རྒྱལ་དབང་ལྔ་པ་ཆེན་པོའི་གསུང་འབུམ།

རྒྱལ་དབང་ལྔ་པ་ཆེན་པོའི་གསུང་འབུམ།

གླེགས་བམ། ཝ༽

ངག་དབང་བློ་བཟང་རྒྱ་མཚོ།

Nitartha international

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཐམས་ཅད་མཁྱེན་པ་ལྔ་པ་ཆེན་པོའི་གསུང་འབུམ་པོད་ཝ་པའི་དཀར་ཆག

― GLG020_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་མཁྱེན་པ་ལྔ་པ་ཆེན་པོའི་གསུང་འབུམ་པོད་ཝ་པའི་དཀར་ཆག་བཞུགས་སོ།

― GLG020_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་བལ་བོད་དང་བོད་ཆེན་རྒྱ་ཧོར་སོག་པོས་མཚོན་མཆོག་དམན་བར་མ་མཐའ་དག་གི་སྤྱི་བྱེ་བྲག་ལེགས་ཉེས་འབྱེད་པའི་བཅའ་ཡིག་ལམ་ཡིག་བསྐོ་འཇའ་སོགས་བཀོད་པ་ཁྲིམས་གཉིས་གསེར་ཤིང་ཕུན་ཚོགས་འདོད་འཇོར་ཤོག་གྲངས་ ༡༤༠ སྙན་ངག་མེ་ལོང་གི་བཀའ་འགྲེལ་དབྱངས་ཅན་དགྱེས་པའི་གླུ་དབྱངས་ལ་ཤོག་གྲངས། ༡༣༢ རྩིས་སྐར་ནག་ལས་བརྩམས་པའི་དྲིན་ལན་ཉིན་བྱེད་དབང་པོའི་སྣང་བར་ཤོག་གྲངས། ༥༩ ཁྱོན་བསྡོམས། ༣༣༡

འཕགས་བལ་བོད་དང་བོད་ཆེན་རྒྱ་ཧོར་སོག་པོས་མཚོན་མཆོག་དམན་བར་མ་མཐའ་དག་གི་སྤྱི་བྱེ་བྲག་ལེགས་ཉེས་འབྱེད་པའི་བཅའ་ཡིག་ལམ་ཡིག་སྐོ་འཇའ་སོགས་བཀོད་པ་ཁྲིམས་གཉིས་གསེར་ཤིང་ཕུན་ཚོགས་འདོད་འཇོ།

― GLG020_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་བལ་བོད་དང་བོད་ཆེན་རྒྱ་ཧོར་སོག་པོས་མཚོན་མཆོག་དམན་བར་མ་མཐའ་དག་གི་སྤྱི་བྱེ་བྲག་ལེགས་ཉེས་འབྱེད་པའི་བཅའ་ཡིག་ལམ་ཡིག་སྐོ་འཇའ་སོགས་བཀོད་པ་ཁྲིམས་གཉིས་གསེར་ཤིང་ཕུན་ཚོགས་འདོད་འཇོ་ཞེས་བྱ་བ་བཞུགས་སོ། །

དཔལ་ལྡན་འབྲས་སྤུངས་ཀྱི་འདུས་ཚོགས་གྲྭ་རིགས་སྦྱིན་བདག་དང་བཅས་པས་གོ་བར་བྱེད་པའི་ཡི་གེ་དང་ལྷོ་རྒྱུད་དང་གཙང་རྒྱུད་ཀྱི་དགོན་ཁག་འགའི་བཅའ་ཚེ།

― GLG020_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

སྭ ར སྭ སྟི བ གི ཤྭ རེ ན ནེ མ ས རྦྦཱ སྨི མངྒ ལཾ ཤེ ཡ ཁྲ ཡ ཙྪ། དབྱངས་ཅན་ངག་གི་དབང་ཕྱུག་གིས་དུས་ཐམས་ཅད་ལ་བཀྲ་ཤིས་དགེ་ལེགས་སྩོལ། །བཻ ཌཱུ ཪྻ ལ ཀྵྨི ར ཛ ཀཱུ ཊ ཀ ལཱ པྲ པ ཉྩཾ ནཱ སཾ ཁྱ སཱུ ཪྻ མྲྀ ག ནཱ ཡ ནི ཀཱ ཙི ཏེ ན། ཕུན་ཚོགས་བཻཌཱུར་རྡུལ་བརྩེགས་སྒྱུ་རྩལ་སྤྲོས། །གྲངས་མེད་རྟ་ལྗང་རི་དྭགས་མིག་ཅན་གྱིས། །ཨཱ ལེ ངྒཱི ཏཱ ན མ བྷི ཡ སྱ ཙ ཀཱ ཡ ཀཱ ལྱ སྭ དྡྷོ པ ལ ཤ ས ན སཱུ ཪྻ ཙ བ ནྡྷུ རི ཀྵཾ། །མངོན་པར་འཁྱུད་པས་གང་སྐུའི་ཆ་ཤས་ལ། །འགྲན་པའི་དཔེར་བསྟན་ཉི་མའི་གཉེན་དེས་སྐྱོངས། །དཔལ་སྟུག་བསྟན་པ་རྣམ་རྒྱལ་ཁང་བཟང་དུ། །དཔག་དཀའ་བློ་གྲོས་དབྱུ་གུའི་འཕྲུལ་གྱི་(༢ན)

― GLG020_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོས། །མདོ་རྒྱུད་བཟང་པོའི་ལེགས་བཤད་འཆི་མེད་རྔའི། །གྲགས་པ་སྲིད་གསུམ་སྒེག་མོའི་ཐོས་འཛིན་རྒྱན། །མཁྱེན་རབ་བཀྲ་ཤིས་རྟགས་ཀྱི་སྒྱུ་ཐབས་ལས། །མཁས་གྲུབ་གསེར་གྱི་འདབ་ཅན་ཚོགས་རྣམས་ཀྱི། །གསུང་རབ་ལུས་སྟོབས་སྙེམས་པ་འཕྲོག་མཛད་པའི། །དཔལ་ལྡན་མི་ཡི་སེང་གེ་སྤྱི་བོས་མཆོད། །ཆོས་སྡེ་ཆེན་པོ་དཔལ་ལྡན་འབྲས་སྤུངས་ཀྱི་འདུས་ཚོགས་གྲྭ་རིགས་སྦྱིན་བདག་བཅས་པ་མཐའ་དག་གིས་ངེས་རྒྱུར། སྒོ་མང་བཀའ་བཅུ་བ་ངག་དབང་རྒྱ་མཚོ་དང་། སྔགས་པ་དགེ་ལེགས་ཕུན་ཚོགས་གཉིས་འོས་འདུ་མཐུན་ནང་དུ་གྲུབ་པ་བྱུང་བ་བཞིན་ཆོས་ཁྲིམས་པར་བསྐོ་བཞག་བགྱིས་པ་ཡིན་པས། ཉི་མའི་གཉེན་གྱི་རིང་ལུགས་ཀྱི་སྙིང་པོ་འདུལ་བའི་སྡེ་སྣོད་ལས་ཇི་ལྟར་འབྱུང་བ་བཞིན། ཤཱཀྱའི་དགེ་སྦྱོང་རྣམས་ཀྱིས་སྤང་བླང་གི་གནས་རྣམས་སོ་སོར་མ་འདྲེས་པར་ཡང་དག་པར་བསྒྲུབ་པ་དང་། ཆོས་ཁྲིམས་པས་ཀྱང་རང་འདོད་ཕྱོགས་ལྷུང་དང་ཉེ་འགྱངས་སྤངས་པའི་སྒོ་ནས་བཅའ་ཁྲིམས་དག་ལ་འབད་རྩོལ་ལྷུར་ལེན་བགྱིད་པ་ཅི་ནར་གལ་ཆེ། ཞེས་འཕགས་པའི་ཡུལ་དུ་པྲ་མ་ཏི་ཞེས་བརྗོད་(༢བ)

― GLG020_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་། གངས་ཅན་གྱི་ལྗོངས་འདིར་མྱོས་ལྡན་དུ་འབོད་པ་ས་མོ་ཡོས་ཀྱི་ལོ་ཐོས་ལྡན་ཟླ་བའི་དཀར་ཕྱོགས་ཀྱི་བཟང་པོ་དང་པོའི་ཚེས་ལ་བྲིས། །ཕུལ་བྱུང་བྱམས་བརྩེའི་ལེགས་བྲིས་དཔུང་ཚོགས་དག་གིས་ཆུ་སྲིན་རྒྱལ་མཚན་བཅུད་བྲལ་སྡེ་བཅས་རྣམས། །ལེགས་བཅོམ་ཐབས་མཁས་བསོད་ནམས་སྟོབས་བཅུའི་འཁོར་ལོས་ལྷ་ལམ་བདེ་ཆེན་ངོས་སུ་རྟག་རྒྱུ་བའི། །ཕྱོགས་བྲལ་འགྲོ་བ་འཆི་མེད་རྣམས་ཀྱི་ཕན་བདེའི་གཉེན་གྱུར་ཟས་གཙང་སྲས་པོ་མིག་སྟོང་ཅན། །འདྲེན་མཆོག་ཁྱོད་ཀྱིས་དུས་ཀུན་དགེ་ཚོགས་བདུད་རྩིའི་དཔལ་གྱི་དགའ་སྟོན་འདོད་འཇོ་རྒྱས་པར་མཛོད། །ཕུན་ཚོགས་གནམ་བསྐོས་དབང་ཕྱོགས་རྒྱལ་པོ་ཡི། །བཀའ་ཁྲིམས་བཟང་པོའི་ལུང་གིས་ལྷའི་བླ་མར། །རབ་གྲགས་ཉི་མའི་གཉེན་གྱི་འཕྲིན་ལས་པ། །ཚངས་སྲས་བཞད་པའི་རྡོ་རྗེ་གང་དེའི་གཏམ། །ཁྲིམས་ལྡན་འདུས་གླིང་དབྱིག་འཛིན་གྱི་སྤོ་ལས་མངོན་པར་འཕགས་པའི་ཆོས་སྡེ་ཆེན་པོ་དཔལ་ལྡན་འབྲས་སྤུངས་ཀྱི་སློབ་དཔོན་གྲྭ་རིགས་སྦྱིན་བདག་དང་བཅས་པ་རྣམས་ལ་ཟློ་བ། ཆོས་ཁྲིམས་གསེར་གྱི་ཤིང་རྟ་ཁ་ལོ་མངོན་པར་སྒྱུར་བའི་བྱེད་པོར། བློ་གསལ་གླིང་ནས་དགེ་སློང་དོན་གྲུབ་རྒྱ་མཚོ་དང་། བདེ་ཡངས་ནས་དགེ་སློང་ངག་དབང་བསོད་ནམས་གཉིས་འོས་འདུ་སྤྱི་མཐུན་དུ་འདུག་པ་ལྟར་བསྐོ་གཞག་བྱས་ཡོད་པས། ཁྱོད་གོང་འཁོད་རྣམས་ཀྱིས་སྟོན་པ་བུ་རམ་ཤིང་པའི་ལུང་རྟོགས་ཀྱི་བསྟན་པ་སྤྱི་དང་ཁྱད་པར་རྗེ་བཙུན་འཇམ་དཔལ་སྙིང་པོའི་རིང་ལུགས་དྲི་མ་མེད་པ་ལས་ལེགས་པར་བྱུང་བའི་འཁོར་ལོ་གསུམ་གྱི་བྱ་བ་མཐའ་དག་ཡར་ལྡན་དུ་འགྱུར་བའི་བླང་དོར་གྱི་གནས་རྣམས་ལ་བརྩོན་པ་ལྷུར་ལེན་དུ་བགྱིད་པ་གལ་ཆེ། ཞེས་(༣ན)

― GLG020_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་འགྱུར་འཆང་དུ་བཱི་ར་ཞེས་གྲགས་པ། བསིལ་བའི་ལྗོངས་འདིར་དཔའ་བོར་འབོད་ཅིང་། ཤར་ཕྱོགས་རྒྱ་ནག་གི་རྒྱལ་ཁམས་སུ་དབང་ཐང་དང་བསྟུན་པ་ལྕགས་འབྲུག་ཧོར་གྱི་ཟླ་བ་དྲུག་པའི་དཀར་ཕྱོགས་ཀྱི་རྒྱལ་བ་དང་པོའི་ཚེས་ལ།ལོ ཀེ ནྡྲདཱ ཥྚཱ ཤི བ ས ལི ཀ སུ ནཱ སཱི རཱ ཧཱི དྲྭེ མཱ ཏུ ཪྻ ཤྱ མ རུ པ ཀ ཙ ཀ རྟི ཀྱཾ ། འཇིག་རྟེན་དབང་པོ་རྣ་བ་བརྒྱད་པ་གཙུག་ན་ཟླ་བ་པད་དཀར་མིག །གྲགས་པའི་མུ་ཁྱུད་མ་གཉིས་པ་དང་སྔོ་བསངས་ལུས་ཅན་ཀཪྟིཀ །ཏྲཻ བྷཱ བ ཀྱཱ སྨིཾ བ ལ ཀ བ ཧུ ཤི རེ པ ཏ ན ཡ སྶཽ ཁྱི ཤྲཱི དཱ ཡཾ སུ ག ཏ ས ཀ ལ ཀཱ ལེ ཛི ཏྲ། སྲིད་གསུམ་འདི་ན་དྲེགས་ལྡན་ཀུན་གྱི་སྤྱི་བོར་བགྲོད་བྱེད་ཉེར་འགོད་པ། །ཕན་དང་བདེ་བའི་དཔལ་སྟེར་རྣམ་འདྲེན་ཟས་གཙང་སྲས་པོ་དུས་ཀུན་རྒྱལ། །ཆོས་རྒྱལ་མེས་དབོན་བཀའ་དྲིན་ནོར་འཛིན་དབུས། །མཁན་ཆེན་ཞི་འཚོའི་སོ་ཐར་དཔག་བསམ་ལྗོན། །མཚོ་སྐྱེས་ཐེག་མཆོག་གང་བུའི་གཡུར་ཟ་ལྡེམ། །བྱེད་པོ་ལོ་པཎ་རྒྱལ་བློན་ཕྱག་གི་ཡུལ། །ས་ཧོར་རིགས་ཀྱི་མཁའ་ལས(༣བ)

― GLG020_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་རིག་པའི། །འོད་སྟོང་བཀའ་གདམས་བསྟན་པའི་པདྨའི་ཚལ། །རྒྱས་ཚེ་འབྲོམ་སྟོན་རྗེ་སོགས་བྷྲ་མ་རཿ། །ཐེག་ཆེན་གླུ་དབྱངས་འགྲོ་འདིའི་ཕན་བདེའི་དཔྱིད། །འཇམ་མགོན་བློ་བཟང་མཁྱེན་པའི་གདོང་དྲུག་གིས། །ལེགས་བཤད་འབྲུག་སྒྲ་མངལ་འཛིན་མངོན་གྱུར་ཚེ། །ཤེས་རློམ་གླང་གདོང་ཚིག་གི་མཆེ་བ་ཀུན། །ཕྱུང་བའི་གྲགས་པ་སྲིད་འདིའི་རྣ་བའི་རྒྱན། །ཕུལ་བྱུང་བསོད་ནམས་རི་སྐྱེས་འཁོར་ལོ་ཡིས། །འཇིགས་བྲལ་ཆོས་ཀྱི་གླིང་བཞིར་མངའ་སྒྱུར་བ། །འཕྲིན་ལས་རྒྱ་མཚོའི་མཐའ་ཡང་དོག་པོར་མཛད། །ཟླ་བྲལ་བརྒྱུད་པར་བཅས་པ་རྒྱལ་འགྱུར་ཅིག །ཅེས་ཤིས་པ་བརྗོད་པའི་ཚིག་གི་འཕྲེང་བ་སྔོན་དུ་བཏང་ནས། ཚེ་རིང་གནམ་གྱི་ཤེ་མོང་ལ་བརྟེན་ནས་སྟོབས་ཀྱི་འཁོར་ལོས་སྒྱུར་བ་དབང་ཕྱོགས་གོང་མ་རྒྱལ་པོའི་ལུང་གིས་རྡོ་རྗེ་འཆང་ལྷའི་བླ་མར་འབོད་ཅིང་། གནམ་གྱི་བུ་བོ་དོན་ཆ་མུར་གན་གྱི་རིགས་བརྒྱུད་ལས་སོན་པ་ཇིང་གིར་ཧོར་གྱི་རྒྱལ་པོའི་མངའ་འོག་ཡངས་པའི་ཆར། ཏཱ་ལའི་བླ་མ་བཛྲ་དྷ་ར་ཞེས་མིང་ཡོངས་སུ་གྲགས་པའི་གཏམ། སྡེ་དྲུག་གིས་ཐོག་དྲངས་པའི་ལྷོ་ཕྱོགས་ཀྱི་རྒྱུད་དུ་འཁོད་པའི་ཁྲིམས་ལྡན་འདུས་པའི་ཚོགས་རྣམས་ལ་ཟློ་བ། གྲངས་མེད་པའི་ལུས་ཅན་ཐམས་ཅད་ཀྱི་ཕན་པ་དང་བདེ་བའི་དྲི་བསུང་དམ་པ་ཡུན་དུ་གནས་པ། ཀུན་མཁྱེན་སྟོབས་བཅུ་མངའ་བའི་བསྟན་པ་དྲི་མ་མེད་པ་དཔག་བསམ་གྱི་ལྗོན་པ་ཆེན་པོ་ལ་རག་ལུས་ཤིང་། དེའང་འདུས་པའི་ཚོགས་རྣམས་ཀྱིས་བགྱིད་པར་འོས་པའི་གནས་འཁོར་ལོ་གསུམ་གྱི་བྱ་བ་ཡང་དག་པར་བསྒྲུབ་པ་ལ་རག་ལུས་པས། ཀེ་ལ་ཤ་ཡི་ར་བས་ཡོངས་སུ་བསྐོར་བའི་ལྗོངས་འདིར། ཆོས་ཀྱི་རྒྱལ་པོ་མེས་དབོན་རྣམ་པ་གསུམ་དང་། མཁན་སློབ་གཉིས་ལ་སོགས་པའི་ལོ་པཎ་རྣམས་ཀྱི་གཞལ་དུ་མེད་པའི་བཀའ་དྲིན་ལས། (༤ན)

― GLG020_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་པའི་ལུང་དང་རྟོགས་པའི་བསྟན་པ་རིན་པོ་ཆེ་དབྱར་དུས་ཀྱི་ཆུ་གཏེར་བཞིན་ཆེས་ཆེར་རྒྱས་པར་མཛད་ཅིང་། ཁྱད་པར་དུའང་རྒྱལ་བའི་གསུང་རབ་མཐའ་དག་ལ་ཕྱོགས་སུ་ལྷུང་བ་མི་མངའ་བར་མདོ་སྔགས་ཀྱི་བསྟན་པའི་སྲོལ་མཐའ་དག་སྤེལ་བར་མཛད་པ་ལ་གཅིག་ཏུ་གཞོལ་པའི་ཁམས་གསུམ་ཀྱི་ཆོས་ཀྱི་རྒྱལ་པོ་བཙོང་ཁ་པ་ཆེན་པོའི་རྣམ་དཀར་གྱི་མཛད་པ་མཐའ་ཡས་པ་ལས། ལྷོ་ཕྱོགས་ཀྱི་རྒྱུད་དུ་བསྟན་པ་རིན་པོ་ཆེའི་བཙས་སུ་ལུང་གྲྭ་ཞེས། ཐལ་འགྱུར་བ་དང་རང་རྒྱུད་པའི་གྲུབ་མཐའི་གཞུང་ལུགས་རྣམས་ལ་དངོས་སྟོབས་ཀྱིས་རིགས་པའི་སྒོ་ནས་ལེགས་པར་གཏན་ལ་འབེབས་པའི་སྲོལ་དེང་སང་གི་བར་དུ་གནས་པའི་ཚོགས་དཔོན་དུ་དབུས་འགྱུར་འཆང་སོགས་འཕགས་ཡུལ་གྱི་མཁས་པ་ཀུན་གྱི་ཅོད་པན། ཡོངས་རྫོགས་གནས་ལྔ་རིག་པའི་པཎྜི་ཏ་ཆེན་པོ་ཤཱཀྱ་ཤྲཱི་བྷ་དྲའི་ཆོས་ཀྱི་གདན་ཁྲི་ལ་མངོན་པར་འཛེགས་པའི་མཁན་ཆེན་བློ་བཟང་དགེ་ལེགས་རྒྱལ་མཚན་པར་མངའ་གསོལ་ཡོད་པས། ཁྱོད་གོང་འཁོད་མཐའ་དག་གིས་རྗེས་སུ་འཇུག་པ་རྣམས་ཀྱིས་བགྱིད་པར་འོས་པའི་ཀློག་པ་ཐོས་བསམ་དང་སྤོང་བ་བསམ་གཏན་གྱི་བྱ་བ་སོགས་བླང་དོར་གྱི་གནས་ཀུན་ལ་བཀའ་གདམས་གསར་རྙིང་གི་རྣམ་པར་ཐར་བའི་སྲོལ་ལས་མི་གཡེལ་བའི་སྤང་བླང་འཛོལ་མེད་ཉེ་བར་འཛིན་པ། ཆེན་པོའི་གསུང་བཞིན་གྱིས་ཞེས་གོ་བར་བྱ་བའི་ཡི་གེ་ཁྱུ་མཆོག་ཅེས་པ་ལྕགས་མོ་སྦྲུལ་གྱི་ལོའི་དབྱངས་འཆར་བ་ཉིན་མོར་བྱེད་པ་གླང་གི་ཁྱིམ་དུ་ཞུགས་པའི་ཕྱོགས་སྔ་མའི་དགའ་བ་དང་པོའི་ཚེས་ལ་ཆོས་སྡེ་ཆེན་པོ་དཔལ་ལྡན་འབྲས་སྤུངས་ཀྱི་ལུགས་ཟུང་མཐའ་དག་སྒོ་འཕར་ཅིག་ཅར་འབྱེད་པ་དགའ་ལྡན་ཕོ་བྲང་ནས་བྲིས། །(༤བ)

― GLG020_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ ནུ ཏྟ ར ཛྙ ན རུ པ པྲ ཀྲྀ ཏྱ བྷཱ བ ས དྡྷ དཱ ཤཻ རྦ ལ བ ཙྩ ནཱ ཐི ཀ །བླ་ན་མེད་པའི་ཡེ་ཤེས་རང་བཞིན་ལུས། །སྲིད་འདིར་གྲུབ་པའི་སྟོབས་བཅུ་མངའ་བའི་མགོན། །ཤྲི ཡ ཉྩ ཤཽ དྡྷོ ད ན ཀཱི རྟི གྷོ ཥ ཤ བྡ ཏ དྷཱ ཏ ནཱུ ནཱ ཉྩ བ ས ནྟ པོ ཥ ཏུ། །དཔལ་ལྡན་ཟས་གཙང་སྲས་ཀྱི་གྲགས་པའི་དབྱངས། །སྒྲ་འཛིན་ལུས་ཕྲའི་དཔྱིད་དུ་རྒྱས་གྱུར་ཅིག །རླུང་གི་རྒྱལ་མཚན་རབ་བཀྲའི་ལྡིང་ཁང་ནས། མཚམས་སྤྲིན་མི་ཡི་སྲིད་པའི་ལང་མཚོ་ལ། རྗེས་ཆགས་མཚན་དཔེའི་སྣང་བ་མི་ཟད་པའི། །འཇམ་མགོན་བཙོང་ཁ་པ་དེས་དགེ་བར་མཛོད། །གཟུགས་སྐུའི་ཟླ་སྣང་ཆ་ཤས་ཡོངས་རྫོགས་པར། །མཛེས་སྡུག་རི་དྭགས་ངོ་མཚར་དྲ་བའི་གར། །གསེར་མངལ་མཆེ་བའི་པིར་གྱིས་རབ་བྲིས་པའི། །དབྱངས་ཅན་ཚངས་པའི་སྲས་ཀྱི་དགེ་ལེགས་སྩོལ། །ཞེས་དབྱངས་ཅན་བདུན་གྱི་རང་བཞིན་མི་ཟད་པའི་འདོད་པ་འཇོ་བའི་རྒྱུད་ལས་ཉེ་བར་དྲངས་པའི་ཤིས་པ་བརྗོད་པ་སྔོན་དུ་འགྲོ་བས་གནམ་(༥ན)

― GLG020_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོས་ས་ལ་སྤྱོད་པའི་ཚངས་པ་མིའི་གཟུགས་ཅན། རྒྱ་ནག་གོང་མའི་ལུང་གིས་ཀྭདིང་གུ་ཤྲཱི་ཞེས་ཆོས་ཀྱི་རྒྱལ་པོ་རྒྱལ་ཁམས་ཐམས་ཅད་ཀྱི་འདྲེན་པར་དབང་བསྐུར་བ་གང་གི་ཡི་གེ །འཕགས་མཆོག་རིགས་གསུམ་གྱི་མགོན་པོའི་ཟློས་གར་བོད་རྒྱལ་པོར་ཤར་བ་རྣམས་ཀྱི་བཀས་རུ་བཞིར་གྲགས་པའི་གཡས་རུ་གཙང་གི་ཆར། བསྐལ་བ་བཟང་པོ་འདིའི་འདྲེན་པའི་དབང་ཕྱུག་རྒྱལ་བ་བུ་རམ་ཤིང་པའི་བསྟན་པ་རིན་པོ་ཆེའི་འཆད་རྩོད་རྩོམ་གསུམ་གྱི་སྒོ་ནས་འཛིན་པའི་ངམ་རིང་ཆོས་སྡེའི་འདུས་པ། དགོན་ཕྲན། སྦྱིན་བདག སྣེ་སླེབས་དང་བཅས་པ་མཐའ་དག་ལ་ཟློ་བ། ཆོས་སྡེའི་ཁྲི་ཐོག་ཏུ་སྔོན་གྱི་འཇིག་རྟེན་གྱི་མིག་གཅིག་བུ་རྣམས་ཀྱི་རྗེས་སུ་ཞུགས་པ། ཐུབ་བསྟན་ཡོངས་སུ་རྫོགས་པའི་རབ་འབྱམས་སྨྲ་བ་ལོ་ཙཱ་བ་ཚེ་བརྟན་རྒྱལ་མཚན། བསྟན་འཛིན་ཆོས་ཀྱི་རྒྱལ་པོ་མཆོད་ཡོན་ནས་བསྐོ་བཞག་མཛད་སོང་བ། ཁྱོད་གོང་འཁོད་རྣམས་ཀྱིས། ཀློག་པ་ཐོས་བསམ་དང་སྤོང་བ་བསམ་གཏན་སོགས་རབ་ཏུ་བྱུང་བས་བགྱིད་པར་འོས་པའི་གནས་ཐམས་ཅད་དང་ཁྱད་པར་རབ་འབྱམས་ཀྱི་གྲྭ་སྐོར། བསྟན་པ་རིན་པོ་ཆེའི་མིག་རྐྱེན་དུ་གང་འགྱུར་དགོས་པ། །གང་སར་མཁན་པོས་ཇི་ལྟར་མནོས་པ་ལས་མི་གཡོ་བ་བྱེད་དགོས། ཞེས་འཕགས་ཡུལ་བ་བྷུ་པཱ་ལར་འབོད་པ། ཕྱོགས་འདིར་ས་སྐྱོང་དུ་གྲགས་ཤིང་། རྒྱ་ནག་པ་ཡི་ཡིའུར་བརྗོད་པ། ལྗོངས་འདིའི་སྐད་དུ་ཤིང་མོ་བྱ་ལོ། །ཧོར་གྱི་ཟླ་བ་དྲུག་པའི་དམར་ཕྱོགས་ཀྱི་དགའ་བ་དང་པོ། །དུས་འཁོར་བ་ཡ་ཎའི་དབྱངས་ལ་དང་གསལ་བྱེད་ཊཾ་འཆར་ཞིང་། ཁམས། ས། སྙིང་སྟོབས་ཀྱི་མུན་པ་འཇུག་པའི་ཆུང་ངུའི་བུ་མོ་དང་དབྱངས་འཆར་བའི་དཀར་ཕྱོགས་ཀྱི་དགའ་བ་དང་པོ། །ཨཱ་དང་ཀ །ཁམས་ས་དང་འདོད་ཡོན་དྲིའི་ཆར་ཆེ་དགའ་ལྡན་ཕྱོགས་ཐམས་ཅད་ལས་རྣམ་པར་རྒྱལ་བའི་ཕོ་བྲང་ནས་བྲིས། །(༥བ)

― GLG020_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

མེ ཡ ཛྙཱ ས རྦྦ ཨ ཀྵ ཡ ྉྥ ལ ཙཱ མ ཏ ཀཿ སུ ཁོ མ ཧཱ། །ཤེས་བྱ་ཐམས་ཅད་མཁྱེན་པའི་བདུད་རྩི་ལ། །སྤྱོད་པའི་མི་ཟད་འབྲས་བུ་བདེ་བ་ཆེ། །ད ཤ བ ལ ཀུ བུ ར སྐྲྀ ཏཿ ས དེ བེ ཀྚཱ ཀུ བ རཱ ཎ དེ ཤ ཧཱ། །སྟོབས་བཅུའི་འཆི་བ་མེད་པའི་འདུན་ས་སྟེ། །བུ་རམ་ཤིང་པ་མིག་སྟོང་ཅན་གྱི་ཡུལ། །ཤྭ ཪྻ པ དྨ ཧྲི ད ཡཾ ར སོ དྷ རྨཱ ཧཱ ཨ སྃ ཁྱ ཤྩ མ དྷ རྐ ར ཎྜ། མཚར་དུ་དངར་བའི་པདྨའི་སྙིང་པོའི་བཅུད། །གྲངས་མེད་ཆོས་ཕུང་སྦྲང་རྩིའི་ཟ་མ་ཏོག །གྷ རྦྷ པྲ པུ ཥྚི ཉྩ སུ ཁཱི ཡ ཛེ ཏཿ ཤཽ དྡྷཽ ད ནཤྲེ ཡ ཀུ རུ ཀོ རུཿ ཀ རོ ཧཱ། །འགྲོ་འདིའི་ཕན་བདེའི་དཔྱིད་དུ་རབ་རྒྱས་པའི། །བྱེད་པོ་ཟས་གཙང་སྲས་ཀྱིས་དགེ་ལེགས་མཛོད། །

ཆོས་འཁོར་རྒྱལ་གྱི་ཁྲིམས་ལྡན་འདུས་སྡེ་རྣམས་ཀྱི་ཁྲིམས་སུ་བཅའ་བའི་རིམ་པ།

― GLG020_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

བི མ ལ ཤི ལ བ ཀུ ལ བ ཀྟྲ སྟཱི ཤཽ ཙི ཀ མ ཏྱ ཨུ དྒྷ ཎ ན ། །དྲི་མེད་ཚུལ་ཁྲིམས་བ་ཀཱུ་ལ་ཡི་ཁ། །ཚངས་སྤྱོད་མཛེས་མའི་ཆང་གིས་ལེགས་ཕྱེ་བའི། །བྷོ ཊེ ཥ ཛི ཤཱ ས ར ཐ ཤི ར དྭི ཛི པཱ ད ཛྙ ས རྦྦ ཤ བ ར ཀྵི ཏ། །གངས་རིའི་ལྗོངས་འདིའི་ཐུབ་བསྟན་ཤིང་རྟ་པ། །ཀུན་མཁྱེན་ཞི་འཚོའི་ཞབས་ཟུང་གཙུག་ན་རྒྱལ། །དེ་ཡི་རིགས་ལས་སྡོམ་གསུམ་ལུས་སྟོབས་རྒྱས། །མང་ཐོས་རིན་ཆེན་གསེར་གྱི་རྒྱན་འཆང་ཞིང་། །མྱང་འདས་འགུགས་བྱེད་བྱང་ཆུབ་སེམས་ཀྱི་སྣ། །རིང་པོར་རྐྱོང་མཛད་དཱི་པཾ་ཀ་རར་འདུད། །རིང་མོ་ཉིད་ནས་གྲུབ་པའི་ཡོན་ཏན་མ་ལ་ཡ་ཡི་དྲི་བསུང་གིས། །རྨོངས་པའི་བློ་ངན་འཐིབས་པོ་ཀུན་འཇོམས་ཤེས་རབ་ཆེས་ཆེར་རབ་ཏུ་གསལ། །མཛད་བཟང་ལོོ་འདབ་སྟུག་པོའི་ཁུར་ལྡན་གྲགས་སྙན་སྲིད་འདིའི་རྣ་བར་མཛེས། །དུས་གསུམ་རྒྱལ་བ་བཙོང་ཁ་པ་ཞེས་ཀུན་གྱི་རལ་པའི་བླ་ན་མཐོ། །དགེ་ལེགས་གསེར་མངལ་ཅན་གྱི་ཐོད་ཡངས་ལས། །རྣམ་དཔྱོད་གངྒཱའི་ཆུ་ཀླུང་རྟག་འབབ་པ། །འཆད་རྩོད་རྩོམ་ལ་འདུན་པའི་བགྲོད་པ་ཡིས། །ལེགས་བཤད་རྒྱ་མཚོར་འཇུག་ལ་རིངས་པར་བྲེལ། །མཐའ་(༦བ)

― GLG020_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ་ཆོས་ཚུལ་མེས་པོའི་ཐོད་ཡངས་ལས། །བྱ་བ་ལས་ཀྱི་འཁོར་ལོའི་ཉལ་འགྲོ་ཡིས། །རྒྱལ་བསྟན་འཇུག་པ་བཅུ་པའི་ཞབས་བསིལ་དུ། །རྣམ་པར་སྦྲེང་བའི་ཁྲིམས་ལྡན་འདུས་པའི་སྡེ། །འཇུག་དང་འཇུག་བྱ་མ་ཡིན་ཕྲ་རགས་ཀྱི། །བླང་དང་དོར་བྱ་ཉམས་སུ་བསྟར་བའི་ཚུལ། །གསལ་བྱེད་ཡི་གེའི་འཕྲེང་བར་སྤེལ་བྱེད་ན། །ཀུན་གྱི་སྒྲ་འཛིན་ལུས་ཕྲའི་འགྲམ་པར་ཆོངས། །དེའང་བསྐལ་པ་བཟང་པོ་འདི་ཉིད་ལ་གྲགས་ཅན་གྱི་རྣམ་འདྲེན་སྟོང་བྱོན་པ་རྣམས་ཀྱི་ནང་ནས། །སྙིང་སྟོབས་ཀྱི་གོ་ཆ་བཙན་པོ་མ་སྨད་པར་གྱོན་པའི་རྒྱལ་བ་ཟས་གཙང་གི་སྲས་པོའི་བསྟན་པ་ནི། །ཇི་ལྟར་རྫིང་བུ་བརྒྱ་ཕྲག་ལ་ཟླ་བའི་གཟུགས་བརྙན་སོ་སོར་འཆར་བ་བཞིན་འདུལ་བྱའི་ལས་དང་བསྐལ་བའི་དབང་གིས་མཐའ་ཀླས་ནའང་། །ཡོངས་སུ་གྲགས་པར་བོད་གངས་རིས་བསྐོར་བའི་ལྗོངས་འདིར་ཆོས་ཀྱི་རྒྱལ་པོ་མེས་དབོན་དང་མཁན་སློབ་སོགས་པཎ་གྲུབ་རིམ་པར་བྱོན་པ་རྣམས་ཀྱི་བཀའ་དྲིན་ལས། བསྟན་པ་རིན་པོ་ཆེ་སྔ་ཕྱིར་དར་ཞིང་། དེ་དག་གི་ཡང་སྙིང་ཆོས་ཀྱི་རྒྱལ་པོ་བཙོང་ཁ་པ་ཆེན་པོའི་དྲི་མ་མེད་པའི་རིང་ལུགས་ལ་ཕྱིའི་ཀུན་སྤྱོད་བསྟན་པའི་རྩ་བ་སོ་སོར་ཐར་པ་ཉིད་གཙོ་བོར་མཛད་པའི་ཕྱག་ལེན་མཆིས་པ་ལྟར། ཐམས་ཅད་མཁྱེན་པ་དགེ་འདུན་རྒྱ་མཚོ་དབྱངས་ཅན་བཞད་པའི་རྡོ་རྗེས། རྗེ་བླ་མའི་འཕྲིན་ལས་སྤེལ་བའི་ཆེད་དུ། དུས་གསུམ་མཁྱེན་པ་པདྨ་ཀ་ར་དང་། གླེགས་བམ་རིན་པོ་ཆེ་སོགས་ནས་ལུང་གིས་ཟིན་པའི་སྤྲུལ་པའི་གནས་ཆེན་སྦས་ཡུལ་དཀར་མོ་ལྗོངས་སུ་རྟེན་དང་བརྟེན་པར་བཅས་པའི་སྡེ་ཆེན་པོར་གནས་པའི་འཚངས་པར་སྤྱོད་པ་པོ་རྣམས་ཀྱིས་ལག་ཏུ་བླང་བར་བྱ་བ་འདི་ལྟར་རོ། །དེའང་ཡུལ་ཕྱོགས་གཞན་དུ་རབ་ཏུ་བྱུང་བའི་སྡོམ་པ་ནོས་ཟིན་པ་མིན་པ་རྣམས་འདིར་བཞུགས་ནས་ཟླ་བ་གཅིག་ལས་མི་འགྱང་པར་བར་མ་རབ་བྱུང་ཡན་ཇི་ལྟར་འོས་པ་སྒྲུབ་དགོས་ཤིང་། །དེ་གའི་དགེ་རྒན་ངོ་ཤེས་སོགས་ཁུར་འཁྲིས་ཀྱིས་རྟིང་སྐུལ་དང་། ཟླ་གཅིག་རྫོགས་པར་ཉེ་ཚེ་ལེགས་བཤད་གླིང་གི་ཆོས་ཁྲིམས་སོགས་ཀྱིས་རྒྱུ་མཚན་བསྐུལ་མ་བྱེད། །བསྐུལ་མ་བྱས་ནས་ཀྱང་ཟླ་དུས་ལས་འདས་ཚེ། གཙུག་ལག་ཁང་དུ་སྙན་དར་དཀར་མེ། སློབ་དཔོན་པར་སྣེལ་པོ་གསུམ་ཚན་(༧ན)

― GLG020_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣེལ་མོ་བསྣེལ་ཚན་ཐོབ་པ་རྣམས་ལ་དར་ཁ་རེ། ཚོགས་སུ་བརྒྱ་ཕྱག་འཚལ། རབ་འབྱུང་གི་ཉེར་སྤྱད་རྡུལ་གཟན་ཤམ་ཐབས་གདིང་བ་ལྷུང་བཟེད་སོགས་ཟླ་ཁོངས་སུ་མ་འགྲིག་པ་རྣམས་ཀྱིས་ཀྱང་གཡར་པོ་ཚུན་གྱིས་དགེ་འདུན་སྤྱི་མཚུངས་བྱེད་དགོས་ཤིང་རང་རང་གིས་བླངས་པའི་སྡོམ་པའི་ངོ་སྐལ་གྱི་སྤང་བྱ་ཕྲ་རགས་ཀུན་བློས་འཆུན་པ་རྣམས་ཀྱིས་བསླབ་བྱའི་ཡི་གེ་རྣམས་ལ་ཞིབ་ཏུ་བལྟ་ཞིང་། བློ་དམན་རྣམས་ཀྱིས་ཀྱང་གནས་ཀྱི་སློབ་དཔོན་བསྟན་པ་དང་རང་ལས་བསླབ་པ་རྒན་པའི་རབ་བྱུང་རྣམས་ཀྱིས་ཇི་ལྟར་བསླབ་པའི་ཚུལ་ལ་དཔེར་འཛིན། དགེ་འདུན་དུ་ལོངས་པ་ལ་ཆོས་གོས་གསུམ་དང་ལྷུང་བཟེད་ལྟ་བུའི་རྙེད་པ་སྤྱི་ལ་བྱུང་ན་ཡོ་བྱད་དེ་དག་མེད་ཅིང་བསྒྲུབ་པའི་ལོངས་སྤྱོད་དང་ལྡན་མི་ལྡན་བརྟགས་ནས་དགེ་སྐོས་ཀྱིས་སྟེར། དགེ་འདུན་རྣམས་ཀུན་དགའ་ར་བར་འདུ་བའི་བརྡ་གཎྜི་སོགས་དང་བསྟུན་ཏེ་གཞན་མི་དད་པའི་སྤྱོད་ལམ་སྤངས་ཏེ། དགེ་སློང་རྣམས་བླ་གོས་དང་། དེ་ཕྱིན་ཆད་ཀྱང་ཞྭ། ཟླ་གམ་གདིང་བ་སོགས་འཆང་དགོས་ཤིང་། ཚོགས་སུ་ལོང་གཏམ་སྨྲ་བ། གཉིད་ལོག་པ་མཆིལ་སྣབས་གོས་ཀྱིས་མ་བཀབ་པར་འདོར་བ། བཟའ་བཏུང་གི་ཚེ་ཅག་ཧུབ་ཀྱི་སྒྲ་འབྱིན་པ། ལྷུང་བཟེད་རྩི་མེད་དང་། ཇ་ཕོར་སྤྱི་དང་མི་མཐུན་པ་སོགས་མི་བྱེད། ཚར་དུས་མཆོད་འགྱེད་སོགས་སྦྱིན་བདག་དང་སྣེ་མོ་བས་འོས་མི་འོས་བལྟས་ནས་གཏོང་བ་ལས་དགོས་མེད་ཀྱི་རྩད་པ་མི་གཏོང་། རྒྱལ་གཉེར་པའི་ཟླ་བོ་དང་གཡོག་ནང་གཟན་གྱི་རིགས་དགོན་པར་རྒྱུན་སྡོད་ཡིན་ན་མ་གཏོགས་འོལ་དྭགས་སོགས་གཞིས་ཡས་མས་ལ་སྡོད་མི་ལ་མི་གཏོང་། རྒྱུན་སྡོད་བྱེད་མི་ཡིན་ཀྱང་ཕྱོགས་ལ་སོང་ན་སྐལ་བ་མི་གཏོང་། ཚོགས་སྐལ་ལེན་པར་དངོས་སུ་ཡོང་བ་རྣམས་ཀྱིས་རབ་བྱུང་གི་རྟགས་མ་ཚང་བ་དང་ཕུ་ཐུང་གྱོན་པ་སོགས་མི་བྱེད། སྒྲུབ་མཆོད་དུས་གཏོར་སོགས་ཀྱི་ནང་མཆོད་དང་། གཙུག་ལག་ཁང་སོགས་ཀྱི་ཞིག་གསོས་ཨར་པོའི་སྐབས་ལྟ་བུའི་དམིགས་བསལ་མ་གཏོགས། དགོན་པའི་ནང་དུ་ཆང་གི་འགྲིམ་འགྲུལ་མི་བྱེད་ཅིང་། གནས་མཇལ་བ་དང་དགེ་འདུན་ལ་བསྙེན་བཀུར་དུ་འོངས་པའི་བུད་མེད་ལ་ཞག་སྡོད་ཀྱི་གནང་བ་མི་སྟེར་ཞིང་། དེ་ལས་གཞན་པའི་བུད་མེད་དགོན་པའི་ནང་དུ་མི་གཏོང་། (༧བ)

― GLG020_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

དགོན་པའི་ནང་དུ་འཐབ་རྩོད་ཀྱི་གྲི་བཏོན་ཚེ། ཚོགས་ཆེ་ཆུང་དང་བསྟུན་པའི་མང་ཇ། ཐུག་དར་ལྕོག །གཙུག་ལག་ཁང་དུ་དཀར་མེ། རྗེ་བཙུན་བྱམས་པ་ལ་སྙན་དར། དུང་དར། བླ་མ་ལ་སུམ་ཚན། སྣེ་མོ་བ་རྣམས་ལ་རྣམ་གཞག་བྱེད། དེས་མཚོན་ཏེ་རྩ་བ་བཞི་དང་འགལ་བའི་གནས་ནས་དབྱུང་གི་འོས་རྣམས་ལ་ཆད་ལས་གོང་ལྟར་དང་། དམིགས་བསལ་མ་རྩ་སྟོངས་པའི་ལོག་དགོས་རྣམས་ཀྱང་ཆད་པ་གོང་གི་སྟེང་དུ་ཚ་ར་གཏོང་། ཚོགས་འགྲིམ་རབ་བྱུང་གིས་ཨར་ཇག་རྡུང་འཕྲོག་བྱས་ན་ཆད་པ་གོང་ལྟར་རམ་གནས་དབྱུང་གང་འོས་བླ་མ་དགེ་སྐོས་སོགས་ཀྱིས་བྱེད། གླིང་ཁྲོད་དུ་དགོས་མེད་ཀྱི་ཀུ་ཅོ་སྐད་རྒྱང་འབོད་པ། རྒྱུ་མཚན་མེད་པར་རྟ་ཞོན་པ། གོས་སྐུ་འགྲེམ་པ་སོགས་ལ་རྩེད་མོའི་དབང་དུ་བཏང་ནས་འཐེན་སྐོར་ཆུད་ཟོས་བྱེད་པ། རབ་བྱུང་ཚོགས་འགྲིམ་ཡིན་བཞིན་དུ། ཁམས་མ་སྙོམས་པ་དང་དགོས་པ་དམིགས་བསལ་མེད་པར་འབོག་ཐོ་དང་ཕུ་ཐུང་གོན་པ། གཟན་ཤམ་མེད་པར་འགྲོ་བ་སོགས་དགེ་འདུན་སྤྱིའི་མིག་ལྟོས་བཤས་པ་བྱས་ན་གཙུག་ལག་ཁང་དུ་དཀར་མེ་སྙན་དར་འབུལ། ཐོ་བཙུན་དང་དད་བཙུན་སུ་ཡིན་ཡང་དགོན་པར་ཐོག་མར་བསྡད་པ་ནས་བཟུང་། ཟླ་བ་དྲུག་ཐོག་ལ་སྐྱབས་འགྲོ་ནས་བཟུང་སྟེ་ཆོས་སྤྱོད་ཚོགས་འདོན་གྱི་རྒྱུགས་དང་། དེ་ནས་རིམ་གྱིས་གསང་བདེ་འཇིགས་གསུམ་གྱི་མངོན་དཀྱིལ་བསྐང་གསོ་སོགས་གང་འཚམ་བལྟས་པའི་རྒྱུགས་ལེན་བྱེད། ཚོགས་འདོན་ལ་སྐྱབས་འགྲོ་སེམས་སྐྱེད། ལྟུང་བཤགས་གནས་བཅུ་ཕྱག་མཆོད། གཞུང་ཆེ་བ་གཉིས། ཇ་དང་པོ་སོང་ནས་ས་གསུམ་མ། ལམ་གཉིས། མཁན་བརྒྱུད་ཀྱི་གསོལ་འདེབས་སོགས་དང་། སྦྱིན་བདག་གི་རིམ་གྲོའི་མདོ་སྒྲུབ་ཚེེ་གཟུངས་སོགས་སྐབས་དང་སྦྱོར། གོང་གི་སྒྲིགས་འགལ་དང་ཆད་ལས་གནས་དབྱུང་སོགས་བྱེད་དགོས་ལ། གཞན་གྱིས་ངན་རྒྱབ་བྱས་པ་བྱུང་ན་ཅིག་ཤོས་ཀྱི་ཉེས་ཆད་གང་འཐོབ་དེ་ག་ཁུར་དགོས་ཤིང་། ངོས་མི་ལེན་ཚེ་ཚོགས་པའི་དབུས་སུ་དག་འདོན་བྱེད། བླ་མ་ཆོསཁྲིམས་སོགས་སྣེ་མོ་བས་ཉེ་འགྱང་སྤངས་པའི་ངོས་ནས་སྒྲིགས་མནན་པ་ལ། འཕྲལ་དུ་རྒྱབ་གཉེར་གང་དགོས་གཉེར་པས་བྱེད་དགོས་ཤིང་། མདོར་ན་བསྟན་སྲུང་ཆོས་སྐྱོང་རྣམས་ཀྱིས་གཡེལ་བ་མེད་པར་ལེགས་(༨ན)
ཉེས་སོ་སོར་འབྱེད་པར་མཛོད་ཅིག་ཅེས་ཆོས་འཁོར་རྒྱལ་གྱི་ཁྲིམས་ལྡན་འདུས་སྡེ་རྣམས་ཀྱི་ཁྲིམས་སུ་བཅའ་བ་ལག་ཏུ་བླང་བ་འདིའང་། ས་སྐྱོང་ཞེས་པ་ཤིང་བྱ་ཆུ་ཤེལ་གྱི་དབང་པོ་སྣོན་གྱི་ཉ་བའི་ཕྱོགས་སྔ་མའི་དགའ་བ་དང་པོའི་ཚེས་ལ་དགའ་ལྡན་ཕྱོགས་ཐམས་ཅད་ལས་རྣམ་པར་རྒྱལ་བའི་ཕོ་བྲང་ནས་བྲིས། །

རི་ཁྲོད་དགའ་ལྡན་པའི་སྤྱི་ཁྲིམས་ཀྱི་བཅའ་ཚེ་ཤེལ་དཀར་མེ་ལོང་།

― GLG020_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱ ཛ ཡ ཏྲི གུ བྷ དྷཱ ན བ ད ཧ ྈྐ ར ཎྜ དྷཱ ར། །རྒྱལ་བ་ཀུན་གྱི་གསང་གསུམ་ནོར། །མཁྱེན་པའི་ཟ་མ་ཏོག་འཆང་བའི། །བྷ དྲ དྷི ཡ ཤ སྱ གྷོ ཥ དཱ ཤ དི ཀྩ ལཱ ཡ ན མྱ།བློ་གྲོས་བཟང་པོའི་གྲགས་པའི་དབྱངས། །ཕྱོགས་བཅུར་གཡོ་བ་དེ་ལ་འདུད། །བསོད་ནམས་ཡེ་ཤེས་ཆུ་གཏེར་ཆེན་པོ་རླབས་ཆེན་སྤྱོད་པའི་ས་འཛིན་དབང་པོས་བསྲུབས་པ་ལས། །བླ་ན་མེད་པའི་ཡེ་ཤེས་ཉིན་བྱེད་བཟང་པོའི་བསྐལ་པ་དབང་ཕྱོགས་གྱེན་འཕྱུར་རྩེ་རུ་སོན་པས་སྲིད་འདིར་རྨོངས་པའི་མུན་པ་མ་ལུས་དྲུང་ནས་རབ་འབྱིན་ཕན་བདེའི་པད་ཚལ་ཡོངས་འཕེལ་ཞིང་། མངོན་མཐོ་ངེས་ལེགས་སྦྲང་རྩི་སྦྱིན་མཁས་ཟས་གཙང་སྲས་པོ་སྙན་པའི་གྲགས་འབར་གང་དེ་རྒྱལ། །མཐའ་གཉིས་ཡོངས་བྲལ་ཡང་དག་ལྟ་བ་ཀླུ་དབང་གཙུག་གི་ནོར་བུ་མཆོག །(༨བ)

― GLG020_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་སྒྲུབ་མདའ་ལྟར་དྲང་པོར་བསྟན་པས་བདག་ཏུ་འཛིན་པའི་རྩ་བ་གཅོད། །འཕགས་ཆེན་རྒྱལ་སྲས་རྣམས་ཀྱི་སྤྱོད་ཚུལ་ཐོགས་པ་མེད་པར་གདུལ་བྱ་ལ། །བཤད་ལས་ཡང་དག་ལམ་ལ་བཀྲི་མཁས་ཤིང་རྟ་ཆེན་པོ་རྗེས་འབྲང་རྒྱལ། །ཞི་བ་མྱང་འདས་སྟོན་པའི་གསུང་རབ་སྡེ་སྣོད་གསུམ་གྱི་མཆོག་གྱུར་པ། །བསྟན་དང་པ་སྟོན་གཉིས་ཀ་ཀུན་འདུས་འདུལ་བའི་གཞུང་ལུགས་ཐུབ་བསྟན་སྲོག །འཚོ་མཛད་མཁན་ཆེན་སྙན་པའི་གྲགས་པ་གདུགས་དཀར་ནོར་བུའི་ཡུ་བ་ཅན། །སྲིད་རྩེའི་བར་དུ་ལན་བརྒྱར་འཁོར་བས་རྒྱལ་བསྟན་ལུས་ཕྲ་འཛུམ་གྱིས་བསུ། །ལེགས་བྱས་གཟུགས་བརྙན་སྟོང་ཕྲག་འཆར་བའི་རྒྱལ་བའི་ཆོས་ཚུལ་ཨཱ་དཪྴ། །ལོག་རྟོག་ར་རིའི་དྲི་མས་སྦགས་པ་ཀུན། ལེགས་པར་བསལ་བའི་བྱེད་པོ་མཆོག་ཨ་ཏི་ཤ་ཞེས་གནས་ལྔ་རིག་པ་ཀུན་གྱི་གཙུག་གྱུར་རིང་ལུགས་གང་། །འཛིན་མཁས་འབྲོམ་སྟོན་ཆོས་ཀྱི་རྒྱལ་པོ་བརྒྱུད་པར་བཅས་པའི་བཀའ་གདམས་རྒྱལ། །དབང་བརྟུལ་ཚོགས་པའི་གཏམ་གྱི་སྦྱོར་བས་རང་དང་རིས་མཐུན་དགའ་སྐྱེད་པར། །མཚར་དུ་འཛིན་པའི་སྤྱོད་ཚུལ་རིང་དོར་འཆད་བརྩོད་རྩོམ་པའི་སྲ་བའི་གཞུ། །འགུགས་མཁས་རིན་བཟང་རྔོག་ལོ་ས་པཎ་ཤོང་དཔང་བུ་དང་སྟག་ཚང་པ། །ཆོས་སྐྱོང་བཟང་སོགས་གྲགས་པ་དོན་ལྡན་མཁས་པའི་ཚོགས་རྣམས་ཕྱག་གི་ཡུལ། བུ་རམ་ཤིང་པའི་དྲི་མེད་རིང་ལུགས་ལུང་རྟོགས་ཁུར་གྱིས་རབ་ལྕི་བ། །སྔོན་རབས་རྒན་པོའི་ལོག་རྟོག་གཏམ་གྱི་རྒྱ་མཚོར་བྱིངས་ལ་མངོན་ཕྱོགས་ཚེ། །ཤེས་བྱ་ཐམས་ཅད་གཟིགས་པའི་རྣམ་དཔྱོད་རུས་སྦལ་ཁུར་གྱིས་འདེགས་མཛད་པ། །མཁས་གྲུབ་འཆི་མེད་ཡོངས་ཀྱི་ཁྱུ་མཆོག་བློ་བཟང་གྲགས་པ་པད་དཀར་མིག །སྟོབས་བཅུའི་ལང་ཚོ་བདེ་བའི་མཐོ་རིས་བདག་པོའི་ལྡིང་ཁང་ནས། །མ་སྨད་གཞན་ཕན་སྙིང་སྟོབས་དབང་པོའི་གཞུ་ཡི་ཐེམ་སྐས་ལས། །བདེ་བར་བབས་པའི་འཇམ་མགོན་མི་ཡི་སྲིད་པའི་གར་མཁན་ཅན། །ངག་གི་རྒྱལ་པོ་གྲུབ་པའི་དབང་ཕྱུག་ཀུན་མཁྱེན་བཙོང་ཁ་པ། སྡེ་སྣོད་ཀུན་འཆད་དེ་དོན་སྒྲུབ་པའི་ཚུལ། །ཚུལ་བཞིན་རྣམ་པར་དཔྱོད་པའི་བློ་གྲོས་མཆོག །མཆོག་ཏུ་རྒྱས་པའི་བསྐལ་བཟང་སྩོལ་མཛདཔ། །པ་སངས་ལྟ་བུར་དཀར་བའི་གྲགས་པ་གསལ། །འགྲིག་འགྲིག་མཁས་པས་བཤད་ཚེ་གོ་(༩ན)

― GLG020_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

སླ་ཡང་། །མང་མང་ཚིག་གིས་བླུན་པོ་མགོ་བོ་འཁོར། །སྙན་སྙན་མཁས་གྲུབ་འདོད་ཀྱང་སྐྱེ་བོ་ཀུན། །ཡང་ཡང་ཐོས་བསམ་སྒོམ་ལ་སྒྱིད་པ་བསྐྱུར། །ཚིག་གི་འཁར་བ་མེད་ན་ན་ཚོད་དག །མཐོན་པོར་ལོན་ཀྱང་དོན་མེད་མེད་མཐར་གྲོལ། །དལ་འབྱོར་སྙིང་པོ་འདོད་ན་ཚེ་སྟོད་ལ། །མང་དུ་ཐོས་པའི་རྣ་ལུང་ལུང་བཞིན་ལོང་། །མཐའ་མེད་ཤེས་བྱ་ལུས་ཕྲ་ཁེངས་ཅན་མ། །ཇི་ཙམ་རྟོགས་ཀྱང་ཚད་དུ་གཞལ་དཀའ་བ། །བློ་གྲོས་ཟུར་མིག་གཅིག་གིས་འགུགས་ནུས་པའི། །འཇམ་དཔལ་སྙིང་པོའི་རིང་ལུགས་འདི་རྨད་བྱུང་། །དྲི་བཞོན་བསེར་བུས་བསྐྱོད་ཚེ་མ་ལ་ཡའི། །རྐང་འཐུང་ལས་འོངས་ཚར་དུ་དངར་བའི་དྲི། །འདོད་ལྡན་སྐྱེ་བར་བདེ་བ་སྟེར་བ་ལ། །ངལ་བ་མེད་པར་རང་གི་ངང་ཚུལ་ཡིན། །ལས་ཉོན་ཐགས་སུ་་བྱས་པའི་ཟ་འོག་གོས། །འཕྲལ་རྐྱེན་མདངས་ཀྱིས་བསྒྱུར་བའི་སྣ་ཚོགས་མདོག །ཇི་ཙམ་ལོངས་སུ་སྤྱད་ཀྱང་མི་འཛད་པ། །སླུ་མེད་རྒྱུ་དང་འབྲས་བུའི་རང་བཞིན་མཚར། །ཐོས་བསམ་བསྒོམ་པར་བགྱིས་པའི་ས་བོན་ལས། །ཀུན་མཁྱེན་ཡེ་ཤེས་དབྱར་སྐྱེས་མྱུ་གུ་ཡིས། །དོན་གཉིས་འབྲས་བུ་སྟེར་བའི་ཐབས་ཚུལ་གྱི། །ལག་ཏུ་བླང་བདེའི་དེབ་ཐེར་འདི་ནའོ། །ཞེས་སྙན་ཚིག་གིས་ཤིས་པ་བརྗོད་པས་སྡུན་བསུས་ཏེ། སྐབས་སུ་གླེང་བར་འོས་པ་གཏམ་དུ་བྱ་བ་ནི། འོ་སྐོལ་གྱི་རྣམ་འདྲེན་དམ་པ། སྙིགས་མ་ལྔ་ཆེས་ཆེར་བདོ་བའི་ཚེ། སྙིང་སྟོབས་ཆེན་པོའི་གོ་ཆ་མ་སྨད་པར་གྱོན་པའི་རྒྱལ་པོ་ཟས་གཙང་གི་སྲས་པོ་ཞེས་པད་དཀར་ལྟ་བུར་བསྔགས་པའི་ཡུལ་དུ་གྱུར་བ་འདི་ཉིད་ཀྱི་བསྟན་པ་རིན་པོ་ཆེའི་ལུས་ཅན་ཡོངས་ཀྱི་ཕན་དང་བདེ་བའི་རྩ་ལག་ཡིན་ལ། །དེའང་མཁས་མཆོག་དབྱིག་གཉེན་གྱིས། སྟོན་པའི་དམ་ཆོས་རྣམ་གཉིས་ཏེ། །ལུང་དང་རྟོགས་པའི་བདག་ཉིད་དོ། །ཞེས་གསུངས་པ་ལྟར། མང་དུ་ཐོས་པར་བྱ་བ་ལུང་གི་བསྟན་པ་དང་། དེ་དོན་ཚུལ་བཞིན་ཉམས་སུ་བསྟར་བ་རྟོགས་པའི་བསྟན་པ་གཉིས་(༩བ)

― GLG020_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། ཡང་དག་པའི་ལམ་རྒྱུད་ལ་སྐྱེ་བ་ལ་ཐོག་མར་དེ་སྟོན་བྱེད་ཀྱི་ལུང་སྡེ་སྣོད་གཙུག་ལག་གི་ཡོན་ཏན་ལ་དཔྱད་པ་གསུམ་གྱིས་དག་པའི་རིགས་པས་ངེས་པ་འདྲེན་ནུས་པ་ཞིག་དགོས་པས། མདོ་སྡེ་རྒྱན་ལས། འདི་ན་དང་པོར་ཐོས་ལ་བརྟེན་ནས་ཚུལ་བཞིན་ཡིད་ལ་བྱེད་པ་འབྱུང་། ཚུལ་བཞིན་ཡིད་ལ་བྱེད་ལས་ཡང་དག་དོན་ཡུལ་ཡེ་ཤེས་འབྱུང་། ཞེས་པ་ལྟར། གོ་རིམ་མ་འཁྲུལ་བ་ཞིག་གཙོ་བོར་གདའ་བས། གྲུབ་སྡེ་འདིར་སྡོད་མི་རྣམས་ཀྱང་། ཐོག་མར་གསུང་རབ་ལ་སྦྱངས་ཤིང་དོན་ཅུང་ཟད་བློ་ངེས་པ་ཞིག་མེད་དུ་མི་རུང་བའི་ཕྱིར་ཐོས་བསམ་གང་ཡང་མ་མྱོང་བའི་སྒོམ་པར་རློམ་པ་འགའ་བུག་སྒོ་འདམ་སྦྱར་བྱས་ཀྱང་འཕྱི་བ་དང་ཁྱད་མེད་ཅིང་། སྤྱིར་སྔོན་གྱི་མཁས་གྲུབ་མང་པོ་དང་། ཁྱད་པར་ཁམས་གསུམ་ཆོས་ཀྱི་རྒྱལ་པོ་རྒྱལ་བ་བཙོང་ཁ་པའི་ལུགས་འདི་ལ། རིགས་པའི་དབང་ཕྱུག་གིས། རྒྱུ་ཚོགས་པ་ལས་འབྲས་སྐྱེ་བ། །རྗེས་སུ་དཔོག་པ་གང་ཡིན་པ། །ཞེས་པ་ལྟར། རྒྱུ་ཚང་བ་ལས་འབྲས་བུ་སྐྱེ་དགོས་པས། གཅིག་ཤེས་ཀུན་གྲོལ་དང་དཀར་པོ་ཚིག་ཐུབ་སོགས་མ་སྤྱངས་པར་ཤེས་པར་འདོད་པའི་ལུགས་ངན་རྒྱ་གར་མཁས་པ་ལ་མ་གྲགས་པའི་བླུན་བཅོས་བྱེད་སྲོལ་མེད་པས། མདོ་སྔགས་གང་གི་ལམ་ཉམས་སུ་ལེན་པ་ལ། དེ་སྟོན་པར་བྱེད་པའི་རྗོད་བྱེད་ཀྱི་ཚིག་ངེས་པར་བསྒྲུབས་པ་ཞིག་དགོས་ལ། དེ་ཙམ་གྱིས་ཀྱང་ཆོག་པ་མ་ཡིན་ཏེ་ཐོས་པའི་ཚོམས་ལས། གལ་ཏེ་ཐོས་པ་མང་གྱུར་ཀྱང་། །ཚུལ་ཁྲིམས་ལེགས་པར་མི་སྡོམ་ན། །དེ་ནི་ཚུལ་ཁྲིམས་ཕྱིར་སྨད་ཅིང་། །དེ་ཡི་ཐོས་པ་ཕུན་ཚོགས་མིན། །ཞེས་དང་། ལུང་རྣམ་འབྱེད་ལས་གདུལ་བྱ་མ་ཐུལ་པ་ཡི་སྲ་བ་འདི་ཡིན་ཞེས་པ་ལྟར། ཡོན་ཏན་ཐམས་ཅད་ཀྱི་རྟེན་གཞི་ལྷག་པ་ཚུལ་ཁྲིམས་ཀྱི་བསླབ་པ་རིན་པོ་ཆེ་ཡིན་ཅིང་། ཁྱད་པར་རྗེ་རྒྱལ་བ་གཉིས་པའི་རིང་ལུགས་འདི་ལ་རབ་ཏུ་བྱུང་བའི་བསླབ་པ་ལ་(༡༠ན)

― GLG020_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

ནན་ཏན་སྙིང་པོར་བྱེད་པའི་སྲོལ་མཆིས་པས། ཇོ་བོ་ཆེན་པོས། སོ་སོར་ཐར་པ་རིགས་བདུན་ནོ། །དེ་བཞིན་གཤེགས་པས་བཤད་པ་ལ། ཚངས་སྤྱོད་དཔལ་ནི་མཆོག་ཡིན་ཏེ། །དགེ་སློང་སྡོམ་པ་དག་ཏུ་བཞེད། །ཅེས་པ་ལྟར། རབ་བྱུང་བསྙེན་རྫོགས་ཀྱི་སྡོམ་པ། ཐ་མའང་དགེ་འདུན་གྱི་སྡེ་ཡིན་པས། དགེ་ཚུལ་ཆོ་ག་ཚུལ་ལྡན་གྱི་སྒོ་ནས་བླངས་པ། རྩ་བཞི་ཆང་ལྔའི་མཐོང་ཐོས་དྭོགས་གསུམ་མེད་པ། སྡེ་གཞན་ནས་གནས་དབྱུང་སོགས་རས་མ་ཕོག་པ་གལ་ཆེ་བས་གསར་འཇུག་སྐབས་ཕྱི་ཁག་ནང་ཁག་དང་བཅས་པའི་གན་རྒྱ་གཟིམས་སྤྱིལ་བས་ལེན། དེའི་སྟེང་ནས་ཚེ་འདི་འབྱིད་ཐབས་ཙམ་མ་ཡིན་པར། དལ་བའི་རྟེན་གྱི་སྙིང་པོ་ལེན་འདོད་ཡོད་པ། དེའང་སྐྱེས་བུ་ཆུང་འབྲིང་ཙམ་གྱི་ལུགས་སུ་མ་སོང་བ་ཞིག་དགོས་པས། སློབ་དཔོན་ཆེན་པོ་ཙནྡྲ་གོ་མིས། བདེ་གཤེགས་ལམ་བརྟེན་འགྲོ་བ་འདྲེན་པར་ཆས་གྱུར་ཅིང་། །སེམས་ཀྱི་སྟོབས་ཆེན་མི་ཡིས་རྙེད་པ་གང་ཡིན་པ། །ལམ་དེ་ལྷ་དང་ཀླུ་ཡིས་རྙེད་མིན་ལྷ་མིན་དང་། །མཁའ་ལྡིང་རིག་འཛིན་མིའམ་ཅི་དང་ལྟོ་འཕྱེས་མིན། །ཞེས་པ་ལྟར་སྙིང་པོ་ལེན་ལུགས་ཀྱང་རང་གཅིག་པོ་ཞི་བདེ་དོན་དུ་མི་གཉེར་བར། རིས་མེད་ཀྱི་འགྲོ་བ་སྒྲོལ་བའི་ཁུར་འཁྱེར་པའི་ཐེག་པ་ཆེན་པོའི་རིགས་སད་པ་ཞིག་སྒྲུབ་གྲལ་དུ་འཇུག་བྱ་ཡིན་ལ། དེ་ལྟ་བུའང་སྒྲུབ་གྲྭར་བསྡད་ནས་རང་མཉམས་ཀྱི་ཉམས་ལེན་གང་བདེར་སྐྱོད་པ་མ་ཡིན་པར། བླང་དོར་སྟོན་པའི་སློབ་དཔོན་བསྟེན་པ་གལ་ཆེ་བས། །མཛའ་བཤེས་ཀྱི་ཚོམས་ལས། །དམན་པ་བསྟེན་པས་མི་བདག་ཉམས་འགྱུར་ཞིང་། ཐད་ཀར་བབས་པ་བསྟེན་ན་སོ་ན་གནས། །གཙོ་བོ་བསྟེན་པས་དམ་པ་འཐོབ་འགྱུར་བ། །དེ་ཕྱིར་བདག་ལས་གཙོར་གྱུར་བསྟེན་པར་བྱ། །ཞེས་པ་ལྟར། མཚན་ཉིད་དང་ལྡན་པའི་བླ་མར་གེགས་སེལ་བོགས་འདོན་སོགས་མདོར་ན་བླང་དོར་ཐམས་ཅད་མཐའ་(༡༠བ)

― GLG020_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོད་པར་སྒྲོ་འདོགས་གཅོད་དགོས་ཤིང་། དེའང་ཐེག་པ་ཆེན་པོ་ལའང་མདོ་སྔགས་གཉིས་སུ་ཡོད་པ་ལས། མཆོག་ཏུ་གྱུར་པ་རྡོ་རྗེའི་ཐེག་པ་ཡིན་ཀྱང་། འདི་ཁེ་ཉེན་གཉིས་ཀ་ཆེ་བས། དུས་དབང་གི་སྐྱེ་བོའི་སྣང་ཚུལ་དང་བསྟུན་ནས། དཔལ་དཱི་བཾ་ཀ་རས་ཀྱང་། སྐྱེས་བུ་གསུམ་གྱི་ལམ་རིམ་གྱི་སྒོ་ནས་གོ་རིམ་ལྟར་འཁྲིད་པར་མཛད་པ་དང་། འབྲོམ་ལ། ཆོས་ཟབ་མོའི་གྲགས་པ་སྔགས་ལ་འཁྲུལ། །ལས་འཁོར་བའི་གཏིང་རྡོ་བྱས་ཀྱི་དྭོགས། །ཞེས་ཐུན་མོང་བའི་ལམ་གྱིས་རྒྱུད་འབྱོངས་དང་གསང་སྔགས་པ་དང་། རྣལ་འབྱོར་པ་སྐད་དུ་བྱས་ནས། བག་མེད་ཀྱི་སྤྱོད་པས་རང་འཁོར་བའི་གཏིང་རྡོར་བསྒྱུར་བ་མང་བས་ན། ཐོག་མར་བྱང་ཆུབ་ལམ་གྱི་རིམ་པའི་ཁྲིད་འདེབས་ཤིང་། འཇོག་སྒོམ་ཁོ་ན་སྒོམ་དུ་འཛིན་པའི་སྔ་རབས་རྒན་པོ་ལུགས་མི་བྱེད་པར། རིགས་དཔྱོད་པ་དང་། དེ་མཉམ་པར་འཇོག་པ་སོགས་ཟུང་འབྲེལ་གྱིས་བསྒོམ་དགོས་པས། རྗེ་བཙུན་མ་ཕམ་པས། ངེས་འབྱེད་ཡན་ལག་དང་མཐོང་བའི། །ལམ་དང་སྒོམ་པའི་ལམ་ཉིད་ལ། །ཡང་དང་ཡང་དུ་སེམས་པ་དང་། །འཇལ་དང་ངེས་རྟོག་སྒོམ་པའི་ལམ། །ཞེས་མཁས་གྲུབ་ཚད་ལྡན་ལ་གྲགས་པ་ལྟར་ཉམས་སུ་ལེན། ཁྱད་པར་འཇུག་པ་ལས་སློབ་དཔོན་ཀླུ་སྒྲུབ་ཞབས་ཀྱི་ལམ་ལས་ནི། ཕྱི་རོལ་གྱུར་ལ་ཞི་བའི་ཐབས་མེད་དོ། །ཞེས་པ་ལྟར། ཟབ་མོ་རྟེན་ཅིང་འབྲེལ་པར་འབྱུང་བའི་ཚུལ་འདི་མེད་དུ་མི་རུང་བས་ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པའི་ལྟ་ཁྲིད་རྒྱས་བསྡུས་གང་རུང་ནས་ཁྲིད། དེ་ལ་མྱོང་བ་ཐོན་ནས། རྒྱལ་བ་བཙོང་ཁ་པས། སངས་རྒྱས་ལས་ཀྱང་དཀོན་པའི་རྡོ་རྗེའི་ཐེག་ཅེས་པ་ལྟར། གསང་སྔགས་རྡོ་རྗེ་ཐེག་པ་ལ་འཇུག་དགོས་ཤིང་། དེ་ལའང་། དགོད་དང་ལྟ་དང་ལག་བཅང་དང་། གཉིས་གཉིས་འཁྱུད་དང་རྣམ་པ་བཞི། །སྲིན་བུའི་ཚུལ་གྱི་རྒྱུད་བཞིར་གསུངས། །ཞེས་པ་ལྟར། ཉོན་མོངས་ལམ་དུ་བྱེད་ཚུལ་མི་འདྲ་(༡༡ན)

― GLG020_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བཞིར་ཡོད་པ་ལས། མཆོག་གི་རྣལ་འབྱོར་བླ་མེད་ལ་འཇུག་དགོས་པས། གསང་བདེ་འཇིགས་གསུམ་དུས་འཁོར་སོགས་ཀྱི་ཁྲིད་འདེབས་ཤིང་གོ་ཡུལ་དུ་ལུས་པ་ཙམ་མ་ཡིན་པར་ཉམས་སུ་མྱོང་བ་བྱེད། ཐོག་མར་ཞུགས་འཕྲལ་ནས། ལོ་གསུམ་དཀར་ནག་གི་ཕྱོགས་རིང་མཚམས་ཀྱི་བྱེད་སྲོལ་དུས་འཁོར་བ་དང་བསྟུན་པའི་སྔར་ནས་ཡོད་འདུག་པར། སློབ་དཔོན་དཔའ་བོས། དགེ་དང་མི་དགེའི་ལས་རྣམས་གོམས་བྱས་པས། །མི་རྣམས་ལ་ནི་འདྲིས་པ་ཉིད་དུ་འགྱུར། །ཞེས་དང་། ཏིང་འཛིན་རྒྱལ་པོ་ལས། དེ་ཡང་བྱས་ནས་རིག་པར་མི་འགྱུར་མིན། །གཞན་གྱིས་བྱས་པ་ཚོར་བར་་འགྱུར་བའང་མེད། ཅེས་པ་ལྟར། ལས་མ་བྱས་པ་དང་མི་འཕྲད། བྱས་པ་ཆུད་མི་འཛད་པས། རྗེས་སུ་ཁྲིད་རྣམས་རྒྱུད་ལ་སྐྱེ་བ་ལ་གསག་སྦྱང་གལ་ཆེ་བས། དེའི་རིང་ལ། སྐྱབས་འགྲོ། ཕྱག །ཡན་ལག་བདུན་པ། སྟོབས་བཞིའི་བཤགས་པ་སོགས་ཀྱི་སྒོ་ནས་སྔར་བསགས་ཀྱི་སྡིག་པ་སྦྱོང་བ་དང་། བསོད་ནམས་ཀྱི་ཚོགས་ཅི་སྐྱེ་བྱེད། སྣྲོན་ཟླ་བའི་དཀར་ཚེས་བཅོ་ལྔ་ནས་བཟུང་དབྱར་མཚམས་ཟླ་གསུམ། སྨིན་དྲུག་ཅན་གྱི་ཡར་ཚེས་ནས་བཟུང་དགུན་ཟླ་གསུམ་མཚམས་བྱེད། རྒྱུན་གྱི་ཚོགས་འདོན་ལ། སྐྱབས་འགྲོ་སེམས་བསྐྱེད། རྗེ་ས་པཎ་གྱི་བསྟོད་པ་ཆོས་རྒྱལ་མ། རྒྱལ་བ་བཙོང་ཁ་པའི་བསྟོད་པ་ས་གསུམ་མ། རྣམ་དག་གངས་རི་མ། ལམ་རིམ་གསོལ་འདེབས། ལམ་རིམ་བསྡུས་དོན། ཉི་བཞོན་(གཞོན་)

― GLG020_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

འཆར་ཀ་མ། མཚམས་སྤྲིན་མ། ཐུབ་དབང་བསྟན་སྒྲོན་མ། རབ་དཀར་དགེ་ཚོགས་མ། ཕུན་ཚོགས་ཡོན་ཏན་མ། ཐུབ་དབང་ཞལ་པད་མ། བགྲང་ཡས་མ། ཕུན་ཚོགས་འདབ་སྟོང་མ། རབ་འབྱམས་སྐྱོབ་པ། ཇ་མཆོད། བདེ་བ་ཅན། དུས་འཁོར་སྨོན་ལམ་རྣམས་སྔ་སོར་ཚུགས་གྲུབ་འདུག་པ་དང་། སླར་འཇུག་དགོས། བསྟན་པའི་གཙོ་བོའི་བསྟོད་པ་སྐབས་གསུམ་པ། ཇོ་འབྲོམ་གྱི་བསྟོད་པ་སྣང་བ་མཐའ་ཡས་མ་དང་ལྷར་བཅས་མ། རྗེ་བླ་མ་མན་(༡༡བ)

― GLG020_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ལམ་རིམ་བཤད་རྒྱུད་ཀྱི་གསོལ་འདེབས། བཟང་སྤྱོད། བྱམས་སྨོན། ཚངས་ཅོད་མ། ཐོག་མཐའ་བར་གྱི་སྨོན་ལམ། ལྔ་མཆོད་ཆེན་མོའི་ཐོག་སྒྲུབ་མཆོད་དང་། སྦྱིན་བདག་གི་དོན་དུ་དཀྱིལ་འཁོར་ཞལ་འབྱེད་སོགས་གང་འོས་ལ། ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པའི་བདེ་མཆོག་དྲིལ་བུ་ལྷ་ལྔ་མངོན་དཀྱིལ་དང་བཅས་པ་གཞི་གསུམ་གྱི་ཕྱག་ལེན་བྱེད། ཁྱི་དང་སློང་མོ་བ་སོགས་ནང་དུ་མི་གཏོང་བར་ཕྱི་རོལ་དུ་མཆོད་རོ་དང་བཟའ་བཏུང་གི་ལྷག་རྣམས་སྟེར། མང་པོ་ལྷན་ཅིག་ཏུ་འདུས་ནས་ལོང་གཏམ་སྨྲ་བ། ཀུ་ཅོའི་སྒྲ་སྒྲོག་པ། ཉོ་འཚོང་དང་། སྐྱེ་བོ་གཞན་དང་འདྲིས་བཤེས་ཧ་ཅང་ཆེ་བར་བྱེད་པ་སོགས་བསམ་གཏན་གྱི་ཚེར་མར་གྱུར་པའི་རྣམ་པར་གཡེང་བ་མཐའ་དག་མི་བྱེད། དབེན་པ་ཁོ་ན་གཙོ་བོར་འདོན་དགོས་པས། མདོ་སྡེ་དགོངས་འགྲེལ་ལས། དེ་གཅིག་པུ་དབེན་པར་འདུག་སྟེ། ནང་དུ་ཡང་དག་བཞག་ནས་ཇི་ལྟར་ཡང་དག་བསམ་པའི་ཆོས་དེ་དག་ཉིད་ཡིད་ལ་བྱེད་ཅིང་གང་གིས་ཡིད་ལ་བྱེད་པའི་སེམས་དེ་ནང་དུ་རྒྱུན་ཆགས་སུ་ཡིད་ལ་བྱེད་པས་ཡིད་ལ་བྱེད་པའོ། །ཞེས་གསུངས་པ་ལྟར་ཡིན་ལ། ཚོགས་གྲལ་རྣམས་སུ་རྩེ་ཞྭ་དང་གྲ་ཞྭ་གང་རིས་ཀྱི་ཞྭ་སེར། ཟླ་གམ། འདིང་བ། ལྷུང་བཟེད་སོགས་ངེས་ཅན་དུ་འཁྱེར། སྒོམ་ཞྭ། འབར་ཞྭ། སྒོམ་ཐག །མ་ཎིའི་ལག་སྐོར་འཁྱེར་བ་རྣམས་མི་བྱེད། བཟའ་བཏུང་གི་ཚེ་ཅག་ཧུབ་ཀྱི་སྒྲ་འབྱིན་པ། རྩིག་པ་དང་ཀ་བ་ལ་སྙེ་བ། ཁ་གཏུམས་ནས་སྡོད་པ་སོགས་བག་ཡེངས་ཀྱི་སྤྱོད་པ་མི་བྱེད། མཚམས་རེས་མིན་པའི་སྐབས་སུའང་། ཁྲིམས་གྲོགས་མེད་པ་དང་། ཆོས་ཁྲིམས་བར་གནང་བ་མ་ཞུས་པར། བུད་མེད་ནང་མཐོ་བརྒལ་ནས་མི་ཡོང་། ཕྱི་མཚམས་བསྡམས་ནས་བཟུང་། སྒ་རུ་ལ་ཁ་མན་མི་འདའ། ནང་མཚམས་བསྡམས་ནས་བུག་སྒོ་འདག་སྦྱར་བྱེད། ན་ཁར་གཟིམས་སྤྱིལ་བའི་མཛོ་གསུམ་ཐོང་ལ། སྦྱིན་བདག་འོ་མ་མ་འབྱོར་བའི་རིས་ལ་འོ་མ་ཐོབ། དགེ་འདུན་སྤྱིའི་རྫས་འཕྲལ་སྤྱོད་བདེ་བ་རྣམས་ཀྱི་སྤྱི་འགྱེད་དང་། དེ་མིན་གཟིམས་སྤྱིལ་བ་དང་ཚོ་མི་གསུམ་པོས་ཐེལ་འབྱར་དང་། ཆོས་ཁྲིམས་པས་གཉེར་ཅག་བྱས་(༡༢ན)

― GLG020_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

འོས། བེད་སྤྱོད་དགོས་པར་ཤར་ན་གོང་གསལ་ལྔ་པོ་འཛོམ་ཐོག་ནས་བྱེད། ཉུང་ཇ་ཐོབ་དུས། དབུ་མཛད། ཆོས་ཁྲིམས། མཆོད་གཡོག །ཉེ་གནས། ཆུ་མ་གསུམ་མ་གཏོགས་གཞན་ལ་མི་གཏོང་། སྲུང་སྡོམ་པས་གནའ་གཡག་སོགས་སེམས་ཅན་ལ་གཞན་གྱིས་གནོད་པ་མི་ཡོང་བའི་དོ་དམ་བྱེད། དཀོན་གཉེར་དང་མེ་ཏོག་དོ་དམ་པ། ཆུ་མ་རྣམས་ཀྱིས་སོ་སོའི་བྱེད་དགོས་ཟིམ་ལུས་གསེང་ཤོར་དུ་མ་སོང་བ་བྱེད། གཞུང་ས་ནས་དམིགས་བསལ་བྱུང་ན་མ་གཏོགས། ལྕང་ཤོལ། གླ་བ། སེ་ནགས་ལ་གཅོད་འདྲེག་མི་བྱེད། སྦྱིན་བདག་གི་ཆེ་ར། མང་ཇ་བསྙེན་བཀུར་གྱི་རིས་ལ་མི་འོས་པའི་མང་ཉུང་གི་རྩོད་པ་མི་གཏོང་། ཁ་འཐབ་བྱས་པ་སོགས་སྒྲིགས་ཕྲན་རྣམས་དང་འགལ་བ་ལ། བླ་མ་ཆོས་ཁྲིམས་སོགས་སྣེ་མོ་བ་རྣམས་ཀྱིས་བརྒྱ་ཕྱག་མང་ཇ་སོགས་འོས་འགབ་བལྟས་པའི་ཆད་པ་འགེལ། རྩ་བཞིའི་མཐོང་ཐོས་དོགས་གསུམ་བྱུང་བ། རྨས་ཁྲག་ཐོན་པ། སྒྲིགས་རྣམས་ལ་རྒྱུན་དུ་རྩི་མེད་བྱས་པ་བྱུང་ན་གནས་ནས་དབྱུང་། བླ་མས་ཐོག་དྲངས་པའི་སྣེ་མོ་བ་རྣམས་ཀྱིས་ཀྱང་། སྒེར་དོན། ངོ་དགའ་ཟོལ་འཇོག་མི་བྱེད་གོང་ཤར་རྣམས་ཀྱིས་རྩ་འཛིན་ཁྲིམ་སྣོན་དགོས་པ་རྣམས་རྒྱལ་རྩེ་རྫོང་སྡོད་ཀྱིས་བྱེད་རྒྱུ་ཡིན་པས་སོ་སོ་ནས་གོ་བར་གྱིས། གཉིས་མེད་གསུང་བ་གང་གི་ལེགས་བཤད་བཤད་དང་སྒྲུབ་པའི་བསྟན་པ་ཞེས། ཉི་ཟླ་ལྟ་བུར་ཀུན་ཏུ་རབ་གྲགས་གྲགས་པ་དོན་ལྡན་ཕན་བདེའི་དཔལ། །འཇམ་དཔལ་སྙིང་པོའི་རིང་ལུགས་བཞིན་དུ་དུ་མར་སྤེལ་བའི་ལྷག་བསམ་གྱིས། །ཁྲིམས་སུ་བཅའ་བའི་ཡི་གེའི་སྤེལ་ལེགས་ལེགས་པར་འདོད་རྣམས་དང་དུ་ལོང་། །དུག་སྦྲུལ་ཁུང་བུར་གནས་ལ་བདེ་བའི་ཉམས། །འབྱུང་བ་ཇི་བཞིན་ལྟར་སྣང་ཆོས་ཚུལ་ལ། །ཚད་མར་བཟུང་སྟེ་འཇུག་པའི་བླུན་པོ་རྣམས། །ལུང་དང་རིགས་པས་སྐབས་འགར་བཟློག་པ་སྲིད། །ཅི་ཡང་ཡིད་ལ་མི་བྱེད་འགོག་པའི་མཐའ། །ཧ་ཤང་རྒན་པོའི་རིང་ལུགས་ཀ་མཱ་ལས། །བཀག་ཀྱང་གཟིག་ལྤགས་(༡༢བ)
གྱོན་པའི་མགྲིན་བཟང་ལྟར། །མི་མདོག་བསྒྱུར་བའི་སྒོམ་ཆེན་འགའ་མཆིས་ཀྱང་། །ཡིད་བཞིན་ནོར་དང་མཆིང་བུའི་རྣམ་དབྱེ་དག །མ་འདྲེས་འབྱེད་པའི་དེད་དཔོན་བློ་ལྡན་བཞིན། །སྐྱེས་ཐོབ་ཤེས་རབ་ཅན་གྱི་སྐྱེ་བོ་ཡིས། །ཡང་དག་ལྟར་སྣང་སོ་སོར་ཅིས་མི་འབྱེད། །མཁས་པས་རི་མོར་བྲིས་པའི་མར་མེའི་གཟུགས། །མ་བརྟགས་བྱིས་པ་འཁྲུལ་བའི་གནས་སྲིད་ཀྱང་། །ཞིབ་མོར་དཔྱད་ན་མུན་པ་སེལ་བའི་མཐུ། །མེད་པར་ཤེས་ལྡན་སུ་ཞིག་ཐེ་ཚོམ་བྲལ། །མང་དུ་ཐོས་པའི་བསྲེགས་བཅད་རབ་བརྡར་བའི། །ཚུལ་བཞིན་བསམ་པ་འཛམ་བུ་ཆུ་བོའི་གསེར། །དཔྱད་འཇོག་བསྒོམ་པའི་རྣ་རྒྱན་ལེགས་བསྒྲུབས་པ། །འདོད་ལྡན་སྐྱེ་བོའི་འགྲམ་པར་ཅིས་མི་མཛེས། །བརྗོད་པར་འོས་པའི་གཏམ་གྱི་དབྱངས་བདུན་གླུ། །མི་བཟད་མགྲིན་པའི་ལམ་ནས་བླངས་པ་ཡིས། །ཤེས་བྱ་ཐམས་ཅད་གཟིགས་པའི་གོ་འཕང་ཁྲིར། །རིས་མེད་ལུས་ཅན་མཐའ་དག་འཛེག་གྱུར་ཅིག །ཅེས་རི་ཁྲོད་དགའ་ལྡན་པའི་སྤྱི་ཁྲིམས་ཀྱི་བཅའ་ཚེ་ཤེལ་དཀར་མེ་ལོང་ཞེས་པ་འདིའང་རི་ཁྲོད་སྤྱི་ཚོགས་ནས་མཆོད་ཡོན་དུ་དགོས་ཚུལ་གླེང་འདུག་པ་ལྟར། ཤཱཀྱའི་རིང་ལུགས་པ་ངག་གི་དབང་ཕྱུག་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེ། འཕགས་ཡུལ་དུ་ཨཀྵ་ཡ་ཞེས་པ་ཕྱོགས་འདིར་མི་ཟད་པ། རྒྱ་ནག་པ་བང་ཟུའི་དུ་བརྗོད་པ་མེ་ཕོ་ཁྱིའི་ལོ། འདུལ་མངོན་པའི་ལོའི་ཐོག་མ་སྨིན་དྲ྄ུག་གི་ཉ་བར། དུས་འཁོར་བའི་ལུགས་ཀྱི་སྙིང་སྟོབས་ཀྱི་མུན་པ་འཇུག་པ་ཆུང་ངུའི་མར་ངོ་། དབྱངས་ཨཱ། གསལ་བྱེད་ྈྐ། དབྱངས་འཆར་བའི་དཀར་ཕྱོགས་ཀྱི་དགའ་བ་དང་པོ། དབྱངས་ཨཱ། གསལ་བྱེད་དྷ་། འབྱུང་བ་ས། འདོད་ཡོན་ནི། ཏཏྐ་ལག་ཞུའི་དུས་སྦྱོར་ལ། བོད་ཡུལ་གྱི་རྡོ་རྗེ་གདན་ར་ས་འཕྲུལ་སྣང་དང་ཟུང་དུ་འབྲེལ་བའི་གཙུག་ལག་ལུགས་བརྒྱའི་སྒོ་འཕར་གཅིག་ཏུ་ནི་འབྱེད་པ་དགའ་ལྡན་ཕྱོགས་ཐམས་ཅད་ལས་རྣམ་པར་རྒྱལ་བའི་ཕོ་བྲང་དུ་གྲུབ་པར་བགྱིས་པ་ཛ་ཡནྟཱུ། །

ཆོས་གྲྭ་ཆེན་པོ་དཔལ་སྣར་ཐང་གི་རབ་འབྱམས་ཀྱི་གྲྭ་སྐོར་གྱི་བཅའ་ཚེ་ཤེལ་དཀར་མེ་ལོང་།

― GLG020_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

དྭི བྷ ཨོཾ ཤྩ ས མུ དྲཱ སུ ཛ ཏ ཛྙཱ ས རྦྦཱ ཙ ནྡྲ ཙ། ཚོགས་གཉིས་ཟླ་བའི་མ་མ་ལས། །ལེགས་འཁྲུངས་ཀུན་མཁྱེན་ཆུ་ཤེལ་དབང་། །པུ ནྱཱ ཀུ མུ དྡ ཀ དྱ པྲ བྷ ཤཽ དྡྷོ ད ན པུ ཤྱ ཀྲྀ། །ཐུགས་རྗེའི་འོད་ཀྱིས་ལེགས་བྱས་ཚལ། །རྒྱས་པར་མཛོད་ཅིག་ཟས་གཙང་སྲས། །གང་ཞིག་ཆེས་བརླིང་རྒྱལ་བསྟན་གསེར་ལྡན་མ། །རྣམ་དཔྱོད་མཁྱེན་པའི་སྟོབས་ཀྱིས་འདེགས་པ་ལ། །བསྟན་འཛིན་སྐབས་གསུམ་གཞན་གྱིས་ཟླ་བྲལ་བའི། །རྒྱན་དྲུག་མཆོག་གཉིས་པད་དཀར་མིག་གང་རྒྱལ། །རྨོངས་པའི་ཚ་བས་གདུངས་པའི་གངས་ཅན་ཁྲོད། །ཐུབ་བསྟན་སྔ་ན་མེད་པའི་དྲི་བཞོན་གྱིས། །ཁྱབ་མཛད་ཆོས་རྒྱལ་མེས་དབོན་ལོ་པཎ་ཚོགས། །གཟུར་གནས་ཤེས་ལྡན་ཡོངས་ཀྱིས་ཕྱག་བྱའི་ཡུལ། །འཇམ་དབྱངས་རང་གཟུགས་མི་ཡི་སྲིད་པའི་གར། །འགྲོ་ལ་རྗེས་སུ་སྟོན་པའི་བཙོང་ཁ་པ། །ཁྱོད་ཀྱི་རྣམ་དཀར་མཛད་པའི་ཕུང་པོ་འདིའི། །སྣོད་དུ་ཚངས་པས་ཁམས་གསུམ་སྤྲུལ་པར་ངེས། །དགེ་ལེགས་རྣམ་བཀྲ་འཇའ་འདྲའི་གུར་ཁྱིམ་ནས། །ཕུན་ཚོགས་ཤིས་པ་བརྗོད་པའི་ཚིག་གི་གླུས། །(༡༣བ)

― GLG020_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ལྡན་རྒྱལ་བའི་རིང་ལུགས་རྒྱ་མཚོའི་སྡེར། །བརྗོད་པའི་དངོས་པོ་དོན་དང་ལྡན་འགྱུར་ཅིག །དགེ་བའི་རང་བཞིན་རྒྱས་པའི་ཀུ་མུ་ད། །ཡོན་ཏན་ཟླ་བར་འདུན་ཞིང་ཆགས་པའི་ཆུས། །འདབ་མ་མངོན་པར་གཡོ་བའི་གྲགས་པའི་དབྱངས། །རྒྱ་མཚོའི་གོས་ཅན་ཀུན་ཏུ་ཁྱབ་འདི་མཚར། །བློ་དམན་ཀུན་གྱིས་བལྟ་བའི་ཡུལ་བྲལ་ཞིང་། །བློ་ཆེན་རྣམས་ཀྱང་ཐེ་ཚོམ་ཁྱོགས་འཆང་བའི། །བློ་བཟང་རྒྱལ་བའི་ལུགས་སྲོལ་གཞུང་ཆེན་རྣམས། །བློ་ལྡན་སྐྱེ་བོས་ཐོས་བསམ་བགྱིས་པའི་འབྲས། །རབ་ཏུ་བརྗོད་བྲལ་ཀུན་གསལ་ཕ་མཐའ་ལྟར། །རབ་མང་ཤེས་བྱའི་གཙུག་ལག་མ་ལུས་པར། །རབ་ཏུ་བརྒལ་བརྟགས་དཔྱད་ནས་འབྱམས་ཀླས་པའི། །རབ་དཀར་རྣམ་སྨིན་དཀར་པོར་འཛག་པའི་རྔ། །ཚུལ་ལྡན་འཁྲུལ་མེད་སྲོལ་གྱི་དབྱུ་གུ་ཡིས། །མངོན་པར་བརྡུངས་ཚེ་རྒོལ་ངན་དཔུང་ཚོགས་ལས། །རྣམ་པར་རྒྱལ་བའི་ངོ་མཚར་གཏམ་གྱི་དཔྱིད། །འཁྲུལ་མེད་ཡི་གེའི་ལམ་དུ་དེང་འདིར་ཤར། །དེའང་འོ་སྐོལ་གྱི་སྟོན་པ་རྒྱལ་བ་ཉི་མའི་གཉེན་ཞེས། རིས་བྲལ་གྱི་འགྲོ་བ་མཐའ་དག་ལ་གཅིག་ཏུ་བརྩེ་ཆེན་ཐུགས་རྗེའི་བདག་ཉིད་ཅན་དེས་གསུངས་པའི་བཀའ་སྡེ་སྣོད་གསུམ་ལུང་དང་། དེ་དོན་ཉམས་སུ་བླངས་པ་ལས་ལམ་མངོན་རྟོགས་ཀྱི་རིམ་པ་སྟེ། རྒྱལ་བའི་བསྟན་པ་རིན་པོ་ཆེ་ནི། འཕགས་པའི་ཡུལ་ལས་ལྗོངས་འདིར། ས་སྤྱོད་དམ་པ་རྣམས་དང་། ལོ་པཎ་རྣམས་ཀྱི་དྲིན་ལས་ཆེས་དར་ཞིང་། ཁྱད་པར་གསུང་རབ་མཐའ་དག་དངོས་སྟོབས་ཀྱི་རིགས་པས་གཏན་ལ་འབེབས་པའི་མཚན་ཉིད་ཀྱི་སྡེ་ཞེས། ལོ་ཆེན་བློ་ལྡན་ཤེས་རབ་དང་། ཆ་གཙང་སོགས་མཁས་གྲུབ་རིམ་པར་བྱོན་པ་རྣམས་ལས་ཆེས་ཆེར་འཕེལ་བ་ལས་བློ་གསལ་རྣམས་ཀྱིས་ཐོས་བསམ་བགྱིས་པའི་འབྲས་རྟགས་དང་། བསྟན་པ་རིན་པོ་ཆེའི་མིག་རྐྱེན་དུ་རབ་འབྱམས་གྲ་སྐོར་ཞེས་པའི་སྲོལ། གོས་གྲྭ་ཆེན་པོ་རྩེས་ཐང་དུ་སྡེ་སྲིད་རིན་པོ་ཆེ་ཕག་མོ་གྲུ་པས་འཛུགས་པར་མཛད་པ་དང་། གཞན་ཡང་ཡུལ་གྲུ་དུ་མར་བྱུང་འདུག་པ་རྣམས་དང་ཆ་མཐུན་པར། ཆོས་ཀྱི་རྒྱལ་པོ་(༡༤ན)

― GLG020_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

བཙོང་ཁ་པ་ཆེན་པོའི་མཛད་པ། སྲིད་པ་འདི་ན་རྣམ་དཀར་གྱི་དགེ་བ་ལ་འགྲན་པའི་ཟླ་དང་བྲལ་བའི་ཆོས་འཕྲུལ་གྱི་དུས་སྟོན་ཆེན་པོ་འདི་ཉིད་ཀྱི་ཐོག་ཏུ་གྲྭ་སྐོར་གྱི་སྲོལ་འཛུགས་པ་འགབ་ཚུལ། གསུང་རབ་རྒྱ་མཚོའི་ཕ་རོལ་དུ་སོན་ཞིང་། འཆད་ཅིང་རྩོད་པ་ལ་སྨྲ་མཁས་ངག་གི་དབང་པོར་འགྲན་བཟོད་པའི་ཆོས་རྗེ་རིན་པོ་ཆེ་དཀོན་མཆོག་ཆོས་འཕེལ། མཁས་མང་བློ་གསལ་གླིང་གི་འཆད་ཉན་ལས་ཐོག་ཏུ་བཞུགས་པས་གཙོ་གནད་སློབ་དཔོན་རྣམས་གྲོས་བསྡུར་ཐོག་ནས། ཤིང་གླང་སྨོན་ལམ་དུས་གསར་འཛུགས་གྲུབ་འདུག་ནའང་། ཉི་མ་ཁ་གྲངས་ཉུང་ཞིང་གྲྭ་སྐོར་བ་མང་བས་ཅུང་ཟད་བྱེད་སླ་བ་དང་། སྨོན་ལམ་ཆེན་མོའི་དོ་དམ་གང་ཅི་འབྲས་སྤུངས་སྤྱི་སོ་ནས་མཛད་པའི་སྟབས་ཀྱིས་གྲྭ་སྐོར་བྱས་པ་དང་། འབྲས་སྤུངས་ཀྱི་གླིང་བསྲེ་བྱས་པར་ཁྱད་མེད་ཅིག་དགོས་རྒྱུར་འདུག་ཀྱང་། རྡོ་བཅལ་དུ་དམ་བཅའ་མ་བཞག་པར་གདོང་གྲལ་དུ་མི་ཆུད་པ་སོགས་བར་སྐབས་སུ། དགེ་སྐོས་ཅི་རིས་ཀྱིས་སྒེར་དོན་སྤྱི་འཁྱེར་གྱི་རྣམ་པའི་བཅོས་བསླད་སྣ་ཚོགས་འདུག་པར་བརྟེན། ད་ཆ་མེ་ཕག་སྨོན་ལམ་ཆེན་མོའི་ཐོག་ནས་བཟུང་འགྱུར་མེད་ལག་ཏུ་ལེན་དགོས་ཀྱི་དྲན་ཐོ་ནི། མདོ་ཕྱོགས་ཀྱི་གྲྭ་སྐོར་བ་བརྒྱད་ལས་མང་བ་མི་བྱེད། དེ་ཡང་ཉི་མ་བཅུ་གསུམ་ཙམ་ལ་མཚོན་ན། བཞི་པོ་ཤོས་དབྱེ་བའི་ཤོ་ཆེ་བས་རྣམ་འགྲེལ་ལེའུ་བཞི་པ་དང་། ཕར་ཕྱིན་སྐབས་དང་པོ་གཉིས་ལ་བཤད་ཆེན་ཉི་མ་རེ་རེ་དང་། བཤད་ཆུང་མཛོད་ལ་ཉིན་གཅིག་བྱེད། ཤོ་དེའི་འོག་མས་བཤད་ཆེན་ལེའུ་གསུམ་པ་དང་། སྐབས་གཉིས་པ། བཤད་ཆུང་མདོ་རྩ་བ། ཤོ་དེ་འོག་མས་བཤད་ཆེན་ལེའུ་གཉིས་པ་དང་། སྐབས་བཞི་པ། བཤད་ཆུང་དབུ་མ་འཇུག་པ། ཤོ་དེ་འོག་མས། བཤད་ཆེན་ལེའུ་དང་པོ་དང་། སྐབས་བརྒྱད་པ། བཤད་ཆུང་རང་ཕྱོགས་དགེ་ལུགས་པ་ཡིན་ན་བྱང་ཆུབ་ལམ་རིམ། དྲང་ངེས་རྣམ་འབྱེད་གཉིས་གང་འདོད་དང་། ས་ལུགས་པ་ཡིན་ན། སྡོམ་རིག་གཉིས་གང་འདོད་འདམ། བོ་དོང་། ཀར་འབྲུག་(༡༤བ)

― GLG020_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུ་མ་ངེས་པའི་བྱུང་ཚེ། མངོན་པ་ཀུན་ལས་བཏུས་རྩ་ཤེ། རྒྱུད་བླ་མ་གསུམ་པོ་གང་རུང་འདམ་འཇུག །དམིགས་བསལ་སྔགས་རམས་པ་བྱུང་ན། གོང་གི་གྲངས་ལ་མི་ཐེ་ཞིང་། སྔ་ཕྱི་དང་གཞུང་ཡང་ཤོས་དབྱེ་མ་དགོས་པས། ཉི་མ་བཅུ་གསུམ་ལ་མཚོན་ན། མཚན་ཉིད་པ་བཞི་པོས་བཤད་ཆེན་ཉི་མ་ཕྱེད་གཉིས་རེ་དང་། བཤད་ཆུང་ཉི་མ་རེ་གྲུབ་པའི་དེ་ལྷག་གསུམ་པོ་ལ་སྔགས་རམས་པས་བཤད་པ་བྱེད་པ་དང་། དགེ་ལུགས་ལ། བཤད་ཆེན་གསང་འདུས་བཤད་ཆུང་དུས་འཁོར། ས་ལུགས་ལ་བཤད་ཆེན་བརྟག་གཉིས། བཤད་ཆུང་བདེ་མཆོག །རྙིང་ལུགས་ལ་བཤད་ཆེན་གསང་བ་སྙིང་པོ། བཤད་ཆུང་རྒྱུད་བཅུ་བདུན་གང་རེས། ཇོ་ཞལ། བོ་དོང་། ཀར་འབྲུག་རྣམས་བཤད་ཆེན་དུས་འཁོར། བཤད་ཆུང་སམྦྷུ་ཊར་བྱེད་སྦྱོར་འགོད་ནི། སྐས་གདང་དང་པོ་ནི། འགྲེལ་པ་དོན་གསལ་ལས། སྤྱོད་པའི་གཉེན་པོར་ཆོས་ཀྱི་འཁོར་ལོ་མ་ལུས་པ་རྣམ་པ་ཐམས་ཅད་སྐོར་བར་མཛད་པ། ཞེས་སོགས། མདོ་སྡེ་རྒྱན་ལས། དོན་ཤེས་དོན་སྟོན་རབ་ཏུ་འདུ་བྱེད་ངག་དང་ཚིག་རྣམས་དྲི་མེད་པས། ཞེས་སོགས། རྒྱུད་བླ་མས། སངས་རྒྱས་ཆོས་ཚོགས་ཁམས་དང་བྱང་ཆུབ་དང་། ཞེས་སོགས། རྩ་ཤེ་ལས། གང་གི་རྟེན་ཅིང་འབྲེལ་པར་འབྱུང་། །ཞེས་སོགས། འཇུག་པ་ལས། ཉན་ཐོས་སངས་རྒྱས་འབྲིང་རྣམས་ཐུབ་དབང་སྐྱེས། ཞེས་སོགས། མངོན་པ་ཀུན་ལས་བཏུས་ལས། ཁམས་རྣམས་ནི་བཅོ་བརྒྱད་དོ། །ཞེས་སོགས། མཛོད་ལས། གང་ཞིག་ཀུན་ལ་མུན་པ་གཏན་བཅོམ་ཞིང་། ཞེས་སོགས། ཚད་མ་ཀུན་ལས་བཏུས་ལས། ཚད་མར་གྱུར་པ་འགྲོ་ལ་ཕན་བཞེད་པ། ཞེས་སོགས། རྣམ་འགྲེལ་ལས། རྟོག་པའི་དྲ་བ་རྣམས་བསལ་ཞིང་། ཞེས་སོགས། མདོ་རྩ་བ་ལས། ངེས་པར་འབྱུང་བ་ཚུལ་ཁྲིམས་ཀྱི་དབང་དུ་བྱས་ཏེ། ཞེས་སོགས། སོ་ཐར་གྱི་མདོ་ལས། སྙན་པའི་བ་དན་འཇིག་རྟེན་གསུམ་ན་གྲགས། །ཞེས་སོགས། སྤྱོད་འཇུག་ལས། བདེ་གཤེགས་ཆོས་ཀྱི་སྐུ་མངའ་སྲས་བཅས་དང་། །ཞེས་སོགས། ལམ་སྒྲོན་ལས། དུས་གསུམ་(༡༥ན)

― GLG020_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་ཐམས་ཅད་དག་དང་དེ་ཡི་ཆོས། །ཞེས་སོགས། སྐས་གདང་གཉིས་པ་ནི། མངོན་རྟོགས་རྒྱན་ལས། སེམས་བསྐྱེད་པ་ནི་གཞན་དོན་ཕྱིར། །ཞེས་སོགས། མདོ་སྡེ་རྒྱན་ལས། སྦྱོར་བའི་སྔོན་དུ་སྙིང་རྗེ་དང་། །ཞེས་སོགས། རྒྱུད་བླ་མར། ཇི་ལྟ་ཇི་སྙེད་ནང་གི་ནི། །ཞེས་སོགས། རྩ་ཤེ་ལས། གང་ཞིག་བདག་ལ་མི་ལྟ་བ། །ཞེས་སོགས། འཇུག་པ་ལས། རྒྱལ་བའི་སྲས་པོ་འདི་ཡི་སེམས་གང་འགྲོ་བ་རྣམས། །ཞེས་སོགས། མངོན་པ་ཀུན་ལས་བཏུས་ལས། ལུས་ཀྱི་རྣམ་པར་ཤེས་པ་གང་ཞེ་ན། ཞེས་སོགས། མཛོད་ལས། ཟག་བཅས་ཟག་པ་མེད་ཆོས་རྣམས། །ཞེས་སོགས། ཚད་མ་ཀུན་ལས་བཏུས་ལས། མིང་དང་རིགས་སོགས་སྦྱོར་བ་ཡིས། །ཞེས་སོགས། རྣམ་འགྲེལ་ལས་གཏན་ཚིག་ཀྱི་ནི་ཚུལ་གསུམ་ལའང་། ཞེས་སོགས། སོ་ཐར་གྱི་མདོ་ལས། འདི་ནི་དམ་ཆོས་རྒྱལ་པོ་ཡིན། ཞེས་སོགས། མདོ་རྩར། དང་པོའི་མཁན་པོ་ཉིད་ཀྱིས་བར་ཆད་དྲིས་ནས། ཞེས་སོགས། སྤྱོད་འཇུག་ལས། བྱང་ཆུབ་སྙིང་པོར་མཆིས་ཀྱི་བར། །ཞེས་སོགས། ལམ་སྒྲོན་ལས། ཆུང་དང་འབྲིང་དང་མཆོག་གྱུར་པའི། །ཞེས་སོགས། སྐས་གདང་གསུམ་པ་ནི། མངོན་རྟོགས་རྒྱན་ལས། སེམས་མི་འགོང་བ་ཉིད་ལ་སོགས། །ཞེས་སོགས། མདོ་སྡེ་རྒྱན་ལས། རྒྱལ་སྲས་རྣམས་ཀྱིས་སེམས་བསྐྱེད་ནི། །ཞེས་སོགས། རྒྱུད་བླ་ལས། རང་དོན་གཞན་དོན་དོན་དམ་སྐུ་དང་ནི། །ཞེས་སོགས། རྩ་ཤེ་ལས། ལྟ་དང་ཉན་དང་སྒོམ་པ་དང་། །ཞེས་སོགས། མངོན་པ་ཀུན་ལས་བཏུས་ལས། སའི་ཁམས་གང་ཞེ་ན། ཞེས་སོགས། མཛོད་ལས། དེ་ལ་སྣོད་ཀྱི་འཇིག་རྟེན་གྱི། །ཞེས་སོགས་ཚད་མ་ཀུན་ལས་བཏུས་ལས། རྗེས་དཔག་རྣམ་གཉིས་རང་དོན་ནི། །ཞེས་སོགས་འཇུག་པ་ལས། ཤེས་བྱའི་བུད་ཤིང་མ་ལུས་བསྲེག་པའི་མེ། །ཞེས་སོགས། མདོ་རྩ་བ་ལས། རང་གིས་དགེ་བསྙེན་ཉིད་དུ་ཉེ་བར་བསྒྲུབས་ནས། ཞེས་སོགས། རྣམ་འགྲེལ་ལས། ཚད་མ་སླུ་མེད་ཅན་ཤེས་པ། །ཞེས་སོགས། སྤྱོད་འཇུག་ལས། བྱང་ཆུབ་རྒྱུར་ནི་དགེ་བསགས་པ། །ཞེས་སོགས། བཞི་བརྒྱ་པ་ལས། ཚུལ་ཁྲིམས་ཀྱིས་(༡༥བ)

― GLG020_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་བདེ་འགྲོར་འགྲོ། །ཞེས་སོགས། རིན་ཆེན་ཕྲེང་བ་ལས། དགེ་ལས་བདེ་འགྲོ་ཐམས་ཅད་དང་། །ཞེས་སོགས། སྐས་གདང་བཞི་པ་ནི། མདོ་སྡེ་རྒྱན་ལས། གནས་བརྩོམ་འབྲས་བུ་འབྱུང་བ་ཆོས་བདག་ཉིད། །ཅེས་སོགས་རྒྱུད་བླར། བྱང་ཆུབ་སེམས་དཔའི་ཚུལ་འདི་ནི། །ཞེས་སོགས། རྩ་ཤེར། བསྟན་པ་དག་ནི་ཐམས་ཅད་དུ་ཞེས་སོགས། བཞི་བརྒྱ་བར། དེ་བཞིན་ཀུན་མཁྱེན་སྒྲ་འདི་ནི། །ཞེས་སོགས། མངོན་པ་ཀུན་ལས་བཏུས་ལས། ཅི་ཡིས་བསླབ་པར་བཏགས་ཤེ་ན། །ཞེས་སོགས། མཛོད་ལས། གང་ཞིག་གསུམ་ལ་སྐྱབས་འགྲོ་བ། །ཞེས་སོགས། ཚད་མ་ཀུན་ལས་བཏུས་ལས། གཞན་དོན་རྗེས་སུ་དཔག་པ་ནི། །ཞེས་སོགས། རྣམ་འགྲེལ་ལས། གཏན་ཚིགས་རབ་ཏུ་དབྱེ་བའི་དོན། །ཞེས་སོགས། འཇུག་པ་ལས། མངོན་དུ་ཕྱོགས་པ་མཉམ་གཞག་སེམས་གནས་ཏེ། །ཞེས་སོགས། སྤྱོད་འཇུག་ལས། སྤོང་བའི་སེམས་ནི་ཐོབ་པ་ལས། །ཞེས་སོགས། མདོ་རྩ་བ་ལས། དབྱར་གནས་པ་ཁས་བླང་བར་བྱའོ། །ཞེས་སོགས། ལམ་སྒྲོན་ལས། སེམས་ཅན་དམ་པ་འབྱུང་བ་མཆོག་ཅེས་སོགས་མངོན་རྟོག་རྒྱན་ལས་དེ་ན་འཁོར་བ་ཇི་སྲིད་པར། ཞེས་སོགས། བཤད་ཆེན་བཤད་ཆུང་གི་གཞུང་ཡོད་ཀྱང་སྦྱོར་འགོད་འཇོག་མི་དགོས། སྔགས་རམས་པས་སྦྱོར་འགོད་ཀྱི་ཚབ་ཏུ་བཤད་པ་བྱེད་ཅིང་། དམ་བཅའ་འཇོག་འདོད་ཡོད་ན་མ་གཏོགས་ཀ་དཔེ་མ་མི་བྱེད། སྤྱིར་གྲྭ་སྐོར་ལས་ཆོས་སུ་མི་འགྲོ་བའི་དོ་དམ་མཁན་སློབ་ཚང་མས་བྱེད་པ་དང་བྱེ་བྲག་མདོའི་གྲྭ་སྐོར་བ་རྣམས་ཀྱི་ཆོས་གྲྭ་སྨོན་ལམ་གྱི་དམ་བཅའ་ཡུན་མ་ཐུངས་པའི་ཆེད་གཞུང་ལས་པས་བྱེད་ཅིང་། གྲ་ཚང་ཁག་གི་གྲྭ་པ་རྣམས་དེར་འདུད་གོས་པའི་དོ་དམ་དགེ་སྐོས་ཀྱིས་བྱེད། གྲྭ་སྐོར་གྲུབ་ནས་གདོང་གྲལ་དུ་ཚུད་རྒྱུ་ཡིན། མེ་ཁྱི་ཧོར་ཟླ་དྲུག་པའི་ཚེས་བཅུ་གཅིག་ལ་དྲན་ཐོ་འདི་བཞིན་བཀོད་པ། སླར་རང་དྲན་གྱི་བཟོ་བཅོས་བཞིན་མི་བྱེད་པར་འདི་ག་སོར་གནས་བྱེད་དགོས་རྒྱུ་ཡིན། རྨད་བྱུང་བསོད་ནམས་དབྱར་སྐྱེས་ལྗོན་ཤིང་ཚོགས། ཀུན་མཁྱེན་འབྲས་བུའི་ཁུར་གྱིས་རབ་དུད་པའི། །བྱེད་པ་ཟས་གཙང་སྲས་ཀྱི་བསྟན་པ་འདི། །ཕྱོགས་(༡༦ན)
དུས་ཀུན་ཏུ་དར་ཤིང་རྒྱས་གྱུར་ཅིག །

ཆོས་གྲྭ་ཆེན་པོ་དཔལ་རྩེས་ཐང་གི་རབ་འབྱམས་གྲྭ་སྒོར་གྱི་བཅའ་ཚེ་ཤེལ་དཀར་མེ་ལོང་།

― GLG020_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

ཛཱ ཡཻ ཤཱ ས ནྱ ནོ ག ནྡྷ དྷ རྨ སྱ སཱུ ཪྻོ བི ཙཱ ར ཏྲི པཱ ཀྵ ཎཱ ཤུ རྣ ཡ། རྒྱལ་བསྟན་དྲི་མེད་རིང་ལུགས་ཉིན་མོར་བྱེད། །རྣམ་དཔྱོད་དཔྱད་གསུམ་དྲི་བཞོན་གྱིས་འདྲེན་པའི། །ཧཱི མ ཧཱ རཱ ཐ ཀ སྱཱ ནུ ས རྣཱ བྷྱ ཀཾ མ དྷྱ དཻ ཀྤ ཉྩ སྠཱ བི བྱ མཱུ རྡྷཱ ངྐ ར། ཤིང་རྟ་ཆེན་པོ་རྗེས་འབྲང་ལྟེ་སྔོན་ཅན། །དབུས་འགྱུར་གནས་ལྔ་རིག་ཀུན་གཙུག་གི་རྒྱན། །བསིལ་ལྡན་ལྗོངས་ཀྱི་འདབ་གཤོག་ཡངས་པར་འཁོར་ལོ་གསུམ་གྱི་ཕུར་ལྡིང་གིས། །སྒྱུ་འཕྲུལ་དྲ་བའི་རོལ་གར་བྱེད་པོ་མཁན་སློབ་ཆོས་རྒྱལ་མར་མེ་མཛད། །རིན་རྔོགས་ལོ་ཤོང་དཔང་བུ་སོགས་མཁས་གྲུབ་གཉིས་སྐྱེས་ལུས་དཀར་ཅན། །རྨད་བྱུང་བཀའ་དྲིན་མཚུངས་པ་མེད་ཕྱིར་ཤེས་ལྡན་ཡོངས་ཀྱི་ཕྱག་གི་གནས། །ཚོགས་གཉིས་བྱེ་བའི་མན་ཤེལ་རྩེགས་པའི་ལྡིང་ཁང་ནས། །རླབས་ཆེན་སྨོན་ལམ་རིན་ཆེན་སྦྲེལ་བའི་ཐེམ་སྐས་ལས། །བོད་ཡུལ་ཚལ་འདིར་འོངས་པའི་འཇམ་དབྱངས་མིའི་ཟོལ་ཅན། །འགྲོ་བའི་བླ་མ་བཙོང་ཁ་པ་ལ་གུས་པས་འདུད། །ལེགས་བྱས་གསེར་གྱི་འཁོར་ལོས་རྫོགས་ལྡན་གྱི། །སྒོ་འཕར་བརྒྱ་ཕྲག་འབྱེད་ལ་མངའ་(༡༦བ)

― GLG020_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྱུར་བའི། །དཔལ་ལྡན་ཕག་མོ་གྲུ་པའི་སྡེ་སྲིད་ཀྱི། །ལུགས་གཉིས་མཛད་པའི་ངོ་མཚར་རྒྱ་མཚོ་ལས། །མང་དུ་ཐོས་པའི་དཔྱིད་ཀྱི་དཔལ་མོའི་མངལ། །ཚུལ་བཞིན་བསམ་པའི་དྲི་བཞོན་གྱིས་སྦྲུམས་པས། །རབ་འབྱམས་ཤེས་བྱའི་དབྱར་དུས་དགའ་སྟོན་གྱི། །འགྱུར་མེད་ཅ་ཚེའི་རིམ་པ་སྤེལ་བར་སྤྲོ། །ཞེས་ཤིས་པ་བརྗོད་པས་སྔུན་བསུས་ཏེ། གནམ་སྐོས་རྒྱ་ནག་གོང་མ་ཝན་ལིའི་ལུང་གིས་ཀྭན་དིང་གུ་ཤྲི་ཞེས་ཆོས་ཀྱི་རྒྱལ་པོ་ལྷ་ཡི་ལྷར་དབང་བསྐུར་ཞིང་། ཀུན་མཁྱེན་བུ་རམ་ཤིང་པའི་རིང་ལུགས་པར་མིང་ཡོངས་སུ་གྲགས་པ་ངག་གི་དབང་ཕྱུག་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེའི་ཡི་གེ །བཟང་པོའི་བསྐལ་པ་འདིའི་སྟོབས་བཅུ་མངའ་བ་རྣམས་ཟད་མི་སྐྱེ་ཤེས་པའི་ཡེ་ཤེས་བརྙེས་པའི་གནས་འཕགས་ཡུལ་རྡོ་རྗེ་གདན་ནས་བཟུང་། ཆོས་རྒྱལ་རིགས་ལྡན་སུམ་ཅུ་རྩ་གསུམ་གྱི་གནས་ཤམ་བྷ་ལའི་གྲོང་ཁྱེར་ཚུན་གྱི་སར་འཁོད་པའི་སྐྱེ་འགྲོ་སྤྱི་དང་། བྱེ་བྲག་བོད་ཁྲི་སྐོར་བཅུ་གསུམ་གྱི་སར་གནས་པའི་ལྷ་སྡེ་མི་སྡེ། རྒྱལ་པོ་རྒྱལ་རིགས། དཔོན་ཆེན་དཔོན་སྐྱ། རྫོང་སྡོད། ཞི་དྲག་སྣེ་མོར་མངགས་སླེབ། ལྷག་ཏུ་རྩེས་ཐང་གི་དྲུང་ཆེན་ལྷོ་བྱང་། གཞུང་ལས་རིགས་ལས། གྲྭ་སྐོར་བྱེད་མི་སོགས་མཐའ་དག་ལ་སྤྲིངས་པ། འོ་སྐོལ་གྱི་སྟོན་པ་ཐུགས་རྗེའི་དབང་ཕྱུག་བུ་རམ་ཤིང་པའི་བསྟན་པ་རིན་པོ་ཆེ་ནི། ཆོས་མངོན་པ་མཛོད་ལས། སྟོན་པའི་དམ་ཆོས་རྣམ་གཉིས་ཏེ། །ལུང་དང་རྟོགས་པའི་བདག་ཉིད་དོ། །དེ་འཛིན་བྱེད་པ་སྨྲ་བྱེད་དང་། །སྒྲུབ་པར་བྱེད་པ་ཁོ་ན་ཡིན། །ཞེས་པ་ལྟར། ལུང་རྟོགས་ཀྱི་བསྟན་པ་གཉིས་ཡོད་པ་ལས། བསླབ་པ་གསུམ་སོགས་རྟོགས་པའི་བསྟན་པ་གདུལ་བྱའི་རྒྱུད་ལ་སྐྱེད་པར་བྱེད་པ་ལ། དེ་བརྗོད་བྱར་བྱེད་པའི་ལུང་གི་བསྟན་པ་ལ་ཐོས་བསམ་སྔོན་དུ་འགྲོ་དགོས་པའི་རྒྱུ་མཚན་གྱིས། རྗེ་བཙུན་མི་ཕམ་པས། འདི་ན་དང་པོར་ཐོས་ལ་བརྟེན་ནས་ཚུལ་བཞིན་ཡིད་ལ་བྱེད་པ་འབྱུང་། ཚུལ་བཞིན་ཡིད་ལ་བྱེད་(༡༧ན)

― GLG020_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ཡང་དག་དོན་ཡུལ་ཡེ་ཤེས་འབྱུང་། ཞེས་གསུངས་ལ་ཁྱད་པར་རང་ཅག་གངས་རིས་བསྐོར་བའི་ལྗོངས་འདིའི་སྐྱེ་འགྲོ་རྣམས་ལ་མཚུངས་པ་མེད་པའི་བཀའ་དྲིན། ཆོས་རྒྱལ་མེས་དབོན། མཁན་སློབ་ལོ་པཎ་རྣམས་ཀྱི་མཛད་པ་བཟང་པོས། མཐའ་འཁོབ་ཀྱི་ཡུལ་མཐའ་དག་དམ་པའི་ཆོས་ཀྱི་དགའ་སྟོན་རླབས་པོ་ཆེས། འགྲོ་བ་མཐའ་དག་གི་ལེགས་བྱས་རྒྱ་མཚོའི་སྒོ་འཕར་ཕྱེ་ཞིང་། བསྟན་པ་ཕྱི་དར་གྱི་དུས། མཉམ་མེད་ཇོ་བོ་ཡབ་སྲས། རྔོག་ལོ་ཙཱ་བ་བློ་ལྡན་ཤེས་རབ། ས་ལོ་ཙཱ་བ་ཀུན་དགའ་རྒྱལ་མཚན། མཁས་པའི་དབང་པོ་ཤོང་དཔང་། ཐམས་ཅད་མཁྱེན་པ་བུ་སྟོན་ཆོས་རྗེ། མཉམ་མེད་ཆོས་ཀྱི་རྒྱལ་པོ་རྒྱལ་བ་བཙོང་ཁ་པ་ཡབ་སྲས་སོགས་མཁས་པའི་དབང་པོ་རྣམས་ཀྱིས་སྡེ་སྣོད་གསུམ་དང་། ཕྱི་ནང་གི་རིག་པའི་གནས་མཐའ་དག་ལུང་དང་རིགས་པའི་སྒོ་ནས་དཔྱད་པ་གསུམ་གྱིས་གཏན་ལ་ཕབ་པའི་སྐབས་ལས། དུས་ཀྱི་ཀྱང་ཆེར་མ་ཞུགས་པའི་ཚེ། གནམ་རིམ་པ་བཅུ་གསུམ་གྱི་མཐོངས་ནས་འཇིག་རྟེན་ཐམས་ཅད་ཀྱི་བྱེད་པོ་ཚངས་པས། རྩོད་པའི་དུས་སུ་སྟོབས་ཀྱི་འཁོར་ལོས་སྒྱུར་པར་དབང་བསྐུར་བ། སྡེ་སྲིད་ཕག་མོ་གྲུ་པ་ཏའི་སི་ཏུ་བྱང་ཆུབ་རྒྱལ་མཚན་དཔལ་བཟང་པོས། འཇིག་རྟེན་མི་ཆོས་ནས་དཔའ་མཛངས་རྟུལ་ཕོད་རྣམ་དཔྱོད་ཀྱིས། བོད་ཁྲི་སྐོར་བཅུ་གསུམ་མཐའ་དག་ལེགས་བྱས་ཀྱི་དཔུང་པས་རང་དབང་དུ་མཛད་ཅིང་། དམ་པ་ཆོས་ཀྱི་སྒོ་ནས། རྒྱལ་བའི་བསྟན་པ་རིན་པོ་ཆེ་འཛིན་སྐྱོང་སྤེལ་བའི་མཛད་པ་རྒྱ་མཚོ་ལྟ་བུ་ལས། མཐོ་རིས་ཀྱི་ཡོན་ཏན་བདུན་གྱི་དགེ་མཚན་མཐའ་དག་གཅིག་ཏུ་འདུ་བ་ཡར་ཀླུངས་ཀྱི་སའི་ཆར་ཆོས་གྲྭ་ཆེན་མོ་དཔལ་གྱི་རྩེས་ཐང་ཞེས། མདོ་སྔགས་ཟུང་དུ་འབྲེལ་བའི་བཤད་སྒྲུབ་ཀྱི་སྡེ་ཆེན་པོ་ཉེ་བར་བསྐྲུན་པ་ནས་བཟུང་། འཇམ་དབྱངས་གུ་ཤྲི། དབང་གྲགས་པ་རྒྱལ་མཚན། ས་སྐྱོང་ཆོས་ཀྱི་རྒྱལ་པོ་གྲགས་པ་འབྱུང་གནས་སོགས་སྡེ་བཞིའི་(༡༧བ)

― GLG020_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཕུན་སུམ་ཚོགས་པས་མངོན་པར་མཐོ་བའི་གོང་མ་རིམ་པར་བྱོན་པ་རྣམས་ཀྱིས་ལེགས་པའི་སྲོལ་བཟང་པོ་ཡར་ལྡན་དུ་བཏོད་པ། ཞབས་དྲུང་གོང་མ་ཆེན་པོ་ངག་གི་དབང་ཕྱུག་བཀྲ་ཤིས་གྲགས་པ་རྒྱལ་མཚན་ཕྱོགས་ཐམས་ཅད་ལས་རྣམ་པར་རྒྱལ་བ་ཀྭན་དིང་གུ་ཤྲི་ཧ་ཝང་གི་བར་དུ་྄སྲོལ་བཟང་ཉམས་པ་མེད་པར་གནས་ནའང་། བར་སྐབས་ཡུལ་གྲུ་སོ་སོར་རྒྱལ་ཕྲན་རང་ཉམས་ཀྱིས་བཟུང་བ་དང་། ས་ཀུན་ལ་དབང་སྒྱུར་བ་རྣམས་ཀྱིས་ཀྱང་། བསྟན་པའི་རྣམ་གཞག་གི་ཚུལ་ལ་དག་ཐེར། ལུགས་གཉིས་ཀྱི་ཁྲིམས་གནོན་སོགས་མ་བྱུང་བར་བརྟེན། གོང་སའི་བཅའ་ཡིག་དང་མི་མཐུན་པའི་བཤད་པ་གཞུང་བསྐྱར་སོགས་སླ་ཆོས་ཁོ་ན་ལ་ཡིད་བསྟད་པའི་ཡོན་ཏན་ཡོད་མེད་མཐའ་དག་ཆུ་དང་འོ་མ་ཆབས་གཅིག་ཏུ་འདྲེས་པའི་བསྟན་པ་རིན་པོ་ཆེར་རྨ་འབྱིན་པ་ཞིག་བྱུང་འདུག་པ། སྤྱིར་ཡང་རང་ཅག་མི་གནས་པའི་མྱ་ངན་ལས་འདས་པའི་གོ་འཕང་དོན་དུ་གཉེར་བའི་སྐྱེ་བོ་རྣམས། གང་ཚེ་རང་དབང་འཇུག་ཅིང་མཐུན་གནས་པས། །གལ་ཏེ་འདི་བདག་འཛིན་པར་མི་བྱེད་ན། །གཡང་སར་ལྷུང་བས་གཞན་དབང་འཇུག་འགྱུར་པ། །དེ་ལས་ཕྱི་ནས་གང་གིས་སློང་བར་འགྱུར། ཞེས་པ་ལྟར། ཚེ་འདི་ཙམ་གྱི་ཆེད་དུ་མ་ཡིན་པར། །དལ་བའི་རྟེན་ལ་སྙིང་ཐག་པ་ནས་སྙིང་པོ་ལེན་འདོད་ཀྱི་བསམ་པས་ཀུན་ནས་བླངས་པ། དེའང་སློབ་སྤྲིང་ལས། །བདེ་གཤེགས་ལམ་བརྟེན་འགྲོ་བ་འདྲེན་པར་ཆས་གྱུར་ཅིང་། །སེམས་ཀྱི་སྟོབས་ཆེན་མི་ཡིས་རྙེད་པ་གང་ཡིན་པ། །ལམ་དེ་ལྷ་དང་ཀླུ་ཡིས་རྙེད་མིན་ལྷ་མིན་དང་། །མཁའ་ལྡིང་རིག་འཛིན་མི་འམ་ཅི་དང་ལྟོ་འཕྱེས་མིན། །ཞེས་པ་ལྟར། རིང་མོ་ཉིད་ནས་ཕན་པ་བརྒྱ་ཕྲག་བསྒྲུབས་པའི་མར་གྱུར་གྱི་སེམས་ཅན་རྣམས། རྣམ་པ་ཐམས་(༡༨ན)

― GLG020_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་མཁྱེན་པའི་སར་འགོད་འདོད་ཀྱི་ལྷག་པའི་བསམ་པ་དང་ལྡན་པ་ཞིག་མེད་དུ་མི་རུང་བ་ཡིན་ན། གནས་སྐབས་རང་ཉིད་ཐོས་བསམ་བྱས་པར་ཁས་འཆེ་ནས། བཀའ་པོད་ཀྱི་བཤད་པ་སོགས་རབ་འབྱམས་གྲྭ་སྐོར་བྱེད་པར་ཡོངས་གྲགས་ཀྱི་གཞུང་གོང་འོག་རྣམས་ལ་སྦྱངས་ཤིང་སྨྲ་བའི་རྣམ་དཔྱོད་ཀྱི་རྩལ་ཅུང་ཟད་ཀྱང་མེད་བཞིན་དུ། འདོད་པའི་ཆོམ་རྐུན་གྱིས་ངོ་ཚའི་ནོར་བརྐུས་པའི་ངང་ཚུལ་དུ་ལྷུར་ལེན་པ་ནི། སྐྱེ་བོ་མ་རབས་ཀྱི་རྣམ་ཐར་ལས་ཀྱང་དམན་པར་གྱུར་པ་ཤ་སྟག་ཏུ་འདུག་པ། དང་ཁྱད་པར་བསྒྱུར་གཞུང་སྔ་ཕྱི་རང་ཉིད་ཀྱི་འདོད་པ་ལྟར་ལོན་པ་སོགས་ཁ་དྲག་ཅན་གྱིས་དབང་དང་། ནོར་ལྡན་གྱིས་རྒྱུ་ངོམ་ལ་བརྟེན་པས་མཁས་གྲུབ་གོང་མའི་ཕྱག་སྲོལ་ཉམས་སུ་འཇུག་པ་ནི། རྒྱལ་བའི་བསྟན་པ་ལ་རྨ་འབྱིན་པ་ཁོ་ནར་ཟད་པས་ཇི་སྐད་དུ་རྒྱུད་བླ་མ་ལས། གང་ཕྱིར་རྒྱལ་ལས་ཆེས་མཁས་འགའ་ཡང་འཇིག་རྟེན་འདི་ན་ཡོད་མིན་ཏེ། །མ་ལུས་དེ་ཉིད་མཆོག་ནི་ཚུལ་བཞིན་དུ་ཀུན་མཁྱེན་གྱིས་མཁྱེན་གཞན་མིན་པ། །དེ་ཕྱིར་དྲང་སྲོང་རང་ཉིད་ཀྱིས་བཞག་མདོ་སྡེ་གང་ཡིན་དེ་མི་དཀྲུག །ཐུབ་ཚུལ་བཤིག་ཕྱིར་དེ་ཡང་དམ་ཆོས་ལ་ནི་གནོད་པ་བྱེད་པར་འགྱུར། །ཞེས་པའི་དོན་ཁོ་ན་ཐོག་ཏུ་འབབ་པས། ད་ཆ་ཚང་མ་ནས་སྤང་བླང་བྱེད་དགོས་ཀྱི་རིམ་པ། དངོས་གཞི་གོང་མ་ཆེན་པོ་ནས་གནང་བའི་བཅའ་ཡིག་སོར་གནས་ངོས། གྲྭ་སྐོར་བ་མང་ཉུང་སོགས་ཀྱི་ཁ་གྲངས་མེད་འདུག་པ། ཧ་ཅང་མང་ཚེ་དེ་ལུགས་ཀྱི་ཉི་མ་མང་པོར་འགྲོ་ཞིང་། ཡུན་རིངས་པའི་བཤད་པ་ཉན་པ་དང་རིགས་ལུང་བྱེད་མི་སོགས་ཀྱང་སྙུགས་བུད་པའི་ཉམས་ཀྱིས་ཚང་མ་ཉོག་པོར་འགྲོ་བ་ཞིག་ཡོད་(༡༨བ)

― GLG020_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

ཤས་ཆེ་བ་དང་། རིགས་ཇ་ཁ་གྲངས་མར་སོང་བའི་ཚོགས་ལང་ཀྱང་ལྡངས་མི་ལྡངས་སྣ་ཚོགས་བྱུང་དྭོགས་ནས་ད་ཆ་དབྱར་གྲྭ་སྐོར་བ་མང་མཐའ་དགུ །དགུན་བཅུ་བཞི་བྱེད་པ་དང་། དུས་ཚོད་ཀྱང་དབྱར་ཧོར་ཟླ་བདུན་པའི་ཚེས་བཞི་དང་། དགུན་ཧོར་ཟླ་བཅུ་པའི་ཚེས་བརྒྱད་ལ་ངེས་ཅན་དུ་འཛུགས། དབྱར་དགུན་གྱི་དུས་གཉིས་པོར་མ་སླེབ་ཕྱིན། ལོ་ཕྱི་མའི་དུས་སྒུག་པ་མ་གཏོགས་འཕར་མ་འཛུགས་པ་སོགས་གང་མོས་མི་བྱེད། བཤད་སྐོར་དེའི་ཡུན་ཚད་ཉི་གྲིབ་རྒྱུག་མཐོ་རེ་ལ་ཆ་འཇོག །བསྐྱུར་གཞུང་ངེས་མེད་ཡོད་འདུག་པ་དེ་བཞིན་ལས། གཞུང་ལས་དང་འགོས་ནས་ས་འོག་དར་འཐག་གི་དྲན་འཕྲུལ་མི་བྱེད། རྒྱུ། དབང་། མི། དཔུང་། ལྟ་གྲུབ་སོགས་ལ་བསྙད་པའི་དབང་ཆེ་ཤེད་ཆེ་མི་བྱེད། སྟོན་པ་བུ་རམ་ཤིང་པའི་རྗེས་སུ་ཞུགས་ཕྱིན་གྲུབ་མཐའི་ཕྱོགས་ལྷུང་གི་གཏོད་ལུགས་བྱུང་ན་མིག་རྐྱེན་དུ་ཕན་པ་ཞིག་མི་ཡོང་འདུག་པས། དགུ་དང་བཅུ་བཞི་ལས་མང་བ་བྱུང་ན་ཐོབ་མི་ཐོབ་ཀྱི་ས་མཚམས་ཤོས་དབྱེ། མ་ཐོབ་པ་སླར་བྱེད་འདོད་ཡོད་པ་རྣམས་གྲྭ་སྐོར་རྗེས་མའི་ཚེ་ཐོབ་པ་འོས་མེད་སྟེང་། གསར་པ་བྱུང་བས་སྣོན་མ་གང་དགོས་ཀྱང་ཤོ་བརྒྱག །གང་གི་གྲངས་བཅད་མཚན་ཉིད་པ་ཡིན་ཞིང་། སྔགས་རམས་པ་དེ་ལ་བརྩི་རྒྱུ་མིན་པས་གང་བྱུང་ཁ་གྲངས་འཕར་འགྲོ །དྲུང་ཆེན། གཞུང་ལས། རིགས་ལས་པ་སོགས་སྣེ་མོར་སླེབས་པ་རྣམས་ཀྱིས་ཀྱང་། གྲྭ་སྐོར་བྱེད་དཀའ་ཙམ་གྱིས་བཤད་གྲྭ་རྣམས་སློབ་གཉེར་ཤུགས་ཀྱིས་འཕེལ་ཞིང་། དེ་ལ་བརྟེན་ནས། རྒྱལ་བའི་བསྟན་པ་འཕེལ་རྒྱས་སུ་འབྱུང་བའི་ཚུལ་བསམ་པའི་སྒོ་ནས་རང་གཞན་ཉེ་རིང་། ཟ་འདོད་མི་བྱེད། ཇ་འདྲེན་སོགས་ཟང་ཟིང་གི་འདུ་ལོང་དགོས་པ་རྣམས་ལས་ཆེན་རང་ཐག་པར་དམ་ཆོས་རྒྱ་མཚོ། (༡༩ན)

― GLG020_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

ཡན་ལ་ཆ་གཞག་བྱེད། འདིའི་གང་ཅིའི་རྒྱབ་གཉེར་མཐའ་དག་ནོར་འཛིན་སྐྱོང་བའི་དབང་ཕྱུག་སྡེ་པ་རྒྱ་རི་ནས་ཀྱིས་མཛད་དགོས་རྒྱུ་ཡིན། རིང་ནས་བསྐྲུན་པའི་ཚོགས་གཉིས་ཟླ་བའི་མ་མ་ལས་འོངས་སྐུ་གསུམ་གོ་འཕང་བདུད་རྩིའི་བཅུད། འགྲོ་ལ་རྗེས་ཆགས་མཚན་དཔེའི་ལང་ཚོ་རྣམ་པར་རྒྱས་པའི་ཟ་མ་ཏོག་ཏུ་ལེགས་གཏམས་པས། མི་མཐུན་བདུད་བཞིའི་ལྔ་པའི་གྲོང་ཁྱེར་ཕ་མཐར་ཡོངས་བསྐྲད་འཆི་མེད་རྡོ་རྗེའི་སྐུ་བརྙེས་པ། །རིས་མེད་འགྲོ་ལ་གཅིག་ཏུ་སྨན་མཛད་ཉི་མའི་གཉེན་གྱི་མགུར་ལས་འོངས་པའི་གསུང་རབ་ཚོགས། །སྔོན་མེད་སྲོལ་བཏོད་ཤིང་རྟ་འདྲེན་མཁས་འདྲེན་པ་དམ་པ་ཀླུ་སྒྲུབ་རྗེ། །རྗེ་བཙུན་ཐོགས་མེད་ལ་སོགས་མཁས་དབང་མཁས་མང་འཕགས་ཡུལ་གཙུག་གི་དཔལ། །དཔལ་ལྡན་དགེ་བཅུ་ཚང་བའི་ས་འདིར་ས་རྔོག་བུ་སོགས་མཛངས་ཤིང་མཁས། །མཁས་མང་བྱེ་བས་ཐུབ་བསྟན་མ་ལུས་མ་སྨད་སྤེལ་ཕྱིར་དེ་དོན་འཆད། །འཆད་རྩོད་རྩོམ་ལ་འགྲན་ཟླ་ཀུན་བྲལ་ཀུན་མཁྱེན་གཉིས་པ་འཇམ་དཔལ་དབྱངས། །དབྱངས་བདུན་མགྲིན་པར་ལེན་ལ་རབ་མཁས་རབ་ཏུ་ཡངས་པའི་བློ་གྲོས་མཆོག །མཆོག་དམན་ཡོངས་ལ་སྩོལ་བའི་རྣམ་དཔྱོད་རྣམ་ཐར་བཟང་པོས་སཱ་ལའི་ཡུལ་གྲུ་ཀུན་ཏུ་སྤེལ་བའི་གྲགས་སྙན་གྲགས་པ་དོན་ལྡན་བཙོང་ཁ་པ། །རྣམ་གསུམ་མཁས་པའི་བྱ་བའི་རིན་ཆེན་གདུགས། །ལུགས་གཉིས་ནོར་བུའི་ཡུ་བས་རབ་བཏེག་ནས། །དོན་གཉིས་སྲིད་རྩེའི་བར་དུ་འཁོར་བྱེད་པའི། །ས་ཡི་ཚངས་པ་ཕག་མོ་གྲུ་པ་ཡི། །སྡེ་བཞིའི་འདོད་དགུའི་དཔལ་འཕྱུར་ས་ཡི་དཔྱིད། །སྨན་ལྗོངས་རྐང་འཐུང་འཁྲིགས་པའི་ཡར་ཀླུངས་ཀྱི། །བདེ་སྐྱིད་གར་དུ་རྩེ་བའི་ཐང་ཆེན་པོར། །མང་དུ་བཤད་ཅིང་ཉན་པའི་ཡང་དག་འབྲས། །རབ་ཏུ་རྟོགས་དཀའ་རྒྱལ་བའི་གཞུང་ལུགས་ཀུན། །བློ་གྲོས་གཅིག་གིས་འབྱམས་སུ་(༡༩བ)

― GLG020_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

ཀླས་ནུས་པའི། །མཁས་པའི་གོ་སར་འགོད་པའི་རྣམ་གཞག་གི །འགྱུར་མེད་བཅའ་ཚེ་ཡི་གེའི་ཕྲེང་བར་སྤེལ། །མང་ཐོས་ལོ་འདབ་འབྲས་བུ་མ་ལྡན་པར། །རྙེད་གྲགས་འཁོར་་གྱི་སྡོང་བུ་ལྷུར་ལེན་པའི། །བླུན་པོ་བསྟན་འཛིན་གོ་སར་འགྱིངས་པ་ཡིས། །བོད་ཡུལ་གང་བས་མཁས་པའི་བྱ་བ་ཉམས། །མཛད་མེད་ནོར་ལ་སྤྱོད་པའི་གདེངས་ཅན་དབང་། །ཚེ་འཕོས་ཡི་དྭགས་གྲོང་དུ་སྐྱེས་པ་ལྟར། །མཁས་པའི་སྤྲུལ་པར་རློམ་ནས་ཅུང་ཟད་ཙམ། །མི་ཤེས་རྨོངས་པའི་མགོ་བོ་བསྐོར་འདི་ནོངས། །དེ་ལྟ་ན་ཡང་རྣམ་འདྲེན་ཐུབ་པའི་བསྟན། །ལྔ་ཕྲག་དྲུག་པའི་ནང་གི་དུས་ཡིན་ན། །ད་དུང་གང་གི་བསྟན་པ་མ་ཉམས་པས། །བློ་དང་ལྡན་རྣམས་ཐོས་ལ་འབད་པར་རིགས། །མི་དམན་ལྷག་བསམ་ཤིང་རྟ་ཡིས། །ཉེར་དྲངས་གཏམ་གྱི་ཡིད་བཞིན་ནོར། །ཐུབ་བསྟན་འདོད་དགུའི་གྲུབ་ཆར་གྱིས། །བློ་གསལ་དགའ་སྟོན་འཕེལ་གྱུར་ཅིག །ཅེས་ཆོས་གྲྭ་ཆེན་པོ་དཔལ་རྩེས་ཐང་གི་རབ་འབྱམས་ཀྱི་གྲྭ་སྐོར་གྱི་བཅའ་ཚེ་ཤེལ་དཀར་མེ་ལོང་འདིའང་། ལས་ཆེན་དཔལ་འབྱོར་རྒྱ་མཚོས་བསྐུལ་བར་བརྟན། ཟ་ཧོར་གྱི་བཙུན་པ་ཚངས་སྲས་བཞད་པའི་རྡོ་རྗེ་གདོང་དྲུག་དགའ་བའི་བཤེས་གཉེན་དུ་འབོད་པས། འཕགས་ཡུལ་པ་ཨཱ་ཇི་ཏ་ཞེས་པ་ཐམས་ཅད་འདུལ་དུ་གྲགས་ཤིང་། རྒྱ་ནག་པ་ཏིང་ཧ་ཞེས་པ་མེ་ཕག་ཆུ་ཤེལ་གྱི་དབང་པོ་དབོས་ཉ་བའི་དམར་ཕྱོགས་ཀྱི་བཟང་པོ་དང་པོ། གཡུལ་རྒྱལ་བའི་དབྱངས་ཨཱི་འཆར་བའི་ཏཏྤལ་སེང་གེའི་དུས་སྦྱོར་ལ་རྫོགས་ལྡན་གྱི་རྣམ་ཐར་བཞིའི་སྒོ་ཕྱེ་བ་ལྷ་ལྡན་སྤྲུལ་པའི་གཙུག་ལག་ཁང་ནས་བྲིས་པ་ཛ་ཡནྟུ། །

རྭ་སྒྲེང་དང་རི་བོ་བདེ་ཆེན་སོགས་ཆོས་སྡེ་ཆུང་རིགས་འགར་སྩལ་བའི་བཀའ་ཡིག་སོགས།

― GLG020_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱ བི ནཱ ཡ ཏ སྟི གུ པྟ ཙཱ ཏྨ ནྱོོ ཥ དྷེ ཀ རཱ ཛ གུ ཎཱ དཱ ཐ། རྣམ་འདྲེན་ཀུན་གྱི་གསང་བ་གསུམ། །བདག་ཉིད་སྨན་རྒྱལ་ཡོན་ཏན་མགོན། །ཀཱ ནུ ཎེ ར ནུ ཏྟ རཱི ཡ ཎཱ ནཱཾ སཽ ཁི ཀ ཤྩ ཧི ཏྱ སཱ དྷུ ཡ ཙྪ། བླ་ན་མེད་པའི་ཐུགས་རྗེ་ཡིས། །ཕན་དང་བདེ་བ་ལེགས་པར་སྩོལ། །འཛམ་བུ་ཆུ་བོའི་གསེར་སྦྱངས་ལས་གྲུབ་ཉིན་བྱེད་བྱེ་བས་རབ་འཁྱུད་པ། །བླ་ན་མེད་པའི་ས་འཛིན་དབང་པོ་མཚན་དཔེའི་ལང་ཚོ་རྒྱས་པས་ན། །རྒྱལ་བ་ཀུན་གྱི་མཁྱེན་བརྩེའི་དབང་ཕྱུག་འགྲོ་བའི་དཔུང་གཉེན་སྨན་གྱི་བླ། །ཐུགས་རྗེའི་འོད་གཟིས་དུག་གསུམ་ནད་ཀྱི་མུན་པ་སེལ་བའི་བཀའ་དྲིན་སྩོལ། །གྲངས་མེད་སྐྱེ་རྒུའི་བསོད་ནམས་ཚོང་ཟོང་གིས། །ལན་བརྒྱར་བསྒྲུབ་པའི་ཡིད་བཞིན་དབང་གི་རྒྱལ། །གནས་རིགས་རྗེས་སྦྱངས་འགྲོ་བའི་གཉེན་གཅིག་པུ། །རྒྱ་བོད་གསོ་རིག་སྨྲ་བའི་ཚོགས་རྣམས་རྒྱལ། །ནད་ཀྱི་དྲི་མ་དྲུངས་ནས་རབ་འབྱིན་ཅིང་། །ཕན་དང་བདེ་བའི་རྒྱུན་ཆེན་རྟག་འབབ་པའི། །(༢༠བ)

― GLG020_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

གསོ་རིག་གཞུང་ལུགས་ཡན་ལག་བརྒྱད་ལྡན་ཆབ། །རིས་མེད་འགྲོ་བའི་ངལ་གསོ་འདི་རྨད་བྱུང་། །དགའ་སྐྱིད་དབྱར་གྱི་དཔལ་མོ་འབོད་བྱེད་པའི། །ལེགས་ལྡན་དཔྱིད་ཀྱི་ལུས་ཕྲའི་མངལ་གྱི་ཁུར། །ཡོངས་སུ་རྒྱས་པའི་ལུགས་གཉིས་ཕོ་བྲང་ཆེའི། །སྡེ་བཞིའི་སྒོ་འཕར་བརྒྱ་ཕྲག་ཕྱེ་བ་ལས། །རབ་འོངས་འགྲོ་བ་ཀུན་ལ་མཛད་མེད་ཀྱི། །འཇིགས་པ་མེད་པའི་སྐྱབས་ཀྱི་སྦྱིན་པའི་ནོར། །ཡིད་ཀྱི་རེ་བ་སྐོང་བའི་ཟ་མ་ཏོག །གསོ་རིག་འགྲོ་ཕན་གླིང་གི་བཅའ་ཚེ་བྲི། །དེའང་རང་ཅག་གི་སྟོན་པ་ཐུགས་རྗེའི་བདག་ཉིད་བུ་རམ་ཤིང་པའི་བསྟན་པ་རིན་པོ་ཆེར་འཇུག་པའི་སྒོ་ནི། མགོན་པོ་བྱམས་པས། རིག་པའི་གནས་ལྔ་དག་ལ་མཁས་པར་མ་སྦྱངས་ན། །འཕགས་མཆོག་ཅི་སེམས་ཐམས་ཅད་མཁྱེན་ཉིད་འཐོབ་མི་འགྱུར། །ཞེས་གསུངས་པ་ལྟར། ལོག་སྨྲ་ཚར་གཅོད་པ་སྒྲ་དང་ཚད་མ། གཞན་རྗེས་སུ་འཛིན་པ་བཟོ་དང་གསོ་བ། རང་ཉིད་ཀུན་ཤེས་པར་བྱེད་པ་ནང་རིག་པ་དང་ལྔ་ལས། ཚེའི་རིག་བྱེད་སྨན་དཔྱད་ཀྱི་གཙུག་ལག་འདི་ཉིད་རྫོགས་ལྡན་གྱི་མཇུག་ཏུ། ཤེད་བུ་ཞེས་བྱ་བ་སའི་ཞག་མ་འཇུ་བའི་ནད་ཀྱིས་བཏབ་ཚེ། ཚངས་པས་ཆུ་སྐོལ་ལ་བརྟེན་ནས་གསོས་པས། སྨན་ལ་ལ་སྔ་པ་ཚངས་པ། སྨན་ལ་སྔ་བ་ཆུ་སྐོལ། ནད་པ་ལ་སྔ་བ་ཤེད་བུ། ནད་ལ་སྔ་བ་མ་འཇུ་བ། ཞེས་གྲགས་ཤིང་། རྟོགས་བརྗོད་རིན་པོ་ཆེ་ལས། བདུད་རྩིའི་ཆུ་གཏེར་མ་སྲུབས་ཤིང་། །ནོར་རྒྱས་ཐང་ཡངས་མ་བཅད་ལ། །རི་བོ་བསྒྲིལ་བ་མེད་པར་ཡང་། །གླང་པོ་འདི་དག་གང་ལས་བྱུང་། །ཞེས་པའི་གཏམ་རྒྱུད་ལྟར། །བདུད་རྩི་ལ་ཕན་ཚུན་བརྩོད་པ་ལ་བརྟེན་ནས་ཚངས་པས་ཚེའི་རིག་བྱེད་དྲན་པས། ལྷ་ཡུལ་དུ་དར་ཞིང་། འཕགས་ཡུལ་དུ་རྒྱལ་བ་རང་ཉིད་དང་(༢༡ན)

― GLG020_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་གསུམ་གྱི་མགོན་པོས་གསུངས་པ་ལ་བརྟེན་ནས། འཚོ་བྱེད་གཞོན་ནུ། དཔལ་ལྡན་དཔའ་བོ་སོགས་ཀྱིས་རྒྱ་ཆེར་བསྟན་ལ་ཁྱད་པར་རང་ཅག་གངས་ཅན་པ་རྣམས་ལ་བཀའ་དྲིན་མཚུངས་པ་མེད་པ་ཆོས་རྒྱལ་མེས་དབོན་རྣམ་གསུམ་གྱིས་གསོ་བ་རིག་པའི་དབུ་བརྙེས། སྲོལ་བཏོད། དར་རྒྱས་སུ་མཛད་པ་ལས། མཐའ་བཞིའི་གཞུང་ལུགས་སོགས་ཆེས་མང་ཡང་། ཉི་མའི་འོད་ཀྱིས་ཟླ་སྐར་ཟིལ་གནོན་བཞིན། །རྒྱུད་རྒྱལ་འདི་ཡིས་གསོ་རིག་ཀུན་ཟིལ་གནོན། །ཞེས་པ་ལྟར། སྨན་པའི་རྒྱལ་པོས་ལྟ་ན་སྡུག་གི་གྲོང་ཁྱེར་དུ་གསུངས་པའི་བདུད་རྩིའི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་འདི། བརྗོད་བྱེད་ཀྱི་ཚིག་ཉུང་ཞིང་བརྗོད་བྱའི་དོན་ཐམས་ཅད་འདུས་པས། རྒྱ་གར་ཡུལ་དུ་སྨན་གྱི་སྦྱོར་བ་གསུངས། རྒྱ་ནག་ཡུལ་དུ་མེ་བཙའ་རྩ་སྦྱོངས་གསུངས། །དོལ་བོའི་ཡུལ་དུ་གཏར་ཁ་གཙོ་བོར་བསྟན། བོད་ཀྱི་ཡུལ་དུ་རྩ་ཆུའི་བརྟག་པ་བསྟན། །ལྷ་ཡི་འཁོར་ལ་གསོ་དཔྱད་འབུམ་པ་གསུངས། དྲང་སྲོང་འཁོར་ལ་ཙ་ར་ཀ་སྡེ་བརྒྱད། མུ་སྟེགས་འཁོར་ལ་དབང་ཕྱུག་ནག་པོའི་རྒྱུད། །ནང་པའི་འཁོར་ལ་རིགས་གསུམ་མགོན་པོའི་སྐོར། །གསོ་དཔྱད་རྒྱུད་འདིར་ཐམས་ཅད་འདུས་པར་བསྟན། །ཞེས་རྒྱ་ཆེར་བསྔགས་པའི་གླེགས་བམ་འདི་ཉིད་ཆོས་རྒྱལ་གྱི་དུས་སུ་ཟབ་མོའི་གཏེར་དུ་སྦས་པ་གྲྭ་པ་མངོན་ཤེས་ཀྱིས་སྤྱན་དྲངས་ཤིང་རྗེ་བཙུན་གཡུ་ཐོག་པ་སོགས་མཁས་གྲུབ་མང་པོས་རྒྱ་ཆེར་སྤེལ་བ་འདི་ཉིད་ཀྱི་འཆད་ཉན་ལྷག་པའི་བསམ་པས་གསར་དུ་བསྐྲུན་པའི་སློབ་དཔོན་དུ། རང་གི་གམ་དུ་ཉེ་བར་འཁོད་པའི་བླ་སྨན་དཔོན་ཚང་བྱང་ངོས་པ་བློ་བཟང་གཞན་ཕན་དབང་པོ་བསྐོས་པའི་སྤང་བླང་རིམ་པ་བློ་གསལ་བརྗེད་ཐོར་བཀོད་པ་ནི་(༢༡བ)

― GLG020_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོག་མར་སློབ་མ་གསར་འཇུག་གི་ཚེ་སྣོད་བརྟག་པ་གལ་ཆེ་བས། སྣོད་ངན་རྣམས་ཀྱིས་གདམས་པའི་བཅུད་མི་ཐུབ། །དཔེར་ན་སེང་གེ་དཀར་མོའི་འོ་མ་དེ། །རིན་ཆེན་མ་ཡིན་སྣོད་ངན་ཕལ་པར་བླུག །སྣོད་ཀྱང་འཆག་ལ་འོ་མའི་བཅུད་ཀྱང་འབོ། །དེ་ཕྱིར་གསང་བའི་སྣོད་ངན་འདི་ལྟ་བུ། །སློབ་དཔོན་གསང་ཞིང་རང་ཆེ་འབྱིན་པ་དང་། །ཐབས་ཀྱིས་བརྐུ་ཞིང་གཞོགས་སློང་བྱེད་པ་དང་། །དྲིན་མེད་ཁྱད་སོད་བྱེད་ལ་ཤོར་ར་རེ། །གཡོ་སྒྱུས་འགྲོ་བའི་ནོར་ལ་འཇབ་པ་དང་། །ང་རྒྱལ་དྲེགས་པས་བཅིངས་དང་སྙིང་རྗེ་མེད། །ཚེ་འདི་གཙོར་འཛིན་ལག་ཏུ་ཤོར་ར་རེ། །གསེར་གཡུ་རྟ་ཁྲབ་རིན་གྱིས་མི་བླུ་བར། ཁ་འཇམ་དྲེད་པོའི་ལག་ཏུ་ཤོར་ར་རེ། །དེ་ལྟར་སྐལ་མེད་སྣོད་དང་མི་ལྡན་ན། །ཆུ་སྲིན་གྲེ་བར་རིན་ཆེན་ཆུད་པ་བཞིན། །ཞེས་པ་ལྟར། སྣོད་དང་མི་ལྡན་ཞིང་སྔར་བཤད་ཀྱི་སྐྱོན་གྱིས་སྦགས་པ་ལ་མང་དུ་བསྟན་ཀྱང་གཞན་ལ་ཕན་པར་དཀའ་བས། གདམས་པ་ཐུབ་ཚད་སྤེལ་བས་མཁས་ཁྱད་མེད། །དུག་དང་འདྲེས་པས་ཀུན་ལ་ཕན་མི་ཐོགས། །ཁོང་དུ་རུལ་པས་གདམས་པའི་མགོ་མི་ཐོན། །དམ་ཚིག་ཉམས་པས་ཕྱི་མ་ངན་འགྲོར་ལྷུང་། །དེ་ཕྱིར་ཤིན་ཏུ་གསོངས་ཤིག་དྲང་སྲོང་རྣམས། །ཞེས་པའི་དོན་ཐོག་ཏུ་འབབ་ཅིང་སྣོད་དང་ལྡན་པ་ཞིག་དགོས་པས། རྒྱུད་འདི་གཏད་པར་བྱ་བའི་སྣོད་ལྡན་ནི། །དམ་ཚིག་ལྡན་པས་བླ་མ་སྤྱི་བོར་ཁུར། །ནོར་དང་སྲོག་ལ་འཕངས་མེད་གཏོང་ཕོད་ནས། །ཤེས་རབ་ཆེ་བས་ཚིག་དོན་འགལ་འགྲེལ་འབྱེད། །བྱང་སེམས་ཆེ་བས་གཞན་དོན་གཙོ་བོར་ལེན། །ཆོས་ལ་བྲང་གཏད་གཡོ་སྒྱུ་ཟོལ་ཟོག་མེད། །སྨན་པའི་རྒྱུ་དྲུག་ཚོགས་པའི་སྐལ་ལྡན་ལ། །དྲང་སྲོང་ཆེན་པོའི་རྒྱུད་འདི་གཏད་པར་གྱིས། །(༢༢ན)

― GLG020_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པའི་དོན་ཡོངས་སུ་ཚང་བ་དུས་དབང་གིས་དཀའང་། དེའི་རྗེས་སུ་མཐུན་པ་ཞིག་དགོས་ཤིང་། འཇུག་བྱའི་གང་ཟག་ཀྱང་། འཛིན་ཤེ་གཏན་ནས་མེད་པ་དང་། རིགས་ཤིན་ཏུ་དམའ་བའི་ཡ་བཤན་ལྟ་བུ་དང་ན་ཚོད་ཡོད་པ་དང་། ཤིན་ཏུ་གཞོན་སྐྱོན་གྱིས་སློབ་གཉེར་མི་ནུས་པ་མ་ཡིན་པའི་རིས་ལ། ལོ་ལྔ་དྲུག་ཚུན་སྡོད་པ་དང་། རྒྱུད་བཞི་ཡོངས་རྫོགས་འཛིན་ཅིང་། མ་འགྲེལ་བར་ལག་ལེན་མི་སྐྱོང་པའི་ཁས་ལེན་བསྐོར། ལོ་ལྟར་གྱི་ཧོར་ཟླ་གསུམ་པའི་ཚེས་གཅིག་ནས། བདུན་པའི་གནམ་གང་བར་ཆོས་ཚུགས་པའི་རིང་། ནམ་སེང་ནས་དཔེ་ཆའི་འཛིན་མཚམས་སྐྱོར་སྦྱང་བྱེད། དཔེ་ཆ་མཐོང་མཚམས་ནས་སོ་སོའི་སྡོད་སར་ཤུབ་བུར་ཟླ་བོའི་སྒྲ་མི་འཁྲོག་པ་བྱས་ནས་ཚ་རྟིང་ཁ་ཚུན་བློ་འཛིན་བྱེད། དེ་ནས་སྐྱབས་འགྲོ་སེམས་སྐྱེད། ས་གསུམ་མ། བློ་བཟང་རྒྱལ་བ་མ། རྒྱུད་བཞིའི་གསོལ་འདེབས། མཚན་བརྗོད་ཚར་གསུམ། སྨན་བླའི་མངོན་རྟོགས་གཟུངས་བརྒྱ་རྩ་དང་བཅས་པ་འདོན། གུང་ཡོལ་ནས་བཟུང་། སོ་སོར་གང་བདེར་དཔེ་ཆ་ཁྱེར་ནས་བཤད་སྦྱང་བྱེད། དགོངས་ཇའི་ཐོག །སློབ་དཔོན་གྱིས་བཤད་པ་ས་བཅད་གཏོང་། ཉེ་མཚམས་ནས་སྒྲོལ་མ་ཉི་ཤུ་རྩ་གཅིག །ཤེར་སྙིང་བཅུ་གཅིག །ཚེ་གཟུངས་བརྒྱ་རྩ། གཡུ་ཐོག་པའི་བསྟོད་པ་རྣམས་འདོན། སྒྲོལ་འདོན་གྲོལ་ནས་སྲོད་འཁོར་བར། གང་འོས་སུ་བསྡད་ནས་དཔེ་ཆ་སྐྱོར་སྦྱང་བྱེད། ཟླ་བ་ངོ་རེ་བཞིན་རྒྱུགས་ལེན། དགོན་གསེབ། ཞོལ་སོགས་ཉེ་སྐོར་ལ་ཞག་གཅིག་ཚུན་འགྲོ་དགོས་གཉེར་བར་འདྲི། དེ་ཕན་སློབ་དཔོན་ལ་འདྲི། བོད་སོག་ཧོར་གསུམ་སུ་འདྲ་ཞིག་ཡིན་ཀྱང་(༢༢བ)

― GLG020_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་ངོམ། མི་དཔུང་གྲ་སྡེབས། ཡུལ་ལུགས་ལ་བསྙད་པའི་ཤེད་ཆེ་མི་བྱེད། རྩེད་མོ་འཛིང་རྒྱག་སོགས་བག་མེད་ཀྱི་སྤྱོད་པ་བྱས་པར་བརྒྱ་ཕྱག་གནང་བ་མ་ཞུས་པར་ཕྱིན་པ་དང་། ཁ་འཐབ། ཁུ་ཚུར་བརྡེགས་པ་སོགས་ལག་འཐབ་ཕྲན་བུ་བྱས་པར་གཏོང་ཆ། རྨས་ཁྲག་བཏོན་པ་སློབ་གཉེར་བྱེད་རིང་ཉེ་སྐོར་དུ་ནག་ཆང་བྱས་པ་ལ་གནས་དབྱུང་བྱེད། ཟླ་བ་བརྒྱད་པའི་ཚེས་གཅིག་ནས། གཉིས་པའི་གནམ་གང་བར་སོ་སོར་དཔེ་མཚམས་གང་སྨར་བྱས་པའི་སླར་ཆོས་ཚུགས་སྐབས་རྒྱུགས་སྤྲོད་རྒྱུ་ཡོད་པ་བྱེད། ལག་ལེན། ངོས་འཛིན། བསྔོ་སྨན་སྐབས་ངོ་སྤྲོད་སོགས་གང་ཅིར་ཞིབ་ཏུ་དཔྱད་པའི་རྗེས་སོར་གཞན་ཕན་ཚུལ་ལྡན་ཡོང་བ་གལ་ཆེ། གོང་ཤར་གྱི་བཅའ་ཚེ་དང་། སློབ་དཔོན་གྱི་ངག་བཀོད་ལས་འགལ་བ་བྱུང་ཚེ་རྩད་གཅོད་ཡོང་བས་གོ་བར་གྱིས། དེ་ལྟར་ཚུལ་བཞིན་བསྒྲུབས་པའི་དགོས་པ། སྣོད་དང་ལྡན་པས་རྒྱུད་འདི་སུས་འཆང་བ། ཚེ་འདིར་བཙན་ཕྱུག་ཕན་དར་འཛོམ་པ་དང་། འགྲོ་བ་སྤྱིས་འཁར་དཔལ་གྲགས་འཐོབ་པ་དང་། །ཕྱི་མ་བྱང་ཆུབ་གོ་འཕང་འགྲུབ་པར་བསྔོ། །ཞེས་དང་། ཐམས་ཅད་འདུས་པའི་རྒྱུད་འདི་ཁྱུང་ལྡེང་འདྲ། །ནད་ཀྱི་གཡང་སར་ཉམ་ང་བག་ཚ་མེད། །ཡིད་དུ་འོང་བ་ཁུ་བྱུག་གསུང་སྙན་འདྲ། །འགྲོ་བ་གང་གིས་ཐོས་ཀྱང་སྤྲོ་བ་བསྐྱེད། །ཅེས་སོགས་ཕན་ཡོན་རྒྱ་ཆེར་གསུངས་པ་ལྟར་འབྱུང་བ་ཡིན་ནོ། ནད་ཀྱི་དགྲ་དཔུང་རིང་དུ་འཇོམས་ཤིང་ཕན་བདེའི་དངོས་པོ་ཀུན་སྟེར་བའི། རྒྱལ་བ་སྨན་བླ་དྲང་སྲོང་རིག་འཛིན་བརྒྱུད་པར་བཅས་པའི་ཚོགས་རྣམས་ཀྱི། །རྣམ་པར་དཀར་བའི་འཕྲིན་ལས་མ་སྨད་ནོར་བུ་དབང་གི་རྒྱལ་པོ་ཆེ། །སྲིད་མཐར་གནས་ཤིང་ཡིད་ཀྱི་རེ་བའི་འདོད་པ་འཇོ་བའི་དཔལ་གྱུར་ཅིག །ཅེས་པའང་ཟ་(༢༣ན)

― GLG020_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

ཧོར་གྱི་བཙུན་པ་ངག་གི་དབང་ཕྱུག་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས་སྦྱར་བའི་ཡི་གེ་པ་ནི་ངག་དབང་དགེ་ལེགས་སོ། །ཀུན་མཁྱེན་ཟས་གཙང་སྲས་ཀྱི་འཕྲིན་ལས་པར་མིང་ཡོངས་སུ་གྲགས་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེའི་ཡི་གེ །བཀའ་གདམས་རིན་པོ་ཆེའི་ཆུ་འགོ ། གདན་ས་ར་སྒྲེང་རྒྱལ་བའི་དབེན་གནས་ཀྱི་གྲྭ་རིགས་སྦྱིན་བདག་སྣེ་མོར་མངགས་སླེབ་དང་བཅས་པ་མཐའ་དག་ལ་སྤྲིངས་པ། འོ་སྐོལ་གྱི་སྟོན་པ་བརྩེ་ཆེན་ཐུགས་རྗེའི་བདག་ཉིད་ཅན་རྒྱལ་བ་ཉི་མའི་གཉེན་གྱི་ལུང་དང་རྟོགས་པའི་བསྟན་པ་རིན་པོ་ཆེ་འགྲོ་བ་ཀུན་གྱི་སྨན་ཡོན་དམ་པར་གྱུར་པ་འདི་ཉིད། སཱ་ལའི་ཡུལ་གྲུ་ཆེན་པོར་ཆོས་རྒྱལ་མེས་དབོན་རྣམས་ཀྱི་བཀའ་དྲིན་ལས་དར་བར་གྱུར་ནའང་། བར་སྐབས་སུ་འཕེལ་འགྲིབ་ཅུང་ཟད་བྱུང་བ་སླར་ཡང་མ་རྟོགས་པ་དང་ལོག་པར་བལྟ་བ་མཐའ་དག་དྲུངས་པར་བྱ་བའི་ཆེད་དུ། མགོན་པོ་སྣང་བ་མཐའ་ཡས་ཀྱི་ཡེ་ཤེས་སྒྱུ་མ་རོལ་པའི་ཟློས་གར་ལས་དཔལ་དཱི་པཾ་ཀ་ར་ཤྲིཛྙ་ནས་ཤིང་རྟ་ཆེན་པོ་རྣམ་པ་གཉིས་ཀྱི་ལུགས་སྲོལ་དྲི་མ་མེད་པ་ལ་བརྟེན་ནས། གངས་ཅན་གྱི་ལྗོངས་ཐམས་ཅད་ལ་རྣམ་པར་ཁྱབ་པའི་བསྟན་པ་རིན་པོ་ཆེ། སྒྲོལ་མས་ལུང་བསྟན་པའི་སྲས་ཀྱི་ཐུ་བོ་པད་དཀར་འཛིན་པ་རྒྱལ་བའི་འབྱུང་གནས་ལ་ཉེ་བར་བཏད་པའི་ཡུལ་དུ་བྱུང་བའི་འབྲས་བུ་ཡོངས་སུ་གྲུབ་པའི་ལྷ་ཆོས་བདུན་ལྡན་གྱི་རྣམ་ཐར་གཙང་མའི་ཆོས་ཚུལ་མ་ལུས་པར་འབྱུང་བའི་སྒོ་གཅིག་པུ། རྟེན་དང་བརྟེན་པར་བཅས་པའི་འདུས་སྡེ་དམ་པ་ལེགས་པར་བསྐྲུན་པ་གང་འདི་བཀའ་གདམས་ཀྱི་བསྟན་པའི་བཙས་སུ་མི་ཉམས་ཤིང་འཕེལ་བར་བྱེད་པའི་སླད་དུ་མཁན་པོར་གདན་ས་ཆེན་པོ་དགའ་ལྡན་རྣམ་པར་རྒྱལ་བའི་གླིང་ནས། བྱང་རྩེ་ཆོས་རྗེ་ངག་དབང་(༢༣བ)

― GLG020_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་བསྐོ་གཞག་བགྱིས་ཡོད་པ། སྤྱིར་ཡང་ཐར་པ་དོན་དུ་གཉེར་བ་མཐའ་དག་དང་ཁྱད་པར་བཀའ་གདམས་རིན་པོ་ཆེའི་རྗེས་སུ་ཞུགས་པ་རྣམས་ཀྱིས་ནན་ཏན་སྙིང་པོར་བསྒྲུབ་བྱ་བསྟན་པའི་རྩ་བ་ཚུལ་ཁྲིམས་རིན་པོ་ཆེ་རྣམ་པར་དག་པའི་གཞི་བཟུང་། ཀློག་པ་ཐོས་བསམ་དང་སྤོང་བ་བསམ་གཏན་གྱི་ཚུལ་ལ་སྒོ་གསུམ་གྱི་འབད་པ་བསྟེན་པ་ཁོ་ནར་གདའ་བས། མཁན་པོས་ཀྱང་སྔར་སྲོལ་ནུབ་པ་རྣམས་གསར་དུ་གསོ་བ་དང་མ་ནུབ་པ་རྣམས་གོང་འཕེལ་དུ་འགྱུར་བའི་ཆོས་ཁྲིམས་བཅའ་བ་ལ། ཁྱོད་གོང་འཁོད་རྣམས་ཀྱི་ལྷག་པའི་བསམ་པས་ཡང་དག་པར་བསྒྲུབ་དགོས་རྒྱུ་ཡིན། འཕགས་ཡུལ་བ་ཨཱ་དྷ་རར་འབོད་པ་ཀུན་འཛིན་ཞེས་པ་ས་ཕོ་བྱི་བའི་ལོ་ཉིན་བྱེད་དབང་པོ་སེང་གེའི་ཁྱིམ་དུ་སྤྱོད་པ་དབྱངས་ཨེ་འཆར་བའི་ཚེས་ལ་ཆོས་སྡེ་ཆེན་པོ་དཔལ་ལྡན་འབྲས་སྤུངས་ནས་བྲིས། །ཀུན་མཁྱེན་ཟས་གཙང་སྲས་པོའི་འཕྲིན་ལས་པར་མིང་ཡོངས་སུ་གྲགས་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེ། །མིང་གཞན་ཇིང་གིར་གནམ་གྱི་ཡུལ་དུ་ཏཱ་ལའི་བླ་མ་བཛྲ་དྷ་ར་ཞེས་པའི་གཏམ། དད་སྟོབས་ལྡན་པ་ཇ་སག་ཐུ་རྒྱལ་པོས་གཙོས་པའི་ཁལ་ཁའི་རྒྱལ་པོ་རྒྱལ་རིགས། དབང་ཐ་བུ་ན། མི་བཟང་སོགས་ལུགས་ཟུང་གི་བྱ་བའི་ཁ་ལོ་སྒྱུར་བ་མཐའ་དག་ལ་ཟློ་བ། འགྲོ་བ་ཀུན་ལ་གཅིག་ཏུ་སྨན་པར་མཛད་པ་ཕན་དང་བདེ་བའི་དཔུང་གཉེན་དམ་པ། རྒྱལ་བ་ཉི་མའི་གཉེན་གྱིས་མངོན་པར་མཐོ་བ་དང་། ངེས་པར་ལེགས་པའི་རྒྱུ་སྒྲུབ་བྱེད་ཀྱི་ཐབས་སུ་གསུང་རབ་ཡན་ལག་བཅུ་གཉིས་བཀའ་སྩལ་བ་མཐའ་དག་བརྗོད་བྱའི་སྙིང་པོ་མི་དགེ་བ་བཅུ་སྤོང་ཞིང་། དགེ་བཅུ་སྒྲུབ་པར་གསུངས་པས། སྔོན་འཛམ་གླིང་ཡངས་པའི་རྒྱལ་ཁམས་སུ་བྱོན་པའི་ཆོས་ལྡན་རྒྱལ་(༢༤ན)

― GLG020_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་རྣམས་ཀྱིས་དགེ་བ་བཅུའི་ཁྲིམས་ལ་བརྟེན་པས་རང་གཞན་གྱི་དོན་རླབས་པོ་ཆེ་སྐྲུན་པ་ལྟར་སྐྱེ་རྒུ་ཀུན་གྱི་ཕན་བདེ་འབྱུང་བ་ནི། རྒྱལ་བའི་བསྟན་པ་རིན་པོ་ཆེ་ལ་རག་ལུས་ཤིང་། དེའང་ལུགས་སོ་སོའི་ས་ཆེན་སྐྱོང་པ་རྣམས་ཀྱི་རྒྱལ་ཁྲིམས་ཆོས་བཞིན་དུ་སྤྱོད་པ་ལ་རག་ལུས་པས། སྔོན་ནས་རྒྱུ་མཚན་རིམ་པར་སོང་བ་ལྟར་ཕྱོགས་དེའི་ཕྱི་ནང་ཀུན་ཏུ་ཕན་ཚུན་མཐའ་དག་མཉེས་གཤིན་པའི་ངང་ཚུལ་ཅན་གྱིས། རང་རང་གི་མངའ་རིས་ལ་ཆོག་ཤེས་པ་དང་། སྡིག་སྤྱོད་ཀྱི་ཚུལ་ལ་ངོ་ཚ་ཤེས་ཤིང་། སྔོན་ནས་གཉེན་དང་མཛའ་གྲོགས་སུ་གྱུར་པའི་ཁྲེལ་ཡོད་ཡ་རབས་ཀྱི་སྤྱོད་ཚུལ་བགྱིས་པའི་གཞུང་བཟང་པོ་བདེ་འཇགས་ལྷག་བསམ་གྱི་ཁུར་ཆེན་པོ་དང་ལྡན་པ་དགོས་ཚུལ་ཞིབ་པ་ཨེར་ཏི་ན་ཆོས་རྗེའི་ངག་ནས་སྨྲེང་བ་ལྟར། བརྗོད་པའི་འབྲས་བུ་ཡང་དག་པར་སྨིན་པ་ནན་ཏར་གལ་ཆེ། ཚུལ་འདིར་བསམ་སྦྱོར་ངན་པའི་ཀུན་དཀྲིས་ཀྱིས་ལོག་པར་འཁུ་ན། དམ་ཅན་རྒྱ་མཚོའི་ཆད་པས་ལུས་སེམས་ལ་བརྣག་དཀའ་ཞིང་ལྕི་བར་མི་འགྱུར་རམ། །སྨྲས་པ་དོན་དང་ལྡན་པ་རྣམས་ལ་གནས་སྐབས་སུ་ལེགས་པའི་དོན་རྣམས་འགྲུབ་ཅིང་། མཐར་ཐུག་རྫོགས་པའི་བྱང་ཆུབ་ལ་རེག་པའི་བསྔོ་སྨོན་གྱིས་རྒྱས་འདེབས་ཡིད་ལ་འགྲོགས་པ་ཡིན། ཞེས་འཕགས་ཡུལ་པ་ཨཱ་དྷ་རར་འབོད་པ་ཀུན་འཛིན་ཞེས་པ་ས་ཕོ་བྱི་བའི་ལོ་ཆུ་ཤེལ་གྱི་དབང་པོ་གྲོ་བཞིན་གྱིས། ཉེ་བའི་ཡར་ཚེས་དགེ་བར་ཆོས་སྡེ་ཆེན་པོ་དཔལ་ལྡན་འབྲས་སྤུངས་ནས་བྲིས། །དབང་ཕྱོགས་རྒྱལ་པོ་ཝཱ་ན་ལིའི་ལུང་གིས་ཀཱན་དིང་ཏའི་གུ་ཤྲཱི་ཞེས་ཆོས་ཀྱི་རྒྱལ་པོ་རྒྱལ་ཁམས་ཀྱི་འདྲེན་པར་དབང་བསྒྱུར་ཞིང་། གནམ་གྱི་བུ་ཇིང་གིར་(༢༤བ)

― GLG020_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

ཧོར་གྱི་རྒྱལ་ཁམས་སུ་ཏཱ་ལའི་བླ་མ་བཛྲ་དྡྷཱ་ར། མིང་གཞན་དེ་བཞིན་བཤེགས་པའི་འཕྲིན་ལས་པ་ངག་གི་དབང་ཕྱུག་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེའི་ཡི་གེ །ལུས་ཅན་ཀུན་གྱི་ལེགས་བྱས་རྒྱ་མཚོའི་དཔལ་གྱིས་ཉེ་བར་བསྒྲུབས་པའི་སྒྲོན་མེའི་བསྐལ་པ་རྣམས་ཀྱི་ནང་ནས་བླ་ལྷག་ཏུ་འགྱུར་པ་བཟང་པོའི་བསྐལ་པ་ཞེས་སྟོབས་བཅུ་མངའ་བ་སྟོང་གིས་ཡེ་ཤེས་མཆོག་གི་བདུད་རྩི་བརྙེད་པའི་གནས་ཨཱཪྻྻཻརྡེ་ཤ་བརྫྲཱ་ས་ན་ཞེས་འཕགས་ཡུལ་རྡོ་རྗེ་གདན་གྱིས་ཉེ་བར་མཛེས་པའི་འཛམ་གླིང་ཡངས་པའི་རྒྱལ་ཁམས་སྤྱི་དང་། བྱེ་བྲག་ལྷ་ལྡན་གཙུག་ལག་ཁང་ནས་བཟུང་། རི་བོ་ཆེ་ཚུན་གྱིས་ས་ལམ་དུ་འཁོད་པའི་ལྷ་སྡེ་མི་སྡེ་རྒྱལ་པོ་རྒྱལ་རིགས། དཔོན་ཆེན་དཔོན་སྐྱ། རྫོང་སྡོད་སྣེར་སླེབས་དམག་ཨར་ཇག་གི་འགྲིམ་འགྲུལ། ཀོ་གྲུ་ལྕགས་གསུམ་གྱི་མཉན་གཉེར། ལ་འཕྲང་སྲུང་མི་སོགས། བོད། སོག །ཧོར་གསུམ་གྱི་མཆོག་དམན་བར་མའི་སྐྱེ་འགྲོ་མཐའ་དག་ལ་བཟློ་བ། འགྲོ་བ་ཀུན་གྱི་མ་འདྲིས་པའི་མཛའ་བཤེས་ཆེན་པོ་རྒྱལ་པོ་ཟས་གཙང་སྲས་པོའི་ལུང་དང་རྟོགས་པའི་བསྟན་པ་རིན་པོ་ཆེ་ཕན་དང་བདེ་བའི་བདུད་རྩི་ཟད་མི་ཤེས་པའི་བདག་ཉིད་ཅན་གྱི་སྙིང་པོར་གྱུར་པ། ནང་དུ་ཡང་དག་པར་འཇོག་པའི་བསྒྲུབ་རྒྱུད་རྒྱ་མཚོའི་ཤིང་རྟ་པ་ཆེན་པོ། །ངེས་པའི་དོན་དུ་རྒྱལ་བ་ཉི་མའི་གཉེན་དང་ཐ་མི་དད་པར་ཞལ་གྱིས་འཆེས་ཤིང་། དབང་པོ་ཐ་མའི་གདུལ་བྱའི་ངོར་རིམ་གྱིས་སྦྱངས་(༢༥ན)

― GLG020_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བྱང་ཆུབ་སེམས་དཔའ་ཆེན་པོ་དཔལ་ཕག་མོ་གྲུབ་པ་རྡོ་རྗེ་རྒྱལ་པོ་གང་གི་རིང་ལུགས་གདུགས་དཀར་པོ་གཅིག་གིས་ནོར་འཛིན་གྱི་ཁྱོན་ཀུན་ཡོངས་སུ་ཁྱབ་པའི་འཕྲིན་ལས་ཀྱི་སྒོ་འཕར་ལས་གྲུབ་པའི་དཔལ་སྟག་ལུང་ཐང་པའི་བཀའ་རྒྱུད་ཅེས་གྲགས་ཤིང་། གོང་མའི་ལུང་དང་ལས་ཀས་བོད་གླིང་དགུའི་རྒྱལ་ཁམས་སུ་དབང་གིས་ཆེ་བའི་ལུགས་གཉིས་ནས་མངོན་པར་མཐོ་བ་གང་གི་རིགས་ཆོས་འཛིན་པའི་དབང་ཕྱུག་སྟག་ལུང་ནས་ཞབས་དྲུང་རིན་པོ་ཆེ་དཔོན་སློབ་ཆོས་སྲིད་ཀྱི་འཕྲིན་ལས་རྒྱ་ཆེན་པོ། ཤར་ཕྱོགས་ཉི་འོག་གི་རྒྱལ་ཁམས་སུ་རྒྱ་མཚོའི་རླབས་ལྟར་དུས་ལས་ཡོལ་བ་མེད་པར་འཇུག་པའི་སྒོར་རི་བོ་ཆེ་ཕྱོགས་སུ་ཕེབས་སོང་བར། དམ་པའི་སྐྱེས་བུ་རྣམས་འགྲོ་བའི་བསོད་ནམས་ཀྱི་ཞིང་རྨད་དུ་བྱུང་བར་རྒྱལ་དང་དེ་སྲས་རྣམས་ཀྱིས་བསྔགས་པར་མཛད་པ་འཁྲུལ་པ་མེད་པའི་ཕྱིར་ན། ཁྱོད་གོང་འཁོད་རྣམས་ཀྱིས་གུས་འདུད་ལྷུར་ལེན་གྱི་བཀུར་སྟེ་དང་རི་མོར་བགྱི་བ་མ་གཏོགས། ཐུགས་སུན་ཕྱུང་བའི་ལོག་སྒྲུབ་ཏུ་འགྲོ་བ་མ་བྱེད། ཡི་གེ་མཐོང་བཞིན་འགལ་ཆར་སོང་ན། དམ་ཅན་རྒྱ་མཚོ་དཔང་དུ་བཙུགས་ཏེ། ལུས་སེམས་ལ་བརྣག་དཀའ་ཞིང་ལྕི་བའི་ཆད་པ་འབེབས་པར་མི་འཇིགས་སམ། ཚུལ་བཞིན་བསྒྲུབས་པའི་དགེ་བ་བླ་མེད་རྫོགས་པའི་བྱང་ཆུབ་ཏུ་བསྔོ་བའི་ཏིང་ངེ་འཛིན་གྱི་འཇུག་པ་ཡུན་དུ་བགྱིད་པ་ཡིན་ཞེས་ལེགས་སྦྱར་གྱི་སྐད་དུ་ཨཱ་དྷ་ར། ཀུན་འཛིན་གྱི་ལོ་ས་བྱི་ཧོར་ཟླ་བརྒྱད་པའི་དཀར་ཕྱོགས་ཀྱི་རྫོགས་པ་གཉིས་པའི་ཚེས་ལ་ཆོས་སྡེ་ཆེན་པོ་དཔལ་ལྡན་འབྲས་སྤུངས་ནས་བྲིས། །(༢༥བ)

― GLG020_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

ཛི ནཻཿ ཤཽ དྷོ ད ན སྱ ཀ རེ ཡ ཡ བ རི ནཱ མེ བྷི ར ཡ ཡ ཤོ ཝ གཱི ཤྭ རཻཿ སུ དྲཻ ར བྷཱ ཡཻ ར ཝ ཉ རྨྨེ བྷ དྨུ ནི ཤཱ ས ན སྱ ཡུ བ ནཱ ནཱི སེ ནཱ ནཱ ངྐཱ དེཿ། རྒྱལ་བ་ཟས་གཙང་གི་སྲས་པོའི་འཕྲིན་ལས་པར་མིང་ཡོངས་སུ་གྲགས་པ་ངག་གི་དབང་ཕྱུག་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེའི་ཡི་གེ །འཕགས་མཆོག་ཕྱག་ན་པདྨས་འདུལ་བའི་ཞིང་ཁམས་གངས་ཀྱི་ར་བས་ཡོངས་སུ་བསྐོར་བའི་རུ་བཞིའི་རྒྱལ་ཁམས་སྤྱི་དང་། ཁྱད་པར་གཡོན་རུའི་སའི་ཆ། མཐོ་རིས་ཀྱི་དགེ་མཚན་རྒྱ་མཚོས་མངོན་པར་དཔའ་བའི་འཕྱིང་བར་སྟག་རྣམ་པར་རྩེན་པའི་རྒྱལ་ཁམས་ཀྱི་མངའ་རིས་སུ་གཏོགས་པའི་མཆོག་དམན་བར་མའི་སྐྱེ་རྒུ་མ་ལུས་པ་དང་། བྱེ་བྲག་རི་བོ་བདེ་ཆེན་གྱི་གྲྭ་རིས་སྣེར་སླེབ་དང་བཅས་པ་མཐའ་དག་ལ་སྤྲིངས་པ། སློབ་དཔོན་བློ་བཟང་བསྟན་འཕེལ་འདི་པ་མདོ་སྔགས་གཉིས་ཚོགས་ཀྱི་དགེ་བའི་བཤེས་གཉེན་ཐོས་བསམ་སྒོམ་པའི་འབྲས་བུ་གཡུར་དུ་ཟ་བས་གདུལ་བྱ་མཐའ་དག་རྗེས་སུ་འཛིན་པའི་མཁན་པོའི་ཡོན་ཏན་དང་ལྡན་པ་དང་། ཉེ་ཆར་སྤྱི་སོའི་མཐུན་གྲུབ་དང་བཅས། མཁན་ཐོག་ཏུ་བསྐོས་ཡོད་པས། ཁྱོད་གོང་འཁོད་རྣམས་ཀྱིས་ལུགས་གཉིས་ཐད་ནས་ཕུ་དུད་ཚུལ་བཞིན་བྱེད་པ་དང་། མཁན་པོས་ཀྱང་འཛིན་སྐྱོང་སྤེལ་གསུམ་ཐམས་ཅད་ཡར་ལྡན་དུ་དགོས་རྒྱུ་ཡིན། ཀུན་འཛིན་ཞེས་པ་ས་བྱི་ཧོར་ཟླ་བཅུ་པའི་ཡར་ཚེས་བཟང་པོ་ལ་ཆོས་སྡེ་(༢༦ན)
ཆེན་པོ་དཔལ་ལྡན་འབྲས་སྤུངས་ལ་བྲིས། །

ཆོས་འཁོར་རྒྱལ་གྱི་འདུས་སྡེའི་ཁྲིམས་སུ་བཅའ་བ་སྔར་ཤིང་བྱ་ལོར་བྲིས་པར་བཟོ་བཅོས་བགྱིས་པ་ཆུ་ཤེལ་དབང་པོ།

― GLG020_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

མེ ཕ ཛྙ ས རྦྦ ཨ ཀྵ ཡ ཝ ལ ཙཱ མྲྀ ཏི ཀཿ སུ ཁོ མ ཧཱ། ཤེས་བྱ་ཐམས་ཅད་མཁྱེན་པའི་བདུད་རྩི་ལ། །སྤྱོད་པའི་མི་ཟད་འབྲས་བུ་བདེ་བ་ཆེ། །ཤ བ ལ ཀུ བུ ར སྐྲྀ ཏཿ ས དེ བེ ཀྭཱ ཀུ བ རཱ ཎ དེ ཤ ཧཱ། །སྟོབས་བཅུའི་འཆི་བ་མེད་པའི་འདུན་ས་དེ། །བུ་རམ་ཤིང་པ་མིག་སྟོང་ཅན་གྱི་ཡུལ། ཨ ཤྩ རྱ པ དྨ ཧྲི ད ཡཾ ར སོ དྷ རྨོ ཧཱ ཨ སཾ ཧྱ ཤྩ དྷོ ཀ རེ ཎྜཿ ཚར་དུ་དངར་བའི་པདྨའི་སྙིང་པོའི་བཅུད། །གྲངས་མེད་ཆོས་ཕུང་སྦྲང་རྩིའི་ཟ་མ་ཏོག །གྷ རྦྷ བྲ པུ ཥྚི ཉྩ སུ ཁཱི ཡ ཛེ ཏ ༔ ཤཽ དྷོ ན ཤྲི ཡ ཀུ རུཿ ཀ རོ ཧཱ། །འགྲོ་འདིའི་ཕན་བདེའི་དཔྱིད་དུ་རབ་རྒྱས་པའི། །བྱེད་པོ་ཟས་གཙང་སྲས་ཀྱིས་དགེ་ལེགས་མཛོད། །(༢༦བ)

― GLG020_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

བི མ ལ ཤི ལ བ ཀུ ལ བ ཀྟྲ སྟྲཱི ཤོ ཙི ཀ མ ཏྱ ཏ ཨུ བ ཧ ཏ ཎ ནཿ། དྲི་མེད་ཚུལ་ཁྲིམས་བ་ཀུ་ལ་ཡི་ཁ། །ཚངས་སྤྱོད་མཛེས་མའི་ཆང་གིས་ལེགས་ཕྱེ་བའི། །བྷོ ཏེ ཥ ཛི ཤཱ ས ར ཐ ཤི ར དྭི ཛི པཱ ར ཛྙ ས རྦྦ ཤི བ ར ཀྵི ཏ། །གངས་རིའི་ལྗོངས་འདིའི་ཐུབ་བསྟན་ཤིང་རྟ་པ། །ཀུན་མཁྱེན་ཞི་འཚོའི་ཞབས་ཟུང་གཙུག་ན་རྒྱལ། །དེ་ཡི་རིགས་ལས་སྡོམ་གསུམ་ལུས་སྟོབས་རྒྱས། །མང་ཐོས་རིན་ཆེན་གསེར་གྱི་རྒྱན་འཆང་ཞིང་། །མྱང་འདས་གུགས་བྱེད་བྱང་ཆུབ་སེམས་ཀྱི་རྣ། །རིང་པོར་སྐྱོང་མཛད་དཱིཔཾ་ཀ་རར་འདུད། །རིང་མོ་ཉིད་ནས་གྲུབ་པའི་ཡོན་ཏན་མ་ལ་པ་ཡི་དྲི་བསུང་གིས། །རྨོངས་པའི་བློ་ངན་ཐིབས་པོ་ཀུན་འཇོམས་ཤེས་རབ་ཆེས་ཆེར་རབ་ཏུ་གསལ། །མཛད་བཟང་ལོ་འདབ་སྟུག་པོའི་ཁུར་ལྡན་གྲགས་སྙན་སྲིད་འདིའི་རྣ་བར་མཛེས། །དུས་གསུམ་རྒྱལ་བ་བཙོང་ཁ་པ་ཞེས་ཀུན་གྱི་རལ་པའི་མཐོ། །དགེ་ལེགས་གསེར་མངལ་ཅན་གྱི་ཐོང་ཡངས་ལས། །(༢༧ན)

― GLG020_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་དཔྱོད་གངྒཱའི་ཆུ་ཀླུང་རྟག་འབབ་པ། །འཆད་རྩོད་རྩོམ་ལ་འདུན་པའི་བགྲོད་པ་ཡིས། །ལེགས་བཤད་རྒྱ་མཚོར་འཇུག་ལ་རིངས་པར་བྲེལ། །མཐའ་བྲལ་ཆོས་ཚུལ་མེས་པོའི་ཐོད་ཡངས་ལས། །བྱ་བ་ལས་ཀྱི་འཁོར་ལོའི་ཉལ་འགྲོ་ཡིས། །རྒྱལ་བསྟན་འཇུག་པ་བཅུ་པའི་ཞབས་བསིལ་དུ། །རྣམ་པར་སྦྲེང་བའི་ཁྲིམས་ལྡན་འདུས་པའི་སྡེ། །འཇུག་དང་འཇུག་བྱ་མ་ཡིན་ཕྲ་རགས་ཀྱི། །བླང་དང་དོར་བྱ་ཉམས་སུ་བསྟར་བའི་ཚུལ། །གསལ་བྱེད་ཡི་གེའི་འཕྲེང་བ་སྤེལ་བྱེད་ན། །ཀུན་གྱི་སྒྲ་འཛིན་ལུས་ཕྲའི་འགྲམ་པར་ཆོངས། །དེའང་བསྐལ་པ་བཟང་པོ་འདི་ཉིད་ལ་གྲགས་པ་ཅན་གྱི་རྣམ་འདྲེན་སྟོང་བྱོན་པ་རྣམས་ཀྱི་ནང་ནས་སྙིང་སྟོབས་ཀྱི་གོ་ཆ་བཙན་པོ་མ་སྨད་པར་གྱོན་པའི་རྒྱལ་བ་ཟས་གཙང་གི་སྲས་པོའི་བསྟན་པ་ནི་ཇི་ལྟར་རྫིང་བུ་བརྒྱ་ཕྲག་ཟླ་བའི་གཟུགས་བརྙན་སོ་སོར་འཆར་བ་བཞིན། །གདུལ་བྱའི་ལས་དང་སྐལ་བའི་དབང་གིས་མཐའ་ཀླས་ནའང་། ཡོངས་སུ་གྲགས་པར་བོད་གངས་རིས་བསྐོར་བའི་ལྗོངས་འདིར་ཆོས་ཀྱི་རྒྱལ་པོ་མེས་དབོན་དང་མཁན་སློབ་སོགས་པཎ་གྲུབ་རིམ་པར་བྱོན་པ་རྣམས་ཀྱི་བཀའ་དྲིན་ལས། བསྟན་པ་རིན་པོ་ཆེ་སྔ་ཕྱིར་དར་ཞིང་། དེ་དག་གི་ཡང་སྙིང་ཆོས་ཀྱི་རྒྱལ་པོ་བཙོང་ཁ་པ་ཆེན་པོའི་དྲི་མ་མེད་པའི་རིང་ལུགས་ལ། ཕྱིའི་ཀུན་སྤྱོད་བསྟན་པའི་རྩ་བ་སོ་སོར་ཐར་པ་ཉིད་གཙོ་བོར་མཛད་པའི་ཕྱག་ལེན་མཆིས་པ་ལྟར། ཐམས་ཅད་མཁྱེན་པ་དགེ་འདུན་རྒྱ་མཚོ་དབྱངས་ཅན་བཞད་པའི་རྡོ་རྗེས། རྗེ་བླ་མའི་འཕྲིན་ལས་སྤེལ་བའི་ཆེད་དུ། དུས་གསུམ་མཁྱེན་པ་པདྨཱ་ཀ་ར་དང་། གླེགས་བམ་རིན་པོ་ཆེ་སོགས་ནས་ལུང་གིས་ཟིན་པའི་སྤྲུལ་པའི་གནས་ཆེན་སྦས་ཡུལ་དཀར་མོ་ལྗོངས་སུ། རྟེན་དང་བརྟེན་པར་བཅས་(༢༧བ)

― GLG020_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྡེ་ཆེན་པོར་གནས་པའི་ཚངས་པར་སྤྱོད་པ་པོ་རྣམས་ཀྱིས་ལག་ཏུ་བླང་བར་བྱ་བ་འདི་ལྟར་རོ། །དེ་ཡང་ཡུལ་གཞན་ནས་སྡོམ་པ་ནོད་ཟིན་པ་མིན་པའི་འདི་གར་གསར་བུ་ཞུགས་པ་རྣམས་ན་ཚོད་ཕྲ་བ་སོགས་ཀྱིས་དམིགས་བསལ་བྱུང་ན་མ་གཏོགས། ཟླ་བ་གསུམ་ལས་མ་འགྱངས་པར་བར་མའམ་དགེ་ཚུལ་གང་རུང་བསྒྲུབ་དགོས་ཤིང་། དེ་གའི་རྟིང་བསྐུལ་དགེ་རྒན་ངོ་ཤེས་དང་། ལེགས་བཤད་གླིང་དང་ཆོས་ཁྲིམས་པས་དོ་དམ་བྱེད། བསྐུལ་བརྡ་བྱས་ནས་ཀྱང་དུས་ལས་འགྱངས་ཚེ་ཆད་པ་སྙན་དར། དུང་དར། དཀར་མེ། ལེགས་བཤད་གླིང་གིས་གཙོས་པའི་སྣེ་མོ་བ་སྣེ་ཚན་ཐོབ་པ་རྣམས་ལ་དར་ཁ་རེའི་རྩིས། ཚོགས་སུ་བརྒྱ་ཕྱག་འཚལ། རབ་བྱུང་སྤྱིའི་ཉེར་སྤྱད་རྡུལ་གཟན། ཤམ་ཐབས། གདིང་བ། ལྷུང་བཟེད། ཟླ་གམ། ཞྭ་སེར་རྣམས་རང་ཉིད་ལ་མེད་ཀྱང་གཡར་པོ་ཚུན་ཆད་བྱས་པས་གྲ་འགྲིག་པ་བྱེད། དེས་མཚོན་པའི་རབ་བྱུང་གི་བླང་དོར་གྱི་རིམ་པ་རྣམས་ཀྱང་། རང་ལས་བསླབ་པ་རྒན་པ་རྣམས་ཀྱི་ངང་ཚུལ་དཔེར་བཟུང་བས། སྡོམ་པའི་ངོ་སྐལ་གྱི་སྤང་བྱ་ཕྲ་རགས་ཀུན་ལ། དྲན་ཤེས་བཞིན་གྱིས་ཟིན་པའི་དམ་པའི་ཆོས་འདུལ་བའི་ཀུན་སྤྱོད་ལ་གནས་པར་བྱེད། དགེ་འདུན་དུ་ལོངས་པ་ལ་ཆོས་གོས་གསུམ་དང་ལྷུང་བཟེད་ལྟ་བུའི་རྙེད་པ་སྤྱི་ལ་བྱུང་ན། ཡོ་བྱད་དེ་དག་མེད་ཅིང་རྩོལ་སྒྲུབ་བྱེད་པའི་ནུས་པ་ཡོད་མེད་བརྟགས་ནས་དགེ་སྐོས་ཀྱིས་སྟེར་ལུགས་བྱེད། ཚོགས་ཀྱི་ཆ། དུང་དང་གཎྜི་ལྟ་བུའི་བརྡ་བྱུང་བ་དང་བསྟུན་ཏེ། གཞན་མི་དད་པའི་སྤྱོད་ལམ་སྤངས་ནས་ཐམས་ཅད་དུས་གཅིག་ཏུ་འདུ་བ་མ་གཏོགས། སྔ་ཕྱི་གང་འདོད་ལ་མི་འབྱོན། དགེ་སློང་རྣམས་བླ་གོས་གྱོན་ཞིང་། དེ་ཕྱིན་ཀྱང་ཞྭ་མོ་ཟླ་གམ་སོགས་(༢༨ན)

