས་ནས་ཡིག་རྩིས་སྒྲ་སྙན། སྡེབ་སྦྱོར། མངོན་བརྗོད། ཟློས་གར་དང་གཞན་ཡང་རིག་པའི་གནས་བཅོ་བརྒྱད་ལ་མཁས་པའི་རྩེར་སོན། མཁན་པོ་ཆེན་པོ་ཨཱ་ཀཱ་ར་གུཔྟ་ལ་བསྙེན་པར་རྫོགས་ཏེ་ཚུལ་ཁྲིམས་རྣམ་པར་དག་པས་གནས་བརྟན་འདུལ་བ་འཛིན་པ་ཀུན་གྱི་གཙུག་གི་ནོར་བུར་གྱུར། ཐུན་མོང་བ་ནང་རིག་པ་སྡེ་སྣོད་གསུམ་དང་ཐུན་མོང་མིན་པ་གསང་ཆེན་རྡོ་རྗེ་ཐེག་པ་ལ་སྦྱངས་པས་མཁས་གྲུབ་ཀྱི་སྙན་པས་ས་སྟེང་ཁྱབ། ཁྲོ་ཕུ་བ་གནུབས་བྱམས་པའི་དཔལ་ལོ་ཙཱ་མཛད་བཞེད་ཀྱིས་མང་ཡུལ་སྐྱིད་གྲོང་དུ་བཞུགས་དུས་(༡༡བ)

― GLG009_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་ཚའི་སློབ་མ་དོན་ཞགས་པར་བརྟག་པ་ཞུས་པར་འཕགས་པ་ཝ་ཏི་ལ་གསོལ་བ་ཐོབ་ཅེས་གསུངས་པ་ལྟར་བཏབ་པས་ལོ་ཙཱ་བའི་མནལ་ལམ་དུ་ཨཱཙཪྻ་དུང་སོ་ཡོད་པ་ཞིག་གིས་དུང་སེང་། བྱང་ཆུབ་ཤིང་གི་ལོ་མ་ལ་པཎྜི་ཏ་བྱའི་གདོང་པ་ཅན་དང་ཤེལ་གྱི་མེ་ལོང་ལ་པཎྜི་ཏ་ཤིན་ཏུ་མཛེས་པའི་གཟུགས། མི་གཟུགས་དཀར་པོ་རྣམས་གཏད་བྱུང་བ་སོ་སོའི་རྒྱབ་ཏུ་རྒྱ་ཡིག་ཡོད་པ་དེ་སྐབས་མ་མཁྱེན་ཀྱང་སེང་གེ་ལོ་ཙཱ་བ། མི་དཀར་མི་ཏྲ་ཛོ་ཀི །མེ་ལོང་བུདྡྷ་ཤྲཱི། ཤིང་ལོ་ཁ་ཆེ་པཎ་ཆེན་དུ་འདུག་པ་བཞིན་བལ་ཡུལ་དང་རྒྱ་གར་རྣམས་སུ་བྱོན་ནས་པཎ་གྲུབ་སྔོན་མ་གཉིས་སྤྱན་དྲངས་པའི་རྗེས་སུ། རྒྱ་རྩིས་པའི་ཤིང་ཕོ་བྱི་བ་མཆུ་ཟླ་བའི་ཚེས་བདུན་ལ་གདན་འདྲེན་པའི་ཆེད་ལམ་དུ་ཞུགས། རྒྱང་རོ་གོང་ཆུང་གི་དགེ་བཤེས་རྒྱ་བླ་མ་ན་རེ་པཎ་ཆེན་སྤྱན་འདྲེན་པ་ལ་ཅུམ་ཅུམ་དང་ཞུམ་ཞུམ་བྱས་པས་མི་ཡོང་འུད་ཐག་གིས་སོང་གསུང་བ་བཞིན་གྲོ་མོར་བྱོན་པཎ་ཆེན་ཕེབས་ལམ་ནོར་བའི་ཆོམ་རྐུན་དུག་སྦྲུལ་གཅན་གཟན་སོགས་ཀྱི་འཇིགས་པ་ཡོད་པའི་ལམ་དུ་བྱོན་ཀྱང་ཅི་ཡང་མ་ཉེས་པར་བཻ་ཌཱུཪྻའི་ཚོང་འདུས་སུ་བྱོན། ལོ་ཙཱ་བས་རྒྱ་ཡིག་བྲིས་པའི་ཞུ་ཡིག་གསེར་གྱི་ཤེར་སྙིང་དང་གསེར་སྲང་ལྔ་སོགས་ཀྱི་རྟེན་བཟང་པོ་དང་བཅས་པཎྜི་ཏ་ཛ་ཡ་ཤྲཱི་དང་ཝ་ར་ཎཱ་སི་གཉིས། ཇོ་སྲས་ཉི་མ་དང་ཁམས་པ་བྱང་གྲགས་གཉིས་ཕོ་ཉར་བཏང་། གདན་འདྲེན་པ་འོང་བར་མཁྱེན་ནས་ལ་འུར་བྱོན་ཀྱང་མ་བྱུང་བས་ཕྱིར་ལྡོག་པར་བརྩམས་པ་ན་བང་ཆེན་རྣམས་སླེབས། པཎ་ཆུང་རྣམས་ལ་ཇི་ལྟར་བྱེད་དྲི་བ་མཛད་པས་ངེད་ཀྱིས་མི་ཤེས་ཆོས་རྗེ་ཉིད་ཀྱིས་མཁྱེན་གསོལ་བ་ལ་བརྟེན་མཚམས་མཛད་ནས་སྒྲོལ་མ་ལ་གསོལ་བ་བཏབ། དེའི་དུས་རྒྱ་གར་ཤར་(༡༢ན)

― GLG009_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཀྱི་གནས་བརྟན་མང་པོས་སློབ་དཔོན་ཀླུ་སྒྲུབ་ཀྱིས་རབ་གནས་མཛད་པའི་སྒྲོལ་མ་ངོ་ཆེན་དུ་སྤྱན་དྲངས་ནས་གདན་འདྲེན་ལ་བྱུང་བར། བོད་ཀྱི་ཕོ་ཉ་བས་དཀོན་གཉེར་ཁ་ཆེ་བར་རྔན་པ་བྱིན་ཏེ་རྟེན་གཉིས་ཞལ་ཚུར་བསྒྱུར་ལོ་ཙཱ་བ་བྱོན་པ་ན་པཎ་ཆེན་གྱིས་གཞོན་ནུ་འདི་འདྲས་ལོ་ཙཱ་བ་ཨེ་ཡོང་མི་ཤེས་པས་སེམས་བསྐྱེད་དང་སྒྲུབ་ཐབས་འགའ་ཞིག་བྱིན་ནས་ཕྱིར་བཟློག་དགོངས་པ་ལ་ཛ་ཡ་ཤྲཱིས་བསླབས་ནས་ལོ་ཙཱ་བས་པཎ་ཆུང་དགུ་ལ་དྲི་བ་མི་འདྲ་བ་གཉིས་གཉིས་དྲིས་པས་ཕྱི་དྲོ་ནས་ནམ་ཕྱེད་ཀྱི་བར་དུ་སོང་། ཆོས་རྗེའི་ཐུགས་དམ་ནར་མ་མང་པོ་ཆག་ཀྱང་ཐུགས་དགྱེས་ཏེ་བོད་ན་འདི་འདྲ་བའི་ཆོས་སྨྲ་བ་འོང་བ་ངོ་མཚར་ཆེ་གསུངས། རིམ་གྱིས་ཕག་རིར་ཕེབས་ཕྱོགས་འདུས་ཀྱི་སྐྱ་སེར་གྲངས་མེད་པ་ལ་མན་ངག་ཁ་འཐོར་མང་དུ་གསུངས་ཚོང་འདུས་ནས་ཆུ་མིག་གི་བར་དུ་དགེ་འདུན་ཤིན་ཏུ་མང་པོས་བསྐོར་བས་ཁྱིམ་པ་རྣམས་ཀྱིས་ཞལ་ཡར་ལྟ་དཀའ་བར་གྱུར། ཁྲོ་ཕུར་དབྱར་གནས་མཛད་པའི་ཚུལ་ཤིང་ལེན་མི་བརྒྱད་བརྒྱ་ལྷག་ཙམ་བྱུང་། བརྒྱད་སྟོང་པ་དང་སོ་ཐར་གྱི་ལུང་མང་དུ་གསུངས། རྟག་ཏུ་ངུའི་ལེའུ་ལ་བབས་པའི་ཚེ་མཆོད་པའི་མཎྜལ་རི་མོ་ཅན་གྱི་སྟེང་དུ་པོ་ཏི་བཞུགས་པ་ལ་མཆོད་པ་མང་པོ་བྱེད་བཞིན་པར་ནུབ་ཕྱོགས་ལ་སོང་བས་རྒས་ཁར་ཁ་ཆེར་འགྲོ་བར་འདུག་གསུངས། སྣར་གྱི་གླས་མོ་ཆེར་བྱོན་ཉིས་འགྲོལ་དུ་གསུངས་པ་ལ་དེ་བཞིན་ཉིད་ཀྱི་ལེའུ་ལ་སླེབས་པའི་ཚེ་ཆོས་རྗེའི་ཕྱག་དཔེ་བརྒྱད་སྟོང་པའི་པོ་ཏི་སྒྲོལ་མའི་པང་དུ་བྱས་དེར་མཆོད་པ་མང་པོ་བྱས་ཤར་ཕྱོགས་སུ་སོང་བས་དབུས་སུ་འགྲོ་དགོས་པ་འདུག་གསུངས་ཤིང་(༡༢བ)

― GLG009_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

དེར་ཡང་དབྱར་གནས་མཛད། ལྷ་སར་ཤཱཀྱ་མུ་ནི་སོགས་རྟེན་རྣམས་མཇལ། སྲིན་པོ་རིར་དབྱར་གནས་མཛད། རྡོ་རྗེ་འཕྲེང་བའི་དབང་དང་བྱམས་ཆོས་སྡེ་ལྔ། དབུ་མ་རིགས་ཚོགས་དྲུག་སོགས་ཆོས་མང་དུ་གསུངས། བསམ་ཡས་སུ་ལྷ་བཙུན་ཞི་བ་འོད་ཕྱི་མས་གདན་དྲངས་མཆིམས་ཕུ་སོགས་གནས་རྣམས་གཟིགས། སྲིན་པོ་རིར་བཞུགས་ཐོག་རྒྱ་འབྲི་མཚུར་གསུམ་གྱི་གདན་འདྲེན་བྱུང་། བྱམས་པའི་ཆ་རྐྱེན་གྱི་ཆེད་དུ་གཉལ་ལོ་རོ་སོགས་ཡུལ་གྲུ་མང་པོར་ཕེབས། ཆུ་སྤྲེལ་ཁྲོ་ཕུའི་བྱམས་ཆེན་ལ་རབ་གནས་མཛད་པས་ངོ་མཚར་བའི་ལྟས་བསམ་གྱིས་མི་ཁྱབ་པ་བྱུང་། སྔོན་བླ་ཆེན་པོའི་སྡོམ་རྒྱུན་དང་སྟོད་འདུལ་བ་སོགས་བྱུང་ནའང་བསོད་སྙོམས་པ་ཆེན་པོ་འདི་ཉིད་ཀྱིས་མཁན་པོ་མཛད་ནས་བྱང་རྡོར་རྣམ་གཉིས་སོགས་བསྙེན་པར་རྫོགས་པའི་པཎ་ཆེན་བརྒྱུད་པ་ཞེས་འཕགས་ཡུལ་ལ་འགྲན་བཟོད་པའི་བསྟན་པ་རྨ་མེད་པའི་བཀའ་དྲིན་རྒྱ་ཆེར་མཛད་ཇོ་བོ་སྟན་གཅིག་པའི་སྡེ་བཙུགས། དཔལ་ལྡན་ས་སྐྱར་ཕེབས་དུས་རྗེ་བཙུན་ཆེན་པོས་རྡོར་དྲིལ་ནམ་མཁའ་ལ་འཇོག་པ། ཅང་ཏེའུ་སོགས་ཀྱི་སྒྲ་རང་སྒྲར་འཁྲོལ་བ། རྒྱ་ཁབ་ཕྱེ་ལྟར་གསོལ་ཏེ་ཕྱིར་འདོན་པ། དྷཱུ་ཏཱིའི་རྒྱུ་བ་བཀག་པས་གཟའ་འཛིན་མི་འབྱུང་བ་སོགས་ལ་རྒྱ་གར་ནའང་འདི་ལྟ་བུའི་གྲུབ་ཐོབ་དཀོན་ཞེས་འཁོར་ལོ་སྡོམ་པའི་དབང་གསན། ཉང་སྨད་རྒྱན་གོང་གི་གཙུག་ལག་ཁང་དུ་རྗེ་བཙུན་ས་པཎྜི་ཏ་བསྙེན་པར་རྫོགས། བོད་རྣམས་ཀྱིས་བཞུགས་པར་གསོལ་ཡང་མ་བཞེད་པར་འབུལ་བའི་དངོས་པོ་རྣམས་ཡུལ་སོ་སོའི་དགེ་འདུན་ལ་བཀྱེ། ལོ་ཙཱ་བས་གློ་བོའི་བར་གདན་འདྲེན་དུ་བྱོན་པར་ཕྱག་གིས་མ་ཐེག་(༡༣ན)

― GLG009_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གསེར་གྱི་གནང་སྦྱིན་མཛད། ཁ་ཆེར་ལོ་བཅུ་གཉིས་བཞུགས་ནས་རྒྱལ་པོ་མུ་སྟེགས་པར་སོང་བ་ནང་པའི་བསྟན་པ་ལ་བཀོད་ཡུལ་དེར་རབ་བྱུང་གི་སྡེ་མང་དུ་བཙུགས། སྔར་བོད་དུ་སློབ་མ་རྣམས་ཀྱིས་དུས་མཆོད་འཛིན་པའི་དུས་མི་ཤེས་པ་འདུག་གསོལ་བས་ནམ་འདས་པའི་དུས་ན་རྫ་སྐུ་རྣམས་གས་འོང་གསུངས། ཤིང་མོ་བྱའི་ལོ་དགུང་ལོ་དགུ་བཅུ་རྩ་དགུར་ཕེབས་པ་ན་ངོ་མཚར་བའི་ལྟས་དང་བཅས་ཏེ་དགའ་ལྡན་དུ་གཤེགས་སོ། །བདུན་པ་ཆོས་རྗེ་སངས་རྒྱས་སྟོན་པ་ནི། རྣམ་ཐར་གསོལ་འདེབས་ཚིགས་བཅད་མར་གསལ་ཞིང་རྗེ་ཉིད་ཀྱིས་ཞལ་གྱིས་བཞེས་པ་བཞིན་ཡུལ་དབུས་ཀྱི་སའི་ཆ་ཁྱུང་བཙུན་རྡོ་རྗེ་དཔལ་ཡུམ་གྱི་ཕོ་བྲང་གངས་ཀྱི་རི་བོའི་འདབས་ཞོལ་རྩའི་བསིལ་མ་ཞེས་བྱ་བའི་གྲོང་ཁྱེར་དུ་ཡ་བས་དཀར་པོའི་རུས་ལས་ཆད་པའི་གཡུང་དྲུང་གི་སྟོན་པ་ས་ལ་དབང་བ་གསལ་བའི་ཁྲི་ཞེས་བྱ་བ་ནས་བརྒྱུད་པ་རིམ་པར་བོན་གྱི་རིང་ལུགས་ལ་བརྟེན་ནས་གྲུབ་པ་བརྙེས་པ་མང་དུ་བྱུང་བའི་མཐར་དམ་པ་འདི་ཉིད་འཁྲུངས་ལ། འོན་ཀྱང་བོན་ལ་མི་དགྱེས་པར་ཆོས་འབའ་ཞིག་དོན་དུ་གཉེར་བས་ཡབ་མེས་ཀྱི་སྒྲུབ་ཐབས་གསུམ་ཙམ་ལས་ཆེར་མ་གསན། དགུང་ལོ་བརྒྱད་དགུ་ལོན་པའི་དུས་འབྲི་ཀློག་སྦྱངས། དགུང་ལོ་བཅུའི་དུས་སུ་མ་གཅིག་སྤྲུལ་སྐུ་ལ་གཅོད་དབང་དང་ཞལ་གདམས་ཚིག་བརྒྱུད་ཞུས། བཅུ་གཅིག་དང་བཅུ་གཉིས་ཀྱི་དུས་སུ་འཁོར་བ་མཐའ་དག་སྡུག་བསྔལ་གྱི་རང་བཞིན་ཅན་དུ་དགོངས་པའི་ངེས་འབྱུང་གི་བསམ་པ་བརྟན་པོས་དགུང་ལོ་བཅུ་གསུམ་པར་བླ་མ་རྩོ་རི་རས་པར་རབ་ཏུ་བྱུང་མཚན་བརྩོན་འགྲུས་སེང་གེར་བཏགས། སློབ་(༡༣བ)

― GLG009_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་སྲེགས་དུམ་པ་རས་པ། བཟང་ཡུལ་བ། ཁྲོ་ཕུ་བ། ས་སྐྱ་པ། སློབ་དཔོན་ཇོ་སྟན་མཁར་སྐྱ་བ་སོགས་ཡོངས་འཛིན་བཅུ་ལྷག་གི་ཞབས་པད་ཉེ་བར་བསྙེན་ཏེ་ཐེག་པ་ཆེ་ཆུང་གི་ཟབ་ཆོས་མང་དུ་གསན། བཅུ་དགུ་པར་མཁན་པོ་ཆོས་རྒྱལ་གྱི་དྲུང་དུ་བསྙེན་པར་རྫོགས། ཁྱད་པར་བླ་མ་རྔོག་སྟོན་ཞེས་ས་ལོ་དང་ཁྲོ་ལོ་ལ་དག་པ་མི་སྟེར་བ་སྐད་བྱེད་པ་དེ་ལ་ཀུན་ལས་བཏུས་པ་སོགས་ཞུས། ཁོང་མོས་པའི་བླ་མ་སངས་རྒྱས་གཉེན་སྟོན་གྱི་དྲུང་དུ་བྱོན་པའི་ཚེ་བླ་མའི་ཞལ་ནས་དེ་རིང་རབ་གྲོང་ནས་སྒོམ་ཆེན་པ་ཞིག་འོང་བར་གདའ་བས་ཨོ་རྒྱན་དང་ཛ་ལནྡྷ་ར་ཚུན་ཆོད་ནས་ཕྱིའི་རྒྱ་མཚོའི་མཐའ་ཚུན་འགེང་བའི་ཆོས་བདག་ཅིག་ཡིན་པས་ཕྱག་བདར་གྱིས་གསུངས། མཇལ་བའི་ཚེ་ཁྱོད་ངའི་རྩར་ལོ་གསུམ་གྱི་རིང་མ་ཐོན་པའི་གོང་ལ་ལུང་བསྟན་བྱེད་པའི་བླ་མ་རྔོག་སྟོན་གྲོང་ཨང་གསུངས་པས་མངོན་མཁྱེན་ཐོགས་མེད་དུ་དགོངས། ཁྱོད་འདིར་འོང་བའི་རྒྱུ་ཅི་ཡིན་གསུངས་པར་ཁྱེད་སྒྱུ་ལུས་རྨི་ལམ་འབྱོངས་ཤིང་འོད་གསལ་མངོན་དུ་གྱུར་པའི་ཡི་དམ་གྱི་ཞལ་གཟིགས་ཆོས་སྐྱོང་བྲན་དུ་འཁོལ་ཟེར་བས་འོངས་ལགས་པས་བླ་མ་ཤངས་པའི་གདམས་པ་རྣམས་གནང་འཚལ་ཞུས་པས་རྗེ་བཙུན་ནེ་གུ་མའི་ཐུགས་ཀྱི་ཉིང་ཁུ་ཆོས་དྲུག་གི་དབང་བྱིན་རླབས་མན་ངག་ལུང་རྒྱབ་རྟེན་མཐའ་དག་རྫོགས་པར་གནང་ནས་བརྒྱུད་པ་རིན་ཆེན་སྣ་བདུན་གྱི་ཐ་མ་ཡིན་ནོ་ཞེས་ངོས་འཛིན་མཛད། འགྲོ་དོན་འཕྲིན་ལས་ཀྱང་རྒྱ་ཆེར་བསྐྱངས་པས་ཤངས་པ་བཀའ་བརྒྱུད་ཀྱི་བསྟན་པའི་སྒྲོན་མེའོ། །བརྒྱད་པ་ཀུན་མཁྱེན་ཆོས་འོད་ནི། བོ་དོང་དུ་ཚར་ཆེན་ཕེབས་རྒྱུའི་དོ་ནུབ་རྗེ་མཁྱེན་བརྩེའི་མནལ་ལམ་དུ་ཀུན་(༡༤ན)

― GLG009_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་ཆོས་སྐུ་འོད་ཟེར་ཡིན་ཟེར་བའི་བླ་མ་བགྲེས་པོ་སྐུ་ཤ་འབྱོར་བའི་སྐུ་ཆས་ན་བཟའ་ཞབས་ཕྱགས་སོགས་སང་ཉིན་རྗེ་ཉིད་ལ་ཇི་ལྟ་བ་བཞིན་འདུག་གསུངས་པ་ཀུན་མཁྱེན་ཆོས་འོད་ཀྱི་སྐུའི་སྐྱེ་བར་ངེས་ཤེས་རྙེད་པས། ཡུལ་ཉང་སྟོད་གསེར་སྡིངས་སུ་གདུང་གསུམ་པ་ཡབ་ཀུན་མཁྱེན་གཞོན་ནུ་འོད། ཡུམ་མགར་བཙུན་མ་ཤེས་རབ་རྒྱལ་མཚན་གྱི་སྲས་སུ་གཡའ་མ་རིའི་གཙུག་ལག་ཁང་གི་འདབས་སུ་ཤིང་ཁྱི་སྟོན་འབྲིང་ཉི་མ་སྒྲ་གཅན་གྱིས་ཟིན་པའི་དུས་སྐུ་བལྟམས་མཚན་བདག་མེད་རྡོ་རྗེར་བཏགས། ཡུམ་གྱི་ལད་མོ་མཛད་པས་ཡི་གེའི་འབྲི་ཀློག་དང་ཁ་ཏོན་རྣམས་ཚེགས་ཆུང་ངུས་མཁྱེན། ཞང་པོ་དང་མཉམ་དུ་གསེར་སྡིངས་སུ་ཆོས་ཞུ་བ་ལ་བྱོན་པའི་ཚེ་རྩེད་མོར་གཡེངས་པས་ངའི་ཆོས་འགོ་དང་ཁྱོད་ཀྱི་རྩེད་འགོ་ཚུགས་པ་ཆོས་ལ་མི་གུས་སམ་ཞེས་བཀའ་བཀྱོན་པས་ཆོས་རྣ་བས་ཉན་པ་དང་ཡན་ལག་གིས་རྩེ་བ་མི་འགལ་ཞེས་ཆོས་རྣམས་ཤར་གྱིས་བསྐྱར་བས་ཀུན་ཡ་མཚན་ཞིང་སྔོན་གནས་གསུངས་པས་ཁ་ཆེ་པཎ་ཆེན་གྱི་སྤྲུལ་བར་གྲགས། བླ་མས་ཀྱང་ཡབ་ཏུ་ཞལ་གྱིས་བཞེས་ནས་དེ་ཕྱིན་ཆད་བསྟན་བཅོས་ཀྱི་མཛད་བྱང་ལ་རྣལ་འབྱོར་གྱི་དབང་ཕྱུག་ཅེས་གསུངས་སྐད། བཅུ་གསུམ་པ་ལ་གནས་རྙིང་དུ་མཁན་པོ་རིན་ཅེན་པ་ལ་རབ་ཏུ་བྱུང་བའི་མཚན་ཆོས་སྐུ་འོད་ཟེར་དུ་བཏགས་ཤིང་ཉེར་ལྔ་ལ་བསྙེན་པར་རྫོགས། དགུང་ལོ་ལྔ་ནས་བཅུའི་བར་ཡབ་ཀྱི་དྲུང་དུ་གསང་འདུས་དང་བདེ་མཆོག་སོགས་ཟབ་ཆོས་མཐའ་དག་བུམ་པ་གང་བྱོར་གསན། ཆོས་རྗེ་འཇམ་གསར་བ་ལ་གཤེད་དམར་དུས་འཁོར་ཕར་ཚད། འཇམ་རྒྱལ་ལ་སྨྱུང་གནས། བཟད་རིང་ལ་(༡༤བ)

― GLG009_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་པ། ས་ལོ་ལ་སྒྲ་ཚད་སྙན་ངག་སྡེབ་སྦྱོར་བདེ་དགྱེས། བི་བྷཱུ་ཏི་ལ་འཕྲེང་བསྐོར་གསུམ། སདྒྷ་ཤྲཱི་ལ་ཀ་ཙན། དཔྱལ་ཆོས་བཟང་ལ་དཔྱལ་ལུགས། ལྕེ་མདོ་སྡེ་སེང་གེ་ལ་ཡོ་ག །འཕགས་པ་རིན་པོ་ཆེ། མཆིམས་ཆེན་པོ། རྫ་ཆུང་མ་སོགས་མཁས་གྲུབ་མང་པོ་བསྟེན་ནས་མདོ་རྒྱུད་ཀྱི་ཆོས་ལ་མཁས་པར་གྱུར་པས་ཀུན་མཁྱེན་དུ་གྲགས། ལྷ་སར་ཇོ་ཤཱག་གི་དྲུང་དུ་བྱོན་ནས་བཤད་སྒོམ་གང་བྱས་ན་བཟང་ཞེས་གསོལ་བ་བཏབ་པས་སྟོན་པ་དངོས་སུ་གྱུར་ཏེ། ཁྱོད་ཀྱིས་དང་པོར་བརྩམས་པ་ནས་ཞེས་སོགས་ཀྱིས་དབུགས་དབྱུང་། ཧོར་དམག་གི་གནོད་པ་བྱུང་བའི་ཚེ་མང་པོའི་སྲོག་བསྐྱབས། འདོལ་ཆུང་ཆོས་འཁོར་གྱི་དུས་མཁས་པའི་སྙན་གྲགས་ཀྱིས་ཁྱབ། གསེར་སྡིངས་སུ་བཞུགས་ནས་དབང་ལུང་འཁྲིད་བྱིན་རླབས་རྒྱུད་བཤད་མན་ངག་མདོ་ཕྱོགས་ཀྱི་གཞུང་བཤད་སོགས་གདུལ་བྱའི་རེ་བ་ཡོངས་སུ་བཀང་། ས་སྐམ་པོ་ལས་ཆུ་འབྱིན་པ་དང་མངོན་པར་མཁྱེན་པ་ཐོགས་མེད་མངའ། འོད་གསལ་ཁོར་ཡུག་ཏུ་འབྱོངས་པ་སོགས་རྡོ་རྗེའི་རྣལ་འབྱོར་མཆོག་ལས་ནམ་ཡང་མི་གཡོ་བའི་ངང་ནས་གདན་ས་སློབ་དཔོན་འོད་ཟེར་མགོན་ལ་གཏད་དེ་དབེན་གནས་བྱ་བཏང་དུ་དོན་དགུ་པ་ཆུ་འབྲུག་ཧོར་ཟླ་གསུམ་པའི་ཉེར་དགུ་ལ་ནམ་མཁར་ཟླ་བ་ལྟ་བུ་ལ་ཚོམ་བུ་སོ་གཉིས་འོད་ལྔས་བསྐོར་བ་ཐལ་བྱུང་གྱེན་ལ་འགྲོ་བ་སོགས་ངོ་མཚར་བའི་ལྟས་དུ་མ་དང་བཅས་ཏེ་དག་པའི་ཞིང་དུ་གཤེགས་སོ། །དགུ་པ་ཀུན་མཁྱེན་བུ་ནི། དཔེ་ཁང་ན་རྒྱ་དཔེ་འདི་འདྲ་ཡོད་ཅེས་དྲི་ཚད་མཛད་པ་རྣམས་ཕལ་ཆེར་འགྲིག་ཅིང་། ཞ་ལུའི་གདན་སར་ཕེབས་དུས་དབུ་ཞྭ་སེར་པོ་བཞེས་དགོས་ཞུས་པས་འདི་སྔར་ཁྲི་འདིའི་སྟེང་ནས་མང་པོ་ཞིག་གྱོན་ཡོད་(༡༥ན)

― GLG009_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

ད་རེས་ས་ཞུ་རང་བྱེད་གསུངས་ཀུན་མཁྱེན་བུའི་དུས་བཞེས་པ་ལ་དགོངས་ཤིང་ཕྱིས་ཀྱི་མཁན་པོ་ལ་དངོས་བརྒྱུད་གང་གི་སྒོ་ནས་བུའི་བསྟན་པ་ལ་འདི་ཉིད་ལས་ལྷག་པ་མ་བྱུང་བ་སོགས་ཀྱིས་ཤེས་ནུས་པས་ཡུལ་ཉང་རོ་སྣ་བཞི་ཞེས་པར་གདུང་རབས་བཅུ་བདུན་པར་སྔགས་རྙིང་མའི་གྲུབ་ཐོབ་རིམ་པར་བྱོན་པའི་བྲག་གི་གདུང་ལས་ཡབ་བླ་མ་བྲག་སྟོན་རྒྱལ་མཚན་དཔལ་བཟང་དང་ཡུམ་སློབ་དཔོན་བསོད་ནམས་འབུམ་གྱི་སྲས་སུ་ཤབ་སྨད་སྒོམ་གནས་དགོན་གསར་དུ་ལྕགས་སྟག་དཔྱིད་ཟླ་འབྲིང་པོ་ནག་པས་ཉ་བའི་ཉེར་བཞི་ལ་སྐུ་འཁྲུངས། ཆུང་ངུའི་དུས་ཡུམ་གྱིས་ཤེས་རབ་བསྐྱེད་པའི་ཐབས་མང་དུ་མཛད་ཅིང་འཇམ་དབྱངས་ཞལ་གཟིགས། ཐོག་མར་འདའ་ཀ་ཡེ་ཤེས་ལ་འབྱོར་ཀློག་མཛད་པ་སོགས་འབྲི་ཀློག་ལ་ཐོགས་པ་མི་མངའ། མེས་ཚུལ་ཁྲིམས་བཟང་པོའི་དྲུང་དུ་དགུང་ལོ་དྲུག་ཙམ་ནས་ཆོས་རྣམ་དག་ཡིན་མིན་གྱི་ཤན་འབྱེད་མཛད། བདུན་ལ་ཁྲོ་ཕུ་བ་ཆེན་པོར་སེམས་བསྐྱེད་ཞུས་པས་བྱང་ཆུབ་ཀྱི་སེམས་ཐུགས་རྒྱུད་ལ་འཁྲུངས། དགུང་ལོ་བརྒྱད་ནས་རིན་པོ་ཆེ་ཁྲོ་ཕུ་བར་བདེ་མཆོག །མེས་ཚུལ་ཁྲིམས་བཟང་པོ་ལ་རྙིང་མ་བཀའ་གཏེར། དགུང་ལོ་བཅོ་བརྒྱད་པར་མཁན་པོ་རིན་ཅེན་སེང་གེ་དཔལ་དང་སློབ་དཔོན་ཚད་མའི་སྐྱེས་བུ་ལ་རབ་ཏུ་བྱུང་། མཁན་སློབ་གཉིས་སོགས་མཁས་པ་དུ་མ་བསྟེན་ནས་ཕར་ཕྱིན་གཙོ་བོར་གྱུར་པའི་མདོ་ཕྱོགས་ཀྱི་གཞུང་འགྲེལ་མཐའ་དག་ལ་སྦྱངས་པས་མཁས་པའི་གྲགས་པ་ཐོབ། དགུང་ལོ་ཉེར་གསུམ་པ་ལ་གཙང་ཚོང་འདུས་མགུར་མོའི་བླ་བྲང་དུ་མཁན་ཆེན་གྲགས་པ་གཞོན་ནུ་དཔལ་བཟང་དང་སློབ་དཔོན་བསོད་ནམས་གྲགས་པའི་དྲུང་དུ་(༡༥བ)

― GLG009_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

བསྙེན་པར་རྫོགས། མཁན་སློབ་གཉིས་ལ་འདུལ་བའི་ཆོས་དུ་མ་གསན། ཆོས་དབར་ལ་འཕྲེང་བྲག་ལུང་སོགས་སུ་ཕར་ཕྱིན་དང་མངོན་པ་ཀུན་ལས་བཏུས་སོགས་ཀྱི་བཤད་པ་དང་། བསྒྲུབ་བྱ་ཁྲི་ཕྲག་ཏུ་ལོངས་པའི་མཁན་སློབ་མཛད། ཐར་ལོ་ལ་སྒྲ་ཀ་ཙན། དུས་འཁོར། ཀྱེ་རྡོར། བདེ་མཆོག །གཤེད་སྐོར། ཐ་སྙད་རིག་པ་སོགས། བླ་མ་དཔལ་ལྡན་སེང་གེ་ལ་ས་ལུགས་ནས་བརྒྱུད་པའི་གསང་སྔགས་ཀྱི་ཆོས་སྐོར་ཤིན་ཏུ་རྒྱ་ཆེ་བ། ཕ་རྒོད་པ་ལ་གསང་འདུས། རོང་པ་རྡོ་རྗེ་རྒྱལ་མཚན་ལ་དུས་འཁོར་སློབ་དཔོན་འཕགས་པ་ལ་གསང་འདུས་རིམ་ལྔ་སོགས། བླ་མ་དམ་པ་བསོད་ནམས་རྒྱལ་མཚན་ལ་ཀྱེ་རྡོར་གཙོ་བོར་གྱུར་པའི་མདོ་སྔགས་ཀྱི་ཆོས་དུ་མ་གསན་ཞིང་འཆད་ཉན་མཛད་བཞིན་པའི་མུར་ལྕགས་ཕོ་སྤྲེའུའི་ལོ་དཔལ་ཞ་ལུ་གསེར་བཀང་དུ་ཕེབས་ནས་སྡེ་དགོན་མཐའ་དག་གི་གཙུག་གི་ནོར་བུར་བཀུར་ཞིང་མདོ་ཕྱོགས་ཀྱི་འཆད་ཉན་རྒྱ་ཆེ་བ་དང་སྔགས་ཆོས་ཀྱང་གསུངས་ཤིང་། གྲུབ་ཐོབ་ཟེ་དམར་བར་བདེ་མཆོག་དང་གཤེད་སྐོར་སོགས་གསན། ཇོ་བོ་རྗེའི་ཕྱག་ཚ་བཞུགས་པའི་སྤེལ་ཆུང་ཞིག་ཡོད་པ་ལ་གཞི་བྱས་རི་ཕུག་གི་གཙུག་ལག་ཁང་འདུས་སྡེ་དང་བཅས་པ་བཏབ། གསང་སྔགས་ཀྱི་དབང་ལུང་རྒྱུད་བཤད་གཙོ་བོར་གྱུར་པའི་འཆད་ཉན་དང་མདོ་སྔགས་ཀྱི་བསྟན་བཅོས་པོ་ཏི་སུམ་ཅུར་ཉེ་བའི་ཐུགས་རྩོམ་མཛད། ས་ག་ཟླ་བའི་དུས་ཆེན་ལ་རྒྱུད་སྡེ་བཞིའི་དཀྱིལ་འཁོར་ཞེ་ལྔ་ཙམ་ཞལ་འབྱེད་པ། ཁྱད་པར་རྣལ་འབྱོར་རྒྱུད་ལ་ཁྲོ་སྤྲོ་སྒོ་བཞིའི་གསོལ་འདེབས། ས་གར་མཆོད་གར་སོགས་ཤིན་ཏུ་ཞིབ་པས་རྡོ་རྗེ་ཐེག་པའི་བསྟན་པའི་སྲོག་འཐུད་པ་ལྟར་གྱུར། བླ་མ་ཆེན་པོ་(༡༦ན)

― GLG009_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

བསོད་ནམས་བློ་གྲོས་དང་ཐུགས་སྲས་སེམས་དཔའ་ཆེན་པོ་སོགས་ཆེ་བཙུན་མཁས་གྲུབ་ཀྱི་སློབ་མ་ནམ་མཁའི་སྐར་ཚོགས་ལྟར་གྲངས་ཡས། སྒྲ་ཚད་པ་སོགས་ཞལ་སློབ་རྣམས་ལ་རྒྱལ་བ་གཉིས་པ་ཙོང་ཁ་པ་ཆེན་པོས་རྒྱུད་སྡེ་བཞི་ཕལ་ཆེར་གསན་ནས་དར་བས་མཉམ་མེད་རི་བོ་དགའ་ལྡན་པ་ཞེས་ཤར་ཕྱོགས་རྒྱ་མཚོའི་མཐའི་བར་དུ་ཁྱབ་པའང་འཕྲིན་ལས་ཀྱི་ཆ་ཤས་སུ་སེམས། རྡོ་རྗེའི་རྣལ་འབྱོར་གྱི་ལམ་ལ་བརྟེན་ནས་སྤངས་རྟོགས་ཀྱི་ཡོན་ཏན་ནི་བསམ་པའི་རེ་བ་ལས་བརྒལ་ཞིང་བསྟན་འགྲོའི་དོན་རླབས་པོ་ཆེ་མཛད་བཞིན་པའི་ངང་ནས་ཤིང་འབྲུག་ཧོར་ཟླ་དྲུག་པའི་ཉེར་གཅིག་ལ་དགའ་ལྡན་གྱི་གནས་སུ་བྱམས་པའི་ཐུགས་ཀར་སྐུའི་བཀོད་པ་བསྡུས་སོ། །བཅུ་པ་རྣལ་འབྱོར་གྱི་དབང་ཕྱུག་ཡར་ཀླུངས་པ་ཆེན་པོ་ནི། འདར་དུ་ཞལ་གྱི་གཏོར་ཆེན་དུས་ཚར་ཆེན་གྱི་མནལ་ལམ་དུ་འཇམ་དབྱངས་སྒེག་པའི་ལོ་རྒྱུས་ཀྱིས་ངེས་པར་ནུས་པས་བོད་འདིར་མིའུ་གདུང་དྲུག་ཏུ་གྲགས་པའི་ནང་ཚན་ལྡོང་གི་རིགས་ལས་རྒྱལ་ཚ་ལུང་མང་པོ་ཆོས་ཀྱི་དབང་ཕྱུག་སོགས་དགེ་བའི་བཤེས་གཉེན་རིམ་པར་བྱོན་ནས་དཔལ་ལྡན་ས་སྐྱ་པའི་གདུང་བརྒྱུད་རྣམས་དང་བླ་རེས་སློབ་རེས་སུ་གྱུར་པའི་དབོན་བརྒྱུད་དུ་ཤིང་ཕོ་སྤྲེའུའི་ལོ་ལ་སྐུ་བལྟམས། ཆུང་ངུའི་དུས་ནས་སྔོན་གྱི་བག་ཆགས་བཟང་པོའི་མཐུ་བརྟས་པས་ཡི་གེ་འབྲི་ཀློག་སོགས་ཚེགས་མེད་པར་མཁྱེན། ཁུ་སྟོན་སེང་གེ་བཟང་པོའི་དྲུང་དུ་དགེ་བསྙེན་གྱི་སྡོམ་པ་ནོས་མཚན་སེང་གེ་རྒྱལ་མཚན་དུ་གསོལ། ཀྱེ་རྡོར་གྱི་དཀྱིལ་འཁོར་དུ་སྨིན་པར་མཛད། སྐུ་ན་གཞོན་དུས་གཞུང་ལུགས་ལ་སྦྱངས་ཏེ་(༡༦བ)

― GLG009_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

དགུང་ལོ་བཅུའི་ཐོག་བསམ་ཡས་སུ་ཕར་ཕྱིན་གྱི་གྲ་སྐོར་མཛད། བཅོ་བརྒྱད་པ་ལ་དྭགས་པོའི་མཁར་ཀླུ་བཟང་དུ་དཔལ་ལྡན་བླ་མ་དམ་པ་དང་མཇལ་ནས་མི་ཕྱེད་པའི་དད་པ་ཐོབ། བཅུ་དགུ་པ་ལ་བསྙེན་རྫོགས་ཀྱི་སྡོམ་པ་ཞུས། འདི་ནས་བཟུང་ཕལ་ཆེར་དྲུང་དུ་ཉེ་བར་བཅར་ནས་གསུང་ངག་རིན་པོ་ཆེ་ལམ་འབྲས་བུ་དང་བཅས་པ་གསེར་ཆོས་བཅུ་གསུམ་ཆོས་སྐྱོང་ཆེ་ཆུང་གི་སྐོར་སོགས་དཔལ་ལྡན་ས་སྐྱ་པའི་ཟབ་ཆོས་མཐའ་དག་བུམ་པ་གང་བྱོའི་ཚུལ་དུ་གསན། གསུང་ངག་གི་དུས་ཉམས་སྐྱོན་མེད་འབའ་ཞིག་སྐྱེས་པས་བླ་མ་དང་ཆོས་ལ་ཐུགས་ངེས་གཏིང་ནས་འཁྲུངས་པས་སྙན་བརྒྱུད་བཞི་པ་མོས་གུས་གཞོན་ནུའི་བདེ་བ་ལྟ་བུ་དེར་སྣང་། བླ་མའི་ཕྱག་དཔེ་འབྲི་བ་སོགས་དང་ཆབས་ཅིག་པར་གསུང་རྒྱུན་ཟིན་བྲིས་སུ་མཛད་པའང་པོད་ལོངས་འགའ་ཞིག་མཆིས། མགོན་པོའི་ཐུན་མོང་མིན་པའི་བཀའ་བབས་གསུམ་ལ་གདུང་བརྒྱུད་རིམ་བྱོན། ཡར་ཀླུངས་པ། བར་སྡིངས་པ་གསུམ་དུ་མཛད་བའི་ཀླུ་ཁུ་དབོན་རྣམས་ས་ལོ་འཇམ་རྡོར་མན་ཆད་ཀྱི་གདུང་བརྒྱུད་ལས་ས་སྐྱ་པའི་དོན་གྱི་བསྟན་པ་འཛིན་པར་གཟུར་གནས་ཤིག་གིས་ལྟས་ན་འགངས་ངེས་པར་ཆེ། དེར་མ་ཟད་མདོ་རྒྱུད་ཀྱི་ཆོས་ཚུལ་རྒྱ་མཚོ་ལྟ་བུ་ལ་གསན་པ་མཛད། གཞན་ཡང་ཀུན་མཁྱེན་བུ། སེམས་དཔའ་ཆེན་པོ་ཐོགས་མེད་པ། ལོ་ཆེན་བྱང་ཆུབ་རྩེ་མོ། བླ་མ་ཆེན་པོ་བསོད་བློ་བ་སོགས་ཡོངས་འཛིན་བཅུ་ཕྲག་གསུམ་ཙམ་བསྟེན་ནས་ཐོས་བསམ་རྒྱ་ཆེར་མཛད། ནང་བསྐྱེད་རྫོགས་ཀྱི་རྣལ་འབྱོར་ལ་བརྟན་པ་ཐོབ་པས་ཡི་དམ་གྱི་ལྷ་མང་པོའི་ཞལ་གཟིགས་ཤིང་བྱིན་བརླབས། དམ་ཅན་སྲུང་མ་རྣམས་(༡༧ན)

― GLG009_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

བྲན་དུ་འཁོལ་བས་མཐུ་སྟོབས་ནུས་པ་ཕུལ་དུ་ཕྱིན། སྐུའི་དོག་ཆ་སེལ་བ་ལ་མགོན་པོ་ཞལ་གྱི་རྗེས་གནང་ཞུས་ཤིག་པའི་བརྡར་ཆོས་སྐྱོང་ཨཱ་ཙཪྻ་ཐོད་འཕྲེང་བཟུང་བར་སྤྲུལ་ནས་ཁྱོད་མི་རུས་ཀྱི་འཕྲེང་བ་འདི་བཟུང་ན་ཁེ་ཆེ་སྟེ་མི་འཛིན་པ་འདུག་ཟེར། ཞམ་རིང་པར་གཏོགས་པ་ཞིག་གིས་ཀ་ཅ་མང་པོ་ཁྱེར་བ་ན་གཞན་ཞིག་ལ་མོན་བུ་པུ་ཏྲ་བབས་ཏེ་ང་མངའ་རིས་ན་ལ་རྩེ་ནས་འོངས་པའི་འབའ་ར་ཡིན། པུ་ར་ཡིན། རྐུན་མ་བསམ་ཡས་འཇའ་དཀར་ན་ཡོད་པ་ལ་ཁྱེད་ཚོ་མགོ་གཏུམས་ནས་སྡོད་དམ་ཟེར་བའི་ཁུངས་སྟོན་པ་སོགས་སྲུང་མ་རྣམས་ཀྱིས་འཕྲིན་ལས་མཐའ་དག་གཡེལ་མེད་དུ་བསྒྲུབ། ཐུགས་དམ་ཟབ་མོའི་ཁོར་ཡུག་ལ་བཞུགས་པའི་ཐུན་མཚམས་ཚོར་འཕགས་པ་རིན་པོ་ཆེའི་དབོན་བརྒྱུད་སློབ་དཔོན་བློ་གྲོས་རྒྱལ་མཚན། གསང་ཕུའི་གདན་ས་པ་རིན་ཅེན་རྣམ་རྒྱལ། ཁྱད་པར་ཡབ་འཇམ་དབྱངས་ཆེན་པོའི་རྩ་བའི་བླ་མ་དབོན་རྒྱལ་མཆོག་པ་སོགས་ལ་གསེར་ཆོས་སྙན་བརྒྱུད་ཀྱི་ཟབ་ཆོས་རྒྱ་ཆེར་བསྩལ་བས་དེང་སང་གི་བར་དུ་རྗེ་བཙུན་གོང་མའི་བསྟན་པའི་སྲོག་ཏུ་སོང་། གཞན་ཡང་གདུལ་བྱ་སོ་སོའི་བློ་དང་འཚམ་པའི་ཆོས་འཁོར་རྒྱ་ཆེར་བསྐོར། བརྟག་གཉིས་ཀྱི་ཊཱི་ཀ་དང་ཀུན་རིག་གི་དཀྱིལ་ཆོག་སོགས་ཐུགས་རྩོམ་མང་དུ་མཛད། སྐབས་ཤིག་མར་ངོའི་ཚེས་བཅུ་ལ་དྲུང་ཆོས་རྗེ་པའི་དུས་དྲན་གྱི་སྒྲུབ་མཆོད་མཛད་པའི་ཚེ་ཐོ་རེངས་བླ་མའི་རྣལ་འབྱོར་ཚར་གཉིས་བསྒོམས་ནས་ཅུང་ཟད་འོད་གསལ་དུ་སོང་པའི་ངང་དུ་སྲིད་གསུམ་འགྲན་ཟླ་བྲལ་བའི་ཆོས་རྗེ་དེ་ཉིད་བྱོན་ཏེ་འོ་འདི་ཡིན་ཏེ་ཞེས་པ་གསུང་བྱོན་པས་དངོས་སུ་མཇལ་བ་ལས་བརྒྱ་འགྱུར་གྱིས་ལྷག་པའི་(༡༧བ)

― GLG009_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

དག་སྣང་དང་། ཉམས་སད་པ་ན་དད་གདུང་གི་ཡུས་ཀྱིས་བརྣངས་བྱིན་རླབས་ཀྱི་གཟི་བྱིན་འབར་བའི་རྐྱེན་གྱིས་སྔར་ལས་ལྷག་པའི་བདེ་གསལ་མི་རྟོག་པའི་ཏིང་ངེ་འཛིན་ཁྱད་པར་ཅན་ཐུགས་ལ་འཁྲུངས་ཤིང་རིམ་གྱིས་རྟོགས་པའི་ཡོན་ཏན་གོང་ནས་གོང་དུ་འཕེལ་བར་གྱུར། གསང་བའི་བདག་པོ་མིའི་གཟུགས་ཅན་གྲུབ་ཆེན་ལས་ཀྱི་རྡོ་རྗེས་སྐུ་ཚེ་འདིའི་རྗེས་མ་བདེ་བ་ཅན་གྱི་ཞིང་དུ་འཁྲུངས་པར་ལུང་བསྟན་པ་བཞིན་སྣང་བ་མཐའ་ཡས་ཀྱི་ཉལ་སྒོམ་དང་བདེ་བ་ཅན་གྱི་སྨོན་ལམ་གྱིས་མཚམས་སྦྱར་ནས་དགུང་ལོ་རེ་དགུ་པ་ལྕགས་ཕོ་འབྲུག་གི་ལོ་དབོ་ཟླ་བའི་གནམ་གང་ལ་འོད་དཔག་མེད་ཀྱི་ཐུགས་ཀར་གཤེགས་སོ། །བཅུ་གཅིག་པ་ཕ་རྒོད་བསོད་ནམས་བཟང་པོ་ནི། ཚར་ཆེན་ཤངས་ཟུར་ཁང་དུ་ཕེབས་དུས་བྲིས་ཐང་དང་གཟིམས་ཁང་སོགས་སྔོན་གནས་རྗེས་དྲན་གྱི་ངོས་འཛིན་མཛད་པར་སྣང་། བླ་མ་འདི་ཉིད་སྐུ་འཁྲུངས་ནས་ཆུང་ངུའི་དུས་ཐ་མལ་པའི་སྤྱོད་ཚུལ་ཡེ་མི་མཛད་པར་འབྲི་ཀློག་བསླབ་སྦྱངས་སོགས་ལ་བརྩོན་པར་མཛད། ཡོངས་འཛིན་མང་དུ་བསྟེན་ཏེ་བསྟན་པའི་སྒོར་འཇུག་པ་ནས་མདོ་རྒྱུད་ཀྱི་ཆོས་ཚུལ་དུ་མ་གསན། ཁྱད་པར་སྔོན་གྱི་བག་ཆགས་སད་པས་དཔལ་ལྡན་ཤངས་པ་བཀའ་བརྒྱུད་ཀྱི་བསྟན་པ་ལ་ཐུགས་མོས་པར་བྱུང་ནས་འཇག་ཆེན་ཀུན་དགའ་དཔལ་བཟང་ལ་ཡེ་ཤེས་ཀྱི་མཁའ་འགྲོ་མ་ནེ་གུའི་ཐུགས་ཀྱི་ཉིང་ཁུ་ཆོས་དྲུག་གི་སྨིན་བྱེད་སྤྱི་བཀའ་ཟུར་བཀའ་བྱིན་རླབས། རྩ་བ་ཆོས་དྲུག །སྡོང་པོ་ཕྱག་ཆེན། ཡལ་ག་ལམ་འཁྱེར། མེ་ཏོག་མཁའ་སྤྱོད། འབྲས་བུ་འཆི་མེད་རང་གྲོལ་གྱི་འཁྲིད། རྒྱབ་རྟེན་གྱི་ལུང་སོགས་ཆོས་དྲུག་འཇག་ལུགས་ལ་ཐོས་བསམ་སྒོམ་གསུམ་(༡༨ན)

― GLG009_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

སྨིན་པར་མཛད། སྒྱུ་ལུས་འབྱོངས་ཤིང་རྨི་ལམ་ལ་རང་དབང་ཐོབ་པས་དག་པའི་ཞིང་ཁམས་མང་པོར་བགྲོད་ཅིང་དེར་བཞུགས་པའི་འདྲེན་པ་རྣམས་ལ་ཆོས་ཞུ་བ་སོགས་ལམ་རྟགས་ངོ་མཚར་བ་མང་དུ་བྱུང་། ཤངས་ཟུར་ཁང་དུ་བཞུགས་པས་ཟུར་ཁང་པ་བསོད་ནམས་བཟང་པོར་གྲགས། མཆོག་སྲེད་རྣམ་སྤྲུལ་རྗེ་བཙུན་ཀུན་སྤངས་ཆེན་པོར་འཇག་ལུགས་ཤངས་ཆོས་སྩལ་བ་སོགས་མཁས་གྲུབ་ཀྱི་སློབ་མ་མང་དུ་བྱུང་ཞིང་ཐོས་བསམ་སྒོམ་གསུམ་གྱིས་ཉིན་མཚན་དུས་འདའ་བ་ཞིག་གོ ། བཅུ་གཉིས་པ་རྣལ་འབྱོར་དབང་མོ་ནི། སྟག་ཚང་ལོ་ཙཱ་བ་དང་དཔོན་སློབ་ཏུ་འབྲེལ་བའི་བག་ཆགས་ཀྱིས་ཚར་ཆེན་རིན་པོ་ཆེས་སྒྲ་པ་སྐུ་སྐྱེ་ལ་འཇམ་དཀར་ཞལ་གཟིགས་མའི་རྗེས་གནང་གསན་པ་གནང་ཞིང་། རྗེ་བཙུན་མ་འདི་ནི་གཡས་རུའི་སའི་ཆ་བཟའ་ཤིང་གི་ར་བ་སོགས་ཀྱིས་ཁོར་ཡུག་ཏུ་བསྐོར་བའི་ཡུལ་ལྗོངས་ཡིད་དུ་འོང་བའི་ཁང་པར་རྗེ་འདི་ཉིད་ཀྱི་སྐུ་ཞང་གི་རིགས་སུ་བལྟམས་ནས་ཆུང་ངུའི་དུས་གཙུག་ལག་གི་ཡོན་ཏན་འགའ་ལ་བསླབ་སྦྱངས་མཛད། སྲིད་པའི་བདེ་བ་མཐའ་དག་མེ་འབར་བའི་ཀློང་ལྟར་གཟིགས་པས་བཅོས་མ་མ་ཡིན་པའི་ངེས་འབྱུང་གི་བསམ་པས་ཁྱིམ་ཐབས་ཀྱི་བྱ་བ་དུག་ཅན་གྱི་ཟས་བཞིན་སྤངས་ཏེ་ཤེས་བྱ་ཐམས་ཅད་མཁྱེན་པ་འཇིག་རྟེན་གྱི་མིག་གཅིག་པུ་སྟག་ཚང་ལོ་ཙཱ་བ་ཤེས་རབ་རིན་ཅེན་རྒྱལ་མཚན་དཔལ་བཟང་པོའི་དྲུང་དུ་རབ་ཏུ་བྱུང་ནས་ཚུལ་ཁྲིམས་མིག་གི་འབྲས་བུ་ལྟར་བསྲུངས་པས་དགེ་སློང་དབང་མོ་ཞེས་སྙན་པའི་གྲགས་པ་ཕྱོགས་ཀུན་ཏུ་ཁྱབ། དམ་པ་དེ་ཉིད་གཙོ་བོར་གྱུར་པའི་མཁས་གྲུབ་དུ་མ་བསྟེན་ནས་དབང་འཁྲིད་མན་ངག་གྱི་ཟབ་ཆོས་རྒྱ་ཆེར་གསན། (༡༨བ)

― GLG009_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་རང་བྱུང་རྡོ་རྗེ་ལུས་ཀྱི་དཀྱིལ་འཁོར་དུ་རྩ་ཁམས་རླུང་གསུམ་ཐམས་ཅད་དག་པ་ཡེ་ཤེས་ཀྱི་ལྷ་བདེ་སྟོང་གི་རོལ་པར་འཆར་བ་སོགས་ཡོན་ཏན་ཕུན་སུམ་ཚོགས་པས་མ་དང་མཁའ་འགྲོའི་གཙོ་བོ་མཛད་པ་ཞིག་གོ །ཞི་བདེའི་པད་འདབ་འཇམ་མཉེན་མལ་སྟན་ལས། །སྲེད་བྲལ་སྣ་ཚོགས་འགྲོ་ཁམས་ཚེར་དོང་དུ། །ཉེར་འཇུག་སྙིང་རྗེའི་ཆ་གང་ཆུ་ཤེལ་དབང་། །ལྷག་བསམ་རླུང་གིས་གདུལ་བྱའི་མཁའ་ལ་དྲངས། །ཐུགས་བསྐྱེད་ནམ་ཡང་མི་ཡོལ་རླབས་འཕྲེང་གིས། །གཞན་ཕན་གྲུ་གཟིངས་དལ་མེད་རྟག་གཡེང་བར། །རང་བདེར་གཅིག་ཏུ་གཞོལ་བའི་ཆུ་ལྷ་མོ། ཁྲེལ་རྒོད་སོ་ཡི་ལྦུ་བ་འཁྲིགས་པ་བཞིན། །འདུས་གསུམ་བགྲོད་དཀའི་འཕྲེང་ལས་སྒྲོལ་བའི་ས། །དྲག་མནན་རིང་མིན་ཟུང་འཇུག་ཕྱག་རྒྱ་ཆེ། །བརྙེས་ཀྱང་ད་དུང་བསླབ་པའི་ཟོལ་སྦྱོར་གྱིས། །གཞན་འདྲིད་སྒྱུ་ཐབས་འདི་འདྲ་རིགས་སམ་ཅི། །སྣ་ཚོགས་སྤྲུལ་པའི་གསེར་ཞུན་ཉག་ཐག་ལ། །མཁས་བཙུན་བཟང་གྲུབ་རིན་ཆེན་བརྒྱུས་པའི་རྒྱན། །ལུང་རྟོགས་གོམ་སྟབས་ལྷོད་པོའི་ས་སྲུངས་ལུས། །མངོན་པར་སྤུད་ལས་གླང་པོ་ཕལ་གྱི་མིན། །ཀུན་དགའི་བདེ་བ་བསྐྱེད་ནུས་དྲི་ཞིམ་ངད། །བཞོན་པའི་བསེར་བུ་ལྷོ་ཕྱོགས་ནགས་ཀྱི་ཀླུང་། །ལན་བརྒྱར་མྱུལ་བའི་རེག་བྱས་བསྣུན་པའི་མོད། །གྱེན་དུ་ལྡང་བའི་བ་སྤུའི་རྩེ་མོ་རྩུབ། །བཅུ་གསུམ་པ་སྐུ་ཚེ་འདིའི་རྟོགས་པ་བརྗོད་པ་ལ་གང་དུ་བྱོན་པའི་ཡུལ་ནི། ཀྱེ་རྡོར་བཤད་རྒྱུད་རྀ་ཀི་ཨ་ར་ལིའི་རྒྱུད་ལས། རྡོ་རྗེ་འཛིན་པ་ཆེན་པོ་འགྲུབ་བྱེད་ས་བཅུ་གསུམ་པ་མངོན་དུ་བྱེད་པ་ལ་འཛམ་གླིང་ཆུང་ངུ་འདི་ས་བཅུ་གསུམ་པ་ཐོབ་བྱེད་ཀྱི་སྐབས་སུ་གསུངས་པས་གླིང་གཞན་ལས་ངོ་མཚར་(༡༩ན)

― GLG009_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བདག་མེད་བསྟོད་པར། སྦས་པའི་རྩ་ལྔ་བདུད་བྲལ་ཆ་དང་བཅས། །སྙིང་གི་དབུས་ཞུགས་གཙུག་ཏོར་མཆོག་ཏུ་ཐིམ། །འཕགས་པའི་ལམ་ལྔ་དྲུག་པ་ཆ་ཡི་དངོས། །རྡོ་རྗེ་འཛིན་པ་བཅུ་གསུམ་སར་ཕྱག་འཚལ། །ཞེས་བྱུང་ཞིང་མཚོ་མ་དྲོས་པའི་འགྲམ་དུ་ཤིང་ཛམྦུ་ཏྲི་ཤའི་འབྲས་བུ་རྫ་ཙམ་པ་ཆུར་ལྷུངས་པའི་སྒྲ་ལས་ཛཾ་ཞེས་བྱུང་བས་གླིང་དང་ཤིང་གཉིས་ཀ་ལ་མིང་དེར་ཆགས་པའི་གླིང་འདི་ལ་ཤར་དུ་རྒྱ་ནག་དང་ཁྲི་བརྟན། ལྷོར་རྒྱ་གར་དང་ཁ་ཆེ། ནུབ་ཏུ་སྟག་སྡེ་དང་གཟིག་ཡིན། བྱང་དུ་ཁྲོམ་དང་གེ་སར། དབུས་སུ་བོད་ཡུལ་གངས་ཀྱི་ར་བ་དང་དགུའོ། །ཞེས་པའི་བོད་ཁ་བ་ཅན་གྱི་ལྗོངས་འདི། བདེ་མཆོག་རྩ་རྒྱུད་ལས། བོད་ཀྱི་ཡུལ་དང་དེ་བཞིན་དུ། །མཱ་ལ་ཝ་དང་པཱུ་ལི་སོགས། །ཉི་ཤུ་རྩ་བཞིའི་ཡུལ་ཡིན་ནོ། །ཞེས་བདེ་མཆོག་ཏུ་བོད་འདི་སྲུང་འཁོར་གྱི་གནས་བརྒྱད་ཀྱི་ཟླ་ཚང་དང་། ཀྱེ་རྡོར་དུ་གནས་དང་ས་སྦྱོར་བའི་ས་བཅུ་གཉིས་པར་བཤད་ཅིང་། བལ་པོའི་རྒྱལ་པོ་དེ་ཝ་ལྷས་ཁྲི་བཙུན་ལ་གདམས་པར། ང་ཡི་སྙིང་དང་འདྲ་བའི་བུ་མོ་ཁྱོད། །བོད་ཅེས་བྱ་བ་ཁྱད་པར་འཕགས་པའི་ཡུལ། །རི་མཐོ་ས་གཙང་གངས་རི་གཉན་གྱི་མགུལ། །བསིལ་ལ་མཛེས་པ་ལྷ་གནས་གཞལ་ཡས་ཁང་། །ངོ་མཚར་རྨད་བྱུང་ཕན་བདེ་འབྱུང་བའི་གཞི། །ཆུ་བོ་བཞི་འབབ་རྩི་ཤིང་ནགས་ཀྱིས་མཛེས། །འབྲུ་སྣ་ལྔ་འཁྲུངས་རིན་ཆེན་སྣ་ཚོགས་འབྱུང་། །ཞེས་ཕུན་སུམ་ཚོགས་པའི་ཡོན་ཏན་ཁྱད་པར་འཕགས་པར་བསྟན་ཞིང་། ཞིང་ས་དང་ཁང་ས་གཉིས་ཏེ་སའི་དགེ །ཁང་རྡོ་དང་ཆུས་བསྐོར་གྱི་རྡོ་སྟེ་རྡོའི་དག། ཞིང་ཆུ་དང་འཐུང་ཆུ་སྟེ་ཆུའི་དགེ །ཁང་ཤིང་དང་འབུད་ཤིང་སྟེ་ཤིང་གི་དགེ། གམ་(༡༩བ)

― GLG009_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲོག་དང་རྒྱང་འབྲོག་སྟེ་འབྲོག་གི་དགེ་ཞེས་དགེ་བཅུའི་ཡོན་ཏན་ཡོངས་སུ་ཚང་བའི་ཡུལ་ཆེན་པོ་འདི་ཉིད་ལ་བོད་སྐྱོང་བའི་རྒྱལ་པོ་མེས་དབོན་གྱི་དུས་དབུ་རུ་དང་གཡོ་རུ། གཡས་རུ་དང་རུ་ལག་ཅེས་རུ་བཞིར་བཤད་ཅིང་། ཚལ་པ་སི་ཏུའི་དེབ་དམར་དུ་ས་ཧོར་མཆོད་ཡོན་གྱི་དུས་གོང་མའི་ལུང་གིས་ཕྱེད་གསལ་ཆེན་མོ་བྱས་སྐབས་ཆུ་མིག་ཁྲི་སྐོར་གྱི་སའི་ཆར་གཏོགས་པས།གསོལ་འདེབས་ལས། དུས་འདིར་མཐོ་རིས་ཕུན་ཚོགས་རྒྱས་པའི་གོང་། །དཔལ་ལྡན་རྨུ་ཞེས་རབ་གྲགས་བསྟི་གནས་སུ། །རིགས་རུས་མངོན་མཐོའི་སྐལ་བཟང་ཡབ་ཡུམ་གྱི། །སྲས་སུ་དགེ་བར་འཁྲུངས་ལ་གསོལ་བ་འདེབས། །རྗེ་བཙུན་ཡུམ་གྱི་ཡེ་ཤེས་གསལ་སྣང་དུ། །དཔལ་གྱི་འདབ་རྒྱས་གཏོར་མའི་འཛུམ་དཀར་ལས། །ཨོ་རྒྱན་སྐུ་བརྙན་ཐུགས་ཀར་ཐིམ་པ་དང་། །རྒྱལ་བའི་མཆོད་རྟེན་གཟིགས་ལ་གསོལ་བ་འདེབས། །ཞེས་པའི་བྱེ་བྲག་ཡུལ་ནི་རྡོ་རྗེ་གདན་ནས་དཔག་ཚད་བརྒྱ་བགྲོད་པ་ན་གྲུམ་སྟོད་དཔལ་ལྡན་ས་སྐྱ། དེ་ལས་ཧ་ཅང་གིས་མི་རིང་བ་མུ་ཀུ་ཏ་ཞེས་བོད་སྐད་དུ་རྣམ་པར་གྲོལ་བ་སྟེ་ཚེ་གཅིག་ལ་གྲོལ་ལམ་རྙེད་པའི་གདམས་པ་གསུང་ངག་རིན་པོ་ཆེ་བོད་འདིར་ཐོག་མར་བྱུང་བའི་གནས་དང་འདབས་ཆགས་པ། འཕགས་པ་དོན་ཡོད་ཞགས་པའི་སྐུ་རང་བྱོན་བཞུགས་པའི་སའི་ཆ། བ་ད་རའི་གླིང་བགྲོད་ཀྱི་རྟོགས་པ་བརྗོད་པའི་ཡལ་འདབ་ཏུ། རྩེ་མོ་ཤིན་ཏུ་མཐོ་བ་ཡི། །ཤེལ་གྱི་ས་གཞི་མདུན་དུ་མཐོང་། །བྱ་རྣམས་ཀྱིས་ཀྱང་བགྲོད་དཀའ་བ། །འཇམ་པའི་བྲག་ནི་གཅིག་པུ་དེར། །ཞེས་ཤིན་ཏུ་མཐོ་བའི་བྲག་རི་དང་སྤང་ལྗོངས་གངས་ཀྱི་རྡུལ་མང་ཡོངས་སུ་བརྩེགས་པ་ལས་སྙན་པའི་སྒྲ་ལྷུང་ལྷུང་དུ་སྒྲོག་པའི་ཆུའི་ལྷ་མོ་དབུ་བའི་དོ་ཤལ་དཀར་པོ་རིང་དུ་འཕྱང་(༢༠ན)

― GLG009_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་རྒྱུན་མི་ཆད་པར་འབབ་པ། ནེའུ་གསིང་གི་ངོས་སུ་བྱ་སྣ་ཚོགས་སྐད་སྙན་སྒྲོག་ཅིང་རི་དྭགས་རྣམས་བག་ཕེབས་པར་རྒྱུ་བ། འཁྲུངས་རབས་སོ་བཞི་པ་ལས། དེ་ནས་ཨནྡ་རྙིལ་གྱི་འོད་ལྟར་སྔོ། །ཉི་མའི་འོད་ཀྱིས་གནམ་སྔོན་བཞུ་བ་བཞིན། ཁོ་ར་ཁོར་ཡུག་མཚོ་འགྲམ་ལྟར་མི་མངོན། །གཏིང་དཔག་དཀའ་བའི་མཚོ་འཇིང་ནང་དུ་ཞུགས། །ཞེས་གནམ་སྔོན་ཞུན་མ་ལྟ་བུའི་ལྕགས་ཀྱི་ཆུ་ཀླུང་ཆེན་པོ་འབབ་པའི་འགྲམ་དང་ཉེ་བ། རབ་གསལ་གྱི་རྟོགས་བརྗོད་ལས། གསེར་གྱི་བ་གམ་གཞལ་ཡས་ཁང་། ཁང་པས་བསྐོར་བའི་གྲོང་ཁྱེར་ནི། །འོད་ལྡན་ཞེས་བྱ་བསོད་ནམས་ནས། །འོད་ལྡན་མཐོ་རིས་ལྟ་བུ་ཡོད། །ཅེས་འཆི་མེད་ཀྱི་གནས་ས་ལ་འཕོས་པ་ལྟ་བུའི་གྲོང་ཁྱེར་གྱི་ཁོ་ར་ཁོར་ཡུག་ཡིད་དུ་འོང་བའི་མཐའ་སྐོར་ཀུན་ཏུ་སྤྲིན་བཞོན་གྱི་རྟོགས་བརྗོད་ལས། བུང་བའི་ན་ཆུང་རྣམ་སྤྲུལ་ལོངས་སྤྱོད་ལྡན། །སྦྲང་རྩིས་མྱོས་ཤིང་རྣམ་པར་འབྱམས་དུས་དེར། །མེ་ཏོག་རབ་རྒྱས་འཁྲི་ཤིང་ཚལ་གྱི་གཞིར། །རིགས་འཛིན་རྒྱལ་པོའི་སྲས་ནི་རྣམ་པར་རྒྱུ། །ཞེས་ཁ་དོག་སྣ་ཚོགས་མངོན་པར་བཀྲ་ཞིང་དྲི་ངད་བཟང་པོ་འཐུལ་བའི་ཟེའུ་འབྲུ་ལ་བུང་བ་རྣམས་ཆགས་པའི་གླུ་ལེན་ཅིང་འབྲས་བུ་ཅན་སོགས་ཡལ་ག་ལོ་མ་མེ་ཏོག་ཀུན་ནས་དུད་པའི་ལྗོན་ཤིང་གི་འཕྲེང་བ་ཚར་དུ་དངར་བ། སྤང་ལྗོངས་མར་གད་ཞུན་མ་བརྡལ་བ་ལྟ་བུ་དུད་འགྲོ་རྣམས་དལ་བུར་རྒྱུ་བས་འཚོ་ཞིང་། འབྲུ་སྣ་ཚོགས་ཡོངས་སུ་སྨིན་པའི་སྙེ་མའི་ཚོགས་མགོ་བོ་ཅུང་ཟད་དུད་པ། ཀླུ་ཀུན་ཏུ་དགའ་བའི་ཟློས་གར་དུ། ཧ་རི་ཙན་དན་གྱིས་བྱུགས་ལུས་ཅན་ལྷ་ཡི་མེ་ཏོག་འཕྲེང་བ་རབ་ཏུ་འཛིན། །ནོར་བུའི་རྒྱན་གྱི་འོད་དག་རིག་པས་དྭངས་ཤིང་བཀྲ་བར་བྱ་བའི་གོས་དང་ལྡན། །(༢༠བ)

― GLG009_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་པའི་སྐྱེ་བོ་དག་དང་ལྷན་ཅིག་སྤེལ་བར་གྱུར་པའི་རིགས་འཛིན་འདི་དག་རྣམས། །ཙན་དན་གྲིབ་བསིལ་དག་ལ་དགའ་མའི་འཐུང་ལྷག་ཏུ་གྱུར་ཆང་དག་འཐུང་བར་བྱེད། །ཅེས་སྐྱེ་བོ་རྣམས་གོས་རྒྱན་བཟང་པོ་དང་ཆང་གིས་མྱོས་པས་གླུ་གར་རྩེད་འཇོ་ཇི་སྙེད་བྱེད་ལ། དེ་ཡང་མདོ་རྒྱ་ཆེར་རོལ་པ་ལས། དགེ་སློང་དེ་ལྟར་བྱང་ཆུབ་སེམས་དཔའ་དགའ་ལྡན་གྱི་གནས་དམ་པ་ན་འདུག་པ་ནི་རྣམ་པར་ལྟ་བ་ཆེན་པོ་བཞི་ལ་རྣམ་པར་བལྟ་སྟེ། བཞི་གང་ཞེ་ན་འདི་ལྟ་སྟེ། དུས་ལ་རྣམ་པར་ལྟ་བ་དང་། གླིང་ལ་རྣམ་པར་ལྟ་བ་དང་། ཡུལ་ལ་རྣམ་པར་ལྟ་བ་དང་། རིགས་ལ་རྣམ་པར་ལྟ་བའོ་ཞེས་པའི་རིགས་ལ་ལྟ་ཚུལ། མཁའ་འགྲོ་རྒྱ་མཚོ་ལས། འཛམ་བུའི་གླིང་ནི་ཆུང་ངུ་འདིར། །བདག་ནི་ཤཱཀྱའི་རིགས་རྗེས་འགྲོ། །ཞེས་ཉི་མའི་གཉེན་གྱི་བརྒྱུད་རྒྱལ་པོ་ཟས་གཙང་མའི་རིགས་ཕུན་སུམ་ཚོགས་པ་ལ་གཟིགས་པ་ལྟར་དམ་པ་འདི་ཉིད་ཀྱི་རིགས་ནི་བོད་འདིར་རུས་ཆེན་བཞིར་གྱེས་པའི་ནང་ཚན་རྨུ་ལྡོང་སྟོང་མི་ཉག་སྟེ་བཞི་ལས་ལྡོང་གི་རིགས་སུ་གཏོགས་པ། དེ་ཡང་ཡིག་ཚང་མཁས་པ་དགའ་བྱེད་ལས། འགྲོ་བའི་གཙུག་རྒྱན་དཔལ་ལྡན་ས་སྐྱ་པས། །ཆོལ་ཁ་གསུམ་ལ་ཁ་ལོ་སྒྱུར་བའི་དུས། །དེ་ཡི་འཕྲིན་ལས་སྒྲུབ་པའི་དཔོན་ཆེན་དང་། །སློབ་དཔོན་དགེ་གཤེས་བློན་ཆེན་རིམ་པ་རྣམས། །མཁས་མཆོག་སྟོབས་ལྡན་གྲངས་ལས་འདས་མོད་ཀྱི། །ཐོག་མར་ཡུས་པོ་ཆེ་ཡི་མི་གསུམ་པོ། །གྲུམ་པ་ས་སྐྱའི་དཔོན་ཆེན་ཤཱཀ་བཟང་དང་། །ཤར་སྨད་ཙོང་ཁའི་དགེ་བཤེས་རིན་བརྩོན་དང་། །མདོ་སྟོད་གོན་གྱོའི་ཧོར་ཆེ་སྟོན་ཚུལ་ཡིན། །དེ་གསུམ་ནང་ནས་རིགས་མཐོ་བློ་གཙང་བ། །དགེ་བཤེས་ཆེན་པོ་ནས་བརྒྱུད་དེང་(༢༡ན)

― GLG009_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

སང་བར། །བླ་མའི་ཞབས་ཏོག་དབུས་གཙང་བྱ་བ་དང་། །བཀུར་སྐྱོང་ཕྱོགས་ལ་བློ་གྲོས་སྤྱན་ལྡན་ཞིང་། །མི་མཐུན་དཔུང་འཇོམས་མ་སངས་བཀའ་བབས་ཞེས། །སྙན་པའི་གྲགས་པ་ཕྱོགས་སུ་ཀུན་ཁྱབ་པས། །བློན་ཆེན་འདི་པའི་བྱོན་ཚུལ་འདི་ལྟར་རོ། །དེའང་འདི་ལྟར་ཐོས་ཏེ། སྔོན་བོད་དུ་ཆོས་སྐྱོང་བའི་རྒྱལ་པོ་ཁྲི་སྲོང་ལྡེ་བཙན་དང་། དེའི་སྲས་བཞི་པ་ཁྲི་ལྡེ་སྲོང་བཙན་རྒྱལ་པོའི་སྐུ་རིང་ལ་མཐའ་དམག་འགོགས་པའི་བོད་ཡུལ་གྱི་ཕྱོགས་བཞིར་སྒོ་བསྲུང་མ་བསྐོས། ཁྱད་པར་བོད་དམག་ཁྲི་དམག་མང་པོ་ཁྱེར་ནས་བྷ་ཏ་ཧོར་གྱི་སྒོམ་གྲ་བཅོམ། གཡུལ་རྒྱལ་སྣང་སྤྱད་ནས་ཕྱིར་བྱོན་དུས་དེ་ཕྱོགས་ཀྱི་སྒོ་སྲུང་བ་ལ་བོད་དམག་སླེབས་ནས་རྐྱེན་བཏུས་པའི་དཔའ་བོ་མི་དགུ། དམག་བརྒྱ་ཕྲག་དགུ་དང་བཅས་པ་ཧོར་བོད་ཀྱི་སོ་མཚམས་སུ་བཞག །དེ་དུས་ཁོང་རྣམས་ཀྱིས་ངེད་རྣམས་ཇི་ཙམ་ལ་ལོག་ཡོང་རྒྱུ་ཡིན་ཟེར་བ་ཞུས་པས་རྒྱལ་པོའི་ལུང་གིས་ངེད་ཀྱི་བཀའ་མ་བྱུང་བར་ལྡོག་ཏུ་མེད་གསུངས་པས། དེ་ཕྱིན་ནས་དཔའ་བོ་མི་དགུ་པོའི་རུས་མིང་བཀའ་མ་ལོག་ཟེར་བར་ཆགས་ཏེ། དེར་ཡུན་རིངས་པས་བཀའ་མ་ལོག་གི་བོད་འབྲོག་སྡེ་ཚན་མང་པོ་ཡོད་དོ། །སེ་ཆེན་རྒྱལ་པོའི་བློན་ཆེན་སཾ་གྷ་ཆིང་སང་ཟེར་བ་དེ་ཡང་རུས་པ་བཀའ་མ་ལོག་ཚང་ཡིན་ཟེར་བར་འདུག །དེ་རྣམས་ཀྱི་ཆེ་བརྒྱུད་ལས་ཆད་པ་ཤར་ཙོང་ཁ་མཚོ་སྔོན་གྱི་མཐིལ་ན་སྐད་གསར་པ་བྱ་བ་དང་། ཇག་རོང་པས། ཀུ་ཀུ་མེད་བྱ་བ་ཡུལ་ཁམས་ཆེན་པོ་གསུམ་གྱི་བདག་པོ་ཡེ་བཟང་རིང་མོའི་སྲས་ཆེ་བ་སྐྱ་མིང་དབོན་པོ་རིན་ཆེན་རྒྱལ་མཚན་བྱ་བ་བློ་གསལ་ཞིང་སྐྱེ་མཆེད་དྭངས་པ་ཞིག་བྱུང་བ་དེ་ཉིད་གཞོན་(༢༡བ)

― GLG009_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

ནུ་ནས་དཀར་པོའི་ཆོས་ལ་མོས་པ་ཞིག་ཡོད་པས། ཡུལ་ཁམས་རྣམས་མཆེད་ཟླ་ཀུན་འཛིན་དུ་བཅུག་ནས། གཙང་ས་སྐྱ་བླ་མའི་སྙན་གྲགས་ཆོར། མོས་གུས་ཆུག་སྟེ་ཞབས་ལ་གཏུག་པར་འདོད་ནས་ཡར་བྱོན་པས་མདོ་སྟོད་ཀྱི་ཧོར་ཚེ་སྟོན་ཚུལ་ཡང་ཆོས་དོན་དུ་གཉེར་བ་ལ་དེར་མ་བརྟེན་ས་སྐྱར་ཆས་པ་དང་ཁོང་རྣམ་གཉིས་བྱ་བ་ལུང་པར་མཇལ། མདོ་སྟོད་སྨད་ཀྱི་ཕྱོགས་སྲེད་དང་སྐུ་ཚེ་སྔོན་མའི་འབྲེལ་ཤུགས་ཀྱིས་སྤུན་ཕུ་ནུ་ལྟར་ཐུགས་ཤིན་ཏུ་མཐུན་པར་བྱུང་ནས་དེའི་དབྱར་གྱ་མ་འབྲོང་ངུ་དགོན་པར་བསྡད། སྟོན་དེ་འགྲོ་མགོན་ཆོས་རྒྱལ་འཕགས་པ་གོང་ནས་ཡར་ཕེབས་དུས་འབྲོང་དུ་དགོན་པ་བས་གདན་དྲངས་བསྙེན་བཀུར་ཞུས། དེ་ཐོག་ཏུ་ཁོང་རྣམ་གཉིས་པས་ཀྱང་རབ་བྱུང་ཞུས་དབོན་པོའི་མཚན་རིན་ཅེན་བརྩོན་འགྲུས་བྱ་བར་བཏགས། བདག་བསླབ་གཉེར་མཐར་ཕྱིན་པ་ཞིག་བྱེད་འདོད་པས་རྗེས་སུ་བཟུང་དུ་གསོལ་ཞུས་པས། དེ་བཞིན་ལེགས། སློབ་དཔོན་ཤར་པ་ཡེ་ཤེས་ཀྱིས་བསླབ་གཉེར་གྱི་མགོན་གྱིས་ལ་དགེ་བཤེས་ཆེན་པོ་ཞིག་མགྱོགས་པར་ཡོང་བར་བྱེད་དོ་གསུངས་པས་དགེ་བཤེས་ལ་སྔ་བ་རིན་ཅེན་བརྩོན་འགྲུས་བྱ་བའང་དེ་དུས་ནས་བྱུང་བར་གདའོ། །དེར་གཉིས་ཀས་ཕྱག་ཕྱིར་བྱོན་ས་སྐྱར་ཕེབས་བསླབ་གཉེར་མཛད་པས་ཤེས་རབ་དང་ཐུགས་རུས་ཆེ་བའི་ཚད་ཐུབ་པར་བྱུང་། རིང་པོ་མ་ལོན་པར་ས་སྐྱའི་དགེ་བཤེས་རྣམས་ཀྱི་ནང་ནས་མཁས་གྲགས་ཐོན་པར་བྱུང་། བར་སྐབས་ནས་སྔ་མ་འཕགས་པའི་ཕྱགས་ཕྱི་ཞབས་ཏོག་མཐིལ་བཞུགས་ཡུན་རིང་མཛད་བྱ་བའི་ལྗིད་ཁུར་ཆེན་པོ་མང་དུ་བཀལ། དེ་མཚམས་ས་འབྲི་འཁྲུག་པའི་འགོ་ཚུགས་གོང་དུ་ཁྲིམས་ཀྱི་གཏུག་བཤེར་ལ་ཕྱོགས་ཕྱོགས་ནས་མི་དྲག་པ་འགྲོ་དགོས་པ་བྱུང་དུས་དཔོན་(༢༢ན)

― GLG009_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་ཤཱཀྱ་བཟང་པོ་དང་། དགེ་བཤེས་རིན་ཅེན་བརྩོན་འགྲུས། རིན་པོ་ཆེ་སྟོན་ཚུལ་གསུམ་པོས་བླ་མ་དང་བསྟན་པ་གདན་ས་ཆེན་མོའི་ཕྱིས་ལ་བསམས་ཏེ་བློས་བླངས་ནས་བྱོན། ཁྲིམས་ལུགས་སུ་སོང་བས་ཚལ་གུང་ཐང་ནས་ཕོ་བྲང་ཤངས་མཐོའི་བར་ལ་ཨན་ཁུར་ནས་རྐང་ཐང་ལ་བྱོན། གོང་དུ་ཐུག་བཤེར་ལེགས། ས་སྐྱ་པའི་བྱ་བ་རྣམས་གང་འདོད་ལེགས་པར་གྲུབ་ནས་ཡར་འཁོར་བའི་དུས་ཁོང་རྣམས་ས་སྐྱ་བ་ལ་ཡུས་ཆེ་བའི་མི་གསུམ་དུ་གྲགས་པ་བྱུང་ཞིང་ཆེན་པོར་གྱུར། སྤྱི་སྒོས་སུ་བླ་མའི་གནང་སྦྱིན། བརྒྱ་སྟོང་སོ་སོས་བྱ་དགའ་ཆེན་པོ་བྱས། ཁྱད་པར་དགེ་བཤེས་ཆེན་པོ་ལ་ཇ་རིན་དུ་ས་སྐྱའི་དྲུག་ཕྱ་མའི་འདབ་སྒོ་དང་ཚོང་འདུས་ཁ་ཡེབ་ཀྱི་མགོ་བྱས་གྲང་ཁང་ག་ར། ཕུལ་གྱོག་གཞིས་ཀ་རྣམས་གཙང་མར་གནང་། སྐྱ་བཙུན་ཐམས་ཅད་ཀྱིས་བཀུར་སྟི་ཞབས་ཏོག་ཆེ་བར་བྱུང་། དེ་སྐབས་སུ་མཆེད་གྲོགས་སྟོན་ཚུལ་བའི་གྲོས་ལ་བསླབ་གཉེར་གྱིས་དཀའ་སྤྱད་བཤེས་གཉེན་གྱི་སྙན་གྲགས་ཐོབ། ས་སྐྱ་པ་གསང་སྔགས་ཟབ་མོའི་བདག་པོ་ཡིན་པས་ད་ཡང་གསང་སྔགས་དང་མཐུན་པར་མཛད་ན་སྐུ་ཁམས་ཀྱི་འཚོ་སྐྱོང་དུའང་འགྱུར། མ་འོངས་པའི་དུས་སུའང་བུ་སློབ་རྗེས་འཛིན་སོགས་ཁྱད་ཆེ་བར་ཡོང་ཟེར་བ་ལ་གསན་ནས། ཉང་སྟོད་བྱེ་མདའ་པའི་མ་གཅིག་མཁའ་འགྲོ་འབུམ་མངོན་ཆུང་ངུའི་གྱོག་གཞིས་ཀར་བཞག་ཕྱག་རྒྱར་བསྟེན་པ་ལ་སྲས་གསུམ་བྱུང་བའི་ཆེ་བ་བན་རྒན་བློ་གྲོས་རིན་ཅེན། བར་པ་དྷརྨ་དཀོན་ཅོག །ཆུང་བ་དབོན་ཀུན་དགའ་རྡོ་རྗེ་རྣམས་བྱུང་། བར་བ་འདི་འགྲོ་མགོན་ཕྱག་ནའི་སྲས་དྷརྨ་པཱ་ལ་རཀྵི་ཏ་དང་ལོ་ཟླ་ཞག་(༢༢བ)

― GLG009_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་མཉམ་དུ་འཁྲུངས་པ་ནས་མཚན་འདི་ཆོས་རྒྱལ་འཕགས་པས་བཏགས་པར་ཡང་བྱེད་དོ། །དེའི་དུས་ན་ཧོར་རྒྱལ་བུ་ཆོས་དཔལ་བོད་ཆོས་ལ་བྱོན་པའི་བསུ་སྐྱེལ་ཞབས་ཏོག་ལ་དགེ་བཤེས་ཆེན་པོ་དེ་བས་འབད་རྩོལ་བསྐྱེད་པས་ཉི་མ་ནུབ་ཕྱོགས་ཀྱི་བྱ་བ་རྣམས་ལེགས་པར་གྲུབ་ནས་ཕྱིར་འབྱོན་དུས་སོག་པ་མདོ་བར་སྐྱེལ་ཐུང་ལ་བྱོན་པར་རྒྱལ་པོ་མཉེས་ནས་བྱང་རེ་ཐག་ཕྱིར་འཐེན་གང་འདུག །རིན་ཅེན་བརྩོན་འགྲུས་མི་བརྒྱུད་དང་བཅས་པ་ཤེས་སུ་ཆུག་ཅིང་། ཁྱོད་ཀྱིས་ཤེ་མོང་འདབས་པ་བཞིན་བུ་ཚ་བོ་རྣམས་ཀྱིས་ཀྱང་གོང་མ་ཡོན་མཆོད་ལ་ཤེ་མོང་འདབས་ཆུག་ཟེར་བའི་ལི་ཇི་བཟང་པོ་གནང་། དེ་ནས་དགེ་བཤེས་ཆེན་པོ་ས་སྐྱའི་ཚོང་འདུས་ཁང་ལེབ་ཏུ་བདེ་བར་གཤེགས་རྟིང་སྲས་ཆེ་བ་བན་རྒན་ལ་ཡབ་ཀྱི་རྗེས་སུ་ཞུགས་ནས་ཁྲིམས་གཉིས་ཀྱི་བྱ་བ་དང་ས་སྐྱའི་ཞབས་ཏོག །ནང་སོའི་མཐིལ་ལེན། དངོས་སུ་བླ་མ་བདག་ཉིད་ཆེན་པོའི་ཞབས་ལ་གཏུགས་ཤེ་མོང་འདབས་པར་ཏའི་ཏུའི་ཕོ་བྲང་དུ་བྱོན་ནས་བླ་མའི་སྐུ་དྲིན་ལ་ཨོལ་ཇོ་ཐུ་རྒྱལ་པོས་ལྷ་རྒོད་མདུང་རྩེ་ཡན་དང་ར་གཡུ་མཚོ་མན་འདི་བློ་གྲོས་རིན་ཆེན་མི་བརྒྱུད་དང་བཅས་པ་ཤེས་སུ་ཆུག་གསུང་བའི་འཇའ་ས་གཙང་མ་གནང་། གཅུང་གཉིས་པོ་ཉེ་རིང་མེད་པར་བསྐྱངས། གཅེན་ལ་བྱང་གི་ཁྲི་དཔོན་དང་གཅུང་ལ་དུ་དབྱེན་ཤའི་ལས་ཀ་ཞུས་ནས་བསྐོས། དྷརྨ་དཀོན་ཅོག་གི་གཞི་བ་ལ་མ་གཅིག་མཁའ་འགྲོ་འབུམ་གྱི་ཞལ་ཏ་མ་གཅིག་དང་། དཔོན་ཀུན་རྡོར་ལ་མ་གཅིག་འོད་འབུམ་གྱི་ཚ་མོ་ཞིག་བླངས་པ་གཉིས་ཀ་ལ་སྲས་མ་བྱུང་། བན་རྒན་པས་ཞལ་ཏ་མཛད་ཞལ་ཏ་བ་རེ་རེ་འོག་ཏུ་བཞག་པ་ལ་ཁྲི་དཔོན་དྷརྨ་དཀོན་ཅོག་ལ་སྲས་ཁྲི་དཔོན་ཆོས་རྒྱལ་(༢༣ན)

― GLG009_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དཔོན་ཆེན་རྒྱལ་བ་བཟང་པོ་བྱུང་། དུ་དབེན་ཤ་ཀུན་དགའ་རྡོ་རྗེ་ལ་སྲས་ཁྲི་དཔོན་དཀོན་ཅོག་རྒྱལ་མཚན་བྱུང་། ཁྲི་དཔོན་རྒྱལ་གྱིས་ཡབ་ཀྱི་ཤུལ་དུ་བྱ་རུའི་ཁྲི་དཔོན་ཐོག་གཅིག་བྱས་སྐུ་གཤེགས། སྲས་མེད་པས་དཀོན་མཆོག་རྒྱལ་མཚན་ཁྲི་དཔོན་ལ་བསྐོས། བླ་ཆེན་ཀུན་བློའི་ཕྱགས་ཕྱིར་གོང་ལ་བྱོན་ཡར་ཕེབས་ཇོ་མོ་སྲེག་ཤིང་དབོན་མོ་བླངས་ནས་མཐོང་སྨོན་ས་ཆ། ལྷ་ཁང་། སྤང་གྲོང་གི་ཁ་འཛིན་བྱེད་དུས་སྲས་བཞི་བྱུང་བའི་ཆེ་བ་དབོན་པོ་དཀོན་ཅོག་འོད་ཟེར་དང་དཀོན་མཆོག་རིན་ཆེན། མཁན་པོ་བསོད་ནམས་བློ་གྲོས། ཆུང་བ་རྒོད་པོ་རིན་ཆེན་རྣམས་བྱུང་ངོ་། །གཅུང་པོ་འདི་མ་སངས་ཀྱི་སྤྲུལ་པ་ཡིན་པའི་རྒྱུ་མཚན་ནི། འདིའི་སྐབས་སུ་དཔོན་ཆེན་རྒྱལ་བ་བཟང་པོ་པ་དེ་ཉིད་འབྲོག་ཁྲི་སྐོར་གྱི་རུ་ཐོག་མཚོ་མོ་རུ་ཁྱུང་གིས་བསྐོར་བ་སྒར་ཆེན་བཞུགས་དུས་ཆིབས་གར་བ་སྟོན་ཆེན་བྱ་བ་ཞིག་བོར་ནས་ལྷ་འདྲེ་མི་གསུམ་ལ་བཅའ་ཧུ་བཀྲམ་རྩད་གཅོད་པ་ཕྱོགས་བཞིར་བཏང་བས། ཤར་ཕྱོགས་པའི་མི་གཉིས་ཀྱིས་ཁ་བ་སྐྱ་སིབ་བབས་པའི་སྟེང་ལ་རྟ་རྗེས་འདུག་པ་མཐར་དེད་པས་ཤར་སོག་ལ་སྐྱ་མོའི་ཞོལ་ན་སྒར་ཆེན་ཞིག་འདུག་པ་དེ་ཁྲོད་ན་ཆིབས་པ་ཡང་འདུག་ནས་མགྲོན་གཉེར་ལ་རྒྱུ་མཚན་བསྙད་སྒར་འདི་སུའི་ཡིན་དྲིས་པས་སྒར་འདི་མ་སངས་ཀྱི་སྒར་ཡིན། གེ་སར་དང་སྒུ་ལྡི་ལ་སོགས་ཡོད་ཟེར་གུར་ནང་དུ་ཁྲིད་སྒུ་ལྡི་ཡིན་ཟེར་བ་དེ་ན་རེ། ངེད་ཀྱིས་ཁ་སིང་ནས་བྱང་སྟོང་ལ་ཡོངས་དཔོན་ཆེན་པ་དང་མཇལ་རྩིས་ལ་མ་ཕྲད། ད་གཟོད་ཁྱེད་ཀྱི་དབོན་པོ་ཞིག་ཡོད་པ་དེ་དང་ཡང་ཡང་ཕྲད་ཟེར་བ་གྱིས་ལ། རྟ་དང་མདའ་རྒོད་སྒྲོ་མ་འདི་ཕུལ་ཟེར་ནས་ཁྱེར་ཡོངས། དཔོན་(༢༣བ)

― GLG009_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པ་ལ་ཕུལ་དེ་རྟིང་དཔོན་པོ་རྒོད་པོ་རིན་ཅེན་པ་འཁྲུངས་སོ། །དཔོན་ཆེན་རྒྱལ་བ་བཟང་པོ་དེ་ཉིད་ཏི་ཤྲཱི་ཀུན་རྒྱལ་བའི་ཞབས་ལ་གཏུགས་གོང་ལ་ཕྱག་ཕྱིར་བྱོན། བླ་མའི་སྐུ་དྲིན་དང་ཁྲིམས་ཀྱི་བྱ་བ་ལ་མཁས་པས་སྔོན་མ་དཔོན་ཆེན་ཤྲཱི་མིང་དང་དེ་རྟིང་དབུས་གཙང་དཔོན་ཆེན་སྔོན་མ་ཐོག་མར་ཕེབས་དུས་བན་རྒན་པས་ཞལ་ཏ་མཛད། ཇོ་མོར་བླ་མ་མུས་ཆེན་པའི་དབོན་མོ་དང་། དབོན་མོ་ཇོ་མོ་རིམ་པར་བླངས་ནའང་སྲས་མ་བྱུང་བ་ཞལ་ཏ་མ་འབུམ་རྒྱན་བྱ་བ་ལ་སྲས་གྲགས་པ་རྒྱལ་མཚན་པ་བྱུང་ཞིང་། རྟིང་མ་ཟུར་སྲས་དཔོན་པོ་ཧོར་ཚ་བ་བྱ་བ་ཞིག་ཀྱང་བྱུང་། དཔོན་ཆེན་པས་དབོན་པོ་དཀོན་ཅོག་འོད་ཟེར་བྱང་ཁྲི་དཔོན་ལ་བསྐོས། སྲས་པོ་གྲགས་པ་རྒྱལ་མཚན་པ་ས་སྐྱ་ནང་སོར་བཞག །དབུས་གཙང་སྡེ་ལ་བཀོད་ནས་དབོན་པོ་དཀོན་ཅོག་རིན་ཅེན་ཕྱགས་ཕྱིར་ཁྲིད་ཡོངས་གོང་མ་མཆོད་ཡོན་གྱི་དྲུང་དུ་བྱོན་སྔ་རྟིང་དྲིལ་བས་ལོ་བཅོ་བརྒྱད་ཙམ་གོང་དུ་བཞུགས། སྭོན་ཇིང་དབེན་གྱི་རྩ་བའི་དཔོན་ཆེན་མི་ཤངས་ལེན་གསུམ་མཛད། ལུང་གུ་ཏ་ཧུའི་ཟོན་གནང་། ཡར་འབྱོན་ཁར་ངའི་སྦྲ་བེར་ཁྱུང་གསུམ་གྱི་ཚོང་པ་བོད་ལ་ལོ་རེ་བཞིན་ཡོང་བའི་འབབ་སའི་གནས་གཞི་ཞིག་བརྩིག་དགོས་ཞུས་པས་གང་འོས་ཚོལ་གསུངས་པར་ཤངས་ནང་གཡེ་དམར་སྒང་བརྒྱུད་ནས་ས་ཆེ་བར་འདུག་པས་འདི་དགོས་ཞུས་པས་བྱེ་རེ་བབ་ལྷ་གདོང་ཡན། ཐག་མངལ་གདོང་། དང་ར་ཤིང་གཅིག་མན་གྱི་ས་ཆ། རྒྱལ་བ་བཟང་པོའི་རྟ་སྒ་འབོག་ས་ལ་བྱིན་ཞིང་། དེ་ཁོངས་གང་འོས་སུ་གནས་གཞི་བརྩིག་ཏུ་ཆུག་གསུངས་པའི་ལུང་བཟང་པོ་གནང་བས་ཡར་ཕེབས་ནས་ཤངས་མཐོང་སྨོན་གྱི་ས་འདི་ན་ཆུ་(༢༤ན)

― GLG009_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་པའི་རྫིང་ཞིག་འདུག་པས་མིང་དང་གང་ས་ནས་རྟེན་འབྲེལ་ལེགས་པས་འདི་ཁོངས་སུ་ཆུག་པ་གྱིས་གསུངས། ལྕགས་རི་སྤེལ་ལྕོག་རྣམས་དཀྱིལ་དུ་ཁང་ལེབ་ཆེན་མོ་དང་བཅས་པ་བཏབ། དེ་རྟིང་གོང་མ་ཡོན་མཆོད་ཀྱི་སྐུ་རིམ་སྨོན་ལམ་འདེབས་ཤིང་སྤོས་སྲེག་པའི་ལྷ་ཁང་ཞིག་བཞེངས་སུ་འཇུག་པ་དགོས་ཟེར་བའི་ཞུ་བ་གོང་དུ་བཏང་བས། དེ་བཞིན་ཡིན་ཆུག་གསུང་བའི་ལུང་ཕེབས་ནས་མྱུག་རྒྱལ་ཁང་རྒྱལ་པོའི་ཕོ་བྲང་ལ་དཔེ་བླངས་པ་བཞེངས། ཆོས་སྡེ་འདི་སྔོན་བོད་རྒྱལ་བློན་དུས་ཀྱི་ཀ་ཅ་རྙིང་པ་དང་། རི་རྟིང་མ་མའི་དགོན་ལག་རྙིང་པ་དར་ཆ་མེད་པ་ཞིག་འདུག་པའང་དཔོན་ཆེན་པས་རྒྱལ་ཁང་བཞེངས་པ་དང་མཉམ་དུ། སོ་པཎྜི་ཏ་འཇིགས་མེད་གྲགས་པ་ཆོས་དཔོན་ལ་གདན་དྲངས་སྒོས་ཀྱི་མངའ་ཞབས་ལ་བཙུན་ཁྲལ་ཐེངས་གཉིས་བརྒྱབ་ནས་བཤད་གྲ་བཙུགས་ཆོས་སྡེའི་ཤེ་མོང་བསྐྱེད། ཆོས་ཁྲིམས་དར་བར་མཛད། ཡབ་ཡུམ་གྱི་ཕྱི་རྟེན་ལ་གཡེ་དམར་སྒང་སྟོད་དུ་སྐུ་འབུམ་ཆེན་མོ་བཞེངས་ཞ་ལུ་བུ་སྟོན་རིན་པོ་ཆེ་གདན་དྲངས་ནས་རབ་གནས་དབུས་གཙང་དུ་རྒྱས་པའི་དཔེ་ཐུབ་པ་མཛད་དེ། ལུང་གིས་བསྐོས་པའི་དཔོན་ཆེན་གཉིས་བྱང་པའི་ཕྱག་ཚབ་གཅིག་དང་བཅས་པས་གོང་དང་དབུས་གཙང་དུ་དཔོན་ཆེན་ཐེངས་གསུམ་མཛད་པ་དེ་བར་ལ། གདན་ས་ཆེན་པོའི་ཞབས་ཏོག བླ་མ་ལ་བཀུར་སྟི། མངའ་ཞབས་ཀྱི་སྐྱོང་དར། ཕག་གྲུ་ཁྲི་དཔོན་དང་མཁས་པ་ལ་སོགས་ཁྲིམས་འགལ་མུ་མེད་བྱེད་མཁན་རྣམས་ལ་དྲག་ལས་ཀྱིས་འཇུན་འདུར། གཞན་ཡང་རྒྱལ་ཁྲིམས་ཆེན་པོའི་བྱ་བ་གང་ལའང་ཉེ་རིང་མེད་ཅིང་བླང་དོར་མ་འཛོལ་བར་(༢༤བ)

― GLG009_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བས་ཀུན་གྱིས་བྱང་ཆུབ་སེམས་དཔའི་དཔོན་ཆེན་དུ་གྲགས་ཤིང་། གོང་ནས་རྟིང་ལ་ཕེབས་རྗེས་ལ་སྲས་བློ་གྲོས་རྒྱལ་མཚན་པ་བྱུང་བ། གཅེན་དཔོན་གྲགས་རྒྱལ་བ་དང་དགུང་ལོ་བཅུ་བདུན་བཅོ་བརྒྱད་ཀྱི་ཁྱད་ཡོད་པས་ན་གྲགས་རྒྱལ་བའི་སྲས་ཡིན་པར་བྱེད་པའང་ཡོད་ལ། ཁོང་རྣམ་གཉིས་ཀྱི་བར་དུ་དབོན་པོ་ཧོར་ཚས་དཔོན་ཐོག་ཏུ་ལོ་གཅིག་གཉིས་བཞུགས་ཟེར་བའང་གླེང་། དཔོན་ཆེན་རྒྱལ་བ་བཟང་པོ་བས་ཁྲིམས་ལས་ཀྱི་བྱ་བ་དཔོན་ཆེན་དབང་བརྩོན་ལ་འཕྲོད་པའི་སྐབས་སུ་ལྷ་རྩེའི་གཟིམས་ཁང་ལྷོ་མར་བདེ་བར་གཤེགས་སོ། །པུར་བཞུ་དུས་ཐུགས་ཐུགས་ཐག་དང་བཅས་ཏེ་བྱོན་པ་དེ་གཟིམས་ཁང་གུང་ལྡེབས་རིས་ལ་ཆོས་རྒྱལ་འཕགས་པའི་སྐུ་འདྲ་བཞུགས་པ་དེའི་ཐུགས་ཀར་ཐིམ་པ་ཀུན་གྱི་མཐུན་དུ་གྲུབ་པ། ཕྱི་སྐོར་གྱི་དཔོན་ཆེན་ལ་འདི་ཉིད་བླ་མ་ལ་གུས་ཤིང་ཁྲིམས་གཉིས་ཀྱི་བྱ་བ་མཁས་པར་བྱེད་དོ། །དཔོན་ཆེན་པའི་སྲས་པོ་གྲགས་པ་རྒྱལ་མཚན་པ་སྔ་སོར་ས་སྐྱ་ནང་ཆེན་བཟུང་རྟིང་ལ་དཔོན་ཆེན་གྱི་མིང་ཐོབ་ཤངས་མཐོང་སྨོན་བཟུང་བའི་སྐབས་དེར་སྐུ་གཤེགས་སོ། །གཅུང་པོ་དཔོན་པོ་ཧོར་ཚའི་སྲས་སྣ་དཀར་བ་དཔོན་ཀུན་དགའ་རྒྱལ་པོ་བརྒྱུད་ཆད། བློ་གྲོས་རྒྱལ་མཚན་པས་སི་ཏུའི་མིང་དང་ལས་ཀ་ཐོབ། དཔོན་ཆེན་པས་དབོན་པོ་འདི་དང་མཐོང་སྨོན་སྦྲགས་ནས་ཏའི་སི་ཏུ་བྱང་ཆུབ་རྒྱལ་མཚན་ལ་སྤྲད། གཙང་ཕྱོགས་ཀྱི་སྡེ་པ་དར་ལྕོག་དཀར་པོ་འཛུགས་པའི་སྔོན་མ་བྱས་ཟེར་བའང་འདུག །འདིའི་རིང་ལ་མཐོང་སྨོན་སྤེལ་ཆེན་བཞེངས། སྒོ་སྤེ་ཟུར་ཅོག་རྣམས་ཀྱི་ཁ་སྒྲོན་འོབས་ལྕགས་ཆུང་བཟོས་སོ། །དེའི་སྲས་བཞིའི་ཆེ་བ་དུ་དབན་(༢༥ན)

― GLG009_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

ཤ་བྱང་ཆུབ་རྒྱལ་བ་དཔལ་བཟང་པོ་བ་ལྷོག་ཐུང་དུ་གྲགས་པ་ཐུགས་རྒོད་ཅིང་རྩོམ་རྐྱེན་པས་དེའི་རིང་ལ་རྫོང་ཤངས་དང་ཕྱི་ནང་གི་སྡེ་འཁྲུག་མང་། དེ་འོག་མཁན་པོ་ཀུན་དགའ་བློ་གྲོས་པས་མྱུག་ཆོས་སྡེའི་མཁན་པོ་མཛད། དེ་འོག་ཏུ་དབེན་ཤ་ཀུན་དགའ་རྒྱལ་མཚན་པས་རྒྱལ་མཐོང་བཟུང་ཀུན་དང་མཐུན་པའི་ལུགས་ཤེས་ཆེ་བར་བྱུང་། གཅུང་པོ་ཆུང་བ་དབོན་པོ་ཀུན་རྡོར་བའོ། །དུ་དབེན་ཤ་ཀུན་རྒྱལ་བས་གདུང་བརྒྱུད་ལྕམ་བླངས་པ་ལ་སྲས་གཅིག་བྱུང་བ་དུ་དབེན་ཤ་རིན་ཅེན་རྒྱལ་པོ་བ་སྐུ་བརྟན་པར་བཞུགས་པའོ། །ཁྲི་དཔོན་དཀོན་ཅོག་འོད་ཟེར་བས་བྱང་རུ་ཐོག་གི་ཁྲི་དཔོན་མཛད་ཅིང་། དབོན་པོ་དཀོན་ཅོག་རིན་ཅེན་དང་རྒོད་པོ་རིན་ཅེན་པས་མྱུག་རྒྱལ་ཁང་གི་འགོ་བྱས་དྲེ་སྒལ་སོགས་འཛིན། མཁན་པོ་བསོད་ནམས་བློ་གྲོས་པས་ཞང་པོའི་གདན་ས་སྲེག་ཤིང་མཁན་པོ་མཛད་པའི་སྐབས་སུ་མཐོང་སྨོན་ན་དཔོན་ཆེན་གྲགས་རྒྱལ་བ་ཡོད་པ། དཔོན་སྐྱ་གཡོག་རིས་ཀྱི་དབང་དུ་སོང་ནས་ཤངས་པ་ནང་མ་བདེ། དབོན་པོ་སྐུ་མཆེད་ཆེ་བ་གཉིས་སྐུ་གཤེགས་རྟིང་དབོན་པོ་རྒོད་པོ་རིན་ཅེན་པས་སྟག་ཚང་རྫོང་ཁར་བླ་ཆེན་བསོད་བློ་སྐུ་མཆེད་པའི་ཞབས་ལ་གཏུགས། རྒྱབ་བཅོལ་ནས་རྫོང་ཤངས་བདེ་གཟར་ཡུན་རིང་། དགུང་ལོ་བཅོ་བརྒྱད་པ་ལ་བླ་ཆེན་པའི་ཕྱག་ཕྱིར་ལས་ཆེན་གཡས་རུ་བྱང་ནས་གོང་ལ་བྱོན། བླ་མའི་སྐུ་དྲིན་ལ་ཐོ་གན་ཐེ་མུར་རྒྱལ་པོས་ཕིང་གཅིག་པའི་མི་དཔོན། ཧྭིང་སྭོན་ཇིང་དབེན་གྱི་ཧུ་ཤཱིའི་མཚན་དང་དམ་སྟག །བན་རྒན་བློ་གྲོས་རིན་ཅེན་པའི་དུས་ཇི་ལྟར་གནང་བ་བཞིན་གྱི་བོད་འབྲོག་དབང་(༢༥བ)

― GLG009_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

རིས་རྣམས་རྒོད་པོ་རིན་ཅེན་ཧུ་ཤྲཱི་མི་བརྒྱུད་དང་བཅས་པ་ལ་འཇགས་སུ་ཆུག་གསུང་བའི་ལུང་བཟང་པོ་དང་བཅས་གནང་། ཡར་ཕེབས་བླ་མ་སྐུ་མཆེད་པའི་ཞབས་ཏོག་སྡེ་པ་སྟག་ཚང་རྫོང་པའི་ཕྱིའི་དགྲ་བཞི་ལ་དམག་དཔོན་གྱི་བྱ་བ་གང་ལའང་སྡེ་པའི་མཚན་ཇུས་གཙོ་བོར་བཏོན་ནས། དཔོན་ས་ནས་ཀྱང་ཐག་རྟ་ནག་གི་གཉེར་ཁ་གནང་། སྣ་དམར་རྫོང་བརྩིགས། ཤངས་པ་ནང་ལྟར་གྱི་བདེ་གཟར་འཕོ་འཕྱུགས་མང་ནའང་ཕྱི་ནང་སུས་ཀྱང་རྒོལ་བར་མ་ནུས་པས་རྒོད་པའི་སྙན་གྲགས་ཤིན་ཏུ་ཆེ་ཞིང་མེ་ཕོ་སྟག་ལོ་ལ་རྫོང་སྟག་སྣ་དོན་གྲུབ་རྩེ་བཟུང་སྟེ་དེའི་ཆར་གཏོགས་པའི་མངའ་ཞབས་བོད་འབྲོག་མང་དུ་ཆོད་ནས་ད་ལྟའི་བར་ལ་བརྟན་ཞིང་འཕེལ་བ་དང་བཅས་པ་ཡིན་ནོ། །དེ་ལ་ཡུམ་མི་གཅིག་པའི་སྲས་པོ་གསུམ་བྱུང་བའི་ཆེ་བ་རྟ་ནག་པ་དབོན་པོ་ཤཱཀྱ་རིན་ཅེན། བར་པ་བྱང་ངམ་རིང་པ་རྒྱལ་བ་རིན་ཅེན། ཆུང་བ་སྐྱོར་མོ་བ་སོག་པོ་རིན་ཅེན་རྣམས་ཏེ། ཤཱཀྱ་རིན་ཅེན་པས་ཡབ་ཀྱི་གཉེར་ལས་ཀྱི་རྗེས་རྟ་ནག་བཟུང་། དེ་ལ་སྲས་དུག་ཚེར་རིན་ཅེན་དང་། ནམ་མཁའ་རིན་ཅེན། དགེ་སྦྱོང་དཀར་པོར་གྲགས་པ་རྣམས་སོ། །རྒྱལ་བ་རིན་ཅེན་པ་ལ་སྲས་རྣམ་རྒྱལ་རིན་ཅེན་པ་དང་དཔལ་ལྡན་རིན་ཅེན་བྱུང་བ་གཉིས་ཀ་ཡབ་ཀྱི་སྔོན་ལ་འདས་སོ། །སོག་པོ་རིན་ཅེན་པས་ལྷ་བུ་ཁོང་ལམ་རྫོང་གསར་བརྩིགས། སྲས་རྒྱལ་པོ་རིན་ཅེན་པ་དང་དགེ་སྦྱོང་བསོད་ནམས་རིན་ཅེན་པ། གྲགས་པ་རིན་ཅེན་པ་རྣམས་བྱུང་ངོ་། །ཁྲི་དཔོན་དཀོན་ཅོག་འོད་ཟེར་བ་སྐུ་མཆེད་ཕྱོགས་གཅིག་པའི་དུས་ཀྱི་སྲས་པོ་གཅིག་བྱུང་བ་དྲུང་ཆེན་གླང་པོ་རིན་ཅེན་པ། དེ་ཉིན་ཡབ་(༢༦ན)

― GLG009_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོངས་པའི་རྗེས་ལ་སྟག་ཚང་རྫོང་ཁར་འཁྲུངས། དཔོན་ས་བླ་བྲང་དང་ཁུ་བོ་རྒོད་པོ་རིན་ཅེན་པ་འཚོ་སྐྱོང་མགོ་འདོན་ཡང་དག་མཛད། ཆེར་སྐྱེས་ནས་དབང་གྲགས་པ་རྒྱལ་མཚན་པའི་ཞལ་མཐོང་། དབང་རྣམ་སྲས་པའི་ཞབས་ལ་གཏུགས་གཟིམས་དཔོན་མཛད། ཁུ་དབོན་ཕྱོགས་གཅིག་ཏུ་དྲིལ་ནས་དགྲ་འདུལ་གཉེན་སྐྱོང་དབོན་སའི་ཞབས་ཏོག་བུར་རྟའི་གསོག་རུམ་སྐྱོང་དར་འཇིག་རྟེན་གྱི་བྱ་བ་གང་ལའང་ཤིན་ཏུ་མཁས་ཤིང་ཐུགས་རྩོལ་ཆེ་བས་གྲགས་པ་ཕྱོགས་ཀུན་ཁྱབ་བོ། །ཁྱད་པར་དབུས་པ་བདག་པོ་གྲགས་པ་རྒྱལ་མཚན་པས་ཕག་མོ་གྲུ་པ་སྲིད་ལ་གཏོགས་པའི་དབུས་གཙང་གི་དམག་དཔུང་སྟོབས་ཆེ་བ་བསྡུས་ནས་མེ་ཕོ་ཁྱི་ལོ་སྟོན་སྟག་སྣ་རྫོང་ལ་སྐོར་རྒྱག་ཡུན་རིང་བྱས། ནང་ཡན་འཚག་སྐྱེལ་བྲེད་སྡིགས་ཇི་སྙེད་ཅིག་བྱུང་ནས་ཡབ་སྲས་དཔོན་གཡོག་རྣམས་ཀྱིས་ལེགས་པར་སྲ་བཅས་ཕུར་བཙུགས་འཐབ་སྲོལ་སྤྲད་པས་དབུས་གཙང་དུ་མཁྲེགས་པའི་ཚད་ཐུབ་པ་བྱུང་རྟིང་སྟན་ཤར་གཙང་སྲིད་དུ་གྲགས་པའི་འགོ་དེ་ནས་བཙུགས་པས་ས་སྐྱ་པའི་བསྟན་ཇུས་ཡར་འཕེལ་དུ་བྱུང་བ་བློན་ཆེན་དེ་ཉིད་ཀྱི་ཐུགས་བཞེད་དང་འཕྲིན་ལས་ལ་བརྟེན་པའོ། །དེའི་སྲས་ལྔའི་ཆེ་བ་དྲུང་ཆེན་ནམ་མཁའ་རིན་ཅེན་པ་ནི་སྐུ་གཞོན་ནུ་ནས་ཀློག་ཡིག་སོགས་བསླབ་ཤེས་ཀྱི་ཡོན་ཏན་མཐའ་དག་མངོན་དུ་ཕྱོགས་ནས་མི་དབང་རྣམ་སྲས་རྒྱལ་མཚན་པ་དང་། མེས་པོ་ཧུ་ཤྲཱི་ཆེན་པོའི་ཞབས་ལ་གཏུགས་གསོལ་ཇ་བཟུང་། ཕོ་རྩལ་སྣ་དགུ་བཀུར་སྐྱོང་འགྲོགས་ལམ་སྡེ་སྲིད་འཛིན་པའི་བྱ་བ་ལ་ཡོན་ཏན་སྒོར་མོར་འཛོམ་པས་ཀུན་གྱིས་མ་སངས་སྤྲུལ་པར་འཛིན་ཅིང་(༢༦བ)

― GLG009_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་པར་ཁྱི་ལོ་དམག་ཆེན་གྱི་དུས་རྫོང་གི་རྩེ་ཞོལ་སྲུང་བ་གང་ཁག་པ་ཐམས་ཅད་དུ་ཕེབས་ནས་སྒྱོགས་མདའ་རྡོས་ནང་སྤྲད་པས་གཤིན་རྗེ་ངོ་དམར་དུ་གྲགས་ཤིང་ཕྱི་ནས་གདོང་ལེན་མི་སུ་ཡང་མེད་པ་བྱུང་ངོ་། །གཞན་ཡང་དམག་ཆེ་ཆུང་འཐབ་སྲོལ་སྔ་ཕྱི་མང་པོའི་འགོ་ལ་བྱོན་ནས་དུས་ནམ་ཡང་གདོང་འབུད་ངོ་ལང་ཁོ་ན་མཛད་ཅིང་ཕྱིས་སྐོར་བྱ་བ་གང་ལའང་གཏན་བརླིང་གཙོ་བོར་བཏོན་པས་ཕྱི་ནང་ཀུན་གྱིས་འདི་ནི་དཔའ་མཛངས་འཛོམ་པའི་སྐྱེས་བུ་ཆེན་པོ་ཡིན་ཞེས་གྲགས་སོ། །དེའི་གཅུང་པོ་རྒྱལ་བཟང་རིན་ཅེན། རྒྱ་མཚོ་རིན་ཅེན། ནོར་བུ་རིན་ཅེན། གྲུབ་པ་རིན་ཅེན་རྣམས་ཡིན་ལ། གཅུང་འདིས་རྫོང་རབ་འབྱོར་རྩེ་གཟུང་ཚར་ཤྭོན་བོད་འབྲོག་གསར་དུ་ཆོད། གཅེན་གྱི་ཁབ་ཏུ་གདུང་བརྒྱུད་ལམ་མོ་བྱང་སེམས་ནམ་མཁའ་རྒྱལ་མོ་བ་བྱོན་སྲས་ཆེ་བ་ཆོས་རྒྱལ་རིན་ཅེན་པ་མཆེད་གསུམ་སྟེ་སྐུ་མཆེད་ཁུ་དབོན་ཞལ་ངོ་ཡང་མང་ལ་རགས་པ་སྐུ་བརྟན་པར་བཞུགས་པར་ལགས་པ། བློན་ཆེན་ཆེ་བརྒྱུད་མ་སངས་སྤྲུལ་པའི་རིགས། ཁ་དྲག་མི་དཔུང་འཛོམ་པ་འཁོར་བཅས་འདི། །ཕས་རྒོལ་མི་མཐུན་ཕྱོགས་ལས་རྒྱལ་བ་དང་། །དཔལ་འབྱོར་ཡར་ངོའི་ཟླ་ལྟར་རྒྱས་གྱུར་ཅིག །ཅེས་བྱུང་བའི་མེས་དྲུང་ཆེན་ནམ་མཁའ་རིན་ཅེན་ཡན་ཆད་ཤངས་པ་ཡིན་ནའང་། དེ་ནས་ལ་སྟོད་དུ་གཞིས་བཟུང་བ་ཡིན་ཞིང་། དེ་ཡང་ཆོས་རྒྱལ་རིན་ཅེན་དཔལ་བཟང་ཞེས་ཡི་དམ་གྱི་ལྷས་རྗེས་སུ་བཟུང་ཞིང་དཔལ་མགོན་སྟག་ཞོན་བྲན་དུ་འཁོལ་བའི་མཐུ་སྟོབས་ཀྱི་དབང་ཕྱུག་དེའི་ཇོ་མོར་མཁའ་འགྲོའི་རིགས་ཅན། བོན་པོ་དབེན་རྩ་ཁ་པའི་སྲས་མོ་བཀྲ་ཤིས་ཨ་མཚོ་ཞེས་པ་སྔོན་གྱི་ལས་འཕྲོས་ཆོས་(༢༧ན)

― GLG009_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མོས་པ་དཀོན་ཅོག་ལ་བླ་མར་འཛིན་ཅིང་དགེ་འདུན་ལ་རྙེད་བཀུར་དང་ངན་ལོང་ལ་སྦྱིན་གཏོང་བརྩོན་པ། བྱམས་པ་དང་སྙིང་རྗེས་རྒྱུད་དུལ་བ། ཁྱད་པར་སྟག་ཚང་ལོ་ཙཱ་བར་ཤིན་ཏུ་དད་ཅིང་། དེ་ནས་བརྒྱུད་པའི་ཆོས་ཉམས་སུ་ལེན་པར་གཞོལ་བ་དེ་གཉིས་དམ་པ་འདི་དང་ལྕམ་སྲིང་ལྔ་ཙམ་གྱི་ཡབ་ཡུམ་ཡིན་ཞིང་། ཚེས་བཅུའི་དུས་ཆེན་ཞིག་ལ་སངས་རྒྱས་ཀུན་འདུས་རྡོ་རྗེ་དྲག་པོ་རྩལ་གྱི་འཕྲིན་ལས་གྱེར་བའི་ནུབ་ཡུམ་གྱིས་དཔལ་གཏོར་ཕྱོགས་ལ་དབུ་སྔས་བསྟད་དེ་གཟིམས་པ་ན་མནལ་ལམ་དུ་དཔལ་གཏོར་གྱི་པད་འདབ་གཅིག་ཆད་པའི་རྣམ་པས་སྒོ་དབྱེ་བ་ལྟ་བུ་བྱས། དེའི་ནང་ནས་གུ་རུ་རིན་པོ་ཆེའི་སྐུ་ཡིད་དུ་འོང་བ་འོད་ཟེར་དང་བཅས་པ་ཞིག་སེང་གེ་ལ་བཅིབས་ཏེ་ཐལ་མར་བྱུང་ནས་ཐུགས་ཀར་ཐིམ་པ་དང་། ཡང་ནུབ་ཅིག་སྟག་ཚང་ལོ་ཙཱ་བ་དཔོན་སློབ་ནས་ངེད་ཚོར་དོ་ནུབ་གནས་ཚང་དགོས་འདུག་པས་ནང་སོར་ཞུས་པའི་སྡོད་ཡུལ་གཡོར་གསུང་བ་ལྟར་སྟ་གོན་མཛད་པའི་ཚེ་བླ་མ་དེ་འཇམ་དབྱངས་དམར་སེར་གྱི་རྣམ་པར་གྱུར་པ་ཐུགས་ཀར་ཐིམ་པའི་སྣང་བ་བྱུང་། མནལ་སད་ཙ་ན་ལུས་ཤིན་སྦྱངས་ཀྱི་བདེ་བ་ལྟ་བུར་ཡུག་ཅིག་ལུས་པས་ཞལ་ཏ་མ་ཞིག་གིས་ད་བཞེངས། ལས་ཐེབས་འཆག་ཟེར་བས་ཉམས་དེ་སད་ཀྱང་དེ་ཉིན་གྱི་ཕྱག་ལས་མཐའ་དག་སྔར་དང་མི་འདྲ་བའི་བདེ་བ་དེ་ཀའི་ངང་དུ་འགྲོ་བ་ཞིག་བྱུང་། གནས་པ་དེ་ནམ་བྱུང་བའི་དུས་དངོས་སུ་མེ་ཏོག་གི་ཆར། འཇའ་དཀར་པོ། སྔར་ཚོར་མ་མྱོང་བའི་དྲི་བཟང་པོ་འཐུལ་བ་ཡོང་ཞིང་། ཡང་མནལ་ལམ་དུ་མི་ཞིག་གིས་གཡུ་སྟེར་བ། གསེར་གྱི་མཆོད་(༢༧བ)

― GLG009_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འོད་ཟེར་འཕྲོ་བ་ཁྲུས་གསོལ་ཞིང་སྐོར་བ་མཛད་པ་སོགས་དམ་པ་འདི་ལྷུམས་སུ་འཇུག་པའི་ལྟས་ངོ་མཚར་བ་མང་དུ་བྱུང་། འཁྲུངས་ལོ་ནི་འོ་སྐོལ་གྱི་སྟོན་པ་དྲག་པོ་ཞེས་པ་ལྕགས་སྤྲེལ་ལ་སྐུ་བལྟམས་ནས་ལོ་ཉིས་སྟོང་ལྔ་བརྒྱ་བཅུ་བདུན་འདས་པ་འཕགས་པའི་ཡུལ་དུ་སྟོད་འགྲེལ་ལུགས་ཀྱི་རྗེས་སུ་འབྲངས་ཏེ་དུནྡུ་བྷི་ཞེས་པ་རྔ་ཆེན་དུ་གྲགས་ཤིང་ཤར་ཕྱོགས་རྒྱལ་པོའི་ཁབ་ཏུ་ཞིན་ཟུའི་ཞེས་ཆུ་ཕོ་ཁྱི་ལོར་འཇིག་རྟེན་ཡོངས་གྲགས་དང་བསྟུན་ན་འཐད་ཅིང་གཙུག་ལག་དང་བསྟུན་ན་ཁྲག་སྐྱུག་ཅེས་པ་ཆུ་མོ་ཕག་གི་ལོའི་དུས་ཀྱང་མཛོད་རང་འགྲེལ་དུ་། སངས་རྒྱས་པ་རྣམས་ཀྱི་དུས་ཀྱི་དང་པོ་ནི་དགུན་ནོ། །གཉིས་པ་ནི་དཔྱིད་དོ། །གསུམ་པ་ནི་དབྱར་རོ། །ཞེས་འདུལ་མངོན་པ་རྣམས་དུས་ཀྱི་ཐོག་མ་དགུན་དུ་མཛད། འགྲེལ་ཆེན་དྲི་མེད་འོད་ལས། ས་གའི་ཉ་ལ་སྐྱ་རེངས་ཤར་བའི་ཚེ་མངོན་པར་རྫོགས་པར་སངས་རྒྱས་སོ། །དེ་ནས་ཟླ་བ་བཅུ་གཉིས་པ་ནག་པའི་ཉ་ལ་ཤྲཱི་དྷ་ཎྱ་ཀ་ཊ་ཀ་ར། ཞེས་སྟོན་པ་ས་གའི་ཉ་ལ་སངས་རྒྱས་པ་ནས་བརྩིས་པའི་བཅུ་གཉིས་པ་ནག་པའི་ཟླ་བར་དཔལ་དུས་ཀྱི་འཁོར་ལོའི་རྩ་བའི་རྒྱུད་སྟོང་ཕྲག་བཅུ་གཉིས་པ་གསུངས་པ་དང་རིགས་ལྡན་གྲགས་པས། ཚངས་པའི་དྲང་སྲོང་བྱེ་བ་ཕྲག་ཕྱེད་དང་བཞི་རིགས་བཞི་རིགས་གཅིག་ཏུ་བྱས་ནས་དབང་བསྐུར་ཞིང་རྩ་རྒྱུད་ལས་བསྡུས་རྒྱུད་བསྡུས་པའི་ཟླ་བ་ཡིན་པར་བརྟེན་ལོ་འགོར་མཛད་ཅིང་། དྷཱུ་བ་ཀའི་འདས་ལོ་འཚོལ་བའི་ཚེའང་ནག་པ་ནས་ཐོག་མར་བྱེད་པའི་ལུགས་སྲོལ་དར་ནའང་བོད་འདིར་ཡོངས་གྲགས་ཀྱི་ཟླ་འགོ་ནི་རྒྱ་ནག་སྤོར་ཐང་ཆེན་མོའི་རྗེས་སུ་འབྲང་བས་དེ་ལའང་ལུགས་མི་འདྲ་བ་(༢༨ན)

― GLG009_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་བྱུང་བའི་འཁྲུལ་པ་མེད་པ་ནི། རྒྱུད་གབ་པ་གནད་གཟེར་ལས། དགུན་ཉི་ལྡོག་པའི་ཚེས་སྔ་མ། །ལོ་ནི་སྔ་མའི་མཇུག་ཡིན་ལ། །སྔ་ལོ་ཕྱི་ལོའི་འཕོ་མཚམས་ཀྱི། །ཕོ་བྲང་ལྷ་ཚོགས་ཐམས་ཅད་དང་། །ས་བདག་རྗེ་བློན་འཁོར་བཅས་རྣམས། །དགུན་ཉི་ལྡོག་ནས་བསྐྱ་བར་བྱེད། ཅེས་སྨལ་པོའི་ཟླ་བའམ་ཧོར་ཟླ་བཅུ་གཅིག་པ་དཔྱིད་ར་སྟག་ཏུ་ཕུག་པ་བ་སོགས་ཚད་ཐུབ་ཀྱི་མཁས་པ་མང་པོ་བཞེད་པ། འཕགས་སྐྱེས་པོའི་རྟོགས་པ་བརྗོད་པའི་ཡལ་འདབ་ཏུ། དེ་ནས་ཡིད་སྲུབས་ལོངས་སྤྱོད་གྲོགས། །སྦྲང་རྩི་འཐུང་བ་རྣམས་ཀྱི་གཉེན། །སྐལ་བཟང་འཁྲི་ཤིང་འཁྱུད་བྱེད་པ། །ལེགས་ལྡན་དཔྱིད་ནི་མཐོང་བར་གྱུར། །ཅེས་དཔྱིད་ཟླ་འབྲིང་པོ་ཉ་རོ་ཧཱི་ཏའི་ཁྱིམ་རྒྱལ་གྱི་ཟླ་བའི་དཔའ་བོ་མཁའ་འགྲོ་འདུ་བའི་ཚེས་བཅུའི་རེས་གཟའ་ཉི་མ། ཟླ་སྐར་སྨིན་དྲུག་གི་རེས་ལ་བབས་པའི་ཚེ་རྨུ་གཤོང་དགེ་བའི་ཚལ་ཞེས་སུམ་རྩེན་གྱི་གཞལ་ཡས་ཁང་ལ་ཅོ་འདྲི་བ་དེར། གཙུག་ན་ནོར་བུའི་རྟོགས་པ་བརྗོད་པའི་ཡལ་འདབ་ཏུ། དེ་ནས་དུས་ནི་ཡོངས་རྫོགས་ཏེ། །མཁའ་ལ་བདུད་རྩིའི་འོད་ཟེར་བཞིན། །འགྲོ་བའི་རབ་རིབ་ཀུན་འཇོམས་བུ། །ལྷ་མོ་ལ་ནི་བཙས་པར་གྱུར། །ཅེས་ཡུམ་ལ་སྙུན་སོགས་གང་ཡང་མི་མངའ་བར་སྟོན་གྱི་ནམ་མཁའ་གཡའ་དག་པ་ལ་རི་བོང་འཛིན་པའི་དཀྱིལ་འཁོར་ཉ་གང་བ་བཞིན་སྐུ་བལྟམས་པས་གསུང་མགུར་ལས། སེར་གཟུགས་བདག་གི་སྐྱེས་པའི་ཡུལ། །གངས་རིའི་ཁྲོད་ཀྱི་གཙང་སྟོད་ཆ། །ཆུ་བོ་པཀྵུའི་ལྷོ་ཡི་ངོས། །གྲུམ་སྟོད་ས་སྐྱའི་བྱ་འདབས་(༢༨བ)

― GLG009_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

ལྗོངས། །འབྲོག་མི་ལོ་ཙཱའི་གནས་ཀྱི་མདའ། །འཕྲང་གསུམ་ནང་ནས་སྲིན་འཕྲང་གདོང་། །རྨུ་རྗེ་བཙད་པོས་བཟུང་བའི་ས། །དེར་ནི་སྔོན་གྱི་ལས་དབང་གིས། །དལ་འབྱོར་རིན་ཅེན་རྙེད་པ་ཡིན། །ཞེས་གསུངས་སོ། །ཁ་བའི་རྡུལ་བརྩེགས་ཤེལ་དཀར་རྡོ་ལེབ་བཀྲམ། །མར་གད་གོས་ཀླུབས་འཛིན་མར་ལྗོན་པའི་ཚལ། །ཡིད་འོང་ཆུ་སྐྱེས་ལོ་ཏོག་བཀྲ་བའི་འགྲམ། །གནམ་སྔོན་ཞུན་མའི་ཉལ་འགྲོ་དལ་གྱིས་འབབ། །ཕུལ་བྱུང་ངོ་མཚར་བཀོད་པའི་ཁང་བཟང་གིས། །འཆི་མེད་བ་གམ་མཛེས་པ་ལ་འཁུ་བའི། ཁོ་ར་ཁོར་ཡུག་ཁྱབ་པ་གྲོང་ཁྱེར་གྱི། །གྲགས་པས་རྒྱུ་སྐར་ཚོགས་རྣམས་བལྟ་བ་བཞིན། །འཇམ་དཔལ་རྡོ་རྗེ་འཕགས་པའི་ཞབས་པད་རྡུལ། །དམར་འོད་གཙུག་ཏུ་ལྷུངས་པའི་ཡུས་པོ་ཆེ། །བསྟན་སྲིད་བླ་ནས་བླར་འདེགས་རི་མོའི་རྗེས། །མིག་གསུམ་འཕྲུལ་ཅན་དེས་ཀྱང་ག་ལ་ཁེབས། །ཀ་བ་མེད་པའི་གནམ་གྱི་སྒོ་མོ་ནས། །ཚངས་པ་མི་གཟུགས་ཧོར་གྱི་རྒྱལ་པོའི་ལུང་། །བཙན་པོས་སྤྱི་བོ་གྱེན་དུ་བསྟན་ནོ་ཅོག །ཀུན་གྱིས་བཏུད་བྱའི་དཔོན་ཆེན་ལས་ཀས་མཐོ། །གཙང་བྱེད་པདྨའི་སྦུབས་ནས་ཐོན་པའི་ཅོ། །འདྲི་བའི་རྫུན་མིན་བདེན་གཏམ་སྐྱ་རེངས་མས། །མངལ་སྐྱེས་ཉེར་དྲངས་ཚེ་དབང་རིགས་འཛིན་ནི། །ཤར་བའི་འོད་སྟོང་འབར་ལ་སུ་ཡིས་བསྙོན། །ཤེས་རབ་རལ་གྲི་སིནྡྷུ་ཝཱ་རའི་མདངས། །མ་རིག་དྲ་བ་འཇོམས་པ་རྣོན་པོའི་མཚོན། །ཆོས་ཕུང་རིན་ཅེན་འབྱུང་གནས་གཅིག་པུ་པ། །སྒྲུབ་པའི་དགེ་མཚན་མངོན་སུམ་ལྟ་བུར་གསལ། ཁུངས་བཙུན་རིགས་ཀྱི་ལང་ཚོ་དར་བའི་རྗེ། །བཞིན་མཛེས་དགའ་མར་འཁྱུད་པའི་(༢༩ན)

― GLG009_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེད་འཇོ་ལས། །ངོ་མཚར་སྤྲུལ་པའི་ཁྱེའུ་ང་ལས་ནུ། །ཐུབ་བསྟན་མང་བཀུར་གཙུག་ཏོར་རྩེ་མོར་བཙས། །དེ་ཡང་བཙས་མ་ཐག་ནས་མཚན་བཟང་གིས་སྤྲས་པ་ལྟ་བུའི་མཐོང་ན་མི་མཐུན་པ་མེད་པའི་མཛེས་ཤིང་ཡིད་དུ་འོང་བ་ཐ་མལ་གྱི་བྱིས་པ་དང་མི་འདྲ་བར་ལྟ་བས་མི་བཟོད་པའི་ཟིལ་ཆེ་བ་ཞིག་བྱུང་ཞིང་བཙས་སྟོན་དང་མཚན་སྟོན་རྒྱ་ཆེར་མཛད། ཡབ་ཀྱིས་མགོན་པོ་སྟག་ཞོན་སོགས་ལ་གཏང་རག་ཕུལ་བའི་དུས་ནམ་མཁའ་ནས་རྔ་བོ་ཆེ་འདྲ་བའི་སྐད་ཆེན་པོ་དང་དེ་ནས་གཅིག་རྗེས་གཅིག་ནོན་ལྟ་བུའི་དུང་དཀར་དྲིལ་བུ་རྐང་གླིང་རྣམས་ཀྱི་སྒྲ་ཀུན་གྱིས་ཐོས། སང་ཉི་ཤར་ལ་ཡབ་ཀྱི་གུར་ཞལ་སྟག་ཞོན་སོགས་ཀྱི་མངའ་གསོལ་མཛད་པའི་བསངས་ཀྱི་དུད་སྤྲིན་གཟིམས་ཁང་གི་ཤར་དོན་ཡོད་ཞགས་པ་སོགས་རང་བྱུང་དུ་ཡོད་པའི་བྲག་རིའི་རྩེ་ནས་ནུབ་ཀྱི་བྲག་རིའི་རྩེ་མོ་གཡའ་དང་སྤང་གིས་མཚན་པའི་རྩེའི་བར་སྦྲུལ་འཁྱིལ་བ་འདྲ་བའི་འཇའ་ཚོན་སྣ་ལྔ་འཁྲིགས་ཤིང་མེ་ཏོག་གི་ཆར་འབབ་པ་སོགས་ཡ་མཚན་དུ་གྱུར། སྐུའི་སྐྱེད་ཀྱང་གཞན་ལས་ཆེ་ཞིང་དུལ་བ་ཡིད་གཞུང་བ་བློ་གྲོས་དང་ལྡན་པ་སོགས་གང་ཟག་ཁྱད་པར་བའི་བག་ཆགས་ཀྱི་མཐུ་བརྟས་པ་ཞིག་གོ །གསོལ་འདེབས་ལས། གཞོན་ནུ་ཉིད་ནས་ཉམས་ཀྱི་སྣང་བ་ལ། །ཕྱོགས་ཀུན་ངོ་མཚར་རྒྱལ་སྐུའི་སྣང་བརྙན་གྱིས། །ཕྱུར་བུར་གཏམས་ཤིང་ལས་ཀྱི་དྲི་མའི་ཆ། །དག་པའི་སྣང་བ་གཟིགས་ལ་གསོལ་བ་འདེབས། །འབྲི་ཀློག་ཚུལ་རྣམས་མ་བསླབས་ཐུགས་སུ་ཆུད། །སྲུང་མའི་རྣམ་སྤྲུལ་དཔའ་བོ་དམར་གསལ་དང་། །ཛོ་ཀིའི་ཚུལ་གཟིགས་(༢༩བ)

― GLG009_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཁམས་དབང་པོ་ཡིས། །འཕྲིན་ལས་མ་ལུས་སྒྲུབ་ལ་གསོལ་བ་འདེབས། །རིན་ཅེན་སེང་གེའི་ཁྲི་ལ་འཁོར་བ་ཡི། །ཡོངས་འཛིན་སྐད་གཉིས་སྨྲ་བའི་དབང་པོ་དེའི། །ལྷག་པའི་ལྷ་ཡི་སྒྲུབ་ཐབས་ཞལ་ལུང་གིས། །ཤེས་རབ་སྣང་བ་རྒྱས་ལ་གསོལ་བ་འདེབས། །ཞེས་དགུང་ལོ་གསུམ་ཙམ་གྱི་དུས་ཕྱི་རོལ་ཏུ་ཕེབས་པ་ན་ས་གཞི་ཐམས་ཅད་བདག་ཅག་གི་སྟོན་པའི་སྐུ་གསེར་སྦྱངས་ཞུན་མ་ལ་ཉི་འོད་ཕོག་པ་ལྟ་བུས་གང་བ་གཟིགས་པས་ཞབས་གོམ་འདེགས་འཇོག་མི་ནུས་པའི་སྣང་བ་དང་། ཡང་སྐབས་ཤིག་མི་ལུས་དུད་འགྲོའི་མགོ་བརྙན་ཅན་འཇིགས་སུ་རུང་བ་མང་པོས་མི་གསོན་པོ་བཙོ་སྲེག་བྱེད་པ་གཟིགས་པའི་མོད་ལ་རང་ཉིད་ལ་འཕོས་བ་ལྟ་བུའི་སྡུག་བསྔལ་བྱུང་བ་ལས་སྒྲིབ་ཀྱི་ཆ་ཤས་ཅུང་ཟད་ཙམ་ལུས་པ་གནས་སྦྱོང་གི་ཉམས་ཀྱི་སྒོ་ནས་སྦྱངས་པའི་གསུང་རྒྱུན་སྣང་བ་ལམ་འབྲས་པའི་ལུགས་ལ་གནས་སྦྱོང་གི་ཉམས་འདི་འདྲ་ཤར་ན་ཕྱིན་ཆད་གནས་ངན་དེ་ལེན་མི་དགོས་པར་འཆད་པས་རྟགས་བཟང་པོ་ཡིན་མོད་འོན་ཏེ་རྣལ་འབྱོར་དབང་ཕྱུག་གི་སྤྲུལ་པ་ལ་དེ་འདྲར་བལྟོས་པ་མིན་ཡང་ཐུན་མོང་བའི་ངོར་དེ་བཞིན་གཤེགས་པའི་ཞབས་ལ་སེང་ལྡེང་གི་ཚལ་པ་སོར་བཅུ་དྲུག་པ་ཟུག་པ་སོགས་ལས་བཅུ་སྤྱད་པའི་སྐབས་དང་རྗེས་སུ་མཐུན་པར་མངོན། ཡབ་ཀྱི་ཕྱག་དཔེ་རྡོ་རྗེ་གཅོད་པ་དེ་གཟིགས་ན་སྔོན་ཆད་འབྲི་ཀློག་ཙམ་མཛད་མ་མྱོང་ཡང་འདི་འདྲ་ཞིག་ཟེར་རྒྱུ་ཡིན་པ་འདུག་དགོངས་ཏེ་ཐོགས་མེད་དུ་ཀློག་པ་དང་འབྲི་བའང་སློབ་དཔོན་བསྟེན་པའི་རྩོལ་བ་ལ་མ་བལྟོས་པར་ཤུགས་བྱུང་གིས་མཁྱེན་པས། བཀའ་ལས། ཀློག་མི་དྲན་གོང་ནས་(༣༠ན)

― GLG009_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ཀྱིན་འདུག །ཡི་གེ་འདི་རྡོ་ལ་ཐོད་ལེ་ཀོར་གྱིས་བྲིས་ཤིང་། དེ་རྗེས་ཉི་མ་གཅིག་གཉིས་བྲིས་པས་ཤེས་བྱུང་གསུང་བ་ཀུན་མཁྱེན་བུ་སྟོན་ཞབས་ཀྱི་རྣམ་ཐར་དུ་གསལ་བའི་བག་ཆགས་ཀྱི་ཀློང་རྡོལ་བར་སེམས། དེའི་ཚེ་ཕྱི་རོལ་ཏུ་བྱིས་པ་འགའ་དང་ལྷན་ཅིག་ཏུ་བྱོན་པ་ན་འབྱུང་པོ་མ་རུངས་པས་བརླམས་པའི་ཁྱི་ཞིག་གིས་ཕྱག་ཤུབས་ལ་འཆངས་པས་གཞན་རྣམས་བྲོས་རྗེ་ཉིད་ཐུགས་ཚད་པའི་རྐྱེན་གྱིས་ཧེ་རུ་ཀཿཞལ་བརྒྱད་པའི་རྣམ་པར་རང་བྱུང་གིས་ཤར་ནས་སྡིགས་མཛུབ་མཛད་པས་ཕ་ཚད་དུ་བྲོས། དེར་རྗེས་བྱིས་པ་གཞན་རྣམས་ཀྱིས་རོལ་མོ་དཀྲོལ་ཚུལ་དང་རྗེ་ཉིད་ཀྱིས་འཇིམ་པ་ལ་བཟོས་པའི་གཏོར་མ་ཞིག་སྐུ་རྩེད་ཀྱི་ཚུལ་དུ་འཕངས་པས་ཁྱི་དེའི་ཁ་ནས་ཁྲག་སྐྱུགས་ནས་ཤི །དགུང་ལོ་ལྔ་དྲུག་ཙམ་གྱི་ཚེ་ནུབ་ཅིག་ཡབ་ཀྱི་སྟག་ཞོན་གྱི་ཐུན་གཏོར་བསྔོས་པ་སྐྱེལ་དུ་བྱོན་པ་ན་མི་ནག་པོ་འཇིགས་སུ་རུང་བས་གཏོར་མ་དེ་དངོས་སུ་བླངས་སོང་དེ་ལ་འཇིགས་ནས་ཅུང་ཟད་བྲོས་ཏེ་ཕྱི་ལོག་མཛད་གཟིགས་པས་དེའི་འཁྲིས་ནའང་འཇིགས་སུ་རུང་བ་ཞིག་འདུག་པ་ངེས་མཻ་ཏྲི་པས་ང་ཁྱོད་ལ་དངོས་སུ་གཏད་ཁྱོད་ཀྱིས་ཚུལ་བཞིན་བསྟེན་ངས་ཀྱང་མཆོག་ཐུན་གྱི་དངོས་གྲུབ་སྦྱིན་པ་ཡིན་པས་གཏོར་མ་རེ་མ་ཆག་པར་བསླང་ཟེར། མར་བྱོན་ནས་ཡབ་ལ་ཞུས་པས་ངེད་རང་གི་ཆོས་སྐྱོང་ཡིན་གསུང་ཡང་སྔོན་མ་དེ་སྟག་ཞོན་དང་ཕྱི་མ་དེ་ཡེ་ཤེས་མགོན་པོ་ཕྱག་དྲུག་པར་ངེས་ཤིང་དེས་རྐྱེན་བྱས་ནས་མཁས་གྲུབ་ཁྱུང་པོར་འཁྲུངས་པ་ཐུགས་དྲན་གསོས་སྣང་། སྐབས་འགར་མི་དམར་པོ་གཟི་བརྗིད་ཤིན་ཏུ་ཆེ་བ་དང་ཨཱ་ཙཪྻའི་རྣམ་པ་ཅན་གྱིས་དགའ་བའི་རྣམ་(༣༠བ)

― GLG009_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་སྟོན་ཞིང་ཐུགས་འཁྲིད་པའི་ཚུལ་དང་གཏོར་བསྔོས་མཛད་པའི་གཏོར་མ་དངོས་སུ་ལེན་པ་བྱུང་བ་མི་དམར་པོ་དེ་གནོད་སྦྱིན་བེག་ཙེ་དང་། ཛོ་ཀི་གཉན་མགོན་ཞལ་བཞི་པ་ཡིན་ཚོད་དུ་སྣང་། འདོད་ཁམས་དབང་ཕྱུག་མས་རྟགས་མཚན་ཁྱད་པར་ཅན་བསྟན་པ་ས་ལུགས་ལ་ལྕམ་དྲལ་སྦྲགས་སྒྲུབ་ཀྱི་རྗེས་གནང་ཙམ་ལས་མེད་ནའང་རྗེ་ཉིད་ཀྱིས་གཞུང་དུ་གསན་ནས་བླ་མའི་སྐུ་དགྲ་བསྒྲལ་བ་སོགས་ཀྱི་ལོ་རྒྱུས་བཞིན་འདི་དུས་ནས་ཆོས་སྐྱོང་གི་ལས་འབྲེལ་གཞན་དང་མི་འདྲ་བ་ཞིག་ཡོད་པར་མཆིས་ཤིང་དེར་མ་ཟད་ཆོས་སྐྱོང་ཆེ་ཆུང་ཐམས་ཅད་ཀྱི་བཀའ་བབས་པས་རོལ་མོ་འུར་ཆེམ་ཙམ་ལ་སྲུང་མ་བྲན་འཁོལ་དུ་མི་རློམ་པར་སྙན་བརྒྱུད་བཞིའི་རྟེན་འབྲེལ་གྱིས་ཚར་ལུགས་ཞེས་གྲུབ་མཐའ་འབུར་དོད་འདི་ཉིད་འབྱུང་བའི་སྔོན་འགྲོར་གོར་མ་ཆག །ཆོས་འཁོར་སྒང་པ་ལོ་ཆེན་ཤེས་རབ་རིན་ཅེན་ཡིན་ཟེར་བའི་པཎྜི་ཏ་ཞྭ་མོ་པད་འདབ་ཅན་གསོལ་བ་ཞིག་རིན་པོ་ཆེའི་ཁྲི་སེང་གེ་གཉིས་བསྣོལ་བས་བཏེག་པའི་སྟེང་དུ་བཞུགས་ནས་གཞོན་ནུ་ཞེས་བོས་ཏེ་ཁྱོད་དང་སྔོན་ནས་ལས་འབྲེལ་ཡོད་པའི་ལྷ་མཉྫུ་ཤྲཱི་དཀར་པོ་འདི་ཡིན་པས། དེའི་སྒོས་རྒྱུད་དང་སྒྲུབ་ཐབས་ཡིན་ཟེར་བའི་ལུང་མཛད། མཚན་བརྗོད་བཀླགས་རྗེས་སྒོས་རྒྱུད་མིན་གསུང་བའི་མོད་ཐུགས་ལ་ཐིམ་པའི་སྣང་བ་ཤར། དེ་ནས་བཟུང་ཕྱག་དཔེ་འཛིན་བཤར་སོགས་གང་ལའང་ཐོགས་པ་མེད་པའི་ཐུགས་རབ་ཤིན་ཏུ་ཡངས་པར་གྱུར་པས་ཕྱིས་བཀའ་ལས། དེ་དུས་གནང་བའི་སྒྲུབ་ཐབས་དེ་མ་ཏིས་མཛད་པ་འདི་འདྲ་མོ་འདུག །རྒྱུད་དེ་མ་གོ་སྟེ་ལོ་ཙཱ་བ་དེ་ཉིད་ཀྱང་སྐྱེ་བ་སྔ་མའི་བླ་མ་ཞིག་ཡིན་པར་འདུག །(༣༡ན)

― GLG009_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་ཆེན་ཁོ་རང་ཡིན་ཚོད་དུ་གདའ། ཞེས་གསུངས་པ་སྐུ་སྐྱེ་སྔོན་མ་དགེ་སློང་དབང་མོས་སྟག་ཚང་ལོ་ཆེན་གྱི་ཞབས་ལ་ཐུག་ཅིང་། ཀུན་སྤངས་ཆེན་པོའི་དངོས་ཀྱི་བཤེས་གཉེན་ཡིན་པས་སྔ་མའི་སྔ་མར་སོང་བ་དང་ལོ་ཆེན་ནས་བརྒྱུད་པའི་མ་ཏི་ལུགས་ཀྱི་འཇམ་དཀར་རྗེ་སྔ་མར་བཀའ་བབས་པ་འདི་གཞན་ལས་ཁྱད་ཞུགས་ཤིང་ཆོས་རྒྱུན་གཞན་མ་ཁ་ཤས་ཡོད་པར་མ་ཟད་ལེགས་བཤད་ཀྱི་བསྟན་བཅོས་མང་པོར་ཐུགས་གཙིགས་ཆེ་བ་དང་། སྟག་ཚང་པའི་བསྟན་སྲུང་སྤྱི་བཤགས་བསྐང་བའི་སྐབས་མཛད་པ་སོགས་སྒོ་དུ་མ་ནས་འཇིག་རྟེན་གྱི་མིག་གཅིག་པུ་དེའི་འཕྲིན་ལས་སྤེལ་བའི་སྔོན་འགྲོའི་སྒོར་སྣང་། དེ་དག་གི་དུས་དཔལ་རྟ་མགྲིན་ཞབས་བརྒྱད་པ་སོགས་ཡི་དམ་གྱི་ལྷ་དུ་མའི་རྣམ་པར་ཤར་ཞིང་བསྐྱེད་རྫོགས་ཀྱི་རྣལ་འབྱོར་ཟབ་མོ་ལས་བྱུང་བའི་ཕྱག་རྒྱ་ཆེན་པོ་མཚན་ཉིད་པ། སྡོམ་གསུམ་དུ། ངེད་ཀྱི་ཕྱག་རྒྱ་ཆེན་པོ་ནི། །དབང་ལས་བྱུང་བའི་ཡེ་ཤེས་དང་། །རིམ་པ་གཉིས་ཀྱི་ཁྱད་པར་ལས། །བྱུང་བའི་རང་བྱུང་ཡེ་ཤེས་ཡིན། །ཞེས་པ་ལ་དབང་འབྱོར་བས། ཀུན་མཁྱེན་མཁྱེན་བརྩེས། གཞོན་ནུ་ཉིད་ནས་རང་ལུས་ལྷ་སྐུར་གཟིགས། །དམ་ཅན་སྲུང་མས་དངོས་སུ་གཏོར་མ་བླངས། །ཀློག་དང་ཡི་གེ་མ་བསླབས་མཁས་པར་མཁྱེན། །བྱིས་པའི་སྤྱོད་ལས་འདས་ལ་གསོལ་བ་འདེབས། །ཞེས་སོ། །གསོལ་འདེབས་ལས། ཆོས་ལུང་འཛིམ་གྱི་གཙུག་ལག་ཁང་ཆེན་དུ། །ཡོངས་འཛིན་ཞབས་བསྟེན་དགེ་བསྙེན་བརྟུལ་ཞུགས་ནོས། །ཐམས་ཅད་མཁྱེན་པ་དགེ་འདུན་རྒྱ་མཚོ་ལས། །དགེ་ཚུལ་སྡོམ་པ་བཞེས་ལ་གསོལ་བ་འདེབས། །ཞེས་འདུལ་(༣༡བ)

― GLG009_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལ་བསྟོད་པ་ལས། རྒྱལ་བ་སྟོན་པ་དེ་ཡི་བསྟན་པ་དག །མདོ་དང་ཆོས་མངོན་ཡིན་གསུང་འདུལ་བ་ནི། །བསྟན་དང་སྟོན་པ་དངོས་ཡིན་དེ་ཡི་ཕྱིར། །ཉིས་འགྱུར་ཕྱག་བྱ་འདུལ་ལ་ཕྱག་བྱོས་ཤིག །ཅེས་མདོ་མངོན་གཉིས་ཀྱིས་བསྟན་པའི་གོ་ཆོད་ཀྱང་སྟོན་པའི་གོ་མི་ཆོད། འདུལ་བས་གཉིས་ཀའི་གོ་ཆོད་པ་དང་། ཐམས་ཅད་མཁྱེན་པ་ཡེ་བཟང་རྩེ་པས། དེ་ལྟར་བོད་ཡུལ་འདིར་འདུལ་བའི་བསྟན་པ་ལ་འཕེལ་འགྲིབ་ཆེར་བྱུང་མོད་ཀྱི་ཐེག་པ་ཆེན་པོ་གསང་སྔགས་ཀྱི་བསྟན་པ་ནི་དེང་སང་གི་བར་དུ་ནུབ་མ་མྱོང་ཞེས་དར་མས་བསྟན་པ་བསྣུབས་པར་གྲགས་པའང་འདུལ་བ་ལ་དགོངས་ཤིང་། གང་དུ་ཆོ་ག་མ་ཉམས་པ་དང་དེ་ལ་བརྟེན་ནས་སྡོམ་པ་ལེན་པ། གཞི་གསུམ་གྱི་བྱ་བ་སོགས་ཡོད་པ་དེར་བསྟན་པ་ཡོད་པར་གསུངས་པས། རྗེ་འདི་ཉིད་ཐུབ་པའི་བསྟན་པ་རིན་པོ་ཆེའི་སྒོར་འཇུག་པར་བཞེད་དེ། ན་ཚོད་ལྡན་ཞེས་པ་ཤིང་མོ་ཕག་གི་ལོ་རྒྱལ་པོ་ལོ་གསར་པའི་དགུང་ལོ་བཅུ་བཞིར་ཕེབས་པའི་དུས་འཛིམ་ཆོས་ལུང་གི་གཙུག་ལག་ཁང་དུ་ཡོངས་འཛིན་དམ་པ་བློ་གྲོས་རྒྱལ་མཚན་པའི་དྲུང་དུ་ཚངས་པར་སྤྱོད་པ་དགེ་བསྙེན་གྱི་སྡོམ་པ་གསན། རྩ་བ་དང་ཡན་ལག་གི་བསླབ་བྱ་མཐའ་དག་ལེགས་པར་བསླབས་ཏེ་བག་ཡོད་པའི་གནས་ཁོ་ན་ལྷུར་བླངས། དེ་ནས་དབང་ཕྱུག་ཅེས་པ་མེ་མོ་གླང་གི་ལོར་བཀའ་གདམས་གླེགས་བམ་གྱི་མ་འོངས་ལུང་བསྟན་ལས། ཆོས་དགེ་བ་བཅུ་ཡིས་ཁྱད་འཕགས་པ། །གླིང་ཕུན་སུམ་ཚོགས་པ་འཛམ་བུའི་གླིང་། །སྒོས་ཉང་ཤབ་ས་ཡི་ལྟེ་བ་སྟེ། །ས་དེ་ཡི་ནང་ནས་ཁྱད་འཕགས་པ། །མཐོ་བཀྲ་ཤིས་(༣༢ན)

― GLG009_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

གཏམས་པ་ལྷུན་པོའི་འདབས། །ནོར་པདྨ་རཱ་ག་ལྟ་བུར་འདུན། །ཞེས་དཔལ་སྣར་ཐང་ལས་ཆད་པའི་ཆོས་གྲ་ཆེན་པོ་བཀྲ་ཤིས་ལྷུན་པོ་དཔལ་གྱི་སྡེ་ཆེན་པོར་ཕེབས་ཇོ་བོ་ཨ་ཏི་ཤའི་རྣམ་ཐར་དུ། མནལ་ལམ་ལ་བཅོམ་ལྡན་འདས་འཁོར་བཅས་གདུགས་ཚོད་གསོལ་བའི་གྲལ་གཤམ་ན་ཇོ་བོ་ཉིད་བཞུགས་པར་དེ་བཞིན་གཤེགས་པས་མི་མ་གི་ཅི་ལ་ཆགས་ནས་རབ་ཏུ་མི་འབྱུང་ཞེས་བསྐུལ་མ་མཛད་པ་ཇོ་བོ་ལྟ་བུ་རབ་ཏུ་བྱུང་མ་བྱུང་ལ་མ་བལྟོས་ཀྱང་ཕྱི་རབས་ཀྱི་གདུལ་བྱ་ལ་དགོངས་པ་བཞིན་རྗེ་འདི་ཉིད་ཀྱང་ཐུན་མོང་བའི་འགྲོ་བ་དང་མཐུན་འཇུག་པའི་ཕྱིར་དུ་རབ་ཏུ་འབྱུང་བར་བཞེད་ནས། འབྲོམ་སྟོན་ཆོས་ཀྱི་རྒྱལ་པོའི་རྣམ་པར་སྤྲུལ་པ་ཐམས་ཅད་མཁྱེན་པ་དགེ་འདུན་རྒྱ་མཚོའི་དཔལ་གྱིས་མཁན་པོ། ཆོས་རྗེ་བློ་གྲོས་རྒྱ་མཚོས་ལས་སློབ་མཛད་དེ་ཚིགས་སྔ་མ་དགེ་ཚུལ་གྱི་སྡོམ་པ་བཞེས་བརྗེ་བ་རྣམ་པ་གསུམ་གྱི་སྐབས་མཚན་བློ་གསལ་རྒྱ་མཚོར་གསོལ། དེའི་ཚེ་མེ་ཏོག་གི་ཆར་སོགས་ལྟས་བསམ་གྱིས་མི་ཁྱབ་པ་བྱུང་། ལྟུང་སྨད་ཕྱེད་དང་བཅུ་བཞི་མ་གཏོགས་པ་དགེ་སློང་དང་ཆ་འདྲ་བའི་བསླབ་བྱའི་གནས་མཐའ་དག་ལ་ལེགས་པར་བསླབས་ཏེ་དཔལ་ལྡན་ཤཱཀྱའི་སྲས་པོ་ངུར་སྨྲིག་གི་རྒྱལ་མཚན་བསྒྲེང་བར་མཛད། ཆོས་རྗེ་བློ་གྲོས་པ་སློབ་དཔོན་དུ་བསྟེན་ནས་མདོ་ཕྱོགས་ལ་གསན་བསམ་གྱི་རིགས་འབྲིང་གི་སྐབས་འབད་རྩོལ་ཆེན་པོ་ལ་མ་བལྟོས་པར་མཁྱེན་པ་ན་གཞན་དག་གིས་ཆོས་རྗེ་ཚར་པ་བསླབ་གཉེར་མི་བྱེད་འདུག་ཅེས་གླེང་བསླང་བའི་ཚེ། དེ་དག་གི་ལོག་རྟོག་བསལ་སླད་དུ་དགེ་འདུན་གྱི་ཚོགས་ཆེན་པོའི་དབུས་རྒོལ་བ་རྣམས་(༣༢བ)

― GLG009_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་དང་རིགས་པས་ཚར་གཅད། ཁོ་བོ་བློ་གསལ་རྒྱ་མཚོ་ཉལ་ནས་བསྡད་དེ་འདི་ཤེས་ད་ཤོག །ཅེས་བཀའ་སྩལ་པ་ན་གངས་རིའི་རྩེ་མོར་སེང་གེ་འཇིགས་པ་མེད་པའི་ང་རོའི་སྐད་བསངས་བསྒྲགས་ཚེ་གཅན་གཟན་དང་རི་དྭགས་རྣམས་ཀྱི་སྙིང་འགས་པ་ལྟར་རྟོག་གེ་པ་རྒན་པོ་མངོན་པའི་ང་རྒྱལ་ཅན་རྣམས་ཀྱི་ཧམ་ཐུལ་ཡུལ་བུད་ནས་གདོང་པ་སྨད་དེ་ཞུམ་པའི་གནས་ལ་བཀོད། དགུང་ལོ་བཅུ་བདུན་པའི་དུས་ཀྱི་སྐབས་ཤིག་ཐོན་གྱི་ལྷ་རི་ཕྱུག་སྒོམ་བྱ་བར་དཔལ་ལྡན་འབྲས་སྤུངས་ཀྱི་གདན་ས་བརྒྱད་པ་མཁས་བཙུན་གྲུབ་པའི་དབང་ཕྱུག་ཐོན་པ་ཡོན་ཏན་རྒྱ་མཚོའི་དྲུང་དུ་བྱོན་པ་ན་སྐུ་འབྲུམ་གྱིས་བསྙུང་བ་མ་དགོངས་པར་ཆུ་གྲང་མང་དུ་བཞེས་ཤིང་ཁྲུས་མཛད་ཞལ་ཟོན་ཡང་མ་མཛད་པས་ཇེ་ཐུར་གྱུར་པའི་ཚེ་གླང་ཕུ་བའི་ནང་སོ་སྨན་པས་འབྲུམ་པ་ཡིན་ཚུལ་ཞུས་པ་ཁོ་དང་རྒྱུན་གྱི་ཕྱག་གཡོག་པ་ཚོས་འབྲུམ་པ་མ་ཐར་བས་སྐུ་འཁྲིས་སུ་ཡོད་མ་བཅུག་པར་སྨན་པ་གཞན་ཞིག་དང་ཐོན་པས་བསྐོས་པའི་ཕྱགས་ཕྱི་བ་གཉིས་ཀྱིས་སྙུང་གཡོག་བྱས། གྲང་ཁང་ཞིག་ཏུ་བཞུགས་པའི་དུས་སྤྱན་འབྱེད་འཛུམ་མི་ཤེས་ཤིང་གསུང་ཡང་འབྱོན་མི་ཐུབ་པའི་ཤིན་ཏུ་དུབ་པ་ན་ཆུ་གྲང་མོ་གསོལ་བའི་སྣང་བ་རེ་བྱུང་དུས་དངོས་སུ་སྐྱེམས་པའི་གདུང་བ་ཐམས་ཅད་སངས་འགྲོ་བ་དང་། དགོངས་ཤིག་ལྷ་རྗེས་ཕྱག་རྩ་བལྟས་སྒོ་རྒྱབ་ཏུ་སོང་ནས་ཙོད་ཙོད་མང་པོ་བྱེད་ཀྱིན་འདུག་པས་ད་རང་དགའ་མོ་མི་ཡོང་བ་འདུག་འཕོ་བ་ཞིག་མཛད་དགོངས་སྐུ་ཆུང་ངུའི་དུས་ལྷ་ཁབ་གྲུབ་ཆེན་མ་བྱ་བ་ལ་ཞུས་པའི་མཁའ་སྤྱོད་ལྗང་གུའི་འཕོ་དམིགས་དེ་མཛད་པ་ན། ཐུགས་ཀར་ལག་པ་གྲང་མོ་ཞིག་བཀབ་ནས་ད་ལམ་(༣༣ན)

― GLG009_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

འཕོ་བ་བྱེད་མི་དགོས་ཟེར་བཤོལ་མཁན་བྱུང་བའི་ཐུགས་སྣང་ཤར། རེ་ཞིག་ན་འཚོ་བྱེད་ཀྱིས་རྩ་བལྟས་ཏེ་ད་སྐྱོན་མི་གདའ་ཟེར། རིམ་གྱིས་སྐུ་ཁམས་བདེ་ནས་སྤྱན་ཟུམ་པའང་བྱེ། ཕེབས་འགྲུལ་ཐུབ་ནས་དེར་མ་བཞུགས་པར་རི་སུལ་དབེན་པར་བྱོན་ཞིང་ཐུགས་དམ་མཛད་པས་མྱུར་དུ་དྭངས། རྗེ་མཁས་བཙུན་པའི་དྲུང་དུ་འཇིགས་བྱེད་བཅུ་གསུམ་མའི་དབང་དང་ཇོ་བོ་ལུགས་ཀྱི་སྒྲོལ་མ་ཉེར་གཅིག་གི་རྗེས་གནང་རྟ་མགྲིན་ལྕགས་རལ་ཅན་སོགས་ཆོས་སྐོར་མང་དུ་གསན། ཁྱད་པར་ལས་གཤིན་གྱི་རྗེས་གནང་གསན་དུས་དངོས་སུ་བྱ་རོག་ཅིག་སྐུ་གཞོགས་རང་དུ་བབས་པ་སོགས་ངོ་མཚར་བའི་ལྟས་དུ་མ་བྱུང་། ཆོས་གསན་ཐོ་ཕྱག་བྲིས་མ་ཞིག་འཇམ་དབྱངས་དགའ་བའི་བཤེས་གཉེན་གྱིས་གཟིགས་པར་མང་པོ་འདུག་གསུང་ངོ་། །ཀློག་ཡིག་འཆིང་རྒྱ་དམ་པོ་བརྒྱ་ཕྲག་མདུད། །རྣམ་དཔྱོད་སོར་རྩེར་ཞར་ལ་འགྲོལ་བའི་བློ། །མཐོ་རིས་བློ་ལྡན་ཕུར་བུའི་རིགས་ཀྱི་བརྒྱུད། །གཉིས་པ་ཁ་བའི་ལྗོངས་འདིར་བཟུང་ངམ་སྙམ། །ལྷ་མིན་གདོན་གྱིས་ཉེར་བཏབ་བརླང་སྤྱོད་ཁྱི། ཁྲག་འཐུང་རྣམ་པར་རོལ་པས་ཟིལ་མནན་ཚེ། །ཆ་ཕྲའི་ཟླ་བ་ཚེས་ཀྱང་སྨག་གི་རུམ། །སེལ་བའི་དངོས་པོའི་གཤིས་ལ་གང་གིས་བསྙོན། །དག་པའི་བཀོད་པ་རིན་ཅེན་རྩིག་ངོས་ལ། །བགྲང་ཡས་བདེ་གཤེགས་སྣང་བརྙན་ལངྒའི་གཟུགས། །མ་འདྲེས་སོ་སོར་འབྱེད་པ་དགའ་བྱེད་ལྷ། །བསྟན་སྲུང་སཱི་ཏར་འབྲལ་མེད་རྩེ་དགར་རོལ། །རིང་ནས་ལས་འཕྲོའི་འོ་མཚོ་འཁྱིལ་བའི་དབུས། །མ་སྨད་མཁྱེན་པའི་འདབ་སྟོང་བཞད་པའི་རྩེར། །(༣༣བ)

― GLG009_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

རལ་པའི་ཟུར་ཕུད་དོར་བའི་འཇམ་དཀར་ལྷ། །སྔོན་མེད་མཚམས་སྤྲིན་གསར་པའི་ཕང་བར་འགྱིང་། །སྐྱོན་མང་ཁུང་བུར་ཐར་སྲོག་གཅོད་པའི་ལྕེ། །རྐྱོང་ལ་ཡིད་བྱུང་སྒོ་ངའི་སྦུབས་རྒྱ་ནས། །ཚངས་སྤྱོད་སྒྲོག་ཤོག་རྒྱས་པའི་ཁྱུང་ཆེན་བྱ། །གཏན་མདུན་མཁའ་ལ་འཕུར་བར་གཅིག་ཏུ་བྲེལ། །མར་གད་མཉེན་ལྕུགས་འཁྲི་ཤིང་མཛའ་ན་མོའི། །བདེ་སྐྱོང་འཁོར་ལོར་འཇུག་ལས་ཉེར་ལྡོག་པ། །གསང་ཆེན་བསྟན་སྲོག་གསོ་བའི་རྩི་སྨན་གྱི། །རིག་བྱེད་དྲན་པའི་ཚངས་པ་གསར་པ་བཞིན། །གསོལ་འདེབས་ལས། ཡང་ཡང་སྐྱེ་བར་རྗེས་སུ་བཟུང་བའི་རྗེ། ཁྱབ་བདག་འཁོར་ལོའི་མགོན་པོ་རྡོ་རིངས་པས། །ས་འཛིན་དབང་པོ་མཆོག་གི་ཕོ་བྲང་དུ། །བྱིན་རླབས་ལུང་བསྟན་མཛད་ལ་གསོལ་བ་འདེབས། །དེ་ནས་ཁའུ་ཁྲག་རྫོང་རྡོ་རྗེའི་སྤོར། །འདྲེན་པ་མཆོག་དེའི་ཞབས་རྡུལ་གུས་བསྟེན་ནས། །གསང་ཆེན་རྡོ་རྗེ་ཐེག་པའི་སྨིན་གྲོལ་ལམ། །མཐའ་དག་གསན་པར་མཛད་ལ་གསོལ་བ་འདེབས། ཁྱད་པར་མཁས་གྲུབ་དབང་པོ་ས་སྐྱ་པའི། །གསུང་གི་གསང་བ་སློབ་བཤད་ཟབ་མོའི་བཅུད། །མ་ཚང་མེད་པ་ཆིག་བརྒྱུད་ཚུལ་དུ་གདམས། །གསང་ཆེན་བསྟན་པའི་བདག་པོར་གསོལ་བ་འདེབས། །ཞིང་སྐྱོང་དབང་པོའི་རྗེས་གནང་གནང་བའི་ཚེ། །མཁའ་དབྱིངས་དུང་ཆེན་གླིང་བུའི་སྒྲ་དབྱངས་དང་། །ལྷན་ཅིག་ཚིག་གི་རང་སྒྲས་ཤིས་པ་བརྗོད། །བསྙེན་སྒྲུབ་མཚན་མ་གཟིགས་ལ་གསོལ་བ་འདེབས། །ཞེས་འོག་གདོན་གྱི་རྣམ་པས་ཞབས་ལ་དྲེག་གི་སྙུན་བྱུང་བར་སེལ་ཐབས་ཐམས་ཅད་མཁྱེན་པ་དགེ་འདུན་རྒྱ་མཚོར་ཞུས་པ་ན་དེང་སང་ཆོས་རྗེ་ཀུན་སྤངས་པ་(༣༤ན)

― GLG009_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུ་སྟོབས་ནུས་པའི་སྙན་གྲགས་ཆེ་བར་འདུག་པས་ཁྱེད་རང་དེར་བྱོན་ན་ཕན་ཐོགས་འོང་གསུངས་པ་སྐུ་ཚེ་སྔོན་མ་ནས་འབྲེལ་བ་ཆེ་བ་དང་སྙན་བརྒྱུད་ཀྱི་བསྟན་པ་ཉིན་མོ་བཞིན་གསལ་བར་འགྱུར་བ་མངོན་པར་མཁྱེན་པས་གཟིགས་ཏེ་ལུང་བསྟན་པར་གོར་མ་ཆག་པས། རིགས་ཀྱི་བདག་པོ་ཀུན་སྤངས་རྗེ་དང་ཐོག་མར་མཇལ་བའི་འཕྲལ་རྐྱེན་གྱི་མཚམས་སྦྱོར་ཞབས་བསྙུན་པས་བྱས་ཏེ། དེ་སྐབས་གཙང་སྟོད་སེང་གེ་རྩེར་སློབ་དཔོན་བྲམ་ཟེ་མཆོག་སྲེད་ཀྱི་སྤྲུལ་པའི་ཟློས་གར་མཐུ་སྟོབས་ཀྱི་དབང་ཕྱུག་རྗེ་བཙུན་ཀུན་སྤངས་ཆེན་པོ་ཀུན་བཟང་ཆོས་ཀྱི་ཉི་མ་བློ་ལྡན་ཤེས་རབ་ཀུན་དགའ་རྒྱལ་མཚན་དཔལ་བཟང་པོ་ཕེབས་པའི་དྲུང་དུ་ཡབ་དང་ལྷན་ཅིག་པར་བྱོན་ཏེ་ཞལ་མཇལ་བ་ཙམ་གྱིས་འཕྲོག་ཏུ་མེད་པའི་ཐུགས་དད་བླ་ན་མེད་པ་འཁྲུངས། ཞབས་བསྙུན་པའི་རྒྱུ་མཚན་ཞུས་པས་དཔལ་གསང་བའི་བདག་པོ་ཕྱག་ན་རྡོ་རྗེ་ཨུ་ཙཪྻའི་རྗེས་གནང་སྩལ། རྡོ་རྗེའི་ཆོས་སྐྱོང་རྣམས་ལ་བར་ཆད་སེལ་བའི་བཀའ་བསྒོ་འཕྲིན་བཅོལ་ལ་བརྟེན་ནུབ་ཅིག་མནལ་ལམ་དུ་སྐུ་སྨད་ལ་སྦྲ་ཚལ་གཡོགས་འདུག་པའི་ངང་ལ་གཡག་ཁྱུ་ཆེན་པོ་བྱུང་བར་ཡ་ང་བའི་སྣང་བ་ཤར་བའི་ཚེ་དེ་ཁྲོད་ནས་གཡག་ཆེན་པོ་ཞིག་གིས་ངེད་ཚོ་ཁྱེད་ལ་གནོད་པ་སྐྱེལ་དུ་འོངས་པ་མིན་ཟེར་ནས་རྭ་རྩེས་སྦྲ་ཚལ་བླངས་ནས་ཕྱིར་བསལ་སོང་བ་དང་། ཡང་སྐབས་ཤིག་བུད་མེད་ཅིག་གིས་ས་ལ་རི་མོ་འགའ་ཞིག་བྲིས་པའི་གྲངས་བརྩིས་ནས་ལོ་འདིའི་བར་ཞབས་ཀྱི་སྙུན་རོ་ཅུང་ཟད་ལངས་ཡོང་དེ་ནས་གཞི་མེད་དུ་འགྲོ་ཟེར་བ་ཁོ་ན་ལྟར་བྱུང་། གཡག་རྣམས་དྲེགས་པ་ཕོ་བརྒྱུད་དང་བུད་མེད་དེ་མོ་བརྒྱུད་ཀྱི་རྣམ་འཕྲུལ་ཏེ་བསྟན་(༣༤བ)

― GLG009_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུང་རྣམས་ཀྱིས་འཕྲིན་ལས་བསྒྲུབ་པར་སྣང་། སླར་བཀྲ་ཤིས་ལྷུན་པོར་སྐོར་ཙམ་ཕེབས་ནས་མདོ་ཕྱོགས་ཀྱི་ཐུགས་གཉེར་འཕྲོ་འཐུད། ཚད་མའི་བཤད་པ་དང་ཞལ་བླངས་ཀྱི་སྐབས་རྗེ་བཙུན་ས་སྐྱ་པ་ཡབ་སྲས་འདི་ལྟར་བཞེད་ཅེས་གྲུབ་མཐའ་ཟུར་ཁྱད་ཡང་ཡང་གསུངས་པས་དེར་ཚོགས་རྣམས་ཀྱིས་ཆོས་རྗེ་ཚར་པ་འདི་རང་རེའི་ཆོས་གྲ་འགྲིམས་པ་ཙམ་མ་གཏོགས་དོན་ལ་ས་སྐྱ་པ་ཡིན་འདུག་ཅེས་མ་རངས་པ་བྱས་སྐད། སྔ་དྲོ་ཞིག་བཀྲ་ཤིས་ལྷུན་པོའི་ཁྲོན་པ་ཆེན་པོའི་ཐད་དེར་ཕེབས་པས་བུད་མེད་ལང་ཚོར་དར་ལ་བབས་པ་སྨ་ར་དང་སྨིན་མ་སེ་ཁྱུག་གེ་བ་བྱས་པས་ཁྱེད་ལ་རྗེ་རྡོ་རིང་པའི་གསུང་ལས་ཁའུར་མྱུར་དུ་བྱོན་གསུང་གི་གདའ། དེའི་ལག་རྟགས་འདི་ཡིན་ཞེས་གླེགས་བམ་ཆུང་ངུ་ཞིག་གཏད་ནས་གར་སོང་ཆ་མེད་དུ་ཡལ་སོང་བ་དཔེ་དེ་མཁའ་སྤྱོད་སྐོར་གསུམ་གྱི་བེའུ་བུམ་ཡིན་འདུག །མི་འགྱངས་པར་རྡོ་རྗེ་ཐེག་པའི་སྨིན་གྲོལ་གྱི་གདམས་པ་རྣམས་ཉན་པ་ལེགས་པས་འདིར་བྱོན་ཞེས་ཁའུ་སྐྱེས་ལྷས་ནས་རྗེ་བཙུན་རྡོ་རིང་པ་ཆེན་པོའི་ཕྱག་ཐམ་བྱུང་བ་ན་རྗེ་བཙུན་མི་ལ་རྗེ་མར་པའི་དྲུང་དུ་བྱོན་པ་ལྟ་བུའི་དགའ་སྤྲོ་བསམ་གྱིས་མི་ཁྱབ་པ་དང་བཅས་གྲུམ་སྟོད་ཁའུ་བྲག་རྫོང་དུ་སང་ཕེབས་རྒྱུའི་དོ་ནུབ་ནམ་ཕྱེད་ཙམ་ལ་མགོན་ཁང་གི་སྒོ་བརྡུངས་ནས་སང་ཆོས་སྐྱོང་སོགས་མན་ངག་རྣམས་ཀྱི་སྣོད་ཚར་པ་ཡོང་བ་ཡོད་ཟེར་བ་གསན་པས་སང་ནང་པར་རྡོ་རིང་རིན་པོ་ཆེས་མདང་འདི་བཞིན་བྱུང་བས་དེ་རིང་ཁོང་འབྱོར་བ་འདྲ་གསུངས། སྐུ་འཁོར་བ་ཞིག་གིས་བྱུང་ཚུལ་སྙན་དུ་གསོལ་བས་ཁོང་ཡུལ་གཉན་པས་སྟན་ལེགས་པ་ཞིག་ཐིང་གསུངས་འཕྲལ་དུ་(༣༥ན)

― GLG009_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ཞབས་སུ་བཏང་བའི་ཚེ་རས་ཡུག་དཀར་པོ་སྣེ་ཚང་བའི་མཇལ་དར་ཕུལ། ཆོས་རྗེའི་དྲུང་ཕེབས་ལམ་ལ་འོ་མི་བརྒྱལ་ཞིང་བདེ་བར་བྱོན་པ་བཀའ་དྲིན་ཆེ་གསུངས། སྔོན་ནས་ཞལ་མཇལ་ཞིང་ཐུགས་མོས་ཆེ་བའི་སྟེང་བཤེས་སྤྲིངས་ལས། རྡོ་ཐལ་གྱིས་བྱུགས་དགུང་ཟླའི་འོད་ཀྱིས་ནི། །ཆོས་དཀར་ཉིད་དུ་ཅི་སྟེ་མི་བགྱིད་ལགས། །ཞེས་སྔར་བས་ཀྱང་ཆེས་ཆེར་ལྷག་པའི་ཐུགས་མོས་འཁྲུངས་བཀྲ་ཤིས་ལྷུན་པོའི་ཁྲོན་པ་ཁའི་གནས་ཚུལ་ཞུས་ནས་དཔེ་དེ་གཟིགས་ཕུལ་བས་བཞད་མོ་མཛད་པ་དང་སྦྲགས་ངའི་མཁའ་སྤྱོད་མས་གདན་འདྲེན་ལ་ཕྱིན་གདའ་བ་གླེགས་བམ་འདིའང་དེའི་ཆོས་སྐོར་ཡིན། ད་རེ་ཞིག་དཔེ་ཁྲོད་དུ་སྐྱོལ་མཛོད་གསུངས་པ་བཞིན་ཕྱག་དཔེའི་ཁྲོད་དུ་སྐྱེལ་བར་ཕེབས་པས་དཔེ་རགས་བརྩིགས་པའི་གསེབ་ནས་དཔེ་དེ་བཏོན་ཤུལ་ཧར་རེ་འདུག་པ་དེར་བཅུག་པས་ཁྲིག་འགྲིག་སོང་བས་དད་པ་དང་ངོ་མཚར་དཔེ་གང་གིས་ཀྱང་མཚོན་དུ་མེད་པ་ཐོབ་བའི་གསུང་སྒྲོས་གནང་བ་ལམ་ཡིག་ཏུ་ལར་འདི་སྐོར་གྱི་གཏམ་མང་པོ་ཞིག་ཡོད་ཀྱང་གསུང་བའི་དོན་དུ་མངོན། ཕྱི་ལྟར་དུ་ཞིང་སྐྱོང་དབང་པོ་མངོན་སུམ་དུ་བཞུགས་པའི་དབེན་གནས་ཁའུ་བྲག་རྫོང་གི་རྣལ་འབྱོར་སྤྱོད་པའི་འདུས་སྡེ་རྣམས་མཛེས་པའི་རྒྱན། ནང་ལྟར་དུ་ལྷ་སྔགས་ཡེ་ཤེས་ཀྱི་ནུས་པས་རྡོ་རྗེའི་ཆོས་སྐྱོང་མཐའ་དག་བྲན་དུ་འཁོལ་བའི་མཐུ་སྟོབས་ཀྱི་གད་བརྒྱངས་སྲིད་རྩེའི་བར་དུ་སྒྲོག་པའི་དཔའ་བོ། གསང་བ་ལྟར་ན་བདེ་སྟོང་ཟུང་དུ་འཇུག་པའི་སྒྱུ་མའི་གར་གྱིས་དཀྱིལ་འཁོར་རྒྱ་མཚོ་སྤྲོ་བ་དང་བསྡུ་བའི་བྱེད་པོ་ཁྱབ་བདག་རྡོ་རྗེ་སེམས་དཔའ་དངོས་དཔལ་ལྡན་བླ་(༣༥བ)

― GLG009_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

མ་དམ་པ་འདིའི་ཞབས་པད་ཡུན་དུ་བསྙེན་པའི་ཆེད་དུ་དོན་མེད་ཀྱི་གཡེང་བའི་འདུ་འཛི་ཐམས་ཅད་རྒྱང་དུ་བསྲིངས། བགྲང་བྱ་དུ་མར་བག་ཕབ་སྟེ་བཞུགས་ནས་དམ་པའི་ཆོས་ཀྱི་བཀའ་དྲིན་ནོད་པ་ནི། འཇིག་རྟེན་གྱི་མིག་གཅིག་པུ་འབྲོག་མིས་འཕགས་པའི་ཡུལ་དུ་པཎ་གྲུབ་ཤཱི་ལེནྡྲ་རུ་ཙིའམ་སློབ་དཔོན་མི་ཐུབ་ཟླ་བར་གྲགས་པ་ལ་རྩ་བ་མེད་པའི་ལམ་འབྲས་ཤིག་གསན་ཞིང་ཡོངས་སུ་གྲགས་པ་མུ་གུ་ལུང་དུ་པཎ་ཆེན་གྷ་ཡ་དྷ་ར་ལ་རྫོགས་པར་ཞུས་ཏེ་རིམ་གྱིས་འཕེལ་བར་བཀའ་སྲོལ་མི་འདྲ་བ་བཅོ་བརྒྱད་ཙམ་བྱུང་ཟེར་ཡང་། གཙོ་བོར་གྱུར་པ་རྗེ་བཙུན་ས་སྐྱ་པ་ཆེན་པོར་བཀའ་བབས་པ་ཡིན་ལ། དེ་ལའང་ཚོགས་བཤད་ངོར་རྫོང་གོང་དཀར་བ་གསུམ་ལ་དར་རྒྱས་ཆེ་ནའང་རྗེས་འབྲང་གི་མཁས་གྲུབ་ཕལ་ཆེར་གྱི་མིག་དང་རྣམ་པའི་སྤྱོད་ཡུལ་དུ་མ་གྱུར་པ་གསང་བ་ལས་ཀྱང་ཆེས་གསང་བ་བདག་ཆེན་རྡོ་རྗེ་འཆང་གིས་ཡབ་འཇམ་དབྱངས་ཆེན་པོ་དང་། རྡོ་རྗེ་འཆང་ཀུན་དགའ་བཟང་པོས་འཁོར་ལོ་སྡོམ་པ་དཀོན་ཅོག་རྒྱལ་མཚན་ཁོ་ནར་སྩལ་བ་ཆུ་བོ་གཉིས་འདྲེས་ཀྱི་ཚུལ་དུ་ཐུགས་ཀྱི་བུམ་པ་གཏམས་པ་ལས་ཉེ་བར་འོངས་པ་སྙན་བརྒྱུད་སློབ་བཤད་ཀྱི་ཉམས་འཁྲིད་ཟབ་མོ་ལན་གྲངས་གསུམ་གྱི་བར་དུ་སྨིན་རྒྱས་སུ་གསན་པའི་ཆ་ལག་དཔལ་ཀྱེ་རྡོ་རྗེའི་རྒྱུ་དུས་ཀྱི་དབང་། བདག་མེད་ལྷ་མོ་བཅོ་ལྔའི་དབང་། དེའི་སིནྡྷུ་རའི་བྱིན་རླབས་ལམ་དུས་ཀྱི་དབང་། ལམ་སྦས་བཤད་བྱིན་རླབས་འཁྲིད་དང་བཅས་པ། གསང་བའི་ལམ་ཟབ་འཁྲིད་དང་བཅས་པ། ནང་གི་ལམ་ཟབ་ལུས་དཀྱིལ་ལ་རྣལ་འབྱོར་དབང་ཕྱུག་གི་ཐུན་མོང་དང་ཐུན་མོང་མ་ཡིན་པའི་(༣༦ན)

― GLG009_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་རླབས། བླ་མ་རིན་འབྱུང་དང་ཚར་གསུམ་ཁུག་པའི་བྱིན་རླབས། བརྡ་ཚིག་བརྒྱུད། གསང་བཅུའི་རྒྱས་བཏབ། སྒྲུབ་པ་ལུང་སྦྱིན་སོགས་ལམ་འབྲས་ལ་བརྟེན་པའི་དབང་བྱིན་རླབས་ཉི་ཤུ། དེ་དག་གི་རྒྱབ་ཆོས་སུ་གསུང་ངག་བླ་མ་བརྒྱུད་པའི་རྣམ་ཐར། གསུང་ངག་གི་གླེགས་བམ་གཉིས། གཞན་ཡང་དབང་གི་ཆུ་བོ་ཆེན་པོ་སོགས་རྗེ་བཙུན་གོང་མའི་གསུང་མང་པོ་དང་རྗེ་རྡོ་རྗེ་འཆང་ཆེན་པོ་ཡབ་སྲས་གཉིས་དང་བདག་ཆེན་རྡོ་རྗེ་འཆང་ཆེན་པོས་མཛད་པའི་ཡེ་གེ་སོགས་རྗེ་ཉིད་ལ་གང་བཞུགས་པ་ཐམས་ཅད་བུམ་པ་གང་བྱོའི་ཚུལ་དུ་གསན་པ་ཡང་། དེང་སང་ཁྱི་དང་གློ་བ་ལྟ་བུར་ཐུག་ཕྲད་བྱེད་པའི་ལུགས་དང་ཡེ་མི་འདྲ་བར་བླ་མ་ལ་ཡུན་རིང་པོ་ནས་གསོལ་བ་བཏབ། གསེར་གྱི་མཎྜལ་དང་མཁའ་འགྲོ་ལྔ་མཉེས་པར་བྱེད་པའི་ཚོགས་ཀྱི་འཁོར་ལོ་རྒྱ་ཆེར་བསྐོར་བ་སྙན་བརྒྱུད་དང་པོའི་རྟེན་འབྲེལ། སོ་སོའི་ཐད་དུ་ངེས་པར་དགོས་པའི་དབང་བྱིན་རླབས་ལུང་རྣམས་ཚང་བར་གནང་བ་སྙན་བརྒྱུད་གཉིས་པའི་རྟེན་འབྲེལ། སྣང་གསུམ་ནས་བཟུང་དབང་བཞི་པའི་བར་གྱི་འཁྲིད་རྣམས་བླ་མས་ཀྱང་དམར་འཁྲིད་དུ་བསྟན་སློབ་མས་ཀྱང་རྒྱུད་ལ་མྱོང་ཐོན་མ་བྱུང་གི་བར་བསྒོམས་པ་སྙན་བརྒྱུད་གསུམ་པའི་རྟེན་འབྲེལ། དེ་ལ་བརྟེན་ནས་སྙན་བརྒྱུད་བཞི་པའི་རྟེན་འབྲེལ་བླ་མ་ལ་རྡོ་རྗེ་འཆང་དངོས་ཀྱི་མོས་གུས་སྐྱེས་ཤིང་སྒྲོ་འདོགས་ཐམས་ཅད་ཅིག་ཅར་དུ་ཆོད། ཉམས་དང་རྟོགས་པའི་མཚོ་རྡོལ་རྟེན་འབྲེལ་ཐམས་ཅད་རང་འགྲིག་ཏུ་གྱུར་པས་མོས་གུས་གཞོན་ནུའི་བདེ་བ་ལྟ་བུས་ཐུགས་རྒྱུད་ཚིམ་པས་ཚད་མ་བཞི་དང་སྙན་བརྒྱུད་བཞིའི་བདག་(༣༦བ)

― GLG009_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་གྱུར་ཏོ། །དེང་སང་ཚོགས་བཤད་པ་རྣམས་བར་དོ་སོགས་ཀྱི་འཁྲིད་གླེགས་བམ་དངོས་བསྟན་ལ་མེད་ཅེས་བློར་མི་ཤོང་ཡང་འཇམ་མགོན་ས་པཎ་གྱིས། འོན་ཀྱང་རྟེན་འབྲེལ་ཟབ་མོའི་གནད། །ད་དུང་ཀུན་གྱིས་རྟོགས་པར་དཀའ། །གླེགས་བམ་ཙམ་ལ་བརྟེན་པ་ཡི། །ལམ་འབྲས་པས་ཀྱང་འདི་མི་ཤེས། །ཞེས་གླེགས་བམ་ལ་མ་བརྟེན་པའི་སྙན་བརྒྱུད་ཡོད་པ་མ་གོ་བའི་སྐྱོན་ཡིན་ལ། གལ་ཏེ་ཚེ་འདིར་མ་གྲོལ་ཞིང་འདའ་ཁ་མ་ཡང་གནད་དུ་མ་སོང་བའི་རིགས་ལ་བར་དོར་འོ་བརྒྱལ་ངེས་པར་འབྱུང་བས། དབང་པོ་རབ་ལའང་བལྟོས་ས་བལྟོས་འཇོག་གི་རབ་འབྲིང་ཐ་གསུམ་འབྱུང་བས་རྩི་ལུགས་ཤེས་དགོས་ཤིང་འཁོར་འདས་དབྱེར་མེད་ལ་བཤད་ལུང་ཡམ་མེ་བ་ལས་མ་བྱུང་བས་ས་སྐྱ་པའི་དགེ་བཤེས་ཆེན་པོར་རློམ་ཏེ་སེམས་ངོ་སྤྲོད་པར་ཕྱག་ཆེན་ཡམ་ཞིག་ཞུ་ཟེར་ནས་རྟོགས་ལྡན་བླུན་པོ་སྐྱབས་འགྲོའི་གནད་ཙམ་ཡང་མི་ཤེས་པ་ཞིག་ལ་ཐལ་མོ་སྦྱར་ནས་བསྟེན་པས་ཞབས་ལ་ཐག་པ་འདོགས་པ་མང་ཞིང་། དབང་བཞིའི་དམིགས་རིམ་ཡང་འཁོར་འདས་དབྱེར་མེད་དང་གདན་གསུམ་ཚང་བའི་གནད་དོན་ངོ་མ་འཕྲོད་པས་ཆག་མེད་རྣམས་བཤར་སྦྱང་ཙམ་གྱི་ཁ་ཏོན་ལྕི་བ་དང་། བཤད་པ་རྒྱ་ཆེན་པོ་ལས་ཉམས་ལེན་གྱི་སྙིང་པོ་མེད་པར་གོ་ནས་ད་གཟོད་ཉམས་ལེན་བྱེད་རྒྱུ་གཞན་ནས་འཚོལ་བ་སྐད་བྱེད་པའི་རང་མཚང་མང་པོ་ཉི་མ་དང་སྦར་མོའི་དཔེ་བཞིན་ཀུན་གྱིས་མཐོང་བ་ལྟར་ཡིན་ལ། སློབ་བཤད་འདི་ཉིད་ཚུལ་ལྡན་ཞིག་ཐོབ་ན་དབང་པོ་འབྲིང་ཡན་ཆད་ལ་ཚེ་གཅིག་ལ་འཚང་རྒྱ་བར་ནུས་པའི་ཆོས་གསུངས་པ་དེ་འདི་ཡིན་པ་འདུག །(༣༧ན)

― GLG009_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པ་དང་ཉམས་ལེན་གང་བྱེད་ཀྱང་འདི་ལས་ལྷག་པ་མེད་སྙམ་པ་ངེས་པར་སྐྱེ་ཞིང་རྣམ་དཔྱོད་དང་བསོད་ནམས་རབ་ཏུ་གྱུར་པ་རྣམས་ལ་གདམས་པ་ཐོས་ཙམ་ནས་བླ་མ་ལ་སངས་རྒྱས་དངོས་ཀྱི་མོས་གུས་སྐྱེ། རྡོ་རྗེ་འཆང་ནས་རྩ་བའི་བླ་མའི་བར་དུ་ཡེ་ཤེས་ཀྱི་གཟི་འོད་རབ་ཏུ་འབར་བའི་བྱིན་རླབས་ཀྱི་བརྒྱུད་པ་མ་ཉམས་པས་སློབ་མས་ཉམས་སུ་བླངས་ཙམ་ཉིད་ནས་མཚན་རྟོག་གི་དྲི་མ་བྲལ་བའི་ཕྱག་རྒྱ་ཆེན་པོའི་ཡེ་ཤེས་མྱུར་དུ་འཆར་ལ། དམ་ཆོས་ཀུན་གདུལ་བྱའི་བློ་ཁྲིད་ལས། ཕྱོགས་འཛིན་གྱི་གྲུབ་མཐའ་སྐྱོང་མ་མྱོང་། །ཞེས་གདུལ་བྱ་མོས་པ་སྣ་ཚོགས་པ་རྗེས་སུ་འཛིན་པ་ལ་ཆོས་མང་དུ་ཉན་པ་ལས་རང་ཉིད་ཉམས་སུ་ལེན་རྒྱུ་འདི་རང་གིས་ཆོག་སྙམ་ཆོས་དང་བླ་མ་གཞན་ལ་འགྲམ་ཆུ་མི་ལྡང་བ་ཞིག་ཡོང་བས། ལམ་གླུར། རྡོ་རྗེ་རིང་པ་དང་མཇལ་ནས་བླ་མ་དང་ཆོས་གཞན་ལ་བརྟེན་ནས་སངས་རྒྱས་སྒྲུབ་བསམ་པ་མེད་གསུང་བའང་དོན་འདི་ལ་དགོངས་པར་སྣང་། ལམ་འབྲས་ཚོགས་བཤད་ཚར་གཉིས། ལམ་འབྲས་དང་འབྲལ་བའི་བྱིན་རླབས་མང་བ། གཞན་ཡང་ལམ་སྐོར་ཕྱི་མ་བརྒྱད། བསམ་མི་ཁྱབ་དང་མཆོད་རྟེན་དྲུང་ཐོབ་ཀྱི་བྱིན་རླབས། གསེར་ཆོས་བཅུ་གསུམ་གྱི་ནང་ནས་མཆོག་བསྒྲུབས་པས་ཐུན་མོང་ཞར་ལ་འབྱུང་བ། མཁའ་སྤྱོད་སྐོར་གསུམ་གྱི་བྱིན་རླབས། རྗེ་བཙུན་ཡབ་དང་ཐུན་མོང་དང་ཐུན་མོང་མ་ཡིན་པའི་ཉམས་འཁྲིད་ཡར་ཀླུངས་པ་ནས་བརྒྱུད་པ། ཆོས་སྐོར་གྱི་ལུང་། ཐུན་མོང་བསྒྲུབས་པས་མཆོག་ཞར་ལ་འབྱུང་བ་རིགས་བྱེད་མ། བགེགས་ཀྱི་རྒྱལ་པོ། འདོད་(༣༧བ)

― GLG009_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་སྟེ་དམར་ཆེན་སྐོར་གསུམ་གྱི་ཐུན་མོང་དང་ཐུན་མོང་མ་ཡིན་པའི་བྱིན་རླབས་རྗེས་གནང་ལུང་མན་ངག །སྙིང་གི་གསེར་ཐག །ཏི་ནུ། ནོར་རྒྱུན་མ་སྟེ་དམར་ཆུང་སྐོར་གསུམ། ཛམ་དམར་སྲོག་སྒྲུབ། འཇམ་ནག །སེང་གེ་སྒྲ། འཆི་མེད་རྡོ་རྗེའི་ལྷ་མོ། སེང་གདོང་མ། ཚེ་དཔག་མེད་དཀར་པོ་ཡུམ་བཅས་སོགས་གསེར་ཆོས་སྐོར། བསྟན་སྲུང་རྒྱ་མཚོའི་སྡེ་དཔོན་རྡོ་རྗེ་ནག་པོ་ཆེན་པོ་ལ་བཀའ་བབས་བཞིར་བཞུགས་པའི་སྐོར་ནས་གསང་འཁྲིད་དང་བྲན་བདུད་ཀྱི་རྗེས་གནང་ཐུན་མོང་མིན་པ་དཀྱིལ་འཁོར་གྱི་དབང་རྣམས་མ་གཏོགས་ལྷ་བརྒྱད་དང་བཅུ་གཉིས་མ་ཐུན་མོང་དང་ཐུན་མོང་མ་ཡིན་པས་ཐོག་དྲངས། ལྕམ་དྲལ་ལས་མཁན་ཕྱི་ནང་བྲན་བདུད་དང་བཅས་པའི་རྗེས་གནང་། ཕྱི་རྟེན་དང་མཆོད་གཏོར་ལ་བརྟེན་ནས་སྒྲུབ་པ། ནང་རྩ་གསུམ་འཁོར་ལོ་ལྔ་ལ་བརྟེན་ནས་སྒྲུབ་པ། གསང་བ་ཡང་གསང་སེམས་ཉིད་ལ་བརྟེན་ནས་སྒྲུབ་པའི་སྙིང་པོར་གྱུར་པ་ནང་འཁྲིད་ཡར་ཀླུངས་པ་དང་། གསང་འཁྲིད་གཉིས། རྡོ་རྗེ་བྲག་རྫོང་མ་ཕྱི་ནང་གསང་གསུམ་གྱི་འཁྲིད། རྒྱབ་རྟེན་གྱི་ཡི་གེ་མགོན་པོད་མེ་འབར་མ། དེར་མ་འདུས་པའི་རྒྭ་ཨརྙན་དམ་པ་ཡར་ཀླུངས་པ་བར་སྡིངས་པ་གསུམ་གྱི་ཡི་གེ་སོགས་ཤིན་ཏུ་ཟབ་པའི་ཡིག་སྣ་དང་། ཡི་གེར་མ་འཁོད་པ་ཞལ་ནས་ཞལ་སྙན་ནས་སྙན་དུ་བརྒྱུད་པའི་གདམས་པ་མཐའ་ཀླས་པ་དང་ཐུན་མོང་བ་ངོར་པའི་པོད་སེར་དང་བདག་ཆེན་ཀུན་དགའ་དབང་ཕྱུག་ནས་བརྒྱུད་པ་ཚང་བར་གསན་པས། དཀར་ཆག་གནད་སྒྲོན་ལས། དེས་ན་འཁོན་སྟོན་རྡོ་རྗེ་འཆང་། །གང་དེའི་ཐུགས་སྲས་ཀུན་སྤངས་རྗེ། ཁོ་བོས་གཙུག་གི་(༣༨ན)

― GLG009_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་དུ་བསྟེན། །ཅི་གསུང་བཀའ་རྣམས་འབད་པས་བསྒྲུབས། །སྐྱབས་གཞན་སྤངས་ནས་གཅིག་ཏུ་དྲིལ། །དེ་ཡི་མཐུ་ལས་ཐུགས་རྗེའི་རྒྱུན། །བཀའ་དྲིན་བདུད་རྩིས་སྙིང་མྱོས་པའི། །ཚུལ་བཞིན་ཤེས་པ་ཁོ་བོར་གདའ། །ཞེས་གསུངས། གསང་འཁྲིད་ཀྱི་རྗེས་གནང་དང་གསང་འཁྲིད་དངོས་གཞི། ལས་བཞིའི་མགོན་པོའི་རྗེས་གནང་སོགས་ཁ་ཤས་མ་གཏོགས་དཔལ་མགོན་སྟོབས་འཕྲོག་དབང་པོ་གདོང་བཞི་པའི་རྗེས་གནང་སྤུ་གྲི་སོ་རྡེབ་དང་ཚེ་སྒྲུབ་སྲུང་འཁོར་གྱི་འཁྲིད་ལས་ཚོགས་ཡིག་ཆུང་ཤོག་དྲིལ། དེར་མ་འཁོད་པ་སྙན་ནས་སྙན་དུ་བརྒྱུད་པའི་གདམས་པ་སོགས་ཚང་བར་གསན། ཞལ་གྱི་རྗེས་གནང་སྐབས་རྗེ་ཉིད་ཀྱི་སྐུའི་མདངས་ན་བཟའི་ཁ་དོག་སོགས་མཐིང་ཁར་གཟིགས་ཤིང་ཁྱད་པར་ཡེ་ཤེས་དབབ་པའི་བར་ལ་བར་སྣང་ནས་མི་རྐང་གི་སྒྲ་ཤིན་ཏུ་གསལ་བ་དང་ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ་ཞེས་སོགས་བཀྲ་ཤིས་ཀྱི་ཚིགས་བཅད་དབྱངས་དང་བཅས་ནས་སྒྲོག་པ་གསལ་བར་གསན། ཁྱད་པར་མགོན་པོ་གདོང་བརྙན་ཅན་གྱི་རྗེས་གནང་གསན་པའི་ཚེ་ཕྱག་མཛད་པ་ནས་བཟུང་འཇིགས་པས་སྐུ་ལུས་ཀྱི་ཚོ་མི་ཐུབ་པ་ལྟ་བུ་དང་ཡེ་ཤེས་དབབ་དུས་མགོན་ཁང་རྡིབ་པ་འདྲ་བ་དང་ཁའུའི་རི་ཐམས་ཅད་ཉིལ་བ་བཞིན་གྱི་ཚག་སྒྲ་འུར་སྒྲས་ཁྱབ་པས་རེ་ཞིག་ཐུགས་དྲན་མེད་དུ་སོང་། ཐུགས་དྲན་རྙེད་ཚེ་གནས་ལུགས་དོན་གྱི་མགོན་པོ་རང་རྒྱུད་ལ་ཤར་བའི་བདེ་བ་ཆེན་པོ་བྱིན་རླབས་ཀྱི་ཆུ་བོ་མ་ནུབ་པ་ཡིན་གསུང་བྱུང་བ་ན་བླ་མའི་ཞལ་ལ་གཟིགས་པར་མི་བཟོད་པ་འཇིགས་སུ་རུང་བ་(༣༨བ)

