འཇམ་དཔལ་དྲག་པོའི་ཉམས་ལེན་རྒྱུན་འཁྱེར་བཻ་ཌཱུར་བཞུན་མའི་ཆུ་རྒྱུན།― GLG010_Page_0641 ―
[མ་དཔེ་གཟིགས་ན་འདིར་གནོན།]
འཇམ་དཔལ་དྲག་པོའི་ཉམས་ལེན་རྒྱུན་འཁྱེར་བཻ་ཌཱུར་བཞུན་མའི་ཆུ་རྒྱུན་བཞུགས་སོ། །གང་ཞིག་བསྒོམ་དང་བཟླས་པ་ཙམ་གྱིས་ཀྱང་། །མི་(༦༧ན)མཐུན་ཉེས་སེལ་འཇམ་དབྱངས་ནག་པོ་ཡི། །ངག་འདོན་ཉམས་སུ་བླང་བྱར་ཁྱེར་བདེ་བའི། །སྒྲུབ་ཐབས་བཻ་ཌཱུར་ཞུན་མའི་ཆུ་རྒྱུན་འདྲི། །དེ་ལ་འདིར་དཔལ་ལྡན་ས་སྐྱ་པའི་ལྕགས་རི་མི་འདའ་བའི་གསེར་ཆོས་བཅུ་གསུམ་གྱི་ནང་ཚན་འཇམ་དཔལ་ནག་པོའི་སྒོམ་བཟླས་ཉམས་སུ་བླང་བར་འདོད་པས་ཐོ་རེངས་ཕྱི་སྒོ་མ་ཕྱེ་བའི་དུས་ཁ་ཤར་དུ་ཕྱོགས་ལ་སྐྱིལ་མོ་ཀྲུང་བཅས། སྒལ་ཚིགས་དྲང་པོར་བསྲངས་ནས་བདེ་བའི་སྟན་ལ་འཁོད་དེ་སྔོན་འགྲོ་སྐྱབས་སུ་འགྲོ་ཞིང་སེམས་བསྐྱེད་པ་ནི། བདག་སོགས་ནམ་མཁའ་དང་མཉམ་པའི་སེམས་ཅན་ཐམས་ཅད་དུས་འདི་ནས་བཟུང་སྟེ་ཇི་སྲིད་སངས་རྒྱས་མ་ཐོབ་ཀྱི་བར་དུ་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །ཞེས་ལན་གསུམ་སོགས་ཅི་རིགས་པ་བརྗོད། སེམས་ཅན་གྱི་དོན་དུ་སངས་རྒྱས་ཐོབ་པར་བྱ། དེའི་ཆེད་དུ་འཇམ་དཔལ་ནག་པོའི་སྒོམ་བཟླས་ལ་བརྩོན་པར་བགྱིའོ། །ཞེས་ལན་གསུམ་གྱིས་སེམས་བསྐྱེད། དངོས་གཞི་ནི། སྭ་བྷཱ་བས་སྦྱངས། སྟོང་པའི་ངང་ལས་པཾ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རང་གི་སེམས་ཀྱི་ངོ་བོ་དྷཱིཿམཐིང་ནག་ལས་འོད་ཟེར་འཕྲོས། དོན་གཉིས་བྱས། ཚུར་འདུས་ཡོངས་སུ་གྱུར་པ་ལས་རང་ཉིད་འཕགས་པ་འཇམ་དཔལ་སྐུ་མདོག་མཐིང་ནག་ཞལ་གཅིག་ཕྱག་གཉིས་པ། གཡས་རལ་གྲི་ནམ་མཁའ་ལ་འཕྱར་ཞིང་གཡོན་མཐེབ་སྲིན་གྱིས་ཨུཏྤལའི་ཡུ་བ་ནས་ཐུགས་ཀར་བཟུང་སྟེ་འདབ་མ་སྙན་གྱི་ཐད་ན་ཁ་ཕྱེ་བའི་སྟེང་དུ་ཤེར་ཕྱིན་གྱི་གླེགས་བམ་བསྣམས་པ། དར་སྣ་ཚོགས་ཀྱི་སྟོད་གཡོགས་དང་ཤམ་ཐབས་ཅན། རུས་པ་དང་རིན་པོ་ཆེའི་རྒྱན་གྱིས་སྤྲས་པ། ཞབས་རྡོ་རྗེའི་སྐྱིལ་མོ་ཀྲུང་གིས་ཡེ་ཤེས་ཀྱི་མེ་རབ་ཏུ་འབར་བའི་དབུས་ན་བཞུགས་པར་སྐད་ཅིག་དྲན་རྫོགས་སུ་གསོལ་འདེབས། གནས་གསུམ་བརླབ་པ། ཡེ་ཤེས་པ་གཞུག་ཅིང་དབང་བསྐུར་(༦༧བ) |