― GLG020_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་འདུན་སྤྱི་དང་མཐུན་པ་བྱེད། གྲལ་མཚེས་པ་ལ་ལོང་གཏམ་སྨྲ་བ། རྩིག་པ་དང་ཀ་བ་ལ་སྙེ་བ། མཆིལ་སྣབ་གོས་ཀྱིས་མ་གབ་པར་དོར་བ། གཉིད་ལོག་པ། བཟའ་བཏུང་གི་ཚེ་ཅག་ཧུབ་ཀྱི་སྒྲ་སྦྱིན་པ། ལྷུང་བཟེད་རྩི་མེད་དང་ཕོར་པ་ཚད་ལས་འདས་པ་དང་ཁམ་ཕོར་འཁྱེར་བ། དགེ་སྐོས་ཀྱིས་དགོས་པའི་དབང་གིས་བཏང་ན་མ་གཏོགས། རང་དྲན་གྱིས་ཚོགས་མ་གྲོལ་བར་འགྲོ་འདུག་རྣམས་མི་བྱེད། རྒྱུན་གཏན་དུ་ཚོགས་ལ་སྒྲིག་འཇུག་གི་ཞལ་འདོན་མཛད་དགོས། སྐྱབས་འགྲོ་སེམས་བསྐྱེད། དེ་རྗེས་རྒྱན་འཇུག་གདུགས་དཀར་གསུམ་པོ་གང་རུང་ནས་ཇ་དང་པོ་ལ་གང་འགྲོ་རེ་མོས་ཀྱིས་གཏོང་། ཇ་དང་པོ་སོང་རྗེས་ཤེར་སྙིང་ཚར་གཅིག་བདུད་བཟློག་དང་བཅས་པ། ས་ལམ་གསུམ་པོ་གང་རུང་གཅིག་ལ་གདངས་དང་གཉིས་ལ་འདུར་མ་སྐབས་སྦྱར་བྱེད། སྐབས་གསུམ་མ། ཐམས་ཅད་མཁྱེན་པས་མཛད་པའི་མཛད་བཅུ། གནས་བཅུ་ཕྱག་མཆོད། སྣང་བ་མཐའ་ཡས་མ་དང་འབྲོམ་གྱི་བསྟོད་པ་ལྷ་བཅས་མ་གཉིས། ཡོངས་རྫོགས་མ། ཐུབ་དབང་བསྟན་སྒྲོན་མ། ཐུགས་རྗེའི་བདག་ཉིད་མ། རབ་དཀར་དགེ་ཚོགས་མ། རྒྱལ་ཆེན་བསོད་ནམས་མ། ཕུན་ཚོགས་ཡོན་ཏན་མ། བློ་བཟང་རྒྱལ་བ་མ། གཏན་བཞུགས་མཐའ་ཡས་མ། རབ་འབྱམས་སྐྱོབ་པ་མ། བདེ་ཆེན་ལྷུན་གྲུབ་མ། བྱམས་པའི་སྐུ་གཟུགས་མ། ཚངས་པའི་ཅོད་པན་མ། མཚམས་སྤྲིན་མ། ཟབ་ཡངས་མ། བདེ་བ་ཅན་གྱི་(༢༨བ)

― GLG020_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

སྨོན་ལམ། བཟང་སྤྱོད་སྨོན་ལམ། བྱམས་སྨོན། ཐོག་མཐའ་བར་གྱི་སྨོན་ལམ། གསང་འདུས་སྨོན་ལམ། དཔལ་ལྡན་དམག་ཟོར་མ། ཞལ་ལྕམ་སྲིང་དང་བཅས་པའི་གཏོར་འབུལ་རྣམས་བྱེད། སྦྱིན་བདག་གིས་དམིགས་བསལ་གྱི་སྐུ་རིམ་ལ་ཚེ་གཟུངས་དང་སྒྲོལ་མ་ལྟ་བུ་འདོན་དགོས་བྱུང་ན་སྐབས་དང་སྦྱོར། ཚྭ་ར་ཉིན་ཐུབ་ཡོད་ཚེ། གསང་འདུས་ཀྱི་བདག་འཇུག་སྟ་གོན་དང་སྒྲགས་པ་ཕྱག་ལེན་གཙང་བར་ལེན། ཚྭ་ར་དུས་མཆོད་འགྱེད་སོགས་ཀྱི་སྐབས་སྦྱིན་བདག་དང་སྣེ་མོ་བས་འོས་བབས་ཀྱིས་གཏོང་བ་ལས་དགོས་མེད་ཀྱི་སྐལ་བ་སོགས་ལ་རྩོད་པ་མི་གཏོང་། །བླ་བྲང་གཞུང་གི་ནང་ཟན་དང་། །གཉེར་པའི་གཡོག་མི་སྐྱའི་རིགས་ཀྱིས་ཚོགས་སྐལ་མི་ལེན། བཙུན་གཟུགས་རྣམས་ཀྱིས་ཚོགས་སྐལ་ལེན་ཚེ། དེའི་སྐབས་རབ་བྱུང་གི་རྟགས་མ་ཚང་བ་དང་ཕུ་དུང་གྱོན་པ་སོགས་མི་བྱེད། ཁྱད་པར་རྒྱལ་རང་དུ་བཙུན་པ་བྱས་པའི་རིགས་ནང་ཟན་དུ་བསྡད་པ་ཡིན་ན། ཚོགས་སྐལ་བླངས་ཕྱིན་དམིགས་བསལ་བྱུང་ན་མ་གཏོགས་སྒྲོལ་འདོན་ལ་ཡོང་། རབ་བྱུང་ཚོགས་འགྲིམ་ཡིན་བཞིན་དུ། འབོག་དོ་ཕུ་དུང་གྱོན་པ། གྲི་རིང་སྐྲ་རིང་། ཕོ་ཆིངས་བྱེད་པ། ཁུགས་མ་ཕོར་ཤུབས་གྲི་ཆུང་འདོགས་པ། གཟན་ཤམ་མེད་པར་འགྲོ་བ་སོགས། དགེ་འདུན་སྤྱིའི་མིག་ལྟོས་བཤས་པའི་རིགས་བྱས་པ་དང་། གྲི་བཏོན་པ་མ་ཡིན་པའི་ལག་འཐབ་བྱས་པ་བྱུང་ན། དཀར་མེ་དང་སྙན་དར་འབུལ། དེ་ལས་ཆེ་བའི་རྨས་ཁྲག་བཏོན་པ་ལ། མང་ཇ་ཐུག་དར་ལྕོག །དཀར་མེ་སྙན་དར།

― GLG020_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་བཤད་གླིང་དུ་སུམ་ཚན། སྣེ་མོ་བ་རྣམས་ལ་རྣམ་གཞག །ནད་པ་ལ་རྨས་འཇལ་སོགས་སྐབས་སྦྱར་གྱི་གཅོད་རྒྱ་བྱེད། དེ་མཚུངས་འོལ་དྭགས་འབྲོག་པ་སོགས་ཀྱི་བཙུན་པ་ཡུལ་ཆེན་སོ་སོའི་ཕྱོགས་སྡེབས་ཀྱིས་ཚོ་ལོངས་བྱས་པ་བྱུང་ན། སྤྱི་པའི་གོང་གི་ཆད་པ་འདབ་འཕར་དང་གཏེ་པོ་ངོ་མ་རྩད་ཆོད་ན་དེ་ལ་ཆད་པ་སྒེར་དུ་འགེལ། དེ་མཚུངས་རྐུ་འཕྲོག །ཨར་ཇག་སོགས་བྱས་པ་ལའང་ཉེས་པ་ཆེ་ཆུང་ལ་དཔགས་འགེལ། སྒྲུབ་མཆོད་དུས་གཏོར་གྱི་ནང་མཆོད་དང་། ནད་པའི་སྨན་རྟ། ཨར་པོའི་སྐབས་ལྟ་བུ་དམིགས་བསལ་དུ་ཆང་ལེན་དགོས་པ་བྱུང་ན་མ་གཏོགས། གཉེར་པས་གཙོས་པའི་བླ་བྲང་གཞུང་སྒེར་དང་གྲ་ཁང་སོགས་གང་དུ་ཡང་ཆང་གི་འགྲིམ་འགྲུལ་མི་བྱེད། མཆོད་ཁང་དང་འདུ་ཁང་སྟེང་ཤོད་སོགས་ཐག་ཉེ་ས་དང་མགོན་ཁང་དུ་ཐ་མ་ཁ་མི་འཐེན། རྙེད་བཀུར་ཞུ་མི་དང་གནས་མཇལ་བའི་བུད་མེད་ཡིན་ཀྱང་གནང་བ་བཞག་ཏུ་མི་སྟེར། གཞན་བུད་མེད་ཀྱི་རིགས་དགོན་པའི་ནང་དུ་མི་གཏོང་རྩ་བ་བཞི་ལ་རྟེན་པའི་བསླབ་པ་ལ་སྐྱོན་བྱུང་ན། བསླབ་པ་བསྐྱར་བའམ་ཡང་ན་ཚོགས་སུ་མང་ཇ་ཚྭ་ར། གཙུག་ལག་ཁང་དུ་དཀར་མེ་སྙན་དར། ཐུག་དར་ལྕོག་བརྗེ་བ། བླ་མ་གསུམ་ཆེན། སྣེ་མོ་བ་གཞན་རྣམས་ལ་སྣེ་གཏོར་སོགས་ཆད་པ་ཚུལ་ལྡན་བསྒྲུབ་ཚོགས་སུ་རབ་བྱུང་ཚུལ་ལྡན་གྱི་གྲལ་འགོར་སྡོད་པ་སོགས་ཀྱི་ཧམ་པ་མི་བྱེད། སྤྱི་སྒེར་སུས་ཀྱང་དགོན་པའི་ནང་དུ་གནག་ཕྱུགས་མི་གསོ། ཞོ་ཚུལ་དང་དཀར་མེ་རུ་བའི་སེམས་ཅན་ལ་བེད་སྤྱོད་མི་བྱེད། དགེ་སྐོས་དབུ་མཛད་སོགས་ལས་(༢༩བ)

― GLG020_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

སྣེའི་རིགས་ཀྱིས་བབ་ཐོག་ཡོད་པ་རྣམས་བབ་འབྲེལ་དང་བསྟུན་པའི་ཐོ་གང་གྲྭ་བཙུགས་ཀྱིས་བྱེད། མཚམས་མིན་པའི་ཚེ་རི་ཁྲོད་པ་རྣམས་ཚོགས་ལ་གང་རྟག་འབྱོན། རི་ཁྲོད་པ་ནས་སྤྱི་པའི་དབུ་མཛད་བསྐོས་ཚེ། དབུ་མཛད་མ་བཞག་པར་རི་ཁྲོད་ཀྱི་སྒྲིགས་མི་འགྲིམ། རི་ཁྲོད་ཡས་མས་གཉིས་ནས་ཚོགས་དཔོན་དགེ་སྐོས་དབུ་མཛད་འོས་པ་ཡོད་ཚེ་དགོངས་པ་མི་ཞུ། རི་ཁྲོད་དུ་སྡད་ཕྱིན་ཚོང་ཁེ་དཔོགས་མངོན་ཚན་ཅན་མི་བྱེད། འབྲོག་པ་ལྟ་བུ་རང་ཡུལ་དང་སྐྱ་རྩ་ཡོད་པའི་རིགས་མ་གཏོགས། གཞན་ལ་གནས་གཡར་བའི་རྟ་ཕྱུག་གསོ་འཕེལ་མི་བྱེད་ཕྱོགས་ནས་བྱོན་པའི་རི་ཁྲོད་པའི་རིགས་ལ་ཡུལ་པའི་རི་ཁྲོད་པ་རྣམས་ཀྱིས་ཡུལ་བསྒྲིགས་ལ་བརྟེན་པའི་ཟོས་མི་བདེར་འགྲོ་བ་མི་བྱེད། ལོ་སུམ་ཅུ་ལ་ལོན་པ་དང་མཐིལ་གྱི་ལས་སྣེ་མ་ཐོན་པར་རི་ཁྲོད་ལ་མི་འགྲོ། དབྱར་ཆོས་ཆེན་མོའི་སྐབས་གྲྭ་ཚང་རྣམས་ཀྱི་དགེ་སྐོས་དབུ་མཛད་ལངས་པ་སོགས་སྔར་སྲོལ་གང་ཡོད་བྱེད་དགོས་ནའང་། གཙོ་བོར་གཞིས་བའི་བླ་མ་དགེ་སྐོས་ཀྱིས་དགོན་པའི་སྒྲིགས་རྒྱུན་བསྡམས་པ་ལ་གཞི་བྱེས་ཚང་མས་ཉན་འཇོག་བྱེད་དགོས་ཤིང་། དབྱར་ཀའི་སྨོན་ལམ་གྱི་ཚོགས་ལ་གཞི་བྱེས་ཐམས་ཅད་ཚོགས་དགོས་ཤིང་དེའི་དོ་དམ་དང་རྟིང་བསྐུལ་སྤྱི་སྒེར་གྱི་དགེ་སྐོས་ཀྱིས་བྱེད། དབྱར་ཆོས་ཀྱི་དམ་བཅའ་འདོད་སྦྱར་གྱིས་འཇོག་པ་མ་གཏོགས་གྲྭ་ཚང་ཕྱོགས་འདོད་ཀྱི་བཀག་འགོག་མི་བྱེད། ནད་པ་མཚམས་པ་ཡིན་ན་མ་གཏོགས་དབྱར་ཞལ་གྱིས་བཞེས་པ་དང་གསོ་སྦྱོང་ལ་བྱོན། དབྱར་གྱི་ནང་དུ་འཐབ་རྩོད་སོགས་དབྱར་རལ་བའི་བྱ་བ་བྱས་པ་བྱུང་ན། གཞི་བྱེས་ཀྱི་སློབ་དཔོན་སོགས་གྲོས་ཐོག་ནས་ཆད་པ་གང་འོས་འགེལ། གཞན་ཡང་ཀུ་ཅོ་རྒྱང་སྐད་འབོད་པ། གླིང་ཁྲོད་དུ་རྟ་བཞོན་པ། གོས་སྐུ་འགྲེམ་པའི་ཚེ་འཐེན་སྐོར་ཆུད་ཟོས་སུ་འགྲོ་བ་རྣམས་མི་བྱེད། སྤྱི་(༣༠ན)

― GLG020_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དབུ་མཛད་སུས་བྱེད་ཀྱིས་སློབ་གྲའི་སློབ་དཔོན་བྱེད་དགོས་ཤིང་། སློབ་གཉེར་བྱེད་ལུགས་གོང་གསལ་རྒྱུན་འདོན་གྱིས་ཁྲོད་ནས་རྒྱན་འཇུག་གདུགས་དཀར་གསུམ་བཞགས་པའི་གཞན་མ་རྣམས་འཛིན། དེ་རྗེས་གསང་འདུས་སྟ་གོན་བདག་མདུན་དབང་ཆོག་དང་བཅས་པ་དང་། འཇིགས་བྱེད་ཀྱི་བདག་བསྐྱེད། མགོན་པོ་ཕྱག་དྲུག་པ། རྣམ་སྲས་ལས་གཤིན། དཔལ་ལྡན་ལྷ་མོ་དམག་ཟོར་མའི་གཏོར་ཆོག་རྙིང་པ་དང་། གུར་ཞལ་ལས་མཁན་པུ་ཏྲ་ལྕམ་སྲིང་དང་བཅས་པའི་གཏོར་ཆོག་དགའ་ཚལ་དུ་བྱེད་པ་དང་གོ་མཚུངས་པར་འཛིན། དེ་རྗེས་ཆོག་གྲ་སོ་སོར་ཉུང་མཐའ་བཅོ་ལྔ་ལ་ཆ་བཞག་པའི་གསང་འདུས་པ་རྣམས་ཀྱིས་ས་ཆོག །འཇིགས་བྱེད་པ་རྣམས་ཀྱིས་ས་ཆོག་སྟ་གོན་དབང་ཆོག །བདེ་མཆོག་པ་རྣམས་ཀྱིས་ས་ཆོག་ནས་བཟུང་ཡོངས་སུ་རྫོགས་པ། དུས་འཁོར་སྒྲུབ་མཆོད་སྔར་ཡོད་འདུག་པ་བར་སྐབས་སུ་ཆོ་ག་ལྗིས་པ་ལ་བརྟེན་པའི་ཆོ་ག་པ་ཡིན་འདུག་ཀྱང་། སླད་ནས་བསྟན་པའི་རྒྱུན་ལ་དམིགས་པས་ཆོས་རྗེ་ཐམས་ཅད་མཁྱེན་པ་བུ་སྟོན་རིན་པོ་ཆེའི་ཡིག་ཆ་འམ། དེ་ལ་གཞི་བྱས་པའི་ཅུང་ཟད་འཁྱེར་བདེ་ཞིང་གསལ་དུ་བཏང་བ་ཅི་འགྲུབ་བྱས་པ་ལྟ་བུ་གང་རུང་ཞིག་སླར་འཛུགས་རྩིས་དང་། དེ་བར་སྐུ་རིམ་ལ་དམིགས་པའི་རྣམ་རྒྱལ་སྒྲུབ་མཆོད་ཚུགས་པ་བྱེད་པས། སྔ་འགྲོས་རྣམ་རྒྱལ་མའི་ཆོ་ག་དང་། དུས་འཁོར་ཆོ་ག་ཚུགས་བསྟུན་དེ་གའི་སྐོར་རྣམས་འཛིན། དེ་རྣམས་གྲུབ་རྗེས་རྒྱན་འཇུག་གདུགས་དཀར་དང་། ཚེ་མདོ་ཚེ་གཟུངས་སྒྲོལ་མ། གཞན་ཡང་བློས་འཆུན་པ་རྣམས་ཀྱིས་གསང་སྔགས་ཀྱི་གཞུང་ཆེན་མོའི་བཤད་འགྲེལ་སོགས་ལ་ཐོས་བསམ་བྱས་པས་བསྟན་པའི་མིག་རྐྱེན་ལ་ཕན་པ་བྱེད། དབྱར་གྱི་སློབ་གྲ་ཉེར་བདུན་མཆོད་པའི་སྒྲུབ་མཆོད་གྲོལ་བ་དང་དབུ་བཙུགས། ལྔ་མཆོད་ཆེན་མོའི་གདོང་(༣༠བ)

― GLG020_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཤེས་རབ་ཆེ་བ་རྣམས་ཀྱིས་ཁ་གྲས་ཚད་མ་ལྔ་བཅུ། འབྲིང་གིས་སུམ་ཅུ། ཆུང་བས་ཉི་ཤུ། ཟླ་བ་བཅུ་གཅིག་པའི་ཚེས་བཅུ་གཅིག་ནས་དགུན་གྱི་སློབ་གྲྭའི་དབུ་བཙུགས་པའི། བརྒྱད་མཆོད་ཆེན་མོའི་གདོང་དུ་ཤེས་རབ་ཆེ་འབྲིང་ཆུང་གསུམ་གྱིས་ཤོག་བུ་ཉི་ཤུ། བཅུ་བཞི། བདུན་རྣམས་ཀྱི་རྒྱུགས་སྤྲོད། རྒྱུགས་མ་འཕྲོད་ན་ཆད་པ་སློབ་གྲྭ་རང་དུ་མང་ཇ་དང་། སློབ་ཆུང་ལ་དར་ཁ་རེ་གཏོང་། སྒྲུབ་མཆོད་རྣམས་ཀྱི་རྗེས་སུ་སྤྱི་ཚོགས་རྣམས་ཀྱིས་བསྐང་གསོ་རྒྱས་པ་ཉི་མ་གསུམ་གཏོར་རྒྱག་དང་བཅས་པ་བྱེད། མགོན་ཁང་མཐིལ་གྱི་དུས་གཏོར། ཚེས་གསུམ། ལྔ། བརྒྱད། བཅུ། བཅུ་བཞི། བཅོ་ལྔ། ཉེར་གསུམ། ཉེར་ལྔ། ཉེར་དགུ་རྣམས་ལ་དུས་གཏོར་མགོན་ཁང་བར་གྱི་དཀོན་གཉེར་གྱིས་དོ་དམ་བྱས་པའི་མཐིལ་ནས་གྲ་པ་བརྒྱད་རེ་གཏོང་ཚེས་གཅིག་གི་གཏོར་ཆེན་ཡང་སྔར་རྒྱུན་བཞིན་ཆག་མེད་བྱེད། ལྷུན་གྲུབ་དགའ་བའི་ཚལ་དུ་དཀོན་གཉེར་རྒྱུན་ཚོགས་ཉི་ཤུ་ཙམ་བྱེད་རྒྱུ་ལ། དགེ་འདུན་སྤྱིའི་ཁྲིམས་གོང་དུ་སྨྲས་པ་རྣམས་ཀྱིས་འཐུས་ཤིང་། དམིགས་བསལ་དཔེ་འཛིན་གྱི་རིམ་པ། ནག་པོ་སྐོར་གསུམ། རྣམ་སྲས། དཔལ་ལྡན་ལྷ་མོ་དམག་ཟོར་མའི་བསྐང་གསོ་སྔར་གྱི་རྙིང་པ་དང་། གུར་ཞལ་ལས་མཁན་པུ་ཏྲ་བེག་ཙེ་གཉིས་དང་བཅས་པའི་བསྐང་གསོ་གཏོར་ཆོག་བསྟོད་བསྐུལ་དང་བཅས་པ་གསར་དུ་བསྒྲིགས་པ་སོར་གནས་མགོན་ཁང་པོ་ཏ་ལའི་ཆོས་སྐྱོང་ཕྱག་བཞི་པ། མ་ནིང་། དུར་ཁྲོད་བདག་པོ། རྣམ་སྲས་དྲགས་པོ། བེང་། ཞང་བློན། ཞིང་སྐྱོང་། གཟའ་གདོང་དམར་ནག །རཱ་ཧུ་ལ། རྒྱལ་པོ་པེ་ཧར། རྡོར་ལེགས་རྣམས་དང་། ཇོ་བོ་རྒྱལ་མཚན་པ་དང་རྟ་རྒོད་ཤེལ་ལྕགས་ཀྱི་གསོལ་མཆོད་སོགས་འཛིན། དེ་རྗེས་གོང་གསལ་ཆོས་སྤྱོད་དཀྱིལ་ཆོག་གཞན་(༣༡ན)

― GLG020_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

མ་སོགས་འཛིན་དགོས་དཀྱུས་ལྟར་དང་། ཟླ་བ་ངོ་རེ་བཞིན་དཀོན་གཉེར་གང་ཡོད་དེ་ཝི་ཀོ་ཊིར་འཚོགས་ནས་ཚེས་གསུམ་ལ་བསྟན་གསོལ། ལྔ་ལ་བསིལ་བ་ཚལ་དུ་བེག་ཙེའི་དུས་གཏོར་གཙོ་བོ་ཡིན་ཀྱང་ཆོ་ག་དཀྱུས་གཅིག་པའི་གུར་ཞལ་སྦྲགས་ནས་གཏོང་། ཚེས་བརྒྱད་དང་ཉེར་གསུམ་ལ་གུར་ཞལ་ལས་མཁན་གཉིས་དང་བཅས་པ་བསིལ་པ་ཚལ་དུ་གཏོང་། །ཚེས་བཅུ་བཅོ་ལྔ་ཉེར་ལྔ་རྣམས་ལ་དཔལ་ལྡན་དམག་ཟོར་མའི་དུས་གཏོར་དེ་ཝི་ཀོ་ཊིར་གཏོང་། ཚེས་དགུ་དང་བཅུ་དགུ་ལ་ཕྱག་བཞི་པ་ནས་རྟ་རྒོད་ཤེལ་ལྕགས་ཀྱི་བར་པོ་ཏ་ལར་གཏོང་། ཚེས་བཅུ་བཞི་དང་ཉེར་དགུ་ལ་མགོན་པོ་ཆོས་རྒྱལ་རྣམ་སྲས་སེར་ཆེན་རྣམས་ཀྱི་དུས་གཏོར་པོ་ཏ་ལར་གཏོང་རྒྱུའི་གཏོང་མཁན་མགོན་ཁང་གང་དུ་འཚོགས་ཀྱང་དཀོན་གཉེར་དཔོན་གྱིས་གཙོས་པའི་དཀོན་གཉེར་གང་ཡོད་འཚོགས་དེ་ཝཱི་ཀོ་ཊིར་ལོ་གསར་ཚེས་གཅིག་གི་གཏོར་ཆེན་དང་། ཧོར་ཟླ་གསུམ་པའི་ཚེས་བརྒྱད་ལ་བསིལ་བ་ཚལ་དུ་དཔལ་མགོན་གྱི་གཏོར་ཆེན་བྱེད། མཐིལ་གྱི་གཏོར་ཆེན་དུས་གཏོར་གཏོང་ལུགས་ཀྱང་དགའ་ཚལ་དུ་ཡོད་ལ་འདིར་མེད་པའི་དུས་གཏོར་ཟུར་པ་རྣམས་བཞག་ཕྱིན། གཞན་ཚེས་གྲངས་གང་ལ་ཆོས་སྐྱོང་གང་གཙོ་བོར་བྱེད་དགའ་ཚལ་དང་མཚུངས་པར་བྱེད། ཧོར་ཟླ་དགུ་པའི་ནང་དུ་མགོན་ཁང་ཡས་མས་ཚང་མར་ལོ་དུས་ཀྱི་གཏོར་མ་རྒྱས་པར་བརྗེ་བ་དང་། དེ་སྐབས་ཉི་མ་གསུམ་གྱི་རིང་། མགོན་ཁང་སོ་སོར་དཀོན་གཉེར་རྣམས་ཁ་ཕྲལ་ནས་བསྐང་གསོ་སོ་སོར་རྒྱས་པར་གཏོང་། ཉིན་ལྟར་གྱི་མགོན་ཁང་སོ་སོར་གཏོར་གསོ་བ་དང་གཏོར་འབུལ་མ་ཆག་པ་དང་། ཁ་ཆར་སོགས་དང་བཅས་མཆོད་ཁང་དུ་སྡོད་རྟག་ཅིང་འཛིན་སྤྲས་ཐོན་པ་དགུན་ཀ་མཚམས་རེ་མོས་སུ་བཅད་པའི་བསྙེན་སྒྲུབ་ལ་བརྩོན་པ་(༣༡བ)

― GLG020_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བ་བཅུ་པའི་དགུ་གཏོར་ལ་ལྷ་མོའི་གཏོར་བཟློག་དང་བཅུ་གཉིས་པའི་དགུ་ཏོར་ལ་ལྕམ་སྲིང་གི་གཏོར་ཟློག་བྱེད། འདི་གའི་བསྐང་གསོ། ཐུགས་དམ། སློབ་གྲྭའི་དོ་དམ་དང་གཏོར་མ་འཕེན་པ་སོགས་དཀོན་གཉེར་དང་དཔོན་གྱིས་བྱེད་ཅིང་། མ་ཐུས་པ་བྱུང་ན་ཆད་པ་སོགས་གོང་དང་འདྲ། དུས་གཏོར་མིན་པའི་ཚེ་མང་ཇའི་ཚོགས་ལ་ཡོང་ཞིང་། དུས་གཏོར་གྱི་ཚེ་མང་ཇ་ཡར་ལེན། གསོ་སྤྱོང་དབྱར་གནས་སྒྲུབ་མཆོད་རྣམས་ལ་མཐིལ་དུ་ཡོང་། མགོན་ཁང་ཕན་ཚུན་གྱི་འཛིན་སྤྲས་སོགས་གང་ཅིའི་སྟབས་ནས། ཆོག་དཔོན་མ་གཏོགས་པའི་གཞན་མ་དགེ་སྐོས་དབུ་མཛད། བྱམས་སྨོན་སྤྱི་པ་སོགས་ལས་སྣེའི་རིགས་མི་བཀོད། ལོ་རེའི་ནང་དུ་སྒྲུབ་མཆོད་ཐེངས་གཉིས་རེ་ཚུགས་ན་བསྟན་པའི་མིག་རྐྱེན་དང་སྐུ་རིམ་ལ་ཕན་ཞིང་ཁྱད་པར་དཔེ་འཛིན་མི་བརྗེད་པ་སོགས་ཁྱད་ཆེ་བ་ཡོང་འདུག་པ་ནས། ཧོར་ཟླ་བརྒྱད་པའི་ཉེར་གསུམ་ནས་འགོ་བཙུགས་པའི་ཉེར་བདུན་མཆོད་པ་ཇི་ལྟ་བ་བཞིན་དུ་འཛུགས། གོང་གི་སྒྲུབ་མཆོད་དུས་གཏོར་རྒྱུན་གཏོར་སོགས་གཏོང་དགོས་ཁྲ་མ་ཟུར་དུ་ཡོད་པ་ལ་གཉེར་པས་སྐུ་རིམ་ལ་དམིགས་པའི་གཟེངས་བསྟོད་མ་གཏོགས་ཆུང་བཅད་མི་བྱེད། མཆོད་ཁང་དང་མགོན་ཁང་ཡས་མས་རྣམས་ལ་གཉེར་པས་ཟླ་རེ་བཞིན་རྟོག་པ་བཅུག་པའི་དཀོན་གཉེར་རྣམས་ཀྱིས་འཛིན་སྤྲས་སོགས་བྱུང་མ་བྱུང་ལྟ་བ་དང་། ཞིག་གསོས་དོ་དམ་དགོས་པའི་རིགས་ལ་ཟོམ་ལུས་སུ་མ་སོང་བ་འཁུར་ལེན་བྱེད་དགོས། གོང་གི་སྒྲིགས་འགལ་ཆད་ལས་གནས་དབྱུང་སོགས་བྱེད་དགོས་པར། གཞན་གྱིས་ངན་རྒྱབ་བྱས་པ་བྱུང་ན། དེ་གའི་ཉེས་ཆད་འཕར་མ་འཁུར། ངོས་མི་ལེན་ན་ཚོགས་ཀྱི་དབུས་སུ་དག་འདོན་བྱེད། ལེགས་བཤད་གླིང་དང་དགེ་སྐོས་སོགས་སྣེ་མོ་བ་རྣམས་རང་འདོད་ཕྱོགས་ཆ་ཉེ་རིང་དུ་མ་སོང་བས་སྒྲིགས་གནོན་དགོས་ཤིང་། (༣༢ན)
དེ་ཁའི་རྒྱབ་གཉེར་གང་དགོས་འཕྲལ་དུ་རྒྱལ་གཉེར་པས་བྱེད་པ་དང་། གཙོ་བོར་ཆོས་སྐྱོང་བསྲུང་མ་མཐུ་རྩལ་ཅན་གྱི་ལེགས་པ་ལ་བྱ་དགའ་དང་ཉེས་པ་ལ་ཚར་གཅོད་ཀྱིས་འཕྲིན་ལས་གཡེལ་བ་མེད་པར་མཛོད་ཅིག །ཅེས་ཆོས་འཁོར་རྒྱལ་གྱི་ཁྲིམས་ལྡན་འདུས་པའི་སྡེ་རྣམས་ཀྱི་ཁྲིམས་སུ་བཅའ་བ་ལག་ཏུ་བླང་བདེ་བ་འདི་ཡང་སྔར་ཤིང་བྱ་ལོ་བྲིས་པར་བཟོ་བཅོས་བགྱིས་ཏེ་ལྕགས་མོ་ཡོས་ལོ་ཆུ་ཤེལ་གྱི་དབང་པོ་སྨིན་དྲུག་གིས་ཉ་བའི་ཕྱོགས་སྔ་མའི་དགའ་བ་དང་པོའི་ཚེས་ལ་བྲིས།

ལྔ་པ་ཆེན་པོ་རྒྱ་ནག་ཏུ་ཞབས་སོར་བཏེག་པ་ནས་ཡར་གངས་ལྗོངས་སུ་མ་འབྱོར་གྱི་བར་སྒར་སྤྱི་སྒེར་མཐའ་དག་གིས་སྤང་བླང་དུ་བྱ་བའི་བཀའ་ཡིག

― GLG020_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

པཱ དཱ ཡུ ཀྵཱ ཙ ཀྲ ཙ སཱ རིཾ ཙ བིི ཙི ཏྲ བྷ བྟ ཤཱ ནྟ མཽ ལི མ ལཾ བཱ ད ཤ བ ལྱཱ། ཞབས་ཟུང་འཁོར་ལོའི་རི་མོ་རྣམ་བཀྲ་བ། །སྲིད་ཞིའི་ཅོད་པན་ལ་འཆང་སྟོབས་བཅུའི་རྩལ། །ཤྟཱ རཱ ཀྲ མྱཾ ར ཏ ནི རཱ བྷ ག ཙ དྷ རྨ ཤཱ ཀྱ སི དྷཱ ཙཱ བྷ ཡ བཱ རཾ ཀྲི ཛ ཡ ནྟུ། ལྷུན་གྲུབ་ཆོས་ཀྱི་འཇིགས་པ་མེད་པའི་སྒྲ། །སྒྲོག་མཛད་ཤཱཀྱ་སེང་གེ་རྒྱལ་གྱུར་ཅིག །མཚམས་སྤྲིན་ལང་ཚོ་དར་བའི་འཇོ་སྒེག་ལ། །ཤེས་(༣༢བ)

― GLG020_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་ཐམས་ཅད་གཟིགས་མོར་ཚར་དངར་བའི། །འཇམ་དབྱངས་མཁྱེན་པའི་འོད་སྟོང་འདི་སྤྲོས་ཚེ། །མི་ཤེས་མུན་པའི་སྨག་རུམ་དེ་ག་རེ། །བཀའ་དང་བསྟན་བཅོས་གཞུང་ལུགས་གངྒཱའི་རྒྱུན། །ཉོན་མོངས་དྲི་མ་འཁྲུད་པའི་གདམས་ངག་ཏུ། །ལེགས་ཤར་ལྷ་ཆོས་བདུན་ལྡན་བཀའ་གདམས་པ། །སྔོན་མེད་སྐལ་ལྡན་ཤིང་རྟ་འདི་སུས་བསྐྲུན། །ཆོས་ཀུན་གཟིགས་པའི་བློ་གྲོས་མིག་སྟོང་ཅན། །སྐལ་བཟང་འཆི་མེད་རྣམས་ཀྱི་མགོན་གཅིག་པུ། །ཆོས་ཀྱི་རྒྱལ་པོ་གྲགས་པའི་མུ་ཁྱུད་ཅེས། །ས་གསུམ་འགྲོ་བའི་མཆོད་སྡོང་རྒྱལ་གྱུར་ཅིག །འདི་ན་བླང་དང་དོར་བྱའི་པད་དཀར་ཚལ། །ཚིག་དོན་ཉིན་མོར་བྱེད་པས་ལེགས་བསྐྱངས་པའི། །སྤང་བླང་འཛད་མེད་སྦྲང་རྩིའི་བཅུད་མྱངས་པས། །དོན་ལྡན་རྐང་དྲུག་གླུ་དབྱངས་དར་དིར་སྒྲོག །ཅེས་བཀྲ་ཤིས་པའི་ཚིག་གིས་སྔུན་བསུས་ཏེ། རྒྱ་གར་བ་རྣམས་ནནྡི་ཞེས་དགའ་བར་འབོད་ཅིང་། རྒྱ་ནག་དབང་ཐང་དང་བསྟུན་པ་བོད་སྐད་དུ་བསྒྱུར་བ་ཆུ་ཕོ་འབྲུག་གི་ལོར། གནམ་ཀྱིས་བསྐོས་པ་སའི་ཚངས་པ་འཇམ་དབྱངས་གོང་མ་རྒྱལ་པོའི་ཕོ་བྲང་ཆེན་པོར་བཏེག་པ་ནས་བཟུང་། ཡར་དབུས་གཙང་ནོར་འཛིན་གྱི་ཐིག་ལེར་མ་འབྱོར་གྱི་བར་དུ། སྒར་སྤྱི་སྒེར་མཐའ་དག་གིས་སྤང་བླང་དུ་བྱ་བ་དྲན་ཐོར་བཀོད་པ་ལ། མདོ་སྔགས་ཀྱི་གྲྭ་ཚང་སྡེ་ཚན་དུ་བཅད་པ་བདུན་པོ་རྣམས་ཡུལ་དུས་དང་བསྟུན་པའི་སྤྱིར་བཏང་དམིགས་བསལ་གྱི་བླང་དོར་དགོས་པ་བྱུང་ན་མ་གཏོགས། དངོས་གཞི་གྲྭ་ཚང་སོ་སོའི་སྔར་བབས་ཀྱི་སྒྲིག་ཀུན་སྤྱོད་དང་བསྟུན་པ་སྟར་ཆུག་མཛད་པས་འཐུས་ཤིང་། དྲུང་འཁོར་བླ་མ་སློབ་དཔོན་ནང་སོ་རྣམ་པ་དཀྱུས་མ་ལས་ཚན་ཡོད་མེད་རྣམས་དང་། དྲུང་འཁོར་དུ་མི་གཏོགས་པའི་གཞུང་སྒེར་གཡོག་གི་རིགས་བཙུན་གཟུགས། བན་མ་ཧོར་སྐྱ་བོ་སོགས་མཐའ་(༣༣ན)

― GLG020_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

དག་གིས་ཀྱང་སྤྱོད་ལམ་རང་དྲན་སྒར་གྱི་ཞབས་འདྲེན་དུ་མ་སོང་བ་ཞིག་དགོས་གལ་ཆེ་བ་ནས། དེའང་ཆོ་འཕྲུལ་ཆེན་པོའི་དུས་ཀྱི་སྨོན་ལམ་དང་། སྒར་བྱིངས་ལ་གཞན་གྱི་ཚོགས་གསོག་རྙེད་བཀུར་བྱུང་བའི་ཚེ་ཆོས་འཁོར་གླིང་པ། མངའ་དྭགས་གཉིས། ར་བ་སྟོད་པ་དང་བཅས་པའི་མཚན་ཉིད་ཀྱི་གྲྭ་ཚང་བཞི་པོ་ཚོགས་པའི་མཇུག་ཏུ་གྲལ་མཚམས་བཞག་པའི་ངོས། དྲུང་འཁོར་མ་ཡིན་པའི་གཞུང་སྒེར་གྱི་སྐྱ་སེར་མཐའ་དག་ཚོགས་གྲལ་དུ་སྒྲིག །གྲྭ་ཚང་རྣམས་ལ་འཇུག་སྔ་ཕྱི་སྣ་ཚོགས་འདུག་ནའང་། ད་ལམ་ཁག་བཞི་ཀ་ཉུང་བསྡུས་ལས་ཡོངས་རྫོགས་མིན་ཅིང་། དེ་ཁྲོད་ནས་ལེགས་བཤད་ཆོས་འཁོར་གླིང་པ་གྲ་ཚོགས་ཆེ་བ་འདུག་པའི་སྟབས་ཀྱིས་དབུ་མཛད་དུང་མཁན་ཆོས་འཁོར་གླིང་པས་བྱེད། དགེ་སྐོས་ཀྱི་ཚབ་ཀྱི་སྒྲིགས་གནོན་ཁྲིམས་པ་གཉིས་ཀྱིས་བྱེད། འདིའི་སྐབས་ཚོགས་དབུར་བསྔོ་བ་བླ་མ་དགོས་པ་བྱུང་ན་ཁྲིམས་པ་རྒན་པ་འདུལ་བ་ཆོས་རྗེས་བྱེད། རྣམ་གཞག་གཏོང་་དགོས་ཁྲིམས་པ་གཉིས། དབུ་མཛད། དུང་མཁན་རྣམས་དང་། ཁྲིམས་པ་གཞོན་པ་གཉིས་སུ་ཐུན་མོང་དུ་རྣམ་གཞག་གཅིག་གཏོང་། གྲྭ་ཚང་བཞི་རང་ཚོགས་པའི་དུས་སུ་ཆོས་འཁོར་གླིང་པས་གྲལ་དབུ་་དང་། དགེ་དབུ་མཛད་དུང་མཁན་ཇ་མ་རྣམས་བྱེད། དྲུང་འཁོར་གང་ཡིན་ཡོལ་སྐོར་འགག་ཏུ་ཚོགས་པར་མང་འགྱེད་ཀྱི་སྐལ་བ་གཏོང་། དེ་མཚུངས་ཕན་བདེ་ལེགས་བཤད་གླིང་པ་རྣམས་རྒྱུན་གྱི་བསྐང་གསོ་རྣམ་གྲངས་མང་བ་དང་རྒྱུད་པ་ཁག་གཉིས་ཀྱང་གསང་འདུས་གསུང་པ་སྦྱིན་བདག་ཚོགས་རྫོགས་པར་འདུག་པས་སྔགས་གྲ་ཁག་རྣམས་ལ་ཡང་སྐལ་བ་གོང་མཚུངས་སུ་སྐྱེལ། གཞུང་གི་ཐབ་ཏུ་སྐོལ་བའི་ཇ་རྣམས་གཏོང་བའི་དོ་དམ་པ་ཁྲིམས་པས་བྱེད། སྨོན་ལམ་སྐབས་ཀྱི་མཆོད་དབྱངས་པ་མཚན་(༣༣བ)

― GLG020_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་གྲྭ་ཚང་ཁག་བཞི་ནས་རེ་རེ་བྱེད། དགོངས་མོ་སྨོན་ལམ་གྱི་སྐབས་མདོ་སྔགས་ཀྱི་གྲྭ་ཚང་ཐམས་ཅད་བསྲེས་ནས་འཚོག །དྲུང་འཁོར་རྣམས་ཚོགས་པའི་དུས་སུ་སྐྱབས་འགྲོ་སེམས་བསྐྱེད། སྐབས་གསུམ་མ། ས་གསུམ་མ། སྐུ་སྟོད་ལྔ། བརྟན་བཞུགས་སྨོན་ལམ་ལྔ། ཟ་མདོ། སྒྲོལ་མ་ཤེས་རྙིང་རྣམས་འདོན། ་འགྲུལ་གྱི་སྐབས་སྒར་གྲོལ་མེད་པའི་སྔ་ཕྱི་སྣ་ཚོགས་ཡོད་པ་དང་། ཆར་ཆེན་པོ་བབས་པ་སོགས་ཀྱི་་དུས་མ་ཡིན་པའི་ཚེ། དགོངས་མོ་འཁར་རྔའི་བརྡ་དང་བསྟུན་ཉེར་ལེན་བྱེད་དགོས་ཀྱི་རིགས་མ་ཡིན་པའི་དྲུང་འཁོར་བྱིངས་ཚོགས་ཡུལ་ཁྲིམས་པའི་ངག་བཀོད་ལྟར་ཚོགས་པའི་སྒྲོལ་འདོན་རྒྱས་བསྡུས་སྐབས་སྦྱར་བྱེད། དལ་ཚོགས་སྐབས། གཞོགས་སྙེས། རྐང་པ་རྐྱོང་པ། ངན་མཚང་འདྲུ་བ། གཏམ་ཆོལ་མི་མཛེས་པ་སྣ་ཚོགས་སྨྲ་བ། ཤགས་ཧ་གད་ཆེན་པོ་སོགས་མི་བྱེད། གུར་གྲལ་གྱི་ནང་སྒྲིབ་གཡོགས་ཀྱིས་སྐྱོར་བ་མེད་པར་རྐྱང་ཉལ་རྐང་པ་རྐྱོང་བ། ཀོ་བ་མཉེད་པ། རྡོག་པ་རྒྱག་པ། ཐག་སྐུད་ཡོག་པ། འཛིང་རྒྱག །སྐད་རྒྱང་གཏོང་བ། ཀུ་དང་བཤུ་རྒྱག་པ། གོས་གཟན་ཕུད་ནས་གཅེར་བུར་སྡོད་པ་སོགས་སྤྱོད་ལམ་མི་མཛེས་པའི་རིགས་མི་བྱེད། ཐ་མ་ཁ་འདི་མྱོས་འགྱུར་དྲི་ངན་གྱི་རིགས་སུ་འདུག་པས་སྒར་ཕྱི་ནང་གང་དུ་སྐྱ་སེར་སུས་ཀྱང་མ་འཐེན་གལ་སྲིད་འཐེན་པ་མཐོང་ཐོས་བྱུང་བ་རྣམས་ཀྱིས་ཁྲིམས་པར་བབས་པའི་ཆད་པ་གནྡྷོ་ལའི་དྲུང་དུ་མར་ཁལ་གཉིས་ཀྱི་དཀར་མེ་དང་། ཡོལ་སྐོར་འགག་ནས་བརྒྱ་ཕྱག་འབུལ། མཐོང་ཐོས་བྱུང་བ་ལ་སྦས་གསང་བྱས་ཀྱང་ཆད་པ་གོང་ལྟར་སྒྲུབ། སྒར་པ་མ་ཡིན་པའི་བོད་སོག་གི་རིགས་ལ་སྒར་གྲལ་ནང་དུ་འཐེན་ས་མེད་པའི་བརྡ་སྦྱོར། སྒར་སྒོ་གསུམ་པོ་མ་གཏོགས་གུར་སོ་སོའི་བར་ནས་ཕྱི་མའི་རྒྱུ་(༣༤ན)

― GLG020_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུལ་བྱེད་དུ་མི་འཇུག །གུར་གྲལ་ནང་དུ་རྟ་དྲེལ་གློད་ནས་འཇོག་པ། རྟ་བཞོན་པ། གནག་ལུག་བསྟེན་པ་སོགས་མི་བྱེད། མཇལ་ཁ་ཞུ་མི་མང་བའི་སྟབས་ནག་ཁྲིམས་ལ་གནང་བ་འཕྲལ་ལེན་པ་ཞིག་མི་ཡོང་འདུག་པས་ཞོགས་པ་ཉི་མ་ཁ་དྲོས་ནས་བཏང་། དགོང་མོ་ཉི་མ་བཞུད་པ་དང་གཅོད་མཚམས་བྱེད། དཀྱིལ་སྒར་སྐོར་ལམ། མགྲོན་གུར་མ་གཏོགས་གཞན་མ་ཕྱག་མཛོད་གཉེར་ཚང་གིས་གཙོས་སོ་སོའི་གུར་ལ་རྒྱུ་འགྲུལ་མི་བྱེད་ཅིང་། གལ་སྲིད་ཁ་ཏ་ངོ་ཤེས་ལྟ་བུའི་འགྲོ་དགོས་བྱུང་ན་ཁྲིམས་པ་ལ་གནང་བ་བཞུ། གཞུང་སྒེར་ཐམས་ཅད་ནས་བུད་མེད་ཀྱི་རིགས་སྒར་དུ་བཟོ་ཚེམ་ལ་མི་འབད། ནང་མཆོད་དང་སྨན་རྟ། བུར་ཆང་ཕྲན་དུ་ལེན་དགོས་བྱུང་ན་ཁྲིམས་པར་གནང་བ་ཞུ་ཞིང་གཞན་མ་ཆང་གི་འགྲིམ་འགྲུལ་མི་བྱེད། སྒར་གྲ་སྒྲིག་ལུགས་སྒར་ཐོའི་ནང་བཞིན་བྱེད། ཅ་པོ་གནངས་ཆེ་ཆུང་གང་འདྲ་ཞིག་རྙེད་ཀྱང་ཁྲིམས་པ་ལ་བརྡ་སྤྱར་བའི་སྤྲོད་ལུགས་མ་གཏོགས་སྦས་བསྐུམས་མི་བྱེད། རྟ་དྲེེལ། སྒྲོག་རྐེ་ཐིག །མཐུར་མགོ་སོགས་གང་ལ་ཡང་བསམ་ལོག་གི་རྐུན་མ་མི་བྱེད། སྒར་འདེགས་པའི་དུས་ཅ་ག་ཐག་པ་གཙོ་བོར་བཏོན་པའི་རང་གང་དྲན་བྱེད་ས་མེད་པས་རོལ་ཆ་དང་པོ་ལ་གཡས་སྒར། གཉིས་པ་ལ་དཀྱིལ་སྒར། གསུམ་པ་ལ་གཡོན་སྒར་རྣམས་རིམ་གྱིས་འགྲིམ། ཉིན་རྗེས་མ་ལ་གཡས་གཡོན་གོ་བརྗེས་རི་མོས་ཀྱིས་འགྲིམ། ལམ་འཕྲང་དོག་སར་ལྔ་རིམ་གྱིས་འགྲོ་བ་མ་གཏོགས་ཤེད་ཁྱེར་དང་མི་དཔུང་གྲ་སྡེབ་ས་ཀྱིས་སྔ་མ་ལ་སྦུད་དང་འཚང་ཀ་མི་བྱེད། སྒེར་གྱི་ཕོགས་ལེན་ཡིན་ཕྱིན་མི་ནག་པ་ཡིན་ཀྱང་གྲི་རིང་དང་སག་ཐག་འདེགས་པ། མེ་མདའ་འཁྱེར་བ། རི་དྭགས་ལ་གནོད་(༣༤བ)

― GLG020_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

འཚེ་སོགས་མི་བྱེད། སྒར་དང་ཆིབས་རགས་ཀྱི་ཉེ་སྐོར་ལ་སོག་པོས་ཀྱང་རི་དྭགས་མི་གསོད་པའི་བརྡ་་སྦྱོར། གལ་སྲིད་བྱས་པ་བྱུང་ན་འོག་རྟ་ལེན། དཔྱད་དངོས་ཁྲག་ཆགས་སོགས་སྦས་བསྐུམས་བྱས་པ་བྱུང་ན་རྩད་གཅོད་དོས་དྲག་བྱས་ངོས། ངོ་བོ་ལ་དེ་གའི་རྩིས་ཀྱི་ཆད་པ་དང་། བདག་པོ་ལ་ངོ་བོ་ཐེ་བའི་སུམ་འཇལ་བསྒྲུབ། ཡོལ་སྐོར་ནང་དུ་སྡོད་འོས་མི་འོས་ཀྱི་བཀག་སྡོམ་མགྲོན་གཉེར་དང་སྡོམ་གཅོད་པས་བྱེད། གྲལ་སྒྲིག་པའི་དོ་དམ་མགྲོན་གཉེར་གྱིས་གྲལ་ཡིག་ཟུར་གསལ་ལྟར་བྱེད་དགོས་ལ། མགྲོན་གཉེར་ཆུང་བས་གོ་རིམ་མ་ལོག་པ་བཏང་ངོས། མགྲོན་གཉེར་ཆེ་བ་རྣམས་ཀྱིས་རིམ་སྒྲིག་བྱེད་ཅིང་། སྔ་སླེབ་དང་འཚང་ཁ་མི་བྱེད། གྲྭ་ཚང་གཉིས་པོའི་སློབ་དཔོན་པའི་གྲལ་མགོར་གྲྭ་ཚང་གསར་པའི་སློབ་དཔོན་པ་དང་དགོན་ཆུང་གི་བླ་མའི་རིགས་བསླབ་པ་རྒན་ཡང་མི་སྐྱིལ། ཆོས་རྗེ། མཁན་པོ། སྤྲུལ་སྐུའི་རིགས་ལ་གདན་ཐོག །བདག་རྐྱེན་རྟོག་པ་བཅུག་ནས་བྱེད། བླ་མ་དྲག་རིགས་དང་ནང་སོ་རྣམ་པའི་གཡོག་མི་བབས་གོན་པ། རྟ་སྒ་ཆོས་སོགས་ནས་འགྲེ་ངེས་ཤེས་པ་གྲངས་བཅད་ཆིབས་རགས་ལ་ཕྱིན་ཆོག །དེ་ཕྱིན་སྒེར་གཡོག་གི་རིགས་ཆིབས་རགས་དང་དྲུང་སྒོར་གྱི་ཁྲོད་དུ་མི་བསྲེ། ཕྱག་མཛོད་དང་གཉེར་ཚང་སྐོར་གྱི་རྟ་བཞོན་དྲུང་འཁོར་མིན་པ་རྣམས་ཆིབས་རགས་ལས་རྒྱང་བཅད་ནས་འགྲོ། བྱང་ལམ་འགོལ་སར་ཆིབས་རགས་ཀ་དཔེ་མ་མི་སྒྲིག །གལ་ཆེ་སར་མགྲོན་གཉེར་གྱིས་ཆིབས་རགས་སྒྲིག་པའི་བརྡ་བྱུང་བསྟུན་གོ་རིམ་མ་འཁྲུལ་བར་ཆིག་སྦྲེངས་མ་གཏོགས་ཉིས་གཤིབས་སོགས་སྣ་ཚོགས་མི་བྱེད། མགྲོན་གཉེར་རྣམས་ཀྱིས་མཇལ་ཁ་ཞུ་མི་འདི་བཞིན་ཡོད་ཚུལ་མ་བྱུང་ན་གལ་ཆེ་ཆུང་དང་བདག་རྐྱེན་གདན་བཟོས་ཟོམ་(༣༥ན)

― GLG020_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་ཡོད་འདུག་པ་ནས། མགྲོན་གཉེར་ཆུང་བ་རྣམས་ཀྱིས་འཕྲལ་་འཕྲལ་ཉེ་ལེན་རྟོག་འཇུག་བྱས་པའི་མི་རིགས་དང་ཁ་གྲངས་འདི་ཙམ་འདུག་མགྲོན་གཉེར་ཆེ་བ་བརྒྱུད་པའི་གཞོགས་སུ་གཏུག་དགོས་དང་སྐུ་ཚབ་ཚོར་འཕྲོས་གཏོང་དགོས་གོ་རིམ་མ་ལོག་པ་བྱེད། མགྲོན་གཉེར་ཆེ་ཁ་ལ་འཕྲོས་མ་བཏང་བར་མགྲོན་གཉེེར་ཆུང་བས་རྐང་མགྱོགས་སྟབ་འགྲོས་མ་བྱེད། མགྲོན་གཉེར་ཆེ་བ་རྣམས་ཀྱིས་མཇལ་མི་འདི་ཙམ་ཡོད་རིམ་གཏོང་གིས་ཟེར་བའི་བཀོད་པ་སྡོམ་གཅོད་པར་བྱས་པ་བཞིན་སོར་གནས་བྱེད། ཉུང་ཇ་ཁང་དུ་ལས་བྱེད་བརྒྱད་དང་དམིགས་བསལ་མ་གཏོགས་དྲག་ཞན་སུས་ཀྱང་འགྲིམ་འགྲུལ་མི་བྱེད། དེའི་སྐྱོན་གནོན་དགོས་པ་ནོར་བུས་བྱེད། གཞུང་གིས་འདོགས་ཁྱི་གྲངས་བཅད་མ་གཏོགས་སུས་ཀྱང་ཁྱི་མི་གསོས། བཙུན་གཟུགས་ཡིན་ཕྱིན་གྲི་རིང་སྐྲ་རིང་མི་བྱེད། གུར་གཡབས་ཀྱི་ཀ་ཚབས་ལ་མདུང་དང་ཀྲིང་རྐང་མི་རྒྱག །ཤ་པགས་གུར་ཐག་དང་ཤིང་སྒྲོམས་ལ་མི་འགེལ། སེར་མོ་བ་རྣམས་ཀྱིས་གྲང་ངེས་ཤེས་པའི་དུས་མ་གཏོགས་ཕྱུ་པ་དང་རྩག་པ་མི་གོན་ཞིང་བོད་ལུགས་ཀྱི་བཙུན་ཆས་བག་དང་ལྡན་པ་བྱེད། གདན་གུང་མ་འཐེན་རིང་དང་དགོངས་མོ་ངག་འདོན་ལ་ཚུགས་ནས་དྲུང་འཁོར་ནང་ལ་ཡོང་བཞིན་པ་རྣམས་མ་གཏོགས་ཡོལ་སྐོར་ནང་ལ་མི་ཡོང་། རོལ་ཆ་བ་རྣམས་རོལ་མོ་བསླབ་སྦྱང་བྱེད་པ་ལས་གཞན་སུས་ཀྱང་པི་ཝང་སྒྲ་སྙན་རྩེད་མོ་བག་ཡངས། དཀྲུག་སྡེབ་གྲོས་ངན་ཕྱར་ཀ་འདོགས་པ་སོགས་མི་བྱེད། ཕན་ཚུན་འབོད་ཕྱོགས་ཀྱང་དྲག་ཞན་སོ་སོའི་ཐོབ་ཐང་་དང་བསྟུན་པ་སྙན་ཕྱོགས་ནས་འབོད་པ་མ་གཏོགས་མིང་ངན་དང་བརྗོད་བྱ་མི་ལེགས་པའི་རིགས་ནས་མི་འབོད། ཕན་བདེ་ལེགས་བཤད་གླིང་པ། རྒྱུད་པ་ཁག་གཉིས་མ་གཏོགས་གཞན་མ་དམིགས་བསལ་མེད་པར་སྒར་(༣༥བ)

― GLG020_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་དུ་རྔ་ཆིངས་མི་བྱེད། མཚེར་ས་ས་མཁན་རྒྱུས་ཡོད་ཀྱིས་བྱས་པའི་རྩ་གང་བཟང་དང་བ་ཚྭ་ཆུ་འཁྱིལ་ཆུ་སོགས་མ་ཡིན་པའི་ཆུ་གང་བཟང་དུ་བབ་པ་མ་གཏོགས་གུར་པ་སོགས་ཀྱིས་འོས་མེད་རིག་དཔྱད་མི་བྱེད། ངེད་རང་ནས་ལས་ཚན་སོ་སོར་བསླབ་སྟོན་བྱས་པའི་རིགས་ལ་སྐུ་ཚབ་རྣམས་ཀྱིས་དྲི་བ་མ་བྱས་པར་སྒྱུར་བཀོད་མི་བྱེད། ཁྲིམས་པས་ཉེ་འགྱང་ཕྱོགས་ལྷུང་སྤང་ཞིང་། སྐུ་ཚབ་གསུམ་གྱིས་གཙོས་པའི་དྲག་ཞན་སུ་ལའང་མཛེས་ལམ་དུ་མ་སོང་བའི་སྒྲིགས་དྲང་འཐད་གནོན། དེའི་རྒྱབ་གཉེར་་དང་སྒྲིགས་ལ་བཟོས་འཇོག་བྱེད་མི་བྱེད་གྱི་རྟོག་འཇུག་སྐུ་ཚབ་རྣམས་ཀྱིས་བྱེད། ཕོགས་འགྱེད་སྟོན་མོ་སོགས་ལེན་སྐབས་ཐོ་ཐོག་ནས་མིང་རིམ་མཐོན་བཞིན་དུ་ཀུན་སྤྱོད་གང་ལེགས་ཀྱིས་ཡོངས་པའི་སྐལ་བ་ལེན་པ་ལས་འཚང་ཁ་ཤེད་སྤྱོད། སྐད་ཤུགས་ཁྲམས་གཉེར་གྱི་ངག་ལས་འགལ་བ་མི་བྱེད། ཐོ་གསལ་མེད་པར་ཁྲིམས་མགྲོན་སྡོམ་གཅོད་ཆིབས་འཆང་པ་སོགས་ལས་ཚན་སུས་ཀྱང་སྐལ་འཕར་མི་ལེན། དྲག་ཞན་ཐམས་ཅད་ཀྱིས་ཉིས་ལེན་མི་བྱེད། བཅའ་ཡིག་གི་འབྲུ་དོན་ལས་འགལ་བར་ཁྲིམས་པས་སྒྱུར་སྦྱང་ལང་ཕྱོགས་དྲག་ཞན་སུ་འདྲ་ཞིག་ལ་བྱེད་དགོས་བྱུང་ཡང་ཁ་ལན་ལག་ལེན་མི་སློག །སེར་མོ་བ་ཡིན་ཕྱིན་གོས་དཀར་གྱི་རིགས་དང་གོས་ཐུང་མི་གོན། གཉེར་ཚང་ཕྱག་མཛོད་སོགས་གཞུང་གི་ལས་ཚན་རྣམས་ཀྱིས་ཀྱང་སོ་སོའི་སྡེ་ཚན་དུ་གཏོགས་པར་ངན་རྒྱབ་ཁུ་འཛིན་བྱེད་པ་དང་། ཤེད་ཁྱེར་ལ་བརྟེན་པའི་སྣེ་མོ་བ་རྣམས་བྱེད་མི་བདེ་བའི་རིགས་མི་བྱེད། གྲྭ་ཚང་ཁག་བདུན་པོས་ཀྱང་གཞན་དག་་དང་བ་འདྲེན་པའི་ཆོས་མཐུན་གཙོ་བོར་མཛད་པ་ལས། སྒེར་གཞུང་གི་སྣེ་མོ་བ་རྣམས་ལ་རྩི་མེད་སོགས་ཨར་ཤེད་རྩིང་ཧྲལ་དུ་འགྲོ་བ་མི་བྱེད། གྲྭ་ཚང་ནང་ཁུལ་དུ་རྩོད་འགྲས་བྱུང་ན་སོ་སོའི་བཅའ་ཁྲིམས་(༣༦ན)

― GLG020_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དོན་ལྟར་བྱེད། ནང་ཚན་མ་ཡིན་པའི་ཟློས་པའི་རིགས་དང་། ཕྱོགས་ལངས་དཔུང་གྲ་སྡེབས་བྱས་པ་བྱུང་ན་ཉེས་བྱས་མི་གྲངས་དང་བསྟུན་ཆད་པ་རྟ་ཉི་ཤུ་ནས་གསུམ་གྱི་བར་སྐབས་སྦྱར་སྒྲུབ། ཕྱོགས་འགྲིལ་མ་ཡིན་པའི་སྨས་པ་ལ་སྨ་ཚབས་དང་བསྟུན་པའི་རྟ་གསུམ་བཞི་ནས་ནོར་ལུག་སོགས་སྐབས་སྦྱར། གྲི་བཏོན་པར་རྟ་ནོར་ལུག་གསུམ་གྱི་བར་སྐབས་སྦྱར། བསམས་བཞིན་དུ་རྟ་ཕྱུགས་ལ་བརྒྱབ་ནས་མིག་བཅར་བ། རྐང་ལག་བཅག་པའི་རིགས་ལ་ངོ་བོ་བཟང་ངན་དང་བསྟུན་པའི་རྟ་ནོར་གྱི་ཆད་པ་དང་ཚབ་ལོ་བ་སྤྲོད། སེམས་སྐྱོན་མ་ཆགས་པར་བྱ་རྡོ་ལམ་འཕྲད་ལྟ་བུའི་སྐྱོན་བྱུང་ན་ངོ་བོ་དང་མི་བབས་བསྟུན་པའི་སེམས་སྐྱོན་ཆགས་རིའི་དག་བསྐྱལ་རྗེས་ངོ་བོ་དེ་ཀའི་བཞི་ཟུར་སྤྲོད། སྐུ་ཚབ་གསུམ་དང་ལས་ཆན་སོ་སོས་གཞུང་དོན་དྲང་པོར་བསྲངས་པའི་བྱ་བ་བྱེད་དགོས་ཤིང་ལས་ཚན་སོ་སོའི་འོག་ཏུ་ཡོད་པ་རྣམས་ཀྱིས་འགོ་མིས་གང་ཟེར་ལ་ཉན་པ་ལས་འགོ་འོག་ཏུ་ལུས་མི་ཆུར་བའི་བྱ་བ་མི་བྱེད། སྐུ་ཚབ་གསུམ་གྱིས་གཞུང་དོན་དྲང་པོར་བསྲངས་པའི་བསླབ་བྱ་བྱས་པར་དྲག་ཞན་ཚང་མས་ཉན་འཇོག་བྱེད་དགོས་པ་སོགས་གན་རྒྱ་ཟུར་གསལ་ལྟར་སྤང་བླང་བྱེད། འདི་ནང་དུ་མ་འཐུས་པའི་གསར་སྐྱེས་ཀྱི་རིགས་བྱུང་ན་སླར་བཀོད་པ་སོ་སོ་ནས་ངེས་པ་གྱིས། ལེགས་བྱས་གསེར་ལྡན་ལྟེ་བར་གཡུར་ཟ་བའི། །རྣམ་སྨིན་དཀར་པོར་འཛག་པའི་ཨ་ཤཱཏྠ། །ཕན་བདེའི་ཡལ་འདབས་རྒྱས་པའི་གྲིབ་བསིལ་ལ། །ལུས་ཅན་ཀུན་གྱི་ངལ་གསོའི་གཞིར་གྱུར་ཅིག །ཅེས་ཆུ་ཕོ་འབྲུག་ལོ་ཉིན་ཕྱེད་དབང་པོ་འཁྲིག་པའི་ཁྱིམ་དུ་སྤྱོད་པའི་ཕྱོགས་སྔ་མའི་དབྱངས་ཨོ་འཆར་བའི་ཚེས་ལ་མཚོ་མོ་ར་བ་བཀྲ་ཤིས་སུམ་མདོར་སྒར་འབྱོར་ཐོག་བྲིས་པ་ཤྲེ་ཡནྟུ། །

སྐུ་འབུམ་བྱམས་པ་གླིང་གི་བཅའ་ཡིག་ཉུང་ངུ་རྣམ་གསལ་སོགས།

― GLG020_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

པ ངྐ སྭ བྷཱ བ མ དྷུ ར སྭ ར བཱི ཎ དྷ རྨྨཱིཿ སྐ ནྡ པྲ ཀུ ཎྜ ལ བ ར ཎྜ ཙ ཨ དྡྷུ ཏཱ གོ །ཆོས་ཕུང་རྒྱ་མཚོའི་རང་བཞིན་དབྱངས་སྙན་རྒྱུད། །རྨད་བྱུང་ངག་གི་ཡོལ་གོར་རབ་འཁྱིལ་བའི། །གྲི ཝྱ སྱ སཱ ར སི ཏི ཥཱ ཡ ས མྱ ད ཡ ཛྙ ཤྭ རྱ དེ བ སི ཏ ཡཙྪ ཙ མ ངྒ ལི ཀྱ། །མཚུངས་མེད་མཁྱེན་བརྩེའི་དབང་ཕྱུག་དབྱངས་ཅན་ལྷ། །མགྲིན་པའི་པདྨར་བཞུགས་ལ་ཤིས་པ་སྩོལ། །སྒྲིབ་གཉིས་ཚང་ཚིང་འཁྲིགས་པའི་ནགས་ཀྱི་ཀླུང་། །ཚོགས་གཉིས་བྱིན་ཟའི་ཕུང་པོས་རབ་བསྲེགས་པའི། །རྣམ་འདྲེན་དེའི་གསུང་དགེ་འདུན་བཅས་པ་རྣམས། །བྱང་ཆུབ་སྙིང་པོའི་བར་དུ་ཕྱག་གི་ཡུལ། །རྒྱལ་བའི་ཡབ་ཅིག་འཇམ་མགོན་བཙོང་ཁ་པ། །བསམས་བཞིན་མི་ཡི་སྲིད་པ་བཟུང་བའི་སར། །རྣམ་གསུམ་འཁོར་ལོའི་བྱ་བས་རབ་མཛེས་པའི། །འདུས་པའི་སྡེ་འདི་སྐྱེ་རྒུའི་བསོད་ནམས་ཞིང་། །འོག་མིན་དག་པའི་རིན་ཆེན་ཐེམ་སྐས་ལས། །ཉེར་བབས་སྤྲུལ་སྐུའི་སྒྱུ་འཕྲུལ་དྲ་བའི་གར། །བསྟན་ཚེ་(༣༧ན)

― GLG020_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་འགྱུར་འཆང་གི་ལུཾ་བིའི་ཚལ། །མདོ་སྨད་བཙོང་ཁའི་ཡུལ་དུ་འཕོས་པ་བཞིན། །རྒྱལ་ཀུན་མཁྱེན་པའི་འདབ་མ་རབ་རྒྱས་པར། །བརྩེ་བའི་འཛུམ་གྱིས་ཕན་བདེའི་བྷྲམ་རཿ། །བསུ་བའི་སྔོན་མེད་པད་དཀར་ཆུན་པོ་འདིས། །ཆུ་སྐྱེས་གཞན་ལ་གདུང་བའི་མདུད་པ་གྲོལ། །ཆེས་ཕྲའི་ན་ཚོད་སྒོ་ངའི་སྦུབས་རྒྱ་ནས། །གསང་གསུམ་མི་ཟད་འཁོར་ལོའི་སྐད་སྙན་ཅན། །ཀུན་མཁྱེན་ཀ་ལ་པིངྐ་འདི་མཐོང་ཚེ། །དམ་པར་རློམ་པ་ཕལ་ཆེར་ངུར་པའི་ཁྱུ། །སྲིད་ཞིའི་རྒུད་པ་རྨོངས་ཆེན་མུན་པའི་དཔུང་། །མཐར་བྱེད་དམ་ཆོས་སྣང་བའི་སྐྱ་རེངས་མ། །དཀར་མིན་འབྲས་བུའི་ཐུན་གསུམ་རྫོགས་པའི་མཐར། །འཆར་བའི་བྱེད་པོ་ཉིན་བྱེད་འདི་སུས་བསྐྲུན། །ཞིང་འདིར་མགོན་ཁྱོད་འཁྲུངས་པའི་ངོ་མཚར་གཏམ། །ཕུར་བུས་ཚིག་གི་འཕྲེང་བར་རབ་བསྒྲིགས་ཞིང་། །ཚངས་པས་ལོ་རྒྱུས་སྨྲ་བའི་དཀའ་ཐུབ་ལ། །བསྐལ་བརྒྱར་འབད་ཀྱང་རྫོགས་པའི་ཕ་མཐའ་ཅི། །དེ་ཕྱིར་བདག་བློའི་བུང་བའི་གཤོག་པ་ཡིས། །ལེགས་བཤད་གདེངས་ཅན་སྟོན་པར་ནུས་མིན་ཕྱིར། །དངོས་དོན་སྐུ་འབུམ་བྱམས་གླིང་འདུས་ཚོགས་ཀྱི། །ཆོས་ལྡན་ཁྲིམས་སུ་བཅའ་བའི་རིམ་པ་འདྲི། །ཞེས་ཤིས་བརྗོད་ཕྱག་བྱ་དངོས་པོ་ངེས་བསྟན་གྱི་ཚིག་སྙན་པོས་མདུན་བསུས་ཏེ་གླེང་བར་བྱ་བ་ལ། ཡོན་ཏན་རིན་པོ་ཆེ་སྡུད་པ་ལས། རྒྱལ་བའི་ཉན་ཐོས་པ་དག་ཇི་སྙེད་ཆོས་སྟོན་དང་། འཆད་དང་རིགས་པ་དག་དང་ལྡན་པར་བརྗོད་པ་དང་། མཆོག་འཕགས་བདེ་བ་བྱེད་དང་དེ་ཡི་འབྲས་ཐོབ་པ། དེ་དག་ཀུན་ཀྱང་དེ་བཞིན་གཤེགས་པའི་སྐྱེས་བུའི་མཐུ། ཞེས་གསུངས་པ་ལྟར། སྲིད་པ་དང་ཞི་བའི་ལེགས་ཚོགས་ཐམས་ཅད་ཀྱི་(༣༧བ)

― GLG020_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པོ་ནི་ཐུབ་པ་ཡང་དག་པར་རྫོགས་པའི་སངས་རྒྱས་ལ་རག་ལུས་ཤིང་། སངས་རྒྱས་རྣམས་ཀྱིས་འགྲོ་བ་འདྲེན་པའང་ལེགས་པར་གསུངས་པའི་བརྗོད་བྱ་ལུང་གི་བསྟན་པ་ཐོས་བསམ་གྱིས་གཏན་ལ་ཕབ། བརྗོད་དོན་རྟོགས་པའི་བསྟན་པ་ཉམས་སུ་ལེན་དགོས་བཞིན་དེ་ཚུལ་བཞིན་དུ་འཛིན་པ་དགེ་འདུན་གྱི་སྡེ་རྣམ་པར་དག་པ་ལ་བརྟེན་ནས་འབྱུང་བས། དེའང་སྔོན་ལྷ་བཙན་པོ་མེས་དབོན་རྣམ་གསུམ་སོགས་ཀྱི་འབངས་བོད་ཆེན་པོའི་རྒྱལ་ཁམས་སུ་གཏོགས་པ་ཤར་བཙོང་ཁའི་ཡུལ་གྲུར། དུས་གསུམ་རྒྱལ་བ་ཐམས་ཅད་ཀྱི་མཁྱེན་བརྩེ་ནུས་པའི་བདག་ཉིད་ཁམས་གསུམ་ཆོས་ཀྱི་རྒྱལ་པོ་བློ་བཟང་གྲགས་པའི་དཔལ། བསྟན་དང་འགྲོ་བའི་སྨན་ཡོན་དུ་སྤྲུལ་པའི་ཟློས་གར་བསྟན་པའི་ནོར་འཛིན་གྱི་གཞིར་ཙནྡན་གྱི་ལྗོན་པ་ལོ་འདབ་གཡུར་དུ་ཟ་བའི་སྟེང་དུ་དེ་བཞིན་གཤེགས་པ་སེང་གེའི་ང་རོའི་སྐུའི་སྣང་བརྙན་འབུམ་ཤར་བ་ལས་དད་ལྡན་གྱི་སྐྱེ་བོ་དུ་མས་མཐོང་བའི་གནས་དེར། ཆོས་སྡེ་ཞིག་ཚུགས་ན་ཤར་ཕྱོགས་རྒྱ་མཚོ་ཆེན་པོའི་མཐས་གཏུགས་པའི་བར་དུ་རྒྱལ་བ་བཙོང་ཁ་པ་ཆེན་པོའི་བསྟན་པ་འཕེལ་རྒྱས་འབྱུང་བའི་རྟེན་འབྲེལ་དུ་ཐམས་ཅད་མཁྱེན་པ་བསོད་ནམས་རྒྱ་མཚོས་ཞབས་ཀྱིས་བཅགས་ཤིང་གསུང་གི་སྣང་བ་བསྩལ་བར་བརྟེན་གསར་དུ་བསྐྲུན་པའི་སྐུ་འབུམ་བྱམས་པ་གླིང་གི་བཅའ་ཁྲིམས་ནི། དགེ་འདུན་སྤྱི་ལ་དགོས་པའི་ཁྲིམས་ཀྱི་རིམ་པ་རྒྱལ་བ་བཙོང་ཁ་པའི་བཀའ་འབུམ་ཐོར་བུར་བཞུགས་པའི་ཡི་གེ་གཞིར་བཞག །བྱེ་བྲག་དམིགས་ཀྱི་བསལ་བ། བླ་མ་ལས་ཐོག་པས་སྒྲིགས་བསྡམ་པ་སོགས་ཆོས་ལྡན་གྱི་བྱ་བའི་རིས་ལ་ཉན་འཇོག་མཐུན་རྐྱེན་དུ་འགྲོ་བ་མ་གཏོགས་ལོག་སྒྲུབ་མི་བྱེད། ནང་མཆོད་དང་སྨན་རྟ་མ་གཏོགས་དགོན་པའི་ནང་དུ་ཆང་མི་ལེན། གནང་(༣༨ན)

― GLG020_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

བ་མ་ཞུས་པར་བུད་མེད་མི་གཏོང་ཞིང་ཞག་ཏུ་མི་འཇོག །དགོན་པའི་སྒྲིགས་འགྲིམ་ཡིན་ཕྱིན་གཞི་བྱེས་ཚང་མར་ཕུ་ཐུང་དང་སྐྲ་རིང་གྲི་རིང་གློ་ཆ་འདོགས་པ་སོགས་འབགས་རེངས་ཀྱི་ཆས་སྤྲོས་པ་དང་། ཞྭ་སེར་མ་གཏོགས་ཞྭ་རིས་མ་གཅིག་པ་མི་གྱོན། ཚོགས་སུ་ལོང་གཏམ་སྨྲ་བ། བག་མེད་ཀྱི་སྤྱོད་པ་བྱེད་པ། གནང་བ་མ་ཞུས་པར་ཚོགས་སུ་མི་ཡོང་བ་མི་བྱེད། དཔོན་པོ་ཡུལ་ཚན་མཐུ་སྡེབས་སོགས་ལ་བརྟེན་པའི་ཆགས་སྡང་གིས་དཀྲུག་ཤིང་མི་བྱེད། དགོན་སྤྱིར་གནོད་པའི་ནང་གཏམ་ཕྱིར་བསྐྱེལ་མི་བྱེད། སོ་ནམ་སོགས་འཇིག་རྟེན་པའི་བྱ་བས་དམ་པའི་ཆོས་འདུལ་པ་སུན་དབྱུང་བ་མི་བྱེད། སྒྲིགས་དང་འགལ་བའི་རིས་ལ་བླ་མ་དགེ་སྐོས་སོགས་ཀྱིས་ཉེ་འགྱང་སྤངས་པའི་ཆད་ལས་བྱས་པ་ཚུལ་བཞིན་བསྒྲུབས་དགོས་ཤིང་། དེ་ལྟར་མི་སྒྲུབ་པ་དང་ངན་རྒྱབ་བྱས་པ་སོགས་ཆོས་སྡེའི་བསྟན་བཤིག་ཆེན་པོར་འགྲོ་བའི་རིས་ལ་གནས་དབྱུང་སོགས་ཆེ་ཆུང་བབ་ཐོབ་ཀྱི་ཆད་པ་འགེལ་ཞིང་། དེར་མ་བརྩིས་པ་བྱུང་ན་རྒྱབ་གཉེར་རྒྱ་སོག་ཀྱི་དཔོན་པོ་སུ་འོས་ཀྱིས་གྱིས། མདོར་ན་ཆོས་སྡེའི་སྒྲིགས་ཚུལ་ལྡན་དུ་བགྱིས་པ་དང་མ་བགྱིས་པའི་དཔང་པོ་དམ་ཅན་སྲུང་མ་རྣམས་ཀྱིས་མཛད་དེ་ཚར་གཅོད་རྗེས་འཛིན་གྱི་འཕྲིན་ལས་ཀྱི་སྒོ་ནས། ཆོས་སྡེ་ཆེན་པོ་འདི་ཉིད་ཇི་སྲིད་ཉི་ཟླའི་འོད་ཀྱིས་འཇིག་རྟེན་གྱི་ཁམས་སྣང་བར་བྱེད་པ་དེ་སྲིད་དུ་གནས་ཞིང་རྒྱས་པའི་མཐུན་དང་ལྡན་པར་གྱུར་ཅིག །ཕུན་ཚོགས་རྣམ་པར་དགེ་བའི་གྲུ་རྫིངས་ལ། །བརྟེན་ནས་ཀུན་མཁྱེན་ནོར་བུའི་གླིང་ཆེན་པོར། །རབ་བགོད་དོན་གཉིས་འདོད་དགུའི་དཔལ་འབྱོར་ལ། །(༣༨བ)

― GLG020_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་བ་མཐའ་དག་ལོངས་སུ་སྤྱོད་གྱུར་ཅིག །ཅེས་སྐུ་འབུམ་བྱམས་པ་གླིང་གི་བཅའ་ཡིག་ཉུང་ངུ་རྣམས་གསལ་འདི་ནི། སྐུ་འབུམ་ཆོས་རྗེ་གྲྭ་བུ་སློབ་དང་བཅས་པས་བསྐུལ་བའི་ངོར་འཇམ་དབྱངས་གོང་མ་རྒྱལ་བའི་ལུང་གིས། ཟཱི་ཐེན་ཏཱ་བཞིན། ཙི་ཙིའི་ཕཱོ། ཤཱི་ཝུའི་ཐེན་ཞཱ། ཤི་ཀྱིའུ། ཡི་ཐུང་བི་ཞི། ལྦཱཏ་ལཱ། ཏཱ་ལའི་བླ་མ་ཞེས། ནུབ་ཀྱི་ལྷ་གནས། ཆེས་དགེ་བ། བདེ་བར་གནས་པའི་སངས་རྒྱས། བཀའ་ལུང་གནམ་འོག་གི་སྐྱེ་འགྲོ་ཐམས་ཅད་བསྟན་པ་གཅིག་ཏུ་གྱུར་པ་འགྱུར་མེད་རྡོ་རྗེ་འཆང་རྒྱ་མཚོ་བླ་མར་གྲགས་ཤིང་། མིང་གཞན་ཟ་ཧོར་གྱི་རིགས་ལས་ཨ་ཝ་དྷཱུ་ཏཱི་པའི་བཙུན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེར་འབོད་པའི་ལྡུམ་བུ་པས། རྣམ་རྒྱལ་ཞེས་པ་ཆུ་སྦྲུལ་གྲོ་བཞིན་ཟླ་བའི་ཕྱོགས་ཕྱི་མའི་དགའ་བ་གཉིས་པའི་ཚེས་ལ། གནམ་སྔོན་ཞུན་མར་འཁྱིལ་འདྲའི་མཚོ་ཁྲི་ཤོར་རྒྱལ་མོའི་འགྲམ་ནས་བྲིས་པ་ཛཡནྟུ།དབང་དྲག་པདྨ་དྲག་པོ་ཧེ་རུ་ཀའི། །སྣང་བ་སྒྱུ་འཕྲུལ་དྲ་བའི་རོལ་གར་ལ། །ཞེན་པའི་ང་རྒྱལ་དཔའ་གདེངས་རབ་འཆང་བ། །གང་ཤར་རང་གྲོལ་དྲག་རྩལ་རྡོ་རྗེ་ཡིས། །སྣང་སྲིད་ལྷ་སྲིན་སྡེ་བརྒྱད་དྲེགས་པའི་ཚོགས། །ཁྱད་པར་རྟ་ར་ཤག་ཆེན་ཁང་པའི་ནང་། །གནས་པའི་འདྲེ་དང་ཕྱི་ནས་རྒྱུ་བྱེད་པའི། །ལུས་མེད་རྣམས་ལ་རྡོ་རྗེའི་འཕྲིན་འདི་སྤྲིངས། །སྐྱེ་བར་ཕན་བཏགས་ཕ་མར་མ་གྱུར་པའི། །འགྲོ་བ་མེད་ཕྱིར་གནོད་བྱའི་ཡུལ་མ་(༣༩ན)

― GLG020_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། །ཀུན་རྫོབ་འཁྲུལ་ངོར་གནོད་བྱ་གནོད་བྱེད་ཀུན། །དོན་དམ་སྟོང་པའི་དབྱིངས་སུ་སྒྲུབ་པ་མེད། །ཁྱེད་རྣམས་སྔོན་ཚེ་ཞེ་སྡང་རང་རྒྱུད་ཀྱི། །དབང་བསྒྱུར་གཞན་གནོད་འཚེ་བ་མང་བྱས་པས། །འབྲས་བུ་མི་བསྲུན་འབྱུང་པོའི་ལུས་ཐོབ་པའི། །ཚུལ་འདི་སོམས་ལ་སྡིག་སྤོང་དགེ་བ་སྒྲུབས། །ཁྱད་པར་གནང་རིགས་རྗེས་སྦྱངས་འགྲོ་བའི་གཉེན། གསོ་རིག་གཞུང་ལུགས་འཛིན་པའི་བྱང་ངོས་པ། །ནང་སོ་དར་རྒྱས་མི་ནོར་འཁོར་བཅས་ལ། །བར་ཆད་གནོད་ཅིང་འཚེ་བའི་རིགས་མི་བྱེད། །གལ་སྟེ་བསམ་ངན་སྦྱོར་བ་རྩུབ་གྱུར་ན། །རྫས་ཀྱི་མདའ་ལ་སྔགས་ཀྱི་དར་བཏགས་བཞིན། །ཏིང་འཛིན་ཡེ་ཤེས་འབར་བའི་རྡོ་རྗེ་ཡིས། །མགོ་ལུས་ཚལ་པ་བརྒྱར་ནི་འགས་པ་དང་། །ཡེ་ཤེས་སྡིག་པ་ནག་པོ་མགོ་དགུ་པ། །བཅོ་བརྒྱད་རྭ་དང་ལྡན་པས་ཁྱོད་རྣམས་ཀྱི། །སྙིང་ཁྲག་ཧུབ་ཀྱིས་འཐུང་བ་པདྨའི་བཀའ། །དམ་ཚིག་འགྱུར་མེད་ཐོག་ལྟར་བབ་ཏཱ་རེ། །དེ་སྐད་མེ་སྤྲེལ་ཧོར་ཟླ་བཅུ་གཅིག་པར། །ཡོངས་སུ་གྲགས་པ་དགའ་ལྡན་ཕོ་བྲང་ཞེས། །རིག་སྔགས་གྲུབ་པའི་བརྟུལ་ཞུགས་འཆར་བའི་གནས། །དབང་དྲག་འབར་བའི་གཞལ་ཡས་ཁང་ནས་བྲིས། །རང་སེམས་འཁྲུལ་པའི་དུག་གསུམ་ལས་སྐྱེས་པའི། །སྒྱུ་མའི་སེང་གེ་ཁྲོས་འདྲའི་ལྷ་མ་སྲིན། །སྡེ་བརྒྱད་བྲན་འཁོར་མངག་གཞུག་བཅས་པ་རྣམས། །སྔགས་འཆང་བཞད་པ་རྩལ་གྱི་གཏམ་འདི་ཉོན། །ཨ་ཆི་ཐུ་ཞེས་བྱ་བ་འདི་དག་གི །མི་ནོར་གཡོག་འཁོར་ཕྱུག་དང་བཅས་པ་ལ། །གནོད་འཚེ་སྤོངས་ལ་མཐུན་རྐྱེན་སྒྲུབ་པར་གྱིས། །དགེ་བ་བླ་མེད་བྱང་ཆུབ་མཆོག་ཏུ་བསྔོ། །གུ་ཧྱེ་ས་མ་ཡ། །

གོང་ར་ངེས་གསང་རྡོ་རྗེ་གླིང་གི་ཁྲིམས་སུ་བཅའ་བའི་རིམ་པ།

― GLG020_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

ཀཱ ཤ ངྻཱུ ཏི པྲ བྷུ ཁ བི དྨ མ བ ཛྲ ཧྲྀ ནྡེ རཱ དྷོ ག རུ དྲ ཤི བ ལ ཀྱ མ ཡ སྱ ནི རྟི། མཁའ་ཁྱབ་འོད་གསལ་རང་རིག་རྡོ་རྗེ་སེམས། །ལྷུན་གྲུབ་འཇའ་ཟེར་ཞི་ཁྲོ་སྒྱུ་དྲའི་དགར། བཻ ལཱལི ཏཱ ཀ རུ ཎ ཨ དྡྷུ ཏ ཙི ཏྟམ དྷྱཱ བ དྨཱ ཀ རཱ དྱ ན ང ག ཏྱ ཡཱ ཙ དཱ ལ། །མ་སྨད་ཐུགས་རྗེའི་རྣམ་རོལ་པདྨ་འབྱུང་། །སྙིང་དབུས་ཡེ་ནས་འབྲལ་བ་མེད་དེས་སྐྱོངས། །དཔལ་ལྡན་ཀུན་བཟང་མ་དྲོས་མཚོ་ཆེན་ལས། །ཐེག་མཆོག་ཆུ་བོ་ཀུན་འབབ་འཁྱིལ་བའི་གཞི། །རྣམ་གསུམ་ཡོ་གའི་བཀའ་བབས་རིག་འཛིན་དང་། །བོད་ཡུལ་གྲུབ་བརྙེས་རྗེ་འབངས་ཉེར་ལྔ་རྒྱལ། །མདོ་སྒྱུ་སེམས་ཕྱོགས་སྲོལ་འཛིན་སོ་ཟུར་གནུབས། །ཆེས་དངར་མཁའ་འགྲོའི་ཁ་རླངས་འཐུལ་བའི་གཏེར། །སྤེལ་མཛད་ཉང་རལ་ཆོས་ཀྱི་དབང་ཕྱུག་སོགས། །སྔ་འགྱུར་བསྟན་པའི་ཉིན་བྱེད་རྣམས་ལ་འདུད། །སྒྲིབ་གཉིས་སྲོག་རྩ་བཅད་པའི་ཁྲག་རྒྱུན་གྱིས། །རབ་མྱོས་ཞི་ཁྲོ་ཀུན་འདུས་བཀའ་བརྒྱད་ལྷ། །(༤༠ན)

― GLG020_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་གཏེར་སྙིང་པོའི་བསྟན་སྐྱོང་རལ་གཅིག་སོགས། །བཀའ་སྲུང་དམ་ཅན་རྒྱ་མཚོས་ལས་ཀུན་སྒྲུབས། །ངེས་དོན་ཟབ་གསང་རྡོ་རྗེ་སྙིང་པོའི་ལམ། །ཐེག་ཀུན་རྩེར་བགྲོད་ཨ་ཏིའི་རྣལ་འབྱོར་མཆོག །བསྒྲུབ་པའི་རིག་འཛིན་གླིང་གི་བླང་དོར་གྱི། །ཁྲིམས་སུ་བཅའ་བའི་རིམ་པ་འདི་ལྟར་རོ། །ཞེས་ཤིས་པ་བརྗོད་པའི་ཚིག་གིས་སྔུན་བསུས་ཏེ་ལྷ་རྣམས་ཀྱིས་ཆེད་དུ་བརྗོད་པའི་གྲགས་ཅན་གྱི་བསྐལ་པ་བཟང་པོ་འདི་ལ་སྐྱེ་དགུ་རྣམས་ཀྱིས་ལས་ཀྱི་མཐུས་དུས་བཞིར་བྱུང་བའི་ནང་ཚན་རྩོད་ལྡན་གྱི་དུས་ཆེས་ཆེར་འདུལ་བར་དཀའ་བའི་གདུལ་བྱ་རྣམས་འདུལ་བའི་དོན་དུ་བདག་ཅག་གི་སྟོན་པ་མཉམ་མེད་ཤཱཀྱའི་རྒྱལ་པོ་ཞེས་ཡོངས་སུ་མཁྱེན་པ། མ་ལུས་པ་སྤངས་པ། ཚུལ་བཞིན་བསྒོམ་པ། ལེགས་པར་མངོན་དུ་མཛད་པ་གང་གི་བསྟན་པ་རིན་པོ་ཆེ་ནི་ལྷ་དང་བཅས་པའི་འགྲོ་བ་མཐའ་དག་གིས་བསོད་ནམས་རྒྱ་མཚོའི་ཞིང་མཆོག་བླ་ན་མ་མཆིས་པ་ཡིན་ཅིང་། བསྟན་པ་དེ་ཡང་། མདོ་དགོངས་པ་འདུས་པ་ལས། འདྲེན་པའི་ཐེག་པ་གསུམ་པོ་དག །བཅོམ་ལྡན་ངེས་པར་གསུང་ལགས་ན། །རྒྱུ་འབྲས་ལྷུན་གྲུབ་ཏུ་སྤྱོད་ཅིང་། །སངས་རྒྱས་གཞན་ནས་མི་འཚོལ་བའི། །ངེས་པའི་ཐེག་པ་ཅིས་མ་གསུངས། །ཞེས་ཞུས་པའི་ལན་དུ། རྒྱུ་ལ་མོས་པ་རྒྱུ་ཆོས་ཀྱི། །འཁོར་ལོ་རབ་ཏུ་བསྐོར་བྱས་ནས། །འབྲས་བུ་ཐེག་པའི་ཉེ་ལམ་ཞིག །མ་འོངས་དུས་ན་འབྱུང་བར་འགྱུར། །ཞེས་གསུངས་པ་ལྟར། དབང་རྟུལ་རྒྱུ་ལམ་དུ་བྱེད་པར་མོས་པ་རྣམས་ལ་མཚན་ཉིད་ཀྱི་ཐེག་པ་དང་། དབང་རྣོན་འབྲས་བུ་ལམ་བྱེད་ལ་མོས་པའི་ངོར་གསང་སྔགས་ཀྱི་ཐེག་པ་གཉིས་སུ་བསྟན་པའི་ནང་ནས་མཆོག་ཏུ་གྱུར་པ་གསང་(༤༠བ)

― GLG020_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་རྡོ་རྗེ་ཐེག་པ་ལ་འཕགས་པའི་ཡུལ་དུ་རྒྱུད་སྡེ་རིན་པོ་ཆེ་རྣམས་ཀྱི་བཀའ་བབས་ཀྱི་བྱུང་ཚུལ་རྣམ་གྲངས་ཆེས་མང་ན་ཡང་། ཡོ་ག་རྣམ་པ་གསུམ་གྱི་ལུགས་ལ་འོག་མིན་གྱི་གནས་སུ་ཐོག་མའི་མགོན་པོ་དཔལ་ཀུན་ཏུ་བཟང་པོའི་ཐུགས་ཀྱི་དགོངས་པ་ལས་ཉེ་བར་བརྒྱུད་དེ་རྡོ་རྗེ་སེམས་དཔས་དགའ་རབ་རྡོ་རྗེ་ལ་ཨ་ཏི་ཡོ་གའི་སྐོར་ཐབས་དང་བརྡ་ལ་བརྟེན་གསུངས་ཤིང་། ལྷ་ཀླུ་མིའི་རིག་འཛིན་ལ་བརྒྱུད་ནས་རྒྱལ་པོ་ཛའི་ཁང་སྟེང་དུ་ཏནྟྲ་ཆེན་པོ་སྟེ་བཅོ་བརྒྱད་བབས་པ་ལ་བརྟེན་ནས་མ་ཧཱ་དང་ཨ་ནུའི་ཐེག་པ་རྣམས་བྱོན་པ་བསིལ་ལྡན་བོད་ཀྱི་རྒྱལ་ཁམས་འདིར་མཁན་སློབ་ཆོས་གསུམ་བི་མ་ལ་མི་ཏྲ་སོགས་ལོ་པཎ་རྣམས་ཀྱི་བཀའ་དྲིན་ལས་གསང་སྔགས་སྔ་འགྱུར་ཞེས་ཉི་ཟླ་ལྟ་བུར་གསལ་བའི་ཐེག་པ་མཆོག་གི་བསྟན་པ་འདི་ལ། ཐང་ཡིག་ལས། སློབ་འཆད་གྲྭ་ལ་རྗེ་ཡིས་མཐུན་རྐྱེན་སྦྱོར༔ བོད་ཀྱི་བན་སྔགས་དབུ་ཟླུམ་ལྕང་ལོ་ཅན། ཞེས་མཆོད་གནས་སྡེ་གཉིས་སུ་གསུངས་པས། གནུབས་ཆེན་སངས་རྒྱས་ཡེ་ཤེས་ནས་ཉེ་བར་བཟུང་སྟེ་སོ་ཟུར་གནུབས་གསུམ་སོགས་སྔགས་སྡེ་ཕལ་ཆེར་གོས་དཀར་ལྕང་ལོའི་འཕྲེང་བ་འཛིན་པ་ཤ་སྟག་ཏུ་བྱོན་ཅིང་། འདུལ་བའི་སྐབས་རབ་ཏུ་བྱུང་བའི་རྟགས་རྣམས་མཁན་པོས་གནང་ཞིང་བསྐོན་པ་ཞིག་དགོས་པར་བཤད་པས་ཁྱིམ་པ་རྣམས་ཀྱིས་རབ་བྱུང་གི་ཆ་ལུགས་འཛིན་མི་འོས་པ་ཤུགས་ལས་བྱུང་ཡང་། ཐེག་པ་ཆེན་པོའི་སྡེ་སྣོད་དུ་ཡན་ལག་བརྒྱད་པའི་གསོ་སྦྱོང་བླངས་ཀྱང་། མཐའ་གཅིག་ཏུ་ཚངས་པར་སྤྱོད་པའི་ངེས་པ་མེད་ཅིང་སྒྲིབ་པར་མི་འགྱུར་བའི་སྐབས་མང་དུ་བཤད་ཅིང་། སྒྱུ་འཕྲུལ་ལས། སེམས་ཉིད་ཐེག་པར་རབ་ངེས་ན། །ཉོན་མོངས་འདོད་ལྔ་ཀུན་སྤྱད་ཀྱང་། །པདྨ་ལ་ནི་འདམ་བཞིན་ཏེ། །བྱས་ལ་(༤༡ན)

― GLG020_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

མི་གསོག་སྡོམ་པའང་རྫོགས། །ཞེས་དང་། སློབ་དཔོན་སྒེག་པའི་རྡོ་རྗེས། ཐེག་ཆེན་དམ་ཚིག་ལ་གནས་ན། །འོག་མའི་འདུལ་སྡོམ་དམ་ཚིག་ཀུན། །བསྲུངས་པ་མེད་པར་ཐུབ་པས་ན། །དགེ་སློང་བྱང་ཆུབ་སེམས་དཔའ་དང་། །རྣལ་འབྱོར་དབང་ཕྱུག་ཅེས་བྱའོ། །ཞེས་པ་ལྟར་ཐེག་པ་མཆོག་གི་རྣལ་འབྱོར་དང་ལྡན་པ་རྣམས་ཐེག་དམན་གྱིས་གཞལ་བའི་ཡུལ་ལས་འདས་པས་ངོ་བོ་དགེ་བསྙེན་ལ་རྣམ་པ་རབ་བྱུང་གི་ཆ་ལུགས་ཅན་ཡང་སྔགས་རྙིང་མའི་ཕྱོགས་སུ་མང་དུ་བྱུང་བས་སོ། །དེ་ཡང་ཇི་སྐད་དུ། དགེ་སློང་མཆོག་ཡིན་དགེ་ཚུལ་འབྲིང་། །ཁྱིམ་ན་གནས་པ་ཐ་མ་ཡིན། །ཞེས་གསུངས་པའི་གསང་སྔགས་སྒྲུབ་པའི་རྟེན་ལ་རིགས་གསུམ་དུ་བཤད་པའང་། བསླབ་པའི་གནས་ལ་མཆོག་དམན་ཡོད་པའི་དབང་གིས་ཡིན་ལ། དེའི་ཚུལ་ནི། རྡོ་རྗེ་སྙིང་འགྲེལ་ལས། མི་དགེ་བཅུ་པོ་ཡོངས་སྤོང་བར། །བྱེད་པ་དེ་ནི་དགེ་བསྙེན་ཏེ། །བསླབ་པའི་གནས་བཅུ་རབ་སྦྱིན་པ། །སྲུང་བྱེད་དེ་ནི་དགེ་ཚུལ་ཡིན། །བསླབ་པ་བྱེ་བའི་གནས་བྱིན་ནས། །བརྟུལ་ཞུགས་བྱེད་པ་དགེ་སློང་ངོ་། །ཞེས་བྱུང་བའི་ཕྱིར། གོང་གི་ནང་ཚན་གསུམ་ལས་ཁྱིམ་པའི་སྔགས་སྡེ་ལུགས་བཞིན་བྱེད་ན་སྔར་བཤད་པ་དེས་ཁྱབ་ལ། རབ་ཏུ་བྱུང་བའི་རྟེན་ལ་གསང་སྔགས་བསྒྲུབ་པའི་ལུགས་སྲོལ་ལྟར་སྤྲོ་ཚེ་ངེས་པར་རབ་དགེ་སློང་། འབྲིང་དགེ་ཚུལ། ཐ་མའང་བར་མའི་ཚུལ་ཁྲིམས་ཙམ་ཞིག་བླངས་པ་དགོས་པར་སྔོན་ཆད་གོང་ར་རྙིང་པ་བ་རྣམས་སྡོམ་པ་སྣ་གཅིག་ཀྱང་མ་བླངས་བར་རབ་ཏུ་བྱུང་བར་རློམ་པའི་ཕྱི་དྲོའི་ཁ་ཟས་སོགས་འབད་པས་བཀག་པའི་སྲོལ་ཡོད་འདུག་པ་ནི་མུ་སྟེགས་བྱེད་ཀྱི་ཟས་གཅོད་པ་དང་མེ་ལྔ་བསྟེན་པའི་བརྟུལ་ཞུགས་ལྟར་ངལ་བ་འབྲས་བུ་མེད་པའི་འཁོར་(༤༡བ)

― GLG020_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་བསྐོར་བར་ཟད་པའི་ཕྱིར། ཐུབ་པའི་རང་ལུགས་དང་མི་མཐུན་པ་ལུང་དུ་མ་བསྟན་པའི་སྤྱོད་པ་ནི་བླུན་པོའི་རང་མཚང་ཙམ་དུ་ཟད་ལ། སྐབས་དོན་རྫུས་གཏེར་རང་བཟོའི་དྲི་མ་ཅན་རྣམས་སྤངས་ཏེ་དགེ་ལུགས་བསྟན་སྲིད་ལ་ལོག་སྒྲུབ་ཏུ་མི་འགྲོ་བ་དགོས་ཚུལ་ས་སྐྱོང་ཕྱག་མཛོད་བསོད་ནམས་རབ་བརྟན་གྱིས་བཀོད་འདོམས་དང་བཅས་ཁྲ་ཚང་པ་མཁས་གྲུབ་ཆེན་པོ་བློ་གྲོས་མཆོག་གི་རྡོ་རྗེ་བླ་མར་བསྐོས་ཀྱང་སྔར་སྲོལ་ལུགས་ངན་ལ་ཞེན་པ་རྣམས་ཀྱིས་ཚུལ་ལྡན་མ་བྱས་པར་བརྟེན། གྲུབ་མཐས་བསླད་པའི་ཆོས་དང་གང་ཟག་རྣམས་དབྱུང་སྟེ་བསྟན་པ་སྤྱི་རིམ་དང་སྒེར་གཞུང་གི་རིམ་གྲོ་སོགས་སྒྲུབ་པའི་ཆེད་གསར་དུ་སྤེལ་པའི་གོང་ར་ངེས་གསང་རྡོ་རྗེ་གླིང་གི་སྡེ་འདིར་སྤང་བླང་གི་རིམས་པ་ནི། བཤད་རྒྱུད་རྡོ་རྗེ་འཕྲེང་བ་ལས། ཕྱི་རུ་ཉན་ཐོས་སྤྱོད་པ་བསྲུང་། །ནང་དུ་འདུས་པའི་དོན་ལ་དགའ། །ཞེས་པ་ལྟར། རབ་ཏུ་བྱུང་བའི་སྔགས་སྡེ་མཚན་ཉིད་དང་ལྡན་པ་བྱེད་པ་ལ་ཐོག་མར་གསར་བུ་བ་རྣམས་བར་ཆད་དང་ལྡན་མི་ལྡན་ལེགས་པར་བརྟགས་ཏེ་རབ་ཏུ་བྱུང་བའི་ཆ་ལུགས་རང་ཉིད་དབང་བ་འམ། མ་མཐའ་བརྙན་པོ་ཚུན་ཆད་ཀྱིས་ཚང་བར་བྱས་ལ་བར་མའི་ཚུལ་ཁྲིམས་དང་དགེ་ཚུལ་གྱི་སྡོམ་པ་གང་རུང་ན་རྒན་གཞོན་དང་བསྟུན་པའི་བསྒྲུབ་ཏུ་འཇུག ལོ་ཚེགས་སུ་སླེབ་ཅིང་བསྙེན་པར་རྫོགས་འདོད་ཡོད་པ་རྣམས་ཀྱང་བར་མའི་སྐབས་ལྟར་སྤྱིར་བཏང་དམིགས་བསལ་གྱི་འགལ་རྐྱེན་མེད་ཅིང་མཐུན་རྐྱེན་ཚང་བ་འདུག་ན་བསྒྲུབ་ཏུ་འཇུག །རྩ་བཞི་གཙོ་བོར་གྱུར་པའི་བསླབ་ཁྲིམས་རྣམས་དགེ་འདུན་སྤྱི་ཁྲིམས་ལ་མི་གནོད་པའི་ལེགས་པར་བསྲུང་། དེའང་སོ་ཐར་གྱི་མདོ་ལས། སེམས་རྟ་ཁ་བསླན་དཀའ་བ་ལ། །མཐུན་པའི་གཟེར་རྣོན་བརྒྱབ་པ་ཡི། །སྲབ་ནི་སོ་སོར་ཐར་པ་ཡིན། །ཞེས་བསྟན་པའི་རྩ་བ། (༤༢ན)

― GLG020_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་ཐར་གྱི་ཁྲིམས་ལ་བརྟེན་ནས་རང་རྒྱུད་འདུལ་བའི་ཐབས་ཀྱིས་གཞི་བཟུང་། གཙོ་བོར་ཐོས་བསམ་དུ་བྱ་བ་ན། འཁྲུལ་མེད་གླིང་པའི་ནང་ཚན་རིག་འཛིན་ཆེན་པོ་རཏྣ་གླིང་པས་གནམ་སྐས་བྲག་ནས་སྤྱན་དྲངས་པའི་དབང་ཆེན་འདུས་པའི་ཆོས་སྡེ་ཞལ་གདམས་གསལ་བའི་སྒྲོན་མེ་ལས། ཤིན་ཏུ་ཟབ་པའི་མཐར་ཐུག་སྙིང་པོ་རྣམས། སྤྱིར་ཡང་བོད་རྣམས་སར་ངས་ཆེ་བ་དང་། སྙིགས་མའི་འགྲོ་བ་ལྷག་པར་སྙིང་རྗེ་བསཿ མཐའ་དབུས་ཐམས་ཅད་གཏེར་གྱིས་བཀང་ནས་བཞགཿ ལས་ཅན་བུ་དང་ཕྲད་པའི་སྨོན་ལམ་བཏབ། །མ་འོངས་དུས་སུ་རྟོག་གེ་ཐ་སྙད་མཁན། །སྒོམ་ཆེན་ལ་སོགས་ཕྱོགས་དང་རིས་དྲེད་ཅན། །རང་ཆེ་འབྱིན་ཅིང་གཏེར་ལ་རྩོད་ན་ཡང་། །སྙིགས་མའི་ཆོས་བྱེད་ཕལ་ཅིག་གཏེར་གྱི་འདྲེན། །ཟབ་ལ་ཁ་ཚར་མ་བསྒྲིབས་མཐའ་རྒྱས་ཤིང་། །གདམས་པ་སྣ་རིས་གང་ཟག་གྲོལ་བར་ངེས༔ །དེ་བས་ལས་སད་སྐལ་ལྡན་སྦྱངས་པ་ཅན། འཆི་བ་དྲན་ན་གཏེར་ཆོས་ཉམས་སུ་ལོང་། །ཚེ་གཅིག་ཐར་ལམ་འཐོབ་བོ་རྗེས་འཇུག་རྣམས༔ སྙིགས་དུས་གཏེར་ལ་མོས་པའི་སྐལ་ལྡན་རྣམས། །དེང་སང་གྷུ་རུའི་ཞལ་མཐོང་སྨོམ་ལམ་ཐོབ། །ཐམས་ཅད་ལས་ཅན་ཡིན་པས་དགའ་བ་སྒོམས། །ཞེས་པ་ལྟར་གཏེར་ཁ་གོང་འོག་ལྷ་བྲག་གི་གཏེར་གསུམ་གཙོ་བོར་གྱུར་པའི་གཏེར་ཁ་གསར་རྙིང་གི་འཕྲིན་ལས་སྒྲུབ་བསྐོར་གྱིས་ཐོག་དྲངས་གསོལ་འདེབས་སྨོན་ལམ་སོགས་ཀྱིས་མཐའ་བརྟེན་པའི་ཚོགས་འདོན་འོག་ཏུ་གསལ་བ་རྣམས་ཀྱི་སློབ་དཔོན་སོགས་ལ་བརྟེན་ནས་སློབ་སྦྱང་ལ་བརྩོན་པར་བྱས་ངོས། ཤེས་རབ་དང་བསྟུན་པའི་ཟླ་གྲངས་ལོ་གཅིག་(༤༢བ)

― GLG020_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུན་ཙམ་དང་། མང་མཐའ་འང་ལོ་གསུམ་ཚུན་ལ་ཁོང་དུ་ཆུད་པར་བྱེད། རབ་ཚེས་བཅུའི་འཆམས་དང་གལ་ཏེ་མ་འགྲུབ་ཀྱང་བཀའ་བརྒྱད་ཟོར་འཆམས། གར་ཐིག་དབྱངས་གསུམ། བྲིས་འབུར། བདེ་ཡིག་གཟབ་ཤུར། བརྡ་དག །རྩིས་སྐར་ནག་གཏོར་མདོས་སོགས་ལུས་ངག་གི་ཡོན་ཏན་ལ་སྦྱང་བདར་བྱེད། གོང་གསལ་གྱི་བསླབ་སྦྱང་རྣམས་གྲུབ་རྗེས་སྒྱུ་འཕྲུལ་གསང་སྙིང་རྩ་བཤད། རོང་ཟོམ་ཆོས་བཟང་། སྨན་ལུང་ཤཱཀྱ་འོད། ཚོང་འདུས་པ་གཡུང་སྟོན་རྣམས་ཀྱིས་མཛད་པའི་འགྲེལ་པ་སོགས་གཞུང་ཆེན་པོ་རྣམས་བསླབ་སྦྱང་གིས་མཚོན་པའི་མང་དུ་ཐོས་པ་འཚོལ། འོན་ཏེ་ལེགས་སྦྱར་ལ་སྦྱངས་ན་གནས་ལྔའི་ཕ་རོལ་དུ་སོན་ཐབས་སུ་འགྱུར་ཞིང་དེ་ལྟའི་དཔྱོད་ལྡན་རྣམས་ལ་གཙུག་ལག་ཀུན་གཅིག་གྲོགས་སུ་གཅིག་འགྲོ་ནའང་། ཅུང་ཟད་ཐོས་རློམ་གྱི་བློ་ཆུང་ཕལ་ཆེར་རྙིང་མའི་སྔགས་ཟུར་ཆག་མི་མ་ཡིན་དང་འགྲོ་ལྡིང་སྐད་སོགས་ལ་སོམ་ཉི་དང་། ཀློག་ཐབས་ཀྱང་རང་ལུགས་དོར་ཏེ་སྒྲ་པ་ལྟར་བཀླགས་པས་སྔགས་ནུས་ཉམས་ཏེ་ཇི་ཙམ་བཟླས་ཀྱང་འབྲས་བུ་ནམ་མཁའི་དབྱིངས་སུ་དེང་པར་བྱེད་པའི་ཉེས་དམིགས་ཡོད་པས་ཀ་ཙན་སོགས་སྒྲ་རིག་མི་བསླབ། མི་བསད་པ། རིན་ཐང་ཚང་བའི་དངོས་པོ་བརྐུ་འཕྲོག །དགེ་འདུན་སྤྱི་རྫས་ལ་སྦས་ཤུབས། མི་ཚངས་སྤྱོད་ཀྱི་སྐྱོན། ཐ་མི་ཁའི་དུ་བ་རྔུབ་པ། མཚོན་སོགས་བརྡེགས་པ་ལ་བརྟན་པའི་རྨས་འགྲམ་ཚབས་ཆེན་བཟོས་པ་བྱུང་ན་གནས་དབྱུང་། སྨན་རྟ་མ་གཏོགས་ཆང་བཏུངས་པ། རྨས་ཕྲན་བུ་ཙམ་གྱི་ལག་འདྲེས་པའི་འཐབ་རྩོད། །སྤྱི་དོན་ལ་སྒེར་གྱི་འཁོན་ཞེ་བཞག་གི་ངན་ལེན་ལེན་པ། །ཕན་ཚུན་དཀྲུག་རྐྱེན་གྱི་ཕྲ་མ་བྱེད་པ་ལ་མངོན་ཚན་དང་ཚབས་ཆེ་ཆུང་ལ་གཞིགས་པའི་ཚབས་(༤༣ན)

― GLG020_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་རིས་ལ་མང་ཇ། ཚ་ར། ཐུག་དར་ལྕོག །དཀར་མེ་སྙན་དར། བླ་མར་བདུན་ཚན། སྣེ་མོ་བ་རྣམས་ལ་རྣམ་གཞག་གཏོང་། །རྨ་གསོས་གཏོང་ཆ་སོགས་ཚད་ལྡན་དང་། ཆུང་བའི་རིས་ལ་མང་ཇ་སྙན་དར། བླ་མར་འབུལ་བ་སུམ་ཚན། སྣེ་མོ་བར་རྣམ་གཞག་སོགས་རྒྱས་བསྡུས་རིམ་འགྲོས་ཀྱིས་འགེལ། ཡུལ་དང་ཐབ་གྲོགས་སོགས་བདེ་ཚན་དུ་བཅད་པའི་མི་དཔུང་དགྲ་སྡེབས་ལ་བརྟེན་པའི་ངན་རྒྱབ་ཁ་འཛིན་བྱས་པ། བླ་མ་དབུ་ཆོས་སོགས་ཀྱི་སྒྲིགས་མནན་པར་མི་བརྩི་བའི་ལོག་སྒྲུབ་ཚན་ཆེན་བྱས་པ་བྱུང་ན་སྟེ་པོ་ངོ་བོ་གནས་དབྱུང་། ཚན་ཆུང་བའི་རིས་གོང་གསལ་མང་ཇ་ཚ་ར་སོགས་ཀྱི་ཆད་ལས་འགེལ། ཚོང་འདུས་སོགས་ཚོང་རའི་སར་ཡོ་བྱད་བསྒྲུབ་པར་འགྲོ་མི་རྣམས་ཀྱིས་སྔོན་མས་ཚོང་ཐག་མ་ཆོད་པར་ཕྱི་མས་ཧབ་ཐོབ་དང་དོག་འཚངས་མི་བྱེད། བྱས་ཚེ་སྙན་དར་འགེལ། གོང་ར་དང་ཆུ་བོ་རིའི་ཟོ་བོ་འཆི་མེད་བཀོད་པ་སོགས་གཙང་དགོན་གྱི་རིས་སུ་གནས་མཇལ། ཆོས་ཞུ་རྙེད་བཀུར་བྱེད་མི་དམིགས་བསལ་གནང་བ་ཞུས་པ་མ་གཏོགས་གླིང་གསེབ་ཏུ་བུད་མེད་མི་གཏོང་། རི་ལུང་སྦུག་ལྟ་བུའི་སེར་ཁྱིམ་དགོན་རྣམས་སུ་གྲྭ་དམངས་ཆོས་ཐོག་བཏེག་ཚེ་བླ་བྲང་གི་ནག་མཐོ་ཚུན་ལ་ནག་ཁྲིམས་གོང་བཞིན་བྱེད། གཏང་ན་གཏོང་མཁན་སུ་ཡིན་ལ་མང་ཇ་དང་སྙན་དར་འགེལ། ནང་མཆོད་གསེར་སྐྱེམས་ཚོགས་ཆང་དམ་ཚིག་གི་རྫས་སུ་ཉུང་ངུ་མ་གཏོགས་ཆང་གི་རིས་མི་ལེན། ནད་པའི་སྨན་རྟ་དང་མཁར་ལས་སོགས་ལ་དམིགས་བསལ་གྱིས་ལེན་དགོས་བྱུང་ན་གནང་བ་ཞུ། མ་ཞུས་པར་བླངས་ཚེ་མང་ཇ་འགེལ། བསམ་གཏན་གྱི་ཚེར་མར་འགྲོ་བའི་གླིང་གསེབ་ནས་སྐད་རྒྱང་གཏོང་བ། ཀུ་ཅོ་འདོན་པ། གཞིས་བྱེས་(༤༣བ)

― GLG020_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

གང་འདུའང་མཆོངས་བརྒྱག་པ། མདའ། འུར་རྡོ། རྡོ་སྒོར་བརྒྱག་པ་སོགས་མི་བྱེད། གལ་སྟེ་བྱས་ན་མང་ཇ་བསྙན་དར་འགེལ། གོས་ཕུ་ཐུང་མ། ཁ་དོག་མ་འགྱུར་བའི་དཀར་པོ། སྐ་རགས་ཕུ་གུ་ཅན། ཕོར་ཤུབས་འདོགས་པ། སྒོམ་ཐག་དྲ་ཕད། གྲི་རིང་། སྐྲ་རིང་། སུག་རྩ། ཟོམ་པ་གྱོན་པ་སོགས་མི་བྱེད། བྱས་ཚེ་དངོས་པོ་ངོ་བོ་འཕྲོག་ཅིང་སྙན་དར་འགེལ། ཨོ་རྒྱན་པཎ་ཞྭ་མ་གཏོགས། རྩེ་ཞྭ། པཎ་ཞྭ། སྒོམ་ཞྭ། འབར་ཞྭ། པགས་ཞྭ་སོགས་ཞ་རིས་སྣ་ཚོགས་མི་གྱོན། གྱོན་པ་བྱུང་ན་ཆད་ལས་གོང་བཞིན་བྱེད། ཚོགས་ལ་ཆོས་གོས་ཞེ་གཅིག་བྱུང་ན་ལེགས་ཤིང་མ་བྱུང་ཀྱང་གདིང་བ་ངེས་པར་བསྒྲིག །ཞིང་སྔོ་ཐོག་ལ་ལམ་པོ་མི་བྱ་ཞིང་དུད་འགྲོ་ཟར་མི་འཇུག །བྱུང་ན་དེའི་གུན་ཡོང་ངེས་ཞིང་བདག་ལ་སྤྲོད། ཤེས་བདག་ལ་གྲ་པ་འགྲོ་མི་བླ་བྲང་ནས་ཐོག་གང་བཙུགས་འགྲོ་ཞིང་། དེ་ལ་བསོད་སྙོམས་འགྱེད། ཚ་ར་སོགས་གང་བྱུང་གི་སྐལ་པ་མ་ཆད་པ་གཏོང་། སྤྱི་སྒེར་གྱི་དོན་ལ་གྲོང་གསེབ་སོགས་སུ་སོང་བ་རྣམས་ཉེ་དུ་མ་ཡིན་པའི་བུད་མེད་དང་གནས་ཁང་གཅིག་ཏུ་ཞག་པོར་ཉལ་པ་སོགས་དོགས་གནས་ཀྱི་གཞི་ཆེན་པོ་ཡོད་པ་མི་བྱེད་ཅིང་། གལ་ཏེ་བྱས་པ་བྱུང་ན་བསླབ་སྐྱོན་མེད་པ་ལག་འདོགས་ཚད་ལྡན་དང་བཅས་པས་དག་པས་བཀྲུས་ན་མ་གཏོགས་སླར་གྲྭ་ཁྱུར་མི་འཇུག །སྒེར་གཞུང་དྲག་ཞན་གང་གི་རིམ་གྲོ་སོགས་གྲོང་ཆོག་གི་རིས་ལའང་བག་ཡོད་ཅིང་ཆོ་ག་ཕྱག་ལེན་སོགས་མཚན་ཉིད་དང་ལྡན་པའི་གང་རྒྱས་མ་གཏོགས་སྦྱིན་བདག་དད་པ་ལོག་རྐྱེན་དུ་འགྲོ་བ་མི་བྱེད། གླིང་གསེབ་ཀྱི་སྤྱིལ་པོ་འཚོང་ན་བླ་མ་དང་དགེ་སྐོས་ལ་འདྲི། གླིང་གི་སྤྱིལ་པོ་བཤིག་ནས་བསྒྲིལ་བ་སོགས་མི་བྱེད། རྟེན་གསུམ། རོལ་མོ། སྙན་(༤༤ན)

― GLG020_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

དར། འབག་ཕོད། རུས་རྒྱན། ཕྱག་མཚན་སོགས་བཅག་གྲུམ་ཆུད་ཟོས་ལ་བཏང་བ་བྱུང་ན་སྐྱིན་ཚབ་བསྒྲིག །བྱེད་མི་རྩད་མ་ཆོད་ཅིང་ངོས་མི་ལེན་ན་མདོ་སྒྲུབ་ཀྱིས་མཚམས་གཅོད། གོང་རའི་གྲ་རྙིང་སྣང་སོགས་གོམས་གསུམ་གྱི་ལྟ་གྲུབ་ལ་ཞེན་པའི་མ་རུངས་པའི་རིས་ལ། གནས་ཚང་གཏོང་བ་དང་སྟེན་སྐྱོབ་འདྲིས་ཆེན་བྱས་ཚེ་སྦལ་པ་རྨ་ཅན་གྱི་དཔེ་བཞིན་གྲ་པ་གསར་པ་སྐྱོན་མེད་རྣམས་ཀྱང་ལྷད་ཅན་དུ་འགྲོ་བའི་ཉེན་འདུག་པས་མི་བྱེད་ཅིང་། བྱས་པ་བྱུང་ན་ཚོགས་སུ་མང་ཇ་ཚ་ར་། བླ་མར་ལྔ་ཚན། སྣེ་མོ་བ་རྣམས་ལ་སྣེལ་གཏོང་བྱེད། ཉེ་སྐོར་གྱི་སྤྱི་ལ་སྟོང་དང་ཕུག་པ་ཚོར་སྡད་མ་སྡད་དགེ་སྐོས་ཀྱིས་གསང་བདར་བྱེད་ཅིང་། གཞན་གྱིས་ཚོར་བ་བྱུང་ཀྱང་སྤྱི་སོར་འཕྲོས་བཏང་བའི་འཕྲལ་དུ་དབྱུང་ཞིང་མདོ་སྒྲུབ་ཀྱིས་མཚམས་གཅོད་ཤེས་བཞིན་དུ་འཕྲོས་མ་བཏང་ན་སྙན་དར་འགེལ། ཕྱི་ནང་སྐྱ་སེར་གང་གི་དངོས་དཔྱད་བོར་བ་རྙེད་ན་བདག་པོ་ངོ་ཤེས་ན་དང་མ་ཤེས་ན་དགེ་སྐོས་ལ་སྤྲོད། གླིང་གི་ལམ་སྲང་དང་ཆུ་འགོ་སོགས་སུ་བཤང་གཅི་མི་འདོར། འདུ་ཁང་གི་རྩིག་པ་ཀ་བ་སོགས་ལ་མཆིལ་སྣབས་མི་འདོར། གྲྭ་རིས་ཡོ་བྱད་མེད་པའི་ནད་པ་བྱུང་ཚེ་དཀོན་མཆོག་དང་དགེ་འདུན་གྱི་རྫས་ཀྱི་སྟེང་ནསས་རིམ་གྲོ་བྱེད། ནད་སོས་ནས་དངོས་པོ་འབྱོར་བ་ཡོད་ན་གུན་བསབ། སྡེ་འདིར་མི་གསོགས་པའི་ནད་པ་ཉམ་ཐགས་པ་བྱུང་ཡང་ཟས་གོས་སྨན་དཔྱད་གདམས་ངག་སོགས་ཀྱིས་ཕན་འདོགས། གཞན་གྱི་ཁྲིམས་ལས་འགལ་བའི་ནག་ཆེན་ཞུ་བ་བྱུང་ཚེ་ཕན་པ་བསྒྲུབ། དགོན་པ་ནས་རྒྱང་གྲགས་གཅིག་ཚུན་གྱི་རི་དྭགས་དང་ཉ་གཤོར་མི་བྱུང་ཚེ་བསྲུང་སྡོམ་བྱེད། ཚོགས་སུ་འདུ་བའི་ཚེ་དུང་འཁར་རྔ་སོགས་ཀྱི་བརྡ་དང་བསྟུན་སྤྱོད་ལམ་མཛེས་(༤༤བ)

― GLG020_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

པས་འདུ་ཞིང་བསླབ་གྲལ། སྐད་གྲལ། སྔགས་བརྒྱུད་ཁུངས་བཙུན་གྱི་རིགས་ལ་ཆེ་གྲལ་དང་བཅས་ཏེ་གྲལ་མ་འཁྲུགས་པར་བྱེད། དུང་མཇུག་རྫོགས་མཚམས་ཚོགས་སུ་མ་འབྱོར་ཚེ་བརྒྱ་ཕྱག་འགེལ། ཚོགས་འདོན་གྱི་ཚེ་གཉིད་ལོག་པ། ལོང་གཏམ་སྨྲ་བ། བཞད་གད་བྱ་ཞིང་སློང་བ། རྩིག་པ་དང་ཀ་བ་ལ་སྙེ་བ་སོགས་སྤངས་ཏེ་འཕྲིན་ལས་སྒྲུབ་ཐབས་ངག་ནས་བརྗོད་པ་དང་བསྟུན་སོ་སོའི་ཏིང་ངེ་འཛིན་གྱི་དམིགས་རིས་དང་བཅས་ཏེ་གསང་སྔགས་ཀྱི་རྣལ་འབྱོར་མིང་དང་དོན་མཐུན་པར་བྱེད་པས་མཚོན་ཆོས་སྤྱོད་ཀྱི་རབ་འདེགས། གྲོང་ཆོག་སོགས་ལ་ཕྱིན་པའི་ཡོན་གྱི་རིས་གང་བྱུང་རྣམས་གྲྭ་ཚང་སྤྱི་ཐོག་ཏུ་འཇོག་པ་མ་གཏོགས་སོ་སོས་མི་འཁྱེར། དགེ་འདུན་སྤྱི་ལ་འབུལ་བ་བྱུང་ན་སྤྱི་རྫས་ཀྱི་ཐེབས་སུ་འཇོག །ལག་གཏོད་ཀྱི་འགྱེད་རྣམས་སོ་སོ་དབང་ཞིང་དམིགས་བསལ་མཆོད་རྫས་སོགས་སྤྱིའི་དགོས་བྱེད་ལ་དགོས་ངེས་བྱུང་ཚེ་སྤྱི་འབུལ་གྱི་ཁོངས་སུ་བསྡུ། ཟླ་རེ་བཞིན་དུ་ཚེས་བརྒྱད་ལ་འབྲས་ཤངས་ལྷ་རི་རིན་ཆེན་སྙིང་པོ་ནས་རིག་འཛིན་ཆེན་པོ་ལེགས་ལྡན་རྡོ་རྗེ་ལྷན་སྤྱན་དྲངས་པའི་ཚེ་སྒྲུབ་བདུད་རྩི་འཁྱིལ་བའི་ལས་བྱང་སྔོན་འགྲོ་གཉིས་བསྙེན་སྒྲུབ་ཀྱི་གཟུང་སྔགས་དང་བཅས་པའི་རྗེས་སུ་བརྟན་བཞུགས་བརྩེ་ལྡན་མ་དང་བྱེ་བ་ཕྲག་བརྒྱ་མ། ཟློག་རིམ་ཤིས་བརྗོད་དང་བཅས་པ། ཚེས་བཅུ་ལ་གཏེར་ཁ་འོག་མའི་ཀླུ་བདུད་གཙུག་གི་ཟབ་གཏེར་བླ་མ་གསང་འདུས་ཀྱི་སྒྲུབ་གཞུང་ལྷན་ཐབས། གསོལ་འདེབས་ལེའུ་བདུན་མ་བརྒྱུད་འདེབས་རྣམས་དང་བཅས་པ། རིག་འཛིན་ཆེན་པོས་བསམ་ཡས་ཀྱི་རྣམ་སྣང་གི་ཐུགས་ཀ་ནས་གདན་དྲངས་པའི་ཐུགས་རྗེ་ཆེན་པོ་འཁོར་བ་དབྱིངས་སྒྲོལ་གྱི་ལས་བྱང་། གཏེར་སྲུང་མཆོད་པ། སློབ་དཔོན་ཆེན་པོའི་ཐུགས་ཀྱི་ཉིང་ཁུ་གཏེར་ཁ་(༤༥ན)

― GLG020_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་མའི་ཕུར་པ་ཡང་གསང་སྤུ་གྲིའི་བཀའ་སྲུང་རྣམས་ཀྱི་མཆོད་གཏོར་དང་བཅས་པ། བཅུ་བཞི་ལ་དུས་གཏོར་བདག་བསྐྱེད་དུ་བྱང་གཏེར་གྱི་དབུས་སྙིང་མཛོད་སྨུག་པོ་ནས་སྤྱན་དྲངས་པའི་ཞི་བ་རིག་འཛིན་གདུང་སྒྲུབ་ལས་བྱང་སྔོན་འགྲོ་གཟེར་ལྔ་སོགས། ཆོག་སྒྲིགས་པར་མ་ལྟར་དང་། དུས་གཏོར་ཚོར་མདོ་མགོན་རྒྱུད་མགོན་གཉིས་བཀའ་མ། ལྡང་མ་ལྷུན་རྒྱལ་གྱི་གཏེར་མའི་སྔགས་སྲུང་། གཏེར་ཁ་གོང་མའི་འབར་མ། སྟག་བཞོན། དྲག་པོ་བདེ་འདུས་ཀྱི་གཞི་བདག་གཏོར་མ། འོག་མའི་མ་ནིང་། བདུད་འདུལ་རེ་མ་ཏཱི། རྣམ་སྲས། སྡེ་དཔོན་སུམ་ཅུ། ཐག་སྟོན་པདྨའི་གཏེར་མ་སྲོག་སྒྲུབ་རེ་མ་ཏཱི། བྱང་གཏེར་གྱི་བཀའ་སྲུང་བརྒྱད་མཆོད་དེ་ཆོས་སྐྱོང་གཏེར་སྲུང་རྣམས། བཅོ་ལྔ་ལ་ལྟུང་བཤགས། བཟང་སྤྱོད། མཚན་བརྗོད། ངན་སོང་དོང་སྤྲུག་རྒྱས་པ། ཉེར་གསུམ་ལ་མང་ཇ་འགྲུབ་ན་དུས་གཏོར་གང་འགྲོ་གཏོང་། ཉེར་ལྔ་ལ་སྒྱུ་འཕྲུལ་བཀའ་མ་རྒྱས་བསྡུས་གང་འགྲུབ་དང་། རྣམ་ཐར་དྲི་མེད་མ། སངས་རྒྱས་དྭགས་སྟོན་གྱི་མཛད་པའི་རྫོགས་ཆེན་བརྒྱུད་འདེབས། བཀའ་བརྒྱད་བརྒྱུད་འདེབས་འོག་མིན་ཆོས་དབྱིངས་མ། རྗེ་འབངས་ཉེར་ལྔའི་གསོལ་འདེབས་སྨིན་བྱེད་དབང་གི་ཆུ་རྒྱུན། དཔལ་ལྡན་ས་གསུམ་མ། བློ་བཟང་རྒྱལ་བ་མ། རི་བོ་ཆེའི་ཁྲོ་རོལ་ཆེན་མོའི་ཕྱག་ལེན་སོགས་ལ་ཕན་ཁྱད་ཀྱིས་ཉེར་དགུ་ལ་བཀའ་བརྒྱད་གསང་བ་ཡོངས་རྫོགས་ལས་བྱང་ལྷན་ཐབས་དང་བཅས་པའི་ཆ་ཚང་། སྒྱུ་འཕྲུལ་སྐོང་བཤགས། བཀའ་བརྒྱད་མདངས་སྐོང་། ཆོས་སྐྱོང་སྐོར་ཆ་ཚང་། སྨད་ལས་རྒྱས་པ་སྤྱི་བསྐུལ། དམོད་བྱང་། གསེར་སྐྱེམས། གཟུ་དཔང་། ཚོགས་ཐ་མའི་བསྒྲལ་(༤༥བ)

― GLG020_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་སྟོབས་པ། དམར་སྦྲེང་། གཏོར་དྲིལ། གཏོར་ཟོར། ཕྱིར་ཟློག །ཚེ་འགུགས་སོགས་མཐའ་རྒྱས་ཤིས་བརྗོད་དང་བཅས་པ། གདངས་དབྱངས། རྔ་ཆིངས། རྐང་གླིང་། དུང་ཆེན་སོགས་སྤྲོས་བཅས་དོན་དང་འབྲེལ་བ། གནམ་གང་ལ་བརྩམས་བཅོས་མིན་པའི་གཏེར་གཞུང་གང་འོས་ཀྱི་ལྷ་བསངས་བརྒྱགས་རྔན། རྒྱུན་དུ་པར་བགབ་མེད་ཀྱང་འཆར་ཀ་གནམ་སྐས་མ། ཀིངྐར་དམར་ནག་སོགས་ཀྱང་གཞུང་སྒེར་གྱི་སྐུ་རིམ་ལ་ཡོང་བ་བྱུང་ཚེ་ཐོགས་མེད་ཡོད་པའི་ལག་ལེན་དཔེ་ཆ་སོགས་ལ་དོ་དམ་བྱེད། ནར་མའི་དགེ་སྦྱོར་ཐུན་རྔ་བཏང་བ་དང་བསྟུན་ཐུན་དྲུག་ལ་གསོལ་འདེབས་ལེའུ་བདུན་མ་རྟེན་བསྐྱེད་དང་བླ་མ་སྐུ་གསུམ་མ་སྔོན་དུ་འགྲོ་བའི་སྐབས་ཐོབ་སོ་སོའི་གསོལ་འདེབས་མཇུག་སྡུད་དང་བཅས་པ། གཞན་ཡང་རྒྱུན་གྱི་ཉམས་ལེན་ལ་སོ་སོའི་བློ་དང་བསྟུན་ཏེ་བསྟོད་ཚོགས་བརྒྱུད་འདེབས་དང་། ཐུགས་རྗེ་ཆེན་པོའི་རྣལ་འབྱོར་དང་འབྲེལ་བའི་མ་ཎི་གང་འགྲོའམ། རང་རང་གི་ཡི་དམ་ཟུར་གསལ་ཆག་མེད་ཡོད་ན་དེ་བཞིན་བྱེད། གཤིན་དོན་ལ་ངན་སོང་དོང་སྐྲུག །སྨོན་ལམ་རྣམ་གསུམ་སོགས་དང་། སྦྱིན་བདག་གི་སྐུ་རིམ་ལ་སོ་སོའི་དམིགས་བསལ་མེད་ཚེ། སྐྱབས་སེམས་ཡན་ལག་བཅུ་པ། བརྒྱུད་འདེབས། ཇ་མཆོད་འདྲེན་པ་མཉམ་མེད་དང་ལེགས་བྱས་མ་གཉིས། མཚན་བརྗོད། གསོལ་འདེབས་ཚེ་འཛབ། ཚེ་གཟུངས། ཚེ་འགུགས། ཤེར་སྙིང་། འཇོམས་བྱེད་བྱོལ་ཟློག །ནན་དགུ་མ། ཡང་ཟློག །བདེ་ལེགས་སུ་བྱེད་པའི་ཚིགས་སུ་བཅད་པ་རྣམས་བྱ། ཚེས་བཅུ་ཆེན་མོའི་དུས་ཆེན་ཚད་ལྡན་ནམ་མཐོངས་ཕྱི་མ་ཡིན་ཀྱང་། རྙེད་པ་ཚོལ་སླ་ཁྱད་ཀྱིས་གོང་རར་ཧོར་ཟླ་དྲུག་པར་བྱེད་རྒྱུན་ཡོད་འདུག་པ་འབྲེལ་མི་ཆེའང་སྐྱོན་ཆུང་བའི་དབང་དུ་བྱས་སྔར་(༤༦ན)

― GLG020_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

བབས་སུ་བཞག་པའི་ཚེས་བརྒྱད་ནས་བཅུ་གཉིས་བར་རྡུལ་ཚོན་གྱི་དཀྱིལ་འཁོར་གསུམ་སོ་སོར་ཞེངས་ནས། བླ་མ་གསང་འདུས། བཀའ་བརྒྱད་གསང་རྫོགས། ཕུར་པ་སྤུ་གྲི་གསུམ་གང་རྒྱས་གཏོང་། ཆོ་འཕྲུལ་མཆོད་པ་ཞག་བཅོ་ལྔ་དང་། ནམ་མཐོངས་སྔོན་མར་ཞག་བཅོ་ལྔའི་རིང་ཆུ་བོ་རི་འཆི་མེད་བཀོད་པར་གོང་དཀར་རྫོང་ནས་མཐུན་རྐྱེན་སྟར་ཆུག་བཞིན་ཚེ་སྒྲུབ་བདུད་རྩི་འཁྱིལ་པ་རྡུལ་ཚོན་གྱི་དཀྱིལ་འཁོར་ལ་བརྟེན་ནས་ཚེ་ཆོག་གང་རྒྱས་བྱེད། ཧོར་ཟླ་བརྒྱད་པའི་ཉེར་དགུ་ལ་མགོན་པོ་ལེགས་ལྡན་གྱི་མདོས་གཏོང་། ཕུང་པོ་རི་བོ་ཆེར་ཧོར་ཟླ་བཅུ་པ་སྔགས་པ་ཟོར་མདོས་ཀྱི་ཟླ་བ་ལ་བསྟན་པ་སྤྱི་རིམ་ཁྲོ་བོ་རོལ་པ་རང་བྱུང་རང་ཤར་ཐུགས་ཀྱི་མེ་ལོང་སོགས་མ་བསླད་པའི་བདེ་འདུས་སོར་བཞག་གི་ཚིག་དོན། འཁོར་ལོ། གཏོར་མ། རྫས། བསྙེན་སྒྲུབ། ཕྱག་ལེན་རྣམས་སླ་བཅོས་སུ་མ་སོང་བའི་འཕྱུག་མེད་དང་། ཧོར་ཟླ་བཅུ་གཅིག་པའི་ནང་དུ་འཁོར་ལོ་གོང་ལྟར་གཏོང་། གྲྭ་ཚང་རང་ནས་དུས་མཆོད་གཏོང་དགོས་སོགས་ཆད་འཁུམས་མེད་པ་དེབ་ནང་བཞིན་གཏོང་། གོང་གསལ་གྱི་འཕྲིན་ལས་སྒྲུབ་ཐབས་སོགས་ཉམས་སུ་ལེན་པ་ལའང་སྨིན་བྱེད་ཀྱི་དབང་གྲོལ་བྱེད་ཀྱི་འཁྲིད་རྒྱབ་རྟེན་གྱི་ལུང་སོགས་དགོས་པས་དབང་རིག་གཏད། འཁྲིད་ལུང་མན་ངག་ཕྱག་བཞེས་སོགས་འབད་པ་ཆེན་པོས་ཐོས་ཤིང་ཞུན་ཐར་གཅོད། ལྷོ་བྱང་གི་གཏེར་ཁ་གང་ཡང་རུང་བའི་རིག་འཛིན་བླ་མ་དང་བཀའ་བརྒྱད་ཕུར་པ་གཤིན་རྗེ་སོགས་རང་གང་མོས་ཀྱི་ཡི་དམ་ལ་བསྙེན་སྒྲུབ་ཚད་དུ་ཐོངས་པ་བྱེད། ཚོགས་འདོན་གོང་གསལ་རྣམས་མང་ཉུང་འཚམ་པར་མངོན་ཞིང་ཡང་སྦྱིན་བདག་སོགས་ཀྱི་མཐུན་རྐྱེན་ལ་བརྟེན་གསར་འཕར་འཛུགས་པའི་དཔྱད་གཞི་ཤར་ཚེ་གཏེར་(༤༦བ)

― GLG020_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

རྙིང་འདོད་ན། སྤྲུལ་སྐུ་རྒྱ་ཞང་ཁྲོམ། ཚེ་བརྟན་རྒྱལ་མཚན། མུང་པོ་བྱང་ཆུབ་གླིང་པ། རཏྣ་གླིང་པ་སོགས་གླིང་པ་བཅུ་གཅིག །དྲི་མེད་གསུམ་གྱིས་མཚོན་པའི་རིས་དང་། གཏེར་གསར་བྱེད་པར་སྤྲོ་ན་མངའ་རིས་པཎ་ཆེན་དང་། འབྲི་གུང་ཟུར་པ་རིན་པོ་ཆེ། འཕྲང་འགོ་གཏེར་སྟོན། བྱང་བདག་རིག་སྔགས་འཆང་བ་ཆེན་པོ་རྣམས་ཀྱི་གཏེར་ཁ་གང་འོས་ལས་གཏེར་གསར་གྱི་མིང་ཐོགས་ཚད་མི་བྱ་ཞིང་། ཁྱད་པར་སྣང་སོགས་གོང་གསུང་གྱི་གཏེར་ཆོས་བརྩམས་ཆོས་ལྟ་ཅི་སྨོས། དེ་དག་བརྒྱུད་པར་ཡོད་པའི་ཆོས་ཀྱང་སྤངས་ནས་མཁའ་འགྲོའི་ཁ་རླངས་མ་ཉམས་པའི་ཟབ་གཏེར་འཁྲུལ་མེད་རྣམས་ཉམས་སུ་བླངས་ཏེ་མཆོག་ཐུན་གྱི་དངོས་གྲུབ་བསྒྲུབ་པར་རིགས་སོ། །དེ་ལྟར་ཐོས་བསམ་གྱི་རིམ་པ་བླང་དོར་གོ་ལྡོག་པ་སོགས་བྱུང་ན་བླ་མ་དབུ་ཆོས་སོགས་ཀྱིས་ཐོག་མར་ངག་བཤད་སྡིག་བཀྲོལ་གྱི་བརྡ་སྤྲོད། དེ་ལའང་ལྐོག་ཏུ་གྱུར་ཚུལ་གྱིས་བསྒོ་བ་རྣར་མི་གཟོན་པ་རྣམས་ལ་ཆད་ལས་སོགས་ཀྱིས་ནན་ཏུར་བྱ། དེས་ཀྱང་མ་ལྡོག་ན་གནས་ནས་དབྱུང་སྟེ་རྗེས་ཀྱི་མིག་བལྟོས་ལ་མི་གནོད་ཅིང་འདུས་སྡེ་ཡུན་རིང་དུ་གནས་པའི་ཐབས་ཚུལ་ལ་འབད་པར་བྱའོ། །ཐུབ་བསྟན་ཟླ་བའི་མ་མའི་ཡང་སྙིང་ནོར། །པད་འབྱུང་རིང་ལུགས་ཉིན་མོར་བྱེད་པ་ཡི། །འཕྲིན་ལས་འོད་ཀྱིས་གངས་ཅན་རྒུད་པའི་མུན། །རབ་བཅིལ་ཕན་བདེའི་སྣང་བ་རྒྱས་གྱུར་ཅིག །ངེས་ལེགས་ཟུང་འཇུག་སར་བགྲོད་གསང་བའི་ལམ། །རྡོ་རྗེའི་ཐེག་ཀུན་རྩེར་སོན་རྫོགས་པ་ཆེ། །ཆོས་སྐུའི་རང་ཞལ་མངོན་སུམ་མཇལ་ནུས་གླིང་། །ཉི་ཟླས་མུན་སེལ་དེ་སྲིད་རྒྱས་གྱུར་ཅིག །ཚེ་དབང་རིགས་འཛིན་ལུས་ཀྱི་དཀྱིལ་འཁོར་དུ། །སྒྲུབ་པ་སྡེ་བརྒྱད་སྲུང་མར་བཅས་པ་རྣམས། །གདོད་ནས་རང་ཞལ་མཐུ་ཡིས་བསྟན་(༤༧ན)
པ་དང་། །དེ་འཛིན་གཡོ་མེད་དུས་ཀུན་རྒྱས་གྱུར་ཅིག །ཅེས་གོང་ར་ངེས་གསང་རྡོ་རྗེ་གླིང་གི་ཁྲིམས་སུ་བཅའ་བའི་རིམ་པ་ཞིག་དགོས་ཞེས་རྡོ་རྗེ་སློབ་དཔོན་ཆེན་པོ་གཙོ་བོར་གྱུར་པའི་སྤྱི་ཚོགས་ཀྱིས་འབད་རྩོལ་ལ་བརྟེན་ནས་བཅའ་ཡིག་དྲང་སྲོང་རྀ་ཥིའི་དཀྱིལ་འཁོར་ཞེས་བགྱི་བ་འདི་ནི་ཁྲོ་མོ་ཞེས་པ་ཤིང་ཕོ་འབྲུག་གྱི་ལོ་ཁྲུམས་ཀྱི་ཟླ་བའི་ཚེས་ལྔ་ལྷག་པ་ལྷ་མཚམས་ཀྱི་འགྲུབ་སྦྱོར་ཐོག་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་གནས་གསར་བ་འཇམ་དབྱངས་ཀྱིས་བགྱིས་པ་སུ་སིདྡྷིརསྟུ།

དགའ་ལྡན་ཐུབ་བསྟན་རབ་རྒྱས་ཀྱི་དགེ་འདུན་སྤྱིའི་ཁྲིམས་སུ་བཅའ་བ་དྲན་པའི་ལྕགས་ཀྱུ།

― GLG020_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

ས ཀ ལྤེ དྷཱ ཏུ རྒ ཏ ན ཛ ག རི ཛྙཱ ན ཙ ཀྵཱུ པ པཱཿ ཤྱཱ བཱ རོ ཀྵོ པཱ ཡཱེ༔ པ ཏུ ན ར ཛ ཙཱ བི ཤཱ མཱ ཧཱ ཀ རུ ཎྱ ། །རྒྱུ་དང་མི་རྒྱུའི་སེམས་ཅན་རྣམས་ཀྱི་ཁམས་དང་བསམ་པ་བག་ལ་ཉལ། །རྡུལ་བྲལ་ཡེ་ཤེས་སྤྱན་གྱིས་ཉེར་གཟིགས་སྣ་ཚོགས་ཐབས་མཁས་ཐུགས་རྗེ་ཆེ། །བྷཱུ ཡོ གཱ མ ཀྵཿ སུ ཁ ག ཏ ཙ ཏུ རླ ཀ ནཱ ཐཱ སུ ཀ ལྤཱ ནཱ མ པྲ ཛྭ ལྱཱ གྲ བྷ བ ཡ ཤ ཙཱ ཤཱ ཀྱ སི དྷཱ ཛ ཡ ནྟུ། མངོན་པར་མཐོ་དང་ངེས་ལེགས་སར་སྦྱོར་བསྐལ་བཟང་རྣམ་འདྲེན་(༤༧བ)

― GLG020_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་པའི་མཚན། །གྲགས་སྙན་སྲིད་པའི་རྩེ་མོར་རབ་འབར་ཟས་གཙང་སྲས་པོ་རྒྱལ་གྱུར་ཅིག །རྒྱལ་ཀུན་ཡབ་ཏུ་ཟུར་ཕུད་ལྔ་ལྡན་པ། །གནག་སྣུམ་ལྕང་ལོའི་ཐོར་ཚུགས་ཆེར་ལྡེམ་ཡང་། །ལྗོངས་འདིར་ངུར་སྨྲིིག་གར་གྱིས་ཐུབ་པའི་བསྟན། །རྒྱས་མཛད་བློ་བཟང་གྲགས་པའི་དཔལ་དེས་སྐྱོངས། །རབ་དཀར་འདུས་སྡེའི་པད་ཚལ་རྙོག་བྱེད་པ། །ཉོན་མོངས་བརླང་པོར་སྤྱོད་པ་གཉིས་འཐུང་སྣར། །བག་ཡོད་ཁྲིམས་སུ་བཅའ་བའི་ལྕགས་ཀྱུ་ཡིས། །དུལ་བའི་རྣམ་ཐར་གཙང་བྱེད་འདི་ནའོ། །ཞེས་ཤེས་པ་བརྗོད་པའི་ཚིག་གིས་སྔུན་བསུས་ཏེ། །འོ་སྐོལ་གི་སྟོན་པ་མཉམ་མེད་ཤཱཀྱའི་རྒྱལ་པོ་ཞེས་མཚན་གྱི་སྒྲ་དབྱངས་རྣ་བར་ཐོས་པ་ཙམ་གྱིས་ཀྱང་སྲིད་ཞིའི་གདུང་བ་མ་ལུས་པ་སེལ་བར་ནུས་པ་གང་དེས། ཚོགས་གཉིས་ཀྱི་མཐུ་ཕུལ་དུ་བྱུང་བ་བསགས་ནས་འོག་མིན་དུ་བླ་མེད་ཡེ་ཤེས་མཆོག་གི་གོ་འཕང་མངོན་དུ་མཛད་དེ། དབུས་འགྱུར་འཆང་རྡོ་རྗེས་སྤ་བའི་བསྟན་ལ་མཆོག་གི་སྤྲུལ་པའི་སྐུར་འཚང་རྒྱ་བའི་ཚུལ་བསྟན་ནས་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་ལ། འཕགས་པའི་ཉན་ཐོས་ཆེན་པོ་རྣམས་ཀྱིས་བཀའ་བསྡུ་བ་རིམ་པ་གསུམ་དུ་མཛད་ཅིང་། ཤིང་རྟ་ཆེན་པོ་གཉིས་ལ་སོགས་པའི་པཎ་གྲུབ་དམ་པ་རྣམས་ཀྱིས་བསྟན་པ་ཉི་ཟླ་ལྟར་གསལ་བར་མཛད་པའི་རྒྱུན་མ་ཉམས་པ་བོད་གངས་ཀྱི་ར་བས་བསྐོར་བའི་རྒྱལ་ཁམས་སུ་ཆོས་རྒྱལ་མེས་དབོན་བླ་མཆོད་ལོ་པཎ་རྣམས་ཀྱི་བཀའ་དྲིན་ལ་ཐུབ་པའི་རིང་ལུགས་དབྱར་མཚོ་ལྟར་འཕེལ་བར་གྱུར་པའི་ཐེག་པའི་ཚུལ་ལ་མཆོག་དམན་བར་པ་མཐའ་ཀླས་ཀྱང་། འཇིག་རྟེན་ན་ཡོངས་སུ་གྲགས་པའི་སངས་རྒྱས་ཀྱི་བསྟན་པ་ནི་དམ་པའི་ཆོས་འདུལ་བ་ལ་བྱེད་དགོས་པའི་རྒྱུ་མཚན་གྱིས། གླེང་བཞི་ལས། (༤༨ན)

― GLG020_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

བཙུན་པ་ཇི་ཙམ་གྱིས་ན་དམ་པའི་ཆོས་མཆིས་པ་ཞེས་བགྱི། ཇི་ཙམ་གྱིས་ན་ཞིག་པ་ཞེས་བགྱི། ཨུ་པ་ལི་ཇི་སྲིད་དུ་ལས་བྱེད་ཅིང་ནན་ཏན་བྱེད་པའང་ཡོད་པའི་བར་དུ་སྟེ། ལས་བྱེད་ལ་ནན་ཏན་བྱེད་པའང་ཡོད་པའི་དམ་པའི་ཆོས་ཡོད་པ་ཞེས་བྱའོ། །ལས་ཀྱང་མི་བྱེད་ལ་ནན་ཏན་བྱེད་པ་དག་ཀྱང་མེད་ན་དེ་ནི་དམ་པའི་ཆོས་ཞིག་པ་ཞེས་བྱའོ། ཞེས་པའི་དོན་ལ་དགོངས་ནས། འགོས་ལོ་ཐམས་ཅད་མཁྱེན་པ་ཡིད་བཟང་རྩེ་བས། དེ་ལྟར་བོད་ཡུལ་འདིར་འདུལ་བའི་བསྟན་པ་ལ་འཕེལ་འགྲིབ་ཆེར་བྱུང་མོད་ཀྱི། ཐེག་པ་ཆེན་པོ་གསང་སྔགས་ཀྱི་བསྟན་པ་ནི། དེང་སང་གི་བར་དུ་ནུབ་མ་མྱོང་ཞིང་། ཞེས་གསུངས་ལ། འབྲོག་མི་ལོ་ཆེན་དང་སྟག་ལོ་གཉིས་རྒྱ་གར་དུ་རྫོང་བའི་དུས། མཁན་སློབ་གཉིས་ཀྱི་ཞལ་བཀོད་ལ། བསྟན་པའི་གཞི་མ་ཡིན་པས་འདུལ་བ་ཉོན། །བསྟན་པའི་སྙིང་པོ་ཡིན་པས་ཤེར་ཕྱིན་ཉོན། །བསྟན་པའི་ཉིང་ཁུ་ཡིན་པས་གསང་སྔགས་ཉོན། །ཞེས་འབྱུང་བས། ཇི་སྐད་དུ། ཇི་ལྟར་འདིར་ན་ཤིང་རྩ་གཙོ་བོ་སྟེ། །རྣམ་པར་འཕེལ་དང་ཀུན་འཛིན་གཉིས་ཀྱི་གཞི། །དེ་བཞིན་དམ་ཆོས་ཚོགས་རྣམས་ཐམས་ཅད་ཀྱི། །གཞི་དང་རྩ་བ་འདུལ་བ་ཡིན་པར་གསུངས། །ཞེས་ལྗོན་ཤིང་གི་རྩ་བ་ཉམས་པར་གྱུར་ན་ལོ་འབྲས་མཐའ་དག་བསྐམས་པར་འགྱུར་པ་ལྟར། འདུལ་བའི་སྡེ་སྣོད་ནི་ཐེག་པ་ཆེ་ཆུང་གི་ཆོས་གཞན་མཐའ་དག་གི་རྩ་བ་ཡིན་པའི་ཕྱིར་ན། སངས་རྒྱས་ཀྱི་བསྟན་པ་དེ་འཛིན་པའི་དགེ་འདུན་ལ་རག་ལུས་ཤིང་། དགེ་འདུན་གྱི་སྡེ་རྣམས་ཁྲིམས་གཙང་མི་གཙང་གི་རྗེས་སུ་འགྲོ་ལྡོག་བྱེད་པར་མ་(༤༨བ)

― GLG020_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

ཟད། ཁྱད་པར་དཔལ་མཉམ་མེད་རི་བོ་དགའ་ལྡན་པའི་རིང་ལུགས་དྲི་མ་མེད་པ་འདི་ཉིད་ལ་བསྟན་པའི་རྩ་བ་སོ་སོར་ཐར་པ་ལ་གཙོ་བོར་འདོན་པ་རྗེ་བདག་ཉིད་ཆེན་པོའི་རྣམ་ཐར་གཙོ་བོ་ཡིན་པས། ཐུབ་བསྟན་ཡོངས་སུ་རྫོགས་པའི་སྤྱི་མེས་ཆེན་པོ་རྗེ་ཡིད་བཟང་རྩེ་པས། དུས་ཀྱི་དབང་གིས་དགེ་སློང་ལྷོད་པའང་མང་རབ་བྱུང་བ་ནི། རྗེ་བཙུན་དམ་པ་བློ་བཟང་གྲགས་པའི་དཔལ་གྱིས་དང་པོར་སྐྱོར་མོ་ལུང་དུ་མཁྱེན་ཆེན་བློ་གསལ་བ་ལས་འདུལ་བ་ལེགས་པར་བླངས། ཕྱིས་དབེན་པའི་གནས་རྣམས་སུ་སྒྲུབ་པ་སྙིང་པོར་མཛད་པའང་འདུལ་བའི་ཀུན་ཏུ་སྤྱོད་པ་ལས་མ་འདས། ཕྱིས་འཁོར་སྐྱོང་བའི་ཚེ་འང་དྲུང་ན་འཁོད་པ་ཐམས་ཅད་འདུལ་བ་ནས་ཇི་སྐད་བཤད་པའི་ཆོས་གོས་གསུམ་གདིང་བ་དང་ལྷུང་བཟེད་ལ་སོགས་པ་མཁོ་བའི་ཡོ་བྱད་རྣམས་འཛིན་དུ་བཅུག་ཇོ་བོ་ཆེན་པོ་ལྷ་གཅིག་གི་མན་ངག་ལ་བརྟེན་ནས་སྐྱེས་བུ་གསུམ་ལ་བློ་སྦྱངས་ནས་འཁོར་བ་མཐའ་དག་ལས་ཡིད་འབྱུང་བའི་བློས་སྡོམ་པ་ཐམས་ཅད་སོ་སོ་ཐར་པ་མཚན་ཉིད་པ་ལ་བཀོད། དེ་དག་གི་སྤྱན་ལྟོས་ལ་བརྟེན་ནས་བོད་ཀྱི་ཁམས་འདིར་འདུལ་བའི་བསྟན་པ་ཉི་མ་ཤར་བ་ལྟར་གྱུར་པ་ཡིན་ནོ། །ཞེས་བསྔགས་བརྗོད་མཛད་པ་ལྟར་སྔོན་བྱུང་གི་རྣམ་ཐར་ལ་རྗེས་འཇུག་གིས་ཉམས་སུ་ལེན་པ་ཞིག་དགོས་པས། མཁའ་འགྲོ་བློ་བཟང་བསྟན་སྐྱོང་གིས་བསྟན་པའི་ཞབས་འདེགས་དང་ཚོགས་གསོག་གི་ཆེད་དུ་གསར་དུ་བཙུགས་པའི་དགའ་ལྡན་ཐུབ་བསྟན་རབ་རྒྱས་སུ་གྲགས་པའི་འདུས་སྡེ་འདི་ཉིད་ཀྱི་ཁྲིམས་སུ་བཅའ་བའི་རིམ་པ། གངས་རིའི་དབང་པོ་འོ་དེ་གུང་རྒྱལ་གྱི་ལྷ་ཞོལ་དབེན་གནས་བྱམས་པ་གླིང་དུ་ཐམས་ཅད་མཁྱེན་པ་བཙོང་ཁ་པ་ཆེན་པོས་འདུལ་ཁྲིམས་གཙོ་བོར་བཏོན་(༤༩ན)

― GLG020_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བཅའ་ཡིག་ཆེ་ཆུང་གནང་འདུག་པ་ལ་གཞི་བྱས། ཡུལ་དུས་གནས་སྐབས་སུ་དགོས་པའི་དམིགས་བསལ་གྱིས་བརྒྱན་ཏེ་བཀོད་པ་ལ། དེ་ཡང་ཐར་པ་དོན་དུ་གཉེར་བའི་གང་ཟག་རྣམས་ཀྱི་ལྷག་པའི་བསླབ་པ་གསུམ་ཉམས་སུ་བླང་དགོས་པའི་ཏིང་ངེ་འཛིན་དང་ཤེས་རབ་ཀྱི་གཞི་རྟེན་ཚུལ་ཁྲིམས་ཀྱི་བསླབ་པ་ཉམས་སུ་ལེན་པ་ལ། ཐོག་མར་གསར་བུ་འོངས་པ་རྣམས་ཀྱིས་སྡོམ་པ་མ་ཐོབ་པ་ཐོབ་པར་བྱེད་དགོས་པས། བར་ཆད་ཅན་རབ་ཏུ་བྱུང་ན་མཁན་སློབ་དགེ་འདུན་གྱི་སྡེ་སོགས་ལ་གནོད་པས་བར་ཆད་ཡོད་མེད་ལེགས་པར་བརྟག །མེད་པར་ངེས་པ་རྣམས་ལ་བླ་གོས་མཐང་གོས་གདིང་བ་ཆུ་ཚགས་སོགས་རང་ཉིད་ཀྱི་འམ་ཐ་ནའང་བརྙན་པོ་ཚུན་ཆད་ཀྱིས་ཚང་བར་བྱས་ཤིང་། ལོ་ཚིགས་སུ་མ་སླེབ་པ་དང་བསྲུང་བའི་མཚམས་མི་ཟིན་པ་མ་ཡིན་པ་རྣམས་རབ་ཏུ་བྱུང་བ་བསྒྲུབ་ཏུ་གཞུག་ཅིང་གོང་གི་དགག་བྱ་དང་ལྡན་པ་རྣམས་མི་འཇུག །རྟགས་ཆ་ལུགས་རྣམས་བདག་གིར་བྱར་རུང་བ་ཟླ་བ་གསུམ་ཚུན་ལ་ངེས་པར་ཤོམས་པ་བྱེད། སྡོམ་པ་མ་བླངས་པ་དང་། བླངས་ཀྱང་རྟགས་ཆ་ལུགས་མི་ཚང་བ་ཚོགས་སུ་མི་འཇུག །རབ་ཏུ་བྱུང་ཟིན་པ་ཕྱོགས་ནས་འོངས་པའི་རིས་གསར་དུ་འཇུག་པ་དག་བྱུང་ན། སྡེ་གཞན་ནས་དབྱུང་བ་དང་བསླབ་པ་ཉམས་མ་ཉམས་སོགས་བརྟག །བསྙེན་པར་རྫོགས་འདོད་པ་རྣམས་ཀྱང་བར་ཆད་དང་མི་ལྡན་ཞིང་མཐུན་རྐྱེན་རྣམས་ཚང་དགོས་པ་སྔར་དང་འདྲ། གྲྭ་སར་ཞུགས་མ་ཐག་པ་ནས་བཟུང་ཟླ་བ་གཅིག་གཉིས་སོགས་ཡུན་རིང་ཐུང་སོ་སོའི་བློ་མཆོག་དམན་དང་བསྟུན་གནས་ཀྱི་སློབ་དཔོན་བསྟེན་ནས་ལུང་རྣམ་འབྱེད་ལས་གསུངས་པའི་སྡོམ་གྱིས་བསྡུས་(༤༩བ)

― GLG020_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བསླབ་ཁྲིམས་དང་། ལུང་གཞི་དང་ཕྲན་ཚེགས་སྐབས་ཀྱི་འབྱུང་ཉེ་བའི་བླང་དོར་རགས་པ་རྣམས་ལ་སྦྱངས་ཏེ། རབ་ཏུ་བྱུང་བ་རྙིང་པ་རྣམས་དང་སྤྱོད་ལམ་མཐུན་པར་བྱེད། དགེ་འདུན་སྤྱིའི་ཆོས་སྤྱོད་ཀྱི་རིམ་པ་རྣམས་ཀྱང་སྔར་གྱི་སློབ་དཔོན་དེ་ག་འམ་ཡང་སྔགས་ཀྱི་ཆོ་ག་སོགས་ལ་མཁས་པ་གཞན་དག་ཡོད་ནའང་ཇི་ལྟར་འོས་པ་བསྟེན་པའི་བཤར་སྦྱང་ལ་བརྩོན་པར་བྱས་ནས་རང་རང་གི་ཤེས་རབ་དང་བསྟུན་ངོས་ལོ་གསུམ་ལ་མ་མཐའ་བྱས་པའི་ཁོང་དུ་ཆུད་པར་བྱེད། རྩ་བ་བཞི་ལས་འདས་ན་འཆབ་མེད་རྣམས་སླར་བསྐྱར་ཞིང་འཆབ་ཅན་རྣམས་གནས་ནས་དབྱུང་། དགེ་འདུན་ལྷག་མའི་ལྟུང་བ་ལ་སྤོ་མགུ་དབྱུང་གསུམ་དང་སྦོམ་པོ་ལྟུང་བྱེད་ཉེས་བྱས་སོགས་ཆེ་ཆུང་དང་བསྟུན་པའི་དགེ་འདུན་དང་གང་ཟག་ལ་སོ་སོར་བཤགས་པ་སྐབས་སུ་གང་བབ་བྱེད། མཁན་སློབ་སོགས་ཀྱི་གནང་བར་མ་ཁྲོལ་བར་གྲྭ་ས་གཞན་དུ་འགྲོ་བ། དགེ་འདུན་ནང་མི་མཐུན་པའི་རྐྱེན་ཞེ་ངན་འཛིན་པ། ངན་ལན་ལེན་པ། ཕུང་དཀྲུག་ཁྲོ་བ་སོགས་སྤངས་ནས་གཞན་དུ་ངོ་བསྲུང་། ཕན་ཚུན་ལག་འདྲེས་པའི་འཐབ་རྩོད། དེས་མཚོན་པའི་ཕྱི་རོལ་གྱི་དཔོན་སྐྱ། བཟའ་པ། སྐྱ་བཙུན་གྱི་རིས་བཟང་ངན་གང་དང་ཡང་འཐབ་རྩོད་དང་བྱེད་མཁན་གྱི་རྒྱབ་དཔུང་ཁ་འཛིན་མི་བྱེད། བྲེ་སྲང་སོགས་སྤྱོད་འོས་པ་རྣམས་མ་གཏོགས་དགེ་འདུན་སྤྱིའི་རྫས་ལ་གང་ཟག་གིས་ལོངས་མི་སྤྱོད། བྲེ་སྲང་སོགས་ཀྱང་ལོངས་སྤྱོད་འཕྲལ་ལ་སྤྱི་སར་སྐྱེལ། འཕྲལ་གྱི་ཉེར་མཁོའི་ཡོ་བྱད་མ་གཏོགས་ཟོང་ཕན་ཚུན་དུ་བསྲུང་བའི་ཁེ་ཚོང་བུན་སྐྱེད། སོ་ནམ་ཞིང་ལས། དུད་འགྲོ་འཚོ་སྐྱོང་མི་བྱེད། ཚོང་མི་བྱེད་པར་ཚོང་རར་འགྲོ་བ། སྔ་མས་ཚོང་ཐག་མ་བཅད་པར་ཕྱི་(༥༠ན)

― GLG020_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

མས་ཧབ་ཐོབ་དང་དོག་འཚང་མི་བྱེད། གླུ་གར་བྲོ་གཞས་ཀྱིས་མཚོན་པའི་འདུས་པ་ལ་བལྟ་བ། ཀོ་གྲུའི་བཙས་མི་སྟེར་བ་སོགས་མི་བྱེད། བླ་མས་དབྱར་བསེ་ཐེབ་ཕྱིང་དམར། དགུན་བེར་ཟླམ་རྩེ་ཞྭའམ་པཎ་དོམ་གྲྭ་པ་རྣམས་ཀྱིས་རྩེ་ཞྭ་མ་གཏོགས་པ་པན་ཞྭ། སྒོམ་ཞྭ། འབར་ཞྭ། པགས་ཞྭ་སོགས་ཞྭ་རིགས་སྣ་ཚོགས་མི་གྱོན། སླེའུ། ཕྱིང་པ། གོས་ཕུ་ཐུང་མ། གོས་ཁ་དོག་མ་བསྒྱུར་བའི་དཀར་པོ། སྐ་རགས་ཕུ་གུ་ཅན། ཕོར་ཤུབ་འདོགས་པ། སྒོམ་ཐག །དྲ་ཕད། གྲི་རིང་། སྐྲ་རིང་། ཁ་ཤའི་ལྷམ། སུག་རྩ། ཟོམ་པ། ཐུལ་པ། ཀོ་པགས་ཀྱི་སྣོད་སོགས་ལ་མི་སྤྱོད། གླིང་གི་ཉེ་སྐོར་དང་ཆུ་འགོའི་ལམ་སྲང་སོགས་སུ་བཤང་གཅི་མི་འདོར། དགེ་འདུན་གྱི་འདུ་ཁང་གི་ཀ་བ་དང་རྩིག་པ་སོགས་ལ་མཆིལ་སྣབས་མི་འདོར། བྲེ་སྲང་ལོག་པ་མི་བཟོ། གཞན་གྱི་ཀ་ཅ་བོར་བ་རྙེད་པ་བདག་པོ་ངོ་ཤེས་ན་དང་མ་ཤེས་ན་དགེ་སྐོས་ལ་གཏོད། ཉེ་དུ་མ་ཡིན་པའི་བུད་མེད་དང་ལྷན་ཅིག་ཞག་ཏུ་སྡོད་པ། ཚུལ་འཆལ་དང་གནས་གཅིག་ཏུ་སྡོད་ཅིང་འགྲོགས་པ། གནང་བ་མ་ཞུས་པར་གྲོང་གསེབ་དང་གྲོང་ཆོག་ལ་མི་འགྲོ། དམིགས་བསལ་གྱི་དགོས་པ་ཡོད་ན་མ་གཏོགས་གླིང་གསེབ་ཏུ་བུད་མེད་མི་གཏོང་། གླིང་ཁོངས་སུ་རྟ་མི་བཞོན། དུད་འགྲོ་ཞག་ཏུ་མི་བསྲེལ། ཆོས་ཞུ་བར་བསྙེན་བཀུར་བྱེད་ན་མ་གཏོགས་མི་སྐྱའི་རིས་ཀྱང་ཞག་མང་གླིང་གསེབ་ཏུ་མི་སྡོད། སྐད་རྒྱང་གཏང་བ། ཀུ་ཅོ་འདོན་པ། མཆོངས་རྒྱག་པ། མདའ། འུར་རྡོ། རྡོ་སྒོར་འཕེན་པ། རྒྱན་པོ་འགྱེད་པ། མི་དམངས་ཚོགས་སར་ལོང་(༥༠བ)

― GLG020_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

གཏམ་དང་འདུ་འཛིའི་གཏམ་སྨྲ་བ། གཞན་གྱི་སྐྱོན་བརྗོད་ཅིང་མཚང་ནས་འདྲུ་བ། སྡེ་ཕན་ཚུན་གྱི་ཕྱོགས་རིས་བཟུང་བའི་ངན་གཤགས། ཆོས་ཀྱི་འགྲོ་བ་ལ་བསྙད་པའི་གཞན་དག་དམའ་འབེབས་པའི་བཞད་གད་ཚིག་ངན་སོགས་ཀྱི་སྒོ་ནས་གྲོགས་ཚངས་པར་མཚུངས་པ་རྣམས་སུན་མི་དབྱུང་། ཁྱི་དང་སྤྲང་པོ་གླིང་གསེབ་ཏུ་མི་གཏོང་ཞིང་གང་ཟག་གི་བཟའ་བཏུང་ཕྱི་རོལ་དུ་སྟེར། ཞིང་སྔོ་ཐོག་ལ་ལམ་མི་བྱ་ཞིང་དུད་འགྲོ་ཞིང་བཟས་ན་དེའི་གུན་བསབ་དེ་ཞིང་བདག་ལ་སྤྲོད། སྡེ་འདིའི་སྒྲིགས་ཁོང་དུ་ཞུགས་ཟིན་ནས་གཞན་དུ་སོང་པའི་ཚེ་རྩ་བཞི་སོགས་གནས་ནས་དབྱུང་བར་འོས་པའི་རྒྱུ་དངོས་བསྟན་དང་། གཞན་ཡང་ཆང་དང་ཕྱི་དྲོའི་ཁ་ཟས་སོགས་འཛེམ་མེད་དུ་སྤྱད་པ། འཁྲུགས་སེབ་ཏུ་ཞུགས་པ། ཁྲིམས་གྲོགས་མེད་པར་ཉེ་དུ་མ་ཡིན་པའི་བུད་མེད་དང་གནས་གཅིག་ཏུ་ཞག་ཏུ་ཉལ་བ་རྣམས་བྱུང་ན་སླར་གྲྭ་ས་འདིར་མི་འཇུག །གློ་བུར་དུ་ལྷག་པས་རབ་ཏུ་བྱུང་བ་ལ་དག་སྣང་སྦྱོང་ཞིང་གནས་མལ་དང་སྟན་གོས་གཡོར། རབ་ཏུ་བྱུང་བ་ལ་ཕྱི་དྲོའི་ཁ་ཟས་དང་ཁྱིམ་པ་ལ་ཆང་དང་ཆང་རིན་མི་སྟེར། གླིང་གི་སྤྱིལ་པུ་འཚོང་ན་དགེ་སྐོས་ལ་དྲི། གཞན་གྱི་སྤྱིལ་བུ་བཤིག་ནས་བསྒྲིལ་བ་སོགས་མི་བྱེད། ཆོས་གོས་གསུམ་གདིང་བ་རྡུལ་གཟན་སོགས་རུང་བ་ཚད་དང་ལྡན་པ་ལས་ཚད་མ་ལོངས་པའི་ངན་ངོན་དང་། ཚད་ལས་ལྷག་ཅིང་ཁ་དོག་བཟང་པོར་བྱེད་པའི་མཆོར་ཆས་མི་བྱེད། མཐང་ཤམ་རྡུལ་གཟན་མེད་པར་ལམ་སྲང་དང་ཕྱི་རོལ་དུ་མི་འགྲོ། ཚོགས་སུ་འདུ་བའི་ཚེ། དུང་གཎྜི་འཁར་རྔ་སོགས་བརྡ་བྱུང་བ་དང་བསྟུན་རབ་ཏུ་བྱུང་བའི་རྟགས་ཆ་ལུགས་ཀྱིས་མཛེས་ཤིང་། སྤྱོད་ལམ་བག་དང་ལྡན་པས་མྱུར་དུ་འདུ་ཞིང་བསླབ་གྲལ་(༥༡ན)

― GLG020_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

མ་འཁྲུག་པར་བྱེད། གྲལ་མཚེས་དང་ལོང་གཏམ་སྨྲ་བ། རྩིག་པ་དང་ཀ་བ་ལ་སྙེ་བ། བཞད་གད་བྱ་ཞིང་སློང་བ། གཉིད་ལོག་པ་སོགས་མི་བྱེད་ཅིང་ཚོགས་པའི་ཆོས་སྤྱོད་ཀྱི་རམ་འདེགས། ཟས་ཀྱི་ཚེ་ཅག་ཅག་དང་ཧུ་ཧུ་དང་ལྕེས་བལྡག་པ་སོགས་འདུལ་བ་དང་འགལ་བ་རྣམས་མི་བྱེད། བྱ་བ་གློ་བུར་བ་བྱུང་ན་མ་གཏོགས་བསྔོ་བ་མ་ཚར་བར་མི་འགྲོ། འགྱེས་པའི་ཚེའང་གཞན་དག་མི་དད་པའི་སྤྱོད་ཚུལ་མི་བྱ། དགེ་འདུན་གྱི་ཕམ་ཕབ་དང་རྙེད་པ་ཁྱིམ་པ་དང་སྤྲང་པོ་ཁྱི་སོགས་ལ་མི་སྟེར། གལ་ཏེ་དམིགས་བསལ་གྱི་དགོས་པ་བྱུང་ན་དགེ་འདུན་ལ་གནང་བ་ཞུ། ནད་པ་དང་མཚམས་པ་ལ་སྦྱིན་བདག་རང་གོས་སྒོས་སུ་སྟེར་བ་ཡིན་ན་མ་གཏོགས་མ་ཚོགས་པ་རྣམས་ལ་སྐལ་བ་མི་སྟེར། དགོས་པའི་དབང་གིས་སྔོན་དུ་འགྲོ་བར་འོས་པའི་རིས་མ་གཏོགས་སྤྱིའི་ཟས་ཀྱི་སྔོན་རོལ་དུ་སྐལ་བ་མི་ལེན། དགེ་འདུན་བཞིར་ལོངས་པ་ལ་ཕུལ་བའི་ཆོས་གོས་གསུམ་དང་ལྷུང་བཟེད་ཡོ་བྱད་དེ་དག་མེད་ཅིང་སྒྲུབ་མི་ནུས་པའི་རིས་ལ་རྒན་རིམ་བཞིན་དགེ་སྐོས་ཀྱིས་སྦྱིན། དགེ་འདུན་བཅུར་ལོངས་པ་ཡན་ཆད་ལ་དར་རས་སྣམ་བུ་སོགས་སྣམ་སྦྱར་དང་རས་ཆེན་གྱི་རྒྱུར་རུང་བ་བྱུང་ན་མི་བགོ་བར་སྔར་ལྟར་སྦྱིན། དགེ་འདུན་སྤྱིར་འབུལ་བ་བྱུང་ཚེ་བསྙེན་པར་རྫོགས་མ་རྫོགས་ཀྱི་རྙེད་པ་མཉམ་པོར་ཐོབ་མི་ཐོབ་འདུལ་བའི་གཞུང་བཞིན་བྱེད། ཆང་དང་ཕྱི་དྲོའི་ཁ་ཟས་གཏན་ནས་སྤོང་མི་ནུས་པ་ཚོགས་སུ་མི་འཇུག །སྒོག་ཙོང་སོགས་དྲི་ངན་པའི་རིས་ལུས་ལ་གོས་པར་བྱས་ནས་དཀོན་མཆོག་གསུམ་གྱི་རྟེན་གྱི་དྲུང་དང་དགེ་འདུན་གྱི་ཀུན་དགའ་ར་བར་མི་འགྲོ། ནང་མཆོད་དང་སྨན་རྟ་མཁར་ལས་ཀྱི་དུས་སོགས་མ་གཏོགས་ཆང་གི་འགྲིམ་(༥༡བ)

― GLG020_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲུལ་མི་བྱེད། ནད་པ་བྱུང་ན་ཡོ་བྱད་མེད་ཚེ་དགེ་འདུན་དང་དཀོན་མཆོག་གི་རྫས་ཀྱི་སྟེང་ནས་དེ་ལ་རིམ་གྲོ་བྱེད། ནད་སོས་ནས་རང་ཡུལ་ལྟ་བུ་ནས་རྫས་ལོན་རྒྱུ་ཡོད་ན་དཀོན་མཆོག་གི་རྫས་ལ་འབགས་ཚེ་གུན་བསབ། མེད་ཀྱང་ནད་པ་ཡུལ་གཉེན་པ་ཉེས་པར་མི་འགྱུར། སྡེ་འདིར་མི་གཏོགས་པའི་སྐྱ་བཙུན་ནད་པའི་རིས་ཉེ་འཁོར་དུ་བྱུང་ན་ནད་གཡོག་ཟས་གོས་སྨན་སོགས་ཀྱིས་ཕན་གདགས། ནད་རིམས་ཡོད་སར་ཕྱིན་ན་དགེ་འདུན་སྤྱི་ལ་གནོད་པས་མི་འགྲོ། གཞན་གྱི་ཁྲིམས་ལ་ཐུག་པའི་ནག་ཆེན་སྐྱབས་ཞུ་བར་བྱུང་ན་མི་འཇིགས་པའི་སྦྱིན་པ་བྱེད། དགོན་པ་ནས་རྒྱང་གྲགས་གཅིག་གི་ཚུན་གྱི་རི་ཀླུངས་སུ་རི་དྭགས་དང་ཉ་གཤོར་བ་སོགས་བྱུང་ན་དགག་པའི་རི་རྒྱ་ཀླུངས་རྒྱ་བྱེད། དབྱར་གནས་དགག་དབྱེ་གསོ་སྦྱོང་རྣམས་མ་ཆག་པ་དང་། གཙོ་བོར་རྒྱུད་ལུགས་ཀྱི་རྗེས་སུ་འབྲངས་པའི་སྔགས་དགོན་ཡིན་འདུག་པས། རྒྱལ་བ་བཙོང་ཁ་པ་ཆེན་པོས་མཛད་པའི་གསང་བདེ་འཇིགས་གསུམ་གྱི་མངོན་དཀྱིལ། རྗེ་བླ་མའི་གསུང་བཞིན་འདུལ་འཛིན་གྲགས་པ་རྒྱལ་མཚན་གྱིས་མཛད་པའི་ཀུན་རིག་དང་། ཚེ་དཔག་མེད་ལྷ་དགུའི་མངོན་དཀྱིལ། མགོན་པོ་ཕྱག་དྲུག་པ། དམ་ཅན་ཆོས་ཀྱི་རྒྱལ་པོ། དཔལ་ལྡན་དམག་ཟོར་མ་གསུམ་གྱི་བསྐང་བཤགས་བསྟོད་བསྐུལ། ས་ལམ་སོགས་ཆོས་སྤྱོད་རགས་བསྡུས། སྨོན་ལམ་ལྔ། མཚན་བརྗོད། གདུགས་དཀར་སོགས་ཚུལ་དུས་མཆོད་ཀྱི་རིས་པར་བཀབ་དང་། གློ་བུར་བ་སྦྱིན་བདག་གི་རིམ་གྲོ་དགེ་ལས་སོགས་ལ་བྱེད་དགོས་པ་རྣམས་སྐབས་དང་བསྟུན། འཛིན་ཆོས་གསང་འདུས་རྩ་རྒྱུད་ཀྱི་ཊཱིཀྐ། མཁས་གྲུབ་ནོར་བཟང་རྒྱ་མཚོས་མཛད་པའི་གསང་འདུས་བསྐྱེད་རྫོགས། ཐམས་ཅད་མཁྱེན(༥༢ན)

― GLG020_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དགེ་འདུན་རྒྱ་མཚོས་མཛད་པའི་བདེ་མཆོག་གི་བསྐྱེད་རྫོགས། འཇིགས་བྱེད་ཀྱི་སྐྱེད་རིམ། ཉན་ཆོས། འགྲེལ་བ་བཞི་སྦྲགས། རིམ་ལྔ་གསལ་སྒྲོན། ལམ་རིམ་ཆེ་ཆུང་། བཀའ་གདམས་ཀྱི་གླེགས་བམ་སོགས་སྐབས་དང་སྦྱར། དེ་ཡང་རྩ་བ་བཞི་ལ་མཐོང་ཐོས་དྭོགས་གསུམ་བྱུང་བ་སོགས་གནས་ནས་དབྱུང་བར་འོས་པ་རྣམས་དབྱུང་། དེ་ལས་ཉེས་པ་ཆུང་བར་ཚ་ར། མང་ཇ། ཐུག་དར་ལྕོག་བརྗེ་བ། དཀར་མེ་སྙན་དར། བརྒྱ་ཕྱག་སོགས་ཉེས་པ་ཆེ་ཆུང་དང་བསྟུན་པའི་ཆད་ལས་བརྒྱག །དེ་ལྟར་བསླབ་པར་བྱ་བའི་གནས་རྣམས་དྲན་ཤེས་ཀྱི་བག་དང་ལྡན་པར་བྱས་ནས་འཁོར་ལོ་གསུམ་གྱི་བྱ་བ་ལ་བརྩོན་པར་བྱས་པས། རྒྱལ་བའི་བསྟན་པ་རིན་པོ་ཆེ་འཕེལ་ཞིང་རང་གཞན་གྱི་དོན་རྒྱ་ཆེན་པོ་འགྲུབ་པར་འགྱུར་བ་ཡིན་ནོ། །མཐའ་དང་ཚད་དུ་གཞལ་དཀའི་འགྲོ་རྣམས་ཀྱི། །ཕན་དང་བདེ་བའི་འབྱུང་གནས་རྒྱལ་བའི་བསྟན། །དེ་འཛིན་སྤེལ་བའི་ཁྲིམས་ལྡན་དགེ་འདུན་གྱིས། །ཡངས་པའི་ནོར་འཛིན་ཁྱོན་ཀུན་ཁྱབ་གྱུར་ཅིག །དཀོན་མཆོག་གསུམ་ལ་བླ་མར་འཛིན་བྱེད་ཅིང་། །ཕུ་དུད་སྲི་ཞུར་བྱེད་པའི་སྦྱིན་པའི་བདག །གཟུགས་ཅན་སྙིང་པོའི་ངང་ཚུལ་ཉེར་འཛིན་པའི། །རྗེ་འབངས་ཚོགས་རྣམས་དར་ཞིང་རྒྱས་རྒྱུར་ཅིག །ཞྭ་སེར་ཅོད་པན་འཆང་བའི་ཆོས་སྲིད་བསྟན། །ལྷ་བཅས་སྐྱེ་རྒུའི་གཙུག་གི་མཛེས་རྒྱན་དུ། །བདེ་འབྱུང་རལ་པའི་རྩེ་མོའི་ཟླ་བ་བཞིན། །རྟག་ཏུ་གཡོ་བ་མེད་པར་འཆར་གྱུར་ཅིག །ཅེས་དགའ་ལྡན་ཐུབ་བསྟན་རབ་རྒྱས་ཀྱི་དགེ་འདུན་སྤྱིའི་ཁྲིམས་སུ་བཅའ་བ་ཞིག་དགོས་ཞེས(༥༢བ)
མཁའ་འགྲོ་བསྟན་སྐྱོང་གིས་བསྐུལ་བར་རྟེན་ནས། ལུང་སྦྱོར་དང་རྒྱུ་མཚན་སོགས་མངས་ན་ཡི་གེའི་ཚོགས་ཀྱིས་འཇིགས་ཏེ། ཚིག་ཉུར་ངུར་བྱས་པའི་བཅའ་ཚེ་དྲན་པའི་ལྕགས་ཀྱུ་ཞེས་པ་འདི་ནི་ཁྲོ་མོ་ཞེས་པ་ཤིང་འབྲུག་ཆུ་སྟོད་ཟླ་བའི་ཕྱོགས་སྔ་མའི་རྫོགས་པ་དང་པོའི་ཚེས་ལ་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་ངག་དབང་འཕྲིན་ལས་ཀྱིས་བགྱིས་པ་སརྦ་ཛཡནྟུ། །

ལི་ཐང་ཐུབ་བསྟན་བྱམས་ཆེན་ཕྱོགས་ཐམས་ཅད་ལས་རྣམ་པར་རྒྱལ་བའི་སྡེའི་ཁྲིམས་སུ་བཅའ་བའི་སྐོར།

― GLG020_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

ཙི ཏྟོ ནྡ དྱོ རྨཾ པྲ ཀ ཙ ལི མ ཧཱ སཱ ར མཱ ལ མྦྷ ཀཱ ནཱཾ བཻ ཪྻཾ ཥྛ པུ ཥྚཻ རྦ སུ བ དྷ ཏུ བྷཱ བྷཱ བྷཱུ ར བྷཱ དྷཱ བྱ བེ བྷྱཿ དམིགས་པ་མེད་པའི་ཐུགས་བསྐྱེད་རླབས་འཕྲེང་ནམ་ཡང་ཡོལ་མིན་ཆུ་གཏེར་ཆེ། །མ་སྨད་བརྩོན་པའི་ནོར་རྒྱས་ཀྱིས་བཅིངས་ཚོགས་གཉིས་ས་འཛིན་བསྒྲིལ་བ་ལས། །བི ཛྙཱ ཡཱ ས རྦཾ ཀ ར ས ནུ པརཾ ཛྙཱ ན ཏོ ྅ མྲྀ ཏྱ རཱ སྱཾ ཛཱ ག ནྟོ པྲཱ ཎཻ རྫི བ སུ ཁཧི ཏཾ ཤཱ ཀྱ མུ ནྱོ ཛ ཡ ནྟུ། །རྣམ་པ་ཐམས་ཅད་མཁྱེན་པར་བྱེད་པའི་བླ་མེད་(༥༣ན)

― GLG020_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་ཤེས་བདུད་རྩིའི་བཅུད། །ལུས་ཅན་ཡོངས་ཀྱི་ཕན་བདེའི་སྲོག་འཚོ་བུ་རམ་ཤིང་པ་རྒྱས་གྱུར་ཅིག །ཁྱོད་བསྟན་གསེར་རིའི་ངོགས་གནས་དེ་འཛིན་བྱ། །ལུང་རྟོག་འོད་ཀྱིས་གཅིག་ཏུ་སེར་ན་ཡང་། །ལྷག་བསམ་ཛམྦྷུ་ས་ཟླའི་མཆེད་གྱུར་པ། །མར་མེ་མཛད་དཔལ་རྣམ་པར་ཐར་ལ་དད། །སྐྱེ་བར་གནས་ལྔ་རིག་པའི་བག་ཆགས་ཀྱིས། །སྨྲ་བའི་སྤོབས་མཐོ་རི་མོ་གཡས་འཁྱིལ་ལས། །རྟེན་འབྱུང་ཟབ་མོའི་སྒྲ་འབྱིན་བཙོང་ཁ་པ། །སངས་རྒྱས་ཀུན་གྱི་ཡབ་གཅིག་གཙུག་ན་མཛེས། །བསོད་ནམས་བྱས་པའི་རྒྱ་ཆེན་འགྲོ་བློའི་མཚོར། །འཕྲིན་ལས་ཟླ་གཟུགས་འཇུག་བྱེད་གཞན་དོན་དུ། །མི་སྐྱོའི་དྲི་བཞོན་རྒྱལ་རྣམས་གང་བཞེད་ཁྱིམ། །འགེང་བར་སྒང་གཤོངས་ཀུན་ཏུ་ཁྱབ་དེ་བསྔགས། །ཐུབ་བསྟན་སྤེལ་ལ་འཁུ་བའི་ཡིད་སྲུབས་མུན། །བྱམས་ཆེན་འོད་ཀྱིས་ཕྱོགས་མཚམས་ཐམས་ཅད་ལས། །རྣམ་པར་རྒྱལ་བའི་ཆོས་སྡེའི་འདུས་པ་རྣམས། །བླང་དོར་བཞིན་མཐོང་ཨཱ་དརྵ་འདི་ལྟོས། །ཞེས་ཡུལ་ཁྱད་པར་ཅན་ལ་ཤིས་པ་བརྗོད་པ་དང་ཕྱག་བྱ་བ་སྔོན་དུ་འགྲོ་བའི་དངོས་པོ་ངེས་བསྟན་གྱི་སྙན་འགྱུར་ཕང་འགྲོའི་སྒྲ་ལས་ཉེར་བར་དྲངས་ཏེ། ཇི་སྐད་དུ་ཕལ་ཆེན་ལས། འདྲེན་པ་ལ་ནི་མཐར་ཐུག་མེད། །དེ་དག་སྐུ་ནི་གཅིག་ཏུ་སྣང་། །སྐུ་གཉིས་དེ་དག་བསམ་མི་ཁྱབ། །འཇིག་རྟེན་ཁམས་སུ་སྣང་གྱུར་ཀྱང་། །སྐུ་ལ་གཉིས་སུ་གྱུར་བ་མེད། །ཇི་ལྟར་ཟླ་བ་ཤར་གྱུར་པ། །ཚད་མེད་པ་ཡི་གཟུགས་བརྙན་རྣམས། །ཆུ་ཡི་སྣོད་དུ་སྣང་གྱུར་ཀྱང་། །ཟླ་བ་གཉིས་སུ་གྱུར་བ་མེད། །(༥༣བ)

― GLG020_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་འོག་མིན་གྱི་ཞིང་དུ་ངེས་པ་ལྔ་ལྡན་གྱི་གཟུགས་སྐུ་མཐར་ཐུག་ལས། གཡོ་བ་མེད་ནའང་གདུལ་བྱའི་དབང་གིས་གང་ལ་གང་འཚམ་གྱི་སྤྲུལ་པ་སྣ་ཚོགས་སུ་སྟོན་པ་ནི། བདེ་བར་གཤེགས་པ་རྣམས་ཀྱི་ཆོས་ཉིད་ཡིན་ལ། དེའང་བཟང་པོའི་བསྐལ་པ་འདི་ལ་ཡུལ་དབུས་འགྱུར་འཆང་དུ་རྣམ་འདྲེན་སྟོང་འབྱོན་པར་བཤད་པའི་ནང་ཚན་སངས་རྒྱས་བཞི་པ་ཟས་གཙང་གི་སྲས་པོ་དོན་ཀུན་ཡོངས་སུ་གྲུབ་པའི་སྙིང་སྟོབས་མཆོག་གི་གོ་ཆ་བཙན་པོ་དང་ལྡན་པ་གང་འདིས་སྙིགས་མ་རྣམས་ལས་ཀྱང་ཆེས་ཆེར་སྙིགས་པ་རང་ཅག་གདུལ་དཀའི་འགྲོ་བ་རྣམས་ཀྱི་དོན་དུ་མཆོག་གི་སྤྲུལ་པའི་སྐུར་མངོན་པར་རྫོགས་པར་སངས་རྒྱས་ནས་ཆོས་ཀྱི་འཁོར་ལོ་བསྐོར་བའི་བསྟན་པ་རིན་པོ་ཆེ་ནི་ལྷ་དང་བཅས་པའི་འགྲོ་བ་མཐའ་དག་གི་ཕན་བདེ་མ་ལུས་པ་འབྱུང་བའི་སྒོོ་གཅིག་པུ་ཡིན་ལ། ལུང་རྟོགས་ཀྱི་བསྟན་པ་འཛིན་པར་བྱེད་པའང་དགེ་འདུན་གྱི་སྡེ་ལ་རག་ལུས་ཤིང་། དེའང་ཐེག་པ་ཆེ་ཆུང་གི་དགེ་འདུན་ངོས་འཛིན་ལུགས་སོ་སོར་ཡོད་ནའང་གཙོ་བོ་ནི་མཁས་མཆོག་དབྱིག་གཉེན་གྱིས། དམ་པའི་ཆོས་ནུབ་པ་ན་ལས་ཀྱི་མཐའ་རྣམས་མེད་པའི་ཕྱིར་བླངས་ཀྱང་མི་སྐྱེ་བར་བཤད་པས་སོ། །ཞེས་སོ་སོར་ཐར་པའི་ཆོ་ག་མ་ཉམས་པ་ལ་བརྟེན་ནས་སྡོམ་པ་བླང་བ་དང་། ནན་ཏན་དུ་བྱེད་པ་ཡོད་ན་དམ་པའི་ཆོས་མ་ནུབ་པ་དང་། དེ་ལས་ལྡོག་ན་དམ་པའི་ཆོས་ནུབ་པར་བཤད་པས། སངས་རྒྱས་ཀྱི་བསྟན་པ་ཞེས་ངོས་འཛིན་རྒྱུ་ནི་རབ་ཏུ་བྱུང་བའི་སྡེ་ལ་རག་ལས་པས་བསྟན་པ་སྔ་དར་ལ་རྗེ་བཙད་པོ་ཁྲི་སྲོང་ལྡེ་བཙན་གྱིས་མཁན་ཆེན་ཐམས་ཅད་མཁྱེན་པ་ཞི་བ་འཚོ་སྤྱན་དྲངས། སྲད་མི་མི་(༥༤ན)

― GLG020_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་རབ་ཏུ་བྱུང་བ་ནས་བཟུང་སྟེ་དགེ་འདུན་གྱི་སྡེ་དབྱར་མཚོ་ལྟར་འཕེལ། ཕྱི་དར་ལ་བླ་ཆེན་པོ་དང་། སྟོད་ཀྱི་པཱ་ལ་རྣམ་པ་གསུམ་ལ་བརྟེན་ནས་འདུལ་བའི་བསྟན་པ་དར་ཞིང་། ཁྱད་པར་ཁ་ཆེའི་པཎྜི་ཏ་ཆེན་པོ་ཤཱཀྱ་ཤྲཱིས་སྡོམ་རྒྱུན་རྒྱ་ཆེར་སྤེལ་ཏེ། རང་རྒྱུད་འདུལ་བར་བྱེད་པའི་སྡེ་སྣོད་ཀྱི་བསྟན་པ་ཉིན་མོ་ལྟར་གསལ་བར་མཛད་པས། བོད་གླིང་དགུའི་རྒྱལ་ཁམས་ཐམས་ཅད་དགེ་འདུན་གྱི་སྡེས་ཁྱབ་ཅིང་། སྐབས་དོན་ཐམས་ཅད་མཁྱེན་པ་བསོད་ནམས་རྒྱ་མཚོ་དཔལ་བཟང་པོའི་འཕྲིན་ལས་ཀྱི་འཇུག་པ་དུས་ལ་ཡོལ་བ་མེད་པས་གསེར་གྱི་རྒྱལ་པོའི་ལུང་གིས་ཆེན་པོ་ཧོར་གྱི་རྒྱལ་ཁམས་སུ་གདན་དྲངས་པའི་ཚེ་བསྟན་པ་སྤྱི་དང་ཁྱད་པར་སྙིགས་དུས་ཀྱི་རྒྱལ་བ་གཉིས་པ་ཤར་བཙོང་ཁ་པ་བློ་བཟང་གྲགས་པའི་དཔལ་གྱི་བསྟན་པ་མདོ་ཁམས་ཀྱི་ཆར་འཕེལ་རྒྱས་ཀྱི་སླད་དུ་ལི་ཐང་ཐུབ་བསྟན་བྱམས་ཆེན་ཕྱོགས་ཐམས་ཅད་ལས་རྣམ་པར་རྒྱལ་བའི་སྡེ་ཞེས་པའི་ཆོས་སྡེ་འདི་ཉིད་གསར་དུ་བསྐྲུན་པར་མཛད་པ་བར་སྐབས་སུ་སྡིག་ཅན་གྱི་ལྷོངས་ལ་བརྟེན་པའི་བསྟན་པའི་འཕེལ་འགྲིབ་སྣ་ཚོགས་སུ་གྱུར་ནའང་། སླར་རྩོད་པའི་དུས་སུ་སྟོབས་ཀྱི་འཁོར་ལོས་སྒྱུར་བ་བསྟན་འཛིན་ཆོས་ཀྱི་རྒྱལ་པོའི་བསོད་ནམས་ཆེན་པོའི་དཔུང་གིས་མདོ་ཁམས་སྒང་དྲུག་མཐའ་དག་འབངས་སུ་བསྡུས་པའི་ཚེ་བསྟན་པའི་མེ་རོ་བསོས་ཏེ་རིམ་གྱིས་འཕེལ་བའི་འདུས་སྡེ་འདི་ཉིད་ཀྱི་ཁྲིམས་སུ་བཅའ་བའི་རིམ་པ་ནི། འཕགས་པ་ཡོངས་སུ་མྱ་ངན་ལས་འདས་པའི་མདོ་ལས། འོད་སྲུངས་དེ་ལྟར་ཚུལ་ཁྲིམས་ཉམས་ཤིང་ཆོས་མི་བསྲུང་བ་ནི་ཁྱིམ་བདག་མགོ་རེག་ཅེས་བྱ་ཡི་ཚུལ་་ཁྲིམས་(༥༤བ)

― GLG020_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲུང་བ་ནི་མ་ཡིན་ནོ། །ཞེས་རབ་ཏུ་བྱུང་བའི་མིང་དང་རྟགས་ཙམ་ལྷུར་ལེན་པ་ལས་ནན་ཏན་ཏུ་མི་བྱེད་པ་དག་ཡང་དག་པའི་བསྟན་པ་མ་ཡིན་ཞིང་། ཁྱད་པར་ཐམས་ཅད་མཁྱེན་པ་བློ་བཟང་གྲགས་པའི་དཔལ་གྱི་བསྟན་པ་འདི་ལ་ངེས་པར་བསླབ་པའི་གནས་རྣམས་ལ་ནན་ཏན་དུ་བྱེད་པའི་སྲོལ་འདི་གཙོ་བོར་གྱུར་པས་ཀུན་མཁྱེན་ཡིད་བཟང་རྩེ་བའི་གསུང་ལས་དུས་ཀྱི་དབང་གིས་དགེ་སློང་ལྷོད་པའང་མང་རབ་བྱུང་བ་ན། རྗེ་བཙུན་དམ་པ་བློ་བཟང་གྲགས་པའི་དཔལ་གྱིས། དང་པོར་སྐྱོར་མོ་ལུང་དུ་མཁན་ཆེན་བློ་གསལ་བ་ལས་འདུལ་པ་ལེགས་པར་བླངས། ཕྱིས་དབེན་པའི་གནས་རྣམས་སུ་སྒྲུབ་པ་སྙིང་པོར་མཛད་པ་ནའང་འདུལ་བའི་ཀུན་ཏུ་སྤྱོད་པ་ལས་མ་འདས། ཕྱིས་འཁོར་སྐྱོང་པའི་ཚེ་ནའང་དྲུང་ན་འཁོད་པ་ཐམས་ཅད་འདུལ་བ་ནས་ཇི་སྐད་བཤད་པའི་ཆོས་གོས་གསུམ་གདིང་བ་དང་ལྷུང་བཟེད་ལ་སོགས་པ་མཁོ་བའི་ཡོ་བྱད་རྣམས་འཛིན་དུ་བཅུག །ཅེས་བསྔགས་པ་ཆེས་ཆེར་བརྗོད་པ་ལྟར། རྗེས་འཇུག་རྣམས་ཀྱིས་ཀྱང་སྔོན་བྱུང་གི་རྣམ་ཐར་རིས་སུ་མ་བོར་བའི་ཉམས་ལེན་ཞིག་མེད་ན། ཏིང་འཛིན་རྒྱལ་པོ་ལས། དེ་བཞིན་རྣལ་འབྱོར་མི་བརྩོན་པ། །ཚུལ་ཁྲིམས་བསྔགས་པས་འཚོ་བ་དག །ཕྱི་མའི་དུས་ལ་བྱུང་འགྱུར་ཏེ། །དེ་དག་ལ་ནི་ཚུལ་ཁྲིམས་མེད། །ཅེས་ནེ་ཙོའི་ཁ་ཏོན་ལྟ་བུ་སྤངས་ཏེ་ཉམས་སུ་བསྟར་བ་ལ། ཐོག་མར་གསར་དུ་གྲྭར་ཞུགས་པའི་སྡོམ་པ་མ་ཐོབ་པ་དག་ཐོབ་པར་མ་བྱས་པར་རྟགས་ཙམ་བཟུང་ནས་ཡུན་རིང་པོར་དགེ་འདུན་གྱི་རྫས་ལ་ལོངས་སྤྱད་ན། ལུང་རྣམ་འབྱེད་(༥༥ན)