― GLG009_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་ཏུ་ཤར་ཞིང་སྙུན་རོ་སོགས་བགེགས་ཀྱི་རྣམ་པ་འདྲ་བའང་སངས། མན་ངག་གཡུལ་ལས་རྣམ་རྒྱལ་གྱི་ལས་སྦྱོར་མཛད་པས་ཞག་འགའ་ནས་བསྒྲལ་བྱ་དེ་བུ་ཏྲས་དངོས་སུ་ཁྲིད། ལས་འདི་བཞིན་བསྒྲུབས་ཡོད་པས་གཏང་རག་ཏུ་བསྐང་གསོ་ཞིག་འཕྲལ་རྩོམ་གྱི་བསྐུལ་མ་བྱུང་བ་ལྟར་བསྐང་གསོ་ཁྱད་ཅན་དེ་ཐུགས་རྩོམ་མཛད། གཞན་ཡང་དུར་ཁྲོད་བདག་པོ། དཀར་བདུད་སོགས་ས་སྐྱ་པའི་ཟབ་ཆོས་སུ་གྲགས་པའི་དབང་ལུང་དུ་མ། གཤེད་དམར་ལྷ་ལྔའི་དབང་བྱིན་རླབས་སྤྲོས་མེད་ཀྱི་འཁྲིད། འཇིགས་བྱེད་རྭ་ལུགས། ནག་པོ་མཚོ་སྐྱེས་ཌོམ་བྷི་སྟེ་ཀྱེ་རྡོར་ལུགས་གསུམ་སོགས་བླ་མེད་ཀྱི་དབང་མང་བ། གསར་ཆོས་རྣམ་པ་ལྔར་གྲགས་པ་རྩ་བ་ནེ་གུ་ཆོས་དྲུག །སྡོང་པོ་ཕྱག་རྒྱ་ཆེན་པོ། ཡལ་ག་ལམ་འཁྱེར་རྣམ་གསུམ། མེ་ཏོག་མཁའ་སྤྱོད་དཀར་དམར། འབྲས་བུ་འཆི་མེད་རང་གྲོལ་རྣམས་དང་། དེ་དག་དང་འབྲེལ་བར་ནེ་གུའི་དབང་བྱིན་རླབས་ཉེར་ལྔ་སོགས་དང་། རྒྱབ་ཆོས་སུ་ཡིག་སྐོར་གྱི་ལུང་ཚང་ལ་མ་ནོར་བར་གསན། སུ་ཁ་སིདྡྷིའི་དབང་དང་དེ་དག་དང་འབྲེལ་བའི་ཡིག་སྣ། སྒྲུབ་ཐབས་བརྒྱ་རྩ་རྒྱ་གཞུང་དང་བཅས་པ་སོགས་མདོར་ན་རྗེ་བཙུན་ཉིད་ལ་མངའ་བའི་ཟབ་ཆོས་རྣམས་ལྷག་མ་ལུས་པ་ལྟ་བུར་གསན་པ་མིང་ཙམ་དུ་མ་བཞག་པར་ཚིག་དོན་གྱི་ཆ་ལ་སྒྲོ་འདོགས་བཅད། ཐུགས་ཉམས་སུ་གང་བསྟར་བ་མཐའ་དག་ལ་ཉམས་རྟགས་དང་དངོས་གྲུབ་མ་ཐོབ་པ་མེད་ཅིང་གཙོ་བོར་བིཪྺ་པ་དང་ནཱ་རོ་ཏ་པའི་གསང་ཆེན་སློབ་བཤད་ལ་བརྟེན་ནས་མཆོག་གི་དངོས་གྲུབ། དམར་པོ་སྐོར་གསུམ་དང་མགོན་པོ་ཆེ་ཆུང་སོགས་ལ་བརྟེན་ནས་(༣༩ན)

― GLG009_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ཐུན་གྱི་དངོས་གྲུབ་སྣ་ཚོགས་པ་འབད་མེད་དུ་རྙེད་པའོ། །གསོལ་འདེབས་ལས། སླར་ཡང་གྲུམ་སྟོད་ཁའུའི་ལམ་བགྲོད་ཚེ། །བསྟན་སྲུང་རྣམ་གཉིས་ཛོ་ཀིའི་ཟོལ་གྱིས་འོངས། །ཕོ་ཉའི་ཚུལ་དུ་མཁའ་ལ་ཞབས་བསྐྱོད་དེ། །གེགས་མེད་འཕྲིན་ལས་བསྒྲུབ་ལ་གསོལ་བ་འདེབས། །ནམ་ཡང་འབྲལ་མེད་བལྟོས་པར་བཅས་པ་ཀུན། །རྗེ་བཙུན་བླ་མས་སྐྱོང་བར་ཞལ་བཞེས་ཤིང་། །ཆོས་ཀྱི་འཕྲིན་ལས་འཁོར་ལོ་སྒྱུར་བ་ཡི། །རྒྱལ་ཚབ་མཆོག་ཏུ་བསྔགས་ལ་གསོལ་ལ་འདེབས། །འཆི་མེད་བདུད་རྩི་བསྒྲུབ་པའི་བཀའ་གནང་ཞིང་། །དབང་བསྐུར་དམ་ཚིག་རྡོ་རྗེ་དྲིལ་བུ་གཏད། །གཞལ་མེད་སྐུ་གདུང་ཡིད་བཞིན་དབང་པོ་ལས། །བྱིན་རླབས་བདུད་རྩི་བཞེས་ལ་གསོལ་བ་འདེབས། །འོད་གསལ་དབྱིངས་ལ་བཞེངས་པའི་མཛེས་སྐུ་ཡི། །ངོ་མཚར་གསུང་གི་སྣང་བ་ལུང་བསྟན་ཅིང་། །སྔོན་ནས་འབྲེལ་བའི་མཁའ་སྤྱོད་དགའ་མ་དེས། །དགྱེས་པའི་འཛུམ་ཞལ་བསྟན་ལ་གསོལ་བ་འདེབས། །ཞེས་པ། དེ་ནས་རྨུ་གཤོང་དུ་ཡབ་ཡུམ་མཇལ་བ་སོགས་ལ་ཕེབས། རིང་པོར་མ་ལོན་པར་རྡོ་རྗེ་འཆང་ཀུན་སྤངས་ཆོས་རྗེའི་དྲུང་དུ་ཕེབས་རྩིས་ཀྱིས་གཞིས་ནས་ཆིབས་ཐོག་ཏུ་བྱོན་པ་ནས་བཟུང་ཁའུར་མ་བྱོན་བར་ཨཱ་ཙཪྻ་གཟི་བརྗིད་ཅན་གཉིས་ཀྱིས་གར་བསྒྱུར་ཞིང་སྐུའི་གཡས་གཡོན་སྐྱོར་བའི་ཚུལ་གསལ་བར་གཟིགས་པ་མགོན་པོ་ཆེ་ཆུང་གཉིས་སྐུ་ལུས་དང་གྲིབ་མ་བཞིན་འབྲལ་མེད་དུ་བསྲུང་སྐྱོབ་མཛད་ཅིང་འཕྲིན་ལས་སྒྲུབ་པའི་མཚན་མར་གསལ། དགུང་ལོ་བཅུ་བདུན་ནས་ཞབས་པད་བསྟེན་པའི་དབང་(༣༩བ)

― GLG009_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བྱས་ན་ལོ་ངོ་བདུན་ཙམ་དང་བཅར་བཞུགས་ལོ་དྲུག་གི་རིང་མཛད་པར་ཀུན་སྤངས་ཆེན་པོའང་དེ་བར་ཟབ་ཆོས་རྣམས་འཕྲོད་པ་གནང་ནས་མཁའ་སྤྱོད་དུ་གཤེགས་པར་བཞེད་པའི་དགོངས་པས་ཆོས་རྣམས་རྟག་འགྲུས་སུ་མཛད་པ་དང་། རྗེ་བླ་མས་ཀྱང་ཉིན་མཚན་དལ་མེད་ལྟ་བུར་གསན་བསམ་ལ་བརྩོན་པའི་ཤུགས་ཀྱིས་བཞེད་པ་རྣམས་འགྲུབ་པར་བརྟེན་དགུང་ལོ་ཉེར་གསུམ་དུ་ཕེབས་པ་ཤིང་ཕོ་སྤྲེལ་ལོ་སྐྱེ་འཆི་ལ་རང་དབང་འདུས་པའི་དབང་གིས་རྗེ་བཙུན་རྡོ་རིང་པ་ཆེན་པོ་དེ་ཉིད་ཞིང་གཞན་དུ་གཤེགས་པའི་གསུང་འགའ་ཤས་ཕེབས་པའི་ཚེ། བཀའ་ལས་བདག་གིས་སྤྱིར་བསྟན་པ་དང་སེམས་ཅན་གྱི་དོན་དང་ལྷག་པར་བདག་ཅག་མགོན་སྐྱབས་གཞན་མེད་པའི་འགྲོ་བ་རྣམས་ལ་ཐུགས་བརྩེ་བ་ཆེན་པོས་དགོངས་ནས་ཞབས་པད་ཡུན་རིང་དུ་བརྟན་པའི་ཐུགས་འདུན་ཅིས་ཀྱང་གནང་དགོས་ཞུས་པས། ད་ལོ་མ་ཤི་ན་ལོ་བརྒྱ་ཙམ་མི་ཐུབ་པའི་ངེས་པ་མི་གདའ་སྟེ། ད་རང་དེ་ཙམ་ཡིན་པ་འདྲ་ཆོས་རྗེ་རྡོ་རྗེ་འཆང་ཆེན་པོ་ལྟ་བུ་མཁས་གྲུབ་བསྟན་པའི་རྩ་ལག་དེ་ལའང་དགུང་ལོ་བདུན་ཅུ་དོན་ལྔ་ཐུབ་པ་ལ་ཀུན་གྱིས་སྐུ་ཚེ་མཐར་ཕྱིན་ཟེར་གྱིན་འདུག །ད་ལོ་འདི་ཙམ་ལོན་བླ་མ་བདུན་ཅུ་རྩ་གཉིས་ཀྱི་ཐུགས་ཟིན། སྡོམ་པ་དང་དམ་ཚིག་ལ་གནོང་འགྱོད་ཡེ་མེད། ལམ་འབྲས་ཐོག་མར་ཐོབ་ནས་ད་བར་ལམ་དུས་ཐུན་བཞི་མ་འདི་ཆག་མ་མྱོང་། བསྟན་པ་དང་སེམས་ཅན་གྱི་དོན་ཡང་བྱེད་ཚད་བྱུང་། ད་ངའི་ཚབ་ཁྱེད་ཚོས་བྱེད་ལས་ཆེ། རྗེ་བཙུན་རིན་པོ་ཆེས་དགའ་སྟོན་ལ་གདམས་པར། བླ་མའི་རྣལ་འབྱོར་འབྲལ་མེད་དུ་བསྒོམས་ན་བླ་མ་འབྲལ་མེད་དུ་(༤༠ན)

― GLG009_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོང་བ་ཡིན་གསུང་བ་དང་། ངེད་བཀའ་གདམས་པའི་ཇོ་བོ་རྗེའི་གསུང་ལས། སྦྲུལ་གྱི་པགས་པ་བརྗེས་ཀྱང་སྦྲུལ་མི་འཆི། ཁོ་བོ་འཆི་ཚུལ་བསྟན་ཀྱང་ཨ་ཏི་ཤ །གསུངས་པ་བདོག་པས་དེ་དང་འདྲ། ཁྱེད་དད་པ་ཡོད་པ་རྣམས་ལ་ནི་ང་དང་འདུ་འབྲལ་མེད་པ་ཡིན། ཁྱེད་ཚོ་རྐྱང་པར་མ་ཟད་ཁྱོད་ཚོ་ལ་བློ་བསྟད་པ་ཚོའང་ངས་སྐྱོང་བ་ཡིན། ཧ་ཅང་ཆོས་རྗེའི་དགོངས་པ་ལ་བླ་མའི་སྟོང་འུར་ལ་དགོངས་པ་ཡོང་སྟེ། འབྲོག་མི་ལོ་ཙཱ་བའི་གསུང་སྒྲོས་བྲིས་པ་ལས། བླ་མ་དེ་མནར་མེད་ན་བཞུགས་ཀྱང་རང་གིས་སངས་རྒྱས་སུ་མོས་ནས་གསོལ་བ་བཏབ་ན་རང་རྒྱུད་ལ་སངས་རྒྱས་ཀྱི་བྱིན་རླབས་འཇུག་སྟེ། དེ་གཉིས་ཀྱི་ཆོས་ཉིད་ལ་དབྱེ་བ་མེད་པའི་རྟེན་འབྲེལ་ཡིན་བྱ་བ་ཡོད། དེ་ཅིས་ཀྱང་ཡོང་བ་ཡིན་པ་གདའ་གསུངས། བདག་གི་གསུང་ཆོས་ཀྱི་འཕྲོ་འགའ་ཡོད་པའང་སྐལ་དམན་འགའ་ཞིག་ལ་འཛེམ་པའི་རྣམ་པས། རེས་འགའ་ཇ་ཁང་ཆུང་ངུ་ཡོད་པ་སོགས་སུ་ཤུབ་བུས་གནང་། རེས་ཕྱིའི་སྤང་ཁ་དང་མཆོད་རྟེན་ལ་ཞབས་སྐོར་མཛད་པའི་ཚུལ་གྱིས་ཕྱགས་ཕྱིར་འགྲོ་གསུངས་ནས་མི་གཞན་མེད་པ་ན་སྐུ་ཁྱེལ་ཙམ་མཛད་ནས་གསུང་ཆོས་གནང་། ཆོས་རྗེ་ལ་འདི་པ་སྔར་ནས་ཅིས་ཀྱང་གཤོད་བསམ་པ་ཡོད་དེ་བྲེལ་བ་དང་སྙོམ་ལས་ཀྱི་དབང་དུ་ལུས་པ་ཡིན། ད་དགའ་རབ་འདྲིལ་བས་བློ་བདེ་གསུངས། གཞན་ཡང་འདས་མ་འོང་གི་གནས་ཚུལ་ལུང་བསྟན་ངོ་མཚར་བ་ཇི་སྙེད་ཅིག་གསུང་གི་གདའ། ཞེས་གསུངས་པ་རྡོ་རིང་རིན་པོ་ཆེའི་རྣམ་ཐར་བཞིན་དབྲི་བསྣན་མེད་པར་བཀོད་པ་ཡིན། འདས་མ་འོངས་ཀྱི་གནས་ཚུལ་ནི་སེང་(༤༠བ)

― GLG009_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

གེ་རྩེ་བའི་མངའ་ཐང་མྱུར་དུ་འཇིག་པ། རྗེ་ཉིད་ཀྱི་སྐུ་ཚེའི་ཚད། སྣོད་ལྡན་གྱི་སློབ་མ་རགས་རིམ་ཡོད་པ་དང་ཆོས་སྟོན་པའི་དུས་ཚོད། སྐུ་ཚེ་ཕྱི་མའི་སྐོར་སོགས་ཀྱི་ལུང་བསྟན་ཤིན་ཏུ་རྒྱས་པ་ཡོད་འདུག་ཀྱང་དེང་སང་ཟིན་བྲིས་སོགས་གསལ་བར་མི་སྣང་། རྡོ་རྗེ་དྲིལ་བུ་སྔར་ཐུགས་བེད་སྤྱད་པའི་ལེགས་པ་ཞིག་གནང་སྟེ་ཆོས་རྗེ་རང་འདི་དཀྲོལ་ནས་དབང་བསྐུར་གཞན་དོན་རྒྱ་ཆེན་པོ་མཛོད་ཅིག་གསུངས། གཞན་དངོས་པོའི་གནང་སྦྱིན་གྱི་རིགས་ཞུ་ཡི་མེད་འདུག་ཀྱང་ད་ལམ་སྐུ་ཁམས་ཧྲེབ་པས་རྟེནའབྲེལ་འཕྱུགས་དོགས་ཞུ་བ་མཛད། ཉིན་ཞིག་སྐུ་སྲུང་ཁྲོད་ནས་འཕགས་པ་དང་བདག་ཆེན་རིན་པོ་ཆེ་གཉིས་ཀྱི་བདུད་རྩི་རིལ་བུ་དང་སྒྲུབ་ཡིག་བདག་ཆེན་རྡོ་རྗེ་འཆང་གིས་མཛད་པ་གནང་། རྗེ་བཙུན་རིན་པོ་ཆེའི་བདུད་རྩིའི་ཕབས་རྒྱུན་དང་སྒྲུབ་སྣོད་རྣམས་བླ་བྲང་ཤར་པར་ཡོད་པས་སྐུ་ཉེ་ཡིན་གཤིས་གཡར་པོ་མཛད་ན་ཡོང་། བདག་ཆེན་རིན་པོ་ཆེའི་བདུད་རྩི་རིལ་བུ་འདི་ཁར་སོང་ན་སྐྱེ་བ་བཅུ་གཉིས་ཚུན་ལ་སངས་རྒྱས་ཐོབ་པའི་ལུང་བསྟན་ཐེངས་གསུམ་བྱུང་། བདག་ལ་སྒྲུབས་ཤིག་པར་བཀའ་སྩལ་ཀྱང་མ་གྲུབ་ཁྱེད་ཀྱིས་སྒྲུབས་ཤིག་ཅེས་སྐུ་དཔུང་སྟེང་དུ་ཕྱག་གིས་ཅབ་ཅབ་མཛད་བྱུང་བར། སྔར་སེམས་དཔའ་ཆེན་པོ་ལའང་ཐོག་མར་མཛད་དཀའ་བྱུང་བའི་འཕྲོས་འདུག་པས་བདག་གིས་མི་འོང་ངམ་ཞུ་བ་གནང་བར་ཡིག་ཆ་འདི་གསལ་པོ་ཡིན་པས་འདི་སྟེང་ནས་མཛད་ན་འགྲུབ་གསུངས། ཧོར་ཟླ་བཅུ་པའི་ཚེས་བཅོ་ལྔ་ལ་ཀུན་སྤངས་ཆེན་པོ་དག་པའི་ཞིང་དུ་གཤེགས་པའི་ཚུལ་བསྟན་པའི་བཞུགས་གདན་གྱི་ཁར་བྱང་སེམས་དཀར་པོ་(༤༡ན)

― GLG009_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

མཐེབ་ཀོར་གྱི་རྒྱ་ཙམ་ཞིག་བྱུང་བ་དེ་ཞལ་དུ་ལྷག་མ་མ་ལུས་པར་གསོལ་བས་བརྒྱུད་པ་ཟིན་པའི་རྟེན་འབྲེལ་འགྲིག །མཆོད་འབུལ་དང་དགོངས་རྫོགས་ཀྱི་རིམ་པ་རྒྱ་ཆེར་སྤེལ་བའི་ཁུར་བཞེས་མཛད། ཉིན་གཅིག་སྤྲིན་དཀར་གྱི་ཕུང་པོའི་གསེབ་ན་སེང་གེ་གཉིས་ཀྱིས་བཏེག་པའི་རིན་པོ་ཆེའི་ཁྲིའི་སྟེང་ན་རྡོ་རིང་རིན་པོ་ཆེ་སྐུའི་དབྱིབས་དང་ཆ་བྱད་ཇི་ལྟ་བ་བཞིན་གསལ་བར་གཟིགས་ཏེ་དབུགས་དབྱུང་གཟེངས་བསྟོད་བྱིན་རླབས་མཛད།ཚར་ཆེན་ཉིད་ཀྱིས་མཛད་པའི་གསོལ་འདེབས་ལས། སླར་ཡང་འོད་གསལ་ངང་ལས་སྐུ་བཞེངས་ཏེ། །སེང་གེའི་ཁྲི་ལ་ཞབས་སེན་པདྨ་བཀོད། །འཛུམ་ཞལ་བདུད་རྩིའི་རྒྱུན་གྱིས་སྐལ་ལྡན་གྱི། །སྙིང་གི་གདུང་བ་བསལ་ལ་གསོལ་བ་འདེབས། །ཞེས་སོ། །དེའི་ཚེ་རྗེ་བཙུན་རྡོ་རྗེ་རྣལ་འབྱོར་མ་མངོན་སུམ་དུ་ཞལ་བསྟན་པའི་ངོ་མཚར་གྱི་སྣང་བ་ཅི་ཡང་ཤར་ཞིང་། རྡོ་རིང་རིན་པོ་ཆེར་བྱིན་རླབས་གསན་པའི་དུས་བར་སྣང་གི་སྤྲིན་གསེབ་ནས་རྗེ་བཙུན་མའི་སྐུ་གཟིགས་པར་བརྟེན་ཆོས་རྗེ་ལ་མཁའ་སྤྱོད་མའི་བྱིན་རླབས་བྱས་རེས་ཀྱིས་རྟགས་ཁྱད་པར་ཅན་རེ་ཡོང་གི་འདུག་གསུང་བའང་འདི་རིགས་ལ་དགོངས་སོ། །དབྱངས་ཅན་བཞད་པའི་སྒྲིབ་བྲལ་མཁྱེན་མཚོའི་ནང་། །མཆོག་སྲེད་སྤྲུལ་པའི་གར་དང་ལས་སྨོན་གྱིས། །འབྲེལ་བའི་གཟུགས་བརྙན་ཤར་ནས་ལུང་སྟོན་པ། །རྣམ་གསུམ་དམ་པའི་ཡོན་ཏན་དངོས་མ་བཞིན། །མི་བཟད་དུག་གི་རླངས་འཁྲིགས་ས་བདག་གདོན། །སྲོག་རྩ་དྲག་སྔགས་མ་ཀ་ཏས་བཅད་དང་། །ལྷན་ཅིག་ཆོས་སྲུང་རྭ་རྩེས་ཀླུ་གཉན་བྱད། །ཉེར་བཀྲོལ་(༤༡བ)

― GLG009_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲང་བྱའི་ལུང་བསྟན་རྣ་བར་སྙན། །ཚད་མ་བཞི་ལྡན་འཁོར་ལོས་ཐུབ་བསྟན་ལུས། །ཀུན་ཚང་གླིང་བཞིར་དབང་སྒྱུར་ཡབ་རྗེའི་ཁྲིར། །མངའ་གསོལ་ཅོད་པན་འཆིང་ལ་གདན་གསུམ་ལྷ། །མཁའ་ཁྱབ་མེ་ཏོག་གླུ་གར་རོལ་མོར་བྲེལ། །ཡི་དམ་ཆོས་སྲུང་དགྱེས་པའི་དཔྱིད་ཀྱི་མ། །འབོད་བྱེད་སོས་ཀྱིས་ཁུ་བྱུག་འདྲེན་པའི་གླུས། །མཆོག་ཐུན་དངོས་གྲུབ་འདབ་བརྒྱ་གྲོལ་བའི་སྦུབས། །ཕན་བདེའི་སྦྲང་རྩི་མངར་པོ་ཅི་ཡང་འཛག །སྙན་བརྒྱུད་ཆོས་ཀྱི་བརྡ་སྤྲོད་མ་ལུས་པ། །རང་རིགས་དབང་པོར་གཏད་པས་སརྦ་ཛྙཿ། །ཆོས་དབྱིངས་ཟག་བཅས་བདེ་བའི་མལ་ཉལ་ཀྱང་། །དག་སྐུའི་གདོང་བཞི་སྤྲུལ་དེ་སུ་ཡིས་འགོག །བྱུ་རུའི་འཁྲི་ཤིང་བཞིན་དུ་དམར་བའི་གཟུགས། །མཉེན་ལྕུགས་འཁྲིལ་ལྡེམ་རྩེ་འཇོའི་ཡིད་འོང་མ། །དར་བབས་ལང་ཚོའི་ཨུཏྤལ་དམར་པོའི་སྒྲོས། །འཛུམ་པའི་བདུད་རྩི་འདྲེན་བྱེད་གཟིགས་མོར་དངར། །གསོལ་འདེབས་ལས། དཔལ་ལྡན་ནཱ་ལནྡ་ཡི་ཆོས་གྲ་ཆེར། །བདག་ཆེན་རྗེ་ཡི་ཞབས་ཟུང་གུས་བསྟེན་ཅིང་། །རྡོ་རྗེ་འཆང་དབང་རྗེ་བཙུན་སྒོ་རུམ་པས། །ཟབ་ལམ་གདམས་པ་སྩལ་ལ་གསོལ་བ་འདེབས། །མཁས་དང་གྲུབ་པའི་ཡོངས་འཛིན་དབང་པོ་མཆོག །དྲུག་ཅུ་རྩ་གསུམ་གུས་པས་ཉེར་བསྟེན་ནས། །རྒྱ་ཆེན་གསར་རྙིང་རྒྱུད་སྡེ་རྒྱ་མཚོའི་ཚོགས། །མ་ལུས་ཐུགས་སུ་ཆུད་ལ་གསོལ་བ་འདེབས། །ཞེས་བར་ཚིག་གི་ཟིན་སོ་ཡོད་མེད་སྣ་ཚོགས་ཀྱང་། དེ་ནས་ཁའུ་སྐྱེས་ལྷས་ཀྱི་སུམ་ཅུ་རྩ་གསུམ་ཟེར་བའི་བྲང་ཁང་དུ་སྐུ་མཚམས་ཤིན་ཏུ་དམ་པར་བཅད་ནས་ལམ་དུས་ཐུན་བཞི་མ་དང་གཙོ་བོར་ལམ་ཟབ་ཀྱི་རྣལ་(༤༢ན)

― GLG009_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་ལྷུན་བླངས་པའི་ཚེ་དགྱེས་མཛད་རྡོ་རྗེ་ལྷ་དགུའི་དཀྱིལ་འཁོར་དང་གསང་འཁྲིད་ཀྱི་ཉམས་ལེན་གནང་བའི་དུས་མགོན་པོ་ལྷ་བརྒྱད་འཁོར་དྲེགས་པ་བརྒྱད་དང་བཅས་པ་གསལ་བར་གཟིགས། ཡང་ནུབ་ཅིག་མནལ་ལམ་དུ་མ་ཇོའི་རྣམ་པ་ཅན་ཞིག་གིས་རི་སུལ་གྱི་རྣལ་འབྱོར་མ་མཇལ་ན་འདི་ན་ཡོད་ཅེས་ཟེར་བར་དགྱེས་བཞིན་དུ་བུད་མེད་དེས་ལམ་སྣ་བྱས་ཏེ་ཕེབས་པས་དུར་ཁྲོད་ཆེན་པོ་བསིལ་བའི་ཚལ་ཡིན་རྒྱུ་བའི་ཤིང་ཐོ་རེ་ཡོད་པའི་དབུས་ན་རྡོ་ཕུང་ཞིག་གི་གསེབ་ཏུ་གནམ་སྒོ་འདུག་པ་ཕྱེ་སྟེ་འདི་ན་ཡོད་ཟེར་བ་གཟིགས་པས་ཞལ་བྲམ་གཟུགས་དཀར་པོ་རལ་པའི་ཐོར་ཚུགས་ཅན་རས་དཀར་པོ་གྱོན་པ་ཕྱེད་ཀྲུང་དུ་བཞུགས་པ་ཕྱག་གཡས་ན་ཐོད་ཁྲག་དང་གཡོན་མ་མི་རྐང་གི་གླིང་བུ་དང་ཤིང་གི་བུམ་པ་འཛིན་པ། འོད་ཟེར་དུ་མ་འཕྲོ་བ་ཞིག་གཟིགས། དེ་ནས་ཀྱང་འབྲལ་མེད་ལྟ་བུར་དངོས་སུ་ཡང་ཡང་འབྱོན་ཞིང་ལས་ཐམས་ཅད་བསྒྲུབས་པར་མཆིས། གདན་ས་ཆེན་པོ་དཔལ་ལྡན་ས་སྐྱར་ཕེབས་ནས་རྟེན་བརྟེན་པ་ཐམས་ཅད་ཞིབ་མོར་མཇལ་བ་གནང་ཞིང་ཁྱད་པར་མགོན་པོ་དངོས་སུ་གཟིགས། །དགེ་འཕེལ་དུ་རྟེན་བཞེངས་ཀྱི་ཚེ་སྐུ་འབག་གི་ཞལ་རྡུལ་འཕྱི་བ་མཛད་པས་པུ་ཏྲས་དངོས་སུ་འོངས་ཏེ་འཕྱི་ལུགས་འདི་བཞིན་བྱེད་དགོས་ཞུས། དགུང་ལོ་ཉི་ཤུ་རྩ་བཞི་ཙམ་བབས་པའི་ཚེ་གདན་ས་འོག་ནས་བདག་ཆེན་རིན་པོ་ཆེ་ངག་གི་དབང་ཕྱུག་གི་ཞབས་ཕྱི་མཛད་ནས་དབུས་ཕྱོགས་སུ་ཕེབས། གསུང་ངག་ལམ་འབྲས། གཤེད་དམར་གྱི་དབང་བྱིན་རླབས་སྤྲོས་མེད་ཀྱི་འཁྲིད། རྡོ་རྗེ་འཕྲེང་བའི་དབང་སོགས་བཀའ་ཆོས་མང་དུ་གསན། གལ་(༤༢བ)

― GLG009_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་དུས་མཆོད་དཔོན་དང་དབང་འཁྲིད་ཀྱི་སྐོར་ལ་ཐུགས་དོགས་སེལ་གྱི་རིགས་ནང་བཅར་དུ་འབུལ་བ་སོགས་བདག་ཆེན་རིན་པོ་ཆེའི་ཕྱག་གཡོག་ནང་སྐོར་གྱི་རྣམ་པའང་ཡུན་རིང་ཙམ་མཛད། བདག་ཆེན་རྗེས་ཆོས་ཀྱི་འཁོར་ལོ་སྐོར་ཞིག་པའི་གནང་བ་སྩལ་བ་ལ་བརྟེན་ནས་རོང་སྟོན་ཤེས་བྱ་ཀུན་རིག་གི་གདན་ས་ནཱ་ལེནྡྲའི་ཚོགས་ཆེན་ལ་གསུང་ངག་རིན་པོ་ཚོགས་བཤད་ཡོངས་རྫོགས་ཤིག་གནང་། ཐམས་ཅད་དད་པའི་ས་ལ་བཀོད་དེ་བདག་ཆེན་རིན་པོ་ཆེ་ལས་ཀྱང་འུར་བ་ཙམ་བྱུང་བར་དྲུང་འཁོར་ནས་ཕྲག་དོག་གི་རྣམ་པ་ཅི་རིགས་བྱུང་། ལྷུན་གྲུབ་སྡིངས་པས་སྦྱིན་བདག་བྱས་འཕན་ཡུལ་བྱ་བཟང་གི་ཆོས་ཁྲིའི་གདོང་གི་སྟོང་དེར་སྤྱིལ་བུ་ཞིག་ཡོད་པར་བཅད་རྒྱ་མཛད་དེ་དཔལ་རྡོ་རྗེ་འཇིགས་བྱེད་ཀྱི་བསྙེན་པ་ཟླ་བ་ལྔ་ཙམ་སོང་བའི་སྔ་དྲོ་ཉི་མ་རྩེ་ཤར་ལ་འོད་དམར་པོས་ལྷོའི་ཕྱོགས་རྣམས་གང་འདུག་པ་ཉི་ཟེར་ཡིན་ནམ་དགོངས། གཟིགས་པ་ན་མེ་དཔུང་ཆེན་པོ་འུར་སྒྲ་དང་བཅས་པ་བློས་མི་འཁྱུད་པའི་དབུས་ན་འཇིགས་བྱེད་ཡོངས་རྫོགས་འཁོར་བཅུ་གཅིག་ཞབས་གཡས་བརྒྱད་ཀྱི་ཐད་དུ་ལས་གཤིན་རྭ་རྩེ་ཤིན་ཏུ་རྣོ་བ་གཡས་གྲི་གུག་གཡོན་པས་མི་དར་མ་ཞིག་གི་སྐེ་ཞགས་པས་བཅིངས་པ་དེ་ལ་ཞལ་ནས་འཕྲོས་པའི་མེ་འཕོག་པ་ན་བུག་པ་དགུ་ནས་ཁྲག་འཛག་པ་ཞིག་གཟིགས། ཁ་སྐོང་གི་སྦྱིན་སྲེག་ཀྱང་མཛད། ལམ་ཡིག་ཏུ་རྗེ་ངག་དབང་གྲགས་པའི་ཞབས་ཕྱིར་ལོ་བརྒྱད་ཙམ་བསྡད་གསུང་བའང་འདིའི་སྐབས་སུ་ཡིན་པར་མཆིས། ཆུ་འབྲུག་ལོ་ཟླ་བ་དང་པོའི་ནང་དུ་གཙང་ལ་ཕེབས། འདི་རེས་བསྙེན་པར་རྫོགས་ཀྱང་གསོལ་འདེབས་ལ་རྩ་བ་བཅོལ་བས་འོག་(༤༣ན)

― GLG009_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་འབྱུང་། སྟོན་བོ་དོང་དུ་རྗེ་བཙུན་སྒོ་རུམ་པ་ཆེན་པོ་ལ་དཔལ་དུས་ཀྱི་འཁོར་ལོའི་བདག་པོ་ཆེན་པོའི་བར་གྱི་དབང་ཡོངས་སུ་རྫོགས་པ་དང་གུར་མགོན་གྱི་མན་ངག་སོགས་ཆོས་བཀའི་རིགས་རྒྱ་ཆེར་གསན། སྔོན་ཡར་ཀླུངས་པ་དང་འཇམ་དབྱངས་སྒེག་པ་དཔོན་སློབ་ཏུ་གྱུར་པའི་རྟེན་འབྲེལ་དུས་འདིར་འགྲིག་ཚུལ་ཀུན་མཁྱེན་མཁྱེན་བརྩེའི་རྣམ་ཐར་དུ། བདག་གིས་བླ་མ་དམ་པའི་དྲུང་ན་མཇལ་ཞིང་གསུང་ཆོས་འདྲའང་གསན་གྱི་འདུག་པ་མཐོང་བས་སྔར་ཡེ་མ་མཇལ་ནའང་འདྲིས་འདྲིས་འཐད་འཐད་འདྲ་མོ་ཞིག་གིས་སེམས་ལ་དགའ་ཚོར་དང་བླ་མའི་དགའ་བ་ལ་བསམ་པ་དུང་དུང་པ་བྱུང་། རྗེ་འདར་ཕྱོགས་ལ་ཕེབས་ཁར་བདག་ཡོད་སར་ཐོལ་གྱིས་བྱོན་བྱུང་ནས་གོས་ཆེན་ལྕགས་ནག་ཁ་དོ་པ་ཞིག་དང་སྟོང་སྐུད་དམར་པོ་མང་པོ་ཞིག་གནང་། འདི་ལ་ཕྱག་འཕྲེང་ཐག་པ་བཞིན་མཛོད་གོས་ཆེན་འདི་ལ་བྲིས་སྐུ་ལྟ་བུ་མཛད་དམ་གང་ནའང་མི་ལ་མ་གནང་བར་ཕྱག་ཚགས་མཛོད། རྟེན་འབྲེལ་ཞིག་ཡོད་དོ་གསུངས་ཤིང་ཞལ་འཛུམ་མང་པོ་མཛད་ཀྱིན་འདུག་པ་དེ་དུས་ནི་དགའ་བ་ལ་བསམ་པ་ལས་མ་བྱུང་། ད་བསམས་ན་མགོན་པོ་ཆེ་ཆུང་འདི་རྣམས་ཐོབ་པའི་རྟེན་འབྲེལ་སྒྲིག་པ་གནང་བར་འདུག་གོ །རྒྱལ་བའི་དགོངས་པ་ཟབ་གསལ་མཁའ་དབྱིངས་ལས། །ཚུར་མཐོང་བྱིས་པས་སྦར་ཆོད་ཅི་ཞིག་ཐིངས། །དུས་གསུམ་གསལ་བར་མཁྱེན་དེས་བདག་ལྟ་བུའང་། །སྙན་བརྒྱུད་གདམས་པའི་སྣོད་དུ་རུང་བར་དགོངས། །དམ་པའི་ཞལ་བཞེས་རྡོ་ཡི་རི་མོ་བཞིན། །འགྱུར་མེད་བདེན་པས་ཐུགས་ལ་བཏགས་ན་ཡང་། །(༤༣བ)

― GLG009_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གིས་གསོལ་བ་བཏབ་པ་མི་དྲན་པ། །ཨ་ཧོ་ལས་ཉོན་དབང་གིས་སྐྱེས་པས་ལན། །ཞེས་སོ། །སླར་རང་གི་བསྟི་གནས་སུ་ཆོས་སྒོ་བ་འཁྲུལ་ཞིག་བྱམས་པ་ཤེས་རབ་བཟང་པོའི་དྲུང་དུ་དཔལ་རྣལ་འབྱོར་གསང་མཐའ་འཁོར་ལོ་སྡོམ་པའི་སྐོར་གྱི་བཀའ་བབས་ཏེ་ལམ་རྫོགས་པར་གསན། མཐུ་སྟོབས་ཀྱི་དབང་ཕྱུག་ཐམས་ཅད་མཁྱེན་པ་འཇིགས་མེད་དཔའ་བོའི་ལུགས་འཛིན་པ་འབྲས་སྤུངས་པ་ཚེ་དབང་བཀྲ་ཤིས་ལ་རྗེ་བཙུན་གོང་མའི་ཡབ་མེས་འཁོན་རིགས་སྔགས་འཆང་རྣམས་ཀྱི་ཡི་དམ་གྱི་ལྷ་མཆོག་གི་དངོས་གྲུབ་འབད་མེད་དུ་སྩོལ་བ་དཔལ་ཆེན་པོ་ཁྲག་འཐུང་ཧེ་རུ་ཀ་ཡང་དག་ལྷ་ལྔ་བཅུ་རྩ་བརྒྱད་ཀྱི་དབང་དང་ཡིག་སྣ། བར་ཆད་བདུད་སྡེའི་གཡུལ་ལས་རྒྱལ་བ་བཅོམ་ལྡན་འདས་དཔལ་རྡོ་རྗེ་གཞོན་ནུ་ལྷ་ཁྲ་སྟོད་ལས་བྱང་ཆུབ་སྒྲུབ་པའི་དབང་བཞི་དང་སྨད་ལས་གདུག་པ་སྒྲོལ་བའི་རྗེས་གནང་། མན་ངག་ཡིག་སྐོར། ཆོས་སྐྱོང་དཀར་བདུད་ཀྱི་རྗེས་གནང་ལས་ཚོགས། རྣམ་འཇོམས་བིར་ལུགས་ལྷ་དོན་ལྔའི་དབང་ལུང་། གུར་གྱི་མགོན་པོ་གྲི་གུག་ལྷ་ལྔའི་རྒྱུད་ལུགས་ཀྱི་དབང་། སིནྡྷུ་རའི་དཀྱིལ་འཁོར་ལ་བརྟེན་པའི་མན་ངག་ལུགས་ཀྱི་དབང་བཞི། ལྷ་བརྒྱད། ལྷ་བཅུ་གཉིས་མ། གྱི་ལྗང་ལུགས་ཀྱི་ལྷ་བཅུ་བདུན་མའི་དབང་། དེ་དང་འབྲེལ་བའི་སྒྲུབ་སྐོར་སོགས་མཁས་གྲུབ་ཀུན་དགའ་རྣམ་རྒྱལ་གྱི་ཐུགས་དམ་མགོན་པོད་ཡོངས་རྫོགས། ཀླུ་སྒྲུབ་ལུགས་ཀྱི་མགོན་པོ་གདོང་བརྙན་ཅན་ཕྱག་དྲུག་པ་དང་ལས་བཞིའི་མགོན་པོའི་རྗེས་གནང་། པར་བུའི་ཆོ་ག་སོགས་ལས་ཚོགས་ཁ་ཤས། སྨན་ཇ་སྤྲུལ་སྐུའི་རྗེས་(༤༤ན)

― GLG009_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

གནང་། རྒྱལ་པོ་ཆེན་པོ་རྣམ་ཐོས་སྲས་སེར་ཆེན་རྟ་བདག་བརྒྱད་ཀྱིས་བསྐོར་བ། ལྗང་གུ་ཀླུ་བརྒྱད་ཀྱིས་བསྐོར་བ། མཐིང་ཁ་ལྷ་མོ་བརྒྱད་ཀྱིས་བསྐོར་བ། སློབ་དཔོན་པདྨ་སཾ་བྷ་ཝ་ལུགས་ཀྱི་སྤྲིན་གསེབ་མ་རྟ་བདག་བརྒྱད། ཡང་གསང་དྲག་པོ་མདུང་དམར་ཅན་རྟ་བདག་བརྒྱད་བཅས་པ་རྣམས་ཀྱི་རྗེས་གནང་དང་རྣམ་སྲས་སྐོར་གྱི་ཡིག་སྣ་ཁ་ཤས། དམར་པོ་སྐོར་གསུམ་གྱི་རྒྱུན་གང་ཡོད། དཔལ་ཚོགས་ཀྱི་བདག་པོ་ཇོ་བོ་རྗེའི་ག་ག་མ་དཀར་པོ་ཕྱག་བཞི་པ། ཆགས་པའི་རྡོ་རྗེ་སོགས་ཀྱི་རྗེས་གནང་དང་ཡིག་སྐོར་རྣམས་གསན། ཁ་སྐོང་དཀར་ཆག་ལས། འོན་ཀྱང་འཆམ་དང་འགྲོས་ཀྱི་སྤྲོས་པ་ནི། །འདོད་ན་རྡོ་རྗེ་གདན་པ་ལས་གཞན་པའི། །ཚད་ལྡན་མེད་ཕྱིར་དེ་ཡི་ལུགས་བཞིན་སྟོན། །ཅེས་པའི་དོན་ལྟར་མགོན་པོ་ཆེ་ཆུང་གཉིས་ཀྱི་འཆམ་དབྱངས་སོགས་ཀྱི་ཕྱག་ལེན་དཔྱིས་ཕྱིན་པར་སྦྱོང་བདར་མཛད། དཔོན་སློབ་གཉིས་ཆོས་སྐྱོང་སྐོར་ལ་གོ་བསྡུར་གནང་ནས་དེང་སང་བོད་ན་ས་སྐྱ་པའི་ཆོས་སྐྱོང་ལ་ངེད་རང་གཉིས་ལས་མཁས་པ་མེད་པ་འདྲ་ཞེས་ཀྱལ་ཀ་གསུངས་སྐད། ཞབས་ཆེར་བསྙུན་ཡང་གཙང་ཆུར་འཇུག་པ་སོགས་ལས་གཞན་མའི་འཕྲོད་བསྟེན་གྱི་སྤྲོས་པ་དོར་ཏེ་ཐོས་བསམ་ལྷུར་མཛད་པས་ཀུན་ཧ་ལས་ཏེ་ཆོས་སྡེའི་གྲ་རིགས་རྣམས་ཡོན་ཏན་གྱི་སྦྱོང་བདར་དྲན་བསྐུལ་ལ་དེ་ལས་ལྷག་པ་མ་བྱུང་ཟེར། རྫོང་ལུགས་ཀྱི་བསྟན་པའི་སྲོལ་འབྱེད་ཆེན་པོ་རྩང་བྱམས་པ་རྡོ་རྗེ་རྒྱལ་མཚན་གྱི་དངོས་སློབ་རྒྱུད་གསུམ་སྨྲ་བ་ཤེས་རབ་རིན་ཅེན་གྱི་དྲུང་དུ་གུར་གྱི་མགོན་པོ་ལྕམ་དྲལ་ལྷ་གསུམ། ལྷ་བརྒྱད་མཁའ་འགྲོ་སྦྲགས་སྒྲུབ་རྣམས་ཀྱི་(༤༤བ)

― GLG009_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་གནང་། གཞན་ལས་ཆེས་ཟབ་པ་རྩ་བའི་མན་ངག་གཉིས། རྣམ་པར་དབྱེ་བ་བཅུ་གཉིས། ཡན་ལག་གི་མན་ངག་བཅུ་དྲུག །ཆོ་གའི་ལག་ལེན་ཉི་ཤུ། དེ་དག་གི་ཡིག་ཆའི་གཙོ་བོ་མང་པོའི་ལུང་སོགས་ས་སྐྱ་རྫོང་ཆུང་པར་གྲགས་པའི་མན་ངག་མཐའ་དག་གི་ཟབ་ཆོས་མང་པོ་གསན་ཅིང་། བླ་མ་འདི་དག་གིས་གཙོ་བྱས་གུར་གྱི་མགོན་པོའི་སྐོར་ཁོ་ན་ལ་བླ་མ་བཅུ་བསྟེན་ལུགས་སྲོལ་མ་འདྲེས་པ་ཡོངས་སུ་རྫོགས་པར་གསན་པ། ཇི་སྐད་དུ། ཁྱད་པར་ནག་པོ་ཆེན་པོའི་མན་ངག་ནི། །བརྒྱུད་ལྡན་བླ་མ་བཅུ་ཕྲག་གཅིག་ལ་ཞུས། །འགྲན་ཟླ་ཀུན་བྲལ་དྲིན་ཅན་རྡོ་རིང་པའི། །སྙན་བརྒྱུད་ཟབ་མོ་བུམ་པ་གང་བྱོར་ཐོབ། །ཅེས་དང་། ཨེ་ཝཾ་པ་ནི་བསྡུས་ལ་སྤྲོས་པ་ཆུང་། །མུས་སྲད་པ་ནི་དཀར་ཆག་ཁྲིགས་ཆགས་ཅན། །རྡོ་རྗེ་གདན་པ་འཆམ་དང་ནུས་པའི་བདག །ཁོ་བོས་ཐོབ་པའི་ཐུན་མོང་བརྒྱུད་པ་གསུམ། །ཞེས་བྱུང་ལ། གནོད་སྦྱིན་བེག་ཙེ་ལྕམ་དྲལ་གྱི་རྗེས་གནང་ལུང་མན་ངག་རྣམས་གསན། གཞན་ཡང་སྔ་ཕྱི་བསྡོམས་པར་བླ་མ་བསྟེན་པའི་སྐོར་ལ་ལོ་ཟླའི་དུས་ངེས་ཅན་མ་རྙེད་པས་ཕྱོགས་མཚུངས་སུ་བཀོད་པར། དྭགས་པོ་པཎ་ཆེན་ཕྱོགས་ལས་རྣམ་རྒྱལ་མ་རྗེ་བཙུན་འཕྲིན་ལས་ཞབས་ལ་སྒྲོལ་དཀར་ཡིད་བཞིན་འཁོར་ལོ་སོགས་ཀུན་མཁྱེན་བཀྲ་ཤིས་རྣམ་རྒྱལ་ནས་བརྒྱུད་པའི་ཟབ་ཆོས་དུ་མ་དང་ཀར་ལུགས་སོགས་ཀྱི་ཆོས་བཀའ་ཁ་ཡར། གཞུང་དུ་རྔོག་སྟོན་ཆེན་པོ་བསོད་ནམས་བསྟན་འཛིན་ལ་རྔོག་ལུགས་ཀྱི་དཀྱིལ་འཁོར་བདུན་གྱི་དབང་དང་རྒྱུད་བཤད། ཆོས་སྐྱོང་དུད་སོལ་ལྷ་མོའི་སྐོར་རྣམས་དང་(༤༥ན)

― GLG009_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཏྲ་བརྒྱ་རྩ་ནི་དབང་དང་རྗེས་གནང་གང་ཡིན་ལ་དཔྱད་གཞི་འདུག་ཀྱང་གསན། བླ་ཆེན་མདོ་ཁམས་པ་ཡོན་ཏན་རྒྱ་མཚོ་ལ་ས་དགེ་ཞལ་གསུམ་གྱི་འཇིགས་བྱེད་མཁན་པོར་གྲགས་པ་རྣམས་ཀྱི་རྣ་བའི་སྤྱོད་ཡུལ་དུ་མ་གྱུར་པའི་རྫོགས་རིམ་ཡེ་ཤེས་མཁའ་འགྲོའི་རྡོ་རྗེའི་ཚིག་རྐང་ལ་བརྟེན་པའི་རྭ་འཁྲིད་མཁའ་འགྲོ་སྙན་བརྒྱུད་སོགས་ཟབ་ཆོས་དུ་མ། འགོས་རྡོ་རྗེ་སེང་གེ་ལ་གཤིན་རྗེ་གཤེད་དམར་པོ་ལྷ་བཅུ་གསུམ་གྱི་རྣལ་འབྱོར་བཞིའི་འཁྲིད། རྣལ་འབྱོར་བཞི། བདུད་རྩིའི་ལྷ་མོ་ནོར་འཛིན་མ་དཀར་མོ། འཁྲུལ་འཁོར། ཕྱིའི་བྱད་རྫས། རྣམ་རྟོག་འོད་གསལ་འཕོ་བ་རྣམས་ཀྱི་བྱིན་རླབས། དེ་དག་གི་ཡིག་ཆ་མང་པོའི་ལུང་། སྒྲུབ་ཐབས་བརྒྱ་རྩ་དང་རྒྱ་མཚོའི་རྗེས་གནང་ལུང་། རྡོ་རྗེ་འཕྲེང་བ་སོགས་ཀྱི་དབང་ལུང་། ཆོས་རྗེ་ཉན་ཆེན་པར་ཀྱེ་རྡོར་བཀའ་བབས་བཞི། གསང་འདུས་ལུགས་གསུམ་སོགས། གྲུབ་མཆོག་སྦྱིན་པ་རྒྱ་མཚོ་ལ་སྐྱེས་ལྷས་པའི་ཟབ་ཆོས་སྔར་གསན་བལྡབས་པ་དང་ཕྲན་བུ་ལུས་པའི་རིགས་རྣམས་ཞུ་བ་མཛད་ཅིང་དག་པའི་སྣང་བར་ཡང་ཡང་མཇལ་བ་ཡོད་འདུག །མཐུ་སྟོབས་ཀྱི་དབང་ཕྱུག་དྲང་སྲོང་དཀའ་བཞི་པར་གཙོ་བོར་དཔལ་རྟ་མགྲིན་ཡང་གསང་ཁྲོས་པའི་དབང་ལུང་མན་ངག་ཐམས་ཅད་གསན་ཞིང་དབང་མཛད་པའི་སྐབས་ཁྲག་འཐུང་ལྷ་དགུའི་ཡེ་ཤེས་ཀྱི་དཀྱིལ་འཁོར་དངོས་སུ་བསྟན་གིང་ལྔ་གཟའ་གདོང་། གནོད་སྦྱིན་བེག་གདོང་ལྕམ་སྲིང་གི་ཆོས་སྐོར་རྣམས་ཀྱང་གསན། ཆོས་སྐྱོང་རྣམས་ཀྱི་ཕྱག་ནས་བཟུང་སྟེ་མི་ལ་མི་སྤྲོད་པའི་ཚུལ་དུ་བྲན་འབངས་སུ་དངོས་(༤༥བ)

― GLG009_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་གཏད། བྱང་གཏེར་གྱིས་ཐོག་དྲངས་པའི་གསང་སྔགས་རྙིང་མའི་ཆོས་སྐོར་ཆེས་མང་བ་གསན། དཔོན་སློབ་གཉིས་ཅར་ཕན་ཚུན་ཐུགས་ནང་ཤིན་ཏུ་དག་ཅིང་འདར་ཕྱོགས་སུའང་སྤྱན་འདྲེན་ཆེད་བསྟད་གནང་ནས་ཞབས་ཏོག་ཆེན་པོ་མཛད་རྗེས་སུའང་ཤར་ཕྱོགས་ལ་ཕེབས་རེས་ཀྱིས་མཇལ་ཙམ་རེ་མཛད་ཅིང་བཀའ་ཆོས་གང་འོས་རེ་ཡང་ངེས་པར་གསན། ལྡོང་གི་སྔགས་འཆང་ཆེན་པོ་ཆོས་སྐྱོང་བསོད་ནམས་བཀྲ་ཤིས་པར་གཏེར་ཁ་མི་འདྲ་བ་ཉི་ཤུ་ཙམ་གྱི་དབང་ལུང་གསན་པར་ཕེབས་པའི་ཚེ་སྔགས་འཆང་རིན་པོ་ཆེས་ཁྱེད་དཔོན་སློབ་རྣམས་མ་བྱོན་པའི་ཞག་གསུམ་ཙམ་གྱི་ནུབ་སྔགས་གཞོན་དཀར་པོ་ཞིག་བྱུང་ནས་ཁྱོད་ལ་ངའི་ཆོས་སྐོར་རྣམས་ཞུ་བ་ལ་མི་ཞིག་འོང་བར་ཡོད་པས་དེ་ལ་རྫོགས་པར་གཤོད་དེ་ངས་བྱིན་གྱིས་བརླབས་པ་ཡིན་གསུང་བ་བྱུང་གསུངས། དྲིན་ཅན་སངས་རྒྱས་རྣམ་རྒྱལ་ལ་ཤངས་པ་བཀའ་བརྒྱུད་ཀྱི་ལམ་ཡོངས་རྫོགས་གསན་ཅིང་ཡབ་མེས་བརྒྱུད་པའི་བླ་བརྒྱུད་ཡིན་ཞེས་ཤིན་ཏུ་གུས་པར་མཛད། བྲག་དཀར་སེམས་དཔའ་ཆེན་པོ་བསོད་ནམས་རྒྱལ་མཚན་ལ་ཕྱག་རྡོར་འཁོར་ཆེན་ལམ་ཡོངས་རྫོགས་སོགས་ཆོས་མང་དུ་གསན། བཟད་གཡུ་གོང་པར་ཡེ་ཤེས་མགོན་པོ་ཕྱག་དྲུག་པའི་ཟབ་ཆོས་གཞན་ནས་མ་རྙེད་པ་དུ་མ། བྱང་སྟག་ལུང་སྦས་དོན་པ་ལ་ཕག་གྲུ་ལུགས་ཀྱི་ཕྱག་བཞི་པའི་ལམ་ཡོངས་རྫོགས། བསམ་སྡིང་མཁན་ཆེན་སངས་རྒྱས་ཡེ་ཤེས་ལ་མགོན་པོ་ལྷ་ཆེན་དཔལ་འབར་གྱི་རྗེས་གནང་། རྭ་སྒྲེང་མཁན་པོ་དཔལ་འབྱོར་བསམ་གྲུབ་ལ་མིའུ་ཐུང་གསོད་བྱེད་ཀྱི་རྗེས་གནང་། ཇོ་སྟན་རོང་ཤཱཀ་པ་བཀྲ་ཤིས་རིན་ཅེན་ལ་ཨ་ཏི་ལམ་ཡོངས་རྫོགས་(༤༦ན)

― GLG009_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

དང་འདོད་རྒྱལ་ནོར་བུ་གསལ་འབར་གྱི་ལུང་གསན་དེ་སྐབས་རྫོགས་ཆེན་གྱི་རྟོགས་པ་ཕུལ་བས་ངེད་རང་ལ་ཉམས་མྱོང་དགའ་མོ་ཡོད་པའི་ལུགས་ཡིན་ཀྱང་འདི་འདྲ་སྐྱེ་མ་མྱོང་གསུངས་པས་ཚོགས་པ་རྣམས་དད་ནས་གསུང་ཆོས་མང་དུ་ཞུས། ཉ་མགོ་གྲུ་ཁར་མཉན་པ་དུས་ལ་མ་འབྱོར་བས་ང་ཆུ་ལ་འདིང་བ་བཏིང་ནས་འགྲོ་གསུངས་པས་མདུན་གྱི་ནམ་མཁར་དཔལ་ཕག་མོ་གྲུ་པ་བྱོན་ནས་སྙིགས་མའི་སེམས་ཅན་ཉོན་མོངས་ཅན་ལ་གསང་བའི་སྤྱོད་པ་མ་བྱེད་གསུང་བ་ཞིག་བྱུང་བས་གྲུ་ལ་ཕེབས། གདན་ས་ཐེལ་གྱི་གནས་རྣམས་ཞིབ་པར་མཇལ། འཇག་སྤྱིལ་སྐུ་འདྲ་རིན་པོ་ཆེ་ཕག་མོ་གྲུ་པ་དངོས་སུ་གཟིགས་སྤྱན་ནམ་མཁའི་མཐོངས་སུ་ཞལ་འཛུམ་དམངས་དང་བཅས་པས་ལྟ་སྟངས་སུ་བཞུགས་སོང་བ་བརྡ་སྟོན་ཁྱད་པར་ཅན་དུ་དགོངས། ཁམས་ལྕགས་མོ་བ་མཐུ་སྟོབས་ཀྱི་དབང་ཕྱུག་བཀྲ་ཤིས་སེང་གེ་ལ་གུར་མགོན་ཁྲོ་བཅུའི་རྗེས་གནང་། ཞལ་གྱི་གསང་འཁྲིད་རྗེས་གནང་དང་། རྩ་གསུམ་འཁོར་ལོ་བཞི་ལ་བརྟེན་པའི་འཁྲིད་ཟབ་མོ་ལོ་ཆེན་གཉན་གྱི་ཐུགས་བཅུད་ཆེས་དཀོན་པ་གསན། བླ་མ་འདིས་སྟན་ཐོག་གཅིག་ཏུ་ཞལ་གྱི་བསྙེན་པ་འབུམ་ཕྲག་དྲུག་ཅུ་ཙམ་སོང་བའི་ནུས་པ་བསམ་གྱིས་མི་ཁྱབ། གསང་འཁྲིད་བརྒྱུད་འདེབས་སུ། སྐྱེས་མཆོག་ཆོས་རྗེའི་སྲས་ཀྱི་ཐུ་བོ་པ། །ཞིང་སྐྱོང་བྲན་དུ་འཁོལ་བའི་རྡོ་རྗེ་འཛིན། །རྩ་བའི་བླ་མ་དྲིན་ཅན་མདོ་ཁམས་པ། །ཞེས་བྱུང་ལ། རྟག་བརྟན་སྤྲུལ་སྐུས་འཁྲིད་བརྫུས་མ་ཡིན་ཞེས་སྨྲ་བ་ནི་སྤྲང་པོས་ཐང་སྟོན་པར་འཕྱ་བའི་དཔེར་སྣང་། ཤམྦྷར་(༤༦བ)

― GLG009_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་རྗེས་ཀུན་དགའ་སངས་རྒྱས་ལ་གནུབས་ལུགས་ཀྱི་སྟག་ཞོན་ལྷ་མང་གི་དབང་ལུང་ཡོངས་རྫོགས། འཇམ་དབྱངས་སངས་རྒྱས་རིན་ཅེན་པས་ཨེ་ཝཾ་ཆོས་ལྡན་གྱི་མཁན་པོ་ཀུན་སྤངས་པ་མཛད་ནས་ཐར་རྩེར་བཞུགས་དུས་རྡོ་རིང་རིན་པོ་ཆེས་ཁོང་སེམས་དཔའ་ཆེན་པོའི་དབོན་ཡིན་ཞིང་རང་རེའི་བརྒྱུད་པའང་ཆོས་རྗེ་རྡོ་རྗེ་འཆང་ཡབ་སྲས་གཉིས་ལ་ཐུག་གི་ཡོད་གཤིས་ད་ལམ་འདིར་བྲེལ་བ་ལངས་པའི་ཆོས་ཀྱི་གསེང་ཞིག་ཀྱང་འདུག་པས་ཁྱེད་རང་ངོར་དུ་ལམ་འབྲས་གསན་པར་བྱོན་ཞེས་ཕྱག་ཐམ་དང་བཅས་ཐར་རྩེར་ཕེབས་པར་ལམ་འབྲས་ཡོངས་སུ་རྫོགས་པ། མགོན་པོའི་ནང་འཁྲིད་ཀྱི་མན་ངག་ཆོས་རྗེ་དཔལ་ལྡན་རྒྱལ་པོ་ནས་བརྒྱུད་པ་སོགས་དང་གཞན་དབང་རྗེས་གནང་དུ་མ་གསན་ཅིང་གསུང་ངག་ལ་བོགས་འབྱིན་ལྟ་བུའི་ཐུགས་བསྐྱེད་ཀྱང་ཐོན་པས་ཐུགས་མོས་ཤིན་ཏུ་ཆེ་བ་བྱུང་། མནལ་ལམ་དུ་རྗེ་རྡོ་རྗེ་འཆང་ཡིན་ཟེར་བ་ཞིག་དང་མཇལ་བས་རྐྱེན་བྱས་ཐུགས་རྒྱུད་ལ་ཉམས་རྟོགས་ཁྱད་པར་ཅན་འཁྲུངས། ཡབ་ཆོས་རྒྱལ་རིན་ཅེན་རྒྱལ་མཚན་ལ་ཡབ་ཆོས་དུ་མ་གསན་ཅིང་བླ་མ་འདི་ཉིད་ཀྱིས་མགོན་པོ་སྟག་ཞོན་དངོས་སུ་བྲན་གྱི་ཚུལ་དུ་གཏད་པས་ལས་སྒྲུབ་ཀྱིན་འདུག་པའི་རྒྱུ་མཚན་ལམ་ཡིག་ནའང་གསལ། འདི་ཡན་ལ་བཀའ་དྲིན་ཆེ་བའི་བླ་མ་ཉེར་བདུན་དུ་མཛད་ཅིང་གཞན་ཡང་བྱ་འགྱུར་བ་བསོད་ནམས་སེང་གེ་ལ་བྱ་རྒྱུད་སྒོ་དྲུག་སོགས། སྤྱན་སྔ་ཤཱཀྱ་རྒྱལ་མཚན་ལ་སྒྲ་སྙན། མངོན་བརྗོད་སྡེབ་སྦྱོར་སོགས། གྲུབ་ཆེན་རྡོ་རྗེ་རྒྱལ་པོར་ཁོང་རང་གིས་རྣལ་འབྱོར་མ་ལ་དངོས་སུ་གསན་པའི་འཕོ་བ་ཟབ་མོ། གོང་དཀར་ཚུལ་ཁྲིམས་པ་ལ་(༤༧ན)

― GLG009_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

ཟངས་གྲི་ཅན་གྱི་རྗེས་གནང་དང་བྲན་བདུད་ཀྱི་རྗེས་གནང་ཐུན་མོང་མིན་པ། དེས་མཚོན་ཆོས་འབྲེལ་གསན་པ་འཇམ་དབྱངས་ས་སྐྱ་ལོ་ཙཱ་བ། གོང་དཀར་བ་རྒྱ་སྟོན་བྱང་ཆུབ་དབང་རྒྱལ། རྒྱལ་ཡུམ་ཚུལ་ཁྲིམས་བཟང་མོ། ལམ་ཡིག་ཏུ་ཀུ་སུ་ལུའི་བླ་མ་གསུང་བའི་ལྕགས་སྒོག་ལུང་པ་བཀྲ་ཤིས་དཔལ་འབྱོར། ངོར་ཆེན་ལྷ་མཆོག་སེང་གེ །སྒྲ་པ་སྐུ་སྐྱེ་ཤེས་རབ་རིན་ཅེན། སྔགས་འཆང་སངས་རྒྱས་འཕེལ། སྔགས་འཆང་སངས་རྒྱས་གྲགས་པ། སྔགས་འཆང་རྡོ་རྗེ་ལེགས་ལྡན། བླ་མ་སངས་རྒྱས་རྒྱ་མཚོ། སྟག་ལུང་རིན་ཅེན་རྣམ་རྒྱལ་གྲགས་པ། ལོ་པ་སྤྱན་སྔ་ངག་དབང་གྲགས་པ་རྒྱལ་མཚན། མུས་ཆེན་ནམ་མཁའ་དཔལ་བཟང་། བདག་ཆེན་ཨ་ཚེས་པ། རྣལ་འབྱོར་མ་དཀོན་མཆོག་ལྡན། ནུབ་ར་བ་བློ་བཟང་བརྟན་པ། བྱ་བཏང་ཀུན་དགའ་མཆོག་ལྡན། འཇམ་དབྱངས་ཤེས་རབ་རྒྱལ་མཚན། ཆོས་རྗེ་ཆོས་སྐྱོང་རྒྱལ་མཚན། ཆོས་རྗེ་བཀྲ་ཤིས་རྣམ་རྒྱལ། འབྲུག་པ་ངག་དབང་ཆོས་རྒྱལ། རྗེ་བཙུན་དམ་པ་ཀུན་དགའ་གྲོལ་མཆོག །ངོར་ཆེན་དཀོན་ཅོག་ལྷུན་གྲུབ། ཆོས་རྗེ་དབུས་སྨྱོན་པ། ཀྲེ་ཆེན་ནམ་མཁའ་འོད་ཟེར། སྙེ་ཐང་ལུང་ཟིན་པ། གྲུབ་ཆེན་ནམ་མཁའ་རྒྱལ་མཚན། བླ་མ་བློ་གྲོས་སེང་གེ །བདག་ཆེན་ཀུན་དགའ་དོན་གྲུབ་རྣམས་ཀྱི་སྟེང་དུ་ཚིགས་སྔ་ཕྱི་བར་གསུམ་གྱི་མཁན་སློབ་རྣམས་བསྣན་པས་ཡོངས་འཛིན་དྲུག་ཅུ་རྩ་གསུམ་ལེགས་པར་བསྟེན་ནས་ཐོས་བསམ་རྒྱ་ཆེར་མཛད་པས་ཀུན་མཁྱེན་མཁྱེན་བརྩེས། དྲུག་ཅུ་རྩ་གསུམ་དམ་པའི་ཡོངས་འཛིན་བསྟེན། །མདོ་སྔགས་གསར་(༤༧བ)

― GLG009_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

རྙིང་དམ་ཆོས་མཐའ་དག་ལ། །ཐོས་བསམ་སྒོམ་པས་འཁྲུལ་མེད་ཐུགས་སུ་ཆུད། །རྩོད་དུས་ཀུན་མཁྱེན་གཉིས་པར་གསོལ་བ་འདེབས། །ཞེས་བྱུང་ལ། ཙ་རི་རྡོར་འཛིན་པ་ཆོས་ཀྱི་མགོན་པོའམ་མཐུ་མཁན་རྒྱ་བོར་གྲགས་པ་ལ་ཆོས་སྐྱོང་གི་སྐོར་གསན་པ་ཁོ་རང་གི་རྣམ་ཐར་དུ་འདུག་པ་དང་ཐམས་ཅད་མཁྱེན་པ་བསོད་ནམས་རྒྱ་མཚོར་ཆོས་འབྲེལ་གསན་པ་གཉིས་གསོལ་འདེབས་སུ་འཚེམས་པ་ཞིག་ཡིན་པར་མངོན། བླ་མར་རློམ་པ་ལ་ལ་དག་ནི་རིགས་རུས་སྐྱེ་བརྒྱུད་སྟོབས་འགྱོར་གོ་ས་སོགས་ཀྱི་ཁེངས་པས་ཆོས་འཚོལ་བ་ལ་བག་ཚ་བའི་གནས་སུ་བྱེད་ཅིང་ཅུང་ཟད་དོན་དུ་གཉེར་བའང་། སྡོམ་གསུམ་ལས། རྟ་དང་ནོར་བུ་ལ་སོགས་པ། །ཅུང་ཟད་ཙམ་གྱི་ཉོ་ཚོང་ལ། །ཀུན་ལ་འདྲི་ཞིང་བརྟགས་ནས་སྤྱོད། །ཚེ་འདིའི་བྱ་བ་ཅུང་ཟད་ལའང་། །དེ་འདྲའི་འབད་པ་བྱེད་པ་མཐོང་། །སྐྱེ་བ་གཏན་གྱི་ལེགས་ཉེས་ནི། །དམ་པའི་ཆོས་ལ་རག་ལས་ཀྱང་། །ཆོས་འདི་ཁྱི་ཡི་ཟས་བཞིན་དུ། །བཟང་ངན་གང་དུའང་མི་དཔྱོད་པར། །གང་ཕྲད་དེ་ལ་གུས་པར་འཛིན། །ཉིན་གཅིག་གི་ནི་སྐྱེས་མའམ། །ཚེ་གཅིག་གི་ནི་གཉེན་འབྲེལ་ལའང་། །འབད་དེ་བརྟགས་ནས་ལེན་པ་མཐོང་། །དེང་ནས་བརྩམས་ཏེ་རྫོགས་པ་ཡི། །སངས་རྒྱས་མ་ཐོབ་བར་གྱི་དོན། །བླ་མ་མཆོག་ལ་རག་ལས་མོད། །འོན་ཀྱང་རྟོགས་དཔྱོད་མི་བྱེད་བར། །ཚོང་འདུས་ངན་པའི་ཟོང་བཞིན་དུ། །སུ་ཕྲད་རྣམས་ལས་ལེན་པ་མཐོང་། །ཀྱེ་མ་སྙིགས་མའི་དུས་འདི་མཚར། །ཞེས་ཆོས་ཁུངས་བཙུན་མི་བཙུན་སོགས་ལ་མི་བལྟ་བར་བླ་ཆེན་དུ་མིང་བཏགས་པ་ཞིག་འགངས་ཆེའོ་སྙམ་པའི་བླུན་དད་(༤༨ན)

― GLG009_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་འཇུག་པ་ཚོ་དང་མི་འདྲ་བར་རྗེ་བཙུན་འདི་ཉིད་ཁུངས་དང་འབྲེལ་བའི་ཚིགས་བཅད་རེའི་ཆེད་དུའང་དཀའ་སྤྱད་རྟག་ཏུ་ངུ་ལྟར་མཛད་པས་གོང་དུ་མ་འདུས་པའི་རིགས་མེད་པའི་མཐའ་མ་བཀག་མོད། བཤེས་གཉེན་དེ་དག་ལ་ཐོས་པ་ཇི་ལྟར་མཛད་ན་ལུང་སྡེ་བཞི། མདོ་རྩ། སུམ་བརྒྱ་པ། མེ་ཏོག་འཕྲེང་རྒྱུད། ལས་རྣམ་འབྱེད་སོགས་འདུལ་མངོན་དང་འབྲེལ་བའི་རྒྱ་བོད་ཀྱི་གཞུང་། བརྒྱད་སྟོང་པ། ངོར་ལུགས་སུ་གྲགས་པའི་མདོ་ཆུང་བཅོ་བརྒྱད་མདོ་ཕྲན་གྱི་རིགས་སྣ་ཚོགས། བྱམས་ཆོས་སྡེ་ལྔ། རིགས་ཚོགས་དྲུག །བཀའ་གདམས་གཞུང་དྲུག །བློ་སྦྱོང་གི་འཁྲིད་སོགས་ཐེག་ཆེན་ཐུན་མོང་བ་དང་འབྲེལ་བའི་རྒྱ་བོད་ཀྱི་ཡིག་སྣ། གསར་མ་རྒྱུད་འབུམ། གདུགས་དཀར་ཞེ་གཉིས་མ་ཚེ་དཔག་མེད་ལྷ་དགུ། འཆི་མེད་རྔ་སྒྲ། དོན་ཡོད་ཞགས་པ། བཅུ་གཅིག་ཞལ། མི་འཁྲུགས་པ་ལྷ་དགུ། ཕྱག་རྡོར་འགྲོ་བཟང་། རྣམ་རྒྱལ་འཇོམས། རིགས་གསུམ་སྤྱི་སོགས་བྱ་རྒྱུད་ཀྱི་དབང་རྗེས་གནང་། རིག་གཏད། རྣམ་སྣང་མངོན་བྱང་། ཕྱག་རྡོར་འབྱུང་འདུས་སོགས་སྤྱོད་རྒྱུད་ཀྱི་སྐོར། རྡོར་དབྱིངས། དཔལ་མཆོག །རྡོར་སེམས། སྦྱོང་རྒྱུད་དཀྱིལ་འཁོར་བཅུ་གཉིས་སོགས་རྣལ་འབྱོར་རྒྱུད། གསང་འདུས་ལུགས་གསུམ། རིམ་ལྔ་དམར་འཁྲིད། སེམས་ཉིད་ངལ་གསོའི་འཁྲིད། དགྲ་གདོང་འཇིགས་གསུམ། དུས་འཁོར། ལོ་ནག་དྲིལ་གསུམ་གྱི་དབང་འཁྲིད། ཕག་མོའི་སྐོར། མཁའ་འགྲོ་རྒྱ་མཚོ། སྡོམ་འབྱུང་། བོང་ཞལ་ཅན་སམྦུ་ཊི། སངས་རྒྱས་མཉམ་སྦྱོར། མཁའ་འགྲོ་མ་རྡོ་རྗེ་གུར་སོགས་བླ་མེད་དང་འབྲེལ་(༤༨བ)

― GLG009_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་དབང་ལུང་འཁྲིད་མཐའ་ཡས་པ། རྗེ་བཙུན་གོང་མ་ལྔའི་བཀའ་འབུམ་སོགས་རྒྱ་བོད་ཀྱི་མཁས་གྲུབ་མང་པོའི་གསུང་གིས་མཚོན་གསན་པ་མཐའ་དག་བྲིར་མ་ལང་བས་གསན་ཡིག་སོགས་གཞན་དུ་ཤེས་པར་བྱའོ། །དེ་ལྟར་ཡོངས་འཛིན་མང་དུ་བསྟེན་ནས་གསན་པའི་ཆོས་རྣམས་ཀྱང་དག་དང་མ་དག་པའི་ཤན་ལེགས་པར་ཕྱེ་བས་ཚིག་གི་ཆ་ལ་ལུང་དང་རིགས་པས་སྒྲོ་འདོགས་རྣམ་པར་བཅད། དོན་གྱི་ཆ་ཐེག་དམན་བྱང་སེམས་གསང་སྔགས་སོགས་ཐེག་པ་སོ་སོའི་ཆེད་དུ་བྱ་བའི་གདུལ་བྱ་རྣམས་སོ་སོའི་ཁམས་དང་དབང་པོར་འཚམ་པའི་ནད་ཐོག་ཏུ་སྨན་བཞིན་གང་ལ་གང་འདུལ་གྱི་སྒོ་ནས་ཐར་པའི་ལམ་ལ་བཀྲི་བའི་གནད་འགག་མ་འདྲེས་པ་ཐུགས་སུ་ཆུད་པར་མཛད་པས། འཇམ་དབྱངས་ས་པཎ་གྱིས། བསྲེགས་བཅད་བརྡར་བའི་ཆོ་གས་གསེར་གྱི་ཁམས། །སྦྱོང་པའི་རིམ་བཞིན་དགག་གཞག་སྤང་གསུམ་གྱིས། །གཞུང་ལུགས་འབུམ་སྡེའི་ལྷད་ཀུན་འབྱིན་པ་ལ། །ཀུན་དགའི་རྒྱལ་མཚན་འཛིན་ཁྱོད་བསྐོས་པ་སྙམ། །ཞེས་པའི་དོན་དང་མཚུངས་ཤིང་། རྟོག་གེ་དང་ཐ་སྙད་སོགས་གཙུག་ལག་མང་པོར་མཁྱེན་པའི་སྤྱན་ཡངས་པས། མཁས་པའི་གསུང་ལས། སྙན་ངག་མངོན་བརྗོད་སྡེབ་སྦྱོར་ཟློས་གར་དང་། །རྩིས་བཟོ་གསོ་བ་སྒྲ་ཚད་ནང་དོན་རིག །སྐྱེ་བར་འགྲོགས་པས་དེ་དག་སྲེད་པ་བཞིན། །མཐོང་བའི་མོད་ལ་དེ་ཡི་བློ་དང་འཐམས། །ཞེས་པའི་དོན་ཐོག་ཏུ་བབས་པར་མ་ཟད་གཙོ་བོར་གསང་སྔགས་རྡོ་རྗེ་ཐེག་པའི་སྨིན་གྲོལ་མན་ངག་གི་གནད་ལ་བྱང་ཆུབ་པས། ཐ་སྙད་བསླབ་པ་ཆུ་འདོད་སྨིག་རྒྱུའི་རྗེས། །སྙེག་ལྟར་མཐོང་(༤༩ན)

― GLG009_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་སྙིང་པོའི་དོན་བཙལ་བས། །སྦས་དོན་རླུང་གི་ཟབ་གནད་འཚོལ་བ་ལ། །གནད་དུ་ཆེ་བས་རྩིས་ཚུལ་བཞིན་དུ་བསླབས། །གཅིག་ཤེས་ཀུན་ལ་མཁས་ན་རྟོག་གེ་པའི། །ཡུན་རིང་ངལ་བྱས་རྣམས་ཀྱི་ཁེངས་པ་བསྟུངས། །ཞེས་པ་ལྟར་ཡིན་ཞིང་། དེ་ཡང་སྡོམ་གསུམ་དུ། ལྷ་ཆེན་སྐད་ངན་ཤོར་བ་ལ། །སྡུག་བསྔལ་བདེན་པ་མཐོང་ཞེས་གྲགས། །ཞེས་པ་ལྟར། ལོག་པའི་བཤེས་ཀྱི་རྫུན་ཚིག་དང་ཆོས་མ་ཡིན་པ་སྨྲ་བ་ལྟ་བུའི་འཆད་ཉན་གྱི་གཟུགས་བརྙན་ཙམ་ལ་མཐའ་ཅི་བཀག །དྲག་ཤུལ་ཅན་གྱིས་ཞུས་པའི་མདོ་ལས། གལ་ཏེ་བྱང་ཆུབ་སེམས་དཔའ་ལུང་ནོད་པའམ་སྦྱིན་པ་དང་ལྡན་པའམ་ཚུལ་ཁྲིམས་དང་ལྡན་པའམ་བཟོད་པ་དང་ལྡན་པའམ་བརྩོན་འགྲུས་དང་ལྡན་པའམ་བསམ་གཏན་དང་ལྡན་པའམ་ཤེས་རབ་དང་ལྡན་པའམ་བྱང་ཆུབ་སེམས་དཔའི་ལམ་གྱི་ཚོགས་གསོག་པ་དང་ལྡན་པའི་ཚིག་བཞི་པའི་ཚིགས་སུ་བཅད་པ་སུ་ལས་ཉན་ཏམ་ལུང་ནོས་སམ་བླངས་པའི་སློབ་དཔོན་དེ་ལ་དེས་ཆོས་ཀྱི་གུས་པར་བྱའོ། །མིང་དང་ཚིག་དང་ཡི་གེ་ཇི་སྙེད་ཀྱིས་བསྐལ་པར་གལ་ཏེ་སློབ་དཔོན་དེ་ལ་གཡོ་མེད་པར་རྙེད་པ་དང་བཀུར་སྟིས་རིམ་གྲོ་བྱས་ཀྱང་ད་དུང་སློབ་དཔོན་དེ་ལ་གུས་པར་བྱ་བ་ཡོངས་སུ་རྫོགས་པར་བྱ་བ་མ་ཡིན་ན་ཆོས་མ་ཡིན་པས་གུས་པར་བྱས་པ་ལྟ་ཅི་སྨོས་ཞེས་གསུངས་པ་དང་མཐུན་པར་བཤེས་གཉེན་དེ་དག་རྣམས་ལ་མཉེས་པ་གསུམ་གྱི་སྒོ་ནས་གུས་པ་ལྷུར་མཛད་པའི་རྣམ་པར་ཐར་པ་ནི། འབྲོམ་སྟོན་ཆོས་ཀྱི་རྒྱལ་པོས་བླ་མ་སེ་བཙུན་དང་། སེ་སྟོན་ཀུན་རིག་གིས་རྗེ་བཙུན་འབྲོག་མིའི་ཞབས་བསྟེན་པའི་(༤༩བ)

― GLG009_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

ངང་ཚུལ་དང་མཚུངས་སོ། །བཅུ་ཕྲག་དྲུག་ལྷག་ཡོངས་འཛིན་ཆུ་གཏེར་ཀློང་། །མཁྱེན་དཔྱོད་བརྩོན་པའི་རི་བོ་བསྒྲིལ་བ་ལས། །ལེགས་བཤད་ཉིན་བྱེད་ཐོན་པའི་འོད་སྟོང་གིས། །གངས་ཅན་བསྟན་པའི་སྣང་བ་ཆེས་ཆེར་དཀར། །ཐུབ་གསུང་དགོངས་འགྲེལ་མེས་པོའི་རལ་ཀླུང་ལས། །ལྔ་རིག་ཤེས་བྱའི་ཡན་ལག་བརྒྱད་ལྡན་རྒྱུན། །བློ་གྲོས་ལྟོ་བར་འཛིན་པའི་དྲང་སྲོང་ཁྱོད། །སྔོན་མེད་ཛཧྣུ་ཡི་མཆེད་པོ་བཞིན། །བཤེས་གཉེན་བསྟེན་ལ་མི་ངལ་ཀུན་དགའ་བོ། །བགྲང་ཡས་བཀའ་རྣམས་སྡུད་པོར་འོད་སྲུངས་ཆེ། །རྣམ་པར་འབྱེད་པའི་ཤེས་རབ་ཤཱ་རིའི་བུའི། །ངང་ཚུལ་ཟླ་གཟུགས་གངས་ཅན་ཆུ་མཚོར་ཤར། །དྲང་ངེས་གནད་གསང་དབྱེ་བ་འོད་གཟིའི་མདངས། །མཁས་རློམས་ནཻ་རུ་ཀ་དཔལ་བཟོད་མིན་ཡང་། །མཐའ་ཀླས་ཆོས་ཀྱི་དཀྱིལ་འཁོར་བཅུ་གཉིས་ཆར། །བརྡར་ནུས་བི་ཤྭ་ཀརྨ་དེང་འདིར་འགྲུབ། །དེ་ཡང་སྔར་དབུས་ནས་བོ་དོང་དུ་ཕེབས་པའི་སྔོན་དུ་བསྙེན་རྫོགས་ལོ་རྩིས་ཀྱི་ཡོང་དགོས་རྒྱུར་འདུག་རུང་ཐོག་མ་ནས་ལོ་ཟླ་སོགས་དུས་ཚིགས་ངེས་སྦྱར་གྱི་ས་བོན་ཞིག་མེད་འདུག་གཤིས། མཛད་པ་འགངས་ཆེ་བ་རྣམས་ཕྱོགས་སུ་བསྡོམས་པའི་གསོལ་འདེབས་ཀྱི་གོ་རིམ་ལྟར་བྱས་པ་འགལ་མེད་དུ་རྟོགས་པས། གསོལ་འདེབས་ལས། གྲུབ་པའི་གནས་མཆོག་ཁའུ་བྲག་རྫོང་དང་། །མང་མཁར་ཆ་ལུང་རྡོ་རྗེའི་བྲག་རྫོང་སོགས། །དབེན་པའི་རི་ཁྲོད་རྣམས་སུ་ཟབ་མོའི་ལམ། །རྩེ་གཅིག་ཉམས་སུ་བཞེས་ལ་གསོལ་བ་འདེབས། །མཚུངས་བྲལ་བཤེས་གཉེན་སྡོམ་བརྩོན་དབང་པོ་མཆོག །ཡོངས་རྫོགས་མཁན་པོ་གྲགས་པ་རྒྱལ་མཚན་ཞབས། །(༥༠ན)

― GLG009_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

གུས་བསྟེན་བསྙེན་པར་རྫོགས་པའི་སྡོམ་པ་བཞེས། །དགེ་སློང་རྡོ་རྗེ་འཛིན་ལ་གསོལ་བ་འདེབས། །ཞེས་གོང་དུ་སྨོས་པའི་གསན་བསམ་མཐར་ཕྱིན་པར་མཛད་དེ་དག་གོ་ཡུལ་ཙམ་དུ་མ་ལུས་པར་ཐུགས་ཉམས་སུ་བསྟར་བས། ཐམས་ཅད་མཁྱེན་པ་མཁྱེན་བརྩེས་གསོལ་འདེབས་ལས། བརྗོད་བྲལ་བདེ་ཆེན་གནས་ལུགས་མངོན་གྱུར་ཀྱང་། །རིམ་གཉིས་བཟླས་པར་བཅས་པའི་རྣལ་འབྱོར་ལ། །ནམ་ཡང་གཡེལ་མེད་སྒྲུབ་པ་ལྷུར་ལེན་པའི། །གྲུབ་པའི་གཙུག་རྒྱན་མཆོག་ལ་གསོལ་བ་འདེབས། །ཞེས་པའི་དོན་ལྟར་བསྙེན་སྒྲུབ་ཀྱི་རིམ་པ་མཛད་པ་ཨཥྚའི་བསྙེན་ཆེན་ནཱ་ལེནྡྲར་གསུང་ངག་གནང་བའི་སྔ་རོལ་ནས་སོང་ཟིན་པ་དང་སྔ་ཕྱིར་བདེ་མཆོག་ཡབ་བཀའ་ཡུམ་བཀའ། འཇིགས་བྱེད། གཤེད་དམར། ཕུར་པ། མགོན་པོ་ཆེ་ཆུང་སོགས་ཡི་དམ་ཆོས་སྐྱོང་མང་པོའི་ལྗགས་བསྙེན་དུས་རྟགས་གྲངས་ཚད་དུ་ཐོན་པར་མ་ཟད་རྒྱུན་དུའང་ཉིན་མཚན་ཁོར་ཡུག་ཏུ་ཐུགས་དམ་གྱི་རིམ་པ་གཉིས་ཀྱི་རྣལ་འབྱོར་ཟབ་མོས་དུས་འདའ་ཞིང་སྔགས་ཀྱི་བཟླས་པའང་ཉིན་ཞག་རེའི་ཁོངས་སུ་ཨཥྚ། ཨོཾ་གསུམ་མ། ཡ་མ་རཱ་ཛཱ། ཤཱ་ས་ན། ས་ཕུར་གྱི་སྙིང་པོ་རྣམས་སོ་སོར་སྟོང་ཕྲག་རེ་ཆག་མེད་དུ་མཛད་ཅིང་། བཀའ་ལས། ངས་གསང་སྔགས་གསར་རྙིང་གི་སྔགས་ཕལ་ཆེར་བསྙེན་ཚད་བཞིན་མ་བཟླས་པ་ཡེ་མེད། དེ་རྣམས་ཀྱི་ནང་ནས་མགོན་པོའི་སྔགས་ཤཱ་ས་ན་འདི་ནུས་པ་ཆེ་ཤོས་ལ་འདུག་སྟེ། འདི་བགྲངས་པས་འཕྲེང་བ་ལ་དངོས་སུ་མེ་འབར་བ་ཡོང་གིན་འདུག །ཅེས་གསུངས། སྐབས་ཤིག་ཞལ་གྱི་བསྙེན་པ་གནང་(༥༠བ)

― GLG009_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཚེ་ཐོག་མར་ཅུང་ཟད་འཚུབ་པའི་རྣམ་པ་དང་རྗེས་སུ་གཟིགས་སྣང་ལ་བར་སྣང་ནས་གོས་ཆེན་ལྕགས་ནག་གི་ཕོད་ཀ་ཆེན་པོ་གྱོན་པ་ཞིག་གིས་ཕུ་ཐུང་གི་སྦུབས་ནས་ལག་པ་ཆེན་པོ་ཡང་ཡང་སྟོན་པ་སོགས་བྱུང་བའང་ཆོས་སྐྱོང་གིས་དངོས་སུ་རྗེས་སུ་བཟུང་བའི་ཆོ་འཕྲུལ་དུ་སྣང་། གཞན་ཡང་གྲུམ་སྟོད་ཁའུར་བྲག་རྫོང་དུ་བཞུགས་པའི་དུས་ཐུགས་རྒྱུད་ལ་ཉམས་དང་རྟོགས་པ་ཏིང་ངེ་འཛིན་གྱི་འཆར་སྒོ་བསམ་གྱིས་མི་ཁྱབ་པ་འཁྲུངས་ཤིང་དབང་ལས་བྱུང་བའི་ཡེ་ཤེས་ཁྱད་པར་ཅན་ལམ་གྱི་དུས་སུ་གོང་ནས་གོང་དུ་འཕེལ་བ་དྲི་མ་དང་བྲལ་བ་ཕྱག་རྒྱ་ཆེན་པོའི་ཡེ་ཤེས་ལ་དབང་འབྱོར་བར་མཛད། འཕན་ཡུལ་བྱ་བཟང་དུ་བཞུགས་པའི་ཚེ། བཀའ་ལས། ཉི་མ་དགོང་ཕྱོགས་སྐྱོ་བསངས་བྱས་པའི་ཚེ་མདུན་གྱི་སྤང་གཤོང་ལ་གོང་མོ་མང་པོ་རྩེ་ཞིང་། རྒྱབ་ཀྱི་ཐང་ལ་ཕྱུགས་རྫི་གཞོན་ནུ་མང་པོ་ཤིང་འཐུ་ཞིང་རྩེད་མོ་བྱེད་པ་མཐོང་བས་འདི་དག་ཀྱང་བསམས་ན་དགེ་སྦྱོར་གྱི་བསྐུལ་མར་འདུག་སྙམ་ནས་རང་སེམས་ལ་གསལ་འདེབས་སུ་སྨྲས་གསུང་བའི་ཉམས་གླུ་གནང་བའི་སྐབས་ཡུན་རིང་དུ་བཞུགས་ཤིང་ཐུགས་དམ་གྱི་བོགས་ཤིན་ཏུ་ཆེ་བར་བྱུང་། ཆུ་བོ་རིར་ཕེབས་པའི་ཚེ་བྲག་ཕུག་ཏུ་སྒྲུབ་པ་མཛད་པས་དཔའ་བོ་དང་མཁའ་འགྲོ་མས་ཚོགས་ཀྱི་འཁོར་ལོས་མཆོད་ཅིང་ཐུགས་ཉམས་ཀྱི་ངང་ནས་རྡོ་རྗེའི་ལུས་ཀྱི་རྩ་འཁོར་གྱི་ལྷ་རྣམས་གསལ་བར་གཟིགས་པས། གསུང་མགུར་ལས། གནས་སྤྱི་བོ་བདེ་ཆེན་གྱི་རི་བོའི་སྤོར། །རྗེ་སྐུ་ཡི་རྡོ་རྗེ་ཡབ་ཡུམ་བཞུགས། །མ་མཁའ་འགྲོ་སོ་གཉིས་ཀྱི་འཁོར་གྱིས་བསྐོར། །སྐུ་ཟླ་ཤེལ་གསར་པའི་མདངས་འོད་ཅན། །ཕ་(༥༡ན)

― GLG009_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་བ་འདེབས་སོ་རྡོ་རིང་པ། །བུ་མི་མངོན་དབྱིངས་ནས་ཐུགས་རྗེས་སྐྱོངས། །ཚོགས་མཆོད་པར་འབུལ་ལོ་དྲིན་ཅན་རྗེ། །ལུས་སྣང་སྟོང་སྤྲུལ་སྐུར་བྱིན་གྱིས་རློབས། །ཞེས་སོགས་ཚིགས་དོན་ངོ་མཚར་བ་ཡོད། ཆུ་བོ་རིའི་དུར་ཁྲོད་དུ་ཚོགས་འཁོར་མཛད་ནས་བཞུགས་པའི་མཐོ་ཕྱིར་ཤབ་ཤུབ་ཀྱི་སྒྲ་དང་བཅས་སྐོར་བ་བྱེད་པའི་སྐད་ཐམས་ཅད་ཀྱིས་ཐོས་པར་བྱུང་། དུར་ཁྲོད་དེའི་གོང་ཙམ་དུ་ཐུགས་དམ་ལ་ཅུང་ཟད་བཞུགས་པའི་གནས་དེར་ཞབས་འབྲིང་པ་རྣམས་ཀྱིས་མངོན་སུམ་དུ་རླུང་འཚུབ་ཆེན་པོའི་དཀྱིལ་ནས་ཐག་སྒྲ་ཆེན་པོ་ཡང་ཡང་བྱུང་སྐབས། དཔལ་ལྡན་ལྷ་མོ་དུད་པའི་སོལ་བ་ཅན་སྐུ་སྟོད་ཇ་བསུས་པའི་རླངས་པ་ལྟ་བུ་སྔོ་སྐྱ་ནམ་མཁའ་ཁེངས་པ་གསལ་བར་གཟིགས་ཤིང་ཤོག་དྲིལ་ཞིག་ཕྱག་ཏུ་ཕུལ། དེ་ནས་བཟུང་དུས་རྒྱུན་དུ་བདེ་ཆེན་གྱི་ཉམས་བཟུང་དུ་མེད་པ་རྡོལ། དེ་ལ་བརྟེན་དུས་ལན་ཅིག་མ་ཡིན་པར་བདེ་སྟོང་ལྷན་ཅིག་སྐྱེས་པའི་ཡེ་ཤེས་ཁོར་ཡུག་ཏུ་གཡོ་བ་མེད་པའི་རྒྱུ་མཚན། ཐུགས་དམ་གྱི་རིམ་པ་སྟོད་ཕྱོགས་སུ་འཕེལ་བར་དགོངས་ཏེ་རྨུ་བླ་བྲང་དུ་བཞུགས་པའི་སྐབས་ཤིག་ཞབས་ཅུང་ཟད་བསྙུན་པའི་ཚུལ་བསྟན་ཚེ་འཁྲུལ་ཞིག་དཀོན་ཅོག་བཟང་པོར་ཞུ་ཤོག་ཕུལ་བའི་ནང་དུ་བདག་ཀྱང་ལུས་བསམ་གཏན་གྱི་ཁང་བུའི་སྒོར་མི་ཐོན་ཀྱང་སེམས་ལ་བདེ་ཆེན་གྱི་ཡེ་ཤེས་མནན་པས་མི་ནོན་པ་ཁོར་ཡུག་ཏུ་ཡོད་ཅེས་པའང་བྱུང་། དེ་ཡང་རྗེ་བཙུན་ཆེན་པོས། ལྟ་བ་སྤྲོས་བྲལ་དུ་བློ་ཆམ་འགྲོ་ན་འདའ་ཁ་མ་མི་ཐེབས་པ་མི་སྲིད་ཚེ་འདི་དང་མཐོང་ལམ་གྱི་བར་ན་དར་ཙམ་ལས་མེད། ཅེས་པའི་ཚད་དེར་ཕེབས་ངེས་པས་དམ་པ་འདི་(༥༡བ)

― GLG009_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་བཟང་པོ་བཟང་པོ་ཞེས་པའི་མིང་ཙམ་གྱི་སྟོང་འུར་མཁན་རྣམས་དང་མིའདྲ་བར་སླུ་མེད་གཏན་གྱི་སྐྱབས་མཆོག་ཏུ་ལུང་དང་རིགས་པས་བསྒྲུབ་ནུས་པས་དྲན་པའི་མོད་ལ་སྲིད་ཞིའི་གདུང་བ་མཐའ་དག་སེལ་བར་སྣང་། བཅོམ་ལྡན་འདས་དགྱེས་མཛད་རྡོ་རྗེ་དང་མ་ཧེའི་ཞལ་ཅན་སོགས་ཡི་དམ་གྱི་ལྷ་མང་པོ་ནང་རང་བྱུང་ལུས་ཀྱི་ཕོ་བྲང་དུ་རླུང་སེམས་དག་པའི་གར་མཁན་མེ་ལོང་ལས་གཟུགས་བརྙན་ལྟར་ཕྱི་རོལ་ཏུ་ཤར་ཏེ་ཞལ་གཟིགས། གུར་ཞལ། བེག་ཙེ། སྟག་ཞོན་སོགས་དམ་ཅན་སྲུང་མ་རྣམས་རྒྱལ་གྱིས་འབངས་ལ་བསྒོ་བ་བཞིན་ཇི་ལྟར་བཞེད་པའི་འཕྲིན་ལས་བསྒྲུབ་པ་ལ་མི་གཡེལ་ལོ། །རིང་པོར་མ་ལོན་པར་མང་མཁར་དུ་བྱོན་ཏེ་ས་སྐྱའི་མི་འགྱུར་བའི་གཟེར་བཞི་ཞེས་པ་ཤར་དུ་བྱ་འགྱུར་རྡོ་རྗེའི་བྲག །ལྷོར་ཕུལ་བྱུང་བདུད་པོ་བྲག །ནུབ་ཏུ་ཆ་ལུང་རྡོ་རྗེ་བྲག །བྱང་དུ་གར་གཡའ་ཡི་བྲག་སྟེ་བཞིའི་ནང་ནས་ཆ་ལུང་རྡོ་རྗེ་བྲག་རྫོང་གི་རྗེ་བཙུན་གྲགས་པ་རྒྱལ་མཚན་གྱི་གཟིམས་སྤྱིལ་ཤིང་སྒོམ་མ་ཟེར་བའི་ཕུག་པར་སྒྲུབ་པ་མཛད་ཀྱིན་བཞུགས་པའི་རེ་ཞིག་ཉེ་བའི་སྲི་ཞུ་བ་དེས་སྔ་དྲོ་དྲུང་དུ་ཕྱིན་པས་གཟིམས་ཞྭ་སྦུབས་ཐིབས་སེ་བྱས་སྐུ་དངོས་ནི་མི་སྣང་། ཅི་ཡིན་སྒོ་བཅའ་སོགས་ནི་མདང་ནུབ་ཀྱི་དེ་ག་འདུག་སྐར་ཁུང་ནི་ཤིན་ཏུ་ཆུང་གང་ཡིན་སྙམ་ནས་སླར་ལོག་སྟེ་སྒོའི་ཕྱི་ནས་བལྟས་པས་ལྷོའི་མཆོད་རྟེན་གྱི་དྲུང་ན་ཆོས་གོས་རྣམ་གསུམ་དང་བཅས་སྐུ་ཟིལ་པ་ཕྲོམ་མེ་འོད་མེར་རེ་བཞུགས་འདུག་པ་ན་བདག་ཅག་གི་བླ་མ་དམ་པ་ནི་གང་ལའང་ཐོགས་པ་མེད་པར་འཕུར་ཏེ་བྱོན་ཏོ་སྙམ་དད་པ་ཟི་བུན་པའི་ངང་ནས་སྐུ་དྲུང་དུ་ཕྱིན་པ་ལྟ་སྟངས་ཀྱི་ངང་ན་ཧད་དེ་བཞུགས་(༥༢ན)

― GLG009_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མཐོང་། སླར་གཟིམས་སྤྱིལ་དུ་ཕེབས། བྲག་གི་ཕུག་ནས་ལྕགས་ཀྱི་རྡོ་རྗེ་རྩེ་དགུ་པ་ཞིག་བྱུང་བ་ཐུབ་བསྟན་དགེ་འཕེལ་གྱི་མགོན་པོའི་ཐུགས་ཀར་བཞུགས། བཀའ་ལས། འཕུར་བ་ཡིན་ཟེར་ཆེད་དུ་ཐེབ་ཐེབ་རང་དགོས་དོགས་མེད་སེམས་ཅེར་བལྟས་པས་གང་དགོས་ས་རུ་སླེབས་ཡོང་བ་ཡིན་གསུངས། དེ་དུས་བདེ་སྟོང་ལྷན་ཅིག་སྐྱེས་པའི་ཡེ་ཤེས་མངོན་དུ་གྱུར་པའི་ཉམས་འུར་ཆེན་པོས་འཁྲུལ་སྣང་ཨ་འཐས་རྫུན་ཕུགས་རྡིབ་པའི་ཀུན་ཏུ་བཟང་པོའི་སྤྱོད་པ་གྲུབ་པའི་ས་དང་ལམ་གྱི་རྟོགས་པ་མཐར་ཕྱིན་པ་མཛད་པ་ཡིན་ཏེ། ཡང་གསང་བརྒྱུད་འདེབས་ལས། མང་མཁར་ཆ་ལུང་རྡོ་རྗེའི་བྲག་རྫོང་དུ། །བློ་གསལ་བུང་བ་འདུ་བའི་པདྨོའི་ཚལ། །རྒྱུད་སྡེ་རྒྱ་མཚོའི་བཅུད་ཕྱུང་གདམས་པའི་གཏེར། །དྲིན་ཅན་ཚར་པ་སྨྱོན་པར་གསོལ་བ་འདེབས། །ཞེས་བྱུང་ལ། གནས་འདི་དང་ཐུབ་བསྟན་དགེ་འཕེལ་གཉིས་སུ་ཆོས་ཀྱི་སྐྱེ་བ་མེད་པའི་དོན་མངོན་དུ་མཛད་པའི་ཚུལ་བསྟན་པ་ཡིན་ཏེ། ཇི་སྐད་དུ། གཞི་འཁྲུལ་སྣང་གི་རང་ཞལ་བལྟས་ཙ་ན། །བརྗོད་མེད་ཀྱི་དབྱིངས་སུ་རྗེན་ནེ་བ། །གསེར་གླིང་དུ་བོལ་དུམ་ངས་མ་རྙེད། །མ་སེམས་ཅན་ཚོ་མགོ་བོ་གང་ནས་འཁོར། །ཞེས་དང་། ལམ་བསྐྱེད་རྫོགས་གནད་དུ་བསྣུན་ཙ་ན། །སྤྱིར་སྣང་འདི་ཉམས་ཀྱི་བན་མ་བུན། །སྣང་གྲག་རིགས་གསུམ་འདི་རྒྱལ་བའི་ངང་། ཁོང་རྣལ་འབྱོར་ཚོ་བླང་དོར་ག་ལ་བྱེད། །ལམ་སྒོམ་པའི་འབྲས་བུ་སྒྲ་བོ་ཆེ། །གཞི་མངོན་དུ་གྱུར་པའི་སྐད་དུ་གདའ། །འདི་རང་བཅས་སུ་ཡོད་པ་རང་ངོ་ཤེས། །ད་འབྲས་བུ་བྱ་བ་གཞན་མ་མཆིས། །ཞེས་གསུངས། (༥༢བ)

― GLG009_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་ཆོ་འཕྲུལ་ཆེན་པོའི་ཚེས་བཅོ་ལྔ་ནས་ཟླ་གཅིག་ཙམ་གྱི་བར་སྐུ་མཚམས་བཅད་དེ་དབང་དྲག་པདྨ་ཉེ་བར་བསྙེན་པའི་ཚེ་རྒྱལ་བ་ཀུན་འདུས་པདྨ་ཐོད་འཕྲེང་རྩལ་གྱིས་ཞལ་བསྟན་ཞིང་གསུང་གྱི་གནང་བ་དང་བཅས་དབུགས་དབྱུང་། འཕགས་ཡུལ་གྱི་སློབ་དཔོན་པདྨཱ་ཀ་ར་དང་བོད་ཀྱི་ལོ་ཆེན་བཻ་རོའི་ཐུགས་ཀྱི་ཉིང་ཁུ་ཡང་གསང་ཁྲོས་པ་ལྷ་དགུའི་གསུང་བསྙེན་དང་དེའི་ཡིག་ཆ་ལ་བརྟེན་ནས་མྱོང་གྲོལ་བདུད་རྩིའི་རིལ་བུའི་སྒྲུབ་པ་གནང་བའི་ཚེ་དཀྱིལ་འཁོར་གྱི་ལྷ་ཚོགས་དང་གནོད་སྦྱིན་ལྕམ་དྲལ་རྒྱུད་ནས་བཤད་པའི་སྲུང་མ་རྣམས་ཀྱིས་རང་རང་གི་སྐུ་དངོས་སུ་བསྟན་པའི་ཚེ་གིང་ལྔའི་རྟ་རྨིག་ཀྱང་ནམ་མཁར་མི་ཤོང་བ་ལྟ་བུ་གཟིགས། རྨུར་སྐོར་ཙམ་ཕེབས་པའི་ཚེ་ཡང་གཟིགས་སྣང་དེ་འདྲ་བ་བྱུང་བའི་རྐྱེན་གྱིས་ཆིབས་དྲག་ཏུ་བསྐུལ་ནས་ཕེབས་པས་བུ་རི་འཕྲང་གི་མས་སྣར་ཆིབས་པའི་རྨིག་རྗེས་ཤིན་ཏུ་གསལ་བ་ད་ལྟའང་ཀུན་གྱི་སྤྱོད་ཡུལ་དུ་མཆིས། དེ་ཡང་ཆོ་འཕྲུལ་བསྟན་པའི་མདོ་ལས། རྒྱལ་སྲིད་མཆིལ་མའི་ཐལ་བ་བཞིན་སྤངས་ནས། །དབེན་པར་དོང་སྟེ་དགོན་པར་གནས་བྱེད་པ། །ཉོན་མོངས་སྤངས་ནས་བདུད་ནི་བཅོམས་ནས་སུ། །བྱང་ཆུབ་རྡུལ་མེད་འདུས་མ་བྱས་འཚང་རྒྱ། །ཞེས་སྲིད་པ་འཁོར་བ་ལ་ཡིད་འབྱུང་བའི་རང་བྱུང་གི་བསླབ་པ་ལ་བརྟེན་ནས་མྱུར་དུ་བྱང་ཆུབ་བརྙེད་པར་འགྱུར་བའི་གཙོ་བོ་ནི། དགེ་སློང་ལ་རབ་ཏུ་གཅེས་པའི་མདོ་ལས། དགེ་སློང་ཞེས་བྱ་སྡུག་བསྔལ་སྤོང་བ་ཡིན། །དགེ་སློང་ཞེས་བྱ་རྒྱལ་བའི་སྲས་པོའོ། །ཞེས་འཁོར་ལོས་སྒྱུར་བའི་རྒྱལ་པོ་ལ་སྲས་སྟོང་ཡོད་ཀྱང་ཐུ་བོ་ལ་རྒྱལ་སྲིད་འབྱུང་བ་བཞིན་འཁོར་རྣམ་པ་བཞིའི་ནང་ནས་མཆོག་ཏུ་གྱུར་པ་(༥༣ན)

― GLG009_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་སློང་ཕའི་སྡོམ་པ་ཡིན་ལ། དེ་ཡང་བོད་འདིར་སྡོམ་རྒྱུན་འགའ་ཞིག་ཡོད་པའི་ནང་ནས་ཁ་ཆེའི་པཎ་ཆེན་བསོད་སྙོམས་པ་ཆེན་པོའི་སྡོམ་རྒྱུན་ཤིན་ཏུ་གཙང་བ་ཆོས་ལུང་ཚོགས་སུ་བཞུགས་པར་བརྟེན། གསུང་ལས། བདག་གིས་ཚེ་འདིའི་ངོ་སྲུང་རྒྱབ་ཏུ་བོར། །ཕྱི་མའི་དོན་ཆེན་འབའ་ཞིག་སྙིང་ནས་བསམས། །ཡོངས་རྫོགས་ཁ་ཆེའི་པཎ་ཆེན་བསོད་སྙོམས་པ། །ཤཱཀྱ་ཤྲཱིའི་གྲྭར་ནི་འབད་པས་བཞུགས། །ཞེས་པ་ལྟར་དགུང་ལོ་སོ་གཅིག་པ་དགའ་བ་ཞེས་པ་ཆུ་ཕོ་འབྲུག་གི་ལོ་ས་ག་ཟླ་བའི་ཚེས་བཅོ་ལྔ་ཐུབ་པའི་དབང་པོས་བདུད་བཏུལ་བྱང་ཆུབ་བརྙེས་ཤིང་མྱ་ངན་ལས་འདས་པའི་དུས་ཆེན་གསུམ་འཛོམ་གྱི་ཚེ་ཉེས་ལྟུང་གི་ཆ་ཕྲ་མོའི་འདམ་གྱིས་མ་གོས་ཤིང་། ཚུལ་ཁྲིམས་ཀྱི་འདབ་བརྒྱ་ཡོངས་སུ་བཞད་པ་ལས་མྱ་ངན་ལས་འདས་པའི་ཟེའུ་འབྲུའི་བཅུད་ཀྱིས་སྐལ་བཟང་ར་ཡིག་གཉིས་པའི་དགའ་སྟོན་ཆེས་ཆེར་སྤེལ་བ་སའི་སྟེང་ན་འགྲན་པའི་ཟླ་ཐམས་ཅད་དང་བྲལ་བའི་དོན་གྱི་སླད་དུ་མཚན་ནས་སྨོས་ཏེ་ཡོངས་རྫོགས་བསྟན་པའི་མངའ་བདག་གྲགས་པ་རྒྱལ་མཚན་དཔལ་བཟང་པོས་མཁན་པོ། ཆོས་ཀྱི་བཀྲ་ཤིས་རྣམ་རྒྱལ་གྱིས་ལས་སློབ། རྗེ་ངག་དབང་བསྟན་པའི་རྒྱལ་མཚན་གྱིས་གསང་སྟོན། གཡག་སྡེ་ལྕང་ར་བ་བློ་གྲོས་ཕུན་ཚོགས་ཀྱིས་དུས་བསྒོ་བ། སྤོས་ཁང་པ་འཇམ་དབྱངས་རྒྱལ་མཚན་སོགས་ཉི་ཤུས་ལས་ཀྱི་ཁ་བསྐང་སྟེ་ཇོ་བོ་སྟན་གཅིག་པའི་བསྟི་གནས་ཉང་སྟོད་སྤོས་ཁང་གི་ཀུན་དགའ་ར་བར་བསྙེན་པར་རྫོགས་པའི་ཚེ་སྔར་དགེ་ཚུལ་གནང་བའི་མཚན་གྱི་སྟེང་དུ་མཁན་པོའི་མཚན་སྒྲ་གྲགས་པ་རྒྱལ་(༥༣བ)

― GLG009_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་དཔལ་བཟང་པོ་ཞེས་བསྣན་ཞིང་བག་ཡོད་པ་ཁོ་ན་མཛད་དེ་ཚུལ་ཁྲིམས་རྣམ་པར་དག་པ་ནི། ཇི་སྐད་དུ། ཁ་ན་མ་ཐོ་ཕྲ་རབ་ལའང་། །ཐུགས་ནི་ཤིན་ཏུ་འཇིགས་པར་མཛད། །དྲན་དང་ཤེས་བཞིན་ལྡན་པ་ཡིས། །ཚུལ་ཁྲིམས་མ་ཡིན་ཡིད་མི་མཛད། །བག་ཡོད་དྲན་དང་གཡོ་སྒྱུ་མེད། །ལྟུང་བའི་ཉེས་པས་ཁྱོད་མ་གོས། །ཞེས་མཉམ་མེད་ཇོ་བོ་ཆེན་པོའི་རྣམ་པར་ཐར་པ་དང་མཚུངས་སོ། །བཟླས་བརྗོད་ནུས་པའི་གློག་ཞགས་ཐོད་འཕྲེང་ལ། །འཁྱུག་ཚེ་བདུད་སྙིང་སྔགས་སྨྱོན་ཐོག་གཟེར་གྱིས། །འབིགས་ཀྱང་ལྷ་རྒྱུད་བསྐུལ་བའི་དབྱར་གྱི་རྔ། །ཐོས་པས་དངོས་གྲུབ་རྨ་བྱའི་མངལ་ཁུར་འཛིན། །བདེ་སྟོང་ཡེ་ཤེས་མེ་ལྕེས་གཉིས་འཛིན་ཅིང་། །བསྲེག་པའི་ཆོ་འཕྲུལ་ལ་མཚར་བྱིས་པའི་བློ། །སྐྱོན་མེད་གཉུག་མའི་ལམ་གྱིས་འདུས་མཐའི་འཕྲང་། །བརྒལ་ཏེ་བཅུ་གསུམ་ས་ལ་སྙེག་འདི་ཅི། །མཐའ་ཀླས་ཆོས་ཀྱི་རང་མཚང་རྗེན་པ་རུ། །ཤར་ཚེ་ཀུན་རྫོབ་འཁྲུལ་པ་དབྱིག་པོ་ཆེས། །མེད་ཀྱང་མངོན་སུམ་སྣང་བའི་སྤྲུལ་བསྒྱུར་གྱིས། །སྒྱུ་མའི་གླང་སེང་འཇིགས་ཚུལ་བག་ལ་ཞ། །བདག་འདྲའི་འགྲོ་སྙིང་ལྕགས་ཁམས་འཁོར་བ་ལ། །ངེས་པར་མི་འབྱུང་ཚེ་འདིའི་གྲབས་གཤོམ་ན། །མཐོན་པོའི་ས་ལ་གཤེགས་ཀྱང་ཚངས་སྤྱོད་གྲུས། །སྲིད་མཚོར་སྒྲོལ་བརྫུའི་རྫུན་གྱིས་འདྲིད་འདི་ཅི། །འོན་ཏེ་ཆགས་བྲལ་ཚུལ་ཁྲིམས་ངད་འཐུལ་ཡང་། །དགའ་བཞི་འགྲོས་ཀྱི་བདེ་སྟོང་སྨིན་ལེགས་མར། །མཉམ་སྦྱོར་རྩེ་དགའ་རྒོད་པའི་ཐེག་གསུམ་དོན། །འགལ་མེད་མདུད་པའི་གནད་དེ་ལྷོད་པོར་གྲོལ། །གསོལ་འདེབས་ལས། གྲུབ་དབང་(༥༤ན)

― GLG009_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་འཁོར་ལོ་སྡོམ་པར་གཟིགས། །དགེ་འཕེལ་ཆོས་ཀྱི་ཁྲི་ལ་སྤྱན་འདྲེན་པའི། །གཞི་བདག་གུས་པའི་རྣམ་འཕྲུལ་ཕོ་ཉའི་ཚུལ། །ཞབས་ཀྱི་པདྨར་སོན་ལ་གསོལ་བ་འདེབས། །ངག་དབང་དབྱངས་ཅན་ལྷ་མོའི་བཟླས་བརྗོད་ཚེ། །མཁའ་ལ་མེ་ཏོག་དཀར་པོའི་ཆར་བབས་ཤིང་། །རྒྱུད་མངས་སྒྲ་སྙན་རྣ་བའི་བདུད་རྩི་མཆོག །འོད་གསལ་ངང་དུ་གསན་ལ་གསོལ་བ་འདེབས། །མནལ་ལམ་ངང་དུ་དཔའ་བོ་མཁའ་འགྲོའི་ཚོགས། །སྒྲོན་མེ་བཏེག་ནས་རྗེ་བཙུན་རྡོ་རིང་པའི། །འཁོར་སློབ་འཚོལ་བའི་ཟོལ་གྱི་རྣམ་ཐར་མཆོག །རྩོམ་པར་བསྐུལ་བ་གཟིགས་ལ་གསོལ་བ་འདེབས། །གྲངས་མེད་མཁའ་འགྲོ་འདུ་བའི་ཚོགས་དབུས་ཀྱི། །གཙོ་མོ་པདྨའི་དྲ་བ་ཅན་ཞེས་པས། །གླེགས་བམ་བསྟན་ཅིང་ཆོ་འཕྲུལ་སྣ་ཚོགས་བཅས། །འདྲི་བའི་ཡོ་བྱད་གཏད་ལ་གསོལ་བ་འདེབས། །ཆོས་ཀྱི་ཁྲི་ལ་འཁོད་པའི་རབ་བྱུང་གིས། །རྒྱལ་བའི་རྟོགས་བརྗོད་ཀློག་པའི་ཚུལ་ཅན་ལ། །མཁའ་འགྲོའི་ཚོགས་རྣམས་དགའ་བས་ཉན་པ་སོགས། །དགེ་མཚན་དུ་མ་གཟིགས་ལ་གསོལ་བ་འདེབས། །རྗེ་བཙུན་བླ་མས་ཞལ་བཟང་ཡང་ཡང་བསྟན། །རྣམ་ཐར་རྩོམ་པའི་བྱ་བ་མཐར་ཕྱིན་ཚེ། །དཔལ་ལྡན་འདོད་ཁམས་དབང་མོས་དགྱེས་པ་ཡི། །སྲུང་མར་ཞལ་གྱིས་བཞེས་ལ་གསོལ་བ་འདེབས། །ཞེས་དངོས་ཤུགས་སྣ་ཚོགས་པ། དེ་ལྟར་མཁས་བཙུན་བཟང་པོའི་བདག་ཉིད་ཅན་རྣམས་ནི་འཁོར་བའི་མཐའ་མ་རྫོགས་པ་དེ་སྲིད་དུ་རྣམ་པར་དཀར་བའི་འཕྲིན་ལས་ཀྱི་རྒྱུན་ཆད་པ་མེད་པར་འཇུག་པ་ཆོས་ཉིད་(༥༤བ)

― GLG009_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་པས་མདོ་སྔགས་ཀྱི་གྲ་དང་སྡེ། ས་སྐྱོང་བའི་ཆེ་དགུ། རིགས་རུས་ཀྱིས་མཐོ་བའི་ཡ་རབས། རྣམ་དཔྱོད་དང་ལྡན་པའི་མཁས་པ། ཉམས་རྟོགས་དང་ལྡན་པའི་སྒོམ་ཆེན། དཔའ་མཛངས་ལོངས་སྤྱོད་དང་ལྡན་པའི་དཔོན་སྐྱ་སོགས་སྐྱེ་བོ་ཐམས་ཅད་ཀྱི་བསམ་བློའི་ཡུལ་དུ་དམ་པ་འདི་ཉིད་བདག་ཅག་གི་སྐྱབས་གནས་སུ་ཐོབ་ན་ཅི་མ་རུང་སྙམ་པའི་འདུན་པ་རྩེ་གཅིག་ཏུ་གྱུར་པས། རྗེ་ཉིད་ཀྱིས་ཆོས་སྐྱོང་རྣམས་ལ་བཀའ་བསྒོ་བའི་ཚིགས་བཅད་ལས། འདི་ན་སྐྱེ་རྒུའི་ཕན་བདེ་མ་ལུས་པ། །རྒྱལ་བའི་བསྟན་པ་མཆོག་ལ་རག་ལས་ཤིང་། །བྱང་ཕྱོགས་འདི་ན་བསྟན་པའི་སྙིང་པོ་མཆོག །ས་སྐྱའི་རྗེ་བཙུན་ཞབས་ལས་བརྒྱུད་འདི་ཡིན། །དེ་ཡི་ཡང་སྙིང་གསང་ཆེན་ཟབ་མོའི་བཅུད། །ཞལ་དང་སྙན་དུ་བརྒྱུད་པའི་མཛོད་འཛིན་པ། ཁོ་བོའི་འདྲེན་མཆོག་རྗེ་བཙུན་རྡོ་རིང་ཞབས། །བཀའ་དྲིན་མཉམ་མེད་དམ་པའི་སྲོལ་འདིར་བས། །དེ་ཉིད་མཆོད་ཅིང་བཀུར་བའི་སྦྱིན་པའི་བདག །སྟོད་ལུང་ས་ཡི་ཐིག་ལེའི་སྟོབས་ལྡན་ནི། །སྤ་ར་བ་ཞེས་གྲགས་པའི་བ་དན་ཅན། །ཞེས་པ་ལྟར་སྟོད་ལུང་ནས་སྡེ་པ་སྤ་ར་བ་རྗེ་བཙུན་ས་སྐྱ་པའི་བསྟན་པ་ལ་མི་ཕྱེད་པའི་དད་པ་དང་ལྡན་པས་གསུང་ངག་རིན་པོ་ཆེའི་བླ་མ་བརྒྱུད་པའི་གསེར་སྐུ་གྲ་ཚར་བཞེངས་པའི་རབ་གནས་ལ་གདན་དྲངས་ཏེ་སྟོད་ནས་ཆིབས་ཁ་བསྐྱོད། དམ་ཚིག་པ་ལ་ཡེ་ཤེས་སེམས་དཔའ་དངོས་སུ་འཇུག་པས་མཚོན་འདོད་ཆོས་རྐྱེན་སེལ་གྱི་རིམ་གྲོ་སོགས་རེ་བ་ཡོངས་སུ་སྐོང་བར་མཛད་ཅིང་། རྡོ་རྗེའི་ཆོས་སྐྱོང་རྣམས་ཀྱི་རྟག་གཏོར་འཛུགས་པ་སོགས་མགོན་ཁང་བཞེང་བ་གནང་ཚེ། ན་མོ་གུ་རུ་དེ་ཝ་(༥༥ན)

― GLG009_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

མཎྜལ་དྷརྨ་པཱ་ལ་ས་པ་རི་ཝཱ་རེ་བྷྱཿ ཀུན་ཁྱབ་ཀུན་གྱི་བྱེད་པོ་གཅིག་ཉིད་སྲིད་ཞིའི་གཟུགས་ཀྱིས་ཀུན་ལ་འཁྱུད། །རྒྱལ་དང་རྒྱལ་སྲས་སློབ་མར་བཅས་པའི་ཚོགས་ཀྱི་གཙོ་བོ་རྒྱལ་བ་རྗེ། །མཐའ་ཡས་མཐའ་མེད་འགྲོ་བའི་སྐྱབས་མཆོག་རྗེ་བཙུན་བླ་མ་སྲིད་མཐའ་བར། །གཙུག་རྒྱན་གཙུག་གི་ནོར་བུར་གུས་མཆོད་འབྲལ་བ་མེད་པར་གཙུག་ཏུ་བཞུགས། །ཞེས་སོགས་མཁའ་འགྲོ་ལྔ་བསྟོད་བསྐུལ་དང་། དམ་ཅན་སྲུང་མ་དགྱེས་པའི་རྣལ་འབྱོར་པ། །རྡོ་རྗེ་འཛིན་པ་སྤྱི་དང་བྱེ་བྲག་ཏུ། །དཔལ་ལྡན་ས་སྐྱ་པ་ཞེས་གྲགས་པ་ཡི། །བསྟན་པའི་ཉིང་ཁུ་རྗེ་བཙུན་རྡོ་རིང་པའི། །བསྟན་པ་ས་ཡི་ཕྱོགས་འདིར་དར་རྒྱས་མཛོད། །དེ་ཉིད་འཛིན་དང་མཆོད་པའི་སྦྱིན་པའི་བདག །མི་ནོར་འཁོར་བཅས་བསྲུང་དང་སྤ་བ་དང་། །འདུ་འབྲལ་མེད་པར་རྟག་ཏུ་སྐྱོང་བར་མཛོད། །ཅེས་དང་། ད་ལྟའི་གནོད་བྱེད་མི་དང་མི་མ་ཡིན། །སྐད་ཅིག་ཉིད་ལ་མངོན་སུམ་འདིར་ཁུག་ལ། །རབ་རྣོན་མཚོན་ཆས་མགོ་ལུས་དུམ་བུར་གཏུབས། ཁྲག་ཞག་དོན་སྙིང་དམར་པོ་ཧབ་ཀྱིས་ཐོབ། །ཅེས་འཕྲིན་ལས་རྒྱས་པར་མཛད། རིང་ཞིག་ན་འགྲོ་བའི་ལས་སྨིན་བདོ་བ་རྒྱལ་པོ་གཟུགས་ཅན་སྙིང་པོ་ལྟར་ཚད་བཟུང་དཀའ་མོད། ཧོར་བྱ་རིག་སོགས་རྗེས་མ་རྣམས་ལའང་སྲུང་མའི་ཟ་ཁ་ཟུག་སྟེ་མིང་གི་ལྷག་མར་གྱུར། (༥༥བ)

― GLG009_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་སུ་ཟླ་བ་དྲུག་ཙམ་གྱི་རིང་བསྟན་འགྲོའི་ལེགས་ཚོགས་སྤེལ་ནས་གཙང་དུ་བྱོན། ཆོས་སྒོ་བ་བྱམས་པ་ཤེས་རབ་བཟང་པོ་ལ་སྔར་སྨོས་པའི་ཆོས་གསན་རྒྱུའི་སྔོན་དུ་རྨུ་གཤོང་ན་བཞུགས་པའི་མནལ་ལམ་དུ་མི་སྔོན་པོ་ཞིག་ན་རེ་ཕུ་ན་འཁོར་ལོ་བདེ་མཆོག་བྱོན་ཡོད་པས་ཆོས་ཞུས་ཟེར་བྱུང་བའང་རྩད་གཅོད་མི་གནང་བ་དགེ་འཕེལ་མཁན་ཆེན་བྱམས་པ་ཤེས་བཟང་བདེ་མཆོག་ལ་མཁས་ཟེར་བ་ལས་གཞན་ཁུངས་མ་ཆོད་ཟེར་བས་དེ་གར་ཐུགས་ངེས་པ་རྙེད་དེ་དགེ་འཕེལ་དུ་ཕེབས་བདེ་མཆོག་ལོ་ནག་དྲིལ་གསུམ་གྱི་དབང་འཁྲིད་ཞལ་གདམས་རྫོགས་པར་གསན་ཚེ་བླ་མ་འཁོར་ལོ་སྡོམ་པ་དངོས་སུ་གཟིགས་པ་དཔོན་སློབ་གཉིས་ཀའི་ཆེ་བར་མངོན། རང་གི་བསྟི་གནས་སུ་བཞུགས་པའི་དུས་ཐུབ་བསྟན་དགེ་འཕེལ་གྱི་ཞལ་བདག་མཛད་དགོས་པར་གསོལ་བ་འདེབས་མཁན་སང་ཉིན་ཡོང་བའི་དོ་ནུབ་འོད་གསལ་གྱི་ངང་དུ་བཞུགས་གནས་ཀྱི་སེང་གཡབས་ནས་མི་དམར་རྟ་དམར་ཅན་ཞིག་བབས་བྱུང་བ་ནས་གུས་པ་ཆེན་པོས་ཕྱག་བཙལ་ཏེ་ཐུབ་བསྟན་དགེ་འཕེལ་གྱི་གདན་ས་ལ་སྤྱན་འདྲེན་པར་ཡོངས་པ་ཡིན་ཟེར་བ་ལ་ཁྱེད་སུ་ཡིན་གསུངས་པས། བདག་ཤོ་དམར་གྱི་བྲག་བཙན་ལགས། མཁས་གྲུབ་དམ་པ་ཁྱེད་ཕུ་དགོན་པའི་གདན་ས་ལ་ཅིས་ཀྱང་འབྱོན་དགོས་བདག་གིས་ཀྱང་འཕྲིན་ལས་སྒྲུབ་པའི་གྲོགས་བྱེད། ཁྱེད་ཀྱི་དགོན་པ་འདི་ཞལ་བདག་མཛད་ན་འདི་ཕྱོགས་ཀྱི་སེམས་ཅན་ཐམས་ཅད་འཕྲལ་དང་ཡུན་གྱི་ཕན་བདེ་ལ་འགོད་ནུས་ཤིང་དམ་པ་ཁྱེད་ཀྱི་ཆོས་རྒྱུན་ཡང་བསྟན་པ་ཇི་སྲིད་གནས་ཀྱི་བར་དུ་ཕྱོགས་འདིར་གོང་ནས་གོང་དུ་འཕེལ་བར་འགྱུར་རོ། །ཞེས་ཞུས་འདུག་ཅིང་། (༥༦ན)

― GLG009_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུང་མ་འདི་ནི། བར་ཆད་ལམ་སེལ་མ་ལས། བྲག་ནག་ཧ་བོའི་མགོན་ཁང་དུཿ ཤོ་བཙན་དམར་པོ་དམ་ལ་བཏགས༔ ཞེས་པ་དེ་ཡིན་ཞིང་རྗེ་འདི་ཉིད་ཀྱི་བཀའ་ལས་ཅུང་ཟད་ཙམ་ཡང་མི་འདའ་ལ། གཞན་དུ་དྲག་ཤུལ་དང་གདུག་རྩུབ་ཆེ་བས་ཐུབ་བསྟན་དགེ་འཕེལ་གྱི་འོག་ཙམ་བྱང་རིའི་ལྡེབས་ལ་རྟེན་མཁར་ཡོད་པའི་མདུན་དེར་བླ་ཆེན་སྡེ་དཔོན་སྔགས་པ་རྟོགས་ལྡན་སོགས་ལུགས་གཉིས་གང་རུང་གིས་མངོན་པར་མཐོ་རློམ་རྣམས་ཀྱིས་རྟ་མ་བབས་ན་ཉིན་ཞག་གི་ཁོངས་སུ་རྟ་འཆི་བ་ཡོང་བའི་གྲགས་པས། ས་སྐྱ་ནས་བདག་ཆེན་རིན་པོ་ཆེ་ཕེབས་སྐབས་ཀྱང་དེ་གར་གཏོར་བསྔོ་མཛད་རྗེས་ཆིབས་ཡབ་གཡས་འབུང་། ཞབས་འབྲིང་བ་རྣམས་རྐང་འགྲོས་བྱེད། ཕྱག་རྫོགས་ཀྱི་རྟོགས་པ་ཀློང་དུ་རྡོལ་བའི་སྒམ་སྨྱོན་སྤྲུལ་སྐུ་དང་། སྟོབས་འབྱོར་གྱི་དྲེགས་ལྡན་སྡེ་པ་ནོར་བུ་སོགས་ཀྱི་རྟ་ན་ཤི་མང་དུ་བྱུང་བར་རྣམ་རྟོག་ལངས་གསོལ་མཆོད་ཕུལ་བས་མཚོན་ཆེས་མང་ལ། ཚར་ལུགས་ལ་དེ་རིང་ཞུགས་པའི་གསར་བུ་བ་ཞིག་ཀྱང་རྟ་འབབ་མི་དགོས་པ་སོགས་མངོན་སུམ་གྱི་སྤྱོད་ཡུལ་དུ་གྱུར་པས་སོ། །འོད་གསལ་གྱི་ལྟས་ལྟར་སང་ཉིན་ཐུབ་བསྟན་དགེ་འཕེལ་གྱི་ཆོས་གྲ་ཆེན་པོ་ནས། གདན་ས་མཛད་དགོས་པའི་སྙན་ཞུས་འབུལ་མཁན་བྱུང་བས་བསྟན་པ་དང་སེམས་ཅན་གྱི་དོན་རྒྱ་ཆེར་པོར་འགྱུར་བར་དགོངས་ཏེ་ཐུགས་དགྱེས་པ་ཆེན་པོས། བཀའ་ལས། དེ་ལྟར་ཁོ་བོ་ལ་རྩེ་གཅིག་ཏུ་གསོལ་བ་འདེབས་པ་ཡིན་ན་ཅིས་ཀྱང་དེ་བཞིན་དུ་བྱའོ་ཞེས་ཞལ་གྱིས་འཆེས་པས་གསོལ་འདེབས་པ་རྣམས་ཡིད་བདེ་(༥༦བ)

― GLG009_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་དཔལ་ལ་བཀོད། དེ་ནས་མི་རིང་བར་ཁ་ཆེ་འདུས་བཟང་མཁས་མཆོག་དབྱིག་གཉེན་གྱི་ཕྱོགས་སུ་བྱོན་པ་བཞིན་ངུར་སྨྲིག་གོས་ཀྱི་ནམ་མཁའི་ཁ་དོག་འགྱུར་བ་ལྟ་བུའི་འདུས་ཚོགས་ཀྱི་སེར་སྦྲེང་འཕན་གདུགས་རྒྱལ་མཚན་རོལ་ཆ་སོགས་མཆོད་ཚོགས་བསམ་གྱིས་མི་ཁྱབ་པ་ཐོགས་པས་མདུན་བདར་ཆིབས་བསུའི་བཀོད་པ་སྔོན་དུ་འགྲོ་བས་རྒྱལ་བ་ཞེས་པ་ཤིང་ཕོ་རྟའི་ལོ་ཐུབ་བསྟན་དགེ་འཕེལ་གྱི་གདན་སེང་གེའི་ཁྲི་ལ་ཞབས་ཀྱི་ཆུ་སྐྱེས་རྣམ་པར་བཀོད། དེ་ནས་ཁམས་པ་སངས་རྒྱས་རྡོ་རྗེ། མི་ཉག་མགོན་པོ་འོད་ཟེར། ཆོས་རྗེ་བྲག་ཆོས་པ། ཕུ་པ་དབུ་མཛད་ཚུལ་ཁྲིམས་སོགས་རིན་པོ་ཆེ་ལྟ་བུའི་གདུལ་བྱ་དབང་པོ་ཡང་རབ་ཀྱི་སྐལ་ལྡན་རྣམས་ལ་གསུང་ངག་རིན་པོ་ཆེ་ལམ་འབྲས་བུ་དང་བཅས་པ་སློབ་མ་མཆོག་ལ་བཤད་བྱའི་དབང་བྱིན་རླབས་འཁྲིད་ལུང་ཤིན་ཏུ་སྨིན་པ་ལོ་འཁོར་གྱི་བར་དུ་འཛུགས་པ་ལམ་སྐོར་ཕྱི་མ་བརྒྱད་དང་། རྩ་རྒྱུད་བརྟག་པ་གཉིས་པར་ཀུན་ཏུ་དགོས་པའི་གཞུང་བདུན་གྱིས་ཉེ་བར་སྤྲས་པའི་གསུང་བཤད། གཞན་ཡང་དབང་རྗེས་གནང་སོགས་སོ་སོའི་བློ་དང་འཚམ་པའི་ཆོས་ཀྱི་སྒོ་འཕར་ཕྱེ་ནས་རེ་བ་དོན་ལྡན་གྱི་ས་ལ་བཀོད། དེའི་ཚེ་འོད་གསལ་ལ་བདག་ཆེན་བློ་གྲོས་རྒྱལ་མཚན་པ་ཡིན་ཟེར་བའི་དགེ་བའི་བཤེས་གཉེན་ཁྱད་དུ་འཕགས་པ་ཞིག་དང་རིན་པོ་ཆེ་རྡོ་རིང་པ་དངོས་སུ་བྱོན་ནས་དགྱེས་པའི་འཛུམ་ཞལ་བསྟན་པ་ནི་རིན་ཅེན་སྒང་པ་སྒོས་ཀྱི་ཟབ་ཆོས་རྣམས་ཆེས་ཆེར་སྤེལ་བ་ལ་ལེགས་སོ་མཛད་པར་འདུག །མགོན་ཁང་དུ་རྫས་འཁོར་ལོ་གཟུངས་སྔགས་སོགས་ཆོས་སྐྱོང་གི་རྟེན་བཞེང་བའི་མན་ངག་ལྟར་ལེགས་པར་བསྐྲུན་(༥༧ན)

― GLG009_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་སྨན་འདམ་ལས་གྲུབ་པའི་གུར་མགོན་མི་ཚད་ཙམ། ལྷ་མོ། ལས་མགོན་ཡབ་ཡུམ། པུ་ཏྲ་མིང་སྲིང་། ཞལ་བྲམ་གཟུགས། བེག་ཙེ་ལྕམ་དྲལ་རྣམས་ཁྲུ་ཕྱེད་དོ་ཙམ། རྟག་གཏོར་འཛིན་གཏོར་སྤྱན་གཟིགས་སོགས་རྒྱས་ཤིང་ངོ་མཚར་བ་དང་། དེའི་བཟོ་ཕུད་དུ་ལམ་འབྲས་དང་ལམ་ཟབ་བརྒྱུད་པ་རྐང་གང་ཙམ་ཁྱད་པར་རྗེ་ཉིད་ཀྱི་སྐུ་འདྲ་མི་ཚད་ཆུང་ཕྱོགས་ཙམ་བྱོན་གཙང་ཞིང་རབ་གནས་ཀྱི་སྐབས་ཤངས་གཡོན་གྱི་སྦུབ་ཏུ་རིང་བསྲེལ་ཡུངས་འབྲུ་ཙམ་གཉིས་བྱུང་བ། ཕྱིས་མཁན་ཆེན་རྒྱལ་རྩེ་བ་བྱམས་པ་ངག་དབང་བསོད་ནམས་རྒྱལ་མཚན་གྱི་ཁྲུས་གསོལ་དང་མཆོད་པ་རྒྱས་པར་མཛད་སྐབས་སྙན་གཡོན་གྱི་ལྟར་ཏུ་རིང་བསྲེལ་ཆེ་ཙམ་གཉིས་གསར་དུ་འཁྲུངས་ཤིང་ད་ལྟའི་བར་དུ་སྐུ་གྲིབ་ཀྱི་རྣམ་པ་བྱུང་ཚེ་སྤྱན་གཡས་གཡོན་གྱི་འགུག་ནས་ཁྲག་མདའ་འདྲ་བའི་དམར་པོ་ཞིག་སྤྱན་འབྲས་ཀྱི་དཀྱིལ་ཙམ་སླེབ་པ་རྒྱུགས་ཡོང་ཞིང་དེ་ལ་ཁྲུས་གསོལ་བྱས་ན་སངས་འགྲོ་བའི་ངོ་མཚར་ཅན་ཡེ་ཤེས་སེམས་དཔའ་དངོས་སུ་བཞུགས་པའི་བྱིན་རླབས་ཆེ་ངེས། ཕྱིའི་ཆོས་ཁྲི། ལྷ་གཡབས། དེ་ནང་དུ་བཞུགས་རྒྱུར་མང་མཁར་ཆུ་ཚན་གྱི་ཕུའི་དོལ་མཐའི་གཞི་བདག་ལ་རྡོ་ལྷ་བཞེང་བའི་རྡོ་ཐོང་ཞེས་བཀའ་ཤོག་མཛད་པ་བསྒྲགས་པས་རྡོ་གང་འདོད་ལྡང་ཚོད་ཙམ་རྙེད་པའི་ངོ་མཚར་ཅན་ལ་ལམ་འབྲས་དང་ལམ་ཟབ་བརྒྱུད་པ་བརྐོས་པ་རྣམས་ལ། དཔལ་ཀྱེ་རྡོ་རྗེའི་དཀྱིལ་འཁོར་དང་འབྲེལ་བའི་རབ་གནས་སོགས་བསྟན་འགྲོའི་དོན་རྒྱ་ཆེར་མཛད། གང་གི་སྐུ་རྒྱུ་རིན་ཅེན་རྡོ། །སྦྱིན་པོ་དོལ་མཐའི་གཞི་བདག་ཀྱང་། །(༥༧བ)

― GLG009_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ཉོན་སྒྲིབ་པ་ཀུན་བྱང་ནས། །རྡོ་རྗེ་འཆང་དབང་མྱུར་འགྲུབ་ཤོག །ཅེས་སྨོན་ལམ་འདེབས་པ་གནང་ཞིང་ས་ཕྱོགས་གང་དུ་ཕེབས་པའམ་བཞུགས་ཀྱང་རུང་འབྱུང་པོ་མི་མ་ཡིན་མཐུ་བོ་ཆེ་མཐའ་དག་སྲོག་སྙིང་མདོང་གསོལ་དུ་ཕུལ་ནས་བཀའ་བཞིན་བསྒྲུབ། དགོན་པ་ཤར་སྦུག་ཏུ་ངག་དབང་ལྷ་མོ་དབྱངས་ཅན་མའི་ལྗགས་བསྙེན་མཛད་པའི་ཚེ་མེ་ཏོག་དཀར་པོའི་ཆར་འབབ་དང་ཉེ་སྐོར་དུ་བརྡུང་མཁན་མེད་ཀྱང་པི་ཝང་གི་སྒྲ་སྙན་པོ་གསན་ཞིང་མཐར་ཞལ་མངོན་སུམ་དུ་བསྟན་ནས་ལུང་བསྟན་ཀྱང་ཐོབ། སྤྱིར་རིག་པའི་གནས་ལྔ་དང་བྱེ་བྲག་སྙན་ངག་ལ་ཐོགས་པ་མེད་པའི་རྣམ་དཔྱོད་ནི་སློབ་དཔོན་བསྟེན་ནས་ཡུན་དུ་སྦྱངས་ཀྱང་སྐམ་སྐམ་ཁྲིག་ཆགས་ཤིག་ལས་ཡོད་དཀའ་བར་ཐུགས་རྩོམ་གང་མཛད་སྙན་ངག་ཏུ་འགྲོ་བའི་བློ་གྲོས་ཀྱི་སྤོབས་པ་ནང་ནས་རྡོལ་བར་མངོན། ཐུབ་བསྟན་དགེ་འཕེལ་དུ་བཞུགས་པའི་དུས་རྡོ་རྗེ་འཆང་ཀུན་སྤངས་ཆོས་རྗེའི་རྣམ་ཐར་ཐུགས་རྩོམ་གནང་བའི་སྦྱར་བྱང་དུ་སྤྱིར་དམ་པ་འདིའི་རྣམ་ཐར་མཐའ་དག་ནི་སོ་སོ་སྐྱེ་བོའི་སྤྱོད་ཡུལ་མ་ཡིན་པར་གོང་དུ་བརྗོད་པ་དག་གིས་འགྲུབ་པ་དང་ཁྱད་པར་རྗེ་ཉིད་ཞལ་བཞུགས་དུས་གསོལ་བ་བཏབ་པའི་གསུང་ལས་ཀྱང་གྲུབ་ཐོབ་ཐང་སྟོང་རྒྱལ་པོ་དང་ངེད་དཔོན་སློབ་ཀྱི་རྣམ་ཐར་སུ་བྱུང་གི་བློ་ཡུལ་དུ་ཤོང་བ་མེད་གསུང་བས་བདག་ལྟ་བུ་བློ་གྲོས་ཆུང་ཞིང་སྦྱངས་པ་ཞན་ལ་བརྗེད་ངས་པས་ཇི་ལྟ་བ་བཞིན་བརྗོད་ནུས་པའི་སྤོབས་པ་མ་མཆིས་ཤིང་། ཞལ་སློབ་མཁས་པ་དང་གྲུབ་པའི་དབང་ཕྱུག་དུ་མ་བཞུགས་པ་རྣམས་ཀྱིས་མཛད་པ་འོས་སུ་འདུག་པས་མཛད་གྲུབ་པ་ཞིག་(༥༨ན)

― GLG009_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

འོང་ངམ་སྙམ་སྒུག་སྡོད་ཡུན་རིང་པོའི་ངང་དུ་གནས་ཀྱང་གྲུབ་པར་མ་ཐོས་པའི་མཚམས་སུ་ཡེ་ཤེས་ཀྱི་མཁའ་འགྲོ་རྣམས་ཀྱིས་ཅུང་ཟད་བསྐུལ་བའི་མཚན་ལྟས་ཀྱང་འདུག་ཅིང་གསུང་ངག་རིན་པོ་ཆེའི་བླ་མ་བརྒྱུད་པའི་རྣམ་ཐར་གྱི་ཁ་སྐོང་དང་། སྐལ་བ་དང་ལྡན་པའི་གང་ཟག་དག་གི་རྒྱུད་ལ་ཡེ་ཤེས་ཀྱི་བྱིན་རླབས་འཇུག་པའི་མཚམས་སྦྱོར་དུ་ཞེས་བྱུང་བའི་ངོ་མཚར་བའི་ལྟས་ནི་གསུང་རྩོམ་ཕྱག་བྲིས་མ་ལས། ཟླ་བ་དང་པོ་ལ་སྐྱེས་ཕོ་མོ་མང་པོ་ཚོགས་ཏེ་སྒྲོན་མེ་ཁུར་ནས་རྡོ་རིང་ཀུན་སྤངས་པའི་གྲ་པ་རྣམས་གར་སོང་འཚོལ་བ་ཡིན་ཟེར་ནས་ཁོ་བོའི་མདུན་ཕྱོགས་སུ་ཡད་ཡུད་མང་པོ་བྱེད་པ་ལ། ལན་དུ་རྗེའི་གྲ་པ་འདི་དང་འདི་ཞེས་བྱ་བ་མང་པོ་ཡོད་ང་ཡང་ཡིན་བྱས་པས་འོ་ན་རྣམ་ཐར་བཤད་རྒྱུ་ཡོད་དམ་ཟེར་བ་ལ་མེད་པ་སྙམ་བྱེད་ཅིང་ཤིན་ཏུ་ངོ་གནོང་བ་ཞིག་ལ་གཉིད་སད་བྱུང་ནས་སེམས་མི་བདེ་བ་སྙམ་བྱེད་པ་འགའ་བྱུང་། དེ་རྗེས་ཀྱི་ཟླ་བ་ཕྱི་མའི་ནང་དུ་ནུབ་ཅིག་རྨི་ལམ་དུ་བུད་མེད་སྣུམ་བག་ཅན་མང་པོ་བྲག་སྟེང་ཞིག་ན་ཚོགས་ཁུ་དིར་དིར་འདུག་པ་ལ་ལྟར་ཕྱིན་པས་དེ་རྣམས་ཐམས་ཅད་ཡི་གེ་འབའ་ཞིག་འབྲི་ཞིང་ཁ་མི་འཆམ་པའི་ཟི་རེ་བ་བྱེད་པ་ལ་དོན་གང་ཡིན་ལབས་པས། བུད་མེད་རྒན་མོ་བྱད་དམར་ཆམ་མེ་བ་སོ་འཛར་བ་ཞིག་ན་རེ། ངེད་རྣམས་ཁྱེད་ཀྱི་བླ་མའི་རྣམ་ཐར་རྩོམ་པ་ཡིན་ཟེར། ཁྱེད་རྣམས་ལ་རྒྱུས་ཡོད་དམ་བྱས་པས་པོ་ཏི་ཆེན་པོ་ཞིག་འདུག་པ་ལ་མཛུབ་མོ་བཙུགས་ནས་འདི་ཕག་མོ་གྲུ་པའི་རྣམ་ཐར་པོ་ཏི་ཡིན་འདིའི་ནང་ནས་འབྲི་བ་ཡིན་ཟེར། ཁྱེད་རྣམས་ག་ནས་ཡིན་བྱས་པས་ང་ནི་སློབ་(༥༨བ)

― GLG009_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་ལ་བ་པའི་དུས་ཀྱི་ལ་བའི་དུམ་བུ་ཟ་མཁན་གྱི་མཁའ་འགྲོའི་གཙོ་མོ་པདྨའི་དྲ་བ་ཅན་ཡིན། གཞན་གཞོན་ནུ་ཞིག་ལ་མཛུབ་མོ་བསྟད་ནས་འདི་སེང་གེའི་དྲ་བ་ཅན་ཡིན། གཞན་འདི་རྣམས་ཕྱོགས་བཅུ་ནས་འདུས་པར་འདུག་ཟེར་དེ་རྗེས་གཉིད་སད་བསམས་པར་རྗེ་བླ་མ་ཕག་མོ་གྲུ་པའི་རྣམ་སྤྲུལ་ཡིན་པ་ནི་ངེས་པ་ཅན་དུ་འདུག་སྙམ་པ་བྱུང་། དེ་ནས་ཞག་འགའ་སོང་བ་ན་ནུབ་གསུམ་བསྟུད་ནས་རྨི་ལམ་དུ་འདྲེ་མནན་གྱི་རྣམ་པ་ཡང་ཡང་དུ་འོང་བ་ཞིག་བྱུང་བས་འདི་འདྲའི་རིགས་ནེ་གུ་བ་རྣམས་རླུང་དབུ་མར་འཇུག་ཁ་མའི་འོད་གསལ་གྱི་རྟགས་སུ་བྱེད། མགོན་པོའི་རྒྱུད་དུར་ཁྲོད་ནག་པོ་ནས་གྲིབ་གནོན་ལྟ་བུར་འོང་བ་དང་ཞེས་ཆོས་སྐྱོང་གི་རྟགས་སུའང་བཤད། གང་ལྟར་དགེ་སྦྱོར་དུ་བསྲངས་པ་དྲག་སྙམ་པ་བྱས་པས་ནུབ་བཞི་པའི་རྨི་ལམ་དུ་སྔར་གྱི་བུད་མེད་དེ་བྱུང་ནས་ལག་ཏུ་སྣག་ཚ་ཐོད་པ་གང་དང་ལྕགས་སྨྱུག་ཅིག་གཏད་བྱུང་ནས་ངེད་རྣམས་ཀྱིས་གང་ལབས་ཀྱང་མི་གོ་བར་འདུག །མི་གཞན་གྱི་བླ་མའི་གྲ་པས་བླ་མའི་རྣམ་ཐར་འཆོས་ཀྱི་འདུག་ཟེར་བའི་འཕྲོ་ལ་གཉིད་སད་བྱུང་བས་ཁ་སང་ནས་ཀྱི་ལྟས་ཐམས་ཅད་འདིར་འདུག་པས་ད་སང་རང་ནས། རྗེའི་རྣམ་ཐར་རྩོམ་དགོས་སྙམ་པ་བྱས་ནམ་ལངས་དགེ་སྦྱོར་གྲུབ་ནས་གཉིད་ཟིར་ཙམ་བྱུང་བའི་རྨི་ལམ་དུ་ཆོས་ཁྲི་ཞིག་གི་སྟེང་ནས་བནྡེ་གཞོན་ནུ་ཞིག་གིས་སྐྱེས་རབས་དཔག་བསམ་འཁྲི་ཤིང་སྒྲོག་གིན་འདུག་པ་ཉན་མཁན་ཡིན་ཟེར་བུད་མེད་གཞོན་ནུ་མཆོར་མོ་མང་པོ་གླུ་ལེན་རྐང་བྲོ་བྱེད་ཀྱིན་འདུག་པ་རྨིས། སང་དེ་ནས་འགོ་བཙུགས་ནས་བརྩམས་པས་མ་གྲུབ་བར་ལ་རྗེ་བླ་མ་ལན་གསུམ་རྨིས་(༥༩ན)

― GLG009_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ཡང་དགེ་བའི་ལྟས་མང་པོ་བྱུང་། ཚར་ཁར་འདོད་ཁམས་ལྷ་མོ་ཡིན་ཟེར་བའི་བུད་མེད་བོང་བུའི་རྣ་བ་ཡོད་པ་ཞིག་གིས་གཙོ་བྱས་མང་པོ་བྱུང་ནས་འདི་ལ་བཀའ་རྒྱ་ཞིག་ཀྱང་གྱིས་བསྟན་པ་ངེད་རང་གིས་བསྲུང་ཟེར་བ་བྱུང་ངོ་། །ཞེས་དེ་ལྟར་འདོད་ཁམས་དབང་མོས་རྣམ་ཐར་གྱི་མཇུག་ཏུ་བཀའ་རྒྱས་ཐོབ་ཅེས་གསོལ་བ་ལ་བརྟེན་ནས། དེ་ཀའི་མཇུག་ཏུ། ཉི་གཞོན་འོད་ཀྱིས་པད་ཚལ་འབྱེད། །ཀུ་མུད་མེ་ཏོག་ཟུམ་པར་བྱེད། །འོ་མ་སྐྱེས་བུའི་འཚོ་བ་དེ། །བྲང་འགྲོའི་སྲོག་འཕྲོག་ཧ་ལའི་བཅུད། །དེ་བཞིན་དམ་པའི་ངོ་མཚར་གཏམ། །སྐལ་བཟང་རྣ་བའི་ཨུཏྤལ་རྒྱན། །སྐལ་དམན་ལོག་རྟོག་ཅན་དག་གི །སྙིང་ལ་ཟུག་རྔུའི་བཅུད་ལེན་འགྱུར། །དེ་བས་གསང་ཆེན་གཏམ་འདི་ཡང་། །དད་དང་དམ་ཚིག་ལྡན་པ་དང་། །སྤྱོད་ལྡན་སྐལ་ལྡན་ཟུར་གནས་ལ། །སྟོན་གྱིས་སྐལ་དམན་དག་ལ་མིན། །ཞེས་བཀའ་རྒྱ་མཛད་ཅིང་དཔལ་ལྡན་ལྷ་མོ་དུད་པའི་སོལ་བ་ཅན་འདི་ནི་རྡོ་རྗེ་འཆང་བློ་གྲོས་རྒྱལ་མཚན་ཡབ་སྲས་རྣམས་ལ་དངོས་སུ་ཞལ་བསྟན་ཅིང་གསུང་གི་གནང་བ་སྩོལ་བའི་སྲུང་མའི་དབང་མོ་ཁྱད་པར་ཅན་དུ་སྣང་།རྟོགས་བརྗོད་འདི་ཉིད་གྲུབ་ནས་རྗེ་བཙུན་ཨ་ཝ་དྷཱུ་ཏཱི་པ་ཆེན་པོའི་སློབ་མའི་གཙོ་བོ་སྤྱོད་པའི་རྡོ་རྗེའི་རྣམ་འཕྲུལ་རྗེ་བཙུན་གྲོལ་མཆོག་ལ་གཟིགས་འབུལ་གནང་བའི་ལན་དུ། བློ་གསལ་མཁས་པའི་རྣམ་དཔྱོད་གསར་པའི་མདངས། །མཁྱེན་ཡངས་རྒྱ་མཚོའི་ལྕིབས་ཀྱི་དྲུང་ཕྱུང་སྟེ། །ངོ་མཚར་དད་པའི་སྤུ་ལོང་ཆེར་གཡོས་པས། །དམ་ཚིག་རྡོ་རྗེའི་མཆེད་པོ་གང་གི་(༥༩བ)

― GLG009_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུང་། །ཀུན་ཏུ་དང་བའི་རྩེ་དགའི་ཡིད་གཅུགས་ཀྱིས། །རྣམ་གྲོལ་མཆོག་གི་གོ་འཕང་མ་ཐོབ་བར། །གང་ལ་གུས་པའི་ཏིང་འཛིན་ཡར་ངོའི་དཔལ། །སྙིང་ལ་རི་མོར་བྲིས་ཏེ་འདི་སྐད་ཞུ། །དཔལ་ལྡན་བླ་མ་ཨ་ཝ་དྷཱུ་ཏཱི་པའི། །རྣམ་ཐར་ལེགས་བཤད་བྱེ་བའི་རང་བཞིན་ཅན། །མཐོང་ཚེ་མགོན་པོ་ཉིད་དང་སྲས་ཐུ་བོ། །གཉིས་མིན་ཡིད་ལ་བསམ་པའི་ལྷག་བསམ་རྙེད། །སངས་རྒྱས་ངོ་བོར་གཟིགས་པའི་བདེན་པའི་བཀའ། །ཐོག་མཐའ་བར་དུ་སྙན་ཚིག་སྤེལ་ལེགས་ཀྱིས། །སྨྲ་མཁས་འཇམ་མགོན་དཔའ་བོའི་སྒྲ་དབྱངས་ལ། །ཚིམ་པར་མི་འགྱུར་འདི་ན་བློ་ལྡན་སུ། །ཞེས་ཚིགས་སུ་བཅད་པའི་འཕྲེང་བར་ཕུལ་ནས་སླར་ཡང་ཕུལ་བའི་སྙིང་པོ་བསྡུ་བ་རྗེ་བཙུན་ཨ་ཝ་དྷཱུ་ཏཱི་པ་ཆེན་པོ་འདི་ཉིད་ལ་ཞལ་སློབ་གཙོ་བོར་དཔལ་ས་སྐྱ་པ་ངག་གི་དབང་པོ་སོགས་ཆེ་དགུ་ཇི་སྙེད་ཅིག་མཆིས་ཀྱང་དབྱིངས་ལ་ཡེ་ཤེས་ཀྱི་རྒྱས་ཐེབས་པ་ནི་རྡོ་རྗེའི་མཆེད་པོ་གོང་མ་ཁྱེད་ཉིད་ལས་གཞན་དུ་མི་སེམས་པའི་དད་གུས་སྙིང་ལ་བཅགས་པའི་ཆ་རྒྱ་ཆེར་འཕེལ་བའི་སྐབས་ཉིད་དུ་གྱུར་ལགས་ཞེས་བསྟོད་སྔགས་བཀུར་གསུམ་གྱི་ཞུ་ལན་འཕྲོད་པའི་ལན་དུ། ལེགས་བཤད་ཀུན་དགའི་དཔལ་སྟེར་མཁས་པའི་རྗེ། །རྣམ་གྲོལ་བདུད་རྩིས་མྱོས་པ་གྲུབ་པའི་དབང་། །རྗེ་བཙུན་བླ་མའི་ཐུགས་སྲས་ཀུན་གྱི་མཆོག། གང་དེའི་ཞབས་སེན་པདྨོ་བཞད་པའི་དྲུང་། །དམ་པའི་ངོ་མཚར་མ་ལ་ཡ་རླུང་གིས། །སྙིང་དབུས་བདུད་རྩིའི་རླབས་འཕྲེང་སྟོང་གཡོ་བའི། །བློ་གསལ་ཡིད་བཞིན་རྒྱ་མཚོའི་འཇིང་དབུས་ནས། །ཞུ་མཆིད་སྤྲིན་དཀར་དགའ་མ་འདི་སྤྲོས་སོ། །ཀྭ་ཡེ་ལྷག་བསམ་(༦༠ན)

― GLG009_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་ཤེལ་བཞུ་བའི་འོད། །སྙན་ཚིག་བདུད་རྩིས་ཁེངས་པའི་ཟིལ་དངར་ཅན། །དཀར་གསལ་ཆུ་འཛིན་བུ་མོ་བཞད་ལྡན་མ། །ཞུ་འཕྲིན་དབྱར་སྐྱེས་རྫ་རྔ་འདི་སྐད་ཞུ། །ཨ་ཧོ་དྲིན་ཅན་བླ་མའི་ཐུགས་ཀྱི་སྲས། །བྱང་ཕྱོགས་འདི་ན་ནག་པོ་སྤྱོད་པ་ཞེས། །སྙན་པའི་གྲགས་དཀར་གཡོ་བའི་མཁས་གྲུབ་དབང་། །དམ་ཚིག་རྡོ་རྗེའི་མཆེད་དེའི་བཀའ་ཡིག་གི །མཚམས་སྤྲིནབློ་མཚོར་ཤར་བས་སྙིང་མྱོས་ཀྱང་། །ཟླ་ཞལ་མཇལ་བའི་དགའ་སྟོན་མ་ཐོབ་པས། །སྙིང་ལ་ཁྱོད་སྐུའི་སྣང་བརྙན་འབྲི་བྱེད་ཅིང་། །བསམ་གཏན་ཟོལ་གྱི་བདག་པོར་ངལ་གསོ་བགྱི། །ནམ་ཞིག་མཁས་པའི་ཟླ་རིས་གཞོན་ནུ་དེ། །འདྲེན་བྱེད་རི་བོའི་སྤོ་ལ་ཤར་བའི་ཚེ། །སྙིང་གི་ཀུ་མུད་འཛུམ་དཀར་བཞད་བྱེད་ཅིང་། །ཟབ་དབྱངས་བདུད་རྩིའི་རྒྱུན་གྱིས་སིམ་པར་སྨོན། །སྐབས་ཀྱི་ཞུ་མཆིད་སྙིང་པོར་གསོལ་ན་གེ་རེ་ལྷ་ཁང་དུ་གནས་དུས། སྟོད་ལུང་ནས་བཀའི་གླེགས་བུ་སྐྱེས་བཅས་རྗེ་བླ་མའི་རྣམ་ཐར་རྣམས་ཕྱག་རྒྱས་མཚན་པ་ཕེབས་པས་དངོས་སུ་མཇལ་བ་ལྟ་བུའི་སྤྲོ་དགའི་བདུད་རྩི་གསར་པས་ཡིད་ཀྱི་ཆུ་གཏེར་ཅི་ཡང་གང་བར་གྱུར་ལགས། ཕེབས་དོན་གྱི་ཆ་ལ་བསམས་དུས་རྗེ་བཙུན་བླ་མ་རྡོ་རྗེ་འཆང་ཆེན་པོ་དེ་ཉིད་ལ་ཞལ་སློབ་སྔར་དག་པའི་ཞིང་དུ་གཤེགས་པ་འཇམ་དབྱངས་ངག་གི་དབང་ཕྱུག་རྗེ་བཙུན་ཀུན་དགའ་ལེགས་པའི་ཞབས་ལ་སོགས་པ་རྒྱལ་བའི་རྣམ་པར་འཕྲུལ་པས་འགྲོ་བའི་དོན་མཛད་པ་ཁོ་ན་ཡིན་སྙམ་པ་ཡོད་ཅིང་། ད་ལྟའང་དམ་པ་ཉིད་ལྟ་བུ་མཁས་པ་དང་གྲུབ་པའི་བདག་ཉིད་ཇི་སྙེད་ཅིག་བཞུགས་བཞིན་དུ་བདག་ལྟ་བུ་རྣམ་ཐར་རྩོམ་པ་སོགས་(༦༠བ)

― GLG009_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྤྲོས་པ་བྱེད་ན་རང་གཞི་མེད་ཀྱི་རློམས་པར་འདུག་ལགས་ནའང་། བཀའ་དྲིན་བདག་རང་ལ་ཆེ་བ་ཞིག་ལགས་ཏེ། བདག་བླུན་པོ་ལུག་བོང་ལྟ་བུ་འདི་དུས་ད་ལྟ་དམ་པའི་ཆོས་བྱེད་འདོད་དང་ཉམས་སུ་ལེན་ཚུལ་ཆ་ཙམ་ཤེས་པ། ལྟར་སྣང་མི་ཁྱུར་ཆུད་ཙམ་འདི་རྗེའི་བཀའ་དྲིན་ཁོ་ན་མ་གཏོགས་མེད་པས་བཀའ་དྲིན་དྲན་པས་བྱུང་རྒྱལ་དུ་བརྩམས་པ་ལགས་ནའང་ལེགས་འདུག་གསུང་བའི་མདོང་གསོལ་ཕེབས་པས་དམ་པ་ཉིད་ལྟ་བུས་གཡོ་སྒྱུ་དང་གཅམ་བུའི་ཟོལ་ཟོག་གསུང་བ་མི་སྲིད་པས། ཅུང་ཟད་མགྲིན་པའི་གཟེངས་བཏེག་ནས་རང་གིས་རང་ལ་ཐེ་ཚོམ་དུ་གྱུར་ལགས། སླད་ཀྱི་ཞུ་བ་སྐྱེ་རྒུ་རྣམས་ཀྱི་ཕན་བདེ་མཐའ་དག་རྒྱལ་བའི་བསྟན་པ་ཁོ་ན་ལ་རག་ལས་ལ་དེ་ཉིད་འཛིན་པ་ལ་དེང་སང་གངས་ཅན་གྱི་ལྗོངས་འདི་ན་མཁས་ཤིང་དངོས་གྲུབ་ཀྱིས་ཀྱང་བརྒྱན་པ་འཕྲིན་ལས་ཀྱི་ཐ་གྲུ་ཡངས་པ་སོགས་དགེ་མཚན་དུ་མས་མངོན་པར་མཐོ་བ་དམ་པ་ཁྱེད་ལྟ་བུ་མཆིས་པས་སྐུའི་འཚོ་བ་ཡུན་རིང་དུ་བརྟན་པའི་ཐབས་རྣམས་ལ་ཆེད་དུ་ནན་ཏན་དང་རིས་མེད་པའི་འགྲོ་བ་རྣམས་ལ་ཐུགས་བརྩེ་བ་ཆེན་པོས་ཟབ་པ་དང་རྒྱ་ཆེ་བའི་ཆོས་ཀྱི་འཁོར་ལོ་རྒྱུན་མི་ཆད་པར་བསྐོར་དུ་གསོལ། བདག་ཀྱང་སྐབས་སྦྱར་ཞལ་གྱི་དཀྱིལ་འཁོར་ལྟ་ཞིང་གསུང་གི་འབེལ་བའི་གཏམ་གྱི་བདུད་རྩི་མྱང་བར་སྙིང་ནས་སྨོན་ལམ་ཞུ་ཞིང་། དེ་བར་དུ་དབེན་པའི་རི་སུལ་བསྟེན་ཚུལ་སོགས་ཀྱི་སྙིང་གཏམ་སྙན་ངག་གི་ལམ་ནས་དྲངས་པ་སྣང་བར་ཤར་ནའང་དགེ་སྦྱོར་གྱི་བོགས་འདོན་དུ་ཆེ་བ་ཞིག་འོང་སྙམ་པའི་དད་པ་དང་དག་སྣང་གཞན་དང་མི་འདྲ་བ་ཞིག་ཡོད་པའི་བཀའ་དྲིན་ཞུ་ཞུ། ཞེས་(༦༡ན)

― GLG009_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

ཆབ་ཤོག་ཏུ་བྱུང་བའི་བརྗོད་དོན་གྱིས་རྟོགས་པར་ནུས། དེ་ཡང་དུས་སྔ་ཕྱི་གསོལ་འདེབས་སུ་ཕྱོགས་བསྡེབས་ལས་རྣམ་ཐར་འདི་རྗེ་སྒོ་རུམ་པ་དག་ཞིང་དུ་གཤེགས་རྗེས་མཛད་པར་དངོས་སུ་བསྟན་པས་གཞན་ལའང་མཚོན་ནོ། །དགུང་ལོ་སོ་བརྒྱད་ཀྱི་བར་དུ་ཕལ་ཆེར་ཐུབ་བསྟན་དགེ་འཕེལ་དུ་སྟན་ཆགས་ཤིང་སྟོད་ཕྱོགས་ཀྱི་སའི་ཆ་ངེས་མེད་དུ་ཞབས་ཀྱིས་བཅགས་སྐྱ་སེར་འགྲོ་བ་མཐའ་ཀླས་པའི་རེ་འདོད་སྐོང་བཞིན་པ་ནས་ཕལ་ཆེར་ལྷ་སྔགས་ཡེ་ཤེས་ཀྱི་ཐུགས་དམ་ཟབ་མོའི་ངང་ནས། དབང་འཁྲིད་ལུང་མན་ངག་གིས་སྐལ་ལྡན་གྱི་སློབ་མ་རྗེས་སུ་འཛིན་པ་དང་བདག་ཆེན་རྡོ་རྗེ་འཆང་ཆེན་པོའི་རྣམ་ཐར་ཡིད་འཕྲོག་ཨུཏྤ་ལའི་དོ་ཤལ་སོགས་བསྟན་བཅོས་མཛད་པས་མཚོན་འཁོར་ལོ་གསུམ་གྱི་བསྟན་པ་སྤྱི་དང་བྱེ་བྲག་ཁའུ་པའི་རིང་ལུགས་ཕྱོགས་བརྒྱར་འཕེལ་བར་མཛད། མང་མཁར་མུ་གུ་ལུང་དུ་སྐད་གཉིས་སྨྲ་བ་ལོ་ཆེན་འབྲོག་མིའི་སྐུ་འདྲ་རིན་པོ་ཆེ་མཇལ་བར་ཕེབས་པའི་དུས་སྐུའི་ཐུགས་ཀ་ནས་འོད་ཟེར་སྔོན་པོ་འཕྲོས་ཏེ་ཐུགས་ཀར་ཐིམ་པས་ཟག་མེད་ཀྱི་བདེ་བ་ཆེན་པོ་ལ་ཡུན་རིང་ཞིག་གི་བར་ཆམ་གྱིས་གནས་པར་གྱུར་ཏོ། །རིས་མེད་ཡིད་འགུགས་ཐུགས་རྗེ་མིག་གི་དཀྱུས། །རིང་ཡང་མྱོས་ལྡན་གཞོན་ནུའི་སེན་རྗེས་ཤུལ། །ལྷག་བསམ་ནུ་མར་འདུད་པའི་ཟླ་བཞིན་མར། །མངོན་འདོད་རྩེ་དགའ་གཏོང་མིན་དངོས་པོའི་གཤིས། །སློབ་བཤད་བདུད་རྩིར་སྤྱོད་འཁུའི་ལྷ་མིན་མགྲིན། །ལུང་རིགས་ཚངས་པའི་འཁོར་ལོས་རབ་ཕུག་ཀྱང་། །ཐར་སྲོག་མི་ཆད་ཆ་མཐུན་ཟིལ་མངར་ཁོང་། །སོང་འབྲས་ཨ་ཧོ་རྫོགས་མྱང་སྐལ་བཟང་དཔྱིད། །(༦༡བ)

― GLG009_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་གསུམ་མེ་ཡིས་ལོག་འདྲེན་འདོད་ལྷའི་ལུས། །རབ་བསྲེག་ལེགས་ལྡན་མགྲིན་སྔོན་རལ་པའི་རྩེར། །དབང་ཆུའི་བརྒྱུད་པ་ཆད་མེད་ཚེས་ཞག་ཏུ། །འཆར་བའི་ཟླ་ཟེར་ཕན་བདེའི་ཀུནྡ་བཞད། །ལུང་རྟོགས་རིན་ཅེན་མི་འཛད་འབྱུང་བའི་གཏེར། །ཟབ་རྒྱ་གཉིས་སྤངས་ཞབས་ཀྱི་རྣམ་པར་ཐར། །རྩོམ་པར་ལྷ་དང་མཁའ་འགྲོས་བརྡ་ཐབས་ཀྱིས། །བསྐུལ་བའི་སྒྱུ་འཕྲུལ་ངོ་མཚར་རྨད་པོ་ཆེ། །རྗེས་འབྲངས་ཉི་ཟླའི་འོད་སྣང་སྒྲ་སྐད་ཀྱིས། །མ་ཕྱེས་རྟོགས་བརྗོད་བ་ཀུ་ལ་ཡི་ཁ། །དད་བརྩོན་མཁྱེན་རབ་མཛེས་མའི་འགྲམ་ཆང་གིས། །ཕྱེ་ཚེ་ལེགས་བཤད་ཟེའུ་འབྲུ་གཡུར་དུ་ཟ། །སྤྱོད་པའི་རྡོ་རྗེ་གཟུགས་གཞན་ཡོངས་བསྒྱུར་དང་། །རྣལ་འབྱོར་དབང་ཕྱུག་བླ་གོས་མནབས་པ་གཉིས། །ཕན་ཚུན་དག་པ་འབྱམས་ཀླས་སྣང་བ་ཡིས། །ཐ་མལ་འཛིན་པའི་ཀུན་རྟོག་མིང་དུ་ཟད། །གསོལ་འདེབས་ལས། ཤར་ཕྱོགས་ནོར་འཛིན་ལམ་ལ་ཞབས་བཀོད་ཚེ། །རྣམ་དཀར་ཐོག་མའི་རྟེན་འབྲེལ་མཐའ་དག་འགྲིག །གྲུབ་པའི་གནས་མཆོག་སག་ཐང་ཇོ་ནང་སོགས། །རིམ་པར་ཞབས་ཀྱིས་བཅགས་ལ་གསོལ་བ་འདེབས། །ཞེས་སྒྱུར་བྱེད་ཅེས་པ་ས་མོ་ཕག་གི་ལོ་དགུང་ལོ་སོ་བརྒྱད་ཀྱི་དུས་ཡུལ་དབུས་སྨན་ལྗོངས་དགའ་བའི་ཚལ་གྱི་གཞི་ཆེན་པོར་ཞབས་ཟུང་འཁོར་ལོས་མཚན་པའི་རེ་ཁཱ་བཀོད་ནས་ལོ་གཉིས་ཙམ་གྱི་བར་དུ་བསྟན་འགྲོའི་དོན་རྒྱ་ཆེར་མཛད་པའི་སྐོར་གྱི་མང་མཁར་ནས་ཆིབས་ཁ་བསྐྱོད་དེ་འབྲས་ཡུལ་སྐྱེད་མོས་ཚལ་དུ་ཕེབས་པའི་བར་རང་གི་རྟོགས་བརྗོད་ལམ་གླུ་དཔྱིད་ཀྱི་རྒྱལ་མོའི་དགའ་སྟོན་ཞེས་ཚིག་དོན་ཕུན་སུམ་ཚོགས་ཤིང་བྱིན་(༦༢ན)

― GLG009_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

རླབས་ཀྱི་གཟི་བྱིན་འོད་དུ་འབར་བའི་ཚིག་སྦྱོར་མ་ཉམས་པ་ལ་བར་སྐབས་སུ་གསོལ་འདེབས་དང་སྟོང་ཐུན་དགོས་ངེས་འདྲ་སྦྱར་བ་ནི་འདི་ལྟ་སྟེ། ན་མཿསརྦ་གུ་རུ་བུདྡྷ་བོ་དྷི་སཏྭེ་བྷྱཿ ཕྱི་ལྟར་ན་ཕྱོགས་མེད་ཀྱི་བནྡེ། ནང་ལྟར་ན་གསང་ཆེན་གྱི་སྔགས་འཆང་། གསང་བ་ལྟར་ན་རྗེ་བཙུན་རྡོ་རྗེ་འཆང་ཆེན་པོ་རྡོ་རིང་ཀུན་སྤངས་པ་ཞེས་ཡོངས་སུ་གྲགས་པ་དེའི་ཐུགས་གཉིས་སུ་མེད་པའི་ཡེ་ཤེས་དང་། ཆོས་དབྱིངས་བདེ་བ་ཆེན་པོའི་ངང་དུ་རོ་གཅིག་ཀྱང་། ཆོས་ཅན་གདངས་འགགས་མེད་ཀྱི་རོལ་རྩེད་ཐ་དད་དུ་ཤར་བ། རྗེ་དེ་ཉིད་ཀྱི་ཞབས་ཀྱི་པདྨ་གཙུག་གིས་བསྟེན་ཅིང་། བཀའ་དྲིན་ཆེན་པོས་འཚོ་བའི་འཕྲིན་ལས་ཀྱི་འཁོར་ལོས་སྒྱུར་བའི་བཀའ་འབངས་རིག་སྔགས་འཆང་བའི་བནྡེ་བློ་གསལ་རྒྱ་མཚོ་གྲགས་པ་རྒྱལ་མཚན་དཔལ་བཟང་པོ། ད་ལྟ་མིང་ཡོངས་སུ་གྲགས་པ་ཚར་པ་ཆོས་རྗེ། དོན་ལ་ཅི་མེད་ཀྱི་བྷུ་སུ་ཀུ། ཡུལ་ཕྱོགས་མེད་དུ་རྒྱུ་བའི་སྤྲང་པོ་ཡན་པ་བློ་བདེ་ཞེས་བྱ་བ་དེས། ཡུལ་འདར་སྟོད་མང་མཁར་གྱི་ཕོ་བྲང་དུ་སྐྱེ་བ་མེད་པ་ལ་སྐྱེ་བའི་ཆོ་འཕྲུལ་བསྟན། གྲུམ་སྟོད་ཁའུའི་བྲག་ལ་སྒོམ་རྒྱུ་རྡུལ་ཙམ་མེད་པ་ལ་སྒོམ་པའི་རོ་མྱངས། རྒྱལ་ཁམས་ཕྱོགས་མེད་ཀྱི་བཞི་མདོར་རང་དོན་གྱི་དགོས་པ་ཅི་ཡང་མེད་བཞིན་དུ་ཉིན་མཚན་ཡང་ཡུད་དུ་འགྲོ་བའི་དགོས་དོན་མང་པོ་སྤྱོད་ཅིང་གནས་པ་ལས། བྱེ་བྲག་ཏུ་རང་ལོ་སུམ་ཅུ་སོ་བརྒྱད་ཡན་ལ་ཡུལ་དབུས་ཀྱི་སྨན་ལྗོངས་སུ་ལན་གསུམ་ཕྱིན་པའི་དང་པོ། རྗེ་བཙུན་འཇམ་པའི་དབྱངས་ཀྱི་རྣམ་པར་སྤྲུལ་པ་རྗེ་ངག་དབང་གྲགས་པའི་ཞབས་ཕྱིར་འབྲངས་ཏེ་ཕྱིན་ནས་ལོ་བརྒྱད་ཙམ་བསྡད། བར་པ་ལ་ས་སྐྱ་པའི་བསྟན་པའི་(༦༢བ)

― GLG009_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་བདག་སྤ་ར་བས་གསུང་ངག་བླ་མ་བརྒྱུད་པའི་གསེར་སྐུ་བཞེངས་པའི་རབ་གནས་ལ་ཕྱིན་ནས་ཟླ་བ་དྲུག་ཙམ་བསྡད་དེ་མགྱོགས་བསྐོར་བྱས། དེ་དག་གི་ལོ་རྒྱུས་རྣམས་བཤད་ན། དགའ་བ་ལ་བསམས་ན་ནམ་ལངས་པ་འདྲ་བ། སྐྱོ་བ་ལ་བསམས་ན་ས་རུབ་པ་འདྲ་བ། བཏང་སྙོམས་པ་བྱང་ཐང་སྐྱ་མོ་ལ་གར་བྱེད་པ་འདྲ་བ་ཇི་སྙེད་ཅིག་ཡོད་པ་ལབས་ཀྱང་སྤྲང་པོའི་གླུ་ལ་ཉན་མཁན་མེད་པས་དགོས་པ་ཆུང་བས་རྒྱབ་ཏུ་སྐྱུར་ལ་ཞོག །ལན་གསུམ་པ་རང་ལོ་སོ་བརྒྱད་པའི་དུས་སུ་ཕྱིན་ནས་ལོ་གཉིས་ཙམ་བསྡད་དུས་ཀྱི་འཕྲོས་གཏམ། ཡས་ཕྱིན་གྱི་ལམ་དུ་ཇི་ལྟར་བྱུང་བའི་ཚུལ་གྱི་རྟོགས་བརྗོད་ལམ་གླུ་དཔྱིད་ཀྱི་རྒྱལ་མོའི་དགའ་སྟོན། ཀུ་མུ་ད་གསར་པ་ཁ་བྱེ་བ་འདྲ་བ་འདི་ཉིད་སྨྲས་པ་ལ་ཆེད་དུ་དགོས་པ་ཆེན་པོ་མི་འདུག་སྟེ། གསང་དགོས་པའི་མཚང་ཡང་མེད་པས། སྣང་བ་གདོང་འདེད་གཞིར་བཞག་ལ། ད་ལམ་ལབ་པ་ངོས་འདི་སྣང་བ་ལ་ཤར་བྱུང་བས་གསན་པ་ཞུ་ཞིག །དེ་ཡང་། དེ་གོང་ཕྱིན་དུས་གྲ་རིགས་སྦྱིན་བདག་སོ་སོར་ཡོང་བའི་ཁས་ལེན་ཀྱང་བྱས་ཡོད་པ་དང་། རྗེས་སུ་རིམ་པར་ནན་ཏན་གྱི་འབོད་མི་འཕྲལ་དུ་བྱུང་བ་དང་། འདུལ་བར་འོས་པའི་སྣོད་ལྡན་གྱི་གདུལ་བྱ་འགའ་ཞིག་ཀྱང་འདུལ་བའི་དུས་ལ་བབ་འདུག་ཅིང་། རང་ཉིད་ཀྱང་ཡུལ་ཕྱོགས་མེད་ཀྱི་བདུད་རྩི་བསྟེན་ན་ནང་དུ་སེམས་ཉིད་ལ་འགྱུར་བ་ཆེན་པོ་ཞིག་འོང་ཤས་ཆེ་བས། དེ་སྔ་ཕྱིན་པའི་དུས། སྦྱིན་བདག་གིས་རྟ་དྲེལ་གྱིས་བསྐྱེལ་བསུ་བྱས་བའི་ཚེ། རྟ་རྫི་དྲེལ་རྫི་མིང་ངན་བསམ་པ་ཆུང་ཞིང་ལྟོགས་འདོད་ཆེ་བ་རྣམས་ཀྱི་ངོ་མི་ཟིན་བཞིན་དུ་འཛིན་དགོས་པ་དེ་སུན་ལ་སྐབས་སུ་མི་བབ་པ་ཞིག་འོང་གིན་འདུག་པ་དང་(༦༣ན)

― GLG009_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་པར་ལམ་བར་རྣམས་སུ་ཡང་སྔར་ཆོས་འབྲེལ་ཡོད་པ་དང་། ད་ཆོས་ཞུ་འདོད་ཀྱི་བླ་མ་མཇལ་བ། གནས་བཟང་པོ་དང་རྟེན་ཁྱད་པར་ཅན་མཇལ་བ་སོགས་དགོས་དོན་ཐམས་ཅད་བློས་བཏང་ནས། བདེ་གཟར་ཆེན་པོ་འཁྲུག་ཁ་མའི་གསེར་ཡིག་པ་བཞིན་དུ་ནམ་ལངས་ས་རུབ་དྲེལ་ཁལ་གྱི་རྗེས་ལ་ལམ་གཞུང་བསྲངས་ནས་ཐལ་མར་རྒྱུག་དགོས་པ་དེ་ཡེ་ཡིད་ལ་མི་འབབ་པ་ཞིག་བྱུང་བས། བྱ་བྲལ་འགྲོས་ཀྱི་འགྲོ་བར་བརྩམས་ཏེ་ཕག་གི་ལོ་ཧོར་ཟླ་ལྔ་པའི་དུས། ས་གཞི་རྣམས་མརྒད་གསར་པས་བྱུགས་པ་ལྟར་རྩྭ་སྔོན་གྱིས་སྔོ་འཇམ་དུ་གྱུར་ཅིང་། ཨིནྡྲ་ནཱི་ལའི་རྒྱ་མཚོ་གློ་བུར་དུ་རྡོལ་བ་ལྟར་ཆུ་བོ་དང་ཆུ་ཕྲན་མཐའ་དག་རབ་ཏུ་རྒྱས་ཤིང་རླབས་འཕྲེང་གིས་མཛེས་པའི་ལྦུ་བའི་འཛུམ་དཀར་ཕྱོགས་བརྒྱར་རྒོད་པ། སྐྱེ་བོ་རྣམས་དཔྱིད་ཀྱི་དུས་སྟོན་བཟང་པོ་ལ་བབས་པས་དགའ་ཞིང་ཆགས་པའི་རྣམ་འགྱུར་ཤས་ཆེར་སྟོན་པའི་རི་ཀླུངས་ཀུན་ཁྱབ་པར་གླུ་དབྱངས་དང་རྒོད་སྒྲ་འབྲེལ་མར་རྒྱུ་བའི་ཚེ། གདན་འདྲེན་གྱི་ཕོ་ཉ་དང་བཅས་པའི་ངེད་དཔོན་སློབ་ལྔ་ཕག་གསུམ་ཙམ་ཡོད་པ་ཐམས་ཅད་ཧ་ཅང་རྒན་པ་དང་གཞོན་པ་མ་ཡིན་པར་ལང་ཚོ་དར་ལ་བབ་པ། དགེ་སྦྱོང་ལ་འོས་པའི་ཆ་ལུགས་ངུར་སྨྲིག་གི་རྒྱལ་མཚན་ཞེ་གཅིག་པ། ཆེད་དུ་སྤོང་བ་ལྷུར་ལེན་པའི་མཚོན་བྱེད་རས་དཀར་གྱི་ལྕོག་པུ་གངས་རིའི་དུམ་བུ་ཚལ་དུ་ཆད་པ་འདྲ་བ་རེ་དང་། རྦ་དབྱུག་དཀར་པོ་དུང་གི་ཚུགས་ཤིང་ལྟ་བུ་རེ། བསམ་གཏན་གྱི་འབོལ་ཆུང་ཁ་གང་མ་གྲ་ཟུར་མ་ཉམས་པ་རེ། གྲ་ཆུང་དང་གྲ་ཕད་ཟུར་གསུམ་པདྨ་རཱ་ག་དང་པདྨའི་རྩ་བ་ཐོགས་སུ་བཏགས་པ་ལྟ་བུ་རེ། སྐལ་(༦༣བ)

― GLG009_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་རྗེས་སུ་འཛིན་པའི་སླད་དུ་སྙན་བརྒྱུད་ཟབ་མོའི་བེ་བུམ་པོ་ཏི་རེ་དང་བཅས་པ་ཁུར། ཁོ་བོ་ཅག་རྐང་འགྲོས་ཀྱིས་བུལ་བས། རྟ་སྔོན་པོ་བརྟན་བརླིང་འཛོམ་པ་སྒ་སྲབ་ལ་སོགས་པ་དཀྱུས་ཐུབ་པ་ཞིག་ལ་ཞོན། ཐུབ་པས་དབྱར་གྱི་རས་ཆེན་གནང་བ་དང་མཐུན་པའི་ཆར་སྐྱོབ་ཀྱི་རས་ནམ་ཐང་ཡུག་པོ་ཆེ་མུ་མེན་གྱི་མཐའ་འཇག་བཏང་བ་ལྟ་བུ་ཞིག་གྱོན། མང་མཁར་ཐུབ་བསྟན་དགེ་འཕེལ་གྱི་དགོན་པ་ནས་ཆས་ཏེ། རང་གི་བསྟི་གནས་སུ་ཅུང་ཟད་ངལ་གསོས། འདར་སྟོད་རྣམ་རྒྱལ་སྟག་རྩེའི་ཕོ་བྲང་གི་འདུན་སར་མཆོད་རྟེན་གྱི་རབ་གནས་དང་དགའ་སྟོན་བསྒྲུབས་ཏེ་རིམ་པར་ཆས་པ་ནི་འདི་ལྟར་རོ། །ཡིད་འོང་མཚོ་ཆེན་ངོགས་སུ་ཆས་པ་ཡི། །དཔལ་ལྡན་ངང་པའི་རྒྱལ་པོ་འདབ་བཟང་དབང་། །ངུར་པ་བྱེ་བས་བསྐོར་བའི་མཛེས་སྡུག་ནི། །མཁའ་ལ་ལི་ཁྲིའི་རྡུལ་དམར་འཁྲིགས་པ་ལྟར། །དེ་བཞིན་བསྟན་དང་འགྲོ་བའི་དོན་ཆེན་ལ། །རིངས་པར་ཆས་པའི་རྣལ་འབྱོར་ཀུ་སཱ་ལི། །ངུར་སྨྲིག་འཛིན་པའི་སློབ་འཁོར་དང་བཅས་པ། །ཡུལ་དབུས་འཛིན་མའི་སྨན་ལྗོངས་ཡངས་པར་ཆས། །གང་དེ་མཐོང་བའི་སྐལ་བཟང་གཞོན་ནུ་རྣམས། །བདེ་སྐྱིད་ཕྱི་མ་བདེ་བའི་རྣམ་ཐར་ཅན། །འདི་འདྲའི་རྗེས་སུ་ང་ཡང་ཁྲིད་ན་སྙམ། །ཡིད་ཀྱིས་རེ་སྨོན་ཅི་ཡང་འདེབས་པར་བྱེད། །དེའི་ནུབ་ཧ་ཅང་མི་རིང་བའི་གྲོང་ཁྱེར་དོན་གྲུབ་གླིང་ཞེས་བྱ་བར་སྐྱེད་ཚལ་ལྗོན་ཤིང་གི་དོ་ར་འཁྲིགས་པ་ཞིག་འདུག་པ་དེར་ལྕོག་གྲ་རྣམས་སྤྲིན་དཀར་གྱི་འཕྲེང་བ་ཚར་དུ་དངར་བ་ལྟར་བརྒྱབ། ཆོས་སྤྱོད་ཀྱི་རིམ་པ་འབྲུག་གི་སྒྲ་ལྟར་དུ་ལྡིར། རྒྱ་ཇ་བཟང་པོ་ངར་ངད་འཛོམ་པའི་(༦༤ན)

― GLG009_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

བཏུང་བ་དབྱར་གྱི་ཆུ་མཚོ་ལྟར་ཆལ་ཆིལ་དུ་ལོངས་སྤྱོད་ཅིང་གནས་པའི་ཚེ། དེའི་དགོན་པར་ཆོས་རྗེའི་དྲུང་གིས་ངེད་དཔོན་སློབ་འགའ་གདན་དྲངས་གཞིས་ལེན་ཤངས་ལེན་བཟབས་མ་མཛད། ནང་སོ་དང་སྔར་འདྲིས་ཀྱི་གྲ་པ་རྣམས་ཀྱིས་ཀྱང་ཇ་འདྲེན་སོགས་ལེགས་ཚོགས་ཀྱི་རྟེན་འབྲེལ་ཐོག་མར་འགྲིག་པ་བྱུང་། དེ་སྔ་ཡན་ཆར་དཀོན་ཙམ་ཡོད་པ་ལ། དེ་རྗེས་ངེད་དཔོན་སློབ་རྣམས་སོ་སོར་དགོངས་ཐུན་གྱི་རིམ་གཉིས་ཀྱི་རྣལ་འབྱོར་ལ་འཇུག་པར་རྩོམ་པ་ན། ཕྱོགས་ཐ་གྲུ་ནས་ཆར་སྤྲིན་དལ་བུ་གཏིབས། འབྲུག་སྒྲ་ཟབ་མོའི་སྒྲ་དབྱངས་དང་བཅས་པའི་ཆར་གྱི་རྒྱུན་ཆེན་པོ་བབས་པས། འབྲུ་བཅུད་རྣམས་རབ་ཏུ་སོས་ཤིང་སྐྱེ་བོ་རྣམས་ཡིད་དགའ་བདེས་འཚོ་བར་གྱུར་ཏོ། །བྷུ་སུ་ཀུ་རེ་ལམ་དུ་ཆས་པའི་ཚེ། །དེ་ཡི་གཙུག་རྒྱན་རྗེ་བཙུན་ཁའུ་པའི། །ཐུགས་རྗེའི་དགེ་མཚན་འོད་ཟེར་སྟོང་འཕྲོས་པས། །རྒྱ་མཚོའི་ཀླུ་རྣམས་དགའ་བའི་ཟློས་གར་ལས། །ཕྱོགས་ཀུན་ཆར་སྤྲིན་གསར་པས་ཆེད་དུ་གཏིབས། །སྤྲིན་རུམ་ནང་ནས་འབྲུག་སྒྲ་དལ་གྱིས་རྒོད། །གློག་འཕྲེང་གཞོན་ནུའི་གོ་སྐབས་དབྱེ་བ་ཡི། །ཡིད་བཞིན་སྤོས་ཆུའི་ཆར་ཆེན་དེང་འདིར་བབས། །ལོ་ཏོག་རྩི་ཤིང་ཉི་གཞོན་གྱིས་ཕྱེ་བའི། །པདྨོ་ཇི་བཞིན་ཕྱོགས་བཅུར་འཛུམ་དཀར་གཡོ། །མི་རྣམས་སྦྲང་རྩིས་མྱོས་པའི་བུང་བ་བཞིན། །རབ་ཏུ་དགའ་བའི་དར་དིར་གླུ་དབྱངས་ལེན། །ཞེས་བཀའ་སྩལ་པས་ཆར་རྒྱུན་གྱིས་འཛིན་མ་རྣམས་བརླན་ཏེ་མྱུ་གུའི་འཚོ་བ་སྐྱེད་བསྲིང་བའི་སྔོན་འགྲོའི་རྟེན་འབྲེལ་འགྲིག་པའང་སྤྱིར་དམ་པ་འདི་གང་དུ་བྱོན་པའི་སར་ཡུལ་ཁམས་བདེ་ཞིང་བཀྲ་ཤིས་པར་འབྱུང་བ་ཆོས་ཉིད་ཡིན་(༦༤བ)

― GLG009_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། ཁྱད་པར་རྗེ་བཙུན་ས་སྐྱ་པའི་གསེར་ཆོས་རིག་བྱེད་མའི་ཆོས་སྐོར་ན་ཆར་དབབ་པའི་མན་ངག་ཆེས་ཟབ་པ་དངོས་སུ་ཕྱག་ལེན་མ་མཛད་ནའང་། རྗེ་བཙུན་བཅོམ་ལྡན་འདས་མས་རྗེས་སུ་བཟུང་བའི་བྱིན་རླབས་ཀྱི་མཐུ་དང་ངེས་པའི་དོན་དུ་རླུང་སེམས་ལ་དབང་འབྱོར་བའི་གྲུབ་པའི་དབང་ཕྱུག་ཆེན་པོ་རྣམས་ཕྱི་ནང་རྡོ་རྗེའི་ལུས་ལ་གནད་དུ་བསྣུན་པས། ཇི་ལྟར་ཕྱི་རོལ་དེ་བཞིན་ནང་། །ཞེས་པ་ལྟར་ནང་གི་ཏིང་ངེ་འཛིན་གྱིས་ཕྱི་རོལ་གྱི་ཆོས་རྣམས་བསྒྱུར་དུ་བཏུབ་པའི་གནད་གསང་ཆེན་པོར་མངོན། ལམ་ཡིག་ལས། སང་ཉིན་སྔ་བར་ཆས་ནས་ལྕགས་ལ་ཞེས་བྱའི་ལ་བརྒལ་ནས་རིམ་པར་བརྒྱུད། ལྕགས་ཐང་གི་མདའ་ཕྱུག་པོ་ཤར་པ་ཟེར་བའི་ཁྱིམ་བདག་དད་པ་ཅན་ཞིག་གི་ལྕང་ར་ཀླུ་སྡིངས་ཞིག་འདུག་པར་བསྡད། དེར་ཟླ་བ་ཡར་ངོའི་ཚེས་བཅོ་ལྔ་རྗེ་བླ་མའི་ཚེས་མཆོད་གྱི་སྐབས་སུ་བབ་བྱུང་བས། སྔ་མ་མཆོད་ཆོག་རྒྱས་པར་བྱས་སྦྱིན་བདག་དེས་ཀྱང་བསྙེན་བཀུར་འབུལ་བ་སོགས་ཡང་དག་བྱུང་། སང་ཚ་བའི་སྟེང་དུ་བླ་མ་ཞང་དགོན་པ་བའི་སྒྲུབ་གནས། རྗེ་བཙུན་ས་སྐྱ་པ་ཆེན་པོའི་གསུང་ངག་རིན་པོ་ཆེ་གསན་པའི་ཡུལ་སག་ཐང་དིང་ཞེས་བྱ་བར་སླེབས། དེའི་གཙུག་ལག་ཁང་མཆོད་རྟེན་ཆོས་ཁྲི་དང་བཅས་པ་མཇལ། ཕྱག་མཆོད་སྨོན་ལམ་གསོལ་གདབ་བྱས་ཏེ། དཔལ་ཇོ་མོ་ནང་གི་རི་ཁྲོད་ཆེན་པོར་སླེབས། དེའི་ནུབ་སྐུ་འབུམ་ཐང་དུ་ལྕོག་གྲ་བྱས་བསྡད་པས། དེར་གནས་མཇལ་ལ་འོངས་པའི་ཕྱོགས་ཀྱི་སྐྱ་སེར་ཕོ་མོ་མང་པོ་འདུག་པ་རྣམས་ཀྱིས། ངེད་དཔོན་སློབ་ལ་ལྟད་མོ་དག་སྣང་སྐོར་བ་ཆོས་འབྲེལ་ཞུ་བ་སོགས་མང་པོ་བྱུང་། སང་སྔ་དྲོ་སྐུ་འབུམ་མཐོང་གྲོལ་ཆེན་མོ། སྦྱོར་དྲུག་བརྒྱུད་པའི་ལྷ་ཁང་(༦༥ན)

― GLG009_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་མཇལ། རི་ཁྲོད་ལ་རྒྱང་བལྟས་བྱས་པས་བློ་འགྲོ་ཞིང་ཡིད་འཕྲོག་པ། སྔོན་གྱི་དམ་པ་རྣམས་ཀྱིས་འདི་ལྟ་བུའི་གནས་སུ་སྒྲུབ་གྲྭའི་རྒྱུན་བཙུགས། སྐྱེ་བོ་མང་པོ་ཐར་པའི་ལམ་ལ་འགོད་པར་མཛད་པ་ཆེས་ཆེར་ངོ་མཚར་ཞིང་རྨད་དུ་བྱུང་བའི་རྣམ་ཐར་དུ་འདུག །ཁོ་བོ་ཅག་ཀྱང་འདི་ལྟ་བུའི་དབེན་གནས་ཞིག་ཏུ་བྱང་ཆུབ་སྒྲུབ་པ་ཞིག་ནམ་འོང་སྙམ་པ་སྙིང་གི་དཀྱིལ་དུ་ལྷང་ལྷང་བའི་དག་སྣང་བྱུང་ངོ་། །ཨེ་མ་ནགས་རྒྱལ་སྨན་བཙུན་དབང་མོའི་རི། །རི་ངོས་ཚང་ཚིང་འཁྲིགས་པའི་ནགས་ཀྱི་ཁྲོད། །ཁྲོད་ཡང་རྡོ་བའི་སྤྱིལ་ཆུང་སྐྱིད་པའི་ནང་། །ནང་དེར་བྱང་ཆུབ་སྒྲུབ་པའི་སྐལ་བཟང་ཚོ། །མཐོང་བའི་མོད་ལ་ཡིད་ནི་ཟ་ཟིར་གྱུར། །བདག་ཀྱང་ནམ་ཞིག་འདི་འདྲའི་སྐལ་བཟང་ཞིག །ཅིས་ཀྱང་སྒྲུབ་སྙམ་སྙིང་གི་གསེབ་དབྲག་ཏུ། །འགྱུར་མེད་དམ་བཅའི་ཕུར་པ་བརྟན་པོར་ཐེབས། །དེ་ནས་མངའ་སྐོར་བྱས་ཞེས་བྱུང་། །གསོལ་འདེབས་ལས། གནོད་སྦྱིན་དབང་པོའི་གནས་སུ་མཆོད་གཏོར་ཕུལ། །ཇ་ལུང་རི་བོར་འཁྲུལ་ཞིག་བླ་མ་མཇལ། །མཁས་གྲུབ་དབང་པོ་ཀུན་དགའ་ལེགས་པ་ལ། །ཟབ་མོའི་དབང་མཆོག་གསན་ལ་གསོལ་བ་འདེབས། །ཞེས་པའི་དོན་ལམ་ཡིག་ལས། བྲག་རམ་ཆོས་སྡེའི་མགོན་ཁང་མཇལ། གནོད་སྦྱིན་ཆེན་པོ་ལ་སྙན་དར་གསོལ་མཆོད་འཕྲིན་བཅོལ་དང་བཅས་པ་རྒྱས་པར་བྱས། བྲག་རམ་སློབ་དཔོན་པས་གདན་དྲངས། ཇ་འདྲེན་རས་དཀར་གྱི་ཕྱག་རྟེན་དང་བཅས་པ་ཕུལ། གནོད་སྦྱིན་གྱི་ཆོས་སྐོར་ཞུ་བའི་སྙན་གསན་ཕབ། རྗེས་སུ་དེ་ལྟར་བྱེད་པ་ཁས་བླངས། དེ་དང་ཁད་ཉེ་བའི་ཆུ་མོ་ལུང་གི་དགོན་པ་ན་གྲུབ་པ་མཆོག་གི་དབང་(༦༥བ)

― GLG009_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་འཁྲུལ་ཞིག་རཏྣ་བྷ་དྲ་བཞུགས་པའི་དྲུང་དུ་མཇལ། དེ་ནུབ་ཚོགས་ཀྱི་འཁོར་ལོ་དང་བཅས་པའི་སྒོ་ནས་བཅོམ་ལྡན་འདས་པདྨ་དབང་ཆེན་ཡང་གསང་ཁྲོས་པ་ཁྲག་འཐུང་ལྷ་དགུའི་དབང་། དེའི་ཚེ་དབང་། བཀའ་སྡོད་གིང་ལྔ་གཟའ་གདོང་གི་སྲོག་དབང་བཀའ་གཏད་དང་བཅས་པ་ཞུས། སང་འགྲོ་ཁར་ངེད་དཔོན་སློབ་ཐམས་ཅད་ཀྱིས་ལྷན་ཅིག་ཏུ་སློབ་དཔོན་ཆེན་པོ་ལ་པདྨ་འབྱུང་གནས་ཀྱི་སྒོ་ནས་བླ་མའི་རྣལ་འབྱོར་ཞུས། དེའི་ཚེ་རྗེ་བླ་མ་འཁྲུལ་ཞིག་གི་སྤྱོད་པས་ཧཱུྃ་རིང་ཧཱུྃ་ཐུང་གི་གདངས་དབྱངས་གར་སྟབས་ངེད་ཀྱི་གྲ་པ་རྣམས་ལ་བཀའ་བཀྱོན་དང་ཐུགས་འདོགས་སྤེལ་བའི་ཧུར་སྤྱོད་མང་པོ་མཛད་ཀྱི་འདུག་པས་ཁོང་ཚོ་ཐམས་ཅད་དད་པ་སྐྱེས། འཇིག་རྟེན་ཆོས་བརྒྱད་མེད་པའི་བླ་མ་ཟེར་ན་འདི་འདྲ་ཞིག་འོང་བ་ཡིན་ཟེར་ཞིང་གདའ། ཇ་ལུང་རི་བོའི་སྤོ་ལ་འཁྲུལ་ཞིག་རྗེ། །ཀུན་བཟང་དགོངས་པའི་བཅུད་ཀྱིས་མྱོས་པ་དེས། །གར་དགུའི་རོལ་རྩེད་ཧཱུྃ་སྒྲ་སྒྲོག་པའི་ཚེ། །སྐལ་ལྡན་སྙིང་ལ་འདོད་འཇོའི་བཀའ་དྲིན་སྦྱིན། །ཞེས་གྲུབ་པའི་དབང་ཕྱུག་འདར་ཕྱ་རུ་བ་རིན་ཅེན་བཟང་པོས་བྱིན་གྱིས་བརླབས་པའི་མགོན་ཁང་བྲག་རམ་དུ་གནོད་སྦྱིན་ཆེན་པོས་ཞལ་དངོས་སུ་བསྟན་པར་བཀའ་བསྒོ་དམ་བཞག་མཛད་པའི་ཚན་དུ་འདུག །དམ་པ་འདི་ཉིད་ཀྱི་ཡོངས་འཛིན་རྣམས་ཀྱི་ནང་ནས་དྲང་སྲོང་བཀའ་བཞི་པ་འཁྲུལ་ཞིག་དཀོན་ཅོག་བཟང་པོ་འདི་ཉིད་བཀའ་དྲིན་ཆེ་བའི་ཇ་མ་གཅིག་ཏུ་མཛད་ཅིང་། ཡང་གསང་ཁྲོས་པའི་རྣལ་འབྱོར་མཐར་ཕྱིན་པས་གནོད་སྦྱིན་བེག་ཙེ་དང་གིང་ལྔ་གཟའ་གདོང་བྲན་དུ་འཁོལ། རིགས་འཛིན་ཆེན་པོ་རྒོད་ཀྱི་ལྡེམ་ཕྲུ་ཅན་གྱི་ཟབ་གཏེར་ལྷུན་གྲུབ་དགོངས་པ་ཟངས་ཐལ་ལ་བརྟེན་ནས་(༦༦ན)

― GLG009_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

གཞོན་ནུ་བུམ་སྐུར་རང་རིག་གདོད་མའི་ཀུན་བཟང་མངོན་སུམ་དུ་རང་ངོ་འཕྲོད་པས་ཕྱི་རོལ་ཀུན་རྫོབ་ཀྱི་རྫུན་ཕུགས་རྡིབ་ནས་གང་ཤར་ཐམས་ཅད་ལོངས་སྐུའི་ཞིང་དུ་འབྱམས་ཀླས་པས་རྗེ་འདི་ཉིད་ཀྱི་ཉམས་རྟོགས་མེ་ལོང་ལ་གཟུགས་བརྙན་བཞིན་བླ་ནས་བླར་འཕེལ་བར་སྣང་། ལམ་ཡིག་ལས། དེ་ནས་བོ་དོང་ཕུན་ཚོགས་རབ་བརྟན་གྱི་ཕོ་བྲང་ན། རྗེ་བཙུན་རྡོ་རྗེ་འཆང་ཆེན་པོ་མཁས་དང་གྲུབ་པའི་དབང་པོ་ཀུན་དགའི་མཚན་ཅན་བཞུགས་པའི་ཞབས་དྲུང་དུ་མཇལ། ངོས་ཀྱི་དཔལ་ཀྱེ་རྡོ་རྗེའི་རས་བྲིས་ཀྱི་དཀྱིལ་འཁོར་དུ་དབང་བཞི་རྫོགས་པར་ཞུས། ངེད་དཔོན་སློབ་ཐམས་ཅད་ཐུན་མོང་དུ་གསེར་གཡབས་ཟེར་བའི་འཁྱམས་གྲ་ཞིག་འདུག་པ་དེར་ཕེབས། གདན་ཁྲི་ཤིན་ཏུ་མཐོ་བ་ལ་བཞུགས་ནས་སྐུའི་གཟི་བརྗིད་ཉི་ཟླ་ཟིལ་གྱིས་གནོན་ནུས་པ་ཙམ། གསུང་གི་གདངས་འབྲུག་ལྟར་ལྡིར་བཞིན་པས་རོལ་མོ་བཟང་པོ་འཁྲོལ་བ་དང་བཅས་ཚེ་དཔག་མེད་གྲུབ་རྒྱལ་ལུགས་ཀྱི་ཚེ་དབང་བཀའ་དྲིན་བསྐྱངས། ཁོ་བོ་རང་གིས་སྔར་ཕུལ་བའི་དབང་དྲིལ་ཤིང་ཁུལ་མས་གཙོ་བྱས་ཟང་ཟིང་གི་གནང་སྦྱིན་བཟང་པོའང་གནང་། ངེད་རང་ནི་རྗེ་བཙུན་རྡོ་རིང་པ་ཆེན་པོ་ཆོས་དབྱིངས་སུ་གཤེགས་རྗེས་རྗེ་འདི་ཉིད་བླ་མའི་གཙོ་བོ་ཡིན་ཞིང་། རྡོ་རྗེ་འཆང་དངོས་ཀྱི་འདུ་ཤེས་ཡོད་པས་དད་པ་དང་སྤྲོ་བ་ཅིག་ཅར་བྱུང་། གྲ་པ་རྣམས་ནི་ཧ་ཅང་མཇལ་དཀའ་ཞིང་གཟི་བརྗིད་ཆེ་བ་ཙམ་འདུག །ངེད་རང་གྲ་པ་རྣམས་ཀྱི་བླ་མ་ཆོས་རྗེ་དཀའ་བཞི་བ་དེ་འདྲ་བ་ཞིག་ཡོང་བ་ཡིན་ཟེར་བ་ལ། ངེད་ཀྱིས་དེ་འདྲ་མ་ཟེར་རྗེ་འདི་པ་དིང་སང་གཟུར་གནས་ཀྱིས་བལྟས་ན་ས་སྐྱ་པའི་སྔགས་འཆང་ཀུན་གྱི་གཙོ་བོ། (༦༦བ)