― GLG020_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། ལྕགས་གོང་མེ་ལྕེ་འདྲ་བ་དག །ཟོས་པར་གྱུར་པ་མཆོག་ཡིན་གྱི། །ཚུལ་འཆལ་ཡང་དག་མི་སྡོམ་པ། །ལུས་འཁོར་བསོད་སྙོམས་ཟ་བ་མིན། །ཞེས་རང་ཉིད་རྣམ་སྨིན་ལྕི་ཞིང་ཚོགས་ཀྱང་འབགས་པར་འགྱུར་བས་རབ་ཏུ་བྱུང་དགོས་ཤིང་། དེ་ལའང་བར་གཅོད་དང་ལྡན་ན་སྡོམ་པ་མི་སྐྱེ་བའམ་སྐྱེས་ཀྱང་རིང་པོར་མི་གནས་པ་སོགས་ཀྱི་ཉེས་པ་ཡོད་པས་ལེགས་པར་བརྟག །མེད་པ་རྣམས་ལ་བླ་གོས། མཐང་གོས། གདིང་བ། ལྷུང་བཟེད་། ཆུ་ཚགས་སོགས་རབ་བྱུང་གི་རྟགས་རྣམས་བརྙན་པོ་ཚུན་གྱིས་ཚང་བར་བྱས་ཤིང་། ལོ་ཚིགས་སུ་མ་སླེབ་པ་དང་བསྲུང་མཚམས་མི་ཟིན་པའི་དགག་བྱ་དང་ལྡན་པ་རྣམས་མི་འཇུག །ཐོག་མར་གཞན་དག་ལས་མཁོ་བའི་ཡོ་བྱད་གཡར་དགོས་བྱུང་ཡང་། དེ་ནས་བཟུང་སྟེ་ཟླ་བ་གསུམ་ཚུན་ལ་རང་ཉིད་དབང་བའི་རབ་བྱུང་གི་རྟགས་འགྲིག་པར་བྱེད། སྡོམ་པ་དང་མི་ལྡན་པའམ། ལྡན་ཀྱང་རྟགས་ཆ་ལུགས་མ་ཚང་བ་ཚོགས་སུ་མི་འཇུག །སྔོན་ནས་རབ་ཏུ་བྱུང་ཟིན་པ་ཡུལ་ཕྱོགས་གཞན་དག་ནས་འོངས་པ་གསར་དུ་འཇུག་ན། དེ་གཞན་དུ་བསླབ་སྐྱོན་གནས་དབྱུང་སོགས་རས་ཕོག་མ་ཕོག་ལེགས་པར་བརྟག །བསྙེན་པར་རྫོགས་འདོད་པ་རྣམས་ཀྱང་བར་གཅོད་བརྟགས་པ་སོགས་རབ་བྱུང་གི་སྐབས་དང་མཚུངས། དེའང་གནས་བརྟན་རྣམས་དང་གསར་བུ་བ་རྣམས་ཚུལ་ཁྲིམས་མཉམ་པར་གྱུར་པ་ལ་ངེས་པར་སྦྱོར་དགོས་པས་དེ་རིང་བསྙེན་པར་རྫོགས་པའི་དགེ་སློང་། དེས་(༥༥བ)

― GLG020_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

བསྙེན་པར་རྫོགས་ནས་ལོ་བརྒྱ་ལོན་པའི་དགེ་སློང་གིས་གང་བསླབ་པ་དེ་ལ་བསླབ་དགོས་པར་བསྟན་པའི་ཤུགས་ལ། དགེ་ཚུལ་བར་མ་སོགས་ལའང་འདྲ་བས་གྲྭ་སར་ཞུགས་ནས་གནས་ཀྱི་སློབ་དཔོན་བསྟེན་ཏེ། ཤེས་རབ་ཆེ་ཆུང་དང་བསྟེན་པའི་ཟླ་གྲངས་ཇི་ལྟར་འོས་པའི་ཁོངས་སུ། ལུང་རྣམ་འབྱེད་ལས་གསུངས་པའི་སྡོམ་གྱིས་བསྡུས་པའི་བསླབ་ཁྲིམས་དང་། ལུང་གཞི་དང་ཕྲན་ཚེགས་སྐབས་ཀྱི་འབྱུང་ཉེ་བའི་བླང་དོར་རགས་པ་རྣམས་ལ་བསླབས་ཏེ་གསར་རྙིང་ཐམས་ཅད་ཀུན་སྤྱོད་མཐུན་པར་བྱེད། སྡོམ་པ་ཐོབ་ཟིན་མི་ཉམས་པར་བསྲུང་བ་དང་ཉམས་ན་ཕྱིར་འཆོས་པ་གཉིས་མེད་ན་རབ་བྱུང་གི་སྡོམ་པ་ལེན་པ་ལ་དགའ་བ་ཙམ་དུ་ཟད་པས་རྩ་བ་བཞི་ལ་སྐྱོན་བྱུང་ན་འཆབ་མེད་རྣམས་སླར་སྡོམ་པ་ལེན་ཅིང་འཚབ་ཅན་གྱི་རིས་གནས་ནས་དབྱུང་། དགེ་འདུན་ལྷག་མའི་ལྟུང་བ་ལ་སྤོ་མགུ་དབྱུང་གསུམ་དང་། སྦོམ་པོ་ལྟུང་བྱེད་ཉེས་བྱས་སོགས་ལ་དགེ་འདུན་དང་གང་ཟག་སོ་སོར་ཤགས་སྡོམ་གཞུང་བཞིན་བྱེད། ཡུལ་ཚན་མི་ཚན་དུ་བཅད་དེ་མི་དཔུང་དགྲ་སྡེབས་ཀྱི་འཐབ་རྩོད་སོགས་དགེ་འདུན་གྱི་དབྱེན་ཆེན་པོར་འགྲོ་བ་བྱུང་ན་ལན་ཅིག་མ་ཡིན་པར་དཀྲུག་རྐྱེན་སེལ་འཇུག་གི་རྩ་བ་སུ་ཡིན་དེ་གནས་དབྱུང་དང་། དེ་མིན་སྟེ་པོའི་རིས་ལ་མང་ཇ། ཚ་ར། ཐུག་དར་ལྕོག་བརྗེ་བ། བླ་མར་ཇ་འཁོར་གསུམ་གྱིས་གཙོས་པའི་དགུ་ཚན། སྙན་དར། གང་འཚམ་གྱི་རྣམ་གཞག །དུང་དར་འགེལ། རམ་འདེགས་པ་རྣམས་ལ་སྤྱི་ཐོག་ཏུ་མང་ཇ་སྦྱོར་སྦྲེལ། བླ་མར་ཇ་བར་ཁག་གིས་གཙོས་པའི་བདུན་ཚན། རྣམ་གཞག་(༥༦ན)

― GLG020_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་དར་སོགས་གོང་འདྲ་འགེལ། གྲྭ་པ་རེ་གཉིས་ནས་ཞེ་ངན་གྱིས་འཇིངས་ནས་ལག་འདྲེས་པའི་འཐབ་རྩོད། ངན་ལན་ལེན་པ་སོགས་ལ་བརྟེན་པའི་རྨས་འགྲམ་སོགས་ཆེ་བར་བྱུང་ན་མང་ཇ། བླ་མར་འབུལ་བ། སྙན་དར། རྣམ་གཞག །རྨ་གསོས་འཇལ་གཅོད་སོགས་ཚད་ལྡན་བྱེད། རྨས་འགྲམ་མ་ཡིན་པའི་འཐབ་མོའི་རིས་ལ་སྙན་དར། བརྒྱ་ཕྱག །དཀར་མེ་སོགས་སྐབས་སུ་གང་བབ་འགེལ། རབ་ཏུ་བྱུང་བ་ནི་དགེ་སྦྱོང་གི་ཆོས་བཞི་གཙོ་བོར་བྱེད་དགོས་པས་འཕུང་དཀྲུག །ཁྲོ་རྡེག་གཤེ་བ། མཚང་འདྲུ་སོགས་སྤངས་ཏེ་གཞན་ངོ་བསྲུང་། དགེ་འདུན་གྱི་ནང་དུ་མ་ཟད་ཕྱི་རོལ་དུ་དཔོན་སྐྱ། བཟའ་བ། སྐྱ་བཙུན་གྱི་རིས་མཆོག་དམན་གང་དང་ཡང་འཐབ་རྩོད་མི་བྱེད་ཅིང་གཞན་དག་རྩོད་པའི་ཁ་འཛིན་དང་རྒྱབ་དཔུང་མི་བྱེད། བྱས་ན་ཚབས་ཆེ་ཆུང་ལ་དཔགས་པའི་ཉེས་ཆད་གོང་གི་རིམ་འགྲོས་ཀྱིས་འགེལ། ཚོང་སོགས་བྱེད་མི་དགོས་པར་ཚོང་རར་འགྲོ་བ། སྔོན་མས་ཚོང་ཐག་མ་བཅད་པར་རྗེས་མས་དོག་འཚང་ཀྱི་ཧབ་ཐོབ་བྱེད་པ། འདུམས་བྱེད་པ་སོགས་མིན་པར་དམག་གསེབ་ཏུ་འདུག་པ་དང་བལྟ་བ། གླུ་གར་བྲོ་གཞས་ཀྱིས་མཚོན་པའི་འདུས་པ་ལ་བལྟ་བ། གླིང་གསེབ་ཏུ་སྐད་རྒྱངས་གཏོང་བ། མཆོངས་བརྒྱག་པ། ཀུ་ཅོ་འདོན་པ། རྒྱན་པོ་འགྱེད་པ། མདའ་འུར་རྡོ། རྡོ་སྐོར་འཕེན་པ། མང་པོའི་ཚོགས་སུ་འདུ་འཛི་དང་ལོང་གཏམ་སྨྲ་བ། ཚིག་ངན་སོགས་ཀྱི་སྒོ་ནས་གྲོགས་ཚངས་པར་སྤྱོད་པ་སུན་དབྱུང་བ། སྡེ་ཕན་(༥༦བ)

― GLG020_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུན་གྱི་ཕྱོགས་རིས་བཟུང་བའི་ངན་གཤགས། ཆོས་ཀྱི་འགྲོ་བ་ལབ་སྙད་པའི་གཞན་དག་དམའ་དབབ་པ། གཞན་སྐྱོན་བརྗོད་ཅིང་མཚང་འདྲུ་བ། འཕྲལ་གྱི་ཉེར་མཁོའི་མཐུན་རྐྱེན་མ་གཏོགས་ཁེ་ཚོང་འབུན་སྐྱེད། སོ་ནམ་ཞིང་ལས། དུད་འགྲོ་འཚོ་སྐྱོང་སོགས་མི་བྱེད། བླ་མས་དབྱར་བསེ་ཐེབ་ཕྱིང་དམར། དགུན་བེར་ཟླུམ་རྩེ་ཞྭ་འམ། པཎ་དོམ། གྲྭ་པ་རྣམས་ཀྱིས་རྩེ་ཞྭ་ཞེ་གཅིག་གྱོན། དེ་ལས་གཞན་དུ་པཎ་ཞྭ། འབར་ཞྭ། སྒོམ་ཞྭ། པགས་ཞྭ་སོགས་ཞྭ་རིས་སྣ་ཚོགས། པགས་ཐུལ། གོས་ཕུ་ཐུང་མ། སླེའུ། ཕྱིང་པ། གོས་ཁ་དོག་མ་འགྱུར་བའི་དཀར་པོ། །ཁ་ཤའི་ལྷམ། སུག་རྩ། ཟོམ་པ། སྐ་རགས་ཕུ་གུ་ཅན། ཕོར་ཤུབས། སྒོམ་ཐག །དྲ་ཕད། སྐྲ་རིང་། གྲི་རིང་། ཀོ་པགས་ཀྱི་སྣོད་སོགས་ལ་ལོངས་མི་སྤྱོད། གལ་ཏེ་སྤྱད་ན་དངོས་པོ་ངོ་བོ་འཕྲོག་ཅིང་། སླར་ཡང་བྱས་པ་བྱུང་ན་སྙན་དར། བརྒྱ་ཕྱག །དཀར་མེ་འགེལ། ཞིང་གི་སྔོ་ཐོག་ལ་ལམ་མི་བྱ་ཞིང་། བྱས་ན་དཀར་མེ་དང་། དུད་འགྲོས་ལོ་ཏོག་ཟོས་པ་བྱུང་ན་དེའི་གུན་བསབ་ཀྱི་དངོས་པོ་ཞིང་བདག་ལ་སྤྲོད། བྲེ་སྲང་སོགས་བརྙན་པོར་འོས་པ་རྣམས་མ་གཏོགས་དགེ་འདུན་སྤྱིའི་རྫས་ལ་ལོངས་མི་སྤྱོད། བྲེ་སྲང་སོགས་ཀྱང་འདེགས་འཇལ་གྲུབ་འཕྲལ་སྤྱི་སར་སྐྱེལ། གླིང་ཁྲོད་དུ་ཀ་ཅ་བརླག་དོར་རྙེད་ན་དགེ་སྐོས་ལ་སྤྲོད། ལྕགས་རིའི་ནང་དུ་བླ་མ་སློབ་དཔོན་སོགས་གྲྭ་རིས་དམིགས་བསལ་མ་གཏོགས་རྟ་མི་ཞོན། བཞོན། ཁྱི་དང་སྤྲང་པོ་གླིང་གསེབ་ཏུ་མི་གཏོང་ཞིང་ལས་བྱེད་ཀྱིས་བཟའ་བཏུང་(༥༧ན)

― GLG020_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་རོལ་དུ་སྟེར། གློ་བུར་དུ་ལྷགས་པའི་རབ་ཏུ་བྱུང་བ་ལ་དག་སྣང་སྦྱོང་ཞིང་གནས་མལ་དང་གོས་སྟན་གཡོར། རབ་བྱུང་ལ་ཕྱི་དྲོའི་ཁ་ཟས་དང་ཁྱིམ་པ་ལ་ཆང་རིན་མི་སྟེར། དགོན་པའི་སྤྱིལ་པོ་བཤིག་ནས་བསྒྲིལ་བ་དང་ཤིང་ཆ་འཚོང་བ་སོགས་མི་བྱེད། བྱས་པ་བྱུང་ན་ཁང་པ་རྙིང་པར་ཆ་བཞག་སྒྲུབ་འཇུག །རབ་བྱུང་གི་རྟགས་ཆ་ལུགས་རྣམས་རུང་བ་ཚད་ལྡན་མ་གཏོགས་རྒྱགས་པ་དང་དྲེགས་པ་འཕེལ་བའི་ཁ་དོག་བཟང་པོ་དང་ཚད་ལས་ལྷག་པའི་མཆོར་ཆས་མི་བྱེད། མཐང་ཤམ་རྔུལ་གཟན་མེད་པར་ལམ་སྲང་དང་ཕྱི་རོལ་དུ་མི་འགྲོ། བྱེས་བགྲོད་ལྟ་བུའི་ཚེ་ཆང་དང་ཕྱི་དྲོའི་ཁ་ཟས་འཛེམ་མེད་དུ་སྤྱོད་པ། འཁྲུག་གྲལ་དུ་གོ་གྱོན་མཚོན་ཐོགས་པ། ཁྲིམས་གྲོགས་མེད་པར་ཉེ་དུ་མིན་པའི་བུད་མེད་དང་གནས་དབེན་པ་སྐྱབས་ཡོད་པར་ཞག་ཏུ་ལྷན་ཅིག་ཉལ་བ་བྱུང་ན་སླར་གྲྭ་ས་འདིར་མི་འཇུག་པ་འམ། ཡང་ན་ཆང་ཕྱི་དྲོའི་ཁ་ཟས་འཁྲུག་པ་གསུམ་ལ་མང་ཇ་ཚ་ར་འབུལ་ཚན་སོགས་ཀྱི་ཆད་པ་དང་། ཕྱི་མ་ལ་མི་ཚངས་སྤྱོད་ཀྱི་སྐྱོན་ཡོད་མེད་ཀྱི་ཆར་ལག་འདོགས་ཀྱི་དག་པ་བྱས་ནས་སྤྱོད་ལམ་མ་བཟོ་བའི་ཆད་པ་གོང་བཞིན་བསྒྲུབ། སྤྱི་སོའི་འདུ་ཁང་དུ་སྡེ་གཉིས་ཀ་ཚོགས་པའི་ཚེ་ཆབ་སྐད་དང་དུང་གཏོང་ལུགས་སོགས་དཔལ་ལྡན་འབྲས་སྤུངས་དང་དབྱིབས་མཐུན་པར་བྱེད། དགེ་འདུན་རྣམས་བག་མེད་པའི་སྤྱོད་ལམ་སྤངས་ཏེ་གཞན་དག་དང་བ་འདྲེན་པའི་ཚུལ་ལྡན་གྱི་སྒོ་ནས་འདུ་ཞིང་བསླབ་གྲལ་མ་འཁྲུགས་པར་བྱེད། གྲལ་མཚེས་དང་ལོང་གཏམ་སྨྲ་བ། གཉིད་ལོག་པ། བཞད་གད། རྩིག་པ་དང་ཀ་བར་བསྙེ་བ། དེ་དག་ལ་མཆིལ་(༥༧བ)

― GLG020_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

སྣབ་འདོར་བ་སོགས་བདུད་ལས་རྣམས་སྤངས་ཏེ་མ་ཡེངས་པར་ཆོས་སྤྱོད་ཀྱི་རམ་འདེགས། བསྙེན་བཀུར་ལ་སྤྱོད་པའི་ཚེ་ཅག་ཅག་ཧུ་ཧུ་དང་ལྕེས་བལྡག་པ་སོགས་ཆོས་འདུལ་བ་ནས་བཀག་པ་རྣམས་མི་བྱེད། གཤོལ་དུ་མི་བཏུབ་པའི་རིས་མི་བྱུང་བར་བསྔོ་བ་མ་ཚར་གོང་ནས་འགྲོ་བ། ཚོགས་གྱེས་པའི་ཚེ་གཞན་དག་གིས་འཕྱ་སྨོད་ཀྱི་གནས་སུ་འགྲོ་བར་མི་བྱེད། དགེ་འདུན་གྱིས་ཕམ་ཕབ་དང་རྙེད་པ་ཁྱི་དང་སྤྲང་པོ་སོགས་ལ་སྦྱིན་ན་ཡུལ་དེར་གནོད་པས་མི་སྦྱིན། གལ་ཏེ་དམིགས་བསལ་བྱུང་ན་དགེ་འདུན་ལ་གནང་བ་ཞུ། ནད་པ། མཚམས་པ། སྤྱི་པའི་ལས་བྱེད་སོགས་དམིགས་བསལ་མ་གཏོགས་ངོས་ལེན་མེད་པར་ཚོགས་སྐལ་མི་སྟེར། དགེ་འདུན་སྤྱིའི་བྱ་བ་སྒྲུབ་པ་སོགས་ལ་དུས་ཀྱིས་གཏུགས་ཏེ་སྔོན་དུ་འགྲོ་དགོས་མ་ཡིན་པར་སྤྱི་ཟས་ཀྱི་སྔོན་རོལ་དུ་སྐལ་བ་མི་ལེན། ཚོགས་ཀྱི་ཞལ་འདོན་དཔེར་ན། གདུགས་དཀར་རྫོགས་མཚམས་ནས་ཇ་དང་པོ་གཏོང་བ་དུས་མཚུངས། དེས་གཞན་དག་ལ་ཡང་མང་ཉུང་གི་རིགས་འགྲེ་ཞིང་ཇ་དང་པོའི་རྗེས་སུ་བསྟན་པ་སྤྱི་སྒོས་ལ་ཉེ་བར་འཚེ་བའི་རིགས་དང་ཆོས་སྡེ་རང་གི་ཕྱི་ནང་དུ་དཀྲུགས་ཤིང་བསྟན་པའི་སེལ་འཇུག །ནག་ཆང་སོགས་ལ་དམིགས་པའི་མདོ་སྒྲུབ་ཚར་གཅིག་བྱེད། སྐྱབས་སེམས་རྗེས་སུ་ས་ལམ་གསང་བའི་རྣམ་ཐར་སོགས་ཆོས་སྤྱོད་རགས་བསྡུས། སྨོན་ལམ་ལྔ། སྒྲོལ་མ། ཤེར་སྙིང་། གདུགས་དཀར། ཚེ་གཟུང་། འདོད་ཁམས་བདག་མོའི་གཏོར་བསྔོ།(༥༨ན)

― GLG020_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་འབར་མས་མཐའ་བརྟེན་པ་ལས་ཞལ་འདོན་མང་ཉུང་གདངས་འདུར་སོགས་སྦྱིན་བདག་གི་གཤིན་གསོན་གྱི་དོན་གང་ཡིན་དང་མང་ཇ་མང་ཉུང་སོགས་ལ་ཡང་སྐབས་དང་བསྟུན། ཆོ་འཕྲུལ་གྱི་ཟླ་བར་མཉན་ཡོད་མཆོད་པའི་ཕྱག་ལེན་ལྷ་ས་སྨོན་ལམ་ཆེན་མོ་སོར་གནས་དང་། ཚོགས་དབུ་སྤྱི་པར་མཁན་པོ་མེད་ཕྱིན་གྲྭ་ཚང་གཉིས་ཀྱི་བླ་མ་བསླབ་པ་སུ་རྒན་གྱིས་བྱེད། གཞི་གསུམ་གྱི་ཕྱག་ལེན་འཆག་མེད་དང་། སློབ་དཔོན་རྣམས་གཉིས་མ་བྱུང་བའི་དུས་བསླབ་པ་རྒན་པ་ཞིག་གིས་མདོ་འདོན། དགེ་སྐོས། ཞལ་ཏ། ཆབ་རིལ་བ་རྣམས་སྤྱི་སོ་གྲོས་ཐོག་ནས་རང་འདོད་ཁ་འཚངས་སུ་མ་སོང་བའི་དགོན་པར་ཁེབས་གང་ཆེ་འོས་འདུ་བསྡུས། འབའ་རྫོང་སྡོད་ལ་བསྡུར་བའི་ཁོག་ནས་གཙོ་བོར་ལྷ་མོ་དོན་གྲུབ་མའི་སྐུ་བརྙན་གྱི་མདུན་དུ་ཟན་རིལ་གང་བབས་ཀྱིས་ལོ་གསུམ་རེའི་བར་བྱེད། དབུ་མཛད་སྐད་དང་གདངས་ངེས་པ་གལ་ཆེ་བས་དངོས་ཡོན་གང་འདུག་གཙོ་བོར་བྱེད་ཅིང་ལོ་གྲངས་ཀྱི་ངེས་པ་མེད། མང་ཇའི་བསྔོ་རྟེན་སློབ་དཔོན་གཉིས་སོ་སོར་རྣམ་གཞག་དང་། སློབ་དཔོན་དབུ་མཛད་པར་བསྔོ་རྟེན་བྱང་འདྲེན་དགེ་སྐོས་ཞལ་ཏ་བ་གསུམ་སོ་སོ་དང་། དུང་མཁན་གཉིས་དང་ཆབ་རིལ་བ་ཐུན་མོང་དུ་རྣམ་གཞག་གཅིག །ལྷ་མོ་དོན་གྲུབ་མར་སྙན་དར་རྣམས་འབུལ། དགེ་འདུན་བཞིར་ལོངས་པ་ལ་ཕུལ་བའི་རབ་བྱུང་གི་རྟགས་ཆ་ལུགས་སོགས་ཀྱི་དངོས་པོ་དགེ་སྐོས་ལ་གཏད་པའི་ཡོ་བྱད་དེ་དག་སྒྲུབ་མི་ནུས་པའི་རྒན་རིམ་ལ་སྟེར། དགེ་འདུན་བཅུར་ལོངས་བ་ཡན་ཆད་ལ་སྣམ་སྦྱར་དང་རས་ཆེན་ཀྱི་རྒྱུར་འོས་(༥༨བ)

― GLG020_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དར་རས་སྣམ་བུ་སོགས་བྱུང་ན་མ་བགོད་པར་སྔར་ལྟར་སྟེར། དགེ་འདུན་སྤྱིར་ཕུལ་བ་བསྙེན་པར་རྫོགས་མ་རྫོགས་ཀྱི་རྙེད་པ་མཉམ་པོར་ཐོབ་མི་ཐོབ་འདུལ་བའི་སྡེ་སྣོད་ནས་བཤད་པ་བཞིན་བྱེད། སྒོག་བཙོང་སོགས་དྲི་ངན་པས་གོས་པར་བྱས་ནས་དྲི་གཙང་ཁང་དང་དགེ་འདུན་གྱི་ཀུན་དགའ་ར་བ་སོགས་སུ་མི་འགྲོ། ནང་མཆོད་སྨོན་རྟ་མཁར་ལས། དགེ་འདུན་སྤྱིའི་ཆེད་དུ་བཟོ་རིས་པ་འོངས་པའི་སྐབས་དམིགས་བསལ་མ་གཏོགས་ཆང་གི་འགྲིམ་འགྲུལ་མི་བྱེད། ཡོ་བྱད་ཀྱིས་དབུལ་བའི་ནད་པ་ལ་དགེ་འདུན་དང་དཀོན་མཆོག་གི་རྫས་ཀྱི་སྟེང་ནས་ཕན་པ་བསྒྲུབ་ཅིང་སླར་དེ་ལ་གུན་བསབ་མེད་ཀྱང་ཡུལ་གཉན་པས་ཉེས་པར་མི་འགྱུར། གལ་ཏེ་རང་ཡུལ་ལྟ་བུ་ནས་དངོས་པོ་ལེན་རྒྱུ་ཡོད་ན་གུན་བསབ། འདུས་སྡེ་འདིའི་ཁོངས་སུ་མི་གཏོགས་པའི་ནད་པ་སོགས་ཉམ་ཐག་པའི་ཡུལ་རྣམས་ལ་ཟས་གོས། སྨན། ནད་གཡོག་སོགས་རིམ་གྲོ་བྱེད། ནད་རིམས་ཡོད་སར་ཕྱིན་ན་དགེ་འདུན་སྤྱི་འབགས་པའི་ཉེན་ཡོད་པས་མི་འགྲོ། སྲོག་ལ་རྒོལ་བར་ཐུག་པའི་ནག་ཆེན་སྐྱབས་འཚོལ་བར་བྱུང་ན་བསྟེན་ཅིང་། རྒྱང་གྲགས་གཅིག་ཚུན་གྱི་རི་ཀླུངས་སུ་སེམས་ཅན་རྔོན་པ་བསྲུངས་ཏེ་མི་འཇིག་པའི་སྦྱིན་པ་སྟེར། བྱེ་བྲག་གྲྭ་ཚང་གཉིས་སུ་ཕྱེ་བའི་སྔགས་གྲྭ་བ་རྣམས་ཀྱིས་མཁས་གྲུབ་ནོར་བཟང་རྒྱ་མཚོས་མཛད་པའི་གསང་འདུས་བསྐྱེད་རྫོགས། ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པའི་བདེ་མཆོག་གི་བསྐྱེད་རྫོགས། དེས་མཛད་པའི་འཇིགས་བྱེད་ཀྱི་བསྐྱེད་རིམ་རྣམས་ཀྱི་འཆད་ཉན། རྒྱལ་བ་བཙོང་ཁ་པས་མཛད་པའི་གསང་བདེ་འཇིགས་གསུམ་(༥༩ན)

― GLG020_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

འདུལ་འཛིན་པའི་ཀུན་རིག་རྣམས་ཀྱི་མངོན་དཀྱིལ། རྒྱུད་གཞུང་། ཕྱག་དྲུག་པ། ལས་གཤིན། དམག་ཟོར་མ། རྣམ་སྲས། ཨ་ཕྱི། པེ་ཧར། བསེ་ཁྲབ་པ་རྣམས་ཀྱི་བསྐང་གསོ་སོགས་ཚོགས་འདོན་སྔོན་ནས་ཚུགས་ཟིན་པ་རྣམས་ལ་དོ་དམ་གང་ཆེ་ལས་གསར་འཛུགས་མང་པོ་མི་བྱེད། ཧོར་ཟླ་དྲུག་པའི་ནང་དུ། གསང་བདེ་འཇིགས་གསུམ་དང་། ཀུན་རིག་གི་དཀྱིལ་འཁོར་སྒྲུབ་མཆོད། ལོ་མཇུག་སྐུ་རིམ་སོགས་གྲ་གང་འགྲིག་བྱེད། མདོ་གྲྭ་བ་རྣམས་ཀྱིས་དབུ་ཕར་མཛོད་གསུམ་ཡིག་ཆ་གསར་པ་དང་། འདུལ་བར་ཡིག་ཆ་གང་འོས། རྣམ་འགྲེལ་ར་བ་སྟོད་པའི་ལུགས་སོར་གནས། གཙོ་བོའི་རྩིས་གཤག་བགྲོ་གླེང་ལ་རྩོལ་འདོན་དང་། དེ་འོག་ནས་ཆོས་སྤྱོད་སྨོན་ལམ། གདུགས་དཀར། ཤེར་སྙིང་། སྒྲོལ་མ། ཚེ་གཟུངས་སོགས་ཀྱི་འཛིན་སྦྱོང་། གདངས་སོགས་རྩོལ་འདོན་ལས་སྔགས་ཕྱོགས་སུ་གཏོགས་པ་དམག་ཟོར་མའི་གཏོར་འབུལ་ཙམ་མ་གཏོགས་མི་བྱེད། ཆོས་ཐོག་བརྒྱད་ཀྱི་ཕོགས་ཇ་ཚུལ། སྨོན་ལམ། ལྔ་མཆོད། ཉེར་བདུན་སོགས་སྔར་རྒྱུན་གྱི་གཏོང་སྒོ་དང་། དེ་གའི་ཡོང་དེབ་ཀྱི་ཆོས་གཞིས་སོགས་ཡོད་འདུག་པ་རྣམས་སྒོ་བསྟུན་ལས་ཚན་རྣམས་ཁུར་བསམ་གང་ཆེའི་ངོས། གཙོ་བོར་ཆོས་ཕྱོགས་ཀྱི་འགན་འཁུར་སློབ་དཔོན་གཉིས་དང་འཇིག་རྟེན་གྱི་ལ་རྒྱའི་ཁུར་ལེན་འབའ་ལྷུན་གྲུབ་རབ་བརྟན་གྱི་རྫོང་སྡོད་ནས་བྱས་པའི་ཆོས་སྡེ་ཆེན་པོ་འདི་འཁོར་ལོ་གསུམ་གྱི་སྒོ་ནས་ཡར་ལྡན་དུ་(༥༩བ)

― GLG020_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་དམན་སྐྱ་སེར་ཀུན་གྱིས་བསྒྲུབས་ན་འདི་ཕྱིའི་དོན་ཆེན་སྤེལ་བའི་ཐབས་བླ་ན་མེད་པའི། ཐུགས་རྗེའི་སྐྱ་རེངས་དང་པོ་ཤར་ཙམ་གྱིས། །འགྲོ་ཀུན་མ་རིག་གཉིད་ལས་ཉེར་སློང་བའི། །རྣམ་འདྲེན་ཉིན་མོར་བྱེད་པ་ཤཱཀྱའི་གཙོ། །ཁྱོད་བསྟན་སྐྱེ་རྒུ་ཀུན་གྱི་ཆོས་དཀར་ཡུལ། །དེ་ཚུལ་འཛིན་པའི་རྣམ་དག་གྲུབ་མཐའ་བཞི། །ལུགས་སྲོལ་རབ་དཀར་འོ་མཚོ་གངས་ལྗོངས་འདིར། །འཁྱིལ་ཡང་ལོག་བཤད་རྙོག་མས་ཆེར་སྦགས་པ། །དྲུངས་བྱེད་མཁས་རྣམས་རིང་མོ་ཞིག་ནས་ནོངས། །འོན་ཏེ་ཆ་ཤས་ཡོངས་གང་བསིལ་ཟེར་ཅན། །སྨག་རུམ་མུན་པའི་ཁྲོད་དུ་ཤར་བ་བཞིན། །ཀུན་མཁྱེན་འཇམ་དཔལ་སྙིང་པོའི་མཁྱེན་དཔྱོད་ཀྱིས། །རྒྱལ་བའི་རིང་ལུགས་དྲི་མ་ལན་བརྒྱར་བཀྲུས། །གང་གི་གསུང་རབ་གངྒཱའི་ཡབ་ཅིག་ལས། །སྙིང་པོ་ཁྲིམས་སུ་བཅའ་བའི་ཉལ་འགྲོའི་རྒྱུན། །སྤྱི་དང་ཁྱད་པར་བསྟན་པའི་རྒྱ་མཚོ་ཆེར། །འབབ་བྱེད་ཁོ་བོའི་བློ་གྲོས་ཉི་གཞོན་བཞིན། །དཀོན་མཆོག་ཐུགས་རྗེ་རྟེན་འབྲེལ་སླུ་བ་མེད། །བསྟན་སྲུང་དམ་ཅན་རྒྱ་མཚོའི་མཐུ་སྟོབས་ཀྱིས། །ཐུབ་བསྟན་བྱམས་ཆེན་ཆོས་ཀྱི་སྡེ་ཆེན་པོ། །སྲིད་མཐའི་བར་དུ་དར་ཞིང་རྒྱས་གྱུར་ཅིག །ཅེས་ལི་ཐང་ཐུབ་བསྟན་བྱམས་ཆེན་ཕྱོགས་ཐམས་ཅད་ལས་རྣམ་པར་རྒྱལ་བའི་སྡེའི་ཁྲིམས་སུ་བཅའ་བའི་རིམ་པ་བླང་དོར་གསལ་བའི་མེ་ལོང་ཞེས་བྱ་བ་འདི་ནི་ཟ་ཧོར་གྱི་བཙུན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས་སྦྱར་པའི་ཡི་གེ་པ་ནི་གནས་བན་འཇམ་དབྱངས་ཀྱིས་བགྱིས་པ་སརྦདིགྻུརཡནྟུ། །

འབའ་དགའ་ལྡན་ཕན་བདེ་གླིང་པའི་ཁྲིམས་སུ་བཅའ་བའི་རིམ་པ་བླང་དོར་གསལ་བའི་ཟླ་བ་སོགས།

― GLG020_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

ཛྙེ ཡ ཏཱ ཡ ཐཱ བ ཏཱ བྷི བྷཱ བ དཱེ ཤ ཙ ཀྵུ ནཱ ཙ།ཇི་ལྟ་ཇི་སྙེད་ཤེས་བྱའི་ཁྱོན། །མངོན་སུམ་གཟིགས་པའི་སྤྱན་རས་ཀྱིས། །ཀཱུ ལ མཱ ཛ གོ པ དྲྀ ཀ ན ཤེ ཥ ཨཱ ཪྠ ས དྷ ན མྱ།རིས་མེད་འགྲོ་ལ་ཉེར་བཙའ་བ། །དོན་ཀུན་མ་ལུས་གྲུབ་དེར་འདུད། །གང་གི་རིང་ལུགས་ཀུན་བཟང་མའི། །རྒྱན་དུ་ལེགས་བཤད་ནོར་བུའི་འཕྲེང་། །རྣམ་དཔྱོད་སྲད་བུར་བརྒྱུད་མཁས་པ། །འཇམ་དཔལ་སྙིང་པོས་དགེ་ལེགས་སྩོལ། །དགའ་བའི་དཔལ་ལྡན་ཆོས་ཀྱི་སྒྲ། །ཕན་དང་བདེ་བའི་འབྱུང་གནས་མཆོག །སྡོམ་སྩོན་གླིང་གི་བླང་དོར་རྣམས། །གསལ་བྱེད་རི་བོང་འཛིན་འདི་ཤར། །ཚིགས་སུ་བཅད་པའི་པི་ཝང་གི་རྒྱུད་ལས་དྲངས་ཏེ་ཤིས་པར་བརྗོད་ནས། དེའང་བསྐལ་བཟང་གི་འདྲེན་པ་བཞི་པ་རྣམ་འདྲེན་ཉི་མའི་གཉེན་གྱི་བསྟན་པ་རིན་པོ་ཆེ་ས་གསུམ་གྱི་འགྲོ་བ་མ་ལུས་པའི་ཀུན་རྨོངས་ཀྱི་སྨག་རུམ་མཐའ་དག་སེལ་(༦༠བ)

― GLG020_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བྱེད་པའི་སྒྲོན་མེ་ཡིན་ལ། ཐུབ་པའི་བསྟན་པའི་སློབ་དཔོན་དབྱིག་གཉེན་གྱིས། །སྟོན་པའི་དམ་ཆོས་རྣམ་གཉིས་ཏེ། །ལུང་དང་རྟོགས་པའི་བདག་ཉིད་དོ། །ཞེས་ལུང་རྟོགས་ཀྱི་ཆོས་གཉིས་སུ་གསུངས་པའི་ཐོག་མར་ལུང་གི་ཆོས་དཀོན་མཆོག་རྣམས་ཚུལ་བཞིན་ཐོས་བསམ་གྱིས་གཏན་ལ་ཕབ་པ་ལ་བརྟེན་ནས་མངོན་པར་རྟོགས་པའི་ཡོན་ཏན་གྱི་ཚོགས་རྒྱུད་ལ་སྐྱེ་བར་འགྱུར་བས་ན། །མདོ་སྡེ་རྒྱན་ལས། འདི་ན་དང་པོར་ཐོས་ལ་བརྟེན་ནས་ཚུལ་བཞིན་ཡིད་ལ་བྱེད་པ་འབྱུང་། །ཚུལ་བཞིན་ཡིད་ལ་བྱེད་ལས་ཡང་དག་དོན་ཡུལ་ཡེ་ཤེས་འབྱུང་། །ཞེས་ཐོས་བསམ་སྒོམ་གསུམ་ཕྱིན་ཅི་མ་ལོག་པ་ཞིག་བྱུང་ན་གནས་སྐབས་དང་མཐར་ཐུག་དོན་རྒྱ་ཆེན་པ་འགྲུབ་པའི་རྒྱུ་ཡིན་པས། བློ་གྲོས་རྒྱ་མཚོས་ཞུས་པའི་མདོ་ལས། དེ་བཞིན་གཤེགས་པའི་དམ་པའི་ཆོས་འཛིན་པ། །བརྒྱ་བྱིན་ཚངས་པ་དེ་བཞིན་འཇིག་རྟེན་སྐྱོང་། །འཁོར་ལོས་སྒྱུར་དང་མི་ཡི་རྒྱལ་པོར་འགྱུར། །བདེ་དང་ཡང་བདེ་བྱང་ཆུབ་དེ་འཚང་རྒྱ། །ཞེས་བསམ་གྱིས་མི་ཁྱབ་པའི་ཡོན་ཏན་དང་ལྡན་ལ། དེ་ལྟ་བུའི་འཇུག་བྱ་རྒྱལ་བའི་བསྟན་པ་ལ་འཇུག་བྱེད་ཀྱི་ཐབས་ཐེག་པ་ཆེ་ཆུང་གི་ཆོས་ཚུལ་མཐའ་ཀླས་ནའང་། བཤེས་སྤྲིང་ལས། ཁྲིམས་ནི་རྒྱུ་དང་མི་རྒྱུའི་ས་བཞིན་དུ། །ཡོན་ཏན་ཀུན་གྱི་གཞིས་རྟེན་ལགས་པར་གསུངས། །ཞེས་ས་ཆེན་པོ་ལྟར་ཡོན་ཏན་ཐམས་ཅད་ཀྱི་གཞི་རྟེན་ལྷག་པ་ཚུལ་ཁྲིམས་ཀྱི་བསླབ་པ་ལ་རག་ལུས་པར་གསུངས་ཤིང་། ཁྱད་པར་ཞྭ་སེར་ཅོད་པན་འཆང་པའི་སྡེ་མཐའ་དག་ཐམས་ཅད་མཁྱེན་པ་ཤར་བཙོང་ཁ་པ་བློ་བཟང་གྲགས་པའི་དཔལ་གྱི་ཕྱག་ལེན་ལྟར་མདོ་སྔགས་ཀྱི་སྡེ་གང་ཡིན་ཡང་འདུལ་ཁྲིམས་ལ་གཙོ་བོར་མཛད་པ་ཡིན་པས་འབའ་དགའ་ལྡན་(༦༡ན)

― GLG020_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

ཕན་བདེ་གླིང་དུ་གྲགས་པའི་འདུས་སྡེ་འདིའི་ཁྲིམས་སུ་བཅའ་བའི་རིམ་པ་ལ། ཐོག་མར་གསར་བུ་བ་རྣམས་རབ་ཏུ་བྱུང་བའི་ལོ་ཚིགས་སླེབསས་མ་སླེབ་སོགས་བར་གཅོད་ཡོད་མེད་བརྟགས་ཏེ་འགལ་རྐྱེན་དང་མི་ལྡན་པ་རྣམས་ལ་ཆོས་གོས་གསུམ། ལྷུང་བཟེད། ཆུ་ཚགས། རྡུལ་བཟན་རྣམས་མ་མཐའ་བརྙན་པོ་ཚུན་གྱིས་ཚང་བར་བྱས་ཏེ་རབ་བྱུང་བསྒྲུབ། ཟླ་བ་གསུམ་མམ་ལྔ་ལས་མི་འགྱངས་པར་རུང་མཐུན་གྱི་གོས་སོགས་ཡོ་བྱད་རྣམས་རང་ཉིད་བདག་གིར་བྱར་རུང་བ་གཤོམ་པར་བྱེད། རབ་ཏུ་བྱུང་བ་དང་དེའི་རྟགས་དང་མི་ལྡན་པ་ཚོགས་སུ་མི་གཞུག །གཞན་དག་ནས་འོངས་པའི་གྲྭ་རྙིང་གི་རིས་འཇུག་པ་བྱུང་ན་གཡུང་བོ་དང་རྩ་བ་ཉམས་པ་ཡིན་མིན་བརྟག །བསྙེན་པར་རྫོགས་འདོད་རྣམས་ཀྱང་བར་མའི་སྐབས་བཞིན་མཐུན་རྐྱེན་ཚང་ཞིང་འགལ་རྐྱེན་ཡོད་མེད་བརྟག་པ་སོགས་ཀྱི་སྒོ་ནས་བསྒྲུབ། གནས་ཀྱི་སློབ་དཔོན་བསྟེན་ནས་རྣམ་འབྱེད་དང་འཕྲན་ཚེགས་བྱུང་བའི་བསླབ་བྱ་རག་རིམ་ཁོང་དུ་ཆུད་པར་བྱས་ཏེ་རབ་ཏུ་བྱུང་ནས་རིང་པོར་ལོན་པ་རྣམས་ཀྱིས་བསླབ་པ་གང་ལ་བསླབ་དང་མཚུངས་པར་སློབ། འོག་ནས་བྱུང་བའི་ཐོས་བསམ་བྱ་བར་འོས་པ་རྣམས་ཀྱང་བློ་ནུས་དང་བསྟུན་པའི་བསླབ་སྦྱང་ལ་བརྩོན་པར་བྱ། རྩ་བ་ལས་ཉམས་ན་གནས་ནས་དབྱུང་ཞིང་། ལྷག་མ་སོགས་དགེ་འདུན་དང་གང་ཟག་སོ་སོར་བཤགས་པ་གཞུང་བཞིན་བྱེད། ཡུལ་ཚན་སོགས་སྡེ་རིས་སུ་བཅད་དེ་དགེ་འདུན་གྱི་དབྱེན་ཆེན་པོ་བྱས་ན་སྟེ་པོ་སུ་ཡིན་དབྱུང་ཞིང་། གཞན་རྣམས་ལ་སྤྱི་ཐོག་ཏུ་མང་ཇ། ཚ་ར། ཐུག་དར་ལྕོག །སྙན་དར། བླ་མར་ཇ་ཁག་ཡས་གཙོས་པའི་བདུན་ཚན། སྣེ་མོ་བ་སོ་སོར་རྣམ་གཞག་གཏོང་། རེ་གཉིས་(༦༡བ)

― GLG020_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་འཐབ་རྩོད་ཀྱི་་འགྲམ་ལྟ་བུ་བྱུང་ན་རྨསཆེ་ཆུང་ལ་དཔགས་པའི་གོང་གི་ཆད་པ་རིམ་འགྲོས། རྨ་སོགས་འཇལ་སྤྱོད་སོགས་ཚུལ་ལྡན་བསྒྲུབ། དེ་མིན་ལག་འཐབ་སོགས་ལ་དཀར་མེ་སྙན་དར། གྲྭ་ཇ་བརྒྱ་ཕྱག་སོགས་ཆེ་ཆུང་ཉེས་བྱས་དང་བསྟུན་པ་འགེལ། དགེ་འདུན་སྤྱིའི་རྫས་ལ་གང་ཟག་གིས་ལོངས་མི་སྤྱོད། སྤྱོད་པར་འོས་པའི་བྲེ་སྲང་སོགས་ཀྱང་སྤྱི་སར་སྐྱེལ། ཁེ་ཚོང་སོ་ནམ་ཞིང་ལས་བུན་སྐྱེད། དུད་འགྲོ་བསྲེལ་བ། རྒྱན་པོ་འགྱེད་པ། འདུས་ལ་བལྟ་བ་སོགས་སྤོང་། བླ་མས་བེར་ཟླམ། ཕྱིང་དམར། བསེ་ཞུ། རྩེ་ཞྭ། པཎ་དོམ་ལས་ལུང་མ་བསྟན་གྱི་ཞྭ་གོས་མི་གྱོན། གྲྭ་པ་རྣམས་ཀྱིས་རྩེ་ཞྭ་ཟླ་གམ་ཞེ་མཚུངས་ལས། པཎ་ཞྭ། པགས་ཞྭ། སྒོམ་ཞྭ། འབར་ཞྭ། སླེའུ། ཕྱིང་པ། གོས་དཀར་པོ། ཕུ་ཐུང་དང་། ཕུ་གུ་ཅན་གྱི་སྐ་རགས། ཕོར་ཤུབས། སྒོམ་ཐག །དྲ་ཕད། སུག་རྩ། ཟོམ་པ། པགས་ཐུལ་སོགས་ལ་མི་སྤྱོད་ཅིང་། སྤྱད་ན་དངོས་པོ་ངོ་བོ་འཕྲོག །གླིང་གསེབ་སྐད་རྒྱངས། ཀུ་ཅོ། མཆོངས། རྡོ་སྐོར། འུར་རྡོ་འཕེན་པ། ཞིང་སྔོ་ཐོག་ལམ་བྱེད་པ། མཐང་ཤམ། རྡུལ་གཟན་མེད་པར་ལམ་སྲང་དང་ཕྱི་རོལ་སོགས་སུ་མི་འགྲོ། ཚོགས་དང་ཆོས་རར་འདུ་བའི་ཚེ་དུང་དང་གཎྜི་འཁར་རྔའི་བརྡ་དང་བསྟུན་སྤྱོད་ལམ་བག་དང་ལྡན་པས་འདུ་ཞིང་བསླབ་གྲལ་སོགས་མ་འཁྲུག་པར་བྱེད། གཉིད་ལོག་པ། ལོང་གཏམ། བཞད་གད། རྩིག་པ་དང་ཀ་བར་སྙེ་བ་དང་། བཟའ་བཏུང་ལ་སྤྱོད་པའི་ཚེ་ཅག་ཅག །ཧུ་ཧུ། ལྕེ་བལྡག་པ་སོགས་སྤོང་། (༦༢ན)

― GLG020_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

ནད་པ། མཚམས་པ། སྤྱི་པའི་ལས་བྱེད་དུ་འཁོད་པ་མིན་ཕྱིན་ཚོགས་སུ་མ་ཡོངས་པར་སྐལ་པ་མ་སྟེར། ནང་མཆོད། སྨན་རྟ། མཁར་ལས་སོགས་དམིགས་བསལ་ལ་དགོས་པ་བྱུང་ན་མ་གཏོགས་ཆང་མི་ལེན། ནད་པ་ཉམ་ཆུང་གི་རིས་ལ་དགེ་འདུན་དཀོན་མཆོག་གི་རྫས་ཀྱི་སྟེང་ནས་རིམ་གྲོ་བྱེད། ནག་ཆེན་གྱི་སྲོག་སྐྱོབ་དང་། རྒྱང་གྲགས་གཅིག་ཚུན་གྱི་བྱ་རི་དྭགས་བསྲུང་བ་སོགས་མི་འཇིགས་པའི་སྦྱིན་པ་བྱིན། དབྱར་གནས་འགག་དབྱེ་གསོ་སྦྱོང་རྣམས་འཆག་མེད་དང་། ཚོགས་འདོན་གྱི་ཆོས་སྤྱོད་སྐོར་འབྲས་སྤུངས་ཚོགས་ཆེན་སོར་གནས་ཀྱི་སྟེང་སྨན་བླ་ཆེན་མོ་འཛུགས། མདོ་ཕྱོགས་ལ་ཤེས་འདོད་ཡོད་པ་དང་འཆར་སྒོ་ཡོང་བའི་གཞོན་གྲྭ་རྣམས་ལ་དབུ་ཕར་སོགས་ཀྱི་འཆད་ཉན་བྱེད། མཚན་ཉིད་པ་རྣམས་ཀྱིས་ཆོ་ག་བསྐང་བ་སོགས་ལ་མི་བལྟ། ཡོན་ཏན་གྱི་གཞི་ཐིངས་ནས་གྲྭ་ས་ཕན་ཚུན་དུ་པོ་ཏི་ཕྱི་མའི་སློབ་སྦྱང་ལ་གཏོང་། རྒན་གྲྭ་མདོ་ཕྱོགས་ལ་ཤེས་འདོད་ཆུང་བ་རྣམས་གསང་འདུས། འཇིགས་བྱེད། ཀུན་རིག་ཆེན་མོ། མི་འཁྲུགས་པ། མགོན་པོ་ཕྱག་དྲུག་པ། ཆོས་རྒྱལ། དམག་ཟོར་མའི་བསྐང་བ་རྣམས་འཛིན་བཤར་བྱེད་ཅིང་། དེ་རྣམས་ཟུར་དུ་ཚོགས་པའི་ཚེས་བརྒྱད་ལ་མི་འཁྲུགས་པ། བཅོ་ལྔ་ལ་ཀུན་རིག །ཉེར་ལྔ་ལ་གསང་འདུས། ཉེར་དགུ་ལ་བསྐང་བ་བྱེད། གྲྭ་ཇ་ལ་ཐམས་ཅད་ལྷན་དུ་འཚོག་ཅིང་ཆོས་སྤྱོད་སྨན་བླ་སྡེབས་སུ་འདོན། ལྔ་མཆོད་སོགས་དུས་མཆོད་ཀྱི་རིས་གང་ཡོད་ལ་ལྷན་དུ་ཚོགས་ན་སྨན་བླ་དང་། མདོ་ཕྱོགས་མི་བྱེད་པ་རྣམས་ཟུར་དུ་འཚོག་ན་དེ་རྣམས་ཀྱིས་གསང་འདུས་མི་འཁྲུགས་པ་སོགས་གང་(༦༢བ)

― GLG020_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

རིས་གཏོང་། ཆོ་ག་བསྐང་གསོ་སོགས་ཀྱི་རྩི་ཞག་ཆོས་རར་བཏང་ཀྱང་འགལ་བ་མེད། ཆོས་ཐོགས་གི་དུས་གུང་ཚོགས་གྲོལ་ནས་ལམ་རིམ་ཆེ་ཆུང་། བཀའ་གདམས་གླེགས་བམ། བཀའ་གདམས་ཐོར་བུ། བློ་སྦྱོང་སོགས་སྤྱི་ཆོས་གྲྭ་པ་ཚང་མར་འཆད། སྔ་དྲོ་འབུམ་ཚར་རེ་སྒྲོག་པ་སོགས་བསྟན་པ་རིན་པོ་ཆེ་འཕེལ་རྒྱས་ཀྱི་རྒྱུར་འགྲོ་བའི་འཁོར་ལོ་གསུམ་གྱི་རིམ་པ་རྣམས་བླ་མ་རྫོང་སྡོད་ལས་འཛིན་རྣམས་ཀྱིས་འབད་པས་བསྒྲུབ་པ་ནི་ལེགས་བྱས་རྒྱ་མཚོ་འཕེལ་བའི་གཞི་དམ་པའོ། །དེ་ལྟར་ཁྲིམས་སུ་བཅའ་བའི་ཟླ་ཟེར་གྱིས། །དགའ་ལྡན་ཕན་བདེ་གླིང་གི་ཀུནྡའི་ཚལ། །རབ་བཞད་ལེགས་བྱས་ཨུཏྤལ་བྱང་ཆུབ་ཆེའི། །རྣ་གོང་མཛེས་མིན་དེ་སྲིད་རྙིང་མེད་ཤོག །སེམས་ཅན་རྣམས་ཀྱི་མཐའ་དང་མཉམ་འཇུག་པ། །སྲས་བཅས་རྒྱལ་བའི་འཕྲིན་ལས་རྒྱུན་མི་ཆད། །གསར་པའི་མཐོ་རིས་ཆུ་བོས་བདག་གཞན་གྱི། །སྡིག་ཆོས་དྲི་མ་མ་ལུས་བཀྲུ་བར་ཤོག །ཕུན་ཚོགས་འདོད་འཇོ་ནོར་འཛིན་ཡངས་པའི་མངལ། །གསེར་སྦྱངས་ཅོད་པན་འབར་བའི་གཟི་བྱིན་གྱིས། །ལེགས་ཁྱབ་ཀུན་ཏུ་དགའ་བའི་ཟློས་གར་གཟུགས། །མངོན་སུམ་མཐོང་བའི་སྣང་བ་ཆེས་དཀར་ཤོག །ཅེས་འབའ་དགའ་ལྡན་ཕན་བདེ་གླིང་པའི་ཁྲིམས་སུ་བཅའ་བའི་རིམ་པ་བླང་དོར་གསལ་བའི་ཟླ་བར་གྲགས་པ་འདི་ནི་འབའ་ལྷུན་གྲུབ་རབ་བརྟན་གྱི་རྫོང་སྡོད་དར་རྒན་དཀའ་བཅུ་པས་བསྐུལ་བ་ལྟར་ཟ་ཧོར་གྱི་བཙུན་པ་ངག་དབང་བློ་བཟང་རྒྱ་མཚོས་སྦྱར་བའི་ཡི་གེ་པ་ནི་འཇམ་དབྱངས་བསྟན་འཛིན་གྱིས་བགྱིས་པ་ཛ་ཡནྟུ། །སྣང་བ་རིག་པའི་རྩལ་དུ་ཤར་བའི་འཕྲུལ། །ཟིལ་གནོན་དབང་དྲག་གྲུབ་པའི་(༦༣ན)

― GLG020_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟུལ་ཞུགས་ཀྱི། །སེང་གེའི་རྒྱུད་ཀྱི་ང་རོའི་གཏམ་འདི་ལ། །སྣང་སྲིད་ལྷ་འདྲེ་མི་གསུམ་རྣ་བ་ལྷོག །ཆོས་སྐྱབས་ཐ་ཡང་ཆི་ཡི་མིང་འཛིན་པ། །ཚུལ་གནས་ཐོས་བསམ་སྒོམ་པར་བྱེད་པ་ལ། །བསམ་སྦྱོར་ངན་པའི་འཚེ་བ་རབ་སྤངས་ཏེ། །འདོད་དགུ་ཡིད་བཞིན་འགྲུབ་པའི་མཐུན་རྐྱེན་སྦྱོར། །འགལ་ཚེ་མ་རིག་འཁྲུལ་སྣང་སྡིག་པའི་གཟུགས། །གཏུམ་དྲག་རྔམས་པས་སྙིང་གི་ཁྲག་དྲོན་འཇིབ། །ལེགས་པར་བྱས་རྣམས་སྲིད་ཞིའི་ཕུན་ཚོགས་ལ། །སྤྱོད་བའི་བདེན་ཚིགས་བརྗོད་པར་ཡི་རང་བྱོས། །དགའ་ལྡན་ཡིད་དགའ་ཆོས་འཛིན་དང་མཚུངས་པ། །དམ་པའི་ཆོས་ཀྱི་སྐྱེད་མོས་ཚལ་ཆེན་པོ། །སྟག་ལུང་སྐུ་སྐྱེས་འབད་པས་ཉེར་བསྐྲུན་པའི། །རྨད་བྱུང་ཁྲིམས་ལྡན་འདུ་བའི་ཆོས་སྡེ་འདི། །ལེགས་ལྡན་ནག་པོ་དཔལ་ལྡན་ཕྱག་དྲུག་པ། །མ་ཧེའི་གདོང་ཅན་ལྷ་ཆེན་ཉི་མའི་བུར། །གཉེར་དུ་གཏད་ན་ཐོས་བསམ་སྒོམ་པ་དང་། །བྱ་བ་ལས་ཀྱི་འཁོར་ལོ་མ་ལུས་པ། །ཡར་ངོའི་ཟླ་བ་ལྟ་བུར་འཕེལ་བར་མཛོད། །ཅེས་ཧན་སྟག་ལུང་སྐུ་སྐྱེས་ཤ་སྦྲང་དུ་འདུས་སྡེ་གསར་དུ་བཙུགས་པའི་མིང་དང་ཆོས་སྐྱོང་ལ་གཉེར་གཏད་དགོས་ཚུལ་བྱུང་བ་ལྟར་དགོན་པའི་མིང་དགའ་ལྡན་སྐྱེད་ཚལ་དང་ཆོས་སྐྱོང་ཕྱག་དྲུག་པ་དང་ལས་གཤིན་ལ་གཉེར་དུ་གཏད་པའི་ཚིགས་བཅད་འདིའང་ཟ་ཧོར་གྱི་བནྡེས་སྦྱར་བའོ། །ཆུ་གླང་དགའ་ལྡན་ཧུང་ཐའི་ཇིས་མི་མ་ཡིན་གྱི་འཚེ་བ་ལས་སྐྱོབ་པའི་སྲོང་ཡིག་ཅིག་དགོས་ཚུལ་བྱུང་བ་ལྟར་བྲིས་པ་དཀོན་ཅོག་མཐུ་སྦྱིན་ནོ། །ན་མོ་ཏྣ་ཏྲ་ཡཱ་ཡ། སླུ་མེད་མཆོག་གསུམ་ཐུགས་རྗེའི་བྱིན་རླབས་དང་། །ཆོས་ཉིད་གདོད་ནས་འགྱུར་བ་མེད་ཅིང་དག(༦༣བ)

― GLG020_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

།ཆོས་ཅན་རྒྱུ་ལས་འབྲས་བུ་ལྷུན་གྲུབ་པའི། །རྟེན་ཅིང་འབྲེལ་པར་འབྱུང་བའི་མཐུ་ཆེན་པོས། །བསྟན་པའི་སྦྱིན་བདག་ས་ཆེན་རབ་སྐྱོང་འདིའི། །ལུས་ངག་ཡིད་གསུམ་ཚེ་སྲོག་སྟོབས་འབྱོར་ལ། །གནོད་ཅིང་འཚེ་བ་གླགས་ལྟའི་བསམ་པ་དང་། །སྦྱོར་བ་ངན་པ་མ་བྱེད་རཀྵ་ཡ། །རྩ་བརྒྱུད་བླ་མ་ཡི་དམ་ཆོས་སྲུང་གིས། །རྟག་ཏུ་བྱིན་རློབས་ལེགས་ཚོགས་ཡོན་ཏན་ཀུན། །ཡར་ངོའི་ཟླ་བ་ལྟ་བུར་རབ་འཕེལ་ཏེ། །བསམ་དོན་ནི་ཌཱ་བྷོ་ག་ཀུ་རུ་ཧོ། གུ་རུ་དེ་ཝཌཱཀི་ར་ཀྵི་ཏཻ་རེ་ཁཱདྷརཀཱཡ་ཝཀྩི་ཏྟབཛྲར་ཀྵ། །པར་མགུ་རུ་ཤྩཡ་མཱ་རི་དཻ་ཝི་རཱ་དྷི་ཥྛི་ཏེ་སྭཧཱ། རིགས་བརྒྱའི་ཁྱབ་བདག་རྡོ་རྗེ་འཆང་གིས་གསུངས་པའི་གཤེད་གྱི་རྒྱུད་ལ་བརྟེན་ནས་མཁས་ཤིང་གྲུབ་བརྙེས་ལཱ་ལི་ཏ་དང་། བིརྦྦ་པ་དཔལ་འཛིན་སོགས་འཕགས་ཡུལ་གྱི་པཎ་གྲུབ། ར་སྐྱོ་མལ་ཞང་གཉོས་ཏེ་ཕྱོགས་འདིའི་སྲོལ་འབྱེད་འཇིག་རྟེན་གྱི་མིག་གཅིག་པུ་ཐམས་ཅད་མཁྱེན་པ་བུ་སྟོན་རིན་པོ་ཆེ་རྡོ་རྗེ་འཆང་ཚར་པ་ཆོས་རྗེ་ཡབ་སྲས་སོགས་རྩ་རྒྱུད་ཀྱི་བླ་མ་དམ་པ་རྣམས་ཀྱི་བཀའ། བདུད་སྡེའི་གཤེད་དུ་འཇམ་དཔལ་དྲག་པོར་ཁྲོས་པས་འཇིགས་མཛད་རྡོ་རྗེའི་ལུང་། གོང་མའི་ལུང་གིས་དེའི་ཆིང་ཀྱིང་གང་ཞེས་སྲིད་ཞིའི་གཙུག་རྒྱན་དུ་དབང་བསྐུར་ཞིང་། འཁོར་འདས་ཕྱག་རྒྱ་ཟིལ་གནོན་འཇམ་དཔལ་དུས་དགྲའི་སྔགས་འཆང་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེ་ཕྱོགས་ཐམས་ཅད་ལས་རྣམ་པར་རྒྱལ་བའི་གཏམ། ཁམས་གསུམ་ན་མངོན་པར་རྒྱུ་བའི་གཟུགས་མེད་སྣང་ཞིང་སྲིད་པའི་ལྷ་སྲིན་སྡེ་བརྒྱད། གཟུགས་ཅན་གྱི་སྐྱེ་དགུ་སྤྱི་དང་། བྱེ་བྲག་སྟོད་མངའ་རིས་སྐོར་གསུམ། བར་དབུས་གཙང་ཁྲི་སྐོར་བཅུ་གསུམ། སྨད་མདོ་ཁམས་ཀྱི་འཛིན་མར་འཁོད་པའི་ལྷ་སྡེ་མི་སྡེ་བླ་མ་ཆེ་ཕྲ། ས་སྐྱོང་བའི་མིའི་རྗེ་(༦༤ན)

― GLG020_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

བོ། དཔོན་ཆེན། དཔོན་སྐྱ། རྫོང་སྡོད། གཉེར་ལས་འཛིན། དམག་ཨར་ཇག་གི་འགྲིམ་འགྲུལ། ཀོ་གྲུ་ལྕགས་གསུམ་གྱི་མཉན་གཉེར། ལམ་འཕྲང་སྲུང་མི་སོགས་མཆོག་དམན་བར་པའི་སྐྱེ་དགུ་མཐའ་དག་ལ་སྤྲིངས་པ། མ་བྱོན་སངས་རྒྱས་གསུམ་པ་ཆོས་རྗེ་ཐམས་ཅད་མཁྱེན་པ་བུ་སྟོན་རིན་ཆེན་གྲུབ་དང་གསང་ཆེན་རྙིང་མའི་སྔགས་ཆང་གོས་དཀར་ལྕང་ལོའི་ཕྲེང་ཅན་མཐུ་ཆེན་གཡུང་སྟན་རྡོ་རྗེ་དཔལ་བ་གཉིས་ཀྱིས་ཡོས་ལོ་ཧོར་ཟླ་བཅུ་གཉིས་པའི་ནང་དུ་འཆི་བདག་གཤིན་རྗེའི་གྲོང་ཁྱེར་ཐོད་པ་ལྕགས་ཀྱི་ཁང་པ་ནས་ལས་ཀྱི་གཤིན་རྗེ་འཁོར་སྡེ་བརྒྱད་དྲེགས་པའི་དམག་ཚོགས་དང་བཅས་པ། མངོན་འབྱོར་ཆོས་སུ་ཞུགས་པའི་སྟང་སྟོབས་དང་། ངོ་བོ་རྣལ་འབྱོར་པའི་ཏིང་ངེ་འཛིན་གྱིས་བཀུག་པའི་ཆོས་སྲུང་སོགས་སྐྱེ་ཕལ་གྱི་མིག་གི་ཡུལ་དུ་མ་གྱུར་པས་གཞི་བར་སྣང་གི་ཁྱོན་གང་བ་སྤྱན་དྲངས་ཏེ། དམ་རྫས་གཏོར་མའི་རི་བོ་དང་། དམར་ཆེན་ཁྲག་གི་རྒྱ་མཚོ་བསྐྱིལ་བ་སོགས། ཕྱི་ནང་གསང་བ་དེ་ཁོ་ན་ཉིད་ཀྱིས་མཆོད་ཅིང་ཐུགས་དམ་བསྐང་། སྤྱི་བོར་རྡོ་རྗེ་བཞག །ལྕེ་ཐོག་ཏུ་ཨ་མྲི་ཏ་བླུག་སྟེ་བསྟན་འགྲོའི་ཕན་བདེ་འཇོམས་པའི་དགྲ་བགེགས་ཚར་གཅོད་པའི་དམ་ཚིག་བསྒྲགས་ཤིང་འཕྲིན་ལས་གཉེར་དུ་གཏད། དབྱུ་གུ་དྲུག་ཅུ་རྩ་བཞི་དང་འབྲེལ་བའི་དམར་ཆེན་གཏོར་མ་འཕེན་པའི་སྲོལ་གཏོད་པར་མཛད་པའི་རྒྱུན་དིང་སང་གི་བར་དུ་མ་ཉམས་པར་འདུག་པ་ནས། རབ་བྱུང་བཅུ་གཅིག་པའི་ཤིང་ཡོས་ཧོར་ཟླ་བཅུ་གཅིག་པའི་ནང་དུ་མ་ཧེའི་མཆོད་པ་འཛུགས་རྒྱུར་སྐྱེ་དགུ་རྣམས་ངོ་མཚར་གྱི་ལྟད་མོའི་དགའ་སྟོན་དང་། ལྷ་སྲིན་སྡེ་བརྒྱད་རྣམས་དགྲ་བགེགས་ཀྱི་ཤ་ཁྲག་ཚོགས་སུ་རོལ་པའི་མགྲོན་ལ་ཤོག་ཅིག་བརྡ་འགྲེམས་པ་རླུང་སེམས་ལ་ནང་བྱན་ཆུད་པའི་རྣལ་འབྱོར་བརྟུལ་ཞུགས་སྤྱོད་པ་འདི་(༦༤བ)
བཞིན་སོང་བ། ཁྱོད་གོང་འཁོད་རྣམས་ཀྱིས་གཞི་ལམ་བྱེས་གསུམ་ཐམས་ཅད་དུ་ཞག་བབས་སུ་གནས་མལ་གཏོང་ཞིང་བཟའ་བཏུང་མཁོ་དགུའི་ལོངས་སྤྱོད་ཀྱིས་བསྟེན་པ་དང་། ཀོ་གྲུའི་གཉེན་པས་ཀྱང་འཕྲལ་སྒྲོལ་གྱིས། གལ་ཏེ་གནོད་འགལ་དུ་འགྲོ་བ་བྱུང་ན་ཡུལ་གྲུའི་དཔོན་ཆེ་ཆུང་དང་། རྫོང་སྡོད་སོ་སོའི་ཁྲིམས་ཀྱི་བདའ་དེད་བཏང་ན་མི་འཇིགས་སམ། གོ་བར་བྱེད་པའི་ཡི་གེ་ཤིང་སྟག་སྨིན་དྲུག་ཟླ་བའི་གྲལ་ཚེས་དགེ་བར་གཙུག་ལག་ལུགས་བརྒྱའི་འདུན་ས་ཕོ་བྲང་ཆེན་པོ་པོ་ཏ་ལ་ནས་བྲིས་སོ། །

ལྷ་ས་སྨོན་ལམ་ཆེན་མོའི་ཚེ་དགེ་འདུན་རྣམས་ཀྱི་ཁྲིམས་སུ་བཅའ་བའི་རིམ་པ་སོགས།

― GLG020_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

པུ རྦ ཏྭ བུ དྡྷོ ཏྤ ད ཛ མྦུ དཱ རོ ྉྥ ལ དྭི གཱ ཎ སྱ ས རོ ཏྨ པཱ ཀྱཿ སྔོན་གོམས་ཐུགས་བསྐྱེད་འཛམ་བུའི་ཤིང་གི་འབྲས། །ཚོགས་གཉིས་ཆུ་གཏེར་ཀློང་དུ་ཡོངས་སྨིན་པའི། །ནེ མི ཏྟྱ དཱ ཧཱ ར ར མ ཉྫུ རི མྦྷུ རི ཤྱོ མུ ནེ མ ངྒ ལ མཱུ ཁ བྷ ངཿ མཚན་དཔེ་གསེར་གྱི་སྙེ་མ་གཡུར་ཟ་མཁན། །ཟས་གཙང་སྲས་ཀྱི་བཀྲ་ཤིས་སྒོ་འཕར་ཕྱེ། །ལུང་རྟོགས་ཐེག་(༦༥ན)

― GLG020_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

ལེ་མཆོག་མར་ཆགས་པའི་གདོང་། །རིག་བྱེད་ཆོས་ཕུང་བརྗོད་པ་རྣམ་དག་ཁུངས། །སྔོན་མེད་དགའ་བ་བརྒྱ་བ་བཙོང་ཁ་པའི། །ཞབས་སེན་ཟླ་བ་གཙུག་ཏོར་རྩེ་མོར་ཚེས། ཤཱཀ་སེང་རྒྱུད་སྒྲས་མུ་སྟེགས་རི་དྭགས་ཀླད། །འགེམས་པའི་མཉན་ཡོད་དུས་སྟོན་འཕགས་ཡུལ་དངོས། །ཡོངས་འཕོས་འཇམ་དཔལ་སྙིང་པོའི་མཛད་ཆེན་རྗེས། །འཇུག་རྣམས་བླང་དོར་མེ་ལོང་འདི་ལ་གཟིགས། །དེའང་སྒྲོན་མའི་བསྐལ་པ་བཟང་པོ་འདི་ལ་འོ་སྐོལ་གྱི་སྟོན་པ་ས་གསུམ་གྱི་སྒྲོན་མེ་གཅིག་པུ་པ་རྣམ་འདྲེན་བུ་རམ་ཤིང་པའི་བསྟན་པ་རིན་པོ་ཆེ་ནི། སྤྱོད་འཇུག་ལས། ཇི་ལྟར་མཚན་མོ་མུན་ནག་སྤྲིན་རུམ་ན། །གློག་འགྱུ་སྐད་ཅིག་རབ་སྣང་སྟོན་པ་ལྟར། །དེ་བཞིན་སངས་རྒྱས་མཐུ་ཡིས་བརྒྱ་ལམ་ན། །འཇིག་རྟེན་བསོད་ནམས་བློ་གྲོས་ཐངས་འགའ་འབྱུང་། །ཞེས་དངོས་བསྟན་མུན་པ་དང་གློག་མི་ཁོམ་པ་དང་དལ་འབྱོར་གྱི་དཔེར་བཟུང་ནས་བརྒྱ་ལམ་ཙམ་དུ་རྙེད་དཀའ་བའི་དལ་འབྱོར་གྱི་རྟེན་བསོད་ནམས་ཀྱི་འབྲས་བུ་སངས་རྒྱས་ཀྱི་མཐུ་ལ་བརྟེན་ནས་ཐངས་འགའ་རེ་ཙམ་འབྱུང་བར་བཤད་པའི་ཤུགས་ལ་མུན་པའི་སྨག་ཆེན་པོའི་ནང་དུ་གློག་འཁྱུག་པ་སྲིད་པ་བཞིན་དུ་མུན་བསྐལ་མཐའ་ཀླས་པའི་བར་མཚམས་སུ་སྒྲོན་མེའི་བསྐལ་པ་ལ་དེ་བཞིན་གཤེགས་པ་བྱོན་པའི་བསྟན་པ་རིན་པོ་ཆེ་ལྷ་དང་བཅས་པའི་འཇིག་རྟེན་ཐམས་ཅད་ཀྱི་བསོད་ནམས་ཀྱི་ཞིང་རྨད་པོ་ཆེ་ཡིན་པ་ནི། བདེ་བར་གཤེགས་པའི་གསུང་རབ་ལས་བྱུང་བའི་དཀར་ནག་གི་ལས་འབྲས་ཇི་བཞིན་བསམས་པའི་བླང་དོར་ལ་བརྟེན་ནས་འདི་ཕྱི་ཀུན་གྱི་བདེ་སྐྱིད་དཔྱིད་ཀ་ས་བོན་གང་བཏབ་ཀྱི་འབྲས་བུ་སྟོན་གྱི་དུས་སུ་མི་འཚོལ་བར་འབྱུང་བའི་ཕྱིར། དབུ་མ་(༦༥བ)

― GLG020_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་ཆེན་ཕྲེང་བ་ལས། མི་དགེ་བ་ལས་སྡུག་བསྔལ་ཀུན། །དེ་བཞིན་ངན་འགྲོ་ཐམས་ཅད་དོ། །དགེ་ལས་བདེ་འགྲོ་ཐམས་ཅད་དང་། །སྐྱེ་བ་ཀུན་ཏུ་བདེ་བ་དག །ཅེས་གསུངས་ལ། དེ་ཡང་། སངས་རྒྱས་ཕལ་པོ་ཆེ་ལས་འདྲེན་པ་ལ་ནི་མཐར་ཐུག་མེད། །དེ་དག་སྐུ་ནི་གཅིག་ཏུ་སྣང་། །སྐུ་གཉིས་དེ་དག་བསམ་མི་ཁྱབ། །འཇིག་རྟེན་ཁམས་སུ་སྣང་གྱུར་ཀྱང་། །སྐུ་ལ་གཉིས་སུ་གྱུར་པ་མེད། །ཇི་ལྟར་ཟླ་བ་ཤར་གྱུར་པ། །ཚད་མེད་པ་ཡི་གཟུགས་བརྙན་རྣམས། །ཆུ་ཡི་སྣོད་དུ་སྣང་འགྱུར་ཡང་། །ཟླ་བ་གཉིས་སུ་གྱུར་པ་མེད། །ཅེས་བདེ་བར་གཤེགས་པ་རྣམས་ཀྱི་འགྲོ་བའི་དབང་པོ་དང་འཚམ་པར་སྐུ་གསུང་ཐུགས་ཀྱི་བཀོད་པ་བསམ་གྱིས་མི་ཁྱབ་པ་ཞིག་སྟོན་པས་ན་འདྲེན་པ་ཉི་མའི་གཉེན་ནི་ངེས་པའི་དོན་དུ་འོག་མིན་སྟུག་པོ་བཀོད་པར་སངས་རྒྱས་ཟིན་ཀྱང་འཛམ་བུའི་གླིང་དུ་མཆོག་གི་སྤྲུལ་པའི་སྐུའི་སྣང་བརྙན་བཟུང་བའི་འགྲོ་བློའི་དྭངས་མཚོར་ཟླ་གཟུགས་བཞིན་ཤར་བ་ཐེག་པ་ཆེ་ཆུང་གི་བཤད་ཚུལ་མཐའ་ཀླས་ཤིང་། བྱེ་བྲག་མཉན་ཡོད་དུ་སྟོན་པ་དྲུག་སོགས་བཏུལ་བའི་ཆོ་འཕྲུལ་གྱི་མཆོད་པ་ཡང་མདོ་སྡེ་མཛངས་བླུན་སོགས་སུ་ཚེས་གཅིག་ནས་བཅོ་ལྔའི་བར་དུ་བསྟན་པ་དང་འདུལ་བ་ལུང་དུ་ཚེས་བརྒྱད་ཀྱི་ཆོ་འཕྲུལ་ལས་ཉི་མ་གཞན་རྣམས་མི་གསལ་ཞིང་རྟོགས་བརྗོད་རིན་པོ་ཆེ་དཔག་བསམ་འཁྲི་ཤིང་དུའང་ཐེག་དམན་གྱི་རྗེས་སུ་འབྲངས་པའི་བཤད་ཚུལ་བྱུང་ནའང་དོན་ཆོ་འཕྲུལ་གྱི་མཛད་པ་བསྟན་པར་མཚུངས་ཤིང་འཕགས་ཡུལ་དུ་དར་བའི་རྒྱུན་བཟང་པོ་གངས་ཀྱི་ར་བས་ཡོངས་སུ་བསྐོར་བའི་ལྗོངས་འདིར་སོ་སོའི་བསྟི་གནས་སུ་དུས་མཆོད་མཛད་པ་མང་དག་བྱུང་མོད། གཙོ་བོར། འཇམ་དཔལ་རྩ་བའི་རྒྱུད་ལས། དེ་བཞིན་གཤེགས་(༦༦ན)

― GLG020_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བསྟན་འདི་ལ། །རྣམ་པ་སྣ་ཚོགས་བྱ་བ་བྱེད། །བྱང་གི་ཕྱོགས་ལ་བརྟེན་ནས་ནི། །དེ་ཡི་ཚེ་ན་འབྱུང་བར་འགྱུར། །ལྷ་ལྡན་ཡུལ་ཞེས་བྱ་བ་ཡི། །གངས་ཅན་རི་ཡི་ནང་གནས་པའི། །རྒྱལ་པོ་མི་ཡི་ལྷ་ཞེས་པ། །ལི་ཙ་བཱི་རྣམས་རིགས་སུ་འབྱུང་། །དེ་ཡང་སྔགས་ཀྱི་དོན་སྒྲུབ་སྟེ། །ལོངས་སྤྱོད་ཆེ་དང་ལྡན་པར་འགྱུར། །རིག་པ་ལོངས་སྤྱོད་ལྡན་ཞེས་བྱ། །མི་ཡི་བདག་པོས་དེ་ཡང་འགྲུབ། །ལོ་ནི་བརྒྱད་ཅུར་རྒྱལ་སྲིད་བྱ། །དེས་ན་རྐུན་མ་རྣམས་པར་སྤངས། །རྒྱལ་པོ་དེས་ནི་སྲོག་སྤངས་ནས། །དེ་ཡང་སྔགས་ནི་མྱུར་འགྲུབ་སྟེ། །ཞི་དང་རྒྱས་དང་བསིལ་བྱེད་པའི། །འཇིག་རྟེན་སྒྲོལ་མ་ཞེས་གྲགས་དང་། །ལྷ་མོ་གོས་དཀར་མོ་དང་ནི། །དཀར་མོ་ཆེན་མོ་གཞན་ཕན་བཙོན། །རྟག་ཏུ་ཡིད་ནི་མི་སྐྱོ་བའོ། །དེ་ལ་སོགས་པ་གསུངས་པ་ཡི། །དེ་བཞིན་རྒྱལ་པོ་མང་པོ་ནི། །རྣམ་པ་དུ་མ་མང་པོ་དག །ཁ་དོག་སྣ་ཚོགས་སྣ་ཚོགས་གཟུགས། །ཁ་བ་ཅན་ན་ཀླ་ཀློའི་རྒྱལ། །དེ་ཡང་སྟོན་པ་མཆོད་བྱེད་པའོ། །ཁྱུ་མཆོག་ཁྱུ་མཆོག་བཟང་པོ་དང་། །ས་འོད་དེ་བཞིན་ས་འོད་བཟང་། །དེ་བཞིན་ཕ་རོལ་གནོན་ཉིད་དང་། །རྐང་པའི་འགྲོས་ཤེས་ལྡན་པ་ཡིན། །ས་སྲུངས་དང་ནི་བེའུ་དང་། །འོད་ལྡན་ཉིད་ནི་ཕྱི་མ་ཡིན། །ཐ་མར་འཆར་རྒྱལ་ངང་ཚུལ་ཏེ། །ཀླ་ཀློ་རྣམ་པ་སྣ་ཚོགས་ཡིན། །དེ་འོག་ལུགས་ནི་རྣམ་ཞིག་ཅིང་། །ཕྱི་རོལ་སྐྱེ་དགུས་ཉེ་བར་སྤྱོད། །ཅེས་བསྟན་པའི་ནང་ཚན་ཐུགས་རྗེ་ཆེན་པོའི་རྣམ་སྤྲུལ་ཆོས་རྒྱལ་སྲོང་བཙན་སྒམ་པོ་དང་ལྷ་མོ་རྣམ་གསུམ་གྱི་སྤྲུལ་པ་ཁྲི་བཙུན། ཀོང་ཇོ། འབྲི་(༦༦བ)

― GLG020_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

བཟའ་ཐོད་དཀར་རྣམས་གཏང་དཔྱལ་གྱི་ཚུལ་བཟུང་ཞིང་བཙུན་མོ་སྔ་མ་གཉིས་ཀྱི་སངས་རྒྱས་དངོས་དང་དབྱེར་མ་མཆིས་པའི་ཇོ་ཤཱཀྱ་རྣམ་གཉིས་སོགས་གདན་དྲངས། རྒྱལ་པོ་ཡབ་ཡུམ་གསུམ་གྱིས་ཕོ་བྲང་མ་རུར་སྒྲུབ་པ་མཛད་པའི་ཚེ་རིགས་གསུམ་མགོན་པོའི་ལུང་བསྟན་བཞིན་མཐའ་འདུལ་ཡང་འདུལ་རུ་གནོན་གྱི་ལྷ་ཁང་རྣམས་བོད་སྲིན་མོ་གན་རྐྱལ་དུ་བསྒྱེལ་བ་འདྲ་བའི་སའི་མེ་བཙའ་གནོན་པའི་ཚུལ་དུ་བཞེངས་པའི་མཐར་འཕྲུལ་སྣང་དང་ར་མོ་ཆེའི་གཙུག་ལག་ཁང་ལེགས་པར་བསྐྲུན་ནས་བསྟན་པའི་རིན་པོ་ཆེ་སྲོལ་བཏོད་པར་མཛད་པའི་གཞི་མ་རྟེན་དང་བརྟེན་པའི་འཁོར་ལོ་སྲིད་པ་གསུམ་ན་ཟླ་མ་མཆིས་པ་འདི་ཉིད་དུ་ཆོ་འཕྲུལ་གྱི་མཆོད་པའི་སྲོལ་བཏོད་ཅིང་ཉམས་པ་མེད་པར་གནས་པའི་མཛད་པ་པོ་ནི། རྒྱལ་རབས་བཀའ་ཁོལ་མར། དེ་ནས་ཁྱད་པར་བསྙེན་བཀུར་ཆེར་མཛད་པ། །དགེ་སློང་བྱང་སེམས་ཤར་ཕྱོགས་སྐུ་འཁྲུངས་པ། །གསང་སྔགས་འཆང་ཞིང་རྣལ་འབྱོར་ཆེན་པོ་ནི། །སྙིང་པོའི་མཐའ་ཅན་སྐྱེས་ཆེན་དམ་པས་ནི། །ཞལ་ཡང་བསྒྱུར་ཞིང་བསྙེན་བཀུར་དམ་པ་མཛད། །དེ་ལ་བསྙེན་བཀུར་ཆེར་བྱེད་དེ་དག་ནི། །འཕགས་པའི་གང་ཟག་དགེ་སྦྱོང་ཤ་སྟག་གོ །ཞེས་ཤར་ཕྱོགས་བཙོང་ཁའི་ཡུལ་དུ་སྐུ་བལྟམས་ཤིང་དགེ་སློང་གི་རྟེན་ལ་ངེས་གསང་རྡོ་རྗེ་ཐེག་པའི་རྟོགས་པ་མངོན་དུ་གྱུར་པ་འཇམ་དཔལ་སྙིང་པོའི་མཚན་དང་ལྡན་པ་གང་དེས་འོག་མིན་ཞིང་གི་གཙོ་བོ་ལོངས་སྤྱོད་རྫོགས་པའི་སྐུ་ངེས་པ་ལྔ་དང་ལྡན་པའི་རྟེན་འབྲེལ་གྱིས་གསེར་གྱི་ཤཱཀྱ་མུ་ནི་ལ་རིན་པོ་ཆེའི་དབུ་རྒྱན་སྒྲོན་ཏེ་ལོངས་སྐུའི་རྣམ་པར་ཞལ་བསྒྱུར་ཞིང་སྲི་ཞུ་རྒྱ་ཆེར་མཛད་པ་ལུང་དོན་དང་ཤིན་ཏུ་འབྱོར་བའི་ཕྱིར་རྗེ་བདག་ཉིད་ཆེན་པོའི་མཛད་ཆེན་བཞིའི་ནང་ཚན་ལྷ་སའི་སྨོན་ལམ་ཆེན་མོར་གྲགས་པ། (༦༧ན)

― GLG020_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ཉིད་དགུང་ལོ་ང་གསུམ་པ་ས་མོ་གླང་གི་ལོའི་ཚེས་གཅིག་ནས་བཅོ་ལྔའི་བར་ལྷ་མཆོད་མི་མཆོད་ཤིན་ཏུ་རྒྱ་ཆེ་བ་དངོས་བཤམས་ཡིད་སྤྲུལ་གྱི་ཀུན་ཏུ་བཟང་པོའི་རྣམ་པར་འཕྲུལ་པ་ལས་བྱུང་བ་ཡིད་ཅན་རྣམས་ཀྱི་བློའི་ར་བ་ལས་འགོང་བར་མཛད། གཙོ་བོར་རྗེ་བཙུན་ཉིད་ནམ་མཁའ་མཛོད་ལ་མངའ་བརྙེས་པའི་འཕྲིན་ལས་ཀྱི་ཆ་ཤས་ལས་བྱུང་བ་ཡིན་མོད། གནས་སྐབས་ཀྱི་བྱེད་རྐྱེན་སྡེ་སྲིད་ཕག་མོ་གྲུ་པ་གོང་མ་ཆོས་རྒྱལ་ཆེན་པོ་ཀྭ་ཏིང་ཏའི་གུ་ཤྲི་ཧོ་ཝང་གི་ལུང་ལ་བརྟེན་ནས་སྣེའུ་རྫོང་པ་ནང་སོ་ནམ་མཁའ་བཟང་པོས་སྦྱིན་བདག་གི་མཐིལ་མཛད་ཅིང་དེ་རྗེས་མེ་ཕོ་སྤྲེའུའི་ལོ་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་པ་དང་སྣེའུ་རྫོང་པ་ཡོན་མཆོད་བཀའ་བགྲོས་ཏེ་ཆོས་སྡེ་ཆེན་པོ་དཔལ་ལྡན་འབྲས་སྤུངས་ཕྱོགས་ཐམས་ཅད་ལས་རྣམ་པར་རྒྱལ་བའི་གླིང་བཏབ། དེ་ནས་བཟུང་རྗེ་བདག་ཉིད་ཆེན་པོས་བཀའ་གནང་བ་དང་། སྣེའུ་རྫོང་པ་དུ་དབེན་ཤ་ནམ་མཁའ་བཟང་པོའི་བཞེད་པ་སྐོང་སླད། ལྷ་ས་སྨོན་ལམ་ཆེན་མོའི་མཁན་པོས་ཐོག་དྲངས། ཞལ་ཏ་དང་ཆབ་རིལ་བས་མཐའ་བརྟེན་པ་ཡན་འབྲས་སྤུངས་པས་མཛད། ཚོགས་པ་སེར་འབྲས་གཉིས་གཙོ་བོར་གྱུར་པའི་མདོར་ན་རབ་བྱུང་གི་རྟགས་ཆ་ལུགས་དང་ལྡན་ཕྱིན་རིས་སུ་མ་ཆད་པའི་ཕྱོགས་བཞིའི་དགེ་འདུན་འདུ་བར་རྒྱལ་བ་གཉིས་པའི་ཕྱག་ལེན་ལྟར། དེ་བཞིན་གཤེགས་པ་ལ་དད་པ་མང་བ་རྣམས་གསར་དུ་དད་པ་དང་། དད་པ་དང་ལྡན་པ་རྣམས་ལའང་སླར་གསོས་བཏབ་པའི་ཆེད་དུ། སྔ་དྲོ་སྙན་ངག་མཁན་རྣམས་ཀྱི་གཙུག་གི་ནོར་བུ་དཔལ་ལྡན་དཔའ་བོས་མཛད་པའི་འཁྲུངས་རབས་སོ་བཞི་པའི་ཆོས་ཐུན་རེ་དང་། དགོངས་མོ་སྲས་བཅས་རྒྱལ་བ་སློབ་མར་བཅས་པ་རྣམས་མོས་པ་(༦༧བ)

― GLG020_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བདེན་པའི་མཐུ་ལས། མཁའ་ཁྱབ་ཏུ་སྤྱན་དྲངས་པར་མཆོད་པ་དང་མཇུག་བསྔོ་སྨོན་གྱིས་མཐའ་བརྟེན། གདན་གུང་སྐྱེ་དགུའི་ཚོགས་གསོག་གི་དུས་ཀུན་ཏུ་བཟང་པོའི་སྨོན་ལམ་སོགས་ཆོས་སྤྱོད་ཀྱི་རིམ་པ་ལ་བརྟེན་ནས་བསོད་ནམས་ཀྱི་ཚོགས་དབྱར་མཚོ་ལྟར་སྤེལ་བའི་རྣམ་དཀར་གྱི་ལས་རླབས་པོ་ཆེ་བསྐྲུན་པ་ནི། སངས་རྒྱས་ཕལ་པོ་ཆེ་ལས། སྐྱེས་བུ་ལ་ལས་རྡོ་རྗེ་ཟོས་གྱུར་དེ་ལ་ནི། །ཞུ་བར་མི་འགྱུར་གདོན་མི་ཟ་བར་ཕྱིར་འབྱུང་འགྱུར། །དེ་བཞིན་སྟོབས་བཅུ་རྣམས་ལ་མཆོད་བྱས་བསོད་ནམས་ཀྱི། །ཡེ་ཤེས་རྡོ་རྗེས་ཉོན་མོངས་མ་ལུས་འཇོམས་པར་འགྱུར། །ཙྭ་སྐམ་སྤུངས་པ་རི་བོའི་མཆོག་ཙམ་ཡོད་གྱུར་ཀྱང་། །མེ་མདག་ཡུངས་འབྲུ་ཙམ་གྱིས་དེ་ནི་ཚིག་འགྱུར་ཏེ། །དེ་བཞིན་བདེ་གཤེགས་མཆོད་པ་ཅུང་ཟད་ཅིག་བྱས་ཀྱང་། །ཉོན་མོངས་ཐམས་ཅད་ཚིག་བྱེད་མྱ་ངན་འདས་རྒྱུར་འགྱུར། །རི་བོ་ཁ་བ་ཅན་ལ་མཐོང་ལེགས་སྨན་ཡོད་དེ། །མཐོང་ཞིང་ཐོས་པས་ནད་རྣམས་ཐམས་ཅད་ཞི་བར་བྱེད། །དེ་བཞིན་སྟོབས་བཅུ་རྣམས་ནི་མཐོང་ངམ་ཐོས་གྱུར་ཀྱང་། །ཡོན་ཏན་ཀུན་ལྡན་སངས་རྒྱས་ཡེ་ཤེས་འཐོབ་པར་འགྱུར། །ཞེས་ཕན་ཡོན་མཐའ་ཀླས་ཤིང་། དགེ་བའི་རྩ་བ་རྒྱ་ཆེན་པོ་བསྐྲུན་པ་དེ་ཙམ་དུ་མ་ཟད་བདེ་བར་གཤེགས་པའི་སྐུ་གསུང་ཐུགས་ཀྱི་རྟེན་ལ་དམིགས་ཏེ་མེ་ཏོག་ཙམ་གཏོར་བ་དང་། སྲི་ཞུར་བྱ་བ་ཅུང་ཟད་བགྱིས་པའང་བསོད་ནམས་ཀྱི་ཚོགས་གཞལ་དུ་མེད་པ་ནི། ལུང་གཞི་ལས། གང་ཞིག་རབ་དང་སེམས་ཀྱིས་སངས་རྒྱས་ཀྱི། །མཆོད་རྟེན་མེ་ཏོག་སིལ་མ་སྤུངས་པས་འཐོར། །འཛམ་བུ་ཆུ་བོའི་གསེར་ཕྱེ་བྲེ་བོ་ནི། །སྟོང་ཕྲག་བརྒྱ་ལ་དེ་དང་མཉམ་པ་མིན། །ཞེས་དང་(༦༨ན)

― GLG020_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་པ་གང་ཞིག་རབ་ཏུ་སེམས་དད་པས། །སངས་རྒྱས་མཆོད་རྟེན་ལ་ནི་གོམ་འདོར་ན། །འཛམ་བུ་ཆུ་བོའི་གསེར་གྱི་ཚད་སྲང་ནི། །སྟོང་ཕྲག་བརྒྱ་ཡང་དེ་དང་མཉམ་པ་མིན། །གང་ཞིག་རབ་དང་སེམས་ཀྱིས་སངས་རྒྱས་ཀྱི། །མཆོད་རྟེན་ལ་ནི་འཇིམ་གོང་འཇོག་བྱེད་ན། །འཛམ་བུ་ཆུ་བོའི་གསེར་གྱི་གོང་བུ་ནི། །སྟོང་ཕྲག་བརྒྱ་ཡང་དེ་དང་མཉམ་པ་མིན། །ཞེས་དང་། སྙིང་རྗེ་པད་དཀར་ལས། ཀུན་དགའ་བོ་ང་ཡོངས་སུ་མྱ་ངན་ལས་འདས་ནས་རིགས་ཀྱི་བུའམ། རིགས་ཀྱི་བུ་མོ་རབ་ཏུ་བྱུང་བའམ། ཁྱིམ་ན་གནས་པ་གང་དག་ཁ་ཅིག་ཐ་ན་རིང་བསྲེལ་ཡུངས་འབུ་ཙམ་ལ་བསྟི་སྟང་བྱེད། བླ་མར་བྱེད། རིམ་གྲོར་བྱེད། མཆོད་པར་བྱེད་ན། ཀུན་དགའ་བོ་དགེ་བའི་རྩ་བ་དེ་དག་ཐམས་ཅད་ཀྱི་འབྲས་བུ་ཡོངས་སུ་མྱ་ངན་ལས་འདས་པ་ཡིན་ཏེ། ཐ་མ་ཡོངས་སུ་མྱ་ངན་ལས་འདའ་བར་ང་སྨྲའོ། །ཞེས་བསོད་ནམས་ཀྱི་ཕུང་པོའི་ཚད་གཟུང་བར་དཀའ་བའི་ངང་ཚུལ་དེ་ལ་འཇུག་བྱར་ཡོད་པ་ནི། ཚེ་རབས་མང་པོར་གོམས་པའི་ལེགས་བྱས་ཀྱི་འབྲས་བུ་ཡོངས་སུ་དུད་པའི་བཟང་པོའི་སྐལ་བ་ཅན་ཡིན་ལ། ཚོགས་ཀྱི་ཞིང་དམ་པ་ནི། ལུང་གཞི་ལས། དགེ་སློང་དག་དགེ་འདུན་ནི་ལྔ་པོ་འདི་དག་ཡིན་ཏེ། ལྔ་གང་ཞེན། ངོ་ཚ་མེད་པའི་དགེ་འདུན་དང་། ལུག་ལྟར་ལྐུགས་པའི་དགེ་འདུན་དང་། ཚོགས་ཀྱི་དགེ་འདུན་དང་། ཀུན་རྫོབ་ཀྱི་དགེ་འདུན་དང་། དོན་དམ་པའི་དགེ་འདུན་ནོ། །ཞེས་སྔར་བཤད་པའི་ནང་ནས་སློབ་པ་དང་མི་སློབ་པའི་དོན་དམ་པའི་དགེ་འདུན་དང་། ཕལ་ཆེར་ཀུན་རྫོབ་སོ་སྐྱེའི་དགེ་འདུན་ཡིན་པའི་ཕྱིར། མདོ་སྡེ་ཉི་མའི་སྙིང་པོ་ལས། གལ་ཏེ་དགེ་(༦༨བ)

― GLG020_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

སློང་ཆོས་ཀྱི་ས་གནས་པ་ཚུལ་ཁྲིམས་ཡོངས་སུ་དག་པ་ངོ་ཚ་ཤེས་པ་དང་། ཁྲེལ་ཡོད་པ་ཕུན་སུམ་ཚོགས་པ་དགེ་སློང་ལྔ་ཡང་འདུན། རྒྱལ་པོ་ཆེན་པོ་དགེ་སློང་གི་དགེ་འདུན་དེ་ནི་ཆོས་ཚད་མེད་པ་དང་ལྡན་པ་ཡིན་ཅིང་སྦྱིན་གནས་ཆེན་པོ་དང་། ལྷ་དང་མི་ཐམས་ཅད་ཀྱི་མཆོད་པར་འོས་པར་འགྱུར་རོ། །ཞེས་མཆོད་གནས་ཀྱི་ཡུལ་དམ་པར་གྱུར་པ་དེ་དག་གི་སྤྱོད་ཚུལ་ཀྱང་བག་མེད་པར་གྱུར་ན། ཐེག་པ་ཆེན་པོ་ལ་དད་པ་རབ་ཏུ་སྒོམ་པ་ལས། ས་ཡི་བདག་པོ་རྟག་ཏུ་བག་ཡོད་མཛོད། །བག་མེད་སེམས་ཅན་དམྱལ་བའི་གཡངས་སར་བོར། །བག་མེད་སྤྱོད་པ་སེམས་ཅན་དམྱལ་བར་མཆི། །ཞེས་གསུངས་ཤིང་། དེའི་ལྡོག་ཕྱོགས་ནི། ལུང་ཕྲན་ཚེགས་ལས། གང་བག་ཡོད་པར་བྱོས་ཤིག །ཅེས་ཟེར་བ་བག་ཡོད་པ་ནི་ཆོས་ཐམས་ཅད་ཀྱི་རྩ་བ་ཡིན་ནོ། །ཞེས་བཤད་པའི་བག་ཡོད་པ་ནི། འཕགས་པ་ཐོགས་མེད་ཀྱིས། བག་ཡོད་པ་གང་ཞེ་ན། མ་ཆགས་པ་དང་། ཞེ་སྡང་མེད་པ་དང་། གཏི་མུག་མེད་པ་དང་། བརྩོན་འགྲུས་དང་བཅས་པ་ལ་གནས་ནས་གང་དགེ་བའི་ཆོས་རྣམས་བསྒོམ་པ་དང་ཟག་པ་དང་བཅས་པའི་ཆོས་རྣམས་ལ་སེམས་བསྲུང་བ་སྟེ། ཞེས་བཤད་པས་སྤང་གཉེན་ལ་བླང་དོར་ཕྱིན་ཅི་མ་ལོག་པ་བྱེད་པའི་གཟོབ་པས་ལྷུར་ལེན་པ་ནི་བག་ཡོད་པ་སྟེ། དེས་སྒྲུབས་ཤིག །སོ་སོ་ཐར་པར། དེ་བཞིན་གཤེགས་པ་དགྲ་བཅོམ་པར་ཡང་དག་པར་རྫོགས་པའི་སངས་རྒྱས་རྣམས་ཀྱི་བྱང་ཆུབ་དང་། གཞན་ཡང་གང་དག་དེ་ལྟ་བུ་དང་མཐུན་པ། དགེ་བའི་ཆོས་བྱང་ཆུབ་ཀྱི་ཕྱོགས་རྣམས་ཀྱང་བག་ཡོད་པས་ཐོབ་བོ། །ཞེས་དང་། མགོན་པོ་ཀླུ་སྒྲུབ་ཀྱིས། བག་ཡོད་བདུད་(༦༩ན)

― GLG020_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིའི་གནས་ཏེ་བག་མེད་པ། འཆི་བའི་གནས་སུ་ཐུབ་པས་བཀའ་སྩལ་ཏོ། །དེ་བས་ཁྱོད་ཀྱིས་དགེ་ཆོས་སྤེལ་སླད་དུ། །གུས་ལས་རྟག་ཏུ་བག་དང་ལྡན་པར་མཛོད། །ཅེས་འཁོར་རྣམ་པ་བཞིའི་རྩ་བ་བག་ཡོད་ལ་རགས་ལུས་ཤིང་བྱེ་བྲག་ཏུ། རྒན་རིམ་ལ་བསྙེན་བཀུར་དགོས་ཏེ། ལུང་གཞི་ལས། བདག་ཅག་གི་ནང་ན་སུ་རྒན་དེ་ནས་གོང་མ་སྲེག་གིས་ཤིང་ནྱ་གྲོ་དྷ་ཞིག་བསྟན་ནས། ཤེས་ལྡན་དག་སུས་ཤིང་ནྱ་གྲོ་དྷ་འདིའི་ཚད་ཇི་ཙམ་པ་མཐོང་། གླང་པོ་ཆེས་སྨྲས་པ། ཁོ་བོ་ཁྱུ་དང་ལྷན་ཅིག་ལམ་འདི་ནས་འགྲོ་བ་ན་འདིའི་ཁོ་བོའི་ལུས་དང་མཉམ་པ་ཁོ་ན་མཐོང་ངོ་། །སྤྲེའུས་སྨྲས་པ། ཁོ་བོ་ཁྱུ་དང་ལྷན་ཅིག་ལམ་འདི་ནས་འགྲོ་བ་ན་འདིའི་སྲིད་ཁོ་བོ་དང་མཉམ་པ་ཁོ་ན་མཐོང་ངོ་། །དེ་དག་གིས་སྨྲས་པ། དེ་བས་ཁྱོད་རྒན་ནོ། །རི་བོང་གིས་སྨྲས་པ། ཁོ་བོས་འདིའི་ལོ་མ་གཉིས་སྐྱེས་པ་ན་ལོ་མའི་ཟིལ་པའི་ཐིགས་པ་ལྕེས་བལྡགས་སོ། །དེ་དག་གིས་སྨྲས་པ། འདི་དག་པས་ཀྱང་ཁྱོད་རྒན་ནོ། །གོང་མ་སྲེག་གིས་སྨྲས་པ། ཁྱེད་ཅག་གི་ཤིང་ནྱ་གྲོ་དྷའི་ཚད་ཆེན་པོའི་རྣམ་པ་འདི་མཐོང་ངམ་དེ་རྣམས་ཀྱིས་སྨྲས་པ། འདི་མཐོང་ངོ་། །ཁོ་བོས་ས་བོན་རྣམས་ཟོས་ནས་ཕྱོགས་འདིར་སྟུག་པ་བོར་བ་དེ་ལས་སྐྱེས་པ་ནི་འདི་ཡིན་ནོ། །དེ་རྣམས་ཀྱིས་སྨྲས་པ། གལ་ཏེ་དེ་ལྟར་ན་བདག་ཅག་ཐམས་ཅད་ཀྱི་ནང་ན་ཁྱོད་རྒན་ནོ། །དེ་ནས་གླང་པོ་ཆེས་ཐམས་ཅད་ལ་བསྙེན་བཀུར་བྱེད་པར་བརྩམས་སོ། །སྤྲེའུ་ཡིས་ནི་རི་བོང་དང་གོང་མ་སྲེག་ལའོ། །རི་བོང་གིས་ནི་གོང་མ་སྲེག་ཁོ་ན་ལ་སྟེ། ཞེས་དུད་འགྲོ་ཡིན་ཀྱང་རྒན་གཞོན་གོ་རིམ་མ་ལོག་པར་བསྙེན་བཀུར་བས་འཇིག་རྟེན་དུ་བདེ་སྐྱིད་བྱུང་བར་བཤད་ཅིང་། ཕྲན་(༦༩བ)

― GLG020_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེགས་ལས། དགེ་སློང་དག་དེ་བས་ན་དེང་ཕྱིན་ཆད་དགེ་སློང་རྒན་རབས་རྣམས་ལ་མིང་ནས་འབོད་པར་མི་བྱ། རུས་ནས་འབོད་པར་མི་བྱ་སྟེ། བཙུན་པ་ཞེས་བརྗོད་པ་དང་། ཚེ་དང་ལྡན་པ་ཞེས་བརྗོད་པ་མ་གཏོགས་པར་ཀུན་ཏུ་སྤྱོད་པར་མི་བྱའོ། །ཞེས་བསླབ་པ་རྒན་གཞོན་སོགས་ཀྱི་རིམ་པ་མ་ནོར་བར་གྲལ་གྱི་དང་པོ་དང་རྙེད་པ་གྲལ་རིམ་ནས་འགྲིམ་པ་སོགས་འོག་མ་དག་གིས་གོང་མ་ལ་འདུད་པར་བྱ་བར་གསུངས་པས་ན་འདུས་ཚོགས་འདི་དག་ཏུའང་བརླང་སྤྱོད་བག་ཡངས་སུ་མ་སོང་བའི་གྲ་ས་ཕན་ཚུན་གྱི་གྲལ་འཛིན་སྔར་སྲོལ་གང་ཡིན་དང་། དེ་ཕྱིན་ཕྱོགས་འདུས་ཀྱི་དགེ་འདུན་ཚུལ་ལྡན་རྣམས་གཙོ་ཆེ་བ་བྱས་ནས་ཚུལ་འཆལ་དང་དགེ་སྦྱོང་གི་ཆ་བྱད་མགོ་རེག་དག་དགེ་འདུན་གྱི་རྙེད་པ་ལ་ལྷན་ཅིག་ཏུ་ལོངས་སྤྱོད་པ་ནི། ལུང་རྣམ་འབྱེད་ལས། ལྕགས་གོང་མེ་ལྕེ་འདྲ་བ་དག །ཟོས་པར་གྱུར་པ་མཆོག་ཡིན་གྱི། །ཚུལ་འཆལ་ཡང་དག་མི་སྡོམ་པས། །ཡུལ་འཁོར་བསོད་སྙོམས་ཟ་བ་མིན། །ཞེས་དང་། མདོ་སྡེ་ཉི་མའི་སྙིང་པོ་ལས། །སྤུ་གྲི་རྣོན་པོ་དག་གིས་སུ། །རང་གི་ཡན་ལག་གཏུབས་པ་བླའི། །བསྔོས་ཟིན་པ་ཡི་དངོས་པོ་ནི། །ཁྱིམ་པ་རྣམས་ལ་སྦྱིན་མི་བྱ། །ཞེས་ཚེ་རབས་ཕྱི་མ་རྣམས་སུ་ངན་སོང་གི་སྡུག་བསྔལ་མི་བཟོད་པའི་རྒྱུར་སྣང་མོད། འོན་ཀྱང་། སྙིང་རྗེ་པད་དཀར་ལས། ཀུན་དགའ་བོ་ཕྱི་མའི་དུས་ཟད་པའི་དུས་དམ་པའི་ཆོས་འཇིག་པར་འགྱུར་པའི་དུས་ན་གང་དག་ངའི་བསྟན་པ་འདི་ལ་རབ་ཏུ་འབྱུང་བར་འགྱུར་པ་དག་རབ་ཏུ་བྱུང་ནས་བུའི་ལག་པ་ནས་བཟུང་སྟེ། བུ་དང་ལྷན་ཅིག་ཏུ་ཆང་སྐྱོགས་གང་གི་ཕྱིར་ཆང་མའི་ཁྱིམ་ནས་ཆང་མའི་ཁྱིམ་དུ་འཁྱམ་པ། ངའི་དམ་པའི་ཆོས་འདིའི་རྗེས་སུ་བསླབ་པ་དེ་དག་ཐམས་ཅད་ཀྱང་ཀུན་དགའ་བོ་བསྐལ་པ་བཟང་པོ་(༧༠ན)

― GLG020_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ལ་ཡོངས་སུ་མྱ་ངན་ལས་འདའ་བར་འགྱུར་རོ། །ཞེས་དང་། ཀུན་དགའ་བོ་ངའི་བསྟན་པ་འདི་ལ་གང་དག་དགེ་སྦྱོང་གི་རིགས་ཅན་དགེ་སྦྱོང་ཤིན་ཏེ་མ། དགེ་སྦྱོང་དུ་ཁས་འཆེས་པ། དགེ་སྦྱོང་ལྟར་བཅོས་པ། ངུར་སྨྲིག་གྱོན་པ་འབྱུང་བ་དེ་དག་ཐམས་ཅད་ཀྱང་བསྐལ་པ་བཟང་པོ་འདི་ལ་གང་བྱམས་པ་ནས་མོས་པ་ལ་ཐུག་གི་བར་དུ་ཕྱིས་འབྱུང་བའི་སངས་རྒྱས་བཅོམ་ལྡན་འདས་དེ་དག་གི་འོག་ཏུ་མཐར་གྱིས་མྱ་ངན་ལས་འདའ་བར་འགྱུར་རོ། །ཞེས་བསྟན་པ་འདི་ལ་རབ་ཏུ་བྱུང་བར་ཁས་འཆེས་པའི་ཚུལ་འཆལ་དང་རྟགས་ཙམ་འཛིན་པ་དག་ཀྱང་བསྐལ་པ་སོགས་ལ་མི་བལྟོས་པར་མྱང་འདས་ཐོབ་པར་དབུགས་དབྱུང་བ་ལྟར་ན་གཞན་ལས་ཁྱད་ཞུགས་ཤིང་སྙིགས་མར་སྤྱད་པའི་དུས་འདིར་ཡུལ་དང་དུས་བསྟུན་དགོས་པའི་ཕྱིར་བཀའ་སྲོལ་མི་འདུག་རུང་གྲལ་གྱི་མཐའ་དཀྱིལ་སོགས་ཀྱི་ཁྱད་གསུང་རབ་དང་བསྟུན་ན་དགོས་པར་སྣང་མོད། རང་བསྟན་ལ་ཆེད་དུ་ཕན་པར་མི་འགྱུར་བཞིན་དུ་ཕོ་རུས་སུ་མིང་བཏགས་པའི་ཀུན་སློང་ངན་པས་དབྱེན་དུ་འགྱུར་བའི་སྤྱོད་པ་ནི། སེམས་དཔའ་ཆེན་པོ་ཐོགས་མེད་བཟང་པོ་དཔལ་གྱིས། །གཞན་གནོད་གཞི་བཅས་སྤོང་བར་ཁས་བླངས་ནས། །དགྲ་ལ་སྡུག་ལས་ཐོངས་པའི་ཕོ་རྒོད་པོ། །རང་གི་སྡོམ་གསུམ་ཡུལ་ནས་འདོན་ཉེན་གདའ། །གནོད་སེམས་རྩད་ནས་ཐོན་པར་བྱིན་གྱིས་རློབས། །དགེ་སྦྱོང་ཆོས་བཞི་བསྒྲུབ་པར་དམ་བཅས་ནས། །ཁེ་དྲག་དབང་ཆེན་འདོད་པའི་ང་རྒྱལ་ཅན། །ཁས་བླངས་ཐོག་ཏུ་ཁེལ་བ་མི་གདའ་འོ། །རྟག་ཏུ་དམན་ཆ་འཛིན་པར་བྱིན་གྱིས་རློབས། །ཞེས་ཁྲོ་བ་ལ་སླར་མི་ཁྲོ། རྡེག་པ་ལ་སླར་མི་རྡེག །གཤེ་བ་ལ་སླར་མི་གཤེ། མཚང་འདྲུ་བ་ལ་སླར་མཚང་མི་(༧༠བ)

― GLG020_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲུ་བ་ཁས་འཆེས་ནས་བསམ་སྦྱོར་འཇིག་རྟེན་པ་གཞུང་མ་དང་ཁྱད་པར་མེད་པ། ཀོང་བཙུན་ཤེས་རབ་རྡོ་རྗེས། བློ་ཆགས་སྡང་གིས་འཆད་པའི་སྟོན་ཆེན་དང་། ཁོང་འཇིག་རྟེན་པའི་གཙོ་བོ་རྒད་བུ་གཉིས། ཁྱད་ཨེ་འདུག་ཀུན་སློང་སེམས་ལ་དྲིས་ཞེས་པའི་དོན་ཐོག་ཏུ་བབ་དུས་འདི་དེ་འདྲའི་ངང་ཚུལ་འབྱུང་བ། འཕགས་པ་ཡོངས་སུ་མྱ་ངན་ལས་འདས་པའི་མདོ་ལས། རིགས་ཀྱི་བུ་བདུད་སྡིག་ཅན་གྱིས་ནི་ང་འདས་པའི་ལོ་བདུན་བརྒྱ་ལོན་པ་ན། ངའི་བསྟན་པ་ཕྱེ་ཞིང་བཤིག་པར་འགྱུར་ཏེ། དམ་པའི་ཆོས་ནུབ་པའི་ཚེ་བདུད་སྡིག་ཅན་ཟག་པ་ཅན་གྱིས་ཟག་པ་མེད་པ་ལྟ་བུར་བསྒྱུར་ཏེ། བྱ་བའི་རྟགས་ཀྱིས་ཚུལ་བྱེད་པ་བཞིན་དུ་དགེ་སློང་གི་གཟུགས་དང་། དགེ་སློང་མའི་གཟུགས་དང་། དགེ་བསྙེན་གྱི་གཟུགས་དང་། དགེ་བསྙེན་མའི་གཟུགས་འདི་རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་དང་། རང་སངས་རྒྱས་ཀྱི་གཟུགས་དང་། སངས་རྒྱས་ཀྱི་གཟུགས་ཀྱིས་བཤིག་པར་འགྱུར་ཏེ། ཞེས་སངས་རྒྱས་ཀྱི་བསྟན་པ་ལ་གླགས་ལྟ་བའི་ཆེད་དུ་ཡིད་སྲུབས་དགེ་སྦྱོང་གི་གཟུགས་ལྟར་བཤད་པ་ནི་དུས་དབང་གིས་འབྱུང་ཉེ་ཞིང་དགེ་འདུན་རྣམས་འཐབ་རྩོད་ལ་སྦྱོར་བའི་འབྲས་བུ་དགེ་འདུན་སྲུངས་ཀྱི་རྟོགས་བརྗོད་དུ། དགུང་གི་གདུགས་ཚོད་ལ་བབས་པ་ན་རབ་ཏུ་བྱུང་བ་དག་མགོ་བོ་ཐོ་བས་བསྣུན་ཏེ་ཁྲག་བབས་པ་དང་འདུ་སྒོ་བཀག་པ་ལ་བརྟེན་ནས་བཟའ་བཏུང་ལྕགས་ཁུར་གྱུར་པར་བཤད་ཅིང་། དེར་མ་ཟད་དགེ་འདུན་གྱི་དབྱེན་བྱས་པའི་རྣམ་སྨིན་ནི། ལུང་རིགས་གཏེར་མཛོད་ལས། བར་བསྐལ་གཅིག་གི་བར་དུ་མནར་མེད་ཀྱི་སྡུག་བསྔལ་མྱོང་བར་བྱེད་ཅིང་དབྱེན་གྱི་མཚམས་མེད་གཉིས་བྱས་ན་མནར་མེད་(༧༡ན)

― GLG020_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ལུས་ཉིས་འགྱུར་ལ་གནོད་པ་སྔར་ལས་ཉིས་འགྱུར་དུ་མྱོང་དགོས་ཏེ། བསྐལ་བར་མནར་མེད་པར་སྨིན་འགྱུར། །ལྷག་པས་གནོད་པ་ལྷག་པར་འགྱུར། །ཞེས་སོགས་གསུངས་པ་ནི། ལུང་ཕྲན་ཚེགས་ལས། ཟླ་བ་སྐར་མའི་ཚོགས་བཅས་ས་ལ་ལྷུང་ཡང་སྲིད། །ས་འདི་རི་དང་ནགས་བཅས་མཁའ་ལ་འགྲོ་ཡང་སྲིད། །རྒྱ་མཚོ་ཆེན་པོའི་ཆུ་ནི་སྐམ་པར་འགྱུར་སྲིད་ཀྱི། །དྲང་སྲོང་ཆེན་པོ་རྫུན་གསུང་འགྱུར་བ་སྲིད་པ་མིན། ཞེས་བདེ་བར་གཤེགས་པས་རྫུན་གསུང་པའི་སྐབས་ནི་ནམ་ཡང་མེད་པས་ངེས་པར་བདེན་ལ་དེ་ལྟར་ཡང་བཤེས་སྤྲིངས་ལས། ཁྱོད་ཀྱིས་དགེ་སློང་བྲམ་ཟེ་ལྷ་དང་ནི། །ནོར་་དང་ཡབ་ཡུམ་དག་དང་བཙུན་མོ་དང་། །འཁོར་གྱི་སླད་དུའང་སྡིག་པ་མི་བགྱིད་དེ། །དམྱལ་བའི་རྣམ་སྨིན་སྐལ་ནོད་འགའ་མ་མཆིས། །ཞེས་རང་གཞན་གང་གི་ཆེད་དུ་བསགས་པའི་སྡིག་པའི་འབྲས་བུ་བདག་ཉིད་གཅིག་པུའི་ཐོག་ཏུ་སྨིན་པའི་ཕྱིར་བློ་གྲོས་དང་ལྡན་པ་རྣམས་ཀྱི་བླང་དོར་གནད་མ་འཛོོལ་བ་ཞིག་གནད་དུ་ཆེ་ལ། སྐབས་དོན་གྱི་སྙིང་པོ། ཐུབ་བསྟན་འཆི་མེད་ལམ་དུ་གསལ་བྱེད་ཉི་ཟླ་ལྟ་བུར་ཟུང་དུ་འབྲེལ་བ་དཔལ་ལྡན་འབྲས་སྤུངས་དང་སེ་ར་ཐེག་ཆེན་གླིང་ཕན་ཚུན་རབ་བྱུང་དྲུག་པའི་ལྕགས་ཕོ་བྱི་བ་ནས་བཟུང་ཆོ་འཕྲུལ་ཆེན་མོའི་དུས་ཆབས་ཅིག་ཏུ་འདུ་ཚོགས་མཛད་བཞིན་པར་བརྗོད་གླེང་སྣ་ཚོགས་ཡོད་དོན་མི་འདུག་ཀྱང་ལས་སྣེ་བ་འདྲའི་སྐྱོན་གྱིས་སྔ་ཕྱིར་ཐུགས་མི་མཐུན་པ་ཅི་རིགས་དང་ཉེ་ཆར་རབ་བྱུང་བཅུ་གཅིག་པ་ཤིང་ཡོས་ཀྱི་ལོར་འབྲས་སྤུངས་དགེ་སྐོས་དང་བྱ་རུང་བ་ཐུག་པའི་རྐྱེན་སློང་དང་ངོ་བོ་འབྱུང་པོའི་ཆོ་འཕྲུལ་ལྟ་བུའི་ཟ་ཟིར་སྣ་ཚོགས་པའི་རྒྱ་ཆེར་ཉེ་བ་སྡེ་བའི་བསླབ་སྟོན་གྱིས་སྨོན་ལམ་བར་འགྱངས་ཤིང་དེ་རྗེས་སེ་ར་བ་དཔོན་སློབ་ནས་གཅོད་མཚམས་དགོས་ཚུལ་བྱུང་བ་ཕན་ཚུན་སོ་སོའི་ཁྱེར་ཕྱོགས་ཅི་ཡོད་ཐིངས་དཀའ་(༧༡བ)

― GLG020_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

གཤིས་གྲྭ་ཚང་གཉེར་པ་འཕྱོང་རྒྱས་པ་བློ་བཟང་སྦྱིན་པ་དང་འཕན་ཡུལ་ལྷ་ཁང་པ་སྒེར་ལོགས་ཨ་དར་གཉིས་བཏང་བའི་གསུང་རིགས་རྣམ་གྲངས་མང་བ་སོ་སོར་སྦྱངས་བཤད་ཀྱི་ཁོངས་སུ་ཐུས་པ་བྱས། མེ་གླང་རི་ཁ་བླ་མ་ཚལ་པ་རབ་འབྱམས་པ་བློ་བཟང་ཆོས་སྐྱོང་གིས་དགེ་སྐོས་དུས་གྲལ་འཛིན་གྱི་གྲལ་བཟོ་བ་དང་ཇ་གཏོང་བ་སོགས་ཕེར་རྒྱ་མང་དུ་བྱས་ཤིང་དགོན་པར་འབྱོར་ནས་འདི་བཞིན་བྱས་ཡོད་པས་དབྱར་མཇུག་གངས་ལ་སྐྱོལ་གྱི་ཚོགས་གཏམ་བཏང་བ་རིམ་གྱིས་མཆེད་པ་འབྲས་སྤུངས་པ་རྣམས་ཀྱི་ཐུགས་སུ་མ་ཤོང་བའི་རྐྱེན་གྱིས་སྐྱོར་ལུང་བླ་མ་སྒང་མགོ་རབ་འབྱམས་པ་ངག་དབང་རྒྱ་མཚོ་དང་སྤྲུལ་སྐུ་དགོས་སྐྱེས་ཀྱི་བུ་གྲགས་པ་བློ་བཟང་སོགས་དགེ་སྐོས་འགའ་རེའི་ཐོག་སེ་ར་བ་ཕྱོགས་ཀྱི་གྲལ་རྣམས་རིམ་ཤོར་དང་། དགེ་སློང་དོན་གྲུབ་རྒྱ་མཚོའི་དགེ་སྐོས་ཀྱི་ཐོག་ཇ་གཏོང་བ་ཡང་ཕྱོགས་ལྷུང་ཧ་ཅང་ཆེས་པ་དང་། རྒྱུ་རྐྱེན་ཞིག་ལ་དཔོན་ས་ལྷ་མོས་མས་སེ་ར་ཆོས་རྗེ་གཉལ་སྟོན་པའི་དྲུང་དུ་སྐྱེ་རྟགས་ཞུས་པར་ཆུ་སྲིན་དུ་སྐྱེ་བའི་སྒོ་དགག་པར་དགེ་འདུན་སྟོང་ར་ཅན་གྱིས་སྨན་བླའི་མདོ་ཆོག་ཆེན་མོ་གསུང་བར་ལུང་བསྟན་པ་བཞིན་རྒྱས་བཏབ་ར་མོ་ཆེའི་གནྡྷོ་ལར་བཙུགས་པ་ན་མཆོད་དབྱངས་པ་བཞི་མ་གཏོགས་མཁན་པོས་ཐོག་དྲངས་ལས་སྣེ་བ་ཐམས་ཅད་སེ་ར་བ་ཁོ་ནས་མཛད་པའི་སྣེ་མོ་བ་ཅི་རིགས་ཀྱི་སྐྱོན་ལ་བརྟེན་ལྷོ་པ་དང་སྤོ་འབོར་བའི་གྲལ་གྱི་བར་དུ་འབྲས་སྤུངས་པའི་བླ་མ་རྣམས་བཞུགས་དཀའ་ཞིང་གྲྭ་དམངས་ཚོགས་བྱིངས་པོའི་ཁྲོད་དུ་མཉམ་བསྲེས་ཐོག་འབྲི་ཕག་ལ་དམག་བཏང་སྐབས་གླིང་ཁུ་རུ་དབེན་པོའི་དཔའ་དར་ལ་བྱུང་བའི་ཀ་གླིང་དགུ་དང་། ཀ་བཞི་ལ་སྒོར་མོར་བྱས་པའི་ཉ་ཁུག་གྲལ་དམིགས་བསལ་དུ་བསྒྲིག་པ་ཞིག་ཡོད་འདུག་པར་ཡང་བརྡུང་འཚོག་དང་ཇ་ཐུག་ཇི་བཞིན་མི་གཏོང་བ་སོགས་ཕན་ཚུན་གཅིག་ངན་གཅིག་རྒྱག་དང་། ས་བྱའི་སྨོན་ལམ་དུས་(༧༢ན)

― GLG020_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲང་སྤུངས་དགེ་སྐོས་རྒན་པ་སྟར་སྡོང་བཀའ་བཅུ་བློ་བཟང་རབ་བརྟན་ལ་བྱེས་པའི་སོག་པོ་ཞིག་གིས་ལག་ལན་གྱི་རྣམ་པ་བྱས་པར་བྱེས་སློབ་དཔོན་པ་བྱ་བྲལ་རབ་འབྱམས་པ་འཇམ་དབྱངས་ལྷུན་གྲུབ་ཀྱིས་ལེགས་སོའི་ལྦ་དར་བཏགས་པ་སོགས་སེ་ར་ཕྱོགས་ནས་བསྟན་བཤིག་གི་གཉའ་མི་གནོན་པར་གཟེངས་བསྟོད་པ་བྱུང་ཞིང་འབྲས་སྤུངས་ཕྱོགས་ནས་དེ་རིགས་ཀྱི་སྐྱོན་མེད་ཚུལ་ཕན་ཚུན་གཟིགས་སྟངས་མ་གཅིག་ཅིང་རྨུ་རྒོད་ལ་ལ་མ་ཕེར་བའི་རིགས་ལ་སྔོན་ལས་དང་གང་དུའང་གཤའ་མ་མེད་པ་སྐད་ཀྱིས་ཟླ་གྲོགས་འཚོལ་ཞིང་ངང་པ་མཚོ་ངོམ་དང་འུག་པ་བྲག་ངོམ་གྱི་རྒྱབ་བརྟེན། ཁྲེལ་བདས་ལ་ངོ་སོར་འཁྱེར་བའི་དགེ་སྐྱོན་སྣ་ཚོགས་བྱུང་འདུག་པ་ད་ཆ་བླང་དོར་མཛད་རྒྱུའི་སྙིང་པོ་ལྷ་ས་སྨོན་ལམ་ཆེན་མོའི་གདོང་གྲལ་ནུབ་ལྟ་དང་དེའི་རྒྱབ་སྤྲོད་ཞལ་ཤར་གཟིགས་ཚུན་འབྲས་སྤུངས་པ་དང་། དེའི་རྒྱབ་ནུབ་ལྟ་རྩ་གྲལ་ནས་བཟུང་པའི་གྲལ་དྲུག་ཙམ་སེ་ར་བ་ཤ་སྟག་དང་དེ་ནས་རྨི་རུ་བཞི་སྡེ་བར་གྲལ་གཅིག །དེ་རྒྱབ་སེར་འབྲས་འདྲེས་མ་དང་ཕྱོགས་མཐའི་དགེ་འདུན་སོགས་སྣ་ཚོགས་འཚོག་པ། སེ་ར་བ་རྣམས་ཀྱིས་གྲལ་ཁུངས་ཡོད་པ་སོར་བཞག་གིས་གྲལ་འཛིན་ལ་མ་བྱོན་ན་རྩོད་པའི་རྒྱུ་ཡོད་འདུག་པས་གྲལ་འཛིན་ལ་ངེས་པར་འབྱོན། འབྲས་སྤུངས་ཀྱི་གྲྭ་ཚང་བདུན་ནས་དགེ་སྐོས་རེས་སྐོར་དང་སྤྱན་ལྟོས་ཀྱི་ཁྱད་ནས་དགེ་སྐོས་ཀྱིས་མཛུབ་མོ་གར་བསྟད་ཤར་གྱི་དཔེས་ཆུན་ཆེ་ཞིང་། སེ་རར་གྲྭ་ཚང་གསུམ་ག་ནས་དགེ་སྐོས་ལངས་པའི་ཕྱོགས་ཁྱེར་གྱིས་སོ་སོའི་གྲྭ་ཚང་མ་ཡིན་པར་རྒྱག་བརྡུང་སོགས་ཆེར་མ་ནུས་པའི་ཆུན་ཆུང་སྐྱོན་གྱི་རིགས་ལ་ཐང་ལྷོད་ཙམ་ཡོད་འདུག་པ་སྨོན་ལམ་གྱི་དུས་དགེ་སྐོས་དང་ཆར་བཏག་མས་རྒྱུན་གྱི་མིག་ཤུགས་ལ་བརྟེན་ཚོགས་འཇམ་མི་འཇམ་བྱུང་བར་སྒྲིགས་གནོན་གྱི་བརྡུང་འཚོག་བྱས་པར་སེ་ར་བ་ཕྱོགས་ནས་བསྙད་འདོགས་མི་མཛད་ཅིང་། དེ་རིགས་(༧༢བ)

― GLG020_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

མི་དགོས་ཙམ་བྱུང་ཕྱིན་ཞེན་གསོག་ཏུ་འགྲོ་བའི་བརྡུང་འཚོག་མི་བྱེད། གྲ་ས་གཉིས་ཀ་ནས་བསྟན་བཤིག་བྱད་མིའི་རིགས་ལ་ཚོགས་གཏམ་དུ་གཉའ་གནོན་མ་གཏོགས་དབུགས་དབྱུང་དང་བྱ་དགའ་མི་སྟེར། རབ་བྱུང་བཅུ་གཅིག་པའི་མེ་སྦྲུལ་ནས་བཟུང་ས་སྐྱོང་བསོད་ནམས་རབ་བརྟན་གྱིས་འབྲས་སྤུངས་པ་དཔོན་སློབ་དང་བཀའ་བགྲོས་པའི་སེ་ར་སློབ་དཔོན་གསུམ་ཚོགས་ལ་འབྱོན་པའི་ས་བཅད་མཛད་པ་ལྕགས་འབྲུག་གྲལ་འཛིན་ལ་ལག་ཐུག་བྱུང་བའི་རྐྱེན་གྱིས་ས་ཁྲི་བཤིག་འདུག་རུང་སེ་ར་བའི་སློབ་དཔོན་རྣམས་ད་ལྟ་བར་འབྱོན་བཞིན་པར་དེ་རིགས་ཀྱི་གཟེ་གསག་མི་བྱེད། དེ་གོང་ལོ་ཤས་གསུང་ཆོས་ར་བ་དང་མཎྜལ་ར་བ་སོགས་སུ་སེ་རའི་སློབ་དཔོན་གསུམ་གྱི་གཤམ་དུ་དགེ་སྐོས་དབུ་མཛད་ཀྱང་འཐུད་པར་བརྗོད་གླེང་བྱུང་མ་སོང་བ་ས་སྟག་ཟ་ཟིར་ཆེན་མོའི་སྐབས་ནས་བཅད་མཚམས་གྲུབ་འདུག་པ་བཞིན་དབུ་མཛད་དགེ་སྐོས་རྣམས་གྲྭ་དམངས་ཀྱི་ཁྲོད་ལས་སློབ་དཔོན་པ་རྣམས་ཀྱི་གཤམ་དུ་མི་བསྒྲིག །ཇ་ཐུག་རྣམས་གདོང་གྲལ་གཉིས་གོང་དུ་ཕུད། དེ་ཕྱིན་གྲལ་ཐམས་ཅད་ལ་མཉམ་ཁེབས་ཤིག་མ་བྱུང་ན་རྩོད་སློང་གི་རྒྱུར་མ་ཟད་བཞེས་པ་རྣམས་ཕྱོགས་མཚུངས་སུ་མི་ཡོང་བའི་ཚོགས་ཀྱི་ཀུན་སྤྱོད་ལ་ཡང་གནོད་པར་སྣང་། སེ་རའི་ཁམས་ཚན་གྱི་མང་འགྱེད་བྱུང་དུས་སྦྱིན་བདག་གི་སྤོས་སྣ་རེ་ཙམ་ཡོང་བ་སྔ་ཐོག་གི་ཁུངས་དང་ཡིག་རིགས་སོགས་སྐྱེལ་རྒྱུ་མི་འདུག་རུང་བར་སྐབས་སུ་ཧར་ལྡོང་གིས་ཐོག་མར་སྲོལ་བཏོད་འདུག་པས་མཚོན་ཁམས་ཚན་རྣམས་ཉེ་ཆེ་འབྲེལ་ཟབ་བྱས་འདུག་པ་སྦྱིན་བདག་གི་མི་རེ་ཙམ་མ་ཐེ་བ་བློ་མ་རངས་པའི་དགེ་འདུན་གྱི་འདུ་སྒོ་གཞན་དུ་བསྒྱུར་ཐབས་ཀྱིས་རང་གཞན་ལ་བརྟེན་ནས་སྡིག་གསོག་པའི་ཉེན་འདུག་གཤིས་དཔེར་ན་སེ་ར་ཧར་ལྡོང་གི་མང་འགྱེད་ལྟ་བུ་བྱུང་བའི་ཚེ་འབྲས་སྤུངས་དགེ་རྒན་གྱི་རྗེས་སུ་ཁམས་ཚན་གྱི་ངོ་སོ་ཙམ་གྱི་ཆེད་དུ་སེ་ར་(༧༣ན)

― GLG020_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

ཧར་ལྡོང་གི་མི་རེ་ཕྱིན་པ་སྤོས་སྣ་སྨོན་ལམ་ཆེན་མོའི་ལས་ཚན་དུ་མི་གཏོགས་གཤིས་སྐྱོན་དུ་མི་འགྱུར། འགྱེད་ཤར་ཁ་གཉིས་དགོས་པ་བྱུང་ན་འབྲས་སྤུངས་པ་རང་གི་དགེ་རྒན་གཉིས་ཀྱིས་གཏོང་ཞིང་སེ་རའི་དགེ་རྒན་ལས་གྲོགས་ལྟ་བུ་ལས་ལག་འཇུག་མི་བྱེད། གྲ་ས་སོ་སོར་ཁམས་ཚན་འཛིན་ཐེབས་དང་དགྲ་གཉེན་དབྱེ་འབྱེད་ལྟ་བུར་འགྱེད་སྐལ་སྣ་ཚོགས་གཏོང་སྲོལ་འདུག་རུང་སྨོན་ལམ་ཆེན་མོར་དེ་རིགས་བྱས་ཚེ་དགེ་འདུན་སྤྱིའི་རྙེད་པ་ལ་གནོད་པ་ནས་ཁམས་བོད་ངོ་བོ་རྣམས་དང་སྐྱིད་སྡུག་གཅིག་པའི་ཉེ་ལོགས་ཀྱི་ཁམས་པ་རྣམས་ལ་ཉིས་སྐལ་ལམ་སུམ་སྐལ། དགེ་རྒན་དང་རོགས་བྱེད་རྣམས་ལ་ལྔ་སྐལ་ལམ་བཅུ་སྐལ་ཙམ་ཡང་གཏོད་བའི་སྲོལ་ངན་བར་སྐབས་སུ་དར་འདུག་ཀྱང་ད་ཆ་གོང་གསལ་མཐའ་དག་རང་སྐལ་ལས་མི་གཏོད། འཕར་ཆག་མེད་པ་སྨོན་ལམ་གྱི་ལས་ཚན་རྣམས་དེབ་གསལ་ལྟར་ཡིན། སྡེ་པ་བསོད་ནམས་རབ་བརྟན་གྱི་དུས་འགྱེད་གཏོང་སྐབས་གཞུང་གི་སྐུ་ཚབ་རེ་ཡོང་གིན་ཡོད་འདུག་པ། ས་ཁྱི་གསང་སྒོ་ནས་བཟུང་བར་བཀབ་མ་བྱུང་འདྲ་ཡང་ད་ཆ་མཚམས་ཚིགས་ཀྱི་མིག་ལྟ་དང་བཅས་ཡོད་པ་འགབ་འབུལ་བ་རྣམ་གཞག་གི་སྐབས་འབྲས་སྤུངས་ཀྱི་བླ་མ་དབུ་མཛད་པར་བསྔོ་རྟེན་དགོས་པ་སྨོས་མ་དགོས་ཤིང་སྒོ་མངས་སློབ་དཔོན་པ་དང་ཉེ་ལོགས་ཀྱི་བླ་མ་རྣམས་ལ་འབུལ་བ་བྱས་པའི་སྟེང་སེ་ར་ཧར་ལྡོང་གི་བྱེས་པ་སློབ་དཔོན་པ་སོགས་ལ་སྒོ་མངས་སློབ་དཔོན་ཅན་ལས་རིམ་འགྲོས་ཀྱིས་ཆུང་བ་མ་གཏོགས་འདྲ་བ་མི་བྱེད། འབྲས་སྤུངས་ཧར་ལྡོང་གི་མང་ཇའི་སྐབས་སེ་རའི་ཧར་ལྡོང་གི་དགེ་རྒན་སྤོས་སྣ་མདུན་ཇ་སོགས་ལ་འབོད་པར་དགག་ས་མེད། དཔེ་འདིས་ཁམས་ཚན་གཞན་རྣམས་ལའང་མཚོན་ཞིང་ཅོ་ནེ་ཁག་ལྔའི་མང་འགྱེད་ལ་བར་སྐབས་སུ་སྤོས་སྣ་དང་འགྱེད། (༧༣བ)

― GLG020_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོང་མཁན་ཁོ་རང་ཚོའི་དགེ་རྒན་གྱིས་བྱས་འདུག་པ་འབྲས་སྤུངས་སུ་ཅོ་ནེ་རྣམས་ལ་ཁམས་ཚན་གྱི་ཐོབ་ཐང་འདུག་པས་དཔེར་ན་ཅོ་ནེ་གཞུང་པ་འབྲས་སྤུངས་སུ་རྟ་དབོན་པ་དང་རྒྱ་ཡི་ཝང་གཉིས་པོར་ལོ་རེ་མོས་ཀྱི་འབབ་ཀྱི་ཡོད་འདུག་པས་དེ་གཉིས་རེ་མོས་སུ་ཡིན་གྱིས་གཞུང་པའི་མང་འགྱེད་ལ་གོང་གི་ཧར་ལྡོང་གི་དཔེ་ཇི་ལྟ་བ་བཞིན་བྱེད། ར་མོ་ཆེའི་སྨོན་ལམ་ལ་ཡང་འབྲས་སྤུངས་ཀྱི་སློབ་དཔོན་ཙམ་བྱུང་ལ་ཟོས་གང་ལེགས་ལས་ལྷོ་པ་སྤོ་འབོར་བས་གྲལ་ལ་ཞི་བརྡུང་དང་དགེ་སྐོས་གསུམ་གྱིས་འབྲས་སྤུངས་པའི་གྲ་པ་རྣམས་ལ་དགོས་མེད་ཀྱི་ཞེན་གསོག་མི་བྱེད་ཅིང་། ཇ་ཐུག་སོགས་བཞེས་པ་རྣམས་ཀྱང་ཕན་ཚུན་ཁྱད་མེད་སྙམས་པར་གཏོང་། བྱ་རུང་པ་འདི་སྐྱེད་ཤོད་སྡེ་པ་གཡུལ་རྒྱལ་ནོར་བུའི་དུས་དབོན་པོ་བསྐལ་བཟང་ཟེར་བའི་གཟུགས་བཙུན་ཞིག་ལ་ཁོག་ཞུགས་བྱུང་ཚོད་ཆོས་སྐྱོང་དུ་བྱ་རུང་བ་ཙམ་ཡིན་བྱས་པ་ལས་མིང་དེར་ཐོགས་པ་རིམ་གྱིས་སྒྲ་འཆོལ་བ་མ་གཏོགས་ཤར་ཕྱོགས་སྐུའི་རྒྱལ་པོའི་བློན་པོ་གྲ་ཚོང་འདུས་བྱ་ཁྲིད་མིག་གཅིག་པ་མིན་པས་ནུབ་ཕྱོགས་གསུང་གི་རྒྱལ་པོའི་བློན་པོ་རྡོ་རྗེ་གྲགས་ལྡན་དུ་ཞལ་གྱིས་བཞེས་པ་ཚལ་ཡང་དགོན་རྒྱལ་ཆེན་ལྟ་བུའི་དོ་ཟླ་མིན་རུང་འབྲས་སྤུངས་ཀྱི་སྣེ་མོ་བ་རྣམས་ཀུན་རྟོག་སྣ་ཚོགས་ཀྱིས་སྡངས་ཙམ་སྣང་བ་སྔ་ཐོག་སྨོན་ལམ་ཆེན་མོའི་གྲལ་འཛིན་གྱི་དུང་མ་བཏང་ཚུན་ཁོག་ཞུགས་བཀག་ཆ་བྱེད་སྲོལ་མེད་ནའང་དེ་སྒོས་གྲལ་འཛིན་གྱི་ཉིན་གྲ་དམངས་ཐམས་ཅད་ཚོགས་ཟིན་པ་དང་གྲ་ཐོག་ཀྱང་ཡང་ཡང་བརྗེ་བའི་གཤིས་གསར་བུ་བ་རྒྱུས་མེད་འདྲས་བརྡུང་འཚོག་བྱས་ཚེ་ད་ལོ་ལྟར་དགེ་འདུན་ཐུགས་མི་མཐུན་པའི་ཕྱི་ཡུལ་དུ་གཏམ་ཆ་ནན་ཅིང་རྣམ་སྨིན་ནག་པོར་འཛག་པའི་རྒྱུན་ཁོ་ནའི་དགག་བྱ་ཆེ་ཞིང་དགོས་པ་ཆུང་བ་ནས་ར་མོ་ཆེའི་གོས་སྐུའི་དུས་བྱ་རུང་པ་གཡུལ་ཁང་རྒྱབ་ནས་ར་མོ་ཆེར་ཤར་མར་བྱོན་ངོས་བྱམས་པ་གདན་འདྲེན་མ་ཟིན་བར་ཁོག་(༧༤ན)

― GLG020_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུགས་མི་བྱེད། དེ་ཡང་སྔར་སྨོས་ཀྱི་ཕན་ཚུན་ཐུགས་མི་མཐུན་པའི་ཟིང་རྐྱེན་གྱི་རྒྱུ་བྱས་ཚེ་མཐའ་ཀླས་པའི་འདུས་ཚོགས་འདི་ལྟ་བུར་ཕལ་མོ་ཆེའི་སོ་སྐྱེའི་དགེ་འདུན་བཞིན་དུ་སྣང་ཡང་གང་ཟག་གི་ཚོད་གང་ཟག་གིས་བཟུང་མ་ནུས་པར་མདོ་ལས་བཤད་པས་སྐྱེས་བུ་ཟུང་བཞི་གང་ཟག་ཡ་བརྒྱད་སོགས་འཕགས་པའི་དགེ་འདུན་དང་དེར་མ་ཟད་བྱང་ཆུབ་ཏུ་སེམས་བསྐྱེད་པའི་ཐེག་པ་ཆེན་པོའི་དགེ་འདུན་སོགས་སྦས་པའི་ཚུལ་ཅན་དམ་པ་ཇི་སྙེད་ཅིག་ཡོད་པར་ངེས་པས། དེ་དག་ལ་ཁྲོ་བ་དང་རྩོད་པ་འཚང་འདྲུ་བ་ནི། འཇུག་པ་ལས་གང་ཕྱིར་རྒྱས་སྲས་རྣམས་ལ་ཁྲོས་པ་ཡིས། །སྦྱིན་དང་ཁྲིམས་བྱུང་དགེ་བ་བསྐལ་པ་བརྒྱར། །བསགས་པ་སྐད་ཅིག་གིས་འཇོམས་དེ་ཡི་ཕྱིར། །མི་བཟོད་ལས་གཞན་སྡིག་པ་ཡོད་མ་ཡིན། །ཞེས་འབྱུང་ལ། དེར་མ་ཟད་འཕགས་པ་དགེ་བའི་རྩ་བ་ཡོངས་སུ་འཛིན་པའི་མདོ་ལས། ཤྭ་རི་དྭཱ་ཏིའི་བུ་དེ་བཞིན་དུ་གང་བྱང་ཆུབ་སེམས་དཔའི་བྱང་ཆུབ་ཀྱི་སེམས་བསྐྱེད་པ་གཅིག་གིས་བར་ཆད་བྱེད་པ་དེ་ནི་ཆོས་དཀོན་མཆོག་གི་ཕུང་པོ་འབུམ་ཕྲག་མང་པོ་དཔག་ཏུ་མེད་པ་གྲངས་མེད་པ་དག་གི་བར་ཆད་བྱེད་པ་ཡིན་ནོ། །ཞེས་ཐེག་པ་ཆེན་པོའི་གང་ཟག་གཅིག་གིས་གཞན་ཕན་བསྒྲུབ་པ་ལ་གནོད་པར་བྱེད་པའི་སྡིག་འབྲས་བསམ་གྱིས་མི་ཁྱབ་པར་བཤད་པས་བག་དང་ལྡན་པ་འདི་ཕྱི་ཀུན་གྱི་རྩ་བ་ཡིན་པའི་ཕྱིར་གོང་སྨོས་རྣམས་ཀྱི་བླང་དོར་འཛོལ་བ་མེད་པར་བརྩོན་པས་ལྷུར་བླངས་ན་འཇིག་རྟེན་ཀུན་ཏུ་གནས་སྐབས་དང་མཐར་ཐུག་གི་བདེ་སྐྱིད་རྒྱ་ཆེན་པོ་འབྱུང་བར་འགྱུར་བ་ནི། ཇི་སྐད་དུ། འགྲོ་བའི་སྡུག་བསྔལ་སྨན་གཅིག་པུ། །བདེ་བ་ཐམས་ཅད་འབྱུང་བའི་གནས། །བསྟན་པ་རྙེད་དང་བཀུར་སྟི་དང་། །བཅས་ཏེ་ཡུན་རིང་གནས་གྱུར་ཅིག །ཅེས་(༧༤བ)

― GLG020_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་བ་ཀུན་གྱི་ཉོན་མོངས་པའི་ནད་མ་ལུས་པ་འཇོམས་པའི་རྩི་སྨན་ཆེན་པོ་ཕན་པ་དང་བདེ་བ་མ་ལུས་པ་འབྱུང་བའི་སྒོ་དམ་པ་སངས་རྒྱས་ཀྱི་བསྟན་པ་རིན་པོ་ཆེ་ཡིན་ལ། དེ་ཡང་མངོན་པ་མཛོད་དུ། སྟོན་པའི་དམ་ཆོས་རྣམ་གཉིས་ཏེ། །ལུང་དང་རྟོགས་པའི་བདག་ཉིད་དོ། །དེ་འཛིན་བྱེད་པ་སྨྲ་བྱེད་དང་། །སྒྲུབ་པར་བྱེད་པ་ཁོ་ནའོ། །ཞེས་ལུང་རྟོགས་ཀྱི་བསྟན་པ་དེ་ཡང་། མ་ཕམ་པས། ཡི་གེ་འདྲི་མཆོད་སྦྱིན་པ་དང་། ཉིན་དང་ཀློག་དང་ལེན་པ་དང་། །འཆད་དང་ཁ་ཏོན་བྱེད་པ་དང་། །དེ་སེམས་པ་དང་སྒོམ་པ་སྟེ། །སྤྱོད་པ་འདི་བཅུའི་བདག་ཉིད་ཀྱི། །བསོད་ནམས་ཕུང་པོ་དཔག་ཏུ་མེད། །ཅེས་དགེ་འདུན་རྣམས་ཀློག་པ་ཐོས་བསམ་དང་སྤོང་བ་བསམ་གཏན་འཕེལ་བ་ལ་རག་ལུས། དེ་ཡང་ཕན་ཚུན་མཉེས་གཤིན་པའི་ཐུགས་མཐུན་པ་རྩ་བ་ལྟ་བུ་ཡིན་པའི་ཕྱིར། གསོ་སྦྱོང་ལའང་རིགས་མང་དུ་ཡོད་པ་སྔོན་བསགས་ཀྱི་སྡིག་པ་སྦྱོང་བ་ཞི་གནས་དང་། བཅུ་བཞི་པ། བཅོ་ལྔ་པ། གནོད་པ་ཕྱིར་བཟློག །རྩོད་པ་ཕྱིར་བཟློག །བཀྲ་ཤིས་པ་རྣམས་ཚེ་འདིའི་ཟག་པ་འགོག་ཕྱིར་མཐུན་པའི་གསོ་སྦྱོང་གི་ཁོངས་སུ་བསྡུས་པའི་དགོས་པ་ཡང་ལུང་རིགས་གཏེར་མཛོད་ལས། བསླབ་པ་གསུམ་གོང་ནས་གོང་དུ་འཕེལ་བའི་སྒོ་ནས་གནས་སྐབས་མངོན་མཐོ། མཐར་ཐུག་ངེས་ལེགས་ཐོབ་པའི་དགོས་པ་ཡོད་པ་དང་། ཁྱད་པར་སྟོན་པའི་བཅས་པ་དང་མཐུན་ཅིང་ས་ཕྱོགས་བཀྲ་ཤིས་པ་དང་། ཕྱོགས་དེ་ན་གནས་པའི་སྐྱེ་བོ་མང་པོ་ལ་ཕན་པ་རྒྱ་ཆེན་པོ་འབྱུང་བའི་དགོས་པ་ཡོད་དོ། །ཞེས་གསོ་སྦྱོང་གི་ཕན་ཡོན་བཤད་པ། དེར་མ་ཟད་དགེ་འདུན་ཐུགས་མཐུན་པའི་འབྲས་བུ་ནི། སོ་སོར་ཐར་པའི་དོན་ལས། ཚེ་དང་ལྡན་པ་དགེ་འདུན་དང་ལྷན་(༧༥ན)

― GLG020_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་པར་མཐུན་པར་གྱིས་ཤིག །དགེ་འདུན་མཐུན་པ་མི་བྱེད། ཀུན་ཏུ་དགའ་མི་རྩོད། མཆོག་གཅིག་འདོན་པ་གཅིག་ཅིང་ཆུ་དང་འོ་མ་འདྲེས་པ་ལྟ་བུར་གྱུར་པ། སྟོན་པའི་བསྟན་པ་ཡང་གསལ་བར་བྱེད་ན་བདེ་བ་ལ་རེག་པར་གནས་པར་གྱུར་གྱི། ཞེས་རྒྱ་ཆེར་བསྔགས་ཤིང་། མགོན་པོ་ཞི་བ་ལྷས། གཙུག་ལག་ཁང་རྣམས་ཀློག་པ་དང་། ཁ་ཏོན་གྱིས་རྒྱས་ལེགས་གནས་ཤོག །རྟག་པར་དགེ་འདུན་མཐུན་པ་དང་། དགེ་འདུན་དོན་ཡང་གྲུབ་པར་ཤོག །ཅེས་སྨོན་ལམ་མཛད་པས་ཀྱང་ཤེས་ནུས་སོ། །ལུས་ཅན་བསོད་ནམས་ཉ་ཕྱིས་ཡངས་པའི་ཁོག །བདེ་སྐྱིད་མུ་ཏིག་ཕྱུང་བུར་ལེགས་སྤུངས་པ། །སྟར་བརྒྱུའི་སྲད་བུར་སྤེལ་བ་འདུས་པའི་སྡེ། །སྲིད་ཞིའི་གདུང་བ་ཀུན་གཞིལ་ཆོ་ག་མཁན། །དེ་ཕྱིར་ཕྱོགས་ལྷུང་རི་དྭགས་འཁྲུལ་རྗེས་སུ། །མ་འབྲངས་ལྷག་བསམ་རྒྱུད་ལས་དྲངས་པའི་མདོས། །དགེ་འདུན་དབྱེན་གྱི་ལངྒའི་མགྲིན་གཅོད་པའི། །འཕོངས་སྐྱེན་གཉིས་པའི་དགའ་བྱེད་ལྷ་ཞིག་སྣང་། །ལེགས་བྱས་གངྒཱའི་ཡབ་གཅིག་ལས་བབས་ཀླུང་། །མཐའ་ཀླས་ཡང་སྲིད་འཛིན་ལམ་འོངས་པའི་རྒྱུན། །བྱང་ཆེན་ཆུ་གཏེར་འཕེལ་ཀློང་མ་རྒན་ཀླུ། །གཏན་བདེ་གདེངས་ཀའི་ནོར་བུ་འོད་འབར་ཤོག །ཅེས་ལུས་ཅན་ཀུན་གྱི་མ་འདྲིས་པའི་གཉེན་གཅིག་པུ་རྣམས་འདྲེན་ཟས་གཙང་སྲས་པོའི་ཆོ་འཕྲུལ་གྱི་དུས་ཆེན་ལྷ་ས་སྨོན་ལམ་ཆེན་མོའ་ིཚེ་དགེ་འདུན་རྣམས་ཀྱི་ཉམས་བཞེས་སུ་བསྟར་བར་འོས་པའི་བཅའ་ཁྲིམས་དང་གཟུ་གཞི་མཐུན་པ་ལྟ་བུའི་ཡི་གེ་སྲིད་སྒྲུབ་ཉག་ཕྲན་འདི་ནི་ཟ་ཧོར་གྱི་བཙུན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས་སྲིན་པོ་ཞེས་པ་ཤིང་ཡོས་ནམ་མཐོངས་ཟླ་བའི་ཚེས་གཅིག་(༧༥བ)

― GLG020_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

སྤེན་པ་སྣར་མའི་འགྲུབ་སྦྱོར་གྱི་ཉིན་འཛིན་མའི་སྤོས་ལས་མངོན་པར་འཕགས་པའི་རྒྱལ་ཁབ་ཆེན་པོ་པོ་ཏ་ལར་སྦྱར་བའི་ཡི་གེ་པ་ནི་སྡོམ་བརྩོན་རིག་པ་འཛིན་པ་འཇམ་དབྱངས་གྲགས་པས་བགྱིས་ས་སརྦདིཀྐཱ་ལེ་ལ་ཀྵྨཱི་བྷཝནྟུ། །ཤིང་ཡོས་རྒྱལ་མོ་རྡོ་རྗེ་རབ་བརྟན་དང་། ཚེ་དབང་ལྷ་མོ་མ་བུ། ཐོར་གོད་དབུ་མཛད་ཆོས་རྗེ་ཨནྡར་བཀའ་བཅུ། དར་ཁན་དབོན་པོ་རྣམས་ལ་ལུས་མེད་ཀྱི་འཚོ་བ་བསྲུང་བའི་འཕྲིན་ཡིག་རྡོ་རྗེའི་བཞད་སྒྲ། དཔལ་ལྡན་རྩ་བ་གསུམ་གྱི་ལྷ་སྔགས་ཡེ་ཤེས་སྒྱུ་འཕྲུལ་དྲ་བའི་ཟློས་གར་གྱི་རྣལ་འབྱོར་སྤྱོད་པ་པོ་ཟིལ་གནོན་བཞད་པ་རྩལ་གྱི་ཆེད་དུ་སྨྲས་དོན། ཆོས་ཉིད་གདོད་ནས་རྣམ་པར་དག་པར་གནོད་བྱ་གནོད་བྱེད་དམིགས་སུ་མེད་ནའང་། རྡེའུ་ཤིང་བུར་རྟ་གླང་དང་། ཐག་ཁྲར་སྦྲུལ་དུ་མཐོང་བའི་དངངས་སྐྲག་བཞིན་ཀུན་རྫོབ་འཁྲུལ་པའི་སྣང་ངོར་སྔོན་བྱས་སྡིག་འབྲས་ཀྱི་ཉེར་འཚེའི་གཟུགས་བརྙན་འཆར་བས། ཁྱོད་ལྷ་མ་སྲིན་བྲན་མངག་གཞུག་དང་བཅས་པ་རྣམས་ཀྱིས་གནོད་པ་བྱས་པར་བརྟེན་ཡུལ་དེ་གནས་སྐབས་སུ་མནར་ཞིང་། བྱེད་པ་པོ་རྣམས་ཀྱང་དཀར་མིན་གྱི་འབྲས་བུ་རང་གཞན་གཉིས་འཕུང་གི་སྦྱོར་བ་ཡིན་པའི་ཕྱིར། ཆེ་གེ་མོ་ཞེས་པ་འདི་པའི་མི་ནོར་ལ་གནོད་ཅིང་འཚེ་བའི་བསམ་སྦྱོར་སྤོང་བར་གྱིས། དེ་ལྟར་ན་རིང་མིན་གསང་ཆེན་རྡོ་རྗེ་ཐེག་པའི་སྨིན་གྲོལ་ལ་བརྟེན་ནས་བྱང་ཆུབ་མཆོག་ལ་གཞོལ་བའི་ཏིང་ངེ་འཛིན་འགྲུབ་པའི་རྣམ་པར་དག་པའི་སྨོན་ལམ་གྱིས་མཚམས་སྦྱོར་བ་ཡིན། ཅི་སྟེ་ལོག་པར་སྤྱོད་ན་ཡེ་ནས་སྙིང་ལ་གནས་པའི་ལས་ཉོན་ལྕགས་ཀྱི་སྡིག་པ་ནག་པོའི་རང་གཟུགས་སུ་གྱུར་ཏེ་སྙིང་ཁྲག་འཇིབ་པ་ལ་ཡ་ང་བར་མི་འགྱུར་རམ། ཁྲག་འཐུང་རྣམ་པར་རོལ་པའི་གཏམ་གྱི་ཡི་གེ་སྲིན་པོའི་ལོ་ནམ་མཐོང་ཟླ་བའི་དམར་ཆའི་གྲལ་ཚེས་ལ་དབང་དྲག་རོལ་པའི་གཞལ་མེད་ཁང་ནས་བྲིས། །

ཉང་སྨད་བསམ་དོན་ལྷུན་གྱིས་གྲུབ་པའི་རྫོང་ཆེན་དུ་ཚེའི་རིག་བྱེད་གསོ་བ་རིག་པའི་གྲྭ་ཚང་དྲང་སྲོང་འདུས་པའི་གླིང་གི་བཅའ་ཡིག

― GLG020_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

ཨེ མ དྲྀ ཥྚེ སུ ཀཱ ནྟ ཀྱ ཤུ ཏྐཱེ ཏྲི ཙཽ ཥཱ དྷ ཏོ ཧཱི མ ཧཱ གྲཱ མ ཀོ དི ན རྨ ནྲྀ ཏ །ངོ་མཚར་ལྟ་ན་སྡུག་པ་དག་པའི་ཞིང་། །སྨན་གྱི་གྲོང་ཁྱེར་ཆེན་པོར་མཆོག་སྤྲུལ་གར། །སཱ དྷུ བ རྟི ཀྱ བཻ ར ཌཱུ ཪྻ ར སྨི ཉྩ སཾ བུ དྡྷ ཀཱ རུ ནྱ གཱ མྲྀ ཏྤ ཎ ཤཱ ས ཏུ། །ལེགས་བསྒྱུར་བཻཌཱུརྱ་འོད་རྫོགས་སངས་རྒྱས། །ཐུགས་རྗེ་ཟིལ་དངར་འགྲོ་སྲོག་ཟུངས་འགྱུར་མཛོད། །དྲང་སྲོང་གཉིས་ཀྱི་ཞུ་བ་ཞུས་ལན་ཚིག །མ་སྨད་བྱིན་གྱིས་བརླབས་པ་རྒྱལ་བའི་བཀའ། །བདུད་རྩི་སྙིང་པོ་ཡན་ལག་བརྒྱད་པའི་རྒྱུད། །ཆོས་ཕུང་རྒྱ་མཚོའི་རབ་དང་ཕུལ་རྩེར་སོན། །དེ་ཚུལ་བཤད་ཅིང་ཉན་པས་འཁྲུལ་མེད་དུ། །གཏན་ལ་འབེབས་པའི་འཕགས་ཡུལ་པཎ་གྲུབ་ཚོགས། །གངས་ཅན་ལྷ་ཡི་རྗེ་བོ་མུ་ཐི་ལིའི། །ཕྲེང་མཛེས་དགེ་འདུན་ལེགས་བྱས་བྱ་བའི་ཞིང་། །ཚེ་ཡི་རིག་གཞུང་སྟོན་འཆང་མཆོག་གསུམ་དངོས། །རིགས་འདུས་སྨན་གྱི་བླ་མ་གཡུ་ཐོགས་པ། །ཡོན་ཏན་མགོན་པོའི་བཀའ་དྲིན་འཇིག་རྟེན་ཁམས། །ཛམྦུའི་གསེར་གྱིས་བཀང་ཡང་གཞལ་ནུས་ཅི། །(༧༦བ)

― GLG020_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་འཛིན་གདོན་གྱིས་མ་བསླད་མ་འདྲིས་པའི། །སྐྱེ་དགུ་གདུང་བའི་མི་ལུས་སྐད་ཅིག་ལ། །བདེ་སྐྱིད་ལྷ་ཡི་གཟུགས་སུ་བསྒྱུར་ནུས་པ། །གསོ་རིག་བརྒྱ་སྦྱིན་གཙུག་གི་ནོར་བུ་བཞིན། །བྱང་པ་རིགས་ལྡན་བྲང་ཏི་རིམ་བྱོན་དང་། །དྲང་སྲོང་མཉམ་ཉིད་རྡོ་རྗེ་ཟུར་མཁར་བའོ། །བཞེད་སྲོལ་བཤད་བཀའ་ཕྱག་བཞེས་མན་ངག་རྒྱུན། །སྲིན་མཐར་མི་ནུབ་ཕན་བདེའི་དཔག་བསམ་ལྗོན། །གངས་ཅན་ཚངས་པ་རྒན་པོའི་བརྒྱུད་འཛིན་མཁན། །གནད་རིགས་འཚོ་བྱེད་གཙང་སྟོད་ཚ་རོང་པ། །ཚེ་བརྟན་རྡོ་རྗེ་མཆེད་ཀྱིས་ལེགས་ལམ་དུ། །གཟུར་གནས་བློ་གསལ་མང་པོ་བཀྲི་འདི་མཚར། །དེ་ཕྱིར་ཉང་སྨད་ཉི་མ་ཕུང་པོའི་རི། །སྲིན་པའི་རྫོང་ཆེན་བསམ་དོན་ལྷུན་གྲུབ་པར། །འཆི་བའི་དངོས་འཇོམས་རིག་བྱེད་འཛིན་པའི་སྡེ། །བླང་དོར་མ་འདྲེས་ཡོངས་སུ་བསྟར་བའི་ཆེད། །བག་མེད་ཅི་བདེར་རྒྱུ་བ་གླང་པོའི་སྣར། །བཅའ་ཡིག་རྣོན་པོའི་ལྕགས་ཀྱུ་ཉེར་འདེབས་ན། །ཐོས་བསམ་ཤལླི་ཀ་ཡི་ནགས་ཡངས་པོར། །རྣམ་དཔྱོད་ལུས་སྟོབས་རྒྱས་པའི་ཚུལ་འདི་མཚར། །ཞེས་ཕུན་སུམ་ཚོགས་པའི་ཚིགས་སུ་བཅད་པས་སྔུན་བསུས་ཏེ་སྐབས་དོན་གླེང་བར་བྱ་བ་ནི། འཇམ་དབྱངས་ས་སྐྱ་པཎྜི་ཏས། །རང་བློ་ཤེས་བྱ་ཀུན་ལ་མ་སྦྱངས་ན། །ཐམས་ཅད་མཁྱེན་པ་ནམ་མཁའི་མཐའ་ལྟར་རིང་། །དེ་ལྟར་དགོངས་ནས་རྒྱལ་དང་དེ་སྲས་ཀྱིས། །ཤེས་བྱའི་གནས་ཀུན་སྦྱངས་ཞེས་ལེགས་པར་གསུང་། །ཞེས་བླ་ན་མེད་པའི་བྱང་ཆུབ་སྒྲུབ་པར་བྱེད་ལ་ཤེས་བྱ་མཐའ་དག་ལ་ལེགས་པར་བསླབ་དགོས་པར་གསུངས་ཤིང་བསླབ་བྱའི་ཡུལ་རིག་པའི་གནས་ཆེན་བཅོ་བརྒྱད་སོགས་སྔོན་གྱི་མཁས་པའི་ལུགས་སྲོལ་མང་ནའང་སྙིང་པོར་དྲིལ་ན། མདོ་སྡེ་རྒྱན་ལས། རིག་པའི་གནས་ལྔ་དག་ལ་མཁས་པར་མ་བྱས་ན། །(༧༧ན)

― GLG020_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་མཆོག་ཅི་སེམས་ཐམས་ཅད་མཁྱེན་པ་འཐོབ་མི་འགྱུར། །དེ་བས་གཞན་རྣམས་ཚར་བཅད་རྗེས་སུ་གཟུང་ཕྱིར་དང་། །རང་ཉིད་ཀུན་ཤེས་བྱ་ཕྱིར་དེ་ལ་དེ་བརྩོན་བྱེད། །ཅེས་རིག་པའི་གནས་ལྔ་གསུངས་པའི་ལོག་སྨྲ་ཚར་གཅོད་པ་སྒྲ་ཚད། གཞན་རྗེས་སུ་འཛིན་པ་བཟོ་གསོ། རང་ཉིད་ཀུན་ཤེས་པར་བྱ་བ་ནང་རིག་པ་སྟེ་ལྔ་ལས་ཕྱི་མ་ཉིད་ཀྱིས་ཆོག་གམ་སྙམ་ན། མགོན་པོ་ཞི་བ་ལྷས། རྒྱལ་སྲས་རྣམས་ཀྱིས་མི་བསླབ་པའི། དངོས་དེ་གང་ཡང་ཡོད་མ་ཡིན། །དེ་ལྟར་གནས་པའི་མཁས་པ་ལ། །བསོད་ནམས་མི་འགྱུར་གང་ཡང་མེད། །ཅེས་རྒྱལ་བའི་སྲས་པོ་རྣམས་ཀྱིས་སེམས་ཅན་གྱི་དོན་སྒྲུབ་པ་ལ་བསླབ་བར་མི་བྱ་བའི་གནས་གང་ཡང་མེད་པར་གསུངས་ཤིང་ཁྱད་པར་གསོ་བ་རིག་པ་ནི། རྟོགས་བརྗོད་རིན་པོ་ཆེ་ལས། བདུད་རྩིའི་ཆུ་གཏེར་མ་བསྲུབས་ཤིང་། །ནོར་རྒྱས་ཐང་ཡང་མ་བཅད་ལ། །རི་བོ་སྒྲིལ་བ་མེད་པར་ནི། །གླང་པོ་འདི་ནི་སུ་ཡིས་བསྐྲུན། །ཞེས་ནོར་རྒྱས་ཀྱིས་སྲུབས་ཐག །ལྷུན་པོས་སྲུབས་ཤིང་བྱས་ནས་ལྷ་རྣམས་ཀྱིས། །རྒྱ་མཚོ་བསྲུབས་པ་ལས་ཉི་ཟླ། །ལྷ་མོ་དཔལ་མོ། གླང་ཆེན་ས་སྲུངས། རྟ་ཐོར་ཐོས། ཆང་རྣམས་བྱུང་བ་རིག་བྱེད་ཀྱི་གཞུང་ནས་བསྟན་ལ། དེ་ཡང་བསྟན་པ་འདིའི་སྔོན་རོལ་དུ་ལྷ་ཤེད་བུ་དང་ཤེད་ལས་མི་རྣམས་ཐོག་མར་བྱུང་བའི་ཚེ་དེ་གཉིས་ཀྱིས་སའི་ཞག་ཟོས་པས་མ་འཇུ་བའི་ནད་ཀྱིས་བཏབ་པར་ཚངས་པས་ཆུ་སྐོལ་བཏང་བས་ནད་པ་ལ་སྔ་བ་ཤེད་བུ་དང་ཤད་ལས། ནད་ལ་སྔ་བ་མ་འཇུ་བ། སྨན་ལ་སྔ་བ་ཆུ་སྐོལ། སྨན་པ་ལ་སྔ་བ་ཚངས་པ་ཞེས་གྲགས་ཤིང་། རྒྱ་མཚོའི་གཏིང་དུ་བདུད་རྩི་ཤེལ་བུམ་གང་འདུག་པ་སྒྲ་གཅན་གྱིས་མཐོང་སྟེ་ལྷ་རྣམས་ལ་སྦྲན་པས་དེ་དག་གིས་རྒྱ་མཚོ་བསྲུབས་(༧༧བ)

― GLG020_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྐབས་དེར་ཐོག་མར་དུག་ཧ་ལ་ཞེས་བྱ་བ་གདོང་དགུ་པ་གང་གིས་ཀྱང་འདུལ་བར་དཀའ་བ་ཞིག་ཐོན་པ་ཚངས་པས་སངས་རྒྱས་ཀྱི་ལུང་བསྟན་དྲན་ཏེ་ཧཱུྃ་ཞེས་སྡིགས་མཛུབ་མཛད་པས་དེ་ཞིག་ནས་རྒྱུ་དང་མི་རྒྱུ་བའི་དུག་གཉིས་སོང་ཞིང་དེ་རྗེས་སུ་བདུད་རྩི་ཐོན་པ་ལྷ་མ་ཡིན་གྱིས་སྒྲ་གཅན་བརྐུ་བར་བཏང་བ་ལྷའི་བུར་སྤྲུལ་ནས་བདུད་རྩི་འདྲེན་པ་པོ་བྱས་ཏེ་རང་ཉིད་ཀྱིས་བཏུངས་ཤིང་ལྷག་མ་ཁུར་ནས་བྲོས་པར་ཟླ་བས་ལྷ་རྣམས་ར་མདར་སྦྲན་པ་སྒྲ་གཅན་གྱིས་འཁོར་ལོ་འཕངས་པ་ཚངས་པའི་འཁུར་ཚོས་ལ་ཕོག །མེས་པོའི་འཁོར་ལོ་དམ་བཅའ་བཞི་ལྡན་གྱིས་སྒྲ་གཅན་གྱི་སྐེ་བཅད་པའི་ཚེ་ཚངས་པས་རང་གི་རྨའི་ཟུག་རྔུ་དང་སྒྲ་གཅན་གྱི་སྐེ་བཅད་པའི་སྙིང་རྗེས་སྡུག་བསྔལ་རབ་ཏུ་ཞི་བའི་ཏིང་ངེ་འཛིན་ལ་མཉམ་པར་བཞག་པས་མཁུར་ཚོས་ལས་ཨོ་ཨ་ཐ་ཞེས་པའི་སྒྲ་བྱུང་བའི་རྐྱེན་གྱིས་སྔོན་སངས་རྒྱས་ཤཱཀྱ་ཐུབ་པ་ཆེན་པོས་གསུངས་པའི་གསོད་དཔྱད་འབུམ་སྡེ་དྲན། དེ་ལ་བརྟེན་ནས་ཚངས་པས་གསང་བ་སྙིང་པོའི་དོན་བསྡུས་མཛད་དེ་རིམ་གྱིས་སྐྱེ་དགུའི་བདག་པོ་དང་བརྒྱ་བྱིན་ལ་སོགས་པར་བརྒྱུད་པ་ནི་ལྷའི་ལུགས། བརྒྱ་བྱིན་གྱི་སློབ་མ་རྒྱུན་ཤེས་ཀྱིས་སྨན་གྱི་བསྐོས་བསྟན་པ་དང་། ཙ་ར་ཀ་སྡེ་བརྒྱད་སོགས་དྲང་སྲོང་གི་ལུགས། དབང་ཕྱུག་ཆེན་པོའི་སྐ་རགས་ཀྱི་རྒྱུད་དང་སྐྲ་ཤད་འཛིངས་པའི་རྒྱུད་སོགས་ཕྱི་རོལ་པའི་ལུགས་སུ་གྲགས་ལ། རྡོ་རིང་མཛེས་བྱེད་དུ། གཅིག་ན་རིག་བྱེད་རྫུན་ཡིན་པར། །གཞུང་ལུགས་ཆེན་པོ་འགའ་ལས་བཤད། །མི་གཅིག་ཅེ་ན་སྤྱི་སྒོས་ཀྱི། །གཏམ་རྒྱུད་གང་གིས་སྒོ་ནས་འཆད། །ཅེས་པའང་སྒྲ་ཡངས་པའི་དབང་དུ་བྱས་ན་སྲོག་འཚོ་བའི་ཐབས་མཐའ་དག་ཚེའི་རིག་བྱེད་དུ་སྨྲ་མི་རུང་བ་མིན་ཅིང་། དོག་ན་དཔལ་ལྡན་རྒྱུད་བཞི་སྨན་རྒྱལ་གྱིས་བཀའ་སྩལ་ཕྱིན་གོང་གི་ལོ་རྒྱུས་ལ་བལྟོས་མི་དགོས་པར་སེམས་(༧༨ན)

― GLG020_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ་འདི་ལ་འོ་སྐོལ་གྱི་སྟོན་པས་ཆོས་ཀྱི་འཁོར་ལོ་རིམ་པ་གསུམ་དུ་བསྐོར་བའི་དང་པོ་བདེན་བཞིའི་ཆོས་འཁོར་གྱི་དུས་འདུལ་བ་སྨན་གྱི་གཞི་གསུངས་པ་ནི་ནད་ཐམས་ཅད་བཀྲིས་པ་དང་འདུ་བ་གཉིས་སུ་བསྡུས། སྨན་ཐམས་ཅད་དུས་རུང་མཐུན་ཚོད། ཞག་བདུན། འཚོ་བའི་བར་བཅད་པ་བཞིར་བསྡུས་པའི་སྔོན་མ་གསུམ་དངོས་བསྟན་གསོ་རིག་ལ་མི་མཁོ་བ་འདྲ་ཞིག་སྣང་ཡང་སྨན་དཔྱད་མཐའ་དག་ལུས་ཡུན་དུ་གནས་པའི་ཐབས་ལས་མ་འདས་པས། ཤེས་སྤྲིང་ལས། ཁ་ཟས་སྨན་དང་འདྲ་བར་རིག་པ་ཡིས། །འདོད་ཆགས་ཞེ་སྡང་མེད་པར་བསྟེན་བགྱི་སྟེ། །རྒྱགས་ཕྱིར་མ་ལགས་བསྙེམས་པའི་ཕྱིར་མ་ལགས། །འཚག་ཕྱིར་མ་ལགས་ལུས་གནས་འབའ་ཞིག་ཕྱིར། །ཞེས་པས་ཀྱང་རྟོགས་སམ་སྙམ། བར་པ་མཚན་ཉིད་མེད་པའི་དུས་རྒྱལ་པོ་པདྨའི་དཔལ་གྱིས་དབྱར་གནས་ལ་སྤྱན་དྲངས་པའི་ཚེ་ཤཱ་རི་བུ་དང་འོད་མཛེས་ལ་གཅེར་མཐོང་རིག་པའི་རྒྱུད། གནོད་སྦྱིན་ལག་ན་རྡོ་རྗེའི་གནས་སུ་ལྷ་དང་དྲང་སྲོང་གི་འཁོར་ལ་རྒྱུད་ཤེལ་གྱི་མེ་ལོང་། ཐ་མ་ལེགས་པར་རྣམ་པར་ཕྱེ་བའི་སྐབས་གསེར་འོད་དམ་པའི་ཆུ་འབེབས་ཀྱི་ལེའུ་གསུངས་ཤིང་དུས་དེའི་ཚེ་ཐུབ་པའི་དབང་པོ་སྨན་གྱི་བླའི་རྣམ་པར་བསྟན་ནས་ནུབ་ཕྱོགས་ཨོ་རྒྱན་གྱི་ཡུལ་དུ་གྲོང་ཁྱེར་ལྟ་ན་སྡུག །མ་ལ་ཡ་སོགས་རི་བོ་བཞིས་མཚོན་པའི་གནས་ཀྱི་ཁྱད་པར་དཀྱིལ་འཁོར་གྱི་མཐའི་དུར་ཁྲོད་དང་ལྷ་ཀླུ་ལྟར་དེ་དང་། དེའི་མིང་དུ་བཏགས་པ་ལས་དོན། ཧེ་བཛྲ་ལས། འཆད་པ་པོ་ང་ཆོས་ཀྱང་ང་། རང་གི་ཚོགས་ལྡན་ཉན་པ་ང་། ཞེས་ཐམས་ཅད་གཙོ་བོའི་ཡེ་ཤེས་བཟུང་བྱའི་རྣམ་པར་འཕྲུལ་པ་ཤ་སྟག་ཏུ་གསུངས་པ་དང་འདྲ་བའི་གནས་དེར་སྟོན་པ་ཉིད་ཀྱིས་བྱིན་གྱིས་རླབས་ཤིང་སྤྲུལ་པའི་(༧༨བ)

― GLG020_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

དྲང་སྲོང་རིག་པའི་ཡེ་ཤེས་དང་ཡིད་ལས་སྐྱེས་གཉིས་ཀྱིས་ཞུ་བ་དང་ཞུས་ལན་གྱི་ཚུལ་དུ་བདུད་རྩིའི་སྙིང་པོ་ཡན་ལག་བརྒྱད་པ་རྩ་བཤད་མན་ངག་ཕྱི་མའི་རྒྱུད་འདི་བཀའ་སྩལ་ཞིང་དྲང་སྲོང་ཡིད་ལས་སྐྱེས་ཀྱིས་གསེར་གྱི་ལྗང་ཤོག་ལ་བཻཌཱུརྱའི་ཁུ་བས་བྲིས་ཏེ་གླེགས་བམ་དུ་བྱས་པར་གྲགས་པ་དེའང་མཁས་པ་མང་དག་འདི་ནི་རྗེ་བཙུན་གཡུ་ཐོག་པས་མཛད་པའི་བསྟན་བཅོས་སུ་བཞེད་ནའང་ལུགས་འདི་ལ་གཡུ་ཐོག་པ་རིགས་འདུས་སྨན་པའི་རྒྱལ་པོ་དཀྱིལ་འཁོར་གྱི་གཙོ་བོ་དངོས་ཡིན་པས་དེའི་གསུང་རྒྱུད་མིན་པར་མི་འགྲོ་ཞིང་། ཆ་ལག་བཅོ་བརྒྱད་ཀྱི་ཁོག་དབུག་ལས། བཀའ་མན་ངག་ཡིན་པའི་ཕྱིར། །མན་ངག་གི་ཆེ་བ་དགུ་ཡིས་བཤད། དེ་ལྟར་ཆེ་བ་སུམ་ལྡན་གྱི་རྒྱུད་འདི་ཇི་ལྟར་ཡིན་པའི་ཁུངས་ནི། དང་པོར་རྒྱུད་ཡིན་ཏེ། གླེང་གཞི་གླེང་སློང་ཞུས་པ་དང་། །ཞུ་ལན་ལེའུ་འབྲེལ་བཅས་པ་དང་། །འཁོར་གྱིས་བསྟོད་དང་སྟོན་པས་བསྟོད། །དེ་བདུན་ལྡན་ཕྱིར་རྒྱུད་ཅེས་བྱ། །དེ་ནི་རྒྱུད་ཡིན་ནོ། །ཞེས་དང་། སྟོན་པ་སྨན་གྱི་བླའི་བཀའ་ཡིན་པས་དེ་ལ་ལུང་ཞེས་བྱའོ། །ལུང་དེ་ཡང་ཡིད་ཆེས་བདུན་གྱིས་བཤད་དེ། སྟོན་པའི་ཐུགས་ལས་རྩ་རྒྱུད་བྱུང་བས་རྩ་རྒྱུད་ཆོས་སྐུའི་ལུང་དུ་ཡིད་ཆེས། སྟོན་པའི་སྐུ་ལས་བཤད་རྒྱུད་བྱུང་བས་བཤད་རྒྱུད་ལོང་སྐུའི་ལུང་དུ་ཡིད་ཆེས། སྟོན་པའི་ཡོན་ཏན་ལས་མན་ངག་རྒྱུད་བྱུང་བས་ངོ་བོ་ཉིད་ཀྱི་ལུང་དུ་ཡིད་ཆེས། སྟོན་པའི་འཕྲིན་ལས་ལས་ཕྱི་མའི་རྒྱུད་བྱུང་བས་སྤྲུལ་སྐུའི་ལུང་དུ་ཡིད་ཆེས། སྟོན་པའི་གསུངས་ལས་ཞུ་བ་པོ་དང་དྲང་སྲོང་ཡིད་ལས་སྐྱེས་བྱུང་བས་ཞུས་ཚད་པདྨའི་ལུང་དུ་ཡིད་ཆེས། རྒྱུད་བཞི་སྐུ་ལྔ་ལྷུན་གྲུབ་ཏུ་བྱུང་བས་སངས་རྒྱས་སྨན་བླའི་ལུང་དུ་ཡིད་ཆེས། ཞེས་པས་ལོག་རྟོག་སེལ་བར་མངོན། བཀའ་རུ་བཞེད་པ་ལ་ལ་བསྐྱེད་རྫོགས་དང་དབང་བཞི་བླ་མེད་ལ་ཡིན་པས། (༧༩ན)

― GLG020_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

།འདི་བྱ་རྒྱུད་ངོས་འཛིན་པར་མི་དགོས་ཤིང་རིག་གཏད་རྗེས་གནང་བྱ་རྒྱུད་ལ་ཡོད་པ་འདིར་ཡང་ཚང་བའི་རྒྱུ་མཚན་ནི་གཞུང་ལས་ཏིང་ངེ་འཛིན་བསྒོམ་པ། སྙིང་པོ་བཟློ་བ། ཤིས་པ་བརྗོད་པ། རིགས་འཛིན་མཆོད་པ་སོགས་ལ་བརྟེན་ནས་རྗེ་གཡུ་ཐོག་པས་སྨན་བླ་གསང་སྒྲུབ། དྲང་སྲོང་བརྒྱུད་པའི་བྱིན་འབེབས། སྨན་གྱི་ལྷ་མོའི་བཀའ་གཏད་རྣམས་ཡོད་པའི་སྒྲུབ་བྱེད་མཛད་ནའང་རྒྱུད་འདི་ཉིད་དྲང་སྲོང་ཡིད་ལས་སྐྱེས་ཀྱིས་འཚོ་བྱེད་གཞོན་ནུ། དེས་མགོན་པོ་ཀླུ་སྒྲུབ། དེས་དཔལ་ལྡན་པའོ། །དེས་ཁ་ཆེ་པཎ་ཆེན་ཟླ་བ་མངོན་དགའ་ལ་གསུངས་པ་སློབ་དཔོན་འདིས་ཚེའི་རིག་འཛིན་བརྙེས་ཤིང་རྒྱུད་འདི་ལྐོག་ཆོས་དང་ཅ་ར་ཀ་སོགས་གཞུང་། གཞན་རྣམས་ཐུན་མོང་དུ་འཆད་ཉན་མཛད་པར་མ་ཟད་འཕགས་ཡུལ་དང་རྒྱ་ནག་གིས་མཚོན་ཡུལ་གྲུ་གཞན་ཚོར་གསོ་དཔྱད་ཤིན་ཏུ་དར་མོད་བོད་འདིར་མངའ་བདག་ཁྲི་སྲོང་ལྡེའུ་བཙན་གྱི་དུས་རྒྱ་གར་གྱི་སྨན་པ་ཞི་བའི་སྙིང་པོ། རྒྱ་ནག་ནས་སྟོང་གསུམ་གང་བ་དང་བྷཱ་ལ་ཧཱ་ཤང་། ཁ་ཆེ་ནས་གུ་ལ་མཉྫུ། སྟག་གཟིགས་ཧ་ལ་ཤནྟི། གྲུ་གུ་ནས་སེ་དོ་འོད་ཆེན། དོལ་པོ་ནས་ཁྱོལ་པོ་སིའུ། བལ་པོ་ནས་དྷརྨཱ་ཤཱི་ལ་རྣམས་གདན་དྲངས་ཏེ་ཚོད་བགམས་པས་ཐུགས་ཡིད་ཆེས་ནས་མཆིམས་ཕུར་སློབ་དཔོན་ཆེན་པོས་དབང་དང་སྐ་ཅོག་གཉིས་ཀྱིས་ལོ་ཙཱ་མཛད་དེ་སོ་སོའི་གཞུང་མན་ངག་དང་བཅས་པ་བསྒྱུར་བར་མངའ་བདག་དགྱེས་ཏེ། བོད་ཀྱི་རྗེ་བློན་འབངས་བཅས་གུས་པས་ཉོན་འཚོ་མཛད་སྨན་པར་གྱུར་པ་འདི་རྣམས་ལ། བོད་འབངས་མགོ་ནག་ཡོངས་ཀྱི་བཀུར་བར་གྱིས། །ཅི་ཕྱིར་འདིས་ནི་ཚེ་སྲོག་སྟེར་བའི་ཕྱིར། །མགོ་ནག་ཡོངས་ཀྱི་ལྷ་ནི་བཙན་པོ་སྟེ། །དེས་ཀྱང་བཀུར་བས་མཚན་ཡང་ལྷ་རྗེར་ཐོགས། །ཞེས་པ་ནས། བདག་(༧༩བ)

― GLG020_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་ཕུལ་བའི་བཀའ་ཚིགས་བཅུ་གསུམ་པོ། །གང་གིས་འགལ་ཀྱང་ཆད་ལ་བཅད་པར་བྱ། །ཞེས་རྒྱ་ཆེན་བསྔགས་ཤིང་གསོ་བ་རིག་པའི་གཞུང་ལུགས་སྟོད་སྨད་ཀུན་ཏུ་དར་དུས་དེར། ཐང་ཡིག་ལས། ལོ་ཙཱར་བཏགས་ཀྱང་དོན་ལ་པཎྜི་ཏཿ འདི་ཡི་ཆོས་དྲིན་ཡོད་དོ་ཕྱི་རབས་རྣམསཿ ཞེས་པའི་ལོ་ཙཱ་བ་ཆེན་པོའི་བཻ་རོ་ཙ་ནས་ཁ་ཆེ་ཟླ་མངོན་ལ་གསན་ནས་བསྒྱུར་ཏེ་མངའ་བདག་རྒྱལ་པོ་ཕུལ་བ། མཐའ་བཞིའི་གཞུང་ལུགས་འདི་རྣམས་མ་འོངས་སྐྱེ་དགུའི་བློར་ཆུད་དཀའ་བས་དེའི་ཚེ། སྲོག་འཚེའི་སྐྱབས་སྦྱིན་བླ་ན་མེད་པ་ཚིག་ཉུང་དོན་རྒྱས་ཀྱི་རྒྱུད་འདི་ཡིད་བཞིན་གྱི་ནོར་བུ་ལྟར་དགོངས་པ་བཞིན་དཔལ་ཨོ་རྒྱན་ཆེན་པོས་ཆོས་སྐྱོང་ཞང་བློན་རྡོ་རྗེ་བདུད་འདུལ་དང་གཏེར་སྲུང་རྒྱལ་པོ་ཤིང་བྱ་ཙན་ལ་བཀའ་བསྒོས། རྗེ་བཙད་པོས་བསམ་ཡས་དབུ་རྩེ་བར་ཁང་གི་ཀ་བའི་ནང་དུ་གཏེར་དུ་སྦས་ཏེ་སྨོན་ལམ་མཛད་པ་དེ་ནས་ལོ་བརྒྱ་དང་ལྔ་བཅུ་འགྲོ་བའི་ཚེ། ཐང་ཡིག་ལས། ཏའི་དུས་བརྩིགས་པའི་རྩིག་པ་སྡུག་པ་འོངས་པཿ ཇིང་དང་རྒྱ་རྣམས་གྲོག་མ་ཚང་ཞིག་འདྲཿ ཇོ་མོ་གླིང་གསུམ་སྦས་པའི་གཏེར་ཁ་འདིཿ མི་བཞག་འདོན་པའི་རྟགས་དེར་བསྟན་ནས་འབྱུང་། གཏེར་སྟོན་གྲ་པ་མངོན་ཤེས་ཞེས་བྱ་འབྱུང་༔ ས་སྟེང་གནས་གཞི་བརྒྱ་དང་རྩ་བརྒྱད་འགེངས༔ གྲ་མདའ་འདི་ལ་གཙུག་ལག་ཁང་ཞིག་འབྱུང་༔ རྒྱལ་པོས་བཞེངས་པའི་ལྷ་ཁང་བདག་པོ་བྱེད༔ ཅེས་པ་ལྟར་དགེ་བའི་བཤེས་གཉེན་གྲ་པ་མངོན་ཤེས་ཀྱི་སྤྱན་དྲངས་ནས་རིམ་པར་བརྒྱུད་དེ་རྗེ་བཙུན་གཡུ་ཐོག་པ་ཆེན་པོར་བཀའ་བབས་ཤིང་རྒྱུད་ཀྱི་ཤུགས་བསྟན་གྱི་ཆ་ནས་སྨན་རྒྱལ་རིགས་འདུས་ཀྱི་དབང་བཞི་བསྐྱེད་རྫོགས་རྫོགས་པ་ཆེན་པོའི་ལམ་ཟབ་མོའི་སྙིང་ཏིག་གི་སྲོལ་ལེགས་པར་ཕྱེ་བས་རྒྱུད་འདི་བྱ་རྒྱུད་དུ་འགྲེལ་བའི་ངལ་བ་མི་དགོས་པར་(༧༩བ)

― GLG020_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་པ་མ་ཧཱ་ཡོ་ག་སྒྲུབ་སྡེ་བརྒྱད་ཀྱི་ནང་ནས་ཚེ་མཆོག་བདུད་རྩིའི་རྒྱུད་ཀྱི་སྡེ་ཚན་དུ་བཞུགས་ཤིང་དངོས་བསྟན་དུའང་ཁོག་དབུབ་ལས། སྨོན་པ་ཚད་མེད་པས་བྱང་ཆུབ་མཆོག་ཏུ་སེམས་བསྐྱེད་པས་དེའི་འཇུག་སྒོ་མ་ལོག་སྟེ་ཐེག་པ་གཞན་གྱི་སྒོ་རུ་འཇུག་མི་དགོས་པའི་ཆེ་བ། དམན་ལྷག་ལོག་པའི་མཐའ་དང་བྲལ་བའི་དབུ་མར་བལྟ་ཞིང་ལྟ་སྒྲིབ་པ་མེད་པའི་ཆེ་བ། འཇུག་པ་ཚད་མེད་པ་བཞི་ཉམས་སུ་ལེན་པའི་སྒོམ་ལ་གོལ་ས་མེད་པའི་ཆེ་བ། མི་དགེ་བཅུ་ལ་སོགས་པ་སྨྱོ་འཆལ་ཐོ་ཅོའི་ངན་སྤྱོད་ཐམས་ཅད་དོར་བས་དམ་ཚིག་མ་ཉམས་པའི་ཆེ་བ། ལམ་ཕ་རོལ་ཏུ་ཕྱིན་པ་དྲུག་ལ་སྤྱད་དེ་བྱང་ཆུབ་ཏུ་སེམས་བསྐྱེད་ནས་སྨན་སྦྱར་ཏེ་བྱིན་པས་སྦྱིན་པ། ཉེས་སྐྱོན་གྱི་དྲི་མས་མ་གོས་པར་བྱེད་པས་ཚུལ་ཁྲིམས། དལ་བྲེལ་ཁྱགས་ལྟོགས་ལ་སོགས་པ་དང་ནད་པའི་ཚིག་བཟོད་པས་བཟོད་པ། ལེ་ལོ་མེད་པར་ནད་པ་གསོ་བའི་བྱ་བ་ལ་བརྩོན་པས་བརྩོན་འགྲུས། སྨན་དཔྱད་ལ་རྟོག་ཅིང་བསམ་པར་བྱེད་པས་བསམ་གཏན། དེ་ལྟར་བཅོས་པས་སྨན་དཔྱད་ལ་ངེས་ཤེས་སྐྱེ་བས་ན་ཤེས་རབ་བོ། །དེ་ལྟར་ཕ་རོལ་ཏུ་ཕྱིན་པ་དྲུག་ལ་སྐྱེད་པའི་ཚོགས་གཞན་བསག་མི་དགོས་པའི་ཆེ་བ། ཐར་པ་དང་རྣམ་པ་ཐམས་ཅད་མཁྱེན་པའི་ཡེ་ཤེས་ཐོབ་པས་འབྲས་བུ་གཞན་ནས་བཙལ་མི་དགོས་པའི་ཆེ་བ། བཤད་པ་ལག་ལེན་འདི་རང་ལ་ཚང་བ་གསོ་དཔྱད་གཞན་ལ་བལྟོས་མི་དགོས་པའི་ཆེ་བ། དགྲ་ལའང་ཕན་ཐོགས་པས་དགྲ་བོ་གཉེན་དུ་ཆོད་པའི་ཆེ་བ། ཡུལ་ལ་ཕྱོགས་རིས་མེད་པར་ཡུལ་གང་དུ་བསྡད་ཀྱང་གཞན་གྱིས་ཕུད་དུ་འཁུར་བའི་ཆེ་བ། དེ་ལྟར་ཆེ་བ་དགུ་དང་ལྡན་པར་བཤད་པས་སྨན་གྱི་སྦྱོར་སྡེ་དང་དཔྱད་ཀྱི་རིགས་རྣམས་ཀྱི་ནང་ཐུན་མོང་གི་ལག་ལེན་མཚུངས་པ་ལྟར་སྣང་ཡང་(༨༠བ)

― GLG020_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་སྒོམ་སྤྱོད་པའི་ཁྱད་པར་དེ་དག་གིས་ཁྱད་ཞུགས་པ་ཡིན་ལ། གཞན་དུ་ཕྱག་རྒྱ་བ་རྒན་པོའི་ཅི་ཡང་ཡིད་ལ་མི་བྱེད་པ་ལས་ལྷག་པ་སྲིད་རྩེའི་མཐར་ཐུག་ཏུ་འགྲོ་བའི་ཏིང་འཛིན་མུ་སྟེགས་བྱེད་ལ་ཡོད་པས་ཟུར་མཁར་ལེགས་བཤད་འཚོལ་གྱིས། ཆོས་འདི་ཁོ་ནས་མངོན་མཐོ་དང་ངེས་ལེགས་ཐོབ་པའི་གནད་ཨེ་ཡོད། །གཞན་དུ་ཁྲིམས་དང་སྔགས་ལམ་ལ། །མ་བརྟེན་འདི་གཉིས་མེད་པར་གསུངས། །ཞེས་པའི་དོགས་གནས་ཀྱང་རང་སར་གྲོལ་ལམ་སྙམ་ཞིང་མིན་ན་ཐུགས་ཞེན་མཛད་ཡུལ་གྱི་བཀའ་བརྒྱུད་པའི་མགོ་ལ་ཆུ་དྲངས་ཀྱི་དོགས་སོ། །ཧྲིལ་གྱི་དྲིལ་ན། མཇུག་དོན་ཡོངས་གཏད་ལས། རྩ་བ་ཐུགས་ཀྱི་རྒྱུད་འདི་ས་བོན་འདྲ། །འདི་ལས་མ་སྐྱེས་གསོ་དཔྱད་ཡོད་མ་ཡིན། །སྐུ་ཡི་བཤད་རྒྱུད་བར་སྣང་ཉི་ཟླ་འདྲ། །ཚིག་དོན་མ་ལུས་སྒྲིབ་མེད་གསལ་བར་སྟོན། །མན་ངག་ཡོན་ཏན་རྒྱུད་འདི་ནོར་བུ་འདྲ། །དགོས་པ་མ་ཚང་བ་ནི་གཅིག་ཀྱང་མེད། །ཕྱི་མ་འཕྲིན་ལས་རྒྱུད་འདི་ཕ་ལམ་འདྲ། །ནད་ཀྱི་སྟེང་དུ་ཐོགས་པ་ཡོད་མ་ཡིན། །ཞེས་གསོ་བྱའི་ལུས། གསོ་བྱེད་གཉེན་པོ། ཇི་ལྟར་གསོ་བའི་ཚུལ། གསོ་བ་པོའི་སྨན་པ་བཞི་གནད་འགག་ཐམས་ཅད་མདོར་བསྟན་རྒྱས་བཤད་ཀྱི་སྒོ་ནས་མ་ཚང་བ་མེད་པར་བསྟན་པའི་རྒྱུད་འདི་ཉིད་ཀྱི་ཕན་ཡོད་ཀྱང་། ཉི་མའི་འོད་ཀྱིས་ཟླ་སྐར་ཟིལ་གནོན་བཞིན། །རྒྱུད་རྒྱལ་འདི་ཡིས་གསོ་རིག་ཀུན་ཟིལ་གནོན། །འདི་ནི་སྔགས་མེད་པ་ཡི་སྲུང་སྐུད་ཡིན། །འཆི་བདག་བདུད་སྡེ་བཟློག་པའི་འཁྲུལ་འཁོར་ཡིན། །ནད་ཀྱིད་དགྲ་དཔུང་འཇོམས་པའི་དཔའ་བོ་ཡིན། །འདུ་བ་འཕེལ་ཟད་སྙོམ་པའི་སྤྱི་བོ་ཡིན། །དུས་མིན་འཆི་ཞགས་གཅོད་པའི་འཁོར་ལོ་ཡིན། །ནད་ཀྱི་ཟུག་གཟེར་ཅོག་པའི་ཐོ་བ་ཡིན། །(༨༡ན)

― GLG020_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་འདམ་ནས་འདྲེན་པའི་ལྕགས་ཀྱུ་ཡིན། །འཆི་བའི་སྲོག་སྐྱོབ་མི་འཇིགས་སྦྱིན་པ་ཡིན། །འཆི་བ་སློང་བྱེད་བདུད་རྩི་བུམ་པ་ཡིན། །ཅེས་བསམ་གྱིས་མི་ཁྱབ་པའི་ཡོན་ཏན་ཕུན་སུམ་ཚོགས་པ་དང་ལྡན་པའི་རིས་སུ་མ་ཆད་པའི་ལུས་ཅན་ཀུན་གྱི་སྤྱི་ནོར་རྩི་སྨན་གྱི་ལྗོན་པ་ཆེན་པོ་གང་འདི་སྨན་རྒྱལ་མིའི་གཟུགས་ཅན་གཡུ་ཐོག་ཡོན་ཏན་མགོན་པོ་ནས་དབུས་གཙང་གི་ཕྱོགས་ཀུན་ཏུ་དར་ཞིང་རྒྱས་པའི་འཕྲིན་ལས་ཀྱི་རྒྱུན་རིགས་ལྡན་ཆེན་པོ་རྣམ་རྒྱལ་གྲགས་བཟང་དང་བྲང་ཏི་པ་ཡབ་སྲས་སོགས་བྱང་སྨན་འཚོ་མཛད་མཐའ་ཀླས་པ་དང་ཟུར་མཁར་ཆོས་རྗེ་མཉམ་ཉིད་རྡོ་རྗེ། མཚོ་སྨད་མཁན་ཆེན། ཤཱཀྱ་དབང་ཕྱུག །མཚུངས་མེད་བྱར་ཕོ་པཎ་ཆེན་གྱིས་མཚོན་པའི་དབུས་འགྱུར་ཚེའི་རིག་བྱེད་འཛིན་པ་རྣམས་ཀྱིས་བཤད་པ་ས་བཅད་ཕྱག་ལེན་མན་ངག་སོ་སོའི་ལུགས་བཞིན་རྒྱུན་མ་ཆད་པ་ཞིག་བྱུང་ན་རིས་མེད་པའི་སྐྱེ་དགུ་མཐའ་དག་ལ་འཆི་མེད་ཚེའི་མཆོད་སྦྱིན་བླ་ན་མེད་པར་མཐོང་ནས་དབུས་གཙང་གཉིས་ཀར་འཛུགས་འདོད་ལྷག་བསམ་རྡུལ་བྲལ་གྱིས་སྟོན་ཟླ་ལྟར་དཀར་བའི་ཟེར་གྱི་བློ་བརྩོན་ཀུནྡ་ཡོངས་སུ་བཞད་པའི་ཉང་སྨད་རྫོང་ཆེན་བསམ་གྲུབ་རྩེར་དཔོན་ཚང་ཚ་རོང་པ་ཚེ་དབང་རྣམ་རྒྱལ་སློབ་དཔོན་དུ་བསྐོས་པའི་རྒྱུན་རིགས་ཀྱི་བུ་དྲང་སྲོང་ཚེ་བརྟེན་རྡོ་རྗེ་སྤུན་གྱིས་བཟུང་སྟེ་གསོ་རིག་སློབ་གྲ་དྲང་སྲོང་འདུས་པའི་གླིང་གི་བླང་དོར་ཉམས་སུ་བསྟར་བ་ལ་དབྱར་ཆོས་ཧོར་ཟླ་ལྔ་པའི་ཚེས་གཅིག་ནས་བཙུགས་པའི་བདུན་པའི་གནམ་གང་བར། དགུན་ཆོས་ཟླ་བ་བཅུ་པའི་ཚེས་གཅིག་ནས་གཉིས་པའི་གནམ་གང་བར། དེ་འཕྲོས་ཟླ་བ་བཞི་ཆོས་མཚམས་བྱེད་པར་དུས་ཚེས་སྔ་ཕྱི་གཉིས་ཀའི་ཆོས་ཚུགས་གདོང་སློབ་མ་འཛོམ་པའི་རྫོང་སྡོད་ཕྱག་རྟེན་དང་བཅས་(༨༡བ)

― GLG020_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་མཚན་སྨེད་ངོས་མི་གྲངས་དུ་ཡོད་ཀྱི་ཕོགས་ལེན། སློབ་དཔོན་ལ་ཐོག་མར་འབྱོར་པ་དང་བསྟུན་པའི་འབུལ་ཚན་དང་ལོ་རྗེས་མ་རྣམས་སུ་ཕྱག་རྟེན་སྐབས་སུ་གང་བབ། དུས་ཚེས་ལམ་སླེབས་ན་ཞག་གྲངས་དང་མཉམ་པའི་ཕོགས་ལྡབ་གཅོག །གྲྭ་པར་མ་ཟད་མི་སྐྱ་ཡིན་ནའང་ནག་ཆང་སོགས་དོན་མེད་གཡེང་བས་མི་ཁྱེར་བའི་ཆེད་དུ་དཔེ་འཛིན་སྐབས་སྡོད་ཡུལ་སྤེལ་དཀར་སྦུས་འབྱེད་ཡན། ཤར་སྟེང་བར་སྒོ་ཡས་མས་ཚུན་ལ་གཞན་འདྲེས་མང་པའི་མཚམས་ཆོད་དང་གནང་བ་མ་ཞུས་བར་དེ་ཕན་འགྲོ་འོང་མི་བྱེད། ཤག་ཆེ་ཆུང་དང་བསྟུན་པའི་མི་གྲངས་བརྒྱད་ནས་ལྔ་ཚུན། ཁང་དཔོན་གྱིས་ཁང་དེབ་ནང་བཞིན་ཤག་འདུ་ཁང་། ཐབ་ཚང་ལྡེ་མིག་དང་བཅས་པ་རྩིས་སྤྲོད་གྲུབ་མཚམས་ནས་ཤག་སོ་སོའི་རྒན་པ་རེ་དགེ་རྒན་དུ་བསྐོས་པའི་ཁང་པ་ལ་བག་མེད་ཀྱི་ཆུད་མི་ཟ་བ་བྱེད། སྐད་ལེགས་ཤིང་འདོན་ཆ་ངེས་པ་ཞིག་གིས་དབུ་མཛད་དང་དགེ་རྒན་རྣམས་ཞག་བཅོ་ལྔ་རེས་བསྐོར་གྱི་དགེ་བསྐོས་བགྱིས་ཏེ་སྒྲིགས་རྣམ་གཞག་ལ་ཉེ་འགྱང་སྤངས་པའི་དོ་དམ་ཆེ་བ་བྱེད། དེ་འོག་རྒན་གྲ་རེ་མོས་ཀྱི་ཇ་མར་ལེན་གཏོང་སོགས་སྤྱི་གཉེར་སྤྲེལ་པོ་དང་ཇ་མ་གཅིག་བསྐོས་པའི་རྩིས་ཁྲི་ཐོ་ནང་ལྟར་སྤྲོད། ཇ་ཐུག་དྲུག་རེ་གཏོང་བའི་དགོས་ཆ་སྤྲད་ནས་ནམ་གསེང་ལ་ཐུག་པ། ཚ་རྟིང་སྔ་ཕྱོགས་ཇ།ཉིན་གུང་ཐུག་པ། དགོངས་་ཇ་རྣམས་ཤག་་སོ་སོར་འདྲེན་པར་གཏོང་། ཇ་གཉིས་དགོངས་མོ་འདོན་ཆོས་ལ་ཚོགས། ཇ་ཐུག་སྐོལ་འདྲེན་ལ་ཤ་ཚའི་སྤང་བླང་མ་གཏོགས་རང་འདོད་ཁ་ཁྱེར་གྱིས་ཕུགས་གླེང་བརྗོད་མི་ཡོང་བ་བྱེད། ཉིན་ལྟར་དཔེ་འཛིན་་དབང་པོ་རྣོ་རྟུལ་སྡེ་ཚན་ལྔར་ཕྱེ་སྟེ། གྲ་ཐང་རྒྱུད་བཞི་བར་མར་ཆ་བཞག་པའི་རབ་ཀྱིས་ཡིག་འཕྲེང་བདུན་ནམ་དྲུག །དེ་འོག་གི་ལྔ་འམ་བཞི། དེ་(༨༢ན)

― GLG020_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་གིས་བཞི་འམ་གསུམ། དེ་འོག་གིས་གསུམ་མམ་གཉིས། ཐ་མས་གཉིས་སམ་གཅིག་རྣམས་བཟུང་དགོས་པར་ཐོག་མར་ཐོ་རེངས་ཚ་དུད་བཏང་བ་དང་བསྟུན་དགེ་རྒན་སོ་སོས་སྐུལ་ལྕག་བྱས་པའི་ནམ་ལང་བར་བཤར་སྦྱང་ནམ་གསེང་ནས་ཉིན་ཕྱེད་མ་ཟིན་བར་སོ་སོའི་རང་མལ་དུ་དཔེ་འཛིན་ལ་འཇུག་ཅིང་དེ་མཚམས་དགེ་རྒན་ཚོས་རྒྱུགས་དང་ཞག་བཅུ་མཚམས་སུ་སློབ་དཔོན་གྱིས་རྒྱུགས་ལེན། གུང་ཚིགས་གྲོལ་ནས་ཉི་མ་ཕྱེད་ཡོལ་བར་གུང་གསེང་བྱེད་པར་མིག་མངས་རྒྱལ་གླིང་དམག་འཁྲུགས་སོགས་བག་མེད་ཀྱི་རྩེ་མོ་མི་བྱ། དེ་ནས་སློབ་དཔོན་གྱི་དྲུང་དུ་ཚོགས་པའི་ཐོག་མར་འདོན་ཆ་སོགས་རིམ་སློབ་བྱས་རྗེས་དབང་པོ་དང་འཚམས་པའི་འགྲེལ་བཤད་མན་ངག་གི་གནད། སྨན་གྱི་སྦྱོར་སྡེའི་གོ་དོན་ངག་སློབ་རྩི་བཞག་འོས་འཚམས་རེ་གཏོང་། ཉི་ཚོད་ཀྱི་བརྡ་དང་བསྟུན་དཔེ་འཛིན་ལ་འཇུག །ཉི་མ་བཞུད་ཙམ་ལ་འཁར་རྔ་བརྡུངས་འཕྲལ་་འདུ་ཁང་དུ་འཆག་པར་གྲྭ་པ་གང་ཡིན་ཟླ་གམ་སོགས་རབ་བྱུང་གི་རྟགས་ལྡན་དང་སྐྱ་བོ་རྣམས་ཀྱང་ཕྱམ་ཙེ་དམར་སེར་གང་རུང་གི་སྟེང་གྱོན་བྱེད་པས་མཚོན་ཀུན་སྤྱོད་གང་ལེགས་ངོས་སྒོ་གསུམ་གཞན་དུ་མ་ཡེངས་པའི་ངང་ནས་སྐྱབས་སེམས། སྨན་བླ་དང་གཡུ་ཐོག་ཡོན་ཏན་མགོན་པོ་སོགས་བརྒྱུད་པའི་གསོལ་འདེབས། སྨོན་ལམ་ཚིགས་བཅད། ཕྱག་འཚལ་ཉེར་གཅིག །ཞང་བློན་གྱི་གཏོར་འབུལ། ཤེས་རབ་སྙིང་པོ། ཚེ་གཟུངས། ཤིས་བརྗོད། ཆོས་སྤྱོད་གང་འཚམ་དང་ཉ་སྟོང་བརྒྱད་གསུམ་ལྟ་བུར་སྨན་བླའི་མདོ་ཆོག་ཆེན་མོ་ཚར་རེ་གཏོང་། རྒྱུན་ཚོགས་གྲོལ་ནས་སོ་སོའི་ཤག་ཏུ་ཁྱུག་ཙམ་ཕྱིན་པའི་མུན་མཚམས་ནས་སྲོད་འཁོར་བར་སོགས་ནམ་རིང་ཐུང་ལ་དཔགས་པའི་འཕྲོས་བརྡ་མ་བྱུང་(༨༢བ)

― GLG020_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བདེ་ཡངས་དང་ཐོག་ཏུ་བཤད་སྦྱང་བྱེད་པར་འཁྱམས་རྒྱུག་ལོང་གཏམ་གྱིས་མཚོན་རྣམ་གཡེང་མི་བྱེད། གལ་སྲིད་བྱུང་ན་བརྒྱ་ཕྱག་སོགས་སྐབས་ཐོབ་འགེལ། ཚོགས་དང་བཤར་སྦྱང་ག་དུས་ནད་ཀྱིས་མནར་ན་དགེ་སྐོས་ལ་གནང་བ་ཞུ་བཞིན། རང་འཚམ་གྱིས་བསྡད་ན་བརྒྱ་ཕྱག་གཉིས་རེ་འཚལ། ཞོལ་སོགས་ཉེ་སྐོར་དུ་འགྲོ་བར་སློབ་དཔོན་ལ་མ་ཞུས་པར་མི་འགྲོ། གལ་སྲིད་ཕྱིན་ན་མང་ཇ་རེ་སྐོལ། ཞག་གཅིག་ཕན་ལ་འགྲོ་ཚེ་རྫོང་སྡོད་ལ་དགོངས་པ་ཞུ། ཆོས་ཐོག་ཚུགས་རིང་སྐྱ་བོ་རྣམས་ཀྱང་ནག་ཆང་གི་འབྲེལ་སྤང་ཞིང་སྐྱ་སེར་ཚང་མས་མཛེས་ལམ་བོར་བའི་ཁ་ལག་འཁྲུག་པའི་དཔེ་སྲོལ་ལ་གནོད་པ་སུས་བྱས་ཀྱང་བྱས་ཚབས་དང་བསྟུན་བརྒྱ་ཕྱག་མང་ཇ་གྲངས་བཅད། རྣམ་གཞག་སོགས་འགེལ། ཆོས་མཚམས་ལ་འགྲོ་གདོང་སྔར་བཟུང་རྣམས་ཡང་བསྐྱར་གྱིས་རྒྱུགས་བླངས་པ་ཐོར་བཀོད་གྲྭ་པ་རྣམས་གཞིས་དགོན་སོ་སོར་སློབ་གཉེར་ལས་གཞན་དུ་མ་ཡེངས་པའི་དཔེ་འཛིན་བྱེད་ཅིང་། སྐྱ་བོ་རྣམས་ཀྱང་གསར་འཛིན་མ་ཐུབ་རུང་ཐོར་འཁོད་པ་མ་བརྗེད་པ་བྱས་རྗེས་འཁོར་བསྟུན་སྐྱ་སེར་ཚང་མས་རྒྱུགས་སྤྲོད། གོང་གསལ་སྔར་བཟུང་བརྗེད་པ་བྱུང་ཚེ་ཟླ་གྲངས་ཀྱི་ཕོགས་གཅོད་པའམ་འཁོར་ཞག་རྗེས་མའི་དུས་དཔེ་མཚམས་ལ་སྡོད་པ་གང་རིགས་བྱེད། འཛིན་གྲྭ་མཐོ་ཞིང་ཤེས་རབ་ཆེ་བའི་རིགས་ཆོས་མཚམས་སྐབས་དཔེ་མཚམས་ལ་དམིགས་བསལ་སྒོར་བ་ཚོ་ཆོས་ཐོག་ལས་བརྩོན་གཤིས་སླར་ངོ་སོ་ཐོན་པ་རྒྱུགས་སྤྲོད། རྒྱུན་གཏན་བཙུན་པ་གང་ཡིན་གྲྭ་པའི་སྒྲིགས་དང་མཐུན་པའི་རང་ཚུགས་མ་བོར་བ་དང་སྐྱ་བོ་རྣམས་ཀྱང་པ་ལོ་ཞེ་གཅིག་ལ་སརྦ་མགོ་སོགས་མགོ་སྟབས་དང་ལུས་ཆས་ཡ་མ་ཟུང་གི་རིགས་མི་བྱེད་པར་ཞྭ་འབོག་དོ། གོས་དང་སྟོད་གོས་གཟན་སོགས་ཚོས་མ་ལས་གཞན་པའི་དཀར་པོ་ཁྲ་བོ་མི་གྱོན་(༨༣ན)

― GLG020_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་གྲི་རིངས་ཐེབ་ཀྲད་ཀྱིས་མཚོན་ཧོར་འདྲའི་རྩིང་སྤྱོད་སྤངས་པའི་གཞེས་ལམ་བྱེས་གསུམ་ཐམས་ཅད་དུ་འཇོལ་ཆས་དང་འདྲེན་པའི་ཀུན་སྤྱོད་ཁོ་ནར་གནས་པ་བྱེད། འོན་ཀྱང་རྣ་རྒྱན་སོགས་བསྙེམས་ཆས་ཀྱི་རིགས་ཤིས་པའི་ཡན་ལག་ཡིན་པས་བྱས་པར་འགལ་བ་མེད། རྒྱུད་བཞི་མ་འཁྲིལ་བར་ལག་ལེན་ལ་འཇུག་ཅིང་རང་རྐྱ་མ་ཕེར་པར་སློབ་མ་བསྟེན་པ་སོགས་མིག་ལྟོས་ལ་གནོད་པའི་རིགས་གཏན་ནས་མི་བྱེད་པས་མཚོན་གསོ་བ་རིག་པའི་གཙུག་ལག་གི་རྒྱུན་བཟང་པོ་བླ་ནས་བླར་འཕེལ་བ་དགོས་རྒྱུ་ཡིན། གསོ་རིག་མ་ལ་ཡ་ལས་ཕན་བདེའི་དྲི། །ལྷག་བསམ་རླུང་གིས་དྲངས་པའི་ངང་པོ་ཆེས། །དུག་གསུམ་དེས་བསྐྱེད་ནད་ཀྱི་ཚ་གདུང་ཀུན། །དྲུང་ནས་འབྱིན་པའི་སྐལ་བཟང་ཐོབ་པར་ཤོག །ཟུག་རྔུའི་དྲི་བཀྲུ་མཐོ་རིས་སྨན་གྱི་ཆབ། །རྣམ་དཔྱོད་རྒྱལ་མཚན་ཏོག་ཏུ་འབར་བའི་འོད། །འགྲོ་གཞན་དོགས་མེད་མི་ཡི་རྟེན་བཟང་པོ། །རྙེད་རྣམས་དགའ་སྟོན་དཔལ་ལ་སྤྱོད་པར་ཤོག །སྨན་གྱི་བླ་མ་དྲང་སྲོང་རིག་པ་འཛིན། །རྡོ་རྗེ་བདུད་འདུལ་གནོད་སྦྱིན་ཡོངས་ཀྱི་རྗེ། །གཏེར་གྱི་སྲུང་མ་ཤིང་བྱ་ཅན་སོགས་ཀྱིས། །འཕྲིན་ལས་རྣམ་བཞི་ལྷུན་གྱིས་གྲུབ་པར་མཛོད། །ཅེས་ཉང་སྨད་བསམ་དོན་ལྷུན་གྱིས་གྲུབ་པའི་རྫོང་ཆེན་དུ་ཚེའི་རིག་བྱེད་གསོ་བ་རིག་པའི་གྲྭ་ཚང་དྲང་སྲོང་འདུས་པའི་གླིང་གི་བཅའ་ཡིག་གསོང་པོར་སྤྱོད་པའི་རྒྱུད་མངས་འདི་ནི་ཚ་རོང་དཔོན་ཚང་ཚེ་བརྟན་རྡོ་རྗེས་ས་བོན་དང་བཅས་བསྐུལ་བ་ལྟར་མེ་འབྲུག་ནག་པ་ཟླ་བའི་དཀར་ཆའི་བཟང་པོ་དང་པོའི་ཚེས་ལ་ཟ་ཧོར་གྱི་བནྡེ་འཇམ་དབྱངས་དགའ་བའི་བཤེས་གཉེན་གྱིས་རྒྱལ་ཁབ་ཆེན་པོ་དམར་པོ་རིར་སྦྱར་བའི་ཡི་གེ་པ་ནི་དགེ་སློང་འཇམ་དབྱངས་གྲགས་པས་བགྱིས་པ་སིནྡྷིརསྟུ།། །།

ཆོས་སྡེ་ཆེན་པོ་ཞ་ལུའི་སྒྲུབ་མཆོད་བཅོ་ལྔ་གསར་ཚུགས་ཀྱི་བཅའ་ཡིག་ཤེལ་དཀར་མེ་ལོང་སོགས།

― GLG020_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

ནོ ག ཎ སྱ ཀ ལྤ བཱ ཧཱ ཀཱ ལ ཏི མ ས སྟུ ཏོ ག མེ ཧྲ དུ ཏྤ ཏི བ དུ རྀ རྐྲ ཡཾ མ ཧོ རྨ ཇི རྩ ར དྭི གོ གྲ ཏ པྟ བུ ཥྚ རུ དྲ། གྲངས་མེད་བསྐལ་མང་དུས་ནས་མ་འདྲིས་འགྲོ་ཆེད་ཐུགས་བསྐྱེད་ས་བོན་རྣམས། །བྱ་དཀའ་རླབས་ཆེན་རྒྱལ་སྲས་སྤྱོད་པའི་ཚོགས་གཉིས་དྲོད་གཤེར་དར་དྲག་པས། །དྷ རྨ རཱུ བ ཛ མྦཱུ ར སྱ མ ཉྫ རཱི བ བཻ རྡ མཻ ཥྚ ཤཱ རུ པཱ ལུ ཡོ ཀྟྲྀ དེ བ ཏ སྶུ རཱ བྷཱ བ ཙ ཤ ཪྴ ཎྱ ཤཱ སི དྷ ཤུ བྷྱ ཡ ཙྪ། ཆོས་གཟུགས་ཛམྦུའི་གསེར་གྱི་སྙི་མས་སྲིད་ཞིའི་འདོད་དགུར་ལུས་ཅན་ཀུན། །སྦྱོར་མཛད་ལྷ་ཡི་ལྷར་གྱུར་སྐྱོབ་པ་ཤཱཀྱ་སེང་གེས་དགེ་ལེགས་སྩོལ། །ཁྱོད་བསྟན་ཉི་ཟླ་འཕགས་བོད་མེ་ཞལ་ལམ། །འདྲེན་པའི་རྟ་ལྗང་ལོ་པཎ་མཁས་གྲུབ་ཀྱི། །ངོ་མཚར་སྐྱེས་རབས་ལྗོངས་འདིར་བུ་སྟོན་ཞེས། །ཤེས་བྱ་ཐམས་ཅད་མཁྱེན་དེ་ཕྱག་གི་གནས། །གང་གི་རང་ལུགས་དབྱར་ཆུ་དུས་ངན་དགུན། །ཆེས་ཕྲ་པདྨའི་སྐུད་པའི་སྲོག་ཟུངས་སུ། །བདུད་རྩིའི་ཐིགས་ཕྲེང་སྦྱིན་མཛད་ཚར་ཆེན་ཞབས། །ཡབ་སྲས་བརྒྱུད་པར་བཅས་པ་བསྔགས་བྱའི་གནས། །(༨༤ན)

― GLG020_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་པར་འཇམ་དཔལ་དབྱངས་དངོས་བྱང་གླིང་རྗེ། །རྒྱུད་སྡེ་རྒྱ་མཚོའི་སྨིན་གྲོལ་ཕྱག་བཞེས་ནོར། །སྩོལ་ལ་སྤྲུལ་པའི་ཟློས་གར་ཞ་ལུ་པ། །རིན་ཆེན་བསོད་ནམས་མཆོག་གྲུབ་རིགས་ཀྱི་བདག །མགོན་དེས་སྤྱི་དང་བྱེ་བྲག་ལུང་རྟོག་རྒྱུན། །ཐུབ་བསྟན་རྒྱ་མཚོའི་ཕ་མཐའ་རྙེད་དུས་སུ། །ཆད་མེད་འབབ་ཕྱིར་གསར་བསྐྲུན་རྣམ་དཀར་གྱི། །འཕྲིན་ལས་ནམ་མཁའ་སྐ་རགས་མས་མཚོན་མིན། །ཆེས་དཀོན་བྱ་དཀའ་རྣལ་འབྱོར་རྒྱུད་སྡེའི་ཚུལ། །བག་ལ་ཞ་བའི་རི་མོ་རྙིང་པ་དེང་། །སྔོན་རབས་མཁས་པའི་བཞེད་སྲོལ་སླར་གསལ་ལ། །གཟུར་གནས་དཔྱོད་ལྡན་སྙིང་པོ་བདུད་རྩིའི་དཔྱིད། །ཁྱབ་བདག་རྡོ་རྗེ་སེམས་དཔའ་མིའི་གཟུགས་ཅན། །དབང་ཕྱུག་རབ་བརྟན་ཁུད་བོན་སྒྲུབ་ཁང་པ། །བཀའ་དྲིན་ཟླ་མེད་བླ་མ་རྣམ་གསུམ་གྱི། །ཐུགས་དགོངས་ཆོས་ཀྱི་དབྱིངས་སུ་རབ་རྫོགས་ཤིང་། །གངས་ཅན་དཔལ་མོའི་མངལ་དུ་ཉེར་སྦྲུམ་པ། །མདོ་སྔགས་ལུགས་སྲོལ་ལེགས་འཛིན་ཙན་དན་ལྗོན། །ཕན་བདེའི་དྲི་བསུང་དངར་པོས་སྐྱེ་རྒུ་ཀུན། །སིམ་པའི་ཚོར་བ་མྱོང་ལ་སྦྱོར་དེ་རྨད། །རྒྱུད་ལྡན་རྡོ་རྗེ་སློབ་དཔོན་སློབ་མར་བཅས། །སྔགས་རྒྱ་ཏིང་འཛིན་ཕྱག་ལེན་འཁྲུལ་བྲལ་གྱི། །བགྲང་ཡས་དཀྱིལ་འཁོར་སྒྲུབ་ཅིང་ཉེར་མཆོད་པ། །བསོད་ནམས་རྒྱ་མཚོའི་ཞིང་ལས་དམིགས་སུ་མེད། །འོན་ཏེ་སྟ་གོན་མ་ཚང་གཟེར་དཀྱིལ་ལ། །སྒྲུབ་མཆོད་ཚུལ་བཞིན་མ་བགྱིས་རྩིང་པོའི་སྤྱོད། །རྣམ་དག་བསྟན་པའི་བགྲང་བྱར་འོས་མིན་འབྲས། །ཚད་ལྡན་སྲོལ་ལ་རས་དཀར་སྣུམ་ཞུགས་བཞིན། །དེ་ཕྱིར་མིག་རྐྱེན་ངན་དཔེར་མི་འཛིན་པ། །འཛོལ་མེད་བླང་དང་དོར་བྱ་མ་ལུས་གཟུགས། །མངོན་སུམ་འཆར་(༨༤ན)

― GLG020_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་བཅའ་ཡིག་ཨཱདཪྴར། །རྗེས་འབྲངས་གཟིགས་མོར་དངར་རོ་ལག་ཏུ་ལོང་། །དེ་ཡང་འཇམ་དབྱངས་ས་སྐྱ་ལོ་ཙཱ་བས། །མཆོད་བསྟོད་འདུད་པའི་བདག་ཉིད་ཅན། །ཤིས་པ་བརྗོད་སོགས་མི་འགལ་ཏེ། །ཐམས་ཅད་དུ་ཡང་སྟོན་པ་ཡི། །ཆེ་བ་འབའ་ཞིག་སྟོན་ཕྱིར་རོ། །ཞེས་གསུངས་པ་ལྟར་ཡུལ་ཁྱད་པར་ཅན་ལ་བརྟེན་ནས་ཤིས་པ་བརྗོད་པ་དང་བསྟོད་ཚིག་གི་མེ་ཏོག་མནྡར་འཐོར་བ་སྔོན་དུ་འགྲོ་བའི་སྒོ་ནས་གླེང་བར་བྱ་བ་ནི། འོ་སྐོལ་གྱི་སྟོན་པ་སྒྲིབ་གཉིས་ཀྱི་དགྲ་ཚོགས་མ་ལུས་པ་བཅོམས་ཤིང་ཡོན་ཏན་མཐའ་དག་མངོན་དུ་མཛད་ཟིན་པའི་འདྲེན་པ་མཉམ་མེད་ཟས་གཙང་གི་སྲས་པོའི་བསྟན་པ་རིན་པོ་ཆེ་ནི། ཇི་སྐད་དུ། འགྲོ་བའི་སྡུག་བསྔལ་སྨན་གཅིག་པུ། །བདེ་བ་ཐམས་ཅད་འབྱུང་བའི་གནས། །བསྟན་པ་རྙེད་དང་བཀུར་སྟི་དང་། །བཅས་ཏེ་ཡུན་རིང་གནས་གྱུར་ཅིག །ཅེས་རིས་སུ་མ་ཆད་པའི་འགྲོ་བ་མཐའ་དག་ཐོག་མ་མེད་པ་ནས་ལས་དང་ཉོན་མོངས་པའི་དབང་གིས་སྡུག་བསྔལ་གསུམ་གྱི་ཟུག་རྔུ་དྲག་པོའི་ནད་ཀྱིས་བཏབ་པ་རྩ་བ་ནས་ཕྱུངས་ཏེ་ཞི་བར་བྱེད་པ་དམ་པའི་ཆོས་ཀྱི་རྩི་སྨན་ལ་བརྟེན་ནས་སྲིད་པ་དང་ཞི་བའི་ཕན་བདེ་མ་ལུས་པ་འབྱུང་བའི་གནས་རྒྱལ་བའི་བསྟན་པ་རིན་པོ་ཆེ་ལུས་ཅན་རྣམས་ཀྱི་ལེགས་བྱས་ཀྱི་ཞིང་དམ་པར་བླ་ནས་བླར་བསྐུར་བའི་སྲི་ཞུ་དང་བཅས་ནས་སེམས་ཅན་རྣམས་ཀྱི་མགོན་སྐྱབས་དཔུང་གཉེན་དུ་ཡུན་རིང་པར་གནས་པར་འགྱུར་བར་གསུང་པ་མཁས་དབང་པཎྜི་ཏས། མངོན་པར་འདོད་པའི་དངོས་པོ་ལ། །སྨོན་པ་ཤིས་པ་བརྗོད་དེ་དཔེར། །ཞེས་བཤད་མ་ཐག་པའི་འདོད་པའི་དོན་དེ་འགྲུབ་པར་གྱུར་ཅིག་པའི་སྨོན་ལམ་དུ་མཛད་པ་ཡིན་ལ། དོན་ཆེན་པོ་དང་ལྡན་པའི་ལུང་རྟོག་ཀྱི་བསྟན་པ་རིན་པོ་ཆེ་དེ་ཡང་།(༨༤བ)

― GLG020_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོས་བསམ་སྒོམ་པ་དར་བའི་ཡུལ་ནི། འགྲེལ་ཆེན་དྲི་མེད་འོད་ལས། འཛམ་བུའི་གླིང་ཆེན་པོ་ཟླུམ་པོའི་རྣམ་པ་ཞེང་དུ་དཔག་ཚད་འབུམ་ཕྲག་གཅིག་དང་འཁོར་ཡུག་ཏུ་འབུམ་ཕྲག་གསུམ་ཡོད་པ་གང་ཏུ་མི་རྣམས་གནས་པ་དེ་ནི་ལས་ཀྱི་ས་དང་དྲུག་ནི་ལོངས་སྤྱོད་ཀྱི་སར་རིག་པར་བྱའོ། །འཛམ་བུའི་གླིང་ནི་ལན་ཚའི་རྒྱ་མཚོའི་ངོགས་ན་སྟེ་ལྷག་མ་ནི་ཆང་ལ་སོགས་པའི་ངོགས་ནའོ། །ཞེས་རི་རབ་ལྷུན་པོ་རྡོ་རྗེའི་དབྱིབས་ཅན་དུ་ཡོད་པའི་རྭཱའི་འོག་ཏུ་ལོངས་སྤྱོད་ཀྱི་སའི་གླིང་དྲུག་དང་དེའི་ཕྱི་རོལ་ཏུ་གླིང་བཞི་གླིང་ཕྲན་བརྒྱད་འཛམ་གླིང་ཆེན་པོར་གྲགས་པ་ལས་ཀྱི་ས་པར་གསུངས་ཤིང་དེ་དང་མཐུན་པར་མཁའ་འགྲོ་རྒྱ་མཚོའི་རྒྱུད་ལས། འཛམ་བུ་གླིང་ནི་ཆེན་པོ་ཡི། །དུམ་བུ་བཅུ་གཉིས་ཀྱི་ནི་དབུས། །ཞེས་བཤད་ལ་ཤིང་འཛམ་བུའི་སྒྲ་ལ་བརྟེན་ནས་དེ་ལྟར་འཆད་པའི་རྒྱུ་མཚན་ཡོད་ནའང་འདི་པའི་ལུགས་ལ་འདོད་རྒྱལ་གྱི་མིང་ལས་སྒྲ་བཤད་རྒྱུ་མེད་ཅིང་འདུལ་མངོན་སོགས་གསུང་རབ་སྤྱི་སྐད་དུ། ལྷོ་ཕྱོགས་ཀྱི་གླིང་འདི་ཉིད་ལ་འཛམ་བུའི་གླིང་ཞེས་པ་ལས་འཛམ་གླིང་ཆེ་ཆུང་གི་ཐ་སྙད་མ་གསུངསས་ཤིང་། མདོ་རྩ་བར་མི་མ་ཡིན་པའི་འགྲོ་བ་པ་དང་། བྱང་གི་སྒྲ་མི་སྙན་པ་སྡོམ་པའི་ཞིང་མ་ཡིན་ནོ་ཞེས་དང་། སྡོམ་གསུམ་དུ། གླིང་གསུམ་སྐྱེས་པ་བུད་མེད་ལས། །འགྲོ་བ་གཞན་ལ་སྡོམ་པ་བཀག །ཅེས་བྱང་སྒྲ་མི་སྙན་པར་སོ་ཐར་གྱི་སྡོམ་པ་མི་སྐྱེ་བར་བཤད་ཅིང་། མཛོད་དུ། སྒྲ་མི་སྙན་སྒྲིབ་གསུམ་དུ་འདོད། ཅེས་ལས་ས་མ་ཡིན་པའི་འཆད་ཚུལ་དང་ལུགས་གཅིག་ལ་སྡོམ་འབྱུང་ལས། ཤར་གྱི་ལུས་འཕགས་བ་ལང་སྤྱོད། །དེ་བཞིན་བྱང་གི་སྒྲ་མི་སྙན། །གླིང་གསུམ་པོ་ཡི་མི་རྣམས་ནི། །ལོངས་སྤྱོད་ཆེན་པོས་ཡང་དག་(༨༥ན)

― GLG020_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

འཚོ། །རྣམ་རྟོག་མེད་ཅིང་རྟོག་དཔྱོད་མེད། །བླུན་རྨོངས་བྱེ་བྲག་མི་ཕྱིད་པའོ། །འཛམ་བུ་གླིང་དུ་ལེགས་སྐྱེས་པ། །ལས་ཀྱི་ས་པར་རབ་ཏུ་གྲགས། །ལེགས་བྱས་ཉེས་པར་བྱས་པའི་ལས། །མཆོག་དང་འབྲིང་དང་ཐ་མ་ཡི། །སྐྱེ་བ་སྔ་མའི་རྣམ་སྨིན་འདིར། །སྐྱེ་བོ་ཀུན་ལ་མཐོང་བར་འགྱུར། །ཞེས་ལས་ཀྱི་ས་པ་ལྷོ་འཛམ་བུའི་གླིང་འདི་ཉིད་ལ་ངོས་གཟུང་ཞིང་། །མཁའ་འགྲོ་རྒྱ་མཚོ་དུས་འཁོར་དང་དགོངས་པ་མཐུན་པར་བཀྲལ་བའི་འཛམ་གླིང་ཆུང་ངུ་འདི་དུམ་བུ་བཅུ་གཉིས་ཀྱི་གཙོ་བོར་བཞག་ནས་འདས་པའི་སངས་རྒྱས་རབས་བདུན་ནུབ་གླིང་ནས་བཟུང་གླིང་དུམ་བུ་བཅུ་གཉིས་སུ་རིམ་བཞིན་འཁོར་བ་ལས་བསྐལ་པ་བཞིན་གྱིས་སངས་རྒྱས་རྣམ་གཟིགས་གཙུག་ཏོར་ཅན། ཐམས་ཅད་སྐྱོབ་གསུམ་འདས་རྗེས་སུ་བསྐལ་པ་བཟང་པོ་འདིའི་གླིང་བཅུ་གཉིས་ཀྱི་འགྲོ་བའི་དོན་དུ། འཁོར་བ་འཇིག །གསེར་ཐུབ། འོད་སྲུངས། ཤཱཀྱ་ཐུབ་པ་བཞི་སྐྱེ་བ་བཞེས་པའི་བཞི་ལ་ཤཱཀྱའི་རིགས་སུ་འཁྲུངས་པས་མཁའ་འགྲོ་རྒྱ་མཚོར། །འཛམ་བུ་གླིང་ནི་ཆུང་ངུ་འདིར། །བདག་ནི་ཤཱཀྱའི་རིགས་རྗེས་འགྲོ། །ཞེས་གསུངས་པའི་རང་ཅག་གི་སྟོན་པ་ཤཱཀྱ་དོན་གྲུབ་པ་ནི། ལུང་ལས། མཉན་ཡོད་གནས་བཅས་ཙམ་པ་ཀ །ཝ་ར་ཎཱ་སིར་ཡངས་པ་ཅན། །རྒྱལ་པོའི་ཁབ་དང་དྲུག་པོ་ནི། །དེ་དག་གྲོང་ཁྱེར་ཆེན་པོར་གྲགས། །ཞེས་ཡུལ་གྲུ་ཆེན་པོ་དྲུག་གི་ཆ་ཤས་སེར་སྐྱའི་རྒྱལ་ཁབ་ཆེན་པོར་ཟས་གཙང་མའི་སྲས་སུ་སྐུ་བལྟམས་ནས་རྡོ་རྗེ་གདན་གྱི་སྤོ་ལ་ཐེག་པ་འོག་མ་ལྟར་ན་ཟད་མི་ཤེས་པའི་ཡེ་ཤེས་མངོན་དུ་མཛད་པའམ་གོང་མའི་ལུགས་ལ་མཆོག་གི་སྤྲུལ་པའི་སྐུར་མངོན་འཚང་རྒྱ་བའི་ཚུལ་བསྟན་པ་བཞིན་འདས་པ་དང་མ་(༨༦ན)

― GLG020_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

འོངས་པའི་སངས་རྒྱས་རྣམས་ཀྱིས་ཀྱང་དེ་ལྟར་དུ་མཛད་པའི་བྱིན་རླབས་ཀྱིས་བསྐལ་པ་འཇིག་པའི་དུས་མངོན་པ་བའི་ལུགས་ལ་མཁའ་ལ་ཟོ་བ་བཏགས་པ་བཞིན་གཞོམ་གཞིག་དང་བྲལ་བར་གནས་ཤིང་གོང་དུ་བཤད་པའི་ཡུལ་དེ་དག་གི་མ་འགྱུར་བའི་ལྟེ་བ་ལྟ་བུར་ཡོད་པས་མ་དྷྱ་ག་ཏ་དྷ་ར་ཞེས་པ་ཙནྡྲ་པ་ར་པྲྀ་ཥོ་དྷ་རའི་བསྡུ་བ་བྱས་པས་མ་ག་དྷ་ཞེས་དབུས་འགྱུར་འཆང་དུ་གྲགས་པ་འདི་ཉིད་འཇམ་གླིང་གི་ལྟེ་བར་བྱས་པའི་ཡུལ་གྲུའི་དབྱེ་བ་དུས་འཁོར་ལས། འཕགས་ཡུལ་བོད་ལི་རྒྱ་ནག་དང་། །ཀཻ་ལ་ཤ་དང་གངས་ཅན་ཆེ། །ཞེས་དྲུག་ཏུ་གསུངས་པའི་བསྟན་པ་རིན་པོ་ཆེ་འཕགས་པའི་ཡུལ་དུ་པཎ་གྲུབ་རྣམས་ཀྱིས་ཉི་ཟླ་ལྟར་གསལ་བར་མཛད་པ་ལས་བྱང་ཕྱོགས་སུ་དར་བ་ནི་འཇམ་དཔལ་རྩ་རྒྱུད་ལས། །ཁ་བ་ཅན་དུ་མཚོ་བྲི་ནས། །སཱ་ལའི་ནགས་ནི་འབྱུང་བར་འགྱུར། །ཞེས་བྱང་ཕྱོགས་ཁ་བ་ཅན་གྱི་རྒྱལ་ཁམས་འདི་ཐོག་མར་མཚོས་གང་བ་རིམ་གྱིས་བྲི་ནས་སཱ་ལའི་ལྗོངས་སུ་གྱུར་བར་རྒྱལ་བུ་རུ་པ་ཏི་དཔུང་བཅས་བུད་མེད་ཀྱི་ཆས་སུ་ཞུགས་ནས་འོངས་པ་ལས་མཆེད་པར་ཡང་བཤད་ཅིང་། ཡོངས་སུ་གྲགས་པ་སྤྱན་རས་གཟིགས་དང་སྒྲོལ་མས་བྱིན་གྱིས་བརླབས་པའི་སྤྲེའུ་དང་བྲག་སྲིན་མོ་འདུས་པ་ལས་འཕེལ་བའི་རུས་ཆེན་བཞི་འམ་དྲུག་སོགས་རིམ་གྱིས་མཆེད་དེ་མིའི་རྒྱལ་ཁམས་སུ་གྱུར་པ་དབུས་སུ་བྱས་པའི་ཤར་དུ་རྒྱ་ནག་དང་ཁྲི་སྟན། ལྷོར་རྒྱ་གར་དང་ཁ་ཆེ། ནུབ་ཏུ་སྟག་སྡེ་དང་གཟིགས་ཡན། བྱང་དུ་ཁྲོམ་དང་གེ་སར་གྱིས་བསྐོར་བས་ཡུལ་གྲུ་ཆེན་པོ་དགུར་གྲགས་པའི་ནང་ནས་བོད་སྤྱི་ལ་དབང་བའི་རྒྱལ་པོ་ཕལ་ཆེར་སྤྲུལ་པའི་གང་ཟག་ཏུ་བཤད་ཅིང་། རྗེ་ཐོ་རི་གཉན་བཙན་གྱི་དུས་དམ་པའི་ཆོས་ཀྱི་དབུ་བརྙེས་མངའ་བདག་སྲོང་བཙན་(༨༦བ)

― GLG020_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

སྒམ་པོའི་དུས་གསེར་གྱི་ལྷ་ཇོ་ཤཱཀ་རྣམ་གཉིས་གདན་དྲངས་ནས་ར་ས་འཕྲུལ་སྣང་སོགས་གཙུག་ལག་ཁང་རྟེན་དང་བཅས་པ་མང་དུ་བཞེངས་ནས་སྲོལ་བཏོད། ལྷ་སྲས་ཁྲི་སྲོང་ལྡེའུ་བཙན་གྱིས་མཁན་སློབ་གཉིས་སོགས་ལོ་པཎ་རྣམས་བླའི་མཆོད་གནས་སུ་བཀུར་ཟན་གཡང་ལྷུན་གྱིས་གྲུབ་པའི་གཙུག་ལག་ཁང་བཞེངས་ཤིང་ཐོས་བསམ་སྒོམ་གསུམ་གྱི་སྒོ་ནས་དམ་པའི་ཆོས་དར་བར་མཛད། རྗེ་ཁྲི་ལྡེ་བཙུག་བརྟན་གྱི་དུས་སྐད་གསར་བཅད་ཀྱིས་གཏན་ལ་ཕབ་པ་སོགས་བསྟན་པ་སྔ་དར་ལ་རྒྱལ་པོ་སྡིག་ཅན་གྱིས་གནོད་པས་འཕེལ་གྲིབ་བྱུང་ནའང་སླར་བསྟན་པའི་མེ་རོ་སྟོད་སྨད་གཉིས་ནས་གསོས་ཏེ་སོ་སོ་ཐར་པའི་བསྟན་པའི་རྩ་བ་ཚུགས། པཎྜི་ཏ་སྨྲི་ཏི་ཛྙཱ་ན་ཤྲཱི་ཇོ་བོ་ཆེན་པོ་དཱི་པཾ་ཀཱ་ར་ཀ་སྨི་རའི་བསོད་སྙོམས་པ་ཆེན་པོ་ཤཱཀྱ་ཤྲཱི་སོགས་པཎ་གྲུབ་དུ་མ་དང་། འཇིག་རྟེན་གྱི་མིག་གཅིག་པུ་རིན་ཆེན་བཟང་པོ་དང་བླ་ཆེན་འབྲོག་མི་ཤཱཀྱ་ཡེ་ཤེས་སོགས་མཁས་པ་གྲངས་མེད་པ་བྱོན་ཏེ་འཆད་ཉན་གྱི་སྒོ་ནས་བསྟན་པ་སྤེལ་བར་ཕྱི་དར་དུ་གྲགས་པ་དེ་ཡང་བསྟན་པ་སྔ་དར་གྱི་དུས་ཁྲི་ལྡེ་འོད་སྲུངས་ཀྱི་སྲས་དཔལ་འཁོར་བཙན། དེའི་སྲས་མཆེད་གཉིས་བྱོན་པའི་ཆེ་བ་སྐྱིད་ལྡེ་ཉི་མ་མགོན་སྟོད་དུ་བྱོན་ནས་མངའ་རིས་ཀྱི་རྒྱལ་པོ་མཛད། དེ་ལ་སྲས་གསུམ་བྱུང་བ་སྟོད་ཀྱི་མགོན་གསུམ་དུ་གྲགས། སྐྱིད་ལྡེའི་གཅུང་ཁྲི་བཀྲ་ཤིས་བརྩེགས་པ་དཔལ་དབུས་ནས་སྤྱུགས་པ་གུང་ཐང་མན་ལ་ཆགས། དེ་ལ་སྲས་གསུམ་བྱུང་བར་སྨད་ཀྱི་ལྡེ་གསུམ་དུ་གྲགས་པའི་ཆུང་བ་སྐྱིད་ལྡེ་བཞད་རྟ་ནག་ཕྱོགས་སུ་ཕོག་པ་ལ་སྲས་དྲུག་བྱུང་བའི་ལྔ་བྱང་ཕྱོགས་སུ་ཡོད་ཅིང་། གཅིག་གྲུམ་པ་ཤ་བ་སྲས་ཉང་ཡུལ་རྣམས་ཀྱིས་བདག་མཛད་པར་ཉང་ཡུལ་དུ་སྲས་ཁྱུང་རྩད། འདྲེ་རྩད། ལྕེ་རྩད་གསུམ་གྱིས་དབུས་གཙང་རུ་བཞིར་(༨༧ན)

― GLG020_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས་པ་ལས་སུམ་རྩེན་ཡུལ་ལ་འགྲན་པ་རུ་ལག་ཉང་སྟོད་སྨད་ཀྱི་སའི་ཆ་སོ་སོར་བགོས་ཏེ་བཟུང་ནས་མི་རིང་བར་དར་གུད་བྱུང་མཐར་ཆུང་བ་ལྕེ་རྩས་བསྐྱངས། ཉང་སྟོད་གཞུང་ཕལ་ཆེར་ཞིང་ལ་ཐག་མ་དང་ཆུ་མིག་ལ་བརྟེན་པ་ལས་མེད་པར་ལྕེ་རྩད་ཀྱི་ས་རྣམས་བེད་ཆད་པའི་ཕྱིར་ཉང་སྟོད་དུ་རྩ་རྣམས་ཀྱི་རྒྱལ་རྐ་དང་། ལྷོ་རྒྱུད་དུ་ཡང་ཡུལ་བཞེངས་ཀྱི་འོར་རྐ་བྱ་བ། ཉང་སྨད་བྱང་དུ་པ་ཚབ་རྐ་མོ་ཆེ། ལྷོ་རུ་སྣ་ནམ་རྐ་མོ་ཆེ་རྣམས་བཟོས་པར་རྐ་སོ་སོའི་འོག་ནས་སོན་ཁལ་ཁྲི་ཕྲག་རེ་ཐོན་པའི་རྐ་རྣམས་མ་འཇགས་བར་བསྲུང་མི་སྡོད་སར་རྒྱ་ཁྲོམ་ལྕེ་མཁར་དང་། པ་ནམ་ལྕེ་མཁར་གཉིས་བརྩིགས་པ་སོགས་སྟོབས་འབྱོར་རྣམ་དཔྱོད་ཕྱག་རྗེས་ནན་ཏར་ཆེ་བའི་ལྕེ་རྩད་ཀྱི་གདུང་བརྒྱུད་ཁ་ཡར་སོང་བའི་རིགས་ལྕེ་གཡུ་འབུམ་གྱི་སྲས་ལྕེ་བཙུན་ཤེས་རབ་འབྱུང་གནས་ཀྱིས་ལོ་སྟོན་རྡོ་རྗེ་དབང་ཕྱུག་ཅེས་པས་མདོ་སྨད་ནས་སྡོམ་པ་བླངས་ཤིང་ཆོས་མང་དུ་ཞུས་ནས་བོད་དུ་བྱོན་པའི་ཉེ་གནས་མཛད། བསྟན་པ་ཕྱི་དར་གྱི་ཐོག་མ་ལ་ངོས་འཛིན་ལུགས་མི་མཐུན་པ་མང་ནའང་མེ་བྱ་ལ་བྱུང་པའི་དབང་དུ་བྱས་པའི་ཕྱི་ལོ་ལོ་སྟོན་དང་ལྕེ་དཔོན་སློབ་གཉིས་ཀྱིས་རྒྱན་གོང་གི་གཙུག་ལག་ཁང་བརྩེགས། དེ་རྗེས་ཞྭ་ལུར་བྱུང་བར་བརྟེན་རྡོ་རྗེ་འཆང་ཚར་པ་ཆོས་རྗེས། ཁ་བ་ཅན་ལྗོངས་བསྟན་པ་ཕྱི་དར་གྱི། །ཤིང་རྟའི་སྲོལ་འབྱེད་ལོ་སྟོན་རིན་པོ་ཆེ། །གཙུག་ལག་ཁང་ཆེན་འདེབས་མཛད་ལྕེ་བཙུན་སོགས། ཞེས་ཞ་ལུའི་མ་དགོན་རྒྱན་གོང་ཡིན་ཞིང་ལྕེ་བཙུན་ལོ་སྟོན་གྱི་མཁན་བུ་འགོ་པ་ཡེ་ཤེས་གཡུང་དྲུང་ལ་བསྙེན་པར་རྫོགས་ཀྱང་སླར་རྒྱ་གར་རྡོ་རྗེ་གདན་དུ་འཇིགས་མེད་འབྱུང་གནས་སྦས་པར་སྡོམ་པ་བསྐྱར་བཞེས་མཛད་(༨༧བ)

― GLG020_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

པས་མ་དགོན་འཕགས་ཡུལ་རྡོ་རྗེ་གདན་ལས་འཆད་པའི་ཚང་པའི་བུ་དགོན་བོད་གྱི་རྡོ་རྗེ་གདན་ཞ་ལུ་གསེར་ཁང་དུ་གྲགས་པ་བཞེངས་པའི་རྒྱུ་མཚན་གསེར་སྡིངས་ཀྱི་བག་མ་ལ་གོང་དུ་བྱོན་ནས་འགྲུལ་མི་ཀུན་ལ་གཙུག་ལག་ཁང་ཡ་གི་སུས་བཞེངས་དྲིས་པར། ལོ་སྟོན་གྱིས་བཞེངས་ཟེར། དེ་བཞིན་ཚོང་འདུས་ཀྱི་དབུ་རྩ་བྲག་ཁ་ནས་དྲིས་པས་ཀྱང་ལན་སྔར་བྱུང་བ་ནས། ད་རང་གིས་བཞེངས་པ་ཞིག་དགོས་སྙམ་སྟེ་ལྕེ་བཙུན་གྱིས་བདག་ལྷ་ཁང་ཞིག་བཞེངས་བར་འཚལ་བས་ཉིད་ཀྱིས་མདའ་འཕངས་པ་གར་སླེབས་སུ་བརྩིག་པ་ལགས་ཞུས་ལན་དུ་ད་ལྟར་བྱ་ཞེས་གསུང་པ་ན་ལོ་སྟོན་མཐུ་ཆེ་བས་ཡུལ་ཐག་རིང་ཞིག་ཏུ་སླེབས་དོགས་ནས་མདའ་ནང་གསེར་གྱིས་བཀང་སྟེ་ཕུལ་བ་འཕངས་པ་ད་ལྟའི་དབུ་རྩེ་རྙིང་པའི་ཐོད་དུ་དཔལ་ཁའི་ཞ་ལུ་ཞིག་ལ་ཐེབས་པས་ཕུན་ཚོགས་མྱུ་གུ་གསར་པ་བཞིན་དུ་སྡེ་ཡར་རྒྱས་ཡོང་བའི་རྟེན་འབྲེལ་འགྲིག་ཅིང་། མདའ་དེ་དབུས་སུ་བཞུགས་པའི་མཆོད་རྟེན་ལ་མདའ་འབུམ་དུ་གྲགས། གོང་གི་རྒྱུ་མཚན་དེ་དག་ལ་བརྟེན་ནས་དཔལ་ཞ་ལུ་གསེར་བཀང་ངམ་ཡང་ཡུམ་ཆེན་མོའི་ལྷ་ཁང་གི་ལྷ་ཐམས་ཅད་ལ་གསེར་བྱུགས་པས་གསེར་ཁང་ཡིན་ཡང་ཟེར། གང་ལྟར་རྒྱན་གོང་བཞེངས་ནས་ལོ་སུམ་ཅུ་སོང་བ་མེ་ཡོས་ལ་སྡེ་འདི་ཉིད་བརྩིགས་པའི་དབུ་རྩེ་ནུབ་མའི་ལྷོ་བྱང་གཉིས་དང་། ཤར་མའི་ཡུམ་ཆེན་མོའི་སྟེང་མན། འོག་གི་མགོན་ཁང་བྱེད་ས་སྒོ་ཁང་རྒྱུན་ལམ། དབུ་རྩེ་ལྷོ་མར་རྒྱུ་རིན་པོ་ཆེ་དང་སྨན་སྣ་ཚོགས་ལས་གྲུབ་པའི་ཐུགས་རྗེ་ཆེན་པོའི་སྐུ་རྣམས་བཞེངས། དེས་ལུང་བསྟན་པ་ལྟར་རྒྱ་གར་དུ་བྱོན་ནས། ཇོ་བོ་ཁཪྶ་པཱ་ཎིའི་སྐུ་ཁྱད་འཕགས་གདན་དྲངས་པ་ཆུ་བོ་གངྒཱའི་འགྲམ་ནས་མི་ཉིས་འགྱུར་ལས་ཆེ་བའི་མོན་ནག་ཅིག་(༨༨ན)

― GLG020_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་ཞ་ལུའི་བར་ཁུར་བ་མགོན་པོ་བེང་གི་སྤྲུལ་པ་ཡིན། ཇོ་བོ་ཆེན་པོ་དཔལ་མར་མེ་མཛད་གདན་དྲངས་ནས་རབ་གནས་ཞུས་པས་ཡུམ་ཆེན་མོའི་སྤྱན་ལ་མེ་ཏོག་ཆགས་མདོ་ཕྱོགས་ཀྱི་འཆད་ཉན་ཡང་ཤིན་ཏུ་དར་པས་ཆོས་རྗེ་ཐམས་ཅད་མཁྱེན་པས་མཁན་པོ་གདན་དྲངས་པ་ལ་གདམས་པ་ལས། གཙུག་ལག་ཁང་འདི་ཇོ་བོ་ཨ་ཏི་ཤ་ཆེན་པོས་ཕྱགས་ཕེབ་འགོ་བ་ཡེ་ཤེས་གཡུང་དྲུང་གིས་འདུལ་བའི་བཤད་པ་བཙུགས། པཎྜི་ཏ་འབུམ་ཕྲག་གསུམ་པ་དང་རྔོག་ཆེན་པོས་ཕྱག་ཕེབ་བཤད་གྲ་བཙུགས། འདྲེ་ཁྱུང་གཉིས་ཀྱིས་ཆོས་གཞི་བྱས་པ་ནས་དིང་སང་གི་བར་དུ་བཤད་གྲ་མ་ཉམས་པའི་གྲ་ས་ཡིན། ཞེས་པ་དོན་ལ་གནས་པར་མ་ཟད་བསྟན་པ་ཕྱི་དར་གྱི་གཙུག་ལག་ཁང་དང་འདུས་སྡེ་ཆགས་པའི་ཐོག་མ་ལྟ་བུ་ཡིན་པས་དྲུང་ཆེན་རིན་པོ་ཆེ་ཏཱའི་སི་ཏུ་བྱང་ཆུབ་རྒྱལ་མཚན་ལ་ཕུལ་བའི་ཆབ་ཤོག་ཏུ། བསྟན་པ་ཕྱི་དར་གྱི་དུས་སུ་སྡེ་འདི་བཏབ། ཆོས་སྡེ་བཙུགས་ནས་གཙུག་ལག་ཁང་ཁྱུང་མགོ་ཅན་བརྒྱ་རྩ་བརྒྱད་ཀྱི་མ་མ་ཡིན། གདན་ས་ཆེན་པོ་སྣར་ཐང་ལྟ་བུ་འང་འདི་པའི་ཀ་ཆེན་གཅིག་ལས་གྱེས་པའི་ཡལ་ག་ཡིན་པས། ཆོས་སྡེ་བརྒྱུད་པ་ཅན་གྱི་བདག་པོ་ལགས། ཞེས་གསུངས། ཇོ་བོ་ཆེན་པོའི་ལུང་བསྟན་དང་མཐུན་པར་མཁན་བརྒྱུད་གསུམ་པ་གཡུ་ཐོག་སྒྲ་གསེར་བཟང་གི་དུས་གཙང་གཡས་རུ་ཕྱེ་མ་གཡུ་ཟུར་ཞེས་པའི་གཙང་འགྲམ་དུ་འཕགས་པའི་རྡོ་སྐུ་དབུག་ཉུག་ཙམ་བྱས་བཞུགས་པ་ན་ལང་འགྲོའི་མདའི་ལུག་རྫི་དགེ་བསྙེན་རྡོ་རྗེ་འབུམ་གྱི་ར་ལུག་གི་ཁྲོད་ནས་ར་མ་ཁྱད་འཕགས་ཤིག་གིས་ཇོ་བོའི་དབུ་ལ་བལྡག་པ་དང་གཡས་སྐོར་བྱེད་ཅིང་འོ་མས་སྐུ་ཁྲུས་གསོལ་བ་རྫི་བོས་མཐོང་བར་(༨༨བ)

― GLG020_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་བྱེ་ཁྲོད་ནས་གདན་མ་འདྲོངས་པར་ཞག་གསུམ་གསོལ་བ་བཏབ་པས་ཐུགས་རྗེའི་ཤུགས་ཀྱིས་སྟེང་དུ་བྱོན་པས་མཁན་ཆེན་ཐམས་ཅད་མཁྱེན་པ་ཚར་ཆེན་གྱིས། རབ་དངས་དལ་འབབ་ཆུ་བོ་པཀྵུའི་འགྲམ། །རིན་ཆེན་མུ་ཏིག་བརྡལ་འདྲའི་ཐང་ཡོངས་སུ། །མགོན་པོ་ཁྱོད་སྐུ་དངོས་སུ་བྱོན་པའི་ཚེ། །མཁའ་འགྲོས་བརྔ་བསྟན་སྐལ་བཟང་རྫི་བོས་རྙེད། །གསུང་བ་དོན་ལ་གནས་ཤིང་ཡུལ་གཞན་དུ་གདན་མ་འདྲོངས་པར་གཡས་རུ་གཙང་འགྲམ་གྱི་ལྷ་ཁང་དུ་གདན་དྲངས་དེའི་ཚེ་ཞྭ་ལུའི་དགེ་བཤེས་བརྩོན་འགྲུས་ཀྱི་རྒྱས་འབྲིང་བསྡུས་གསུམ་དང་རྟེན་བརྗེ་བྱས་ཏེ་རི་ཕུག་ཏུ་བཞུགས། ལོ་རྒྱུས་ལ་ལར་སྟག་གི་རྒྱལ་མཚན་གྱི་བུས། གནས་ནང་གི་ལྕགས་རི་ས་སྒོ་ཡན་ཁྲམ་པ་གཉིས་རྣམས་བྱས་རྗེས་རྒྱན་གོང་ལ་དམག་བརྒྱབ་མཆོད་ཆ་ཐམས་ཅད་དང་རྡོ་སྐུ་རང་བྱོན་ཡང་གདན་དྲངས་ཟེར། ཆུ་ཞལ་འཁྲུགས་པའི་དུས་ངོ་བོ་རྐུ་ཐབས་ཀྱིས་ཁྱེར་བ་རི་ཕུག་མའི་ནུས་པས་གཞན་དུ་མ་བགྲོད་པར་བྱང་འབྲོག་གི་རྫིང་དུ་ལུས་པ་རིག་འཛིན་ཆེན་པོ་རཏྣ་གླིང་པའི་ལུང་བསྟན་ཆེན་མོར། ཞ་ལུའི་ཇོ་བོ་ཆུ་མིག་ལ་སྟོད་འབྱོན། ཞེས་པའི་དུས་རྟགས་སུ་སྣང་། སླར་སྐུ་བརྙན་ཞྭ་ལུར་ཕེབས་པ་གར་བཞུགས་སོམ་ཉིའི་ཚེ་མ་པང་དུ་བུ་སྡད་ཆོག་ཅེས་གསུངས་བྱོན་པས་སྤྱན་རས་གཟིགས་པཱ་ཎིའི་སྐུ་མདུན་དུ་བཞུགས་སུ་གསོལ་བ་ནི་ས་ཕྱོགས་ཐམས་ཅད་རང་བཞིན་གྱིས་འཕགས་པའི་སྐུར་ལྷུན་གྱིས་གྲུབ་པ་དམ་ཚིག་པའི་ཐུགས་ཀར་ཡེ་ཤེས་སེམས་དཔའི་རྣམ་པར་བཞུགས་པར་རྟེན་རྡོ་རྗེ་འཆང་ཚར་པ་ཆོས་རྗེས། དེ་ལྟའི་དམ་ཚིག་སེམས་པའི་ཐུགས་ཀའི་དབུས། །ཡེ་ཤེས་སེམས་དཔའི་ཚུལ་དུ་བཞུགས་པ་ནི། །གང་སྐུ་སྟན་གྱི་ཟླ་(༨༩ན)

― GLG020_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེལ་ལྟར་དཀར་ཞིང་། །ནོར་བུ་ཆུ་ཤེལ་བཞིན་དུ་དངས་ཤིང་གསལ། །པདྨའི་གཉེན་ལྟར་འོད་སྟོང་གཟི་བར་བ། །བཅུ་དྲུག་ལང་ཚོ་གསར་པའི་ན་ཚོད་ཅན། །ཞེས་ངོ་མཚར་པའི་བསྔགས་བརྗོད་མཛད། དེ་ལྟར་རྟེན་བརྟེན་པ། དེ་འདུས་སྡེ། བཤད་སྒྲུབ་ཀྱི་བསྟན་པ་དབྱར་མཚོ་ལྟར་འཕེལ་བར་བཀུར་སྟི་རིམ་གྲོ་མཛད་པའི་སྤྱིན་བདག་ལྕེའི་གདུང་རབས་ཞང་ཡེ་ཤེས་ཀུན་དགའི་ལྕམ་མ་གཅིག་མཁའ་འགྲོ་འབུམ་འགྲོ་མགོན་ཕྱག་ནའི་བཙུན་མོར་བྱོན་པ་ནས་བཟུང་། འཇམ་དབྱངས་དོན་ཡོད་རྒྱལ་མཚན་དང་དཔལ་ལྡན་བླ་མ་དམ་པ་བསོད་ནམས་རྒྱལ་མཚན་སྐུ་མཆེད་བླ་ཆེན་ཀུན་རྒྱལ་བ་ཡབ་སྲས་སོགས་གདུང་བརྒྱུད་ཁུ་དབོན་སྐུ་ཞང་ན་རིམ་ལྔའི་བར་སྐུ་ཉེར་འབྲེལ་བ་ནས་ཞ་ལུ་སྐུ་ཞང་དུ་གྲགས། ཕྱག་ནའི་སྲས་བླ་མ་དྷརྨཱ་ཕཱ་ལ་རཀྵི་ཏ་གོང་དུ་བྱོན་ཧོར་རྒྱལ་པོ་ཨོལ་ཇི་དུ་དང་མཇལ་དུས་བོད་ན་ངེད་ཀྱི་ཞང་པོ་ཞ་ལུ་ཁྲི་དཔོན་བྱ་བ་ཡོད་པར་ལུང་ལས་བཟང་པ་གནང་དགོས་ཞུས་པས། བླ་མའི་ཞང་པོ་ཡི་ན་ངེད་ཀྱི་ཞང་པོ་ཡིན་དུ་ཆུག་ལ་ཁྲི་སྟོང་བྱིངས་པོས་ཕུད་དུ་ཁུར་བ་དང་མི་རབས་ཀྱི་བར་ལ་ཁྲི་སྐོར་འཇགས་སུ་ཆུག་གསུང་པའི་ལུང་བཟང་པོ་སྩལ་ཞིང་། གོང་མ་མཆོད་ཡོན་གྱི་སྐུ་རིམ་ལ་དམིགས་ནས་རྟེན་གསུམ་བཞེངས་པའི་ཐེབས་སུ་གསེར་བྲེ་བརྒྱད་དངུལ་བྲེ་བརྒྱའི་གནང་སྦྱིན་སྩལ། དེ་ཡང་ཡིག་ཚང་རྙིང་པ་ལས། །དེ་ཕྱིར་ས་སྐྱའི་དཔོན་ཆེན་ནི། །ཟམ་གླུ་གུན་མིང་དབེན་ཧུ་ཡི། །མིང་ཐོབ་ཤཱཀྱ་བཟང་པོ་དེའི། །དེབ་ཐེར་ཤོག་དྲིལ་ཅན་བཞིན་ཡིན། །ཁྲི་སྐོར་དེ་བས་དབུས་གཙང་གི །འཇའ་མོ་འཛིན་ལུགས་འདི་ལྟར་སྣང་། །ཞེས་ཁྲི་སྐོར་བཅུ་གསུམ་གྱི་ནང་ཚན། །ཚོང་འདུས་(༨༩བ)

― GLG020_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

འཇའ་ཆེན་ཞ་ལུ་པའི། །སྟེང་དུ་བྱ་རོག་ཚང་བའི་དུད། །ལྔ་བཅུ་རྩ་བདུན་རྒྱབ་ནས་འཛིན། །ཞེས་དབུས་གཙང་སོ་སོར་ཁྲི་སྐོར་དྲུག་རེའི་དབུས་གཙང་གི་མཚམས་སུ་ཡར་འབྲོག་ཁྲི་སྐོར་རམ། ཡར་འབྲོག་གཙང་གི་ཕྱོགས་སུ་བསྡུ་བ་ཇི་ལྟར་ཡང་གོང་དུ་བཤད་པའི་ཞ་ལུ་ཁྲི་སྐོར་གྱི་བདག་པོར་གྱུར་པ་ནས་ཁྲི་དཔོན་གཞན་ལས་ལྷག་པ་གདུང་རུས་བཙད་པོ། ལས་ཀ་ཀ་བཞི། དམ་ཆོས་རྒྱ་གར་མ། ས་སྐྱའི་སྐུ་ཞང་། སྦྱིན་བདག་རྒྱལ་པོ་སྟེ་ལྔས་ཆེ་བར་གྲགས། གཡུ་ཐོག་སྒྲའི་སྲས་ལྕེ་འབུམ་ནས་གདུང་རུས་བརྒྱད་པ་སྐུ་ཞང་རྔ་སྒྲའི་སྲས་རྒྱལ་ཆེན་རྣམ་ཐོས་སྲས་ཀྱི་སྤྲུལ་པ་སྐུ་ཞང་གྲགས་པ་རྒྱ་མཚན་གྱིས་གནྡྷོ་ལ་རྙིང་པ་ལ་ཞིག་གསོས། ལྷོ་ནས་ཤིང་ཆ་དྲངས་ཤིང་། རྒྱའི་བཟོ་བོ་མཁས་པ་བཀུག་སྟེ་རྒྱ་ཕིབས་གཡུ་རྩི་ཅན་གསེར་གྱི་འགན་འཇི་ར་བཙུགས་པ་ཆེ་བ་བཞི། གློ་བུར་མིག་མངས་རིས་སུ་བྲེས་པ་གཡུ་རྩིའི་བ་གམ་ལན་ཀན་ལ་གསེར་གྱི་འགན་འཇི་རས་བརྒྱན་པ། གསེར་ཁང་རྒྱ་ཕིབ་སུམ་བརྩེགས། གཞན་རྣམས་ཉིས་བརྩེགས་སུ་ཡོད་པ། བརྟན་པ་ཚོན་སྣ་བརྒྱ་ཕྲག་གིས་བཀྲ་བའི་དེ་བཞིན་གཤེགས་པའི་སྐུ་གཟུགས་བསམ་གྱིས་མི་ཁྱབ་པ། གཙུག་ལག་ཁང་ནུབ་མ་གཉིས་ཀྱི་གཙོ་བོར་རང་བྱོན་འཕགས་པ་དང་། རྣམ་སྣང་། ལྷོར་དུས་གསུམ་སངས་རྒྱས། བྱང་དུ་ཐུབ་དབང་། ཤར་དུ་ཡུམ་ཆེན་མོ། དེའི་འོག་ཏུ་རྒྱལ་ཆེན་རྣམ་ཐོས་སྲས་ཀྱི་མགོན་ཁང་དང་བཅས་པར་འཁོར་གྲངས་ཀྱིས་མི་ཆོད་པས་བསྐོར་བ་རིན་ཆེན་སྣ་ཚོགས་ལས་གྲུབ་པ། གསེར་གྱི་བཀའ་འགྱུར་སོགས་གསུང་རབ་རྣམས་ལ་མཆོད་པའི་སྤྲིན་ཕུང་ཕུལ་དུ་བྱུང་བ། ལྕགས་རིའི་ཁོར་ཡུག་གི་ནང་དུ་དགེ་(༩༠ན)

― GLG020_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

འདུན་གྱི་གནས་མལ། ར་བ་བཞི་ལ་མཆོད་པ་ཆེན་པོ་བཞིས་བཙུགས་ཤིང་། མདོར་ན་སྐུ་གསུང་ཐུགས་རྟེན་དང་དགེ་འདུན་མཆོད་པའི་གཞི་རྟེན། མངའ་འབངས་རྣམས་བསྡུ་བ་རྣམ་བཞིས་དབུགས་དབྱུང་བ་སོགས་ཆོས་རྒྱལ་མེས་དབོན་གྱི་རྣམ་པར་ཐར་པ་ལ་འགྲན་བཞིན་པའི་ངང་ནས་ད་དུང་དགེ་འདུན་རྒྱ་མཚོ་ལྟ་བུ་ལ་ཆོས་འཆད་པ་བརྒྱ་དང་། ཀུན་གྱི་ཆོས་དཔོན་འགྲན་དུ་བཟོད་པ་ཞིག་དགོས་དགོངས་པའི་ཚེ། བསྟན་པ་རིན་པོ་ཆེ་འཕེལ་རྒྱས་ཀྱི་རྟེན་འབྲེལ་འགྲིག་སྟེ་ཆོས་རྗེ་ཐམས་ཅད་མཁྱེན་པ་བུ་སྟོན་རིན་ཆེན་གྲུབ་ཁྲོ་ཕུ་ནས་ལྕགས་ཕོ་སྤྲེའུའི་ལོ་ལ་གདན་དྲངས་ནས་ཁྲིར་ཕེབས་མཁན་པོ་གྲགས་གཞོན་ཡན་ལ་སྔོག་ལོ་སོགས་ཀྱི་ལུགས་སྲོལ་གཙོ་བོར་མཛད་ནའང་། འདི་ནས་ཆོས་ལུགས་ཁྲོ་ཕུ་བ་དང་སྡོམ་རྒྱུན་པཎ་ཆེན་བརྒྱུད་པར་སོང་། ཕར་ཚད་མངོན་པ་སོགས་ཀྱི་འཆད་ཉན་མཛད་པའི་ཚེ་ནག་པོའི་འཚུབ་ལྷོངས་བྱུང་བའང་ཐབས་ལ་མཁས་གཤིས་ཐུགས་རྗེ་ཆེན་པོས་བཏུལ་ཏེ་སྐལ་པ་དང་ལྡན་པའི་གདུལ་བྱ་རྣམས་ལ་མདོ་སྔགས་ཀྱི་ཆོས་འཁོར་རྒྱ་ཆེར་བསྐོས། རིང་ཞིག་ནས་འཇམ་དཔལ་རྒྱུད་ལས། ཡི་གེ་ར་དང་བ་དང་པོ། དགེ་སློང་གང་ཞིག་རབ་འབྱུང་གསུང་། །སྟོན་པའི་བསྟན་པ་གསལ་བྱེད་པ། །འབྱུང་རབ་རབ་འགྱུར་ཐེ་ཚོམ་མེད། །ཅེས་དང་དཔལ་ཨོ་རྒྱན་ཆེན་པོའི་ལུང་བསྟན་རྣམས་གོ་མཐུན་པར་གནས་དང་གང་ཟག་གཉིས་ཀ་ལུང་གིས་ཟིན་པ་དགོོན་གོང་མ་ནི་དཔལ་མར་མེ་མཛད་སྟན་ཆགས་ནས། དེའི་ཕྱག་ཆ་བཞུགས་པའི་མཆོད་རྟེན་དང་། སློབ་མ་པཎ་གྲུབ་གསུམ་གྱིས་བཞེངས་པའི་མཆོད་རྟེན་བཞུགས་པ་སོགས་ཇོ་བོ་རྗེ་ལྷ་གཅིག་གིས་རྨང་བཏིང་བ་ཆོས་རྗེ་ཐམས་ཅད་མཁྱེན་པས་ཇོ་བོ་ཆེན་པོའི་གཟིམས་ཁང་སྤེེའུ་ཞིག་ལ་གཞི་ལྷས་གཙུག་ལག་ཁང་དགེ་འདུན་གྱི་སྡེ་དང་བཅས་པ་བཞེངས། ཀུན་མཁྱེན་འཕགས་འོད་སོགས་མཁས་གྲུབ་དུ་མའི་ཞལ་ལུང་ལས་བྱུང་བའི་འཕགས་ཡོག་དུས་གསུམ་གྱིས་མཚོན་པའི་རྒྱུད་སྡེ་རྒྱ་(༩༠བ)

― GLG020_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོའི་སྨིན་གྲོལ་ཕྱག་ལེན་རྒྱུད་བཤད་མན་ངག་སོགས་ཐུགས་ཀྱི་བུམ་བཟང་ཡོངས་སུ་གཏམས་པ་དགོན་གོང་དུ་གསང་སྔགས་དང་མཐིལ་དུ་བཀའ་པོད་བཅུའི་འཆད་ཉན་སོགས་ཉིན་མཚན་བར་མེད་དུ་མཛད་པའི་སྙན་གྲགས་ཀྱིས་ཁ་ཆེའི་པཎྜི་ཏ་སུ་མ་ན་ཤྲཱི་བྱོན་པར་དུས་འཁོར་ཡོངས་རྫོགས་གནང་ཞིང་། པན་ཆེན་ལ་བདེ་མཆོག་པད་དྲ་གསན། སྲིད་པ་གསུམ་ན་འགྲན་ཟླ་དང་བྲལ་བའི་ཆོས་རྗེ་བླ་མ་དམ་པ་སོགས་འཁོན་རིགས་འཇམ་དཔལ་དཔའ་བོ་དུ་མ། རྒྱལ་སྲས་སེམས་དཔའ་ཆེན་པོ། སྒྲ་ཚད་པ་རིན་ཆེན་རྣམ་རྒྱལ། གོང་གསུམ་བདེ་ཆེན་པ་ཆོས་ཀྱི་དཔལ་བ། ཁྱུང་ལྷས་པ་གཞོན་ནུ་བསོད་ནམས། ཡོ་ག་པ་མགོན་པོ་བཟང་པོ་སོགས་དབུས་གཙང་གི་དག་པའི་བཤེས་གཉེན་གྲངས་མེད་པ་ཞལ་སློབ་ཏུ་བྱུང་ནས་སྔ་སྣོད་གསུམ་དང་རྒྱུད་སྡེ་བཞིའི་བཤད་སྒྲུབ་ཀྱིས་གངས་ཅན་དཔལ་མོའི་ལྟོ་བ་ཡོངས་སུ་ལྕི། གནམ་གྱིས་སྐོས་པའི་རྒྱལ་པོ་དཔལ་ཕག་མོ་གྲུ་པ་ཏཱའི་སི་ཏུ་བྱང་ཆུབ་རྒྱལ་མཚན་སོགས་ཆེ་རྒུ་མཐའ་དག་གིས་རིགས་གི་ཅོད་པན་དུ་བསྐུར། ཐུགས་སྲས་ལོ་ཙཱ་བ་སོགས་དང་ས་སློབ་རྣམས་ལ་སྙིགས་དུས་ཀྱི་རྒྱལ་བ་གཉིས་པ་ཤར་བཙོང་ཁ་པ་བློ་བཟང་གྲགས་པའི་དཔལ་གྱིས་རྒྱུད་སྡེ་བཞིའི་དབང་བཀའ་མན་ངག་མཐའ་དག་གསན་པས་མཚོན། བུ་སྟོན་ཐམས་ཅད་མཁྱེན་པའི་འཕྲིན་ལས་མ་དྲོས་པའི་མཚོ་ཆེན་ལས་རིས་མེད་གྲུབ་མཐའི་ཆོས་རྒྱུད་ཆུ་བོ་རྣམ་བཞི་ཕྱོགས་ཀུན་ཏུ་བབས་པས་རྒྱལ་བསྟན་ཡོངས་ཀྱི་ཕྱི་མོ་ལྟ་བུར་སྣང་། དེ་ནས་མཁན་ཐོག་ཁ་ཡར་སོང་མཚམས་ཉིད་ཀྱི་བཤད་གྲ་རྣམས་རིམ་གྱིས་འགྲིབས་ནའང་། མཁས་པ་ཙནྡྲ་ཤྲཱི། ཤར་ཆེན་ཡེ་ཤེས་རྒྱ་མཚོ། རྡོ་རྗེ་འཆང་མཁྱེན་རབ་ཆོས་རྗེ་སོགས་རྗེས་འབྲངས་ཀྱི་མཁས་གྲུབ་མཁའ་ལ་རྒྱུ་སྐར་ལྟར་འཁྲིགས་པས་རྒྱུད་སྡེ་བཞིའི་བཤད་སྒྲུབ་གྱི་རིམ་པ་མ་མཉམ་པར་གནས་པ་དག་རྗེས་འཇུག་འདུ་འཛི་དང་ལེ་ལོའི་མལ་དུ་འབྱར་བ་དུ་མའི་སྐྱོན་གྱིས་དགུན་ཆུ་ལྟར་ཉག་ཇེ་ཕྲར་སོང་མཚམས་ཆོས་རྗེ་ཐམས་ཅད་མཁྱེན་པ་ཉིད་ཀྱི་སྤྲུལ་པའི་(༩༡ན)

― GLG020_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློས་གར་ཚར་ཆེན་ཆོས་ཀྱི་རྒྱལ་པོ་དང་། ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་ཡབ་སྲས་གཉིས་མཁན་ཐོག་ཏུ་བྱོན་ནས་བསྟན་པའི་མེ་རོ་ལེགས་པར་གསོ་བར་མཛད་ནའང་། རྗེས་ཀྱི་མཁན་ཐོག་རིམ་བྱོན་རྣམས་རེག་ལ་མ་འབྱོར་བ་ལྟ་བུའི་དར་རྒྱས་ཆེར་མ་སོང་བའི་ཚེ། འཇམ་དབྱངས་བྱང་གླིང་རྗེ་བཀྲ་ཤིས་རྒྱལ་མཚན་གྱི་རྣམ་སྤྲུལ་ཁྱབ་བདག་རྡོ་རྗེ་སེམས་དཔའི་ངོ་བོ་མཁན་ཆེན་རིན་ཆེན་བསོད་ནམས་མཆོག་གྲུབ་བསྟན་པའི་རྒྱལ་མཚན་དཔལ་བཟང་པོས་རང་གི་སྙན་གྲགས་དང་དབང་ཐང་སོགས་དོན་དུ་གཉེར་བ་མི་མངའ་བའི་བསྟན་པ་སྤྱི་དང་བྱེ་བྲག་ཀུན་མཁྱེན་བུའི་རིང་ལུགས་ཐུགས་ལ་བཅགས་པའི་རྒྱལ་སྲས་སྤྱོད་པའི་རྣམ་ཐར་ཁོ་ནས་གསུང་གླེང་ལ་ཁྱབ་བདག་རྣམ་སྣང་ཆེན་པོ་རྡོ་རྗེ་སེམས་དཔའ་རབ་གསལ་ཟླ་བ་སོགས་ནས་རིམ་པར་བརྒྱུད་དེ་འཕགས་ཡུལ་གྱི་མཁས་པ་མི་གསུམ། ཁྱད་པར་ཁ་ཆེ་དྷརྨ་པཱ་ལ་ནས་རྒྱུད་དེ་སློབ་དཔོན་ཆེན་པོ་ཀུན་དགའ་སྙིང་པོའི་དབང་བཤད་བཀའ་གདམས་ངག་མ་ལུས་པ་སྤྲུལ་པའི་སྐྱེས་མཆོག་ལོ་ཙཱ་བ་རིན་ཆེན་བཟང་པོས་བསྒྱུར་ཅིང་འཆད་ཉན་གྱིས་གཏན་ལ་ཕབ་པའི་སྟོད་ལུགས་སྨད་ལུགས་ཀྱི་བཞེད་སྲོལ་ཀུན་མཁྱེན་འཕགས་འོད་ཡོན་ཏན་རྒྱ་མཚོའི་བར་དུ་ཟམ་མ་ཆད་པར་ཤེས་བྱ་ཐམས་ཅད་མཁྱེན་པ་བུ་སྟོན་རིན་ཆེན་གྲུབ་ལ་བཀའ་བབས་ཤིང་། དཔལ་ལྡན་བླ་མ་དམ་པ་ཀུན་མཁྱེན་འཕགས་པ་ཡོན་ཏན་རྒྱ་མཚོའི་གསུང་གིས། ངའི་རྣལ་འབྱོར་རྒྱུད་ཀྱི་ཕྱག་ལེན་དྲི་མ་མེད་པ་འདི་བླ་མ་བརྒྱུད་པ་གཞོན་སོ་དཀར་ནས་རྒན་སྐྲ་དཀར་གྱི་བར་དུ་རྣལ་འབྱོར་རྒྱུད་སྐོར་ལ་སྦྱངས་པའི་མཁས་པའི་ལག་ལེན་ཡིན། ཆོས་ཀྱི་རྣམ་གྲངས་གསོག་པའི་ལུང་ཐོབ་རེ་ཙམ་བྱས་ནས་བརྒྱུད་པའི་ཕྱག་ལེན་བཟང་པོ་ཆུད་གཟན་པའི་ལག་ལེན་བླ་ཆོས་ལ་གཏང་བའི་གདུག་པའི་སློབ་དཔོན་གྱི་ལག་ལེན་གྱིས་ཆུད་མ་གཟོན་པ་ཡིན་པས་ཁྱེད་ཀྱིས་ཀྱང་བརྒྱུད་པའི་གདམས་ངག་མ་ཆད་གཟོད་པར་མགོ་ཐོན་(༩༡བ)

― GLG020_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་གསུངས་པ་བཞིན་དུ་ཐུགས་ལ་བཞག་ནས་ཡིག་འཇོག་དང་དབང་བཤད་གདམས་ངག་ཆུད་གཟན་པར་བྲིས་ཐིག་གར་དབྱངས་སོགས་གངས་ཅན་གྱི་ལྗོངས་སུ་དར་བར་མཛད་པ་སླར་ཡང་དགའ་ལྡན་ཡིད་དགའ་ཆོས་འཛིན་ནས་ཐུགས་རྗེའི་བྱིན་རླབས་འཕྲུལ་པོ་ཆེ་ལས། མཁྱེན་རབ་རིན་པོ་ཆེ་བྱོན་ཏེ་རྩེ་མོའི་སྒྲུབ་མཆོད་གསར་འཛུགས་སོགས་ཉམས་གསོས་ཆེར་མཛད་པས་རྣམ་ཐར་དུ། ང་དགའ་ལྡན་ནས་བུ་སྟོན་ཐམས་ཅད་མཁྱེན་པས་ཞ་ལུར་རྣལ་འབྱོར་རྒྱུད་ཀྱི་བསྟན་པ་སྤེལ་བ་ལ་བཏང་བ་ཡིན་ཀྱང་ཞལ་ལུ་བ་རྣམས་ཀྱིས་བྱེད་དཔགས་ཀྱི་ཕན་ཐོགས་ཆེན་པོ་མ་བྱུང་བས་ཆོས་རྗེའི་དྲུང་དུ་འགྲོ་བ་ལ་ངོ་གནོང་བ་ཡང་གསུང་བ་དང་། རྡོ་རྗེ་འཆང་བཀའ་འགྱུར་བས། རྣལ་འབྱོར་རྒྱུད་འདི་ཕྱག་ལེན་དཀའ་ལ་དཀོན་པ་འདུག་པས་དར་ཞིང་རྒྱས་པ་ཞིག་བྱུང་ན་བསམས་གོང་དཀར་ཆོས་སྡེར་ཡོ་ག་སྒྲུབ་མཆོད་ཉིན་གཅིག་སྤར་ཐུབ། ང་ཞ་ལུར་རྣལ་འབྱོར་རྒྱུད་ཀྱི་དཀྱིལ་འཁོར་བཅུ་གསུམ་པོ་སྒོ་བཞིའི་ཕྱག་ལེན་གར་དབྱངས་རྒྱས་པ་ཞིག་ཚུགས་ལ་རེ་ཡིན་ཞེས་པས་མཚོན། འཕགས་བོད་བརྒྱུད་པའི་དམ་པ་རིམ་བྱོན་གྱི་བཞེད་པ་སྐོང་ཞིང་རྗེ་ཉིད་ཀྱི་བཀའ་དྲིན་མཉམ་མེད་རྩ་བའི་བླ་མ་རྡོ་རྗེ་འཆང་དབང་ཕྱུག་རབ་བརྟན་ཁུ་དབོན། ཨེ་ཝཾ་སྒྲུབ་ཁང་པ་དཔལ་ལྡན་དོན་གྲུབ་གསུམ་གྱི་ཟག་མེད་ཆོས་ཀྱི་དབྱིངས་སུ་དགོངས་པ་ཁྱད་པར་ཅན་རྫོགས་པ་རྗེ་བཙུན་བླ་མ་ཉིད་ཀྱི་ས་ལམ་གྱི་ཡོན་ཏན་བོགས་འདོན་ཐུབ་བསྟན་སྤྱི་བྱེ་བྲག་དང་། ཁྱད་པར་ངེད་རང་གི་རིམ་གྲོ་སོགས་ལ་དགོངས་པ་བསྟད་དེ་ལོ་ལོ་བཞིན་རྒྱལ་བས་ཆོ་འཕྲུལ་བསྟན་པའི་མཉན་ཡོད་མཆོད་པའི་དུས་ཆེན་གྱི་ཐོག་དཔལ་ལྡན་རྣལ་འབྱོར་རྒྱུད་ཀྱི་རྩ་བཤད་ཆ་མཐུན་འཕྲོས་ཡན་ལག་རྒྱུད་དང་བཅས་པའི་དཀྱིལ་འཁོར་ཆེན་པོ་བཅུ་གསུམ། དཔལ་རྡོ་རྗེ་འཇིགས་བྱེད་རྭ་ལུགས་ཐུན་མོང་མ་ཡིན་པ་ལྷ་བཅུ་གསུམ། བསྟན་པ་རྒྱས་པའི་རྟེན་འབྲེལ་དུ་ཐུབ་དབང་གནས་བཅུར་བཅས་པའི་ཕྱག་མཆོད་རྣམས་ཀྱི་སྒྲུབ་མཆོད་གསར་འཛུགས་ཀྱིས་(༩༢ན)

― GLG020_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

རིས་གསར་སྦྱོར་དགོས་པའི་རྟེན་དུ་བཀྲ་ཤིས་ཁ་བཏགས། དངུལ་གྱི་རྣམ་རྒྱལ་མཆོད་རྟེན། ཇུས་ལུ་ཧིའི་གོས་བེར་ནང་ལྡན། ཁ་ཐི་དམར་སེར། གོས་རྒྱན་གཞི་སྔོ་དམར། གོས་ལུ་ཧི་ཡུག་རྣམས་སྤུས་ལེགས། མཎྜལ། མདོང་མོ། ལྔ་བཅུ་མ་སོགས་ཁྱོན་སྡོམས་དངུལ་སྲང་སུམ་བརྒྱ་ལྷག་བཅས། རྟ་ལྔ། དྲེའུ་གཉིས། ཀ་རས་ཡུག་གཉིསཀྱི་གནང་ཆ་དང་བཅས་ཐུགས་རྩོལ་ཆེན་པོའི་བཀའ་ནན་དང་། གཞན་ཡང་ཆོས་རྗེ་ཐམས་ཅད་མཁྱེན་པས་ཆོས་ཀྱི་འཁོར་ལོ་རྒྱ་ཆེན་བསྐོར་བའི་རི་ཕུག་ཆོས་ཁྲི་ཐང་གའི་སྟེང་དུ་གསེར་ཐོག་འབུབས་དགོས་ཚུལ་ཕེབས་པ་བོད་ཡུལ་གྱི་ཆོས་སྡེ་སྤྱི་འགྲེ་ལས་ཞ་ལུ་པའི་བླ་གྲ་གང་གི་གོ་ཡུལ་བཟུང་བའི་ཁྲལ་བབས་ཀྱི་འབུར་དོད་དགོས་པ་མེད་ནའང་། དཔལ་ལྡན་བླ་མ་དམ་པའི་བཞེད་པ་བསྒྲུབ་པ་དང་རྣལ་འབྱོར་རྒྱུད་ཀྱི་བསྟན་པ་ལ་བསམ་ནས་མཆོད་ཐེབས་དར་རྒྱས་ཆུ་བཏགས་ཀྱིས་གཙོས་གཞིས་ཀ་མ་ལག་བཞི་མི་སེར་བསྡད་གྲོང་ཁྲལ་རྐང་བཅུ་བདུན། དྲུག་ཟུར་གཅིག །རྡོ་ཐབ་པ་གཉིས་ཀྱི་ཡོང་འབབ། གཞིས་ཐོན་སྒྲགས་པའི་འབྲུ་རྐྱང་ཐོག་ཤ་མར་ར་ལུག་ལ་གོང་རྒྱབ་བཅས་ཁྱོན་མཁར་ཁལ་སྟོང་ཕྲག་གཉིས་དང་ཉིས་བརྒྱ་རྩ་ཤིང་གི་བདག་ཐོབ་གང་ཡོད་དང་། གཞིས་རྩེ་ནས་བཟང་ཇ་དང་ཤ་ཤན་ཕྱེད་འདྲེས་མཁར་རྒྱའི་དམར་འདེགས་ཁལ་སུམ་ཅུ་ལྷག་བཅས། བུ་རམ་མཁལ་བཅུ་རྣམས་གཏོང་དེབ་ལ་འཁོད་པའི་སྦྱོར་འཇགས་འབྱེད་ཁྲ་ཟུར་གསལ་བཞིན་ཞུས་པའི་ལོ་སྟར་ཆགས་སུ་ཆད་མེད་དགོས་པའི་བླང་དང་དོར་བྱའི་བཅའ་ཡིག་གི་རིམ་པ་ལ། གནས་བཅུ་མ་གཏགས་པའི་དཀྱིལ་འཁོར་བཅུ་བཞི་པོ་རྣམས་ཕྱག་ཆེན་ཐིག་ལེ་ལས། དབང་མེད་ན་ནི་དངོས་གྲུབ་མེད། །བྱེ་མ་བཅིར་ཡང་མར་མེད་བཞིན། གང་ཞིག་རྒྱུད་ལུང་ང་རྒྱལ་གྱིས། །དབང་བསྐུར་མེད་པར་འཆད་བྱེད་པ། །སློབ་དཔོན་སློབ་མ་ཤི་མ་(༩༢བ)

― GLG020_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

ཐག །དངོས་གྲུབ་ཐོབ་ཀྱང་དམྱལ་བར་སྐྱེ། །དེ་བས་འབད་པ་ཐམས་ཅད་ཀྱིས། །བླ་མ་ལ་ནི་དབང་ནོད་བྱ། ཞེས་སྨིན་རུང་དུ་མ་བྱས་པར་གསང་སྔགས་བྱུང་རྒྱལ་དུ་སྦྱང་པ་ཉེས་དམིགས་ཤིན་ཏུ་ཆེ་ཞིང་། གསང་བའི་མཛོད་ལས། དབང་བསྐུར་ཡང་དག་སྦྱིན་ལྡན་ན། །སྐྱེ་ཞིང་སྐྱེ་བོར་དབང་བསྐུར་འགྱུར། །དེ་ཡིས་སྐྱེ་བ་བདུན་ན་ནི། །མ་བསྒོམས་པར་ཡང་སངས་རྒྱས་འགྱུར། །ཞེས་དབང་ཐོབ་པའི་ཕན་ཡོན་རྒྱུད་སྡེ་རྣམས་སུ་རྒྱ་ཆེར་བསྔགས་པ་ལྟར་ཡིན་ལ། དབང་དེ་ཡང་སློབ་དཔོན་ལ་ལེགས་པར་བལྟོས་དགོས་ཀྱི། གཞན་གྱིས་ནི་མ་ཡིན་ཏེ། འཇམ་དཔལ་སྒྱུ་འཕྲུལ་དྲ་བར། སློབ་དཔོན་མེད་པར་གྱུར་ན་ནི། །དངོས་གྲུབ་འཐོབ་པར་མི་འགྱུར་བས། །སློབ་དཔོན་མཚན་ཉིད་བཤད་པར་བྱ། །ཞེས་དང་། རྡོ་རྗེ་འབྱུང་བར། སློབ་དཔོན་ལ་ནི་དབང་བསྐུར་འཐོབ། །ཅེས་གསུངས། དབང་ཡང་རྩ་བཤད་སོགས་ལ་སློབ་མའི་དབང་དང་སློབ་དཔོན་གྱི་དབང་གཉིས་ཅར་ཐོབ་དགོས་པས། ཆོས་གྲ་ཆེན་པོ་འདི་གའི་མཁན་སློབ་ཟུར་འཆད་དང་ཧོར་ཁོངས་སུ་བྱུང་བ་རྣམས་གོང་དཀར་རྡོ་རྗེ་གདན། ཨེ་ཝམ་ཆོས་ལྡན། བཀྲ་ཤིས་ཆོས་སྡེ་སོགས་བརྒྱུད་ཁུངས་གཅིག་པ་རྣམས་ནས་དབང་ལེགས་པར་ནོས་རྗེས། མཁས་པའི་དབང་པོ་དཔང་ལོ་ཙཱ་བ་ཆེན་པོས། རྒྱལ་བའི་སྲས་ཀྱིས་ཤེས་བྱ་ཐམས་ཅད་ལ། །བསླབ་པར་གསུངས་ཕྱིར་ཇི་སྙེད་མཁྱེན་པ་ཡི། །ཡེ་ཤེས་རྒྱུ་རུ་འགྱུར་བས་ཤེས་ལྡན་རྣམས། །བྱང་ཆུབ་དོན་གཉེར་བསམ་པས་འདི་བླང་རིགས། །ཞེས་བླ་ན་མེད་པའི་བྱང་ཆུབ་ཀྱི་རྒྱུ་རུ་འགྱུར་པའི་སེམས་ཀྱིས་ཀུན་ནས་བླངས་ཏེ་ཤེས་བྱའི་གནས་གང་ལའང་བསླབ་རིགས་པར་གསུངས་ན། གསང་ཆེན་རྡོ་རྗེ་ཐོག་པའི་མངོན་དཀྱིལ། སྦྱིན་སྲེག །གར་ཐིག་དབྱངས་གསུམ། ཕྱག་ལེན་ཆེ་ཕྲ་མཐའ་དག་ལ་ཞིབ་མོར་དཔྱད་དེ་ཐོས་བསམ་གྱིས་གཏན་ལ་ཕབ་པས་བསྟན་(༩༣ན)

― GLG020_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རིན་པོ་ཆེའི་གསལ་བྱེད་དུ་འགྱུར་བར་མ་ཟད། རང་ཉིད་རིང་པོར་མི་ཐོགས་པར་ལྔ་ལྡན་ཡེ་ཤེས་ཁྱབ་བདག་རྡོ་རྗེ་སེམས་པའི་སྐུ་མངོན་དུ་བྱེད་པའི་དགོས་པ་ཁྱད་པར་ཅན་ཡོད་པའི་ཕྱིར་ན་འོག་ཏུ་གསལ་བ་རྣམས་ཁོང་དུ་ཆུབ་པར་བྱས་ཏེ་བསྟར་དགོས་པའི་རྒྱུ་མཚན་ཡང་དཔལ་རྡོ་རྗེ་དབྱིངས་ཀྱི་དཀྱིལ་ཆོག་བུ་སྟོན་ཐམས་ཅད་མཁྱེན་པས་མཛད་པའི་རིན་ཆེན་བསམ་འཕེལ་ལ་མཁྱེན་རབ་ཆོས་རྗེའི་ཕྱག་ལེན་ཇི་ལྟ་བ་ཆོས་རྗེ་དབོན་རྒྱལ་བས་ཟིན་བྲིས་སུ་མཛད་པ་བཞིན། ཁྲུས་ཀྱི་སྐབས་སུ་ནང་ཁྲུས། གསང་ཁྲུས། རྣལ་འབྱོར་གྱི་ཁྲུས། ཕྱིའི་ཁྲུས་བཞི་སྟེ། བཤད་རྒྱུད་རྡོ་རྗེ་རྩེ་མོའི་རྒྱུད་ལས། ཉིན་རེ་བཞིན་ནི་ཅི་ནུས་པར། །ཁྲུས་བཞི་དག་ནི་རབ་ཏུ་བྱ། །རྣལ་འབྱོར་ཇི་ལྟར་འཁྲུལ་བྱ་བ། །གོ་རིམས་བཞིན་དུ་རབ་ཏུ་བཤད། །སྡོམ་པ་གསུམ་ལ་རབ་ཏུ་གནས། །དང་པོའི་ཁྲུས་སུ་བརྗོད་པ་ཡིན། །གཉིས་པ་རྒྱུ་ལས་གསུངས་པ་ཡི། །བཤགས་དང་གསོལ་བ་འདེབས་ལ་སོགས། །ཕྱག་རྒྱ་བཅིང་པ་གསུམ་པ་སྟེ། །བཞི་པ་ཆུ་སྟེ་ཐ་མ་ཡིན། །ཞེས་གསུངས་པའི་སྡོམ་པ་གསུམ་ནི་བཤད་རྒྱུད་རྡོ་རྗེ་རྩེ་མོར། བརྟན་པ་མ་ཐོབ་བར་དུ་ཡང་། །ཁ་ན་མ་ཐོ་རྡུལ་མེད་ཅིང་། །སྡོམ་པ་གསུམ་ལ་གནས་པར་བྱ། །སོ་སོར་ཐར་དང་བྱང་ཆུབ་སེམས། །རིག་འཛིན་ནང་གི་སྡོམ་པའོ། །ཞེས་གསུང་པས་ཐོག་མར་སྡོམ་གསུམ་རྣམ་པར་དག་པ་ལ་གནས་པ་གལ་ཆེ་ཞིང་། དེས་ཉམས་སུ་ལེན་རྒྱུའི་ཆོ་གའི་རིམ་པ་ལ། ཆོ་ག །ཕྱག་ལེན། གར་དབྱངས། སྒོ་བཞིའི་ཆོ་ག་རྒྱས་པ་གོང་མའི་ཕྱག་ལེན་ཆུ་བབས་མ། ཐུགས་སྲས་ལོ་ཙཱ་བས་སྐུ་ཞང་ནམ་མཁའི་མཚན་ཅན་ལ་རྡོར་དབྱིངས་ཀྱི་དབང་གི་ཆོས་ཀྱི་འཁོར་ལོ་བསྐོར་བའི་རྗེས་གནང་གི་ཚེ། བུ་སྟོན་རིན་པོ་ཆེའི་དབང་རྫས་རྣམས་གནང་སྦྱིན་དུ་སྩལ། ངའི་རྣལ་འབྱོར་རྒྱུད་སྐོར་གྱི་བསྟན་པ་ཁྱོད་(༩༣བ)

― GLG020_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་པ་དང་བཅས་པ་གཏད་པ་ཡིན་པས་མ་ཉམས་པ་གྱིས་ཤིག་གསུངས་པ་ལྟར་དགེ་འཕེལ་ཆོས་རྫོང་དུ་སྒྲུབ་མཆོད་སྒོ་བཞིའི་ཕྱག་ལེན་ཆོས་སྐྱོང་ཆེན་པོའི་བསྟོད་རིང་སོགས་ཆག་མེད་དུ་ཚུགས་པའི་རྒྱུན་སྐུ་ཞང་མཆོག་ལེགས་རྣམ་རྒྱལ། མཁས་པའི་དབང་པོ་ཙནྡྲ་ཤྲཱི། སློབ་དཔོན་རིན་ཆེན་དཔལ་གྲུབ། རྡོ་རྗེ་འཆང་མཁྱེན་རབ་ཆོས་རྗེའི་སྐུ་ཚེའི་སྟོད་ཀྱི་བར་དུ་ཡོད་པ། དུས་འགྱུར་གྱིས་རི་ཕུག་བླ་བྲང་ཤར་ཆེན་དུ་ཚུགས་པ་སྐུ་ཞང་ཆོས་རྗེ་ཕུན་ཚོགས། སྐུ་ཞང་བསོད་ནམས་མཆོག་གྲུབ། སྐུ་ཞང་རིན་ཆེན་བཀྲ་ཤིས་བསོད་ནམས་རྒྱལ་མཚན་ཡན་ལ་དར་རྒྱས་སུ་བྱུང་བ། སྐུ་ཞང་ནམ་མཁའ་ཆོས་ལྡན་པ། ཆོས་རྗེ་ཀ་བཞི་བའི་སློབ་མ་ཕྱག་ཆེན་པའི་ཧར་སྤྱོད་ཀྱི་རྣམ་པས་དོ་དམ་མ་མཛད་པར་ཆག་སྟེ་ཉག་ཕྲ་བར་གྱུར་པ་འཕགས་པའི་ཡུལ་དུ་སྟོད་འགྲེལ་བའི་ལུགས་ལྟར་སིངྒལ་ཞེས་པ་ཕྱོགས་འདིར་དམར་སེར་ཅན་དུ་གྲགས་ཤིང་། འཇམ་དབྱངས་གོང་མའི་ཁབ་ཏུ་ཏིང་ཟི་ཞེས་རབ་བྱུང་བཅུ་གཅིག་པའི་མེ་མོ་སྦྲུལ་ཀྱི་ལོ་ཆུ་ཤེལ་གྱི་དབང་པོ་རྟ་ཆེན་གྱིས་ཉ་བའི་ཚེས་གཅིག་ལ་ཐོག་མའི་སྔོན་འགྲོར་སློབ་དཔོན་ཆེན་པོ་ཤྲཱདྡྷ་ཀཱ་ར་ཝ་རྨས་མཛད་པའི་ཆ་གསུམ་གྱི་ཆོ་ག་གསལ་བྱེད་ཡོ་ག་བ་ཆེན་པོ་མཁས་གྲུབ་སངས་རྒྱས་ཚེེ་དཔལ་གྱིས་མཛད་པ་བཞིན་དབྱངས་རོལ་དང་བཅས་རྒྱས་པར་སྒྲུབ་པ་ནས་བརྩམས་ཏེ་བཀྲ་ཤིས་ཀྱི་བར་སྒོ་བཞིའི་ཆོ་གའི་ཕྱག་ལེན་ཐུར་གསལ་ལྟར་དང་། དེ་བཞིན་དུ་རྡོར་དབྱིངས་འགྲེལ་ལུགས་དབང་མཆོག་རྒྱས་པའི་ཁ་སྐོང་དུ་ཀུན་མཁྱེན་བུས་མཛད་པ་ལ་བྱང་གླིང་ཆོས་རྗེའི་ལྷན་ཐབས་སྦྱར་བ། དུམ་བུ་གཉིས་པ་ཁམས་གསུམ་རྣམ་རྒྱལ་གྱི་དཀྱིལ་ཆོག་ཆོས་རྗེ་ཐམས་ཅད་མཁྱེན་པས་མཛད་པར་འཇམ་དབྱངས་བྱང་གླིང་རྗེའི་ལྷན་ཐབས་སྦྱར་བ། བཤད་རྒྱུད་རྡོ་རྗེ་རྩེ་མོ་རིགས་བསྡུས་ཀྱི་དཀྱིལ་ཆོག་བུ་སྟོན་ཐམས་ཅད་མཁྱེན་པས་མཛད་པ་མཁས་པའི་ཡིད་འཕྲོག་ལ་མཁྱེན་རབ་རིན་པོ་ཆེའི་ལྷན་ཐབས་(༩༤ན)

― GLG020_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱར་བ། ཆ་མཐུན་གྱི་རྒྱུད་རྡོ་རྗེ་འཆང་གི་རིགས་དཔལ་མཆོག་རྡོ་རྗེ་སེམས་པའི་དཀྱིལ་ཆོག་ཐམས་ཅད་མཁྱེན་པ་བུ་སྟོན་རྗེས་མཛད་པར་བྱང་གླིང་རྗེའི་ལྷན་ཐབས་སྦྱར་བ། དཔལ་མཆོག་རིགས་བསྡུས་ཀུན་མཁྱེན་བུས་མཛད་པའི་དཀྱིལ་མཆོག་གི་དགོངས་དོན་ཇི་ལྟ་བ་ཤར་ཆེན་ཡེ་ཤེས་རྒྱ་མཚོས་ལེགས་པར་བཀྲལ་བ་ལ་ཐམས་ཅད་མཁྱེན་པ་རྡོ་རྗེ་གདན་པའི་གསུང་མཆན་གྱིས་བརྒྱན་པའི་ཕྱག་བཞེས་བཞིན། ཐོག་མར་ཆ་གསུམ། བུམ་པ་འབུལ་བ། སྒོ་དབྱེ་བ། ཕྱོགས་གཏོར་རྒྱས་པ། ཡན་ལག་གི་རྒྱུད་ཆོས་དབྱིངས་གསུང་དབང་གི་དཀྱིལ་མཆོག་མཁས་པའི་དགའ་སྟོན་དང་བསྟོད་ཆེན་ཀུན་མཁྱེན་བུས་མཛད་པ་ལ། ཐིག་རྩ། ཕྱག་རྒྱ་འཆིང་ཚུལ། དཀྱིལ་འཁོར་འདྲི་ཚུལ། ཆོ་གའི་ལྷན་ཐབས་རྣམས་བྱང་གླིང་འཇམ་པའི་དབྱངས་ཀྱིས་མཛད་པ་སྦྱར་བ། འཇམ་དཔལ་གསང་ལྡན་མཁས་གྲུབ་ཁྱུང་ལྷས་པ་གཞོན་ནུ་བསོད་ནམས་ཀྱིས་མཛད་པའམ། ཤངས་པ་དགེ་བསྙེན་ཡོངས་གྲགས་རྒྱལ་བས་མཛད་པ་གང་རུང་ལ། མཁྱེན་རབ་རྗེའི་ཞལ་སློབ་དབང་ལྡན་ཆོས་འཁོར་བ་དགེ་འདུན་དཔལ་བཟང་གི་ལྷན་ཐབས་སྦྱར་བ། འཇམ་དཔལ་རིགས་བསྡུས་རྡོ་རྗེ་འཆང་མཁྱེན་རབ་ཆོས་རྗེས་མཛད་པའི་དཀྱིལ་ཆོག་བཞིན། རྩ་རྒྱུད་དུམ་བུ་གཉིས་པའི་ངན་འགྲོ་དགུག་ཅིང་སྡིག་པ་དཔྲལ་བའི་སྐབས་ནས་འཕྲོས་པའི་ཚུལ་དུ་གསུངས་པའི་རྒྱུད་ཀུན་རིག་རྩ་བའི་དཀྱིལ་འཁོར་གྱི་དཀྱིལ་ཆོག་ཀུན་མཁྱེན་བུས་མཛད་པར་འཇམ་དབྱངས་ཆོས་ལེགས་དཔལ་དར་བཟང་པོའི་ལྷན་ཐབས་སྦྱར་བ། ཤཱཀྱ་སེང་གེ་གཙུག་ཏོར་དགུ་པའི་དཀྱིལ་ཆོག་བུ་སྟོན་རིན་པོ་ཆེས་མཛད་པ་ལ་བྱང་གླིང་པ་རིན་ཆེན་བཀྲ་ཤིས་རྒྱལ་མཚན་གྱིས་ལྷན་ཐབས་སྦྱར་བ། རྡོ་རྗེ་མི་འཁྲུགས་པ་ཡོ་གར་བཀྲལ་བའི་དཀྱིལ་ཆོག་ཐམས་ཅད་མཁྱེན་པ་བུས་མཛད་པར་ཆོས་རྗེ་དབོན་(༩༤བ)

― GLG020_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བའི་ལྷན་ཐབས་སྦྱར་བ། ཕྱག་ན་རྡོ་རྗེ་འཆི་བདག་འཇོམས་པའི་དཀྱིལ་ཆོག་འཆི་མེད་གྲུབ་པ་བུ་སྟོན་རིན་པོ་ཆེས་མཛད་པར་ཁྱབ་བདག་མཁན་རིན་པོ་ཆེ་རིན་ཆེན་བསོད་ནམས་མཆོག་གྲུབ་ཀྱིས་རེག་ཟིག་སྦྱར་བ། ཤར་དུ་ཤེར་ཕྱིན། ལྷོར་སྡོང་པོ་བཀོད་པ། ནུབ་ཏུ་གསང་བ་བསམ་གྱིས་མི་ཁྱབ་པ། བྱང་དུ་གསེར་འོད་དམ་པ་སྟེ་བཞིའི་གསུངས་སྒྲོགས། ས་ཆོག་བུ་སྟོན་ཡབ་སྲས་དུས་ཀྱི་ཕྱག་ལེན་ལྟར་དབུས་ཀྱི་ཁྲོ་བོ་སྤྲོ་བ་རྡོར་དབྱིངས་རྩ་ལུགས་ཀྱི་རྡོ་རྗེ་སློབ་དཔོན། ཤར་སྒོ་བ་རྩེ་མོའི་རྡོ་རྗེ་སློབ་དཔོན། ལྷོ་སྒོ་བ་རྡོར་དབྱིངས་འགྲེལ་ལུགས་ཀྱི་རྡོ་རྗེ་སློབ་དཔོན། ནུབ་སྒོོ་བ་དཔལ་མཆོག་རིགས་བསྡུས་ཀྱི་རྡོ་རྗེ་སློབ་དཔོན། བྱང་སྒོ་བ་ཤཱཀྱ་སེང་གེ་གཙུག་ཏོར་དགུ་པའི་རྡོ་རྗེ་སློབ་དཔོན་ཏེ་ལྔ། དཀྱིལ་འཁོར་ཞལ་འབྱེད་སྐབས་རྡོར་དབྱིངས་རྩ་ལུགས་ཀྱི་རྡོ་རྗེ་སློབ་དཔོན་གྱིས་བུ་སྟོན་ཐམས་ཅད་མཁྱེན་པས་མཛད་པའི་རྒྱས་པོའི་སྦྱིན་སྲེག་གི་ཆོ་གར་ཆོས་འཁོར་བ་དགེ་འདུན་དཔལ་བཟང་གིས་གསལ་བྱེད་ལྷན་ཐབས་སྦྱར་བ་ལ། ཆ་ལུགས། འདུག་སྟངས། ཕྱག་རྒྱ། ཐབ། སྲེག་རྫས། མཆོད་རྫས་རྣམས་བཤད་ཚོད་བཞིན། གྲངས་རྫུན་མེད་པའི་སྲེག་རྫས། ཐབ་ནང་གཞལ་ཡས་ཁང་རྡོར་དབྱིངས་དཀྱིལ་འཁོར་གྱི་ལྷ་ཚོགས་སྤྱན་དྲངས་པར་གྲྭ་ཚང་བཞི་ག་ནས་གར་བཟབས་མཆོར་གྱི་རྡོར་དབྱིངས་མཆོད་གར་ཆོས་རྗེས་ཐམས་ཅད་མཁྱེན་པའི་གར་ཡིག་ལ་མཁས་པ་ཟླ་བ་དཔལ་རིན་གྱི་གསལ་བྱེད་སློབ་རྒྱུན་གྱི་ཕྱག་ལེན་རེག་ཟིག་མཁན་ཆེན་རྡོ་རྗེ་འཆང་རིན་ཆེན་བསོད་ནམས་མཆོག་གྲུབ་ཀྱི་མཛད་པ་བཞིན་རྒྱས་པ། སླར་ཀུན་རིག་ཤམྦྷུ་ཏའི་གར་ལས་བཞིའི་རྔ་བརྡུང་དང་བཅས་པ་ཆད་པར་ཉེ་འདུག་པས་བུ་སྟོན་རིན་པོ་ཆེའི་གསུང་རབ་ལས་བསླབ་རྒྱུན་སྦྱར་ནས་མ་ཆད་ཙམ་འདི་བསྟན་རྒྱུན་ལ་བསམ་ནས་མཁན་སློབ་སྣེ་མོ་བ་རྣམས་ཀྱིས་རྒྱས་པར་གསོ་བའི་(༩༥ན)

― GLG020_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

ཁུར་བཞེས། རྡུལ་ཚོན་ཆུ་བོར་གདན་འདྲེན་སྐབས་ཀུན་མཁྱེན་བུས་མཛད་པའི་ཀླུ་ཆོག་བཞིན་སྤྱན་འདྲེན་བྱིན་རླབས་ཀྱི་རྒྱུན་བརྟན་པའི་ཕྱིར་སངས་གཏོར་སོགས་རྡོར་དབྱིངས་རྩ་ལུགས་ཀྱི་སློབ་དཔོན་པ། ཤིས་བརྗོད་ཀྱི་དུས་བཀྲ་ཤིས་ཀྱི་རིམས་སྤྱི་འགྲོ་ལ་རྡོར་དབྱིངས་ཀྱི་བཀྲ་ཤིས་མཆོད་ཕྲེང་ནས་བྱུང་བ། བུ་སྟོན་རིན་པོ་ཆེས་མཛད་པའི་རྩེ་མོའི་བཀྲ་ཤིས་དང་། དཔལ་མཆོག་གི་ཆོས་དང་བཀྲ་ཤིས་འཕེལ་བྱེད་བུ་སྟོན་ཐམས་ཅད་མཁྱེན་པས་མཛད་པ། དེ་ཐམས་ཅད་ལ་རྒྱལ་བ་གཉིས་པ་བུ་སྟོན་ཐམས་ཅད་མཁྱེན་པས་མཛད་པའི་དཀྱིལ་ཆོག་སོ་སོ་ལ་བརྒྱུད་པའི་གསུང་རྒྱུན་མ་ཉམས་པའི་ཁ་སྐོང་སྦྱོར་ཏེ། སློབ་དཔོན་མཁས་པའི་མཛུབ་ཁྲིད་སྟེང་ནས་བྱང་ཞིང་ཆུབ་པ། བུ་སྟོན་རིན་པོ་ཆེས་མཛད་པའི་ཡོ་ག་ཊཱི་ཀ་ཡིད་བཞིན་ནོར་བུ་ལ་མཁས་པ་ཙནྡྲ་ཤྲཱིའི་བཤད་སྦྱར་བསླན་པ་གཙོ་བོར་བཏོན། གཞན་ཡང་ཐམས་ཅད་མཁྱེན་པ་བུས་མཛད་པའི་ཡོ་གིའི་ཕྱོགས་ཀྱི་གསུང་རབ་སྔ་ཕྱི་རྣམས་དང་། དེ་དག་གི་དགོངས་དོན་གསལ་བྱེད་ཁྱུང་པོ་ལྷས་པ་གཞོན་ནུ་བསོད་ནམས་སོགས་དངོས་སློབ་རྣམས་ཀྱིས་མཛད་པ་དང་། དེ་རྗེས་མཁས་མཆོག་ཙནྡྲ་ཤྲཱི། ཐམས་ཅད་མཁྱེན་པ་ཡེ་ཤེས་རྒྱ་མཚོ། རྡོ་རྗེ་འཆང་མཁྱེན་རབ་ཆོས་རྗེ། ཀུན་མཁྱེན་རྡོ་རྗེ་གདན་པ་ཀུན་དགའ་རྣམ་རྒྱལ་སོགས་ཀྱིས་གསུངས་པའི་ལེགས་བཤད་ལས་བྱུང་བ་ལྟར་ཆོ་གའི་ཚིག་དོན། ཕྱག་རྒྱའི་འཆིང་ཚུལ། འཆིང་མཚམས་སོགས་ཁོང་དུ་ཆུད་ནས་མཐོང་བ་བརྒྱུད་པའི་ཕྱག་ལེན་བཟང་པོ་ཁྱད་དུ་མི་གསོད་པར་ལེགས་པར་བརྟགས་ཏེ་མི་ཤེས་པས་རང་གར་སྦྱར་བའི་འཁྲུལ་པ་རྣམས་རིང་དུ་བོར། ཁྱད་པར་ཕྱག་རྒྱ། བྲིས་ཐིག །གར་དབྱངས་རྣམས་དཔེ་བལྟས་པ་ཙམ་གྱིས་མི་ཤེས་པས་སློབ་དཔོན་མཁས་པའི་ངག་ལ་གུས་པས་མཉན་ཏེ་མཁས་པ་ཙནྡྲས་མཛད་པའི་བྲིས་ཐིག་(༩༥བ)

― GLG020_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

གར་དབྱངས་སོགས་ཀྱི་བསྟན་བཅོས་ལས་བྱུང་བ་ལྟར་ཕྱག་ལེན་དུ་ཐེབས་པ། བཅོམ་ལྡན་འདས་དཔལ་རྡོ་རྗེ་འཇིགས་བྱེད་ལྷ་བཅུ་གསུམ་གྱི་མངོན་དཀྱིལ་མཐུ་སྟོབས་ཀྱི་དབང་ཕྱུག་རྭ་ཆེན་ལོ་ཙཱ་བས་མཛད་པར། ཚར་ཆེན་རྡོ་རྗེ་འཆང་གི་ལྷན་ཐབས་དང་ཐམས་ཅད་མཁྱེན་པ་མཁྱེན་བརྩེའི་དབང་ཕྱུག་གིས་མཛད་པའི་ཆོག་སྒྲིགས་སྦྱར་བ། ཚར་ཆེན་ཡབ་སྲས་ཀྱིས་མཛད་པའི་བརྒྱུད་འདེབས་ལམ་རིམ་གྱི་སྨོན་ལམ་དང་བཀྲ་ཤིས། ལས་གཤིན་གྱི་བཀང་གསོ་དབྱངས་རོལ་སོགས། ཚར་ལུགས་ཀྱི་ཕྱག་ལེན་གཞན་འདྲེས་མེད་པ་འཕགས་པའི་གནས་བརྟན་བཅུ་དྲུག་གི་མཆོད་ཆོག་རྗེ་བླ་མས་བཀའ་གནང་བ་བཞིན་ངེད་རང་གིས་རང་བཟོ་སྤངས་ཏེ་ཡིག་རྙིང་རྣམས་ལས་བཏུས་པ་རྒྱལ་བསྟན་མཛད་མེད་ནོར་བུ་རྣམས། སྒྲུབ་མཆོད་གྲོལ་བའི་སང་ཉིན་བཟློག་ཆེན་བཞིའི་ཆོ་ག་རྒྱས་པར་བསྟར་བ་ལ་སྒྲུབ་མཆོད་ཚུགས་པ་ནས་མ་གྲོལ་བར་དཔོན་སློབ་བཞིས་གདུགས་དཀར་གྱི་ཆོ་ག་རྒྱ་གར་སློབ་དཔོན་ཆེན་པོ་ཙནྡྲ་གོ་མིའི་གསུང་རབ་ཀྱི་དགོངས་དོན་འཁྲུལ་མེད་སོའི་སྔགས་འཆང་ཆེན་པོ་ཤཱཀྱ་དཔལ་བས་གྲུབ་པའི་རྟགས་མངོན་སུམ་དུ་བསྟན་པའི་ཆོག་སྒྲིགས་དང་། འཇམ་དབྱངས་ཆོས་ལེགས་དཔལ་དར་བཟང་པོས་མཛད་པའི་བདག་མདུན་གྱི་སྟེང་ནས་ཟོར་རྣམས་ནུས་ལྡན་དུ་སྒྲུབ་པ། བསྟོད་རེས་ཀྱི་རྣམ་སྲས་དྲག་གཏོར། གཤེད་དམར་དྲུག་ཅུ་པ་ཆོས་རྗེས་ཐམས་ཅད་མཁྱེན་པའི་གསུང་རབ་ལྟར་རྒྱུད་སྡེ་འཛིན་པ་ཆོས་རིག་རྒྱལ་མཚན་གྱིས་ལེགས་པར་བཀྲལ་བ། ཁ་འབར་མ་ལ་སྔགས་རྙིང་མའི་ནང་བདག་ཁ་བསྒྱུར་གྱི་ཁ་ནང་དུ་མེ་སྦར་ཞིང་རྫོངས་ཀྱིས་བསྐུལ་སོགས་བྱུང་བ་དག །གསར་མ་བ་མི་མཁས་པ་འདྲས། མིང་ཙམ་ལ་འཁྲུལ་ནས་སྦྱར་བ་སོགས་ཀྱི་ལྷད་དང་བྲལ་བ་བ་རི་ལོ་ཙཱ་བའི་དགོངས་དོན་སློབ་དཔོན་རིན་པོ་ཆེ་བསོད་ནམས་རྩེ་མོས་མཛད་པའི་ཆོག་སྒྲིགས་ལ་གསལ་བྱེད་སྔགས་འཆང་ཤཱཀྱ་དཔལ་བའམ་རྗེ་ཆོས་(༩༦ན)

― GLG020_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་དཔལ་དར་གྱིས་སྦྱར་བ་གང་རུང་། དེ་ལྟར་བཟློག་ཆེན་བཞིའི་གཏོར་རྒྱག་སྐབས་རྣམ་སྲས་ཀྱི་ལས་བཞིའི་རྔ་བརྡུང་རྔ་འགྲོས་སྤྲོ་བ་གསུམ་གྱི་འཚམས་དང་བཅས་རྒྱས་པ། གཏོར་རྒྱག་བྱས་པའི་སང་ཉིན་རྡོར་དབྱིངས་པ་སོགས་ཀྱིས་མཁྱེན་རབ་ཆོས་རྗེའི་ཕྱག་ལེན་བཞིན་གཏོར་འབུལ་རྒྱས་པ་དང་བསྟུན། གདུགས་དཀར་བ་རྣམས་ཀྱིས་རྒྱལ་མཚན་འཛུགས་པའི་ཆོ་ག །སྒྲུབ་མཆོད་ལ་གེགས་སེལ་གྱི་སྐུ་རིམ་དུ་དཔོན་སློབ་གསུམ་རེས་མ་གྲོལ་རིང་སྔ་དྲོ་གཟུངས་གྲ་ལྔའི་སྒྲུབ་མཆོད་དང་། དགོངས་མོ་ཆོས་སྐྱོང་རྣམས་ཀྱི་བཀང་གསོ། གནས་བརྟན་ཕྱག་མཆོད་པ་རྣམས་ཀྱིས་རྗེ་བླ་མའི་དགོངས་པ་བཞིན་འདི་གའི་རིང་འཚོར་དམིགས་པའི་སྔ་དྲོ་ཚེ་ཆོག་རྣམས་མཛད། ཐམས་ཅད་ཀྱིས་ཚོགས་མཉམ་དང་གྱེས་མཉམ་ངོས་ཚོགས་འཕྲལ་ཐུན་མོང་དུ་རྡོར་དབྱིངས་རྩ་ལུགས་ཀྱི་དབུ་མཛད་ཆེན་མོས་གནས་ལྔ་རིག་པའི་པཎ་ཆེན་བུ་སྟོན་རིན་པོ་ཆེའི་སྐུ་བསྟོད་གང་རིགས། ཐུགས་སྲས་ལོ་ཙཱ་བའི་རྣམ་ཐར་གསོལ་འདེབས་གསུང་རབ་མ་སྔོན་དུ་བཏང་ནས་ཞ་ལུར་བཀའ་དྲིན་ཆེ་བའི་བླ་མ་རྣམས་ཀྱི་སྐུ་བསྟོད་འདི་ག་ནས་གསར་རྩོམ་དང་ངེད་རང་གི་རིང་འཚོའི་ཚིག་བཅད་རྣམས་གསུང་། སྔགས་སྡེ་དགོན་ཤར་ནུབ་གཉིས་ཀྱིས་བཀའ་བརྒྱད་བདེར་འདུས་ཀྱི་ཁྲོ་རོལ་དང་འབྲེལ་བའི་སྒྲུབ་པ་བྱེད། མཆོད་རྫས་དང་དགེ་འདུན་གྱི་རྙེད་བཀུར་རྣམས་གཏོང་དེབ་གཞུང་གི་དམ་འབྱར་ནང་བཞིན་ཆད་འཁུམ་མེད་པར་གཏོང་། ཇ་མ་ལས་བྱེད་མ་གཏོགས་ཚོགས་བཞུགས་མ་ཡིན་པར་དྲག་གཞན་སུ་ལའང་སྐལ་བ་མི་གཏོང་ཐམས་ཅད་ཀྱིས་དམ་ཚིག་དང་སྡོམ་པར་གནས་པ་གཙོ་བོར་འདོན། ཀུན་གྱིས་བསྙེན་པ་སོང་ན་རབ་དེ་མིན་ཆོག་དཔོན་གྱིས་བསྙེན་པ་ངེས་པར་སོང་བ། ཆོ་ག་ཕྱག་རྒྱ་དང་བཅས་པ་རྒྱུགས་མ་འཕྲོད་ན་ཚོགས་སུ་མི་འཇུག་ཅིང་དེ་རིགས་ལ་ངོ་ཆེན་ངན་སྐྱོབ་ཀྱི་རིགས་གཏན་(༩༦བ)

― GLG020_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

མི་བྱེད། ཚོགས་ལ་རང་ནམ་ཁོམ་གྱི་རེས་འཇོག་བྱས་ནས་ཆོ་ག་ཆ་ལག་མི་ཚང་བ་དང་ན་བ་སོགས་ཁམས་ཀྱིས་མི་ལྕོགས་ངེས་མིན་པར་བྲེལ་བ་ཡོད་པ་རྒྱུ་མཚན་དུ་བྱས་ནས་ཆོས་ཁྲིམས་པར་གནང་བ་ཞུ་བ་དང་། དབང་གཤེད་ཀྱི་རས་སྤྱོད་སོགས་མིག་བལྟོས་གཤས་རྐྱེན་དུ་འགྲོ་བ་དྲག་ཞན་སུས་ཀྱང་མི་བྱེད། གོང་གསལ་གྱི་རྒྱབ་གཉེར་དགོས་པ་གཞིས་རྩེ་རྫོང་སྡོད་སྦྲེལ་པོས་གྱིས། བསྟན་འགྲོ་སྤྱིའི་བདེ་སྐྱིད་དང་བྱེ་བྲག་ཤེས་བྱ་ཐམས་ཅད་གཟིགས་པ་བུ་སྟོན་རིན་པོ་ཆེ་ཡབ་སྲས་ཀྱི་རིང་ལུགས་མ་ཕམ་མགོན་པོ་དབུས་འགྱུར་འཆང་དུ་མ་བྱོན་དེ་སྲིད་ཀྱི་བར་དུ་དར་རྒྱས་དང་རང་གཞན་གྱི་འདི་དང་གཏན་གྱི་འདུན་མ་ལ་བསམས་ནས་ཁྲལ་འཇལ་ཙམ་དུ་མ་སོང་བའི་བློ་དང་བརྩོན་པའི་ནུས་པ་ཅི་ཡོད་ཀྱིས་འབད་པར་རིགས་སོ། །ནམ་མཁའི་མཐའ་སྙེད་ལུས་ཅན་ཀུན་གྱི་བསྟན་བདེའི་སྲོག་ཏུ་ཉེར་སོང་བ། །ཁྱབ་བདག་རྣམ་སྣང་རྡོ་རྗེ་སེམས་དཔའི་མི་ཟད་རྒྱན་འཁོར་བདུད་རྩིའི་ཐིག །རྒྱ་བོད་མཁས་གྲུབ་རིམ་བྱོན་ཞལ་ལུང་ཆུ་གཏེར་ཆེ་ལས་སླར་འདོན་པའི། །རིན་ཆེན་བསོད་ནམས་མཆོག་ཏུ་གྲུབ་ཁྱོད་སྔོན་མེད་ལེགས་བྲིས་ཡོངས་ཀྱི་གཙོ། །ལུགས་གཞན་མ་འདྲེས་འཇམ་དབྱངས་རྭ་ཆེན་གྱི། །ཕྱག་བཞེས་དུས་དགྲའི་དབང་པོ་མ་ཧེའི་ཞལ། །བཅུ་གསུམ་འཁོར་ལོའི་གསལ་བྱེད་ཚར་ལུགས་ཞེས། །འཁྲུལ་རྙོག་དྭངས་མཚོར་དངོས་གྲུབ་གཟུགས་ཀུན་འཆར། །སྤང་རྟོགས་སྲང་ལ་བྱིན་རླབས་བདོག་པ་ཡིས། །ལྕི་དང་ཡང་མེད་སངས་རྒྱས་སྤྱི་སྲོལ་ཀྱང་། །སྙིགས་དུས་བསྟན་པའི་སྲོག་ཏུ་ཐུགས་རྗེའི་ཤུགས། །ཆེར་ལྷག་གནས་བརྟན་བཅུ་དྲུག་གྲགས་སྙན་དཀར། །ཕྱིས་དར་འདུས་སྡེའི་ཐོག་མ་གསེར་བཀང་ཞེས། །གཞུང་ལུགས་རྒྱ་མཚོ་འཕེལ་པའི་མཛེས་རྒྱན་དུ། །མ་ཕམ་བུ་སྟོན་ཡང་སྲས་རིང་ལུགས་དིང་། །ཆེས་ཆེར་རྒྱས་པ་དཔལ་(༩༧ན)

― GLG020_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་ཞ་ལུ་རུ། །བགྲང་ཡས་རྒྱུད་སྡེ་ཡིད་བཞིན་རིན་ཆེན་མཛོད། །ཕུལ་བྱུང་བསོད་ནམས་ཞིང་ས་གཤིན་པོ་ན། །ལྷ་སྔགས་ཡེ་ཤེས་མཆོག་ཏུ་ཉེར་སྒྲུབ་པས། །དངོས་གྲུབ་རྣམ་གཉིས་སྙེ་མ་གཡུར་ཟ་ངེས། །ངོ་མཚར་བཀོད་པ་བྱེ་པའི་ཆོ་འཕྲུལ་ཆེ། །ཉི་མའི་གཉེན་གྱི་ལེགས་བསྟན་རྟ་ཆེན་ཟླར། །སྲས་བཅས་རྒྱལ་བར་ཀུན་བཟང་མཆོད་པའི་སྤྲིན། །ནམ་མཁའ་མཛོད་ཀྱི་སྒོ་འཕར་སླར་ཕྱེ་འབྲས། །འཁོར་བ་ཚང་ཚིང་ཀླུང་དུ་ལས་ཉོན་གྱི། །གཅན་གཟན་གདུག་པས་རབ་གཅེས་མ་རྒན་ཚོགས། །ཐར་པའི་རིན་ཆེན་གླིང་འཁྲིད་ས་མཁན་ཆེ། །བསྟན་དང་དེ་འཛིན་བཤེས་གཉེན་ཚོགས་འཕེལ་ཞིང་། །སྒྲ་བསྒྱུར་འཇིག་རྟེན་མིག་གཅིག་བུ་སྟོན་རྗེ། །རྒྱུད་སྡེ་རྣམ་བཞིའི་བཞེད་གཞུང་གཙོར་གྱུར་པ། །ལེགས་བཤད་དབྱངས་ཀྱི་པི་ཝང་རྒྱུད་མང་སྒྲ། །ཕྱོགས་བྲལ་ལུས་ཕྲའི་རྣ་བར་སྙན་པར་ཤོག །བྱང་ཆེན་དེ་སྲིད་བསྐྲུན་ཀྱང་གཞལ་དཀའ་བ། །དྲིན་ཅན་རྩ་བའི་བླ་མ་རྣམ་གསུམ་གྱི། །དགོངས་པ་བདེ་ཆེན་ཆོས་དབྱིངས་ཀློང་རྫོགས་ནས། །ཡོལ་མེད་ཐུགས་རྗེའི་སྤྱན་གྱིས་རྟག་གཟིགས་ཤོག །ཚེ་དབང་ལྷུན་གྲུབ་རབ་ཏུ་བརྟན་པ་ཡི། །ས་ལམ་ཡོན་ཏན་ཟླ་བའི་མ་མ་རུ། །བསྐྱེད་རྫོགས་ཉམས་རྟོགས་མ་ནུབ་དབང་བཞིའི་ཆུ། །ཡོངས་བབས་ཟུང་འཇུག་སྲིད་རྩེར་ཕྱུར་བར་ཤོག །འཕྲོག་བྱེད་ཀྱིས་བཏེག་སྲ་བརྟན་རྡོ་རྗེའི་ཁྲིར། །མགོན་ཁྱོད་ཞབས་ཟུང་བསྐལ་བརྒྱར་བཀོད་བྱས་ཏེ། །ངེས་གསང་ཐེག་མཆོག་ཆོས་འཁོར་སྐལ་བཟང་གི །གདུལ་བྱར་བསྐོ་བའི་རེ་འབྲས་ལྷུན་གྲུབ་ཤོག །བསྟན་འགྲོའི་དོན་པོར་དགོངས་བཞེད་ཚུལ་བཞིན་དུ། །ལེགས་ལྡན་སེར་ཆེན་རྣམ་མང་ཐོས་པའི་སྲས། །ལས་ཀྱི་གཤིན་རྗེ་རྡོ་རྗེ་རབ་བརྟན་(༩༧བ)

― GLG020_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། །ཆོས་སྲུང་རྒྱ་མཚོས་འཕྲིན་ལས་ལྷུན་གྲུབ་མཛོད། །གནམ་ལོ་ཐོག་མར་ཚེས་པ་ཡར་གྱི་ངོ་། གཟའ་སྐར་དུས་སྦྱོར་དགེ་བའི་འཕྲོད་བཟང་ནས། །བགྲང་ཡས་དཀྱིལ་འཁོར་མཆོད་ཅིང་ཉེར་བསྒྲུབས་པའི། །བཀྲ་ཤིས་འཇིག་རྟེན་ཀུན་ཏུ་ཁྱབ་པར་ཤོག །ཅེས་ཆོས་སྡེ་ཆེན་པོ་ཞ་ལུའི་སྒྲུབ་མཆོད་བཅོ་ལྔ་གསར་ཚུགས་ཀྱི་བཅའ་ཡིག་ཤེལ་དཀར་མེ་ལོང་འདི་ནི་ཁྱབ་བདག་བླ་མ་དམ་པ་རིན་ཆེན་བསོད་ནམས་མཆོག་གྲུབ་ཀྱི་བཀའ་སྩལ་བ་དང་དུ་བླངས་ཏེ་ཟ་ཧོར་གྱི་བཙུན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས་འཕགས་ཡུལ་བ་ཨཱ་ན་ལ་ཞེས་པ་ཕྱོགས་འདིར་མར་གྲགས་ཤིང་། ཤར་ཕྱོགས་རྒྱལ་ཁབ་ཏུ་བིང་ཤིང་དུ་འབོད་པ་མེ་ཕོ་འབྲུག་གི་ལོ། ལེགས་སྦྱར་གྱི་སྐད་དུ་མཱརྒྷ་ཤཱི་ར་ཞེས་མགོས་ཉ་བའི་ཟླ་བ། རྒྱ་ནག་པ་ཤི་དབྱི་ཞེས་པ་ཧོར་ཟླ་བཅུ་གཅིག་པ། དུས་འཁོར་བའི་སྙིང་སྟོབས་ཀྱི་མུན་པ་འཇུག་པ་འབྲིང་བོའི་དམར་ཆ། ཡོན་ཏན་གྱི་དབྱངས་ཨཽ། གསལ་བྱེད་སྐྱེད་རིམ་དང་མཐུན་པ་ྈྐ། དབྱངས་ཨཱ། གསལ་བྱེད་ཛ། ན་ཚོད་གཞོན་ནུ། ཁམས་ཆུ། འདོད་ཡོན་རོ། གྲུབ་པའི་མཐའི་ཉི་མ་དབོ། བྱེད་རྩིས་པའི་ཆུ་ཚོད་ཀྱི་མེ་བཞིས་སླེབ་པའི་འགྲུབ་སྦྱོར། ཏཏྐཱ་ལ་བུམ་པའི་དུས་སྦྱོར་ལ་རྫོགས་ལྡན་གྱི་རྣམ་པར་ཐར་པ་བཞིའི་སྒོ་ཕྱེ་བ་ཕོ་བྲང་དམར་པོ་རིར་སྦྱར་བའི་ཡི་གེ་པ་ནི་དཔལ་གྲོང་སྔགས་རམས་པ་ངག་དབང་དགེ་ལེགས་ཀྱིས་བགྱིས་པ་ཛ་ཡནྟུ། །ཆོས་རྣམས་དོན་དམ་སྟོང་ཞིང་བདག་མེད་ཀྱང་། །ཀུན་རྫོབ་སྣང་བ་འགག་མེད་འབྱམས་ཀླས་པར། །བགེགས་མཐར་བསྐྲོད་པའི་ཁྲོ་བོ་རིག་པའི་རྒྱལ། །ཚིག་མདའི་ལམ་དུ་དབང་པོའི་གཞུ་རིས་ལྟར། །སྒྱུ་མས་བསླན་པའི་འཕྲོག་བྱེད་སྡེར་མོ་ཡིས། །(༩༨ན)

― GLG020_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་འཐུང་ལྟོ་བ་འདྲལ་མཚུངས་མེད་བཞིན་དུ། །བཏགས་ཙམ་འཁྲུལ་ངོར་ཤར་བའི་སྡེ་བརྒྱད་རྣམས། །དཔྱད་ན་མཐའ་བྲལ་སྟོང་ཆེན་དབུ་མའི་ལམ། །མ་རྟོགས་ཕུང་པོ་ལྔ་ཙམ་ཚོགས་པའི་ངར། །མི་བཟད་ཟུག་རྔུས་གཟིར་བྱེད་གནོད་པ་ཀུན། །ཁྲག་འཐུང་རྣམ་པར་རོལ་པས་རྨི་ལམ་ལྟར། །མེད་བཞིན་སྣང་བའི་སྒོ་གསུམ་རཀྵཱ་ཡ། །གསེར་གྱི་རྒྱལ་པོའི་ལུང་གིས། །ཆེན་པོ་ཧོར་གྱི་རྒྱལ་ཁམས་སུ་ཏཱ་ལའི་བླ་མ་བཛྲ་དྷ་རར་འབོད་པའི་གཏམ། ཡངས་པའི་ས་ཆེན་པོ་ལ་སྤྱོད་པའི་རྒྱ་ཧོར་བོད་སོག་གི་སྐྱེ་དགུ་སྤྱི་དང་། བྱེ་བྲག་ཁལ་ཁ་ཚོ་པ་བདུན། ཨོ་རོད་ཚོ་པ་བཞིར་གཏོགས་པའི་བླ་མ་སེར་མོ་བ་ཆེ་ཆུང་། རྒྱལ་པོ་རྒྱལ་རིགས། ཐའི་ཇི། ཇི་ནོང་། དཔོན་ཆེ་ཆུང་། ཐ་བུ་ན། ཇའི་སང་། དམག་སོགས་བྱ་བ་ཞི་དྲག་གི་སྣེ་མོ་ལས་འཛིན། མངགས་སླེབ་སྡེ་དམངས་དང་བཅས་པ་མཐའ་དག་ལ་སྤྲིངས་པ། འཇིག་རྟེན་གྱི་ཁམས་སུ་རྒྱུ་བ་དང་མི་རྒྱུ་བའི་ལུས་ཅན་མ་ལུས་པ་བདེ་སྐྱིད་ལ་སྤྱོད་པ་༸ཐུབ་པ་སངས་རྒྱས་བཅོམ་ལྡན་འདས་ཀྱི་བསྟན་པ་རིན་པོ་ཆེར་རག་ལུས་ཤིང་། སངས་རྒྱས་ཀྱི་བསྟན་པའང་ལྷ་མོ་དྲི་མ་མེད་པ་ལུང་བསྟན་པའི་མདོ་སོགས་ལས་བྱང་ནས་བྱང་ཕྱོགས་སུ་རྒྱས་པར་གསུངས་པ་ལྟར་བོད་ཁ་བ་ཅན་གྱི་བྱང་ཕྱོགས་ཧོར་གྱི་རྒྱལ་ཁམས་སུ་ཏཱ་ལའི་བླ་མ་བསོད་ནམས་རྒྱ་མཚོ་དང་ཨལ་ཐེན་ཆོས་ཀྱི་རྒྱལ་པོ་མཆོད་ཡོན་ཉི་ཟླ་ཟུང་དུ་འབྲེལ་བ་ནས་ཡངས་པའི་རྒྱལ་ཁམས་མཐའ་ཀླས་པ་དམ་པ་ཆོས་ཀྱིས་དཀར་པོར་གྱུར་པ་ནས་བཟུང་༸རྒྱལ་བ་གཉིས་པ་ཤར་བཙོང་ཁ་པའི་བསྟན་པ་རིན་པོ་ཆེའི་གདུགས་དཀར་པོ་གཅིག་གི་གྲིབ་བསིལ་ལ་འདི་ཕྱིའི་བདེ་སྐྱིད་སྒྲུབ་པར་ངལ་གསོ་བཞིན་པ་ཡིན་ནའང་བར་སྐབས་སུ་སེམས་ཅན་ལས་ལ་སྤྱོད་པའི་དུས་ཀྱི་ཆད་པས་སྟོད་སྨད་དུ་གཡུལ་(༩༨བ)

― GLG020_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུག་རྩོད་ལྡན་ཀྱི་མཚན་ཉིད་དངོས་སུ་བསྟན་པའི་དུས་ཀྱི་འཕོ་འགྱུར་མང་བ་བྱུང་ནའང་ཁལ་ཁ་ཚོ་པ་བདུན་གྱི་ལ་རྒྱ་ལ་འཁྱོམས་ལད་ཆེར་མེད་ཅིང་། ཨོ་རོད་ཚོ་བ་བཞིའི་མཚམས་སུ་བདེ་དོག་སྣ་ཚོགས་བྱུང་བའི་མཐར་དིང་སང་དགའ་ལྡན་ཧུང་ཐའི་ཇིའི་ལས་ཤུགས་དར་དྲག་པས་སྟོབས་ཀྱི་དབང་ཕྱུག་ཆེན་པོར་གྱུར་སྐབས་ཡིན་འདུག་པ་བསྟན་འགྲོའི་བདེ་སྐྱིད་ས་ལ་སྤྱོད་པའི་མིའི་བདག་པོ་རྣམས་ཕན་ཚུན་མཉེས་གཤིན་པར་གྱུར་པས་དཀོན་མཆོག་གསུམ་ལ་བླ་མར་འཛིན་པ་དང་། མངའ་འབངས་རྣམས་ལུགས་གཉིས་དང་འབྲེལ་བ་དགེ་བ་བཅུའི་ཁྲིམས་ལ་བརྟེན་ནས་བདེ་བར་སྐྱོང་བར་རག་ལུས་པ་ནས་སྔར་ཅོ་ནེ་ཆོས་རྗེ་ཨོ་ཆིར་དྷ་ར་དང་ཆ་གན་ནོ་མོན་ཁན་གཉིས་ཀྱིས་ཁལ་ཁ་ཨོ་རོད་འཁྲུག་རྩོད་ལྷ་མིན་གྱི་གྲོང་ཁྱེར་འདྲ་བའི་ཡ་ང་བ་འདུམས་པར་བྱས་པའི་མི་འཇིགས་པ་སྐྱབས་ཀྱི་སྦྱིན་པ་ཡོད་མུར། ལྕགས་ཕོ་འབྲུག་གི་ལོ་ཁལ་ཁ་ཇ་སག་ཐུ་རྒྱལ་པོ་སོགས་རྗེ་བློན་མང་པོ་དང་གཡོན་རུ་པཱ་ཐུར་ཧུང་ཐའི་ཇིས་གཙོས་པའི་ཨོ་རོད་ཀྱི་དཔོན་ཁག་མང་པོས་རྣམ་པར་དག་པའི་བསམ་པ་བློ་གྲོས་དང་བརྩོན་པའི་མཐུ་བརྟས་ཏེ་ཕན་ཚུན་བདེ་འཇགས་ཀྱི་བསྟན་གཞུང་གཅིག་ཏུ་འགྱུར་པའི་ཡིག་དན་བཙན་པོ་མཛད་ཡོད་འདུག་པ་ལྟར་ཁོང་རང་རྣམ་གཉིས་ཀྱི་རིང་དེ་དོན་ལྟར་ཕན་ཚུན་དུས་བདེ་བྱུང་བ་རྗེས་སུ་ས་སྣེར་སྡོད་མི་འདྲའི་སྐྱོན་གྱིས་དམག་ཇག་ཐོར་བུ་བྱུང་འདུག་པ་དགའ་ལྡན་ཧུང་ཐའི་ཇི་ཡང་ཕ་མེས་ཀྱི་བྱ་བ་བཟང་པོ་བསྒྲུབས་པའི་རྗེས་སུ་ཞུགས་ཏེ་གཞུང་བཟང་པོའི་མདུན་མ་འདུག་པ་ལྟར་སྔར་གྱི་ཡིག་དན་རྙིང་པའི་དོན་ལྟར་གནས་པ་དང་། གལ་ཏེ་དེ་ལས་འགལ་བའི་བརླང་པོར་སྤྱོད་པའི་རིགས་ལ་ཁལ་ཁ་ཨོ་རོད་ཀྱི་རྒྱལ་པོ་དཔོན་ཁག་མདུན་ན་འདོན་སོགས་ཕན་ཚུན་གྲོས་བསྡུར་མཐུན་གྲུབ་ངོས་ནས་དྲན་འཛིན་ཕྱིས་འདོམས་བྱས་ནས་སླར་ཞོད་འཇགས་པའི་ཐབས་ལ་བརྩོན་པ་བྱེད་(༩༩ན)

― GLG020_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

སྔར་མཆོག་ཐུ་བཤེས་གཉེན་ངན་པའི་བློ་བྲིད་དང་ལས་སྨོན་གྱིས་ཞ་སེར་ཅོད་པན་འཆང་པའི་བསྟན་པ་ལ་ལོག་པར་འཁུ་བའི་དུས་བསྟན་འཛིན་ཆོས་ཀྱི་རྒྱལ་པོ་དང་པཱ་ཐུར་ཧུང་ཐའི་ཇི་གཉིས་བློ་རྩེ་གཅིག་ཏུ་བསྒྲིལ་བའི་དཔུང་ཤེད་ཀྱིས་བསྟན་པའི་ཞབས་འདེགས་སུ་འགྱུར་བ་བཞིན་སླར་ཡང་བསྟན་འཛིན་ད་ལའི་རྒྱལ་པོ་དང་ད་ལའི་ཧུང་ཐའི་ཇི་གཉིས་ཀྱི་གཙོས་པའི་དཔོན་ཁག་རྣམས་ཀྱིས་མཚོ་ཁྲི་ཤོག་རྒྱལ་མོ་ཡན་ཆད་དང་། དགའ་ལྡན་ཧུང་ཐའི་་ཇིས་ཨོ་རོད་ཕྱོགས་ཀྱི་བསྟན་གཞུང་བཟུང་སྟེ་ཕན་ཚུན་བསྟན་སྲིད་གཅིག་ཏུ་གྱུར་པའི་ལེགས་ལམ་ཆེ་བ་བྱེད་འདུན་དགའ་ལྡན་ཧུང་ཐའི་ཇིའི་ལྷག་བསམ་རྣམ་དག་གིས་རྒྱུ་མཚན་བྱུང་བ་ལྟར་རྒྱལ་པོ་དང་ཧུང་ཐའི་ཇིས་ཀྱང་དེ་དོན་ལྟར་འདོད་མཐུན་ཕན་ཚུན་གཉིས་ཡབ་མེས་བཟང་པོའི་སྲོལ་རྒྱུན་ཁོ་ན་ལྷུར་བླངས་ཏེ་བསྟན་སྲིད་ཀྱི་ཞབས་ཏོག་བསྒྲུབ་པ། ཨོ་རོད་ཚོ་པ་བཞི་སྔ་ཕྱི། འཁྲུག་རྩོད་སོགས་ལ་བརྟེན་དར་གུད་ཆེ་བ་བྱུང་འདུག་པ། ཉེ་ལམ་དགའ་ལྡན་ཧུང་ཐའི་ཇིས་རང་རྒྱལ་ཁོ་ན་གཙོར་འདོན་མ་ཡིན་པའི་ཨོ་རོད་ཀྱི་ལ་རྒྱར་སོ་སོའི་མིང་མ་དོར་བ་སོགས་ཁེབས་གང་ཆེའི་འདུན་པ་འདུག་པ་གཡོན་རུ་དང་ཐོར་གོག་མངའ་ཐང་རྒྱས་སྐབས་ལ་བཟོ་བཅོས་མ་དགོས་རུང་། ཁོ་ཤོད། དུར་བོད། ཁོད་སོགས་ཉམས་ཆགས་བྱུང་བ་རྣམས་དངོས་གཞི་ལ་རྒྱ་དགའ་ལྡན་ཧུང་ཐའི་ཇིའི་ལུང་ལེན་པ་ལས་སྤྲོས་པ་མི་འདུག་རུང་། ནང་གསེས་ཀྱི་གོ་བསྡུར་སོགས་ཐའི་ཇིའི་བཀོད་པ་དང་བསྟུན་ངོས་སོ་སོའི་འཚེར་སར་བདེ་འཇགས་གང་ཆེའི་སྐྱོང་བདར་དང་། ཚུལ་དེ་ལ་རྗེས་སུ་ཡི་རངས་བའི་བསམ་པ་རྣམ་དག་ལས་སྔར་་འཁོན་ཞེ་བཞག་གི་ངོ་ལོག་གཡུལ་འཁྲུག་མི་བྱེད་པ་སོགས་ཀྱི་དཔང་པོར་ཤི་རཱ་ཐུ་ནོ་མོན་ཁན་འདི་གའི་ངོ་ཚབ་ཀྱི་དཔང་པོའི་འོས་ཐོར་དགའ་ལྡན་ཧུང་ཐའི་ཇིས་བྱུང་བ་ཁོང་ན་མཐོས་ཤིང་དེ་(༩༩བ)

― GLG020_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་སུ་ཡུན་རིངས་བའི་བོད་དུ་ཡོང་ཆོག་པ་དགོས་ཚུལ་བྱུང་རུང་ཁོང་རང་བརྟག་པར་ཡང་མ་བབས་པ་མེད་ཅིང་བླ་མ་གསར་བ་ཡང་འཕྲལ་གཏོང་མ་འགྲིག་པ་སོགས་ནས་སྐོར་ཅིག་ནོ་མོན་ཁན་རང་སྡོད་དགོས་པའི་བསླབ་བྱ་སོང་ཞིང་ཁོང་ན་ཚོད་དང་བཅས་ཡར་ཡོང་བ་ཤར་དུས་དེ་ཚབ་ཀྱི་བླ་མ་ཞིག་ཆེད་གཉེར་དུ་མངགས་པའི་གོང་དུ་གསལ་བ་རྣམས་སུ་མ་ཟད་རྒྱ་ནག་གོང་མ་རྒྱལ་པོས་གཙོས་པར་གཞུང་འགྲིག་པོ་སོགས་བདེ་འཇགས་ཀྱི་རྒྱུན་མི་ཉམས་པའི་སླད་དུ་དཔང་པོ་རེ་ཆད་མེད་དུ་འཇོག་རྒྱུ་ཡིན། ད་ལམ་རྗེ་བདག་ཉིད་ཆེན་པོའི་བསྟན་པའི་ཞབས་འདེགས་རྒྱ་ཆེར་བསྒྲུབ་པའི་རྟེན་འབྲེལ་གྱི་སྒོ་འབྱེད་དུ་རྒྱལ་པོར་མངའ་གསོལ་བའི་ལུང་ལས་སྐྱེལ་བ་དང་། གོང་གསལ་གྱི་དོན་སྐོར་རྣམས་གླེང་བར་མགྲོན་གཉེར་སྐྱར་པོ་བ་རྡོ་རྗེ་དབང་ཕྱུག་རྫོང་བདའ་བྱས་ཡོད་པ་སོ་སོ་ནས་གོ་བའི་སྤང་བླང་་འཛོལ་མེད་བྱེད་དགོས་རྒྱུ་ཡིན། ཚུལ་བཞིན་བསྒྲུབས་པ་རྣམས་ལ་སྨོན་ལམ་བཟང་པོའི་མཚམས་སྦྱོར་བ་ཡིན། གོ་བར་བྱ་བའི་ཡི་གེ་དུས་ཀྱི་ཕོ་ཉ་ཞེས་པ་ས་ཕོ་རྟའི་ལོ་ཧོར་ཟླ་ལྔ་པའི་ཡར་ཚེས་ལ་ནོར་འཛིན་གྱི་སྤོ་ལས་མངོན་པར་འཕགས་པ་ཕོ་བྲང་ཆེན་པོ་པོ་ཏ་ལ་ནས་བྲིས། །

སངས་རྒྱས་རྒྱ་མཚོ་གངས་ལྗོངས་ཆོས་སྲིད་ཀྱི་བདག་པོར་བསྐོ་བཞག་གི་བཀའ་ལུང་དང་ངམ་རིང་ཆོས་སྡེ་མངའ་དག་རྒྱལ་གསུམ་སོགས་ཆོས་སྡེ་ཁག་གི་གོ་བར་བྱེད་པའི་ཡི་གེ།

― GLG020_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

ཨུ ཏྟ རེ ཎ སུ ནྡྲ ཤ ཀྲ སྱཱ ག མི ན། པ ཤྩི མ སྱ དེ བ སྠཱ ནཱ ཤི ཤུབྷ སུ ཁ ཧཱ ཏི ཥྛ སྱ བུ དྡྷ ཛྙ ག མ ག ག ནཱ དྷྭ སྱ ཛ ཏ ག མ ན ས རྦ ཤཱ ས ནི ཀཱ བ བྷ ད ཀྵ ར བ ཛྲ དྷ ར ས མུ དྲ ཏཱ གུ རཱ བྷི ཥེ ཉྩ སྱཱ ཁྱཱ ཏ། །ཆེན་ཁྲོའི་ཧོང་དེའི་ཁྲི་ཝུང་ངའི། ཟི་ཐེན་ཏཱ་ཞན། ཙི་ཙིའི་ཕཱོ། ཤོ་ལུའི་ཐེན་ཞྭ། ཤི་ཀྱོའུ། ཡི་ཐུང་། དེའི་ཆི་ཀྱིང་གང་། དེའི་ཁེའི། ཤང་ཟི། ཙི་ཡིན། གོང་མ་ཧོང་དེའི་ལུང་གིས། ནུབ་ཀྱི་ལྷ་གནས་ཆོས་དགེ་བ་བདེ་བར་གནས་པའི་སངས་རྒྱས་བཀའ་ལུང་གནམ་འོག་གི་སྐྱེ་འགྲོ་ཐམས་ཅད་བསྟན་པ་གཅིག་ཏུ་གྱུར་པ་འགྱུར་མེད་རྡོ་རྗེ་འཆང་རྒྱ་མཚོའི་བླ་མར་དབང་བསྐུར་བའི་གཏམ། ཛམྦུ་པྲྀཀྵས་མངོན་པར་མཚན་པའི་ནོར་འཛིན་གྱི་གཞིར་འཁོད་པའི་ཉི་འོག་གི་སྐྱེ་དགུ་སྤྱི་དང་། བྱེ་བྲག་གདན་ས་ཆེན་པོ་སེར་འབྲས་དགེ་གསུམ། གམ་དུ་འཁོད་པའི་རྣམ་པར་རྒྱལ་བའི་ཕན་བདེ་ལེགས་བཤད་གླིང་པ་སོགས་རིས་མེད་ཁྲིམས་ལྡན་འདུས་པའི་སྡེ། གསང་སྔགས་འཆང་བ། གཡུང་དྲུང་བོན་སོགས་ལྷ་སྡེར་གཏོགས་སོ་ཅོག་དང་། སོག་པོ་ཚོ་ཆེན་བཞི་བཅུ། ཨོ་རོད་ཚོ་པ་བཞི། མཚོ་ཁྲི་ཤོར་རྒྱལ་མོའི་འགྲམ་དུ་གནས་པའི་རྒྱལ་པོ་རྒྱལ་རིགས། ཇུ་ནང་། ཐའི་ཇི། དཔོན་ཆེ་ཆུང་། ཐ་བུ་ནང་། ཇའི་སང་། མི་བཟང་། སྡེ་དམངས་དང་བཅས་པ། སྐོར་གསུམ་(༡༠༠བ)

― GLG020_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

རུ་བཞི། སྒང་དྲུག་ཅེས་བོད་དང་བོད་ཆེན་པོའི་རྒྱལ་ཁམས་སུ་འཁོད་པའི། དཔོན་ཆེན། དཔོན་སྐྱ། རྫོང་སྡོད། ནང་རྣམ། རྟ་དྲུང་། གཉེར་ཁ་ལས་འཛིན་སོགས་མདོར་ན་མཆོག་དམན་བར་པ་མཐའ་དག་ལ་སྤྲིངས་པ། ཚེ་རིང་གནམ་གྱི་གཤེ་མོང་གིས་ཡངས་པའི་ས་ཀུན་ལ་དབང་བསྐུར་བ་བསྟན་འཛིན་ཆོས་ཀྱི་རྒྱལ་པོའི་ལྷག་བསམ་དང་། སྙིང་སྟོབས་བརྩོན་པའི་མཐུས། རྒྱལ་དབང་བཙོང་ཁ་པ་ཆེན་པོའི་བསྟན་པ་བླ་ནས་བླར་འདེགས་པར་མཛད་སྐབས་ཆུ་རྟ་ཕོ་བྲང་ཆེན་པོ་བསམ་འགྲུབ་རྩེས་གཙོས་པའི་མངའ་འབངས་དང་། རྒྱལ་པོ་ཉིད་ཀྱི་རིགས་བརྒྱུད་དང་བཅས་པ་མཐའ་དག་གཏན་པ་མེད་པའི་མཆོད་སྦྱིན་དུ་སྦྱོར་འཇགས་མཛད་པའི་ཚེ། ཆོས་སྲིད་ཉིས་འཛིན་ངེེད་རང་ནས་མ་ལྕོགས་པའི་འཇིག་རྟེན་སྲིད་སྐྱོང་གི་ཁུར་ལེན་སྡེ་པ་བསོད་ནམས་རབ་བརྟན་གྱིས་མཛད་པའི་རྗེས་སུ་གདུང་གཅིག་པའི་མི་ངོ་རྫོགས་པར་བརྟེན། སྡེ་པ་འཕྲིན་ལས་རྒྱ་མཚོ་སོགས་ཁུར་ལེན་རིམ་པར་བཀོད་ཅིང་། གྲོང་སྨད་པ་སངས་རྒྱས་རྒྱ་མཚོ་འདི་པ་ས་སྐྱོང་འཕྲིན་ལས་རྒྱ་མཚོའི་རུས་ཚ་ཡིན་པར་མ་ཟད། གཏེར་གསར་རྒྱ་ཅན་སོགས་ལུང་བསྟན་འགའ་ཞིག་ཏུ་བོད་ཀྱི་རྗེ་བོར་འོས་པ་ལུང་གིས་ཟིན་པ་ནས། ཤིང་ཡོས་ལོ་ཁུར་ལེན་བྱེད་དགོས་ཚུལ་རྒྱུ་མཚན་མཐའ་གསེད་ནན་ཆགས་བྱས་ཀྱང་ཞུ་ནན་ཆེས་པའི་ཁྲོལ་ཆ་བྱེད་དགོས་ཤིང་། གཞན་མའི་འོས་ཐོ་མང་བ་ཧ་ཅང་གི་བརྟག་པར་མ་བབབ་ཤིང་། གྲ་ཚང་གཉེར་པ་བློ་བཟང་སྦྱིན་པ་སངས་རྒྱམ་པའི་འོག་གི་བརྟག་པ་ངོ་དཀར་བ་ཡོད་གཤིས་རྒྱུ་མཚན་སྨོད་པར། ཤེས་འདོད་ནི་མེད། བཀའ་གྱན་ལྡོག་ནི་མི་ནུས། འོན་ཀྱང་བརྟག་པ་བསྐྱར་ནས་བརླིང་ཆ་དགོས་ཚུལ་བྱུང་བ། ལོ་གསུམ་གྱེ་བར་འཚུབ་ཆ་མེད་ཅིང་བཟང་བས། སླར་གེགས་ཞི་ན་མུ་འཐུད་བྱེད་ལོང་ཡོང་རྩིས་ཀྱི་ལོ་གྲངས་ཀྱིས་བརྡ་འགྲེམས་དང་བཅས་ཁྲིར་བཀོད་པ། རང་འདོད།(༡༠༡ན)

― GLG020_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུང་ཞིང་བསྟན་སྲིད་ལར་རྒྱའི་ཁུར་བསམ་ཆེ་བ་དང་ཁྱད་པར་འདི་གའི་ངག་བཀོད་ལས་ཅུང་ཟད་ཀྱང་མི་གཡོ་བ་སོགས་ཐམས་ཅད་མཁྱེན་པ་དགེ་འདུན་རྒྱ་མཚོའི་ཉེ་གནས་གསུང་རབ་པར་གནང་བའི་ཚིགས་ཀྱི་བརྗོད་དོན་དང་ཚུངས་པར་མུ་འཐུད་ཐུབ་པར་བྱུང་བ། སྡེ་པ་རང་ཡང་ལོ་གྲངས་ཐེངས་ནས་འཚུབ་འདྲ་བྱུང་ཉེན་གྱིས་ནན་ཞུས་ཆེ་ཞིང་། བརྟག་པ་ལན་གཉིས་གསུམ་བསྐྱར་བ་དང་ཚངས་པ་དུང་ཐོད་ཅན་ལ་དྲི་བ་ཞུས་པ་སོགས་ཀྱང་མཚུངས་པ་ནས་གསར་བཀོད་ཀྱི་སྒོ་དོད་པར། གཞན་པ་འོས་དཀོན་ཞིང་སྔར་གྱི་བརྟག་པ་ལུང་བསྟན་སོགས་གང་ས་ནས་གྲོང་སྨད་པ་སངས་རྒྱམ་པ་རང་ལ་ནན་ཏན་དུ་ལབས་པར་ཡལ་ཡོལ་སོགས་ཐབས་སྣ་ཚོགས་ལས་དང་ལེན་ཞིག་མི་འདུག་རུང་། དུང་དཀར་དང་ཆུ་སྲིན་གྱི་དཔེ་བཞིན་དགོངས་པ་གཏན་ནས་མ་ཁྲོལ་ཕྱིན། ཕྱིས་སྐོར་བློ་སྣང་འགྱུར་པའི་ཆོས་ལ་དུང་སེམས་ཆེ་བ་ཞིག་ཡོད་ཀྱང་སྡེ་སྲིད་འདི་གས་མུ་འཐུད་གནང་ན་སྨོས་མ་དགོས། དེ་མིན་ཁྲི་འདོན་ཞིག་གྲུབ་པའི་སྒོ་མ་དོད་གོང་ལ་ཞུས་ན། མི་དམངས་ཀྱང་རྣམ་རྟོག་གི་འཆར་སྒོ་སྣ་ཚོགས་བྱུང་དོགས་ཀྱི་དེ་ལམ་དུ་ལུས་པ་ཡིན། ད་ཆ་བསྙེན་རྫོགས་ཤིག་བྱས་པའི་ལོ་གཉིས་ཀྱི་བར་བཀའ་མ་བཅག་པར་ཞུས། དེ་ནས་ཁུར་ཡང་བྱས་ཆོག་པ་དགོས་ཚུལ་ཟེར་བ། དངོས་གཞི་རབ་ཏུ་བྱུང་ན་ལེགས་པའི་ཆར་འདུག་རུང་། ཐམས་ཅད་མཁྱེན་པ་དགེ་འདུན་རྒྱ་མཚོ་ཡན་བཀའ་གདམས་ཀྱི་རྣམ་ཐར་ཁོ་ན་ལྷུར་བཞེས་ལ་དཔེར་མ་མཚོན། དགའ་ལྡན་ཕོ་བྲང་ལུགས་གཉིས་ཀྱི་མངའ་ཐང་ཇེ་འཕེལ་གྱི་འགོ་ཟུག་པའི་ཕྱག་མཛོད་རྒྱ་སེང་གཉིས་ནས་བཟུང་། ད་ལྟ་ཕན་སྡེ་པ་བློ་བཟང་སྦྱིན་པ་ཙམ་མ་གཏོགས་ཚངས་སྤྱོད་ལ་གནས་པ་མ་བྱུང་ཞིང་། ལྷག་པར་དཔལ་ཕག་མོ་གྲུ་པ་དང་སྡེ་སྲིད་གཙང་པའི་སྟོབས་འབྱོར་ལས་བརྒལ་བ་ཤར་དར་རྩེ་མདོ་ཡན་གྱི་བདག་པོར་གྱུར་བའི་དམག་དང་ཁྲིམས་སོགས་དྲག་པོའི་རྩུབ་སྤྱོད་ཀྱང་སྣ་ཚོགས་དགོས་པར། ཚངས་སྤྱོད་གཅིག་པུས་རབ་བྱུང་དུ་འགྲོ་བའང་དཀའ་ཞིང་། བསམ་པའི་འགྱུར་ཁྱད་དྲག་གཞན་ཀུན་ལ་གཏན་(༡༠༡བ)

― GLG020_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཆགས་པ་ཞིག་ཡོང་གཤིས་ད་ལྟའི་བློ་འདི་གར་སྡོད་པའི་ངེས་པ་ཡང་མེད། ལྷག་ཏུ་དགེ་འདུན་དང་ངང་པ་ཁྱུས་འཚོ་དགོས་པར་གནས་གྲོགས་སོགས་གང་ས་ནས་ལྷུས་ཐིངས་དཀའ་བར་མ་ཟད། སྡེ་དཔོན་ཆེན་པོའི་རིགས་ལ་བློན་བརྒྱུད་སོགས་དྲུང་འཁོར་དྲག་པ་རྣམས་འཁོར་བ་དོང་སྤྲུགས་ལྟ་བུའི་བློ་སྣ་བསྟུངས་པ་རྟེན་འབྲེལ་ལ་ཡང་མི་ལེགས། བླ་བྲང་དུ་བདག་མོ་བསྟེན་པས་མཚོན་སྒེར་གཞུང་མཉམ་བསྲེས་གཞན་བློར་མི་ཆུད་པ་ནི་ག་ལ་བྱེད། དེ་ཕྱིན་སྒེར་གཞིས་ཀྱི་འཛིན་སྐྱོང་ཀྱང་བློས་མ་བོར་བ་བྱས་ན་ཕུགས་ཡུལ་གཞུང་གི་ཞབས་ཏོག་ཏུ་འགྱུར་བ་རྒྱ་ལེ་ཀུན་འདུན་རིན་པོ་ཆེའི་དཔེ་དང་བཅས་མོལ་བ་ལྟར་ཡིད་འཇོག་བྱེད་རྒྱུ་ཡིན་ཅིང་། གོ་ས་འདི་བོད་ཀྱི་སྡེ་དཔོན་གཞན་དང་མ་འདྲ་བའི་རྒྱ་བོད་ཧོར་གསུམ་ཚང་མའི་སྣེ་ལེན་སྟབས་བྲེལ་བ་རྒྱུན་མི་འཆད་ལྟ་བུའི་ཁག་སྦྱོང་ཆེ་བར་ལ་ལར་ཉམས་འཆར་རྩེད་མོའི་གུང་སངས་ཀྱིས་གཞུང་ལས་ལ་ཐུད་ཤོར་དང་མི་རྣམས་ཀྱིས་ཀྱང་འཕྱ་གླེང་སྣ་ཚོགས་ཡོང་འདུག་པ་ད་ཆ་ཉམས་ལེན་གྱི་སྙིང་པོ་འདི་གའི་ངག་བཀོད་ལ་དང་ལེན་ངོས། ཚུལ་འཆོས་བག་ལྡན་གྱི་པར་བཀབ་མེད་པའི་ཁོ་རང་གི་བློ་མཐུན་དང་། ཉ་སྟོང་བརྒྱད་གསུམ་ལ་ཡན་ལག་བརྒྱད་པའི་ཁྲིམས་ལེན་པའམ། དགེ་སྦྱོར་ཟོལ་སྡོད་གུང་སངས་ལྟ་བུ་གང་བྱེད་ཀྱང་ཟླ་རེར་ཉིན་གསུམ་རེས་ལས་ཀར་ལེ་ཤོར་མི་ཡོང་བས་ཁྲོལ་ཆ་བྱས་ཤིང་། ལོ་གྲངས་དགོས་ཟེར་བ་དེ་བཞིན་བྱས་ཚེ་ཚང་མ་ཁག་བསུན་དང་གཞུང་རང་འགྲོས་སྒོ་ཆེ་བ་ལས་མི་འདུག་གཤིས། ནམ་ལྕོགས་བར་ཁུར་ལེན་བྱེད་རྒྱུ་དང་བཅས་ཕྱག་མཛོད་བསྐོ་བཞག་བགྱིས་པ། འདི་ག་ནས་མི་ཆོས་ཀྱི་ཁུར་ལེན་མ་ལྕོགས་པའི་ངོ་ཚབ་ཡིན་གཤིས། འདི་པས་གང་བྱས་ངེད་རང་ནས་བྱས་པ་དང་ཁྱད་མེད་པའི་འཐེན་ཁྱེར་གྱི་གླེང་བརྗོད་མེད་པར་ཀུན་གྱིས་བཀོད་པ་གཡོ་མེད་དང་ངེད་དང་སྡེ་པའི་བར་སེལ་འཇུག་སོགས་བྱས་ཚེ་གཞུང་དོན་ལར་རྒྱ་ཆུགས་ཚབས་ཆེ་བས་བདེན་མེད་བརྫུན་བསྒྲིགས་ཀྱི་གཡོ་འཕྲུལ་བྱས་ཆོག་རྒྱུ་མིན། ན་ཚོད་སོགས་ནས་མི་ལྕོགས་པའི་ཁུར་ལེན་འཇོག་པ་ཤར་ཚེ། ནམ་ཡིན་པ་ལ་བཞག་པའི་ཟུར་(༡༠༢ན)

― GLG020_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྤྱི་འགྲེ་བཞིན་བྱེད་ལུགས་བློ་དང་སྦྱར་ཆོག་རྒྱུ་ཡིན་པ་སོགས་གོང་གསལ་གྱི་ཚིག་དོན་རྣམས་ལ་སྐྱ་སེར་དྲག་ཞན་སུས་ཀྱང་ཚུལ་བཞིན་བསྒྲུབས་པར་རྗེས་འཛིན་དང་། ལོག་པར་འཁུ་བར་ཚར་གཅོད་པས་མཚོན་པའི་ལེགས་ཉེས་ཀྱི་བསྟངས་འཛིན་འདོད་པ་ཁམས་ཀྱི་དབང་ཕྱུག་དམག་ཟོར་རྒྱལ་མོ་དང་། ཆོས་སྐྱོང་བེག་ཙེ་ལྕམ་དྲལ་སོགས་བསྟན་སྲུང་རྣམས་ཀྱིས་འཕྲིན་ལས་རྣམ་བཞི་སྒྲུབ་པའི་གྲོགས་དོན་གཡེལ་བ་མེད་པར་མཛད་དུ་གསོལ། འཕགས་པའི་ཡུལ་དུ་སིདྷཱརྠ༔ཕྱོགས་འདིར་དོན་གྲུབ་ཏུ་གྲགས་ཤིང་འཇམ་དབྱངས་གོང་མའི་རྒྱལ་ཁབ་ཏུ་གྱི་ཡི་ཞེས་པ་དབང་ཐང་དང་བསྟུན་པ་ས་མོ་ལུག་གི་ལོ་ཧོར་ཟླ་ལྔ་པའི་དཀར་ཆའི་རྒྱལ་བ་གཉིས་པའི་ཚེས་ལ་སྡེ་བཞིའི་སྒོ་འཕར་རྣམ་པར་ཕྱེ་བ་ཕོ་བྲང་ཆེན་པོ་པོ་ཏ་ལ་ནས་བྲིས་པ་ཛ་ཡནྟུ། །གོང་མ་ཧོང་དེའི་ལུང་གིས། ཟི་ཐན། ཏཱ་ཞན། ཙི་ཙིའི་ཕཱོ། ཤོ་ཝའི་ཐེན་ཞ། ཤི་སྐྱོའུ། ཡི་ཐུང་། བཱི་ཤི། དེའི་ཆི་ཀྱིང་གང་དེའི་ཁེའི། ཤད་ཟིན། ཙི་ཡིན། ཞེས་ནུབ་ཀྱི་ལྷ་གནས་ཆེས་དགེ་བ་བདེ་བར་གནས་པའི་སངས་རྒྱས་བཀའ་ལུང་གནམ་འོག་གི་སྐྱེ་འགྲོ་མཐའ་དག་བསྟན་པ་གཅིག་ཏུ་གྱུར་པ་འགྱུར་མེད་རྡོ་རྗེ་འཆང་རྒྱ་མཚོའི་བླ་མར་དབང་བསྐུར་བའི་གཏམ། ཉི་འོག་ཏུ་འཁོད་པའི་སྐྱེ་འགྲོ་སྤྱི་དང་། ཁྱད་པར་བོད་ཁྲི་སྐོར་བཅུ་གསུམ་གྱི་སའི་འཆར་འཁོད་པའི་བླ་སློབ་དཔོན་སོགས་རྒྱ་བོད་ཧོར་སོག་གི་གྲ་རིགས། གྲུབ་མཐའ་རིས་མེད་ཀྱི་གྲ་སྐོར་བ་ངམ་རིང་ཆོས་སྡེའི་མཁན་སློབ་ཆུ་ལྷོ་བྱང་གཉིས་ཀྱིས་གཙོས་པའི་འདུ་ཚོགས་བྱེད་མི་མཆོག་དམན་བར་མའི་སྐྱེ་འགྲོ་མཐའ་དག་ལ་སྤྲིངས་པ། ངམ་རིང་ཆོས་སྡེའི་གྲ་སྐོར་གོ་རིམ་ལ། མཁན་སྤྱིའི་ངག་བཀོད་ལ་ཉན་མི་ཉན་སྣ་ཚོགས་ཤིག་ཡོང་གི་ཡོད་འདུག་(༡༠༢བ)

― GLG020_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་རིགས་བྱས་ཚེ་བསྟན་པའི་མིག་རྐྱེན་ལ་གནོད་པ་འདུག་གཤིས། ལྕགས་སྤྲེ་ནས་བཟུང་གྲ་སྐོར་བའི་གོ་རིམ་གྲུབ་མཐའ་རིས་མེད་ཀྱི་གྲྭ་ཚང་ཁག་མང་ཉུང་སྣ་ཚོགས་ཡོད་ཀྱང་། འཆར་ཅན་ཉི་ཤུ་ཙམ་ལ་ཆ་བཞག་ན། སྔ་ལྡང་དང་པོ་འབྲས་སྤུངས་སྒོ་མངས་པ། གཉིས་པ་སེར་ཐེག་ཆེན་གླིང་པ། གསུམ་པ་འབྲས་སྤུངས་བློ་གསལ་གླིང་པ། བཞི་པ་དགའ་ལྡན་པ། ལྔ་པ་བཀྲ་ཤིས་ལྷུན་པོ། དྲུག་པ་གངས་ཅན་ཆོས་འཕེལ། བདུན་པ་ངམ་རིང་གཞི་གྲ། བརྒྱད་པ་དྭགས་པོ་གྲྭ་ཚང་། དགུ་པ་ས་སྐྱ་ལྷ་ཁང་ཆེན་པོ་མོ་བ། བཅུ་པ་དགའ་ལྡན་ཕུན་ཚོགས་གླིང་པ། བཅུ་གཅིག་པ་ལྷ་རྩེ་ཆོས་སྡེ་པ། བཅུ་གཉིས་པ་ཤེལ་དཀར་ཆོས་སྡེ་པ། བཅུ་གསུམ་པ་བྱམས་ཆེན་པ། བཅུ་བཞི་པ་ཐུབ་བསྟན་རྣམ་རྒྱལ། བཅོ་ལྔ་པ་ཡངས་ཅན། བཅུ་དྲུག་པ་བྱ་རྒོད་གཤོངས་པ། བཅུ་བདུན་པ་ཤེལ་དཀར་མངོན་དགའ་ཆོས་སྡེ་པ། བཅོ་བརྒྱད་པ་ཡར་འབྲོག་འཛམ་གླིང་ཆོས་འཁོར་བ། བཅུ་དགུ་པ་སྙེ་མོ་ཆོས་སྡེ་པ། ཉི་ཤུ་པ་འབྲས་ཡུལ་སྐྱེད་ཚལ་པ། ཉི་ཤུ་རྩ་གཅིག་པ་ལྷོ་བྲག་བཤད་སྒྲུབ་ཆོས་འཁོར་བ་རྣམས་ནས་རེ་རེ་ལྡང་རྗེས་སླར་ཡང་གྲ་ས་སོ་སོ་ནས་གཉིས་རེ་ཡོད་ན་ཉི་ཤུ་རྩ་གཉིས་པ་འབྲས་སྤུངས་སྒོ་མང་བ། རྩ་གསུམ་པ་སེར་བ་སོགས་གོ་རིམ་སྔ་མ་ཐར་ཆགས་སུ་འགྲོ། ཡང་སེ་ར་བའི་གྲ་སྐོར་བ་ཅིག་ལས་མེད་ན་ཉི་ཤུ་རྩ་གསུམ་པ་འབྲས་སྤུངས་བློ་གསལ་གླིང་པ་ལྡང་བ་སོགས་གྲངས་མེད་ཀྱི་བར་དུ་རིགས་འགྲེ་ཞིང་། བར་ལྡང་དང་ཕྱི་ལྡང་ཡང་གྲ་སྐོར་བའི་གོ་རིམ་སྔ་ལྡང་དང་འདྲ་བ་བྱེད་དགོས་རྒྱུ་དང་། ཆོས་སྡེའི་སྒྲིགས་བཀོད་སོགས་མཁན་སྤྱི་གཉིས་དང་། ལས་ཆེན་ཆོས་ཁྲིམས་རྣམས་ཀྱི་ངག་བཀོད་གང་བྱས་སོར་གནས་ལས་བསྟན་པའི་མིག་རྐྱེན་ལ་གནོད་པའི་རྩིང་སྤྱོད། ཤེས་ཁྱེར་སོགས་(༡༠༣ན)

― GLG020_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

ལོག་པར་འགྲོ་བ་གཏན་ནས་བྱས་ཆོག་རྒྱུ་མིན་པས་དབྱར་དགུན་གྱི་ཆོས་རའི་རིང་ཚོགས་ཆེན་དུ་ཉིན་ལྟར་གྱི་མང་ཇའི་ཐོག་ད་ཕྱིན་མགོ་ཆེ་རྐང་རིང་དཀྲུག་རྐྱེན་ངན་བསླབས་བྱེད་མི་སོགས་ལ་དམིགས་ནས་ཤེར་སྙིང་འཕར་མ་རེའི་མདོ་སྒྲུབ་སྟར་ཆགས་སུ་བརྒྱག་པ་དང་མཁན་སློབ་ཀྱིས་རྫོང་དུ་བརྡ་སྦྱར་བའི་རྩད་གཅོད་དང་དེར་མ་འཐུས་པ་བྱུང་ན་འདི་གར་གཏུགས་པའི་བཙའ་ར་གཏོང་རྒྱུ་ཡིན་པས་སོ་སོ་ནས་སྤང་བླང་འཛོལ་མེད་ཡོང་བ་གྱིས། གོ་བར་བྱེད་པའི་ཡི་གེ་དོན་གྲུབ་ཅེས་པ་ས་ལུག་ཧོར་ཟླ་བདུན་པའི་དཀར་ཆའི་རྒྱལ་བ་གཉིས་པའི་ཚེས་ལ་དཔལ་རི་བོ་གྲུ་འཛིན་གྱི་གཞལ་མེད་ཁང་ཆེན་པོ་ནས་བྲིས། །གོང་མ་ཧོང་དེའི་ལུང་གིས་དེའི་ཆིང་ཀྱིང་གང་ཞེས་སྲིད་ཞིའི་གཙུག་རྒྱན་དུ་དབང་བསྐུར་ཞིང་ཆེན་པོར་ཧོར་གྱི་རྒྱལ་ཁམས་སུ་ཏཱ་ལའི་བླ་མ་བཛྲ་དྷ་རར་འབོད་པའི་གཏམ། འཛམ་གླིང་ཡངས་པའི་སྐྱེ་འགྲོ་སྤྱི་དང་། བྱེ་བྲག་ཆོས་འཁོར་རྒྱལ་མེ་ཏོག་ཐང་གི་གཞི་བ། དྭགས་པོ་གྲ་ཚང་། མངའ་རིས་གྲ་ཚང་། སྒར་པ་གྲ་ཚང་རྣམསཀྱི་བླ་མ་དགེ་སྐོས་དབུ་མཛད། གཉེར་ལས་འཛིན། དཀའ་རབ་འབྱམས། མི་ཚན། དགེ་རྒན། སྣེ་སླེབས་མཐའ་དག་ལ་སྤྲིངས་པ། སྦས་ཡུལ་དཀར་མོའི་ལྗོངས་སུ་ཐམས་ཅད་མཁྱེན་པ་དགེ་འདུན་རྒྱ་མཚོ་དཔལ་བཟང་པོས་ཐུབ་བསྟན་སྤྱི་དང་ཁྱད་པར་རྒྱལ་བ་གཉིས་པ་ཤར་བཙོང་ཁ་པ་བློ་བཟང་གྲགས་པའི་དཔལ་གྱི་རིང་ལུགས་ཤར་ཕྱོགས་རྒྱལ་ཁམས་སུ་དར་རྒྱས་ཀྱི་ཆེད་དུ་དྲི་གཙང་ཁང་བརྩིགས། དཀོན་མཆོག་གསུམ་གྱི་རྟེན་བཞེང་བ་དང་དགེ་འདུན་གྱི་སྡེ་འཛུགས་པ་ཐམས་ཅད་མཁྱེན་པ་བསོད་ནམས་རྒྱ་མཚོས་བསྟན་པ་བསྲུང་བའི་ལྕགས་རིར་དགའ་ཚལ་དབང་དྲག་རོལ་པའི་མགོན་ཁང་བཞེངས་པ་སོགས། ཕྱག་རྗེས་དྲི་མ་མེད་པ་དེང་སང་གི་བར་གོང་ནས་གོང་དུ་(༡༠༣བ)

― GLG020_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

འཕེལ་རྒྱས་སུ་ཡོད་པའི་བཅའ་ཡིག་རྙིང་པ་རྣམས་ལ་གཞི་བྱས། ལྕགས་མོ་ཡོས་ལོ་གསར་དུ་བྲིས་པར་མ་ཚང་བ་ཆེར་མེད་རུང་དབྱར་ཆོས་ཆེན་མོའི་དུས་གཞི་བྱེས་ཕྱོགས་མཐུན་དུ་འཚོག་པའི་སྐབས་ཀྱི་སྤང་བླངས་ཆུ་ལམ་ཞུགས་ཡོད་པའི་དབང་དུ་བཏང་ནས་ཧ་ཅང་གི་ཞིབ་ཆ་མ་ཐེབས་པ་དང་། གྲྭ་ཚང་ཕན་ཚུན་གྱི་བླ་གྲ་བསམ་ཡོད་བློ་གཟུར་གནས་རྣམས་ཀྱིས་ལོ་ལོ་བཞིན་རྡོ་ལག་བརྒྱུད་ཀྱི་ཉམས་སུ་ལེན་བཞིན་པར་གསར་འགྱུར་གྱི་གླེང་བརྗོད་ག་ལ་བྱེད་ཀྱང་། བདུད་སྡིག་ཅན་རབ་བྱུང་གི་གཟུགས་སུ་བསྒྱུར་ནས་དགེ་འདུན་གྱི་དབྱེན་བྱེད་པར་འབྱུང་བ་མདོ་སྡེ་རྣམས་ལས་བཀའ་སྩལ་བ་ལྟར་ནག་པོའི་ཕྱོགས་ཀྱིས་ཡིད་བསྐྱོད་པའི་གྲ་རིགས་བསམ་ཆུང་ཅི་རིགས་ཀྱིས་གྲ་ས་གྲྭ་ཚང་གི་ཞེན་དུ་རློམ་པའི་ཕོ་གསར་གཏམ་འདོད་སོགས་དགོས་མེད་ཀྱི་གསར་དུ་རྩོད་པ་དང་། སྔར་མེད་གསར་བྱུང་གི་ངོས་ཕྲན་བུར་དཔའ་མཚན་དུ་རྩི་ཞིང་། ཀླད་ཆུང་ཅི་རིགས་ཀྱིས་ལེགས་སོ་བརྗོད་པ་དང་། དུས་ཕྱིས་རང་བསྟན་དབུ་འཕང་མཐོ་བར་བརྟེན་མི་ཚེ་འབྱིད་ཐབས་སུ་ཀར་འབྲུག་སོགས་གྲུབ་མཐའ་མི་གཅིག་པའི་མི། གྲྭ་ས་གྲྭ་ཚང་དུ་རྐུ་ཐབས་སུ་ཞུགས་པ་མང་ཞིང་ལྷག་ཏུ་བོན་དང་དྭགས་པོ་བཤད་སྒྲུབ་གླིང་སོགས་སུ་གྲུབ་མཐའ་གཞན་གྱིས་རྒྱུད་བསླད་པ་འདྲེས་ཆེས་གཤིས། གནས་སྐབས་བསྟན་ཞེན་ཡིན་ཁུལ་ལ་ཀུན་སློང་ངན་པ་ཡིད་ལ་བརྣགས་ཏེ་བདེ་སྐྱིད་ཕུང་ལ་རེ་བའི་བསམ་སྦྱོར་སྣ་ཚོགས་རྒྱུན་ལྡན་མཉམ་ཚོགས་དགོས་ན་མི་ཡོང་བའི་ངེས་པ་མི་འདུག་ནའང་དབྱར་ཞལ་ཞེས་སྔ་མའི་དབང་དུ་བཏང་བའི་ཧོར་ཟླ་དྲུག་པའི་ཚེས་བཅུ་བཞི་ལ་འབྱོར་བའི་བཅོ་ལྔ་ལ་གསོ་སྦྱོང་། བཅུ་དྲུག་ལ་དབྱར་ཞལ་གྱིས་བཞེས་པ་ནས་བཟུང་། བདུན་པའི་དགག་དབྱེའི་བར་དང་། དེ་རྗེས་སྨོན་ལམ་ཉེར་བདུན་(༡༠༤ན)

― GLG020_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་གྲུབ་ནས་སོ་སོར་གྱེས་ཤིང་། ཟླ་བ་གཉིས་མ་ལོངས་ཙམ་ལས་འདུ་འགོད་ལྷན་ཅིག་པར་མི་དགོས་པས་དབུས་གཙང་གི་ས་དགེའི་ཆོས་སྡེ་ཆེན་པོ་ཚོར་གྲྭ་གཙང་དུ་མ་རྒྱུན་དུ་མཉམ་འཚོག་དགོས་པར་ཡང་བསྒྲིགས་ཀུན་སྤྱོད་སོགས་ཆུ་བབས་ལས་དྲན་གསར་སྐྱེས་ཀྱི་གླེང་བརྗོད་མི་ཡོང་བར་ཟླ་བ་ཕྱེད་གཉིས་ཀྱི་རིང་ལ་སྒོ་གསུམ་བག་ཡངས་ཀྱི་རྣམ་འགྱུར་སྟོན་པ་གཞན་དག་ལ། དབྱར་ཚ་བའི་ཚོད་དུ་འདུག་ཅིང་ཁྱད་པར་དུས་གཞན་དང་མི་འདྲ་བར་དབྱར་གནས་རལ་བ་སོགས་ཀྱི་ཉེན་ཤིན་ཏུ་ཆེ་བ་འདུག་པས་དགེ་འདུན་རྣམས་ཐུགས་མཐུན་ཞིང་འཆད་ཉན་འཕེལ་བ་ཞིག་དགོས་གལ་ཆེ་བ་ནས། ཆོས་རྗེ་ལེགས་བཤད་གླིང་བ་བྱམས་པ་ཆོས་མཆོག་ཡན་གྱི་སྲོལ་རྒྱུན་ཐོག་སྔས་པས་རྒྱུས་མངའ་ཆེ་བ་མི་འདུག་རུང་། རྫིང་ཕྱི་མཁན་པོ་རིན་ཆེན་བློ་གྲོས་ཚུན་དྲན་པ་མང་བས་ཞིབ་མོར་དཔྱད་དེ་སྤང་བླང་འཛོལ་མེད་དུ་བཀོད་པ་ལ། དགོན་པའི་རིགས་གང་དུ་ཡང་གཞི་གཅིག་ལ་གྲྭ་ཚང་གཉིས་ཚུན་གྱིས་བྱེས་པའི་རིགས་འདུ་མཁན་ཡོད་ཕྱིན། གཞི་བ་ལ་མ་དང་བྱེས་པ་ལ་བུའི་ཐ་སྙད་བྱེད་པ་སྲོལ་ལམ་ཡིན་གཤིས་འདིར་ཡང་མཆོད་རྟེན་ཡས་སྦོམ་དུ་མ་སོང་བའི་མགོ་འོག་ལུས་འཆུད་དགོས་པ། ཚོགས་ཆེན་དུ་འདུ་འགོད་གང་མཛད་གཞི་བའི་རྒྱུན་སྒྲིགས་ཀྱི་རྗེས་སུ་འབྲང་བ་སྐབས་སུ་བབ་ཅིང་། དེ་ཡང་དབྱར་ཆོས་ཀྱི་རིང་བླ་མ་གཞན་འཚོག་སྲོལ་མེད་འདུག་ཅིང་། གདོང་གྲལ་གྱི་འགོར་ལེགས་བཤད་གླིང་མཁན་པོས་ཁྲི་མནན་པའི་གདོང་གྲལ་གཡས་ཀྱི་འགོར་གཞི་བའི་དབུ་མཛད། གཡོན་གྲལ་གྱི་འགོར་གཞི་བའི་དགེ་སློང་བ། སུམ་གྱི་འོག་ཏུ་དྭགས་གྲྭ་ཚང་། མངའ་རིས་གྲྭ་ཚང་། སྒར་གྲྭ་ཚང་གསུམ་གྱི་དབུ་མཛད། དེ་(༡༠༤བ)

― GLG020_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིན་གདོང་གྲལ་གཉིས་སུ་གཞི་པ། རྩ་གྲལ་གཡས་མངའ་རིས་གྲྭ་ཚང་། རྩ་གྲལ་གཡོན་དྲྭགས་པོ་གྲ་ཚང་། གདོང་གྲལ་གཉིས་སུ། མ་ཤོང་བའི་གཞི་བ་དང་སྒར་གྲྭ་ཚང་ཕན་ཚུན་གང་འདོད་ལ་མཉམ་བསྲེས་བྱེད། གཞི་བའི་དབུ་མཛད་ཀྱིས་འདོན་པ་གདངས་འདུར་གང་བསྐུལ་ཀྱང་ཚང་མས་ཀ་ཁྱག་གདུང་ཁྱག་ལས་གཡས་ཁྱེར་གཡོན་ཁྱེར་གྱིས་མཚོན་ཕྱིན་ཅི་ལོག་མི་བྱེད། དགེ་སྐོས་ཀྱི་གོ་རིམ་གཞི་བའི་རྒན་པ། དྭགས་གྲྭ་ཚང་། གཞི་བ་གཞོན་པ། མངའ་རིས་གྲྭ་ཚང་། སྒར་གྲྭ་ཚང་རྣམས་འཁོད། ཆོས་རྗེ་ལེགས་བཤད་གླིང་པས་བཅའ་ཡིག་གི་ནང་བཞིན་སྔར་ཡོད་གསལ་འདེབས་ཀྱི་ཚུལ་དུ་ཚོགས་གཏམ་རྒྱས་པར་གཏོང་། གཞི་བའི་དགེ་སྐོས་གཉིས་ཀྱིས་དེ་དོན་བཞིན་སྒྲིགས་གནོན། ཚོགས་གཏམ་གཞི་བའི་དགེ་སྐོས་གཉིས་ཀྱིས་མ་གཏོགས་བཏང་མི་ཆོག་ཅིང་། མ་ཁོམ་པའི་སྐབས་གྲལ་འགོར་སུ་ཡོད་ཀྱིས་མང་ཇའི་གནང་བ་ཞུ་བ་ཙམ་བྱེད། ཚྭ་རའི་གཏོང་ལུགས་གཞི་བའི་གདོང་གྲལ་གཉིས་སྔོན་དུ་སོང་རྗེས་རྩ་གྲལ་གཡོན་མ་ནས་ཟད་མཐའི་བར་དང་། དེ་རྗེས་གཡས་གྲལ་ལ་གཏོང་བ་ཞིག་བཅའ་ཡིག་དང་སྔར་སྲོལ་ལ་འདུག་རུང་། ཆོས་རྗེ་རིན་ཆེན་བློ་གྲོས་ཚུན་གདོང་གྲལ་གཉིས་སོང་རྗེས། རྩ་གྲལ་གཡོན་དེ་རྗེས་གཡས་སུ་གྲལ་རེ་མོས་བསྣོལ་རྒྱག་ཏུ་བྱེད་ཡོད་འདུག་པ་མོད་སྙོམས་ཤིང་མི་ལེགས་རྒྱུ་མི་འདུག་པས་དེ་དོན་སོར་གནས་བྱེད། འགྱེད་གདོང་གྲལ་གཉིས་བཏང་རྗེས། རྩ་གྲལ་གཡས་ཕྱོགས་སྔོན་ལ་གཏོང་སྲོལ་དང་། བར་སྐབས་སུ་གྲྭ་ཚང་གཉིས་ཀྱི་དགེ་སྐོས་ཤོ་བརྒྱབ་ནས་གཏོང་སྲོལ་དང་། དེང་སང་མཉམ་བཞེངས་ཀྱི་(༡༠༥ན)

― GLG020_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འདྲ་བ་གསུམ་བྱུང་འདུག་པ། ད་ཆ་གདོང་གྲལ་གཉིས་བཏང་རྗེས་རྩ་གྲལ་གཡས། དེ་རྗེས་གཡོན་སོགས་ཕན་ཚུན་བསྣོལ་ནས་གཏོང་། བརྩི་བ་སོགས་དོ་དམ་དགོས་པ་གཞི་བའི་དགེ་སྐོས་གཉིས་དང་དེས་མ་ལྕོགས་ན་བླ་བྲང་གཉེར་བའམ་དེའི་ངོ་ཚབ་ཀྱིས་བྱེད་པ་མ་གཏོགས་གྲྭ་ཚང་གསུམ་གྱི་སྣེ་མོ་བའི་རིགས་ཀྱིས་ཁ་འཇུག་མི་བྱེད། ཇ་ཐུག་སོགས་བླུག་ནས་ཐོག་མར་གདོང་གྲལ་གཉིས་དང་དེ་ནས་རྩ་གྲལ་གཡོན་དང་གཡས་སུ་ཕྱིན་པའི་གྲལ་གཡོན་གཡས་རེ་མོས་སུ་འགྲོ། ཇ་གཞེས་ཀྱང་གཞི་བའི་ཕྱག་བདེ་བས་བསྐུལ་བར་གཞན་རྣམས་ཀྱིས་རམ་འདེགས་ཤིང་ཞལ་ཏ་བ་ཡང་གཞི་བས་གཙོ་ཆེ་བ་བྱས་པའི་འདེབས་སྐུར་ཞལ་འདེབས་སོགས་བྱེད་པ་ལས་ལག་སུ་རིང་མི་བྱེད། ཚོགས་ཤིང་ཀྱང་གྲྭ་ཚོགས་ཆེ་ཆུང་ལ་དཔགས་པའི་བཟང་འགྲན་ལས་ངན་ཁྲེབ་མེད་པ་ནད་པ་ལྟ་བུ་ཕུད། དེ་ཕྱིན་ཕོགས་ཡིག་ཏུ་གསལ་བའི་ངོ་ཡོད་ཀྱིས་ལེན། གཞི་བའི་འཁར་རྔ་གཎྜི་དུང་རྣམས་འདུ་ཁང་སྟེང་ནས་གཏོང་ཞིང་། དྭགས་གྲྭ་ཚང་སྒེར་གྱི་འཁར་རྔ་འདུ་ཁང་ཕྱིའི་སྐོར་ལམ་ནས་བརྡུང་། སྒེར་ཚོགས་ཀྱི་ཇ་དང་དུས་བཟང་ཆོས་སྤྱོད་ཀྱི་ཇ་ཐབ་ཆེན་ལ་བསྐོལ་ན་ཁྲོར་གཟན་པ་ཡང་འདུག་པས་སྔར་སྲོལ་གཞིན་ཐབ་ཆུང་ལོགས་སུ་བཅོས་ནས་བསྐོལ། གྲ་ཚང་གཞན་གཉིས་གཙུག་ལག་ཁང་ཆེན་མོར་འཚོག་སྲོལ་མི་འདུག་རུང་། བྱམས་པའི་ཞལ་རས་ལྷ་ཁང་ལྟ་བུར་ཐེང་རེ་ཙམ་ཚོགས་སྲིད་པ་བྱུང་ནའང་འཁར་རྔ་ཐོག་སྟེང་ནས་མི་གཏོང་། དམ་བཅའ་ལ་ལེགས་བཤད་གླིང་དང་བླ་བྲང་གཉེར་པར་བསྙན་གསན་བྱེད་ཡོད་འདུག་པའི་སྟབས་སྔ་ཕྱི་འཛོལ་བའི་སྲུབས་དབར་ལ་མི་དན་པ་ཞིག་ཡོང་གི་ཡོད་འདུག་(༡༠༥བ)

― GLG020_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མང་ཉུང་ཙམ་བྱུང་གིས་ཤོ་བརྒྱབ་པའི་ཐོབ་རིམ་བཞིན་སྔོན་ལ་བྱེད་ཅིང་གྲལ་འགོར་སྡོད། ནག་ཁྲིམས་ཀྱང་བླ་བྲང་ཆེན་མོ་ནས་གནང་བ་སྡེ་བས་ཞུས་བྱེད་དགོས་བྱུང་ན་མ་གཏོགས་གྲྭ་ཚང་ཁག་ནས་སྡེབས་ཞུས་མི་བྱེད། སྟོབས་ཀྱིས་མ་འཁྱུད་པའི་མི་ཞུ་ཀ་མེད་བྱུང་ཀྱང་ཆུ་སྐོར་གླིང་སྨད་སོགས་ལ་སྡོད་པ་མ་གཏོགས་དགོན་འཁྲིས་སུ་སྡོད་ས་མེད། ཆོ་འཕྲུལ་སྨོན་ལམ་ཆེན་མོའི་སྐབས་དབུས་སུ་མཁན་པོར་ཁྲི། དེའི་གཡས་སུ་དྭགས་གྲ་ཚང་། གཡོན་དུ་མངའ་རིས་གྲྭ་ཚང་། སྒར་གྲྭ་ཚང་བཅས་པའི་སློབ་དཔོན་བར་ས་གདན་གྲུམ་ཙེ། གཡོན་གྲལ་གྱི་འགོར་གཞི་བའི་མཆོད་དབྱངས་པ་གཅིག དབུ་མཛད་རྣམས་རིམ་བཞིན། དགེ་སྐོས་བཅས་གོ་རིམ་མ་འཁྲུགས་པར་བྱེད་ཅིང་། ཕྱག་ལེན་མཐའ་དག་རྒྱལ་བ་བཙོང་ཁ་པ་ཆེན་པོའི་བཀའ་འབུམ་ཐོར་བུར་བཞུགས་པ་བཞིན་སླ་བཅོས་སུ་མ་སོང་བ་བྱེད། ལེགས་བཤད་གླིང་གདན་ས་བ་མེད་པའི་གསང་ཆེར་མི་ཡོང་ཞིང་གལ་སྲིད་བྱུང་ཚེ་དེ་ཁྲོད་དམ་འདི་ཕྱོགས་ནས་རྫོང་བདའ་སོགས་ཅི་འགབ་བྱེད་རྒྱུན་ཡོད་པས་གཞུང་དུ་དྲི་བ་བྱེད་མི་གཏོང་། སྔ་ཕྱི་བར་གསུམ་སྲོལ་རྒྱུན་དང་དགེ་རྒྱུན་བབས་འབྲེལ་སོགས་ལ་ཞིབ་མོར་བརྟགས་ནས་བཀོད་པར་བསྟན་བཤིག་ཁ་རེའི་འདོད་ཐོག་ཏུ་མ་སོང་བར་ངེས་པ་མེད། གཞི་བྱེས་སུ་འདྲ་ཞིག་ནས་ཀྱང་དམངས་མ་ཕལ་ཆེར་གློ་ཁ་མི་གྱང་བའི་རྒྱུ་མཚན་གླིང་རྒྱུ་ཡོད་ཚེ་འདི་དོན་སོར་གནས་དགོས་པའི་རལ་གྲི་གནམ་བསྐྱུར་མ་བྱེད་རྩིས་མིན་པས་བཙུན་པ་མནའ་མིར་མི་བཏུབ་པ་ཁྲིམས་ཡིག་ཏུ་གསལ་བས། ལྕགས་སྤྲེལ་རྩས་མ་ཆོད་འཕྲལ་སྣུམ་གྱིས་དཀར་གཡེང་བྱེད་ཅིང་། དེ་མིན་ཚང་མ་བློ་ཁ་མི་ཁེངས་པ་རྩོད་གླེང་གི་མཚན་ཉིད་ཡིན་པས་གྲ་རིགས་ཕན་ཚུན་གཟུར་(༡༠༦ན)