― GLG009_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

ངེད་རང་བདག་ཆེན་རྡོ་རྗེ་འཆང་ཆེན་པོའི་བརྒྱུད་འཛིན་རྣམས་ཀྱི་གཙུག་གི་ནོར་བུ། ཁྱད་པར་ངེད་རང་གི་བླ་མའི་གཙོ་བོ་རྡོ་རྗེ་འཆང་དངོས་དང་ཞལ་མི་གཉིས་པ་ཞིག་ཡིན་ཐག་ཆོད་པས། སོ་སོར་སྙིང་ནས་གསོལ་བ་ཐོབ། བྱིན་རླབས་ཁྱད་པར་ཅན་འཇུག་ངེས་པའི་ཁག་ཁུར་བ་ཡིན། འཕྲལ་ཆེ་ཁྱད་ཆེ་བ་ཙམ་རྗེ་ལ་ཆོས་བརྒྱད་ཀྱི་རྟོག་པ་ཅི་མངའ། སྦྱིན་བདག་སྟོབས་ལྡན་གྱི་ཞབས་ཏོག་ལ་དམིགས་པ་ཡིན་མོད་བྱས། དེ་མཐུན་གནས་གསར་ནས་ནང་སོ་ཞལ་ངོ་རྣམས་ཀྱིས་ཀྱང་བསྙེན་བཀུར་ཤངས་ལེན་ཡང་དག་མཛད་དོ། །རྣམ་རྒྱལ་རབ་བརྟན་རྒྱལ་པོའི་ཕོ་བྲང་ན། །ཆོས་ཀྱི་རྒྱལ་པོ་རྗེ་བཙུན་ཀུན་དགའི་མཚན། །འཇིགས་མེད་སེང་གེའི་ཁྲི་ལ་འགྱིང་བཞིན་དུ། ངེས་དོན་ཟབ་མོའི་ངང་ནས་མ་གཡོས་པའི། །ཞལ་བཟང་སྟོན་གྱི་ཟླ་ཤེལ་ལྟ་བུ་མཐོང་། །ཞབས་ཀྱི་པདྨ་གཙུག་གི་རྒྱན་དུ་བླངས། །གསང་ཆེན་བདུད་རྩིས་སྙིང་ལ་བདེ་བ་ཐོབ། །ཀྭ་ཡེ་གྲོགས་དག་ཆུ་གཏེར་ཁ་དོག་ལ། མ་འཇིགས་དད་པའི་གཟིངས་སུ་ཞུགས་ཤིག་དང་། །བཤེས་གཉེན་དམ་པའི་དེད་དཔོན་བཀའ་དྲིན་གྱིས། །དངོས་གྲུབ་ནོར་བུ་ཐོབ་པར་ཐེ་ཚོམ་མེད། །ས་སྟེང་འདི་ན་རྗེ་བཙུན་ས་སྐྱ་པའི། །བསྟན་འཛིན་ཡོངས་ཀྱི་རལ་བའི་ཟུར་ཕུད་ལ། །མཁས་དང་གྲུབ་པའི་ཞབས་སེན་ངལ་གསོ་བའི། ཁོ་བོའི་གཙུག་རྒྱན་སྔགས་འཆང་འདི་འདྲ་དཀོན། ཞེས་པ་བདག་ཆེན་རྡོ་རྗེ་འཆང་ཆེན་པོའི་ཞལ་སློབ་ཀྱི་ཁྲོད་ཀྱི་རྡོ་རྗེ་འཆང་ཀུན་སྤངས་ཆེན་པོའི་འོག་ནས་མཁས་གྲུབ་ཀྱི་དབང་པོ་རྗེ་བཙུན་སྒོ་རུམ་པ་ཆེན་པོ་འདི་ཉིད་འགྲན་ཟླ་དང་བྲལ་བ་ཡིན་ཞིང་། རྗེ་འདི་ཉིད་ཀྱིས་ཀྱང་ཐུགས་ཡིད་གཅིག་འདྲེས་ཀྱི་རྩ་བའི་(༦༧ན)

― GLG009_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་གཅིག་ཏུ་མཛད། འདིའི་སྐབས་ལྷ་རིགས་འ་ཞའི་ས་སྐྱོང་བར་བྱང་གཙང་གི་ཕུགས་སུ་བདག་པོ་སྔགས་འཆང་པའི་མི་སྲུན་སྒྱུ་འཕྲུལ་གྱི་འཁོར་ལོ་མ་འཁོར་བའི་མངའ་ཐང་སྒང་ལ་རྒྱབ་པ་ནས་རྗེ་སྒོ་རུམ་པར་ཞབས་ཏོག་ཤིན་ཏུ་ཆེ་བའི་གཟི་བརྗིད་ཀྱི་ཉི་འོད་བློ་ཆུང་མེ་ཁྱེར་རྣམས་ཀྱིས་མ་བཟོད་པའི་རིགས་སུ་སྣང་། ལམ་ཡིག་ལས། དེ་ནས་རྫི་ལུང་དུ་ཞག་གཅིག་བསྡད། སང་ཉིན་དགེ་སྡིངས་ན་དཔལ་ས་སྐྱའི་ཆོས་ཀྱིས་མངོན་པར་མཐོ་བའི་ཁྲི་ལ་བཞུགས་པ། བདག་ཆེན་རིན་པོ་ཆེ་ཁྲི་ཐོག་པའི་དྲུང་བཞུགས་པ་དང་མཇལ། དེ་སྔ་ནས་དཔོན་སློབ་འདྲིས་པ་ལྟ་བུའི་ནང་གཙང་ཞིང་ཐུགས་འགོལ་བས་བཀའ་ལུང་བག་ཕེབས་པར་གནང་། ངེད་རྣམས་ལ་བདག་ཆེན་ཐམས་ཅད་མཁྱེན་པ་ཆེན་པོ་མཛད་པའི་བླ་མ་མཆོད་ཆོག་རྒྱས་བསྡུས་ཀྱི་ལུང་། དེ་དང་རྗེས་སུ་འབྲེལ་བའི་བླ་མའི་རྣལ་འབྱོར་འདོད་ཞུས་ལྟར་བཀའ་དྲིན་བསྐྱངས། སྐུ་ན་ཕྲ་མོ་དེ་ལྟ་བུ་ལ་འདི་འདྲའི་ལུགས་ཀྱི་གནང་སྐྱོང་དང་ངོ་མཚར་བ་འོང་བ་ངེས་པར་འཇམ་པའི་དབྱངས་ཀྱི་རྣམ་འཕྲུལ་ཡིན་པ་ལ་ཐེ་ཚོམ་མི་ཟ་བ་འདུག་སྙམ་པའི་དད་མོས་དང་། ས་སྐྱ་པའི་རྨོངས་ཞེན་གྱིས་བློ་བདེ་བ་ཚད་མེད་པ་བྱུང་། བྱིན་རླབས་ཀྱི་རྟེན་གནང་སྦྱིན་སོགས་ཡང་དག་ཐུགས་རྗེས་བཟུང་ཞེས་བྱུང་། གསོལ་འདེབས་ལས། ཁྲོ་ཕུ་དགའ་ལྡན་བྱམས་པའི་བསྟི་གནས་སུ། །རྡོ་རྗེ་བཙུན་མོའི་སྤྲུལ་པས་ལུང་བསྟན་ཞིང་། །ཌཱ་ཀིའི་སྐུ་ལ་ཤེལ་དཀར་མྱུ་གུ་ལྟར། །གསལ་བའི་འོད་སྣང་གཟིགས་ལ་གསོལ་བ་འདེབས། །ཞེས་པ་ལྟར་ལམ་ཡིག་ལས། དེའི་ནུབ་ཁྲོ་ཕུར་ཕྱིན་འདུ་ཁང་ཆེན་པོ་ཞིག་འདུག་པ་དེར་སྡོད་ས་བྱས། ངེད་(༦༧བ)

― GLG009_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གཅིག་པུར་ཞལ་རས་ལྷ་ཁང་གི་ཕྱི་སྐོར་བྱེད་ཅིང་ཡོད་ཙ་ན། སྐོར་ལམ་དེ་ན་བུད་མེད་གཞོན་ནུ་ནད་པ་ཡིན་ཟེར་བ་ཞིག་ཁྱེལ་བྱས་ནས་འདུག །སྐོར་བ་འགའ་སོང་ཙ་ན་དེ་ལ་མཆེ་བ་ཇེ་རིང་ཡོང་གི་འདུག །མིག་འཁྲུལ་བའམ། ཀྲུང་ཀྲུམ་ལྟ་བུ་ལ་བཅོས་ནས་འཇིགས་པ་སྟོན་པ་ཡིན་ནམ་སྙམ་པའི་ཚེ། མཐར་ཁ་ཐམས་ཅད་མཆེ་བ་སྐྱ་ཟང་ངེ་བ་མཐོ་རེ་ལྷག་པ་ཙམ་གྱིས་ཁེངས་པ། དཔྲལ་བའི་དཀྱིལ་ན་ཁྲག་གི་མིག་སྨན་ཚེ་ལུང་ཐང་གི་རྡོག་པོ་འདྲ་བ་ཞིག་བྱས་ཧར་ཏེ་ལངས་བྱུང་བས། འདི་སྲིན་མོའམ་འབལ་མོ་ལྟ་བུ་ཞིག་ཡིན་པ་འདུག་སྙམ་ཡི་དམ་གྱི་ང་རྒྱལ་དང་བཅས་པས་ལག་ཏུ་འཕྲེང་བ་ཁུར་ནས་དེད་པས་སྐོར་ལམ་ལ་བྲོས་སོང་། རྗེས་ལ་བཅུག་ཕྱིན་པས་ལྷོ་ཕྱོགས་ཀྱི་ཁྱིམ་ཚང་གི་ནང་ཞིག་ཏུ་བྲོས་ནས་སྒོ་དེ་ནང་ནས་བཅད་སོང་། དེ་འཕྲལ་འོག་ཏུ་ལོག་གམ་སྙམ་པ་ལ། སེམས་ཐེང་ངེ་བ་འདྲ་བ་ཞིག་བྱུང་ནས་སྐོར་བ་གསུམ་ཙམ་བྱས་པས། ཁང་པ་དེའི་སྟེང་ནས་བུད་མེད་དེའི་མགོ་འདྲ་བ་ཞིག་སྐྲ་ཟིང་ངེ་བ་མཐོང་ཙམ་བྱས། སྐད་གདངས་ངར་ཆེ་བའི་གདངས་མ་དབྱངས་ལ། དད་མོས་ཀྱི་སྣང་བ་མི་འདུག་ཀྱང་། །ཚེ་སྔོན་གྱི་ལས་འབྲེལ་གཅོད་ཐབས་མེད། ཁྲག་འཛག་སྲིན་པོའི་རི་ལ་ཕྲད། །འཕན་དཀར་གྱི་ལྗོངས་སུ་རྗེས་སུ་འཛིན། །འཇིགས་སྣང་ལོག་ལྟ་མ་བྱེད་ཨང་། །བདེ་ཆེན་ལོངས་སྤྱོད་རྣལ་འབྱོར་པ། །ཟེར་བ་ཞིག་ལབས་བྱུང་བའི་མོད་ལ་སྔར་གྱི་འཇིགས་སྣང་དེ་ཞིག་པ་འདྲ་བའི་རིག་པ་ཧད་དེ་ཆེད་དེ་བ། ལུས་ལྗིད་མེད་པ་འདྲ་བའི་ཟ་ཟི་བན་བུན། རྡོག་པ་གར་རྒྱབ་མི་ཤེས་པ། སྣང་བ་འདི་གསལ་ལ་བསྟད་སོ་མེད་པ་སྐད་བཏོན་ལ་(༦༨ན)

― GLG009_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུག་གམ་སྙམ་པ་ཞིག་བྱུང་བས་འདི་བར་ཆད་དམ་དངོས་གྲུབ་གང་ཡིན་མི་ཤེས་པ་འདུག །ད་རེས་ནས་བརྡ་ཞིག་སྟོན་པ་མ་བྱུང་། །ད་མངོན་དུ་མ་གྱུར་པ་ལ་གསང་དགོས་སྙམ་ཟླའོ་རྣམས་ལ་བགྲོས་ཡེ་མ་བཏང་། དེའི་ནུབ་འོག་གི་འདུ་ཁང་ནང་གི་ལྕོག་བུར་བསྡད་པའི་ཚེ། གཏོར་བསྔོ་སོགས་སྤྲོས་བཅས་ཀྱི་དགེ་སྦྱོར་རྣམས་ཀྱང་དེ་གའི་ངང་དུ་འགྲོ་བ་ཞིག་བྱུང་། ཅི་ཡིན་ནམ་ཆ་མེད་ཡ་མཚན་ནི་ཆེ་སྙམ་དགེ་སྦྱོར་གྱི་ངང་དུ་སྲལ། དེར་བྱམས་ཆེན། སྐུ་འབུམ་ཆེན་མོ། རྣམ་སྲས་རང་བྱོན་སོགས་མཇལ། ཕྱག་མཆོད་སྨོན་ལམ་ཡིད་ཆེས་པ་བཏབ། སང་ཚ་ཐོན་ལ་དགེ་སྡིངས་ནས་བདག་ཆེན་རིན་པོ་ཆེའི་ཕྱག་ཕྱི་དྲུང་འཁོར་གཞོན་པ་ཁ་ཅིག་ཀྱང་གནས་མཇལ་ལ་བྱུང་། ངེད་ཚོས་ཇ་བཟང་པོ་བསྐོལ་ནས་དྲངས། དག་སྣང་བྱས་ཐམས་ཅད་བསྡོངས་ནས་ཞལ་རས་ལྷ་ཁང་མཇལ། དེ་ན་ཕག་མོ་ཞལ་གཉིས་མའི་སྐུ་ལི་མ་ཞིག་འདུག་པ་དེའི་ཕག་ཞལ་དང་ཐོག་གི་བར་ལ་ཤེལ་གྱི་འཁར་བ་བཙུགས་པ་ལྟ་བུ་ཞིག་འདུག་པས། འདི་གང་ཡིན་བྱས་ལག་པ་རེག་པས་འོད་མ་གཏོགས་རེག་རྒྱུ་མི་འདུག །དཀོན་གཉེར་དེ་ན་རེ། དེ་ཕག་ཞལ་ཡིན་པ་གདའ་ཟེར། དེ་ཁོང་རྣམས་ཀྱི་མ་མཐོང་བ་འདུག་པས་ཁ་རོག་བསྡད། སྐུ་དེ་ལ་མགོ་གཏུག་ཏེ་དབང་བཞི་བླངས་སྨོན་ལམ་བཏབ་བོ། །ལར་རྗེ་བཙུན་མཁའ་སྤྱོད་དབང་མོ་འདི་ངེད་རང་ལ་ཐོག་མ་ནས་དགྱེས་པ་ཞིག་ཡིན་འདུག་པས། རྗེ་བཙུན་རྡོ་རིང་པ་ཆེན་པོའི་གསུང་ནས་ཀྱང་། ཆོས་རྗེ་ལ་མཁའ་སྤྱོད་མའི་བྱིན་རླབས་བྱས་རེས་ཀྱི་ངེད་ལ་ལྟས་ཁྱད་པར་ཅན་རེ་ཡོང་གི་འདུག །འབད་རྩོལ་མཛད་ན་འདིས་མཁའ་སྤྱོད་ལ་འཁྲིད་(༦༨བ)

― GLG009_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེན་གདའོ་གསུང་བ་ཡོད་ཅིང་། འདི་སྐོར་གྱི་གཏམ་མང་པོ་ཞིག་ཡོད་དེ། སྣོད་མི་འདུག་པས་ནམ་མཁའི་དབྱིངས་སུ་ཕཊ། སྤྲང་རྒྱལ་ཁམས་ཕྱོགས་མེད་རྒྱུ་བའི་ཚེ། །ཡུལ་ཡ་མཚན་གྱི་ལྟད་མོ་འདི་ལྟར་མཐོང་། །ཤབ་དགེ་སྡིངས་རྡོ་རྗེའི་ཕོ་བྲང་ན། །རྗེ་ས་སྐྱ་ལོ་ཙཱའི་སྐུ་ཡི་དབོན། །ཐུགས་གཅིག་ཏུ་འདྲེས་པ་སྲས་ཀྱི་མཆོག །ཁོང་འཇམ་དབྱངས་གཞོན་ནུ་དངོས་དང་མཇལ། །གསུང་བག་ཕེབས་ཀྱི་བདུད་རྩི་སྙིང་ལ་སིམ། །ཆོས་ཟབ་ལམ་གྱི་རྣལ་འབྱོར་བཀའ་དྲིན་ཞུས། ཁོང་སྐྱོན་བྲལ་གྱི་མཛད་འཕྲིན་མཐོང་བའི་ཚེ། །ངེད་ས་སྐྱ་པའི་མདུན་མ་གྲུབ་འདུག་སྙམ། །སེམས་དགའ་སྤྲོ་དང་དད་པས་མཆི་མ་འཁྲུག །ཞབས་སྤྱི་གཙུག་ཏུ་བླངས་ནས་སྨོན་ལམ་བཏབ། །དེར་ཤབ་སྟོད་ཀྱི་ཆུ་ཀླུང་བརྒལ་ནས་ཕྱིན། །ཡུལ་ཡ་མཚན་ཅན་ཁྲོ་ཕུའི་གཙུག་ལག་སླེབས། །ལྷ་བྱམས་མགོན་གྱི་སྐུ་བརྙན་ཞལ་བཟང་མཐོང་། །རྟེན་ཁྱད་པར་ཅན་ཀུན་ལ་བྱིན་རླབས་ཞུས། །མ་མི་མིན་མཁའ་འགྲོས་འཇིགས་གཟུགས་བསྟན། །ང་ཁྲོ་རྒྱལ་གྱི་ང་རྒྱལ་དབྱིངས་ནས་རྒྱས། །མཚོན་འཕྲེང་ལྕག་གི་འདེད་དྲག་བཏང་བའི་ཚེ། ཁོང་ལུང་བསྟན་གྱི་སྒྲ་དབྱངས་སྒྲོག་པ་སྐད། ཁྱོད་ཡེ་ཤེས་ཀྱི་ཌཱ་ཀིའི་ལུང་བསྟན་དང་། །མོ་ཤ་ཟན་གྱི་མཁའ་འགྲོའི་རྒྱང་འབོད་གཉིས། །ང་རྣལ་འབྱོར་གྱི་སེམས་ལ་བདེ་སྡུག་མེད། །གང་ཡིན་ཀྱང་རང་ངོ་དབྱིངས་སུ་སྙམ། །ཨ་ལ་ལ་རྒྱལ་ཁམས་བསྐོར་བའི་ཚེ། །སྔོན་མེད་ཀྱི་ལྟད་མོ་ཨ་རེ་འཇིགས། །སེམས་ཉིད་ཀྱི་རང་གདངས་ཡིན་པར་གོ །དྲིན་ཅན་གྱི་བླ་མ་དེ་སྐུ་དྲིན་ཆེ། །དཔལ་མཁའ་སྤྱོད་ཀྱི་དགའ་མ་ཡིད་འོང་མ། །དུས་རིང་ནས་བསྐྱངས་པའི་མ་མ་དེས། །ད་རིགས་འཛིན་གྱི་གྲུབ་པ་སྟེར་བའི་(༦༩ན)

― GLG009_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

བརྡ། །ཡོངས་ངོ་མཚར་གྱི་ཟློས་གར་ཅི་ཡང་རྩེ། །ཞེས་འབྱུང་བ་ཁྱབ་བདག་བླ་མ་འདི་ཉིད་འདས་མ་འོངས་པའི་གནས་ལུགས་མཐའ་དག་གསལ་བར་གཟིགས་པའི་མངོན་མཁྱེན་ཐག་ཐོགས་མི་མངའ་ནའང་ཀུན་ཏུ་རྒྱུས་འཕགས་པ་མཽངྒལ་གྱི་བུ་བཅོམས་པའི་ལོ་རྒྱུས་ལྟར་ཆོས་གོས་འོག་གི་དུག་མདར་མ་དགོངས་པའི་བསྔགས་བརྗོད་ཆེ་ནའང་རྒྱུ་མཚན་འོག་ཏུ་རིམ་གྱིས་གསལ། ཁྲོ་ཕུར་རྗེ་བཙུན་རྡོ་རྗེ་རྣལ་འབྱོར་མའི་ངོ་མཚར་ཆོ་འཕྲུལ་གྱི་བཀོད་པ་དང་ཕག་ཞལ་གྱི་སྟེང་ནས་འཇའ་ཏལ་ལེ་ཟུག་པ་སླར་ཐུགས་ཀར་ཐིམ་པས་ཞག་མང་པོར་ཟག་མེད་ཀྱི་བདེ་ཆེན་ཁོ་ནར་འབྱམས་པ་སོགས་དྲང་སྲོང་སྲིན་པོ་རི་དང་འཕན་དཀར་གྱི་ལྗོངས་སུ་རྗེས་སུ་འཛིན། ཞེས་པའི་དོན་ལྟར་རྗེས་སོར་འཕན་ཡུལ་དུ་ཕེབས་པའི་ལམ་ཞིག་ཏུ་ནམ་མཁའ་ནས་མེ་དཔུང་འུར་སྒྲ་དང་བཅས་བྱུང་བ་ཅི་ཡིན་སྙམ་གཟིགས་པས་ཆིབས་སྒའི་སྔ་རུའི་སྟེང་བབ་མ་ཐག་རྣལ་འབྱོར་མར་གྱུར་ནས་སྐུ་ལ་འཁྲིལ་བས་ཞག་བདུན་གྱི་བར་ཟག་མེད་ཀྱི་བདེ་ཆེན་ཁོ་ནའི་ངང་དུ་སོང་བ་སོགས་རྗེས་སུ་འཛིན་པའི་ལུང་བསྟན་དུ་ངེས། ལམ་ཡིག་ལས། དེ་ནས་གནས་ཀྱི་མདའ་ན་དམ་པ་དམར་པོའི་རུས་ཡིན་ཟེར་བ་ཞིག་གི་ལག་ན་གདུང་རུས་ལས་གྲུབ་པའི་སྤྱན་རས་གཟིགས་ཀྱི་སྐུ་དང་སྲས་ཀྱི་ཐུགས་རང་བྱོན་ཡིན་ཟེར་བ་སོགས་འདུག་པ་མཇལ། དེའི་ནུབ་གངས་ཅན་ཆོས་འཕེལ་གྱི་དགོན་པའི་འཁྲིས། ལྷ་མོ་དམག་ཟོར་མའི་བླ་མཚོ་ཡིན་ཟེར་བ། མཐའ་ལྗོན་པའི་ཚལ་གྱིས་བསྐོར་བའི་དབུས་ན་ནེའུ་གསིང་གི་དཀྱིལ་ན་མཚོ་ཆུང་ཁོར་པ་ཞིག་འདུག་པའི་ཁ་སྟོད་སྐྱིད་སྐྱིད་འདྲ་བ་ཞིག་འདུག་པ་དེར་ལྕོག་གྲ་བྱས་བསྡད། ཇ་བཟང་སྐོལ་ཞིང་ཆོས་(༦༩བ)

― GLG009_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་བྱས་པས་གྲ་པ་རྣམས་བྱོན་བྱུང་ནས། །འདི་པ་ཆ་ལུགས་སོགས་རྟོགས་ལྡན་དུ་མི་འདུག །གྲ་མཐུན་ལ་སྐྱིད་མདོག་རྣམ་པ་སྒོ་ཡངས་པ་ཞིག་འདུག་པས། སྡེ་པ་ཟིལ་གནོན་པ་ལྟ་བུ་ཞིག་བརྫུས་པ་ཡིན་ནམ་ཟེར། གཅིག་ན་རེ་ང་དང་ཞལ་འདྲིས་ཡོད། སྡེ་པ་ཟིལ་གནོན་པ་ཡིན་ཐག་ཆོད་འདུག་ཟེར་བས། ཕལ་ཆེར་དེ་ལ་ཡིད་ཆེས་སོང་། སུ་ཡིན་ཟེར་བ་ལ། ང་ཅི་མེད་ཀྱི་སྤྲང་པོ་ཡན་པ་བློ་བདེ་བྱ་བ་ཡིན་ནོ་ཨང་བྱས་པས། ཁྱེད་རང་སུ་ཡིན་ཀྱང་ཉམས་དགའ་ལ་སྣང་བ་བདེ་བ་ཞིག་འདུག་ཟེར་རོ། །ཐག་ཁྲ་སྦྲུལ་དུ་འཁྲུལ་བའི་སྣང་ངོ་ན། །འཇིག་སྐྲག་འབྲོས་ལ་ཐུག་པ་དོན་བྱེད་ནུས། །ཡིད་ཆེས་མོས་གུས་ལྡན་པའི་གང་ཟག་ལ། ཁྱི་སོ་རིང་བསྲེལ་ཕུང་སོར་སོང་ངོ་སྐད། །མིང་ཙམ་བརྡ་ཙམ་བཏགས་པ་ཁོ་ན་ལའང་། །རང་རང་ངོ་བོས་གྲུབ་པ་རྡུལ་ཙམ་མེད། །ཅི་མེད་ཅིར་ཡང་འཆར་བའི་ངོ་མཚར་ཅན། །རྟེན་འབྲེལ་ཟབ་མོའི་རང་མཚང་དེ་རུ་རིག སྐྱེ་བོས་བཞི་མདོར་སྨྲ་བའི་ཁུངས་མེད་གཏམ། །གང་ཟེར་བདེན་པར་འཛིན་པའི་བློ་ཆུང་ཚོས། །གཞི་མེད་རི་བོང་ཅལ་གྱི་སྒྲ་དབྱངས་ཀྱིས། །རང་གཞན་མང་པོའི་རང་མཚང་སྟོན་ཉེན་གདའ། །ཞེས་བྱུང་། གསོལ་འདེབས་ལས། ཆུ་མིག་ནང་གི་རྟེན་མཆོག་མཐའ་དག་མཇལ། །ཟབ་ལམ་རྡོ་རྗེའི་ཕོ་བྲང་ཨེ་ཝཾ་དུ། །སྐལ་བཟང་རང་རང་བློ་དང་འཚམ་པ་ཡི། །ཆོས་ཀྱི་དགའ་སྟོན་སྤེལ་ལ་གསོལ་བ་འདེབས། །ཞ་ལུ་གསེར་བཀང་ཆོས་གྲ་ཆེན་པོ་རུ། །བསྟན་སྲུང་ལྷ་མོའི་རྣམ་སྤྲུལ་བུད་མེད་གཟིགས། །མཚན་ཉིད་ཀུན་ལྡན་ཡོངས་འཛིན་ཀུ་སཱ་ལིས། །དབང་དང་རྗེས་གནང་སྩལ་ལ་གསོལ་བ་འདེབས། །ཞེས་(༧༠ན)

― GLG009_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལམ་ཡིག་ལས། སྟག་ལ་སྐྱ་མོ་དུང་གི་སྒོ་བརྒལ་ཏེ། རྗེ་བཙུན་ས་སྐྱ་པའི་གདུང་བརྒྱུད་རིམ་པས་བྱིན་གྱིས་བརླབས་པའི་གནས་གཙང་ཆུ་མིག་རིང་མོར་སླེབས། དེ་ནུབ་གནས་འབྲེལ་བྱས། སྔོན་ཟངས་དཀར་ལོ་ཙཱ་བས་བཞེངས་པའི་གཙུག་ལག་ཁང་། གཉན་སྒྲོལ། འཕགས་པ་རིན་པོ་ཆེའི་སྐུ་འདྲ་སོགས་བཞུགས་པའི་ལྷ་ཁང་། བདག་ཆེན་རིན་པོ་ཆེ་གྲགས་བློ་བས་བཞེངས་པའི་མགོན་ཁང་སོགས་མཇལ། གསོལ་གདབ་སྨོན་ལམ་ཡིད་ཆེས་པར་བྱས། དེ་དག་ལ་ངོ་མཚར་ཞིང་བྱིན་རླབས་ཀྱི་ཟིལ་གཞན་དང་མི་འདྲ་བ་ཞིག་འདུག་པས་དད་མོས་ཚད་མེད་པ་སྐྱེས། དིང་སང་ཞབས་ཏོག་བདག་རྐྱེན་ཆེར་མེད་པའི་གོགས་ཉམས་ཆེན་པོ་འདུག་པ་ལ་སེམས་ཀྱིས་མི་བཟོད་པའི་སྐྱོ་སྣང་ཡང་ཡོད་པ་ཞིག་བྱུང་། སང་ཉིན་ཉི་མ་ཕྱེད་ཡོལ་ཙམ་ན་ངོར་ཨེ་ཝཾ་ཆོས་ལྡན་དུ་སླེབས། མཛོ་མོ་ར་བ་ཡོད་པའི་སྤང་སྟེང་དེར་ལྕོག་སྒར་བྱས་བསྡད། ལམ་ཟབ་ལྷ་ཁང་དུ་བླ་མའི་རྣལ་འབྱོར་རྒྱས་པ་ཞིག་བླངས། སྤྱི་སྒོས་ཀྱི་བསྟན་པ་རྒྱས་པའི་སྨོན་ལམ་བཏབ། གཞན་ཡང་ལམ་འབྲས་ལྷ་ཁང་གིས་གཙོ་བྱས་པའི་རྟེན་གསུམ་རྣམས་ཀྱང་མཇལ། དབོན་པོ་རིན་ཅེན་སེང་གེ་བས་གཞིས་ལེན་སྐབས་བབ་བྱས། ཁྲོམ་ཐོག་དབོན་པོ་སོགས་འདོད་ཆོས་དགོས་ཟེར་བ་མང་དག་བྱུང་བས། ཐོག་ཅིག་ལ་གུར་མགོན་གྱི་རྗེས་གནང་བྱས། འཕྲལ་མཁོའི་ཇ་གོས་དར་སོགས་འབུལ་བའང་འགའ་བྱུང་། དེ་ནས་ཞ་ལུ་ལ་ཆས་ཏེ་ཕྱིན་པའི་ལམ་བར་ནས་ལྕགས་སྟོད་མཐོང་བྱུང་བས། ངེད་ཚོ་ས་སྐྱ་པའི་ཡུས་པོ་ཆེའི་མི་གསུམ་གྱི་ནང་ནས། ཤར་སྨད་ཙོང་ཁའི་(༧༠བ)

― GLG009_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བཤེས་རིན་ཅེན་བརྩོན་འགྲུས་ཀྱི་བརྒྱུད་པ། དཔོན་ཆེན་དབེན་ཤྲཱི་རྒྱལ་བ་བཟང་པོ་དང་། ཧུ་ཤྲཱི་རྒོད་པོ་རིན་ཅེན་སོགས་རིམ་པར་བརྒྱུད་པའི་ཕ་ཚན་ཤིན་ཏུ་ཉེ་བ་ཞིག་ཡིན་པས། ཁོང་ཚོ་དར་རྒུད་དང་བདེ་དོག་གང་འདྲ་ཞིག་ཡོད་དམ་སྙམ་དགོས་མེད་འཇིག་རྟེན་གྱི་རྨོངས་ཞེན་ཞིག་སྐྱེས། ཞུ་རག་གི་བསམ་པ་མེད་ཀྱང་བྱ་བྲལ་གྱི་གནས་སྐབས་སེམས་ལ་གང་ཤར་ལག་ཏུ་བླངས་ཆོག་སྙམ་པས་དེར་ཕྱིན། ཁོང་ཚོའི་གཞིས་ཀའི་སྟོད་དེར་ལྕོག་གྲ་བྱས། ངས་ལྕོག་བུར་བསྡད། ཁོང་གྲ་པ་རྣམས་ཉམས་དགའ་དང་སྦྲགས་པས་བསྔོ་བ་སྨོན་ལམ་རྒྱབ་པས་མང་ཇ་ཉུང་ཇ་གདན་གནོན་དང་བཅས་པ་བསྐྱལ་སོང་། སུ་ཡིན་ཟེར་བ་ལ་ངེད་རྣམས་ལ་སྟོད་མཐོན་པོ་ནས་ཡིན་ཟེར་བ་བྱས་ནའང་། རྗེས་སུ་ངོར་པའི་གྲ་པ་འགའ་སོགས་རིམ་པར་བརྒྱུད་ནས་ཆ་ཙམ་ངོ་ཤེས་འདུག་པས། དཔོན་འོག་མ་འདྲ་བའི་མི་གཞོན་ཞིག་ངའི་རྩར་བྱུང་། འདི་འདྲ་ཡིན་པ་འདྲ་ཟེར་བའི་རྩད་གཅོད་ཞིབ་པོ་བྱེད་ཀྱིན་འདུག་པས་ཅི་ནས་ངེད་བྱ་བྲལ་དུ་སོང་བས་སྐྱུག་བྲོ་བྱས་དོགས་སྦམ་མེ་བསྡད་པ་ཡིན། ངོ་བོ་དེ་ལྟར་ཡིན་པས་མཇལ་ཕྲད་ཙམ་མཛད་འདོད་ཡོད་ན་དེ་ག་བགྱིས་པས་ཆོག་བྱས་པས་ཁོ་ལོག་སོང་། རེ་ཞིག་ནས་སླེབས་ནས། དེང་སང་སྐུ་མཚམ་མེ་བ་ཞིག་ཡོད་པས་མཇལ་མ་བདེ་བྱུང་། སང་ཉིན་ཅིས་ཀྱང་བཞུགས་པ་གནང་དགོས་ཟེར་བ་ལ། མཇལ་བཞེད་མེད་པ་ཐུགས་དང་བསྟུན་པས་ཆོག་པ་འདུག །ངེད་ཚོ་རྒྱལ་ཁམས་ལ་རིང་པོ་ཡོད་སྡོད་པའི་ལོང་མེད་བྱས། དོན་ལ་རང་གི་རིགས་རུས་དང་ཕ་ཚན་སོགས་གང་ཡིན་གྱི་བླང་དོར་མེད་པའམ། ཡང་ན་མི་སྔུན་དུ་ངོ་འདེགས་མི་ཐུབ་པ་ཞིག་(༧༡ན)

― GLG009_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པ་ཡིན་ཡོང་། ང་ལ་ཤཱཀྱ་ཐུབ་པའི་བཀའ་དྲིན་གྱིས་ཕྱོགས་གང་ལ་ཕྱིན་ཀྱང་བསྙེན་བཀུར་བྱེད་མཁན་ནི་ཐོགས་མེད་འོང་གི་འདུག །འདི་སྐོར་གྱི་ཞེན་ཐག་དེ་ཆོད་པས་བློ་བདེ། ལར་བཙུན་པ་གཉེན་སྲེད་ཆེས་པ་ལ་དེ་འདྲ་མང་པོ་འབྱོན། ཁྱོད་སྙིང་ཚིམ་ཚིམ་སྙམ་པ་བྱས། ནམ་ཟི་ལ་ལངས་ཕྱིན། ངེད་ཚོའི་རྗེས་ལ་ཆས་ཀ་ཕྲན་བུ་དང་བཅས་ལམ་སྣ་བ་ཡིན་ཟེར་བ་ཞིག་བཏང་བྱུང་། མི་དགོས་ལོག་རྒྱུག་བྱས་ཀྱང་མི་ཉན་པར་ཞ་ལུ་བར་ཕྱིན། དེ་ནུབ་རྒྱན་གོང་གི་གཙུག་ལག་ཁང་གི་མགོན་ཁང་མཇལ་བས་དེར་གཏོར་མའི་འཁྲིས་སུ་བུད་མེད་གོས་དཀར་ཁྲ་གྱོན་པ་ཞིག་བྱུང་བ་དེ་མཐར་ཕྱི་ནང་གང་དུ་སོང་ཆ་མེད་པ་ལ་ཡལ་བ་ལྟ་བུ་ཞིག་བྱུང་། ཞ་ལུ་གནས་ཀྱི་གསེར་བཀང་གི་ཐུགས་རྗེ་ཆེན་པོས་གཙོ་བྱས་སྟེང་ཤོད་ཀྱི་ལྷ་ཁང་མགོན་ཁང་རྣམས་ཞིབ་པར་མཇལ། གཞལ་ཡས་ཁང་གི་མདོ་དེར་དྲུང་ཆེན་བྱ་བ་ཡིན་ཟེར་བའི་གྱོད་རྒན་བཀའ་བརྒྱུད་པ་ལ་རྒྱབ་རྟེན་བཅོལ་བ། དོམ་ར་དང་སླེལ་བེམ་གྱི་སྒྲིབ་ཤིང་གྱོན་པ་ཞིག་དང་། དྲུང་རྒྱལ་བ་ཟེར་བའི་བན་གཞོན་མིག་ལྟག་པ་ན་ཡོད་པ་འདྲ་བ་ཞིག་འདུག་པས། ཁོང་ཚོས་ཇ་འདྲེན་གཞིས་ལེན་བྱས། ཁོང་རང་ཚོ་དང་བློ་བསྟུན་པའི་ཆ་ལེ་ཆོ་ལེ་མང་པོ་ལབས་བཏང་བས་ཤིན་ཏུ་དགའ་སོང་། དེ་ན་ཇེ་ལས་པ་བྱ་བ་འགྲུལ་པ་ཐམས་ཅད་ལ་ཟ་འདོད་བྱེད་པ་ཞིག་འདུག་པས། སློང་མོ་དགོས་ཟེར་བྱུང་བས། ངེད་རང་རྣམས་སྤྲང་པོ་ནི་མཉམ་པོར་འདུག །ཁྱེད་ཚོ་ཞ་ལུ་བ་ཡིན་སྙམ་པ་ཡོད་ནའང་། ངེད་ཚོ་འདར་པ་ཡིན་སྤྲད་ཆོག་བྱས་པས་ཐམས་ཅད་བཞད་གད་ཐེག་གེ་བྱུང་ནས་ཟ་འདོད་ཆེར་མ་བྱས། དེ་ནུབ་རི་ཕུག་ཏུ་ཕྱིན། བུ་སྟོན་ཐམས་ཅད་(༧༡བ)

― GLG009_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་པའི་ཆོས་ཁྲིའི་མདུན་དེར་ལྕོག་གྲ་བྱས་བསྡད། ནཱ་ལནྡའི་བཅོ་བརྒྱད་པའི་འཚོ་བྱེད་ཅིག་ཡོད་པ་དེས་གཞིས་ལེན་བསྙེན་བཀུར་ཟུར་ཆས་སོགས་ཞབས་ཏོག་ཡང་དག་བྱས། སང་དེ་རི་ཕུག་བླ་བྲང་ན་བཞུགས་པའི་བུ་སྟོན་རིན་པོ་ཆེའི་སྐུ་འདྲ་ཕྱག་ནས་མས་གཙོ་བྱས་པའི་རྟེན་གསུམ་ཤར་ཆེན་གྱི་རྟེན་སོགས་ཞིབ་པར་མཇལ། མཁྱེན་རབ་རིན་པོ་ཆེའི་ཞལ་སློབ་བགྲེས་པོ་ཞིག་འདུག་པ་ལ་ཕྱག་རྡོར་འགྲོ་བཟང་གི་དབང་། རྣམ་སྲས་ཞི་དྲག་གི་རྗེས་གནང་། རྡོ་རྗེ་རབ་བརྟན་མའི་བཀའ་གཏད་ཡིག་ལུང་དང་བཅས་པ་ཞུས། དེ་ནུབ་རྫིང་ཕུར་བྲག་སྒོ་བ་ཟེར་བའི་ཁམས་པ་ཕྱུག་པོ་ཞིག་གིས་གདན་དྲངས་དེར་ཕྱིན། ཚེ་དབང་། རྟ་མགྲིན་གྱི་རྗེས་གནང་སོགས་བྱས། ཇ་བཟང་པོ་ཞིག་ཕུལ་བྱུང་བས་ལམ་ཇ་ལ་ཤིན་ཏུ་མཁོ་བ་བྱུང་། ཞེན་མེད་ཀྱི་ཉེ་དུའི་སྒོ་བསྙེགས་པས། །དགོས་མེད་ཀྱི་ལམ་སྟབས་དེ་རུ་བཅག །དོན་མེད་ཀྱི་ལུང་སྦུག་བསྐོར་བའི་འབྲས། །འབྲེལ་མེད་ཀྱི་ས་མཚམས་དེ་རུ་བྲིས། །སྤྱིར་སེམས་ཅན་ཀུན་དྲིན་ཅན་ཕ་མར་འདུག །སྒོས་སུ་བྱམས་གཉེན་ལ་གང་སྐྱིད་ཡུལ། །ང་བྱ་བྲལ་གྱི་མདུན་མ་ཡང་རྩེར་ཡོད། ཁྱེད་ཕ་ཚན་སྐུ་ཁམས་ཅི་བདེར་བཞུགས། །དཔལ་ཞ་ལུ་གསེར་བཀང་གི་དགོན་པ་ན། །བན་སྨྱོན་ཀུན་གྲི་རིངས་ལ་ཤལ་འཛུགས་བྱེད། །མི་བསད་ལ་ཡ་འུད་མི་གདའ་བས། །སྤྲང་པོ་ངས་རི་ཕུག་དགོན་པར་བྲོས། །སྔར་འདྲིས་ཀྱི་སློབ་མས་ཞབས་ཏོག་བཟང་། །ཀུ་སུ་ལུའི་བླ་མ་ལམ་དུ་མཇལ། །གང་ཞུས་ཀྱི་ཆོས་འབྲེལ་ལྷུག་པར་གནང་། ཁོང་བཀའ་དྲིན་མི་ཆུང་ཆེ་བར་འཁུམས། །ལར་ད་ལྟ་གངས་རིའི་ལྗོངས་འདི་ན། །དགོན་སྤྱི་ཆོས་ཀྱི་རང་ཚུགས་(༧༢ན)

― GLG009_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་པ་ལ། ཁོང་འགྲན་ཟླ་བྲལ་བའི་ཞ་ལུ་པ། །བོད་ཆོས་སྡེ་ཚོའི་སྲོག་ཤིང་དམ་པ་ལགས། །ཞེས་གསུང་བ་བསྟན་པ་ཕྱི་དར་གྱི་ལོ་ཙཱ་བ་བརྒྱ་ཕྲག་ཏུ་ལོངས་པ་བྱུང་ནའང་རྒྱ་མཚོ་མཐའི་སྐད་ཤེས་པ་ཁོ་བོ་ལས་མ་བྱུང་ཞེས་བསྙེམས་པའི་ཚུལ་འཛིན་པ་འཇིག་རྟེན་གྱི་མིག་གཅིག་པུ་གཉན་ལོ་ཙཱ་བ་དར་མ་གྲགས་ཀྱི་རྒྱ་གར་ནས་གདན་དྲངས་པའི་རྗེ་བཙུན་སྒྲོལ་མ་འགངས་ཅན་དེ་མཇལ་བ་གནང་བའི་མནལ་ལམ་དུ་བུད་མེད་གཞོན་ནུ་གོས་སྔོན་པོ་གྱོན་པ་ཞིག་བྱུང་ནས་འདི་གཉན་ལོ་སྦྲུལ་གྱི་འཇིགས་པ་ལས་བསྐྱབས་པའི་པཎྜི་ཏ་སངས་རྒྱས་གསང་བའི་ཐུགས་དམ་གྱི་ལྷ་དེ་ཡིན་ཟེར་བ་སད་ཚེ་རྗེ་བཙུན་མ་སྒྲོལ་མ་དངོས་སུ་མོས་པའི་ཐུགས་དད་འཁྲུངས། རྟིང་རེས་སྣར་ཐང་བྱང་ཆེན་དུ་ཕེབས་སྐབས་དཀོན་གཉེར་གྱིས་མགོན་པོ་ཞལ་ཤིང་གི་མཆོད་རྟེན་འདི་ལ་གནས་པ་ཡིན་ཟེར་དེ་ནུབ་དེར་གཟིམས་པས་ཨཱ་ཙཪྻ་ཞིག་བྱུང་ནས་མེ་འབར་གྱི་གཙུག་ལག་ཁང་བཞིའི་ངོས་འཛིན་དང་བཅས་པ་སྨྲ་ཞིང་ཁྱེད་རང་གི་གནས་ཁྱེད་རང་གིས་ངོ་ལོས་ཤེས་ཟེར་དགའ་བའི་རྣམ་འགྱུར་སྣ་ཚོགས་སྟོན་པ་བྱུང་བ་ཞལ་གྱི་རྣམ་འཕྲུལ་ཡིན་གསུང་། ལྕགས་སྟོད་ཀྱི་ལོ་རྒྱུས་ནི་ལྟ་བ་འཁོར་འདས་དབྱེར་མེད་དུ་གཟིགས་པའི་རྣལ་འབྱོར་པ་བཟང་ངན་གཉིས་འཛིན་གྱི་མཐའ་ལས་འདས་པ་གཉེན་སྲིད་ཅི་ལ་མངའ་ནའང་། རང་ཅག་སྙིགས་མར་སྤྱོད་པའི་དགེ་སྤྱོད་སའི་སྙིང་པོ་འཁོར་ལོ་བཅུ་པའི་མདོ་ནས་བཤད་པའི་ཐ་མའི་རིགས་རྣམས་ལ་བག་ཡོད་བྱེད་དགོས་ཞེས་གདམས་པར་སྣང་། ལྕགས་སྒོག་ལུང་པ་བཀྲ་ཤིས་དཔལ་འབྱོར་དེ་སྐབས་གྲགས་ཆུང་ཡང་ཀུ་སུ་ལུའི་མཁས་གྲུབ་ཆེན་པོར་དགོངས་ཏེ་ཆོས་འབྲེལ་གསན་ཅིང་(༧༢བ)

― GLG009_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་གོང་དུ་ལྷ་མོས་རྣམ་འགྱུར་ཟུར་ཙམ་བྱུང་བ་སོགས་ནི་དུས་ཕྱིས་ཆོས་རྗེ་ཐམས་ཅད་མཁྱེན་པའི་ཁྲིར་ཕེབས་ནས་བསྟན་པ་ཉིན་མོ་ལྟར་གསལ་བའི་རྟེན་འབྲེལ་དུ་མངོན། གསོལ་འདེབས་ལས། གུས་ལྡན་སྦྱིན་པའི་བདག་པོའི་བར་ཆད་བསལ། །ཉེ་བར་མཁོ་བའི་རྙེད་དང་བཀུར་སྟི་བསྒྲུབས། །ཐར་དགོན་སྨན་ལུང་གནས་ཀྱི་ལྷ་ཁང་མཇལ། །རིགས་བརྒྱུད་སྲུང་མ་མཆོད་ལ་གསོལ་བ་འདེབས། །ཞེས་པ་ལམ་ཡིག་ལས། ཁོང་བྲག་སྒོ་བ་བྱ་བའི་ཕྱུག་པོ་དེ། །མིག་རྒྱ་ཁབ་ལས་ཕྲ་བ་ཞིག་ཡིན་ཟེར་ནའང་། །ང་བྱ་བྲལ་ལ་ལམ་ཇ་བཟང་པོ་ཕུལ། །དུས་གཞན་གྱི་ཇ་སིགས་གཅིག་ལས་དགའ། ཁོས་ཁེངས་དྲེགས་ཀྱི་བརྙས་པ་ཡིན་ལས་ཆེ། །ཡུལ་རྒྱན་གོང་གི་ལྷ་མོ་དེ་གནོད་ཀྱི་འདུག །ངས་གཏོར་མ་དང་བཀའ་བསྒོ་དྲག་པོ་བྱས། །དེ་རེ་ཞིག་ལོག་ནས་བདེ་བར་བྱུང་། །དེ་ནས་ཐར་པ་དགོན་པར་སླེབས། དེ་ནུབ་བསྡད་ནས་དེའི་སྟེང་ཤོད་ཀྱི་ལྷ་ཁང་མགོན་ཁང་རྣམས་ཞིབ་པར་མཇལ། སང་ཚ་ཐོག་ཏུ་སྨན་ལུང་དུ་ཕྱིན། བླ་བྲང་པ་དེ་པ་དང་ཉེ་ཚན་རྙིང་པ་ཞིག་ཏུ་འགྲོ་བས་ངོ་ཤེས་བྱས། གཞིས་ལེན་ཡང་དག་བྱུང་། ནཱ་རོའི་རྒྱན་དྲུག་ཁ་ཆེ་པཎ་ཆེན་གྱི་སྐུ་ཆོས་སོགས་ཀྱི་བྱིན་རླབས་ཞུས། གཙང་ཁང་གི་རྟེན་གསུམ། སྨྲྀ་ཏིའི་གདུང་འབུམ་སོགས་མཇལ། སྟག་ཞོན་མགོན་ཁང་དུ་གཏོར་གསོས་སྙན་དར་འཕྲིན་བཅོལ་ཡིད་ཆེས་པར་བྱས། དེ་ནས་པ་རྣམ་གཞུང་ལ་ཕྱིན། གྲོང་སྟོད་དུ་ཞག་སྡོད་བྱས། སང་ཉིན་སྔ་བར་ཕྱིན་ལྷུན་གྲུབ་རྩེར་སླེབས། ངས་གནས་ཚང་ཞིག་ཏུ་བསྡད། ཟླའོ་རྣམས་གཟིམས་ཁང་སོགས་ཀྱི་ལྟད་མོ་དང་། ཞར་ལ་བསོད་སྙོམས་ཀྱང་བྱེད། སྡེ་(༧༣ན)

― GLG009_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་ཆོས་ལ་དཀར་པོ་ཞིག་ཡོད་པ་འདུག་ཟེར་ནས་སོང་། ཁོང་རྣམས་ཀྱིས་ཉི་ཕྱེད་བར་བསྒུགས་པས་ལན་ཙམ་ཡང་མ་ཁུགས། ངེད་རང་རྣམས་ཀྱི་ཚ་ཐེབས་ཀྱང་ཆག་པ་ཞིག་བྱུང་ནས་ལོག་བྱུང་། ལར་གནངས་ཆུང་ལ་བློ་རིག་རྒོད་པའི་སྡེ་དཔོན་དཔོན་སྐྱའི་རིགས་འདི། ལུག་ཐུག་གི་སྒྲོ་བས་ཝ་མོའི་ཉིན་ཐེབས་གཅོག་པ་མ་གཏོགས་དགོས་པ་མི་འདུག་པས་དེ་འདྲའི་རིགས་ལ་བྱ་བྲལ་རྣམས་ལམ་གཞུང་སྲོང་བ་རང་གནད་དུ་གདའ། དེ་ནས་བསམ་སྡིངས་དགོན་པར་སླེབས་ནས་དེ་ནུབ་གནས་འབྲེལ་བྱས་བསྡད། སང་ཉིན་དེའི་ནེ་གུ་བརྒྱུད་པའི་ཕོ་ཁྲོམ་མགོན་ཁང་། ཡང་དགོན་གྱི་ལྷ་ཁང་མགོན་ཁང་སོགས་མཇལ། ཆོས་རྗེའི་དྲུང་དུ་ངེད་དཔོན་སློབ་རྣམས་ཀྱིས་བླ་མའི་རྣལ་འབྱོར་གྱི་ཆོས་འབྲེལ་ཞུས། སྒེར་གྱི་མགོན་དཀར་གྱི་རྗེས་གནང་ཞུས་པས་མ་གནང་བར། རྩིས་ཀྱི་མགོན་པོ་ལྷ་ཆེན་དཔལ་འབར་གྱི་རྗེས་གནང་བཀའ་དྲིན་བསྐྱངས། དེ་ནས་རྩིས་གནས་གསར་གྱི་ལྷ་ཁང་མགོན་ཁང་རྣམས་མཇལ། སྡེ་པ་བསོད་ནམས་རབ་བརྟན་པས་གཞིས་ལེན་ཤངས་ལེན་སོགས་ཡང་དག་མཛད། དེར་འདོལ་ཆུང་ན་ཚ་མོ་ཞིག་ཡོད་པ་དེས་འབོད་དུ་རྟ་པ་གཉིས་རྐང་ཚུགས་བཏང་བྱུང་ནས་ཅིས་ཀྱང་ཡོང་དགོས་པའི་ནན་ཏན་བྱེད་ཀྱི་འདུག་པས་ཁོང་བྱིངས་པོ་དེར་བཞག །ངེད་དཔོན་སློབ་འགས་སྐོར་ཙམ་ཕྱིན་པས་གནས་ཚུལ་ངེས་པར་བྱུང་བ་ལགས་སོ། །ཐར་དགོན་སྨན་ལུང་འཕྲུལ་གྱི་ལྷ་ཁང་མཇལ། །ཕ་མེས་བརྒྱུད་པས་བསྟེན་པའི་མགོན་གཉན་དེ། །སྙན་དར་བ་ལིང་རྒྱ་མཚོས་མཆོད་བྱས་ཏེ། །བསྟན་པ་བསྲུང་བའི་འཕྲིན་ལས་བཀའ་བསྒོ་བྱས། །(༧༣བ)

― GLG009_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་པ་རྣམ་རྫོང་གི་གཞུང་དུ་ཕྱིན། །འཁོར་རྣམས་གཏོར་ཚོགས་མེད་པའི་རྔ་གཤང་གི །སྒྲ་དབྱངས་སྙེག་པའི་བྱ་རོག་བཞིན་དུ་འགྱོད། ཁོ་བོ་ཕོ་ཚོད་ཆེ་བའི་ཁྲོམ་ཐོག་ཆོད། །ཕྱིན་ཆད་ཕྱོགས་འདིར་འོངས་པའི་རྣལ་འབྱོར་རྣམས། །འདི་འདྲའི་རིགས་ལ་རིམ་པ་ལྟར་འཛེམ་མཛོད། །ཟེར་བའི་རྒྱང་གླུ་ལེན་ཞིང་བསམ་སྡིངས་ཀྱི། །རི་ལ་འཛེགས་པས་ལུགས་གཉིས་འདོད་པ་ཚིམ། །ཡང་སྨྲས་པ། ཉང་སྟོད་ཀྱི་ཨ་མོ་འདོལ་ཆུང་ན། །ཚ་མོ་ཞིག་ཡོད་པས་ནན་གྱིས་བོས། །རྔན་ཆེན་དང་གཞིས་ལེན་བསྲེས་སེ་བ། ཁྲམ་དུས་ཀྱི་ཁ་རྒྱན་བཅས་པ་བྱུང་། །གཏེར་སྦྱིན་འདྲ་ཡོད་སྙམ་ཡོད་ཚོད་གདའ། །ང་རྒྱལ་ཁམས་ཀྱི་ལོངས་སྤྱོད་ཆར་ལྟར་བབས། །ཆོས་ལྡན་གྱི་འགྲོ་ས་ཚགས་ལས་མང་། །དཔོན་ངན་གྱི་ཁྲལ་འབབ་ཡོད་དོན་མེད། །ཚོམ་པོ་ལ་སྣུམ་བསྐུས་མ་རེ་མཛོད། །ཅེས་གསུངས། གསོལ་འདེབས་ལས། བསམ་སྡིངས་གྲུབ་པའི་གནས་སོགས་རིམ་བརྒྱུད་དེ། །ཡུལ་ལྗོངས་རྣམས་སུ་དད་ལྡན་བཀུར་སྟིས་མཆོད། །ཤམྦྷར་གནས་སུ་འདྲེན་མཆོག་བླ་མ་ལ། །བསྟན་སྲུང་རྗེས་གནང་གསན་ལ་གསོལ་བ་འདེབས། །དུས་དེར་ཡེ་ཤེས་ཆེན་པོའི་གཟིགས་སྣང་དུ། །ཞུན་ཆེན་དུད་སྤྲིན་མེ་རླུང་འཚུབ་པའི་དབུས། །འཇིགས་རུང་སྟག་སྨྱོན་ཞོན་པའི་མོན་པ་ཆེ། འཁོར་བཅས་གསལ་བར་ཤར་ལ་གསོལ་བ་འདེབས། །ཞེས་ལམ་ཡིིག་ལས། དེ་ནས་བོད་ཀྱི་ལྷ་བཙན་པོའི་གདུང་བརྒྱུད་དྲི་མ་མེད་པ་སྐྱ་བོ་བྱང་ཆུབ་སེམས་དཔའི་མཛད་པ་ལྷུར་ལེན་པ། འབྲོང་རྩེ་ནས་ཁྲི་ནམ་མཁའ་བསོད་ནམས་ཀྱི་དྲུང་བཞུགས་པའི་གཞིས་ཀ་རྣམ་སྲས་མཐོང་སྨོན་དང་ཁད་ཉེ་བ་ཞིག་(༧༤ན)

― GLG009_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་སླེབས། སུ་ཡིན་རྩད་གཅོད་མི་གནང་བྱུང་བས། དཔལ་ལྡན་ས་སྐྱ་སྐོར་ནས་ཡིན་ཟེར་བའི་བརྫུས་སེ་བ་ཞུས་ཀྱང་དགོངས་ནས་ཅིས་ཀྱང་ཤོགས་གསུངས་ནས་ཕྱིན། ཞབས་ཏོག་གཞིས་ལེན་ཡང་དག་ཐུགས་དཀར་བས་ཀུན་ནས་བསླངས་པ་མཛད། སྡེ་པའི་དྲུང་དུ་པདྨ་དབང་ཆེན་ཡང་གསང་ཁྲོས་པའི་དབང་བཞི་ཡོངས་སུ་རྫོགས་པ། བཀའ་སྡོད་རྣམས་ཀྱི་སྲོག་དབང་སོགས་ཕུལ། གཞན་ཡང་འདོད་ཆོས་ཀྱི་ཐུགས་བཞེད་མང་པོ་འདུག་པ་ཡར་ལམ་འབུལ་བའི་ཁས་ལེན་ཞུས་ནས་རྒྱལ་མཁར་རྩེར་ཕྱིན་རྫོང་རྒྱབ་ཏུ་ལྕོག་གྲ་བྱས་བསྡད་པས། གནས་ཆེན་པས་ཅིས་ཀྱང་ཡོང་དགོས་གསུངས། དཔལ་འཁོར་བདེ་ཆེན་གྱི་ཤག་ཏུ་བོས་གཞིས་ལེན་མཛད། ནང་སོས་སྣེ་སྦྱོར་མཛད་ནས་ཆོས་སྡེའི་ལྷ་ཁང་སྟེང་ཤོད། མཆོད་རྟེན་ཆེན་པོ། རྒྱལ་རྩེའི་ལི་མ་ལྷ་ཁང་། གཟིམས་ཆུང་སྟེང་ཤོད་འགའི་རྟེན་རྣམས་ཞིབ་པར་མཇལ། རྒྱལ་རྩེ་ནས་སྡེ་པ་ཆེན་མོ་དེ་ཉིན་རེ་བཞིན་ཆོས་སྡེ་ལ་ཞབས་སྐོར་ལ་སྒྲིགས་བཅུག་ཕེབས་པ་མཐོང་བས། དེང་སང་གི་ཨ་པོ་ཧོར་འདྲའི་དོན་སྤྱི་ཡོད་པ་ཞིག་མི་འདུག་ནའང་། ཆོས་རྒྱལ་གྱི་མཛད་སྤྱོད་སྐྱོ་སུན་མེད་པར་བསྒྲིགས་སུ་བཅུག་པ་འདི་ཙམ་རང་ཐོག་ཏུ་བབས་ནའང་ནུས་པ་དཀའ་བས་ངེས་པར་ཆོས་རྒྱལ་དུ་འདུག་སྙམ་པའི་དག་སྣང་ཆེན་པོ་བྱུང་། དེ་རྗེས་འབྲུག་པ་ངག་དབང་ཆོས་རྒྱལ་དང་དེ་གོང་ནས་གསུང་ཆོས་ཀྱི་འབྲེལ་པ་ཡོད་པས་མཇལ་བ་དང་ར་ལུང་བསྐོར་བ་སྦྲགས་མཁའ་རོ་ནས་ཡར་འབྲོག་གི་ནང་ལ་ཞུགས། དོ་རི་སོགས་གནས་མཇལ་རིམ་པར་བྱེད་འདོད་ཡོད་ནའང་གྲ་པ་རྣམས་ཀྱང་མགྱོགས་སྐོར་ལ་དགའ་བ་ཙམ་འདུག་ཅིང་། (༧༤བ)

― GLG009_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

ངེད་རང་གི་རྐང་ཚབ་ཀྱི་རྟ་དེ་ཡང་བབས་ཀྱི་རྣམ་པ་ཡོད་པ་ཞིག་བྱུང་བ་སོགས་ཕྱོགས་དུ་མ་ནས་མདོར་བསྟན་པས་འཕྲེད་ལ་བཅད་དེ་རོང་ཆུང་ལ་འགྲོ་བའི་གྲོས་ཐག་བཅད་དོ། །བོད་རྒྱལ་པོ་གཞོན་ནུས་གཙུག་གིས་མཆོད། །ཤར་རྒྱལ་པོའི་མཛད་པས་ཡིད་རབ་གྲོགས། །རྟ་མདོ་ཕྱུག་གི་བང་འགྲོས་དེ་རུ་ཟད། ཁོང་གྲ་པ་ཀུན་ཟ་ཐག་ཉེ་ལ་དགའ། །དཔལ་ར་ལུང་གི་རི་ཁྲོད་ལྟ་བ་དང་། །ཕ་ངག་དབང་ཆོས་རྒྱལ་མཇལ་སྙམ་ཚེ། །ལུས་འཁོས་མེད་ཀྱི་རྐང་པས་རང་མཚང་བསྟན། །ང་ལུགས་གཉིས་ཀྱི་བླང་དོར་མི་ཞན་ཡང་། །ལུས་རྐང་པའི་འཁྲུལ་འཁོར་འདོར་ལེན་བྲལ། ཁོང་དུད་འགྲོ་ལ་འགྲོ་འདུག་གི་སྐྱབས་གནས་འཆོལ། །ང་མི་ཕྱེད་དུ་འདུག་སྙམ་སྙིང་ཁོང་གྲང་། །ང་ཡང་ཅིག་བསམས་པ་འདི་ལྟར་ཤར། །གནས་ལུགས་ལ་ལྟ་བའི་མིག་ཡོད་ན། །ཆུ་བུར་གྱི་ཁྲ་ཧྲིག་མེད་ཀྱང་ཆོག །ཅི་བསམས་ཀུན་འགྲུབ་པའི་བློ་ཡོད་ན། །ཤ་རུས་ཀྱི་རྐང་པ་མེད་ཀྱང་ཆོག །སེམས་ཉིད་ཀྱི་ཡང་དགོན་མཐོང་ཙ་ན། །ར་ལུང་གི་རི་ལྟས་དེ་གར་གདའ། །དད་མོས་ཀྱི་རང་ཞལ་མཇལ་ཙ་ན། །མཚན་ལྡན་གྱི་བླ་མ་དེ་གར་གདའ། །གང་བྱུང་གི་ཆོག་ན་ཅི་བྱས་བདེ། །བྱ་བཏང་གི་བློ་སྣ་གང་ཤར་ཡིན། །འགྱུར་མེད་ཀྱི་བདེན་གྲུབ་མེད་པས་འཚེངས། །རོང་ཆུང་ལ་སྤྲང་པོའི་ལམ་སྣ་ཟུག །དཔལ་འཁོར་བདེ་ཆེན་དུ་བསྡད་པའི་དགོངས་དེ། ངེད་ནི་གནས་ཆེན་པའི་མཁར་ལས་བྱེད་སྒང་གི་ནང་འུ་ལག་པ་དང་ཐུག་ཚོམ་གྱི་ཁེངས་པ་དེར་ནན་མེད་བྱས་སྒོར་བས་ཞེ་སུན་ལ་ཚིག་པ་ཟ། ཟླའོ་རྣམས་ནི་དེའི་ནུབ་ཆར་ལྷགས་འདྲེས་པ་ཞིག་གིས་ལྕོག་བུ་རྣམས་བསྒྱེལ། འདམ་བག་གི་དཀྱིལ་དུ་ཉལ་དགོས་(༧༥ན)

― GLG009_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་འདུག །ངེད་རྣམས་ཆོས་སྡེའི་སྒོར་འཛོམ་ཙ་ན་ཐམས་ཅད་ཕར་ཡུས་ཚུར་ཡུས་སུ་འདུག་པས། ངས་ཁས་མ་བླངས་པར་སྔོན་ལ་ཐལ་ལེ་ཕྱིན། ཉང་སྟོད་གུ་ལའི་ཕུ་དེ་ན་ཕོ་རོག་མདོ་སྡེ་མགོན་པོ་བྱ་བའི་གྲུབ་ཐོབ་ཅིག་གི་སྐུ་འདྲ་སྙན་གྲགས་ཅན། མགོན་ཁང་དང་བཅས་པ་འདུག་པ་མཇལ། དེ་ནུབ་དཔོན་སློབ་ཐམས་ཅད་རྣམ་སྲས་མཐོང་སྨོན་དུ་འཛོམ། སང་མཁར་ཁའི་མདུན་མན་ལུང་དགོན་པའི་འཁྲིས་ལ་བྱས། ཐུ་རུ་སྟག་ཚལ་ཟེར་བའི་ལུང་ནང་དུ་ཞག་གཅིག་བསྡད། སང་དེ་སྔ་བར་ལ་ཤིན་ཏུ་ཆེ་བ་ཞིག་བརྒལ་ཕྱིན་པས། རོང་ཤམ་བྷར་གྱི་དགོན་པར་ཚ་བ་ཕྱི་བ་ལ་སླེབས། ཤམ་བྷར་ཆོས་རྗེའི་དྲུང་དུ་མཇལ། མགོན་པོ་སྟག་ཞོན་འཁོར་བཅས་ཀྱི་དབང་རྗེས་གནང་། རོང་པའི་སྟག་ཞོན་གྱི་ཕུར་དབང་དུ་གྲགས་པའི་རྟེན་མཇལ་བཀའ་བསྒོ་དང་བཅས་པ་ཞུས། ཆོས་སྐྱོང་དེའི་ཆོས་སྐོར་ཚད་མ་དང་། ཞལ་བཞི་པའི་ལས་མཁན་པུ་ཏྲ་ནག་པོ་རྣམས་ཞུ་བའི་རྗེས་སུ་སླེབས་པའི་རྒྱུ་མཚན་ཕུལ། ཞལ་བཞེས་ཀྱང་ཕེབས་སོ། །ལྷ་སྙན་ཤམ་བྷར་མགུལ་གྱི་དགོན་པར་སླེབས། །འཁྲུལ་ཞིག་བླ་མའི་ཞལ་བཟང་མངོན་དུ་བྱས། །ཕ་མེས་བརྒྱུད་ཀྱི་སྲུང་མ་ནག་པོ་དེའི། །སྐུ་བརྙན་མཐོང་ཞིང་དབང་དང་རྗེས་གནང་ཐོབ། །དེ་ནུབ་གནས་དེར་ཉལ་བའི་འཆར་སྒོ་ལ། །གཉིད་འཆག་ཐོག་འཚེག་བ་སྤུ་ཟིང་ངེ་བ། །མངོན་སུམ་རྨི་ལམ་གང་ཡང་མ་ཡིན་པའི། །འོག་འགྱུའི་ཚུལ་གྱི་ཟ་ཟིའི་འཆར་ཚུལ་ནི། །གསུར་དུད་མེ་དམར་འཚུབ་མའི་ལུང་སྟོང་ན། །སྟག་ཆེན་སྨྱོན་པ་ཞོན་པའི་མོན་ནག་ཅིག །བསྟན་དགྲ་དམ་ཉམས་འཚོལ་ཟེར་རྒྱུག་ཅིང་འབྲལ། །(༧༥བ)

― GLG009_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་གསུམ་ཁུ་སྒྲས་འགེངས་ཤིང་ཡོད་དོ་སྙམ། །རེས་འགའ་ལིང་པ་ཁྱི་ཁྲིད་མང་པོ་ཡིས། །རི་དྭགས་འདེད་ཅིང་བཤའ་བའི་དམར་མྱོག་དང་། །གཞན་ཡང་སྟག་གཟིག་དོམ་དྲེད་བྱ་འུག་སོགས། །རྒྱུག་འབྲལ་འཕུར་ལྡིང་བན་བུན་ཟ་ཟི་ཡིས། །ནམ་ལངས་བར་དུ་ཐུབ་པའི་འཁྲུལ་སྣང་བྱུང་། །དེ་དག་ལེགས་པར་བསམས་ཚེ་ཕ་རྒོད་རྗེའི། །བསྟན་སྲུང་མཆོག་འདི་མངོན་སུམ་ཞལ་གཟིགས་ནས། །སྒོས་དགྲ་ཁ་ཁྱེར་ཁུར་ནས་ཟ་བ་སོགས། །འཇིགས་སུ་རུང་བའི་ལས་རྗེས་མངོན་དུ་བསྟན། །དེ་ཡི་རིགས་འཛིན་རྣལ་འབྱོར་བདག་ཡིན་པས། །ད་དུང་འདི་ཡིས་དམ་ཉམས་མང་པོ་ལ། །དག་པོའི་ལས་སྦྱོར་འགྲུབ་པའི་ལྟས་སུ་གོ །དེ་ནས་ཤ་རའི་གྲུ་ལྕགས་ཐོན་པས། དེའི་གྲུ་ཤན་གྱི་རྟ་མགོའི་ངོས་ལ་རིན་སྤུངས་ནས་སྡེ་པའི་བཀའ་ཤོག་ལྕགས་ལེབ་ལ་གཟོང་རིས་བྲིས་པ་གསེར་ཆུས་བྱུགས་པ་ལ། གྲུ་ལྕགས་འདི་དགེ་རྒྱུན་ལ་བཙུགས་པ་དང་། མཉན་པ་ལ་གཞིས་ཟུར་ན་བྱིན་ཡོད་པས། ཟ་འདོད་ཀྱི་གཙེར་བ་བྱུང་ན་ངོ་བསྲུངས་མེད་པའི་ཞུ་བས་སླེབས་པ་གྱིས། ཕྱིས་འདོམས་པའི་ཁྲིམས་ལུགས་བྱེད་ཟེར་བ་གཟེར་གྱིས་བསྡམས་ནས་བརྒྱབ་འདུག་ཅིང་། མཉན་པ་དེ་རྣམས་ཀྱང་སྔ་གོང་དང་མི་འདྲ་བའི་ངོ་གནོང་བ་བྱས། ལྟོགས་འདོད་ཅུང་ཟད་བྱེད་འདོད་པའང་གནང་སྦྱིན་ཞུ་བ་ཡིན་ཟེར་བ་ལས་མི་འདུག་པས། གཞིས་ཀ་རིན་སྤུངས་པ་ཁྲིམས་དམ་ཟེར་བའི་སྙན་གྲགས་བདེན་པར་འདུག །རྒྱལ་པོ་ཁྲིམས་ལུགས་ཡོད་པའི་ས་ཕྱོགས་འདི་འདྲ་བ་ཞིག་ཡོང་བ་ཡིན། སྙོམས་ཆུང་ལམ་བདེ་བ། རྫས་ལྡན་བློ་བདེ་བ་སོགས་བསོད་ནམས་དཔག་མེད་འོང་བ་འདུག །ངོ་མཚར་སྙམ་པས་སྡེ་པ་(༧༦ན)

― GLG009_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

ལའང་དག་སྣང་ཅི་ཡང་སྐྱེས། ཞེས་འབྱུང་བས་བསམ་སྡིངས་ནས་རིམ་གྱིས་འཆི་མེད་ཀྱི་གྲོང་ཁྱེར་ལ་ཅོ་འདྲི་བ་ཉང་སྟོད་ཀྱི་ཡུལ་གྲུ་རྣམས་ཞབས་ཀྱིས་བཅགས་ནས་ཤམྦྷར་དུ་ཡབ་མེས་ཀྱིས་ཆོས་སྐྱོང་དཔལ་མགོན་སྟག་ཞོན་ནག་པོའི་ཆོས་སྐོར་རྣམས་གསན་པས་བསྟན་དགྲ་ཚར་གཅོད་པའི་ལྟས་མངོན་སུམ་དུ་བསྟན་ཅིང་། རྗེ་འདི་ཉིད་ལ་བརྒྱ་ཞང་ཕྲོམ། དྲང་ང་ཀུན་གྲགས། ཆོས་དབང་། ཨོ་རྒྱན་གླིང་པ་སོགས་ཀྱི་གཏེར་ནས་བྱོན་པ་དང་། ཇོ་བོ་ཆེན་པོ། དཔྱལ་པ་སོགས་ལས་འོངས་པའི་སྟག་ཞོན་མཐའ་དག་གི་བཀའ་བབས་པའི་བེའུ་བུམ་ཡང་དབང་ལུང་མན་ངག་ཐམས་ཅད་ཁུངས་བཙུན་བརྒྱུད་པ་ལས་ཉེ་བར་འོངས་ཏེ་ཡིད་བརྟན་དུ་གྱུར་པ་མ་གཏོགས་ཁུངས་མེད་དང་ལུང་མེད་ཀྱི་དཔེ་ཧྲུལ་སྡུད་པའི་ཟོག་སྤྱོད་མཁན་པོ་རྣམས་དང་འདྲ་བ་ནི་མ་ཡིན་ནོ། །གསོལ་འདེབས་ལས། སྐྱེད་ཚལ་དགོན་པར་ཆོས་ཀྱི་སྦྱིན་པ་མཛད། །སྨྱུག་རིའི་ཡང་རྩེར་རྗེ་བཙུན་འཕྲིན་ལས་པས། །འཛུམ་ཞལ་བསྟན་ཞིང་དགྱེས་པས་བྱིན་གྱིས་བརླབས། །གསུང་གིས་རྗེས་སུ་བསྔགས་ལ་གསོལ་བ་འདེབས། །ཞེས་པ་ལམ་ཡིག་ལས། དེ་ནུབ་འབྲས་ཡུལ་སྐྱེད་ཚལ་དུ་སླེབས། གྲ་པ་རྣམས་ཤོལ་རག་ཆེན་པོ་དེར་ལྕོག་གྲ་བྱས། སྒེར་གྱིས་མཁྱེན་རབ་ཆོས་རྗེའི་དབོན། ངེད་ཁའུ་བྲག་རྫོང་པའི་གྲ་རིགས་ཀུན་གྱི་གཙུག་རྒྱན་རྗེ་བྲག་དཀར་རབ་འབྱམས་པ་བཞུགས་པའི་གཟིགས་སྤྱིལ་དུ་ཕྱིན་ནས་མཇལ། དད་པ་དང་དག་སྣང་བསམ་གྱིས་མི་ཁྱབ་པས་ཞལ་འཕྲོས་འབེལ་གཏམ་འར་མ་འུར་མ་བྱས་སྐྱེད་ཚལ་བའི་གྲ་པ་སྔགས་ཆོས་ཀྱི་འདོད་ཞེན་ཆེ་བ་མང་དག་ལའང་རྗེས་གནང་རིག་(༧༦བ)

― GLG009_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

གཏད་ལུང་སོགས་མང་པོ་བྱས། དེའི་ཚེ་ཀརྨ་པ་མི་བསྐྱོད་རྡོ་རྗེ་གཞུ་ལུང་པར་ཕེབས། སྡེ་པ་རིན་སྤུངས་པས་གདན་འདྲེན་ཞུ་རྩིས་དང་། མངའ་ཞབས་ཀྱི་སྐྱ་སེར་ཐམས་ཅད་ལ་ཞབས་ཏོག་དང་བསུ་བ་སོགས་ཀྱི་ཁྲལ་རྒྱབ། ཐམས་ཅད་དགའ་བ་དང་སྐྱོ་བ་སྤེལ་མའི་འུར་དིང་བ་འདུག །འབྲས་ཡུལ་བ་དཔོན་སློབ་ཀྱང་དེ་གའི་གྲབས་ཡུལ་ཁུར་ཆེ་བ་སྤྲོ་སེག་གེ་བ་ཡོད་འདུག་པས། ངེད་ཀྱི་བསམ་པ་ལ་འབྲས་ཡུལ་བའི་ཚན་འདི་དཔོན་སློབ་སྦྱིན་བདག་ལ་བསྟེན་པའི་ཁྲལ་འབབ་ཙམ་ནི་མི་བྱེད་ཁ་མེད་དུ་འདུག །དེ་ཙམ་གྱི་དང་དོད་རང་བྱེད་པའི་འབྲེལ་མེད་དམ་སྙམ་པ་ཤར། ངོ་ཤེས་ཕྲད་པ་རྣམས་ཁྱེད་ཀརྨ་པ་མཇལ་ལས་ཆེ་ཟེར། འཕྲལ་དེ་ཙམ་བྱེད་ཟེར་བ་ཙམ་བྱས། དོན་ལ་ཀརྨ་པ་རང་སྐྱེས་བུ་དམ་པ་ཡིན་ཉེན་ཡོད་མོད། ངེད་རང་གི་ཐོས་ཚོད་ལ་དཔགས་པའི་ལྷན་སྐྱེས་ཀྱི་ཤར་ཚོད་ཀརྨ་པའི་རྩ་བ་རང་དྭགས་པོ་རིན་པོ་ཆེའི་སློབ་མའི་གཙོ་བོ་ཁམས་པ་མི་གསུམ་དུ་གྲགས་པའི་ནང་ཚན། དུས་གསུམ་མཁྱེན་པ་ཁམས་པ་དབུ་སེ་ཟེར་བ་དེ་ཡིན་པས། ཁོང་རྣམས་ལ་བབས་ཐོབ་བྱེད་ན། རྒྱ་གར་གྱི་ནཱ་རོ་མཻ་ཏྲི་སོགས་ཀྱི་གདམས་པ་བོད་ཡུལ་གྱི་མར་པ་མི་ལ་སོགས་ནས་བརྒྱུད་པའི་སྒྲུབ་བརྒྱུད་བཀའ་བབས་ཆུ་བོའི་གཞུང་ལྟ་བུ་ཞིག་ཡོད་པས། དེ་གཙོ་བོར་སྐྱོང་དགོས་རྒྱུ་ཡིན་པ་ལ། དགོས་པའི་མཆོད་རྟེན་ནག་པོར་བཞག་མི་དགོས་བྲག་ལ་དབུ་དཀར་གསོལ་བའི་དཔེའི་རྣམ་པས་ས་སྐྱ་པ་དང་། དགའ་ལྡན་པ་སོགས་གང་བྱེད་ལ་མི་བསྡོ་བཞིན་དུ་འགྲན་པའི་རྣམ་པས་མཚན་ཉིད་དང་། སྒྲ་སྙན་ངག །རྒྱུད་འཆད་ཉན་འདི་ནས་འཆད་རང་ཆེར་མེད་པའི་རྣམ་གྲངས་(༧༧ན)

― GLG009_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

མང་ལ་དངོས་མ་གཙང་བ་མྱོག་པ་ཞིག་དང་། འཇིག་རྟེན་གྱི་དཔོན་ཆེན་དང་། དཔོན་ཆུང་དང་། ཡང་ཆུང་སོགས་ཆོས་བརྒྱད་གང་འཕེལ་གྱི་བྱ་བ་ལྷུར་ལེན་པ་འདྲ་བ། ཁོང་རང་གི་བརྒྱུད་པའི་བླ་མ་དང་དེ་དག་གི་གསུང་རབ་རྣམས་ལ་ཆས་ཆོས་རས་སུ་བོར་རེ་བ། དིང་སང་ཀརྨ་པ་རང་གི་བཤད་སྒྲུབ་ཀྱི་བསྟན་འཛིན་ཅུང་དྲག་པ་རྣམས་ལའང་སྨོད་ཅིང་། དེ་དག་གི་གྲ་རིགས་དྲག་པ་ཚུན་ཆད་ཁོང་རང་གི་ཕྱག་ཕྱིར་གང་ཁུགས་བྱེད་པ་སོགས་འདུག་ཟེར་བས། སྙིང་ནས་དད་པ་ལྡང་བ་ནི་མ་སྐྱེས་བྱུང་། དེ་ཕྱིར་ངེད་རང་ས་སྐྱ་པའི་བཟའ་རྐང་མ་གཏོགས། ཀརྨ་པའི་ཁྲལ་འབབ་ཀྱི་ཁུར་ནི་ཅི་ཡང་མེད། དིང་སང་གི་མི་ཕལ་ཆེར་གྱི་བྱེད་པ་ལྟར། སྡེ་དཔོན་དཔོན་སྐྱ་ཞིག་གི་བླ་མ་བཅོལ་འདུག་ན་ཅིས་ཀྱང་ཆོས་ཞུ་སྙམ་པ་དང་། མཐའ་མི་མང་གིས་སྐོར་འདུག་ན་སངས་རྒྱས་ཡིན་སྙམ་རྒྱུག་པའི་བླུན་པོ་ངེད་རང་མིན། རང་གི་དགོན་ཆུང་ལ་མང་ཇ་འགྱེད་བཅས་ཡོད་དམ་སྙམ་པ་དང་། གཞན་དགོན་ཆུང་ངམ་གྲ་རིགས་རེ་རེ་ཙམ་འབྱོར་རེ་བའི་ཆེད་དུ་ཆོས་འབྲེལ་ཞུ་བའི་ལྟོགས་ལ་མེ་འབར་གྱི་བླ་མ་སློབ་དཔོན་ནི་མིན། ལེགས་ལེགས་ཀྱི་ཁྲལ་འཇལ་ནི་བྱེད་དོན་མི་འདུག །ལར་རྗེ་བཙུན་རྡོ་རིང་པ་ཆེན་པོ་དང་མཇལ་ནས་གསུང་ངག་རིན་པོ་ཆེ་འདི་ཐོབ་མན་ཆད། གཞན་བླ་མ་དང་གདམས་ངག་གང་ལའང་བྱང་ཆུབ་སྒྲུབ་པའི་ཆེད་དུ་མི་སྨོན་ཞིང་། འགྲམ་ཆུ་མི་ལྡང་བའི་ངེས་ཤེས་གཏིང་ཚུགས་ཤིག་ཡོད་པས་ལམ་གཞུང་བསྲངས་ཕྱིན། འོན་ཀྱང་རྗེ་ཐམས་ཅད་མཁྱེན་པ་ཀརྨ་འཕྲིན་ལས་པའི་ཞབས་འབྲིང་དུ་ཀརྨ་པའི་ཟབ་ཆོས་མང་པོ་ཐོབ་པས། ཀརྨ་པ་སྔོན་མ་རྣམས་ཀྱི་སྐུ་སྐྱེ་ཡིན་(༧༧བ)

― GLG009_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

ཐག་ཆོད་ན་མི་བཏུབ་སྙམ། མ་དད་མ་གུས་པ་ཡེ་མ་བྱུང་བ་བྱས། དེ་ཡང་སྤྱི་ཐེག་ཆེན་གྱི་གང་ཟག་གིས་སེམས་ཅན་ཐམས་ཅད་དྲིན་ཅན་གྱི་ཕ་མར་ཤེས་ནས་དག་སྣང་སྦྱོང་བ་དང་། བྱེ་བྲག་ཏུ་གསང་སྔགས་བླ་མེད་ཀྱི་སྒོར་ཞུགས་པ་རྣམས་ཀྱི་ཅིར་སྣང་ཐམས་ཅད་ལྷ་དང་ཡེ་ཤེས་ཀྱི་རྣམ་རོལ་ཏུ་ཤེས་པར་བྱས་ནས་དེ་དག་ལ་དད་པ་དག་སྣང་ཚད་དུ་བསྐྱལ་ནས་སོ་སོའི་རང་ཞལ་རྗེན་པར་མཐོང་བའི་མོད་ལ་ལྷུག་པར་སྐྱོང་བ་འདི་གནད་དུ་ཡོད་པས་དེ་གའི་ངང་དུ་མཉམ་པར་བཞག་པ་ལགས་སོ། །རྗེ་ཡོངས་གྲགས་ཀྱི་སངས་རྒྱས་ཀརྨ་པ། །བོད་སྐྱེ་བོ་ཀུན་འདུད་པའི་གནས་གཅིག་པུ། ཁྱེད་བསླུ་མེད་ཀྱི་སྐྱེས་བུ་ལོས་ཀྱང་ཡིན། ཁོང་དད་ཅན་ཀུན་འཁོར་བའི་མཚོ་ལས་སྒྲོལ། །སེམས་ལོག་རྟོག་གི་སྤྲིན་གྱིས་མ་བསྒྲིབས་ཀྱང་། ཁྱེད་མཛད་སྤྱོད་ཀྱི་རྣམ་ཐར་འོད་དཀར་གྱིས། །ང་སྙིང་དབུས་ཀྱི་པདྨ་བཞད་མ་ནུས། །དུས་ད་རེས་རྒྱ་ལམ་སྲོང་བ་ཞུ། ཁོང་ཕལ་ཆེར་གྱིས་མཇལ་བ་སྟོང་འུར་ཡིན། ཁོང་ལ་ལ་དག་མཇལ་བ་དེ་ཆེ་འདོད་ཡིན། ཁོང་འགའ་ཞིག་མཇལ་བ་ལྟོགས་འདོད་ཡིན། ཁོང་དེ་འདྲ་ཚོ་སྙིང་ནས་དད་པ་མིན། །ང་སྐད་སྟོང་ལ་རྒྱུག་པའི་ཁྱི་རྒན་མིན། །ང་ལྟོ་ཕྱིར་དུ་རྒྱུག་པའི་སྤྲང་རྒན་མིན། །ང་ཟོལ་ཟོག་གིས་འཁོར་བའི་བླུན་རྒན་མིན། །ང་དགོན་ཆུང་གིས་ཕོངས་པའི་བླ་རྒན་མིན། །གནས་དཔལ་ལྡན་ས་སྐྱའི་དབེན་གནས་མཆོག །དཔལ་ཁའུའི་བྲག་གི་ཕོ་བྲང་ན། །རྗེ་རྣལ་འབྱོར་དབང་ཕྱུག་རྡོ་རིང་པའི། །ཐུགས་གཅིག་ཏུ་འདྲེས་པའི་གཅེས་ཕྲུག་ཡིན། །མ་བདག་མེད་མཁའ་འགྲོའི་ཐུགས་ཀྱི་བཅུད། །རྗེ་རྣལ་འབྱོར་དབང་ཕྱུག་ཞལ་གྱི་རྒྱུན། །(༧༨ན)

― GLG009_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ས་སྐྱའི་བླ་ཆེན་གདམས་པ་དེས། །རྒྱུད་ཡོངས་སུ་ཚིམ་པས་གཞན་མི་སྨོན། །དུས་ད་ལྟའི་ས་བརྫུས་ཀྱི་བནྡེ་ཚོ། །ཆོས་འདི་འདྲའི་སྐལ་བཟང་མ་ཐོས་པས། །སེམས་ཆོས་བརྒྱད་ལྟོགས་འདོད་ཀྱི་རྒྱུག་འབྲལ་གྱིས། །ཡུལ་གར་འགྲོ་དང་འདིར་འགྲོ་མེད་སྙིང་རེ་རྗེ། །རྗེ་དྲིན་ཅན་གྱི་བླ་མ་རྡོ་རིང་པ། ཁྱེད་བསམས་བཞིན་དུ་བཀའ་དྲིན་འཁོར་ཐབས་མེད། །སྤྲང་རང་མགོ་ཐོན་པ་བླ་མའི་དྲིན། །དེ་དྲན་པའི་མོད་ལ་མཆི་མ་བཀུ། །ང་ཕྱོགས་མེད་ཀྱི་དད་པ་མཁའ་ལྟར་ཡངས། །སྒོས་ཀརྨ་པ་ལ་སྙིང་ནས་དད། ཁྱེད་ཆོས་བརྒྱད་ལྟོགས་འདོད་དོན་གཉེར་ཚོའི། །གནས་ཚུལ་ནས་སྨྲས་པ་བཟོད་པར་གསོལ། །ཞེས་པ་སྡེ་སྲིད་རིན་སྤུངས་པ་དང་མཆོད་ཡོན་གྱི་དབང་གིས་སྐྱེད་ཚལ་བ་རྣམས་མི་ཆོས་ཀྱི་མཐུན་འཇུག་འོས་འཚམས་ལས་དང་དོད་ལུགས་གང་ས་ནས་དགོས་དོན་མེད་པའི་ཕེར་རྒྱ་ལ་ཐུགས་ཁྲེལ་བ་མེད་པར་སྣང་། རྗེ་འདི་ཉིད་དཔོན་སློབ་ལྔ་ཙམ་དབུ་ཞྭ་དམར་པོ་དང་ཉིད་ཀྱིས་སྐུ་གཟན་སེར་པོ་བཞེས་ཏེ་སྐྱེད་ཚལ་སེང་གཡབས་ནས་གཟིགས་རྟོག་མཛད་པ་རྗེ་བཙུན་བོད་མཁར་བ་དགུང་ལོ་ཉི་ཤུ་རྩ་ལྔ་ཙམ་འགྲོ་བ་ཚོགས་སུ་བཞུགས་པ་དེས་གཟིགས་མ་ཐག་ཐུགས་དད་ཤིན་ཏུ་ཆེ་བར་འཁྲུངས་ཏེ་དེ་ཉིན་བྲང་ཁང་དུ་གདན་དྲངས་རྙེད་བཀུར་ཆེར་བསྟབ། ཆོས་འབྲེལ་གྱི་ཐོག་མར་ཞལ་གདོང་བརྙན་ཅན་གྱི་རྗེས་གནང་གསན་ཞལ་སློབ་ཀྱི་ཁྲོད་ནས་མངོན་སྤྱོད་ཀྱི་ལས་སྦྱོར་ཡོངས་སུ་རྫོགས་པ་ལ་བརྟེན་ཏེ་ཁྲ་མ་ནས་རྩ་བརླག་ཏུ་བཏང་བ་སོགས་དྲག་ལས་ལ་བཀའ་བབས་ཤིན་ཏུ་ཆེ་བ་ཡོང་བའི་(༧༨བ)

― GLG009_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འབྲེལ་འགྲིག་གམ་སྙམ། རྗེ་མི་བསྐྱོད་རྡོ་རྗེས་རེས་གསང་སྔགས་རྙིང་མ་ཆོས་ལོག་དང་སྐབས་འགར་གཏེར་ཁ་འོག་མའི་ཚེས་བཅུ་འཛུགས་པ། འབྲི་གུང་ཟུར་པ་རིན་པོ་ཆེ་དང་མཇལ་དུས་བསྙེན་ཕུར་སོགས་སྔགས་ཆས་རྣམས་དབུ་ཐོག་ཏུ་བཞག་ནས་ང་ཡང་འདི་འདྲ་བ་ཞིག་འདོད་ཅེས་གུས་པར་མཛད། སྣེའུ་སྡོང་གོང་མ་ཆེན་པོར་ཕུལ་བའི་ཆབ་ཤོག་ཏུ། དེང་སང་དབུ་རུ་བྱང་ཕྱོགས་བརྒྱུད་འདི་ན། །གཏེར་སྣོན་ལྕང་ལོ་ཅན་ཞེས་བདུད་སྤྲུལ་དེ། །ཞེས་དང་། བླ་མ་གཏེར་གྲོ་བར་ཟློ་བ་ཞེས་ཐུགས་རྣལ་དུ་མི་གནས་པའི་གསུང་རིགས་དང་མཛད་པ་སྣ་ཚོགས་ལ་དང་བ་མི་སྐྱེ་བ་ནི་ཐུགས་བདེན་པར་ཟད། སྒར་ཆེན་འཛམ་གླིང་རྒྱན་ཟེར་བའི་སྟོང་འུར་ལ་སྐུའི་བ་སྤུའི་ཆ་ཤས་ཙམ་ཡང་མི་ལྡང་བ་རྗེ་བཙུན་ཁའུ་པའི་སྤྱན་སྔར་ཕེབས་པ་ནས་བཟུང་བླ་མ་དང་ཆོས་གཞན་ལ་བརྟེན་ནས་བྱང་ཆུབ་མི་སྒྲུབ་པའི་དབང་རྣོན་ཆོས་རྗེས་འབྲང་བའི་ཐུགས་མོས་ལ་ལྷག་པར་ངེས་རྙེད་ཀྱིས་ལག་པད་སྙིང་གར་ཟུམ་མོ། །རིམ་གྱིས་ལྷ་མཐོང་བའི་རྫོང་ལྷུན་གྲུབ་རབ་བརྟན་དུ་ཕེབས། ཞལ་ངོ་རྣམས་ལ་ཚེ་རྟ་སྦྲགས་མའི་དབང་སོགས་བཀའ་དྲིན་དུ་སྩལ། སྨྱུག་ལ་རྫོང་དུ་རྗེ་ཀརྨ་འཕྲིན་ལས་ཕྱོགས་ལས་རྣམ་རྒྱལ་དུ་གྲགས་པ་མཇལ་དུ་ཕེབས། དེར་བདུད་མགོན་ཞིང་སྐྱོང་སེང་གདོང་ཅན་དང་དམ་ཅན་མགར་ནག་སོགས་ཀྱི་ཆོས་བཀའ་ཅི་རིགས་གསན། སྤྱིར་རིས་མེད་པའི་བསྟན་རྒྱུན་ལ་དགོངས་པའི་འཆད་ཉན་དང་ཁྱད་པར་རྗེ་འཕྲིན་ལས་པ་ཉིད་ཀུན་མཁྱེན་བཀྲས་རྣམ་པའི་དབོན་པོར་སོང་བའི་ཐུགས་ཞེན་གྱིས་ནཱ་ལེནྡྲར་ཕན་ཐོགས་མཛད་དགོས་པའི་བསླབ་བྱ། གོང་དཀར་ཆོས་སྡེར་ཕེབས་རྩིས་ཀྱིས་རྒྱུ་མཚན་(༧༩ན)

― GLG009_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བར་ཐུགས་ཤིན་ཏུ་མཉེས་པའི་སྒོ་ནས་ཕྱག་ཐུགས་ཀར་ཐལ་མོ་སྦྱར་ཏེ་རྗེས་སུ་ཡི་རང་དང་བསྔགས་པ་རྒྱ་ཆེན་པོ་མཛད། བླ་མ་དམ་པ་འདི་ཉིད་ཀྱང་ཐུགས་དད་ཤུགས་དྲག་པོའི་རྐྱེན་གྱིས་སྤྱན་ཆབ་འཁྲུག་པ་སོགས་ཕན་ཚུན་འབྲལ་མི་ཕོད་པ་ལྟ་བུའི་ཐུགས་ཡིད་གཅིག་འདྲེས་སུ་གྱུར། དེ་ནས་མི་འགྱངས་པར་དཔལ་འདམ་བུ་བྱིན་གྱི་ཆོས་གྲ་དང་སྣ་ནམ་རྡོ་རྗེ་བདུད་འཇོམས་ཀྱི་རྣམ་སྤྲུལ་ཐུ་བཙུན་ཀུན་དགའ་རྣམ་རྒྱལ་གྱི་གདན་ས་གོང་དཀར་རྡོ་རྗེ་གདན་དུ་ཕེབས་ཏེ། སྨིན་གྲོལ་ལུང་མན་ངག་སོགས་ཟབ་རྒྱས་ཆོས་ཀྱི་སྒོ་འཕར་ཕྱེ་ནས་གདུལ་བྱ་རྣམས་བཟང་པོའི་སྐལ་བ་ཅན་དུ་བཀྲི་བར་མཛད།ཐུབ་བསྟན་དགེ་ཚོགས་འཕེལ་ནས་ཐོས་བསམ་འབྲས། །ཡུལ་ལྗོངས་སྐྱེད་ཚལ་བར་གྱི་ཟློས་གར་གཏམ། །བཅད་ལྷུག་སྤེལ་ལེགས་ཉམས་འགྱུར་དབྱངས་ཅན་མ། །མགྲིན་པར་བྱོན་ནས་གསུངས་ཀྱང་དེ་ལས་ཅི། །ས་སྐྱའི་རིང་ལུགས་མཐོར་བརྩེགས་ཁ་བའི་རིར། །ཀར་མཚན་ན་བུན་འཁྲིགས་པའི་བཤེས་གཉེན་དང་། །ཐུགས་ཡིད་འདྲེས་པའི་མཛའ་བཅིངས་ཞགས་པ་དང་། །འབྲོམ་སྟོན་ནག་ཚོའི་རྣམ་ཐར་གཉིས་པ་བཞིན། །འཕགས་བོད་གཞུང་བརྒྱ་སྨྲ་བའི་ཆོས་གྲགས་དང་། །ངེས་གསང་ཐེག་པ་མཆོག་གི་སྡེ་ཆེན་པོར། །སྐལ་བཟང་སྐྱེ་རྒུའི་བུང་བ་ཚིམ་བྱེད་པའི། །བཤེས་གཉེན་པད་དཀར་འདབ་སྟོང་དེང་འདིར་འཛུམ། །གསོལ་འདེབས་ལས། བདེ་བ་མཆོག་གི་ཕོ་བྲང་སྲིན་པོ་རིར། །སླར་ཡང་རྡོ་རྗེ་བཙུན་མོའི་རྣམ་སྤྲུལ་གཟིགས། །མཁའ་སྤྱོད་དགའ་མའི་མཛེས་སྐུ་སྙན་གྲགས་ཅན། །རྩོལ་མེད་ཐུགས་རྗེས་མཇལ་ལ་གསོལ་བ་འདེབས། །ཆུ་(༧༩བ)

― GLG009_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་དཀར་པོའི་གུར་ཁང་ལ་གནས་པའི། །འཆི་མེད་གཞོན་ནུའི་དྲིས་ལན་དབྱངས་ཀྱི་སྐད། །རབ་དཀར་ལྷ་ཡི་བདུད་རྩི་གསར་པའི་རྒྱུན། །ལྗགས་ཀྱི་པདྨར་སིམ་ལ་གསོལ་བ་འདེབས། །གྲུབ་མཆོག་དབང་པོ་བསོད་ནམས་བསྟན་འཛིན་གྱིས། །དུད་སོལ་ལྷ་མོ་བཀའ་ཡི་བྲན་དུ་གཏད། །དཔལ་ལྡན་བླ་མའི་སྐུ་དགྲ་དངོས་སུ་བསྒྲལ། །མངོན་སྤྱོད་འཕྲིན་ལས་སྒྲུབ་ལ་གསོལ་བ་འདེབས། །ཞེས་རྗེ་བཙུན་མཐུ་སྟོབས་ཀྱི་དབང་ཕྱུག་གཉིས་སྤངས་ཞབས་སོགས་དམ་པ་བཅུ་ཕྲག་ཙམ་བསྟེན་ནས་མེ་འབར་ལས་ཐོག་དྲངས་མགོན་པོ་ལྕམ་དྲལ་གྱི་ཆོས་སྐོར་རྣམས་གསན་པའི་དུས། བྱེ་བྲག་འདོད་ཁམས་མའི་སྐོར་ལ་ཚོགས་བདག་ལྟར་སྒྲུབ་པ། བཀའ་སྡོད་ལྟར་སྒྲུབ་པ། ཕྱི་པ་ལྟར་སྒྲུབ་པ། ནང་པ་ལྟར་སྒྲུབ་པ་རྫོགས་པར་གསན་ཀྱང་ས་ལུགས་ལ་རྗེས་གནང་ཟུར་བཀའ་དང་དམ་པའི་ཡི་གེར་ཡུམ་འཁོར་དང་བཅས་པ་སྒྲུབ་པ་ལ་ངོས་འཛིན་གསལ་བ་སོགས་ནས་དེ་དག་ལ་ཞིབ་མོར་སྤྱོད་བཞེད་པས་བོད་དུ་གྲགས་པའི་ལྷ་མོའི་རིགས་ཀྱི་ཆོས་སྐོར་ཕལ་ཆེར་གསན་ཅིང་ཞིབ་མོར་མཛད་པ་ན། དམག་ཟོར་མ་དང་ལྕགས་ཕུར་མ་སོགས་ཁོལ་མོའི་རིགས་དང་། རྗེ་མོའི་རིགས་དུད་སོལ་མ་འདི་ལའང་སྒྲུབ་ལུགས་མི་འདྲ་བ་མང་བའི་ས་རྔོག་གི་སྒྲུབ་ཡིག་མི་འདྲ་བ་ལས་དོན་གཅིག་པ་དང་། རྔོག་ལུགས་ལ་རྗེས་གནང་སྒྲུབ་སྐོར་ཤིན་ཏུ་རྒྱས་པ་སོགས་གདམས་པ་ཟབ་གནད་ཆེ་བར་དགོངས་ཏེ་རྩད་གཅོད་གནང་ཡང་ས་སྐྱ་པ་དང་དྭགས་བརྒྱུད་པའི་ཕྱོགས་སུ་རྗེས་གནང་གཞན་མའི་རྒྱས་བཀབ་འདྲ་དང་མན་ངག་ཀྱང་ཚང་བར་མ་བྱུང་བར་ཐུགས་ཀ་མ་ཁེངས་ཏེ། ཐུགས་འདུན་དུར་རེ་བ་ཡོད་པ་(༨༠ན)

― GLG009_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་རེས་གོང་དཀར་ནས་གཞུ་རྔོག་ཚང་འོག་མ་ཐར་པ་གླིང་དུ་ཕེབས་པར་གནས་དེ་གར་ཕྱི་སྒྲུབ་ཀྱི་རྗེས་གནང་དང་སྒྲུབ་སྐོར་ཡོངས་སུ་རྫོགས་པ་གནང་བའི་རྗེས་གནང་གི་དུས་ལྟས་ཁྱད་པར་ཅན་ཞིག་ཀྱང་གཟིགས་པས་བླ་མ་དང་ལྷ་ལ་མི་ལྡོག་པའི་ཐུགས་དད་ཆེན་པོ་འཁྲུངས། ཕྱོགས་དེར་བླ་མའི་སྐུ་དགྲ་གདུག་པ་ཅན་ཞིག་འདུག་པར་འདི་ལྟ་བུའི་ཆོས་སྐྱོང་ཡོད་བཞིན་དུ་བསྟན་དགྲ་ཡལ་བར་འདོར་མི་རུང་ཚུལ་ཞུ་བ་མཛད་པའི་ལན་དུ། ཁོང་ཚོའང་ལྷ་འདི་མཆོད་པ་དང་མགོན་ཁང་གི་སྐུ་རྒྱབ་བསྟན་པ་སོགས་ཀྱིས་ཡིན་ནམ་སྔར་ཕན་རྟགས་མཚན་གང་ཡང་མ་བྱུང་། ལན་ཆགས་འདེད་པ་ལྟ་བུར་མཆིས་པས་ད་དུང་ཅི་འདྲ་ཡོད་ཞེས་ཐུགས་ཆད་ངེ་བ་མཛད་པར། དེས་ན་ཁོ་བོ་ལ་ཆོས་ཀྱི་བཀའ་དྲིན་སྩལ་བའི་ཡོན་དུ་དམ་ཉམས་འདི་སྒྲོལ་བ་ལགས་ཞེས་གསོལ་བར་ཤིན་ཏུ་དགྱེས་པའི་ལེགས་སོ་གནང་བ་ན། ཁྱབ་བདག་བླ་མ་འདི་ཉིད་ཀྱིས་ལྷ་མོའི་ལྗགས་བསྙེན་འབུམ་ལྔ་བཅུ་ཙམ་སྔར་གནང་ཟིན་པའི་མགོན་པོའི་ཡུམ་འདོད་ཁམས་མ་དང་དུད་སོལ་མ་གཉིས་ཐུགས་རྒྱུད་གཅིག་པར་བཞེད་གཤིས་ལྷ་ཉེ་བར་ཟུར་དུ་བསྙེན་པ་གནང་མ་དགོས་པ་ནས། གནས་དེ་གའི་མགོན་ཁང་རྔོག་སྟོན་གོང་མས་བཞེངས་པའི་སྐུ་བྱིན་ཅན་གཟི་བྱིན་བསྐྱེད་པ་དང་དགྲ་བོ་ཞལ་དུ་འདེབས་པའི་བཅས་ལེགས་པར་བསྒྲིགས་ནས་བསྟན་སྲུང་གི་ཞལ་དུ་དམར་སྟོབ་མཛད་ཚུལ། དུད་སོལ་མའི་ཆོས་སྐོར་གྱི་དཀར་ཆག་ལས། ས་རྔོག་བླ་མ་བརྒྱུད་པའི་མཚན་ནས་བརྗོད་དེ་བཀའ་སྒོ་དྲག་པོ་ལན་གསུམ་བྱས་པས་རང་ཉིད་ཀྱང་སྐྱི་བུན་པ་དང་ལྷ་མོའི་སྐུ་འདྲ་དེའང་ཞལ་ཁྲོ་ཞིང་ཞལ་རས་ནག་དམ་བྱས་(༨༠བ)

― GLG009_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ་བ་ཞིག་བྱུང་གསུངས། དེ་ནས་དྲང་སྲོང་སྲིན་པོ་རིར་ཕེབས་པ་གོང་གི་དཀར་ཆག་འཕྲོས་ལས། དེ་ནུབ་ནས་ལྷ་མོ་འདི་ལ་གཏོར་མ་ཟུར་པ་རེ་བཅོས་ཆེད་དུ་འཕྲིན་ལས་དྲག་ཏུ་བཅོལ་བས་ཞག་བདུན་སོང་བའི་ནུབ་དྲང་སྲོང་སྲིན་པོ་རིར་གནས་ཚང་ཞིག་གི་ཁང་སྟེང་དུ་ལྕོག་བུ་ཕུབ་ནས་བསྡད། སྲོད་དུས་གཏོར་བསྔོས་ཀྱི་མཐར་མཆོད་གཡོག་གིས་ཁང་པའི་བད་སྟེང་དུ་ཐུན་གཏོར་ཕུལ་བའི་གཏོར་མའི་གསེབ་ནས་མེ་སྟག་མཐེབ་རྡོག་ཙམ་ཞིག་ཆད་སོང་བ་ཁོ་བོ་རང་གིས་མཐོང་། དེ་ཇེ་ཆེར་སོང་ནས་རྫ་མ་ཙམ་དང་མཐར་ཁང་པ་ཙམ་དུ་སོང་བ་མཆོད་གཡོག་གིས་མཐོང་བ་ལ་གཞུང་གི་ཐང་དུ་བབས་སོང་ཟེར། དེ་ནས་རིང་པོར་མ་ལོན་པར་མི་ཚང་དེ་པ་ལ་ཤི་ཆད་ཐོན་བུད་སོགས་མི་འདོད་པ་དུ་མ་བྱུང་ནས་རྗེས་སྟོངས་པ་ཞིག་བྱུང་། བརྒྱུད་པ་འདི་ལས་འོངས་པའི་ལྷ་མོ་འདི་ལ་དྲག་ཤུལ་ནུས་མཐུ་འདི་ལྟ་བུ་ཡོད་པས་རྗེས་འབྲང་རྣམས་ཡིད་ཆེས་པར་གྱིས་ལ་ནན་ཏན་དུ་སྒྲུབ་པར་གྱིས་ཤིག །ཅེས་བཀའ་སྩལ་པ་ལྟར་རྟགས་མཚན་མངོན་དུ་གྱུར། དེ་གར་བཞུགས་མུར་སྔར་བྱུང་བའི། ཁྲག་འཛག་སྲིན་པོའི་རི་ལ་ཕྲད། །ཅེས་པའི་ལུང་བསྟན་ཐོག་ཏུ་བབས་ཏེ་ཁྲོ་ཕུར་མཇལ་བའི་བུད་མེད་འཇིགས་སུ་རུང་བ་དེ་ཇི་ལྟ་བ་ཞིག་ཞལ་གཟིགས། དེ་ནས་སྔར་གྱི་ལུང་བསྟན་ཐུགས་ངོ་འཕྲོད་དེ་མོས་གུས་ཆེན་པོས་རྩེ་གཅིག་ཏུ་གསོལ་བ་བཏབ་པས་རྗེ་བཙུན་རྡོ་རྗེ་རྣལ་འབྱོར་མའི་རྣམ་པར་གྱུར་ཏེ་དངོས་སུ་ཞལ་བསྟན། གསུང་གི་གནང་བ་སྩལ་བ་སོགས་རྗེ་བཙུན་རྡོ་རྗེ་བཙུན་མོས་མངོན་སུམ་དུ་རྗེས་སུ་བཟུང་། རིམ་གྱིས་སྟོད་ལུང་བརྒྱུད་ར་ཚག་ཏུ་རྗེ་བཙུན་ནཱ་རོ་ཏ་པའི་ཐུགས་དམ་རྟེན་མཐོང་བས་དོན་ལྡན་མཇལ་ཚེ་གཟིགས་སྣང་ཁྱད་པར་ཅན་བྱུང་བར་(༨༡ན)

― GLG009_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

གོར་མ་ཆག་ཅིང་དེ་ནས་འཕན་ཡུལ་བྱ་བཟང་གི་རི་ཁྲོད་དུ་ཕེབས། ཐུགས་དམ་ཟབ་མོའི་ཏིང་ངེ་འཛིན་ཁོར་ཡུག་ཏུ་གནང་བའི་སྐབས་ཤིག་ནམ་མཁའ་བཻ་ཌཱུཪྻ་མཐིང་གའི་མདོག་ལྟར་དྭངས་པའི་དབུས་ནས་སྤྲིན་དཀར་ལང་ལོང་དུ་འཁྲིགས་པའི་ཁྲོད་ནས་ལྷའི་བུ་མཛེས་ཤིང་ཡིད་དུ་འོང་བ་གཉིས་བྱུང་ནས་དྲི་བ་དང་། དེ་ལ་ལན་མཛད་པའི་སྐོར་གསུང་མགུར་ལས་བྱུང་བ་འདི་ལྟ་སྟེ། ཨེ་མ་ཧོ། ཁ་བས་བསྐོར་བའི་སྨན་ལྗོངས་ཀྱི། །ཡུལ་དབུས་ས་ཡི་ཐིག་ལེའི་ངོས། །དབེན་པའི་རི་སུལ་ཡང་སྟེང་ན། །བླ་མ་སྒོམ་པའི་ཀུ་སུ་ལུ། ཁྱོད་ཀྱི་ཐོག་མའི་སྐྱེ་ཡུལ་གང་། །དམ་པའི་ཡོངས་འཛིན་སུ་ཡིས་བཟུང་། །ད་ལྟ་ཉམས་ལེན་གདམས་ངག་གང་། །ཕྱི་མའི་བསྟད་སོ་ཇི་ལྟར་ཡོད། །ཅེས་གླེང་བ་ལ་ཁོ་བོའི་སེམས་ལ་འདི་ལྟ་བུའི་ངོ་མཚར་བ་བར་ཆད་དམ་དངོས་གྲུབ་གང་ཡིན་ཀྱང་རུང་ལན་དྲང་པོར་བཏབ་སྙམ་ནས་འདི་ལྟར་སྨྲས་སོ། །སྟོན་དུས་བདུད་རྩིའི་འབྱུང་གནས་ལྟར། །དཀར་ཞིང་ཡིད་འཕྲོག་ཆུ་འཛིན་གསེབ། །གནས་པའི་འཆི་མེད་གཞོན་ནུ་གཉིས། །རྣ་བའི་བདུད་རྩི་སྒྲ་དབྱངས་སྙན། །ཤཱཀྱའི་བསྟན་ལ་རབ་བྱུང་ཞིང་། །དམ་པའི་དེད་དཔོན་གྱིས་བཟུང་ཡང་། །སྙོམ་ལས་དབང་གིས་བཅིངས་པ་ཡི། །སེར་གཟུགས་བདག་གི་སྐྱེས་པའི་ཡུལ། །གངས་རིའི་ཁྲོད་ཀྱི་གཙང་སྟོད་ཆ། །ཆུ་བོ་པཀྵུའི་ལྷོ་ཡི་ངོས། །གྲུམ་སྟོད་ས་སྐྱའི་བྱ་འདབས་ལྗོངས། །འབྲོག་མི་ལོ་ཙཱའི་གནས་ཀྱི་མདའ། །འཕྲང་གསུམ་ནང་ནས་སྲིན་འཕྲང་གདོང་། །རྨུ་རྗེ་བཙད་པོས་བཟུང་བའི་ས། །དེར་ནི་སྔོན་གྱི་ལས་དབང་གིས། །དལ་འབྱོར་རིན་ཅེན་རྙེད་(༨༡བ)

― GLG009_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིན། །ཐུབ་བསྟན་རིན་ཅེན་སྒོར་ཞུགས་ནས། །དམ་ཆོས་བདུད་རྩི་ནོས་པ་ཡི། །སྤྱིར་ནི་ཡོངས་འཛིན་བཅུ་ཕྲག་བཞི། །ཟུང་གཉིས་དག་གིས་ལྷག་པར་བཞུགས། ཁྱད་པར་ཚེ་རབས་དཔག་མེད་ནས། །རྗེས་སུ་བཟུང་བའི་འདྲེན་པ་མཆོག །ཚེ་འདིར་རང་སེམས་ལྷན་སྐྱེས་འདི། །སྐྱེ་མེད་ཆོས་སྐུར་ངོ་སྤྲོད་ཅིང་། །ཟབ་མོ་དབང་བཞིའི་ཆུ་བོའི་རྒྱུན། །བུམ་པ་གང་བྱོར་གནང་བ་ཡི། །བཀའ་དྲིན་མཉམ་མེད་རྡོ་རིང་པ། །འགྲན་ཟླ་ཀུན་དང་བྲལ་བ་ཡིན། །ཉམས་ལེན་གདམས་པའི་གཙོ་བོ་ནི། །རྒྱལ་ཡུམ་བདག་མེད་མཁའ་འགྲོ་ལ། །པཎ་གྲུབ་དབང་པོ་བི་རཱུ་པས། །ནོས་པ་ནས་བཟུང་ད་ལྟའི་བར། །རྩ་བའི་བླ་མ་ཡན་ཆོད་དུ། །དབང་བཞིའི་ཆུ་བོ་མ་ནུབ་པའི། །བླ་མའི་གསུང་ངག་བདུད་རྩིའི་རྒྱུན། །ཚད་མ་བཞི་ལྡན་དབང་བཞིའི་ལམ། །རྡོ་རྗེ་ཐེག་པའི་སྙིང་པོ་ཡིན། །ཡང་སྙིང་ཟབ་མོ་བླ་མའི་ལམ། །རང་སེམས་བླ་མ་ཕྱག་རྒྱ་ཆེ། །ཡེངས་པ་མེད་པར་སྒོམ་པ་ཡིན། །ཕྱི་མའི་གང་འགྲོ་ད་ལྟ་མེད། །སྒྱུ་མའི་སྐྱེས་ཆེན་འདེགས་པའི་ཚེ། ཁོ་བོའི་བླ་མ་སླུ་མེད་དེ། །མདུན་གྱི་ནམ་མཁར་འབྱོན་སྙམ་ཡོད། །བདེ་ཆེན་ཐུགས་ཀྱི་དཀྱིལ་འཁོར་དང་། །རང་སེམས་སྟོང་པ་སྤྲོས་བྲལ་གཉིས། །དབྱེར་མེད་བསྲེས་ནས་ལྷུག་པར་འཇོག །གང་ལྟར་སོང་ཡང་འགྱོད་པ་མེད། །ཅེས་གསུངས་པའི་ལྷའི་བུ་གཉིས་ཀྱང་རྗེ་བཙུན་རྡོ་རིང་པ་ཆེན་པོའི་རྣམ་སྤྲུལ་དུ་ངེས། ཡང་སྐབས་ཤིག་ཏུ་ལྷའི་བུ་གཟུགས་དང་ལང་ཚོ་ཁ་དོག་ཕུན་སུམ་ཚོགས་པ་ཞིག་གིས་རིན་པོ་ཆེའི་བུམ་པ་བདུད་རྩིས་གང་བ་ཕྱག་ཏུ་ཕུལ་བ་ལྗགས་ཐོག་ཏུ་གསོལ་བས་རོ་བརྒྱ་ཕྲག་བྲོ་བ་བྱུང་ཞིང་། ཀླུའི་རྒྱལ་པོས་ཡིད་བཞིན་གྱི་ནོར་བུ་ཕུལ་བའི་(༨༢ན)

― GLG009_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

གཏམ་ཟུར་ཙམ་ལས་ཞིབ་པ་ཡིག་རྒྱུན་དང་གསུང་བགྲོས་ཚོར་མི་གསལ། ཟླ་བ་བརྒྱད་དགུ་ཙམ་ནས་སླར་ཡང་རྔོག་ཐར་པ་གླིང་དུ་ཕེབས་སྐུ་དགྲ་དེ་ལའང་རྟགས་མཚན་ཡོང་བའི་འགོ་ཚུགས་པ་སོགས་ནས་རྔོག་སྟོན་ཆེན་པོ་ཐུགས་ལྷག་པར་དགྱེས་ནས་རྔོག་དཀྱིལ་བདུན་ལ་སོགས་པའི་རྔོག་ལུགས་ཀྱི་ཆོས་སྐོར་རྣམས་གནང་བའི་རྗེས་སུ། བརྒྱུད་པ་འདི་པ་རང་གི་སྲོལ་ལ་ལྷ་མོ་གསང་སྒྲུབ་རྗེས་གནང་འདི་རྔོག་པའི་བསྟན་པ་ཟིན་ངེས་ཤིག་ལ་བྱེད་པའི་ལུགས་ཡིན་གསུངས་ནས་གསང་སྒྲུབ་ཀྱི་རྗེས་གནང་ཆོ་ག་ཤིན་ཏུ་རྒྱས་པའི་སྒོ་ནས་བཀའ་དྲིན་ཆེན་པོས་གནང་། དེ་དུས་ཀྱང་ལྷ་མོ་དངོས་སུ་གཏད་པ་ཙམ་གྱི་ངེས་ཤེས་དང་ཡིད་ཆེས་པ་བྱུང་། གོང་གི་མངོན་སྤྱོད་ཀྱི་ལྟས་བྱུང་བའི་རྗེས་ནུབ་མང་པོའི་བར་དུ་སྡིག་པ་དག་པའི་རྨིས་ལྟས་ཆེས་ཆེ་བ་ཇི་སྙེད་ཅིག་བྱུང་བས་ལམ་ཐམས་ཅད་ཀྱི་ནང་ནས་ལམ་ཟབ་མོ་བླ་མའི་རྣལ་འབྱོར་འདི་ག་ཟབ་པ་ལ་ངེས་ཤེས་ཁྱད་པར་མེ་འབར་བ་ལ་ཤིང་བསྣན་པ་ལྟ་བུར་གྱུར་ཏོ། །ཞེས་གསུངས་པ་སྤང་རྟོགས་མཐོན་པོར་སླེབས་པའི་རིགས་ཚོར་བླ་མར་སྲི་ཞུ་དང་བྱིན་རླབས་འཇུག་པ་གཉིས་ཀ་ཤུགས་ཀྱིས་འབྱུང་ནའང་ཕྱི་རབས་ཀྱི་རྗེས་འཇུག་རྣམས་ལ་རྡོ་རྗེ་སློབ་དཔོན་གྱི་ཞབས་ཏོག་ལ་འབད་ན་ཕན་ཡོན་ཆེན་པོ་འབྱུང་བ་རྟོགས་པའི་ཆེད་དུ་དགོངས་ཏེ་གསུངས་པར་སྣང་ངོ་། །སྔ་ཕྱི་མང་པོར་བླ་མ་ཡི་དམ་ཆོས་སྲུང་གི་ཞལ་གཟིགས་པས་ཐམས་ཅད་མཁྱེན་པ་མཁྱེན་བརྩེའི་ཞབས་ཀྱིས། ཨོ་རྒྱན་པདྨ་དུས་དགྲ་མ་ཧེའི་ཞལ། །རྡོ་རྗེ་བཙུན་མོ་ཡང་གསང་ཁྲོས་པ་སོགས། །ལྷ་མཆོག་དུ་མ་དངོས་སུ་ཞལ་གཟིགས་ནས། །ལུང་བསྟན་གནང་བ་ཐོབ་ལ་གསོལ་བ་འདེབས། །ཞེས་(༨༢བ)

― GLG009_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་སོ། །གང་ཐུགས་དག་པའི་བཙུན་མོ་ལྟེ་འོག་ནང་། །ཨ་ཤད་གཏུམ་མོ་ཡོངས་འབར་ཕྱི་རོལ་ཏུ། །ཆུ་དང་རླབས་བཞིན་སོ་སོར་གཟིགས་པའི་ཚེ། །ཉེར་ཞིའི་ཡུལ་ནས་འཚོལ་རྣམས་སྨིག་རྒྱུར་སྙེག །ཁྱབ་བདག་བླ་མའི་རྣམ་འཕྲུལ་ལེགས་བྲིས་བུ། །ཡིད་འཕྲོག་རི་བོང་འཛིན་ལྟར་དཀར་བ་གཉིས། །ཆུ་འཁུར་དབུས་ན་ཉེར་གླེང་བྱང་ཆེན་བར། །ཐང་ལྷོད་མེད་པའི་ཐུགས་རྗེའི་བརྡ་ཐབས་ཙམ། །དྭགས་བརྒྱུད་མེ་ལྷའི་མངལ་དུ་མ་བཟོད་པ། །མར་ལོའི་ཐུགས་བཅུད་ལྷ་ཆེན་དྭངས་མའི་ཁམས། རྔོག་སྟོན་གངྒཱ་ལས་སྐྱུགས་མགོན་ཁྱོད་ཀྱི། །བློ་གྲོས་སྨིན་ཚལ་སྐྱེད་བསྲིངས་གདོང་དྲུག་ལྷ། །འདོད་ཁམས་དབང་མོ་བྲན་བཀོལ་མཐུ་སྟོབས་མདས། །ལོག་འདྲེན་སྙིང་ག་ཕུག་པའི་ཁྲག་དྲོན་སྐོམ། །མ་རྒྱུད་དྲེགས་ཚོགས་ཀྱིས་བཏུངས་རྐན་སྒྲ་ཡིས། །གནམ་ལྕགས་འབར་བའི་ཐོག་ཀྱང་མིང་དུ་ཟད། །གསོལ་འདེབས་ལས། དྲི་མེད་མཁའ་དབྱིངས་འཇའ་གུར་བཞད་པའི་དབུས། །ཨོ་རྒྱན་མཁན་པོས་མཛེས་སྐུ་གསལ་བར་བསྟན། །འཁྲུལ་ཞིག་བླ་མའི་དབུ་གཙུག་མཁའ་ངོས་སུ། །དཔའ་བོ་རྟ་མགྲིན་གཟིགས་ལ་གསོལ་བ་འདེབས། །འདར་སྟོད་དགོན་པ་ཆོས་འཁོར་ཡང་རྩེ་ཡི། ཁྲི་ལ་ཞབས་བཀོད་སློབ་བཤད་བསྟན་པ་སྤེལ། །རྣམ་པར་རྒྱལ་བའི་ཡང་རྩེར་ཆོས་སྐྱོང་སྐུ། །བཞེངས་ཤིང་དགེ་ལེགས་མཛད་ལ་གསོལ་བ་འདེབས། །ཞེས་དབུས་ཕྱོགས་སུ་ལོ་གཉིས་ལ་ཉེ་བར་བཞུགས་ནས་ལྕགས་བྱིའི་མཇུག་གཙང་ལ་ཆིབས་ཁ་བསྒྱུར། སྟག་གྲུ་ཁའི་ཁད་ཉེར་ཕེབས་པ་ན་ནམ་མཁའ་ལ་སྤྱན་ཧུར་གྱིས་གཟིགས་ནས་ཆིབས་སྣ་འཁྲིད་མཁན་ལ་ཁྱོད་ཀྱིས་ཅི་མཐོང་གསུངས་པར་བལྟས་ཙ་ན་(༨༣ན)

― GLG009_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

འཇའ་ཚོན་བུན་བུན་འདུག་པ་མཐོང་ནས་འདི་ལྟར་འདུག་ཞུས་པས་ཅང་མི་གསུང་ནའང་རྗེས་སུ་ཐུགས་ནང་གཙང་བ་འདྲར་དེ་དུས་འཇའི་ཁྲོད་ན་ཨོ་རྒྱན་ཆེན་པོ་པདྨ་འབྱུང་གནས་བཞུགས་འདུག་པ་གཟིགས་ཞེས་བཀའ་སྩལ། ཕེབས་ལམ་ཚོར་འཕྲིན་ལས་རྒྱ་ཆེར་སྐྱོང་མུ་ནས་ལྕགས་མོ་གླང་གི་ལོར་བོ་དོང་ཕུན་ཚོགས་རབ་བརྟན་དུ་རྗེ་བཙུན་རྡོ་རྗེ་འཛིན་པ་མཁན་ཆེན་སྒོ་རུམ་པ་མཇལ་བར་ཕེབས་སྐབས་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་རྗེ་འདི་ལ་ཆོས་གསན་བཞེད་ཀྱིས་ཞལ་ངོ་རྣམས་དང་བཀའ་བགྲོས་མཛད་པར། ཐུགས་དང་བསྟུན་ཆོག་པ་ཐུགས་རྩེ་མཐུན་པའི་ཁྲོལ་ཆ་མཛད་ཅིང་། འོན་ཀྱང་ངེད་རང་ཚོའི་བྱེད་སྲོལ་བཞིན་བརྟག་པ་ཞུས་གསུང་བ་ལྟར་ཁྱབ་བདག་སྒོ་རུམ་པ་ཆེན་པོར་ཞུས་པ་ཤིན་ཏུ་བཟང་བ་བབས། ཐམས་ཅད་མཁྱེན་པས་ནན་ཞུས་མཛད་པར་བླ་མའི་སློབ་མར་མིན་གསུངས་ནས་ཞལ་གྱིས་མ་བཞེས་པའི་ཚེ། རྗེ་བཙུན་སྒོ་རུམ་པས་བླ་མའི་སློབ་མ་སློབ་མར་མིན་ཟེར་བ་བདོག་སྟེ་བླ་མ་མཉེས་བྱེད་གང་ཡིན་བྱའང་མི་གདའ་ལགས་སམ། ཅིས་ཀྱང་གནང་མཛོད་ཅེས་ནན་ཆགས་གསུང་བར་གནས་གསར་བ་མི་མིན་ཟེར་བ་བདེན་པར་འདུག །བླ་མ་ལ་ཐེལ་འབེབས་སོགས་སྔར་མེད་ཀྱི་སྲོལ་བཙུགས་གསུང་སྐུ་རྩེད་དང་བཅས་ཞལ་གྱིས་བཞེས། ཐོག་མར་སྒྲོལ་དཀར་གྱི་ཚེ་འཁྲིད་ཟླ་བའི་ཆུ་རྒྱུན། འོད་ཟེར་དྲུག་སྦྲགས་ཀྱི་རྗེས་གནང་། ཆག་ལུགས་ཚེ་དཔག་མེད་དཀར་པོ། དབྱངས་ཅན་མ་དཀར་མོ་སྟེ་དཀར་ལྷ་གསུམ་གྱིས་སྒོ་ཕྱེ་ནས་ཞག་དྲུག་གི་རིང་ལ་བྱིན་རླབས་རྗེས་གནང་ཉེར་དྲུག་ལུང་དུ་མ་དང་བཅས་པ་སྩལ། གསུང་གླེང་ཞིག་གི་འཕྲོས་ལ་(༨༣བ)

― GLG009_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

ངེད་ལ་ཆོས་ཉན་པར་བརྟག་པ་བྱས་པ་ཨེ་ཡིན་གསུང་བ་ངེད་རང་ཡབ་སྲས་མིན་པ་གཞན་ལ་རྒྱུས་ནི་མེད་དགོངས་པའི་ཐུགས་འཇིགས་ཞུམ་པའི་ངང་ནས་དེ་འདྲའི་སྲོལ་ཡོད་པས་བྱས་ལགས་ཞུས་པར། ལེགས་པོ་ཨ་བྱུང་གནང་བར་ཤིན་ཏུ་བཟང་གསོལ་བ་ལ་བཞད་ཅིང་ངེད་ཀྱི་རྨི་ལམ་དུ་ཕ་རྒན་ཡིན་རྒྱུ་བ་ཞིག་གིས་གནས་གསར་བ་བརྟག་པ་འདི་བཞིན་གྲབས་འདུག་པ་ཇི་ལྟར་བྱེད་འདྲི་བར། བསྟན་པ་ལ་ཕན་ན་ཆུག་པ་དང་མི་ཕན་ན་མི་ཆུག་པ་མཛོད་ཞུས་པས་ཆུག་འདུག་པ་བསྟན་པར་ཕན་པ་ཡིན་ནམ་གསུང་བ་ན། ཐུགས་དགྱེས་པ་དང་འཇིགས་པ་ཅིག་ཅར་དུ་བྱུང་། བཀའ་ལས། རྡོ་རྗེ་འཆང་སྒོ་རུམ་པར་བཞུགས་པ་རྣམས་ཞབས་དྲུང་དུ་གང་ཐོབ་དང་དེ་ཕྱིན་གྱི་ས་སྟོང་ངས་འགེང་གསུང་ཆོས་གྲོལ་གདོང་དཔལ་མགོན་དཀར་པོ་ཚེ་འཕེལ་གྱི་རྗེས་གནང་ཐུན་མོང་མ་ཡིན་པ་གནང་། བླ་ལུང་དུ་འཁྲུལ་ཞིག་དཀའ་བཞི་པ་ཆེན་པོ་མཇལ་བར་དཔོན་སློབ་ཉུང་བསྡུས་ཀྱིས་ཕེབས། དམངས་མ་ཐུགས་འགྲོས་ཆུང་ཁྱད་ནས་བལ་མདར་གཏོང་བ་གནང་། ཟླ་བོ་རྣམས་དོ་ནུབ་ཇོ་ནང་དུ་སླེབས་པ་ཡོང་བ་ཡོད་པས་བདག་ཐོགས་གཞི་མེད་པར་ཐོན་པ་དགོས་སྙན་དུ་གསོལ་བར་དགའ་བཞི་ནས་ཀྱིས་མངོན་པར་མཁྱེན་པས་ཁོང་རྣམས་བལ་མདའ་རང་དུ་སྡོད་པ་འདུག་དོ་ནུབ་འདིར་ཅིས་ཀྱང་བཞུགས་དགོས་གནང་བ་བཞིན་བཀའ་དང་བསྟུན་ཏེ་པདྨ་ཡང་གསང་གི་དབང་གསན་པའི་ཚེ་འཁྲུལ་ཞིག་ཆེན་པོའི་དབུའི་ཐད་དུ་དཔལ་རྟ་མགྲིན་བཞུགས་པ་དངོས་སུ་གཟིགས་ཕན་ཚུན་ཐུགས་ནང་དག་པས་བདེ་ཆེན་གྱི་ཡེ་ཤེས་ཆེན་པོའི་ངང་དུ་གསུང་སྒྲོས་དང་ཉམས་བསྡུར་སོགས་(༨༤ན)

― GLG009_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིན་ཏུ་འཕེལ་བར་མཛད། དཔོན་སློབ་གཉིས་ཀ་ཕྱིར་མཇལ་འཛོམ་བྱུང་རེས་ཀྱི་དགའ་བཞི་བས། དེ་རིང་ཚར་པ་ཆོས་རྗེ་ཁོང་འབྱོན་གྱི་ཡོད་པ་འདུག་དཔལ་མགོན་ཞལ་སྔོན་མགྱོགས་སུ་བྱུང་ཚུལ་དང་། རེས་ཆོས་རྗེ་ཚར་པ་ལ་བྱ་བ་ཁག་ཅན་ཞིག་མོད་པར་མཆིས་དཔལ་མགོན་ཞལ་བྲེལ་གྱིན་འདུག་གསུང་བ་ནི་མགོན་པོ་འདི་ཉིད་དཔལ་འཁོར་ལོ་སྡོམ་པ་དྲག་པོའི་སྐུར་བསྟན་པ་ཡིན་པས་དེ་འདྲའི་རིགས་གཟིགས་པ་ཐག་ཤིན་ཏུ་རིང་བས་དཔོན་སློབ་གཉིས་ཀའི་བསམ་གྱིས་མི་ཁྱབ་པའི་རྣམ་ཐར་རོ། །སང་ཉིན་ཇོ་ནང་དུ་ཕེབས་ལམ་དངོས་གཞི་དང་མི་གཅིག་པའི་བྲག་སྐྲས་ཟེར་བ་རྟ་བོང་བགྲོད་མི་ཐུབ་པའི་གཟར་པོ་དེར་དྲེའུ་ལ་ཆིབས་ཏེ་བྱོན། སྔ་འགྲོས་སོགས་མེད་ནའང་རྗེ་བཙུན་གྲོལ་མཆོག་གི་ཐུགས་མཁྱེན་གྱིས་བཅད་དེ། དེ་རིང་མགྲོན་ཆེན་ཞིག་འོང་བར་འདུག་པས་བུ་རམ་སྒོར་བ་སོགས་གཞིས་ལེན་དང་སེར་སྦྲེང་གི་སྟ་གོན་གྱིས་གསུང་བ་ལྟར་བྲག་སྐྲས་ལ་རྐང་ཐང་མ་གཏོགས་མི་ཐར་གཤིས་གཞུང་ལམ་ཕྱོགས་སུ་སེར་སྦྲེང་བསྒྲིགས་པ་ན། བྲག་ལམ་ལ་དཔོན་སློབ་འགའ་ཞིག་ཕེབས་པ་མཐོང་སྟེ་དེ་ཕྱོགས་སུ་མགྱོགས་པར་ཕྱིན། སྐྱ་སེར་མཐའ་དག་སྔར་བཞོན་པ་དང་བཅས་ཐར་བའི་དཔེ་མེད་པ་ལ་ད་ལམ་ཆོས་རྗེ་ཚར་པས་རྫུ་འཕྲུལ་བསྟན་པ་ཡིན་ཞེས་ངོ་མཚར་གྱི་གནས་སུ་གྱུར། ཕེབས་པའི་བགྲོས་མེད་པར་བསུ་བའི་བཀོད་པ་ལ་དཔོན་སློབ་རྣམས་ཐུགས་རངས་པ་དང་ཆེས་པ་ཕན་ཚུན་འགྲན་པ་བཞིན་སོང་། འཇམ་དབྱངས་ཀུན་དགའ་གྲོལ་མཆོག་གི་ཕེབས་བསུར་བྱོན་དཔོན་སློབ་གཉིས་ཀས་མཉམ་ཕྱག་མཇལ་དར་རྩེ་སྤྲོད་(༨༤བ)

― GLG009_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིམས་ཆུང་དུ་བཞུགས་ཁྲི་མཉམ་པ་གནང་ཆོས་ཀྱི་འབེལ་གཏམ་སོགས་ཁམས་པ་གསར་རྙིང་གི་དཔེ་བཞིན་གསུང་གླེང་ཞིབ་པར་མཛད། ཇོ་ནང་ཆོས་གྲྭའི་དབུས་སུ་བལ་པོ་ཤིང་ཀུན་གྱི་མཆོད་རྟེན་ལ་འདྲ་དཔེ་བླངས་པ་བཞེངས་སྐབས་དང་འགྲིག །རྗེ་འདི་ཉིད་ཀྱི་ཕྱག་རྡོར་གྱི་ལི་སྐུ་ཁྱིད་གང་བ་ཞིག་ཡོད་པ་དེ་འབུལ་བ་མཛད་པ་རྗེ་བཙུན་དམ་པ་ཤིན་ཏུ་མཉེས་ནས་རྟེན་འབྲེལ་འགྲིག་ཅེས་གཟུངས་བཞུགས་ལ་འབུལ་བར་མཛད། དཔོན་སློབ་གཉིས་ཀ་རྡོ་རིང་རིན་པོ་ཆེའི་ཞལ་སློབ་རྡོ་རྗེའི་མཆོད་པ་བླ་ན་མེད་པའི་དད་དུང་ཕུན་སུམ་ཚོགས་པར་དེ་ཕྱོགས་ཀྱི་སྐྱེ་རྒུ་རྣམས་མགྲིན་པ་གཅིག་ཏུ་གླེང་། རིམ་གྱིས་རྨུ་གཤོང་དང་ཐུབ་བསྟན་དགེ་འཕེལ་སོགས་སུ་ཞབས་ཟུང་བཀོད་དེ་འཆད་ཉན་སྒོམ་སྒྲུབ་ཀྱིས་མཚོན་པའི་རྣམ་དཀར་གྱི་འཕྲིན་ལས་དབྱར་མཚོ་ལྟར་འཕེལ་བཞིན་པའི་མུར། སེ་སྟོན་ཆེན་པོ་མཐུ་ཆེན་ཉི་མ་བཟང་པོ་དང་མཁས་གྲུབ་ཆེན་པོ་རིན་ཅེན་རྒྱལ་མཚན་སོགས་སྔགས་རྙིང་མའི་རིག་པ་འཛིན་པ་མང་དུ་བྱོན་པ་དང་གདུང་གཅིག་པ་སེ་དཀར་རིགས་ཀྱི་ཐིག་ལེ་ས་སྐྱོང་བ་འདར་པ་དང་། གྲངས་ཆེན་འདུས་ཚོགས་རྣམས་མགྲིན་གཅིག་དབྱངས་གཅིག་པའི་སྒོ་ནས་གསོལ་བ་བཏབ་པ་བཞིན་མཛེས་བྱེད་ཅེས་པ་ཆུ་མོ་ཡོས་ཀྱི་ལོ་འགོར་དགེ་འདུན་རྣམས་ཀྱིས་ཆོས་གོས་ཟླུམ་པོར་བགོ་ཞིང་མཆོད་རྫས་སྣ་ཚོགས་ཐོགས་པའི་སེར་སྦྲེང་། སྡེ་པ་དཔོན་གཡོག་གིས་རིན་ཅེན་རྒྱན་ཆའི་སྐྱ་ཧྲགས་དང་བཅས་པས་མདུན་བསུས་ཏེ་འདར་སྟོད་ཆོས་འཁོར་ཡང་རྩེའི་སེང་གེའི་ཁྲི་ཆེན་པོར་ཞབས་ཟུང་འཁོར་ལོའི་རི་མོ་རྣམ་པར་བཀོད། ཕྱོགས་དེའི་སྐྱ་སེར་ཆེ་དགུ་མཐའ་དག་(༨༥ན)

― GLG009_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་གཏོང་བའི་སྙིམ་པ་རིང་པོར་བརྐྱང་སྟེ་ཟང་ཟིང་གི་བདོག་པའི་མཆོད་སྤྲིན་རྒྱ་ཆེར་སྤྲོས། ཕྱོགས་འདུས་གཉུག་མར་གནས་པའི་དོན་གཉེར་ཅན་རྣམས་ལ་ཕ་རྒྱུད་འདུས་པ་དང་མ་རྒྱུད་འཁོར་ལ་སྡོམ་པས་ཐོག་དྲངས་རྒྱུད་སྡེ་བཞི་དང་འབྲེལ་བའི་དབང་བྱིན་རླབས་རྗེས་གནང་རིག་གཏད་འཁྲིད་ལུང་མན་ངག་མང་དུ་གསུངས། ཁྱད་པར་གཉིས་སུ་མེད་པ་དཔལ་ཀྱེ་རྡོ་རྗེའི་མན་ངག་ལུགས་དང་འབྲེལ་བའི་ལམ་འབྲས་སློབ་བཤད་ཀྱི་དབང་འཁྲིད་ཀྱི་བྱིན་རླབས་ལུང་སོགས་འཇིགས་པ་མེད་པ་སེང་གེའི་རྒྱུད་ཀྱི་ང་རོའི་སྒྲ་དབྱངས་ཕྱོགས་བརྒྱར་བསྒྲགས་པས། མུས་པ་དཀོན་གྲགས་པ་སོགས་ཕྱོགས་ལྷུང་སྨྱོ་ཆུས་ཟིན་པའི་གླང་པོ་རྣམས་ཀྱི་དྲེགས་པའི་མགོ་བོ་བཀས་པར་གྱུར། འཇམ་དཔལ་དབྱངས་མཁྱེན་བརྩེའི་དབང་ཕྱུག་བསྙེན་རྫོགས་གནང་བའི་སྒོ་དོད་པའི་ཚེ་རྗེ་བཙུན་སྒོ་རུམ་པ་ཆེན་པོས་ལས་སློབ་ཆོས་རྗེ་ཚར་པ་འགབ་གསུང་བ་བཞིན་བོ་དོང་དུ་ལྷ་རིགས་འ་ཞྭ་རྒྱལ་པོས་གདན་དྲངས་པ་བཞིན་ཕེབས། འདུལ་བའི་གཞུང་ནས་ཇི་ལྟར་བཤད་པ་བཞིན་གྱི་ལས་སློབ་ཀྱི་བྱ་བ་གསོལ་བ་དང་བཞིའི་ལས་ཀྱི་བསྒྲུབ་བྱ་ལ་བསྙེན་རྫོགས་ཀྱི་སྡོམ་པ་བྱིན་པས་ཐམས་ཅད་མཁྱེན་པ་དགེ་སློང་རྡོ་རྗེ་འཛིན་པ་ཆེན་པོར་མངའ་གསོལ། ཀུན་མཁྱེན་མཁྱེན་བརྩེའི་ཞབས་ཀྱིས་ཐོག་དྲངས་པའི་སྣོད་ལྡན་འགའ་ཞིག་ལ་རྡོ་རྗེ་ནག་པོ་ཆེན་པོ་གུར་མགོན་གྱི་དཀྱིལ་འཁོར་ལྔའི་དབང་རྡུལ་ཚོན་ལ་བརྟེན་པ། ཕྱི་འཁྲིད་རྡོ་རྗེ་བྲག་རྫོང་དུ་གྲགས་པ་ལ་ནང་གསེས་ཀྱིས་ཕྱི་ནང་གསང་གསུམ་ཡོད་པའི་ཉམས་འཁྲིད་ཟབ་མོ་སྨིན་རྒྱས་སུ་སྩལ། རྗེ་མཁྱེན་བརྩེའི་ཐུགས་རབ་(༨༥བ)

― GLG009_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཐུགས་འདུན་ལ་མཉེས་པའི་གསུང་འཕྲོས་ཀྱང་གནང་། རྡོ་རྗེ་འཆང་སྒོ་རུམ་ཆོས་རྗེའི་དྲུང་དུ་དབང་ལུང་མན་ངག་དུ་མ་གསན་ཏེ་གཞུང་སྐོར་མཛད་ནས་འཁྲུལ་ཞིག་དཀའ་བཞི་པ་ཆེན་པོ་མཇལ་བར་ཕེབས་པ་ན་འཁྲུལ་ཞིག་ཆེན་པོའི་གསུང་ལས་རྗེ་རིན་པོ་ཆེས་བོ་དོང་དུ་མགོན་པོའི་ཟབ་ཆོས་ཤིག་མི་མང་རབ་ཅིག་ལ་བཤད་ཡོད་པ་འདྲ་པུ་ཏྲ་འདི་ཅུང་ཟད་མི་དགྱེས་པའི་རྟགས་ཙམ་བྱེད་ཀྱི་འདུག་པས་འཚུབ་ཀྱི་རྣམ་པ་ཅུང་ཟད་བྱུང་དོགས་འདུག་གསུངས། དེ་ནས་ལམ་བར་དུ་ཆིབས་གཡངས་ལ་འདྲེད་པས་རྗེ་ཉིད་ཁ་འགྲམ་དུ་བཞུགས་ཆིབས་གྲོག་པོའི་ནང་དུ་ལྷུངས་ཀྱང་སྐྱོན་མེད་པར་རྡོ་ལ་རྨིག་རྗེས་བཞག་པ་སོགས་ངོ་མཚར་རྨད་དུ་བྱུང་བའི་རྫུ་འཕྲུལ་བསྟན། རྨུ་གཤོང་དུ་བསྐང་བཤགས་ཚོགས་མཆོད་རྒྱ་ཆེར་མཛད་པས་དམ་ཅན་དགྱེས་པའི་འཛུམ་ཞལ་ལྷུག་པར་བསྟན། དཔལ་ལྡན་གྲང་མོ་ཆེར་རེ་ཞིག་གི་བར་སྟན་ཆགས་ནས་ཆོས་ཀྱི་འཁོར་ལོ་ཇི་སྙེད་ཅིག་བསྐོར། ཤིང་ཕོ་འབྲུག་ལོ་རྗེ་བཙུན་སྒོ་རུམ་པ་ཆེན་པོ་དཔའ་བོའི་ཚོགས་དཔོན་དུ་མཁའ་ལ་སྤྱོད་པའི་གནས་སུ་གཤེགས་པ་གསན་པས་རིངས་སྟབས་སུ་ཕབས། དཔལ་ལྡན་བླ་མ་དམ་པའི་གདུང་ཡིད་བཞིན་གྱི་ནོར་བུ་ཧེ་རུ་ཀཿཞལ་བརྒྱད་པའི་ངོ་བོར་གྱུར་པ་ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་རྒྱ་ཆེར་མཛད་ཅིང་རྗེས་སོར་མེ་མཆོད་ཀྱི་ཕྱག་ཕྱི་ཡང་མཛད་པར་སྣང་། འཇམ་དབྱངས་མཁྱེན་བརྩེའི་ཞབས་ལ་ད་ང་ཡང་ཅི་འདྲ་བྱེད་མི་ཤེས་གསེར་ཆོས་དམར་པོ་སྐོར་གསུམ་དང་མགོན་པོ་ཆེ་ཆུང་སོགས་ཡོངས་རྫོགས་ཐོབ་པ་དང་ཚུལ་ལྡན་ཤེས་པ་ཡེ་མི་བདོག་པས་མ་འགྱངས་པར་གསན་པ་འགབ་ཅེས་བསླབ་བྱ་མཛད་པར་བརྟེན་རྗེ་སྒོ་རུམ་(༨༦ན)

― GLG009_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གཤེགས་པའི་ཐུགས་ངལ་ཀྱང་སངས་པ་ལྟ་བུའི་ངལ་གསོས། ཞབས་དྲུང་རིགས་འཛིན་ཆེན་པོ་དང་རྗེ་མཁྱེན་བརྩེ་ལྷན་དུ་དཀར་བདུད་ལྕམ་དྲལ་གྱི་རྗེས་གནང་སྩལ་ནས་གྲང་མོ་ཆེར་ཕེབས་ཏེ་སྐོར་ཅིག་བཞུགས་ནས་རྨུ་གཤོང་དུ་སྟན་ཆགས་པའི་དུས་སྔར་སྐྱེད་ཚལ་དུ་ཆོས་འབྲེལ་གསན་པ་དང་། ཕྲ་མ་ནས་ཀྱིས་རིན་སྤུངས་སུ་སྙན་ཕྲ་ཕུལ་བའི་རྐྱེན་གྱིས་བོད་མཁར་ནས་ཚང་མིང་གི་ལྷག་མར་གྱུར་པའི་རྐྱེན་ངན་གྲོགས་ཤར་ལྟ་བུས་བསྐུལ་ཏེ་རྗེ་བཙུན་བོད་མཁར་བ་མཻ་ཏྲི་བྱམས་པ་དོན་གྲུབ་རྒྱལ་མཚན་དཔལ་བཟང་པོས་ཞབས་པད་བསྙེན་པར་ཕེབས། ཟང་ཟིང་གི་དངོས་པོ་ཡོད་དགུ་ལྟ་བུ་འཁོར་གསུམ་ཡོངས་དག་གི་འབུལ་བ་རྒྱ་ཆེར་མཛད། ཞལ་གྱི་བདུད་རྩི་རྫོགས་པར་མྱངས་རྗེས་བསྟན་པ་སྤེལ་བ་དང་སྒོམ་སྒྲུབ་རྩེ་གཅིག་ཏུ་མཛད་དགོངས་པས་སྐུ་ལ་བཅར་ནས་བཞུགས། མ་ཆེན་རྡོར་བཀྲས་པ་ཕྱོགས་འབྱོན་དང་ཐུག་པའི་རེ་ཞིག་གཉེར་གྱིས་གསུང་བ་བཞིན་མཛད་པའི་ཚེ་དེ་སྔ་གོང་ནས་གསོལ་ཇ་ཅུང་ཟད་དཀོན་པ་ཡོད་པར་མི་ཉག་དབོན་པོ་མགོན་པོ་འོད་ཟེར་གྱིས་གསོལ་ཇ་ཕོན་ཤིན་ཏུ་ཆེ་བའི་འབུལ་སྐྱེལ་སླེབས་པས་རྗེ་དྲུང་གི་གཉེར་ཁ་འཕྲོད་ཅེས་ཐུགས་དགྱེས། རིན་པོ་ཆེ་བོད་མཁར་བ་གཙོ་བོར་གྱུར་པའི་དོན་གཉེར་ཅན་འགའ་ལ་གསུང་ངག་རིན་པོ་ཆེ་སློབ་བཤད་ཀྱི་སྣང་གསུམ་ནས་བཟུང་དབང་བཞི་པའི་བར་གྱི་ཉམས་འཁྲིད་ཟླ་བརྒྱད་ལྷག་ཙམ་སྨིན་རྒྱས་དེའི་ཆ་ལག་ཏུ་དགོས་པའི་དབང་བྱིན་རླབས་ལུང་མན་ངག །དཔལ་རྡོ་རྗེ་འཇིགས་བྱེད་རྭ་ལུགས་ཀྱི་དབང་བཞི་མཁའ་འགྲོ་སྙན་བརྒྱུད། རྣལ་འབྱོར་བཞི། རྣམ་པར་འབྱེད་པ། རྭ་རྩེ་སེམས་འཛིན། མཚན་མ་གྱེན་བསྒྲང་། (༨༦བ)

― GLG009_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་མོ་རྒྱུ་བ་རྣམས་ཕྱོགས་གཅིག་ཏུ་བསྒྲིགས་ནས་དབང་བཞིའི་ལམ་རྫོགས་པའི་འཁྲིད། རྭ་པོད། དཔལ་འཛིན་པོད་ཆུང་རྣམས་ཀྱི་ལུང་ཕྱག་འཁྲིད། ཤིན་ཏུ་ཟབ་པ་གཤེད་དམར་བིར་ལུགས་ཀྱི་དབང་བཞི། བྱིན་རླབས་གསུམ། སྤྲོས་མེད་ཀྱི་འཁྲིད་ཡིག་སྣ། རྟ་མགྲིན་ཡང་གསང་ཁྲོས་པའི་དབང་བཞི་དང་ཚེ་དབང་། རྟ་པོད། དུས་ཀྱི་འཁོར་ལོའི་བདག་པོ་ཆེན་པོའི་བར་གྱི་དབང་། རྒྱུད་འགྲེལ། ཤིན་ཏུ་ཟབ་པ་ནཱ་རོ་མཁའ་སྤྱོད་ཀྱི་བྱིན་རླབས་དང་ཉམས་འཁྲིད་ཆོས་སྐོར། ཨིནྡྲ་མཁའ་སྤྱོད། མཻ་ཏྲི་མཁའ་སྤྱོད། གཞན་མ་ཕག་དཀར་ཤེས་རབ་གསལ་བྱེད། དཔྱལ་པའི་བདེན་གཉིས་མ། དབུ་བཅད་མ། ཞལ་གཉིས་མ་རྣམས་ཀྱི་སྐོར། སེང་གེ་སྒྲ། འཇམ་དཀར། སེང་གདོང་མ་སོགས་རྗེས་གནང་གི་རིགས་མང་བ། བསྟན་སྲུང་གི་གཙོ་བོ་གུར་གྱི་མགོན་པོ་གཙོ་རྐྱང་། སྦྲགས་སྒྲུབ་ལྷ་བརྒྱད། བཅུ་གཉིས་མ། ཕྱི་ནང་གསང་བ་རུ་མཚོན་གྱི་ལས་མཁན་དང་བཅས་པའི་རྗེས་གནང་། དཀྱིལ་འཁོར་ལ་བརྟེན་པའི་དབང་ལྔ། རྩ་གསུམ་འཁོར་ལོ་ལྔ་ལྡན་དང་བྲག་རྫོང་མ་གཉིས་ཀྱི་ཉམས་འཁྲིད། མེ་འབར་ཁ་སྐོང་། གྱི་ལྗང་། དུད་སོལ། སྙན་བརྒྱུད་རྣམས་ཀྱི་གླེགས་བམ། དོར་རྫོང་གོང་དཀར་གསུམ་ནས་བརྒྱུད་པའི་བེའུ་བུམ། སྦས་པའི་མགོན་པོའམ་གཉན་མགོན་ཞལ་བཞི་པའི་བཀའ་མི་འདྲ་བ་བཅུ་བཞི། ཚེ་སྒྲུབ་སྲུང་འཁོར་དང་གསང་བའི་འཁྲིད་མན་ངག་ཡོངས་སུ་རྫོགས་པ། གནོད་སྦྱིན་བེག་ཙེ། དུར་ཁྲོད་བདག་པོ། དཔལ་ལྡན་དམག་ཟོར་མ།རྡོ་རྗེ་རབ་བརྟན་མ་རྣམས་ཀྱི་སྐོར།ཚེ་སྦྱིན་ཡིད་བཞིན་འཁོར་ལོའི་རྗེས་གནང་དང་འཁྲིད། གསེར་ཆོས་དམར་ཆེན་(༨༧ན)

― GLG009_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོར་གསུམ་གྱི་ཐུན་མོང་དང་ཐུན་མོང་མ་ཡིན་པའི་རྗེས་གནང་། གཉན་ལོའི་དམར་ཆུང་སྐོར་གསུམ། གསེར་ཆོས་དང་གྲ་པ་མངོན་ཤེས་གཉིས་ཀྱི་ཛམ་དམར། ཀུན་རིག་གི་དབང་། ཕྱག་རྫོར་ཨུ་ཙ་ཡ། རྣམ་རྒྱལ་འཇོམས། སྨེ་བརྩེགས་དུད་ཁ་སོགས་ཀྱི་རྗེས་གནང་། སྙིང་པོ་དོན་གསུམ་དང་ཚེམ་བུ་ལུགས་ཀྱི་དམར་འཁྲིད། རྣམ་སྲས་བཀའ་མི་འདྲ་བ་བཅོ་ལྔའི་རྗེས་གནང་། བེའུ་བུམ་ཡོངས་རྫོགས། འབའ་ར་བ་ནས་བརྒྱུད་པའི་ཚེ་འཁྲིད་ཀྱིས་མཚོན་ཟབ་ཆོས་ཤིན་ཏུ་མང་བ་གནང་ཞིང་འདིར་བསྡོམས་པ་རྣམས་ཀྱང་རྗེ་བོད་མཁར་བའི་རྣམ་ཐར་སྤྱན་སྔ་རིན་པོ་ཆེས་མཛད་པ་ནས་བཏུས་པ་ཡིན་ལ། ལོ་མང་སྦྲེལ་ནས་དཔོན་སློབ་ཆབས་ཅིག་པར་བཞུགས་པ་ལ་བརྟེན་རིམ་གྱིས་སྩལ་བའི་དུས་ལ་སྔ་ཕྱི་ཁྱད་ཆེ་བ་འགའ་ཡོད་པར་སྣང་། ཁྱད་པར་ཆོས་སྐྱོང་ཆེ་ཆུང་གི་སྐོར་རྣམས་བླ་མ་དང་སློབ་མ་གཉིས་ཀར་གཉན་ཆ་ཆེ་བས་དུས་གཅིག་ཏུ་རྫོགས་པར་མི་མཛད་པས་ཀྱང་ཤེས་ནུས། རྡོ་རིང་རིན་པོ་ཆེས་ཚར་པ་ཆེན་པོར་ཁྱེད་ལ་བསྟན་པ་དང་སེམས་ཅན་ལ་ཕན་པའི་སློབ་མ་མཆོག་ཏུ་གྱུར་པ་གསུམ་ཡོད་པས་དེ་གསུམ་པོ་ལ་རིང་བསྲེལ་འདི་འདྲ་རེ་རེ་བྱིན་གསུངས་པའི་ཡ་གྱལ་གཅིག་རིན་པོ་ཆེ་བོད་མཁར་བར་གནང་སྟེ་ཞལ་སློབ་ཀྱི་གཙོ་བོར་ངོས་འཛིན་མཛད་པ་དང་མཐུན་པར་ཕྱིས་སུ་ལོ་དགོན་པ་སོགས་ཀྱི་ཞལ་འཛིན་མཛད། སྤྱན་སྔ་རིན་པོ་ཆེ་མི་ཕམ་ཆོས་ཀྱི་རྒྱ་མཚོ། ཆོས་རྗེ་བསྟན་པ་རྒྱ་མཚོ་སོགས་ལ་སྙན་བརྒྱུད་ཀྱི་གདམས་པ་རྫོགས་པར་སྩལ། སྤྱན་སྔ་རིན་པོ་ཆེ། མཁན་ཆེན་ཐར་པ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། ལོ་པ་སྤྱན་སྔ་(༨༧བ)

― GLG009_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་དགའ་དོན་གྲུབ། རབ་འབྱམས་ཆོས་རྗེ་ཆོས་སྐུ་རྡོ་རྗེ་སོགས་གསུང་ལས་སྐྱེས་པའི་དམ་པ་དུ་མས་ཁའུ་པའི་རིང་ལུགས་རྒྱ་ཆེར་སྤེལ། ཐམས་ཅད་མཁྱེན་པ་བསོད་ནམས་རྒྱ་མཚོར་གསེར་ཆོས་བཅུ་གསུམ་དང་མགོན་པོ་ཆེ་ཆུང་གི་ཆོས་སྐོར་རྣམས་འབུལ་བ་གནང་། ཆོས་འཁོར་རྒྱལ་ལྷུན་གྲུབ་དགའ་བའི་ཚལ་གྱི་བསིལ་བ་ཚལ་དུ་མགོན་པོ་ཆེ་ཆུང་གི་སྐུ་དང་། ཆོས་འབྱུང་ཤོད་དུ་གནོད་སྦྱིན་བེག་ཙེ་རྣམས་བཞེང་བའི་ཞལ་བཀོད་སྙན་བརྒྱུད་དང་འབྲེལ་བའི་གཟུངས་བཞུགས་རབ་གནས་སོགས་གནང་། མངའ་རིས་དྲུང་པ་རིན་པོ་ཆེ་ལྷའི་བཙུན་པ་བསོད་ནམས་དཔལ་བཟང་། དགའ་ལྡན་ཤར་ཆེན་ནམ་མཁའ་རྒྱལ་མཚན། སྒྲོམ་མདའ་མཁན་ཆེན་སོགས་མཉམ་མེད་རི་བོ་དགའ་ལྡན་པའི་བསྟན་འཛིན་མང་པོར་ཆོས་ཀྱི་བཀའ་དྲིན་སྩལ། ས་སྐྱོང་དགའ་ལྡན་པ་ཨ་ཁུ་བཀྲ་ཤིས་ཞེས་ངག་གི་དབང་ཕྱུག་དབྱངས་ཅན་བསྙེམས་པའི་སྡེར་གྲགས་པ་ཁུ་དབོན་གྱི་བླ་མཆོད་དུ་གྱུར་པས་མཚོན་དབུ་རུ་སྟོད་ཀྱི་རྒྱལ་ཁམས་སུ་ཁའུ་བྲག་རྫོང་པའི་བསྟན་པའི་སྒྲོན་མེ་ཆེས་ཆེར་སྦར། ལྷ་ས་བྲག་སྒོར་སྟར་སྡོང་ཆོས་མཛད་ཀྱི་བདག་པོ་ཀུན་རིན་པའི་སྐུ་ལ་གྲི་ལྟག་ཕུལ་བ་སོགས་འོ་བརྒྱལ་བྱུང་བར་བརྟེན་འཕན་ཡུལ་མཁར་རྩེར་བདག་ཆེན་མཇལ་བར་ཕེབས་དུས། རྣམ་ཐར་ལས་སྤྱིར་སངས་རྒྱས་ཀྱི་བསྟན་པ་འདི་མར་འགྲིབ་ལ་སོང་བ་དང་ཁྱད་པར་དུ་ས་སྐྱ་པའི་བསྟན་པ་འདི་ད་ལྟ་གང་ནའང་དར་རྒྱས་ཆེ་རྒྱུ་རང་མི་འདུག་རུང་ཆོས་རྗེའི་དྲུང་གིས་དབུས་ཕྱོགས་འདིར་བསྟན་པ་ལ་ཕན་ཞིང་ས་སྐྱ་པའི་རྐང་ཟིན་པ་ཞིག་བྱུང་འདུག །ངེད་ཚོ་ས་སྐྱ་པའི་ཞལ་ངོ་ཆིབས་རགས་བསྒྲིགས་ནས་ཡོང་དུས་ལྷ་(༨༨ན)

― GLG009_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

ས་བྲག་སྒོའི་ཐད་དུ་སྟར་སྡོང་དབོན་པོ་དང་ཕྲད་ཚེ་རྦུད་ཤར་རེ་འགྲོ་ཡང་རྗེའི་དྲུང་ལས་དགའ་ལྡན་ཐམས་ཅད་མཐུན་གྲུབ་པ་འདུག་གསུངས་པས་མཚོན་ཐམས་ཅད་མཁྱེན་པ་མཁྱེན་བརྩེའི་འོག་ནས་རྡོ་རྗེ་འཆང་ཚར་པ་ཆོས་རྗེའི་ཞལ་སློབ་ཀྱི་དང་མར་མངོན།འཇམ་དབྱངས་མཁྱེན་བརྩེའི་ཞབས་ཀྱིས་བཀའ་ཆོས་གནང་དགོས་ཚུལ་གྱི་ཞུ་ཡིག་ཕུལ་བར། ས་དབུས་གཙང་ཁམས་གསུམ་གྱི་སྨན་ལྗོངས་ན། ཞེས་སོགས་ཀྱི་ལན་དང་བཅས་ཞལ་གྱིས་འཆེས་པ་བཞིན་ཟླ་བ་བཅུ་གཉིས་པའི་ཚེས་བཞི་ལ་བླ་མ་དམ་པ་རྡོ་རྗེ་འཆང་བོ་དོང་དུ་ཕེབས། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་དཔོན་སློབ་ཉུང་བསྡུས་ལ་ཟབ་ཆོས་ཇི་ལྟར་སྩལ་ན། ཁྱབ་བདག་གུར་གྱི་མགོན་པོའི་ཆོས་སྐོར་ནི། །འཕགས་པའི་ཡུལ་དུ་པཎ་གྲུབ་རྣམས་ཀྱིས་ཕྱེ། །རྒྱུད་རྒྱལ་མ་དྲོས་ཆུ་གཏེར་ལས་བྱུང་བའི། །བཀའ་བབས་རྣམ་བཞིའི་གདམས་པའི་ཆུ་རྒྱུན་ནི། །ལོ་ཙཱ་རྣམ་བཞིའི་གསུང་གི་འབབ་སྟེགས་ལས། །ལེགས་འོངས་ས་སྐྱའི་བླ་ཆེན་ཐུགས་མཚོར་འཁྱིལ། །གང་དེའི་གསུང་གི་བདུད་རྩིའི་གཟེགས་མ་ནི། །ཕྱོགས་བརྒྱར་འཕྲོས་པས་ཁ་བའི་སྨན་ལྗོངས་འདིར། །ཟབ་དོན་ལྦུ་འཕྲེང་བྱེ་བས་ཕྱུག་པ་ཡི། །རྗེས་འབྲངས་ཆུ་ཀླུང་རྣམ་བཞི་རིང་དུ་འབབ། །ཅེས་པ་ལྟར་བཀའ་བབས་བཞི་ལྡན་དུ་བཞུགས་པའི་རྡོ་རྗེ་ནག་པོ་ཆེན་པོ་གཙོ་རྐྱང་། ལྷ་བཅུ་གསུམ་མ། ལྷ་བརྒྱད། ལྷ་བཅུ་གཉིས་མ། ལས་མཁན་རྣམས་ཀྱི་རྗེས་གནང་། དཀྱིལ་འཁོར་དང་འབྲེལ་བའི་དབང་། བྲག་རྫོང་དང་གསང་འཁྲིད་དང་ཐུན་མོང་མིན་པའི་ཉམས་འཁྲིད། མེ་(༨༨བ)

― GLG009_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

འབར་ཁ་སྐོང་དང་བཅས་པ། སྙན་བརྒྱུད། གྱི་ལྗང་། དུད་སོལ། ངོར་པའི་པོད་སེར། རྫོང་ལུགས་དཀར་ཆག་མ། རྡོ་རྗེ་གདན་པའི་ཐུགས་དམ་མགོན་པོད་རྣམས་ཀྱི་ལུང་། གསང་བ་ཡིད་བཞིན་ནོར་བུའི་ཡི་གེ་དང་ཞལ་ཤེས་ལ་བརྟེན་ནས་ཕྱག་ལེན་དམར་འཁྲིད། རྡོ་རྗེ་འཆང་ཚར་པ་རྗེའི་གསུང་ལས། དེ་ལྟར་རྒྱལ་བའི་དྲི་མེད་རྒྱུད་སྡེ་ལས། །གསུངས་པའི་བསྟན་སྲུང་ཀུན་གྱི་མཆོག་གྱུར་པ། །དྲག་ཤུལ་མཐུ་ལྡན་སྟོབས་འཕྲོག་ནག་པོ་ཞེས། །རྒྱ་བོད་མཁས་གྲུབ་ཀུན་ལ་རླུང་ལྟར་གྲགས། །ཞེས་པ་ལྟར། ལོ་ཆེན་གཉན་གྱི་ཆོས་སྐྱོང་བརྒྱ་རྩའི་ནང་ནས་གཙོ་བོ་མཆོག་ཏུ་གྱུར་པ་གཉན་མགོན་ཞལ་བཞི་པའི་བཀའ་མི་འདྲ་བའི་རྗེས་གནང་བཅུ་བཞི། ཚེ་སྒྲུབ་སྲུང་འཁོར་དང་སྤུ་གྲིའི་སོ་སྡེབ། རྩ་གསུམ་འཁོར་ལོ་བཞིའི་ཉམས་འཁྲིད། ཕྱི་བྲམ་ཟེ་ནང་ཞིང་སྐྱོང་གསང་བ་སྟོབས་འཕྲོག་ནག་པོ་ལྟར་སྒྲུབ་པའི་ལས་ཚོགས་མན་ངག་ཕྱག་ལེན་དམར་འཁྲིད་དང་བཅས་པ་ལེགས་པར་གསན་པ་འདིར་ཕྱོགས་མཚུངས་སུ་བསྡུས་པ་མ་གཏོགས་ཆོས་སྐྱོང་བཀའ་གཉན་པས་དུས་སྔ་ཕྱི་འགའ་ཞིག་ཏུ་རིམ་གྱིས་གནང་བར་མངོན་ཞིང་། རྗེ་མཁྱེན་བརྩེ་ཐུགས་སྲས་ཀྱི་གཙོ་བོར་བཟུང་སྟེ་ཟབ་ཆོས་ཀུན་བུམ་པ་གང་བྱོར་གནང་བས།གསུང་ལས། བདག་ཆེན་ཆོས་རྗེའི་སྐུ་ཡི་དབོན་སྐྱེས་ཤིང་། །གྲུབ་མཆོག་རྡོ་རིང་ཆོས་རྗེའི་བསྟན་ལ་དད། །སྒོ་རུམ་ཆོས་རྗེའི་ཐུགས་ཀྱི་སྲས་སུ་གྱུར། །ཤེས་རབ་སྙིང་རྗེ་རྣམ་དཔྱོད་ཕུན་ཚོགས་ཤིང་། །དད་དང་སྒྲུབ་པས་བླ་མ་མཉེས་པ་སྟེ། །རྒྱུ་དྲུག་འཛོམ་པས་ཟབ་མོའི་གདམས་པ་རྙེད། །གྲོགས་དག་འདི་འདྲའི་སྐལ་བཟང་(༨༩ན)

― GLG009_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོ་བོ་ཙམ། །ཞེས་པའི་དོན་ཐོག་ཏུ་བབས་ཤིང་རིན་ཅེན་གསེར་གྱི་མཎྜལ་སོགས་རིན་པོ་ཆེའི་རིགས་དང་ཇ་གོས་དར་གོ་ཁྲབ་ཀྱིས་གཙོས་པའི་བདོག་པ་གྱ་ནོམ་པ། མཁའ་འགྲོ་ལྔ་མཉེས་པར་བྱེད་པའི་ཚོགས་ཀྱི་འཁོར་ལོ་རྒྱ་ཆེན་པོས་སྙན་བརྒྱུད་དང་པོའི་རྟེན་འབྲེལ་ཀུན་ནས་སྒྲིག་པར་མཛད་པ་སོགས་ཀྱང་། བསམ་འཕེལ་ནོར་འཕྲེང་ལས། ཕྱི་ནང་གསང་བའི་མན་ངག་ཞུ་བའི་ཚེ། །ཚོགས་དང་གཏོར་མས་མཁའ་འགྲོ་མཉེས་པར་བྱས། །རིན་ཅེན་གསེར་གྱི་མཎྜལ་ལན་གསུམ་ཕུལ། །གསང་ཆེན་གྲུབ་མཐའ་འཛིན་པའི་དམ་བཅའ་བྱས། །ཞེས་པས་མཚོན་ནུས། དཀར་ཆག་དབང་སྡུད་པདྨ་རཱ་གའི་ཟ་མ་ཏོག་ལས། བསྟན་པའི་བདག་པོ་ས་སྐྱ་པའི་གསང་ལས་ཡང་གསང་གསེར་གྱི་ཆོས། །དམར་པོ་སྐོར་གསུམ་ཞེས་གྲགས་པ། །ཞེས་རྗེ་བཙུན་ས་སྐྱ་པར་གདམས་པ་རྒྱ་མཚོ་ལྟ་བུར་བཞུགས་པའི་ནང་ནས་ཐུན་མོང་བསྒྲུབས་པས་མཆོག་ཞར་ལ་འབྱུང་བ་དམར་པོ་སྐོར་གསུམ་ཡང་། ཇི་སྐད་དུ། ཁོ་བོས་དམ་པའི་ཞབས་པད་རིང་དུ་བསྟེན། །སྙན་བརྒྱུད་བདུད་རྩིའི་ཞལ་འོད་སྙིང་ལ་ཤར། །འཁྲུལ་མེད་གདམས་པའི་གནང་ལ་ངེས་པ་ཐོབ། །གྲོགས་དག་འདི་འདྲའི་སྐལ་བཟང་ཁོ་བོ་ཙམ། །ཞེས་རྡོ་རྗེ་འཆང་འདི་ཉིད་ལ་མངའ་བའི་རྗེ་བཙུན་རིག་བྱེད་མ། ཚོགས་བདག་བགེགས་ཀྱི་རྒྱལ་པོ། ཁྲོ་བོ་འདོད་པའི་རྒྱལ་པོ་གསུམ་གྱི་ཐུན་མོང་དང་ཐུན་མོང་མ་ཡིན་པའི་རྗེས་གནང་ལུང་མན་ངག་ཕྱག་ལེན། ཞར་བྱུང་དམར་ཆུང་སྐོར་གསུམ་དང་བཅས་པ་གནང་། (༨༩བ)

― GLG009_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་ཉིན་རེ་ཆོས་ཐུན་གཉིས་དང་འཆམས་དབྱངས་ཀྱི་ཕྱག་ལེན་རྣམས་ཀྱང་དཔྱིས་ཕྱིན་པར་ཐུགས་ལ་བཏགས་པར་སློབ་མ་སྣོད་ཀྱི་སྐྱོན་དང་ཅུང་ཟད་ཙམ་ཡང་མི་ལྡན་པས་མཁྱེན་བརྩེའི་ཞབས་ཀྱི་རྣམ་ཐར་ལས། མཚན་ཕྱེད་ཙམ་དབྱངས་བསླབས། དེ་ནས་དགོངས་ཐུན་ཡོད་ཙམ་དང་གཏོར་བསྔོ་སོགས་བྱས། དེ་ནས་མར་མེའི་འོད་ལ་མགོན་པོའི་ཕྱག་དཔེ་ཁག་ཆེ་བ་སོགས་ཡི་གེར་བྲིས་པས་ཟླ་བ་གཅིག་ལ་ཤོག་བུ་བཅུ་གྲས་སུམ་བརྒྱ་ཙམ་ཚར་བྱུང་ཞིང་། ངེད་ཀྱི་མགོན་པོའི་དཔེ་དྲག་ཤོས་རྣམས་ལ་སྐྱེར་ཐིག་གར་པོ་བྱས་པ་ཁོ་ན་ཡོད་པའི་རྒྱུ་མཚན་དེ་ཡིན། ཞེས་བྱུང་བ་མངའ་རིས་པཎ་ཆེན་རིན་པོ་ཆེས་པོ་ཏི་དྲུག་ཅུ་ཙམ་ཕྱག་བྲིས་གནང་ཟེར་བ་དང་དབྱིབས་འདྲ་བའི་རྫུ་འཕྲུལ་གྱི་བཀོད་པ་ལས་ཐ་མལ་པའི་ངང་ཚུལ་དུ་མི་སེམས་ཤིང་། ཆོས་བདག་པོར་གནང་བའི་ཉམས་ཀྱིས་དཔོན་སློབ་གཉིས་ཀ་ལ་ངོ་མཚར་བའི་གཟིགས་སྣང་བསམ་གྱིས་མི་ཁྱབ་པ་བྱུང་། ཞལ་ངོ་རིམ་པར་དགེ་བའི་བཤེས་གཉེན་ཟླ་མེད་པ་བྱོན་པར་མ་ཟད་ཞལ་སློབ་མཁན་ཆེན་བསླབ་གསུམ་པ་དང་སྔགས་འཆང་བསོད་ནམས་ཆོས་འཕེལ་གཉིས་སྙན་བརྒྱུད་མི་ཉམས་པའི་སྲོག་ཤིང་དུ་སོང་ཞིང་། རྡོ་རྗེ་འཆང་དབང་ཕྱུག་རབ་བརྟན་གྱི་གསུང་ལས་སྐྱེས་པ། བདག་ཆེན་རིན་པོ་ཆེ་ངག་དབང་ཀུན་དགའ་བསོད་ནམས། མཁན་ཆེན་ངག་དབང་ཆོས་གྲགས། འཇམ་དབྱངས་དགའ་བའི་བཤེས་གཉེན། སྤྱན་སྔ་ཀུན་དགའ་དོན་གྲུབ། རྗེ་བཀའ་འགྱུར་བ། མཁན་ཆེན་ཞ་ལུ་པ། གླང་བུ་ཆོས་རྗེ། རྒྱལ་རྩེ་བདག་པོ་བྱམས་པ་ངག་དབང་བསོད་ནམས་རྒྱལ་མཚན། བྱ་གཤོང་མཁན་ཆེན་མང་ཐོས་གྲགས་པ་རྣམ་རྒྱལ། ཡངས་ཅན་མཁན་(༩༠ན)

― GLG009_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་བྱམས་པ་བསོད་ནམས་མཐའ་ཡས། རྗེ་བཙུན་བཀའ་འགྱུར་བས་ཟུར་ཐམས་ཅད་མཁྱེན་པར་སྩལ་བས་མཚོན་ཏེ་ཞལ་སློབ་དེ་དག་ལས་ཀྱང་ཡང་སློབ་ཉིད་སློབ་སོགས་སྲིད་མཐའི་བར་དུ་འཕེལ་ནས་རང་བསྟན་ཁའུ་པའི་རིང་ལུགས་འཛིན་པར་ཟླ་མེད་པའོ། །དེ་ནས་བྱ་རྒོད་གཤོང་གི་རྟེན་མཇལ་ལ་ཕེབས་དེ་ནུབ་རྒྱལ་བློན་ལྷ་ཁང་དུ་བཞུགས་པའི་སྲོད་ཀྱི་དུས་རྟ་རྒྱུགས་པའི་རྨིག་པའི་ཁྲབ་སྒྲ་ཆེན་པོ་དང་བཅས་འོད་དམར་པོ་ཆོས་གསལ་བ་ཞིག་དམར་འུར་འུར་བྱུང་བའི་ཁྲོད་ན་རྟ་དམར་རྒྱན་ཁྲབ་ཁྲག་མང་པོ་བཏགས་པར་མི་དམར་ཞིག་གིས་ཞོན་ནས་སྐོར་ཕྱོགས་ལ་ཡུད་ཀྱིས་སོང་ཞེས་པ་ཙམ་ལས་གསལ་བར་མི་འདུག་ཀྱང་། ཆོས་རྒྱལ་གྱི་དུས་བྱང་གི་སོ་ཁ་བསྲུང་བར་ལྷ་སྲས་མུ་རུབ་བཙན་པོ་དང་ཞང་བློན་ལྷ་བཟང་ཀླུ་དཔལ་གཉིས་ཀྱིས་གཙོས་པའི་གཡུལ་བཤམས་དུས་ཨོ་རྒྱན་ཆེན་པོས་རྣམ་སྲས་བཀུག་ནས་བསྟིམ་པའི་འཕྱར་དར་དང་ཕྱག་མཚན་བཞི་པའི་ཆོས་སྐོར་རྣམས་བྱ་རྒོད་གཤོང་དུ་གཏེར་དུ་སྦས་པ་གཉལ་པ་ཉི་མ་ཤེས་རབ་ཀྱིས་སྤྱན་དྲངས་པས་གནས་འདིར་རྒྱལ་པོ་ཆེན་པོ་དངོས་སུ་བཞུགས་གཤིས་མདུང་དམར་ཅན་ཕྱག་མཚན་བཞི་པའི་ཞལ་མངོན་སུམ་དུ་གཟིགས་པར་སྣང་། སང་ཐོ་རེངས་ཐེགས་རྩིས་ཀྱིས་སྒོ་དྲུང་ན་ཁལ་འགེལ་བའི་བར་ལ་རྡོ་ཀྱོང་དེ་ལ་ཁྱེལ་མཛད་བཞུགས་པས་མདང་གི་རྟའི་རྨིག་སྒྲ་དེ་བྱུང་ཞིང་འོད་དམར་པོ་ཆེས་གསལ་བས་སའི་རྩི་སྦུར་ཡན་ཉིན་མོ་ལྟར་གསལ་བ་དྲུང་ན་འཁོད་པ་ཐམས་ཅད་ཀྱིས་མཐོང་བ་བྱུང་། དེ་ནས་རྨུག་གཤོང་དུ་ཕེབས་ཡོལ་ནས་ཤངས་ཆོས་རྡོ་རྗེའི་རྒྱས་བཏབ་ཀྱི་བརྒྱུད་པ་དྲུག་(༩༠བ)

― GLG009_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གཉན་སྟོན་སྦས་པའི་རྣལ་འབྱོར་གྱི་རྣམ་སྤྲུལ་མཁན་རིན་པོ་ཆེ་གཞོན་ནུ་བློ་གྲོས་ཆེད་བསྟད་ཀྱིས་ཕེབས། བླ་མ་འདི་ཉིད་བསྟན་འཛིན་གྱི་སྐྱེས་བུ་ཆེན་པོར་དགོངས་ཏེ་གསུང་ངག་རིན་པོ་ཆེ་མཁའ་སྤྱོད་སྐོར་གསུམ། དམར་པོ་སྐོར་གསུམ་སོགས་གསེར་ཆོས་མགོན་པོ་ཆེ་ཆུང་། གནོད་སྦྱིན་བེག་ཙེ་སོགས་ཀྱི་དབང་རྗེས་གནང་འཁྲིད་ལུང་མན་ངག་རྣམས་འདི་ནས་བཟུང་སྔ་ཕྱིར་མཇལ་བ་ཚོར་རིམ་གྱིས་སྩལ་ཞིང་གཞན་ཡང་བསྟན་པ་སྤྱི་སྒོས་ཀྱི་གསུང་ཆོས་ཇི་སྙེད་ཅིག་གནང་། མཁན་ཆེན་ཉིད་ཀྱི་གསུང་ལས་ཀྱང་ངེད་རང་འགྲོ་དོན་ཁྱོངས་ཆུང་བས་འཆད་འཆད་ཉུང་གསུང་བ་ལྟར་ཆོས་བཀའ་དོག་པ་ཙམ་ཡོད་ཚོད་དུ་འདུག་ཅིང་། དབོན་ཡོལ་པ་བླ་ཆེན་དུ་གྲགས་པས་རགས་རིམ་གསན་ཚོད་དུ་འདུག་རུང་ཁོང་པ་རྗེས་སོར་རྟག་བརྟན་སྤྲུལ་སྐུར་ཧ་ཅང་མོས་དྲགས་པའི་སྐྱོན་གྱིས་རང་བསྟན་ཟིན་པའི་རྗེས་ཆེ་བ་མ་བྱུང་ཞིང་། ཞལ་སློབ་འདི་ཐོན་གྱི་གྲགས་མི་ཆེའང་དབུས་གཡོ་རུའི་ཕྱོགས་སུ་བཀྲ་ཤིས་ཆོས་ཀྱི་སྡེ་གསར་དུ་བསྐྲུན་པས་བསྟན་པའི་མེ་བཙའ་ལྟ་བུར་སོང་། བདག་ཆེན་རིན་པོ་ཆེ་འཇམ་དབྱངས་བསོད་ནམས་དབང་པོ་ཐུགས་བློ་གཟུ་བོར་གནས་པས་ཡར་ཀླུངས་བཀྲ་ཤིས་རྩེར་ཕེབས་ནས་བྲག་རྫོང་མའི་འཁྲིད་ཀྱིས་གཙོས་སྙན་བརྒྱུད་ཀྱི་ཆོས་སྐོར་མང་དུ་གསན། གསང་འཁྲིད་སྐོར་རེ་ཞིག་ཕུལ་བ་མི་འགབ་འདྲ་དགོངས་ཏེ་མ་གསན་གསུངས་པ་མཁན་རིན་པོ་ཆེའི་གསན་ཡིག་མགོ་བཙེམས་མ་བྱ་རོག་གིས་ཁྱེར་ཏེ་བདག་ཆེན་རིན་པོ་ཆེའི་སྐུ་པང་དུ་བསྐྱུར་བས་ཆོས་སྐྱོང་གིས་གདམས་པ་རྣམས་གཏོད་ཅིག་ཅེས་སྐབས་དབྱེ་བ་ལྟ་བུས་དཔོན་སློབ་གཉིས་ཀའི་ཆེ་བར་སོང་ཞིང་། ཐུགས་ཡིད་(༩༡ན)

― GLG009_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེས་ཏེ་ཚང་བར་ཕུལ་བས་མི་ཐོག་གཉིས་ཙམ་གྱི་རིང་བཞི་ཐོག་བླ་བྲང་ཕ་ནོར་དང་བྲལ་བའི་ཁང་སྟོང་འདྲ་བ་སླར་རང་ནོར་གཏོང་ལེན་ལྟ་བུའི་དབུ་ཚུགས་ཤིང་། རིམ་གྱིས་སྔགས་འཆང་སོགས་སེམས་དཔའ་ཆེན་པོ་ངག་དབང་ཀུན་དགའ་བསོད་ནམས་ཡབ་སྲས་ནས་གོང་མའི་རིང་ལུགས་ཀྱི་ཉི་མ་ཕྱོགས་བརྒྱར་འཆར་བའི་རྟེན་འབྲེལ་གྱི་སྒོ་ཡང་བརྒྱུད་པ་འདི་ནས་ཕྱེ་བས་རྡོ་རྗེ་འཆང་བློ་གསལ་རྒྱ་མཚོའི་བསྟན་འཛིན་གྱི་གཙོ་བོ་ཞིག་ཏུ་མངོན། འདར་པ་ཆོས་རྗེ་ཆོས་དབང་རིན་ཅེན་དཔལ་གྱི་རྒྱ་མཚོ་རྗེ་བཙུན་ཀུན་སྤངས་ཆེན་པོས་མགོན་པོ་ཕུར་ཞབས་མ་གནང་བའི་ཆོས་གླིང་དྲུང་པ་སོགས་གཞི་བྱེས་ཀྱི་འདུས་པ་དུ་མ་དང་། བསྟན་པའི་སྦྱིན་བདག་སྡེ་པ་འདར་པ་རིན་ཅེན་དཔལ་བཟང་སོགས་ཞལ་ངོ་རྣམས་དང་། མདོར་ན་སྐྱ་སེར་མཆོག་དམན་མང་པོར་སོ་སོའི་བློ་དང་འཚམ་པའི་དབང་འཁྲིད་ལུང་མན་ངག་སོགས་སྦྱིན་པ་རྣམ་པ་བཞིའི་སྒོ་ནས་འདོད་པའི་རེ་བ་བསྐང་། ཤིང་སྦྲུལ་ལོ་བོ་དོང་དུ་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་རྡོ་རྗེ་བྲག་རྫོང་མའི་ལྗགས་བསྙེན་གྱི་སྐུ་མཚམས་ཤིན་ཏུ་དམ་པར་བར་དུ་གཅོད་པའི་མཚན་ཆེན་པོ་ཞིག་འཇུག་ཉེ་བ་ཐུགས་ཀྱིས་མཁྱེན་ནས་གདན་འདྲེན་ཞུས་པ་ལ་མ་བལྟོས་པར་ཕེབས། རྗེ་མཁྱེན་བརྩེའི་གཟིགས་སྣང་ལ་རྗེ་བླ་མ་སྐུ་མདོག་བྱུ་རུ་ལྟར་དམར་ཞིང་ཞལ་རྒྱན་སོགས་ཡེ་མེད་པ་ཞིག་འདུག་པར་སྔར་ཕན་ནི་ཞལ་རྒྱན་གཤོར་བ་གནང་གིན་མེད་ད་ལམ་ཅི་ཡིན་ནམ་དགོངས་ཤིང་། མཇལ་མ་ཐག་ཐུགས་ལ་དགའ་སྤྲོ་དང་མོས་གུས་ཆེན་པོ་འཁྲུངས། བགེགས་ཀྱི་རྣམ་པ་བྱུང་བ་ལའང་དོགས་གཅོད་ཞུ་མ་དགོས་པར་ལྷུག་པར་གསུངས་ཤིང་(༩༡བ)

― GLG009_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོ་འཕྲུལ་སྣ་ཚོགས་བསྟན་པའི་སྒོ་ནས་ཡིད་སྲུབས་ཀྱི་གཡུལ་ལས་རྒྱལ་བར་མཛད་པས་དེ་ནུབ་ནས་བཟུང་ཐུགས་བདེ་ཉམས་ཤིན་ཏུ་ཆེ་བར་གྱུར། ཟླ་བ་བཅུ་གཅིག་པའི་ནང་དུ་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་འདར་དུ་ཕེབས་ཞག་ཉེར་དྲུག་བཞུགས་ཐམས་ཅད་མཁྱེན་པ་རྡོ་རྗེ་གདན་པའི་ལུགས་ཀྱི་དཔལ་མགོན་སྟོབས་འཕྲོག་དབང་པོའི་གཏོར་མ། དྲག་པོའི་འཆམས་དབྱངས་ཕྱག་ལེན་ཐམས་ཅད་མཁས་པར་སྦྱོང་བདར་མཛད། ཞར་བྱུང་དུ་གུར་མགོན་གྱི་མན་ངག་མང་པོ་ཆིག་བརྒྱུད་དང་དུད་སོལ་མའི་སྐོར་དུ་མ་གནང་། ཚར་ཆེན་ཆོས་ཀྱི་རྒྱལ་པོས་རྡོ་རྗེ་སློབ་དཔོན་དང་མཁྱེན་བརྩེའི་ཞབས་ཀྱིས་ལས་ཀྱི་རྡོ་རྗེ་མཛད་ནས་དཔོན་སློབ་རྣམས་ཀྱིས་ཉེར་དགུ་ལ་གཏོར་ཆེན་གནང་བས་བསྟན་ལ་ལོག་པར་འཁུ་བའི་གཟུགས་ཅན་གཟུགས་མེད་ཀྱི་དཔུང་ཚོགས་མཐའ་དག་ཐལ་བའི་རྡུལ་ཕྲན་བཞིན་དུ་སོང་། དེ་ནུབ་མནལ་ལམ་དུ་རྗེ་བླ་མ་རྩེ་གདོང་ཡིན་སྙམ་པའི་ལུང་པ་ཞིག་ན་ཡར་ཕེབས་པའི་མཐར་ཁང་པ་ཞིག་འདུག་པ་དེར་བྱོན་པའི་ནང་དུ་ཤིང་ཁྲིས་བཏེག་པའི་འབོལ་གདན་ནར་མོར་བཏིང་བའི་གཡས་སུ་ཁྱབ་བདག་ཀུན་སྤངས་ཆེན་པོ་དང་། གཡོན་དུ་ཀུན་མཁྱེན་རྡོ་རྗེ་གདན་པ་གཉིས་བཞུགས་འདུག་པར་དཔོན་སློབ་གཉིས་ལ་ཕྱག་འབུལ་དང་བྱིན་རླབས་ཞུ་བ་མཛད་ཆེ། ཐུ་ཆེན་འཇིགས་མེད་དཔའ་བོས་ཕྱག་ལེན་སོགས་བཀུར་གཟོས་མཛད་བྱུང་བར་ཀུན་སྤངས་རིན་པོ་ཆེས་ཀྱང་འདི་འདྲ་ཞིག་མཛད་ཐད་དམ་དགོངས་པ་ཤར་བར་རྡོ་རིང་རིན་པོ་ཆེས་ཁ་ས་ང་ཚོ་ཆོས་རྗེས་གར་བྱོན་གསུང་བར་བདག་གིས་ཇོ་ནང་པའི་གྲ་པ་འཇམ་དབྱངས་སྒེག་པ་ཟེར་བ་གཟུགས་ཆུང་ངེ་བ་ཇོ་ཞྭ་གྱོན་པ་དེ་ལ་ཆོས་(༩༢ན)

― GLG009_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

འཆད་ཀྱིན་བསྡད་ཞུས་པར་རྡོ་རྗེ་གདན་པས་ཁྱེད་རྫུན་མ་ཟེར། འཇམ་སྒེག་དང་གནས་གསར་རྗེ་དྲུང་མི་གཅིག་གསུང་བ་ན་ཀུན་སྤངས་རྗེས་སྔོན་དང་ད་ལྟའི་ཁྱད་པར་ཙམ་ལས་གཉིས་ཀའི་གསུང་ལ་འགལ་བ་མེད། ཁོང་ཡར་ཀླུངས་པར་གྱུར་སྐབས་འཇམ་སྒེག་དང་དེང་སང་གནས་གསར་ཆོས་རྗེ་ཡིན་པས་རྒྱུད་ཅིག །དེར་མ་ཟད་ཆོས་རྗེས་བསྙེལ་ཡོད་པ་འདྲ། ཁྱེད་ཨོ་རྒྱན་གྱི་ཡུལ་དུ་སྠ་བི་རར་འཁྲུངས་ནས་རྡོ་རྗེ་རྣལ་འབྱོར་མར་དབང་ཞུ་དུས་རྣལ་འབྱོར་པ་སྦྲུལ་གྱི་ག་ཤ་ཅན་དེ་ང་ཡིན། དེ་དུས་སྠ་བི་ར་པས་གདུག་པ་མང་པོ་བསྒྲལ་གསུང་བ་སོགས་བླ་མ་རྣམ་གཉིས་དྲི་བ་དྲི་ལན་གྱི་ཚུལ་མཛད་པས་འོད་གསལ་དེས་ཁྱོངས་ཤིང་མནལ་སད་པ་ན་ཐུགས་རྒྱུད་ལ་བདེ་ཆེན་གྱི་ཡེ་ཤེས་ཁྱད་པར་ཅན་དང་། སྐུ་ཚེ་སྔོན་མའི་གནས་ཚུལ་ལ་ཐུགས་ངེས་འདྲོངས་པས་ངེད་རང་དཔོན་སློབ་རྣམས་ཀྱིས་ཞལ་གྱི་གཏོར་ཆེན་བྱས་པར་ཀུན་སྤངས་རྗེ་དང་རྡོ་རྗེ་གདན་པ་གཉིས་དགྱེས་ཡོད་པ་འདྲ། མདང་རྨི་ལམ་འདི་འདྲ་བྱུང་ཞེས་རྗེ་མཁྱེན་བརྩེ་ལ་གསུངས་པར་ཐུགས་ལ་དགྱེས་ཚོར་དང་སྤྱན་ཆབ་འཁྲུག་པ་སོགས་བྱུང་བས། ཀུན་མཁྱེན་མཁྱེན་བརྩེའི་རྣམ་ཐར་དུ། མནལ་ལམ་མིང་དུ་བཏགས་པའི་འོད་གསལ་དང་། །རྒྱལ་བ་རྡོ་རྗེ་འཆང་གཉིས་མངོན་སུམ་གཟིགས། །ལྐོག་གྱུར་སྔོན་གྱི་གནས་འགའ་ལུང་བཞིན་ཐོབ། །ངོ་མཚར་འདི་དང་འདི་འདྲ་གསུང་བ་ཐོས། །ཨ་ཧོ་སྲིད་པར་འཁྱམས་པས་ཆེས་དུབ་པ། །བདག་ལ་ཉིད་ཀྱིས་རིང་མོ་ཞིག་ནས་བསྐྱངས། །མངོན་གྱི་ཞལ་བཞེས་སླུ་མེད་བདེན་པའི་མཐུས། །འདིར་ཡང་སློབ་བཤད་སྙན་བརྒྱུད་ལྷུག་པར་སྩལ། །ད་དུང་ཁྱེད་དང་མཚུངས་(༩༢བ)

― GLG009_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

བར་མ་གྱུར་པ། །དེ་སྲིད་མགོན་སྐྱབས་དཔུང་གཉེན་གཞན་མེད་པས། །ཡིད་ཆེས་དད་དང་གུས་པས་གསོལ་བ་འདེབས། །སླུ་མེད་ཐུགས་རྗེས་སྔར་བཞིན་གཟུང་དུ་གསོལ། །ཞེས་བྱུང་ཞིང་། རྗེ་མཁྱེན་བརྩེ་དཔོན་སློབ་ཕྱིར་ཕེབས་གདོང་བླ་མ་དམ་པས་འཁོན་རོག་ཤེས་རབ་ཚུལ་ཁྲིམས་ཀྱི་གཏེར་མའི་ཕུར་པ། རྗེ་ཉིད་དབང་བུམ་ཡུན་རིང་གནང་བའི་ཕྱག་དྲིལ་ཤིང་འཁུལ་མ་ཤུབས་བཅས། སེང་ལྡེང་གི་ཁ་ཊྭཱཾ་ག །བདེ་མཆོག་རྩ་རྒྱུད་ཀྱི་ཊཱིཀྐ་མུ་ཏིག་འཕྲེང་བ། འཕགས་པ་རིན་པོ་ཆེའི་ཐུགས་དམ་གུར་མགོན་ཧོར་སྐུ་ཞིག་སོགས་གནང་སྦྱིན་ཕུན་སུམ་ཚོགས་པ་སྩལ། ཡང་ཁམས་པ་ཨ་ཀྲོ་ཟེར་བས་ཁའུར་རྡོ་རིང་རིན་པོ་ཆེ་ལ་མགོན་པོ་ཞལ་གྱི་ཆོས་སྐོར་དགོས་ཚུལ་ཞུས་ཚེ་རྗེ་འདི་ལ་སྤྱན་ཅེར་གཟིགས་ནས་ཅིས་ཀྱང་བྱེད་གསུངས་ཞལ་གྱིས་བཞེས་ཀྱང་གནང་མ་ཐུབ་པ་ཕྱིས་རྗེ་བླ་མས་གནང་དགོས་བྱུང་བ་ལུང་བསྟན་དུ་འདུག །མི་རིང་བའི་སྐབས་ཤིག་རྗེ་བླ་མ་འདི་ཉིད་བོ་དོང་དུ་སྤྱན་འདྲེན་མ་ཞུས་པར་ཕེབས་ནས་གཞན་དོན་གཅོད་ཀྱི་རིགས་མེད་ཁྱེད་ལ་ཆོས་ཤིག་གཤོད་དུ་ཡོངས་པ་ཡིན་ཕེབས་པ་གང་ཡིན་དྲི་བ་ཞུས་པར་འཇིགས་བྱེད་ཡིན་ཚུལ་བྱུང་བ་བཞིན་འོ་ཡུག་སྡིང་མར་སྤྱན་དྲངས། དཔལ་རྡོ་རྗེ་འཇིགས་བྱེད་རྭ་ལུགས་ལྷ་བཅུ་གསུམ་མའི་དབང་བཞི་རྭ་པོད་སོགས་ཡིག་སྣའི་ལུང་དང་མན་ངག །ཤིན་ཏུ་ཟབ་པ་རྭ་འཁྲིད་མཁའ་འགྲོ་སྙན་བརྒྱུད་ཀྱི་ཉམས་འཁྲིད་གནང་བས་རྡོ་རྗེ་ཐེག་པའི་ལམ་གྱི་གནད་གསང་ཐམས་ཅད་ཐུགས་ཀྱི་ཀློང་དུ་གྱུར་པས་བཀའ་དྲིན་དྲན་ཏེ་མཁྱེན་བརྩེའི་ཞབས་ཀྱིས། དྲན་པས་གདུང་སེལ་ཁྱབ་བདག་མ་ཧེའི་ཞལ། །ངུར་སྨྲིག་ཟོལ་གྱིས་རོལ་པའི་ཕ་རྒོད་དེས། །འཁྲུལ་མེད་གནད་ཀྱི་ལམ་བཟང་(༩༣ན)

― GLG009_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་བསྟན་ཚེ། །མཐའ་ཡས་ཆོས་ཀྱི་རང་ཞལ་རྗེན་པར་མཐོང་། །གཞན་ཡང་པདྨ་དབང་ཆེན་ཡང་གསང་ཁྲོས་པའི་དབང་དང་རྟ་པོད་ཀྱི་ལུང་རྫོགས་པར་གནང་། རིམ་གྱིས་ཤངས་མདའི་རྡོ་རྗེ་སྒྲུབ་ཕུག་ཏུ་གནས་འབྲེལ་ཞག་གསུམ་མཛད་པའི་ནུབ་ཅིག་གཟུགས་མེད་པའི་སྐད་ཅིག་ལ་ཟབ་བུར་སོང་ཨོ་རྒྱན་རིན་པོ་ཆེ་བཞུགས་ཡོད་ཟེར་བ་ཞིག་བྱུང་བས་རྐྱེན་བྱས། རྗེ་བླ་མ་ཟབ་བུ་ཕྱོགས་ལ་ཕེབས་པའི་མེ་ཚོར་དུ་ཞག་གཉིས་བཞུགས་པའི་ནུབ་ཁྱེའུ་གཞོན་ནུ་སྔགས་ཆས་ཅན་ཞིག་གིས་སྔར་གསན་པ་དང་མ་གསན་པའི་ཆོས་ཀྱི་རྣམ་གྲངས་སོ་སོར་དབྱེ་ཞིང་། མ་ཐོབ་པ་རྣམས་བྲག་ཕུག་འདིའི་ལྟག་ན་ཡོད་གསུང་དེ་ཨོ་རྒྱན་རིན་པོ་ཆེའི་སྤྲུལ་པར་སྣང་། རིམ་གྱིས་ཟབ་བུའི་གཟིམས་ཕུག་གི་སྐུ་བརྙན་བདེ་གཤེགས་འདུས་པའི་དྲུང་དུ་གཅིག་པུར་ཐུགས་དམ་མཛད་པའི་ཚེ་དཀོན་གཉེར་གྱི་བསམ་པར་བླ་མ་འདི་ཚོས་གཏེར་འདོན་ཟེར་ནས་གཟུངས་བཞུགས་མི་བླུག་པའི་ངེས་པ་མེད་སྙམ་སྒོ་དྲུང་ནས་རྫི་གསང་བལྟས་པས་སྐད་གདངས་ཡིད་དུ་འོང་བ་ཤིན་ཏུ་སྙན་པ་ཞིག་གིས་ཐོག་མར་གསུང་འཕྲོས་དང་དེའི་རྗེས་སུ་ཆོས་ལྷང་ལྷང་གསུང་བ་ཐོས་པས་མི་འགའ་རེ་ཡོད་དམ་སྙམ་ཐལ་གྱིས་ཡོངས་པ་ན་གཅིག་པུར་བཞུགས་འདུག་པས་དད་པ་ལྷག་པར་སྐྱེས་ཤིང་དེ་དུས་ཨོ་རྒྱན་ཆེན་པོ་དངོས་སུ་ཞལ་གཟིགས་ནས་ཟབ་ཆོས་མང་པོ་གསུངས་པར་གདའ། འཇམ་དབྱངས་མཁྱེན་བརྩེའི་དབང་ཕྱུག་སོགས་ལ་དྲག་པོ་རྩལ་གྱི་བྱིན་རླབས་ཐུགས་དབང་དང་ནཱ་རོ་མཁའ་སྤྱོད་ཀྱི་བྱིན་རླབས་སོགས་སྩལ། མཁྱེན་བརྩེའི་ཞབས་ཀྱིས་དྲུང་ཡིག་མཛད་ནས་བདེ་ཆེན་དག་(༩༣བ)

― GLG009_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་མར་གྲགས་པའི་ཨོ་རྒྱན་རིན་པོ་ཆེའི་གསོལ་འདེབས་ཚིག་དོན་ཕུན་སུམ་ཚོགས་པ་དེ་ཡང་མཛད། མྱུག་རྒྱལ་ཁང་དུ་ཞག་ལྔ་ཙམ་བཞུགས་ནས་འདར་དུ་ཕེབས། རྣམ་རྒྱལ་ཆོས་རྫོང་དུ་མགོན་ཁང་གསར་དུ་མཛད་ནས་རྡོ་རྗེ་ནག་པོ་ཆེན་པོ་གུར་གྱི་མགོན་པོའི་སྐུ་བྱིས་པ་ལོ་བཅུ་དྲུག་འགྲོ་བའི་ཚད། ཡུམ་ཆེན། ལ་མོ། ཞལ་བྲམ་གཟུགས་གསུམ་ཁྲུ་ཕྱེད་དོ། རྟག་གཏོར་མགོན་པོ་ཆེ་ཆུང་ལས་མཁན་བཅས་མཚན་ཉིད་དང་ལྡན་པའི་འཛིན་གཏོར་སྤྱན་གཟིགས། ཐོག་ཏུ་མན་ངག་ལས་བྱུང་བའི་རུ་མཚོན་བཙུགས། སྐུ་བརྙན་རྣམས་དམ་པའི་ཤོག་དྲིལ་ཞལ་ཤེས་མས་བརྒྱན་པའི་རབ་གནས་ཞག་བདུན་མས་འོག་མིན་གྱི་གནས་ནས་མགོན་པོ་དངོས་སུ་བྱོན་པའི་གཟི་བྱིན་གྱི་འཕྲིན་ལས་རྣམ་བཞི་ཐོགས་པ་མེད་པར་སྒྲུབ་པའི་སྐུ་རྣམས་དུས་ཕྱིས་སྡེ་སྲིད་གཙང་པས་རྫོང་བཤིག་ནས་གཞིས་ཀར་སྤོས། དེ་ནས་ཀྱང་འཕོས་ཏེ་དེང་སང་ས་སྐྱའི་ཁྱད་འཕགས་མགོན་ཁང་དུ་བཞུགས་པར་སྣང་།རྔ་ཡབ་གླིང་གི་མགོན་སོགས་འདྲེན་པ་དང་། །ཡི་དམ་སྲུང་མའི་ཟློས་གར་གང་ཐུགས་ཤེལ། །དག་པའི་ཚོན་རིས་དབང་གཞུ་ལྟར་བཀྲ་བ། །བུར་ཤིང་དངར་བའི་རོ་བཞིན་དབྱེ་ནུས་མིན། །སྐྱེ་མང་རྗེས་བཟུང་ཐུགས་སྲས་གནས་གསར་བར། །གཉིས་སྤངས་བླ་མའི་གདམས་པ་ཡོངས་གཏོད་པའི། །རྟེན་འབྲེལ་ཞིང་སྐྱོང་དབང་པོས་ཏེ་སེ་ནས། །དམར་ཟླུམ་སྤྱན་གྱིས་གཟིགས་ཏེ་ཉེ་བར་བསྒྲིགས། །གཡང་སར་འཇིགས་བྲལ་བརྟུལ་ཞུགས་གཤོག་རླབས་ཀྱིས། །བརྒྱ་ཕྲག་ཆོ་འཕྲུལ་བསྟན་ཚེ་གོས་སེར་མིག །མཁའ་ལྡིང་ཞོན་པའི་ཁེངས་པ་ཡོངས་བོར་ནས། །རུས་སྦལ་གཟུགས་ཀྱིས་ས་ཆེན་(༩༤ན)