― GLG020_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་རྣམས་དེ་ཙམ་གྱིས་མཐུས་གྲས་ལ་དན་ཚེ་ད་ནས་བཟུང་འདི་དོན་སོར་གནས་མ་གཏོགས་སྒྲིགས་འགལ་གསར་སྐྱེས་མི་བྱེད་པ་དང་། གལ་སྲིད་བྱས་པ་བྱུང་ན་དམ་པ་གོང་མ་རྣམས་ཀྱིས་དམ་ལ་བཏགས་པའི་སྲུང་མི་སྤྱི་དང་། ཁྱད་པར་འདོད་ཁམས་དབང་ཕྱུག་རེ་མ་ཏཱེ། གནོད་སྦྱིན་བེག་ཙེ་ལྕམ་དྲལ། དཔལ་ལྡན་རྡོ་རྗེ་གཡའ་མ་སྐྱོང་གཡུ་སྒྲོན་མ་རྣམས་ཀྱིས། །༣༣ཟིང་བཤིག་བྱེད་མཁན་སུ་ཡིན་ལ་ཆད་པ་དྲག་པོ་ཐོག་ལྟར་འབེབས་པ་དང་། རྒྱལ་ཁྲིམས་ཀྱི་ཙ་རའང་ཞུ་འབྱོར་དང་བསྟུན་ཕྱིར་ལམ་ཁེགས་པ་ཡོང་བས་སོ་སོ་ནས་ངེས་པ་གྱིས། ཞེས་ས་ལུག་མགོ་ཟླ་བའི་དཀར་ཕྱོགས་ཀྱི་བཟང་པོ་དང་པོར་ཕོ་བྲང་པོ་ཏ་ལ་ནས་བྲིས། །རིག་སྔགས་འཆང་བ་ཆེ་མཆོག་འདུས་པ་རྩལ་གྱི་ཡི་གེ །རང་སེམས་མ་དག་པའི་འཁྲུལ་ངོར་སྣང་སྲིད་ལྷ་འདྲེར་ཤར་བ་ཕན་གནོད་བར་མའི་བྱ་བ་བྱེད་པ་མཐའ་དག་ལ་སྤྲིངས་པ། ཨུ་ཁི་རེ་ཐའི་ཇའི་བརྒྱུད་པ་ཨེར་ཏ་ན་ཇུ་ནང་འདི་པ་ངེད་ཀྱི་སྐྱབས་འོག་ཏུ་བཅུག་པ་ཡོད་པས་ཁྱོད་རྣམས་ཀྱིས་སྒྱུ་མའི་རྟ་གླང་ལྟར་མེད་བཞིན་དུ་དངངས་སྐྲག་དང་། དེའི་འབྲས་བུ་ཉམས་སུ་མྱོང་བར་གྱུར་བའི་གནོད་པ་མ་བྱེད་པར་ཚེ་དཔལ་སྟོབས་འབྱོར་རྒྱས་པའི་མཐུན་རྐྱེན་ཡིན་ཡང་དག་སྒྲུབས། བླང་དོར་ཚུལ་བཞིན་བྱས་པར་རིང་པོར་མི་ཐོགས་པར་འཁོར་བ་མཐའ་ཅན་དུ་འགྱུར་བའི་སྨོན་ལམ་བྱེད་པ་ཡིན་ཞེས་ལྕགས་སྤྲེལ་ཧོར་ཟླ་དྲུག་པའི་ཡར་ཚེས་བཅུ་གསུམ་ལ་དགའ་ལྡན་ཕོ་བྲང་ནས་བྲིས། །

ཆོས་སྡེ་ཆེན་པོ་དཔལ་ལྡན་འབྲས་སྤུངས་ཀྱི་ཁྲིམས་སུ་བཅའ་བའི་རིམ་པ་ཚུལ་འཆལ་ས་སྲུངས་འདུལ་བའི་ལྕགས་ཀྱོ་ཀུན་གསལ་མེ་ལོང་།

― GLG020_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

སུཀྲཏ མ དྷི ཀ མ དྷྱ མ བྱ ནྟ ཀ ཀྵ ཏྲ དྷཱ ཏྲ བི ན དྷེ ཪྴི ངྒ བྷཱུ ཏྱཱ དྷ ར སྠུ ལྱ ཀ བྻཱུ ཧ ར སྠཱ ན ཏྲ ངྴ ངི ན མ ཏྟཱ ལུ ར ཤི ཏི ས མི པ ཏ ཙ ཧྱ ནུ བྱ ཉྫ ནོ ཏྶཱ ཧ མཱ ག ནྡྷ ཤུ དྡྷིཾ ན ཀཱ ཤེ ཥུ ཤཱ སྟཱི ཡ ཙོ ཏྟཱ མ ཏཱ བྷོ ག སཱ མཱ པྟཱ ཧཱ རཱུ པ ཀ༔ ཆོས་དབྱིངས་ངང་ལས་མཐའ་དབུས་དང་བྲལ་ཞིང་ཁམས་རྒྱ་མཚོའི་གཙོར་གྱུར་འོག་མིན་སྟུག་པོ་བཀོད་པའི་གནས། །སུམ་ཅུའི་མཚན་མངའ་དཔེ་བྱད་བརྒྱད་ཅུས་ཉེར་སྤྲས་དྲི་མེད་དག་གསལ་སྟོན་པ་ལོངས་སྤྱོད་རྫོགས་པའི་སྐུ།(༡༠༧ན)

― GLG020_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

ད ཤ ཥ ཊ བ ཡ བ སྱ བཱ ཀྵྭཱ ར ཀ པྲཱ མཱ དྷུ ཪྻ སྱ ཤཱུ ནྱ ཏྱ ཀཱ རུ ཎྱ ག རྦྷ ཏྨ ཀ ལྱ མ ཧཱ ཡཱ ན དྷཱ རྨ སྱ རཱ བེ ཎ ག རྫ བ བ ར ཎ བི དཱ རི ཀ ཀླ ཤ ཀ རྨཱ ས མཱ ཛཱ བྷི བྷཱུ ཡེ ད ཤཱ བྷཱུ མི ཙ ཀྲ ངྒ ག ནྱཱ ནྱ ཏཱ མཱ བྷ བོ དཱ ན ཏཱ ཡུ ཀྟ ཀ༔ ཡན་ལག་དྲུག་ཅུའི་གསུང་དབྱངས་རབ་སྙན་སྟོང་ཉིད་སྙིང་རྗེའི་སྙིང་པོ་རང་རྩལ་ཐེག་ཆེན་ཆོས་སྒྲ་སྒྲོག །ལས་ཉོན་ཤེས་སྒྲིབ་དགྲ་ཚོགས་ཟིལ་གནོན་ས་བཅུའི་འཁོར་ལ་ནམ་མཁའ་དུས་གཞན་གྱུར་མིན་ཡེ་ཤེས་སྦྱར། །གཟུགས་པ་ལྔ་ཡིས་སྐྱེ་དགུའི་བསོད་ནམས་རྒྱ་ཆེར་སྤེལ་ཆེད་སེར་སྐྱར་མཆོག་སྤྲུལ་གར། །ཟས་གཙང་སྲས་པོར་ཡོངས་གཏམས་ལྷ་ཀླུ་ལ་སོགས་དྲེགས་ལྡན་ཀུན་གྱིས་བཀུར་སྟི་བསྟབས། །གདུལ་བྱའི་ཁམས་དང་དབང་པོ་འཚམ་པའི་བླ་མེད་ཆོས་ཀྱི་འཁོར་ལོ་ལེགས་བསྐོར་ཏེ། །འཕྲིན་ལས་རྒྱུན་མི་ཆད་པས་འགྲོ་རྣམས་རྣམ་འདྲེན་སར་འཁྲིད་བུ་རམ་ཤིང་པ་ཀྱེ། །ཐུབ་བསྟན་བདག་པོ་དགྲ་བཅོམ་རིམ་གཏད་ཤིང་རྟ་ཆེན་པོ་ཀླུ་སྒྲུབ་ཞབས། །ཐོགས་མེད་སྐུ་མཆེད་རྒྱན་དྲུག་མཆོག་གཉིས་ལ་སོགས་ཤེས་བྱའི་(༡༠༧བ)

― GLG020_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཀུན་མཁྱེན། །བརྟུལ་ཞུགས་སྤྱོད་པའི་དབང་པོ་ས་ལམ་རབ་བརྙེས་གྲུབ་ཐབ་བརྒྱད་ཅུའི་ཚོགས། །མཛད་བཟང་ཉི་དངོས་བརྒྱ་ཕྲག་འོད་སྟོང་འབར་བས་འཛམ་གླིང་རྨོངས་མུན་གཞིལ། །རིགས་གསུམ་སྒྱུ་དྲའི་གར་མཁན་ཆོས་རྒྱལ་མེས་དབོན་རྣམ་གསུམ་གཟུགས། །བསིལ་ལྡན་སྐྱེ་འགྲོའི་རྣམ་དཀར་ལེགས་བྱས་ཕུང་པོ་དངས་ཤེལ་ངོས། །ཡོངས་ཤར་གཟིགས་མོའི་སྣང་བརྙན་དིང་བར་ཤིན་ཏུ་ཚར་དངར་བ། ལྷག་བཅས་ཉིས་སྟོང་བགྲང་བྱའི་གནས་དེ་སླར་ཡང་རིང་པར་གྱུར། མཆོག་གསུམ་རིན་ཆེན་རྟེན་དང་བརྟེན་པའི་སྡོང་བུ་ཆེར། མཐའ་ཀླས་མང་རྒྱུད་འཆད་རྩོད་རྩོམ་པའི་ཕང་ཕུང་རྒྱས། །ཚུལ་ཁྲིམས་དྲི་བསུང་སཱ་ལའི་ལྗོངས་འདི་མ་ལ་ཡར། །བསྒྱུར་མཛད་ལོ་པཎ་ཚོགས་ལ་སྙིང་ནས་ལྷག་པར་དུད། སྣང་བ་མཐའ་ཡས་ཟློས་གར་ཨ་ཏི་ཤ༔ པད་དཀར་འཆང་དངོས་རྒྱལ་བའི་འབྱུང་གནས་སོ། །ལྷ་ཆོས་བདུན་ལྡན་མཚུངས་མེད་བཀའ་གདམས་པའི། །བཤེས་གཉེན་དམ་པའི་ཚོགས་རྣམས་ཕྱག་གི་ཡུལ། །རྒྱལ་ཀུན་སྤྲུལ་པ་གངྒཱའི་ཀླུང་རྡུལ་སྙེད། །རྣམ་དཔྱོད་ཕུང་པོ་དངོས་གང་འཇམ་དཔལ་དབྱངས། །ལུས་ཅན་སྲིད་པར་འཁྱམས་པའི་སྐྱབས་གཅིག་པུ། །མི་ཡི་ཟོལ་བཟུང་བློ་བཟང་གྲགས་པས་སྐྱོངས། །སྒྲོན་བསྐལ་སངས་རྒྱས་བཞི་པ་ཤཱཀྱའི་བསྟན། །མངོན་སུམ་རབ་སྨིན་ལུང་རྟོགས་རོ་བདེའི་ཟས། །མཁས་མང་བློ་གསལ་ཡོངས་ལ་འགྱེད་མཛད་པ། །འཇམ་དབྱངས་བཀྲ་ཤིས་དཔལ་ལྡན་ལས་ལྷག་སུ། །དཔག་དཀའི་ལེགས་བཤད་གནད་གསང་སིནྡྷུའི་རྒྱུན། །རྣམ་དཔྱོད་ཧུབ་གཅིག་གིས་འདྲེན་ཆོས་གྲྭ་ཆེར། །མཁས་གྲུབ་རིམ་པར་བྱོན་དང་འབྱོན་(༡༠༨ན)

― GLG020_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་གྱི། །མཁན་བརྒྱུད་ཚོགས་རྣམས་བསོད་ནམས་བླ་མེད་ཞིང་། །ཐོས་བསམ་ཡོན་ཏན་མཐར་ཕྱིན་འདུས་སྡེའི་དཔལ། །དགའ་ལྡན་བཤད་སྒྲུབ་མ་ལུས་འབྱུང་བའི་གནས། །འབྲས་དཀར་ཕྱུར་བུར་སྤུངས་པའི་ཆོས་སྡེ་ཆེའི། །ཕྲ་ཞིབ་བཅའ་བའི་ཡི་གེ་མ་སྨད་འཕྲུལ། །རྣམ་དག་ཚུལ་ཁྲིམས་ཆུ་སྐྱེས་དགའ་བའི་ཚལ། །བག་མེད་འཆོལ་བས་བརྫི་བའི་གཉིས་འཐུང་ཚོགས། །ཤེས་བཞིན་ར་བར་འཇུག་པའི་ལྕགས་ཀྱི་ཀྱོ། །བླང་དོར་ཀུན་གསལ་མེ་ལོང་འདི་ན་སྤེལ། །ཞེས་པའི་ཚིགས་སུ་བཅད་པས་སྔུན་བསུས་ཏེ། །དེའང་བསྐལ་པ་དཔག་ཏུ་མེད་པའི་སྔོན་རོལ་ནས་བྱང་ཆུབ་མཆོག་ཏུ་སེམས་བསྐྱེད་ཅིང་སྤྱོད་པ་རླབས་པོ་ཆེ་གོམས་པར་མཛད་པས་སྒྲིབ་གཉིས་ཟད་པར་སྤངས་པའི་སྐུ་བརྙེས་ནས་འགྲོ་བའི་དོན་དུ་སྣང་ཚུལ་ནི། དཔལ་ལྡན་ཟླ་བ་གྲགས་པས། ཤེས་བྱའི་བུད་ཤིང་སྐམ་པོ་མ་ལུས་པ། །བསྲེགས་པས་ཞི་དེ་རྒྱལ་རྣམས་ཆོས་སྐུ་སྟེ། །དེ་ཚེ་སྐྱེ་བ་མེད་ཅིང་འགག་པ་མེད། །སེམས་འགགས་པས་ཏེ་སྐུ་ཡི་མངོན་སུམ་མཛད། །ཅེས་གསུངས་པ་ལྟར། ཆོས་ལོངས་གཉིས་ཐོབ་སྔ་ཕྱི་མེད་པར་དུས་མཉམ་དུ་འཐོབ་ཚུལ། མགོན་པོ་བྱམས་པས། གང་གིས་འཁོར་བ་ཇི་སྲིད་བར། །འགྲོ་ལ་ཕན་པ་སྣ་ཚོགས་དག །མཉམ་དུ་མཛད་པའི་སྐུ་དེ་ནི། །ཐུབ་པའི་སྤྲུལ་སྐུ་རྒྱུན་མི་ཆད། །ཅེས་དང་། མངོན་པ་ཀུན་ལས་བཏུས་ལས། ཅིག་ཅར་ཉོན་མོངས་པ་དང་ཤེས་བྱའི་སྒྲིབ་པ་སྤོང་ངོ་། །ཅིག་ཅར་དགྲ་བཅོམ་པ་དང་དེ་བཞིན་གཤེགས་པར་འགྱུར་རོ། །ཞེས་པ་ལྟར། ཆུ་ནང་གི་ཟླ་བ་བཞིན་འགྲོ་བའི་མོས་(༡༠༨བ)

― GLG020_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

བློར་གང་ལ་གང་འཚམ་གྱིས་དག་པ་གཉིས་ལྡན་གྱི་ཆོས་ཀྱི་སྐུ་འོག་མིན་གྱི་ཞིང་མུ་མཐའ་དང་བྲལ་བར་ངེས་པ་ལྔ་ལྡན་གྱི་ལོངས་སྤྱོད་རྫོགས་སྐུ་མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་ཡང་དག་པར་བརྒྱན་པ་ལས་གཡོ་བ་མེད་བཞིན་དུ་སྣ་ཚོགས་པའི་སྤྲུལ་སྐུར་སྟོན་པ་དེ་བཞིན་གཤེགས་པ་ཐམས་ཅད་ཀྱི་རྣམ་པར་ཐར་པ་ཡིན་ཏེ་མདོ་སྡེ་རྒྱན་ལས། དེ་ནི་ཅིག་ཅར་ལ་ལར་སྒོོ་མང་བརྒྱ་ནས་ཆོས་ཀྱི་འཁོར་ལོ་དང་། ལ་ལར་སྐྱེ་བ་མི་སྣང་ལ་ལར་སྐྱེ་བའི་སྤྱོད་པ་སྣ་ཚོགས་དང་། ལ་ལར་བྱང་ཆུབ་ཐམས་ཅད་ལ་ལར་དེ་ནི་མྱ་ངན་འདས་སྟོན་ཀྱང་། དེ་ནི་གནས་དེ་ལས་ཀྱང་རྣམ་པར་གཡོ་མི་མངའ་ལ་ཐམས་ཅད་མཛད། ཅེས་པ་ལྟར་བསམ་གྱིས་མི་ཁྱབ་པའི་མཛད་འཕྲིན་སྟོན་པའི་འཇིག་རྟེན་གྱི་ཁམས་དེའང་ཕྱི་རོལ་ན་ཡོད་པར་ཐེག་པ་འོག་མ་དང་མུ་སྟེགས་ཀྱི་གཞུང་ནས་བཤད་ཅིང་མདོ་སྡེ་པ་དང་སེམས་ཙམ་པ་ཡན། ཀུན་གཞིའི་རྣམ་ཤེས་འཁྲུལ་རྒྱུས་བསླད་པ་མ་གཏོགས་ཕྱི་ན་མེད་པར་བཞེད། དཔལ་དུས་ཀྱི་འཁོར་ལོར་འཇིག་རྟེན་ཀུན་རྫོབ་ཏུ་མོས་པ་སྣ་ཚོགས་པའི་སེམས་ཅན་རྣམས་ཀྱི་བསམ་པའི་དབང་གིས་འཇིག་རྟེན་ཁམས་ལ་ཚད་སྣ་ཚོགས་པ་གསུངས་ཤིང་། དོན་དམ་པའི་བདེན་པས་འཇིག་རྟེན་གྱི་ཁམས་ལ་ཚད་མེད་དེ། སེམས་ཅན་གྱི་བསོད་ནམས་དང་སྡིག་པའི་དབང་གིས་འཇིག་རྟེན་ཁམས་ལ་ཚད་སྣ་ཚོགས་སུ་སྣང་བ་ཡིན། ཞེས་དང་། ཆོས་མངོན་པར་སྟོང་གསུམ་མི་མཇེད་འཇིག་རྟེན་ཁམས་སུ་བཤད་ཐེག་པ་ཆེན་པོར་སྟོང་གསུམ་བྱེ་བ་ཕྲག་བརྒྱར་རབ་འབྱམས་མཚམས་སྦྱོར། དེ་ཉིད་རིམ་བཞིན་ཕྲག་བརྒྱར་ལོངས་རེས་ཀྱིས་རྒྱུད་དང་བར་མའི་རྒྱུད། གཞི་དང་སྙིང་པོ་མེ་ཏོག་གིས་བརྒྱན་པ་སྤྲུལ་པ་སྐུའི་ཞིང་ཡིན་ཅིང་། ཞིང་ཁམས་དེ་དག་ཐམས་ཅད་རྣམ་སྣང་(༡༠༩ན)

― GLG020_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

གངས་ཅན་མཚོའི་བ་སྤུའི་ཁུང་བུ་རེ་ལའང་བྱེ་བ་ཕྲག་བརྒྱ། སྐུའི་རྡུལ་ཕྲན་རེ་ལའང་དེ་འདྲ། ཞིང་གི་རྡུལ་རེ་ལའང་དེ་འདྲ་བ་རྣམས་ལོངས་སྤྱོད་རྫོགས་སྐུའི་ཞིང་ཁམས་ནམ་མཁའི་མཐའ་དང་མཉམ་པར་གནས་པ་དེ་རྣམས་ནི་ལ་ལ་ཉོན་མོངས་པ་དང་། ལ་ལ་ཡོངས་སུ་དག་པ་དང་། ལ་ལ་ཀུན་ནས་ཉོན་མོངས་པ་མེད་པར་དག་པ་དང་། ལ་ལ་དག་པའི་ཞིང་ཡིན་ཀྱང་ཀུན་ནས་ཉོན་མོངས་པ་དང་ལྡན་པ། ལ་ལ་སྤྱི་བོ་ཚུགས་དང་ལ་ལ་སྣྲེལ་ཞིའི་ཞིང་དང་། རྒྱུ་དབྱིབས་རྒྱན་དང་འགྲོ་བའང་ཐ་དད་ཉིད་དུ་གནས་པའང་། ཇི་སྐད་དུ། ཇི་ལྟར་མེ་ལོང་ངོས་ལ་བཞིན་སྣང་ལྟར། །འཇིག་རྟེན་ཞེས་བྱ་ཕྱིན་ཡོད་མིན་ཀྱང་། །བྱེས་རྣམས་ཇི་ལྟར་སྣང་བ་དེ་ཙམ་ལ། །བདེན་པར་ཞན་དེ་སོ་སོར་ཨ་ཐང་ཆད། །ཅེས་སེམས་ཅན་སོ་སོའི་བསམ་པས་བག་ཆགས་སོ་སོར་བཞག་པའི་ལས་སྣང་གི་ནུས་པ་བསམ་གྱིས་མི་ཁྱབ་པའི་མཐུས་དངོས་པོ་གཅིག་ཉིད་ཆེ་ཆུང་མདོག་དབྱིབས་བཟང་ངན་མི་འདྲ་བ་དུ་མར་མཐོང་བ་མངོན་སུམ་དུ་གྲུབ་པ་མངོན་པ་གོང་འོག །གདགས་པ་དྲན་པ་ཉེར་གཞག །ཕལ་ཆེན། མཁའ་འགྲོ་རྒྱ་མཚོ། དུས་འཁོར་སོགས་མདོ་རྒྱུད་མང་པོ་ནས་འབྱུང་བ་ལྟར་ཡིན་ལ། དུས་ཀྱི་འཁོར་ལོ་ལོངས་སྤྱོད་ཀྱི་གླིང་དྲུག་དང་། བདུན་པ་ལས་ཀྱི་ས་པ་འཛམ་གླིང་ཆེན་པོ་ནི། མཁའ་འགྲོ་རྒྱ་མཚོར། འཛམ་བུ་གླིང་ནི་ཆེན་པོ་ཡི། །དུམ་བུ་བཅུ་གཉིས་ཀྱི་ནི་དབུས། །ཞེས་ལྷོ་གླིང་འཛམ་གླིང་ཆུང་ངུ་ཤིང་འཛམ་བུ་ཏྲིི་ཤས་མཚན་པ། མཆོག་ཏུ་གྱུར་པའི་རྒྱུ་མཚན་ཤར་ཕྱོགས་ན་འཕགས་པ་འཇམ་དབྱངས་ཀྱི་ཞིང་རི་བོ་རྩེ་ལྔ། ལྷོ་ཕྱོགས་ན་དཔལ་ལྡན་འབྲས་སྤུངས་ཀྱི་མཆོད་རྟེན་དང་རི་བོ་པོ་ཏ་ལ། ནུབ་ཕྱོགས་ན་ཨོ་རྒྱན་མཁའ་འགྲོའི་(༡༠༩བ)

― GLG020_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་མཛོད། བྱང་ཕྱོགས་ན་ཤམྦྷ་ལའི་གྲོང་། གངས་ལྡན་མཚོ་མ་དྲོས་པ་ནས་ཆུ་བོ་བཞི་འབབ་པ་སྤོས་དང་ལྡན། བྲག་གསེར་གྱི་བྱ་སྐྱིབས། ཤིང་སཱ་ལ་རབ་བརྟན། གཞན་ཡང་ཡུལ་ཉེར་བཞི་དང་གནས་སུམ་ཅུ་རྩ་གཉིས། དུར་ཁྲོད་བརྒྱད་སོགས་དཔའ་བོ་མཁའ་འགྲོ་རྣམས་རང་བཞིན་གྱིས་འདུ་བའི་གནས་དང་། དུས་འཁོར་ལས། འཕགས་ཡུལ་བོད་ལི་རྒྱ་ནག་དང་། ཀཻ་ལ་ཤ་དང་གངས་ཅན་ཆ། ཞེས་ཡུལ་དྲུག་གིས་མཚོན་ཏེ་ཡོན་ཏན་བརྗོད་ཀྱིས་མི་ལང་བ་དང་ལྡན་པའི་ཡུལ་དབུས་མ་ག་དྷར་འདས་མ་འོངས་ད་ལྟ་བའི་སངས་རྒྱས་ཐམས་ཅད་ཀྱི་འབྱུང་གནས་དམ་པར་གྱུར་པ་རྣམས་ཀྱི་ནང་ནས་ཁྱད་པར་སྙིང་རྗེས་པདྨ་དཀར་པོར། སྔོན་བསྐལ་པ་ཆེན་པོ་འཛིན་པ་ཞེས་བྱ་བར་འཁོར་ལོས་སྒྱུར་པའི་རྒྱལ་པོ་རྩིབས་ཀྱི་མུ་ཁྱུད་སྲས་འཁོར་དང་བཅས་པ་སངས་རྒྱས་རིན་ཆེན་སྙིང་པོ་ལོ་མང་པོའི་བར་བསྙེན་བཀུར་བའི་ཚེ་རྨི་ལྟས་ཇི་ལྟར་བྱུང་བ་བཞིན་རྒྱལ་པོ་སྲིད་ལ་ཆགས་པས་ངན་སོང་དང་གཞན་རྣམས་བྱང་ཆུབ་ཐོབ་པར་གསུངས། དེའི་ཚེ་བྲམ་ཟེ་རྒྱ་མཚོའི་རྡུལ་གྱིས་རྒྱལ་བར། རྒྱལ་པོ་ཆེན་པོ་མིར་གྱུར་པའང་རྙེད་པར་དཀའ། སངས་རྒྱས་འཇིག་རྟེན་དུ་འབྱུང་བ་རྙེད་པར་དཀའ། དམ་པའི་ཆོས་ཉན་པའང་རྙེད་པར་དཀའ་ཡིས། བླ་ན་མེད་པའི་བྱང་ཆུབ་ཏུ་ཐུགས་སྐྱེད་ཅིག །ཅེས་བསྐུལ་བས་རྒྱལ་པོ་འཁོར་དང་བཅས་པ་སེམས་བསྐྱེད་པར་ཞལ་གྱིས་བཞེས་པ་སངས་རྒྱས་ཀྱིས་བྱིན་གྱིས་བརླབས་པའི་ཞིང་སྤྲུལ་བ་འདམ་དུ་བཅུག་པས་རྒྱལ་པོའང་དད་ནས་དོན་ཡིད་ལ་བསམ་པར་བྱེད་པ་ལས་ལྷས་བླངས་ཏེ་སངས་རྒྱས་ཀྱི་སྤྱན་སྔར་ཞིང་ཁམས་བཟུང་ཞིང་སེམས་བསྐྱེད་པ་བྲམ་ཟེ་བྱེ་བ་ཕྲག་གསུམ་ལུང་བསྟན་རྗེས་བྲམ་ཟེ་རིག་བྱེད་ཀློག་པ་སྟོང་གི་ཐ་མར་(༡༡༠ན)

― GLG020_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐུལ་བས་སྐལ་པ་བཟང་པོར་ཐུབ་པ་ཇི་ཙམ་འབྱུང་ཞུས་པའི་ཚེ་དེ་བཞིན་གཤེས་པ་རིན་ཆེན་སྙིང་པོས་ཐུབ་པ་ཉི་མ་སྟོང་དང་བཞི་འབྱུང་བར་འགྱུར་རོ་གསུངས་པས། དེ་དག་གི་སྐུ་ཚེའི་ཚད་དང་། འདུལ་བྱ་སོགས་ཇི་ཙམ་ཡོད་པ་འབྱུང་བའི་སྨོན་ལམ་བཏབ་པས་ལེགས་སོའི་བར་སོང་ནས་བྲམ་ཟེ་རྒྱ་མཚོའི་རྡུལ་གྱིས་ཞིང་མ་དག་པ་མི་མཇེད་གྱི་ཞིང་སེམས་ཅན་མ་རུངས་པ་མི་དགེ་བ་བཅུ་ཚང་བར་སྤྱོད་མཚམས་མེད་པ་ལྔ་བྱེད་པ་ཤིན་ཏུ་གདུལ་དཀའ་བ་རྣམས་ལ་ཐུགས་རྗེས་ལྷག་པར་གཟིགས་ནས་སྨོན་ལམ་ཆེན་པོ་ལྔ་རྒྱའི་སྟོབས་བརྗོད་པ་སངས་རྒྱས་ཀྱིས་ཤིན་ཏུ་བྱ་དཀའི་བརྩོན་འགྲུས་བཞིར་སྨོན་པ་སོགས་ལ་དགོངས་ནས། ཁྱོད་ནི་པདྨ་དཀར་པོ་ལྟ་བུའི་བྱང་ཆུབ་སེམས་དཔའ་འོ། །གཞན་ནི་མེ་ཏོག་ལྟ་བུའི་བྱང་ཆུབ་སེམས་དཔའ་འོ། །ཞེས་སོགས་ཚད་བཟུང་དང་བྲལ་བའི་རྣམ་འདྲེན་བཞི་པར་ལུང་བསྟན་པ་ན་ཕྱོགས་བཅུའི་སངས་རྒྱས་སྲས་བཅས་དང་མིའི་སྐྱེ་དགུ་ཐམས་ཅད་ཀྱིས་མཆོད་ཅིང་བསྔགས་པ་སྲིད་པའི་རྩེ་མོའི་བར་དུ་སྒྲོག་པར་མཛད་པ་དང་མཐུན་པར་གཟིགས་པ་ལྔ་དང་ལྡན་པས་ཟས་གཙང་གི་སྲས་པོ་དོན་ཐམས་ཅད་གྲུབ་པས་མཛད་པ་བཅུ་གཉིས་ལ་སོགས་པའི་ཚུལ་བསྟན་པའི་ནང་ནས་མཆོག་ཏུ་གྱུར་པ་ཆོས་ཀྱི་འཁོར་ལོ་བསྐོར་བའི་མཛད་པ་ནི་ལྷར་བཅས་སྐྱེ་དགུ་མཐའ་དག་གི་ཕན་པ་དང་བདེ་བ་མ་ལུས་པ་འབྱུང་བའི་སྒོ་གཅིག་པུ་ལུང་དང་རྟོགས་པའི་བདག་ཉིད་ཅན་དུ་བཤད་པའང་། རྗེ་བཙུན་བྱམས་པས། གང་ཞིག་དོན་ལྡན་ཆོས་དང་ཉེར་འབྲེལ་ཞིང་། །ཁམས་གསུམ་ཀུན་ནས་ཉོན་མོངས་སྤོང་བྱེད་གསུངས། །ཞི་བའི་ཕན་ཡོན་སྟོན་པར་མཛད་པ་གང་། །དེ་དག་དྲང་སྲོང་གསུང་ཡིན་ལྡོག་པ་གཞན། །ཞེས་(༡༡༠བ)

― GLG020_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་དང་བརྒྱུད་པའི་སྒོ་ནས་གདུལ་བྱའི་རྒྱུད་ཀྱི་ལས་དང་ཉོན་མོངས་པའི་ཚོགས་ཞི་བ་དང་། མཐར་མྱ་ངན་ལས་འདས་པའི་གོ་འཕང་འཐོབ་པའི་མཆོག་དང་། འགའ་ཞིག་ཡན་ལག་གི་ཚུལ་དུ་གསུངས་པ་ཤ་སྟག་ཡིན་ལ། བསྟན་པ་རིན་རིན་པོ་ཆེ་དེའང་འདུལ་བ་ལས། མཉན་ཡོད་གནས་བཅས་ཙམ་པ་ཀ །ཝ་ར་ཎཱ་སི་ཡངས་པ་ཅན། །རྒྱལ་པོའི་ཁབ་དང་དྲུག་པོ་དེ། །འདི་དག་གྲོང་ཁྱེར་ཆེན་པོར་གྲགས། །ཞེས་གྲོང་ཁྱེར་དེ་དག་གིས་མཚོན་པའི་ཡུལ་གྱི་ཤར་དུ་ལི་ཁ་རའི་ཤིང་ཚང་ཚིང་ཅན། ལྷོར་ཆུ་ཀླུང་འདམ་བུ་ཅན། ནུབ་ཏུ་བྲམ་ཟེའི་གྲོང་ཀ་བ་དང་ཉེ་བའི་ཀ་བ། བྱང་དུ་ཨུ་ཤི་རི་རྣམས་ཀྱི་ནང་དུ་འཁོར་རྣམ་བཞི་བཞུགས་པ་ཆོས་དང་ས་ཚིགས་གཉིས་ཀའང་ཡུལ་དབུས་སུ་བཀའ་རྣམས་རིམ་པར་གཏད་ཅིང་བསྡུ་བ་རྣམ་པ་གསུམ་དང་། འཕགས་པ་ཀླུ་སྒྲུབ་དང་ཐོགས་མེད་ལ་སོགས་པ་པཎ་གྲུབ་མཐའ་ཀླས་པས་འཆད་ཉན་གྱིས་གཏན་ལ་ལེགས་པར་ཕབ་སྟེ་དགོངས་འགྲེལ་གྱི་བསྟན་བཅོས་དཔག་ཏུ་མེད་པ་བསྟར་ནས་ཉིན་མོ་བཞིན་གསལ་བར་མཛད། དེ་ཉིད་གངས་ཅན་གྱི་ལྗོངས་སུ་ཇི་ལྟར་འབྱུང་བའི་ཚུལ་ཡང་། འཇམ་དཔལ་རྩ་རྒྱུད་ལས། ང་ཡི་དུས་ནས་ལོ་བརྒྱ་ན། །ཁ་བ་ཅན་དུ་མཚོ་བྲི་ནས། །སཱ་ལའི་ནགས་ནི་འབྱུང་བར་འགྱུར། །ཞེས་བོད་འདི་ཆུས་གང་བར་རིམ་གྱིས་ནགས་ཚལ་དང་མིའི་འགྲོ་བ་རྣམས་ཆགས་ཚུལ་དེའང་རྒྱལ་པོ་བཀའ་འབུམ་དུ་ཐུགས་རྗེ་ཆེན་པོ་དང་སྒྲོལ་མའི་རྣམ་འཕྲུལ་སྤེའུ་དང་བྲག་སྲིན་འདུས་པ་ལས་གདོང་དམར་ཤ་ཟན་གྱི་ཕྲུག་གུ་དྲུག་བྱུང་བ་རུས་ཆེན་བཞི་འམ་མིའུ་གདོང་དྲུག །ཡང་ན་ལྷ་ལས་ཕུལ་བྱུང་གི་བསྟོད་པའི་འགྲེལ་པར་རྒྱལ་པོ་རུ་པ་ཏི་དཔུང་བཅས་ལས་གྱེས་པ་སྟག་ཚང་ལོ་ཙཱ་བས་སྣོད་བཅུད་ཆགས་མ་ཉམས་ལས་མཆེད་པ་སོགས་བཞེད་པ་(༡༡༡ན)

― GLG020_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

མང་ནའང་དོན་པུར་རྒྱལ་གྱི་ཡུལ་འདིར་དེབ་དམར་ལས་བྱུང་བ་ལྟར་རྒྱལ་ཕྲན་ཉེར་ལྔ་སོགས་མང་དག་གི་མཐར་བཀའ་གདམས་གླེགས་བམ་རིན་པོ་ཆེར། བོད་ནི་རྒྱལ་པོ་དག་ལ་ཚད་མར་འཛིན། །མི་དབང་མཛོད་ལ་བོད་ཁམས་བདེ་བར་སྐྱོངས། །ཞེས་རྗེ་གཉའ་ཁྲི་བཙན་པོ་ནས་རྒྱལ་རབས་ཉི་ཤུ་རྩ་བརྒྱད་པ་ཀུན་ཏུ་བཟང་པོའི་རྣམ་འཕྲུལ་ཐོ་ཐོ་རི་སྙན་ཤལ་སོགས་བྱོན་དང་འབྱོན་འགྱུར་གྱི་རྒྱལ་པོ་དེ་དག་ཀྱང་། གླེགས་བམ་ལེའུ་བཅུ་དགུ་པར། དེ་ཧྲིལ་དེ་བསྒྲིལ་ན་སྔོན་གྱི་རྒྱལ་བློན་བྱང་ཆུབ་སེམས་དཔའ་དེ་དག་རིགས་གསུམ་མགོན་པོའི་སྤྲུལ་པར་གྲགས་ཏེ་རལ་པ་ཅན་སོགས་པ་གཅིག་གཉིས་རིགས་གཞན་ཡིན་གྱི་ཕལ་ཆེ་བ་ནི་མགོན་པོ་སྤྱན་རས་གཟིགས་ཀྱི་སྤྲུལ་པར་བཤད་ཅིང་། དེར་མ་ཟད། ལྷའི་རྒྱལ་པོའི་སྐྱེས་རབས་སུ། ཀུན་ཏུ་བཟང་དང་སྒྲིབ་པ་སེལ། །ང་བསྐུལ་རྒྱལ་པོར་བསྟན་གྱུར་ན། ཅི་དེ་ང་ལ་དེར་མི་སྨྲ། །ཞེས་བརྩེ་ཆེན་ཐུགས་རྗེ་དང་ལྡན་པའི་མགོན་པོ་སྤྱན་རས་གཟིགས་ཀྱི་འདུལ་ཞིང་དུ་དམ་པའི་ཆོས་དར་བ་ནི། ལྷ་མོ་དྲི་མ་མེད་པས་ཞུས་པའི་མདོར། ང་ཡོངས་སུ་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་ན་གདོང་དམར་ཅན་གྱི་ཡུལ་དུ་དམ་པའི་ཆོས་དར་བར་འགྱུར་རོ། །ཞེས་དང་། ཡུལ་དབུས་ནས་ལྷོ་ཕྱོགས་སུ་དར་བར་འགྱུར་རོ། །ལྷོ་ཕྱོགས་ནས་བྱང་ཕྱོགས་སུ་དར་བར་འགྱུར་རོ། །བྱང་ཕྱོགས་ནས་བྱང་ཕྱོགས་སུ་དར་བར་འགྱུར་རོ། །ཞེས་གསུངས་པ་ལྟར་རྒྱལ་པོ་འདའ་དུས་སྤང་སྐོང་ཕྱག་བརྒྱ་པ་སོགས་ཀྱི་ཆར་བབས་ནས་དམ་པ་ཆོས་ཀྱི་དབུ་བསྙེས། དེ་རྗེས་གདུང་རབས་བཞི་སོང་བ་ན། འཇམ་དཔལ་རྩ་རྒྱུད་ལས། ལྷ་ལྡན་ཡུལ་ཞེས་བྱ་བ་ཡི། །གངས་ཅན་རི་ཡི་ནང་གནས་པའི། །རྒྱལ་པོ་མི་ཡི་ལྷ་ཞེས་(༡༡༡བ)

― GLG020_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །ལི་ཙཱ་བཱི་རྣམས་རིགས་སུ་འབྱུང་། །ཞེས་ཆོས་སྐྱོང་བའི་རྒྱལ་པོ་སྲོང་བཙན་སྒམ་པོས་བོད་སྲིན་མོ་གན་རྐྱལ་དུ་གནས་པའི་ས་དགྲ་གནོན་བྱེད་དུ། མཐའ་འདུལ། ཡང་འདུལ། རུ་གནོན་གྱི་གཙུག་ལག་ཁང་སོགས་མང་དུ་བཏབ། ཇོ་ཤཱཀ་རྣམ་གཉིས་ཀྱིས་གཙོས་པའི་རྟེན་རྣམས་བཞུགས་སུ་གསོལ། སློབ་དཔོན་ཀུ་ས་ར་དང་བྲམ་ཟེ་ཤམ་ཀ་ར་སོགས་རྒྱ་བལ་གྱི་པཎྜི་ཏ་སྤྱན་དྲངས་ནས། ཐུ་མིས་མདོ་རྒྱུད་ཀྱི་ཆོས་བསྒྱུར་ཏེ་བསྟན་པའི་སྲོལ་བཏོད། དེ་ནས་རྒྱལ་རབས་ལྔ་པ་རྗེ་བཙུན་འཇམ་དཔལ་དབྱངས་ཀྱི་རྣམ་འཕྲུལ་ཆོས་རྒྱལ་ཁྲི་སྲོང་ལྡེའུ་བཙན་གྱིས་ཐམས་ཅད་མཁྱེན་པ་ཞི་བ་འཚོ་སློབ་དཔོན་པདྨ་སམྦྷ་ཝ་སོགས་གདན་དྲངས་ཏེ་ཟན་གཡང་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ལྷ་ཚོགས་དང་བཅས་པ་བཞེངས། མཁན་པོས་སད་མི་མི་བདུན་རབ་ཏུ་བྱུང་སྟེ་བསྟན་པའི་རྩ་བ་བླ་ན་མེད་པ་བཙུགས། ལོ་ཙཱ་བ་བརྒྱ་རྩས་ཆོས་མང་དུ་བསྒྱུར་ནས་དར་རྒྱས་སུ་གྱུར། སད་ན་ལེགས་མཇིང་ཡོན་གྱི་སྲས་མངའ་བདག་ཁྲི་རལ་གྱིས་པཎྜི་ཏ་མང་དུ་སྤྱན་དྲངས་ཏེ་གསུང་རབ་ཀྱི་དོན་རྟོགས་དཀའ་ཞིང་མི་ལེགས་པ་རྣམས་སྐད་གསར་བཅད་ཀྱིས་གཏན་ལ་ཕབ། ལོག་པའི་སྨོན་ལམ་གྱི་མཐུས་གླང་དར་མས་འདུལ་བའི་བསྟན་པ་བསྣུབས་ཤིང་རྟེན་དང་བརྟེན་པ་བཤིག་པ་སོགས་སངས་རྒྱས་ཀྱི་བསྟན་པ་མིང་ཙམ་དུ་གྱུར་པའི་དུས་སྲས་བཅས་རྒྱལ་བའི་བྱིན་རླབས་ནུས་མཐུ་རྣམས་འགྲོ་བའི་བསོད་ནམས་སུ་སྨིན་པར་བརྟེན་ལྷ་ལུང་དཔལ་གྱི་རྡོ་རྗེས་རྒྱལ་པོ་སྡིག་ཅན་བཀྲོངས་ནས་རིང་ཞིག་སོང་བ་ན་སྨད་ནས་བླ་ཆེན་དང་སྟོད་ནས་པཱ་ལ་རྣམ་གསུམ་གཉིས་ཀྱིས་འདུལ་བསྟན་རིན་པོ་ཆེའི་མེ་རོ་སྤར་བར་མཛད། དཔལ་ལྡན་ཨ་ཏི་ཤ་ཞེས་བྱ་བ་སྔོན་ཐུབ་པའི་དབང་པོའི་སྤྱན་(༡༡༢ན)

― GLG020_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

སྔར་བྱང་སེམས་བཟང་སྐྱོང་དུ་གྱུར་པ། ཡབ་ཟ་ཧོར་རྒྱལ་པོ་དགེ་བ་དཔལ་དང་ཡུམ་དཔལ་འོད་ཀྱི་སྲས་སྐུ་འཇམ་ཞིང་གསལ་བ་འགྲོ་བ་ཐམས་ཅད་ཀྱི་ཤིན་ཏུ་དད་གུས་ཀྱི་སྤུ་ལོང་གཡོ་བར་ནུས་པ་མཐུན་སྣང་དུ་གྲུབ་པ་གཞོན་ནུ་ནས་རིག་པའི་གནས་མཐའ་དག་ཐུགས་སུ་ཆུད་ཅིང་ཁྱད་པར་དངོས་གྲུབ་བརྙེས་པའི་བླ་མ་དུ་མར་རྒྱུད་སྡེ་བཞིའི་གཞུང་ཐམས་ཅད་ལ་མཁས་པར་སྦྱངས་པ་མཛད་ནས་ཡི་དམ་གྱི་ལྷ་དཔག་ཏུ་མེད་པས་མངོན་སུམ་དུ་རྗེས་སུ་བཟུང་ཞིང་རྒྱུད་འབུམ་ཕྲག་གཅིག་དང་བཞི་བརྒྱ་ལྔ་བཅུ་རྩ་གཅིག་གསན་པས་མཚོན་ཕྱི་ནང་གི་གྲུབ་མཐའ་རྒྱ་མཚོ་ལྟ་བུའི་མཐར་སོན་ཅིང་འགྲོ་བ་རྣམས་ལ་བུ་གཅིག་པ་ལྟར་དགོངས་པའི་ཐུགས་རྗེ་ཅན་དེ་ཉིད་བོད་ཆོས་ཀྱི་རྒྱལ་པོས་སྤྱན་དྲངས་པས་རྐྱེན་བྱས་སློབ་མའི་མཆོག་འབྲོམ་སྟོན་པ་རྒྱལ་བའི་འབྱུང་གནས་སྐུ་མཆེད་གསུམ་ལ་སོགས་པ་བཀའ་གདམས་པའི་སྲོལ་བྱང་ཆུབ་ལམ་སྒྲོན་གྱིས་གཞི་བཟུང་སྟེ་བསྟན་པའི་བདག་པོ་ལྷ་ཤཱཀྱ་ཐུབ་པ། བོད་ཁམས་ཀྱི་ལྷ་ཐུགས་རྗེ་ཆེན་པོ། ཇོ་བོའི་ཐུགས་དམ་གྱི་ལྷ་སྒྲོལ་མ། བདུད་ལས་རྒྱལ་བའི་ལྷ་མི་གཡོ་བ་དང་བཞི། ཆོས་སྡེ་སྣོད་གསུམ་སྟེ་ལྷ་ཆོས་བདུན་ལྡན་སོགས་ཀྱི་སྒྲོན་མེས་བོད་མུན་པའི་གླིང་ལྟ་བུ་ཆེས་ཆེས་གསལ་བར་མཛད་པ་ཡིན་ལ། དེ་ནས་བཀའ་གདམས་གཞུང་པར་གྲགས་པའི་གཞུང་སྲོང་ཞིང་གདམས་ངག་གིས་བརྒྱན་པ་བསྟན་པའི་བདག་པོ་ཤར་བཙོང་ཁ་པ་བློ་བཟང་གྲགས་པའི་དཔལ་ཞེས་བྱ་བ་ཆོས་དང་ཆོས་མ་ཡིན་པ་རྣམ་པར་འབྱེད་པའི་སྤྱན་མངའ་བ་འགྲོ་བ་ཐམས་ཅད་གྱི་བཤེས་གཉེན་དམ་པ་འདི་ཉིད་ནི། ཆོས་རྒྱལ་སྲོང་བཙན་སྒམ་པོའི་བཀའ་ཆེམས་ཀ་བ་ཤིང་ལོ་ཅན་དུ་སྦས་པ་མཁའ་འགྲོས་བསྐུལ་ནས་ཇོ་བོ་ཨ་ཏི་ཤས་བཞེས་པར། དགེ་སློང་བྱང་སེམས་ཤར་ཕྱོགས་(༡༡༢བ)

― GLG020_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་འཁྲུངས་པའི། གསང་སྔགས་འཆང་ཞིང་རྣལ་འབྱོར་ཆེན་པོ་ནི། །སྙིང་པོའི་མཐའ་ཅན་སྐྱེས་ཆེན་དམ་པ་ཡིས། །ཞལ་ཡང་བསྒྱུར་ཅིང་བསྙེན་བཀུར་དམ་པ་མཛད། །དེ་ལ་བསྙེན་བཀུར་ཆེར་བྱེད་དེ་དག་ནི། འཕགས་པའི་གང་ཟག་དགེ་སྦྱོང་ཤ་སྟག་གོ །ཞེས་འབྱུང་ཞིང་། སློབ་དཔོན་པདྨཱ་ཀ་རས། འཇམ་དཔལ་སྤྲུལ་པ་གདུལ་བྱ་བསྟན་པའི་དཔལ། །མདོ་སྔགས་བསྟན་འཛིན་བློ་བཟང་གྲགས་པ་འབྱུང་། །ཞིང་འདིར་འདས་ནས་བྱམས་པའི་དྲུང་དུ་འགྲོ། །ཞེས་དང་། ལབ་སྒྲོན་ལ་ཟབ་དོན་སྤྱོད་ཀྱི་བསྟན་པའི་འཕེལ་གྲིབ་ཇི་ལྟར་འབྱུང་དྲིས་པའི་ལན། བུ་མོ་ཁྱོད་ཀྱིས་དྲིས་པའི་བྱང་སེམས་ཏེ། །མ་འོངས་བསྐལ་བཟང་སངས་རྒྱས་བདུན་པ་ཡིན། །ད་ལྟ་བྱང་ཆུབ་སེམས་དཔའ་སྙིང་སྟོབས་ཆེ། །སྙིགས་དུས་ལོག་སྤྱོད་དར་ཚེ་བོད་དུ་འབྱོན། །དགེ་སློང་ཚུལ་འཛིན་གྲགས་པའི་མཚན་ཡང་འདོགས། །གང་གི་ཞིང་དུ་སེང་གེའི་ང་རོ་ཞེས། །ཁྲིམས་འཆལ་ལོག་སྤྱོད་ཚོགས་རྣམས་ཟིལ་གྱིས་གནོན། །ཁྲིམས་འཆལ་སྣ་ཚོགས་ཡང་དག་ཁྲིམས་ལ་སྦྱོར། །ཞེས་དང་། ལྷོ་བྲག་མཁན་ཆེན་ལས་ཀྱི་རྡོ་རྗེ་སོགས་ཀྱི་ལུང་བསྟན་དུ་གསལ་བར་བསྟན་པ་མདོ་སྨད་བཙོང་ཁར་ཡབ་ཀླུ་འབུམ་དགེ་དང་ཡུམ་ཨ་ཆོས་ཀྱི་སྲས་སུ་དགེ་མཚན་གྱི་རྟགས་དུ་མ་དང་བཅས་སྐུ་འཁྲུངས་ཤིང་ནར་སོན་པ་ན་རྡོ་རྗེ་གཏུམ་པོ་དང་དཔལ་ལྡན་ཨ་ཏི་ཤའི་དག་སྣང་རྒྱུན་མར་གཟིགས་ཤིང་ཆོས་རྗེ་དོན་གྲུབ་རིན་ཆེན་ལས་ཚིགས་སྔ་མ་བཞེས་ཏེ་མཚན་བློ་བཟང་གྲགས་པར་གསོལ། དབུས་ཕྱོགས་ལ་གསན་བསམ་མཛད་པར་བསྐུལ་བ་འདི་ལྟར། གཞོན་ནུ་བློ་བཟང་གྲགས་པ་ཁྱོད། །སྔོན་སྦྱངས་དགེ་བའི་ལས་འཕྲོ་ཅན། །སྔོན་ཚེ་དམ་ཆོས་བདུད་རྩིའི་རོ། །འཐུངས་པའི་(༡༡༣ན)

― GLG020_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

བག་ཆགས་ཡོད་པར་ངེས། །ཞེས་པའི་གསུང་བཞིན། འབྲི་གུང་། བདེ་བ་ཅན། ས་སྐྱ། སྣར་ཐང་། ཉང་སྟོད་བཟང་ལྡན། ངམ་རིང་། སྲིན་པོ་རི། གསང་ཕུ། རྩེས་དང་། པོ་ཏ་ལ། བྱེ་རྫིང་། སྐྱོར་ལུང་སོགས་སུ་སློབ་དཔོན་ཡོན་ཏན་རྒྱ་མཚོ། གོང་གསུམ་བདེ་ཆེན་པ། ཁྱུང་ལྷས་པ། འཇམ་རིན་པ། རེ་མདའ་པ། སྐྱབས་མཆོག་པ། བླ་མ་དམ་པ་བསོད་ནམས་རྒྱལ་མཚན་གྱིས་མཚོན་པར་ཕྱི་ནང་གི་གནས་ཐེག་པ་གསུམ་དང་གསང་སྔགས་སྤྱི་བཀའ་སྒོས་བཀའི་དབང་བྱིན་རླབས་རྗེས་གནང་རྒྱུད་ལུང་མན་ངག་སྤྱི་དང་ཁྱད་པར་རྡོ་རྗེ་ཐེག་པ་དགོངས་འགྲེལ་གྱི་བསྟན་བཅོས་དང་བཅས་པར་ཐོས་བསམ་སྒོམ་པས་ཉིན་མཚན་དུས་འདའ་བ་མཛད་པར་བརྟེན་ཆོས་སྡེ་ཆེན་པོ་རྣམས་སུ་གྲྭ་སྐོར་མཛད་པས་ཐམས་ཅད་རྩོད་པའི་གནས་དང་བྲལ་ཞིང་བུ་སློབ་དུ་གྱུར། ཡར་ཀླུང་རྣམ་རྒྱལ་དུ་མ་བྱོན་སངས་རྒྱས་གསུམ་པ་ཁ་ཆེའི་བསོད་སྙོམས་པ་པཎྜིཏ་ཤཱཀྱ་ཤྲཱི་བྷ་དྲ་ཞེས་གངས་ཅན་ལྗོངས་ཀྱི་ངུར་སྨྲིག་གི་རྒྱལ་མཚན་འཛིན་པ་ཐམས་ཅད་ཀྱི་མཆོག་གྱུར་མཁན་བརྒྱུད་བཀའ་བཞི་པ་ཚུལ་ཁྲིམས་རིན་ཆེན་གྱིས་མཁན་པོ་མཛད་དེ་དད་པའི་དགེ་འདུན་གྲངས་ཚང་བའི་དབུས་སུ་བསྙེན་པར་རྫོགས། གཞན་ཕན་གྱི་འཆད་རྩོད་རྩོམ་པ་འགྲན་ཟླ་མེད་ཅིང་ཁྱད་པར་སྐྱིད་ཤོད་དགའ་གདོང་དུ་བླ་མ་དབུ་མ་པ་ཆེན་པོས་ལོ་ཙཱ་བ་མཛད་དེ་བླ་མ་འཇམ་དཔལ་དབྱངས་ཀྱི་ཆོས་སྐོར་མ་ལུས་པ་གསན་ཅིང་བསྙེན་སྒྲུབ་ལ་བརྩོན་པ་ལྷུར་བཞེས་པས་མངོན་སུམ་དུ་རྗེ་བཙུན་ཉིད་ཞལ་གཟིགས་པ་འདི་ནས་བཟུང་ཐེ་ཚོམ་ཐམས་ཅད་དྲི་བ་ང་ལ་གྱིས་ཤིག་གསུངས་དྲིས་པ་ན་སྟོང་ཕྱོགས་ལས་སྣང་ཕྱོགས་གཙོ་བོར་བཟུང་དགོས་པར་བཀའ་(༡༡༣བ)

― GLG020_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

སྩལ། ཡི་དམ་གྱིས་བྱ་བྲལ་མཛད་པར་ལུང་བསྟན་པའི་འཁོར་འཇམ་དཀར་སོགས་དབུས་པ་བཞི་རྟོགས་ལྡན་འཇམ་དཔལ་རྒྱ་མཚོ་སོགས་མདོ་སྨད་པ་བཞི་དང་འོལ་དགའ་སོགས་སུ་སྒྲུབ་པ་སྙིང་པོར་བསྒྲིལ་བའི་ཚུལ་མཛད་པས་ལྷ་སྔགས་ཡེ་ཤེས་ཀྱི་རོལ་པ་ལས་བྱུང་བའི་བླ་མ་ཡི་དམ་མཁའ་འགྲོ་དཔའ་བོ་སྲུང་མ་དམ་ཅན་རྒྱ་མཚོའི་ཚོགས་དང་བཅས་པ་སྐུ་ལུས་དང་གྲིབ་མ་བཞིན་འགྲོགས་ཏེ་བྱིན་རླབས་དངོས་གྲུབ་རྣམས་འབད་མེད་དུ་སྩལ་ཞིང་བར་གཅོད་ཀྱི་གཡུལ་ལས་རྣམ་པར་རྒྱལ་བའི་དཔའ་རྟགས་ལ་སོགས་པ་ཐོགས་པ་མེད་པར་བསྒྲུབས་ནས་གསུང་གི་སྣང་བ་རྒྱུན་ཆད་མེད་པ་འབྱུང་བ་སོགས་མཐའ་ལས་འདས་པའི་རྣམ་པར་ཐར་པ་ནི་བསྐལ་པའི་བར་དུའང་བརྗོད་པར་མི་ནུས་པར་མ་ཟད་བུ་སློབ་རྟོགས་ལྡན་འཇམ་དཔལ་རྒྱ་མཚོ་སོགས་ལའང་ལྷ་དང་བླ་མ་མཁའ་འགྲོས་གནང་བ་རྒྱུན་མར་སྩོལ་བ་ཡིན་ལ། བྱེ་བྲག་ཆོས་ཐམས་ཅད་ཀྱི་གནས་ལུགས་ཇི་བཞིན་མཁྱེན་པར་དཀའ་བའི་གནས་ཀྱང་དབུ་མ་འཇུག་པ་ལས་ཀྱང་། སློབ་དཔོན་ཀླུ་སྒྲུབ་ཞབས་ཀྱི་ལམ་ལས་ནི། །ཕྱི་རོལ་གྱུར་ལ་ཞི་བའི་ཐབས་མེད་དོ། །དེ་དག་ཀུན་རྫོབ་དེ་ཉིད་བདེན་ལས་ཉམས། །དེ་ལ་ཉམས་པས་ཐར་པ་འགྲུབ་ཡོད་མིན། །ཞེས་པའི་དོན་ཕྱིན་ཅི་མ་ལོག་པར་གཟིགས་པར་ཞལ་གྱིས་འཆེས་ཚུལ་ཡང་གསུང་ལས། །ཁྱོད་ཀྱི་བླ་མེད་ཐེག་པའི་ཚུལ། །ཡོད་དང་མེད་པའི་མཐའ་སྤངས་ཏེ། །ཇི་བཞིན་འགྲེལ་པར་ལུང་བསྟན་པ། །ཀླུ་སྒྲུབ་གཞུང་ལུགས་ཀུནྡའི་ཚལ། །དྲི་མེད་མཁྱེན་པའི་དཀྱིལ་འཁོར་རྒྱས། །གསུང་རབ་མཁའ་ལ་ཐོགས་མེད་རྒྱུ། །མཐར་འཛིན་སྙིང་གི་མུན་པ་སེལ། །ལོག་སྨྲའི་རྒྱུ་སྐར་ཟིལ་མནོན་པ། །དཔལ་ལྡན་ཟླ་བའི་ལེགས་བཤད་ཀྱིས། །འོད་དཀར་(༡༡༤ན)

― GLG020_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲེང་བས་གསལ་བྱས་པ། །བླ་མའི་དྲིན་གྱིས་མཐོང་བའི་ཚེ། །བདག་གིས་ཡིད་ཀྱི་ངལ་གསོ་ཐོབ། །ཅེས་བླ་མའི་ཡང་བླ་མར་གྱུར་པ་རྒྱལ་བ་སྲས་བཅས་ཐམས་ཅད་ཀྱི་ཡབ་མགོན་པོ་འཇམ་དཔལ་དབྱངས་ཀྱིས་མཁྱེན་བརྩེའི་ནུས་པ་ཐུགས་ལ་ཞུགས་པའི་བདག་རྐྱེན་ཕུལ་དུ་བྱུང་བ་ལ་བརྟེན་པས་འུད་པོ་ཆེ་གཞན་གྱིས་ཕྱེ་བའི་ཡོན་ཏན་གྱིས་འགྲན་པའི་གོ་སྐབས་དཔག་པར་ནུས་པ་ག་ལ་སྲིད། མཛད་ཆེན་བཞིས་གཙོས་པའི་རྣམ་དཀར་གྱི་དགེ་ཚོགས་རྒྱ་མཚོ་ལྟ་བུ་བསྐྲུན་ཅིང་ཆེ་བ་ཆེན་པོ་བཞི་དང་ལྡན་པའི་སྐྱེས་བུ་གསུམ་གྱི་ལམ་གྱི་རིམ་པའི་སྙིང་པོ་བདག་པས་གཞན་གཅེས་ཀྱི་བྱང་ཆུབ་ཀྱི་སེམས་ཕྱིན་དྲུག་བསྡུ་བའི་དངོས་པོ་བཞི་སོགས་དང་ལམ་ཐུན་མོང་མ་ཡིན་པ་གསང་བ་སྔགས་ཀྱི་མཚན་བཅས་མཚན་མེད་བསྐྱེད་རྫོགས་ཀྱི་རྣལ་འབྱོར་མཆོག་ལ་བརྟན་སྐྱེ་དགུ་རྣམས་མངོན་མཐོ་ངེས་ལེགས་ལ་བཀྲི་བ་སོགས་ཀྱིས་མཛད་པ་རྒྱ་ཆེན་པོ་རྣ་བས་ཐོས་ཤིང་མིག་གིས་མཐོང་བས་རྐྱེན་བྱས་ས་སྟེང་ན་འཁོད་པའི་འགྲོ་བ་མཐའ་དག་རྗེ་བླ་མ་འདིའི་རྗེས་སུ་ཞུགས་པ་ནི་གནམ་གྱིས་ས་བཀབ་པ་བཞིན་ཞྭ་སེར་ཅོད་པན་འཆང་བའི་རིང་ལུགས་དྲི་མ་མེད་པ་འདི་ཉིད་འཛིན་པའི་སྐྱེས་ཆེན་དམ་པའང་རགས་རིམ་བརྗོད་ན། ཆོས་འབྲེལ་གསན་པའི་བླ་མ་དབུ་མ་པ། མཁན་ཆེན་ཕྱག་རྡོར། རྗེ་བཙུན་རེ་མདའ་པ་སྟེ་གསུམ། ཚ་དབོན་ངག་དབང་གྲགས་པ། མདོ་སྟོད་པ་གྲགས་བློ། མདོངས་སྟོན་ཛྙ་ན་ཤྲཱི། དགེ་བཤེས་སྟོན་པ་སྟེ་སྔ་ཚར་བཞི། འཇམ་དཀར། བཟང་སྐྱོང་པ། རིན་རྒྱལ་པ། བྱང་སེང་བ། རྟོགས་ལྡན་པ། ཤེར་གྲགས་པ། འཇམ་བཀྲས་པ། དཔལ་སྐྱོང་པ་སྟེ་འཁོར་དག་པ་རྣམ་བརྒྱད། སྲས་ཀྱི་ཐུ་བོ་རྒྱལ་(༡༡༤བ)

― GLG020_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

ཚབ་འདུལ་འཛིན་གཉིས་དང་། འཇམ་དཀར་བ་གསུམ། གསང་བདག་གི་ལུང་གིས་ཟིན་པའི་ཁྱད་པར་ཅན་གྱི་འཁོར། ནང་ཐུགས་ཀྱི་སྲས་གཅིག་མཁས་གྲུབ་ཆོས་རྗེ། འཕྲིན་ལས་ནམ་མཁའ་དང་མཉམ་པའི་སྲས་མཆོག་འཇམ་དཔལ་དབྱངས་དངོས་འཇམ་དབྱངས་བཀྲ་ཤིས་དཔལ་ལྡན། གུང་རུ་རྒྱལ་མཚན་བཟང་པོ། རྗེ་ཤེས་རབ་སེང་གེ །ཐམས་ཅད་མཁྱེན་པ་དགེ་འདུན་གྲུབ་པ་སྟེ་བཞི། དབུས་གཙང་བསྟན་པའི་གསལ་བྱེད་ཆོས་རྗེ་དཀོན་མཆོག་ཚུལ་ཁྲིམས་སོགས་བཅུ། གཞན་དོན་ལྷུན་གྱིས་གྲུབ་པའི་སེམས་དཔའ་དྲུག་སོགས་བསམ་གྱིས་མི་ཁྱབ་པའི་ནང་ནས་དགོན་གནས་མང་དུ་བསྐྲུན་པའི་སྐྱེས་བུའང་དུ་མ་བྱུང་བའི་མཆོག་ཏུ་གྱུར་བ་འཇམ་དབྱངས་བཀྲ་ཤིས་དཔལ་ལྡན་ཞེས་བྱ་བ་སྐུ་ཚེ་སྔོན་མ་པཎྜིཏ་འབར་བ། ནག་པོ་སྤྱོད་པ། ར་ཏནྦྷ་ཧུ་ལ། རོང་ཟོམ་ཆོས་བཟང་། འབབ་རོང་པ་དར་མ་དབང་ཕྱུག །ཨ་བ་དྷུ་ཏཱི་འོད་ཟེར་དཔལ། ཞང་འབྲུག་སྒྲ་རྒྱལ་མཚན། གཉོས་ཆེན་རྒྱལ་བ་ལྷ་ནང་པ། ཀུན་མཁྱེན་སཾ་གྷ་བྷ་དྲ་སོགས་མཁས་ཤིང་གྲུབ་པའི་དབང་ཕྱུག་མང་པོར་བྱོན་པའི་མཐར་བསམ་ཡས་མི་འགྱུར་ལྷུན་གྱིས་གྲུབ་པའི་ཉེ་འདབས་བསམ་གྲུབ་གླིང་དུ་གསལ་བར་སྐུ་འཁྲུངས་ཤིང་གཞོན་ནུ་ནས་རབ་ཏུ་བྱུང་སྟེ་རྩེས་དང་དུ་བསླབ་གཉེར་ལ་བྱོན་མཚན་རྨད་དུ་འཇམ་དཀར་དང་སྤྱན་རས་གཟིགས། ཀླུ་སྒྲུབ། ཞི་བ་འཚོ། སྲོང་བཙན་སྒམ་པོ། རྗེ་རིན་པོ་ཆེས་ངོ་ཆེན་མཛད་པ་སོགས་ཡི་དམ་གྱི་ལྷས་ཞལ་བསྟན། རྗེ་རིན་པོ་ཆེ་ཡབ་སྲས། ཤ་མི་སྨོན་ལམ་འོད་ཀྱིས་བཀའ་བརྒྱུད་ཐག་པ་མ་བའི་བུ་ཆེན་སྦས་ཏི་དགྲ་བཅོམ་པའི་གདན་ས་པ་མཁན་ཆེན་བློ་གསལ་སོགས་ཡོངས་འཛིན་མང་པོ་ལས་མདོ་སྔགས་ཆོས་ཀྱི་བཀའ་དྲིན་དཔག་ཏུ་མེད་པ་གསན། ཁམས་(༡༡༥ན)

― GLG020_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ཆོས་ཀྱི་རྒྱལ་པོ་བློ་བཟང་གྲགས་པའི་དཔལ་གྱིས་མཁན་པོ་འདུལ་བ་འཛིན་པས་ལས་སློབ། རྒྱལ་ཚབ་རིན་པོ་ཆེས་གསང་སྟོན། ཁ་སྐོང་དགེ་འདུན་ཉི་ཤུ་དང་བཅས་པས་དབུས་སུ་བསྙེན་པར་རྫོགས། རྗེ་བདག་ཉིད་ཆེན་པོར་མི་ཕྱེད་པའི་དད་པ་ཐོབ་ནས་པུ་ཏི་བདུན་ཅུ་འཆད་པའི་དམ་བཅའ་མཛད་པ་ཕྱིས་བརྒྱ་སུམ་ཅུ་ཙམ་བཤད་པས་འཇམ་དབྱངས་ཆོས་རྗེར་གྲགས། སྣེའུར་བཞུགས་དུས། དན་འབག་ཏུ་སྨྲ་སེང་གི་ཆོས་སྡེ་ཞིག་འདུག་པ་ནས་ཕེབས་པའི་གསལ་སྣང་བྱུང་བའི་ཚེ་ལྷ་གནམ་ཐེ་དཀར་པོས། ཁྱེད་ཀྱི་ཆོས་སྡེ་ཞིག་འདིར་ཐོབ་ངས་བཙུན་པ་སྟོང་ཕྲག་ལྔ་འབུལ་ཟེར་བ་དང་མདའ་ནས་ཡར་བྱོན་པའི་ལམ་བར་ལོངས་སྤྱོད་ཀྱི་ཆུ་ཡིན་ཟེར་བའི་རྫིང་དང་གླང་ཆེན་རིའི་གདོང་རྫིང་བུ་མང་པོའི་འགྲམ་ན་རྗེ་རིན་པོ་ཆེ་བཞུགས་ནས་འདི་ཐོས་བསམ་གྱི་རྫིང་བུ་ཡིན་པས་འཐུང་གསུང་བ་སོགས་ལྟས་ཡ་མཚན་པ་བྱུང་བའི་རྒྱུར་བརྟེན་རྗེ་རིན་པོ་ཆེའི་བཀས་བསྐུལ་ཏེ་སྣེའུ་ནས་ཆོས་རྒྱལ་ནམ་མཁའ་བཟང་པོས་མཐུན་རྐྱེན་མཛད་དེ་ལེགས་པར་བཏབ་པའི་དཔལ་ལྡན་འབྲས་སྤུངས་སུ་མཚན་ཉིད་ཀྱི་བཤད་གྲྭ་ཆེན་པོ་བཙུགས། རྗེ་རིན་པོ་ཆེས་དགའ་ལྡན་ཆོས་དུང་ཁྱད་པར་ཅན་གནང་སྟེ། དགོན་མ་ལས་དགའ་བའི་བུ་འོང་བར་ལུང་བསྟན་པ་བཞིན་རིང་པོར་མ་ལོན་པར་དགེ་འདུན་སྟོང་ཕྲག་ཁ་ཤས་འདུས། དེ་སྐབས་བསྙེན་རྫོགས་ཀྱི་མཁན་པོ་མཛད་པའི་གྲྭ་གྲངས་སྟོང་ཕྲག་ལྔར་ལོངས་པ་གནམ་ཐེའི་ལུང་བསྟན་དུ་གོ་གསུང་། ལྷ་ས་སྨོན་ལམ་གྱི་དུས་ཇོ་བོ་ཤཱཀྱ་མུ་ནིའི་ཞལ་ནས་པུ་ཏི་བརྒྱའི་ཚིག་དོན་གཉིས་ཀ་གཟུང་ཞིག་པའི་བཀའ་སྩལ་པ་ལྟར་ཤེར་ཕྱིན་སྟོང་ཕྲག་རྩ་ལྔ་པ། བརྒྱད་སྟོང་པ། སྡུད་པ། མདོ་ཕྲན་སོགས་བཀའ་དུ་མ་དང་། བྱམས་པ། ཐོགས་མེད། ཆོས་(༡༡༥བ)

― GLG020_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱབས། ཀླུ་སྒྲུབ། འཕགས་པ་ལྷ། ཟླ་གྲགས། དཔའ་བོ། ཞི་འཚོ། སེང་བཟང་། ལེགས་ལྡན་འབྱེད། དཔལ་སྦས། ཡེ་ཤེས་སྙིང་པོ། ཞི་བ་ལྷ། ཇོ་བོ་རྗེ། ཐུ་བཙུན་གྲུབ་རྗེ། བདེ་བྱེད་བདག་པ། དབྱིག་གཉེན། ཙནྡྲ་གོ་མི། ཕྱོགས་གླང་། ཆོས་མཆོག །ཡོན་ཤཱཀ་གཉིས། ཁ་ཆེ་འདུས་བཟང་སོགས་ཀྱིས་མཛད་པའི་དགོངས་འགྲེལ་བརྒྱ་ཕྲག་བོད་མཁས་པའི་བསྟན་བཅོས་བཤད་སྲོལ་དང་བཅས་པའི་ཞིབ་རྒྱས་མཛད་པ་དེ་ལྟ་བུ་ནི་སྔར་མཐོང་ཐོས་སུ་མ་གྱུར་པ་ཕུལ་དུ་བྱུང་བའི་རྣམ་པར་ཐར་པ་ཡ་མཚན་ཅིང་། མཁས་པ་ཡེ་བཟང་རྩེ་པས། རྗེ་བླ་མའི་སྲས་གཅིག་ལ་འབྲས་སྤུངས་ཆོས་རྗེ་འདི་རང་མཁྱེན་པ་ཆེ་བའི་བསྔགས་པ་མཛད་པ་ཡིན་དུས་ཀྱི་འཁོར་ལོའི་རྒྱུད་དོན་གཅེས་པ་འགའ་ཚོགས་སུ་གསུངས་པས་མནལ་ལམ་ལ་སྲིན་པོ་རིའི་གཙུག་ལག་ཁང་དུ་བུད་མེད་སྨ་ར་སེར་པོ་ཅན་གཉིས་ཐོད་པ་ཁྲག་གིས་ཅུང་མ་ཁེངས་ཙམ་བཟུང་བར་ངེད་ཀྱི་སྐྱེ་བ་སྔོན་མ་གང་ཡིན་དྲི་བ་མཛད་པའི་ལན་དུ་གཉོས་རྒྱལ་བ་ལྷ་ནང་བ་ཡིན་ཟེར། ཁྲག་འདི་ཅི་ཡིན་གསུངས་པས་ངེད་མཁའ་འགྲོའི་སྙིང་ཁྲག་ཡིན། ཨ་ཙ་མ་ཁྱོད་དམ་ཚིག་མེད་པར་གསང་སྔགས་མ་འཆད། བཤད་ཙ་ན་མཁའ་འགྲོའི་སྙིང་ཁྲག་ཕོ་བ་ཙམ་གྱི་སྡུག་བསྔལ་ཡོད་ཅེས་གསུངས་པས། དེ་ཕྱིན་ནས་གསང་སྔགས་ནན་ཆེར་ཞུས་ཀྱང་ཅུང་ཟད་ལས་མི་མཛད། ཐུགས་དམ་དུས་རྒྱུན་འཁོར་མོར་སྐྱེས་བུ་ཆེ་འབྲིང་དང་། བདག་པས་གཞན་གཅེས་ཀྱི་བྱང་སེམས། ཕྱིན་དྲུག་གི་སྤྱོད་པ་སྤྱོད་ཆེད་སྤྱོད་འཇུག་སྔོན་དུ་སོང་བའི་ཨ་ར་པ་ཙ་ན་ཉིས་སྟོང་། སྒྲོལ་མ་དཀར་ལྗང་། མི་གཡོ་བ། སྤྱན་རས་གཟིགས། རྣམ་སྣང་མངོན་བྱང་། མཚན་བརྗོད་མཚར་གསུམ་རེ་སོགས་(༡༡༦ན)

― GLG020_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་སྤྱོད་རྣལ་འབྱོར་རྒྱུད་དང་འབྲེལ་བ། ཕ་རྒྱུད་གསང་འདུས་འཕགས་ལུགས། དགྲ་འཇིགས་གཤེད་གསུམ། མ་རྒྱུད་དགྱེས་རྡོར། བདེ་མཆོག་ལོ་ནག་དྲིལ་གསུམ་སོགས་ཀྱི་ཉམས་བཞེས། ཁྱད་པར་དུས་ཀྱི་འཁོར་ལོའི་སྦྱོར་བ་ཡན་ལག་དྲུག་སོགས་ཀྱི་ཏིང་ངེ་འཛིན་ལས་གཡོ་བ་མེད་པར་མཐིལ་དུ་བཞེས་པས་བདེ་སྟོང་དབྱེར་མེད་ཀྱི་རྫོགས་རིམ་ལ་དབང་འབྱོར་བས་རླུང་འོད་ཟེར་ལྔ་པའི་ཁ་དོག་གསལ་པོར་གཟིགས་པ་སོགས་དཔག་པར་དཀའ་བའི་ཡོན་ཏན་དང་ལྡན་པའི་མཐུ་སྟོབས་ཀྱིས་མྱུར་མཛད་ཡེ་ཤེས་ཀྱི་མགོན་པོ་ཕྱག་དྲུག་པ་གཙོ་འཁོར། ཏྲཀྴད། དཔལ་མགོན་བདུན་ཅུ་རྩ་ལྔ་སོགས་རྒྱུད་སྡེ་ཆེན་པོ་བཞི་དང་འབྲེལ་བའི་ཆོས་སྐྱོང་སྲུང་མ་རྣམས་དངོས་ཉམས་སུ་བྱོན་ནས་ཞི་རྒྱས་དབང་དྲག་གི་འཕྲིན་ལས་ཐོགས་མེད་དུ་བསྒྲུབ་པ་མཛད། དངོས་རྫས་རྣམས་ཀྱང་ཆ་གསུམ་དུ་མཛད་པའི། ཆ་གཅིག་གི་སྐུ་གསུང་ཐུགས་རྟེན་བཞེང་བ། ཆ་གཅིག་གིས་སྨན་སྦྱིན། ཆ་གཅིག་གིས་འཕྲལ་གྱི་ཡོ་བྱད་དང་དགེ་འདུན་གྱི་ཞབས་ཏོག་གིས་མཚོན་འདུས་བྱས་ཀྱི་དགེ་རྩ་རྣམས་ཡར་ངོའི་ཟླ་ལྟར་འཕེལ་བར་མཛད་དེ། གསུང་ལས་བཤེས་གཉེན་པོ་ཏོ་བ་གཞུང་བཤད་གཙོ་བོར་འདོན་པ་བཞིན་ཁོ་བོས་ཀྱང་བཤད་པ་མང་དུ་བགྱིས། དགེ་བཤེས་སྤྱན་སྔས་རྟེན་གསུམ་བཞེང་བ་དང་། ཕུ་བྱུང་བས་དཀོན་མཆོག་མཆོད་པའང་ཁོ་བོས་བྱས་པས་མཛད་འཕྲིན་རྒྱ་ཆེ་བའི་མཐུས་བུ་སློབ་ཀྱིས་ཀྱང་བསྟན་འགྲོར་ཕན་ཐོགས་ཆེ་བ་བྱུང་གསུངས་པ་ལྟར་གྱི་ཀུན་མཁྱེན་མུས་སྲས་པ། ཉན་སྟོན་ཤཱཀ་བརྟན། སྣར་ཐང་རབ་མཆོག །གྲྭ་ཆུང་ཡོན་རྒྱམ། སྟག་ཚང་ལོ་ཆེན་ཤེས་རབ་རིན་ཆེན་སོགས་བགྲང་བར་དཀའ་བ་བྱུང་བ་ཡིན་ལ། དེའང་(༡༡༦བ)

― GLG020_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་རྒྱལ་པོ་བཙོང་ཁ་པ་ཆེན་པོས། རེས་འགའ་རྒྱལ་ལ་དམིགས་པའི་དད་པ་དང་། །སྐབས་འགར་ཤིང་རྟ་ཆེན་པོའི་སྐུ་དྲིན་དྲན། །གཞན་ཚེ་མཁས་པའི་བཤེས་ལ་གུས་པ་དང་། །ཉམ་ཆུང་འགྲོ་ལ་སྙིང་ནས་བརྩེ་བ་དང་། །བསྟན་པ་རིན་ཆེན་རིང་དུ་གནས་འདོད་པ། །འདི་དག་ཕན་ཚུན་འགྲན་བཞིན་འཕེལ་བར་འགྱུར། །ཞེས་ལྷ་དང་བཅས་པའི་འགྲོ་བ་ཐམས་ཅད་ཀྱི་དད་གུས་སྤུ་ལོང་རབ་ཏུ་གཡོ་བས་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ལ་མཆོད་བསྟོད་བགྱིས་པའི་བསོད་ནམས་ལ་ཚད་བཟུང་ག་ལ་མཆིས་ཏེ། སྔོན་ཆོས་རྒྱལ་མྱ་ངན་མེད་ཆུང་ངུའི་དུས་སངས་རྒྱས་མཐོང་བར་དད་ནས་གཟུགས་ཀྱིས་མ་སྙོགས་པར་ཟླ་བོས་སྒུར་སྟེང་ནས་ས་སྦར་མོ་གང་གཏོར་བའི་འབྲས་བུར་འཛམ་བུ་གླིང་དུ་འཁོར་ལོས་སྒྱུར་བའི་རྒྱལ་པོར་འགྲན་བཟོད་པ་ལྟར་བྱུང་བའང་སློབ་དཔོན་བདེ་བྱེད་བདག་པོས། ས་འདི་རྒྱ་མཚོ་ཆེན་པོ་བཞི་ཡིས་སྐ་རགས་བསྡམས་པའི་ལྗིད་ཀྱིས་ནི། །ལྕི་ལྕི་ལྟར་འདུག་ཁྱབ་འཇུག་ས་གསུམ་བྱིན་ཀྱང་སྟོབས་ལྡན་ས་འོག་རྒྱུ། །སངས་རྒྱས་ལ་ནི་རྡུལ་ཙམ་ཕུལ་བས་རྒྱལ་པོ་མྱ་ངན་མེད་པ་ཡིས། །ཟླ་བའི་དཀྱིལ་འཁོར་དཔལ་གྱི་འོད་ཟེར་གོས་ཅན་ས་སྟེང་མཐའ་དག་རྒྱུ། །ཞེས་པ་དང་མཐུན་པར་མངོན་པ་ཀུན་ལས་བཏུས་སུ། ཕན་ཡོན་བཅུ་གཟིགས་ནས་དེ་བཞིན་གཤེགས་པས་མདོར་སྨོས་པའི་ཚུལ་གྱིས་ཆོས་སྟོན་ཏེ། རྣམ་པར་བཞག་སླ་བ་དང་། བཤད་སླ་བ་དང་། གཟུང་སླ་བ་དང་། ཆོས་ལ་གུས་པས་མྱུར་དུ་ཚོགས་ཡོངས་སུ་རྫོགས་པར་བྱེད་པ་དང་། མྱུར་དུ་ཆོས་ཉིད་རྟོགས་པར་འགྱུར་བ་དང་། སངས་རྒྱས་ལ་ཤེས་ནས་དད་པ་ཐོབ་པ་དང་། ཆོས་དང་དགེ་འདུན་ལ་ཤེས་ནས་དད་པ་ཐོབ་པ་དང་། མཐོང་(༡༡༧ན)

― GLG020_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཆོས་ལ་བདེ་བར་གནས་པའི་མཆོག་ལ་རེག་པ་དང་། འབེལ་བའི་གཏམ་གྱིས་གཏན་ལ་འབེབས་པའི་དམ་པ་རྣམས་ཀྱི་སེམས་མགུ་བར་བྱེད་དེ་མཁས་པ་མཁས་པ་ཞེས་བྱ་བར་གྲངས་སུ་འགྲོའོ། །ཞེས་ཕན་ཡོན་བླ་ན་མེད་པ་བདེན་པའི་སངས་རྒྱས་དེའང་ཆོས་ལ་བརྟེན་ནས་རྟོགས་པ་བསམ་གྱིས་མི་ཁྱབ་པ་འཁྲུངས་པ་ནི། ཀླུ་སྒྲུབ་ཀྱི་གཏམ་བྱ་རིན་ཆེན་འཕྲེང་བར། ཐེག་པ་ཆེ་ལ་རབ་དད་ཞིང་། དེ་ལས་བཤད་པར་སྤྱད་པ་ཡིས། །བླ་མེད་བྱང་ཆུབ་འཐོབ་འགྱུར་ཞིང་། །བདེ་བ་ཀུན་ཀྱང་ཞར་ལ་འགྲུབ། །ཅེས་དང་ཚོམ་ལས། ཐུབ་རྣམས་སྡིག་པ་ཆུ་ཡིས་མི་འཁྲུད་ཅིང་། །འགྲོ་བའི་སྡུག་བསྔལ་ཕྱག་གིས་མི་སེལ་ལ། །ཉིད་ཀྱི་རྟོགས་པའང་གཞན་ལ་སྤོ་མིན་ཏེ། །ཆོས་ཉིད་བདེན་པ་བསྟེན་པས་གྲོལ་བར་འགྱུར། །ཞེས་དོན་ཆེན་པོ་དེ་ཉིད་ཚུལ་བཞིན་སྒྲུབ་པར་བྱེད་པ་དགེ་འདུན་འདུས་པའི་སྡེ་ལས་ཚོགས་གསོག་པའི་ཞིང་མཆོག་ཏུ་གྱུར་པ་སྟོང་གསུམ་བྱེ་བ་ཕྲག་བརྒྱར་བཙལ་ཀྱང་མི་རྙེད་དེ། བྱ་རྒྱུད་ལེགས་གྲུབ་ལས། གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གནས། །ཞིང་གི་དམ་པ་ཡོན་ཏན་ལྡན། །དགེ་འདུན་ལ་ཡང་ཕྱག་འཚལ་ལོ། །ཞེས་འབྱོར་ལྡན་དད་པ་ཅན་རྣམས་ཀྱིས་སྡིག་པ་སྦྱང་བ་ལ་ཁྱད་པར་འཕགས་ཚུལ། དཔེར་ན་ཕ་རོལ་གྱི་ཞིང་ལ་རྨོས་ཁྲོལ་བརྒྱབ་སྟེང་ལུད་ཚོགས་ཡོངས་སུ་བཀྲམ་པར་ས་བོན་སྐྱོན་མེད་བཏབ་ཅིང་། ཆུ་འཆུ་བ་སོགས་ཀྱི་བྱེད་པས་ལོ་ཏོག་ཕུན་སུམ་ཚོགས་པ་ལ་ནས་འབྲས་གྲོ་སྲན་གྱིས་མཚོན་པའི་འབྲས་བུ་སྨིན་པ་རྟེན་འབྲེལ་གྱི་ཆོས་ཉིད་བཤད་པ་བཞིན་བསྙེན་བཀུར་ཕུ་དུད་བྱས་པའི་མཐུས་འཁོར་བ་དང་(༡༡༧བ)

― GLG020_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

མྱང་འདས་ཀྱི་དཔལ་ཟད་མི་ཤེས་པ་འབྱུང་བའི་གཞི་དམ་པ་དགེ་འདུན་དཀོན་མཆོག་ཏུ་གསུངས་པ་ཐེག་པ་ཆེན་པོའི་ལུགས་ཀྱི་བྱེད་ཆོས་སངས་རྒྱས་ཕལ་པོ་ཆེ། རྒྱལ་བ་གང་དག་གང་ཟག་བརྒྱད་གསུངས་པ། །དེ་དག་རྣམས་ནི་སྐྱེས་བུ་ཟུང་བཞི་སྟེ། །སྦྱིན་གནས་དེ་དག་ས་སྟེང་ཤིན་ཏུ་དཀོན། །དེ་དག་རྣམས་ལ་སྦྱིན་པ་དཔག་མེད་འགྱུར། །ངོ་མཚར་ཤིན་ཏུ་རྨད་བྱུང་དཔག་མེད་དེ། །དགེ་འདུན་རིན་ཆེན་གང་ཞིག་འཇིག་རྟེན་མཆོག །ཅེས་སྦྱོར་མཐོང་སྒོམ་གསུམ་ལ་གནས་པའི་བྱང་སེམས་རེ་རེའང་ཚོགས་ལམ་དགེ་འདུན་དུ་འཇོག་པ་དང་། རྒྱུད་བླ་མར་རིག་གྲོལ་གྱི་ཡོན་ཏན་བརྒྱད་དང་ལྡན་པ་སོགས་ལ་བཤད་ཅིང་ཉན་ཐོས་སྡེ་པ་ལྟར་ན་སློབ་པ་དང་མི་སློབ་པའི་ལམ་བདེན་དུ་ངོས་འཛིན་ཚུལ་ཡང་མཛོད་ལས། སངས་རྒྱས་དགེ་འདུན་བྱེད་པའི་ཆོས། །མི་སློབ་པ་དང་གཉིས་ཀ་དང་། །ཞེས་དང་། སྡོམ་གསུམ་དུ། ཉན་ཐོས་རྣམས་ཀྱི་བླ་མ་ནི། །བཟང་ཡང་གང་ཟག་ཁོ་ནར་བས། །ཞེས་འདུལ་བར་དགེ་སློང་བཞིར་ལོངས་དགོས་པ་སོགས་རྣམ་གྲངས་མང་ནའང་དོན་ཆོས་ཚུལ་རྒྱ་མཚོ་ལྟ་བུར་འབད་པ་ཆེན་པོས་སློབ་དགོས་པ་ནི། དཔང་ལོ་ཙཱ་བ་བློ་གྲོས་བརྟན་པས། རྒྱལ་བའི་སྲས་ཀྱིས་ཤེས་བྱ་ཐམས་ཅད་ལ། །སློབ་པར་གསུངས་ཕྱིར་ཇི་སྙེད་མཁྱེན་པ་ཡི། །ཡེ་ཤེས་རྒྱུ་རུ་འགྱུར་བས་ཤེས་ལྡན་རྣམས། །བྱང་ཆུབ་དོན་གཉེར་བསམ་པས་འདི་བླང་རིགས། །ཞེས་སྤང་རྟོགས་དང་ལྡན་པའི་བྱང་སེམས་རྣམས་ཀྱིས་ཀྱང་རྣམ་མཁྱེན་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་ཤིན་ཏུ་རིངས་སྟབས་ཀྱི་སློབ་དགོས་ན་རང་ཅག་སོ་སྐྱེ་རྣམས་ཀྱིས་ཉིན་མཚན་ཀུན་ཏུ་ཟས་གོས་གཏམ་སོགས་ཀྱི་དབང་དུ་མ་སོང་བར་བཙལ་དགོས་པ་མདོ་སྡེ་(༡༡༨ན)

― GLG020_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། གང་ཞིག་ཟས་དང་གོས་ཀྱི་གཏམ་ཙམ་ནི། །དེ་ནི་རབ་དང་མཆོག་ཅེས་སེམས་མ་ཡིན། །མི་ཡི་རྙེད་པ་རབ་མཆོག་རྙེད་ནས་ནི། །གཅིག་ལ་གཅིག་གིས་ཆོས་ཀྱི་གཏམ་ཡང་བྱ། །ཞེས་རྙེད་པར་དཀའ་ཞིང་འཇིག་རྟེན་དུ་མ་དང་ལྡན་པའི་དལ་འབྱོར་གྱི་མི་ལུས་ཐོབ་པའི་དུས་འདིར་སྙིང་པོ་ཡང་དག་པར་སྨོན་པའི་ཐབས་དུ་མའི་སྒོ་ནས་འཇུག་དགོས་པའི་ཚུལ་མཁས་པའི་གསུང་ལས། གང་ཕྱིར་དགེ་ལེགས་ཐམས་ཅད་ནི། །རྟག་ཏུ་སྦྱིན་ཞིང་འཕེལ་འགྱུར་བའི། །ཐུབ་བསྟན་དཔག་བསམ་ལྗོན་ཤིང་གི །ངོ་མཚར་གླེང་ལ་སུ་མི་གུས། །དེ་ཕྱིར་ཆོས་ཀྱི་རྒྱལ་པོའི་མདུན། །འབེལ་མཆིད་ཕུན་ཚོགས་འབྱུང་བ་ལ། །ཡིད་གཞུང་བསམ་མནོ་མཐའ་ཡས་པའི། །དཔྱད་གསུམ་དག་པ་འདི་འོས་སོ། །ཞེས་དད་པར་བཤད་བྱར་མཁས་པ་ཤེས་བྱ་མཐའ་དག་པའམ་སྡེ་སྣོད་རྣམ་གསུམ་གྱི་ཚིག་དོན་ལ་ལུང་རིག་མན་ངག་དང་ལྡན་པས་ཐེ་ཚོམ་གཅད་ནུས་པ་དེའང་མདོ་རྒྱུད་བསྟན་བཅོས་དང་མཐུན་པའི་གསུང་རབ་སྒྲ་ཚད་དངོས་སྟོབས་དང་མཚུངས་པའི་རིགས་པས་མདོ་རྒྱུད་དང་མི་འགལ་བར་རྗེས་སུ་གདམས་པའི་མན་ངག་སངས་རྒྱས་ཀྱིས་གསུངས་པ་མཁས་པ་ལས་བརྒྱུད། གྲུབ་ཐོབ་ཀྱིས་བསྒོམས། པཎྜི་ཏས་བཤད། ལོ་ཙཱ་བས་བསྒྱུར། རྒྱ་གར་དང་བོད་ཀྱི་སྡེ་སྣོད་འཛིན་པ་ཐམས་ཅད་ལ་གྲགས་པ་ཞིག་དགོས་པར་དགོངས་པ་ནས། ཇོ་བོ་བཀའ་གདམས་པའི་གསུང་བགྲོས་སུ། དོན་གྱི་ཐག་ཆོད་ཚིག་ཉུང་དོན་ཀུན་གོ། མང་ཐོས་ལུང་བསྟན་དོན་གྱི་ས་མཚམས་ཕྱེད། །གྲུབ་མཐའ་མ་འདྲིས་ཆོས་སྐད་བཟང་ལ་བརྟེན། །ཞེས་པ་ལྟར་ཡིན་ཅིང་། བར་དུ་འཆད་བྱེད་ལ་མཁས་པ་རྗོད་བྱེད་ཀྱི་བརྡ་དག་པ་གང་ནས་བཤད་(༡༡༨བ)

― GLG020_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་འགྲེལ་ཆགས་པ། ཇི་ཙམ་བཤད་ཀྱང་རན་ལ་འཚམ་པ། ཇི་ལྟར་བཤད་ཀྱང་འཐད་པ་གསུམ་གྱི་ངག་འབྲེལ་བས་གཞན་དགའ་བར་ནུས་པ་ཡིན་ཏེ། རྒྱལ་བ་བྱམས་པས། ངག་ཚིག་ཤིན་ཏུ་རིགས་པ་དང་། །བསྟན་དང་རྣམ་འབྱེད་ཐེ་ཚོམ་གཅོད། །ལན་མང་བྱེད་དང་ལྡན་པ་ནི། མགོ་སྨོས་རྣམ་སྤྲོས་གོ་རྣམས་ལ། །སངས་རྒྱས་རྣམས་ཀྱི་སྟོན་པ་འདི། །འཁོར་གསུམ་གྱིས་ནི་དག་པ་སྟེ། །ཞེས་གཞན་དྲིང་འཇོག་མི་དགོས་པར་དཔྱིས་ཕྱིན་པ་མངོན་དུ་གྱུར་ནས་མཐར་ཀུན་སྤྱོད་ལ་མཁས་དགོས་པའི་རྒྱུ་མཚན། འཇམ་དཔལ་དབྱངས་ཀུན་དགའ་རྒྱལ་མཚན་གྱིས། འཆད་ན་བློ་ཡི་མིག་འབྱེད་ལ། །བརྩོད་ན་རྒོལ་པའི་ཀླད་འགེམ་ཞིང་། །བརྩོམ་ན་བསྟན་པའི་སྲོལ་བཏོད་པའི། །སློབ་དཔོན་རང་གི་སྲོག་པས་གཅེས། །ཐོས་བསམ་གྲུབ་པའི་རྒྱལ་མཚན་ལ། །བསླབ་གསུམ་ནོར་བུ་དང་ལྡན་པས། །ཉེས་སྤྱོད་རིམས་ནད་ཀུན་སེལ་བའི། །རྒྱལ་མཚན་འདྲ་བ་སྲོག་པས་གཅེས། ཞེས་ཤེས་བྱའི་ཆོས་འདུལ་བ་མངོན་པ་མདོ་སྡེ་སྟེ་སྡེ་སྣོད་རིན་པོ་ཆེ་རྣམ་གསུམ་ལེགས་པར་སྦྱངས་ཤིང་ལམ་མངོན་རྟོགས་ཚུལ་ཁྲིམས་ཏིང་ངེ་འཛིན་ཤེས་རབ་སྟེ་བསླབ་པ་གསུམ་གྱིས་རྒྱུད་ཡོངས་སུ་ཕྱུག་པ། །ཐོས་བསམ་སྒོམ་གསུམ་གྱིས་སྨིན་པར་བྱས་ནས་འཆད་རྩོད་རྩོམ་གསུམ་གྱི་སྒོ་ནས་འཛིན་སྐྱོང་སྤེལ་བར་མཛད་པ་སྐྱེས་ཆེན་དམ་པར་རག་ལུས་ལ། དེའང་། སློབ་དཔོན་ཆོས་ཀྱི་ཚོང་དཔོན་གྱིས། རྒྱལ་བ་སྟོན་པ་དེ་ཡི་དམ་ཆོས་དག །མདོ་དང་ཆོས་མངོན་ཡིན་གསུང་འདུལ་བ་ནི། །སྟོན་དང་བསྟན་བཅོས་དངོས་ཡིན་དེ་ཡི་ཕྱིར། །གཉིས་འགྱུར་ཕྱག་བྱས་སངས་རྒྱས་ཁྱོད་གཅིག་བཞིན། །ཞེས་མངོན་པ་དང་མདོ་སྡེའི་སྡེ་(༡༡༩ན)

― GLG020_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

སྣོད་ཀྱིས་བསྟན་པའི་གོ་ཆོད་ཀྱང་སྟོན་པའི་གོ་མི་ཆོད་ཅིང་འདུལ་བའི་སྡེ་སྣོད་ཀྱིས་གཉིས་ཀའི་གོ་ཆོད་པ་དེ་གཉིས་ལས། ཇི་ལྟར་འདི་ན་ཤིང་རྩ་གཙོ་བོ་སྟེ། །རྣམ་པར་འཕེལ་དང་ཀུན་འཛིན་གཉིས་ཀའི་གཞི། །དེ་བཞིན་དམ་ཆོས་ཚོགས་རྣམས་ཀུན་གྱི་ཡང་། །རྒྱུ་དང་རྩ་བ་འདུལ་བ་ཡིན་པར་གསུངས། །ཞེས་བསྟན་པའི་རྩ་བའམ་གཞི་མ་ལུང་སྡེ་བཞི་སོགས་ལ་བརྟེན་ནས་ལྷག་པ་ཚུལ་ཁྲིམས་ཀྱི་བསླབ་པ་རིན་པོ་ཆེ་ནན་ཏན་བྱས་པས་གནས་སྐབས་སུ་མངོན་མཐོ་ལྷ་མིའི་ཡང་སྲིད་བརྒྱུད་མར་ཐོབ་ཅིང་ཉོན་མོངས་པ་དང་ཤེས་བྱའི་སྒྲིབ་པའི་གཡུལ་ལས་རྣམ་པར་རྒྱལ་ཏེ། ཉན་ཐོས་དང་རང་རྒྱལ་ཡང་དག་པར་རྫོགས་པའི་སངས་རྒྱས་ཀྱི་བྱང་ཆུབ་གསུམ་པོ་གང་རུང་འཐོབ་ནས་ཕྱིར་མི་ལྡོག་པའི་འབྲས་བུར་ལྷུན་གྱིས་གྲུབ་པ། སུམ་བརྒྱ་པར། །ཉོན་མོངས་དགྲ་གཡུལ་རྒྱལ་བྱེད་ཚུལ་ཁྲིམས་ཏེ། དགེ་ཚུལ་བརྟུལ་ཞུགས་ཆུ་ལོན་བརྩིག་པ་དང་། །འཆི་བའི་འཚེ་བ་འབྱིན་པར་བྱེད་པའི་ཐབས། །རྫོགས་པའི་བྱང་ཆུབ་དཔལ་ནོད་དབང་བསྐུར་ཡིན། །ཞེས་དང་། ངེས་པར་འབྱུང་བའི་ཚུལ་ཁྲིམས་སྡུག་བསྔལ་སྤོང་། །འཇིག་ཚོགས་བལྟ་བ་གདོན་གྱི་རྩ་བ་འཇོམས། །དཔལ་འབྱོར་ལྷ་དང་མེ་ཏོག་མདའ་ཅན་འཇོམས། །ཞེས་ཡོན་ཏན་ཕུན་སུམ་ཚོགས་པའི་སུམ་ཆ་ཚུལ་ཁྲིམས་དེའང་གངས་གཡག་གི་རྔ་མའི་ཉག་མ་གཅིག་ཤིང་ལ་ཐོགས་ན་མ་ཤི་བར་སྡོད་པ་དེ་བཞིན་དུ་ཉེས་བྱས་ཕྲ་མོ་ཡན་ཆད་ལའང་ལུས་སྲོག་ལ་མི་བལྟ་བར་གསུངས་པའི་ཕྱིར། སོ་ཐར་འགྲེལ་པར། །ཇི་ལྟར་བསིལ་རུམ་གངས་ཁྲོད་ལ་གནས་པའི་གཡག་རྔ་མ་བག་ཡོད་པས་བསྲུང་བ་རྔ་མ་འདྲ་མཇུག་ལྟར་མི་རྐྱོང་བར་རྩེ་མོ་ལྡང་དུ་གཟར་ཏེ་འགྲོ་བ་དེ་བཞིན་དུ་ཚུལ་ཁྲིམས་འདི་ཡང་བག་(༡༡༩བ)

― GLG020_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པར་བསྲུང་བར་གྱིས་ཤིག་ཅེས་པའི་ཐ་ཚིག་གོ །ཞེས་གསུངས་ན་ཕན་ཡོན་ཆེན་པོ་དང་ལྡན་ཞིང་། མ་བསྲུངས་ན་ཉེས་དམིགས་ཀྱང་། དགེ་སློང་ལ་རབ་ཏུ་གཅེས་པའི་མདོར། ལ་ལའི་ཚུལ་ཁྲིམས་བདེ་བ་སྟེ། །ལ་ལའི་ཚུལ་ཁྲིམས་སྡུག་བསྔལ་ཡིན། །ཚུལ་ཁྲིམས་ལྡན་པ་བདེ་བ་སྟེ། །ཚུལ་ཁྲིམས་འཆལ་པ་སྡུག་བསྔལ་ཡིན། །ཞེས་དང་། སྲོག་དང་བྲལ་ཞིང་ཤི་བ་ནི་ཚེ་འདི་ཉིད་ཀྱི་སྐྱེ་བ་ཟད་པར་འགྱུར་གྱི། ཚུལ་ཁྲིམས་ཉམས་ཤིང་ཞིག་པས་ན་སྐྱེ་བ་འབུམ་ཕྲག་བརྒྱའི་བར་དུ་རིགས་དང་བྲལ་ཞིང་བདེ་བ་སྤངས་ཏེ་རྣམ་པར་ལྟུང་བ་ཆེན་པོ་མྱོང་བར་འགྱུར་རོ། །ཞེས་ལེགས་པར་བསྲུང་དགོས་ཤིང་དགོས་དབང་གི་བསྲུང་མ་ནུས་ན་འཆབ་བསམ་གྱིས་གནས་པ་ལས་སྡོམ་པ་ཕུལ་བ་ཕན་ཡོན་ཆེ་སྟེ། དེ་ཉིད་ལས། གང་ཞིག་བསླབ་ལ་མི་གནས་པས། །བདེ་གཤེགས་རྒྱལ་མཚན་འཛིན་པ་ལས། །བསླབ་པ་མི་གནས་སྐད་ཅིག་ལ། །གཟུགས་པོར་ཁྱིམ་པར་གནས་པ་བཟང་། །ཞེས་དང་། ལུང་རྣམ་འབྱེད་དུ། ལྕགས་གོང་མེ་ལྕེ་འབར་བ་དག །ཟོས་པར་གྱུར་པ་མཆོག་ཡིན་གྱི། །ཚུལ་འཆལ་ཡང་དག་མི་སྡོམ་པས། །ཡུལ་འཁོར་བསོད་སྙོམས་ཟ་བ་མིན། །ཞེས་བསླབ་པ་དང་མི་ལྡན་པའི་གང་ཟག་གིས་དཀོར་ལ་ལོངས་སྤྱོད་པ་དང་དེར་མ་ཟད་ཁྱིམ་པས་སྤྱད་ཀྱང་དེ་དང་ཆ་འདྲ་བའི་ཉེས་དམིགས་བཟོད་པར་དཀའ་ཞིང་ཉི་མའི་སྙིང་པོའི་མདོར། ལྷུན་པོ་དང་ནི་འདྲ་བའི་མེ། །བླང་བར་བྱ་སྟེ་བཟོད་པ་སླའི། །ཁྱིམ་པར་གྱུར་པས་དགེ་འདུན་གྱི། །ལོངས་སྤྱད་པར་ནི་མི་བྱའོ། །ཞེས་པའི་དགེ་སྐྱོན་ཕྲ་རགས་ཐུགས་ལ་འཇོག་དགོས་པ་ཡིན་ཅིང་། ཚུལ་ཁྲིམས་ཀྱི་བསླབ་པ་ནི་བསམ་གཏན་ཤེས་རབ་གཉིས་འཕེལ་ཞིང་ཡུན་རིང་པོར་གནས་པའི་(༡༢༠ན)

― GLG020_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་དུ་རྒྱལ་བ་སྲས་དང་བཅས་པས་ལན་གྲངས་མང་པོར་བསྔགས་པ་དེ་ཉིད་ལས་བརྩམས་ཏེ་ཀུན་སྤྱོད་རྣམས་ཡོངས་སུ་དག་པར་བྱ་བའི་དངོས་དོན་གཙོ་བོར་སངས་རྒྱས་ཀྱི་བསྟན་པ་རིན་པོ་ཆེ་དང་བྱེ་བྲག་ཀུན་མཁྱེན་གཉིས་པ་ཁམས་གསུམ་གྱི་ཆོས་ཀྱི་རྒྱལ་པོ་ཤར་བཙོང་ཁ་པ་བློ་བཟང་གྲགས་པའི་དཔལ་གྱི་རིང་ལུགས་ཞྭ་སེར་ཅོད་པན་འཛིན་པའི་བསྟན་པ་བསླབ་གསུམ་རིན་ཆེན་རྒྱན་གྱིས་སྤྲས་པའི་གདུགས་དཀར་པོ་གཅིག་གིས་བོད་དང་བོད་ཆེན་པོ་རྒྱ་ཧོར་བལ་པོ་སོགས་འཛམ་གླིང་ཡངས་པའི་རྒྱལ་ཁམས་ཀྱིས་མཚོན་པའི་ཁྱོན་ཐམས་ཅད་ཡོངས་སུ་ཁེངས་པའི་གྲིབ་བསིལ་གྱིས་བདེ་ཞིང་སྐྱིད་པར་བཀོད་པ་ནས་ཆེས་ཆེར་ཕུན་སུམ་ཚོགས་པ་ཉི་མ་ལྟར་ཡོངས་སུ་གྲགས་པ་ཆོས་སྡེ་ཆེན་པོ་དཔལ་ལྡན་འབྲས་སྤུངས་ཀྱི་འདུས་ཚོགས་རྣམས་ཀྱིས་ཕྱག་ཏུ་བསྟར་རྒྱུའི་རིམ་པ་ལ། གྲྭ་ཚང་བདུན་ལ་མ་འདུས་པའི་ཁམས་ཚན་དང་མི་ཚན་མི་ཡོང་བས་ཐོག་མ་ནས། དགེ་བསྙེན། དགེ་ཚུལ་བསྙེན་རྫོགས་རྣམས་ཀྱིས་སོ་སོའི་བསླབ་པ་བླངས་ནས་ཆོས་གོས་རྣམ་གསུམ། ཞྭ་སེར་སོགས་རབ་ཏུ་བྱུང་བའི་རྟགས་ཆ་ལུགས་རྣམས་སྒྲ་ཇི་བཞིན་ཚང་ཞིང་བརྟུལ་ཞུགས་ལ་གནས་པ་ལས། སྐྲ་རིང་གྲིི་རིང་ཐུལ་པ་སོགས་པགས་རིགས་ཀྱི་གོས། འབར་ཞྭ་གློགས་ཆ། སྐེ་རྒྱན། ཐེར་གཟན་རྒྱ་སོག་གི་ལྷམ། འཇམ་འགག་གིས་མཚོན་པ་གྱོན་པ་རྣམས་སྤངས་ཏེ་ཚུལ་དང་ལྡན་ཕྱིན་ལྟོ་ལེན་པ་རྣམས་ལ་གཟན་ཤམ་སྟོད་འགག་ཙམ་ལས་མི་དགོས། དམིགས་བརྩེ་མ་དང་ཆབ་སྐད་བཏང་ནས་བཟུང་། དུང་ཐེང་གསུམ་པར་ཚོགས་རྣམས་གདོང་གྲལ་ལ་མཁས་གྲལ། གཡས་ཀྱི་རྩ་གྲལ་ལ་སྐད་གྲལ། གཞན་མར་བསླབ་གྲལ་སོགས་གོ་མ་ལོག་པའི་གྲྭ་རྙིང་ཡོངས་གྲགས་རྣམས་གྲལ་སྟོད། བར་(༡༢༠བ)

― GLG020_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

ཤར་བ་རྣམས་གྲལ་རྐེད། དཀོར་ཕྱིར་འབྲེང་མི་འབགས་རེངས་རྣམས་གྲལ་གཤམ། གྲལ་རྣམས་འབུར་ཀྱོང་མེད་པར་མུ་ཏིག་བསྟར་ལ་བརྒྱུས་པ་བཞིན་གང་ལེགས་སུ་འཁོད་པ་ལས་རྐང་མགྱོགས་གྲལ་མི་བྱེད་ཅིང་ཀ་བ་དང་ཞལ་བར་མི་མཉེ། མགོ་གོས་ཀྱིས་མ་བཀབ་པར་མཆིལ་སྣབས་འདོར་པ། གཉིད་དང་གླེང་མོ། ལག་རྩེད། མིག་ཡེངས། ཁ་གཏུམས། ཞོགས་གཅུས་བཟའ་བཏུང་གི་ཚེ་ཧུབ་ཅག་གི་སྒྲ་སོགས་སྤྱོད་ལམ་མི་མཛེས་པའི་རིགས་མཐའ་དག་ལ་དྲན་ཤེས་བཞིན་གྱིས་ཟིན་པའི་དམ་པའི་ཆོས་འདུལ་པའི་ཀུན་སྤྱོད་ལ་གནས་པར་བྱེད་ཅིང་། དེས་མཚོན་པའི་རབ་བྱུང་གི་བླང་དོར་གྱི་རིམ་པ་རྣམས་ཀྱང་རང་ལས་བསླབ་པ་རྒན་པ་རྣམས་ཀྱི་ངང་ཚུལ་དཔེར་བཟུང་ནས་ཉམས་སུ་བསྟར། སྔར་ལྷ་བཙུན་ཆེ་བས་རྒྱུག་ཚད་མཛད་པའི་གཏམ་ཙམ་ལས་དཀོར་ཕྱིར་འབྲེང་མཁན་གྱི་འབགས་རེངས་བཀག་སྲོལ་མེད་ཀྱང་ད་ཆ་ཚང་མར་བྱས་ན་ཆོས་གྲྭ་འགྲིམ་མཁན་གྱི་བཙུན་ཆུང་མི་ཆུད་འདུག་པས་གྲྭ་པ་གང་ཡིན་བརྗོད་མེད་དང་འབགས་རེངས་ཀྱི་རིགས་ལོ་བརྒྱད་དང་རྒྱུག་ཚད་མཐོ་ལྔ་མ་ལོངས་ན་མི་གཏོང་། རྒྱུན་གྱི་ཚོགས་ཡུན་རིང་ཐུང་ངེས་པ་མི་འདུག་ཀྱང་། འབྲིང་པོར་ཆ་བཞག་པའི་གདུགས་དཀར་ལྟ་བུ་དགོས་པའི་དམིགས་བསལ་བྱུང་ན། སྐྱབས་སེམས། མདོ་སྒྲུབ། གཏོར་འབུལ། རིང་འཚོའི་ཚིགས་བཅད་ཅི་རིགས་ཀྱི་རྗེས་སུ་གདུགས་དཀར་ཚར་གསུམ། ཡང་ན་ཤེར་སྙིང་གཅིག་གམ་སྒྲོལ་མ་ཉེར་ལྔའམ། ཚེ་གཟུངས་ཉིས་བརྒྱ་ཙམ། དུས་རྒྱུན་ནར་མའི་ཞལ་འདོན་སྒོས་ཀྱི་གང་ཡིན་དོར་བའི་ས་ལམ་སོགས་སྔར་གྱི་ཆོས་སྤྱོད་རྙིང་པ་གདངས་དང་བཅས་པ་བབས་ཆགས་ལས་གཡེལ་ཆུང་ལ་མ་སོང་བའི་རེ་མོས་དགོས་རྒྱུ་ཡིན། ཚོགས་ཀྱི་སྔ་ཕྱི་སྟོན་(༡༢༡ན)

― GLG020_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

དགུན་ཇ་དང་པོ་སོང་བ་དང་ནམ་ལངས་པ་དུས་མཚུངས་སྔ་དྲོའི་ཆོས་གྲྭའི་རྩིས་བཞག་རྫོགས་པར་ཉེ་བ་དང་། དམིགས་བརྩེ་མ་སོགས་གོང་བཞིན་གཏོང་། སྔ་གུང་གཉིས་ཀྱི་བར་ལ་མང་ཇ་བཏང་ན་ཆོས་གྲྭ་ཆག་ཆེ་གཤིས་རིང་ཁྱད་ཡོད་ཚེ་དགོངས་ཇར་རིམ་ཤུགས་བྱེད། རིགས་གྲྭས་མཚོན་པར་ཚ་ར་དང་འགྱེད་སོགས་ཀྱི་སྐལ་ལེན་པར་དན་འབག་ཕུ་མདའ་དང་དགའ་བ་གདོང་པ་སྔར་སྲོལ་གང་ཡོད་དང་། སྟོད་ལུང་ཕན་ཡུལ་སོགས་ཀྱི་དགོན་པ་ནས་ཆོས་སྡེ་རང་གི་སྐྱིད་སྡུག་ཐེན་མི་རྣམས་སྔར་ལུགས་གང་ཡོད་ལ་བཀག་ཆ་མེད། དེ་ཕྱིན་སྐྱིད་སྡུག་མེ་འཐེན་པའི་གྲྭ་ཚང་སོ་སོའི་ཆོས་གཞིས་པར་བསྙད་པའི་ལྟོ་ལེན་ལྡེབས་འབྱར་སོགས་དང་། ལྟ་གྲུབ་མི་གཅིག་པ་རེ་གཉིས་བྱུང་བ་སྔར་ནས་འབུད་བཞིན་པ་ཡིན་པས། དུས་ཕྱིས་དགེ་སྐོས་དང་ཞལ་ཏ་དཔོན་གྱི་གྲྭ་ཚོགས་ཆེ་གཤིས་ངོ་མ་ཤེས་པ་རྣམ་པ་གཅིག་ཏུ་མི་བདེན་པའི་ངེས་པ་མི་འདུག་རུང་རྒྱ་གར་དང་བལ་པོ་ལྟ་བུ་ལ་མི་ཚན་ཁམས་ཚན་གྱི་ཐ་སྙད་མ་མཆིས་ཀྱང་གཞན་མ་རྒྱ་ནག་དང་ཧོར་སོག་གིས་མཚོན་ཚང་མར་ངོ་མི་ཤེས་པ་དང་གཅིག་ལ་གཉིས་བརྟེན་ཡོང་བ་གཞིར་བཅས་པར་ངན་རྒྱབ་བྱས་ཏེ་བཙུན་པའི་རྟགས་ཆ་ལུགས་ཙམ་ཚང་བ་རྟགས་སུ་བཀོད་ནས་ཐམས་ཅད་ཚོགས་པའི་འདུ་ཁང་གི་ཕྱི་ནང་མདོ་སྦུགས་ཐམས་ཅད་ཁེངས་ཀྱིན་ཡོད་འདུག་པ་བར་སྐོར་ལྟ་བུར་མི་སྣ་ཚོགས་བསྡད་ན་མེ་མི་བརྒྱག་པའི་ངེས་པའི་མི་འདུག་པས་སྐྱིད་སྡུག་ཐེན་པར་མི་ཕན་པ་རྣམས་གཏོང་ས་མེད་ཅིང་། ཁ་ཡོད་ཚད་ཀྱིས་དཀོར་ཟོས་པ་སྤྱིན་བདག་གིས་ལྕོགས་པའི་གཏན་པ་མེད་པའི་མཆོད་སྦྱིན་ཡིན་ན་མ་གཏོགས་པའི་འཇིག་རྟེན་ནས་གཞལ་ནའང་འབྲེལ་ཤིན་ཏུ་ཆུང་བའི་མ་དད་མི་འདོད་བཞིན་དུ་ཁྲལ་ལྟ་(༡༢༡བ)

― GLG020_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

བུར་དེ་ལ་འབྲས་བུ་དཀར་བའང་མི་འབྱུང་བས་དཔེར་ན་ལམ་པ་བར་དེ་གའི་གྲྭ་བ་རྒན་པ་ཞིག་གིས་དོ་དམ་བྱས་པའི་ངོ་ཡོད་རྣམས་གཏོང་བ་སོགས་སོ་སོས་འདི་ནི་འདིའོ་ཞེས་ངོས་འཛིན་བྱས་ན་ཡིན་པ་ཚང་ཐེབས་མི་འདུག་པས་དེ་བཞིན་བྱེད། བཞི་པ་ཕྱི་ནང་གི་མང་ཇ་མ་ཡིན་པའི་རིགས་ཀྱི་འགྲུལ་པའི་ཇ་ཚུལ་རྣམས་ལ་མཚོན་ན་ཐོག་མར་ཇ་བག་དགུ་སྤྲད་པ་ནས་གསུམ་གྱིས་མང་ཇ། གསུམ་གྱིས་མདུན་ཇ། ཉུང་ཇ་ཤིང་ཚྭ་བུལ་འོ་རིན་རྣམས། གསུམ་གྱིས་ཁམས་ཚན་གྱི་ཡོང་སྒོ་དང་བཅས་པ་འདེངས་པ་དང་། དེ་ལས་ལྷག་ཚེ་སྦྱིན་བདག་རང་ལ་ཕར་སྤྲོད། ནང་ཇ་བཅུ་ཚུན་ལ་ཐོག་མར་ལེན་ཅིང་གཞན་ལ་མི་ལེན། དེ་ལས་མང་ན་ཐོག་མཐར་ལེན་སྦྱིན་བདག་འབྱོར་པ་ཆུང་བ་སྦག་བདུན་ལས་མེད་ངེས་ལ་དེ་ག་འདེང་སོར་བཏང་བའི་བཀོལ་ལུགས་བྱེད་པ་ལས་རྩོད་པ་མི་གཏོང་། ཇ་ཐུག་དགའ་ལྡན་ཕོ་བྲང་དུ་ཁྲོ་རྐྱན་གསུམ། སྤྱི་ཁང་དུ་ཟངས་རྒྱན་གང་། སྦྱིན་བདག་ལ་ཆུ་བན་ཚད་མ་རེ། དབྱར་ཞལ་བཞེས་གང་མཛད་པ་འདེང་ཚོད། ཐམ་ཁ་དམར་ནག་ཡོད་པར་མི་ལྔ་ཙམ་འདེངས་པའི་ལྟིར་ཆུང་རེ་ལས་མི་གཏོང་། ཇ་རོ་སྤུངས་ནས་འཇོག་པ་ལས་ཐབ་གཡོག་པས་འཁྱེར་ན་ཇ་མི་ཐོན་པའི་རྐྱེན་དུ་འགྱུར་ཞིང་། ཁ་ཞག་བསགས་ཀྱང་ཚོགས་པར་གནོད་པས་མི་བྱེད། བསྔོ་རྟེན་རྣམ་གཞག་འགྱེད་སྦྱིན་བདག་གིས་གང་བྱུང་ལས་བརྗེ་བ་དང་བཟོ་རས་མི་འདོན། སྙན་དར། རྣམ་གཞག་ཆེ་གྲས། དགའ་ལྡན་ཕོ་བྲང་། སློབ་དཔོན་ཁྲི་ཐོག་པ་དང་རིགས་གྲྭ་ལན་གཉིས་བཏང་བའི་ཟུར་པར་ངོ་ཡོད། དགེ་སྐོས་གཉིས། དབུ་མཛད། སྤྱི་སོར་གཉིས། དཀོན་གཉེར་ལ་རྣམ་གཞག་ཆུང་གྲས། མཆོད་ཁང་གི་སྡོང་རས་ཀྱི་རྒྱུར་བཅུ་གཉིས། སྔགས་ཁང་དཀོན་གཉེར་ལ་གཉིས། ལམ་(༡༢༢ན)

― GLG020_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་ལྷ་ཁང་། ཀུན་དགའ་ར་བ། སྨན་སྦྱིན་པ། ལག་བདེ་དབུ་མཛད། རིགས་གྲྭ་བ་རྣམས་ལ་རེ། སྤྱི་སོར་དྲུག །སྔགས་པ་སྒྲུབ་མཆོད་པར་གཉིས། རིགས་གྲྭ་བ་དང་སྒྲུབ་མཆོད་པར་འགྱེད་སོགས་ཀྱི་སྐལ་འཕར་མི་དགོས། འགྱེད་དང་ཚ་རའི་སྐབས་དགེ་སྐོས་ཀྱིས་ཚོགས་གཏམ་རྒྱུན་ལ་ནད་པ་དང་མཚམས་པ་བ་མ་གཏོགས་ཞལ་སྔོན་དུ་མ་གྱུར་པས་སྐལ་བ་བླངས་མི་ཆོག་ཅེས་གཏོང་སྲོལ་ཡོད་རུང་། ཕྱིས་སྐོར་སྟོད་སྨད་ར་བ་སྟོད་སོགས་ཕྱོགས་ཀྱི་གྲྭ་ཚང་ངམ་རིངས་སོགས་ལ་གྲྭ་སྐོར་དང་དཔེ་མཚམས་ལ་སོང་བར་གཏོང་བར་མི་འཐད་པར་མ་ཟད་དེང་སང་ཁམས་སོགས་གིས་མཚོན་ཡུལ་ཐག་རིང་ལ་འབུལ་སྡུད་དུ་སོང་བ་སོགས་ལའང་སྐལ་བ་ལེན་པའི་རྒྱ་ཆེ་མུ་མེད་ཡོད་འདུག་ཅིང་། གཞིས་དགོན་པའི་རིགས་ནས་གྲྭ་པ་ཚོར་བསླབ་གཉེར་ལྟ་བུར་སོང་བ་ལ་སྐལ་བ་གཏོང་བ་ནི་ཚུལ་སྒྲུབ་མཆོད་ཀྱིས་མཚོན་སོ་སོའི་ཤམ་ཐབས་ཁྲལ་སྒྲུབ་དགོས་པའི་རྒྱུ་མཚན་ཡིན་འདུག །གྲྭ་པ་འདི་ཚོར་དེ་འདྲའི་སྲོལ་མེད་གཤིས་དཔེ་མི་ཁེབས་ཤིང་། སྦྱིན་བདག་རྣམས་ཀྱིས་ཞབས་ཏོག་བྱེད་པ་ལའང་གནད་འདུག་པས་གཏོང་ས་མེད། དུས་ཕྱིས་ཉེ་ཕྱོགས་ཆེ་ཞིང་ཁམས་ཚན་དང་དགེ་རྒན་ཅི་རིགས་ཀྱིས་ཟ་སྒོ་གཙོ་བོར་བཏོན་ནས་མི་ཁྱམས་ཁུངས་མེད་མཐའ་དག་ལ་བདག་རྐྱེན་སྤྲད་གཤིས། སྦྱིན་བདག་རྣམས་ཀྱང་ཧ་ལས་ཏེ་མང་ཇ་དང་འགྱེད་སོ་སོའི་གྲྭ་ཚང་ལ་མི་བསྒྱུར་ཐོ་མེད་ཡོང་གིན་ཡོད་འདུག་པ། དགེ་འདུན་སྤྱིའི་འདུ་སྒོ་འཕྲོགས་པའི་གནོད་ཚབས་ཤིན་ཏུ་ཆེ་བ་འདུག་པ་སྔ་ཐོག་དངོས་གཞི་སྦྱིན་བདག་འབྱོར་པ་ཆེ་ཆུང་ལ་གཞིགས་ནས་ལྷུས་གང་ཐིངས་བྱས་པའི་དཔེར་ན་དགའ་ལྡན་ཕོ་བྲང་དུ་མཐོ་བཞི་བཅུ། སློབ་དཔོན་ཁྲི་གདན་ཟུར་རྣམས་ལ་ལྔ་སྐལ་(༡༢༢བ)

― GLG020_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་གྲྭ་གཅིག་བཏང་བའི་སློབ་དཔོན་རྣམས་ལ་ཉིས་སྐལ། ཕྱོགས་ལ་སོང་བའི་བླ་མ་ཚུར་ཡོང་གི་རིས་ལ་ངོ་སྐལ། དབུ་མཛད་ལ་ལྔ་སྐལ། དགེ་སྐོས་ལ་དྲུག་སྐལ། གཞུང་ལས་པ། སྨན་སྦྱིན་པ། དམིགས་བརྩེ་མ། ཆབ་སྐད་པ། དུང་མཁན། གཏོར་མ་པ། ཆབ་རིལ་པ། ཁྲོ་གཉེར། ཇ་མ་ལག་བདེ་དབུ་མཛད། ཤིང་གཉེར། ཐབས་གཡོག་པ་བཞི་དང་ཚྭ་ཚུལ་བ་གཅིག་སོགས་ལ་སྐལ་འཕར་རེ། འབགས་སེལ་བ་གསུམ་ལ་ངོ་སྐལ་རེ། ཐབས་གཡོག་པ་བཞི་པོ་ནས་སོ་སོའི་རམ་འདེགས་ཀྱི་མི་གསུམ་བཞི་རེ་སླ་དགོས་ཀྱི་ཡོད་འདུག་པ་མི་འཁྱམ་གྲུབ་མཐའ་མི་གཙང་བའི་རིགས་མི་འགབ་པས་སོ་སོའི་སྐྱེས་ཡུལ་སོགས་ཞིབ་དཔྱད་པའི་དགེ་སྐོས་དང་སྤྱི་སོའི་གཉེར་པར་གནང་བ་ཞུས་ནས་བཞག་པར་སྐལ་བ་རེ། སྤྱི་པའི་ཕྱག་མཛོད་དུ་མཐོ་བཞི་བཅུ། གཉེར་ཚང་དུ་ཉི་ཤུ་རྩ་གསུམ། དགའ་ལྡན་ཕོ་བྲང་གི་གཉེར་པར་སུམ་སྐལ། སྤྱི་གཉེར་ལ་ཉིས་སྐལ་རེ། ཕན་བདེ་ལེགས་བཤད་གླིང་པ། བདེ་ཡངས་པ། སྔགས་པ་སྒྲུབ་མཆོད་པ་གསུམ་གྱི་གཉེར་པ་སྡད་དུས་ཉིས་སྐལ། གནས་ཆུང་སྐུ་ཁོག་ལ་བདུན་སྐལ། གསོལ་ཁ་བརྒྱད་ལ་ངོ་སྐལ། དབྱར་གནས་ཀྱི་གཉེར་པར་ལྔ་སྐལ། གཞུང་གི་དྲུང་འཁོར་དང་ནང་ཟན། གྲྭ་ཚང་གི་སྐལ་བ་ལའང་ཕྱོགས་ལ་ཕར་སོང་དང་ཚུར་སླེབས་བསྟུན་དོ་དམ་པས་བརྡ་སྦྱར་ནས་ཡོད་མེད་ཀྱི་དབྱེ་བ་ཕྱེད་པ་བྱིན། དགེ་འཕེལ་བ་དང་དངུལ་ཆུ་ཆོས་རྫོང་པ་ངོ་ཡོད། མཆོད་ཁང་དཀོན་གཉེར་གྱིས་མཚོན་གཉེར་ལས་པའི་རིགས་སྐུ་རིམ་དོ་དམ་དང་གྲྭ་པ་གྲངས་བཅད་སོང་ངེས་ལ་ངོ་སྐལ་རེ། ཆོས་སྡེ་སྤྱི་སོ་དང་དབྱར་གནས་པའི་ཤས་བདག་ངོ་ཡོད། བློ་གསལ་གླིང་པ་དང་སྒོ་མངས་པར་(༡༢༣ན)

― GLG020_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་རེ། ཕན་བདེ་ལེགས་བཤད་གླིང་པ། བདེ་ཡངས། སྔགས་པ་སྒྲུབ་མཆོད་པ་གསུམ་གྱི་སྤྱི་པར་གསུམ་རེ་དང་བླ་བྲང་སོ་སོར་སྐལ་བ་རེ། རྒྱས་པ། འདུལ་བ། ཤག་སྐོར་བ་གསུམ་གྱི་བླ་བྲང་དང་སྨན་སྦྱིན་པ། མཆོད་ཁང་དཀོན་གཉེར། རྒྱུད་སྟོད་པའི་ཕོགས་ཀྱི་དོ་དམ། ཏཱ་དབེན་པ་རྣམས་ལ་སོ་སོར་སྐལ་བ་རེ། ར་མ་རྫོང་དཔོན་གཡོག་བདུན་མ་གཏོགས་གཞན་མའི་བྲེལ་གཅོད་པར་སྐལ་བ་གཏོང་ལེན་མི་བྱེད་པ་གཞུང་དང་བོད་པའི་རིགས་ལ་ཡིན་ཅིང་ཁམས་ཚན་དེ་གའི་ཁམས་པར་གསུམ་སྐལ་བཏང་ན་བོད་པ་དང་ཉེ་ལོགས་རྣམས་ལ་ཉིས་སྐལ། དགེ་འདུན་སྤྱིར་མི་གནོད་པའི་ངོས་རྟ་དྲུང་སོགས་སྐྱིད་སྡུག་ལ་ཕན་སླེབས་ཆེ་བ་ཚོར་བཅུ་སྐལ་ཙམ་གཏང་བ་སོགས་སྐྱིད་སྡུག་ལན་འཇལ་བྱེད་སྲོལ་འདུག །འབྱོར་པ་ཡོད་ངེས་ཀྱི་སྦྱིན་བདག་ལ་ཆ་བཞག་ན། རང་གི་ཁམས་པ། སྐྱིད་སྡུག་གཅིག་པའི་ཉེ་ལོགས་གལ་ཆེ་བ། བོད་པ་རྒན་པ་བབ་ཐོབ་དང་འབྲེལ་བ་རྣམས་ལ་ལྔ་སྐལ་རེ། དེ་ཕྱིན་ཉེ་ལོགས་དང་བོད་པ་བྱིངས་ལ་ཉིས་སྐལ་རེ། རང་གི་དགེ་རྒན་མི་སྣ་དང་སྐྱིད་སྡུག་གཅིག་པའི་ཉེ་ལོགས་ཀྱི་མི་སྣར་བཅུ་སྐལ། ཉེ་ལོགས་བྱིངས་ཀྱི་མི་སྣར་གསུམ་སྐལ། རྟ་དྲུང་སོགས་སྐྱིད་སྡུག་འཐེན་མཁན་ལ་བཅུ་སྐལ་རེ་གཏོང་བས་མཚོན་རང་གི་ཁམས་པར་གསུམ་སྐལ་ལྟ་བུ་ཆུ་བ་བཏང་བའི་ཚེ་སྦྱིན་བདག་གི་འབྱོར་བ་དང་བསྟུན་པའི་ཆ་ཤས་ནས་བྱེད་ཅིང་འགྲུལ་པ་འབྱོར་པ་ཆེ་བའི་རིགས་ཀྱིས་སྒོ་མང་དང་བློ་གསལ་གླིང་སློབ་དཔོན་པར་སྐལ་བ་ལྔ་བཅུ་མན། སློབ་དཔོན་གཞན་མ་ཚོར་བཅོ་ལྔ་མན། ཉེ་ལོགས་གལ་ཆེ་བའི་སློབ་དཔོན་པར་སུམ་ཅུ་མན། དགེ་སྐོས་སོ་སོར་བཞི་བཅུ་(༡༢༣བ)

― GLG020_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

མན། དབུ་མཛད་ལ་ཉི་ཤུ་མན། དགའ་ལྡན་ཕོ་བྲང་དང་སྤྱི་གཉེར་སོགས་སྣེ་མོ་བ་གཞན་མ་རྣམས་ལ་བཅུ་རེར་མང་མཐའ་བྱས་པ་ལས་ལྷག་པ་བཏང་ཆོག་རྒྱུ་མིན། སྤྱི་སོའི་ཕོགས་རྒྱག་དུས་གཞུང་གི་ངོ་ཚབ་དང་སྦྲེལ་ནས་ཕོགས་ཡིག་དམ་འབྱར་གྱི་ནང་བཞིན་ཨངྐི་དང་པོར་ཆོས་གྲྭ་བ་སོགས་གྲྭ་ཚང་ཁག་གཉིས་པར་གཞན་གྱི་ལྡེབས་འབྱར་མེད་པའི་གཞི་བ་དང་དགེ་འཕེལ་དང་དངུལ་ཆུ་ཆོས་རྫོང་བ་སོགས། གསུམ་པར་ཐབ་གཡོག་སོགས་འབགས་རེངས་སྐོར་བབས་འབྲེལ་གང་ཡོད་རྣམས་ལ་རྒྱག །ཆོས་གྲྭ་ལོ་གསུམ་ཙམ་ཡང་མ་འགྲིམ་པའི་ཕྱོགས་མི་གསོ་དཔྱད་རྩིས་སོགས་བསླབ་མཁན་དང་དབོན་ཆོས་མཛད་ལྟ་བུའི་གཡོག་གཞི་བར་བསྙད་པའི་སྤྱི་སོའི་ཕོགས་དེབ་ཏུ་མི་སྐྱེལ་ཞིང་ཆོས་གྲྭ་བར་ཁག་གཏགས་ནས་ལུས་ཐང་ཞིང་ཤེས་རབ་ཡོད་བཞིན་དུ་སློབ་གཉེར་མི་བྱེད་པར་ཚོང་ཁེ་སྤོགས་དང་ནས་འབུན་འཛུགས་པ་སོགས་མི་བྱེད། སྔ་ཐོག་ཤེས་རབ་དང་ཤེས་འདོད་ཡོད་པའི་རིགས་རྣམས་ར་བ་སྟོད་དུ་ཕྱིན་པའི་བསྡུས་ཚད་ཕུལ་ཕྱིན་བསླབས་ནས་པོ་ཏི་ཕྱི་མ་རྣམས་སྦྱོང་བར་གྲྭ་སར་ལོག་པའི་དགེ་བཤེས་མང་རིགས་དང་། དེ་རིགས་བློར་མེད་པ་རྣམས་ཡས་ཆགས་མས་ཆགས་ཀྱི་ཐ་སྙད་བྱས་པའི་བསྡུས་ར་སོགས་ཀྱི་གཡེང་བ་སྐྱུངས་ཏེ་དབུ་ཕར་གྱི་ཐལ་ཕྲེང་རང་ལ་དམར་འཇུས་བྱས་ཏེ་པོ་ཏི་བཞི་ཟུར་བཀོལ་དང་བཅས་པ་མགོ་ཐོན་པའི་དགེ་བཤེས་རེ་མང་ཡོང་གི་འདུག་ཀྱང་། དུས་ཕྱིས་གྲྭ་ས་རང་དུ་བསྡུས་ཚད་རྣམ་རྟོག་སད་སོད་རེ་བཏང་བའི་རྐྱེན་གྱིས་གཞན་ལ་འགྲོ་བའི་གོའང་འགགས་ཤིང་པོ་ཏི་ཕྱི་མའི་སློབ་གཉེར་ལ་ཅུང་ཟད་གནོད་འདུག་པས་ད་ཆ་བསྡུས་ར་འོས་རིགས་མ་གཏོགས་ཚད་མར་ཤེས་ཡོད་འདོད་པ་གང་ཡིན་ར་བ་སྟོད་དུ་འགྲོ་གང་འདོད་གཏོང་ཞིང་། ཕྱིར་(༡༢༤ན)

― GLG020_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

ལོག་སྐབས་ཀྱང་བཀག་ཆ་མེད་པའི་བློ་སྦྱར་བྱེད་ཅིང་སྔར་དབུ་ཕར་གཉིས་ཀྱི་ཐལ་ཕྲེང་སོང་རྗེས་སྤྱི་དོན་དང་ཕར་ཕྱིན་ལ་འགྲེལ་ཊིཀ །དབུ་མར་རྩ་ཊིཀ །འདུལ་མཛོད་རྣམས་འཛིན་གྲྭའི་བློ་སྦྱར་དང་བསྟུན་ནས་སྟོང་རུང་ཆོས་སྡེ་འདི་དབུ་ཕར་གྱི་གྲས་ཡིན་གཤིས་ཟུར་བཀོལ་དང་བཅས་པར་རྩོོལ་འདོན་བྱེད། རྡོ་བཅལ་དུ་དབྱར་ཆོས་དང་དགུན་ཆོས་དམིགས་བསལ་གྱི་སྐུ་རིམ་ལ་ཚང་མ་ཚོགས་དགོས་ངེས་འདུག་ཀྱང་བར་སྐབས་སུ་ཚུལ་གནས་མ་བྱུང་འདུག་པས་ད་ཆ་ཚོགས་གཏམ་ཚ་ནན་བཏང་རྗེས་སླེབས་མ་བྱུང་ན་གླིང་གསེབ་མྱུལ་བ་སོགས་བྱེད་ཅིང་། འཁར་རྔ་ཆོས་འཆད་ཉན་གྱི་སློབ་དཔོན་དང་སྒོ་བསྟུན་ནས་གཏོང་། ཉི་མ་རིང་དུས་ཆོས་གྲྭར་སྤྱི་ཆོས་འཇམ་དབྱངས་ཆོས་རྗེ་ནས་ཕྱི་མའི་བར་འཆད་སྲོལ་འདུག་པ་ལྟར་ལམ་རིམ་ཆེ་ཆུང་། བཀའ་གདམས་ཕ་ཆོས་བུ་ཆོས། ཆོས་འབྱུང་། འདུལ་བའི་གླེང་འབུམ། རྒྱལ་བ་བཙོང་ཁ་པ་ཆེན་པོའི་རྣམ་ཐར་སོགས་རྒྱུན་ཆད་པ་རྣམས་ཁ་གསོ་བློ་གསལ་གླིང་པའི་གཞུང་ལས་པ་སུ་ཡིན་གྱིས་གདན་གུང་གི་སྔ་རྒོལ་ཕྱི་རྒོལ་བ་སོགས་སྙན་གསན་སུ་སྔར་སྤྲོད་པ་ལས་ཉེ་རིང་ཕྱོགས་ཆར་མ་སོང་བའི་དྲང་བཞག་བྱེད། གཞུང་ལས་བློ་གསལ་གླིང་པ་དང་དབུ་མཛད་སྒོ་མངས་ནས་བྱེད་སྲོལ་འདུག་པ་སྔར་གྱི་ལོ་རྒྱུས་བརྗོད་པས་རྐྱེན་བྱས་སྒོ་མངས་པས་སྔར་ལུགས་བཞིན་དགོས་པའི་རྒྱུ་མཚན་བྱུང་རུང་ད་ལྟའི་དབུ་མཛད་འདིའི་རྗེས་སུ་བབས་འབྲེལ་ཙམ་འདུག་ཀྱང་དུས་ཕྱིས་ཕལ་ཆེར་བློ་གསལ་གླིང་རང་ནས་མང་གཤིས་ཁེ་གུད་ཆེ་བ་མེད་པའི་བསྒྱུར་བཀོད་མངས་ན་དགེ་འདུན་ཐུགས་ནང་མི་གཤིན་པའི་རྒྱུ་ཁོ་ན་ཡིན་འདུག་པས། ད་ཆ་གྲྭ་ཚང་ལྔ་པོ་སུ་བྱུང་ནས་སྐད་གཟུགས་ཟུང་འབྲེལ་བྱུང་ན་རབ་དེ་མིན་གཟུགས་ལོད་མིན་པའི་སྐད་(༡༢༤བ)

― GLG020_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་བ་གལ་ཆེ་བས་དབྱིབས་ལྟ་བྱས་ཏེ་བསྐོ། གླིང་བསྲེ་གཏོང་སྐབས་དགེ་སྐོས་ཀྱི་རྔན་པ་བླངས་ནས་ཡོན་ཏན་ཆེ་ཆུང་ལ། མི་བལྟ་བར་གཏོད་པ་ཡོངས་སུ་བསྒྲགས་ཤིང་། དེ་ལ་འཛེམ་བག་ཀྱང་ཆེར་མ་བྱེད་པ་ཞིག་སྔར་ནས་ད་ལྟའི་བར་འདུག་ཀྱང་། དབུ་ཕར་གཉིས་པོའི་ཐལ་ཕྲེང་སྤྱི་དོན་ཟུར་བཀོལ་བཞི་ཆ་ཚང་སོང་བ། རྣམ་འགྲེལ་གྱི་རིགས་ལུང་ཕོག་པ་རྣམས་བརྡ་ལན་འབྱོར་ངེས་ཤེས་པ་མ་གཏོགས་སྟོང་ཁྲབ་པའི་རིགས་ལ་སླད་ནས་གཏད་ན་བསྟན་རྒྱུན་ལ་གནོད་པས་མི་སྤྲོད་ཅིང་ཁ་བཙན་འགའ་རེའི་ངོ་ཆེན་གྱིས་བྱེད་གཏད་བྱུང་ཟེར་བ་བདེན་ན་ད་ཕྱིན་ཆེ་ཕྲ་སུས་ཀྱང་དེ་རིགས་ཀྱི་ངོ་སྒྲོན་མི་བྱེད། སོ་སོ་གྲྭ་ཚང་ལ་གྲྭ་ཇ། བཞེས་ཐུག །འཕན། དགེ་སྐོས་གཉིས་ལ་དགོངས་ཇ་བུ་རམ་དང་། སྟོན་མོ་བླུ་བར་ཤར་ན་དངུལ་སྲང་གང་ལ་ཆ་ཤས་པ་གཏོད། བཤད་པའི་ཐོག་རྒྱུག་ཇ་དྲུག་དང་རིགས་ལུང་ལ་གཉིས་ཙམ་ལས་རྒྱག་ཇ་མང་ཚེ་ལྷམ་གྱོན་འབུད་སོགས་ཀྱི་བྱ་བྱེད་རང་ལ་ཟད་ནས་རིགས་ལུང་ལ་ཤིན་ཏུ་གནོད་པས་སླར་ཇ་མགྲོན་ཝ་དར་སོགས་ནང་དུ་བྱས་ཆོག་པས་མི་བྱེད། སྔ་ཐིག་ཕོད་ཁང་པ་དྷརྨཱ་བཟང་། གུང་རུ་ཌཱོམྦི། ཕྱིས་སུ་ཆ་བ་ཨ་བསམ་གྱིས་མཚོན་པའི་སྔ་རྒོལ་བ་མང་པོས་བསུན་འབྱིན་ཆེ་བ་བྱས་འདུག་པ་ཧམ་པ་མི་བྱེད་པའི་འཛེམ་བག་ལ་ཕན་པ་འདུག་ཀྱང་། དེང་སང་གཞན་ངོ་བཟུང་བའི་མཛེས་མཚོན་བྱེད་མཁན་མང་བར་བརྟེན་ཧོར་རབ་འབྱམས་པ་དང་གུང་རུ་ཁམས་ཕྲུག་ཕུད་པ་སོགས་གུ་དོགས་སྐྱོན་གྱི་ཚང་མ་རྟ་ལ་གཡག་འཛེམ་བྱུང་འདུག་པ་ད་ཆ་རྡོ་བཅལ་གྱི་དམ་བཅའ་པོ་ཏི་ལྔ་ག་ཉིན་ལྔ་ལ་འཇོག་པ་དང་དེ་སྐབས་གྲྭ་པ་ཐམས་ཅད་ཚོགས་དགོས་པས་དོ་དམ་དགེ་སྐོས་ཀྱིས་བྱེད་ཅིང་བགྲོ་གླེང་ཀྱང་ནན་ཆགས་གཏོང་། ལྷ་ས་སྨོན་ལམ་གྱི་གྲྭ་སྐོར་(༡༢༥ན)

― GLG020_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་མི་ལའང་པོ་ཏི་ལྔ་བྱུང་ན་རབ། དེ་མིན་བཞི་པོ་ཡོད་ངེས་མ་གཏོགས་གཏད་པས་འཐུས་རྒྱུ་མིན་ཅིང་ངམ་རིངས་སོགས་ཕྱོགས་ལ་འགྲོ་མི་རྣམས་ཀྱང་ཡོན་ཏན་འབྲིང་ཙམ་མེད་པར་བཏང་ན་རང་ཕྱོགས་ཀྱི་ཞབས་འདྲེན་བྱུང་དོགས་པས་སོ་སོའི་སློབ་དཔོན་གྱིས་སློབ་གཉེར་མེད་པ་རྣམས་འགྲོ་ས་མེད་པའི་དམ་ར་བྱེད། དེ་མཚུངས་གསང་ཕུར་འགྲོ་མི་ཚོར་ཡང་ཕར་ཕྱིན་གྱི་ཐལ་ཕྲེང་སོང་མཚམས་འགྲོ་ཞིང་བཤད་པའི་ཡུན་ཉི་མ་དང་། མང་ཇའི་གྲངས་བཅད་ཀྱིས་མཐའ་བརྟེན་པའི་བསྒྲིགས་ཇི་ལྟར་ཡོད་པ་བཞིན་རྒྱག་པ་ལས་ཁམས་སོགས་ལ་ལས་ཉི་མ་གཅིག་གཉིས་བརྒྱབ་ནས་ལོག་པའི་དབང་གཤེད་ཁོ་ན་བྱས་ཟེར་བའང་ད་ནས་བཟུང་ཁ་གྲངས་མ་རྫོགས་པར་བཤད་བརྒྱག་པ་ལས་གང་འདོད་བྱེད་ས་མེད། ཞོ་སྟོན་གྱི་སྐབས་ཉེར་བརྒྱད་ཀྱི་དགོངས་ཇ་ནས་ནག་ཁྲིམས་གློད་པའི་དགུ་གནམ་གཉིས་ལ་ཕལ་ཆེར་བསྡད་ནས་ཚེས་གཅིག་ལ་རིམ་གྱིས་ལོག་ཅིང་གཉིས་ཀྱི་དགོངས་ཚུན་མ་ལོག་པ་བྱུང་ཚེ་གསུམ་གྱི་ཞོགས་ནས་ཚོགས་གཏམ་བཏང་རྗེས་ནག་ཁྲིམས་བསྡམས་ནས་ཕྱི་རོལ་གྱི་མཐོ་བརྩིག །རིགས་གྲས་མཚོན་གཏད་སྒོ་རྣམས་ཀྱང་ད་ལྟའི་འདི་ག་བཟང་འགྲན་མུ་མཐུད་ཚེ་ལས་སྣེ་བ་བྱེད་དཀའ་ཞིང་ཇ་ཐུག་ཀྱང་མང་སྐྱོན་གྱིས་དགེ་འདུན་རྣམས་ཀྱིས་བཞེས་མི་ཐུབ་ཅིང་སྣོད་དཔྱད་སོགས་ལ་གཟན་པ་ལས་སྤྲོས་པའི་དགོས་པ་གཞན་མི་འདུག་གཤིས་ད་ཕྱིན་འགྱེད་ཚ་ར་གཏོང་མིར་གང་ཡོད་ནས་ཞུ་བ་དང་། ཉིན་རེང་ཇ་ཐུག་དྲུག་རེ་བཏང་བའི་ཞག་ཉི་ཤུ་རྩ་གསུམ་ལ་མང་མཐའ་དང་ཉུང་མཐའ་ཉིན་བཅུ་གསུམ་གྱི་བར་སྐབས་དང་སྦྱོར། གྲྭ་ཚང་ཕན་ཚུན་སློབ་དཔོན་པར་ཆོས་འབྲེལ་ཞུ་གང་འདོད་ལ་བཀག་ཆ་མི་བྱེད་ཟེར་བའང་གྲྭ་ཚང་གཅིག་གི་གྲྭ་པས་གཅིག་གི་སློབ་དཔོན་པར་བརྩི་བཞག་(༡༢༥བ)

― GLG020_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

ཉན་པས་ཐུས་རྒྱུ་མིན་ཅིང་། དབང་རྫས་གནང་ལུང་སོགས་ཆོས་འབྲེལ་ཞུ་བར་རྩ་བའི་གྲྭ་ཚང་གི་སློབ་དཔོན་པར་གནང་བ་ཞུས་ཕྱིན་བཀག་ཆ་བྱས་ཆོག་རྒྱུ་མིན། སྒྲིགས་འགལ་གྱི་སྐོར་རྩ་བཞི་ཆང་དང་ལྔ་ལ་མཐོང་ཐོས་དོགས་གསུམ་གྱི་སྒོ་ནས་རྩད་ཆོད་པ་དང་། དགེ་སྐོས་ལ་ཁ་ལན་ལག་ལེན་སློག་པ་བྱུང་ན་གཎྜི་ཤོག་ཐོད་ཀྱི་རྒྱང་འབུད་གཏོང་ཞིང་དེ་ལས་གཞན་པ་རྨས་ཁྲག་བྱུང་བ། གྲི་བཏོན་པ། དེ་མ་ཡིན་པའི་ལག་འཐབ་དང་འཕྲོག་འཇོམས་བྱས་པ་རྣམས་གང་ལ་གང་འཚམ་གྱི་དབྱིབས་བལྟས་པའི་ཚར་གཅོད་རྗེས་འཛིན་བྱེད། རྡོ་སྐོར། མཆོངས། མིག་མངས། ཤ་ཏ་རས་མཚོན་ཆོ་ལོའི་རིགས་བག་མེད་ཀྱི་སྤྱོད་པ་ཡིན་འདུག་པས་དགོན་ནང་དུ་བཀག་ཆ་གང་དམ་བྱེད་ཅིང་གླིང་ཁ་སོགས་སྤྲོ་སེང་དང་འགོལ་སར་བྱས་ཆོག །མདའི་སྐོར་ལ་དགོས་པ་ཡོད་མེད་ཀྱི་གླེང་བརྗོད་སྣ་ཚོགས་ཡོད་འདུག་པ་དགེ་སྐོས་ལ་བག་འཛེམ་བྱས་ངོས་རྒྱབ་པར་འགལ་བ་མེད། ཁམས་ཚན་རྣམས་མི་ནོར་སོགས་ཀྱི་དོན་དུ་འཐབ་འཛིངས་ཀྱི་དུས་མདའ་རྡོ་སྒྱོགས་སོགས་ཀྱིས་མཚོན་པ་ནི་སྔར་ནས་བྱེད་སྲོལ་འདུག་ཀྱང་སོག་པོ་དངོས་གྲུབ་རྒྱ་མཚོས་མེ་མདའ་བརྒྱབ་ནས་ཀླུ་འབུམ་རབ་འབྱམས་པ་བསད་པ་ཙམ་ལས་མ་བྱུང་འདུག་པས་སླད་ནས་ཀྱང་མེ་མདའི་སྲོལ་མི་བྱེད། གྲྭ་ས་ཕན་ཚུན་དང་ཁམས་ཚན་འཐབ་རྩོད་ཀྱིས་མཚོན་དགེ་འདུན་གྱི་དབྱེན་དང་བསྟན་བཤིག་ཁྲིམས་འགལ་བྱས་རིགས་ལ་གཏེ་པོ་སྡེ་ཚན་དང་བཅས་པར་རྒྱལ་ཁྲིམས་ཀྱིས་ཙ་ར་སྐབས་ཐོབ་བྱེད་པ་འདིར་གསལ་མ་དགོས། གཞན་མ་ཆོས་སྡེ་འདི་མཚན་ཉིད་ཀྱི་བཤད་པ་གཙོ་བོར་བཏོན་གཤིས་མཁན་པོའི་བླ་བྲང་དང་སྔགས་ཁང་མ་གཏོགས་སྔ་ཐོག་ཆོ་ག་བཀང་གསོ་སོགས་ཏིང་ཤགས་ཀྱིས་མཐའ་བརྟེན་པའི་རོལ་མོའི་རིགས་དཀྲོལ་བ་ལ་བཀག་ཆ་ཡོད་ཅིང་། དམིགས་བསལ་(༡༢༦)

― GLG020_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེངས་རེ་ཐེངས་གཉིས་ལའང་དགེ་སྐོས་ལ་གནང་བ་ཞུ་དགོས་པ་ཞིག་ཡིན་རུང་ཕྱིས་སྐོར་སྒོ་མངས་བླ་བྲང་དང་ཆོས་འཁོར་གླིང་སོགས་ལ་བཀང་གསོ་འོས་མེད་རིམ་པས་གཏོང་བ་བྱུང་སོང་བ་ད་ཆ་སྒོ་མངས་སུ་བཙུགས་གྲུབ་པ་རྟ་མ་ཆག་ཙམ་གཏང་མི་གསུམ་བཞི་ཚུན་དང་། བདེ་ཡངས་སུ་གཏོས་ཇའི་སྐབས་དུང་ཆེན་གཏོང་བ་དང་སྨན་བླའི་མཆོད་རོལ། ཆོས་སྐྱོང་ཆེན་པོའི་བཀང་བ་བཙུགས་གྲུབ་པ་ལས་སླར་ནས་གསར་འཛུགས་ཀྱི་རིགས་གཞན་མི་བྱེད་ཅིང་། གྲྭ་ཚང་གཉིས་ནས་རོལ་མོ་དཀྲོལ་བའི་དགོངས་ཡངས་ལ་ལོ་རེའི་ནང་དུ་མང་ཇ་རེ་སྐོལ། བར་སྐབས་ནས་བོད་མོ་མ་གཏོགས་སོག་མོའི་རིགས་ལ་བཞག་སྡོད་སོགས་ལའང་གནང་བ་སྦར་བཀབ་ཞུ་ཡིན་མེད་འདུག་ཀྱང་སྦྱིན་བདག་བུད་མེད་ཡིན་ན་གནང་བ་ཞུས་པའི་བཞག་རེ་ཙམ་དང་། སྤྱི་སྟེ་རི་ཟུར་དང་དར་འབག་གླིང་སྟོད་མན་གྱི་དགོན་པ་ནས་མཐོང་སར་སྲོག་གཅོད་བྱེད་ཆོག་རྒྱུ་མིན། གནས་མཇལ་བའི་རིགས་བོད་སོག་གིས་མཚོན་བུད་མེད་ཡིན་ཕྱིན་གནང་བ་ཞུས་པའི་ཉིན་སྐོར་ལས་བསྟེན་སྐྱབས་མི་བྱེད། དགོན་ནང་དུ་སྐྱ་སེར་དམངས་ཀྱིས་རྟ་ཞོན་ནས་མི་འགྲོ་ཞིང་གྱང་གཞས་ཕུད་རྒྱངས་འབོད་དང་ཀུ་ཅོའི་སྒྲ་ཆེ་བ་མི་བསྒྲག །སྟོན་དཔྱིད་ཞིང་ལས་སོགས་གྲྭ་པས་བྱེད་ས་མེད་ཅིང་གཞི་བའི་ཁྲོད་ནས་སྡོམ་ལྡན་མིན་པའི་དཀོར་ཕྱིར་འབྲང་མཁན་གྱི་གལ་སྲིད་བྱེད་པ་ཤར་ན་དགེ་སྐོས་ལ་གནང་བ་ཞུས་པའི་སྐྱ་ཆས་སྤྲད་ནས་བྱེད་པ་མ་གཏོགས་བཙུན་ཆས་ཀྱིས་བྱས་མི་ཆོག །གྲུབ་མཐའ་འགྱུར་ལ་རེའི་དགོས་དབང་གིས་གཞན་ཕྱོགས་པའི་རིགས་ཆེད་གཉེར་བཅུག་ན་མིན་པ་ལྟ་གྲུབ་མི་གཅིག་པའི་མི་དང་གཡུང་པོ་དང་བྲོས་པོའི་རིགས་དང་རྐུན་པོ་དང་ལྟོ་གོས་ཚོལ་ཐབས་སོགས་འཇིགས་སྐྱབས་ཀྱིས་(༡༢༦བ)

― GLG020_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་པ་རྣམས་གྲྭ་ཚང་དང་ཁམས་ཚན་སོ་སོས་ཐོབ་པ་རྒྱུ་མཚན་དུ་བྱས་ཏེ་ངན་མཚང་ཕྱིར་སྐྱེལ་གྱི་ཕུགས་ཞབས་འདྲེན་ལས་སྤྲོས་པའི་དགོས་པ་ཆུང་ངེས་སུ་འདུག་པས་མི་བསྟེན། སྔགས་པ་འདི་སྤྱི་པའི་གྲྭ་ཚང་དུ་སོང་བའི་རིས་མེད་ཡིན་ནའང་བར་སྐབས་སུ་ཁམས་སོག་སྡོད་མཁན་བྱུང་སོང་བ། མཚན་ཉིད་མ་ནུས་ཤིང་རྒྱུད་སྟོད་སྨད་ཀྱང་སྒྱུ་ལུས་ཀྱིས་མ་ལྕོགས་པ་རྣམས་སྔགས་ཆོས་ཕྲན་བུ་རེ་བསླབས་ནས་རང་ཡུལ་དུ་ལོག་ཕྱིན་ཚེ་རྟིང་སོར་བོད་དུ་ཕྱིན་རུང་བཀའ་རབ་འབྱམས་པ་ནི་མི་ཡོངས་འདུག་ཟེར་ནས་གྲྭ་ཚང་ཕན་ཚུན་གཉིས་ཀྱིས་གྲྭ་རྒྱུན་ལ་གནོད་དོགས་པས་དགེ་སྐོས་ཕྱོགས་མི་ལ་མི་བསྐོ་བའི་ས་མཚམས་ཡོད་པ་ལྟར་ས་མཚམས་ཚུན་གྱི་གྲྭ་པ་འགྲོ་གང་འདོད་བྱས་ན་སྔགས་པའི་གྲྭ་རྒྱུན་ཡང་མི་འཆད་ཅིང་། གལ་ཏེ་སྟོངས་པའི་སྐྱོན་བྱུང་ན་དུས་ཐོག་གྲངས་བཅད་སྐབས་སྦྱར་ལྟ་ལུགས་བྱེད། མཚན་ཉིད་ཀྱི་གྲྭ་ས་ནས་གནས་སྐོར་ལ་རྩལ་འདོད་བྱེད་པ་བློ་ལོད་ཀྱི་རྒྱུ་ཡིན་འདུག་གཤིས་ཆོས་གྲྭ་པ་འགྲོ་ས་མེད་ཅིང་། གཞི་བ་འགྲོ་འདོད་ཡོད་པ་རྣམས་ཀྱང་ལྷ་ས་དང་ར་སྒྲེང་སོགས་རང་ཕྱོགས་ཀྱི་སྐོར་ཡུལ་གངས་ཅན་ཐག་ཉེ་སར་ཡོད་བཞིན་དུ་ཙཱ་རི་སོགས་གཞན་བསྐོར་བའང་འབྲེལ་ཆགས་འདོག་མ་ཁ་བས་མི་བྱེད། བསྟན་པ་སྤྱི་དང་དགེ་ལུགས་ཀྱི་ཆོས་སྤྱོད་མ་གཏོགས་གྲུབ་མཐའ་གཞན་གྱི་གསོལ་འདེབས་སོགས་ཆོས་སྤྱོད་ཀྱི་རིགས་གླིང་གསེབ་ཏུ་འདོན་ས་མེད་ཅིང་། དགེ་འདུན་ཚོར་བགོད་རིན་མི་ཆོག་པའི་འགྱེད་ཀྱི་རིགས་ཚལ་པར་བཏང་ཚེ་ནོར་མི་ཉེན་དུ་འགྲོ་བས་བགོད་པ་ལས་སྤྱི་པའི་ཕྱག་མཛོད་དུ་བཞག་ན་སྤྱི་སོར་ཕན་སླེབས་ཆེ་བས་འཇོག སྟོན་ཀ་སོགས་བོད་རང་དུ་བསོད་སྙོམས་བརྒྱག་པ་ནི་འདུལ་བའི་དགོངས་པ་དང་ཡང་མཐུན་པས་དགག་མི་དགོས་ཤིང་། རྒྱ་(༡༢༧ན)

― GLG020_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

སོག་ཁམས་སོགས་ལ་གྲྭ་པ་གྲྭ་ཚང་ཁམས་ཚན་སྤྱི་དོན་གྱི་སློང་མོ་བྱེད་མི་མ་གཏོགས་ལས་སྣེ་དང་སྤྱི་དོན་དམིགས་བསལ་མེད་པར་ཁ་མཐུན་སྡེབས་སློང་མོ་བརྒྱག་པར་མི་འགྲོ། དགེ་བ་པར་བཀབ་མི་བྱེད་པར་ལྷ་སར་དོན་གཅོད་ལ་ཡོངས་པ་ལྟ་བུར་དགེ་རྒན་ཧམ་པ་ཅན་ལ་ལས་ཁམས་ཚན་ལ་ཐོབ་པ་ཙམ་རྟགས་སུ་བཀོད་ནས་ཆས་ཀ་ལ་རྒྱ་སྡོམས་བྱེད་ཅིང་། གནས་ཚང་དུ་འཚངས་ནས་དངོས་པོ་འདོན་པ་སོགས་བྱུང་འཕྲོས་འདུག་པ་གྲྭ་ས་ཆེན་པོ་རྣམས་རླབས་ཀྱིས་འགྲོ་དགོས་གཤིས་དེ་རིགས་ཞབས་འདྲེན་ཁོ་ན་ཡིན་འདུག་པས་བྱེད་ས་མེད། ཤར་ནུབ་ཀྱི་ཆུ་ལྔ་ཞོགས་པ་འོང་གླང་མགོ་མར་ཉི་མ་ཤར་བ་ནས་གྲིབ་གསོ་སྤྲ་བ་མགོར་མ་སླེབས་པར་གླིང་གསེབ་ལ་རེ་མོས་དང་། དེ་ནས་སང་ཞོགས་ཉི་ཚོད་ལ་མ་སླེེབས་པར་ཤར་ནུབ་ཀྱི་འོང་ཁ་སོ་སོར་སྔར་ལུགས་ལྟར་གཏང་། རྡོ་བཅལ་གྱི་ཁྲོམ་ལ་བྲེ་སྲང་དམ་འབྱར་མ་གཏོགས་མི་འཁྱེར་ཞིང་ཚོང་སྔ་མ་ཐག་མ་ཆོད་པར་ཕྱི་མས་ཧབ་ཐོབ་མི་བྱེད། རྒྱུན་ལྡན་དུ་བླ་བྲང་ཚོར་རྟ་གཉིས་རེ་དང་མཛོ་མོ་གཉིས་རེ། རིགས་གྲྭ་དང་དམིགས་བསལ་ལ་སྐབས་དང་སྦྱོར་ཞིང་འབུལ་བར་བྱུང་བ་ཚོང་མ་བྱུང་བར་ཟླ་གཉིས་ཚུན་ཚགས་བྱས་ཆོག སྤྱི་ཁང་དུ་རྒྱུན་ལྡན་རྟ་དྲུག་དང་བཞོན་མ་བཞི། ཕྱོགས་ནས་དོན་སྤྱོད་པ་སླེབས་སྐབས་ཁལ་མ་ངོ་ཡོད་རྣམས་ཞག་ལྔ་ལ་མང་མཐའ་བྱས་པ་བསྡད་ཆོག །བླ་བྲང་ཁག །ཁམས་ཚན་སྤྱིལ་པོ་ཆེ་བ་སོགས་སུ་ཞག་གཅིག་ནས་གསུམ་ཚུན་བཞག་ཆོག་ཅིང་། གླིང་གསེབ་ཏུ་བོང་བུ་ཞག་པོར་འཇོག་ས་མེད། དགེ་སྐོས་གཉིས་ལ་རྟ་རེ། ཕན་བདེ་ལེགས་བཤད་གླིང་གཉེར་པར་རྟ་ལྔ། བདེ་ཡངས་གཉེར་པར་རྟ་གཉིས་དང་མཛོ་མོ་གཉིས། སྔགས་པ་སྒྲུབ་མཆོད་པར་རྟ་(༡༢༧བ)

― GLG020_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་དང་མཛོ་མོ་གཅིག །སྨན་སྦྱིན་པ། སྐུ་སྐྱེ་དང་དབོན་ཆོས་མཛད་ཡིན་ངེས། ཁམས་ཚན་དགེ་རྒན་རྣམས་ལ་ཆོས་སྐྱོང་གི་བཀས་བཅད་པའི་སོ་སོར་རྟ་རེ། མཆོད་ཁང་དཀོན་གཉེར་ལ་རྟ་གཅིག་དང་མཛོ་མོ་གཉིས། དབྱར་གནས་གཉེར་པར་རྟ་གཅིག་དང་མཛོ་མོ་གཉིས། སྔགས་ཁང་དཀོན་གཉེར། བར་གཉེར། ལམ་རིམ་ལྷ་ཁང་གི་དཀོན་གཉེར་སོ་སོར་མཛོ་མོ་རེ། མཆོད་དཔོན་ངག་དབང་ཤེས་རབ་ལ་མཛོ་མོ་ལྔ། སྐྱར་པོ་བ་རྡོ་རྗེ་དབང་ཕྱུག །བྱིངས་པ་བློ་བཟང་ཆོས་ལྡན་གཉིས་ལ་མཛོ་མོ་རེ། ལྷ་ས་སྨོན་ལམ་གྱི་འགྱེད་ལ་སྨོན་ལམ་རང་གི་ལས་སྣེའི་སྐལ་འཕར་གང་ཡོད་སྔར་གྱི་ཐོབ་ཐང་ལས་ཁམས་ཚན་མི་ཚན་གྱི་སྐལ་བ་སོགས་དགོན་པ་ལྟར་རྩོད་སྲོལ་མེད་ཀྱང་རེ་གཉིས་ནས་གུ་ཡངས་ཀྱིས་ཕྲན་བུ་བྱས་འཕྲོས་འདུག་པ་དེ་འདྲ་བྱུང་ཚེ་སྨོན་ལམ་ཚོགས་ཆོས་པས། རྒྱ་ཆེ་མུ་མེད་དུ་འགྲོ་འདུག་གཤིས་ད་ཕྱིན་མི་བྱེད། དགེ་རྒན་འགའ་རེས་དབང་ཟ་ཐག་གཅོད་མ་བྱུང་བ་ཞེ་ལ་འཚངས་ནས་སྨོན་ལམ་གྱི་འགྱེད་ཕར་བསྒྱུར་ཚུར་བསྒྱུར་བྱས་འཕྲོས་འདུག་པ་ཆོ་འཕྲུལ་གྱི་དུས་བཟང་ལ་རྒྱལ་བ་བཙོང་པ་ཁ་ཆེན་པོའི་མཛད་ཆེན་ཡིན་པར་མ་ཟད་འབྲས་སྤུངས་པ་རང་ལ་འཁྲི་བས་མི་འགབ། དགེ་སྐོས་ཀྱིས་དགེ་གཡོག་ལག་ནས་རྔན་པ་བལྟས་པའི་བསྐོ་ལུགས་བྱས་པ་དང་། དེ་བརྟེན་གྱི་དགེ་གཡོག་རྣམས་ཀྱིས་རྒྱུན་དུ་རྒྱུག་པ་འདོམ་གང་ཙམ་ཚགས་བྱེད་པར་འགྱེད་དང་ཚ་རའི་སྐབས་རྒྱུག་པ་མཆན་འོག་ཏུ་སྦས་ཆོག་པའི་ཐུང་ཐུང་ཁྱེར་ཏེ་གྲལ་མཚམས་ཐམས་ཅད་དུ་འཚངས་ནས་སྐལ་ཐེབ་ལེན་པ་ཧམ་པ་ཁ་ཐལ་གྱི་ཟ་སྒོ་ལས་སྤྲོས་པའི་བབས་དང་མི་འབྲེལ་ཞིང་གཞན་གྱིས་ཉ་མགོ་ནོན་པར་ཤར་ཚེ་སྒྲོ་བཀུར་གྱི་རྒྱུ་ཡིན་པ་ཤེས་བཞིན་དུ་དགེ་སྐོས་ཀྱིས་བླ་རེ་གསུམ་རེའི་འཇོག་ལ་ཁག་བཏགས་(༡༢༨ན)

― GLG020_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་སྐལ་ཐེབ་སོགས་མི་འཚམ་པ་བྱེད་འཇུག་གིན་ཡོད་འདུག་པ་ད་ཆ་བླ་རེའང་རེ་མང་འདུག་གཤིས་དགེ་སྐོས་ཉིས་འཐུལ་གྱིས་སྤྱི་པའི་ཕྱག་མཛོད་དུ་དངུལ་སྲང་བཅུ་འཇོག་ཏུ་ཕུལ་ཕྱིན་འདི་ལོ་ནས་དགེ་སྐོས་ཀྱིས་འགྲུལ་པ་སོགས་ལ་སློང་མོ་དང་དགེ་གཡོག་ལག་ནས་རྔན་པ་མི་ལེན་ཅིང་དགེ་གཡོག་རྣམས་ཀྱིས་ཀྱང་འགྱེད་ཚ་རར་སྐལ་ཐེབ་དང་ཕྱོགས་མིའི་ལྟོ་ལེན་པའི་འགྱེད་ཚ་ར་དངོས་ཆས་འཕྲོག་པ་སོགས་བྱེད་ས་མེད་ཅིང་དགེ་གཡོག་རྣམས་ཞྭ་མོ་ལྟག་གཅུས་རྒྱག་བཞིན་པ་ཡིན་རུང་སྒྲོ་ཐབ་བྱེད་ཀྱིན་འདུག་ཟེར་བ། དགེ་སྐོས་དང་ཡིན་ཁྱབ་མཉམ་ལྟ་བུ་ལ་ཡ་མཚན་རྒྱུ་མི་འདུག་པས་ད་ནས་བཟུང་ཞྭ་མོ་ལྟག་གཅུས་དང་གྲི་རིང་ཐུང་རྒྱུག་པའང་འདོམ་གང་ཙམ་འཁྱེར་དགོས་རྒྱུ་ཡིན། དགེ་བསྙེན། དགེ་ཚུལ། དགེ་སློང་ལ་སོགས་པ་རྣམས་རང་རང་གི་སྡོམ་པའི་ངོ་སྐལ་གྱི་སྤང་བླང་ཕྲ་རགས་བསླབ་བྱ་ཆེ་ཆུང་ཚོར་ཞིབ་མོར་བལྟ་ཞིང་བློ་དམན་རྣམས་ཀྱིས་ཀྱང་གནས་ཀྱི་སློབ་དཔོན་བསྟེན་པ་དང་བསླབ་པ་རྒན་པས་ཇི་ལྟར་ཟེར་བ་བཞིན་བསླབ་བྱར་ཉན་བསྲུང་ལ་འབད་པ་དང་། གསོ་སྦྱོང་གི་ཚེ་ཡང་བཤགས་སྡོམ་ཚུལ་བཞིན་བྱེད། དབྱར་གནས་པ་ཚོས་གསང་འདུས་གཏོང་གི་ཡོད་འདུག་པ་ཚང་མས་དབང་ཐོབ་པའི་ངེས་པ་མི་འདུག་ཅིང་བདག་མདུན་བུམ་གསུམ་མཚན་ཉིད་ཚང་བ་རྡུལ་ཚོན་དང་རས་བྲིས་གང་རུང་ལ་བརྟེན་ནས་བཏང་ན་ཕུན་སུམ་ཚོགས་པའི་ཡན་ལག་ཡིན་འདུག་རུང་མཚན་ཉིད་ཀྱི་གྲྭ་སར་ཚང་མས་ཆོ་ག་ཤེས་པའང་དཀའ་བས་ཇོ་བོ་བཀའ་གདམས་པའི་ཕྱག་ལེན་ལྟར་སྨན་བླ་རང་བཏང་ན་ཁེ་ཆེ་ལ་ཉེན་ཆུང་བ་ཡིན། དེ་ལྟར་དགེ་འདུན་འདུས་པའི་སྡེ་བགྲང་བ་ལ་བརྗོད་ཀྱིས་མི་ལང་ཞིང་རྒྱུ་དང་དཔེ་གང་གིས་ཀྱང་བསྒྲུབ་པར་མི་ནུས་པ་རྣམས་ཀྱི་ཐར་པ་དང་རྣམ་པ་ཐམས་ཅད་མཁྱེན་(༡༢༨བ)

― GLG020_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གོ་འཕང་མཆོག་དོན་དུ་གཉེར་ནས་དང་པོར་ཐོས་བྱུང་། བར་དུ་བསམ་བྱུང་། ཐ་མར་སྒོམ་བྱུང་གི་ཤེས་རབ་ཟབ་མོས་བླང་བར་བྱ་དགོས་ནའང་ཐོག་མར་གཞི་རྟེན་དུ་གྱུར་པ་ཤེས་བྱ་ཐམས་ཅད་ལ་མཁས་པར་བྱ་བའི་ཕྱིར་བདེ་བར་གཤེགས་པའི་བཀའ་དྲི་མ་མེད་པ་དགོངས་འགྲེལ་གྱི་བསྟན་བཅོས་དང་བཅས་པར་འབེལ་གཏམ་གྱིས་གཏན་ལ་དབབ་དགོས་པ། རྣམ་བཤད་རིགས་པར། ཆོས་ནི་ཤེས་བྱ་ལམ་དང་ནི། །མྱ་ངན་འདས་དང་ཡིད་ཀྱི་ཡུལ། །བསོད་ནམས་ཆེ་དང་གསུང་རབ་དང་། །འབྱུང་འགྱུར་ངེས་དང་ཆོས་ལུགས་ལའོ། །ཞེས་ཆོས་དེའང་སྒྲ་ཡངས་པའི་དབང་དུ་བྱས་ན་བཅུར་འཇུག་ཀྱང་གཙོ་བོར་དམ་པའི་ཆོས་ཁོ་ན་ཡིན་པའི་རྒྱུ་མཚན་ཅི་ཞེ་ན། དམ་པ་རྫོགས་པའི་སངས་རྒྱས་དང་དེས་བསྟན་པའི་ཆོས་ཡིན་པའི་ཕྱིར། འོད་ལྡན་ལས། བསླབ་པ་གསུམ་ནི་རབ་སྟོན་ཅིང་། །ཕྱག་རྒྱ་གསུམ་དང་ཡང་དག་ལྡན། །ཐོག་མ་བར་དང་མཐར་དགེ་བ། །སངས་རྒྱས་གསུང་དུ་མཁས་པས་རྟོགས། །ཞེས་བསྒྲུབ་བྱ་བསླབ་པ་གསུམ། ཆོས་ཐམས་ཅད་བདག་མེད་པ། འདུས་བྱས་མི་རྟག་པ། ཟག་བཅས་སྡུག་བསྔལ་ཏེ་ལྟ་བ་བཀའ་བཏགས་ཀྱི་ཕྱག་རྒྱ་གསུམ་སྟོན་ཅིང་། ངོ་བོ་ཐོག་མཐའ་བར་གསུམ་དུ་དགེ་བར་བཤད། སོ་སོ་ཐར་པར། སྡིག་པ་ཅི་ཡང་མི་བྱེད་ཅིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་གདུལ། །འདི་ནི་སངས་རྒྱས་བསྟན་པ་ཡིན། །ཞེས་གསུངས་ཤིང་། རྣམ་བཤད་རིགས་པར། ཐོག་མར་དང་། བར་དུ་དང་། ཐ་མ་ནི་ཚུལ་ཁྲིམས་དང་ཏིང་ངེ་འཛིན་དང་ཤེས་རབ་ཀྱི་ཕུང་པོ་ཡོངས་སུ་ཉམས་པ་མེད་པས་དགེ་བའོ། །དོན་བཟང་པོ་ནི་ཕྱིན་ཅི་མ་ལོག་པའི་བརྗོད་པར་བྱ་བ་ཕུན་སུམ་ཚོགས་པའོ། །ཚིག་འབྲུ་བཟང་པོ་ནི་གོ་བར་(༡༢༩ན)

― GLG020_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པས་བརྗོད་པར་བྱེད་པ་ཕུན་སུམ་ཚོགས་པའོ། །མ་འདྲེས་པ་ནི་གཞན་དང་ཐུན་མོང་མ་ཡིན་པའོ། །ཡོངས་སུ་རྫོགས་པ་ནི་ཉོན་མོངས་པ་ཐམས་ཅད་ཀྱི་གཉེན་པོའི་ཕྱིར་རོ། །ཡོངས་སུ་དག་པ་ནི་རང་གི་ས་པའི་ཉོན་མོངས་པ་ལས་རྣམ་པར་གྲོལ་བས་ངོ་བོ་ཉིད་ཀྱིས་རྣམ་པར་གྲོལ་བའོ། །ཡོངས་སུ་བྱུང་བ་ནི་ས་གཞན་གྱི་ཉོན་མོངས་ཀྱི་བག་ལ་ཉལ་སྤངས་པས་རྒྱུད་རྣམ་པར་གྲོལ་བའོ། །དེ་དག་དང་ལྡན་པ་ནི་དམ་པའི་ཆོས་སུ་རྟོགས་པར་བྱའོ། །ཞེས་སངས་རྒྱས་ཀྱི་བསྟན་པ་དམ་པའི་ཆོས་ནི་འཕགས་པའི་བདེན་པའི་མདོ་སྡེ་ལ་འཇུག །ཉོན་མོངས་པ་འདུལ་པ་ལ་སྣང་། རྟེན་འབྲེལ་གྱི་ཆོས་ཉིད་དང་མི་འགལ་བ་ཞིག་ཡིན་པ་ཐེག་པ་ཐུན་མོང་བའི་ལུགས་དང་ཐེག་ཆེན་ལུགས་ལ་ཚངས་སྤྱོད་ཡོན་ཏན་བཞི་དང་ལྡན་དགོས་ཤིང་ཐུན་མོང་མ་ཡིན་པའི་ཐེག་པ་ཆེན་པོ་བ་རྣམས་སྟོང་ཉིད་སྙིང་རྗེའི་སྙིང་པོ་ཅན་ལ་ངོས་འཛིན་པ། ཇི་སྐད་དུ། སྡུག་བསྔལ་དག་ནི་ཐམས་ཅད་དང་། །སྒྲིབ་ཀུན་སེལ་ཕྱིར་དམ་པའི་ཆོས། །ཞེས་ལུང་རྟོགས་གཉིས་སུ་གསུངས་པའི་ལུང་གི་ཚོགས་རྣམས་ཡོངས་སུ་བཟུང་བས་ཡོན་ཏན་ཇི་ལྟར་འབྱུང་བའང་གསང་བ་ལུང་བསྟན་པའི་མདོར། དམ་ཆོས་འཛིན་པའི་བསོད་ནམས་ནི། །སངས་རྒྱས་ཀུན་གྱིས་ནན་ཏན་དུ། །བསྐལ་པ་བྱེ་བར་བརྗོད་མཛད་ཀྱང་། །ཐ་མར་ཕྱིན་པར་འགྱུར་མ་ལགས། །ཞེས་པ་དང་མཐུན་པར་བློ་གྲོས་རྒྱ་མཚོས་ཞུས་པའི་མདོ་ལས། དེ་བཞིན་གཤེགས་པའི་དམ་པའི་ཆོས་འཛིན་པ། །དྲན་ལྡན་བློ་གྲོས་ལྡན་ཅིང་བློ་ལྡན་འགྱུར། །ཤེས་རབ་རྒྱ་ཆེན་ཀུན་ནས་ཡེ་ཤེས་ལྡན། །མཁས་པ་བག་ཆགས་བཅས་པའི་ཉོན་མོངས་སྤོང་། །ཞེས་གཏི་མུག་སོགས་དུག་ལྔའི་མུན་ཚོགས་བསལ་ནས་ཡེ་ཤེས་ཀྱི་སྣང་བ་ཆེན་པོས་ཁྱབ་སྟེ་ཇི་ལྟར་འདོད་(༡༢༩བ)

― GLG020_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

པར་སྐྱེ་ཞིང་ཚེ་རབས་ཀུན་ཏུ་དྲན་ཤེས་དང་ལྡན་པས་སངས་རྒྱས་ཀྱི་ཞལ་མངོན་སུམ་དུ་མཐོང་བར་བཤད་པ་སོགས་ཕན་ཡོན་བསམ་གྱིས་མི་ཁྱབ་དང་ལྡན་པ་བླ་ན་མེད་པའི་གསུང་རབ་ལ་བཤད་ཉན་གྱིས་རྗོད་བྱེད་ཀྱི་ཚིག་དོན་མཐའ་དག་ལ་ཐེ་ཚོམ་གྱི་དྲི་མ་ཙམ་ཡང་མ་ལུས་པར་མཐའ་ལེགས་པར་དཔྱད་དེ་རང་རྒྱུད་ལ་བརྗོད་དོན་ཉམས་སུ་བླངས་པར་བརྟེན་ཡོན་ཏན་མངོན་དུ་གྱུར་པའི་རྟོགས་པའི་ཆོས་ཀྱང་། གང་ཞིག་གང་གིས་ཆགས་བྲལ་བ། །བདེན་གཉིས་མཚན་ཉིད་ཅན་དེ་ཆོས། །ཆགས་བྲལ་ཉིད་ནི་འགོག་པ་དང་། །ལམ་གྱི་བདེན་པ་བདག་གིས་བསྡུས། །ཞེས་རྒྱུད་བླ་མར། གང་ཞིག་འདོད་ཆགས་བྲལ་བས་འགོག་བདེན་དང་གང་གི་འདོད་ཆགས་དང་བྲལ་བྱེད་ལམ་བདེན་འགོག་བདེན་གྱི་མཚན་ཉིད་དེ་བཞིན་ཉིད་ལ་དམིགས་པས་གང་དུ་ཟག་པ་དང་བཅས་པའི་དངོས་པོ་འགགས་པ་འགོག་པའི་མཚན་ཉིད་དུ་བཤད་པ་དེའང་སློབ་མི་སློབ་ཀྱི་སྤངས་པ་དང་ལྷག་མེད་ཀྱི་མྱང་འདས་དང་ཐེག་ཆེན་ལུགས་ཀྱི་ཆོས་སྐུར་འདོད། ལམ་བདེན་གྱིས་མཚན་ཉིད་ཟག་མེད་ཡེ་ཤེས་འཁོར་བཅས་འགོག་བདེན་ཐོབ་པའི་ཐབས་སུ་བསྟན་ཏེ་དེ་ཉིད་ལས། དག་གསལ་གཉེན་པོའི་ཕྱོགས་ཉིད་ཀྱིས། །ཞེས་པ་ལྟར་མཐོང་སྒོམ་མི་སློབ་ལམ་གསུམ་ཟག་མེད་དམ་ཡང་ན་མཐོང་སྒོམ་གཉིས་དང་ཚོགས་སྦྱོར་གཉིས་ལམ་བདེན་གྱི་འཁོར་དུ་བསྡུ་བ་ཡིན། དོན་གྱི་སྙིང་པོ་སངས་རྒྱས་གཉིས་པ་ཁམས་གསུམ་ཆོས་ཀྱི་རྒྱལ་པོ་བློ་བཟང་གྲགས་པའི་དཔལ་གྱིས་དགེ་འདུན་གྱི་ཁྲིམས་སུ་བཅའ་བ་དང་པོར་མཛད་པར། །རྒྱལ་བ་སྲས་དང་སློབ་མར་བཅས་པ་ལ། གུས་པ་དང་བསྟན་པ་རིན་པོ་ཆེ་ལ་གཅེས་སྤྲས་སུ་འཛིན་པ་དང་བསྟན་པ་ཕྱོགས་རེ་བར་མ་སོང་བར་རྒྱལ་བའི་དགོངས་པའི་གནད་ཡོངས་སུ་རྫོགས་པའི་ལུགས་(༡༣༠ན)

― GLG020_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་པོ་མི་ནུབ་པ་ལ་བརྩོན་པར་མཛད་པ་རྣམས་ཀྱིས་ཤིན་ཏུ་རླབས་ཆེ་བའི་ཐུགས་ཁུར་བསྣམས་ནས་རང་ཡང་དེ་ལ་གནས་གཞན་ཡང་དེ་ལ་འགོད་ཆོས་མཐུན་པ་མཐོང་ན་ལེགས་པར་བསྔགས་པའི་སྒོ་ནས་བརྩོན་པ་ཆེན་པོ་ཐུགས་ལ་འདོགས་པ་ཞུ། མདོར་ན་མཐོ་དམན་འབྲིང་གསུམ་ཐམས་ཅད་ནས་ཐུགས་ཁུར་རྒྱ་ཆེན་པོ་བསྣམས་ལ་དགེ་འདུན་གྱི་སྤྱིའི་ཁྲིམས་སུ་བཅའ་བ་འདིས་གཞུང་སྲོང་བར་མཛོད། རྒྱལ་བ་སྲས་དང་སློབ་པའི་ཚོགས་བཀའ་སྡོད་དང་བཅས་པ་རྣམས་ཀྱིས་ཀྱང་མངོན་པར་འདོད་པའི་གནས་འདི་དག་གེགས་མེད་པར་བདེ་བླག་ཏུ་འགྲུབ་པར་མཛད་དུ་གསོལ། སློབ་པར་བྱ་བའི་གཞི་ཕྱོགས་རེ་བ་མ་ཡིན་པའི་གནད་ཡོངས་སུ་རྫོགས་པ་ལ་བསླབ་ཚུལ་ཕྱོགས་རེ་བ་མ་ཡིན་ཐོས་པ་དང་བསམ་པ་དང་། སྒོམ་པ་གསུམ་ཆར་གྱི་སྒོ་ནས་བསླབ་པའི་ཁྲིམས་སུ་བཅའ་བ་འདི་སྒོ་ཐམས་ཅད་ནས་ཕྱོགས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག །ཅེས་གསུངས་པ་ལྟར་བསླབ་བྱ་ཕྲ་མོ་ཙམ་ལའང་སྤང་བླང་ཚུལ་བཞིན་དུ་བསྟར་བའི་མཐུ་དང་ནུས་པ་ལ་བརྟེན་ནས་སྤྱིར་རྣམ་འདྲེན་བཞི་པ་རྒྱལ་བ་ཟས་གཙང་གི་སྲས་པོ་སངས་རྒྱས་ཤཱཀྱ་ཐུབ་པའི་བསྟན་པ་རིན་པོ་ཆེ་དང་བྱེ་བྲག་དཔལ་རི་བོ་དགའ་ལྡན་པ་ཞེས་ཞྭ་སེར་ཅོད་པན་འཆང་བའི་རིང་ལུགས་རྒྱ་མཚོའི་གོས་ཅན་མཐའ་དག་ལ་རིས་སུ་ཆད་པ་མེད་པར་ཁྱབ་པའི་ནང་ཚན་དཔལ་ལྡན་འབྲས་སྤུངས་ཕྱོགས་ཐམས་ཅད་ལས་རྣམ་པར་རྒྱལ་བའི་ཆོས་སྡེ་ཆེན་པོ་འདི་ཉིད་ཀྱི་ཆོས་སྲིད་མཛད་པ་རྣམས་སྲིད་མཐའི་བར་དུ་མི་ཉམས་ཤིང་གོང་ནས་གོང་དུ་འཕེལ་བར་བྱ་བའི་ཕྱིར་ལྷག་བསམ་དྲི་མ་མེད་པའི་སྨོན་ལམ་མཚམས་སྦྱོར་བའི་ཆེད་དུ། རྗེ་ཐམས་ཅད་མཁྱེན་པ་བཙོང་ཁ་པ་ཆེན་པོས། དགེ་བ་ཅུང་ཟད་(༡༣༠བ)

― GLG020_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩམས་ཡང་རྒྱལ་སྲས་ཀྱི། །ཐབས་མཁས་སྨོན་ལམ་མཆོག་གིས་ཟིན་གྱུར་ན། །འབྲས་བུ་དམན་པའང་ཕུལ་དུ་འབྱུང་འགྱུར་ཞིང་། །མྱུར་དུ་མཛད་པའང་ནམ་ཡང་མི་ཟད་པར། །གསུངས་ཕྱིར་དུས་གསུམ་དགེ་བ་ཅི་མཆིས་པ། །རླབས་ཆེན་སྨོན་པ་རྣམས་ཀྱིས་བསྒྱུར་བ་ལ། །མཁས་པ་སུ་ཞིག་རབ་ཏུ་བརྩོན་མི་བྱེད། །དེ་ཕྱིར་ཐབས་མཁས་དེ་ནི་འདིར་བྱའོ། །ཞེས་འདས་མ་འོངས་ད་ལྟ་བར་དགེ་བ་སྔོན་བྱས་དང་བྱེད་འགྱུར་བྱེད་བཞིན་པ་ཐམས་ཅད་ཐབས་མཁས་མཆོག་གིས་ཟིན་པར་གྱུར་པ་དེ་ཉིད་དུས་ནམ་དུའང་ཟད་པ་མེད་པའི་རྒྱུར་བསྔོ་བ་ཡིན་ཏེ། དང་པོར་རྒྱ་ཆེན་མང་དུ་ཐོས་པས་བཙལ། །བར་དུ་གཞུང་ལུགས་ཐམས་ཅད་གདམས་པར་ཤར། །ཐ་མར་ཉིན་མཚན་ཀུན་ཏུ་ཉམས་སུ་བླངས། །ཀུན་ཀྱང་བསྟན་པ་རྒྱས་པའི་ཆེད་དུ་བསྔོ། །ཞེས་གསུངས་པ་ལྟར་རོ། །སྨྲས་པ། རྒྱུ་དང་མི་རྒྱུའི་འགྲོ་རྣམས་བདེ་ཞིང་སྐྱིད་པའི་གཞིར། །རྒྱལ་བའི་བསྟན་པ་ནོར་འཛིན་ལོག་རྟོག་རྒྱ་མཚོ་ཆེར། །མི་འབྱིན་ཁུར་ཆེན་ཉེར་བླངས་བཤེས་གཉེན་འདུས་པའི་སྡེའི། །ལེགས་བྱས་འཕྲིན་ལས་རུས་སྦལ་སྟོབས་ཀྱིས་འདེགས་ནུས་ཤིག །དུང་དུང་དད་པའི་རྟ་ལྗང་ཤར་བའི་མོད། །ལེགས་ལེགས་རྣམ་དཀར་པུཎྜ་རི་ཀའི་ཚལ། །གསལ་གསལ་ཡོངས་ཕྱེ་རྒྱལ་གསུང་མཐའ་ཡས་དོན། །མང་མང་སྡེ་སྣོད་སྐྱེ་དགུའི་རྒྱུད་འཇུག་ཤོག །རྒྱལ་རྣམས་བརྩེ་བའི་ཐུགས་རྗེ་རབ་མཉམ་ཡང་། །གངས་ཅན་འགྲོ་ལ་མཆོག་གྱུར་བཀའ་དྲིན་ཅན། །མཉམ་མེད་བློ་བཟང་གྲགས་པ་ཡབ་སྲས་ཀྱི། །བཤད་སྒྲུབ་རིང་ལུགས་བླ་ནས་བླར་འཕེལ་ཤོག །རྒྱ་གར་འཕགས་པའི་ཡུལ་གྱི་གྲོང་ཁྱེར་ནས། །དར་ཟབ་ཐགས་སུ་བསྐྲུན་པའི་རྒྱལ་ཁམས་བར། །ཞྭ་སེར་ཅོད་པན་(༡༣༡ན)

― GLG020_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

འཆང་བའི་ཆོས་སྲིད་ཀྱིས། །ཡོངས་ཁྱབ་ནོར་འཛིན་བུ་མོའི་མངལ་སྦྲུམས་ཤོག །གསེར་ལྡན་དགའ་མའི་ཁྱོན་ཀུན་མ་ལུས་པར། །དབང་སྒྱུར་ལུགས་ཟུང་ལྡན་པའི་ཕོ་བྲང་ཆེའི། །བཀའ་ཁྲིམས་གསེར་གྱི་གཉའ་ཤིང་རབ་ལྕི་བས། །འགྲོ་རྣམས་བདེ་སྐྱིད་དཔལ་ལ་འགོད་པར་ཤོག །དབུལ་འཕོང་རི་དྭགས་འཕྲུལ་གྱིས་བྲིད་མིན་པར། །སྟོབས་འབྱོར་ལོངས་སྤྱོད་སཱི་ཏ་ལང་ཚོ་མར། །འདོད་རྒུར་བརྩེ་བའི་དགའ་བྱེད་སྤུན་ཟླ་རུ། །དེང་ནས་སེམས་ཅན་མ་ལུས་འགྱུར་བར་ཤོག །དུས་དགྲའི་དབང་པོ་མྱུར་མཛད་ཡེ་ཤེས་མགོན། །རྣམ་མང་ཐོས་སྲས་ལས་གཤིན་སྟོབས་འཕྲོག་དབང་། །དམག་ཟོར་རྒྱལ་མོ་རྡོ་རྗེ་གྲགས་ལྡན་སོགས། །བསྟན་སྲུང་ཚོགས་ཀྱིས་ཉིན་མཚན་མེལ་ཚེ་མཛོད། །ཅེས་ཆོས་སྡེ་ཆེན་པོ་དཔལ་ལྡན་འབྲས་སྤུངས་ཀྱི་བཅའ་ཡིག་དགོས་ཚུལ་རིམ་པར་སྒོ་མངས་སློབ་དཔོན་པ་དོན་གྲུབ་རྒྱ་མཚོ། བློ་གསལ་གླིང་ཟུར་པ་ལེགས་པ་དོན་གྲུབ། འདུལ་བ་པ་བློ་བཟང་དགའ་ལྡན། བློ་གསལ་གླིང་ཁྲི་པ་བློ་བཟང་འཇམ་དཔལ། ཤག་སྐོར་བ་ངག་དབང་དོན་གྲུབ། རྒྱལ་པོ་ཆོས་ལྷུན་གྲུབ། བདེ་ཡངས་པ་བློ་བཟང་ཡོན་ཏན། སྔགས་པ་ལེགས་བཤད་རྒྱ་མཚོ་སོགས་སློབ་དཔོན་པ། དགེ་སྐོས་དཀའ་བཅུ་བློ་བཟང་དོན་གྲུབ་དང་། རབ་འབྱམས་པ་བློ་བཟང་ཡེ་ཤེས། དབུ་མཛད་ངག་དབང་བསྟན་འཛིན། གཉེར་པ་དཀའ་བཅུ་བློ་གྲོས་ལྷུན་གྲུབ་དང་། རབ་བྱམས་པ་བློ་བཟང་རབ་ཡངས་སོགས་ཀྱིས་བསྐུལ་མ་ཡང་ཡང་བྱུང་བ་སྡེ་ཐོག་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་པས་མཛད་པ་ཡང་ཇི་ལྟར་རུང་རྙིང་པ་ཞིག་འདུག་པ་བདེ་ཟར་དུས་བོར་བའི་འཇམ་དབྱངས་བླ་མ་དཀོན་མཆོག་ཆོས་འཕེལ། ས་སྐྱོང་བསོད་(༡༣༡བ)

― GLG020_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

ནམས་རབ་བརྟན། སློབ་དཔོན་སངས་རྒྱས་བཀྲ་ཤིས་སོགས་དུས་དེའི་སློབ་དཔོན་པ་དང་གྲྭ་རྒན་རྒྱུས་ཅན་རྣམས་གོ་བསྟུན་ནས་མཛད་པའི་བཅའ་ཡིག་དེ་ལ་ལ་སྤམ་དྲགས་པ་དང་། འགའ་ཞིག་ཤིན་ཏུ་ཕྲ་བས་མཚོན་ཉམས་སུ་བསྟར་བདེ་མི་བདེ་སྣ་ཚོགས་འདུག་པ་བཅས་བགྱིད་འདུན་ཡོད་ཀྱང་ཆུ་གཉེར་ལྟ་བུའི་རྣམ་གཡེང་གིས་དུས་འདས་པའི་རིམ་ལུས་སུ་སོང་བར་མ་ཟད་ཕྱིས་སྐོར་ཁམས་ཚན་སོགས་རེ་གཉིས་ཀྱིས་ངན་གཤེད་ལ་བརྟེན་པའི་སྒྲིགས་སྤང་བླང་རྣམས་ལོ་རེ་བཞིན་འགྱུར་ནས། མ་གནས་གཤིས་བགྱིས་པ་རྣམས་ཀྱང་ཚུལ་བཞིན་མ་བྱུང་བའི་ཚེ་དེ་ལམ་དུ་བཞག་ན་མ་འཐུས་པས་རིམ་འགྱངས་སུ་ལུས་པ་ཡིན་རུང་སྤྲུལ་པའི་ཆོས་སྐྱོང་ཆེན་པོ་ནས་རྟ་མཛོས་མཐའ་བརྟེན་པའི་བཀག་ཆའི་བཅད་བརྡར་དང་། ངེད་རང་ལའང་མྱུར་དུ་གྱིས་ཤིག་པའི་བསྐུལ་མ་མཛད་པ་ལྟར་རྩ་ཚིག་བཟོས་པར་རྙིང་པའི་སྤང་བླང་རྣམས་མཆན་བུར་བཀོད་དེ་བརླིང་ཆ་གང་ཆེ་འགབ་འདུག་པ་ལྷ་ས་སྨོན་ལམ་གྲོལ་འཕྲལ་ལས་སྣེ་བ་རྣམས་བོས་ནས་དངོས་ཀྱི་ཡོང་མི་ཡོང་གི་དྲི་མོལ་ལན་གཉིས་བགྱིས་ཏེ་ཕལ་ཆེར་གཏན་ལ་ཕབ་གྲུབ་ནའང་བར་སྐབས་སུ་བྲོ་འཚལ་བ་དང་བཅད་རྒྱའི་སྟབས་འཕྲོ་ལུས་རྣམས་བསྐྱར་མའི་དྲི་བ་བྱེད་པར་དཔལ་གྲོང་སྔགས་རམས་པ་ངག་དབང་དགེ་ལེགས་དང་རིག་བྱེད་པ་བློ་བཟང་དབང་པོ་གཉིས་བཏང་སྟེ་ལན་ཁ་ཡར་ཞིབ་དཔྱད་ཅིང་ད་ལྟ་ལག་ཡོད་སྐལ་གཏོང་གི་ཐོ་གཞི་རྣམས་སྡེ་པའི་ལག་ཏུ་འདུག་པ་དང་ཡང་བཅད་དེ་སྤང་བླངས་འཛོལ་མེད་ཉམས་སུ་ལེན་པའི་བཅའ་ཡིག་ཚུལ་འཆལ་ས་སྲུངས་འདུལ་བའི་ལྕགས་ཀྱོ་ཀུན་གསལ་མེ་ལོང་འདི་ནི་ཟ་ཧོར་གྱི་བནྡེ་སྡེ་སྣོད་གསུམ་པ་ངག་དབང་བློ་བཟང་རྒྱ་མཚོས་འཕགས་པའི་ཡུལ་དུ་དུནྡུ་བྷི་ཞེས་པ་ལྗོངས་འདིར་རྔ་ཆེན། ཙི་ནའི་ཡུལ་དུ་(༡༣༢ན)

― GLG020_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་ཟུ་ཞེས་ཆུ་ཕོ་ཁྱིའི་ལོ་ཉིན་མོར་བྱེད་པ་གླང་གི་ཁྱིམ་དུ་སྤྱོད་ཅིང་ཆུ་ཤེལ་གྱི་དབང་པོ་ས་གས་ཉ་བ་མཉམ་མེད་ཤཱཀྱའི་རྒྱལ་པོས་བླ་མེད་བྱང་ཆུབ་བརྙེས་པའི་དུས་ཆེན་ལ་ལུགས་བརྒྱའི་འདུན་ས་འཕགས་པ་འཇིག་རྟེན་དབང་ཕྱུག་གི་གཞལ་མེད་ཁང་དམར་པོ་རིར་སྤྱར་བའི་ཡི་གེ་པ་ནི་འཆམས་དཔོན་དགེ་སློང་ངག་དབང་དཀོན་མཆོག་གིས་བགྱིས་པ་ཛ་ཡནྟུ། །

སྙན་ངག་མེ་ལོང་གི་དཀའ་འགྲེལ་དབྱངས་ཅན་དགྱེས་པའི་གླུ་དབྱངས།

― GLG020_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་ངག་མེ་ལོང་གི་དཀའ་འགྲེལ་དབྱངས་ཅན་དགྱེས་པའི་གླུ་དབྱངས་ཅེས་བྱ་བ་བཞུགས་སོ། །

མཆོད་བརྗོད།

― GLG020_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་བརྗོད།བྲ ཀྲྀ ཏ སུ ས དྷ ར བྱ སཾ ཁྱ ཏྲི ཁྱ ཏྲི གུ ཧྱཱ ཛ ཡེ ཤ རྱ བ ཛྲ སྱ དྷཱ ཏོ རྣ་བྷ ངྒཱ ཨ ནུ ཏྟ རྱ ཙཱ དྷ རྨྨ དྷཱ། །བླ་ན་མེད་པའི་གསང་གསུམ་རང་བཞིན་གཞོམ་མེད་རྡོ་རྗེའི་ཁམས་ལས་ལེགས་གྲུབ་བགྲང་ཡས་རྒྱལ་བ་ཀུན་གྱི་དབང་ཕྱུག་ཉིན་མོར་བྱེད།(༢ན)

― GLG020_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

ཏྭ ཝ བྷ ས ག ག ན ཤྩ སཱི མ ནྟི ནཱི ཝ རྱ མུ ཁྱོ ད ཡ ཛྙཱ ན བ ཀྲཱ ཡ ཏཱ ཏཱི ཀྵྞ ར སྨྱཱ ཨ སཱ དྒཱ ཤ རཱ། །ཆོས་དབྱིངས་ཀུན་གསལ་ཀ་ཤི་མཛེས་དགའི་བཞིན་རས་ལ་འཆར་ཡེ་ཤེས་འོད་རྣོན་འཁྱོག་པོར་འཕྲོ་བའི་དཀྱུས་རིང་འདྲེན་བྱེད་ཟུར་མདའ་ཡིས། །(༢བ)

― GLG020_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

པྲ བྷ ད ཡ པ རི ཛཱ ག ཀཱ ཡཱ ནུ རཱ གཱ པྶ རཱ པཱ ཤ དཱི རྒྷཱ སུ ཁཱི ཡ སྱ ཏོ རྨྨཱི སྨི ཏཱ པ ཏྲ སཱ ཧ སྲ ནི། ལུས་ཅན་ཆུ་སྐྱེས་ཚོགས་ལ་རྗེས་ཆགས་བརྩེ་བའི་ཞགས་འོད་རིང་པོར་རྐྱོང་བས་སྐྱེ་དགུ་ཡོངས་ལ་ཕན་བདེའི་འདབ་སྟོང་འཛུམ་རླབས་ཅན། །(༣ན)

― GLG020_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

ཏྲི བྷ ཝ ཀ ར ཙ ཤཱ ཀྱ སི དྷཱ ན མོ ནཱ མ ཏེ ཛོ བྷྲ མཱ ན ནྟ ཏཱ མ པྲ མ རྡི ནྱ ནིཿ ཤེ ཥ སེ ན དྭི ཥཱ། །མཚན་གྱི་གཟིས་ཀྱང་མཐའ་བྲལ་འཁོར་བའི་དགྲ་སྡེའི་མུན་ཚོགས་མ་ལུས་འཇོམས་མཛད་སྲིད་གསུམ་འདྲེན་པ་ཤཱཀྱ་སེང་གེར་ཕྱག་འཚལ་ལོ། །(༣བ)

― GLG020_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུལ་བྱུང་མཁྱེན་པའི་མེ་ལོང་གཙང་མར་གྲངས་མེད་ཆོས་ཀྱི་སྣང་བརྙན་མ་ལུས་གཅིག་ཅར་འཆར་བའི་རྣམ་དཔྱོད་རྩེ་དགའི་ལྕགས་ཀྱུ་ཡིས། །ཕྲ་ཞིབ་ལང་ཚོ་མངོན་པར་རྒྱས་པའི་ཁེངས་ལྡན་ཤེས་བྱ་རི་དྭགས་མིག་ཅན་དགའ་བས་མགྲིན་འཁྱུད་ལེགས་བཤད་དགྱེས་དགུར་སྤྱོད་པ་ལས། །ཟབ་གསལ་གཉིས་མེད་བདེ་ཆེན་གྱིས་མྱོས་མཚམས་སྤྲིན་གཞོན་ནུས་ལན་བརྒྱར་བྱུགས་པའི་མཚན་དཔེའི་རང་གཟུགས་བཅུ་དྲུག་ཉམས་ཀྱི་རྣམ་འགྱུར་ཅན། །འཛུམ་ལྡན་ཚེམས་དཀར་ཆུ་འཛིན་དབུས་ནས་བློ་གྲོས་ཆར་གྱིས་སྐལ་བཟང་མྱུ་གུ་ཅི་ཡང་སྨིན་མཛད་འཇམ་དཔལ་དབྱངས་དེས་བདག་སྐྱོངས་ཤིག །ཀེ་ལ་ཤ་ཡི་ཁ་དོག་མདངས་འཕྲོག་རབ་དཀར་གཟུགས་སྐུ་མཛེས་སྡུག་ཆ་ཤས་ཡོངས་སུ་གང་བའི་སྔོན་མེད་ཟླ་བ་གསར་པ་ཅན། །མཚན་བཟང་དང་འདྲེས་སྨིན་འཁྱོག་སྐེད་ཕྲ་ནུ་འབུར་མངོན་མཐོ་འཇོ་སྒེག་ཉམས་ཀྱིས་སྲིད་གསུམ་ཀུནྡའི་བརྟན་པ་འཕྲོག་པས་འདར་ཉམས་བྱེད། །མཆུ་སྒྲོས་(༤ན)

― GLG020_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

ཨུཏྤལ་དམར་པོ་འཛུམ་དབུས་ཚངས་དབྱངས་རྐང་དྲུག་རྒྱུད་མང་གླུར་ལེན་གཙུག་ལག་བྱེ་བའི་ལི་ཤིའི་དྲི་བསུང་རབ་འཐུལ་བ། །རིན་ཆེན་རྒྱན་གྱི་གདུབ་སིལ་སྒྲ་འཁྲོལ་སྨིན་ལེགས་འབུམ་གྱི་སྙེམས་པ་ཀུན་འཕྲོག་དབྱངས་ཅན་ལྷ་ཁྱོད་མགྲིན་པར་བཞུགས་ལ་ངག་གི་འདོད་པ་འཇོ་བར་མཛོད། །མཁྱེན་ཡངས་ཟླ་བའི་མ་མ་ལས་འོངས་ཉམས་དང་འགྱུར་བའི་རྒྱུད་མར་ལེགས་བཀུག་འཇིགས་པ་མེད་པར་གདོང་ལྔའི་དབྱངས་སུ་ཉེར་བླངས་པས། །འཕགས་ཡུལ་མཁས་རློམ་དྲེགས་ལྡན་གཉིས་འཐུང་ཁེངས་པའི་སྲོག་བཏང་བློ་གསལ་རི་དྭགས་འདར་ཞིང་འདུད་ཕྱིར་ལག་པད་སྙིང་ཁར་ཟུམ་བྱེད་ཅིང་། །ཆོས་ཀྱི་གནས་ལུགས་སྨིན་ལེགས་དགའ་མར་ཚིག་སྦྱོར་ཟ་འོག་རྣམ་བཀྲའི་གོས་བཟང་ལེགས་པར་སྡུད་ལ་མཁས་ཀུན་གཟིགས་མོར་མཚར་བྱེད་པའི། །སྨྲ་བའི་ཁྱུ་མཆོག་སྙན་དངགས་མཁན་དབང་དཎྜཱི་ཞེས་གྲགས་སྙན་པའི་གདུགས་དཀར་སྲིད་རྩེར་འཁོར་དེའི་ལེགས་བཤད་ཟིལ་མངར་སྙིང་གི་དཔྱིད། །(༤བ)

― GLG020_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ཞིག་ཐོས་ཉུང་འདོད་པའི་ཟས་ལ་རྣམ་པར་སྲེད་པས་ངོ་མཚར་གཏམ་གྱི་རང་འོད་ཉེར་བཅོམ་རྨོངས་རྟུལ་མུན་ཁྲོད་ལ་འཁྱམས་ཚེ། །མེས་པོ་བི་ཤྭ་ཀརྨའི་སོར་རྩེས་རྣམ་པར་འདར་བའི་ཐ་སྙད་གཙུག་ལག་ནམ་མཁའི་ནོར་བུ་ལེགས་བཤད་སྣང་བའི་འོད་སྟོང་ཅན། །འཇམ་དབྱངས་མཁྱེན་པའི་བདུད་རྩིས་ལེགས་བྲན་མརྒད་གཞོན་ནུའི་ཁ་དོག་ལ་འཁུ་བློ་གྲོས་དྲི་བཞོན་ཤིང་རྟ་བདུན་གྱིས་ཉེར་དྲངས་ནས། །གངས་ཅན་འཆི་མེད་ལམ་དུ་རྒྱུ་བས་མཁས་པའི་དགའ་སྟོན་ཚར་དུ་དངར་བའི་བྱེད་པོར་ཤོང་དཔང་བརྒྱུད་པར་བཅས་པ་ཕྱག་གི་ཡུལ། །རྒྱལ་བ་ཀུན་གྱི་མཁྱེན་པའི་སྙིང་པོ་ཕུལ་བྱུང་ཟིལ་མངར་མི་ཡི་སྲིད་པའི་ནོར་བུའི་ཟ་མ་ཏོག་གང་བ། །བློ་ལྡན་སྐལ་བཟང་འཆི་མེད་ཚོགས་ཀྱིས་ལོངས་སུ་སྤྱད་བྱར་འོག་མིན་ཞིང་ནས་རིན་ཆེན་ཐེམ་སྐས་ལས་འོངས་པ། །མཁས་པའི་ང་རོས་རྒོལ་ངན་ཀླད་འགེམས་བཙུན་པའི་འོད་གཟིས་ཐུབ་བསྟན་རབ་གསལ་བཟང་པོས་ལུས་ཅན་ཐར་པར་འདྲེན། །དཔལ་སྟུག་རིང་ལུགས་འཛིན་པའི་གྲགས་འབར་ཀུན་མཁྱེན་བླ་མ་བཙོང་ཁ་པ་ཡི་ཞབས་ཀྱི་པདྨོར་ཕྱག་བགྱིའོ། །སྒྲ་ཚད་འཛམ་བུ་ཆུ་བོའི་གསེར་སྦྱངས་དཔྱད་གསུམ་དག་པའི་ཁམས་ལས་ལེགས་གྲུབ་རྩིབས་སྟོང་ཅན། །གཙུག་ལག་རིན་ཆེན་སྣ་བདུན་སྔོན་འགྲོ་སྡེ་སྣོད་རྒྱ་མཚོའི་ཡན་(༥ན)

― GLG020_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་རྣམ་བཞིའི་དཔུང་པ་ཡིས། །རིས་བྲལ་རྒྱལ་བའི་བསྟན་པ་གླིང་བཞི་ཀུན་ལ་ལྷུན་གྱིས་གྲུབ་པའི་འཇིག་རྟེན་རྣམས་ཀྱི་མིག་གཅིག་པུ། །དམ་པའི་ཆོས་ཀྱི་འཁོར་ལོས་བསྐོར་བའི་ཤེས་བྱ་ཀུན་གཟིགས་ཆོས་སྐྱོང་བཟང་པོ་རྒྱལ་གྱུར་ཅིག །རྣམ་དཔྱོད་བརྩོན་པའི་གྲུ་གཟིངས་ལ་བརྟེན་མཐའ་ཀླས་རིག་གནས་རྒྱ་མཚོ་ཆེར་བགྲོད་པས། །ངོ་མཚར་ལེགས་བཤད་ནོར་བུའི་ཕྲེང་བ་སྙན་འགྱུར་ཚིག་གི་སྲད་བུར་ལེགས་བརྒྱུས་ཏེ། །ཆད་པ་མེད་པར་འཛིན་ཅིང་སྦྱིན་མཁས་མང་ཐོས་ཚེ་དབང་དོན་ཀུན་གྲུབ་པའི་དཔལ། ཕྱོགས་རེས་ཚིམ་མིན་ཤེས་བྱ་ཀུན་རིག་གྲགས་པ་དོན་ལྡན་བོད་ཡུལ་པཎྜི་ཏ། །གང་གི་ཞལ་ལུང་བདུད་རྩིའི་ཐིགས་པ་མུ་ཏིག་ཕྲེང་ལྟར་དཀར་འཇམ་ཅན། །དབྱངས་ཅན་ཐུགས་རྗེའི་ཟ་མ་ཏོག་དང་ལྷན་ཅིག་སྙིང་ལ་སིམ་པ་ཡིས། །གནས་ལྔ་རིག་པ་ཀུན་ལ་དབང་བསྒྱུར་ཕྱོགས་ལས་རྣམ་རྒྱལ་རྡོ་རྗེའི་སྡེ། །གངས་ཁྲོད་དགེ་དབང་སྨོན་འགྲོ་པ་ཞེས་གྲགས་སྙན་ལྷ་ཡི་རྔ་ཆེན་ལྡིར། །ཨེ་མ་ངོ་མཚར་རྒྱ་མཚོའི་རང་བཞིན་ཀུན་གསལ་སྒེག་མོའི་སྐེ་རགས་ཀྱིས་ཀྱང་གཞལ་དུ་མེད་པ་བཅུ་ཕྲག་རིག་པའི་གནས་རྣམས་ཀུན། །མ་སྨད་མཁྱེན་དཔྱོད་བརྩོན་པ་མཆོག་གི་ཀ་ཤི་མཛེས་དགའི་འགྲམ་པའི་ཆང་གིས་བ་ཀུ་ལ་ཡི་(༥བ)

― GLG020_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

དོག་པ་ཇི་བཞིན་འབྱེད་མཛད་པས། །སཱ་ལའི་ཡུལ་ལྗོངས་ཐ་སྙད་མནྡྟ་ར་བའི་ཕྲེང་མཛེས་མང་དུ་ཐོས་པའི་དཔག་བསམ་ཡོངས་འདུའི་འབྲས་བུར་སྤྱོད་པའི་དགའ་སྟོན་ཚོགས། །སྔོན་བྱོན་མཁས་པའི་ཟླ་མེད་དྲིན་གྱི་འཕགས་ཡུལ་པཎ་ཆེན་རྣམ་པར་ཐར་པ་ས་འདིར་འཕོས་ལ་སྙིང་ནས་དགའ་བས་ཡིད་རབ་ཕྲོགས། །འོན་ཀྱང་དེང་དུས་བློ་གྲོས་ན་ཚོད་ཆེས་ཆེར་ཡོལ་བས་རྣམ་དཔྱོད་གོམ་ཁྱོར་ནང་དོན་རྫུ་བག་འཁར་བ་ལ་བརྟེན་བླུན་པོས་གང་། །མཁས་པར་རློམ་ཞིང་གྲགས་པ་རྣམས་ཀྱང་ཐ་སྙད་རིག་པའི་བདུད་རྩིའི་བཅུད་ནི་མྱང་བའི་ལྗགས་དེ་གཡོ་བར་མི་མཛད་ཐུང་ངུར་གྱུར། །ཚུལ་དེས་ཤོང་དཔང་བརྒྱུད་པའི་བསྟན་པ་ཁྱོད་ཉིད་གཅིག་པུས་འཛིན་པར་འོས་ཞེས་དབྱངས་ཅན་མ་དེས་ལེགས་བཤད་ལྡེ་མིག་ཁོ་བོར་གཏད། །དེ་ཕྱིར་མཁས་དབང་དཎྜིའི་བསྟན་བཅོས་འཆད་པའི་ཁ་ནི་ལྷག་པའི་ལྷ་ཡིས་རྣམ་པར་ཕྱེ་བས་སྤོབས་པའི་མགྲིན་པ་ཅུང་ཟད་བཏེག །ཕྲ་ཞིབ་རྟོགས་གེའི་ཚིག་དོན་བརྒྱད་ཀྱི་ལྕགས་རིས་ཡོངས་བསྐོར་བཟོ་དང་གསོ་བ་གཞུང་ལུགས་བྱེ་བའི་ས་འཛིན་དབང་པོ་ཡངས་པའི་རྩེར། །ཀ་ཙན་བརྡ་སྤྲོད་རིན་ཆེན་བརྩེགས་པའི་ཁང་བཟང་དབུས་སུ་བཻ་དརྦྷ་དང་གཽ་ཌའི་ལུགས་བཟང་སྙན་དངགས་འཛམ་བུའི་གསེར་གྱི་ཁྲི། །བྲྀཏྟ་ཛཱ་ཏིའི་སྡེབ་སྦྱོར་འཕྲས་བཀོད་སྟེང་ན་རབ་འགྱིང་གཽ་ཏཾ་ལ་སོགས་མངོན་བརྗོད་གོས་མཛེས་བྷ་ར་དྷ་སོགས་ཟློས་གར་བརྒྱན། །དབྱངས་འཆར་རྡོ་རྗེ་(༦ན)

― GLG020_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེ་བརྒྱ་འཛིན་པའི་མཆོད་སྦྱིན་བརྒྱ་པ་ཚངས་སྲས་བཞད་པའི་རྡོ་རྗེས་དབྱངས་ཅན་དགྱེས་པའི་གླུ་དབྱངས་ལེན་ནོ་ཀྱེ། །སྙན་འགྱུར་འབུམ་གྱི་རྒྱུད་མངས་ཁྲོལ་བའི་རྩེར། །ཉམས་ལྡན་སྟོང་གི་གླུ་དབྱངས་ལེན་པ་ཡི། །སྒྲ་འཛིན་དགའ་བདེར་སྤྱོད་པའི་ཆུ་གཏེར་ཆེར། །གྲངས་མེད་རྒྱན་གྱི་ཟླ་བའི་སྣང་བསྙན་འཆར། །ཡིད་འོང་རྐང་འཐུང་འཁྲིགས་པའི་དགའ་ཚལ་ན། །ཙནྡན་ལྗོན་པ་གཡུར་དུ་ཟ་བ་ལ། །ཆེས་ཆེར་བླ་ན་མངར་བའི་དྲི་བསུང་ཅན། །སེར་བུས་ཕྱོགས་བཅུར་བསྐུལ་བ་ཆོས་ཉིད་ཡིན། །དཔྱིད་ཀྱིས་བསྐྱངས་པའི་ཆུ་འཛིན་ལང་ལོང་དབུས། །དབྱར་སྐྱེས་རྔ་གསང་དལ་གྱིས་སྒྲོགས་པའི་ཚེ། །རྨ་བྱའི་སྒྲོ་གཤོག་ཟླུམ་པོར་ལེགས་བྱས་ནས། །ཟློས་གར་བསྒྱུར་བ་རང་གི་ངང་ཚུལ་ཡིན། །བློ་གྲོས་དབང་ཕྱོགས་ལྷ་ཡི་ལམ་ཡངས་ནས། །ལུང་དང་རིགས་པའི་སྐྱ་རེངས་མ་ཤར་བར། །རྟོགས་པའི་རྟ་ལྗང་རྒྱུ་བའི་ངང་ཚུལ་རྣམས། །རྒྱུ་འབྲས་མི་ཤེས་དམ་པའི་སྐྱེས་བུ་མཚར། །ཁེངས་པའི་གདེངས་ཅན་དྲེགས་པའི་ཕུད་སྒྲ་སྒྲོག །ཉེས་བཤད་དུག་གིས་ཐར་པའི་སྲོག་འཕྲོག་ཀྱང་། །ཟང་ཟིང་ནོར་གྱིས་གཞན་མགོ་སྐོར་བྱེད་པའི། །དེང་དུས་བསྟན་འཛིན་ཕལ་ཆེར་ཀླུ་དབང་བཞིན། །རྣམ་ཐར་གཤང་གཅིས་ཉེར་གོས་རྗེས་འབྲང་གི །སྤྲེ་ཚོགས་ལྕགས་ཀྱུ་མེད་པའི་གླང་པོ་ལྟར། །དུག་གསུམ་བཏུང་བས་མྱོས་དེ་རྒྱལ་བ་དང་། །དེ་སྲས་ཡིན་ན་ཟས་གཙང་སྲས་དེ་ནོངས། །མཁའ་(༦བ)

― GLG020_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱིངས་རྩིག་ངོས་མཛུབ་རྩེའི་ཚོན་པིར་གྱིས། །རི་མོ་འཆར་འདོད་གྲོང་ཚིག་གླེགས་བམ་གྱི། །ངལ་བ་བསྟེན་རྣམས་ཆུལ་འཆོས་མུན་ཁུང་དུ། །རིགས་མཐུན་བླུན་པོའི་སྟེགས་ལ་ངལ་སོས་ཤིག །དཔང་སྟོན་ལེགས་བཤད་གུར་ཀུམ་གཞོན་ནུའི་ཚོས། །གྲུབ་རིགས་རྒན་པའི་ངག་ཆལ་སྣག་ཚ་དང་། །བསྲེས་པའི་གླེགས་བམ་བྱ་རོག་བསད་པའི་ཤ །གནག་རྫིས་བླུན་རྒན་བ་ལང་ཁྲོད་དུ་འགྲིམ། །སྔོན་བྱོན་མཁས་མང་དྲང་སྲོང་ཨ་གསྟའི། །རྣམ་བཤད་བདུད་རྩིར་གྱུར་པའི་དལ་འགྲོའི་རྒྱུན། །ཅུང་ཟད་འཁྲུལ་པའི་རྙོག་པས་སྦགས་པ་རྣམས། །དཔྱད་གསུམ་དག་པའི་དབྱངས་ཀྱིས་དྲུངས་པར་བྱ། །དུས་ཀྱི་ཤེས་རབ་ལུས་ཕྲར་ཆགས་པའི་དཔྱིད། །ལེགས་བཤད་མཆུ་ཡི་དབྱར་སྐྱེས་འདབ་བརྒྱ་པ། །ཀུན་དགའི་མཛའ་བ་སྟེར་ཕྱིར་འཛུམ་པ་ལ། །བླུན་པོ་དགུན་གྱི་གྲང་རེག་དེས་ཅི་བྱ། །འདི་ན་ཉམས་འགྱུར་ལྡན་པའི་སྙན་ཚིག་རྒྱུད། །དང་པོ་བརྡུངས་ཚེ་གྲོང་ཚིག་སྙན་ངག་ཏུ། །རློམ་པའི་བཅད་ལྷུག་སྤེལ་སོགས་གླེགས་བམ་གྱི། །ཕལ་པའི་རྫིངས་དེ་སྐད་ཅིག་ཉིད་ལ་འཇིག །དུངས་དུངས་སྙིང་ནས་ལེགས་བཤད་འཚོལ་འདོད་གསལ་གསལ་བློ་གྲོས་རྣམ་པར་ཡངས་པའི་སྐལ་བཟང་རྣམས། །ཁྱུག་ཁྱུག་དབང་པོའི་གཞུ་ལྟར་རྣམ་བཀྲ་ལྷང་ལྷང་སྙན་ཚིག་ཡོན་ཏན་བཅུ་ཚང་དཎྜིའི་གཞུང་། །འགྲིག་འགྲིག་ཚིག་གི་ཕྲེང་བར་སྤེལ་ནས་ལྷོད་ལྷོད་མགྲིན་པའི་ལམ་ནས་ལེན་པའི་དགའ་སྟོན་ལ། །ཡང་ཡང་བསམ་གྱིན་སྤྲོ་དགའི་སེམས་ཀྱིས་ལིང་(༧ན)
ལིང་དགའ་བའི་ཟློས་གར་བཅས་ཏེ་དང་དུ་ལོང་། །གང་ཞིག་ཁོ་བོའི་རྣམ་དཔྱོད་ལ། །བློ་ལྡན་ཕུར་བུ་ཡིད་ཕྲོགས་ཏེ། །བཅུ་གཉིས་ཁྱིམ་གྱི་ཤུལ་ལམ་དེར། །རྒྱུ་བའི་ཟོལ་གྱིས་འོངས་པ་བཞིན། །དེས་ན་ལེགས་བྱས་ནོར་བུ་ཡིས། །ལན་བརྒྱར་བཀུག་པའི་སྒྲ་འཛིན་སྣོད། །སྙན་ངག་རོ་བརྒྱའི་དཔལ་འཛིན་པ། །ལྡུགས་སོ་ཤེས་ལྡན་རྣ་བ་ཉོན། །

གླེང་གཞི།

― GLG020_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

གླེང་གཞི།ཞེས་སྙན་འགྱུར་འབུམ་སྡེའི་རྒྱུད་ལས་ཉེ་བར་དྲངས་པའི་ཚིགས་སུ་བཅད་པའི་གླུ་དབྱངས་ཀྱི་ཕྲེང་བས་སྔུན་བསུས་ཏེ། སྐབས་སུ་གླེང་བར་བྱ་བ། སྐལ་བ་མཆོག་གི་བདུད་རྩིའི་རོ་ལ་ལོངས་སུ་སྤྱོད་པའི་ལེགས་བྱས་ཀྱི་བགོ་སྐལ་ཉེ་བར་ཐོབ་པའི་རང་ཅག་རྣམས་ཀྱི་རྣམ་འདྲེན་དམ་པ་ཀུན་མཁྱེན་ཟས་གཙང་སྲས་པོའི་རིང་ལུགས་དྲི་མ་མེད་པ་དཔྱིད་ཀྱི་རྒྱལ་མོའི་རྗེས་སུ་ཉེ་བར་ཞུགས་ཏེ། བླ་ན་མེད་པའི་ཐམས་ཅད་མཁྱེན་པའི་ཡེ་ཤེས་མཆོག་གི་དབྱར་སྐྱེས་དཔག་བསམ་གསར་བའི་འབྲས་བུ་ལ་ལོངས་སུ་སྤྱོད་པར་འདོད་པ་རྣམས་ཀྱིས་རྗོད་བྱེད་ཀྱི་ཚིག་རྣམས་མང་དུ་ཐོས་ཤིང་། བརྗོད་བྱའི་དོན་རྣམས་ནན་ཏན་དུ་བསམ་པར་བྱ་བའི་གནས་ནི། །རྗེ་བཙུན་བྱམས་པས་རིག་པའི་གནས་ལྔ་དག་ལ་མཁས་པར་མ་བྱས་ན། །འཕགས་མཆོག་གིས་ཀྱང་ཐམས་ཅད་མཁྱེན་པ་མི་འཐོབ་སྟེ། །དེ་བས་གཞན་དག་ཚར་བཅད་རྗེས་སུ་བཟུང་ཕྱིར་དང་། རང་ཉིད་ཀུན་ཤེས་བྱ་ཕྱིར་དེ་ལ་དེ་རྩོན་བྱེད། ཅེས་ཤེས་བྱ་རིག་པའི་གནས་ཆེ་བ་ལྔར་བཤད་པ་(༧བ)

― GLG020_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། ཚིག་དོན་འཁྲུལ་པ་ཞུགས་པ་ཚར་གཅོད་པ་བརྡའ་སྤྲོད་དང་གཏན་ཚིགས། གཞན་ལ་ཕན་ཞིང་རྗེས་སུ་འཛིན་པར་བྱེད་པ་བཟོ་དང་གསོ་བ། རང་ཉིད་ཆོས་ཀུན་ཤེས་པར་བྱེད་པ་ནང་དོན་རིག་པ་སྟེ། ལྔ་པོ་འདི་ནི་ཁོང་དུ་ཆུད་པ་ལ། འཕགས་པའི་ཡུལ་དུ་མཧཱ་པཎྜི་ཏ་ཞེས་གྲགས་ཤིང་། དེ་དང་མཐུན་པར་རྗེ་བཙུན་ས་པཎྜི་ཏས། དེ་ཡུལ་བརྡའ་སྤྲོད་རྟོག་གེ་དང་། །འཚོ་བ་ཕྱི་ནང་རིག་ཅེས་བྱ། །གཞན་ལས་གཞན་དག་རྣམ་བཤད་པ། །འདི་ཡི་ནང་དུ་འདུས་ཞེས་བཤད། །ཅེས་གསུངས་པ་ལྟར་རོ། །འཕགས་མཆོག་ཅི་སེམས་ཐམས་ཅད་མཁྱེན་པ་ཐོབ་མི་འགྱུར། །དེ་བས་གཞན་རྣམས་ཞེས་ལོ་ཆེན་འགྱུར་མེད་བདེ་ཆེན་གྱིས་འགྱུར་བཅོས་མཛད་པ་ནི་ལེགས་པར་སེམས་ཏེ་འཕགས་པ་མཆོག་སངས་འཕགས་ལ་སྦྱར་ན་སྨོས་ཅི་དགོས། བྱང་སེམས་དང་ཉན་རང་གིས་འཕགས་པའི་ལམ་མངོན་དུ་གྱུར་ན་ཡང་། རིག་པའི་གནས་ལྔ་ལ་ལེགས་པར་སྦྱངས་པ་ཞིག་འདོད་དགོས་ཏེ། དེ་ལྟ་མིན་ན་འཕགས་པ་དེ་དག་བླུན་པོ་ཡིན་པར་ཐལ་བའི་སྐྱོན་ཡོང་ཞིང་། དག་ལ་རྣམ་དབྱེ་ཨཽ་དང་རྣམས་ལ་ཛས་སྟེར་བས། དག་གི་གཉིས་དང་རྣམས་ཀྱི་གསུམ་ནས་གྲངས་ཇི་ཙམ་འདོད་པ་བསྡུ་ནུས་པས་སོ། །དེ་ལྟར་གནས་ལྔ་པོ་དེའི་ནང་ནས་ཀྱང་ཐོག་མར་སློབ་བར་བྱ་བ་ནི། ཐོག་མར་སྒྲ་ལ་མཁས་པ་ཡིས། །ཚིག་དོན་རྣམ་པར་ཕྱེ་སྟེ་བསྟན། །དེ་ནས་དོན་ལ་མཁས་པ་ཡིས། །ལྷག་ཆད་འཁྲུལ་པ་མེད་པར་བཤད། །ཅེས་པ་ལྟར། སྒྲ་ཤེས་ན་དོན་ལ་མི་རྨོངས་པས་རྗོད་བྱེད་ཀུན་(༨ན)

― GLG020_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་གཞིར་བཟུང་བའི་སྟེང་དུ། སྙན་དངགས་ཤེས་ན་ཚིག་རྒྱན་ལ་མི་རྨོངས། སྡེབ་སྦྱོར་ཤེས་ན་ཚིགས་བཅད་ལ་མི་རྨོངས། མངོན་བརྗོད་ཤེས་ན་མིང་ལ་མི་རྨོངས། ཟློས་གར་ཤེས་ན་སྐད་རིགས་ལ་མི་རྨོངས་ཤིང་། དཔང་ལོ། འཇམ་ཁ། སྣར་ཐང་པ། རིན་སྤུངས་པ་སོགས་ཀྱི་འགྲེལ་ཆེན་ན། སྒྲ་ཐེ་བའི་རིག་གནས་ཆུང་བ་ལྔར་བཤད་ཀྱང་། དཔལ་སྒང་ལོ་ཙཱ་བས་སྐར་རྩིས་རིག་གནས་ཆུང་བ་གཅིག་ཏུ་འདྲེན་པ་ནི། དུས་འཁོར་གྱི་རྩིས་དང་། དབྱངས་འཆར་བའི་རྒྱུད་ལེའུ་བཅུ་པ་གཉིས་ཀྱིས། སྔར་བཤད་པའི་རིག་པའི་གནས་དེ་དག་དང་མི་འདྲ་བའི་བརྗོད་བྱ་ཁྱད་པར་ཅན་གཞན་སྟོན་པས་ན་འདྲེན་པར་ཁོ་བོ་འཐད་པར་སེམས་ཤིང་། བདག་གི་སློབ་དཔོན་མཁས་པ་ཆེན་པོ་ཡང་དེ་ལྟར་བཞེད་དོ། །ལུགས་སྔ་མ་ལྟར་ན་རིག་གནས་བཅུ་ཕྲག་གཅིག་འདྲེན་པ་ལ་དགུ་ལས་མི་འབྱུང་བའི་སྐྱོན་འཇུག་པས། དོན་འདི་ལ་དགོངས་ནས་ལོ་ཙཱ་བ་ཆེན་པོའི་གསུང་ལས་སྐར་རྩིས་སྙན་ངག་སྡེབ་སྦྱོར་དང་། །མངོན་བརྗོད་ཟློས་གར་འདི་ལྔ་ལ། །རིག་གནས་ལྔ་ཞེས་འཕགས་ཡུལ་ན། །གྲགས་པའི་བ་དན་རླུང་ལྟར་སྒྲོག །ཅེས་གསུངས་སོ། །ཕྱག་རྒྱ་བ་སོགས་གངས་ཁྲོད་ཀྱི་སྒོམ་ཆེན་རྣམས་ཀྱིས། ཐ་སྙད་རིག་པ་འདི་རྣམས་ཕྱི་རོལ་པས་ཀྱང་ཐོས་བསམ་དུ་བྱ་བས་ན་སྙིང་པོ་མེད་དོ་སྙམ་ན། ཁྱོད་རང་རྣམས་ཀྱིས་ཉམས་སུ་ལེན་པའི་ཕྱག་རྒྱ་ཆེན་པོ་དེའི་(༨བ)

― GLG020_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷག་མཐོང་གི་རྟེན་གཞིར་གྱུར་པའི་ཞི་གནས་དེ་ལ་གོམས་པའི་ཕྱི་རོལ་པ་ཇི་སྙེད་ཅིག་འབྱུང་བས། ཁྱོད་རང་རྣམས་ཀྱི་ཞི་གནས་དེ་ཡང་སྤང་བྱར་མི་འགྱུར་རམ། ངེད་ཀྱི་ཞི་གནས་ལ་སྐྱབས་འགྲོ་དང་སེམས་བསྐྱེད་སོགས་ཀྱི་ཁྱད་པར་ཡོད་དོ་ཞེས་སྨྲ་ན། ངེད་ཅག་ཐ་སྙད་མཁན་པོ་རྣམས་ཀྱི་ཐ་སྙད་རིག་པ་ལའང་ཐེག་པ་ཆེན་པོའི་སེམས་བསྐྱེད་ཀྱི་རྩིས་ཟིན་པའི་བླ་ན་མེད་པའི་བྱང་ཆུབ་ཀྱི་རྒྱུར་འགྲོའོ་ཞེས་སྨྲ་ན་ཅི་སྐད་ཟེར། འཇམ་མགོན་ཆོས་ཀྱི་རྒྱལ་པོ་བཙོང་ཁ་པ་ཆེན་པོས། ཚད་མ་རྣམ་འགྲེལ་གྱིས་ཐར་པ་དང་ཐམས་ཅད་མཁྱེན་པའི་ལམ་བསྟན་པར་བཞེད་པ་ལ། སྟག་ཙང་ལོ་ཙཱ་བས། རིག་གནས་ཀུན་ཤེས་རྩ་འགྲེལ་དུ་དགག་པ་མཛད་པ་ནི། ལོ་ཙཱ་བ་མཁས་པ་ཆེན་པོ་ཡིན་པས་དགོས་པ་ཅན་གྱི་གསུང་ཡིན་མཆི། དེ་ལྟར་མིན་ན། ས་པཎ་གྱིས། ཆོས་ཀྱི་གྲགས་པའི་གསུང་རབ་དྲི་མ་མེད། །ཅེས་འགྱུར་བྱང་དུ་མཛད་པས། གསུང་རབ་ཡིན་ཕྱིན་སྡེ་སྣོད་དང་། དེའི་དགོངས་འགྲེལ་གང་རུང་ལས་མ་འདས་ཤིང་། དེ་གང་རུང་ཡིན་ཕྱིན་ཐར་པ་དང་ཐམས་ཅད་མཁྱེན་པའི་ལམ་བརྗོད་བྱར་མི་བྱེད་པ་མི་སྲིད་པས་དོན་མེད་ཀྱི་དགག་པ་མི་མཛད་པ་ཞུ། གཞན་ཡང་དཔང་ལོས། མངོན་པ་ལ་ལུང་གི་མངོན་པ་དང་། རིགས་པའི་མངོན་པ་གཉིས་སུ་བཞེད་པས་ཀྱང་། རྗེ་བླ་མའི་དགོངས་པའི་རྒྱབ་བསྐྱོར་དུ་འགྲོའོ། །དྭགས་རྒྱུད་པ་ཅི་རིགས་ཀྱིས་སྟག་ཚང་པའི་གསུང་དེ་དག་ལ་བརྟེན་ནས། (༩ན)

― GLG020_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བླ་མ་ལ་ཟུར་ཟ་བར་འདོད་པའི་ཚིག་སྦྱོར་བ་བྱེད་པ་ནི། ས་དགེའི་མཁས་པ་ལུང་རིགས་ཀྱི་ལུས་སྟོབས་རྫོགས་པའི་སྟག་སེང་ཁ་འཐབ་པའི་བར་དུ་བཀའ་བརྒྱུད་པའི་སྒོམ་ཆེན་ཝ་སྐྱེས་ལྟ་བུ་དག་རྒྱུ་བ་ནི་ཤིན་ཏུ་འཚང་ཆེ་བས་བག་ཡོད་པར་བྱོས་ཤིག །དེ་ཡང་ཐ་སྙད་རིག་པ་ལྔའི་ནང་ནས་ཐོག་མར་གང་ལ་སློབ་ཅེ་ན། ཟུར་མཁར་བློ་གྲོས་རྒྱལ་པོས། རྒྱལ་པོ་ལང་ཚོས་དྲེགས་གྱུར་ཀྱང་། །རྒྱན་མེད་པ་ན་སྐྱེ་བོས་གླེང་། །དེ་བཞིན་སྙན་ངག་མི་ལྡན་པའི། །བསྟན་བཅོས་མཁས་ལ་རྩིས་སུ་མེད། །ཅེས་པ་ལྟར། །ཚིག་སྦྱོར་ཕུན་སུམ་ཚོགས་པའི་སྙན་ངག་དང་མི་ལྡན་པའི་གྲོང་ཚིག་ཙམ་ལ་བརྟེན་ནས་དོན་བཟང་པོ་ཡོད་པར་རློམ་པ་ནི། ལུས་ཀྱི་ལང་ཚོ་རྒྱས་ཤིང་མཛེས་པའི་སྐྱེས་བུ་ཞིག་རྒྱན་གོས་དང་བྲལ་ཏེ་གཅེར་བུར་རྒྱུ་བ་ན་འཇིག་རྟེན་ན་འཕྱ་སྨོད་བྱེད་པ་ལྟར། ཚིག་རྣམ་པར་ཉམས་པའི་བསྟན་བཅོས་ལ་མཁས་པ་རྣམས་ཀྱིས་བརྙས་པར་མཛད་པས་ན། བློ་ལྡན་དགའ་བའི་རྩེ་དགའ་ཁོང་ནས་རྒོད་པའི་སྙན་ངག་གི་བསྟན་བཅོས་འདི་ཉིད་ལ་འཇུག་རིགས་ཏེ། རྟོགས་བརྗོད་རིན་པོ་ཆེ་དཔག་བསམ་འཁྲི་ཤིང་ལས། མཁས་པ་ཉིད་ནི་མེད་ན་བློ་གྲོས་རྣམ་ཉམས་མི་རྣམས་འཚོ་བ་དོན་ཡོད་མིན། །མཚུངས་མེད་རྒྱས་པའི་སྙན་ངག་མེད་ན་མཁས་པ་ཉིད་ནི་ནེའུ་ཙོའི་ཀློག་དང་མཚུངས། །ཞེས་གསུངས་པ་ལྟར་རོ། །དེ་ལྟར་རྗོད་བྱེད་ཀྱི་ཚིག་(༩བ)
ཉུང་ཞིང་། བརྗོད་བྱའི་དོན་ཕུན་སུམ་ཚོགས་པའི་དཎྜིའི་བསྟན་བཅོས་མེ་ལོང་མ་འདི་ཉིད་མཁས་པའི་བཤད་སྲོལ་ཆེས་མང་བ་ལ་ཡང་། སྐབས་འགར་ཅུང་ཟད་འཁྲུལ་པའི་ལམ་དུ་འཕྱན་པའང་སྲིད་པས། དེ་དག་ལ་དཔྱད་པ་གསུམ་གྱི་སྒོ་ནས་དག་པར་བྱས་པའི་ལེགས་པར་བཤད་པའི་གླུ་དབྱངས་ལེན་པ་ལ་འཇུག་པས། དེ་ཡང་ཁོ་བོའི་སློབ་དཔོན་མཁས་པ་ཆེན་པོ་སྨོན་འགྲོ་ལོ་ཙཱ་བ་ཡབ་སྲས་ཀྱི་ཕྱག་ལེན་དུ། འགྱུར་རྣམ་གྲངས་སྔ་ཕྱི་མང་བར་འདུག་ཀྱང་བློ་བརྟན་བཞི་པའི་འགྱུར་ཉིད་བདེ་བས་གཙོ་བོར་མཛད། དཔང་ལོའི་འགྲེལ་པ་ལ་ཚད་ཐུབ་ཀྱི་གཞིར་བཟུང་། རིན་སྤུངས་པའི་འགྲེལ་པ་ཕལ་ཆེར་ལ་བརྟེན། འཇམ་ཁ། སྣར་ཐང་པ་སོགས་མཁས་པ་མང་པོའི་ལེགས་བཤད་ཀྱིས་ཟུར་བརྒྱན། འོན་ཀྱང་འགྲེལ་པ་གོང་མ་དེ་དག་གི་བརྗོད་བྱ་ཁོ་ན་ལ་བརྟེན་པ་ཙམ་མ་ཡིན་པར། ཤོང་ལོས་རྒྱ་གར་པཎ་ཆེན་ལ་གསན་པ་ནས་གཟུང་། ཐམས་ཅད་མཁྱེན་པ་ཆོས་སྐྱོང་བཟང་པོ་སོགས་མཁས་པ་རྣམས་རིམ་པར་བརྒྱུད་པའི་བཤད་སྲོལ་ཐུན་མོང་མ་ཡིན་པ་ཉིད་རང་ལུགས་ཀྱི་སྙིང་པོར་མཛད་པས། འདིར་ཡང་གསུང་སྒྲོས་དྲི་མ་མེད་པའི་ལེགས་བཤད་ལྟར་བྲི་བར་བྱའོ། །

མཚན་དོན་དང་འགྱུར་ཕྱག་སོགས་བཤད་པ།

― GLG020_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་དོན་དང་འགྱུར་ཕྱག་སོགས་བཤད་པ།འདི་ལ་བཞི། མཚན་གྱི་དོན། འགྱུར་གྱི་ཕྱག །གཞུང་གི་དོན། མཇུག་གི་དོན་ནོ། །དང་པོ་ནི། བསྟན་བཅོས་འདིའི་མཚན་ལ་རྒྱ་གར་དུ་སྐད་རིགས་བཞི་ཡོད་པའི་ལེགས་(༡༠ན)

― GLG020_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱར་ལྷའི་སྐད་དུ། ཀ་བཱི་ཨ་དཪྴ༔སྟེ དེ་བོད་སྐད་དུ་བསྒྱུར་ན། ཀ་བི་ནི་སྙན་དངགས། །ཨཱ་དཪྴཿནི་མེ་ལོང་། དེ་གཉིས་མཚམས་སྦྱར་བའོ། །ཡང་ན་ཨཱ་ནི་ཀུན་དང་། དཪྴཿནི་མཐོང་བ་སྟེ། ཚིག་འགྱུར་བྱས་ནའང་འགྲིག་སྟེ། བསྟན་བཅོས་ཀྱི་མེ་ལོང་དུ་སྙན་ངག་གི་ལུས་སྲོག་རྒྱན་གསུམ་འཆར་བ་དང་། བསྟན་བཅོས་འདིར་སྔོན་བྱུང་གི་སྙན་ངག་གི་བརྗོད་བྱ་ཀུན་མཐོང་བར་བཤད་པའི་ཚུལ་གཉིས་ཀ་ལེགས་པས་སོ། །གཉིས་པ་ནི། འཇམ་དཔལ་དབྱངས་ཤོང་སྟོན་ལོ་ཙཱ་བ་སོགས་ཀྱིས། འགྱུར་མཐར་ཕྱིན་པ་དང་བསོད་ནམས་སྤེལ་པའི་སླད་དུ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཞེས་བཀོད་དོ། །གསུམ་པ་ལ། བསྟན་བཅོས་ལ་འཇུག་པའི་སྒོ། བརྩམས་པའི་དགོས་སོགས། དགོས་པ་དེ་ལྡན་གྱི་བསྟན་བཅོས་དངོས་བཤད་པ་དང་གསུམ། དང་པོ་ལ་ཤིས་བརྗོད་དང་། རྩོམ་པར་དམ་བཅའ་གཉིས། དང་པོ་ནི། སློབ་དཔོན་དཎྜཱིས། མཆོད་པར་བརྗོད་པའི་ཡུལ་ནི་དབྱངས་ཅན་མ་ཡིན་ལ། མཆོད་པར་བརྗོད་ཚུལ་ལ་ཐུན་མོང་དང་ཐུན་མོང་མིན་པ་གཉིས་ལས། དང་པོ་ལྟར་ན་མི་མཇེད་ཀྱི་བདག་པོ་ཚངས་པ་དེ་ལ་གདོང་བཞི་ལས། མཆོད་སྦྱིན། སྲིད་སྲུང་། ངེས་བརྗོད། སྙན་ཚིག་སྟེ་རིག་བྱེད་བཞི་བྱུང་བའི་སྙན་ཚིག་བྱུང་བའི་གདོང་དེ་པད་ཚལ་དང་སྦྱར། དང་པོ་ནི། འཆི་མེད་མཛོད་ཀྱི་འགྲེལ་པ་འདོད་འཇོར། དྲི་ཟའི་མིང་དུ་བཤད་པས་དྲི་(༡༠བ)

― GLG020_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

ཟའི་བུ་མོའམ། ཡང་ན་དངོས་བསྟན་གྱི་འདབ་ཆགས་ངང་པའི་བུ་མོ་ལྟ་བུར་ལུས་ཐམས་ཅད་ཤིན་ཏུ་དཀར་ཞིང་ཡིད་དུ་འོང་བའི་དབྱངས་ཅན་མ་ནི་ཞེས་སོ། །སྙན་ཚིག་གི་རིག་བྱེད་འབྱུང་བའི་གདོང་དང་སྦྱར་བའི་རྒྱུ་མཚན་ཡང་། ཚངས་པ་ཆུ་ཀླུང་གི་གཟུགས་སུ་འཇིག་རྟེན་དུ་བབས་པ་འཛམ་གླིང་གི་ལྷོ་ཕྱོགས་སུ་ཚངས་པའི་མཚོ་ཞེས་འཁྱིལ་པ་ལ། སྭ་ར་སྭ་སྟི་ཞེས་པའི་སྒྲ་བྱུང་བ་དབྱངས་སམ། དབྱངས་ཅན་ཞེས་པར་འགྱུར་ལ། མོ་རྟགས་ཀྱི་རྐྱེན་མ་བྱིན་པས་དབྱངས་ཅན་ཞེས་པ་ནི་སྙན་ངག་གི་རིག་བྱེད་ལ་ཡང་འཇུག་པ་དང་། དབྱངས་ཅན་མ་ཉིད་སྙན་དངགས་ཀྱི་ལྷག་པའི་ལྷ་ཡིན་པ་སོགས་ཀྱིས། ཚིག་སྔ་ཕྱི་ཐམས་ཅད་སྒྲུབ་བྱེད་ཀྱིས་འབྲེལ་པ་ཡིན་ནོ། །དབྱངས་ཅན་མས་ཕྱི་རོལ་པ་རྣམས་རྗེས་སུ་བཟུང་བའི་ཕྱིར་དུ་ཚངས་པའི་བུ་མོར་སྤྲུལ་པ་ནི། བྲམ་ཟེ་ཤང་ཀུས། ཐུགས་རྗེའི་རྣམ་འཕྲུལ་མཐའ་ཡས་ཕ་རོལ་རྗེས་སུ་གཟུང་བའི་ཕྱིར། །ཚངས་པའི་བུ་མོ་མཛེས་མ་ཁྱོད་སྐུ་གསལ་བའི་རྣམ་འགྱུར་ཅན། །ཞེས་པ་ལྟར་རོ། །ཐུན་མོང་མ་ཡིན་པའི་དབང་དུ་བྱས་ན། རྒྱ་དཔེར། མུ་ཁ་ཞེས་པ། གདོང་། ཞལ། སྒོ་རྣམས་ལ་འཇུག་པས། རྗེ་བཙུན་སྤྱན་རས་གཟིགས་ཀྱི་ཚད་མེད་པ་བཞི་དང་ལྡན་པའི་ཞལ་གྱི་སྒོའི་མཆེ་བ་ལས་འཁྲུངས་ཏེ། བྲམ་ཟེ་ཤང་ཀུས་སྤྱན་རས་གཟིགས་དབང་ཞལ་གྱི་མཆེ་བའི་རྩེ་ལས་མངོན་འཁྲུངས་ཤིང་། །ཚངས་པའི་བུ་མོ་མཛེས་མ་ཁྱོད་སྐུ་གསལ་བའི་རྣམ་འཕྲུལ་ཅན། །ཞེས་བཤད་པས། །འཇིག་རྟེན་(༡༡ན)

― GLG020_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཕྱུག་གི་སྲས་མོ། འཇམ་དཔལ་དབྱངས་དང་དགྱེས་དགུར་སྤྱོད་པའི་ཡུམ་དབྱངས་ཅན་ལྷ་མོ་ཁྱོད་ནི། དབྱུགས་པ་ཅན་ཁོ་བོའི་ཡིད་དེ་སྙིང་གི་དབུས་སུ་ཡུན་རིང་དུ་གནས་པ་སྟེ་བཞུགས་ནས། ངག་གི་དངོས་གྲུབ་སྩོལ་བར་མཛོད་ཅིག་ཅེས་བརྗོད་པའོ། །དེ་ཡང་རྒྱན་གྱི་དབང་དུ་བྱས་ན། ཤླཽཀ་གཅིག་པོ་འདི་གཟུགས་ཅན་གྱི་སྦྱར་བ་ཡིན་པས། ལེའུ་གཉིས་པར་གཟུགས་ཅན་གྱི་སྦྱར་བ་ལ། དོན་སྦྱར་བ་དང་སྒྲ་སྦྱར་བ་གཉིས་ཡོད་པས། འདིར་ཡང་གཉིས་ཀྱི་དོན་སྦྱར་བ་ནི། མངོན་བརྗོད་སྣ་ཚོགས་གསལ་བ་དང་། འདོད་འཇོ་སོགས་ལས་ངང་པ་དྲི་ཟའི་མིང་གི་རྣམ་གྲངས་སུ་བཤད་པས་ངང་པ་སྟེ། དྲི་ཟའི་བུ་མོ་དབྱངས་ཅན་མ་ཉིད་འདབ་ཆགས་ངང་པའི་བུ་མོ་མགྲིན་པའི་དབྱངས་ཅན་མ་སྦྱར་བ་གྲུབ་བོ། །སྒྲ་སྦྱར་བ་ནི། ཡིད་ལ་རིང་དུ་རོལ་བར་མཛོད། །ཅེས་མཱ་ན་སེ་ཞེས་པ་ཡིད་ཉིད་དང་མཚོའི་ཁྱད་པར་ལ་སྦྱར་བས། ལྷ་མོ་ལ་ལྟོས་ན་ཡིད་ལ་དང་། ངང་མོ་ལ་ལྟོས་ན་མཚོ་ལ་སྟེ། དུས་རིང་དུ་རོལ་བ་སྟེ་བདག་ལ་བརྩེ་བར་མཛོད་ཅེས་མཁས་པ་གྲངས་ཅན་ལོ་ཙཱ་བ་གསུང་ངོ་། །དཔའ་བོ་གཙུག་ལག་གིས། མེ་ལོང་མཆན་གྱིས་གསལ་བ་དེར། ནང་ལྟར་དུ་དབྱངས་ཅན་མ་མདུན་བསྐྱེད་དང་། གསང་བ་ལྟར་དུ་བདག་བསྐྱེད་དུ་སྦྱར་བའི་བཤད་སྲོལ་མཛད་འདུག་པ། སྤྱིར་ཡང་རྣམ་རྟོག་ཆོས་སྐུ་དང་། གཅིག་ཤེས་ཀུན་གྲོལ་དང་། (༡༡བ)

― GLG020_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་པོ་གཅིག་ཐུབ་སོགས་མཁས་པ་ལ་མ་གྲགས་པའི་གཏམ་ཁམ་པོ་ཆེ་རེ། གསུང་རབ་གང་གི་སྐབས་སུ་ཡང་མཛད་པ་འདི་ཁྱེད་རང་བཀའ་རྒྱུད་པ་རྣམས་ཀྱི་ཕྱག་སྲོལ་དུ་འདུག་པས། སྙན་ངག་ཕྱི་ནང་ཐུན་མོང་བའི་རིག་བྱེད་ཀྱི་བསྟན་བཅོས་ལ། ལོ་པཎ་རྣམས་ལ་ཐུགས་རྒྱུས་མ་མཆིས་པའི་བདག་མདུན་སོགས་གསང་སྔགས་ཀྱི་ཐ་སྙད་མཛད་པ་ལེགས་འདུག་ཅིང་། སླད་ནས་ཀྱང་དོན་རྒྱན་གྱི་དབང་དང་། སྒྲ་རྒྱན་གྱི་རྗེས་གནང་གབ་ཚིག་གི་རྒྱན་གྱི་སེམས་ངོ་སྤྲོད་པ་སོགས་མཛད་ན་ཕྱག་རྒྱ་ཆེན་པོ་བའི་བསྟན་པ་ལ་མཛེས་པར་འགྱུར། །གཉིས་པ་ནི། དྲང་སྲོང་རྒྱས་པའི་བྷ་ར་ཏ་དང་། མེ་གཞན་འཇུག་གི་བུ་མོའི་སྒོམ་པའི་ཆོས། གྲོགས་མཁར་གྱི་རཱ་མ་ཡ་ན། མཱརྐཎྜེ་ཡའི་སྔོན་རབས་ཀྱི་ཆོས། ནག་མོའི་ཁོལ་བོའི་གཞོན་ནུ་འབྱུང་བ་དང་། རཱ་མ་ཤརྨ་སོགས་ཀྱིས་མཛད་པའི་སྙན་དངགས་ཀྱི་བསྟན་བཅོས་སྔ་མ་ཚིག་ཚོགས་ཆེས་མང་བ་རྣམས་ཉུང་ངུར་བསྡུས་ཤིང་། དེ་དག་གི་ལེགས་པའི་ཚིག་གི་སྦྱོར་བ་དཔེར་བརྗོད་པ་རྣམས་ཀྱང་ཉེ་བར་མཚོན་པར་བྱས་པའི་སྟེང་དུ། བྷ་ར་ཏའི་སྦྱར་བ་སོགས་ཡོན་ཏན་བཅུ་པོ་ཡང་བསྣན་ཏེ། སྙན་ངག་རྣམས་ཀྱི་ལུས་རྒྱན་གྱི་མཚན་ཉིད་ཕུན་སུམ་ཚོགས་པ་ཞིག་དཎྜཱི་བདག་གིས་ནི་བློ་གྲོས་ཀྱིས་ཇི་ལྟར་ནུས་པ་བཞིན་བཤད་པར་བྱའོ། །ཞེས་སོ། །གཉིས་པ་བརྩམས་པའི་དགོས་སོགས་ལ། བརྩམས་པའི་(༡༢ན)

― GLG020_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན། མ་བརྩམས་པའི་སྐྱོན། བརྩམས་པ་དེ་རིང་དུ་གནས་པའི་རྒྱུ་མཚན། རྩོམ་བྱེད་མཁས་རྨོངས་ཀྱི་ཁྱད་པར་རྩོམ་པའི་སྐྱོན་སྤོང་ཐབས། བསྟན་བཅོས་མི་ཤེས་པའི་སྐྱོན། མཁས་པས་ལེགས་པར་དབྱེ་བ་དང་བདུན་ལས། དང་པོ་ནི། སྔོན་གྱི་སློབ་དཔོན་མཁས་པ་མཆོག་རྣམས་ཀྱིས་རྗེས་སུ་བསྟན་པ་ཡི་བརྗོད་བྱ་སྡེ་བཞིར་བསྡུས་ནས་བསྟན་བཅོས་ཀྱི་ཚིག་རྣམས་ཉིད་ཀྱི་དྲིན་གྱི་མཐུས། འཇིག་རྟེན་འདི་ན་དུས་རྣམ་པ་ཀུན་ཏུ་སྙན་དངགས་ལ་མཁས་འདོད་ཀྱི་སྐྱེས་བུ་མཆོག་བློ་གསལ་རྣམས་ཀྱི་བླང་དོར་གྱི་མིག་ཕྱེ་བས་ཀྱང་འཇིག་རྟེན་གྱི་ལུགས་ཀྱི་སྡེ་བཞིའི་དཔལ་ཕུན་སུམ་ཚོགས་པ་ལ་འཇུག་པར་བྱེད་དོ། །གཉིས་པ་ནི། སྒྲ་དོན་ཕྱིན་ཅི་མ་ལོག་པའི་སྙན་དངགས་ཀྱི་སྣང་བ་འདི་ནི། གལ་ཏེ་འཁོར་བ་ཇི་སྲིད་པའི་བར་དུ་མི་གསལ་ན། ལྷ་མི་ཀླུའི་འཇིག་རྟེན་གསུམ་པོ་མཐའ་དག་འདི། མི་ཤེས་པའི་སྨག་རུམ་མུན་པ་ཉིད་ཀྱིས་ཁེབས་པར་འགྱུར་རོ། །གསུམ་པ་ནི། སྔོན་གྱི་རྒྱལ་པོ་ང་ལས་ནུ་ལ་སོགས་པ་རྣམས་ཀྱི་དཔའ་འཛངས་བཏུལ་ཕོད་པའི་གྲགས་པའི་གཟུགས་བརྙན་ངག་གི་རང་བཞིན་ལས་གྲུབ་པའི་གཏམ་རྒྱུད་ཀྱི་མེ་ལོང་གི་ནང་དུ་ཐོབ་པ་སྟེ་དེང་སང་གི་བར་དུ་ཤར་བ་ན། ད་ལྟ་རྒྱལ་པོ་དེ་དག་ཉེ་བར་མི་གནས་ཀྱང་། རང་ཉིད་དངོས་སུ་གནས་པ་ལྟ་བུའི་སྙན་གྲགས་ཉམས་པ་མེད་པ་ལ་ལྟོས་ཞེས་སྒྲུབ་བྱེད་དངོས་སུ་(༡༢བ)

― GLG020_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

བཀོད་ནས། ཤུགས་ལ་བསྒྲུབ་བྱ་མ་འོངས་པ་ན་བསྟན་བཅོས་རྩོམ་པ་པོ་རང་ཉིད་མི་གནས་ཀྱང་། བརྩམས་པའི་བསྟན་བཅོས་ཀྱི་བརྗོད་བྱ་ཕུན་སུམ་ཚོགས་པས། རྩོམ་པ་པོའི་མཁས་པའི་གྲགས་པ་མི་ཉམས་པར་གནས་ཞེས་པའོ། །བཞི་པ་ནི། སྙན་དངགས་ལ་སྦྱངས་ཤིང་ཁོང་དུ་ཆུད་པའི་མཁས་པས་ཡང་དག་པར་རབ་ཏུ་སྦྱར་བའི་སྙན་ངག་ནི། ཚིག་དོན་བཟང་པོ་འཛད་མེད་དུ་འབྱུང་བས་ངག་གི་འདོད་པ་འཇོ་བར་བཤད་ལ། དེ་ཉིད་ལས་བཟློག་སྟེ་ཉེས་པར་སྦྱར་ན་བསྟན་བཅོས་དེ་འདོར་བར་མ་ཟད་སླར་སྦྱོར་བ་པོའི་གང་ཟག་བ་ལང་དང་འདྲ་བ་ཉིད་དུ་རྗོད་པར་བྱེད་དོ། །དཔའ་བོ་གཙུག་ལག་པས། རང་གིས་རང་ལ་བ་ལང་དུ་བརྗོད་པའི་འབྲུ་གནོན་པ་ནི། བསྟན་བཅོས་འདིའི་ཚིག་དང་མི་འབྲེལ་བར་འདུག་པས། ཁྱེད་རང་གི་ཤངས་ལ་མཛུབ་མོ་འཛུགས་རྒྱུ་ཡིན་ནམ། ལྔ་པ་ནི། དེ་ཕྱིར་སྙན་དངགས་ཀྱི་སྦྱོར་བ་ཕུན་སུམ་ཚོགས་པ་དག་ལ་སྐྱོན་ཆུང་ངུ་ཙམ་ཚོགས་པར་གྱུར་ཀྱང་། ཇི་ཞིག་ལྟར། འདི་ནི་ཤིན་ཏུ་ཕྲ་བས་སྐྱོན་མེད་དོ་ཞེས་བཏང་སྙོམས་སུ་བཞག་པར་མི་བྱ་སྟེ། དཔེར་ན། སྐྱེས་བུའི་ལུས་ཤིན་ཏུ་མཛེས་པ་ཞིག་ཡོད་ཀྱང་། མིག་གི་བལྟ་ལུགས་ལ་ཅུང་ཟད་སྐྱོན་ཆགས་པའམ། ཡན་ལག་ལ་རྨེན་པ་ཕྲ་མོ་ཙམ་གྱིས་མཚོན་པའི་སྐྱོན་ཆུང་ངུ་གཅིག་གིས་ནི། གཟུགས་བྱད་དེ་ཉིད་སྐལ་པ་ངན་པར་འགྱུར་རོ། །དཔའ་བོ་གཙུག་ལག་མིག་ཉམས་པར་འབྲུ་གཉེར་ན། མིག་ཞར་བ་ལྟ་བུ་(༡༣ན)
ལས་འོས་མེད་ཅིང་། དེ་འདྲའི་གང་ཟག་དེ་མཛེས་པར་ཀུན་ལ་མ་གྲགས་པས། ཁྱད་གཞི་མེད་པའི་ཁྱད་ཆོས་སོ། །དྲུག་པ་ནི། སྐྱེ་བོ་སྙན་དངགས་ཀྱི་བསྟན་བཅོས་ལ་མ་སྦྱངས་ཤིང་མི་ཤེས་པས་ནི་སྙན་དངགས་ཀྱི་ཡོན་ཏན་དང་སྐྱོན་དག་འདིའོ་ཞེས་ཇི་ལྟར་དབྱེ་སྟེ་དབྱེ་མི་ནུས་ཏེ། གཟུགས་ཀྱི་ཁ་དོག་དང་དབྱིབས་སོགས་ཀྱི་དབྱེ་བ་དམིགས་པའི་སྐབས། ལོང་བ་དག་ལ་དེའི་རྒྱུ་མཚན་འཆད་རྒྱུ་ཡོད་དམ་ཅི་སྟེ་མེད་དོ། །བདུན་པ་ནི། སྔོན་གྱི་མཁས་པས་སྐྱེ་དགུ་བློ་ལྡན་རྣམས་ལ་ལེགས་ཉེས་ཀྱི་བྱེ་བྲག་རྟོགས་པ་ལ་མངོན་པར་དགོངས་ནས། སྒྲ་དོན་གྱིས་རྣམ་པར་བཀྲ་བའི་ལམ་དང་ལྡན་པའི་སྙན་ཚིག་གིས་ནི་རིམ་པ་ཤེས་པར་བྱེད་པའི་བྱ་བའི་ཆོ་ག་སྟེ། རྩོམ་པའི་ཐབས་ལ་ངེས་པར་སྦྱར་ཏེ། སྙན་དངགས་ཀྱི་སྐྱོན་ཡོན་ཤེས་པ་བསྟན་བཅོས་རྣམ་དག་ལ་རག་ལུས་པ་དེའི་ཕྱིར།

དགོས་པ་དེ་ལྡན་གྱི་བསྟན་བཅོས་དངོས་ལས་སྙན་ངག་གི་ལུས་ཀྱི་མཚན་ཉིད་སོགས་བཤད་པ།

― GLG020_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་པ་དེ་ལྡན་གྱི་བསྟན་བཅོས་དངོས་ལས་སྙན་ངག་གི་ལུས་ཀྱི་མཚན་ཉིད་སོགས་བཤད་པ།གསུམ་པ་དགོས་པ་དེ་ལྡན་གྱི་བསྟན་བཅོས་དངོས་བཤད་པ་ལ། མདོར་བསྟན། རྒྱས་བཤད་གཉིས། དང་པོ་ནི། འཆད་པར་འགྱུར་བའི་སྙན་དངགས་འདི་ནི། སྔོན་གྱི་སློབ་དཔོན་དེ་རྣམས་ཀྱིས་ནི། སྙན་དངགས་ཀྱི་ལུས་དང་། དེའི་རྒྱན་གྱི་མཚན་ཉིད་ཀྱང་རབ་ཏུ་བསྟན་པ་ལྟར་བཤད་དོ། །གཉིས་པ་ལ། ལུས་དང་། རྒྱན་དང་། སྐྱོན་སེལ་བ་དང་གསུམ། དང་པོ་ལ། མཚན་ཉིད་དབྱེ་བ། སྐད་རིགས་བཤད་པ་དང་གསུམ། དང་པོ་ནི་སྙན་དངགས་ཀྱི་ལུས་ནི། རེ་ཞིག་རྩོམ་པ་པོས་(༡༣བ)

― GLG020_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་པར་འདོད་པ་ཡི་དོན་སྙན་དངགས་རང་ལུགས་ལྟར་གྱི་རྣམ་པར་དཔྱད་པའི་མིང་ཚིག་ཡི་གེ་གསུམ་གྱི་བདག་ཉིད་ཀྱི་ཕྲེང་བར་སྤེལ་བའོ། །གཉིས་པ་ལ་མདོར་བསྟན་པ་དང་རྒྱས་པར་བཤད་པ་གཉིས་ཀྱིས། དང་པོ་ནི། སྙན་དངགས་ཀྱི་ལུས་དེ་ལ་ཡང་། ཚིགས་བཅད་འབའ་ཞིག་དང་། ལྷུག་པ་རྐྱང་པ་དང་། དེ་གཉིས་སྤེལ་བ་སྟེ་རྣམ་པ་གསུམ་ཉིད་དུ་གནས་སོ། །སྐབས་འདིར་འཇམ་མགོན་ས་སྐྱ་པཎྜི་ཏས་སྡེབ་སྦྱོར་མེ་ཏོག་གི་ཆུན་པོར། སྙན་དངགས་ཀྱི་ལུས་ཚིགས་བཅད་རྐྱང་པ་རྒྱུན་ཆགས་གསུམ་དུ་བསྡུས་པ་དང་། རྒྱུན་ཆགས་ལ་རྐང་པར་བཅད་མ་བཅད་སོགས་ཀྱི་རྣམ་གཞག་འགའ་ཞིག་མཛད་པར། མཁས་པའི་དབང་པོ་དཔང་སྟོན་ལོ་ཙཱ་བ་དང་། ཟུར་མཁར་བློ་གྲོས་རྒྱལ་པོ་གཉིས་ཀྱིས་དགག་བཞག་ཅུང་ཟད་མཛད་པར། སྣར་ཐང་ལོ་ཙཱ་བ། རིན་སྤུངས་ས་སྤྱོད་དབང་པོ། མང་ཐོས་ཀླུ་སྒྲུབ་རྒྱ་མཚོ། མཁན་ངག་དབང་ཆོས་གྲགས་པ་སོགས་མཁས་པ་མང་པོས་ས་སྐྱ་པའི་ཐུགས་ཞེན་གྱིས་ལན་སྣ་ཚོགས་ཤིག་མཛད་འདུག་ནའང་། རིགས་པ་རྣམ་དག་གི་སྒྲུབ་བྱེད་དུ་མི་འདུག་ཅིང་། མཁས་འཇུག་ལས། རྒྱུན་ཆགས་མ་བཅད་པ་ནི་སྡེབ་སྦྱོར་རྒྱུན་ཆགས་དང་འདྲ་ལ། ཞེས་པ་ལྟར་ན། སྡེབ་སྦྱོར་རྒྱུན་ཆགས་དང་འདྲ་ན་རྐང་པས་ངེས་པར་གཅོད་དགོས། རྐང་པས་བཅད་ན། མེ་ཏོག་ཆུན་པོར། རྐང་པ་དག་གིས་མ་བཅད་ཅིང་། །གང་ལ་ཡི་གེ་སྦྲེལ་ལེགས་ཡོད། །ཅེས་པའི་ཚིག་དང་དངོས་སུ་འགལ་ཞིང་(༡༤ན)

― GLG020_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷུག་པ་དང་འདྲ་བ་སྡེབ་སྦྱོར་གྱི་པྲསྟཱར་མི་འབྱུང་སྟེ། རིན་ཆེན་འབྱུང་གནས་སུ་བྲིཏྟ་ཛ་ཏི་གང་ལ་ཡང་རྐང་པ་མེད་པ་ལ་སྡེབ་སྦྱོར་གྱི་རྣམ་གཞག་མ་མཛད་པས་སོ། །གཞན་ཡང་ཚིགས་བཅད་རྐང་པ་བཞིའི་རྐང་པ་རེ་ལ་ཡི་གེ་ཉི་ཤུ་རྩ་བདུན་ཡན་ཆད་ཡོད་པ་ལ་རྒྱུན་ཆགས་སམ། རབ་བསགས་སུ་བཤད་པས། རྒྱུན་ཆགས་དང་ཚིགས་བཅད་སོ་སོར་འཆད་པ་ཡང་མི་རིགས་ལ་ཚིགས་བཅད་ལ་རྐང་བཞི་མི་དགོས་པའི་ཁུངས་སུ་མངོན་པ་ཀུན་ལས་བཏུས་ལས། ཚིགས་སུ་བཅད་པ་ནི་རྐང་པ་གཅིག་པ་དང་གཉིས་པ་དང་། གསུམ་པ་དང་། བཞི་པ་དང་། ལྔ་པ་དང་། དྲུག་པ་རྣམས་སུ་ཡོད་དོ། །ཞེས་འདྲེན་པ་ནི་མི་རིགས་ཏེ། སྡེབ་སྦྱོར་གྱི་ལུགས་ལ། རྐང་པ་གཅིག་པ་ནི་བློ། མཆོག །རྒྱལ། གྱུར། ཞེས་པ་ལྟ་བུ། །གཉིས་པ་ནི། དཔལ་ལྡན། ཤེས་བྱ། ཀུན་མཁྱེན། ཁྱོད་ནི། གསུམ་པ་ནི། ཤེས་བྱའི་གནད། མ་ལུས་པ། ཐུགས་སུ་ཆུད། རྫོགས་སངས་རྒྱས། བཞི་པ་ནི། མཁྱེན་དང་བརྩེ་བ། མཚུངས་པ་མེད་པས། འགྲོ་བ་ཀུན་གྱི། འདྲེན་པ་གཅིག་པུ། ལྔ་པ་ནི། རིག་པའི་གནས་རྣམས་ཀུན། ཐོགས་པ་མེད་པར་མཁྱེན། ཞ་ལུ་ལོ་ཙཱ་བ། བཀའ་དྲིན་མཚུངས་པ་མེད། དྲུག་པ་ནི། གངས་ཀྱི་ས་འཛིན་དབང་པོ། ཉིན་བྱེད་སྟོང་གིས་འཁྱུད་འདྲའི། མཛེས་སྡུག་ཡིད་འོང་ལྷ་མོ། དབྱངས་ཅན་མགྲིན་པར་བཞུགས་ཤིག །ཅེས་པ་ལྟ་བུ་ཡིན་གྱི། བྲམ་ཟེ་ཆུ་ལ་ཇི་ཙམ་ཞིག །ཅེས་པ་ལྟ་བུ་ནི་ཀུན་ལས་བཏུས་ཀྱི་དགོངས་དོན་ཡིན་ཀྱང་དེ་སྡེབ་སྦྱོར་ལ་རྒྱས་འགེབས་པ་ནི་ཞྭ་དཔེ་(༡༤བ)
ལྷམ་ལ་འགེབས་པ་ལྟ་བུ་ཡིན་པས་མི་རིགས་སོ། །འོན་ཀྱང་རྗེ་བཙུན་དེ་ཉིད་དང་། ས་ལོ་ཐམས་ཅད་མཁྱེན་པ་གཉིས་ལ། དཔའ་བོ་གཙུག་ལག་དང་། དྲུང་པ་སི་ཏུ་དག་གིས། མུ་ཏོ་བས་རྒྱལ་པོ་ལ་འཐབ་པ་ལྟར་ངན་སྨྲས་ཀྱི་སྨྲེ་སྔགས་ཕྱོགས་བཅུར་སྒྲོགས་པ་ལྟ་བུ་མིན་གྱི། རྒྱལ་བའི་བཀའ་ལྟར་དྲང་ངེས་སོ་སོར་དབྱེ་བ་དང་། ཕྱོགས་འདི་ལ་ཤོང་དཔང་ཡབ་སྲས་ཐུགས་རྒྱུས་ཆེ་བར་གདའ་བས། དེའི་རྗེས་སུ་འབྲངས་ཀྱི། རྗེ་བཙུན་ས་པཎ་ལ་འཇམ་དཔལ་དབྱངས་དང་གཉིས་སུ་མ་མཆིས་པའི་སྣང་བ་ནི་རྒྱུན་མི་ཆད་པའོ། །

ཚིགས་བཅད་ཀྱི་སྐོར་བཤད་པ།

― GLG020_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིགས་བཅད་ཀྱི་སྐོར་བཤད་པ།གཉིས་པ་ལ་ཚིགས་བཅད་བཤད། ལྷུག་པ་བཤད། སྤེལ་མ་བཤད་པ་དང་གསུམ། དང་པོ་ལ་སྡེབ་སྦྱོར་གྱི་སྒོ་ནས་གཉིས་སུ་ཕྱེ་བ། རིགས་ཀྱི་སྒོ་ནས་བཞིར་ཕྱེ་བ། སརྒྷ་ཆེན་པོའི་མཚན་ཉིད་བཤད་པ་དང་གསུམ། དང་པོ་ལ་དངོས་དང་། ཁ་འཕངས་པ། རིགས་པ་དེ་དགོས་པར་བསྟན་པ་དང་གསུམ། དང་པོ་ནི། སྙན་དངགས་ཀྱི་ཚིགས་བཅད་རྐང་པ་བཞི་པ་དེ་ཡང་ནི། ཡི་གེ་བགྲང་བ་བྲྀཏྟ་དང་། ཕྱི་མོ་བགྲང་བ་ཛཱ་ཏི་ཞེས་རྣམ་པ་གཉིས་ཡོད་དོ། །གཉིས་པ་ནི། སྡེབ་སྦྱོར་དེ་དག་གི་རྣམ་གཞག་ཇི་ལྟ་བུ་སྙམ་ན། བྲྀཏྟ་ཛཱ་ཏི་དེ་ཡི་སྤྲོས་པ་མཐའ་དག་ནི། རིན་ཆེན་འབྱུང་གནས་དང་། དམར་སེར་དང་། རྒྱལ་བའི་ལྷའི་གཞུང་རྣམས་སུ་མེད་པར་བསྟན་པ་ལྟར་རོ། །གསུམ་པ་ནི། སྡེབ་སྦྱོར་གྱི་རིག་པ་དེ་ནི་སྐབས་འདིར་མི་དགོས་པ་མིན་ཏེ། སྙན་དངགས་རྒྱ་མཚོ་ཆེན་པོ་ལྟར་ཟབ་ཅིང་བརླིང་བ་དག་ནི་བརྒལ་པར་འདོད་པ་རྣམས་ཀྱི་གྲུ་ལྟ་བུ་ཡིན་པས་སོ། །(༡༥ན)

― GLG020_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་རིགས་ཀྱི་སྒོ་ནས་བཞིར་ཕྱེ་བ་ནི། གྲོལ་བ་ནི། ཤློ་ཀ་གཅིག་གིས་བརྗོད་བྱའི་དོན་གང་ཡིན་པ་དེ་རྫོགས་པར་སྟོན་ནུས་པ། རིགས་ནི་བསྔགས་བརྗོད་ཀྱི་ཡུལ་གཅིག་ལ་ཤློ་ཀ་དུ་མ་ཡོད་པ་བྱ་བའི་ཚིག་གཅིག་གིས་ཐམས་ཅད་གསལ་ནུས་པ། མཛོད་ནི། གཅོད་མཚམས་སྣ་ཚོགས་པའི་ངོས་ནས་ཤློ་ཀ་བྱ་ཚིག་སོགས་མང་ཉུང་ངེས་བཟུང་མེད་ཅིང་། བརྗོད་བྱ་དུ་མས་ཕྱུག་པ། འདུས་པ་ཞེས་བྱ་བ་ནི། བརྗོད་བྱའི་དོན་གཅིག་ལ། ཤློ་ཀ་དུ་མ་ཡོད་པ་ལ་བྱ་ཚིག་ཀྱང་དུ་མ་ཡོད་པ་སྟེ། དེ་འདྲ་བའི་ཚིགས་བཅད་རྒྱ་ཆེ་བ་ནི། སརྒྷས་བཅིངས་པའི་སྙན་དངགས་ཀྱི་ཆ་ཤས་ཏེ། དེའི་ནང་དུ་འདུས་པའི་རང་བཞིན་ཡིན་པའི་ཕྱིར་ན། དཔེར་བརྗོད་ལོགས་སུ་མ་བརྗོད་དོ། །སྔོན་གྱི་འགྲེལ་པ་རྣམས་སུ་འདི་བཞི་ལ་དཔེར་བརྗོད། རྟོགས་བརྗོད་རིན་པོ་ཆེ་སོགས་གཞུང་ཆེན་མོ་རྣམས་ནས་འདྲེན་པར་མཛད་འདུག་ནའང་། འདིར་ལས་དང་པོ་པ་རྣམས་ལ་ཕན་པའི་ཕྱིར་དུ་རང་བློས་ཅུང་ཟད་བསྐྲུན་ཚེ། གྲོལ་བ་ནི། རབ་དཀར་ཆུ་སྐྱེས་རྒྱས་པའི་ལྟེ་བ་ལ། །ཚངས་པའི་བུ་མོ་ཡིད་འཕྲོག་འཇོ་སྒེག་ཅན། །རྒྱུད་མང་སྒྲ་ལས་ངག་གི་དཔལ་སྟེར་བ། །དཔག་བསམ་འདོད་འཇོ་སྙིང་གི་དཔྱིད་དེར་འདུད། །ཅེས་པ་ལྟ་བུ། རིགས་ནི། འཇམ་མཉེན་རབ་དཀར་པདྨ་ཡི། །བརྟན་པ་ཅི་ཡང་འཕྲོག་བྱེད་པའི། །བཞིན་གྱི་ཟླ་བ་གསར་པ་འདི། །གཞན་ཡིད་འགུགས་པའི་ལྕགས་ཀྱུ་བཞིན། །འཇའ་ཚོན་འཁྱུག་འདྲའི་མིག་གི་དཀྱུས། །ཟུར་གྱིས་རིང་(༡༥བ)

― GLG020_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་བལྟ་བ་ཡིས། །རྣ་གོང་ཨུཏྤལ་ཕོན་པོ་ལ། །ཕྲག་དོག་བྱེད་པའི་ཆོམ་རྐུན་མ། །ཨུ་དུམ་ཝཱ་ར་འཛུམ་པའི་ཞལ། །ཚེམས་ཕྲེང་ཟེའུ་འབྲུ་རྒོད་པ་ཅན། །ཧ་རི་ཙན་དན་དྲི་བྲོ་བའི། །དགའ་མ་མཐོང་བས་འདོད་འཕེལ་གྱུར། །ཅེས་བརྗོད་བྱ་མཛེས་མའི་གདོང་གཅིག་པུ་ལ་བསྟོད་པ་ལ། འདོད་འཕེལ་གྱུར་ཅེས་པའི་བྱ་ཚིག་ཅིག་གིས་གསལ་བ་ལྟ་བུ། མཛོད་ནི། དྲི་མ་དང་བྲལ་རབ་ཏུ་དཀར། །འདོད་པའི་གདུང་བ་འཕྲོག་པར་བྱེད། །མཛེས་པའི་ཆ་ཤས་མ་ལུས་གང་། །ཟུར་མིག་བསིལ་ཟེར་སྤྲོས་པ་ཡིས། །སྙིང་གི་ཀུནྡ་ཅི་ཡང་འཛུམ། །ཁ་ཡི་དྲི་ཞིམ་ཟླ་ཤེལ་གྱིས། །རབ་དགའི་ཆུ་སྒྲོས་བརླན་པར་གྱུར། །ལང་ཚོ་རྒྱས་པའི་འདོད་པའི་ཉམས། །རི་དྭགས་མཚན་མ་རྣམ་པར་ངོམ། །ཡིད་འོང་མ་འདི་ལྷའི་བུ་མོ། །ཞེས་པ་ལྟ་བུ། འདུས་པ་ནི། ཡིད་འོང་རི་དྭགས་མིག་ཅན་གྱི། །འཇམ་ཞིང་མཉན་པའི་ལག་པ་ཡིས། །ཆུ་སྐྱེས་གསར་པའི་འདབ་མ་དག །སྐད་ཅིག་ཉིད་ལ་ཕམ་བྱེད་བཞིན། །སྙིམ་པའི་རྨད་བྱུང་རེག་བྱ་ཅན། །འདོད་པས་མྱོས་པའི་ཡིད་ཅན་གྱི། །ལུས་ལ་རེག་པའི་བདེ་བ་ཡིས། །སྔོན་མེད་སྙིང་གི་བདུད་རྩི་བྱས། །འཛམ་བུའི་གསེར་སྦྱངས་གདུ་བུ་ལ། །སྣ་ཚོགས་རིན་ཆེན་འཕྲས་མཛེས་པའི། །འདྲེན་བྱེད་ཡུལ་གྱི་དགའ་སྟོན་འདི། །འཇིག་རྟེན་བྱེད་པོས་བསྒྲུབ་པར་བྱས། །ཞེས་བརྗོད་བྱ་མཛེས་མའི་ལག་པ་གཅིག་བུ། བྱ་ཚིག བྱེད་བཞིན། བདུད་རྩིར་བྱས། བསྒྲུབ་པར་བྱས། ཞེས་པ་ལྟ་བུའོ། །འདི་སྐོར་ལ་དཔའ་བོ་གཙུག་ལག་པའི་མཆན་ལ་བརྗོད་བྱ་ཅི་ཡང་མི་(༡༦ན)

― GLG020_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

འདུག་པས་རྟོག་དཔྱོད་བྱེད་མ་དགོས་སོ། །གསུམ་པ་སརྒ་ཆེན་པོའི་མཚན་ཉིད་བཤད་པ་ལ། དམ་བཅའ་བ་དང་དངོས་གཉིས། དང་པོ་ནི། སརྒ་སྟེ་ལེའུ་གཉིས་ཡོད་པ་ཡན་ཆད་ཀྱིས་བཅིངས་པ་ནི་སྙན་དངགས་ཆེན་པོ་སྟེ། དེས་མཚོན། ཨརཤྭཱ་ས་དང་ཨངྐ་དང་ཨཱ་ཝ་དང་གཱི་ཏིས་བཅིངས་པའང་སྙན་ངག་ཆེན་པོར་འཆད་ཅིང་སྙན་ངག་ཆེན་པོ་འདིའི་མཚན་ཉིད་ནི་བརྗོད་པར་བྱའོ། །གཉིས་པ་ལ། སྒོ། སྲོག་རྩོམ་ཚུལ། རིང་དུ་གནས་ཚུལ། དམིགས་བསལ། མཁས་པས་བཞེད་ཚུལ་སོ་སོར་བཤད་པ་དང་དྲུག །དང་པོ་ནི། སྙན་ངག་ཆེན་པོ་ལ་སྔོན་དུ་ཤིས་པ་བརྗོད་པ། ཕྱག་བྱ་བ། དངོས་པོ་ངེས་པ་བསྟན་པ་གསུམ་པོ་གང་རུང་དེ་ཡི་སྒོ་ནས་འཇུག་གོ །དཔེར་ན། ཤིས་བརྗོད་ནི་གུར་ཀུམ་ཚོས་ཀྱི་ལེགས་བྲན་པའི། །མཚན་དཔེའི་ལང་ཚོ་རྒྱས་པ་ཅན། །འཇམ་མགོན་ཟུར་ཕུད་ལྔ་པ་ཡི། །བློ་གྲོས་མཆོག་དེས་ཤིས་པར་མཛོད། །ཅེས་པ་ལྟ་བུ། ཕྱག་ནི། རིན་ཆེན་རྒྱན་གྱི་གདུ་བུ་དག །སིལ་སིལ་ཁྲོལ་བ་ཙམ་གྱིས་ཀྱང་། །ཡིད་ལ་དགའ་བའི་དཔལ་སྟེར་བ། །དབྱངས་ཅན་ལྷ་དེར་སྙིང་ནས་འདུད། །ཅེས་པ་ལྟ་བུ། ངེས་བསྟན་ནི། བཅད་ལྷུག་སྤེལ་མའི་ལང་ཚོ་དར་ལ་བབ། སྡེ་བཞིའི་གཏམ་གྱི་སྲོག་ཅན་རིག་ལྡན་མ། །སྒྲ་དོན་གབ་ཚིག་ནོར་བའི་རྒྱན་གྱིས་སྤུད། །ཉམས་འགྱུར་སྙན་པའི་གླུ་དབྱངས་མགྲིན་པར་ལེན། །ཞེས་མེ་ལོང་ལ་སྦྱར་ན་བརྗོད་བྱ་ཀུན་བསྡུས་ནས་བསྟན་པ་ལྟ་བུ། (༡༦བ)

― GLG020_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ལ་མདོར་བསྟན། རྒྱས་བཤད་གཉིས། དང་པོ་ནི། སྔོན་བྱུང་བའི་སྐྱེས་རབས་རིག་བྱེད་སོགས་གཏམ་ལས་གྱུར་པའམ། ཡང་ན་དེའི་ཅིག་ཤོས་སྡེ་བཞི་ལ་བརྟེན་པའི་བརྗོད་བྱ་ལེགས་པ་གཞན་དག་ལ་བསྟེན་པ་གང་རུང་བྱའོ། །སྐབས་འདིར་འཇམ་ཁ། སྣར་ཐར་པ། རོང་པ་སོགས་མཁས་པ་མང་པོ་དང་། དཔལ་དཔའ་བོ་གཙུག་ལག་སོགས་རྨོངས་པ་མཁས་པའི་གོ་སར་འགྱེད་པ་མང་པོ་དག་གིས། གཏམ་རྒྱུད་དང་སྡེ་བཞི་སོགས་སྙན་ངག་གི་ལུས་སུ་འཆད་ཅིང་། ལ་ལ་དོན་གྱི་ལུས་དང་། ཚིག་གི་ལུས་ཞེས་འཁྱོག་པོར་འགྲེལ་པ་སོགས་ནི། ཆུ་ཤིང་ལ་སྙིང་པོར་འདོད་པ་ཁོ་ནར་སྣང་བས། དེས་ན་གོང་དུ་ལུས་དང་རྒྱན་ཡང་རབ་ཏུ་བསྟན། ཞེས་པས་སྲོག་ཤུགས་ལ་བསྟན་ཡོད་དེ། དཔེར་ན་སྲོག་ལྡན་གྱི་སྐྱེས་བུ་ལུས་མཛེས་པ་ལ་རྒྱན་གྱིས་སྤྲས་པ་བཞིན་དུ། སྡེ་བཞི་སོགས་ཀྱི་བརྗོད་བྱའི་སྲོག་དང་ལྡན་པའི་སྙན་ངག་གི་ལུས་བཅད་ལྷུག་སྤེལ་མ་ལ། དོན་རྒྱན་སྒྲ་རྒྱན་གབ་ཚིག་གི་རྒྱན་གྱིས་རྣམ་པར་སྤྲོས་སོ་ཞེས་ཁོ་བོའི་སློབ་དཔོན་གྱིས། གྲངས་ཅན་ལོ་ཙཱ་བ་འཇམ་དཔལ་རྡོ་རྗེའི་བཞེད་པ་ཡིན་ནོ་ཞེས་ངོམ་བཤད་དུ་མཛད་ལ། ཟུར་མཁར་བློ་གྲོས་རྒྱལ་པོས་ཀྱང་དེ་དང་མཐུན་པར་བཤད་དོ། །སྙན་ངག་ཆེན་པོའི་ལུས་ཀྱང་སྔར་བཤད་པའི་ལུས་ལས་ལོགས་སུ་མེད་ཅིང་། སྐབས་འདིར་སྲོག་བཤད་པ་ཡང་སྙན་ངག་ཐམས་ཅད་ལ་ཁྱབ་བོ། །གཉིས་པ་ནི་ཆོས་ནི་མངོན་མཐོ་ངེས་ལེགས་བསྒྲུབ་པའི་རྒྱུ། དོན་རིག་(༡༧ན)

― GLG020_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་མང་དུ་ཐོས་པ་དང་། ས་གཞི་རིན་པོ་ཆེ་སོགས་སོག་པ་དང་བསྲུང་བ། འདོད་པ་ནི་ལྷ་མིའི་ཡུལ་ལ་ལོངས་སྤྱོད་པ། ཐར་པ་ནི་གཏན་གྱི་བདེ་བ་བྱང་ཆུབ་སྒྲུབ་པས། སྡེ་བཞི་པོ་ནི་སྐྱེས་བུའི་དོན་གྱི་འབྲས་བུ་ཡིན་ལ། དེའི་དབང་དུ་གྱུར་པའི་ཚུལ་བརྗོད་པའི་སྔོན་གྱི་གཙུག་ལག་གི་བསྟན་བཅོས་དུ་མ་དང་། ཤེས་བྱ་ཀུན་ལ་མཁས་ཤིང་། འགྲོ་བ་རྣམས་ཀྱི་ཡིད་དུ་འོང་བའི་འདྲེན་པ་དམ་པ་རྣམས་ལ་བསྔགས་པ་བརྗོད་པ་རྟོགས་བརྗོད་རིན་པོ་ཆེ་དཔག་བསམ་འཁྲི་ཤིང་ལྟ་བུ། གྲོང་ཁྱེར་རྒྱ་མཚོས་རི་གསུམ་ལ་བསྔགས་པའི་དཔེར་བརྗོད་ནི། གནམ་སྔོན་ཞུན་མར་འཁྱིལ་འདྲའི་རྒྱ་མཚོ་ལས། །བརྒལ་ཏེ་གསེར་དངུལ་རི་ཡི་ཕྲེང་འདས་ཚེ། །རིན་ཆེན་རྡུལ་མང་བརྩེགས་པའི་གྲོང་ཁྱེར་དབུས། །བཻཌཱུར་སེར་པོའི་རྒྱ་ཕིབས་འོད་དུ་འཚེར། །ཞེས་པ་ལྟ་བུ་དུས་དང་ཉི་ཟླ་འཆར་བ་དང་། །སྐྱེད་ཚལ་ཆུ་ཡི་རོལ་རྩེད་རྣམས་ཀྱི་བསྔགས་པ་ནི། །འབྲས་ལྡན་སྟོན་གྱི་མཁའ་དབྱིངས་དྭངས་པ་ལ། །ཚ་ཟེར་འོད་གསལ་གཟི་ཡིས་ཆུ་སྐྱེས་ཚོགས། །འཛུམ་པའི་སྐྱེད་ཚལ་དབུས་སུ་འཁྱིལ་བའི་མཚོར། །འདོད་ལྡན་སྐྱེ་བོ་ཁྲུས་ཀྱི་རྩེད་འཇོར་རོལ། །ཞེས་པ་ལྟ་བུ། ཆང་འཐུང་བའི་དགའ་སྟོན་དང་། འཁྲིགས་པ་ལ་སྤྱོད་པའི་དགའ་སྟོན་དང་། སྐྱེས་པ་དང་བུད་མེད་ལ་བཏབ་ནས་མ་ཚོགས་པ་གསུམ་ནི། རྒྱན་གོས་རྣམ་བཀྲ་གྲོགས་དང་ལྷན་ཅིག་པར། །ཆང་གིས་མྱོས་ཤིང་སྨིན་ལེགས་ཆུ་སྐྱེས་ལ། །རྩེ་དགར་རོལ་ཚེ་འགའ་ཞིག་གཡོན་མ་དང་། །དུས་བཏབ་ལས་འདས་མི་ཟད་འདོད་པས་གདུངས། །ཞེས་པ་ལྟ་བུ། (༡༧བ)

― GLG020_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

བག་མ་གཏོང་ལེན་དང་། གཞོན་ནུ་སྐྱེ་བ་དང་འཕེལ་བ་གསུམ་ནི། ལུས་ཕྲ་མཆིལ་འབྲང་ལ་ཁུགས་དགྱེས་དགུ་ལ། སྤྱད་པས་ཀུནྡ་དར་བའི་དཔྱིད་ཀྱི་བུ། །བཙས་ནས་རིང་པོར་མ་ཐོགས་གཞོན་ནུ་དེ། །བསོད་ནམས་བཞིན་དུ་ལུས་སྟོབས་བསྐྱེད་ནས་འཕེལ། །ཞེས་པ་ལྟ་བུ། བྱ་བ་རྩོམ་པའི་གྲོས་དང་། ཕོ་ཉའི་འགྲོ་འོང་དང་། ཡུལ་ཐག་རིང་པོར་བགྲོད་པ་གསུམ་ནི། རྒྱལ་གསུང་རྒྱུད་མང་གྲོས་ཀྱིས་ཉོན་མོངས་རྫིངས། །བཤིག་ཚེ་སེམས་ཀྱི་ཕོ་ཉ་ཐར་པའི་སར། །བཏང་བས་གཏན་གྱི་བདེ་བའི་མཛའ་ན་མོ། །ཐག་རིང་ཡུལ་ནས་སྐར་མདའ་ལྟ་བུར་འོངས། །ཞེས་པ་ལྟ་བུ། གཡུལ་བཤམས་པ་དང་། འདྲེན་པ་སྟེ་རྒྱལ་པོའི་མངའ་ཐང་དར་བའི་ཚུལ་དག་ཀྱང་དཔེར་བརྗོད་ན། གནམ་ས་འགུལ་འདྲའི་སྤྲུལ་པའི་དཔའ་བོའི་དཔུང་། །འཇིགས་རུང་གཡུལ་གྱི་སྦྱོར་བས་དགྲ་སྡེའི་ཚོགས། །ཕྱེ་མར་འཐག་ཚེ་ས་དབང་རྒྱལ་པོ་ཡི། །སྡེ་བཞིའི་མངའ་ཐང་དབྱར་གྱི་མཚོ་ལྟར་འཕེལ། །ཞེས་པ་ལྟ་བུའོ། །དེ་རྣམས་ཀྱིས་ཀྱང་བསྟན་བཅོས་བརྒྱན་པར་གྱུར་ཅིང་། མདོར་བསྡུས་པ་མིན་པར་སྐབས་དང་འཚམ་པར་བརྩམ་མོ། གསུམ་པ་ནི། བརྩམ་བྱའི་སྙན་ངག་དེ་ཡང་སྒེག་པ་སོགས་ཉམས་དོད་པས་ཡིད་འགྱུར་ཞིང་ཚིག་སྦྱོར་ཕུན་སུམ་ཚོགས་པ་དག་གིས་གཏམས་པ། བློ་ཆུང་བ་རྣམས་ངལ་བ་སྤང་སླད། སརྒ་ཤིན་ཏུ་རྒྱ་ཆེ་བ་སྟེ་མང་བ་ཡང་མིན་ལ་ཉུང་སྐྱོན་དང་ཡང་བྲལ་བའི་མཉན་པར་འོས་པ་དེ་ཉིད། དབང་པོ་རྡོ་རྗེ་སོགས་བྲྀཏྟ་དང་། འཕགས་མ་སོགས་ཛཱ་ཏིས་ལེགས་པར་མཚམས་ཀྱང་སྦྱར་ལ། རྣམ་པ་ཀུན་ཏུ་སརྒ་དག་ལ། དཔེར་ན་ཚིག་རྐང་ཕལ་ཆེར་ཡི་གེ་ཉེར་གཅིག་(༡༨ན)

― GLG020_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་ཡོད་ན། དེ་དག་གི་མཐའ་རྫོགས་མཚམས་སུ་བཅོ་ལྔ་དགུ་བདུན་སོགས་སུ་འབེབས་ཤིང་། དངོས་གཞི་བདུན་བསྒྲིགས་ལྟ་བུ་ལ། དགུ་བཅུ་གཅིག་སོགས་ཡར་འཕེལ་ཞིང་། བཅད་མཐར་ལྷུག་པ་དང་། ལྷུག་མཐར་བཅད་པས་གཞུང་དཀྱུས་མ་ལས་ཐ་དད་པ་སྟེ། ཁྱད་ཆོས་དང་ལྡན་པས་འཇིག་རྟེན་ན་མཁས་པ་རྣམས་ཀྱི་ཁ་ལས་མཛེས་སོ། །བཞི་པ་ནི། དེ་ལྟ་བུའི་སྙན་ངག་དམ་པ་ཕུན་སུམ་ཚོགས་པའི་རྒྱན་དང་ལྡན་པ་དེ་ནི་བློ་ལྡན་རྣམས་ཀྱིས་ངོ་མཚར་དུ་འཛིན་པས་བསྐལ་པའི་བར་དུ་སྙན་པའི་གྲགས་པ་དང་བཅས་ཏེ་གནས་པར་འགྱུར་རོ། །ལྔ་པ་ནི་གང་ཞིག་གྲོང་ཁྱེར་ལ་བསྔགས་པ་ལྟ་བུའི་ཡན་ལག་འགས་དམན་ཡང་། གལ་ཏེ་སྦྱར་བའི་ཚིག་དོན་རྣམས་ཕུན་ཚོགས་ཀྱིས་ཚུལ་དེ་རིག་པའི་མཁས་པ་རྣམ་མགུ་བར་བྱེད་ནུས་ཤིང་། ལེའུ་གསུམ་ཡན་དང་ལྡན་ཕྱིན། འདིར་ནི་སྙན་ངག་ཆེན་པོ་མ་ཡིན་པའི་སྐྱོན་མེད་དེ། ཡོན་ཏན་དེ་རྣམས་ཚང་ཕྱིན། སྐྱེད་ཚལ་གྱི་བསྔགས་བརྗོད་ཙམ་སྲོག་ཏུ་བྱས་པས་ཀྱང་རུང་ངོ་། དཔའ་བོ་གཙུག་ལག་པས། རིག་པ་དེས་གཞན་མགུ་བར་བྱེད་ཅེས་འབྲུ་ཕྱིན་ཅི་ལོག་ཏུ་འབད་པས་རྒྱག་གོ །དྲུག་པ་ལ། བྷཱ་མ་ཧའི་བཞེད་པ་དང་། དབྱུག་པ་ཅན་གྱི་བཞེད་པ་གཉིས། དང་པོ་ནི་ཐོག་མ་རང་ཕྱོགས་ཀྱི་འདྲེན་པ་སྟེ། རྒྱལ་པོ་ལྟ་བུ་ལ་དཔའ་བ་སོགས་ཀྱི་ཡོན་ཏན་གྱི་བསྔགས་པ་ཉེ་བར་བཀོད་ནས། རྒྱལ་པོ་དེ་ཡིས་ནི་ཕ་རོལ་གྱི་དགྲ་སྡེ་ལ་གནོད་པ་སྟེ་ཚར་གཅོད་པར་བྱེད་དོ་ཞེས་བསྟོད་པའི་སྙན་ངག་གི་ལམ་འདི་(༡༨བ)
འཇིག་རྟེན་ན་རང་བཞིན་གྱིས་མཛེས་པ་ཡིན་ནོ། །གཉིས་པ་ནི། རིགས་མཐོ་བ་དང་། བརྩོན་འགྲུས་ཆེ་བ་དང་། ཐོས་པ་མང་བ་སོགས་ཡོན་ཏན་དུ་མས་ཕ་རོལ་གྱི་དགྲ་བོ་ལ་ཡང་བསྔགས་པར་བྱས་ཤིང་བསྟོད་ནས། དེ་ལས་ཀྱང་རྒྱལ་བར་ནུས་པའི་ཕྱིར་རང་ཅག་གི་འདྲེན་པ་འདི་ནི་ཞེས་བསྟོད་པས། ཕ་རོལ་གྱི་ཡོན་ཏན་ཕུན་སུམ་ཚོགས་པ་ལས་ཀྱང་ཕུན་སུམ་ཚོགས་པའི་ཁྱད་པར་དུ་འཕགས་པར་བརྗོད་པ་ལ་བདག་དགའ་བ་བསྐྱེད་ཀྱི། ལུགས་སྔ་མའང་མི་འདོད་པ་ནི་མིན་ནོ། །

ཚིག་ལྷུག་བཤད་པ།

― GLG020_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་ལྷུག་བཤད་པ།གཉིས་པ་ལྷུག་པ་བཤད་པ་ལ། མཚན་ཉིད་དང་། དབྱེ་བ་གཉིས། དང་པོ་ནི། ཚིག་རྐང་བཞི་སོགས་སུ་བཅད་པ་མེད་པའི་ཚིག་གི་རྒྱུན་ནི་ལྷུག་པ་ཞེས་བྱའོ། །གཉིས་པ་ལ། མིང་ཙམ་གྱི་དབྱེ་བ་བསྟན་པ་དང་། དོན་གྱི་དབྱེ་བ་དགག་པ་གཉིས། དང་པོ་ནི་བྷཱ་མ་ཧས། ལྷུག་པ་ལ་བརྗོད་པ་དག་དང་། གཏམ་ཞེས་པ་དེ་ཡི་རབ་དབྱེ་གཉིས་བཤད་དོ། །གཉིས་པ་ལ་དགག་བྱ་བྷཱ་མ་ཧའི་འདོད་པ་རེ་རེ་འགོད་པ། དགག་བྱེད་དབྱུག་པ་ཅན་གྱི་རིགས་པ་རེ་རེ་འཕངས་པ་གཉིས། དང་པོ་ནི། དེ་ལ་བྷཱ་མ་ཧས། འདྲེན་པ་སྟེ་རྒྱལ་པོ་རང་ཉིད་ཀྱིས་རང་ལ་བསྟོད་པ་བྱས་པ་ལྟ་བུ་ནི་བརྗོད་པར་བྱ་བ་ཡིན་ལ། བརྗོད་པ་དེ་ལས་གཞན་གཏམ་ནི་ཕ་རོལ་གྱི་འདྲེན་པ་སྟེ་རྒྱལ་པོའམ། དེ་ལས་གཞན་བྲམ་ཟེ་ལྟ་བུས་ཀྱང་འདྲེན་པ་ལ་བསྟོད་པ་དེ་ཡིན་ནོ། །དེའི་རྒྱུ་མཚན། ཟློས་གར་གྱི་མཚན་ཉིད་ཀྱང་སྙན་ངག་གི་རྒྱན་དུ་བསྟན་པའི་སྒོ་དང་། གཞན་སྒོ་དང་ཡིད་བརྟན་ལྡན་པ་གསུམ་བརྗོད་པ་ལ་ཡོད་ཀྱི། གཏམ་ལ་མེད་དོ། །བརྗོད་པ་(༡༩ན)

― GLG020_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གིས་རང་ལ་ཡོན་ཏན་བསྒྲགས་པ་ལ་སྐབས་འདིར་སྐྱོན་ཡོད་པ་མིན་ཏེ། ཡང་དག་པ་སྟེ་ཇི་ལྟ་བའི་དོན་ཅན་སྒྲོ་བསྐུར་མེད་པར་བསྔགས་པའི་ཕྱིར། གཞན་ཡང་། ལམྦྷ་ལ་སོགས་པ་དང་། ཨ་ཤྭཱ་ས་དང་། བུ་མོ་འཕྲོག་པ། གཡུལ། སླུ་བ། དར་བ་སོགས་དང་། སྙན་ངག་མཁན་གྱི་དགོངས་པས་བྱས་པའི་རྟོགས་རྣམས་བརྗོད་པ་ལ་ཡོད་ཀྱི། གཏམ་ལ་མེད་པའི་ཕྱིར། གཉིས་པ་ནི། འོན་ཀྱང་ཁྱོད་ཀྱིས་ཟེར་བ་དེ་ལ་ངེས་པ་ཡོད་པར་མ་མཐོང་སྟེ། བརྗོད་པ་དེར་ཡང་རྒྱལ་པོ་ལས་གཞན་པ་དག་གིས་བརྗོད་པའི་ཕྱིར། ཕན་ཚུན་གཉིས་ཀས་བརྗོད་པར་མཉམ་པ་ལ་གཞན་གྱིས་བརྗོད་ན་གཏམ་དང་། རང་གིས་བརྗོད་ན་བརྗོད་པ་ཞེས་དབྱེ་བའི་རྒྱུ་མཚན་ནི་ཅི་ཞིག་ཡོད་དེ་མེད་དོ། །གལ་ཏེ་སྒོ་ཞེས་པ་ཕར་སྨྲས་པ་དང་། གཞན་སྒོ་ཞེས་པ་སྨྲས་པའི་ལན་དང་། ཕན་ཚུན་དུ་གཏམ་སྨྲས་པ་དེ་ལ་བརྟེན་ནས་ཡིད་གཏན་ལྡན་པ་སྟེ་ངེས་པ་རྙེད་པ་དེ་གསུམ་བརྗོད་པ་ལ་ཡོད་ཅིང་གཏམ་ལ་མེད་པས་ཐ་དད་པ་ཡི་རྟགས་ཡིན་པར་སྨྲ་ན། གཏམ་ལ་དེ་གསུམ་མ་ཚང་བར་འགྱུར་ཞིང་། དེས་ན་རྒྱལ་པོས་སྨྲས་པའི་གཏམ་ལ་གཏམ་ལན་འཇལ་མཁན་མེད་པར་འགྱུར་རོ། །སྐབས་འདིའི་བརྗོད་པ་དང་གཏམ་ནི་ལྷུག་པའི་དབང་དུ་བྱས་ཀྱི་ཚིགས་སུ་བཅད་པ་ལ་དེ་ལྟར་འཇུག་གོ་ཞེ་ན། བརྗོད་བྱ་ཚིགས་བཅད་ལ་དེ་གསུམ་ཚང་བ་ལྟར། ཞར་གྱི་གཏམ་རྣམ་དག་སྟེ་གཏམ་ཚིགས་བཅད་ལ་ཡང་དེ་གསུམ་ཚང་(༡༩བ)

― GLG020_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་ཏེ། དཔེར་ན་སྡེབ་སྦྱོར་འཕགས་མ་སོགས་ཀྱིས་བཅིངས་པའི་བརྗོད་པ་ལ་དེ་གསུམ་ཚང་བ་བཞིན། གཏམ་ལ་ཡང་སྒོ་དང་། གཞན་གྱི་སྒོ་དག་ཅིས་མི་འཇུག་སྟེ་འཇུག་རིགས་པའི་ཕྱིར། རྒྱུ་མཚན་ཡོད་དེ། འཕགས་མས་བཅིངས་པའི་བརྗོད་པ་དང་གཏམ་གཉིས་ཀ་ལ་ཕྱེད་ཕྱི་མའི་དྲུག་པ་ལ་ཀ་དང་། གཉིས་ཀའི་བརྒྱད་པ་ལ་ད། མི་མཉམ་པ་ལ་ཛ་སྤངས་པ་སོགས་མཚན་ཉིད་མཐའ་དག་མཚུངས་པའི་ཕྱིར། སོགས་ཀྱི་སྒྲས་འཕགས་མ་དཔེར་མཚོན་པ་སྟེ་བྲྀཏྟ་ཛཱ་ཏི་ཐམས་ཅད་ལ་ཤེས་དགོས་སོ། །རིན་སྤུངས་པས། ལེགས་བཤད་ཉི་མ་གསར་པས་བསླང་ཞེས་གསུངས་འདུག་ཀྱང་། འགྲེལ་པ་གཞན་ལ་ལྟོས་ན་སྐྱ་རེངས་ཙམ་ཤར་བ་ཡིན་མཆི། ཉི་མ་དངོས་གཞི་ནི་ད་ལམ་ཤར་བ་ཡིན་ནོ། །གཞན་ཡང་ལམྦྷ་སྟེ་གཞོན་ནུ་མ་རྙེད་པ་དང་། སོགས་ཀྱིས་ངལ་སོ་བ་དང་། དུས་བཏབ་པ་ལས་མ་ཚོགས་པ་དང་། ཨ་ཤྭཱ་ས་ནི་ཡིད་གཏན་དང་ལྡན་པ་སྟེ། དེ་དག་བརྗོད་པ་ཡོད་ཅིང་གཏམ་ལ་མེད་པའི་དབྱེ་བ་མཐོང་ཡང་། དེས་པདྨ་དང་ཀུ་མུ་ཏ་བཞིན་རིགས་ཐ་དད་པའི་རྒྱུ་མཚན་ཅི་ཡང་མེད་ཅིང་དེའི་ཕྱིར་གཏམ་དང་བརྗོད་པ་ཞེས་པ་ནི། དཔེར་ན་གདོང་ལྔ་པ་དང་ཁ་ལྔ་པ་ཞེས་པའི་མིང་གཉིས་དག་གིས་སེང་གེའི་རིགས་གཅིག་མཚོན་པས་སོ། །དངོས་སུ་མ་བཤད་པའི་ལྷག་མ་བརྗོད་པའི་རིགས་རྣམས་ཀྱང་ཆད་པའི་སྐྱོན་མེད་དེ། བརྗོད་པ་དང་གཏམ་འདི་ཉིད་ཀྱི་ནང་དུ་འདུ་བར་འགྱུར་བས་སོ། །(༢༠ན)
གཞན་ཡང་ཁྱོད་ཀྱིས་བུ་མོ་འཕྲོག་པ་དང་། གཡུལ་འགྱེད་པ་དང་ནི། ཕོ་མོ་དུས་བཏབ་པ་ལས་ཡོལ་ཏེ་སླུ་བ་དང་། རྒྱལ་པོ་མངའ་ཐང་དར་བ་ལ་སོགས་པ་བརྗོད་པ་དང་གཏམ་དེ་དག་གི་ཁྱད་པར་འབྱེད་པའི་ཡོན་ཏན་མིན་ཏེ། བརྗོད་བྱ་དེ་རྣམས་སརྒས་བཅིངས་པའི་བརྗོད་པ་དང་གཏམ་གཉིས་ཀ་ལ་མཚུངས་པ་ཉིད་ཡིན་ནོ། །གཞན་ཡང་སྙན་ངག་མཁན་གྱི་བསམ་པས་བྱས་པའི་རྟགས་དེ་འདྲ་བ་ནི་བརྗོད་པ་ལས་གཞན་དུ་གཏམ་ལ་ཡང་ནི་ཡོད་པར་སྐྱོན་དུ་མི་འགྱུར་ཏེ། འདོད་དོན་ཚིག་སྦྱོར་གྱིས་བསྒྲུབ་པའི་སྒོ་རུ་མཁས་པ་རྣམས་ལ་ཅི་ཡང་མི་འགྱུར་བ་མེད་པས་སོ། །དཔེར་ན་སྨན་པ་མཁས་པས་དུག་བདུད་རྩིར་བསྒྱུར་བ་བཞིན་ནོ། །

སྤེལ་མ་བཤད་པ།

― GLG020_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

སྤེལ་མ་བཤད་པ།གསུམ་པ་སྤེལ་མ་བཤད་པ་ནི། བཅད་ལྷུག་སྤེལ་མ་འཇིག་རྟེན་ཀུན་ཏུ་དགའ་བ་སོགས་སྐད་རིགས་བཞི་ཀ་འདུས་པའི་རྣམ་གཞག་ཡོད་པ་ནི་ཟློས་གར་ཏེ། དེ་དག་གི་ཚུལ་རྣམས་ནི་བྷ་ར་ཏ་སོགས་གཞན་ལས་རྒྱས་པར་བཤད་དོ། །སྤེལ་མ་ལ་ཟློས་གར་ཁོ་ནར་མི་སེམས་ཏེ། ལྷུག་པ་དང་ཚིགས་བཅད་སྤེལ་བའི་རང་བཞིན་གང་ལ། སྐད་གཅིག་ལ་བརྟེན་པ་སྐྱེས་རབས་སོ་བཞི་པ་ལྟ་བུ་ལ་ཙམྦཱུ་ཞེས་པར་མངོན་པར་བརྗོད་དོ། །གསུམ་པ་སྐད་རིགས་བཤད་པ་ལ། དབྱེ་བ། སོ་སོར་གཏན་ལ་དབབ་པ། དེ་དག་གི་བྱས་པའི་བསྟན་བཅོས་བཤད་པ། གཏམ་སོགས་སྐད་རིགས་ཀྱིས་བཅིངས་ཚུལ་དང་བཞི། དང་པོ་ནི། སྙན་ངག་གི་ལུས་བཅད་ལྷུག་སྤེལ་མའི་རང་(༢༠བ)

― GLG020_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་དེ་དག་ཀྱང་། ལེགས་སྦྱར་གྱི་སྐད་དང་། དེ་བཞིན་དུ་རང་བཞིན་གྱི་སྐད་དང་། ཟུར་ཆག་གི་སྐད་དང་། དེ་གསུམ་བསྲེས་པའི་འདྲེས་མ་ཞེས་པ་སྟེ་རྣམ་པ་བཞི་རུ་རཱ་མ་ཤརྨ་སོགས་མཁས་པས་གསུངས་སོ། །གཉིས་པ་ལ་ལེགས་སྦྱར། རང་བཞིན། ཟུར་ཆག་དང་གསུམ་ལས། དང་པོ་ནི། ལེགས་སྦྱར་ཞེས་བྱ་བ་ནི། བྱིངས་ལས་ཀྲྀ་ཏ་རྐྱེན་གྱིས་སྒྲུབ་པའི་མིང་དང་ཀུན་བཤད་ཀྱིས་སྒྲུབ་པའི་ཚིག་དང་མིང་ལས་ཚིག་ཏུ་གྲུབ་པས། སྐད་རྣམས་ཀྱི་མཆོག་སཾ་སྐྲྀ་ཏ་ལྷའི་སྐད་ཅེས་དྲང་སྲོང་ཆེན་པོ་སརྦ་ཛྙཱ་གསུང་ངོ་། །གཉིས་པ་ནི། སྤྱི་དང་། ཁྱད་པར་བ། དེའི་ཡུལ་ངོས་བཟུང་བ་དང་གསུམ། དང་པོ་ནི། ལེགས་སྦྱར་དེ་ལས་སྐྱེས་ཤིང་དེ་དང་མཚུངས་པའི་ཡུལ་ཅན་ཞེས་གྲགས་པའི་རང་བཞིན་གྱི་རིམ་པའི་སྐད་རིགས་དུ་མ་ཞིག་ཡོད་དོ། །གཉིས་པ་ནི། བཟོ་གནས་བཅོ་བརྒྱད་སོགས་ཚང་བའི་ཡུལ་འཁོར་ཆེན་པོ་ལ་བརྟེན་པའི་སྐད་དེ་ནི། ལེགས་སྦྱར་མ་ཡིན་ཀྱང་། ལེགས་པར་བཤད་པ་མང་དུ་སྨྲ་བའི་སྐད་རིན་པོ་ཆེ་དག་གི་འབྱུང་ཁུངས་ཀྱི་རྒྱ་མཚོ་ཡིན་པ་དང་། སེ་རུ་སྟེ་ལེའུས་བཅིངས་པ་དང་། སོགས་ཁོངས་ནས་མ་ཐ་ན་ཞེས་བྱ་བ་དེ་འདྲའི་རིགས་ཅན་གྱི་རང་བཞིན་གང་ཡིན་པའི་སྙན་ངག་ཀྱང་སྐད་དེ་ལས་མཐོང་བའི་ཕྱིར། རང་བཞིན་གྱི་སྐད་རྣམས་ཀྱི་ནང་ན་མཆོག་ཏུ་གྱུར་པར་རིག་གོ །གསུམ་པ་ནི། སཽ་ར་སེ་ན་དབང་པོའི་སྡེ་དང་། གཽ་ཌ་ཤར་ཕྱོགས་དང་། ལཱ་ཌྷཱིི་རོལ་བ་དང་། གཞན་ཡང་དེ་འདྲའི་ཡུལ་དབུས་འགྱུར་སོགས་ཀྱི་སྐད་རྣམས་རང་བཞིན་གྱི་སྐད་ཉིད་ཅེས་(༢༡ན)

― GLG020_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་བ་ཡི་མིང་གིས་ཐ་སྙད་ཟློས་གར་ལ་སོགས་པ་རྣམས་ལ་ཉེ་བར་བསྟན་ཅིང་སྦྱོར་བར་འགྱུར་རོ། །དཔའ་བོ་གཙུག་ལག་གིས། སཽ་ར་སེ་ན་ལྔ་ལེན་དུ་འགྲེལ་པའི་ཐ་ཆད་ཀྱི་གཏམ་སྨྲའོ། །གསུམ་པ་ནི། བ་ལང་རྫི་ལ་སོགས་པའི་གྲོང་ཚིག་རྣམས་སྙན་ངག་གི་སྐབས་འདི་ལ་ཟུར་ཆག་ཏུ་གནས་ཤིང་། ཀ་ཙན་སོགས་ཀྱི་བསྟན་བཅོས་རྣམས་ལ་ལེགས་སྦྱར་ལས་གཞན་པ་ཀུན་ཟུར་ཆག་ཉིད་དུ་བརྗོད་དོ། །གསུམ་པ་དེ་དག་གིས་བྱས་པའི་བསྟན་བཅོས་ནི། ལེགས་སྦྱར་འབའ་ཞིག་ལས་བྱས་པ་སརྒས་བཅིངས་པ་ལ་སོགས་པ་དང་། རང་བཞིན་གྱི་སྐད་འབའ་ཞིག་ལས་བྱས་པ་སྐན་དྷ་ཀ་སོགས་དང་། ཟུར་ཆག་གི་སྐད་འབའ་ཞིག་ལས་བྱས་པ་ཨོ་ས་ར་སོགས་དང་། འདྲེས་མའི་སྐད་འབའ་ཞིག་ལས་བྱས་པ་ཟློས་གར་སོགས་སོ། །བཞི་པ་ལ་དངོས་དང་། དོགས་སེལ་གཉིས། དང་པོ་ནི། སྔོན་བྱུང་གི་གཏམ་སོགས་སྐད་རིགས་བཞི་པོ་གང་རུང་ངམ། གཉིས་གསུམ་དང་། ཐམས་ཅད་འདྲེས་པས་བཅིངས་པ་དང་། གཙོ་བོར་ནི་ལེགས་སྦྱར་འབའ་ཞིག་གིས་ཀྱང་བཅིངས་སོ། །གཉིས་པ་ནི། ཤ་ཟའི་སྐད་འབའ་ཞིག་ལས་བྱས་པའང་མེད་པ་མིན་ཏེ། རྨད་དུ་བྱུང་བའི་དོན་ཅན་བརྗོད་བྱ་སྟོན་པ་རྒྱ་ཆེན་ཞེས་པའི་གཏམ་དང་རིན་ཆེན་རབ་སྣང་ཞེས་བྱ་བ་ཡང་འབྱུང་པོའི་སྐད་ཀྱི་རང་བཞིན་དུ་བརྗོད་དོ། །གཉིས་པ་རྒྱན་ལ། མདོར་བསྟན། རྒྱས་བཤད་གཉིས། དང་པོ་ནི། ལུས་སྒེག་པ་དང་། ཉམས་ཀྱི་རོལ་པ་དང་། རྐང་ལག་གི་སྟབས་ལ་སོགས་(༢༡བ)
པའི་ཉམས་བརྗོད་པ་ནི་གཙོ་བོ་མིག་གིས་བལྟ་བྱའི་དོན་ཡིན་ལ། དེའི་ཅིག་ཤོས་རྒྱུད་མང་དང་ཚངས་དབྱངས་སོགས་ཀྱི་ཉམས་བརྗོད་པ་ཡང་། གཙོ་བོར་མཉན་པ་སྟེ་རྣ་བས་མཉན་པར་བྱ་བ་ཉིད་ཅེས་བྱ་བའི་དོན་ཀྱང་ཡིན་ལ། སྐབས་འདིར་ཡང་རྒྱན་གྱི་སྦྱོར་ལུགས་གཉིས་དག་ཏུ་བརྗོད་དོ། །ལེའུ་དང་པོ།

ཐུན་མོང་མ་ཡིན་པའི་རྒྱན་བཤད་པ།

― GLG020_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུན་མོང་མ་ཡིན་པའི་རྒྱན་བཤད་པ།གཉིས་པ་ལ། ཐུན་མོང་མ་ཡིན་པའི་རྒྱན་དང་། ཐུན་མོང་པའི་རྒྱན་གཉིས་། དང་པོ་ལ། མདོར་བསྟན་རྒྱས་བཤད། སྙན་ངག་གི་རྒྱུ་བཤད་པ་དང་གསུམ། དང་པོ་ནི། ལྷོ་ཤར་གཉིས་ཀྱི་འདོད་པ་ཕན་ཚུན་མི་འདྲ་བའི་དབྱེ་བ་ཕྲ་མོ་ཅན་རྣམས་སྙན་ངག་གི་ལམ་འདིར་ནི་མང་དུ་ཡོད་དོ། །གཉིས་པ་ལ་དམ་བཅའ་བ་དང་། བཤད་ཚུལ་དངོས་གཉིས། དང་པོ་ནི། དབྱེ་བ་དེ་ནི་འཆད་ཚུལ་ཆེས་མང་ཡང་། འདིར་ལྷོ་ཕྱོགས་བཻ་ད་རྦྷ་དང་། ཤར་ཕྱོགས་གཽ་ཌ་པའི་ལམ་གཉིས་སུ་བསྡུས་ནས་ཁྱད་པར་གསལ་བར་བརྗོད་དོ། །གཉིས་པ་ལ། མདོར་བསྟན། རྒྱས་པར་བཤད་པ། མཇུག་བསྡུ་བ་དང་གསུམ། དང་པོ་ནི། ཡི་གེའི་སྦྱོར་བ་ལྕི་བ་སྦྱར་བ་དང་། འཇིག་རྟེན་ལ་གྲགས་པའི་དོན་རབ་དངས་དང་། ཡི་གེ་འཇམ་རྩུབ་ཀྱི་སྦྱོར་བ་མཉམ་པ་ཉིད་དང་། ཉམས་ཁྱད་པར་ཅན་དང་ལྡན་པས་སྙན་པ་དང་། ཡི་གེ་འཇམ་པ་ཤས་ཆེ་བས་ཤིན་ཏུ་གཞོན་པ་དང་། དོན་བརྟག་མི་དགོས་པར་གསལ་བ་དང་། བརྗོད་བྱའི་ཡོན་ཏན་རྒྱ་ཆེ་བ་དང་། ཚིག་སྡུད་མང་ཞིང་ལྕི་ཡང་དོ་མཉམ་པས་བརྗིད་པ་དང་། ལུང་ཆེན་པོ་མ་ཡིན་པའི་འཇིག་རྟེན་དང་མཐུན་པས་མཛེས་པ་དང་། སེམས་ལྡན་གྱི་ཆོས་སེམས་མེད་ལ་བཀོད་པའི་ཏིང་ངེ་འཛིན་ཏེ། ཡོན་ཏན་བཅུ་པོ་འདི་ནི་ལྷོ་ཕྱོགས་བཻ་ད་རྦྷའི་ལམ་གྱི་(༢༢ན)
སྲོག་ཏུ་བཤད་པ་ཡིན་ལ། འདི་དག་ཕལ་ཆེར་གོ་ལྡོག་པ་ནི་ཤར་ཕྱོགས་གཽ་ཌ་པའི་ལམ་དག་མཚོན་པ་ཡིན་ནོ། །

སྦྱར་བའི་ཡོན་ཏན་བཤད་པ།

― GLG020_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱར་བའི་ཡོན་ཏན་བཤད་པ།གཉིས་པ་ལ་སྔར་བཤད་པའི་སྦྱར་བ་སོགས་བཅུ་ལས། དང་པོ་ལ། མཚན་ཉིད། ཟློག་ཟླ། དངོས་ཀྱི་དཔེར་བརྗོད་དང་གསུམ། དང་པོ་ནི། སྦྱར་བའི་ཡོན་ཏན་ནི། སྡེ་པའི་དང་པོ། གསུམ་པ། ལྔ་པ་མཐར་གནས་ཀྱི་སྲོག་ཆུང་བའི་ཡི་གེ་མཆོག་སྟེ་འབའ་ཞིག་ཏུ་ཡོད་པ་དེ་ལྷོད་པ་ཉིད་ཀྱིས་མ་རེག་པར། སྡེ་པའི་གཉིས་པ། བཞི་པ། དྲོ་བ། ཧ་ཀྵ་རྣམས་ལས་བརྩམས་པ་ཞིག་དགོས་སོ། །དེའི་ཕྱིར་འདི་ནི་ལེའུ་གཉིས་པའི་སྦྱར་བ་དང་མི་འདྲ་བར་སྲོག་ཆེ་ཆུང་ལ་བྱེད་དོ། །གཉིས་པ་ནི། མཱ་ལཱ་ཏཱི། ཛ་ཏིའི་མེ་ཏོག མཱ་ལཱ་ཕྲེང་བ། ལོ་ལ་སྲེད་པ། ཨཱ་ལི་ཀ །བུང་བ། ལི་ལཱ། འཁོར་བ་སྟེ། ལྷོད་པ་ཛ་ཏིའི་མེ་ཏོག་ཕྲེང་། །སྲེད་པས་བུང་བ་འཁོར་བར་བྱེད། །ཅེས་འབྱུང་བ་བཞིན། ཤར་ཕྱོགས་གཽ་ཌ་པ་དག་ལ་ཡིག་བསྐོར་བའི་རྗེས་ཁྲིད་ཚུལ་འདིར་འཇུག་པའི་བློས། ལྷོད་པ་སྦྱོར་བར་འདོད་དོ། །བོད་ལ་དཔེར་མཚོན་ན། རབ་དཀར་གངས་རི་ལྟར་དཀར་བ། །དཀར་མཛེས་པདྨ་དཀར་པོར་འགྲན། །ལེགས་དཀར་སྒེག་མོའི་གདོང་ལྟར་དཀར། །སྤྲིན་དཀར་རྗེས་འགྲོ་ལྷག་བསམ་དཀར། །ཞེས་པ་སྲོག་ཆུང་ཞིང་ཀ་ཡིག་ལ་བསྐོར་བ་ལྟ་བུ། གསུམ་པ་ནི། མཱ་ལ་ཏཱི། ཛ་ཏིའི་མེ་ཏོག་དཱ་མ་ཕྲེང་བ། ལཾ་གྷི་ཏཾ་འཁོར་བ་འཾ་ལྡིང་པ། བྷྲ་མ་ར། བུང་བ་རྣམས་ཀྱིས་ཏེ། ཛ་ཏིའི་མེ་ཏོག་ཕྲེང་། བུང་བ་རྣམས་ཀྱིས་འཁོར་ཞིང་ལྡིང་། ཞེས་གྷ་དང་བྷ་སོགས་སྲོག་ཆེན་པོ་མང་དུ་ཚོགས་པའི་འདུས་པ་ལྟ་བུ་ལ་བསྐོར་བའི་སྦྱོར་བ་ལྕི་བ་བཻ་དརྦྷ་བྱེད་དེ། (༢༢བ)
དཔེར་ན། ཚང་ཚིང་ཁོ་ར་ཁོར་ཡུག་གི །སྲ་མཁྲེགས་སར་འཁོད་སྐྱེ་བོ་འགའ། །ཐགས་མཁན་ཚུལ་མཚུངས་འཐད་འཐད་ཚིག །ཁ་ནས་མི་ཡོང་ཕ་རོལ་ཚེར། །ཞེས་པ་སྲོག་ཆེན་གཙོ་བོར་སྦྱར་བ་ལྟ་བུ། སྐབས་འདིའི་ལྕི་བ་ནི་སྦྱོར་ལྕི་བ་ཡིན་ལ། སྡེབ་སྦྱོར་གྱི་ལྕི་བ་ནི་ཡི་གེ་ལྕི་བ་ཡིན་པས་མི་མཚུངས་སོ། །

རབ་དྭངས་ཀྱི་ཡོན་ཏན་བཤད་པ།

― GLG020_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་དྭངས་ཀྱི་ཡོན་ཏན་བཤད་པ།གཉིས་པ་རབ་དྭངས་ལ་ལྷོ་པ་དང་། ཤར་པ་གཉིས། དང་པོ་ལ་མཚན་ཉིད་དང་། དཔེར་བརྗོད་གཉིས། དང་པོ་ནི། རབ་ཏུ་ཆུ་དྭངས་པའི་ནང་གི་རྡེའུ་མཐོང་བ་ལྟ་བུ་དང་ལྡན་པ། གྲོང་ཚིག་གིས་མ་བསྲངས་པའི་ངོས་ནས་འཇིག་རྟེན་ལ་གྲགས་པ་ཤས་ཆེ་བའི་དོན་ཅན་ནོ། །གཉིས་པ་ནི། ཟླ་བའི་མཚན་མ་རི་བོང་གི་གཟུགས་ཨུཏྤ་ལ་སྔོན་པོའི་འོད་ཀྱིས་མཛེས་པ་རྒྱས་ཞེས་པ། དོན་དེ་འབད་མེད་དུ་རྟོགས་པའི་སྐལ་བ་བཟང་པོ་དང་ལྡན་པའི་ཚིག་གོ །དཔེར་ན། དཀར་གསལ་ཟླ་གཞོན་ཅོད་པན་ལེགས་འཆང་ཞིང་། །མགྲིན་པར་ཨིནྡྲ་རྙིལ་གྱི་མདངས་འཕྲོ་བ། །འཇིག་རྟེན་བྱེད་པོ་དུས་ཀུན་སྒྲིབ་མེད་པར། །གཟིགས་ཁྱོད་སྐབས་གསུམ་གཙུག་ན་མངོན་པར་མཛེས། །ཞེས་པ་ལྟ་བུ། གཉིས་པ་ལ་མཚན་ཉིད་དང་། དཔེར་བརྗོད་གཉིས། དང་པོ་ནི། གཽ་ཌ་པ་ནི་འཇིག་རྟེན་ལ་ཤིན་ཏུ་གྲགས་ཆེ་བ་མིན་ཡང་ངེས་ཚིག་བརྗོད་རྒྱུ་ཡོད་པ་ཙམ་གྱི་ཕྱིར་གོ་དཀའ་བ་ཞིག་ལའང་འདོད་དོ། །གཉིས་པ་ནི་ཤིན་ཏུ་དཀར་བ་མིན་པ་ལ་སྔོན་པོ་དང་། ཆུ་ལས་སྐྱེས་པ་ལ་ཨུཏྤ་ལའི་ངེས་ཚིག་ཏུ་བྱས་ཏེ། དེ་འདྲ་བའི་རི་བོང་གིས་མཚན་པའི་འོད་དཀར་ཅན་ཞེས་སོ། །དཔེར་ན་ལང་ཚོ་དར་བའི་འོད་ཀྱིས་དཀའ་ཐུབ་(༢༣ན)
མུན། །ཉེར་བཅོམ་བདེ་བའི་དཔལ་མངའ་འདྲེན་བྱེད་ཞུགས། །པད་དཀར་མིག་བུ་ལྷག་མར་བྱས་པའི་སྒྲས། །འཆི་མེད་རྗེ་ཁྱོད་ནུས་མཐུའི་རང་བཞིན་དཔལ། །ཞེས་པ་ལྟ་བུ།

མཉམ་པའི་ཡོན་ཏན་བཤད་པ།

― GLG020_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

མཉམ་པའི་ཡོན་ཏན་བཤད་པ།གསུམ་པ་མཉམ་པ་ལ་ལྷོ་ཤར་གཉིས། དང་པོ་ལ་མཚན་ཉིད་དང་། དཔེར་བརྗོད་གཉིས། དང་པོ་ནི། ཡི་གེའི་སྦྱོར་བ་མཉམ་པ་ནི་སྲོག་ཆུང་བ་འཇམ་པ་དང་། མི་མཉམ་པ་དང་བྲལ་བ་ནི་སྲོག་ཆེ་བ་རྩུབ་པ་ཡིན་ལ། དེ་ལྟ་བུའི་འཇམ་རྩུབ་གཉིས་པོ་ནི་ཕྱེད་སྔ་མ་ལ་འཇམ་ན་ཕྱི་མ་ལ་རྩུབ་པའི་ཡི་གེ་བཀོད་པ་ལས་བྱུང་བའི་སྙན་ངག་དེ་ནི་དེ་འདྲའི་སྦྱོར་བ་འཇམ་རྩུབ་བར་མའི་སྐྱེ་གནས་ལས་གྲུབ་པའི་བར་མ་སྟེ། དྲེའུ་ལ་ཁལ་བཀལ་ན་དོ་ཡ་མཉམ་པ་བཞིན་ནོ། །གཉིས་པ་ནི། དཔྱིད་ཀ་ཁུ་བྱུག་རྣམས་སྐད་སྙན་པའི་ཅ་ཅོ་སྒྲོག་པར་བྱེད་ཅིང་། ཉར་མ་སྟེ་ཆུའི་ཟེགས་མ་རབ་ཏུ་འཐོར་བ་དང་། ཆུ་དངས་ཤིང་དངས་པའི་རྒྱུན་ཏེ་ཆུའི་ཐིགས་པས་དྲན་པས། མ་ལ་ཡ་རླུང་གི་དྲི་དང་མཚུངས་ཏེ། བདག་གི་འདོད་པ་འཕེལ་བའི་སླད་དུ་འོངས་སོ། །བོད་དཔེར་མི་གསལ་ཡང་། རྒྱ་དཔེར་ཕྱེད་སྔ་མ་ལ་ཀ་ལ་པ་སོགས་འཇམ་པ་དང་། ཕྱི་མར་ཚ་ཛྷ་བྷ་ཀྵ་སོགས་རྩུབ་པ་མང་ངོ་། །དཔེར་ན། དཀར་མཛེས་མིག་གི་བདུད་རྩི་དབྱངས་ཅན་ཞལ། །འདྲེན་བྱེད་ཡུལ་གྱུར་ཙམ་གྱིས་བློ་གྲོས་རྒྱས། །དགའ་སྟོན་སྒྲ་ཡིས་ས་ཕྱོགས་ཕ་མཐར་ཁྱབ། །ཤེས་བྱར་ཧོལ་ཧོལ་མ་ཡིན་མཁས་མཁས་བསླབས། །ཞེས་པ་ལྟ་བུ། ཟུར་མཁར་བློ་གྲོས་རྒྱལ་པོས། འཇམ་པར་མཉམ་པ་དང་རྩུབ་པར་མཉམ་པ(༢༣བ)
ཞེས་འགྲེལ་པ་སྔ་མ་འགའ་ཞིག་གི་རྗེས་སུ་འབྲངས་ཏེ་འཆད་པ་ནི་གཞུང་དོན་དུ་འཇམ་རྩུབ་མཉམ་པའི་ཐ་སྙད་མེད་པས་མི་འབྲེལ་ལོ། །ཟུར་མཁར་བ། དཔལ་སྒང་པ། འབྲུག་པ་པདྨ་དཀར་པོ་གསུམ་གྱིས་རྫོག་རྟགས་མ་བསྐྱལ་ཙམ་དེ་མཛད་ན། གཞན་ནི་སྒོ་ངའི་མཐིལ་མཛུབ་ལེན་དུ་འདུག་པས། ཁྱེད་གསུམ་གྱི་བཀའ་རྒྱུད་པ་མི་གྲལ་དུ་ཆུད་པ་མཛོད་ཅིག་གཉིས་པ་ལ་དཔེར་བརྗོད་དང་། དོན་བསྡུ་གཉིས། དང་པོ་ནི་ཙནྡན་གྱིས་གོས་པའི་དྲི་ངད་བཟང་པོ་ལྡང་ཞིང་། བསིལ་ཞིང་འཇམ་པ་མ་ལ་ཡའི་རླུང་དེས་ནི། བདག་གི་སེམས་ཀྱི་བརྟན་པ་དབང་མེད་དུ་འགོག་པ་སྟེ་ཕྲོགས་ནས། དགའ་མ་བུད་མེད་མཆོག་གི་ཁ་ནང་གི་རླུང་དང་འགྲན་པ་དེ་ལ་ཅོ་འདྲིའོ། །རྒྱ་དཔེར་རྐང་པ་གསུམ་པར་དྷ་མང་དུ་ཚོགས་ཤིང་། གཞན་གསུམ་ལ་སྲོག་ཆུང་བར་ཤས་ཆེ་བའི་སྦྱོར་ལུགས་ལ་འདོད་དེ། དཔེར་ན། སྙན་ངག་སྣང་བ་སྟེར་མཛད་ཅིང་། །རྒྱལ་བ་ཀུན་གྱི་ཡུམ་གཅིག་མ། །ཚངས་སྲས་ཤ་ཤ་དྷ་ར་ཡི། །དྲི་མེད་དཀར་བའི་རྗེས་འགྲོ་ཅན། །ཞེས་པ་ལྟ་བུ། གཉིས་པ་ནི། ཞེས་པ་མི་མཉམ་པ་བཤད་མ་ཐག་པ་ལ། ཤར་ཕྱོགས་པས་མ་བརྟགས་པར་མཉམ་པའི་མཚན་ཉིད་དུ་འཇོག་ཀྱང་། ཚིག་གི་དོན་དང་རྒྱན་ཕུན་སུམ་ཚོགས་པ་དག་ལ་ལྟོས་ནས་ཏེ་བསམས་ན་ཤར་ཕྱོགས་པའི་ལུགས་དག་ལ་མི་མཉམ་པའི་སྙན་ངག་གི་ལམ་འདི་འབྱུང་བར་འགྱུར་རོ། །

སྙན་པའི་ཡོན་ཏན་བཤད་པ།

― GLG020_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་པའི་ཡོན་ཏན་བཤད་པ།བཞི་པ་སྙན་པ་ལ། མདོར་བསྟན། རྒྱས་བཤད། མཇུག་བསྡུ་བ་དང་གསུམ། དང་པོ་ནི། སྙན་པའི་ཡོན་ཏན་ནི། ཡིད་འགྱུར་ཐུབ་(༢༤ན)

― GLG020_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཉམས་དང་ལྡན་པའི་ཚིག་དང་ནི་བརྗོད་བྱ་དོན་གྱི་དངོས་པོ་ལ་ཡང་ཉམས་ཁྱད་ཅན་གནས་པས་ཚིག་དོན་གཉིས་ཀ་སྦྲང་རྩི་བཞིན་དུ་གང་གིས་སྦྲང་རྩི་ལ་སྤྱོད་པའི་བུང་བ་ལྟར། གང་གིས་བློ་ལྡན་རྣམས་དགའ་བར་བྱེད་པའོ། །གཉིས་པ་ལ། སྒྲའི་ཉམས། དོན་གྱི་ཉམས། གཉིས་ཀ་ལ་གྲོང་ཚིག་སྤང་བ་དང་གསུམ། དང་པོ་ལ་མཚན་ཉིད། དབྱེ་བ་གཉིས། དང་པོ་ནི། སྒྲའི་ཉམས་ཡི་གེ་དང་ཚིག་གང་དང་ཅི་ལ་སྦྱར་ཀྱང་། སྔ་མ་དང་ཕྱི་མ་ལ་ཥ་ཡིག་ཏུ་མཚུངས་པ་ལྟ་བུས་གང་ཞིག་ཉམས་སུ་མྱོང་བ་དེ་ཡིས། བཤད་མ་ཐག་པའི་གཟུགས་དང་། སོགས་ཀྱིས་གནས་དང་། ཕྱི་མོ་དང་། བརྩེགས་པའི་ཚིག་ཉེ་བར་གནས་པ། རྗེས་སུ་འཁྲིད་པ་དང་བཅས་པ་སྒྲའི་ཉམས་དང་ལྡན་ནོ། །གཉིས་པ་ལ་ལྷོ་པ་དང་། ཤར་པ་གཉིས། དང་པོ་ལ། དཔེར་བརྗོད་དང་། མཇུག་བསྡུ་བ་གཉིས། དང་པོ་ནི། གང་གི་ཚེ་བྲམ་ཟེ་དགའ་བའི་རྒྱལ་པོ་ཞེས་བྱ་བ་འདི་ཡིས་རྒྱལ་སྲིད་ཀྱི་དཔལ་ཐོབ་པར་གྱུར་པ་དེ་ནས་བཟུང་སྟེ་སྡེ་བཞིའི་ཆོས་ཀྱི་དགའ་སྟོན་འཇིག་རྟེན་འདི་རུ་བྱུང་ངོ་། །རྒྱ་དཔེར་ཨེ་ཥ་དང་། ལ་ཀྵྨཱིམ། པྲ་སྟ་དང་། པྲི་ཡ། བྷྲྀ་ཏི་རྦྷརྨ་དང་། ས་བོ་བྷ་བ་ཏ། རྐང་པ་བཞི་ལ་རིམ་བཞིན་ཥ་ཡིག་ཏུ་མཚུངས་པ་ཡིག་དང་པོ་ཅན་གྱི་ར་ཡིག་ཏུ་མཚུངས་པ་པ་ཡིག་དང་པོ་ཅན་གྱི་ར་ཡིག་ཏུ་མཚུངས་པ། བརྩེགས་པ་དང་པོའི་ར་ཡིག་ཏུ་མཚུངས་པ། སྐྱེ་གནས་སུ་མཚུངས་པའོ། །དཔེར་ན། རྣམ་དཀར་རྣམ་དཔྱོད་རྣམ་མང་རྣམ་ཐར་རྣམས། །མ་ལུས་ཕུལ་བྱུང་བླ་མེད་སྤུངས་ཤིང་འཕྱུར། །རབ་ཡངས་(༢༤བ)

― GLG020_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

ངག་དབང་དབྱངས་ཅན་ལྷ་གང་ལ། །རྟག་ཏུ་བསྟོད་ཅིང་སྟོབས་ཆེན་རྟ་སོགས་སྟོབ། །ཅེས་རྐང་པ་དང་པོ་ལ་ར་ལ་ན་སྦྱར་བ། གཉིས་པ་སྐྱེ་གནས་གསུམ་པ་དབྱངས་གཅིག །བཞི་པ་བརྩེགས་པའོ། །བྲཱཧྨ་ཎའི་བྲཱ་རིང་པོ་ནི་བུ་རྒྱུད་ཀྱི་རྐྱེན་བྱིན་ཤུལ་ཡིན་པས་ཚངས་པར་བསྒྱུར་བ་མི་ལེགས་སོ། །གཉིས་པ་ནི། ཞེས་འདི་ཉིད་བཻ་དརྦྷ་ནི་འདོད་ཀྱི། གཽ་ཌ་པ་ནི། རྐང་པ་བཞི་ལ་རིགས་མི་མཐུན་པ་འདི་མི་འདོད་དེ། དེ་དག་ཀ་ལྟ་བུ་ཡི་གེ་གཅིག་ལ་བསྐོར་བ་དང་ཚིག་ལ་བསྐོར་བའི་ཚེ་རྐང་པ་དང་པོ་ལ་ཙ་ཡིག་དང་། གཉིས་པ་ལ་མ་ཡིག་དང་ལྡན་པའི་བ་ཡིག་ལ་བསྐོར་བ་ལ་སོགས་པའི་རྗེས་སུ་འཁྲིད་པ་ལ་དགའ་བས། སྦྱོར་བ་ཕལ་ཆེར་ཡང་རྗེས་སུ་འཁྲིད་པ་ཞེས་པ་བྱེད་དོ། །གཉིས་པ་ཤར་པ་ལ། མཚན་ཉིད་མདོར་བསྟན་པ། མིང་དང་སྦྱོར་བ་རྒྱས་པར་བཤད་པ། ཞར་བྱུང་ཟུང་ལྡན་སྨོས་པ་དང་གསུམ། དང་པོ་ནི། ཚིགས་བཅད་ལ་ལྟོས་པའི་རྐང་པ་རྣམས་དང་། བཅད་ལྷུག་གཉིས་ཀ་ལ་ལྟོས་ནས་ཚིག་རྣམས་ལ་དབྱངས་ལ་ངེས་པ་མེད་ཀྱང་། གསལ་བྱེད་ཀྱི་ཡི་གེ་གཅིག་ཡང་ཡང་བསྐོར་བ་ནི་རྗེས་སུ་འཁྲིད་པའོ། །དེ་ཡང་གལ་ཏེ་སྔ་མར་བཀོད་པའི་སྒྲ་ཉམས་སུ་མྱོང་བ་ནི་ཡི་གེའི་འདུ་བྱེད་ཡིན་ལ། ཡི་གེ་དེ་ཉིད་རྟོགས་པ་སྟེ་དྲན་པར་བྱེད་པའི་ཡི་གེ་སྔ་ཕྱི་ཐག་མི་རིང་བ་ཉིད་དུ་གནས་པ་ཞིག་དགོས་སོ། །གཉིས་པ་ལ། རྐང་པ་ལ་བསྐོར་བ། ཚིག་ལ་བསྐོར་བ། རིང་བར་ཐོས་པ། ཤར་པ་ཁོ་ན་འདོད་པའི་རྗེས་ཁྲིད་དང་བཞི། དང་པོ་ནི། སྟོན་(༢༥ན)

― GLG020_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ཀྱི་མཚན་མོ་ནམ་མཁའ་གཡའ་དག་པས་དབུ་རྒྱན་དུ་གྱོན་པའི་ཟླ་བ་དེ་ནི་དཀར་མཛེས་སོགས་ཀྱིས་ཀུ་མུ་ཏའི་ཕོན་པོར་སྐྱེ་བོ་འགའ་ཞིག་འཁྲུལ་བ་ལས། སླར་བརྟགས་ཚེ་རི་བོང་གི་མཚན་མ་ཨིནྡྲ་ནཱི་ལ་དང་མཚུངས་པའམ། ཡང་ན་བུང་བའི་ཁ་དོག་གི་དཔལ་ནི་ཡང་དག་པར་འཛིན་པས་ཟླ་བར་ངེས་སོ། །རྒྱ་དཔེར། རྐང་པ་བཞིའི་དང་པོ་རྣམས་སུ། ཙནྡྲ། ཀུནྡ། ཨིནྡྲ། སནྡྲ་ཞེས་། ན་ཡིག་དང་ལྡན་པའི་ད་ཡིག་ལ་བསྐོར་རོ། །དཔེར་ན། རག་གན་གསེར་གྱི་མདོག་ལྟར་རྫུ་བ་འགའ། །རང་འོད་རྣམ་པར་སྤྱོད་པའི་མཐུ་དམན་ཡང་། །རཀྟ་ལྟར་དམར་རྟོག་པ་འོག་འགྱུ་མཁན། །ར་ལུག་མི་ཡི་གཟུགས་བརྙན་ཅན་འདི་སུ། །ཞེས་པ་བོད་སྐད་ལ་འོས་པ་དང་། ཡང་ཡོན་ཏན་དབྱར་མཚོ་ལྟ་བུར་རྒྱས་འདོད་རྣམས། །ནན་ཏན་འབད་པ་ཆེན་པོས་མཁས་པར་འགྱུར། །འོན་ཏང་སྔོན་གོམས་བག་ཆགས་སད་པ་ལས། །ནན་ཏར་མ་བྱས་མཐོང་བ་ཙམ་གྱིས་ཤེས། །ཞེས་རྒྱ་དཔེ་དང་བསྟུན་ནས་བོད་སྐད་ལ་འདི་ལྟ་བུ། ལེའུ་གསུམ་པའི་ཟུང་ལྡན་ལ་ནི་ཡི་གེ་ཚོགས་པ་མཐའ་བརྟེན་སོགས་གཟུགས་ཐམས་ཅད་ཅིག་ཅིང་ཚིག་རྐང་སྔ་མའི་ཐོག་མཐའ་བར་གང་ལ་འོང་བ་དེ་ཕྱི་མར་མ་འཆོལ་བ་ཞིག་དགོས་ལ། རྗེས་ཁྲིད་ལ་ཀ་ལྟ་བུ་མཐའ་བརྟེན་ཕུལ་བྱེད་མཚམས་སྦྱོར་གྱི་ཡི་གེའི་སྲོག་ཞུགས་མེད་པ་འམ། ལྷོ་པ་ལྟར་དབྱངས་སྣ་ཚོགས་སྲོག་ཏུ་ཞུགས་ཆོག་པ་དང་། ཤར་པ་ལྟར་མཐའ་བརྟེན་སོགས་ལ་ངེས་པ་མེད་པའི་དབྱེ་བ་འདི་ནི་ཤོང་དཔང་གི་བརྒྱུད་འཛིན་རྣམས་མ་གཏོགས་མཁས་པ་ཕལ་ཆེར་གྱིས་དགོངས་པར་མ་མངོན་ནོ། །གཉིས་པ་ནི། ཀྱེ་མཛེས་མ་ནམ་མཁའ་ལ་ཟླ་བའི་དཀྱིལ་འཁོར་དཀར་ཞིང་མཛེས་པ་བསིལ་བའི་རེག་བྱ་འདིས། བདག་གི་ཡིད་དབང་མེད་དུ་ཡིད་སྲུབས་ཏེ་འདོད་ལྷས་མནན་ཅིང་བརྩེ་མེད་དུ་འཇོམས་པར་བརྩོན་(༢༥བ)

― GLG020_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འདི་ལ་ལྟོས་ལ་ཆགས་པ་སོལ་ཅིག །རྒྱ་དཔེར། རྐང་པ་བཞི་ལ་རིམ་བཞིན། ཙཱ་ཏུར། ཙཱནྡྲ་དང་། བིམྦ་དང་། མནྨ་དོ། མདྨ་དང་། རྡ་ཡཾ། དྱ་ཏཾ། ཞེས་ཙ་དང་། མ་དང་ལྡན་པའི་བ། ན་དངལྡན་པའི་མ། ར་དང་ལྡན་པའི་ཡ་ལ་བསྐོར་ཞེས་པ་ཡི་གེ་དེ་རྣམས་ཀྱི་བར་དུ་ཡི་གེ་མང་པོས་མ་ཆོད་པའི་ཤིན་ཏུ་མི་རིང་བར་ཐོས་པ་དག་ནི་ཚིག་ལ་བསྐོར་བའི་རྗེས་ཁྲིད་དུ་འདོད་དོ། །དཔེར་ན། པ་སངས་ལྟར་དཀར་པདྨའི་བཞིན། །མཛེས་ལྡན་སྒྱུག་མོ་གར་སྟབས་བསྒྱུར། །རྔ་ཤོན་རྔ་ཡབ་ཐོགས་ནས་འགྱིང་། །སྐད་སྙན་མགྲིན་གླུ་ལེན་ནམ་སྙམ། །ཞེས་པ་ལྟ་བུའོ། །གསུམ་པ་ནི། དགའ་མ་ཁྱོད་ཀྱི་བཞིན་རས་ཀྱི་ཆུ་སྐྱེས་དཀར་པོ་འདི་དང་མཚུངས་པ་ནི་ཟླ་བ་ཉིད་ཙམ་ཡིན་ཞེས་འཇིག་རྟེན་ན་མི་མཐུན་པ་མེད་པར་འདོད་དོ། །རྒྱ་དཔེར། རཱ་མཱ། ཙཱནྡྲ་མཱ་ཞེས་པའི་མ་གཉིས་ཀྱི་བར་དུ་ཡི་གེ་དགུ་ཙམ་གྱིས་ཆོད་པའོ། །དཔེར་ན། ལ་བའི་བེམ་པོ་གྱོན་པ་འགའ། །དོན་མེད་ལ་ལུང་མང་པོར་འཁྱམ། །བྱ་བྲལ་ཡིན་ཞེས་ལ་ལ་དད། །རྟགས་ཚེ་འཁྲུལ་བའི་རང་ཚང་ལ། །ཞེས་པ་ལྟ་བུ། བཞི་པ་ནི། ཁོ་མོ་བདག་གི་ལུས་ནི་མཛའ་བོ་དང་བྲལ་བའི་དབང་གིས་རིད་པོར་གྱུར་པས། ཡན་ལག་རྣམས་ཕྲ་ཞིང་གདུ་བུ་རྣམས་ཡངས་འཕྲོལ་དུ་རྒྱུག་པ། དེ་བཞིན་ངོ་ཚ་བས་མི་འདོད་པའི་ཁྲོ་བ་དེ་ཡང་ཕྲ་བ་སྟེ་ངོ་ཚ་དང་བྲལ་བ་ལྟ་བུར། འདོད་པ་ཆགས་པའི་མཚོན་ནི་རྣོ་ལ་རྩུབ་ན་ཡང་། སྙིང་རིང་བའི་མཛའ་བོ་ངན་པ་དེས་དོར་བས། ད་ནི་ལང་ཚོའི་ཁེངས་པ་ཉམས་ཤིང་མི་བཟོད་པའི་ཆགས་པ་དྲག་ཏུ་རྒྱས་ལ་འཁྲིག་པ་ཁོ་ན་ཡིད་ལ་འཆར་བའི་རྨོངས་པ་སྐྱེས་ཏེ། ད་ནི་སྲོག་རྣམས་སོད་པ་སྟེ་འཆི་བ་ལ་ཐུག་གོ་ཞེས་སོགས་སྦྱོར་བ་རྩུབ་པ་དང་། དེའི་འགལ་ཟླ་ལྷོད་པ་ཡང་ནི་ཤར་ཕྱོགས་པ་རྣམས་སྟེར་བ་སྟེ་སྦྱོར་བར་བྱེད་ལ། དེ་འདྲ་བའི་རྗེས་ཁྲིད་དེ་ནི་ལྷོ་ཕྱོགས་པ་རྣམས་མི་(༢༦ན)

― GLG020_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་པས་མི་སྦྱོར་བ་དེའི་ཕྱིར་རོ། །འདིའི་རྩུབ་པ་ནི། རྒྱ་དཔེར། སྨ་རཿ ལྟ་བུ་རྣམ་བཅད་ཡོད་པ་རྣམས་དང་། ལྷོད་པ་ཨོ་ཡིག་སྲོག་ཏུ་ཞུགས་པ་དང་། ཙནྡྲ་གོ་མིའི་ཡི་གེའི་མདོར་བཤད་པའི་ཡི་གེ་འཇམ་རྩུབ་དང་མི་མཐུན་ཀྱང་། ངག་ནས་འདོན་པའི་སྒྲ་མཚུངས་པ་ཙམ་བོད་སྐད་ལ་ཡང་རྩུབ་པ་ནི། སངས་རྒྱས་ཀྱི་བཀས། ཁྱོད་ཀྱི་སྨྲས། ཞེས་པ་ལྟ་བུ། ལྷོད་པ་ནི། གསུང་མཉན་ཞེས་པ་ལྟ་བུ་སྟེ། ཙནྡྲ་གོ་མིའི་ཡི་གེའི་མདོའི་སྲོག་ཆེ་ཆུང་ལས་རྒྱ་ཆེ་བར་སུམ་རྟགས་ནས་བཤད་པའི་ཕོ་དང་ཤིན་ཏུ་མོ་སོགས་ཀྱི་རྣམ་གཞག་དཎྜཱིའི་གཞུང་དངོས་ལ་བརྟེན་ནས་འཆད་རྒྱུ་མེད་ཀྱང་བོད་སྐད་ཀྱི་གདངས་ལ་བརྟེན་ནས་རྒྱ་དཔེ་དང་འདྲ་མཚུངས་སུ་སྦྱོར་བ་སློབ་དཔོན་མཁས་པའི་ལེགས་བཤད་གསར་པའོ། །དཔེར་ན། སྒྲ་སྒྲོག །ཁ་གདངས། མཆེ་བ་གཙིགས། ཧ་ཧ་སྒྲོག་ཅིང་ཐག་པས་བསྡམ། མི་སྙན་གཏམ་ཟེར་སྐེད་མེད་ལ། །དགའ་བྱེད་སྐྱེས་བུ་ཉམས་རེ་དགའ། །ཞེས་པ་ལྟ་བུ། གསུམ་པ་ཞར་བྱུང་ཟུང་ལྡན་སྨོས་པ་ནི། ཡི་གེ་བསྐོར་བ་ཁོ་ན་རྗེས་ཁྲིད་དང་། གཉིས་གསུམ་སོགས་འདྲ་བ་ཚོགས་པས་བསྐོར་བའི་སྔ་མ་བཀོད་པའི་སྤྱོད་ཡུལ་དུ་ཕྱི་མ་རྣམས་ཇི་ལྟ་བར་གྱུར་པ་ནི་ཟུང་དང་ལྡན་པར་རིག་པར་བྱ་ལ། དེ་ཡང་མཐའ་གཅིག་ཏུ་སྙན་པ་མིན་པས། དེའི་ཕྱིར་ན་ལེའུ་དང་པོ་འདིར་ཅུང་ཟད་བརྗོད་ཀྱི། འདི་དང་འདྲ་བ་རྣམས་ལེའུ་གསུམ་པར་བཤད་པར་བྱའོ། །གཉིས་པ་དོན་གྱི་ཉམས་ནི། བཤད་མ་ཐག་པའི་སྒྲའི་(༢༦བ)

― GLG020_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ཀྱང་སྟན་པའི་རོ་དང་ལྡན་མོད། འོན་ཀྱང་ངེས་པར་ཐུན་མོང་དང་ཐུན་མོང་མ་ཡིན་པའི་རྒྱན་རྣམས་ཀུན་ལ་ཡང་བལྟ་བ་དང་མཉན་པ་སོགས་དོན་གྱི་ཉམས་ཁྱད་པར་ཅན་དག་སྦྱིན་པར་བྱེད་པ་གཙོ་ཆེའོ། །གསུམ་པ། གཉིས་ཀ་ལ་གྲོང་ཚིག་སྤང་བ་ལ། སྤྱི་དང་། བྱེ་བྲག་གཉིས། དང་པོ་ནི། དེ་ལྟ་ན་ཡང་གྲོང་པ་ཉིད་ཀྱི་ཚིག་གིས་བསླད་པ་མིན་པའི་བརྗོད་བྱ་དོན་གྱི་ཉམས་དང་ལྡན་པའི་སྙན་ངག་གི་ཁུར་ནི་ཚུལ་འདི་ལ་མཁས་པ་ཕལ་ཆེར་གྱིས་འཛིན་ནོ། །གཉིས་པ་ལ། དོན་གྱི་གྲོང་པ་སྤང་བ། སྒྲའི་གྲོང་པ་སྤང་བ། དོན་བསྡུ་བ་དང་གསུམ། དང་པོ་ལ། སྤང་བྱའི་གྲོང་པ་ངོས་བཟུང་བ། སྤོང་བྱེད་ཀྱི་ཉམས་ཇི་ལྟར་སྦྱིན་པ་གཉིས། དང་པོ་ནི། འཁྲིག་པའི་བདེ་བ་ཁོ་ནའི་འདོད་པ་དང་ལྡན་པའི་སྐྱེ་བོ་བདག་ལ། གཞོན་ནུ་མ་ཁྱོད་ནི། ཇི་ལྟར་འདོད་པ་བརྟེན་པར་མི་བྱེད་དེ་བྱེད་དགོས་སོ་ཞེས་པ་འདི་ལ་གྲོང་པའི་ཚིག་དངོས་སུ་ཞུགས་པས་དོན་གྱི་བདག་ཉིད་ཉམས་དང་བྲལ་བ་ཁོ་ནར་བྱེད་པས་སྤང་དགོས་སོ། །དཔེར་ན། ཡིད་དུ་འོང་པའི་བུ་མོ་ཁྱོད། །འབོལ་ཞིང་འཇམ་པའི་མན་སྟན་ལ། །བདག་དང་ལྷན་ཅིག་ཉལ་བྱས་ནས། །འཁྲིག་པའི་བདེ་བ་དགའ་མགུར་སྤྱོད། །ཅེས་པ་ལྟ་བུ། གཉིས་པ་ནི། གཡོན་མིག་མ་ཟུར་གྱིས་བལྟ་བས་བརྟན་པ་འཕྲོག་པར་བྱེད་པའི་འདོད་པའི་གཏུམ་པོ་འདི་ནི་ངེས་པར་བདག་ལ་བརྩེ་བར་མེད་པར་འདོད་པས་གདུང་བར་བྱེད་ནའང་། ཁྱོད་ལ་ཁྲོ་བ་མེད་པའི་སྟེང་དུ་ཤིན་ཏུ་དགའ་བར་བྱེད་པ་འདི་ཉིད་ཅི་ཡིན་ཞེས་བརྗོད་པ་ནི། གྲོང་པའི་དོན་(༢༧ན)

― GLG020_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་མིན་པར་སྙན་ངག་གི་རོ་དང་ལྡན་པ་ཡིན་ནོ། །དཔེར་ན། འདྲེན་བྱེད་ཟུར་གྱིས་བལྟ་བའི་འོད། །བདག་ཡིད་འདབ་བརྒྱ་ཅི་ཡང་བཞད། །དབང་པོའི་བུང་བ་ཆུ་སྐྱེས་ཀྱི། །རྩེད་འཇོར་རོལ་ཅིག་སྨིན་ལེགས་མ། །ཞེས་པ་ལྟ་བུ། གཉིས་པ་སྒྲའི་གྲོང་པ་སྤང་བ། སྐྱོན་བརྗོད་དང་བཅས་ཏེ་དཔེས་སྤྱིར་བསྟན་པ། དབྱེ་བ་སོ་སོར་བཤད་པ། དམིགས་བསལ་ཁས་ལེན་པ་དང་གསུམ། དང་པོ་ལ། དངོས་དང་དཔེར་བརྗོད་གཉིས། དང་པོ་ནི། དོན་ཙམ་དུ་མ་ཟད། སྒྲ་ལའང་གྲོང་པའི་ཚིག་ཉིད་ཞུགས་པ་ཡོད་དེ། དེའི་མཐུས་ནི་སྙན་ངག་ལེགས་པའི་ཅིག་ཤོས་མི་ལེགས་པར་གྲགས་པས་སྤང་དགོས་སོ། །གཉིས་པ་ནི། གྲོང་ཚིག་གི་དཔེ་ནི། དགའ་བའི་དགའ་སྟོན་སྟེ་འཁྲིག་པ་གོ་བར་བྱེད་པ་བརྗོད་པ་ལ། ཇི་ལྟར། ཡཱ་ཡིག་དང་། ལ་སོགས་པའི་སྒྲས། བྷ་ཡིག་གཉིས་ཚོགས་ན། ཡཱ་བྷ་ཞེས་པ་འཁྲིག་པའི་དངོས་མིང་ཡིན་པས་མི་མཛེས་པ་བཞིན། རྒྱས་པར་འོག་ཏུ་འབྱུང་ངོ་། །གཉིས་པ་དབྱེ་བ་སོ་སོར་བཤད་པ་ལ། རྣམ་གྲངས་མདོར་བསྟན་པ། དཔེར་བརྗོད་རྒྱས་པར་བཤད་པ་གཉིས། དང་པོ་ནི། སྒྲ་ལ་གྲོང་ཚིག་ཞུགས་ཚུལ་དེ་ཡང་འགའ་ཞིག་ཏུ། །ཚིག་གི་མཚམས་སྦྱོར་ཉམས་པའི་དབང་གིས་ཞུགས་པ་དང་། །སླར་ཡང་དེར་མ་ཟད་ངག་ཚིག་གཅིག་ལ་གོ་བྱའི་དོན་ཐ་དད་པ་དག་གིས་ཀྱང་ངེས་པར་ལེགས་པ་མ་ཡིན་པ་རྟོགས་པར་བྱེད་པའི་གྲོང་པའི་ཚིག་རྣམ་པ་གཉིས་འབྱུང་ངོ་། །གཉིས་པ་ལན་མཚམས་སྦྱོར་ལོག་པ་(༢༧བ)

― GLG020_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། ཚིག་གཅིག་དོན་ཐ་དད་དུ་གོ་བ་གཉིས། དང་པོ་ནི། ཡཱ་གང་དང་། བྷ་བ་ཏ༔ཁྱོད་ཀྱི་དང་། པྲི་ཡཱ་དགའ་མ་ལ་འཇུག་པ་བཞིན། གང་ཁྱོད་ཀྱི་དགའ་མ་ཞེས་འབྱུང་ལ། གཅོད་མཚམས་ལོག་ན། ཡཱ་བྷ། འཁྲིག་པ། བ་ཏཿ ལྡན་པས་འཁྲིག་པ་དང་ལྡན་པའི་དགའ་མ་ཞེས་གྲོང་ཚིག་ཏུ་འགྲོའོ། །དཔེར་ན། གྲུབ་ཆེན་ཉམས་ལེན་བྱེད་འདོད་བློ། །ཆུང་ཆུང་ཕུག་པར་ཉལ་བར་དགའ། །ཕྱག་ཆེན་བསྒོམས་པས་ཉོན་མོངས་ཀུན། །འཕེལ་བ་མཐའ་དག་ཞི་བར་བྱེད། །ཅེས་པ་ལྟ་བུ། །གཉིས་པ་ནི། བཱིཪྻ་བརྩོན་འགྲུས། བི་ཤྲནྟཿརྣམ་པར་གནས་པ་ལ་འཇུག་པས། གཡུལ་དུ་གཞན་གྱི་དཔུང་ཚོགས་ལ་མཚོན་ཆ་བསྣུན་ནས་གཞོམ་པར་བྱེད་པའི་སྐྱེས་བུ་བརྩོན་འགྲུས་དང་ལྡན་ཞིང་། བརྟུལ་ཕོད་པས་ནི་རྣམ་པར་རྒྱལ་བའི་ས་ལ་གནས་པར་གྱུར་ཏོ། །ཡང་ན་སྐད་དོད་སྔ་མ་ཁུ་བ་དང་། ཕྱི་མ་རྣམ་པར་ངལ་བ་ལ་གོ་བས། གཞན་བུད་མེད་ལ་བསྣུན་པའི་སྐྱེས་བུ་ནི་ཁུ་བ་དང་ལྡན་པས་རྣམ་པར་ངལ་ལོ་ཞེས་པ་འབྱུང་ངོ་། །དཔེར་ན། སྔོ་གསང་མ་འདིའི་མཚན་མ་ལ། །ཁུ་བའི་དཀྱིལ་འཁོར་ཡོངས་སུ་འཁྱིལ། །བཅུད་བྲལ་མང་པོ་རབ་ཚོགས་ནས། །དད་གུས་ཀྱིས་འདུད་ཚིམ་མེད་བསྟེན། །ཞེས་པ་ལྟ་བུ། གསུམ་པ་མཇུག་བསྡུ་བ་ནི། གྲོང་ཚིག་དེ་ལྟ་བུ་སོགས་ལྷོ་ཤར་གཉིས་ཀའི་ལམ་དག་ལ་ཡང་བསྔགས་པ་མ་ཡིན་པས་ན་སྤང་དགོས་སོ། །གསུམ་པ་དམིགས་བསལ་ནི། བྷ་ག་ནི་མོ་མཚན་དང་སྐལ་པ། ཝ་ཏཱི་ལྡན་མ། བྷ་གི་ནཱི་སྲིང་མོ་ལ་འཇུག་པས། (༢༨ན)
ཞེས་སོགས་ཏེ་སྦྱོར་ཚུལ་མི་འདྲ་བ་གཉིས་བྱུང་ཡང་། རང་གི་སྲིང་མོ་ལ་ངོ་ཚ་བའི་གཏམ་མི་སྨྲ་བས། སྲིང་མོ་སྐལ་ལྡན་ཞེས་པ་ལས་འོས་མེད་ཅིང་། དེས་ན་དམིགས་བསལ་འདི་ནི་རྣམ་པ་ཀུན་ཏུ་ལྷོ་ཤར་གཉིས་ཀས་ཁས་ལེན་པ་ཉིད་ཡིན་ནོ། །དཔེར་ན་བདག་གི་སྲིང་མོ་མཚན་ལྡན་འདི། །ཕ་ལ་ནམ་ཡང་ཉེ་བར་གུས། །དྲིན་ལྡན་མ་མ་འདོད་པའི་རྟེན། །ཇི་སྙེད་བུ་ཚ་རྣམས་ཀྱིས་བསྒྲུབ། །ཅེས་པ་ལྟ་བུ། གསུམ་པ་སྙན་པའི་མཇུག་བསྡུ་བ་ནི། སྔར་བསྟན་པ་དེ་ལྟར་སྙན་པའི་ཡོན་ཏན་རྣམ་པར་ཕྱེ་ནས་བཤད་ཟིན་ནོ། །

ཤིན་ཏུ་གཞོན་པའི་ཡོན་ཏན་བཤད་པ།

― GLG020_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིན་ཏུ་གཞོན་པའི་ཡོན་ཏན་བཤད་པ།ལྔ་པ་ཤིན་ཏུ་གཞོན་པ་ལ་ལྷོ་ཤར་གཉིས། དང་པོ་ལ། དམ་བཅའ་བ། མཚན་ཉིད། དཔེར་བརྗོད། དོན་བསྡུ་དང་བཞི། དང་པོ་ནི། ད་ནི་ཤིན་ཏུ་གཞོན་པ་ཞེས་བྱ་བ་བཤད་པར་བྱའོ། །གཉིས་པ་ནི། རྩུབ་པ་མིན་པའི་འཇམ་པའི་ཡི་གེ་མང་བ་ནི། ལྷོ་ཕྱོགས་པའི་ལམ་འདིར་ཤིན་ཏུ་གཞོན་པའི་མཚན་ཉིད་དུ་འདོད་ལ། གང་གི་ཕྱིར་ཡི་གེ་ཐམས་ཅད་མཉེན་པ་སྟེ་འཇམ་པ་འབའ་ཞིག་ནི་མི་དགོས་ཏེ། དེ་ལ་སྦྱོར་བ་ལྷོད་པའི་སྐྱོན་དུ་བཤད་དོ། །གསུམ་པ་ནི། ཆར་སྤྲིན་གྱི་ཕྲེང་བ་ལྡན་པ་དབྱར་གྱི་དུས་སུ་སྐད་སྙན་པར་སྒྲོག་པའི་མགྲིན་པ་དང་ལྡན་པ་རྨ་བྱ་ཡི་ནི་མཇུག་མ་དག་གདུགས་ཕུབ་པ་ལྟར་ཟླུམ་པོར་བྱས་ནས་གར་བྱེད་དོ། །རྒྱ་དཔེ་ལ། ལཎྜ་ལཱི་ཀྲི་དྱ་སོགས་འཇམ་པའི་ཡི་གེ་ཤས་ཆེ་བར་གནས་པའོ། །དཔེར་ན། སྦྲང་རྩིའི་རྒྱལ་མཚན་འདབ་མའི་དབུས། ཟེའུ་འབྲུའི་ཕང་ཕུང་ལྡན་པ་ལ། །བུང་བ་གཞོན་ནུ་སྙན་པའི་གླུ། །ལེན་ཞིང་རོ་བཅུད་མྱང་བར་བྱེད། །ཅེས་པ་ལྟ་བུ། བཞི་པ་ནི། ཞེས་པ་དེ་ནི་དོན་རྒྱས་པ་ཟབ་ཅིང་བརླིང་བ་ཉིད་མ་ཡིན་ལ། རྒྱན་ཡང་རང་(༢༨བ)
བཞིན་བརྗོད་པ་ཙམ་མ་གཏོགས། ཕུལ་དུ་བྱུང་བ་དེ་འདྲ་ཡོད་པ་མིན་པ་སྟེ་མིན་མོད། འོན་ཀྱང་ཤིན་ཏུ་གཞོན་པ་ཉིད་ཀྱི་ཚིག་སྦྱོར་དེ་ལྟ་བུ་ནི་ཡི་གེ་འཇམ་ཞིང་ངག་ནས་བརྗོད་བདེ་བའི་ཕྱིར་དམ་པ་སྟེ་མཁས་པ་རྣམས་ཀྱི་ཁ་ན་གནས་སོ། །གཉིས་པ་ལ་འདོད་ཚུལ་དང་། དཔེར་བརྗོད་གཉིས། དང་པོ་ནི་ཤིན་ཏུ་གཞོན་པའི་ཚིག་སྦྱོར་དེས་དོན་གསལ་བར་མཐོང་བའི་ཕྱིར། གཞན་ཤར་ཕྱོགས་པ་དག་སྐབས་འགར་འཇམ་པ་སྦྱོར་བ་སྲིད་མོད་ཀྱང་། ཕལ་ཆེར་ནི་རྩུབ་པ་བརྗོད་པར་དཀའ་བ་དག་སྦྱོར་རོ། །གཉིས་པ་ནི། ནྱཀྵ་སྟེ་དགྲ་སྟེ་རཱ་མ་ཎས་སྲིད་སྒྲུབ་བསད་པའི་རྗེས་སུ། འགལ་ཟླའི་རྒྱལ་རིགས་རྣམས་ཀྱི་ཕྱོགས་སྐད་ཅིག་གིས་ཉམས་པར་བྱས་སོ། །འདིར་རྒྱ་དཔེ་ལ་ཀྵ་ཡིག་ལྔ་ཙམ་ཚོགས་པས་བརྗོད་དཀའ་བ་སྟེ། དཔེར་ན། ཁོང་ཁྲོས་ཁ་ཡི་སོ་ལྕེ་ཐཾ་ཐཾ་དུ། །བསྒྲིག་ཅིང་ཤཀྠི་ཐོགས་ནས་རྒྱུག་བྱེད་ཅིང་། །ཁུ་སྒྲས་ས་ཕྱོགས་འགེངས་པའི་ཧོར་འདྲ་སྟེ། །རྒྱལ་རྗེའི་དམའ་འབེབས་ཁོ་རའི་ཐོང་ཡང་འགྲིབ། ཅེས་པ་ལྟ་བུ།

དོན་གསལ་བའི་ཡོན་ཏན་བཤད་པ།

― GLG020_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་གསལ་བའི་ཡོན་ཏན་བཤད་པ།དྲུག་པ་དོན་གསལ་ལ། ལྷོ་ཤར་གཉིས། དང་པོ་ལ་མཚན་ཉིད་དང་། དཔེར་བརྗོད་གཉིས། དང་པོ་ནི། བརྗོད་བྱའི་དོན་གསལ་བས། དོན་དེ་གཏན་ཚིགས་ཀྱིས་བརྟག་མི་དགོས་པར་རྟོགས་ནུས་པ་ཉིད་དོ། །གཉིས་པ་ནི། འཕྲོག་བྱེད་དེ་ཁྱབ་འཇུག་གིས་ནི་ཕག་པའི་གཟུགས་སུ་སྤྲུལ་ནས། ས་གཞི་དག་རྒྱ་མཚོར་བྱིང་བ་ལས་འདོན་པའི་ཆེད་དུ་མཚོའི་ནང་དུ་ཞུགས་ཏེ་ཕྱིན་པ་ན་རྨིག་པས་ཀླུའི་གཟུགས་རྣམས་བཅད་པའི་ཁྲག་གིས་ཆུའི་གཏེར་དམར་པོར་གྱུར་པ་ལས་ས་གཞི་ཕྱུང་ངོ་། །ཞེས་པ་རིག་བྱེད་ཀྱི་གཏམ་རྒྱུད་རྣམས་འཇིག་(༢༩ན)
རྟེན་ན་གྲགས་ཆུང་ཡང་། ཆུ་མདོག་དམར་པོར་འགྲོ་བ་བརྟག་མི་དགོས་པར་གསལ་བ་ལྟ་བུ་སྟེ། དཔེར་ན། སྔོ་བསངས་གོ་སྐབས་ཀུན་ནས་འཕྲོག་བྱེད་པའི། །ཟླ་བའི་མ་མ་ལས་འོངས་འོད་རྣོན་ཅན། །བི་ཤ་ཀརྨས་ལན་བརྒྱར་བདར་བ་ལ། །ནེ་རུ་ཀ་ཡི་འདོད་པ་ཡོངས་སུ་རྫོགས། །ཞེས་པ་ལྟ་བུ། །གཉིས་པ་ལ་དཔེར་བརྗོད། དོན་བཤད་པ། མཇུག་བསྡུ་བ་དང་གསུམ། དང་པོ་ནི། ཁྱབ་འཇུག་གིས་ཕག་པ་ཆེན་པོ་དག་ཏུ་སྤྲུལ་ནས་ཕྱུང་བའི་ས་འདི་ཆུ་གཏེར་ཏེ། རྒྱ་མཚོ་དམར་པོ་དག་ལས་བྱུང་ངོ་། །གཉིས་པ་ནི། ཞེས་པའི་སྦྱོར་བ་འདི་ཉིད་བསྟན་པ་ནི། བརྗོད་བྱ་སྔ་མ་དང་གཅིག་ཀྱང་། བརྗོད་བྱེད་ཀྱི་ཚིག་སྦྱོར་མི་གསལ་བའི་དབང་གིས། ཆུ་དམར་པོ་བྲང་འགྲོ་སྟེ་ཀླུའི་ཁྲག་ལས་བྱུང་ཡང་དེ་ནི་ཞིབ་ཏུ་བརྟག་དགོས་པ་ཉིད་དོ། །དཔེར་ན། འཆི་མེད་བདག་པོའི་ཚོགས་ཀྱི་སྒྱུ་རྩལ་ལས། །འཇིག་རྟེན་མཐོང་བར་བྱེད་པའི་མི་ཟད་འོད། །ལུས་ཕྲ་ཅན་གྱིས་བཟོད་མི་བཟློག་པའི་ཐབས། །སྣ་ཚོགས་ལས་ཀྱི་དུམ་བུར་ཆ་རུ་བགོས། །ཞེས་པ་ལྟ་བུ། གསུམ་པ་ནི། བཤད་མ་ཐག་པའི་ལམ་འདི་ལྷོ་ཤར་གཉིས་ཀ་དག་ལ་ཡང་། དོན་རྟོགས་པའི་སྐལ་པ་བཟང་པོ་དང་མི་ལྡན་ཤིང་། ཆུ་གཏེར་དམར་པོ་ལས་བྱུང་བའི་གཏན་ཚིགས་ནི་རྗོད་བྱེད་ཀྱི་སྒྲས་མ་ཟིན་ཞིང་རིགས་པས་ཀྱང་བསྒྲུབ་ཏུ་མེད་པས། དེ་གཉིས་ཀ་ལས་འགོང་བ་འདི་འདྲ་ཤར་ཕྱོགས་པ་རེ་རེ་ཙམ་མ་གཏོགས། ལྷོ་ཤར་ཕལ་ཆེ་བ་བཞེད་པ་མིན་ནོ། །

རྒྱ་ཆེ་བའི་ཡོན་ཏན་བཤད་པ།

― GLG020_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་ཆེ་བའི་ཡོན་ཏན་བཤད་པ།བདུན་པ་རྒྱ་ཆེ་བ་ལ་ལྷོ་ཤར་གཉིས། (༢༩བ)

― GLG020_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་ལ། མཚན་ཉིད་དཔེར་བརྗོད། དོན་བསྡུ་བ་གསུམ། དང་པོ་ནི། ཚིག་སྦྱོར་གང་དུ་དོན་འགའ་ཞིག་དངོས་སུ་བརྗོད་པའི་ཤུགས་ལ། ཡུལ་དེ་ཉིད་དུ་ཁྱད་པར་འཕགས་པ་དང་ལྡན་པའི་ཡོན་ཏན་རྟོགས་ནུས་པ་དེ་ནི་རྒྱ་ཆེན་པོར་གྱུར་པའི་ཡོན་ཏན་གྱི་མཚན་ཉིད་དུ་བརྗོད་དེ། དེས་ནི་སྙན་ངག་གི་ལམ་ཀུན་གྱི་མགོན་དང་བཅས་པ་སྟེ་མཆོག་ཡིན་ནོ། །ལེའུ་གཉིས་པའི་རྒྱ་ཆེ་བ་དང་མི་འདྲ་བར་ཡུལ་གང་ལ་སྦྱར་ཀྱང་ཆོག་གོ །གཉིས་པ་ནི། སློང་བ་རྣམས་ཀྱི་བཀྲེན་པས་ཉེན་པའི་མིག་དག་སྦྱིན་དུ་རེ་བས་ལན་གཅིག་ཙམ་ཁྱོད་ཀྱི་གདོང་ལ་ལྷུང་བ་སྟེ་ལྟ་བར་བྱས་ན། ལྷ་གཅིག་དེས་གནས་སྐབས་སུ་ཇི་ལྟར་འདོད་པའི་དངོས་པོས་ཚིམ་པར་བྱས་པའི་མཐུ་དེ་ཡིས། སླར་སློང་བས་ཆེད་དུ་སྦྱིན་པ་པོ་གཞན་གྱི་གདོང་ལ་བལྟ་དགོས་པ་མ་ཡིན་ནོ། །དཔེར་ན། ཤོང་དཔང་རིག་བྱེད་འཆད་པའི་རྣམ་ཐར་དྲི། །སྔོན་བྱུང་ལོ་རྒྱུས་མ་ལ་ཡ་རླུང་གིས། །དྲངས་པས་དད་པའི་སྤུ་ལོང་གཡོས་པ་ན། །འདྲེན་པ་གཞན་ལ་མཁས་པའི་རེ་བ་ལྷོད། །ཅེས་པ་ལྟ་བུ། གསུམ་པ་ནི། ཞེས་པ་འདི་ཉིད་ཀྱི་ངག་གི་སྦྱོར་ལུགས་འདི་ལ་གཏོང་བའི་སྦྱིན་པ་ཁྱད་པར་དུ་འཕགས་པར་མཚོན་ཞིང་། ལམ་འདི་ཉིད་ཀྱི་ཤུགས་ལ་དཔའ་བརྟུལ་སོགས་གཞན་དག་ཀྱང་རིགས་པས་མཚུངས་པས་དཔག་པར་བྱའོ། །གཉིས་པ་ཤར་པ་ལ་མཚན་ཉིད་དང་། དཔེར་བརྗོད་གཉིས། དང་པོ་ནི། བསྟོད་ཡུལ་གྱི་བསྔགས་པར་འོས་པའི་ཁྱད་པར་གྱི་ཆོས་དངོས་པོ་འགའ་ཞིག་དངོས་སུ་བརྗོད་(༣༠ན)
པ་ན། ཤུགས་ཀྱིས་ཁྱད་ཆོས་དངོས་པོ་དེ་རྣམས་དང་ལྡན་པའི་ཁྱད་གཞི་ཡུལ་དེའི་ཡོན་ཏན་ངོ་མཚར་རྒྱ་ཆེན་པོ་དང་ལྡན་པར་རྟོགས་ནུས་པའི་ངག་དེ་ནི། རྒྱ་ཆེ་བར་ཤར་ཕྱོགས་པ་འགའ་ཞིག་འདོད་དོ། །གཉིས་པ་ནི། རྩེ་དགའ་ལ་རོལ་བའི་དུས་དགའ་བ་སྐྱེད་པའི་གཞི་ཆུ་སྐྱེས་ཏེ་པདྨའི་མཚོ་རྫིང་དང་། གསེར་གྱི་རྣ་རྒྱན་དང་། གདུ་བུ་ལ་སོགས་པའི་མཛེས་པའི་རྒྱན་མང་པོ་ཞིག་ལ་བསྔགས་པའི་ཤུགས་ལ། རྒྱན་འདི་བཏགས་ནས་རྫིང་བུར་ཁྲུས་ལ་འཇུག་པའི་སྨིན་ལེགས་མ་དེ་ཁྱད་འཕགས་སུ་སྟོན་ནུས་པ་བཞིན་ནོ། །དཔེར་ན། སྤང་ལྗོངས་མརྒད་འོག་པག་གྱོན། །རབ་དཀར་ཆུ་ཁུར་ལང་ལོང་གཡོ། །འབྲུག་གི་སྒྲ་དབྱངས་དར་དིར་སྒྲོག །རྨ་བྱ་གཞོན་ནུ་ཟློས་གར་བསྒྱུར། །ཅེས་པ་ལྟ་བུ།

བརྗིད་པའི་ཡོན་ཏན་བཤད་པ།

― GLG020_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗིད་པའི་ཡོན་ཏན་བཤད་པ།བརྒྱད་པ་བརྗིད་པ་ལ་སྤྱིར་བསྟན་པ། སོ་སོར་བཤད་པ་གཉིས། དང་པོ་ནི། བརྗིད་པ་ནི། འབྲུ་མང་ལ་སོགས་པ་ཀ་ཙན་གྱི་བསྡུ་བའི་སྐབས་ནས་བྱུང་བའི་ཚིག་སྡུད་མང་པོ་ཡོད་པ་ཉིད་འདི་ནི་ལྷུག་པ་དག་གིས་སོས་ཏེ་མཆོག་ཏུ་གྱུར་པས། བརྗིད་པ་ལྷུག་པ་ལ་སྦྱོར་བ་ཤར་པ་མི་འདོད་པ་མ་ཡིན་ཀྱང་། གཙོ་བོར་ལྷོ་པ་ཉིད་འདོད་དོ། །དཔེར་ན་ལྷོ་ཤར་གཉིས་ཐུན་མོང་དུ། སྙན་ཚིག་རིག་པ་ཀུན་འཆད་ཟླ་བྲལ་མཁས་ཁྱོད། ཤོང་དཔང་བསྟན་འཛིན་མཆོག་གྱུར་བློ་གསལ་དགའ་བསྐྱེད། །རྒོལ་ངན་ཀླད་འགེམས། རིག་གནས་ཕྱོགས་བཅུར་སྤེལ་གང་རྒྱལ་འགྱུར་ཏོ། །ཞེས་པ་ལྟ་བུ། གཉིས་པ་ལ་ཤར་ལྷོ་གཉིས། (༣༠བ)

― GLG020_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་ལ། འདོད་ཚུལ། མཚན་ཉིད། དཔེར་བརྗོད། མཇུག་བསྡུ་བ་དང་བཞི། དང་པོ་ནི། ཡང་གི་སྒྲས་ལྷུག་པ་ལ་མི་འདོད་པ་མིན་ཀྱང་། ཤར་ཕྱོགས་པ་རྣམས་ཚིགས་བཅད་ལ་བརྗིད་པ་འདི་ཉིད་དཔུང་དང་གཉེན་གྱི་གཙོ་བོར་བཞེད་དོ། །གཉིས་པ་ནི། བརྗིད་པ་དེ་ལ་པྲ་སྟཱ་ར་ལྕི་བ་དང་ཡང་བ་རྣམས་དོ་མི་མཉམ་པར་ལྕི་བ་མང་ལ་ཡང་བ་ཉུང་བ་ཉིད་དང་དེ་ལས་ལྡོག་སྟེ་སྤེལ་བས་མཐོ་བ་དང་དམའ་བ་ཡི་ནི་ལྕི་ཡང་རྣམ་པར་འཁྲུགས་ཤིང་། བསྡུ་བ་དང་བཅས་ཏེ་བརྗིད་པར་འདོད་པ་དེ་ཡང་། བརྗོད་པ་དང་གཏམ་ལ་སོགས་པ་རྣམས་ལ་ལྟ་ཞིང་སྦྱར་རོ། །གསུམ་པ་ནི། ནུབ་ཕྱོགས་ཀྱི་རི་བོའི་མགོར་ལྷུང་བ་སྟེ་གནས་པ་ལྟ་བུའི་དེའི་ཕྱོགས་མཐའ་དག་མཚམས་སྤྲིན་དམར་པོ་ཉི་མའི་འོད་ཀྱི་མལ་སྟན་ཅན་དང་། ཆུ་ལྡན་མ་སྟེ་ཆུའི་ལྷ་མོ་ཞེས་བོས་ནས། བཤད་མ་ཐག་པའི་མཚམས་སྤྲིན་འདི། ཁྱོད་ཀྱི་ནུ་མ་བསྲ་ཞིང་མཁྲེགས་པ་ལ་གནས་པའི་སྟོད་གཡོགས་ཀྱི་གོས་དམར་པོ་ལྷབ་ལྷུབ་ཏུ་གཡོ་བ་བཞིན་མཛེས་སོ། །རྒྱ་དཔེར་ཚིག་སྡུད་མང་དུ་ཡོད་པས་བརྗིད་ཅིང་ཕྱེད་སྔ་མ་ལ་ལྕི་བ་དགུ་དང་། ཡང་བ་བདུན་འབྱུང་ངོ་། །དཔེར་ན། གཡོན་མིག་དཀྱུད་ཕྲ་ཟུར་འཕང་སྐྱེས་བུ་ལ། །རྣོ་མཚོན་ལ་འགོང་མི་ཟད་གདུང་བ་སྐྱེད། །འདོད་པ་མི་ལྡན་འཕགས་རྣམས་མི་སྡུག་མིག །ཕྲ་མོའི་དབྱེ་བ་མི་མངའ་ངོ་མཚར་ཆེ། །ཞེས་པ་ལྟ་བུ། བཞི་པ་ནི། ཞེས་པའི་ཚིག་སྡུད་དང་བཅས་པའི་དོ་མི་མཉམ་པ་ནི་བརྗིད་པ་དང་ལྡན་པའི་ཚིག་འདི། ཚིགས་བཅད་ལ་ཡང་ཤར་པ་དག་སྦྱོར་རོ། །གཉིས་པ་ལྷོ་ཕྱོགས་པ་ལ། མཚན་(༣༡ན)
ཉིད་དང་། དཔེར་བརྗོད་གཉིས། དང་པོ་ནི། གཞན་ལྷོ་ཕྱོགས་པ་དག་གཙོ་བོར་ལྷུག་པ་ལ་འདོད་ཀྱང་། ཚིགས་བཅད་ལ་ཡང་མི་བཞེད་པ་མེད་པས། དེའི་མཚན་ཉིད་ནི། པྲསྟ་ར་ལྕི་ཡང་འཁྲུགས་པ་མིན་པར་དོ་མཉམ་པས་མཛེས་པ་ཡི་ཚིག་སྡུད་རྣམས་དང་བཅས་པ་བརྗིད་པའི་དཔེར་འདོད་དོ། །གཉིས་པ་ནི། ཆུ་འཛིན་ཏེ་སྤྲིན་ལང་ལོང་དུ་གཡོ་བའི་ངོས་ཀྱི་ཕང་བ་ན་ཆགས་པ་སྟེ་གནས་ཤིང་། ཐུན་མཚམས་ཀྱི་ཉི་འོད་དམར་པོའི་གོས་དང་ལྡན་པའི་ཆུ་ལྡན་མ་ཁྱོད་ཀྱིས་ནི་སྲེད་ལྡན་གྱི་སྐྱེ་བོ་སུ་ཡི་ཡིད་འདོད་པས་གཟིར་བར་བྱེད་པར་ཅིས་མི་འགྱུར་ཏེ་འགྱུར་རོ། །དཔེར་ན། སྐུ་མདངས་སེར་པོ་སུ་ཝརྞ་བཞིན། སྙན་གསུང་པི་ཝཾ་ཇི་ལྟ་བླ་ལྷག །རྒྱལ་མཁྱེན་ལྟ་བུ་ལྡན་བློ་མ་མ། ཚངས་སྲས་མ་སུ་སྲིད་ན་མཛེས་འདྲ། ཞེས་པ་ལྟ་བུ།

མཛེས་པའི་ཡོན་ཏན་བཤད་པ།

― GLG020_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

མཛེས་པའི་ཡོན་ཏན་བཤད་པ།དགུ་པ་མཛེས་པའི་ཡོན་ཏན་ལ། ལྷོ་ཤར་གཉིས། དང་པོ་ལ། མཚན་ཉིད། སྦྱོར་གཞི། དཔེར་བརྗོད། དོན་བསྡུ་བ་དང་བཞི། དང་པོ་ནི། མཛེས་པ་ཞེས་བྱ་བ་དེ་ཡང་འཇིག་རྟེན་གྲགས་པའི་དོན་དག་ལས་མ་འདས་པར། འུད་མི་ཆེ་བས་འགྲོ་བ་ཀུན་གྱི་བློ་ལ་ཤོང་ཞིང་མཛེས་སོ། །གཉིས་པ་ནི། མཛེས་པ་དེ་ཡང་། སྦྱོར་གཞི་སྔོན་བྱུང་གི་གཏམ་གྱི་མངོན་པར་བརྗོད་པ་དང་། ཡོན་ཏན་ལ་བསྔགས་པ་བརྗོད་པ་ལ་སོགས་པ་རྣམས་ལ་སྦྱར་རོ། །གསུམ་པ་ལ། གཏམ་ལ་སྦྱར་བ་དང་། བསྔགས་པ་ལ་སྦྱར་བ་གཉིས། དང་པོ་ནི། སྔོན་གྱི་དཀའ་ཐུབ་ལ་གནས་ཤིང་བདེན་པ་གྲུབ་པ་སྦྱིན་བདག་གི་ཁྱིམ་དུ་འོངས་པ་ན། ཁྱིམ་བདག་གིས་ངོ་མཚར་(༣༡བ)

― GLG020_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཕུང་པོ་ཅན་ཁྱོད་འདྲ་བའི་ཞབས་ཀྱི་རྡུལ་ནི་གཙང་མ་གཾ་གཱའི་ཆུ་དང་འདྲ་བ་རྣམས་ཀྱིས་ཡང་དག་པར་བཏབ་པ་སྟེ་རེག་པའི་ཁྱིམ་གང་ཡིན་པ་དེ་དག་ཁོ་ན་ངེས་པར་བྱིན་རླབས་དང་ལྡན་པའི་ཁྱིམ་མོ། །དཔེར་ན། ཀུན་ལས་ཆོས་རྒྱལ་ཆུ་སྲིན་རྒྱལ་མཚན་ཅན། །འདྲེན་བྱེད་ལས་འོངས་བི་ཤ་ན་རའི་བུས། །ལྷག་མར་བཏང་བས་སྐབས་གསུ་མ་པ་ཡི་དབུས། །ཟླ་བྲལ་མགྲིན་སྔོན་སྟོབས་ནི་ཨེ་མ་མཚར། །ཞེས་པ་ལྟ་བུ། གཉིས་པ་ནི། སྐྱོན་མེད་ཅིང་མཛེས་པའི་ལུས་ཅན་མ་ཁྱོད་ནི་འཇམ་ཞིང་མཉེན་པའི་ལག་པའི་འཁྲི་ཤིང་གཡོ་བའི་བྲང་ངོས་ཀྱི་བར་དག་ཏུ་ལང་ཚོ་རབ་ཏུ་རྒྱས་པའི་ནུ་མ་འདི་དག་གི་གནས་ཡུལ་གྱི་གོ་སྐབས་རྙེད་པར་འགྱུར་པ་མ་ཡིན་ནོ། །དཔེར་ན། ནམ་ཡང་ཟད་པ་མེད་པ་གནས་ལྔ་རིག །མཐའ་ཀླས་ཡུན་དུ་གོམས་པའི་བློ་གྲོས་ཀྱིས། །ཇི་སྙེད་ཆེས་བརླིང་ཤེས་བྱའི་ཕ་མཐའ་དེ། །འཇལ་ལ་ངལ་བའི་གནས་གང་སྲིད་ན་སུ། །ཞེས་པ་ལྟ་བུ། བཞི་པ་ནི། ཞེས་པ་ཁྱིམ་དང་ནུ་མའི་ཁྱད་པར་བརྗོད་པ་ཡི། ལེགས་པར་སྦྱར་བ་དེ་དག་འཇིག་རྟེན་ན་སྲིད་པ་ཙམ་ཡིན་པས། འཇིག་རྟེན་ལུགས་ཀྱི་རྗེས་སུ་ནི་འབྲེང་བ་ཐམས་ཅད་ཧ་ཅང་འུད་མི་ཆེ་བའི་རིགས་པས་འགྲུབ་ཅིང་། མཁས་བླུན་ཀུན་ལ་མཛེས་པར་འགྱུར་རོ། །གཉིས་པ་ཤར་པ་ལ་མཚན་ཉིད། དཔེར་བརྗོད། མཇུག་བསྡུ་བ་དང་གསུམ། དང་པོ་ནི། འཇིག་རྟེན་ཡོངས་གྲགས་འདས་ཤིང་། འུད་ཆེན་པོས་བརྗོད་འདོད་ཀྱི་བློས་བརྗོད་བྱའི་དོན་གང་ཡིན་པ་ལས་ཤིན་ཏུ་ཕུལ་དུ་བྱུང་བ་བཀོད་པར་གྱུར་(༣༢ན)

― GLG020_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་ཡིས་ཤར་ཕྱོགས་པའི་མཁས་པ་རྣམས་ཤིན་ཏུ་ཚིམ་པར་གྱུར་ལ། ཅིག་ཤོས་ལྷོ་ཕྱོགས་པའི་མཁས་པ་རྣམས་ནི་མ་ཡིན་ཏེ། དཔེར་ན། ཞེས་སོ། །གཉིས་པ་ལ། གཏམ་དང་། བསྔགས་པ་གཉིས། དང་པོ་ནི་དམ་པ་ཁྱོད་ཀྱི་ཞབས་རྡུལ་ལྷུང་བ་ཡིས། །ཁྱིམ་གྱི་ཉེས་པའི་ཚོགས་དག་ནི་མ་ལུས་པར་བཀྲུས་པས། དུས་དེང་ནས་གཟུང་སྟེ། བདག་གི་ཁྱིམ་ནི་ལྷའི་ཁྱིམ་སྟེ་གཞལ་མེད་ཁང་བཞིན་དུ་བསྟེན་པར་འོས་སོ། །གཉིས་པ་ནི། དཔེར་ན། དཔལ་མགྲིན་མིག་གི་གཙུག་ཕུད་ཅན་མཐོང་ཚེ། །དུས་མཐའི་ཞུགས་ཀྱང་སྒྲོན་མེ་ལྟར་འགྲོ་ན། །ཡིད་སྲུབས་རགས་པའི་ལུས་དེ་བསྲེགས་པ་ལ། །བསྔགས་པར་བརྗོད་རྣམས་བློ་ཆུང་གཏམ་དུ་ཟད། །ཅེས་པ་ལྟ་བུ། གཉིས་པ་ནི། མཛེས་མ་ཁྱོད་ཀྱི་ནུ་འབུར་རི་རབ་ལས་ཀྱང་ཆེ་བ་འདི་ལྟ་བུ་རྣམ་པར་རྒྱས་པར་གྱུར་པ་འདི། སྲིད་པ་གསུམ་ན་ཤོང་བའི་སྣོད་མི་འདུག་པས། འཇིག་རྟེན་གྱི་བྱེད་པོ་ཚངས་པ་ཡིས་ངེས་པར་མ་བརྟགས་པར་ནམ་མཁའ་འདི་དག་ནི་ཆུང་ངུར་སྤྲུལ་ལོ། །དཔེར་ན། དཔང་ལོའི་མཁྱེན་པའི་འདོམ་གྱིས་ཆོས་ཚུལ་ཀུན། །དཀའ་བའི་དོགས་བྲལ་སྐད་ཅིག་ལ་གཞལ་བས། །གང་བློའི་དཔྱོད་ལ་འོས་པའི་ཤེས་བྱ་ཞིག །རྒྱལ་དང་བྱེད་པོས་ལན་བརྒྱར་སྤྲུལ་ཀྱང་ཉུངས། །ཞེས་པ་ལྟ་བུ། དེ་ཡང་ལྷོ་པ་རྣམས་བུད་མེད་ཀྱི་མིག་ཟུར་རྣ་བའི་བར་དུ་མི་རྫོགས་ཞེས་པ་ལྟ་བུ་བརྗོད་པས། འུད་ཅུང་ཟད་བྱུང་ཡང་འཇིག་རྟེན་ན་གྲགས་པ་ཡིན་ལ། ཤར་པ་རྣམས་(༣༢བ)
མིག་ཟུར་སྲིད་པ་གསུམ་དུ་མི་རྫོགས་ཞེས་པ་ལྟ་བུ་ཟེར་རོ། །གསུམ་པ་ནི། བཤད་མ་ཐག་པ་འདི་ནི་ཧ་ཅང་འུད་ཆེན་པོ་བརྗོད་པས་ན་གཽ་ཌ་པ་ལ་མཛེས་པར་བརྗོད་ལ། འཇུག་པ་སྔ་མ་འུད་ཆུང་བ་ནི་གཞན་ལྷོ་ཕྱོགས་པ་ཡི་ལམ་ལ་སྙིང་པོ་ཉིད་དུ་བཤད་དོ། །