― GLG009_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

འདེགས་པར་བརྫུ། །རབ་དཀར་ཆོས་འཁོར་གངས་རིའི་ཡང་རྩེ་ནས། །ཚད་མ་བཞི་ལྡན་འཇིགས་མེད་སེང་གེའི་གླུས། །ཤེས་རློམ་རི་དྭགས་སྤྱོད་མེད་ཐུན་མོང་གི །གདམས་པའི་རྩྭ་ཆུར་མགོ་བོ་བསྟད་དེ་ཉོལ། །འཁོར་ལོས་སྒྱུར་བའི་རིགས་བརྒྱུད་ལྷ་ཡི་སྲས། །སྟོང་ཕྲག་བྱུང་ལ་མང་པོར་འཛིན་བློ་ཆུངས། །མཁས་དང་གྲུབ་པའི་སློབ་བུ་གསེར་རིའི་སྦུབས། །ཤར་བའི་གྲངས་མེད་ཟླ་བ་འདི་ལ་ལྟོས། །ལེགས་ལྡན་དཔའ་བོ་ལྷ་མིན་དཔུང་ཚོགས་ལས། རྣམ་པར་རྒྱལ་བའི་གད་བརྒྱངས་སྒྲོག་པའི་གནས། །ཧ་ཧར་བཞད་པའི་དུར་ཁྲོད་རྒྱུ་བའི་སྟག །མཆེ་བའི་རྩེ་མོར་དགྲ་བོའི་དོན་སྙིང་འཁྲིག །གསོལ་འདེབས་ལས། བསྟན་སྲུང་མཆོག་རྣམས་ལས་ལ་བསྐུལ་བའི་ཚེ། །རུ་མཚོན་རྩེ་ལ་གྲི་གུག་འབར་བ་གཟིགས། །བཀའ་ཡི་སྤྲིངས་ཡིག་བི་ཧཱར་གཙུག་གིས་མཆོད། །དམ་ཅན་བྲན་དུ་འཁོལ་ལ་གསོལ་བ་འདེབས། །མུ་སྟེགས་འདུལ་བར་རྗེ་བཙུན་བཀས་བསྐུལ་ཞིང་། །རྣལ་འབྱོར་དབང་མོས་སྤྱན་འདྲེན་ཚུལ་བསྟན་ཀྱང་། །བསྟན་ལ་རྗེས་དགོངས་སྐུ་ཚེའི་འདུ་བྱེད་མཆོག །སླར་ཡང་བྱིན་གྱིས་བརླབས་ལ་གསོལ་བ་འདེབས། །དད་ལྡན་བཀའ་འབངས་མཆོག་གི་སྐྱེ་བ་གང་། །ལྕང་ལོ་ཅན་ནས་ཡོངས་པའི་གནོད་སྦྱིན་གྱིས། །དྲི་མེད་ནོར་བུའི་འོད་ཟེར་འཕྲེང་མཛེས་པ། །དྲིན་བསབ་མཆོད་པ་ཕུལ་ལ་གསོལ་བ་འདེབས། །ཞེས་པར་ཚིག་གིས་ཟིན་མི་ཟིན་སྣ་ཚོགས་པའི་ལོ་འདི་ནང་དུ་དབྱངས་ཅན་ལྷ་མོས་རྗེས་སུ་བཟུང་བའི་རྗེ་ཀླུ་སྒྲུབ་རྒྱ་མཚོ་ཞེས་ཤེས་བྱ་ཐམས་ཅད་ལ་མཁྱེན་པའི་སྤྱན་ཡངས་པ་དེ་ཉིད་ཞབས་ཀྱི་པདྨ་ལ་གཙུག་གི་ནོར་བུས་རེག་པར་བྱོན་ཏེ་སྐུ་གསུང་ཐུགས་ཀྱི་ཡོན་ཏན་(༩༤བ)

― GLG009_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བའི་ཟེར་གྱིས་རྣམ་པར་ཕྱེ་སྟེ་མི་འཕྲོགས་པའི་དད་པ་མཆོག་གི་ཀུནྡ་ཡོངས་སུ་བཞད་པ་ལ་བརྟེན་ལྕགས་མོ་ཕག་གི་ལོ་དཔྱིད་ཀྱི་དཔལ་མོའི་དགའ་སྟོན་དར་བའི་ཚེ་གསང་ཆེན་སློབ་བཤད་ཀྱི་སྔགས་གྲ་འདར་སྟོད་ཆོས་འཁོར་ཡང་རྩེར་མཁན་རིན་པོ་ཆེ་འཇམ་པའི་དབྱངས་བློ་གྲོས་རྣམ་རྒྱལ། ཐུགས་ཀྱི་སྲས་གནས་ལྔ་རིག་པའི་པཎྜི་ཏ་ཆེན་པོ་ཀླུ་སྒྲུབ་རྒྱ་མཚོ། རྗེ་རབ་བརྟན་པ་སོགས་སྐལ་ལྡན་གྱི་གདུལ་བྱ་ཁ་ཤས་ལ་ཚེ་གཅིག་ལ་འདུས་པ་རྣམ་གསུམ་གྱི་འཕྲང་བརྒལ་ཏེ་བཅུ་གསུམ་རྡོ་རྗེ་འཛིན་པའི་ས་ཆེན་པོར་བགྲོད་པའི་ངེས་ལམ་ཟབ་མོ་སྙན་བརྒྱུད་ཚད་མ་བཞི་དང་འབྲེལ་བའི་གསུང་ངག་རིན་པོ་ཆེ་སློབ་བཤད་ཀྱི་དབང་བྱིན་རླབས་འཁྲིད་ལུང་མན་ངག་མཐའ་དག་རྫོགས་པར་གནང་། གསུང་རྒྱུན་ཉམས་པ་མེད་པའི་ལམ་འབྲས་ཀྱི་འཁྲིད་ཡིག་ཆེན་མོའང་ཟིན་བྲིས་མཛད་ནས་སྤྱན་ལམ་དུ་ཕབ་པས་ངའི་གསུང་ངག་སློབ་བཤད་ཀྱི་བཀའ་ཁྱེད་ལ་བབས་སློབ་མའི་ཚིལ་བུ་ལྟ་བུ་ཡིན་ཞེས་དགྱེས་རྩེར་སོན། ཞལ་སློབ་ཀྱི་ནང་ནས་ཀུན་མཁྱེན་མཁྱེན་བརྩེ་གོང་དུ་ཕུད་པའི་རྗེ་བཙུན་བོད་མཁར་པ། མཁན་ཆེན་གཞོན་ནུ་བློ་གྲོས། རྗེ་འདི་གསུམ་འགྲན་གྱི་ཟླ་མེད་དུ་མངོན་ཞིང་། ཁྱད་པར་ཀུན་མཁྱེན་ཀླུ་སྒྲུབ་པའི་གསུང་ལས་སྐྱེས་པའི་བཤེས་གཉེན་པཎ་ཆེན་ངག་དབང་ཆོས་གྲགས། འཇམ་དབྱངས་དགའ་བའི་བཤེས་གཉེན་སོགས་མཁས་གྲུབ་མང་དུ་བྱོན་ཞིང་། མཁན་ངག་དབང་ཆོས་གྲགས་ནས་རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ། ས་སྐྱ་ཁྲི་རིན་པོ་ཆེ། རྒྱལ་རྩེ་བདག་པོ་བྱམས་པ་ངག་དབང་བསོད་ནམས་རྒྱལ་མཚན་ཁུ་དབོན། བྱ་གཤོང་མཁན་ཆེན་མང་ཐོས་གྲགས་(༩༥ན)

― GLG009_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྣམ་རྒྱལ། ཡངས་ཅན་མཁན་པོ་བྱམས་པ་བསོད་ནམས་མཐའ་ཡས། གཟིམས་ཤག་ཆོས་རྗེ་ངག་དབང་རྣམ་རྒྱལ་སོགས་མཐའ་ཀླས་པ་བྱོན་ཏེ་རུ་ལག་སྟོད་ཀྱི་འཛིན་མར་ཁའུ་བྲག་རྫོང་པའི་རིང་ལུགས་གདུགས་དཀར་པོ་གཅིག་གིས་མངོན་པར་ཁྱབ་པའི་འཕྲིན་ལས་ཀྱི་འཇུག་པ་མཆོག་ཏུ་ཡངས། རྗེ་འདི་ཉིད་ཀྱི་བསླབ་སྟོན་ལྟར་ཀླུ་སྒྲུབ་རྗེས་གཞི་བསྙེན་མཛད་པར་གེགས་ཀྱི་རྣམ་པ་ཅུང་ཟད་བྱུང་བའི་ཚེ་ཞུ་ཡིག་ཕུལ་བའི་ལན་འདི་ལྟ་སྟེ།ཨོཾ་སྭསྟི། དཔལ་བརྒྱུད་པ་ཀུན་འདུས་རིགས་བརྒྱའི་མགོན། །ཕ་དངོས་གྲུབ་འབྱུང་གནས་ཡིད་བཞིན་ནོར། །རྗེ་དྲན་པས་གདུང་སེལ་རྡོ་རིང་པ། །བུ་སྣོད་ལྡན་གྱི་རྒྱུད་ལ་བྱིན་གྱིས་རློབས། ཁྱེད་དལ་འབྱོར་རྟེན་མཆོག་ལེགས་པར་ཐོབ། །ཕྱི་ཐོས་བསམ་གྱི་སྒྲོ་འདོགས་རྒྱ་ཆེར་བཅད། །ཡོངས་ལས་འཕྲོ་དང་བརྩོན་འགྲུས་གཉིས་སུ་འཛོམ། །ལམ་རྡོ་རྗེ་ཐེག་པའི་ཡང་བཅུད་ཐོབ། །དུས་དེང་སང་བསམ་གཏན་གྱི་ཁང་བུ་ན། །ལུས་ཟབ་གསལ་ལྷ་རུ་ལམ་མེ་བསྒོམ། །ངག་རྡོ་རྗེའི་སྔགས་སུ་དིར་རི་སྒྲོག །སེམས་བདེ་ཆེན་གྱི་ངང་དུ་ཆམ་མེ་བ། །ཆོས་འདི་འདྲའི་ཉམས་ལེན་ཤེས་ཙ་ན། །རྟེན་དལ་འབྱོར་ལ་སྙིང་པོ་ལོངས་པ་ཡིན། །མ་འགྲོ་བའི་དྲིན་ལན་ལོན་པ་ཡིན། །བུ་མཁས་པའི་ཐུགས་ལ་དེ་ལྟར་ཞོག །སེམས་དགའ་བ་སྤྲོ་བ་རྒྱ་ཆེར་སྐྱེད། །ཡང་དར་ཅིག་ཐུགས་ལ་འདི་ལྟར་ཞོག །རྗེ་བླ་མ་སྤྱི་གཙུག་ན་འདུ་འབྲལ་མེད། །ཆོས་ཅི་གནང་རང་སེམས་དག་པའི་འཁྲུལ། །དེ་རིམ་གཉིས་ལམ་དུ་འཁྱེར་ཚུལ་ཤེས། །ད་གང་ལྟར་བྱས་ཀྱང་བདེ་བ་ཡིན། །ཞེས་ཚིགས་སུ་བཅད་པས་མདོར་བསྡུས་ཏེ་གདམས་ནས་(༩༥བ)

― GLG009_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

བགེགས་ཀྱི་རྣམ་པས་ཁམས་འདུས་པ་སྒྱིད་ལུག་པ་ཏིང་ངེ་འཛིན་མི་གསལ་བ་སྙམ་བྱེད་པ་སོགས་སྐབས་འགར་འབྱུང་བ་ནི་རྡོ་རྗེ་ཐེག་པའི་ལམ་གྱི་བོགས་ཡིན་པས་ལྟ་བ་གསལ་སྟོང་ཟུང་འཇུག་ལས་མ་གཡོས་པར་གནང་བ་ཞུ། ཞེས་པ་གནང་བ་ལ་བརྟེན་ནས་བགེགས་ཀྱི་འཆིང་བ་མཐའ་དག་ནམ་མཁའ་ལ་སྦྲུལ་མདུད་བཞིན་གྲོལ། མཁས་གྲུབ་ཆེན་པོ་འདི་ཉིད་ལ་མཁའ་སྤྱོད་སྐོར་གསུམ། དམར་ཆེན་སྐོར་གསུམ་སོགས་ཀླུ་པའི་གསེར་ཆོས་བཅུ་བཞི། རྡོ་རྗེ་ནག་པོ་གུར་གྱི་མགོན་པོ། དཔལ་མགོན་སྟོབས་འཕྲོག་དབང་པོ་སོགས་ཀྱི་ཆོས་སྐོར་ཐུན་མོང་དང་ཐུན་མོང་མ་ཡིན་པ། གཤེད་དམར་སྤྲོས་མེད། བཀའ་གདམས་སོགས་བསྟན་པ་སྤྱི་བྱེ་བྲག་གི་ཟབ་རྒྱས་ཆོས་ཀྱི་བདུད་རྩིས་ཐུགས་ཀྱི་བུམ་བཟང་ཡོངས་སུ་གང་བར་མཛད་དོ། །ལན་ཅིག་ཤར་ཕྱོགས་སུ་དགག་དགོས་ཆེ་བ་ཞིག་ལ་ཕེབས་པའི་སྟ་གོན་གྱི་ཚེ་གྲང་མོ་ཆེའི་མགོན་ཁང་གི་རུ་མཚོན་རྣམས་ལ་བཀའ་བསྒོ་འཕྲིན་བཅོལ་མཛད་པའི་དུས་གཟིགས་སྣང་ལ་དེའི་ཐད་ཀྱི་ནམ་མཁར་རྡོ་རྗེ་སྲིན་པོ་སྐུ་ཤིན་ཏུ་ཆེ་བ་ཞིག་གིས་ཕྱག་གཡས་ཀྱིས་གྲི་གུག་སྒོ་ཚད་ཙམ་འཆར་སྟབས་སུ་བཟུང་བར་མེ་ལྕེ་ཚ་ཞིང་རྩུབ་པའི་ཚ་ཚ་ཕྱོགས་བཅུར་འཕྲོ་བ་གསལ་བར་གཟིགས་ཤིང་། དེར་མ་ཟད་གཉན་མགོན་ཆེན་པོ་དང་ཕོ་ཉ་ལས་མཁན་རྣམས་ཀྱིས་ལོག་པར་འཁུ་བའི་དཔུང་ཚོགས་རྣམས་ཕྱེ་མ་ལེབ་དང་མེ་ལྕེའི་ཚུལ་བཞིན་རྡུལ་དུ་བརླག་པའི་གཟིགས་སྣང་ཅི་ཡང་བྱུང་བར་མངོན། གཙུག་ལག་ཁང་བསྲུང་བའི་རྒྱལ་པོ་ལི་བྱིན་ཧ་ར་སོགས་སྣང་སྲིད་ཀྱི་དྲེགས་པ་ཅན་མང་པོར་བཀའ་རྟགས་ཀྱི་སྤྲིངས་ཡིག་སྩལ་བ་དག་ཀྱང་གཙུག་ཏོར་གྱི་རྩེ་མོར་འགོད་ཅིང་དམ་ལས་མི་འདའ་བས་(༩༦ན)

― GLG009_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲིན་ལས་ཚུལ་བཞིན་དུ་སྒྲུབ་པ་མང་ལ། དེ་བས་ཆེས་ལྷག་པ་རྡོ་རྗེའི་ཆོས་སྐྱོང་རྣམས་ཀྱང་བྲན་དུ་འཁོལ་ཏེ་ཇི་ལྟར་བསྒོ་བ་ལྷུར་ལེན་པས། ཐམས་ཅད་མཁྱེན་པ་མཁྱེན་བརྩེའི་ཞབས་ཀྱིས་མཛད་པའི་བསྟོད་པར། གུར་གྱི་མགོན་པོ་དཔའ་བོ་བྲམ་ཟེའི་གཟུགས། །འཆི་བདག་དབང་ཕྱུག་གིང་ལྔ་གཟའ་གདོང་སོགས། །དམ་ཅན་རྒྱ་མཚོ་མངོན་སུམ་བྲན་དུ་འཁོལ། །མཐུ་སྟོབས་ནུས་པའི་གཏེར་ལ་གསོལ་བ་འདེབས། །ཞེས་བྱུང་བས་ཀྱང་ཤེས་ནུས། དེ་ཡང་ཀུན་སྤངས་རིན་པོ་ཆེས་ཁྱེད་ལ་མཁའ་སྤྱོད་མའི་བྱིན་རླབས་བྱས་རེས་ཀྱིས་ལྟས་ཡ་མཚན་པ་རེ་ཡོང་གིན་འདུག་པས་མཁའ་སྤྱོད་དུ་མྱུར་བར་འཁྲིད་ཉེན་ཡོད་ཚུལ་ཚེ་སྒྲུབ་ལ་ནན་ཏན་སྐྱེད་མཛོད་སྐུ་ཚེ་རིང་པ་བྱུང་ན་བསྟན་པ་དང་སེམས་ཅན་ལ་ཕན་ཞིང་མཐུ་སྟོབས་ཆེན་པོ་ཡོང་བའི་ལུང་བསྟན་ལྟར་སྔ་གོང་ཞིག་གཟིགས་སྣང་ལ་སྐས་རིང་པོ་བཙུགས་པ་ལ་བུད་མེད་མདའ་དར་ཁྱེར་བ་གསུམ་བབས་བྱུང་ནས་ཁྱེད་གདན་འདྲེན་ལ་ཡོངས་ཟེར་བར་ད་ལྟ་ང་ལ་ཕ་མའང་ཡོད་པས་མི་འགྲོ་གསུངས་པར་བུད་མེད་དེ་རྣམས་ལོག་སོང་། གྲང་མོ་ཆེར་བཞུགས་སྐབས་ཤིག་འོད་གསལ་གྱི་ངང་དུ་རྗེ་བཙུན་རྡོ་རིང་པ་ཆེན་པོ་བྱོན་ཏེ་ད་ལྟ་རྒྱ་གར་ལྷོ་ཕྱོགས་ན་མུ་སྟེགས་ཀྱི་རྒྱལ་པོ་སྟོབས་ཆེ་བ་ཞིག་ཡོད་པས་དེ་འདུལ་དུ་ཁྱེད་འགྲོ་དགོས་པ་འདུག་གསུངས་པར་བརྟེན་ཞག་འགའི་བར་བླ་མ་ལ་གསོལ་བ་འདེབས་པ་མཛད་པ་ན་འཇམ་དབྱངས་མཁྱེན་བརྩེའི་དབང་ཕྱུག་སྐུ་དྲུང་དུ་བཞུགས་པའི་ནུབ་ཅིག་དག་སྣང་དུ་ནམ་མཁའ་ནས་མཐོངས་ཁུང་ལྟ་བུ་སྐྱ་ཤར་རེ་བ་ནས་རུས་པའི་སྐས་བཙུགས་པར་བུ་མོ་དམར་མོ་ལོ་བརྒྱད་ཙམ་ལོན་པར་རུས་རྒྱན་ཆབ་བེ་བ་བཏགས་པ་ཞིག་རྒྱབ་འབབ་(༩༦བ)

― GLG009_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་བྱུང་ནས་རྗེ་བཙུན་རྡོ་རིང་པ་ཆེན་པོས་ཁྱོད་འབོད་དུ་བཏང་བ་ཡིན་འགྲོའམ་མི་འགྲོ་ཟེར་བ་ལ་ཐུགས་མི་སྤྲོ་བའི་རྣམ་པས་ལམ་འབྲས་བཤད་འཕྲོ་ཡང་ཡོད་གསུངས་པས་སྐས་དེ་ལ་རྒྱབ་འཛེགས་ཀྱིས་ལོག་སོང་རྗེས་སྐས་བསྡུས་ཤིང་མཐོངས་ཁུང་མི་སྣང་བ་བྱུང་ན་ཡང་ལྟས་དེ་དག་དང་རྡོ་རྗེ་བཙུན་མོས་མཁའ་སྤྱོད་དུ་གཤེགས་པར་བསྐུལ་བས་ཞིང་ཁམས་འཕོའམ་དགོངས་པའི་ཐུགས་སོམ་ཉིར་གྱུར་པའི་ཚེ། རེ་ཞིག་ལོན་པ་ན་ཀུན་སྤངས་རིན་པོ་ཆེ་འོད་གསལ་གྱི་ངང་དུ་ཕེབས་ནས་མུ་སྟེགས་པའི་རྒྱལ་པོ་རྒན་པ་དེ་ཤི་བས་གཞོན་པ་དང་ཁྱེད་ལས་འབྲེལ་མི་འདུག་ད་ལམ་གཞན་ཞིག་བཏང་ཡོང་སྐོར་ཞིག་འབྱོན་མི་དགོས་འདུག་གསུངས་པར་སྣང་ཞིང་། སྐལ་ལྡན་གྱི་སློབ་མ་མང་པོས་ཡུན་རིང་པོར་བཞུགས་པའི་རྟེན་འབྲེལ་གྱི་སྒོ་སྒྲིག་པའི་གསོལ་བཏབ་དང་། རྗེ་བཙུན་ཨ་བ་དྷཱུ་ཏཱི་པའི་བསླབ་བྱའི་གསུང་རྣམས་ཐུགས་ཀྱིས་དྲན་ཏེ་ཁ་བ་རི་པ་རྣམས་ཀྱི་བསྟན་འགྲོའི་ཆེད་དུ་སྐུ་ཚེ་བྱིན་གྱིས་བརླབས་པ་ནི། འཕགས་པ་ཡོངས་སུ་མྱ་ངན་ལས་འདས་པའི་མདོ་ལས། དེ་བཞིན་གཤེགས་པའི་སྐུ་ནི་རྡོ་རྗེའི་སྐུ་ཡིན་ཏེ། དེང་ཕྱིན་ཆད་ཁྱོད་ཀྱིས་དོན་འདི་རྩེ་གཅིག་པའི་སེམས་ཀྱིས་ཡིད་ལ་བྱ་ཡིས། ཟག་བཅས་ཀྱི་སྐུར་ནི་མི་བསམ་མོ། །ཞེས་འཇའ་ལུས་རྡོ་རྗེའི་སྐུ་འགྲུབ་པ་ཐམས་ཅད་ཀྱི་ངང་ཚུལ་ཡིན་ཞིང་གདུལ་བྱ་སོ་སོའི་ལས་སྣང་གི་དབང་གིས་མཐོང་ཚུལ་སྣ་ཚོགས་འབྱུང་བ་ནི། མྱང་འདས་རྒྱ་གར་འགྱུར་ལས། རེས་འགའ་ནི་སེམས་ཅན་རྣམས་ཀྱིས་དེ་བཞིན་གཤེགས་པ་གྲོངས་སོ་སྙམ་དུ་ཡང་དག་པར་ཤེས་མོད་ཀྱི། དེ་བཞིན་གཤེགས་པ་ནི་དུས་ཐམས་ཅད་དུ་རྟག་པ་དང་བརྟན་པ་དང་ཐེར་ཟུག་པ་ཡིན་ཏེ། ཞེས་འབྱུང་བ་ལྟར་རོ། །(༩༧ན)

― GLG009_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་བའི་བདག་པོས་རྗེས་སུ་བཟུང་བའི་འ་ཞ་ནམ་མཁའི་མཚན་ཅན་སྦྱིན་བདག་གི་གཙོ་བོ་ཐུགས་དད་ཤིན་ཏུ་ཆེ་བའི་ཁར་གཤེགས་པར་སྔོན་དུ་ཕྱོགས་ཚེ་སྐྱབས་འཇུག་གི་གསོལ་འདེབས་ནན་ཏན་དུ་མཛད་པས་ཐུགས་རྗེའི་རྒྱུད་བསྐུལ་བའི་མཐུས་མཚན་བཅས་མཚན་མེད་ཀྱི་སྐྱབས་འཇུག་ཆེད་དུ་བསྟད་པ་རྒྱུན་མར་གནང་ཞིང་། རྗེ་བཙུན་རྡོ་རིང་པོ་ཆེན་པོས་རྗེ་ཉིད་ལ་བལྟོས་པ་ཐམས་ཅད་རྗེས་སུ་འཛིན་པའི་ཞལ་བཞེས་ཡོད་པ་བཞིན་ཐུགས་ཡུས་པའི་རྣམ་པས་གསོལ་བ་རྩེ་གཅིག་ཏུ་བཏབ་པ་ན། ཐུགས་དམ་འོད་གསལ་ཞིག་ལ་རྗེ་བཙུན་གཉིས་སྤངས་ཞབས་བྱོན་ནས་གནས་གསར་བའི་སྡེ་པ་ཁོང་བདག་ཆེན་རྡོ་རྗེ་འཆང་ཡབ་སྲས་ཀྱི་བསྟན་པ་སྟོབས་ཀྱིས་འཛིན་པའི་སྦྱིན་བདག་ཁྱད་པར་ཅན་ཡིན་གཤིས་ཆོས་སྐྱོང་སྲུང་མ་རྣམས་ཀྱིས་ཀྱང་ལུས་དང་གྲིབ་མ་བཞིན་འགྲོགས་ནས་གྲོགས་བྱེད་ཀྱིན་འདུག །འོན་ཀྱང་སྔོན་གྱི་ལས་ཤུགས་ཤིག་གིས་རྒྱ་ནག་གི་མཐའ་འཁོབ་ཏུ་རུ་དྲ་མོ་ཞིག་གི་མངལ་དུ་ཟླ་བ་བདུན་ཙམ་གནས་རྗེས་མ་དེ་ཆོས་སྐྱོང་རྣམས་ཀྱིས་བསྒྲལ་ནས་ཕྱག་ན་རྡོ་རྗེའི་དྲུང་དུ་སྐྱེ་བ་བླངས་ཏེ་དོན་འགྲུབ་པར་མཆིས་མོད། ཁྱེད་ཀྱིས་འབད་རྩོལ་མཛད་ན་ཡུན་ཐུང་ངུ་ཞིག་གིས་ཆོག་པ་འདྲ་གང་ལྟར་དོ་ནུབ་མཇལ་བར་འོང་གསུངས་པ་བཞིན་ཆེད་དུ་ཐུགས་འདུན་བསྟང་པས་ཚེས་བཅོ་ལྔའི་ནུབ་ཨཱ་ཙཪྻ་འདྲས་བརྟེན་ནས་སྡེ་པ་སྔོན་དུས་ཀྱི་སྲིད་པའི་ཆ་བྱད་བཞིན་བྱུང་སྟེ། ཁོ་བོ་ཚེ་འཕོས་རུང་བླ་མ་རྣམས་ཀྱི་ཐུགས་རྗེ་དང་གྲོགས་ཨཱ་ཙཪྻ་འདི་རྣམས་ཀྱིས་བྱས་པས་རྒྱལ་ཁ་བྱུང་། ད་ལྟ་ལྷའི་སྒོམ་བཟླས་དང་གཏོར་བསྔོས་ཀྱང་མ་ཆག་ཕྱག་རྡོར་གྱི་གསལ་འདེབས་ཤིག་དགོས་ཞུ་བ་ལྟར་ཕྱག་འཁྲིད་མཛད། (༩༧བ)

― GLG009_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་ཞག་གསུམ་གྱི་རིང་གསང་བདག་གི་དཀྱིལ་འཁོར་དུ་བཅུག་སྟེ་མཚན་བྱང་ལ་དབང་བསྐུར་ལམ་སྟོན་མཛད་པས་ཞག་འགའ་ཞིག་སོང་བ་ན་འབྲུག་གི་སྒྲ་སྙན་པོ་བྱུང་བའི་རྐྱེན་གྱིས་གཟིགས་པའི་ཚེ་ནོར་བུ་མིག་གསུམ་པ་འོད་ཟེར་འཕྲོ་བས་གཟིམས་ཆུང་གི་ནང་གང་བ་བྱུང་བས་སྡེ་པ་དེ་གནོད་སྦྱིན་བདེ་ལྡན་འོད་ཟེར་ཞེས་འབྲུག་གི་བཞོན་པ་ཅན་གྱི་རྣམ་པར་ལྕང་ལོ་ཅན་དུ་སྐྱེས་ཏེ། དཔལ་གསང་བའི་བདག་པོས་རྗེས་སུ་བཟུང་བས་རྗེ་འདི་ཉིད་ལ་དྲིན་ལན་བསབ་པའི་ཆེད་དུ་ནོར་བུ་ཕུལ་བར་སྣང་། སྡེ་པ་གཤེགས་རྗེས་རྗེ་བླ་མ་བོ་དོང་ནས་མྱུག་ཏུ་ཕེབས་འཇམ་དབྱངས་མཁྱེན་བརྩེའི་དབང་ཕྱུག་གཙོ་བོར་གྱུར་པའི་ཞལ་ངོ་རྣམས་དང་དོན་གཉེར་ཅན་ཉི་ཤུ་སྐོར་ལ་ནཱ་རོ་ཏ་པའི་སློབ་བཤད་ཀྱི་བྱིན་རླབས། རྩ་དབུ་མའི་ཉམས་འཁྲིད་ཟབ་མོ་དང་ཆོས་སྐོར་རྣམས་སྩལ། སེམས་ཉིད་གསལ་སྟོང་གསང་བའི་རྗེ་བཙུན་མ་གཅེར་མཐོང་དུ་ངོ་སྤྲད་པར་བརྟེན། མཁྱེན་བརྩེའི་གསུང་ལས། ཨ་ཧོ་རྒྱལ་ཡུམ་དབང་མོས་མངོན་སུམ་དུ། །དུ་མའི་སྐྱེ་བར་རྗེས་བཟུང་བླ་མ་མཆོག །མཆོག་འདིས་ཟབ་མོའི་ཉེ་ལམ་འདི་བསྟན་ཚེ། །ཚེ་འདིར་མཁའ་སྤྱོད་སྒྲུབ་ལ་ཐེ་ཚོམ་བྲལ། །ཞེས་གསུངས། རིམ་གྱིས་ཤངས་སྲེག་ཤིང་རིན་ཅེན་སྒང་གི་དགོན་པར་སྡེ་པ་གནས་གསར་བས་སྤྱན་དྲངས་པ་བཞིན་ཕེབས། དཔལ་ལྡན་ཆོས་སྐྱོང་གི་ཐུགས་བཅུད་འཇམ་དཔལ་དམར་པོའི་དབང་བྱིན་རླབས། ཟབ་ལམ་སྤྲོས་པ་མེད་པའི་ཉམས་འཁྲིད་ཟབ་མོ་ཤིན་ཏུ་སྨིན་པར་གནང་བས་མཁྱེན་བརྩེའི་གསུང་ལས། དཔེ་ནག་བལྟས་བའི་བཤད་ཡམས་ཙམ་མ་ཡིན་པར་ཐུགས་ཉམས་སུ་ཇི་ལྟར་མྱོང་བ་བཞིན་བསྟན་པས་སེམས་ཀྱི་སྒྲོ་འདོགས་ཐམས་ཅད་དེར་ཆོད། (༩༨ན)

― GLG009_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

སླར་གྲུབ་ཐོབ་ཏུ་བཏགས་པའི་བླུན་པོ་འགའ་རེའི་རྐང་པ་ལ་གཏུག་དགོས་བསམས་པའི་བློ་རྩ་བ་ནས་བུད་ལམ་དང་ལམ་མིན་པའི་ཤན་ཆོད་པ་ཞིག་བྱུང་སྟེ། འཇམ་དཔལ་ཁྲོས་པ་དུས་དགྲའི་དབང་པོ་དེས། །འཇམ་པའི་དབྱངས་ཀྱིས་ཐུགས་བསྟན་འདི་བསྟེན་ཚེ། །འཇམ་དབྱངས་བཞད་པའི་དོན་དུ་ཁོ་བོས་རྟོགས། །འཇམ་དབྱངས་དངོས་སུ་བྱོན་ཀྱང་ཞུ་རྒྱུ་མེད། །ཅེས་གསུངས། རིམ་བཞིན་བསྟན་པའི་སྦྱིན་བདག་ཆེན་པོའི་ཐུགས་ངོ་དང་བསྟུན་འོ་ཡུག་སྡིངས་མར་ཕེབས་ཐུགས་སྲས་མཁྱེན་བརྩེའི་དབང་ཕྱུག་ལ་རྗེ་བཙུན་ཡབ་དང་ཐུན་མོང་བའི་རྩ་དབུ་མའི་འཁྲིད་སོགས་སྩལ། དེ་ནས་རྗེ་བླ་མས་ཀུན་མཁྱེན་མཁྱེན་བརྩེ་ལ་ད་ལོ་ཞ་ལུར་གནས་སྐོར་དང་སྦྲགས་ནས་བྱོན་བུ་ལུགས་ཀྱི་དབང་རྣམས་ཐོབ་ན་མ་ཐོབ་ན་མཛོད། ཆོས་ལུང་དུ་བཞུགས་མཁན་ཁྲི་ཁང་རྗེ་བཙུན་མ་རང་ཁུངས་དག་པས་དེར་ཞུ་བ་དང་རྣམ་སྲས་ཀྱི་དབྱངས་རོལ་འདྲ་ཡང་རྩད་གཅོད་དགོས་པའི་བསླབ་སྟོན་གནང་བ་ནི་ཡབ་སྲས་གཉིས་ཀ་ཞ་ལུའི་མཁན་ཐོག་ཏུ་ཕེབས་པའི་མངོན་མཁྱེན་དུ་མཆིས། རྗེ་འདི་ཉིད་དབུས་ནས་མགྱོགས་འཁོར་ཞིག་མཛད་ནས་ཁྲི་ཁང་དུ་ཕེབས་དུས་རྗེ་མཁྱེན་བརྩེའི་དབང་ཕྱུག་ལ་བདེ་མཆོག་ནག་པོ་པའི་དབང་དང་ཞལ་བཞི་པའི་གསང་འཁྲིད་གནང་། རྗེའི་དྲུང་ནས་ཀྱང་གསེར་དངུལ་སོགས་འབུལ་བ་སྟོབས་ཆེ་བ་བསྟར་རོ། །མང་ཐོས་ནོར་བུའི་གདེངས་ཅན་ཀླུ་ཡི་དབང་། །རིག་པ་སྲིད་སྒྲུབ་མདའ་བཞིན་རབ་དྲང་བས། །རྒྱ་ཆེན་གཞུང་བརྒྱ་སྨྲ་ལ་མཚོ་བྱུང་མ། །སྙིང་ཞུགས་མཁས་དེས་ཁྱོད་ཞབས་གཙུག་ཏུ་བསྟེན། །སློབ་བཤད་ཁྱབ་འཇུག་རྐང་ཏོག་སྣོད་ལྡན་གྱི། རྒྱལ་མཚན་(༩༨བ)

― GLG009_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེར་བཀོད་དགའ་སྟོན་ལ་རོལ་ཀྱང་། །ཐུན་མོང་རྗེས་འབངས་ལྷ་མིན་དོགས་བྲལ་བ། །སྐལ་ལྡན་ཤིང་རྟ་གཉིས་པ་ས་འདིར་སྣང་། ཁྲག་འཐུང་གར་ལ་བཞེངས་པའི་ཞབས་སེན་རྡུལ། །མ་མགོན་མཁའ་འགྲོའི་ཐོར་ཚུགས་རྩེར་འཛེགས་ནས། །བཀའ་རྟགས་རི་མོ་སྡེ་བརྒྱད་གཙུག་འཆར་བ། །རྒྱལ་ཕྲན་འཁོར་སྒྱུར་ལུང་གི་རྗེས་འགྲོ་བཞིན། །འཆི་མེད་ཚེ་བྱིན་བརླབས་པ་གཞོམ་བྲལ་སྐུས། །གསང་བདག་རིག་པ་འཛིན་པ་ནམ་མཁའི་མཚན། །མཁའ་ལ་མཁའ་ཡི་སྦྱོར་བ་ཇི་བཞིན་དུ། །ལག་ན་རྡོ་རྗེའི་འཁོར་ལོར་སྨིན་ཅིང་གྲོལ། །གསོལ་འདེབས་ལས། འདྲེན་པ་མཆོག་གིས་སྔོན་ནས་ལུང་བསྟན་ཅིང་། །ཆོས་སྐྱོང་ལྷ་མོས་གུས་པས་སྤྱན་དྲངས་ཏེ། །དཔལ་ལྡན་ཞ་ལུའི་ཆོས་ཀྱི་གདན་ཁྲི་ལ། །ཞབས་པད་མཛེས་པར་བཀོད་ལ་གསོལ་བ་འདེབས། །དཔལ་ཕུག་རྣམ་པར་གྲོལ་བའི་ཕོ་བྲང་དུ། །སློབ་བཤད་ཟབ་མོའི་ཆོས་ཀྱི་འཁོར་ལོ་བསྐོར། །མཁས་གྲུབ་སློབ་མས་ས་གསུམ་ཀུན་ཁྱབ་སྟེ། །བསྟན་པ་ཉིན་མོར་མཛད་ལ་གསོལ་བ་འདེབས། །ཞེས་སྔར་མཁྱེན་རབ་རིན་པོ་ཆེས་རྗེ་བཙུན་རྡོ་རིང་པ་ཆེན་པོར་ཞ་ལུའི་གདན་ས་མཛད་པ་འཆར་ཤས་ཁ་བས་ངེད་ཀྱི་ཚ་བོ་འདི་ལའང་མགོ་འདོན་ལེགས་པོ་མཛོད་གསུང་བར་བདག་དེ་འདྲ་མི་བྱེད་ཞུས་པས་ཁྱེད་མི་མཛད་ན་ཉིད་ཀྱི་གྲ་པ་ཞིག་ལ་ངེས་པར་འོང་གསུངས་པར་བརྟེན། རྡོ་རིང་རིན་པོ་ཆེས་སྔར་གྱི་ལོ་རྒྱུས་དང་བཅས་བྲག་དཀར་སེམས་དཔའ་ཆེན་པོར་ཁྱེད་མཁན་པོ་མཛད་དགོས་པ་ཡོང་ཤས་ཆེ་གསུངས་པའི་ལན་དུ་བདག་གིས་ཡོང་ཡང་མི་ཡོང་བྱེད་ཀྱང་མི་བྱེད་ཞུས་པས་དེས་ན་ཆོས་རྗེ་ཚར་པས་མཛད་འགྲོ་ཉེན་ཆེ་གསུངས་པ་དང་། (༩༩ན)

― GLG009_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་མཚུངས་རྗེ་ཉིད་ཀྱིས་རྒྱལ་ཡུམ་ཚུལ་ཁྲིམས་བཟང་མོ་མཇལ་བར་ཕེབས་དུས་ཁྱེད་ལ་འདི་མཁོ་བའི་དུས་ཤིག་འོང་ཅིས་ཀྱང་གསན་མཛོད་ཅེས་ལྷ་མོ་རྡོ་རྗེ་རབ་བརྟན་མའི་རྗེས་གནང་ལུང་རྣམས་རྫོགས་པར་སྩལ་བའི་བླ་མ་གཉིས་ཀྱི་ལུང་བསྟན་དུས་བབས་དང་། བུ་སྟོན་རིན་པོ་ཆེ་སླར་ཡང་རང་བསྟན་ལ་བསམས་བཞིན་སྐྱེ་བ་བཞེས་པའི་སྨོན་ལམ་གྱི་མཐུ་བརྟས་ཏེ་ཞ་ལུའི་ཆེན་སློབ་ཐམས་ཅད་མགྲིན་གཅིག་དབྱངས་གཅིག་པའི་ཚུལ་གྱིས་མཁན་པོའི་གསོལ་འདེབས་ལ་ཡོང་བའི་སྔོན་དུ་ནུབ་ཅིག་མནལ་དུ་སོང་ཚུལ་བསྟན་པའི་སྲོད་འཁོར་ལ་བུད་མེད་སྨུག་ནག་འཇིགས་སུ་རུང་བ་མཆེ་བ་གཙིགས་ཤིང་རལ་པ་དམར་སེར་རྟིང་པར་སླེབས་པ་ཞིག་བྱུང་ནས་ཁྱེད་ཀྱིས་ཞ་ལུའི་གདན་ས་མཛད་དགོས་ཟེར་བ་ཞིག་བྱུང་བ་དཔལ་ལྡན་མའི་ཆོ་འཕྲུལ་དུ་འདུག་ཅེས་ཞབས་འབྲིང་བ་འདྲ་ལ་གསུངས། ཐོ་རེངས་ཐོག་ཁ་ནས་རྗེ་ཉིད་ཀྱིས་ཞལ་ཤར་དུ་གཟིགས་ཏེ་དུང་དཀར་པོ་ཞིག་བུས་པ་སྐད་ཤིན་ཏུ་ཆེ་བ་བྱུང་། སང་ཉིན་ཕྱག་ཕྱི་རྣམས་ལ་དེ་རིང་སུ་བྱུང་ཡང་གཏམ་ཁ་མ་ལེན་སོ་མ་སོང་བ་ལས་མེད་ཕེབས་པར་ཅུང་ཟད་སོང་བ་ན་ཁང་རྙིང་སློབ་དཔོན་རྣམ་སྲས། རིན་སྤུངས་བྱམས་པ་བ་སོགས་ཞ་ལུའི་མཁན་པོར་ཕེབས་དགོས་པའི་སྙན་གསན་འབུལ་མི་རྣམས་སླེབས། རྒྱུ་མཚན་གསོལ་བར་ཞལ་གྱིས་མ་བཞེས་པའི་དེ་ནུབ་མནལ་ལམ་དུ་ཀུན་སྤངས་རྗེ་བཞུགས་གདན་དམའ་བ་ལ་ན་བཟའ་ཧྲུལ་ཞིང་ཞལ་མདངས་ངན་པ་ཞིག་བྱས་བཞུགས་ནས་ཁྱེད་ལ་ཞ་ལུའི་གདན་སའི་སྙན་གསན་བྱུང་ངམ་གསུང་བར་བྱུང་ཡང་ཁས་མ་བླངས་གསོལ་བར་སྐྱག་རེ་ལ་ཨ་ངས་ན་ནིང་ནས་ཁྱེད་ལ་བྱས་པ་མིན་པ་ཨེ་ཡིན་གསུང་བ་(༩༩བ)

― GLG009_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་བསྟན་དུ་དགོངས་ནས་མཁན་པོའི་ཞལ་བཞེས་མཛད་པའི་མཚན་ལམ་དུ། རྡོ་རིང་རིན་པོ་ཆེ་སྐུ་མདངས་དང་ན་བཟའ་ལེགས་ཤིང་ཤིན་ཏུ་དགྱེས་པའི་སྟོན་པ་ཞིག་བྱུང་། དེ་ནས་སྲིན་པོ་ཞེས་པ་ཤིང་ཡོས་སོས་ཀྱི་དགའ་སྟོན་ལ་བབས་པ་འཕྲོད་སྦྱོར་དགེ་བའི་དུས་སྐྱ་རགས་ཀྱིས་ཆིབས་བསུ་དང་འདུས་ཚོགས་རྣམས་ཀྱིས་འཕན་གདུགས་རོལ་མོ་སོགས་མཆོད་པའི་ཡོ་བྱད་ཐོགས་པའི་སེར་སྦྲེང་། མཆོད་གར་གྱིས་སྣ་དྲངས་པས་མདུན་བསུས་དཔལ་ཞ་ལུ་གསེར་བཀང་གི་ཆོས་གྲ་ཆེན་པོ་སྙིགས་དུས་ཀྱི་རྒྱལ་བ་གཉིས་པ་བུ་སྟོན་རིན་པོ་ཆེའི་སེང་གེའི་ཁྲིར་ཕེབས། དེའི་ཚེ་ནམ་མཁའ་གཡའ་དག་པ་ལ་མེ་ཏོག་གི་ཆར་འདབ་མ་ལྔ་པས་མཚོན་ལྷ་རྣམས་ཀྱིས་མཆོད་པའི་ཆེད་དུ་ཕབ་ཅིང་། གན་སྤོས་ཀྱི་དྲི་འདྲ་རུང་བ་ལ་ཞིབ་ཏུ་བརྟགས་ན་སྔར་ཚོར་མ་མྱོང་བའི་དྲི་བསུང་གིས་ཁྱབ་པ་སོགས་ངོ་མཚར་བའི་ལྟས་ཕུན་སུམ་ཚོགས་པ་བྱུང་། སྔོན་མཐུ་ཆེན་གངས་པ་ཤཱཀ་འབུམ་གྱི་སློབ་མ་སྔགས་རྙིང་མ་བཀའ་གཏེར་ཐམས་ཅད་ལ་མཁས་ཤིང་གྲུབ་པ་བརྙེས་པའི་གཡུང་སྟོན་རྡོ་རྗེ་དཔལ་ཞེས་གོས་དཀར་ལྕང་ལོའི་འཕྲེང་བ་འཛིན་པའི་སྔགས་འཆང་ཆེན་པོ་དེས་ཕུང་པོ་རི་བོ་ཆེ་ནས་གཏུམ་མོ་དུབ་ཧྲུལ་མའམ། གསར་མ་བ་རྣམས་ཙ་མུཎྚིར་འབོད་པའི་ཞལ་བརྙན་མ་ཧེའི་གདོང་ཅན་ཞིག་གཏེར་ནས་བཞེས་པ་དང་ཆ་འདྲ་བའི་ཡབ་ཀྱི་ཞལ་འབག་ཅིག་ཀྱང་བཟློས་པའི་རྭ་ནང་དུ་ཐམས་ཅད་མཁྱེན་པ་བུ་སྟོན་ཆོས་རྗེས་གསོལ་ཟན་གྱི་ལྷག་ལ་གཤིན་རྗེ་ཕོ་བརྒྱད་མོ་བརྒྱད་ཀྱི་གཟུགས་བརྙན་ཕྱག་བཟོ་མཛད་པ་བཅུག་པས་བྱིན་རླབས་ཤིན་ཏུ་ཆེ་བར་བྱུང་བ། ཡོས་ལོ་ཟླ་བ་བཅུ་གཉིས་པའི་དམར་ཆ་ལ་བསྟན་འགྲོའི་ཕན་བདེ་སྤེལ་བ་དང་(༡༠༠ན)

― GLG009_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་སྦྱོར་ངན་པ་འཆང་བའི་གཟུགས་ཅན་གཟུགས་མེད་རྣམས་ཚར་གཅོད་པའི་ཆེད་དུ་མ་ཧེ་མཆོད་པའི་སྲོལ་བཙུགས། ཐོག་མར་དམ་བཞག་གནང་མཁན་ཆོས་རྗེ་ཐམས་ཅད་མཁྱེན་པ། ཞལ་བརྙན་བཞེས་པ་པོ་སྔགས་འཆང་གཡུང་གིས་མཛད་དེ་འཕྲིན་ལས་རྣམ་བཞི་ཐོགས་མེད་དུ་སྒྲུབ་པའི་དབུ་བཙུགས། དེ་ནས་མཁན་ཐོགས་མང་པོའི་བར་ལོ་སྐོར་རེར་འཆམ་པའི་སྲོལ་རྒྱུན་ཉམས་མེད་དུ་བྱུང་ནའང་བར་སྐབས་སུ་འཚུབ་ཀྱི་རྣམ་པས་ཤངས་མཚལ་ཤོར་བ་ཕྱག་ཞབས་རེངས་པ་རེ་གཉིས་བྱུང་བར་བརྟེན་ལ་ལས་དམོད་ནས་འཐོར་བ་ཙམ་ལས་བཀའ་བསྒོ་མ་མཛད་པས་ནུབ་པར་ཉེ་བའི་ལོ་སྐོར་གཅིག་གཉིས་མ་ཧེ་འཆམ་གྲའང་ཆག་པས་འཆམ་དགོས་པའི་ལྟས་སྣ་ཚོགས་བྱུང་བ་ནས་སྤྱིར་རྗེ་འདི་ཉིད་མཁས་གྲུབ་ཀྱི་སྙན་པ་ཆེ་བར་མ་ཟད་བྱེ་བྲག་མཐུ་སྟོབས་ཀྱི་གྲགས་པ་ཕྱོགས་ཀུན་ཏུ་ཁྱབ་པའི་མཐུན་སྣང་གྲུབ་གཤིས་དེ་དུས་བུ་ལུགས་ཀྱི་ཆོས་རྒྱུན་སྒྲུབ་མཆོད་སོགས་བསྟན་པ་ཉམས་ཆེ་བ་གསོ་བ་དང་ལྷག་པར་མ་ཧེའི་བཀའ་བསྒོ་མཛད་དུ་རེ་བའི་སྔར་གྱི་རྒྱུན་རྣམས་དང་བཅས་བསྟན་པ་སྤྱི་བྱེ་བྲག་གི་འཕེལ་རྒྱས་དང་སྐྱེ་རྒུའི་བདེ་ཐབས་ལ་དགོངས་ཏེ། ཆོས་རྗེ་ཐམས་ཅད་མཁྱེན་པའི་གསང་བའི་ཆོས་སྐྱོང་ལས་ཀྱི་གཤིན་རྗེ་ལ་བཀའ་བསྒོ་བ་གནང་དགོས་ཞེས་ཞུས་པ་བཞིན་ཞལ་གྱིས་འཆེས། དབུས་གཙང་གི་སྡེ་བརྒྱད་གནས་ས་གཉན་པོ་མཐའ་དག་ཏུ་དུས་ཚེས་འདི་ལ་ཤོག་ཅིག་པའི་བརྡ་འགྲེམས་སུ་རླུང་སེམས་ལ་ནང་བྱན་ཆུད་པའི་རྟོགས་ལྡན་སྐད་གཏོང་རྫོང་བདའ་མཛད། དམ་པ་འདི་ཉིད་ལས་ཤུགས་དབང་ཐང་རིམ་གྲོ་སོགས་ལ་རེ་བ་དང་། འཕྲལ་དུ་ཟླ་སྦྲེལ་གྱི་བསྙེན་པ་ཙམ་(༡༠༠བ)

― GLG009_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་ཕན་དུ་རེ་བའི་རིགས་མ་ཡིན་པར་དུས་དགྲའི་དབང་པོ་མ་ཧེའི་ཞལ་ཅན་གྱི་བསྐྱེད་རིམ་ལ་བརྟན་པ་ཐོབ། རྫོགས་རིམ་ཀློང་དུ་གྱུར། བསྙེན་སྒྲུབ་ཕ་མཐར་སོན་པས་འཇིགས་པ་དང་བྲལ་ནའང་གསང་སྔགས་ཕྱག་ལེན་གྱི་ཆེ་བ་མི་ནུབ་པའི་སླད་དུ་བདུན་གཉིས་ཀྱི་བར་ལྗགས་བསྙེན་ཁ་གསོ་མཛད་པའི་ཚེ་འོད་གསལ་དུ་འཆི་བདག་ཡབ་ཡུམ་ལ་གཤིན་རྗེ་ཕོ་བརྒྱད་མོ་བརྒྱད། ལྷ་སྲིན་དྲེགས་པའི་ཚོགས་ཀྱིས་བསྐོར་ནས་ཞ་ལུའི་རྡོ་གཅལ་དུ་སྟང་སྟབས་བྱེད་པ་ཤར། སྤྱི་སྒོས་སོ་སོ་ནས་གྲ་སྒྲིག་དགོས་པའི་རིགས་སྔར་སྲོལ་འཕྱུགས་མེད་ཡོང་བའི་ཞལ་ཏ་གནང་། དུས་དེར་སྤོ་ཡིག་གནང་བ་འདི་ལྟ་སྟེ། ཤྲཱི་མངྒུ་རུ་བཛྲ་བྷཻ་ར་ཝཱ་ཡ་ན་མཿ རྒྱལ་བ་ཁྱབ་བདག་རྡོ་རྗེ་འཆང་ཆེན་པོ་ཉིད་ནས་བཟུང་བུ་སྟོན་ཐམས་ཅད་མཁྱེན་པ་ཡབ་སྲས་ཀྱིས་གཙོ་མཛད་བདག་གི་བླ་མ་རྗེ་བཙུན་གཉིས་སྤངས་ཞབས་ཀྱི་བར་དུ་བྱོན་པའི་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ། ཁྲོ་བོའི་དབང་པོ་དཔལ་གཤིན་རྗེའི་གཤེད་ཀྱི་ལུང་། དཔལ་ཞ་ལུ་གསེར་བཀང་གི་གདན་ས་བཅུ་གསུམ་པ་ཤཱཀྱའི་དགེ་སློང་རྡོ་རྗེ་འཛིན་པ་དཔལ་དུས་དགྲ་ནག་པོ་མ་ཧེའི་ཞལ་གྱི་བརྟུལ་ཞུགས་གྲུབ་པའི་ཡི་གེ །སྲིད་པ་གསུམ་ན་གནས་ཤིང་རྒྱུ་བའི་འབྱུང་པོ་མི་མ་ཡིན་པ་རྣམས་ལ་ཟློ་བ། ཟླ་བ་འདིའི་ཉེར་གསུམ་གྱི་ཉིན་ལྷོ་ཕྱོགས་རིམ་པ་བདུན་གྱི་ས་འོག་འཇིགས་རུང་གཤིན་རྗེའི་གྲོང་ཁྱེར་ཆེན་པོ་ནས་དཔལ་གཤིན་རྗེའི་གཤེད་ཀྱི་བཀའ་སྡོད་ཆེན་པོ་འཆི་བདག་ལས་ཀྱི་གཤིན་རྗེ་ཡབ་ཡུམ་དང་འཁོར་ལས་ཀྱི་མ་གཤིན་ཕོ་མོ་སྣང་སྲིད་ལྷ་སྲིན་སྡེ་བརྒྱད་དང་བཅས་པ་སྤྱན་དྲངས། མཆོད་པ་དང་གཏོར་(༡༠༡ན)

― GLG009_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

མ་དང་བསྟོད་པས་མཉེས་པར་བྱས། དམར་ཆེན་གྱི་ཨརྒྷཾ་དང་རྡོ་རྗེ་བདུད་རྩིའི་མནའ་ཆུ་བླུད། དམ་ཚིག་རྡོ་རྗེ་འབར་བས་དམ་ལ་བཞག་ཅིང་བཀའ་བསྒོས་ཏེ་རྒྱལ་བའི་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པ་དང་། སྐྱེ་རྒུ་སེམས་ཅན་ཡོངས་ཀྱི་བདེ་སྐྱིད་འཕེལ་བར་བྱ་བའི་ཆེད་དང་ཁྱད་པར་ཆོས་གྲ་ཆེན་པོ་འདི་ཉིད་ཀྱིས་གཙོ་བྱས་དགེ་འདུན་གྱི་སྡེ་དང་རྣལ་འབྱོར་འཁོར་བཅས་བདེ་ཞིང་དམ་པའི་ཆོས་སྤྱོད་པའི་འཕྲིན་ལས་འཆོལ་བ་དང་། དེ་དག་ལ་གནོད་ཅིང་བར་དུ་གཅོད་པའི་མི་དང་མི་མ་ཡིན་པ་རྣམས་སྲུང་མ་དམ་ཚིག་ཅན་རྣམས་ཀྱིས་རང་རང་གི་ཁས་བླངས་དང་དམ་ཚིག་རྗེས་སུ་དྲན་པས་མཆོད་གཏོར་གྱིས་ཚིམ་པར་གྱིས་ལ་མཐུ་དང་ནུས་པ་སྟོབས་དང་རྫུ་འཕྲུལ་གང་ཡོད་ཀྱིས་བཅོལ་བའི་འཕྲིན་ལས་སྒྲུབས། འདིར་འདུས་ཤིང་ཚོགས་པའི་མི་རྣམས་ཀྱང་བསམ་སྦྱོར་དགེ་ཞིང་ཞི་བའི་སྒོ་ནས་ངོ་མཚར་གྱི་ལྟད་མོས་ཡིད་ཚིམ་པ་དང་མ་རུངས་པའི་ལས་བྱས་ན་འདི་ལྟ་བུའི་འཕྲིན་ལས་ཀྱི་སྒོ་ནས་ཚར་བཅད་འོང་སྙམ་པའི་སྐྲག་ཤེས་པར་གྱིས། གལ་སྲིད་ཁ་དྲག་ཤེད་ཁྱེར་མི་ཤ་ཁ་མཆུ་གསར་རྙིང་འབྲེལ་བུ་ལོན། གཏེས་གཏིང་འཛིན། སྤྱོད་ངན་གཤིས་ངན་གྱི་སྒོ་ནས་རྒྱ་འདྲེ་འཐབ་རྩོད། གཟིངས་རྐྱེན་བྱས་པ་བྱུང་ན་ཆོས་སྡེ་ཆེན་པོའི་སྤྱི་ས་ནས་ལུགས་གཉིས་དང་མཐུན་པའི་ཚར་གཅོད་ཕྱིས་ལམ་ཁེགས་པ་གཏོར་བ་དང་འཇམ་དཔལ་གཤིན་རྗེའི་གཤེད་ཀྱི་རྣལ་འབྱོར་པ་རབ་ཏུ་ཁྲོས་པས་བཀའ་བསྒོས་ཏེ་གཏེས་པོ་སུ་ཡིན་པ་དེ་འཆི་བདག་གཤིན་རྗེ་ནག་པོའི་ཟས་སྐལ་དུ་སྟེར་བས་ངེས་པ་གྱིས། སོ་སོ་ཐ་དད་ནས་དྲན་འཛིན་དང་བག་ཡོད་ལ་གནས་པ་དགེ་(༡༠༡བ)

― GLG009_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་ཞི་བ་གལ་ཆེ། མེ་ཕོ་འབྲུག་ལོ་ཧོར་ཟླ་བཅུ་གཉིས་པའི་ཚེས་བཅུ་ལ་དཔལ་ཞ་ལུ་གསེར་བཀང་གི་བླ་བྲང་ཆོས་དབྱིངས་བདེ་བ་ཆེན་པོའི་ཕོ་བྲང་ནས་བྲིས། ཞེས་ཟླ་བ་བཅུ་གཉིས་པའི་ཉེར་གསུམ་གྱི་ཉིན་ཐམས་ཅད་མཁྱེན་པ་བུ་སྟོན་རིན་པོ་ཆེའི་བཞུགས་ཁྲིའི་སྟེང་དུ་ཕེབས་པའི་མཐའ་སྐོར་གྱི་ཁྱོན་ཀུན་སྐྱ་སེར་གྱི་ཁྲོམ་ཁྲི་ཕྲག་ཏུ་བརྒལ་བས་བསྐོར། ཞ་ལུ་ཆོས་སྡེ་པ་རྣམས་ཀྱིས་རྡོ་རྗེ་འཇིགས་བྱེད་ཀྱི་སྒོ་ནས་དབྱུ་གུ་དྲུག་ཅུ་རྩ་བཞིའི་ཆོ་ག །ལས་ཀྱི་གཤིན་རྗེར་མཆོད་བཤགས་བསྐང་མདོས་རྒྱས་པར་བསྟར། ལྷོ་ཕྱོགས་ན་ས་འོག་རིམ་པ་བདུན་གྱི་རྣམ་པའི་ཁང་པ་ནས་འཆི་བདག་ལས་ཀྱི་གཤིན་རྗེ་ཡབ་ཡུམ་ལ་འཁོར་ལྷ་སྲིན་སྡེ་བརྒྱད་ཀྱི་འབག་ཆས་གོས་ཀྱི་ཁ་དོག་རྣམ་པ་སྣ་ཚོགས་པ་འགྲོས་ཀྱི་རྐང་གྲངས་ཀྱི་ངེས་བཟུང་མེད་པའི་ཡིད་ལ་གང་ཤར་གྱི་འཆམས་སྟབས་དང་། ངག་ནས་ཀི་སྒྲ་བསོ་སྒྲ་སོགས་སྒྲ་སྣ་ཚོགས་སྒྲོག་པས་ཕལ་ཆེར་རྣམ་རྟོག་དང་ཡ་ང་བའི་གནས་སུ་འགོད་པའི་གཙོ་འཁོར་དེ་རྣམས་སྦུག་སིལ་རྔ་དུང་ཆེན་གྱིས་གཙོས་པའི་རོལ་མོ་གནམ་ས་འགས་པ་ལྟ་བུས་ཡར་སྤྱན་དྲངས་ཏེ་ཁྱམས་རར་འཁོར་ལུགས་སྔར་སྲོལ་ཇི་ལྟ་བ་ལ། རྗེ་བླ་མའི་དྲུང་དུ་ཁད་ཉེར་སླེབས་པའི་ཚེ་ཤེས་པ་རང་བཞིན་དུ་གནས་པའི་མིས་འབག་ཕོད་གྱོན་པར་ཁུ་འཁྲིས་ཡོང་དོན་མི་འདུག་རུང་ཞལ་བརྙན་གྱི་ཡེ་ཤེས་པའི་ནུས་པ་འཇུག་གི་ཡོད་པ་ཞིག་ཡིན་ནམ་རྗེའི་དྲུང་དུ་འགྲོ་བ་ལ་འཇིགས་པ་ལྟ་བུའི་འགྲོ་མ་ནུས་པར་ཚོ་འཐེན་བྱས་པའི་ངང་ནས་རིམ་གྱིས་འོངས་ཏེ་མགོ་བོས་བཏུད་པ་ན། འཇམ་དཔལ་དྲག་པོར་ཁྲོས་པའི་ང་རྒྱལ་དཔའ་གདེངས་ནང་དུ་ཤར་བའི་ཕྱི་རོལ་ཏུ་སྐུ་མདངས་དམར་སྨུག་ཏུ་འགྱུར། གདུང་ཤུགས་དྲག་(༡༠༢ན)

― GLG009_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

པོས་རྩ་བརྒྱུད་བླ་མའི་མཚན་ནས་བརྗོད་པ་སོགས་བཀའ་བསྒོ་བའི་ཚིག་རྣམས་ཁྲོམ་པ་ཀུན་གྱི་རྣ་བའི་ཡུལ་དུ་ཐོས་པ་དང་ཆབས་ཅིག་པར་གཙུག་ཏུ་རྡོ་རྗེ་དང་ལྕེ་ཐོག་ཏུ་བདུད་རྩི་བཞག་ནས་བསྟན་འགྲོའི་ཕན་བདེ་སྤེལ་ཞིང་། གཟུགས་ཅན་དགྲ་དང་གཟུགས་མེད་ཀྱི་བགེགས་དཔུང་ཐམས་ཅད་ཚར་གཅོད་པ་སོགས་འཕྲིན་ལས་རྣམ་བཞི་སྒྲུབ་པའི་དམ་བསྒྲག་མཛད་པའི་ཚེ་ཡེ་ཤེས་ཀྱི་ཁྲོ་བོའི་གཟི་བྱིན་དང་སྡེ་བརྒྱད་ཀྱི་འཚུབ་ལྷོངས་ཀྱིས་དེར་འཁོད་ཐམས་ཅད་འཇིགས་ཤིང་སྐྱི་གཡའ་བར་གྱུར། བཀའ་བསྒོ་གྲུབ་མཚམས་ནང་དུ་འཁོད་པའི་དད་ལྡན་རྣམས་ནི་གངས་རི་ལ་ཟླ་བ་ཤར་བས་དཀར་བ་བཞིན་སྔར་བས་ཀྱང་གུས་པ་ཆེས་ཆེར་འཕེལ། ཀུན་མཁྱེན་བུ་སྟོན་ཞབས་དང་རྗེ་བཙུན་ཁའུ་པའི་རིང་ལུགས་ལ་སྙིང་ནས་སྨོད་ཅིང་འཚེ་བ་དག་འཆི་བདག་གཤིན་རྗེའི་དམར་ཟས་སུ་བསྟབ་སོང་སྙམ་པའི་ཡིད་ཁོང་དུ་ཆུད། བཟང་ངན་དང་བྲལ་བའི་བཏང་སྙོམས་ཅན་རྣམས་དང་ཚོད་བགམ་པར་བྱེད་པ་རྣམས་ནི་ཚར་པ་ཆོས་རྗེ་ཁོང་ལས་ཤུགས་ཀྱི་དབང་ཐང་དང་རྫས་བསོད་ཅན་མིན་འདུག་ཀྱང་ཡི་དམ་གྱི་ལྷའི་གནང་བ་ཐོབ་ཅིང་སྔགས་སྨྱོན་བགྲངས་པའི་ནུས་ཅན་ཞིག་གོ་ཞེས་ཅ་ཅོའི་སྒྲ་དིར་དིར་དུ་གླེངས། ལས་ཀྱི་གཤིན་རྗེའི་གཏོར་མ་བསྟན་དགྲ་གང་ཡོད་ཀྱི་ཕྱོགས་སུ་འཕངས་ཤིང་སྡེ་བརྒྱད་རྣམས་ཀྱང་དངོས་བཤམས་ཡིད་ཀྱིས་སྤྲུལ་པའི་ཚོགས་ཀྱི་འཁོར་ལོས་ཚིམ་ནས་བཀའ་བཞིན་སྒྲུབ་པའི་ཡི་དམ་བརྟན་པོས་སོ་སོའི་གནས་སུ་དེངས་དངོས་གཞི་ཁྲོམ་མི་འཇམ་པ་སོགས་མ་བྱུང་ནའང་ཞག་ཁོངས་དེར་ཞ་ལུ་བར་ཤིན་ཏུ་གནག་པའི་བསྟན་དགྲ་ཞིག་ཁྲག་སྐྱུགས་པའི་(༡༠༢བ)

― GLG009_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

རྐྱེན་གྱིས་དུས་ཀྱི་ཕོ་ཉའི་དབང་དུ་སོང་། རྣམ་སྲས་མཆོད་པ་སོགས་རྒྱས་པར་མཛད། མེ་འབྲུག་ལོ་ནག་པ་ཟླ་བར་ཀུན་མཁྱེན་མཁྱེན་བརྩེའི་ཞབས། ཁྱབ་བདག་བོད་མཁར་བ་ཆེན་པོ། མཁྱེན་རབ་ཆོས་རྗེའི་དབོན་པོ་སོགས་གྲ་པ་ཉིས་བརྒྱ་ལྷག་པ་ལ་འཇམ་དཔལ་གཤིན་རྗེ་གཤེད་དམར་པོ་ལྷ་ལྔའི་དབང་ཆ་དགུ་ཙམ་དང་། སྤྲོས་མེད་ཀྱི་འཁྲིད་སོགས་སོ་སོའི་བློ་དང་འཚམ་པའི་དབང་རྗེས་གནང་ལུང་མན་ངག་རྒྱ་ཆེར་སྩལ། སྒྲུབ་མཆོད་ཆེན་མོའི་ཚོགས་དབུར་ཕེབས་པའི་གུང་གསེང་ཞིག་ལ་ཆོས་རྗེ་ཐམས་ཅད་མཁྱེན་པའི་སྐུ་འདྲའི་དྲུང་དུ་གཅིག་པུར་བཞུགས་ཏེ་གདུང་ཤུགས་དྲག་པོའི་གསོལ་འདེབས་མཛད་པས་སྐུ་དེ་གཟི་མདངས་ཇེ་ཆེར་རྒྱས་ཤིང་སྐུའི་ཆ་ཤས་ཐམས་ཅད་ལས་འོད་ཟེར་སྣ་ལྔ་འཕྲོས་ནས་བར་སྣང་ཁྱབ་པ་དང་སླར་ཚུར་འདུས་ལ་ལ་རྗེ་ཉིད་ཀྱི་སྐུ་ལ་ཐིམ། ལ་ལ་སྐུ་འདྲ་རང་ལ་ཐིམ་པའི་ཐུགས་ཉམས་ཤར། མི་རིང་བར་སྤྲུལ་སྐུ་བདེ་བསམ་པས་གཟིགས་སྣང་ཇི་ལྟར་བྱུང་བའི་སྐུ་ཞིག་ཀྱང་ཐུགས་དམ་རྟེན་ལ་བཞེང་དུ་བཅུག །རི་མཐིལ་གྱི་སྒྲིགས་ཀུན་སྤྱོད་སྒྲུབ་མཆོད་ཆེ་ཆུང་སོགས་ཆོས་རྗེ་ཐམས་ཅད་མཁྱེན་པའི་དུས་ཀྱི་སྲོལ་རྒྱུན་ཉམས་པ་རྣམས་གསོས་ཏེ་བསྟན་པ་རིན་པོ་ཆེ་ཉིན་མོ་ལྟར་གསལ་བར་མཛད། རེ་ཞིག་སྟོད་ཕྱོགས་སུ་ཕེབས་གྲང་མོ་ཆེ་དང་རྨུ་གཤོང་དུ་རྒྱང་ཙམ་སྟན་ཆགས་ནས་ཞ་ལུར་ཕེབས་སྐབས་ཤིག་ལྷ་མོ་རྡོ་རྗེ་རབ་བརྟན་མའི་གཏོར་མ་ཞལ་བསྒྱུར་བ་སོགས་དཔལ་ལྡན་མ་འདིས་འཕྲིན་ལས་ཐམས་ཅད་སྒྲུབ་པའི་དགྱེས་མཚན་གསལ་བར་བསྟན། མེ་སྦྲུལ་ཟླ་བ་དང་པོའི་ནང་དུ་ཐམས་ཅད་མཁྱེན་པ་མཁྱེན་བརྩེའི་ཞབས་ཀྱིས་གཙོས་ཕྱོགས་འདུས་ཀྱི་སློབ་མ་མང་དུ་བྱོན། རི་ཕུག་ཆོས་ཀྱི་ཕོ་(༡༠༣ན)

― GLG009_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

བྲང་ཆེན་པོར་གསུང་ངག་རིན་པོ་ཆེ་སློབ་བཤད་ཡོངས་རྫོགས་གནང་བར་ཀུན་མཁྱེན་མཁྱེན་བརྩེས་ཁའུ་བྲག་རྫོང་པའི་བཞེད་པ་མ་ནོར་བ་གསང་ཆེན་བསྟན་པ་རྒྱས་བྱེད་ཅེས་བྱ་བ་བུམ་དབང་གི་རྨི་ལམ་ཡན་ཆད་ཀྱི་ཟིན་བྲིས་ཡིད་བཞིན་གྱི་ནོར་བུ་ལྟ་བུ་ཞིག་མཛད། ཟླ་བ་བཞི་པ་ནས་དོན་གཉེར་ཅན་དུ་མ་ལ་དཔལ་གསང་བ་འདུས་པ་མི་བསྐྱོད་རྡོ་རྗེའི་རིམ་ལྔའི་འཁྲིད་སོགས་བུ་ལུགས་ཀྱི་འཁྲིད་ཆེན་བཞི་དང་འཁྲིད་ཆུང་བཞི་རྣམས་ཀྱི་ཉམས་འཁྲིད་རིམ་བཞིན་ཆོས་ཐུན་གསུམ་དུ་བཅད་དེ་སོ་སོའི་རྒྱབ་རྟེན་གྱི་ལུང་བཅས་སྨིན་རྒྱས་དང་། གཞན་ཡང་མདོ་སྔགས་ཀྱི་ཟབ་ཆོས་ཇི་སྙེད་ཅིག་སྩལ། དེ་ཡང་རིམ་ལྔ་གནང་གདོང་དབང་མ་ཐོབ་པ་ཁ་ཡར་བྱུང་བར་སྨིན་བྱེད་མེད་ཁ་མེད་ནས་རྗེ་བླ་མ་བཀའ་ཆོས་གཞན་གནང་བའི་ཐུགས་བྲེལ་གྱིས་གཡེངས་ནས་གནང་ལོང་མ་བྱུང་བར་ཀུན་མཁྱེན་མཁྱེན་བརྩེ་ལ་ཁྱེད་ཀྱིས་གཞན་མའི་རྒྱས་བཀབ་སོགས་འདྲེས་བསླད་མེད་པའི་བུ་སྟོན་ཐམས་ཅད་མཁྱེན་པའི་ཡིག་ཆ་སོར་བཞག་གི་དབང་ཞིག་བསྐུར་མཛོད་བཀའ་ཕེབས་པ་བཞིན་ཐུན་མཚམས་ཀྱི་དགོང་མོ་བཞི་ཙམ་ཞིག་མར་མེ་ལ་གཟིགས་འཇུག་མཛད་དེ་རྡུལ་ཚོན་གྱི་དཀྱིལ་འཁོར་དུ་དབང་ཆ་གཉིས་གསུང་བཞིན་བསྒྲུབས། ཞ་ལུ་པའི་ཕ་ཆོས་བདེ་ཆེན་རལ་གཅིག་གི་སྨིན་གྲོལ་གཉིས་བར་ཞིག་ནས་ཡ་བྲལ་ཏེ་རྗེ་བླ་མས་གྲོལ་བྱེད་མ་གཏོགས་སྨིན་བྱེད་མ་གསན་པ་མཁྱེན་བརྩེའི་ཞབས་ཀྱིས་མཆོག་སྤྲུལ་ལེགས་ལྡན་རྡོ་རྗེར་གསན་ཞིང་། འདི་གཉན་ཆ་ཆེ་གྲགས་ཀྱིས་མང་པོར་སྤེལ་བ་མཛད་རུང་འདི་དུས་རྗེ་ཉིད་ཀྱིས་ད་ལམ་ངས་བཀའ་རྒྱ་བཀྲོལ་བ་ཡིན་པས་འཚུབ་མི་ཡོང་བསྟན་རྒྱུན་ལ་(༡༠༣བ)

― GLG009_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་ནས་ཅིས་ཀྱང་མཛོད་ཅེས་གསུང་བ་ལྟར་དབང་ཆ་གསུམ་ལ་བདེ་ཆེན་རལ་གཅིག་ལྷ་ཉེར་ལྔའི་དབང་བཞི། གཞན་དོན་ནུས་པ་ཁ་ཤས་ལ་བྱིན་རླབས་གཉིས་དང་བདག་པོ་ཆེན་པོའི་དབང་ཡང་གནང་བར་བརྟེན་ཆོས་འདི་སྣུམ་ཟད་ཀྱི་མར་མེ་ལྟ་བུའི་སྲོག་མཐུད་པའང་ཚར་ཆེན་བླ་མ་ཉིད་ཀྱིས་བཀའ་དྲིན་ཁོ་ནར་སེམས་ཤིང་། རྗེས་སུ་གལ་ཆུང་ཆོས་ལ་བྱས་པའི་རྒྱུན་ནུབ་པར་ཉེ་ནའང་མཁྱེན་བརྩེའི་ཞབས་ཀྱིས་གསན་སྐབས་རིགས་འཛིན་ཆེན་པོའི་མཆོད་དཔོན་བླ་མ་ཨོ་རྒྱན་རྒྱལ་པོ་ཡོད་འདུག་པ་ནས་དབང་ལུང་གཉིས་ཀ་གོང་དཀར་ཕྱོགས་སུ་མེ་སྟག་ཙམ་ཞིག་བྱུང་མོད། ལ་ལར་སྤང་གི་ཤ་མོ་རྡོལ་བ་ལྟ་བུ་ནི་གང་ཡིན་མ་ཤེས། རྗེ་བླ་མས་ཡོས་ལོ་ནས་བཟུང་ལོ་གསུམ་གྱི་བར་གདན་ས་མཛད་ནས་ཀུན་སྤངས་ཀྱི་དགོངས་པ་བསྟོད་པའང་ཐམས་ཅད་མཁྱེན་པ་བུ་སྟོན་རིན་པོ་ཆེ་སྐུ་ན་བགྲེས་སོང་བའི་སྐབས་ཞ་ལུའི་གདན་ས་མི་མཛད་གསུང་བའི་བཀའ་ཕེབས་པས་ཞ་ལུ་བ་རྣམས་ཀྱིས་ནན་ཆེར་ཞུས་པའི་ཚེ་འོ་ན་ལོ་དྲུག་ཙམ་བྱ་ཡི་ཞེས་ཞལ་གྱིས་བཞེས་ནས་གསུམ་སོང་མཚམས་སུ་འཇོག་པ་གནང་བའི་ཚེ་ཞལ་བཞེས་ཀྱི་ལོ་མ་ཐེངས་ཚུལ་ཞུས་པའི་ལན་དུ་སླར་ལོ་གསུམ་བྱེད་གནང་བ་སྐུ་ཚེ་རྟིང་མ་ཞིག་ལ་དགོངས་པའི་ཞལ་བཞེས་གྲུབ་པ་དང་། སྔར་མཁན་ཆེན་ཐམས་ཅད་མཁྱེན་པའི་བཀའ་ལས། གནས་གསར་ཆོས་རྗེ་ཉིད་བུ་ལུགས་ཀྱི་ཆོས་སྐོར་གསན་པ་དང་ཆོ་ག་ཕྱག་ལེན་གདངས་དབྱངས་ཚུན་ལ་བསླབ་སྦྱང་ཞིབ་མོ་དགོས་པའི་རྒྱུ་མཚན་ཕེབས་པའང་མཁན་ཐོག་ཏུ་འབྱོན་དགོས་པར་དགོངས་པའི་ཡེ་ཤེས་ཀྱི་གཟིགས་པ་གསལ་འགྲིབ་མེད་པའི་ཐོག་ཏུ་བབས་པས་ཞ་ལུའི་ཆེན་སློབ་སོགས་ཟ་རིགས་སྦྱིན་བདག་ཀུན་མཁན་ཆེན་(༡༠༤ན)

― GLG009_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་མཁྱེན་པས་ཟུར་བཞུགས་གནང་ཕྱིན་ཆོས་རྗེ་གནས་གསར་བ་ལས་འོས་པ་གཞན་མེད་དོ་ཞེས་མགྲིན་གཅིག་དབྱངས་གཅིག་ཏུ་གླེངས་ཏེ། སྡེ་སྲིད་རིན་ཅེན་སྤུངས་པ་ལ་སྙན་འབུལ་འཕུལ་བ་ལའང་ཤིན་ཏུ་ལེགས་པའི་དགོངས་བསྟད་བཟང་པོའི་བདེ་ཁྲོལ་དང་། གཙོ་བོར་རྗེ་ཉིད་ཀྱི་ཐུགས་རྗེའི་གཟིགས་པ་ལྷོད་པ་མེད་པ་སོགས་རྒྱུ་རྐྱེན་རྣམས་འཛོམ་པར་བརྟེན་ཞ་ལུ་སྤྱི་སོས་མཁན་པོའི་སྙན་གསན་ཕུལ་བར། རྗེ་བླ་མའི་དགོངས་བསྟད་དང་བཅས་བཟློག་མ་བདེ་བར་ལོ་གཅིག་གི་ཞལ་ལེན་གནང་བ་ན་རྗེ་ཉིད་ཀྱིས་ངས་ལོ་གསུམ་ཁྱེད་ཀྱིས་ལོ་གཅིག་མཛད་ན་སྡེ་དགོན་ཚོས་ཕྱག་རྟེན་ཡང་མི་འབྱོར་བས་གསུམ་ངེས་པར་མཛོད། དེ་ནས་མཛད་བདེའི་བབས་ལ་གཟིགས་ཆོག །དགོན་སྦག་སྦུག་གཞན་གྱི་བླ་མའི་དོད་མིན་ཆོས་འཇིག་རྟེན་ག་ནས་ཀྱང་རྣམ་གཞག་རྒྱ་ཆེན་པོའི་སློབ་ཐེབས་ཡོད་ཚུལ་ཕེབས་པ་ལྟར་ཆུ་སྟོད་ཟླ་བའི་ཚེས་གཅིག་རྒྱལ་ཕུར་གྱི་འགྲུབ་སྦྱོར་དུས་མ་ཕམ་མགོན་པོ་རིན་ཅེན་གྲུབ་ཀྱི་གདན་སར་བསྐོ་བ་གནང་བར། སྡེ་སྲིད་རིན་སྤུངས་པའི་བསྐོ་འཇའ་ཁྲི་སྟོན་ཞ་ལུའི་ཆེན་སློབ་དགེ་འདུན་ཡོན་བདག་གཞན་ཡང་ཕྱོགས་ཀྱི་སྡེ་ཕྲན་གྱིས་མཚོན་པའི་བདོག་པ་རྒྱ་ཆེན་པོ་སྤེལ། ཁྱད་པར་མཁན་ཆེན་ཐམས་ཅད་མཁྱེན་པས་བེར་ཟླམ་དབུ་ཞྭ་སོགས་ཀྱི་གནང་སྦྱིན། དཔོན་སློབ་ཚང་མར་འཕྲལ་ཡུན་དུ་དགེ་བའི་བསླབ་བྱ། བཀྲ་ཤིས་མེ་ཏོག་གི་ཆར་ཆེན་པོ་ཕབ། ཆོས་རྗེ་གདན་ས་པས་དཔལ་དུས་ཀྱི་འཁོར་ལོའི་དབང་ཆ་གཉིས་དང་སྦྱོར་དྲུག་གི་འཁྲིད་ཅིག་མཛད། ཡབ་སྲས་ལྷན་རྒྱས་སྡེ་པ་གནས་གསར་བས་མྱུག་ཏུ་བྲོ་གཞས་རྩེད་སྣ་བསུ་བ་སེར་སྦྲེང་གི་བཀོད་(༡༠༤བ)

― GLG009_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་བཅས་གདན་དྲངས་རྙེད་བཀུར་གྱ་ནོམ་པ་བསྟབས། དཔལ་ཕུག་རྣམ་པར་གྲོལ་བའི་རི་ཁྲོད་དུ་ཟླ་བ་བདུན་ཙམ་གྱི་རིང་རྗེ་འདི་ཉིད་ཀྱིས་ཀུན་མཁྱེན་མཁྱེན་བརྩེའི་ཞབས། མཁན་ཆེན་བསླབ་གསུམ་རྒྱལ་མཚན། སྔགས་འཆང་བསོད་ནམས་ཆོས་འཕེལ་སོགས་དཔོན་སློབ་བཅོ་བརྒྱད་ཙམ་ལ་གསུང་ངག་སློབ་བཤད་ཤིན་ཏུ་སྨིན་པ་གནང་། སྔར་མཁྱེན་བརྩེའི་མནལ་ལྟས་ལ་དཔལ་ཕུག་ཏུ་ཕ་བླ་མས་གསུང་ངག་བསྐྱར་ནས་གནང་རྒྱུའི་སྐོར་ཡང་འདིའི་ལུང་བསྟན་དུ་མཆིས། ལམ་འབྲས་ཀྱི་མཇུག་ཏུ་དམར་པོ་སྐོར་གསུམ་མགོན་པོ་ཆེ་ཆུང་སོགས་ཀྱི་རྗེས་གནང་ལུང་འཁྲིད་ཡང་བསྐྱར་དང་ཤངས་པ་དུ་གུ་བའི་གསེར་ཆོས་ཀྱི་ཕྱེད་ཙམ་གནང་། ཆོས་རྣམས་གེགས་མེད་དུ་གྲུབ་པའི་གཏང་རག་ཡང་སྟེང་དུ་མཛད་པའི་ཚེ་མདུན་གྱི་ནམ་མཁར་སྤྲིན་དུམ་ཆད་ཅིག་གི་སྟེང་ན་མགོན་པོ་ཐོག་ཚད་ཙམ་གྱི་ཞལ་ནས་ཧ་ཧ་དང་ཧཱུྃ་ཧཱུྃ་གི་སྒྲ་ལ་ཆོས་འདིའི་བདག་པོ་སྔར་ཡང་ང་རང་གིས་བྱས་པས་ད་དུང་ཡང་ང་རང་གིས་བྱེད་ཟེར་བ་གསལ་བར་གསན། རྗེ་ཉིད་ཟབ་བུར་ཕེབས་པའི་ལམ་ཞོར་དུ་རྗེ་མཁྱེན་བརྩེས་འོ་ཡུག་ཏུ་གདན་དྲངས་ནས་སྲི་ཞུ་རྒྱ་ཆེར་མཛད། མྱུག་ཏུ་ཤངས་ཆོས་ཀྱི་འཕྲོ་དང་སྒྲུབ་ཐབས་རྒྱ་མཚོ་རྒྱལ་ཁང་དུ་སྒྲོལ་དཀར་གྱི་ཚེ་འཁྲིད་སོགས་ཐུགས་སྲས་མཁྱེན་བརྩེའི་བཞེད་པ་བཀང་ནས་སྟོད་དུ་ཕེབས། ས་རྟའི་དབྱར་ཡབ་ཚན་འཕན་ཡུལ་ཨོ་རྒྱན་གཞིས་ཀ་བས་གདན་དྲངས་ཏེ་ཕེབས། ལམ་ཞོར་ངུར་སྨྲིག་གི་གཙུག་ལག་ཁང་དུ་རྗེ་བཙུན་སྒྲོལ་མ་མཇལ་བ་གནང་སྟེ་དེར་བཞུགས་སྐབས་དག་སྣང་ལ་བུད་མེད་མང་པོ་རྟེན་མཇལ་གྱིན་འདུག་པའི་ཁྲོད་ན་མིག་གསུམ་ཡོད་པའི་བུད་མེད་ཅིག་གཟིགས་གསུང་བ་(༡༠༥ན)

― GLG009_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

རྫུ་བག་ཙམ་ལས་འཕགས་མས་དངོས་སུ་བྱིན་གྱིས་བརླབས་པར་གདོན་མི་ཟ། རིམ་གྱིས་ཕེབས་པའི་བཞུགས་མཚེར་རྒྱལ་ས་ཤིན་ཏུ་ཆེ་བ་ཞིག་ཏུ་གནས་མལ་མཛད་པའི་ནམ་ཕྱེད་ཙམ་ལ་འབྱུང་པོ་དེས་གླགས་ལྟ་བར་རྩོམ་པ་ན་གཏུམ་དྲག་འབར་བའི་ཏིང་ངེ་འཛིན་གྱི་མེས་མཐའི་རྒྱ་མཚོའི་ཕ་རོལ་དུ་བསྐྲད་པ་ན་ཕྱིས་མི་ཚད་དེ་ལ་འགོང་པོའི་འཚེ་བ་ཡེ་མ་བྱུང་བར་གདའ། འཕན་ཡུལ་ཨོ་རྒྱན་གཞིས་ཀར་བཞུགས་སྐབས་ཐམས་ཅད་མཁྱེན་པ་བསོད་ནམས་རྒྱ་མཚོ་ཧོར་བར་ཏ་ཀརྨ་དཔལ་གྱིས་རོང་པོ་འདམ་དུ་གདན་འདྲེན་ཞུས་པའི་ཕེབས་ལམ་དུ་སྡེ་པ་ཨོ་རྒྱན་གཞིས་ཀ་བས་གདན་དྲངས་པ་དང་འགྲིག་རྗེ་ཉིད་ཀྱིས་ངེད་ཐམས་ཅད་མཁྱེན་པ་དགེ་འདུ་རྒྱ་མཚོའི་ཞལ་སློབ་ཡིན་པས་རྟེན་འབྲེལ་ལེགས་གསུངས་ནས་ཐམས་ཅད་མཁྱེན་པ་ལ་བླ་མའི་རྣལ་འབྱོར་གྱི་ཆོས་འབྲེལ་གསན། ཐམས་ཅད་མཁྱེན་པས་གུར་མགོན་གྱི་རྗེས་གནང་ཞུ་བ་མཛད་པས་ཁའུ་བྲག་རྫོང་པའི་ཟབ་ཆོས་ཐུགས་ཉམས་སུ་བསྟར་བའི་རྟེན་འབྲེལ་གྱི་སྒོ་ཐོག་མར་འགྲིག །སླར་རིན་པོ་ཆེ་བོད་མཁར་ནས་ལ་གསུང་ངག་ཙམ་མ་གཏོགས་སྙན་བརྒྱུད་ཕལ་ཆེར་གསན་ཅིང་ནཱ་རོ་མཁའ་སྤྱོད་དང་རིག་བྱེད་མ་མགོན་པོ་ཆེ་ཆུང་སོགས་ལ་ཉམས་བཞེས་ཤིན་ཏུ་སྨིན་པར་གནང་། ནཱ་ལེནྡྲའི་ཁམས་པ་བླ་མ་སྡོར་དཀར་བ་སོགས་དོན་གཉེར་ཅན་ཉི་ཤུ་སྐོར་ལ་བདེ་མཆོག་ལོ་ནག་དྲིལ་གསུམ་གྱི་དབང་། དཔྱིད་ཐིག་ནག་པོ་རིམ་བཞི། རིམ་ལྔ་རྣམས་ཀྱི་ཉམས་འཁྲིད། རྩ་རྒྱུད་ཀྱི་བཤད་པ། ནེ་གུ་ཆོས་དྲུག་གི་དབང་འཁྲིད་བྱིན་རླབས་ལུང་སོགས་ཟབ་ཆོས་མང་དུ་གསུངས། ཕྱོགས་དེར་འགྲོ་དོན་འཕྲིན་ལས་ཀྱི་འུར་ཆེར་ལངས་པའི་ངང་ནས་གཙང་དུ་ཕེབས་པའི་ལམ་གཡུང་མདའ་མཁར་གྱི་(༡༠༥བ)

― GLG009_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

གཡབས་སྟེང་དུ་བཞུགས། མཆོད་དཔོན་གྱིས་ཐུགས་དམ་གཏོར་མ་བཤམས་ཕྱག་དྲིལ་སོགས་ཕུལ་ཡང་སྤྱན་མཁའ་རེག་ཤར་གྱི་རི་རྩེ་ལ་ཟིམ་མེ་བཞུགས་པ་ལས་གཏོར་བསྔོས་མི་གནང་འདུག་པ་སྐབས་མཚམས་ཤིག་ནས་ཞབས་བསྐུལ་ཞུས་པར་བསྡུས་པ་ཞིག་མཛད། གསོལ་བ་ཞུས་པས་ཀྱང་ཅུང་ཟད་ཙམ་ལས་མི་བཞེས་པར་སྔར་ལྟར་བཞུགས། དེ་བར་ཕྱག་གཡོག་བྱིངས་ཁལ་བཀལ་ནས་སྔོན་ལ་སོང་གསོལ་དཔོན་བློ་གསལ་ཅན་ལ་ད་དུང་ཇ་སྐོལ་གསུང་གསོལ་ཇ་སྦྱོར་གཉིས་ཙམ་གྱི་བར་བཞུགས་ནས་ཕེབས། དེའི་ཚེ་ཇོ་མོ་མཁའ་རེག་གི་གངས་རིའི་རྩེར་སྤྲིན་དཀར་པོ་ཆེན་པོ་ཞིག་ལྷོ་ཕྱོགས་སུ་སྐྱེས་བྱུང་བའི་སྟེང་ནས་ཨོ་རྒྱན་རིན་པོ་ཆེ་སྐུ་མི་ཚད་ལས་ཅུང་ཆེ་བ་ཟ་ཧོར་གྱི་སྐུ་ཆས་སྤྲད་པ་ན་བཟའི་གོང་ལེན་ལ་སྟག་ལྤགས་གསར་པའི་མུ་འགྲིལ་ཡོད་པ། ཕྱག་གཡས་ན་གསེར་གྱི་རྡོ་རྗེ་དང་གཡོན་ན་ཀ་པཱ་ལ་བདུད་རྩིས་གང་བ་བསྣམས་པ་ཞབས་རྡོ་རྗེ་སྐྱིལ་ཀྲུང་དུ་བཞུགས་པ་གསལ་བར་གཟིགས་ནས་རིམ་བཞིན་བསྟི་གནས་སུ་ཕེབས་སོ། །གཉིས་སྤངས་བླ་མའི་ལུང་བཞིན་བུ་སྟོན་རྗེའི། །སེང་ཁྲིར་ཕེབས་ལ་འདོད་ཁམས་དབང་མོ་ཡིས། །ཉེར་བསྐུལ་སྲིད་མཐར་བསྟན་པ་འཕེལ་བའི་སྒྲ། །རབ་དཀར་བཀྲ་ཤིས་གཡས་འཁྱིལ་དུང་ལས་སྒྲོག །འཇིག་རྟེན་གསུམ་དབང་ལྷ་ཆེན་ཉི་མའི་བུས། །རྡོ་རྗེའི་རྭ་རྩེ་སྤུ་གྲི་ལྟར་རྣོ་བ། ཁྱོད་དྲུང་པད་འདབ་རྗེས་འགྲོའི་འཇམ་མཉེན་གྱི། །རེག་བྱར་ལྟ་ལ་མཁའ་ངོས་རྒྱུ་སྐར་འཁྲིགས། །མཁན་གཟུགས་ལྷ་གྲལ་སྒྲིག་པའི་ལས་དབང་བཅུད། །མྱངས་པས་སྲོག་ལྡན་སྦྱིན་སྐྱེས་མཆེད་མིན་པ། །ལྷ་སྔགས་ཡེ་ཤེས་གསེར་སྒོང་མངལ་འཛིན་པའི། །མེས་པོ་བློ་གསལ་རྒྱ་མཚོ་ཡབ་སྲས་ཙམ། །(༡༠༦ན)

― GLG009_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་སྟོན་བཞེད་སྲོལ་པདྨའི་སྐུད་པ་ལ། །རྡོ་རྗེའི་ཁམས་སུ་རློབས་ཞེས་གནས་གསར་བ། །གདུང་འཚོབ་དམ་པར་གསོལ་ཚེ་ཕྱོགས་བཅུའི་རྒྱལ། །སྲས་བཅས་ཡོངས་ཀྱིས་བསྔགས་པའི་མེ་ཏོག་གཏོར། ཁ་བཤད་ཆུ་བོར་སྙན་བརྒྱུད་གསེར་ལྡན་མ། །བྱིང་ལས་གྱེན་འདེགས་བསྟན་འཛིན་མིག་སྔོན་ཅན། །ཐོས་བསམ་སྒོམ་པའི་རུས་སྦལ་འཕྲུལ་གྱི་སྟོབས། །ཚངས་པའི་བློ་གྲོས་དེས་ཀྱང་གཞལ་ནུས་མིན། །རིས་མེད་འགྲོ་བའི་བསོད་ནམས་རླབས་པོ་ཆེས། །ཞིང་གྱུར་རྒྱ་མཚོའི་གོས་ཅན་འཕྲིན་ལས་ཀྱི། །དབང་ཕྱུག་དམ་པའི་གནག་སྣུམ་རལ་པའི་རྩེར། །ཞབས་སེན་ཟླ་བ་ཚེས་ཏེ་གཅིག་ཏུ་དཀར། །གསོལ་འདེབས་ལས། ཁྱབ་བདག་བླ་མའི་ཐུགས་རྗེས་བསྐུལ་བ་བཞིན། །རང་གི་བསྟི་གནས་དམ་པར་ཞབས་བཀོད་དེ། །སྐལ་བཟང་སྦྱིན་པའི་བདག་པོ་འཁོར་བཅས་རྣམས། །འབྲལ་མེད་ཐུགས་རྗེས་བསྐྱངས་ལ་གསོལ་བ་འདེབས། །ཞེས་པས་ཟིན་སོ་ཡོད་མེད་སྣ་ཚོགས་ལས་ས་ལུག་འཇམ་དབྱངས་མཁྱེན་བརྩེའི་དབང་ཕྱུག་གིས་གདན་འདྲེན་གནང་སྐབས་མྱུག་ཏུ་རྡོ་རྗེ་འཆང་དབང་ཕྱུག་རབ་བརྟན་སྐུ་འཁྲུངས་པའི་བྱིན་རླབས་ལ་སྤྱན་དྲངས་པ་བཞིན་ཕེབས་ནས་འཇིགས་བྱེད་རྭ་ལུགས་ཀྱི་དཀྱིལ་འཁོར་དུ་སྨིན་པར་མཛད་པ་སོགས་རྗེས་སུ་བཟུང་ཞིང་དགུང་ལོ་ལྔ་ཙམ་གྱི་དུས་དམར་པོ་སྐོར་གསུམ་ཆོས་སྐྱོང་ཆེ་ཆུང་ཚེ་དཔག་མེད་སོགས་ཀྱི་བྱིན་རླབས་རྗེས་གནང་གི་རིགས་ཀྱང་མང་དུ་སྩལ། སྔགས་འཆང་བསོད་ནམས་ཆོས་འཕེལ་གྱི་རྣམ་ཐར་ལས། བདག་གི་སྤྱིལ་བུ་ན་དེ་སྔ་གོང་ཆོས་རྗེ་རབ་བརྟན་པའི་བཞུགས་ཡུལ་ཡིན་པས་ཁོང་གནས་རྙིང་རྒྱལ་པོ་དེ་ལ་གསོལ་མཆོད་གནང་གིན་ཡོད་འདུག་པས་དེའི་ནང་ན་(༡༠༦བ)

― GLG009_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་པོ་དེ་འཁོར་རེ་འགྲོ་བ་ཞིག་གཟིགས་པ་དང་། ལྷག་པར་བདག་ཐུགས་རྗེའི་གཟིགས་པ་མི་ལྷོད་པར་གནང་གིན་ཡོད་གདའ་བས་ཟླ་བ་དེ་གའི་ནང་དུ་རྗེ་བཙུན་ཆོས་ཀྱི་རྒྱལ་པོ་བཀའ་དྲིན་མཚུངས་མེད་ཚར་པ་རྗེས་མྱུག་ནས་ཕྱག་དམ་བདུད་རྩིའི་རིལ་བུའི་ཐུམས་གསོལ་རས་དང་བཅས་ཕེབས་བྱུང་བའི་ནང་ན་ཁྱོད་ཀྱི་སྒྲུབ་ཁང་དེར་གནས་རྙིང་རྒྱལ་པོ་འདི་འཕྲལ་འཕྲལ་འགྲོ་བ་ཞིག་འདུག་པས་བར་ཆད་དམ་འཚུབ་ཀྱི་རྣམ་པ་བཞིན་མི་ཡོང་འདུག་གམ། ངས་ཀྱང་དམིགས་པ་སོགས་གང་ཡོད་བྱེད་ཀྱིན་ཡོད་ལར་རྡོ་རིང་རིན་པོ་ཆེར་རང་རེའི་བརྒྱུད་འཛིན་ཀུན་ལ་གནོད་པ་མི་བྱེད་པའི་སྲོག་སྙིང་ཕུལ་ནས་དམ་བཅས་འོ་སྐོལ་རྣམས་ལ་འདི་གཅིག་པུའི་བཀའ་དྲིན་ཡང་བསམ་པའི་རེ་བ་ལས་འདས། གང་ལྟར་དེ་ལ་དམིགས་པའི་གཏོར་མ་འདྲ་དང་དགེ་སྦྱོར་འབུངས་སྐྱིད་དེ་བྱེད་པ་དང་ལྷག་པར་ལམ་ཟབ་མོ་ཉིད་ལ་ནན་ཏན་གྱིས་རྟག་ཏུ་གསོལ་བ་ཐོབ། གེགས་སེལ་བོགས་འདོན་གྱི་སྐྱེལ་སོ་འདི་གཅིག་པ་ཡིན་ནོ་གསུང་བ་ཞིག་ཕེབས་བྱུང་ཞེས་བསླབ་སྟོན་རྒྱས་པར་སྩལ། ཞ་ལུའི་གདན་ས་ཀུན་སྤངས་མཛད་པ་ནས་བཟུང་རྒྱལ་ཁམས་ཕྱོགས་མེད་ཀྱི་གདུལ་བྱའི་རེ་བ་སྐོང་བ་ཙམ་མ་གཏོགས་འཇིག་རྟེན་ཟ་ཟིའི་མཐུན་འཇུག་ལ་ཐུགས་སུན་པའི་ཚུལ་གྱིས་སྤོང་བ་བསམ་གཏན་ལ་གཞོལ་བའི་རྣམ་པས་རྨུ་གཤོང་དུ་ལོ་གསུམ་ཕྱོགས་གསུམ་མཛད་པའི་སྐབས་འཇམ་དབྱངས་མཁྱེན་བརྩེའི་རྣམ་ཐར་དུ་ལྕགས་སྤྲེལ་ཟླ་བ་བརྒྱད་པའི་ཚེས་གཅིག་ནས་གཞི་བསྙེན་གྱི་སྔོན་འགྲོ་བླ་མའི་རྣལ་འབྱོར་ཚུགས་པའི་ཚེས་བཞིའི་ནུབ་རྨི་ལམ་དུ་རྗེ་བཙུན་རྡོ་རྗེ་འཆང་ཕ་ཚར་པ་རྗེ་དང་མཇལ་རྟ་མགྲིན་ཡང་གསང་གི་དབང་རྫོགས་པར་གནང་། དཀྱིལ་འཁོར་གཏོར་མ་ཚིག་སོགས་ཀྱང་ཤིན་ཏུ་(༡༠༧ན)

― GLG009_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བ་དང་། ཕྱག་ལེན་ལ་དོགས་གཅོད་འདྲ་ཞུ་རྒྱུ་ཡོད་པའང་ཞུས་ཤིང་ལན་གནང་བ་ཞིག་བྱུང་། ཡང་ནུབ་ཅིག་ལ་བླ་མ་བཞུགས་ཁྲི་ཐོག་རྩེར་སྙོགས་པ་ཞིག་གི་སྟེང་ན་བེར་ཐུལ་ནེ་ཙེ་ཁ་གསར་པ་ཞིག་བཞེས་ནས་བཞུགས་པའི་སྐུ་ཞབས་གཡོན་ན་བདག་འདུག་པ་ལ་ཨ་སྐྱབས་ཀྱིས་གསོལ་ཇ་ཞུས་རྗེས་གསོལ་ཁ་ཞུ་ཡི་འདུག་པས་ངའི་དེ་ཁོང་ལ་དྲོངས་གསུངས་གསོལ་ཁ་དེ་བདག་ལ་དྲངས་པ་ཞིག་རྨིས། ཡང་ནུབ་ཅིག་དབུ་རྩེ་འོག་འདྲ་བ་ཞིག་ན་ཁྲི་སྔར་གྱི་དེ་ལས་མཐོ་བ་འདྲ་བ་ཞིག་ལ་བཞུགས་ཚེ་འཁྲིད་ཀྱི་ཚར་ཆོས་དེ་གསུང་རྒྱུ་ཡིན་སྙམ་པ་བྱས་བདག་སྐུ་མདུན་ན་འདུག་པ་ལ་གསུང་ཆོས་ཧ་ཅང་གསལ་བ་ནི་མ་བྱུང་རླུང་བུམ་ཅན་གཟུང་སྤྱན་ལྟ་སྟངས་མཛད་ཧར་རེ་བཞུགས་པ་གསལ་པོ་ཞིག་རྨིས། ཡང་ནུབ་ཅིག་བོ་དོང་རྫོང་གི་བདེ་བ་ཅན། ཡིན་སྙམ་པ་ཞིག་ན་བཞུགས་གདན་མཐོན་པོ་ཞིག་ལ་རྡོ་རྗེ་འཆང་སྒོ་རུམ་པ་ཆེན་པོ་བཞུགས་དེའི་སྐུ་གཞོགས་གཡོན་བདག །བདག་གི་གཡོན་ན་རྗེ་བཙུན་དབོན་བཞུགས་པ་རྗེ་རིན་པོ་ཆེས་གཞིས་ལེན་མཛད་རྒྱུ་བའི་སྟོན་གཤོམ་བཟང་པོ་བྱས་པ་ཞིག་རྨིས་ཞེས་བྱུང་།ཞ་ལུར་བཞུགས་སྐབས་འོད་གསལ་དུ་རྗེ་བཙུན་རྡོ་རིང་པ་ཆེན་པོ་ན་བཟའ་སོགས་ཤིན་ཏུ་ལེགས་པའི་ངོས་མ་ཆེན་རྡོ་རྗེ་བཀྲ་ཤིས་ཕྱགས་ཕྱིར་ཁྲིད་པའི་འདར་གྱི་ཕྱོགས་སུ་ཐལ་ལེར་ཕེབས་པ་ཞིག་བྱུང་བ་ཕུགས་དེ་ཕྱོགས་སུ་སྡོད་དགོས་པ་ཡོངས་འདུག་ཅེས་རྗེ་ཉིད་ཀྱི་གསུང་འཕྲོས་ལས་བྱུང་བ་བཞིན་བསྟན་པའི་སྦྱིན་བདག་ཆེན་པོ་འདར་པས་འདི་ཕྱི་བར་གསུམ་གྱི་སྐྱབས་གཅིག་མགོན་གཅིག་ཞུས་པར་བརྟེན་ཕལ་ཆེར་གྲང་མོ་ཆེ་ཕྱོགས་སུ་སྟན་ཆགས། སྡེ་པའི་སྐུ་རིམ་ལ་འཇིགས་བྱེད་དྲུག་(༡༠༧བ)

― GLG009_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

ཅུ་པ་གནང་སྐབས་ལིངྒ་སྐད་ངན་ཙེར་རེ་རེ་བཏོན་པ་ཐོ་ཕྱི་ན་ཡོད་པ་ཀུན་གྱིས་ཚོར། དེ་བཞིན་གཤེགས་པས་ལུས་ལས་ཆད་པའི་སྒྲ་གཅན་ཟིན་དང་དགྲ་ལྟར་ལྟ་བའི་ལྷས་བྱིན་ལ་ཉེ་རིང་མེད་པའི་བདེན་ཚིག་བཀའ་སྩལ་མཐུས་ལྷས་སྦྱིན་མ་འཇུ་བའི་ནད་ལས་གྲོལ་བའི་ལོ་རྒྱུས་བཞིན་དམ་པ་འདི་ཉིད་ཀྱང་རིས་མེད་ཀྱི་འགྲོ་བ་ལ་མ་འདྲིས་པའི་མཛའ་བཤེས་ལྟ་བུར་མཛད་པ་ལས་འཛིན་རྟོག་གི་ཕྱོགས་ལྷུང་དྲི་མ་ཅན་མི་མངའ་ནའང་། ཉི་མས་ཆེད་དུ་བྱས་པ་མིན་པར་རྟེན་འབྲེལ་གྱི་དབང་ལ་ཟེར་འཕྲེང་གིས་པདྨ་ཁ་འབྱེད་ཅིང་། བྲག་ཕུག་བྱང་བསྟན་དུ་ཉི་འོད་མི་འཆར་བ་དངོས་པོའི་གཤིས་ལུགས་སུ་གྲུབ་པ་མ་གོ་བར་རྗེ་ཉིད་ལ་རེ་བ་བཅའ་བའི་སྐྱེ་བོ་མཆོག་དམན་རྣམས་ཐུགས་རྗེ་ཆེན་པོས་རྗེས་སུ་བཟུང་བར་བརྟེན་སེ་དཀར་རིགས་ཀྱི་ཐིག་ལེ་འདར་ནས་ཀྱི་མངའ་ཐང་ཇེ་འཕེལ་དུ་གྱུར་པ་གདོང་དགའ་ཕྱོགས་ཀྱིས་མ་བཟོད་པའི་བདག་པོ་ཀུན་རིན་པར་ཆོས་རྗེ་ཚར་པ་འདི་ས་སྐྱ་པའི་ཆོས་ལ་མཁས་དྲགས། གདུང་བརྒྱུད་རྣམས་ཆད་ན་ཁོ་རང་ལ་བསྟན་པའི་བདག་པོ་ཡོང་དུ་རེ་བའི་རྨུ་གཤོང་གི་མགོན་པོའི་ཞབས་འོག་ཏུ་མནན་པ་སོགས་ངན་བྱེད་བྱས་ཞེས་ཕྲ་མ་བཅུག་པ་དང་བཙུན་མོ་གཉིས་ཀྱི་གདོང་དགའ་བའི་ལྕམ་ལ་སོང་བའི་རྒྱུས་ས་སྐྱ་དང་གདོང་དགའ་བ་རྩེ་བསྟུན་གྱི་དམག་ཤིང་བྱི་མང་མཁར་ཕྱོགས་སུ་བཏང་བའི་སྐབས་དམག་མི་རྣམས་ཀྱིས་རྨུའི་མགོན་ཁང་ལ་ལག་རྒྱག་བྱས་སྐུ་རྣམས་བཤིག་པའི་གཟུངས་བཞུགས་བདག་ཆེན་པའི་སྤྱན་ལམ་དུ་ཕབ་པས། ས་སྐྱ་པའི་བསྟན་པ་དང་གདུང་བརྒྱུད་འཕེལ་བའི་སྤེལ་ཚིག་གཟིགས་པ་ན་ཐུགས་འགྱོད་བྱུང་ཡང་ཟེར། མ་ཆེན་རྡོ་རྗེ་བཀྲ་ཤིས་ཀྱིས་དགོན་པ་ནི་དམག་གིས་བཅོམས་ཟིན་འདུག་མཐུ་ཡོད་ན་རྟགས་ཐོན་(༡༠༨ན)

― GLG009_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཞིག་གནང་དགོས་ཞུས་པའི་ལན་དུ་བདག་ཆེན་ཁོང་རང་ཅི་མཛད་ཀྱང་ཁོ་བོ་ས་སྐྱ་པའི་བསྟན་པའི་སྒོར་ཞུགས་ནས་གདུང་བརྒྱུད་ལ་མཐུ་མི་བྱེད་ཁྱོད་ཀྱིས་ཡོད་ན་གྱིས་ཞེས་བཀའ་བཀྱོན་པའི་རྣམ་པའང་མཛད། བྱ་གཤོང་དུ་གཏོར་བཟློག་ལ་ཕེབས་སྐབས་གནས་ཁང་དེ་ཐོག་མ་ལས་ཡངས་ཤིང་གྲུ་བཞི་ལམ་པ་གྱང་ལོགས་ལ་རྡུལ་སོགས་མེད་པའི་སྣུམ་ཞག་ཆེ་བ་དེའི་འཁོར་ཀུན་གྱིས་གསལ་བར་མཐོང་། ཡོལ་རིན་ཅེན་གླིང་དུ་ཆོས་རྗེ་བློ་གྲོས་བརྟན་པ་མི་མ་ཡིན་དུ་སྐྱེས་ནས་སྨྱུག་ལ་བ་ཡས་མས་ལ་གནོད་ཚབས་ཆེ་བའི་གཏམ་བྱུང་བ་ན་མཁན་ཆེན་གཞོན་ནུ་བློ་གྲོས་ཀྱིས་བརྟག་པ་དང་ཡིན་ན་སྦྱིན་སྲེག་དགོས་ཚུལ་ཞུ་བ་མཛད་པའི་ལན་དུ་དེ་དངོས་བསྟན་མིན་རྒྱ་འདྲེས་བརྫུས་པས་དགོན་པ་ལ་ཆེར་མི་གནོད་གཏོར་བཟློག་འུར་ཆིལ་བ་ཞིག་མཛད་ན་སྐུ་ཉེ་ཚོར་འགྱུར་འགྲོ། མ་ནས་སྨྱུག་ལ་བ་ཚང་ལ་གང་སྟོངས་ཤིག་ཡོང་བ་འདུག་ཚུལ་གསུངས་པའི་ལུང་བསྟན་གྱི་ཐོག་ཁོ་ནར་སོང་། ཡང་ལོ་ཕྱི་མ་ཞིག་ས་སྐྱ་ངམ་རིང་གདོང་དགའ་བ་གསུམ་རྩེ་བསྟུན་པའི་གསང་དམག་བཏང་བའི་ཚེ་རྗེ་ཉིད་རྣམ་རྒྱལ་སྟག་རྩེར་བཞུགས་སྐབས་ཡིན་གཤིས། འདར་པ་རིན་ཅེན་དཔལ་བས་དམག་བསྡུ་གསོག་ཀྱང་མ་གྲུབ་གཤིས་རྫོང་སྤྲོད་དགོས་པ་ཡོང་འདྲ་ཞེས་རྟབ་རྟབ་པོར་གསོལ་བ་ན་བཀའ་ལས། རྫོང་རྩིག་པ་དཀའ་བ་མ་གཏོགས་སྤྲོད་པ་ལ་གནངས་མེད་ལར་ལྟེ་ཁྲག་ཕོ་ས་རུ་སྙིང་ཁྲག་འཐོར་བ་ལེགས་པས་ཚབ་ཚབ་མ་མཛད་གསུངས་ནས་ཅུང་ཟད་སོང་བ་ན་བསྐྱར་ཞུ་ཞུས་པས། ད་དམག་ག་ཙམ་ན་སླེབས་གསུང་བར་རྫོང་རིའི་རྐེད་སྒྲོལ་ཙམ་མཆོད་རྟེན་རྩེ་རིང་རྩར་འབྱོར་འདུག་ཞེས་པར། མཆོད་དཔོན་ལ་ཁྱོད་རང་ཐོག་ཁར་སོང་ལ་དམོད་ནས་འདི་(༡༠༨བ)

― GLG009_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོར། མི་རྐང་འདི་ལན་གསུམ་བུས་གསུང་བ་བཞིན་བྱས་པས་དགུན་སྟོད་ཡིན་ཡང་གློག་འབྲུག་གི་སྒྲ་དྲག་པོ་དང་བཅས་སེར་བ་ཅོག་མོའི་སྒོ་ང་ཙམ་བབས་པས་དམག་རྣམས་སྐད་ཅིག་ལ་བྱེར། སྒར་ཐོག་ཏུ་སྲིན་བྱ་དང་འུག་པ་བབས་པའི་འཕྲུལ་གྱིས་ནད་རིམས་ཀྱིས་བཏབ་ནས་སྟོང་ལོག་ཏུ་སོང་སྟེ་གཡུལ་ལས་རྣམ་པར་རྒྱལ། དེ་དུས་གཟིགས་སྣང་ལ་མདུན་གྱི་ནམ་མཁར་སྤྲིན་སྔོན་འཁྲིགས་པའི་སྟེང་དུ་རྗེ་བཙུན་རྡོ་རིང་པ་དེ་ཉིད་སྐུ་ལ་ཆོས་གོས་རྣམ་པ་གསུམ་གྱིས་བརྒྱན་པའི་ཕྱག་གཡས་གསེར་གྱི་རྡོ་རྗེ་ནམ་མཁའ་ལ་འཕྱར་ཞིང་། གཡོན་པ་དངུལ་དཀར་གྱི་དྲིལ་བུ་འཁྲོལ་བ་ཡིད་ཙམ་ཁྲོས་པའི་ཉམས་དང་བཅས་སེང་གེ་དཀར་མོ་རྒྱན་གྱིས་སྤྲས་པའི་སྟེང་ན་རྒྱལ་པོ་རོལ་བའི་འདུག་སྟངས་ཀྱིས་བཞུགས་པ། དེའི་དབུ་གཙུག་གི་ཐད་དུ་བདག་ཆེན་རྡོ་རྗེ་འཆང་ཡན་གྱི་གསུང་ངག་བླ་མ་བརྒྱུད་པ་ཡོངས་རྫོགས། དེའི་གཡས་གཡོན་དུ་ས་ར་ཧ། ཀླུ་སྒྲུབ། རྣལ་འབྱོར་དབང་ཕྱུག །ཀུ་ཀུ་རི་པ། ལོ་ཧི་པ། གཡུང་པོ་ཁྲག་འཐུང་། དྲིལ་བུ་པ། ནཱ་རོ་ཏ་པ་བརྒྱད་པོ་ཞི་དྲག་གི་རྣམ་འགྱུར་དུ་མ་སྟོན་པ། གཞན་ཡང་ཚེ་དཔག་མེད། ཛམྦྷ་ལ། གུར་ཞལ། ལས་མཁན་དང་བཅས་པ་ཞལ་གཟིགས། དེའི་ཚེ། དཔལ་ལྡན་རྒྱལ་བ་ཀུན་གྱི་མཐུ་སྟོབས་ནི། །གཅིག་ཏུ་བསྡུས་པ་དྲིན་ཅན་ཆོས་ཀྱི་རྗེ། ཁྱོད་ཞབས་དྲན་པའི་མོད་ལ་བདུད་དཔུང་རྣམས། །ཕྱེ་མར་འཐག་མཛད་དེ་ལ་གསོལ་བ་འདེབས། །ཞེས་སོགས་གསོལ་འདེབས་བདུད་དཔུང་ཕྱེར་འཐག་མར་གྲགས་པ་ཞལ་གཟིགས་ཇི་ལྟར་བྱུང་བ་དང་མཐུན་པ་ཐུགས་རྩོམ་གནང་།གསུང་འཕྲོས་ཀྱི་ལྷོངས་སུ་བདག་ཆེན་ཀུན་དགའ་རིན་ཅེན་འདི་མ་བྱོན་ནས་ས་སྐྱ་བའི་བསྟན་པ་འདི་གྲུམ་ཙེ་གུང་མེད་འདྲ་བའི་མཐའ་ཡོད་ཀྱང་(༡༠༩ན)

― GLG009_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་མེད་པ་ཞིག་ཡོང་ངེས་སུ་འདུག་ཀྱང་བདག་ཆེན་འདིས་བསྟན་པའི་ཁུར་བཞེས་པ་ས་སྐྱ་པའི་འཕྲིན་ལས་མཐའ་དབུས་མེད་པར་རྒྱས་པ་འདི་རང་རེ་རྣམས་བློ་བག་བྲོ་བའི་ཚད་ཡིན་གསུང་ཞེས་བགྲོས་ལ་ལར་སྣང་བ་བར་སྐབས་སུ་ལྷ་ཁང་བླ་བྲང་པའི་ཉེ་གནས་ཀྱི་བརྒྱུད་པ་དང་ཤར་པ་སོགས་གདན་ས་ནང་དུ་དབང་ཆེན་མངས་པ། འཇམ་དབྱངས་ཆོས་རྗེ་ཡབ་སྲས་དང་ས་ལོ་རྣམས་ཀྱི་དུས་གནང་རེ་དཀའ་ཚོ་བདག་པོ་ཀུན་རིན་པས་ཚར་བཅད་ནས་སྡེ་མ་ལག་དང་བཅས་པ་འཇམ་དར་ལ་སོང་བ་འཇིག་རྟེན་ཕྱོགས་ནས་མཛད་གོ་ཆོད་གྲས་ལ་དགོངས་སྣང་བ་བདག་ཉིད་ཆེན་པོའི་མཛད་པ་ཇི་ལྟར་ཡང་དཔོན་ཆེན་གྱི་གྲས་ལ་ཆུད་ངེས་སུ་འདུག །ཆོས་རྒྱུན་གྱི་ཕྱག་རྗེས་ནི་ཤིན་ཏུ་ཆུང་། རྡོར་དབྱིངས་ཀྱི་བློས་སློང་དང་མགོན་སྐུ་བཤིག་པ་སོགས་གནང་སྒོ་ཇི་ལྟར་ཡང་བླ་མ་ཁྱི་དང་མཇུག་མགོའི་དཔེ་བཞིན་རྗེ་བླ་མས་ཐུགས་གཏིང་ནས་མ་གུས་པ་ནི་མཛད། གུས་པོ་རང་ནི་གནང་ཐབས་ཀྱང་མི་འདུག །གོང་གི་འཕྲོས་ལས། ཕྱོགས་འདིར་ས་ཆེན་བདེ་སྐྱིད་འོད་ཆགས་པ། །ཐལ་བ་ཇི་བཞིན་སྐྱ་བོར་སྒྱུར་བྱེད་ཅིང་། །དཀོན་ཅོག་རྟེན་དང་བསྟན་འཛིན་སྐྱེས་བུའི་ཚོགས། །འཇོམས་བྱེད་བདུད་དཔུང་ཚོགས་རྣམས་བཟློག་ཏུ་གསོལ། །ཞེས་རང་བཞིན་བརྗོད་པའི་རྒྱན་ཁོ་ནར་མཆིས། བདག་པོ་ཀུན་རིན་པའི་ཕུར་ཟོར་སྐྱེར་མདའ་འུག་སྒྲོ་མ་བོ་དོང་གི་འཇམ་དབྱངས་མཁྱེན་བརྩེའི་གཟིམས་ཆུང་གི་གདུང་མ་ལ་ཐེབས་ནས་རིང་པོར་མ་ལོན་པར་གཤེགས་པའི་མཐུ་སྐད་ནི་ཚག་མགོ་བུམ་ནང་དུ་བཙོས་པའི་གཏམ་རྒྱུད་ཁོ་ནར་འདུག་ཅིང་། ཁོང་གི་མཐུ་དེ་རྡོག་གི་གཟེ་མ་རྣོན་པོ་ཕྱོགས་ཀུན་ཏུ་འཛུག་པའི་དཔེ་བཞིན་ས་ལོ་(༡༠༩བ)

― GLG009_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་རྡོར་ཡང་སྐུ་ཚེ་རིང་པོ་མ་བྱུང་བས་བརྒྱབ་པ་འདྲ། གཏེར་ཆེན་ཆོས་ཀྱི་རྒྱལ་པོ་རཏྣ་གླིང་པའི་ལུང་བསྟན་ཆེན་མོར། ས་ཡི་ཕྱོགས་སུ་བླ་མས་སློབ་མ་བསླུཿ ཞེས་དང་། བྱང་ཆུབ་གླིང་པ་དཔལ་རྒྱན་གྱི་ཤུགས་གཏེར་འཁོར་འདས་རང་གྲོལ་གྱི་ཞུས་ལན་གསལ་བའི་སྒྲོན་མེ་ལས། མངའ་རིས་གདུག་པའི་དམག་འགོ་གཡོ༔ འཁོན་རིགས་ཀུན་ཞེས་བྱ་བས་འཁྲུག༔ ཁོལ་བུར་སྡུག་བསྔལ་ཅུང་ཟད་བསྐྱེད༔ ཅེས་སོགས་དོགས་པའི་གནས་མང་ཙམ་ཡོད་ཀྱང་གནས་ལུགས་ཤེས་ན་ཟོག་པོའི་མཚང་གི་དཔེ་ལྟར་སྤྲོས་པར་དགོས་པ་ཆུང་ཞིང་གང་ཤར་ཐམས་ཅད་ལྷ་དང་ལྷ་མོའི་རྣམ་པར་འཆར་བའི་དག་སྣང་གི་བདེན་ཁ་ཕུལ་ནས་རྩོད་པ་ཆོས་ཐོག་ཏུ་ཞི་བར་བྱེད་དོ། །དེ་ཡང་ཚོམས་ལས། ཐུབ་རྣམས་སྡིག་པ་ཆུ་ཡིས་མི་བཀྲུ་ཞིང་། །འགྲོ་བའི་སྡུག་བསྔལ་ཕྱག་གིས་མི་སེལ་ལ། །ཉིད་ཀྱི་རྟོགས་པ་གཞན་ལ་སྤོ་མིན་ཏེ། །ཆོས་ཉིད་བདེན་པ་བསྟན་པས་གྲོལ་བར་འགྱུར། །ཞེས་འོ་སྐོལ་གྱི་སྟོན་པ་བུ་རམ་ཤིང་པས་ཀྱང་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་ནས་འགྲོ་བ་རྣམས་ཕན་བདེའི་ལམ་ལ་འགོད་པར་མཛད་པ་བཞིན། དམ་པ་འདི་ཉིད་ཀྱིས་མདོ་སྔགས་ཀྱི་ཆོས་ཚུལ་གདུལ་བྱ་སོ་སོའི་བློ་དང་འཚམ་པར་བསྟན་པས་མཆོག་རྣམས་ཀྱིས་ནི་བསྟན་པ་ཕྱོགས་བཞིར་སྐྱོང་བའི་དར་ཆེན་བཙུགས། ལ་ལ་དག་ཀློག་པ་ཐོས་བསམ་གྱི་སྒོ་ནས་འཆད་ཉན། འགའ་ཞིག་སྤོང་བ་བསམ་གཏན་གྱི་རིམ་པ་ལྷུར་ལེན་པའི་བཤད་སྒྲུབ་ཀྱི་ཆུ་རྒྱུན་རྗེ་བླ་མའི་འཕྲིན་ལས་མ་དྲོས་མཚོ་ལས་ཕྱོགས་བརྒྱར་འབབ། ས་སྐྱོང་བའི་བསྟན་པའི་སྦྱིན་བདག་སོགས་སྐྱེ་རྒུ་གྲངས་ཡས་པ་དཀོན་ཅོག་གསུམ་ལ་བླ་མར་འཛིན་ཅིང་འདི་ཕྱིའི་ལེགས་ཚོགས་སྒྲུབ་པ་ལ་སྦྱར་བའི་(༡༡༠ན)

― GLG009_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

གྲངས་ཀྱི་མཐའ་ནི་བརྗོད་པའི་ཡུལ་ལྟ་ག་ལ་ཞིག །འོན་ཏེ་ཆེ་ལོང་རགས་རིམ་ཙམ་བརྗོད་ན། རང་བསྟན་ཁའུ་བྲག་རྫོང་པའི་ལུགས་སྲོལ་འཛིན་ངེས་ཀྱི་སྐྱེས་བུ་ནི། མཁྱེན་བརྩེ་ནུས་གསུམ་ཐམས་ཅད་ལ་འཇམ་དཔལ་རྡོ་རྗེ་མིའི་ཟློས་གར་ཅན་སྲས་ཀྱི་ཐུ་བོ་ཞ་ལུ་མཁན་ཆེན་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཁས་ཤིང་གྲུབ་པའི་དབང་ཕྱུག་ཆེན་པོ་སྤྱན་སྔ་རྗེ་བཙུན་བོད་མཁར་བ་མཻ་ཏྲི་བྱམས་པ་དོན་གྲུབ་རྒྱལ་མཚན། ཉམས་དང་རྟོགས་པས་བདག་རྒྱུད་ཡོངས་སུ་གྲོལ་བས་ཐུགས་རྗེས་གཞན་རྗེས་སུ་འཛིན་པ་ལ་འགྲན་པའི་ཟླ་དང་བྲལ་བ་རྩེ་ཚོགས་མཁན་ཆེན་གཞོན་ནུ་བློ་གྲོས། རྒྱན་དྲུག་མཆོག་གཉིས་ཀྱི་གཞུང་ལུགས་ལ་མ་འཇིགས་པའི་སྤོབས་པ་རྣམ་པར་དགེ་བ་ངམ་རིང་མཁན་ཆེན་བྱམས་པ་བློ་གྲོས་རྣམ་རྒྱལ། དབྱངས་ཅན་ལྷ་མོས་རྗེས་སུ་བཟུང་བས་གནས་ལྔ་རིག་པ་སྨྲ་བ་ལ་གཞན་དྲིང་མི་འཇོག་པའི་མཁྱེན་རབ་ཀྱིས་མཁས་པ་ཀུན་གྱི་གཙུག་གི་ནོར་བུར་གྱུར་པ་མཉན་ཡོད་བྱ་གཤོང་མཁན་ཆེན་མང་ཐོས་ཀླུ་སྒྲུབ་རྒྱ་མཚོ། ལུང་དང་རྟོགས་པའི་ཡོན་ཏན་གྱི་ནོར་བུས་ཐུགས་རྒྱུད་ཡོངས་སུ་གཏམས་ཤིང་སྙན་བརྒྱུད་ཚད་མ་བཞི་ལྡན་གྱི་བསྟན་པའི་སྲོག་ཤིང་བོ་དོང་མཁན་ཆེན་བསླབ་གསུམ་རྒྱལ་མཚན། མཐུ་སྟོབས་ནུས་པ་རྭ་ལོ་གཉིས་པ་ལྟ་བུ་སྔགས་འཆང་ཡོངས་ཀྱི་འཁོར་ལོས་སྒྱུར་བ་ཆོས་འཁོར་ཡང་རྩེའི་མཁན་ཆེན་བསོད་ནམས་ཆོས་འཕེལ། ཟབ་དོན་སྙན་བརྒྱུད་བདུད་རྩིས་ཐུགས་ཀྱི་བུམ་བཟང་ཡོངས་སུ་གཏམས་ཤིང་མཁན་ཆེན་ཐམས་ཅད་མཁྱེན་པའི་དངོས་ཀྱི་གདན་ས་བ་ཆོས་དབང་རིན་ཅེན་དཔལ་གྱི་རྒྱ་མཚོ། ཀུན་མཁྱེན་བསོད་ནམས་སེང་གེའི་ཆོས་ཀྱི་ཁྲི་ལ་མངོན་པར་འཛེགས་པ་མཁན་བྱམས་པ་རབ་བརྟན། ཟབ་(༡༡༠བ)

― GLG009_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ཆོས་ཀྱི་མངའ་བདག་སྨྱུག་ལ་མཁན་པོ་བསོད་ནམས་དབང་པོ། མདོ་རྒྱུད་རྒྱ་མཚོའི་གཞུང་ལ་བློ་གྲོས་ཀྱི་སྣང་བ་གཅིག་ཏུ་དཀར་བ་སྐྱེད་ཚལ་མཁན་པོ་རབ་བརྟན་དཔལ་འབར། མང་ཐོས་མཁྱེན་པའི་སྤྱན་ལྡན་མཁའ་རི་མཁན་པོ་བློ་གྲོས་ཆོས་འཕགས། རབ་འབྱམས་རྒྱུད་སྡེ་རྒྱ་མཚོར་མཁྱེན་པའི་སྤྱན་ཡངས་པ་འཇམ་དབྱངས་བྱང་གླིང་རྗེ་བཀྲ་ཤིས་རྒྱལ་མཚན། འཁྲུལ་ཞིག་བླ་མའི་རིགས་སྲས་ཟབ་དོན་རྟོགས་པའི་ཉི་མ་རྗེ་གཞོན་ནུ་སྟོབས་ལྡན། དཔལ་རྡོ་རྗེ་འཇིགས་བྱེད་ཀྱི་བསྙེན་སྒྲུབ་མཐར་ཕྱིན་པ་མཆོད་དཔོན་དྲུང་ཀུན་དགའ་ལེགས་པ། བླ་མའི་ཞབས་ཏོག་ལྷུར་བླངས་པས་བྱིན་རླབས་ཐུགས་ལ་ཞུགས་ཤིང་སྙན་བརྒྱུད་ཟབ་མོའི་མཛོད་འཛིན་པ་མ་ཆེན་རྡོ་རྗེ་བཀྲ་ཤིས། ངེས་དོན་ཟབ་མོས་རྟོགས་པའི་ཀློང་རྡོལ་བ་འཕགས་མཆོག་བྱམས་པ་བསྐལ་བཟང་། བདག་ཆེན་རྡོ་རྗེ་འཆང་ཡབ་སྲས་ཀྱི་བསྟན་པའི་ཤིང་རྟ་ཆེན་པོ་དབོན་རིན་པོ་ཆེ་ཁྱབ་བདག་དབང་ཕྱུག་རབ་བརྟན། གཉན་མགོན་གདམས་པའི་སྲོག་ཤིང་མཁྱེན་རབ་ཀྱི་དབང་ཕྱུག་དྲུང་ཡིག་བྱམས་པ་དོན་གྲུབ། མདོ་ཁམས་གདུང་བའི་མུན་སེལ་ཆོས་གླིང་དྲུང་པ། མི་ཕྱེད་དད་པའི་དབང་ཕྱུག་རྗེ་མགོན་པོ་འོད་ཟེར། ཐོས་བསམ་སྒོམ་ལ་གཞོལ་བ་རྗེ་མགོན་པོ་རྡོ་རྗེ། སྤར་ཕུའི་གདན་ས་པ་པུ་ཏྲ་མིང་སྲིང་བྲན་དུ་འཁོལ་བའི་བྲག་ཆོས་པ་སོགས་དང་། རིས་མེད་པའི་བསྟན་པ་ཕྱོགས་བཅུར་སྤེལ་བ། རྒྱ་ཧོར་བོད་ཀྱི་སྐྱེ་རྒུ་མཐའ་དག་གི་གཙུག་ཏོར་རྩེ་མོར་ཞབས་ཟུང་འཁོར་ལོའི་རི་མོ་འགོད་པ་ཐམས་ཅད་མཁྱེན་པ་བསོད་ནམས་རྒྱ་མཚོ་དཔལ་བཟང་པོ། ཀརྨ་བའི་བསྟན་འཛིན་ཆེན་པོ་རྒྱལ་ཚབ་རིན་པོ་ཆེ་གྲགས་པ་དོན་གྲུབ། མཆོག་གི་སྤྲུལ་སྐུ་མངའ་རིས་གཏེར་ཆེན་ཉི་ཟླ་འོད་ཟེར། བྱང་པ་རིགས་ལྡན་(༡༡༡ན)

― GLG009_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་པར་བྱོན་ཏི་ཤྲཱི་རྡོ་རིང་དབོན་པོ་ཀུན་དགའ་རྒྱལ་མཚན། ངོར་ཨེ་ཝཾ་ཆོས་ལྡན་གྱི་མཁན་པོ་ཐར་པ་རྩེ་པ་པཎ་ཆེན་ནམ་མཁའ་དཔལ་བཟང་། མཁའ་རི་ཆོས་སྡེའི་མཁན་པོ་ཀུན་དགའ་ལུང་རིགས། རྗེ་བཙུན་སྒོ་རུམ་པ་ཆེན་པོའི་དབོན་པོ་ངག་དབང་བསྟན་པའི་རྡོ་རྗེ། མངའ་རིས་རུ་ཐོག་པ་བླ་ཆེན་ནམ་མཁའ་གཟི་བརྗིད། ཀུན་མཁྱེན་ཚེ་དབང་བཀྲ་ཤིས་ཀྱི་དབོན་པོ་ཆོས་ཀྱི་རྗེ་རྣམ་རྒྱལ་བཀྲ་ཤིས། ཆོས་རྗེ་སྨོན་ལམ་པ། དགའ་གདོང་སློབ་དཔོན་ཤེས་རབ་རྡོ་རྗེ། བསྡུ་དངོས་བཞིའི་སྒོ་ནས་འགྲོ་བའི་དོན་མཛད་པ་རྗེ་བསམ་གཏན་རིན་ཅེན། སྟོབས་ལྡན་མང་པོའི་བླ་མར་གྱུར་ཅིང་སྣང་སེམས་ལ་དབང་འབྱོར་བ་དཔལ་སྡིངས་རབ་འབྱམས་པ་ཆོས་དཔལ་བཟང་པོ། གྲུབ་པ་ཚད་དུ་འཁྱོལ་བས་དོན་གཉིས་ལྷུན་གྱིས་གྲུབ་པ་ཆ་ལུང་གྲུབ་ཆེན་མ་བདེ་ལེགས་དཔལ་འཛོམ། ངེས་དོན་ཟབ་མོས་ཐུགས་རྒྱུད་གྲོལ་བ་རྗེ་རྫོགས་ཆེན་པ་བྱམས་པ་རིན་ཅེན་རྡོ་རྗེ། མཁས་པའི་དབང་པོ་མ་མ་བ་བྱམས་པ་རབ་དགའ། མྱུག་ཆོས་ལུང་པ་ཆོས་རྗེ་ནམ་མཁའ་མཐའ་ཡས། ཁྲོ་ཕུ་གདུང་བརྒྱུད། ཤངས་འབའ་ར་བ་བྱ་བཏང་ཆོས་གྲགས། མྱུག་པ་ཆོས་རྗེ་བསོད་ནམས་དཔལ་འབྱོར། རིན་པོ་ཆེ་དྲུང་རམས་ཆོས་རྗེ་བསོད་ནམས་ཚུལ་ཁྲིམས། རྗེ་བྱམས་པ་རབ་དཀར། ལོ་ཆེན་རྣམ་རྒྱལ་གྲགས་པ་སྐུ་མཆེད། བྲག་རམ་སློབ་དཔོན་པ། ཆོས་རྗེ་རིན་ཅེན་རྒྱལ་མཚན་གཙང་པ་རྡོར་རྒྱན་སོགས་དང་། བསྟན་པའི་སྦྱིན་བདག་ལྷ་རིགས་འ་ཞའི་ས་སྐྱོང་ནམ་མཁའ་སོགས་སྡེ་པ་གནས་གསར་བའི་ཞལ་ངོ་། སེ་དཀར་རིགས་ཀྱི་ཐིག་ལེ་མི་རྗེ་རིན་ཅེན་དཔལ་བཟང་སོགས་སྡེ་པ་འདར་པའི་ཞལ་ངོ་། ལུགས་གཉིས་ཀྱི་རྣམ་དཔྱོད་ཡངས་(༡༡༡བ)

― GLG009_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྡེ་པ་ཁྲི་ཁང་ནས་ཉིན་བྱེད་དབང་པོ་དང་དཔོན་ཆེན་རྒྱལ་བ་བཟང་པོའི་རིགས་བརྒྱུད་ཨོ་རྒྱན་གཞིས་ཀ་བ་མི་དབང་རིན་ཅེན་རྡོ་རྗེ། སྡེ་པ་སྤ་ར་ནས། སྡེ་པ་སྣང་རྩེ་བ་ནམ་མཁའ་ཚེ་བརྟན་རྡོ་རྗེ་སོགས་སྡེ་དཔོན་དཔོན་སྐྱའི་རིགས་མཆོག་དམན་དུ་མས་འདི་ཕྱིའི་སྐྱབས་མགོན་གླིང་དང་དཔུང་གཉེན་དུ་གསོལ་བ་མཐའ་དག་འདི་ཕྱི་བར་གསུམ་དུ་དགེ་བའི་ལམ་ཆེན་པོ་ལ་སྦྱོར་བ་མཛད། ཐུགས་རྩོམ་གྱི་རིམ་པ་ཆེ་ལོང་ཙམ་ནི། ཨོ་རྒྱན་ཆོས་ཀྱི་རྒྱལ་པོས་གཙོ་མཛད་འདྲེན་པ་འགའ་ལ་བསྟོད་པའི་ཚིག་ལེའུར་བྱས་པ། སོ་ཐར་སྡོམ་རྒྱུན། གསུང་ངག་སློབ་བཤད། རྭ་འཁྲིད་མཁའ་འགྲོ་སྙན་བརྒྱུད། ལམ་ཟབ་རྡོ་རྗེ་རྣལ་འབྱོར་མའི་འཁྲིད། རྟ་མགྲིན་ཡང་གསང་། སྐྱེར་སྒང་ལུགས་ཀྱི་རྟ་མགྲིན་གསང་སྒྲུབ། ནེ་གུ་ཆོས་དྲུག །གྲུབ་རྒྱལ་ལུགས་ཀྱི་ཚེ་འཁྲིད། ཚེ་སྒྲུབ་ཞག་བདུན་མ། དམར་འཁྲིད། སྒྲོལ་དཀར་ཚེ་འཁྲིད། ཀུ་རུ་ཀུལླེ་ཕྱི་སྒྲུབ། འདོད་རྒྱལ་ཐུན་མོང་བ་དང་དཔལ་གུར་གྱི་མགོན་པོའི་ཕྱི་ནང་གསང་གསུམ་གྱི་འཁྲིད། དཔལ་མགོན་ཞལ་བཞི་པའི་གསང་འཁྲིད་རྣམས་ཀྱི་བརྒྱུད་འདེབས་དང་ཤམ་བུར་རང་རང་གི་ལམ་རིམ་དང་སྦྱར་བའི་སྨོན་ལམ་རྡོ་རྗེའི་ཚིག་རྐང་ལྟ་བུ་ཤིན་ཏུ་ངོ་མཚར་བ་དང་བཅས་པ། འཕགས་པ་སྤྱན་རས་གཟིགས་ཞི་དྲག་གསུམ། བཅོམ་ལྡན་འདས་མི་འཁྲུགས་པ། དཔལ་རྡོ་རྗེ་ནག་པོ་གུར་གྱི་མགོན་པོ། དཔལ་མགོན་ཞལ་བཞི་པ། རྗེ་བཙུན་མ་ཀུ་རུ་ཀུལླེ། རྟ་མགྲིན་གསང་སྒྲུབ། རྣམ་སྲས་སེར་ཆེན། མགོན་པོ་བེང་ཆེན། ཞ་ལུའི་དཔལ་ལྡན་མ་ལ་སོགས་ཏེ་ཡི་དམ་དང་ཆོས་སྐྱོང་སོ་སོ་ལ་བསྟོད་པ། བླ་མའི་རྣལ་འབྱོར། བླ་མ་ལྔ་བཅུ་པའི་འགྲེལ་པ་དངོས་གྲུབ་རིན་ཅེན་སྒོ་འབྱེད། སློབ་དཔོན་བསོད་ནམས་རྩེ་མོ། བདག་ཆེན་རྡོ་རྗེ་འཆང་། རྗེ་(༡༡༢ན)

― GLG009_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

བཙུན་རྡོ་རིང་པ་གསུམ་གྱི་རྣམ་ཐར། རྗེ་ཉིད་ཀྱིས་དབུས་ལ་ཕེབས་པའི་ལམ་ཡིག་སོགས་ལོ་རྒྱུས་ཀྱི་སྐོར། ཀྱེ་རྡོར་མན་ངག་ལུགས་དང་འཇིགས་བྱེད་རྭ་ལུགས་ཀྱི་སྒྲུབ་མཆོད་ཀྱི་ལྷན་ཐབས། ཀྱེ་རྡོ་རྗེ་ཕྱི་ནང་གི་བསྐྱེད་རིམ་རྣམ་བཤད་ངོ་མཚར་བ། མགོན་པོའི་ཁོག་ཕུག་སྙན་བརྒྱུད་རིན་ཆེན་ལྡེ་མིག །ཕྱི་ནང་གི་འཁྲིད་ཁའུ་བྲག་རྫོང་པའི་རྒྱུན་གྱི་ཉམས་ལེན་ཞལ་ཤེས་ཀྱི་སྐོར། གཏོར་ཆོག་ཆེན་མོ། གཏོར་བཟློག་དགྲ་བགེགས་ཀྱི་སྟོབས་འཕྲོག་རོལ་པ། གཏོར་མ་གསུམ་གྱི་ཞལ་ཤེས་ཟུངས་འཛུགས། ཐུགས་ཆོག་ལ་སོགས་པ་མེད་དུ་མི་རུང་བའི་ཆོས་སྐོར། སྙིང་ཆུ་བསྲེ་བ། དྲི་བ་ལྷག་བསམ་རབ་དཀར། མགོན་པོ་ཁྲོ་བཅུ་དང་། ཞལ་བཞི་པ། ཕྱག་དྲུག་པ། མགོན་དཀར་བཞིའི་རྗེས་གནང་། ཞལ་སྒྲུབ་དུས་ཀྱི་རྗེས་གནང་ལྷན་ཐབས་ཞལ་གྱི་གསང་འཁྲིད། ཚེ་སྒྲུབ་སྲུང་འཁོར། གུར་མགོན་གྱི་བསྐང་གསོའི་ལྷན་ཐབས། པུ་ཏྲའི་སྒོས་བསྐང་། བེག་ཙེའི་ལས་བྱང་། མེ་འབར། ཁ་སྐོང་། སྙན་བརྒྱུད། གྱི་ལྗང་། དུད་སོལ། ཞལ་བཞི་པ། དམར་པོ་སྐོར་གསུམ་སོགས་ཀྱི་དཀར་ཆག །མགོན་པོ་ཆེ་ཆུང་ལས་མཁན་དང་བཅས་པའི་སྐོར་ལ་ཆོས་སྣ་བཞི་བཅུ་ལྷག་ཙམ་ཡོད། ཇ་མཆོད། གསུང་མགུར། ཆབ་ཤོག །སྒྲོལ་དཀར་ཚེ་འཁྲིད་ཟླ་བའི་ཆུ་རྒྱུན་སོགས་ཡོད་ལ། ཁྱབ་བདག་བཀའ་འགྱུར་བ་ཆེན་པོས་གསུང་འབུམ་པོད་གསུམ་མ་ཞིག་བཞེང་བ་གནང་འདུག་པ་ད་དུང་མ་འདུས་པ་ཁ་ཤས་ཡོད་པར་མངོན། དེ་དག་ཀྱང་ལེགས་པར་བཤད་པ་ཁོ་ན་མ་གཏོགས་རྩོམ་རྙིང་བརྐུས་པ། དོན་མེད་དོན་ལོག་སོགས་སྣག་ཤོག་གི་གྲོན་དུ་འགྲོ་བ་ཅི་ཡང་མ་མཆིས། ཞལ་སློབ་མཁས་པ་རྣམས་ཀྱིས་གསུང་རྒྱུན་ཟིན་བྲིས་སུ་བཀོད་པའི་རིགས་དོན་གྱི་རྗེ་བླ་མའི་(༡༡༢བ)

― GLG009_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་ཡིན་མོད། དེ་ཙམ་རྒྱུ་མཚན་དུ་བྱས་ན་ཐུག་མེད་དུ་ཐལ་བས་འདིར་མ་བཀོད་དོ། །གཉིས་སྤངས་བླ་མའི་བརྡ་ཐབས་ལུང་བསྟན་བཞིན། །སེ་དཀར་རིགས་ཀྱི་ས་ལ་སྤྱོད་པའི་ཐོང་། །ཞབས་སེན་ཨུཏྤལ་ཆུན་པོ་ཉེར་བཅིངས་ནས། །འདི་ཕྱིའི་མདུན་མ་གྲུམ་རྩེར་ངང་གིས་མཛད། །མཐུ་སྟོབས་བརྒྱ་བྱིན་ཡན་ལག་རྣམ་བཞིའི་དཔུང་། །བསོ་སྒྲར་བཅས་ཏེ་མཚོན་ཆར་ཕབ་པའི་མོད། །མི་སྲུན་ལྷ་མིན་སྡེ་རིགས་བསྒྲལ་བའི་གཡུལ། །ཕམ་པས་གདོང་སྨད་མྱ་ངན་ཁང་བུར་བརྒྱལ། །ཀུན་ནས་ཡིད་དབང་དགའ་མས་འཁྲིད་པའི་གླང་། །རང་བསྟན་པད་དཀར་རྫིང་བུ་འདམ་བཞིན་དུ། །བརྫི་ཡང་བཟང་རྫུའི་གསེར་སྦྱངས་རྒྱན་མཛེས་པ། །བཤེས་གཉེན་རིན་ཆེན་བདུན་གྱི་བགྲང་བྱར་མིན། །ར་གན་གསེར་ཆུས་བྱུགས་དང་ས་ལེ་སྦྲམ། །སོ་སོར་སྤྱོད་ལ་འཁྲུལ་མེད་མཁས་པའི་ཚོགས། །ཁྱོད་ཞལ་བདུད་རྩི་བཏུང་བའི་རིང་ལུགས་མཐའ། །ནམ་མཁའི་སྐ་རགས་མ་དེས་གཞལ་ནུས་མིན། །རྣམ་དག་བརྗོད་པ་པིའུ་ཝང་ཡངས་པོའི་ཁོག །དོན་གྱི་རྒྱུད་མང་འཁྲོལ་བའི་པུསྟ་ཀཿ །ཤེས་ལྡན་ཡིད་དབང་འགུགས་བྱེད་སྙན་པའི་སྒྲ། །སྐལ་བཟང་སྐྱེ་རྒུའི་རྣ་བར་གཅིག་ཏུ་འཇེབས། །གསོལ་འདེབས་ལས། ཞིང་འདིར་མ་ལུས་གདུལ་བྱའི་དོན་གྲུབ་ནས། །རྗེ་བཙུན་བཀའ་ཡི་ཕོ་ཉས་སྤྱན་དྲངས་ཏེ། །ཟབ་ཡངས་མཁའ་སྤྱོད་དག་པའི་ཞིང་ཁམས་སུ། །དགེ་མཚན་དང་བཅས་གཤེགས་ལ་གསོལ་བ་འདེབས། །འོད་གསལ་ནམ་མཁའི་དབྱིངས་ལས་བཞེངས་པའི་སྐུ། །སྐལ་བཟང་མཆོག་གི་ཐུགས་མཚོར་གསལ་བར་བསྟན། །གཞན་ཡང་རྩེ་གཅིག་དད་ལྡན་བཀའ་འབངས་རྣམས། །སླུ་མེད་དབྱིངས་ནས་བསྐྱངས་ལ་གསོལ་བ་འདེབས། །(༡༡༣ན)

― GLG009_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་ཀུན་གྱི་ཐུགས་རྗེ་གཅིག་བསྡུས་པ། །མཁས་དང་གྲུབ་པའི་དབང་ཕྱུག་རྡོ་རྗེ་འཛིན། །འགྲན་ཟླ་ཀུན་བྲལ་དྲིན་ཅན་ཚར་པ་རྗེ། །རྣམ་ཐར་དྲན་ཞིང་སྙིང་ནས་གསོལ་བ་འདེབས། །ཞེས་མེ་ཏོག་འཐོར་བར་ཉེ་བའི་སྔོན་རོལ་ཏུ་རིན་པོ་ཆེ་བོད་མཁར་བའི་རྣམ་ཐར་ལས་རང་ལ་ཡོད་པའི་ཟང་ཟིང་གི་དངོས་པོ་རྣམས་ཀྱང་ཕུལ་བཀའ་ཆོས་འདྲ་ཡང་ཞུས། རྗེའི་ཞལ་ནས་ང་ལ་ཡང་དགྲ་འདྲ་ཡོད་པས་འདུལ་དགོས་པ་ཡོད་གསུང་ཡང་ན་སོ་རྒས་པས་མི་ཡོང་འདུག་པས་ངའི་དགྲ་ཁྱེད་སློབ་མ་རྣམས་ཀྱིས་འདུལ་དགོས་གསུང་། ཧ་ཅང་དགྲ་ཚན་ཆེ་ཤོས་འཁོར་བར་སྐྱུར་མཁན་དུག་ལྔ་ཡིན་པས་འདི་འདུལ་བ་ཡིན་མོད་གསུང་། ཡང་དུག་ལྔ་མེད་པ་བྱས་ན་ཡེ་ཤེས་ལྔའི་རྒྱུ་མི་ཡོང་འདུག་དེ་ཡང་མི་ཡོང་འདུག་གསུངས། བདག་ལ་ད་ཆོས་རྗེའི་དྲུང་དབུས་ལ་བྱོན་དབུས་སུ་དགོན་པ་ཆེ་ཆུང་གང་བྱུང་ཡང་ཞལ་བདག་མཛོད་གསུངས། དམ་ཚིག་དྲིལ་བུ་ཡང་འདི་འཁྲོལ་བར་མཛོད་གདུལ་བྱ་མང་པོ་ཡོང་སུན་པ་ཙམ་ཡོང་གསུངས་ཏེ་རྗེས་སུ་ཇི་ལྟར་གསུང་བ་བཞིན་བྱུང་། ཞེས་གསུང་གི་ཐ་མ་ལྟ་བུའི་ལུང་བསྟན་སྩལ། ཤིང་བྱའི་ལོ་བོ་དོང་ཕུན་ཚོགས་རབ་བརྟན་དུ་བཞུགས་པའི་ཚེ་གཟིམས་ཆུང་གི་སྦུག་ཅིག་ནས་རྗེ་བཙུན་རྡོ་རིང་པའི་གསུང་འདྲ་རུང་བའི་གདངས་ལས་ལན་ཅིག་ཁུར་བསྐྱེད་ལ་སྡོད་དེ་ནས་ངས་འབོད་མི་བཏང་གིས་གསུང་བ་དངོས་སུ་གསལ་བར་བྱུང་བ་ནས་ལོ་གཉིས་སོང་བ་མེ་ཕོ་སྟག་གི་ལོ་ཐུགས་དམ་འོད་གསལ་ལ་ཁྱབ་བདག་ཀུན་སྤངས་ཆེན་པོ་ཕེབས་ནས་ཆོས་རྗེ་ཡར་བྱོན་གསུང་བརྡ་ཡང་ཡང་མཛད་པ་ན་ཐུགས་ངེས་པར་བྱུང་བའི་རྟགས་ཕྱི་རོལ་སོགས་སུ་དུས་མ་ཡིན་པར་རླུང་ལྡང་བ། ས་གཡོ་བ། འཁྲུག་ལོང་སོགས་མི་དགེ་བའི་ལྟས་མང་དུ་ཤར། དེའི་ཚེ་ཐམས་ཅད་(༡༡༣བ)

― GLG009_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་པ་ཀླུ་སྒྲུབ་རྒྱ་མཚོ་ལ་གྲང་མོ་ཆེའི་སྤེའུ་སེར་པོར་ཆོས་དུ་མ་སྩལ་ཞིང་གསུང་འཕྲོས་ཀྱི་ལྷོངས་ལ་ད་ལོ་དྲུག་ཅུ་རྩ་ལྔའི་ཐོག་དོག་ཆ་ཆེ་བ་ཡོད་ཟེར་ཡང་མ་ཤི་ཙམ་ཡོད་དམ་གསུང་བ་སོགས་ཀྱིས་མཚོན་ཞབས་འབྲིང་བ་དང་དྲུང་དུ་བྱུང་བ་དུ་མར་ཞིང་ཁམས་འཕོ་བའི་མདངས་ཀྱི་གསུང་མང་དུ་བྱོན་ཡང་། བདུད་ཀྱི་མཐུས་ཀུན་དགའ་བོས་དེ་བཞིན་གཤེགས་པ་མྱ་ངན་ལས་མི་འདའ་བར་གསོལ་བ་མ་བཏབ་པ་བཞིན་བུ་སློབ་དང་ཉེ་འཁོར་བ་རྣམས་ཀྱང་གཞན་འཕྲུལ་དབང་བྱེད་ནས་རྨོངས་བྱེད་ཀྱི་མདའ་བསྣུན་པ་ལྟ་བུས་བརྟན་བཞུགས་གསོལ་འདེབས་ཀྱི་རིགས་མ་བྱུང་བ་དང་། གཙོ་བོར་ཞིང་འདིའི་གདུལ་བྱ་ཕལ་ཆེར་རྫོགས་ཤིང་བླ་མ་དམ་པའི་བཀའ་ལྟར་དག་པ་དང་མ་དག་པའི་ཞིང་ཁམས་རྒྱ་མཚོའི་ལུས་ཅན་འདྲེན་པ་ལ་ཐུགས་ལྷག་པར་སྤྲོ་བའི་ཚུལ་གྱིས་ཟླ་བ་བདུན་པའི་ཚེས་བདུན་བརྒྱད་སྐོར་ལ་གྲིབ་ཟས་ཤིག་གིས་བསླང་བའི་སྐུ་ཁམས་མི་བདེ་བའི་ཚུལ་བསྟན་པར་གསོས་སྨན་དང་སྐུ་རིམ་སོགས་ཞབས་ཏོག་པ་རྣམས་ཀྱིས་འབད་ནས་བསྒྲུབས་ཀྱང་དྭངས་སྐྱེད་མེད་པའི་ཚེས་བཅོ་ལྔའི་ཉིན་གཟུགས་སྐུ་མཚན་དཔེའི་དཀྱིལ་འཁོར་ཆོས་དབྱིངས་དག་པའི་ཀློང་དུ་སྡུད་པར་གཞོལ་བའི་འདའ་ཁ་མའི་ཐུགས་དམ་ཟབ་མོའི་ཏིང་ངེ་འཛིན་གྱི་ཚེ། འདར་བླ་བྲང་གི་ཚོམས་ཆེན་དུ་དགེ་འདུན་རགས་རིམ་གྱིས་རྗེ་བཙུན་རྡོ་རིང་པ་ཆེན་པོའི་སྐུ་བསྟོད་གསུང་བའི་ཚེ་སྡིངས་ཚབས་ཀྱིས་ཤླཽ་ཀ་གཅིག་དཀྱུས་ནས་ཆད་པ་རྗེ་བླ་མས་ཐུགས་དམ་གྱི་ངང་ནས་མཁྱེན་ཏེ་ཏིང་ངེ་འཛིན་ལས་བཞེངས་ནས་ཤླཽ་ཀ་འདི་ཆད་སོང་བས་བསྐྱར་ནས་ཐོན་གསུང་བ་དཔལ་མར་མེ་མཛད་ཀྱིས་སྦྲུལ་གྱི་ཤུན་པ་བརྗེས་ཀྱང་སྦྲུལ་མི་འཆི་གསུངས་པ་བཞིན་སྐྱེ་འཆི་ལ་རང་དབང་ཐོབ་པའི་གང་ཟག་གནས་ཁང་གཅིག་ནས་(༡༡༤ན)

― GLG009_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ཏུ་འཕོ་བ་ཙམ་གྱི་ཉམས་ལས་མེད་པས་བློས་གཞལ་བ་དཀའ་བ་ཡིན་ནོ། །ཁ་སང་ཕན་ཆད་དཀར་ཕྱོགས་ཀྱི་ལྷ་རྣམས་མྱ་ངན་གྱིས་གདུངས་པའི་ཤུགས་ཀྱི་གནམ་ས་བར་གསུམ་གྱི་ལྟས་མི་ལེགས་པ་མང་བ་འདི་ནས་བཟུང་ནམ་མཁའ་བཻཌཱུཪྻ་མཐིང་ཁའི་མདོག་ལྟ་བུ་ལ་འཇའ་ཚོན་པིར་གྱིས་བྲིས་པ་ཇི་ལྟ་བ་འཁྲིགས་ཤིང་མེ་ཏོག་གི་ཆར་ཆལ་ཆིལ་དུ་འབབ་པ་སྔར་ཚོར་མ་མྱོང་བའི་དྲི་ངད་བཟང་པོས་ཁྱབ་པ་སོགས་ལྷ་རྣམས་ཀྱིས་མཆོད་པ་བསམ་གྱིས་མི་ཁྱབ་པ་སྤྲོས། ཏིང་ངེ་འཛིན་དེའི་ངང་ནས་ལམ་གྱི་འཕྲོ་རྫོགས་པར་མཛད་དེ་བཅུ་གསུམ་རྡོ་རྗེ་འཛིན་པའི་ས་མངོན་དུ་གྱུར་པས། མཁྱེན་བརྩེའི་ཞབས་ཀྱིས། ཞིང་འདིའི་མཛད་པ་ལེགས་པར་མཐར་ཕྱིན་ཚེ། །ཀུན་སྤངས་ཆེན་པོས་བྱོན་ཞེས་བསྐུལ་བའི་མཐུས། །བགྲང་ཡས་ངོ་མཚར་ལྟས་དང་ལྷན་ཅིག་ཏུ། །མཁའ་སྤྱོད་གནས་སུ་གཤེགས་ལ་གསོལ་བ་འདེབས། །ཞེས་སོ། །དེའི་ཚེ་རྗེ་མར་པ་ལོ་ཙཱ་ལ་ནཱ་རོ་ཏ་པས་པུཥྤ་ཧ་རིར་མཛད་པ་བཞིན་ཐུགས་ཀྱི་སྲས་དུ་མ་ལ་དག་པ་ཡེ་ཤེས་ཀྱི་སྐུ་དངོས་སུ་འདི་དང་ལོ་མང་སོང་ནས་ཀྱང་བསྟན་ཏེ་ཆོས་འཆད་ལུང་བསྟན་དབུགས་དབྱུང་རྒྱ་ཆེར་མཛད་པ་དཔེར་ན་འཇམ་དབྱངས་མཁྱེན་བརྩེའི་དབང་ཕྱུག་གི་གཟིགས་སྣང་ལ་མདུན་གྱི་ནམ་མཁའི་དབུས་སུ་རྡོ་རྗེ་འཆང་བློ་གསལ་རྒྱ་མཚོ། གཡས་སུ་སྤྲུལ་སྐུ་ཤཱཀྱ་ཐུབ་པ། གཡོན་དུ་ཨོ་རྒྱན་ཆོས་ཀྱི་རྒྱལ་པོ་གསལ་བར་གཟིགས། རིན་པོ་ཆེ་བོད་མཁར་པས་གོ་ཡབ་གྱི་གདན་ས་བཞག་ནས་དབེན་པ་བསྟེན་བཞེད་པའི་དུས་ཚེས་བཅུའི་ཐོ་རེངས་ཤིག་རྗེ་བླ་མ་ཕེབས་ནས་སྤྱན་ནན་ཆེར་གཟིགས་ཏེ་གསུངས་པ་རྣམ་ཐར་དུ། ངེད་རང་ལ་སློབ་མ་ཨ་རེ་མང་ཡོད་ཀྱང་ཆོས་རྗེའི་དྲུང་དམ་ཚིག་དང་སྡོམ་(༡༡༤བ)

― GLG009_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་གནས་ཤིང་བྱང་ཆུབ་ཀྱི་སེམས་དང་ལྡན་པས་བླ་མ་དང་བསྟན་པ་ལ་བསམས། བརྩོན་འགྲུས་དྲག་པོས་སྐྱོ་ངལ་སྤངས་ནས་གཞན་དོན་བྱེད་དགོས་པ་ཡིན། ད་ལྟ་བཤད་སྒྲུབ་ཀྱི་བསྟན་པའི་རྗེས་སུ་འཇུག་པ་ཡོད་ཙམ་གྱི་དུས་འདིར་འཆད་ཉན་ཐོས་བསམ་བྱས་ན་ཕན་ཡོན་གཞན་ལས་ཆེ་བ་ཡིན། གཞན་དོན་མི་ཡོང་བ་ཞིག་ཡིན་ན་སྒྲུབ་པ་ཁོ་ན་བྱེད་པ་ཁེ་ཆེ་མོད་དེ་འདྲ་ནི་མ་ཡིན། ཡང་འདི་ཡིན་གྱི་མཛུབ་མོ་འཛུགས་རྒྱུ་མེད་པར་དཔེ་ཉོག་མང་པོ་བལྟས་པའི་འཆད་ཉན་ལ་སྙིང་པོ་ཅི་ཡང་མེད། བླ་མ་གོང་མ་ཚད་ལྡན་གྱི་དགོངས་པ་དང་མཐུན་ཞིང་རང་གི་བླ་མ་ཚད་ལྡན་གྱི་ཞལ་ནས་བརྒྱུད་པའི་ཆོས་ཐོས་བསམ་སྒོམ་གསུམ་གྱི་སྒྲོ་འདོགས་བཅད་པའི་ངེས་ངེས་དེ་རང་གཞན་ལ་ཕན་ཐོགས་པ་ཡིན། ཞེས་བྱུང་ཞིང་། རིན་པོ་ཆེ་ཡོལ་པ་གཤེགས་ཁར་སྟེང་མཐོངས་སུ་རྗེ་བླ་མ་ཕེབས་པའི་སྐུ་རྡོ་རྗེ་འཆང་དངུལ་ཆུ་ལྟ་བུར་སོང་ཚུལ། མཁན་ཆེན་བསླབ་གསུམ་པས་རྗེ་དབང་ཕྱུག་རབ་བརྟན་ལ་ལམ་དབང་གནང་དུས་རྣམ་ཐར་དང་། རྗེ་ཉིད་ཀྱི་བཞུགས་སའི་མདུན་གྱི་ནམ་མཁར་ཚར་ཆེན་ཆོས་ཀྱི་རྒྱལ་པོ་དང་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་ཡབ་སྲས་གཉིས་དབང་མ་གྲོལ་བར་བཞུགས་ནས་དབང་བསྐུར་གྱི་ཆོ་ག་མཛད་ཀྱིན་འདུག་པ་ལ་ཁོང་ཡབ་སྲས་ཀྱི་དབང་བསྐུར་ཇི་ལྟ་བ་བཞིན་ཁྱེད་རྣམས་ལ་བཤད་པ་ཡིན་ཨང་། དེ་འདྲའི་དགའ་བ་ལ་ཨང་ཞེས་བྱུང་། སྔགས་འཆང་རིན་པོ་ཆེའི་རྣམ་ཐར་ལས། རྨི་ལམ་ན་རྗེ་བླ་མ་ཚར་ཆེན་ཉིད་སྔོན་དུ་གསུང་ངག་རིན་པོ་ཆེ་གནང་བའི་དུས་སུ་ལམ་ཟབ་གནང་བའི་སྐབས་ཀྱི་སྐུའི་གཟི་བྱིན་དང་ཞལ་འཛུམ་ན་བཟའ་སོགས་ཇི་ལྟ་བ་མཛད་ནས་ཁྱོད་ཀྱིས་བསྟན་པ་རིན་པོ་ཆེའི་བྱ་བ་ལྷུར་བླངས་ནས་སྙན་བརྒྱུད་ཐུན་མོང་མ་ཡིན་པའི་བསྟན་པ་ཡོངས་རྫོགས་ཀྱི་ཟབ་ཆོས་འདི་ཉིད་(༡༡༥ན)

― GLG009_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་སྡེ་ནས་གསུངས་པའི་གནས་སུ་འཆད་པར་གྱིས་ཤིག་གསུངས་བྱུང་བ་དང་གཉིད་སད་བྱུང་བས་དེ་ལྟ་བུའི་བླ་མ་དང་མཇལ་གསུང་གི་བདུད་རྩི་ཟབ་མོ་ཐོས་པའི་དུས་ཀྱང་བྱས་སྙམ་མཆི་མ་མང་དུ་ཤོར་ཚེ་རབས་ཀུན་ཏུ་གདུལ་བྱའི་ཞིང་ཁམས་སུ་སྐྱེ་བ། དེ་ནས་ཀྱང་རྗེས་སུ་འཛིན་པ་ཞིག་སྙམ་པའི་གསོལ་བ་ཕུར་ཚུགས་སུ་བཏབ་ཅེས་དང་། དེ་ཉིད་ལས། འདར་དུ་གསུང་ངག་བཤད་སྐབས་དེ་དུས་ཟླ་བ་གསུམ་ཙམ་སོང་བའི་བསྐྱེདརིམ་གྱིས་མངལ་འབྱིན་པའི་དམིགས་པ་གལ་གནད་ཤིན་ཏུ་ཆེ་བ་ཞིག་གི་དུས་སུ་ཐེ་ཚོམ་ཅུང་ཟད་ཡོད་པ་ཞིག་བྱུང་བ་དེ་དེ་ནུབ་ཐོ་རངས་ཁའི་དུས་སུ་རྨི་ལམ་ན་ཞབས་དྲུང་རྗེས་ཞུ་སྣ་མཛད་རྗེ་བཙུན་ཚར་ཆེན་དང་སྔོན་གྱི་གཞི་བསྙེན་སྐབས་སུ་ཕེབས་པའི་བླ་མ་ཡབ་སྲས་རྣམས་ཞལ་འཛུམ་ལྟ་བར་མི་བཟོད་པ་ལྟ་བུའི་དགྱེས་པའི་རྣམ་འགྱུར་ཇི་སྙེད་གནང་། དེ་ནས་སྔོན་གྱི་བླ་མ་ཉིད་ཀྱིས་སྐད་ཅིག་ལ་སྤྱན་ནམ་མཁར་གཟིགས་པ་དང་དཔའ་བོ་དང་མཁའ་འགྲོ་ཡིན་ཞུ་བས་ཆར་སྤྲིན་ལྷགས་པ་ལྟར་བྱས་འཇའ་ཚོན་ལྷམ་མེ་བ་ཞིག་བྱས་སོ། །དེ་ནས་བདག་གི་དོགས་པ་ཕྲན་བུ་འདི་སེལ་བ་ཞིག་ཞུ་སྙམ་པ་ན། ཨེ་མ་ལེགས་པའི་ལམ་ལ་ལེགས་སོ་ཞེས། །དེ་ག་ཡིན་པས་བཀའ་སྩལ་མི་དགོས་ཏེ། །ལོགས་སུ་ཡོད་པའི་འབྲས་བུ་ཏིལ་ཙམ་མེད། །བློ་གྲོས་ལྡན་པ་ཁྱོད་ལ་ཅི་ཞིག་དགོས། །གསུང་བ་ཞིག་གཉིད་ཁོངས་སུ་ཟིན། དེ་ནས་མེ་ལོང་ལ་ཧས་བཏབ་པ་ལྟར་ཡལ་བ་དང་གཉིད་སད། ཨེ་མ་ངས་འདི་ལྟ་བུའི་ལམ་ཚང་བ་མ་ནོར་བ་ཐོས་ལན་བསྐྱལ་བ་ལྟ་བུ་ལའང་ཐུགས་དགྱེས་དགྱེས་གནང་བ་ནི་བསྟན་པ་ཉམས་དམའ་བར་འདུག་སྙམ་པའི་བློ་ལ་འཁུ་འཕྲིག་ཆེན་པོ་དང་དད་པའི་དཔལ་འབར་བའི་དགའ་སྤྲོ་དང་། སྙིང་ཆུ་མིག་(༡༡༥བ)

― GLG009_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

སྔར་བབས་ལྷན་ཅིག་བྱུང་། བསམས་ཙ་ན་ང་རང་སྐལ་བཟང་སྙམ་པའི་བློ་བདེ་ཕུགས་སུ་ཆུད་བལྟོས་བཅས་ཀུན་ཀྱང་ལུགས་གཉིས་བྱ་བ་ཕྲ་རགས་གང་ལའང་གེགས་ཀྱི་མཚན་མ་མི་འབྱུང་བ་ཞིག་ལགས་ཞེས་དང་། དེ་ཉིད་ལས། འདར་དུ་སྐྱེ་བདུན་རིལ་སྒྲུབ་སྐབས་ཞག་ལྔ་སོང་བའི་སྔ་ཐུན་གྱི་བར་ལ་གཉིད་ཀྱི་རྣམ་པ་ཐུང་ཙམ་བྱུང་བའི་རྨི་ལམ་ན་རྗེ་བཙུན་སྤྲུལ་སྐུ་ཆེན་པོ་པདྨ་རྒྱལ་པོའི་སྐུ་ཉིད་མྱུག་རྒྱལ་ཁང་དུ་སྐྱེས་བདུན་སྒྲུབ་པའི་སྐབས་ཀྱི་སྐུའི་མདངས་ཇི་ལྟ་བ་དང་གཡས་ན་འཁྲུལ་ཞིག་ཆོས་སྐྱོང་བསོད་ནམས་ཡིན་ཟེར་བའི་སྐུ་གཟི་བརྗིད་ཆེ་བ་ཞིག་དང་། གཡོན་ན་ཚར་ཆེན་ཡབ་སྲས་དང་བཅས་དགྱེས་པའི་ཞལ་འཛུམ་གྱི་མདངས་གསལ་ལེ་བ་བྱས་པ་ཞིག་རྨིས་པ། གཉིད་དྭངས་པ་ན་ཨེ་མ་ཧོ་ང་ཡང་བསོད་ནམས་ཆེ། དེ་ལྟ་བུའི་སླུ་མེད་ཀྱི་བླ་མ་རྣམས་དང་མཇལ་སྙམ་པ་དང་། ད་སྙིང་པོ་བདག་དང་བདག་ལ་བལྟོས་པ་ཐམས་ཅད་ཨོ་རྒྱན་བླ་མའི་དྲུང་དུ་སྐྱེ་ངེས་ཀྱི་སྨོན་པ་ཡིད་ཆེས་ངེས་ཤིག་བཏབ། ཅེས་དང་། རྡོ་རྗེ་འཆང་དབང་ཕྱུག་རབ་བརྟན་དཔལ་ཕུག་ཏུ་བཞུགས་སྐབས་དག་སྣང་དུ་གསུང་ངག་གནང་བའི་ཐུགས་ཉམས་ཤར། ཡར་ཀླུངས་བཀྲ་ཤིས་རྩེ་ཆོས་སྡེར་ལམ་འབྲས་འཛུགས་པ་མཛད་སྐབས་འོད་གསལ་དུ་ཡང་ཡང་ཞལ་གཟིགས། འདར་རྣམ་རྒྱལ་སྟག་རྩེར་མནལ་ལམ་དུ་རྗེ་བླ་མའི་ཞབས་གཉིས་དབུ་གཙུག་ཏུ་བཞག་ཕྱག་གཉིས་ཀྱིས་ཞལ་འགྲམ་སྐྱོར་ནས་བྱིན་རླབས་གནང་དུས་ཨོ་རྒྱན་དངོས་ཡིན་དགོངས་པའི་ཚེ་དེའི་སྐུར་གྱུར། རྣམ་པ་དེ་ལྟར་ཤར་ཡང་ངོ་བོ་ཕ་བླ་མར་ཐག་ཆོད་པའི་མོས་གུས་ཀྱི་ངང་ནས་མནལ་སད་ཚེ་དབུ་གཙུག་ཏུ་ཞབས་དྲོད་ཀྱིས་ཚ་ཆིལ་ལི་བ་བྱུང་བས་མཚོན་ཏེ་དངོས་སློབ་ཡང་སློབ་མང་པོར་ཞལ་སྟོན་ཆོས་གསུང་བྱིན་རླབས་གེགས་སེལ་བོགས་(༡༡༦ན)

― GLG009_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

འདོན་ལུང་བསྟན་གནང་བ་སོགས་མང་། རྗེ་བོད་མཁར་བའི་རྣམ་ཐར་དུ། རྨི་ལམ་ལ་ཚར་ཆེན་རྡོ་རྗེ་འཆང་ཆེན་པོ་དེ་ཉིད་ན་བཟའ་སོགས་ཤིན་ཏུ་བཟང་བ་སྐུ་ལ་འོད་འཕྲོ་བ་དང་བཅས་ཕྱོགས་ཤིག་ལ་ཐེགས་སོང་བ་དང་རྗེའི་དྲུང་ལ་བལྟོས་པ་རྣམས་ངས་རྗེས་སུ་འཛིན་ནོ་གསུངས་སྤྱན་ཅེར་བ་ཞིག་གཟིགས་པ་རྨིས། དེ་ནས་རིང་པོར་མ་ལོན་པར་ཕ་བླ་མ་རྡོ་རྗེ་འཆང་ཆེན་པོ་དེ་ཉིད་དགོངས་པ་ཆོས་ཀྱི་དབྱིངས་སུ་ཐིམ་ཟེར་བའི་སྐད་ཆ་བྱུང་བ་ཡུག་ཅིག་འདི་བྱ་དང་འདི་བྱེད་མེད་པའི་ངང་ལ་འདི་རྨི་ལམ་ཡིན་ལ་ཆེ་བསམ་པ་དང་། དེ་ལས་སད་དེ་ཀྱེ་མ་ཀྱི་ཧུད་ཤིན་ཏུ་འཇིགས་སུ་རུང་བའི་འཁོར་བའི་རྒྱ་མཚོ་ལས་སྒྲོལ་བར་བྱེད་པའི་དེད་དཔོན་ཆེན་པོ་ལན་ཅིག་རྙེད་པ་དེ་ཉིད་རྨི་ལམ་སྒྱུ་མ་བཞིན་དུ་ཡལ་ནས་ཐལ་ད་མགོན་མེད་པའི་བདག་སོགས་འགྲོ་བ་རྣམས་ཇི་ལྟར་བྱེད་བསམས་པ་དང་། མིག་མཆི་མས་གང་སེམས་ལ་བཟོད་གླགས་མེད་པའི་སྡུག་བསྔལ་དཔག་ཏུ་མེད་པ་བྱུང་། སླར་བསམ་བློ་ལ་སྔོན་ཡང་དག་པར་རྫོགས་པའི་སངས་རྒྱས་ནས་བཟུང་བླ་མ་གོང་མ་ཚང་མས་མྱ་ངན་ལས་འདས་པའི་ཚུལ་བསྟན་ཁོང་རྣམས་བདེ་བ་ནས་བདེ་བའི་ཞིང་དུ་གཤེགས་པས་ཁམ་ཆེ། སྙན་བརྒྱུད་ཀྱི་གདམས་པ་རྣམས་ནི་ཐོབ་རང་རེ་ཆོས་གཤའ་མ་ཞིག་བྱེད་དགོས། ད་དུང་གནས་གསར་ནས་རྗེ་དྲུང་རིན་པོ་ཆེ་ལྟ་བུ་ཡང་བཞུགས་བསམས་པ་དང་འཇིག་རྟེན་ཕྱོགས་ནས་ངེད་རང་ཚོའི་བྱུང་ཚུལ་ཡང་དྲན་སྔོན་ནས་བསམས་པའི་གནས་དེ་ལྟ་བུ་ཞིག་ཏུ་ཐུགས་དམ་བྱེད་པ་ལས་གཞན་ཐབས་མེད་བསམ་པ་ཤར་ཞེས་བྱུང་བ། རང་སེམས་བླ་མའི་ངོ་བོར་ཐག་ཆོད་པའི་སྐྱེས་བུ་དེ་འདྲ་ལའང་། དེ་བཞིན་གཤེགས་པའི་སྔོན་རོལ་ཏུ་མཆོག་ཟུང་ཉིད་ཞིང་ཁམས་(༡༡༦བ)

― GLG009_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

འཕོས་པ་བཞིན་ཐུགས་ལ་མི་བཟོད་པའི་ཚོར་བ་དྲག་པོ་བྱུང་ན་ཐ་མལ་པ་དག་ལྟ་ཅི་སྨོས་པས་ཕྱོགས་དེའི་སྐྱེ་བོ་རྣམས་ཆོ་ངེ་འདོན་པ་དང་བརྒྱལ་བ་སོགས་ཉམ་ཐག་པའི་རྣམ་འགྱུར་སྣ་ཚོགས་པ་སྟོན་ཞིང་། འདར་བ་བསོད་ནམས་ལྷུན་གྲུབ་ལོ་ངོ་བཞི་ཙམ་ལོན་པ་ཞིག་ཀྱང་སྟོད་ལ་འཚངས་པ་བྱུང་བ་ནའང་རྒྱལ་བ་ཉི་མའི་གཉེན་ཆོས་ཀྱི་དབྱིངས་སུ་གཟུགས་སྐུའི་བཀོད་པ་བསྡུས་ཀྱང་འོད་སྲུངས་ཆེན་པོ་སོགས་བསྟན་པའི་གཏད་རབས་རིམ་བྱོན་ལྟར། རྗེ་བླ་མ་དམ་པ་ལ་རེ་བལྟོས་འཆའ་བའི་གདུལ་བྱ་རྣམས་རྗེས་སུ་འཛིན་པར་ཞལ་སྐྱིན་ལྟ་བུའི་ཞལ་སློབ་ཀྱི་འདྲེན་མཆོག་འདི་ལྟ་བུ་ཡོད་དོ་ཞེས་དབུགས་དབྱུང་བ་ལ་ཆེད་དུ་བསྔགས་པ་ལྟར་རིམ་གྱིས་ཕྱོགས་ནས་འདུས་ཤིང་སྐུ་གདུང་ཟ་མ་ཏོག་ཏུ་མ་བཞུགས་པའི་གོང་དུ་ཚོགས་པ་རྣམས་ལ་པུར་མཇལ་སྐུ་གདུང་ཡིད་བཞིན་གྱི་ནོར་བུར་ཤིང་ལས་ཐང་ཆུ་བཞིན་སྐུ་རྔུལ་ཞུ་བ་ཤེལ་དཀར་གྱི་འཁྲི་ཤིང་ལྟ་བུ་གསལ་ལ་འཚེར་བ་ཀུན་གྱི་མཐུན་སྣང་དུ་གྲུབ་པའི་དགེ་མཚན་མཐའ་ཀླས་པ་བྱུང་། ཞལ་སློབ་འགངས་ཆེ་བ་རྣམས་དང་། ཆོས་སྡེ་ཁག །བསྟན་པའི་སྦྱིན་བདག་གནས་གསར་བ་དང་འདར་པ་སོགས་ཀྱིས་ཐོག་དྲངས་མདོར་ན་སྐྱ་སེར་དྲག་ཞན་མཐའ་དག་གིས་སྙན་དར་མཆོད་པ་སྣ་ལྔ་སོགས་ཆེ་འབྱོར་ཆུང་འབྱོར་དང་། འདར་སྟོད་རྣམ་རྒྱལ་སྟག་རྩེ་ནས་སྡེ་པ་ཡུམ་སྲས་ཀྱིས་འགན་བླངས། བླ་བྲང་གཉེར་ཚང་། བོ་དོང་ཕུན་ཚོགས་རབ་བརྟན་སོགས་ནས་དགེ་འདུན་མང་པོར་བསྙེན་བཀུར་ཏེ་ཀྱེ་རྡོར་གཙོ་བོར་གྱུར་པའི་དཀྱིལའཁོར་དུ་མ་ཞལ་འབྱེད་ཀྱི་ཆོག་གྲའི་ཚེ་རྡོ་རྗེ་སློབ་དཔོན་རིགས་ཀུན་ཁྱབ་བདག་ཆེན་པོའི་སྐུར་བཞེངས་པ་ལ་ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པའི་ཚོགས་གསོག་རྒྱ་ཆེར་བསྒྲུབས་སྐབས་ཉིན་ཞག་མང་པོར་མེ་(༡༡༧ན)

― GLG009_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

ཏོག་གི་ཆར་དང་འཇའ་འོད་ཀྱི་གུར་སོགས་ཕྱོགས་དེར་འདུས་པ་མཐའ་དག་ངོ་མཚར་དང་དད་པའི་སྤུ་ལོང་གཡོ་བར་གྱུར། སྐུ་གདུང་རིན་པོ་ཆེར་དར་ཟབ་ཀྱི་ན་བཟའ་དང་དྲི་བཟང་གི་ཕྱེ་མའི་སྲི་ཞུ། ཉེས་པའི་སྐྱོན་སེལ་བའི་སླད་དུ་ཚྭ་སོགས་ཀྱི་ཞབས་ཏོག་དང་བཅས་རིན་པོ་ཆེའི་སྒྲོམ་བུར་བཅུག་སྟེ་ཉིན་རེ་བཞིན་མཆོད་པ་སྣ་ཚོགས་པའི་བཀུར་སྟི་ཆད་པ་མེད་པའི་ངོས་ལོ་བཅོ་ལྔ་སོང་བ་ལྕགས་མོ་སྦྲུལ་གྱི་ལོ་སྡེ་པ་རིན་ཅེན་དཔལ་བཟང་བ་མཆེད་སོགས་དད་པ་དང་གཏོང་བ་ཕུན་སུམ་ཚོགས་པའི་སྦྱིན་པའི་བདག་པོ་ཆེན་པོས་གསེར་གདུང་ཐོག་ཚད་ཕྱེད་གཉིས་ཙམ་ལ་སྡེ་པ་རིན་ཆེན་དཔལ་བཟང་མཆེད་ཀྱི་གཡུ་པད། ཡུམ་ཨ་མཛེས་རྒྱལ་མོའི་གཡུ་ཀྲེལ་རྣ་བརྒྱངས་ཀྱིས་གཙོས་གཡུ་མུ་ཏིག་བྱུ་རུ་སྤོས་ཤེལ་སོགས་ཀྱི་ཕྲ་རྒྱན་ཕྱུག་པ་དང་བཅས་བཞེངས་པའི་ཐོག་མའི་གེགས་སེལ་ནས་གཟུང་བཞུགས་རབ་གནས་ཀྱི་བར་ཐུགས་སྲས་དམ་པ་མཚུངས་མེད་སྔགས་འཆང་ཆེན་པོས་མཛད་པ་ནི་རྣམ་ཐར་ལས། དེ་ནས་རྗེ་བཙུན་རྡོ་རྗེ་འཆང་བློ་གསལ་རྒྱ་མཚོའི་རིང་བསྲེལ་ཕུང་པོ་གསེར་གདུང་རིན་པོ་ཆེའི་ཞལ་བཀོད་བདག་ལ་བར་ཆད་ཞི་ཕྱིར་སྲུང་འཁོར་དང་ལྷག་པར་རྒྱུ་དང་ཟངས་བཟོ་བ་རྣམས་ལ་བགེགས་སྐྲོད་དང་བསྐྱང་ཆོག་བྱེད་དགོས་ཚུལ་གསུངས་བླ་མ་དྲག་པོར་ལངས་ནས་བྱས་པས་བར་ཆད་མཚན་མས་གླགས་བལྟ་བར་ག་ལ་ནུས། རྒྱང་གྲགས་ཚུན་ལ་བཀྲ་ཤིས་མངའ་གསོལ་མ་གྲུབ་བར་དུ་ཉེས་པའི་གོ་སྐབས་བྲལ། ལར་བླ་མ་དམ་པའི་ཐུགས་རྗེ་ལས་གནད་དུ་མི་འགྲོ་བ་བྱུང་དོགས་མེད། འོན་ཀྱང་སྲུང་འཁོར་ཆེད་བསྟད་ནན་བསྐྱེད་དེ་བསྒོམས་པ་དང་ཉིན་མཚན་དལ་མེད་དྲག་སྔགས་རྒྱུན་ཆད་མེད་པར་བཟླས། ཟླ་བ་དྲུག་གི་ཁོངས་སུ་ཡོངས་སུ་རྫོགས་ཏེ་རིན་པོ་ཆེའི་གདུང་ཉིད་མཆོད་རྟེན་(༡༡༧བ)

― GLG009_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་སྤྱན་དྲངས་པའི་ཡེ་ཤེས་ཕྱིར་འབྲང་གི་བགེགས་སྐྲོད་འཇམ་དཔལ་ཞལ་དགུ་པར་ལངས་ཏེ་བྱས་པས་བདུད་རིགས་ཀྱི་ཚོགས་ཐམས་ཅད་བྱེར་ཞིང་དེར་ཚོགས་པ་ཀུན་ཀྱང་སྤུ་ཟིང་བྱེད་པ་མང་དག་བྱུང་འདུག །མཆོད་སྟེགས་སུ་ཕེབས་པ་དང་མཆོད་པ་དང་སྐུ་ཁྲུས་འབུལ་བ་སོགས་རྒྱས་པར་བྱས། པཉྩ་ལི་ཀ་སྣམ་སྦྱར་གྱི་གྲ་སྦུབས་ནས་གཉིས་མེད་ཀྱི་ཡེ་ཤེས་ལ་ཁ་དོག་མེད་ཀྱང་བདུད་རྩི་ཤེལ་དཀར་གྱི་གོང་བུ་གཅིག་ཏུ་བྱས་པ་ཚུལ་ཁྲིམས་ཀྱི་ཕུང་པོ་གོང་འཕེལ་དང་དྲི་བསུང་ཕྱོགས་བཅུར་འཕྲོ་བའི་སྤོས་དཀར་གྱི་རྡོག་མ་བདག་གི་པང་དུ་གནང་བྱུང་བས་སྒྲིབ་མེད་ཡེ་ཤེས་ཀྱི་ཐུགས་རྗེ་རྒྱུན་ཆད་མི་མངའ་ལགས་སོ། །དེ་ལྟར་རྒྱུ་རིན་པོ་ཆེ་གསེར་ལས་གྲུབ་པའི་གནོད་སྦྱིན་ཕོ་མོའི་འཁོར་ལོ་སྒྲུབ་པ་ཟླ་བ་ཙམ་བྱས་རྒྱུད་ནས་ཇི་སྐད་བཤད་པ་ལྟར་བཞུགས་སུ་གསོལ། མཐར་རབ་ཏུ་གནས་པ་རྒྱུད་སྡེ་ནས་གསུངས་པ་ལྟར་མཚན་ཉིད་ཚང་བའི་སྒོ་ནས་ཞག་གསུམ་སྦྲེལ་ཞག་བྱས། སྒྲུབ་པོ་སྦྱིན་བདག་དང་བཅས་པའི་ཚེ་དང་བསོད་ནམས་དཔལ་འབྱོར་གྱི་རྒྱུན་ཐམས་ཅད་གོང་འཕེལ་དུ་འགྲོ་བའི་ཕྱིར་རྒྱས་པའི་སྦྱིན་སྲེག་ཐུན་མོང་མིན་པའི་ཕྱག་ལེན་གྱིས་བརྒྱན་ནས་བྱས། ཞེས་བྱུང་ལ་གསེར་གདུང་རིན་པོ་ཆེའི་དབུ་ཐོག་ཏུ་གནམ་རྒྱན། སྙན་དར། ཏིང་ཀོང་བུ་མཎྜལ་མེ་དམ་སོགས་མཆོད་རྫས་ཀྱི་རིམ་པ་རྒྱ་དཔངས་མཐོ་བ། གདུང་རྟེན་གྱི་གཡས་སུ་རྗེ་བླ་མས་བཞེང་བ་མཛད་པའི་ལམ་ཟབ་དང་གཡོན་དུ་དགོངས་རྫོགས་ལ་དམིགས་པའི་ལམ་འབྲས་བརྒྱུད་པ་དང་བཅས་པ་བླ་མ་སོ་སོའི་སྐུ་མདུན་དུ་ཞལ་དཀར། བཟེད་ཞལ། ཞལ་བསིལ། ཌཱ་དྲིལ། དབང་བུམ། འབྲུ་ཕོར། ནང་མཆོད་ཀ་ལི་སོགས་ཉེར་སྤྱད་ཕུན་སུམ་ཚོགས་པ། བསྟན་པའི་སྦྱིན་བདག་འདར་ནས་ཀྱིས་ཞིང་དང་ནས་རྩ་སྦྱར་བའི་གསེར་གདུང་རིན་པོ་ཆེའི་དྲུང་དུ་(༡༡༨ན)

― GLG009_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་མེ་སྡོང་རྐང་བཅོ་བརྒྱད་རེའི་རྒྱུན་བཙུགས་པ་དེང་སང་ཡང་ནག་མེ་ལ་བརྟེན་པའི་ཕྱོགས་འདྲ་ཙམ་རེ་ཡོད་སྣང་། སྔགས་འཆང་རིན་པོ་ཆེས་ངའི་པུར་འདི་གདོང་དགའ་བ་མི་རྩ་མ་ཆད་བར་དེ་ཕྱོགས་ལ་ཁ་ཐོད་ལ་ཞོག་ཅེས་ཞལ་ཆེམས་ལྟར་གདུང་རྟེན་དུ་ཞུགས་པ་ལྕགས་སྟག་ལོ་དུས་བབས་ཀྱིས་ཞུགས་འབུལ་དགོས་པ་འགྱངས་པས་མེ་རང་འབར་ལྟ་བུའི་རྐྱེན་གྱིས་གཙུག་ལག་ཁང་ལ་མེ་གཤོར་བྱུང་དུས་རྗེ་འདི་ཉིད་གདུང་ཡང་མེས་བཞེས་མོད་དེ་ཡན་ཆོད་ཕྱོགས་དེའི་སྐྱེ་རྒུ་མཐའ་དག་གིས་ཤི་གསོན་གྱི་དགེ་བའི་ཕུད་གསེར་གདུང་ལ་འབུལ་ཞིང་། འདར་བའི་བྱ་བ་གང་གི་ཚེའང་ཟན་རིལ་བསྒྲིལ་བ་ལ་ཡིད་གཏོད་པར་སྣང་། མ་འགྱངས་པར་འདི་ག་ནས་གསེར་སྒ་དངུལ་སྒ་ཆ་འགྲིག་ལེགས་པ་རེ་དང་གོས་ཡུག་ལྔ་རྟ་སོགས་ཀྱི་ཡོན་སྦྱར་ཞིང་གཙོ་བོར་གདན་ས་ནས་འཇམ་མགོན་ས་སྐྱ་པ་ཆེན་པོས་ཐུགས་ཁུར་བཞེས་ཏེ་དངུལ་གདུང་ཐོག་ཚད་མ་ཕྲ་རྒྱན་དང་བཅས་གྲུབ་པའི་ནང་དུ་བདག་ཆེན་རིན་པོ་ཆེས་གདུང་ཚྭ་ཕྱག་དར་བ་མང་དུ་འཇུག་པ་གནང་བས་བྱིན་རླབས་ཀྱི་རྒྱུན་མ་ཉམས་པར་ཡོད། གཞན་ཡང་ཐུབ་བསྟན་དགེ་འཕེལ་དང་གྲང་མོ་ཆེ་གཉིས་ཀར་ཟླ་བ་བྱུང་ངོ་ཅོག་གི་ཚེས་བཅོ་ལྔ་ལ་གཞི་རྟེན་སྦྱར་བའི་མང་ཇ། ཟླ་བ་བདུན་པའི་དུས་ཆེན་ཐོག་ཚེས་བཅུ་གསུམ་ནས་ཞག་བཞིའི་བར་ཀྱེ་རྡོར་སྒྲུབ་མཆོད། དེ་ཞོར་དུ་གྲང་མོ་ཆེར་ཚེས་བཅུ་བཞི་ནས་ཞག་གསུམ་གྱི་བར་དམར་ཆེན་གཏོར་བཟློག །གནོད་སྦྱིན་ཡབ་ཡུམ། པུ་ཏྲ་མིང་སྲིང་། བེག་ཙེ་ལྕམ་དྲལ། སྒོ་མ་བཞི། བྲན་བདུད། ནོར་བདག་ཡབ་ཡུམ་རྣམས་ཀྱི་འཆམས་སོགས་རྒྱས་པར་ཚུགས་པ་དེང་སང་གི་བར་དུ་མ་ནུབ་པར་གནས། གཞན་ཡང་སྡེ་པ་གནས་གསར་བ། ཁྲི་ཁང་པ། ཨོ་གཞི་བ་སོགས་སྦྱིན་(༡༡༨བ)

― GLG009_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བདག་པོ་རྣམས་ཀྱིས་སྒྲུབ་མཆོད་དུས་དྲན་གྱི་ཐེབས་སོགས་གནས་དགོན་མང་པོར་བསོད་ནམས་རྒྱ་མཚོའི་རླབས་འཕྲེང་དུས་ལས་ཡོལ་བ་མེད་པར་གྱུར་ཏོ། །མཐའ་ཡས་ཞིང་དུ་གྲངས་མེད་རྫོགས་སངས་རྒྱས། །འགྲོ་འདྲེན་ངལ་ཁུར་བཟུང་བཞིན་གངས་ལྗོངས་འདིའི། །གཉེན་གཅིག་བསུ་མར་འོངས་པའི་ཌཱ་ཀིའི་ཚོགས། །ཕྱོགས་འདི་ཁོ་ནར་བརྩེ་བྲལ་ཀྱེ་མ་ཧུད། །སེམས་ཅན་ཀུན་དོན་རིང་ནས་ཐུགས་བསྐྱེད་མགོན། །རྩོད་ལྡན་དུཿཁས་ཆེས་མནར་གདུལ་དཀའ་རྣམས། །བོར་ནས་ཆོས་དབྱིངས་བདེ་བའི་ཀློང་གཟིམས་ན། །ཞལ་འཆེས་རྡོ་བའི་རི་མོ་མིང་དུ་ཟད། །འོག་མིན་ཞིང་དུ་ཡེ་ཤེས་ཐེམ་སྐས་ལ། །བཤེས་གཉེན་མཆོག་དེ་འབྱོན་པར་གསོལ་བཏབ་ནས། །དབང་གཞུའི་གུར་ཁྱིམ་མནྡ་ར་བའི་ཆར། །ཐབས་ཀྱིས་སྐལ་དམན་འགྲོ་རྣམས་འབྲིད་འདི་ཅི། །ཚུར་མཐོང་སྐྱེ་བོ་མྱ་ངན་ཁང་བུ་རུ། །བརྒྱལ་མོད་གནས་ལུགས་རང་ངོ་ཤེས་པ་རྣམས། །སེམས་ཉིད་དག་པའི་ངོ་བོ་ཚར་པ་རྗེ། ཁྱབ་བདག་རྡོ་རྗེ་སེམས་གཞན་དམིགས་སུ་མེད། །འོན་ཏེ་ཆོས་ཀྱི་རྒྱལ་ཚབ་གནས་གསར་བས། །ཉེར་མཚོན་བསྟན་འཛིན་དཔྱིད་ཀྱི་གསེར་ལྡན་མ། །རྔུལ་ཆུའི་རྒྱུན་འབབ་དེ་བཞིན་སྙན་བརྒྱུད་ཆོས། །སྲིད་མཐར་མི་ནུབ་འཕེལ་དེར་སྤྲོ་དགའ་བརྟས། །དེ་ལྟར་རིགས་དང་དཀྱིལ་འཁོར་ཀུན་གྱི་ཁྱབ་བདག་སྙན་བརྒྱུད་རྒྱ་མཚོའི་དེད་དཔོན་ཚར་ཆེན་ཆོས་ཀྱི་རྒྱལ་པོའི་རྣམ་ཐར་གསོལ་འདེབས་ས་སྐྱོང་འདར་པ་རིན་ཅེན་དཔལ་བཟང་གིས་མཛད་པའི་བྱིན་རླབས་བདུད་རྩིའི་ཆུ་གཏེར་རྒོད་པ་དང་། དེའི་འགྲེལ་པ་སྙན་ངག་མཁན་འདར་པ་བསོད་ནམས་ལྷུན་གྲུབ་ཀྱིས་བསྒྲིགས་པ་ལེགས་བཤད་ཟླ་བའི་སྣང་བ། རྩ་འགྲེལ་དེ་གཉིས་ལ་གཞི་བཅོལ་ནས་ཆོས་འཁོར་ཡང་རྩེ་དང་མཉན་ཡོད་བྱ་གཤོངགི་མཁན་པོ་འཇམ་དབྱངས་དགའ་བའི་བཤེས་གཉེན་གྱིས་མཛད་པའི་(༡༡༩ན)

― GLG009_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པར་ཐར་པ་ངོ་མཚར་ནོར་བུའི་མགུལ་རྒྱན་རྣམས་ལའང་རྗེ་བླ་མ་ཞལ་བཞུགས་དུས་ཟིན་བྲིས་ངེས་སྦྱར་མེད་པའི་སྐྱོན་གྱིས་ལོ་ཚིགས་གལ་ཆེ་བ་རགས་པ་ཙམ་ལས་ཞིབ་ཆ་མ་མཆིས་ཤིང་། མཛད་པ་འགངས་ཆེ་བ་རྣམས་བསྡེབས་མཚུངས་སུ་འདུག་པ་ཞལ་སློབ་ཀྱི་རྣམ་ཐར་དང་སྒོ་བསྟུན་པའི་ལོ་ཟླ་སོགས་ཅུང་ཟད་གཏན་ཚིགས་ཀྱིས་གཞལ་ནུས་ཀྱང་མཐའ་དག་རྟོགས་པར་དཀའ་བས་གསོལ་འདེབས་ཚིགས་བཅད་མ་རྩ་བར་བཟུང་། འགྲེལ་པ་དང་འཇམ་དབྱངས་དགའ་བའི་བཤེས་གཉེན་གྱིས་མཛད་པ་གཉིས་ལ་འཁྲུལ་སྐྱོན་ངོས་ཟིན་པ་ཐོར་བུ་བྱུང་བ་རྣམས་ལ་དག་སྦྱོར་བྱས། གོ་རིམ་ཕྱོགས་ཙམ་ལས་ངེས་སྦྱར་མ་ཐུབ་རུང་དོན་གྱི་ཆ་ལ་དཔྱད་གང་བཟོད་ཀྱི་ལུགས་བགྱིས་པར་སླད་ནས་ཀྱང་མཁས་པ་རྣམས་ཀྱིས་དག་ཐེར་དང་སྣོན་འབྲི་མཛད་འཚལ་ལོ། །རྒྱལ་ཡུམ་ཡེ་ཤེས་མཁའ་འགྲོས་རྗེས་བཟུང་ས་དྲུག་དཀའ་བ་མེད་བགྲོད་ནས། །བརྟུལ་ཞུགས་སྤྱོད་པས་ལོག་ལམ་འཕྱན་ཀུན་མངོན་མཐོ་ངེས་ལེགས་གནས་བཀོད་དེ། །བཅུ་གསུམ་རྡོ་རྗེ་འཛིན་པའི་སར་གཤེགས་རྣལ་འབྱོར་དབང་ཕྱུག་ཆོས་སྐྱོང་ཞབས། །ཨ་ཧོ་ངུར་སྨིག་གོས་ཀྱིས་ཉེར་ཀླུབས་རིགས་ཀུན་བདག་པོ་ཚར་པ་རྗེ། །འགྲོ་སྣང་རྫིང་བུ་གངྒཱའི་ཀླུང་རྡུལ་སྙེད། །སྣ་ཚོགས་སྒྱུ་དྲའི་ཟླ་གཟུགས་འཆར་བའི་ཚད། །བསྐལ་བརྒྱར་འཚོལ་བའི་རྩེ་གཅིག་ཏིང་འཛིན་མཁན། །མཁའ་མཐའ་མ་རྙེད་ལྡོག་པའི་འདབ་ཆགས་བཞིན། །བཅུ་གསུམ་རྣམ་པར་སྤྲུལ་པའི་ཟློས་གར་གཏམ། །གྱ་ཚོམ་སྨྲ་མིན་ལུང་རིགས་ངེས་སྟེར་ནོར། །གྲངས་མེད་སྐྱེ་བར་བསྒྲུབས་པའི་ལེགས་བྱས་ཀྱི། །ཚོང་ཟོང་དེས་ཁུགས་ཚུལ་ལ་གཅིག་ཏུ་རངས། །ཐོས་བསམ་ཆ་བསགས་ཟླ་དཀྱིལ་དམན་པའི་ཟོལ། །གཞན་ངོར་འཕེལ་དང་འགྲིབ་པ་ལྟར་སྦྱོར་ཡང་། །དཔག་(༡༡༩བ)

― GLG009_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

དཀའི་ཡོན་ཏན་རི་བོང་སྣང་བརྙན་དེ། །མངོན་སུམ་གསལ་བར་འཆར་ལ་གང་གིས་བསྙོན། །སྙན་བརྒྱུད་རིང་ལུགས་དཔྱིད་ཀྱི་དགའ་སྟོན་ཚོགས། །ཆད་མེད་འབོད་པའི་རྟོགས་བརྗོད་གཞན་གསོས་གླུ། །བློ་གསལ་རྣ་བའི་བཅུད་དུ་སྲིད་མཐའི་བར། །ཆེས་དངར་ཕང་འགྲོའི་སྒྲ་བཞིན་སྙན་པར་ཤོག །ཆེད་དུ་སྒོ་གསུམ་འབད་རྣམས་ཟུང་འཇུག་སྐུ། །མངོན་གྱུར་དེ་སྲིད་ཚད་མ་བཞི་ལྡན་ཆོས། །སྟོན་དང་ཉེར་མཇལ་ཐོས་བསམ་སྒོམ་པ་ཡི། །བཟང་པོའི་སྐལ་བ་ཅན་དུ་འགྱུར་བར་ཤོག །གསུང་ངག་གསེར་ཆོས་རྡོ་རྗེའི་ཆོས་སྐྱོང་གིས། །ཟབ་དོན་སློབ་མར་བཤད་བྱ་གདམས་པའི་ཆར། །སྣོད་ལྡན་གདུལ་བྱའི་འཛིན་མ་རབ་བརླན་ཏེ། །བཤད་སྒྲུབ་སྙེ་མ་སྲིད་མཐར་གཡུར་ཟ་ཤོག །དེ་ཡང་ཚར་ཆེན་ཆོས་ཀྱི་རྒྱལ་པོའི་རྟོགས་བརྗོད་བྱ་གཤོང་མཁན་ཆེན་འཇམ་དབྱངས་དགའ་བའི་བཤེས་གཉེན་གྱིས་མཛད་པ་དེར་འཁྲུལ་གཞི་ཁ་ཡར་ཡོད་གྲགས་དང་། ས་སྤྱོད་འདར་པ་རིན་ཆེན་དཔལ་བཟང་ཁུ་དབོན་གྱིས་སྦྱར་བའི་གསོལ་འདེབས་རྩ་འགྲེལ་ཁུངས་བཙུན་ཡང་ཁྱབ་ཆེ་བ་ཞིག་མི་སྣང་བས་བསྒྲིག་མདུན་ཡོད་ངོས་དྲིན་ཅན་བླ་མ་དཔལ་ལྡན་རྡོ་རྗེ་སེམས་དཔའ་དངོས་བཀའ་འགྱུར་བ་ཆེན་པོ་དང་འདྲེན་མཆོག་དམ་པ་མཁན་ཆེན་ཞ་ལུ་པ་གཉིས་ཀྱི་བཀའི་ཁུར་ལྕི་བའི་སྟེང་། བདག་ཆེན་རྡོ་རྗེ་འཆང་ཡབ་སྲས་བརྒྱུད་པ་དང་བཅས་པ་ལ་མི་ཕྱེད་པའི་དད་པ་ཐོབ་པའི་བསྟན་པའི་སྦྱིན་བདག་པཱ་ཎི། ཀ་ཙན། སྭ་ར་སྭསྟི་བྱཱ་ཀ་ར་ཎ་སོགས་བརྡ་སྤྲོད་པའི་གཙུག་ལག་རྒྱ་མཚོའི་མཐར་སོན་ཞིང་། སྡེབ་སྦྱོར། རྩིས་དཀར་ནག་གིས་མཚོན་པའི་རིག་བྱེད་དུ་མ་ལ་བློ་གྲོས་ཀྱི་སྣང་བ་རྒྱས་པ་འདར་པ་ངག་དབང་ཕུན་ཚོགས་ལྷུན་གྲུབ་གྱིས་ལོ་རྒྱུས་ཁ་འཐོར་རྣམས་བསྡུ་བ་སོགས་འབད་པ་ཆེན་པོས་བསྐུལ་བ་དང་། རབ་འབྱམས་རྒྱུད་སྡེའི་བང་མཛོད་བཅོ་བརྒྱད་ཆོས་རྗེ་(༡༢༠ན)

― GLG009_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

བྱམས་པ་ངག་དབང་ལྷུན་གྲུབ། གནས་གསར་ཞབས་དྲུང་དབོན་རིན་པོ་ཆེ་ནམ་མཁའ་བསོད་ནམས་དབང་གི་རྒྱལ་པོ། གྲུབ་པའི་དབང་ཕྱུག་ལྕགས་ཟམ་པ་ཆེན་པོའི་དབོན་ངག་དབང་བསྟན་འཛིན་ཕུན་ཚོགས་གསུམ་གྱིས་གསུང་ངག་བརྒྱུད་པའི་ཁ་སྐོང་དུ་དགོས་པའི་མཚམས་སྦྱར་བར་བརྟེན་རིགས་དང་དཀྱིལ་འཁོར་ཀུན་གྱི་ཁྱབ་བདག་རྡོ་རྗེ་འཆང་བློ་གསལ་རྒྱ་མཚོ་གྲགས་པ་རྒྱལ་མཚམ་དཔལ་བཟང་པོའི་རྣམ་པར་ཐར་པ་སློབ་བཤད་བསྟན་པའི་ཉི་འོད་འདི་ནི་ཁའུ་བྲག་རྫོང་པའི་རིང་ལུགས་ལ་རྒྱུ་མཚན་ཤེས་ནས་དད་པ་ཐོབ་པའི་ཟ་ཧོར་གྱི་བནྡེ་སློབ་བཤད་འཛིན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས་ཨཱ་ན་ལ་ཞེས་པ་མེ་འབྲུག་གྲོ་བཞིན་ཟླ་བའི་ཡར་ཚེས་བཅོ་ལྔ་རྗེ་བླ་མ་མཁའ་སྤྱོད་དུ་གཤེགས་པའི་དུས་དྲན་གྱི་ཉིན་ཕོ་བྲང་ཆེན་པོ་དམར་པོ་རིར་སྦྱར་བའི་ཡི་གེ་པ་ནི་འཕྱོང་རྒྱས་སྤུན་བདུན་པ་ལྷུན་གྲུབ་རྒྱ་མཚོས་བགྱིས་ཏེ་གྲུབ་པའི་དགེ་བས་སྙན་བརྒྱུད་ཚད་མ་བཞི་ལྡན་གྱི་བསྟན་པ་སྲིད་མཐའི་བར་དུ་རྒྱས་པར་གྱུར་ཅིག །སརྦ་མངྒ་ལཾ།། །།

རྒྱལ་ཀུན་འདུས་པའི་ངོ་བོ་ཁྱབ་བདག་ཧེ་རུ་ཀ་ངུར་སྨྲིག་གར་གྱིས་རྣམ་པར་རོལ་བ་གདན་གསུམ་ཚང་བའི་སྡེ་དཔོན་རྗེ་བཙུན་བླ་མ་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོའི་རྟོགས་པ་བརྗོད་པ་བདུད་རྩིའི་ཟ་མ་ཏོག

― GLG009_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་ཀུན་འདུས་པའི་ངོ་བོ་ཁྱབ་བདག་ཧེ་རུ་ཀ་ངུར་སྨྲིག་གར་གྱིས་རྣམ་པར་རོལ་བ་གདན་གསུམ་ཚང་བའི་སྡེ་དཔོན་རྗེ་བཙུན་བླ་མ་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོའི་རྟོགས་པ་བརྗོད་པ་བདུད་རྩིའི་ཟ་མ་ཏོག་ཅེས་བྱ་བ་བཞུགས་སོ། །

― GLG009_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

སྭསྟི་པྲ་ཛ་བྷྱཿ རྒྱལ་ཀུན་འདུས་པའི་ངོ་བོ་ཁྱབ་བདག་ཧེ་རུ་ཀཿངུར་སྨྲིག་གར་གྱིས་རྣམ་པར་རོལ་བ་གདན་གསུམ་ཚང་བའི་སྡེ་དཔོན་རྗེ་བཙུན་བླ་མ་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོའི་རྟོགས་པ་བརྗོད་པ་བདུད་རྩིའི་ཟ་མ་ཏོག་ཅེས་བྱ་བ་རིགས་ཀུན་བདག་པོ་བླ་མ་མཆོག་གིས་ཟུང་འཇུག་ལམ་བཟང་མངོན་གྱུར་དེ་སྲིད་བྱིན་གྱིས་བརླབ་ཏུ་གསོལ། །མཁའ་ཁྱབ་མཁའ་ཡི་རྡོ་རྗེ་སྟོང་ཆེན་གཟུགས། །འཕོ་མེད་དབང་ཕྱུག་བདེ་ཆེན་གྱིས་དྲངས་ཐུགས། །རབ་བརྟན་བཤད་སྒྲུབ་བསྟན་པའི་རྒྱལ་མཚན་ཆེ། །སྒྲེང་མཛད་དཔལ་ལྡན་སྐལ་པ་བཟང་པོར་བསྔགས། །ཚོགས་གཉིས་ལུས་སྟོབས་རྒྱས་པའི་ས་སྲུངས་དབང་། ཁམས་འདུས་འཕྲེང་གེགས་ལྕགས་ཀྱུ་ལས་གྲོལ་ཏེ། །གྲུབ་པའི་མཐའ་སྙོག་ལམ་དུ་ཟུང་འཇུག་གོམ། །ལྷོད་པོར་སྐུ་གསུམ་གྲོང་བགྲོད་ཚུལ་འདི་མཚར། །མཁས་ངོམ་རྨོངས་པའི་ཞུམ་པ་མི་སྟོན་པར། །མ་བཅོས་ལྷུག་པའི་ཐུགས་ཀྱི་ཤེལ་(༢ན)

― GLG009_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

ངོས་སུ། །རབ་འབྱམས་ཤེས་བྱའི་ཚོན་རིས་ཀུན་ཤར་བས། །གྲགས་མིན་དོན་དང་ལྡན་པའི་ཐམས་ཅད་མཁྱེན། །ཆེད་དུ་བཅོས་མའི་གཞན་འདྲིད་ལྷུར་ལེན་དང་། །ཞིག་པོའི་རྩིང་སྤྱོད་མཐའ་གཉིས་དང་བྲལ་བ། །ཚུལ་ཁྲིམས་དབུ་མར་རྣམ་དག་བག་ཡོད་ཀྱི། །ནམ་ཡང་ལྷོད་མེད་བཙུན་པའི་རྩེ་མོར་སོན། །གཉེན་ཆགས་གཅན་གཟན་ལུགས་ལ་བྱང་སེམས་སུ། །རྨི་རློམ་ལུས་ཅན་ཀུན་ལ་རྟག་སྙོམས་པས། །གཅིག་ཏུ་ཕན་པ་སྒྲུབ་པའི་ལྷག་བསམ་ཐུགས། །རྡུལ་བྲལ་སྟོན་ཟླ་ལྟར་དཀར་བཟང་པོའི་དཔྱིད། །ཨ་ཧོ་ཕྱི་རོལ་ཉན་ཐོས་བསླབ་པས་མཛེས། །ནང་དུ་རླབས་ཆེན་སྤྱོད་མཛད་རྒྱལ་བའི་སྲས། །གསང་བ་བཅུ་གསུམ་རྡོ་རྗེའི་སར་གཤེགས་པའི། །རྟོགས་བརྗོད་སྨྲ་ལ་འཇིག་རྟེན་མེས་པོ་ངལ། །འོན་ཏེ་ཐུན་མོང་གདུལ་བྱའི་བསམ་པ་ཁམས། །དབང་པོར་འཚམ་པའི་རྣམ་ཐར་གངྒཱའི་ཀླུང་། །རྡུལ་ལས་སོར་མོའི་རྩེ་ཡིས་བླངས་པ་ཙམ། །(༢བ)

― GLG009_Page_0614 ―

^{[མ་དཔེ་གཟིགས་ན་འདིར་གནོན།]}

[Full Size]

གླེང་ཚེ་སྣོད་ལྡན་ཚོགས་རྣམས་རྣ་བ་བློགས། །དེའང་ཇི་སྐད་དུ། རྒན་པའམ་ནི་གཞོན་པའང་རུང་། །གང་ལས་ཆོས་ནི་རྣམ་ཤེས་པ། །དེ་ལ་གུས་པར་ཕྱག་བྱ་སྟེ། །ཟླ་བ་ཚེས་ལ་ཇི་བཞིན་ནོ། །ཞེས་ཟབ་པ་དང་རྒྱ་ཆེ་བའི་དམ་པའི་ཆོས་ཚུལ་བཞིན་དུ་སྟོན་པ་ཞིག་གི་མཐུ་ལ་བརྟེན་ནས་རྗེས་འབྲང་གི་སློབ་མ་ཡང་སློབ་སོགས་མཐའ་ཀླས་པའི་ཡོན་ཏན་གྱི་ཆ་མཐའ་དག་རྒྱས་པར་འགྱུར་བ་ནི་ཟླ་བ་ཚེས་པ་ལ་བརྟེན་པ། དཀོན་བརྩེགས་ལེའུ་ཞེ་གསུམ་པ་ལས། འོད་སྲུང་འདི་ལྟ་སྟེ། དཔེར་ན་ཟླ་བ་ཚེས་པ་ལ་ཕྱག་འཚལ་བ་ལྟར་ཉ་བ་ལ་ནི་མ་ཡིན་ནོ། །འོད་སྲུངས་དེ་བཞིན་དུ་གང་དག་ང་ལ་རབ་ཏུ་དད་པ་དེ་དག་གིས་བྱང་ཆུབ་སེམས་དཔའ་རྣམས་ལ་ཕྱག་བྱ་ཡི། དེ་བཞིན་གཤེགས་པ་རྣམས་ལ་ནི་དེ་ལྟ་མ་ཡིན་ནོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ལས་ནི་དེ་བཞིན་གཤེགས་པ་རྣམས་འབྱུང་ངོ་། །དེ་བཞིན་གཤེགས་པ་ལས་ནི་ཉན་ཐོས་དང་རང་སངས་རྒྱས་ཐམས་ཅད་འབྱུང་ངོ་། །དེ་ལ་འདི་སྐད་ཅེས་བྱ་སྟེ། ཟླ་བ་ཚེས་པར་ཐམས་ཅད་ཕྱག་འཚལ་གྱི། །ཟླ་བ་ཉ་ལ་དེ་ལྟར་ཕྱག་མི་འཚལ། །དེ་བཞིན་གང་དག་ང་དང་དེ་དག་གིས། །རྒྱལ་སྲས་བྱང་ཆུབ་སེམས་དཔར་ཕྱག་ཚོལ་ཅིག །ཅེས་གསུངས་པའི་དོན་བཞིན་བསྟོད་ཕྱག་གི་ཡུལ་དུ་བཤད་པ་ལྟར་ཚིགས་སུ་བཅད་པ་སྔོན་དུ་འགྲོ་བའི་སྒོ་ནས་སྐབས་སུ་བབས་པ་གླེང་བར་བྱ་བ་ནི་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་གསང་གསུམ་མི་ཟད་པ་རྒྱན་གྱི་འཁོར་ལོའི་བདག་ཉིད་རིགས་དང་དཀྱིལ་འཁོར་ཀུན་གྱི་ཁྱབ་བདག་དྲུག་པ་རྡོ་རྗེ་འཆང་ཆེན་པོ་བསླབ་གསུམ་འཚམས་སྤྲིིན་གོས་ཀྱིས་ཀླུབས་པ་རྗེ་བཙུན་བླ་མ་དམ་པ་དབང་ཕྱུག་རབ་(༣ན)

― GLG009_Page_0615 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་བསྟན་པའི་རྒྱལ་མཚན་དཔལ་བཟང་པོའི་རྣམ་པར་ཐར་པ་མདོ་ཙམ་བརྗོད་པ་ལ། མངོན་རྟོགས་རྒྱན་ལས། སེམས་ཅན་ཀུན་ཡིད་ཤེས་པ་དང་། །མངོན་པར་ཤེས་པས་བརྩེ་བ་དང་། །སངས་རྒྱས་ཞིང་བཟང་སྒྲུབ་པ་དང་། །ཡོངས་སུ་བརྟག་ཕྱིར་སངས་རྒྱས་བསྟེན། །དབང་པོ་ཤེས་དང་རྒྱལ་བ་ཡི། །ཞིང་སྦྱོང་སྒྱུ་མ་ལྟར་གནས་དང་། །བསམས་བཞིན་སྲིད་པ་ལེན་པ་དང་། །ལས་ནི་རྣམ་པ་འདི་བརྒྱད་བཤད། །ཅེས་པ་ལྟར་འཕགས་ཆེན་དམ་པ་རྣམས་ནི་བསམས་བཞིན་སྲིད་པར་སྐྱེ་བ་བླངས་ནས་འགྲོ་བའི་དོན་ལ་མེ་ཏོག་གི་ཚལ་དུ་བུང་བ་དང་ངང་པ་དྭངས་པའི་རྫིང་བུར་འཇུག་པ་དང་མཚུངས་པར་ངན་སོང་གི་གནས་ཀྱང་མཐོ་རིས་ཀྱི་དགའ་ཚལ་ལྟར་སྤྲོ་བ་ལྷུར་ལེན་པར་མཛད་པས་རི་དྭགས་དང་འདབ་ཆགས་སོགས་སྐྱེ་བ་སྣ་ཚོགས་སུ་སྤྲུལ་པའི་མཐའ་བརྗོད་པར་ག་ལ་ནུས་ནའང་བསྟན་པའི་གསལ་བྱེད་ཀྱི་སྒྲོན་མེ་སྤར་བར་ནུས་པའི་སྐྱེས་བུ་མཆོག་གི་ཚུལ་འགའ་ཞིག་བརྗོད་ན། རྗེ་ཉིད་ཀྱི་གསུང་ལས། རྒྱལ་བའི་མཁྱེན་བརྩེ་གཅིག་བསྡུས་འཇམ་པའི་དབྱངས། །དབང་ཕྱུག་བརྒྱད་ལྡན་རྡོ་རྗེ་འཛིན་པའི་སྐུ། །སྐུ་དྲིན་མཉམ་མེད་རྩ་བརྒྱུད་བླ་མ་ཡིས། །ལུང་བསྟན་རྗེས་སུ་བཟུང་ལ་གསོལ་བ་འདེབས། །སྔོན་ཚེ་འཕགས་ཡུལ་གྲུབ་དབང་ཀུ་ཀུ་རི། ཁ་བའི་ལྗོངས་འདིར་རྒྱལ་བ་ཀུན་གྱི་དངོས། །ཨོ་རྒྱན་དྲུང་ན་འཁོར་གྱི་དགེ་སློང་གིས། །བསྟན་དང་འགྲོ་ཀུན་སྐྱོང་ལ་གསོལ་བ་འདེབས། །དེ་ལྟར་ལེགས་བྱས་སྐྱེ་བ་དུ་མའི་མཐར། །དཔྱལ་སྟོན་ཀུན་མཁྱེན་ཤེས་རབ་རྒྱལ་མཚན་དཔལ། །པདྨས་ལུང་བསྟན་འཁྲུལ་ཞིག་རིན་པོ་ཆེ། །ཚུལ་ཁྲིམས་རྒྱལ་མཚན་ཞབས་(༣བ)

― GLG009_Page_0616 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གསོལ་བ་འདེབས། །ཧེ་རུ་ཀཿདཔལ་དགྱེས་པའི་གར་མཛད་ཀྱང་། །ཚུལ་ཁྲིམས་རྒྱན་གྱིས་མཛེས་པའི་དགེ་སློང་མ། །མཁའ་འགྲོའི་གཙོ་མོ་ཤཱི་ལ་བྷ་དྲའི་ཞབས། །འབྲེལ་ཚད་དོན་ལྡན་ཁྱོད་ལ་གསོལ་བ་འདེབས། །སྔོན་གྱི་ལེགས་བྱས་དགེ་བའི་འབྲས་བུ་ལས། །བླ་མ་ལྷ་དང་སྲུང་མས་རྗེས་བཟུང་ནས། །འཇམ་མགོན་མཁྱེན་བརྩེའི་འཕྲིན་ལས་སྐྱོང་བའི་དཔལ། །དབང་ཕྱུག་རབ་བརྟན་ཞབས་ལ་གསོལ་བ་འདེབས། །ཞེས་པ་ལྟར་འཕགས་པའི་ཡུལ་དུ་གྲུབ་ཐོབ་བརྒྱད་ཅུ་རྩ་བཞིའི་ནང་ཚན་རྣལ་འབྱོར་དབང་ཕྱུག་ཀུ་ཀུ་རི་པ། རྒྱལ་དབང་པདྨ་ཐོད་འཕྲེང་གངས་རིའི་ལྗོངས་འདིར་ཕེབས་པའི་ཚེ་ཉེ་བར་གནས་པའི་དགེ་སློང་། དཔྱལ་སྟོན་ཆེན་པོ་ཀུན་མཁྱེན་ཤེས་རབ་རྒྱལ་མཚན། ཨོ་རྒྱན་ཆེན་པོའི་ལུང་གིས་ཟིན་ཅིང་དཔལ་ཞ་ལུ་གསེར་བཀང་གི་ཁྲི་ཐོག་ཏུ་བྱོན་པའི་འཁྲུལ་ཞིག་ཚུལ་ཁྲིམས་རྒྱལ་མཚན། ཡེ་ཤེས་མཁའ་འགྲོའི་གཙོ་མོ་རྒྱལ་ཡུམ་ཚུལ་ཁྲིམས་བཟང་མོ་སོགས་བསྟན་འགྲོའི་མགོན་དང་གླིང་དུ་གྱུར་པ་རིམ་པར་བྱོན་པའི་ཡང་སྲིད་དུ་རྗེ་བླ་མ་དམ་པ་འདི་ཉིད་ཕེབས་ཚུལ་ནི། མ་ཕམ་པས། རིགས་དང་རུས་དང་ཆོ་འབྲང་དང་། །ཞེས་ཆོ་རིགས་ཁུངས་བཙུན་པ་གསུངས་པ་དང་ཕྱོགས་མཚུངས་པར་འོ་སྐོལ་གྱི་སྟོན་པ་བུ་རམ་ཤིང་པས་གཟིགས་པ་རྣམ་པ་ལྔའི་ནང་གསེས་རིགས་ཕུན་སུམ་ཚོགས་པ་རྒྱལ་རིགས་ལ་དགོངས་ནས་འཕགས་པའི་ཡུལ་གྱི་སའི་དབང་ཕྱུག་འགྲན་ཟླ་དང་བྲལ་བ་ཟས་གཙང་མའི་སྲས་སུ་བལྟམས་པའི་སྔོན་བྱུང་གི་རྣམ་ཐར་དང་རྗེས་འཇུག་གི་ཉམས་ལེན་འདྲ་བར། སྤྱིར་རི་ཁ་བ་ཅན་གྱི་འགྲོ་བ་རྣམས་རྒྱ་གར་གྱི་རྒྱལ་པོ་རཱུ་པ་ཏི་དཔུང་བཅས་གཡུལ་ཕམ་སྟེ་བུད་མེད་ཀྱི་(༤ན)

― GLG009_Page_0617 ―

^{[མ་དཔེ་གཟིགས་ན་འདིར་གནོན།]}

[Full Size]

ཆས་སུ་བཞུགས་ནས་སཱ་ལའི་ལྗོངས་སུ་ཡོངས་པ་ལས་འཕེལ་བའི་ལོ་རྒྱུས་ཡོད་ནའང་ཡོངས་སུ་གྲགས་པ་ཕྱག་ན་པདྨ་དང་རྗེ་བཙུན་སྒྲོལ་མ་གཉིས་ཀྱིས་བྱིན་གྱིས་བརླབས་པའི་སྤྲེའུ་དང་བྲག་སྲིན་མོ་ལས་མཆེད་པ་བོད་མིའི་རྒྱལ་ཁམས་སུ་གྱུར་པར་མིའུ་གདུང་དྲུག་གམ་བཞིར་གྲགས་པའི་ནང་ཚན་སྣ་ཚོགས་སུ་དབྱེ་བའི་བྱེ་བྲག་ལྷ་རིགས་འ་ཞ་རྒྱལ་པོ་ཞེས་བོད་བཙད་པོའི་སྐུ་ཞང་དང་བཀའི་མདུན་ན་འདུན་ཆེན་པོ་ནང་རྗེར་གཏོགས་པས་རྡོ་རིང་གི་ཡི་གེར་ཡང་དབོན་འ་ཞ་ཞེས་གསལ་ཞིང་བསྟན་པ་ཕྱི་དར་གྱི་དུས་འ་ཞ་ཡེ་ཤེས་གཡུང་དྲུང་གིས་ཁམས་ནས་འདུལ་བ་དེར་བས་མའི་སྡོམ་རྒྱུན་བཞེས་པའི་གཙང་དུ་འདུལ་བ་འཛིན་པའི་སྡེ་འགའ་ཞིག་བཙུགས། འ་ཞ་ལྷའི་བློ་གྲོས་ཀྱིས་ར་ས་འཕྲུལ་སྣང་གི་གཙུག་ལག་ཁང་ལ་ཞབས་ཏོག་དང་ཨ་མེས་ཇོ་སྲས་ཕུར་པ་འཕེལ་གྱིས་གསེར་སྲང་བཅུ་བདུན་རྔོག་ལོར་ཕུལ་ཏེ་རྒྱ་གར་ནས་ཆོས་བསྒྱུར་བའི་མཐུན་རྐྱེན་མཛད་ཅིང་འ་ཞ་ཇོ་བོ་བློ་གྲོས་ཀྱིས་རྩིས་ལྷ་ཁང་དང་ཟུང་དུ་འབྲེལ་བའི་གཙུག་ལག་ཁང་བཏབ། ཆོས་ཀྱི་རྒྱལ་པོ་འཕགས་པ་དང་ཏི་ཤྲི་ཀུན་བློ་གཉིས་ཀྱི་ཞབས་ལ་ནམ་མཁའ་རྒྱལ་མཚན། ནམ་མཁའ་བཟང་པོ། ཤཱཀྱ་སེང་གེ་རྣམས་ཀྱིས་གཏུགས་པར་ཉང་གཞུང་མཐའ་དག་ཤེས་སུ་བཅུག་པའི་ལུང་ལས་གནང་བས་གནས་གསར་སྟོང་དཔོན་དུ་གྲགས། དེ་དག་གི་གདུང་རིམ་པར་བྱོན་པ་ལས་སྟོང་དཔོན་ཀུན་དགའ་རྡོ་རྗེའི་སྲས་ནང་སོ་ཆོས་རྒྱལ་བའི་ཇོ་མོར་རིན་ཆེན་སྒང་བླ་བྲང་ནས་འཇམ་དབྱངས་ཆོས་རྗེའི་ལྕམ་དཔལ་ལྡན་འཛོམ་པ་ཞེས་པར་ནང་སོ་རྣམ་རྒྱལ་དཔལ་བཟང་། ནང་སོ་མགོན་པོ་རིན་ཅེན། འཇམ་དབྱངས་(༤བ)

― GLG009_Page_0618 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་དགའ་བློ་གྲོས་སོགས་ལྕམ་སྲིང་བརྒྱད་འཁྲུངས་པའི་ནང་སོ་སྐུ་མཆེད་ཀྱི་ཁབ་ཏུ་ལྷ་ཁང་ཆེན་མོ་བའི་སྲས་མོ་དཔལ་འཇམ་བྱོན་པར་སྲས་ནམ་མཁའི་རྡོ་རྗེ་ཚེ་བརྟན་དཔལ་འབྱོར་བཟང་པོ་འཁྲུངས་ཏེ་ཡུམ་སྔ་མོ་ནས་གྲོངས་པའི་ཚོང་འདུས་མགུར་མོ་བའི་སྲས་མོ་བྱང་སེམས་བུ་ཁྲིད་བླངས་པར་གཅུང་ནམ་མཁའ་རྒྱལ་བ་བྱོན་པའི་ཇོ་མོར་སེ་སྟོན་རིག་སྔགས་འཆང་གི་གདུང་བརྒྱུད་འདར་ཆོས་རྫོང་པ་དོན་ཡོད་རྣམ་རྒྱལ་གྱི་སྲས་མོ་ཚེ་བརྟན་བུ་ཁྲིད་བཞེས་པར་སྲས་ཞབས་དྲུང་བརྟན་པའི་དྲུང་ངམ་བསོད་ནམས་རབ་བརྟན། ཆོས་ཀྱི་རྒྱལ་མཚན། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །ནོར་བུ་བཟང་པོ་བཞི་འཁྲུངས་པ་ལས་གཅེན་ཞབས་དྲུང་བརྟན་པའི་དྲུང་ལ་འདར་ཆོས་རྫོང་པའི་སྲས་མོ་ནམ་མཁའི་དྲུང་བསུས་པར་སྲས་མ་བྱུང་བ་སླར་ཚེ་དབང་དྲུང་བླངས་པར་སྲས་འ་ཞ་ནམ་མཁའ་ཕུན་ཚོགས་བྱུང་བར་ཇོ་མོ་ཤངས་བརྒྱ་ཚོ་པའི་ལྕམ་བསོད་ནམས་འབོལ་ལེ་བཞེས་པར་སྲས་བཞི་བྱུང་བ་དེ་དག་ཀྱང་ལུགས་གཉིས་ཀྱི་མཛད་པ་རྣམས་འཇིག་རྟེན་ཕལ་པའི་ངང་ཚུལ་ལས་འདས་པའི་ངོ་ཚ་ཁྲེལ་གཞུང་གི་བག་ཡོད་ཅིང་སྐྱེས་རྒྱལ་རྣམས་དཔའ་བརྟུལ་དང་བུད་མེད་རྣམས་མཛངས་མའི་རང་བཞིན་ཅན་དཀོན་ཅོག་གསུམ་ལ་བླ་མར་བཟུང་ནས་མཆོད་པ་དང་མ་ནུས་པ་བྱམས་པས་སྐྱོང་ཞིང་སྤྲོས་བཅས་དང་སྤྲོས་མེད་ཀྱི་ཐུགས་དམ་ལ་བརྩོན་པ་ལྷུར་མཛད་པ་ཤ་སྟག་བྱོན་པའི་ཕྱི་འཕྱར་དེ་ལྟར་གྲགས་ཀྱང་དོན་ཐམས་ཅད་མཁྱེན་པའི་གཅེན་འགྲན་ཟླ་དང་བྲལ་བ་ཞབས་དྲུང་བརྟན་པའི་དྲུང་གི་སྲས་སུ་ངོས་འཛིན་ལ། དེའང་ཆུ་ཤེལ་གྱི་བུ་མོ་ལང་ཚོ་ངོམ་པའི་ས་འཛིན་གྱི་འཕྲེང་བས་ཡོངས་སུ་བསྐོར་བའི་ལྗོངས་འདིར་རུ་བཞིར་གྲགས་པ་ལས་གཡས་(༥ན)

― GLG009_Page_0619 ―

^{[མ་དཔེ་གཟིགས་ན་འདིར་གནོན།]}

[Full Size]

རུ་གཙང་གི་རྒྱལ་ཁམས་ཀྱི་སའི་ཆ་བོད་སྲིན་མོ་གན་རྐྱལ་དུ་བསྒྱེལ་བའི་དབྱིབས་ཅན་གྱི་ས་དགྲ་གནོན་བྱེད་དུ་ཆོས་སྐྱོང་བའི་རྒྱལ་པོ་སྲོང་བཙན་སྒམ་པོས་མཐའ་འདུལ་ཡང་འདུལ་རུ་གནོན་གྱི་གཙུག་ལག་ཁང་བཅུ་གཉིས་བརྩིགས་པའི་ནང་ནས་གཙང་འགྲམ་དང་ཁད་ཉེ་བ་དགེ་བཅུའི་ཡོན་ཏན་དུ་མས་མངོན་པར་སྤྲས་པའི་སུམ་རྩེན་ཡུལ་ལ་ཅོ་འདྲི་བ་མྱུག་བཀྲ་ཤིས་རྒྱལ་གྱི་ཕོ་བྲང་དུ། ས་ཧོར་མཆོད་ཡོན་གྱི་ལོ་གསར་པའི་དབང་དུ་བྱས་ན་སྟོད་འགྲེལ་པ་ཀཱ་ལ་དྷཱུཿཞེས་པ་དུས་ཀྱི་ཕོ་ཉར་གྲགས་པ་ཤར་ཕྱོགས་རྒྱལ་ཁབ་ཆེན་པོར་ཝུ་ཝུ་ཞེས་ཕྱོགས་འདི་ས་ཕོ་རྟའི་ལོ་ཧོར་ཟླ་བཅུ་གཉིས་པ། གཙུག་ལག་སྤོར་ཐང་དང་བསྟུན་པ་ལེགས་སྦྱར་གྱི་སྐད་དུ་སདྡྷརྠ། གངས་ཅན་པའི་སྐད་དུ་དོན་གྲུབ་ཏུ་འབོད་ཅིང་རྒྱ་ནག་པ་ཝུའི་ཞེས་པ་ས་ལུག་དཔྱིད་ཟླ་འབྲིང་པོ་རྒྱལ་གྱི་ཉ་བའི་ཐབས་ཀྱི་ཆའི་རྒྱལ་བ་དང་པོ་རེས་གཟའ་པ་སངས་དང་རྒྱུ་སྐར་གྲོ་བཞིན་འཛོམ་པའི་དགོང་ཇའི་དུས་དགེ་བར་ཡུམ་ལ་སྙུན་མི་མངའ་ཞིང་སིམ་པའི་ཚོར་བ་ཆེན་པོ་ཉམས་སུ་མྱོང་བཞིན་པའི་ངང་ནས་སྐུ་བལྟམས་འཕྲལ་རྨོ་མོ་ཚེ་དབང་གིས་གུར་གུམ་དང་གི་ཧང་གིས་ལྗགས་ལ་དྷཱིཿབྲིས། དེ་སྐབས་རྡོ་རྗེ་འཆང་ཚར་པ་ཆོས་རྗེ་དང་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གཉིས་དཔལ་ཞ་ལུའི་ཆོས་གྲྭར་སྟན་ཆགས་དུས་ཡིན་པ་ཞག་བདུན་ཐོག་རྗེ་ཚར་ཆེན་ཕེབས་ནས་མཚན་ནམ་མཁའ་དོན་གྲུབ་དབང་པོར་བཏགས། དེ་ནུབ་ཚར་ཆེན་གྱི་ཐུགས་དམ་འོད་གསལ་དེ་གར་གཞོན་ནུ་འདི་འཁྲུལ་ཞིག་ཚུལ་ཁྲིམས་རྒྱལ་མཚན་གྱི་སྐུའི་སྐྱེ་བ་ཡིན་ནོ། །ཞེས་པའི་ལུང་བསྟན་བསྟུད་མར་ལན་གསུམ་དུ་བྱུང་། སྐུ་ན་ཆེས་(༥བ)

― GLG009_Page_0620 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲ་བས་དབང་བརྡ་འཕྲོད་པ་སོགས་ག་ལ་འོང་ཡང་ཡིད་སྲུབས་སྡེར་བཅས་ཀྱི་གཡུལ་ལས་རྒྱལ་བའི་ཆེད་དུ་དཔལ་ལྡན་བླ་མ་འཇམ་དཔལ་རྡོ་རྗེ་མ་ཧེའི་ཞལ་ཅན་དང་ངོ་བོ་དབྱེར་མ་མཆིས་པའི་ནུས་པས་གཞི་མ་དག་པའི་ཕུང་ཁམས་སྐྱེ་མཆེད་ཐམས་ཅད་ཏིང་ངེ་འཛིན་གྱིས་མངོན་པར་སྦྱངས་ཏེ་འབྲས་བུ་གཤིན་རྗེའི་གཤེད་རིགས་ལྔའི་ཡེ་ཤེས་ཀྱི་ངོ་བོར་བྱིན་གྱིས་བརླབས་པས་སྐུ་ཚེ་མཛད་འཕྲིན་ཐམས་ཅད་མཐར་ཕྱིན་པའི་རྟེན་འབྲེལ་གྱི་སྒོ་ཐོག་མར་འགྲིག །ཡབ་མེས་ཡུམ་སོགས་ཆབས་ཅིག་པར་དབང་ཞུ་བ་མཛད་པའི་ལུང་བསྟན་གྱི་ཚེ་གསང་མཚན་དྲི་བའི་ལན་ཨ་མེས་རིགས་འཛིན་གྱིས་གོས་དཀར་མོ་ཞེས་ཞུས་པས་ཚར་ཆེན་གྱིས། ཞང་པོ་དྲུང་པ་ཀླུངས་ལོག་པ་འདྲ་གསུངས་པས་ཐམས་ཅད་བཞད་ཤིན་ཏུ་བྲོ་བའི་རྣམ་འགྱུར་སོགས་དགྱེས་དགྱེས་མཛད། རྣམ་སྣང་མིང་དབང་གི་གསང་མཚན་འདོགས་པ་དང་དུས་མཚུངས་པར་ཞ་ལུ་ནས་ཀུན་མཁྱེན་མཁྱེན་བརྩེའི་ཞབས་ཀྱིས། བསོད་ནམས་ནམ་མཁའི་ཁྱོན་ལྟར་ཡངས་པ་ཡི། །བསམས་པའི་དོན་ཀུན་ཡིད་བཞིན་འགྲུབ་པའི་དཔལ། །ཕྱོགས་ལས་རྣམ་པར་རྒྱལ་བའི་འཕྲིན་ལས་ཅན། །བརྒྱུད་འཛིན་དབང་པོ་ལོ་བརྒྱར་འཚོ་བར་ཤོག །ཅེས་པའི་བརྟན་ཞུགས་ཀྱི་ཚིགས་བཅད་སྐྱེལ་མི་འགྲིག་པས་ངོ་མཚར་དང་དགེ་མཚན་འགྲན་པ་བཞིན་ནོ། །རྒྱལ་ཀུན་བླ་མེད་ཡེ་ཤེས་འཕྲུལ་བོ་ཆེས། །སེམས་ཅན་བསམ་པའི་ཁྱད་པར་མཁའ་མཉམ་མཐས། །བློ་གྲོས་མིག་སྔོན་གོམ་པས་གཞལ་བའི་མཐུ། །ཕྲ་བ་སྒྲིབ་པའི་ལུས་ཅན་ཀུན་གྱི་གཤིས། །སྲིད་པའི་ལམ་དུ་འཁྱམས་པས་ངལ་དུབ་སྟེ། །མ་རིག་འཐིབས་པོའི་མལ་དུ་ཉལ་བའི་(༦ན)

― GLG009_Page_0621 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ། །སློང་བའི་ཐུགས་བསྐྱེད་སྐྱ་རེངས་མས་དྲངས་པའི། །སྐྱེས་རབས་ཉིན་བྱེད་མཛད་མེད་ཤར་འདི་མཚར། །འོད་གསལ་ལྷ་རིགས་འ་ཞའི་གདུང་གིས་མཐོ། །གངས་ཅན་བཙན་པོའི་ནང་བློན་སྙན་གྲགས་འབར། །ཤར་ཕྱོགས་གོང་མའི་ལུང་དང་ལས་ཀས་ཆེ། །མཁས་གྲུབ་རིམ་པར་བྱོན་པས་བསྟན་སྲོག་བཟུང་། །དབྱིག་འཛིན་དྭངས་མཚོར་རྣམ་པར་རྒྱལ་བྱེད་གཟུགས། །གསལ་ལ་ཉེར་འཁུ་བཀྲ་ཤིས་རྒྱལ་ཁང་དུ། །རིགས་བཟང་མ་སྙིགས་གསར་པའི་སྤེལ་ལེགས་སྐུ། །མེ་ཏོག་མཚན་དཔེའི་འདབ་བརྒྱ་མངོན་པར་གྲོལ། །དུས་ཀྱི་དགྲ་བོ་འཇམ་མགོན་ཚར་པ་རྗེས། །བདུད་བཞིའི་གཡུལ་ལས་རྒྱལ་བའི་དཔའ་རྟགས་སུ། །འཇིགས་མཛད་རྡོ་རྗེའི་འཁོར་ལོར་རབ་སྨིན་ཚེ། །མཐའ་ཀླས་སྐལ་བཟང་སྒོ་བརྒྱ་དང་པོར་ཕྱེ། །མཁྱེན་རབ་ཟུར་ཕུད་ལྔ་ལྡན་དང་མཚུངས་པས། །མཁྱེན་བརྩེ་ནུས་པའི་དབང་ཕྱུག་བླ་མ་ཡིས། །མཁྱེན་ཡངས་ཀློང་ནས་ཐོན་པའི་བདེན་པའི་ཚིག །མཁྱེན་ལྡན་ཡོངས་ཀྱི་རྣ་བའི་རྒྱན་དུ་དངར། །དགུང་ལོ་གཉིས་བཞེས་པའི་ཚེ་མགོན་ལུག་མང་པོར་ནད་བྱུང་བར་ཐམས་ཅད་མཁྱེན་པ་མཁྱེན་བརྩེའི་ཞབས་ཀྱི་ལྗགས་ཆུའི་བྱིན་རླབས་དང་གཞན་གྱིས་ཐབས་སྣ་ཚོགས་བྱས་ཀྱང་མ་ཕན་པར་གཞོན་ནུ་སྐུ་རྫིའི་རྒྱབ་ལ་གདན་དྲངས་ཏེ་ལུག་རྣམས་ལ་ཕྱག་ནས་གཏོར་བས་ནད་མཚམས་མྱུར་དུ་ཞི་བ་ནང་ལས་དབོན་པོ་བྱིན་རླབས་ཆེ་བ་འདུག་ཅེས་གསུང་བ་ནི་སྤྱན་སྔ་རིན་པོ་ཆེས་རྒྱལ་བ་ཐོག་རྡུགས་པའི་སྐུ་པང་དུ་ཐོག་ཕབ་པའི་ལོ་རྒྱུས་ལྟར་ཆེ་བ་འདོན་པ་ལ་དགོངས་པ་འདྲ། དགུང་ལོ་ལྔ་ཙམ་འགྲོ་བའི་དུས་ཀུན་(༦བ)

― GLG009_Page_0622 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་མཁྱེན་བརྩེའི་ཞབས་ཀྱིས་དབང་གནང་བའི་ཚེ་གཞོན་ནུས་བུམ་པ་ཚུར་བཞེས་ནས་དབང་བསྐུར་བའི་སྟང་ཀ་མཛད་པས་རྒྱལ་ཡུམ་གྱིས་སྔོན་གནས་རྗེས་དྲན་གྱི་བག་ཆགས་སད་པར་དགོངས་ཏེ་ཐམས་ཅད་མཁྱེན་པས་བུམ་པར་དབུ་ཐུག་ཐུག་གནང་ནས་ངའི་བླ་མ་ཡིན་གསུང་མཉེས་མཉེས་རང་མཛད། རྡོ་རྗེ་འཆང་ཚར་པ་ཆོས་རྗེར་ཚེ་དཔག་མེད་གྲུབ་རྒྱལ། དམར་པོ་སྐོར་གསུམ། གུར་ཞལ། སྟག་ཞོན་སོགས་རྗེས་གནང་གི་རིགས་མང་བ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གི་དྲུང་དུ་དུས་འཁོར་གསང་འདུས་འཇམ་རྡོར་རྭ་ལུགས་དགྲ་ནག་བཀའ་བརྒྱད་གསང་རྫོགས་སོགས་སྔགས་གསར་རྙིང་གི་དབང་བཀའ་ཁ་ཤས་གསེར་ཆོས་དང་མགོན་པོ་ཆེ་ཆུང་གིས་མཚོན་རྗེས་གནང་ཐོར་བུ། འོད་ཟེར་དྲི་མེད་ལྷ་ལྔའི་རིག་གཏད་སྒྲོལ་དཀར་ཡིད་བཞིན་འཁོར་ལོ་སོགས་རྗེས་གནང་གི་རིགས་མང་བ། རྗེ་རིགས་འཛིན་ཆེན་པོར་ཀུན་མཁྱེན་མཁྱེན་བརྩེའི་ཞབས་ཀྱི་སྔགས་རྙིང་མ་འདུས་པ་མདོ་དབང་ཆེན་མོ་ཞུ་བ་མཛད་པའི་ཞབས་ཕྱི་མཛད་ནས་གསན། མེ་སྟག་དགུང་ལོ་བརྒྱད་ཀྱི་དུས་ཆོས་དབང་རིན་པོ་ཆེའི་གཏེར་ཆོས་ཐམས་ཅད་མཁྱེན་པ་བུ་སྟོན་རིན་པོ་ཆེ་ནས་བརྒྱུད་པའི་གོང་ཁུག་མར་གྲགས་པའི་ཚེ་སྒྲུབ་གནང་བའི་དུས་འཇམ་དབྱངས་མཁྱེན་བརྩེའི་དབང་ཕྱུག་ཉིན་ལྟར་གྱིས་ཕེབས་ཏེ་གེགས་སེལ་བོགས་འདོན་སོགས་སྤྱན་དམིགས་ཀྱི་བསླབ་དོན་མཛད། དཔལ་ཕུག་རྣམ་པར་གྲོལ་བའི་རི་ཁྲོད་འདིང་བའི་སྐབས་ལས་མིས་བྲག་བཤགས་པའི་རྦབ་ཉེན་བྱུང་བ་ན་རྨོ་མོས་བྲོས་གསུངས་པར་འཇིགས་པ་མེད་པའི་དཔའ་གདེངས་ཀྱིས་ཕཊ་སྒྲ་དང་བཅས་སྡིགས་(༧ན)

― GLG009_Page_0623 ―

^{[མ་དཔེ་གཟིགས་ན་འདིར་གནོན།]}

[Full Size]

མཛུབ་མཛད་པས་ཕར་བཟློག་པ་དེར་འཁོད་ཀུན་གྱིས་མཐོང་བས་ཡ་མཚན་དུ་གྱུར། བོ་དོང་དུ་བཞུགས་དུས་མདུན་གྱི་ནམ་མཁར་མགོན་པོ་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་པ་ལོངས་སྐུའི་ཆ་ལུགས་ཅན་མཚན་དཔེའི་གཟི་བྱིན་འབར་བ་ཞིག་གཟིགས་པ་ནི་དགུང་ལོ་བརྒྱད་ཅུར་ཉེ་བའི་བར་བསྟན་འགྲོའི་དོན་དུ་བཞུགས་པའི་དགེ་མཚན་དུ་མངོན། ཐམས་ཅད་མཁྱེན་པ་ཕྱོགས་གང་དུ་ཕེབས་ཀྱང་རྗེ་འདིའི་དྲུང་དུ་འཁོར་བའི་ཁྱི་རྣམས་ལ་ཟན་སོགས་ཀྱི་སྐུ་སྐྱོས་རེ་གནང་། ཐེངས་གཅིག་སྔོན་མོ་རྫོང་ནས་བོ་དོང་དུ་ཕེབས་དུས་ཁྱི་གུ་ཆུང་ཆུང་ཡིད་དུ་འོང་བ་ཞིག་སྐུ་ཕག་ནས་བཏོན་ནས་དབོན་རིན་པོ་ཆེ་འདི་ན་གསུང་གནང་བ་དེ་ལ་ཐུགས་ཀྱང་ཤིན་ཏུ་མཉེས་པར་གྱུར་ཅིང་རྒན་དུ་མ་སོང་བར་ལ་སྐུ་འཁྲིས་རང་དུ་སྡོད་པའི་སྤྱོད་པ་ཡང་གཞན་ལས་ལེགས་ངེས་སྐུ་རྩེད་ཀྱི་རིགས་ཞུ། ཞལ་ངོ་རྣམས་གནས་གསར་ནས་བོ་དོང་དུ་ཕེབས་པའི་ཚེ་ཞམ་འབྲིང་བ་ཚོས་མ་ཤེས་པར་ཁྱི་དེ་སྔོན་མགྱོགས་ཤིང་གཅིག་པུར་འགྲོ། ཕར་ཕེབས་སྐབས་ཀྱང་དེ་དང་འདྲ། མིང་བདུད་མོ་གཡུལ་རྒྱལ་མ་ཟེར་ཞིང་རྗེས་སུ་གསོབ་བྱས་ནས་སྤྱན་གཟིགས་སུ་ཡོད་པ་སྔོན་གྲུབ་ཆེན་ཀུ་ཀུ་རི་པར་འཁྲུངས་པའི་བརྡ་ཆོས་ལས་ཁྱི་དཀྱུས་མ་ནི་མ་ཡིན་ནོ། །རོག་ཚོར་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་བཀའ་བརྒྱུད་གསང་རྫོགས་ཀྱི་སྒྲུབ་ཆེན་གནང་དུས་རྗེ་འདི་དགུང་ལོ་བཅུ་གཅིག་འགྲོ་བས་མཆོད་གར་གྱི་གར་དཔོན་མཛད་པས་ཀུན་ཡ་མཚན་དུ་རྩི། བོ་དོང་དུ་ཛ་ཞལ་གཉིས་ཀའི་དུས་འཁོར་གྱི་དབང་བཀའ་འཇམ་དབྱངས་མཁྱེན་བརྩེའི་ཞབས་(༧བ)

― GLG009_Page_0624 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་གནང་བའི་ཁྱད་པར་བུ་ལུགས་ཀྱི་བདག་པོ་ཆེན་པོའི་བཀའ་དབང་གི་དུས་དབོན་རིན་པོ་དཀར་ཆས་སུ་མཛད། དབང་སྟེགས་ཀྱི་ཁྲིར་ཆོས་ཀྱི་རྒྱལ་ཚབ་ཆེན་པོར་མངའ་གསོལ། སློབ་དཔོན་ཆེན་པོའི་སྐུ་ཚབ་གཏེར་བྱོན་ཡིད་བཞིན་ནོར་བུ་དང་། ཆོས་ཀྱི་རྒྱལ་པོ་འཕགས་པའི་ཐུགས་དམ་བསྙེན་ཕུར་ཐམས་ཅད་མཁྱེན་པ་རང་གི་འབྲལ་སྤང་མ་དང་བཅས་གནང་སྐྱེས་སུ་སྩལ་བ་བསྟན་པ་གཏད་ནས་ཐམས་ཅད་མཁྱེན་པ་ཉིད་རིང་པོར་མ་ལོན་པར་གསང་བདག་གི་དྲུང་དུ་གཤེགས་པའི་སྔོན་འགྲོར་སྣང་ཡང་རྗེས་འཇག་རྣམས་དོགས་གནས་ཙམ་ཡང་མ་བྱུང་བར་མངོན། ཚར་ཆེན་ཆོས་ཀྱི་རྒྱལ་པོ་ཞིང་འདིའི་བཀོད་པ་བསྡུས་པར་ཀུན་མཁྱེན་མཁྱེན་བརྩེའི་ཞབས་ཐུགས་སྣ་བསྟུངས་ཏེ་ལྕང་ལོ་ཅན་དུ་གཤེགས་པའི་ཐུགས་འདུན་དྲག་པོ་དང་ལས་འཕྲོ་གླིང་པའི་ཆོས་བདག་ཡིན་པར་དབུས་གཙང་སས་བསྐུལ་བའི་ངོས་མ་ཟིན་པར་དུས་ཐོག་ཏུ་མ་འཕྲོད་པའི་རྟེན་འབྲེལ་འཕྱུགས་སྐྱོན་གྱིས་ས་ཕོ་འབྲུག་ལོ་མཛད་པ་ཐ་མ་བསྟན་སྐབས་རྗེ་འདི་བོ་དོང་བཀྲ་ཤིས་སྒང་དུ་ཡུམ་དང་ལྷན་ཅིག་ཏུ་བཞུགས་པའི་ཚེ། འཇམ་དབྱངས་བྱང་གླིང་རྗེས་སྲུང་འཁོར་མཛད་ཅིང་ཉིན་རེ་བཞིན་གྲ་ལྔའི་དབང་ཚར་རེ་གནང་བས་དབང་ཆོག་ཕལ་ཆེར་ཐུགས་བློར་ཟིན་པ་བྱུང་། སྐབས་ཤིག་ཐམས་ཅད་མཁྱེན་པ་སྐུའི་རྣམ་པ་དངོས་གཞི་འདྲ་བ་ལ་དབུ་སྐྲ་ཟིང་ངེ་བ་ཕྱག་སྟབས་འདི་ཡིན་མེད་པ་ཞིག་ཉི་མའི་དཀྱིལ་འཁོར་གྱི་དབུས་སུ་བཞུགས་པ་གསལ་བར་གཟིགས་པ་ནི་བར་དོ་ཡེ་ཤེས་ཀྱི་སྐུས་མངོན་སུམ་དུ་རྗེས་སུ་བཟུང་བར་འདུག་ཅིང་གཟིགས་སྣང་ལ་ཇི་ལྟར་བྱུང་བའི་བྲིས་ཐང་བཞེངས། རྗེ་བླ་མ་བསླབ་གསུམ་(༨ན)

― GLG009_Page_0625 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པའི་རྒྱལ་མཚན་ལ་རྐྱེན་སེལ་གྱི་ཆོས་བཀའ་ཅི་རིགས་གསན། སྙིགས་དུས་ཀྱི་རྡོ་རྗེ་འཆང་ཀུན་དགའ་བཟང་པོའི་གདན་ས་ངོར་ཨེ་ཝཾ་ཆོས་ལྡན་དུ་ཕེབས་དུས་རྨང་ལམ་དུ་ལམ་ཟབ་ཁང་གི་སྒོ་འགྲམ་གཡས་གཡོན་དུ་རྡོ་རྗེ་འཇིགས་བྱེད། དཔལ་ལྡན་དམག་ཟོར་མ། མདུན་དུ་དཔའ་བོ་བྲམ་ཟེའི་གཟུགས་ཅན་སྐུ་མདོག་སྔོ་བ་ཞབས་བསྣོལ་ནས་ཤིང་གི་གླིང་བུ་བཟུང་བ་དང་བཅས་པ་གཟིགས་པའི་གནས་ཚུལ་རྗེ་བཙུན་བླ་མ་མཁན་ཆེན་བསླབ་གསུམ་རྒྱལ་མཚན་ལ་ཞུས་པས་ཞལ་ལ་གཏོར་བསྔོ་མཛད་ན་ལེགས་ཞེས་སྩལ་བ་བཞིན་དེ་ནས་བཟུང་ཆག་མེད་དུ་གནང་། ཁུམ་བུ་ལུང་དུ་བཞུགས་པའི་ཚེ་དག་པའི་སྣང་བ་ལ་མཁན་ཆེན་རྡོ་རྗེ་འཆང་བསླབ་གསུམ་རྒྱལ་མཚན་སྐུའི་ཆ་ལུགས་དཀྱུས་ལྟར་ལ་གཡས་ཆོས་འཆད་དང་གཡོན་ཐོད་པ་བདུད་རྩིས་གང་བ་བཟུང་བ་དེའི་ཞལ་ནས་ཁོ་བོའི་གཡས་སུ་སྒྲོལ་དཀར་དང་གཡོན་དུ་ཕྱག་རྡོར་མདོ་ལུགས་བཞེངས་ན་ལེགས་གསུང་བ་བཞིན་དེ་ལྟར་བཞེང་བ་གནང་བའི་བྲིས་ཐང་ལ་ལུང་བསྟན་ཐང་ཁ་ཞེས་ཐུགས་གཙིགས་ཤིན་ཏུ་ཆེ་ཞིང་ལུང་བསྟན་ཚུལ་ཁྱབ་བདག་བཀའ་འགྱུར་བ་ཆེན་པོས་དྲི་བ་ཞུས་པར་གསལ་གསལ་མི་གནང་གསུང་། གཡང་དུ་བཞུགས་སྐབས་ཤིག་རྒྱལ་པོ་ཆེན་པོ་རྣམ་ཐོས་སྲས་སེར་ཆེན་ལ་མཆོད་གཏོར་ཕུལ་ཞིང་འཕྲིན་ལས་བཅོལ་བས་རིང་པོར་མ་ལོན་པར་གླང་ཐང་ནས་གོས་དར་དང་སྟོང་སྐུད་ཀྱི་འབུལ་བ་མང་དུ་བྱུང་། དུས་ཕྱིས་ཀྱང་མནལ་ལམ་དུ་བྱ་རྒོད་གཤོངས་ཀྱི་རྣམ་སྲས་མདུང་དམར་ཅན་ཕྱག་མཚན་བཞི་པའི་རྟགས་རེ་བྱུང་ན་སང་ཉིན་ཟང་ཟིང་གི་བདོག་པ་སྟེར་མི་རེ་ངེས་པར་འོང་འདུག་ཅིང་ལར་རྣམ་སྲས་(༨བ)

― GLG009_Page_0626 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་དྲག་གཉིས་པོ་འདི་ཚེ་རབས་སྔོན་མ་ནས་ལས་ཀྱི་འབྲེལ་པ་ཡོད་པའི་ཆོས་སྐྱོང་ཞིག་ཡིན་འདྲ་བས་ཤིན་ཏུ་འགོ་ཞིང་རྗེས་གནང་བྱེད་རེས་ཀྱང་འཚུབ་ལྷོངས་ཀྱི་རྣམ་པ་རེ་ངེས་པར་ཡོང་བའི་དམ་དོག་ཆེ་ཙམ་དགོས་པ་འདུག་ཅེས་རྗེ་བཀའ་འགྱུར་བ་སོགས་ལ་གསུང་བ་ནི་འཁྲུལ་ཞིག་རིན་པོ་ཆེས་ཞ་ལུའི་གདན་ས་མཛད་དུས་ཆོས་སྐྱོང་འདི་ཉིད་ལ་གཙོ་བོར་མཛད་པའི་ཤུགས་ཡིན་པ་འདྲ།རྩོད་དུས་པདྨའི་རྒྱལ་ཚབ་གཏེར་ཆེན་ཆོས་ཀྱི་རྒྱལ་པོ་རིགས་འཛིན་མངའ་རིས་པ་ཆེན་པོ་ཉི་ཟླ་འོད་ཟེར་ལ་དཔལ་ཨོ་རྒྱན་ཆེན་པོས་དངོས་སུ་གནང་བའི་འཆི་མེད་གྲུབ་པའི་རླུང་སྦྱོར་གྱི་གདམས་པ་ཟབ་མོ་འདི་ཉིད་དགུང་ལོ་བཅུ་དྲུག་བཞེས་པ་ཤིང་ཕོ་ཁྱིའི་ལོ་ཡབ་ནམ་མཁའ་ཕུན་ཚོགས་དང་ལྷན་ཅིག་པར་བྱ་རྒོད་གཤོངས་སུ་རིགས་འཛིན་རྗེ་ལ་གསན་པས། ཇི་སྐད་དུ་ཨེ་མ། གསང་ཆེན་བསྟན་པའི་མངའ་བདག་རིགས་འཛིན་རྗེས། །གསང་ལས་ཡང་གསང་ཉིང་ཁུའི་གདམས་པ་འདི། །གསང་སྔགས་འཆང་བ་ནམ་མཁའི་མིང་ཅན་ལ། །གསང་ཞིང་སྦས་པའི་དབྱིངས་ནས་གནང་བ་ཡིན། །ཞེས་ཆེད་དུ་བརྗོད་པའང་མཛད། གཞན་ཡང་སྔ་ཕྱིར་བཀའ་བརྒྱད་བདེ་འདུས་རིགས་ཡོངས་འདུས་དང་དྲག་པོ་དབུ་དགུ་སོགས་རྙིང་མ་བཀའ་གཏེར་གྱི་དབང་ལུང་མན་ངག་གི་གསན་པ་ཆེར་གནང་། མཁན་ཆེན་སྡིངས་མ་བ་བསླབ་གསུམ་རྒྱལ་མཚན་གྱི་དྲུང་དུ་གསུང་ངག་རིན་པོ་ཆེ་སློབ་བཤད་ཀྱི་དབང་ཁྲིད་ལུང་བྱིན་རླབས་དང་བཅས་པ་གསན་པའི་རྒྱུ་དབང་གི་དུས་མཁན་ཆེན་རིན་པོ་ཆེའི་གཟིགས་སྣང་ལ། རྗེ་ཉིད་བཞུགས་པའི་མདུན་གྱི་ནམ་མཁར་ཚར་ཆེན་ཆོས་ཀྱི་རྒྱལ་པོ། ཐམས་ཅད་མཁྱེན་པ་(༩ན)

― GLG009_Page_0627 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་བརྩེའི་དབང་ཕྱུག་ཡབ་སྲས་དབང་མ་གྲོལ་བར་བཞུགས་ནས་དབང་བསྐུར་བའི་ཆོ་ག་མཛད་ཀྱིན་འདུག་པ་ལ་ཁོང་ཡབ་སྲས་ཀྱིས་དབང་ཚིག་ཇི་ལྟ་བ་བཞིན་ཁྱེད་རྣམས་ལ་བཤད་པ་ཡིན་ཨང་། དེ་འདྲའི་དགའ་བ་ལ་ཨང་། ཞེས་གསུངས་པ་ནི་བསྟན་པ་རིན་པོ་ཆེ་སྲིད་མཐར་མི་ཉམས་པ་ལ་བླ་མ་རྣམ་གཉིས་མཉེས་པར་སྣང་། ཚར་ཆེན་གྱི་གསུང་མགུར་ལས། ང་དལ་འབྱོར་རྡོ་རྗེའི་ལུས་མཆོག་ཐོབ། །ཕ་མཚན་ལྡན་བླ་མས་རྗེས་སུ་བཟུང་། །ལམ་ཚད་མ་སྙན་བརྒྱུད་བཞི་ལྡན་ཐོབ། །ད་གང་ལྟར་བྱས་ཀྱང་ཨེ་མ་ཧོ། །ཞེས་པའི་དོན་དུ་མཆིས། གཞན་ཡང་ནཱ་རོ་མཁའ་སྤྱོད་ཀྱི་བྱིན་རླབས་ཉམས་ཁྲིད། མགོན་ཆེན་གྱི་རྗེས་གནང་ཁ་ཤས་ལུང་རགས་རིམ། བྲག་རྫོང་མ་དང་གསང་ཁྲིད་ཀྱི་ཉམས་ཁྲིད། རྭ་ལུགས་བཅུ་གསུམ་མའི་དབང་། རྭ་ཁྲིད་མཁའ་འགྲོ་སྙན་བརྒྱུད་ཀྱི་ཉམས་ཁྲིད། གཤེད་དམར་ལྷ་ལྔའི་དབང་གིས་གཙོས་དབང་རྗེས་གནང་རིག་གཏད་ཁྲིད་ལུང་སོགས་གདམས་པ་རྒྱ་མཚོ་ལྟ་བུ་གསན་ཅིང་བཀའ་དྲིན་ཆེ་ཤོས་སུ་མཛད་པས། བྲག་རྫོང་མའི་ས་བཅད་ལས། བློ་འདས་གདོད་མའི་མགོན་པོ་རྡོ་རྗེ་འཆང་། །གང་འདུལ་དག་པའི་ཟློས་གར་དྲིན་ཅན་རྗེ། །བཀའ་དྲིན་དྲན་ནོ་ཕ་རྒོད་བསླབ་གསུམ་ཞབས། །སྙིང་ནས་འདུ་འབྲལ་མེད་དོ་ཐུགས་རྗེས་སྐྱོངས། །ཞེས་པའི་དོན། ཁྱད་པར་ཚེ་རབས་དཔག་མེད་ནས། །རྗེས་སུ་བཟུང་བའི་འདྲེན་པ་མཆོག །ཚེ་འདིར་རང་སེམས་ལྷན་སྐྱེས་འདི། །སྐྱེ་མེད་ཆོས་སྐུར་ངོ་སྤྲད་ཅིང་། །ཟབ་མོའི་དབང་བཞི་ཆུ་བོའི་རྒྱུན། །བུམ་པ་གང་བྱོར་གནང་བ་ཡི། །བཀའ་དྲིན་མཉམ་མེད་རྡོ་རིང་པ། །(༩བ)

― GLG009_Page_0628 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲན་ཟླ་ཀུན་དང་བྲལ་བ་ཡིན། །ཞེས་ཚར་ཆེན་གྱི་གསུང་མགུར་ལས་བྱུང་བ་དང་མཚུངས་པར་སེམས། སྐུ་ན་གཞོན་དུས་ནས་རབ་ཏུ་བྱུང་བ་གནང་བཞེད་ཆེ་ཞིང་འཇམ་དབྱངས་བྱང་གླིང་བཀྲ་ཤིས་རྒྱལ་མཚན་གྱིས་ཀྱང་སྐུ་ཆོས་གནང་བ་འགབ་ཚུལ་དང་། ངེད་རང་གྲ་རྐྱང་ཡིན་ཡང་བྲང་ཁང་དབང་ཆས་སོགས་ཕྱི་ནང་ཀུན་ཕུགས་འཇགས་རྩིས་ཀྱི་ལྷན་དུ་བཞུགས་ན་ཡོང་བ་སོགས་ཀྱི་བསླབ་བྱ་ནན་ཏན་དུ་མཛད་རུང་འཕྲང་འགོ་གཏེར་སྟོན་གྱི་རྟ་མགྲིན་དྲེགས་པ་ཀུན་འདུལ་གྱི་བསྐྱེད་རྫོགས་འཁྲུལ་མེད་ཙིཏྟ་དམར་པོ་ལས། ལྔ་བརྒྱ་ཐ་མ་དུས་ཀྱི་སྙིགས་མ་ལཿ ཤནྟིའི་མིང་འཛིན་བདུད་ཀྱི་བར་ཆད་ཀྱིསཿ མངའ་རིས་ཕྱོགས་ནས་ཧོར་གྱི་མནན་པ་འདོན༔ ཧ་ལ་འབིག་གིས་ངམ་རིང་བར་དུ་འཇོམས༔ བྱང་གི་ངམ་རར་བདུད་སྲིད་འགོ་ནད་སློང་༔ ས་བདག་ནམ་མཁའི་སྙིང་ལ་བར་ཆད་འཇུག༔ དེ་དུས་བྱང་གི་རི་སྣ་བཅུ་གསུམ་རྩེར༔ པདྨ་མཚན་བརྒྱད་གཙུག་ལག་བཅུ་གསུམ་རེ༔ བརྩིགས་ན་བྱང་ཕྱོགས་རྒྱལ་པོ་མངའ་ཐང་རྒྱས༔ ཞེས་པ་ལྟར། བྱང་གཙང་རོང་གསུམ་གྱི་བདེ་གཟར་ཡོ་འཁྱོམས་ཆེ་སྐབས། མེ་བྱི་ལོ་བྱང་པ་ནམ་མཁའ་རྒྱལ་མཚན། ཀུན་རིན་པ། གཙང་པ་ཞིང་ཤག་པ། རིགས་འཛིན་ཡོངས་འདུས་ཀྱི་ལུང་བསྟན་བཞིན་འགོང་པོའི་སྤྲུལ་པ་ཀུན་སྤངས་པ་རྣམས་རྩེ་བསྟུན་པའི་ཆོས་རྒྱལ་བཀྲ་ཤིས་སྟོབས་རྒྱལ་གྱི་ཕྱོགས་སུ་ཕུལ་ཏེ་གནས་གསར་བར་བཀའ་བཀྱོན་དུས་འཕོ་འགྱུར་ཆེན་པོས་མཛད་དཀའི་སྐབས་སུ་སོང་བ་དང་སྲས་ཀྱི་བགྲེས་ཁ་ཡིན་གཤིས། སྒོ་དུ་མ་ནས་ཡབ་ཡུམ་ཕྱག་ཕྱི་བ་སོགས་ཚང་མས་མགྲིན་གཅིག་ཏུ་ཁྱེད་ཀྱིས་ཆོས་མཛད་ན་གནས་གསར་བ་མིང་(༡༠ན)

― GLG009_Page_0629 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ལྷག་མ་ལྟ་བུར་གྱུར་ནས་ངེད་རྣམས་སུ་ལ་རེ་ཞེས་ནན་ཏན་ཆེན་པོས་གཤོལ་བཏབ་པ་ནི། ཤཱ་རིའི་བུའི་སྨོན་ལམ་དུ།་ཧ་ཅང་ཕྱུག་པོའི་ཁྱིམ་དང་ནི། །དབུལ་པོའི་ཁྱིམ་དུ་མི་སྐྱེ་བར། །བར་མའི་ཁྱིམ་དུ་སྐྱེས་ནས་ཀྱང་། །རབ་ཏུ་བྱུང་བ་བྱེད་པར་ཤོག །ཅེས་པའི་དོན་བཞིན་སྡེ་པ་གནས་གསར་བ་ཞེས་རྒྱལ་སྲིད་ཀྱི་སྙན་གྲགས་དང་རེ་དོགས་ཀྱི་དབང་གིས་རེ་ཞིག་སྐུ་རྟེན་བསྒྱུར་བ་སོགས་གཞན་དབང་མཐུ་བཙན་པས་མ་འགྲུབ་པ་བྱང་གླིང་རྗེས་ད་ལམ་སྐུ་ཆོས་གནང་མ་བཅུག་ཀྱང་ཕུགས་མཛད་དགོས་པ་ཡོང་གསུང་བ་མངོན་མཁྱེན་དུ་མཆིས། རིན་སྤུངས་ཞབས་དྲུང་ནས་བཀའ་ལུང་ལྕི་བ་དང་ཡབ་ཡུམ་གཉིས་ཀྱི་བཀའ་ནན་མ་བཟློག་པའི་དགོངས་པ་སྐོང་ཆེད་པ་རྣམ་དགའ་གདོང་གི་རྫོང་གསར་ཕག་རིའི་རྫོང་དཔོན་ལ་ཕེབས་དེ་དུས་གཙང་རོང་ཟློས་མཚམས་ཀྱི་གཙང་ཀོང་གཉིས་ཀྱི་དམག་གིས་ཕག་རི་རྫོང་ལ་བསྐོར་བ་རྫོང་རྩིས་སྤྲད་ནས་ཚད་དང་བདག་རྐྱེན་ཆེན་པོ་འོང་ཞེས་ཀུན་སྤངས་དྲུང་གིས་ཞལ་ལེན་ཆེར་མཛད་པ་དེ་ཐོག་ཏུ་བསྐྱལ་ན་ཤོགས་ཆེ་བ་ཡོང་ངེས་ཡིན་འདུག་ཀྱང་སྡེ་དཔོན་ཅི་རིགས་ཀྱི་ལུགས་བཞིན་འཕྲལ་དུ་ཁོ་མཐོང་ནས་འདོད་པས་ངོ་ཚ་བསྒྲིགས་པའི་མནའ་དང་ལས་འབྲས་སོགས་ཕུགས་ཀྱི་ཉེས་དམིགས་ཐམས་ཅད་རྒྱབ་ཏུ་བསྐྱུར་བ་དེ་འདྲ་ཐུགས་ལ་མ་བབས་པས་ངེད་རང་ཚོ་བཀག་པོར་འགྲོ་སྐབས་མགོ་འདྲེན་བདག་རྐྱེན་མཛད་མཁན་རིན་སྤུངས་པ་ཡིན་གཤིས་བསླུས་བརྒྱབ་ཚེ་ལུགས་གཉིས་ཀ་ནས་མི་བཏུབ་གསུངས་ཏེ་སྣ་ལེན་ཙམ་ཡང་མ་མཛད་པའི་དུས་ཕྱག་སྤྲེལ་གྱི་རྫོང་དཔོན་པ་རྣམ་རྫོང་ཤར་པས་དུས་ངན་སྐྱེ་བོའི་སྤྱོད་ཚུལ་མངོན་སུམ་དུ་(༡༠བ)

― GLG009_Page_0630 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་ཏེ་བསླུས་བརྒྱབ་པའི་རྫོང་སྡེ་པ་གཙང་པར་སྤྲད་ཅིང་དམ་པ་འདི་ཉིད་ཀོང་དམག་ལ་གཏད་དེ་ས་དོང་དུ་བཞུགས་བཅུག་དོང་གི་ཁ་པིར་ཕུབ་ཀྱིས་བཅད་ཁྱི་ཐུ་པོ་བཏགས་ནས་ཉེ་སྐོར་དུ་འགྲུལ་མི་ཡོང་བའི་དམ་དོག་ཆེན་པོས་ཤིན་ཏུ་འོ་བརྒྱལ་སྐབས་སྤྲོས་མེད་ལ་བརྟེན་པའི་ཐུགས་དམ་རྣམས་མ་ཆག་ཅིང་།གསོལ་བའི་ཕུད་མཆོད་ལ་བརྟེན་ནས་ཆོས་སྐྱོང་རྣམས་ཀྱི་གཏོར་བསྔོ་མ་གཏོགས་གཞན་མའི་སྤྲོས་པ་ཆེ་བ་རྣམས་གནང་མ་ཐུབ། དེ་ཡང་མོ་གལ་གྱི་བུའི་ཕྱག་ཞབས་ཐམས་ཅད་ཀུན་ཏུ་རྒྱུས་འདམ་བུ་ལྟར་བཅོམས་པའི་ལོ་རྒྱུས་བཞིན་ཡུལ་ཁྱད་པར་ཅན་རྣམས་ལའང་ཀུན་རྫོབ་ཏུ་ལས་ཀྱི་འབྲས་བུ་མི་ཡང་བའི་མཐའ་མ་བཀག་ཅིང་། དེ་བཞིན་གཤེགས་པ་ཡེ་ཤེས་ཤཱཀྱའི་མདོ་ལས། དེས་བསྐལ་བ་གྲངས་མེད་པར་གང་སྡིག་པའི་ལས་མངོན་པར་འདུས་བྱས་པར་གྱུར་པ་དེ་དག་གིས། དེ་ཡང་ཕྱི་མའི་དུས་ན་ཀླད་པ་ན་བ་ཙམ་གྱིས་ཐམས་ཅད་འབྱང་བར་འགྱུར། སེམས་ཉམས་ང་བ་ཙམ་གྱིས་ཐམས་ཅད་འབྱང་བར་འགྱུར། སྐུར་པ་བཏབ་པ་ཙམ་གྱིས་ཐམས་ཅད་འབྱང་བར་འགྱུར། བརྙས་པ་ཙམ་གྱིས་ཐམས་ཅད་འབྱང་བར་འགྱུར། འཐིང་སླད་བྱས་པ་ཙམ་གྱིས་ཐམས་ཅད་འབྱང་བར་འགྱུར། ཅོ་དྲིས་པ་ཙམ་གྱིས་ཐམས་ཅད་འབྱང་བར་འགྱུར། རྙེད་པ་ཆུང་བས་ཐམས་ཅད་འབྱང་བར་འགྱུར། སྐྱེ་བ་གཅིག་ཁོ་ནས་ཐམས་ཅད་འབྱང་བར་འགྱུར། ཞེས་པ་ལྟར་སྦྱང་བྱའི་སྡིག་ལྟུང་ཆེན་པོའི་ཚོགས་ཀྱང་ཚེགས་ཆུང་ངུས་གཞིལ་བར་གྱུར་པ་ལྟས་ངན་གཡང་དུ་ལོན་པ་ཡིན་པས་རང་རྒྱུད་པའི་ངང་ཚུལ་དུ་མི་སེམས་སོ། །མི་རིང་བར་གཞིས་ནས་གསེར་གྱིས་གཙོས་དངོས་པོ་གཏོས་ཆེ་བའི་བླུས་མས་(༡༡ན)

― GLG009_Page_0631 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེས་དམིགས་ལས་གྲོལ་ཏེ་རང་གི་བསྟི་གནས་སུ་ཕེབས་ཆོག་པ་བྱུང་། དཀའ་སྤྱད་ཆུང་ངུ་ཙམ་གྱིས་རྐྱེན་མི་ཐེག་པར་དགེ་སྦྱོར་ལ་ཐང་ལྷོད་མང་དུ་འབྱུང་བའི་བཟང་པོར་རློམ་པ་མང་པོའི་སྤྱོད་ཚུལ་ལ་བརྟགས་ཀྱང་ཆེས་བརྣག་པར་དཀའ་བའི་དུས་དེར་རྐྱེན་ངན་ཐོག་བབས་ཀྱི་དབང་དུ་མི་འགྲོ་བ་ནི་ལྟར་སྣང་སྡེ་དཔོན་གྱི་དྲུང་འཁོར་གྱི་ཤ་ཚུགས་ཅན་ལ་སྣང་བ་ཐམས་ཅད་བདེ་སྟོང་གི་རོལ་བར་འཆར་བའི་རྣལ་འབྱོར་གྱི་དབང་ཕྱུག་ཆེན་པོ་སྟེ། རྡོ་རྗེ་འཆང་ཀུན་སྤངས་ཆོས་རྗེ་དགུང་ལོ་སོ་བདུན་བར་སྣེའུ་སྡོང་རྩེར་བཞུགས་པ་ཡན་ཆད་ལའང་ཐམས་ཅད་མི་དགེ་བའི་ལས་ལམ་ཅུང་ཟད་ཙམ་གྱིས་མ་གོས་ཤིང་གཞིས་ཀ་རྩེའི་ཞོལ་དུ་རླུང་སེམས་དབུ་མར་ཆུད་པའི་ལམ་རྟགས་སོགས་དཔག་པར་དཀའ་བའི་རྟོགས་བརྗོད་དང་དབྱིབས་མཚུངས་པར་མངོན། སྐུའི་རྒྱན་ཆ་ལུགས་ཁྱིམ་པའི་རྣམ་པ་ཙམ་ལས་ཚངས་པར་སྤྱོད་པའི་བརྟུལ་ཞུགས་ལྷུར་ལེན་པ་སོགས་སྒོ་གསུམ་བག་ཡོད་ཀྱི་སྤྱོད་ཚུལ་ཁོ་ནས་དུས་འདའ་ཞིང་དབང་ལུང་མན་ངག་གསན་པ་ཕྱག་དཔེ་འཛིན་བཤར་ཐུགས་དམ་ལ་རྩོལ་འདོན་གྱི་ཀུན་ཏུ་སྤྱོད་པར་གཞོལ་བ་ལ་བརྟན་ཐམས་ཅད་ཀྱིས་བླ་མ་ལྟ་བུའི་མཐོང་དང་དྲུང་དུ་འཁོད་ནས་ཆོས་དང་འབྲེལ་བའི་གླེང་བསླང་ལ་སྤྲོ་བ་འཕེལ་བ་ནི། མགོན་པོ་ཀླུ་སྒྲུབ་ཀྱིས། ནད་ཀྱི་འཇིགས་པ་མ་བྱུང་ཞིང་། །དམ་པ་དག་དང་འགྲོགས་པར་བརྩོན། །དམན་པའི་ཚིག་ནི་མ་སྨྲས་པའི། །ཉིན་གཅིག་ལོ་བརྒྱ་བས་ཀྱང་མཆོག །ཅེས་དམ་པ་དང་ཉིན་གཅིག་འགྲོགས་པ་དང་སྐྱེས་ཕལ་དང་ལོ་བརྒྱར་འགྲོགས་པའི་ཁྱད་པར་གྱི་དོན་དུ་ངེས་ཤིང་གླང་བུ་ནས་མ་ཆེན་ཚེ་དབང་དོན་གྲུབ་ཅེས་རྣམ་དཔྱོད་མཆོག་(༡༡བ)

― GLG009_Page_0632 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་ཡངས་ཤིང་ཁྱད་པར་ཁའུ་བྲག་རྫོང་པའི་རིང་ལུགས་ལ་ལྡོག་ཏུ་མེད་པའི་མོས་པ་བརྟན་པོ་དང་ལྡན་པ་དེས། མཁན་ཆེན་བསླབ་གསུམ་རྒྱལ་མཚན་གྱི་དྲུང་དུ་གུར་ཞལ་གྱི་ཆོས་སྐོར་ཡོངས་རྫོགས་དགོས་ཚུལ་གྱི་སྙན་འབུལ་ཞུས་པས་དབང་ལུང་རེ་མང་གནང་བའི་མཚམས་ཤིག་ལྷག་མ་རྣམས་གནས་གསར་དབོན་རིན་པོ་ཆེར་ཞུས་གསུངས་པ་སྡེ་པའི་ཐུགས་ལ། དབོན་རིན་པོ་ཆེ་སྐུ་རྟེན་སྐྱ་བོ་འདི་འདྲས་གནང་བ་ཞིག་ཅུང་མི་ཡོང་ངམ་སྙམ་པ་ལ་རྗེས་སོར་ཟབ་ཆོས་མཐའ་དག་ལྷུག་སྩོལ་ཞུས་ཆོག་པ་བྱུང་བས་རྗེ་བླ་མ་བསླབ་གསུམ་རྒྱལ་མཚན་གྱི་གསུང་དེ་མངོན་པར་མཁྱེན་པ་དང་རྗེ་བླ་མ་འདི་ཉིད་ལ་མི་ཕྱེད་པའི་དད་པ་གཏིང་ཚུགས་པས་བརྒྱུད་བཅས་སྦྱིན་བདག་གི་མཐིལ་དུ་གྱུར། ཞ་ལུ་འཇམ་དཔལ་དབྱངས་བྱང་གླིང་པ་བཀྲ་ཤིས་རྒྱལ་མཚན་ལ་བདེ་མཆོག་མཁའ་འགྲོ་རྒྱ་མཚོ་སོགས་བུ་ལུགས་ཀྱི་དབང་འཁྲིད་ལུང་མན་ངག་དུ་མ་གསན། དེའང་ཉེ་དུ་དང་འབངས་སོགས་སྲིད་པའི་ཕུན་ཚོགས་ལ་མངོན་པར་ཞེན་པ་རྣམས་ཀྱིས་འབད་པ་དུ་མའི་སྒོ་ནས་བཤོལ་བཏབ་ཀྱང་རྗེ་བླ་མ་འདི་ཉིད་ཚངས་པ། བརྒྱ་བྱིན། དབང་ཕྱུག །འཁོར་ལོས་སྒྱུར་བའི་དཔལ་ཡང་ཟག་བཅས་ཀྱི་བདེ་བ་འགྱུར་བའི་སྡུག་བསྔལ་ཆུ་ཤིང་ལྟར་སྙིང་པོ་མེད་པའི་རང་བཞིན་དུ་གཟིགས་ཏེ་ཐོག་མ་ཉིད་ནས་ངེས་པར་འབྱུང་བའི་དམ་བཅའ་བརྟན་པོ་ལས་ཅུང་ཟད་ཙམ་ཡང་གཡོ་བ་མི་མངའ་བས་དགུང་ལོ་སོ་གཅིག་ཏུ་ཕེབས་པ་འགལ་བ་ཞེས་པ་ས་མོ་གླང་གི་ལོ་རྒྱལ་བས་ཆོ་འཕྲུལ་བསྟན་པའི་བཟང་པོ་དང་པོའི་ཉིན་གདན་ས་འོག་སྲིད་གསུམ་རྣམ་པར་རྒྱལ་བའི་ཆོས་གྲ་ཆེན་པོར་རྟ་ནག་ཐུབ་བསྟན་རྣམ་རྒྱལ་གྱི་ཁྲི་པ་མང་ཐོས་སྡེ་སྣོད་གསུམ་པ་ཚུལ་ཁྲིམས་ཀྱི་དྲི་ངད་ཕྱོགས་བཅུར་ཁྱབ་པའི་(༡༢ན)

― GLG009_Page_0633 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་བརྟན་འདུལ་བ་འཛིན་པ་མཁན་ཆེན་བྱམས་པ་རབ་བརྟན་གྱི་དྲུང་དུ་ཚིགས་སྔ་མ་དགེ་ཚུལ་གྱི་སྡོམ་པ་ལེགས་པར་བཞེས་པའི་བརྗེ་བ་རྣམ་པ་གསུམ་གྱི་སྐབས་མཚན་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོར་གསོལ། མགོན་པོ་ཁྲོ་བཅུའི་རྗེས་གནང་སོགས་ཆོས་རྣམ་གྲངས་མང་དུ་གསན། དེ་ནས་མ་འགྱངས་པར་འཇམ་མགོན་ས་སྐྱ་པའི་གཞུང་ལུགས་བྱེ་བའི་སྲོལ་འཛིན་ཀུན་མཁྱེན་གོ་བོ་རབ་འབྱམས་པ་བསོད་ནམས་སེང་གེའི་བསྟི་གནས་ཆོས་གྲ་ཆེན་པོ་ཐུབ་བསྟན་རྣམ་པར་རྒྱལ་བའི་གླིང་དུ་དོན་གྱི་སླད་དུ་མཚན་ནས་སྨོས་ཏེ་ཡོངས་རྫོགས་བསྟན་པའི་མངའ་བདག་གནས་བརྟན་འདུལ་བ་འཛིན་པ་ཆེན་པོ་བྱམས་པ་རབ་བརྟན་པས་མཁན་པོ། ཁྲིམས་ལྡན་ངུར་སྨིག་འཛིན་པ་ཆོས་འོད་ཟེར་གྱིས་ལས་ཀྱི་སློབ་དཔོན། གསང་སྟོན། གྲིབ་ཚོད་པ་སོགས་དད་པའི་དགེ་འདུན་གྲངས་ཚང་བའི་དབུས་སུ་བསྟན་པའི་རྩ་བ་སོ་སོར་ཐར་པ་རིགས་བརྒྱད་ཀྱི་ནང་ནས་མཆོག་ཏུ་གྱུར་པ་དགེ་སློང་གི་དངོས་པོར་བསྒྲུབས་ཏེ་ལེགས་པར་གསུངས་པའི་ཆོས་འདུལ་བའི་རྒྱལ་མཚན་ཆེན་པོ་ཤཱཀྱ་སེང་གེའི་རིང་ལུགས་ཀྱི་བ་གམ་མཐོན་པོའི་རྩེ་མོར་མངོན་པར་བསྒྲེངས་པའི་གནས་བརྟན་འདུལ་བ་འཛིན་པ་ཉེ་བར་འཁོར་གཉིས་པ་ལྟ་བུར་གྱུར་པ་ནི་ཚར་ཆེན་གྱི་གསུང་ལས། དེང་དུས་འདི་ན་ཁ་ཅིག་གཞན་དབང་གིས། །རང་ཡུལ་བླ་མ་ཚུལ་འཆལ་དག་ལ་ནོད། །གཞན་དག་བསམས་བཞིན་ཐག་དང་སར་བགྲོད་ནས། །ཆེན་པོ་ཧོར་འདྲའི་སྤྱོད་ཚུལ་ཅན་ལ་ཞུ། །བདག་གིས་ཚེ་འདིའི་ངོ་བསྲུང་རྒྱབ་ཏུ་བོར། །ཕྱི་མའི་དོན་ཆེན་འབའ་(༡༢བ)

― GLG009_Page_0634 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་སྙིང་ནས་བསམས། །ཡོངས་རྫོགས་ཁ་ཆེའི་པཎ་ཆེན་བསོད་སྙོམས་པ། །ཤཱཀྱ་ཤཱིའི་གྲྭར་ནི་འབད་པས་ཞུགས། །ཞེས་པ་ལྟར་པཎ་ཆེན་ལུགས་ཀྱི་སྡོམ་རྒྱུན་ཁུངས་བཙུན་བཞེས་པ་ཡིན་ཞིང་མདོར་ན་ཐེག་པ་ཆེ་ཆུང་གི་ཉམས་བཞེས་མཐའ་དག་མཐར་ཕྱིན་པས་ཚར་ཆེན་གྱི་གསུང་མགུར་དུ། ཕྱི་ཚུལ་ཉན་ཐོས་ཀྱི་སྤྱོད་པས་ཚུལ་ཁྲིམས་སྲོག་བཞིན་དུ་བསྲུངས་ཤིང་། །ནང་དུ་གཞན་ཕན་གྱི་སྙིང་རྗེས་འགྲོ་ཀུན་བུ་བཞིན་དུ་བསམས་ནས། །གསང་བ་གཉིས་མེད་དགག་སྒྲུབ་བླང་དོར་དང་བྲལ་བ། །བཟོ་མེད་ལྷུག་པ་རུ་སྐྱོང་བ་རྣལ་འབྱོར་ཁོ་བོའི་སྤྱོད་པ། །ཞེས་གསུངས་པ་དང་མཐུན་པར་སྣང་། སྔོན་གནས་དྲན་དང་གོམས་པའི་ནུས་མཐུ་རྣམས། །ཉི་མའི་དཀྱིལ་འཁོར་ཤར་ན་འོད་ཟེར་ལྟར། །ན་ཚོད་ཕྲ་ཡང་རྒན་བློའི་ཐོས་བསམ་ཚུལ། །མ་དྲུག་རྣམ་དཔྱོད་ཡངས་ལ་གཅིག་ཏུ་སྡང་། །བླ་མ་ཡི་དམ་ཆོས་སྲུང་འབྲལ་མེད་དུ། །ཡོངས་རིག་གསུང་གསང་རྒྱུན་མི་ཆད་བཞིན་པར། །དངོས་ཉམས་འགའ་རུ་ཕྱོགས་ཙམ་སྟོན་པ་འདི། །མངོན་སུམ་གཟིགས་རྣམས་གབ་པའི་བརྫུ་བག་མཁན། །ངན་སྤྱོད་མཚོན་གྱིས་མི་ཕིགས་ཁྲེལ་གཞུང་ངོ་། །ཚུལ་གནས་དམ་བཅའི་གཙུག་ནོར་འོད་འབར་དེས། །མི་དགེ་ལྷ་མིན་བཅོམས་ཀྱང་རང་སྡེའི་བྱར། །རྗེས་བརྩེའི་བརྒྱ་བྱིན་གཉིས་པ་དམིགས་སུ་མེད། །རིན་ཆེན་སྤུངས་པའི་སྲིད་ཀྱི་གཞན་དོན་ཕྱིར། །རང་གི་བདེ་བ་བོར་བའི་གཏོང་ལེན་འདིས། །འགྲོ་ཆེད་ལུས་སོགས་འདོར་བའི་རྒྱལ་སྲས་ཀྱི། །རླབས་ཆེན་སྤྱོད་པའི་ཚད་དེ་ད་གདོད་འཁུམས། ཁྱིམ་གཟུགས་སྒོང་སྦུབས་མཁས་བཙུན་གྲུབ་བརྙེས་པའི། །དབྱངས་སྙན་ལེགས་འཁྲོལ་ཀ་ལ་པིངྐའི་བྱ། །མཐོང་ཚེ་(༡༣ན)

― GLG009_Page_0635 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་སྤྲིན་གོས་ཀྱི་འདབ་གཤོག་ཅན། །ངུར་ཁྱུ་ཕལ་ཆེར་དོན་མེད་ཅ་ཅོས་ངལ། །བློ་གསལ་གདམས་པའི་རྒྱ་མཚོ་དཔག་དཀའི་མཐའ། །མཁྱེན་བརྩེའི་རྫིངས་ཀྱིས་དབངཕྱུག་བརྒྱད་ལྡན་གླིང་། །བགྲོད་ནས་དངོས་གྲུབ་རིན་ཆེན་འདྲེན་པའི་ཁུར། །འདེགས་ནུས་སྙིང་སྟོབས་ཚུལ་ལ་ཁྱབ་འཇུག་ཞབས། །པད་འབྱུང་སླར་ཡང་གངས་ཅན་འགྲོ་བ་ལ། །རྗེས་བརྩེ་མཆོག་གི་སྤྲུལ་སྐུ་མངའ་རིས་པས། །ཐེག་དགུའི་ཆོས་སྒོ་ཕྱེ་ཚེ་རྒྱལ་པོ་ཛ། །སྐྱེངས་ཏེ་འོག་མིན་ཞིང་དུ་བྲོས་སམ་སྙམ། །རིས་མེད་མདོ་རྒྱུད་ཆུ་ཕྲན་ཀུན་བཏུངས་པས། །ཡངས་པའི་མཁྱེན་རབ་ལྟེ་བ་མ་ཁེངས་པར། །བསླབ་གསུམ་ཚངས་པའི་ཞལ་སྒོའི་རིལ་ཀླུང་ནས། །ཕབ་པའི་སྙན་བརྒྱུད་གངྒཱ་འཐུང་ལ་བྲེལ། །སྲིད་འབྱོར་འདོད་ལྷར་ལྡང་བའི་ངེས་བྱུང་མེས། །རྟེན་འབྲེལ་ལུགས་འབྱུང་འཁོར་བ་རགས་པའི་ལུས། །བསྔགས་ཏེ་བག་ཡོད་དབང་ཕྱུག་བརྒྱད་ལྡན་ལྷ། །གཏན་མདུན་རལ་རྩེར་ཐར་པའི་ཟླ་བ་ཚེས།མཁན་ཆེན་བསླབ་གསུམ་རྒྱལ་མཚན་མཁའ་སྤྱོད་ཧེ་རུ་ཀའི་གྲོང་ཁྱེར་དུ་མེ་གླང་སྐུའི་བཀོད་པ་བསྡུས་པར་བརྟེན་བསྟན་པ་སྤྱི་བྱེ་བྲག་གི་གསན་བསམ་འཕྲོར་ལུས་པ་རྣམས་གསན་པའི་ཆེད་དུ། ས་གླང་བསམ་གྲུབ་དགོན་གསར་དུ་ཕེབས། སྙན་གསན་འབུལ་བར་གནང་བ་ལྟར་སྔགས་འཆང་རིན་པོ་ཆེས་ཞལ་གྱིས་བཞེས་ཏེ་རྗེ་འདི་ཉིད་ཞག་ཤས་ཆོས་སྒུགས་སུ་བཞུགས། རིན་པོ་ཆེ་མཚོ་སྒོ་བའི་རྐྱེན་སེལ་ལ་སྐོར་ཙམ་བྱོན་ནས་ཕྱིར་ལམ་དགྲ་ཇག་གི་འཚེ་བ་མང་བའི་གངས་དབར་སླང་སྟོངས་ལ་སྲུང་མའི་དབང་པོ་རྡོ་རྗེ་ནག་པོ་ཆེན་པོ་གུར་གྱི་མགོན་པོ་རུ་འདྲེན་སྡེ་(༡༣བ)

― GLG009_Page_0636 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་དང་བཅས་པས་མངོན་སུམ་ལྟ་བུར་བསུ་བའི་གཟིགས་སྣང་བྱུང་བར་ཕྱག་ཕྱི་བ་གཡུལ་རྒྱལ་སོགས་ཀྱིས་བྱ་ནག་ཟུང་འབྲེལ་གྱིས་གཤོག་གར་དང་སྐད་སྙན་སྒྲོག་པ་འདི་མགོན་པོའི་ཕེབས་བསུར་འདུག་ཅེས་གླེང་བ་ཆོས་འཆད་ཉན་མཛད་པ་པོ་གཉིས་ཀའི་ཆེ་བར་མཆིས། ཚར་ཆེན་ཡབ་སྲས་ཀྱི་ཞབས་པད་ཡུན་རིང་དུ་བསྙེན་པས་ཟབ་ཆོས་ཀྱི་བདག་པོ་མཐུ་སྟོབས་ཀྱི་དབང་ཕྱུག་རིན་པོ་ཆེ་དགོན་གསར་བ་སྔགས་འཆང་བསོད་ནམས་ཆོས་འཕེལ་གྱི་དྲུང་དུ་ཟླ་བ་བརྒྱད་ཀྱི་རིང་གསེར་ཆོས་དམར་པོ་སྐོར་གསུམ་གྱི་རྗེས་གནང་ཆོས་སྐོར། མགོན་པོ་ཞལ་གྱི་རྗེས་གནང་། ཚེ་སྒྲུབ་བསྲུང་འཁོར་དང་འབྲེལ་བའི་ཁྲིད། བེའུ་བུམ་རགས་རིམ་སོགས་མདོར་ན་གདུང་བརྒྱུད་རིམ་པར་བྱོན་པའི་སྙན་བརྒྱུད་ཚད་མ་བཞི་ལྡན་གྱི་སྐོར་སྔར་རྗེ་བསླབ་གསུམ་པར་མ་གསན་པའི་འཕྲོས་རྣམས་སུ་མ་ཟད་སྔར་གསན་རྣམས་ཀྱང་བསྐྱར་བལྡབ་དང་པདྨ་དབང་ཆེན་ཡང་གསང་ཁྲོས་པའི་དབང་། རྟ་པོད། རྡོ་རྗེ་འཇིགས་བྱེད་རྭ་ལུགས་ཀྱི་དབང་། རྭ་པོད། དཔལ་འཛིན་པོད་ཆུང་སོགས་ཟབ་པ་དང་རྒྱ་ཆེ་བའི་གདམས་པ་མཐའ་ཡས་པ་གསན་ཅིང་མཇུག་ཏུ་ཚེ་དཔག་མེད་ལྕགས་སྡོང་མའི་དབང་གནང་བའི་ཚེ་ལོ་རྒྱུས་དང་དངོས་གཞིའི་མཚམས་སུ་སླེབས་དུས་ཚེ་ཆང་ཁོལ་ནས་ལུད་པ་རྗེ་འདི་ཉིད་ཀྱིས་མང་དུ་བཞེས་པའི་ལྷག་མ་རྣམས་རིལ་བུར་སྒྲིལ་བ་འབྲུ་ཤའི་སྔགས་འཆང་ཆེན་པོ་འདི་ཉིད་ཉམས་རྟོགས་ཀྱི་ཡོན་ཏན་ཕུལ་དུ་བྱུང་ཞིང་སྔགས་སྨྱོན་བསམ་གྱིས་མི་ཁྱབ་པ་བགྲངས་པའི་བྱིན་རླབས་ཀྱིས་ཕ་བླ་མ་མཁྱེན་བརྩེའི་དབང་ཕྱུག་གིས་བསྟན་པའི་བདག་པོར་རིགས་ཀྱི་དབོན་དམ་པ་བཅུ་ཕྲག་བརྒྱད་ཀྱི་བར་དུ་(༡༤ན)

― GLG009_Page_0637 ―

^{[མ་དཔེ་གཟིགས་ན་འདིར་གནོན།]}

[Full Size]

འཚོ་ཞིང་གཞེས་པའི་རྟེན་འབྲེལ་དུ་སེམས་ལ། མདོར་ན་བཀའ་དྲིན་ཆེ་བའི་བླ་མ་ཞིག་ཏུ་མཛད་པས་ཞལ་གྱི་གསང་ཁྲིད་ཀྱི་ཡི་གེ་ལས། རྒྱལ་བ་ཀུན་དངོས་ཁྱབ་བདག་རྡོ་རྗེ་འཆང་། །རིགས་བརྒྱའི་འཁོར་ལོས་སྒྱུར་བའི་ཟློས་གར་གྱིས། །དེང་འདིར་སྐྱེ་རྒུའི་དོན་སླད་བཤེས་གཉེན་སྐུ། །ཕ་རྒོད་སྐུ་དྲིན་དབང་པོ་དགོན་གསར་བ། །མགོན་དེའི་གསུང་གི་གསང་བ་མི་ཟད་པ། །ཟབ་རྒྱས་སྙན་བརྒྱུད་བདུད་རྩིའི་རྒྱ་མཚོ་ལས། །དད་གུས་སྙིམ་པའི་བཅུད་ཀྱིས་བསྡུས་པ་འདི། །སྐལ་བཟང་སྙིང་ལ་གྲུབ་པའི་དགའ་སྟོན་སྤེལ། །ཞེས་པ་གསང་འཁྲིད་གཅིག་པུར་མ་ཟད་ཟབ་ཆོས་གཞན་ལའང་སྦྱོར་རིགས་པར་མཆིས། དབྱངས་ཅན་ལྷ་མོས་རྗེས་སུ་བཟུང་བས་མདོ་རྒྱུད། སྒྲ་ཚད། སྙན་དངགས་སོགས་རིག་པའི་གནས་མཐའ་དག་ལ་མཁྱེན་རབ་ཀྱི་སྤྱན་དཀྱུས་ཤིན་ཏུ་རིང་བས་དུས་ཐོག་དེ་ན་ས་དགེའི་དགེ་བའི་བཤེས་གཉེན་གཞན་དག་གིས་བསྒྲུན་དུ་མེད་པ་ཐམས་ཅད་མཁྱེན་པ་ཀླུ་སྒྲུབ་རྒྱ་མཚོ་ཞེས་གསང་ཆེན་སློབ་བཤད་འཛིན་པའི་ཤིང་རྟ་པ་ཆེན་པོ་དེ་ལ་སྒྲོལ་དཀར་དང་དཔལ་ལྡན་དམག་ཟོར་མའི་རྗེས་གནང་སོགས་ཆོས་བཀའ་ཁ་ཡར། རྗེ་བྱམས་པ་སྐལ་བཟང་ལ་ནེ་གུ་དང་ཚེ་དཔག་མེད་གྲུབ་རྒྱལ་མའི་བསྐྱེད་རྫོགས་ཀྱི་འཁྲིད་སོགས་ཆོས་མང་བ། རིན་པོ་ཆེ་སྟོབས་ལྡན་འོད་ཟེར་ལ་འདོད་རྒྱལ་གྱི་འཁོར་ལོའི་ཕྱག་ལེན། ཛ་པིར་གྱི་བྷུར་རླུང་སོགས་མན་ངག་ཟབ་ཆོས་མང་དག །ཐམས་ཅད་མཁྱེན་པའི་མཆོད་དབོན་དྲུང་པ་དཀོན་ལེགས་པར་གསུང་འབུམ་ནང་གི་ཆོས་སྣ་འགའ་ཞིག་གིས་མཚོན་པའི་ཟབ་དོན་གྱི་ཆོས་བཀའ་དུ་མ་རྣམས་གསན། སྐུ་རྟེན་སྐྱ་བོའི་(༡༤བ)

― GLG009_Page_0638 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་སུའང་སྐུ་གསུང་ཐུགས་ཀྱི་ཡོན་ཏན་ལ་ངེས་པ་རྙེད་པ་དུ་མས་བཀའ་ཆོས་ཞུས་པར་མ་ཟད་རབ་ཏུ་བྱུང་བ་ནས་བཟུང་དབང་འཁྲིད་ལུང་མན་ངག་གིས་མཐའ་ཀླས་པའི་གདུལ་བྱའི་རེ་བ་ཡོངས་སུ་བཀང་། ཆུ་འབྲུག་བཀའ་དྲིན་མཉམ་མེད་འབྲུའི་སྔགས་འཆང་ཆེན་པོའི་དྲུང་དུ་རྗེ་དམ་པ་འདི་ཉིད་དང་། ཆོས་རྗེ་བྱམས་པ་ཤཱཀྱ་བློ་གྲོས། ཆོས་རྗེ་ངག་དབང་པ། ཆོས་རྗེ་དཀོན་ཅོག་ལེགས་འཛིན། ཁམས་པའི་སློབ་བུ་གསུམ་དང་བཅས་ལྷན་ཅིག་པར་དབང་འཁྲིད་ལུང་མན་ངག་མང་དུ་གསན། དགུང་ལོ་སོ་བརྒྱད་པ་མེ་ཕོ་སྤྲེའུའི་ལོ་དབུས་ལ་ཕེབས་པའི་དགོངས་པ་བསྟད། ཞ་ལུ་རི་ཕུག་ནས་རྩེ་གདོང་དུ་ཕེབས་ཞབས་དྲུང་ཁྲི་རིན་པོ་ཆེ་ཀུན་དགའ་བསོད་ནམས་ལྷུན་གྲུབ་བཀྲ་ཤིས་གྲགས་པ་རྒྱལ་མཚན་དཔལ་བཟང་པོའི་ཕྱག་ཕྱི་མཛད་ཤུ་གུ་ལ་བརྒྱུད་པཎྜི་ཏ་ཆེན་པོ་ཀཱ་མ་ལ་ཤཱི་ལའི་རྣམ་འཕྲུལ་རོང་སྟོན་ཤེས་བྱ་ཀུན་རིག་གི་གདན་ས་རྒྱུན་སྟེར་རམ་འདམ་བུ་སྦྱིན་དུ་འབོད་པའི་ཆོས་གྲ་ཆེན་པོར་བྱོན། རྩེ་གདོང་ཁྲི་རིན་པོ་ཆེར་ཚེ་དཔག་མེད་གྲུབ་རྒྱལ་ལུགས་ཀྱི་དབང་གསན། ཞབས་དྲུང་ཁྲི་ཆེན་གྱིས་ནཱ་ལེནྡྲའི་མཁན་ཚབ་ཏུ་མངའ་གསོལ་ཏེ་རེ་ཞིག་བཞུགས་དུས་ཁམས་བོད་ཀྱི་གྲ་པ་རྣམས་ལ་རྒྱུད་སྡེ་བཞིའི་ནང་ནས་དབང་རྗེས་གནང་ཉམས་འཁྲིད་དང་ལུང་ཅི་རིགས་ཀྱི་ཆོས་ཆར་ཕབ། རྗེ་བཙུན་ནཱ་རོ་མཁའ་སྤྱོད་མའི་སྐུའི་སྣང་བ་ཆེས་གསལ་བར་བྱུང་བ་ཚར་ཆེན་ལ་འཕན་དཀར་གྱི་ལྗོངས་སུ་རྗེས་སུ་འཛིན། ཞེས་པ་དང་དབྱིབས་མཚུངས་པའི་ནཱ་རོ་ཏ་པའི་སློབ་བཤད་ཟབ་མོ་ཐུགས་ཉམས་སུ་བསྟར་པ་འགའ་ཞིག་ཡུལ་ཕྱོགས་འདི་ངོས་ནས་རྗེས་སུ་འཛིན་པའི་རྟེན་འབྲེལ་ཞིག་ཡོད་པར་མཆིས། (༡༥ན)

― GLG009_Page_0639 ―

^{[མ་དཔེ་གཟིགས་ན་འདིར་གནོན།]}

[Full Size]

སྔར་ཚར་ཆེན་གྱིས་མཁན་ཆེན་བློ་གྲོས་ཆོས་འཕགས་ལ་རྗེ་མཁྱེན་བརྩེའི་དབང་ཕྱུག་མཇལ་ཐུབ་པ་གྱིས་གསུང་བ་ཕྱག་ཏུ་མ་ཁེལ་བའི་ངང་སྐུ་གཤེགས་པའི་གཤིས་བླ་མའི་བཀའ་བཞིན་མ་འགྲུབ་པའི་དམ་ཚིག་སྐོང་བྱེད་དུ་རྗེ་འདི་ཉིད་ཕེབས་དགོས་ཚུལ་ཞུས་པ་ལྟར་སྐྱེད་ཚལ་འོག་ཏུ་བྱོན། རྗེ་མཁྱེན་བརྩེའི་ཟིན་བྲིས་གཤེད་དམར་སྤྲོས་མེད་ཀྱི་འཁྲིད་ཡིག་དེ་ཚར་ཆེན་གྱིས་འདི་ལ་ཁོ་བོས་གློ་དགོན་པ་མི་འདུག་པ་མ་གཏོགས་ཚིག་གི་ཟུར་མ་ཉམས་པས་ལུང་བྱས་ཆོག་ཅིང་ཚིགས་བཅད་རྣམས་ཀྱང་སྙན་པོ་འདུག་པས་ཀློག་ཐོང་གསུང་མཁན་ཆེན་པར་ལྗགས་ལུང་གནང་འདུག་གཤིས་འཁྲིད་ལུང་གསན། རིམ་གྱིས་སྣ་ནམ་རྡོ་རྗེ་བདུད་འཇོམས་དང་དཔལ་ལྡན་བླ་མ་དམ་པ་སོགས་ཀྱི་སྤྲུལ་པའི་ཟློས་གར་ཀུན་མཁྱེན་འཇིགས་མེད་དཔའ་བོའི་བསྟི་གནས་གོང་དཀར་རྡོ་རྗེ་གདན་དུ་ཕེབས་ཏེ་གནས་རྟེན་རྣམས་ཞིབ་པར་མཇལ་བའི་མགོན་ཁང་དུ་མཆོད་གཏོར་འཕྲིན་བཅོལ་རྒྱས་པར་གནང་། རིན་པོ་ཆེ་ཀླུ་དབང་གླིང་པ་རྣམ་རྒྱལ་བཀྲ་ཤིས་ལ་དཔལ་མགོན་ཞལ་ཁྲ་ཅན་གྱི་རྗེས་གནང་དང་འཇམ་དབྱངས་ནག་པོའི་ཆོས་སྐོར་སོགས་གསན། ཡང་དག་པར་རྫོགས་པའི་སངས་རྒྱས་མཉམ་མེད་ཤཱཀྱའི་རྒྱལ་པོ་སྐུ་བོངས་ཐོག་ཚད་ཙམ་གསེར་གྱི་ལྷུན་པོ་ལ་ཉི་མ་འབུམ་གྱིས་འཁྱུད་པའི་གཟི་བྱིན་ཅན་མཚན་དཔེ་གསལ་ལ་རྫོགས་པ་དང་། ཆོས་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱི་སྐུའི་སྣང་བ་གསལ་བར་གཟིགས། དེ་ནས་དཔལ་ལྡན་ཤངས་པ་བཀའ་བརྒྱུད་ཀྱི་ཆིག་བརྒྱུད་རྡོ་རྗེའི་བརྒྱུད་པ་བདུན་ལྡན་གྱི་ནང་ཚན་སངས་རྒྱས་གཉན་སྟོན་ཆེན་པོའི་རྣམ་འཕྲུལ་མཁན་ཆེན་གཞོན་(༡༥བ)

― GLG009_Page_0640 ―

^{[མ་དཔེ་གཟིགས་ན་འདིར་གནོན།]}

[Full Size]

ནུ་བློ་གྲོས་མཇལ་བར་གསང་ཆེན་སློབ་བཤད་ཀྱི་སྔགས་གྲ་ཡར་ཀླུངས་བཀྲ་ཤིས་ཆོས་སྡེར་ཕེབས། མཇལ་ཙམ་ནས་དཔོན་སློབ་སྔར་ནས་འདྲིས་པ་ལྟ་བུའི་ཐུགས་དགྱེས་ཤིང་གསུང་གླེང་འཕེལ་བར་མཛད། མཁན་རིན་པོ་ཆེར་ཚར་ཆེན་གྱིས་མཛད་པའི་ཀྱེ་རྡོར་མཎྜལ་སྒྲུབ་མཆོད་དང་རྗེ་ཉིད་ཀྱིས་མཛད་པའི་ཞལ་གྱི་གཏོར་སྐྱོང་གི་ལུང་། ཚེ་དབང་གྲུབ་རྒྱལ་མའི་དབང་ཕྱག་དྲུག་པའི་རྗེས་གནང་སོགས་ཆོས་འབྲེལ་ཁ་ཡར་གསན། ཁྱེད་ཀྱིས་ཆོས་སྡེའི་གྲ་པ་རྣམས་ལ་གུར་ཞལ་པུ་ཏྲ་བེག་ཙེ་རྣམས་ཀྱི་རྗེས་གནང་མཛོད་གསུང་བ་ལྟར་བཀའ་བཞིན་བསྒྲུབས། ཧོར་ཟླ་ལྔ་པའི་ཉེར་གཅིག་ཐམས་ཅད་མཁྱེན་པའི་སྐུ་མཆོད་དུས་དྲན་ལ་དཔོན་སློབ་བཅུ་གཉིས་ཀྱིས་དཔལ་རྡོ་རྗེའི་འཇིགས་བྱེད་རྭ་ལུགས་རྡུལ་ཚོན་གྱི་དཀྱིལ་འཁོར་བཞེངས་ནས་ཞག་བརྒྱད་ཀྱི་བར་བདག་འཇུག་ཚར་བརྒྱད་བཞེས་པའི་ཉེར་གཉིས་ཀྱི་དགོངས་མཚམས་ཆོས་སྡེའི་ཐད་ཀྱི་ནམ་མཁའ་ལི་ཁྲི་ལྟར་གྱི་དབུས་ན་འཇའ་ཁ་དོག་ལྔ་ལྡན་གྱི་གུར་ཁྱིམ་དང་གཞན་ཡང་ལྔ་ལྡན་བརྒྱད་པ་སོགས་བུན་ལོང་ངེ་བས་ཁེངས་པ་དཔོན་སློབ་ཐམས་ཅད་ཀྱིས་གཟིགས་ཤིང་སྒྲུབ་མཆོད་ཚུགས་གདོང་གི་ཚེས་བཅུ་དགུའི་ནུབ་ངོ་མཚར་བའི་མནལ་ལམ་ཞིག་བྱུང་གསུང་བ་ལས་འདི་ཡིན་གསལ་བར་མ་གསུངས་སྣང་ཡང་ཕྱི་རོལ་ཏུ་ཤར་བ་དང་ནང་དུ་ཡེ་ཤེས་ཀྱིས་གཟིགས་ངོར་བྱུང་བ་མཐའ་དག་བླ་མ་འཇམ་དཔལ་རྡོ་རྗེ་གང་ཐུགས་དག་པའི་ངོ་བོར་རོ་གཅིག་པའི་རང་ཞལ་མངོན་སུམ་གཟིགས་པའི་རྣམ་འཕྲུལ་ལོ། །ཧོར་ཟླ་བདུན་པ་སྤྲེའུ་ཟླ་བའི་ཚེས་བཅུའི་མཆོད་པ་བྱང་གཏེར་ཐུགས་སྒྲུབ་དྲག་པོ་རྩལ་གྱི་སྒོ་ནས་གནང་བའི་དུས་ཐུགས་དང་བའི་སྣང་བ་དང་དད་གདུང་(༡༦ན)

― GLG009_Page_0641 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཡིན་པའི་ཤུགས་དྲག་པས་ཧཱུྃ་གི་འཛབ་བསྐུལ་ཙམ་གྱི་ཚེ་མེ་ཏོག་གི་ཆར་དད་ལྡན་ཀུན་གྱི་མངོན་སུམ་མིག་གི་སྤྱོད་ཡུལ་དུ་གྱུར་ཅིང་། ཉི་མ་དམར་ཐག་ཆོད་སྐབས་ནམ་མཁའ་ལི་ཁྲི་ལྟ་བུ་ལ་འཇའ་ཁ་དོག་ལྔ་འཁྱིལ་བ་དང་དྲ་ཕྱེད་སོགས་མང་པོས་མཐོང་འདུག་པ། བཀའ་ལས་རྟགས་དེ་དག་ཨོ་རྒྱན་མཁྱེན་བརྩེའི་ཐུགས་རྗེའི་བྱིན་རླབས་ཡིན་སྙམ་པས་སླར་ཡང་དད་གུས་ཀྱི་སྙིང་ཕུར་བརྟན་པར་ཐེབས། ཞེས་ངེས་རྙེད་མཛད་པ་ནི་ཨོ་རྒྱན་སངས་རྒྱས་གཉིས་པའི་སྐུ་འཁོར་དུ་ལངྐའི་རྒྱལ་ཁབ་དཔལ་གྱི་རི་བོར་བཞུགས་པ་ལས་སྤུར་རྒྱལ་གྱི་ཡུལ་ནས་གསོལ་འདེབས་མཛད་པ་པོ་ཡང་བྱིན་གྱིས་བརླབ་པར་བཀའ་བརྒྱད་ཀུན་འདུས་བླ་མ་རིགས་འཛིན་གྱི་རྣམ་པར་བྱོན་པའི་བརྡ་ཐབས་ཙམ་མོ། །ཕེབས་གདོང་མཁན་ཆེན་པའི་གསུང་ལས་ཆོས་སྡེ་འདི་ལ་ཁྱེད་ཀྱིས་གང་ལེགས་མཛད་དགོས་ཚུལ་གྱི་ཞལ་ཏ་དང་བཞུགས་འདིང་ངུར་སྨྲིག་གིས་གཙོས་གནང་ཆ་སྤམས་བསྟོད་ཅིང་མགོན་པོའི་བཀའ་བསྒོ་ཤིན་ཏུ་རྒྱས་པ་ཞིག་གནང་བ་དེ་ལས་རྒྱས་པ་བླ་མ་གཞན་ལ་ཞུ་མ་མྱོང་བས་དེ་ལ་བརྟེན་ནས་ཡུན་རིང་པོའི་བར་བློ་བདེ་ཆམ་མེ་བ་བྱུང་གསུངས། བཞུགས་འདིང་གི་གནང་སྦྱིན་དང་གྲ་པ་རྣམས་ལ་རྗེས་གནང་མཛད་དགོས་པ་རྗེས་སུ་ཆོས་སྡེའི་མཁན་པོར་ཕེབས་དགོས་པའི་རྟེན་འབྲེལ་བླ་མ་ཡི་དམ་ཆོས་སྲུང་ཚོགས་ཀྱིས་དགོངས་པ་རྩེ་གཅིག་པས་བསྒྲིགས་པར་མངོན་། ཆོས་སྡེ་འདི་དབུས་ཕྱོགས་སུ་གསང་ཆེན་སློབ་བཤད་པའི་སྔགས་དགོན་བཟང་ཤོས་ཡིན་པར་མ་ཟད་མགོན་ཁང་དུ་རྡོ་རྗེ་ཆོས་སྐྱོང་རྣམས་མངོན་སུམ་དུ་བཞུགས་ཉམས་ཀྱི་གཟི་བྱིན་ཆེ་(༡༦བ)

― GLG009_Page_0642 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་ཨོ་རྒྱན་ཆེན་པོའི་ལུང་གིས་ཟིན་པ་ཡིན་ཞེས་རྗེ་བླ་མ་ལྷག་པར་ཐུགས་གཙིགས་ཆེ་བ་ཡིན་འདུག །དེ་ནས་དཔལ་ལྡན་བླ་མ་དམ་པ་བསོད་ནམས་རྒྱལ་མཚན་དང་རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན་ཁུ་དབོན་རྣམས་ཀྱིས་བྱིན་གྱིས་བརླབས་ཤིང་དམ་ཅན་སྲུང་མ་སྤྲིན་བཞིན་དུ་འདུ་བའི་རྩིས་དང་བསམ་གླིང་བདེ་བ་ཆེན་པོར་ཕེབས། དཔལ་ལྡན་བླ་མ་དམ་པའི་སྐུ་བརྙན་ཚུལ་ཁྲིམས་མ་དང་ནང་རྟེན་སོགས་ལ་སྨོན་ལམ་དང་དབང་བཞི་བཞེས་པ། མགོན་པོ་ཆེ་ཆུང་ལས་མགོན་བཅས་པར་མཆོད་གཏོར་བསྐང་བཤགས་འཕྲིན་བཅོལ་མཛད། གོང་མ་སྡེ་སྲིད་ཕག་མོ་གྲུ་པ་དྲུང་ཆེན་ཏཱའི་སི་ཏུས་ཕྱག་དར་བའི་ཆོས་གྲ་ཆེན་པོ་དཔལ་གྱི་རྩེས་དང་དུ་ཕེབས་ཏེ་པཎྜི་ཏ་ཆོས་ཀྱི་གྲགས་པའི་ཐུགས་དམ་རྟེན་ཐུབ་པ་གསེར་གླིང་མར་གྲགས་པ་མཉམ་མེད་ཇོ་བོ་ཆེན་པོས་གདན་དྲངས་ནས་དགེ་བཤེས་ཁུ་སྟོན་པའི་རྟེན་སྐལ་དུ་བྱུང་བ་དེས་གཙོས་ཕྱི་ནང་རྣམས་ཞིབ་མཇལ་མཛད་དེ་རིམ་གྱིས་ཆུ་བོ་ཆེན་པོ་པཀྵུའི་ཀླུང་བརྒལ་བའི་ལྷ་སྲས་ཁྲི་སྲོང་ལྡེའུ་བཙན་གྱིས་ཨོ་ཏནྟ་པཱུ་རིའི་གཙུག་ལག་ཁང་ལ་དཔེ་བྱས་ཏེ་བཞེངས་པའི་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོའི་དབུ་རྩེ་རིགས་གསུམ། གླིང་བཞི་གླིང་ཕྲན། ཇོ་མོའི་གླིང་ཕྲན། ཇོ་མོའི་གླིང་གསུམ་སོགས་རྟེན་བརྟེན་པ་ཐམས་ཅད་ལ་ཕྱག་མཆོད་བསྟན་པ་རྒྱས་པའི་སྨོན་ལམ་གྱིས་མཚམས་སྦྱོར་གནང་། ཐང་ཡིག་ལས། ཁྱད་པར་ཡར་ཀླུངས་ཤེལ་བྲག་མཆིམས་ཕུ་གཉིས༔ རྒྱ་གར་དུར་ཁྲོད་བསིལ་པ་ཚལ་དང་མཚུངས༔ ཞེས་ཆེས་ཆེར་བསྔགས་པའི་གསུང་གི་དབེན་གནས་བསམ་ཡས་མཆིམས་ཕུར་(༡༧ན)

― GLG009_Page_0643 ―

^{[མ་དཔེ་གཟིགས་ན་འདིར་གནོན།]}

[Full Size]

བྱོན་ནས་གསང་ཕུག་ཏུ་གནས་འབྲེལ་མཛད་དེ་རང་རིག་བླ་མའི་རང་ཞལ་མངོན་སུམ་དུ་གཟིགས་པའི་རྣལ་འབྱོར་ཟབ་མོའི་ཐུགས་དམ་དང་གནས་ཀྱི་ཚོགས་ཞིབ་པར་གཟིགས། བསམ་གཏན་གླིང་དང་བསམ་ཡས་རི་མཐིལ་ཚོར་བླ་མ་ཡི་དམ་གྱི་ཞལ་གཟིགས་ལུང་བསྟན་དབུགས་དབྱུང་མང་བ་བྱུང་ཚོད་དུ་གདའང་དམན་ཆ་བླངས་ཏེ་གསལ་བར་མི་གསུང་། རྒོད་དཀར་ལ་བརྒྱུད་ནཱ་ལནྡར་བྱོན་པའི་ཟླ་གཉིས་བར་ཆོས་འཕྲོ་སོགས་མཛད་ཅིང་བཞུགས་པའི་ངང་ནས་མེ་བྱ་ཟླ་བ་གཉིས་པའི་ནང་དུ་འ་ཞ་ཡེ་ཤེས་གཡུང་དྲུང་གིས་སྔོན་སྨོན་ལམ་རྒྱ་ཆེར་མཛད་པའི་རྒྱུན་སྐྱོང་བའི་ཆེད་དུ་དཔོན་སློབ་དྲུག་གིས་སཱ་ལའི་སྨན་ལྗོངས་ཀྱི་ལྟེ་བ་ལྷ་ལྡན་སྤྲུལ་བའི་གཙུག་ལག་ཁང་དུ་ཕེབས་པའི་ཟླ་བ་གཉིས་ཀྱི་རིང་ཡང་དག་པར་རྫོགས་པའི་སངས་རྒྱས་ཀྱི་རྒྱལ་ཚབ་མཐོང་བས་རྣམ་པར་གྲོལ་བ་ཇོ་ཤཱཀ་ཡིད་བཞིན་གྱི་ནོར་བུ། བྱམས་པ་ཆོས་ཀྱི་འཁོར་ལོ། ཐུགས་རྗེ་ཆེན་པོ་རང་བྱོན་ལྔ་ལྡན་སོགས་ཡེ་ཤེས་སེམས་དཔའ་དངོས་སུ་བཞུགས་པའི་རྟེན་རྣམས་ལ་ཞབས་སྐོར་འབུམ་ཐེར་གྱི་དུས་ཉིན་རེ་བཞིན་མཇལ་བའི་མཆོད་འབུལ་དང་སྨོན་ལམ་དབང་བཞི་བཞེས་པ་སོགས་ཚོགས་གསོག་གི་རིམ་པ་སྨིན་རྒྱས་སུ་མཛད། ཇོ་བོ་རིན་པོ་ཆེར་དངོས་སུ་སྨོན་ལམ་གནང་བའི་དག་པའི་གཟིགས་སྣང་ལ་ཇོ་བོའི་སྐུ་འོད་ཀྱི་རང་བཞིན་གུར་གུམ་མདོག་ཅན་ལམ་མེར་གསལ་བ་དང་མནལ་ལམ་དུ་དབུའི་གཙུག་ཏུ་རྡོ་རྗེ་སེམས་དཔའ་ཁྲུ་གང་ཤིན་ཏུ་གསལ་བ་ཞིག་ཤར་བ་ལས་སྒྲིབ་དག་པའི་རྟགས་འདི་ལྟར་བྱུང་བ་རྗེས་འཇུག་རྣམས་ཀྱིས་ཀྱང་དེ་ལྟར་བྱ་དགོས་སོ་ཞེས་པའི་(༡༧བ)

― GLG009_Page_0644 ―

^{[མ་དཔེ་གཟིགས་ན་འདིར་གནོན།]}

[Full Size]

བརྡ་ཆོས་སུ་སྣང་། དངོས་སུའང་བུད་མེད་རྒན་སོང་ལག་ན་འོ་མ་རྫ་ཕོར་ཕྱེད་ཙམ་དང་ལ་ཕུག་རྡོག་གཅིག་བཟུང་སྟེ་གཡོན་སྐོར་དུ་འོངས་པ་དང་ཞབས་སྐོར་གནང་བ་ཞལ་འཛོམ་པར་བུད་མེད་དེས་རྗེའི་ཞལ་ལ་ཅེར་གྱིས་བལྟ་ཞིང་འོ་མ་དང་ལ་ཕུག་ཕྱག་ཏུ་ཕུལ་ནས་སྒྲིམས་པོ་གློད་ཟེར་བ་གསན་པས་ཐུགས་ཀྱི་ཉམས་རྟོགས་ལ་བོགས་ཤིན་ཏུ་ཆེ་བ་ཐོན། བུད་མེད་དེ་གར་སོང་ཆ་མེད་དུ་གྱུར་པ་ནི་རྣལ་འབྱོར་མ་རྒྱུད་ཀྱི་དམ་ཚིག་ལ་གཡོན་པའི་ཀུན་སྤྱོད་གཙོ་བོར་བཤད་ཅིང་གསང་སྔགས་སྒྲུབ་པའི་གནས་ལ་ལྷ་སའི་དུར་ཁྲོད་འདི་ཁྱད་དུ་འཕགས་ཚུལ་དཔལ་མར་མེ་མཛད་ཀྱི་གསུང་བཞིན་ལྷ་ས་སྨྱོན་མར་གྲགས་པས་བཀའ་ཆེམས་བཀའ་ཁོལ་མ་གཏེར་ནས་འདོན་པའི་ལུང་བསྟན་པ་དང་ཐམས་ཅད་མཁྱེན་པ་བསོད་ནམས་རྒྱ་མཚོས་སྨོན་ལམ་ཆེན་མོ་ཞིག་གི་དུས་སྔར་ཟ་མ་མྱོང་བའི་ཁ་ཟས་ཞམ་འབྲིང་པ་འགའ་ལ་གནང་ནས་མཁའ་འགྲོས་མགྲོན་དུ་བོས་གསུང་བ་སོགས་ཀྱིས་མཚོན་གནས་ཀྱི་ཁྱད་པར་ལས་ཡེ་ཤེས་མཁའ་འགྲོ་ཐ་མལ་གྱི་རྣམ་པར་རྒྱུན་མི་ཆད་པར་འབྱོན་པ་ཡིན་འདུག་པས་རྗེ་བཙུན་རྡོ་རྗེ་བཙུན་མོས་རྗེས་སུ་བཟུང་བའི་རྟགས་ཡིན་ནའང་མངོན་པར་མི་མཛད། བཀྲ་ཤིས་རྩེ་ནས་མཁན་རིན་པོ་ཆེས་ནཱ་ལནྡར་ཕྱག་དཔེ་གཡར་བར་དགེ་སློང་ཡེ་ཤེས་བློ་གྲོས་དང་བྱང་ཆུབ་གཉིས་གནང་བ། ཇག་ཉེན་སར་མགོན་པོད་འབོག་གི་རྟིང་ན་གྲིལ་བ་ཤབ་སྒྲ་དང་བཅས་དོན་ན་ཡང་ཇག་པ་གཉིད་དུ་སོང་ནས་མ་ཚོར་བར་ཡ་མཚན་ཆེ་ཟེར་སྐད། དེ་ནས་རྒྱལ་སྲས་ལྷ་རྗེའི་རྣམ་འཕྲུལ་འབྲི་གུང་ཞབས་དྲུང་ཆོས་རྒྱལ་ཕུན་ཚོགས་མཁར་རྩེར་བྱོན་པ་དང་འགྲིག །དེའང་འཇམ་དབྱངས་མཁྱེན་(༡༨ན)

― GLG009_Page_0645 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩེའི་དབང་ཕྱུག་ཡང་ཟབ་ཀྱི་ཆོས་བདག་ལུང་བསྟན་གྱིས་ཟིན་པའི་ཆོས་བཀའ་རྣམས་གསན་དགོས་རྒྱུར་ས་ཁད་འགྱངས་པའི་གངས་ཅན་བསྟན་འགྲོའི་ལེགས་བྱས་ཀྱི་སྣོད་དུ་མ་ཤོང་བའི་གཏེར་སྟོན་དང་གཏེར་སློབ་གཉིས་ཀ་སྐུ་ཚེ་མཐར་མ་ཕྱིན་པས་སྟབས་མ་འགྲིག་པ་རྗེས་ཀྱི་རྟེན་འབྲེལ་ལ་དགོངས་རྗེ་འདིས་འབྲི་གུང་རིན་པོ་ཆེའི་དྲུང་དུ་ཡང་ཟབ་ཀྱི་དབང་ལུང་རྫོགས་པར་ཞུས་ཤིང་གཏེར་བདག་གི་བཀའ་གཏད་དུས་མ་གཟའ་རྡོར་གསུམ་མངོན་སུམ་དུ་གནང་བྱུང་བའི་ཐུགས་ཉམས་ཤར། སྙན་བརྒྱུད་ཧ་ལ་ནག་པོའི་སྐོར་གསང་བ་ལས་ཀྱང་ཆེས་གསང་བ་ཆིག་བརྒྱུད་ཁོ་ནར་བཞུགས་གཤིས་ཀུན་མཁྱེན་མཁྱེན་བརྩེའི་ཞབས་ཀྱིས་གཞན་ལ་མ་གནང་བའི་ངང་ལྕང་ལོ་ཅན་དུ་གཤེགས་པས་སྙན་བརྒྱུད་རྒྱ་མཚོའི་མངའ་བདག་རིན་པོ་ཆེ་བོད་མཁར་བ་ཚར་ཆེན་ཆོས་ཀྱི་རྒྱལ་པོའི་སྲསཀྱི་ཐུ་བོ་གཞན་དང་མི་འདྲ་བས་གསན་ཡོད་པ་གཞིར་བཅས་ཀྱི་སྤྱན་སྔ་རིན་པོ་ཆེར་བཞུགས་ཡོད་འགྲོ་བས་དེ་གསན་པ་དང་ཞར་བྱུང་མཐིལ་སོགས་ཀྱི་གནས་མཇལ་གནང་རྩིས་ཀྱི་ཐོག་མར་ཕག་མོ་ལོའི་དགོན་པར་ཕེབས་པ་བེའུ་བུམ་ནག་པོའི་སྐོར་ནི་མཁས་གྲུབ་མཻ་ཏྲིའི་ཞབས་ཀྱིས་ཀྱང་མ་གསན་གསུངས་ནས་མ་བྱུང་ནའང་དཔལ་མགོན་ལས་བཞི་དང་རྣམ་སྲས་བཀའ་མི་འདྲ་བ་བཅོ་ལྔའི་རྗེས་གནང་གཤེད་དམར་སྤྲོས་མེད་ཀྱི་ཁྲིད་སོགས་ཟབ་ཆོས་མང་དུ་གསན་ཅིང་དཔོན་སློབ་ཐུགས་ཡིད་གཅིག་འདྲེས་ལྟ་བུར་གྱུར། འབྲི་གུང་མཐིལ་མཇལ་བར་ཐེགས་པའི་གསེར་ཁང་དང་ཁང་གསར་སོགས་ཕྱི་ནང་གི་རྟེན་བརྟེན་པ་རྣམས་ཞིབ་མོར་གཟིགས། སློབ་དཔོན་ཆེན་པོའི་(༡༨བ)

― GLG009_Page_0646 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་གནས་ཞོ་སྟོད་གཏེར་སྒྲོམ་དུ་ཕེབས་བཞེད་ཀྱང་ཁ་ཆར་ཆེས་པས་ལམ་གྱི་ཁྱད་ནས་སླར་མཇལ་བའི་རྟེན་འབྲེལ་མཛད་དེ་ཕྱིར་བྱོན་པའི་ཆིབས་ཐོག་གི་སྐུའི་གཡས་གཡོན་མདུན་རྒྱབ་ཚོར་བུ་མོ་དཀར་སེར་དམར་ལྗང་འདྲ་བྱུང་བའི་གཟིགས་སྣང་ནི་གནས་དེར་ཕེབས་མ་ཐུབ་པར་མ་དང་མཁའ་འགྲོ་ཅུང་ཟད་འཕྲེང་བ་དང་ཞབས་སྐྱེལ་གྱི་རྣམ་པར་འདུག །མེར་ཏེ་གཙང་པོ་རྒྱས་པར་ས་སྣེ་ཞིག་ལ་ཀོ་བ་བཏང་བ་རྡིབ་ལ་ཁད་བྱུང་བ་དམ་ཅན་རྡོ་རྗེ་ལེགས་པ་སྐྱེས་པའི་ཆ་བྱད་ཅན་དུ་བྱས་ཏེ་ཀ་བ་བཟུང་བས་ཆུ་བོའི་འཇིགས་པ་ལས་གྲོལ་བ་འཕྲིན་ལས་བསྒྲུབས་པར་དགོངས། ནཱ་ལེནྡྲར་བྱོན་ནས་སྐབས་ཤིག་དཔལ་ལྡན་རྩེ་ཞེས་བདག་ཆེན་རྡོ་རྗེ་འཆང་གི་ཐུགས་དམ་གཏོར་སྣོད་ས་སྐྱ་ནས་བྱ་རོག་གིས་ཁྱེར་བའི་གནས་གཞི་འདིང་སར་བཞག་སྟེ་ལུང་བསྟན་པའི་མགོན་ཁང་རྡོ་རྗེ་ཆོས་སྐྱོང་རྣམས་རང་བཞིན་གྱིས་འདུ་བ་དེར་ཕེབས་པའི་ཞག་ཁ་ཡར་བཞུགས། བསྐང་བཤགས་བསྟོད་འཕྲིན་གྱི་སྒོ་ནས་བསྟན་འགྲོ་སྤྱི་བྱེ་བྲག་གི་རྣམ་དཀར་སྤེལ་བ་དང་བཞེད་དོན་གྱི་ཚོགས་སྒྲུབ་པར་དམ་བསྒྲགས་པའི་དུས་ལས་མགོན་པུ་ཏྲ་མིང་སྲིང་རི་རབ་ཙམ་ཞལ་གཟིགས་པ་ནི་བདག་ཆེན་རིན་པོ་ཆེ་དང་ཀུན་སྤངས་རྡོ་རིང་པ་ཆེན་པོ་གཉིས་ཀྱིས་གནས་དེར་བསྙེན་སྒྲུབ་ལས་སྦྱོར་ཕུལ་ཕྱིན་གནང་བའི་རྒྱུན་བཞིན་བསྟན་པ་རིན་པོ་ཆེའི་མེལ་ཚེ་དུས་དྲུག་ཏུ་མཛད་དོ། །ཞེས་ཞལ་གྱིས་འཆེས་པར་གོ།བགྲང་ཡས་རྒྱུད་སྡེའི་རྐང་འཐུང་འཁྲིགས་པའི་ཚལ། །སྨིན་གྲོལ་རྩ་སྡོང་ཡལ་འདབ་ཉེར་མཚུངས་ཀྱང་། །ཟབ་གསར་ཉིང་ཁུས་འདོད་འཇོའི་མཆོག་སྦྱིན་པ། །སློབ་བཤད་སྙན་བརྒྱུད་ཡོངས་(༡༩ན)

― GLG009_Page_0647 ―

^{[མ་དཔེ་གཟིགས་ན་འདིར་གནོན།]}

[Full Size]

འདུ་ས་བརྟོལ་ཙམ། །རྣམ་དག་བསླབ་གསུམ་བསྟན་པའི་རྒྱལ་མཚན་ཉིད། །ཆོས་དབྱིངས་མཚམས་སྤྲིན་ལུས་ཕྲའི་མངལ་ཞུགས་ཚེ། །མཁྱེན་བརྩེ་ནུས་ལྡན་བསོད་ནམས་ཆོས་འཕེལ་ཟླས། །གང་ཐུགས་ཨུཏྤལ་དཀར་པོ་ཅི་ཡང་བཞད། །འཇམ་དབྱངས་དབྱངས་ཅན་དགྱེས་པའི་ཀླུ་སྒྲུབ་རྗེ། །ཟབ་དོན་དོན་གསལ་བྱམས་པ་སྐལ་བཟང་ཞབས། །མཐུ་སྟོབས་སྟོབས་ལྡན་མཚན་འཆང་རིག་པ་འཛིན། །ཀུན་ལེགས་ལེགས་བཤད་གདམས་པའི་སྒོ་འཕར་ཕྱེ། །ཀུན་འབྱུང་ཉེས་བརྒྱ་འབྱིན་པར་ཐབས་སྟོན་ཆེད། །ཀུན་བཟང་ཆོས་ཀྱི་ཉིན་བྱེད་གདུང་གསོབ་སྟེ། །ཀུན་མཁྱེན་ཤཱཀྱའི་གདན་སའི་མཁན་ཚབ་ཏུ། །ཀུན་དགའི་ལམ་འདྲེན་བླ་མས་མངའ་གསོལ་མཛད། །སྙན་བརྒྱུད་བསྟན་པའི་གདུགས་དཀར་ཡུ་བ་དེ། །མགོན་ཁྱོད་ཕྱག་ཏུ་དོན་གྱིས་ལེགས་གཏོད་པ། །གཞོན་ནུའི་མཚན་འཛིན་མེས་པོའི་བློ་གྲོས་ཅན། །མཁའ་སྤྱོད་གནས་སུ་བགྲོད་པའི་ཉེར་བསྡོགས་བཞིན། །མ་དང་མཁའ་འགྲོའི་ཚོགས་ཁང་དུ་མ་རུ། །ངོ་མཚར་དག་པའི་སྣང་བ་འབྱམས་ཀླས་འོད། །སྲས་བཅས་རྒྱལ་བའི་ཕྲ་རབ་རྡུལ་གྱི་ཞིང་། །མ་སྨད་གཟིགས་མོ་གསལ་ལ་འཕྲོས་སམ་སྙམ། །ཐུབ་པས་བྱང་ཆུབ་མཆོག་བརྙེས་ཁྱོད་བྱིན་བརླབས། །དབང་པོར་བསྟན་མ་ས་ལས་ལུས་ཕྱེད་དུ། །ཐོན་པའི་བདེན་གཏམ་འགྲོ་ཀུན་སྙིང་ག་ལ། །ངེས་རྙེད་དམ་བཅའི་ས་བོན་སྙོམས་པར་བཀྲམ། །གྲངས་མེད་བསྐལ་པར་གསོག་པའི་ཚོགས་ཆེན་ཡང་། །ཐབས་མཁས་འཕྲུལ་གྱིས་ར་སའི་གནས་འདིར་འདུམས། །གསང་བ་ཡེ་ཤེས་ཌཱ་(༡༩བ)

― GLG009_Page_0648 ―

^{[མ་དཔེ་གཟིགས་ན་འདིར་གནོན།]}

[Full Size]

ཀི་ཐ་མལ་ཚུལ། །བསྟན་ནས་ཚིག་དང་བརྡ་ཡིས་རྗེས་སུ་བཟུང་། །ཨོ་རྒྱན་ཐུགས་ཀྱི་ཐིགས་པ་རོ་བདའི་ཟས། །ལྷ་གཅིག་སྲས་དང་མཚུངས་པར་ལོངས་སྤྱོད་པའི། །ལས་སྨོན་རྟེན་ཅིང་འབྲེལ་འབྱུང་ལྡེ་མིག་དེས། །མཆོག་ཐུན་བཞེད་དགུ་ཚང་བའི་སྒྲོམ་བུ་ཕྱེ། །དབུ་རུའི་ཕྱོགས་འདིར་མཉམ་མེད་ཁའུ་པའི། །བསྟན་པའི་གདུགས་དཀར་བསྒྲེང་མཁས་བོད་མཁར་རྗེའི། །རྒྱལ་ཚབ་མི་ཕམ་ཆོས་ཀྱིས་རྒྱ་མཚོ་དང་། །ཐུགས་ཡིད་གཅིག་འདྲེས་སྲས་ཀྱི་ཐུ་བོར་གྱུར། ཁྲག་དྲོན་འཛག་པའི་གཡང་གཞི་ལྡིང་ཐབས་གྱོན། །དོན་སྙིང་ཟ་ཞིང་རྒྱུ་མའི་ག་ཤ་ཅན། །མི་སྡུག་གཤིན་རྗེའི་སྡེ་དཔོན་མིང་སྲིང་རྣམས། །ཅི་བགྱིའི་ལས་བཅོལ་གཡར་དམ་སླར་བཅས་འདྲ། །དེ་ནས་རིམ་བཞིན་གཙང་ལ་ཆིབས་བསྐྱོད་པའི་ལམ་ཞོར་དུ་པཎ་ཆེན་ཤཱཀྱ་ཤྲཱིས་དབྱར་གནས་མཛད་ཅིང་བྱིན་གྱིས་བརླབས་པའི་དྲང་སྲོང་སྲིན་པོ་རིར་ཕེབས་ནས་པཎ་ཆུང་བི་བྷཱ་ཏི་ཙནྡྲའི་ཕྱག་བཟོའི་བདེ་མཆོག་བྱིན་རླབས་ཅན་མཇལ་ཞིང་སྨོན་ལམ་གནང་། གོང་དཀར་ཆོས་སྡེའི་ཀླུ་དབང་གླིང་དུ་བཞུགས་པའི་ནུབ་ཨོཾ་གསུམ་མའི་སྒྲ་དིར་དིར་སྒྲོགས་བྱུང་བས་རྐྱེན་བྱས་ཀྱང་ལྡེབས་ལ་རྗེ་བཙུན་ནཱ་རོ་མཁའ་སྤྱོད་མའི་སྐུ་རི་མོར་བྲིས་པ་ཤིན་ཏུ་གསལ་བ་གཟིགས་པ་སྐུ་འཁོར་བ་ཞིག་གིས་འདི་ཐམས་ཅད་མཁྱེན་པའི་ཕྱག་བྲིས་ཡིན་ཟེར་བའི་ཐུགས་སྣང་ལ་ཤར་བ་ནང་པར་ལོགས་དེར་ཅི་ཡང་མི་འདུག་པ་ཉེ་ལམ་འདི་ལ་བརྟེན་ནས་རྒྱ་བོད་ཀྱི་གྲུབ་བརྙེས་དུ་མ་ལུས་མ་སྤངས་པར་མཁའ་སྤྱོད་དུ་བྱོན་པའི་ལོ་རྒྱུས། ལམ་གླུ་དཔྱིད་ཀྱི་རྒྱལ་མོའི་གླུ་དབྱངས་ལས། དཔལ་མཁའ་སྤྱོད་ཀྱི་དགའ་མ་ཡིད་(༢༠ན)

― GLG009_Page_0649 ―

^{[མ་དཔེ་གཟིགས་ན་འདིར་གནོན།]}

[Full Size]

འོང་མ། །དུས་རིང་ནས་བསྐྱངས་པའི་མ་མ་དེས། །ང་རིགས་འཛིན་གྱི་གྲུབ་པ་སྟེར་བའི་བརྡ། །ཞེས་པ་དང་མཚུངས་པར་མངོན། གམ་པ་ལ་བརྒྱུད་མ་ཕམ་མགོན་པོ་ཀུན་མཁྱེན་བུ་སྟོན་ཞབས་ཀྱི་དབེན་གནས་ཞ་ལུ་རི་ཕུག་ཆོས་ཀྱི་ཕོ་བྲང་དུ་ཕེབས་ཏེ་བཞུགས་པ་མུ་ནས་ས་ཁྱི་ལོར་གནུབས་ཆོས་ལུང་དུ་ཨཥྚའི་བསྙེན་ཆེན་གནང་སྐབས་དཔལ་ཀྱེ་རྡོ་རྗེ་ལྷ་དགུའི་རྟེན་བརྟེན་པ་ཐོག་ཚད་ཙམ་གཟིགས་པ་ནི། ཚར་ཆེན་གྱི་གསུང་མགུར་དུ། དཔལ་བདེ་མཆོག་འཁོར་ལོ་རྣལ་འབྱོར་མ། །ལྷ་དགྱེས་པ་རྡོ་རྗེ་རིམ་བཞིན་དུ། ཁྱོད་བྱང་ཆུབ་སྒྲུབ་པའི་ཡི་དམ་གྱིས། །ཞེས་གསུངས་པའི་དོན་ལྟར་ཟུང་འཇུག་མངོན་དུ་མ་གྱུར་གྱི་བར་དུ་རྗེས་སུ་འཛིན་པའི་བརྡར་མཆིས། གྱང་ཤིང་ལྟ་བུ་ཞིག་གི་སྟེང་ན་རྗེ་བཙུན་དཀར་པོ་རྣམ་གསུམ་བཞུགས་པ་སྐུ་དྭངས་ཤིང་གསལ་བ་འོད་ཀྱི་རང་བཞིན་ལ་རྗེས་སུ་སྐུ་རྣམས་ཅུང་ཟད་འཁྱོགས་པའི་རྣམ་པ་མནལ་ལམ་དུ་གསལ་བར་ཤར་ཞིང་། ལྗགས་བསྙེན་བཅུ་ཆའི་སྦྱིན་སྲེག་སོགས་ཚང་བར་གྲུབ་ནས་བཀའ་བརྒྱད་ཡོངས་རྫོགས་ཀྱི་ཞལ་གཟིགས་ཤིང་དེ་ནས་བཟུང་སྔགས་སྒྲུབ་ནར་མར་མཛད། དཔལ་ཕུག་ཏུ་བྱོན་པའི་ནུབ་མནལ་ལམ་གྱི་ཚུལ་དུ་ཚར་ཆེན་ཆོས་ཀྱི་རྒྱལ་པོས་གསུང་ངག་གི་དབང་བྱིན་རླབས་ཁྲིད་མན་ངག་ཐམས་ཅད་གནང་བའི་ཉམས་ཤར་བ་ནི་རྗེ་བརྩེ་བ་ཆེན་པོར་རྣལ་འབྱོར་དབང་ཕྱུག་བིརཱུ་པས་རྒྱབ་རི་དང་མཉམ་པའི་སྐུ་དངོས་སུ་བསྟན་ཏེ་གསུང་ངག་ལམ་འབྲས་རྫོགས་པར་གནང་བ་དང་ཤར་ཆེན་གྱིས་མནལ་ལམ་བཟུང་ནས་སྤྲོས་མེད་གསན་པའི་ལོ་རྒྱུས་དང་དབྱིབས་མཚུངས་པས་མནལ་ལམ་གྱི་ཟོལ་ལས་མངོན་(༢༠བ)

― GLG009_Page_0650 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་དུ་རྗེས་སུ་བཟུང་ནས་ཞག་ཤས་ཀྱི་བར་མ་གནང་བའི་ངེས་པ་མི་འདུག་གོ །དེ་ནས་རི་ཕུག་ཏུ་ཕེབས་འདི་ལོ་ཧོར་ཟླ་བཅུ་གཉིས་པའི་ཉེར་ལྔ་ལ་མཁན་ཆེན་གཞོན་ནུ་བློ་གྲོས་གཟུགས་སྐུ་ཆོས་དབྱིངས་སུ་བསྡུས་པའི་ཚེ་འདར་དུ་ཚར་པ་རྡོ་རྗེ་འཆང་གི་གསེར་གདུང་སྐུ་དྲུང་དུ་མར་མེ་རྒྱུན་སྤར། ཁའུ་པའི་བསྟན་འཛིན་རྣམས་ལ་ཐུགས་དམ་འདོགས་རྟེན། དགོན་པ་ཚོར་མང་འགྱེད་བཅས་འབྱོར་པའི་ངག་མར་བསྟན་འཛིན་རྣམས་ཀྱི་བགྲེས་ཁར་སོང་གཤིས་རིན་པོ་ཆེ་དགོན་གསང་བ་ཡར་ཀླུངས་སུ་ཕེབས་ཐུབ་ལ་རེའི་སྙན་གསན་བྱུང་བའི་ལན་དུ་ན་སོ་སྨིན་པ་དང་ས་ཁད་འགྱངས་པར་བརྟེན་ཕན་ཐོགས་ཡོང་བ་དཀའ། དེ་བས་བསྟན་པའི་ཉི་མ་ཨོ་རྒྱན་གཉིས་པ་དཔོན་དྲུང་མཁྱེན་རབ་གདུལ་བྱའི་མཁའ་ལ་བྱིན་རླབས་ཀྱི་འོད་ཟེར་འབུམ་ཕྲག་འགྱེད་ནུས་པའི་སྔགས་འཆང་དབང་ཕྱུག་རབ་བརྟན་སྤྱན་འདྲེན་པར་འོས་སོ་ཞེས་པ་ཕུལ། དེ་ལྟར་དང་ལེན་མཛད་སོང་བས་དེ་ཕྱོགས་ཀྱི་རེ་འདོད་ཐམས་ཅད་འགྲུབ་པར་གོ་བས་བློ་བདེ། ཞེས་གསུངས་པར་གནང་ཞིང་རིན་པོ་ཆེ་ཡོལ་པ་བ་རང་གིས་སྔར་ནས་ཐུགས་རྩེ་བསྟད་པའི་ཞལ་ཆེམས་ལ་ཆོས་སྡེ་འདི་གསར་པར་སོང་གཤིས་མཁན་ཐོག་ཏུ་གནས་གསར་རྗེ་དྲུང་གདན་འདྲེན་ཐུབ་པ་ཅིས་ཀྱང་གྱིས་ཞེས་སྡེ་བ་དངོས་གྲུབ་པ་དང་གྲ་རིགས་རྣམས་ལ་གསུང་གི་ཐ་མ་སྩལ་བ་དང་མཐུན་པ་བྱུང་བ་ལྟར་ས་ཕག་ནང་དུ་ཡོན་མཆོད་ཐུན་མོང་ནས་གདན་འདྲེན་གྱི་སྙན་གསན་འབུལ་མི་མངགས་པ་ཞ་ལུར་འབྱོར་རྒྱུའི་ཞག་ལྔ་ཙམ་གྱི་གོང་ནུབ་ཅིག་མནལ་ལམ་དུ་ཨཱ་ཙཪྻ་གཟི་བརྗིད་ཅན་རྒྱ་དང་སྨ་ར་བཟང་པོ་གོས་གསེར་མ་དཀར་(༢༡ན)

― GLG009_Page_0651 ―

^{[མ་དཔེ་གཟིགས་ན་འདིར་གནོན།]}

[Full Size]

སེར་དམར་ལྗང་གི་བེར་བརྩེགས་མདང་རྒྱ་ནག་གི་ཐགས་ཞྭ་ནག་པོ་གྱོན། ལག་ནས་མ་ན་ཧོ་དང་གཡང་ཊིའུའི་སྤོས་ཕོར་ཐོགས་པའི་ལག་གཡས་གདན་འདྲེན་པའི་ཚུལ་བྱས་ཏེ་རྟ་པ་མང་པོ་བྱུང་བ་ཅི་ཡིན་ནམ་བསམ་པ་ཁོང་ཚོ་ཡོང་བའི་ལྟས་སུ་འདུག་གསུངས་ལ། དེ་ནི་དབུས་འགྱུར་སྨན་ལྗོངས་ཀྱི་དགའ་ཚལ་ཆེན་པོར་རྗེ་བཙུན་ཁའུ་པའི་ལུགས་འཛིན་གཙང་མ་འདི་ཁོ་ན་ལས་མ་མཆིས་པས་གཉན་མགོན་ཞལ་བཞི་པའི་ལས་མགོན་པུ་ཏྲ་གང་རུང་ཛོ་ཀིའི་གཟུགས་སུ་སྤྲུལ་ནས་བསྟན་པའི་སྲོག་འཐུད་ཅིག་པའི་བརྡ་ཐབས་སུ་གོ ། ཚར་ཆེན་གྱི་གསུང་མགུར་ལས། ད་ཚེ་འཇུག་ལ་རེ་སྨོན་འདི་ལྟར་ཡོད། །དོན་ཚེ་འདི་ཡི་རེ་བལྟོས་ལིངས་ཏེ་བསྐྱུར། ཁོང་མགོ་ནག་མི་ཡི་ཁྱུ་ནས་བུད། །གནས་ངེས་མེད་ཀྱི་རི་ཁྲོད་སྟོང་པ་རུ། །ཟས་ཞེན་མེད་ཀྱི་རྩྭ་དང་ལྡོམ་བུའི་ཟས། །ལམ་འཁྲུལ་མེད་ཀྱི་རིམ་གཉིས་རྣལ་འབྱོར་ལ། །སེམས་རྩེ་གཅིག་ཏུ་ཡེངས་མེད་ལྷུག་པར་འཇོག །རྐྱེན་གང་ཤར་གྱི་སྣང་བ་ལམ་དུ་འཁྱེར། །དུས་འཆི་བ་ནམ་ཡོང་གི་སྒུགས་སྡོད་བྱེད། །རྗེ་བླ་མའི་དགོངས་རྫོགས་དེ་ལ་བྱེད། །མ་ཁམས་གསུམ་འགྲོ་བའི་དྲིན་ལན་འཇལ། ཁྱེད་དད་ལྡན་སློབ་མའི་དཀོར་སྦྱོང་ཡིན། །ཞེས་པའི་དོན་ལྟར་སྤྱིར་འཁོར་བ་ལས་ངེས་པར་འབྱུང་བ་དང་། ཆོས་ཀུན་སྣང་སྟོང་སྒྱུ་མ་ལྟ་བུ་འཁོར་འདས་དབྱེར་མེད་ཀྱི་དོན་ཐུགས་སུ་ཆུད་པས་སྲིད་པའི་འབྱོར་བ་དང་ཟང་ཟིང་གི་འདུ་འགོད་ལ་ཡེ་མི་དགྱེས་ཤིང་དབུས་གཙང་གི་སྡེ་རིགས་རྣམས་ཀྱི་འཕོ་འཕྱུགས་དང་སྒོས་གནས་གསར་བ་རང་གི་དུས་འགྱུར་སོགས་འཕྲལ་རྐྱེན་དེ་དག་གིས་ཀྱང་ཐུགས་སྣ་བསྟུངས་ཏེ་(༢༡བ)

― GLG009_Page_0652 ―

^{[མ་དཔེ་གཟིགས་ན་འདིར་གནོན།]}

[Full Size]

འདུ་འཛི་ཆགས་སྡང་གི་གཡེང་བ་མི་དགོས་པའི་བས་མཐའི་དབེན་གནས་སུ་རྣལ་འབྱོར་དབང་ཕྱུག་དཔལ་ལྡན་ཆོས་སྐྱོང་དང་ནཱ་རོ་ཏ་པའི་གདམས་པ་ལ་བརྟེན་ནས་སྐུ་ཚེ་འདིར་ཟུང་འཇུག་བརྙེས་པ་ཞིག་མཛད་དགོངས་པ་ཁོ་ནར་ཐུགས་ལ་བཅགས་ནའང་བཀྲ་ཤིས་རྩེ་ཡོན་མཆོད་ཞུ་ནན་ཆེས་པ་དང་རྡོ་རྗེ་འཆང་ཚར་པ་ཆོས་རྗེའི་རིང་ལུགས་དྲི་མ་མེད་པ་སྲིད་མཐའི་བར་རྒྱས་ན་དགོངས་པའི་སྙིང་སྟོབས་ཀྱི་འཁུར་ལྷག་པར་བཞེས་ཏེ་ལོ་ཤས་བར་ཁུར་བཞེས་དང་སྐབས་བབས་ལ་ཕེབས་པའི་ཞལ་བཞེས་གནང་། དབུས་སུ་ཕེབས་དུས་སྤྱན་སྔ་རིན་པོ་ཆེ་མི་ཕམ་ཆོས་ཀྱི་རྒྱ་མཚོར་བེའུ་བུམ་ནག་པོའི་སྐོར་རྩད་གཅོད་གནང་རུང་མ་བཞུགས་པར་བརྟེན་གཞན་ལ་གསན་པའི་ཡུལ་མེད་པར་ཐག་ཆོད་དེ་གསུང་རྩོམ་གནང་བའི་དྲུང་ཡིག་བྱམས་པ་དོན་གྲུབ་ལ་ཚིག་གཅིག་ཀྱང་མ་ལུས་པར་བཞུགས་པའི་ཐུགས་ངེས་རྙེད་ཅིང་གཉན་མགོན་ལ་བརྟག་པ་ཕུལ་བ་ཡང་བབས་པས་རྗེ་བྱམས་པ་དོན་གྲུབ་ལ་སྙན་བརྒྱུད་ཧ་ལ་ནག་པོའི་སྐོར་ཡོངས་རྫོགས། སྔར་རིན་པོ་ཆེ་རྟ་ར་བ་བསོད་ནམས་ཆོས་འཕེལ་གྱི་དྲུང་ཏུ་གསེར་ཆོས་དང་ཆོས་སྐྱོང་ཆེ་ཆུང་གི་སྐོར་ཕལ་ཆེར་གསན་ནའང་ཟབ་ཆོས་འདི་སྐོར་བཀའ་དམ་ཞིང་དུས་གཅིག་ཏུ་ཆ་ཚང་འདྲིལ་ན་ཆོས་སྐྱོང་བཀའ་གཉེན་པའི་དཔོན་སློབ་ཚང་མར་འཚུབ་ཆ་བྱུང་དོགས་ཆེ་བས་ལྕགས་ཁྱི་ལོ་སླར་ཡང་འཕྲོ་ལུས་ཀྱི་དབང་རྗེས་གནང་ལུང་མན་ངག་ཕྱག་ཁྲིད་ཀྱི་རིགས་དང་གསན་གྲུབ་པ་འགའ་ཞིག་ལའང་བསྐྱར་བལྡབ་དང་། གཞན་ཡང་བསྟན་པ་སྤྱི་སྒེར་གྱི་ཆོས་བཀའ་མང་དུ་གསན་པས་རྗེ་དགོན་གསར་པའི་གསུང་ལས། ཐུགས་བཞེད་ཀྱི་དོན་མ་ལུས་པར་བློ་ནུས་ཀྱི་(༢༢ན)

― GLG009_Page_0653 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་པ་རྩལ་དང་བཅས་པས་བསྒྲུབས་ཞེས་གསུངས་པར་སྣང་ཞིང་། ཁའུ་པའི་བསྟན་པའི་ཆེད་དུ་ཁམས་ཕྱོགས་སུ་འབུལ་སྡུད་ལ་མཚུངས་མེད་དགོན་གསར་བ་རྫོང་བདའ་གནང་རྩིས་ཀྱི་ཀུན་མཁྱེན་མཁྱེན་བརྩེའི་བསླབ་སྟོན་བཞིན་ཁམས་གསུམ་དབང་སྡུད་ག་ཎ་པ་ཏིའི་སྒྲུབ་པ་གནང་བའི་རྟེན་རྣམས་ཀྱང་ཕྱག་ཏུ་འབུལ་བ་མཛད། ཧ་ལ་ནག་པོའི་སྐོར་དགོས་ཕེབས་པ་ལྟར་ཁྱབ་བདག་སྔགས་འཆང་ཆེན་པོར་མཎྜལ་གྱི་ཚུལ་དུ་ཕུལ། འདིའི་གྲ་པ་རྣམས་ལ་རྟེན་འབྲེལ་གྱི་ཁྱད་ནས་སྦྱོང་རྒྱུད་བཅུ་གཉིས་ཀྱི་གཙོ་བོ་ཀུན་རིག་རྣམ་པར་སྣང་མཛད་ཀྱི་དབང་གིས་ཕེབས་པ་ལྟར་བཀའ་བཞིན་བསྒྲུབས། དབུས་ཕྱོགས་སུ་འགྱངས་མེད་འབྱོན་སྐོར་ད་ལམ་ཐོགས་གཞི་གང་ཆུང་མཛོད་གསུང་བ་སྟོབས་འཕྲོག་དབང་པོའི་གསང་ཁྲིད་སོགས་འཕྲོར་ལུས་དོགས་པའི་དགོངས་པ་ཅན་དུ་མངོན། འཕར་བ་ཞེས་པ་ལྕགས་མོ་གླང་གི་ལོ་རི་ཕུག་ཏུ་བཞུགས་དུས་ཡར་ཀླུངས་བཀྲ་ཤིས་ཆོས་སྡེ་ནས་ཡང་བསྐྱར་གྱི་གདན་འདྲེན་བྱུང་བ་ལྟར་ཟླ་བ་གསུམ་པའི་ནང་དུ་དབུས་སུ་ཕེབས་ནས་ས་ག་ཟླ་བའི་ཚེས་བཅུ་བདུན་གྱི་གཟའ་སྐར་འཕྲོད་སྦྱོར་དགེ་བའི་ཉིན་བཀྲ་ཤིས་ཆོས་ཀྱི་རིང་ལུགས་འཛིན་པའི་སྡེ་ཆེན་པོར་སེང་གེས་བཏེགས་པའི་རིན་པོ་ཆེའི་ཁྲིར་ཞབས་ཟུང་གི་པདྨ་རྣམ་པར་བཀོད་པར་ཕོ་བྲང་ཆེན་པོ་སྣེའུ་སྡོང་རྩེ་ནས་གོང་མ་སྡེ་སྲིད་ཕག་མོ་གྲུ་པ་མི་ཕམ་དབང་སྒྱུར་རྒྱལ་པོས་བསྐོ་འཇའི་ལུང་བཟང་པོ་གནང་སྦྱིན་དང་བཅས་པ་དང་གྲ་རིགས་སྦྱིན་བདག་གཉུག་མར་གནས་པའི་ཚོགས་དང་བཅས་པའི་ཟང་ཟིང་གི་བདོག་པ་རིང་པོར་རྐྱོང་བ་སོགས་ཁྲི་སྟོན་གྱི་མཆོད་སྤྲིན་རྒྱ་ཆེར་བསྐྲུན།ཧོར་ཟླ་ལྔ་པའི་འཇམ་དཔལ་དབྱངས་མཁྱེན་བརྩེའི་དབང་ཕྱུག་གི་སྐུ་མཆོད་ཆེན་མོ་ལ་དཔལ་རྡོ་རྗེ་འཇིགས་བྱེད་རྭ་ལུགས་ལྷ་བཅུ་གསུམ་(༢༢བ)

― GLG009_Page_0654 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་སྒྲུབ་མཆོད་ཚོགས་ཆེན་ལ་འཛུགས་པ་གནང་སྐབས་ཕྱི་ནང་གི་འཚུབ་དང་འཇིག་རྟེན་དང་འཇིག་རྟེན་ལས་འདས་པའི་ལྷའི་ལྷོངས་ཀྱི་རྣམ་པར་སྐུ་ཤིན་ཏུ་མི་བདེ་ཞིང་ཐུགས་སེམས་གཞན་དང་མི་འདྲ་བའི་འཚུབ་རང་ལོ་ཞེ་དགུ་ཚུན་གྱི་བྱེད་དགོས་ལ་ལྷ་འདྲེ་དང་མིའི་རྣམ་པ་འདྲ་བས་མགྲིན་གཅིག་ཏུ་བསྡིགས་པའི་རྣམ་པར་བྱུང་ཡང་བདེན་པའི་འཛིན་སྟངས་མཐའ་དག་བཟང་ངན་རེ་དོགས་དང་བྲལ་བའི་གནས་ལུགས་ཀྱི་ངང་ནས་ས་ཆོག་ནས་ཞག་བདུན་གྱི་བར་སྒྲུབ་མཆོད་རྒྱས་པར་མཛད་པས་དུས་དགའི་དབང་པོ་མ་ཧེའི་ཞལ་ཅན་གྱི་དཀྱིལ་འཁོར་ཞལ་འབྱེད་པ་ལ་འཁུ་ཞིང་ཟིལ་མི་བཟོད་པའི་འབྱུང་པོ་ཐམས་ཅད་མཚོ་ལ་ཁ་བ་བབས་པ་ལྟར་རང་ཞིར་སོང་བས་འགྲོ་བའི་ལོ་ཏོག་གི་བཅུད་མྱང་བར་བྱེད་པའི་སྟོབས་དང་བྲལ་ཏེ་ཆར་གྱི་རྒྱུན་ཆེན་པོས་འཛིན་མའི་ཁྱོན་ཀུན་གཤེར་བ་ན་སྐྱེ་བོའི་ཚོགས་ཀྱང་སྒྲུབ་མཆོད་བྱིན་རླབས་ཆེ་ཞེས་དད་པ་དང་བསྟོད་བསྔགས་ཀྱི་མེ་ཏོག་འཐོར། གསུང་ངག་བླ་མ་བརྒྱུད་པའི་ཁ་སྐོང་གི་རྟེན་བཞེང་དང་གཟུངས་འབུལ་གྱི་སྟ་གོན་གནང་ནས་དུས་བབས་སུ་བཅོམ་ལྡན་འདས་དགྱེས་མཛད་རྡོ་རྗེ་མན་ངག་ལུགས་ཀྱི་དཀྱིལ་འཁོར་ལ་བརྟེན་ནས་རབ་ཏུ་གནས་པ་ཉིན་གསུམ་མ་ཞི་རྒྱས་ཀྱི་སྦྱིན་སྲེག་དང་བཅས་ཤིན་ཏུ་རྒྱས་པས་བྱིན་རླབས་ཀྱི་གཟི་བྱིན་འོད་དུ་འབར། གྲ་རིགས་རྣམས་ལ་ཀྱེ་རྡོར་མན་ངག་ལུགས་ཀྱི་དབང་དང་མགོན་པོ་ཆེ་ཆུང་གི་རྗེས་གནང་སོགས་ཉེར་མཁོའི་ཆོས་བཀའ་མང་དུ་གནང་།ཧོར་ཟླ་བཅུ་པའི་ནང་དུ་བཀའ་དྲིན་མཚུངས་པ་མེད་པ་མཁན་ཆེན་བསླབ་གསུམ་རྒྱལ་མཚན་གྱི་དུས་དྲན་དུ་མགོན་པོ་ཚེ་དང་ཡེ་ཤེས་དཔག་ཏུ་མེད་པ་ཛེ་ཏཱ་རི་ལུགས་ཀྱི་དཀྱིལ་འཁོར་སྒྲུབ་མཆོད་འཛུགས་པ་མཛད། ཇི་སྐད་དུ། རྩོད་བཟློག་མུ་སྟེགས་བྱེད་ལ་ཡོད་ཅེས་ཐོས། །དགྲ་ཆོས་ཞེས་(༢༣ན)

― GLG009_Page_0655 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་གཡུང་དྲུང་བོན་གྱི་ཡིན། །དྲུག་ཅུ་རྩ་བཞི་གཤིན་རྗེ་པ་ལ་གྲགས། །འདིར་ནི་དྲག་པོ་གཏོར་མའི་བཟློག་པར་བརྗོད། །ཅེས་ལྕགས་མཁར་ཟུར་དགུ་པའི་མན་ངག་རྭ་ལུགས་ལ་གྲགས་ཆེ་ནའང་མགོན་པོ་ལ་ཞྭ་དཔེ་ལྷམ་འགེབས་ལྟ་བུ་མ་ཡིན་པར་ལུགས་འདིའི་ཕྱག་བཞེས་ཁུངས་མ་དམར་ཆེན་གཏོར་བཟློག་འདི་བཀའ་གཉན་ཞིང་འཚུབ་ལྷོངས་ཆེ་བས་མཁན་རིན་པོ་ཆེ་གཞོན་ནུ་བློ་གྲོས་ཀྱི་དུས་སུ་སྡེ་དགོན་གྱི་སྐུ་རིམ་ལ་གནང་བ་རྗེས་སུ་ལོ་གཅིག་གཉིས་ཤིག་ཆག་པ་སྡེ་པས་སྔར་ལུགས་བཞིན་གཏོར་བཟློག་གནང་དགོས་པའི་གསོལ་བ་བཏབ་པར་གྲ་རིགས་ལ་ལ་མཁན་རིན་པོ་ཆེ་མཐུ་སྟོབས་ཆེ་དྲག་པ་མ་གཏོགས་འདི་འཚུབ་ཆེས་པས་ཅི་འདྲ་འོང་ཞེས་ཡིད་གཉིས་བྱེད་པར་རྗེ་ཉིད་དཀྱིལ་འཁོར་གྱི་གཙོ་བོ་དགྱེས་མཛད་རྡོ་རྗེའི་སྐུར་བཞེངས་པའི་བསྙེན་སོང་རྣམས་ཀྱི་གསུང་ཟླ་དང་བཅས་ཧོར་ཟླ་བཅུ་གཉིས་པའི་ནང་དུ་གཏོར་སྒྲུབ་འཛུགས་པ་གནང་བའི་ཞག་གསུམ་པའི་ཉིན་གདབ་ལས་གནང་ཚེ་ལིངྒ་ལན་གསུམ་འཕར་བ་སྡེ་པ་དཔོན་གཡོག་གསུམ་གྱིས་དངོས་སུ་མཐོང་བ་ནི་ཕོ་ཉའི་ཚོགས་ཀྱིས་དགྲ་བོའི་བླ་ཚེ་མངོན་སུམ་དུ་བཀུག་པར་འདུག་ཅིང་དེ་དང་དུས་མཉམ་དུ་མགོན་ཁང་གི་སྲིང་མོའི་ཞལ་ནས་རླངས་པ་འཚུབ་འཁྱིལ་གྱིས་ཐོན་ཞིང་ཞལ་ནང་གི་རྒྱུ་ཞགས་འཛར། ཉེར་དགུའི་སྲོད་ལ་གཏོར་རྒྱག་གནང་དུས་གཏོར་ཟོར་ལས་མེ་ཆེད་པ་རྒྱུགས་ཤུལ་དུ་ས་ལ་གཤོར་བྲུས་པ་ལྟ་བུ་དང་མི་གསུམ་ཙམ་གྱིས་འདེགས་དགོས་པའི་གཏོར་མ་ཕྱག་གིས་བཏེག་ནས་རི་ཐང་མཚམས་ཀྱིས་ཤིན་ཏུ་སྲ་ཞིང་ལྷག་པར་དགུ་འདྲེན་པའི་ས་ཆུ་འཁྱགས་སྒང་ལ་འཕེན་པ་གནང་བ་ཕྱེད་ཙམ་དིམ་པ་དེ་ནུབ་གཏོར་སླང་འཐེན་(༢༣བ)

― GLG009_Page_0656 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཐུབ་པར་ནང་པར་འདོན་དགོས་པ་སོགས་ཀུན་གྱི་མངོན་སུམ་དུ་གྱུར་པའི་རྟགས་ངོ་མཚར་བར་མ་ཟད་གཞུང་ནས་བཤད་པའི་མཚན་མ་ཕལ་ཆེར་རྫོགས་པ་བྱུང་ཞེས་ཉེ་འཁོར་བ་རྣམས་ལ་གསུང་གླེང་མཛད། དེ་སྐབས་མགོན་ཁང་གི་རུ་འདྲེན་སྡེ་བཞིའི་བུད་མེད་མདུན་ལ་ཤིན་ཏུ་རྔམས་པའི་ཚུལ་གྱིས་བྱོན་ཏེ་ཞབས་གཡོན་བགྲད་པ་དང་ཕྱག་གཡས་ཀྱི་གྲུ་མོ་སྐྱ་ལ་རེག་པར་དུས་རྒྱུན་གྱི་བསྐང་གསོ་བའི་རྔ་ལྕག་འགེལ་བཞིན་པ་ལ་དེ་དགོངས་སྔར་ལྟར་བཞག་པ་ས་ལ་ལྷུང་བས་ཅི་ཡིན་བསམས་བལྟས་པ་ན་ཕྱག་སྐྱ་དང་བྲལ་ནས་གཅུས་པར་ཤེས་ཤིང་དིང་སང་གི་བར་དུའང་མཐོང་ན་མི་མཐུན་པ་མེད་པར་ཡོད། མཁན་རིན་པོ་ཆེའི་རྣམ་སྲས་ལྷ་ཁང་གི་གཙོ་བོ་སེར་ཆེན་གྱི་སྐུ་ཙམ་གྲུབ་ནས་འཕྲོར་ལུས་པ་ཆུ་སྟག་འཁོར་རྟ་བདག་བརྒྱད་དང་མདུང་དམར་ཅན་ཕྱག་མཚན་བཞི་པའི་སྐུ་ཡང་ལྷན་ཅིག་པར་བཞེངས་ནས་རབ་ཏུ་གནས་པས་ཡེ་ཤེས་སེམས་དཔའ་ཞུགས་ཉམས་ཀྱི་ཞལ་དཀྱིལ་ལ་རྡུལ་མི་བཞེས་པ་དིང་སང་བར་དུ་མཆིས། སྔར་སྔགས་འཆང་རིན་པོ་ཆེ་བསོད་ནམས་ཆོས་འཕེལ་གྱིས་ཕུགས་ངེད་ཀྱི་གདན་ས་འདི་ཡང་ཁྱེད་ཀྱིས་མཛད་དགོས་ཡོང་ཡང་ཡང་གསུང་བ་དང་། ཉེ་ལམ་བཀྲ་ཤིས་ཆོས་སྡེར་མཁན་པོར་ཕེབས་པའི་ཉེར་བསྡོགས་དུས་ད་རེས་དབུས་སུ་ཡུན་རིང་མ་བཞུགས་ཞེས་བསླབ་སྟོན་སྩལ་བར་བརྟེན་གཙང་ལ་ཆིབས་ཁ་བསྐྱོད་པའི་ཞོར་ལམ་དུ་ཚེ་ཆུ་འབུམ་པ་མཇལ་བར་ཕེབས། དགུན་གྲང་དུས་ལས་ནམ་ཟླ་དྲོ་བའི་དུས་ཚེ་ཆུ་ཆེར་མི་ཕེབས་ཀྱང་དེ་དུས་བབས་ཏེ་དཔོན་སློབ་ཐམས་ཅད་ཀྱི་བཞེས་རྒྱུ་བྱུང་བ་ནི་བྱིན་རླབས་དང་སྐུ་ཚེའི་རྟེན་འབྲེལ་ལོ། །དེ་ནས་ཞ་ལུར་ཤར་རྒྱག་ཕེབས། དེ་དུས་ཁྱབ་(༢༤ན)

― GLG009_Page_0657 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ཞ་ལུ་བ་ཆེན་པོ་འཁྲུངས་པར་རྒྱལ་གདོན་གྱིས་སྙུན་འདྲེ་བྱུང་བ་ལ་ཞག་བདུན་ཐོག་ཏུ་རྗེ་ཉིད་གདན་དྲངས་ཏེ་རྟ་མགྲིན་གསང་སྒྲུབ་ཀྱི་བྱིན་རླབས་དང་དབུ་སྐྲ་བུབས་ཀྱི་མགུལ་སྲུང་གནང་བར་བརྟེན་སྐུ་ཁམས་ཤིན་ཏུ་བདེ་བས། དེ་སྐབས་བར་ཆད་ཀྱིས་མི་ཚུགས་པ་དམ་པ་འདི་ཉིད་ཀྱི་བཀའ་དྲིན་ཡིན་ཞེས་ཡང་ཡང་གསུང་ཞིང་སྐུ་ན་ཚོད་ཕྲ་མོ་དེ་ཉིད་ནས་བརྩེ་བ་ཆེན་པོས་འཛིན་པ་འཇམ་དབྱངས་བྱང་གླིང་བཀྲ་ཤིས་རྒྱལ་མཚན་གྱི་རྣམ་པར་སྤྲུལ་པ་འདི་ཉིད་ཀུན་མཁྱེན་བུ་དང་ཁའུ་པའི་བསྟན་འཛིན་ཆེན་པོ་ཞིག་འོང་བ་དགོངས་པར་གོར་མ་ཆག །དགུང་ལོ་བཅུ་ཙམ་ནས་བཟུང་རི་ཕུག་ཏུ་བཞུགས་སྐབས་ཡང་ཡང་མཇལ་བའི་གསུང་ཆོས་ཀྱང་ཆེད་དུ་གསན་པ་དང་ཞར་ཆོས་སོགས་ཁ་ཤས་གསན། ཧོར་ཟླ་བདུན་པའི་ནང་དུ་རིན་པོ་ཆེ་རྟ་ར་བ་འདར་རྫོང་དུ་བཞུགས་པ་དང་མཇལ། རྡོ་རྗེ་ནག་པོ་ཞལ་བཞི་པའི་གསང་བའི་ཉམས་ཁྲིད་ཤིན་ཏུ་ཟབ་པའི་སྐོར་རྣམས་སྨིན་རྒྱས་སུ་གསན་ཅིང་དགྱེས་པའི་གསུང་གླེང་མང་དུ་སྩལ། ཆུ་ཡོས་ཀྱི་ལོ་འཇམ་དཔལ་དབྱངས་བྱང་གླིང་པ་བཀྲ་ཤིས་རྒྱལ་མཚན་གྱི་བཞུགས་ཁྲི་རི་ཕུག་གི་གདན་ས་གནང་བའི་མཆོག་དམན་མང་པོར་ཆོས་ཀྱི་འཁོར་ལོ་བསྐོར་ཞིང་སྐུ་མཚམས་དམ་པོའི་ངང་ནས་སྤྲོས་བཅས་སྤྲོས་མེད་ཀྱི་རྣལ་འབྱོར་ལ་གཞོལ་ཤིང་ཕོ་འབྲུག་གི་ལོ་འོད་གསལ་ལ་ལུང་པ་འདི་ཡིན་ཞེས་ངོས་བཟུང་དུ་མེད་པའི་རི་སུལ་ཞིག་ནས་རིགས་འཛིན་མངའ་རིས་པ་ཆེན་པོ་ལེགས་ལྡན་རྡོ་རྗེ་ཕེབས་པ་ཡིན་ཟེར་བའི་རྟ་པ་མང་བོ་བྱུང་བའི་རྗེས་སུ་བླ་མ་རིན་པོ་ཆེ་བསོད་ནམས་ཆོས་འཕེལ་ཡང་ཕྱག་ན་ཚེ་རིལ་མང་པོ་བསྣམས་པ་ནས་འགའ་ཞིག་གནང་བ་ནི་དེ་སྐབས་རིན་ཆེན་དགོན་གསར་(༢༤བ)

― GLG009_Page_0658 ―

^{[མ་དཔེ་གཟིགས་ན་འདིར་གནོན།]}

[Full Size]

བ་མཁའ་ལ་སྤྱོད་པའི་གནས་དཔའ་བོ་མཁའ་འགྲོ་འདུ་བའི་ཚོགས་དཔོན་དུ་གཤེགས་པའི་དག་པ་ཡེ་ཤེས་ཀྱི་སྐུ་རྗེས་སུ་འཛིན་པ་དང་སྐུ་ཚེའི་ལྷག་མ་གནང་བའི་ལྟས་སུ་སྣང་། བླ་མ་རིན་པོ་ཆེའི་དགུང་ཞག་མ་གྲོལ་གྱི་བར་དུ་བཤེས་གཉེན་དམ་པ་འཇམ་དཔལ་དབྱངས་དང་དབྱེར་མི་ཕྱེད་བར་བཅོམ་ལྡན་འདས་འཇིགས་མཛད་རྡོ་རྗེའི་དཀྱིལ་འཁོར་ཞལ་ཕྱེ་ནས་སྒྲུབ་མཆོད་རྒྱས་པར་གནང་ངོ་། །དྲང་སྲོང་བསམ་གཏན་ལ་གཞོལ་སྲིན་པོ་རིར། །རབ་འབྱོར་ཟླ་བའི་ཕྱག་རྗེས་བཟོ་རིག་ཚད། །འཁོར་ལོ་སྡོམ་པའི་སྐུ་བརྙན་བར་སྣང་ལ། །བདེ་ཆེན་གར་བསྒྱུར་ཝཾ་ཡིག་གཟིགས་པའི་མོད། །སྟོང་ཉིད་སྙིང་རྗེའི་ཉམས་ལྡན་ཨེ་ཡི་གཟུགས། །མཁའ་སྤྱོད་དབང་མོའི་མཛེས་སྐུ་སྒྱུ་མའི་འཕྲུལ། །མཐུ་སྟོབས་འཇིགས་མེད་དཔའ་བོའི་ཆོས་ཀྱི་གྲྭར། །འདྲེན་བྱེད་ཆེར་དངར་ཐབས་ཤེས་ཟུང་འཇུག་བརྡ། །ཀསྨིར་པའི་པཎ་ཆེན་སྡོམ་པའི་རྒྱུན། །གངྒཱའི་འབྱུང་གནས་མ་དྲོས་ཆོས་ལུང་དེར། །དགྱེས་མཛད་རྡོ་རྗེའི་ལྷ་སྔགས་ཡེ་ཤེས་ཀྱི། །བྱིན་རླབས་གཟི་བྱིན་ཉི་མའི་དངོས་བརྒྱ་འབར། །ལྔ་རིག་གྲུབ་དབང་གྷ་ཡ་དྷ་རའི་ཞབས། །ངུར་སྨྲིག་གར་གྱིས་རོལ་བ་ཚར་པ་རྗེས། །གསུང་ངག་སྨིན་གྲོལ་གནང་ཕྱིར་ཡེ་ཤེས་སྐུ། །མངོན་སུམ་བསྟན་པའི་སྐལ་བཟང་ཁྱོད་ཉིད་ཙམ། །ཚད་མེད་ལྷ་མོ་རྣམ་བཞིའི་བཀྲ་ཤིས་གླུས། །ཆོས་ཀྱི་འཁོར་ལོ་བསྐོར་ཆེད་འདུས་སྡེ་འདིར། །སྤྱོན་ཞེས་བསྐུལ་བའི་སྔོན་འགྲོར་བསྟན་སྲུང་ཚོགས། །རྒྱ་གར་ཛོ་གིའི་ཟོལ་གྱིས་ལྷགས་པ་སྙམ། །སྲིད་པའི་དཔལ་འབྱོར་ཟླ་བའི་མ་མ་གང་། །ཉེས་བརྒྱ་ཆུ་སྲིན་ཚད་དུ་ཡོངས་གཟིགས་པའི། །ངེས་པར་འབྱུང་ཡང་གཞན་ཕན་བྱ་དཀའ་བར། །མི་ཞུམ་ཁྱོད་(༢༥ན)

― GLG009_Page_0659 ―

^{[མ་དཔེ་གཟིགས་ན་འདིར་གནོན།]}

[Full Size]

མིན་བྱང་སེམས་སྤྱི་ཡི་སྲོལ། །སྡིག་སེམས་གཤེད་མར་ཤར་བ་ཧ་ལ་ནག །སྲོག་གཅོད་འབར་བའི་ལས་ཀྱི་རལ་གྲི་ཆེ། །བསྟན་སྲུང་ཕྱག་རྒྱར་གཏོད་པའི་དྲིན་ཅན་རྗེ། །བྱམས་པས་བདུད་སྡེ་ཡོངས་འཇོམས་དོན་ཀུན་གྲུབ། །བསོད་ནམས་ཆ་བསགས་ཆོས་ཀྱི་དཀྱིལ་འཁོར་ཉ། །ཡོངས་འཕེལ་གང་བའི་ཞལ་ལུང་ག་བུར་རྡུལ། །རྫོགས་པར་བཏུངས་པའི་བློ་གྲོས་ཀུན་མུ་ད། །མཐའ་ཀླས་ལུང་རྟོགས་ཟེའུ་འབྲུ་ཅི་ཡང་བཞད། །ཡིད་འཕྲོག་ལྟ་ན་སྡུག་པའི་ལྗོངས་ཀྱི་མཐིལ། །ཕ་རྒོད་བླ་མའི་ཁྲི་ལ་ཞབས་པད་ཟུང་། །བཀོད་ནས་རྣམ་གསུམ་འཁོར་ལོའི་མཛད་པ་ཡིས། །ཐུབ་བསྟན་གསལ་བའི་ཉི་མ་གཉིས་པ་ཤར། །ཡེ་ཤེས་རྭ་ཆེན་གདེངས་པའི་རྣོན་པོའི་རྩིས། །མ་རུངས་འབྱུང་པོའི་ལྟོ་བ་རབ་ཕུག་ཚེ། །སྐྱེ་རྒུའི་བདེ་སྐྱིད་འཕྲོག་པའི་ལུས་མེད་དཔུང་། །མྱ་ངན་ཁང་བུར་སྨྲེ་སྔགས་ཆོ་ངེ་འདོན། །གར་དབང་ཚེ་མཐའ་ཡས་པའི་མགོན་པོ་དང་། །དབྱེར་མེད་བསླབ་གསུམ་ངུར་སྨྲིག་འཆང་བའི་རྗེ། །མཆོད་སྤྲིན་སྤེལ་བའི་ལེགས་བྱས་གཟུགས་ཅན་དུ། །གྱུར་ན་འཇིག་རྟེན་ཁམས་འདི་སྣོད་དུ་ཆུངས། །རྒྱུ་རློན་བསད་ཁྲག་དྲོན་མོས་མ་ཚིམ་པར། །མཆོང་བར་རིངས་ལ་རྔམ་པའི་ཕོ་ཉའི་ཚོགས། །དམར་ཆེན་ཟོར་ལས་ཆད་པའི་མེ་དཔུང་དང་། །ལྷན་ཅིག་དུས་མཐའི་རླུང་ལྟར་འཚུབ་ཅིང་སོང་། །འཁྲུལ་པའི་རང་མཚང་ཞིག་ནས་ད་ལྟའི་བར། །རྗེས་བརྩེས་དངོས་གྲུབ་ཆར་འབེབས་ངལ་གསོས་བུ། །དམར་སེར་སྣང་བརྙན་བསྐྲུན་པས་རྨུགས་འཛིན་གྱི། །མཁོ་དགུའི་འབྱོར་བ་འདྲེན་པའི་ཤིང་རྟའི་སྤུན། །ཐོས་བསམ་སྒོམ་པའི་ཅོད་པན་རབ་བཅིངས་ཏེ། །འཇམ་དབྱངས་བྱང་(༢༥བ)

― GLG009_Page_0660 ―

^{[མ་དཔེ་གཟིགས་ན་འདིར་གནོན།]}

[Full Size]

གླིང་ཆོས་རྗེའི་རྒྱལ་སྲིད་བཟུང་། །བཀའ་དྲིན་མཚུངས་མེད་རྗེ་བཙུན་དགོན་གསར་བའི། །ཡེ་ཤེས་དག་པའི་རང་ཞལ་མངོན་སུམ་བསྟན། །ཤིང་སྦྲུལ་ལོ་དབྱར་གྱི་ནམ་ཟླ་ཤིན་ཏུ་གཉན་པའི་དུས་རྨང་ལམ་དུ་འ་ཞ་གསང་བདག་ནམ་མཁའ་རྡོ་རྗེ་རལ་གུ་དང་སྐུ་གཟན་སྨུག་པོ་བཞེས་པ་ཕྱག་གཡོན་པར་རཀ་འཕྲེང་སྡིགས་མཛུབ་དང་བཅས་པའི་སྟང་སྟབས་ཀྱི་ལྷོ་ནུབ་ཀྱི་ཕྱོགས་བསྲུང་བ་ཞིག་བྱུང་འདུག་པ། བཀའ་ལས། འདི་ཡང་ངེད་རང་གི་དོགས་པ་ཡོད་པའི་ཕྱོགས་ཀྱི་བར་ཆད་དང་། སེར་བ་འཆོར་བའི་ཉེན་ཁམ་ཅན་ཡོད་འདུག་པ་བསྲུང་བ་མཛད་པ་འདྲ་ཞེས་པ་འཁོར་རྣམས་ལ་སྩོལ། སྐབས་ཤིག་མནལ་ལམ་དུ་ཨཱ་ཙཪྻ་མདོག་སྔོ་བསང་ངེ་བ་ཞིག་དང་ལྷན་ཅིག་པར་རྒྱལ་པོ་ཆེན་པོ་རྣམ་ཐོས་སྲས་སེར་ཆེན་གྱི་སྐུ་ཤིང་ལ་བྲིས་པ་ལྟ་བུའི་སྣུམ་བག་ཅན་གསལ་བར་གཟིགས་གསུང་བ་དོན་དུ་རྒྱལ་ཆེན་འདི་ཉིད་ཤིན་ཏུ་འགོ་བས་ཞལ་གཟིགས་པར་མངོན། བཀྲ་ཤིས་རྩེ་མཆོད་ཡོན་ནས་གདན་འདྲེན་བྱུང་བ་ལྟར་ཡར་ཀླུངས་སུ་ཕེབས་ཏེ་ཕྱོགས་དེའི་སྐྱེ་རྒུ་རྣམས་བསྡུ་བའི་དངོས་པོ་བཞིའི་སྒོ་ནས་གང་ལ་གང་འཚམ་གྱིས་རེ་བ་བཀང་། བུ་སྟོན་རིན་པོ་ཆེའི་རྣམ་ཐར་སྙིམ་པའི་མེ་ཏོག་ལས། ང་ཆོས་བཤད་པའི་སློབ་དཔོན་ཡིན་མོད་བྱས་ན་དམ་ཚིག་ལ་ནོར་ལ་མ་འཆམ་པའི་བར་མི་བཞིན་སྤོ་བགོས་གཏོང་། རང་གི་བློ་དང་མི་མཐུན་ན་བླ་མ་ཡིན་ཡང་ཁྱི་སྨྱོན་འདེད་པའི་དམག་མི་ལྟར་རྡོ་ཆར་བྱེད། ཅེས་པའི་དོན་ཐོག་ཏུ་བབས་ཏེ་ཞ་ལུ་བ་རྩིང་པོར་སྤྱོད་པ་འགའི་ཁ་དབང་དུ་སོང་ནས་སྐོར་ཡང་ཙམ་ཡང་མེད་པར་བླ་མ་དགའ་བཞི་པ་བརྒྱུད་གཞིས་ཀ་རྩེར་ཞུས་པའི་དཔོན་ཆེན་རྒྱལ་མཚན་བཟང་པོ་རི་ཕུག་དབུ་མཛད་དུ་བཙན་བསྐོས་གནང་བའི་མ་མཛེས་(༢༦ན)

― GLG009_Page_0661 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་བྱུང་བ་ནི། བུ་སྟོན་རིན་པོ་ཆེས་དགེ་འདུན་སྤྱིའི་སྙན་བསྐུལ་ཞལ་གདམས་ལས། ད་དུས་སྙིགས་སེམས་ཅན་ཐམས་ཅད་སྤྱོད་པ་འགྱུར་བའི་དུས་འདིར་ང་འདི་འདྲ་ལ་ཐུག །ནམ་ཡང་མེད་ཁེ་ཉེན་བསྲེས་ཟེར་ནས་དྲག་པོའི་སྤྱོད་པ་བྱེད་པ་ཡོད་དེ། དེ་འདྲ་འོ་སྐོལ་གྱིས་ཆ་རྐྱེན་དཔུང་གླེང་མཆུ་གང་གིས་ཀྱང་མི་འཕེར་བས་སེམས་ཆུང་བྱས་ནས་མགོ་ལ་ལག་པ་འགེབས་པའི་མདུན་མ་ལ་བརྟེན་པ་དང་། གྲ་པ་གྲ་གཡོག་ལ་སོགས་པ་རྣམས་ལ་སོ་སོ་ནས་ཞལ་ཏ་བཅུག་ནས་འཐབ་རྩོད་ཁ་སྨྲས་ཁ་མཆུ་མི་ཡོང་བའི་ཐབས་ལ་སྦྱར་དགོས་མི་ངན་རེ་རེའི་རིང་ལ་མང་པོ་འཕུང་ལ་གཏོང་བ་བློ་རིན་ལྟ་བུ་ཡོང་བ་ཡིན། ཞེས་བཀའ་སྩལ་བ་གང་ཟག་འདི་འདྲའི་རིགས་ལ་དགོངས་པར་སྣང་། ནུབ་ཅིག་མནལ་ལམ་དུ་མགོན་ཁང་ན་གོས་འབོལ་མཐོ་བ་ཞིག་གི་སྟེང་རྡོ་རྗེ་འཆང་རྟ་ར་བའི་སྐུའི་དབྱིབས་དང་ན་བཟའ་སྔར་ཇི་ལྟ་བ་ལ་རཀྴའི་འཕྲེང་བ་བཟུང་བའི་ཕྱག་གཉིས་དབུའི་སྟེང་དུ་བཞག་སྟེ། ལྷོ་ནུབ་རྔ་ཡབ་གླིང་ཕྲན་ནས། །ཨོ་རྒྱན་པདྨ་འབྱུང་གནས་ཀྱིས། །མོས་པའི་བུ་ལ་བྱིན་གྱིས་རློབས། །ཞེས་གསུངས་ནས་བྱིན་རླབས་མཛད་བྱུང་བའི་དེ་མ་ཐག་ཨོ་རྒྱན་རིན་པོ་ཆེ་དངོས་ཡིིན་དགོངས་པའི་སྐུ་ལུས་ཐམས་ཅད་ཟི་ཆོམ་མེ་བ་ཞིག་བྱུང་བར་སྣང་། དེའི་རྗེས་བླ་བྲང་གི་ཡང་སྟེང་དུ་ལྕོག་བུ་ཕུབ་སྟེ་བཞུགས་པའི་ཐོ་རེངས་ཀྱི་དུས་ཤིག་མདུན་གྱི་ནམ་མཁར་ཨོ་རྒྱན་ཆོས་ཀྱི་རྒྱལ་པོ་ན་བཟའ་དང་དབུ་ཞྭ་སོགས་ཟ་ཧོར་མའི་ཆ་བྱད་ཅན་འོད་ལྔའི་གུར་ཁྱིམ་ན་བཞུགས་པ་ཤིན་ཏུ་གསལ་བར་གཟིགས་པ་སྐུ་ཚེ་འདི་ལ་ཨོ་རྒྱན་རིན་པོ་ཆེའི་ཞལ་གཟིགས་བྱུང་བའི་ཐོག་མ་ཡིན་གསུང་། ས་དམར་དགོན་པ་བ་རྗེ་བཙུན་ངག་དབང་ཆོས་ཀྱི་རྒྱལ་(༢༦བ)

― GLG009_Page_0662 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ལ་མཉམ་མེད་བསམ་གཏན་གླིང་པའི་ཡང་ཟབ་ཨ་ཏིའི་སྐོར་རྫོགས་པར་གསན་ཅིང་རྗེས་སུ་བཞི་ཐོག་ཏུ་བདག་ཆེན་ཁྲི་རིན་པོ་ཆེར་འབུལ་བ་གནང་བས་ཟབ་ཆོས་འདི་ཉིད་སྲིད་མཐར་མི་ཉམས་པའི་བསྟན་པའི་སྲོག་ཏུ་སོང་། དེའང་ཐང་ཡིག་ཏུ། ཁྱད་པར་ཡར་ཀླུངས་ཤེལ་གྱི་བྲག་ཕུག་འདི༔ བདུད་རྩི་སྨན་སྒྲུབ་བྱས་པའི་གནས་ཡིན་པས༔ གསང་སྔགས་མཐར་ཕྱིན་ཨོ་རྒྱན་ཡུལ་ལྟ་བུ༔ ཡ་མཚན་སྒྲུབ་ཁང་བྲག་ཕུག་ཁྱད་འཕགས་ཡོད༔ ཞི་ཁྲོ་ལ་སོགས་གཞལ་ཡས་ཁང་མང་བཞུགས༔ བོད་འབངས་དག་དང་སྤྲོ་བར་འགྱུར་བའི་བྲག༔ ཡོན་ཏན་བརྒྱ་ལྡན་བསམ་ལས་འདས་པར་བརྗོད༔ དེ་ལ་གནས་ཚད་ཏུ་རུཥྐས་མི་ཕེབས༔ ཞེས་ཨོ་རྒྱན་ཆེན་པོས་བོད་ཀྱི་གནས་ཆེན་གངས་བྲག་ཐམས་ཅད་བྱིན་གྱིས་བརླབས་ཏེ་སྒྲུབ་གནས་ཆེས་མང་བའི་ནང་ནས་ཁྱད་པར་དུ་འཕགས་པ་ཡོན་ཏན་གྱི་དབེན་གནས་ཡར་ཀླུངས་ཤེལ་གྱི་བྲག་ཕུག་ཏུ་དགུང་ལོ་ཞེ་བརྒྱད་པ་མེ་རྟ་ཧོར་ཟླ་བརྒྱད་པའི་མཇུག་ལ་ཐེགས་པའི་སྟ་གོན་གྱི་ཚེ་གཟིམས་ཁང་གི་ཐོག་ཏུ་ལྕོག་བུ་བྱས་བཞུགས་པའི་དུས་བྱུང་བའི་གོང་གི་གཟིགས་སྣང་དེ་ལས་ཆེ་བའི་ཨོ་རྒྱན་རིན་པོ་ཆེ་ཟ་ཧོར་མའི་སྐུ་འཇའ་འོད་ཀྱི་ཀློང་ན་ཁྲ་ལམ་མེར་བཞུགས་པ་ཞིག་ཤིན་ཏུ་གསལ་བར་འོད་གསལ་ལ་ཤར་ཞིང་གནམ་གང་གི་ཐོ་རེངས་ཨོ་རྒྱན་ཆེན་པོ་གོང་ལྟར་གཟིགས་པ་ལས་འཕྲོས་པའི་བཅོམ་ལྡན་འདས་འཁོར་ལོ་སྡོམ་པ་ཨིནྡྲ་ནཱི་ལའི་མདོག་ལྟར་གསལ་ལ་འཚེར་བ་སོགས་ངོ་མཚར་བའི་སྣང་བ་འབྱམས་ཀླས་པ་མང་བར་གཟིགས། ཧོར་ཟླ་དགུ་པའི་ཚེས་གཉིས་ལ་དཔོན་སློབ་དམ་ཚིག་གཙང་བ་ཁ་ཤས་དང་བཅས་ཐེགས་པའི་དུས་ནམ་མཁའ་འཇམ་ཞིང་ཐུགས་ལ་སྔར་མེད་པའི་བདེ་ཉམས་ཆེན་པོ་དགའ་(༢༧ན)

― GLG009_Page_0663 ―

^{[མ་དཔེ་གཟིགས་ན་འདིར་གནོན།]}

[Full Size]

ཡལ་ལེ་བའི་ངང་ནས་གཟིམས་ཁང་གོང་དུ་བཞུགས་གནས་མཛད་དེ་སྐུ་མཚམས་བསྡམས། སྤྲུལ་སྐུ་རཏྣ་གླིང་པའི་གདུང་བརྒྱུད་ཆུ་མིག་དགོན་གསར་བའི་ལག་གི་གཏེར་ཆེན་ཆོས་ཀྱི་རྒྱལ་པོ་རཏྣ་གླིང་པའི་གཏེར་བྱོན་ཨོ་རྒྱན་ཡབ་ཡུམ་གྱི་སྐུ་ཚབ་མཐོང་བ་དོན་ལྡན་དང་འགྲོ་བ་ཀུན་འདུལ། རྡོ་རྗེ་འཆང་ཉིད་ཀྱི་ཕྱག་གི་སྐུ་ཚབ་ཡིད་བཞིན་ནོར་བུ་གསུམ་རིགས་འཛིན་བླ་མ་སྒྲུབ་པའི་རྟེན་གྱི་གཙོ་བོར་བཞུགས་སུ་གསོལ་བའི་སྤྱན་སྔར་སྨན་རཀ་གཏོར་གསུམ་གྱིས་ཐོག་དྲངས་ཕྱི་ནང་གསང་བའི་མཆོད་པ་རྒྱ་ཆེན་བཤམས་ཏེ་ཞག་བདུན་གྱི་བར་པཎ་ཆེན་རིན་པོ་ཆེ་པདྨ་རྒྱལ་པོ་ཡེ་ཤེས་རོལ་པ་རྩལ་མཆེད་གཉིས་ཀྱི་ཟབ་གཏེར་བླ་མ་བཀའ་འདུས་ཀྱི་ལྗགས་བསྙེན་ཁ་གསོ་གནང་བའི་ཚེས་བཞིའི་ཐོ་རེངས་སྐུའི་མདུན་ཐད་ཀྱི་མཁར་འཇའ་ཚོན་སྣ་ལྔའི་གུར་ཁྱིམ་སོར་ལྔ་པ་ཞིག་གི་དབུས་སུ་ཨོ་རྒྱན་ཆེན་པོའི་སྐུ་ཆུང་ངུ་གསལ་ཞིང་དྭངས་པ་ལམ་མེ་བ་གཟིགས། ཚེས་དགུའི་ནུབ་གཏེར་སྲུང་དང་གཞིས་བདག་སོགས་དགྱེས་པའི་འཚུབ་ལྷོངས་ཤིན་ཏུ་ཆེ། སྐུ་མཚམས་གྲོལ་ཁའི་ཚེས་བཅུའི་ཉིན་ལྷ་བྲག་གཏེར་བྱོན་ནང་རིགས་འཛིན་གདུང་སྒྲུབ་ཀྱི་འཕྲིན་ལས་ལ་བརྟེན་ནས་ཞི་ཁྲོ་རབ་འབྱམས་ཀྱི་ཚོགས་རྣམས་མཆོད་པའི་སྤྲིན་གྱི་ཕུང་པོས་མཉེས་པར་མཛད་པས་འཛབ་བཟླས་གྱི་དུས་གནས་འཛིན་ཀུན་གྱིས་མཐོང་བར་མེ་ཏོག་གི་ཆར་ཆེན་པོ་བུ་ཡུག་ལྟར་འཚུབས། སྒྲུབ་ཕུག་ནས་ཚེ་ཆུ་གློ་བུར་དུ་རྡོལ་བ་ཆུ་བོའི་རྒྱུན་བཞིན་རེ་ཞིག་བར་བབས་ཤིང་དེ་ཡོད་རྣམས་ཀྱི་ཞལ་དུ་གསོལ་བ་སོགས་གནས་སྟོན་འཁོར་ཆོས་དུས་ཏེ་ཕུན་ཚོགས་པ་ལྔ་ཚང་བའི་རྟེན་འབྲེལ་གྱི་སྒོ་འཕར་མཆོག་ཏུ་འགྲིག །ཆོས་སྡེར་ཕེབས་ནས་ཧོར་(༢༧བ)

― GLG009_Page_0664 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བཅུ་གཉིས་པའི་ཚེས་བཅུའི་ཐོར་ཐུན་གྲོལ་འཚམས་མནལ་ལ་ཅུང་ཟད་སོང་བའི་ཚེ་སློབ་དཔོན་ཆེན་པོའི་སྐུའི་སྣང་བ་ཆུ་ལས་ཆུ་ལྦུར་ཤར་བ་ལྟར་སྔ་མ་འགགས་པ་དང་ཕྱི་མ་གསལ་བ་ཁ་ཡར་བྱུང་། ཁྲ་འབྲུག་གི་གནས་མཇལ་ལ་བྱོན་ཏེ་སྨོན་ལམ་རྒྱས་པར་འདེབས་པ་གནང་བའི་ནུབ་རྨང་ལམ་གྱི་ཚུལ་དུ་བླ་མ་མཚོ་སྐྱེས་རྡོ་རྗེ་སྐུའི་སྣང་བརྙན་ཁྲ་ལམ་གྱིས་ཤར་ཞིང་ཤེལ་བྲག་གི་རི་ངོས་མཐའ་དག་སངས་རྒྱས་བྱང་ཆུབ་སེམས་དཔའི་སྐུས་ཁྱབ་པ་དང་མངོན་སུམ་དུ་བཞུགས་ཡོད་དགོངས་པའི་གདུང་ཤུགས་ལྷང་ལྷང་བའི་ངང་ནས་མནལ་སད། མེ་ལུག་ཧོར་ཟླ་དགུ་པའི་ཉེར་བཞི་ལ་ཆོས་སྡེ་ནས་སང་ཐེགས་རྒྱུའི་ནུབ་འོད་གསལ་ལ་རྗེ་ཉིད་སློབ་དཔོན་ཆེན་པོ་པདྨའི་སྐུའི་དབྱིབས་ཅན་དབུས་དང་ཕྱོགས་བཞིར་རེ་རེ་སྟེ་ལྔ་རྣམས་ཆེ་ཆུང་མི་ཚད་ཙམ་སོ་སོར་བཀྲག་མདངས་དང་ལྡན་པའི་འཇའ་ཚོན་ལྔའི་གུར་ཁྱིམ་ཡོད་པའི་རྣམ་པ་ནི་ཐུགས་རིག་པའི་ངོ་བོ་དོན་གྱི་པདྨ་འབྱུང་གནས་གཅིག་ཉིད་ལས་ཐོད་འཕྲེང་རིགས་ལྔར་ཤར་བ་ཡེ་ཤེས་ལྔའི་གདངས་འགག་མེད་དུ་འཁུམས། ཉེར་ལྔ་ཚེས་བཅུའི་མཆོད་པ་ཤེལ་བྲག་ཏུ་གནང་ནས་ཞག་གསུམ་གྱི་བར་བཞུགས་རིང་རིགས་འཛིན་བླ་མའི་བསྙེན་སྒྲུབ་ལས་སྦྱོར་གྱི་འཕྲོ་འདུའི་དམིགས་པ་རྩོལ་བ་ལ་མ་བལྟོས་པར་འབད་མེད་དུ་ངང་གིས་ཤར་བ་ཐེངས་གཉིས་དང་གནས་ཀྱི་རི་བྲག་ཀུན་དང་ཁྱད་པར་གུ་རུ་ཕུག་པའི་བྲག་གདོང་ཐམས་ཅད་ཨོ་རྒྱན་ཞི་ཁྲོ་སོགས་མདོར་ན་སྲས་བཅས་རྒྱལ་བའི་སྐུའི་སྣང་བ་འབའ་ཞིག་ཏུ་ཤར་བ་གང་ཟག་ཁྱད་པར་ཅན་རྣམས་ལ་དུས་ཐམས་ཅད་དུ་དག་པའི་སྣང་བ་ཤ་སྟག་འབྱུང་བས་འདི་ཙམ་ལ་ངོ་མཚར་དུ་འཛིན་པ་གཅིག་ཏུ་མི་འོས་ནའང་(༢༨ན)

― GLG009_Page_0665 ―

^{[མ་དཔེ་གཟིགས་ན་འདིར་གནོན།]}

[Full Size]

ཞག་གསུམ་པོ་དེར་གནས་ཀྱི་གང་ཟག་བྱིན་གྱིས་བརླབས་སོ་ཞེས་དཔག་དཀའི་ཡོན་ཏན་གཞན་རྣམས་སྦས་པར་མཆིས། ཚར་ཆེན་གྱི་གསུང་མགུར་ལས། དགྲ་གཉེན་བར་མའི་འགྲོ་བ་ཀུན། །གདོད་ནས་དག་པའི་ཧེ་རུ་ཀཿ ལྷ་དང་ལྷ་མོའི་རྣམ་རོལ་ཏུ། །དགའ་མགུར་སྤྱོད་པ་བླ་མའི་དྲིན། །ཞེས་གསུངས་པའི་དོན་དུ་གདའ། ཆོས་སྡེར་ཕེབས་ནས་རྡོ་རྗེ་འཇིགས་བྱེད་ཆེན་པོའི་དཀྱིལ་འཁོར་གྱི་གཙོ་བོར་བཞེངས་ཏེ་རྟེན་བརྟེན་པའི་ཚོགས་དེའི་ཐད་ཀྱི་ནམ་མཁའ་གང་བར་འགྲོ་འོང་དང་ཐོ་རེངས་ཀྱི་ཆར་རང་གི་སྐུ་འཇའ་འོད་ཕུང་ངེ་བའི་དཀྱིལ་ན་ཡོད་པའི་ཐུགས་ཉམས་ཤར། ཧོར་ཟླ་བཅུ་པའི་ཚེས་བརྒྱད་ཀྱི་ཐོར་ཐུན་དངོས་གཞི་རྫོགས་ནས་པདྨ་དྲག་པོ་དབུ་དགུའི་རྣལ་འབྱོར་གྱི་ཚེ་དཀྱིལ་འཁོར་གྱི་དབུས་སུ་རྗེ་ཉིད་གཙོ་བོའི་རྣམ་པར་ཤར་བར་རེག་མཐོང་གི་མཚན་མ་བརྟན་པོ་རྙེད། ཧོར་ཟླ་བཅུ་གཅིག་པའི་ཡར་ཚེས་ལ་ཤྲི་དེ་བ་ཨ་ཡུའི་བསྙེན་མཚམས་མཛད་པ་གྲོལ་རྒྱུའི་ཐོ་རེངས་ཚེ་ལྷའི་སྐུའི་སྣང་བ་གསལ་ཞིང་ཚེས་བཅོ་ལྔའི་ཐོ་རེངས་སྔར་བས་ཀྱང་གསལ་བ་ཞིག་བྱུང་གསུང་བ་སྐུ་ཚེ་མཐར་ཕྱིན་པའི་རྟེན་འབྲེལ་ཁྱད་པར་ཅན་དུ་གོ །དགུང་སྐག་ཕྱིས་སྐྱེལ་གྱི་དོག་ཆར་དགོངས་ཧོར་ཟླ་བཅུ་གཉིས་པའི་ཚེས་བཞི་ནས་སྐུའི་བཅད་རྒྱ་ཚུགས་པའི་ཐོ་རེངས་སྐུར་གླགས་ལྟ་བ་འབྱུང་པོའི་ཆོ་འཕྲུལ་གྱི་འོད་ཆེན་པོ་འཁོར་ཞིང་འཁྲུག་པའི་སྟེང་དུ་རྗེ་བཙུན་པདྨ་ཐོད་འཕྲེང་མི་ཚད་ཙམ་པ་གཟི་བརྗིད་ཕུན་སུམ་ཚོགས་པ་ཞིག་བཞུགས་འདུག་པས་བ་མོ་ལ་ཉི་མ་ཤར་བ་བཞིན་དེ་འཕྲལ་དུ་ཞི། ཞག་ལྔ་ཙམ་ནས་སླར་ཡང་སློབ་དཔོན་ཆེན་པོའི་གཟིགས་སྣང་ཇེ་གསལ་ལ་སོང་བས་ཡིད་སྲུབས་ཀྱི་བར་གཅོད་ལས་རྣམ་པར་རྒྱལ། ཚེས་བཅུའི་ཉི་ཤར་གྱི་དུས་ཅུང་ཟང་མནལ་(༢༨བ)