ཏིང་ངེ་འཛིན་གྱི་ཡོན་ཏན་བཤད་པ།

― GLG020_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ཏིང་ངེ་འཛིན་གྱི་ཡོན་ཏན་བཤད་པ།བཅུ་པ་ཏིང་ངེ་འཛིན་ལ། མཚན་ཉིད། དཔེར་བརྗོད། མཇུག་བསྡུ་བ་དང་གསུམ། དང་པོ་ནི། སེམས་ལྡན་གཞན་གྱི་ཆོས་དེ་སེམས་མེད་གཞན་དག་ལ། འཇིག་རྟེན་ལུགས་ཀྱི་རྗེས་སུ་འབྲངས་ཏེ་བཀོད་ནས། ཚིག་སྦྱོར་གང་དུ་བརྗོད་བྱེད་ཀྱི་སྒྲ་ཡང་དག་པར་འཛིན་པར་བྱེད་པ་དེ་ནི་ཏིང་ངེ་འཛིན་ཞེས་བྱ་བར་བརྗོད་དེ། དཔེར་ན། ཞེས་སོ། །གཉིས་པ་ལ། སྤྱིར་བསྟན་པ། བྱེ་བྲག་ཏུ་བཤད་པ་གཉིས། དང་པོ་ནི། ཉི་མ་ཤར་བ་ན་ཀུ་མུ་ཏ་ནི་ཁ་ཟུམ་པ་ལ། མིག་འཛུམ་ཞེས་བཏགས་ཤིང་། པདྨ་དག་ཀྱང་ཁ་བྱེ་བ་ལ་མིག་འབྱེད་ཅེས་སེམས་མེད་ཆུ་སྐྱེས་ལ་སེམས་ལྡན་མིག་གི་བྱ་བ་བཀོད་པ་ལས། དེ་ཡི་རྗོད་བྱེད་མིག་འབྱེད་འཛུམ་གྱི་སྒྲ་དག་སེམས་མེད་ལ་ཐོབ་བོ། །དཔེར་ན། བུང་བ་སྙན་འགྱུར་གླུ་དབྱངས་ལེན་པ་ལ། །པདྨ་དགའ་བས་ལྡེམ་ལྡེམ་མངོན་པར་རྒོད། །འདོད་པས་ཉེན་པའི་འགྲོན་ལ་ཕན་པའི་ཆེད། །ལྷོ་ཕྱོགས་རླུང་གིས་ཙནྡཱ་དྲི་ཁྱེར་བྲོས། །ཞེས་པ་ལྟ་བུ། གཉིས་པ་ལ་ཆོས་གཅིག་བཀོད་པ། ཆོས་དུ་མ་བཀོད་པ་གཉིས། དང་པོ་རྒྱུ་མཚན་དང་། དཔེར་བརྗོད་གཉིས། དང་པོ་ནི། ནིཥྛུ་ཏ་དང་ཨུངྒཱི་རྞ་གཉིས་ཀ་སྐྱུགས་པ་ལ་འཇུག་པ་ལས། འདིར་(༣༣ན)

― GLG020_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་བསྟན་བུད་མེད་ལ་སྦྱོར་རྒྱུ་ཡིན་ཀྱང་། དེ་སྒྲིབས་ནས་སྐྱུགས་པ་ལ་སོགས་པ་ཕལ་པའམ་བཏགས་པ་བ་པདྨ་དང་ཉི་མ་ལ་འཇུག་པའི་སྦྱོར་བ་ལ་བརྟེན་པ་ནི་ཤིན་ཏུ་མཛེས་པ་ཡིན་ལ། གཞན་དུ་དངོས་བསྟན་ལ་སྦྱར་ན། གྲོང་པའི་ཚིག་ཉིད་ཀྱི་ནུས་པ་བརྟེན་པ་སྟེ་མི་མཛེས་སོ། །གཉིས་པ་ནི། ཉི་མས་འོད་ཟེར་སྐྱུགས་པ་རྣམས་པདྨས་བག་མེད་དུ་འཐུངས་ནས་གེ་སར་གྱི་རྡུལ་དམར་པོ་སྐྱུགས་པ་རྣམས་ཁ་ཡི་དག་བྱེད་ཆུའི་ཟེགས་མ་རྣམས་ཀྱང་ཤིན་ཏུ་མང་པོ་སྐྱུག་པར་བྱེད་པ་བཞིན་ནོ། །ཞེས་པའི་ཚུལ་དེ་མཛེས་པ་ཡིན་ཏེ། མི་མཛེས་པ་ནི། ཆུང་མས་ཆང་མང་པོ་འཐུངས་པས་བཟི་སྟེ་སྐྱུག་པར་བྱེད་དོ། །ཞེས་པའོ། །འདིར་སྐྱུགས་པའི་ཆོས་གཅིག་ཁོ་ན་ལ་སྦྱར་བ་ཡིན་ནོ། །དཔེར་ན། དྲང་སྲོང་དཀའ་ཐུབ་བསྟེན་ལ་གནོད་དོགས་ཏེ། །ཆུ་ཀླུང་ཚོགས་རྣམས་སྒྲ་མེད་གཉིད་ལ་ཡུར། །སྤྱིལ་པོར་བརྩིགས་པའི་ལོ་འདབ་གཞོན་ནུ་རྣམས། །གཡོ་འགུལ་ཅུང་ཟད་མེད་པར་གཉིད་ལ་སོང་། །ཞེས་པ་ལྟ་བུ། གཉིས་པ་ཆོས་དུ་མ་བཀོད་པ་ལ། འདོད་ཚུལ། དཔེར་བརྗོད། དོན་བཤད་པ་དང་གསུམ། དང་པོ་ནི། དེར་མ་ཟད་གཞི་གཅིག་ལ་གཅིག་ཅར་ཉིད་དུ་ཆོས་དུ་མ་བཀོད་པ་དག་ཀྱང་ཏིང་ངེ་འཛིན་ལ་འདོད་དེ། དཔེར་ན། ཞེས་སོ། །གཉིས་པ་ནི། ཤིན་ཏུ་ལྕི་བའི་མངལ་གྱི་ཁུར་ཆེན་པོས་ངལ་ཞིང་། འབྲུག་གི་སྒྲའི་ཁུན་པར་བྱེད་པ་སྤྲིན་གྱི་ཕྲེང་བ་འདི་དག་གཡོ་བ་མེད་པའི་སྟེང་གི་ནམ་མཁའི་ཕང་བ་དག་ཏུ་ཡང་དག་པར་ཉལ་ལོ། །དཔེར་ན། ལྷ་ལམ་ཆར་གྱིས་(༣༣བ)
བཀྲུས་ནས་ལུས་ངོམ་པར། །མཚམས་སྤྲིན་གསར་པས་མཚན་མོར་ཉེ་ཚེ་འཁྱུད། །ཆུ་འཛིན་སྐྱེངས་ཏེ་སྒྲིབ་གཡོགས་ཅི་ཡང་བྱེད། །འཇུག་པ་བརྒྱ་པ་ལྟ་ཕྱིར་སྒྲོན་མེ་འདེགས། །ཞེས་པ་ལྟ་བུ། གསུམ་པ་ནི། གྲོགས་མོ་འགའ་ཞིག་གི་ཕང་པར་ཉལ་བ་དང་། བུན་བུའི་སྐད་འདོན་པ་དང་། ལུས་ལྕི་བ་ཉིད་དང་། ངལ་བ་ཞེས་པ་ལ་སོགས་པའི་ཚིག་སྦྱོར་འདིར་ནི། བུད་མེད་མངལ་ལྡན་མའི་ཆོས་མང་པོ་རྣམས་གཞན་སྤྲིན་གྱི་ཕྲེང་བ་ལ་བསྟན་ནོ། །

ལེའུ་དང་པོའི་མཇུག་བསྡུ་བ།

― GLG020_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

ལེའུ་དང་པོའི་མཇུག་བསྡུ་བ།གསུམ་པ་མཇུག་བསྡུ་བ་ནི། ཏིང་ངེ་འཛིན་ཞེས་བྱ་བའི་ཡོན་ཏན་གང་ཡིན་པ་འདི་ནི། སྙན་ངག་རྣམས་ཀྱི་ནང་ནས་བདོག་པ་ཀུན་ཏེ་གཅེས་པའི་ནོར་ཡིན་པས། སྙན་ངག་མཁན་པོ་ཐམས་ཅད་དོན་མཐུན་གྱིས་ཏེ་ཚོང་པའི་ཚོགས་དང་འདྲ་བ་རྣམས་ཀྱང་ཏིང་ངེ་འཛིན་འདི་ཉིད་ཀྱི་རྗེས་སུ་འབྲང་བ་སྟེ་གཙོ་བོར་བྱེད་དོ། །དཔའ་བོ་གཙུག་ལག་པས། སྒྲ་ཉམས་ཀྱི་སྐབས་ཥ་ཡིག་མཚུངས་པ་ལྟ་བུའི་བཤད་པ་དང་འདྲ་བར། བོད་སྐད་ལ་ཡི་གེ་མཚུངས་པ་ཞིག་དགོས་རྒྱུ་ལ། དྲི་མཚུངས་པ་དང་ཡོན་ཏན་མཚུངས་པ་སོགས་ཀྱི་རྟོག་བཟོ་མང་དུ་བྱས་འདུག་ཅིང་། མདོར་ན་སྦྱར་བ་སོགས་བཅུ་པོ་འདིའི་སྐབས་ཕལ་ཆེར་འབྲེལ་མེད་ཀྱི་བཤད་པ་ཁོ་ནར་འདུག་པས་ངན་སྐྱུགས་ཀྱི་ཕུང་པོ་བཞིན་ལེགས་ཉེས་ཀྱི་རྟོག་དཔྱོད་བྱེད་ཚོད་མ་ཟིན་པར་བཞག་གོ །གསུམ་པ་མཇུག་བསྡུ་བ་ནི། དེ་ལྟར་སྔར་བཤད་པ་རྣམས་ནི། མཁས་པ་སོ་སོའི་ཀུན་སློང་གི་བསམ་པའི་རང་བཞིན་བཏགས་པ་ལས། ལྷོ་ཤར་གྱི་ལམ་ནི་དེ་གཉིས་སུ་རྣམ་པར་ཕྱེ་སྟེ་(༣༤ན)

― GLG020_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ་ཡིན་ལ། དེ་དག་གི་དབྱེ་བ་ཕྲ་མོ་རྣམས་ནི་སྙན་ངག་མཁན་སོ་སོའི་བཤད་ཚུལ་ལ་གནས་པ་མང་བས་བརྗོད་པར་མི་ནུས་སོ། །དཔེར་ན། བུར་ཤིང་དང་། འོ་མ་དང་། བུ་རམ་སོགས་ཀྱི་མངར་བ་ཉིད་ཀྱི་ཁྱད་པར་ཆེ་བ་དེ་ལྟ་བུ་བསྟན་དུ་ག་ལ་ནུས་མོད་ཀྱི། དེ་བཞིན་དུ་སྙན་ཚིག་མཐའ་དག་དབྱངས་ཅན་མས་ཀྱང་བརྗོད་པར་མི་ནུས་ན་བདག་གི་ནུས་པ་མ་ཡིན་ནོ། །གསུམ་པ་སྙན་ངག་གི་རྒྱུ་ལ། ཕུན་སུམ་ཚོགས་པའི་རྒྱུ་སྣོད་དུ་རུང་བའི་རྒྱུ། དེ་ལྡན་གྱི་ཕན་ཡོན་དང་གསུམ། དང་པོ་ནི། རང་བཞིན་གྱིས་གྲུབ་པའི་སྤོབས་པ་སྐྱེས་ཐོབ་ཀྱི་ཤེས་རབ་དང་། ཤེས་བྱའི་གནས་མང་དུ་ཐོས་པ་དང་དེ་དག་ཐེ་ཚོམ་འཁྲུལ་བའི་དྲི་མ་མེད་པ་དང་། རིག་པའི་གནས་སེམས་པ་དང་བསྒོམ་པ་ལ་མངོན་པར་སྦྱོར་བའི་གུས་སྦྱོར་དང་རྟག་སྦྱོར་གྱི་བརྩོན་འགྲུས་མི་དམན་པ་སྟེ། དེ་གསུམ་ནི་སྙན་ངག་ཕུན་སུམ་ཚོགས་པའི་རྒྱུའོ། །གཉིས་པ་ནི། གལ་ཏེ་སྔོན་གྱི་བག་ཆགས་སད་པའི་ཡོན་ཏན་གྱི་རྗེས་སུ་འབྲེལ་བ་ལས་བྱུང་བའི་སྤོབས་པ་རྨད་དུ་བྱུང་བ་དེ་མེད་པའི་སྐྱེ་བོ་ལའང་། རྒྱུ་གཉིས་པ་ཐོས་པ་དང་། གསུམ་པ་འབད་པ་དག་གི་སྒོ་ནས་སྙན་ངག་ལ་བརྟེན་ན། དབང་པོ་རྣོ་བརྟུལ་ཅི་ཞིག་ལྟར་ཡང་ངེས་པར་རྗེས་སུ་འཛིན་པ་སྟེ་སྙན་ངག་ཤེས་པར་བྱེད་དོ། །གསུམ་པ་ནི། དེ་ལྟར་མཁས་པའི་གྲགས་པ་འདོད་པ་རྣམས་ཀྱིས་ནི་རྟག་ཏུ་ནི་སྙོམ་ལས་མེད་པར་ཐོས་བསམ་གྱི་རིམ་པས་དབྱངས་ཅན་ཏེ་སྙན་ཚིག་རིག་བྱེད་དང་། (༣༤བ)
དེའི་ལྷ་དབྱངས་ཅན་མ་བསྟེན་པར་བྱ་སྟེ། རྒྱུ་མཚན་གང་གི་ཕྱིར་ན། སྙན་ངག་ཆུང་ངུ་ཙམ་ལ་ལུས་ངག་གི་ངལ་བ་བྱས་པའི་མི་ཡང་། མཁས་པའི་མདུན་ས་དག་ཏུ་འདུག་པ་ལ་དབང་བ་སྟེ། མཁས་པའི་གོ་འཕང་ཐོབ་པར་འགྱུར་རོ། །སྙན་ངག་མེ་ལོང་ལས། ལེའུ་དང་པོའི་འགྲེལ་པ་དང་དཔེར་བརྗོད་བཤད་ཟིན་ཏོ། །སྨྲས་པ། སྙན་ཚིག་རིག་བྱེད་འཆི་མེད་དགའ་ཚལ་དུ། །ཤར་ལྷོའི་ལམ་བཟང་དཔག་བསམ་ལྗོན་པ་ལས། །དཀའ་གནད་འབྲས་བུར་སྨིན་པའི་རོ་བརྒྱའི་བཅུད། །རྣམ་བཤད་ཡོལ་གོར་ཕྱུར་བུར་སྤུངས་པ་འདིས། །རྨད་བྱུང་བློ་ཡི་ལང་ཚོ་རྣམ་པར་རྒྱས། །མང་དུ་ཐོས་པའི་མིག་དཀྱུས་རྣ་བར་འགོང་། །འབད་རྩོལ་མཆུ་ཡི་འདབ་མ་ཅི་ཡང་འཛུམ། །ཤེས་ལྡན་ལུས་ཕྲའི་ཚོགས་རྣམས་ཅི་དགར་སྤྱོད། །སྟོན་མཚན་ཟླ་ཤེལ་གསར་པའི་མཛེས་སྡུག་དང་། རབ་སྙན་རྒྱུད་མང་འབུམ་གྱི་སྒྲ་དབྱངས་ཀུན། །ཉམས་དང་འགྱུར་བར་འཆར་བའི་ལེགས་བཤད་འདིས། །བྱེད་པོ་བློ་ལྡན་ཕུར་བུར་འཁྲུལ་གྱི་དོགས། །ཞེས་བྱ་བ་ནི་བར་སྐབས་ཀྱི་ཚིགས་སུ་བཅད་པའོ། །

དོན་རྒྱན་གྱི་སྐོར་བཤད་པ།

― GLG020_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

ལེའུ་གཉིས་པ།དོན་རྒྱན་གྱི་སྐོར་བཤད་པ།ཤེས་བྱའི་རང་བཞིན་རྣམ་པར་ཡངས་པའི་མཛེས་སྡུག་ལང་ཚོར་ཆགས་པའི་སྤྱན། །སྲིད་ལས་བརྒལ་བའི་དཀྱུས་རིང་ཟུར་གྱིས་གཙུག་ལག་ཀུན་ལ་འཇུག་པའི་རྫས། །སྙན་འགྱུར་རིག་པའི་དབྱངས་དང་ལྷན་ཅིག་འདོད་པ་འཇོ་བའི་ངག་གི་ལྷ། །ཚངས་སྲས་མ་ཀྱེ་མགྲིན་པར་བཞུགས་ལ་ངག་གི་དངོས་གྲུབ་མ་ལུས་སྩོལ། །ངོ་མཚར་གཏམ་གྱི་འབྲུག་སྒྲ་མངལ་(༣༥ན)

― GLG020_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་ཅན། །གྲངས་མེད་རྒྱན་གྱི་སྒྲོ་གཤོག་རབ་བཀྲ་བ། །བཅད་ལྷུག་སྤེལ་མའི་ཉམས་འགྱུར་སྟོང་གི་གར། །བསྒྱུར་ཏེ་དཔྱོད་ལྡན་ཡོངས་ཀྱི་གཟིགས་མོར་ཆེ། །མ་རིག་ཆུ་འཛིན་རྒྱར་གྲོལ་མཐའ་ཀླས་ཆོས། །སྐྱེས་ཐོབ་པིར་གྱིས་སྙན་ཚིག་མཁར་བྲིས་པའི། །གནས་ལུགས་དབང་གཞུར་བཀྲ་བའི་གུར་ཁྱིམ་ནས། །ལེགས་བཤད་དབྱངས་ཅན་རྒྱུད་མང་ཅི་ཡང་སྒྲོག །གཉིས་པ་ཐུན་མོང་གི་རྒྱན་བཤད་པ་ལ། སྤྱིར་བསྟན་པ། བྱེ་བྲག་ཏུ་བཤད་པ་གཉིས། དང་པོ་ལ། རྒྱན་ངོས་བཟུང་བ། དེའི་རྣམ་གྲངས་སྔོན་བྱུང་འདིར་བསྡུས་ཚུལ་དང་གཉིས། དང་པོ་ནི། སྡེ་བཞི་སོགས་ཕུན་སུམ་ཚོགས་པའི་བརྗོད་བྱའི་སྲོག་དང་ལྡན་པའི་སྙན་ངག་གི་ལུས་བཅད་ལྷུག་སྤེལ་མ་གསུམ་དང་ལྡན་པ་དེ་མཛེས་པར་བྱེད་པའི་ཁྱད་པར་གྱི་ཆོས་རང་བཞིན་བརྗོད་པ་སོགས་ཀྱི་སྦྱོར་བ་སྣ་ཚོགས་པ་རྣམས་རྒྱན་ཞེས་རབ་ཏུ་བརྗོད་དོ། །གཉིས་པ་ནི། རྒྱན་དེ་དག་ནི་སྙན་ངག་མཁན་རྣམས་ཀྱིས་སྔར་བསྟན་པར་མ་ཟད། ད་ལྟའང་རྣམ་རྟོག་གི་སྤྲོས་པས་མཐའ་མེད་པའི་ཕྱིར། དེ་དག་མ་ལུས་པའི་སྤྲོས་པ་ནི་སུས་ཀྱང་འཆད་པར་མི་ནུས་མོད། འོན་ཀྱང་རྣམ་རྟོག་གི་ས་བོན་ཙམ་ནི་སྔོན་གྱི་སློབ་དཔོན་མཁས་པ་རྣམས་ཀྱིས་རྣམ་གྲངས་མང་དུ་བསྟན་པ་དེ་ཉིད་ཚིག་དོན་རྣམས་རབ་ཏུ་ཉུང་ངུར་གསལ་ཞིང་འགྲིལ་བར་ལེགས་པར་སྦྱར་བའི་ཕྱིར་ན། མཁས་པ་རྣམས་ཡོངས་སུ་ངལ་སོ་བའི་གནས་དམ་པ་འདི་ནི་དབྱུག་པ་ཅན་བདག་གིའོ། །གཉིས་པ་ལ་(༣༥ན)
མཚམས་སྦྱོར་དང་བཅས་ཏེ་དམ་བཅའ་བ། བཤད་ཚུལ་དངོས་གཉིས། དང་པོ་ནི། ཤར་ལྷོའི་ལམ་སྲོལ་ཐ་དད་པ་དག་ནི་རྣམ་པར་དབྱེ་བའི་དོན་དུ་སྦྱར་བ་སོགས་རྒྱན་འགའ་ཞིག་ནི་སྔར་ཡང་བསྟན་ཟིན་ལ། ཤར་ལྷོ་ཐུན་མོང་དག་ཏུ་འདོད་པའི་རྒྱན་གྱི་ནི་རིགས་གཞན་འོག་ནས་འབྱུང་བ་དག་རབ་ཏུ་བསྟན་པར་བྱའོ། །གཉིས་པ་ལ་དོན་རྒྱན། སྒྲ་རྒྱན། གབ་ཚིག་གི་རྒྱན་དང་གསུམ། དང་པོ་ལ་མདོར་བསྟན་པ། རྒྱས་པར་བཤད་པ། ཟློས་གར་གྱི་མཚན་ཉིད་ཀྱང་རྒྱན་དུ་བསྟན་པ། མཇུག་བསྡུ་ཞིང་མ་བཤད་པ་བསླབ་ཚུལ་དང་བཞི། དང་པོ་ནི། རང་བཞིན་བརྗོད་དང་དཔེ་དང་ནི། །གཟུགས་ཅན་གསལ་བྱེད་བསྐོར་བ་དང་། །འགོག་དང་དོན་གཞན་བཀོད་པ་དང་། །ལྡོག་པ་ཅན་དང་སྲིད་པ་ཅན། །བསྡུས་དང་ཕུལ་བྱུང་རབ་བརྟགས་དང་། །རྒྱུ་དང་ཕྲ་མོ་ཆ་དང་རིམ། །དགའ་དང་ཉམས་ལྡན་གཟི་བརྗིད་ཅན། །རྣམ་གྲངས་བརྗོད་དང་ཀུན་ཏུ་ཕན། །རྒྱ་ཆེ་བསྙོན་དོར་སྦྱར་བ་དང་། །ཁྱད་པར་མཚུངས་པར་སྦྱོར་བ་དང་། །འགལ་དང་སྐབས་མིན་བསྟོད་པ་དང་། །ཟོལ་བསྟོད་ངེས་པར་བསྟན་པ་དང་། །ལྷན་ཅིག་བརྗོད་དང་ཡོངས་རྗེས་ཤིས། །རབ་སྤེལ་དེ་ནས་དགོངས་པ་ཅན་ཏེ་རྒྱན་སོ་ལྔ་པོ་འདི་དག་བརྗོད་བྱེད་ཀྱི་ཚིག་རྣམས་དག་གི་ནི་མཛེས་པར་བྱེད་པའི་རྒྱན་དུ། སྔོན་གྱི་སློབ་དཔོན་མཁས་པ་རཱ་མ་ཤརྨ་སོགས་ཤར་ལྷོའི་སྙན་ངག་མཁན་རྣམས་ཀྱིས་བསྟན་ཏོ། །

རང་བཞིན་བརྗོད་པའི་རྒྱན་གྱི་སྐོར་བཤད་པ།

― GLG020_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་བརྗོད་པའི་རྒྱན་གྱི་སྐོར་བཤད་པ།གཉིས་པ་ལ་སུམ་ཅུ་རྩ་ལྔ་ལས། དང་པོ་རང་བཞིན་བརྗོད་པ་ལ་མཚན་ཉིད། དཔེར་བརྗོད། དོན་བསྡུ་ཞིང་བསྔགས་པ་དང་གསུམ། དང་པོ་ནི། བརྗོད་བྱའི་དངོས་(༣༦ན)

― GLG020_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་རྣམས་ཀྱི་རང་བཞིན་ཏེ་ངོ་བོ་དང་། དེ་དག་གི་རྣམ་པའི་གནས་སྐབས་སྣ་ཚོགས་པ་རྣམས་མེད་པ་ལ་ཡོད་དང་ཡོད་པ་ལ་མེད་པའི་སྒྲོ་བཀུར་སྤངས་ཏེ། ཤུགས་བསྟན་མ་ཡིན་པར་གནས་ལུགས་ཐམས་ཅད་དངོས་སུ་གསལ་བར་བྱེད་པ་དེ་ནི་རང་བཞིན་བརྗོད་པའི་རྒྱན་དང་། རྒྱན་སུམ་ཅུ་རྩ་ལྔ་པོའི་ནང་ནས་དང་པོའི་རྒྱན་ཡིན་ཅིང་། རྣམ་གྲངས་རིགས་སོགས་ཀྱི་དཔེར་བརྗོད་བཞི་ཡོད་དོ། །གཉིས་པ་སོ་སོའི་དཔེར་བརྗོད་བཞི་ལས། དང་པོ་རིགས་ནི། མཆུ་མདོག་ནི་དམར་ཞིང་། དབྱིབས་གུག་པ་དང་། གཤོག་པ་འཇམ་ཞིང་རེག་བྱ་གཉེན་པ་དང་། མགྲིན་པ་དཀར་སྔོ་དམར་པའི་ཁ་དོག་གསུམ་གྱི་ཕྲེང་བ་ཅན་ཚིག་འཇམ་པོར་སྨྲ་བ་དང་ལྡན་པ་རྣམས་ཀྱི་གནས་ལུགས་རྣམས་ནེ་ཙོ་འདི་དག་སྟེ་ཐམས་ཅད་ལ་ཁྱབ་པ་དཔེར་མཚོན་ནས། ཆོས་གང་ལའང་དེའི་གནས་ལུགས་དྲང་པོར་བརྗོད་པས་རང་དང་འདྲ་བའི་རིགས་ཀུན་ལ་ཁྱབ་ལ་རིགས་རུས་ཀྱི་རིགས་ནི་མ་ཡིན་ནོ། །དཔེར་ན། དམར་སེར་ཐུན་མཚམས་གསར་པའི་མདངས་གསལ་ཞིང་། །ན་ཚོད་བཅུ་དྲུག་བགྲང་བྱའི་དཔལ་ལྡན་པ། །མཐོན་མཐིང་རལ་པའི་ཟུར་ཕུད་ལྔ་པ་ཅན། །དབྱངས་ཅན་དགའ་མར་ཐོབ་པའི་འཇམ་པའི་དཔལ། །ཞེས་པ་ལྟ་བུ། གཉིས་པ་བྱ་བ་ནི། བྱེད་པོ་ཕུག་རོན་བྱ་ཡུལ་རང་གི་དགའ་མ་ལ་རྩེ་བར་འདོད་པས་བྱ་བའི་ཁྱད་པར་མགྲིན་པའི་ནང་ནས་སྐད་ཅུང་ཟད་མི་གསལ་བའི་ཚུལ་གྱིས་སྙན་པར་སྒྲོག་ཅིང་ཆགས་པས་མྱོས་པའི་མིག་ནི་དམར་པོ་ཀུན་ཏུ་སྒོར་སྒོར་དུ་འཕྲུལ་པ་ཡི་རྣམ་པས་དགའ་མ་ལ་ཡོངས་སུ་བསྐོར་ནས་མཆུ་དག་སྦྱོར་བ་སོགས་ཆགས་པའི་རྣམ་(༣༦བ)

― GLG020_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བྱེད་དོ། །དཔེར་ན། བརྟུན་པ་སྐྱེད་དེ་མེ་སྐྱེས་ཡོངས་བསྒྲུབས་པས། །ལེགས་པར་སྦྱར་བའི་གཙུག་ལག་རབ་རྟོགས་ཤིང་། །གཞོན་ནུ་བདེ་སྤྱོད་རེ་བ་སྐོང་བྱེད་པའི། །དབང་ཕྱུག་གོ་ཆ་བློ་གསལ་དགའ་བ་བསྐྱེད། །ཅེས་པ་ལྟ་བུ། གསུམ་པ་ནི། ཡུལ་དགའ་མ་མཛེས་མ་ཡི་ནི་ལུས་ལ་རེག་པའི་རེག་བྱའི་ཡོན་ཏན་འདི་ཡིས་ཡུལ་ཅན་རང་གི་ལུས་ལ་སྤུ་ལོང་རྒྱས་པ་དང་། ཡིད་ནི་བདེ་བས་ཚིམ་པར་བྱེད་པ་དང་། འདོད་པས་མྱོས་པའི་མིག་དག་ཟུམ་པར་བྱེད་ཅིང་འཁྲིག་པ་ལ་འཇུག་པས། ཚོར་བ་བདེ་བ་ཐོབ་བོ། །དེས་མཚོན་ཏེ་གཟུགས་སྒྲ་དྲི་རོ་སོགས་འདོད་པའི་ཡོན་ཏན་ལྔ་ལ་སྦྱོར་བ་ཡིན་ལ། ཤོང་ལོས། མི་འཇིགས་སྟོབས་དང་མ་འདྲེས་ཆོས། །ཞེས་སོགས་སངས་རྒྱས་ཀྱི་ཐུགས་རྒྱུད་ཀྱི་ཡོན་ཏན་དང་སྦྱར་བ་འདིས་མི་གནོད་དམ་སྙམ་ན། ཟག་མེད་ཀྱི་ཡོན་ཏན་དེ་ཐུགས་ཀྱི་རེག་བྱ་ཡིན་ཞེས་སློབ་དཔོན་མཁས་པ་ཆེན་པོ་གསུང་ངོ་། །དཔེར་ན། འཇམ་ཞིང་གཉེན་པའི་ཆུ་སྐྱེས་གདན་ལ་གནས། །འཆི་མེད་བདུད་རྩིའི་བཏུང་བས་རབ་ཏུ་ངོམས། །ཐིག་ལེའི་དཔྱིད་གྱུར་སྒེག་མོར་འདྲེན་བྱེད་ནི། །བཅུ་གཉིས་དག་གིས་བལྟ་བའི་གསེར་མངལ་ཅན། །ཞེས་པ་ལྟ་བུ། བཞི་པ་ནི། ལྷ་རྣམས་ཀྱི་བསོད་ནམས་ལས་འཁྲུངས་པར་གྱུར་པའི་ཁྱུ་མཆོག་གི་རྒྱལ་མཚན་ལག་ཏུ་འཛིན་པའི་དབང་ཕྱུག་ལ་གཞན་ལ་མེད་པའི་གང་ཟག་གཅིག་གིས་རང་མཚན་དུ་བདག་ཏུ་བཟུང་བའི་རྫས། རྒྱ་མཚོ་ལས་བྱུང་བའི་དུག་བརྩེགས་པའི་བུམ་པ་མགྲིན་པར་བཞག་པས་མདོག་སྔོ་བ་དང་། ལག་ན་བདུད་རྩིའི་སྣོད་ཚངས་པའི་ཐོད་པ་ནི་གནས་པ་དང་། (༣༧ན)
སྤྱི་བོར་རྒྱ་མཚོ་ལས་བྱུང་བའི་ཟླ་བའི་ཅོད་པན་གྱིས་སྤྲས་པ་དང་། སྣུམ་ཞིང་དམར་བའི་རལ་པ་ནམ་མཁའ་ཁེབས་པ་ཅན་ནི་ཚངས་པ་སོགས་གཞན་ལ་མེད་པས་ཁྱད་པར་པའོ། །དཔེར་ན། ཡིད་འོང་རྣམ་པར་རྒྱལ་བའི་ཁང་བཟང་ན། །ཕྱོགས་ཀུན་བལྟ་བའི་འདྲེན་བྱེད་སྟོང་གཡོ་ཞིང་། །ཞོ་འཐུང་རུས་པའི་རྩེ་བརྒྱ་སྙིམ་པ་ན། །འཛིན་མཁས་གྲགས་པའི་མུ་ཁྱུད་ལྷ་ཡི་མགོན། །ཞེས་པ་ལྟ་བུ། གསུམ་པ་ནི། བཤད་མ་ཐག་པའི་རིགས་དང་། བྱ་བ་དང་། ཡོན་ཏན་དང་། རྫས་བཞི་པོ་དངོས་པོའི་རང་བཞིན་གྱི་གནས་ལུགས་དྲང་པོར་བརྗོད་པ་འདི་འདྲ་བ་ནི། སྤྱིར་བསྟན་བཅོས་ཀུན་ལ་རྒྱལ་པོའི་རྒྱལ་སྲིད་ཀྱི་མངའ་ཐང་ལྟར་གཙོ་ཆེ་ཞིང་། བྱེ་བྲག་ཏུ་དྲང་པོར་བརྗོད་པའི་སྙན་ངག་ལའང་འདི་དག་ཉིད་འདོད་དོ། །

དཔེ་རྒྱན་གྱི་སྐོར་བཤད་པ།

― GLG020_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

དཔེ་རྒྱན་གྱི་སྐོར་བཤད་པ།གཉིས་པ་དཔེ་རྒྱན་ལ། མཚན་ཉིད། དཔེར་བརྗོད། སྐྱོན་ཡོན། མཚུངས་པ་གསལ་བྱེད་ཀྱི་སྒྲ་དང་བཞི། དང་པོ་ནི། མཚོན་བྱེད་ཀྱི་དཔེ་ལ་ཇི་ལྟར་ཡོད་པ་དག་ཇི་གཞིག་ཏུ་མཚོན་བྱའི་དཔེ་ཅན་ལ་དེ་ལྟར་ཡོད་པར་མཚུངས་པ་གསལ་བར་གང་དུ་རྟོགས་པར་བྱེད་པ་དེ་ནི་དཔེའི་རྒྱན་ཞེས་བྱ་སྟེ། དེ་ཡི་སྤྲོས་པ་མཐའ་དག་འདིར་ནི་རབ་ཏུ་བཤད་པར་བྱའོ། །གཉིས་པ་ལ་སུམ་ཅུ་རྩ་གཉིས་ལས། དང་པོ་ཆོས་དཔེ་ནི། །དཔེ་ཅན་མཛེས་མ་ཁྱོད་ཀྱི་ལག་པའི་མཐིལ་ནི། དཔེ་དཀར་དམར་གྱི་མདངས་དང་ལྡན་པའི་ཆུ་སྐྱེས་བཞིན་དུ་ཀུན་ཏུ་དམར་བར་ཆོས་མཚུངས་(༣༧བ)

― GLG020_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་ཞེས་པས་ཆོས་དཔེ་དངོས་སུ་ནི་བསྟན་ཏེ། རྒྱུ་མཚན་མཚུངས་པའི་ཆོས་དམར་པོ་དག་སྒྲས་གསལ་བར་བསྟན་པའི་ཕྱིར་རོ། །དཔེར་ན། ངག་དབང་དབྱངས་ཅན་དགྱེས་པའི་ཞལ་གྱི་སྒོ། །ཡིད་འོང་འཛུམ་པའི་དབུས་ན་བཞི་བཅུའི་ཚེམས། །ཚར་དུ་དངར་འདི་ཉི་འོད་ཀྱིས་ཁྱབ་པའི། །གངས་ཀྱི་རི་བོ་ལྟ་བུར་དཀར་ཞིང་མཛེས། །ཞེས་པ་ལྟ་བུ།གཉིས་པ་དངོས་དཔེ་ནི། དཔེ་ཅན་མཛེས་མ་ཁྱོད་ཀྱི་གདོང་དང་མིག་དག་ནི། དཔེ་པདྨ་དང་ཨུཏྤལ་ལ་སྔོན་པོ་བཞིན་ནོ། །ཞེས་དཔེ་དང་དཔེ་ཅན་གྱི་ངོ་བོ་ཙམ་དངོས་སུ་བརྗོད་ནས། མཚུངས་ཆོས་གདོང་དང་པདྨ་དཀར་ཞིང་མཛེས་པ་དང་། མིག་དང་ཨུཏྤལ་མཐིང་ཞིང་དཀྱུས་རིང་བ་སོགས་དངོས་སུ་མི་གསལ་བར་ཤུགས་ལ་བསྟན་པས་མཚུངས་ཆོས་གཅིག་ཏུ་རྟོགས་པར་བྱེད་པ་དེ་ནི་དངོས་པོའི་དཔེ་ཉིད་དོ། །དཔེར་ན། དབྱངས་ཅན་ལྷ་མོའི་དབུ་སྐྲའི་ཟུར་ཕུད་འདི། །སྤྲིན་བྲལ་འཆི་མེད་ལམ་དང་ཡང་དག་མཚུངས། །ལང་ཚོའི་རང་བཞིན་དར་བའི་ནུ་འབུར་ཟུང་། །དབྱར་གྱི་ཆུ་འཛིན་གསར་པ་གཡོ་བ་བཞིན། །ཞེས་པ་ལྟ་བུ། གསུམ་པ་ཟློག་པའི་དཔེ་ནི། དཔེ་ཅན་མཛེས་མ་ཁྱོད་ཀྱི་གདོང་བཞིན་དུ། དཔེ་པདྨ་ནི་རྣམ་པར་རྒྱས་པར་གྱུར་རོ་ཞེས་པ་དེ་ནི། སྤྱིར་འཇིག་རྟེན་གྲགས་ཚོད་ལ་དཔེས་དཔེ་ཅན་ཕར་འཇལ་དགོས་པ་ལ། དེ་ལས་གོ་ཟློག་པའི་ཕྱིར་ཟློག་པའི་དཔེ་ཞེས་བྱ་བར་འདོད་དོ། །དཔེར་ན། འཇོ་སྒེག་ཉམས་ལྡན་བརྟན་པའི་འཁོར་ལོའི་སྐུ། །འོད་ཀྱི་ཕུང་པོ་མངོན་པར་འཕྲོ་བ་བཞིན། བཅུ་གཉིས་(༣༨ན)

― GLG020_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་པོ་འཆར་ལ་མངོན་ཕྱོགས་པའི། །མཚམས་སྤྲིན་གསར་པའི་ཁ་དོག་ཡིད་དུ་འོང་། །ཞེས་པ་ལྟ་བུ། བཞི་པ་ཕན་ཚུན་གྱི་དཔེ་ནི། དཔེ་ཅན་མཛེས་མ་ཁྱོད་ཀྱི་ཞལ་བཞིན། ཆུ་སྐྱེས་མཛེས་པ་ལྟར། དཔེ་ཆུ་སྐྱེས་བཞིན་དུ་ཁྱོད་ཀྱི་ཞལ་ཡང་མཛེས་སོ་ཞེས་པ་དཔེ་དཔེ་ཅན་གཉིས་ཕན་ཚུན་འཇལ་རེས་བྱས་པའི་སྒོ་ནས་དཀར་མཛེས་སོགས་གཉིས་ཀ་ལ་མཚུངས་པའི་ཁྱད་འཕགས་བརྗོད་པར་བྱེད་པ་འདི་ནི་ཕན་ཚུན་གྱི་དཔེའོ། །དཔེར་ན། དབྱངས་ཅན་འདོད་པའི་མྱོས་བུམ་ཇི་བཞིན་དུ། །ལང་ལོང་གཡོ་བའི་ཆུ་འཛིན་གསར་པ་སྟེ། །སྤྲིན་དཀར་ལྟ་བུར་ཁྱོད་ཀྱི་ནུ་འབུར་ཡང་། །རབ་དཀར་གཡོ་བ་ཡིད་ཀྱི་དཔལ་དུ་འཇེབས། །ཞེས་པ་ལྟ་བུ། ལྔ་པ་ངེས་པའི་དཔེ་ནི། དཔེ་ཅན་ལུས་ཕྲ་ཁྱོད་ཀྱི་ཞལ་ནི། དཔེ་པདྨ་ཉིད་གཅིག་པུ་དང་མཛེས་པ་སོགས་ཀྱི་སྒོ་ནས་མཚུངས་ཀྱི། དཔེ་ཅན་ཁྱད་པར་དུ་འཕགས་པའི་དབང་གིས་དེའིདཔེར་འོས་པ་གཞན་ནི་འགའ་ཞིག་སྟེ་གང་དང་ཡང་ཡོད་པ་མིན་ནོ་ཞེས་པ་སྟེ། འཇིག་རྟེན་ན་མཚུངས་པ་གཞན་ཟློག་ཕྱིར། འདི་ནི་ངེས་པ་ཉིད་ཀྱི་དཔེའོ། །དཔེར་ན། སྙན་ཚིག་གཞུང་ལུགས་རྒྱ་མཚོ་སྨྲ་བ་ལ། །ངག་གི་དཔལ་གྲུབ་ཤོང་སྟོན་ལོ་ཙཱ་བ། །མཚོ་བྱུང་སྙིང་གར་རོལ་བ་དཎྜཱི་དང་། །མཚུངས་ཀྱི་རིགས་མཐུན་གཞན་ན་ཡོད་མ་ཡིན། །ཞེས་པ་ལྟ་བུ། དྲུག་པ་ངེས་མེད་ཀྱི་དཔེ་ནི། །རེ་ཞིག་དཔེ་ཅན་ལུས་ཕྲ་ཁྱོད་ཀྱི་གདོང་ནི། དཔེ་པདྨ་ཡི་རྗེས་སུ་འགྲོ་བར་མ་ཟད། དཔེ་གཞན་ཡང་། དཔེ་པདྨ་དེ་དང་འདྲ་བ་གལ་ཏེ་ཡོད་ན་གདོང་གི་དཔེ་དེས་བྱེད་པར་འགྱུར་རོ་ཞེས་པ་འདི་ནི་གཅིག་ཏུ་(༣༨བ)

― GLG020_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པའི་དཔེའོ། །དཔེར་ན། འཇམ་མགོན་བླ་མ་ཀུན་མཁྱེན་ཙོང་ཁ་པ། །ཤིང་རྟ་ཆེན་པོ་ཀླུ་སྒྲུབ་དང་མཚུངས་ཀྱི། །གཞན་དུ་དེ་འདྲའི་ངང་ཚུལ་ལྡན་པ་དག །སྲིད་འདིར་མཆིས་ན་ཁྱོད་ཀྱི་དཔེ་ཟླར་རིགས། །ཞེས་པ་ལྟ་བུ། བདུན་པ་བསྡུས་པའི་དཔེ་ནི། དཔེ་ཅན་ཁྱོད་ཀྱི་གདོང་མཛེས་པ་ཁོ་ན་ཡིས། དཔེ་ཟླ་བའི་རྗེས་སུ་འགྲོ་བ་མ་ཡིན་ཏེ། བྱ་བའི་ཁྱད་པར་གཞན་དགའ་བ་སྐྱེད་པར་བྱེད་པའི་ལས་ཀྱིས་ཀྱང་ཟླ་བ་དང་མཚུངས་སོ་ཞེས་པ་འདི་འདྲ་ཡོན་ཏན་གཞན་དག་བསྡུས་པའི་དཔེ་ཡང་ཡོད་དོ། །དཔེར་ན། ཆོས་རྒྱལ་དགེ་དབང་དྲང་སྲོང་བློ་ལྡན་དང་། །སྙན་པར་སྨྲ་བའི་ངག་གི་དངོས་གྲུབ་དག །ཐོབ་པ་ཙམ་གྱིས་མཚུངས་མིན་ལེགས་བྲིས་ཀྱི། །ཕུམ་སུམ་ཚོགས་པའི་ངང་ཚུལ་ལྡན་འདིས་ཀྱང་། །ཞེས་པ་ལྟ་བུ། བརྒྱད་པ་ཕུལ་བྱུང་གི་དཔེ་ནི། དཔེ་ཅན་མཛེས་མ་ཁྱོད་ཀྱི་ཞལ་ནི། ཁྱོད་ཀྱི་གཟུགས་ཉིད་ཁོ་ན་ལས་མཐོང་ཞིང་། དཔེ་ཟླ་བ་ནི་ནམ་མཁའ་ལས་མཐོང་བའི་མཐོང་ཡུལ་གྱི་ཁྱད་པར་ཅུང་ཟད་ཙམ་འདི་ཉིད་ཁོ་ནས་ཐ་དད་དེ། གཞན་ཁྱད་པར་མེད་ཅེས་འུད་ཆེན་པོ་བྱས་པ་འདི་ཕུལ་བྱུང་གི་དཔེ་སྟེ། དངོས་གནས་ལ་གདོང་ལས་ལྷག་པའི་ཁྱད་པར་ཟླ་བ་ལ་མང་དུ་ཡོད་པས་སོ། །དཔེར་ན། སྐད་གཉིས་སྨྲ་བ་རྡོ་རྗེ་རྒྱལ་མཚན་དང་། །ངག་གི་དབང་ཕྱུག་ལྷ་མོ་དབྱངས་ཅན་མ། །འདོད་པའི་མྱོས་བུམ་ལྡན་དང་མི་ལྡན་གྱི། །དབྱེ་བ་ཙམ་ལས་གཞན་དུ་ཐ་མི་དད། །ཅེས་པ་ལྟ་བུ། དགུ་པ་རབ་བཏགས་ནི། དཔེ་ཅན་མཛེས་མ་དེ་ཡི་བཞིན་གྱི་དཔལ། དཔེ་ཟླ་བ་ང་ཉིད་ལ་ཡོད་ཅེས་ཟླ་བ་སྙེམས་པར་བྱེད་མི་དགོས་སོ་ཞེས་དཔེ་ལ་བསམ་པ་(༣༩ན)

― GLG020_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་བཞིན་དུ་སྒྲོ་བཏགས་ཏེ། ཟླ་བ་ཁྱོད་དུ་མ་ཟད་པདྨ་ལ་ཡང་མཛེས་མའི་གདོང་གི་ཡོན་ཏན་དེ་ཡོད་པའི་ཕྱིར། ཞེས་པ་འདི་ནི་རབ་བཏགས་ཀྱི་དཔེའོ། །དཔེར་ན། འཇམ་མཉེན་ཆུ་སྐྱེས་གཞོན་ནུའི་ཡལ་འདབ་རྣམས། །དབྱངས་ཅན་ལྷ་མོའི་ཕྱག་གི་སོར་མོའི་དཔལ། །སྙེམས་པར་མི་འཚལ་ལེགས་བྲིས་རྐེད་མེད་མའི། །ལག་པའི་ཡལ་ག་དེ་ཡི་དགྲ་ཟླ་བྱེད། །ཅེས་པ་ལྟ་བུ། བཅུ་པ་རྨད་བྱུང་གི་དཔེ་ནི། གལ་ཏེ་དཔེ་པདྨ་འགའ་ཞིག་ལ་འདོད་པས་རྣམ་པར་འཕྲུལ་བའི་མིག་དང་ལྡན་ན། དཔེ་ཅན་སྨིན་ལེགས་མ་ཁྱོད་ཀྱི་བཞིན་གྱི་དཔལ་འཛིན་ཏེ། ཞེས་དཔེ་མིག་དང་ལྡན་པའི་པདྨ་དཀོན་པ་ལྟར་བྱས་ཏེ། དཔེ་ཅན་ངོ་མཚར་བར་སྟོན་པ་འདི་ནི་རྨད་བྱུང་གི་དཔེའོ། །དཔེར་ན། ན་ཚོད་དར་བབས་ཡན་ལག་མཆོག་མ་ཡིས། །མི་ཟད་ངག་གི་དངོས་གྲུབ་སྟེར་ནུས་ན། །རྣ་བ་བརྒྱད་པའི་མཆེ་བ་ལས་འོངས་པའི། །ངག་དབང་དབྱངས་ཅན་མ་དེའི་འགྲན་ཟླར་བྱེད། །ཅེས་པ་ལྟ་བུ། བཅུ་གཅིག་པ་རྨོངས་པའི་དཔེ་ནི། དཔེ་ཅན་ལུས་ཕྲ་མ་ཁྱོད་ཀྱི་གདོང་དང་། དཔེ་རི་བོང་ཅན་གཉིས་ཧ་ཅང་འདྲ་བས་གང་ཡིན་ཞེས་བརྟགས་ཀྱང་ཤན་མ་ཕྱེད་པར། ཁྱོད་ཀྱི་གདོང་ནི་ཟླ་བར་འཁྲུལ་བའི་བསམ་པ་ཡིས། ཆགས་པའི་དབང་གིས་བཅོ་ལྔའི་ཟླ་བ་ཤར་བ་འདིའི་ཡང་རྗེས་སུ་སྙེག་གོ །ཞེས་པ་འདི་ནི་དཔེ་ཅན་དཔེ་རུ་འཁྲུལ་བས་རྨོངས་པའི་དཔེ་རུ་བཤད་དོ། །དཔེར་ན། འཆི་མེད་ཡུལ་དུ་གཤེགས་ཕྱིར་ཤཱཀྱའི་ཏོག །ཀུན་གསལ་ངོས་སུ་ཐོགས་མེད་རྒྱུ་བ་ན། །(༣༩བ)

― GLG020_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་བདུན་མཁའ་ལ་འགྲོ་ཞེས་བླུན་པོ་འགའ། །པད་དཀར་འདབ་མ་འཛུམ་ལ་ལྟ་ཕྱིར་རྒྱུག །ཅེས་པ་ལྟ་བུ། བཅུ་གཉིས་པ་ཐེ་ཚོམ་གྱི་དཔེ་ནི། དཔེ་ཁྱད་གཞི་པདྨའི་ནང་དུ་ཁྱད་ཆོས་ཀྱི་བུང་བ་འཁོར་བའམ། དཔེ་ཅན་ཁྱད་གཞི་མཛེས་མ་ཁྱོད་ཀྱི་གདོང་པ་ལ་ཁྱད་ཆོས་མིག་གཡོ་བ་གང་རུང་ཞིག་ཅི་ལྟར་ཡིན་པ་འདྲ་ཡང་། བདག་གི་སེམས་ནི་ཐེ་ཚོམ་གྱི་རྣམ་པར་གཡོ་བ་ལས་གཅིག་ཏུ་ངོས་མ་ཟིན་ནོ། །ཞེས་པ་འདི་ནི་ཐེ་ཚོམ་གྱི་དཔེའོ། །དཔེར་ན། སྨྲ་མཁས་དྲང་སྲོང་ལྷ་ཡི་བླ་མ་དེ། །འཛམ་བུས་མཛེས་པའི་གླིང་འདིར་འོངས་པའམ། །ཡང་ན་ཐམས་ཅད་མཁྱེན་པ་ཆོས་སྐྱོང་བཟང་། །འཆད་རྩོད་རྩོམ་ལ་བྲེལ་སྙམ་འཕྱང་མོ་ཉུག །ཅེས་པ་ལྟ་བུ། བཅུ་གསུམ་པ་གཏན་ལ་འབེབས་པའི་དཔེ་ནི། ཟླ་བ་ཁ་སྐྱེངས་པར་བྱེད་པའི་ཤིན་ཏུ་མཛེས་པ་འདི་དཔེ་པདྨ་མ་ཡིན་ཏེ། པདྨ་དེ་ནི་ཟླ་བས་ཚར་གཅོད་ཅིང་ཟུམ་པར་བྱེད་ལ། འདི་ཚར་མི་གཅོད་པ་དེའི་ཕྱིར། ཟླ་བས་མི་འཇོམས་པའི་དཔེ་ཅན་མཛེས་མ་ཁྱོད་ཀྱི་གདོང་ཉིད་དོ། །ཅེས་དཔེ་དཔེ་ཅན་ཟླ་བས་འཇོམས་མི་འཇོམས་ཀྱི་ངེས་ཚིག་ཡོད་པ་འདི་གཏན་ལ་ཕེབས་པའི་དཔེའོ། དཔེར་ན། བརྡའ་སྤྲོད་གཞུང་བརྒྱ་སྨྲ་བའི་སློབ་དཔོན་འདི། །ལྷ་ཆེན་སྲས་པོ་གདོང་དྲུག་དང་མཚུངས་ཀྱང་། །གངས་ཅན་ལྗོངས་འདིར་ལེགས་སྦྱར་སྟོན་པའི་ཕྱིར། །པང་སྟོན་ལོ་ཆེན་བློ་གྲོས་བརྟན་པར་ངེས། །ཞེས་པ་ལྟ་བུ། བཅུ་བཞི་པ་སྦྱར་བའི་དཔེ་ནི། འདི་ནི་དོན་སྦྱར་བ་ཡིན་པས། སྦྱོར་ལུགས་དཔེ་ཅན་མཛེས་མའི་གདོང་གིས་མཛེས་པའི་(༤༠ན)

― GLG020_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་ནས་བསིལ་ཟེར་ཅན་གྱི་འགྲན་ཟླ་བྱེད་པ་དང་། དཔེ་པདྨས་ཉི་མའི་ཕྱོགས་ཡིན་པའི་སྒོ་ནས་འགྲན་ཟླ་བྱེད་པ་སྦྱར། དེ་བཞིན་དུ་དཔེ་ཅན་ལ་མཛེས་པའི་དཔལ་དང་། དཔེ་ལ་བུང་བའི་དཔལ་ལྡན་པ་སྦྱར། དཔེ་ཅན་མཛེས་མའི་ཁ་ལ་ཨུཏྤ་ལའི་དྲི་དང་། དཔེ་གསར་གྱི་དྲི་བཟང་པོ་གཉིས་སྦྱར་ནས། དཔེ་ཅན་ཁྱོད་ཀྱི་གདོང་ནི། དཔེ་ཆུ་སྐྱེས་བཞིན་ནོ། །ཞེས་མཚུངས་པའི་སྒྲ་དངོས་སུ་ཡོད་པའི་སྒོ་ནས་སྦྱོར་རྒྱུ་གཉིས་ལས་མི་ཉུང་བ་ནི་སྦྱར་བའི་དཔེ་རུ་བཤད་དོ། །དཔེར་ན། གང་ཞིག་བསྟེན་ན་ལེགས་པའི་དཔལ་སྟེར་ཞིང་། །མི་མཐུན་རྒུད་པའི་ཚོགས་ཀྱི་དགྲར་གྱུར་པ། །སྲིད་འདིར་ཤིན་ཏུ་རྙེད་དཀའ་ཟས་གཙང་སྲས། །ཡིད་བཞིན་དབང་གི་རྒྱལ་པོར་ཡང་དག་མཚུངས། །ཞེས་པ་ལྟ་བུ། བཅོ་ལྔ་པ་མཉམ་ཉིད་ཀྱི་དཔེ་ནི། མཚུངས་པར་ནུས་ཕྱིན། སྒྲ་གཅིག་ལ་གཅོད་མཚམས་མི་འདྲ་བ་གཉིས་སམ། མིང་གཅིག་ལ་དོན་མི་འདྲ་བ་གཉིས་སུ་བྱེད་པ་གང་རུང་གིས་དཔེ་དཔེ་ཅན་གཉིས་མཉམ་པ་ཉིད་དུ་བརྗོད་པར་ནུས་པར་བྱ་བའི་ཕྱིར་མཉམ་ཉིད་ཀྱི་དཔེ་སྟེ། ཇི་ལྟར་ན། དཔེ་ཅན་སྐྱེད་མོས་ཚལ་གྱི་ཕྲེང་བ་འདི། དཔེ་བུ་མོ་བཞིན་དུ་མཛེས་པ་དང་ལྡན་ནོ། །མཚུངས་ཆོས་སཱ་ལ་སྟེ་སྤོས་དཀར་གྱི་ཤིང་དང་། ཀཱ་ན་ན་ནགས་ཏེ། སྐྱེད་ཚལ་སྤོས་དཀར་ཤིང་གི་ནགས་ཀྱིས་མཛེས་སོ། །གཅོད་མཚམས་གཅིག་ལ། ས་བཅས་པ། ཨ་ལ་ཀ་ལན་བུ། ཨཱ་ན་ན་གདོང་པ། མཚུངས་འདྲ་བྱས་པས། བུ་མོ་གདོང་(༤༠བ)

― GLG020_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

ལན་བུ་དང་བཅས་པས་མཛེས་སོ། །ཡང་ན་མིང་གཅིག་པ་ལ་དོན་མི་འདྲ་བ། ཀུན་ལས་རྣམ་པར་རྒྱལ་བ་ལ་སངས་རྒྱས་དང་ཁྱབ་འཇུག་མཚུངས་ཀྱང་། རྒྱལ་ལུགས་མི་གཅིག་པ་སྟེ། དཔེར་ན། སྟོབས་བཅུ་མི་འཇིགས་བཞི་ཡི་རྩལ་རྣམས་ཀུན། །ཡོངས་སུ་རྫོགས་པའི་ཀུན་མཁྱེན་ཉི་མའི་གཉེན། །མཁར་ཉལ་གཙོ་བོ་ཐ་གུའི་ལྟོ་ཅན་བཞིན། །ཀུན་ལས་རྣམ་པར་རྒྱལ་བའི་དབང་ཕྱུག་ཐོབ། །ཅེས་པ་ལྟ་བུ། འདིའི་སྐབས་འཇམ་ཁ་དང་། བྱ་གཤོངས་ཀླུ་སྒྲུབ་པ་གཉིས་ཀྱིས་སྦྱར་བ་དང་མི་འདྲ་བའི་ཁྱད་པར་བཤད་པ་རྣམས་ནི་རྒྱུ་མཚན་མེད་པའི་རྟོག་བཏགས་ཁོ་ནར་འདུག་ཅིང་། སྣར་ཐང་པ་དང་། ཟུར་མཁར་བ་གཉིས་ཀྱིས་སྒྲ་རྐྱང་པར་སྦྱར་བ་ནི་ཧ་ཅང་གུ་དོག་གྲགས་ལ་རིན་སྤུངས་པས། འོག་གི་སྦྱར་རྒྱན་ཀུན་ལའང་ཞེས་གསུངས་ཀྱང་། འདིར་མཚུངས་པ་གསལ་བྱེད་ཀྱི་སྒྲ་དང་བཅས་དགོས་ཤིང་། འོག་མ་རྣམས་ལ་སྦྱོར་ཚུལ་ཡང་སྣ་ཚོགས་ཡོད་པས། འདིའི་རྩོད་སྤོང་ལ་གསུང་བ་ནི་ཉ་དང་ཉུང་མ་བསྲེས་པའོ། །དེས་ན་ཁོ་བོ་ནི། སློབ་དཔོན་མཁས་པའི་གསུང་རྒྱུན་ལ་བརྟེན་ནས་འདི་ལྟར་སྨྲ་སྟེ། སྦྱར་བའི་དཔེ་ལ་ནི་མཚུངས་པའི་ཡོན་ཏན་གཉིས་ལས་མི་ཉུང་བ་ཞིག་དགོས་པ་དང་། དོན་ལ་སྦྱར་བ་ཡིན་ལ། འདིར་ནི་མཚུངས་པའི་ཡོན་ཏན་གཅིག་གིས་ཆོག་ཅིང་། སྒྲ་དོན་གང་ལ་སྦྱར་ཡང་ཁྱད་པར་མེད་པས། ལེགས་བཤད་ཀྱི་སོར་མོས་འགྲེལ་བྱེད་མཁན་པོ་རྣམས་སྦུགས་ཐུམ་ཀྱི་སྒྲོག་ཏུ་ཚུད་པ་ལེགས་པར་བཀྲོལ་བ་ཡིན་ནོ། །(༤༡ན)

― GLG020_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་དྲུག་པ་མེད་པའི་དཔེ་ནི། དཔེ་པདྨ་དང་ཟླ་བ་གཉིས་རིམ་བཞིན་གེ་སར་གྱི་རྡུལ་མང་བ་དང་། ནག་ཕྱོགས་ལ་མཛད་པས། དེ་དག་ལས་ནི་དཔེ་ཅན་མཛེས་མ་ཁྱོད་ཀྱི་བཞིན་མཚུངས་པ་ལ་ཡང་ཁྱད་པར་དུ་འཕགས་པ་དང་བཅས་སོ་ཞེས་པ་མེད་པའི་དཔེ་རུ་འདོད་དོ། །དཔེར་ན། དཔལ་མོའི་གླུ་དབྱངས་ཡུལ་གྱིས་རྣམ་པར་སྐལ། །དབྱར་སྐྱེས་རྔ་གསང་དུས་ཀྱི་གཞན་དབང་གྱུར། །དེ་དག་ཚོགས་ལས་ཚངས་སྲས་ལྷ་མོའི་གསུང་། །མཚུངས་པ་ལས་ཀྱང་ཁྱད་པར་མང་དུ་མཆིས། །ཞེས་པ་ལྟ་བུ། བཅུ་བདུན་པ་བསྔགས་པའི་དཔེ་ནི། དཔེ་པདྨས་ཚངས་པ་མཆོག་ཏུ་བསྐྱེད་པ་དང་། ཟླ་བ་བདེ་འབྱུང་གི་གཙུག་གིས་འཛིན་ཞེས་བསྔགས་ཏེ། དེ་དག་དང་དཔེ་ཅན་མཛེས་མ་ཁྱོད་ཀྱི་གདོང་མཚུངས་ཞེས་པ། དེ་ནི་དཔེ་ལ་བསྔགས་པའི་དཔེར་བརྗོད་དོ། །དཔེར་ན། མི་བསྲུན་གླགས་ལྟའི་རྒོལ་ངན་རབ་འཇོམས་ཤིང་། །བློ་གསལ་ཚོགས་རྣམས་ཆོས་ཀྱིས་ཚིམ་བྱེད་པའི། །ཐོགས་མེད་སྐུ་མཆེད་ཇི་བཞིན་བཙོང་ཁ་པ། །ལྷར་བཅས་སྐྱེ་དགུའི་གཙུག་ན་མངོན་པར་མཛེས། །ཞེས་པ་ལྟ་བུ། བཅོ་བརྒྱད་པ་བརྗོད་འདོད་ཀྱི་དཔེ་ནི། དཀར་བའི་ཡོན་ཏན་དང་ལྡན་ནི། །རེ་རེའི་སྐྱོན་དང་ལྡན་པར་གྱུར་ཀྱང་། །དཔེ་ཟླ་བ་དང་། དཔེ་ཅན་མཛེས་མ་ཁྱོད་ཀྱི་གདོང་མཚུངས་ཞེས་པ་བརྗོད་འདོད་རྩོམ་པ་པོ་བདག་གི་ཡིད་ལ་ཡོད་དོ། །ཞེས་ཤུགས་ཀྱི་དཔེའི་ཡོན་ཏན་དང་མཚུངས་པར་གོ་བ་ནི་བརྗོད་འདོད་ཀྱི་དཔེ་ཞེས་རིག་གོ །དཔེར་ན། ལེགས་པའི་(༤༡བ)

― GLG020_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་འབའ་ཞིག་ཉེར་སྟོན་པའི། །ཚངས་སྲས་ངག་གི་ལྷ་མོའི་སྙན་འགྱུར་གསུང་། །ཀ་ལ་པིང་ཀའི་དབྱངས་དང་མཚུངས་བརྗོད་ལ། །ཇི་ལྟར་གྱུར་ཀྱང་ཡིད་ཀྱི་ངོས་སུ་ཤར། །ཞེས་པ་ལྟ་བུ། བཅུ་དགུ་པ་འགལ་བའི་དཔེ་ནི། དཔེ་འདབ་བརྒྱ་པ་དང་སྟོན་ཟླ་གཉིས། དཔེ་ཅན་མཛེས་མ་ཁྱོད་ཀྱི་གདོང་དང་གསུམ་པོ་འདི་ནི་མཛེས་ཆོས་ལ་ཁྱད་པར་མེད་ཀྱང་། དེ་གསུམ་གནས་པའམ་རྟེན་ས་ཐ་དད་པའི་ངོས་ནས། ཕན་ཚུན་རྣམ་པར་འགལ་ཞེས་པ། དེ་ནི། ཤུགས་ལ་མཛེས་པ་སོགས་མཚུངས་པར་བསྟན་པས་འགལ་བའི་དཔེར་བརྗོད་དོ། །དཔེར་ན། སྨྲ་བའི་དབང་ཕྱུག་དྲང་སྲོང་མེ་བཞི་སྐྱེས། །ངག་གི་དཔལ་ཐོབ་སློབ་དཔོན་དཎྜཱིའི་ཞབས། །གནས་ལྔ་རིག་པ་ལོ་ཆེན་བློ་གྲོས་བརྟན། །འདི་གསུམ་ཕན་ཚུན་རྣམ་པར་འགལ་བ་ཉིད། །ཅེས་པ་ལྟ་བུ། ཉི་ཤུ་པ་དགག་པའི་དཔེ་ནི། འགོག་བྱེད་དྲི་མ་ལྡན་ཞིང་བླུན་པར་གྱུར་པས། དགག་བྱ་དཔེ་ཟླ་བ་ལ་ནི། དཔེ་ཅན་མཛེས་མ་ཁྱོད་ཀྱི་གདོང་དང་འགྲན་པའི་ནུས་པ་ནམ་ཡང་མེད་དོ། །ཞེས་པ་དཔེ་དམན་པས་མི་མཚུངས་པ་ལྟར་དངོས་སུ་བསྟན་པའི་ཤུགས་ལ་དཀར་བ་སོགས་འདྲ་བར་བསྟན་པ་ནི་དགག་པའི་དཔེ་ཉིད་དོ། །དཔེར་ན། བ་མོའི་རེག་པ་ཆུང་ངུས་རྙིངས་བྱེད་ཅིང་། །བུང་བའི་འཕུར་ལྡིང་འཕྲུལ་ཡང་ཕྱི་རོལ་གཟུགས། །མཐོང་མིན་འདམ་སྐྱེས་གཞོན་ནུས་དབྱངས་ཅན་མའི། །ཡིད་འོང་ཞལ་གྱི་ཁྱིམ་དང་ཅི་ཞིག་མཚུངས། །ཞེས་པ་ལྟ་བུ། ཉེར་གཅིག་པ་ངོ་བསྟོད་ཀྱི་དཔེ་ནི། དཔེ་ཅན་མཛེས་མ་ཁྱོད་གདོང་རི་དྭགས་ཀྱི་མིག་གིས་མཚན་ལ། དཔེ་ཟླ་བ་ནི་རི་དྭགས་ཉིད་ཀྱིས་མཚན་པ་(༤༢ན)

― GLG020_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟ་ན་དཔེ་ཅུང་ཟད་ལྷག་དགོས་རྒྱུ་ཡིན་ཀྱང་། འདི་གཉིས་མཚུངས་པ་ཉིད་ལས། དཔེ་ཁྱད་འཕགས་མིན་ཞེས་དཔེ་ཅན་ལ་ངོ་བསྟོད་ཀྱི་དཔེའོ། །དཔེར་ན། རྒྱལ་བའི་དབུ་སྐྱེས་དབང་སྔོན་མདངས་འཛིན་ཞིང་། །ཨིནྡྲ་ནཱི་ལའི་རྡུལ་རྩེགས་དབང་སྔོན་དངོས། །འོན་ཀྱང་སྣང་བྱེད་ཡུལ་དུ་མཐོན་མཐིང་འོད། །མངོན་པར་མཚེར་ལ་ཁྱད་པར་ཅི་ཞིག་མཆིས། །ཞེས་པ་ལྟ་བུ། ཉེར་གཉིས་པ་དེ་ཉིད་བརྗོད་པའི་དཔེ་ནི་འདི་ནི་དཔེ་ཅན་མཛེས་མའི་བཞིན་ཉིད་ཡིན་གྱི། དཔེ་པདྨ་ནི་མ་ཡིན་ནོ། །འདི་དག་ནི་དཔེ་བུང་བ་མ་ཡིན་གྱི། དཔེ་ཅན་མིག་གོ་ཞེས་པ་དཀར་མཛེས་སོགས་ཕན་ཚུན་རྣམ་པ་གསལ་བར་མཚུངས་པ་ལས། དཔེ་ཅན་དཔེ་རུ་མ་འཁྲུལ་བར་གནས་ལུགས་ངེས་པ་དེ་ནི་དེ་ཉིད་བརྗོད་པའི་དཔེའོ། །དཔེར་ན། ཁ་དོག་རྣམ་པར་བཀྲ་འདི་དབང་གཞུ་དང་། །མཚུངས་ཀྱང་འཇའ་མིན་འཆི་མེད་ལྷ་ཡི་གོས། །ཤིན་ཏུ་སྙན་འདི་བུང་བའི་སྐད་འདྲ་ཡང་། །མ་ཡིན་དབྱངས་ཅན་ཕྱག་གི་རྒྱུད་མང་སྒྲ། །ཞེས་པ་ལྟ་བུ། ཉེར་གསུམ་པ་ཐུན་མོང་མིན་པའི་དཔེ་ནི། དཔེ་ཟླ་བ་དང་པདྨ་དག་གི་ནི་མཛེས་པ་ལས་འདས་པའི་དཔེ་ཅན་མཛེས་མ་ཁྱོད་ཀྱི་གདོང་ལ་དཔེར་འོས་པ་གཞན་མེད་པས། བདག་སྟེ་རང་ཉིད་ཀྱི་དཔེར་རང་ཉིད་མཚུངས་པར་གྱུར་ཞེས་པ་ཐུན་མོང་མ་ཡིན་པའི་དཔེའོ། །དཔེར་ན། རབ་དཀར་ཆུ་ཤེལ་དབང་པོའི་དཀྱིལ་འཁོར་དང་། །ཨུཏྤལ་འདབ་མས་མཛེས་པའི་ཆ་ཙམ་དུ། །མཚུངས་པའི་གོ་སྐབས་བྲལ་བས་མཚར་བའི་དཔེར། །རང་ཉིད་(༤༢བ)

― GLG020_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་བསྟན་ཚངས་སྲས་ལུས་ཕྲ་མ། །ཞེས་པ་ལྟ་བུ། ཉེར་བཞི་པ་འབྱུང་མིན་གྱི་དཔེ་ནི། དཔེ་པདྨ་མཛེས་པའི་སྙིང་པོ་ཀུན་བྱེད་པོས་ཕྱོགས་འགའ་ཞིག་དག་ཏུ་བསྡུས་པ་ནི་མི་འབྱུང་ལ། གལ་སྟེ་བྱུང་ན་དེ་བཞིན་དུ་དཔེ་ཅན་མཛེས་མ་ཁྱོད་ཀྱི་ཞལ་རྣམ་པར་མཛེས་པའི་དཔེའོ་ཞེས་པ་དེ་ནི་འབྱུང་མིན་གྱི་དཔེ་ཞེས་རིག་གོ །དཔེར་ན། མང་ཐོས་ཡོན་ཏན་ཁུར་གྱིས་རབ་ལྕི་བའི། །གནས་ལྔའི་མཐར་སོན་རིན་ཆེན་ཆོས་སྐྱོང་བཟང་། །མཁས་གྲུབ་བྱེ་བའི་འཆད་རྩོད་རྩོམ་པ་ཡི། །བློ་གྲོས་མཐའ་དག་གཅིག་ཏུ་གྱུར་པ་འདྲ། །ཞེས་པ་ལྟ་བུ། ཉེར་ལྔ་པ་སྲིད་མིན་གྱི་དཔེ་ནི། དཔེ་ཟླ་བའི་གཟུགས་དང་ཙནྡན་ལས་ནི་རིམ་བཞིན་དུག་དང་མེ་མི་འབྱུང་བ་བཞིན་དུ། དཔེ་ཅན་དམ་པ་ཁྱོད་ཀྱི་ཞལ་འདི་ལས་ནི་རྩུབ་མོའི་ཚིག་མི་འབྱུང་ངོ་། །ཞེས་པ་སྲིད་པ་མིན་པའི་དཔེའོ། །དཔེར་ན། ཀུན་ཕན་ཟེར་གྱིས་བསྐྱེད་པའི་སྟུག་པོའི་མུན། །དཔག་བསམ་ཡོངས་འདུ་ལས་འོངས་དྲི་ངན་བཞིན། །ཟུར་ཕུད་ལྔ་པའི་མཁྱེན་པ་ལས་བརྒལ་བས། །ཇི་སྙེད་བརྟན་གཡོའི་ཆོས་དེ་གང་དུ་ཅི། །ཞེས་པ་ལྟ་བུ། ཉེར་དྲུག་པ་མང་བའི་དཔེ་ནི། དཔེ་ཙནྡན། གངས་ཆུ་དང་ཟླ་བའི་ཟེར། ཟླ་ཤེལ་སོགས་བཞིན་དུ་མཛེས་མ་ཁྱོད་ཀྱི་ལུས་ནི་རེག་པ་ཡང་བསིལ་ལོ་ཞེས་དཔེ་མང་པོ་ཞིག་གིས། དཔེ་ཅན་གཅིག་གི་ཁྱད་པར་དག་གསལ་བར་བྱེད་པ་མང་བའི་དཔེའོ། །དཔེར་ན། དབྱིག་འཛིན་རྡུལ་ཕྲན་གྲངས་དང་ཀུན་གསལ་མཐའ། །བསྐལ་པའི་ཆར་རྒྱུན་ན་ཀྲའི་གྲོང་(༤༣ན)

― GLG020_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེར་གཏིང་། །གསེར་མངལ་ཅན་གྱི་གྲངས་ཡས་ལེགས་བྱས་ཀྱི། །རྗེས་འགྲོ་རྣམ་འདྲེན་མཁྱེན་བརྩེའི་གཏིང་དཔག་དཀའ། །ཞེས་པ་ལྟ་བུའོ། །ཉེར་བདུན་པ་རྣམ་འགྱུར་གྱི་དཔེ་ནི། །དཔེ་ཅན་ལུས་ཕྲ་མ་ཁྱོད་ཀྱི་བཞིན་རས་ནི། དཔེ་ཟླ་བའི་དཀྱིལ་འཁོར་གྱི་དཀྱིལ་ནས་ཚུར་བཏོན་པ་བཞིན། དཔེ་པདྨའི་ནང་ནས་ཚུར་ཕྱུང་བ་བཞིན། ཞེས་པ་འདི་ནི་རྣམ་འགྱུར་གྱི་དཔེའོ། །དཔལ་སྒང་ལོ་ཙཱ་བས། ཨིནྡྲ་ནཱི་ལས་བྱུགས་པ་བཞིན་ཞེས་ཕར་བྱུགས་པར་བཤད་པ་ནི་གཞུང་དོན་དང་མ་འབྲེལ་ཞིང་། ཁྱེད་ཀྱི་གསུང་ཕལ་ཆེར་ལེགས་པར་བཤད་པར་འདུག་ནའང་། སྐབས་འགར་ཉེས་བཤད་མཛད་པ་བདེན་པར་མཆི་སྟེ། མ་མཛད་ན་ཁྱེད་དང་ཟུར་མཁར་བ་གཉིས་ཀརྨ་པའི་ཁྲོད་དུ་ཕོ་རོག་དཀར་པོ་བྱུང་གིས་དོགས་པའོ། །དཔེར་ན། གངས་ཅན་མཁས་པའི་དབང་པོ་ཤོང་སྟོན་རྗེ། །འཕགས་ཡུལ་པཎ་ཆེན་ཁྲོད་ནས་བྱོན་པ་བཞིན། །སྔོན་མེད་ལེགས་པར་བཤད་པའི་གསུང་གི་ཚོགས། །དྲང་སྲོང་ཕུར་བུའི་ངག་ལས་བླངས་པ་བཞིན། །ཞེས་པ་ལྟ་བུ། ཉེར་བརྒྱད་པ་ཕྲེང་བའི་དཔེ་ནི། དཔེ་ཉི་མའི་འོད་ཀྱིས་ཉི་མའི་དཀྱིལ་འཁོར་ལ་གཟི་བརྗིད་འཛིན་པ་བཞིན་དུ། དཔེ་ཅན་ཉི་མ་ཡིས་ཉིན་མོ་ལ་སྣང་བ་འཛིན། ཡང་དཔེ་ཅན་དེ་དཔེར་བྱས་པ་བཞིན་དུ། དཔེ་ཅན་ཉི་མོའི་སྣང་བ་དེས་ནམ་མཁའ་ལ་གསལ་བའི་དཔལ་འཛིན། དཔེ་ཅན་དེ་དཔེར་བྱས་པ་བཞིན་དུ། དཔེ་ཅན་གཞན་སྡེ་རྣམ་པར་གནོན་པའི་རྒྱལ་པོ་ཁྱོད་ཀྱི་དབང་ཕྱུག་དམ་(༤༣བ)

― GLG020_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དཔལ་འཛིན་ཞེས་སྔ་མ་སྔ་མ་དཔེ་དང་། ཕྱི་མ་ཕྱི་མ་དཔེ་ཅན་དུ་བཀོད་པ་དེ་ནི་ཕྲེང་བའི་དཔེའོ། །དཔེར་ན། སྒྲ་གཅན་གྱིས་ནི་ཉི་མ་འཇོམས་པ་བཞིན། །རྟ་ལྗང་ཅན་གྱིས་ཟླ་བའི་འོད་ལ་བཞིན། །རི་དྭགས་མཚན་མས་པད་དཀར་འཇོམས་པ་ལྟར། །དབྱངས་ཅན་ལྷ་མོས་མི་ཤེས་རྨོངས་ཚོགས་འཇོམས། །ཞེས་པ་ལྟ་བུ། ཉེར་དགུ་པ་ངག་དོན་གྱི་དཔེ་ལ། མཚན་ཉིད། དབྱེ་བ་གཉིས་དང་པོ་ནི། གང་ཡང་ངག་གི་དོན་བྱེད་ཅན་དྲུག་ལས། གསུམ་པ་དང་གཉིས་པ་གཙོ་བོར་གྱུར་པ་ཉིད་ཀྱིས་གལ་ཏེ་ངག་དོན་གྱི་དཔེ་དཔེ་ཅན་གྱིས་ཁྱད་གཞི་ཁྱད་ཆོས་གོ་རིམ་བཞིན་དུ་ཉེ་བར་འཇལ་ནས་ངག་དོན་གྱི་དཔེ་སྟེ་དེ་ལ་བཞིན་སྒྲ་ནི་གཅིག་དང་དུ་མ་ཡོད་པ་དེ་རྣམ་པ་གཉིས་སོ། །གཉིས་པ་ལ་གཉིས་ལས། བཞིན་སྒྲ་གཅིག་པ་ནི། དཔེ་ཅན་གྱི་ཁྱད་གཞི་མཛེས་མ་ཁྱོད་ཀྱི་གདོང་། ཁྱད་ཆོས་མིག་ནི་མི་བརྟན་པ་སྟེ་གཡོ་ཞིང་། སོ་ཡི་འོད་ཟེར་རབ་ཏུ་གསལ་བ་འདི་ནི། དཔེ་ཁྱད་གཞི་འདམ་སྐྱེས་དང་། ཁྱད་ཆོས་བུང་བ་གཡོ་བ་དང་ལྡན་པ་དང་ནི། གེ་སར་དག་གིས་མཚོན་བཞིན་མཛེས་སོ། །དཔེ་གསུམ་གྱི་དཔེ་ཅན་གསུམ་གོ་རིམ་བཞིན་དུ་མཇལ་ཞིང་། གིས་ཞེས་གསུམ་པ་དང་། མཛེས་ཞེས་གཉིས་པ་དང་། བཞིན་སྒྲ་གཅིག་ཡོད་པའོ། །དཔེར་ན། འཇམ་དཀར་ཕྱག་སོར་རྩེ་ན་ཨུཏྤ་ལའི། །འཁྲི་ཤིང་སྟེང་ན་ཤེས་རབ་རལ་གྲི་ཅན། །གངས་རིའི་རྩེ་ན་སྤྲིན་དཀར་གཡོ་བ་ལ། །ཉི་འོད་ཀྱིས་ཁྱབ་བཞིན་དུ་རྣམ་པར་གསལ། །ཞེས་པ་ལྟ་བུ། གཉིས་པ་བཞིན་སྒྲ་དུ་མ་ཡོད་པ་ནི། དཔེ་པདྨ་ཅན་སྡོང་པོ་བཞིན་དུ། དཔེ་ཅན་ལུས་ཕྲ་མ་གཉིས་པོ་(༤༤ན)

― GLG020_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་གཞི་དང་། ཁྱད་ཆོས་དཔེ་པདྨ་བཞིན་དུ་དཔེ་ཅན་དེའི་གདོང་པ། དཔེ་བུང་བས་སྦྲང་རྩི་སྤྱོད་པ་བཞིན་དུ་ནི་དཔེ་ཅན་བདག་གིས་འཐུང་ཞིང་འཐུང་ཞིང་སྟེ་དགའ་མགུར་རྩེས་སོ། །ཞེས་གྱིས་གསུང་པ་དང་། འཐུང་དང་རྩེ་གཉིས་པ་བཞིན་སྒྲ་མང་དུ་ཡོད་པ་སྟེ། དཔེར་ན། བཻཌཱུར་བརྩེགས་པའི་རི་བཞིན་ཐུབ་དབང་སྐུ། །གསེར་མདངས་མངོན་པར་བཀྲ་བཞིན་གང་གི་འོད། །རླུང་གིས་བསྒུལ་ནུས་མིན་བཞིན་སྒྲིབ་གཉིས་དགྲས། །ནམ་ཡང་གཡོ་མེད་སྤངས་དང་རྟོགས་པ་རྫོགས། །ཞེས་པ་ལྟ་བུ། སུམ་ཅུ་པ་ཟླ་བོའི་དངོས་དཔེ་ལ། མཚན་ཉིད་དང་། དཔེར་བརྗོད། དང་པོ་ནི། དཔེ་ཅན་གྱི་དངོས་པོ་འགའ་ཞིག་ཕྱེད་སྔ་མ་ལ་ཉེ་བར་བཀོད་ནས། ཕྱེད་ཕྱི་མ་ལ་དེའི་ཆོས་མཐུན་གྱི་དཔེ་རབ་ཏུ་བཀོད་པས། དཔེ་དཔེ་ཅན་གཉིས་དོན་མཉམ་པ་ཉིད་དུ་རྟོགས་པ་ཅན་དེ་ནི་ཟླ་བའི་དངོས་པོའི་དཔེ་ཡིན་ཏེ། དཔེར་ན། ཞེས་སོ། །གཉིས་པ་ནི། དཔེ་ཅན་འདིར་རྒྱལ་པོ་རྣམས་ནི་མང་དུ་སྐྱེས་པར་གྱུར་ཀྱང་། ད་ལྟ་ཁྱོད་དང་འདྲ་བ་ནི་གཅིག་ཀྱང་མེད་ལ། དེའི་ཟླ་བོ་སྟེ་དཔེ་ཡོངས་འདུའི་ཚལ་དག་ལ་དཔག་བསམ་གྱི་རྐང་འཐུང་ནི་གཉིས་པ་ངེས་པར་ཡོད་པ་མ་ཡིན་པས་གཅིག །ཁོ་ནའོ། །དཔེར་ན། སྒྲོན་མེའི་བསྐལ་པར་སངས་རྒྱས་མང་བྱོན་ཀྱང་། །ཤཱཀྱའི་སྐྱེས་མཆོག་ཁྱོད་ཀྱི་དོ་ཟླ་མེད། །ཆོས་བཟང་མདུན་སར་སྐབས་གསུམ་གྲངས་མེད་དབུས། །པུ་ལོ་མ་དགྲ་གཉིས་པ་སུ་ཞིག་མཆིས། །ཞེས་པ་ལྟ་བུ། སོ་གཅིག་པ་མཚུངས་སྦྱོར་ལ། མཚན་ཉིད་དང་། དཔེར་བརྗོད། (༤༤བ)

― GLG020_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས། དང་པོ་ནི། དཔེ་ལྷག་པ་གཅིག་གིས་དཔེ་ཅན་དམན་པ་གཅིག་བྱ་བའི་ཆོ་ག་གཅིག་ལ་རབ་ཏུ་བསྡུས་ནས། གང་སྨྲས་པ་དེ་ནི་དཔེ་ཅན་མཚུངས་པར་སྟོན་པ་དག་སྦྱོར་བའི་དཔེ་རུ་བཤད་དེ། དཔེར་ན། གཉིས་པ་ནི། དཔེ་ལྷག་པ་པུ་ལོ་མ་དགྲ་དེ་དང་། དཔེ་ཅན་དམན་པ་མིའི་བདག་པོ་ཁྱོད་གཉིས་འདྲ་བའི་རྒྱུ་མཚན། དཔེ་དེ་ཡིས་མཐོ་རིས་བསྲུང་བ་དང་། དྲེགས་ལྡན་ལྷ་མིན་འཇོམས་པ་དང་། དཔེ་ཅན་ཁྱོད་ཀྱིས་ས་གཞི་སྐྱོང་བའི་མེལ་ཚེ་བྱེད་ཅིང་། འགལ་ཟླའི་མིའི་བདག་པོ་འཇོམས་པའི་བྱ་བའི་ཆོ་ག་གཅིག་ལ་བསྡུས་པ་སྟེ། དཔེར་ན། བུ་རམ་ཤིང་པ་ཐེག་གསུམ་གདུལ་བྱ་དང་། །དཔལ་མགྲིན་མུ་སྟེགས་ཚོགས་ཀྱི་སྟོན་པ་མཛད། །རྒྱལ་བས་མཐར་ཐུག་ངེས་ལེགས་ལམ་བསྟོན་བཞིན། །ལེགས་ལྡན་གནས་སྐབས་དགེ་བའི་གཙུག་ལག་འཆད། །ཅེས་པ་ལྟ་བུ། སོ་གཉིས་པ་རྒྱུའི་རྒྱན་ནི། །དཔེ་ཅན་རྒྱལ་པོ་ཁྱོད་མཛེས་པའི་རྒྱུས་དཔེ་ཟླ་བ་དང་། གཟི་བྱིན་གྱིས་རྒྱུས་དཔེ་ཉི་མ་དང་། བརྟན་པའི་རྒྱུས་དཔེ་རྒྱ་མཚོའི་རྗེས་སུ་བྱེད་ཅེས་པ་འདི་ནི་རྒྱུ་དཔེར་དྲན་པར་བྱའོ། །དཔེར་ན། ལུས་ཕྲའི་བཞིན་རས་དཀར་བས་བསིལ་སྦྱིན་མཁན། །ཡིད་དུ་འོང་བས་མཐོ་རིས་དབང་མོ་སྟེ། །འཇམ་ཞིང་མཉེན་པས་ཨུཏྤ་ལ་ཡི་འདབ། །མིག་དཀྱུས་བཀྲ་བས་དབང་པོའི་གཞུ་ཡི་ཟླ། །ཞེས་པ་ལྟ་བུ། གསུམ་པ་སྐྱོན་ཡོན་ལ། ཡོན་ཏན་དང་། སྐྱོན་གཉིས། དང་པོ་ལ་མཚམས་སྦྱར་བ། དཔེར་བརྗོད། དོན་བསྡུ་(༤༥ན)

― GLG020_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་གསུམ། དང་པོ་ནི། བློ་ལྡན་སྙན་ངག་ལ་མི་དགོས་པ་མེད་པ་གང་ལ། ངེས་པར་དཔེ་རྒྱན་གྱི་སྐྱོན་དག་ནི། ཕོ་མོ་མ་ནིང་གི་རྟགས་ཐ་དད་པ་འདྲེས་པ་དང་། གཅིག་ཚིག་དང་མང་ཚིག་སྦྱར་བ་དང་། མིག་དམན་པ་དང་ལྷག་པ་ཉིད་ལའང་སྐབས་ཐོབ་ཀྱིས་སྦྱོར་ཤེས་ན་སྐྱོན་མེད་དོ། །གཉིས་པ་ལ་རྟགས་ཚིག་ལ་སྐྱོན་མེད་པ་དང་། དཔེ་ལ་སྐྱོན་མེད་པ་གཉིས། དང་པོ་ནི། དཔེ་ཅན་མ་ནིང་འདི། དཔེ་བུད་མེད་བཞིན་དུ་འགྲོའོ་དཔེ་ཅན་བུད་མེད་འདི་དཔེ་སྐྱེས་པ་བཞིན་དུ་སྨྲའོ། །ཞེས་པ་རྟགས་འདྲེས་པ་དང་། དཔེ་ཅན་བདག་གི་གྲོགས་གཅིག་པུ་འདི་དཔེ་ཚེ་འདི་ཕྱི་མང་པོའི་སྲོག་རྣམས་བཞིན་ནོ། །དཔེ་ཅན་རིག་པའི་གནས་ལྔ་རྣམས་བསྒྲུབས་པ་དཔེ་ཡིད་བཞིན་གྱི་ནོར་བུ་གཅིག་བཞིན་ནོ། །ཞེས་ཚིག་མང་ཉུང་སྦྱར་བ་སྟེ། དཔེར་ན། འཇམ་དཔལ་དབྱངས་ནི་སྨྲ་ལ་མཚོ་བྱུང་བཞིན། །དབྱངས་ཅན་མ་ནི་མཐུ་སྟོབས་གསང་བདག་ལྟར། །མཛེས་མའི་གདོང་ནི་དཔེ་འདབ་ཚོགས་ཀུན་བཞིན། །མི་བདག་རྣམས་ལྟར་འཆི་མེད་གཙོ་བོ་འདི། །ཞེས་པ་ལྟ་བུ། གཉིས་པ་ནི། དཔེ་ས་གཞི་སྐྱོང་བ་ཁྱོད་བཞིན་དུ། དཔེ་ཅན་ལྷ་ཡི་རྒྱལ་པོ་རྣམ་པར་མཛེས་སོ། །ཞེས་དཔེ་དམན་པ་དང་། དཔེ་ཚ་ཟེར་ཅན་གྱི་ནུས་པ་ལ། དཔེ་ཅན་མི་བདག་གཟི་བརྗིད་ཀྱིས་འགོང་བར་ནུས་སོ། །ཞེས་དཔེ་ལྷག་པ་སྟེ། དཔེར་ན། གཡོན་མ་ཁྱོད་ཀྱི་མཛེས་སྡུག་རྣམ་འགྱུར་ལྟར། །ཚངས་པའི་སྲས་མོ་འདི་ནི་ཡིད་དུ་འོང་། །དྲི་ཟའི་པི་ཝང་སྙན་ཞིང་འཇེབས་པ་ཡིས། །(༤༥བ)
ཙ་ར་ཀ་ཡི་སྐད་ཀྱི་འགྲན་ཟླ་བྱས། །ཞེས་པ་ལྟ་བུ། གསུམ་པ་ནི། ཞེས་པ་དེ་ལྟ་བུ་ལ་སོགས་པའི་སྐལ་བ་བཟང་པོ་འདི་དག་ནམ་ཡང་གཏོང་བ་མིན་པ་ཉིད་དོ། །གཉིས་པ་སྐྱོན་ལ། མཚམས་སྦྱར་བ། དཔེར་བརྗོད། མཇུག་བསྡུ་བ་དང་། དང་པོ་ནི། རྟགས་ཚིག་དཔེ་དམན་ལྷག་སོགས་ཀྱི་སྦྱོར་བ་འགའ་ཞིག་ལ་ནི་སྙན་ངག་རིག་པའི་མཁས་པ་རྣམས་མི་དགས་པ་ཡོད་དེ། དེ་ཇི་ལྟར་ཡོད་ཅེ་ན། གཉིས་པ་ནི། དཔེ་དང་མོ་བཞིན་དུ། དཔེ་ཅན་ཕོ་རྟགས་ཟླ་བ་དཀར། དཔེ་མང་ཚིག་མཚོ་རྣམས་བཞིན་དུ། དཔེ་ཅན་མཁའ་གཅིག་པུ་དྲི་མ་མེད། དཔེ་དམན་པ་ཁྱི་བཞིན་དུ་དཔེ་ཅན་དཔའ་བོ་རྗེ་ལ་གུས། དཔེ་ལྷག་པ་ཉི་མ་བཞིན་དུ་དཔེ་ཅན་མེ་ཁྱེར་གསལ་ཞེས་པ་སྟེ། དཔེར་ན། དཔལ་མོའི་བཞིན་འདི་རྒྱལ་བའི་མཚན་བཟང་ཟླ། །རྒྱུ་སྐར་ཚོགས་བཞིན་ཀུནྡའི་འདབ་མ་དཀར། །གླང་པོའི་འགྲོས་ལྟར་རྟ་ལྗང་ལྷག་པར་མགྱོགས། །ཡོངས་འདུ་ཇི་བཞིན་སེང་ལྡེང་རྐང་འཐུང་དཀོན། །ཞེས་པ་ལྟ་བུ། གསུམ་པ་ནི། སྦྱོར་བ་ངན་པ་འདི་འདྲ་བ་སྤངས་ཏེ། མཁས་པ་རྣམས་ཀྱི་སྙན་ངག་གི་རྒྱུ་ཕུན་སུམ་ཚོགས་པ་ཡང་དག་པར་འདིར་ནི་བསམ་པར་བྱོས་ཤིག །

མཚུངས་པ་གསལ་བྱེད་ཀྱི་སྐོར་བཤད་པ།

― GLG020_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

མཚུངས་པ་གསལ་བྱེད་ཀྱི་སྐོར་བཤད་པ།བཞི་པ་མཚུངས་པ་གསལ་བྱེད་ལ། གཞུང་གིས་དངོས་སུ་ཟིན་པ་དྲུག་ཅུ་རྩ་གསུམ་བཤད། མ་ཟིན་པ་ངག་གི་དབང་ཕྱུག་གི་འགྲེལ་པ་ལས་བཅུ་གཅིག་བཤད་པ་གཉིས། དང་པོ་ལ་སྡེ་ཚན་བཞིར་ཕྱེ་བའི་དང་པོ་ནི། བཞིན་ནི། དམར་སེར་མདངས་ཅན་ཐུན་མཚམས་ཁ་དོག་བཞིན། །འཇམ་མགོན་ཞལ་(༤༦ན)

― GLG020_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱིམ་མིག་གི་བདུད་རྩིའི་དཔྱིད། །ཅེས་པ་ལྟ་བུ། ལྟར་ནི། དྲི་ཟའི་རྒྱུད་མང་སྒྲ་ལྟར་དབྱངས་ཅན་མའི། །སྙན་འགྱུར་གསུང་འདི་རྣ་བའི་དཔལ་དུ་འཇེབས། །ཞེས་པ་ལྟ་བུ། ལྟ་བུ་ནི། བརྟན་གཡོའི་ཆོས་ཀུན་དབང་སྡུད་ལྷ་མོའི་ཕྱག །བྱུ་རུའི་ཁྲི་ཤིང་ལྟ་བུར་དམར་ཞིང་མཛེས། །ཞེས་པ་ལྟ་བུ། ཇི་ལྟར་སྒྲ་ནི། ཀ་ལ་པིང་ཀའི་སྒྲ་དབྱངས་ཇི་ལྟ་བ། རི་དྭགས་མིག་ཅན་ཀླུ་ཡི་ཐོས་འཛིན་སྤུད། །ཅེས་པ་ལྟ་བུ། མཐུན་པ་ནི། ཤོང་སྟོན་ཞལ་སྒོ་ལས་འོངས་ལེགས་བཤད་ཀུན། །མཁས་མཆོག་ཙནྡྲ་གོ་མིའི་གསུང་དང་མཐུན། །ཞེས་པ་ལྟ་བུ། མཚུངས་པ་ནི། གསེར་མངལ་བུ་མོའི་དབུ་སྐྱེས་ལན་བུ་འདི། །སྟང་ཟིལ་བརྩེགས་པའི་རི་བོའི་མདོག་དང་མཚུངས། །ཞེས་པ་ལྟ་བུ། ཡང་དག་མཚུངས་པ་ནི། ཡོན་པོར་ལྟ་བའི་འདྲེན་བྱེད་པད་ཚལ་དུ། །བུང་བའི་འཕུར་ལྡིང་བགྱིད་དང་ཡང་དག་མཚུངས། །ཞེས་པ་ལྟ་བུ། མཉམ་པ་ནི། མཚོ་ལྡན་སྐུ་སྟོད་འདོད་པའི་མྱོས་བུམ་གྱི། །མཛེས་པ་མཁའ་ལ་སྤྲིན་དཀར་གཡོ་དང་མཉམ། །ཞེས་པ་ལྟ་བུ་ཡང་དག་གསལ་ནི། རྒྱལ་བས་སྐྱེ་དགུའི་རེ་འདོད་སྐོང་བ་ཡིས། །དཔག་བསམ་ཡོངས་འདུའི་རང་བཞིན་ཡང་དག་གསལ། །ཞེས་པ་ལྟ་བུ། ངེས་པར་གསལ་ནི། གཞལ་བར་ཆེས་དཀའ་ཆོས་གཟུགས་སྐུ་གཉིས་ཀྱིས། །ཚོགས་གཉིས་ཕ་མཐའ་ངེས་པར་གསལ་བར་བྱས། །ཞེས་པ་ལྟ་བུ། རབ་གསལ་ནི། ཡན་ལག་དྲུག་ཅུའི་དབྱངས་སྙན་རབ་གསལ་བས། །གྲངས་མེད་ཆོས་འཁོར་བསྐོར་བའི་ངོ་མཚར་རྟོགས། །ཞེས་པ་ལྟ་བུ། གཟུགས་ཀྱི་ཟླ་བོ་ནི། (༤༦བ)

― GLG020_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་ན་མི་མཐུན་མེད་པའི་མཚན་དཔེའི་སྐུ། །འཛམ་བུའི་གསེར་སྦྱངས་རི་ཡི་གཟུགས་ཀྱི་ཟླ། ཞེས་པ་ལྟ་བུ། གཉེན་པོ་ནི། གཙུག་ན་ཟླ་བའི་རི་མོ་གསུམ་པའི་མདོག །ཨིནྡྲ་ནཱི་ལའི་ཕུང་པོའི་གཉེན་པོ་བྱས། །ཞེས་པ་ལྟ་བུ། དགྲ་ཟླ་ནི་དབྱངས་ཅན་ཞལ་གྱི་དྲི་བསུང་མངར་བ་ཡིས། །མ་ལ་ཡར་སྐྱེས་གང་གི་དགྲ་ཟླ་བྱེད། །ཅེས་པ་ལྟ་བུ། སོ་སོར་རྟོགས་པ་ནི། ཕྱག་སོར་རྩེ་ཡི་བཻཌྱཱུར་པི་ཝང་དང་། །རབ་སྙན་ཚངས་པའི་དབྱངས་གཉིས་སོ་སོར་རྟོགས། །ཞེས་པ་ལྟ་བུ། །མགྲིན་པ་ནི་ངག་གི་འདོད་པ་མཐའ་དག་ལེགས་འཇོ་བས། །ཡོངས་འདུའི་ཤིང་དང་ཡིད་བཞིན་ནོར་བུར་འགྲན། །ཞེས་པ་ལྟ་བུ། འདྲ་བ་ནི། ཐུགས་རྗེའི་མི་ཤེས་རྨོངས་པ་འཇོམས་པ་ལ། །མགྲིན་སྔོན་ཅན་གྱི་ལག་པའི་ཉག་ཕྲན་འདྲ། །ཞེས་པ་ལྟ་བུ། ལྟ་བ་ནི། འགྲོ་ལ་རྒྱུན་ཆད་མེད་པར་རྗེས་བརྩེ་བ། །ཛཧྣུ་ཡི་བུ་མོའི་རྒྱུན་ལ་ལྟ། །ཞེས་པ་ལྟ་བུ། བཅས་པ་ནི། ཉེ་རིང་མེད་པར་ཀུན་ཁྱབ་ཐུགས་རྗེ་འདི། །ནམ་མཁའི་ནོར་བུའི་འོད་ཀྱི་རང་བཞིན་བཅས། །ཞེས་པ་ལྟ་བུ། བསླུ་བ་ནི། ཕུལ་བྱུང་ཆུ་ཞེང་གབ་པའི་སྐུ་གཟུགས་ཀྱིས། །ལེགས་བྲིས་བུ་མོའི་ཚོགས་ཀྱི་མཛེས་པ་བསླུ། །ཞེས་པ་ལྟ་བུ། རིགས་མཐུན་ནི། རབ་དཀར་མཉེན་འཇམ་ཆུ་སྐྱེས་དབུས་བཞུགས་པས། །མེས་པོ་གསེར་མངལ་ཅན་དང་རིགས་སུ་མཐུན། །ཞེས་པ་ལྟ་བུ། རྗེས་སུ་སྨྲ་བ་ནི། ལང་ཚོའི་དཔལ་ཡོན་དར་ལ་བབ་པ་ཡིས། །མཐོ་རིས་དབང་མོ་དག་གི་རྗེས་སུ་སྨྲ། །ཞེས་པ་ལྟ་བུ། སྡེ་ཚན་གཉིས་པ་ལ། གཟུགས་བརྙན་ནི། རྗེ་བཙུན་བརྟན་པའི་འཁོར་ལོའི་(༤༧ན)

― GLG020_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་བྱེད་དཀྱུས། །ཨུཏྤལ་སྔོན་པོའི་འདབ་མའི་གཟུགས་བརྙན་ཅན། །ཞེས་པ་ལྟ་བུ། སོ་སོར་སྡེབ་ནི། རབ་དམར་གཏམ་གྱི་འབྱུང་གནས་མཆུ་སྒྲོས་དང་། །བནྡྷུ་ཛི་ཝ་ཀ་གཉིས་སོ་སོར་སྡེབ། །ཅེས་པ་ལྟ་བུ། གཟུགས་མཚུངས་པ་ནི། འཇོ་སྒེག་འགྱིང་བག་སྐུ་ཡི་རྣམ་འགྱུར་འདི། །རྡོ་རྗེ་དབྱངས་ཀྱི་དབང་ཕྱུག་གཟུགས་མཚུངས་ཉིད། །ཅེས་པ་ལྟ་བུ། གཟུགས་མཉམ་པ་ནི། དབུ་སྐྲའི་ཐོར་ཚུགས་ཅུང་ཟད་གཡོན་ཕྱོགས་པ། །དྲི་ཟའི་བུ་མོའི་མཐོན་མཐིང་སྐྲའི་གཟུགས་མཉམ། །ཞེས་པ་ལྟ་བུ། གཟུགས་ཡང་དག་པར་གཞལ་བ་ནི། མི་ཤེས་དྲ་བ་གཅོད་པའི་རལ་གྲི་ཡིས། །མིག་སྟོང་ཅན་གྱི་ལག་ཉལ་ཡང་དག་གཞལ། །ཞེས་པ་ལྟ་བུ་མཚན་ཉིད་མཐུན་པ་ནི། ཤེས་རབ་སྣང་བ་མ་ལུས་སྐྱེད་པ་ལ། །ཚངས་སྲས་དབྱངས་ལྡན་མ་དང་མཚན་ཉིད་མཐུན། །ཞེས་པ་ལྟ་བུ། མཚན་ཉིད་འདྲ་བ་ནི། ལི་ཁྲིའི་མདངས་ཀྱི་མཛེས་པ་འཛིན་པ་ལ། །དབང་ཕྱོགས་ཐུན་མཚམས་གསར་པའི་མཚན་ཉིད་འདྲ། །ཞེས་པ་ལྟ་བུ། མཚན་ཉིད་མཚུངས་པ་ནི། ཞལ་ཁྱིམ་འཛུམ་གྱིས་འགྲོ་བའི་དབུགས་དབྱུང་བར། །ཀུན་མཁྱེན་ཉི་མའི་རྒྱུད་དང་མཚན་ཉིད་མཚུངས། །ཞེས་པ་ལྟ་བུ། དྲུག་པ་འདིའི་སྦྱོར་ལུགས་འགྲེལ་པ་རྣམས་ལ་མི་གསལ་ཡང་། སློབ་དཔོན་སྨོན་འགྲོ་པཎྜི་ཏའི་ལེགས་པར་བཤད་པའོ། །མཐུན་ཕྱོགས་ནི། སྣ་ཚོགས་རིན་ཆེན་རྒྱན་གྱིས་སྤུད་པ་དང་། །མཐུན་ཕྱོགས་མིག་སྐྱའི་གན་མཛོད་ནོར་གྱིས་དཔྱ། །ཞེས་པ་ལྟ་(༤༧བ)

― GLG020_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

བུ། དཔེར་བྱས་ནི། སྐུ་སྟོད་ལྷ་རྫས་དར་ཀྱི་ལྷབ་ལྷུབ་གོས། །རྣམ་བཀྲའི་དཔེ་རུ་རླུང་གི་རྒྱལ་མཚན་བྱས། །ཞེས་པ་ལྟ་བུ། །དཔེ་ནི། ཕྱག་སོར་རྩེ་ན་འདམ་སྐྱེས་གཡུར་ཟ་བའི། །དཔེ་རུ་འཁྲི་ཤིང་ཡལ་གར་མེ་ཏོག་ལྡེམ། །ཞེས་པ་ལྟ་བུ། རྟོག་ནི། མཐའ་བྲལ་ཟླ་བའི་མ་མའི་གཏིང་དཔག་གིས། །ཆོས་ཀུན་གཞལ་བའི་ཐུགས་ཀྱི་ཚད་ལ་རྟོག །ཅེས་པ་ལྟ་བུ། དམན་པ་ནི། གང་གི་རིགས་པ་སྨྲ་བའི་རྣམ་དཔྱོད་ལས། །ཕན་སེམས་ཞན་པས་ཕུར་བུའི་སྣང་ཚུལ་དམན། །ཞེས་པ་ལྟ་བུ། ཅུང་ཟད་དམན་པ་སོགས་ནི། གང་དང་མཁྱེན་བརྩེ་མཚུངས་པའི་དབྱངས་ཅན་ལྷ། །ཁྱོད་ལས་རྟེན་གྱི་སྒོ་ནས་ཅུང་ཟད་དམན། །ཞེས་པ་ལྟ་བུ། རབ་ཏུ་སྨྲ་བ་ནི། ཆོས་ཀུན་དབྱངས་སུ་ལེན་པའི་རྒྱལ་བའི་གསུང་། །ཟུར་ཕུད་ལྔ་པའི་ཞལ་ལས་རབ་ཏུ་སྨྲ། །ཞེས་པ་ལྟ་བུ། སོ་སོར་ཟློག་ནི། མཉེན་འཇམ་ལྗག་དང་ཚེམས་དཀར་བཞི་བཅུའི་ཕྲེང་། །པད་འདབ་མུ་ཏིག་བྱུག་རིས་སོ་སོར་ཟློག །ཅེས་པ་ལྟ་བུ། རིགས་མཐུན་མཉམ་བྱས་སྒྲ་དག་ནི། འགྲོ་ལ་རྗེས་སུ་ཆགས་པའི་ཟུར་མིག་གིས། །དབྱངས་ལྡན་སྣང་བྱེད་དག་དང་རིགས་སུ་མཐུན། །ཞེས་པ་ལྟ་བུ། གང་ཡང་དཔེ་དོན་གཉིས་ཀ་དམན་པ་མིན་པའི་དོན་ཅན་གྱི་ཚིག་ཆོས་མཐུན་པ་ནི། སྟོབས་བཅུ་མངའ་བ་ཁྱོད་ཀྱིས་གསུངས་པའི་ཆོས། །རྒྱུན་ཆད་མེད་པའི་ཡན་ལག་བརྒྱད་ལྡན་ཆབ། །ཅེས་པ་ལྟ་བུ། ཆོས་ཐུན་མོང་ནི། མཆོག་དམན་སྐྱེས་བུ་ཀུན་གྱི་ཐུན་མོང་དུ། །ལོངས་སུ་སྤྱོད་པའི་ཉི་འོད་(༤༨ན)

― GLG020_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

གསེར་ལྡན་གཞི། །ཞེས་པ་ལྟ་བུ། གྲིབ་མ་འདྲ་བ་ནི། ཆོས་ལྡན་ས་དབང་རྒྱལ་པོའི་བཀའ་ཁྲིམས་དང་། །ལྗོན་པའི་གྲིབ་མར་འགྲོ་རྣམས་བདེ་བར་འཚོ། །ཞེས་པ་ལྟ་བུ། སྡེ་ཚན་གསུམ་པ་ནི། གང་གི་གདོང་རི་བོང་གི་མཚན་མའི་གདོང་པ་ཅན་ཞེས་སོགས་གཞི་མཐུན་དུ་བསྡུས་པ་དང་། འབྲུ་མང་པོའི་ཚིག་སྡུད་ནི། ནམ་མཁའི་མཁྱེན་པ་ཆར་གྱི་ཐུགས་རྗེ་ཅན། །དྲི་ཟའི་སྒྲ་དབྱངས་གསུང་དང་བུང་བའི་སྒྲ། །མཚམས་སྤྲིན་བླ་གོས་གསེར་གྱི་རི་དབང་དཀྱུས། །འགྲོ་བ་ཀུན་གྱི་རེ་འདོད་རྣམ་པར་སྐོང་། །ཞེས་པ་ལྟ་བུ། འགྲན་པ་ནི། སྐྱེ་བོ་ཀུན་ལ་བདེ་བ་ཆེས་སྟེར་བས། །ཀར་ཤི་མཛེས་དགའི་ལུས་ལ་རྣམ་པར་འགྲན། །ཞེས་པ་ལྟ་བུ། རྒྱལ་བ་ནི། འོད་ཀྱི་ཕུང་པོའི་གཟི་ལྡན་ཞལ་གྱི་ཁྱིམ། །སྒྲ་ཅན་གྱིས་སྒྲིབ་རྟ་ལྗང་ཅན་ལས་རྒྱལ། །ཞེས་པ་ལྟ་བུ། སྡང་བ་ནི། བསིལ་ལྡན་ཁ་བའི་རི་ལ་ཆེས་སྡང་བའི། །རབ་དཀར་མཛོད་སྤུའི་མཛེས་པ་ངོ་མཚར་རྨད། །ཅེས་པ་ལྟ་བུ། འཁུ་བ་ནི། རྣམ་དཔྱོད་རྒྱ་གར་མཁས་ལ་འཁུ་བ་ཡི། །ཤོང་སྟོན་འཆད་རྩོད་རྩོམ་པའི་ཚུལ་འདི་དཔའ། །ཞེས་པ་ལྟ་བུ་མི་མཐུན་སྒྲོག་པ་ནི། བོད་ཡུལ་ཤེས་ལྡན་ཆོས་སྐྱོང་བཟང་པོ་དང་། །ལྷ་ཡི་བླ་མའི་སྣང་ཚུལ་མི་མཐུན་སྒྲོག །ཅེས་པ་ལྟ་བུ། འཐབ་པ་ནི། གཡོན་མིག་མཛེས་མའི་སྙིམ་པ་ཆུ་སྐྱེས་གཉིས། །དཀར་ཞིང་མཛེས་པའི་ཚུལ་ལ་རྣམ་པར་འཐབ། །ཅེས་པ་ལྟ་བུ། འཕྱ་བ་ནི། དཔང་སྟོན་བློ་གྲོས་བརྟན་པའི་ལེགས་བཤད་ཀྱིས། །པཎ་ཆེན་(༤༨བ)

― GLG020_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

དཎྜིའི་གསུང་ལ་རྣམ་པར་འཕྱ། །ཞེས་པ་ལྟ་བུ། སྨ་འབེབས་བྱེད་པ་ནི། འབྲུག་སྒྲ་མངལ་འཛིན་སྒྲོ་གཤོག་རབ་རྐྱོང་བས། །རྣམ་བཀྲ་དབང་པོའི་གཞུ་ཡི་དམའ་ཡང་འབེབས། །ཞེས་པ་ལྟ་བུ། སྨོད་པ་ནི། རཱ་མ་ཎ་ཡི་རྣོན་པོའི་ཉག་ཕྲན་གྱིས། །གྲོང་གསུམ་འཇོམས་པའི་མདའ་ལད་སྨོད་པར་བྱས། །ཞེས་པ་ལྟ་བུ། ཅོ་འདྲི་བ་ནི། འཇིགས་མེད་དཀའ་སྤྱད་བཟོད་པའི་སྙིང་སྟོབས་ཀྱིས། །གདོང་ལྔའི་དབང་པོའི་ཚུལ་ལ་ཅོ་འདྲིར་འོས། །ཞེས་པ་ལྟ་བུ། འགོག་པ་ནི་སི་ཏར་འདོད་མྱོས་སྒྲ་ཡིས་མགྲིན་ནག་གི །ཆགས་པས་དཀའ་ཐུབས་ཉམས་པའི་སྐད་གསང་འགོག །ཅེས་པ་ལྟ་བུ། རྒོད་པ་ནི། ལང་ཀའི་བདག་པོའི་ཡན་ལག་མཆོག་བཅད་པས། །ཁྱབ་འཇུག་ཚངས་མགོ་བྲེགས་པའི་དཔའ་ལ་རྒོད། །ཅེས་པ་ལྟ་བུ། ཕྲག་དོག་ནི། རྩིག་ངོས་འབོད་གྲོགས་ཤར་བས་ཟླ་བའི་གཟུགས། །བརྒྱ་ཕྲག་རྫིང་བུར་སྣང་ལ་ཕྲག་དོག་གོ ། ཅེས་པ་ལྟ་བུ། མི་བཟོད་པ་ནི། ལང་ཚོ་དར་བའི་སྐེད་མེད་སོར་མོ་ཡིས། །དབྱར་སྐྱེས་ལྕུག་ཕྲན་གཞོན་ནུ་མི་བཟོད་བྱེད། །ཅེས་པ་ལྟ་བུ། སྡེ་ཚན་བཞི་པ་ལ། དེ་ཡི་སྐལ་བཟང་ཕྲོག་པར་བྱེད་པ་ནི། །རྒྱལ་བས་ཕན་བདེའི་བསིལ་མངར་རབ་བྱིན་པས། །ལྷོ་ཕྱོགས་དྲི་བཞོན་སྐལ་བཟང་རྣམ་པར་ཕྲོག །ཞེས་པ་ལྟ་བུ། དེ་ཡི་མཛེས་པ་ཟུམ་པར་བྱེད་པ་ནི། །ཉེས་པའི་སྐྱོན་དང་དང་བྲལ་བའི་མཛད་པ་ཡིས། །མུ་སྟེགས་གཏམ་གྱི་མཛེས་པ་ཟུམ་པར་བྱེད། །ཅེས་པ་ལྟ་བུ། དེ་དང་འགྲན་ལས་ཚར་གཅོད་པ་ནི། མཁྱེན་དང་བརྩེ་བ་(༤༩ན)

― GLG020_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

ནམ་མཁའི་མཐར་སྙེག་པས། །ན་ཀྲའི་གྲོང་ཁྱེར་ཁ་ཞེང་ཚར་བཅད་དོ། །ཞེས་པ་ལྟ་བུའོ། །དེ་དང་མཚུངས་ལས་ལྷག་པར་མཛེས་པ་ནི། དབྱངས་ཅན་ཟུར་མིག་འཕྲུལ་འདི་པད་ནང་དུ་། །རྐང་དྲུག་འཕུར་དང་མཚུངས་ལས་ལྷག་པར་མཛེས། །ཞེས་པ་ལྟ་བུ། དེ་ཡི་རྗེས་སུ་རྐང་པ་འཇོག་པ་ནི། སྙན་འགྱུར་དབྱངས་ལ་ཀ་ལ་པིང་ཀའི་སྒྲ། །དྲི་ཟའི་པི་ཝཾ་རྗེས་སུ་རྐང་པ་འཇོག །ཅེས་པ་ལྟ་བུ། དེ་ཡི་ནུས་པ་ལ་འཇུག་པ་ནི། བརྡའ་སྤྲོད་ཚུལ་ལ་ཡིད་ནི་གསལ་བྱེད་པས། །མ་དྲུག་པ་དེར་ཉི་མའི་ནུས་པ་འཇུག །ཅེས་པ་ལྟ་བུ། དེ་ཡི་རྗེས་འགྲོ་རྗེས་སུ་འཆིང་བ་ནི། །ཟླ་གཞོན་ཞགས་པའི་རྗེས་སུ་སྙེག་པ་ཡི། །བདུད་རྩིའི་ཟེར་གྱི་བདེ་བས་རྗེས་སུ་འཆིང་། །ཞེས་པ་ལྟ་བུ། །དེ་ཡི་ངང་ཚུལ་དེ་འགོག་པ་ནི། དཔང་ལོ་རྒྱ་གར་མཁས་པའི་ངང་ཚུལ་གྱིས། །དབུས་འགྱུར་པཎ་ཆེན་མཁས་པའི་གྲགས་སྙན་འགོག །ཅེས་པ་ལྟ་བུ་དང་། དེ་ཡི་རྗེས་སུ་བྱེད་ཅེས་པ་ནི། མང་ཐོས་སྐད་གཉིས་སྨྲ་བའི་དབང་པོ་ཁྱོད། །རིག་བྱེད་སྨྲ་ལ་ཚངས་པའི་རྗེས་སུ་བྱེད། །ཅེས་པ་ལྟ་བུའི་སྡེ་ཚན་བཞི་པོ་སྡོམས་པའི་སྒྲ་དྲུག་ཅུ་རྩ་ལྔ་པོ་རྣམས་མཚུངས་པ་གསལ་བྱེད་ཡིན་ནོ། །མ་ཟིན་པ་ངག་གི་དབང་ཕྱུག་གི་འགྲེལ་པ་ལས་བཤད་པའི་དང་པོ་ཆ་ནི། འདྲེན་བྱེད་ཟུར་གྱིས་གཡོ་བའི་ཆ། །བྷྲ་མ་ར་ལ་ལོངས་སུ་སྤྱོད། །ཅེས་པ་ལྟ་བུ། གྲོགས་ནི། ཨིནྡྲ་ནཱི་ལའི་འཁྲི་ཤིང་དེ། །ཁྱོད་ཀྱི་སྨིན་མའི་གྲོགས་པོ་བྱེད། །ཅེས་པ་ལྟ་བུ། སྤུན་ཟླ་ནི། གང་གི་འཇམ་མཉེན་མཆུ་སྒྲོས་ཀྱིས། །ཨུཏྤལ་དམར་པོའི་(༤༩བ)

― GLG020_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

སྤུན་ཟླ་ཐོབ། །ཅེས་པ་ལྟ་བུ། མཐོང་བ་ནི། གངས་རིའི་དུམ་བུ་ལྟར་དཀར་བར། །སོ་ཡི་ཕྲེང་བ་བདག་གིས་མཐོང་། །ཞེས་པ་ལྟ་བུ། ཐོས་པ་ནི། བནྡྷ་བྷ་ཡི་གླིང་བུའི་སྐད། །ཁྱོད་ཀྱི་མགྲིན་པའི་དབྱངས་ལས་ཐོས། །ཞེས་པ་ལྟ་བུ། དྲན་པ་ནི། སྐྱེ་བ་ལྔ་པའི་རི་མོ་ཡིས། །གང་གི་མགྲིན་པ་གསལ་བར་དྲན། །ཞེས་པ་ལྟ་བུ། རེག་པ་ནི། འདོད་པའི་མྱོས་བུམ་ཟུང་གིས་ནི། །བལ་གྱི་གླང་པོའི་སྣར་རེག་བྱེད། །ཅེས་པ་ལྟ་བུ། ཕམ་པ་ནི། ཕྲ་ཞིང་ལྡེམ་པའི་སྐེད་སྐབས་ཀྱིས། །འཁྲི་ཤིང་གཞོན་ནུ་ཕམ་པར་བྱས། །ཞེས་པ་ལྟ་བུ། སྙེག་པ་ནི། སྣ་ཚོགས་ནོར་བུའི་དོ་ཤལ་གྱིས། །རྣམ་ཐོས་བུ་ཡི་ནོར་ལ་སྙེག །ཅེས་པ་ལྟ་བུ། འཇོག་པ་ནི། ཆུ་སྐྱེས་ཀྱིས་བརྟེན་ཞབས་པད་ཟུང་། །ལྷར་བཅས་འགྲོ་བའི་སྤྱི་བོར་འཛེག །ཅེས་པ་ལྟ་བུ། སེམས་པ་ནི། དྲན་པས་དོན་ཀུན་སྟེར་བྱེད་པ། །དབྱངས་ཅན་ལྷ་མོ་ཡིན་པས་སེམས། །ཞེས་པ་ལྟ་བུ། ཟུར་མཁར་བས། སྐབས་འདིར་སྣར་ཐང་པ་ལ་དགག་པ་མཛད་པ་ནི་མ་དག་པས་དག་པ་སུན་འབྱིན་པར་འདུག་ཅིང་། སྐབས་འདིའི་འདྲ་བ་ནི། ཟླ་བའི་དཀྱིལ་འཁོར་དང་དབྱངས་ཅན་མའི་ཞལ་གཉིས་མཚུངས་ཤིང་འདྲ་བ་ཡིན་ལ། རབ་བརྟགས་ཀྱི་འདྲ་བ་ནི། མི་འདིས་བྱ་བ་འདི་འདྲ་ཞིག་བྱེད་པར་འདྲ་ཞེས་ཐེ་ཚོམ་གྱི་འདྲ་བ་དེ་ཡིན་པས་དེས་མཚོན་ཏེ་ནོར་འཁྲུལ་འབྱུང་བའི་གནས་མེད་པས། མཁས་པ་ཟུར་མཁར་པ་ཡང་སྐབས་འདིར་འཁྲུལ་ན་དིང་སང་གི་སྙན་ངག་པ་བློ་ཆུང་རྣམས་མགོ་བོ་འཁོར་བ་བདེན་མོད། འོན་ཀྱང་ཐེ་ཚོམ་གྱི་མདུད་པ་བཀྲོལ་བ་ལ་རྗེས་སུ་(༥༠ན)
ཡི་རང་བར་བྱོས་ཤིག །དཔའ་བོ་གཙུག་ལག་པའི་བཤད་པ་རྣམས་ནི་ཕལ་ཆེར་ཉེས་བཤད་ཁོ་ནར་འདུག་པས་ལེགས་ཉེས་ཀྱི་རྟོག་དཔྱོད་བྱེད་མི་དགོས། འོན་ཀྱང་བློ་ལྡན་མི་དགེས་མེད་གང་ལ་ཞེས་པར་གང་ལ་མཁས་རྣམས་མི་དགོས་པའི། ཞེས་འདོན་པ་བསྒྱུར། མ་ནིང་འདི་འགྲོ་བུད་མེད་བཞིན། ཞེས་སོགས་ཀྱི་དམིགས་བསལ་སྐྱོན་མེད་པ་རྣམས་སྐྱོན་ཡོད་པར་བསྒྲུབས་ནས། འགྲེལ་པ་སྔ་མ་རྣམས་མ་དག་ཅེས་ཟེར་བ་འདི། དཔང་སྟོན་ཐམས་ཅད་མཁྱེན་པའི་འགྲེལ་པ་ཡང་མ་དག་པར་སྨྲ་རྒྱུ་ཡིན་འདུག་པ། རྒྱ་གར་བ་དང་མི་འདྲ་བའི་མཁས་བླུན་དབྱེ་བ་མེད་པའི་བོད་རྒན་རྣམས་ཀྱིས་མཛོ་རྟ་ཁྱི་གསུམ། ཡོལ་སྒོར་ཕྱི་ནང་། རྨོངས་པའི་འཁོར་གྱི་འདུ་འགོད་ལྷུར་བླངས་པའི་ཆོས་བརྒྱད་ཀྱི་གོང་བུ་རྣམས་ལ་སངས་རྒྱས་སུ་རྩི་བའི་སྟབས་ཀྱིས། ཁྱེད་ཅག་ཀརྨ་པའི་བླ་ཆེན། ལྷའི་སོབ་དར་ཟབ་ཀྱིས་དྲིལ་བ་རྣམས་ལང་ལ་ཤོར་ཏེ། ཁྱི་རྒན་ཐོག་ཁར་བཞག་ན་གནམ་གྱི་སྐར་མར་སྙེག་པའི་དཔེ་བྱེད་རྒྱུ་ཡིན་ནམ། ཡང་ན་སྙན་ངག་མེ་ལོང་གི་བསྟན་པ་བསྣུབ་པ་ལ་བདུད་སྡིག་ཅན་བསམ་བཞིན་དུ་རབ་ཏུ་བྱུང་བའི་རྟགས་བཟུང་ནས་འོངས་པར་གདོན་མི་ཟའོ། །

གཟུགས་ཅན་གྱི་རྒྱན་གྱི་སྐོར་བཤད་པ།

― GLG020_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་ཅན་གྱི་རྒྱན་གྱི་སྐོར་བཤད་པ།གསུམ་པ་གཟུགས་ཅན་གྱི་རྒྱན་ལ་མཚན་ཉིད། དཔེར་བརྗོད། དཔེ་རྒྱན་དང་ཐུན་མོང་དུ་མཇུག་བསྡུ་བ་དང་གསུམ། དང་པོ་ནི། དཔེ་དང་དཔེ་ཅན་དུ་སྣང་བ་མིན་པར་གྱུར་པ་ཡི་གཅིག་ཏུ་སྒྲོ་བཏགས་པའི་དཔེ་ཉིད་དག་(༥༠བ)

― GLG020_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་གཟུགས་ཅན་དུ་འདོད་དོ། །གཉིས་པ་ལ། ཉི་ཤུ་ལས། དང་པོ་བསྡུས་པའི་གཟུགས་ཅན་ནི། དཔེ་ཅན་གྱི་ཁྱད་གཞི་དཔུང་པ་ནི། དཔེའི་ཁྱད་གཞི་འཁྲི་ཤིང་གཟུགས་སུ་བཀོད། ཁྱད་ཆོས་ལག་པ་དང་སོར་མོ་དག་པདྨ་དང་ཡལ་འདབ་ཀྱི་གཟུགས་སུ་བཀོད་ཅིང་། དཔུང་པའི་ཞེས་པ་ལྟ་བུའི་རྣམ་དབྱེ་དྲུག་པ་རྣམས་བསྡུས་པའོ། །དཔེར་ན་ཉི་མའི་རྒྱུད་འཁྲུངས་གཟུགས་སྐུ་ཀུན་གསལ་ངོས། །ཐགས་བཟང་ཆུ་འཛིན་ཕྲེང་དཀར་ལེགས་འཁྲིགས་ཤིང་། །ཟབ་རྒྱས་དམ་ཆོས་དབྱར་རྔ་སྒྲོགས་པ་ཡིས། །སྐལ་ལྡན་བློ་གསལ་མདོངས་མཐའ་ཟློས་གར་བྱེད། །ཅེས་པ་ལྟ་བུ། གཉིས་པ་མ་བསྡུས་པའི་གཟུགས་ཅན་ནི། དཔེ་ཅན་ལག་པ། དཔེ་འཁྲི་ཤིང་གི་གཟུགས་དང་། སོར་མོ་རྣམས་ཡལ་འདབ་དང་། སོར་མོའི་འོད་ཟེར་ནི་མེ་ཏོག་གི་གཟུགས་སུ་བཀོད་པར་གྱུར་པས། དཔྱིད་ཀྱི་དཔལ་ལྟར་མཛེས་པ་ཁྱོད་ནི། ངེད་ལ་བདེ་བ་སྟེར་ཕྱིར་མངོན་སུམ་དུ་རྒྱུའོ། །ཞེས་ལག་པའི་ཞེས་པ་ལྟ་བུའི་རྣམ་དབྱེ་དྲུག་པ་མ་བསྡུས་པའོ། །དེ་ཡང་ཞེས་པ་འདི་ནི་མ་བསྡུས་པའི་གཟུགས་ཅན་ཡིན་ལ། སྔ་མ་ནི་བསྡུས་པའི་གཟུགས་ཅན་ནོ། །དཔེར་ན། འཇམ་དཀར་སྐུ་ཡི་མན་ཤེལ་ལྷུན་པོ་ལ། །བཅུ་དྲུག་ལང་ཚོའི་རྟ་བདུན་གཟི་མདངས་ཅན། །མཛེས་སྡུག་འགྱིང་བའི་བང་རིམ་བཞིས་མཛེས་ཤིང་། །རྨད་བྱུང་མཁྱེན་པའི་རང་བཞིན་བརྟན་ཅིང་བརྗིད། །ཅེས་པ་ལྟ་བུ། གསུམ་པ་བསྡུས་དང་མ་བསྡུས་པ་ནི། དཔེ་ཅན་བཞིན་རས་དང་འཛུམས་པ་གཉིས། དཔེ་ཟླ་བ་(༥༡ན)

― GLG020_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཟླ་བའི་འོད་ཅེས་པའི་གཟུགས་སུ་བཀོད་པའི་དང་པོའི་རྣམ་དབྱེ་དྲུག་པ་བསྡུས་ལ་ཕྱི་མའི་མ་བསྡུས་པས་གཟུགས་ཅན་བསྡུས་དང་མ་བསྡུས་པའོ། །དཔེར་ན། རབ་མཛེས་ལང་ཚོའི་དཔྱིད་ཀྱི་དཔལ་མོ་ལས། །དཀར་འཇམ་ཞལ་ཁྱིམ་ཨུཏྤལ་འདབ་གཡོ་ཞིང་། །སྙན་འགྱུར་གསུང་གི་བུང་བའི་གླུ་དབྱངས་ཅན། །དབྱངས་ཅན་སྐུ་ཡི་པད་དཀར་སྡོང་བུ་ལྡེམ། །ཞེས་པ་ལྟ་བུ། བཞི་པ་མཐའ་དག་གཟུགས་ཅན་ལ། དཔེ་དང་། དོན་བཤད་པ་གཉིས། དང་པོ་ནི། ཁྱད་གཞི་དཔེ་ཅན་རྒྱལ་པོ་ཁྱོད་ཀྱི་ཞབས་ནི་དཔེ་ཆུ་སྐྱེས་ཀྱི་གཟུགས་སུ་བྱས་ཤིང་། ཞབས་ཀྱི་ཁྱད་ཆོས་སོར་མོ་དམར་བ་དང་། སེན་མོའི་འོད། པདྨའི་ཁྱད་ཆོས་འདབ་ཕྲེང་དང་། གེ་སར་ཅན་ཏེ། དཔེ་དཔེ་ཅན་རྣམས་གཅིག་ཡོད་ལ་གཅིག་མེད་པ་མ་ཡིན་པར། མཐའ་དག་གཟུགས་ཅན་བཀོད་པའི་རྐང་པ་འདི་ནི། ས་སྐྱོང་རྣམས་ཀྱི་སྤྱི་བོར་འཛིན་ནོ། །དཔེར་ན། མཉེན་འཇམ་ཕྱག་གི་ཡལ་ག་རབ་རྒྱས་རྩེར། །སོར་མོའི་ལྕུག་ཕྲན་གཞོན་ནུ་རྣམ་པར་གཡོ། །བཻཌཱུར་སྔོན་པོའི་པི་ཝང་འདབ་མ་ཅན། །ཚངས་སྲས་སྐུ་ཡི་ཨ་ཤྭཪྠ་འདི་མཛེས། །ཞེས་པ་ལྟ་བུའོ། །གཉིས་པ་ནི། ཡན་ལག་སོར་མོ་སོགས་ལ་འདབ་མ་སོགས་གཟུགས་སུ་བྱས་པ་དང་། ཡན་ལག་ཅན་རྐང་པ་དང་པདྨ་ཉིད་གཟུགས་སུ་བྱས་ནས། དེ་འགོད་ཡུལ་གྱི་འོས། ས་སྐྱོང་གི་ཚངས་གནས་སུ་རྣམ་པར་བཀོད་པ་འདི་ནི་མཐའ་དག་གཟུགས་ཅན་ནོ། །ལྔ་པ་ཆ་ཤས་གཟུགས་ཅན་ལ་དཔེ་དོན་གཉིས། དང་པོ་ནི། གློ་བུར་ཉིད་དུ་ནི། གཏུམ་མོ་ཁྱོད་ཀྱི་གདོང་ཆ་ཤས་ཅན་ནི་གང་གི་ཡང་(༥༡བ)

― GLG020_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་སུ་མ་བཀོད་ལ། ཆ་ཤས་མཆུ་དང་། རྔུལ་གྱི་ཆུ་ཡི་ཐིགས་པ་གཉིས་པོ་ཡལ་འདབ་གཡོ་བ་དང་མུ་ཏིག་གི་དོག་པའི་འོད་ཅན་འཛིན་པའི་གཟུགས་སུ་བཀོད་དོ། །དཔེར་ན། མང་དུ་ཐོས་པའི་རལ་ཁུར་རབ་ལྕི་ཞིང་། །གནས་ལྔ་རིག་པའི་ལུས་སྟོབས་རྣམ་པར་རྒྱས། །མཁས་མང་གངས་རིའི་སྤོ་ལ་འགྱིང་མཛད་པ། །དཔང་ལོ་ཁྱོད་ཀྱིས་བློ་ལྡན་དགའ་བ་སྐྱེད། །ཅེས་པ་ལྟ་བུ། གཉིས་པ་ནི། འདིར་ནི་རྔུལ་ཆུ་མུ་ཏིག་གི་དོག་པར་བྱས་ཤིང་། མཆུ་ཡང་ཡལ་འདབ་ཉིད་ཀྱི་གཟུགས་སུ་བྱས་ཀྱི། ཆ་ཤས་ཅན་གདོང་ནི་རྣམ་པ་གཞན་མ་བྱས་པས་དེའི་ཕྱིར་ཆ་ཤས་གཟུགས་ཅན་ནོ། །དྲུག་པ་ཆ་ཤས་ཅན་གྱི་གཟུགས་ཅན་ལ་དཔེ་དོན་གཉིས། དང་པོ་ནི། ཆ་ཤས་ཅན་གདོང་པ་ནི་འདམ་སྐྱེས་ཀྱི་གཟུགས་སུ་བཀོད་ལ། ཆ་ཤས་སྨིན་མ་འཁྱོག་པ་དང་། རྔུལ་གྱི་ཆུ་ཡི་ཐིགས་པ་ནི་ཟག་པ་དང་། མིག་དག་ཀུན་ཏུ་དམར་བ་གསུམ་པོ་འདི་གང་གི་ཡང་གཟུགས་སུ་མ་བཀོད་ཅིང་། རྣམ་འགྱུར་འདིས་མྱོས་པའི་གནས་སྐབས་གསལ་བར་བྱེད་དེ། དཔེར་ན། འཇམ་དབྱངས་བཞིན་རས་ལི་ཁྲིའི་ཐིག་ལེའི་ངོས། །ཤེས་བྱ་ཐམས་ཅད་གཟིགས་པའི་སྤྱན་དཀྱུས་དང་། །ཇི་སྙེད་ལེགས་བཤད་སྒྲོག་པའི་ཞལ་གྱི་སྒོ། །འཛུམ་པས་སྐལ་བཟང་སྐྱེ་དགུའི་ངལ་གསོ་སྟེར། །ཞེས་པ་ལྟ་བུ། གཉིས་པ་ནི། འདིར་ནི་གདོང་པའི་ཆ་ཤས་སྨིན་མ་སོགས་དག་རྣམ་འགྱུར་མ་བྱས་ལ། གདོང་པ་ཉིད་པདྨར་བཀོད་པར་བྱས་པ་དེས་ན་འདི་ནི་ཆ་ཤས་ཅན་གྱི་གཟུགས་ཅན་ནོ། །བདུན་པ་ཡན་ལག་(༥༢ན)

― GLG020_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་པའི་གཟུགས་ཅན་ལ། དཔེར་བརྗོད་དང་། རིགས་འགྲེ་བ་གཉིས། དང་པོ་ནི། ཡན་ལག་ཅན་ཁྱོད་ཀྱི་གདོང་པ་དང་། ཡན་ལག་རྣམས་ཀྱི་ནང་ནས་མཛེས་མ་མྱོས་པའི་མཁུར་ཚོས་དམར་པོ་གཉིས་གཟུགས་སུ་མ་བཀོད་ལ། ཡན་ལག་གི་ནང་ནས་མིག་གཅིག་པུ་ཨུཏྤལ་དམར་པོའི་གཟུགས་སུ་བཀོད་ཅིང་། འདོད་པའི་རྣམ་འགྱུར་འདི་ཡིས་ཡང་སྐྱེ་བོ་རྣམས་ཆགས་པས་དམར་བའི་རང་བཞིན་དུ་བྱས་སོ། །ཡན་ལག་ཅན་གདོང་གི་ཡན་ལག་མིག་ཨུཏྤལ་དུ་བཀོད་པའི་མཛེས་ཆོས་ཀྱི་སྒོ་ནས་ཅན་སྒྲ་སྨོས་ཏེ་བདག་པོའི་སྒྲ་སྦྱར་བའི་ལྡན་རྐྱེན་བྱིན་པའི་ཤུལ་ཡིན་པས། མཆུ་གཡོ་བ་སོགས་བྱེད་ལས་གཙོ་ཆེ་བའི་ཆ་ཤས་གཟུགས་ཅན་དང་མི་འདྲ་བའི་ཁྱད་པར་རོ། །དཔེར་ན། ཞིང་འདིར་མཆོག་གི་སྤྲུལ་སྐུའི་རྣམ་རོལ་གྱིས། །མཆོག་དམན་གདུལ་བྱར་ཆོས་འཁོར་ལེགས་བསྐོར་བའི། །སྙན་བརྗིད་གསུང་གི་དབྱར་གྱི་རྔ་གསང་ཅན། །མངོན་མཐོ་ངེས་ལེགས་མ་ལུས་གཅིག་ཏུ་སྒྲོག །ཅེས་པ་ལྟ་བུ། གཉིས་པ་ནི་རྒྱུ་མཚན་དེས་ན་འདི་ནི་ཡན་ལག་གཅིག་པའི་གཟུགས་ཅན་ཏེ། དེ་ལྟར་འདིར་ནི། དཔེར་ན། ཆོས་གང་ཡིན་པའི་ཡན་ལག་ལྔ་ཙམ་ཞིག་ཚིགས་བཅད་དེ་ལ་གསལ་ཡོད་ན། དེའི་ཁྲོད་ནས་གཉིས་ཙམ་ཞིག་གཟུགས་སུ་སྦྱོར་ཞིང་ལྷག་མ་རྣམས་མ་སྦྱར་ན་ཡན་ལག་གཉིས་པའི་གཟུགས་ཅན་སོགས་ཀྱི་མཚོན་ཏེ། ཡན་ལག་གསུམ་པ་སོགས་རྣམས་ཀྱང་ཤུགས་ལ་རྟོགས་པར་བྱའོ། །ཟུར་(༥༢བ)

― GLG020_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

མཁར་བས་ཆ་ཤས་གཟུགས་ཅན་དང་འདི་གཉིས་ཀྱི་ཁྱད་པར་དཀའ་དཀའ་ལྟར་མཛད་ཀྱང་། ཚིགས་བཅད་གཅིག་ལ་ཡན་ལག་ལྔ་ཙམ་ཞིག་གསལ་ན། ཆ་ཤས་གཟུགས་ཅན་གྱི་སྐབས་ཡན་ལག་ལྔ་ཀ་གཟུགས་སུ་བཀོད་དགོས་པས་ཁྲུལ་གཞི་སྐྱེ་བའི་གནས་མེད་དོ། །ཟུར་མཁར་བ་སོགས་སྙན་ངག་བསླབས་པ་རྣམས་ཀྱིས་དོགས་པ་སྐྱེས་པ་ཡིན་འདུག་ལ། དིང་སང་མ་བསླབས་པར་ཤེས་རློམ་གྱི་ཚིགས་བཅད་དམ་དུམ་སྦྱོར་ཤེས་པ་ལ་སྙན་ངག་མཁན་དུ་འཛིན་པའི་རི་བོང་རྭའི་སྤུན་ཟླ་རྣམས་ལ་ཐེ་ཚོམ་ཡང་མི་འདུག་གོ །བརྒྱད་པ་ལྡན་པའི་གཟུགས་ཅན་ནི། ལྡན་དང་ཞེས་པས་མིང་བསྟན་ནས། དེ་ཇི་ལྟ་བུ་སྙམ་ན། གདོང་ནི་མེ་ཏོག་འཛུམ་ཞིང་འབར་བའི་གཟུགས་སུ་བཀོད་གཡོ་བའི་མིག་བུང་བའི་གཟུགས་སུ་བཀོད་པས། དཔེ་ཅན་གཉིས་ལྷན་ཅིག་ཏུ་གནས་པར་མ་ཟད། དཔེ་མེ་ཏོག་དང་བུང་བ་དག་འགྲོགས་པས་ལྡན་པའི་གཟུགས་ཅན་ནོ། །དཔེར་ན། དབྱངས་ཅན་སྙིམ་པའི་འཁྲི་ཤིང་རྩེར། །པི་ཝང་ཁུ་བྱུག་སྒྲ་སྙན་སྒྲོག །མགོ་སྐྱེས་མཐིང་ཁའི་ནམ་མཁའ་ལ། །ནོར་བུའི་རྒྱན་གྱི་འོད་རྣོན་འཕྲོ། །ཞེས་པ་ལྟ་བུ། དགུ་པ་མི་ལྡན་པའི་གཟུགས་ཅན་ནི། མི་ལྡན་ཐ་དད་བྱེད་ཅེས་པའི་མིང་བསྟན་ནས། གདོང་འདི་འཛུམ་པ་ཟླ་བ་འོད་ཀྱི་གཟུགས་སུ་བཀོད། སྣུམ་པའི་མིག་ནི་ཡུཏྤ་ལའི་གཟུགས་སུ་བཀོད་ནས། དཔེ་ཟླ་འོད་ཨུཏྤལ་གཉིས་མི་ལྡན་པས། ལྡན་མིན་ཞེས་པའི་གཟུགས་ཅན་ནོ། །དཔེར་ན། མཆུ་སྒྲོས་ཨུ་དུམ་ཝཱ་རའི་འདབ་མའི་དབུས། །སྲབ་འཇམ་རོ་འཛིན་གློག་དམར་རབ་(༥༣ན)

― GLG020_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྱུག་ཅིང་། །མ་འདྲེས་རྣམ་པར་བཀྲ་བའི་སྤྱན་གྱི་འཇའ། །སྨིན་མའི་ནགས་ཀླུང་སྟུག་པོའི་ཁྲོད་ན་གཡོ། །ཞེས་པ་ལྟ་བུ། བཅུ་པ་མི་མཉམ་པའི་གཟུགས་ཅན་ལ། མཚན་ཉིད། དཔེར་བརྗོད་གཉིས། དང་པོ་ནི། ཡན་ལག་ཅན་གཟུགས་སུ་བྱས་པ་དང་ཡན་ལག་རྣམས་མཐའ་གཅིག་ཏུ་ངེས་པ་མེད་པར་འགའ་ཞིག་གཟུགས་སུ་བྱས་ལ། འགའ་ཞིག་གཟུགས་སུ་མ་བྱས་པ་ལ་བརྟེན་པ་མི་མཉམ་པ་ཞེས་པའི་གཟུགས་ཅན་མཛེས་པ་ཡིན་ཏེ། དཔེར་ན། གཉིས་པ་ནི། འདོད་པས་མྱོས་པའི་མཁུར་ཚོས་རབ་ཏུ་དམར་བ་གཟུགས་སུ་མ་བྱས་ལ། སྨིན་མ་འཁྲི་ཤིང་། འཁྲི་ཤིང་གར་བྱེད་པ་དང་། མཛེས་མ་ཁྱོད་ཀྱི་གདོང་ཟླ་བ་དང་། ཟླ་བ་ཡིད་སྲུབས་ཀྱི་གཟུགས་སུ་བཀོད་ནས། འདི་ཡིས་འཇིག་རྟེན་གསུམ་པོ་ཆགས་པས་གཞོམ་པར་ནུས་སོ། །དཔེར་ན། གསུང་དབྱངས་རྣ་བར་སྙན་འཇེབས་ཤིང་། །སྤྱན་ཟུང་རྐང་དྲུག་ངང་མོ་དཀར། །དབྱངས་ཅན་གཟུགས་སྐུའི་པད་དཀར་གྱིས། །ལེགས་བཤད་སྦྲང་རྩིའི་བཅུད་བཟང་སྟེར། །ཞེས་པ་ལྟ་བུ། བཅུ་གཅིག་པ་ཁྱད་པར་དང་བཅས་པའི་གཟུགས་ཅན་ལ། དཔེ་དོན་གཉིས། དང་པོ་ནི། འཕྲོག་བྱེད་ཀྱི་རྐང་པ་ཏོག་གི་གཟུགས་སུ་བཀོད་པ་སྟེ། ཛཧྣུ་ཡི་བུ་མོ་ཆུ་བོ་གཾ་གཱ་ཡི་གོས་ཏེ་རྒྱལ་མཚན་གྱི་རས་ལྷབ་ལྷུབ་ཀྱི་གཟུགས་སུ་བཀོད་ནས། རྒྱལ་མཚན་དེའི་རྩེར་ཏོག་དེ་བཏགས་ནས་ཕྱར་བ་ཡིས། ལྷ་མ་ཡིན་རྣམས་ལ་དགྲས་གནོད་པའི་དོགས་པ་མེད་ཅིང་། ལྷ་རྣམས་དགའ་བའི་དགའ་སྟོན་གྱི་རྒྱལ་མཚན་ཆེན་པོ་རྒྱལ་(༥༣བ)

― GLG020_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

བར་གྱུར་ཅིག །དཔེར་ན། ཀུན་མཁྱེན་ཆོས་ཀྱི་རྒྱལ་པོ་ཙོང་ཁ་པའི། །མཁྱེན་པའི་རལ་གྲི་མཁའ་ལ་ཕྱར་བ་ན། །གཡུལ་ངོའི་དམག་ཚོགས་འཇིགས་པའི་དོགས་བྲལ་ཞིང་། གངས་ཅན་ཐུབ་བསྟན་འཛིན་རྣམས་དགའ་བ་སྐྱེད། །ཅེས་པ་ལྟ་བུ། མང་ཐོས་ཀླུ་སྒྲུབ་པས། སྐབས་འདིར་གཞུང་དོན་དང་མི་འབྲེལ་བའི་རྟོག་གེ་བའི་བློས་བྱས་ཀྱི་ཚིག་བརྗོད་པ་ནི་སྙིང་པོ་མེད་དོ། །གཉིས་པ་ནི། གང་ཞིག་ཁྱབ་འཇུག་གི་རྐང་པ་ཏོག་ཏུ་བཀོད་པའི་ཁྱད་པར་གྱི་མཐུས་དགའ་སྟོན་གྱི་ཚོགས་ཀྱི་ཡོན་ཏན་གཟུགས་སུ་གྲུབ་པ་འདི་འདྲ་བ་དེ་ནི་དེའི་རྐང་པ་གཾ་གཱའི་ཞབས་བསིལ་དང་བཅས་པ་རྒྱལ་མཚན་གྱི་ངོ་བོ་བཀོད་པ་འདི་ནི། ལྷ་དགའ་ཡང་ལྷ་མིན་ལ་དོགས་པ་མེད་པའི་ཁྱད་ཆོས་དང་ལྡན་པས་ཁྱད་པར་དང་བཅས་པའི་གཟུགས་ཅན་ནོ། །བཅུ་གཉིས་པ་འགལ་བའི་གཟུགས་ཅན། དཔེ་དོན་གཉིས། དང་པོ་ནི། དཔེའི་བྱ་བ་པདྨ་རྣམས་ནི་མི་འཛུམ་པ་སྟེ་མི་ཟུམ་ཞིང་། ནམ་མཁའ་ཡང་མི་འགྲོ་བའི། དཔེ་ཅན་ཁྱོད་ཀྱི་གདོང་ཟླ་བའི་གཟུགས་སུ་བཀོད་པས། དཔེས་མི་བྱེད་པའི་བྱ་བ་བདག་གི་ནི་སྲོག་རྣམས་འཕྲོག་པ་ཉིད་དུ་གླགས་ལྟའོ། །དཔེར་ན། དབྱངས་ཅན་ལྷ་མོ་སྲེད་ལྡན་གཡོན་མིག་མས། །འགྲོ་བའི་ཉོན་མོངས་ཚོགས་རྣམས་མི་སྤྱོད་ཅིང་། །འཁྲིག་པའི་བདེ་བ་སྟེར་བར་མི་བྱེད་པར། །ཆགས་བྲལ་ས་དང་ལམ་ལ་འབད་པས་འགོད། །ཅེས་པ་ལྟ་བུ།གཉིས་པ་ནི། ཟླ་བའི་བྱ་བ་ཟུམ་འགྲོ་གཉིས་ཀྱི་བྱ་བ་བྱེད་པ་མིན་པ་དང་། མཚོན་ཆ་སོགས་གཞན་གྱི་བྱ་བའི་བྱ་བ་འདིར་ཡང་དག་པར་བསྟན་ཏེ་དེའི་ཕྱིར། འགལ་བ་ཞེས་བྱའི་(༥༤ན)

― GLG020_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་ཅན་ནོ། །བཅུ་གསུམ་པ་རྒྱུའི་གཟུགས་ཅན་ལ་དཔེ་དོན་གཉིས། དང་པོ་ནི། རྒྱལ་པོ་ཁྱོད་ནི་ཟབ་པ་ཉིད་ཀྱི་རྒྱུས་ནི་རྒྱ་མཚོའི་གཟུགས་སུ་སྟེ། བརླིང་བ་ཉིད་ཀྱི་རྒྱུས་རི་བོའི་གཟུགས་ཡིན་ལ། འཇིག་རྟེན་རྣམས་ལ་འདོད་པ་ནི་སྟེར་བའི་ཕྱིར་དཔག་བསམ་རྐང་འཐུང་གི་གཟུགས་སུ་བཀོད་དོ། །དཔེར་ན། ཚངས་སྲས་རྨོངས་མུན་སེལ་བས་ཆུ་ཤེལ་དབང་། །ཕན་བདེའི་ཁང་བཟང་རྩེར་ཁྲིད་ཐེམ་སྐས་ཏེ། །ལེགས་བཤད་དགའ་སྟོན་སྐྱུགས་པས་ཛཧྣུ། །གཟིགས་པ་དུས་ལས་མི་ཡོལ་རྒྱ་མཚོའི་རླབས། །ཞེས་པ་ལྟ་བུ།གཉིས་པ་ནི། འདིར་ནི་ཟབ་པ་ལ་སོགས་པ། བརླིང་སྟེར་གྱི་རྒྱུ་རྣམས་དག་གིས། རྒྱ་མཚོ། རི། དཔག་བསམ་གྱི་ཤིང་དག་གི་ཡང་གཟུགས་སུ་བྱེད་པས་ན་འདི་ནི་རྒྱུའི་གཟུགས་ཅན་ཡིན་ནོ། །བཅུ་བཞི་པ་སྦྱར་བའི་གཟུགས་ཅན་ནི། །རཱ་ཛ་ཧཾ་ས་ནི་མིའི་རྒྱལ་པོ་དང་ངང་བའི་རྒྱལ་པོ་གཉིས་ཀ་ལ་འཇུག་་པས། སྔ་མས་ནི་དཔེ་ཅན་གྲོགས་མོ་ཁྱོད་ཀྱི་གདོང་ལ་ཉེ་བར་སྤྱད་པར་འོས་ལ། ཕྱི་མས་ནི་དཔེ་པདྨ་ལ་ཉེ་བར་སྤྱད་པར་འོས་སོ། །ཞེས་པ་ནི་སྒྲ་སྦྱར་བ་ཡིན་ལ། དོན་སྦྱར་བ་ནི། དྲི་ཞིམ་པ་གདོང་པ་གཉིས་ཀ་ལ་ཡོད་པས། སྔ་མ་རྒྱལ་པོ་དང་ཕྱི་མ་བུང་བས་དོན་དུ་གཉེར་བར་འོས་སོ། །ཞེས་པ་དཔེ་ཅན་གྱི་ཁྱད་གཞི་དཔེའི་ཁྱད་གཞིའི་གཟུགས་སུ་བྱས་ཏེ། ཁྱད་ཆོས་འགའ་ཞིག་ལ་སྒྲ་དང་། འགའ་ཞིག་ལ་དོན་སྦྱར་བའི་སྒོ་ནས་དཔེ་དཔེ་ཅན་སོ་སོར་བཀོད་དུ་ཡོད་པ་ནི་སྦྱར་བའི་གཟུགས་ཅན་ནོ། །དཔེར་ན། ཟས་གཙང་སྲས་(༥༤བ)

― GLG020_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་གསུང་གི་རྫིང་བུ་ལ། །གཉིས་སྐྱེས་ཚོགས་ཀྱིས་ལོངས་སུ་སྤྱོད་པའི་དཔྱིད། །དྲི་མ་མེད་ཅིང་རབ་གསལ་དྭངས་པ་ཡིས། །ལང་ཚོ་ཅན་རྣམས་ཁྲུས་ལ་འཇུག་པའི་ཡུལ། །ཞེས་པ་ལྟ་བུ། བཅོ་ལྔ་པ་དཔེའི་གཟུགས་ཅན་ལ། མཚན་ཉིད་དང་། དཔེར་བརྗོད་གཉིས། དང་པོ་ནི། གཙོ་བོ་དཔེའི་ཁྱད་གཞི་དང་། ཕལ་པ་དཔེ་ཅན་གྱི་ཁྱད་གཞི་གཉིས་ལ་ཡོད་པའི་ཁྱད་ཆོས་མཐུན་པར་གསལ་བ་ནི་དཔེའི་གཟུགས་ཅན་ནོ། །གཉིས་པ་ནི། །འདོད་པས་མྱོས་པའི་ཀུན་ཏུ་དམར་བའི་མདངས་ཀྱིས་བཀབ་པ་ཡི་ཕལ་པ་བཞིན་གྱི་ཟླ་བ་འདི། གཙོ་བོ་ཟླ་བ་དངོས་ལ་ནི་མཚུངས་པ་གསལ་བྱེད་ཀྱི་སྒྲ་དང་བཅས། ཐུན་མཚམས་འཆར་ཀའི་མདངས་དམར་བ་ཕུན་སུམ་ཚོགས་པ་གཉིས་ཀ་ལ་ཡོད་པས་རབ་ཏུ་འགྲན་ནོ། །དཔེར་ན། སྐེད་སྐབས་ཕྲ་ལྡེམ་ཡོངས་འདུའི་ཤིང་། །འདོད་པའི་ལོ་འདབ་གཡོ་བའི་ཉམས། །བདེ་བའི་གང་བུ་སྟེར་བ་འདི། །དཔག་བསམ་ལྗོན་པའི་ཚུལ་དང་མཚུངས། །ཞེས་པ་ལྟ་བུ། བཅུ་དྲུག་པ་ལྡོག་པ་ཅན་གྱི་གཟུགས་ཅན་ལ། དཔེ་དོན་གཉིས། དང་པོ་ནི། དངོས་གཞི་དཔེའི་གཟུགས་ཅན་དང་འདྲ་བ་ལ། དཔེ་དཔེ་ཅན་གཉིས་ཆོས་མི་མཐུན་པར་མཐོང་བས། འབྱེད་བྱེད་ཀྱི་སྒྲ་བཀོད་དེ་མཚུངས་པ་ལས་ལྡོག་པས་ལྡོག་པ་ཅན་ཞེས་པའི་གཟུགས་ཅན། བཤད་མ་ཐག་པ་ཐེ་བའི་རྣམ་པ་གཉིས་འདོད་དེ། དཔེར་ན། གཉིས་པ་ནི། ལྷ་རྣམས་ཀྱིས་ནི་དཔེ་གཙོ་བོའི་ཟླ་བ་དང་། བདག་གིས་དཔེ་ཅན་ཕལ་པ་ཁྱོད་གདོང་གི་ཟླ་བ་གཉིས་མིག་གིས་ཡང་ཡང་(༥༥ན)

― GLG020_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

འཐུང་བར་མཚུངས་ཀྱང་། དཔེ་འདི་ནི་རྟག་ཏུ་གང་བ་མ་ཡིན་པར་འཕེལ་འགྲིབ་བྱེད་ཀྱང་། དཔེ་ཅན་འདི་ནི་རྟག་ཏུ་དཀྱིལ་འཁོར་རྫོགས་སོ། །དཔེར་ན། རི་དྭགས་ཁྱོད་ནི་དྲ་བའི་རྒྱར། །ཚུད་བ་མཚོན་ཆས་གཅོད་ནུས་ཀྱི། །བདག་ནི་སྨིན་ལེགས་འདོད་པའི་རྒྱས། །བཅིངས་འདི་གཅོད་པའི་ནུས་པ་བྲལ། །ཞེས་པ་ལྟ་བུ། བཅུ་བདུན་པ་འགོག་པའི་གཟུགས་ཅན་ནི། དཔེ་ཅན་མཛེས་མ་ཁྱོད་ཀྱི་གདོང་། དཔེ་ཟླ་བའི་གཟུགས་སུ་བཀོད་པ་དགག་བྱ། འགོག་བྱེད་གདོང་ཟླ་བའི་ངོ་བོ་ཡིན་ན་བསིལ་བ་ཞིག་དགོས་རྒྱུ་ལ། འདོད་པའི་ཚ་བས་འདི་ལྟར་གཞན་དག་གདུང་བར་བྱེད་པས་ཟླ་བ་ཉིད་དུ་བརྗོད་པ་མིན་ཞེས་པ་དེ་ནི་འགོག་པའི་གཟུགས་ཅན་ནོ། །དཔེར་ན། འདྲེན་མཆོག་རྣམ་དཀར་མཛད་པའི་ཟླ་བ་ཡིས། །ཆུ་སྲིན་རྒྱལ་མཚན་སྡེ་བཅས་མྱ་ངན་གྱི། །མུན་པའི་ཁུང་བུར་འཇུག་ན་སྣང་བའི་དཔལ། །སྟེར་བའི་གཉིས་སྐྱེས་རྒྱལ་པོ་ཅི་ཞིག་ལགས། །ཞེས་པ་ལྟ་བུ། བཅོ་བརྒྱད་པ་མཉམ་འཇོག་གི་གཟུགས་ཅན་ནི། ཟླ་བ་བསིལ་བ་ཡིན་ཀྱང་། དཔེ་ཅན་གཏུམ་མོ་ཁྱོད་གདོང་། དཔེ་ཟླ་བའི་ངོ་བོར་བཀོད་པ་འདིས་ཀྱང་། འདོད་པའི་མེས་བརྩེ་བ་མེད་པར་བདག་སྲེག་པ། ཟླ་བའི་བྱེད་ལས་མི་འོས་པའི་སྐྱོན་དག་བདག་ཉིད་ཀྱང་ཆགས་འབྲས་ཧ་ཅང་སྨིན་ཆེས་པའི་སྐལ་བ་ཉིད་ཀྱི་སྐྱོན་ཞེས། དཔེ་དཔེ་ཅན་གཉིས་ཀའི་སྐྱོན་མཉམ་པར་སྟོན་པ་ནི་མཉམ་འཇོག་གི་གཟུགས་ཅན་ནོ། །དཔེར་ན། ཤོང་སྟོན་མཁྱེན་པའི་ཉི་ཟེར་གྱིས། །(༥༥བ)

― GLG020_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

རྒོལ་བའི་བློ་ངན་མུན་པར་འཐུམས། །ཉེས་བཤད་ཁོ་ནར་ཡིད་གཏད་པའི། །ལོག་ལྟའི་སྐལ་དམན་འདིས་ཀྱང་སྐྱོན། །ཞེས་པ་ལྟ་བུ། བཅུ་དགུ་པ་གཟུགས་ཅན་གྱི་གཟུགས་ཅན་ནི། །ཁྱོད་གདོང་འདམ་སྐྱེས་ཀྱི་གཟུགས། འདམ་སྐྱེས་དོ་རའི་གཟུགས་སུ་བཀོད། གདོང་གི་ཁྱད་ཆོས་སྨིན་མ་འཁྲི་ཤིང་གི་གཟུགས་དང་། འཁྲི་ཤིང་གར་མཁན་མའི་གཟུགས་སུ་བཀོད་ནས། རོལ་སྒེག་གིས་དགའ་བའི་གར་བྱེད་དོ། །ཞེས་དཔེ་འཕར་མ་བཀོད་པ་འདི་ནི་གཟུགས་ཅན་གྱི་གཟུགས་ཅན་ནོ། །དཔེར་ན། ཀུན་མཁྱེན་གཟུགས་སྐུའི་གངས་རིའི་དགའ་ཚལ་དུ། །མཚན་བཟང་ཆུ་ཀླུང་མནྡྷ་ར་འཁྲིགས་ལས། །བདེ་ལེགས་བསིལ་དང་ཡིད་འོང་དགའ་སྟོན་ཚོགས། །ལས་ལྡན་ཚད་གདུངས་མཐོ་རིས་ལུས་ཕྲའི་དཔལ། །ཞེས་པ་ལྟ་བུ། ཉི་ཤུ་པ་བསྙོན་དོར་གྱི་གཟུགས་ཅན་ལ་དཔེ་དོན་གཉིས། དང་པོ་ནི། ཤིན་ཏུ་མཛེས་པ་འདི་ནི་དཔེ་ཅན་གྱི་ཁྱད་གཞི་གདོང་དང་། ཁྱད་ཆོས་འདི་དག་སྟེ་མིག་དང་། ཁྱོད་ཀྱི་སོ་ཡི་འོད་ཟེར་མ་ཡིན་སྟེ་འདི་དཔེའི་ཁྱད་གཞི་པདྨ་དང་། ཁྱད་ཆོས་བུང་བ་གེ་སར་འདི་རྣམས་ཉིད་ཡིན་ནོ། །དཔེར་ན། གཟིགས་མོར་སྤྲོ་འདི་འབྲུག་སྒྲ་མངལ་འཛིན་གྱི། །ལུས་འདེགས་མ་ཡིན་རླུང་གི་རྒྱལ་མཚན་སྟེ། །དགའ་བའི་ཟློས་གར་རྣམ་པར་སྒྱུར་བ་འདི། །རྨ་བྱ་མ་ཡིན་དྲན་པའི་སྙེ་མར་ངེས། །ཞེས་པ་ལྟ་བུ། གཉིས་པ་ནི། གདོང་པ་ལ་སོགས་པ་དཔེ་ཅན་ཉིད་མ་ཡིན་ནོ་ཞེས་བསྙོན་བཞིན་བཟློག་སྟེ། དཔེ་པདྨ་ལ་སོགས་པའི་གཟུགས་སུ་བྱས་པའི་སྒོ་ནས་མཛེས་པ་སོགས་(༥༦ན)
ཡོན་ཏན་ཁྱད་འཕགས་གསལ་བར་བྱེད་པ་དེ་ཉིད་བསྙོན་དོར་གཟུགས་ཅན་ནོ། །གསུམ་པ་དཔེ་རྒྱན་དང་ཐུན་མོང་དུ་འཇུག་བསྡུ་བ་ནི། གཟུགས་ཅན་དང་དཔེ་རྒྱན་གྱི་རྣམ་རྟོག་གི་སྤྲོས་པ་རྣམས་མཐའ་ཡོད་པ་མ་ཡིན་པ་དེའི་ཕྱིར། འདིར་ཕྱོགས་ཙམ་བསྟན་པ་ཡིན་གྱི་དངོས་སུ་མ་བརྗོད་པ་རྣམས་བློ་ལྡན་རྣམས་ཀྱི་རྗེས་སུ་དཔག་པར་བྱའོ། །

གསལ་བྱེད་ཀྱི་རྒྱན་གྱི་སྐོར་བཤད་པ།

― GLG020_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བྱེད་ཀྱི་རྒྱན་གྱི་སྐོར་བཤད་པ།བཞི་པ་གསལ་བྱེད་ཀྱི་རྒྱན་ལ་མཚན་ཉིད། དཔེར་བརྗོད། མ་བཤད་པ་བསླབ་ཚུལ་དང་གསུམ། དང་པོ་ནི། སྔར་རང་བཞིན་བརྗོད་པའི་སྐབས་དང་འདྲ་བའི་རིགས་དང་། བྱ་བ་ཡོན་ཏན། རྫས་རྣམས་ལ་ཚིག་གཅིག་ཐོག་མཐའ་བར་གསུམ་གང་ལ་གནས་པ་ཡིས། གལ་ཏེ་ཚིག་སྦྱོར་གྱི་ངག་ཀུན་གསལ་བ་ལ་ཕན་ན། དེ་ནི་གསལ་བྱེད་དུ་བརྗོད་དེ། དཔེར་ན་ཞེས་སོ། །རང་བཞིན་བརྗོད་པའི་སྐབས་ཡལ་འདབ་སོགས་དང་ལྡན་པའི་ཤིང་གི་རིགས་བརྗོད་པས། མཚན་ཉིད་དེ་ལྡན་གྱི་རིག་མཐའ་དག་གོ་ནུས་པ་ཡིན་ལ། འདིར་ནི་རིགས་སོགས་གང་བརྗོད་པའི་གསལ་བྱེད་ཀྱི་ཚིག་ཐོག་མཐའ་བར་གསུམ་གང་ན་ཡོད་པ་དེས་ཚིག་གཞན་གསལ་ནུས་པ་ཞིག་དགོས་པས་མི་འདྲ་བའི་ཁྱད་པར་རོ། །གཉིས་པ་ལ་གནས་གསུམ་གྱི་གསལ་བྱེད། ཕྲེང་བའི་གསལ་བྱེད། གལ་དོན་གྱི་གསལ་བྱེད། དོན་གཅིག་གི་གསལ་བྱེད། སྦྱར་བའི་གསལ་བྱེད་དང་ལྔ། དང་པོ་ལ་རྣམ་པར་དབྱེ་བའི་སྒོ་ནས་རིགས་སོགས་བཞི། གནས་ངེས་པའི་སྒོ་ནས་གསུམ་དུ་བསྟན་པ་དང་གཉིས། དང་པོ་ལ་བརྒྱད(༥༦བ)

― GLG020_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པའི་རིགས་བརྗོད་པ་ཐོག་མའི་གསལ་བྱེད་ནི། ལྷོ་ཡི་རླུང་གིས་ཞེས་པ་གསལ་བྱེད་དུ་ཐོག་མར་བཀོད་ནས་འོག་མ་མཐའ་དག་གསལ་བ་སྟེ། གང་གསལ་ན། དེས་འཁྲི་ཤིང་རྣམས་བསྒུལ་བསྐྱོད་བྱས་པས་འདབ་མ་རྙིང་པ་སེར་པོ་རྣམས་ལྷུང་བར་བྱེད་དོ། །གཞན་ཡང་དེས་ལུས་བསིལ་བར་བྱས་པས། ལང་ཚོས་དུད་པའི་ལུས་ཅན་རྣམས་ཀྱི་ཡང་མཛའ་བོ་མི་དད་པའི་ཁེངས་པ་གསར་དུ་འཇོམས་པར་ནུས་སོ། །དཔེར་ན། ནེ་ཙོ་སྨྲ་བའི་མཆུ་ལྡན་ཅན། །མ་རྒད་མདངས་ཀྱི་སྒྲོག་ཤོག་ངོམ། །དཀར་ནག་དམར་བའི་མགྲིན་པ་ཅན། །སྐྱེ་བོ་འགའ་ཡི་ཡིད་དུ་འོང་། །ཞེས་པ་ལྟ་བུ། གཉིས་པ་བྱ་བ་བརྗོད་པ་ཐོག་མའི་གསལ་བྱེད་ནི། ཆུ་གཏེར་བཞིའི་ངོགས་ཀྱི་སྐྱེད་མོས་ཚལ་དུ་སོ་ཅན་ཏེ་གླང་པོ་བརྒྱད་རྒྱུའོ། །ཁོར་ཡུག་ཕྱིའི་ལྕགས་ཀྱི་རི་བོའི་ཁོངས་སུ་ཡང་། རྒྱལ་པོ་ཁྱོད་ཀྱི་ཡོན་ཏན་ཀུནྡ་དཀར་པོ་རྒྱུའོ། །དཔེར་ན། སྦྱིན་ནོ་རྒྱལ་བས་འགྲོ་ལ་བདེ། །དབྱངས་ཅན་སྐལ་བཟང་རྣམས་ལ་ངག །སྒེག་མོས་སྲེད་ཅན་ཆགས་པའི་རོ། །རླུང་གིས་ཚ་གདུང་ཅན་ལ་བསིལ། །ཞེས་པ་ལྟ་བུ། གསུམ་པ་ཡོན་ཏན་བརྗོད་པ་ཐོག་མའི་གསལ་བྱེད་ནི། ཕྱོགས་རྣམས་ནི་དབྱར་སྐྱེས་སྤྲིན་གྱི་ཕྲེང་བ་འཁྲིགས་པ་ཡིས་སྔོ་བསངས་ཉིད་དུ་བྱེད་དོ། །ས་གཞི་ཡང་རྩ་སྔོན་གསར་པ་ནི་ཤིན་ཏུ་གཞོན་པའི་ཕྲེང་བས་སྔོ་བསངས་ཉིད་དུ་བྱེད་དོ། །དཔེར་ན། དཀར་རོ་མཁའ་ལ་ཟླ་བའི་གཟུགས། །འདོད་ལྡན་ཁྲོད་ན་ན་ཆུང་གདོང་། །མཁས་མང་ཚོགས་པའི་མདུན་ས་ན། །ཆོས་སྐྱོང་བཟང་པོའི་རྣམ་དཔྱོད་མཆོག །ཅེས་པ་ལྟ་བུ། བཞི་པ་རྫས་བརྗོད་པ་ཐོག་མའི་(༥༧ན)

― GLG020_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བྱེད་ནི། དཱ་ནུའི་བུ་ལྷ་མིན་སྟོབས་ལྡན་གྱི་འབྱོར་པ་དག་གང་དུ་མིང་མེད་པར་གཏང་ངོ་། །གང་གིས་ན་གང་ཟག་གཅིག་གིས་རང་མཚན་དུ་བཟུང་བའི་རྫས་གཞན་སྡེ་རྣམ་པར་གནོན་པའི་མཐུ་ལ་གནས་པའི་ཁྱབ་འཇུག་གིས་སོ། །ལྷ་རྣམས་ཀྱི་ཕུན་ཚོགས་གཞན་གང་ན་གནས་པ་ཀུན་བླངས་ཏེ་དར་བར་བྱས་སོ། །གང་གིས་ན། རྣམ་པར་གནོན་པའི་ཁྱབ་འཇུག་གོ །དཔེར་ན། རི་དྭགས་ཀྱིས་མཚན་ཟླ་བ་ཡིས། །རྒྱ་མཚོ་ཆེན་པོ་རྣམ་པར་རྒྱས། །འདོད་ལྡན་རྣམས་ཀྱིས་ཆགས་པ་འཕེལ། །གཉིས་སྐྱེས་དུ་མ་དགའ་བ་བསྐྱེད། །ཅེས་པ་ལྟ་བུ། ཞེས་པ་བཞི་པོ་དང་པོའི་གསལ་བྱེད་བསྟན་ནས། དེ་བཞིན་དུ་བར་དང་ཐ་མ་ཡི་ཡང་གསལ་བྱེད་ཀྱི་ཚིག་དག་བདག་གིས་བསྟན་པར་བྱ་བ་ནི། དེ་དག་འགའ་ཞིག་འདི་ལྟ་སྟེ། ཞེས་མཚམས་སྦྱར་རོ། །ལྔ་པ་རིགས་བརྗོད་པའི་བར་གྱི་གསལ་བྱེད་ནི། མཇུག་སྒྲོ་ཅན་ཞེས་བཀོད་ནས་རང་གི་སྔ་ཕྱི་ཐམས་ཅད་གསལ་བའོ། །ཤིང་ནི་ཙུ་ལའི་འདབ་མའི་ཕང་པ་ན་གར་བྱེད་དོ། །གླུ་དབྱངས་ལེན་ནོ། །དགའ་བ་རྒྱས་པའི་མིག་དག་ཀྱང་ཆུ་འཛིན་འབྲུག་སྒྲ་ཅན་ལ་ནི་གཏོད་པར་བྱེད་དོ། །དཔེར་ན། ཤེས་བྱ་མ་ལུས་དྲི་མེད་གཟིགས། །བདུད་བཞི་ལས་རྒྱལ་རྫོགས་སངས་རྒྱས། །ཀུན་ལ་ཁྱབ་པའི་ཐུགས་རྗེ་ཅན། །རིས་མེད་འགྲོ་བ་མ་ལུས་སྐྱབས། །ཞེས་པ་ལྟ་བུ། དྲུག་པ་བྱ་བ་བརྗོད་པ་བར་གྱིས་གསལ་བྱེད་ནི། དྲི་བཞོན་ནགས་ཀླུང་ན་དལ་བུ་ཡང་ཆགས་ལྡན་འགའ་ལ་གནོད་པའི་རྒྱུ་ཡིན་པས་གདུང་བར་འགྱུར་བར་བྱེད་དོ། །ཟླ་བ་དག་ཀྱང་མེ་རུ་འགྱུར་རོ། །ཙནྡན་གྱི་བྱུག་པ་ལུས་ལ་ལྷུང་བ་ཡང་། མཚོན་ལྷུང་བ་ལྟར་བུད་མེད་དང་བྲལ་ཏེ་འཁྱམ་པ་(༥༧བ)

― GLG020_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་འགྱུར་རོ། །དཔེར་ན། ཤེས་ལྡན་རྣམས་ལ་ལེགས་བཤད་དང་། །འཕོངས་པ་རྣམས་ལ་བདོག་པ་ཡིས། །དགའ་བར་བྱེད་དོ་འདོད་ལྡན་ལ། །ལང་ཚོ་རྒྱས་པའི་སྨིན་ལེགས་མས། །ཞེས་པ་ལྟ་བུ། བདུན་པ་རིགས་བརྗོད་པ་ཐ་མའི་གསལ་བྱེད་ནི་མེ་ཏོག་གཞུ་ཅན་དག་གི་དཔུང་ནི་གསལ་བྱེད་ཡིན་པས་རང་གི་སྔོན་ན་ཡོད་པ་མཐའ་དག་གསལ་ལོ། །གང་གསལ་ན་དབྱར་གྱི་ཆུ་འཛིན་གྱིས་ནི་ཆར་ཆུ་རབ་ཏུ་གཏོར་བ་དང་། ཁྱིམ་ན་བདག་ཏུ་བཟུང་བའི་གཙུག་ཕུད་ལྡན་པའི་ཚོགས་གར་བྱེད་པ་དང་། གློག་གི་ཐག་པ་ཁྱུག་ཁྱུག་ཏུ་གཡོ་བ་གསུམ་གྱིས་ཀྱང་ཡིད་ཕྲོགས་ཏེ་འདོད་པ་གཡོ་བར་བྱེད་པས་སོ། །དཔེར་ན། གནག་སྣུམ་ཟུར་ཕུད་ལྔ་གཡོ་ཞིང་། །ཨུཏྤལ་རལ་གྲིས་དཔུང་པ་མཛེས། །མཚམས་སྤྲིན་མདངས་འཛིན་ན་ཚོད་གནས། །ངག་གི་མཆོག་སྟེར་འཇམ་དཔལ་དབྱངས། །ཞེས་པ་ལྟ་བུ། བརྒྱད་པ་བྱ་བ་བརྗོད་པ་ཐ་མའི་གསལ་བྱེད་ནི། བྱས་ཞེས་པ་གསལ་བྱེད་དུ་བཀོད་ནས། མཛེས་མ་ཁྱོད་ཀྱི་རྣ་བ་ལ་ཨུཏྤལ་སྤུད་པ་དང་། འདོད་པའི་ལྷའི་མངལ་ནི་མེ་ཏོག་གི་ཚལ་ན་རྒྱུས་པའི་མདའ་བསྟན་པ་དང་། རྒྱུ་དེ་གཉིས་ཀྱིས་ང་ཡང་ཆགས་སེམས་ཀྱིས་འཆི་བ་ལ་ཐུག་པ་གསུམ་པོ་འདི་ནི་མཉམ་དུ་བྱས་སོ། །དཔེར་ན། མཛེས་མའི་འགྲམ་པའི་ཆང་གིས་བ་ཀུ་ལ། །རྟ་ལྗང་འོད་ཀྱིས་སྦྲང་རྩིའི་རྒྱལ་མཚན་འཚལ། །ཆོས་སྐྱོང་བཟང་པོས་གནས་ལྔ་རིག་པའི་ཁ། །བློ་བཟང་གྲགས་པས་ཐུབ་བསྟན་སྒོ་འཕར་འབྱེད། །ཅེས་པ་ལྟ་བུ། གཉིས་པ་ཕྲེང་བའི་གསལ་བྱེད་ལ་དཔེ་དོན་གཉིས། དང་པོ་ནི། འཕེལ་བྱེད་ཅེས་པ་གསལ་བྱེད་ཡིན་ལ། དཀར་(༥༨བ)

― GLG020_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཀྱིས་ནི་འོད་དཀར་ཅན། འོད་དཀར་ཅན་དེ་ཡིས་མདའ་ལྔ་པ། མདའ་ལྔ་པ་དེས་ཀྱང་ཆགས་པ། ཆགས་པས་ཀྱང་ན་ཆུང་དགའ་བའི་དགའ་སྟོན་གྱི་དཔལ་ལོ། །གསལ་བྱེད་ཐོག་མཐའ་བར་གསུམ་ལ་མ་ངེས་ཤིང་། །དཔེར་ན། ལེགས་ལྡན་དཔྱིད་ཀྱིས་ཆར་དུས་ལང་ཚོའི་དཔལ། །དབྱར་གྱིས་རྐང་འཐུང་འདབ་འབྲས་ལྗང་ཤོན་སྤེལ། །དེས་ཀྱང་སྟོན་གྱི་དུས་བསྐྱེད་འབྲས་ལྡན་མས། །གསར་ཚེས་གནམ་ལོའི་དགའ་སྟོན་འགུགས་པར་བྱེད། །ཅེས་པ་ལྟ་བུ། གཉིས་པ་ནི། ཞེས་སོགས་རྐང་པ་སྔ་ཕྱི་གང་ལ་ཡོད་ཀྱང་དེ་ཁའི་གསལ་བྱེད་ཡིན་མོད། འོན་ཀྱང་སྔ་མ་སྔ་མ་ལ་ཕྱི་མ་ཕྱི་མ་ལྟོས་པའི་ངག་གི་ཕྲེང་བ་རབ་ཏུ་ལྡན་པའི་ཕྱིར། དེ་ནི་ཕྲེང་བའི་གསལ་བྱེད་དུ་འདོད་དོ། །བཅུ་པ་འགལ་བའི་གསལ་བྱེད་ལ། དཔེ་དོན་གཉིས། དང་པོ་ནི། སྤྲིན་གྱིས་ཞེས་པ་གསལ་བྱེད་ཡིན་ལ། རླུང་གིས་གཙུབས་ཤིང་བསྐྱོད་པའི་ཆར་གྱི་ཆུའི་ཐིགས་པ་ཅན་འདོད་ལྷ་ལུས་མེད་དག་གིས་ནི་འདོད་ཆགས་ཀྱི་ཨ་པ་ལེ་བ་འཕེལ་བར་བྱེད་ཅིང་། ལུས་ཚ་བས་གདུངས་པའི་རྔུལ་གྱི་ཨ་བ་ལེ་བ་དག་ནི་སེལ་བར་བྱེད་དོ། །ཞེས་བྱེད་པོ་གཅིག་གིས་འཕེལ་སེལ་གྱི་བྱ་བ་གཅིག་ཅར་དུ་བསྟན་པས་འགལ་བའོ། །དཔེར་ན། སྨིན་ལེགས་མ་དེས་ཆགས་པ་ཡིས། །གཟིར་བའི་སྡུག་བསྔལ་བསྐྱེད་པ་དང་། །འཁྲིག་པའི་བདེ་བ་བརྟེན་པ་ཡིས། །འདོད་པར་དགའ་བ་རྒྱས་པར་བྱེད། །ཅེས་པ་ལྟ་བུ། གཉིས་པ་ནི། འདིར་ནི་གསལ་བྱེད་སྤྲིན་གྱི་ཚིག་དག་དང་(༥༨བ)

― GLG020_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བྱ་ཨ་ལ་བའི་ཚིག་དག་གིས་སྔར་བཤད་མ་ཐག་པ་ལྟར་བྱ་བ་འགལ་བ་དང་ལྡན་པ་སྟེ། རྒྱུ་མཚན་དེས་ན་འགལ་བའི་དོན་གྱི་གསལ་བྱེད་དོ། བཅུ་གཅིག་འདོན་གཅིག་གིི་གསལ་བྱེད་ལ་དཔེ་དོན་གཉིས། དང་པོ་ནི། ཆུ་འཛིན་དག་གི་ཕྲེང་བ་འདིས།ཞེས་པ་ནི་གསལ་བྱེད་ཡིན་ལ། ནམ་མཁའི་ཕྱོགས་རྣམས་ཀྱི་ནི་གོ་སྐབས་མེད་པར་ཕྲོགས་པ་སྟེ་བསྒྲིགས་སོ། །སྐར་མའི་ཚོགས་རྣམས་ནི་བཟུང་བ་སྟེ་མ་གསལ་བར་བྱས་སོ། །དེང་སང་ཡང་སྲེད་ལྡན་དག་གི་སྲོག་རྣམས་ལན་པ་སྟེ་འཆི་བ་ལ་ཐུག་པས་གདུངས་སོ་ཞེས་པ་རྣམ་གྲངས་གསུམ་བཀོད་ཀྱང་། དོན་ཆགས་པ་འཕེལ་བ་གཅིག་པུ་གསལ་བར་བསྟན་པའོ། །དཔེར་ན། མཚར་སྡུག་ལང་ཚོ་དར་བབ་སྐེད་མེད་མས། །བཞིན་གྱི་སྨིན་མ་རབ་གཡོ་འདྲེན་བྱེད་ཕྱོགས། །དམར་བའི་མཆུ་སྒྲོས་གཡོ་ཞིང་སོ་ཕྲེང་ངོམ། །གཞོན་ནུའི་སྙིང་ལ་འདོད་པའི་གདུང་བ་བསྐྱེད། །ཅེས་པ་ལྟ་བུ། གཉིས་པ་ནི། གང་གི་ཕྱིར་ཆུ་འཛིན་གྱི་ཕྲེང་བ་ཡིས། འདོད་པའི་བྱ་བ་གཅིག་ཉིད་གསལ་བར་བྱེད་པ་འདིར་རྣམ་གྲངས་དུ་མ་བཀོད་པའི་སྒྲ་ཡིས་ཉེ་བར་བླངས་པ་ཡིས། དེའི་ཕྱིར་དོན་འདོད་པ་གཅིག་གསལ་བར་བྱེད་དོ། །བཅུ་གཉིས་པ་སྦྱར་བའི་གསལ་བྱེད་ལ་དཔེ་དོན་གཉིས། དང་པོ་ནི། རྒྱུ་ཞེས་པ་གསལ་བྱེད་ཡིན་ལ། སྤྲིན་ནི་ནམ་མཁའ་དང་། གླང་པོ་ཆེ་འདི་དག་ས་ལ་རྒྱུ་བར་བྱེད་པའོ། །དེ་ཡང་སྦྱར་ལུགས་ནི། སྤྲིན་ནི་དྲིའི་གཞོན་པ་རླུང་དང་ལྡན་པ་ཡིན་ལ། གླང་པོ་ནི་གར་ཆང་གི་དྲིའི་གཞོན་པ་ཡིན་ལ། དེ་གཉིས་ཀ་མཐོང་ན་ཡིད་དུ་འོང་བ་དང་། དཔངས་མཐོ་བ་དང་། ཁ་དོག་སྔོ་བསངས་ཏ་མ་ལའི་འོད་(༥༩ན)
དང་ལྡན་པ་རྣམས་དེ་གཉིས་ཀ་ལ་ཐུན་མོང་དུ་ཡོད་པས་སྦྱར་བའོ། །དཔེར་ན། ལེགས་བཤད་སྨྲ་བའི་མགྲིན་པ་གཟེངས་མཐོ་ཞིང་། །རིག་བྱེད་གཞུང་བརྒྱ་འཆད་པའི་སྟོན་པ་ཆེ། །ལྷ་ཡི་བླ་མ་འཆི་མེད་མདུན་ས་དང་། །ཆོས་སྐྱོང་བཟང་པོ་ཁ་བའི་ལྗོངས་ཀྱི་རྒྱན། །ཞེས་པ་ལྟ་བུ། གཉིས་པ་ནི། བཤད་མ་ཐག་པ་འདི་ནི་ཆོས་དེ་རྣམས་ཐ་དད་མ་ཡིན་པར་སྤྲིན་དང་གླང་པོ་རྣམས་དག་ལ་སྦྱར་བས། རྒྱུ་ཞེས་པའི་གསལ་བྱེད་ཉིད་ཀྱི་ཚིག་ཉིད་ཀྱིས་འབྲེལ་བའི་ཕྱིར། སྦྱར་བའི་དོན་གྱི་གསལ་བྱེད་དོ། །ལྔ་པ་མ་བཤད་པ་བསླབ་ཚུལ་ནི། རྣམ་པ་འདི་དག་ཉིད་ཁོ་ན་ཡིས་གསལ་བྱེད་ཀྱི་རྒྱན་ལ་ནི་རྣམ་པར་རྟོག་པའི་སྤྲོས་པ་འདིར་མ་བཤད་པའི་ལྷག་མ་རྣམས་ཀྱང་སྔ་མ་དང་རྗེས་སུ་མཐུན་པར་མཁས་པ་རྣམས་ཀྱིས་རིགས་པས་དཔག་པ་སྟེ་རྟོགས་པར་བྱའོ། །

བསྐོར་བའི་རྒྱན་བཤད་པ།

― GLG020_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐོར་བའི་རྒྱན་བཤད་པ།ལྔ་པ་བསྐོར་བའི་རྒྱན་ལ། མཚན་ཉིད་ཀྱི་སྒོ་ནས་དབྱེ་བ་དང་། སོ་སོའི་དཔེར་བརྗོད་གཉིས། དང་པོ་ནི། གསལ་བྱེད་དུ་བཤད་པའི་ཐོག་མཐའ་བར་གསུམ་གྱི་གནས་གང་རུང་ཉིད་དུ་དོན་གཅིག་ཚིག་མི་འདྲ་བ་ལ་བསྐོར་བ་དང་ནི། དོན་མི་གཅིག་ལ་ཚིག་འདྲ་བར་བསྐོར་བ་དང་། ཚིག་དོན་གཉིས་ཀ་བསྐོར་བ་ཞེས་བྱ་བ་སྟེ་རྒྱན་གསུམ་ཡོད་པ་དག་འདོད་དེ་དཔེར་ན། གཉིས་པ་སོ་སོའི་དཔེར་བརྗོད་ལ། དང་པོ་དོན་བསྐོར་བ་ནི་ཀ་དམྤ། ཀུ་ཊ་ཛོངྒ་དུ་མཿཀནྡ་ལྱ་ཀ་ཀུ་བྷ། བཞི་པོ་ཚིག་མི་གཅིག་ཀྱང་དོན་དུ་མོ་ཉུང་གི་ཤིང་ཡིན་པས། ཤིང་གཅིག་པུ་དེ་བསྐོར་བ་སྟེ། ཤིང་དེ་རྣམ་པར་རྒྱས། རབ་ཏུ་གསལ། རབ་ཏུ་བྱེད། གྱེས་པར་གྱུར། ཞེས་པ་སྟེ། (༥༩བ)
དཔེར་ན། སྟོབས་བཅུ་མངའ་བའི་གོ་འཕང་ཐོབ་པའི་ཆེད། །ལུས་མེད་ཐུལ་གྱི་བསྟན་ལ་རབ་ཞུགས་ཏེ། །མི་འཇིགས་བཞི་ལྡན་གསུང་རབ་ལ་སྦྱངས་ནས། །རྒྱལ་བས་གྲངས་མེད་ཚོགས་བསགས་རྗེས་སུ་བསླབས། །ཞེས་པ་ལྟ་བུ། གཉིས་པ། ཚིག་བསྐོར་བ་ནི། བྱེད་ཅེས་པ་ཚིག་བསྐོར་བ་ཡིན་ལ། སྤྲིན་གྱི་ཕྲེང་བ་དག་གིས་རྨ་བྱའི་ཚོགས་རྣམས་དང་། ཆུ་སྲིན་རྒྱལ་མཚན་ཅན་གྱིས་ནི་དེང་དུས་ན་ཆུང་རྣམས་ཀྱི་ཡིད་འདོད་པ་དང་ལྡན་པར་བྱེད་དོ། །དཔེར་ན། འོད་དཀར་ཅན་གྱི་ས་སྨོས་འདབ་མ་རྒྱས། །རྒྱལ་བའི་ཐུགས་རྗེས་འགྲོ་བའི་ཕན་བདེ་རྒྱས། །དབྱངས་ཅན་ལྷ་མོས་བདག་བློའི་ཤེས་རབ་རྒྱས། །ལེགས་བཤད་གཏམ་གྱིས་བློ་གསལ་དགའ་བ་རྒྱས། །ཞེས་པ་ལྟ་བུ། གསུམ་པ་གཉིས་ཀ་བསྐོར་བ་ནི། རྩེ་བར་བྱེད་ཅེས་པ་ནི་ཚིག་བསྐོར་བ་ཡིན་ལ། རྒྱལ་པོ་གསལ་རྒྱལ་ནས་དགའ་བ་དང་། དགྲ་རྣམས་ལྷར་སྐྱེས་པས་དགའ་བ་ཡང་རྒྱལ་པོས་དེ་རྣམས་བསད་པ་ལ་བརྟེན་ནས་བྱུང་བས་དོན་རྒྱལ་པོ་གཡུལ་ལས་རྒྱལ་བ་གཅིག་པུ་ལ་བསྐོར་བ་སྟེ། དགྲ་ཀུན་ལས་རྒྱལ་ནས་དེ་རིང་རྒྱལ་པོ་ཁྱོད་བཙུན་མོ་རྣམས་དང་། ཁྱོད་ཀྱི་བསད་པའི་དགྲ་སྡེ་རྣམས་གཡུལ་ངོར་ཤི་བའི་དབང་གིས་མཐོ་རིས་སུ་སོང་བ་སྟེ་སྐྱེས་ནས་ལྷ་མོ་རྣམས་དང་རྩེ་བར་བྱེད་དོ། དཔེར་ན། ཉིན་མོར་བྱེད་པའི་དཀྱིལ་འཁོར་གསལ། །གཟུགས་སྣང་བཀོད་པ་སྣ་ཚོགས་གསལ། །དབྱར་རྔ་སྐད་གསང་སྒྲོག་པས་བྲེལ། །རྨ་བྱ་དགའ་བའི་གར་གྱིས་བྲེལ། །ཞེས་པ་ལྟ་བུ།

འགོག་པའི་རྒྱན་གྱི་སྐོར་བཤད་པ།

― GLG020_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

འགོག་པའི་རྒྱན་གྱི་སྐོར་བཤད་པ།དྲུག་པ་འགོག་པའི་རྒྱན་ལ། མཚན་ཉིད་དབྱེ་བ་དང་།(༦༠ན)

― GLG020_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་ཏེ་མདོར་བསྟན་པ། ཕྱེ་བ་སོ་སོའི་དཔེར་བརྗོད་རྒྱས་པར་བཤད་པ། མ་བཤད་པ་ཁ་འཕངས་སུ་བསྟན་ཏེ་མཇུག་བསྡུ་བ་དང་གསུམ། དང་པོ་ནི། དོན་འགའ་ཞིག་བསྒྲུབ་པ་སོགས་དགག་བྱར་བྱས་ནས། དེ་བསྒྲུབ་ཏུ་མི་སྟེར་བར་ཐབས་བརྗོད་པ་ནི་འགོག་བྱེད་དོ། །དེ་ལ་ཡང་འདས་མ་འོངས་ད་ལྟ་དུས་གསུམ་ལ་ལྟོས་ནས་རྣམ་པ་གསུམ་དང་། དེ་ནས་དེ་ཡང་བྱེ་བྲག་རྒྱས་པར་ཕྱེ་ན་དགག་བྱའི་དབྱེ་བ་མཐའ་ཡས་པའི་ཕྱིར། འགོག་བྱེད་ཀྱང་མཐའ་ཡས་སོ། །གཉིས་པ་ལ་ཉི་ཤུ་རྩ་གསུམ་ལས། དང་པོ་འདས་པ་འགོག་པ་ལ་དཔེ་དོན་གཉིས། དང་པོ་ནི། ལུས་མེད་ཀྱི་ནི་མེ་ཏོག་གི་མདའ་ལྔ་འཇམ་ཞིང་ཉུང་བ་དེས་འགྲོ་བ་ཀུན་ལས་རྒྱལ་བར་གྱུར། ཞེས་པ་མི་སྲིད་ཏེ་མི་བདེན་ནོ་སྙམ་པའི་བློ་སྔར་བྱུང་ཟིན་པ་ནི་དགག་བྱ་དང་། ཡང་ན་ནི། འགོག་བྱེད་དངོས་པོ་འདོད་པའི་ནུས་པ་རྣམ་པར་བཀྲ་བ་སྟེ་བསམ་གྱིས་མི་ཁྱབ་བོ། །དཔེར་ན། ཉི་མའི་གཉེན་གྱིས་ལྔ་སྡེར་བདེན་བཞིའི་ཆོས། །གསུངས་པ་ཙམ་གྱིས་གྲོལ་བ་ཡ་མ་རླ། །འོན་ཏང་སྲིད་པ་ཐ་མའི་གང་ཟག་གི །རང་བཞིན་ཚུར་མཐོང་སྐྱེ་བོའི་ཡུལ་ལས་འགོང་། །ཞེས་པ་ལྟ་བུ། གཉིས་པ་ནི། ཞེས་པ་འདི་ནི་འདོད་ལྷའི་ནུས་པའི་རྒྱུའི་སྟོབས་ཀྱིས་ལུས་མེད་རྒྱལ་བར་མི་རིགས་པའི་བློ་དེ་ལྟར་གྱུར་ཟིན་བཀག་པ་དེའི་ཕྱིར། འདི་འདྲ་དེ་ནི་བྱུང་བ་འགོག་པའོ། །གཉིས་པ་ད་ལྟར་བ་འགོག་པ་ལ། དཔེ་དོན་གཉིས། དང་པོ་ནི། སྙན་པར་སྒྲོག་མ་དག་ཅིའི་ཕྱིར་རྣ་བ་ལ་ནི་ཨུཏྤལ་འཛུག་པར་བྱེད་ཅེས། ཨུཏྤལ་(༦༠བ)

― GLG020_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

འཛུགས་བཞིན་པ་ནི་དགག་བྱ་དང་། འགོག་བྱེད་དེ་ལྟ་བུ་ལས་འདི་ལ་ནི་ཁྱོད་རང་གི་མིག་ཟུར་དག་ཡོངས་རྫོགས་མིན་པར་སེམས་བསམ་ཅི་སྟེ། མིག་ཟུར་རིང་པོར་སྤྲོས་ན་དེ་ལས་མཛེས་པ་མེད་དོ། །དཔེར་ན། འཇམས་མགོན་ཁྱོད་ཀྱི་ཕྱག་གཡས་ན། །རལ་གྲི་བཟུང་དེས་དགོས་པ་ཅི། །ཤིན་ཏུ་རྣོ་ཞིང་ངར་བ་ཡི། །མཁྱེན་མཆོག་འདི་ལས་ལྷག་པ་གང་། །ཞེས་པ་ལྟ་བུ། གཉིས་པ་ནི། མཛེས་མ་འགའ་ཞིག་དཀར་བ་མ་ཡིན་པའི་ཨུཏྤལ་རྣ་བའི་རྒྱན་དུ་བྱེད་པ་ལ། དེ་འགོག་པའི་ཆེད་དུ་མཛའ་བོ་ཡིས། དེ་ལྟར་མིག་ལ་བསྟོད་ནས་འགོག་པར་བྱེད་པ་འདི་ནི་མངོན་གྱུར་འགོག་པའོ། །གསུམ་པ་མ་འོངས་པ་འགོག་པ་ལ། དཔེ་དོན་གཉིས། དང་པོ་ནི། མཛའ་མོས་བདེན་པར་སྨྲའོ། །གང་སྨྲ་ན། ཇོ་བོ་སྟེ་བདག་པོ་ཁྱོད་ཀྱིས་བུད་མེད་གཞན་དང་ཙུམྦན་སྟེ་འོ་བྱས་པ་ལས། མཆུ་སྒྲོས་ཀྱི་རང་མདངས་འཕོས་པ་ལྟ་བུ་རྒྱ་སྐྱེགས་ཀྱི་མདོག་ལྟར་དམར་བ་དགག་བྱ་དང་འགོག་བྱེད་ཁྱོད་ཀྱིས་ཆགས་པའི་མིག་གིས་བལྟས་ཀྱང་། བདག་སྡུག་བསྔལ་དེས་འཆི་བས་ནམ་ཡང་མཐོང་བར་གྱུར་པ་མ་ལགས་སོ། །དཔེར་ན། ཚུལ་འཆོས་སྒོམ་ཆེན་རྒན་པོའི་རྫུ་བག་གིས། །ཐ་སྙད་གཙུག་ལག་སྐྱོང་བར་མི་བྱེད་པས། །མི་ཤེས་བླུན་པོ་ཚོགས་པའི་གྲལ་ཁྲོད་དུ། །མགོ་སྐྱེས་དཀར་པོའི་ཐོར་ཅོག་འཆིང་བར་ངེས། །ཞེས་པ་ལྟ་བུ། གཉིས་པ་ནི། སྔར་བུད་མེད་རང་ཉིད་ཤིན་ཏུ་ཁེངས་པ་དང་ལྡན་མས་མཛའ་བོ་ལ་མ་འདུད་པའི་དབང་གིས། ནམ་ཞིག་བདག་པོ་འདི་ཡིས་བུད་མེད་གཞན་དང་འགྲོགས་ན་རང་ལ་(༦༡ན)

― GLG020_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་པ་དག་བྱུང་དོགས་པ་མ་འོངས་པ་དེ་དགག་བྱ་དང་། དེ་ལྟར་འགོག་བྱེད་འཆི་བར་སྨྲ་བ་འདི་ནི་འབྱུང་འགྱུར་འགོག་པའོ། །བཞི་པ་ཆོས་འགོག་པ་ལ་དཔེ་དོན་གཉིས། དང་པོ་ནི། ཚོགས་ནི་འཇམ་པ་ཡིན་པས་ལུས་ཕྲ་ཁྱོད་ཀྱི་ཡན་ལག་རྣམས་འཇམ་པ་ཉིད་དུ་གནས་པ་རྫུན་པ་སྟེ། དགག་བྱ་ཡིན་ལ། འགོག་བྱེད་གལ་ཏེ་བདེན་པར་འཇམ་པ་ཡིན་ན། གློ་བུར་དུ་བདག་ལ་གདུང་བ་དྲག་པོ་སྐྱེད་དོ། །དཔེར་ན། སྐབས་གསུམ་པ་རྣམས་དགེ་བ་བཅུར་སྤྱོད་པའི། །སྔོན་བྱུང་གཏམ་རྫུན་བདེན་ན་ལྷ་དབང་གིས། །དྲང་སྲོང་གཽ་ཏ་མ་ཡི་མཆིས་འབྲང་ལ། །སྤྱད་པས་མིག་སྟོང་བྱུང་དེ་ཅི་ཞིག་ཡིན། །ཞེས་པ་ལྟ་བུ། གཉིས་པ་ནི། གང་གི་ཕྱིར་དེ་ལྟར་འདོད་ལྡན་གྱི་སྐྱེ་བོ་འགའ་ཞིག་རེག་བྱ་འཇམ་པའི་ཆོས་དེ་དང་འགལ་བའི་ཆོས་རྩུབ་པོར་སྒྲུབ་པ་འདིར། བུད་མེད་ཀྱི་ལུས་ནི་འཇམ་པ་དག་འགོག་པ་དེ་ནི་ཆོས་འགོག་པའོ། །ལྔ་པ་ཆོས་ཅན་འགོག་པ་ལ། དཔེ་དོན་གཉིས། དང་པོ་ནི། ཆོས་ཅན་བུད་མེད་ཀྱི་རྟེན་མཐོང་བ་མ་ཡིན་པས་ལུས་མཐོང་བ་དགག་བྱ། ལུས་དེར་ནི་བལྟས་པ་ན་འོད་ཙམ་གཡོ་བ་ཉིད་མཐོང་བར་གྱུར་གྱི་ཞེས་པ་འགོག་བྱེད། རྒྱུ་མཚན་དེས་ན་བུ་མོའི་ལུས་དེ་མཛེས་སམ་མི་མཛེས་པ་ཡིན་ཞེས་རྣམ་དབྱེ་བྱེད་པའི་རྣམ་པར་རིག་བྱེད་འདི་ནི་རྒྱུ་ཅི་ལས་སྐྱེས་ཏེ་ཁྱད་གཞི་མེད་པའི་ཁྱད་ཆོས་སོ། །དཔེར་ན། འཇུག་པ་བཅུ་པས་ལྷ་མིན་སྟོབས་ལྡན་དག །ས་འོག་བཅིངས་པའི་རྣམ་འགྱུར་བརྗོད་མི་ནུས། །རིག་བྱེད་(༦༡བ)