― GLG009_Page_0666 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཉམས་ལ་རྗེ་ཉིད་རྗེ་བཙུན་ནཱ་རོ་མཁའ་སྤྱོད་མའི་རྣམ་པར་ལམ་གྱིས་གྱུར་པ་ནི་རྗེ་བཙུན་ཀུན་སྤངས་ཆེན་པོས། ཆོས་རྗེ་ལ་མཁའ་སྤྱོད་མའི་བྱིན་རླབས་བྱས་རེས་ཀྱིས་ངེད་ལ་ལྟས་ཁྱད་པར་ཅན་རེ་ཡོང་གི་འདུག་འབད་རྩོལ་མཛད་ན་འདིས་མཁའ་སྤྱོད་ལ་ཁྲིད་ཉེན་གདའོ། །ཞེས་ཚར་ཆེན་ལ་གསུངས་པའི་ལོ་རྒྱུས་དང་ཚུལ་མཚུངས་པར་མངོན། སྡེ་པ་བཀྲ་ཤིས་རྩེ་པའི་སྲས་པོ་ན་ཕྲ་བ་ཞིག་གདོན་གྱིས་ཟིན་ནས་དབུགས་ཀྱི་འགྱུ་བ་འགགས་ཏེ་གྲོངས་པར་ཐག་བཅད་པ་ན་རྗེ་དེ་ཉིད་སྤྱན་དྲངས་བཀའ་བསྒོའི་བྱིན་རླབས་མཛད་པ་དང་ལྷན་ཅིག་པར་གསོས་པས་ལོག་རྟོག་ཅན་འདྲའང་ཧ་ལས་ཏེ་དད་པའི་སར་བཀོད། ས་སྤྲེལ་ཟླ་བ་གསུམ་པའི་ཚེས་གསུམ་ནས་ཆོས་སྡེའི་གྲ་པ་དོན་གཉེར་ཅན་རགས་བསྡུས་ལ། ཚར་ཆེན་གྱི་གསུང་མགུར་དུ། མི་ཕལ་ཆེར་སོ་སྐྱེའི་བླ་མ་བསྟེན། །ང་སངས་རྒྱས་དངོས་ཀྱི་བླ་མ་བསྟེན། ཁོང་དཔེ་ནག་བལྟས་པའི་སློབ་མས་ཁེངས། །ང་སྙན་བརྒྱུད་ཟབ་མོའི་གདམས་པས་ཚིམ། །ཞེས་སོ་སྐྱེའི་བླ་མ་གཅིག་ནས་གཅིག་ཏུ་བརྒྱུད་པའི་ཚིག་ཙམ་བཤར་སྦྱང་ལྟ་བུ་མ་ཡིན་པར་གསུང་ངག་རིན་པོ་སློབ་བཤད་ཀྱི་ཁྲིད་དབུ་བཙུགས་ཏེ་ཉན་རང་དང་ཕ་རོལ་ཏུ་ཕྱིན་པའི་ལམ་དང་ཐུན་མོང་དུ་གྱུར་པ་སྣང་བ་གསུམ་སེམས་བསྐྱེད་ཀྱི་མཐའ་བརྟེན་པ། སྔགས་ལམ་ལ་ལྟ་བ་འཁོར་འདས་དབྱེར་མེད་ཀྱིས་སེམས་ཀྱི་གཞི་རྩ་བཅད་ནས་དབང་བཞིའི་ལམ་གྱི་ཉམས་ཁྲིད། ཀྱེ་རྡོར་ཡབ་བཀའི་རྒྱུ་ལམ་ཡུམ་བཀའི་དབང་བྱིན་རླབས་ཀྱི་རིམ་པ་རྒྱབ་བརྟེན་ལུང་དང་བཅས་ཧོར་ཟླ་དྲུག་པའི་ཚེས་བཅུའི་བར་ལ་རྫོགས་པར་གནང་བའི་ཚེ་བདག་མེད་ལྷ་མོ་བཅོ་ལྔའི་སིནྡྷུ་རའི་བྱིན་རླབས་ལ་ཅུང་ཟད་(༢༩ན)

― GLG009_Page_0667 ―

^{[མ་དཔེ་གཟིགས་ན་འདིར་གནོན།]}

[Full Size]

དཀའ་བའི་ཐུགས་དོགས་བྱུང་བ་ན་རྩ་བརྒྱུད་ཀྱི་བླ་མའི་ཚོགས་ལ་གསོལ་འདེབས་གནང་བའི་སྒོ་ཆུང་ནག་པོ་ཞིག་ནས་བདག་ཆེན་རྡོ་རྗེ་འཆང་བླ་གོས་དང་ས་ཞུ་གསོལ་ཏེ་རྟ་ནག་པོར་ཆིབས་པ་ཕེབས་ནས་གསེར་གྱི་རྡོ་རྗེར་གཡུའི་ཕྲས་བརྒྱན་པ་མཎྜལ་གྱི་སྟེང་དུ་འཇོག་པ་གནང་བྱུང་བས་མནལ་སད་དུས་ཐུགས་དོགས་རྣམས་ལྷག་མེད་དུ་ཆོད་པ་ནི་བསམ་གྱིས་མི་ཁྱབ་པའི་གནས་ཡིན་ཞིང་ནུབ་ཅིག་ཀུན་མཁྱེན་མཁྱེན་བརྩེའི་ཞབས་ན་བཟའ་ཤིན་ཏུ་བཟང་བ་ཕྱག་སིལ་བོན་གོང་མ་དཀྲོལ་བ་གནང་བ་ན་སྒྲ་ཆེར་སྒྲོག་པ་ནི་ཟབ་ཆོས་འདི་ཉིད་ཀྱི་འཕྲིན་ལས་ཕྱོགས་བརྒྱར་ཁྱབ་པའི་བརྡར་མངོན། འཁྲིད་ཀྱི་སྔ་ཕྱི་ཚོར། ཚར་ཆེན་ཆོས་ཀྱི་རྒྱལ་པོ། རིགས་འཛིན་མངའ་རིས་པ་ཆེན་པོ། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག །མཁན་ཆེན་བསླབ་གསུམ་རྒྱལ་མཚན། རིན་པོ་ཆེ་བསོད་ནམས་ཆོས་འཕེལ་དང་ལྔ་མནལ་ལམ་གྱི་ཚུལ་དུ་བྱུང་གསུང་བ་དོན་ཆོས་ཀྱི་འཁོར་ལོ་བསྐོར་བར་བླ་མ་རྣམས་དགྱེས་པའི་འཛུམ་ཞལ་ལྷུག་པར་བསྟན་ནས་ལེགས་སོའི་ཚིག་གིས་དངོས་སུ་གཟེངས་བསྟོད་པར་གོར་མ་ཆག །ཡེ་ཤེས་ཀྱི་མགོན་པོ་གཟིགས་སྣང་ལ་གསལ་བར་ཤར་བ་ནི་འབྲོག་མིར་པཎ་གྲུབ་དབང་པོ་གྷ་ཡ་དྷ་རས། ད་ཁྱོད་ལ་ཅི་དགོས་གསུངས་པ་ལ་གསུང་ངག་རིན་པོ་ཆེ་འདི་ལ་ད་དུང་གདམས་པའི་འཕྲོ་འདྲ་ཡོད་ན་གནང་བར་ཞུ་ཞུས་པས། ང་འཕྲོ་ཡེ་མེད་ཁྱོད་ལ་འདི་འདྲ་དགོས་པའི་མཚན་མིན་ཡང་ང་རང་གི་བྱེད་ལུགས་ཡིན་གསུངས་ནས་གུར་གྱི་ཐང་སྐུ་རྒྱབ་ལ་བཞེས། འཕྲེང་བ་མགུལ་ལ་བཅུག །གཏོར་མ་དབུ་ཐོག་ཏུ་བཟུང་ནས་གདམས་པའི་ལྷག་ལུས་རིའི་དབུ་སྙིང་གནང་བ་དང་ཆོས་ཀྱི་མཇུག་(༢༩བ)

― GLG009_Page_0668 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་མགོན་རྐྱང་གི་རྗེས་གནང་སོགས་མཛད་པའི་བླ་མ་ཞང་སྟོན་ཡན་ཆད་ཀྱི་སྲུང་མར་མ་ཟད་བརྩེ་ཆེན་སྙིང་པོའི་ཞབས་ནས་བཟུང་བཀའ་བབས་བཞི་ལྡན་དུ་བཞུགས་པའི་ཆོས་སྐྱོང་གི་གཙོ་བོ་ཡིན་གཤིས་བགེགས་རིགས་ཀྱི་ཚོགས་རྣམས་ཕྱེ་མར་འཐག་པའི་སླད་དུ་ཅུང་ཟད་ཙམ་ཡང་མི་འབྲལ་བར་མངོན། འཇིགས་མཛད་རྡོ་རྗེའི་རྣལ་འབྱོར་ལྷུར་བཞེས་པའི་ཤུགས་ཀྱིས་འཆི་བདག་མ་ཧེའི་ཞལ་ཅན་བཀའ་བཞིན་སྒྲུབ་པར་ཞལ་གྱིས་འཆེས་སླད་སྐུའི་སྣང་བ་མངོན་སུམ་དུ་བསྟན་པ་ནི། རྗེ་ཚར་ཆེན་གྱི་གསུང་མགུར་ལས། དཔལ་མ་ཧེའི་ཞལ་ཅན་གཤིན་རྗེའི་གཤེད། །ཆོས་སྲུང་བའི་གཙོ་བོར་གུར་ཞལ་གཉིས། །དེ་རིམ་བཞིན་བསྒྲུབས་ལ་བསྟན་པ་སྲུངས། །ཞེས་པའི་དོན་དང་མཚུངས་པར་སྣང་ཞིང་། ཉིན་གཅིག་མནལ་རིབ་བེ་མ་ཞིག་ལ་རྗེ་ཉིད་སློབ་དཔོན་ཆེན་པོ་པདྨའི་སྐུའི་རྣམ་པར་ཉམས་ཁྱད་པར་ཅན་ཤར་བ་འདིས་མཚོན་བླ་མ་ཡི་དམ་མཁའ་འགྲོ་སྲུང་མའི་ཞལ་གཟིགས་དང་གསུང་གི་སྣང་བ་སྩལ་བ་མཐའ་ཡས་པ་ཡོད་ཚོད་དུ་མཆིས་ནའང་ཐུགས་དཀྱིལ་ཆེ་བས་བསྙེལ་བའི་བརྫུར་བརྟེན་ནོ། །ས་བྱ་ཧོར་ཟླ་གསུམ་པའི་ཚེས་བཅུ་དགུར་གཙང་ལ་ཆིབས་ཁ་བསྒྱུར་རྒྱུའི་ཐོ་རེངས་གཞན་གྱིས་བསམ་སྦྱོར་ངན་པའི་བྱད་རྦོད་ལ་བརྟེན། ཐོག་འཁྲུག་འབྱུང་བར་ཉེ་བའི་གློག་འབྲུག་སོགས་ཤིན་ཏུ་འཇིགས་པའི་སྒྲ་འོད་གསལ་དུ་བྱུང་བའི་ཚེ་རྗེ་ཉིད་བཛྲ་བྷཻ་ར་བའི་སྐུ་ཤིན་ཏུ་ཆེ་ཞིང་གཟི་བྱིན་དང་ལྡན་པ་མེ་དཔུང་འབར་བའི་དབུས་ན་བཞུགས་པའི་རྣམ་པར་གྱུར་བ་དང་ཆབས་ཅིག་པར་མི་མཐུན་པའི་ཕྱོགས་དེ་དག་འཕྲལ་དུ་ཞི་བའི་མོད་ལ་མནལ་སད་དོ། །གསང་བདག་འ་ཞའི་མཐུ་སྟོབས་ཐོར་རླུང་གིས། །ལོག་འདྲེན་སྦྱོར་བའི་ཆུ་འཛིན་ཕ་མཐར་བསྐྲད། །ཡང་(༣༠ན)

― GLG009_Page_0669 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་མང་པོར་འགོ་བའི་ལུས་ངན་པོ། །གཟི་བརྗིད་ཉི་མ་འབུམ་གྱི་དཔལ་རྗེས་སྙེག །ལྷུན་པོ་ཕྱེར་འཐག་མཐུ་ཆེན་དགོན་གསར་བས། ཁྱོད་རྗེས་འཛིན་པར་བསྐུལ་ཚིག་མཆིལ་པ་ཡིས། །འབོད་གྲོགས་མགོན་པོའི་བྱིན་རླབས་ལྕགས་ཀྱི་ཕྱེ། །འདྲེན་པའི་ཁབ་ལེན་རྡོ་བར་རྐང་པ་འཇོག །ཟ་ཧོར་ས་སྤྱོད་གོས་ཀྱིས་བརྗིད་ལྡན་ཡང་། །ངུར་སྨྲིག་དྲས་དྲུབས་ན་བཟའ་གཅིག་ཏུ་བཅུན། །རིག་སྔགས་བརྟུལ་ཞུགས་གྲུབ་པའི་གསང་གོས་ཅན། །པད་འབྱུང་ཐོག་མའི་དགྱེས་ཞལ་ཟླ་བ་ཚེས། །ཨ་ཏི་རྫོགས་ཆེན་ཡོངས་ཀྱི་ཡང་སྙིང་བཅུད། །རྗེ་བཙུན་ཡེ་ཤེས་རྡོ་རྗེར་དགོངས་པའི་གཏེར། །གསན་ཚེ་བློ་འདས་ཆོས་སྐུའི་རང་ཞལ་ལ། །ཡེངས་པའི་ཀུན་རྫོབ་བདེན་པ་བག་ལ་ཞ། །བོད་འབངས་དགའ་སྤྲོའི་དཔལ་སྟེར་གནས་ཀྱི་རྩེ། །འཆི་མེད་བདུད་རྩིའི་བཅུད་ལེན་སྒྲུབ་པའི་ཞིང་། །ཤེལ་དཀར་བྲག་རི་རབ་བརྩེགས་དཔའ་བོ་དང་། །མ་ཚོགས་སྤྲིན་ལྟར་འདུ་བའི་གནས་དེར་བྱོན། །བཀའ་བརྒྱད་ཡོངས་འདུས་རིགས་འཛིན་བླ་མ་ཡི། །ཐུགས་རྗེ་སྙིང་ཞུགས་རྟགས་མཚན་ཕྱི་རུ་ཤར། །གང་སྣང་ཞི་ཁྲོ་རབ་འབྱམས་རྟེན་བརྟེན་པ། །གྲུབ་པའི་གཟིགས་མོ་དེ་ལ་ཡུན་རིངས་ཡེངས། ཁྲག་འཐུང་རྣལ་འབྱོར་མ་དཔལ་མཉམ་སྦྱོར་བའི། །དཔྱིད་ཐིག་བདེ་ཆེན་གར་གྱིས་འབྱམས་སུ་ཀླས། །མ་ཧེའི་ཞལ་དང་དབང་དྲག་དབུ་དགུ་པ། །གཏུམ་རྔམས་གད་མོས་ཀུན་བཟོད་མ་འདི་འདར། །ཐོད་ཕུའི་གྲུབ་པའི་འཁོར་སྒྱུར་སྤྲིན་འཛིན་གྱི། །ཐུགས་ལ་ཉེར་གབ་སློབ་བཤད་རྣམ་པར་རྒྱལ། །དུག་ལྔའི་ནད་བརྒྱ་འཇོམས་པའི་སྨན་གཅིག་པུས། །ཤེས་ལྡན་རྣམས་ཀྱི་ཟུག་རྔུ་མ་ལུས་ཕྱུངས། །(༣༠བ)

― GLG009_Page_0670 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བསྟན་འཆད་ཉན་ཡིད་བཞིན་རྒྱལ་མཚན་རྩེར། །བཀོད་ལ་ཡོངས་འཛིན་ཚོགས་ཀྱིས་ལེགས་སོ་བྱིན། །མིའུ་ཐུང་རྡོ་རྗེ་སྲིན་པོའི་ཞལ་སྒོ་ལས། །ལུགས་འདི་སྲིད་མཐར་མི་ནུབ་གཡར་དམ་བཅས། །རིན་ཅེན་འབྱུང་གནས་ཁོད་དུ་ན་ཀྲ་བཞིན། །མཁས་གྲུབ་བྱེ་བའི་བསྟི་གནས་ཞ་ལུ་ནས། །ཞིང་དཀྱིལ་ཕ་བོང་ལྟ་བུར་བསྟན་འཛིན་འགའ། །དབྱུང་བའི་ངན་སྤྱོད་དེ་ལ་མཆི་མ་བཀུ། །འཇམ་དཔལ་ཆེས་ཆེར་ཁྲོས་པས་འབྱུང་པོའི་འཚུབ། །ཐལ་བའི་རྡུལ་དུ་བརླག་ལ་ཡ་མཚན་ཅི། །ཤིན་ཏུ་ཞི་དུལ་པདྨཱ་ཀ་རའི་སྐུས། །བརླང་སྤྱོད་བདུད་སྡེ་མིང་གི་ལྷག་གྱུར་མཚར། །རིམ་གྱིས་རོང་བརྒྱུད་ཁུ་ལུང་དུ་ཕེབས་ནས་ཟབ་བུ་ལུང་དུ་ཐེགས་པའི་སྟ་གོན་གྱི་ཚེ་སྡེར་མ་ཙམ་གྱི་རྒྱ་ཁྱོན་གྱི་འོད་ལྔའི་གུར་ཁང་ནང་དུ་ཨོ་རྒྱན་རིན་པོ་ཆེ་སྐུ་ཆུ་ཞེང་གབ་པ་ཞིག་དང་ནུབ་གསུམ་གྱི་བར་རྡོ་རྗེ་འཆང་བློ་གསལ་རྒྱ་མཚོ་ཕེབས་ཏེ་དགྱེས་པའི་ཚུལ་ཤིན་ཏུ་གསལ་བ་ཉམས་དང་མནལ་ལམ་ཅི་རིགས་པ་བྱུང་། འོ་ཡུག་བརྒྱུད་བྱོན་པའི་དུས་ཕྱོགས་དེའི་ཡུལ་ལྷ་གཞི་བདག་གཏེར་སྲུང་སོགས་དགའ་བའི་རྣམ་འགྱུར་གྱིས་བསུ་བ་ལ་འོངས་པའི་ཉམས་ལྟས་ངོ་མཚར་བའི་ངང་ནས་གནས་སུ་ཕེབས། ཐུགས་རྗེ་ཆེན་པོ་འཁོར་བ་དོང་སྤྲུགས་ཀྱི་སྐུ་འདྲ་རང་བྱོན་ལ་མཐོང་སྣང་མང་དུ་བྱུང་གསུང་བ་སྤྱན་རས་གཟིགས་མངོན་སུམ་དུ་གཟིགས་ཤིང་། དེས་སྐུ་མདོག་རིགས་ལྔ་མཚོན་པའི་ཁ་དོག་སྣ་ཚོགས་སུ་ཤར་བ་འདྲ། ཞལ་རས་ལྷ་ཁང་དུ་བླ་མ་བཀའ་འདུས་ཀྱི་སྒྲུབ་པ་ཞག་བདུན་གནང་བའི་ནུབ་དང་པོ་ལ་པཎྜི་ཏ་དམར་སྨུག་པཎ་ཞྭ་ཅན་ཕྱག་གཡས་རྡོ་རྗེ་གཡོན་ཀ་པཱ་ལ་བདུད་རྩིས་གང་བ་བསྣམས་པ་ཞིག་བྱུང་བ་ནི་ཨོ་རྒྱན་བླ་མས་བྱིན་གྱིས་བརླབས་པའི་(༣༡ན)

― GLG009_Page_0671 ―

^{[མ་དཔེ་གཟིགས་ན་འདིར་གནོན།]}

[Full Size]

རྟགས་དང་ཐམས་ཅད་མཁྱེན་པ་སྐུ་དངོས་ལྟ་བུས་ཤཱ་ས་ནའི་སྔགས་འུར་འདོན་གྱི་ངང་ནས་རཀྴའི་ཕྱག་འཕྲེང་བཟུང་སྟེ་སྡིགས་མཛུབ་ཀྱི་སྟང་ཀ་མཛད་པ་ནི་ཉིན་ཕྱི་མའི་འཚུབ་དེ་བཟློག་ཐབས་ལ་དགོས་པར་སྣང་། ཞག་གཉིས་སོང་བའི་ཚེ་ཕ་རོལ་གྱི་བསམ་སྦྱོར་ངན་པའི་བྱད་རྦོད་ལ་བརྟེན་ཐོག་འཁྱུག་འབྱུང་བར་ཉེ་བའི་གནམ་ངོ་ཤིན་ཏུ་འཇིགས་པ་ལྷ་སྔགས་ཡེ་ཤེས་ཀྱི་ནུས་པས་རིམ་གྱིས་ཇེ་འཇམ་དུ་སོང་། བཅོམ་ལྡན་འདས་མགོན་པོ་ཚེ་དང་ཡེ་ཤེས་དཔག་ཏུ་མེད་པས་བྱིན་གྱིས་བརླབས་པའི་གཟིགས་སྣང་ཡང་ཤར། གཏེར་ལུང་བཅུ་གསུམ་སོགས་གནས་རྣམས་ཐམས་ཅད་མཇལ་བ་དང་བཅས་བཞུགས་ཞག་བཅོ་ལྔ་སོང་བར་ཆུ་རླུང་གིས་མཚོན་པའི་སྒྲ་མཐའ་དག་བཛྲ་གུ་རུའི་འཛབ་སྒྲར་ལྷང་ལྷང་སྒྲོག་པ་གསན་ཞིང་གཟུགས་སྣང་ཀུན་ཞི་ཁྲོ་རབ་འབྱམས་ཀྱི་ལྷ་ཚོགས་སུ་ཤར་ཅིང་བདེ་བར་གཤེགས་པའི་སྐུ་བརྙན་གྱི་ཞལ་ལ་མེ་ཏོག་མང་པོ་ཤར་བ་སོགས་ལ་སྤྲོ་བ་དང་། གཟིགས་སྣང་ཁྱད་པར་ཅན་གྱི་བླ་མ་དང་གནས་ལ་དད་གདུང་ཕན་ཚུན་འགྲན་བཞིན་པའི་ངང་ནས་མཁས་གྲུབ་ཆེན་པོ་ཁྱུང་པོ་དུ་གུ་བའི་དབེན་གནས་ཞོང་ཞོང་དུ་ཕེབས་ནས་གནས་རྟེན་རྣམས་ཞིབ་པར་གཟིགས། ཡེ་ཤེས་མགོན་པོའི་ལས་མཁན་གནོད་སྦྱིན་ཀྵེ་ཏྲ་པཱ་ལ་སྐུའི་དབྱིབས་དང་ཆ་ལུགས་ཡོངས་གྲགས་ལ་ཕྱག་གཡས་ཀྱིས་ཐོད་པའི་ཅང་ཏེའུ་འཁྲོལ་བའི་སྒྲ་ལྷང་ལྷང་སྒྲོག་པ་གསན་པ་འདི་དཔལ་ཤངས་པ་བཀའ་བརྒྱུད་ཀྱི་བསྟན་པ་རང་ཚུགས་ཐུབ་པའི་འབུར་དོན་ནི་རིམ་གྱིས་འགྲིབ། ཆོས་རྒྱུན་ཡང་བློས་བྱས་རང་བཟོའི་འཆལ་འཆོལ་དང་བཀླག་ལུང་དམ་དུམ་གྱིས་གཞན་སྣང་འདྲིད་པའི་(༣༡བ)

― GLG009_Page_0672 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་འདིར་རྗེ་འདི་ཉིད་ཀྱིས་བསྟན་པ་རྨ་མེད་དུ་བཟུང་བ་ལ་མཉེས་སམ་སྙམ། རི་ཕུག་ཏུ་བྱོན་ཏེ་ཕྱོགས་འདུས་ཀྱི་དོན་གཉེར་ཅན་དུ་མ་ལ་ཡེ་ཤེས་མཁའ་འགྲོའི་ཞལ་ལུང་མཁས་གྲུབ་ཁྱུང་པོའི་ཟབ་ཆོས་ནེ་གུ་ཆོས་དྲུག་གི་དབང་བྱིན་རླབས་འཁྲིད་ལུང་སྨིན་རྒྱས་སུ་གནང་བའི་འོད་གསལ་དུ་ཀུན་མཁྱེན་མཁྱེན་བརྩེའི་ཞབས་ཕེབས་ནས་དགྱེས་པའི་རྣམ་འགྱུར་དང་ལེགས་སོ་སྩལ། པད་གླིང་དྲག་པོ་དམར་ཆེན་གྱི་རྩ་བསྙེན་གནང་བའི་སྒང་ཙམ་ལ་ལྷོངས་ཀྱི་རྣམ་པས་སྐུ་སྟོད་ཤིན་ཏུ་མཉེལ་བར་འཕྲོད་བསྟེན་སོགས་ཀྱི་ཐུགས་བློ་ཙབ་ཙུབ་གང་ཡང་མ་མཛད་པར་ལྟ་སྒོམ་གྱི་ངང་ནས་བཟླས་བརྗོད་ལ་འགྲུས་པར་གནང་བས་ཕྱི་ནང་གསང་གསུམ་གྱི་བར་གཅོད་ཀྱི་ཚོགས་རང་སར་དག་སྟེ་སྐུ་ཁམས་ཤིན་ཏུ་བདེ། དྲག་པོ་དམར་ཆེན་ཞལ་གསུམ་ཕྱག་དྲུག་པ་གཙོ་འཁོར་གྱི་ཞལ་གཟིགས་ཀྱང་གསལ་བར་བྱུང་། དཔལ་གཏོར་ཞོ་ལྟར་ཞུ་བ་ཨོ་རྒྱན་ཆོས་ཀྱི་རྒྱལ་པོས་དངོས་གྲུབ་ཆར་བཞིན་འབེབས་པའི་དགེ་མཚན་རྙེད། སྐུ་མཚམས་གྲོལ་ནས་ངོར་ཟུར་ཆད་བླ་མ་མངའ་རིས་པར་ཚེ་དབང་གནང་བའི་དབང་སྒྲུབ་ཀྱི་སྐབས་ཚེ་ཆང་ཁོལ་ཏེ་ཕྱིར་ལུད་པའི་བྱིན་རླབས་ཀྱི་མཚན་མ་ཆེ། ཧོར་ཟླ་དགུ་པའི་ནང་དུ་ལྗགས་བསྙེན་ཁ་གསོ་བདུན་གཅིག་གི་དུས་ཚེས་བཅུའི་ཐོ་རེངས་རྨང་ལམ་དུ་དཔལ་ཀྱེ་རྡོ་རྗེ་ཞལ་བརྒྱད་པའི་སྐུ་མི་ཚད་ཙམ་དང་དྲིན་ཆེན་ཨོ་རྒྱན་ཆེན་པོ་གསལ་བར་གཟིགས་པའི་ངང་ལ་མནལ་སད། ཁུ་ལུང་ནས་དབོན་རིན་པོ་ཆེ་བསོད་ནམས་རབ་བརྟན་མཇལ་བར་ཕེབས་ཏེ་ཞག་ཤས་སྐུ་ཞབས་སུ་བཞུགས་ཤིང་ཐུགས་དགྱེས་པ་ཆེན་པོས་ཚེ་དབང་རྐྱེན་སེལ་སོགས་གནང་ནས་ཕྱིར་ཐེགས། འདར་ཆོས་འཁོར་ཡང་རྩེར་གསེར་གདུང་རིན་(༣༢ན)

― GLG009_Page_0673 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཆེ་མཇལ་བར་ཕེབས་པའི་དབང་འཁྲིད་ལུང་མན་ངག་རྒྱ་ཆེར་གནང་ཞིང་རྣམ་རྒྱལ་སྟག་རྩེར་སྡེ་པ་ཡུམ་སྲས་ལ་འདོད་ཆོས་མང་དུ་སྩལ། ནུབ་ཅིག་འོད་གསལ་ལ་ཚར་ཆེན་ཆོས་ཀྱི་རྒྱལ་པོ་ཞལ་ཁྱིམ་དང་ན་བཟའ་ཇི་ལྟ་བ་གཟི་བརྗིད་དང་ལྡན་པའི་ཞབས་གཉིས་རྗེ་ཉིད་ཀྱི་དབུ་གཙུག་ཏུ་བཞག་ཅིང་ཕྱག་གཉིས་ཀྱིས་ཞལ་འགྲམ་སྐྱོར་ནས་བཀའ་བསྒོ་རྒྱས་པ་ཞིག་གནང་བར་ཐུགས་གདུང་ཤུགས་མོས་གུས་དྲག་པོས་གསོལ་འདེབས་མཛད་པའི་མུས་ནས་ཚར་ཆེན་རིན་པོ་ཆེ་འདི་ཨོ་རྒྱན་རིན་པོ་ཆེ་དང་དངོས་སུ་མཇལ་བའི་བྱིན་རླབས་ནུས་མཐུ་ཁྱད་པར་དུ་འཕགས་པ་ཡིན་སྙམ་པར་ཚར་ཆེན་ཨོ་རྒྱན་རིན་པོ་ཆེར་ལམ་གྱིས་སོང་བའི་ཐུགས་ཀའི་ཐད་དུ་ཐུགས་ཡིད་རྩེ་གཅིག་ཏུ་བསྟད་དེ་རྣམ་པ་ཨོ་རྒྱན་ལས་ངོ་བོ་རིན་པོ་ཆེ་ཚར་པ་རང་ཡིན་སྙམ་པའི་ངང་ནས་མནལ་སད་དུས་ཀྱང་ཞབས་དབུ་གཙུག་ཏུ་བཞག་པའི་དྲོད་དེ་ག་ཚ་ཆིལ་ལེ་བར་དངོས་སུ་བྱུང་ཞིང་ཐུགས་སེམས་བདེའབོལ་ལེ་བར་གྱུར། ཡང་མནལ་ལམ་ཞིག་ལ་སྔགས་འཆང་ཆེན་པོ་བསོད་ནམས་ཆོས་འཕེལ་དང་རྗེ་ཉིད་ཀྱི་ཐུགས་ཀ་སྦྱར་བ་ལྟ་བུས་བཀའ་བསྒོས་ཤིང་བྱིན་གྱིས་བརླབས་པའི་ངང་སད་པའི་ཐུགས་བདེ་བའི་ཚད་ཅིག་བྱུང་། དེ་ནས་མི་རིང་བར་ཚར་ཆེན་རྡོ་རྗེ་འཆང་གི་ཡབ་གཞིས་རྨུ་གཤོང་དགེ་བའི་ཚལ་གྱི་མགོན་ཁང་དུ་ཚར་ཆེན་གྱི་ཕྱག་ནས་མའི་གནོད་སྦྱིན་བེག་ཙེའི་སྐུ་མཇལ། སྙན་དར་དམོད་ནས་གཏོར་བསྔོ་འཕྲིན་བཅོལ་རྒྱས་པར་གནང་སྟེ་ཕྱིར་ཕེབས་གདོང་གདུང་མཚམས་ལ་སྤྱན་གཟིགས་ཀྱི་མདའ་དར་མང་པོ་ཡོད་པའི་ཁྲོད་ནས་དར་སྐུད་དམར་པོ་འདོམ་བཅུ་ཙམ་ཞིག་ཕྱི་སྐས་འགོའི་བར་བརྐྱང་བའི་གདན་འདྲེན་ཚུལ་མཛད་(༣༢བ)

― GLG009_Page_0674 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི་ཆོས་སྐྱོང་འདི་ཉིད་ལ་མངའ་བརྙེས་པས་པད་མཚོར་ངང་པ་ལྟར་དམ་ཅན་རང་བཞིན་གྱིས་འདུ་བར་བསམ། དེ་ནས་མཉན་ཡོད་བྱ་རྒོད་གཤོང་དུ་འཇམ་དབྱངས་དགའ་བའི་བཤེས་གཉེན་གྱིས་སྤྱན་དྲངས་སྙན་བརྒྱུད་ཀྱི་ཆོས་དུ་མ་སྩལ། འོད་གསལ་དུ་རྫ་ཐོག་འོག་གི་ཤོད་ལ་འགྲོ་རྩིས་བྱས་པར་སྐོར་ལམ་དུ་བནྡེ་ཆས་བཟང་སྣུམ་བག་དང་ལྡན་པས་ཕྱག་བགྱིས་བྱུང་བའི་ངག་ནས་དངུལ་ཆུ་ན་བློ་གསལ་རྒྱ་མཚོའི་གཏེར་ཡོད་དོ་ཟེར་བཞིན་པའི་ངང་རྗེས་འབྲངས་ཏེ་ཇོ་བོའི་སྐུ་མདུན་གྱི་ཐད་དུ་ངའི་མིང་ལ་གནོད་སྦྱིན་རྡོ་རྗེར་གྲགས་ཞེས་འཛུམ་འཛུམ་ངོ་ཤེས་གང་ཡང་ཞུ་བ་ཞིག་རྨིས་གསུང་བ་རྗེ་བྱམས་ཕྲུག་པར་སྙན་བརྒྱུད་ཀྱི་ཆོས་སྐོར་རྣམས་གནང་དགོས་པ་དང་རྒྱལ་ཆེན་རྣམ་ཐོས་སྲས་དགྱེས་པའི་མཚན་མ་ཡིན་ནམ་སྙམ། འཇམ་དབྱངས་དགའ་བའི་བཤེས་གཉེན་ལ་སྔ་ཕྱིར་སྙན་བརྒྱུད་ཀྱི་ཆོས་བཀའ་གནང་བའི་ཆོས་སྐྱོང་ཆེ་ཆུང་གི་སྐོར་མཛད་སྐབས་མན་ངག་ཤིན་ཏུ་ཟབ་པ་རྣམས་མི་གནང་བའི་རྩིས་ཀྱིས་ཟུར་དུ་བཏོན་ནས་བླ་བྲེའི་སྟེང་དུ་འཇོག་པ་གནང་བ་ཐག་པ་ཆད་ནས་ཕྱག་དཔེ་རྣམས་བྱམས་ཕྲུག་པའི་སྐུ་པང་དུ་བབས་པ་ནི་ཆོས་སྐྱོང་གིས་ཆོས་དངོས་སུ་གཏད་པ་ལྟ་བུའི་དཔོན་སློབ་གཉིས་ཀའི་ཆེ་བར་མངོན། བོ་དོང་དུ་ཐེགས་པའི་དཔལ་ལྡན་དམག་ཟོར་མར་བཀང་གསོ་མཆོད་བསྟོད་རྒྱས་པར་མཛད། གཟིམས་དཔོན་པདྨའི་ཁང་གཡབས་སུ་བཞུགས་པའི་ནུབ་དཔལ་རྡོ་རྗེ་འཇིགས་བྱེད་ཀྱི་དཀྱིལ་འཁོར་ཡོངས་རྫོགས་ཀྱི་སྐུ་གསལ་བ། ས་སྐྱ་པ་ཆེན་པོའི་སྐུ་ལས་འོད་སྔོན་པོ་འཕྲོ་བའི་ནང་དུ་དགྱེས་མཛད་རྡོ་རྗེ་ལྷ་དགུའི་རྟེན་བརྟེན་པ་གསལ་བར་གཟིགས། འདི་སྐབས་ཡུམ་བསྙུང་ཡུན་རིང་བའི་དབང་བསྐུར་བྱིན་(༣༣ན)

― GLG009_Page_0675 ―

^{[མ་དཔེ་གཟིགས་ན་འདིར་གནོན།]}

[Full Size]

རླབས། སྨན་དཔྱད། སྐུ་རིམ་གང་རྒྱས་མཛད་ཀྱང་སྐུ་ཚེས་མ་ཟིན་པར་དགོངས་རྫོགས་རྒྱ་ཆེར་གནང་ཞིང་བདུན་ཚིགས་ཤིག་ལ་ཐུགས་རྗེ་ཆེན་པོའི་དབང་རྒྱས་པར་མཛད་པའི་ནུབ་མནལ་ལམ་དུ་སྐུ་གདུང་སྟེང་གི་ནམ་མཁར་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གི་སྐུ་དབྱིབས་སྔར་ཇི་ལྟར་ལ་པཎ་ཞྭ་བཞེས་པ་ཞིག་གསལ་བར་བྱུང་བ་རྗེས་སུ་འཛིན་པའི་བརྡ་ཡིན་ནམ་སྙམ། ཞུགས་འབུལ་གྲུབ་ནས་ཞག་ཁ་ཤས་སོང་བ་ན་ཀུན་མཁྱེན་མཁྱེན་བརྩེ་ཁྱེལ་བཞུགས་མཛད་ནས་ཞབས་པུས་གཡས་པའི་སྟེང་ན་མཎྜལ་བསྣམས་ཏེ་འབུལ་ཚུལ་གྱི། ས་གཞི་སྤོས་ཀྱིས་བྱུགས་ཤིང་མེ་ཏོག་བཀྲམ། ནས། འགྲོ་ཀུན་རྣམ་དག་ཞིང་དུ་སྐྱེ་བར་ཤོག །ཅེས་གསུང་བའི་སྐུའི་འཁྲིས་ན་ཡུམ་དེ་ཞལ་ཁྱིམ་དམར་ཆམ་མེ་བ་ལ་དབུ་སྐྲ་སིལ་བུ་སྐུ་རྐེད་ཡན་ཆད་ཁེབས་པའི་མཐར་དེ་འདྲ་བ་ངོ་མི་ཤེས་པ་འདྲ་དང་བཅས་རྗེ་ཉིད་ལ་སྐོར་བ་བྱེད་པ་དྲིན་ལན་ཡིན་རྒྱུ་བར་བྱུང་བ་ཡུམ་ཀུ་ལུ་ཏའི་ཞིང་དུ་མཁའ་འགྲོར་གྱུར་བའི་ལྟས་སུ་མཁྱེན། འདི་དུས་བཀྲ་ཤིས་རྩེའི་སྡེ་པ་ཆོས་རྗེ་གྲོངས་པའི་ཡར་འདྲེན་ལ་ཕེབས་དགོས་ཚུལ་གྱི་གདན་འདྲེན་བྱུང་བར་ཡུམ་སྐུ་ཁམས་བདེ་ཞན་གྱི་དབྱེ་བ་མ་ཕྱེད་པར་དགོངས་ཁྲོལ་དགོས་ཚུལ་གནང་བར་སྡེ་པས་གལ་སྲིད་མི་ཕེབས་པ་འདུག་ན་ཨོ་རྒྱན་མཚོ་མོ་ལྟ་བུ་གཞན་ཞིག་གདན་དྲོངས་ཞེས་མངགས་ཚོད་ནས་བསམ་སྡིངས་སྤྲུལ་སྐུ་བྱོན་པ་མཆོད་ཡོན་འབྲེལ་ཟབ་ཀྱིས་གྲུབ་མཐའ་འགྱུར་བའི་འགོ་ཚུགས། ལྕགས་ཁྱི་ལོ་དབོན་རིན་པོ་ཆེ་བསོད་ནམས་རབ་བརྟན་ཞ་ལུར་དགེ་ཚུལ་སྒྲུབ་པར་ཕེབས་པའི་སྔ་ནུབ་ལྷ་ཆེན་རྩིས་ཀྱི་མགོན་པོའི་ལས་མཁན་སྲོག་གི་བདག་པོ་གོས་དཀར་གྱི་ཙེ་བེར་དང་དེ་སྟེང་དུ་ཁྲབ་གསོལ་(༣༣བ)

― GLG009_Page_0676 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལག་ན་དྲི་ངད་བཟང་པོའི་སྤོས་ཀྱི་ཆུན་པོ་དར་སྐུད་ཀྱིས་བསྡམས་པ་སྤོས་སྐོར་བྱེད་པའི་ཚུལ་གྱིས་འོངས་པ་རྗེས་སུ་གསུང་བགྲོས་ཀྱི་ལྷོངས་ལ་རྨི་ལྟས་དེ་བཞིན་བྱུང་བ་ལ་དཔགས་ན་ཁྱེད་ཚུལ་ཁྲིམས་འགོ་ཐོན་པའི་བཙུན་པ་རྣམ་དག་ཞིག་འོང་བའི་ལྟས་སུ་འདུག་སྩལ།གཟའ་སྐར་འཕྲོད་སྦྱོར་དགེ་བའི་ཚེ་རབ་ཏུ་བྱུང་བའི་མཚན་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོར་གསོལ་བ་གནང་སྟེ་ཚིགས་སྔ་མ་དགེ་ཚུལ་གྱི་བར་བསྒྲུབས་ནས་ཤཱཀྱའི་སྲས་སུ་མཛད། ཉེར་མཁོའི་དབང་ལུང་ཐོར་བུ་སྩལ། ཁུ་དབོན་ལྷན་ཅིག་པར་གདན་ས་ཆེན་པོ་དཔལ་ལྡན་ས་སྐྱ་མཇལ་བར་སྐོར་ཙམ་ཕེབས། རི་ཕུག་ཏུ་སྟན་ཆགས། བཀྲ་ཤིས་རྩེ་ནས་སྡེ་དགོན་ཚང་མས་ཕེབས་དགོས་ཚུལ་གྱི་སྤྱན་འདྲེན་ཡང་ཡང་བྱུང་བར་བརྟེན་དབོན་རིན་པོ་ཆེ་ཞབས་ཕྱིར་ཁྲིད་དེ་ཡར་ཀླུངས་ཕྱོགས་སུ་ཕེབས། ལོ་འཕྲོས་ཀྱི་རིང་འཆད་ཉན་བྱིན་རླབས་སོགས་སྐྱ་སེར་སོ་སོའི་བློ་དང་འཚམ་པའི་རེ་བ་བཀང་ངོ་། །ཚར་ཆེན་བླ་མས་འབྲལ་མེད་རྗེས་སུ་བཟུང་། །ཟབ་ལུང་གཏེར་སྲུང་གཞི་བདག་བསུ་བར་འོངས། །བཀའ་འདུས་བསྒྲུབས་ཚེ་གུ་རུས་དངོས་བྱིན་བརླབས། །འཇམ་མགོན་མཁྱེན་བརྩེའི་ནུས་པས་བགེགས་དཔུང་བཟློག །གཟུགས་རྣམས་ལྷ་དང་སྒྲར་གྲགས་སྔགས་ཀྱི་གདངས། །བཟང་ངན་གང་ཤར་བདེ་སྟོང་ཆོས་སྐུའི་དབྱིངས། །སྣང་བརྙན་བཞིན་རས་ལ་ཆགས་ཆུ་སྐྱེས་ཀྱི། །འདབ་མའི་མིག་ཟུར་འཛུམ་པས་རྒོད་དོ་སྙམ། །གླགས་ལྟ་དམ་སྲིའི་གཟུགས་ཕུང་འདམ་ལྟ་བུ། ཁྲག་འཐུང་པདྨའི་སྟང་སྟབས་འགྲོས་ཀྱིས་བརྫིས། །ཚེ་ཆུ་ཁོལ་བའི་གཟེགས་མ་ཕྱོགས་བརྒྱར་འཕྲོ། དབྱེར་(༣༤ན)

― GLG009_Page_0677 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་རྩ་གསུམ་མ་འདྲེས་སོ་སོར་གཟིགས། །ཕ་རྒོད་བླ་མའི་གདན་སར་ཆོས་འཁོར་བསྐོར། །སེ་དཀར་ས་སྤྱོད་གཙུག་གིས་ཞབས་པད་བཏེག །ཚར་ཆེན་ཡབ་སྲས་སྐུ་ཡི་དག་སྣང་དུ། །བྱིན་རླབས་མངོན་སུམ་བདེ་དྲོད་ཆེས་ཆེར་འབར། །བློ་འདས་གདོད་མའི་མགོན་པོ་ཚར་པ་རྗེ། །བློ་གསལ་རྒྱ་མཚོའི་དེད་དཔོན་འཁྲུངས་གནས་དེར། །བློ་སྟོབས་ནུས་པའི་དབང་ཕྱུག་གནོད་སྦྱིན་ཆེས། །བློ་ཆེན་གཙུག་རྒྱན་ཁྱོད་ལ་འདུད་ཕྱིར་འབྲངས། །མཉན་ཡོད་བྱ་གཤོངས་ལུང་བསྟན་ངོ་མཚར་རྙེད། །ལྷ་མཆོག་འདོད་ཁམས་དབང་མོ་དགྱེས་ཞལ་འཛུམ། །བརྩེ་ཆེན་ཐུགས་རྗེའི་དྭངས་མཚོར་ཀྱེ་རྡོ་རྗེ། །འཇམ་དཔལ་དུས་དགྲའི་སྣང་བརྙན་ཅི་ཡང་ཤར། །མཁའ་མཉམ་འགྲོ་ཀུན་མར་ཤེས་ཀྱིས་དྲངས་པའི། །བྱང་ཆུབ་སེམས་ཆུས་ཐུགས་རྒྱུད་རབ་གཤེར་ཡང་། །ཡུམ་ལ་མཆེད་བརྩོན་སྲི་ཞུས་ཡིད་ཅན་འགྲོ། །མི་གཏོང་དམ་བཅར་ངེས་རྙེད་འདྲེན་པ་བཞིན། །ཡེ་ཤེས་སྒྱུ་འཕྲུལ་ལུས་ཕྲ་མི་མོའི་གཟུགས། །བསྒྱུར་བ་གཞན་ངོར་བླ་མས་ལམ་སྟོན་གྱི། །ཟོལ་ལས་ཀུ་ལུ་ཏ་ཞིང་མཁའ་འགྲོ་མའི། །ཚོགས་ཀྱི་སློབ་དཔོན་མཛད་ལ་རིངས་སམ་སྙམ། །རང་གཞན་ཕྱོགས་སུ་ལྷུངས་པའི་ཀུན་རྟོག་རྣམས། །རང་སེམས་འཁོར་འདས་དབྱེར་མེད་ཀློང་གྲོལ་ཡང་། །རང་ལུགས་བསྟན་པའི་སྲོག་རྩ་རབ་འཛིན་པའི། །རང་རིགས་ཤཱཀྱའི་སྲས་སུ་ལེགས་པར་བསྐྲུན། །ཆུ་བྱི་ཤར་ནས་དབུས་གཙང་གི་སྡེ་དཔོན་ཕལ་ཆེར་མདུན་མ་གཅིག་ཏུ་དྲིལ་ཏེ་གཙང་སྐུར་གཉིས་ཀྱི་ཐོག་ཏུ་ངན་གྲ་བསྒྲིགས་པར་གྲགས་ཤིང་ལ་ལ་གཙང་སྡེ་སྲིད་ཕུན་ཚོགས་རྣམ་རྒྱལ་གྱིས་རྩེ་ཆེན་གྲང་ཆེན་པར་དེ་འདྲ་རྩོམས་(༣༤བ)

― GLG009_Page_0678 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིག་པར་ངན་བསླབ་མཛད་པའི་འཕུང་བཤིག་སྦྱོར་ངན་ཡིན་འདྲ་ཟེར་བ་གང་ལྟར་ནའང་སྣེའུ་སྡོང་རྩེ་ནས་དབུ་མཛད་ལྷ་བྱ་ཡར་རྒྱབ་འཕྱོང་རྒྱས་འབོག་མདོང་སོགས་སྡེ་དཔོན་རགས་བསྡུས་ཐུགས་རྩེ་གཅིག་པའི་བདེ་གཟར་ལངས་པར་བཀྲ་ཤིས་རྩེ་པ་དཔོན་གཡོག་ཡར་སྟོད་ཀྱི་དམག་ཕྱི་འབྲངས་ཟིན་རྗེས་སྡེ་པ་དངོས་གྲུབ་རྡོ་རྗེ་གློ་བུར་དུ་ང་དགེ་སློང་རྒན་པོ་ལྕགས་ཀྱི་ཆོས་གོས་གྱོན་པ་ཡིན་ཞེས་རྫོང་ནས་ཆས་ཏེ་མར་ལམ་ཆོས་སྡེར་བྱོན་པ་རྡོ་རྗེ་འཆང་གིས་སྐུ་ན་དང་སྐུ་རྟེན་གང་ས་ནས་འབྱོན་པ་མི་འགབ་གལ་ཏེ་ཕེབས་ན་གསོལ་གོ་མ་མཆོད་གསུངས་པར་དངོས་ལན་མེད་པའི་རྡོ་རྗེ་ཕག་མོ་མཁྱེན་ཞེས་གཡས་ཆུང་གི་རྣམ་པ་མཛད། དམག་རྟ་བཟང་ཤོས་རྣམས་སོང་ཟིན་པའི་གསར་མ་ཤིན་ཏུ་རྒན་པ་ཞིག་ལ་རྟ་གོ་སྤྲད་སྡེ་པ་རང་གསོལ་གོ་བཟབས་སྤྲོད་དང་བཅས་ཆོས་སྡེའི་འགག་ཏུ་རྟ་ལ་ཆིབས་པ་དང་ལྷན་དུ་བླ་མ་ལྐུགས་པ་དམག་ལ་འགྲོ་བར་གོ་ཆ་མ་གྱོན་ཞེས་ཆིག་ལབ་དང་བཅས་བྱོན་པར་སྨོན་མཁར་རི་ཟུར་དུ་གཡུལ་བུབ་སྐབས་གོ་ཆ་མེད་ན་བྲོས་པས་ཐར་རྒྱུར་རྟས་གོ་ཆ་མ་ཐེག་པའི་ཡུར་པོར་འགྱེལ་ཐོག་རྒྱ་རི་བའི་དམག་གིས་དེད་ནས་དབུ་ཤོར་བ་ནི་བར་བར་གྲུབ་མཐའ་བོ་དོང་བར་འགྱུར་ནས་འཕྱོས་མདར་དགོན་པ་བཏབ་པ་སོགས་ལ་བརྟེན་རིགས་འཛིན་ཡོངས་འདུས་ཀྱི་སྤྱི་ལུང་གསང་བའི་གལ་མདོ་ལས། གླང་རིའི་མདུན་ངོས་གདུག་པའི་རི་གསུམ་ལ༔ ཐུགས་ལྷ་རིགས་གསུམ་བཞེང་ཞིང་མནན་གཟིར་འབད༔ ཆོས་ཀྱི་གྲ་འབྱུང་དམ་ཚིག་མ་གཙང་ན༔ ཕོ་བདུད་ཐུགས་འཁྲུགས་ཉེར་གཅིག་གྲི་རུ་འཆི༔ ཞེས་བཀྲ་ཤིས་ཆོས་སྡེའི་རྒྱབ་རི་ལ་སྦལ་སྡིག་སོགས་སྲོག་ཆགས་མ་རུངས་པའི་དབྱིབས་ཅན་གྱི་(༣༥ན)

― GLG009_Page_0679 ―

^{[མ་དཔེ་གཟིགས་ན་འདིར་གནོན།]}

[Full Size]

རི་སྦོག་གསུམ་ཡོད་འདུག་པ་དང་ཕོ་བདུད་ཀྱི་གཙོ་བོ་ལེགས་ལྡན་གུར་གྱི་མགོན་པོ་ཡིན་པས་མགོན་པོའི་བཀའ་ཆད་བྱུང་བར་གླེང་། གཙང་དཔུང་ཡང་གཡས་རུ་བྱང་ཕྱོགས་ཀྱི་བདེ་གཟར་རྩ་བ་མ་ཆོད་པས་འགོར་གཞི་ཆེ་ཞིང་དྲུང་པ་རྒྱལ་ཚབ་པས་བཤོལ་བ་མ་གཏོགས་ཡར་སྟོད་སྡེ་པ་ཁྲི་པས་ལྷུན་པོ་སྒང་བསྐྱུར་ནས་དྭགས་པོར་འབྲོས་རྩིས་མཛད་པ་སོགས་སྐུ་རབ་པ་ཕྱོགས་གཏོགས་དམིགས་པ་མེད་པའི་དབྱིངས་སུ་རྒྱས་འདེབས་པར་ཉེ་བའི་གྲུལ་དྲག་པོའི་སྐབས་སྡེ་པ་མ་ཆན་གྲོངས་པ་ཙམ་ལས་བཀྲ་ཤིས་རྩེའི་སྡེ་དགོན་བྱིངས་ལ་འཕོ་འགྱུར་སོགས་ཉེས་སྐྱོན་ཆེར་མི་འབྱུང་བ་དམ་པ་འདིའི་གཟི་བྱིན་དང་ཐུགས་རྗེ་ཁོ་ནའོ། །ལོ་སྔ་རྟིང་ཚོར་འབྲུམ་ནག་མཆེད་དྲགས་པའི་ཁྱབ་བདག་སྨན་ལུང་པ་བློ་མཆོག་རྡོ་རྗེ་སྐུ་འབྲུམ་མ་ཐར་བར་རྗེ་འདི་ཉིད་ཀྱིས་སྲུང་བ་དང་བྱིན་རླབས་གནང་ཞིང་ཨོ་ལོ་རང་སྐྱོན་མི་ཡོངས་ཞེས་ཞལ་རྩིས་བཞེས། དེ་རྗེས་ཚེར་མ་ཅན་གྱི་ནད་ཁ་ཡར་བྱུང་བ་ཡང་ཐུགས་འཛེམ་ཆེར་མ་ཐུབ་ཅིང་། ལྷག་པར་མེ་བྱི་ལོ་ཤེལ་བྲག་ཏུ་འབྲུམ་ཡོལ་མཛད་དུས་སྣེའུ་སྡོང་རྩེ་ནས་ལོ་གསར་འཕྲོས་གཏམ་ལ་འཕྲལ་དུ་གདན་འདྲེན་གྱི་སྐུ་དབང་བེད་སྤྱོད་ལྟ་བུ་བྱུང་སྐབས་ཕེབས་ལམ་དུ་ཐོར་བས་ཤི་བའི་ཕུང་པོ་དང་འཛོམ་པས་ཐུགས་ཡ་ང་བ་བྱུང་བར་ཕྱིས་སུ་ཁོ་བོ་ཚེར་མ་ཅན་གྱི་ནད་མ་འགོས་པའི་ངང་དུ་སོང་བ་བླ་མ་དམ་པ་དེ་ཉིད་ཀྱི་བྱིན་རླབས་ཞུགས་པའི་བཀའ་དྲིན་ཡིན་ཡང་ཡང་གསུང་། ཆོས་ཀྱི་རྒྱལ་པོ་དཔལ་བཀྲ་ཤིས་སྟོབས་རྒྱལ་གྱི་ཐུགས་སྲས་རིགས་འཛིན་ངག་གི་དབང་པོ་ཞེས་སྣ་ནམ་རྡོ་རྗེ་བདུད་འཇོམས་ཀྱི་སྤྲུལ་བའི་ཟློས་གར་དེ་ཉིད་རྒྱལ་ཁམས་ཕྱོགས་མེད་ཀྱི་གདུལ་བྱའི་རེ་བ་(༣༥བ)

― GLG009_Page_0680 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོང་བའི་བར་ཁམས་སྟོད་སྨད་དང་རྒྱ་ཡུལ་ཕྱོགས་སུ་ཆིབས་ཀྱི་ཁ་ལོ་བསྐྱོད་པའི་ཕེབས་ཞོར་དུ་བཀྲ་ཤིས་ཆོས་སྡེར་སྤྱན་དྲངས་པ་དཔོན་སློབ་ཐུགས་ཡིད་གཅིག་འདྲེས་སུ་གྱུར། དྲག་པོ་དབུ་དགུ་ཡེ་ཤེས་འོད་མཆོག་གི་དབང་ལུང་སོགས་ཟབ་ཆོས་ཁ་ཡར་འབུལ་བ་གནང་ཞིང་ཚུར་ཡང་ཆོས་ཀྱི་འབྲེལ་པ་ཅི་རིགས་གསན། ཆུ་གླང་བཀྲ་ཤིས་རྩེའི་རྫོང་དུ་བཞུགས་སྐབས་རྗེ་ཉིད་རྡོ་རྗེ་ནག་པོ་གུར་གྱི་མགོན་པོའི་སྐུ་ཤིན་ཏུ་ཆེ་བ་གཟི་བྱིན་ཅན་དུ་གྱུར་པ་བདུད་སྡེའི་གཡུལ་ལས་རྒྱལ་བའི་མཚན་མར་མངོན། བཀྲ་ཤིས་ཆོས་སྡེར་བཞུགས་སྐབས་ཤིག་ཞབས་དྲུང་ནམ་མཁའ་སྔར་གྱི་སྐུའི་ཆ་ལུགས་ཇི་ལྟ་བ། ཡེ་ཤེས་ཌཱ་ཀི་ནེ་གུ་མ་སྨུག་ནག །སུ་ཁ་སིདྡྷི་གཡུའི་མདོག་ཅན། ཁྲོ་བོ་སྟོབས་པོ་ཆེ་རྣམས་ཀྱི་སྐུའི་རྣམ་འགྱུར་གསལ་བར་བསྟན་ཏེ་བྱིན་གྱིས་བརླབས་ཤིང་བར་ཆད་བསྲུང་བ། ཚར་ཆེན་ཆོས་ཀྱི་རྒྱལ་པོ། ཀུན་མཁྱེན་མཁྱེན་བརྩེའི་དབང་ཕྱུག །མཁན་ཆེན་བསླབ་གསུམ་རྒྱལ་མཚན། ཕ་རྒོད་སྔགས་འཆང་བསོད་ནམས་ཆོས་འཕེལ་བཞི་སྐུ་གཟི་བརྗིད་ཕུན་སུམ་ཚོགས་པ་དགྱེས་པའི་ཞལ་འཛུམ་བག་དང་བཅས་ཏེ་མནལ་ལམ་དུ་བྱུང་ཚུལ་གྱི་བསྙེལ་ཐོ་ཟུར་ཙམ་འདུག་པ་ངེས་དོན་ལ་མངོན་སུམ་དུ་ལྷ་དང་བླ་མ་འདི་དག་གཟིགས་ཤིང་ཆོས་བཤད་ལུང་བསྟན་དབུགས་དབྱུང་སོགས་རྒྱ་ཆེ་བ་ཞིག་ཡོད་འདྲ་ཡང་རྒྱུ་མཚན་ཞིབ་ཏུ་མ་རྟོགས་པས་རང་བཟོའི་རྫུན་ཚིག་གི་མཛེས་རྒྱན་འབྲི་བར་མ་སྤོབས། ཤིང་སྟག་ལོར་ལྷ་བྲག་གཏེར་བྱོན་གྱི་ལྕགས་དོང་མའི་ཚེ་སྒྲུབ་ཞག་ཉེར་གཅིག་གནང་བའི་དུས་འོད་གསལ་དུ་ཚེ་དཔག་མེད་སྤྲུལ་སྐུའི་ཆ་ལུགས་གཞུང་ནས་བཤད་པ་ཇི་ལྟ་བའི་རྣམ་པར་གྱུར་པ་ལན་གཉིས་ཀྱི་བར་དུ་བྱུང་བ་ནི་གར་(༣༦ན)

― GLG009_Page_0681 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་འཆི་མེད་གྲུབ་པས་ལྕགས་ཀྱི་སྲོག་པ་རྩའི་དངོས་གྲུབ་སྩལ་ནས་བྱིན་གྱིས་བརླབས་པར་གདོན་མི་ཟ། ཆོས་སྡེའི་མགོན་ཁང་གི་གཏོར་འཁྲིས་ན་གནོད་སྦྱིན་ཆེན་པོ་བེག་ཙེ་ཕོ་རྐྱང་གི་རྣམ་པར་མདའ་གང་ཙམ་པའི་སྐུ་ཚད་གཏུམ་རྔམ་བརྗིད་བག་དང་ལྡན་པ་ཤིན་ཏུ་གསལ་བ་གཟིགས་པ་ནི་ས་ལུགས་བྱིངས་ལ་ཆོས་སྐྱོང་འདི་ཉིད་གྲགས་ཆུང་ཡང་བླ་མ་གཉན་ལོ་ཙཱ་བ་ཐུགས་གཙིགས་ཆེ་ཞིང་མགོན་པོ་ཞལ་གྱི་ལས་མཁན་དམར་ནག་གཉིས་ཀྱི་དམར་པོ་ཡིན་པས་རྡོ་རྗེ་འཆང་ཚར་པ་ཆོས་རྗེ་ནས་བཟུང་ལུགས་འདིའི་ཆོས་སྲུང་གི་གཙོ་བོ་ཞིག་ཏུ་མཛད་གཤིས་དཔོན་སློབ་སྡེ་དང་བཅས་པ་མཐའ་དག་གཡེལ་མེད་དུ་བསྲུང་བར་དམར་ཟླུམ་གྱི་སྤྱན་ཉི་ཟླ་ལྟར་འཁྱིལ་བའི་བརྡར་མངོན། ལོ་སྔུན་མའི་བདེ་གཟར་རྒྱུན་རིངས་པར་བརྟེན་བསྒྲིགས་ཀུན་སྤྱོད་རྣམས་བག་ཡངས་པ་གྲ་པ་ལ་ཤེས་འཆལ་བའི་སྐྱོན་བྱུང་བ་བསླབ་པ་བསྐྱར་ཞིང་དགེ་འདུན་གྱི་ཁྲིམས་སུ་བཅའ་བ་ལེགས་པར་བསྡམས་པའི་ནུབ་མནལ་ལམ་དུ་ནང་མདོ་སྦུག་བྱས་པའི་སྤྲོ་ས་དེར་ཚར་ཆེན་ཆོས་ཀྱི་རྒྱལ་པོ་བཞུགས་པའི་སྐུ་མདུན་དུ་ཤིང་གཞོང་ཆེན་པོ་རྩམ་པའི་ཕུང་པོས་གང་བ་ཞིག་བཞག་འདུག་པའི་དྲུང་དུ་བྱོན་པ་ན་རྡོ་རིང་རིན་པོ་ཆེའི་དོན་ཡིན་ནམ་གསུང་བ་མནལ་སད་ནས་ཐུགས་བསམ་གནང་ཚེ་བདག་འདི་ཕྱོགས་སུ་སྡོད་འདོད་མེད་ཀྱང་ཆོས་སྡེ་འདིའི་འཛིན་སྐྱོང་སྤེལ་གསུམ་གང་ནུས་སུ་བགྱིས་པ་དང་ཉེ་ལམ་དགེ་འདུན་རྣམས་ཁྲིམས་ལ་བཀོད་པ་སོགས་དོན་དུ་གཉེར་བ་འདི་བླ་མ་ཡབ་སྲས་ཀྱི་བསྟན་པ་ཁའུ་པའི་ཐུགས་སུ་གྲགས་པ་འདི་ལ་བསམས་པ་ཡིན་པས་གསུང་དེའང་དོན་དེའི་ཐོག་ཏུ་འབེབས་པར་འདུག་སྙམ་པ་དགའ་སྤྲོ་དང་མོས་གུས་ཚད་(༣༦བ)

― GLG009_Page_0682 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པ་བྱུང་ཚུལ་མཆིས། དབུས་གཙང་ས་ཁད་འགྱངས་པ་དང་སྐུ་ན་སྨིན་པ་ནས་ཕེབས་འགྲུལ་རྟག་པོ་མ་ཐུབ་པར་བརྟེན་དམར་སེར་ཞེས་པ་མེ་སྦྲུལ་ཧོར་ཟླ་གཉིས་པའི་ཚེས་བཅོ་ལྔ་གཟའ་སྐར་འཕྲོད་སྦྱོར་དགེ་བའི་དུས་དགའ་ལྡན་ཡིད་དགའ་ཆོས་འཛིན་དུ་དམ་པ་ཏོག་དཀར་པོས་རང་གི་ཅོད་པན་མ་ཕམ་པའི་དབུར་བཅིངས་ཏེ་རྒྱལ་ཚབ་ཏུ་བསྐོས་པ་ལྟར་ཆོས་དང་རིགས་ཀྱི་རྒྱལ་བའི་སྲས་དབོན་རིན་པོ་ཆེ་མགོན་པོ་བསོད་ནམས་མཆོག་ལྡན་རྗེ་རྡོ་རྗེ་འཆང་རང་གི་ཆོས་ཀྱི་ཁྲིར་མངའ་གསོལ་ནས་ཡོན་མཆོད་སྐྱ་སེར་མཐའ་དག་གིས་ལེགས་འབུལ་དང་བཅས་ཕུན་སུམ་ཚོགས་པའི་དགའ་སྟོན་རྒྱ་ཆེར་མཛད་དེ་རྗེ་བླ་མ་གཙང་ཕྱོགས་སུ་ཆིབས་ཁ་བསྒྱུར་བའི་རི་ཕུག་ཏུ་ཕེབས། དབྱར་ཁྱབ་བདག་ཞ་ལུ་པ་ཆེན་པོས་ཐོག་དྲངས་པའི་ཁ་ཤས་ལ་བདེ་ཆེན་རལ་གཅིག་གི་རྫོགས་རིམ་སེམས་ཉིད་ངལ་གསོའི་འཁྲིད་སོགས་ཆོས་བཀའ་ཁ་ཡར། དེ་རྗེས་གླང་ཕུ་ཆོས་རྗེ་འཇམ་དབྱངས་ཆོས་སྐྱོང་དབང་ཕྱུག་གིས་གསོལ་བ་བཏབ་པ་ལ་བརྟེན་ནས་ཞ་ལུ་པ་ཆེན་པོ་སོགས་ཆབས་ཅིག་པར་གུར་གྱི་སྲུང་འཁོར་བྲག་རྫོང་མ་ཕྱི་ནང་གསང་གསུམ་གྱི་འཁྲིད། རྣམ་སྲས་ཀྱི་རྗེས་གནང་སྐོར། ལུང་ཁ་ཤས་གནང་། དེ་མུས་ངོར་ནས་མཁན་ཆེན་སྒྲུབ་ཁང་པ་མཁས་གྲུབ་དཔལ་ལྡན་དོན་གྲུབ་ཕེབས་པར་གདུགས་དཀར་ཞེ་གཉིས་མའི་དབང་། གུར་མགོན་གསང་འཁྲིད་སོགས་སྩལ། སྟོན་སྡེབ་གླང་བུ་ནས་ཀྱིས་གཞིས་ཀར་སྤྱན་དྲངས་ཏེ་བྱང་གཏེར་ཐུགས་རྗེ་ཆེན་པོ་འགྲོ་བ་ཀུན་སྒྲོལ་གྱི་སྒོ་ནས་མདོང་སྟོན་ཆོས་སྐྱོང་བསོད་ནམས་ཀྱི་ཕྱག་བཞེས་བཞིན་སྐྱེ་བདུན་རིལ་བུའི་སྒྲུབ་པ་མཛད་པས་དྲིལ་བུ་དབུ་ཙམ་འཕེལ། ཞལ་ངོ་ཚོར་བྲག་རྫོང་(༣༧ན)

― GLG009_Page_0683 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་ནང་གསང་གསུམ་གྱི་འཁྲིད། ཕྱག་ཆེན་ལྷན་སྐྱེས། བླ་མ་རིན་པོ་ཆེ་སྐལ་བཟང་པར་གསན་པ་ངོ་སྤྲོད་རྒྱས་པ། འཇམ་དབྱངས་མཁྱེན་བརྩེའི་དབང་ཕྱུག་གི་རྣམ་ཐར་མགུར་འབུམ་སོགས་དབང་ལུང་མང་དུ་སྩལ། དུས་དེར་ཁྱབ་བདག་ཞ་ལུ་པ་ཆེན་པོས་ཚེ་རབས་ཐམས་ཅད་དུ་རྗེས་སུ་འཛིན་དགོས་ཚུལ་ཞུ་བ་གནང་བར་གསོལ་འདེབས་དང་བཅས་པའི་བཀའ་བཞེས་གནང་། ཤངས་བརྒྱ་ཚོ་བས་གདན་དྲངས་དཔྱལ་ཕུར་གྱི་དབང་སོགས་གསུང་ཆོས་རྒྱ་ཆེར་སྩལ།ས་རྟ་ལོ་རི་ཕུག་ཏུ་ཕེབས་ནས་སྐུ་མཚམས་དང་གྲོལ་བའི་སྐབས་མཁན་ཆེན་སྒྲུབ་ཁང་པ་དང་ཁྱབ་བདག་ཞ་ལུ་བ་སོགས་ཁ་ཤས་ལ་དུས་འཁོར་སྡོམ་ཆེན་གྱི་དབང་། གུར་གྱི་རྗེས་གནང་མང་དག་དང་བེའུ་བུམ་རྣམས་ཀྱི་ལུང་རགས་རིམ། མཁན་ཆེན་ཞ་ལུ་པར་རཱ་ལུགས་འཇིགས་བྱེད་བཅུ་གསུམ་མ། འོད་ཟེར་དྲི་མེད། གཙུག་ཏོར་དྲི་མེད། ཕྱག་རྡོར་འགྲོ་བཟང་སོགས་དབང་བྱིན་རླབས་རྗེས་གནང་ལུང་སོགས་མང་དུ་གནང་། དེ་སྐབས་རྗེ་ཞ་ལུ་པས་བདག་འཁྲུལ་ཞིག་ཚུལ་ཁྲིམས་རྒྱལ་མཚན་གྱི་དུས་ཕྱག་ཕྱིར་ཨེ་ཡོད་ཞུས་པས་ཡོད་གསུང་། རྒྱལ་ཡུམ་གྱི་དུས་ཡོད་དམ་ཞུས་པས་མེད་ཕེབས། མཁན་ཆེན་ཞ་ལུ་པས་རྡོ་རྗེ་བྲག་རྫོང་མའི་ལྗགས་བསྙེན་ཟླ་གཅིག་གནང་སྐབས་ཞལ་འདོན་གནང་རྒྱུའི་སྐུ་བསྟོད་གསོལ་འདེབས་ཤིག་དགོས་ཞེས་ཞུ་བ་གནང་བའི་བཀའ་རྩོམ་གྱི་ཁ་བྱང་དུ་རི་ཕུག་དབུ་མཛད་ཆེན་མོའི་ཐུགས་དམ་ཞེས་པའི་ཕྱག་བྲིས་སྩལ་བ། དེ་དུས་བཙུན་ཆུང་དེ་ལ་རི་ཕུག་གི་བླ་མ་ཡོང་བསམ་པ་རང་གཞན་སུ་ལ་ཡང་མེད་མོད། ཐུགས་མངོན་པར་མཁྱེན་པ་མཆིས་ཞེས་ཡང་ཡང་གསུང་། ས་ལུག་བྲག་(༣༧བ)

― GLG009_Page_0684 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོང་མའི་བསྙེན་མཚམས་ཟླ་བ་བདུན་གྱི་བར་མཛད་པ་ཐེངས་ནས། རྗེ་རྡོ་རྗེ་འཆང་སྟོན་རྒྱབ་ལྕགས་སྟོད་དུ་དབང་བཞི་གྲོལ་ནས་ཞ་ལུར་ཕེབས་འཕྲལ་དོ་ནུབ་ཚོགས་འཁོར་གྱིས་གསུང་། ཞུགས་མེ་བཏང་ཚོགས་ལ་རོལ་སྐབས་འོ་མེ་དེས་ལྷབ་ལྷབ་བྱས་པ་དང་དྲན་བྱུང་མདང་ཐམས་ཅད་མཁྱེན་པ་ཕེབས་བྱུང་བ་དེ་རིང་ཁྱེད་འབྱོན་པ་ལ་ལྟ་བ་འདུག་གསུང་བ་རྗེ་མཁྱེན་བརྩེའི་རང་ལུགས་སྤེལ་བ་ལ་རྣམ་པར་སྤྲུལ་བའི་དབུགས་དབྱུང་དུ་གདའ། ལྕགས་སྤྲེལ་ཡར་ཀླུངས་ནས་ཁྱབ་བདག་མགོན་པོ་བསོད་ནམས་མཆོག་ལྡན་རྡོ་རྗེ་འཆང་གི་སྐུ་གཞོགས་སུ་སྐོར་ཙམ་བྱོན་པའི་ཕེབས་ལམ་དུ་བཞུགས་སྐབས་རྡོ་རྗེ་འཆང་གི་མཚན་ལམ་དུ་རྨོ་མོ་ཚེ་དབང་གིས་དབོན་རིན་པོ་ཆེའི་ཡིན་ཟེར་བའི་ཞུ་ཡིག་དར་སྔོན་པོའི་རྟེན་དང་བཅས་པ་ཕུལ་ནས་ཁོང་འབྱོན་གྱིན་ཡོད་ཞུས་པ་དྲུང་དུ་འབྱོར་བར་ཁ་སང་རྨི་ལམ་ཞིག་བྱུང་བ་ཁྱེད་གློ་བུར་དུ་འབྱོན་པར་ལྟ་བས་ཡ་མཚན་གསུང་། ནུབ་ཅིག་འོད་གསལ་དུ་པཎྜི་ཏའི་ཞུ་ཡིག་ཡིན་ཟེར་བ་ཕྱག་ཏུ་བྱུང་བ་ཅི་ཡིན་ནམ་དགོངས་པར་སང་ཉིན་མཁན་རིན་པོ་ཆེ་ངག་དབང་ཆོས་གྲགས་ཀྱི་ཞུ་ཡིག་འབྱོར་ཞིང་། ནུབ་ཕྱི་མའི་མཚན་ལམ་དུ་མི་ཞིག་ན་རེ་མཁན་ངག་ཆོས་པ་འདི་ཁྲོ་ཕུ་ལོ་ཙཱ་བ་བྱམས་པའི་དཔལ་གྱི་སྐྱེ་བ་ཡིན་ཚུལ་བྱུང་བ་བླ་མ་དེ་ཉིད་ཤེས་བྱ་རིག་པའི་གནས་ལྔ་ལ་མཁས་པའི་རྣམ་དཔྱོད་ལ་དཔགས་ན་སྔོན་གྱི་ལོ་པཎ་ཞིག་གི་བག་ཆགས་མཐུ་བརྟས་པར་གདོན་མི་ཟ་སྙམ། ཞབས་དྲུང་དབོན་རིན་པོ་ཆེ་སོགས་ལ་ཟླ་བ་གསུམ་གྱི་བར་མགོན་པོའི་གསང་འཁྲིད་སྨིན་རྒྱས་ཀྱིས་གཙོས་བཀའ་ཆོས་མང་དུ་སྩལ། ཞལ་གདམས་ཤིག་ཞུ་བ་གནང་བར། རང་ཉིད་མགོན་པོར་བྱེད་ན་གནས་ལུགས་སྒོམ། །མགོན་པོ་འབྲལ་(༣༨ན)

― GLG009_Page_0685 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་འདོད་ན་གསང་རྟེན་སྒོམ། །དུས་ཀུན་སྐྱེད་རྫོགས་ཟུང་འཇུག་འབྲལ་མེད་སྒོམ། །སྒོམ་གསུམ་ལྡན་པའི་གདམས་པ་དབོན་ལ་འབུལ། །ཞེས་སྐུ་རྩེད་ཀྱི་ཚུལ་དུ་མཛད། ཉིན་གཅིག་ནམ་མཁའ་ལ་གཟིགས་པར་ཁྱབ་བདག་ཞ་ལུ་པས་ཅི་འདུག་ཞུས་པས་ཐམས་ཅད་མཁྱེན་པ་བུ་སྟོན་རིན་པོ་ཆེ་ཕྱག་སྡིགས་མཛུབ་དང་བཅས་ཕྱོགས་བཅུར་བསྲུང་བ་མཛད་འདུག་གསུང་བར་བར་སྐབས་ཀྱི་ཞ་ལུའི་བསྟན་པའི་གེགས་བྱེད་རྣམས་བསལ་ནས་ཉམས་གསོས་སོགས་འཕེལ་རྒྱལ་ཡོང་བ་དང་ལྕགས་ལུག་བསྟན་པའི་བྱུར་ཆགས་ཀྱི་ཟལ་མོ་བྲག་སྐུ་སྐྱེར་མཁན་པོའི་སྟ་གོན་གྱི་བདུད་ལས་བཟློག་པའི་ལུང་བསྟན་དུ་སྣང་། རྗེ་རྡོ་རྗེ་འཆང་གིས་མཁན་ཆེན་ཀླུ་སྒྲུབ་ཆོས་ཀྱི་རྒྱལ་མཚན་དང་། དབོན་བཀའ་འགྱུར་བ། མཁན་ཆེན་ཞ་ལུ་པ་སོགས་ལ་གསང་སྔགས་གསར་རྙིང་གི་ཆོས་བཀའ་ཤིན་ཏུ་འཕེལ་བ་གནང་མུར། གཙང་སྡེ་སྲིད་ནས་སྣར་ཐང་། པ་རྣམ་བསམ་སྡིངས། ཐར་པ་སོགས་ཆོས་སྡེ་མང་པོར་ཉམས་གསོས་མཛད་པའི་ཚེ་ཞ་ལུར་ཡང་དེ་དང་ཕྱོགས་མཚུངས་སུ་བྱུང་ཞིང་འཇམ་དབྱངས་བསོད་ནམས་དབང་པོ་གཤེགས་པའི་མཁན་པོ་མེད་པ་དང་འགྲིག་པས་རྡོ་རྗེ་འཆང་ལ་མཁན་པོའི་སྙན་གསན་ཕུལ་བ་བཞིན་གཟའ་ཚེས་ལེགས་པར་ཐམས་ཅད་མཁྱེན་པ་བུ་སྟོན་རིན་པོ་ཆེའི་བཞུགས་ཁྲིའི་སྟེང་ནས་སྐར་འཛིན་དུ་བཙུན་གསར་འགའ་ཞིག་ལ་དགེ་ཚུལ་གྱི་སྡོམ་པ་གནང་བ་ཐོག་ཏུ་ཁེལ་ན་ཐམས་ཅད་མཁྱེན་པ་བུ་སྟོན་ཡབ་སྲས་ཀྱི་རྗེས་སུ་ཚར་ཆེན་དང་ཐམས་ཅད་མཁྱེན་པ་མཁྱེན་བརྩེ་གཉིས་ལས་བཀའ་དྲིན་ཆེ་བ་མ་བྱུང་བའི་རྒྱུན་དང་བཅས་བསྟན་པར་ཕན་པ་འོང་ངེས་ནའང་། ཞ་ལུའི་གྲོས་པ་མང་(༣༨བ)

― GLG009_Page_0686 ―

^{[མ་དཔེ་གཟིགས་ན་འདིར་གནོན།]}

[Full Size]

དག་གིས་རྩེ་གདོང་ཞབས་དྲུང་གིས་གཙོས་པའི་ས་སྐྱ་པའི་རིགས་མི་དགོས་པ་ཞུས་པ་དང་། བདེ་རྒྱས་ནས་སོགས་ཀྱིས་ཁོང་དཔོན་སློབ་ཀྱིས་མཁན་པོ་མཛད་ན་ཆོས་ཕྱོགས་ནས་ཕན་ཐོགས་རུང་གནས་གསར་བ་དུས་ཕྱིས་ཀླུང་རྒྱུག་པོ་མི་འདུག་པས་འཇིག་རྟེན་ན་ས་མི་ཟིན་ཞུས་པས་སྡེ་སྲིད་ཐུགས་འགྱུར་ཏེ་ཞ་ལུ་སྐུ་ཞང་ལ་སྐོ་བཞག་མཛད་པ་ལེགས་བཤད་རིན་པོ་ཆེར། བློ་ཆུང་ཞིག་གིས་ཕན་བཏགས་པ། ནམ་ཞིག་གནོད་པ་ཆེན་པོར་འགྱུར་གྱི་དོན་དུ་སོང་། གཞིས་རྐྱང་མགྲོན་རྐྱང་གི་རྣམ་པར་སྡེ་སྲིད་ནས་ལྕགས་མོ་བྱ་ལོ་ཧོར་ཟླ་དྲུག་པའི་དུས་ཚེས་དགེ་བར་རི་ཕུག་དབུ་མཛད་དུ་བསྐྱར་བསྐོ་མཛད། ཞབས་དྲུང་དབོན་རིན་པོ་ཆེས་ཐོག་དྲངས་པ་ཁ་ཤས་ལ་བཀའ་བརྒྱད་གསང་བ་ཡོངས་རྫོགས་ཀྱི་སྒྲུབ་ཆེན་དང་འབྲེལ་བའི་དབང་གནང་། དེ་རྗེས་རྗེ་བཀའ་འགྱུར་བ་ཡར་ཀླུངས་སུ་ཕེབས། ལུགས་འདི་ལ་ཀྱེ་རྡོ་རྗེའི་སྒོ་ནས་བདུད་རྩི་རིལ་བུ་སྒྲུབ་པར་བླ་མ་སྔོན་མས་རྗེས་མ་ལ་སྒྲུབས་ཤིག་པའི་གནང་བ་སྩལ་བ་ཞིག་དགོས་པ་ལ་རྗེས་སུ་དེ་འདྲའི་པར་བཀབ་མ་བྱུང་ཞེས་ལུགས་སྲོལ་དར་བ་མི་འདུག་རུང་པདྨ་ཡང་གསང་ཁྲོས་པའི་སྒོ་ནས་སྒྲུབ་པ་གནང་བར་རིལ་བུ་མང་དུ་འཕེལ་བ་སོགས་བྱིན་རླབས་ཀྱི་ཚན་ཁ་ཆེ། ཆུ་བྱི་ཁྱབ་བདག་བཀའ་འགྱུར་བས་བསྙེན་རྫོགས་ཀྱི་བསླབ་སྟོན་ཞུ་བར་སྐུ་ཞབས་སུ་ཕེབས། ཞ་ལུར་བཞུགས་མུར་རྗེ་རྡོ་རྗེ་འཆང་སྔགས་འཆང་དགོན་པ་སྤྱི་ལུང་པས་གདན་དྲངས། ཐུགས་རྗེ་ཆེན་པོ་ཉོན་མོངས་རང་གྲོལ་གྱི་སྒོ་ནས་སྐྱེ་བདུན་རིལ་སྒྲུབ་གནང་བས་འཕེལ་ཁ་ཆེ་བ་མི་དགེ་བཅུ་དང་མཚམས་མེད་ལྔར་སྤྱོད་པ་སོགས་ཀྱི་ལྟོར་སོང་ཡང་ངན་སོང་གི་གནས་ལས་ཐར་ཞིང་(༣༩ན)

― GLG009_Page_0687 ―

^{[མ་དཔེ་གཟིགས་ན་འདིར་གནོན།]}

[Full Size]

མྱུར་དུ་བླ་ན་མེད་པའི་བྱང་ཆུབ་ཐོབ་པའི་མྱོང་གྲོལ་སྐྱེ་བ་བདུན་པའི་དམ་རྫས་ཀྱིས་འགྲོ་བ་མཐའ་དག་གི་དོན་རྒྱ་ཆེར་མཛད་ཅིང་། ཡང་འུག་གཉིས་ཀྱིས་གཙོས་པའི་གཞིས་རྩེ་སྐོར་གྱི་སྔགས་པ། སྒྱི་ལུང་ཡབ་སྲས་ཀྱིས་དབུས་པའི་ཞ་ལུ་ཚོང་འདུས་ཀྱི་སྔགས་པ། རྗེ་དབོན་བཀའ་འགྱུར་བ་དང་ཁྱབ་བདག་ཞ་ལུ་པ་སོགས་དོན་གཉེར་ཅན་མང་པོར་བཀའ་བརྒྱད་བདེ་འདུས་ཀྱི་སྒྲུབ་དབང་གནང་། ངོར་དུ་ཚིགས་ཕྱི་མ་གསན་ཏེ། ཞ་ལུར་དྲུང་དུ་ཕེབས་རྡོ་རྗེ་འཆང་སྡེ་པ་ཁྲི་ཁང་པའི་དཔོན་ས་གདོན་དྲག་ཤུལ་ཅན་གྱིས་གཙེས་ཏེ་མི་འཚོ་བར་ཐུག་པ་སྨན་པ་དང་སྔགས་པ་ནུས་པ་ཅན་གྱིས་བོར་ཞིང་། སྨན་པས་ད་དུང་བླ་མ་བྱིན་རླབས་ཅན་འདྲ་གདན་འདྲེན་ཐུབ་ན་བདེ་བའང་སྲིད། ཅེས་གླེང་བ་ལྟར་རྗེ་འདི་ཉིད་སྤྱན་དྲངས། རྟ་མགྲིན་སྐྱེར་སྒང་ལུགས་ཀྱི་བྱིན་རླབས་གནང་བའི་མོད་ལ་ནད་ལས་གྲོལ་པས་ཕྱོགས་ལྷུང་དྲག་པོའི་གདོན་གྱིས་ཟིན་པ་རྣམས་ཀྱང་ཡ་མཚན་དུ་འཛིན་ཏོ། །རིན་ལྡིང་གི་སློབ་དཔོན་དུ་མཁན་ཆེན་ཞ་ལུ་པ་འབྱོན་གདོང་གདན་བཟོས་གནང་བྱིན་བཀྲ་ཤིས་ཕྱག་ནས་རྒྱས་པར་གནང་བའི་གཤམ་དུ། བལྟས་པ་ཙམ་གྱིས་ཁམས་གསུམ་དབང་དུ་སྡུད། །ཅེས་སོགས་གསུངས་ནས་མཇུག་ཏུ་རྙིང་མ་ཞིག་བྱུང་སོང་ངོ་ཨང་གསུང་། རིན་ལྡིང་ནས་རྗེ་ཞ་ལུ་པས་མཇལ་བར་ཕེབས་པར་རིག་འཛིན་ཆེན་པོའི་བཀའ་འདུས་དང་དྲག་པོ་དབུ་དགུའི་དབང་གནང་།ངོར་ནས་རིན་པོ་ཆེ་སྒྲུབ་ཁང་ནས་མཇལ་བར་ཕེབས་ཏེ་བཀའ་ཆོས་དང་གསུང་གླེང་འཕེལ་བར་བྱུང་། ཕ་རྒོད་རྡོ་རྗེ་འཆང་དགོན་གསར་བའི་དགོངས་བསྟད་ཀྱི་ཕེབས་སྒོ་ལྟར་གཙང་སྡེ་སྲིད་ཀྱི་བཀའ་ཤོག །སྡེ་པ་འདར་(༣༩བ)

― GLG009_Page_0688 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡོན་མཆོད་ཀྱི་སྙན་འབུལ་དང་བསྟུན་ཆུ་ཕག་མགོ་ཟླ་བའི་དུས་ཚེས་དགེ་བར་བསྟན་པའི་བདག་པོ་ཚར་པ་ཆོས་རྗེ་ཡབ་སྲས་ཀྱི་གདན་ས་འདར་སྟོད་ཆོས་འཁོར་ཡང་རྩེའི་སེང་ཁྲིར་ཕེབས་ནས་ཕྱོགས་དེའི་སྐྱེ་རྒུ་ཀུན་ལ་འཁོར་ལོ་རྣམ་པ་གསུམ་གྱི་སྒོ་དང་པོ་ཕྱེ། དབུས་གཙང་ས་ཁད་འགྱངས་པའི་གཤིས་མཁན་རིན་པོ་ཆེ་གཞོན་ནུ་བློ་གྲོས་ཀྱི་པུར་སྦྱངས་ལ་སྐུ་དངོས་ཕེབས་མ་ཐུབ་པར་ཞབས་དྲུང་དབོན་རིན་པོ་ཆེ་རྫོང་བདའ་གནང་། དུས་ཤིག་ཞལ་དཀར་གྱི་གསོལ་ཇ་བོ་བས་ཕྱག་ཚིག་ནས་སར་ལྷུང་བ་དཀར་འཁྱིལ་འཁྱིལ་འཁོར་བ་ལས་གས་ཆག་ཡེ་མ་བྱུང་བ་ཕྱིས་སུའང་ཡོད་པར་སྣང་། འདར་བཀྲ་ཤིས་སྡིངས་པ་ཞེས་པའི་སྔགས་པ་ཡོན་ཏན་ཅན་དུ་བྱེད་པ་ཞིག་ལ་སྡེ་པ་བསམ་གྲུབ་པའི་གཡོག་གིས་གནོད་པ་ཆེར་བྱས་པར་བརྟེན་སྔགས་པ་འཆི་ཁར་ལོག་པའི་སྨོན་ལམ་མཚམས་སྦྱོར་གྱིས་འབྱུང་པོ་ཆེན་པོར་སྐྱེས་ཏེ་ལོ་གསུམ་གྱི་བར་སེར་བས་ལོ་མི་སྐྱེ་བའི་ཆོས་ཅན་དུ་བྱས་ཕ་ཡུལ་མི་རྣམས་དབུལ་འཕོངས་དང་འཇིགས་སྐྲག་ཕན་ཚུན་དུ་འགྲན་པར་ཐབས་མ་རྙེད་པའི་ཚེ་རྗེ་འདི་ཉིད་ཀྱིས་བྱང་བུ་བཞུ་བ་གནང་བས་སྔགས་པ་འཁོར་བ་མཐའ་ཅན་དུ་གྱུར་ཅིང་ལུང་པའི་མི་རྣམས་བདེ་སྐྱིད་ལ་བཀོད། ཀོང་པོ་དུང་མཚོ་རྒྱལ་མཚན་གྱི་གཉེར་པ་དང་བླ་བྲང་པའི་རྟ་རྫི་ཐུག་འཕྲད་བྱུང་བ་གཉེར་པ་རྐྱེན་ལམ་དུ་སོང་བས་ཚོང་པ་རྣམས་ཀྱིས་གཟིམས་ཁང་ནང་དུ་འཚངས་པ་སོགས་ཐུགས་བསུན་ཆེར་བཟོས། སྟོང་ལ་སྤུ་གནག་མང་པོ་གནང་ཡང་དགོན་པར་མཚོན་རྩེ་བསྟད་པ་སོགས་ལ་བརྟེན་མར་ལམ་ཕྱུགས་ནད་ཀྱིས་ཤི། དྲེའུ་ལའང་དྲེལ་ནད་ཀྱིས་གོད་ཁ་ཆེ་བར་འདྲེ་མཐོང་བ་ཞིག་གིས་གྲང་མོ་ཆེ་ནས་ཡིན་ཟེར་བའི་ལྕགས་ཀྱི་ཨ་ཙ་ར་གཉིས་ཚོང་དཔོན་(༤༠ན)

― GLG009_Page_0689 ―

^{[མ་དཔེ་གཟིགས་ན་འདིར་གནོན།]}

[Full Size]

དང་འགྲོགས་ནས་འདུག་ལབས་པར་དོགས་པ་སྐྱེས་ཏེ་གསང་ཐབས་ཀྱིས་འདར་དང་བཀྲ་ཤིས་རྩེར་མང་ཇ་བསྐོལ་འདུག་རུང་སྐོར་ཐེངས་དེ་གའི་ཡར་ལམ་ང་ལ་གྲང་མོ་ཆེ་ནས་འབོད་མི་བྱུང་ཟེར་བ་སོགས་རིག་པ་མ་ཟིན་པའི་འཆལ་འཆོལ་སྣ་ཚོགས་པ་སྨྲ་བཞིན་པའི་ངང་ལ་འདས་པའི་སྐད་ཆ་གསན་པས་ཐུགས་སྙིང་རྗེ་ཆེན་པོའི་སྒོ་ནས་སྐྱབས་འཇུག་གནང་། ཐེངས་ཤིག་མནལ་ལམ་དུ་བླ་མ་རིན་པོ་ཆེ་བསོད་ནམས་ཆོས་འཕེལ་ཕེབས་ནས་འདར་པའི་སྡེ་པ་འདི་ཚོ་ལ་སྐྱབས་འོག་བྱེད་མཁན་མི་འདུག་པས་ཁྱེད་ཀྱིས་མཛད་དགོས་གསུང་བ་ཞིག་བྱུང་བ་ལྟར་ཆེད་དུ་གཉེར་བའི་སྲུང་བ་རྡོ་རྗེའི་ར་ཕུར་དུ་ཆུད་པ་གནང་། དེའི་རྒྱུ་མཚན་ཡང་སྔར་བདག་པོ་སྔགས་འཆང་ཆེན་པོས་ཚར་ཆེན་ལ་ངེད་རང་གཉིས་མཐུ་འགྲན་གསུངས་པར་ཁོ་བོ་རྨི་ལམ་ཙམ་དུའང་ས་སྐྱ་པར་མཐུ་མི་བྱེད་ཞུས་ཀྱང་མ་གསན་པར་དེས་ན་འདར་གདོང་གཉིས་ལ་ཐུག་པས་ངེད་ཀྱིས་གདོང་དགའ་བར་ལས་སྦྱོར་བྱེད། དེ་ནས་སྲུང་འཁོར་མཛོད། འདར་ལ་ཡང་དེ་དང་དབྱིབས་མཚུངས་ཚུལ་གྱི་ཞལ་ཁྱད་སྤར་བས་ཚར་ཆེན་ཆོས་ཀྱི་རྒྱལ་པོས་དགུན་འཁྱགས་པ་ཆོམ་ཆོམ་ལ་གདོང་དགའ་བར་ཐོག་དབབ་པ་དང་རིན་པོ་ཆེ་དགོན་གསར་བའི་ཞལ་ཆེམས་སུ་གདོང་དགའ་བའི་མི་རྩ་མ་ཆོད་བར་དུ་ཁོ་བོའི་པུར་དེ་ཕྱོགས་སུ་ཁ་བསྟད་ལ་ཞོག་གསུངས་པ་ལྟར་གདན་ས་ནས་ཀྱང་འདར་ཕྱོགས་ལ་གཏོར་བསྐུལ་འདྲ་གནང་ཚོད་ནས་ཉེར་འཚེ་བྱུང་དོགས་ལ་དགོངས་པར་འདུག །སྐབས་ཤིག་ཀུ་རུ་ཀུལླེའི་རྗེས་གནང་སྩལ་དུས་ཆར་ཆེར་བབས་ཤིང་ཚོགས་བདག་གི་ཚེ་ཇ་གཏོས་ཅན་འབུལ་མི་བྱུང་།ཤིང་ཕོ་(༤༠བ)

― GLG009_Page_0690 ―

^{[མ་དཔེ་གཟིགས་ན་འདིར་གནོན།]}

[Full Size]

བྱི་བའི་ལོ་བཀྲ་ཤིས་རྩེ་ཆོས་སྡེའི་ཐུགས་བྲེལ་རྣམས་ཆོད་ནས་ལམ་འབྲས་བླ་བརྒྱུད་ཞལ་ཐང་ལ་ཕྱག་ནས་ཞུ་བ་སོགས་དང་བཅས་འདར་དུ་ཕེབས། ཆུ་ཤེལ་གྱི་དབང་པོ་ནག་པས་ཉ་བའི་དུས་ཚེས་དགེ་བར་ཆོས་ཀྱི་རྒྱལ་ཚབ་དང་རིགས་ཀྱི་དབོན་མཁས་བཙུན་རྒྱ་མཚོའི་འཇུག་ངོགས་རྗེ་བཙུན་དམ་པ་མགོན་པོ་བསོད་ནམས་མཆོག་ལྡན། ཁའུ་བྲག་རྫོང་པའི་བསྟན་པའི་གསལ་བྱེད་ཆེན་པོ་གླང་ཕུ་ཆོས་རྗེ་འཇམ་དབྱངས་ཆོས་སྐྱོང་དབང་ཕྱུག །སྐྱིད་གཤོངས་ཆོས་རྗེ་མཁན་མང་ཐོས་གྲགས་པ་རྣམ་རྒྱལ་གསུམ་གྱིས་ཐོག་དྲངས་སྣོད་ལྡན་གྱི་སློབ་མ་ཉེར་གསུམ་ལ་རྗེ་ཚར་ཆེན་གྱི་གསུང་མགུར་ལས། གདམས་ངག་མཁའ་འགྲོ་ཡི་སྙན་བརྒྱུད། །གསུང་ངག་ཡིད་བཞིན་གྱི་ནོར་བུ། །ཉམས་ལེན་ཕྱོགས་རེ་ཙམ་མ་ཡིན། །བསྟན་པ་ཡོངས་རྫོགས་ཀྱི་ཉམས་ལེན། །ཞེས་པའི་དོན་བཞིན་རྗེ་བཙུན་རྡོ་རྗེ་བདག་མེད་མའི་མན་ངག་གི་རྫིངས་ལ་བརྟེན་ཤྲཱི་ནཱ་ལནྡའི་མཁན་པོ་དཔལ་ལྡན་ཆོས་སྐྱོང་སྐུ་བཞི་ཡེ་ཤེས་ལྔའི་རིན་པོ་ཆེའི་གླིང་དུ་བགྲོད་པའི་རྡོ་རྗེ་ཐེག་པའི་ལམ་པོ་ཆེ། འཇིག་རྟེན་གྱི་མིག་གཅིག་པུ་བླ་ཆེན་འབྲོག་མིའི་ཟབ་ཆོས། ས་སྐྱ་པའི་འཇམ་མགོན་རིམ་པར་བྱོན་པའི་སྙན་བརྒྱུད་ཚད་མ་བཞི་ལྡན་གྱི་ནང་ནས་ཀྱང་སློབ་བུ་མཆོག་ལ་སྟོན་པ་ལམ་འབྲས་སློབ་བཤད་ཀྱི་སྣང་གསུམ་ལ་ཟླ་བ་ཕྱེད་གཉིས། དེ་རྗེས་སེམས་བསྐྱེད། ལྗགས་བསྙེན་ཁ་གསོས་བདུན་གཅིག་གི་རིང་སློབ་མ་རྣམས་ཀྱི་བསག་སྦྱང་། རྒྱུ་དབང་གི་དུས་ཕྱོགས་འདུས་དང་བཅས་པའི་དབང་ཆ་མང་པོ། ལྟ་བ་འཁོར་འདས་དབྱེར་མེད། ཕྱི་དཀྱིལ་རང་ལུས་དཀྱིལ་གྱི་སེམས་འཛིན། དབང་ཕྱི་མ་གསུམ་སོགས་སོ་སོར་ལམ་ལྟག་གྲུབ་(༤༡ན)

― GLG009_Page_0691 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ། འདའ་ཁ་མ། སྒྱུ་ལུས། འོད་གསལ། རྨི་ལམ་དང་བཅས་པའི་ཉམས་འཁྲིད་དབང་བྱིན་རླབས་སོགས་ཆ་ཚང་བར་ཁྱོན་བསྡོམས་ཟླ་བ་ཕྱེད་བརྒྱད་ལ་སྨིན་རྒྱས་སུ་གནང་བ་ནི་ཚར་ཆེན་གྱི་གསུང་མགུར་དུ། ཉམས་ལེན་གདམས་པའི་གཙོ་བོ་ནི། །རྒྱལ་ཡུམ་བདག་མེད་མཁའ་འགྲོ་ལ། །པཎ་གྲུབ་དབང་པོ་བི་རཱུ་པས། །ནོས་པ་ནས་བཟུང་ད་ལྟའི་བར། །རྩ་བའི་བླ་མ་ཡན་ཆོད་དུ། །དབང་བཞིའི་ཆུ་བོ་མ་ནུབ་པའི། །བླ་མའི་གསུང་ངག་བདུད་རྩིའི་རྒྱུན། །ཚད་མ་བཞི་ལྡན་དབང་བཞིའི་ལས། །རྡོ་རྗེ་ཐེག་པའི་སྙིང་པོ་ཡིན། །ཞེས་གསང་སྔགས་ཀྱི་ཡང་སྙིང་ཚད་མ་བཞི་ལྡན་གྱི་སྙན་བརྒྱུད་ལེགས་པར་གདམས། རིན་ལྡིང་ནས་ཞ་ལུ་པ་ཆེན་པོ་རིན་ཆེན་བསོད་ནམས་མཆོག་གྲུབ་ཀྱིས་རྡོ་རྗེ་འཆང་ལ་ཞུ་ཡིག་ཏུ་ལོ་འདི་བཞུགས་ཀྱི་བཀའ་བཞེས་བློ་བདེ་བ་ཞིག་དགོས་ཞུ་བ་གནང་བའི་ཚེ་སྤྱིར་བསྟན་པ་དང་སྒོས་ཁྱེད་རང་ལ་བསམས་ལོ་ལྔ་སྡོད་པའི་མཉམ་གཞག་བརྟན་པོ་བྱེད་ཅེས་པའི་ཞུ་ལན་སྩལ་ལོ། །ལེགས་འདོད་གཡོ་སྒྱུས་ལོག་པའི་ལམ་འཁྲིད་མགྲིན། །ལེགས་ལྡན་གྲི་གུག་འབར་བས་ཉེར་གཏུབས་ཀྱང་། །ལེགས་ཚོགས་ཀུན་འབྱུང་རྡོ་རྗེ་འཛིན་ཁྱོད་ཀྱིས། །ལེགས་པའི་མདུང་རྩེ་བདེ་ཆེན་གནས་སུ་བསྐྱལ། །པད་འབྱུང་ཁྲོས་པའི་མཐར་ཐུག་དབུ་དགུ་པ། །པད་འབྱུང་བསྟན་པའི་ཉིན་བྱེད་བྱང་པ་རྗེས། །པད་འབྱུང་ཟབ་གཏེར་བདག་པོ་ཁྱོད་ཉིད་ཀྱིས། །པད་འབྱུང་དགོངས་པ་སྐོང་སླད་ཆེད་དུ་གདམས། །རྩ་གསུམ་འཁོར་ལོའི་སྣང་བ་ཟད་མི་ཤེས། །གཅིག་ལས་དུ་མར་བསྒྱུར་བའི་སྣ་ཚོགས་འཕྲུལ། །ཚུར་མཐོང་བྱིས་བློ་བྲིད་མོད་ངེས་དོན་དུ། །ཆུ་དང་རླབས་འཕྲེང་དབྱེ་བ་གང་གིས་(༤༡བ)

― GLG009_Page_0692 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱེད། །གར་དབང་འཆི་མེད་གྲུབ་པས་ལྕགས་སྲོག་རྩ། །བདུད་རྩིའི་འོད་འཕྲོ་ཚངས་བུག་ནས་བཅུག་ཚེ། །ལྔ་པའི་ཞགས་པ་འཕེན་པའི་དཀའ་ཐུབ་ཅན། །ཉི་མའི་བུ་དེ་ངལ་བའི་གཉིད་ལ་གཡུར། །གཉེན་པོའི་རླབས་ཀྱིས་མ་ཟིན་ཐ་རེངས་རྒྱུད། །ཚུལ་ལྡན་མྱུ་གུ་སྐེམས་པར་མངོན་ཕྱོགས་པ། །རྣམ་དག་སྡོམ་པའི་ཆར་གྱིས་གཏན་བདེའི་སྙེ། །སྨིན་དེ་ཐུགས་རྗེའི་མཁའ་གླང་སྟུག་པོའི་དྲིན། །གསུང་རྒྱུན་འཛིན་པའི་སྟོང་ཕྲག་སྲས་མངའ་ཡང་། །རིགས་ཀྱི་ཐུ་བོ་མཚུངས་མེད་བཀའ་འགྱུར་བ། །སློབ་བཤད་མང་བཀུར་ཁྲི་ལ་རབ་བཀོད་པས། །ཆོས་ཀྱི་འཁོར་ལོས་སྒྱུར་བའི་རེས་སུ་སོན། །རྒྱུད་སྡེའི་མངའ་བདག་དཔལ་ལྡན་དོན་གྲུབ་ཐུགས། །རྣམ་དཔྱོད་ལུས་ཕྲའི་མིག་དཀྱུས་རིང་པོས་ཕྲོགས། །མཁན་ཆེན་ཞ་ལུ་པ་དང་གླང་ཕུ་རྗེ། །རང་བསྟན་གདམས་པའི་བང་མཛོད་ལྡེ་མིག་གཏད། །རྒྱ་ཆེན་གཙུག་ལག་ཀུན་ལ་གཞན་གྱི་དྲིང་། །མ་ལྟོས་དཔྱོད་ལྡན་ངག་དབང་ཆོས་ཀྱི་གྲགས། ཁྲོ་ཕུ་ལོ་ཙཱར་མཁྱེན་ནས་ལེགས་བསྔགས་པ། །འདམ་ཁྲོད་ཡིད་བཞིན་ནོར་བུའི་བྱི་དོར་འདྲ། །ཤེས་བྱར་སྲིད་ཀུན་ཡོངས་མཁྱེན་བུ་སྟོན་རྗེའི། །རི་ཕུག་ཆོས་ཀྱི་ཕོ་བྲང་ཉམས་དགའ་བར། །བསྟན་པའི་མེ་རོ་སླར་ཡང་གཉིས་པ་ཞིག །གསོ་བའི་ལེགས་ལྡན་དཔྱིད་དུས་བཞིན་རས་དངོམ། །བདེ་གཤེགས་ཞི་ཁྲོ་འདུས་པའི་དཀྱིལ་འཁོར་ཆེར། །ཟུར་སྟོན་འུག་བྱ་ལུང་སོགས་རིག་སྔགས་འཆང་། །མཐའ་ཀླས་སྨིན་པ་དཔལ་གྱི་མཆིམས་ཕུ་རུ། །རྗེ་འབངས་ཉེར་ལྔའི་མཛད་པར་ཅོ་འདྲི་སྙམ། །ཚར་ཆེན་བླ་མའི་གདན་ས་ས་སྲུངས་སྟེང་། །རྣམ་དཔྱོད་སྤྱན་སྟོང་མངའ་བ་རབ་འགྱིང་ཚེ། །ལོག་རྟོག་ལྷ་མིན་མོ་ཡི་(༤༢ན)

― GLG009_Page_0693 ―

^{[མ་དཔེ་གཟིགས་ན་འདིར་གནོན།]}

[Full Size]

མངལ་ལྷུངས་དང་། །ལྷན་ཅིག་སློབ་བཤད་བཅུད་ཀྱི་དགའ་སྟོན་རྒྱས། །རང་རང་ལས་འཆིར་རློམས་པའི་གྲོ་སོག་མདས། །སྲོག་རྩ་འགགས་ནུས་མིན་ཡང་སྟེས་དབང་གིས། །མིག་འབྲས་བཅར་བ་སྐྱོབ་ཕྱིར་དགོན་གསར་བས། །གཞོམ་མེད་འཁོར་ལོར་ཆུག་ཅེས་ཆེད་དུ་གདམས། །མཐོ་རིས་དབང་ཆུ་སློབ་བཤད་རལ་ཀླུང་ནས། །རྣམ་དཔྱོད་སྐལ་ལྡན་ཤིང་རྟས་ཉེར་དྲངས་ཀྱང་། །མཁས་གྲུབ་དྲང་སྲོང་ཕལ་གྱི་ཕྱིར་སྐྱུགས་པ། །ཤོང་སྣོད་ཟླ་བའི་མ་མ་གསར་པ་མཚར། །རྒྱལ་ཚབ་དབོན་རིན་པོ་ཆེ་མྱུག་ནས་འཕོ་འཕྱུགས་སྐབས་རྩེ་གདོང་དུ་བཅོལ། དེ་ནས་རི་ཕུག་ཏུ་དྲངས་སླར་འདར་དུ་གདན་དྲངས་པའི་ལམ་འབྲས་བརྒྱུད་པའི་ཁ་སྐོང་། ཁའུ་བྲག་རྫོང་པའི་བརྒྱུད་པ་ན་རིམ་གྱི་སྐུ་ཐང་སོགས་བཞེངས་ནས་ལམ་འབྲས་ལྷ་ཁང་བསྒྲིག་པའི་བསླབ་སྟོན་སྩལ་བ་ལྟར་ལེགས་པར་གྲུབ་པ་དེས་ལྕགས་ཡོས་མེ་ཤོར་བྱུང་སྐབས་ཀྱང་མ་ཚིག་པའི་བྱིན་རླབས་ཅན་དུ་གྲགས། གཞན་ཡང་སྔ་ཕྱི་འདི་དག་ཏུ་རྗེ་འདི་ཉིད་དང་གླང་ཕུ་ཆོས་རྗེར་ཟབ་ཆོས་མང་དུ་གནང་བ་ཚར་ཆེན་གྱི་གསུང་མགུར་དུ། ང་ཀུན་སྤངས་ཆོས་རྗེའི་བུ་བརྒྱུད་ལ། །ཆོས་ཟབ་མོ་གདམས་པའི་སྙན་གྲགས་ཡོད། །དེ་ཐོབ་འདོད་ཀྱི་ཚབ་ཚུབ་མང་ན་ཡང་། །ཐོབ་ངེས་ཀྱི་སྣོད་ལྡན་རེ་རེ་ཙམ། །ཞེས་པ་ལྟར་རྗེས་འབྲངས་ཀྱི་སློབ་མ་གྲངས་མང་ནའང་གདམས་པ་ཡོངས་སུ་རྫོགས་པ་ཉུང་བར་མཆིས། ས་སྐྱའི་རྗེ་བཙུན་གོང་མ་རྣམས་ཀྱང་སྙན་ནས་སྙན་ཞལ་ནས་ཞལ་དུ་བརྒྱུད་པའི་ཟབ་ཆོས་དོ་པ་སྟོན་ཚུལ། རྒྱལ་ཚ་ལུང་མང་པོ་དབོན་བཅས། དམ་པ་ཀུན་དགའ་གྲགས། ཞང་སྟོན་ཁུ་དབོན་ཙམ་མ་(༤༢བ)

― GLG009_Page_0694 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོགས་ཕལ་ཆེར་བདག་ཆེན་རྡོ་རྗེ་འཆང་ཡན་ཆད་གདུང་བརྒྱུད་རིམ་པར་ཆིག་བརྒྱུད་ལྟ་བུའི་ཚུལ་དུ་བྱོན་པ་ཡིན་ནའང་ས་ལོ་ཐམས་ཅད་མཁྱེན་པ་དང་སྔགས་འཆང་ཀུན་དགའ་བསམ་གྲུབ་སྐུ་མཆེད་ཀྱི་དུས་ཐོར་བུ་ལས་མ་གསན་ཅིང་བདག་ཆེན་ཀུན་རིན་པ་དབུས་སུ་ཕེབས་དུས་འཕན་ཡུལ་དཔལ་ལྡན་རྩེར་རྗེ་བཙུན་བོད་མཁར་བ་ཆེན་པོ་དང་མཇལ་སྐབས་ངེད་ཀྱིས་བདག་ཆེན་ཞལ་སྔ་ནས་ལས་བརྒྱུད་པའི་ཆོས་རྣམས་རིན་པོ་ཆེ་ཚར་པར་ཞུ་དགོས་རྒྱུ་ཡིན་ཡང་མི་ངན་གྱིས་དཀྲུགས་ནས་མ་བྱུང་ད་ཆ་ཁྱོད་ཀྱིས་བསོད་ནམས་དབང་པོ་སྤུན་ལ་འཕྲོད་པ་བྱེད་དགོས་པའི་གསུང་འཕྲོས་ལ་གཞིགས་ན་སྐུ་ཚེའི་མཇུག་ལ་ཐུགས་འགྱོད་བྱི་ལ་ཤོར་བའི་སྐར་ཁུངས་འདྲ་མོ་བྱུང་ཚོད་དུ་འདུག །འཇམ་དབྱངས་བསོད་ནམས་དབང་པོས་ཡར་ཀླུངས་བཀྲ་ཤིས་ཆོས་སྡེར་མཁན་རིན་པོ་ཆེ་གཞོན་ནུ་བློ་གྲོས་ལ་མགོན་ཆེན་གྱི་ཕྱི་འཁྲིད་ནང་འཁྲིད་སོགས་ཁ་ཡར་གསན་རུང་ཆོས་བཀའ་མཐའ་དག་མ་རྫོགས་པས་དཔལ་ལྡན་ས་སྐྱ་པའི་ལྕགས་རི་མི་འདའ་བའི་གསེར་ཆོས་རྣམས་སྔར་ནང་ནས་ཕྱིར་མི་འདའ་བ་ལ་དིང་སང་ཕྱི་ནས་ནང་ལ་མི་འདའ་ཞེས་གླེང་བ་བྱུང་མོད་སྔགས་འཆང་བླ་མ་སེམས་དཔའ་ཆེན་པོ་ངག་དབང་ཀུན་དགའ་བསོད་ནམས་དེ་ཉིད་བར་སྐབས་ཀྱི་ཞལ་ངོ་རྣམས་དང་མི་འདྲ་བར་བསྟན་པ་རིན་པོ་ཆེ་གཅེས་པར་འཛིན་པའི་ལྷག་བསམ་གྱི་མཐུ་ཕུལ་དུ་བྱུང་བར་བརྟེན་ལོ་པ་སྤྱན་སྔ་རིན་པོ་ཆེ་ཀུན་དགའ་དོན་གྲུབ་ལ་ཚར་ལུགས་ཀྱི་ཆོས་སྐོར་རགས་རིམ་ཙམ་གསན་ནའང་ཅུང་ཟད་ཐུགས་ཁ་མ་གང་བས་རྗེ་བླ་མ་འདི་ཉིད་གདན་འདྲེན་པའི་བཅའ་གཞི་ཤར་བ་བདག་པོ་ཀུན་རིན་པ་སྐུ་ན་ཕྲ་དུས་ཚར་ཆེན་གྱིས་ཆོས་འབྲེལ་(༤༣ན)

― GLG009_Page_0695 ―

^{[མ་དཔེ་གཟིགས་ན་འདིར་གནོན།]}

[Full Size]

གསན་ཅིང་། རྗེ་ས་སྐྱ་ལོ་ཙཱའི་སྐུ་ཡི་དབོན། །ཐུགས་གཅིག་ཏུ་འདྲེས་པ་སྲས་ཀྱི་མཆོག །ཁོང་འཇམ་དབྱངས་གཞོན་ནུ་དངོས་དང་མཇལ། །གསུང་བག་ཕེབས་ཀྱི་བདུད་རྩི་སྙིང་ལ་སིམ། །ཆོས་ཟབ་ལམ་གྱི་རྣལ་འབྱོར་བཀའ་དྲིན་ཞུས། ཁོང་སྐྱོན་བྲལ་གྱི་མཛད་འཕྲིན་མཐོང་བའི་ཚེ། །ངེད་ས་སྐྱ་པའི་མདུན་མ་གྲུབ་འདུག་སྙམ། །ཞེས་དཔོན་སློབ་ལུགས་ལེགས་ཡོང་བར་མངོན་དུ་ཕྱོགས་ནའང་སྤྱིར་བསྟན་པའི་སྐུ་ཆགས་བདོ་བ་དང་འཕྲལ་རྐྱེན་འདར་གདོང་གཉིས་ལ་བརྟེན་ས་སྐྱ་ནས་ཚར་ཆེན་ཡབ་སྲས་ལ་དམག་སོགས་བཀའ་བཀྱོན་མང་དུ་མཛད་པར་འདི་ཕྱོགས་ནས་བླ་མ་ཁྱི་དང་ཁྱི་མཇུག་མགོ་བོའི་དཔེ་ལྟར་ལས་སྦྱོར་སོགས་སྐྱོན་དུ་གྱུར་པ་མ་གནང་ན་ཡང་རང་ཤུགས་ཀྱི་སེལ་ཆེན་པོ་ཞུགས་པར་ཡས་མས་གཉིས་ཀ་ནས་འཁོན་གཅུགས་སྦྱོང་བའི་སེལ་འདོན་མཛད་དེ་ཤིང་མོ་གླང་ལོ་ཧོར་ཟླ་གསུམ་པའི་ནང་དུ་གདན་ས་ཆེན་པོ་དཔལ་ལྡན་ས་སྐྱར་གདན་དྲངས་པའི་ཚེ་ལྷ་ས་རྫོང་གི་ཐད་ཙམ་ནས་བླ་བྲང་སྒོ་སྤེར་མ་ཕེབས་བར་དཔལ་མགོན་སྟོབས་འཕྲོག་དབང་པོ་བྲམ་ཟེའི་གཟུགས་ཅན་སྐུ་མདོག་དཀར་པོ་སྐུ་བོང་ཐོག་ཚད་གསུམ་ཙམ་པ་ཕྱག་གཡས་རྩེ་གསུམ་དང་གཡོན་ཐོད་པ་ཁྲག་བཀང་བསྣམས་པ། རིན་པོ་ཆེ། རུས་རྒྱན། ཚངས་སྐུད། དར་གྱི་ཨང་རག་ཅན། ཡུམ་སྲིང་མོ་བཞིའི་འཁོར་དང་བཅས་ཞབས་གཉིས་གར་སྟབས་ལིང་ངེར་བསུ་བའི་ཚུལ་མཛད་པ་གསལ་བར་བྱུང་ཞིང་དམ་པ་འདི་ལ་མགོན་པོ་འགོ་བའི་གཟིགས་སྣང་བདག་ཆེན་ཁྲི་རིན་པོ་ཆེར་ཡང་མང་དུ་བྱུང་བར་མཆིས། ཉེར་ལྔ་ལ་སྒོ་རུམ་དུ་ཕེབས་དུས་ནག་པོ་ཆེན་པོ་སྐུ་གཟི་བརྗིད་ཤིན་ཏུ་ཆེ་ཞིང་ཞལ་འཛུམ་(༤༣བ)

― GLG009_Page_0696 ―

^{[མ་དཔེ་གཟིགས་ན་འདིར་གནོན།]}

[Full Size]

བག་དང་ལྡན་པའི་དབུ་གཙུག་ན་རྗེ་བཙུན་བརྩེ་བ་ཆེན་པོ་སྐུ་མདོག་མི་ཤ་ཁ་ན་བཟའ་བཞུགས་སྟངས་སོགས་བྲིས་ཐང་ཁུངས་བཙུན་ལས་བྱུང་བ་ཇི་ལྟ་བ་ཞིག་གསལ་བར་གཟིགས། ཞབས་དྲུང་བདག་ཆེན་རིན་པོ་ཆེར། གུར་མགོན་ལྷ་བརྒྱད་མ། ལྷ་བཅུ་གཉིས་མ། འཁོར་རྐྱང་དང་ཞལ་སྒྲུབ་དུས་དང་བཅས་པའི་རྗེས་གནང་། བྲམ་ཟེའི་མངག་གཏད། ཆོས་སྐྱོང་གཉིས་ཀའི་མན་ངག་གི་ཡིག་སྣའི་སྐོར་དུ་མའི་ལུང་དང་ཕྱག་ཁྲིད། དཀར་བདུད། དུར་ཁྲོད་བདག་པོ་ཡབ་ཡུམ་གྱི་མན་ངག་སྐོར་སོགས་ཀྱི་ལུང་། སྙན་བརྒྱུད་ཧ་ལ་ནག་པོའི་བེའུ་བུམ་མ་བུའི་སྐོར་རྫོགས་པར་ཕུལ་བས་དཔོན་སློབ་ཐུགས་ཡིད་གཅིག་འདྲེས་ལྟ་བུར་གྱུར་པའི་རྒྱུ་མཚན། བདག་ཆེན་རིན་པོ་ཆེས་གནང་བའི་མགོན་པོའི་ཆོས་འབྱུང་ལས། སྔོན་ཆོས་རྒྱལ་འཕགས་པས་དམ་པ་ཀུན་དགའ་གྲགས་ལ་ཆོས་སྐྱོང་གི་མན་ངག་ཐུན་མོང་མ་ཡིན་པ་རྣམས་གནང་བའི་ཚེ་འདི་རྣམས་ངེད་ཀྱི་ཚ་བོ་རྣམས་ལ་འཕྲོད་པར་གྱིས་གསུངས་པ་བཞིན་དམ་པས་ཀྱང་བླ་མ་བདག་ཉིད་ཆེན་པོ་ཁོ་ན་ལ་གནང་འདུག་པ་དང་། དུས་ཕྱིས་བདག་ཆེན་རྡོ་རྗེ་འཆང་གིས་ཀྱང་རྗེ་རྡོ་རིང་པ་ལ་དེ་དང་འདྲ་བའི་བཀའ་སྩལ་ཕེབས་འདུག་ཀྱང་བར་སྐབས་ཀྱི་ཞལ་ངོ་ཕལ་ཆེར་ལ་འདི་སྐོར་གྱི་མན་ངག་ཡོངས་རྫོགས་བཞུགས་པ་ཞིག་མ་བྱུང་འདུག་མོད་ཁྱེད་རང་སྐལ་བ་དང་ལྡན་པ་དང་བརྩོན་འགྲུས་འཛོམ་པས་གུར་ཞལ་གཙོ་བོར་གྱུར་པའི་ས་སྐྱ་པའི་བསྟན་སྲུང་དབང་པོ་རྣམས་ཀྱི་ཆོས་སྐོར་ཟབ་མོ་མཐའ་དག་ལུས་པ་མེད་པར་བུམ་པ་གང་བྱོའི་ཚུལ་དུ་ཐོབ་པ་ནི་བླ་མ་གོང་མ་རྣམས་ཀྱི་ཐུགས་རྗེ་དང་། མཁའ་འགྲོ་ཆོས་སྐྱོང་རྣམས་ཀྱིས་འཕྲིན་ལས་བསྒྲུབས་པའི་དགེ་མཚན་(༤༤ན)

― GLG009_Page_0697 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བྱུང་བ་ཡིན་ཡང་དག་པས་ཤིན་ཏུ་ངོ་མཚར་ཞིང་རྗེས་སུ་ཡི་རང་བའི་གནས་སོ། །ཞེས་གཟེངས་བསྟོད་པའི་གསུང་གི་བདུད་རྩིས་ཀྱང་ཁོ་བོ་ཅག་གི་ཡིད་ལ་དགའ་བདེའི་དཔལ་ཅི་ཡང་ཞིག་ཐོབ་པར་མཛད་པ་ཡིན་ལ། ཞེས་གསལ་བར་གསུངས་པས་ཤེས་ནུས། གདན་ས་དངོས་གཞི་དང་ཁའུ་བསམ་བརླིང་སོགས་ཀྱི་ལྷ་ཁང་མགོན་ཁང་རྣམས་མཇལ་བར་སྣང་བའི་དུས་བསྟན་པ་རྒྱས་པའི་སྨོན་ལམ་རྡོ་རྗེ་ཆོས་སྲུང་གི་ཚོགས་ལ་བཀའ་བསྒོ་གཉེར་བཅོལ་རྒྱས་པར་མཛད། ཤིང་གླང་ཞབས་དྲུང་དབོན་རིན་པོ་ཆེ་བཀྲ་ཤིས་རྩེར་རྒྱུད་སྡེ་བཞི་དང་འབྲེལ་བའི་དཀྱིལ་འཁོར་སྒྲུབ་མཆོད་ཉེར་གཉིས་སོགས་འཛུགས་པས་མཚོན་དབུས་ཕྱོགས་སུ་བསྟན་དང་འགྲོ་བའི་ལེགས་ཚོགས་སྤེལ་བར་འདར་ནས་རྫོང་བདའ་གནང་བ་བཞིན་འཁོར་ལོ་གསུམ་གྱི་མཛད་པས་གདུལ་བྱ་རྣམས་སྨིན་གྲོལ་གྱི་ལམ་ལ་བཀོད་ནས་མེ་ཡོས་ལོ་མཇུག་འདར་དུ་ཕེབས། བཀའ་ཆོས་སོགས་གསན། ས་སྦྲུལ་ལོར་རྒྱལ་ཚབ་དམ་པ་དབོན་རིན་པོ་ཆེ། ཁྱབ་བདག་ཞ་ལུ་པ་སོགས་ལ་དཔལ་དུས་ཀྱི་འཁོར་ལོའི་བདག་པོ་ཆེན་པོའི་བར་གྱི་དབང་རྫོགས་པར་གནང་བའི་ནུབ་གཟིགས་སྣང་དུ་བྱང་གླིང་འཇམ་པའི་དབྱངས་བཀྲ་ཤིས་རྒྱལ་མཚན་ཤིན་ཏུ་དགྱེས་པར་མཛད་པ་ནི་རང་ཉིད་ཀྱི་རྣམ་པར་སྤྲུལ་པ་ལ་ཆོས་བདག་པོའི་ཚུལ་དུ་འཕྲོད་པས་དང་པོའི་སངས་རྒྱས་ཀྱི་སྨིན་གྲོལ་སྲིད་མཐར་འཕེལ་བ་ལ་དགོངས་སམ་སྙམ། ཁུ་དབོན་གཉིས་ཆབས་ཅིག་པར་ནུབ་ཟངས་མཛོད་དམར་པོ་ནས་བྱོན་པའི་འཇིག་རྟེན་དབང་ཕྱུག་འགྲོ་བ་ཀུན་སྒྲོལ་གྱི་སྒྲུབ་ཆེན་ལ་བརྟེན་ནས་འགྲོ་དོན་ལས་སྦྱོར་ལྔ་པའི་སྐྱེ་བདུན་རིལ་བུ་སྒྲུབ་པ་གནང་བའི་ཚེ་ཉིན་(༤༤བ)

― GLG009_Page_0698 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་བཞིན་ནུབ་ཕྱོགས་ནས་འཇའ་དཀར་རིང་པོ་སྒྲུབ་ཁང་གི་རྩེར་ཟུག་པ་དང་། ཆེད་དུ་སྤར་བའི་སྤོས་དུད་ཀྱི་སྒྲུན་པར་མི་ནུས་པའི་དྲི་བཟང་གིས་སྒྲུབ་ཁང་གི་ཕྱི་ནང་གང་བ་དང་། གྲོལ་ཉིན་ནམ་མཁའི་མཐོངས་ཀུན་འཇའ་ཚོན་སྣ་ལྔའི་གུར་ཁྱིམ་རྨ་བྱའི་མདོངས་ཀྱི་སྒྲོ་གདུགས་ལྟར་ཕུབ་ཅིང་མེ་ཏོག་གི་ཆར་ཆེན་པོ་ལག་པས་ཟིན་པ་ལྟ་བུ་བབས། རིལ་བུ་འཕེལ་ཆེ་བ་བྱུང་ཞིང་ལོ་ཕྱི་མའང་གོང་བཞིན་སྒྲུབ་ཆེན་གནང་བའི་མཚན་ལྟས་དང་དངོས་གཞི་འདྲ་བ་ལ་བུམ་པའི་སྟེང་ན་ཐུགས་རྗེ་ཆེན་པོ་བཞུགས་པ་སྒྲུབ་པའི་སྒང་ལ་བུམ་པའི་ནང་དུ་ཐིམ་སོང་བ་བུད་མེད་རྩ་སྒོ་ཡངས་པ་ཞིག་གིས་མཐོང་བ་ནི་མཐོང་བ་པོ་དེའང་ལས་དག་པ་ཞིག་མ་གཏོགས་ཐ་མལ་པ་ཡིན་ཚོད་དུ་མི་འདུག་ཅིང་ཆེས་ཆེར་སྙིགས་མའི་སེམས་ཅན་ལྷག་པར་འདུལ་བར་དཀའ་བ་རྣམས་ལ་གྲུ་འཛིན་རི་བོའི་སྤོ་ནས་འཕགས་མཆོག་འཇིག་རྟེན་དབང་ཕྱུག་ཤིན་ཏུ་དགྱེས་བརྩེས་མྱོང་གྲོལ་གྱི་རྫས་རྣམས་བརླབ་པར་བྱོན་པ་གདོན་མི་ཟའོ། །གཙང་སྡེ་སྲིད་དུ་བསླབ་སྟོན་ཞུ་བ་གནང་བའི་ཚར་ཆེན་ཆོས་ཀྱི་རྒྱལ་པོའི་གདན་ས་ཆོས་འཁོར་ཡང་རྩེའི་ཁྲི་ཐོག་ཏུ་དབོན་རིན་པོ་ཆེ་ནང་བསྐོས་ཀྱིས་མངའ་གསོལ། སྐུ་ན་ཅུང་ཟད་སྨིན་ནའང་ཞབས་དྲུང་དབོན་རིན་པོ་ཆེ་ཆོས་ཀྱི་བདག་པོར་དགོངས་ཏེ་སྔར་མ་སོང་བའི་དབང་བྱིན་རླབས། རྗེས་གནང་། རིག་གཏད། ཉམས་ཁྲིད། ལུང་མན་ངག །ཕྱག་ལེན་དམར་འཁྲིད་སོགས་བྲེ་གསོག་ཕུལ་གསོག་གི་ཚུལ་གྱི་ཆོས་འཁོར་ཆད་མེད་དུ་སྐོར། ལྕགས་སྟག་གཙང་སྡེ་སྲིད་ནས་ཞ་ལུའི་མཁན་པོར་ཕེབས་དགོས་པའི་བཀའ་ཤོག་བྱུང་ཡང་དགུང་ལོ་མཐོ་བ་དང་སྐུ་གཅོང་སོགས་ཀྱི་སྟབས་མི་ནུས་པ་ལ་ཚིག་སྦྱངས་ཀྱི་དགོངས་པ་ཞུ་བ་(༤༥ན)

― GLG009_Page_0699 ―

^{[མ་དཔེ་གཟིགས་ན་འདིར་གནོན།]}

[Full Size]

གནང་ཞིང་ཁྲོལ། དེ་ནས་ལོ་ཁ་ཤས་ཀྱི་བར་ངོར་ཤར་པའང་གདན་སར་མ་འཁོད་པས་མཁན་མེད་དུ་ལུས་སྣང་། ཁྱབ་བདག་ཞ་ལུ་པ་ཆེན་པོ་རི་ཕུག་དབུ་མཛད་ཐོག་ནས་ལྕགས་ལུག་གྲང་མོ་ཆེར་མཇལ་བར་ཕེབས་པས་རྡོ་རྗེ་འཆང་གི་བཀའ་ལས། བླ་བྲང་ཚོམ་ཆེན་དུ་ཁྱབ་བདག་ཞ་ལུ་པར་ད་ནི་རིན་པོ་ཆེ་རང་རི་ཕུག་གི་གྲ་པ་ཁ་ཡ་ཀོག་པོ་མ་གི་ཚོའི་དཀྱིལ་དུ་མ་བཞུགས་པར་འདིར་ཐུགས་དམ་མཛད་ན་གསུངས་པ་ལ་སྡེ་སྲིད་ནས་དགོངས་པ་ཡང་མི་ཡོང་བ་འདུག་བདག་གིས་བོར་ནས་བརླག་འགྲོ་བ་འདྲ་ཞུས་པས་ད་འོ་ན་བསྐྱར་བཀོད་ཅིག་བྱས་ཡུན་རིང་པོ་མཛད་དགོས་པ་ཡིན་ནམ་གནང་བ་འདི་དུས་རི་ཕུག་དབུ་མཛད་གནང་ནས་ལོ་གསུམ་གྱི་སྐབས་ཡིན་ཞིང་མེ་བྱི་གྲ་ངན་ཅི་རིགས་ཀྱི་མི་བསྲུན་པའི་སྒྱུ་འཕྲུལ་གྱིས་སེ་རག་སྒྲུབ་སྡེ་དང་ཁང་དམར་ནས་སོགས་སྐུ་ཉེ་ཚོའི་སར་ལོ་གཅིག་ཙམ་བཞུགས་དགོས་བྱུང་བ་གླང་ལོའི་མཇུག་ཏུ་སྡེ་སྲིད་གཙང་པས་དབུ་མཛད་བསྐྱར་བསྐོ་གནང་སྟེ་སྔ་རྟིང་གཉིས་དྲིལ་བར་ལོ་སུམ་ཅུ་རྩ་གསུམ་སོང་བས་ལྐོག་གྱུར་གྱི་ཆོས་རྗེན་པར་གསལ་བ་དེ་ལས་ཡིད་ཆེས་ཀྱི་གནས་གང་དུ་མཆིས། དེ་དང་མཚུངས་པར་རྗེ་ཞ་ལུ་བ་སོགས་དཔོན་སློབ་ཐུགས་ནང་གཙང་ས་ཚོར་སྡེ་སྲིད་གཙང་པའི་མཚན་དོན་ཡང་ཡུན་རིང་མི་ཡོང་བའི་རྒྱུ་མཚན་གསལ་པོ་ཡང་ཡང་གསུང་བས་མཚོན། ཡིད་ཆེས་ཀྱི་ངེས་པ་རྙེད་པ་མང་དུ་ཡོད་པར་གདའ། དམ་པ་འདི་ཉིད་ཀྱིས་དགེ་བའི་བཤེས་གཉེན་བསྟེན་ཚུལ་མདོ་ཙམ་སྨོས་ཟིན་ཅིང་དེར་མ་འདུས་པ་ནི། ས་སྐྱ་ཁྲི་ཆེན་འཇམ་དབྱངས་བསོད་ནམས་དབང་པོ། ཁྲི་ཆེན་ངག་དབང་ཀུན་དགའ་བསོད་(༤༥བ)

― GLG009_Page_0700 ―

^{[མ་དཔེ་གཟིགས་ན་འདིར་གནོན།]}

[Full Size]

ནམས། ཞྭ་དམར་དཀོན་ཅོག་ཡན་ལག །སྟག་ལུང་དབོན་རིན་པོ་ཆེ། ར་ལུང་དབོན་མི་ཕམ་ཆོས་རྒྱལ། ཆོས་རྒྱལ་བཀྲ་ཤིས་སྟོབས་རྒྱལ་ཡབ་སྲས་གཉིས། རྗེ་བཙུན་ཀུན་དགའ་གྲོལ་མཆོག །ཞ་ལུ་མཁན་ཆེན་བསོད་ནམས་དབང་པོ། ཆོས་ལུང་མཁན་ཆེན་ནམ་མཁའ་མཐའ་ཡས། ཨེ་ཝཾ་མཁན་ཆེན་དཀོན་ཅོག་དཔལ་ལྡན། ངོར་མཁན་ཆེན་བྱམས་པ་ཀུན་དགའ་བཀྲ་ཤིས། གསེར་མདོག་ཅན་མཁན་པོ་ཀརྨ་བཟང་པོ། ཡོལ་མོ་བ་ནམ་མཁའ་བརྒྱ་བྱིན། རྒྱལ་སྲས་པདྨ་ཆོས་རྒྱལ། ཏྲེ་བོ་སྤྲུལ་སྐུ་དཔག་བསམ་དབང་པོ། རོང་པ་ཆོས་བཟང་བཀྲ་ཤིས། ཐུགས་སྲས་ཟླ་བའི་སྐུ་སྐྱེ། ལྕགས་ཟམ་སྤྲུལ་སྐུ་བསྟན་འཛིན་ཉི་ཟླ་བཟང་པོ། བྱམས་པ་རིན་ཅེན་རྡོ་རྗེ། བྱམས་པ་དོན་གྲུབ། ཀུན་བཟང་རིན་ཅེན། དྲུང་རམས་པ་བསོད་ནམས་ཚུལ་ཁྲིམས། འོ་ཡུག་པ་སོ་པ་ལགས། གློ་བོ་པ་བློ་གྲོས་རྒྱལ་མཚན་སོགས་ཡོངས་འཛིན་མང་དུ་བསྟེན་ནས་ལ་ལར་ཆོས་ཚུལ་རྒྱ་ཆེ་བ་དང་འགའ་ཞིག་ལ་ཚེ་དབང་ཙམ་གྱིས་ཀྱང་མཐའ་བརྟེན་པའི་གསན་བསམ་གནང་བའི་ཆོས་ཀྱི་ཞིབ་ཆ་ནི་གསན་ཡིག་གི་བསྙེལ་ཐོ་རྣམས་ཚང་བར་མ་མཐོང་བས་ཞིབ་པར་འབྲི་བའི་རྔོ་མ་ཐོགས་མོད། གསན་པ་མཛད་པ་ཚོ་ཡང་ཐོས་ལོ་མ་ཡིན་པའི་གྲུབ་མཐའ་སོ་སོའི་ལུགས་སྲོལ་མ་འདྲེས་པར་ཞིབ་མོ་དཔྱད་དེ་ཐུགས་སུ་ཆུད་པར་མཛད། ཐུགས་ཉམས་སུ་བསྟར་བར་འོས་པ་སྨོས་ཅི་འཚལ་དེ་ལས་གཞན་པ་རྣམས་ཐུབ་བསྟན་རིན་པོ་ཆེ་མི་ནུབ་པའི་ཆེད་དུ་གདུལ་བྱ་སོ་སོ་བའི་བློ་དང་འཚམ་པར་འཆད་ཉན་གྱི་བྱ་བ་ལ་ཐུགས་རྩོལ་ལྷུར་བཞེས། ནཱ་རོ་པས་ཏཻ་ལོ་དང་སེས་འབྲོག་མི་བསྟེན་པ་ལྟར་ཡོངས་འཛིན་ཚོགས་ཀྱི་ཡོན་(༤༦ན)

― GLG009_Page_0701 ―

^{[མ་དཔེ་གཟིགས་ན་འདིར་གནོན།]}

[Full Size]

ཏན་ལ་བསྔགས་པ་དང་དད་གུས་གཙོ་བོར་བཏོན་པའི་ཤུགས་ལ་སྐྱོན་ཡང་ཡོན་ཏན་དུ་འཆར་བའི་སྣང་ཚུལ་དཔག་པར་དཀའ་ལ། རྟག་བརྟན་སྤྲུལ་སྐུ་གཙང་ཤེད་ཀྱིས་སྟོད་ཕྱོགས་སུ་ཕལ་ཆེར་བསྟུན་ཕྱོགས་དགོས་པ་ཞིག་ཡོད་སྣང་བས་བཀྲ་ཤིས་རྩེ་དང་གསེར་མདོག་ཅན་ཚོར་ཆོས་བཀའ་འདྲ་གསན་ཟེར་བའང་སྟེས་དབང་ཙམ་ལས་གསན་མ་གསན་ལ་མ་ལྟོས་པའི་ཐུགས་རབ་ལ་བེད་སྤྱད་ནས་གནང་བ་དང་། སྒྲུབ་མཆོད་ཀྱང་ཚུལ་ལྡན་མེད་པར་གྲགས་ཆེ་གཤིས་ཐུགས་འདུན་མེད་ན་ཐོབ་པར་ཡང་མི་འགྲོ་འདུག་པས་གསན་ཐོར་མེད་པ་དང་བཅས་ཆོས་ཀྱི་གྲངས་སུ་བརྩི་ཡིན་མེད་པ་འདྲ་སྙམ་པ་ལོག་རྟོག་ཏུ་ཤར་མོད། ངེས་དོན་དུ་ཇི་ལྟར་ཡིན་མ་ངེས་སོ། །མགོན་པོ་འདི་ཉིད་ལ་ཆོས་ཀྱི་འབྲེལ་པ་ཐོབ་པ་སོགས་སློབ་མ་ནི་ས་ཆེན་པོའི་རྡུལ་བཞིན་བགྲང་བར་དཀའ་ནའང་ཟབ་ཆོས་ཀྱི་མཆོད་སྤྲིན་མཉམ་མེད་དགོན་གསར་བར་ཡང་དབུལ་ཞིང་། རགས་པ་ཙམ་སྨོས་ན་རྗེ་བཙུན་ས་སྐྱ་པ་ཆེན་པོ་ངག་དབང་ཀུན་དགའ་བསོད་ནམས། པདྨའི་གདུང་འཚོབ་བྱང་པ་རིགས་འཛིན་ངག་གི་དབང་པོ། རྩེ་ཚོགས་མཁན་ཆེན་པདྨ་བསོད་ནམས། མཁས་གྲུབ་ཆེན་པོ་བོད་མཁར་བའི་ཐུགས་སྲས་སྤྱན་སྔ་རིན་པོ་ཆེ་མི་ཕམ་ཆོས་ཀྱི་རྒྱ་མཚོ། གནས་ལྔ་རིག་པའི་པཎྜི་ཏ་ཆེན་པོ་མཁན་ཆེན་ངག་དབང་ཆོས་གྲགས། ཤེས་བྱའི་གནས་ཀུན་ལ་མཁྱེན་རབ་ཀྱི་དབང་ཕྱུག་འཇམ་དབྱངས་དགའ་བའི་བཤེས་གཉེན། སྤྱན་སྔ་ཚུལ་ཁྲིམས་འབར་གྱི་དཔོན་རིགས་རྒྱུད་སྡེ་རྒྱ་མཚོའི་མངའ་བདག་ལོ་པ་སྤྱན་སྔ་ཀུན་དགའ་དོན་གྲུབ། གསར་རྙིང་གི་ཆོས་ཚུལ་རྒྱ་མཚོ་ལྟ་བུར་མཁྱེན་པའི་སྤྱན་སྔ་བ་ཀླུ་(༤༦བ)

― GLG009_Page_0702 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་ཆོས་ཀྱི་རྒྱལ་མཚན། དཀྱིལ་འཁོར་རྒྱ་མཚོའི་ཁྱབ་བདག་ཨེ་ཝཾ་མཁན་ཆེན་དཔལ་ལྡན་དོན་གྲུབ། སྐྱེད་ཚལ་མཁན་ཆེན་འབུམ་རམས་པ་ཐར་པ་རྒྱལ་མཚན། སློབ་བཤད་ཀྱི་བསྟན་འཛིན་ཆེན་པོ་རྒྱལ་རྩེ་ཞབས་དྲུང་བྱམས་པ་ངག་དབང་བསོད་ནམས་རྒྱལ་མཚན། དམ་པའི་ཆོས་ཀྱི་རྒྱལ་ཚབ་ཆེན་པོ་རྡོ་རྗེ་འཆང་མགོན་པོ་བསོད་ནམས་མཆོག་ལྡན། བུ་སྟོན་ཐམས་ཅད་མཁྱེན་པའི་ཆོས་ཀྱི་རྒྱལ་ཚབ་དམ་པ་ཁྱབ་བདག་ཞ་ལུ་པ་རིན་ཆེན་བསོད་ནམས་མཆོག་གྲུབ། ཁའུ་བྲག་རྫོང་པའི་བསྟན་པའི་སྲོག་ཤིང་ཆེན་པོ་གླང་ཕུ་ཆོས་རྗེ་འཇམ་དབྱངས་ཆོས་སྐྱོང་དབང་ཕྱུག །འདར་སྐྱིད་གཤོང་པ་མཁན་ཆེན་མང་ཐོས་གྲགས་པ་རྣམ་རྒྱལ། ཡངས་ཅན་མཁན་པོ་བྱམས་པ་བསོད་ནམས་མཐའ་ཡས། སོ་ཟུར་གནུབས་གསུམ་སྔགས་པའི་རྒྱལ་པོར་གྲགས་པའི་ཟུར་འུག་བྱ་ལུང་པའི་ཆོས་རྗེ་ཡབ་སྲས། མཐུ་ཆེན་ཉི་མ་བཟང་པོ་དང་མཁྱེན་པའི་སྤྱན་ལྡན་རིན་ཆེན་རྒྱལ་མཚན་སོགས་སེའི་སྔགས་འཆང་རིམ་པར་བྱོན་པའི་གདུང་འཛིན་བཀྲ་བཟང་ཆོས་རྗེ་ནམ་མཁའ་རིག་འཛིན། ཀྱི་སྟོན་སྔགས་འཆང་ཆེན་པོ་ཚེ་རིང་དབང་པོ། སྒེར་པ་བ་ངག་དབང་ཉི་མ། རི་ཕུག་དབུ་མཛད་རིན་ཆེན་རྒྱ་མཚོ། བླ་མ་སྒྱི་ལུང་པ་སྐྱོ་སྟོན་ཡབ་སྲས་ལ་སོགས་སློབ་བུ་མཐའ་ཡས་པར་སྔགས་གསར་རྙིང་ཐེག་པ་ཐུན་མོང་བའི་དམ་པའི་ཆོས་ཀྱི་ཆར་ཆེན་པོ་ཕབ་སྟེ་དིང་སང་གི་བར་དུ་དབུས་གཙང་འཛིན་མའི་ཁྱོན་འདིར་བཤད་སྒྲུབ་ཀྱི་རྒྱུན་བཟང་པོ་དབྱར་མཚོ་ལྟར་འཕེལ་བའི་བཀའ་དྲིན་བླ་ན་མེད་པའོ། །འཆད་ཉན་དང་ཕྱོགས་ཕེབས་མ་གཏོགས་ཐུགས་དམ་གྱིས་(༤༧ན)

― GLG009_Page_0703 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོར་ཡུག་ལྟ་བུ་ཡིན་ནའང་རྒྱུན་གྱི་ཉམས་བཞེས་བསྙེལ་ཐོ་འདི་ལ་སྲོད་ཐུན་ཐོར་ཐུན་གྱི་དབྱེ་བ་མི་གསལ་ཞིང་བར་མཚམས་ནས་ཧོལ་ཁོང་ཕྲན་བུ་ཡོད་ཤས་ཆེ་ཡང་ཐོ་ནང་བཞིན་བཀོད་པ་ལ། ཐོག་མར་གཉིད་སད་འཕྲལ་ལྕེ་བྱིན་རླབས་ཀྱི་བཟླས་པ། སེང་གེ་སྒྲའི་མངོན་རྟོགས། བཟླས་པ་སུམ་བརྒྱ། ཐུགས་རྗེ་ཆེན་པོའི་མིག་འབྱེད། རྣམ་འཇོམས་གསང་སྒྲུབ་ཀྱི་བཟླས་པ་ཉེར་གཅིག་ཙམ། འཇམ་ནག་བཟླས་པ། དེ་ནས་རྡོ་རྗེ་འཇིགས་བྱེད་ཀྱི་བླ་མའི་རྣལ་འབྱོར་སྔོན་དུ་བཏང་བའི་བསྐྱེད་རྫོགས་ཀྱི་རྣལ་འབྱོར། རྡོར་བཟླས་བརྒྱ་རེ། སྔགས་གསུམ་པོ་བརྒྱ་རྩ་ལ་ཉུང་མཐའ་བྱས་པའི་གང་འགྲོ། བིར་སྲུང་ཉིས་སྦྲེལ། དཔལ་ཀྱེ་རྡོ་རྗེའི་ལམ་དུས་འབྲིང་པོ། ཚེ་སྒྲུབ་ལྕགས་སྡོང་མའི་བཟླས་པ་བརྒྱ་རྩ། དཀར་ཆ་བཞིའི་གཏོར་མ་སོགས། ཁྲོ་བོ་སྨེ་བརྩེགས་ཁྲོ་མོ་སྨེ་བརྩེགས་རྙིང་མའི་ཁྲོ་བོ་སྨེ་བརྩེགས་ནེ་གུའི་སྒོམ་ཐུན། རྣམ་འཇོམས་ལྗང་སྔོན། གུ་རུ་ཞི་བ། གུ་རུ་དམར་ཆེན། མཐིང་ཁ། དྲག་དམར་པདྨ་ཚེ་དབང་རྩལ། རྟ་མགྲིན་ཚེ་སྒྲུབ་ཉེ་བརྒྱུད། ཡེ་ཤེས་འོད་མཆོག །རྫོང་ཆེན་མ། འཁོར་བ་དོང་སྤྲུག །བཀའ་བརྒྱད་དྲིལ་སྒྲུབ། འཇོམས་བྱེད་ཕུར་པ་སྤུ་གྲི། ཟབ་ཐིག་གི་རྟ་མགྲིན་ཚེ་སྒྲུབ། ཕྱག་རྡོར། སྟོབས་པོ་ཆེ། དེ་ནས་བཟང་སྤྱོད་སྔོན་དུ་འགྲོ་བའི་སེམས་བསྐྱེད་རྒྱས་བསྡུས་གང་རུང་རེ་ལེན། ཨ་ར་པ་ཙ་ན། འབྱུང་འདུལ། ཨུ་ཙ་གོས་སྔོན་ཅན། གཏུམ་པོ། རྟ་མགྲིན་གསང་སྒྲུབ། འགྲོ་བ་ཀུན་སྒྲོལ་གྱི་གཟུངས་གང་མང་དང་བཅས་པ། བླ་མ་ཡབ་སྲས་ཀྱི་སྐུ་བསྟོད་རྣམས་སྔོན་དུ་འགྲོ་བའི་རབ་ཡངས་མ་བརྒྱ་རྩ་ལ་ཉུང་མཐའ་བྱས་པའི་གང་འགྲོ་སོགས་ལམ་(༤༧བ)

― GLG009_Page_0704 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་སྔོན་དུ་འགྲོ་བའི་ལམ་དུས་རྒྱས་པ་བཟླས་པ་དང་བཅས་པ། འཇིགས་བྱེད་བཅུ་གསུམ་མའི་བཟླས་པ་ཡོད་ཙམ་རེ། རྡོ་རྗེ་རྣལ་འབྱོར་མའི་འཁྲིད་བཟླས་པ་དང་བཅས་པ། རྟ་མགྲིན་ཡང་གསང་དཔའ་གཅིག །གཏོར་བསྔོའི་རིམ་པ་ལ་ཐོག་མར་དྲག་དམར། འཇིགས་བྱེད། ལས་གཤིན་སྦྲེལ་བ། ཀྱེ་རྡོར་བདེ་མཆོག །ནཱ་རོ་མཁའ་སྤྱོད། ཕྱག་རྡོར། ཨུ་ཙ། རྩིས་མགོན། ལྕམ་དྲལ། ལས་མཁན་བཅས་པའི་གཏོར་བསྔོ། བསྐང་གསོ། མདོས་སོགས། གུར་ཞལ། མགོན་དཀར། ཚོགས་བདག །དུར་ཁྲོད་བདག་པོ། བེག་ཙེ། དམ་ཅན། ཁྱུང་ལུང་མ། རྣམ་སྲས། བེང་། དཔལ་ལྡན་རྡོ་རྗེ་རབ་བརྟན་མ། རྡོ་རྗེ་རི་ཕུག་མ། སྤྱི་གཏོར། གཞི་བདག་རྣམས་ཀྱི་གཏོར་བསྔོ་ཐུན་གཉིས་རེ། བཀའ་བརྒྱད་ཀྱི་ཆ་གསུམ་རྒྱུན་དུ། བྲག་རྫོང་མ། གུར་གྱི་གསང་འཁྲིད། ཞལ་གྱི་སྲུང་འཁོར་ཚེ་སྒྲུབ། ཞལ་གྱི་གསང་འཁྲིད། བིར་སྲུང་སོགས་རྒྱས་པར་མཛད་ནས་ཉལ་བའི་རྣལ་འབྱོར་གྱི་དུས་འཇམ་དབྱངས་མཁྱེན་བརྩེའི་ཞལ་གཟིགས་གསང་བའི་རྣམ་ཐར་དུ་འདུག་པ་བཞིན་ཨོ་རྒྱན་པདྨ་ཟ་ཧོར་མ་ཇི་ལྟ་བ་བསྒོམས། ཐུགས་རྗེས་འགྲོ་བའི་མགོན་མཛད་བཅོམ་ལྡན་འདས། །མཚན་ཙམ་ཐོས་པས་ངན་འགྲོའི་འཇིགས་ལས་སྐྱོབ། །དུག་གསུམ་ནད་སེལ་སངས་རྒྱས་སྨན་གྱི་བླ། བེ་ཌཱུཪྻ་ཡི་འོད་ལ་ཕྱག་འཚལ་ལོ། །ཞེས་པའི་གསོལ་འདེབས་བྱས་སློབ་དཔོན་ཆེན་པོ་རང་ལ་བསྟིམ། དབྱེར་མེད་ཀྱི་ངང་ལ་རྨི་ལམ་འཛིན་པའོ། །རང་བཞིན་ལྷན་སྐྱེས་སམ། ཞུ་བདེ་ལྷན་སྐྱེས་ཀྱི་ངང་ལ་ཉལ། སང་ལྡང་བའི་རྣལ་འབྱོར་གྱིས་ལང་། ཉེར་དགུ་སོགས་ལ་(༤༨ན)

― GLG009_Page_0705 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གཏོར། རྡོ་རྗེ་ཆོས་སྐྱོང་མང་པོ་ལ་དམིགས་བསལ་དང་། ཁྱད་པར་ཉེར་ལྔ་ལ་རྩིས་མགོན་གྱི་ལྷ་མོར་གཏོར་འབུལ་ཚོགས་འཁོར་དང་བཅས་པ། གནམ་གང་ལ་དྲུག་ཅུ་པ་སོགས་མཛད་ཚུལ་གྱི་ཐོ་འདི་ལྟར་བྲིས་པ་ཡིན་ནའང་མཚན་ཕྱེད་དང་ཕྱེད་ཡོལ་ཙམ་ཅུང་ཟད་མནལ་བ་ལས་སྐུ་ལུས་གནང་དང་མ་བྲལ་བར་ཐུགས་དམ་ཁོ་ན་མཛད་ཅེས་དྲུང་དུ་བཅར་པ་རྣམས་ལས་ཐོས་སོ། །དམ་པ་འདི་ཉིད་ཀྱི་མཁྱེན་པའི་ཆ་ནས་རྒྱུད་སྡེ་ཆེ་ཆུང་གི་དཀྱིལ་འཁོར་གྱི་དབང་ཆོག །བྱིན་རླབས། རྗེས་གནང་། སྔར་ཐུགས་འཛིན་གནང་མྱང་བའི་རིགས་ལ་ཉི་མ་རེ་གཉིས་ཀྱི་གཟིགས་རྟོག་མཛད་པས་བསྙེལ་གསོ་གྲུབ་ཅིང་གསར་པའི་ཐུགས་འཛིན་ཧ་ཅང་གི་ཞག་མང་པོ་མི་ཐོགས་ཤིང་ཆོས་བཀའ་གནང་བའི་དུས་རྒྱུན་གྱི་ཞལ་འདོན་ལྟར་ཤིན་ཏུ་བྱང་བ། རྒྱུད་བཤད་དང་འཁྲིད་སོགས་ལ་ཚིག་སྐམ་ཙམ་གྱི་སྐྱོར་ཟློས་མ་ཡིན་པར་དཀའ་བའི་གནས་མཐའ་དག་ལ་ཞིབ་མོར་སྟོན་པས་འཕྲལ་སྦས་པའི་རྣལ་འབྱོར་ལྟ་བུར་མཁས་ཉམས་མི་མཛད་ནའང་བློ་གྲོས་ཟབ་ཅིང་གཏིང་དཔག་དཀའ་བ་རྒྱ་མཚོ་ཆེན་པོ་བཞིན་ཚད་དུ་བཟུང་བར་མི་ནུས། འཇིག་རྟེན་གཙོ་རྒན་གྱི་སྤྱོད་པ་གཡོ་སྒྱུའི་རྣམ་པ་ནི་ལོ་མང་པོར་སྐུར་བཅར་ནའང་སྣ་རེ་ཙམ་ཡང་མི་མཐོང་ཞིང་ཐོས་པའི་ཡུལ་ནི་ལྟ་ག་ལ་སྲིད། ཆོས་ཀྱི་བཀའ་མཆིད་དང་བླ་མ་བརྒྱུད་པའི་རྣམ་ཐར་ལོ་རྒྱུས། ཁྱད་པར་ཐམས་ཅད་མཁྱེན་པའི་མཚན་གསན་པ་ན་སྤྱན་ཆབ་གསིལ་བའི་མོས་གུས་དབང་རྣོན་ཆོས་རྗེས་འབྲངས་པའི་ཐུགས་དད་ལྷུར་མཛད་ཅིང་ཁྱབ་བདག་སྡིངས་མ་བ་བསླབ་གསུམ་རྒྱལ་མཚན་གྱི་རྣམ་ཐར་སོགས་ཐུགས་རྩོམ(༤༨བ)

― GLG009_Page_0706 ―

^{[མ་དཔེ་གཟིགས་ན་འདིར་གནོན།]}

[Full Size]

པོད་ལོངས་ཤིག་སྣང་བ་དོན་མེད་ཀྱི་བསྐྱར་བཤད་ཙམ་མིན་པའི་བརྗོད་དོན་ཕུན་སུམ་ཚོགས་པ་ཤ་སྟག་མཆིས། བརྩེ་བའི་ཆ་ནས་སྐུ་ཚེ་མང་པོར་མཁས་པ་དང་གྲུབ་པའི་ཡང་སྲིད་བཟུང་པའི་རྒྱལ་སྲས་ཀྱི་སྤྱོད་པ་ལ་གོམས་པའི་བག་ཆགས་ཀྱིས་རྒྱུ་འབྲས་མན་ངག་བདུན་གྱི་སྒོ་ནས་བདག་གཞན་མཉམ་པར་བརྗེ་བའི་ཐུགས་བསྐྱེད་བཅོས་མ་མིན་པ་འཁྲུངས་པའི་རྒྱུས་ཆགས་སྡང་གི་སྒང་གཤོང་མེད་པའི་བཏང་སྙོམས་ཀྱི་ཐང་བདེ་མོར་རིས་མེད་ཀྱི་འགྲོ་བ་ཐམས་ཅད་ལ་དངོས་དང་བརྒྱུད་པའི་སྒོ་ནས་རྗེས་སུ་བཟུང་བ་མཐའ་དག་འབྲི་བར་མ་ལང་ཞིང་དཔེར་ན་ཤིང་བཟོ་བ་དཔལ་ལྡན་སོགས་འཆི་བར་ཐུག་པ་མང་དག་མི་འཇིགས་པའི་སྦྱིན་པ་དང་། གཤིན་པོ་སོགས་ལ་ལྷག་པར་བརྩེ་བས་རིགས་དྲུག་གནས་འདྲེན་གྱི་སྒོ་ནས་གནས་ངན་ལེན་ལས་བསྐྱབས་པའི་སྡིག་ཅན་འགའ་ཡང་མི་ལུས་ཐོབ་ནས་སྐྱེ་དྲན་གསལ་བའི་ལོ་རྒྱུས་མང་། དབུལ་ཕོངས་མ་ནུས་པ་གཟིགས་པའི་ཚེ་བཟོད་གླགས་མེད་པའི་སྐྱོ་ཤས་དང་ངེས་འབྱུང་གིས་ཟིན་པའི་ཟས་གོས་གནས་མལ་སྨན་གྱིས་མཚོན་ཏེ་ཕན་འདོགས་པ་ལ་བརྩོན་པས་གཞན་དོན་དུ་གང་འགྱུར་མ་གཏོགས་རང་གི་བདོག་པ་ལ་འཇུངས་པའི་རྟོག་པ་ཡེ་མི་མངའ། གཙོ་བོ་མཆོག་དམན་བར་པ་གསུམ་སོ་སོའི་བློ་དང་འཚམ་པའི་ཆོས་ཀྱི་སྦྱིན་པ་བསྟན་པ་དང་སེམས་ཅན་ལ་ཕན་པ། ཐོས་བསམ་སྒོམ་པ། ཉམས་ལེན་བྱེད་ལུགས་ཕྲ་མོ་ཙམ་ལའང་རས་ཆོད་དུ་མ་སོང་བའི་སྐྱོ་ངལ་མེད་པར་བསྲབ་བྱའི་སྒོ་ནས་མངོན་མཐོ་དང་ངེས་ལེགས་ཀྱི་སར་སྦྱོར་ནུས་པའི་ཆ་ནས་གྲུབ་པའི་དབང་ཕྱུག་ཀུ་ཀུ་རི་པ་སོགས་(༤༩ན)

― GLG009_Page_0707 ―

^{[མ་དཔེ་གཟིགས་ན་འདིར་གནོན།]}

[Full Size]

གཟོད་མ་ཉིད་ནས་བསྐྱེད་རིམ་མཐར་ཕྱིན་ཅིང་རྫོགས་རིམ་གྱི་རྟོགས་པ་ཀློང་དུ་གྱུར་པས་གྲུབ་པ་བརྒྱད་དང་ཞི་སོགས་ཀྱི་ལས་རབ་འབྱམས་ལ་ཆགས་ཐོགས་མི་མངའ་ཡང་ཐུབ་བསྟན་འཇིག་པ་ལ་ཉེ་བ་ལྟ་བུ་བྱུང་ན་མིན་པ་སྐུ་ལ་སྡོ་བ་སོགས་ཐུགས་སུན་དབྱུང་བའི་མ་རུངས་སྐྱེ་བ་དུ་མར་དྲག་ཤུལ་གྱི་ཆོ་ག་མཛད་པ་ལྟ་ཅི། དེ་དག་མི་དགེ་བའི་མཐུས་ངན་འགྲོ་མི་བཟད་པའི་དུཿཁས་མནར་བ་ལ་བརྩེ་བས་ཀུན་ནས་བླངས་ཏེ་ཐུགས་རྗེ་རྗེས་བཟུང་གི་ཏིང་ངེ་འཛིན་ལ་གཞོལ། བཀའ་ཆོས་གནང་ཚེ་གསུང་གདངས་སྙན་ཆགས་པ་ཐོས་པའི་མོད་ལ་སེམས་ཁོངས་རང་བཞིན་གྱིས་ལྷོད་འགྲོ། ཕྱི་རོལ་ཏུ་ཉོན་མོངས་པ་མེ་ལྟར་འབར་བས་གདུང་བཞིན་པ་བློ་བྲེལ་ཚུབ་ཚུབ་པ་དྲུང་དུ་སླེབས་པ་དང་ད་རེས་ཀྱི་སེམས་གནས་འགྱུར། ཇི་ཙམ་བསྡད་ཀྱང་སྡོད་སྤྲོ་བ་དང་སྐུའི་ཚུལ་ཁྲིམས་ཀྱི་དྲི་བསུང་ཚར་བས་ཁམས་གསལ་སིང་ངེར་དྭངས། ཐུགས་དམ་མཛད་སར་བསྡད་ན་བྱིན་རླབས་ཀྱིས་རང་གི་དགེ་སྦྱོར་ཡང་གནས་གཞན་དུ་བྱས་པ་དང་ཡེ་མི་འདྲ་བ་ཡོད། དབང་རྗེས་གནང་གི་དུས་ཟིལ་ཆེ་བས་ད་ལྟར་རང་བྱིན་རླབས་ཁྱད་པར་ཅན་ཞུགས་བྱུང་སྙམ་པ་འབྱུང་བས་མཚོན་ཏེ་གསང་བ་བསམ་གྱིས་མི་ཁྱབ་པའི་རྣམ་ཐར་དཔོག་པར་མི་ནུས་པ་བློ་དམན་རྣམས་ཀྱི་ཡུལ་མ་ཡིན་ནོ། །འཁོན་རིགས་འཇམ་དཔལ་དཔའ་བོ་རིམ་བྱོན་གྱིས། །ཚིག་བརྒྱུད་རིན་ཅེན་རྩིང་སྤྱོད་འདམ་བྱིང་ལས། །རྣམ་དཔྱོད་ཤིང་རྟས་འདྲེན་པའི་ས་སྐྱ་བ། །དབྱེ་མོད་ཤུལ་དུ་སྐྱེས་པའི་ཙན་དན་བཞིན། །ཕ་བཟང་གོང་མའི་ཕྱག་བརྒྱུད་ཁྱད་པར་ནོར། །ཕ་རོལ་(༤༩བ)

― GLG009_Page_0708 ―

^{[མ་དཔེ་གཟིགས་ན་འདིར་གནོན།]}

[Full Size]

གཡེངས་ཁྱེར་ཡ་མ་བརླས་བོར་བའི། །ཕ་ཆོས་གནས་གསར་བླ་མའི་བཀའ་དྲིན་ལས། །ཕ་རྒོད་ཀུན་དགའི་མཚན་ཅན་སྙིམ་པར་སོན། །ལོག་རྟོག་བ་ཚྭས་ཉེར་གང་ཆུ་ཀླུང་ཆེ། །སྙན་བརྒྱུད་རྀ་ཥིས་ཡན་ལག་བརྒྱད་ལྡན་དུ། །བསྐྲུན་པར་ཁའུའི་བྲག་ནས་སྟོབས་འཕྲོག་དབང་། །དགྱེས་པས་བྲམ་ཟེའི་གཟུགས་ཀྱི་ཟློས་གར་བསྒྱུར། །རྡོ་རྗེ་སྲིན་པོ་གཟི་བྱིན་འབར་བའི་སྟེང་། །རྗེ་བཙུན་བརྩེ་ཆེན་མངོན་སུམ་རབ་གསལ་བ། ཁོ་བོས་བསྟན་པའི་མར་མེ་ཆེས་སྤར་བའི། །མེ་རོ་ད་གདོད་གསོས་ཞེས་གཟེངས་བསྟོད་སྙམ། །ཕྱག་ན་པདྨའི་དཀྱིལ་འཁོར་འཁོར་ལོ་རུ། །སྐྱེ་བདུན་ཤ་ལ་བརྟེན་པའི་སྒྲུབ་པ་ཡིས། །སྲིད་པའི་དུཿཁ་བཅིལ་བའི་མྱོང་གྲོལ་རྫས། །འདི་ཀོ་རིས་བྲལ་འགྲོ་སྲོག་འཚོ་བའི་སྨན། །དབང་པོའི་བཞུ་རིས་ཕུབ་པའི་ལྡིང་ཁང་ན། །ཕང་ཕུང་མནྡ་ར་བའི་འདབ་འཕྲེང་གཡོ། །སྔོན་མེད་དངར་བའི་དྲི་བཟང་རབ་འཐུལ་པ། །ཨ་ཧོ་ལེགས་བྲིས་མཆོད་པའི་རྣམ་འཕྲུལ་མཚར། །ངན་འགྲོའི་གཡང་ལ་གོམ་པ་ཡོངས་འཕྱན་པའི། །ཉམ་པའི་འགྲོ་མང་ཐབས་མཁས་མཛད་པ་ཡིས། །འདྲེན་ཕྱིར་ཀཱ་ལ་ཤ་ནང་པད་དཀར་འཆང་། །མངོན་སུམ་བྱོན་དེས་ཡིད་ཀྱི་གདུང་བ་སེལ། །ལེགས་ལྡན་དམར་ཟླུམ་སྤྱན་གྱིས་ཆིག་བརྒྱུད་སྣོད། །ཉེར་གཟིགས་ལུང་བསྟན་ཆོས་ཀྱི་རྒྱལ་ཚབ་ལ། །ཚར་ཆེན་བླ་མའི་གདམས་ངག་བུམ་པ་གང་། །ཐུགས་གསང་ཟ་མ་ཏོག་བྱོ་དེ་རྨད་བྱུང་། །འཇམ་མགོན་དགྱེས་པའི་མཁྱེན་རབ་མཁའ་ལྟར་ཡངས། །འཇིག་རྟེན་དབང་ཕྱུག་བརྩེ་བའི་རྗེས་སུ་འགྲོ། །ལག་ན་རྡོ་རྗེའི་མཐུ་སྟོབས་གཟི་འབར་(༥༠ན)

― GLG009_Page_0709 ―

^{[མ་དཔེ་གཟིགས་ན་འདིར་གནོན།]}

[Full Size]

བས། །ངེས་རྙེད་དད་པའི་སྤུ་ལོང་ཅི་ཡང་གཡོ། །སྐུ་ཅུང་ཟད་ཧྲེབ་པ་སོགས་གང་ཅི་ནས་ཞིང་འདིར་བཞུགས་པར་མི་བཞེད་པའི་རྣམ་པ་ཅི་རིགས་བྱུང་བར་ཁྱབ་བདག་བཀའ་འགྱུར་བ་ཆེན་པོས་བརྟན་བཞུགས་དང་གསོལ་འདེབས་ཡང་ཡང་གནང་བའི་ཐུགས་དང་རིམ་གྱིས་བསྲིངས་ཤིང་ཁྱད་པར་འཆི་མེད་མགོན་པོའི་སྒོ་ནས་སྐུ་ཚེ་སྤེལ་བའི་གསུང་ཆོག་རྒྱས་པར་མཛད་དུས་དགུན་གྲང་སྒང་ཡིན་རུང་ཚེ་གཏོར་ཞོ་ལྟར་གྱུར་པ་སོགས་དཔོན་སློབ་གཉིས་ཀའི་ཐུགས་རྗེ་དང་བྱིན་རླབས་ཀྱིས་ངོ་མཚར་ཅི་ཡང་ཤར། འཕྲིན་ལས་རྒྱ་མཚོ་ཟེར་པར་བློ་སྐྱོན་ཆེར་མེད་འདུག་ནའང་ཞབས་དྲུང་དབོན་དབུས་ཕྱོགས་སུ་ཕེབས་འགྱངས་ཟེར་མི་མང་བས་རྐྱེན་བྱས་དཔོན་སློབ་ཆེན་མོ་སྐུ་གདངས་ན་ནི་སྨོས་མ་དགོས་དེ་མིན་གཞན་དུ་གཤེགས་ན་འོང་བར་མཆིས་རྡོའི་དོས་འདྲ་ཞེས་སྐུར་པ་བཏབ་པ་བྱམས་པས་སྙན་དུ་གསོལ་བ་ན་ཁོ་བདེན་དབོན་དྲུང་གི་ངོ་མ་སྤོངས་པ་མིན་པ་ལུགས་གང་ནས་ཀྱང་སྡོད་འདོད་མེད་གསུང་བ། རྗེ་མཁྱེན་བརྩེའི་ཉམས་མགུར་དུ། སྙིང་ནས་དམ་ཆོས་འཚོལ་བའི་སྐྱེ་བོ་ལ། །ཆོས་མེད་སྐྱེ་ངན་དེ་དག་ལྷག་པར་སྡང་། །ཐ་ཆད་སྣུམ་གྱི་དྲི་མ་ཕྲ་མོས་ཀྱང་། །དཀར་གསལ་དར་གྱི་ཁ་དོག་ཉམས་པ་བཞིན། །བདུད་སྤྲུལ་སྐྱེ་ངན་དུ་མའི་བསམ་སྦྱོར་གྱིས། །དད་ལྡན་འགའ་ཡང་འབྲེལ་མེད་མུ་ཅོར་སྒྲོག །ད་ནི་ཁྱེད་རྣམས་བདེ་བར་བཞུགས་ཤིག་དང་། ཁོ་བོ་ཁྱོད་དགྱེས་བྱ་བ་མྱུར་བསྒྲུབས་ཀྱིས། །དུས་ཀུན་སྡིག་པའི་སོ་ནམ་མ་མཛད་པར། །ཞིམ་རྒུ་བཞེས་ཤིང་བདེ་བར་གཟིམས་སུ་གསོལ། །ཞེས་པའི་དོན་(༥༠བ)

― GLG009_Page_0710 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོག་ཏུ་བབས་ཤིང་སྔར་ཁྱབ་བདག་ཞ་ལུ་པར་ལོ་ལྔ་བཞུགས་པའི་ཞལ་ལེན་གནང་བའང་ལྷག་དང་བཅས་གྲངས་ཐེངས་པའི་ཆུ་མོ་བྱའི་ལོའི་ཚེས་བཅུ་ཞིག་གི་སྐབས་གསུང་ཆོག་རྒྱས་པ་དང་གསོལ་ཇ་ཡང་བཟང་ཞིང་མང་བར་གནང་། མཇལ་མི་བྱུང་ཚད་ཐོང་གསུངས་པའི་ཐུགས་གཙིགས་ཆེ་བ་འདྲ་ལ་ཆེད་དུ་ཞུས་པ་ལ་མ་ལྟོས་པར་བཀའ་བསྒོའི་བྱིན་རླབས་མཛད། བྱམས་པ་བསྟན་འཛིན་ལ་དེ་རིང་ཨོ་རྒྱན་ཆེན་པོ་ཕེབས་པར་མཆོད་པ་བློ་ཁ་རྫོགས་པ་རང་བྱུང་། སྲོད་ཐུན་གྱི་གོང་དུ་ང་ཁོ་བོ་ནི་རྒྱབ་འགྲོ་བ་ཡིན་སུ་ལའང་མ་ཟེར་གསུང་བར་སྐུ་མི་བདེ་བ་མེད་དམ་ཞུས་པས་དེ་འདྲ་མི་བདོག་ཕེབས་པ་ལ་བྱམས་པས་ཞབས་དྲུང་དཔོན་རིན་པོ་ཆེར་རྒྱུ་མཚན་གསོལ་བ་ན་དེ་འཕྲལ་འབུལ་བ་བསྣམས་ཏེ་ཕེབས་ཚེ་དེ་སུ་ཡིན་གསུང་བར་བདག་ལགས་སྐུ་ལ་སྙུན་མེད་དམ་ཞུས་པས་གང་ཡང་མི་འདུག་བྱམས་པས་ཞུས་པ་འདྲ་གནང་བ་ལ་སྐུ་མི་བཞུགས་པའི་དགོངས་པ་བསྟད་ཡོང་འདུག་པས་དེ་ལྟར་གནང་ན་མི་ཡོང་ཚུལ་གྱི་གསོལ་འདེབས་སླར་ཡང་ནན་ཆེར་མཛད་རུང་དགོངས་པས་མ་བཞེངས་པར་ཅང་མི་གསུང་བར་ནི་བཞུགས་པའི་ཚུལ་གསལ་བར་བྱུང་བ་ན་དེ་བས་ཀྱང་ནན་ཏན་བསྐྱེད་དེ་ཕུར་བཙུགས་སུ་གསོལ་པ་བཏབ་པས་ཞིང་བརྗེ་བར་མངོན་དུ་ཕྱོགས་པ་དེས་དེ་འདྲ་རང་གནང་ཅི་དགོས་ཐུགས་དང་བསྟུན་ནས་སྡོད་པ་ལགས་པས་ཐུགས་འཁྱོག་པ་མཛད་མི་དགོས་རང་གནས་སུ་སྤྱོན་གསུང་། དེ་ལྟར་ཞལ་གྱིས་འཆེས་ནས་ལོ་རིལ་པོ་གསུམ་ལྷག་ཙམ་ཚེ་མཐའ་ཡས་པའི་ངོ་བོར་ཐུགས་བསྐྱེད་དེ་གདུལ་བྱའི་དཔལ་མགོན་དུ་བཞུགས། དགུང་ལོ་དང་སྐུ་གཅོང་གི་ཁྱད་ནས་ད་རང་ལམ་དུས་(༥༡ན)

― GLG009_Page_0711 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་དཀྱིལ་འཁོར་ཆེན་མོ་རྣམས་ལྕོགས་མདོག་མ་ཁ་བས་ཨོ་རྒྱན་སྒྲུབ་པ་ཁོ་ན་ལ་དྲིལ་ལམ་དགོངས་པའི་ནུབ་ཅིག་མནལ་ལམ་དུ་ཀྱེ་རྡོ་རྗེའི་ཐུགས་ཀར་སློབ་དཔོན་ཆེན་པོ་བཞུགས་འདུག་པ་གསལ་བར་ཤར་བས་མནལ་སད་ཙ་ན་གཅིག་ཏུ་བསྒྲིལ་ན་མི་ལེགས་པར་མཁྱེན་ཏེ་མྱ་ངན་ལས་མི་འདའ་བའི་བར་དུ་ལམ་དུས་ཐུན་གཉིས་མ་ཆག་པར་མཛད་ཅེས་རྗེ་བཀའ་འགྱུར་བ་ཆེན་པོ་གསུང་། ཤིང་ཕག་ལོར་རི་ཕུག་ནས་ཁྱབ་བདག་རིན་ཅེན་བསོད་ནམས་མཆོག་གྲུབ་ཀྱིས་མཇལ་བར་ཕེབས་དུས་གསུང་གླེང་མང་དུ་གནང་བའི་མཐར་ཕྱག་མཐེབ་ཀེར་ཏེ་རིན་པོ་ཆེ་ནུ་རོ་ལ་ཞེས་རྗེ་ཞ་ལུ་བའི་ཕྱག་ནས་འཇུས་འཕྲེང་ཚུལ་གྱི་ཆོས་དང་འབྲེལ་བའི་ཞལ་གདམས་མཐའ་ཡས་པ་གནང་ནས་དགྱེས་དགྱེས་མཛད། དེའང་རྗེ་བཙུན་རྡོ་རིང་པ་ཆེན་པོས་ཆོས་རྗེ་རྡོ་རྗེ་འཆང་གིས་ཀྱང་དོན་ལྔ་ལས་མ་ཞུགས་ཁོ་བོ་དོན་བདུན་གྱི་ཁར་སླེབས་བླ་མ་བདུན་ཅུ་རྩ་གཉིས་ཀྱི་ཐུགས་ཟིན་པ་སོགས་སྐུ་ཚེ་འདིའི་བཞེད་པ་མཐའ་དག་ལྷུན་གྱིས་གྲུབ་ནས་ཞིང་ཁམས་གཞན་དུ་གཤེགས་པ་ལ་སྤྲོ་བའི་ཚུལ་རྣམ་ཐར་དུ་གསལ་བ་དང་མཚུངས་པའི་དགུང་ལོ་ཡང་མཐུ་སྟོབས་ཀྱི་དབང་ཕྱུག་བསོད་ནམས་ཆོས་འཕེལ་དང་སྙོམས་པའི་དོན་བརྒྱད་དུ་ཕེབས་པ་དང་དེ་བར་རྒྱལ་བསྟན་སྤྱི་དང་བྱེ་བྲག་བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་ཡབ་སྲས་བརྒྱུད་པར་བཅས་པའི་རིང་ལུགས་རྒྱལ་ཚབ་རིན་པོ་ཆེ་འཇམ་མགོན་བསོད་ནམས་མཆོག་ལྡན་གཙོ་བོར་གྱུར་པའི་བསྟན་འཛིན་རྣམས་ཀྱི་ཕྱག་ཏུ་ལེགས་པར་འཕྲོད་པས་རྔ་ཡབ་དཔལ་གྱི་རི་བོར་སངས་རྒྱས་གཉིས་པ་ཨོ་རྒྱན་ཆེན་པོའི་འདུས་པའི་(༥༡བ)

― GLG009_Page_0712 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་གྱི་གྲལ་དུ་བསྒྲིག་པར་སྤྲོ་བ་དང་ཟླ་བ་གཅིག་ལས་གཟུགས་བརྙན་འབུམ་ཕྲག་མཚོ་རྫིང་དུ་འཆར་བ་ལྟར་དག་པ་དང་མ་དག་པའི་ཞིང་ཁམས་མཐའ་ཀླས་པར་སེམས་ཅན་གྱི་དོན་རླབས་པོ་ཆེ་མཛད་པར་དགོངས་ཏེ་འཛིན་བྱེད་ཅེས་པ་མེ་ཕོ་བྱི་བའི་ལོའི་ཆུ་ཤེལ་གྱི་དབང་པོ་སྨིན་དྲུག་གི་དགའ་མ་དང་རྩེ་བའི་དཀར་ཆའི་བཟང་པོའི་ཉི་མ་ནུབ་རིར་གཞོལ་བའི་ཚེ་གཟུགས་སྐུ་མཚན་དཔེའི་དཀྱིལ་འཁོར་ཆོས་སྐུའི་ཀློང་དུ་སྡུད་པར་མངོན་དུ་ཕྱོགས་པའི་རླུང་གི་འགྲོ་འོང་རྒྱུན་ཆད་པ་ན་ཁྱབ་བདག་བཀའ་འགྱུར་བ་ཆེན་པོས་སྐུ་ལ་འཇུས་ནས་གསོལ་འདེབས་གནང་བས་གསོས་པ་ལྟ་བུར་སྤྱན་ཧུར་གྱིས་གཟིགས་ཏེ་ད་ལྟ་རྡོ་རྗེ་འཆང་ཚར་པ་ཆོས་རྗེ་དང་ཐམས་ཅད་མཁྱེན་པ་གཉིས་བཀྲ་ལམ་གྱི་ཕེབས་བྱུང་བར་རང་སེམས་བླ་མའི་ཐུགས་དང་དབྱེར་མེད་བདེ་བ་ཆེན་པོའི་ངང་ལ་ཆམ་མེར་འགྲོ་བ་དེ་སད་པ་ཞིག་བྱུང་ཕེབས་པ་མཁན་ཆེན་ཡོལ་པ་གཤེགས་གདོང་སྡེ་པ་དངོས་གྲུབ་རྡོ་རྗེས་གསུང་ཆེན་པོའི་གསོལ་འདེབས་ཀྱི་ཐུགས་དམ་སད་དེ། བཀའ་ལས། དེ་མིན་ན་སྟེང་གི་མཐོངས་དཀར་འགྲམ་འདི་རིན་པོ་ཆེ་ཚར་པ་ཕེབས་བྱུང་བ་ལ་གསོལ་བ་བཏབ་པས་སྐུ་དེ་རྡོ་རྗེ་འཆང་དངུལ་ཆུའི་མདོག་ལྟ་བུ་ཞིག་ཏུ་གྱུར་པར་མཐོང་བའི་མོད་ལ་རིག་པ་ཐིམ་པ་བྱུང་བས་དེའི་ངང་དུ་སོང་ན་དོན་ཆེན་པོ་གྲུབ་པ་ལས་འགྱངས་ཏེ་ཞག་བཅུའི་བར་ནད་ཀྱིས་མནར་བའི་ལུས་འདི་ལ་སྡོད་དགོས་པར་འདུག །ཅེས་པ་དང་ཕྱོགས་མཚུངས་པའི་ཐུགས་དམ་སད་པར་སྣང་། ལོ་གྲངས་དེ་ཙམ་ཞིག་ཁྱེད་ཀྱི་ཐུགས་དང་བསྟུན་ཡོད་ཆ་དེ་འདྲ་མཛད་གཞན་འདྲ། འོན་ཀྱང་ཁྱེད་ལ་བལྟོས་བཅས་མཐའ་དག་བྱང་(༥༢ན)

― GLG009_Page_0713 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་ཀྱི་བར་དུ་རྗེས་སུ་འཛིན་ནོ་ཞེས་ཞལ་གྱིས་བཞེས་ནས་སྣང་མཆེད་ཐོབ་གསུམ་གྱི་མཐར་འཆི་བ་འོད་གསལ་ཆོས་ཀྱི་སྐུའི་ངང་དུ་ཐུགས་དམ་ལ་ཞག་གཅིག་གི་རིང་བཞུགས། དགོངས་རྫོགས་ཀྱི་གྲབས་ཡུལ་ཐུགས་གྲ་འགྲིག་མི་འགྲིག་ཁྱད་ནས་ཞག་འགའ་ཞིག་གསང་བའི་ཚུལ་གནང་། རྗེ་བཀའ་འགྱུར་བ་ཆེན་པོ་སང་ཕྱི་དྲོ་གདུང་མཇལ་ལ་ཕེབས་ཤིན་ཏུ་འདོད་པ་བྱུང་བས་བྱོན་པ་དང་ཐུགས་དམ་གྲོལ་བ་འགྲིག །ཤངས་གཡས་ནས་བྱང་སེམས་དཀར་པོ་ཁྱོར་བ་གང་ཙམ་ཕེབས་པ་ཞལ་དུ་མཆོད་པས་ཉམས་རྟོགས་ཀྱི་བོགས་ལྷག་པར་ཆེ་ཞིང་རྡོ་རྗེ་འཆང་ཀུན་སྤངས་ཆོས་རྗེས་མེ་ཏོག་འཐོར་བའི་དུས་སྐུ་ཁམས་ཟགས་ཏེ་བཞུགས་སྟན་སྟེང་དུ་འཁྱིལ་ཁ་ཚར་ཆེན་ཆོས་ཀྱི་རྒྱལ་པོས་ལྷག་མེད་དུ་བཞེས་པ་སྙན་བརྒྱུད་ཀྱི་བསྟན་པ་ཟིན་པའི་རྟེན་འབྲེལ་འགྲིག་པ་དང་དབྱིབས་འདྲ་བར་མཆིས།རྗེ་བླ་མའི་གདུང་ཁང་གི་གཡས་སུ་ཐུགས་དམ་རྟེན་གྱི་ཀྱེ་རྡོར་གྱི་སྐུ་ཞིག་ཡོད་པ་ཞལ་ཐད་སོར་བསྒྱུར་རུང་སྐུ་གདུང་རིན་པོ་ཆེར་ལན་གསུམ་འཆུས་པ་བྱུང་། ཞིང་བརྗེས་པའི་ཉིན་ནས་རླུང་ཕྲ་མོ་ཙམ་གྱིས་འགྱུ་བ་འགགས་ཏེ་ནམ་མཁའ་མཐིང་ཞུན་པའི་མདོག་ལྟར་སྔོ་ལ་སྟོན་གྱི་རྡུལ་བྲལ་བཞིན་དྭངས་པར་ལྷའི་ཚོགས་ཀྱིས་མེ་ཏོག་འདབ་མ་བཞི་པ་དང་ལྔ་པ་སོགས་ཡུ་བ་ལྡན་པའི་ཆར་བུ་ཡུག་ལྟ་བུར་འཚུབས། ཤེལ་ལ་ཚོན་རིས་ཀྱི་ཁ་དོག་བསྒྱུར་བ་འདྲ་བའི་དབང་པོ་གཞུས་ཕྱོགས་ཀུན་ཏུ་དཀྲིས། ཆེད་དུ་སྤར་བའི་སྤོས་དུད་ཀྱིས་བསྐྲུན་པར་མི་ནུས་པའི་གདུང་ཡིད་བཞིན་གྱི་ནོར་བུ་ལས་སྔར་མ་མྱོང་བའི་དྲི་ཕུན་སུམ་ཚོགས་པ་ལྡང་བ་སོགས་ངོ་མཚར་བའི་དགེ་མཚན་ཇི་སྙེད་པ་བྱུང་། དཔལ་ཀྱེ་རྡོ་རྗེ་མན་ངག་ལུགས་ཀྱི་དཀྱིལ་འཁོར་ལ་བརྟེན་ནས་(༥༢བ)

― GLG009_Page_0714 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོའི་མགོན་པོ་བླ་མ་རྡོ་རྗེ་འཆང་ལ་ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་ནམ་མཁའི་ཁམས་ཡོངས་སུ་གང་བ་ཏིང་ངེ་འཛིན་གྱི་མཐུས་སྤྲུལ་བར་མ་ཟད་དངོས་སུའང་ཆུ་གཉིས་སྔོན་དུ་འགྲོ་བའི་ཉེར་སྤྱོད་བརྒྱ་ཕྲག་ཏུ་ལོངས་པ་ཉིན་རེ་བཞིན་བསྟར་བར་མཆོད་དཔོན་འཇམ་དབྱངས་རྒྱལ་མཚན་གཅིག་པུས་ལག་དར་བས་ཉིན་མཚན་ཀུན་ཏུ་ངལ་བའི་དཀའ་ཐུབ་ལ་བརྟེན་པའི་ཚོགས་བསགས། དགྱེས་རྡོར། འཇིགས་བྱེད། ཡང་གསང་ཁྲོས་པ། ཀུན་རིག །སྨྱུང་གནས་དང་ལྔའི་གདུང་ཆོས་བཙུགས། རི་ཕུག་ནས་ཁྱབ་བདག་ཞ་ལུ་པ་ཆེན་པོ་ཕེབས་པ་རྒྱང་གཟིགས་ནས་ནམ་མཁའ་གཡའ་དག་པ་ལ་འཇའ་དཀར་སྐུ་གདུང་རིན་པོ་ཆེར་མདུང་ཚུགས་སུ་ཟུག་པས་མཚོན་པའི་གཟིགས་སྣང་ཁྱད་པར་ཅན་བྱུང་བར་གདའ། ཞབས་དྲུང་དབོན་དང་རྗེ་ཞ་ལུ་པ་གཉིས་གསོལ་ཚིགས་གནང་བའི་ཚེ་ནམ་མཁའ་ཐམས་ཅད་མེ་ཏོག་གི་ཆར་གྱིས་གང་བས་ཆོས་ཆེན་གྱི་རྒྱ་མཐོངས་ལ་མི་ཤོང་བ་ལྟ་བུ་བབས། ཉེ་སྐོར་གྱི་སེར་ཚོགས་གྲལ་དབུར་ཡངས་ཅན་མཁན་རིན་པོ་ཆེ་ངག་དབང་ཆོས་གྲགས་གདན་དྲངས་པའི་ཚ་ར་མང་ཇ་འགྱེད་འབུལ་བ་སོགས་གྱ་ནོམ་པས་བསྙེན་བཀུར། ཡུལ་མི་རྣམས་ལ་འབྲུ་ཁྲོ་ཟངས་སོགས་ཀྱི་སྦྱིན་གཏོང་མཛད། ཧོར་ཟླ་བཅུ་གཉིས་པའི་ཚེས་བརྒྱད་ཀྱི་ནུབ་ཀྱེ་རྡོར་མན་ངག་ལུགས་ཀྱི་དཀྱིལ་འཁོར་གྱི་སྒོ་ནས་སྐུ་གདུང་རིན་པོ་ཆེ་དཔལ་ཧེ་རུ་ཀཿཞལ་བརྒྱད་པའི་རྣམ་པར་གྱུར་པ་ལ་རྫས་ཆེན་བཅུ་གཉིས་གཙོ་བོར་གྱུར་པའི་མཐའ་ཀླས་པའི་མཆོད་པ་ཐམས་ཅད་མཆོད་བྱ་མཆོད་བྱེད་དང་བྲལ་བའི་གནས་ལུགས་རང་ངོ་དོན་གྱི་བླ་མར་རྟོགས་པའི་རྡོ་རྗེ་འཆང་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོ་ཉིད་ཀྱིས་ཕྱག་དར་ནས་ཞུགས་སུ་(༥༣ན)

― GLG009_Page_0715 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུལ་བའི་སང་ཉིན་ནམ་མཁའ་ཐམས་ཅད་འཇའ་སྤྲིན་དང་ལྷ་རྫས་མནྡར་བའི་ཆར་གྱིས་གང་། པུར་ཁང་ཞལ་ཕྱེ་བས་ཚོམས་ལ་དུང་དཀར་གཡས་འཁྱིལ་མགོ་སྤྲོད་དབར་དུ་འཕེལ་གདུང་ཡུངས་ཀར་སྤུངས་པ་ལྟ་བུ་བྱུང་། ས་སྐྱར་དཀར་པོ་རྒྱང་གྲགས་བུས་པའི་ཚིགས་སུ་མང་འགྱེད་ཚ་ར། བཞི་ཐོག་ཏུ་བདག་ཆེན་ཁྲི་རིན་པོ་ཆེར་འབུལ་བ། གཙུག་ལག་ཁང་དང་མགོན་ཁང་རྣམས་སུ་མཆོད་པ། ཁའུ་སྐྱེས་ལྷས་སུ་མང་ཇ་ཞྭ་འགྱེད། ཞ་ལུར་མང་ཇ་ཚ་ར། ས་ལུགས་གཙོ་བོར་གྱུར་པའི་དབུས་གཙང་གི་དགོན་པ་མང་དག་ལ་མང་ཇ་བསྔོ་རྟེན། ཡར་ཀླུངས་སུ་སེར་ཚོགས་རྒྱས་པའི་གྲལ་དབུར་རྡོ་རྗེ་བྲག་ནས་བྱང་བདག་རིགས་འཛིན་ཆེན་པོ་གདན་དྲངས་པའི་འབུལ་བ་མང་འགྱེད་ཚ་ར། བཀྲ་ཤིས་རྩེ་ཆོས་སྡེར་རྡོ་རྗེ་འཆང་གི་སྐུ་བརྙན་གཙོ་བོར་བཞུགས་པའི་ལམ་ཟབ་ལྷ་ཁང་དངོས་གཙང་བ། ནག་པ་ཟླ་བར་དཔལ་དུས་ཀྱི་འཁོར་བོའི་སྐུ་གསུང་ཐུགས་ཡོངས་རྫོགས་ཀྱི་དཀྱིལ་འཁོར་སྒྲུབ་མཆོད་སྟར་ཆགས་སུ་བཙུགས། ཚར་ཆེན་ཡབ་སྲས་གསུམ་གྱི་བཀའ་འབུམ་གསར་བཞེངས་སོགས་རྡོ་རྗེ་འཆང་མགོན་པོ་བསོད་ནམས་མཆོག་ལྡན་གྱི་ཐུགས་ཁུར་བཞེས་ཏེ་དྲིན་ཅན་བླ་མ་གདན་གསུམ་ཚང་བའི་རྡོ་རྗེ་སློབ་དཔོན་གང་གི་དགོངས་པ་ཟག་མེད་ཆོས་ཀྱི་དབྱིངས་སུ་རྫོགས་པར་མཛད་དོ། །འགྲོ་ཆེད་མནར་མེད་གནས་སུ་འཇུག་པ་ལ། །རྒྱལ་དང་དེ་སྲས་སྤྲོ་དགའ་ཆེར་ལྟ་ན། །མི་བསྲུན་ཚེར་མལ་གྱིས་འབྱུང་ཞི་བའི་དབྱིངས། །གཟིམས་པར་མཛད་ན་སེམས་པའི་ངང་ཚུལ་ཅི། །འཆི་མེད་ལེགས་ལྡན་མགོན་པོ་ལ་བརྟེན་ནས། །འཆི་བའི་དངོས་བརྒྱ་འཇོམས་པའི་རྟེན་འབྲེལ་མཐུས། །འཆི་བདག་བདུད་སྡེའི་དཔུང་བཅས་ཟིལ་མནན་ཏེ། །འཆི་གསོས་སྨན་བཞིན་གདུལ་བྱའི་རེ་བ་བཀང་། །ཡིད་སྲུབས་འཇམ་མཉེན་(༥༣བ)

― GLG009_Page_0716 ―

^{[མ་དཔེ་གཟིགས་ན་འདིར་གནོན།]}

[Full Size]

མདའ་ཡིས་རྙིང་ཕུག་པས། །ཡིད་དབང་རྣལ་དུ་མ་གྱུར་སྨྲ་བརྗོད་འགས། །ཡིད་མང་མནར་བྱེད་དུཿཁ་ཚེར་མ་དེ། །ཡིད་ཅན་འདྲེན་མཆོག་གསོལ་བཏབ་མཐུ་ངེས་ཕྱུངས། །མཚུངས་མེད་བླ་མའི་སྲས་ཀྱི་ཐུ་བོ་མཆོག །རིང་ལུགས་ཕ་མཐར་སྤེལ་བའི་ཞ་ལུ་པར། །བྱང་ཆེན་བར་དུ་རྗེས་འཛིན་བརྡ་ཐབས་སུ། །ཐ་མའི་གསུང་གི་གནང་བ་ཅི་ཡང་སྩལ། །ཀྱེ་མ་མགོན་ཁྱོད་ཐུགས་རྗེ་ཉིན་མོར་བྱེད། །འཆར་ནུབ་སྤངས་ཀྱང་སྐལ་ངན་འགྲོ་བའི་ངོར། །དམ་པའི་ཆོས་ཀྱི་སྣང་བ་འོད་པོ་ཆེ། །བཞུད་པས་སྟུག་པོའི་སྨག་གིས་ཁྱབ་འདི་སྐྱོ། །སཱ་ལའི་ལྗོངས་འདིའི་སྐྱེ་རྒུ་ཡོངས་བོར་ནས། །བརྩེ་མེད་མཁའ་སྤྱོད་གཤེགས་ལ་ངོ་མཚར་ལྟས། །བློ་བྲིད་འདི་ལ་དགའ་བར་སེམས་པ་རྣམས། །མ་གས་སྙིང་དེ་ལྕགས་ཀྱི་གོང་བུར་ཟད། །རྣམ་ཀུན་མཆོག་ལྡན་ཟུང་འཇུག་ཕྱག་རྒྱ་ཆེར། །དང་པོའི་མགོན་པོར་བཞེངས་ལ་བལྟོས་མིན་ཀྱང་། །འགྲོ་བའི་ཚོགས་ཆེན་རྫོགས་སླད་རྒྱལ་ཚབ་རྗེས། །ཀུན་བཟང་མཆོད་སྤྲིན་མཁའ་ངོས་དོག་པོར་བཀང་། །ཞིང་འདིར་གཟུགས་སྐུའི་རི་བོར་རབ་བཏང་ཡང་། །ཆ་ཤས་ཉེར་གང་སྙིང་རྗེའི་ཟླ་དཀྱིལ་ངོས། །ལྷག་བསམ་རི་དྭགས་སྣང་བརྙན་རྟག་འཆར་བའི། །ངང་ཚུལ་འདི་ལ་བསམ་སྐྱིན་རྩེ་དགའ་རྒོད། །དེ་ལྟར་དུས་གསུམ་སངས་རྒྱས་ཐམས་ཅད་འདུས་པའི་ངོ་བོ་རིགས་དང་དཀྱིལ་འཁོར་ཀུན་གྱི་ཁྱབ་བདག་དྲུག་པ་རྡོ་རྗེ་འཆང་ཆེན་པོའི་ཐུན་མོང་བའི་གདུལ་བྱ་རྣམས་ཀྱི་སྣང་ངོར་ངུར་སྨྲིག་གར་གྱིས་རོལ་བ་མཁས་པ་དང་གྲུབ་པའི་འཁོར་ལོས་བསྒྱུར་བ་རྗེ་བཙུན་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོའི་རྣམ་པར་ཐར་པ་ནི་རྒྱ་མཚོ་ཆེན་པོ་ལྟར་གཏིང་དཔོག་པར་མི་ནུས་ན་བདག་འདྲའི་བློ་དམན་ཚོགས་ཀྱིས་ཚང་བར་བརྗོད་པ་ནི་ལྟ་ག་ལ་ཞིག །འོན་ཏེ་ཆ་ཤས་ཙམ་གྱིས་ཟིན་བྲིས་གཉིས་གསུམ་སྣང་བའང་ཕན་(༥༤ན)

― GLG009_Page_0717 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུན་གོ་བསྡུར་ཚེ་ལོ་ཟླ་སོགས་ནོར་འཁྲུལ་འགའ་ཞིག་མཆིས་པ་མི་ཐོག་བརྗེས་པའི་རྒྱུས་ཡོད་ཀྱང་དཀོན་གཤིས་དྲི་ཡུལ་ཡང་ཆེར་མི་འདུག་མོད་འོན་ཀྱང་རིན་པོ་ཆེ་ཡོལ་པ་བ། མཁན་ཆེན་བསླབ་གསུམ་རྒྱལ་མཚན། སྔགས་འཆང་ཆེན་པོ་བསོད་ནམས་ཆོས་འཕེལ་གསུམ་གྱི་རྣམ་ཐར་ལ་ཞིབ་ཏུ་དཔྱད། ཁྱབ་བདག་ཞ་ལུ་པ་ཐུགས་རྒྱུས་མངའ་བ་རྣམས་ལ་དྲི་མོལ་ཞུས། རྡོ་རྗེ་འཆང་བཀའ་འགྱུར་བའི་གསུང་བགྲོས་ཐོར་བུ་བློར་ཟིན་པས་བརྒྱན། དུས་ཚེས་སོགས་ངེས་པ་དང་གཏན་ཚིགས་ཀྱིས་བསྒྲུབ་རུང་གི་སྟེང་དུ་བག་ལ་ཉལ་གྱི་ཚོགས་ཀྱང་རུང་མཐུན་སྦྱར་ཏེ་བྲིས་པ་སྤྱིར་སོ་སོ་སྐྱེ་བོ་འཁྲུལ་བའི་རང་བཞིན་ཅན་ཡིན་པར་མ་ཟད་ས་བོན་ཧ་ཅང་མི་གསལ་བ་སོགས་ནས་ནོངས་པའི་ཚོགས་ཡོད་ནའང་བླ་མ་ཚང་མའི་དུས་ཀྱི་བརྒྱུད་པ་ལ་ཕན་པའི་ལྷག་བསམ་གྱིས་བཀོད་ཟིན་ཏོ། །བློ་འདས་གདོད་མའི་མགོན་པོ་ཆོས་སྐུའི་དབྱིངས། །མཚན་དཔེའི་དཔལ་འབར་ལོངས་སྐུ་རྟ་ལྗང་ཅན། །སྤྲུལ་སྐུའི་འོད་ཟེར་འཕྲོ་བའི་བསམ་པ་དང་། །འཚམ་པར་སྤྲོ་བའི་ཕ་མཐའ་གང་གིས་རྙེད། །འོན་ཏེ་དབང་ཕྱུག་ཡོན་ཏན་བརྒྱད་ལྡན་པ། །མཁྱེན་རབ་ནོར་འཛིན་བུ་མོའི་མངལ་ཡངས་པོར། །ལུང་རྟོགས་ཡོངས་འདུའི་རྩ་བ་ཆེས་བརྟན་པའི། །སྒྱུ་འཕྲུལ་གར་ལས་འདོད་དགུའི་གྲུ་ཆར་ཕོབ། །སྙིང་པོའི་ཚད་ལྡན་ཡང་སྲིད་བདག་ཆེན་རྗེ། །སྙན་བརྒྱུད་ཆོས་ཀྱི་ཉི་མ་རྡོ་རིང་པ། །སློབ་བཤད་ཤིང་རྟའི་སྲོལ་འཛིན་ཚར་པ་རྗེ། །རྣམ་གསུམ་བསྟན་པའི་ཆེད་དུ་ཁྱེད་བྱོན་སྙམ། །མཁྱེན་བརྩེ་ནུས་པའི་དབང་ཕྱུག་བླ་མ་དེའི། །གདུང་འཚོབ་བསྟན་པའི་རྒྱལ་སྲིད་ཉེར་བསྐྱངས་ཏེ། །བཤད་སྒྲུབ་རིང་ལུགས་དར་མཛད་གནས་གསར་བའི། །རྟོགས་བརྗོད་ཟླ་བས་སྙིང་གི་ཟུག་རྔུ་འབྱིན། ཁྱོད་ཞབས་བསྙེན་པའི་(༥༤བ)

― GLG009_Page_0718 ―

^{[མ་དཔེ་གཟིགས་ན་འདིར་གནོན།]}

[Full Size]

སྐལ་བ་ཆེས་དམན་ཡང་། །གསུང་རྒྱུན་བདུད་རྩི་ངེས་ལེགས་སྲོག་ཟུངས་སུ། བསྒྱུར་ཕྱིར་དང་བས་རྣམ་ཐར་གླེང་བ་འདི། །ཨ་ཧོ་ལས་དཀར་མཐུ་ཡིས་རྙེད་ལ་རངས། །བསོད་ནམས་ཡོངས་བྱས་ཏེ་སེའི་གཙུག་གཏོར་ནས། །སློབ་བཤད་ཡན་ལག་བརྒྱད་ལྡན་ཉལ་འགྲོའི་ཀླུང་། །བགྲང་རིང་སྐྱེ་བའི་བློ་གྲོས་ཆུ་གཏེར་ནང་། །རབ་འབབ་ཐོས་བསམ་སྒོམ་པས་རོ་གཅིག་ཤོག །སྡེ་སྣོད་གསུམ་དང་རྒྱུད་སྡེ་ཀུན་གྱི་བཅུད། །ལོ་པཎ་ཞལ་དྲོད་མ་ཡལ་གསང་བའི་ཆོས། །ལེགས་འཛིན་བརྒྱུད་པ་མུ་ཐི་ལ་ཡི་འཕྲེང་། །ཐུབ་བསྟན་དེ་སྲིད་ཆད་མེད་དར་གྱུར་ཅིག །ཅེས་དཀྱིལ་འཁོར་རྒྱ་མཚོ་སྤྲོ་བ་དང་བསྡུ་བའི་བྱེད་པ་པོ་དཔལ་ལྡན་རྡོ་རྗེ་སེམས་དཔའ་དབང་ཕྱུག་རབ་བརྟན་བསྟན་པའི་རྒྱལ་མཚན་དཔལ་བཟང་པོའི་རྟོགས་བརྗོད་བདུད་རྩིའི་ཟ་མ་ཏོག་ཅེས་པ་འདི་ནི་མཁན་ཆེན་རྡོ་རྗེ་འཛིན་པ་ཆེན་པོ་རིན་ཆེན་བསོད་ནམས་མཆོག་གྲུབ་ཀྱིས་རིང་པོ་ནས་གྱིས་ཤིག་པའི་བཀའ་སྩལ་དང་དབོན་མཁྱེན་རབ་བློ་ལྡན་དང་མཁྱེན་རབ་རྣམ་རྒྱལ་གཉིས་ཀྱིས་ཀྱང་བསྐུལ་བ་ལ་བརྟེན་ནས་བགྱིད་མདུན་ཆེ་ནའང་དོན་མེད་ཀྱི་གཡེང་བས་སྙོམས་ལས་སུ་ལུས་པ་ཉེ་ཆར་ཨཱ་ནལ་ཞེས་པ་མེ་འབྲུག་ཧོར་ཟླ་གཉིས་པའི་མཇུག་ནས་སྙན་བརྒྱུད་བསྟན་པའི་ཉི་མ་མཁན་ཆེན་ཞ་ལུ་པ་ཆེན་པོས་སྐྱིད་ཤོད་ལྷོ་མོས་གཞིས་ཀར་གསུང་ངག་རིན་པོ་ཆེ་ལམ་འབྲས་སློབ་བཤད་འཛུགས་པ་གནང་སྐབས་གསང་ཆེན་བསྟན་པའི་ཤིང་རྟ་པ་བཅོ་བརྒྱད་ཆོས་རྗེ་བྱམས་པ་ངག་དབང་ལྷུན་གྲུབ། ཁྱབ་བདག་བཀའ་འགྱུར་བ་ཆེན་པོའི་དབོན་རིན་པོ་ཆེ་ནམ་མཁའ་བསོད་ནམས་དབང་གི་རྒྱལ་པོ། གྲུབ་པའི་དབང་ཕྱུག་ལྕགས་ཟམ་པའི་གདུང་འཛིན་སྒེར་པ་ཆོས་རྗེ་ངག་དབང་(༥༥ན)

― GLG009_Page_0719 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་འཛིན་ཕུན་ཚོགས་གསུམ་གྱིས་ལམ་འབྲས་བརྒྱུད་པའི་རྣམ་ཐར་ཁ་སྐོངས་ལ་ད་ལམ་ཅིས་ཀྱང་དགོས་ཞེས་གསུང་གིས་བསྐུལ་བ་ལྟར་ཀུན་སྤངས་ཆོས་རྗེའི་རིང་ལུགས་ལ་རྒྱུ་མཚན་ཤེས་ནས་དད་པ་ཐོབ་པའི་སློབ་བཤད་འཛིན་པ་ཟ་ཧོར་གྱི་བནྡེ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས་ནག་པ་ཟླ་བའི་ཉེར་གཉིས་ཟླ་བ་གྲོ་བཞིན་གྱི་འགྲུབ་སྦྱོར་ལ་དབུ་བཙུགས་ཀྱང་སོམ་ཉིར་གྱུར་པའི་དོགས་གཅོད་འདྲས་བུལ་འགྲོས་ཀྱི་ངོས་ཆུ་ཤེལ་གྱི་དབང་པོ་སྣྲོན་གྱིས་ཉ་པའི་དཀར་ཆའི་གང་བ་གསུམ་པ་ལྷག་པ་ལྷ་མཚམས་ཀྱི་འགྲུབ་སྦྱོར་གྱི་ཉིན་རང་བྱུང་འཕགས་པ་འཇིག་རྟེན་དབང་ཕྱུག་གི་གཞལ་མེད་ཁང་ཕོ་བྲང་ཆེན་པོ་པོ་ཏ་ལར་སྦྱར་བའི་ཡི་གེ་པ་ནི་རིགས་འཛིན་གྱི་བཙུན་པ་འཇམ་དབྱངས་གྲགས་པས་བགྱིས་པ་ཚར་ཆེན་ཆོས་ཀྱི་རྒྱལ་པོའི་རིང་ལུགས་བྱམས་མགོན་མཆོག་གི་སྤྲུལ་པའི་སྐུར་མངོན་པར་རྫོགས་པ་འཚང་རྒྱ་ཚུལ་བསྟན་པ་དེ་སྲིད་དུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག །སརྦ་མངྒལཾ།། །།

དུས་གསུམ་གྱི་བདེ་བར་གཤེགས་པ་མ་ལུས་བའི་ངོ་བོ་ཁྱབ་བདག་རིན་ཅེན་བསོད་ནམས་མཆོག་གྲུབ་བསྟན་པའི་རྒྱལ་མཚན་དཔལ་བཟང་པོའི་རྣམ་པར་ཐར་པ་དཔྱོད་ལྡན་ཡིད་དབང་འགུགས་པའི་ལྕགས་ཀྱུ།

― GLG009_Page_0721 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་གྱི་བདེ་བར་གཤེགས་པ་མ་ལུས་བའི་ངོ་བོ་ཁྱབ་བདག་རིན་ཅེན་བསོད་ནམས་མཆོག་གྲུབ་བསྟན་པའི་རྒྱལ་མཚན་དཔལ་བཟང་པོའི་རྣམ་པར་ཐར་པ་དཔྱོད་ལྡན་ཡིད་དབང་འགུགས་པའི་ལྕགས་ཀྱུ་ཞེས་བྱ་བཞུགས་སོ།།

― GLG009_Page_0722 ―

^{[མ་དཔེ་གཟིགས་ན་འདིར་གནོན།]}

[Full Size]

ཏྲཻ་ཀཱ་ལེ་ཥུ་ལཀྵྨིབྷ་ཝནྟུ། དུས་གསུམ་གྱི་བདེ་བར་གཤེགས་པ་མ་ལུས་པའི་ངོ་བོར་རིགས་དང་དཀྱིལ་འཁོར་ཀུན་གྱི་ཁྱབ་བདག་དང་པོའི་སངས་རྒྱས་དུས་ཀྱི་འཁོར་ལོ་ཚུལ་ཁྲིམས་ཀྱི་དྲི་ངད་ཕྱོགས་བརྒྱར་ཁྱབ་པའི་འཚམས་སྤྲིན་གསར་པའི་བླ་གོས་ཅན་རིན་ཆེན་བསོད་ནམས་མཆོག་གྲུབ་བསྟན་པའི་རྒྱལ་མཚན་དཔལ་བཟང་པོའི་རྣམ་པར་ཐར་པ་དཔྱོད་ལྡན་ཡིད་དབང་འགུགས་པའི་ལྕགས་ཀྱུ་ཞེས་བྱ་བ་དཔལ་ལྡན་བླ་མ་དམ་པའི་ཞབས་ཀྱི་པདྨར་ཡན་ལག་མཆོག་གིས་བཏུད་ནས་གསོལ་བ་འདེབས་ན་ཐམས་ཅད་མཁྱེན་པའི་ཡེ་ཤེས་མངོན་དུ་མ་གྱུར་བར་དེ་སྲིད་དུ་བརྩེ་བ་ཆེན་པོས་རྗེས་སུ་གཟུང་དུ་གསོལ། །རིན་ཆེན་ཕུང་པོར་སྤུངས་པས་རྙེད་མིན་བསོད་ནམས་ཡེ་ཤེས་ཚོགས་ཆེན་པོས། །ཉེར་བསྐྲུན་ཆོས་གཟུགས་སྐུ་གཉིས་མངོན་གྱུར་སྟུག་པོ་བཀོད་པའི་མགོན་པོ་མཆོག །སྣ་མང་སྤྲུལ་བའི་ཟློས་གར་བསྒྱུར་ལས་ཞིང་འདིར་མཁས་གྲུབ་ཚུལ་བསྟན་ནས། །ཐུབ་པའི་རིང་ལུགས་རྒྱལ་མཚན་བསྒྲེང་མཛད་དཔལ་ལྡན་སྐལ་པ་བཟང་(༢ན)

― GLG009_Page_0723 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་བསྔགས། །འཕོ་མེད་གཙུག་ཏོར་རྩེར་བཅིངས་བདེ་ཆེན་ཝཾ། །སྟོང་ཆེན་ཨེ་དབྱིངས་སྣ་ཚོགས་ལྷ་མོ་དང་། །མཉམ་སྤྱོད་ཀཱ་ལ་ཙནྡྲ་བཤེས་གཉེན་དུ། །སྟོན་པའི་འཁྲུལ་པོ་ཆེ་གཞན་དམིགས་སུ་མེད། །ཚུལ་དེ་ལེགས་པའི་ཆ་བསགས་གྲོང་ཁྱེར་ན། །དཔལ་ལྡན་རྒྱུ་སྐར་འཁོར་ལོར་སྐལ་ཅན་རྣམས། །སྨིན་མཛད་འཇམ་དབྱངས་གྲགས་སྙན་འབར་བའི་ལྷ། །ལྗོངས་འདིའི་ཤིང་རྟ་ཆེན་པོར་བསྟན་ནམ་སྙམ། །ཡང་ན་བདག་མེད་མཁའ་འགྲོའི་གསང་མཛོད་ཀུན། །ཉེར་འཛིན་རྣལ་འབྱོར་དབང་ཕྱུག་རིང་ལུགས་སྲོག །ཟུངས་སུ་ཤར་ཕྱོགས་སློབ་དཔོན་ཀརྞ་ཀཿ །བྱོན་ཏམ་བློ་འདི་སོམ་ཉིའི་དྲ་བར་ཚུད། །གཅིག་ཏུ་དཀར་པའི་ཐུབ་བསྟན་ཁ་བའི་རི། །ལོག་རྟོག་ན་བུན་བསངས་ནུས་རྣམ་དཔྱོད་ཉི། །མ་ཕམ་བླ་མའི་རིང་ལུགས་པ་ཀཱུ་ལ། །འབྱེད་པའི་གཡོན་མིག་འགྲམ་ཆང་ད་གདོད་འཐོར། །རྒྱལ་སྲས་སློབ་མའི་ཚོགས་ཀྱིས་མགྲིན་གཅིག་གླུ། །ཉེར་བླངས་གདུགས་དང་བ་དན་རོལ་མོར་(༢བ)

― GLG009_Page_0724 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས། །བུ་སྟོན་ཆོས་རྗེའི་བཤད་སྒྲུབ་བདག་པོ་རུ། །མགོན་ཁྱོད་མངའ་གསོལ་ཆེད་དུ་དབང་བསྐུར་ངེས། །ལྷུན་པོའི་རྩེ་མོར་རྣམ་པར་སྣང་མཛད་ཀྱིས། །ཡོངས་སྤྲུལ་གཞའ་ཚོན་ལྟར་བཀྲའི་གཞལ་མེད་ཁང་། །གངས་ཅན་དྭངས་མཚོར་སྒྲིབ་བྲལ་འཆར་ནུས་དེང་། །རྡོར་སེམས་ངོ་བོ་མི་གཏོང་ཁྱོད་གཅིག་པུ། །གང་བློ་ཡངས་པའི་མངལ་དུ་མཁས་གྲུབ་ཀྱི། །ཡོན་ཏན་གསེར་སྒོང་སྨིན་པའི་རྟོགས་བརྗོད་ཆེད། །འཛིན་ལ་ཁྱབ་འཇུག་རིག་རྩལ་ཆེན་པོའི་མཐའ། །འཛད་ན་བདག་འདས་བརྗོད་པའི་ཁུར་དེ་ལྕི། །བསམ་གཏན་པར་བཅོས་འགོག་པའི་ཏིང་འཛིན་མཁན། །རྟོག་གེའི་ཚིག་མདས་ངེས་པའི་དོན་སྙིང་འབིགས། །ཆེར་རློམ་འཕྱོན་མའི་སྤྱོད་ཚུལ་གླེང་མཐོང་ཚེ། །སྒྱིད་པ་མི་སྐྱུར་གཟེངས་བསྟོད་སེམས་དེ་སྤྲོ། །རྫུན་ཕྲ་རྩབ་ཀྱལ་སེར་བས་ཕན་བདེའི་ལོ། །འཇོམས་འདྲེན་ལྕེ་ཡི་གློག་ཞགས་མང་འཁྱུག་མོད། །གཏན་མདུན་མྱུ་གུ་བསྐྱེད་ནུས་ངོ་མཚར་གཏམ། །ཆུ་འཛིན་ལང་ལོང་གཡོ་བ་བརྒྱ་ལམ་ཙམ། །དེ་ཕྱིར་གདན་གསུམ་ཚང་བའི་ཧེ་རུ་ཀཿ །བཤེས་གཉེན་སྒྱུ་དྲར་རོལ་བའི་ཐུན་མོང་གི །རྣམ་ཐར་ནོར་འཛིན་གཞི་ལས་སོར་མོའི་རྩེས། །བླངས་པའི་རྡུལ་གྱི་གྲངས་ཙམ་བཤད་ཀྱིས་ཉོན། །དེ་ཡང་མཁས་འཇུག་ལས། བསྟན་བཅོས་བྱེད་པའི་དམ་པ་ཡིས། །སྟོན་པ་ལ་ནི་མཆོད་བརྗོད་བྱ། །བསྟན་པ་སྤེལ་ཕྱིར་དག་པའི་ཚིག །འདི་ལ་འཐད་པ་བཟང་པོ་མཐོང་། །ཞེས་པ་ལྟར་ཡུལ་ཁྱད་པར་ཅན་ལ་ཆེད་དུ་བརྗོད་པའི་ཚིགས་སུ་བཅད་པ་ཏམྦཱུ་རའི་རྒྱུད་ལས་ཉེ་བར་དྲངས་ཏེ་སྐབས་སུ་གླེང་བར་བྱ་བ་ནི། མགོན་པོ་ཞི་བ་ལྷས། འགྲོ་བའི་སྡུག་བསྔལ་(༣ན)

― GLG009_Page_0725 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་གཅིག་པུ། །བདེ་བ་ཐམས་ཅད་འབྱུང་བའི་གནས། །བསྟན་པ་རྙེད་དང་བཀུར་སྟི་དང་། །བཅས་ཏེ་ཡུན་རིང་གནས་གྱུར་ཅིག །ཅེས་ལུས་ཅན་རྣམས་རྒྱུ་ཀུན་འབྱུང་ལས་ཉོན་གྱི་བདེན་པ་ལས་འབྲས་བུ་སྡུག་བསྔལ་བདེན་པ་འབྱུང་བའི་ཟུག་རྔུ་རྩ་བ་ནས་འབྱིན་པར་བྱེད་པའི་རྩི་སྨན་གྱི་ལྗོན་པ་ཆེན་པོ། །རྒྱུ་ལམ་གྱི་བདེན་པ་ལས་འབྲས་བུ་འགོག་པའི་བདེན་པའི་ཞར་ལ་གནས་སྐབས་སྲིད་པའི་བདེ་བ་རྣམས་ཀྱང་འབྱུང་བའི་སྒོ་གཅིག་པུ་ས་གསུམ་གྱི་སྒྲོན་མེ་སངས་རྒྱས་བཅོམ་ལྡན་འདས་ཀྱི་བསྟན་པ་རིན་པོ་ཆེ་ཡིན་ལ། དེ་ཡང་སངས་རྒྱས་ཕལ་པོ་ཆེ་ལས། ནམ་མཁའིམཐར་ཐུག་གྱུར་པ་ཇི་ཙམ་པ། །སེམས་ཅན་མ་ལུས་མཐའ་ཡང་དེ་བཞིན་ནོ། །ཞེས་ནམ་མཁའི་མཐའ་ཁྱབ་པ་དེ་སྙེད་ལྟར་སེམས་ཅན་གྱི་ཁམས་ཀྱང་ཟད་པ་མེད་པས་འགྲོ་བ་རྣམས་འདྲེན་པའི་ཆེད་དུ་འདས་པ་དང་མ་བྱོན་པ་དང་ད་ལྟར་བཞུགས་པའི་སངས་རྒྱས་ཀྱི་གྲངས་ཀྱང་འདི་ཙམ་མོ་ཞེས་བློའི་ར་བ་ལས་ཡོངས་སུ་བརྒལ་ལ། འོན་ཀྱང་ལྷ་རྣམས་ཀྱིས་འདི་ནི་བསྐལ་པ་བཟང་པོའོ་ཞེས་པའི་ཆེད་དུ་བརྗོད་པའི་གྲགས་ཅན་གྱི་བསྐལ་པ་འདི་ལ་སངས་རྒྱས་སྟོང་ངམ་སྟོང་དང་ལྔ་ཚང་བར་འབྱུང་བའི་བཞི་པ་འོ་སྐོལ་གྱི་རྣམ་འདྲེན་ཟས་གཙང་གི་སྲས་པོ་འདི་ཉིད་རྒྱུད་བླ་མར། ཐུགས་རྗེ་ཆེན་པོས་འཇིག་རྟེན་མཁྱེན། །འཇིག་རྟེན་ཀུན་ལ་གཟིགས་ནས་ཀྱང་། །ཆོས་ཀྱི་སྐུ་ལས་མ་གཡོས་པར། །སྤྲུལ་པའི་རང་བཞིན་སྣ་ཚོགས་ཀྱིས། །སྐྱེ་བ་མངོན་པར་སྐྱེ་བ་དང་། །དགའ་ལྡན་གནས་ནས་འཕོ་བ་དང་། །ལྷུམས་སུ་ཞུགས་དང་བལྟམས་པ་དང་། །བཟོ་ཡི་གནས་ལ་(༣བ)

― GLG009_Page_0726 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་པ་དང་། །བཙུན་མོའི་འཁོར་བཅས་རོལ་པ་དང་། །ངེས་འབྱུང་དཀའ་བ་སྤྱད་པ་དང་། །བྱང་ཆུབ་སྙིང་པོར་གཤེགས་པ་དང་། །བདུད་སྡེ་འཇོམས་དང་རྫོགས་པར་ནི། །བྱང་ཆུབ་ཆོས་ཀྱི་འཁོར་ལོ་དང་། །མྱ་ངན་འདས་པར་སྟོན་མཛད་རྣམས། །ཡོངས་སུ་མ་དག་ཞིང་རྣམས་སུ། །སྲིད་པ་ཇི་སྲིད་གནས་པར་སྟོན། །ཞེས་འོག་མིན་གྱི་གནས་སུ་ངེས་པ་ལྔ་དང་ལྡན་པའི་ལོངས་སྤྱོད་རྫོགས་པའི་སྐུ་མངོན་པར་རྫོགས་པར་སངས་རྒྱས་ནས་དགའ་ལྡན་གྱི་གནས་སུ་དམ་པ་ཏོག་དཀར་པོའི་རྣམ་པར་བསྟན་པ་དེ་ཉིད་འཛམ་བུའི་གླིང་དུ་ཤཱཀྱའི་བརྒྱུད་དུ་འཁྲུངས་ཏེ་མཛད་པ་བཅུ་གཉིས་བསྟན་པའི་གཙོ་བོ་ནི། ཆོས་ཀྱི་འཁོར་ལོ་རིམ་པ་གསུམ་དུ་བསྐོར་ཏེ་གདུལ་བྱ་རྣམས་སྨིན་གྲོལ་གྱི་ལམ་ལ་བཀོད་པའི་ལུང་གི་བསྟན་པའང་། ཇི་སྐད་དུ། མདོ་སྡེ་དབྱངས་བསྙན་ལུང་བསྟན་དང་། །ཚིགས་བཅད་ཆེད་བརྗོད་གླེང་གཞི་དང་། །རྟོགས་བརྗོད་དེ་ལྟ་བུ་བྱུང་དང་། །སྐྱེས་རབས་ཤིན་ཏུ་རྒྱས་པ་དང་། །རྨད་བྱུང་གཏན་ལ་དབབ་པའི་སྡེ། །གསུང་རབ་ཡན་ལག་བཅུ་གཉིས་སོ། །ཞེས་ཡན་ལག་བཅུ་གཉིས་སམ། བསྡུ་ན་སྡེ་སྣོད་རིན་པོ་ཆེ་རྣམ་པ་གསུམ་དུ་འདུ་བའི་བསྟན་པ་དེ་འཕེལ་ཞིང་རྒྱས་ལ་ཡུན་རིང་དུ་གནས་པའང་དེ་འཛིན་ལ་རག་ལས་པས། རྡོ་རྗེ་སློབ་དཔོན་ཆེན་པོ་ཁྱབ་བདག་ཞ་ལུ་པ་རིན་ཆེན་བསོད་ནམས་མཆོག་གྲུབ་ཉིད་ཀྱི་སྐུའི་སྐྱེ་བ་སྔ་མ་ཞ་ལུ་བྱང་གླིང་པ་རིན་ཆེན་བཀྲ་ཤིས་རྒྱལ་མཚན་དཔལ་བཟང་པོ་ཡིན་པར་རྡོ་རྗེ་འཆང་དབང་ཕྱུག་རབ་བརྟན་གྱིས་འདར་ཆོས་འཁོར་ཡང་རྩེར་དུས་ཀྱི་འཁོར་ལོའི་དབང་གནང་བའི་ཚེ་འོད་གསལ་ལ་ཤར་བ་དང་གིང་ཆེན་ཚངས་པ་དུང་ཐོད་ཅན་(༤ན)

― GLG009_Page_0727 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་ཀྱང་ངོས་འཛིན་མཛད། རྗེས་སུ་ཞ་ལུ་པའི་བསྟན་སྲོག་བཟུང་བའི་མཛད་པ་ལ་དཔགས་ཀྱང་སོམ་ཉི་དང་བྲལ་ལ། གཞན་མ་དམ་པའི་ཡང་སྲིད་མཐའ་ཡས་པ་ཡོད་པར་གོར་མ་ཆག་ནའང་རྣམ་ཐར་གྱི་ཟིན་བྲིས་དགོས་ཚུལ་ཞུས་པའི་རེག་ཟིག་ཏུ། ཕྲན་བུ་བདག་ལ་རྣམ་ཐར་འགོད་འོས་པའི་ལུང་དང་རྟོགས་པའི་ཡོན་ཏན་ཅི་ཡང་མེད་ཀྱང་བླ་མའི་བཀའ་གཅོག་མ་ནུས་པས་གཡར་ཚ་སྤངས་ནས་གཡར་ཁྲལ་དུ་འཚལ་བ་ལ། ཞེས་ཡོན་ཏན་ཐམས་ཅད་རྐུན་པོའི་ནོར་བཞིན་སྦ་བ་ལྷུར་བླངས་ཏེ་མངོན་པར་མི་མཛད་པས་སྤྱན་དང་མངོན་པར་ཤེས་པ་མངའ་བ་རྣམས་མ་གཏོགས་བདག་ལྟའི་དམན་བློའི་ཡུལ་ལས་འདས་པས་རྔོ་མ་ཐོགས། སྐུ་ཚེ་འདིའི་ཐུན་མོང་བའི་གདུལ་བྱ་དང་སྒོ་བསྟུན་པའི་མཛད་པ་རགས་རིམ་ཙམ་ལ་སྐུ་བལྟམས་པའི་ཡུལ་ནི། ཇོ་བོ་ཆེན་པོ་མར་མེ་མཛད་རྡོ་རྗེ་གདན་གྱི་ནུབ་ཕྱོགས་འོད་དཔག་མེད་པའི་ལྷ་ཁང་ན་བྱང་ཆུབ་ཀྱི་སེམས་བསྒོམ་པར་མཛད་པའི་ཚེ་ཕྱག་ན་པདྨས་ཞལ་བསྟན་ནས། སྐྱེས་བུ་དམ་པ་ལེགས་སོ་ལེགས་སོ་དུས་གསུམ་གྱི་སངས་རྒྱས་ཐམས་ཅད་ཀྱི་གསང་བའི་མཛོད་གང་ཡིན་པ་དེ་ཁྱོད་ཀྱིས་ཤེས་སམ། །འདི་ནས་བྱང་ཕྱོགས་ན་ངའི་ཞིང་ཁམས་ཡོད། ཁྱོད་ཀྱི་ཡི་དམ་ཇོ་མོ་སྒྲོལ་མ་ཡང་དེ་ན་སེམས་ཅན་གྱི་དོན་མཛད་ཅིང་བཞུགས། ཁྱོད་ཀྱི་གདུལ་བྱ་མང་པོ་ཡང་དེ་ན་ཡོད་པས་བྱང་ཕྱོགས་བོད་དུ་སོང་ཞིག །ཅེས་བོད་ཁ་བ་ཅན་གྱི་རྒྱལ་ཁམས་འདི་དགེ་བ་བཅུ་རྫོགས་པར་ཚང་ཞིང་རྒྱལ་བློན་ལོ་པཎ་བྱང་ཆུབ་སེམས་དཔའ་རྣམས་ཀྱི་བཀའ་དྲིན་ལས་ཆོས་ཁྲིམས་དར་གྱི་མདུད་པ་དང་རྒྱལ་ཁྲིམས་གསེར་གྱི་གཉའ་ཤིང་ཟུང་དུ་འཇུག་པའི་(༤བ)

― GLG009_Page_0728 ―

^{[མ་དཔེ་གཟིགས་ན་འདིར་གནོན།]}

[Full Size]

འབངས་རྣམས་བདེ་སྐྱིད་ལ་སྤྱོད་པའི་སྟོད་མངའ་རིས་སྐོར་གསུམ། སྨད་མདོ་ཁམས་སྒང་དྲུག །བར་དབུས་གཙང་རུ་བཞིར་གྲགས་པ་ལས་རུ་ལག་གི་སའི་ཆ་ས་ཧོར་མཆོད་ཡོན་གྱི་དུས་ཆེ་གསལ་ཆེན་མོའི་ཚེ་ཁྲི་སྐོར་བཅུ་གསུམ་དུ་དབྱེ་བ་ལས་ཞ་ལུ་ཁྲི་དཔོན་གྱི་ཆབ་འབངས་སུ་གཏོགས་པ་འཆི་མེད་ཀྱི་གྲོང་ཁྱེར་ས་ལ་འཕོས་པ་ལྟ་བུ་ཉང་སྨད་ཡིན་ལ། དེ་ཡང་མངའ་རིས་སུ་བོད་ཀྱི་ལྷ་བཙན་པོའི་གདུང་བརྒྱུད་དྲི་མ་མེད་པ་ཡེ་ཤེས་འོད་དང་བསྟན་པ་ཕྱི་དར་གྱི་ལོ་ཙཱ་བ་རྣམས་ཀྱི་ནང་ནས་མཆོག་ཏུ་གྱུར་པ་སྤྲུལ་པའི་སྐྱེས་མཆོག་རིན་ཆེན་བཟང་པོ་གཉིས་ཀྱིས་ཐུབ་པའི་རིང་ལུགས་དར་རྒྱས་སུ་མཛད་པའི་ཚེ་ལོག་པར་འཁུ་ཞིང་འགྲན་ཟླ་ཅན་ཞང་ཞུང་གི་བོན་རྣམས་ཕྱོགས་གཞན་དུ་བསྐྲད་པས་ཐུན་མོང་གི་རྫུ་འཕྲུལ་ཐོབ་པའི་བོན་ཞིག་གིས་དམོད་བོར་ནས་གཤང་ནམ་མཁའ་ལ་འཕུར་བ་སོང་བའི་རྗེས་སུ་འཁུན་དིར་རི་རི་འཕུར་ནས་འོངས་ཏེ་ཉང་སྨད་ཀྱིས་ཕྱོགས་རྒྱང་། སྐྱི་ལི། མག་གསུམ་ཟེར་བའི་མག་གི་ཕུར་པ་ཕུག་ཅིག་ཏུ་ཡུལ་ཆགས་ནས་གཞིས་བཟུང་སྟེ་ཕ་ཚན་མང་དུ་འཕེལ་བར་བོན་རིགས་འཁོན་ཚོ་གཤང་འཕུར་དུ་གྲགས། རུས་རྫ་ཡིན་པས་ཐམས་ཅད་མཁྱེན་པ་བུ་སྟོན་རིན་པོ་ཆེར་འཆི་བདག་འཇོམས་པའི་བསྟོད་ཆེན་བསྐུལ་བ་པོ་བླ་མ་རྫ་པ་ཟེར་བའང་འདི་པའི་རིགས་སུ་གཏོགས། མི་རབས་མང་ཞིག་གི་བར་བོན་གཡུང་དྲུང་གི་མན་ངག་ལ་མཁས་པས་གྲོང་ཆོག་ལ་ཤིན་ཏུ་བྲིན། རིང་ཞིག་ལོན་པ་ན་རྫ་རིགས་ཀྱི་བོན་ཞིག་གིས་སྐུ་ཞང་རྡོ་རྗེ་འཆང་མཁྱེན་རབ་རིན་ཆེན་མཆོག་གྲུབ་ཀྱི་ཞབས་ལ་ཐུག །མཁྱེན་རབ་རིན་པོ་ཆེས་གཞན་ཕན་ཆེ་བར་དགོངས་ཏེ་གསོ་བ་རིག་པའི་གཞུང་ལུགས་བསླབ་ཏུ་(༥ན)

― GLG009_Page_0729 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུག་པར་བདུད་རྩི་སྙིང་པོ་ཡན་ལག་བརྒྱད་པ། རྩ་བཤད་མན་ངག་ཕྱི་མ་སྟེ་རྒྱུད་བཞིར་གྲགས་པ་གཙོ་བོར་གྱུར་པའི་གཞུང་མན་ངག་ལག་ལེན་རྣམས་སློབ་དཔོན་མཁས་པ་མང་དུ་བསྟེན་ཏེ་དཔྱིས་ཕྱིན་པར་སྦྱངས། ཁྱད་པར་སྨན་གྱི་ལྷ་མོའི་པྲ་སྒྲུབ་ཀྱི་སྒོ་ནས་དཔྱོད་པ་དོན་རིག །མཐོང་བ་ཡུལ་རིག །ཐོས་པ་སྒྲ་རིག་གསུམ་ལ་བརྟེན་མི་དགོས་པར་ནད་འདི་ཡིན་དང་སྨན་དཔྱད་བཅོས་ཀ་གང་འཕྲོད་མཐའ་དག་སེམས་ལ་ཝལ་གྱི་འཆར་བའི་ཐུན་མོང་གི་མངོན་ཤེས་གྲུབ་པས་ལྷ་རྗེ་བྱིངས་ལས་ཁྱད་ཞུགས་པའི་གཞན་ཕན་གྱི་འཕྲིན་ལས་ཆེས་ཆེར་འཕེལ་བས་དྲུང་འཚོ་ཆེན་མོར་གྲགས། དེའི་སྲས་འཚོ་བྱེད་བསྟན་པ་གྲགས་པ། དེའི་སྲས་སངས་རྒྱས་གྲགས་པ་ནི་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་ཐུགས་ལ་བཏགས་ནས་རོག་ཚོ་བྱང་པ་སྨན་གྲོང་རིན་པོ་ཆེ་ཞེས་ཚེའི་རིག་བྱེད་ཀྱི་གཙུག་ལག་ལ་གཞན་འདྲིང་མི་འཇོག་པའི་མཁས་པ་ཆེན་པོ་གང་དེའི་དྲུང་དུ་སློབ་གཉེར་ལ་རྫོང་བ་སོགས་ལུགས་གཉིས་ཀྱི་སྒོ་ནས་བདག་རྐྱེན་མཛད། བསླབ་སྦྱངས་ཀྱང་མཐར་ཕྱིན་ནས་ཉང་གཞུང་དུ་དཔོན་ཚང་སྨན་ཁང་ནས་ཞེས་སྤྱི་མཆོད་ཆེན་པོར་གྱུར། ཡབ་ལྷ་རྗེ་དེ་དང་ཆོ་འབྲང་ནི་སྔོན་གྱི་ལྕེ་ལོ་ཙཱ་བ་ཁྱི་འབྲུག་དང་ཛྙཱ་ན་སིདྡྷི་སོགས་ལྕེའི་གདུང་རབས་རིམ་པར་བྱོན་པ་ལས་བར་སྐབས་སུ་ཤར་རྒྱལ་པོའི་ལུང་གིས་ཞ་ལུ་ཁྲི་དཔོན་དུ་བསྐོས་ནས་ལུང་ལག་རྟགས་ཀྱིས་མངོན་པར་མཐོ། དཔལ་ལྡན་ས་སྐྱ་པ་བདག་ཉིད་ཆེན་པོ་བཟང་པོ་དཔལ་གྱི་དུས་གོང་ནས་ངའི་བླ་མའི་གདུང་རབས་ཆད་ན་མི་ཡོང་བ་བཙུན་མོ་དྲུག་ལེན་པར་ལུང་བྱུང་བ་བཞིན་དཔོན་ཆེན་ཨང་(༥བ)

― GLG009_Page_0730 ―

^{[མ་དཔེ་གཟིགས་ན་འདིར་གནོན།]}

[Full Size]

ལེན་གྱིས་དེ་དོན་བཞིན་དོ་དམ་མཛད་པའི་ཞ་ལུ་ཁང་གསར་བའི་སྲས་མོ་བདག་ཉིད་ཆེན་པོས་ཁབ་ཏུ་བཞེས་པར་འཇམ་དབྱངས་དོན་ཡོད་རྒྱལ་མཚན་དང་དཔལ་ལྡན་བླ་མ་དམ་པ་གཉིས་སྐུ་འཁྲུངས་པར་བརྟེན་ཞ་ལུ་སྐུ་ཞང་དུ་གྲགས་ཤིང་། རྒྱལ་བ་གཉིས་པ་བུ་སྟོན་རིན་པོ་ཆེའི་སྦྱིན་བདག་གི་མཐིལ་སྐུ་ཞང་གྲགས་པ་རྒྱལ་མཚན་གྱི་ཟུར་སྲས་དཔོན་ཀུན་དགའ་བསམ་གྲུབ་ལ་གཞིས་དགེ་སྡིངས་སྐལ་བར་ཕོག་པས་སྐུ་ཞང་དགེ་སྡིངས་པར་གྲགས་པ་ཚོང་འདུས་མཐིལ་དུ་གཞིས་བཟུང་བའི་མིང་བདེ་རྒྱས་པ་ཞེས་གཙང་རོང་གི་དྲུང་འཁོར་དྲག་ཁར་གཏོགས་པའི་སྐུ་ཞང་ལྷ་ཨ་ཉན་རྒྱལ་པོའི་སྲས་མོ་ཡེ་ཤེས་མཚོ་རྒྱལ་བསུས་པའི་སྲས་སུ་འཕགས་པའི་ཡུལ་དུ་སྟོད་འགྲེལ་བའི་རྗེས་སུ་འབྲངས་ཏེ་རབ་བྱུང་དུ་གྲགས་པའི་ནང་ཚན་ཤྭ་བྷ་ཀྲྀ་ཞེས་པ་ལྗོངས་འདིར་དགེ་བྱེད་དུ་འབོད་ཅིང་འཇམ་དབྱངས་གོང་མའི་ཁབ་ཏུ་ཞིན་ཡིན་ཞེས་ཆུ་ཕོ་སྟག་ཏུ་གྲགས་པའི་ནམ་མཐོང་ཟླ་བ་ཕྱི་མའི་ཐབས་ཀྱི་ཆའི་དགའ་བ་གཉིས་པ་ཟླ་སྐར་རྒྱལ་ལ་བབས་པའི་ཚེ་ཡུམ་ལ་སྙུན་ཟུག་སོགས་མི་བདེ་བའི་རྣམ་པ་མེད་པར་ཆུ་ཤེལ་གྱི་དབང་པོ་ཤར་རིའི་ཕྲག་པ་ལས་ཐོན་པ་ལྟར་བལྟམས་སོ། །ལྷ་དང་རིག་སྔགས་གྲུབ་པའི་རྫུ་འཕྲུལ་གྱིས། །འཆི་མེད་ལམ་དུ་བྱ་ལྟར་འཕུར་བའི་བོན། །གཡུང་དྲུང་གཤེན་གྱི་ལུགས་སྲོལ་འཛིན་པའི་རིགས། །ཉང་སྨད་སུམ་རྩེན་སྐྱེ་རྒྱུས་མཆོད་པའི་གནས། །མང་བཀུར་གནམ་བསྐོས་རྒྱལ་པོའི་ལུང་བཟང་པོས། ཁྲི་དཔོན་ལས་ཀ་འཛིན་པའི་མི་དབང་དང་། །ཀུན་མཁྱེན་མཁྱེན་བརྩེའི་ཞབས་ཀྱི་བཀའ་དྲིན་མཐུས། །མཐོ་རིས་སྨན་པ་གཉིས་པ་ལྟ་བུར་བཀུར། །བརྟུལ་ཞུགས་གྲུབ་ཐོན་སྣང་རིགས་འགྲོ་(༦ན)

― GLG009_Page_0731 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་གཉེན། །འཇམ་མགོན་བླ་མའི་སྐུ་ཞང་ས་སྤྱོད་ལྕམ། །སྨིན་ལེགས་རྩེ་དགའི་ཆོ་ག་རྫོགས་པ་ལས། །རྒྱལ་སྲས་གཞོན་ནུའི་ཟླ་བ་གསར་དུ་ཚེས། །དེ་ཡང་མངལ་དུ་ཞུགས་པའི་ཚེ་ཡུམ་གྱི་མནལ་ལམ་དུ་མཆོད་རྟེན་ལ་སྐོར་བ་མཛད་པ་དང་དངོས་སུའང་སྡོར་དཀར་ལ་བརྟེན་ན་ཟོ་མདོག་བཟང་ཞིང་དམར་སྐྱུར་ཤོར་ན་མི་བདེ་བ་བྱུང་འདུག་པ་བཞིན་དགུང་ལོ་བཅུ་བདུན་བར་ཡབ་ཡུམ་གྱིས་སྐུ་སྐྱེད་བསྲིང་ཕྱིར་ཤ་ཕྲན་བུ་དབང་མེད་ཀྱིས་བཞེས་སུ་བཅུག་ན་མ་གཏོགས་དམར་གྱི་རིས་ལ་མི་དགྱེས་པ་ཡོད་པར་སྣང་། སྐུ་ཚེ་སྔོན་མ་རྣམས་ནས་གླགས་ལྟ་བུའི་འབྱུང་པོ་གདུག་པ་ཅན་ཞིག་གིས་ཡུམ་སྲས་གཉིས་ཀ་གཤེགས་པར་ཉེ་བའི་ཟུག་རྔུ་དྲག་པོས་གཙེས་པའི་ཚེ་གྲུ་རྡོ་རྗེ་སེང་གེ་ལ་སོགས་པ་རིག་སྔགས་གྲུབ་པའི་བརྟུལ་ཞུགས་ཅན་རིམ་པར་བྱོན་པའི་ཆོས་རྗེ་དགོན་ནུབ་པ་གྲུ་རིག་པ་འཛིན་པ་དགེ་བསྙེན་གྱིས་བགེགས་བསྐྲོད་བྱིན་རླབས་རྟེན་འབྲེལ་དུ་མ་མཛད་པས་ཕན་ངོ་ཙམ་ལས་གཞི་མེད་དུ་མ་གྱུར་ནའང་རིགས་བརྒྱའི་བདག་པོ་དབང་ཕྱུག་རབ་བརྟན་ཉེ་སྐོར་དུ་ཕེབས་པ་དང་འགྲིག་པའི་སྐྱེར་སྒང་ལུགས་ཀྱི་རྟ་མགྲིན་གསང་སྒྲུབ་ཀྱི་དབང་བཞི་བྱིན་རླབས་ཀྱི་ཚུལ་དུ་བསྩལ། དབུ་སྐྲ་བུབས་ཀྱི་བསྲུང་བ་དང་རྡོ་རྗེའི་ར་བའི་ཁོར་ཡུག་ཆེན་པོའི་ནང་དུ་ཆུད་པར་མཛད་པས་བདུད་རིགས་ཀྱིས་བརླང་པོར་སྤྱོད་པའི་ནུས་པ་མཐའ་དག་ཉི་ཟེར་གྱིས་བ་མོ་ལ་རེག་པ་བཞིན་སྐུ་ཚེའི་བར་ཆད་ཀྱི་གཡུལ་ལས་རྣམ་པར་རྒྱལ་བར་བརྟེན། བགེགས་དབང་དུ་མ་སོང་བར་ད་ལྟའི་བར་འཚོ་བ་འདི་བླ་མ་དམ་པ་དེ་ཉིད་ཀྱི་བཀའ་དྲིན་ཡིན་ཞེས་ཐུགས་བཟོ་བའི་གསུང་བགྲོས་ཡང་ཡང་གནང་། འོན་(༦བ)

― GLG009_Page_0732 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་བཀའ་ལས་ཆུང་ངུའི་དུས་ནས་བཙུན་པ་མ་བྱས་པར་གཉིད་དུ་སོང་འཕྲལ་རྨི་ལམ་ལྟ་བུའི་འཁྲུལ་སྣང་ཟ་ཟི་ལ་སེར་བ་དྲག་པོ་འབབ་པའི་རྐང་ཤར་ཤར་གྱི་ཁྲོད་ནས་འབག་གྱོན་པ་སོགས་འཇིགས་གཟུགས་མང་པོས་མཐའ་བསྐོར་ནས་མི་ཚུགས་པ་ལྟ་བུ་ཡོང་བ་ཞིག་རྒྱུན་དུ་བྱུང་ལགས་ཤིང་། དེང་སང་ཡང་དོག་ཆ་ཆེ་སྐབས་ཕྲན་བུ་ཡོང་གི་འདུག་ལགས། དེང་སང་གི་བར་དུ་བྱ་བ་ཆེ་ཆུང་ཅི་བྱེད་ཀྱང་བགེགས་བར་ཆད་རེ་ངེས་པར་ཡོང་གི་འདུག་གསུང་བ་ལ་དཔགས་ན་མཁན་ཆེན་གནས་དྲུག་པ། སྣར་ཐར་མཁན་པོ། འཇམ་དབྱངས་དཀར་པོ་གསུམ་ལ་བསམ་ཡས་ཀྱི་གནས་སྲུང་ཆེན་པོའི་བར་ཆད་བྱུང་བའི་གཞན་གཉིས་གཤེགས། འཇམ་དཀར་གྱིས་ཐུགས་སྲས་རིན་པོ་ཆེར་གྲ་ལྔའི་དབང་ཞུས་པས་བགེགས་ལས་གྲོལ་ནའང་། དེས་རིན་པོ་ཆེ་གདན་ས་བར་གནོད་ཚུལ་ཀུན་མཁྱེན་བུས་གསུངས་པ་བཞིན། ཐུགས་སྲས་རིན་པོ་ཆེ་དང་འཇམ་དཀར་བསུ་རིགས་ཀྱི་བག་ཆགས་སད་པའི་ལྷ་འདྲེའི་སྙོགས་མ་བྱུང་བའི་ངེས་པ་མེད་དམ་སྙམ་པའི་ཀུན་རྟོག་གི་རི་མོར་ཤར་མོད་ཁ་དམར་ནི་གདགས་པར་ག་ལ་ནུས། ལོ་ནང་དེར་རྗེ་རྡོ་རྗེ་འཆང་གིས་རྗེས་གནང་བྱིན་རླབས་སོགས་གསུང་ཆོས་ཡང་ཡང་གནང་། གཅེན་ཆུང་ངུ་ནས་གྲོངས་པའི་སྲི་བྱུང་དོགས་ཀྱི་ལོ་གཅིག་གི་བར་གསོ་བ་རིག་པའི་གཞུང་ནས་བཤད་པ་ལྟར་ཟླ་རེ་བཞིན་མཚན་རིམ་གྱིས་སྤོས་པའི་རྟིང་མ་དོན་གྲུབ་བསོད་ནམས་དབང་གི་རྒྱལ་པོར་གསོལ། དགུང་ལོ་གཉིས་ཙམ་གྱི་དུས་རྡོ་རྗེ་འཆང་དབང་ཕྱུག་རབ་བརྟན་མཇལ་བར་ཕེབས་པ་ན་སྐུ་རྒྱབ་ཀྱི་ཐང་ཁའི་ལྷ་མགྲོན་རྣམས་ལ་ཕྱག་མཛུབ་བསྟད་(༧ན)

― GLG009_Page_0733 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་གང་ཡིན་ཞེས་དྲི་བ་གནང་བར་བླ་མ་དང་ལྷའི་རིགས་འཁྲུལ་མེད་དུ་ངོས་འཛིན་མཛད་པས་འདི་འདྲ་ངོ་ཤེས་པ་དགོད་བྲོ་ཡ་མཚན་ཆེ་ཞེས་དགྱེས་པའི་རྣམ་འགྱུར་ཅི་ཡང་མཛད། དགུང་ལོ་བཞི་ལྔ་ཙམ་གྱི་དུས་རྩེས་པོ་ཁ་སྤུབ་པ་ཁྲིའུ་ཤིང་གི་ལུགས་སུ་བྱས་པའི་སྟེང་དུ་བྱམས་བཞུགས་མཛད་མཆོད་གནས་ཀྱི་གྲ་པ་འདྲས་ས་ཆོག་ལ་དབྱངས་འཐེན་པ་དང་མཉམ་དུ་ཁྲོ་སྤྲོ་མཛད་པའི་སྟང་ཀ་དང་། རེས་གདན་སྣ་ཚོགས་བརྩེགས་པ་བཞུགས་ཁྲིའི་ཚུལ་དུ་མཛད་རྫ་བརྡུངས་པའི་ཕྱེ་མ་དང་རྣམ་པ་བསྲེས་ནས་དཀྱིལ་འཁོར་གྱི་དབྱིབས་བྲིས་ཏེ་སྒྲུབ་མཆོད་ཚུགས་པའི་རྣམ་པ་དང་ཡུམ་སྦྱིན་བདག་ཡིན་རྒྱུའི་ལུགས་ཀྱི་དཔོན་ས་རིན་པོ་ཆེ་དེང་སང་སྐུ་ཁམས་བཟང་པོ་བྱུང་ངམ་གསུང་བ་སོགས་ནི་འཇམ་དབྱངས་བྱང་གླིང་རྗེའི་སྔོན་གྱི་བག་ཆགས་བཟང་པོའི་མཐུ་བརྟས་པར་གདོན་མི་ཟ་ཞིང་། རྗེ་རྡོ་རྗེ་འཆང་འཁྲུལ་ཞིག་ཚུལ་ཁྲིམས་རྒྱལ་མཚན་དུ་འཁྲུངས་པའི་དུས་འཁོར་དུ་ཡོད་ཅེས་གསུང་བ་ལ་དཔགས་ནའང་ཐམས་ཅད་མཁྱེན་པ་བུ་སྟོན་རིན་པོ་ཆེའི་རིང་ལུགས་སྤེལ་བའི་དམ་པ་འགའ་ཞིག་གི་རྣམ་པར་སྤྲུལ་པར་ལུང་རིགས་ཀྱིས་བསྒྲུབ་ནུས་སམ་སྙམ། དགུང་ལོ་བརྒྱད་བཞེས་པ་ས་མོ་བྱའི་ལོ་གཙང་སྡེ་སྲིད་ནས་ཡབ་དཔོན་ཚང་སངས་རྒྱས་གྲགས་པ་རོང་བྱམས་ཆེན་གྱི་གཉེར་པར་བསྐོས་པས་ཡབ་སྲས་ལྷན་ཅིག་ཏུ་ཕེབས། སྔར་གྱི་རྒྱུན་བཞིན་གསོ་རིག་གི་ཕྱོགས་དཔེ་འཛིན་པ་སོགས་སྦྱོང་དར་གྱི་དབུ་བཙུགས་ཀྱང་རྗེ་ཉིད་དམ་པའི་ཆོས་ཁོ་ན་མཛད་པའི་ཐུགས་བཞེད་ཀྱིས་སྐུ་ལུས་བསྒྱུར། ཐུན་མོང་ཞེས་པ་ལྕགས་ཕོ་ཁྱིའི་ལོ་དགའ་ལྡན་གྱི་གནས་ནས་མ་ཕམ་མགོན་པོ་ཞིང་འདིར་གནས་ལྔ་རིག་པའི་པཎྜི་ཏའི་ཚུལ་(༧བ)

― GLG009_Page_0734 ―

^{[མ་དཔེ་གཟིགས་ན་འདིར་གནོན།]}

[Full Size]

བཟུང་བ་ཐམས་ཅད་མཁྱེན་པ་བུ་སྟོན་རིན་པོ་ཆེའི་བསྟི་གནས་རི་ཕུག་ཆོས་ཀྱི་ཕོ་བྲང་དུ་དུས་གསུམ་རྒྱལ་བའི་སྤྱི་གཟུགས་རྗེ་བཙུན་དབང་ཕྱུག་རབ་བརྟན་གྱི་ཞབས་དྲུང་དུ་ཕེབས་ནས་གཙུག་ཕུད་ཕུལ་བའི་མཚན་བསོད་ནམས་དབང་པོར་གསོལ། སླར་ཡབ་ཀྱི་ཁྱད་ནས་བྱམས་ཆེན་དུ་བྱོན་འདི་ལོ་རྗེ་རྡོ་རྗེ་འཆང་ཡར་ཀླུངས་བཀྲ་ཤིས་རྩེ་ཆོས་སྡེར་རྗེས་རེས་ཆིབས་ཁ་བསྐྱོད་པའི་ཞམ་རིང་དུ་ཁྱབ་བདག་བཀའ་འགྱུར་བ་བྱོན་པར་རོང་དགའ་ལྡན་བྱམས་པ་གླིང་དུ་ཐོག་མའི་མཇལ་འཛོམ་མཛད། ཚར་ཆེན་ཆོས་ཀྱི་རྒྱལ་པོའི་དབང་རྗེས་གནང་རིགས་མི་གཅིག་པ་བཅོ་བརྒྱད་ཙམ་གསན་པའི་དང་པོར་གྲུབ་ཐོབ་ཀྱི་འཁོར་ལོས་སྒྱུར་བ་རྣལ་འབྱོར་དབང་ཕྱུག་བི་རཱུ་པའི་བཞེད་སྲོལ་དཔལ་ཀྱེ་རྡོ་རྗེའི་མན་ངག་ལུགས་རས་བྲིས་ཀྱི་དཀྱིལ་འཁོར་དུ་རྒྱུ་དུས་ཀྱི་དབང་གིས་སྨིན་པར་མཛད་པ་སྐུ་ཚེ་འདི་ལ་ཐུགས་ཀྱིས་དྲན་པའི་དབང་གི་ཐོག་མ་ཡིན་གསུང་བ་བུ་ལུགས་ལ་དུས་འཁོར་གསང་འདུས་རྡོར་དབྱིངས་སོགས་གཙོ་བོར་མཛད་ནའང་ཐོག་མའི་འཇུག་སྒོ་སྤྱིར་རྗེ་བཙུན་གོང་མའི་བཞེད་པ་དང་། ཡང་སྒོས་ཁའུ་བྲག་རྫོང་པ་ནས་བརྒྱུད་པའི་གཉིས་མེད་དགྱེས་མཛད་རྡོ་རྗེའི་དབང་ཐོག་མར་གསན་པ་བདག་ཆེན་རྡོ་རྗེ་འཆང་གི་བསྟན་པ་ལ་མཆོག་ཏུ་བྱ་བ་མཛད་པའི་རྟེན་འབྲེལ་གྱི་སྒོ་འགྲིག་པར་མངོན། མཁན་རིན་པོ་ཆེས་ངེད་དེང་སང་སྐྱེད་ཚལ་གྱི་མཁན་པོ་བཞག་ནས་རོང་དཀར་ཆོས་སུ་(༨ན)

― GLG009_Page_0735 ―

^{[མ་དཔེ་གཟིགས་ན་འདིར་གནོན།]}

[Full Size]

རི་ཁྲོད་བྱེད་ཀྱིན་ཡོད་ཀྱང་ཁྱོད་རང་མཚན་ཉིད་ཀྱི་ཡོན་ཏན་མ་རྫོགས་པར་བདག་གིས་སྐྱེད་ཚལ་དུ་བསྡད་ནས་བརྩི་བཞག་སོགས་ཐོས་བསམ་གྱི་མགོ་འདོན་བྱས་གྲ་སྐོར་ཟིན་ནས་ངས་རི་ཁྲོད་ལ་ཕྱིན་ཁྱེད་རང་ཞ་ལུ་པ་དང་ས་ལུགས་ཀྱི་སྔགས་ཆོས་ལ་བསླབ་སྦྱང་བྱས་ན་ཡོང་ཕེབས་པར་ཐུགས་ལ་དགྱེས་ཚོར་དཔག་ཏུ་མེད་པ་བྱུང་ནའང་མཁན་རིན་པོ་ཆེ་སྲོད་ཐུན་ལ་ཐུགས་རིག་དང་ས་ཁྱད་ཀྱིས་རྩིག་པའི་སྟེང་དུ་ཐུགས་དམ་གནང་བ་བསྟན་པའི་བགེགས་ཆགས་ཀྱི་རྣམ་པས་སྐུ་རྦབ་གཤོར་བའི་རྐྱེན་གྱིས་མ་དང་མཁའ་འགྲོ་གྲོང་ཁྱེར་ཆེན་པོར་སྐུའི་བཀོད་པ་བསྡུས་པས། སྐྱེད་ཚལ་དུ་མཚན་ཉིད་ཐུགས་གཉེར་མཛད་པའི་གྲ་གཤོལ་ཏེ་རི་ཕུག་ཏུ་ཕེབས། དགེ་སློང་རིན་ཆེན་འཕེལ་ཞེས་བུ་ལུགས་ཀྱི་ཆོ་ག་ཕྱག་ལེན་རྣམས་ཤིན་ཏུ་བྱང་ཞིང་རྗེ་རྡོ་རྗེ་འཆང་སོགས་དམ་པ་དུ་མའི་ཞབས་ལ་གཏུགས་ཏེ་མཚན་བཅས་མཚན་མེད་ཀྱི་ཐུགས་དམ་སྨིན་པ་དེ་ལ་གནས་ཀྱི་སློབ་དཔོན་ཞུས། རྒྱུད་སྡེ་གོང་འོག་གི་དཀྱིལ་འཁོར་མང་པོ་ཐུགས་འཛིན་དང་ཕྱག་ཁྲིད་སོགས་ཉིན་མཚན་ཐང་ལྷོད་མེད་པ་ལྟ་བུས་ཐུགས་གཉེར་ལ་འགྲུས་པར་མཛད། རྡོ་རྗེའི་སློབ་དཔོན་ཆེན་པོ་ལྷ་བོ་པ་རིན་ཆེན་རྒྱ་མཚོ་ལ་ཐོག་མར་དཔལ་མཆོག་རིགས་བསྡུས་ཀྱི་དབང་བཅུ་བཞི་རྫོགས་པར་གསན། རྗེ་ཉིད་ཀྱི་དགེ་རྒན་རིན་ཆེན་འཕེལ་དང་བླ་ཆེན་བསམ་གྲུབ་རྒྱལ་མཚན་གཉིས་བཀའ་བགྲོས་པའི་བུ་སྟོན་བཀའ་འབུམ་གྱི་ལུང་རྒྱུན་ཆད་དུ་ཉེ་བར་འདུག་པས་རིན་པོ་ཆེ་དཀོན་མཆོག་རྒྱལ་མཚན་ལ་ཞུས་པ་འགབ་ཚུལ་ལྟར་སྟོན་ལོ་དེ་གར་དུས་ཀྱི་འཁོར་ལོའི་རྒྱུད་འགྲེལ་མཆན་བུ་བཅས་པ་རྫོགས་པར་གསན་ནས་བཀའ་འབུམ་རིམ་གྱིས་ཞུ་བའི་དབུ་བཙུགས། ཆུ་མོ་(༨བ)

― GLG009_Page_0736 ―

^{[མ་དཔེ་གཟིགས་ན་འདིར་གནོན།]}

[Full Size]

གླང་ལོ་མཁན་རིན་ཆེན་རྒྱ་མཚོའི་དྲུང་དུ་དབང་ཆོས་འགའ་ཞིག་གསན། བཀའ་ལས། བདག་གི་དགེ་རྒན་རིན་ཆེན་འཕེལ་གྱི་གསུང་ལས་བསླབ་གཉེར་དང་ཆོས་ཞུ་བའི་མཇུག་འཁྱོངས་པ་གྱིས། དགོན་པ་ཆེ་ཆུང་གི་ཁ་འཛིན་བསྐོ་བཞག་བྱས་པའི་བླ་མ་མ་བྱེད། ཀུན་མཁྱེན་བུ་སྟོན་རིན་པོ་ཆེའི་རིང་ལུགས་ཀྱིས་གཙོས་པའི་གྲུབ་མཐའ་ཕྱོགས་མེད་ཀྱི་ཆོས་ལ་ཐོས་བསམ་སྒོམ་གསུམ་དང་འཆད་རྩོད་རྩོམ་གསུམ་གཡེལ་མེད་ངོས་བསྙེན་སྒྲུབ་ཐུགས་དམ་ལ་བརྩོན་པོ་མཛོད། རང་གཞན་གྱི་བསྟན་པ་ཐམས་ཅད་ལ་ཕན་ཐོགས་ཡོང་། དབུས་ནས་དཔོན་སློབ་གནས་གསར་ནས་ཕེབས་བྱུང་ན་གསུང་ཆོས་ཞུ་གང་ཐུབ་དང་། ངོར་སྒྲུབ་ཁང་དུ་དབང་ཆོས་སྒྲའི་རི་མོ་སོགས་ཞུ་དགོས་ཚུལ་ཐུགས་རྩར་བཅར་བའི་བསླབ་སྟོན་ཡང་ནས་ཡང་དུ་མཛད། དགེ་རྒན་དེ་དེང་སང་ཡང་དྲན་པོ་རང་ཡོང་གི་འདུག་ཅེས་གསུང་བ་དྲིན་དུ་བཟོ་བའི་དམ་པའི་རྣམ་ཐར་དུ་སྣང་། དགེ་སློང་རིན་ཆེན་འཕེལ་ཟླ་བ་བརྒྱད་པའི་ནང་དུ་བསྙུང་བའི་དུས་རིན་པོ་ཆེ་ལྷ་བོ་པ་གདན་དྲངས་ནས་བདག་གི་དགེ་གཞོན་འདི་ལ་ཀུན་མཁྱེན་བུ་སྟོན་རིན་པོ་ཆེ་ཡབ་སྲས་ནས་བརྒྱུད་པའི་རྒྱུད་སྡེ་བཞིའི་དབང་རྣམས་གནང་ཐུབ་པ་རང་སྐུ་མཁྱེན་ནོ་ཞེས་དོན་གཉེར་ཆེན་པོས་ཞལ་ཆེམས་བཞག །ཀུན་དགའ་ཞེས་པ་ཤིང་ཕོ་སྟག་གི་ལོར་ས་སྐྱ་ནས་བདག་ཆེན་རིན་པོ་ཆེ་འཇམ་དབྱངས་བསོད་ནམས་དབང་པོ་ཞ་ལུར་ཕུག་ཏུ་ཕེབས་པའི་ཚེ་བྱང་གླིང་བླ་བྲང་དུ་ཚིགས་སྔ་མ་དགེ་ཚུལ་གྱི་སྡོམ་པ་བཞེས་པའི་དུས་གཙུག་ཕུད་འདྲེག་པའི་སྐབས་ཀྱི་ཁྲུས་ཆུའང་རྒྱ་བོད་ཀྱི་མཁས་གྲུབ་མང་པོའི་རྣམ་རྒྱལ་བུམ་པའི་ཆུ་རྒྱུན་འདྲེས་(༩ན)

― GLG009_Page_0737 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཀུན་མཁྱེན་བུ་སྟོན་རིན་པོ་ཆེའི་བུམ་ཆུ་ནས་གནང་། མཚན་རིན་ཆེན་བསོད་ནམས་མཆོག་གྲུབ་ཏུ་གསོལ། སང་ཆིབས་ཁ་སྒྱུར་བ་གནང་རྒྱུའི་དགོངས། ཕྱག་མདུད། བདུད་རྩི་རིལ་བུ། བུམ་ཆུ་ཆེན་མོ་ནས་ཆུ་བུམ་ཆུང་གང་། ཟང་ཟིང་གི་བདོག་པའི་ཚན་གྲངས། ཨོཾ་སྭསྟི། འཇམ་དབྱངས་ངོ་བོ་བླ་མའི་མཆོག །བསོད་ནམས་ཡེ་ཤེས་མཐར་ཕྱིན་པའི། །ཆོས་ཀྱི་དབང་པོ་དམ་པ་ལ། །གསོལ་བ་འདེབས་སོ་བྱིན་གྱིས་རློབས། །སརྦ་མངྒལཾ་ཞེས་ཕྱག་བྲིས་སུ་མཛད་དེ་སྩལ་ནས་འདི་ངག་ཏུ་འདོན་པ་དང་། ང་བྱ་འགྱུར་དུ་གསུང་ངག་འཆད་པས་དེ་དུས་སླེབས་པ་གྱིས། ཁྱེད་ལ་ས་པཎ་གྱི་སྡོམ་རྒྱུན་ཞིག་དགོས་པ་འདུག་པས་ལོ་ཉི་ཤུ་ལོན་ནས་ངའི་རྩར་ཤོག །གནས་གསར་རྗེ་དྲུང་དབུས་ནས་བྱོན་བྱུང་ན་ཆོས་ཞུས་གསུང་བ་སོགས་ཐུགས་རྩར་བཅར་བའི་བསླབ་སྟོན་མང་དུ་ཕེབས་འདུག་པས། བུ་སྟོན་རིན་པོ་ཆེའི་བུམ་ཆུ་ནི་རྗེ་འདི་ཉིད་ཀྱིས་ས་ཞལ་གྱི་དབང་གི་རྒྱུན་ཐམས་ཅད་དངོས་དང་བརྒྱུད་པའི་སྒོ་ནས་རྒྱ་ཆེར་སྤེལ་ཏེ་བསྟན་པའི་སྲོག་འཐུད་པ་དང་། འཇམ་དབྱངས་ས་སྐྱ་པཎ་ཆེན་གྱི་སྡོམ་རྒྱུན་བཞེས་དགོས་སོགས་མ་འོངས་མངོན་སུམ་དུ་མཁྱེན་པའི་ལུང་བསྟན་དུ་འདུག་པ་བདག་ཆེན་འདི་ཉིད་སློབ་དཔོན་ཆེན་པོ་པདྨའི་རྣམ་སྤྲུལ་དུ་གྲགས་པ་དོན་ལ་གནས་པའི་དཔོན་སློབ་གཉིས་ཀའི་ཆེ་བར་མངོན་ནོ། །ལྕགས་སྟོད་དུ་ཕེབས་ནས་བདག་ཅག་གི་སྟོན་པའི་གསེར་སྐུའི་རྟེན་དང་བཅས་པའི་བཀའ་ཤོག་བསླབ་སྟོན་ཞིབ་འཁོད་གནང་ཞིང་། རྟིང་སོར་ཞབས་དྲུང་ཁྲི་ཆེན་གཞིས་ཀ་རྩེར་ཕེབས་དུས་མཇལ་བ་གནང་སྐབས་སྔར་ལུགས་ལྟར་ཐུགས་རྗེས་འཛིན་པའི་དགྱེས་ཉམས་ཅི་ཡང་གནང་ཞིང་(༩བ)

― GLG009_Page_0738 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་སིལ་ཡུ་ཐུང་གང་གི་གསོལ་རས་མཛད་ནས་འདི་སུ་ལའང་མ་སྟེར་བར་བཙུན་ཆུང་རང་ཟོ་གསུང་བ་ལྟར་ཆོས་རྗེ་ཀུན་བཀྲས་པས་ཕྱག་མཛོད་ཀྱི་སྦུག་ཏུ་ཟར་བཅུག་ནས་ལྷག་མ་ལུས་པ་བཞེས་པ་ཡང་རྗེ་བཙུན་གོང་མའི་སྙན་བརྒྱུད་ཀྱི་གདམས་པས་ཐུགས་ཀྱི་བུམ་བཟང་བལྟམས་པའི་རྟེན་འབྲེལ་ཡིན་ནམ་སྙམ་མོ། །སྔོན་གོམས་མ་འདྲིས་འགྲོར་བརྩེའི་སྙིང་རྗེའི་གཟུགས། །ན་ཚོད་ཆེས་ཕྲའི་ཤེལ་ལ་ཚོན་རིས་བཞིན། །འ་ཞའི་རྗེ་བཙུན་མཐུ་སྟོབས་མེ་དཔུང་རྩེར། །གླགས་ལྟའི་སྦུར་མ་མིང་གི་ལྷག་མར་བྱས། །བཟང་པོའི་བག་ཆགས་མཐུ་བརྟས་ངོ་མཚར་གྱི། །རི་མོ་གཞོན་ནུའི་དུས་ཤར་དྲི་ཟའི་རྒྱུད། །དང་པོར་བརྡུངས་ཚེ་དམན་ཆ་བཟུང་བའི་གཟིངས། །མངོན་སུམ་གསལ་བའི་མཚོ་ནང་ཞིག་འདི་ཅི། །ཀུན་མཁྱེན་བླ་མའི་གདན་ས་རི་ཕུག་ཏུ། །ཀུན་སྤངས་ཆོས་རྗེའི་གདུང་འཚོབ་གནས་གསར་བར། །ཀུན་ནས་དང་བས་གཙུག་ཕུད་ཉེར་ཕུལ་ཚེ། །ཀུན་དགའ་བསོད་ནམས་ཞིང་གི་དབང་པོར་སོན། །པང་ནས་སྐྱེས་དང་ཉེ་རྒྱལ་ཇི་བཞིན་དུ། །མཆེད་ཟླ་རྗེ་བཙུན་དབོན་དང་ཐོག་མར་རྗེ། །ཐར་པའི་རྒྱལ་མཚན་རྩེ་མོར་སྨིན་བྱེད་ནོར། །བདེ་ལེགས་འདོད་དགུའི་གྲུ་ཆར་ཆེ་ཆེར་བབ། །སྡོམ་བརྩོན་རིན་ཆེན་འཕེལ་དང་ལྷ་ཆེན་རྗེ། །དཀོན་མཆོག་རྒྱལ་མཚན་ལ་སོགས་བཤེས་གཉེན་འགས། །བུ་སྟོན་ཆོས་རྗེའི་གསུང་རབ་འཆི་མེད་ཀྱི། ཁང་བཟང་འཇུག་པའི་ཆོས་ཀྱི་ཐེམ་སྐས་བཙུགས། །འཇམ་དབྱངས་དབང་པོའི་དྲུང་དུ་རབ་བྱུང་ཚེ། །མ་འོངས་མངོན་སུམ་མཁྱེན་ནས་བརྡ་ཐབས་དང་། །དགྱེས་ཞལ་འཛུམ་པའི་ལུང་བསྟན་ཐོག་བབས་པས། །སྐྱེངས་(༡༠ན)

― GLG009_Page_0739 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་པདྨ་ཀ་ར་རྔ་ཡབ་བཞུད། །ཚར་ཆེན་ཆོས་རྒྱལ་པོ། ཐམས་ཅད་མཁྱེན་པ་མཁྱེན་བརྩེའི་ཞབས། མཁན་ཆེན་བསླབ་གསུམ་རྒྱལ་མཚན། སྔགས་འཆང་བསོད་ནམས་ཆོས་འཕེལ་ཏེ་ཡབ་སྲས་བཞི་ཀ་ལ་ཟབ་རྒྱས་ཆོས་ཀྱི་བཀའ་དྲིན་རྒྱ་ཆེར་གསན་པའི་གྲང་ཆེན་སློབ་དཔོན་ཀུན་སྤངས་པ་རིན་པོ་ཆེ་ཤཱཀྱ་སེང་གེ་ལ་མཉམ་སྦྱོར་རིགས་བསྡུས་དང་རྡོ་རྗེ་འཇིགས་བྱེད་རྭ་ལུགས་ཐུན་མོང་མ་ཡིན་པ་ལྷ་བཅུ་གསུམ་མ། ཨེ་ཝཾ་ཤར་ཁང་པ་མངའ་རིས་པ་ནམ་མཁའ་དཔལ་ལྡན་ལ་བདེ་མཆོག་པདྨ་དྲ་བ། དཔལ་འཁོར་ཆོས་སྡེ་ནས་རིན་པོ་ཆེ་ལྷ་བོ་པ་གདན་དྲངས་ཏེ་སྔོན་མའི་འཕྲོས་ཀྱི་དབང་མང་དུ་གསན། བུ་ལུགས་ཀྱི་དབང་ཕལ་ཆེར་གྲུབ་པའི་རྗེས་སུ་ཕྱག་གི་རྡོར་དྲིལ་རྗེ་འདི་ཉིད་ལ་གནང་ནས་རྡོར་དྲིལ་བླ་མའི་ཕྱག་ཏུ་འཕྲོད་དོ་ཞེས་ཐུགས་དགྱེས་པའི་ཉམས་གང་ཡང་མཛད་ཅིང་། ཐམས་ཅད་མཁྱེན་པ་བུ་སྟོན་ནས་བརྒྱུད་པའི་རྡོ་རྗེ་འཕྲེང་བའི་དབང་ཡང་གནང་། བོད་འདིར་བརྩམས་ཆོས་ཀྱི་གསུང་འབུམ་བླ་མ་དམ་པ་དང་ཆོས་རྗེ་ཐམས་ཅད་མཁྱེན་པ་གཉིས་ལས་མང་བ་ཡོད་ཚད་དུ་མི་འདུག་ཅིང་། བུ་སྟོན་རིན་པོ་ཆེའི་མདོ་ཕྱོགས་ཀྱི་གསུང་རབ་ནི་ཐོར་བུ་མ་གཏོགས་ཕལ་ཆེར་ཆད་ནས་ལུང་རྒྱུན་ཁུངས་མ་མི་འདུག་ནའང་སྔགས་སོགས་གང་ཡོད་ཕལ་ཆེར་བླ་ཆེན་བསམ་རྒྱམ་པས་དོ་དམ་མཛད་ནས་རིན་པོ་ཆེ་དཀོན་མཆོག་རྒྱལ་མཚན་གྱི་དྲུང་དུ་ཚང་བར་གསན། འཇམ་དཀར་མ་ཏི་ལུགས་ཀྱི་ལྗགས་བསྙེན་འབྲུ་འབུམ་མ་ཤའི་ལས་སྦྱོར་བཅས་པ་གནང་པས་སྐུ་ན་སྨིན་པར་སོང་ནས་ཀྱང་དབང་འཁྲིད་རྗེས་གནང་སོགས་གང་ལའང་ཐོགས་པ་མེད་པའི་མཁྱེན་རབ་རྗེ་བཙུན་(༡༠བ)

― GLG009_Page_0740 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་པའི་འཁོར་ལོའི་བྱིན་རླབས་ཀྱི་བདུད་རྩིས་ཐུགས་ཀྱི་ཟ་མ་ཏོག་ཡོངས་སུ་གཏམས་པར་ངེས་རྙེད་ཀྱི་དད་པ་ཅི་ཡང་འཕེལ། ཤིང་ཡོས་ངོར་ཨེ་ཝཾ་ཆོས་ལྡན་དུ་ཕེབས། དཀྱིལ་འཁོར་རྒྱ་མཚོའི་མངའ་བདག་སྒྲུབ་ཁང་པ་དཔལ་ལྡན་དོན་གྲུབ་ལ་བདེ་མཆོག་མཁའ་འགྲོ་རྒྱ་མཚོས་གཙོས་པའི་དབང་ཆོས་འགའ་ཞིག་གསན། ཐོས་བསམ་སྒོམ་གསུམ་མཛད་ལུགས་ཀྱི་བསླབ་བྱ་ཞིབ་ཏུ་སྩལ་ཞིང་ཐུགས་མོས་ཀྱང་ལྷག་པར་ཆེ་བར་བྱུང་བས་བཀའ་དྲིན་ཆེ་བའི་བླ་མ་གཅིག་ཏུ་མཛད། ཕྱིར་བྱོན་ནས་སྨན་ཁང་དུ་ཡབ་ཡུམ་གཉིས་ཀྱིས་ཁུར་བཞེས་པའི་འཇམ་དབྱངས་བྱང་གླིང་རྗེའི་བཀའ་འབུམ་པོ་ཏི་གཅིག་འབྲི་བའི་སྣག་ཤོག་ཡིག་མཁན་རིན་པོ་ཆེ་ལྷ་བོ་པ་དང་། སློབ་དཔོན་དཀོན་རྒྱན་པ་གཉིས་གདན་དྲངས་པའི་ཞབས་ཏོག་འབུལ་བ་སོགས་ཀྱི་མཐུན་རྐྱེན་སྦྱར། མེ་འབྲུག་བུ་ལུགས་ཀྱི་དཀྱིལ་ཆོག་མང་པོ་དང་ཡོ་ག་པ་རིན་ཆེན་ཚེ་དབང་གིས་མཛད་པའི་ཡིག་ཆ་རྣམས་ཐུགས་འཛིན་དང་གར་ཐིག་གི་སྦྱོང་དར་ནན་ཏན་དུ་མཛད། མེ་མོ་སྦྲུལ་ལོ་རྗེ་རྡོ་རྗེ་འཆང་གིས་ཞབས་དྲུང་དབོན་རིན་པོ་ཆེ་ཡར་ཀླུངས་བཀྲ་ཤིས་རྩེ་ཆོས་སྡེའི་གདན་སར་རྒྱལ་ཚབ་ཏུ་མངའ་གསོལ་རི་ཕུག་ཏུ་ཕེབས། རྗེ་འདི་ཉིད་ཀྱིས་མཇལ་བར་བྱོན་པར་སྔར་རྒྱུན་བཞིན་ཐུགས་དགྱེས་པ་ཆེན་པོ་མཛད། བདེ་མཆོག་བདེ་ཆེན་རལ་གཅིག་གི་སྨིན་གྲོལ་གཉིས་དཀོན་ཞིང་ཡ་བྲལ་ལྟ་བུར་གྱུར་པའི་གྲོལ་བདེ་སེམས་ཉིད་ངལ་གསོའི་ཉམས་འཁྲིད་ཀྱིས་གཙོས་དབང་ཆོས་ཁ་ཡར་གསན་མུར་རང་བསྟན་ཁའུ་བྲག་རྫོང་པའི་རིང་ལུགས་འཛིན་པ་ཆེན་པོ་གླང་བུ་ནས་འཇམ་དབྱངས་ཆོས་སྐྱོང་དབང་ཕྱུག་བྱོན་པའི་དཔོན་སློབ་གཉིས་(༡༡ན)

― GLG009_Page_0741 ―

^{[མ་དཔེ་གཟིགས་ན་འདིར་གནོན།]}

[Full Size]

ཆབས་ཅིག་པར་རྡོ་རྗེ་ནག་པོ་ཆེན་པོའི་བྲག་རྫོང་མ་ཕྱི་ནང་གསང་གསུམ་གྱི་ཉམས་འཁྲིད་ཟབ་མོ་ས་སྐྱ་ཚད་ཀྱི་རྣ་བར་མ་གྲགས་ཤིང་རྡོ་རིང་དབོན་པོ་ཀུན་དགའ་རྒྱལ་མཚན་སོགས་འཁྲིད་གཞུང་དངོས་བསྟན་གྱི་ཡིག་ནག་ཐུག་ཕྲད་དུ་འཇོག་པ་ཚོ་དང་མི་འདྲ་བའི་སྙིང་ཁྲག་གི་ཟུངས་ལྟ་བུའི་ཞལ་ཤེས་ཀྱིས་བརྒྱན་པ་སྨིན་རྒྱས། རྒྱལ་ཆེན་རྣམ་མང་ཐོས་སྲས་ལྔ་ཕྲག་ལྔའི་རྗེས་གནང་གང་རྙེད་ཀྱི་ལས་ཚོགས་ལུང་སོགས་གསན། རིང་པོར་མ་ལོན་པར་ངོར་ནས་མཁས་གྲུབ་ཆེན་པོ་དཔལ་ལྡན་དོན་གྲུབ་ཕེབས་པར་མགོན་ཆེན་གྱི་གསང་འཁྲིད་ལའང་ཐུན་མོང་བ་རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན་ནས་བརྒྱུད་པ་དང་། ཐུན་མོང་མ་ཡིན་པ་གདུང་བརྒྱུད་རིམ་པར་ཆིག་བརྒྱུད་དུ་བྱོན་པ་གཉིས་ལས་ཕྱི་མའི་བསྙེན་བསྒྲུབ་ལས་སྦྱོར་གྱི་ཟབ་འཁྲིད་གཞན་ཡང་གདུགས་དཀར་ཞེ་གཉིས་མའི་དབང་སོགས་ཞུ་བ་མཛད་པ་དང་ལྷན་ཅིག་པར་རྗེ་འདི་ཉིད་དང་གླང་ཕུ་ཆོས་རྗེ་གཉིས་ཀྱིས་ཀྱང་གསན། སྟོན་རྡོ་རྗེ་འཆང་གླང་ཕུར་གདན་དྲངས་པའི་ཞབས་འབྲིང་དུ་ཕེབས། གླང་ཕུ་ནས་སྦྱིན་བདག་ཞུས་པའི་བྱང་གཏེར་གྱི་ཐུགས་རྗེ་ཆེན་པོ་འགྲོ་བ་ཀུན་སྒྲོལ་སྒྲུབ་ཆེན་ལ་བརྟེན་ནས་སྐྱེ་བདུན་རིལ་སྒྲུབ་བདུན་རིལ་སྒྲུབ་ཀྱི་ཚེ་གཟུངས་ཐོག་རྡོ་རྗེ་སློབ་དཔོན་ཆེན་པོ་དང་། གླང་ཕུ་ཆོས་རྗེ། རྗེ་ཉིད་དཀའ་བཅུ་པ་གྲགས་པ་བཀྲ་ཤིས་བཞིས་འཛིན་པའི་ཐུན་དཔོན་མཛད་ནས་ཡི་གེ་བཅུ་མ་དང་གསུང་མི་ཆད་དུ་འཛབ་ཁོར་ཡུག་གི་དང་དངོས་གཞི་གྲོལ་ནས་སྐྱ་སེར་རྣམས་ལ་སྒྲུབ་དབང་དང་རིལ་བུ་བཀྱེ་བ་སོགས་ཀྱི་ཕྱག་གཡོག་གནང་བས་སྐལ་བ་བཟང་དགོངས་པའི་དགྱེས་རྩེར་སོན། དེ་ནས་གླང་ཕུའི་(༡༡བ)

― GLG009_Page_0742 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་ངོ་རྣམས་ལ་རྡོ་རྗེ་ནག་པོ་ཆེན་པོའི་བྲག་རྫོང་མ་ཕྱི་ནང་གསང་གསུམ་གྱི་འཁྲིད། ཕྱག་ཆེན་ལྷན་ཅིག་སྐྱེས་སྦྱོར། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གི་གསུང་འབུམ་སོགས་ཆོས་མང་དུ་གནང་བ་རྣམས་ལྷན་དུ་གསན། ཀླུ་ཁང་དུ་སྐྱེ་བ་ཀུན་ཏུ་རྗེས་སུ་འཛིན་པར་གསོལ་བཏབ་གནང་བར་རྡོ་རྗེ་འཆང་གིས་ཞལ་གྱིས་འཆེས། ཁྱབ་བདག་དབང་ཕྱུག་རབ་བརྟན་བརྒྱ་ཚོར་ཕེབས་པའི་ཞབས་ཕྱིར་འབྱོན་རྩིས་ལ་ཞ་ལུ་ནས་གདན་འདྲེན་བྱུང་བའི་ཕྱིར་བཏེག་ཞོར་དགའ་བ་གདོང་དུ་བཞུགས་སར་རྡོ་རྗེ་འཆང་ཚར་པ་ཆོས་རྗེའི་ཕྱག་བྲིས་དཔེ་མང་དུ་བྱུང་བ་སླར་རྡོ་རྗེ་འཆང་དང་མཇལ་སྐབས་འབུལ་བ་མཛད། འཕགས་ཡུལ་ནས་ནང་པ་སངས་རྒྱས་པའི་པཎྜི་ཏ་ཁུངས་བཙུན་བྱོན་པའི་རྗེས་མ་པཎ་ཆེན་ནགས་ཀྱི་རིན་ཆེན་ནས་བརྒྱུད་པའི་སྦྱོར་བ་ཡན་ལག་དྲུག་གི་ཉམས་འཁྲིད་རིན་པོ་ཆེ་ཤཱཀྱ་སེང་གེ་ལ་རྒྱས་པར་གསན། སོར་སྡུད་ཀྱི་སྐབས་མུན་མཚམས་ཞག་བདུན་མཛད། ཆག་ལོ་གསུམ་པ་རིན་ཆེན་ཆོས་ཀྱི་རྒྱལ་པོས་མཛད་པའི་དུས་འཁོར་ཆོས་འབྱུང་སོགས་ལུང་མང་དུ་གསན། རྡོ་རྗེ་འཆང་ཤངས་ནས་ས་ཕོ་རྟའི་ལོ་རི་ཕུག་ཏུ་ཕེབས་སྐུ་མཚམས་ཡུན་རིང་བར་གནང་བ་གྲོལ་རྗེས་སྒྲུབ་ཁང་ནས་མཁས་གྲུབ་དཔལ་ལྡན་དོན་གྲུབ་དང་ལྷན་ཅིག་ཏུ་དུས་འཁོར་སྡོམ་ཆེན་གྱི་དབང་། གུར་མགོན་གྱི་རྗེས་གནང་ཁ་ཤས། སྙན་བརྒྱུད་ཁ་སྐོང་སོགས་བེའུ་བུམ་ཕལ་ཆེར་གྱི་ལུང་དང་རྗེ་ཉིད་ཀྱིས་སྒེར་དུ་འཇིགས་བྱེད་རྭ་ལུགས་འོད་ཟེར་དྲི་མེད་གཙུག་ཏོར་དྲི་མེད་ཕྱག་རྡོར་འགྲོ་བཟང་གི་དབང་དང་ལུང་རྗེས་གནང་དུ་མ་གསན། བདག་འཁྲུལ་ཞིག་རིན་པོ་ཆེའི་དུས་ཞབས་ཕྱིར་ཨེ་ཡོད་ཞུས་(༡༢ན)

― GLG009_Page_0743 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཡོད་གསུང་། རྒྱལ་ཡུམ་ཚུལ་ཁྲིམས་བཟང་མོའི་དུས་ཨེ་ཡོད་ཞུས་པས་མེད་པ་འདྲ་གསུང་། ཟླ་གཅིག་པར་བྲག་རྫོང་མའི་བསྙེན་མཚམས་གནང་བའི་སྐབས་ཞལ་འདོན་མཛད་རྒྱུའི་གསོལ་འདེབས་ཞིག་ཞུས་པར་ཤློ་ཀ་གསུམ་པ་ཞིག་གི་ཁ་ཡིག་ལ་རི་ཕུག་དབུ་མཛད་ཆེན་མོའི་ཐུགས་དམ་ཞེས་གནང་བ་དེ་སྐབས་ཉམས་འཆར་ལྟ་བུ་ལས་དགུང་ལོ་བཅུ་བདུན་ཙམ་ལས་མི་འགྲོ་གཤིས་དེ་འདྲའི་དོགས་གནས་ཕྱི་ནང་སུ་ལའང་མེད་རུང་། དོན་དུ་ལྐོག་གྱུར་གྱི་ཆོས་མངོན་སུམ་དུ་གཟིགས་པའི་ལུང་བསྟན་ལ་ཐུགས་ངེས་ལྷག་པར་རྙེད། རེ་ཞིག་བརྟག་གཉིས་ཐུགས་འཛིན་སོགས་གསན་སྦྱོང་མཛད། ས་ལུག་ལོ་རྡོ་རྗེ་བྲག་རྫོང་མའི་བསྙེན་ཆེན་ཟླ་བ་བདུན་མཛད་སྐབས་ནུབ་ཀྱི་མཚན་ལམ་དུ་ཧ་ཤང་གི་ཆ་བྱད་ཅན་གཟུགས་བོངས་ཆེ་བ་རྟ་པ་མང་པོའི་འཁོར་གྱིས་བསྐོར་བ་རི་ཕུག་གི་མ་ཎི་ཆེན་མོའི་ཐད་ཙམ་དུ་ཡོད་མུར་གཟིམས་ཁང་དུ་འཚངས་ནས་སྦུག་དེར་འོད་མེར་རེ་བསྡད་སོང་བ་ཐུགས་འཇིགས་ཞུམ་པའི་སྣང་བ་ཤར་ཞིང་སང་ཉིན་རྒྱ་འདྲེའི་ཆོ་འཕྲུལ་ཡིན་ནམ་དགོངས་པའི་རྡོ་རྗེ་འཆང་ལ་ཞུ་ཡིག་ཕུལ་བའི་ལན་དུ་བཟློག་འཁོར་གྱི་རྩེ་ལ་བསྐྱོན་གསུང་བ་བཞིན་མཛད་ཀྱང་རྒྱ་འདྲེ་དེ་གདུག་རྩུབ་ཆེ་བ་ཡོད་ཚོད་ནས་སྲོད་ཐུན་ཞིག་ལ་དངོས་སུ་སྡིག་པས་ཞབས་ཀྱི་བརླ་ནང་ལ་སོ་བཏབ་པ་ཕྱག་གིས་བཟུང་ནས་ཕྱིར་འཕངས་པ་ན་ཤི་ཟིན་འདུག་པས་བསླབ་སྟོན་ཞུས་པར་རོ་དེ་བཞུགས་གདན་འོག་ཏུ་ཆུག་གསུང་བ་བཞིན་བཅུག །དེ་སྐབས་སྤྱན་གྱིས་གཟིགས་པར་མ་ཟད་ཐུགས་ཉམས་ལ་ཤར་ཚད་ཀྱི་སྣོད་བཅུད་མཐའ་དག་རྡོ་རྗེ་འཆང་དབང་ཕྱུག་རབ་བརྟན་ཡིན་དགོངས་པའི་ཞབས་ས་ལ་འདེགས་འཇོག་མི་ནུས་པ་ལྟ་བུ་(༡༢བ)

― GLG009_Page_0744 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བའི་རྒྱུ་མཚན་ཞུར་བཏང་བའི་ལན་དུ་གནས་ལུགས་རང་ངོ་རང་ཤེས་དོན་དམ་གྱི་མགོན་པོ་ཡིན། དུས་ཐམས་ཅད་དུ་བསྐྱེད་རྫོགས་ཟུང་འཇུག་གི་ཐུགས་དམ་དང་མ་བྲལ་བ་མཛོད་ཅེས་ཞལ་གདམས་གནང་། དོན་དུ་གང་སྣང་ཐམས་ཅད་བླ་མའི་རྣམ་པར་ཤར་བ་འདི་གཞན་ལས་ཁྱད་དུ་འཕགས་པའི་གསུང་བསྙེན་གྱི་རྟགས་སུ་འདུག །རྡོ་རྗེ་འཆང་དབང་ཕྱུག་རབ་བརྟན་སྟོན་ལྕགས་སྟོད་དུ་དབང་གཞི་མཛད་ནས་རི་ཕུག་ཏུ་ཕེབས་པ་དུས་མཚུངས་སྐུ་མཚམས་གྲོལ་བ་འགྲིག་ནས་རྗེ་འདི་ཉིད་ཀྱིས་མཇལ་བར་ཕེབས་པས་དེ་ནུབ་བཞུགས་མེའི་སར་ཚོགས་ཀྱི་འཁོར་ལོའི་དགའ་སྟོན་གནང་། བཀའ་ལས་འོ་མེ་འདིས་ལྷབ་ལྷབ་བྱས་པ་དང་དྲན་གསོས་བྱུང་མདང་རྨི་ལམ་དུ་ཐམས་ཅད་མཁྱེན་པ་ཕེབས་པ་ཞིག་བྱུང་བ་དེ་རིང་ཁྱེད་འབྱོན་པར་ལྟ་བ་འདུག་ཕེབས་པ་ཐམས་ཅད་མཁྱེན་པའི་རིང་ལུགས་འཛིན་པ་ལ་མཆོག་ཏུ་འགྱུར་བར་དོན་གྱིས་དབུགས་དབྱུང་མཛད་པ་འདྲ། ལྕགས་སྤྲེལ་ལོ་ལྷོ་གསེར་མཛོད་སེར་པོ་ནས་བྱོན་པའི་རྡོ་རྗེ་དྲག་པོ་རྩལ་གྱི་ལྗགས་བསྙེན་ཞག་ཉེར་གཅིག་གནང་། ཡར་ཀླུངས་ནས་ཁྱབ་བདག་བཀའ་འགྱུར་བ་ཆེན་པོ་ཕེབས་པ་དང་ལྷན་ཅིག་པར་སྣང་སྲིད་ཀྱི་ཆོས་ཐམས་ཅད་རྒྱུད་གསུམ་གྱི་དྲེགས་པའི་རྣམ་རོལ་གསང་བ་རང་སེམས་གནས་ལུགས་དོན་དམ་གྱི་མགོན་པོར་ངོ་སྤྲོད་པའི་མན་ངག་གི་ཉིང་ཁུ་རྡོ་རྗེ་ནག་པོ་ཆེན་པོ་གུར་གྱི་མགོན་པོའི་གསང་འཁྲིད་ཐུན་མོང་མ་ཡིན་པ་ཟླ་བ་གསུམ་གྱི་བར་སྨིན་རྒྱས་སུ་གསན་པའི་ཚེ་ནུབ་ཅིག་གྲིབ་གནོན་གྱི་རྣམ་པ་བྱུང་བར་རྒྱུ་མཚན་ཞུས་པ་ན་ནག་པོ་ཆེན་པོ་འགྲུབ་པའི་རྟགས་སུ་བཤད་པས་ངན་རྒྱུ་མེད་ཙམ་ལས་གསལ་བར་མ་གསུངས་(༡༣ན)

― GLG009_Page_0745 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་ལུགས་འདི་ལ་རྟགས་མཚན་ཤིན་ཏུ་ལེགས་པར་ངོས་འཛིན་མཛད་སྲོལ་སྣང་། ཤཱ་ས་ནའི་ལྗགས་བསྙེན་གྱི་སྐུ་མཚམས་དམ་པར་མཛད་པའི་འབུམ་ཕྲག་གཉིས་ཙམ་ནས་གཞན་རྐྱེན་གྱིས་འཕྲོར་ལུས་པར་ད་དུང་ཡང་བྱེད་དགོས་རྒྱུ་ཡིན་པ་འདྲ་ཞེས་ཡང་ཡང་གསུང་། རྩིས་གནས་གསར་གྱི་དཀོན་གཉེར་གྱིས་རྡོ་རྗེ་འཆང་ལ་རྩིས་མགོན་གྱིས་རྗེས་གནང་ཞུ་ཡི་འདུག་པའི་ཟླར་ལྷན་དུ་གསན། དཀོན་གཉེར་དེ་དང་ངོར་པའི་གྲ་པ་ཁ་ཤས་ལ་རྗེ་ཉིད་ཀྱིས་ཤཱཀྱ་ཐུབ་པ་གཙོ་འཁོར་དགུ་པའི་དབང་མཛད། ལྕགས་མོ་བྱ་ལོ་ཀླུ་སྒྲུབ་ཆོས་ཀྱི་རྒྱལ་མཚན་གྱིས་གསོལ་བཏབ་མཛད་པ་དང་ཕྱོགས་མཐུན་པར་རྗེ་བཀའ་འགྱུར་བ་དང་མཁན་ཆེན་ཞ་ལུ་པ་གཉིས་ཀྱིས་ཀྱང་གསང་སྔགས་གསར་རྙིང་གི་དབང་ཆོས་མང་དུ་གསན། གཙང་སྡེ་སྲིད་ནས་སྣར་ཐང་ཐར་པ་ཞ་ལུ་སོགས་དཔོན་རྙིང་དུ་མའི་ཉམས་གསོས་མཛད་པ་དང་འཇམ་དབྱངས་བསོད་ནམས་དབང་པོ་དག་ཞིང་དུ་གཤེགས་པ་དུས་མཚུངས་པའི་མཁན་པོ་མེད་པ་ནས་ཞ་ལུའི་མཁན་པོར་སྐུ་ཞང་བསྐོ་བའི་སྒོ་དོད། ལས་སྣེ་བ་རྣམས་ཀྱིས་གྲ་རྒྱུན་ཐམས་ཅད་འདུ་དགོས་པའི་བརྡ་རྒྱག་ལ་བརྟེན་རྗེ་འདི་ཉིད་ཀྱང་བཀའ་ཆོས་གསན་འཕྲོར་ཕེབས་དགོས་ཤར་བ་ཐུགས་ཤིན་ཏུ་ངལ་བ་བྱུང་རུང་གནང་ཐབས་ཟད་ཅིང་རྡོ་རྗེ་འཆང་ཡང་ཐུགས་འཕྲེང་བའི་སྒོ་ནས་སྐུ་ཆོས་བཞེས་འཕྲོ་དང་སྐུ་ཕྱ་མ་ལེགས་པོ་ཞིག་གནང་། ཆོས་འཕྲོར་ལུས་པ་ཐུགས་ཀྱིས་མ་བཟོད་པའི་རྒྱུ་མཚན་དང་བཅས་བསླབ་སྟོན་རྒྱས་པར་སྩལ། ཞ་ལུ་གསེར་བཀང་དུ་མཁན་པོ་བསྐོ་བ་སོགས་ཟ་ཟི་རྣམས་རིམ་གྱིས་ཞི་བའི་ཚེ་རྗེ་རྡོ་རྗེ་(༡༣བ)

― GLG009_Page_0746 ―

^{[མ་དཔེ་གཟིགས་ན་འདིར་གནོན།]}

[Full Size]

འཆང་དགོན་པ་སྒྱི་ལུང་པས་གདན་དྲངས་པའི་ཞབས་ཕྱིར་བྱོན། ཐུགས་རྗེ་ཆེན་པོ་ཉོན་མོངས་རང་གྲོལ་གྱི་སྒོ་ནས་སྐྱེ་བདུན་སྒྲུབ་པའི་ཕྱག་ཕྱི་མཛད། ཡང་འུག །བླ་མ་སྒྱིད་ལུང་པ་སོགས་སྟོད་སྨད་ཀྱི་སྔགས་འཆང་ཆེས་མང་བ་འདུས་པ་དང་ཞབས་དྲུང་དབོན་རིན་པོ་ཆེ་སོགས་ལ་བཀའ་བརྒྱད་བདེ་གཤེགས་འདུས་པའི་སྒྲུབ་དབང་གནང་བ་དང་ཕྱོགས་མཚུངས་སུ་གསན། དེ་དུས་སྡེ་སྲིད་ནས་རིན་ལྡིང་སློབ་དཔོན་དུ་འབྱོན་དགོས་པའི་བཀའ་ཤོག་བྱུང་། དབང་གྲོལ་ནས་ཞ་ལུར་དཔོན་སློབ་ཕྱོགས་མཐུན་དུ་ཕེབས། རི་ཕུག་ཏུ་རྡོ་རྗེ་འཆང་གི་སྐུ་ཞབས་སུ་གདན་གཟོས་དང་ཚེ་དཔག་མེད་ཀྱི་སྐུས་གཙོས་གནང་སྦྱིན་བཟབས་རྒྱས་བཀྲ་ཤིས་ཚིགས་བཅད་མང་དུ་གསུང་ཞིང་ཕྱག་ནས་འཐོར་བའི་བྱིན་རླབས་གནང་མཇུག་ཏུ། བལྟས་པ་ཙམ་གྱིས་སྲིད་གསུམ་དབང་དུ་སྡུད། །ཅེས་སོགས་གསུངས་ནས་རྗེ་འདིར་རྙིང་མ་བ་ཞིག་བྱས་བྱུང་ཨང་གསུངས། ཞབས་དྲུང་དབོན་རིན་པོ་ཆེ་ནས་དུང་ཆོས་ལེགས་པོ་ཞིག་གིས་གཙོས་པའི་གནང་སྦྱིན་མཛད། དཔོན་སློབ་ཐམས་ཅད་ཕན་ཚུན་འབྲལ་མི་ཕོད་པ་ལྟ་བུའི་ངང་ནས་རྗེ་ཉིད་ཀྱིས་ཉང་སྟོད་ཕྱོགས་སུ་བཏེག །རིན་སྡིང་པ་རྣམས་ཀྱིས་ཆིབས་བསུ་ཐབ་བསུ་བཟབས་རྒྱས་དང་བཅས་རིན་ཅེན་ལྡིང་ཁང་ཕུབ་པའི་སྔགས་གྲྭར་ཕེབས། རྔ་ཆེན་ཞེས་པ་ཆུ་ཕོ་ཁྱིའི་ལོ་ཧོར་གྱི་ཟླ་བ་ལྔ་པའི་ཚེས་བཞིའི་ཉིན་དཔལ་ལྡན་རྣལ་འབྱོར་རྒྱུད་རྒྱལ་གྱི་སྟོན་པ་རྣམ་པར་སྣང་མཛད་ཆེན་པོའི་སེང་གེའི་ཁྲིར་ཕེབས་པར་རྒྱལ་རྩེ་རྫོང་དང་བླ་བྲང་དཀར་པོ་ནས་བསྐོ་འཇའི་གནང་སྐྱེས། དགེ་འདུན་ཚོགས་པས་བགེགས་སྐྲོད་དང་བཀྲ་ཤིས་མངའ་གསོལ་རྒྱས་པར་(༡༤ན)

― GLG009_Page_0747 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད། སྔར་སློབ་དཔོན་པར་ཕྱག་མི་འཚལ་བའི་བརྒྱ་འོག་གི་དྲུང་འཁོར་རྣམས་ཀྱིས་ཀྱང་གུས་པའི་སོར་བཅུ་སྙིང་ཁར་སྦྱར་བ་སོགས་མཆོད་ཡོན་ཐམས་ཅད་ཐུགས་ཡིད་གཅིག་འདྲེས་ཀྱི་དགའ་སྟོན་ཕུན་སུམ་ཚོགས་པ་མཛད་དོ། །མཁས་གྲུབ་ཡོངས་འཛིན་ཚངས་པའི་རལ་ཀླུང་ནས། །མཁྱེན་བརྩོན་སྐལ་ལྡན་ཤིང་རྟས་ཉེར་དྲངས་པ། །དབང་ལུང་རིགས་གཏད་རྗེས་གནང་གངྒཱའི་རྒྱུན། །འཐུང་ནུས་ཛ་ཧྣུ་དེ་གཞན་ན་སུ། ཁྱད་པར་དཀྱིལ་འཁོར་བྱ་བ་སྤྲོ་བསྡུའི་མགོན། །རིན་ཆེན་ཆོས་ཀྱི་འབྱུང་གནས་རྒྱ་མཚོའི་རླབས། །ལེགས་བཤད་ཡོལ་མེད་ཕྱག་མཚན་ཡོངས་གཏད་པ། །བུ་སྟོན་བསྟན་པའི་བདག་པོར་མངའ་གསོལ་བཞིན། །ཕྱི་ནང་གསང་བའི་བྲག་རི་མཐོར་བརྩེགས་རྫོང་། །རྒྱུད་གསུམ་དྲེགས་པ་གསལ་སྟོང་ཟུང་འཇུག་ཏུ། །ངོ་སྤྲོད་མཁའ་འགྲོའི་ཁ་རླངས་སྙན་བརྒྱུད་ཀུན། །ཕ་རྒོད་གནས་གསར་ཆོས་རྗེའི་དྲིན་ལས་རྙེད། །ཡིད་འཕྲོག་ལྟ་ན་སྡུག་པའི་སྐྱེད་ཚུལ་དུ། །ཟླ་མེད་བླ་མ་མཆོག་དང་མི་འབྲལ་བར། ཞལ་འཆེས་ཉི་མའི་གཉེན་དང་ཀུན་དགའ་བོའི། །རྗེས་འགྲོའི་རྣམ་ཐར་འདི་ཀོ་གཅིག་ཏུ་མཚར། །མ་རུངས་རྒྱ་འདྲེར་རྫུ་བའི་སྙིང་དྲོན་ཁྲག །མིའུ་ཐུང་སྲིན་པོའི་ཞལ་སྒོར་ཧུབ་ཀྱིས་དྲངས། །གང་སྣང་བླ་མའི་ངོ་བོར་རྟག་འཆར་བ། །རབ་འབྱམས་དག་པའི་ཞིང་གི་བཀོད་པར་འགྲན། །སུམ་རྩེན་ས་ལ་འཕོས་འདྲ་ཉང་སྟོད་ཡུལ། །རིན་ཆེན་ལྡིང་ཁང་ཕུབ་པའི་གཞལ་མེད་ཆེར། ཁྱབ་བདག་རྣམ་པར་སྣང་མཛད་མཚམས་སྤྲིན་མདོག །གསར་པའི་བླ་གོས་འཆང་ལ་གཅིག་ཏུ་བྲེལ། །མི་རིང་བར་རི་ཕུག་ཏུ་རྗེ་རྡོ་རྗེ་འཆང་གི་ཞབས་དྲུང་དུ་བྱོན་རིན་པོ་ཆེ་གསེར་གྱི་(༡༤བ)

― GLG009_Page_0748 ―

^{[མ་དཔེ་གཟིགས་ན་འདིར་གནོན།]}

[Full Size]

མཎྜལ་བཏེག་ནས་རིགས་འཛིན་ཆེན་པོའི་གཏེར་གསར་བླ་མ་བཀའ་བརྒྱད་ཡོངས་འདུས་དང་དྲག་པོ་དབུ་དགུའི་དབང་གཉིས་ཀྱིས་གཙོས་པའི་ཆོས་ཅི་རིགས་གསན། ཕྱིར་ཕེབས་ནས་རིན་ལྡིང་འདུ་ཁང་གི་ཤིང་རྩི་ལྡེབས་བྲིས་ཀྱི་ཁུར་བཞེས་དང་སྒྲུབ་མཆོད་བསྐང་བ་གཞན་དོན་གྱི་འཕྲིན་ལས་སོགས་རྣམ་དཀར་གྱི་མཛད་པ་གོང་འཕེལ་གྱི་ངང་ནས་རིང་པོར་མ་ལོན་པར་བསྙེན་པར་རྫོགས་པའི་དགོངས་པ་བསྟད་པ་དེ་ཡང་བསྟན་པ་སྔ་དར་གྱི་དུས་ཐམས་ཅད་མཁྱེན་པ་ཞི་བ་འཚོས་སད་མི་མི་བདུན་རབ་ཏུ་བྱུང་བ་ནས་བཟུང་སོ་ཐར་གྱི་སྡོམ་རྒྱུན་དར་རྒྱས་སུ་གྱུར་པ་རྒྱལ་པོ་དར་མས་བསྟན་པ་རྨ་བྱུང་བའི་རྗེས་སུ་དམར་གཡོ་གཙང་གསུམ་གྱིས་མདོ་སྨད་ནས་བསྟན་པའི་མེ་རོ་གསོས་ཏེ་རྗེ་བཙུན་ས་པཎ་ཡན་ཆད་ཀྱི་སྡོམ་རྒྱུན་ཕལ་ཆེར་བླ་ཆེན་དང་པཱ་ལ་རྣམ་པ་གསུམ་ནས་དར་པའི་སྟོད་འདུལ་བའི་རྒྱུན་ཡང་བྱུང་མོད། ཀསྨི་ར་པའི་པཎ་ཆེན་བསོད་སྙོམས་པ་ཆེན་པོ་བོད་དུ་ཕེབས་པ་ནས་བཟུང་ཚོགས་སྡེ་བཞི་དང་འཇམ་མགོན་ས་པཎ་ནས་བརྒྱུད་པར་པཎ་ཆེན་བརྒྱུད་པ་ཞེས་སྙན་གྲགས་ཆེ་ཞིང་བདག་ཉིད་ཆེན་པོ་བཟང་པོ་དཔལ་པ། ཀུན་མཁྱེན་བུ། ཐམས་ཅད་མཁྱེན་པ་བློ་བཟང་གྲགས་པ་སོགས་མཁས་གྲུབ་ཕལ་ཆེར་སྡོམ་རྒྱུན་འདི་ནས་བཞེས་པ་མང་ཞིང་། ཁྱད་པར་དེར་ཕྱོགས་སུ་བསྙེན་རྫོགས་ཀྱི་གྲ་བཟང་བ་ནས་དཔལ་ཨེ་ཝཾ་ཆོས་ལྡན་ཡོན་ཏན་མ་ལུས་འབྱུང་བའི་གཙུག་ལག་ཁང་དུ་མཁྱེན་བརྩེ་ནུས་པའི་མངའ་བདག་ཚུལ་ཁྲིམས་ཀྱི་དྲི་བསུང་གིས་ཕྱོགས་ཀུན་ཏུ་ཁྱབ་པས་འཕགས་པ་ཉེ་བར་འཁོར་ས་འདིར་བྱོན་པ་ལྟ་བུ་བརྟན་མཁས་ཀྱི་ཡོན་ཏན་གཉིས་དང་ལྡན་པ་དོན་གྱི་སླད་དུ་མཚན་ནས་སྨོས་ཏེ་ཡོངས་རྫོགས་(༡༥ན)

― GLG009_Page_0749 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པའི་མངའ་བདག་སྒྲུབ་ཁང་པ་དཔལ་ལྡན་དོན་གྲུབ་ཀྱིས་མཁན་པོ། སྡེ་སྣོད་གསུམ་དང་རྒྱུད་སྡེ་བཞི་ལ་མི་འཕྲོགས་པའི་མཁྱེན་རབ་དང་ལྡན་པའི་གནས་བརྟན་འདུལ་བ་འཛིན་པ་ཆེན་པོ་བྲང་ཏི་པ་ནམ་མཁའ་སངས་རྒྱས་ཀྱིས་ལས་ཀྱི་སློབ་དཔོན། མཁས་གྲུབ་ཤར་ཆེན་ཤེས་རབ་འབྱུང་གནས་ཀྱིས་གསང་སྟོན། དད་པའི་དགེ་འདུན་གྲངས་ཚང་བའི་དབུས་སུ་དགེ་བསྙེན་ནས་བཟུང་བསྙེན་རྫོགས་ཀྱི་དུས་སྒོ་བརྗོད་པའི་བར་འདུལ་ལུང་རྒྱ་བོད་ཀྱི་རྣམ་བཤད་རྣམས་ཀྱི་དགོངས་པ་བཞིན་གྲངས་གསུམ་དུ་གཅོད་པ་སོགས་ཕྱག་ལེན་ཤིན་ཏུ་དངོས་གཙང་བའི་སྒོ་ནས་ཁྲག་སྐྱུག་ཅེས་པ་ཆུང་ཕག་ཆུ་སྟོད་ཟླ་བའི་གཟའ་སྐར་འཕྲོད་སྦྱོར་དགེ་བའི་ཚེ་ཡོངས་སུ་རྫོགས་པ་དགེ་སློང་གི་དངོས་པོ་རྣམ་པར་དག་པ་བཞེས་ཏེ་ཉོན་མོངས་པའི་གཡུལ་ལས་རྣམ་པར་རྒྱལ་བའི་རྒྱལ་མཚན་བསྒྲེང་བ་ནི། སུམ་བརྒྱ་པར། ཉོན་མོངས་དགྲ་གཡུལ་རྒྱལ་བྱེད་ཚུལ་ཁྲིམས་ཏེ། །ངེས་པར་འབྱུང་བའི་ཚུལ་ཁྲིམས་སྡུག་བསྔལ་སྤོང་། །དཔལ་འབྱོར་ས་དང་མེ་ཏོག་མདའ་ཅན་འཇོམས། །རྫོགས་པའི་བྱང་ཆུབ་དཔལ་སྣོད་དབང་བསྐུར་རོ། །ཞེས་པའི་དོན་ཐོག་ཏུ་བབས་ཤིང་མཁན་སློབ་ཁུངས་བཙུན་དེ་དག་འབད་པས་འཚོལ་བའང་རྡོ་རྗེ་འཆང་ཚར་ཆེན་གྱིས། དེང་དུས་འདི་ན་ཁ་ཅིག་གཞན་དབང་གིས། །རང་ཡུལ་བླ་མ་ཚུལ་འཆལ་དག་ལ་ནོད། །གཞན་དག་བསམས་བཞིན་ཐག་རིང་སར་བགྲོད་ནས། །ཆེན་པོ་ཧོར་འདྲའི་སྤྱོད་ཚུལ་ཅན་ལ་ཞུ། །བདག་གིས་ཚེ་འདིའི་ངོ་སྲུང་རྒྱབ་ཏུ་བོར། །ཕྱི་མའི་དོན་ཆེན་འབའ་ཞིག་སྙིང་ནས་བསམས། །ཡོངས་རྫོགས་ཁ་ཆེའི་པཎ་(༡༥བ)

― GLG009_Page_0750 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་བསོད་སྙོམས་པ། །ཤཱཀྱ་ཤྲཱིའི་གྲྭར་ནི་འབད་པས་ཞུགས། །ཞེས་གསུངས་པའི་དོན་ཁོ་ནར་སྣང་། རིན་ལྡིང་འདུ་ཁང་གི་ཤིང་རྩི་ལྡེབས་བྲིས་གྲུབ་པའི་རབ་གནས་ལ་ཞ་ལུ་ནས་མཁན་པོ་སྐུ་ཞང་གདན་དྲངས། ཐུགས་བྲེལ་རྣམས་ཆོད་ནས་སླར་རི་ཕུག་ཏུ་བྱོན། ངོར་ནས་མཁས་གྲུབ་དཔལ་ལྡན་དོན་གྲུབ་ཕེབས་པའི་རྡོ་རྗེ་འཆང་དང་ཞལ་འཛོམ་གྱི་དཔོན་སློབ་གཉིས་ཀར་ཆོས་ཀ་གསན་བཞིན་པའི་མཁན་པོ་སྐུ་ཞང་དང་རྗེ་འདི་ཉིད་སོགས་ཁ་ཤས་ལ་རིན་པོ་ཆེ་སྒྲུབ་ཁང་ནས་ཀྱིས་སྒྲུབ་ཐབས་བརྒྱ་རྩ་གནང་བའི་སྐབས་གཙང་སྡེ་སྲིད་རྒྱལ་རྩེར་བཞུགས་ཐོག་གཟུག་པོ་ནས་ལ་བཀའ་བཀྱོན་གནང་རྩིས་རྫོང་དཔོན་དཔོན་གཡོག་ཧྲགས་པ་ཐུགས་བློར་མ་ཆུད་པའི་ཉེར་གསུམ་ལ་བོང་གོང་ནས་ཀྱི་དགེ་རྩའི་བཀའ་འགྱུར་ལ་ཕྱག་ནས་གནང་བར་བསྙད་བཏགས་ཀྱིས་གཟུག་པོ་ནས་འབྱོར་ལགས་འཁོར་བཅས་གྲགས་ཡུལ་ཆོས་སྡེར་བརྫངས། ཆོས་སྡེའི་སློབ་དཔོན་རྣམས་ཀྱང་ཉི་མ་རྩེར་ཤར་ལ་མཆོད་རྟེན་ཆེན་མོའི་མདོར་གདན་འདྲེན་ལ་འབྱོར་དགོས་པའི་བརྡ་འགྲེམས་བྱུང་བར་བརྟེན་འཕྲོས་བྱུང་འཕྲལ་སྒྲུབ་ཐབས་བརྒྱ་རྩ་འཕྲོར་བཞག་སྟེ་བཤད་ནས་ཕེབས་པས་མཚན་ཕྱེད་ཙམ་ལ་ཆོས་སྡེར་འབྱོར། སང་ཉིན་སློབ་དཔོན་རྣམས་ཀྱིས་ཕེབས་བསུར་བྱོན་པ་དང་རྩེའི་བརྒྱ་སྒོ་བསྡམས་གཟུག་པོ་ནས་ལ་བཀའ་བཀྱོན་ཡིན་འདུག་ཟེར་བས་གདན་འདྲེན་པ་རྣམས་སོ་སོར་གྱེས། རེ་ཞིག་དེ་གར་སྟན་ཆགས་ནས་རྩེ་མོ་སྒྲུབ་མཆོད་དང་དགུན་ཆོས་སོགས་རྒྱས་པར་མཛད། སླར་རི་ཕུག་ཏུ་རྡོ་རྗེ་འཆང་གི་བསླབ་སྟོན་བཞིན་བླ་མ་བཀའ་བརྒྱད་ཡོངས་འདུས་ཀྱི་ལྗགས་བསྙེན་གནང་། ཤིང་བྱིའི་ལོ་རྡོ་རྗེ་འཆང་དབང་ཕྱུག་རབ་(༡༦ན)

― GLG009_Page_0751 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་ཚར་ཆེན་ཆོས་ཀྱི་རྒྱལ་པོའི་གདན་སར་ཕེབས་པའི་ལེགས་འབུལ་ལ་བྱོན། རྗེ་བླ་མའི་སྐུ་རིམ་ལ་སྒྲོལ་དཀར་ཡིད་བཞིན་འཁོར་ལོའི་སྦྱིན་སྲེག་གང་མང་དང་། གཙུག་ཏོར་འབར་མའི་ཆུ་བཟློག་མཛད། དགེ་སློང་ཆེན་པོ་མཁས་གྲུབ་པར་ཐམས་ཅད་མཁྱེན་པས་མཛད་པའི་འོད་ཟེར་དྲི་མེད་ཀྱི་སྲོག་ཤིང་འཛུགས་པའི་ཆོ་གའི་ལུང་གསན། ཕྱིར་ཕེབས་ནས་རྡོ་རྗེ་འཆང་ལ་ལེ་འདི་ཙམ་བཞུགས་ཀྱི་ཞལ་བཞེས་དགོས་པའི་ཞུ་ཡིག་འབུལ་བ་གནང་བའི་ལན་དུ་ཁྱད་ཀྱི་ངོར་ལོ་ལྔ་སྡོད་པའི་མཉམ་གཞག་བརྟན་པོ་བྱེད་གསུང་བའི་ཞལ་ལེན་འབྱོར། རིན་ལྡིང་གི་སློབ་དཔོན་སྡེ་སྲིད་དུ་ནན་བསྐྱེད་ཀྱིས་ཁྲོལ་ཆ་ཞུས་ནས་རྩིས་སྤྲོད་སོགས་ཀྱི་ཐུགས་བྲེལ་དང་འགྲིག་པའི་འདར་དུ་གསུང་ངག་རིན་པོ་ཆེ་གསན་པར་འཕྲོས་བྱང་ཡང་ཕེབས་མ་ཐུབ། དེ་ནས་ལོ་ལྔ་ཙམ་གྱི་བར་རི་ཕུག་ཏུ་བཅར་བཞུགས་ངོས་ཆོས་བརྒྱད་ཀྱི་བུན་ལོང་མཐའ་དག་རྒྱབ་ཏུ་བསྐྱུར་ནས་ཉིན་མཚན་དེ་མི་མཁྱེན་པ་ལྟ་བུའི་བརྩོན་པས་བགྲང་ཡས་རྒྱུད་སྡེ་རྒྱ་མཚོའི་ཕ་རོལཏུ་སོན་པའི་ཐུགས་གཉེར་སྨར་བར་མཛད། སྐབས་ཤིག་འདར་དུ་རྭ་འཁྲིད་མཁའ་འགྲོ་སྙན་བརྒྱུད་ཚུགས་པར་བརྡ་བྱུང་རུང་ཞ་ལུའི་གྲ་རྒན་འདྲས་བསླབ་གཉེར་ལ་གནོད་ཅེས་ཕེབས་མ་བཅུག་པས་ཐུགས་འཕྲེང་ཡང་གནང་ཐེབས་དང་བྲལ། ནུབ་ཅིག་མནལ་ལམ་དུ་སྔར་བྲག་རྫོང་མའི་ལྗགས་བསྙེན་དུས་བྱུང་བའི་ཧྭ་ཤང་དེ་ཡིན་རྒྱུའི་ཁུལ་ཞིག་གིས་གཟིམས་ཁང་སྟེང་གི་རྒྱལ་མཚན་དར་ལྕོག་སོགས་རྒྱན་དུ་མ་འདུག་པ་རྣམས་བཅག་སོང་བ་ཞིག་བྱུང་བ་སང་ནང་པར་ལྡུམ་རར་བྱོན་པས་བྱང་ཆུབ་ཤིང་གི་སྡོང་པོ་དེ་ཡང་དངོས་(༡༦བ)

― GLG009_Page_0752 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་སྐམས་ཚར་བ་གཟིགས་གཤིས་བར་ཆད་དུ་དགོངས་ནས་འདར་དུ་ཞུ་ཡིག་ཕུལ་བའི་ལན་དུ། རྒྱལ་བ་ཀུན་དངོས་མཁྱེན་བརྩེའི་དབང་ཕྱུག་གི །ཐུགས་སྲས་དམ་པ་དབང་ཕྱུག་རབ་བརྟན་ལ། །མི་ཕྱེད་དད་པས་སྙིང་ནས་གསོལ་འདེབས་ན། །བདག་སོགས་བལྟོས་བཅས་འབྲལ་མེད་ཐུགས་རྗེས་བཟུང་། །གང་བྱུང་ཐུགས་རྗེར་ཤེས་པའི་མོས་གུས་ཀྱིས། །བགེགས་དང་བར་ཆད་གང་གིས་མི་བརྫི་བར། །ཅི་བསམས་དོན་ཀུན་འབད་མེད་ལྷུན་གྲུབ་ནས། །བསྟན་དང་འགྲོ་དོན་མཁའ་ཁྱབ་འགྱུར་བར་ཤོག །ཅེས་པའི་སྨོན་ལམ་ཡང་སྩལ།ས་འབྲུག་ལོ་འདར་དུ་ཕྱག་འབུལ་ལ་ཕེབས་པ་ན་འུ་ཅག་དཔོན་སློབ་མཇལ་བའི་དུས་ཀྱང་བྱུང་ཞེས་དགྱེས་པ་ཆེན་པོས་ཆོས་མང་དུ་གསུངས། ཁྱད་པར་ཐམས་ཅད་མཁྱེན་པ་བུའི་རིམ་ལྔའི་འཁྲིད་ཡིག་ཟ་མ་ཏོག་དང་། ཀུན་མཁྱེན་མཁྱེན་བརྩེའི་ཁ་འབྱེད་ལྡེ་མིག་སྦྱར་བའི་ཉམས་འཁྲིད་རྒྱས་པར་གསན་པའི་ཚེ་མནལ་ལམ་འཛིན་པ་གནང་བར་ཟིན་ནས་ཡུམ་བདེ་དོག་ཅི་འདྲ་ཡོད་དམ་དགོངས་གཟིགས་པར་ཕེབས་པ་ཞ་ལུའི་གཙུག་ལག་ཁང་གི་འགག་དེར་བྱོན་པ་དང་མནལ་སད། དེ་དུས་པཎ་ཆེན་ངག་དབང་ཆོས་གྲགས་སྐུ་རྐྱང་གིས་ཚོམ་ཆེན་དུ་རྡོ་རྗེ་འཆང་ལ་གསུང་ཆོས་གསན་པའི་ཚེ་རྗེ་ཉིད་གཟིམས་ཆུང་སྦུག་ཏུ་བཞུགས་ཡོད་པ་གསུང་ཆོས་ཀྱི་མཚམས་ཤིག་ལ་ཤར་མར་ཕེབས་ནས་ཀུན་མཁྱེན་བུ་སྟོན་རིན་པོ་ཆེའི་བསྟན་པ་ཞ་ལུ་པའི་གྲུབ་མཐའ་འཛིན་པར་གཞན་ཆོས་ལུགས་མང་པོ་བགྲངས་ནས་མཐར་གཞན་སུའང་མི་ཡོང་པས་ཉིད་ཀྱི་ཕོ་རྒྱབ་ཅིག་ཅེས་བསླབ་སྟོན་གནང་བ་སོགས་ལ་ཐུགས་མོས་ཆེ་བར་འདུག་རུང་གསུང་ཆོས་ཞུ་བ་ནི་སྟབས་འགྲིག་(༡༧ན)

― GLG009_Page_0753 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཞིག་མ་བྱུང་བར་གདའ། རྡོ་རྗེ་འཆང་གི་བཀའ་བཞིན་ཁྱབ་བདག་བཀའ་འགྱུར་བར་ཚིག་སྒྲའི་ཁྱད་ནས་བླ་བྲང་རྩེར་ཕུན་ཚོགས་དངོས་གྲུབ་མའི་ལུང་རྡོར་དབྱིངས་ཀྱི་དབང་སོགས་ཆོས་བཀའ་འགའ་ཞིག་སྩལ། མི་དང་མི་མ་ཡིན་གྱི་སྲུང་ཡིག་ཞུ་བ་གནང་འདུག་པ་འདི་ལྟ་སྟེ། ཨོཾ་སྭསྟི། རྒྱལ་བ་ཁྱབ་བདག་རྡོ་རྗེ་འཆང་ཆེན་པོ་འཇམ་པའི་དབྱངས་མཁྱེན་བརྩེའི་དབང་ཕྱུག་བསྟན་པའི་རྒྱལ་མཚན་དཔལ་བཟང་པོའི་ཞལ་སྔ་ནས་ཀྱི་བཀའ། དཔལ་རྡོ་རྗེ་འཇིགས་བྱེད་ཆེན་པོའི་ལུང་། མ་ཧེའི་ཞལ་གྱི་རྣལ་འབྱོར་པ་རྡོ་རྗེ་འཛིན་པ་དབང་ཕྱུག་རབ་བརྟན་དཔལ་བཟང་པོའི་ཡི་གེ །ཁམས་གསུམ་དུ་གཏོགས་ཤིང་ས་གསུམ་དུ་རྒྱུ་བའི་འབྱུང་པོ་མི་དང་མི་མ་ཡིན་པ་ཐམས་ཅད་ཀྱིས་དགོངས་ཤིང་ངེས་རྒྱུ། ངེད་ཀྱི་རྡོ་རྗེའི་སློབ་བུ་རྒྱུད་སྡེ་འཛིན་པ་རིན་ཆེན་བསོད་ནམས་མཆོག་གྲུབ་བསྟན་པའི་རྒྱལ་མཚན་དཔལ་བཟང་པོ་འདི་ཉིད་བསྟན་འགྲོའི་དོན་དང་རང་དོན་དུ་ཐོས་བསམ་སྒོམ་གསུམ་དང་གཞན་དོན་དུ་འཆད་རྩོད་རྩོམ་གསུམ་ལ་སོགས་པ་ལུགས་གཉིས་བྱ་བ་གང་དང་ཅི་བྱེད་ཀྱང་ཁྱོད་ཡུལ་ཁམས་སོ་སོའི་ལྷ་འདྲེ་མི་གསུམ་གྱིས་གུས་པའི་བཀུར་སྟི་མཆོད་བསྟོད་སྙན་སྤེལ་དགེ་བའི་གྲོགས་སུ་གང་འགྲོ་བགྱིད་པ་མ་གཏོགས་བསམ་གཏན་གྱི་བགེགས་དང་བར་ཆད་དུ་འགྲོ་བ་སྐད་ཅིག་ཀྱང་མ་བྱེད། གལ་ཏེ་གོང་ལས་འགལ་འབྱུང་ན་རྡོ་རྗེ་འཇིགས་བྱེད་རབ་ཏུ་ཁྲོས་པས་འཆི་བདག་གཤིན་རྗེའི་ཟས་སྐལ་དུ་གཏོད་པ་ངེས་པར་གྱིས། འདིའི་དོ་དམ་ཆེད་གཉེར་དགོས་པ་རྒྱལ་པོ་ཆེན་པོ་རྣམ་ཐོས་སྲས་འཁོར་དང་བཅས་པ་དང་གནོད་སྦྱིན་ཆེན་པོ་བེག་ཙེ་བ་འཁོར་དང་བཅས་པས་ཉིན་མཚན་དུ་བསྲུང་(༡༧བ)

― GLG009_Page_0754 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོབ་གཡེལ་བ་མེད་པར་མཛོད། ཅེས་རྣམ་བྱུང་ཞེས་པ་ས་ཕོ་འབྲུག་གི་ལོ་ཟླ་བ་དྲུག་པའི་ཚེས་དྲུག་གི་ཉིན་གྲང་ཆེན་བླ་བྲང་རྡོ་རྗེའི་ཕོ་བྲང་ནས་བྲིས། ཞེས་པ་སྩལ། དེ་ནས་རི་ཕུག་ཏུ་ཕེབས། རྡོ་རྗེའི་སློབ་དཔོན་ཆེན་པོ་རི་ཕུག་དབུ་མཛད་རིན་ཆེན་རྒྱ་མཚོ་ལོ་སྔོན་མའི་མ་ཧེའི་འཚུབ་ཀྱི་རྣམ་པ་ཡིན་ནམ་གང་ལྟར་རྒྱལ་མཁར་སྤེལ་གཞིར་སྐུ་གཤེགས་པས་གཞིས་ཀ་རྩེ་ནས་འོག་ཐོ་དགོས་ཕེབས་པ་བཞིན་རྗེ་ཉིད་དང་བླ་ཆེན་བསམ་རྒྱམ་པ་གཉིས་ཕུལ་བ། སྡེ་སྲིད་ཀྱི་ཕེབས་སྒོར་ངེད་རང་གི་འདོད་པར་རིན་ལྡིང་བླ་མ་རྙིང་པ་ཡིན་པས་འབོད་མཁན་ཐོངས་ཕེབས་པ་བཞིན་འཕྲོས་བྱུང་འཕྲལ་བྱོན་པའི་དགོངས་ཁྲེལ་ནན་ཆགས་ཞུ་བ་གནང་རྩིས་ལ་སྐུ་ངོས་ཀྱིས་རིན་ལྡིང་གི་སློབ་དཔོན་རྒྱུན་རིང་མ་སོང་ཡང་ཁྲོལ་ཆ་བྱས་པ་ཡིན། ད་ལམ་དགོངས་པ་ཞུ་རེ་མ་བྱེད་ཅེས་པའི་ལུང་ལྕི་བས་དེ་རིགས་ཀྱི་སྤྲོས་པ་དང་བྲལ་ཏེ་གསོལ་དཔོན་སྐྱིད་སྟོད་ནས་དང་ཐུགས་ནང་གཙང་གཤིས་བཀའ་གྲོས་གནང་བར་ད་ཆ་བསྐྱར་ཞུས་མཛད་ནས་དགོངས་ཁྲེལ་ཡོང་། དེ་ལས་རྒྱ་མཁར་བླ་གཞིས་འཇགས་པའི་བཀའ་ཤོག་ཞུ་བ་འཐད་ཚུལ་བྱུང་བ་བཞིན་དབུ་མཛད་ཀྱི་རིང་འཇགས་པའི་སྨིན་གྲུབ་ཀྱང་བྱུང་། ཟླ་བ་བཅུ་གཉིས་པའི་ཚེས་བཅུ་དྲུག་ལ་རི་ཕུག་དབུ་མཛད་དུ་ཕེབས་པའི་བསྐོ་འཇའི་གནང་སྦྱིན་དང་བཀའ་ཤོག་སྒྲོག་པར་བདེ་རྒྱས་པ་ཨ་བར་ལྷ་རྒྱལ་རྫོང་བདའ་མཛད། འདར་ནས་རྡོ་རྗེ་འཆང་ཡབ་སྲས་ཀྱིས་ཐུགས་སྲས་སེམས་དཔའ་ཆེན་པོ་སོགས་བླ་མ་ན་རིམ་གྱི་དབང་བུམ་ཆ། རྡོ་རྗེ་དྲིལ་བུས་གཙོས་པའི་བདོག་པ། ངོར་ནས་སྒྲུབ་ཁང་ཐར་རྩེ་ཀླུ་སྡིངས་པ་བཅས་བླ་བྲང་ཁག །ཉར་ཕྱོགས་ཀྱི་སྡེ་དཔོན་སྦྱིན་བདག་གཞིས་བྱེས་ཀྱི་གྲ་པ་ལ་(༡༨ན)

― GLG009_Page_0755 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་སོ་སོ་ནས་ལེགས་སྐྱེས་ཀྱི་ཚན་གྲངས་རིང་དུ་བསྟར། སྒྱེད་བུ་ཁ་སྤྲོ་རྒྱས་པར་གནང་། །རིན་པོ་ཆེ་དཀོན་མཆོག་རྒྱལ་མཚན་དང་བླ་མ་བསམ་གྲུབ་རྒྱལ་མཚན་གཉིས་ཀྱིས་འཇམ་དབྱངས་བྱང་གླིང་རྗེའི་ཕྱག་ལེན་ཇི་ལྟ་བའི་ས་གར་གྱི་ཁྲོ་སྤྲོ། གར་དབྱངས། ཕྱག་རྒྱ། ཆོ་གའི་ཁྲིགས་རྣམས་ཞིབ་མོར་ཕུལ་བ་བཞིན་ས་སྦྲུལ་སྒྲུབ་མཆོད་ཆེན་མོའི་དུས་གནང་བ་ཀུན་ཡ་མཚན་དུ་འཛིན། འདར་དུ་ཕྱག་འབུལ་ལ་ཕེབས་ཐོག་ཞབས་དྲུང་དབོན་རིན་པོ་ཆེ་དང་ལྷན་ཅིག་པར་སྟག་ཚང་ལོ་ཙཱ་བས་མཛད་པའི་མངོན་དཀྱིལ་གྱི་སྟེང་ནས་དུས་ཀྱི་འཁོར་ལོའི་བྱིས་པ་འཇུག་པའི་དབང་བདུན་ནས་བདག་པོ་ཆེན་པོའི་བར་ཚང་བར་གསན་པའི་ནུབ་རྡོ་རྗེ་འཆང་གི་འོད་གསལ་དུ་བྱང་གླིང་རྗེ་དགྱེས་ཚུལ་བསྟན་པ་ཆོས་བདག་པོར་སྤྲད་པ་ལ་དགོངས་པ་འདྲ། གཞིས་ཀ་རྩེར་རྟག་བརྟན་སྤྲུལ་སྐུ་རིན་པོ་ཆེར་ཉི་མ་སྤས་པའི་ལུགས་ཀྱི་སྒྲོལ་མ་ཉེར་གཅིག་གི་རྗེས་གནང་སོགས་ཆོས་ཁ་ཡར་གསན། དུས་འཁོར་གསར་འགྱུར་ཞིག་ཡོད་གསུང་བ་དགོས་ཚུལ་ཞུས་པར་དབང་རྫས་མི་འགྲིག་འདུག་པས་སླར་རྟག་བརྟན་དུ་བྱེད་གསུངས་ཀྱང་དོ་གལ་མ་གནང་བར་མ་ཕེབས། དབང་རྫས་དེ་དབང་གསུམ་པའི་དུས་ཕྱག་རྒྱ་མ་དངོས་སུ་གཏོད་པའི་སོ་ཐར་གྱི་བསྟན་པ་འཇིག་ཐུབ་ངེས་ཤེས་པ་ཞིག་ཡོད་པར་སྣང་བ་ཇོ་བོ་ཆེན་པོས། གསང་བ་ཤེས་རབ་དབང་སྐུར་ནི། །ཚངས་པར་སྤྱོད་པས་བླང་མི་བྱ། །ཞེས་དུས་ལ་མ་བབས་པར་དངོས་དབང་བཀག་པས་ཚུལ་དེ་འདྲ་རྣམ་དག་བསྟན་པའི་གྲས་སུ་མི་འགྲོ་བར་མ་ཟད་རྗེ་འདི་ཉིད་སྐུ་ཤིན་ཏུ་བཙུན་པས་བཞུགས་གྲལ་དེ་འདྲར་ག་ལ་(༡༨བ)

― GLG009_Page_0756 ―

^{[མ་དཔེ་གཟིགས་ན་འདིར་གནོན།]}

[Full Size]

ཕེབས། ལྷུན་རྩེ་བདེ་སྐྱིད་གླིང་ལྕགས་རི་ཁ་སྟོད་ཀྱི་མཆོད་གཞིས་ལ་བརྟེན་པའི་དབྱར་ཆོས་དགུན་ཆོས་མ་ཆད་ཙམ་ཡོད་པ་དང་དུས་མཆོད་ཆེན་མོས་མཚོན་སྒྲུབ་མཆོད་ཀྱི་རྡོ་རྗེ་སློབ་དཔོན་ལ་ཆག་མེད་འབྱོན་པ་སོགས་ཐུགས་ཁུར་ཆེ་བཞེས་གནང་བ་ན་གལ་ཆུང་ཆོས་སུ་བྱས་པའི་ཆེར་རློམ་གྱི་སྤྱོད་ཚུལ་དང་མི་འདྲ་བའི་དམ་པའི་རྣམ་པར་ཐར་པ་ངོ་མཚར་བར་མངོན། ལྕགས་མོ་ལུག་ལོ་འདར་དུ་ཕེབས་རྗེ་རྡོ་རྗེ་འཆང་གི་བཀའ་ལས། ཞ་ལུའི་གྲ་པ་ཁ་ཡ་ལྐོག་པོ་མཚོའི་ཟླར་བཞུགས་པ་ལས་འདིར་བྱོན་ནས་རྡོ་རྗེ་འཇིགས་བྱེད་ཀྱི་བསྙེན་སྒྲུབ་ཅིག་མཛད་ན་ཡོང་གནང་བར། རེ་ཞིག་སྡེ་སྲིད་ནས་དགོངས་པ་མི་ཁྲོལ་ཚུལ་ཞུ་བ་མཛད་པའི་ལན་དུ་འོ་ན་བསྐྱར་བསྒོས་ཤིག་བྱས་རྒྱུན་རིང་པོ་ཞིག་མཛད་དགོས་པ་ཡོང་ཕེབས་པ་དེ་ཁོ་ནའི་ཐོག་ཏུ་སོང་བ་མངོན་མཁྱེན་ཡོད་དོ་བའི་ཅལ་སྒྲོག་ཙམ་མ་ཡིན་པར་གྲགས་པ་དོན་དང་ལྡན་པའོ། །མཁན་པོ་སྐུ་ཞང་སྙུན་ཡུན་རིང་གིས་བཏབ་སྟེ་ས་སྦྲུལ་ནག་པ་ཟླ་བར་ལ་སྟོད་དུ་གཤེགས་པའི་སྟབས་འདི་ལོ་མཁན་པོའི་འོས་ཐོ་བསྡུས་ཚེ། ཕྱག་མཛོད་དཔོན་པོ་བྱང་ཆུབ་ལ་དྲི་བ་གནང་བར་རྟག་བརྟན་མཁན་པོ་ཟལ་མོ་བྲག་པའི་སྐུ་སྐྱེ་ལ་མཐུན་གྲུབ་ཡིན་ཚུལ་གཡོ་ཞུས་བྱས་པར་སྡེ་སྲིད་ཐུགས་འཁྲུལ་ཏེ་རྟག་བརྟན་མཁན་པོར་བཀའ་ཤོག་གནང་བས་ཁོང་པ་ཆོས་སྡེ་བྲག་དམར་དུ་འབྱོར། དཔོན་པོ་བྱང་ཆུབ་ཀྱིས་སྤྱི་སའི་ཞུ་ཡིག་བརྫུས་མ་དང་བཅས་དབུ་ཆོས་གཉིས་གཞིས་ཀ་རྩེར་བཏང་བར་དྲི་བ་གནང་ལན་བུ་དོལ་ལྟ་གྲུབ་མི་གཅིག་ཅིང་ཚད་མའི་འདོད་མཐུན་མིན་ཚུལ་ཞུས་པས་རི་ཕུག་དབུ་མཛད་དང་ཕྱག་མཛོད་པ་གཉིས་པོས་གསུང་བ་ལྟར་ཕེབས། སྐུ་ཞབས་(༡༩ན)

― GLG009_Page_0757 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་རྗེ་ཉིད་ལ་སྒེར་དུ་དྲི་བ་གནང་བར་ཇོ་ནང་རྗེ་བཙུན་རིན་པོ་ཆེ་སྐྱེས་བུ་དམ་པ་གཞན་དང་མི་འདྲ་ཡང་ལྟ་གྲུབ་བྱང་ནས་ཀུན་མཁྱེན་བུའི་བསྟན་པར་ཕན་པ་དཀའ། ཞ་ལུ་པར་ཚར་ཆེན་ཡབ་སྲས་བཀའ་དྲིན་ཆེ་བས་རབ་གནས་གསར་ཞབས་དྲུང་དབོན་རིན་པོ་ཆེ། དེ་མིན་གླང་བུ་ནས་ཆོས་རྗེའི་དྲུང་། ངོར་མཁན་པོ་ཤེས་འབྱུང་བ་གསུམ་པོ་གང་རུང་འོས་པ་འདྲ། དངོས་གཞི་རྣམ་དབྱིངས་ནས་གང་བཅད་ལས་འོས་ཅི་ཡོད་ཞུ་བ་གནང་བས་སྡེ་སྲིད་ཞལ་སྐྱེངས་ཉམས་ཀྱིས་ཞ་ལུ་བའི་ཞུ་དོན་པ་སྤྱི་ཚོགས་ལ་སྒྱུར་སྦྱང་དང་བཅས་ཟལ་མོ་བྲག་པའང་མཁན་པོ་མཛད་མི་དགོས་གསུངས་པར་བརྟེན་ཐར་པར་བྱོན། ཤིང་ཕོ་ཁྱི་ལོ་གཞིས་ཀ་རྩེར་ཁྱབ་བདག་ཞ་ལུ་པ་དཔོན་སློབ་བརྒྱད་སྐོར་ལ་གསོལ་ཕོགས་སོགས་དགོས་ཆ་ཚང་མ་གནང་། བླ་མ་ཀུན་དགའ་དཔལ་འཕེལ་གྱིས་སློབ་དཔོན་མཛད་ནས་ཡོག་དབྱངས་ཉིས་བརྒྱ་ལྷག་ཙམ་སྦྱོང་དར་གནང་། དེ་ནས་ཨེ་ཝཾ་ཆོས་ལྡན་དུ་ཕེབས་རིགས་བརྒྱའི་བདག་པོ་དཔལ་ལྡན་དོན་གྲུབ་ལ་ཐུགས་རྗེ་ཆེན་པོའི་དམར་འཁྲིད་སྨིན་རྒྱས་སུ་གསན་པའི་ནུབ་ཀྱི་མནལ་ལམ་དུ་རྗེ་ཉིད་ཞ་ལུའི་ཆོས་སྡེའི་ཤར་སྒོ་ནས་བྱོན་པ་དང་ཞབས་ས་ལ་མི་རེག་པར་མི་གང་ཙམ་འཕགས། མོ་ཡན་གྱི་བྱང་སྒོ་ནས་བུད་མེད་རྒྱབ་ལ་ཆུ་ཟོམ་ཁྱེར་བ་ཞིག་མཐོང་བྱུང་བ་དང་དམ་པ་ཉིད་ཀྱི་ཕྱག་ཏུ་ཕུར་པ་བུ་ཆུང་ལོ་བརྒྱད་པ་ཙམ་བྱུང་བ་བུད་མེད་དེའི་སྤྱི་བོར་བཏབ་པས་བཤང་ལམ་གྱི་བར་ཕུག་སྟེ་ས་ལ་སྦྲགས། དེ་ནས་ནམ་མཁའི་མཐོངས་ཐུགས་བློས་མི་འཁྱུད་པ་ཙམ་དུ་འཕུར་བས་ལུང་པ་ཐམས་ཅད་ཆུས་མེར་པ་ཁེངས་པ་གཟིགས་པས་འདི་འཁོར་བ་སྡུག་བསྔལ་གྱི་རྒྱ་མཚོ་ཆེན་པོ་(༡༩བ)

― GLG009_Page_0758 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་སེམས་ཅན་ཐམས་ཅད་འདོན་མ་ཐུབ་ཀྱང་ཡབ་ཡུམ་གཉིས་འདོན་དགོངས་ཏེ་ཕྱག་ཆུ་ལ་ཡུལ་ཡུལ་མཛད་པས་སྦལ་ལྕོང་འདྲ་མོ་ཕྱག་མཐིལ་དུ་བྱུང་། ང་ཤར་ཕྱོགས་མངོན་པར་དགའ་བ་ལ་ཐེགས་དགོས་དགོངས་ཏེ་འཕུར་བས་ཤར་ཕྱོགས་མངོན་དགའ་ཡིན་སྙམ་པར་ཕེབས། དེར་མི་འཁྲུགས་པའི་སྟོང་ཐང་འདྲ་བ་ཞིག་སྔོ་ཆམ་གྱིས་གཟིགས་པ་དང་མཉམ་དུ་མནལ་སད། ཡང་སྐབས་ཤིག་རྨང་ལམ་དུ་ནུབ་ཕྱོགས་བདེ་བ་ཅན་དུ་འབྱོན་དགོངས་ཏེ་མཁའ་ལ་འཕུར་བ་ན་སྒྲུབ་ཁང་གི་ཇ་ཁང་དུ་ཕེབས་ནས་ང་བདེ་བ་ཅན་དུ་འགྲོ་རྒྱུ་ཡིན་གསུངས་པར་མི་ཞིག་ན་རེ་འོད་དཔག་མེད་འདི་ག་ཡིན་ཞེས་རྗེ་དཔལ་དོན་པ་ཕྱོགས་ལ་བརྡ་ཐབས་བྱེད་སྣང་བ་དཔོན་སློབ་གཉིས་ཀའི་བསམ་གྱིས་མི་ཁྱབ་པའི་ཆེ་བར་མངོན། ཡོག་དབྱངས་སྦྱོང་དར་གནང་སྐབས་སྡེ་སྲིད་ནས་ཐུགས་ཁུར་བཞེས་པའི་རི་ཕུག་ཏུ་འདུ་ཁང་ཞིག་གསོས་ཀྱི་འགོ་འཛུགས་མཛད་པ་ལོ་གཉིས་ལྷག་ཙམ་གྱི་བར་འགོར་བའི་ལྡེབས་བྲིས་ལ་ཉེ་སྐབས་ཁྱབ་བདག་ཞ་ལུ་པ་ཆེན་པོས་ངོར་སྒྲུབ་ཁང་དུ་བསླབ་སྟོན་ཞུ་བ་གནང་པར་ཀུན་མཁྱེན་བུའི་རྣམ་ཐར། འབྲས་སྤུངས་དང་ཤམྦྷ་ལའི་བཀོད་པ་བྲིས་གསུང་བ་བཞིན་སེང་གཡབས་ལ་རྣམ་ཐར་ཞིང་བཀོད་རྒྱས་པ་འདུ་ཁང་ལ་སྐྱེས་རབས་སོ་བཞི་པ། གནས་བཅུ། སྒོ་ནང་བྱང་དུ་ཆོས་སྐྱོང་སྐོར། ལྷོ་ན་སྦྱིན་བདག །ཀ་སྤུགས་ན་རྒྱལ་ཆེན་བཞི། སྟེང་གི་འཁོར་གཡབས་ལ་མཛད་བཅུ་དང་བསྟན་པའི་གཏད་རབས་བུ་སྟོན་ཆོས་འབྱུང་ལྟར། ཐེག་པ་ཆེན་པོའི་ལུགས་ཀྱི་ཆོ་འཕྲུལ། གཟིམས་ཆུང་ན་འཁྲིད་ཆེན་བཞིའི་བླ་བརྒྱུད། གཙང་ཁང་དང་མགོན་ཁང་སོ་སོའི་ལྡེབས་བྲིས་རྣམས་དངོས་གཙང་བ་ཐུགས་(༢༠ན)

― GLG009_Page_0759 ―

^{[མ་དཔེ་གཟིགས་ན་འདིར་གནོན།]}

[Full Size]

ཁུར་ཆེ་བཞེས་ཀྱིས་ཞལ་བཀོད་གནང་། ཤམྦྷ་ལ་དང་འབྲས་སྤུངས་འབྲི་བའི་ས་སྟོངས་ད་ལྟ་ཡང་ལུས། མཁར་ལས་ཀྱི་ཚུབ་ཆའི་རྣམ་པས་རྗེ་ཉིད་ཤིན་ཏུ་བསྙུན་པར་ངོར་སྒྲུབ་ཁང་དུ་སྙན་འབུལ་མཛད་པ་ན་ཐུགས་དམ་སྐྱབས་འཇུག་དང་སྐུ་རིམ་སོགས་ཀྱི་བསླབ་བྱ་གནང་། འགག་ཏུ་མི་སུ་སླེབས་བྱུང་ཡང་གཏམ་ངན་གང་ཁྱེར་ཡོད་དམ་བསམ་སེམས་ལ་གཙེར་པོ་བྱུང་གསུང་། འདར་དུ་ཞུ་མི་གནང་པར་བཞུགས་འདིང་རྙིང་པའི་བྱིན་རླབས་རྟེན་དང་བཅས་ད་ལམ་སྐྱོན་ཅི་ཡང་མི་ཡོང་། ཐུགས་དོགས་རྒོད་པོ་དེ་ཉམས་ཡིན་ཚུལ་དང་། བླ་མ་ཡི་དམ་སྲུང་མའི་བྱིན་རླབས་ཀྱིས། །རྡོ་རྗེའི་སློབ་བུ་བསོད་ནམས་མཆོག་གྲུབ་ཀྱི། །ཚེ་འཕྲེང་ཚེ་ཡི་བར་ཆད་ཀུན་སྒྲོལ་ནས། །ཚེ་རིང་ནད་མེད་ལོ་བརྒྱར་བརྟན་པར་ཤོག །ཅེས་པ་གནང་ཞིང་། འདི་དག་གི་སྔ་གོང་ཀུན་མཁྱེན་རོང་སྟོན་ནས་བརྒྱུད་པའི་ཚེ་སྒྲུབ་ཞག་བདུན་མའི་ལྗགས་བསྙེན་གནང་བའི་འོད་གསལ་དུ་བྲིས་ཐང་ཞིག་གི་ལྡེབས་ལ་བྱོན་པས་གཙོ་བོ་ངོ་མི་མཁྱེན་པ་ལ་ལྷ་མགྲོན་དུ་ཀུན་མཁྱེན་གུང་རུ་ཕྱག་གཉིས་པུས་སྟེང་དུ་བརྐྱང་བ་འདི་ཁྱོད་ཡིན་ཞེས་མི་ཞིག་གིས་ཟེར། སྐུ་དེའི་མདུན་ན་རིལ་བུ་འདྲ་མོ་བཞི་འདུག་པ་བྱུང་བ་མནལ་སད་ནས་ཐུགས་སོམ་ཉིར་གྱུར་ནས་རྡོ་རྗེ་འཆང་ལ་ལོ་བཞི་ལྟ་བུ་གཅིག་ལ་འཆི་བ་འདྲ་བརྟན་པ་གནང་དགོས་སྙན་འབུལ་ཞུ་བ་མཛད་པར་བཞི་ལ་མིན་པ་འདུག་བཞི་བཅུ་ལ་དགོངས་པས་ཆོད་དགོས་པ་འདྲ་འོན་ཀྱང་གེགས་སེལ་བྱེད་གསུངས། ཚེ་དབང་མང་པོ་དབང་བྱིན་རླབས་གནང་བ་གོང་གི་བདེན་སྟོབས་བརྗོད་པ་སོགས་ཀྱིས་སྐུ་ཚེའི་འཕྲེང་སྒྲོལ་བར་ཐུགས་ངེས་ཤེས་གནང་འདུག་ཅིང་། མནལ་ལྟས་(༢༠བ)

― GLG009_Page_0760 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་དགུང་ལོ་སུམ་ཅུ་ཟིན་ཙམ་གྱི་ཚོད་ཡིན་འདྲ་བས་ད་ཆ་བདུན་ཅུའི་ནང་དུ་ཕེབས་གཤིས་ཁྱབ་བདག་དབང་ཕྱུག་རབ་བརྟན་གྱི་ཕེབས་སྒོ་དེ་སྒྲིབ་བྲལ་ཡེ་ཤེས་ཀྱིས་གཟིགས་པ་ཁོ་ནར་སྣང་ཞིང་གེགས་སེལ་གྱི་ཚེ་དབང་གནང་བའི་མཐུས་ད་ཆ་གྲངས་ཚད་ལས་ཀྱང་བརྒལ་བ་བཞུགས་པར་མངོན། སྐུ་ཁམས་དྭངས་རྫས་རབ་གནས་བཀྲ་ཤིས་རྒྱས་བྱེད་སྟེང་ནས་རྣལ་འབྱོར་རྒྱུད་དང་རྗེས་སུ་འབྲལ་བའི་རབ་གནས་ཉིན་གཉིས་མའི་རྡོ་རྗེ་སློབ་དཔོན་དུ་རྒྱལ་ཀུན་ངོ་བོ་རྗེ་བཙུན་བླ་མ་རིན་པོ་ཆེ་བསོད་ནམས་མཆོག་གྲུབ་ཉིད་ཕེབས་ཏེ་སངས་རྒྱས་དེ་སྲས་སློབ་མར་བཅས་པའི་ཡེ་ཤེས་སེམས་དཔའ་བཞུ་བླུགས་སུ་དམ་ཚིག་པ་ལ་བསྟིམ་ནས་ཕུན་སུམ་ཚོགས་པའི་དགའ་སྟོན་རྒྱ་ཆེར་མཛད། འདུ་ཁང་གི་ཞལ་སྤྲོར་ཚོགས་པ་ལ་སེམས་ཉིད་ངལ་གསོའི་ཉམས་འཁྲིད་ཟླ་གཅིག་གི་བར་དང་བུ་སྟོན་རིན་པོ་ཆེའི་བཀའ་འབུམ་གྱི་ལྗགས་ལུང་བཙུགས་པས་ཐོག་མར་གྲ་དམངས་ཕལ་ཆེར་ཡོད་ནའང་བརྒྱད་སྟོང་པ་ནས་བཤད་པའི་བདུད་ལས་ཀྱི་རྣམ་པས་ཇེ་ཉུང་དུ་སོང་བ་ཡོངས་རྫོགས་འདྲིལ་བ་ལྔ་ཙམ་ལས་མ་བྱུང་ཞིང་དེང་སང་ནི་ལྔ་པོའི་ཁྲོད་ནས་ཀྱང་གཅིག་ལས་མ་ལུས་འདུག་པས་བརྒྱུད་ཡིག་ཡོད་ངེས་ཀྱི་རྒྱུན་རྣམས་འབད་རྩོལ་བྱེད་རན་དུ་སྣང་ངོ་། །ཉེས་བརྒྱ་འཁོར་བ་ན་ཀྲའི་གྲོང་ཁྱེར་གྱིས། །ཉེས་དམིགས་ཚུལ་ལ་ངེས་པར་ཐུགས་བྱུང་པས།ཉེས་བྲལ་ཕུན་ཚོགས་ཆོ་གའི་གྲུ་གཟིངས་ཀྱིས། ཉེས་ལྟུང་དྲི་བྲལ་རིན་ཆེན་གླིང་དུ་བྱོན། །འཆི་མེད་པད་འབྱུང་གདུང་འཚོབ་གནས་གསར་བར། །འཆི་བའི་དངོས་བརྒྱ་འཇོམས་པར་གསོལ་བཏབ་ཚེ། །འཆི་དང་སྐྱེ་བར་དབང་བའི་གདེངས་ཚད་མཐུས། །འཆི་བདག་ལ་ལྔར་བཟློག་(༢༡ན)

― GLG009_Page_0761 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཞལ་གྱིས་འཆེས། །དོན་མེད་འདུ་འཛིའི་རྣམ་གཡེང་རྒྱབ་བསྐྱུར་ནས། །དོན་ཆེན་རྒྱུད་སྡེར་བཅུ་ཕྲག་བགྲང་བྱའི་བར། །དོན་ཚིག་ཀུན་སྦྱངས་མཁས་པའི་རྩེར་སོན་པས། །དོན་ལྡན་དལ་བའི་རྟེན་ལ་སྙིང་པོ་བླངས། །འཚུབ་འཚུབ་ལྷ་མིའི་གདོན་གྱི་དམག་གི་དཔུང་། །ལོང་ལོང་སྟུག་པོའི་སྤྲིིན་ནག་ལྟར་འཐིབས་པ། །འཇིགས་འཇིགས་མ་ཧེའི་ཞལ་ཅན་དབང་རབ་ཀྱི། །འུར་འུར་ཐུགས་རྗེའི་རླུང་གིས་ཕ་མཐར་བསྐྲད། །རྨི་ལམ་སྤྲུལ་བསྒྱུར་སྔོན་ནས་གོམས་པའི་མཐུས། །འཁོར་བའི་མཚོ་ལས་འགྲོ་འདྲེན་ལྷག་བསམ་དང་། །མཐའ་ཀླས་དག་པ་རབ་འབྱམས་ཞིང་ཁམས་ལ། །གཅིག་ཏུ་གཟིགས་མོར་གཡེངས་པ་དེ་རྨད་བྱུང་། །ཞབས་རྡུལ་བྱང་གླིང་ཆོས་རྗེའི་ཁྲིར་བཀོད་ནས། །སྨིན་གྲོལ་གར་ཐེག་དབྱངས་དང་དུས་ཀྱི་ཆོས། །བྱ་བ་ལས་ཀྱི་འཁོར་ལོས་བུ་སྟོན་རྗེའི། །བསྟན་པའི་ཉི་མ་གཉིས་པ་དེང་འདིར་ཤར། །སྐུ་ཚེའི་ཚད་སོགས་ལྐོག་གྱུར་ཤེས་བྱའི་གཟུགས། །གནས་གསར་བླ་མའི་ཐུགས་ཀྱི་མེ་ལོང་དུ། །གསལ་བར་མགོན་ཁྱོད་དད་པ་དབྱར་གྱི་མཚོ། །འཕྱུར་བའི་རྩེ་མོ་ཚངས་པའི་ཡུལ་ས་བརྒལ། །ཐུན་འཚམས་གོས་ཀྱི་ཕང་དུ་ཟླ་བཞིན་མ། །རྩེ་དགའ་རྒོད་པའི་མཁན་པོ་ཟལ་བྲག་པ། །འཇམ་མཉེན་གཞན་སྣང་འདྲིང་པའི་མེ་ཏོག་མདའ། །འཕང་བའི་ཆོ་ག་མ་རྫོགས་བསྟན་པའི་གསོས། །ཤིང་ཕག་ལོ་རྗེ་རྡོ་རྗེ་འཆང་མཇལ་བར་ཕེབས་རིང་ཞིག་བཞུགས་ཤིང་བརྟན་བཞུགས་ཀྱི་གསོལ་འདེབས་མཛད། ཚུར་འབྱོན་ཁར་སླར་ཡོང་ཐུབ་ངེས་ཀྱིས་གསུང་ཞིང་རྗེ་འདི་ཉིད་ཀྱི་ཕྱག་གཡས་ནས་རྡོ་རྗེ་(༢༡བ)

― GLG009_Page_0762 ―

^{[མ་དཔེ་གཟིགས་ན་འདིར་གནོན།]}

[Full Size]

འཆང་གིས་འཛིན་པ་གནང་ཐུགས་དམ་ལ་བརྩོན་པོ་མཛོད་གསུང་བ་སོགས་འཕྲལ་ཕུགས་ཀྱི་བསླབ་སྟོན་མང་དུ་སྩལ། ཕྱག་མཛུབ་ཀེར་ནས་ནུ་རོ་ལ་ཞེས་དགྱེས་པའི་རྣམ་འགྱུར་དཔག་མེད་མཛད་པ་ན་བཀའ་ལས་ང་རང་ཚོགས་བསགས་སྙམ་པ་དང་སེམས་འཕྲེང་ཞིང་དགའ་ཡལ་ལེ་བདེ་འབོལ་ལེ་སྐྱིད་ངོ་ཤེས་པ་རང་ཞིག་བྱུང་གསུང་། ཕྱིར་ལམ་ངོར་དུ་ཕེབས་འདར་ནས་རིན་པོ་ཆེ་སྒྲུབ་ཁང་ནས་ལ་ཕྱག་ཐམ་རྔུལ་གཟན་གྱི་རྟེན་བཅས་ཡོད་པ་ཕུལ་བས་ན་བཟའ་དེ་འཕྲལ་དུ་བཞེས་ནས་རིན་པོ་ཆེའི་ཕེབས་སྒོར་འཆད་ཉན་གཞོན་དུས་ཁྱེར་ཁ་མ་བྱས་ན་རྒས་པ་མྱུར་པོ་ཡོང་བས་འབུངས་མཛོད། འཆད་ཉན་ཡང་ཞུ་མཁན་གཅིག་བྱུང་ན་དེ་ལ་བྱེད་གཉིས་གསུམ་བྱུང་ན་དེ་ལ་བྱས་པས་མཐར་ཇེ་མང་ལ་འགྲོ་ཆོག་གང་ལའང་སླ་ཆོས་མ་བྱེད། རང་སྡོད་མཁས་སྙོམ་ཆུང་ངོས་དུས་ཀུན་ཏུ་ཐོས་བསམ་སྒོམ་གསུམ་དང་མ་བྲལ་བ་མཛོད་ཅེས་བསླབ་སྟོན་མང་དུ་གནང་། ཕྱག་མཛུབ་ཀེར་ནུ་རེ་ལ་ཞེས་གསུངས། གཞིས་ཀ་རྩེར་ཕེབས་ནས་ཁའུ་པའི་བསྟན་འཛིན་རྡོ་རྗེའི་མཆེད་པོ་འཇམ་དཔལ་དབྱངས་ཆོས་སྐྱོང་དབང་ཕྱུག་ལ་དཔྱལ་ཕུར་གྱི་དབང་ལུང་དང་། སླར་ཧ་ལ་ནག་པོའི་བེའུ་བུམ་སོགས་ཟབ་ཆོས་རྒྱ་ཆེར་གསན་པ་མཛད་པས་གནས་གསར་བ་ཁུ་དབན་དང་སྒྲུབ་ཁང་པའི་འོག་ནས་ཐུགས་མོས་ཆེ། རིམ་གྱིས་ཞ་ལུར་ཕེབས་མེ་བྱི་ཤར་ནས་སྒྲུབ་ཁང་དུ་ཁྱབ་བདག་དཔལ་ལྡན་དོན་གྲུབ་མཇལ་བར་ཕེབས་པ་ན་སྐུ་ན་སྨིན་ཅིང་སྙུན་གྱིས་ཟིན་པའི་ཉམས་ཀྱིས་སྐུ་ཁམས་ཤིན་ཏུ་དུབ་པའི་གསུང་མི་གསལ། སྤྲུལ་པའི་སྡེར་འཇམ་དབྱངས་ས་པཎ་སྐུའི་བཀོད་པ་བསྡུ་ཁའི་ཚེ་འཕགས་པ་རིན་པོ་ཆེར་ཚིག་དགོངས་མི་དགོངས་(༢༢ན)

― GLG009_Page_0763 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་ཚོགས་བྱུང་བ་དང་དབྱིབས་འདྲ་བསམ་པ་མང་ཙམ་གསུངས་མཐར་གསུང་ཤེད་ཆེན་པོས་ཆོས་རྗེ་དབོན་ལ་དཔལ་མཆོག་ང་སློང་དང་གསུང་། དཔོན་པོས་སྐུ་སྐྱོར་ནས་ཙོང་མཛད་པ་རྗེ་ཉིད་ལ་སྤྱན་ཅེར་གཟིགས་ནས་ད་མང་པོ་ལབ་མི་ཐུབ་པ་འདུག་ཀུན་མཁྱེན་བུ་སྟོན་རིན་པོ་ཆེའི་བསྟན་པ་ཁྱེད་ལ་ཁག་ཡོད་དོ་ཕེབས་པ་གསུང་གི་ཐ་མ་ཡིན་གསུང་། ཧོར་ཟླ་བཅུ་པའི་ཚེས་བཞི་ལ་ངོར་དུ་མཁས་གྲུབ་དཔལ་ལྡན་དོན་གྲུབ་མཁའ་སྤྱོད་ཀྱི་ཞིང་དུ་གཤེགས་པའི་གཏམ་ངན་ཞ་ལུ་ཕུའི་བསམ་གཏན་སྒང་དུ་བྱུང་འཕྲལ་རི་ཕུག་ཏུ་ཕེབས་ནས་མཆོད་འབུལ་བ་རྫོང་བདའ་མཛད། ཚེས་གཉིས་ལ་འདར་དུ་རྡོ་རྗེ་འཆང་དགྱེས་མཛད་རྡོ་རྗེའི་ཐུགས་ཀར་བསྡུས་པའི་གནས་ཚུལ་དང་བཅས་ཞབས་དྲུང་དབོན་རིན་པོ་ཆེའི་ཕྱག་ཐམ་ཐུགས་དམ་གསལ་འདེབས་སྐྱེལ་མི་འབྱོར་གཤིས་བཀའ་དྲིན་ཆེ་ཤོས་ཀྱི་བླ་མ་གཉིས་ཀ་གཤེགས་པས། བཀའ་ལས། བླ་མ་གཉིས་ཀ་དང་བྲལ་བས་སྡུག་པ་ལ་ཚོད་མ་བྱུང་གསུང་། དེ་འཕྲལ་ནོར་གླིང་ནས་ཆིབས་དྲེལ་གཡར་ངོས་ཨེ་ཝཾ་ཆོས་ལྡན་དུ་ཁྱབ་བདག་བླ་མ་དམ་པའི་སྐུ་གདུང་རིན་པོ་ཆེ་མཇལ་བ་དང་གདུང་འབུལ་ཕུལ་ནས་རྩོལ་ཁྱད་ཀྱིས་འདར་ལ་ཕེབས་སྐབས་རྒྱང་གཟིགས་ནས་འཇའ་དཀར་པོ་སྣམ་བུ་བརྐྱང་པ་ལྟ་བུ་གྲང་མོ་ཆེའི་གདུང་གི་ཐད་དུ་ཟུག །གདུང་འབུལ་འབུལ་བ་གནང་ཞིང་བཞུགས་རིང་གདུང་ཡིད་བཞིན་གྱི་ནོར་བུའི་དྲུང་དུ་སྟན་ཆགས་ནས་གདན་གསུམ་ཚང་བའི་དཀྱིལ་འཁོར་གྱི་བདག་ཉིད་ལ་མཆོད་འབུལ་གསོལ་འདེབས་དབང་བཞི་ལེན་པ་སོགས་རྒྱས་པར་གནང་། ཐུགས་ངལ་ཤིན་ཏུ་ཆེ་བར་ཁྱབ་བདག་བཀའ་འགྱུར་བ་ཆེན་པོས་(༢༢བ)

― GLG009_Page_0764 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་བྲེལ་ཆེ་བཞག་ཆུང་བཤོལ་གྱི་སྒོ་ནས་རྭ་པོད་ཀྱི་ལྗགས་ལུང་སོགས་ཐུགས་གསོ་ཐབས་ཅི་ཡང་གནང་གསུང་། དཔོན་སློབ་གཉིས་ཚོམས་ཆེན་གྱི་ཉི་མཐོང་ལ་གསོལ་ཚིགས་སྐབས་མེ་ཏོག་གི་ཆར་ཁ་བ་ལྟ་བུ་བབས་པ་གཟིགས། ཚུར་ལམ་ངོར་དུ་ཕེབས་པ་དང་ཤར་ཆེན་ཤེས་འབྱུང་པས་སྒྲུབ་ཁང་དུ་པུར་ཁང་ཞལ་འབྱེད་མཛད་པ་དང་འགྲིག་བྱིན་རླབས་གདུང་སྐལ་ཞུ་བ་དང་པུར་ཚ་འདེབས་པའི་ཕྱག་ཕྱི་མཛད་ངོས་རང་གི་བསྟི་གནས་སུ་ཕེབས། ལྕགས་ལུག་རྡོ་རྗེ་འཆང་དབང་ཕྱུག་རབ་བརྟན་གྱིས་ལུང་བསྟན་གནང་བ་ཐོག་ཏུ་བབས་པ་ལྟར། མེ་བྱིའི་སྟོན་རྣམ་ཐར་སྙིམ་པའི་མེ་ཏོག་ལས། ཡོན་ཏན་ཅན་གྱི་མི་བྱུང་ན་ཞིང་དཀྱིལ་གྱི་ཕ་བོང་ལྟར་མཇའ་ཕྱོགས་བཞི་ནས་བཙུགས་ནས་འདོན་ཞེས་པའི་དོན་བཞིན་ལོ་འདིའི་སྟོད་ཞ་ལུའི་གྲ་པ་མི་སྲུན་པ་འགའ་ཞིག་གིས་རང་བསྟན་སེང་གེའི་ཁོག་པ་འཇིག་པ་ལ་དཔའ་བའི་ཐེས་བསྡུས་སོགས་འཚུབ་ལྷོངས་སྣ་ཚོགས་ཀྱིས་ཐུགས་སྲུན་དབྱུང་བར་སྒྲུབ་ཁང་དུ་རིན་པོ་ཆེར་བསླབ་སྟོན་ཞུ་བ་མཛད་པར་བལ་མོ་ཡ་གཅིག་ལ་སྒྲ་མི་འབྱུང་བས་ཚུར་ཕེབས་སྒོ་མ་བྱུང་བར་སྡེ་སྲིད་ལ་ཞུ་སྔ་མཛད་གསུང་བ་བཞིན་རེ་ཞིག་རིན་ལྡིང་པ་སོགས་གྲ་རིས་དང་ཁང་དམར་ནས་ཀྱིས་གཙོས་པའི་སྐུ་ཉེ་རྣམས་ལ་བརྟེན་ཕལ་ཆེར་སེ་རག་སྒྲུབ་སྡེར་བཞུགས་པའི་འབྲུག་པ་སྤྲུལ་པའི་སྐུའི་མགྲོན་གཉེར་ཁང་དམར་རྗེ་དྲུང་མཁྱེན་བརྩེས་སྐར་རྩིས་ཀྱི་རི་མོ་ཕུལ། མེ་གླང་འབྲུམ་ཐག་ཆོད་ནས་གཞིས་ཀ་རྩེར་འབོད་མི་བཀའ་ཤོག་གནང་བ་བཞིན་བྱོན། མི་སྣར་བདེ་འབྱོར་བྱང་པ་ཡོངས་པའི་ལྟེ་བོ་རྣམས་གན་དུང་གིས་གནས་ནས་དབྱུང་གནང་སྦྱིན་བཟང་པོ་དང་བཅས་ཚོགས་སུ་བཀའ་ཁྲིམས་(༢༣ན)

― GLG009_Page_0765 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲགས་ཤིང་དབུ་མཛད་བསྐྱར་བསྒོ་མཛད།དེ་ནས་གྲ་པ་ཧྲགས་བསྡུས་ལ་གཞུང་ནས་ཕོགས་སོགས་མཐུན་རྐྱེན་གནང་སྟེ་བྱ་ཚོར་ཟླ་གཅིག་གི་བར་ས་གར་མཆོད་གར་རྣམས་ལ་སྦྱོང་དར་གྱི་དོ་དམ་གནང་། གྲུབ་བསྟུན་སྒྲུབ་མཆོད་དང་རྣམ་སྲས་མཆོད་པ་རྣམས་ཀྱི་གཟིགས་མོར་སྡེ་སྲིད་ཀྱང་ཕེབས་པའི་གྲ་འགྲིག་བྱུང་བའི་ལེགས་སོར་པ་རྣམ་ཚོ་བོ་གཞིས་ཀ་མཆོད་ཐེབས་སུ་སྦྱོར་འཇགས་བྱུང་། སྔར་གཞིས་རྩེར་བཀའ་འགྱུར་གྱི་ཞུ་དག་ལ་བྱོན་སྐབས་ནས་ཆོས་འབྲེལ་གསན་འདུག་པ་དང་བཅས་དཔོན་སློབ་པཎ་ཆེན་རིན་པོ་ཆེར་བུ་སྟོན་རིན་པོ་ཆེས་མཛད་པའི་མདོ་ཕྱོགས་ཀྱི་གསུང་རབ་བཀའི་ལུང་གསན། དེ་ནས་ཨེ་ཝཾ་ཆོས་ལྡན་དུ་ཕེབས་མཁན་ཆེན་ཐར་པ་རྩེ་པ་ནམ་མཁའ་སངས་རྒྱས་ལ་ས་པཎ་དང་འཕགས་པ་རིན་པོ་ཆེའི་བཀའ་འབུམ་གྱི་ལུང་སོགས་ཆོས་དུ་མ་གསན། བཞུགས་མཚེར་སྒྲུབ་ཁང་དུ་ཡོད་པར་ཐོ་རེངས་ཤིག་མནལ་ལམ་དུ་གུ་རུ་དྲག་པོའི་སྐུ་བརྙན་ཤིན་ཏུ་གསལ་བ་ཞིག་བྱུང་བ་ནམ་ལངས་ཚེ་ཐར་པ་རྩེར་དབང་ལ་བྱོན་གསུང་བའི་འཕྲོས་བྱུང་བ་ན་ཅི་ཡིན་ནམ་དགོངས་ཚེ་དབང་དེ་གཏེར་ཁ་གོང་མའི་དྲག་པོ་མེའི་སྤུ་གྲིའི་དབང་ཡིན་འདུག་གསུང་བ་དྲག་པོའི་སྐུ་དེ་ཡང་ཞལ་གཟིགས་མ་ལྟ་བུ་ཞིག་ཡིན་ནམ་སྙམ། འདི་ལོ་ཞ་ལུའི་མཁན་ཐོག་ཏུ་རིན་པོ་ཆེ་ཤར་པ་བྱོན་ནས་མི་རིང་བར་ངོར་ཚོགས་ཆེན་ལ་འཕྲེང་བ་ཞེ་ལྔ་མའི་དབང་གནང་བ་དང་དེར་མ་ཟད་དབང་ཆོས་ཀྱི་རིགས་རྒྱས་པར་གསན། ཡོ་ག་མ་ལས་བུ་དགའ་བ་དབང་ལྡན་ཆོས་འཁོར་དུ་མཁས་མཆོག་བསྟན་པའི་སྒྲོན་མེས་གདན་དྲངས་དཔལ་མཆོག་རིགས་བསྡུས་ཀྱི་དབང་(༢༣བ)

― GLG009_Page_0766 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་བཞི་པོ་དབང་ཆ་ཉེར་ལྔར་བཅད་པ་ཚར་བཞི། གཏུམ་པོ་སྤྱི་གཟུགས་ཀྱི་དབང་སོགས་དབང་རྗེས་གནང་ལུང་རྒྱ་ཆེར་གནང་། མར་ཕེབས་ནས་རི་ཕུག་ཏུ་རི་ཁྲོད་དགའ་ལྡན་སློབ་དཔོན་ལ་བུ་སྟོན་བཀའ་འབུམ་གྱི་ལུང་སྩལ། ས་སྟག་རིན་ལྡིང་གྲ་ཚང་གིས་ཆོས་ལུང་འདུ་ཁང་ཞིག་གསོས་གྲུབ་པར་བཀྲ་ཤིས་རྒྱས་བྱེད་ཀྱི་ཡི་གེ་དང་བརྒྱུད་པའི་ཕྱག་ལེན་ནས་རབ་ཏུ་གནས་པའི་བཀྲ་ཤིས་ཀྱི་དགའ་སྟོན་ཉིན་གཉིས་མ་རྒྱས་པ་རེ་གནང་། པན་ཉ་རིར་རྩ་ཁུ་ནས་ཀྱིས་འབུམ་བཞེངས་པའི་རབ་གནས་ཀྱང་གོང་བཞིན་སྦྱིན་བདག་གི་རེ་བ་ཡོངས་སུ་འགེང་བར་མཛད། རི་ཕུག་ཏུ་ཕེབས་བསྟུན་ཁང་རྙིང་གྲ་ཚང་པ་རྣམས་ཀྱིས་རྩོལ་བ་ལ་བརྟེན་ཚོགས་ཆེན་དུ་རྡོར་དབྱིངས་ཀྱི་དབང་ཆ་ཉི་ཤུ་རྩ་ལྔའི་སྒོ་ནས་ཕྱོགས་དེའི་གདུལ་བྱ་རྣམས་སྨིན་གྲོལ་ལ་བཀོད། འཇམ་དཔལ་དྲག་པོར་ཁྲོས་པ་འཇིགས་མཛད་རྡོ་རྗེར་རྭ་ཀྱོ་ཞང་མལ་གཉོས་ཏེ་ལོ་ཙཱ་བ་ལྔ་དང་། རྒ་ལོ་ཡབ་སྲས། ཀུན་མཁྱེན་བུ། རྒྱལ་བ་ཙོང་ཁ་པ། ངོར་རྫོང་སོགས་མཁས་པ་མང་པོའི་བཞེད་སྲོལ་ཁུངས་བཙུན་མཐའ་ཡས་པའི་ནང་ནས་རྭ་ཆེན་ལོ་ཙཱ་པ་རྡོ་རྗེ་གྲགས་ཀྱི་ཕྱག་ལེན་བསྲེ་བསླད་དང་བྲལ་བ་རྡོ་རྗེ་འཆང་ཚར་པ་ཆོས་རྗེས་མཛད་པའི་སྒྲུབ་ཐབས་བདུད་ལས་རྣམ་པར་རྒྱལ་བ་དང་། རྭ་འཁྲིད་མཁའ་འགྲོ་སྙན་བརྒྱུད་གཉིས་སྦྱར་ཏེ་མ་ཧེ་མཆོད་པར་དམིགས་པའི་ལྗགས་བསྙེན་སྔོན་འགྲོ་རྒྱས་པ་དང་བཅས་གྲུབ་མཚམས་བྱ་ཡུལ་ནས་འབྲུག་པ་སྤྲུལ་སྐུ་རིན་པོ་ཆེ་དཔག་བསམ་དབང་པོ་འབྲོང་རྩེ་རྒྱལ་བྱེད་ཚལ་དུ་ཕེབས་པར་ཆེད་བསྟན་ཞབས་འགྲུལ་གྱིས་བྱོན། ཕྱག་ཆེན་གྱི་སྔོན་འགྲོར་ཚོགས་གསོག་ཏུ་ཕྱག་མང་པོ་དགོས་ཀྱི་ཡོད་འདུག་པ་རྗེ་ཉིད་ཀྱི་སྐུ་གཟུགས་(༢༤ན)

― GLG009_Page_0767 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་ཅུང་མ་ལྕོགས་པའི་ཉིན་རེ་ཕྱག་སྟོང་ཕྲག་གཉིས་རེ་དང་དེ་འཕྲོས་ཡིག་བརྒྱའི་ཞལ་འདོན་གནང་། གཙོ་བོ་ཕྱག་ཆེན་ལྷན་ཅིག་སྐྱེས་སྦྱོར་གྱི་ཉམས་འཁྲིད་དང་བླ་སྒྲུབ་ཀྱི་འཁྲིད་བཟབས་རྒྱས། གཞན་ཡང་ནཱ་རོ་ཆོས་དྲུག །ཨོ་རྒྱན་བསྙེན་སྒྲུབ། བདེ་མཆོག་བཅུ་གསུམ་མའི་དབང་སོགས་ཆོས་བཀའ་དུ་མ་གསན། སྔ་དྲོ་ཞིག་ཕྱག་དབང་ལ་ཕེབས་དུས་དབུ་ལ་པུས་འཁྱུད་བཞག་ནས་རིན་པོ་ཆེ་ལ་བྱ་བྲལ་གྱི་བསྐོ་འཇའ་ཡིན་ནོ་གསུང་། ཉིན་གཅིག་སྐུ་ལ་བཞེས་བཞིན་པའི་སྐུ་གཟན་དང་སྐུ་ཆོས་སྦྲགས་མ་གཟིམས་དཔོན་གྱིས་རྗེ་ཉིད་ཀྱི་སྐུ་རྒྱབ་ལ་བསྐོན་ནས་གནང་སྟེ། རྗེ་རྡོ་རྗེ་འཆང་ཆེན་མི་གཟུགས་ཅན། །ཕ་མཚན་ལྡན་བླ་མར་གུས་པས་འདུད། །སྤང་གཉེན་དབྱེར་མེད་ཀྱི་ཉམས་ལེན་འདི། ཁས་ལེན་བྲལ་བའི་ལྟ་བ་ཡིན། །ཆེད་དུ་མི་བསྒོམ་པའི་རང་བབས་འདི། །སྒོམ་མེད་ཡེངས་མེད་ཅེས་སྒོམ་པའི་མཆོག །གཉིས་འཛིན་དང་བྲལ་བའི་རང་གྲོལ་འདི། །ཨ་བ་དྷཱུ་ཏི་པའི་སྤྱོད་པར་གསུངས། །གཞན་ཕན་གྱི་སེམས་བསྐྱེད་རྒྱ་ཆེན་པོས། །སྡིག་སྤོང་དགེ་སྒྲུབ་ཀྱི་ལས་འབྲས་བརྩི། །དགེ་ཚོགས་སེམས་ཅན་གྱི་དོན་དུ་བསྔོ། །དེ་བཀའ་བརྒྱུད་གོང་མའི་གདམས་པ་ལགས། །ཞེས་པ་འདི་ཞ་ལུའི་གདན་ས་བ་རིན་པོ་ཆེ་བསོད་ནམས་མཆོག་གྲུབ་ལ་དཔལ་འབྲུག་པ་དཔག་བསམ་དབང་པོས་གདམས་པའོ། །ཞེས་པའི་ཞལ་གདམས་དང་སང་ཞ་ལུར་ཐེགས་རྒྱུའི་དེ་རིང་དེ་གསུང་མགུར་མང་དུ་འཐེན་པའི་རྗེས་སུ་རྗེ་ཡི་སྙན་ལ་གཟན་ལགས་ཀྱང་། སྤྲང་ལ་སྣང་བ་འདི་ལས་མེད་ཁྱེད་དཔོན་སློབ་སང་ཐེགས་རྒྱུའི་བློ་འཕུལ་ཡིན། རྟེན་འབྲེལ་གྱི་བྱེད་པ་ཞིག་ཡོད་(༢༤བ)

― GLG009_Page_0768 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་ནས་གསོལ་ཇ་བཞེས་ཅན་གང་གསོལ་རས་སུ་གནང་། ཐུགས་དམ་གང་འཕེལ་གྱི་ངང་ནས་ཀུན་མཁྱེན་བུ་སྟོན་རིན་པོ་ཆེའི་བསྟན་པ་ལ་གང་ཕན་ཡོང་བ་མཛོད། དེ་ལྟར་མཛད་ན་ངེད་ཀྱི་ཕྱག་ཕྱི་བྱས་པར་ཡང་འགྲོ། ཞ་ལུ་མ་ན་གྲ་པ་ཁ་ཅིག་རྟོགས་ལྡན་ཡིན་ཟེར་ནས་ཞ་ལུ་རང་གི་ཆོ་ག་མི་བྱེད་པར་འབྲུག་ལུགས་ཀྱི་བླ་མ་མཆོད་པ་བྱེད་ཀྱི་ཡོད་ཟེར་བ་དེ་འདྲ་ལ་ཡེར་ནི་མི་དགྱེས། ཀུན་མཁྱེན་བུ་སྟོན་རིན་པོ་ཆེས་ཆོ་ག་རྒྱས་པར་དགའ་ན་རྒྱས་པ། བསྡུས་པར་དགའ་ན་བསྡུས་པ་མང་པོ་མཛད་འདུག་པ་དེས་མ་འཐུས་པ་ཅི་ཡོད། རིན་པོ་ཆེ་གཡེང་བ་རང་ལ་མ་འབྱམས་པར་མཐར་ཐུགས་དམ་རྩེ་གཅིག་མཛད་དགོས་སོ་གསུངས། དམ་པ་ཉིད་སྐུ་ཞབས་པ་རྣམས་ཀྱིས་སྐྱེལ་མ་མཛད་ནས་བཞུགས་སྒར་གྱི་མཐའ་ཙམ་དུ་ཕེབས་པ་དང་སྐུ་ཞབས་ལ་འབོད་མཁན་བྱུང་བ་ལྟར་ཐེགས་པར་སྐུ་ཕྲག་གི་བྱིན་རླབས་ཁུག་མག་ཤོག་བུའི་ཁུད་དུ་ཐམས་ཅད་སྤྲུགས་ནས་གནང་། སང་ངེད་རང་དཔོན་སློབ་ཐེགས་དུས་རྒྱབ་གྱེས་རང་མ་བྱུང་བ་མཛོད་གསུངས། ཞ་ལུར་ཕེབས་ནས་ས་ཡོས་མ་ཧེ་མཆོད་པའི་གྲ་སྒྲིག་གྲུབ་རྗེས་སྐུ་མཚམས་ཤིན་ཏུ་དམ་པས་ལས་གཤིན་གྱི་ལྗགས་བསྙེན་དང་། དེ་ཟིན་ནས་བསྐང་གསོ་དང་དྲུག་ཅུ་པ་སོགས་རྒྱབ་ཆོས་ཀྱི་སྐུ་རིམ་རྣམས་སྨིན་རྒྱས་སུ་མཛད། མ་ཧེ་མཆོད་པའི་དུས་དྲུག་ཅུ་པ་དང་ལས་གཤིན་གྱི་གཏོར་མ་གཉིས་ཀ་རྒྱག་པ་གནང་། རིམ་གྱིས་རྣམ་སྲས་མཆོད་པ་སོགས་སྔར་རྒྱུན་བཞིན་གྲུབ་ནས་ལྕགས་འབྲུག་ནང་དུ་སྒྲུབ་མཆོད་དབྱར་དགུན་གྱི་དུས་ཆོས་སོགས་སྔར་བཞིན་ཆག་མེད་ངོས་དཔལ་འཁོར་ཆོས་སྡེའི་དུས་འཁོར་གྲ་ཚང་ཤར་བྱང་གཉིས་དང་གཞི་གྲ་བཅས་པའི་དོན་(༢༥ན)

― GLG009_Page_0769 ―

^{[མ་དཔེ་གཟིགས་ན་འདིར་གནོན།]}

[Full Size]

གཉེར་ཅན་བརྒྱར་ལོངས་པར་དཔལ་དུས་ཀྱི་འཁོར་ལོའི་བདག་པོ་ཆེན་པོའི་བར་གྱི་ཡོངས་རྫོགས་དབང་ཆ་བཞི་གནང་། ལྕགས་སྦྲུལ་ཟླ་བ་ལྔ་པར་བསྟན་འཛིན་ཆོས་ཀྱི་རྒྱལ་པོའི་དཔུང་ཆེན་གཞིས་ཀ་རྩེར་འབྱོར་བའི་དབུས་གཙང་ཐམས་ཅད་དུས་གཅིག་ཏུ་མི་བདེ་བའི་བདེ་གཟར་ཆེན་པོ་ལངས། སྟོན་ཀ་ས་སྐྱོང་བསོད་ནམས་རབ་བརྟན་ཀྱང་དཔུང་ཐོག་ཏུ་ཕེབས། རྒྱལ་བ་ཙོང་ཁ་པ་ཆེན་པོའི་སྔགས་ཆོས་གསན་ས་ཕལ་ཆེར་བུ་སྟོན་ཐམས་ཅད་མཁྱེན་པའི་ཞལ་སློབ་རྣམས་ཡིན་པའི་གྲགས་པ་དང་། སྡེ་སྲིད་ཀྱི་ཞབས་ཕྱིར་བཞུགས་སྐབས་སྐུ་དྲུང་ཤག་ལྷུན་པ་སོགས་དང་བཅས་ཐུགས་འདྲིས་ཀྱང་ཡོད་ཚད་ཀྱིས་ལྟ་གྲུབ་མི་གཅིག་པའི་ཁྲོད་ནས་གཟིགས་ཕྱོགས་ལེགས་པ་འདྲ་ཞིག་འདུག་པ་བཞིན་རྗེ་ཉིད་ཀྱིས་གཙོས་པའི་རི་མཐིལ་གྱི་ཆེན་སློབ་རྣམས་མཇལ་བར་ཕེབས་པར་ཐུགས་མཉེས་མཉེས་དང་སྤྱི་སྒེར་དུ་བསླབ་སྟོན་གནང་། མི་རིང་བར་དཔོན་སློབ་པཎ་ཆེན་རིན་པོ་ཆེ་ཞ་ལུའི་མཁན་ཐོག་ཏུ་གདན་དྲངས་ཆོག་པ་སྙན་བཅགས་ཕུལ། བདེ་གཟར་ཐག་ཆོད་ནས་སྤྱི་སོའི་ཞུ་ཡིག་འབུལ་བ་དང་བཅས་མཁན་པོའི་སྐོར་གྱི་སྙན་འབུལ་ཞུ་བར་སྡེ་པ་བསོད་ནམས་བརྟན་གྱི་སྐུ་ཞབས་སུ་བྱོན་པར་དོན་རིས་འདི་ལ་སྟེར་བྱ་ཅི་ལ་དགོས་པས་ཕྱིར་སློག་ཡོད། ཁྱེད་རང་རྣམས་ཀྱིས་ཀྱང་དཔོན་སློབ་ཞབས་དྲུང་རིན་པོ་ཆེར་གསོལ་བ་ཐོབ། འདི་ནས་ཀྱང་སྙན་འབུལ་ཞུས་པའི་བསྐོ་བཞག་དུས་ཐོག་ཏུ་བྱེད་གནང་བ་བཞིན་ཞ་ལུ་ཆེན་སློབ་དང་གཞུང་གི་མི་སྣ་བཅས་བཀྲ་ཤིས་ལྷུན་པོར་སྙན་འབུལ་ཕུལ་བས། པཎ་ཅེན་ཆོས་ཀྱི་རྒྱལ་པོའི་བཀའ་ལས། ངེད་ན་སོ་འདི་ལས་གཞོན་པ་ཞིག་ཡིན་ན་ཀུན་(༢༥བ)

― GLG009_Page_0770 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་བུའི་བཞུགས་ཁྲི་ལ་འཛེག་པ་ཤིན་ཏུ་སྤྲོ། ད་ཆ་ལོ་མཐོས་པས་ཕན་ཐོགས་དཀའ་ནའང་ནང་སེའི་དྲུང་གི་ཕེབས་ནན་ཆགས་པ་དང་བཅས་རེ་ཞིག་དེ་ག་བྱེད་དེ་ཞེས་ཞལ་བཞེས་བྱུང་བས་ཐམས་ཅད་སྤྲོ་བ་འཕེལ། ཧོར་ཟླ་དྲུག་པའི་ཚེས་གསུམ་གྱི་ཉིན་གཟའ་སྐར་དུས་ཚེས་དགེ་བར་རི་མཐིལ་གཉིས་ཀའི་ཆོས་ཀྱི་ཁྲི་ལ་ཞབས་ཟུང་གི་པདྨ་རྣམ་པར་བཀོད། ཁྲི་སྟོན་གྱི་མང་འགྱེད་སོགས་ཤིན་ཏུ་དཔངས་མཐོ་ཞིང་གྱ་ནོམ་པ་སྩལ་བས་ཕྱོགས་དེའི་སྐྱེ་རྒུ་རྣམས་རྣམ་ཐོས་ཀྱི་བུའི་གན་མཛོད་དུ་ཆུད་པ་ལྟ་བུས་དབུལ་བའི་གདུང་བ་མཐའ་དག་རྣམ་པར་བྲལ་ཏེ་དད་པ་དང་གུས་པ་ཕན་ཚུན་འགྲན་པའི་ལུས་ཀྱི་བ་སྤུ་གཡོ་བ་དང་མིག་ནས་མཆི་མ་འཁྲུག་པ་སོགས་དགའ་སྤྲོའི་རྩེ་དགའ་ཁོང་ནས་རྒོད་པའི་རྣམ་འགྱུ་ཅི་ཡང་སྟོན་པར་སྣང་། ཆུ་ལུག་སྒྲུབ་མཆོད་ཆེན་མོའི་དུས་བཀྲ་ཤིས་ལྷུན་པོ་ནས་ཆིབས་ཀྱི་ཁ་ལོ་བསྐྱོད་ཆོག་གར་དབྱངས་སོགས་ལ་ཐུགས་དགྱེས་རྩེར་སོན་པའི་རྗེ་འདི་ཉིད་ལ་གཟེངས་བསྟོད་ཀྱི་བཀའ་མཆིད་མང་དུ་སྩལ། དྲུང་ཆེན་སངས་རྒྱས་བསྟན་འཛིན་ཞེས་ཕྱི་ནང་ཚང་མ་ཐུགས་བློས་བཀལ་ནས་རྗེ་བླ་མ་ཉིད་ཆོས་ལྡན་གྱི་བྱ་བ་འབའ་ཞིག་ལ་ཚིག་དྲིལ་གནང་ཆོག་པའི་ཕྱག་གཡོག་ཏུ་འགྱུར་པ་དེ་ཤིང་སྤྲེལ་དུས་ཀྱི་ཆོས་ཉིད་དུ་སོང་བའི་སྐབས། རྡོ་རྗེ་འཆང་བཀའ་འགྱུར་བ་ཆེན་པོ་བཅད་རྒྱ་ལོ་གསུམ་མ་མཛད་པ་འགྲིག་གཤིས་སྒྲིབ་སྦྱོང་གནང་བའི་དུས་ཤིག་རྡོ་རྗེ་འཆང་བཀའ་འགྱུར་བའི་ཕྱག་བྲིས་གནང་བར་ད་ནང་ཐོ་རེངས་བདག་གི་རྨི་ལམ་ལ་རྡོ་རྗེ་འཆང་དེ་གསལ་པོར་ཕེབས་ནས་བྲའུ་བ་དེ་ད་ཆ་མི་ལུས་བཟུང་ཚར་བས་ཁྱེད་ཚོ་དེ་ཙམ་རང་བྱེད་མི་དགོས་གསུང་བ་གསལ་པོ་བྱུང་བ་ལར་རྨི་ལམ་བདེན་པ་རང་དཀའ་ནའང་ད་ལམ་དང་བླ་མའི་ཐུགས་རྗེ་དང་དགེ་བ་རྒྱ་ཆེ་(༢༦ན)

― GLG009_Page_0771 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མྱུར་བ་སོགས་ཀྱི་ནུས་པ་ཡིན་འདུག་པས་ཐུགས་ལས་ཅི་ཡང་མི་གནང་བ་རང་ཞུ་གསུང་བ་བྱུང་ཞིང་། ཐུན་བར་དུ་གསོལ་འདེབས་པད་དཀར་བཞད་པའི་ཆུན་པོར། ལྟེ་བའི་པདྨར་རླུང་ལྔའི་ཏི་ལ་ཀ །རྩེ་གཅིག་བསྒོམས་པས་ཁ་སྦྱོར་རྣལ་འབྱོར་གྱིས། །ལུས་སེམས་རྩ་ལ་དྲི་བཞོན་ཞུགས་གྱུར་ནས། །བདེ་བ་མཆོག་གིས་བདག་རྒྱུད་ཚིམ་པར་ཤོག །ཅེས་པའི་རྗེ་བཙུན་ཡབ་དང་ཐུན་མོང་པའི་རྩ་དབུ་མའི་ཉམས་འཁྲིད་ཁའུ་བྲག་རྫོང་པའི་བཞེད་པ་མ་ནོར་བ་དེ་དང་། མཆོག་གི་སྤྲུལ་སྐུ་རིགས་འཛིན་མངའ་རིས་པ་ལེགས་ལྡན་རྡོ་རྗེས་ཆུ་བོ་རི་ནས་གདན་དྲངས་པའི་བླ་མ་སྐུ་གསུམ་གྱི་ཉམས་འཁྲིད་ཟབ་མོ་འབུལ་བ་གནང་བའི་སྐུ་ཁམས་འདུས་པ་ལ་ཤིན་ཏུ་ཕན་པ་བྱུང་། ལྗགས་བསྙེན་སྔ་མ་རྫོགས་ཤིང་ཕྱི་མ་མ་ཚུགས་པའི་བར་རྗེ་བཀའ་འགྱུར་བར་དབང་ལུང་གི་རིགས་དུ་མ་འབུལ་བ་གནང་། དྲུང་ཆེན་འདས་པོའི་དགེ་སྒྲུབ་ཏུ་དཀོན་མཆོག་ལ་མཆོད་པ། སྒྲུབ་མཆོད། མི་འཁྲུགས་པའི་སྐུ་འབུམ་ཕྲག་གསུམ། སཱཙྪ་ཀཾ་ཀ་ནིའི་གཟུངས་བཞུགས་པ་འབུམ་ཕྲག་གཅིག །སྐུའི་རྟེན་དུ་བུ་སྟོན་ཐམས་ཅད་མཁྱེན་པ་དགའ་ལྡན་དུ་བཞུགས་པའི་ཞིང་བཀོད་བཞེངས་ནས་རིན་ལྡིང་གྲ་ཚང་དུ་སྦྱར། གསུང་གི་རྟེན་དུ་འཕགས་པ་བརྒྱད་སྟོང་པ་བཞེངས་ནས་རྗེ་བཙུན་བཀའ་འགྱུར་བ་ཆེན་པོར་ཕུལ། ཐུགས་ཀྱི་རྟེན་དུ་འོད་ཟེར་དྲི་མེད་དང་གཙུག་ཏོར་དྲི་མེད་ཀྱི་ལྗགས་བསྙེན་སྔོན་དུ་འགྲོ་བས་བྱང་ཆུབ་ཆེན་པོའི་མཆོད་རྟེན་ཕལ་ཐོག་གསུམ་ཙམ་ལ་དྲི་མེད་ཀྱི་སྲོག་ཤིང་འཛུགས་པའི་ཆོ་ག་གཟུངས་འབུལ་རབ་གནས་རྒྱས་པར་གནང་བས་བླ་མ་དམ་པ་ཉིད་ཀྱི་མི་འཕྲོག་(༢༦བ)

― GLG009_Page_0772 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཐུགས་རྗེ་ཆེན་པོའི་མཐུས་མི་འཁྲུགས་པའི་སྐུ་པར་གནང་སྐབས་ཕྱོགས་ནུབ་བྱང་ནས་བྱ་རྒོད་ཅིག་འཕུར་བའི་རྗེས་ལ་འཇའ་དཀར་པོ་ཞིག་ཏལ་གྱི་ཟུག་པ་དང་སྲོག་ཤིང་འཛུགས་ཉིན་འཇའ་ཁ་དོག་ལྔ་ལྡན་སྲོག་ཤིང་ལ་གདུགས་ལྟར་ཕུབ་པ་དྲི་མེད་ཀྱི་དཀྱིལ་འཁོར་ལ་ཞལ་ཁེབས་བཏང་ན་མི་གསལ་ཞིང་ཕྱེ་ན་གསལ་བ་སོགས་ངོ་མཚར་བའི་ལྟས་ཁྱད་པར་ཅན་དང་། རྗེ་བཙུན་བཀའ་འགྱུར་བའི་མནལ་ལམ་གཉིས་གང་ལ་དཔགས་ཀྱང་དྲུང་ཆེན་མངོན་མཐོའི་སྐས་ལ་འཛེགས་ནས་མཐོ་རིས་ཀྱི་གྲོང་དུ་རིང་པོར་མི་ཐོགས་པར་འཇུག་པའང་། ཇི་སྐད་དུ། གང་ཞིག་གསེར་གྱི་རི་ལ་གནས་བཅས་པའི། །དེའི་འདབ་ཆགས་རྣམས་ཀྱང་གསེར་དུ་འགྱུར། །ཞེས་པ་ལྟར་དམ་པའི་ཞབས་ཡུན་དུ་བསྙེན་པའི་ཕན་ཡོན་དུ་མངོན། སྐབས་ཤིག་རྨང་ལམ་དུ་རྒྱན་གོང་གི་གཙུག་ལག་ཁང་དུ་བྱོན་ཟེར་བ་ཞིག་བྱུང་བ་ལྟར་ཕྱིན་པས་ལྷ་མོའི་གཙང་ཁང་དུ་སླེབས་པ་དང་བུད་མེད་ཀྱི་དཀོན་གཉེར་བྱས་ནས་ལྷ་མོའི་སྐུ་དེ་རྣམ་པ་ཙམ་ཡིན། ལྷ་མོ་རང་འདིའི་རྒྱབ་ཀྱི་སྒོ་ཆུང་འདིའི་ནང་ལ་ཡོད་ཟེར་རང་ལ་སྟོད་དང་གསུངས་པས་ད་ལྟའི་སྐུ་འདྲའི་རྒྱབ་ན་སྒོ་ཆུང་འདུག་པ་ཕྱེ་སྟེ་དེ་ནང་དུ་ཁྲིད་ནས་འདི་ཡིན་ཟེར་རྡོ་རྗེ་སེམས་དཔའི་གསེར་སྐུ་མི་ཚད་ཙམ་ལེགས་པོ་ཞིག་བསྟན་བྱུང་། སླར་ལྷ་མོའི་སྐུ་མདུན་དུ་ཕེབས་པ་ན་ངེད་རྒྱན་གོང་པ་རྣམས་འདི་རང་འདོན་ཞེས་ཤློ་ཀ་གཅིག་ཤར་ཏེ་བཏོན་བྱུང་བ་དེང་ལ་སློབས་དང་གསུངས་པས། གཞི་ལ་དམིགས་པའི་ངང་ཉིད་ལས། །དང་པོ་རེ་ཕྱར་གྱོན་པར་བྱ། །སྨྱུག་ནག་མ་ཆེན་འཁོར་གྱི་འབུམ། །ཚིག་གཅིག་ཐུགས་ཀྱིས་བསྙེལ། ད་དུང་མཇལ་ལམ་ཟེར་ནས་གཡབས་(༢༧ན)

― GLG009_Page_0773 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་ཞིག་ཏུ་གདན་དྲངས་པ་དེ་ན་མི་དཀར་པོ་བལ་གྱི་ཐོད་གྱོན་ཅིང་རྔ་བརྡུང་གིན་ཀྵིཾ་ཀ་ར་ལ། མིང་པོ་ཀླུ་ཆེན་ཐོད་དཀར་ཀྵིཾ་ཀ་ར་ལ། ཀྵིཾ་ཀྵིཾ་ཀྵིཾ་ཟེར། དེ་ནས་དགོན་ཆུང་ཞིག་ཏུ་བྱོན་ཟེར་ནས་དེའི་འདུ་ཁང་གི་ཕྱི་ཟུར་ན་རྫའི་ཆོས་འབྱུང་འདྲ་མང་པོ་འདུག །རྗེས་སོར་མངའ་བདག་པའི་ཤུལ་གྱི་དགོན་པ་བྱམས་པ་གླིང་དཔོན་སློབ་ཞབས་དྲུང་གིས་རྗེ་ཉིད་ལ་གནང་བ་རྫ་གྲུ་གསུམ་སོགས་མནལ་ལམ་ཇི་ལྟ་བར་བྱུང་སྣང་། བུ་སྟོན་ཐམས་ཅད་མཁྱེན་པའི་ཡུམ་གྱི་དགོངས་རྫོགས་ལ་དམིགས་པའི་དྲི་མེད་མཆོད་རྟེན་རྡོའི་གདུགས་ལྷུང་བར་ཉེ་བ་བཀྲ་ཤིས་ལྷུན་པོ་ནས་ཐུགས་ཁུར་བཞེས་པའི་ཧོར་ཟླ་བཅུ་གཅིག་པའི་ཚེས་བཅུ་སྐོར་ལ་ཞིག་གསོས་ཀྱི་འགོ་ཚུགས། དེ་བཞིན་གཤེགས་པ་ཤཱཀྱའི་རྒྱལ་པོའི་མཆོད་རྟེན་ལ་བྱ་བ་བྱས་ན་མ་འོངས་བྱམས་པའི་བསྟན་པ་ལ་འབྲས་བུ་འབྱུང་བ་སོགས་མདོ་རྒྱུད་དུ་མ་ནས་རྒྱ་ཆེར་བསྔགས་པ་ལྟར་གདུགས་གསེར་ཟངས་ཀྱིས་གཏུམ་པའི་ཡ་ཐོག་གི་ཟངས་རྣམས་རྗེ་བླ་མ་འདི་ཉིད་ཀྱིས་འབུལ་བ་མཛད་དྲིལ་བུ་མེ་ལོང་སོགས་རྒྱན་ཆ་དུ་མས་མཛེས་ཤིང་གདུགས་ཟ་ར་ཚགས་བཀོད་པས་ཁྱད་དུ་འཕགས་པའི་ཡིད་འཕྲོག་འགྲུབ་ཏུ་ཉེ་བ་ན་སིལ་སྙན་ལྟ་བུའི་སྒྲ་དང་མེ་ཏོག་གི་ཆར་འཇའ་འོད་ཀྱི་གུར་སོགས་ལྟས་ཡ་མཚན་པར་བྱུང་། ཧོར་ཟླ་བཅུ་གཉིས་པའི་ཚེས་བཅུ་བདུན་ལ་དཔོན་སློབ་ཞབས་དྲུང་རིན་པོ་ཆེ་ཚོགས་ཀྱི་མགོན་པོར་ཕེབས། རྡོ་རྗེའི་སློབ་དཔོན་གྱི་ཕྱག་ལེན་རྣམས་ཐུགས་རྒྱུས་ཁོག་ནས་རྗེ་འདི་ཉིད་ཀྱིས་མཛད་དེ་རྡོ་རྗེ་དབྱིངས་ཀྱི་དཀྱིལ་འཁོར་ཞལ་ཕྱེ་རབ་གནས་བཀྲ་ཤིས་རྒྱས་བྱེད་ཀྱི་ཕྱག་ལེན་བཞིན་ཞ་ལུའི་དགེ་འདུན་རགས་རིམ་གྱིས་གསུང་རམ་བཏེག་ནས་(༢༧བ)

― GLG009_Page_0774 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་གནས་སྦྱིན་སྲེག་མཆོད་གར་དང་བཅས་པ་རྒྱས་པར་གནང་བས། དཔོན་སློབ་པཎ་ཆེན་རིན་པོ་ཆེའི་བཀའ་ལས། རབ་གནས་རང་ད་ལམ་ལས་རྒྱས་པ་བྱས་པ་མེད་དམ་ཞེས་གསུངས་ཤིང་ཐུགས་ཤིན་ཏུ་དགྱེས་པར་གནང་། ཤིང་བྱ་ལོ་རྡོར་དབྱིངས་རྩ་ལུགས་ཀྱི་བསྙེན་པ་འབྲིང་པོ་བསྙེན་པའི་དཀྱིལ་འཁོར་ལ་བརྟན་པ་དང་ཐུགས་སྲས་སེམས་དཔའ་ཆེན་པོའི་གསར་འགྱུར་གྱི་ཡིག་ཆ་བཞིན་དབྱངས་ཅན་མའི་ལྗགས་བསྙེན་གྲངས་ཚང་མཛད། སྟོན་མཇུག་རྒྱལ་པོ་མཆོད་ཡོན་གཉིས་ཀ་གཙང་ཕྱོགས་སུ་ཆིབས་ཁ་བསྐྱོད་བསམ་དོན་ལྷུན་གྱིས་གྲུབ་པའི་རྩེ་མོར་བཞུགས་ཐོག་རྗེ་འདི་ཉིད་ཀྱིས་ཕྱག་འབུལ་ལ་ཕེབས་ཏེ་བུ་སྟོན་ཐམས་ཅད་མཁྱེན་པ་ཆེན་པོས་འདུལ་བ་ལ་གཅེས་པའི་གཞུང་བརྒྱད་ལ་སོགས་པ་གསུང་རྩོམ་མཛད། ཞ་ལུ་འདིར་གཞི་གསུམ་གྱི་ཕྱག་ལེན་སོགས་བསྟན་པའི་འབྱུང་ཁུངས་ཡིན་ནའང་དེང་སང་འཕེལ་འགྲིབ་ཀྱིས་མིང་གི་ལྷག་མ་ལྟ་བུར་སོང་བ། གང་ན་གཞི་གསུམ་ལ་སོགས་པ་ལས་ཀྱི་ཆོ་ག་ཡོད་པར་ཐུབ་པའི་བསྟན་པ་ཡོད་པར་གསུངས་པས་དོན་གྱིས་བསྟན་པ་ཉམས་པ་གསོས་པའི་བཀའ་དྲིན་བླ་ན་མེད་པར་འགྲོ་བ་འདུག་གཤིས་བདག་གིས་ཁུར་ལེན་ཞུས་གཞི་གསུམ་གྱི་ཆོ་ག་འཛུགས་པར་གཞི་རྟེན་དུ་སྔར་སྡེ་སྲིད་ཀརྨ་ཕུན་ཚོགས་རྣམ་རྒྱལ་གྱི་དགོངས་རྫོགས་ལ་གནང་བའི་ལྕགས་རི་སྟོད་དང་ལྷུན་རྩེ་བདེ་སྐྱིད་གླིང་གཉིས་བཞེས་པ་དེ་སྦྱོར་འཇགས་ཙམ་ཞུས་ན་ཇི་ལྟར་ཡོང་གི་རྒྱུ་མཚན་འཇེབས་ཆགས་པ་འབུལ་བ་གནང་བར་ས་སྐྱོང་བསོད་ནམས་རབ་བརྟན་གྱིས་ཞལ་གྱིས་བཞེས་པར་བརྟེན་བཀྲ་ཤིས་ལྷུན་པོ་ནས་བདོག་པ་གྱ་ནོམ་པའི་ཞུ་རྟེན་བསྟར་བར་སྡེ་པས་གཏན་ཚིགས་གཙང་(༢༨ན)

― GLG009_Page_0775 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོད་གནང་། དེ་འཕྲལ་གཞི་གསུམ་ཆོ་ག་འཕྱུགས་མེད་འཛུགས་དགོས་པའི་བཅའ་ཡིག་དཔོན་སློབ་པཎ་ཆེན་རིན་པོ་ཆེའི་ཕྱག་ཐམ་གྱིས་མནན་པ་ཞུ་བ་མཛད། ཕྱག་ལེན་སྤྱན་འཁྲིད་ལ་ཐོན་རྒྱལ་བྱེད་ཚལ་པའི་སློབ་དཔོན་དོན་གྲུབ་དཔལ་བ་བླ་བྲང་རྒྱལ་མཚན་མཐོན་པོ་ནས་རྫོང་བདའ་གནང་སྟེ་དབྱར་གནས་གསོ་སྦྱོང་དགག་དབྱེ་རྣམས་ལེགས་པར་ཚུགས་སོ། །རྡོ་རྗེ་འཆང་དངོས་དཔལ་ལྡན་བླ་མ་གཉིས། །མཁའ་སྤྱོད་ཞིང་དུ་གཤེགས་ཀྱང་དམ་པ་ཁྱོད། །བྱང་ཆེན་དེ་སྲིད་རྗེས་འཛིན་ནང་རྟགས་ཕྱིར། །སྟོན་པའི་སྐལ་བཟང་འདི་ལ་སུ་མི་སྨོན། །ལྔ་བདོའི་སྣང་ཚུལ་རྩུབ་མོའི་ཚེར་མལ་ལ། །སྙིང་སྟོབས་བཟོད་པའི་ཡ་ལད་བཙན་པོ་ཡིས། །བུ་སྟོན་རིང་ལུགས་སྲིད་མཐར་སྤེལ་བའི་ཁུར། །འདེགས་ལ་མི་ངལ་རྒྱལ་སྲས་རྣམ་པར་ཐར། །གར་ཐིག་དབྱངས་ཀྱི་ཕྱག་ལེན་རྒྱ་ཆེར་སྤེལ། །རྣལ་འབྱོར་རྒྱུད་སྡེའི་སྨིན་བྱེད་སྒོ་འཕར་ཕྱེ། །རིན་ཆེན་གྲུབ་ཀྱི་གསུང་རབ་སྲོག་གི་ཟུངས། །འདི་ཀོ་དགའ་ལྡན་གནས་ནས་བྱོན་ཏམ་ཅི། །གཏིང་མཐའ་མི་མངོན་གསན་བསམ་ཆུ་གཏེར་གནང་། །རྒྱུ་ཡང་ངོམ་མེད་ཚོར་པའི་གསེར་སྦལ་དེའི། །སྙན་པའི་གྲགས་པ་ཐོས་ན་དེང་དུས་ཀྱི། །བསྟན་འཛིན་ཁྲོན་པའི་འཕར་འགྲོ་དོན་སྙིང་འགས། །ལོག་པར་འཁུ་བའི་དགྲ་བགེགས་བྲག་གི་རི། །མ་ཧེའི་ཞལ་ཅན་མཐུ་སྟོབས་རྡོ་རྗེའི་ཐོག །འབེབས་དང་ལྷན་ཅིག་དྲུག་ཅུ་རྩ་བཞིའི་དཔལ། །འཕེན་ཁྱོད་རྡོར་འཛིན་བྱེ་བའི་གཙུག་གི་རྒྱན། །གཡུ་འབྲུག་ཕྱག་རྒྱའི་མཁར་འཁྲིགས་སྒྲ་སྙན་པོ། །སྒྲོག་ཚེ་མི་ཆོས་ཆར་གྱིས་མྱུ་གུ་བསྲིངས། །གསེར་གཞོང་མར་ཁུས་བཀང་བའི་(༢༨བ)

― GLG009_Page_0776 ―

^{[མ་དཔེ་གཟིགས་ན་འདིར་གནོན།]}

[Full Size]

མཁན་སློབ་ཀྱི། །རྟེན་འབྲེལ་ཞོ་ལ་ཕུག་རོན་སྡེར་རྗེས་གསལ། །སྔོན་གོམས་ཀུན་འབྱུང་ས་བོན་བསྐྱེད་པའི་ལོང་། །མེད་པར་ངེས་ལེགས་ཞིང་དུ་རིམ་གྲོ་པ། །དྲངས་ཚེ་འཇའ་རིས་ལས་ཀྱི་མེ་ལོང་ལ། །ཤར་བས་དགེ་སྡིག་འབྲས་བུ་གཅིག་ཏུ་མཚུངས། །བསྟན་སྐྱོང་མ་མོ་དགྱེས་པའི་རྣམ་འགྱུར་གྱི། །ཡ་མཚན་ཆོ་འཕྲུལ་འོད་གསལ་ངང་དུ་ཤར། །རྒྱལ་བའི་མཆོད་རྟེན་ཆེད་དུ་སྲི་ཞུའི་ལྗིད། ཁུར་ལ་མི་མངོན་རུས་སྦལ་གཟུགས་སུ་སྤྲུལ། །བསྡུ་དངོས་བཞི་དང་ཡོངས་འབྲེལ་ཉི་ཟེར་གྱིས། །ས་སྤྱོད་སྙན་གྱི་པད་དཀར་འདབ་སྟོང་བཞད། །འདོད་ཡོན་སྦྲང་རྩིས་མྱོས་པའི་རྐང་དྲུག་རྣམས། །གཞི་གསུམ་ཆོ་གའི་གླུ་དབྱངས་མགྲིན་པར་ལེན། །མེ་ཁྱི་ལོ་རིན་ལྡིང་གྲ་ཚང་དང་ཞ་ལུ་བཞི་གྲྭའི་དོན་གཉེར་ཅན་མང་པོར་རྩེ་མོ་རིགས་བསྡུས་ཀྱི་དབང་ཆ་གཉིས་མ། རྡོར་དབྱིངས་མི་འཁྲུགས་པ་འཆི་མེད་རྔ་སྒྲའི་སྨིན་བྱེད་སྩལ། ཟླ་བ་བཅུ་པའི་ཚེས་བཅུ་བདུན་ལ་ཡུམ་གཤེགས་གདོང་མགུལ་ག་ནས་རྡོ་རྗེ་འཆང་དབང་ཕྱུག་རབ་བརྟན་གྱི་ཚེམས་བཏོན་པའི་རྐེད་པ་ཆག་པའི་ནང་ངོས་རིང་བསྲེལ་ཤིན་ཏུ་ཚེར་བ་གཉིས་ཕེབས་པ་ང་རང་ལ་རྗེ་བླ་མས་ཐུགས་རྗེས་གཟིགས་པ་ཡིན་འདུག་པས་བསླང་གསུངས་ནས་འཕྲལ་དུ་གསོལ། རྗེ་ཉིད་ཀྱིས་ཐུགས་ཁྲལ་མ་གནང་ཕྱག་གཡོག་གང་དྲག་ཞུ་གསུངས་པར་དེ་འདྲ་མི་དགོས་ཁྱེད་རང་གཤེགས་དུས་ངེད་གདན་འདྲེན་ལ་ཡོད་གསུང་བ་ཡེ་ཤེས་ཀྱི་ཌཱ་ཀི་མ་སྦས་ཚུལ་ཅན་དུ་གོར་མ་ཆག་ཅིང་གནས་སྐབས་སུའང་ཡི་གེ་དྲུག་པ་དུང་ཕྱུར་བཞི་ཙམ་སོང་བའི་ཐུགས་དམ་སྨིན་ལས་རི་བོ་གྲུ་འཛིན་ནས་ལག་ན་པདྨས་རྗེས་སུ་བཟུང་སྟེ་འཇའ་འོད་ཀྱི་གུར་དང་བཅས་ཞིང་ཁམས་འཕོས། རྟེན་(༢༩ན)

― GLG009_Page_0777 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེང་གི་ཐེབས་སུ་གསེར་སྤྱི་གཅིག་མ་གཏོགས་ཡུམ་གྱི་ཕྱག་རྫས་གང་ཡོད་སྟེང་རྗེ་ཉིད་ཀྱི་དམ་ཚིག་རྡོར་དྲིལ་ཆོས་གོས་རྣམ་གསུམ་སོགས་མེད་ཁ་མེད་འདྲ་ལས་གཞན་པའི་ཕྱག་རྫས་ཡོད་དགུ་ཀུན་ཁྱབ་བདག་བཀའ་འགྱུར་བས་གཙོས་པའི་བླ་མ་རྣམས་ལ་བསྔོ་རྟེན། དཀྱིལ་འཁོར་གྱི་ཆོ་ག །གསུང་སྒྲོག་སྨོན་ལམ་སོགས་ཀྱི་རྒྱུར་དགོངས་རྫོགས་ལ་གནང་། ཕྱག་རྫས་རྣམས་འཛངས་གཤིས་རྗེ་ཉིད་ཀྱིས་ཡུམ་ལ་དམིགས་ཤཱཀྱ་མུ་ནིའི་ཕོ་བྲང་འཁྲུལ་སྣང་སྤྲུལ་པའི་གཙུག་ལག་ཁང་ལ་ཞབས་བསྐོར་གནང་བཞེད་ཀྱི་སྤོས་ཁང་དུ་ཕེབས། མཁན་པོ་ཁང་དམར་ནས་ཀྱིས་ན་བཟའ་གསོལ་ཆས་ཆིབས་པ་དང་བཅས་མཐུན་རྐྱེན་སྦྱར་ཏེ་ཕྱག་མངས་སུ་ཕེབས་པའི་ནུབ་ཀྱི་མནལ་ལམ་དུ་གསེར་གྱི་རྒྱ་ཕིབས་དང་བཅས་པ་ལྷ་ས་ཡོངས་སུ་རྫོགས་པ་གསལ་ལམ་གྱིས་གཟིགས། མི་ཞིག་ན་རེ་སྔར་བྱས་ལ་འགྱོད་སེམས་དང་ཕྱིན་ཆད་ལ་སྡོམ་སེམས་ཀྱིས་སོགས་མང་པོ་ཟེར་བྱུང་ཡང་བརྗེད་ནས་མི་འདུག་གསུང་བ་སྒྲ་ཇི་བཞིན་པ་རང་མིན་པ་འདྲ། རྔོག་གིས་ཇོ་བོ་ཆེན་པོ་ལྷ་སར་སྤྱན་དྲངས་ཏེ་བསུ་བའི་ཚེ་ཐུགས་རྗེ་ཆེན་པོས་ཀྱང་བསུ་བ་མཛད་པའི་མི་ཧྲེང་སྐྱ་བོ་ཞིག་བྱུང་ནས་མཧཱ་པཎྜི་ཏ་བྱོན་པ་ལེགས་སོ་རྒྱལ་བར་གྱུར་ཅིག་གསུངས་ནས་བཞུད་པས་ཇོ་བོས་ཆིབས་པ་ལས་བབས་ཏེ་བརྒྱུགས་པས་མ་ཟིན་པའི་ལོ་རྒྱུས་དང་། ཁུ་སྟོན་ཡེར་པར་བྱོན་དུས་ཉ་མགོ་གྲུའི་མཉན་པ་ལྟ་བུའི་རྣམ་ཐར་ཡིན་ནམ་སྙམ། དེ་ནས་རིམ་གྱིས་གནས་འགག་གོང་དུ་ཕེབས་འབྲུག་པ་སྤྲུལ་སྐུ་རིན་པོ་ཆེ་མཇལ་བ་གནང་། ཕྱག་མཛོད་མངའ་རིས་པ་དང་སྔར་ནས་ཐུགས་འདྲིས་ཡོད་གཤིས་ལྷ་ས་བར་གྱི་ཆིབས་ཁལ། ཞབས་སྐོར་རིང་(༢༩བ)

― GLG009_Page_0778 ―

^{[མ་དཔེ་གཟིགས་ན་འདིར་གནོན།]}

[Full Size]

གི་གསོལ་མར་དང་བཞུགས་ཤིང་ཕུལ།མེ་ཕག་ཧོར་ཟླ་བཅུ་གཉིས་པའི་ཚེས་གཅིག་ལ་བསྟན་པའི་བདག་པོ་ཇོ་ཤཱཀྱ་རྣམ་གཉིས། རང་བྱོན་ལྔ་ལྡན། བྱམས་པ་ཆོས་འཁོར་སོགས་རྟེན་རྣམས་ཞིབ་མཇལ་ངོས་བསྟན་འགྲོའི་ལེགས་ཚོགས་སྤེལ་བའི་སྨོན་ལམ་རྒྱ་ཆེར་མཛད། རིམ་གྱིས་ཞབས་སྐོར་བཙུགས། ས་བྱི་ཧོར་ཟླ་དང་པོ་ཉིས་བརྩེགས་ཀྱི་སྔ་མར་ཆོ་འཕྲུལ་མཆོད་པའི་སྨོན་ལམ་ཆེན་མོ་ཚུགས་པའི་ངེད་འབྲས་སྤུངས་ནས་ཚོགས་དབུར་ལྷ་སར་སླེབས། ཆུ་རྟ་ཚོང་འདུས་ལྕང་ར་སྟོད་དུ་ཞ་ལུ་བའི་ཆེན་སློབ་རྣམས་ཕྲད་པར་བྱུང་བ་དེ་དུས་གྲལ་འགོ་མ་དེས་སྐྱེས་བུ་དམ་པ་དང་མཇལ་བ་ནི་དཀོན་པས་བླ་མའི་རྣལ་འབྱོར་ཞིག་བཀའ་དྲིན་སྐྱོང་དགོས་ཞེས་ངོས་ཀྱི་རྒྱུ་མཚན་བྱུང་བ་ལྟར་འཕྲལ་དུ་ཕུལ་གསུང་འཕྲོས་མཛད་མཁན་དེ་རྗེ་བླ་མ་ཡིན་པར་སྣང་། དེ་སྐབས་སྒེར་དུ་ཞལ་འཚོ་བ་མེད། དེ་སྐབས་ངོས་ཕྲད་ཀྱི་ཐུགས་རེ་བསྐྱུངས་ནའང་ཁེ་གསུམ་ནས་ལྕམ་ཡུམ་སྲས་བྱོན་པ་འགྲིག་པའི་བཞུགས་མཚེར་གཅིག་པ་གདོང་དགའ་བ་དང་བདེ་རྒྱས་པ་གཉེན་ལམ་དུ་སོང་བའི་གདོང་དགའ་མས་གཞོན་པས་བན་རྩེའི་སྣེ་སྦྱོར་ཡོང་ཚུལ་འདུག་པ་བཞིན་འདིར་རྒྱུ་མཚན་གླེང་བར་བརྟེན་དགོངས་མོའི་སྨོན་ལམ་ལ་འགྲོ་ཁར་ཇ་གྲལ་ཞིག་ཐོག་ངོས་མཇལ་ཞུས། དེ་བར་རི་ཕུག་གི་དབུ་མཛད་ཡིན་ཟེར་པ་ལས་རྒྱུ་མཚན་ཞིབ་པ་མ་ངེས་པ་གསུང་བགྲོས་ལ་གཞིགས་པ་ན་ཚར་ལུགས་པ་ཞིག་ཡིན་པ་འདྲ་སྙམ་སང་གུང་ཚིགས་གྲོལ་འཕྲལ་གདན་དྲངས། ཇ་སྦྱོར་གསུམ་ཙམ་གྱི་ཡུན་གསུང་གླེང་འཕེལ་བར་བྱུང་ཞིང་ཟུར་གསོས་ཕུལ། བྱམས་པ་གདན་འདྲེན་གྱི་སང་ཉིན་ཀ་བརྒྱད་སྦུག་ཏུ་གུང་ཚིགས་ཀྱི་མགྲོན་ལ་ཕྱིན་དུས་(༣༠ན)

― GLG009_Page_0779 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་འདི་ཉིད་ཀྱང་ལྷན་ཅིག་པར་བྱོན། རྒྱུད་སྡེ་སྤྱི་ལ་ས་ཞལ་གྱི་ཕྱག་བཞེས་འདྲ་མི་འདྲའི་དབྱེ་བ་དང་བྱེ་བྲག་ཁའུ་བྲག་རྫོང་པའི་སྐོར་ལ་ཞིབ་ཆ་ཤིན་ཏུ་ཆེ་བ་གསུང་གིན་འདུག་པས་འདི་ལྟ་བུའི་མཁས་གྲུབ་ཆེན་པོ་སྙམ་སྙིང་ནས་མོས་པ་ཟབ། ཚར་ལུགས་ཀྱི་ཆོས་བཀའ་འདྲ་ལུས་ན་སྙམ་པ་ཤར་ཡང་སྡེ་པ་བསོད་ནམས་རབ་བརྟན་གྱི་དགོངས་མདངས་མ་བྱེད་པས་ལག་ཐོག་ཏུ་འགེལ་མ་བདེ། དེ་སྐབས་གཙང་དང་ས་ཁད་འགྱངས་ཤིང་ཉེ་སྐོར་དུ་ངོ་མཁྱེན་པའི་རིགས་ཆེ་བ་མེད་གཤིས་གསོལ་ཆས་རེ་དཀོན་བྱུང་ཚོད་ནས། བཀའ་ལས། བཀའ་བརྒྱད་སྨད་པས་སྤྱན་འདྲེན་ཞུས་པའི་ཕྱགས་ཕྱིར་ཤོག་གསུངས་ནས་ཕྱིན་སྡེར་ཁ་མང་པོ་འདུག་པས་རྣམ་རྟོག་ལ་འདི་རྣམས་ནང་དུ་སླེབས་ན་དབུལ་བ་སེལ་བ་འདུག་སྟེ་སུས་ཁྱེར་འདིས་ཁྱེར་མེད་པ་ལ་འགྲོའམ་བསམ་པ་ལ་རྡོར་ལེགས་ཕྲུག་གུ་ཆུང་ངུ་ཡིན་ཀྱང་ཧུར་དྲགས་ཐམས་ཅད་གཟན་ཁྱོགས་བྱས་ཁྱེར་ནས་ནང་དུ་སླེབས། བླ་མ་ཐུགས་རྗེ་ཅན་གྱི་བཀའ་དྲིན་གྱིས་དེ་སྐབས་ཀྱང་མུ་གེ་དང་བྲལ་ཞེས་གསུང་། ངེད་འབྲས་སྤུངས་སུ་འགྲོ་ཁར་རྗེ་ཉིད་ལ་བདོག་པའི་སྐྱེས་དང་གསོལ་ཆས་ཕུལ། གཤོལ་བཏོན་པའི་ཟླ་བ་གཉིས་པར་ཡར་ཀླུངས་བཀྲ་ཤིས་རྩེ་ནས་ཆིབས་བསུ་བྱུང་བ་བཅས་ཡེར་པ་ལྷ་རི་སྙིང་པོའི་གནས་ཡོངས་རྫོགས་དང་། དཔལ་བསམ་ཡས་ཀྱི་དབུ་རྩེ་རིགས་གསུམ་མཇལ་བ་གནང་ནས་ཡར་ཀླུངས་སུ་ཁྱབ་བདག་གནས་གསར་བ་ཆེན་པོ་དང་གདན་འཛོམ། ཞག་བཅོ་ལྔའི་རིང་བཞུགས་ཏེ་ཕར་བུ་ལུགས་དུས་འཁོར་གྱི་ཡིག་ཆ་རྣམས་དང་། ཚུར་བདེ་མཆོག་བདེ་ཆེན་རལ་གཅིག་གི་གླེགས་བམ་གྱི་ལུང་རྣམས་(༣༠བ)

― GLG009_Page_0780 ―

^{[མ་དཔེ་གཟིགས་ན་འདིར་གནོན།]}

[Full Size]

གསན་ལེན་མཛད། ཆོས་སྡེ་ནས་ཆིབས་ཁལ་གཡར་པོ་དང་བཅས་གོང་དཀར་རྡོ་རྗེ་གདན་དུ་ཕེབས། རྗེ་ཉི་མ་གླིང་པ་དང་མཇལ་འཛོམ་མཛད་པ་སྔར་ནས་དཔོན་སློབ་ཐུགས་འདྲེས་པ་ལྟ་བུའི་ཐུགས་ནང་གཙང་བ་བྱུང་། ཚུར་སྒྲོལ་དཀར་གྱི་རྗེས་གནང་དང་ཕར་བུ་སྟོན་རིན་པོ་ཆེའི་གསོལ་འདེབས་ཚོགས་གཉིས་མ་དང་རྣམ་རྒྱལ་གྱི་གཟུངས་ཀྱི་ལུང་འབུལ་བ་མཛད། རབ་འབྱམས་ཆོས་རྗེ་རིན་ཆེན་རྒྱ་མཚོས་སྣེ་ཤན་དང་རྩེའི་མི་སྣ་བཅས་ཕྱི་ནང་གི་རྟེན་ཚང་མ་ཞིབ་གཟིགས་ངོས་གསུང་ངག་ལམ་འབྲས་གསན་པའི་སྙན་གསན་ཕུལ་ནས་རི་ཕུག་ཏུ་ཕེབས། དབུས་ཕྱོགས་ནས་ཕྱག་ཏུ་འབྱོར་པའི་རྙེད་པ་དང་རིན་ལྡིང་སྤྱི་སོའི་འབུལ་བ་ཁང་དྲག་ནས་ཀྱི་མའི་གོས་སྣ་ཐིག་སོགས་ཕྱག་རྫས་གསར་འབྱོར་གྱི་སྟེང་སྔར་གྱི་གསེར་སྤྱི་དང་བཅས་བྱམས་པ་གླིང་གི་དགོན་པར་ཡུམ་གྱི་དགོངས་རྫོགས་སུ་བཟོ་གྲ་བཙུགས་ཏེ། སྐུའི་རྟེན་དུ་ཡང་དག་པར་རྫོགས་པའི་སངས་རྒྱས་ཤཱཀྱའི་རྒྱལ་པོའི་གསེར་སྐུ། ཐམས་ཅད་མཁྱེན་པ་བུ་སྟོན་ཡབ་སྲས་ཀྱི་སྨན་སྐུ། གསུང་གི་རྟེན་དུ་མཁས་པ་ཙནྡྲ་ཤྲཱི་དང་ཤར་ཆེན་ཡེ་ཤེས་རྒྱ་མཚོའི་གསུང་འབུམ་པོ་ཏི་གསུམ། ཐུགས་ཀྱི་རྟེན་དུ་དངུལ་དཀར་གྱི་མཆོད་རྟེན་མདའ་གང་པ་དྲི་མེད་ཀྱི་སྲོག་ཤིང་འཛུགས་པའི་ཆོ་ག་སོགས་རྟེན་རྣམས་ལ་གཟུངས་འབུལ་དང་རབ་ཏུ་གནས་པའི་རིམ་པ་ཤིན་ཏུ་དངོས་གཙང་བ་བྱིན་རླབས་ཀྱི་གཟི་འོད་འཕྲོ་བ་གནང་། སྐུ་གཟུགས་མཆོད་རྟེན་གཉིས་རི་ཕུག་གི་གཟིམས་མལ་སྐུ་འདྲ་རིན་པོ་ཆེའི་སྐུ་མདུན་དུ་བསྒྲིགས། ཡུམ་གྱི་གདུང་རུས་རྣམས་རུས་ཆོག་མཛད་པར་བུ་སྟོན་རིན་པོ་ཆེའི་ཕྱག་པར་གྱིས་སཱཙྪ་བཏབ་སྟེ་རི་རྩེ་དང་ཆུ་བོ་ཆེན་པོར་གདན་དྲངས་(༣༡ན)

― GLG009_Page_0781 ―

^{[མ་དཔེ་གཟིགས་ན་འདིར་གནོན།]}

[Full Size]

ཞབས་ཅུང་ཟད་བསྙུན་པར་ཕྱག་རྫས་ལྷག་རྣམས་སྐུ་རིམ་དུ་བཏང་བས་སྐུ་ཆས་དཀོན་གཤིས་ཤི་གསོན་གྱི་དོན་དུ་གྲོང་ཆོག་གི་སྒོ་ནས་གཞན་ཕན་རྒྱ་ཆེར་མཛད། ཞ་ལུ་མོ་ཡན་རྣམས་ཀྱི་དོ་དམ་བྱས་ནས་གཞི་བྱེས་ཀྱིས་དབང་གཞི་བཙུགས་པའི་འབུལ་བར་ནས་ཁལ་སུམ་བརྒྱ་ཙམ་དང་། རྡོར་ལགས་བཀྲ་ཤིས་ལྷུན་པོ་དང་ངོར་གཉིས་སུ་མེ་ཏོག་འབུལ་བར་རྫོང་བདའ་གནང་བའི་སྐྱེས་སོགས་ཀྱིས་གསོལ་ཐབ་ཚུགས་པ་བྱུང་། ས་གླང་དབང་ལྡན་ཆོས་འཁོར་བས་གདན་དྲངས་ཚོགས་པ་ལ་གསུང་ཆོས་མང་པོ་འབུལ་བ་མཛད། གྲ་རྐྱང་སོ་སོས་ཀྱང་ཐབ་གདན་ཆོས་སོགས་ཉེར་མཁོའི་རྙེད་པ་བཏབ། རི་ཕུག་ཏུ་ཕེབས་སྐབས་ཁང་དྲག་ནས་ཀྱིས་ཤར་ཆེན་དུ་གདན་དྲངས། དེ་ཞོར་རྩེ་ཆེན་སྒྲོལ་མ་མཇལ་ཏེ་ཁྲུས་གསོལ་རྒྱས་པར་གནང་ནས་ཁྲུས་ཆུ་བུམ་པ་གང་བསྣམས་ཏེ་པ་རྣམ་དགའ་གདོང་རྒྱབ་རིར་སྨན་ཆུ་གྲང་ཚན་ཞིག་ཡོད་འདུག་པར་ཕེབས། དེའི་སྔོན་སྡེ་པ་ནོར་བུ་དཔོན་གཡོག་གིས་གྲང་ཚན་བརྒྱབ་ནས་ལོག་རྗེས་རྫིང་ཆུ་ཕྲན་བུ་མ་གཏོགས་བསྐམས་འདུག་པ་སྟོན་པ་སངས་རྒྱས་ཀྱི་སྐུ་ལ་སྒྲོལ་མའི་ཁྲུས་ཆུས་སྐུ་ཁྲུས་གསོལ་བའི་ཆུ་རྒྱུན་རྫིང་ནང་དུ་འབབ་པ་བྱས། གསེར་ཆོས་ཀྱི་མན་ངག་ལྟར་རྗེ་བཙུན་ཀུ་རུ་ཀུ་ལླེ་ལ་གསོལ་འདེབས་དང་གཏོར་མ་གནང་བས་རྫིང་མེར་གྱིས་སྐད་ཅིག་ཉིད་ལ་ཁེངས་ཏེ་རྫིང་གི་ཕྱིར་ལུད་འགྲོ་བ་བྱུང་། གྲང་ཚན་བསྟེན་པས་ཞབས་ཡབ་ནང་དུ་མི་ཤོང་པའི་སྙུང་རོ་དེ་ཡང་ཞག་གཅིག་གཉིས་ལ་གཞི་མེད་དུ་སོང་། ལྕགས་སྟག་ལོ་ངེད་རང་གི་རིང་འཚོའི་རྟེན་འབྱུང་གི་ཆེད་དུ་གཟིམས་མལ་སྐུ་འདྲའི་སྐུ་མདུན་དུ་རྣལ་འབྱོར་རྒྱུད་ཀྱི་བཤད་རྒྱུད་རྡོ་(༣༡བ)

― GLG009_Page_0782 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་རྩེ་མོའི་ཆོ་ག་རྡོ་རྗེ་འཆང་མཁྱེན་རབ་ཆོས་རྗེས་དབང་ལྡན་ཆོས་འཁོར་དུ་བཙུགས་པའི་ཕྱག་ལེན་ཇི་ལྟ་བ། སྒོ་བཞིའི་དབྱངས་ཆོས་སྐྱོང་ཆེན་པོའི་བསྟོད་རེ་སོགས་ཞག་བཅོ་བརྒྱད་བསྒྲུབས་པའི་མཆོད་གཞིས་སྔ་སོར་རྗེ་ཉིད་ལ་གཙང་སྡེ་སྲིད་ཀྱིས་གནང་བ་གཞུང་ནས་དེ་ལམ་དུ་འཇགས་པའི་དར་རྒྱས་གཞིས་ཀ་སྦྱོར་བ་མཛད། སྒྲ་དབྱངས་ལྷ་མོའི་རྗེས་གནང་སྤྱི་འགྲོའི་གཞོགས་དྲུང་ལས་སྒྲ་ཚད་པ་ནས་བརྒྱུད་པའི་ཁུངས་བཙུན་དེ་ཤིན་ཏུ་དཀོན་པ་དང་འཇིགས་བྱེད་རོ་ལངས་བརྒྱད་སྐོར་གྱི་དབང་གཉིས་ངོར་དུ་མཁན་ཆེན་ཤེས་རབ་འབྱུང་གནས་ལ་གསན། དཔོན་སློབ་པཎ་ཆེན་རིན་པོ་ཆེ་སྲད་ལ་ཕེབས་འཕྲོས་འདུག་པ་མཇལ་བ་ལེགས་ཚུལ་སྙན་འབུལ་མཛད་པ་བཞིན་ངོར་མཁན་པོས་བྱོན་པར། པཎ་ཆེན་རིན་པོ་ཆེས་གདན་བཞེངས་ཕྱག་བབས་སོགས་ལེགས་པོ་གནང་བས་བཀའ་གྲོས་ཐོན་པའི་ཚད་དུ་ཕྱིན། མ་ཧེ་མཆོད་པར་དམིགས་པའི་བུ་ལུགས་གཤེད་དམར་ལྷ་ལྔ་དང་ཚར་ལུགས་རྡོ་རྗེ་འཇིགས་བྱེད་ལས་གཤིན་དང་བཅས་པའི་ལྗགས་བསྙེན་གནང་། མ་ཧེའི་བཀའ་བསྒོར་བཀྲ་ཤིས་ལྷུན་པོ་ནས་དཔོན་སློབ་ཞབས་དྲུང་ཕེབས་པས་གྲ་སྒྲིག་གིས་ཞ་ལུའི་གྲ་ཚང་བཞིའི་གྲ་པས་མ་ཁོམ་པར་རི་ཕུག་དབུ་མཛད་ཀྱིས་དྲུག་ཅུ་པ་མཛད་སྲོལ་ཡོད་པ་ལྟར་རྗེ་འདི་ཉིད་ཀྱིས་གཤེད་དམར་དྲུག་ཅུ་པའི་རྡོ་རྗེ་སློབ་དཔོན་གནང་བའི་ཆོག་གྲྭར་རིན་ལྡིང་གྲ་ཚང་ནས་གྲ་པ་བཅོ་ལྔ་བཟབས་མཆོར་དང་བཅས་འོངས་པར་གཤེད་དམར་ལྷ་ལྔའི་དབང་བསྐུར་རྒྱས་པར་མཛད། དབང་ལྡན་ཆོས་འཁོར་ནས་གསེར་རྔ་ཞེ་གཅིག་བརྙན་པོ་དང་བཅས་དྲུག་ཅུ་པ་སོགས་སྨིན་རྒྱས་ཀྱི་ཐུགས་ཁུར་བཞེས་པས་དཔོན་སློབ་པཎ་ཆེན་རིན་པོ་ཆེའི་དགོངས་(༣༢ན)

― GLG009_Page_0783 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཤིན་ཏུ་བདེ་བར་བྱུང་། ཤིང་རྟ་པཎ་ཆེན་རིན་པོ་ཆེ་སྐུ་ན་སྨིན་པས་དབུས་ཕྱོགས་སུ་ཕེབས་འགུལ་ཐུབ་རིས་མིན་འདུག་པ་ནས་ངེད་དང་མཆོད་ཡོན་གཉིས་གཙང་ཕྱོགས་སུ་བཏེག །བཀྲ་ཤིས་ལྷུན་པོའི་རྟ་བསུ་བའི་སློབ་དཔོན་རྣམས་ཀྱི་ཁྲོད་དུ་རྗེ་བླ་མ་འདི་ཉིད་བྱོན་ཞིང་། སེར་སྦྲེང་བའི་ཟླར་ཞ་ལུའི་གར་པ་མང་ཧྲགས་བཟབས་མཆོར་མཆིས། ཞ་ལུའི་དབྱར་བདག་གནང་གི་ཡོད་འདུག་གཤིས་སང་ཉིན་བླ་བྲང་རྒྱལ་མཚན་མཐོན་པོར་ཇ་སྦྱོར་སྦྲེལ་ཞིག་ལ་གསུང་འཕྲོས་ཕྲན་བུ་ལས་བརླིང་བ་མ་བྱུང་། ངེད་རང་གིས་ཀུན་མཁྱེན་བུའི་སྐུ་བསྟོད་དག་པ་དོན་དམ་མར་གྲགས་པ་བརྩམས་པ་ཚོགས་སུ་འཛུགས་པའི་ཁུར་བཞེས་གནང་། རྒྱལ་པོ་སྐུ་ལྟེམ་ནས་ཕེབས་མ་ཐུབ་རུང་ངེད་དང་སྡེ་པ་སོགས་ཀྱིས་ཞ་ལུ་རི་མཐིལ་གྱི་གནས་མཇལ་རྒྱས་པར་བྱས་པའི་གནས་བཤད་ཀྱི་ཕྱག་ཆེན་ཚང་མ་རྗེ་བླ་མས་གནང་། བུ་སྟོན་རིན་པོ་ཆེའི་གསོལ་འདེབས། དཔོན་སློབ་ཞབས་དྲུང་གི་བརྟན་བཞུགས་ངེད་རང་གི་རིང་འཚོའི་ཚིགས་བཅད་གསུམ་ཚོགས་ཆེན་ལ་གྱིས་གསུང་བ་བཞིན་བཀླགས་ལུང་ཕུལ། ཟླ་བ་བཅུ་གཉིས་པའི་ནང་དུ་རྗེ་བླ་མ་དབུས་སུ་ཕེབས་འབྲས་སྤུངས་སུ་ཞག་ཤས་བཞུགས་དགོས་ཚུལ་ཕེབས་པ་ལྟར་ཚེ་དཔག་མེད་གྲུབ་རྒྱལ་ལུགས་དང་སྙིང་པོ་དོན་གསུམ་གྱི་ཉམས་འཁྲིད་སོགས་ཕུལ། སྔར་ནས་འདི་རིགས་ཀྱི་འཇུག་མེད་པར་བརྟེན་ཞིབ་དཔྱོད་ཀྱི་དོ་གལ་མ་ཤར་བ་འདི་ལོ་བསྟན་འཛིན་ཆོས་རྒྱལ་གཤེགས་པའི་པུར་སྦྱོང་བཞིན་མ་ངེས་པའི་དགོངས་པ་བྱུང་ན་སྙམ་ཕུང་པོ་སྲེག་སྦྱང་གི་སྐོར་དང་རིམ་གྱིས་རབ་གནས་སྦྱིན་སྲེག་སོགས་དོགས་གཅོད་(༣༢བ)

― GLG009_Page_0784 ―

^{[མ་དཔེ་གཟིགས་ན་འདིར་གནོན།]}

[Full Size]

མང་དུ་ཞུས། གསོལ་ཕོགས་ཀྱི་འཛིན་དང་བཅས་གོང་དཀར་ཆོས་སྡེར་ཕེབས། ཤིང་ལུག་ལོ་ཉི་མ་གླིང་དུ་རྡོ་རྗེ་འཛིན་པ་ཆེན་པོ་ཚུལ་ཁྲིམས་བཀྲ་ཤིས་པའི་དྲུང་དུ་དཔལ་ལྡན་ས་སྐྱ་པའི་ཟབ་ཆོས་གསུང་ངག་རིན་པོ་ཆེར་ངོར་རྫོང་ཆོས་སྡེ་བ་སྟེ་ཐུན་མོང་བའི་ལུགས་གསུམ། ཐུན་མོང་མ་ཡིན་པ་སློབ་བཤད་དང་བཞིར་ཡོད་པའི་སྲིད་གསུམ་འགྲན་ཟླ་བྲལ་བ་ཆོས་རྗེ་བླ་མ་དམ་པའི་གསུང་རབ་པོད་ནག་གཞིར་བཞག་པའི་དབང་འཁྲིད་བྱིན་རླབས་གཞུང་བཤད་ལུང་མན་ངག་སྒྲུབ་པ་ལུང་སྦྱིན་གྱི་པར། རྫོང་ལུགས་ཀྱི་གེགས་སེལ་གྱི་ཡི་གེ་གཅིག་མ་གཏོགས་བླ་མ་རིན་པོ་ཆེས་གང་གསན་ཐམས་ཅད་བུམ་པ་གང་བྱོའི་ཚུལ་དུ་ཐུགས་ཀྱི་ཟ་མ་ཏོག་གཏམས། བླ་མ་ཀུན་བཟང་རྩེ་པཎ་ཆེན་བསོད་ནམས་མཆོག་ལྡན་ལ་ཡོ་ག་ཁམས་གསུམ་རྣམ་རྒྱལ་དང་ཆོས་དབྱིངས་གསུང་དབང་གི་དབང་སོགས་ཆོས་བཀའ་དུ་མ་གསན། དེ་ནས་འབྲས་སྤུངས་སུ་ཕེབས་ཞག་ཁ་ཤས་བཞུགས་ཡར་ཀླུངས་བཀྲ་ཤིས་རྩེ་ཆོས་སྡེར་གསུང་ཆོས་གསན་རིང་ཕོགས་ཡིག་གི་འཛིན་ཕུལ། ཧོར་ཟླ་ལྔ་པའི་ནང་དུ་བཀྲ་ཤིས་ཆོས་སྡེར་ཕེབས་ཉིན་རོལ་ཆ་སེར་སྦྲེང་སོགས་ཕེབས་བསུའི་བཀོད་པ་རྒྱ་ཆེན་པོས་མདུན་བདར་ཏེ་རྡོ་རྗེ་འཆང་བཀའ་འགྱུར་བ་ཆེན་པོ་དང་གདན་འཛོམ་བཀའ་འགྱུར་བཞེང་བའི་ཐུགས་བྲེལ་མ་ཆོད་རིང་གསར་མའི་རྒྱུད་འབུམ་སྒྲུབ་ཐབས་བརྒྱ་རྩ། གཤེད་དམར་སྤྲོས་མེད་ཀྱི་འཁྲིད་སོགས་ཆོས་བཀའ་མང་དུ་གསན་ཞིང་འཁོར་ལོ་སྡོམ་ཆེན་གྱིས་གཙོས་པའི་དབང་ཆོས་དུ་མ་འབུལ་བ་གནང་། སྨིན་དྲུག་ཟླ་བའི་ཚེས་ཉི་ཤུ་ནས་ཀུན་མཁྱེན་ཀླུ་སྒྲུབ་རྗེས། ཚོགས་པར་བཤད་པའི་དྲང་དོན་ཟ་ཟིའི་གཏམ། །རྣམ་པར་སྤངས་(༣༣ན)

― GLG009_Page_0785 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ་སློབ་བུ་མཆོག་དག་ལ། །གཅེས་པར་གདམས་པ་ངེས་དོན་སྙིང་པོའི་ཆོས། །ཟབ་མོ་སློབ་བཤད་འཁྱོངས་པར་བྱིན་གྱིས་རློབས། །ཞེས་ཚོགས་བཤད་ཚིག་གི་ན་ཡམས་ཙམ་མ་ཡིན་པར་སྣང་གསུམ་གྱི་དུས་སྲིད་འབྱོར་ཀུན་སྐྱུག་ནད་ཅན་ལ་ཟན་བཞིན་བློ་ལྡོག་པ་དང་འཁོར་འདས་དབྱེར་མེད་ཀྱི་སྐབས་ཀུན་རྫོབ་ཆོས་ཀྱི་རང་མཚང་མངོན་སུམ་དུ་རྡེབ་ཅིང་བུམ་དབང་མན་ཆད་ལ་སོ་སོའི་དམིགས་པ་རྡོ་རུས་ཐུག་པར་མ་ཟད་ཚེ་འདིར་གྲུབ་མཐའ་མ་སྙོགས་ན་བར་དོ་སོགས་ལམ་གྱི་ཚོད་འཛིན་རྣམས་ཉམས་འོག་ཏུ་ཆུད་ངེས་པའི་གནད་ཀྱིས་ཚར་ཆེན་གྱི་གསུང་མགུར་ལས། བདག་དབང་པོ་བརྟུལ་ཞིང་བརྩོན་འགྲུས་ཞན། །དོན་གནས་ལུགས་ཚེ་འདིར་མ་ཐོབ་ན། །འཕྲང་སྲིད་པ་བར་དོའི་གནས་སྐབས་སུ། །ལམ་དྲན་པ་རྣམ་གསུམ་གྱི་གདམས་པ་བསྒོམ། །རྗེ་བར་དོ་འཕྲང་སྒྲོལ་གྱི་རྡོ་རིང་པ། །སེམས་རང་བྱུང་རྟོགས་པར་བྱིན་གྱིས་རློབས། །ལམ་དེ་དག་གི་ཉམས་ཚོད་འཛིན་པའི་ཕྱིར། །ཐབས་སྒྱུ་མ་རྨི་ལམ་གྱི་གདམས་ངག་གིས། །དུས་ཉིན་མཚན་གྱི་སྣང་བ་གཅིག་ཏུ་བསྲེས། །སྒོམ་ཁོར་ཡུག་གི་ངང་ལ་ཉམས་སུ་ལེན། །རྗེ་སྒྱུ་མ་ངོ་སྤྲོད་ཀྱི་རྡོ་རིང་པ། །ལམ་རྨི་ལམ་འབྱོངས་པར་བྱིན་གྱིས་རློབས། །ཞེས་ས་སྐྱ་ཚད་ཀྱི་རྣ་བར་མ་གྲགས་པའི་མ་དང་མཁའ་འགྲོའི་ཁ་རླངས་མངར་པོར་འཐུལ་བ་གསུང་ངག་སློབ་བཤད་ཀྱི་ཉམས་འཁྲིད་ཟབ་མོའི་དབུ་བཙུགས། མེ་སྤྲེལ་དབོ་ཟླའི་དཀར་ཕྱོགས་རྒྱལ་བ་གཉིས་པའི་ཚེས་ལ་གེགས་མེད་དུ་ལེགས་པར་གྲུབ་པའི་ཆོས་ཡོན་རྒྱས་པ་དང་བཀའ་འགྱུར་རིན་པོ་ཆེ་བཞེང་བ་གནང་བའི་ལེགས་བྱར་སྔར་ལོ་གསུམ་མ་གནང་སའི་རི་ཕུག་གི་(༣༣བ)

― GLG009_Page_0786 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིམས་ཁང་རྣམ་གྲོལ་ཡང་རྩེ་རྩ་བ་ནས་འབུལ་བ་མཛད་པས་ཐུགས་དགྱེས་པའི་རྩེ་མོར་ཕྱིན། ཁྱབ་བདག་བཀའ་འགྱུར་བས་མཁན་པོ། རྗེ་འདི་ཉིད་ཀྱིས་ལས་སློབ་མཛད་ནས་བརྟུལ་ཞུགས་སྤྱོད་པའི་ཧེ་རུ་ཀཿཀོང་སྨོན་རྫོགས་ཆེན་པ་ནམ་མཁའ་འཇིགས་མེད་ཀྱི་གྲ་སློབ་ཤེལ་བྲག་ཏུ་སྡོད་མཁན་འགའ་ཞིག་རབ་བྱུང་བསྙེན་རྫོགས་སུ་སྒྲུབ་པ་མཛད། ཕོ་བྲང་ཆེན་པོ་སྣེའུ་སྡོང་རྩེར་ལྷ་གཟིགས་ཕག་མོ་གྲུ་པ་མི་ཕམ་བསོད་ནམས་དབང་ཕྱུག་གྲགས་པ་རྣམ་རྒྱལ་དཔལ་བཟང་པོ་མཇལ་བར་ཕེབས་པ་ངེད་ཞ་ལུ་པའི་སྦྱིན་བདག་གི་རྩ་བ་ཡིན་ཞེས་དགྱེས་དགྱེས་དང་བསྙེན་བཀུར་གཟེངས་བསྟོད་གནང་། དཔལ་ལྡན་བླ་མ་དམ་པ་བསོད་ནམས་རྒྱལ་མཚན་དང་རྣལ་འབྱོར་དབང་ཕྱུག་ཡར་ཀླུངས་པ་སེང་གེ་རྒྱལ་མཚན་གྱི་བསྟི་གནས་རྩེས་དང་བསམ་གླིང་བདེ་བ་ཆེན་པོའི་གཙུག་ལག་ཁང་མཇལ་བར་ཕེབས། སྐུ་འདྲ་ཚུལ་ཁྲིམས་མ་སོགས་ལ་སྨོན་ལམ་རྡོ་རྗེའི་ཆོས་སྐྱོང་རྣམས་ལ་བཀའ་བསྒོ་གཉེར་གཏད་མཛད། སྒེར་པ་གཞིས་ཀར་ཕེབས་ཞལ་ངོ་རྣམས་ཀྱིས་བསུ་ཕྱག་སོགས་གུས་པས་བཏུད། གྲུབ་ཐོབ་ཆེན་པོའི་སྐུ་བརྙན་གྱིས་གཙོས་ཕྱི་ནང་གི་རྟེན་རྣམས་ཞིབ་མཇལ་གནང་སྐབས་ད་ལྟའི་རྗེ་དྲུང་ངག་དབང་བསྟན་འཛིན་ཕུན་ཚོགས་དགུང་ལོ་བཞི་ཙམ་འགྲོ་བ་དེས་གྲུབ་ཐོབ་ཆེན་པོའི་སྐུ་བརྙན་ཕྱག་ནས་མའི་སྐུ་མདུན་ནས་དཔེ་ཆ་ཤོག་གཅིག་མ་ཞིག་བསྣམས་ནས་གཞན་སུ་ལའང་མ་སྤྲད་པར་ཕུལ་བ་སྒྲ་མི་སྙན་པའི་ཚེ་སྒྲུབ་ཡིན་སྣང་། ཚུར་ལམ་ཕན་བདེའི་འབྱུང་གནས་ཟན་གཡང་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་གི་དབུ་རྩེ་རིགས་གསུམ། གླིང་བཞི་གླིང་ཕྲན་ཇོ་མོ་གླིང་གསུམ་དང་(༣༤ན)

― GLG009_Page_0787 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་པའི་གནས་མཇལ་མཆོད་འབུལ་རྒྱས་པར་མཛད་ནས་དཔལ་ལྡན་འབྲས་སྤུངས་སུ་ཕེབས་གསུང་གླེང་ཞིབ་མོལ་ངོས་རིམ་གྱིས་གོང་དཀར་ཆོས་སྡེར་ཆིབས་ཁ་བསྐྱོད་པའི་ཉི་མ་གླིང་དུས་འཁོར་དང་ཡོ་ག་རྡོར་དབྱིངས་ཀྱི་དབང་། སྒྲ་མི་སྙན་པའི་ཚེ་སྒྲུབ་ཀྱི་ལུང་། རིན་པོ་ཆེ་ཀུན་བཟང་རྩེ་པར་རྩེ་མོ་རིགས་བསྡུས་ཀྱི་དབང་དང་རྟོགས་བརྗོད་དཔག་བསམ་འཁྲི་ཤིང་གི་ལུང་། རབ་འབྱམས་ཆོས་རྗེ་རིན་ཆེན་རྒྱ་མཚོའི་ཆོས་སྒོའི་འཕྲིན་ལས་དང་པོར་འབྱེད་བའི་རྟེན་འབྲེལ་དུ་འཇམ་དབྱངས་ཨ་ར་པ་ཙ་ནའི་རྗེས་གནང་གསན། མཚུངས་མེད་ཉི་མ་གླིང་པའི་གསུང་བཞིན་རྗེ་དཔལ་ལྡན་ཚུལ་ཁྲིམས་ཀུན་བཟང་རྩེ་པ། མདོ་པ་ཆོས་རྗེ། རབ་འབྱམས་ཆོས་རྗེ་སོགས་དབང་ཆ་གཉིས་ལ་དཔལ་མཆོག་རྡོར་སེམས་དང་མི་འཁྲུགས་པ་ལྷ་བཅུ་གསུམ་གྱི་དབང་སྦྱོར་དྲུག་གི་སྔོན་འགྲོ་ཡན་ཕུལ་བའི་དཀྱིལ་འཁོར་ཞ་ལུ་ནས་བྲིས་པ་མཁས་པ་གཉིས་ཀྱིས་བཞེངས་པས་རྗེ་ཉི་མ་གླིང་པའི་གསུང་ལས། ངའི་མ་དགོན་ཞ་ལུ་དེ་བརླག་པ་མེད་པ་འདུག་གསུངས་དགྱེས་སྐད། གྲ་དམངས་ལ་ཡོག་འཁྲིད་སོགས་ལུང་ཁ་ཤས་སྩལ། ཉི་མ་གླིང་པ་དང་དཔོན་སློབ་གཉིས་བརྟན་བཞུགས་འབུལ་རེས་དང་ཕན་ཚུན་ཐུགས་འཕྲེང་བཞིན་པའི་ངང་ནས་བླ་མ་རབ་འབྱམས་པ་དང་དཔོན་ཚང་འཇམ་དབྱངས་གཉིས་ཕྱག་ཕྱིར་འཁྲིད་ཡར་ལམ་དཔལ་འཁོར་ཆོས་སྡེར་རབ་བྱུང་བསྙེན་རྫོགས་ཁ་ཡར་སྒྲུབ་པ་གནང་ནས་རི་ཕུག་ཏུ་རབ་འབྱམས་ཆོས་རྗེར་རྗེ་བཙུན་གོང་མ་གསུམ་གྱི་བཀའ་འབུམ་གྱི་ལུང་གསན། ཕར་ཡང་འགའ་ཞིག་གནང་། དབང་ལྡན་ཆོས་འཁོར་བ་དང་གཞི་(༣༤བ)

― GLG009_Page_0788 ―

^{[མ་དཔེ་གཟིགས་ན་འདིར་གནོན།]}

[Full Size]

གྲ་མང་ཞིག་ལ་རབ་བྱུང་བསྙེན་རྫོགས་སྩལ། བཀྲ་ཤིས་ལྷུན་པོར་དཔོན་སློབ་པཎ་ཆེན་རིན་པོ་ཆེ་མཇལ་བར་ཕེབས་པའི་ཇ་གྲལ་གྱི་སར་བླ་མ་རབ་འབྱམས་པར་བཀའ་འགྱུར་གྱི་ལུང་ཡོད་ཚུལ་སྙན་འབུལ་མཛད་པར་ཀརྨ་པ་རང་བྱུང་རྡོ་རྗེས་གཡག་སྡེ་པཎ་ཆེན་ལ་དབྱངས་གསལ་གྱི་རྗེས་གནང་བསྐུར་ནས་དེས་ཆོས་ཐམས་ཅད་ཐོབ་པར་འགྲོ་གསུངས་པར་གཞོགས་དྲུང་ནས་ཀར་ལུགས་པ་རྣམས་ཀྱིས་ལུང་མཛད་པ་ཡིན། བཀླགས་ལུང་ཁུངས་མ་དེང་སང་བོད་ན་མེད་ཚུལ་སོགས་བཀའ་ཕེབས་རྒྱས་པར་སྩལ། བྱམས་པ་གླིང་དུ་ཆོས་དབར་བཏེག་ཀུན་མཁྱེན་བུའི་ཉེ་གནས་བསོད་ནམས་གྲུབ་ཀྱིས་མཛད་པའི་གར་ཡིག་སྟེང་ནས་དུས་འཁོར་གྱིས་གར་དཔོན་ཚང་འཇམ་དབྱངས་ཀྱིས་ཕུལ་བ་བཞིན་སྦྱོང་བདར་དཔྱིས་ཕྱིན་པ་གནང་། ལྷོ་བོད་ཀྱི་བདེ་གཟར་ཆེན་པོ་དེ་ལངས་པའི་ས་སྐྱོང་བསོད་ནམས་རབ་བརྟན་དཔུང་ཐོག་ཏུ་རྒྱལ་རྩེར་ཕེབས་པ་མཇལ་བར་བྱོན། རི་ཕུག་གི་དུས་འཁོར་སྒྲུབ་མཆོད་ལ་ས་གར་སྦྱིན་སྲེག་མཆོད་གར་སོགས་ཀྱི་གར་དཔོན་དང་ཆོག་དཔོན་རྗེ་བླ་མ་འདི་ཉིད་ཀྱིས་གནང་། དཀྱིལ་འཁོར་དེའི་སྟེང་སྙེ་མོ་རུའི་བླ་མ་སོགས་ཉེར་ལྔ་ལ་བདག་པོ་ཆེན་པོས་མཐའ་བརྟེན་པའི་དབང་རྫོགས་པར་སྩལ་ལོ། །རྒྱུད་སྡེ་རྣམ་བཞིའི་སྨིན་བྱེད་དབང་གི་སྒོ། །སྒོ་འཕར་བརྒྱ་ཕྲག་ཕྱེ་ཚེ་གདན་གཞུམ་ཀུན། །ཀུན་ནས་ཚང་བའི་མགོན་ཁྱོད་འོག་མིན་ཞིང་། །ཞིང་ཁམས་རྒྱ་མཚོའི་གཙོ་བོར་ད་གདོད་འཁུམས། །སྦས་པའི་རྣལ་འབྱོར་མ་དངོས་གྲུབ་འཛིན་དུ། །གཤེགས་ལ་བལྟོས་པ་མིན་ཀྱང་རྗེས་འཇུག་རྣམས། །ཚོགས་ཆེན་གསོག་ལ་བསྐུལ་འདིས་ཐམས་ཅད་སྒྲོལ། །སྦྱིན་པའི་ཕ་(༣༥ན)

― GLG009_Page_0789 ―

^{[མ་དཔེ་གཟིགས་ན་འདིར་གནོན།]}

[Full Size]

རོལ་ཕྱིན་པ་མིང་དུ་ཟད། །འོད་གསལ་ལམ་ནས་ལྷ་ལྡན་གནྡྷོ་ལ། །མ་སྒྲིབས་ཤར་བ་ཇི་བཞིན་མངོན་སུམ་དུ། །གཟིགས་ཚེ་བླ་ནས་བླར་འཕེལ་དད་པ་ཡིས། །རྒྱལ་ཀུན་བྱིན་རླབས་ཐུགས་ཀྱི་དཔལ་བེར་གཏམས། ཁྲུས་གསོལ་བཅོམ་ལྡན་རིག་བྱེད་ལྷ་མོའི་མཐུས། །སྡིག་ཏོའི་དྲི་མ་འཁྲུད་པའི་རྫིང་བུ་རུ། །གྱེན་འཕྱུང་སྨན་གྱི་ཆུ་བོ་ཨོ་ག་སྟྱས། །གཞན་སྣང་ཟུག་རྔུའི་དུག་ཀུན་དྲུང་ནས་ཕྱུང་། །རང་བྱུང་ཐུགས་རྗེ་ཆེས་སོགས་རི་མཐིལ་གྱི། །གནས་རྟེན་མིག་གི་བདུད་རྩིར་བསྟེན་པའི་ཚེ། །དད་སྤེལ་ལོ་རྒྱུས་ཏམ་བཱུ་ར་ཡི་རྒྱུད། ཁྱབ་བདག་བླ་མའི་རྣམ་དཔྱོད་སོར་མོས་བསྐུལ། །ཐུ་སྟོན་འཇིགས་མེད་དཔའ་བོའི་ཆོས་ཀྱི་སྡེར། །ཐུབ་གཞུང་ལུས་ཀུན་རྫོགས་པའི་གསུང་ངག་ཆོས། །མཁས་གྲུབ་རྡོ་རྗེའི་སློབ་དཔོན་ཉི་གླིང་རྗེ། །སེ་སྟོན་ངུར་སྨྲིག་ཟོལ་གྱིས་འོངས་པ་བཞིན། །ཐུན་མོང་ལམ་གྱི་ཀུནྡ་བཞད་ནུས་པའི། །བསྟན་འཛིན་འབུམ་ཕྲག་ཟླ་བས་འབྱེད་མིན་གནད། །སློབ་བཤད་པད་དཀར་ཟེའུ་འབྲུའི་སྦྲང་རྩིའི་བཅུད། །འཐུང་བའི་སྐལ་བཟང་བུང་བ་ཁྱོད་ཉིད་ཙམ། །འཆི་མེད་གྲུབ་པའི་མགོན་པོ་ལྕགས་ཟམ་པས། །ཚེ་བྱིན་བརླབས་པའི་རྟེན་འབྲེལ་ལྷུན་གྱིས་གྲུབ། །འཇམ་མགོན་གོང་མའི་ལེགས་བཤད་ལྷ་ལམ་གྱི། །མཐའ་འཇལ་གཤོག་རྫོགས་མཁའ་ལྡིང་གཉིས་གཞན་མེད། །དཔལ་ལྡན་རྒྱུ་སྐར་དཀྱིལ་འཁོར་གཞལ་ཡས་ཁང་། །འགྲོ་ལ་མངོན་སུམ་སྟོན་པའི་ཟླ་བ་བཟང་། །རིན་ཆེན་མཛེས་པའི་དོ་ཤལ་ཉེར་དོར་ནས། །ཕྱག་དར་ཁྲོད་པའི་གོས་ཀྱིས་ཀླུབས་འདི་ཅི། །ས་ཁྱི་གནམ་སའི་དབང་ཕྱུག་བསྟན་(༣༥བ)

― GLG009_Page_0790 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་ད་ཡན་རྒྱལ་པོའི་ཁྲི་འདོན་ལ་ཕེབས་ཞོར་གོང་དཀར་དུ་ཁྱབ་བདག་ཉི་མ་གླིང་པ་དག་ཞིང་དུ་གཤེགས་ཟིན་འདུག་པའི་གདུང་མཇལ་མཛད། དེ་སྐབས་ཁྲི་འབུལ་བའི་མི་ཚོགས་ཧ་ཅང་ཆེས་པས་ངེད་དང་མཇལ་གླེང་ཞིབ་པར་མ་བྱུང་། ས་སྐྱོང་བསོད་ནམས་རབ་བརྟན་ལ་ཞ་ལུ་མཐིལ་བཅད་དགོན་གྱི་བཀའ་ཁྱབ་དགོས་ཚུལ་ཞུ་གནང་ལྟར་སྡེ་པ་ནོར་བུར་བསླབ་སྟོན་ཕེབས། གཙང་དུ་བྱོན་ནས་རྗེ་ཉི་མ་གླིང་པའི་འདྲ་སྐུ་ལེགས་པ་ཞིག་བཞེངས་པ་དང་ལྷན་དུ་དངུལ་ཐེབས་སུ་སྲང་བཅུ་གསུམ་འབུལ་བ་གནང་དགོས་ཚུལ་ཕེབས་པའི་བོགས་ཞིང་སྦྱར་བར་བརྟེན་ལོ་ལོ་བཞིན་དུས་ཇ་ཆག་མེད་ཚུགས་པའི་ཐུགས་ཁུར་ཆེད་དུ་བཞེས། བཀྲ་ཤིས་ལྷུན་པོར་གཙང་དགོན་སྐོར་གྱི་རྒྱུ་མཚན་འབུལ་བ་མཛད་པའི་བཅའ་ཡིག་བུ་སྟོན་རིན་པོ་ཆེའི་དུས་སོར་བཞག་ལ་ཡུལ་དུས་ཀྱི་དམིགས་བསལ་དགོས་པ་རྣམས་རྗེ་ཉིད་ཀྱིས་དབྲི་སྣོན་མཛད་ནས་དབོན་སློབ་ཞབས་དྲུང་གི་སྤྱན་ལམ་དུ་ཕབ་པས་རིན་པོ་ཆེ་བཀའ་དྲིན་བསྐྱངས་འདི་འདྲ་ཞིག་རང་དགོས་གསུངས་དགྱེས་པའི་གསུང་དང་བཅས་མཇུག་ཏུ་བུ་སྟོན་རིན་པོ་ཆེར་ཧོར་རྒྱལ་པོས་གནང་བའི་ཤེལ་ཐམ་གྱིས་མནན། ཀུན་མཁྱེན་བུ་སྟོན་རིན་པོ་ཆེར་གསོལ་འདེབས་དང་བསྟན་པ་ཡུན་རིང་གནས་པའི་སྨོན་ལམ་གསུང་རྩོམ་གནང་། སྐུ་ཞབས་པ་ཁ་ཅིག་ལ་རིན་པོ་ཆེ་ལྟ་བུ་ཐམས་ཅད་ཀྱིས་བྱས་ན་རང་ལུགས་ཀྱི་བསྟན་པ་ལ་དགའ་མོ་ཡོང་བར་གདའ་སྟེ་གསུངས་སྐད། གཞིས་ཀ་རྩེ་ནས་མི་སྣའི་ཚ་འཇུན་དང་བཅས་འཇོལ་ཉོག་ཏུ་སྤྱོད་པ་རྣམས་ཉིན་གཅིག་ལ་ཕྱི་རོལ་ཏུ་དབྱུང་ནས་ཁྲིམས་ལེགས་པར་བསྡམས་ཏེ་ད་ལྟའི་བར་དུ་གནས་པ་དམ་པ་འདིའི་བཀའ་དྲིན་ནི་ཞ་(༣༦ན)

― GLG009_Page_0791 ―

^{[མ་དཔེ་གཟིགས་ན་འདིར་གནོན།]}

[Full Size]

ལུ་བ་རྣམས་ཀྱིས་གཞལ་དཀའ། ཁམས་མངའ་རིས་ཀྱིས་གཙོས་པའི་ཕྱོགས་མཐའི་གྲ་རྒྱུན་ཡོང་སྲོལ་མི་འདུག་ཅིང་ཚོང་འདུས་སོགས་ཉེ་སྐོར་རྣམས་ཀྱང་འགགས་པས་གྲ་རྒྱུན་ཤིན་ཏུ་དཀོན་པར་རྗེ་འདི་ཉིད་ཀྱིས་ཕེབས་སྒོ་བྱུང་བ་བཞིན་ཞ་ལུ་མི་སྡེའི་མི་གྲ་ཡངས་པ་དང་དགེ་འཁོར་བུ་གསུམ་བར་མའི་གྲ་ཁྲལ་སྦྱོར་འཇགས་བྱས། གོང་དཀར་ནས་ཀུན་བཟང་རྩེ་པ་དཔལ་ལྡན་ཚུལ་ཁྲིམས་རི་ཕུག་ཏུ་གདན་འདྲེན་གནང་། ས་ཕུར་སྟོད་ལས་སྨད་ལས་ཀྱི་དབང་སོགས་ཆོས་བཀའ་མང་དུ་གསན། ཕར་སྒྲོལ་མ་ལུས་དཀྱིལ་གྱི་དབང་སོགས་ཁ་ཤས་ཕུལ། བླ་མ་ཕྱིར་ཐེགས་ནས་བསྙེན་ཆེན་བར་ཆད་སེལ་བྱེད་དུ་སྒྲོལ་མ་བཅུ་བདུན་མའི་ལྗགས་བསྙེན་གྱི་རྗེས་སུ་དེ་བ་པི་ཙུའི་སྐབས་སྐུ་ཁམས་ཤིན་ཏུ་འདུས་ཆེ་བར་མནལ་ལམ་དུ། རྡོ་རྗེ་འཆང་དབང་ཕྱུག་རབ་བརྟན་ཕེབས་ནས་དེ་བ་པི་ཙུའི་སྔགས་ཕྲེང་ཞལ་ནས་འཁོར་བཞིན་པ་དེ་ཕྱག་གིས་བཟུང་སྟེ་ཁྱོད་ལ་མི་དགོས་ན་བཏོན་གཏོང་གསུང་བ་དང་། ཡང་ནུབ་ཅིག་རྨང་ལམ་དུ་རྣ་བར་བརྒྱུད་ལྡན་གྱི་བླ་མ་དམ་པ་ལ་བཅུད་ལྡན་གྱི་གདམས་ངག་ཞུས་ནས་དབེན་པའི་གནས་སུ་ཉམས་སུ་ལེན་པར་ཁྱེད་གང་ལ་སྡུག་ཟེར་བ་དང་། ནུབ་ཅིག་ཕྱག་གཡོན་པའི་སྐུ་རུས་མ་གཏོགས་ཤ་པགས་བཅད་པ་ལས་སྐུ་མཚལ་མང་པོ་ཟེགས་ཡོང་གི་འདུག་པ་མི་ཞིག་ན་རེ་སྡུག་སྲན་ཆུང་རང་དྲགས་པས་ད་རེས་ཁྲག་གི་ལྷག་མ་མ་ལུས་ན་ཡོང་བ་འདུག་སྟེ་ལྷག་དུམ་པ་ལུས་སོང་ཟེར་བ་བྱུང་བ་ནི་སྔོན་རྣལ་འབྱོར་དབང་ཕྱུག་ཀྱང་གྲུབ་པ་བརྙེས་ཁར་ཁམས་འདུས་ཀྱི་འཕྲེང་བགེགས་ཀྱིས་མནལ་ལམ་དུ་ལྟས་མི་སྡུག་པ་མང་དུ་བྱུང་བ་འཕྲེང་བ་ཆབ་ཁང་(༣༦བ)

― GLG009_Page_0792 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བོར་ནས་ཅི་བདེར་བཞུགས་པ་ན་བདག་མེད་མ་བུད་མེད་ཐ་མལ་པའི་ཚུལ་གྱིས་གྲུབ་པ་ཐོབ་ཁར་དམ་ཚིག་ཉམས་སམ་ཞེས་ལུང་བསྟན་པ་བཞིན་སླར་བསྐྱར་ནས་སྒྲུབ་པ་མཛད་པས་བདག་མེད་ལྷ་མོ་བཅོ་ལྔས་རྗེས་སུ་བཟུང་བའི་ལོ་རྒྱུས་དང་ཕྱོགས་མཚུངས་ཤིང་། སྐུ་མཚལ་གྱི་ལྷག་ལུས་པའང་བསྙེན་ཆེན་རྫོགས་པར་གྲུབ་ན་སྔོན་བསགས་ཀྱི་སྡིག་སྒྲིབ་མཐའ་དག་ལྷག་མེད་དུ་བྱང་ངོ་ཞེས་པའི་བརྡ་ཡིན་ནམ་སྙམ། གོང་དཀར་དུ་ཁྱབ་བདག་བཀའ་འགྱུར་བ་ཆེན་པོར་གནས་ཚུལ་འབུལ་བ་གནང་བར་ཞིབ་པ་སླར་འབུལ་ཚུལ་གྱི་ཞུ་ལན་བྱུང་། འོན་ཀྱང་སྐུ་གེགས་ཀྱི་རྣམ་པས་སྐུ་མཚམས་འཕྲོར་ལུས། ཧོར་ཟླ་བཅུ་པའི་ཚེས་པ་བཅུའི་ཉིན་རྡོ་རྗེ་འཆང་གནས་གསར་བ་ཆེན་པོ་ལངྐའི་རྒྱལ་ཁབ་པདྨ་འོད་ཀྱི་ཞིང་ཁམས་སུ་གཤེགས་པའི་དུས་མནལ་ལམ་བྱུང་ཚུལ་བཀའ་ལས་རི་ཕུག་བྱང་གླིང་དུ་རྗེ་བཀའ་འགྱུར་བ་དགྱེས་མདོག་རྣམ་པོ་བྱས་བདག་གི་རྩར་ཕེབས་ནས་ཕྱག་འཕྲེང་རཀྴ་དེ་འདི་དང་ལ་མི་དགོས་པ་འདུག་ཐུགས་བཅག་མཛོད་ཅིག་གསུངས་ནས་བདག་ལ་གནང་། སྐུ་མདུན་ཚུར་བསྟན་རྒྱབ་འགྲོས་ཀྱིས་སྒོ་ནང་ནས་ཞལ་འཛུམ་པ་མཛད་ནས་ཐེགས་སོང་ཞེས་གསུང་། དེ་ཡང་རྗེ་བཀའ་འགྱུར་བ་གོང་དཀར་དུ་མེ་ཏོག་འཐོར་བའི་ཞུགས་འབུལ་ལ་རྗེ་འདི་ཉིད་ཕེབས་དགོས་ཚུལ་གྱི་ངེད་རང་ནས་ཡི་གེ་ཕུལ། གོང་དུ་སླར་ཞིབ་ཆ་འབུལ་གསུང་བའི་ང་འདི་ལ་དགོངས་པར་སྣང་། དེ་སྐབས་གད་སྒོ་ཞང་ཚན་དང་བཀྲས་སྒང་ནས་སོགས་ལག་སྤྲེལ་གྱི་བདེ་གཟར་ལངས་པའི་སྐབས་ཡིན་རུང་པ་རྣམ་མན་ལ་སྐྱ་ལངས་མེད་གཤིས་ཁྱབ་བདག་ཞ་ལུ་པ་ཆེན་པོ་ཤར་རྒྱག་ཆོས་སྡེར་ཕེབས། བླ་མ་རྡོ་རྗེ་འཆང་གི་(༣༧ན)

― GLG009_Page_0793 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་གདུང་རིན་པོ་ཆེ་འཇམ་དཔལ་དབྱངས་དམར་པོ་ལྷ་ལྔའི་དཀྱིལ་འཁོར་གྱི་གཙོ་བོར་བཞེངས་པ་ལ་སྲེག་རྫས་ཀུན་ཏུ་བཟང་པོའི་མཆོད་པའི་སྤྲིན་ཕུང་རྒྱ་ཆེར་སྤྲོ་བར་མཛད་པའི་ཚེ་ཞུགས་རྩོལ་པ་ལ་མ་བལྟོས་པར་རང་འབར་ལྟ་བུ་དང་དེའི་སང་ཉིན་མེ་ཏོག་གི་ཆར་འདྲ་བ་ཉི་མའི་འོག་ནས་འོད་སྐྱ་སིམ་སིམ་གདུང་ཁང་ལ་ཉེ་བར་མང་དུ་བབས་པའི་ངོ་མཚར་ཅན་བྱུང་། ཐུགས་བྲལ་ཆོད་ནས་རྗེ་བླ་མ་པོ་ཏ་ལར་ཕེབས། སའི་སྙིང་པོ་འཁོར་ལོ་བཅུ་པའི་མདོ་ལས་བཤད་པ་བཞིན་ངེད་རང་ཡང་འཇིག་རྟེན་ཁུར་ལེན་དང་ཁྱད་པར་བདེ་གཟར་གྱི་གཡེང་བས་བདག་ཆེན་སྔགས་འཆང་ཆེན་པོ་དང་འབྲུག་པ་པདྨ་དཀར་པོ་གཉིས་ལ་འགྲན་བཟོད་པའི་བན་ལིང་གིས་བློ་ཁ་རྫོགས་པའི་ཞིབ་ཆ་ཞུ་མ་ཐུབ་རུང་ད་ལྟའི་བཞུགས་གནས་གྲང་ཁང་ཆོས་འཁོར་ཤར་ཆེན་དང་ཁང་རྙིང་པའི་མཆོད་གཞིས་བཀྲ་ཤིས་ལྷུན་པོའི་གཟིམས་དཔོན་སོག་པོ་བློ་བཟང་ཆོས་འཕེལ་གྱིས་ཕྲོགས་པ་ལྕགས་ཡོས་ས་སྐྱོང་བསོད་ནམས་རབ་བརྟན་གྱི་དགོངས་ཁྲེལ་ལ་བརྟེན་ཚང་མ་ཤོར་བའི་གཞུང་ཁོངས་སུ་ཡོད་པ་དགོངས་བཞེད་ལྟས་ཕྱིར་འབུལ་ཞུས་པ་ཁྱབ་བདག་བཀའ་འགྱུར་བ་ཆེན་པོའི་དགོངས་རྫོགས་ལ་དམིགས་ནས་གསང་འདུས་སྒྲུབ་མཆོད་ཉིན་བཞི་སྤར་བ་གནང་། ལྕགས་ཁྱིའི་སྟོན་ས་སྐྱོང་འཕྲིན་ལས་རྒྱ་མཚོའི་ཁྲི་འབུལ་ལ་ཕེབས། དེ་སྐབས་རྗེ་འདི་ཉིད་དང་ལྷན་དུ་ངོར་མཁན་ཆེན་དཔལ་གླིང་པ་གྲ་ཐང་མཁན་པོ་སངས་རྒྱས་དཔལ་བཟང་སོགས་ཁ་ཤས་ལ་ཆག་ལུགས་ཚེ་དཔག་མེད་ཀྱི་རྗེས་གནང་། གྲུབ་རྒྱལ་དང་རྟ་མགྲིན་གསང་སྒྲུབ་ཀྱི་བྱིན་རླབས། ཐིག་ལེ་བཅུ་དྲུག་གི་དབང་། བཀའ་གདམས་(༣༧བ)

― GLG009_Page_0794 ―

^{[མ་དཔེ་གཟིགས་ན་འདིར་གནོན།]}

[Full Size]

ཕ་ཆོས་བུ་ཆོས། སྤྱོད་འཇུག་གི་ལུང་དང་ངོར་མཁན་པོ་བྱོན་རྗེས་སླར་དཔོན་སློབ་རྣམས་ལ་དམར་ཆུང་སྐོར་གསུམ་དང་བེག་ཙེའི་རྗེས་གནང་རྣམས་ཕུལ། ཐིག་ལེ་བཅུ་དྲུག་གི་ཉིན་འཇའ་སྤྲིན་བྱུང་ཕེབས་པ་ཐམས་ཅད་མཁྱེན་པ་དགེ་འདུན་རྒྱ་མཚོའི་རྣམ་ཐར་བཞིན་ཆོས་ཀྱི་ཆེ་བར་མངོན། ཞ་ལུར་མཆོད་གཞིས་དགོས་ཚུལ་མཛད་པ་བཞིན་པ་རྣམ་ལ་ཕྱི་གཞིས་ཀའི་མི་གྲ་ཡོང་འབབ་རྣམས་སྦྱོར་འཇགས་ཞུས་པས་དུས་མཆོད་ཆེན་མོའི་ཉི་མ་བཞི་འཕར་བ་དང་། ཞིང་ཡན་འབུལ་མཁན་རྣམས་དང་བཅས་དེང་སང་དཔལ་མཆོག་དང་རྩེ་མོ་གཉིས་ཞག་བཅུ་གཉིས་ཀྱི་བར་ཚུགས་པའི་ཆོ་ག་ཡོངས་རྫོགས་རེ་འགྲོ་གི་ཡོད་པར་སྣང་། གསོལ་ཕོགས་ཕུལ་ནས་དགའ་ལྡན་ཁང་གསར་གྱི་ལྕོག་ཏུ་ཁྱབ་བདག་ཞ་ལུ་པ་ཉིད་ཀྱིས་ཟླ་གཅིག་བར་རྟ་མགྲིན་ཞབས་བརྒྱད་པའི་ལྗགས་བསྙེན་གནང་། དེ་གྲུབ་ནས་པོ་ཏ་ལར་རྒྱང་ཙམ་བཞུགས། ངེད་ཀྱིས་ཁྱབ་བདག་བཀའ་འགྱུར་བ་ཆེན་པོས་ཐུགས་རྩོམ་མཛད་པའི་རྣམ་སྲས་ལྔ་ཕྲག་ལྔའི་རྗེས་གནང་གི་ཡིག་ཆའི་ལུང་ཞུས་པ་ཆོས་འབྲེལ་གྱི་ཐོག་མ་ཡིན། དེ་སྔ་ཞིག་མནལ་ལམ་བཟུང་ནས་ངེད་ལ་དུས་འཁོར་གྱི་དབང་གནང་རྒྱུའི་ལུགས་ཀྱིས་འཕུར་ནས་པོ་ཏ་ལར་ཕེབས་པའི་གཟིམས་ཆུང་དེ་ད་ལྟའི་འདི་ག་སྒྲ་ཇི་བཞིན་པར་འདུག་གསུང་། ནཱ་རོ་མཁའ་སྤྱོད་ཀྱི་བྱིན་རླབས་དང་ཉམས་འཁྲིད་ཡང་བསྐྱར་ཞལ་གྱི་སྤུ་གྲི་སོ་བསྡེབས་ཀྱི་འཁྲིད། རིགས་འཛིན་ཆེན་པོའི་དག་སྣང་རླུང་སྦྱོར་ཚེ་སྒྲུབ། གཤེད་དམར་བསྐྱེད་རིམ་སོགས་འཇམ་དབྱངས་མཁྱེན་བརྩེའི་གསུང་པོད་ལོངས་རྡོ་རྗེ་འཆང་དབང་ཕྱུག་རབ་བརྟན་གྱི་གསུང་འབུམ་ཐོར་བུ། དབྱངས་ཅན་དཀར་མོའི་རྗེས་གནང་ཁྱད་པར་ཅན་(༣༨ན)

― GLG009_Page_0795 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྒྲུབ་སྐོར། རྩེ་མོའི་ཁ་འབར་མ་སོགས་བླ་མ་སྣ་ཚོགས་ཀྱིས་མཛད་པའི་སྒྲུབ་སྐོར་རྗེས་གནང་གི་ཡི་གེ །ཉི་མ་མདུང་གང་མའི་སྒོམ་ལུང་སོགས་དང་རྗེ་ཉིད་ཀྱི་ཐུགས་རྩོམ་པོད་ལོངས་ཙམ་ཡོད་ཚོད་ནས་རབ་གནས་ཕུན་ཚོགས་དཔལ་འབར་གྱིས་གཙོས་ཟབ་ཆོས་མང་དུ་ཞུས། ཁྱབ་བདག་གནས་གསར་བ་ཆེན་པོ་དག་ཞིང་དུ་གཤེགས་རྗེས་ཚར་ཆེན་རྡོ་རྗེ་འཆང་གི་རིང་ལུགས་འཛིན་པར་རྗེ་འདི་ཉིད་ལས་ལྷག་པ་ཞིག་མི་འདུག་པ་དང་ས་ཞལ་གྱི་རབ་འབྱམས་རྒྱུད་སྡེ་ཀུན་ལ་མཁྱེན་རབ་ཟླ་བྲལ་བར་དབང་རྣོན་ཆོས་རྗེས་འབྲང་བའི་དད་པ་ལྷག་པར་ཐོབ། ཆོས་ལྡན་གྱི་བྱ་བ་རྒྱ་ཆེ་བ་རེ་མཛད་རེས་ཀྱི་སྨོན་ལམ་ལོག་པའི་འཚུབ་ལྟོངས་རེ་ཡོང་གི་ཡོད་འདུག་པས་བརྟག་ཐབས་བཞིན་དཔལ་འབྲི་གུང་ཟུར་པ་རིན་པོ་ཆེ་གནམ་ལྕགས་མེ་འབར་གྱི་གཏེར་གསར་ཧཱུྃ་སྒྲུབ་རྡོ་རྗེ་གྲོ་ལོད་ཀྱི་དབང་ལུང་ཕུལ། གོང་དཀར་ཆོས་སྡེར་ཨཥྚའི་བསྙེན་ཆེན་གྱི་རིང་རྩེ་ནས་གསོལ་ཕོགས་ཀྱི་འཛིན་དང་བཅས་ཕྱིར་ཕེབས་སྐབས་ཞལ་གནད་དབབ་མགོན་པོའི་རྗེས་གནང་དེ་ཆད་པར་ཉེ་འདུག་པ་ཁྱབ་བདག་ཞ་ལུ་པར་འབུལ་དགོས་པའི་མཚམས་སྦྱོར་གྱི་ཡི་གེ་བསྣམས་ནས་ལྕགས་ཟམ་དུ་ཕེབས་པ་དཔོན་སློབ་ཐུགས་ནང་གཙང་ཞིང་དགྱེས་པའི་སྒོ་ནས་རྟ་མགྲིན་ཞབས་བརྒྱད་པའི་བྱིན་རླབས་དང་ལུང་གནང་དབབ་མགོན་པོའི་རྗེས་གནང་བྱུང་ཞིང་རྗེས་སུའང་དབང་ཆོས་མང་དུ་གསན། བཀའ་ལས། བདག་གིས་ཚེ་འདི་ལ་མཇལ་ཁ་དུས་ལ་མ་ཐོས་ན་ཕྱི་མ་མྱུར་དུ་མཇལ་བ་དགོས་ཞུས་པས་དེ་ག་བྱེད་ཕེབས་བྱུང་བ་སྤྲུལ་པའི་སྐུ་འདི་དང་མྱུར་དུ་མཇལ་བ་ལ་དགོངས་པ་ཡིན་པ་འདྲ་ལ། གསུང་(༣༨བ)

― GLG009_Page_0796 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ད་ཆ་མཚམས་ཇི་ལྟར་དམ་ཡང་སྒེར་པའི་ཞལ་ངོ་རྣམས་དང་རིན་པོ་ཆེ་རང་ནམ་ཡིན་ལ་མཚམས་འོག་ཏུ་ཕེབས་ཆོག་གནང་བ་སོགས་བཀའ་དྲིན་བསམ་གྱིས་མི་ཁྱབ་པ་བསྐྱངས། དངུལ་གདུང་བཞེངས་དུས་སྐུ་རྒྱུར་ཕན་པའི་སྲང་བཅུ་གཅིག་ཕུལ་ཞེས་གསུང་། གོང་དཀར་སྣེའུ་ཁང་གསར་དུ་བཞུགས་སྐབས་མནལ་ལམ་དུ་རྗེ་ཉིད་ལྕགས་ཟམ་གྱི་ཀཀྞི་ངོས་ནས་ཞལ་ཤར་དུ་གཟིགས་ནས་ཕེབས་པ་དང་ཤར་ནས་འཕྲེང་དེ་ལ་གྲུབ་ཐོབ་ཐང་སྟོང་རྒྱལ་པོ་མི་ལྤགས་ཀྱི་ན་བཟའ་གྱོན་པ་ཞིག་བྱོན། ཁྲུག་རྩོད་བཞུགས་ནས་གཡང་གཞི་དེ་ཐེངས་གསུམ་བརྡབས་སོང་བར་རྗེ་བླ་མས་དྲི་བ་ཞུས་པ་ན་ལྕགས་ཟམ་པ་དང་ཁོང་ལ་སྡང་བའི་དགྲ་ཞིག་བསྒྲལ་བ་ཡིན་གསུང་། ད་ཅི་དྲག་ཞུས་པས་ངན་སོང་སྡུག་བསྔལ་མ་མྱོང་སོགས་སྨོན་ལམ་ཐོབ་གཞན་བྱེད་རྒྱུ་ཅི་ཡོད་གསུང་། དེ་ནས་མི་ཞིག་གིས་ཁྱེད་ཀྱིས་ལྕགས་ཟམ་ལ་རབ་གནས་གྱིས་ཟེར། གཅིག་ན་རེ་ལྕགས་ལ་འགྲོ་མི་ནུས་ཟེར་བ་ལ་ང་ལྕགས་ཟམ་པའི་བུ་ཆེན་ལྕགས་ལ་འགྲོ་མི་ནུས་པ་ཨེ་ཡིན་གསུངས་ལྕགས་ཟམ་གྱི་སྟེང་གི་ནམ་མཁའ་ལ་འཕུར་ནས་ལྕགས་ཟམ་དང་དགོན་པ་ལ་རབ་གནས་གནང་བ་བྱུང་བར་གདའ། ལྕགས་གླང་ཟླ་བ་དང་པོ་ནས་བཟུང་གོང་དཀར་རྡོ་རྗེ་གདན་དུ་ཐོག་མར་གེགས་སེལ་ལ་ཧཱུྃ་སྒྲུབ་ཅིག་གནང་རྗེས་ཨཥྚའི་བསྙེན་ཆེན་བཅུ་ཆའི་སྦྱིན་སྲེག་དང་བཅས་པ་ཧོར་ཟླ་བཅུ་གཅིག་པ་ཚུན་ལ་གེགས་མེད་དུ་ལེགས་པར་གྲུབ་པ་ནི་སྙན་བརྒྱུད་མ་བཞི་ལྡན་གྱི་བསྟན་པའི་རྩ་བ་ཚུགས་པ་ལྟ་བུར་སོང་། དཔོན་སློབ་པཎ་ཆེན་རིན་པོ་ཆེ་སྐུ་ན་མཐོན་པོར་ཕེབས་པའི་ཕྱོགས་འབྱོན་མ་ཐུབ་གཤིས་ཀུན་སྤངས་གནང་(༣༩ན)

― GLG009_Page_0797 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་དགོངས་པ་བསྟད། མཁན་པོ་འོས་མི་འོས་སྣ་ཚོགས་པའི་ཁྲོད་ནས་འདྲེ་དང་གླུད་ཀྱི་དཔེ་བཞིན་ཆོས་རྗེ་ཐམས་ཅད་མཁྱེན་པའི་བསྟན་པར་ཁ་ཕྱོགས་མ་ལོག་པ་ཞིག་གལ་ཆེ་གཤིས་རྗེ་ཉིད་སྐུ་མཚམས་ལ་བཞུགས་ཐོག་ས་སྐྱོང་འཕྲིན་ལས་རྒྱ་མཚོས་ཕྱག་ཐམ་མཛད་པ་བཞིན་འདི་ནས་ཀྱང་ད་ལམ་སྐུ་མཚམས་ཀྱི་ཐོག་སྙན་གསན་བྱུང་བ་རྒྱལ་བ་གཉིས་པ་བུ་སྟོན་རིན་པོ་ཆེའི་བཞུགས་ཁྲི་ཆོས་ཕྱོགས་སུ་མ་ཟད་འཇིག་རྟེན་ཕྱོགས་ནས་ཀྱང་ཤར་རྒྱལ་པོས་ཤེལ་ཐམ་གནང་བ་སོགས་འགངས་ཆེ་བས་དངོས་གྲུབ་ཀྱི་སྒོ་བྱེ་བ་ལྟ་བུར་འདུག་པས་ཞལ་ལེན་གནང་བ་འགབ་ཚུལ་ཞུས་ཧོར་ཟླ་བཅུ་གཅིག་པའི་ནང་དུ་ཁྱབ་བདག་ཞ་ལུ་པ་ཆེན་པོ་པོ་ཏ་ལར་ཕེབས་རྡོར་དབྱིངས་ཀྱི་དབང་། ལམ་འབྲས་པོད་ནག །ཛམ་དམར་སྲོག་སྒྲུབ་ཀྱི་རྗེས་གནང་མན་ངག་སྐོར། སྐྱེར་སྒང་པའི་ཐུགས་རྗེ་ཆེན་པོ་གཙོ་འཁོར་གསུམ་པ། བ་རི་ལུགས་ཀྱི་རྣམ་འཇོམས། སེང་གེ་སྒྲའི་རྗེས་གནང་དང་ངག་བསྲུང་འགྲོལ། དུར་ཁྲོད་བདག་པོའི་ལས་ཚོགས་ཀྱི་ལུང་སོགས་ཞུས། ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པའི་འདུལ་བའི་བསླབ་བྱའི་ལུང་ཕུལ། ཕེབས་རྫོང་དང་བསྐོ་འཇའི་ཚན་གྲངས་ཚོགས་ཆེན་ལ་འབྲུ་འགྱེད། གཞི་རྩེར་སྡེ་པའི་ཕྱག་ཐམ་དང་བཅས་ཆིབས་ཁ་གཙང་དུ་བསྐྱོད། །ཆུ་བོ་སྟག་གི་ལོ་ཆོ་འཕྲུལ་མཆོད་པའི་དུས་ཆེན་ཚེས་དྲུག་གི་འཕྲོད་སྦྱོར་ཕུན་སུམ་ཚོགས་པའི་ཚེ་གངས་ཅན་གྱི་ལྗོངས་འདིར་གནས་ལྔ་རིག་པ་སྨྲ་བ་ལ་ཟླ་མེད་པའི་པཎྜི་ཏ་ཆེན་པོ་བུ་སྟོན་རིན་ཅེན་གྲུབ་ཅེས་མ་བྱོན་སངས་རྒྱས་གསུམ་པ་རབ་གསལ་གྱི་རྣམ་པར་སྤྲུལ་པའི་གདན་ས་དཔལ་(༣༩བ)

― GLG009_Page_0798 ―

^{[མ་དཔེ་གཟིགས་ན་འདིར་གནོན།]}

[Full Size]

ཞ་ལུ་གསེར་བཀང་དང་རི་ཕུག་གི་ཆོས་ཀྱི་ཁྲིར་ཞབས་ཟུང་གི་པདྨ་རྣམ་པར་བཀོད་པར་གཞིས་ཀ་རྩེ་ནས་ཞིང་མོ་ཆེ་བ་མི་སྣར་མངགས་པའི་གཞུང་གི་ཚན་གྲངས་དང་གྲ་རིགས་སྦྱིན་བདག་སོགས་ཀྱི་ལེགས་འབུལ་བཅས་ཕུན་སུམ་ཚོགས་པའི་བཀྲ་ཤིས་དང་དགའ་སྟོན་རྒྱ་ཆེར་སྤེལ་ཏེ་ཆོས་རྗེ་ཐམས་ཅད་མཁྱེན་པའི་རིང་ལུགས་དྲི་མ་མེད་པའི་མེ་རོ་སླར་ཡང་གསོ་བའི་སྒོ་འཕར་ཕྱེ། ཞིང་མོ་ཆེ་བས་ཕྱི་ནང་གི་རྩིས་སྤྲོད་ཞིབ་པར་ཕུལ། བུ་སྟོན་རིན་པོ་ཆེའི་ཞལ་གདམས་དབུ་སྔས་འགོར་བཞག་ནས་ཡང་ཡང་གཟིགས་ཏེ་དབྱར་དགུན་གྱི་དུས་ཆོས། གར་ཐིག་དབྱངས་སོགས་གཙོ་བོར་གྱུར་པའི་སྒྲུབ་མཆོད། དབང་བྱིན་རླབས། རྗེས་གནང་། ལུང་ཉམས་འཁྲིད་སོགས་ཀུན་མཁྱེན་མཁྱེན་བརྩེའི་ཞབས་གཤེགས་པ་ནས་བཟུང་མིང་གི་ལྷག་མར་གྱུར་པ་རི་མོ་རྙིང་པ་གབ་པ་སླར་ཡང་གསལ་བའི་ཚུལ་དུ་བསྟན་པའི་བྱི་དོར་མཛད། ཚོགས་བྱི་རྫིང་མཁན་པོ་སངས་རྒྱས་དཔལ་བཟང་གིས་འབད་པ་ཆེན་པོས་གསོལ་བ་བཏབ་པ་ལྟར་མཁན་པོའི་ཞར་བྱུང་དུ་དབོན་མཁྱེན་རབ་རྣམ་རྒྱལ་སོགས་དོན་གཉེར་ཅན་དུ་མ་ལ་གསུང་ངག་རིན་པོ་ཆེ་སློབ་བཤད་ཀྱི་ཉམས་འཁྲིད་རྒྱས་པར་སྩལ། ཟབ་ཆོས་འདི་ཉིད་གཉན་དྲགས་པའི་ཚུབ་ལྷོངས་ཀྱི་རྣམ་པས་ཀུན་སློང་སྐྱོན་ཅན་གྱིས་ཐུགས་སུན་དབྱུང་བ་འདྲ་བྱུང་བའང་རིང་པོར་མི་ཐོགས་པར་ཟླ་བ་གཟའ་ལས་གྲོལ་བ་བཞིན་འཇམ་ཆགས་སུ་གྱུར། མཁན་པོར་སྒེར་དུ་རྡོ་རྗེ་བྲག་རྫོང་མའི་ཉམས་འཁྲིད། སྙན་བརྒྱུད་པོ་ཏི་དང་ཁ་སྐོང་པོ་ཏི་ཕལ་ཆེར་གྱི་ལྗགས་ལུང་། རྡོར་དབྱིངས་ཀྱི་དབང་། སམྦུ་ཊའི་ཊཱིཀ་ཆེན་སོགས་ཆོས་བཀའ་མང་དུ་སྩལ། དབུས་སུ་ཕེབས་པའི་ཉེ་(༤༠ན)

― GLG009_Page_0799 ―

^{[མ་དཔེ་གཟིགས་ན་འདིར་གནོན།]}

[Full Size]

ལེན་ལ་རྡོར་ལེགས་རྫོངས་བདའ་མཛད་ནས་གྲུབ་པའི་འཁོར་ལོས་སྒྱུར་བ་བིརཱུ་བའི་བཞེད་གཞུང་འཇམ་དཔལ་གཤིན་རྗེ་གཤེད་དམར་པོ་ལྷ་ལྔའི་གཙོ་བོ་ལ་བཞི་འབུམ་དང་འཁོར་ལ་བཞི་ཁྲིའི་ལྗགས་བསྙེན་ཤིན་ཏུ་དམ་པ་གནང་།ཆུ་ཡོས་ཧོར་ཟླ་དགུ་པའི་ཚེས་འགོར་པོ་ཏ་ལར་ཕེབས་རྭ་ལུགས་ཀྱི་དམར་པོ་མདའ་གཞུ་འགོང་བའི་དུག་དབང་དང་། གུར་ལས་བྱུང་ཕྱག་རྡོར་འབྱུང་འདུལ། སྙེ་མདོ་སྔགས་འཆང་ཤཱཀྱ་དཔལ་བའི་དག་སྣང་གི་མེ་དབང་། གཙུག་ཏོར་འབར་མ་སོགས་ཆོས་བཀའ་འགའ་ཞིག་ཞུས་ཤིང་འཇིགས་བྱེད་ཀྱི་སྔགས་བཏུའི་རྗེས་གནང་དང་ཚེ་དབང་འཆི་མེད་དཔལ་སྟེར་ཕུལ། མ་ཧེ་མཆོད་པའི་བཀའ་བསྒོ་གནང་རྩིས་འདུག་པ་འཇམ་དཔལ་རྡོ་རྗེ་དངོས་དང་དབྱེར་མ་མཆིས་པའི་འཁོར་ལོའི་མགོན་པོས་མཛད་ཐུབ་པ་གཞིར་བཅས་ཀྱང་དམ་ཚིག་མི་གཙང་བའི་ས་ནས་མང་ཇ་སོགས་ཟབ་འབྲེལ་བྱུང་ན་འཚུབ་ལྷོངས་མི་ཡོང་བའི་ངེས་པ་མེད་ཅིང་། དེ་རིགས་ལ་འཛེམ་ཆའང་གནང་དཀའ་བ་ནས་ད་ལམ་རེས་མ་གནང་བ་འགབ་ཚུལ་ནན་ཏར་གསོལ། ཞ་ལུར་ཕེབས་ནས་མ་ཧེ་མཆོད་པ་མ་གྲུབ་བར་འཇིགས་མཛད་རྡོ་རྗེའི་སྒྲུབ་མཆོད་དང་འབྲེལ་བའི་ལྗགས་བསྙེན། ལས་གཤིན་ལ་བསྐང་བ་འཕྲིན་བཅོལ། དྲུག་ཅུ་པ་སོགས་སྐུ་མཚམས་ཁོག་ནས་སྟར་ཆགས་སུ་གནང་། ཤིང་འབྲུག་ལོ་གདན་ས་ཆེན་པོ་དཔལ་ལྡན་ས་སྐྱར་ཕེབས་ཉིན་ག་ར་གཞུང་དུ་ལས་སྣེ་དྲག་པ་ལྔ་ཆིབས་བསུར་བྱུང་། བཞི་ཐོག་ཏུ་ཕེབས་སྐབས་དྲུང་འཁོར་སྐྱ་སེར་རྣམས་ཀྱིས་བླ་བྲང་མདོར་ཕེབས་བསུར་འོངས་ནས་མཇལ་དར་དང་། གཟིམས་ཆུང་འགག་ཏུ་ཕྱག་མཛོད་པས་མཇལ་(༤༠བ)

― GLG009_Page_0800 ―

^{[མ་དཔེ་གཟིགས་ན་འདིར་གནོན།]}

[Full Size]

དར་དང་ཕྱག་ཕུལ། བདག་ཆེན་རིན་པོ་ཆེ་ཡབ་སྲས་གཉིས་ཀྱིས་བཞུགས་ཁྲིའི་སྟེང་ནས་དབུ་ཞྭ་ཕུད་དེ་བཞེང་བ་དང་མཇལ་དར་བཞུགས་གདན་བཟོས་སྒོ་སོགས་བདག་ཉིད་ཆེན་པོ་བཟང་པོ་དཔལ་བའི་དུས་ཞ་ལུ་མཁན་པོར་གང་གནང་གའུ་ལེའི་ནང་བཞིན་གཟེངས་བསྟོད། ཞབས་དྲུང་ཆེན་མོར་བདེ་མཆོག་ནག་པོ་པའི་དབང་། ནཱ་རོ་མཁའ་སྤྱོད་ཀྱི་བྱིན་རླབས་དང་ཉམས་འཁྲིད། རྣམ་སྲས་ཀྱི་བེའུ་བུམ་པོ་ཏི་གཉིས། བསམ་གཏན་གླིང་པའི་ཨ་ཏི་སོགས་གསུང་ཆོས་རྒྱ་ཆེར་གསན་ཞིང་ལུགས་གཉིས་ནས་བདག་རྐྱེན་ཕུལ་དུ་བྱུང་བས་དཔོན་སློབ་ཐུགས་ཡིད་གཅིག་འདྲེས་ལྟ་བུར་གྱུར། སློབ་བཤད་ཀྱི་བསྟན་འཛིན་ཆེན་པོ་ཡངས་ཅན་མཁན་པོ་གཟིམས་ཤག་པ་ངག་དབང་རྣམ་རྒྱལ་ལ་ནི་གུ་ཡོངས་རྫོགས་གསན་རྩིས་གཟིམས་ཤག་ཆོས་རྗེའི་སྐུ་ཁམས་ཀྱིས་མ་ལྕོགས་པར་བརྒྱུད་པ་རིན་ཆེན་སྣ་བདུན་གྱི་རྣམ་ཐར་སོགས་ཐོར་བུ་དང་འཇམ་མགོན་ས་སྐྱ་པའི་ལྕམ་སྲིང་ཞབས་དྲུང་རྗེ་བཙུན་དྲུང་ལའང་ལྗགས་ལུང་གི་རིགས་གསན། ཡང་དག་པར་རྫོགས་པའི་སངས་རྒྱས་ཀྱིས་རབ་ཏུ་གནས་པའི་བསེ་མགོན་ཡེ་ཤེས་སེམས་དཔའ་དངོས་སུ་བཞུགས་པས་གཙོས་མགོན་ཁང་དང་མཆོད་ཁང་རྣམ་གྲངས་ཆེས་མང་བ། དམ་ཅན་སྲུང་མ་སྤྲིན་བཞིན་དུ་འདུ་བའི་ཞིང་སྐྱོང་དབང་པོའི་ཕོ་བྲང་ཚར་ལུགས་ཞེས་གྲུབ་མཐའ་འབུར་དུ་དོད་པའི་རྡོ་རྗེ་གདན་ཁའུ་སྐྱེས་ལྷས། མཁས་གྲུབ་མང་པོས་གྲུབ་མཐའ་སྙོགས་པའི་དབེན་གནས་བྱ་འགྱུར་སོགས་ཀྱི་རྟེན་བརྟེན་པ་རྣམས་ཞིབ་མཇལ་མཛད་ནས་བསྟན་འགྲོའི་ཕན་བདེ་རྒྱས་པའི་སྨོན་ལམ་རླབས་ཆེན་དང་། རྡོ་རྗེ་ཆོས་སྐྱོང་རྣམས་ལ་བཀའ་བསྒོ་གཉེར་དུ་གཏང་། བྱ་འགྱུར་(༤༡ན)

― GLG009_Page_0801 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་བྲག་ལོགས་ཤིག་ཏུ་རྣལ་འབྱོར་དབང་ཕྱུག་བིརྭ་བ་པ་གཟིགས་པ་སྤྱན་འཁྲུལ་ལམ་དགོངས་ཏེ་ཞབས་འབྲིང་བ་རྣམས་ལ་ཁྱོད་ཚོས་མཐོང་ངམ་གསུངས་པ་ལ་གང་ཡང་མི་འདུག་ཞུས་སྐད། དེ་ནི་ལམ་འབྲས་བུ་དང་བཅས་པའི་གདམས་པ་ཡོངས་སུ་རྫོགས་པ་པདྨའི་སྐུད་པ་ལྟར་ཕྲ་བ་རྡོ་རྗེའི་རང་བཞིན་དུ་མཛད་དེ་བསྟན་པ་ཉིན་མོ་ལྟར་གསལ་བའི་རྟེན་འབྲེལ་དུ་མངོན། །ཞ་ལུར་ཕེབས་ནས་དངུལ་དང་གོས་དར་སོགས་ཀྱི་ཚོང་བསྒྱུར་ལ་བརྟེན་འདུ་ཁང་ཆེན་མོར་གསེར་ཤོག་ཤིན་ཏུ་ཕྱུག་པའི་ཤིང་རྩི་ལེགས་པར་བསྐྲུན་ཏེ་རབ་གནས་རྒྱས་པར་མཛད་དོ། །མང་བཀུར་རྒྱལ་པོར་གསོལ་བའི་དགའ་སྟོན་ཞར། །མི་དབང་བཀའ་རྟགས་ལུང་གི་ལྕིད་ཆེན་པོས། །གསེར་བཀང་དྭངས་མཚོར་ཁྲིམས་ལྡན་ངུར་པའི་ཁྱུ། །ཐོས་བསམ་སྐད་སྙན་ཁྲོལ་བའི་ཆོ་ག་བསྟར། །རྡོར་འཛིན་དྲིལ་ཅན་བླ་མ་རྣམ་གཉིས་ཀྱི། །ཐུགས་དགོངས་ཆོས་དབྱིངས་ཀློང་དུ་ཉེར་རྫོགས་པར། །གཅིག་ཏུ་བརྩོན་འདི་བཤེས་གཉེན་བསྟེན་ཚུལ་ལ། །རྟག་ཏུ་ངུ་ཡི་རྣམ་པར་ཐར་བ་བཞིན། །གསར་པའི་ལེགས་བཤད་དངོས་གྲུབ་འདོད་འཇོའི་གཏེར། །ནཱ་རོ་ཏ་པའི་སྙན་བརྒྱུད་གསང་ལམ་མཆོག །མགོན་ཁྱོད་ཞལ་ལུང་རོ་བདའ་བདུད་རྩིའི་བཅུད། །ངོམས་མེད་འཐུང་བའི་ཐོག་མའི་སྐལ་བཟང་རྙེད། ཁམས་འདུས་འཕྲང་གི་དབང་དུ་མ་གཏོང་ཞེས། ཁྱབ་བདག་བླ་མས་མནལ་ལམ་ལུང་བསྟན་མཐུས། །དགྱེས་མཛད་རྡོ་རྗེ་ལོངས་བསྙེན་གྲུབ་མཚན་གྱིས། །ས་དྲུག་མངོན་གྱུར་དཔལ་ལྡན་ཆོས་སྐྱོང་བཞིན། །བརྟུལ་ཞུགས་སྤྱོད་པ་མཐར་ཕྱིན་ཐང་སྟོང་བས། །ལོག་འདྲེན་ཕྱེ་མར་འཐག་པའི་སྟང་སྟབས་མཛད། །(༤༡བ)

― GLG009_Page_0802 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་ལ་འདབ་ཆགས་ལྟར་འཕུར་སྤྲུལ་བསྒྱུར་གྱི། །འོད་གསལ་གཅིག་གིས་ཁོར་ཡུག་འབྱམས་སུ་ཀླས། །ཀུན་མཁྱེན་བུ་སྟོན་ཞབས་དེའི་སེང་གེའི་ཁྲིར། །མགོན་ཁྱོད་རྒྱལ་ཚབ་དམ་པར་དབང་བསྐུར་བས། །ཆེར་སྙིགས་བསྟན་པའི་མེ་ཏོག་ལྡུམ་ར་ལ། །རྣམ་གསུམ་འཁོར་ལོའི་ཆུ་བོ་འདྲེན་པར་བསྐུལ། །འཁོན་རིགས་འཇམ་དཔལ་དཔའ་བོས་རྗེས་སུ་བཟུང་། །རྣལ་འབྱོར་དབང་ཕྱུག་དགྱེས་ཞལ་མངོན་སུམ་བསྟན། །རྡོ་རྗེའི་ཆོས་སྲུང་རྣམས་ཀྱིས་འཕྲིན་ལས་ཀུན། །འབད་མེད་སྒྲུབ་པའི་རྟེན་འབྱུང་ལྷུག་པར་འགྲིག །ཀུན་དགའ་ར་བའི་ཁོ་ར་ཁོར་ཡུག་རྣམས། །གསེར་གྱི་བ་གམ་ལྟ་བུའི་འོད་ཟེར་འཕྲོ། །དམ་ཚིག་ཡེ་ཤེས་གཉིས་མེད་རབ་གནས་པའི། །དགའ་སྟོན་དཔྱིད་ཀྱི་ཕོ་ཉའི་གླུ་བཞིན་སྙན། །ཤིང་སྦྲུལ་གྱི་སྟོན་རྗེ་ཉིད་པོ་ཏ་ལར་ཕེབས་ཧོར་ཟླ་བཅུ་པའི་ཚེས་དྲུག་ནས་ཞག་ཤས་ཀྱི་བར་ཀླུ་སྒྲུབ་རྗེས་མཛད་པའི་ལམ་འབྲས་ཀྱི་འཁྲིད། །ཛམ་ལྷ་འབྲུག་ཞོན་མའི་རྗེས་གནང་སྒྲུབ་སྐོར། །ཇོ་བོ་ཨ་ཏི་ཤ་ལུགས་ཀྱི་རྟ་མགྲིན་གཤོག་པ་ཅན་དང་ཤྭ་ན་བཞི་སྐོར་གྱི་རྗེས་གནང་། །བསམ་གཏན་གླིང་པའི་ཨ་ཏི། །རྣམ་སྲས་ཀྱི་བེའུ་བུམ། །བུ་སྟོན་རིན་པོ་ཆེས་མཛད་པའི་ལས་ཆོག་གི་ལུང་སོགས་གསུང་ཆོས་མང་དུ་ནོས་རྟེན་འབྲེལ་གྱི་ཁྱད་ནས་འཕྲང་འགོ་གཏེར་སྟོན་གྱི་ཚེ་རྟ་ཕུལ་ཞིང་བྱད་རྦོད་ཀྱི་ཐུགས་རྟོག་དང་བཅས་སྐུ་ཧ་ཅང་བདེ་བ་མི་འདུག་པས་བྱད་འགྲོལ་ཞུས། །དགུན་གྲང་རིང་གོང་དཀར་ཆོས་སྡེར་སྐུ་མཚམས་ལ་ཕེབས་པའི་གསོལ་ཆས་ཕུལ །སྐུ་མཚམས་མ་ཚུགས་གོང་དུ་སློབ་དཔོན་རྣམ་མཁྱེན་གྲོང་པ་སོགས་ཆོས་སྡེའི་གྲ་སློབ་ཁ་ཤས་དང་གནས་གསར་འཇམ་དབྱངས་བསྟན་འཛིན་(༤༢ན)

― GLG009_Page_0803 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བུ་སྟོན་ཆོས་འབྱུང་དང་བསམ་གཏན་གླིང་པའི་ཨ་ཏིའི་ལུང་གནང་། །མདོ་པ་ཆོས་རྗེ་མཚུངས་མེད་དགེ་བའི་དབང་པོར་འཇིགས་བྱེད་རོ་ལངས་བརྒྱད་སྐོར་གྱི་དབང་དང་རས་ཆེན་དཔལ་འབྱོར་བཟང་པོ་ནས་བརྒྱུད་པའི་ཚེ་དབང་མདའ་འཕེལ་མ་གསན། མེ་རྟ་ཆོ་འཕྲུལ་ཆེན་མོའི་ཐོག་དམར་པོ་རིར་ཕེབས་ཀྱེ་རྡོ་རྗེ་མན་ངག་ལུགས་ཀྱི་རྒྱུ་ལམ་གྱི་དབང་། །ལམ་ཟབ་བིར་སྲུང་། ནཱ་རོ་མཁའ་སྦྱོད། སྔར་མ་བྱུང་བའི་གུར་ཞལ་གྱི་བེའུ་བུམ་ཁ་སྐོང་གི་ཡིག་ཆ་དུ་མ། དགས་ལྗོན་སྐོར་གསུམ་ཐུབ་པ་དགོངས་གསལ། བུ་སྟོན་ཆོས་འབྱུང་། ལམ་འབྲས་པོད་དམར་དང་པོད་ཁྲའི་སྟོད་ཆ། སྨན་བླའི་མདོ་ཆོག །མཁན་ངག་དབང་ཆོས་གྲགས་ཀྱི་རྣམ་སྲས་ལྔ་ཕྲག་ལྔའི་རྗེས་གནང་ཡི་གེ་མ་ཏི་ལུགས་ཀྱི་འཇམ་དཀར། སྣ་ཚོགས་ཡུམ། ལས་གཤིན་དཔའ་གཅིག །བཅུ་བདུན་མ། །བསེ་བྱ་བཞིས་བསྐོར། ཁྲག་མདོག་དམར་པོ། ཏྲག་ཤད། གདུགས་དཀར། ལེགས་ལྡན་མཆེད་ཀྱི་རྗེས་གནང་སོགས་དབང་ལུང་ཟབ་ཆོས་མང་པོ། མན་ངག་དབང་རྗེས་གནང་གི་ཕྱག་ལེན་དང་། གཞུང་དོན་གྱི་རིགས་ལ་ཐེ་ཚོམ་པ་དུ་མར་དོགས་གཅོད་ཞུས་པས། མདོ་ལས། གང་ཞིག་ཟས་དང་གོས་ཀྱི་གཏམ་ཙམ་ནི། །དེ་ནི་རབ་དང་མཆོག་ཅེས་སེམས་མ་ཡིན། །མི་ཡི་རྙེད་པ་རབ་མཆོག་རྙེད་ནས་ནི། །གཅིག་ལ་གཅིག་གིས་ཆོས་ཀྱི་གཏམ་ཡང་བྱ། །ཞེས་ཟས་གོས་སོགས་གནས་སྐབས་གྱི་འདུ་འཛིའི་གླེང་མོ་ནི་སྐྱེ་བོ་ཕལ་བ་དག་གི་ངང་ཚུལ་ཡིན་ལ། རྙེད་པ་མཆོག་ནི་དམ་པའི་ཆོས་ཀྱི་ལེགས་བཤད་ཡིན་པར་གསུངས་ཤིང་། མགོན་པོ་ཀླུ་སྒྲུབ་ཀྱིས། །སྨྲ་ན་ཡིད་ཕེབས་འབྲེལ་བ་དང་། །དོན་(༤༢བ)

― GLG009_Page_0804 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་ཡིད་དུ་འོང་བ་དང་། །ཆགས་སྡང་ཞེ་སྡང་སྤང་བ་དང་། །འཇམ་ཞིང་རན་པར་སྨྲ་བར་བྱ། །ཞེས་བརྗོད་བྱའི་དོན་ཁུངས་དང་འབྲེལ་ཞིང་ཚིག་དོན་རྣམས་མ་འདྲེས་པར་སོ་སོར་གསལ་ལ་སྙན་པར་སྨྲ་བས་ཡིད་ལ་འཇེབས་པ། །རང་ཕྱོགས་ལ་ཆགས་པ་དང་གཞན་ཕྱོགས་ལ་སྡང་བ་མེད་པ་གཟུ་བོའི་ཚིག་གིས་གདུལ་བྱའི་བློ་མཆོག་དམན་དང་བསྟུན་ཏེ་རན་པར་སྨྲ་བའི་ཡོན་ཏན་མཐའ་དག་བླ་མ་དམ་པ་འདི་ཉིད་ལ་ཚང་བས་རྒྱལ་པའི་གསུང་རབ་སྤྱི་དང་ཁྱད་པར་རྡོ་རྗེ་ཐེག་པ་ལ་མཁས་པའི་ཡང་རྩེར་སོན། སོ་སོར་ཐར་པའི་བཅས་པ་ཕྲ་མོ་ལའང་མི་འདའ་བའི་བཙུན་པའི་མཆོག་ཏུ་གྱུར། བདག་གཞན་མཉམ་པར་བརྗེ་བའི་བྱང་ཆུབ་ཀྱི་སེམས་བཅོས་མ་མ་ཡིན་པ་ཐུགས་རྒྱུད་ལ་མངའ་བས་བཟང་པོའི་ཚད་དུ་ཕྱིན། བསྐྱེད་པ་དང་རྫོགས་པའི་རྡོ་རྗེའི་རྣལ་འབྱོར་མཆོག་ལ་བརྟེན་ནས་རྟོགས་པའི་བདག་ཉིད་ཆེན་པོར་གྱུར། ཁྱད་པར་ཀུན་མཁྱེན་བུ་དང་རྡོ་རྗེ་འཆང་ཚར་པ་ཆོས་རྗེའི་རིང་ལུགས་ཐུགས་ཀྱི་དཔལ་བེའུར་བཅངས་པའི་བསྟན་འཛིན་སྐྱེས་བུ་ཟླ་མེད་པར་མཐོང་ནས་གཅམ་བུ་ཙམ་མ་ཡིན་པར་ཁྱབ་བདག་རྡོ་རྗེ་སེམས་དཔའི་ངོ་བོར་ཡིད་ཆེས་ཀྱིས་མོས་པ་ཐོབ། སེ་སྟོན་ཆེན་པོའི་དབང་ཆོག་ངེས་དོན་བདེ་འཇུག་གི་སྟེང་ནས་འཇམ་དཔལ་གཤིན་རྗེ་གཤེད་ཕྱག་རྒྱ་ཟིལ་གནོན་གྱི་དབང་བཞི་ཡོངས་རྫོགས་དང་བྱད་འགྲོལ་ཕུལ། སྐྱི་གཙང་གི་ཆུ་བཟང་བས་སྐུ་ཁམས་ཀྱང་ཤིན་ཏུ་དྭངས། ནཱ་རོ་མཁའ་སྤྱོད་དང་འཆི་མེད་དཔལ་སྟེར་གཉིས་ཀྱི་བརྒྱུད་འདེབས། གཤེད་དམར་གྱི་བརྒྱུད་འདེབས་ཐུགས་སྲས་ལོ་ཙཱ་བས་མཛད་པའི་འཕྲོ་འཐུད་རྣམས་བཞེད་པ་བཞིན་བརྩམས། ཆོས་(༤༣ན)

― GLG009_Page_0805 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་གྱི་མཎྜལ་རྒྱས་པར་བཏེག་ནས་གཙང་ཕྱོགས་སུ་ཐེགས། རེ་ཞིག་ཞ་ལུར་སྐུ་ངལ་གསོས་ནས་གདན་ས་གོང་དུ་ཕེབས་བདག་ཆེན་འཇམ་དཔལ་དབྱངས་ངག་དབང་བསོད་ནམས་དབང་ཕྱུག་གྲགས་པ་རྒྱལ་མཚན་དཔལ་བཟང་པོའི་ཞབས་དྲུང་དུ་དབུ་སེམས་ལུགས་ཀྱི་སེམས་བསྐྱེད། ལམ་ཟབ་ནང་མ་སོགས་དབང་ལུང་བྱིན་རླབས་མང་དུ་གསན། འཇམ་མགོན་ས་སྐྱ་པ་ཆེན་པོ་ཡབ་སྲས་ལ་དགོངས་བཞེད་དང་བསྟུན་པའི་བཀའ་ཆོས་ཅི་རིགས་འབུལ་བ་གནང་། ལོ་ཕུ་མཁན་ཆེན་བྱམས་པ་ངག་དབང་དཔལ་བཟང་ལ་ཀྱེ་རྡོར་འཇིགས་བྱེད། རྡོ་རྗེ་ཁྱུང་ཁྲ་བོ་སོགས་ཀྱི་ཟབ་ཆོས་མང་དུ་གསན། བླ་མ་འདི་རྫོང་ལུགས་ཀྱི་བསྟན་འཛིན་ཟླ་མེད་པ་ཞིག་འདུག་ཅེས་བསྔགས་བརྗོད་ཀྱང་མཛད།ས་སྤྲེལ་ལོ་འགོར་གཙང་ནས་ཤར་རྒྱག་པོ་ཏ་ལར་སྐོར་ཙམ་ཕེབས་ནས་མི་འགྱངས་པར་ཆོས་སྡེར་བཞུགས་མུར་ཞ་ལུའི་མཁན་པོར་ཁྲོལ་ཆ་དགོས་ཚུལ་ལ་རྡོར་ལེགས་པ་འབྱོར། ནག་པ་ཟླ་བར་སླར་གོང་དཀར་ནས་པོ་ཏ་ལར་ཕེབས་འཁོར་ལོ་སྡོམ་པ་དྲིལ་བུ་ལུས་དཀྱིལ། གསང་འདུས་མི་བསྐྱོད་པ། ཀྱེ་རྡོར་ནག་པོ་མཚོ་སྐྱེས་ཌོམ་བྷི་གསུམ། གཙུག་ཏོར་དྲི་མེད་དང་འོད་ཟེར་དྲི་མེད་རྣམས་ཀྱི་དབང་། གཤེད་དམར་གྱི་སྤྲོས་མེད། འོད་གསལ། བདུད་རྩི་གསུམ་གྱི་བྱིན་རླབས་དང་ཆོས་སྐོར། ལམ་ཟབ་ནང་མ་སོགས་ལམ་འབྲས་དང་འབྲེལ་བའི་བྱིན་རླབས་བཅོ་ལྔ་སྐོར་ལམ་འབྲས་པོད་ཁྲའི་སྨད་ཆ། ཁྱུང་ཁྲའི་བྱིན་རླབས་ལས་ཚོགས་ཀླུ་དབང་གི་རྒྱལ་པོ་ཁྲོ་མོ་སྨེ་བརྩེགས་ཀྱི་རྗེས་གནང་། རྭ་པོད་ཀྱི་ཁ་སྐོང་དང་ཞལ་(༤༣བ)

― GLG009_Page_0806 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་རྫོང་པོད། དབུ་སེམས་ལུགས་ཀྱི་སེམས་བསྐྱེད་གཉིས། སེམས་ཉིད་ངལ་གསོའི་འཁྲིད་སོགས་དབང་ཆོས་མང་དུ་ཞུས། ས་སྐྱོང་འཕྲིན་ལས་རྒྱ་མཚོའི་དགོངས་རྫོགས་ཀྱི་སངས་རྒྱས་སུམ་ཅུ་སོ་ལྔའི་གསེར་ཐང་ལ་རྡོ་རྗེ་དབྱིངས་ཀྱི་གསུང་དབང་གི་སྒོ་ནས་རབ་ཏུ་གནས་པ་མཛད་པས་སྡེ་པ་དེ་ཉིད་སྐུ་བསོད་ཆེ་སྙམ་པ་ཤར། ཞ་ལུའི་ཆེན་སློབ་འགའ་འབྱོར་བའི་མཁན་པོ་རེ་ཞིག་ངང་བསྲིང་གནང་བའི་ངོ་ཆེན་དགོས་ཚུལ་ལྟར་རྒྱུ་མཚན་གསོལ་བས་ལོ་གཅིག་གི་ཞལ་ལེན་མཛད། རྐྱེན་སེལ་གྱི་ཚེ་དབང་སོགས་ཕུལ་ཏེ་གཙང་དུ་ཆིབས་ཁ་སྒྱུར། པ་རྣམ་བསམ་སྡིངས་ན་བུ་སྟོན་རིན་པོ་ཆེའི་བཀའ་འབུམ་གྱི་པར་གཏོས་ཆེ་བ་དང་སྐུ་པར་ཡོད་འདུག་པ་རྣམས་དགོངས་བཞེད་ལྟར་ཞ་ལུར་ཕུལ། གྲ་གཞོན་རྣམས་ཀྱིས་གདན་དྲངས་པའི་ཚེ་མཁན་རིན་པོ་ཆེ་ཉིད་ཀྱིས་སྤོས་སྣ་དང་ཚོགས་པས་སེར་སྦྲེང་རྒྱས་པར་བསྟར། གཙུག་ལག་ཁང་གི་ལྡེབས་རིས་དང་གནམ་རྒྱན་སོགས་ཀྱང་ཕལ་ཆེར་གྲུབ། འཕྱོང་རྒྱས་སྒེེམ་བུ་བར་འབྲོང་རྩེ་བྱུང་བའི་ཁ་སྤྲོར་གདན་དྲངས་ལེགས་བྱའི་སྐྱེས་དང་རབ་གནས་རྒྱས་པར་གནང་། ཞ་ལུར་བཞུགས་པའི་མཆོད་གཞིས་ཀྱི་དོན་སྐོར་ལ་རྡོར་ལེགས་པ་རྫོང་བདའ་མཛད། ས་སྐྱོང་བློ་བཟང་མཐུ་སྟོབས་མཆོད་དཔོན་གྱི་ལས་སྣེའི་སྐབས་ཡིན་པ་བརྒྱུད་ཕེབས་སྒོ་བྱུང་བ་བཞིན་པ་རྣམ་སྒང་གི་མི་གྲ་ཡོངས་འབབ་རྣམས་སྦྱོར་འཇགས་ཞུས། སྣར་ཐང་འབག་སྣ་ས་སྐྱོང་བསོད་ནམས་རབ་བརྟན་གྱིས་ཞ་ལུ་བར་གནང་པ་རིན་ཅེན་རྩེ་བ་ལྷ་བསངས་དྲན་འཕྲུལ་ཆེ་ཞིང་བསྐྱོད་ཐབས་འདྲ་ལ་བརྟེན་པའི་ཕྲོགས་པ་ཁ་མཆུ་མ་ཆོད་པའི་མུར་འདུག་པ་རིན་ཅེན་རྩེ་བས་སྣུམ་གྱི་དཀར་འདོན་མ་ནུས་པར་(༤༤ན)

― GLG009_Page_0807 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟེན་ནོར་བདག་པོར་སྤྲད། ཐུགས་རྗེ་ཆེན་པོ་དོན་ཡོད་ཞགས་པའི་སྒྲུབ་མཆོད་ཞ་ལུ་ས་ལ་བཏིང་བ་ནས་ཟླ་བ་དང་པོ་བྱུང་རེས་ལ་ཚུགས་པ་བར་སྐབས་སུ་ཆག་ནའང་འདི་ལོ་འབག་སྣའི་ས་རིས་ལ་བརྟེན་ནས་སྔར་ལུགས་སུ་ཚུགས་ས་བྱ་ལོ་ཞ་ལུར་བཞུགས་པའི་དཔྱིད་ལྷོའི་ཇུས་རིམ་ལ་དམིགས་པའི་ཞ་ལུ་སྤྱི་སོས་ལས་གཤིན་གྱི་གཏོར་བཟློག་བཙུགས་སྐབས་གློ་བུར་དུ་སྐུ་ལྟེམ་པའི་ཞམ་རིང་པ་རྣམས་བློ་འཁོལ་པའི་དུས་གཟིགས་སྣང་དུ་བེང་གི་འཆམ་སྐུ་ཞལ་འཛུམ་པ་ནས་སྐྱོན་མི་འདུག་གསུང་བ་ལྟར་འཕྲལ་དུ་སྐུ་དྭངས། དབྱར་སྐུ་ཤིན་ཏུ་བསྙུན་པའི་བརྟག་པ་དགོས་ཚུལ་དང་བཅས་ཕྱག་བྲིས་བྱུང་འཕྲལ་བརྟན་བཞུགས་ཀྱི་ཚིགས་བཅད་སྐུ་བེར་བཞུགས་འདིང་སོགས་ཕུལ། བརྟག་པར་ཤར་བའི་སྐུ་རིམ་རྣམས་མཛད་པའི་དུས། འོད་གསལ་དུ་མགོན་པོ་གུར་མི་ཚད་ཙམ་དུ་ཤར་ཞིང་། བྲག་རྫོང་མ་ལ་ཉམས་ལེན་མཛད་པས་སྐུ་བདེ་རུ་སོང་། འཇིགས་བྱེད་བུ་ལུགས་མ་བྱེད་པར་ཚར་ལུགས་གྱིས་ཟེར་བ་བཞིན་ཉམས་བཞེས་གནང་བས་ཀྱང་བོགས་ཤིན་ཏུ་ཆེ། དེ་ནས་ཉང་སྟོད་དུ་མཁའ་དྲག་ནས་ཀྱི་གཞིས་ཀར་དཔོན་ཚང་མཐོང་སྨོན་རྒྱས་པས་བཅོས་ཀ་མང་དུ་ཕུལ་བས་དྭངས་རྒྱུའི་ཁུལ་གྱིས་ཞ་ལུར་ཚུར་ཕེབས་ནས་ས་སྐྱོང་བློ་བཟང་མཐུ་སྟོབས་ཀྱི་ཁྲི་འདོན་ལ་བཏེག །བྱད་རྦོད་ཀྱི་རྟགས་དང་སྙུང་གཞི་ཡང་ཇེ་མཐོར་སོང་ནས་སྐྱི་གཤོངས་སུ་བཞུགས་རྡོར་ལེགས་ཁྲི་འབུལ་ལ་རྫོང་བདའ་གནང་། གྲོང་གསེབ་ཏུ་བཞུགས་པ་མ་འགབ་པས་རིན་ལྡིང་བའི་དགོན་ལག་ཆོས་ལུང་དུ་བསྒྲིལ། དཔོན་ཚང་སྐྱིད་དཔེ་བ་ངག་དབང་བཟོད་པས་ཐང་ཆེན་ཉེར་ལྔ་དང་བསྣོལ་རྩར་གཏར་(༤༤བ)

― GLG009_Page_0808 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སོགས་སྨན་དཔྱད་ཀྱི་འཕྲོད་བསྟེན་མང་དུ་ཞུས་པས་སྐྱེད་བླངས། སྐུ་གེགས་ལ་དམིགས་པའི་སྲུང་འཁོར་བཞེས་ཡིག །བདེན་པ་བརྗོད་པའི་ཚིགས་བཅད་ཚན་གྲངས་དང་བཅས་འབུལ་མི་མངགས། དལ་འགྲོས་ཀྱིས་པོ་ཏ་ལ་ར་ས་བྱའི་མཇུག་ཏུ་ཕེབས། ངེད་ལག་པ་ན་བ་དང་ཐུག་པའི་རྗེས་གནང་འབུལ་མ་ཐུབ་རུང་དེ་བཞིན་གཤེགས་པའི་འཕེལ་གདུང་དང་ཨྱོན་ཆེན་པོའི་གཏེར་སྐུ་མང་པོའི་བྱིན་རླབས་ཕུལ། སྐུ་ཁམས་དུབ་པར་འདུག་པས་ཆོས་ཞུ་བའི་སྤྲོས་པ་མ་བྱུང་། གསོལ་ཕོགས་དང་བཅས་སྐུའི་འཕྲོད་བསྟེན་ལ་གོང་དཀར་ཆོས་སྡེར་བཞུགས། ལྕགས་ཁྱི་ཟླ་བ་གཉིས་པའི་ཚེས་འགོ་ལ་ཡར་བྱོན་ལོག་ཏྲིའི་རིག་གཏད་ཕུལ་པས་རྒྱ་མཐོངས་ཁ་ཕྱེ་བ་ལྟ་བུའི་སྙུན་གཞི་ལ་ཁྱད་མངའ་ཆེ་བ་བྱུང་གསུང་། ཀུན་མཁྱེན་བུ་དང་བྱང་སེམས་བསོད་གྲགས་པ་ཞལ་སྤྲོད་ཀྱི་བྲིས་ཐང་བྱིན་ཅན་ཞིག་གནང་། ཞལ་འདོན་ཚིགས་བཅད་མ་དགོས་ཕེབས་པ་ངེད་རང་ལ་ནུས་མཐུ་གང་ཡང་མེད་མོད་འོན་ཀྱང་འབྲོག་མིའི་གསུང་འགྲོས་རྡོ་རིང་རིན་ཆེའི་རྣམ་ཐར་དུ་དྲངས་འདུག་པ་བཞིན། ཚེ་མཐའ་ཡས་དངོས་དབང་དྲག་པདྨ་ཡི། །འཁོར་ལོའི་མགོན་པོ་ངག་དབང་བློ་གྲོས་གཏེར། །སྐལ་བཟང་རྒྱ་མཚོར་ངེས་པས་གསོལ་འདེབས་ན། །བར་ཆད་བདུད་ལས་རྒྱལ་བར་བདག་བྱིན་རློབས། །ཞེས་པ་བྲིས་ནས་ཕུལ། མཚན་སྒྱུར་གནང་རྒྱུ་ཡིན་ཕེབས་པར་ཚེ་དབང་ལྷུན་གྲུབ་རབ་བརྟན་བསྟན་པའི་རྒྱལ་མཚན་དཔལ་བཟང་པོར་གསོལ། འཕྲེང་བ་ཞེ་ལྔ་མའི་དཀྱིལ་ཐང་བཞེང་བའི་འགོ་ཚུགས་དང་འགྲིག་པའི་རྒྱ་བོད་ཀྱི་གཞུང་དང་རྡོ་རྗེ་གདན་པའི་ཐུགས་དམ་ཐང་ཁ་བསྟུན་པའི་ཞུ་དག་གནང་། གཙང་(༤༥ན)

― GLG009_Page_0809 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཤར་རྒྱག་ཐེགས་རྩིས་ལ་གོང་དཀར་དུ་ཆུ་འབམ་གྱིས་བསྙུན་པར་སྐྱིད་དཔེ་ནས་ཀྱིས་ཆབ་ནད་གཞི་མེད་དུ་བཏང་ཡང་ཞབས་ནད་ལ་དྲུང་འཚོ་སུམ་དགའ་རྫོང་བདའ་བྱས་པས་འགྱངས་མེད་དུ་བདེ། དབྱར་ཐོག་གསོལ་ཆས་ཕུལ་ནས་ཆོས་སྡེར་བཞུགས། སྐུ་ཁམས་མ་གཞི་ཡང་དྭངས་སྐྱེད་ཤིན་ཏུ་ཆེ་བས་ཆོས་སྡེའི་གྲ་པ་ཕྱེད་སུམ་བརྒྱ་ཙམ་ལ་དབང་ཆ་བཅུ་ལྷག་ཏུ་བཅད་པའི་གདུགས་དཀར་ལྷ་མང་གི་དབང་དང་ལེགས་ལྡན་མཆེད་གསུམ་གྱི་རྗེས་གནང་སྩལ། མང་ཐོས་འཕྲིན་ལས་རྣམ་རྒྱལ་ལ་བཀའ་གདམས་གླེགས་བམ་དང་གྲུབ་ཐོབ་བརྒྱད་ཅུའི་བྱིན་རླབས་སོགས་ཆོས་བཀའ་མང་དུ་གསན། ཧོར་ཟླ་ལྔ་པའི་ནང་དུ་དམར་པོ་རིར་ཕེབས་ཞལ་དཀར་པོའི་རྗེས་གནང་ཐུན་མོང་མ་ཡིན་པ། ཚོགས་བདག་གི་རྗེས་གནང་ཁྱད་པར་བ་དང་ཐུན་མོང་མ་ཡིན་པ། །འཆི་མེད་རྡོ་རྗེའི་ལྷ་མོའི་རྗེས་གནང་། བཀའ་གདམས་ལྷ་བཞིའི་འཁྲིད། དཔལ་ཡོའི་བློ་སྦྱོང་ཆེན་མོའི་འཁྲིད། ཡང་དག་གི་དབང་སོགས་ཆོས་བཀའ་འགའ་ཞེས་ཞུས་ཤིང་། རིམ་གྱིས་གཙང་དུ་ཐེགས་མཁན་པོ་ཀུན་སྤངས་མཛད་པའི་སྒོ་དོད་ནས་སྤྲོད་དཔང་དུ་གཞིས་རྩེ་ནས་ཞིང་མོ་ཆེ་པ་རྫོང་བདའ་བྱས་པའི་ཐོག་མར་གསེར་སྐུ་མདའ་གང་ཙམ་གཅིག །གཟིམས་མལ་སྐུ་འདྲ་རིན་པོ་ཆེར་དབུ་པཎ། རྣམ་སྦྱར། དབུ་ཐོག་ཏུ་བླ་བྲེ་ཤམ་ལྡན། མཆོད་ཁང་གི་ལྕམ་གླིང་གཅིག་ལ་གནམ་རྒྱན། སྐུ་མདུན་དུ་དངུལ་གྱི་མཎྜལ་ཆེ་བ། ལྗངས་གསེར་གྱི་མཎྜལ། ལི་ཏིང་འགག་གཟུགས་བདུན་ཚར། བུམ་པ་གྲས་མཚུངས་བཅུ། མཆོད་ཀོང་། །རྟེན་ཁྲི་(༤༥བ)

― GLG009_Page_0810 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་འཇམ་ལེགས་པ་མི་ཚད་ཙམ། བླ་བྲེ་ཤམ་ལྡན། རྔ་བོ་ཆེ་ཐོག་ཚད། གསོལ་ཅོག་རྣམས་རེ། གོས་སྙེལ་གཉིས། སྦ་ལྟིར། རྩིད་ཕྱིང་གྲུ་བཞི་གསུམ། གོས་གདན་ཁ་གང་མ། བཞུགས་འདིང་། འཇག་གདན་རིང་བ་ཆ་བཞི་གར་དཔོན་ལ་གོས་གདན་ཁ་གང་བཞི་རྣམས་དང་། བླ་བྲང་གཉེར་ཚང་དུ་རྩམ་ཁལ་བརྒྱད་ཅུ། ཚ་ཁལ་བཞི་བཅུ། ནས་ཁལ་སྟོང་ཚོ་གཅིག །ལུག་ཁོག་བརྒྱ། ཆག་བུབས་བཞི། མར་ཁལ་བཞི་བཅུ། འབྲས་ཁལ་དྲུག །སྣུམ་མཁར་ཁལ་བཞི། ཕྱུར་བ་ཁལ་ཕྱེད་གཉིས་སོགས་སྤྲོད་འཕར་རྒྱ་ཆེར་གནང་། ལྕགས་ཕག་ཟླ་བ་དང་པོར་རྗེ་བླ་མའི་ཞབས་ཕྱིར་ཞ་ལུའི་ཆེན་སློབ་སོགས་དཔོན་སློབ་ཉི་ཤུ་སྐོར་གྱིས་ཚེས་བཅུ་གཉིས་ཀྱི་ཉིན་ཐམས་ཅད་མཁྱེན་པ་བུ་སྟོན་རིན་པོ་ཆེའི་བཞེད་སྲོལ་གྱི་ཚེ་ཆོག་ལ་བརྟེན་ནས་མཎྜལ་གྱི་ཚན་གྲངས་བཟབ་རྒྱས་དང་བཅས་ངེད་དང་སྡེ་པ་ཐུན་མོང་དུ་རིང་འཚོའི་རྟེན་འབྱུང་མཛད། མཁན་རིན་པོ་ཆེའི་ཞབས་ཕྱི་བསྒུགས་སྡོད་ཆེན་སློབ་གྲ་རིགས་རྣམས་ཀྱིས་ཞོལ་དུ་ཚེ་ཆོག་བཙུགས། ངེད་ཀྱི་རྗེ་བླ་མའི་དྲུང་དུ་ས་སྐྱ་བཀའ་འབུམ། སེམས་དཔའ་ཆེན་པོས་བསྒྲིགས་པའི་བློ་སྦྱོང་བེའུ་བུམ། སྒྲུབ་ཐབས་བརྒྱ་རྩ། བདེ་མཆོག་ལྷ་ལྔའི་དབང་། རྭ་རྩེ་སེམས་འཛིན། གཏུམ་མོ་ཞག་བདུན་མའི་འཁྲིད་སོགས་ཟབ་ཆོས་མང་དུ་ཞུས། ཁྱབ་བདག་བླ་མར་པཎ་ཆེན་ནགས་རིན་ནས་བརྒྱུད་པའི་ཚེ་དབང་ཁྱད་འཕགས་ཕུལ་ཞིང་ཆེན་སློབ་ཚོར་རིང་འཚོའི་རྟེན་འབྱུང་གི་ལུང་བཀླགས། ཞ་ལུ་སྐུ་ཞང་ལ་མཁན་པོའི་བསྐོ་འཇའ་ཕྱག་ཐམ་སོགས་སྡེ་པས་མཛད། རྗེ་བླ་མར་བདོག་པ། (༤༦ན)

― GLG009_Page_0811 ―

^{[མ་དཔེ་གཟིགས་ན་འདིར་གནོན།]}

[Full Size]

མཎྜལ་གྱི་ཚུལ་དུ་བཏེག་ཉེར་ལྔ་ལ་དཔོན་སློབ་རྣམས་གཙང་དུ་ཐེགས། སྒྲུབ་མཆོད་ཆེན་མོའི་ཐོག་དབང་ཆ་གཅིག་ལ་འཆི་བདག་འཇོམས་པའི་དབང་གནང་། སྐུ་ཞང་མཁན་ཐོག་ཏུ་བྱོན་ཟིན་པའི་ཐུགས་གཡེང་བོར་ནས་ངོར་མཁན་ཆེན་སྒྲུབ་ཁང་པ་དཔལ་མཆོག་རྒྱལ་མཚན་གདན་དྲངས་སམྦུ་ཊིའི་དབང་དང་ལམ་འབྲས་བོད་དམར་གྱི་ལུང་སོགས་ཆོས་མང་དུ་གསན། ཁྱབ་བདག་ཞ་ལུ་པ་ཆེན་པོས། ངོར་མཁན་ཆེན། གནས་གསར་ཞབས་དྲུང་དཔོན་ནམ་མཁའ་བསོད་ནམས་དབང་གི་རྒྱལ་པོ། ཞ་ལུའི་ཆེན་སློབ་སོགས་ལ་དབང་ལུང་མང་དུ་མཛད་གདན་ས་གོང་དུ་རྗེ་བཙུན་ས་སྐྱ་པ་ཡབ་སྲས་མཇལ་བ་གནང་ཞིང་ཟབ་ཆོས་མང་དུ་གསན། ཚར་ལུགས་ཀྱི་བསྟན་འཛིན་རྒྱལ་རྩེ་ཞབས་དྲུང་བྱམས་པ་ངག་དབང་བསོད་ནམས་རྒྱལ་མཚན་ལ་ཚེ་དཔག་མེད་གྲུབ་རྒྱལ་མ་ལྷ་སོ་གསུམ་གྱི་དབང་སོགས་ཆོས་བཀའ་ཁ་ཡར་གསན། ཕྱིར་བྱོན་ནས་དབུས་སུ་བཏེག་པའི་ལམ་དུ་རླུང་འཚུབ་ཤིན་ཏུ་ཆེ་བ་བྱུང་བས་བཤོལ་ནས་ཞ་ལུར་སྐུ་མཚམས་བསྡམས་པའི་རྟ་མགྲིན་སྐྱེར་སྒང་ལུགས་ཀྱི་བསྙེན་སྒྲུབ་གནང་། ཆུ་བྱི་ཟླ་བ་དང་པོ་ནས་གོང་དཀར་ཆོས་སྡེར་བཞུགས་གདན་འཇགས་རིང་དཔོན་པོ་ལོ་ཙཱ་བ་གསོལ་ཕོགས་ཀྱི་རྒྱུ་མཚན་ལ་བྱུང་བ་བཞིན་འཛིན་ཕུལ། ཟླ་བ་ལྔ་པ་ཕྱི་མའི་ནང་དུ་པོ་ཏ་ལར་ཕེབས། ཆག་མེད་བཞི་ཡང་སྐྱོར་དང་ཕྱག་རྡོར་འཆི་བདག་འཇོམས་པ། མི་འཁྲུགས་པ་ལྷ་བཅུ་གསུམ་གྱི་དབང་། རྟ་མགྲིན་ཤངས་ལུགས་ཀྱི་བྱིན་རླབས། ཕྱག་བཞི་པ་དང་སེང་གདོང་མ་དམར་མོའི་(༤༦བ)

― GLG009_Page_0812 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་གནང་། གསང་འདུས་འགྲེལ་ཆེན་སོགས་ཀུན་མཁྱེན་བུའི་གསུང་རབ་དུ་མའི་ལུང་དང་རྣལ་འབྱོར་རྒྱུད་ཀྱི་ཕྱག་རྒྱ་འཆིང་ཚུལ་མཁྱེན་རབ་རྗེ་དང་དཀོན་ཅོག་ལྷུན་གྲུབ་གཉིས་ཀྱི་ལམ་འབྲས་ཀྱི་འཁྲིད། ངོར་ཆེན་དང་རྡོ་རྗེ་གདན་པ་གཉིས་ཀྱི་ཀྱེ་རྡོར་གྱི་བསྐྱེད་རིམ་རྣམ་བཤད། བླ་མ་དམ་པའི་ཕུར་པའི་སྐོར། སྤྱན་རས་གཟིགས་ཆེམ་བུ་ལུགས་དམར་འཁྲིད་ཀྱི་ཡི་གེ །འདུལ་བ་མེ་ཏོག་འཕྲེང་རྒྱུས་སོགས་ཞིབ་རྒྱས་ཞུས། ཧོར་ཟླ་དྲུག་པའི་ཚེས་བཅུ་དྲུག་ནས་བརྩམས་ཏེ་ཁྱབ་བདག་ཞ་ལུ་ཆེན་པོས་དགོས་ཚུལ་ཕེབས་པའི་ཞར་ལ་ཆོས་རྒྱལ་གཏེར་བདག་གླིང་པ་སོགས་ཉི་ཤུ་སྐོར་ལ་གཡུ་ཐོག་སྙིང་ཐིག་གི་དབང་བཞི། ཚེ་དབང་། ལུང་ཡོངས་རྫོགས། རྡོ་རྗེ་འཇིགས་བྱེད་ཀྱི་འཁྲུལ་འཁོར་གྱི་ལུང་དང་ཕྱག་འཁྲིད་ཕུལ། སློབ་དཔོན་བཻ་རོ་ཙ་ནའི་སྐུའི་རྣམ་སྤྲུལ་རིགས་འཛིན་གཏེར་བདག་གླིང་བར་ཆོས་རྒྱལ་རཏྣ་གླིང་པའི་དྲག་དམར་ཡོངས་རྫོགས་དང་གཏེར་གསར་གྱི་སྐོར་གསན། གཏེར་སྟོན་རིན་པོ་ཆེར་མཁའ་སྤྱོད་མའི་བྱིན་རླབས་དང་ཉམས་འཁྲིད་འབུལ་བ་གནང་། ཧོར་ཟླ་བདུན་པའི་ནང་གཙང་ཕྱོགས་ལ་ཐེགས་ཞ་ལུར་ཞག་གཉིས་གསུམ་ཞིག་སྐུ་ངལ་གསོས་ནས་དཔལ་ལྡན་ས་སྐྱར་ཕེབས། ངེད་ལ་བསྐུལ་མ་གནང་བའི་བརྟན་བཞུགས་ཚིགས་བཅད་ལེ་ཚན་དང་བཅས་བདག་ཆེན་ཡབ་སྲས་གཉིས་ཀར་བརྟན་བཞུགས་རྒྱས་པ་དང་དཀར་པོ་རྒྱང་གྲགས་བུས་པའི་ཚོགས་ཆེན་ལ་མང་ཇ་ཞུ་པ་གནང་། དབང་རྗེས་གནང་སོགས་ཆོས་མང་དུ་གསན་ཞིང་དེ་མཚུངས་ཕར་ཡང་འབུལ་བ་མཛད། རིམ་བཞིན་བསྟི་གནས་སུ་ཕེབས་བྱམས་པའི་(༤༧ན)

― GLG009_Page_0813 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་སྤྲུལ་ཆོས་རྒྱལ་རབ་བརྟན་ཀུན་བཟང་འཕགས་ཀྱི་དགོངས་པ་བཞིན་དཔལ་འཁོར་ཆོས་སྡེའི་ས་ག་ཟླ་བར་དགེ་རྩ་ཆེན་མོར་གྲགས་པའི་དཀྱིལ་འཁོར་བཞི་བཅུ་ཞེ་ལྔའི་སྒྲུབ་མཆོད་ཡོད་པའང་ཕྱིས་སྐོར་དབང་མ་ཐོབ་པར་བྱུང་རྒྱལ་དུ་སྤྱོད་པའི་ཡ་ང་བ་ཞིག་ཡོང་སྣང་བས། འདི་ལོ་ཁྱབ་བདག་ཞ་ལུ་པ་ཆེན་པོས་ངེད་ལ་ཁྱབ་ཆ་དགོས་ཚུལ་དང་གཏེར་སྟོན་རིན་པོ་ཆེར་ཡང་དེ་ཀའི་བསྐུལ་མ་དགོས་པའི་ཕེབས་སྒོ་བཞིན་མཁན་པོ་དང་རྫོང་སྡོད་ལ་ཡིག་རྒྱ་ཞིབ་འཐེམས་བྱས་པ་ལྟར་བུ་ལུགས་པ་རྣམས་ཀྱི་དབང་མཁན་ཆེན་ཀུན་སྤངས་པ་ཆེན་པོ་དང་། ཞ་ལུའི་ཆེན་སློབ་ཆོས་འཆད་གསུམ་བཅས་པས་གཙུག་དགུ་དང་འོད་ཟེར་ཅན་མ་གཏོགས་སམྦུཊི་དང་གསང་འདུས་འཇིག་རྟེན་དབང་ཕྱུག་ངོར་པའི་ལྷག་ས་ལུགས་དབང་བཀའ་རྣམས་འཇམ་མགོན་ས་སྐྱ་པ་ཆེན་པོས་གསོས། ས་སྐྱ་ནས་མ་གསན་གཤིས་སྒྲོལ་མ་བཅུ་བདུན་མ་གུར་པར་རྗེ་ཉིད་ཀྱིས་གནང་། ཞ་ལུ་པ་ཚོར་ཀླུ་སྒྲུབ་ལུགས་ཀྱི་སྤྱན་རས་གཟིགས་ཆོས་རྗེ་བཅོ་བརྒྱད་པ་དང་། རྡོ་རྗེ་གདན་བཞི་རབ་འབྱམས་པ་ཆོས་རྗེ་རིན་ཅེན་རྒྱ་མཆོས་མཛད་པས། ཕྱག་ཆེན་ཐིག་ལེར། དབང་མེད་ན་ནི་དངོས་གྲུབ་མེད། །བྱེ་མ་བཙིར་ལ་མར་མེད་བཞིན། །གང་ཞིག་རྒྱུད་ལུང་ང་རྒྱལ་གྱིས། །དབང་བསྐུར་མེད་པར་འཆད་བྱེད་པ། །སློབ་དཔོན་སློབ་མ་ཤི་མ་ཐག །དངོས་གྲུབ་ཐོབ་ཀྱང་དམྱལ་བར་སྐྱེ། །ཞེས་པའི་འཇིགས་པ་ལས་གྲོལ་ཞིང་དེང་སང་བསྟན་པ་རྨ་མེད་དུ་གསོས་པའང་ཁྱབ་བདག་ཞ་ལུ་པ་ཆེན་པོའི་བཀའ་དྲིན་ནོ། །སླར་ས་སྐྱར་ཕེབས་ཆོས་བཀའ་ཕར་འབུལ་(༤༧བ)

― GLG009_Page_0814 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུར་ཞུ་དུ་མ་མཛད། སྔར་ཨེ་ཝཾ་ཆོས་ལྡན་དུ་ཉེས་མེད་ཕུན་ཚོགས་ལྡན་དུ་ཉེས་མེད་ཕུན་ཚོགས་ཐོན་ནའང་ཆོས་རྗེ་ཐམས་ཅད་མཁྱེན་པ་ནས་བརྒྱུད་པའི་རི་བོང་ཅལ་སྒྲོག་གིས་སྨིག་རྒྱུས་བསླད་པ་སེལ་ཕྱིར་གོང་དཀར་དུ་མཚུངས་མེད་དགེ་པའི་དབང་པོར་ཚར་གཅིག་གསན་མོད་ལྷ་ཁང་ཆེན་མོའི་མཁན་པོར་ཀུན་མཁྱེན་ཀླུ་སྒྲུབ་རྒྱ་མཚོ་ནས་བརྒྱུད་པ་ཞིག་ཡོད་འདུག་པར་བརྟེན་དགེ་བསྙེན་ནས་བཟུང་པ་སྙེན་རྫོགས་ཀྱི་བར་བསྒྲུབ་པ་གནང་། ཆུ་གླང་ཞ་ལུར་ཕེབས་ཏེ་རིང་ཞིག་ནས་དབུས་སུ་ཆིབས་ཁ་བསྐྱོད་ཚོང་དཔོན་བསོད་ནམས་མགོན་པོ་ལ་སྐོར་གཅིག་གོང་དཀར་དུ་ཕེབས་པ་འགབ་ཚུལ་གྱི་ཡི་གེ་ཕུལ་བ་དཀྱིལ་དུ་འབྱོར་བའི་ཐོག་ཆོས་སྡེར་བཞུགས། ཞག་ཤས་ནས་སྐུ་བད་སོགས་བསྙུན་རོ་སྣ་ཚོགས་ལངས་པའི་འཕྲོད་བསྟེན་གྱི་སྐབས་མཆོད་དཔོན་ངག་དབང་ཤེས་རབ་རྒན་གྲའི་ཆུ་ཚན་ལ་ཕྱིན་པའི་ལམ་ཞོར་ཕྱག་འབུལ་ལ་ཡོངས་སྐབས་ཕེབས་བཞེད་ཡོད་ཚུལ་གྱི་གསུང་གླེང་མཛད་འདུག་པ་ལྟར་འགྱངས་མེད་ཡར་ཕེབས་པ་ལྕགས་ཟམ་དུ་ཞབས་འབམ་ལངས་འཕྲོད་བསྟེན་དུ་དྲུང་འཚོ་བ་སུམ་དགའ་བཏང་བ་སྐུ་ལ་འཕྲོད་ངོ་ཆེ་བར་བྱུང་། དེ་བར་ལྕགས་ཟམ་རྗེ་དྲུང་ལ་ལྗགས་ལུང་མང་དུ་སྩལ་ཞིང་ཕར་ཡང་པདྨ་བཀའ་ཐང་དང་གྲུབ་ཐོབ་ཆེན་པོའི་རྣམ་ཐར་སོགས་གསན། ཧོར་ཟླ་བཅུ་པའི་ཚེས་བཅུ་ལ་ཁྱབ་བདག་ཞ་ལུ་པ་ཆེན་པོ་ཆུ་བོ་རི་ནས་ཕེབས། ཞག་ཤས་རྫོང་དུ་བཞུགས་གསེར་གྱི་ཁུ་བས་བྲིས་པའི་འཕགས་པ་བརྒྱད་སྟོང་པའི་གླེགས་བམ་ལོ་སྔོན་མ་ཚོ་ཕྱག་མཛོད་བསོད་ནམས་རིན་ཅེན་གྱིས་དོ་དམ་བྱས་གསར་དུ་བཞེངས་པ་ངེད་ལ་སྟེར་བ་གནང་དགེ་བ་བསྔོ་བའི་སྨོན་ལམ་རྩོམས་ཤིག་ཅེས་བཀའ་སྩལ་བའང་བྲིས། ཉང་གི་བྲག་དམར་རྡོ་རྗེ་སྤྱི་བླུགས། (༤༨ན)

― GLG009_Page_0815 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་དཔག་མེད་དྭངས་མ་བཅུད་འདྲེན་གྱི་དབང་དང་ཐང་ལྷའི་རིགས་གཏད་གཏེར་སྟོན་རིན་པོ་ཆེ་དང་ལྷན་དུ་ཕུལ། སྔགས་འཆང་བསོད་ནམས་ཆོས་འཕེལ་གྱིས་མཛད་པའི་དྲུག་ཅུ་པ་ལྕགས་མཁར་དགུ་པའི་ལུང་ཕྱག་ལེན་ཞིབ་འཁྲིད། དེས་མཛད་པའི་དྲག་པོའི་སྤྱིན་སྲེག་པཎ་ཆེན་ངག་དབང་ཆོས་གྲགས་ཀྱིས་མཛད་པའི་ལྷག་བསམ་རབ་དཀར་གྱི་དྲི་ལན་རྣམས་ཀྱི་ལུང་ཞུས། ངེད་རང་དང་སྡེ་པ་ཕྱོགས་མཐུན་དུ་ཚེ་མཐའ་ཡས་པའི་ཆོ་ག་ལ་བརྟེན་ནས་རིང་འཚོའི་རྟེན་འབྱུང་མཛད། སྐུའི་འཕྲོད་བསྟེན་དུ་འོལ་དགའི་ཆབ་ཚན་ལ་ཕེབས་པའི་དགོས་ཆ་རྣམས་གྲ་བསྒྲིགས། ཆབ་ཚན་སྐུ་ལ་ཤིན་ཏུ་འཇུག་པའི་ཞར་བྱུང་རྫིང་ཕྱིའི་བྱམས་པ་མཇལ་བ་གནང་ནས་ཚུར་ཕེབས་པ་དང་སྡེ་པ་ཤིན་ཏུ་བསྙུན་པ་གཉིས་འགྲིག་པར་བྱང་གཏེར་ལྕགས་སྡོང་མའི་ཚེ་དབང་བརྒྱ་རྩ་སྩལ་བ་བྱིན་རླབས་ཀྱི་རྟེན་འབྲེལ་འགྲིག །དགུན་དཔྱིད་ཀྱི་རིང་དཔལ་གྲོ་གཞིས་ཁར་སྟན་ཆགས། རྡོ་རྗེ་བྲག་སྤྲུལ་སྐུ་རིན་པོ་ཆེ། ཆོས་རྗེ་བཅོ་བརྒྱད་པ། གཏེར་སྟོན་རིགས་འཛིན་ཆེན་པོ་རྣམས་ལ་ཚེ་དབང་གི་རིམ་པ་གསན། དེ་ཕྱིན་སྐུ་མཚམས་ངོས་འཇིགས་བྱེད་ར་ལུགས་ཀྱི་སྒྲུབ་མཆོད་དང་མཐུན་པར་ཚོར་དྲིལ་བུ་ལྷ་ལྔའི་མངོན་དཀྱིལ་གྱི་ཐུགས་རྩོམ་གནང་། ཆུ་སྟག་སོས་ནས་ཆར་ཆུ་ཆེ་བ་བྱུང་ན་གཟིམས་ཁང་ཐང་ཁྱད་ནས་ལྷོ་མོས་སུ་སྤོ་པ་མཛད།ཧོར་ཟླ་བདུན་པའི་ནང་དུ་ཆོས་རྗེ་བཅོ་བརྒྱད་པ། གནས་གསར་དཔོན་རིན་པོ་ཆེ། འདར་པ་ཆོས་མཛད་བློ་གསལ་བསྟན་འཛིན་སོགས་དོན་གཉེར་ཅན་འགའ་ཞིག་ལ་བྲག་རྫོང་མ་ཕྱི་ནང་གསང་གསུམ། རྩ་གསུམ་འཁོར་ལོ་བཞི་ལ་བརྟེན་པའི་གསང་འཁྲིད་མགོན་པོ་ཞལ་གྱི་ཕྱི་ནང་གི་འཁྲིད། རྣམ་སྲས་ལྔ་ཕྲག་ལྔའི་རྗེས་གནང་། གུར་ཞལ་དང་རྣམ་སྲས་(༤༨བ)

― GLG009_Page_0816 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་བེའུ་བུམ་རགས་རིམ་གྱི་ལུང་སོགས་དམ་པའི་ཆོས་ཀྱི་འཁོར་ལོ་རྒྱ་ཆེར་བསྐོར་བའི་ཚེ་གནས་གསར་དཔོན་དང་འདར་པ་ཆོས་མཛད་ལ་ཕོགས། ཆོས་རྗེ་བཅོ་བརྒྱད་པར་ཟུར་གསོས། དབང་ཆོས་གནང་བའི་ཕྱག་དཔེ་སོགས་དགོས་ཆ་མཐུན་རྐྱེན་ཐམས་ཅད་བསྒྲིགས། མཁྱེན་རབ་ཀྱི་དབང་ཕྱུག་བཅོ་བརྒྱད་ཆོས་རྗེར་ཀླུ་སྒྲུབ་ལུགས་ཀྱི་བཅུ་གཅིག་ཞལ་གྱི་དབང་། ཀུན་མཁྱེན་རོང་པོ། རྡོ་རྗེ་འཆང་ཀུན་དགའ་བཟང་པོ། མུས་ཆེན་སངས་རྒྱས་རིན་ཅེན་གསུམ་གྱི་བཀའ་འབུམ་གྱི་ལུང་གསན། ཞབས་དྲུང་དཔོན་ལ་ཆིག་བརྒྱུད་ཧ་ལ་ནག་པོའང་ཆོས་ཀྱི་བདག་པོར་དགོངས་ཏེ་རྫོགས་པར་སྩལ། ཞབས་པད་བརྟན་པའི་རྟེན་འབྱུང་དུ་བདེན་བརྗོད་ཀྱི་ཚིགས་བཅད། དབུ་ཞྭ་ནས་བཞུགས་འདིང་བར་གྱི་ན་བཟའ་ཡོངས་རྫོགས། བཀྲ་ཤིས་པའི་དར་དཀར་དང་བཅས་ཕུལ། སྐྱིད་དཔེ་ནས་དང་དར་མོ་ནས་སྒོ་བསྟུན་གྱིས་རྩ་ལྟོ་སྦྲགས་མའི་སྐུ་སྦྱོངས་ཕུལ་བས་བསྙུན་རོ་གཞི་མེད་ལྟ་བུར་གདངས། ངེད་རང་གིས་གསར་བསྒྲིགས་བདེ་མཆོག་ལ་ཞུ་དག་ཞིབ་ཏུ་མཛད། ཧོར་ཟླ་བཅུ་གཅིག་པའི་ནང་དུ་གདན་ས་གོང་ནས་བདག་ཆེན་རིན་པོ་ཆེ་ཡབ་སྲས་ཕེབས་སྐབས་རྗེ་ཉིད་པོ་ཏ་ལར་སྟན་ཆགས། ཡབ་སྲས་གཉིས་དང་ཕྱོགས་མཚུངས་སུ་ལོ་ཆེན་རིན་བཟང་གིས་སྤྱན་དྲངས་པའི་མགོན་པོ་ཤིང་དྲུང་མ་དང་གནམ་ལྕགས་རྡོ་རྗེ། རྗེ་བཙུན་རིན་པོ་ཆེ་གྲགས་པ་དང་འཕགས་པ་རིན་པོ་ཆེ་གཉིས་ཀྱི་དབུ་ཐོད། ས་པཎ་གྱི་ཞུན་ཐིགས་འཇམ་དབྱངས་སེང་ཞོན། སློབ་དཔོན་པདྨའི་ཕྱག་གི་པད་ཕུར་ཁམས་གསུམ་རྣམ་རྒྱལ་དང་བསྙེན་ཕུར་ཆུ་བོ་གྱེན་བཟློག །མཁར་ཆེན་བཟའི་ཕྱག་རྡོར་ཚར་ཆེན་ཆོས་ཀྱི་རྒྱལ་པོའི་སྐུ་ཤམ་ལ་འདྲ་སྐུ་བྲིས་པ་(༤༩ན)

― GLG009_Page_0817 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱི་མཇལ་ཁ་ཕུལ། བདག་ཆེན་ཡབ་སྲས་བསམ་ཡས་སུ་ཆིབས་ཁ་བསྒྱུར་ནས་ངེད་རང་གིས་འཇིགས་བྱེད་རྭ་ལུགས་ལྷ་བཅུ་གསུམ་མ་དང་། ཀླུ་སྒྲུབ་ལུགས་ཀྱི་བཅུ་གཅིག་ཞལ་གྱི་དབང་སོགས་ཆོས་བཀའ་ཁ་ཡར་ཞུས། ཁྱབ་བདག་བླ་མ་གཙང་ལ་ཕེབས། ཚར་པ་སྣའི་ལམ་དོག་སར་རྟ་རྒྱག་པོ་ཞིག་ཁལ་བསྐྱུར་ནས་འུར་བ་དཔོན་སློབ་ཚོའི་སྟེང་དུ་མཆོངས་སྟབས་སུ་འོངས་པ་སྒ་འགྱུར་པའི་བུག་པ་ལ་ལག་པ་གཉིས་འགྱུས་ཏེ་བཀྱིག་པ་ལྟར་གྱུར། དེ་མིན་ཆག་གྲུམས་ཆེན་པོ་ཡོང་ཉེན་པ་བཟློག་པའང་རྗེ་ཉིད་ཀྱི་ཐུགས་རྗེ་དང་རྡོ་རྗེའི་ཆོས་སྲུང་རྣམས་ཀྱི་ནུས་མཐུའོ། །དཔལ་འཁོར་ཆོས་སྡེར་ཕེབས་ཉིན་ས་ཞལ་གྱི་གྲ་གཙང་རྣམས་ཀྱིས་ཆིབས་བསུ་རིན་ལྡིང་པ་སྒེར་གྱིས་ཐབས་སུ་ཞ་ལུའི་མཁན་པོ་རྣམས་ཀྱི་སོལ་རྒྱུན་བཞིན་གླིང་གསེབ་ཏུ་ཆིབས་མ་གཞོལ་བར་གུར་ཁང་དུ་ཕེབས་ནས་གཞིས་ལེན་བཟབས། སྐུ་མཚམས་ཤིན་ཏུ་དམ་པས་རྡོ་རྗེ་འཇིགས་བྱེད་ཀྱི་ལྗགས་བསྙེན་བཙུགས། འདི་ནས་བརྟག་པ་ཕུལ་བའི་དོན་བཞིན་རིན་ལྡིང་གྲ་ཚང་དུ་ཚེ་ཆོག་བརྒྱ་རྩ་དང་འཆི་བླུ་ཚར་ལྔ་བཅུ། ཆོས་སྡེ་སྤྱི་དང་སྒེར་དུ་གུར་པ་རིན་ལྡིང་པ་གཉིས་ལ་མང་ཇ་རྣམ་གཞག་རྒྱས་པར་མཛད། བཀའ་ལས། ས་སྐྱ་ཞབས་དྲུང་ཕེབས་པའི་རྣམ་གཡེང་ཙམ་མ་གཏོགས་བླ་མ་ཐུགས་རྗེ་ཅན་གྱི་བཀའ་དྲིན་ལ་གནས་ཁང་སྐྱིད་པ་ཆུ་འཕྲོད་པ་ཐུགས་དམ་འཕེལ་བ། ཁམས་བཟང་བ་བདེ་ཞིང་སྐྱིད་པ་བྱུང་ལགས། ས་སྐྱ་ཞབས་དྲུང་གི་ཕེབས་སྒོར་ངེད་ཚོ་ཡོངས་པས་ཐུགས་དམ་ལ་ཐུགས་སུན་མ་བྱུང་ངམ་གསུང་བ་འཇིགས་བྱེད་ལ་བསྙེན་པ་བྱས་པས་འཇམ་དབྱངས་སྤྲུལ་པ་དང་མཇལ་བ་བསྙེན་རྟགས་སུ་འགྲོ་མོད་ཞུས་ཞེས་གསུངས། གདན་ས་གོང་གི་ཞབས་དྲུང་རིན་པོ་ཆེ་(༤༩བ)

― GLG009_Page_0818 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་དང་མི་འདྲ་བའི་གསན་རྒྱ་འདུག་ནའང་གསུང་ངག་སློབ་བཤད་ཀྱི་འཁྲིད་ལུང་ཙམ་ལས་མ་བྱུང་འདུག་པ་བསྟན་རྒྱུན་ལ་དགོངས་ནས་གསན་དགོས་པའི་སྙན་འབུལ་ཕུལ་བ་བླ་ཆེན་སྤྱི་རིགས་ཀྱི་བཟང་བརྫུ་འུག་པ་སྦོས་པ་ལྟ་བུའི་སྟོང་ལྡིར་མི་གནང་པར་དགོངས་པར་བསྟད་སོང་བ་བཞིན་དཔོན་སློབ་གཉིས་ལ་ལེགས་སོའི་ཞུ་མཆིད་དང་མགོན་ཁང་ཚོར་འཕྲིན་བཅོལ་གྱི་སྙན་དར་སོགས་སྐད་གཉིས་སྨྲ་བར་ཕུལ་བ། བཀའ་ལས། དབོན་པོ་ལོ་ཙཱ་བ་ལ་ཐུགས་དམ་བཀའ་ཤོག་རིན་པོ་ཆེ་བྱི་བ་ལ་གླང་ཆེན་སྦྲང་བུ་ལ་མཁའ་ལྡིང་། ཕྱུག་པོའི་བུ་ལ་རྣམ་ཐོས་སྲས་སུ་བསྔགས་པ་ལྟ་བུའི་གསུང་རྡོ་རྗེའི་ཚིག་གནང་སྦྱིན་གྱ་ནོམ་པ་དང་བཅས་སྤྱི་བོར་ཕེབས་པ་དང་ལྷན་དུ་གདན་ས་ཆེན་པོ་དཔལ་ལྡན་ས་སྐྱའི་མགོན་ཁང་སོ་སོར་སྙན་དར་འཕྲིན་བཅོལ། རིགས་ལྡན་འཇམ་པའི་རྡོ་རྗེ་གོང་བཞུགས་རིན་པོ་ཆེར་ཡང་བསྔགས་བརྗོད་གནང་ཆ་དང་བཅས་ཕེབས་པ་བཞིན་ཟླ་བ་དྲུག་པའི་ཚེས་བཅུ་གཅིག་ལ་ཤབ་ལ་ཕྱིན་ཞེས་གསུང་བ་ལྟར་གདན་ས་བར་དགེ་སྡིངས་བཀྲ་ཤིས་བསམ་གྲུབ་ཏུ་འཇམ་མགོན་ས་སྐྱ་པ་ཆེན་པོའི་ཞབས་ཕྱིར་གནས་གསར་ཞབས་དྲུང་དབོན་སོགས་དོན་གཉེར་ཅན་དུ་མ་ལ་གསུང་ངག་རིན་པོ་ཆེ་སློབ་བཤད་བཙུགས་པ་སྣང་གསུམ་གྲོལ་མཚམས་བདག་ཆེན་རིན་པོ་ཆེ་ཕུར་སྒྲུབ་ལ་ཆིབས་ཁ་སྒྱུར། རྗེ་ཉིད་ལྗགས་བསྙེན་ཁ་གསོའི་སྐབས་བདུད་རིགས་ཀྱི་འཚུབ་ལྷོངས་ཀྱིས་སྐུ་ལྟེམ་བབས་ཤིན་ཏུ་ལྕི་བ་བྱུང་བའི་ཚེ་ནུབ་ཀྱི་མནལ་ལམ་དུ་བུད་མེད་ལུས་ཐོག་ཚད་གང་ཙམ་པ་གཙང་མོའི་གོས་རྒྱན་ལམ་ཙམ་བྱས་པ་བརྗིད་ཆགས་པ་དེའི་གཡས་དཔོན་ས་རྒྱལ་མཚན་པ། དཔོན་ས་ཚེ་བརྟན་པ། །བུད་མེད་གཞན་ཞིག་དང་(༥༠ན)

― GLG009_Page_0819 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་འགའ་འདུག་པས་ཕྱག་འཚལ་ཞིང་དཔོན་ས་རྒྱལ་མཚན་པས་དར་དཀར་པོ་འབུལ་ཚད་ཚད་བྱེད་པ་བྱུང་བར་བསྟན་སྲུང་མ་ཆེན་མོའི་ཆོ་འཕྲུལ་དུ་དགོངས། རེ་ཞིག་ཆོས་མཚམས་མི་གནང་ཀ་མེད་ནས་ཞ་ལུར་ཕེབས་གནས་ཚུལ་སྐྱེལ་བར་དཔོན་པོ་ལོ་ཙཱ་བ་བྱུང་བར་སྐུ་རིམ་གྱི་བརྟག་བབས་སོགས་རྒྱུ་མཚན་གྱི་ཞིབ་ཆ་ཕུལ། དཔོན་ཚང་སྐྱིད་དཔེ་བས་ཞལ་སྐྱུགས་ཐེངས་གཉིས་དྲངས་པས་བདེ་སྐྱིད་ཆེ་ངེས་བྱུང་། བསམ་ཡས་སུ་གསོལ་མཆོད་གནང་དགོས་གདན་ས་གོང་གི་སྣེ་སྦྱོར་བཀའ་ཤོག་དང་བཅས་རྡོར་ལེགས་པ་ཟླ་བ་བདུན་པའི་མཇུག་ཏུ་འབྱོར། བསམ་ཡས་སུ་ཆོས་རྗེ་རྐན་ཕུ་བ་རྫོང་བདའ་བྱེད་ཁ་དང་འགྲིག་པས་གསོལ་ཆས་བཀའ་ཤོག་སོགས་བསྐུར་ནས་རྡོར་ལེགས་པས་འདི་ཁར་ཁྲི་ཕེབས་ཁྱད་ནས་བསྡད། སྐུ་རིམ་ཐེབས་སུ་ནས་ཁལ་ཉིས་བརྒྱ་དངུལ་སྲང་བཅོ་ལྔ་དང་རེ་ཞིག་དབུས་ལ་ཕེབས་པ་བར་ཆད་ཆུང་ངོ་ཤར་བ་སྐུ་ཁམས་ཀྱི་ནམ་ལྕོགས་ལ་བྱོན་ནས་འགབ་པའི་ཕེབས་ལན་ངག་མ་བཅས་རྡོར་ལེགས་བརྫངས། ཧོར་ཟླ་བཅུ་གཅིག་པའི་ཚེས་གཅིག་ལ་ཁྱབ་བདག་ཞ་ལུ་པ་ཆེན་པོ་ཕེབས་ཞག་བཞིའི་བར་རྫོང་དུ་བཞུགས། དེ་ནས་ལྷོ་མོས་སུ་བཅད་རྒྱ་དམ་པར་གནང་། དེ་ཡང་ཚལ་པ་སི་ཏུ་དགེ་བའི་བློ་གྲོས་ཀྱིས། མཁས་པའི་ཡུལ་སར་མཁས་པའི་གཏམ་གྱིས་དགའ་བ་བསྐྱེད། །ཆེན་པོའི་མདུན་སར་ཆེན་པོའི་གཏམ་གྱིས་དགའ་བ་བསྐྱེད། །བླུན་པོའི་མདུན་སར་གྲོང་པའི་ཚིག་གིས་དགའ་བ་བསྐྱེད། ཨེ་མ་རྨོངས་པའི་མདུན་སར་ཆལ་ཆོལ་གཏམ་གྱིས་དགའ་བ་བསྐྱེད། །ཅེས་གང་ཟག་སོ་སོའི་བློ་དང་མཐུན་པར་འཇུག་པ་ཞིག་མ་གཏོགས་བརྗོད་པ་མཐའ་དག་རྣ་བར་མི་(༥༠བ)

― GLG009_Page_0820 ―

^{[མ་དཔེ་གཟིགས་ན་འདིར་གནོན།]}

[Full Size]

འབབ་པའོ། །ཚོགས་བཤད་ཟ་ཟིའི་སྦྱོར་བ་དང་མདོ་སྔགས་ཀྱི་འཁྲིད་ཕྱོགས་རེ་ཙམ་དོན་དུ་གཉེར་པའི་སྐྱེ་བོ་རྣམས་ཀྱི་བློར་ཆུད་དཀའ་བས། འཇམ་དབྱངས་ས་སྐྱ་པཎྜི་ཏས། ལུང་བཟང་འདབ་མའི་ཁུར་གྱིས་ལྕི་གྱུར་ཅིང་། །དྲི་མེད་རིག་པའི་ཟེའུ་འབྲུ་མཛེས་པ་ཅན། །དོན་བཟང་སྦྲང་རྩིའི་བཅུད་ཀྱི་ཟ་མ་ཏོག །བློ་གསར་བུང་བ་འདུ་བའི་དགའ་སྟོན་ཡིན། །ཞེས་རིན་པོ་ཆེ་ལྟ་བུའི་གདུལ་བྱ་མཆོག་ཁོ་ནའི་སྤྱོད་ཡུལ་དུ་གྱུར་པའང་ཇི་སྐད་དུ། །ཡོན་ཏན་ལྡན་པ་ཡོན་ཏན་ལ་དགའ་ཞིང་། །ཡོན་ཏན་མེད་པ་ཡོན་ཏན་ལ་མི་དགའ། །ནགས་ཀྱི་བུང་བ་མཚོ་ཡི་པདྨ་དགའ། །སྦལ་པ་ལྷན་ཅིག་གནས་ཀྱང་དེ་ལྟ་མིན། །ཞེས་སྦལ་པ་པདྨ་དང་བསྐལ་བར་འགྲོགས་ཀྱང་དགའ་བར་མི་སེམས་ཤིང་བུང་བ་ནགས་ཀླུང་དུ་སྡོད་ཀྱང་། །པདྨའི་བཅུད་མྱང་བ་ལ་བརྩོན་པ་ལྟར་ནཱ་ལནྡ་ནས་རྒྱུད་སྡེ་རྒྱ་མཚོར་མཁྱེན་པའི་སྤྱན་ཡངས་བཅོ་བརྒྱད་ཆོས་རྗེ་བྱམས་པ་ངག་དབང་ལྷུན་གྲུབ། ཁྱབ་བདག་བཀའ་འགྱུར་བའི་དཔོན་གནས་གསར་ཞབས་དྲུང་ནམ་མཁའ་བསོད་ནམས་དབང་གི་རྒྱལ་པོ། ལྕགས་ཟམ་ཆོས་རྗེ་ངག་དབང་བསྟན་འཛིན་ཕུན་སུམ་ཚོགས། འདར་པ་རྗེ་དྲུང་བློ་གསལ་བསྟན་འཛིན། དྲུང་ཡིག་འཇམ་དབྱངས་བསྟན་འཛིན། མཆོད་དཔོན་རིན་ཅེན་འཇམ་དཔལ་སོགས་དོན་གཉེར་ཅན་ཉི་ཤུ་སྐོར་ལ་ཧོར་ཟླ་གཉིས་པའི་ཉེར་ལྔ་ནས་ཆོས་འཁོར་བསྐོར་བའང་ཚར་ཆེན་གྱི་གསུང་མགུར་ལས། ཉམས་ལེན་གདམས་པའི་གཙོ་བོ་ནི། །རྒྱལ་ཡུམ་བདག་མེད་མཁའ་འགྲོ་ལ། །པཎ་གྲུབ་དབང་པོ་བི་རཱུ་པས། །ནོས་པ་ནས་བཟུང་ད་ལྟའི་བར། །རྩ་བའི་བླ་མ་ཡན་ཆོད་དུ། །དབང་བཞིའི་ཆུ་བོ་མ་ནུས་པའི། །བླ་མའི་གསུང་ངག་བདུད་རྩིའི་རྒྱུན། །ཚད་མ་བཞི་ལྡན་དབང་བཞིའི་(༥༡ན)

― GLG009_Page_0821 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ། །རྡོ་རྗེ་ཐེག་པའི་སྙིང་པོ་ཡིན། །ཞེས་བདག་མེད་རྡོ་རྗེ་བཙུན་མོས་མཁས་གྲུབ་ཀྱི་གཙུག་རྒྱན་དཔལ་ལྡན་ཆོས་སྐྱོང་ལ་གནང་བ་ནས་བཟུང་ཟབ་ཆོས་དབང་གི་ཆུ་བོ་མ་ནུབ་ཅིང་སྙན་བརྒྱུད་མཁའ་འགྲོའི་ཁ་རླངས་གདུང་བརྒྱུད་རིམ་པར་ཆིག་བརྒྱུད་དུ་བྱིན་པ་གསུང་ངག་རིན་པོ་ཆེ་སློབ་བཤད་ཀྱི་དབང་འཁྲིད་ལུང་བྱིན་རླབས་རྣམས་གེགས་མེད་དུ་ཤིན་ཏུ་སྨིན་པར་སྩལ་བའི་རྒྱུན་ནུབ་པ་མེད་པའི་རྟེན་འབྲེལ་གྱི་སྒོ་ཕུན་སུམ་ཚོགས་པ་ནི་དཔལ་མགོན་སྟོབས་འཕྲོག་དབང་པོ་དང་ལས་མགོན་པུ་ཏྲ་ཆེན་པོ་གཉིས་ཀྱིས་འཕྲིན་ལས་བསྒྲུབས་པར་གོར་མ་ཆག །ཆོས་ཞུ་བ་རྣམས་ཀྱིས་སྒྲོལ་དཀར་གྱི་ཚེ་ཆོག་འཆི་བླུ་དང་འབྲེལ་བའི་བརྟན་བཞུགས་ཕུལ་ཞིང་དཔོན་སློབ་སོ་སོ་ནས་ཆོས་སྐྱོང་རྣམས་ལ་གཏང་རག་དང་ཚོགས་མཆོད་རྒྱས་པར་མཛད་དོ། །རྩ་ཆེན་བླ་མའི་སྙན་བརྒྱུད་བདུད་རྩི་སོགས། །སྨིན་གྲོལ་ལུང་གི་བགྲངས་ཡས་སྒོ་ཕྱེ་ཚེ། ཁྱབ་བདག་རྡོ་རྗེ་སེམས་དངོས་ཞ་ལུ་པར། །ངེས་རྙེད་གཞན་དུ་འཚོལ་བའི་སྤྲོས་པ་བཅད། །འཁོན་སྟོན་འཇམ་དཔལ་རྡོ་རྗེ་ཡབ་སྲས་ནས། །རིགས་ཀྱི་བདག་པོར་བཀུར་པའི་ཆེ་ཆུགས་གཞུ། །དམན་འགྲོར་རྗེས་བརྩེའི་རྒྱུད་ཀྱིས་རབ་བཀུག་པའོ། །ལྷག་བསམ་མར་མེ་མཛད་དཔལ་ཚུལ་ལ་འགྲན། །མདོ་རྒྱུད་གདམས་པའི་ཚོང་ཟོང་རིན་ཅེན་དཔྱ། །རིས་མེད་གཞན་ལ་གཏོང་དང་རང་ཉིད་ཀྱིས། །བླངས་ནས་ལུང་རྟོགས་ནོར་བུའི་བློ་གྲོས་མཛོད། །ཡོངས་སུ་གང་བྱེད་དེད་དཔོན་གཞན་ན་ཅི། །ཐུབ་བསྟན་སྲོག་ཟུངས་འཛིན་ཁྱོད་ཟིལ་མངར་བཅུད། །ཕྲོག་བདུད་སྔ་ཕྱིར་ལངས་པའི་སྒྲ་གཅན་མགྲིན། །མཆོག་གསུམ་ཐུགས་རྗེ་བསྐུལ་དང་དྲང་སྲོང་གི །དམོད་དབལ་རྡོ་རྗེ་སྲིན་པོའི་(༥༡བ)

― GLG009_Page_0822 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོས་བཅད། །སྦྱོར་ངན་ཡུན་དུ་ཞེན་པའི་བསྙུན་གྱི་དྲི། །མ་དག་ཟུག་རྔུ་འབྱིན་པའི་མཐོ་རིས་ཆུ། །འདྲེན་པའི་རོ་ནུས་སྦྱོར་སྡེ་འཕྲུལ་པོ་ཆེ། །བྱེད་པོ་ལྷ་ཡི་སྨན་པ་ཐ་སྐར་སྐྱེས། །བློ་གྲོས་རབ་ཡངས་རྐྱེན་གྱིས་མི་གཡོ་བརྟན། །ཀུན་བཟང་མཆོད་པ་མཐའ་ཀླས་དཀྱིལ་འཁོར་ལ། །སྤྲོ་བའི་དབང་གི་རྒྱུན་ཉམས་སླར་གསོ་བ། །བསྟན་ལ་གཅིག་ཏུ་ཆེ་བའི་མཛད་པའི་ཕུལ། །མ་དང་མཁའ་འགོའི་ཁ་རླངས་ཀཏྤུ་རའི། །གཟེགས་མ་ཕྱོགས་བརྒྱར་འཕྲོ་བ་གསར་པའི་གཏེར། །མི་བསུན་འབྱུང་པའི་ཚ་ངད་ཡོངས་བཅིལ་བ། །གན་ཇག་ཐང་ཏའི་རྣམ་པར་སྤྲུལ་ལས་བཞས། །ཆས་དཀོན་ཟབ་དོན་སྣོད་དུ་རིགས་སད་པར། །སྙན་བརྒྱུད་ཚད་མ་བཞི་ལྡན་གསུངས་པའི་མོད། །དཀྱིལ་འཁོར་ལྷ་ཚོགས་དགྱེས་པའི་བདེན་ཚིག་གླུ། །ལེན་ཞིང་སྲིད་མཐར་འཕེལ་བའི་ཤིས་པ་བརྗོད།།དེ་ལྟར་རྗེ་འདི་ཉིད་ཀྱིས་དམ་པའི་ཆོས་གསན་པ་དང་གར་ཐིག་དབྱངས་སྐར་རྩིས་སོགས་གནས་ཀྱི་སློབ་དཔོན་རགས་རིམ་གོང་དུ་གསལ་བ་བཞིན་དང་། གཞན་ཡང་རྩེ་གདོང་ཁྲི་ཆེན་ཀུན་དགའ་བསོད་རྣམས་ལྷུན་གྲུབ་བཀྲ་ཤིས་གྲགས་པ་རྒྱལ་མཚན། ས་སྐྱ་སྒར་ཆེན་མཐུ་སྟོབས་དབང་ཕྱུག །འབྲུག་པ་ཞབས་དྲུང་བསྟན་པའི་ཉི་མ། འབྲུག་པ་སྤྲུལ་སྐུ་རིན་པོ་ཆེ་བློ་བཟང་མི་ཕམ་དབང་ཕྱུག །ངམ་རིང་མཁན་ཆེན་ཀླུ་སྒྲུབ་ཆོས་ཀྱི་རྒྱལ་མཚན། ཞ་ལུ་མཁན་པོ་ནམ་མཁའ་ཆོས་ལྡན། ཆོས་ལུང་མཁན་ཆེན་ཐུག་པོ་པ་ལུང་རིགས་ཀུན་དགའ་རྒྱ་མཚོ། བཟང་ལྡན་མཁན་པོ་རྒྱལ་རྩེ་བ་ཀུན་དགའ་བསོད་ནམས་གྲགས་པ། བསམ་སྡིངས་སྤྲུལ་སྐུ་བདེ་ཆེན་མཚོ་མོ། ལྕོག་གྲ་སྤྲུལ་སྐུ་ངག་དབང་སྙན་གྲགས་བཟང་པོ། །(༥༢ན)

― GLG009_Page_0823 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་བདག་སྨན་ལུང་པ་བློ་མཆོག་རིག་པའི་རྡོ་རྗེ། ཆོས་རྗེ་དཀོན་གཉེར་དཔོན་དགེ་སྟེང་པ་བྱམས་པ་ཀུན་དགའ་འབྱུང་གནས། མངའ་རིས་འོད་གསལ་མཆོག །དགོན་པ་སྒྱི་ལུང་བ་སྔགས་འཆང་སྐྱོ་སྟོན་དཔལ་འབྱོར་ཚེ་བརྟན་ཁང་རྙིང་སློབ་དཔོན་དགེ་སློང་བསམ་གཏན། སྡེ་པ་གནས་གསར་པ་ནམ་མཁའི་མཚན་ཅན། ཀུན་མཁྱེན་དཔལ་བཟང་དབང་པོ། །བླ་ཆེན་སདྒྷ་ཤྲཱི། ཞ་ལུ་བླ་ཆེན་རིན་ཅེན་འོད་ཟེར། རས་ཆེན་ཀུན་དགའ་ལྷ་དབང་། ཁྲོ་ཕུ་དུས་ཞབས་པ་དཔལ་རྒྱས་དབང་པོ། ཁང་རྙིང་སློབ་དཔོན་རིན་ཅེན་ཚུལ་ཁྲིམས། རྩེ་ཆེན་དུས་འཁོར་སློབ་དཔོན་ཆོས་ཀྱི་རྗེ་བཀྲ་ཤིས་རྒྱལ་མཚན། སྣར་ཐང་པཎ་ཆེན་གྲགས་པ་དཔལ་འབྱོར། མངའ་རིས་རྒྱལ་ཚབ་པ་བརྩོན་འགྲུས་རྒྱལ་མཚན། ལྷོ་སྟོད་སྡེ་པ་དབྱངས་ཅན་སྤོབས་པ་བཟང་པོ། རི་ཁྲོད་དབུ་མཛད་བསམ་གྲུབ་རྒྱལ་མཚན། གྲུབ་ཆེན་བཀྲ་ཤིས་དོན་གྲུབ། བླ་མ་རིན་པོ་ཆེ་བསམ་གྲུབ་རྒྱལ་མཚན། མངའ་རིས་ཕྱག་རྡོར་བ་སོགས་མང་དུ་སྣང་། དམ་པའི་ཆོས་ཀྱི་འཁོར་ལོ་བསྐོར་པའི་སློབ་མའི་གྲངས་ཆེས་མང་ནའང་རགས་རིམ་ཙམ་བརྗོད་ན་རྗེ་བཙུན་ས་སྐྱ་བ་ངག་དབང་བསོད་ནམས་དབང་ཕྱུག་ཡབ་སྲས། ཁྱབ་བདག་བཀའ་འགྱུར་བ་ཆེན་པོ། གླང་ཕུ་ཆོས་རྗེ་རིན་པོ་ཆེ། རྒྱལ་རྩེ་ཞབས་དྲུང་བྱམས་པ་ངག་དབང་བསོད་ནམས་རྒྱལ་མཚན། བཟང་ལྡན་མཁན་པོ་རྒྱལ་རྩེ་ཀུན་དགའ་བསོད་ནམས་གྲགས་པ། ཚོགས་བྱེ་རྫིང་མཁན་པོ་སངས་རྒྱས་བཟང་པོ། ལྕགས་ཟམ་སྤྲུལ་སྐུ། ལྷ་ཁང་མཁན་ཆེན། ལོ་ཕུ་མཁན་ཆེན་བྱམས་པ་ངག་དབང་(༥༢བ)

― GLG009_Page_0824 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་བཟང་། བཅོ་བརྒྱད་ཆོས་རྗེ་བྱམས་པ་ངག་དབང་ལྷུན་གྲུབ་ཁུ་དཔོན། གནས་གསར་ཞབས་དྲུང་དབོན་ནམ་མཁའ་བསོད་ནམས་དབང་གི་རྒྱལ་པོ། ཁྱབ་བདག་ཁྲ་ཚང་བ་ཆེན་པོ། ཆོས་རྒྱལ་གཏེར་བདག་གླིང་པ། མཚན་སྒྲོག་མཁན་པོ་ངག་དབང་འཕྲིན་ལས། སྒེར་པ་རྗེ་དྲུང་ངག་དབང་བསྟན་འཛིན་ཕུན་ཚོགས། ཆོས་རྗེ་དཀོན་གཉེར་དཔོན་དགེ་སྟེང་པ་བྱམས་པ་ཀུན་དགའ་འབྱུང་གནས། ངོར་ནས་མཁན་སྒྲུབ་ཁང་པ་དཔལ་མཆོག་རྒྱལ་མཚན། མཁན་དཔལ་གླིང་པ་བསོད་ནམས་རྒྱལ་མཚན། མཁན་ཐར་རྩེ་པ། ཤར་པ་ཀླུ་སྡིངས་ཡེ་ཤེས་པ། སྒྲུབ་ཁང་དཔོན་པོ་ཤཱཀྱ་དོན་གྲུབ། ཐར་རྩེ་དབོན་པོ། ཞ་ལུ་ནས་མཁན་པོ་སྐུ་ཞང་། སློབ་དཔོན་རིན་ཅེན་ཚུལ་ཁྲིམས། བླ་ཆེན་དགེ་འདུན་དཔལ་བཟང་། དུས་འཁོར་སློབ་དཔོན་བཀྲ་ཤིས་རྒྱལ་མཚན། དཀར་པོ་སློབ་དཔོན་ཀླུ་སྒྲུབ་རྒྱལ་མཚན། རི་ཕུག་དབུ་མཛད་སངས་རྒྱས་འོད་ཟེར། ཁང་རྙིང་སློབ་དཔོན་མཁྱེན་རབ་རབ་བརྟན། རབ་རྒྱས་སློབ་དཔོན་རིན་ཅེན་ཆོས་འཕེལ། གྲང་ཆེན་སློབ་དཔོན་བློ་བཟང་བཀྲ་ཤིས། དཀར་པོ་སློབ་དཔོན་མཁྱེན་རབ་དར་རྒྱས། བླ་ཆེན་རིན་ཅེན་ཕུན་ཚོགས། བླ་མ་བསོད་ནམས་རྒྱ་མཚོ། དབྱེ་དམར་བླ་མ་སངས་རྒྱས་ཆོས་འཕེལ། གོང་དཀར་ཆོས་སྡེ་ནས། གྲ་ཐང་མཁན་པོ་འཕྲང་འགོ་སྡེ་པ་ཆོས་རྗེ། སློབ་དཔོན་རྣམ་མཁྱེན་གྲོང་པ། ནམ་མཁའ་མཛོད་པ། མཚུངས་མེད་ཉི་མ་གླིང་པ། ཀུན་བཟང་རྩེ་པ་དཔལ་ལྡན་ཚུལ་ཁྲིམས། མཁས་གྲུབ་དགེ་བའི་དབང་པོ། བླ་མ་རབ་འབྱམས་པ་རིན་ཅེན་རྒྱ་མཚོ། མཁས་པའི་དབང་པོ་དགེ་སློང་འཕྲིན་ལས་པ། དཔོན་སློབ་རིག་པ་རྣམ་(༥༣ན)

― GLG009_Page_0825 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ། བླ་མ་རྣམ་རྒྱལ་བཀྲ་ཤིས། ཐེག་མཆོག་གླིང་པ་དགེ་སློང་འཇམ་དབྱངས་སོགས་ཆོས་འཆད་པ། དཔལ་འཁོར་ཆོས་སྡེ་ནས། ལྷ་བོ་སློབ་དཔོན་བཀྲ་ཤིས་རྒྱ་མཚོ། གསེར་བཀང་སློབ་དཔོན་དགའ་བདེ་ནས། ཆོས་འཁོར་སློབ་དཔོན་མཁས་མཆོག་བསྟན་པའི་སྒྲོན་མེ། རིན་ལྡིང་སློ་དཔོན་ཀུན་དགའ་བྱམས་པ་དང་རིན་ཅེན་བཟང་པོ། བྱམས་ཆེན་སློབ་དཔོན། གུར་པ་སློབ་དཔོན་རྣམས་དང་། གཞན་ཡང་དགའ་ལྡན་གསུང་རབ་གླིང་སློབ་དཔོན་གནས་ལྔ་རིག་པ་གུང་ཐང་པ་བཤེས་གཉེན་རྣམ་རྒྱལ། སྐྱེད་ཚལ་འོག་མཁན་པོ་ཁྱུང་། འཛམ་གླིང་ཆོས་འཁོར་གྱི་བླ་མ། འབའ་ར་སྤྲུལ་སྐུ། གཡུ་མཚོ་སྐུ་སྐྱེ། དབྱེ་ཁང་བླ་མ་མངའ་བདག་པ། འདར་པ་རྗེ་དྲུང་བློ་གསལ་བསྟན་འཛིན། སྙེ་མོ་རུའི་མཁན་པོ་རྒྱལ་མ་པ། ཁྲོ་ཕུ་དུས་ཞབས་པ། རྒྱལ་བྱེད་ཚལ་བཤད་གྲྭའི་བླ་མ། ལྷོ་སྟོད་པ་དབྱངས་ཅན་སྤོབས་པ་བཟང་པོ། མངའ་རིས་ཕྱག་རྡོར་པ། དབུ་མཛད་བློ་བཟང་ཡོན་ཏན། མཆོད་དཔོན་ངག་དབང་ཤེས་རབ། དགེ་སློང་འཇམ་དབྱངས་གྲགས་པ། དཔལ་གྲོང་སྔགས་རམས་པ། དཔོན་ཚང་དར་མོ་བ། དྲུང་ཡིག་འཇམ་དབྱངས་བསྟན་འཛིན། འབྲས་སྤུངས་བསམ་བློ་རབ་འབྱམས་པ་སྤྱིན་པ། དགེ་སློང་བཀྲ་ཤིས་དོན་གྲུབ། མ་ཎི་བ་རིན་ཅེན་དགའ་ལྡན་སོགས་ཆེས་མང་། ཐམས་ཅད་མཁྱེན་པ་བུ་སྟོན་རིན་པོ་ཆེའི་གཟིམས་ཆུང་དང་སྦྲགས་པའི་རི་ཕུག་གི་ཐང་ཁ་ཆོས་ཁྲི་ལ་གསེར་གྱི་རྒྱ་ཕིབས་དགོས་ཚུལ་ཕེབས་ནན་བཞིན་རྒྱུག་མཐོ་བཅོ་བརྒྱད་ཀྱི་ཁྱོན་ཚད་གྲུབ་པར་ཉེ་སྐབས་དང་། སྡོམ་གསུམ་དུ། སོ་སོ་ཐར་པའི་བསྟན་པ་ནི། །ནུབ་ཀྱང་གཟུགས་(༥༣བ)

― GLG009_Page_0826 ―

^{[མ་དཔེ་གཟིགས་ན་འདིར་གནོན།]}

[Full Size]

བརྙན་ཙམ་ཞིག་སྣང་། །རྡོ་རྗེ་ཐེག་པའི་བསྟན་པ་ནི། །གཟུགས་བརྙན་ཙམ་ཡང་མི་སྣང་ངོ་། །ཞེས་དེང་སང་རྒྱུད་སྡེ་བཞིའི་སྨིན་གྲོལ་མཚན་ཉིད་དང་ལྡན་པ་ནི་ཤིན་ཏུ་དཀོན་ཞིང་བསྟན་པ་ཕྱི་དར་གྱི་འགོར་འཇིག་རྟེན་གྱི་མིག་གཅིག་པུ་རིན་ཅེན་བཟང་པོ་སོགས་ཀྱི་བཀའ་དྲིན་ལས་རྣལ་འབྱོར་རྒྱུད་དར་རྒྱས་ཆེ་བ་རིམ་གྱིས་འགྲིབ་པར་ཉེ་བ་ན། ཀུན་མཁྱེན་བུ་སྟོན་གྱིས་བསྟན་པ་གསོ་བར་བཞེད་ནས་ཡིག་འཇོག་དང་ཕྱག་ལེན་གཙོ་བོར་མཛད་ཅིང་། མཁྱེན་རབ་ཆོས་རྗེས་ང་དགའ་ལྡན་ནས་རྒྱལ་བ་བུ་སྟོན་ཆོས་རྗེས་རྣལ་འབྱོར་རྒྱུད་ཀྱི་བསྟན་པ་སྤེལ་བར་བཏང་པ་ཡིན་ཏེ་ལག་རྗེས་བློ་ཁ་རྫོགས་པ་ཞིག་མ་བྱུང་། ཆོས་རྗེས་དྲུང་དུ་རྣལ་འབྱོར་རྒྱུད་ལ་བྱ་བ་བྱས་ཚུལ་ཞུར་འགྲོ་དགོས་པ་ཡོད་ནའང་། ངོ་གནོང་བ་ལས་མེད་གསུང་བ་རྣམ་ཐར་དུ་གསལ་ཞིང་། ཁྱབ་བདག་བཀའ་འགྱུར་པ་ཆེན་པོས། རྣལ་འབྱོར་རྒྱུད་འདི་ཕྱག་ལེན་དཀའ་ལ་དཀོན་པ་འདུག་པས་དར་ཞིང་རྒྱས་པ་ཞིག་བྱུང་ན་བསམས་གོང་དཀར་ཆོས་སྡེར་ཡོ་ག་སྒྲུབ་མཆོད་ཉིན་གཅིག་སྤར་ཐུབ། ད་ཞ་ལུར་རྣལ་འབྱོར་རྒྱུད་ཀྱི་དཀྱིལ་འཁོར་བཅུ་གསུམ་པོ་སྒོ་བཞིའི་ཕྱག་ལེན་གར་དབྱངས་རྒྱས་པ་ཞིག་ཚུགས་ལ་རེ་ཡིན་ཞེས་རྗེ་འདི་ཉིད་ལ་གསུང་གླེང་བྱུང་བ་སོགས་ལ་བརྟེན་བསྟན་པའི་འཕེལ་རྒྱས་དང་བླ་མ་རྣམས་ཀྱི་བཞེད་པ་སྐོང་བྱེད་རྣལ་འབྱོར་རྒྱུད་ཀྱི་དཀྱིལ་འཁོར་བཅུ་གསུམ་པོ་ཁྲོ་སྤྲོ་གར་དབྱངས་སོགས་ཆ་ཚང་བའི་སྟེང་འཇིགས་བྱེད་དང་གནས་བཅུ་མཆོད་པ་གཉིས་བསྣན་ཏེ་ཁག་བཅོ་ལྔ་ཉིན་བཅོ་ལྔའི་བར་གྱི་སྒྲུབ་མཆོད་རྡོ་རྗེ་འཆང་གནས་གསར་བ་ཁུ་དབོན་དང་མཁས་གྲུབ་དཔལ་ལྡན་དོན་གྲུབ་ཀྱི་དགོངས་རྫོགས། དམ་པ་ཉིད་ཀྱིས་ལམ་གྱི་བོགས་འདོན་པའི་ཚོགས་གསོག་ལ་དགོངས་ཏེ་(༥༤ན)

― GLG009_Page_0827 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲས་བཏགས། རྣམ་རྒྱལ་གྱི་མཆོད་རྟེན། སྐུ་བེར་ལེགས་པ། ཁ་ཐི་དམར་སེར་དང་རྒྱན་བཞི་སོགས་གོས་ཡུག་ལྔ། མཎྜལ་མདོང་མོ་ལྔ་བཅུ་མ་བཅས་ཁྱོན་བསྡོམས་དངུལ་སྲང་སུམ་བརྒྱ། རྟ་ལྔ། དྲེའུ་གཉིས། རས་དཀར་ཡུག་རྣམས་ཀྱི་རྟེན་སྤམས་མཐོ་བ་དང་བཅས་བཀའ་ནན་ལྕི་བ་ས་འབྱེད་ཀྱི་སྒོ་དོད་པས་ཡོ་གའི་བསྟན་པ་ལ་ལོ་ཙཱ་བ་ཆེན་པོ་རིན་ཅེན་བཟང་པོ་སླར་ཡང་བྱོན་པ་ལྟ་བུར་སྣང་། གསུང་ངག་རིན་པོ་ཆེ་གྲུབ་ནས་དེང་སང་སྐུ་ངལ་གསོ་བ་དང་སྦྲགས་གསན་ཡིག་བསྒྲིགས་པ་གནང་སྐབས་ཡིན་ཞིང་། རྡོ་རྗེའི་ཁྲི་ལ་གཡོ་བ་མེད་པར་བཞུགས་ཏེ་དམ་པའི་ཆོས་ཀྱི་འཕྲིན་ལས་གདུལ་བྱའི་རྒྱུད་ལ་ཆད་པ་མེད་པར་འཇུག་པ་ཕུན་སུམ་ཚོགས་པའི་རྟེན་འབྲེལ་ལྷུན་གྱིས་གྲུབ་བཞིན་པ་འདི་ལྟར་ལགས་སོ། །ཨ་ཧོ་དམ་པའི་ཡོན་ཏན་ནམ་མཁའི་ཚད། །འཇལ་བའི་དཀའ་ཐུབ་མེས་པོས་བསྐལ་བ་བརྒྱར། །བླངས་ཀྱང་ཕ་མཐའ་མ་རྙེད་ཟག་བཅས་ཀྱི། །གཉིས་ལ་གཡུར་ན་བདག་བློ་ཕྲ་མོས་ཅི། །ངོ་མཚར་མཛད་པ་མང་པོའི་ཚིག་ཚོགས་ཀྱི། །ཕང་ཕུང་ལོ་མས་དོན་གྱི་ཟེའུ་འབྲུ་སྒྲིབ། །ཐུན་མོང་འགྲོ་ངོར་སྨིན་པའི་འབྲས་བུའི་བཅུད། །མྱངས་ན་གཟུར་གནས་ལྗགས་ཀྱི་དབང་པོ་ཚིམ། །སངས་རྒྱས་སྲས་བཅས་ཕྱོགས་དེར་བསྔགས་པ་ཡི། །བསོད་ནམས་ཕུང་པོ་ཟད་མཐའ་གྲངས་ཡས་ན། །གདན་གསུམ་ཚང་བའི་སྡེ་དཔོན་རྟོགས་བརྗོད་གླུ། །བླངས་འདིས་བསྐལ་གསུམ་ཚོགས་རྣམས་དང་འདུམས་སྙམ། །མ་དག་འཁོར་བ་མཐའ་བྲལ་ཚང་ཚིང་ནགས། །མི་དགེ་རྣམ་སྨིན་གཅན་གཟན་རྒྱུ་བའི་སྲང་། །མུ་མེད་ལས་སྒྲོལ་བཤེས་གཉེན་བཀའ་དྲིན་གྱིས། །མེ་ཏོག་མདའ་ཅན་གཡུལ་དེ་གཅིག་ཏུ་ཕམ། །གདྒཱའི་རྡུལ་གྱིས་མཚོན་མིན་(༥༤བ)

― GLG009_Page_0828 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་བའི་ལུས། པུས་པོའི་ལྷ་ང་སར་བཙུགས་གུས་ཕྱག་འཚལ། །ཕྱི་ནང་གསང་མཆོད་བློ་འདས་རང་སེམས་ངོར། །ཡོངས་འཕྲོད་ནམ་མཁའ་མཛོད་ཀྱི་སྒོ་འཕར་དབྱེ། །སྡིག་ལྟུང་མཚན་གྱི་སྨག་རུམ་སྟོབས་བཞི་ཡི། །གསར་པའི་སྐྱ་རེངས་ཀྱིས་བསངས་སྙིང་ནས་བཤགས། །ཐེག་གསུམ་སྐྱེ་འཕགས་ཡོངས་ཀྱིས་བྱས་སོ་ཅོག། སྟོན་ཟླའི་མདངས་འཛིན་དགེ་ལ་ལྷག་པར་རངས། །བགྲང་ཡས་རྒྱུད་སྡེ་རྒྱ་མཚོའི་ཆོས་འཁོར་ཀུན། །ཐུབ་བསྟན་དེ་སྲིད་བར་དུ་བསྐོར་བར་བསྐུལ། །མགོན་ཁྱོད་ངེས་པ་ལྔ་ལྡན་ལོངས་སྐུ་བཞིན། །བསྐལ་བརྒྱར་མྱ་ངན་མི་འདའ་བཞུགས་གསོལ་འདེབས། །འདིས་མཚོན་རྣམ་སྨིན་དཀར་པོར་བསགས་པའི་ལས། མ་ལུས་མུ་མཐའ་ཡས་པའི་སེམས་ཅན་ཚོགས། །བྱང་ཆུབ་འགོད་ཆེད་རྡོ་རྗེའི་སློབ་དཔོན་ཞབས། །གཡུང་དྲུང་ལྟ་བུར་མི་གཡོའི་རྒྱུ་རུ་བསྔོ། །དཔྱད་གསུམ་ཀུན་ནས་དག་པས་ཡིད་ཆེས་གནས། །གནས་ལུགས་གསོང་པོར་བརྗོད་པ་འཁྲུལ་བྲལ་ཚིག །ཚིག་དོན་ལུང་རིགས་འབྲེལ་འདི་བློ་ལྡན་ཚོགས། །ཚོགས་ཀྱི་དབུས་སུ་དགའ་བའི་གཏམ་དུ་ལོང་། །ཟབ་ཟབ་རྟོགས་པར་དཀའ་བའི་རྣམ་པར་ཐར། །སྙན་སྙན་བརླིང་པོའི་སྡེབ་སྦྱོར་ཉེར་སྤངས་ཏེ །ཡང་ཡང་རང་གི་ཡིད་ལ་གོམས་པ་ཙམ །གསལ་གསལ་མཆོག་དམན་ཡོངས་ལ་ཕན་ཕྱིར་བཀོད། །ལེགས་བྱས་ཕུང་པོར་སྤུངས་འདིས་ཡང་སྲིད་ཀུན། །དགེ་བའི་བཤེས་གཉེན་མུ་ཐི་ལ་ཡི་ཆར། །རྟག་ཏུ་བབས་ནས་གཏན་མདུན་ཟླ་བཞིན་མ། །འགྲུབ་པའི་བསྐལ་བ་བཟང་པོར་འགྱུར་བར་ཤོག །ཅེས་གདན་གསུམ་ཚང་བའི་རྡོ་རྗེའི་སློབ་དཔོན་མཁན་ཆེན་ཞ་ལུ་པ་ཚེ་དབང་ལྷུན་གྲུབ་རབ་བརྟན་བསྟན་པའི་རྒྱལ་མཚན་དཔལ་བཟང་པོའི་རྣམ་པར་ཐར་པ་དཔྱོད་ལྡན་ཡིད་(༥༥ན)

― GLG009_Page_0829 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་འགུགས་པའི་ལྕགས་ཀྱུ་འདི་ནི་མཁྱེན་རབ་ཀྱི་དབང་ཕྱུག་བཅོ་བརྒྱད་ཆོས་རྗེ་བྱམས་པ་ངག་དབང་ལྷུན་གྲུབ་ལྷ་རིགས་འ་ཞའི་རྡོ་རྗེ་འཛིན་པ་ནམ་མཁའ་བསོད་ནམས་དབང་གི་རྒྱལ་པོ། ལྕགས་ཟམ་ཆོས་རྗེ་ངག་དབང་བསྟན་འཛིན་ཕུན་ཚོགས་གསུམ་གྱིས་གསུང་ངག་བརྒྱུད་པའི་ཁ་སྐོང་ལ་རྩོམས་ཤིག་པར་བསྐུལ་མ་མཛད་པས་མཚམས་སྦྱར་རང་ཉིད་ཀྱང་མཆོག་ཏུ་དད་པའི་སྤྲོ་བ་ཆེན་པོས་ཀུན་ནས་བསླངས་ཏེ་རྗེ་བླ་མས་རེག་ཟིག་ཏུ་མཛད་པ་ལ་གཞི་བྱས་འཕགས་པའི་ཡུལ་དུ་ཨཱ་ན་ལ་ཞེས་མེ་དང་། མང་བཀུར་རྒྱལ་པོའི་ཁབ་ཏུ་བིང་ཤིང་ཞེས་གཡུ་འབྲུག་གོས་དམར་ཅན་གྱི་ལོ་ཆུ་སྟོད་ཟླ་བའི་ཤེས་རབ་ཀྱི་ཆའི་བཟང་པོ་གཉིས་པ་པ་སངས་ནམ་གྲུའི་འགྲུབ་སྦྱོར་གྱི་དུས་དགེ་བར་ཟ་ཧོར་གྱི་རིགས་ལས་ལོ་རྒྱུས་སྨྲ་བའི་བཙུན་པ་འཇམ་དབྱངས་དགའ་བའི་བཤེས་གཉེན་དུ་འབོད་པས་ཕོ་བྲང་ཆེན་པོ་པོ་ཏ་ལར་སྦྱར་བའི་ཡི་གེ་པ་ནི་འཕྱོང་རྒྱས་སྤུན་བདུན་པ་ལྷུན་གྲུབ་རྒྱ་མཚོས་བགྱིས་པ་ཕྱོགས་དུས་གནས་སྐབས་ཀུན་ཏུ་ལ་ཀྵྨཱ་བྷ་ཝནྟུ། །མངྒ་ལཾ།། །།