― GLG020_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུང་དུ་བསྟན་པའི་ངོ་མཚར་གཏམ། །ཅུང་ཟད་ཐོས་ལས་ཞིབ་ཏུ་མཐོང་བ་མིན། །ཞེས་པ་ལྟ་བུ། གཉིས་པ་ནི། གང་གི་ཕྱིར་གཟུགས་ཅན་མཛེས་མ་འདི་ཉིད་ངོ་མཚར་བར་བརྗོད་པར་འདོད་པས། འོད་ཙམ་མཐོང་ཞེས་པའི་ཆོས་འདི་ཁས་བླངས་པས། ཆོས་ཅན་མཛེས་མའི་ལུས་མཐོང་བ་འགོག་པ་འདི་ནི་ཆོས་ཅན་འགོག་པའོ། །དྲུག་པ་རྒྱུ་འགོག་པ་ལ་དཔེ་དོན་གཉིས། དང་པོ་ནི། འཇིགས་པའི་རྒྱུ། རང་གིས་སྐྱེས་པ་གཞན་དང་མཐུན་པའི་མནོང་འགྱོད་དམ་ཉེས་པ་ནི་ཤུགས་བསྟན་གྱི་དགག་བྱ་འགོག་བྱེད་བདག་པོ་ཁྱོད་ཀྱི་མིག་དག་དམར་པོར་གྱུར་ཅིང་། །མཆུ་ཡི་ཡལ་འདབ་གཡོ་བ་དང་། སྨིན་མ་འཁྱོག་པོ་སྟེ་ཁྲོ་བར་བྱེད་པ་དེ་ལྟ་ནའང་། ཁྲོ་བའི་རྒྱུ་གཞན་དང་འཚམ་པའི་ཉེས་པ་བདག་ལ་མེད་པས་མི་འཇིགས་སོ། །དཔེར་ན། གཟུ་མོར་མི་གནས་ཕྱོགས་ལྷུང་གིས། །འཕྱ་སྨོད་གཏམ་གྱི་སྒྲ་སྒྲགས་ཀྱང་། །ཚེ་སྔོན་བཟོད་པ་མ་བསྒོམས་པའི། །མནོང་འགྱོད་ལུས་ཕྲ་བདག་ལ་མེད། །ཅེས་པ་ལྟ་བུ། གཉིས་པ་ནི། གང་ཕྱིར་མཛའ་མོ་མཁས་པ་ཡི། འཇིགས་པ་ཡི་ནི་རྒྱུའི་གཙོ་བོ། རང་གིས་སྨད་འཚོང་བྱས་པའི་ཉེས་པ་འགོག་པར་བྱེད་པ་དེ་དག་འདིར་ནི་རྒྱུ་འགོག་པའོ། །བདུན་པ་འབྲས་བུ་འགོག་པ་ལ་དཔེ་དོན་གཉིས། དང་པོ་ནི། འབྲས་བུ་ཤི་བ། དགག་བྱ་འགོག་བྱེད་རང་གི་མཛའ་བོ་དག་ནི་ཐག་རིང་པོ་ན་གནས་པ་དང་། ཆུ་འཛིན་གཡོ་ཞིང་བགྲོད་པ་དང་ལྡན་པ་འདི་ནི་འགྲོ་འོང་བྱེད་པ་དང་། ཤིང་ནི་ཙུ་ལ་ཡང་རྒྱས་པ་མཐོང་བ་གསུམ་པོ་འདི་ཆགས་པ་རྒྱས་ཏེ་འཆི་བའི་རྒྱུ་ཚོགས་ཀྱང་། བདག་(༦༢ན)

― GLG020_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

ཤི་བ་མིན་པ་འདི་ཅིག དཔེར་ན། ཡིད་སྲུབས་བདག་པོའི་ལུས་ཕྲའི་བཞིན་ངོམ་ཞིང་། །དཀྱུས་རིང་རྣམ་བཀྲ་མིག་ཟུར་གཡོན་དུ་འཁྱོག །མཆུ་སྒྲོས་འཛུམ་ལས་སོ་འཕྲེང་སྟོན་པ་ཡིས། །རྒྱལ་བའི་ཐུགས་ལ་ཉོན་མོངས་མེད་འདི་མཚར། །ཞེས་པ་ལྟ་བུ། གཉིས་པ་ནི། འཆི་བ་དེའི་རྒྱུ་ཆུ་འཛིན་བགྲོད་པ་སོགས་མི་ཟད་པ་དག་ཉེ་བར་བཀོད་ནས་མ་ཤི་བ་བདག །འབྲས་བུ་འཆི་བ་བཟློག་པའི་ཕྱིར། དེ་ནི་འབྲས་བུ་འགོག་པའོ། །བརྒྱད་པ་རྗེས་གནང་གིས་འགོག་པ་ལ་དཔེ་དོན་གཉིས། དང་པོ་ནི། འགྲོ་བ་ཤུགས་བསྟན་གྱི་དགག་བྱ་འགོག་བྱེད་གལ་ཏེ་གཤེགས་པར་འདོད་ན་ཕྱོགས་གང་ཡིན་པ་དེར་གཤེགས་པར་མཛོད་ཅིག་དང་ཁྱོད་ཀྱིས་ཐག་རིང་དུ་བགྲོད་པས། མཛའ་མོ་བདག་ལ་ནི་མྱུར་དུ་འཆི་བ་འབྱུང་བས། གདུང་བ་སྟེ་སྡུག་བསྔལ་ཡུན་རིང་དུ་འབྱུང་བར་མི་འགྱུར་བས། ཚུལ་འདི་ལ་ཁྱོད་ནི་དོགས་པ་མི་འཚལ་ལོ། །དཔེར་ན། རྟ་ལྗང་ཆུ་ལྷའི་ས་འཛིན་ལ། །བརྒལ་བར་འདོད་ན་ཅི་བདེར་འཚལ། །སྐྱེད་ཚལ་མཛེས་པའི་འདམ་སྐྱེས་རྣམས། །འདབ་མའི་ཚོགས་རྣམས་ཟུམ་པར་བྱེད། །ཅེས་པ་ལྟ་བུ། གཉིས་པ་ནི། ཞེས་པ་འཆི་བ་གསལ་བར་བྱེད་པའི་རྗེས་གནང་ཉིད་ཀྱི་སྒོ་ནས་ནི་མཛའ་བོའི་བགྲོད་པ་འགོག་པར་བྱེད་པ་དེ་ནི་རྗེས་གནང་གིས་འགོག་པའོ། །དགུ་པ་དབང་གིས་འགོག་པ་ལ། དཔེ་དོན་གཉིས། དང་པོ་ནི། ཡུལ་གཞན་དུ་འགྲོ་བ་ཤུགས་བསྟན་གྱི་དགག་བྱ། འགོག་བྱེད་དེར་ཕྱིན་ན་ནོར་ནི་མང་པོ་རྙེད་པར་འགྱུར་ཞིང་། ལམ་དུ་ཡང་ནི་བདེ་ཞིང་དགེ་ལ། གཞིས་སུ་(༦༢བ)

― GLG020_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོ་མོ་བདག་ཀྱང་སྲོག་ལ་བར་ཆད་མི་འབྱུང་བར་ཐེ་ཚོམ་མེད་མོད། འོན་ཀྱང་མཛའ་བོ་ཁྱོད་འགྲོ་བར་མི་བྱའོ། །ཞེས་འཇིག་རྟེན་ན་དབང་ཆེ་བྱེད་པ་ལྟ་བུའོ། །དཔེར་ན། འོད་དཀར་ཅན་ཁྱོད་གླིང་གཞན་མཁར་གཤེགས་ན། །ཕྱོགས་དེའི་མུན་ཚོགས་འཇོམས་ཤིང་ས་སྨོས་རྣམས། །རྒྱས་ཤིང་ན་ཀྲའི་གྲོང་ཁྱེར་འཕེལ་བྱེད་ཀྱང་། །དབུས་འགྱུར་བྲམ་ཟེ་དགའ་བའི་དཔལ་དུ་བཞུགས། །ཞེས་པ་ལྟ་བུ། གཉིས་པ་ནི། ནོར་རྙེད་པ་སོགས་མཛའ་བོ་འགྲོ་བའི་མཐུན་པའི་སྦྱོར་བའི་རྒྱུ་རྣམས་དག་ནི་རབ་བཤད་ནས། མཛའ་མོ་ཁྱོད་ཀྱི་དབང་ཉིད་ཀྱི་སྒོ་ནས་ནི་འགྲོ་བ་དེ་འགོག་པ་འདི་འདྲ་བ་དབང་གིས་འགོག་པའོ། །བཅུ་པ་མ་གུས་པས་འགོག་པ་ལ་དཔེ་དོན་གཉིས། དང་པོ་ནི། མཛའ་བོ་ཕྱོགས་ལ་འགྲོ་བའི་དོན། ནོར་བསྒྲུབ་པའི་བསམ་པ་སྟོབས་དང་མི་ལྡན་པ་སྟེ། མི་འདོད་པས་ཕྱི་ཕྱིར་འགྲོ་བ་ནི་དགག་བྱ། འགོག་བྱེད་ཁོ་མོ་བདག་ནི་ངེད་རང་ཁྱོ་ཤུག་གསོན་རེ་བའི་བསམ་པ་སྟོབས་དང་ལྡན་པས་དྲང་པོར་རང་གི་གནས་སྐབས་སྨོས་པ་ལགས། གཤེགས་སམ་བཞུགས་པ་མཛའ་བོ་ཁྱོད་རང་གིས་ཤེས་ཞེས་མ་རངས་པའོ། །དཔེར་ན། ཁྱོད་ཉིད་ཤོང་དཔང་ལུགས་བཟང་རབ་བཟུང་ནས། །མཁས་མང་མཛེས་བྱེད་རྒྱན་གྱུར་རྨད་བྱུང་སྟེ། །འོན་ཀྱང་དྭགས་རྒྱུད་རྒན་པོའི་ངང་ཚུལ་དང་། །དཔྱོད་ལྡན་བློ་གསལ་རྣམ་ཐར་ཅི་བདེར་གཟུངས། །ཞེས་པ་ལྟ་བུ། གཉིས་པ་ནི། གང་གི་ཕྱིར་འདིར་ནི་ཆགས་ལྡན་མས་མ་གུས་བཞིན་དུ་གང་འདོད་དྲིས་ཞེས་ཚིག་སྦྱར་ནས་མཛའ་བོའི་བགྲོད་པ་འགོག་པར་བྱེད་པ་འདི་ནི་མ་གུས་པས་འགོག་(༦༣ན)

― GLG020_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །བཅུ་གཅིག་པ་ཤིས་བརྗོད་ཀྱིས་འགོག་པ་ལ་དཔེ་དོན་གཉིས། དང་པོ་ནི། མཛའ་བོ་གལ་ཏེ་གཤེགས་ན་བཞུད་ཅེས། འགྲོ་བ་ཤུགས་བསྟན་གྱི་དགག་བྱ་དང་། འགོག་བྱེད་ཁྱོད་ཀྱི་ལམ་ནི་ཤེས་པར་གྱུར་ཅིག་ཅེས་སྨོན་པ་དང་། བདག་ཀྱང་ཁྱོད་སོང་བའི་རྐྱེན་དེས་འཆི་བས། གང་དུ་ཁྱོད་ནི་གཤེགས་པ་དེར་སྐྱེ་བ་ཉིད་དུ་གྱུར་ཅིག །དཔེར་ན། རྙེད་བཀུར་ཚེ་འདིའི་ཆེད་དུ་ཚུལ་ཆོས་རྫུར། །བརྟེན་པའི་འདོད་པ་ཇི་ལྟར་འགྲུབ་པར་ཤོག །ཕྱི་ནས་རྣམ་དཔྱོད་ལྡན་པའི་བློ་གསལ་དག །མང་པོར་ཚོགས་ཚེ་འགྱོད་པར་མ་བྱེད་ཅིག །ཅེས་པ་ལྟ་བུ། གཉིས་པ་ནི། དེ་ལྟར་ཤིས་བརྗོད་ཀྱི་ལམ་གང་གི་སྒོ་ནས་རང་འཆི་བའི་གནས་སྐབས་གསལ་བར་བྱེད་པས། མཛའ་བོའི་བགྲོད་པ་འགོག་པར་བྱེད་པ་འདི་ནི་ཤིས་བརྗོད་ཀྱིས་འགོག་པའོ། །བཅུ་གཉིས་པ་རྩུབ་མོས་འགོག་པ་ལ་དཔེ་དོན་གཉིས། དང་པོ་ནི། འགྲོ་བ་དགག་བྱ། འགོག་བྱེད་གལ་ཏེ་ཁྱོད་འགྲོ་བ་བདེན་པ་ཉིད་ན། ཁྱོད་ཀྱིས་བུད་མེད་གཞན་པ་འགའ་ཞིག་ཚོལ་ཅིག །དེའི་མཐུས་བདག་ནི་སྲོག་ལ་གླགས་འཚོལ་བ་སྟེ་ལྕེབས་ནས་དེ་རིང་ཉིད་དུ་འཆི་བ་ཡིན་ནོ། །ཞེས་པས་འགོག་པར་འགྱུར་རོ། །དཔེར་ན། ལྐོག་གྱུར་སེམས་ཉིད་རྗེན་འཆར་དུ། །རྟོགས་པའི་ཟོལ་གྱིས་ཚེ་འདི་ཡི། །འཕུལ་ཐབས་མཛོད་ཅིག་ཕྱི་མའི་དུས། །མནར་མེད་གནས་དེར་མི་དཔྱོད་འཚལ། །ཞེས་པ་ལྟ་བུ། གཉིས་པ་ནི། གང་གི་ཕྱིར་བདག་པོ་མཛའ་བོའི་དབང་དུ་གྱུར་པ་མས། ཚིག་རྩུབ་པའི་ཡི་གེ་སྔོན་དུ་འགྲོ་བ་ཅན་གྱིས་མཛའ་བོའི་བགྲོད་པ་འགོག་པར་བྱེད་པ་ནི་རྩུབ་མོས་འགོག་པའོ། །བཅུ་གསུམ་པ་(༦༣བ)

― GLG020_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོགས་ཀྱིས་འགོག་པ་ལ་དཔེ་དོན་གཉིས། དང་པོ་ནི། མཛའ་བོའི་འགྲོ་བ་ཤུགས་བསྟན་གྱི་དགག་བྱ། འགོག་བྱེད་གལ་ཏེ་གཤེགས་ན་མྱུར་དུ་བཞུད་ཅིང་། འགོར་ན་ཕྱི་ནས་ཆུང་མ་ཤི་བས། གཉེན་འདུན་རྣམས་སྡུག་བསྔལ་གྱིས་འཁྲུག་པའི་ཁ་ནས་བསྒྲག་པའི་ངུ་འབོད་ཀྱི་ཆོ་ངེས། འགྲོ་བའི་གེགས་སུ་གྱུར་པ་ཁྱོད་ཀྱི་རྣ་བར་འོང་ངོ་། །དཔེར་ན། མགྲིན་སྔོན་ཅན་ཁྱོད་གངས་རིའི་ཕག །དཀའ་ཐུབ་བསྒྲུབ་ན་མྱུར་དུ་མཛོད། །སླད་མར་ཁྱོད་ཀྱི་རྗེས་འཇུག་འགས། །གཞན་ཕན་བསྐུལ་བའི་ཉེས་པ་མཆི། །ཞེས་པ་ལྟ་བུ། གཉིས་པ་ནི། གང་གི་ཕྱིར་འདིར་ནི་མཐའ་གཅིག་ཏུ་ཆགས་ལྡན་མས་འགྲོ་བའི་གྲོགས་ཉིད་བྱེད་པ་ལྟར་གྱི་སྒོ་ནས་མཛའ་བོའི་བགྲོད་པ་འགོག་པར་བྱེད་པ་ནི་གྲོགས་ཉིད་ཀྱིས་ནི་འགོག་པའོ། །བཅུ་བཞི་པ་འབད་པས་འགོག་པ་ལ་དཔེ་དོན་གཉིས། དང་པོ་ནི། མཛའ་བོ་འགྲོ་བ་དགག་བྱ། འགོག་བྱེད་བཞུད་ཅེས་ཁྱོད་དགྱེས་པའི་ཚིག་བརྗོད་འདོད་ཀྱང་། ཁོ་མོ་བདག་ཉིད་དགའ་བར་བྱེད་པའི་ཚིག་མ་གཤེགས་ཞེས་པ་ཁ་ནས་ནི་དབང་མེད་དུ་བྱུང་བར་གྱུར་པ་ལ་བདག་ཅི་བྱེད་དེ་ཐབས་མེད་དོ། །དཔེར་ན། རབ་ལྗང་དབྱར་སྐྱེས་གཞོན་ནུས་ལེགས་བསྟར་པའི། །ཆར་དུས་དགའ་སྟོན་ཡུན་རིང་གནས་འབད་ཀྱང་། །ཆུ་ལྷའི་བུ་ཡི་དཀྱིལ་འཁོར་གྱིས་མཛེས་པའི། །འབྲས་ལྡན་དུས་ལ་རིང་པའི་ཚིག་འགའ་ཐལ། །ཞེས་པ་ལྟ་བུ། གཉིས་པ་ནི། མི་འདོད་པའི་དངོས་པོ་བཞུད་ཅེས་པ་ལ་འབད་པ་ལྟར་བྱས་པའི། འབྲས་བུ་ཕྱིན་ཅི་ལོག་མི་འགྲོ་བ་བསྐྱེད་པས། དོན་མེད་པ་ཉེ་བར་བསྟན་པའི་ཕྱིར། དེ་ནི་འབད་པས་འགོག་པའོ། །(༦༤ན)

― GLG020_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོ་ལྔ་པ་གཞན་དབང་གིས་འགོག་པ་ལ་དཔེ་དོན་གཉིས། དང་པོ་ནི། འགྲོ་བ་དེ་དགག་བྱ། འགོག་བྱེད་ཁོ་མོ་ལ་གྲོས་དྲིས་ནས་ཅི་བྱ། ཁྱོད་ལ་ལྟ་བའི་ཚེ་སྐད་ཅིག་ཙམ་གེགས་བྱེད་པའི་རྫི་མ་བསྐྱོད་པ་ལ་ཡང་ཁྲོ་བའི་ཤིན་ཏུ་སྙིང་ཉེ་བའི་མཛའ་བོ་ཞིག་འདུག་པ་དེ་ལ་ཁྱོད་རང་འགྲོ་བའི་གྲོས་སྨྲོས་དང་། བདག་ནི་དེ་ཡིས་འདོད་པ་ལྟར་འདོད་དོ། །དཔེར་ན། གཞན་འཚེའི་དབང་གིས་ལྕི་བའི་རྣམ་སྨིན་གྱིས། །མི་ཟད་ནག་པོར་གྲུབ་པའི་འབྲས་བུ་ལ། །གསེར་ཅན་གསོད་པའི་གྲོས་དྲིས་དེའི་སྨྲེང་དང་། །མཚུངས་པར་བདག་ཀྱང་བརྗོད་དོ་པད་དཀར་མིག །ཅེས་པ་ལྟ་བུ། གཉིས་པ་ནི། གང་གི་ཕྱིར་མཛའ་བའི་གཞན་དབང་དུ་གྱུར་པ་མས། མཛའ་བའི་དོན་འདི་ཉེ་བར་གསལ་བར་བྱས་ནས་མཛའ་བོའི་བགྲོད་པ་འགོག་པར་བྱེད་པ་འདི་ནི་གཞན་དབང་གིས་འགོག་པའོ། །བཅུ་དྲུག་པ་ཐབས་ཀྱིས་འགོག་པ་ལ་དཔེ་དོན་གཉིས། དང་པོ་ནི། འགྲོ་བ་དགག་བྱ་དང་། འགོག་བྱེད་མགོན་པོ་སྟེ་མཛའ་བོ་དང་བྲལ་བ་ཙམ་བཟོད་པར་བགྱི་མོད། །དེའི་རྗེས་སུ་བདག་ལ་འདོད་པའི་མདས་བསྣུན་མི་བཟོད་པས། གང་གིས་མིག་ལ་བསྒོས་ཤིང་བྱུགས་པ་ཙམ་ལ། འདོད་ལྷས་མི་མཐོང་བའི་མིག་སྨན་གྱི་དངོས་གྲུབ་མཐོང་མིན་ཏེ་མི་སྣང་བའི་རྫས་ཞིག་སྩོལ་ཅིག།དཔེར་ན། རི་ཀླུང་སྤངས་ལྗོངས་མེ་ཏོག་གིས། །རབ་བཀྲ་དབྱར་ཁྱོད་ཡོལ་རུང་གི །ཕྱོགས་ཀུན་ཆར་སྤྲིན་ལང་ལོང་དབུས། །འབྲུག་སྒྲ་སྒྲོག་པ་རྒྱུན་དུ་སྩོལ། །ཞེས་པ་ལྟ་བུ། གཉིས་པ་ནི། འཚོ་བའི་ཐབས་རྫས་ནི་དཀའ་བ་དག་ཉེ་བར་བཀོད་ནས་བདག་པོ་ནི་གཞན་དུ་འགྲོ །(༦༤བ)

― GLG020_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འགོག་པར་བྱེད་པའི་ཕྱིར་འདི་འདྲ་ཐབས་ཀྱིས་འགོག་པར་བརྗོད་དོ། །བཅུ་བདུན་པ་ཁྲོ་བས་འགོག་པ་ལ་དཔེ་དོན་གཉིས། དང་པོ་ནི། འགྲོ་བ་དགག་བྱ། འགོག་བྱེད་ཇོ་བོ་ཁྱོད་ཀྱི་ཞལ་ནས་མཛའ་བོ་ལ་བརྩེ་བ་མེད་པར་མི་འོས་པའི་ཚིག་དང་ཕྱོགས་གཞན་དུ་འགྲོ་ཞེས་པ་ངེས་པར་བྱུང་བས། གཉེན་ལ་གདུང་བ་མེད་པའི་མཛའ་བོ་དམན་པ་ཁྱོད་ཀྱི་ད་མ་ཕྱིན་ན་ཡང་བདག་ལ་ཅི་ཞིག་སྟེ་ཁྱད་པར་མེད་དོ། །དཔེར་ན། དར་བ་ལང་ཚོའི་དུས་སུ་རིག་པའི་གནས། །བསླབ་སྦྱང་དོར་ཏེ་སྒོམ་ཆེན་བྱེད་སེམས་ན། །སླད་ནས་ན་ཚོད་ཡོལ་ཚེ་ཐོས་པའི་གྲར། །ཞུགས་ཀྱང་མ་བསྡད་པ་དང་ཁྱད་པར་ཅི། །ཞེས་པ་ལྟ་བུ། གཉིས་པ་ནི། མཛའ་བའི་ཆགས་པ་རྒྱས་པས་དབང་པོ་མ་བསྡམས་པའི་བདག་ཉིད་མ་དེས་ཁོང་ཁྲོ་བས་ཚིག་གིས་མཛའ་བོའི་འགྲོ་བ་རྩོམ་པ་བཟློག་པ་གང་ཡིན་པ་དེ་ནི་ཁྲོ་བས་འགོག་པའོ། །བཅོ་བརྒྱད་པ་མྱ་ངན་གྱིས་འགོག་པ་ལ་དཔེ་དོན་གཉིས། །དང་པོ་ནི། ཨུཏྤལ་ཟེགས་པར་འོས་པའི་བྱ་བ་དྲི་བསྣམས་དགོས་པ་ལ་མ་བསྣོས་ཤིང་། བུ་མོའི་རྣ་བའི་རྒྱན་བྱེད་དགོས་པ་ལ་མ་བྱས་ལ། དྲི་བཟང་བའི་ཕྱིར་དུ་ཆང་ལ་འདེབས་དགོས་པ་ལ་མ་བཏབ་པས། འོས་པ་གསུམ་པོ་ནི་གང་རུང་གིས་སྙིགས་དགོས་པ་དགག་བྱ་དང་། འགོག་བྱེད་དེ་གསུམ་པོ་གང་ཡང་མ་བྱས་པར་ཁྱོད་ཀྱི་དགྲ་ཟླའི་རྫིང་ཉིད་དུ་ཨུཏྤལ་སྔོན་པོ་ཟགས་པར་གྱུར་ཏོ། །དཔེར་ན་འདོད་ཆུང་ཆེད་དུ་བསོད་སྙོམས་དག །སློང་མིན་གཞན་དོན་བསྒྲུབ་པའི་སླད། །གྲོང་ཡུལ་(༦༥ན)

― GLG020_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཉུལ་སྒོམ་ཆེན་འགའ། །སྲང་མདོའི་ཁྱི་དང་ལྷན་ཅིག་གནས། །ཞེས་པ་ལྟ་བུ། གཉིས་པ་ནི། དགྲས་བཅོམ་ནས་ཨུཏྤལ་རྣམས་ཟེགས་སོ་ཞེས་སྙིང་རྗེ་རྗེ་ལྟར་མྱ་ངན་དང་བཅས་ཤིང་སྨྲས་པ་དེས་འོས་པའི་བྱ་བ་གསུམ་པོ་ལས་བཟློག་པར་བྱས་ནས་མྱ་ངན་འོས་པའི་སྐབས་སྟོན་པས་དེའི་ཕྱིར་འདི་ནི་མྱ་ངན་གྱིས་འགོག་པའོ། །བཅུ་དགུ་པ་འགྱོད་པས་འགོག་པ་ལ་དཔེ་དོན་གཉིས། དང་པོ་ནི། རང་གཞན་ཕན་པའི་དོན་འགའ་ཡང་ཚོགས་པར་མ་བྱས་ལ། སྒྲ་ཚད་སོགས་རིག་པའི་གནས་འགའ་ཡང་མ་བསྒྲུབས་ཤིང་། དཀའ་ཐུབ་བསམ་གཏན་འགའ་ཡང་མ་བསགས་པས། དོན་གསུམ་པོ་འདི་བྱས་པ་དགག་བྱ། འགོག་བྱེད་སྙོམས་ལས་ཀྱི་ངང་ལ་ན་ཚོད་མཐའ་དག་སོང་བ་ལ་འགྱོད་པར་གྱུར་ཏོ། །དཔེར་ན མར་མིའི་ཉམས་དང་རྟོགས་པ་མི་ལྡན་ཞིང་། །དཔང་ཤོང་མཁས་པའི་གོ་ས་མ་ཟིན་ལ། །སྟོབས་འབྱོར་ཁ་དྲག་དག་ཀྱང་མེད་པའི་ངང་། །རི་རྩེར་མི་ཚེ་དོན་མེད་ངང་ལ་ཟད། །ཅེས་པ་ལྟ་བུ། གཉིས་པ་ནི་གང་གི་ཕྱིར་འདིར་ནི་ཚེ་སོང་བས་དོན་འགྲུབ་པ་ལ་སོགས་པ་འགོག་པ་ནི་འགྱོད་པ་གཙོ་བོར་སྟོན་པར་བྱེད་པས། འདི་ནི་འགྱོད་པས་འགོག་པའོ། །ཉི་ཤུ་པ་ཐེ་ཚོམ་གྱིས་འགོག་པ་ལ་དཔེ་དོན་གཉིས། དང་པོ་ནི། ཅི་ཤིན་ཏུ་དཀར་བ་འདི་སྟོན་གྱི་ཆུ་འཛིན་ནམ། ཡང་ན་ངང་པའི་ཚོགས་སམ་ཞེས་དེ་གཉིས་གང་རུང་དུ་ཐེ་ཚོམ་པ་དངོས་བསྟན་གྱི་དགག་བྱ། འགོག་བྱེད་རྐང་གདུབ་ཀྱི་སྒྲ་འཁྲོལ་བ་འདྲ་བ་ཐོས་པས་དཀར་པོ་དེ་ནི་ཆུ་འཛིན་མ་ཡིན་ནོ། །དཔེར་ན། མཐོན་པོའི་(༦༥བ)

― GLG020_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲིར་འཛེགས་འདི་ནི་དཔང་ལོའམ། །ཡང་ན་གྲུབ་རིགས་རྒན་པོའི་བླ་ཆེན་ཞིག །མཁས་པ་མགུ་བའི་ལེགས་བཤད་སྙན་པའི་དབྱངས། །སྒྲོག་ཕྱིར་བཀའ་རྒྱུད་འདྲེན་པར་རློམ་པ་མིན། །ཞེས་པ་ལྟ་བུ། གཉིས་པ་ནི། རྐང་གདུབ་ཀྱི་སྒྲའི་ཆོས་འདི་ངང་པ་ལ་ཡོད་ཅིང་། སྤྲིན་གྱི་རིགས་ལ་མ་རེག་པས། སྐྱེ་བོ་གང་ཞིག་ཐེ་ཚོམ་ཟློག་པར་བྱེད་པ་དེ་ནི་ཐེ་ཚོམ་འགོག་པའོ། །ཉེར་གཅིག་པ་སྦྱར་བས་འགོག་པ་ལ་དཔེ་དོན་གཉིས། དང་པོ་ནི། གཙོ་བོ་ནམ་མཁའི་ཟླ་བ་གཞན་གྱིས་ཅི་ཞིག་བྱ་ཞེས་དགག་བྱ་དང་། འགོག་བྱེད་ཕལ་པ་ཁྱོད་གདོང་གི་ཟླ་བ་འདི་ཡོད་བཞིན་ནོ། །སྦྱར་ལུགས་ནི། དེ་གཉིས་ཀ་ལྟ་བའི་མིག་ལ་བདུད་རྩི་སྟེར་བའི་བདག་ཉིད་ཡིན་པ་དང་། ཟླ་བས་པདྨ་ཚར་གཅོད་ཅིང་། གདོང་གིས་པདྨ་ལ་མཛེས་པའི་སྒོ་ནས་སྡང་བ་དང་། སྣུམ་ཞིང་དཀར་བའི་འབྲས་བུ་ཕུན་གསུམ་ཚོགས་པ་ཅན་རྣམས་ཐུན་མོང་དུ་ཡོད་དོ། །དཔེར་ན། སྐྱེ་དགུ་གདེངས་ཅན་གཙུག་ན་མངོན་འཕགས་ཤིང་། །བདེ་ལེགས་འདོད་དགུའི་དཔལ་གྱིས་ཚིམ་མཛད་པའི། །རྒྱལ་བ་དབང་གི་རྒྱལ་པོ་ཡོད་བཞིན་དུ། །ཡིད་བཞིན་ནོར་བུ་གཞན་གྱིས་ཅི་ཞིག་བྱ། །ཞེས་པ་ལྟ་བུ། །གཉིས་པ་ནི། ཕལ་པ་གདོང་གི་ཟླ་བ་ལ་བརྟེན་པ་གཙོ་བོའི་ཟླ་བ་དེ་དང་མཚུངས་པའི་ཡོན་ཏན་གསུམ་པོ་དེ་རྣམས་དང་ལྡན་པར་བསྟན་པར་བྱས་ནས་གཙོ་བོའི་ཟླ་བ་འགོག་པར་བྱེད་པའི་རྣམ་པ་དེ་ལྟར་སྦྱར་བས་འགོག་གོ །ཉེར་གཉིས་པ་དོན་གཞན་འགོག་པ་ལ་དཔེ་དོན་གཉིས། དང་པོ་ནི། རྒྱལ་པོ་ཁྱོད་ཀྱིས་འགྲོ་བ་ཐམས་ཅད་ཟིལ་གྱིས་མནན་ཟིན་རུང་། ད་དུང་ཡང་རྒྱལ་ཐབས་རྣམ་པར་གནོན་པ་(༦༦ན)

― GLG020_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིམ་པ་མེད་པ་ལ་ངོ་མཚར་རོ་ཞེས་པ་དགག་བྱ། འགོག་བྱེད་འོན་ཀྱང་བསྲེག་ཟ་འབར་བ་ལ་བུད་ཤིང་ཇི་ཙམ་བཏབ་ཀྱང་ཚིག་པ་དག་ནི་ནམ་ཞིག་མཐོང་སྟེ་མ་མཐོང་ངོ་། །དཔེར་ན། སྲིད་འདིར་དུབ་པའི་འགྲོ་ལ་ཀུན་མཁྱེན་གྱིས། །རིས་སུ་ཆད་མེད་བདེ་ལེགས་སྩོལ་བ་མཚར། །འོན་ཏང་མཐུན་པའི་རྒྱུ་རྐྱེན་ཚོགས་པ་ལ། །འབྲས་བུ་འབྱུང་བ་དངོས་པོའི་གཤིས་ལུགས་ཡིན། །ཞེས་པ་ལྟ་བུ། གཉིས་པ་ནི། གང་གི་ཕྱིར་འདིར་ནི་རྒྱལ་ཐབས་ཀྱི་དོན་གཞན་དག་བཀོད་པ་དེ་ཡི་ཆོས་མཚུངས་སྲེག་ཟ་བསྟན་པར་བྱས་ནས། ཡ་མཚན་རྩོམ་པ་འགོག་པར་བྱེད་པ་འདི་ནི་དོན་གཞན་འགོག་པའོ། །ཉེར་གསུམ་པ་རྒྱུས་འགོག་པ་ལ་དཔེ་དོན་གཉིས། དང་པོ་ནི། རིས་མེད་དུ་སྟེར་བའི་མི་དབང་ཁྱོད་ལ་སྦྱིན་པ་པོ་ཞེས་ནམ་ཡང་མི་བསྟོད་དེ། བསྟོད་པ་དགག་བྱ། འགོག་བྱེད་གང་གི་ཕྱིར་སློང་བ་རྣམས་ཀྱི་བསམ་པ་ལ། རྒྱལ་པོ་ཁྱོད་ཀྱི་ནོར་ཁོ་རང་གི་བདོག་པ་ཉིད་དུ་བསམ་པའི་རྒྱུས་ལེན་ནོ། །དཔེར་ན། དབྱངས་ཅན་མ་དེས་བདག་ཅག་ལ། །ངག་གི་དངོས་གྲུབ་ལེགས་བསྩལ་ཀྱང་། །ཁྱོད་ནི་ཀུན་གྱི་ཤེས་རབ་ལྷ། །ཡིན་ཕྱིར་བསྟོད་ཚིག་ཅི་ཕྱིར་སྨྲ། །ཞེས་པ་ལྟ་བུ། གཉིས་པ་ནི། རྒྱལ་པོ་དེ་གཏོང་ཕོད་རྒྱ་ཆེ་བ་ཞེས་པ་སོགས་ལ་དོན་གྱིས་བསྟོད་པའི་ཕྱིར་དུ། དེའི་རྒྱུ་རྣམས་སློང་མོ་བ་ཁོ་ནས་ལོངས་སྤྱོད་པ་སོགས་ཀྱི་རྒྱུས་ཕ་རོལ་ལ་བསྟོད་པ་འགོག་པ་ནི་རྒྱུས་འགོག་པ་ཞེས་བཤད་པར་བྱའོ། །གསུམ་པ་ནི། ཕྱོགས་འདི་ཉིད་ཀྱི་ཚུལ་ལ་མཁས་པ་རྣམས་ཀྱིས་འགོག་རྒྱན་གྱི་རྣམ་པར་རྟོག་པ་གཞན་དག་ཀྱང་དཔག་པར་ནུས་སོ།

དོན་གཞན་བཀོད་པའི་རྒྱན་གྱི་སྐོར་བཤད་པ།

― GLG020_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

།དོན་གཞན་བཀོད་པའི་རྒྱན་གྱི་སྐོར་བཤད་པ།བདུན་པ་དོན་གཞན་བཀོད་པའི་རྒྱན་ལ། མཚན་ཉིད་དབྱེ་བ་དཔེར་བརྗོད་དང་གསུམ། དང་པོ་ནི། གང་ཞིག་དངོས་པོ་འགའ་ཞིག་སྔོན་དུ་བསྒྲུབ་བྱར་རབ་ཏུ་བཀོད་ནས། དེའི་རྗེས་སུ་སྔ་མའི་སྒྲུབ་བྱེད་ནུས་པ་ཅན་དངོས་པོ་གཞན་དག་འགོད་པ་ནི་དོན་གཞན་བཀོད་པར་ཤེས་པར་བྱའོ། །གཉིས་པ་ནི། ཀུན་ཁྱབ་ཁྱད་པར་ལ་གནས་དང་། །སྦྱར་བ་ཅན་དང་འགལ་བ་ཅན། །མི་འོས་བྱེད་དང་འོས་པའི་བདག །འོས་དང་མི་འོས་བཟློག་པའོ་སྟེ་འདི་ཡི་དབྱེ་བ་བརྒྱད་པོ་དེ་ལྟ་བུ་ལ་སོགས་པ་ཚིག་གི་སྦྱོར་བ་རྣམས་ལ་རབ་ཏུ་མཚོན་ནོ། །གསུམ་པ་དམ་བཅའ་དང་། དངོས་གཉིས། དང་པོ་ནི། བཤད་མ་ཐག་པའི་བརྒྱད་པོ་འདི་རྣམས་ཀྱི་རང་བཞིན་གསལ་བར་བྱ་བའི་ཕྱིར། དཔེར་བརྗོད་ཀྱི་ཕྲེང་བ་བསྟན་པར་བྱའོ། །གཉིས་པ་ལ་བརྒྱད་ལས་དང་པོ་ཀུན་ཁྱབ་ཀྱི་དོན་གཞན་བཀོད་པ་ནི། སྐྱེས་པའི་མཐར་འཇིག་པའི་ངེས་པ་འདི་ལ་ནི་སུ་ཞིག་འགོང་ཞེས་ནས་བསྒྲུབ་བྱ་སྔོན་དུ་བཀོད་ནས། འཇིག་པའི་ཆོས་དེ་དངོས་པོ་ཀུན་ལ་ཁྱབ་པའི་སྒྲུབ་བྱེད་ནུས་པ་ཅན། ལེགས་ལྡན་འགྲོ་བ་རྣམས་ཀྱི་མིག་ཏུ་གྱུར་པའི་ཉི་མ་དང་ཟླ་བ་ཡང་ནུབ་པར་འགྱུར་པ་འདི་ཉིད་ལ་ལྟོས་ཤིག །གཞན་རྣམས་ལོ་ཙཱ་བའི་འགྱུར་འཆུགས་པ་ཡིན་པས་འདིར་ཚིག་རྐང་མཐའ་མ་སྔོན་དུ་མཛད་པའི་བཤད་སྲོལ་འདི་གྲངས་ཆེན་ལོ་ཙཱ་བའི་རྒྱུན་ཡིན་ཞེས་པ་སློབ་དཔོན་མཁས་པ་གསུང་ངོ་། །དཔེར་ན། ཐིག་ལེ་མཆོག་མར་ཆགས་པས་ཚངས་པ་ཡིས། །གདོང་བཞི་སྤྲུལ་པ་འདི་ལ་སུ་ཡིས་དམོད། །ལམ་དུ་མ་ཞུགས་ལུས་ཅན་ཐ་དག་ནི། །འདོད་པས་གཟིར་བས་འཁོར་བར་ལྟུང་ལ་ལྟོས། །(༦༧ན)

― GLG020_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་ལྟ་བུ། གཉིས་པ་ཁྱད་པར་ལ་གནས་པའི་དོན་གཞན་བཀོད་པ་ནི། བསྒྲུབ་བྱ་སྙིང་རྗེའི་བདག་ཉིད་ཐོབ་པ་མིན་ནམ་སྟེ་ཐོབ་པའི་སེམས་དཔའ་ཆེན་པོ་རྣམས་ཀྱིས་ཆོས་ཁྱད་པར་ཅན་གཞན་གྱི་སྡུག་བསྔལ་ཞི་བའི་སླད་དུ་ཐབས་དུ་མ་མཛད་པ་བཀོད་ནས། སྒྲུབ་བྱེད་ནུས་པ་ཅན་སེམས་མེད་ཆུ་འཛིན་འདི་དག་གིས་ཀྱང་། ལུས་ཅན་རྣམས་ཀྱི་ཚ་བའི་གདུང་བ་ཡོངས་སུ་འཕྲོག་པར་བྱེད་དོ། །འདིའི་འགྱུར་ཡོངས་གྲགས་ཀྱི་ཕྱེད་ཕྱི་མ་ཕྱེད་སྔ་མར་བྱས་ན་ལེགས་སོ། །དཔེར་ན། ཉི་མའི་གཉེན་གྱི་ཐུགས་རྗེས་ཡིས། །གདུལ་བྱའི་རྒྱུད་ཀྱི་ཡོན་ཏན་རྒྱས། །ལང་ཚོ་དར་བབ་སྨིན་ལེགས་མའི། །བཞིན་གྱིས་ཆགས་ལྡན་དགའ་བ་འཕེལ། །ཞེས་པ་ལྟ་བུ། གསུམ་པ་སྦྱར་བའི་དོན་གཞན་བཀོད་པ་ནི། ལྷོ་ཕྱོགས་མ་ལ་ཡའི་རླུང་གིས་ནི་འཇིག་རྟེན་ཐམས་ཅད་དགའ་བ་སྐྱེད་པར་བྱེད་དོ་ཞེས་བསྒྲུབ་བྱ་བཀོད་ནས། སྒྲུབ་བྱེད་དཱཀྵི་ཎྱ། ལྷོ་དང་། གཡས་ཕྱོགས་རྗེས་མཐུན་ཡ་རྐྱེན་བྱིན་པས་ལྷོའི་རླུང་སོགས་དོན་མང་པོ་ལ་འཇུག་པས། དེ་དང་ཡང་དག་པར་ལྡན་པས་ཀུན་གྱི་སྙིང་ལ་སྡུག་པ་མ་ཡིན་ནམ་ཞེས་སྒྲ་གཅིག་གིས་དོན་དུ་མ་སྟོན་པ་ལ་སྦྱར་རོ། །དཔེར་ན། འགྲོ་བའི་མགོན་དུ་ཟས་གཙང་སྲས། །མཚན་དཔེའི་གཟི་བྱིན་བླ་ན་འབར། །པཱུ་རྦ་རཱ་ཛྲས་མངའ་འབངས་ཀྱི། །རལ་པའི་ཅོད་པན་རྩེ་ན་འགྱིང་། །ཞེས་པ་ལྟ་བུ། བཞི་པ་འགལ་བའི་དོན་གཞན་བཀོད་པ་ནི། མཚན་མོར་བྱེད་པ་ཟླ་བ་འདི་དྲི་མ་དང་ལྡན་ཡང་། འགྲོ་བ་རྣམས་དགའ་བ་སྐྱེད་པར་བྱེད་པ་བསྒྲུབ་(༦༧བ)

― GLG020_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ། སྒྲུབ་བྱེད་ནུས་པ་ཅན་གཉིས་སྐྱེས་ཏེ་བྲམ་ཟེ་སྣ་ཆད་པ་ལྟ་བུའི་དབང་པོ་ལ་སྐྱོན་དང་ལྡན་ཡང་། གདུལ་བྱ་གཞན་དག་ལ་རིག་པའི་གནས་སྟོན་པའི་སྒོ་ནས་རྗེས་སུ་འཛིན་པར་ནུས་ཞེས་སྐྱོན་གྱིས་བྱ་བ་ལེགས་པོ་བསྒྲུབ་པས་འགལ་བ་ལྟར་སྟོན་ནོ། །དཔེར་ན། མཛེས་སྡུག་འདོང་སྐྱེད་དབྱངས་ཅན་མས། །ཆགས་བྲལ་ཡེ་ཤེས་ཉེ་བར་སྟེ། །ལང་ཚོ་ཡོལ་པའི་ཤོང་སྟོན་རྗེ། །ཤེས་ལྡན་རྣམས་ཀྱི་སྙིང་དུ་སྡུག །ཅེས་པ་ལྟ་བུ། ལྔ་པ་མི་འོས་པའི་དོན་གཞན་བཀོད་པ་ནི། སྦྲང་རྩི་འཐུང་བའི་བུང་བའི་མགྲིན་པ་སྙན་པོ་ལས་བྱུང་བའི་སྒྲ་དག་གིས་ཀྱང་ཆགས་པ་འཕེལ་བས། རྣམ་པར་རྩུབ་པ་ཉིད་དུ་གྱུར་པ་མི་འོས་པའི་བསྒྲུབ་བྱ། སྒྲུབ་བྱེད་འདོད་ལྡན་ཐམས་ཅད་ལ་མི་འོས་བཞིན་དུ་མྱོང་བ་རྒྱུ་མཐུན་གྱི་ལས་རྣམས་ཀྱི་སྡིག་པ་འདི་འདྲ་བ་ཞེས་སོ། །དཔེར་ན། བློ་བཟང་གྲགས་པའི་ལེགས་བཤད་བདུད་རྩི་ཡིས། །བླུན་སྒོམ་རྒན་པོའི་ནད་ཀྱི་ཟུག་རྔུ་བསྐྱེད། །ཚེ་རབས་མང་པོར་བྱོལ་སོང་བསྒྲུབས་པའི་ཐབས། །གོམས་པའི་བག་ཆགས་ལྡན་པ་ཀུན་གྱི་གཤིས། །ཞེས་པ་ལྟ་བུ། དྲུག་པ་འོས་པའི་དོན་གཞན་བཀོད་པ་ནི། འདོད་ལྡན་རྣམས་ཀྱི་ངོར་ཆུ་སྐྱེས་ཀྱི་འདབ་མའི་མལ་བསྟན་འཇམ་པ་འདིས་ཀྱང་བདག་གི་ལུས་འདི་གདུང་ཞིང་སྲེག་པར་བྱེད་པ་འོས་སམ་ཞེས་པ་བསྒྲུབ་བྱ་དང་། སྒྲུབ་བྱེད་སྤྱིར་མི་འོས་ཀྱང་སྐབས་འདིའི་མཚན་ཉིད་དང་བསྟུན་ན། འདོད་པའི་དབང་གིས་འཇམ་པ་ཙམ་གྱིས་ཆགས་པ་སྐྱེས་ནས་ཉོན་མོངས་པས་བསྲེག་པའི་བདག་ཉིད་བྱེད་པས་སྲེག་ཟ་དང་འདྲ་བར་རིག་པ་མ(༦༨ན)

― GLG020_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ནམ། དཔེར་ན། རྒྱལ་བས་འགྲོ་ལ་ཆོས་བསྟན་པས། །ཕན་དང་བདེ་བའི་ཚོགས་ཀུན་རྒྱས། །རྟ་ལྗང་འོད་ཟེར་འཕྲོས་པ་ཡིས། །པད་དཀར་འདབ་མ་རྣམ་པར་འཕེལ། །ཞེས་པ་ལྟ་བུ། ཀླུ་སྒྲུབ་པས། ལྔ་པ་དང་། དྲུག་པ་གཉིས་པོའི་འོས་མི་འོས་ཀྱི་ཁྱད་པར་རྩ་བ་མཁན་པོ་ཉིད་ལ་དྲི་ཟེར་ཡང་། ལྔ་པའི་དོན་ནི། ཡུལ་སྙན་པ་དེས། ཡུལ་ཅན་ལ་ཆགས་པས་རྩུབ་པར་གདུང་བ་ནི་ཡོན་ཏན་གྱིས་སྐྱོན་སྤེལ་བ་ཡིན་པས་མི་འོས་པ་ཡིན་ལ། དྲུག་པའི་དོན་ནི། འཇམ་པ་ཙམ་གྱིས་གདུང་བ་བསྐྱེད་པ། གདོང་མཛེས་པ་ཙམ་གྱིས་ཆགས་པའི་སྡུག་བསྔལ་དྲག་པོ་བསྐྱེད་པ་འཇིག་རྟེན་ན་ཚད་མས་གྲུབ་པས་འོས་པ་ཡིན་མོད། སློབ་དཔོན་དཎྜི་ལ་དྲི་ཅི་དགོས། ཁྱེད་རྣམས་གཅིག་ཏུ་མཚར་ཆེན་ཆོས་ཀྱི་རྒྱལ་པོའི་སློབ་རྒྱུན་ཡིན་སྙམ་པའི་དག་སྣང་དང་། གཉིས་སུ་བཀའ་བརྒྱུད་པའི་བླུན་པོ་རྣམས་དང་མི་འདྲ་བསམ་པའི་མཁས་འཐོང་ཡོད་ཀྱང་ཚིག་རིགས་འདི་ཚོ་ལ་དཔགས་ན་དྲོད་ཆེ་སར་ཡང་དབྱར་ཆུ་ཙམ་མོ། །བདུན་པ་འོས་པ་དང་མི་འོས་པའི་དོན་གཞན་བཀོད་པ་ནི། བསིལ་ཟེར་ཅན་གྱིས་ཆགས་པའི་སྒོ་ནས་ཉམས་པར་བྱེད་པ་འོས་པའི་བསྒྲུབ་བྱ། དཔྱིད་དུས་ཀྱི་བདག་ནི་ཅི་ལ་གདུང་བ་མི་འོས་པའི་བསྒྲུབ་བྱ། སྒྲུབ་བྱེད་ཀྱང་རིམ་པ་བཞིན་སྔ་མ་ནི། སྐྱོན་གྱི་དྲི་མ་ཅན་ཡིན་པས། སྤྱོད་པའི་ལས་ཀྱང་གཞན་ཉམས་བྱེད་ཡིན་གྱི། སྒྲུབ་བྱེད་ཕྱི་མ་ནི་རྣམ་པར་དག་པས་མི་འོས་པ་མིན་ནམ། དཔེར་ན། བློ་གསལ་མཁས་ལ་དགའ་འོས་ཀྱི། །རྨོངས་པའི་སྐྱེ་བོས་ཚུལ་(༦༨བ)
དེ་མིན། །སྙན་པའི་སྒྲ་ལ་ཐོས་འཛིན་དག །ལྡན་པས་མཉན་གྱི་འོས་པས་མིན། །ཞེས་པ་ལྟ་བུ། བརྒྱད་པ་མི་འོས་ཤིང་འོས་པའི་དོན་གཞན་བཀོད་པ་ནི། ཀུ་མུད་ལྡན་པ་ཟླ་བ་བསིལ་ཡང་སྲེག་པར་བྱེད་པ་མི་འོས་པའི་བསྒྲུབ་བྱ། པདྨའི་འབྱུང་གནས་ཉི་མས་གདུང་བ་ཅིས་མི་བྱེད་དེ་འོས་པའི་བསྒྲུབ་བྱ། སྒྲུབ་བྱེད་རིམ་པ་བཞིན། ཟླ་བས་རྗེས་སུ་བཟུང་བའི་ཀུ་མུ་ཏའི་འདབ་མ་རྣམས་རྩུབ་ན། ཅིག་ཤོས་ཉི་མས་རྗེས་སུ་བཟུང་བའི་པདྨའི་འདབ་མ་རྣམསའཇམ་པར་མི་འགྱུར་རོ། །དཔེར་ན། ས་སྐྱའི་བསྟན་འཛིན་ཉེས་བཤད་འཆང་བྱེད་ན། །བཀའ་རྒྱུད་སྒོམ་ཆེན་བླུན་གཏམ་ཅིས་མི་ཟེར། །མང་པོར་ཐོས་ལས་ལེགས་བཤད་འབྱུང་དགོས་ཀྱི། །ཐོས་ཉུང་མུ་ཅོར་སྒྲོག་པ་ངང་ཚུལ་ཡིན། །ཞེས་པ་ལྟ་བུ།

ལྡོག་པ་ཅན་གྱི་རྒྱན་གྱི་སྐོར་བཤད་པ།

― GLG020_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡོག་པ་ཅན་གྱི་རྒྱན་གྱི་སྐོར་བཤད་པ།བརྒྱད་པ་ལྡོག་པ་ཅན་གྱི་རྒྱན་ལ། མཚན་ཉིད་ཀྱིས་མདོར་བསྟན། དབྱེ་བ་དང་བཅས་ཏེ་དཔེར་བརྗོད་བཤད་པ་གཉིས། དང་པོ་ནི། དངོས་སུ་སྒྲ་འཇུག་པའམ། དོན་གྱི་ཤུགས་དང་སྐབས་ཐོབ་ལས་རྟོགས་པར་བྱེད་པ་དག་གི་སྒོ་ནས། དཔེ་དཔེ་ཅན་གྱི་དངོས་པོ་གཉིས་ནི་རྒྱུ་མཚན་འགའ་ཞིག་གི་སྒོ་ནས་མཚུངས་པར་གྱུར་པ་ལས། ཁྱད་པར་ཞིག་གི་སྒོ་ནས་མི་མཚུངས་པར་སྟོན་པ་དེ་ཡི་དབྱེ་བ་བརྗོད་པ་གང་དེ་ནི་ལྡོག་པ་ཅན་ཞེས་བརྗོད་དོ། །གཉིས་པ་ལ་སྒྲས་ཟིན་མཚུངས་པའི་ལྡོག་པ། རྟོགས་པས་མཚུངས་པའི་ལྡོག་པ། འབྱེད་བྱེད་མཚུངས་པའི་ལྡོག་པ། རིགས་མཐུན་འབྱེད་པའི་ལྡོག་པ་ཅན་དང་བཞི། དང་པོ་ལ་ལྔ་ལས། གཅིག་གིས་ལྡོག་པ་ཅན་ལ་དཔེ་དོན་(༦༩ན)

― GLG020_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས། དང་པོ་ནི་མི་འགྱུར་བར་བརྟན་པ་དང་། ཆེ་བའི་བདག་ཉིད་དང་། ལཱ་ཝནྻ་ཞེས་པ་མཛེས་པ་དང་། ཟབ་པ་དང་། ལན་ཚྭ་རྣམས་ལ་འཇུག་པས། དེ་སོགས་ཡོན་ཏན་གཉིས་ཀ་ལས་ཐུན་མོང་དུ་འཇུག་རུང་གི་སྒོ་ནས་དཔེ་ཅན་རྒྱལ་པོ་ཁྱོད་དང་། དཔེ་རྒྱ་མཚོ་མཚུངས་སོ། །འོན་ཀྱང་རྒྱལ་པོ་ཁྱོད་ཀྱི་ལུས་འདི་འདྲ་སྐྱེས་བུ་ཆེན་པོའི་མཚན་ཉིད་ཀྱིས་མཛེས་པ་གཅིག་གི་སྒོ་ནས་དཔེ་དང་མི་འདྲ་བར་ཐ་དད་དོ། །དཔེར་ན། འཆད་པའི་རྣམ་དཔྱོད་རྩོམ་པའི་ངག་གི་དཔལ། །རྩོད་པའི་སྤོབས་པ་མཁས་པའི་གྲགས་སྙན་གྱིས། །དཔང་ལོ་ཙནྡྲ་གོ་མའི་མཚུངས་གྱུར་ཀྱང་། །ཚངས་སྤྱོད་བརྟུལ་ཞུགས་ལྡན་པས་རྣམ་པར་དབྱེ། །ཞེས་པ་ལྟ་བུ། གཉིས་པ་ནི། གཅིག་ལ་གནས་པའི་ཆོས་ལུས་ཀྱི་ནི་དཔེ་དཔེ་ཅན་གཉིས་ཀ་ལ་གནས་པའི་ཁྱད་ཆོས་ཐ་དད་དག་རྟོགས་པའི་ཡུལ་དུ་གྱུར་པའི་ཕྱིར། འདི་ནི་གཅིག་གི་ལྡོག་པ་ཅན་ནོ། །གཉིས་པ་གཉིས་ཀྱི་ལྡོག་པ་ཅན་ལ་དཔེ་དོན་གཉིས། དང་པོ་ནི། ཆུ་ཡི་ཕུང་པོ་དག་དང་རྒྱལ་པོ་ཁྱོད་གཉིས། ཆུ་མཚམས་དང་ཡ་རབས་ཀྱི་སྤྱོད་ཚུལ་ལས་མི་འདའ་བ་དང་རིང་ཐུང་དང་མཁྱེན་པའི་གཏིང་དཔག་མི་ནུས་པས་ཟབ་པའི་སྒོ་ནས་མཚུངས། འོན་ཀྱང་ཆུ་འདི་ནི་མིག་སྨན་གྱི་མདོག་དང་མཚུངས་ལ། ཁྱོད་ནི་གསེར་གྱི་འོད་ཅན་ནོ་ཞེས་དཔེ་དཔེ་ཅན་གཉིས་ལ་ནག་སེར་གྱི་ཆོས་མི་འདྲ་བ་རེ་རེའི་སྒོ་ནས་ཁྱད་པར་འབྱེད་པའོ། །དཔེར་ན། རི་དྭགས་མིག་ཅན་ཟླ་བ་གཉིས། །དཀར་འཇམ་མཛེས་སྡུག་དགའ་བསྐྱེད་པས། །མཚུངས་ཀྱང་ཁྱོད་ནི་ནོར་འཛིན་དང་། །ཀུན་ཕན་ནམ་མཁའི་ངོས་སུ་རྒྱུ། །ཞེས་པ་(༦༩བ)

― GLG020_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུ། གཉིས་པ་ནི། གང་གི་ཕྱིར་འདིར་ནི་དཔེ་དཔེ་ཅན་གཉིས་ཀ་ཡི་འབྱེད་བྱེད་ཡོན་ཏན་ནག་པོ་དང་སེར་པོ་དག་གིས་ཐ་དད་དུ་བསྟན་པ་འདི་ནི་གཉིས་ཀའི་ལྡོག་པ་ཅན་ནོ། །གསུམ་པ་སྦྱར་བ་ཅན་གྱི་ལྡོག་པ་ཅན་ལ་དཔེ་དོན་གཉིས། དང་པོ་ནི། རྒྱལ་པོ་ཁྱོད་དང་རྒྱ་མཚོ་གཉིས་དུརྦཱ་རཽ་ཞེས་པ་བཟློག་དཀའ་བ་དང་ཆུ་ངན་པ་གཉིས་ལ་འཇུག་པས། སྔ་མ་ནི་གང་ཟག་གཞན་གྱིས་མི་བཟློག་པ་དང་། ཕྱི་མ་ནི་བ་ཚྭ་སོགས་ཀྱིས་ངན་པ་དང་། དེ་བཞིན་དུ་མ་ཧ་ས་ཏྭ་སྙིང་སྟོབས་ཆེན་པོ་དང་སེམས་ཅན་ཆེན་པོ་གཉིས་ཀ་ལ་འཇུག་པས། སྔ་མ་ནི་སྙིང་སྟོབས་ཆེ་ཞིང་། ཕྱི་མ་ནི་ཆུ་སྲིན་ཆེན་པོ་དང་ལྡན་པ། ཏེ་ཛཿནི་གཟི་བརྗིད་དང་མེ་གཉིས་ཀ་ལ་འཇུག་པས། སྔ་མ་ནི་གཞན་ཟིལ་གྱིས་གནོན་པ་དང་། ཕྱི་མ་ནི་རྒོད་མ་ཁའི་མེ་དང་བཅས་པས། སྒྲ་སྦྱར་བའི་སྒོ་ནས་དཔེ་དཔེ་ཅན་མཚུངས་ཀྱང་། རྒྱ་མཚོ་དེ་ནི་ཆུའི་བདག་པོ་དང་། ཁྱོད་ནི་བློ་དང་ལྡན་པའི་མཁས་པ་ཡིན་པས་དེ་ཡིས་ཁྱོད་གཉིས་ཐ་དད་དོ། །འདི་ལ་སྦྱར་གཞི་གཉིས་ལས་མི་ཉུང་ཞིང་སྒྲ་ངེས་པར་སྦྱར་དགོས་སོ། །དཔེར་ན། མེ་སྐྱེས་གནས་བསྟན་ཡན་ལག་འབྱུང་དང་གདོང་དྲུག་ཟླ་བའི་ཅོད་པན་ཅན་དབྱངས་ཅན་མ་དང་དབང་ཕྱུག་གཉིས། །བསྟེན་པས་དཔའ་བོ་སེར་སྐྱ་གཉིས། །མཚུངས་ཀྱང་མ་ཁོལ་དཀོན་མཆོག་ལ། །སྐྱབས་འགྲོ་ཅིག་ཤོས་དེ་ལས་ལྡོག །ཅེས་པ་ལྟ་བུ། གཉིས་པ་ནི། འདིར་ནི་དཔེ་དཔེ་ཅན་གཉིས་ཀ་སྒྲ་སྦྱར་བས་མཚུངས་ཆོས་ཀྱིས་ཚུལ་དང་ལྡན་པའི་ཕྱིར་སྦྱར་བ་ཅན་ཞེས་བཟུང་བར་མཛོད་ཅིག །བཞི་པ་འགོག་པ་ཅན་གྱི་ལྡོག་པ་ལ། དམ་(༧༠ན)

― GLG020_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

བཅའ་དང་། དངོས་གཉིས། དང་པོ་ནི། འགོག་པ་ཅན་ཡང་བསྟན་པར་བྱའོ། །གཉིས་པ་ནི། འཇིག་རྟེན་གྱི་ལུགས་བཟང་པོ་དང་ལྡན་པ་དང་། གཞན་གྱིས་གཡོ་བར་མི་ནུས་པས་བརྟན་པ་དང་། རིན་པོ་ཆེ་དུ་མའི་འབྱུང་གནས་ཡིན་པ་གསུམ། དཔེ་ཅན་རྒྱལ་པོ་དང་དཔེ་རྒྱ་མཚོ་ལ་ཡོད་པ་མཚུངས་ཆོས་སུ་བསྟན་མོད་ཀྱང་། རྒྱ་མཚོ་ཆེན་པོ་ནི་རྒྱལ་པོ་ཁྱོད་ཀྱི་འགྲན་ཟླར་གྱུར་པ་མ་ཡིན་པ་སྟེ། ཡིན་པ་དགག་བྱ་དང་། འགོག་བྱེད་དཔེ་ལ་བ་ཚྭ་སོགས་ཀྱི་དྲི་མ་དང་ལྡན་པ་ཆུ་སྲིན་གདུག་པ་གནས་པའི་སྒོ་ནས་ལྡོག་པའོ། །དཔེར་ན། མི་མཐུན་ལས་སྐྱོབ་རེ་བའི་འདོད་པ་འཇོ། །སྙིང་དུ་སྡུག་ཅིང་ཀུན་གྱིས་བསྔགས་བརྗོད་ཀྱང་། །སྙན་འགྱུར་ངག་གི་ཆ་ཤས་ཡོངས་གང་བས། །ཚངས་སྲས་མ་ལ་ཡོངས་འདུས་འགྲན་དུ་ཅི། །ཞེས་པ་ལྟ་བུ། ལྔ་པ་གཏན་ཚིགས་ཀྱི་ལྡོག་པ་ཅན་ལ། དམ་བཅའ་དངོས་དང་། བཤད་མ་ཐག་པ་རྣམས་ཀྱི་མཇུག་བསྡུ་བ་གསུམ། དང་པོ་ནི། སྔ་མའི་རྗེས་སུ་གཉིས་པ་གཏན་ཚིག་ཅན་དེ་ཡང་བསྟན་པར་བྱའོ། །གཉིས་པ་ནི། རི་རབ་གླིང་བཞི་རྒྱ་མཚོར་བཅས་པ་ཡི་ས་གཞི་མཐའ་དག་འཛིན་པ་ལ་དཔེ་ཅན་རྒྱལ་པོ་ཁྱོད་དང་དཔེ་ཀླུ་ཆེན་པོ་མཚུངས་མོད་ཀྱང་། ཀླུའི་རྒྱལ་པོ་ལྷག་མ་ཅན་གྱི་ཁྱོད་ནི་ལག་འགྲོ་རྣམས་ཀྱི་རྗེ་འགྱུར་པའི་ཕྱིར་ན་གཏན་ཚིགས་ཀྱིས་མིའི་རྗེ་ཁྱོད་པས་དམན་ནོ། །དཔེར་ན། རྩ་སྡོང་ལོ་འདབ་ཟེའུ་འབྲུ་སོགས། །བཀྲ་ཡང་བུད་མེད་འགྲམ་ཆང་གིས། །འབྱེད་ཕྱིར་མེ་ཏོག་བ་ཀུ་ལ། །པདྨ་དག་དང་ཁྱད་པར་(༧༠བ)

― GLG020_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ། །ཞེས་པ་ལྟ་བུ། གསུམ་པ་ནི། དཔེ་དཔེ་ཅན་ལ་སྒྲ་དག་ཐུན་མོང་དུ་འཇུག་པར་མཚུངས་པ་ཡི་ཁྱད་ཆོས་གཞན་གྱིས་མི་འདྲ་བར་ལྡོག་པ་ཅན་ནི་འདྲ་བ་བཤད་ཟིན་ཏོ། །གཉིས་པ་རྟོགས་པ་མཚུངས་པའི་ལྡོག་པ་ཅན་ལ་དམ་བཅའ། དཔེར་བརྗོད། ཁྱད་པར་ཅན་བསྟན་པ་དང་གསུམ། དང་པོ་ལ་སྒྲས་དངོས་སུ་མ་ཟིན་ཀྱང་ཤུགས་ལ་རྟོགས་པར་གྱུར་པའི་སྒོ་ནས་མཚུངས་པའི་ལྡོག་པ་ཅན་ཡང་ཡོད་པ་དེ་ནི་རྗེས་སུ་བསྒྲུབ་བོ། །གཉིས་པ་ལ་གཉིས་ལས། དང་པོ་རྟེན་གྱི་ལྡོག་པ་ཅན་ནི། དཔེ་ཅན་ཁྱོད་ཀྱི་གདོང་པ་ནི་བུད་མེད་ཁྱོད་རང་ལ་བརྟེན་པ་དང་། དཔེ་པདྨ་ནི་ཆུ་ལས་སྐྱེས་པའི་ཕྱིར། འདི་གཉིས་ཀྱི་ཁྱད་པར་བསྟན་པའི་སྒོ་ནས་མཚུངས་པ་དངོས་སུ་ལྡོག་སྟེ་འདྲ་བ་ཤུགས་ལ་བསྟན་པའོ། །དཔེར་ན། དབྱངས་ཅན་མ་དང་ཀོང་ཅོ་གཉིས། །སྔ་མ་ཚངས་པའི་བུ་མོ་དང་། །རྒྱ་བཟའ་ཤར་ཕྱོགས་རྒྱལ་པོ་ཡི། །སྲས་མོ་ཡིན་པའི་ཁྱད་པར་ཡོད། །ཅེས་པ་ལྟ་བུ། གཉིས་པ་དཔེ་ལས་དཔེ་ཅན་ལྷག་པའི་ལྡོག་པ་ཅན་ནི། དཔེ་རི་དྭགས་ཀྱི་མིག་ལ་སྨིན་མ་སྒེག་པ་དང་། ཆགས་མྱོས་ཀྱིས་དམར་བས་རེག་པ་མེད་ལ། དཔེ་ཅན་ལུས་ཕྲ་ཁྱོད་ཀྱི་མིག་གཉིས་པོ་འདི་ལ་ཡོན་ཏན་དེ་དག་ཉིད་ཀྱིས་བརྒྱན་ནོ་ཞེས་དཔེ་ཅན་ལྷག་པའི་སྒོ་ནས་མཚུངས་པ་དངོས་སུ་ལྡོག་ཅིང་ཤུགས་ལ་་་་བར་སྟོན་ནོ། །དཔེར་ན། འཆི་མེད་ལམ་གྱིས་ཇི་སྙེད་ཤེས་བྱའི་ཚད། །རྟོགས་པར་མི་ནུས་འགྲོ་ལ་བརྩེ་བ་བྲལ། །རྒྱལ་བའི་ཐུགས་ཀྱིས་ཆོས་ཀུན་མ་ལུས་མཁྱེན། །ནམ་ཐག་རྣམས་ལ་ལྷག་པར་རྗེས་སུ་བརྩེ། །ཞེས་པ་

― GLG020_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུ། གསུམ་པ་ནི། སྔ་མར་རྟེན་གྱི་དབྱེ་བ་ཐ་དད་པ་ཙམ་ཞིག་བསྟན་ནས། འདིར་ནི་དཔེ་ཅན་ལྷག་པ་ཉིད་བསྟན་ཏོ། །གསུམ་པ་འབྱེད་བྱེད་མཚུངས་པའི་ལྡོག་བཙན་ལ་དམ་བཅའ། དཔེར་བརྗོད། ཁྱད་པར་དང་གསུམ། དང་པོ་ནི། སླར་ཡང་མཚུངས་པས་ལྡོག་པ་ཅན་འཆད་པར་འགྱུར་བ་གཞན་དག་རབ་ཏུ་བསྟན་པར་བྱའོ། །གཉིས་པ་ལ་གཉིས་ལས། དང་པོ་མཚུངས་ཆོས་དང་འབྱེད་བྱེད་གཉིས་ཀ་མཚུངས་པའི་སྒྲས་དངོས་སུ་ཟིན་པའི་ལྡོག་པ་ཅན་ནི། དཔེ་ཅན་གྱི་ཁྱོད་ཀྱི་གདོང་དང་དཔེ་པདྨ་དཀར་པོ་གཉིས་མཚུངས་ཆོས་ཀྱི་སྒྲ་རྒྱས་པ་དང་དྲི་བཟང་པོ་དང་ལྡན་པ་གཉིས་དངོས་སུ་སྒྲས་ཟིན་པ། མཚུངས་པ་ལས་ལྡོག་པའི་འབྱེད་བྱེད་ཀྱི་སྒྲ། པདྨ་ལ་ནི་བུང་བ་འཁོར་བ་དང་། ཁྱོད་ཀྱི་གདོང་ལ་མིག་རབ་ཏུ་གཡོ་བའོ། །འདིར་སྔ་མ་རྣམས་དང་མི་འདྲ་བར་མཚུངས་ཆོས་དཀར་ཞེས་པ་ལྟ་བུ་ཐོན་དགོས་པས། དཔེར་ན། ཆགས་པས་མྱོས་པའི་མཆུ་སྒྲོས་དང་། །འདབ་བརྒྱ་དམར་བའི་མདངས་འཛིན་ཏེ། །ཆུ་སྐྱེས་འདི་ནི་བུང་བས་འཇིབ། །མཆུ་ནི་མཛའ་བོས་ཙུམ་པ་ན། །ཞེས་པ་ལྟ་བུ། གཉིས་པ་མཚུངས་ཆོས་མ་ཟིན་ལ་འབྱེད་བྱེད་ཀྱི་སྒྲས་དངོས་སུ་མི་ཟིན་པའི་ལྡོག་པ་ཅན་ལ་དཔེ་དོན་གཉིས། དང་པོ་ནི། ཟླ་བ་འདི་དང་ངང་པ་འདི་ནི་འབྱེད་བྱེད་ཀྱི་སྒྲ་ནམ་མཁའི་རྒྱན་དང་ཆུའི་རྒྱན་ནོ། །ནམ་མཁའ་འདི་དང་ཆུ་འདི་ནི་འབྱེད་ཀྱི་སྒྲ་རྒྱུ་སྐར་གྱི་ཕྲེང་བ་ཅན་དང་། ཀུ་མུད་རྒྱས་པ་ཅན་ནོ། །ཞེས་མཚུངས་ཆོས་ཤུགས་ལ་བསྟན་ཏོ། །དཔེར་ན། བློ་ལྡན་ལྷ་ཡི་བླ་མ་དང་། །སྨྲ་བའི་(༧༡བ)

― GLG020_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཕྱུག་ཤོང་སྟོན་གཉིས། །ཕུར་བུ་ལེགས་བྲིས་མདུན་སའི་རྒྱན། །ལོ་ཆེན་བོད་ཡུལ་བསྟན་པའི་དཔྱིད། །ཅེས་པ་ལྟ་བུ། གཉིས་པ་ནི། འདིར་ནི་ཟླ་བ་ངང་པ་དག་དཀར་བ་ཉིད་སོགས་ཤུགས་ལ་རྟོགས་པ་དང་། མཁའ་དང་ཆུ་གཉིས་ནི་དྭངས་ཤིང་དག་པར་ཡང་ཤུགས་ལ་རྟོགས་པར་བྱ་བའི་ཕྱིར་། ཤུགས་ལ་མཚུངས་པས་དབྱེ་བ་བྱས་སོ། །གསུམ་པ་ནི། དཔེར་བརྗོད་སྔ་མ་ལ་ནི་རྒྱས་ཞེས་པའི་སྒྲ་དང་ལྡན་པར་དངོས་སུ་མཚུངས་ལ། ཕྱི་མ་ལ་ཤུགས་བསྟན་དང་། གཉིས་ཀ་ལ་ཡང་ཐ་དད་ཀྱི་དབྱེ་བ་བུང་བ་དང་མིག་ལ་སོགས་པ་དཔེ་དཔེ་ཅན་རྣམས་ལ་མཚུངས་པ་དེའི་ཕྱིར་མཚུངས་པའི་ལྡོག་པ་ཅན་ནོ། །བཞི་པ་རིགས་མཐུན་ལྡོག་ཅན་ལ་དཔེ་དོན་གཉིས། དང་པོ་ནི། དཔེ་ཅན་ན་ཆུང་ལང་ཚོ་དར་བ་ལས་བྱུང་བའི་ཆགས་པའི་མུན་པ་དང་། དཔེ་སྤྱིའི་མུན་པ་གཉིས་ཕྱིའི་གཟུགས་བལྟ་བ་འགོག་པར་བྱེད་པ་ལ་རིགས་མཐུན་ཡང་། སྔ་མ་ནི། རིན་པོ་ཆེ་སྣང་བའི་འོད་ཀྱི་ཕྲོག་པར་མི་ནུས་ཤིང་། ཉི་མའི་འོད་ཀྱིས་མི་བཟློག་པ་ཡིན་ལ། ཕྱི་མ་ནི་དེ་ལས་གོ་བཟློག་པས། དཔེ་ཅན་གྱི་སྐྱོན་སྤོངས་གི་དཔེའི་སྐྱོན་སེལ་མི་ཐུབ་པའོ། །དཔེར་ན། པིར་གྱིས་རི་མོར་མ་བྱས་ཤིང་། །དབང་པོའི་གཞུ་རིས་བཀོད་མིན་པའི། །རྣམ་དཔྱོད་བཀྲ་བའི་གཟིགས་མོ་ཡིས། །བློ་ལྡན་མིག་ལ་དགའ་བ་སྟེར། །ཞེས་པ་ལྟ་བུ། གཉིས་པ་ནི་མུན་པའི་རིགས་ལས་ན་ཆུང་གི་མུན་པ་འདིས་གཟུགས་བལྟ་བ་འགོག་པ་ཉིད་ཀྱིས་མུན་པ་དང་མཚུངས་ཀྱང་། རྣ་བས་མི་འཕྲོག་པ་སོགས་གཞན་དག་གིས་ནི་ཐ་དད་པར་བརྟེན་(༧༢ན)
པས་འདི་ནི་རིགས་མཐུན་ལྡོག་པ་ཅན་ནོ། །འདིར་ཟླ་བ་ངང་པ་གཉིས་དཀར་བའི་སྒོ་ནས་མཚུངས་ཆོས་སུ་བསྟན་ཀྱང་། སླར་མི་མཚུངས་པར་ལྡོག་ཡོད་པས་དཔེ་རྒྱན་གྱི་སྐབས་ཀྱི་སྐྱོན་ག་ལ་འཇུག །ཀླུ་སྒྲུབ་པ་ཁྱེད་འདི་སྐོར་ལ་སྦུགས་ཐུམས་པོ་རང་ཞིག་བྱུང་འདུག་པ། ཁྱེད་རང་གིས་སྐུ་ཚེ་རྗེས་མ་ཇོ་ནང་པའི་བསྟན་པ་ལ་ཞུགས་ནས་ལྟ་སྤྱོད་ཐམས་ཅད་ཟས་གཙང་གི་སྲས་པོ་དང་མི་མཐུན་པའི་གུ་ཡངས་པོ་ཞིག་མཛད་པ་ལ་སྨོན་ལམ་བཏབ་པ་འདྲའོ། །བ་ངང་པ་གཉིས་དཀར་བའི་སྒོ་ནས་མཚུངས་ཆོས་སུ་བསྟན་ཀྱང་། སླར་མི་མཚུངས་པར་ལྡོག་ཡོད་པས་དཔེ་རྒྱན་གྱི་སྐབས་ཀྱི་སྐྱོན་ག་ལ་འཇུག །ཀླུ་སྒྲུབ་པ་ཁྱེད་འདི་སྐོར་ལ་སྦུགས་ཐུམས་པོ་རང་ཞིག་བྱུང་འདུག་པ། ཁྱེད་རང་གིས་སྐུ་ཚེ་རྗེས་མ་ཇོ་ནང་པའི་བསྟན་པ་ལ་ཞུགས་ནས་ལྟ་སྤྱོད་ཐམས་ཅད་ཟས་གཙང་གི་སྲས་པོ་དང་མི་མཐུན་པའི་གུ་ཡངས་པོ་ཞིག་མཛད་པ་ལ་སྨོན་ལམ་བཏབ་པ་འདྲའོ། །

སྲིད་པ་ཅན་གྱི་རྒྱན་གྱི་སྐོར་བཤད་པ།

― GLG020_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་པ་ཅན་གྱི་རྒྱན་གྱི་སྐོར་བཤད་པ།དགུ་པ་སྲིད་པ་ཅན་གྱི་རྒྱན་ལ་མཚན་ཉིད་དང་། དཔེར་བརྗོད་གཉིས། དང་པོ་ནི། འཇིག་རྟེན་ན་རབ་ཏུ་གྲགས་པའི་རྒྱུ་བཟློག་ནས། གང་ཞིག་མ་གྲགས་པའི་ཕྱི་ནང་གི་རྒྱུ་གཞན་ཅུང་ཟད་དམ་གྲགས་མ་གྲགས་གཉིས་ཀ་ལ་མ་ལྟོས་པར་གང་དུ་རང་གི་ངོ་བོ་ཉིད་སྟོན་པ་དེ་ནི་སྲིད་པ་ཅན་ནོ། །གཉིས་པ་ལ་གསུམ་ལས། དང་པོ་གྲགས་པའི་རྒྱུ་བཀག་ནས། ཕྱི་རོལ་གྱི་རྒྱུ་ཅུང་ཟད་ཀྱི་འབྲས་བུ་རང་གི་ངོ་བོ་ཉིད་སྟོན་པའི་སྲིད་པ་ཅན་ནི། ཀ་དམྦ་སྟེ། བྱ་མཐིང་རིལ་གྱིས་བཟི་བའི་རྒྱུ་ཆང་མ་འཐུངས་པར་མྱོས་པ་དང་། དྲི་མ་མེད་པའི་རྒྱུ་འཕྱིད་དགོས་པར་མ་ཕྱིས་པར་ནམ་མཁའ་དག་པ་དང་། དངས་པའི་རྒྱུ་ནོར་བུ་ཀེ་ཏ་ཀ་སོགས་ཀྱིས་དྲུངས་པར་བྱེད་དགོས་པ་ལ་མ་བྱས་པར། དངས་པའི་ཆུ་ཞེས་ཡོངས་གྲགས་ཀྱི་རྒྱུ་བཀག་ཀྱང་། བཤད་མ་ཐག་པ་གསུམ་པོ་འདི་སྟོན་གྱི་དུས་སུ་འབྱུང་བས། ཕྱི་སྟོན་གྱི་དུས་ལ་བབ་པའི་རྒྱུ་ཅུང་ཟད་ཀྱི་སྒོ་ནས་འབྲས་བུས་འགྲོ་བའི་ཡིད་ནི་འཕྲོག་པར་བྱེད་དོ། །དཔེར་ན། སྨྲ་བའི་འབབ་སྟེགས་དང་བྲལ་ཅ་ཅོ་སྒྲོག །(༧༢བ)

― GLG020_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

རྐང་པ་མེད་པར་ཉིན་མཚན་ཀུན་ཏུ་འགྲོ། །གནོད་སེམས་མེད་པར་སྐྱེ་བོའི་རྒྱུ་ལམ་གཅོད། །ཚོན་གྱིས་མ་བསྒྱུར་མདོག་སྔོ་དབྱར་གྱི་ཆུ། །ཞེས་པ་ལྟ་བུ། གཉིས་པ་ཡོངས་གྲགས་ཀྱི་རྒྱུ་བཀག་ནས་ནང་གི་རྒྱུ་ཅུང་ཟད་དང་བཅས་པས་འབྲས་བུ་སྟོན་པའི་སྲིད་པ་ཅན་ལ་དངོས་དང་། གཉིས་ཀའི་དོན་བཤད་པ་གཉིས། དང་པོ་ནི། ནག་པའི་རྒྱུ་མིག་སྨན་མ་བསྐུས་པར། དཀར་བ་མིན་པར་གནག་པའི་མིག །སྨྲ་བའི་རྒྱུ་མནན་པ་མིན་པར་སྨིན་ན་སྨྲ་བ་དང་། དམར་བའི་རྒྱུ་ཚོན་གྱིས་མ་བསྐུས་པར་མཛེས་མ་ཁྱོད་ཀྱི་མཆུ་ནི་དམར་བ་འདིའོ་ཞེས་ཡོངས་གྲགས་ཀྱི་རྒྱུ་བཀག་ནས་ནང་ལང་ཚོ་རྒྱས་པའི་རྒྱུ་ཅུང་ཟད་བསྟན་པའོ། །དཔེར་ན། ཕྲོག་མིན་མཁས་པ་རྣམས་ཀྱི་ཐོས་པས་ཕྱུག །འཚེ་བ་མེད་པར་རྨོངས་པའི་ཚོགས་ཀུན་བཅོམ། །འདོད་དང་བྲལ་ཡང་ཡོན་ཏན་ཚོགས་ཀྱིས་འཁྱུད། །དབྱུ་གུས་མ་བསྐུལ་སྙན་པའི་སྐད་གསང་ལྡིར། །ཞེས་པ་ལྟ་བུ། གཉིས་པ་ནི། གང་གི་ཕྱིར་མ་འཐུངས་པ་དང་མ་བསྐུས་པ་དང་སོགས་ལས་སྐྱེས་པའི་འབྲས་བུ་མྱོས་པ་དང་ནག་པ་ཉིད་སོགས་ཀྱི་ཕྱི་ནང་གི་རྒྱུ་གཞན་ཅན་བསྟན་ནོ། །གསུམ་པ་གྲགས་མ་གྲགས་ཀྱི་རྒྱུ་གཉིས་ཀ་བཟློག་ནས་འབྲས་བུ་རང་གི་ངོ་བོ་ཉིད་སྟོན་པའི་སྲིད་པ་ཅན་ལ། དམ་བཅའ། དཔེ་དོན་དང་གསུམ། དང་པོ་ནི། རྒྱུ་མེད་པ་དག་ཀྱང་བརྗོད་འདོད་པ་དེ་ལ་སྐབས་འདིར་ནི་འགལ་བ་མེད་དོ། །གཉིས་པ་ནི། དྲི་ཞིམ་པའི་རྒྱུ་ལི་ཤི་སོགས་ཀྱིས་དགོས་པ་མེད་པར་ཁ་དྲི་ཞིམ། མཛེས་པའི་རྒྱུ་བཅོས་པ་མེད་པར་ལུས་པོ་མཛེས། དགྲའི་རྒྱུ་འཁོན་པ་དག་(༧༣ན)
མེད་པར་ཟླ་བ་དགྲ། གྲོགས་ཀྱི་རྒྱུ་མཚན་ཕན་པ་དག་མེད་པར་འདོད་པ་གྲོགས་སོ། །དཔེར་ན། རི་མོར་མ་བྲིས་རི་དྭགས་གཟུགས་ཀྱིས་མཛེས། །དགྲ་ཟླ་མིན་ཡང་པདྨའི་ཚོགས་ཀུན་འཇོམས། །རྒྱུ་མཚན་མེད་པར་ཆུ་གཏེར་འཕེལ་བར་བྱེད། །སྙེགས་མཁན་བྲལ་ཡང་མཁའ་ལ་དལ་མེད་འབྲོས། །ཞེས་པ་ལྟ་བུ། གསུམ་པ་ནི། བསྒོས་པ་མེད་སོགས་ཀྱི་ཚིག་གི་སྐབས་འདིར། གྲགས་མ་གྲགས་ཀྱི་རྒྱུ་ནི་དངོས་སུ་རབ་ཏུ་བཟློག་ཅིང་། དྲི་ཞིམ་པ་ཉིད་སོགས་འབྲས་བུར་བརྗོད་པ་དེའི་ཕྱིར། དེ་ནི་སྲིད་ཅན་གྱི་རྒྱན་ནོ། །ཀླུ་སྒྲུབ་པས་རྟོག་གེ་པའི་རིགས་པས་འགག་བཞག་སྣ་ཚོགས་འདུག་པ་ནི་སྙིང་པོར་མ་མཐོང་ལ། འབྲེལ་པ་སྔ་མ་ཕལ་ཆེར་ཡང་ཕྱོགས་རེའི་མིག་ཏུ་སོང་འདུག་པས། འདིར་ནི་སློབ་དཔོན་མཁས་པའི་ལེགས་བཤད་དོ། །

བསྡུས་བརྗོད་ཀྱི་རྒྱན་བཤད་པ།

― GLG020_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་པ་བསྡུས་བརྗོད་ཀྱི་རྒྱན་ལ། མཚན་ཉིད། དཔེ་བརྗོད་གཉིས། དང་པོ་ནི། བརྗོད་འདོད་དཔེ་ཅན་གྱི་དངོས་པོ་འགའ་ཞིག་ལ་བསམ་པར་བྱས་ནས། དེ་དང་མཚུངས་པའི་དཔེའི་དངོས་པོ་གཞན་དག་ངག་ཏུ་བཀོད་པའི་སྒོ་ནས། དཔེ་ཅན་དེ་བསྡུས་པའི་ཚུལ་གྱིས་བརྗོད་པར་བྱེད་པ་དེ་ནི་བསྡུས་པ་བརྗོད་པར་འདོད་དོ། །གཉིས་པ་ལ་སྤྱི་དང་། བྱེ་བྲག་གཉིས། དང་པོ་ནི། བུང་བ་རྣམས་ཇི་ལྟར་འདོད་པ་བཞིན་དུ་པདྨ་རྒྱས་པ་ལས་སྦྲང་རྩི་འཐུང་བར་མ་ཟད། སྦྲང་རྩིའི་དྲི་ཞིམ་པོ་རྒྱས་པ་མ་ཡིན་ཡང་། མེ་ཏོག་ཆུང་ངུ་ཁ་མ་བྱེ་བ་ལ་མཆུ་སྦྱོར་བ་ལ་ལྟོས་ཞེས་དཔེ་དང་། དེས་དཔེ་ཅན་གང་བསྡུ་ན། ཆགས་ལྡན་(༧༣བ)

― GLG020_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

འགའ་ཞིག་བུད་མེད་དར་མ་ལ་འཁྲིག་པ་བརྟེན་པའི་དགའ་བའི་རྩེ་དགས་བཅིངས་པར་མ་ཟད། དེའི་ཁྱད་པར་དག་འཁྲིག་པ་བརྟེན་མ་རན་པའི་བུ་མོ་ཆུང་ངུ་འགའ་ཞིག་དག་ལ་ཡང་འདོད་པ་འཕེལ་བ་སྟེ། མི་ཚངས་པར་སྤྱོད་པའི་ཚུལ་སྟོན་པར་བྱེད་དོ། །ཟུར་མཁར་མེ་ལོང་མའི་མེ་ལོང་དུ་ཀར་ཞེན་གྱིས་སྒར་པ་ཆོས་གྲགས་རྒྱ་མཚོས་མཛད་ཟེར་དཔེར་བརྗོད་བྲིས་འདུག་པ་ལ། རང་འོད་འབད་ནས་སྤྲོ་མོད་ཀྱང་། །ཟེར་བ་ནི། པདྨ་རྒྱས་པའི་ཕྱིར་དུ་ཟླ་བས་རང་འོད་སྤྲོ་བ་སེམས་མེད་རབ་རྟོག་ཏུ་སོང་བས། མི་ཤེས་པའི་རིགས་ཀྱིས་ཤེས་མདོག་བྱེད་པ་འདི། རང་གི་ནང་ཆ་སྟོན་པར་ཟད་དོ། །དཔེར་བརྗོད་ནི། །དཔག་བསམ་ཡོངས་འདུའི་ལྗོན་པའི་གྲིབ་སིལ་ལ། །ལོངས་སུ་སྤྱོད་པའི་དགའ་སྟོན་ཕྱིར་དོར་ནས། །ཚད་པའི་གདུང་བ་སྐྱབས་ཕྱིར་བླུན་པོ་འགའ། །ཤིང་སྐམ་འཁྱོག་པོའི་ཡལ་ག་དག་ལ་བརྟེན། །ཞེས་པ་ལྟ་བུ། གཉིས་པ་ལ་མདོར་བསྟན་རྒྱས་བཤད་གཉིས་ལས། དང་པོ་ནི། ཁྱད་པར་ཅན་ཙམ་ཐ་དད་ཅིང་། ཁྱད་ཆོས་རྣམ་པར་མཚུངས་པའང་ཡོད་ལ། ཡང་ཁྱད་གཞི་ཐ་དད་པ་ལ། ཁྱད་པར་ལ་ཐ་དད་ཅིང་ལ་ལ་ཐ་དད་མིན་པ་དང་། འདི་དག་ལས་གཞན་པ་སྔོན་མེད་པའི་བསྡུས་བརྗོད་འདི་དག་ཀྱང་ཡོད་དོ། །གཉིས་པ་ལ་གསུམ་ལས། དང་པོ་ཁྱད་གཞི་ཐ་དད་ཅིང་ཁྱད་ཆོས་མཚུངས་པའི་བསྡུས་བརྗོད་ནི། དཔེ་དཔག་བསམ་གྱི་ལྗོན་ཤིང་ཆེན་པོ་དང་དཔེ་ཅན་སྐྱེས་བུ་ཆེན་པོ་གཉིས་ཁྱད་གཞི་ཐ་དད་ཅིང་། ཁྱད་ཆོས་ཐུན་མོང་དུ་སྒྲ་འཇུག་རུང་དུ་ཡོད་པ། གཞན་གྱིས་བསྒུལ་(༧༤ན)

― GLG020_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ནུས་པས་རྩ་བ་བརྟན་པ་དང་། སྡེ་བཞི་དང་ཤིང་ཏོག་གི་འབྲས་བུའི་ཁུར་གྱིས་བརྗིད་པ་དང་། སློང་བ་རྣམས་རྟག་ཏུ་ཡིད་དགའ་བ་རྒྱས་པར་བྱེད་པ་དང་། ཕན་བདེ་དང་ལོ་མའི་གྲིབ་མ་བར་མ་ཆད་པས་སྣུམ་པ་འདི་ནི་བདག་གིས་ཡང་དག་པར་ཐོབ་བོ་ཞེས་དཔེ་ཅན་ལ་བསམས་ནས་དཔེ་དངོས་སུ་བརྗོད་པའོ། །དཔེར་ན། ཟླ་བའི་མ་མ་གཏིང་དཔག་རྟོགས་དཀའ་ཞིང་། །རེ་འདོད་ཆེས་སྐོང་ནོར་བུའི་འབྱུང་གནས་མཆོག །སྐྱོ་ངལ་མེད་པར་རྒྱུ་ཞིང་བསིལ་འཇམ་ཅན། །སྐྱོན་ལྡན་རོ་དང་ལྷན་ཅིག་མི་གནས་མཚར། །ཞེས་པ་ལྟ་བུ། གཉིས་པ་ཁྱད་གཞི་ཐ་དད་ལ་ཁྱད་ཆོས་མཚུངས་ཤིང་མི་མཚུངས་པའི་བསྡུས་བརྗོད་ལ་དངོས་དང་། གཉིས་ཀའི་དོན་བཤད་པ་གཉིས། དང་པོ་ནི་དཔེ་དཔེ་ཅན་གཉིས་དང་། དེའི་ཁྱད་གཞི་ཐ་དད་ཚུལ་བཤད་མ་ཐག་པ་ལྟར་ལ། ཁྱད་ཆོས་ཡལ་གའི་ཁྱོན་ནི་མི་ཆུང་བ་དང་། མེ་ཏོག་དང་འབྲས་བུ་ཅིག་ཅར་དུ་ཕུན་སུམ་ཚོགས་པ་གཉིས་ནི་དཔེ་ཁོ་ནའི་ཁྱད་ཆོས་ཡིན་ལ། ཕན་བདེ་དང་ལོ་མའི་གྲིབ་སིལ། གཞན་གྱིས་བསྒུལ་བསྐྱོད་མི་ནུས་པར་བརྟན་པར་ལྡན་པ་གཉིས་ནི་མི་དམ་པ་དང་ཤིང་གི་དམ་པ་གཉིས་ཀ་ལ་ཐུན་མོང་དུ་འཇུག་ཏུ་རུང་བས། ཤིང་འདི་བདག་གི་སྐལ་བས་རྙེད་དོ་ཞེས་དཔེ་ཅན་ལ་བསམས་ནས་དཔེ་དངོས་སུ་བརྗོད་པའོ། །དཔེར་ན། འཇམ་ཞིང་ཡིད་འོང་མཛེས་སྡུག་ཅན། །ཟེའུ་འབྲུ་ཡལ་འདབ་རབ་ལྡེམ་པ། །པདྨ་དཀར་པོའི་ཆུན་པོ་འདི། །བུང་བ་རྣམས་ཀྱི་ཡིད་དུ་འོང་། །ཞེས་པ་ལྟ་བུ། འབྲས་བུ་ནི་སྡེ་བཞི་ལ་སྦྱར་ཆོག་པ་དང་། (༧༤བ)

― GLG020_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

ཡལ་ག་རྒྱལ་པོ་ལ་སྦྱར་བར་འབྲེལ་མི་འབྱུང་བས། ཀླུ་སྒྲུབ་པ་དོན་མེད་གྱི་རྟོག་བཏགས་མ་མཛད་ཅིག །གཉིས་པ་ནི། བཤད་མ་ཐག་པ་གཉིས་ཀ་ལ་ཡང་སྐྱེས་བུ་མཆོག་འགའ་ཞིག་ལ་བསམ་ནས་ལྗོན་པ་ཉིད་ཀྱི་བསྔགས་པ་ཉེ་བར་བརྗོད་ནས་ཁྱད་པར་གྱི་ཆོས་རྣམས་ཐམས་ཅད་དཔེར་བརྗོད་སྔ་མ་ལ་དཔེ་དཔེ་ཅན་གཉིས་ཀ་ཐུན་མོང་དུ་ཡོད་ལ། གཞན་རྗེས་མ་ལ་རྣམ་པ་གཉིས་ཀར་ཡོད་མེད་སྣ་ཚོགས་སོ། །གསུམ་པ་སྔོན་མེད་བསྡུས་བརྗོད་ལ་དཔེ་དོན་གཉིས། དང་པོ་ནི། དཔེ་ཅན་རྒྱལ་པོ་ངན་པའི་སྤྱོད་པ་དང་མི་འགྲོགས་ཤིང་། དམ་པའི་སྤྱོད་ཚུལ་རང་བཞིན་གྱིས་མངར་བ། ལེགས་བྱས་ཀྱི་གཏེར་འདི་དུས་ཀྱི་ཕོ་ཉའི་དབང་གིས་འཆིའོ། །ཞེས་པ་ལ་བསམ་ནས། དངོས་སུ་དཔེ་བརྗོད་པ་ནི། སྦྲུལ་ངན་པ་འགྲོགས་པ་དང་བྲལ་ཞིང་བ་ཚྭ་མེད་པའི་རང་བཞིན་གྱིས་ནི་མངར་བའི་ནང་རིན་པོ་ཆེའི་འབྱུང་གནས་ཅན། ཆུའི་གཏེར་འདི་ནི་ཀྱེ་མ་དུས་ཀྱི་ཡོངས་སུ་སྐམས་པར་གྱུར་ཏོ། །ཞེས་སྦྲུལ་དང་བ་ཚྭ་མེད་པའི་རྒྱ་མཚོ་མི་འབྱུང་བས་སྔོན་མེད་པའོ། །དཔེར་ན། ལྷ་ཡི་ལམ་ལ་མི་འགྲོ་ཞིང་། ཀུ་མུད་རྒྱས་པར་མི་བྱེད་པའི། །ཆུ་ཤེལ་དབང་པོའི་དཀྱིལ་འཁོར་འདི། །བདག་གི་སྙིང་ལ་ཅི་ཡང་སྡུག །ཅེས་པ་ལྟ་བུ། །གཉིས་པ་ནི། རྒྱ་མཚོ་ལ་ཡོད་པའི་སྐྱོན་དེ་མེད་པར་བརྗོད་པ་ཡིས་བསམ་བྱའི་མཚུངས་ཆོས་བསྡུས་པས། སྐྱེས་བུའི་ཡོན་ཏན་གྱི་ལྡོག་པ་གསལ་བར་བྱེད་ཅིང་། སྔ་མའི་ཆོས་སྦྲུལ་སོགས་འཇིག་རྟེན་ན་གྲགས་པ་ནི་བཟློག་པའི་ཕྱིར་འདི་ནི་སྔོན་མེད་བསྡུས་པ་བརྗོད། །

ཕུལ་བྱུང་གི་རྒྱན་གྱི་སྐོར་བཤད་པ།

― GLG020_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་གཅིག་པ་ཕུལ་བྱུང་གི་རྒྱན་ལ་མཚན་ཉིད་ཀྱིས་མདོར་བསྟན། དཔེར་བརྗོད་རྒྱས་པར་བཤད། བསྟོད་པས་མཇུག་བསྡུ་བ་དང་གསུམ། དང་པོ་ནི། ཁྱད་པར་གྱི་ནི་སྟེ་མཆོག་ཏུ་གྱུར་པར་བརྗོད་པར་འདོད་པ་གང་ཡིན་པའི་ཡོན་ཏན་རྣམས་འཇིག་རྟེན་གྱི་མཚམས་ལས་བརྒལ་བར་གྱུར་བའི་འུད་ཆེན་པོའི་སྒོ་ནས་ཕུལ་དུ་བྱུང་བར་བརྗོད་པ་འདི་རྒྱན་རྣམས་ཀྱི་དམ་པ་ཡིན་ཏེ། དཔེར་ན། གཉིས་པ་ལ་བཞི་ལས། དང་པོ་ཁྱད་འཕགས་ཕུལ་བྱུང་ལ་དཔེ་དོན་གཉིས། དང་པོ་ནི། ཁྱད་གཞི་མཛེས་མའི་ལུས་དཀར་བའི་སྟེང་གི་ཁྱད་ཆོས། མེ་ཏོག་ཤིན་ཏུ་དཀར་བ་མལླི་ཀཱ་ཡི་ཕྲེང་ཚོགས་ཅན་གྱི་ཐོད་བཅིངས་ཤིང་། ཙནྡན་དཀར་པོས་ལུས་ཀུན་ཁྱབ་པར་གཤེར་བ། ཤ་མི་སྒྲིབ་པའི་རས་དུ་ཀཱུ་ལ་དཀར་པོའི་གོས་ཅན། སྔོན་དུ་འགྲོ་བའི་དཀར་བ་འདི་ལ་ཟླ་བའི་འོད་ཀྱིས་མཚོན་ནུས་པ་མ་ཡིན་ནོ་ཞེས་འུད་བརྗོད་དོ། །དཔེར་ན། ལེགས་སྦྱར་ལ་སོགས་བཅུ་ཕྲག་རིག་པའི་གནས། །སྦྱངས་ཤིང་མཁྱེན་པའི་མཁས་དབང་སྨོན་འགྲོ་བའི། །རྨད་དུ་བྱུང་བའི་རྣམ་དཔྱོད་མཆོག་འདི་ལ། །འཇམ་དབྱངས་གཞོན་ནུ་དེས་ཀྱང་འགྲན་ནུས་མིན། །ཞེས་པ་ལྟ་བུ། གཉིས་པ་ནི། ཟླ་བའི་འོད་ནི་ཤིན་ཏུ་དཀར་བ་སོགས་ཡིན་པས་ལྷག་པ་ཉིད། དེ་ལས་ཀྱང་ཁྱད་པར་འཕགས་པ་དང་ལྡན་པར་བརྗོད་དོ། །གཉིས་པ་ཐེ་ཚོམ་ཕུལ་བྱུང་ལ། ལྷག་མ་རྣམས་ཀྱི་དམ་བཅའ་དང་། དངོས་གཉིས། དང་པོ་ནི། བཤད་མ་ཐག་པ་དེ་བཞིན་དུ་ཐེ་ཚོམ་ཕུལ་བྱུང་ལ་སོགས་ཀྱང་གསལ་ཕྱིར་ཅུང་ཟད་བསྟན་པར་བྱའོ། །གཉིས་པ་ནི། དགའ་མ་ཁྱོད་ཀྱི་ནུ་མ་དང་། དཔྱི་མགོ་སྟེ་འཚང་ར་(༧༥བ)

― GLG020_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་པའི་ཉམས་སུ་བྱས་པའི་བར་ན་སྐེད་པ་ནི་ཡོད་དམ་མེད་ཅེས་བདག་གིས་ནི་ཐེ་ཚོམ་ད་དུང་བཟློག་པར་མ་གྱུར་ཏོ་ཞེས་པ་སྟེ། དཔེར་ན། ཉིན་མཚན་ཁོར་ཡུག་ཀུན་ཏུ་ཐོས་བསམ་ལ། །ངལ་མེད་བརྩོན་པས་བསྒྲུབ་པའི་ཤེས་ལྡན་ཁྱོད། །འབྱུང་འདུས་ལུས་ནི་འཚོ་བའི་བཟའ་བཏུང་དག །སྤྱོད་པའི་གོ་སྐབས་ཡོད་མེད་འཕྱང་མོ་ཉུག །ཅེས་པ་ལྟ་བུ། །གསུམ་པ་ངེས་པ་ཕུལ་བྱུང་ནི། ནི་ཏམྦི་ནི་སྨད་རྒྱས་མ་ཁྱོད་ཀྱི་དཔྱི་དང་ནུ་མའི་བར་ལ་ནི་སྐེད་པ་ཡོད་ཅེས་ངེས་པར་ནུས་ཏེ། འོ་མ་འཛིན་པའི་ཁུར་གནས་པའི་རྟེན་ཅིག་ངེས་པར་དགོས་ལ། སྐེད་པ་མེད་པའི་སྟོང་སང་ནམ་མཁའ་ལྟ་བུའི་རྣམ་པ་ལ་བརྟེན་པ་གཞན་དུ་སྲིད་པ་མིན་ནོ། །དཔེར་ན། གྲོགས་དང་རྩེ་དགར་རོལ་ཕྱིར་འཁྱུད་པའི་ཚེ། །ནུ་འབུར་མིན་པའི་འཇམ་ཞིང་གཉེན་པ་ཡིས། །མཛའ་བོའི་སྐེད་པར་རེག་བྱའི་བདེ་སྟེར་བ། །ལུས་ཕྲའི་རྒྱན་འཆང་ཡུལ་དེར་ངེས་པ་རྙེད། །ཅེས་པ་ལྟ་བུ། བཞི་པ་ངོ་མཚར་ཕུལ་བྱུང་ནི། ས་སྐྱོང་ཁྱོད་ཀྱི་གྲགས་པའི་ཕུང་པོ་འདི་ནི་དཔག་ནུས་མིན་ཡང་སྲིད་པ་གསུམ་པོ་འདིར་ནི་ཤོང་བ། ཨེ་མ་ས་འདིའི་ཁོངས་དག་ཤིན་ཏུ་ཡངས་སོ། །དཔེར་ན། འཇམ་མགོན་བླ་མ་ཀུན་མཁྱེན་ཙོང་ཁ་བའི། །མཁྱེན་བརྩེའི་ཕ་མཐའ་འཆི་མེད་ལམ་གྱིས་ཀྱང་། གཞལ་ནུས་མིན་འདི་བསིལ་ལྡན་ཁ་བའི་ལྗོངས། །ཤོང་བའི་སྣོད་ནི་ཨེ་མ་ངོ་མཚར་ཆེ། །ཞེས་པ་ལྟ་བུ། གཞུང་གི་ཚིག་ཟིན་གཙོ་བོར་བྱས་ནས་གྲགས་པ་ཕུལ་བྱུང་ཞེས་འཆད་འདུག་ནའང་། རྒྱ་ཆུང་བར་མངོན་ལ། འགྲེལ་པ་སྔ་མ་རྣམས་སུ་ལྡོག་པའི་ཕུལ་བྱུང་སོགས་(༧༦ན)
མང་པོར་སྤྲོ་བའི་དཔེར་བརྗོད་མཛད་ཀྱང་། ཚིག་ཚོགས་ཆེ་བ་ཙམ་དུ་ཟད་ཅིང་། རྒྱན་འདྲེས་པ་སྤྲོ་བར་ཤར་ན་དཔེ་རྒྱན་སུམ་ཅུ་སོ་གཉིས་དང་སྦྱར་བའི་ཕུལ་བྱུང་འོང་བས་མཚོན་ཏེ་བསྟོད་སྨད་ཀྱི་རྒྱན་འདྲེས་པ་ཁྲི་ཕྲག་བརྒལ་བ་འབྱུང་བའི་ཕྱིར། བློ་གྲོས་ཀྱིས་དཔོགས་པ་ལས་བརྗོད་པར་མི་ནུས་སོ། །གསུམ་པ་བསྟོད་པས་མཇུག་བསྡུ་བ་ནི། སྔར་བཤད་པ་དང་འཆད་འགྱུར་གྱི་རྒྱན་ནི་གཞན་པ་དག་ལས་ཀྱང་། སྙན་ངག་མཁན་ངག་གི་དབང་པོ་རྣམས་ཀྱིས་མཆོད་པར་གྱུར་པ་སྟེ་བསྔགས་པ་བརྗོད་པའི་ཡུལ་ནི་ཕུལ་བྱུང་གི་རྒྱན་ཞེས་པར་བརྗོད་པ་འདི་གཅིག་པུ་ཉིད་ནི་མཆོག་ཏུ་བརྗོད་དོ། །

རབ་རྟོག་གི་རྒྱན་གྱི་སྐོར་བཤད་པ།

― GLG020_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་རྟོག་གི་རྒྱན་གྱི་སྐོར་བཤད་པ།བཅུ་གཉིས་པ་རབ་རྟོག་གི་རྒྱན་ལ་མཚན་ཉིད། །དཔེར་བརྗོད། ལོག་རྟོག་དགག་པ། རབ་རྟོགས་གསལ་བྱེད་ཀྱི་སྒྲ་བཤད་པ་དང་བཞི། དང་པོ་ནི། སེམས་ལྡན་སྲོག་ཆགས་དག་གམ། ཅིག་ཤོས་སྲོག་མེད་ཀྱི་རྣམ་པར་གཞན་དུ་གནས་པའི་ཚུལ་གང་ཡིན་པ་ལ་དམིགས་ནས། གང་དུ་དངོས་པོ་གཞན་གྱི་གནས་ཚུལ་ལ་སྒྲོ་བཏགས་ནས། རྣམ་པ་གཞན་རབ་ཏུ་རྟོག་པ་ལྟར་སྟོན་པ་དེ་ནི་རབ་རྟོག་ཏུ་རིག་ཏེ། དཔེར་ན། གཉིས་པ་ལ་གསུམ་ལས། དང་པོ་སེམས་ལྡན་རབ་རྟོག་ལ་དཔེ་དོན་གཉིས། དང་པོ་ནི་གླང་པོ་ཆེ་དག་ནི་ཉི་མའི་གུང་ལ་ཉི་མའི་ཚ་བས་གདུངས་པ་ཡིས། བསིལ་བའི་ཆེད་དུ་པད་མཚོར་འཇུག་པ་ལ། ཉི་མས་གདུངས་པའི་ལན་དུ། དེའི་ཕྱོགས་སུ་གྱུར་པའི་པདྨ་རྣམས་གཞོམ་པར་འདོད་པ་ཡིན་ནམ་སྙམ་ཞེས་(༧༦བ)

― GLG020_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོ་བཏགས་སོ། །དཔེར་ན། དབྱངས་ཅན་ཐོར་ཚུགས་རྣམ་པར་གཡོ་བའི་རྩེ། །ཟླ་ཚེས་གསར་པས་རབ་ཏུ་ལེགས་བརྒྱན་པ། །དམར་ཕྱོགས་རྫོགས་པ་གསུམ་པའི་སྔོ་བསངས་དུས། །སྟུག་པོའི་མུན་པ་སེལ་བར་དགོངས་སམ་སྙམ། །ཞེས་པ་ལྟ་བུ། གཉིས་པ་ནི། ལག་ལྡན་ཁྲུས་དང་བཏུང་བ་དང་པད་རྩ་ཟ་བའི་ཕྱིར་ཆུར་འཇུག་པ་ལ། དེ་ནི་འཁོན་ལན་གླེན་པའི་ཕྱིར་ཡིན་ནོ་ཞེས་སྙན་ངག་མཁན་གྱིས་རབ་བཏགས་བརྗོད་དོ། །གཉིས་པ་སེམས་མེད་རབ་རྟོགས་ལ་དཔེ་དོན་གཉིས། དང་པོ་ནི། ལུས་ཕྲས་མཛེས་པའི་ཕྱིར་དུ་ཨུཏྤལ་རྣ་གོང་དུ་འཛུགས་པ་ལ་འདི་ནི་མིག་བདག་གི་དཀྱུས་རིང་བ་དག་འགོག་པར་བྱེད་པའི་ཆེད་དུ་རྣ་བའི་རྒྱན་གྱི་ཟོལ་དུ་འོངས་སོ་ཞེས། དེའི་ལན་དུ་ཁྱོད་ཀྱི་མིག་གི་ཟུར་རིང་པོར་སྤྲོས་ནས་རྣ་བ་ཡི་ཨུཏྤལ་ལ་འགོང་བ་འདྲའོ། །དཔེར་ན། འཇའ་འོད་ལུས་ཕྲས་འཁྲིལ་བག་གིས། །འདོད་པའི་དགའ་སྟོན་ལ་སྤྱོད་པར། །བ་སྤུའི་ཚོགས་རྣམས་ཉེར་ལངས་ཏེ། །མགོ་བོ་བཏེགས་ནས་བལྟ་བ་བཞིན། ཞེས་པ་ལྟ་བུ། གཉིས་པ་ནི། མིག་ཟུར་ཆར་ནི་ལྷུང་པར་གྱུར་པ་ལ་བཏགས་ནས། མིག་གི་འོད་ཀྱིས་ཨུཏྤལ་ལ་རེག་པ་མིན་ཡང་། སྙན་ངག་མཁན་གྱི་དེ་ལྟར་རབ་ཏུ་བཏགས་ཏེ་བརྗོད་དོ། །གསུམ་པ་ཏིང་ངེ་འཛིན་གྱི་རབ་རྟོག་ནི། སེམས་མེད་མཚན་མོ་མུན་པ་ཐེབས་པ་དེས། སེམས་ལྡན་གྱི་བྱ་བ་རང་གི་ལུས་ལ་མུན་པ་འབྱུག་པ་བཞིན་ནོ། །སེམས་མེད་ནམ་མཁའ་འདིས་ནི་སེམས་ལྡན་གྱི་བྱ་བ་མིག་སྨན་གྱི་ཆར་པ་འབེབས་པ་བཞིན་ནོ། །ཞེས་པ་འདི་དང་། ཡར་ངོའི་སྒྲས་རབ་རྟོག་གི་(༧༧ན)

― GLG020_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་ཉིད་དང་ལྡན་པ་ཤིན་ཏུ་མང་ངོ་། །དཔེར་ན། ཟླ་གཞོན་ཤར་བས་ཀུ་མུད་ཏ། །དགའ་བས་ཡང་ཡང་འཛུམ་པ་བཞིན། །བུང་བས་བཅུད་རྣམས་ཁྱེར་དོགས་ནས། །གེ་སར་སྐྲག་ནས་འདར་བ་བཞིན། །ཞེས་པ་ལྟ་བུ། གསུམ་པ་ལོག་རྟོག་དགག་པ་ལ་ལུང་དང་འགལ་བ། རིགས་པ་དང་འགལ་བ། མཇུག་བསྡུ་བ་དང་གསུམ། དང་པོ་ནི། འདིར་ནི་བཞིན་གྱི་སྒྲ་ཡིས་འགའ་ཞིག་ལ་དཔེ་རྒྱན་ཉིད་དུ་ནི་འཁྲུལ་པ་སྐྱེད་ཀྱང་མི་རིགས་ཏེ་འབྱུག་པ་བཞིན་སོགས་ཀྱི་བྱིངས་སྒྲུབ་ལ་ཙནྡྲ་པ་ལྟར་ན་ལེགས། ཀ་ལཱ་པ་ལྟར་ན་ཀུན་བཤད་ཀྱི་ཝ་རྟ་མ་ནའི་གཅིག་ཚིག་ཏེ་བྱིན་ཤུལ་ཏི་ངའི་མཐའ་ཡིན་ལ། དཔེ་ལ་དེ་ཕན་གྱི་རྐྱེན་སྟེར་དགོས་པས་མ་ཡིན་ནོ་ཞེས་པཱ་ཎི་སོགས་ཀྱི་ཡིད་ཆེས་ཀྱི་གསུང་ལས་འདའ་མི་རིགས་པས་སོ། །གཉིས་པ་ནི། དཔེ་དང་དཔེར་བྱ་ཉིད་དག་ནི་མཚུངས་པའི་ཆོས་ལ་ལྟོས་དགོས་པས་ན། འབྱུག་པ་དང་ནི་མུན་པ་གཉིས་ལ་དཔེ་དོན་གྱི་མཚུངས་ཆོས་འདི་ཞེས་མངོན་དུ་མཐོང་བར་གྱུར་ཏམ་ཅི་སྟེ་མེད་དོ། །གལ་ཏེ་འབྱུག་པ་ཉིད་དཔེར་བརྗོད་འདོད་ན། འབྱུག་ཅེས་པ་བྱ་བ་ལས་གཞན་པ་ཅི་སྟེ། མུན་པ་དང་ཐ་མི་དད་དོ། །འབྱུག་པ་དེ་ཉིད་མཚུངས་ཆོས་དང་། ཆོས་ཅན་དཔེ་ཡང་ཡིན་ཞེས་པ་མ་སྨྱོས་པ་སུས་ཀྱང་འཆད་པ་མ་ཡིན་ནོ། །གལ་ཏེ་བྱེད་པ་དཔེ་ཡིན་ན། ཏི་ཞེས་པའི་བྱ་ཚིགས་ལ་འབྱུག་ཅེས་པ་ནི་དབང་དང་བྲལ་བར་འགྱུར་ཏེ། རང་གི་བྱ་བ་འབྱུག་པ་ཉིད་ཀྱང་བསྒྲུབ་མི་ནུས་པས་ན། གཞན་གྱི་དཔེ་དོན་མཚུངས་ཆོས་སུ་སྦྱོར་བའི་རེ་ལྟོས་སུ་བྱར་མི་འགྱུར་རོ། །གང་(༧༧བ)

― GLG020_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་འབྱུག་པ་འདི་དང་ནི་མུན་པ་མཚུངས་ཞེས་སྨྲ་ན་ཡང་། ལུས་ལ་ཞེས་པ་ལས་ཀྱི་ཚིག་དཔེ་དོན་མ་འབྲེལ་ཏེ། དེ་ཡང་ཡོན་ཏན་སོགས་ཀྱི་མཚུངས་ཆོས་ལྟ་ཅི་སྨོས་ཏེ་མེད་དོ། །དཔེར་ན་ཁྱོད་གདོང་ཟླ་བ་བཞིན། ཞེས་པས་དཔེ་དཔེ་ཅན་གྱི་སྒོ་ནས་མཛེས་ཆོས་རྟོགས་པར་འགྱུར་བ་སྟེ་དེ་བཞིན་དུ་འབྱུག་པ་འདི་ལ་ཡང་ནི་འབྱུག་པ་ལས་གཞན་པའི་མཚུངས་ཆོས་ཞིག་རྟོགས་དགོས་པ་ལ་དེ་རྟོགས་པ་མ་ཡིན་པས་དཔེ་མ་གྲུབ་བོ། །གསུམ་པ་ནི། རྒྱུ་མཚན་དེའི་ཕྱིར་འབྱུག་པ་ཞེས་བརྗོད་པ་འདི་ད་ནི་བྱ་བ་མུན་པ་བྱེད་པ་དང་། ལུས་ཀྱང་ལས་སུ་ཉེ་བར་སྦྱར་བའི་དོན་ཏོ། །སྐྱེས་བུ་མཁས་པས་དེ་ལྟར་རབ་བཏགས་ཞེས་འདོད་པར་བྱའོ། །བཞི་པ་ནི། སྙམ་དང་དོགས་དང་ངེས་དང་འདྲ། མིན་ནམ་ཞེས་པ་ལ་སོགས་པའི་སྒྲ་ཡིས་རབ་བཏགས་གསལ་བར་བྱེད། བཞིན་གྱི་སྒྲ་ཡང་དེ་དང་འདྲ། ཞེས་པ་རྣམས་ཀྱི་དཔེར་བརྗོད་རིམ་པ་བཞིན། དབྱངས་ཅན་བཻཌཱུར་རྒྱུད་མང་བརྡུངས་པ་ན། །དབྱར་རྔ་སྐྱེངས་ཏེ་སྤྲིན་གོས་གྱོན་ནམ་སྙམ། །རི་དྭགས་མིག་ཅན་བཞིན་གྱི་མཛེས་སྡུག་གིས། །ཆུ་ཤེལ་དབང་པོ་གླིང་གཞན་བྲོས་ཀྱི་དོགས། །སྡེ་སྲིད་ཕག་གྲུས་རྫོགས་ལྡན་བོས་པ་ན། །ང་ལས་ནུ་དེ་སླར་ཡང་འོངས་པར་ངེས། །ཤོང་སྟོན་རིག་བྱེད་འཆད་པའི་རྣམ་དཔྱོད་འདི། །བསྟན་ཚེ་ཕུར་བུ་ས་འདིར་འོངས་པ་འདྲ། །དབྱངས་ཅན་ཞལ་ཁྱིམ་དཀར་ཞིང་འཛུམ་པ་ཡིས། །པདྨའི་ཚོགས་རྣམས་དགའ་ནས་རྒོད་མིན་ནམ། །ཞེས་པ་ལྟ་བུ། ལེའུ་དང་པོའི་མཛེས་པའི་རྒྱན་གྱི་སྐབས་སུ། ལག་པ་ལྟ་བུ་ཕུ་དུང་གི་ནང་དུ་འཇུག་བཞིན་པའི་ལག་(༧༨ན)
པ་ཞིག་ལ། ལག་པ་འདི་ཆེས་གྲགས་ནས་ཕུ་དུང་གི་ནང་དུ་མ་ཤོང་ངོ་ཞེས་འུད་བྱེད་པ་ཡིན་ལ། ཕུལ་བྱུང་གི་སྐབས་སུ་ལག་པ་འདི་གང་གིས་ཀྱང་གཞལ་མ་ནུས་པའི་ཆེན་པོ་ཞིག་ཡིན་ཀྱང་། ཕུ་དུང་འདིར་ཆུད་པ་ཡ་མཚན་ནོ་ཞེས་པ་ཞིག་དགོས་པས་ཁྱད་པར་ཆེ་ཞིང་། ལེའུ་དང་པོའི་ཏིང་ངེ་འཛིན་ལ་རབ་རྟོག་གསལ་བྱེད་ཀྱི་སྒྲ་མེད་ཅིང་། འདིར་ཡང་ཡོད་པས་བློ་གསར་བ་རྣམས་མགོ་བོ་མགལ་མེ་ལྟར་འཁོར་མི་དགོས་སོ། །

རྒྱུའི་རྒྱན་གྱི་སྐོར་བཤད་པ།

― GLG020_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུའི་རྒྱན་གྱི་སྐོར་བཤད་པ།བཅུ་གསུམ་པ་རྒྱུའི་རྒྱན་ལ། མཚམས་སྦྱར་དང་། དངོས་གཉིས། དང་པོ་ནི། རྒྱུའི་རྒྱན་འདི་ནི་ཚིག་རྣམས་དག་གི་རྒྱན་གྱི་མཆོག་གོ །གཉིས་པ་ལ་མདོར་བསྟན། རྒྱས་བཤད། འཇུག་བསྡུ་བ་དང་གསུམ། དང་པོ་ནི། རྒྱུ་ལ་ནི། བྱེད་པོ་གང་གིས་ལས་དང་བྱ་བ་བྱེད་བཞིན་པས་འབྲས་བུ་བསྐྱེད་པའི་ཚུལ་གང་ཡང་རུང་བ་ཞིག་ནི་བྱེད་པོའི་རྒྱུ་དང་། དུ་བའི་རྟགས་ལས་མེ་ཡོད་པར་རྟོགས་པ་ལྟ་བུ་ཤེས་བྱེད་ཀྱི་རྒྱུ་དེ་དག་ལ་རྣམ་པ་དུ་མ་དཔེར་བརྗོད་ན་གཉིས་པ་ལ་དངོས་པོའི་རྒྱུ། དངོས་མེད་ཀྱི་རྒྱུ་མཚར་བའི་རྒྱུ་དང་གསུམ། དང་པོ་ལ་བྱེད་པོའི་རྒྱུ་དང་། ཤེས་བྱེད་ཀྱི་རྒྱུ་གཉིས་དང་པོ་ལ་སྒྲུབ་བྱེད་ཀྱི་རྒྱུ་དང་། ལས་ཀྱི་རྒྱུ་གཉིས། དང་པོ་ལ་གཉིས་ལས། དང་པོ་སྐྱེད་བྱེད་འགྲུབ་པའི་རྒྱུ་ལ་དཔེ་དོན་གཉིས། དང་པོ་ནི། ཙནྡན་གྱི་ལྗོན་པ་གསར་བ་ཡི་ཡལ་འདབ་ལྷོ་ཕྱོགས་མ་ལ་ཡའི་རླུང་གིས་ནི་སྐྱོད་པར་བྱེད་པ་ལས་བྱུང་བའི་དྲི་ཞིམ་པའི་བསེར་བུ་འདི་སྐྱེད་བྱེད་དེ་རྒྱུ་ཡིན་ལ། བསྐྱེད་བྱ་འབྲས་བུ་ནི། རླུང་འདི་ཕོག་(༧༨བ)

― GLG020_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྐྱེ་བོ་ཀུན་སྔར་མེད་གསར་དུ་ཡིད་ཀྱི་དགའ་བ་སྐྱེད་པར་བྱེད་པ་དེའོ། །དཔེར་ན། ངག་གི་དབང་ཕྱུག་དབྱངས་ཅན་མའམ། རྨད་བྱུང་ཐུགས་རྗེ་ཆེན་པོ་དེས། །བདག་ལ་འཆད་རྩོད་རྩོམ་པ་ཡི། །བློ་གྲོས་སྣང་བ་ཅི་ཡང་འཕེལ། །ཞེས་པ་ལྟ་བུ། གཉིས་པ་ནི། འགྲོ་བ་ཀུན་དགའ་བ་བསྐྱེད་པར་འོས་པའི་རྒྱུ། རླུང་དང་དྲི་བསིལ་བའི་རང་བཞིན་ཉེ་བར་སྦྱར་བ་འདི་སྐྱེད་བྱེད་ཀྱི་རྒྱུའི་རྒྱན་ཉིད་དུ་ནི་རབ་བསྟན་ཏེ། དགའ་བ་དེ་ལས་ལྡོག་པ་དག་ཀྱང་འཆད་པར་འགྱུར་པས། དེ་དང་མཚུངས་སོ། །གཉིས་པ་ཉམས་བྱེད་འགྲུབ་པའི་རྒྱུ་ལ། དཔེ་དོན་ཞར་བྱུང་དང་གསུམ། དང་པོ་ནི། མ་ལ་ཡ་ཡིས་ཆུ་རྒྱུན་ལ་རེག་ཅིང་བདར་བས་བསིལ་བ་དང་། ཙནྡན་གྱི་ནགས་བསྐྱོད་པ་ལས་དྲི་ཞིམ་དང་ལྷན་ཅིག་ཏུ་འོངས་པའི་རླུང་ནི་སྐྱེད་བྱེད་དང་སྐྱེད་བྱ་མགྲོན་པོ་རྣམས་བུད་མེད་དག་དང་བྲལ་ནས་རིང་པོར་སོང་བ་ལ་ཕོགས་པས་ཆུང་མ་དྲན་ནས་དགའ་བ་ཉམས་ཏེ་འཆི་བ་བྱེད་པའི་ཕྱིར་ཉེ་བར་གནས་སོ། །ཞེས་དོན་དྲིལ་ན་རྒྱུ་གཅིག་གིས་འབྲས་བུ་བསྐྱེད་ལུགས་གོ་ལྡོག་པའོ། །དཔེར་ན། སྒྲ་དབྱངས་ལྷ་མོ་དབྱངས་ཅན་མའི། །ཕུལ་བྱུང་མཁྱེན་བརྩེ་ནུས་པ་ཡིས། །མེ་ཏོག་མདའ་ཅན་དཔུང་ཚོགས་ཀྱི། །བློ་གྲོས་སྐལ་བ་ངན་པར་བྱས། །ཞེས་པ་ལྟ་བུ། གཉིས་པ་ནི། དེ་ལྟར་བྱུང་བའི་རླུང་གི་རྒྱུས་ནི་འབྲས་བུ་བུད་མེད་དང་བྲལ་བའི་སྐྱེ་བོ་ཆགས་པ་རིམ་པས་འཕེལ་བ་ལས་བྱུང་བར་གྱུར་པ་ཡིད་འོང་མ་ལ་སྲེད་པ་འཕེལ་བས་དགའ་བ་ཉམས་པ་སྒྲུབ་པར་བྱེད་པར་(༧༩ན)

― GLG020_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

ནུས་སོ། །གསུམ་པ་ནི། དཔེར་ན། དཔྱིད་ཀ་ས་བོན་བཏབ་པའི་རྒྱུས། སྟོན་ཀ་སྔར་མེད་ཀྱི་འབྲས་བུ་སྐྱེད་པར་བྱེད་པ་ལྟ་བུ་ནི་འགྲུབ་པར་བྱེད་པ་དང་། སྣམ་བུ་དཀར་པོ་དེ་འགྱུར་བྱ། འགྱུར་བྱེད་རམས་ཀྱིས་འབྲས་བུ་གནས་སྐབས་གཞན་སྔོན་པོར་སོང་བ་ནི་རྣམ་འགྱུར་ཏེ། འགྱུར་བྱེད་ཀྱི་ངོ་བོ་ཉིད་ལ་ལྟོས་པའི་རྒྱུ་ཉིད་དོ། །ཐོབ་པའི་ལས་ཕལ་ཆེར་ནི་བྱ་བ་ལ་ལྟོས་པའི་རྒྱུ་ཉིད་ཡིན་ཏེ། དཔེར་ན། ནས་ཁལ་གཅིག་ལྟ་བུའི་ཡོན་དེ་འབྲས་བུ་ཐོབ་བྱ་ཡིན་ལ། ཐོབ་བྱེད་བརྒྱད་སྟོང་པ་ལྟ་བུ་ནི་མ་ཡིན་པར། དེ་ཀློག་པའི་བྱ་བ་དེ་ཡིན་ནོ། །འདི་དག་གི་སྐོར་འགྲེལ་བ་ཕལ་ཆེར་ལ་མི་གསལ་ཞིང་། འགའ་ཞིག་ཏུ་རྟོག་བཏགས་ཀྱིས་ལོག་པར་འཕྱན་པ་ཡང་སྣང་མོད། འདིར་ནི་སློབ་དཔོན་མཁས་པའི་གསུང་ལ་བརྟེན་ནས་གཞུང་དོན་ཉི་མ་ལྟ་བུར་གསལ་བར་བྱས་པས། ལེགས་པར་བཤད་དྲགས་པའི་སྐྱོན་གྱིས་སྟག་ལུང་མཁས་པས་མི་ཟིན་པའི་དཔེ་ལྟར། བླ་ཆེན་རྣམས་ཐུགས་རྒྱལ་བཞེངས་པར་གྱུར་ན་བཟོད་པར་གསོལ་ལོ། །གཉིས་པ་ལས་ཀྱི་རྒྱུ་ལ། དམ་བཅའ་བ། རྣམ་འགྱུར་གྱི་རྒྱུ། ཐོབ་བྱའི་རྒྱུ་དང་གསུམ། དང་པོ་ནི། འགྲུབ་པར་བྱེད་པའི་རྒྱུ་དག་ནི་བསྟན་ཟིན་པ་དེ་ལྟར། ལྷག་མ་གཉིས་པོ་ཡི་དཔེར་བརྗོད་གཉིས་ནི་ད་ལྟ་ཉིད་དུ་བཀོད་པར་བྱས་ནས་དེ་རྗེས་ཤེས་པར་བྱེད་པ་ཡང་བསྟན་པར་བྱའོ། །གཉིས་པ་ནི། ལོ་འདབ་གསར་དུ་འཁྲུངས་པའི་ནགས་ཚལ་དང་། འདབ་བརྒྱ་རབ་ཏུ་རྒྱས་པའི་རྫིང་བུ་དང་། (༧༩བ)

― GLG020_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བ་རྒྱས་པ་རྣམས་ནི་འགྱུར་བྱ་ཡིན་ལ། དེ་རྣམས་མཐོང་བ་ལ་བརྟེན་ནས་བུད་མེད་དང་བྲལ་བས་ཉེན་པ་རྣམས་ལ་འགྱུར་བར་བྱེད་མཁན་འདོད་པ་ཡིས་འགྱུར་བྱ་དེ་རྣམས་མགྲོན་པོས་ལྟ་བའི་དུག་ཏུ་བྱས་པ་སྟེ་བསྒྱུར་བ་ལྟ་བུའོ། །དཔེར་ན། སོར་མོའི་འཕྲུལ་གྱིས་ལེགས་གྲུབ་པའི། །ཐབས་སུ་བྱས་པའི་ལྭ་བ་དཀར། །ལི་ཁྲིས་གོས་ཤིང་དྲས་སྡེབས་པས། །དགེ་སྦྱོང་མཆོག་གི་བླ་གོས་མཛེས། །ཞེས་པ་ལྟ་བུ། གསུམ་པ་ནི། སྐྱེ་བོ་ལང་ཚོ་ཅན་དེས་བུ་མོ་མཛེས་མ་རང་གི་ཐོབ་བྱའི་འབྲས་བུ་དང་། བུ་མོ་དེའི་གྲོགས་མོ་འགའ་ཞིག་གིས་དེ་གཞན་དང་མཐུན་པ་ལ་ཞེ་སྡང་བ་ཡིན་ཡང་། འཕྲལ་མཛའ་བའི་གནས་སུ་བཀོད་པ་སྟེ་སྙིང་གཏམ་ལྟར་བྱས་ནས། མཛའ་བོ་ལ་ཁེངས་པ་གོམས་པར་བྱའོ་ཞེས་ཟེར་བ་བུ་མོས་རིག་སྟེ། སྨིན་མ་འཁྱོག་ཅིང་མིག་གཡོན་དུ་ལོག་པ་དང་། སྨོད་ཚིག་གི་མཆུ་ནི་གཡོ་ཞིང་ཁྲོ་བའི་ཚུལ་གྱིས་ལྟ་བ་བྱེད་པ་ནི་ཐོབ་བྱེད་ཀྱི་རྒྱུ་ཡིན་ནོ། །དཔེར་ན། དབང་ཕྱུག་གོ་ཆས་དཀའ་སྤྱད་ཀྱིས། །གཞོན་ནུ་གདོང་དྲུག་ལེགས་བསྒྲུབ་པས། །ལེགས་སྦྱར་གནས་ལ་ལྟ་བའི་བློ། །དཀའ་བ་མེད་པར་ལྷུན་གྱིས་གྲུབ། །ཅེས་པ་ལྟ་བུ། གཉིས་པ་ཤེས་བྱེད་ཀྱི་རྒྱུ་ལ་གཉིས་ལས། དང་པོ་ཕྱི་ཤེས་བྱེད་ཀྱི་རྒྱུ་ནི། ཉི་མ་ནུབ་པར་གྱུར་ཅིང་། ཟླ་བ་ཡང་གསལ་ཞིང་མཛེས་ལ། འདབ་ཆགས་རྣམས་ནི་སོ་སོའི་གནས་སུ་ཉལ་བར་སོང་ངོ་། །ཞེས་པ་འདི་ལྟ་བུ་བརྗོད་པ་གང་ཤེས་བྱེད་ཀྱི་རྒྱུ་དང་། ཤེས་བྱ་མཚན་མོའི་དུས་ཀྱི་གནས་སྐབས་གོ་བར་བྱེད་པ་ལེགས་པར་བསྟན་པ་ཉིད་དོ། །དཔེར་ན། ལྗོན་ཤིང་ལོ་འདབ་གསེར་གྱི་མདངས་འཛིན་(༨༠ན)

― GLG020_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་། །གང་བུའི་ཚོགས་རྣམས་རབ་སྨིན་ཁུར་གྱིས་ལྕི། །ཆུ་ལྷའི་བུ་ཡི་དཀྱིལ་འཁོར་མངོན་པར་གསལ། །ཉལ་འགྲོའི་རྒྱུན་རྣམས་ནད་སེལ་བདུད་རྩིར་གྱུར། །ཅེས་པ་ལྟ་བུ། གཉིས་པ་ནང་ཤེས་བྱེད་ཀྱི་རྒྱུ་ནི་ཟླ་བའི་འོད་ཀྱིས་ཀྱང་མི་བཟློག་ཅིང་། ཙནྡན་གྱི་ཆུ་ཡིས་ཀྱང་བཟོད་པར་མི་ནུས་པའི་གྲོགས་མོ་ཁྱོད་ཀྱི་ལུས་ཀྱི་དྲོད་ཀྱི་གདུང་བ་འཛིན་པ་འདི་ཉིད་ནང་ཤེས་བྱེད་ཀྱི་རྒྱུ་དང་། ཤེས་བྱ་ནི་གྲོགས་སྙིང་དུ་སྡུག་པ་ལ་ཡིད་འདོད་པས་གཟིར་བ་གོ་བའོ། །ཞེས་པའི་སྦྱོར་བ་རྣམས་ལ་ཡིད་དུ་འོང་བ་ཤེས་པར་བྱེད་པའི་རྒྱུ་དག་མཚོན་ནོ། །དཔེར་ན། ཤེས་བྱའི་གཞུང་གི་དཀའ་བའི་གནས་རྣམས་དག །མཐོང་ཚེ་འཛུམ་དང་བཅས་ཏེ་ལྷུག་པར་སྨྲ། །ཡོན་ཏན་དྲེགས་པས་འགྱིང་བ་མང་ཚོགས་ཚེ། །འཇིགས་པ་མེད་པར་ཆོས་ཀྱི་འཁྲི་ལ་འགྱིང་། །ཞེས་པ་ལྟ་བུ། གཉིས་པ་དངོས་མེད་ཀྱི་རྒྱུ་ལ་དམ་བཅའ། དཔེར་བརྗོད་གཉིས། དང་པོ་ནི། དངོས་མེད་ཀྱི་རྒྱུས་མཁས་པ་ཡིད་འཕྲོག་པས། འགའ་ཞིག་རབ་ཏུ་བསྟེན་པར་བྱའོ། །གཉིས་པ་ལ་རྒྱུ་མེད་པའི་འབྲས་བུ་ལྡོག་པར་བྱེད་པ་རྒྱུ་མེད་པས་འབྲས་བུ་མེད་པ་བསྐྱེད་པ། དོན་བསྡུ་བ་དང་གསུམ། དང་པོ་ལ་བཞི་ལས། སྔ་ན་མེད་པའི་བྱེད་རྒྱུ་ནི། རིག་པའི་གནས་རྣམས་ནི་མ་བསླབས་པས་གོམས་པ་མེད་པ་དང་། བློ་ལྡན་རྣམས་དང་མ་འགྲོགས་པས་དེ་དག་ལས་ལེགས་བཤད་ཐོས་པ་མེད་པ་དང་། དབང་པོ་རྣམས་ནི་མི་སྡོམས་པས་བསམ་གཏན་བསྒོམ་པ་མེད་པ་གསུམ་ནི་རྒྱུ་མེད་པ་ཡིན་ལ། འབྲས་བུ་ནི་དེ་འདྲ་བའི་མི་རྣམས་རབ་ཏུ་གདུང་བ་སྐྱེད་པར་འགྱུར་རོ། །དཔེར་ན། ཕྱག་(༨༠བ)

― GLG020_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་བསྒོམ་པའི་གྲལ་དུ་མ་སྡད་ཅིང་། །བླ་ཆེན་མང་པོའི་རྣམ་ཐར་མ་སྐྱངས་ལ། །རྟོག་གེ་ཙམ་ལ་མི་ཚེ་མ་སྒྲིལ་བས། །ཤོང་དཔང་མཁས་པའི་གོ་ས་ཁོ་བོས་ཐོབ། །ཅེས་པ་ལྟ་བུ། གཉིས་པ་ཞིག་ནས་མེད་པའི་བྱེད་རྒྱུ་ནི། འདོད་པའི་གཏམ་ཐོས་པ་ཙམ་གྱིས་ཡིད་མྱོས་པ་སོང་བ་སྟེ་ཞིག་པ་དང་། ལང་ཚོ་རྒྱས་པ་ཡིས་ནི་ཆགས་པ་རིམས་ནད་ལྟ་བུར་འཕེལ་བ་དག་ཉམས་པ་སྟེ་ཞིག་པ་དང་། འདོད་པ་ལ་རྨོངས་པ་ཟད་པ་སྟེ་ཞིག་ཅིང་། སྲེད་པ་འཕོས་པ་སྟེ་ཞིག་པ་ནི་རྒྱུ་ཞིག་པ་ཡིན་ལ། འབྲས་བུ་ནི་ན་ཚོད་རྒས་པས་བསོད་ནམས་ཀྱི་གནས་དགེ་བ་ལ་ཡིད་དགའ་བར་བྱས་སོ། །དཔེར་ན། ཚེ་རབས་གཞན་དུ་སྦྱངས་པའི་ཡོན་ཏན་བརྗེད། །ངོ་ཚ་ཁྲེལ་ཡོད་ཚུལ་ཡང་རྣམ་པར་འགྲིབས། །ཤེས་རབ་མཐའ་དག་མངལ་གྱི་སྒྲིབ་པས་སྦགས། །ཟོག་རྫུན་བླུན་པོའི་རང་འཚང་སྟོན་ལ་འབད། །ཅེས་པ་ལྟ་བུ། གསུམ་པ་ཕན་ཚུན་མེད་པའི་བྱེད་རྒྱུ་ནི་ནགས་ཚལ་འདི་དག་གི་སྐྱོན་ཡོན་ནི་ཁྱིམ་ལ་མེད་ལ། ཁྱིམ་གྱི་སྐྱོན་ཡོན་ཡང་ནགས་ཚལ་ལ་ཡོད་པ་མ་ཡིན་པས་ཕན་ཚུན་གཅིག་ལ་གཅིག་མེད་པ་དེ་རྒྱུ་དང་། བདག་ཉིད་ནི་ནགས་ཚལ་ན་ཡོད་པ་དེའི་ཕྱིར་ནགས་ཚལ་ལ་ཁྱིམ་གྱི་སྐྱོན་དེ་མེད་སྙམ་པའི་ཡིད་དགའ་བ་དེ་འབྲས་བུ་ཡིན་ནོ། །དེ་བཞིན་དུ་ཆུ་ཀླུང་འདི་དག་བུད་མེད་མ་ཡིན་པ་དང་རི་དྭགས་འདི་དག་བུ་ཚ་མ་ཡིན་པས། ཕན་ཚུན་གཅིག་ལ་གཅིག་མེད་ཀྱི་རྒྱུས་འབྲས་བུ་བུད་མེད་དང་བུ་ཚའི་སྐྱོན་མེད་པའི་དགའ་བ་དེའོ། །དཔེར་ན། ཟླ་བ་འདི་ནི་ལུས་ཕྲའི་གདོང་མ་ཡིན། །རི་བོང་མཚན་མ་སྒེག་མོའི་འདྲེན་(༨༡ན)

― GLG020_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་མིན། །བསིལ་བའི་ཟེར་འདི་རྔུལ་གྱི་ཐིགས་པ་མིན། །དེ་ཕྱིར་བྲམ་ཟེ་དག་ནི་ཡིད་རབ་དགའ། །ཞེས་པ་ལྟ་བུ། བཞི་པ་སྤངས་ནས་མེད་པའི་བྱེད་རྒྱུ་ནི་འཕགས་པ་རྣམས་ལ་ཤིན་ཏུ་མ་བརྟགས་པའི་སྤྱོད་པ་ནི་ཡོད་པ་མ་ཡིན་པ་དེའི་ཕྱིར་ཏེ། དེ་དག་རྣམས་ཀྱི་སྐྱོན་ནི་སྤངས་ནས་མེད་པས་རྒྱུ་དང་འབྲས་བུ་ཕུན་སུམ་ཚོགས་པ་ཐམས་ཅད་རྟག་ཏུ་འཕེལ་བའོ། །དཔེར་ན། བག་མེད་སྤྱོད་པའི་རྣམ་ཐར་དང་། །རྨོངས་པའི་ངང་ཚུལ་རིང་སྤངས་པས། །དབྱངས་ཅན་མ་དེས་རྗེས་བཟུང་ནས། །འཆད་རྩོད་རྩོམ་པའི་སྤོབས་པ་ཐོབ། །ཅེས་པ་ལྟ་བུ། གཉིས་པ་རྒྱུ་མེད་པ་ལས་འབྲས་བུ་མེད་པ་བསྐྱེད་པའི་བྱེད་རྒྱུ་ནི། སྐྱེད་མོས་ཚལ་གྱི་ས་ཧ་ཀ་ར་རྣམས་སྙེམ་མ་འཁྲུངས་མིན་ན་ཞེས། སྙེ་མ་འཁྲུངས་ཡོད་པ་ལ་དངོས་མེད་ཀྱི་དགག་ཚིག་ཉིས་བརྩེགས་སུ་བྱས་ནས། དགག་པ་དངོས་པོ་མེད་པ་དེ་རྒྱུ་དང་། འབྲས་བུ་མགྲོན་པོ་རྣམས་ཐག་རིང་པོར་སོང་བའི་བུད་མེད་སྙེ་དེ་མཐོང་བ་ལ་བརྟེན་ནས་ཤི་མ་ཟིན་པས་མ་འོངས་པ་དངོས་མེད་དེ་བསྐྱེད་པས། འཇིག་རྟེན་པའི་ལུགས་ལྟར་ཏིལ་དང་བཅས་པའི་ཁྱོར་ཆུ་སྦྱིན་བྱར་འགྱུར་རོ། །སྙིང་པོར་དྲིལ་ན་ལྷས་བྱིན་དེ་སངས་རྒྱས་ལ་མི་དད་པའི་ལོག་ལྟ་མེད་ན་འཕགས་ལམ་འཐོབ་བོ། །ཞེས་པ་སྟེ། དཔེར་ན། དེ་ཝ་དཏྟ་རྒྱལ་ལ་མི་དད་པའི། ལོག་ལྟ་མེད་ན་ཟས་གཙང་སྲས་པོ་ཡིས། །ལེགས་གསུངས་ཆོས་སྤྱོད་ལམ་གྱི་བདེན་པ་དག །རྒྱུད་ལ་མངོན་གྱུར་འཕགས་པའི་ས་ཡང་འཐོབ། །ཅེས་པ་ལྟ་བུ། གསུམ་པ་དོན་བསྡུ་བ་ནི། (༨༡བ)

― GLG020_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

དཔེར་ན་རིག་པ་ཞེས་པ་ལྟ་བུ་ནི་དངོས་པོ་ཡིན་ལ། མ་གོམས་ཞེས་པ་ལྟ་བུ་དངོས་མེད་ཀྱི་དོན་ཡིན་ཅིང་། རྒྱུ་མེད་པ་དེས་འབྲས་བུ་ཡོད་པ་བསྐྱེད་པའི་རང་བཞིན་དག་ལ་འདིར་སྔར་མེད་པ་ལ་སོགས་པའི་རང་བཞིན་གྱི་དངོས་པོར་གྱུར་པ་ཡི་ནི་རྒྱུ་ཉིད་དོ། །གསུམ་པ་མཚར་བའི་རྒྱུ་ལ་རྣམ་གྲངས་མདོར་བསྟན་པ། དཔེར་བརྗོད་རྒྱས་པར་བཤད་པ་གཉིས། དང་པོ་ནི། མཚར་བའི་རྒྱུ་རྣམས་ལ་རྒྱུ་རིང་པོས་རིང་བའི་འབྲས་བུ་བསྐྱེད་པ་དང་། རྒྱུ་འབྲས་ལྷན་ཅིག་ཏུ་སྐྱེས་པ་དང་། དེ་བཞིན་དུ་འབྲས་བུའི་རྗེས་དེ་མ་ཐག་ཏུ་རྒྱུ་སྐྱེས་པ་དང་། རྒྱུར་རིགས་པ་མིན་པས། འབྲས་བུ་བསྐྱེད་པ། རྒྱུར་རིགས་པས་འབྲས་བུ་བསྐྱེད་པར་བྱེད་ཅེས་པ་སོགས་གྲངས་མེད་དོ། །གཉིས་པ་ལ་བསྔགས་པ་བརྗོད་པ་དང་། དངོས་གཉིས་དང་པོ་ནི། སྙན་ངག་སྦྱོར་བའི་ལམ་རྣམས་ལ་བརྟེན་ནས་འདི་རྣམས་ལ་རྒྱུར་བཏགས་པའི་འཇུག་པ་ལ་བརྟེན་པ་ཤིན་ཏུ་མཛེས་པ་དག་མཐོང་སྟེ། དེའི་དཔེར་བརྗོད་ཇི་ལྟར་ན། དཔེར་བྱའོ། །གཉིས་པ་ལ་ལྔ་ལས། དང་པོ་རིང་འབྲས་ཀྱི་རྒྱུ་ནི། ལུས་ཅན་མ་ཁྱོད་ཀྱི་མིག་གི་ཟུར་ཞེས་པ་ཀུན་ལས་རྒྱལ་བར་བྱེད་པ་ལུས་མེད་དག་གི་མཚོན་ཆ་ཡིན་ལ། དེ་ལྟ་བུའི་རྒྱུ་ཟུར་མིག་གང་དེ་གཞན་ལྷས་བྱིན་ལ་རབ་ཏུ་འཕངས་པས། དེ་འབྲས་བུ་ཆགས་པས་མྱོས་པར་མ་ཟད། དེ་ཡིས་ཆེད་དུ་མ་གཉེར་བའི་རིང་པོར་གནས་པའི་མཆོད་སྦྱིན་བདག་གི་ཡིད་ཀྱང་བཅོམ་མོ། །དཔེར་ན། འཇམ་དབྱངས་ས་ལོ་ཀུན་དགའ་རྒྱལ་མཚན་གྱིས། །དགས་རྒྱུད་གྲུབ་མཐའ་དམིགས་ཕུག་བཀག་པ་ཡིས། །ཆེད་དུ་གཉེར་མིན་ཞི་བྱེད་(༨༢ན)

― GLG020_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

ཤངས་པ་དང་། །གཅོད་ཡུལ་པ་སོགས་རྒན་པོའི་ངག་སྒྲོས་ཞིག ཅེས་པ་ལྟ་བུ། གཉིས་པ་རྒྱུ་འབྲས་ལྷན་ཅིག་པ་ནི། སྐྱེས་བུ་འགའ་ཞིག་ལུས་སྐྱེས་ཏེ་འདོད་པས་དྲག་ཏུ་མྱོས་པ་རྒྱུ་འབྲས་བུ་གདོང་དམར་ཞིང་རྒོད་པ་དང་། མིག་འབྲུ་ཚུགས་སུ་ལྟ་བ་སོགས་རྣམ་འཕྲུལ་སྣ་ཚོགས་པ་དང་། བུ་མོ་ཡོངས་སུ་ནུབ་པ་སྟེ་ལང་ཚོ་མ་སྨིན་པ་ལས་ཡོལ་བ་རྒྱུ་དང་། བུད་མེད་ན་ཚོད་དར་བའི་འདོད་པ་བསྟེན་རན་པ་སྐྱེས་པ་དེ་རྣམས་འབྲས་བུ་ལྷན་ཅིག་ཉིད་དུ་འབྱུང་ངོ་། དཔེར་ན། རྡུལ་བྲལ་སྟོན་གྱི་ནམ་མཁའ་ལ། །ཉི་མའི་དཀྱིལ་འཁོར་ཤར་བ་དང་། །ལྷན་ཅིག་པདྨ་དཀར་པོ་ཡི། །འདབ་མའི་ཚོགས་རྣམས་རྒྱས་པར་བྱས། །ཞེས་པ་ལྟ་བུ། གསུམ་པ་འབྲས་བུ་སྔ་བའི་རྒྱུ་ནི། རི་དྭགས་མིག་ཅན་གྱི་ཆགས་པ་རྒྱ་མཚོ་ཆེན་པོའི་གཟུགས་སུ་བཀོད་པ་རྒྱས་པར་གྱུར་པའི་འབྲས་བུ་སྔར་ཉིད་ནས་གྲུབ་ཟིན་པའི་རྗེས་སུ། སྒྲོ་བཏགས་ཀྱི་རྒྱུ་བདུད་རྩིའི་འོད་ཟེར་རབ་ཏུ་འཕྲོས་པའི་ཟླ་བ་ཡི་ནི་དཀྱིལ་འཁོར་ཕྱིས་ནས་ཤར་བས་སོ། །དཔེར་ན། ལང་ཚོ་དར་བབས་འདོད་ལྡན་གཞོན་ནུ་དག་སྨིན་ལེགས་ལུས་ཕྲར་དགྱེས་དགུར་རབ་སྤྱད་ནས། །སླད་ནས་མཛེས་ཤིང་སྡུག་པའི་རྣམ་འགྱུར་ལ། །མི་ཟད་ཆགས་མྱོས་དྲག་པོ་ཅི་ཡང་འཕེལ། །ཞེས་པ་ལྟ་བུ། བཞི་པ་རིགས་མིན་གྱི་རྒྱུ་ནི། ལྷ་གཅིག་ཁྱོད་ཀྱི་ཞབས་གཉིས་པོ་དམར་བའི་ཉི་མ་གཞོན་ནུ་ལ་རེག་པ་རྒྱུ་དང་། འབྲས་བུ་མི་རིགས་པ་རྒྱལ་པོ་རྣམས་ཀྱི་ལག་པའི་པདྨ་ཟུམ་པར་བྱེད་པ་ཅི། དཔེར་ན། ཕྱི་རོལ་གཟུགས་སྣང་(༨༢བ)
མཐའ་དག་ཀུན། །གསལ་བར་མཐོང་བྱེད་རྟ་བདུན་པ། །ཤར་བས་འབྱུང་པོ་བྱ་ཡི་ཚོགས། །མཐོང་བའི་གོ་སྐབས་བྲལ་འདི་མཚར། །ཞེས་པ་ལྟ་བུ། ལྔ་པ་རིགས་པའི་རྒྱུ་ནི། རྒྱལ་པོ་ཁྱོད་ཀྱི་ཞབས་སེན་ཟླ་བ་ཡི་འོད་ཟེར་ཀུནྡ་དྲི་མ་མེད་པ་རྣམས་རྒྱུ་དང་། འབྲས་བུ་རིགས་པ་ས་སྐྱོང་རྣམས་ཀྱི་ལག་པ་ཡི་པདྨ་ཟུམ་པར་བྱེད་པ་ལ་དབང་པོ། དཔེར་ན། ངག་གི་རང་བཞིན་མཐའ་དག་གྲུབ་པའི་དཔྱིད། །ཟད་མེད་ཀུན་ལ་འཇོ་བའི་ལེགས་བཤད་གཏེར། །ཚངས་སྲས་ལྷ་མོ་ཡུན་དུ་ཉེར་བསྟེན་པས། །སྙན་ངག་གཞུང་བརྒྱ་སྨྲ་བའི་དགའ་སྟོན་ཐོབ། །ཅེས་པ་ལྟ་བུ། དཔེར་བརྗོད་ཕྱི་མ་གཉིས་རྩ་བ་དང་བསྟུན་ནས་གཟུགས་རྒྱན་འདྲེས་ཀྱང་སྐྱོན་མེད་པས། འགྲེལ་པ་ཕལ་ཆེར་ལ་དེ་ལྟར་སྣང་མོད། ཁོ་བོས་གཟུགས་ཅན་དང་མ་འདྲེས་པའི་ངོས། གཞུང་གི་དགོངས་པར་འགྲོ་བའི་དཔེར་བརྗོད་བགྱིས་པ་ནི། མངོན་ཤེས་དང་གྲུབ་རྟགས་སོགས་མི་འདུག་ཀྱང་། ཤེས་བྱ་འདི་ཚོ་བསླབས་ནས་ཤེས་པའི་ལག་རྟགས་ཡིན་ནོ། །གསུམ་པ་དོན་བསྡུ་བ་ནི། ཞེས་པ་རྒྱུ་ཡི་རྣམ་པར་རྟོག་པ་རྣམས་ཀྱི་ལུགས་ནི་རྣམ་པ་གསུམ་འདི་འདྲ་བ་དག་ཏུ་བསྟན་ནོ། །

ཕྲ་མོའི་རྒྱན་བཤད་པ།

― GLG020_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲ་མོའི་རྒྱན་བཤད་པ།བཅུ་བཞི་པ་ཕྲ་མོའི་རྒྱན་ལ། མཚམས་སྦྱར། མཚན་ཉིད། དཔེར་བརྗོད་དང་གསུམ། དང་པོ་ནི། ཕྲ་མོ་ནི་རྒྱན་གྱི་མཆོག་གོ །གཉིས་པ་ནི། བློ་མངོན་དུ་བཏང་བའི་སྒོ་ནས། དོན་བརྡའ་ཐབས་ཟུར་གྱིས་ཐོན་པ་དང་། བློ་མངོན་དུ་མ་བཏང་བར་ལུས་ངག་གི་རྣམ་འགྱུར་གྱིས་ནང་མཚོན་པའི་དོན་ཕྲ་ཞིང་རྟོགས་དཀའ་བའི་ཕྱིར། ཕྲ་མོ་ཞེས་པར་(༨༣ན)

― GLG020_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་དོ། །གསུམ་པ་ལ་གཉིས་ལས། །དང་པོ་ཟུར་གྱི་ཕྲ་མོ་ལ། དཔེ་དོན་གཉིས། དང་པོ་ནི། སྐྱེས་བུ་ཞིག་བུད་མེད་ཅིག་ལ་སེམས་ཆགས་ནས། ནམ་ཞིག་འུ་ཅག་གཉིས་འགྲོགས་པར་འགྱུར་རོ་ཞེས་མི་མང་པོའི་ཚོགས་སུ་བརྗོད་པར་མི་བཟོད་པས། མཛའ་བོའི་ཆགས་པ་དེ་བུད་མེད་ཀྱིས་རིག་ནས་རྩེ་དགའ་རོལ་བའི་ཆེད་དུ། རྒྱན་གྱིས་པདྨོའི་ཁ་མཛུབ་མོས་ཟུམ་པར་བྱས་ནས་མཚན་མོ་འགྲོགས་པར་ཟུར་གྱིས་བརྡ་བསྟེན་ནོ། །དཔེར་ན། དབང་ཕྱོགས་འཛིན་མའི་རྩེ་མོ་ནས། །ཆུ་ཤེལ་དབང་པོའི་དཀྱིལ་འཁོར་དག །ཤར་ཚེ་རིག་བྱེད་སྨྲ་བ་འགའ། །ལག་པའི་སོར་མོ་སྙིང་ཁར་སྦྱོར། །ཞེས་པ་ལྟ་བུ། གཉིས་པ་ནི། ལུས་སྐྱེས་ཏེ་འདོད་པ་དག་གིས་གཟིར་བ་ཡི་མཛའ་བོའི་དབུགས་དབྱུང་བར་འདོད་པ་ཡིས་ན། ཉིན་མོའི་སྣང་བ་མེད་པའི་བརྡར་པདྨ་ཁ་ཟུམ་པར་བྱས་པ་ལས། འདིར་ནི་མཚན་མོ་འགྲོགས་པར་བསྟན་ནོ། །གཉིས་པ་རྣམ་པའི་ཕྲ་མོ་ལ་དཔེ་དོན་གཉིས། དང་པོ་ནི་གླུ་གར་བྱེད་པའི་ཚོགས་ཀྱི་མདུན་སར་སྐྱེས་བུ་ཞིག་གི་མིག་བུད་མེད་ཁྱོད་ཀྱི་གདོང་ལ་གཏད་པ་སྟེ། མི་གཡེང་བར་བལྟས་པས་ཆེད་དུ་མ་གཉེར་ཀྱང་རང་ཤུགས་ཀྱིས་ལྟ་བ་པོ་དེའི་གདོང་པ་ཆུ་སྐྱེས་འདྲ་བ་མདོག་དམར་ཞིང་། རྔུལ་གྱི་ཐིགས་པ་གསལ་བ་དང་། སྤུ་ལོང་རྒྱས་པའི་མཛེས་པ་ཅི་ཡང་འབྱུང་བར་གྱུར་བའི་རྣམ་པའི་ཕྲ་མོས་བུད་མེད་དེ་ལ་ཆགས་པ་དེ་སྟོན་ནོ། །དཔེར་ན། མི་བསྲུན་གླགས་བལྟའི་མུ་སྟེགས་ཀྱིས། །ཡུན་དུ་གཤེ་ཡང་ཉི་མའི་གཉེན། །ཐགས་བཟང་ཚེམས་དཀར་བཞི་བཅུ་དག །(༨༣བ)
ལུས་ཅན་མིག་གི་ཉེར་འཚོར་གསལ། །ཞེས་པ་ལྟ་བུ། གཉིས་པ་ནི། འདིར་ཡང་རང་བཞིན་གྱི་སྒྲས་མ་བརྗོད་པར་འཁྲིག་པ་ལ་དགའ་བའི་དགའ་སྟོན་འདོད་པ་དག །དམར་བ་སོགས་རྣམ་འགྱུར་ལས་བུད་མེད་ཀྱིས་ངེས་པར་རྟོགས་ཏེ་ལྷན་ཅིག་ཏུ་གནས་པ་ཉིད་དུ་གྱུར་པ་ནི་ཕྲ་མོ་ཉིད་ལས་བརྒལ་བ་མ་ཡིན་ནོ། །བསྡུས་བརྗོད་ནི་དཔེ་ཅན་ལ་བསམ་ནས་དེ་ལ་སྦྱར་དུ་རུང་བའི་དཔེ་ཁོ་ན་བརྗོད་པའི་སྒོ་ནས་དོན་དེ་བསྡུ་བ་ཡིན་ལ། འདིར་ནི་ཚིག་མེད་པར་བརྡའ་ཐབས་སམ་ལུས་ཀྱི་མདངས་ཙམ་གྱིས་དོན་གོ་ནུས་པ་ཞིག་དགོས་པས་མི་འདྲའོ། །

ཆའི་རྒྱན་བཤད་པ།

― GLG020_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

ཆའི་རྒྱན་བཤད་པ།བཅོ་ལྔ་པ་ཆའི་རྒྱན་ལ། མཚམས་སྦྱར་བ། མཚན་ཉིད་དང་བཅས་ཏེ་དམ་བཅའ་བ། དཔེར་བརྗོད་དང་གསུམ། དང་པོ་ནི། ཆ་ནི་རྒྱན་གྱི་མཆོག་གོ །གཉིས་པ་ནི་ཆ་ནི་ཆ་ཡིས་དངོས་པོའི་རང་བཞིན་ངེས་པར་གསལ་བ་སྦ་དགོས་པ་ལྟ་བུ་བསྒྲིབ་བྱ་དང་། དེ་དངོས་པོ་གཞན་དུ་ཁ་བསྒྱུར་བའི་ཟོལ་གྱིས་བསྒྲིབ་པར་བྱེད་པའི་ཆ་ནས། དེའི་དཔེར་བརྗོད་གཉིས་ཀྱི་སྒོ་ནས་འདི་ཡི་ནི་རང་བཞིན་ངེས་པར་གསལ་བར་བྱའོ། །གསུམ་པ་ལ། དངོས་པོ་གསལ་བ་ཟོལ་གྱིས་སྦེད་པའི་ཆ་དང་། ཟོལ་གྱིས་སྨོད་ཅིང་བསྟོད་པའི་ཆ་གཉིས། དང་པོ་ལ་གཉིས་ལས། དང་པོ་འོས་པའི་ཆ་རྒྱན་ནི། རྒྱལ་པོའི་བུ་མོ་སྐྱེད་མོས་ཚལ་དུ་འགྲོ་བ་ལ་སྐྱེ་བོ་འགའ་ཞིག་ཆགས་པས་མྱོས་ཏེ། བདག་ཉིད་ཀྱི་ལུས་སྤུ་རྒྱས་པ་དེ། ཆགས་པ་ལ་སྤུ་ལོང་རྒྱས་པ་འོས་པ་དང་། དེ་བུ་མོ་སྲུང་བ་པོ་རྣམས་ཀྱིས་རིག་པར་གྱུར་པ་ལས་རང་ཉིད་བཅོམ་དོགས་པས་བསྒྲིབ་བྱ་ཡིན་ལ་སྒྲིབ་བྱེད་ཀྱེ་མ་དགའ་ཚལ་འདི་(༨༤ན)

― GLG020_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

བསིལ་བའི་རླུང་དང་ལྡན་པ་ཡིན་པར་ཤེས་ཏེ། ཞེས་རླུང་ལ་བརྟེན་ནས་སྤུ་ལོང་རྒྱས་པར་ཟོལ་གྱིས་སྨྲས་པས། སྤུ་ལོང་རྒྱས་པ་དེ་བསྒྲིབ་བྱ་དང་སྒྲིབ་བྱེད་གཉིས་ཀ་ལ་འོས་སོ། །དཔེར་ན། སྙན་ངག་གཞུང་བརྒྱ་སྨྲ་བའི་ཆེད། །དབྱངས་ཅན་བསྡོམ་པའི་ཏིང་འཛིན་ལ། །གནས་ཚེ་མྱུར་དུ་སངས་རྒྱས་དག །ཐོབ་ཕྱིར་ཀ་དག་ངང་ལ་ཡུར། །ཞེས་པ་ལྟ་བུ། གཉིས་པ་མི་འོས་པའི་ཆའི་རྒྱན་ལ་དངོས་དང་གཉིས་ཀའི་དོན་བསྡུ་བ་གཉིས། དང་པོ་ནི། ཅི་ལྟར་བུ་མོ་མཛེས་མ་མཐོང་བ་ཉིད་ན། སྐྱེས་བུ་བདག་གི་སེམས་ལ། ཆགས་པས་མཆི་མ་བྱུང་བ་ནི་བསྒྲིབ་བྱ་དང་། དགའ་བ་ལ་མཆི་མ་བྱུང་བ་མི་འོས་པ་ཡིན་ལ། སྒྲིབ་བྱེད་ནི་རླུང་གིས་གཙུབས་ཤིང་བསྐྱོད་པའི་མེ་ཏོག་གི་རྡུལ་གྱིས་བདག་གི་མིག་ཏུ་ཆད་པས་སུན་ཕྱུང་ངོ་། །དཔེར་ན། ཟླ་བ་མཐོང་བས་སྙིང་གྲོགས་དྲན་པའི་ལུས། །ཆགས་པའི་དབང་གིས་དྲོད་ནི་འཕེལ་པ་ལ། །མཆོད་པའི་རྟེན་ལ་ཕྱག་དང་བསྐོར་བ་སོགས། །ངལ་བརྒྱས་འབད་པས་ལུས་ནི་རྡུལ་བ་ཡིན། །ཞེས་པ་ལྟ་བུ། གཉིས་པ་ནི། ཞེས་པའི་རྒྱན་འདི་སྒྲིབ་པ་ལ་སོགས་པའི་སྐབས་སུ་ནི་ཤིན་ཏུ་མཛེས་པ་ཡིན་ནོ། །གཉིས་པ་ལ་མཚན་ཉིད། དཔེར་བརྗོད་གཉིས། དང་པོ་ནི། སྙན་ངག་མཁན་ཁ་ཅིག་ཆ་ལ་སྟེ་ཟོལ་ཚིག་གིས་བསྟོད་པ་ལྟར་བྱས་ནས་སྨད་པའམ་སྨད་པ་ལྟར་བྱས་ནས་བསྟོད་པར་བྱས་པ་ལ་ཆ་ཞེས་བརྗོད་དོ། །གཉིས་པ་ལ་གཉིས་ལས་དང་པོ་སྨད་པའི་ཆ་ལ། དཔེ་དོན་གཉིས། དང་པོ་ནི། ལྷ་ཅིག་མ་རུངས་པའི་སྐྱོན་བརྗོད་འདོད་པ་བསྒྲིབ་བྱ་སྒྲིབ་བྱེད་རྒྱལ་པོ་གང་(༨༤བ)

― GLG020_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

འདིའི་ཡིད་གཡུལ་གྱི་དགའ་སྟོན་ལ་ཆགས་ལྡན་འདོད་པའི་དགའ་སྟོན་བས་ཀྱང་ཆགས་ཤིང་གཟི་བརྗིད་དང་ལྡན་པ་ལང་ཚོ་རྒྱས་པའི་ཡོན་ཏན་ཅན་འདི་མཛེས་པར་ཁྱོད་ཀྱི་བདག་པོར་འོས་སོ། །དཔེར་ན། ཟང་ཟིང་ནོར་དང་སྟོབས་རྣམས་ཐབས་ཀྱིས་བསྡུ། །འཁོར་རྣམས་ལྟོ་གོས་ཀྱིས་ཚིམ་ལུས་སེམས་དག །ངལ་མེད་སྟེར་བས་བླ་མ་ཆེན་པོ་འདི། ཁྱེད་ཀྱིས་འདི་ཕྱིར་སྐྱབས་སུ་བསྟེན་པར་རིགས། །ཞེས་པ་ལྟ་བུ། གཉིས་པ་ནི། ཕ་རོལ་འཇོམས་པ་སོགས་བརྩོན་འགྲུས་ཁྱད་པར་འཕགས་པ་ལྟར་རང་བསྟོད་པའི་སྒྲིབ་བྱེད་ཀྱིས། སྐབས་འདིར། དོན་གཡུལ་འཁྲུག་ལ་དགའ་བ་སོགས་སྨད་པ་ཉིད་ཀྱི་སྒོ་ནས་སྒྲིབས་པའི་ཤུགས་ལ་འདོད་པའི་ལོངས་སྤྱོད་ལ་རྒྱུན་དུ་སྤྱོད་པར་འདོད་པའི་བུ་མོའི་བསམ་པ་དེ་ལ་དགའ་བ་དག་ན་བཟློག་པར་ནུས་སོ། །གཉིས་པ་བསྟོད་པའི་ཆ་ལ་དཔེ་དོན་གཉིས། དང་པོ་ནི། མཛའ་མོའི་གནོད་པ་རབ་ཏུ་གཞིལ་བ་ཉིད་ཀྱི་ཕྱིར་དུ། བདག་པོ་གང་གིས་ངག་འཇམ་ཞིང་སྙན་པར་སྨྲ་བ་ལ་སླབ་པར་བྱས་ཀྱང་དོན་སྐྱེ་བོ་འདི་ནི་གཡོ་ཅན་བརྩེ་བ་མེད་པ་ཡིན་པས། དེ་ཡིས་གྲོགས་མོ་བདག་གི་གཏན་གྲོགས་ཅི་ལ་བྱ་སྟེ་མི་བྱའོ། །ཞེས་འཕྲལ་ངན་པ་ལྟར་སྨད་པའི་སྒྲིབ་བྱེད་ཀྱིས། དོན་འཇམ་པ་སོགས་བསྟོད་པ་སྒྲིབས་པའི་ཤུགས་ལ་ལེགས་པར་གོ་བའོ། །དཔེར་ན། འཁོར་རྣམས་ཐོས་ཕྱིར་ཉིན་མཚན་ལུས་སེམས་བྲེལ། །ཏིང་འཛིན་བཟླས་བརྗོད་དཀའ་སྤྱད་དྲག་པོར་སྦྱོར། །སྡོམ་གསུམ་འགལ་ལ་ཆད་འབེབས་ཟང་ཟིང་དཀོར། །མི་སྟེར་ཡོངས་འཛིན་ངན་པ་(༨༥ན)
འདི་འདྲས་ཅི། །ཞེས་པ་ལྟ་བུ། གཉིས་པ་ནི། སྐྱེ་བོ་འདི་ལ་འདུད་པར་མ་བྱེད་ཅེས་གྲོགས་མོས་ཁེངས་པ་རབ་ཏུ་བསྟན་ཀྱང་། མཛའ་མོ་ཆགས་པའི་ཕྱིར་ཁེངས་པ་བྱེད་མ་ནུས་པ་ནས། སྐྱོན་བརྗོད་པ་ལྟར་སྣང་ཡང་། ཡོན་ཏན་གང་སྙན་པར་སྨྲ་བ་ཉིད་སོགས་ཀྱང་བསྟན་ནོ། །

རིམ་པ་ཅན་གྱི་རྒྱན་བཤད་པ།

― GLG020_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་པ་ཅན་གྱི་རྒྱན་བཤད་པ།བཅུ་དྲུག་པ་རིམ་པ་ཅན་གྱི་རྒྱན་ལ་མཚན་ཉིད་དང་། དཔེར་བརྗོད་གཉིས། དང་པོ་ནི། དངོས་པོ་འགའ་ཞིག་རབ་ཏུ་བསྟན་པ་རྣམས་ཀྱི་འབྲེལ་པར་འོས་པ་ཕྱིས་རིམ་པ་བཞིན་རྗེས་སུ་སྟོན་པ་ལ་གྲངས་དང་གོ་རིམ་མ་འཁྲུགས་པ་བཞིན་ཞེས་པ་གྲངས་བཞིན་ནམ། རིམ་པ་ཅན་ཞེས་རབ་ཏུ་བརྗོད་དོ། །གཉིས་པ་ནི། ཁྲུས་ཀྱི་ཆེད་དུ་ཆུར་ནི་རབ་ཏུ་ཞུགས་པའི་མཛེས་མ་ཁྱོད་ཀྱི་དཔེ་ཅན་འཛུམ་བག་དང་གཅིག །མིག་དཀྱུས་དང་གཉིས། གདོང་མཛེས་པ་དང་གསུམ་པོ་ནི། དཔེ་ཀུ་མུ་ཏ་དང་གཅིག་ཨུཏྤལ་དང་གཉིས། པདྨ་གསུམ་པོ་ཡིས་འདྲེན་པའི་ཚིག་ནུས་པ་ཅན་བརྐུས་པར་ངེས་སོ་ཞེས་གཟུགས་ཅན་མ་ལ་འབོད་པའོ། །དཔེར་ན། ཆོས་སྐྱོང་བཟང་པོའི་མཁྱེན་པ་དང་། །བརྩེ་ཆེན་མཐུ་སྟོབས་འཇམ་དཔལ་དབྱངས། །འཇིག་རྟེན་དབང་ཕྱུག་གསང་བདག་གི །ཡོན་ཏན་བསྡུས་པར་གོར་མ་ཆག །ཅེས་པ་ལྟ་བུ། བརྐུས་སོ་ཞེས་པ་དཔེ་གསལ་བྱེད་དང་། ངེས་སོ་ཞེས་པ་རབ་རྟོག་གསལ་བྱེད་ཡིན་པས་དེ་གཉིས་གང་རུང་དུ་འཁྲུལ་བར་དོགས་ན་དཔེ་ཅན་གྱི་ཆོས་དུ་མ་མཚུངས་པ་ལ་དཔེ་ལ་རིམ་པས་མ་འཛོལ་བར་སྦྱོར་བ་དེ་དཔེ་དང་། རབ་རྟོག་ཏུ་མ་ཟད་རྒྱན་གཞན་གྱི་མཚན་ཉིད་ཚང་ཡང་(༨༥བ)
མཚོ་ཆེ་ཆུང་གི་དབང་གིས་རིམ་པ་ཅན་དུ་ཤེས་དགོས་སོ། །

དགའ་བའི་རྒྱན་བཤད་པ།

― GLG020_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་བའི་རྒྱན་བཤད་པ།བཅུ་བདུན་པ་དགའ་བའི་རྒྱན་ལ་མཚན་ཉིད། དཔེར་བརྗོད་གཉིས། དང་པོ་ནི། དགའ་བའི་རྒྱན་ནི་མཆོག་ཏུ་སྟེ་ཁྱད་པར་དུ་འཕགས་པའི་ཉམས་དང་ལྡན་པའི་སྒོ་ནས་དེ་ལྟར་བརྗོད་དོ། །གཉིས་པ་ལ་གཉིས་ལས། དངོས་ཐོབ་ཀྱི་དགའ་བ་ལ། དཔེ་དོན་གཉིས་ལས། དང་པོ་ནི། བི་དུ་རས་གོ་བིནྡི་སྟེ་ཁྱབ་འཇུགབསྒྲུབས་པས། ཁྱོད་ཀྱིས་དེ་མཉེས་པར་བྱས་པའི་མཐུས། ཁྱབ་འཇུག་ཁྱིམ་དུ་འོངས་པས། དེས་སྐུ་མཐོང་ཞིང་གསུང་ཐོས་པའི་དེང་དུས་བདག་དགའ་བ་ཁྱད་པར་ཅན་ཁྱབ་འཇུག་ལས་དངོས་སུ་ཐོབ་སྟེ་སྐྱེས་པ་གང་ཡིན་པའི་དགའ་བ་འདི་ནི། སླར་ཡང་ཁྱབ་འཇུག་ཁྱོད་རང་དུས་ཀྱིས་འོངས་ན་འབྱུང་བར་འགྱུར་ལ། ལྷ་གཞན་གྱིས་མ་ཡིན་ནོ། །དཔེར་ན། ཀུན་ལ་རྗེས་བརྩེ་ཤེས་བྱའི་ཚོགས། །ཐམས་ཅད་གཟིགས་པའི་ཉི་མའི་གཉེན། །མགུར་ལས་བྱུང་བའི་དྲུག་ཅུའི་དབྱངས། །ཐོས་པས་སྔོན་མེད་དགའ་བ་སྐྱེད། །ཅེས་པ་ལྟ་བུ། གཉིས་པ་ནི། བི་དུ་རས་དེ་འདྲ་བའི་དགའ་བ་ལྷ་གཞན་ལས་མིན་ཞེས་རིགས་པར་སྨྲས་ཚེ། ཁྱབ་འཇུག་དེ་ལ་གུས་པ་ཙམ་གྱིས་ནི་རབ་ཏུ་བསྟན་བྱའི་ལྷ་འཕྲོག་བྱེད་བི་དུ་ར་ལ་ཤིན་ཏུ་དགེས་སོ། །གཉིས་པ་གཟུགས་བརྙན་གྱི་དགའ་བ་ལ་དཔེ་དོན་གཉིས། དང་པོ་ནི་ཟླ་བ་དང་། ཉི་མ་དང་། རླུང་དང་། ས་དང་། མཁའ། སྦྱིན་སྲེག་བྱེད་པ་དང་། མེ་དང་། ཆུ་ཞེས་པའི་གཟུགས་བརྒྱད་པོ་རྣམས་དབང་ཕྱུག་གི་སྤྲུལ་པ་ཡིན་པས། དེ་རྣམས་ལས་རབ་ཏུ་འདས་ནས་ཏེ། ལྷ་དབང་ཕྱུག་ཁྱོད་དངོས་སུ་(༨༦ན)
ངེད་ཕལ་པ་རྣམས་ཀྱིས་བལྟ་བར་ཅི་སྟེ་མི་ནུས་པས། སྤྲུལ་པའམ་གཟུགས་བརྙན་ཙམ་མཐོང་བ་ལ་དགའ་བ་ཁྱད་པར་ཅན་སྐྱེས་པའོ། །དཔེར་ན། མཆོག་སྲེད་ཀྱིས་བསླུས་གནག་རྫི་ཡིས། །གཙུག་ལག་ཁང་གི་སྒོ་དྲུང་དུ། །རི་མོར་བྲིས་པའི་བ་ལང་ཚོགས། །མཐོང་བས་དགའ་བ་ཅི་ཡང་བསྐྱེད། །ཅེས་པ་ལྟ་བུ། གཉིས་པ་ནི་རཱ་གྷུའི་རིགས་ལས་བྱུང་བའི་རྒྱལ་པོ་དགའ་བའི་གོ་ཆ་ཞེས་བྱ་བས། བཤད་མ་ཐག་པའི་སྤྲུལ་པ་བརྒྱད་པོ་དེ་མངོན་གསུམ་དུ་མཐོང་བར་བྱས་པ་ཡིས་ལྷ་དབང་ཕྱུག་ཁྱོད་ནི་རྟག་ཏུ་མཐོང་ངོ་ཞེས་དགའ་བ་རབ་ཏུ་གསལ་བར་བྱས་པ་གང་དེ་ཡང་ཤིན་ཏུ་དགའ་བའི་རྒྱན་རྗེས་སུ་རྟོགས་པར་བྱའོ། །འདིའི་དོན་འཇམ་ཁ་དང་རིན་སྤུངས་པ་གཉིས་ཀྱི་ལོག་པར་དཀྲལ་འདུག་གོ །

ཉམས་ལྡན་གྱི་རྒྱན་གྱི་སྐོར་བཤད་པ།

― GLG020_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ལྡན་གྱི་རྒྱན་གྱི་སྐོར་བཤད་པ།བཅོ་བརྒྱད་ཉམས་ལྡན་ཀྱི་རྒྱན་ལ་མཚམས་སྦྱར་བ། དཔེར་བརྗོད། དོགས་སློང་གིས་མཇུག་བསྡུ་བ་དང་གསུམ། དང་པོ་ནི། ཉམས་ལྡན་ནི་ཡིད་དུ་འོང་བར་བརྗོད་པའི་ཉམས་དང་ལྡན་པའོ། །གཉིས་པ་ལ་བརྒྱད་ལས། དང་པོ་དགའ་བའི་འགྱུར་བ་སྒེག་པའི་ཉམས་ལ་དཔེ་དོན་གཉིས། དང་པོ་ནི། ཨ་བནྟི་ཞེས་བྱ་བའི་བཙུན་མོ་བློན་པོ་རྣམས་ཀྱིས་ལྐོག་ཏུ་སྦས་ནས་ཤིའོ་ཞེས་བརྗོད་པས། ཨུད་ཡ་ན་ཞེས་པའི་རྒྱལ་པོ་དེ་སྡུག་བསྔལ་ནས། བདག་གིས་ནི་བཙུན་མོ་སྐྱེ་བ་འདི་ཉིད་ལ་ཇི་ལྟར་ཐོབ་པར་མི་འགྱུར་བས། བཙུན་མོ་ཤི་བ་ཞེས་པ་འཇིག་རྟེན་ཕ་རོལ་ཏུ་སོང་བ་ཡིན་པས་ཆགས་པའི་དབང་གིས་གང་དང་འགྲོགས་པར་བྱ་བའི་ཕྱིར་དུ་བདག་འཆི་བར་འདོད་དོ། །(༨༦བ)

― GLG020_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་སྨྲ་བ་ལ། སླར་བཙུན་མོ་འཚོའོ་ཞེས་གཏད་པས་ཤི་ཟིན་པར་ཐག་ཆོད་པ་ལ་སླར་ལོག་རྒྱུ་བྱུང་བས། ནང་དུ་ཡིད་དགའ་བའི་ཉམས་དཔག་ཏུ་མེད་པ་བྱུང་བ་ལས་ཡུལ་སྒེག་པ་སོགས་དངོས་ཤུགས་གང་རུང་ལ་བསྟོད་པའོ། །དཔེར་ན། མི་བཟོད་གྲང་བའི་རེག་པ་སྟེར་བའི་དགུན། །མཐར་བྱེད་དཔྱིད་ཀྱི་དཔལ་མོ་ལས་འོངས་པའི། །ཆར་སྤྲིན་ལང་ལོང་འཁྲིགས་ཤིང་དབྱར་སྐྱེས་སྒྲ། །ཐོས་པས་རྨ་བྱ་དགའ་བའི་གར་གྱིས་བྲེལ། །ཞེས་པ་ལྟ་བུ། གཉིས་པ་ནི། སྔར་དགའ་བའི་དཔེར་བརྗོད་ཉིད་ནི་བསྟན་ཟིན་ཏེ། དགའ་བ་སྒེག་པ་ཉིད་དུ་འགྱུར་བའི་དཔེར་བརྗོད་པ་བཤད་མ་ཐག་པ་འདིའོ། །ཉམས་སུ་འགྱུར་ལུགས་ནི། ནང་བསམ་པའི་འགྱུར་བ་བརྒྱད་ལ་སོགས་པ་གཟུགས་མང་པོ་དག་དང་ལྡན་པ་ལ་བརྟེན་ནས་ཕྱི་རོལ་ཏུ་གར་གྱི་ཉམས་བརྒྱད་གསལ་བ་ཡིན་ལ། དེ་ཡང་དཔེར་ན་རྒྱལ་པོ་ཆེན་པོ་ལོངས་སྤྱོད་ཀྱི་འབྱོར་པ་དེ་རྩོམ་གཞི་སྲོག་ཏུ་བྱས་ནས་དྲེགས་པས་ཕྱི་རོལ་ཏུ་སྒེག་ཅིང་གཡོ་བ་དངོས་ཤུགས་ལ་སྟོན་པ་འདི་ནི་དགའ་བ་སྒེག་པའི་ཉམས་དང་ལྡན་པའི་ཚིག་གོ །དེས་མཚོན། མཁས་པ་ཡོན་ཏན། བུད་མེད་མཚར་སྡུག །སྐྱེས་པ་དཔའ་རྩལ་སོགས་ཀྱང་ངོ་། །གཉིས་པ་དྲག་ཤུལ་གྱི་ཉམས་ལ་དཔེ་དོན་གཉིས། དང་པོ་ནི། བདག་འཇིགས་སྡེའི་མདུན་ནས་ཚུར་རྒྱལ་པོ་བརྟན་དགའ་ཞེས་བྱ་བ་གང་གིས་ཁོ་བོའི་ནག་མོའི་སྐྲ་ནས་གཟུང་སྟེ། དྲུད་ཅིང་དྲངས་བར་གྱུར་པ་ལ། འཇིགས་སྟེ་སྙིང་ན་ནས། ད་སྡིག་ཅན་འདི་བདག་གི་ལག་ཏུ་ཐོབ་པ་ནི་སྐད་ཅིག་ཙམ་ཡང་འཚོ་བར་འགྱུར་རམ་(༨༧ན)

― GLG020_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

ཅི་སྟེ་གསོད་དོ། །ཞེས་ནང་ཁྲོས་པས་ཕྱི་དྲག་ཤུལ་གྱི་ཉམས་བསྟན་ནོ། །དཔེར་ན། ལོག་པར་འཁུ་བའི་ས་སྐྱའི་དཔོན་ཆེན་སོགས། །གཞོམ་ཕྱིར་ཕག་མོ་གྲུ་པའི་སྡེ་སྲིད་ཀྱི། །དཔུང་ཚོགས་གོ་གོན་རྣོ་བའི་མཚོན་ཐོགས་ཏེ། །སོད་རྒྱོབ་སྒྲ་ཡིས་གནམ་ས་རལ་སྙམ་བགྱིས། །ཞེས་པ་ལྟ་བུ། གཉིས་པ་ནི། ཞེས་པ་འཇིགས་སྡེས་དགྲ་བརྟན་དཀའ་དག་ལ་བལྟ་བའི་ནང་གི་སེམས་ཁྲོ་བ་མཆོག་གི་མཐའ་འཛེགས་པས་ཕྱི་དྲག་པོའི་ཉམས་ཀྱི་བདག་ཉིད་དུ་གྱུར་པ་འདི་ནི་དྲག་ཤུལ་གྱི་རོ་དང་ལྡན་པའི་ཚིག་གོ །གསུམ་པ་དཔའ་བའི་ཉམས་ལ་དཔེ་དོན་གཉིས། དང་པོ་ནི། རྒྱ་མཚོར་བཅས་པའི་ས་ལས་མ་རྒྱལ་ཞིང་། རྣམ་པ་མང་པོའི་མཆོད་སྦྱིན་ཡང་མ་བྱས་ལ། སློང་མོ་བ་རྣམས་ལ་ནོར་རྣམས་མ་བྱིན་པར། བདག་ས་སྐྱོང་དུ་ཇི་ལྟ་བུར་གྱུར་ཅེས་དཀའ་བ་མེད་པར་རྒྱལ་པོར་གྱུར་སྙམ་པའི་ནང་གི་ང་རྒྱལ་གྱིས་ཕྱི་རོལ་ཏུ་དཔའ་བའི་ཉམས་བསྟན་པ་སྟེ། དཔེར་ན། བགྲོད་དཀའི་ལམ་དུ་དཀའ་བ་བརྒྱ་ཕྲག་གིས། །འཕགས་ཡུལ་མ་བསྐོར་གྲངས་མེད་པཎྜི་ཏ། །ཉེ་བར་བསྟན་མིན་ཤེས་བྱ་རིག་པའི་གནས། །སྨྲ་བའི་དབང་ཕྱུག་ཆོས་སྐྱོང་བཟང་པོའི་ཞབས། །ཞེས་པ་ལྟ་བུ། གཉིས་པ་ནི། ཞེས་པ་དཀའ་བ་མེད་པར་རྒྱལ་སྲིད་ཐོབ་པའི་སྤྲོ་བ་ཁྱད་འཕགས་ནང་དུ་ཐོབ་པ་བདག །ཕྱི་རོལ་ཏུ་དཔའ་བའི་ཉམས་ཀྱི་བདག་ཉིད་ལ་གནས་པས་ཉམས་ལྡན་ཉིད་དུ་ནི་རྟོགས་པར་ནུས་པ་ལ་ཚིག་འདི་དག་ནི་དབང་བ་ཡིན་ནོ། །བཞི་པ་སྙིང་རྗེའི་ཉམས་ལ་དཔེ་དོན་(༨༧བ)

― GLG020_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས། དང་པོ་ནི། ལང་ཚོ་རྒྱས་པས་ལུས་འཇམ་པ་གང་ལ་པདྨ་ཡི་མལ་སྟན་བྱས་པ་དག་ཀྱང་རེག་བྱ་རྩུབ་པའི་ཉམས་བྱེད་པའི་སྨིན་ལེགས་མ་སྟེ། རང་གི་བདག་པོ་ཤི་བ་ན། ཡུལ་དེར་ཆུང་མའང་གསོན་པོར་མེར་སྲེག་པའི་སྲོལ་ཡོད་པས། འགའ་ཞིག་གིས་ལྷ་མོ་དེ་ནི་ད་རོ་ཁང་དག་ཏུ་བསྲེག་ཟ་དང་ལྡན་པར་ཇི་ལྟར་ཉལ་ལོ་ཞེས་སྡུག་བསྔལ་དྲག་པོ་མྱོང་བའམ་མྱོང་འགྱུར་དེ་ལ་ནང་དུ་མི་བཟོད་པ་སྐྱེས་པས། ཕྱི་རོལ་ཏུ་སྙིང་རྗེ་བའི་ཉམས་བརྗོད་པ་སྟེ། དཔེར་ན། ཅུང་ཟད་བསླབས་ཀྱང་རབ་རྨོངས་ཐོས་དང་བྲལ། །ཟས་ནོར་ཙམ་གྱིས་བླུན་པོའི་འཁོར་ཚོགས་སྡུད། །གཞན་གྱི་འདྲེན་པར་རློམ་དེའི་རྗེས་འཇུག་རྣམས། །ལོག་ལམ་དུ་འཕྱན་རྒྱལ་རྣམས་ཐུགས་རྗེས་གཟིགས། །ཞེས་པ་ལྟ་བུ། གཉིས་པ་ནི། ཞེས་པ་ནང་དུ་སྙིང་རྗེ་རྒྱས་པ་ཡི་རྒྱན་ཉིད་དུ་རབ་ཏུ་བཤད་དོ། །ལྔ་པ་མི་སྡུག་པའི་ཉམས་ལ་ལྷག་མ་རྣམས་འཆད་པ་དམ་བཅའ་བ་དང་། དངོས་གཉིས། དང་པོ་ནི། སྔར་བཤད་པ་དེ་བཞིན་དུ་གཞན་ཡང་། དམ་པ་དང་། བཞད་གད་དང་། རྨད་བྱུང་དང་། འཇིགས་རུང་རྣམས་འཆད་དོ། །གཉིས་པ་ནི། རྒྱུ་མས་ལུས་ལ་བརྒྱན་པའི་སྲིན་པོ་རྣམས་མགོ་མེད་པའི་རོ་དང་ལྷན་ཅིག་ཏུ་སྲིན་པོ་དེ་དག་ལག་པ་གཉིས་སྦྱར་ནས་ཁྱེད་རང་གི་དགྲའི་ཁྲག་རྣམས་འཐུང་ཞིང་འཐུང་ཞིང་གར་བྱེད་དོ། །ཞེས་ནང་སྐྱུག་བྲོ་བས་ཕྱི་མི་སྡུག་པའི་ཉམས་བརྗོད་པའོ། །དཔེར་ན། མི་གཙང་གང་བའི་ལྗན་ལྗིན་ལ། །སྦྲང་བུས་བལྡག་ཅིང་ལུས་

― GLG020_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གོས། །ལས་འབྲས་མི་ཤེས་བྱ་བཏང་འགའ། །འཁྲུལ་ཞིག་ཡིན་ཞེས་བཤང་གཅི་ཟ། །ཞེས་པ་ལྟ་བུ། དྲུག་པ་བཞད་གད་ཀྱི་ཉམས་ནི། དཔེར་ན། འཐབ་མོའི་ཚེ་ཀླད་ཆུང་ཞིག་ལ་བློ་ཤེད་ཅན་ཞེས་གོ་ལྡོག་ནས་འབོད་པ་ལྟར་བུད་མེད་གཅིག་སྐྱེས་པ་དང་། ཉི་མོ་ལྟ་བུ་སྤྱད་པས་དྲོད་ཀྱིས་རྒྱན་གྱི་མེ་ཏོག་རྣམས་རྙིངས་པ་ལ་གྲོགས་མ་མེ་ཏོག་མ་རྙིངས་མ་ཞེས་བོས་ནས། ཁྱོད་ཀྱི་ནུ་མའི་ངོས་ལ་གྲོགས་ཀྱིས་འཇུས་པའི་སེན་རྗེས་གསར་པ་ཆགས་པ་འདི་་སྟོད་གཡོགས་ཀྱི་ནི་སྒྲིབ་པར་མཛོད་ཅིག །ཅེས་ནང་དུ་རྒོད་བྲོ་བས་ཕྱི་རོལ་ཏུ་བཞད་གད་ཀྱི་ཉམས་སོ། །དཔེར་ན། འཁོར་བར་ཡིད་འབྱུང་བྱ་བ་གཏང་བའི་ཚུལ། །དུག་གསུམ་སྐྱོན་ལྟར་སྨྲ་བའི་སྒོམ་ཆེན་ཁྱོད། །མིག་ཟུར་ཉ་མའི་བཞིན་ལ་ནན་ཏན་དུ། །བལྟ་ཚེ་ཁྱིམ་བདག་འགའ་ཞིག་གད་མོ་བྲོ། །ཞེས་པ་ལྟ་བུ། བདུན་པ་རྨད་བྱུང་གི་ཉམས་ནི། སྔོན་མེད་པའི་དགའ་ཚལ་འདིའི་ལྗོན་པ་འདི་རྣམས་འདབ་མ་གསར་པ་གོས་བཟང་པོ་ལྟར་ཀླུབས་པ་དང་། མེ་ཏོག་གི་དོ་ཤལ་མཛེས་པ་ལ་སོགས་པས་བརྒྱན་པ་དང་། ཡལ་འདབ་ཁང་པ་བཟང་པོ་ལྟ་བུར་གྱུར་པ་འདི་ནི་ངོ་མཚར་རོ་ཞེས། གོས། རྒྱན་ཁང་པ་གསུམ་པོ་ལྟར་ངོ་མཚར་བའི་རོ་ནང་དུ་མྱང་བས། ཕྱི་རོལ་ཏུ་རྨད་དུ་བྱུང་བའི་ཉམས་གསལ་བའོ། །དཔེར་ན། གློ་བུར་བདག་ཡིད་མི་ཤེས་རྨོངས་པ་དང་། །བྲལ་བའི་བློ་གྲོས་ཤེས་བྱ་ཐམས་ཅད་ལ། །དབྱངས་ཅན་མགྲིན་པར་ཆགས་པའི་རྣམ་དཔྱོད་འདི། །ཨེ་མ་ངོ་(༨༨བ)
མཚར་ལས་ཀྱང་ངོ་མཚར་རྨད། །ཅེས་པ་ལྟ་བུ། བརྒྱད་པ་འཇིགས་རུང་གི་ཉམས་ནི། རྩེ་མོ་དག་ལ་མེ་གནས་པ་སྟེ་འབར་བའི་བརྒྱ་བྱིན་གྱི་ནི་ལག་གི་རྡོ་རྗེ་གང་ཡིན་པ་འདིས་ནི་ལྷ་མ་ཡིན་རྣམས་ཐལ་བར་བཏང་བའི་གྲགས་པས། རྡོ་རྗེ་དེ་དྲན་པ་ན་ལྷ་མ་ཡིན་གྱི་བུད་མེད་རྣམས་མངལ་ན་བུ་ཡོད་པ་ནི་ལྟུང་བར་བྱེད་དོ། །ཅེས་ནང་དུ་ཡིད་སྐྲག་པའི་རོས་ཕྱི་རོལ་ཏུ་འཇིགས་རུང་གི་ཉམས་སོ། །དཔེར་ན། ས་ལོས་ཕྲོག་བྱེད་རིག་པས་བཅོམ་པ་ཡི། །གྲགས་པ་གངས་ཅན་ལྗོངས་འདིར་འབར་བ་ན། །བཀའ་རྒྱུད་པ་རྣམས་བཟོད་མེད་ཆེར་སྡངས་ཤིང་། །འགའ་ཞིག་རི་སྟོངས་ཉུལ་ཡང་སྙིང་ཁ་སྡིགས། །ཞེས་པ་ལྟ་བུ། གསུམ་པ་ནི། ལེའུ་དང་པོའི་སྙན་པ་ནི། གྲོང་པ་ཉིད་མིན་པའི་ཚིག་སྦྱོར་ལས་སྐྱེས་པའི་བརྗོད་བྱ་ཡི་ནི་ཉམས་དག་བསྟན་ལ། འདིར་ནི་སྒེག་པ་སོགས་ཀྱི་ཉམས་བརྒྱད་ལ་དབང་བར་བྱས་ཏེ། ཚིག་རྣམས་ཀྱང་ཉམས་དང་ལྡན་པར་བཤད་དོ། །

གཟི་བརྗིད་ཀྱི་རྒྱན་བཤད་པ།

― GLG020_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

གཟི་བརྗིད་ཀྱི་རྒྱན་བཤད་པ།བཅུ་དགུ་པ་གཟི་བརྗིད་ཀྱི་རྒྱན་ལ། མཚན་ཉིད། དཔེར་བརྗོད། དོན་བསྡུ་བ་དང་གསུམ། དང་པོ་ནི། ང་རྒྱལ་སྐྱེས་པས་གཟི་བརྗིད་ཀྱི་ཚིག །བརྗོད་པ་སྟེ། བཤད་ཟིན་གཉིས་པོ་དེ་དང་གསུམ་པོ་འདི་གར་ཉམས་ལ་ཁྱད་པར་དུ་འཕགས་པ་དང་ལྡན་ནོ། །གཉིས་པ་ནི་འགའ་ཞིག་དཔའ་བའི་དྲེགས་པས་བདག་ནི་གནོད་པ་བྱེད་པ་པོ་ཡིན་ནོ་ཞེས། ཁྱེད་རྣམས་ཀྱི་སྙིང་ལ་འཇིགས་པར་མ་བྱེད་ཅིག །བདག་གི་རལ་གྲི་ལ་ཕྱིར་ཕྱོགས་(༨༩ན)
པ་སྟེ་བྲོས་འགྲོ་བ་རྣམས་ནམ་ཡང་གསོད་ཅིང་གཞོམ་པར་འདོད་པ་མ་ཡིན་ནོ། །ཞེས་ང་རྒྱལ་བས་གཞན་དག་ཉམས་ཆུང་ཆུང་ལྟར་སྟོན་པ་སྟེ། དཔེར་ན། ཁོ་བོའི་མདུན་སར་བླུན་རྨོངས་ཁྱོད་ཅག་རྣམས། །རྒོལ་བའི་ཚུལ་གྱིས་ལྷགས་པ་ཤིན་ཏུ་ལེགས། །མཁས་ལ་དོགས་གནས་བྲལ་བའི་གཏམ་འགའ་ཡིས། །ཉིན་མཚན་མེད་པར་འཕྱང་མོ་ཉུག་ཏུ་འཇུག །ཅེས་པ་ལྟ་བུ། གསུམ་པ་ནི། ཅེས་པ་སྐྱེས་བུ་དྲེགས་ལྡན་འགའ་ཞིག་གིས་གཡུལ་དུ་གཞན་དག་ནི་གསོད་པ་བཀག་པར་བྱས་ནས་ཅི་བདེར་གཏོང་བ་དེ་ལྟ་བུ་ལ་སོགས་པ་གཟི་བརྗིད་དང་ལྡན་པར་ཤེས་པར་བྱའོ། །

རྣམ་གྲངས་བརྗོད་པའི་རྒྱན་བཤད་པ།

― GLG020_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་གྲངས་བརྗོད་པའི་རྒྱན་བཤད་པ།ཉི་ཤུ་པ་རྣམ་གྲངས་བརྗོད་པ་ལ་དཔེ་དོན་གཉིས། དང་པོ་ནི། འདོད་པའི་དོན་བསྒྲུབ་བྱེད་དངོས་སུ་མ་བརྗོད་པར། དེ་ཉིད་འགྲུབ་པར་བྱ་བའི་ཕྱིར་དུ་དངོས་པོའི་རྣམ་པ་གཞན་དག་བརྗོད་པ་གང་གི་སྒོ་ནས་དོན་དེ་ནི་སྒྲུབ་པར་བྱེད་པ་རྣམ་གྲངས་བརྗོད་པར་འདོད་དོ། །གཉིས་པ་ནི། འགོལ་ས་ཞིག་ཏུ་སྐྱེས་པ་ཞིག་དང་བུ་མོ་ཞིག་འཁྲིག་པའི་བྱ་བ་ལ་མངོན་དུ་ཕྱོགས་ཏེ་གནས་པའི་སར། གཞན་ཞིག་འོངས་པས་སྒྲུབ་བྱ་ཁོང་གཉིས་ཀྱི་སྤྱོད་ཚུལ་འགྲུབ་ཕྱིར་འབྱོར་བ་ཡིན་ཡང་། རྣམ་གྲངས་གཞན་ས་ཧ་ཀཱ་རའི་སྙེ་མ་རྣམས་གཞན་བྱ་རོག་གིས་གསུས་པ་གསོས་པར་གྲགས་པའི། ཁུ་བྱུག་འདིས་ཟ་བར་བྱེད་པས་དེ་ན་བདག་གིས་བཟློག་པར་བགྱི་བས། ཁྱེད་གཉིས་(༨༩བ)
དལ་གྱིས་འདུག་པར་མཛོད་ཅིག །དཔེར་ན། ཕྱག་ན་པདྨའི་སྐུ་བརྙན་ལ། །ཙནྡྲ་གོ་མི་ཁྱོད་ཉིད་ཀྱིས། །མཆོད་པ་མཛོད་ཅིག་ཟླ་གྲགས་དག །ཅུང་ཟད་ཕྱི་རུ་ལྗོངས་རྒྱུའོ། །ཞེས་པ་ལྟ་བུ། གཉིས་པ་ནི། གྲོགས་མོ་སྐྱེས་ཕྲན་འཕྲད་པར་བྱས་ནས་དེ་དག་འདུས་པར་དགའ་བ་ཡི་དགའ་སྟོན་བསྒྲུབ་ཏུ་ཞུག་པར་འདོད་པས། ཐབས་ལ་མཁས་པ་འགའ་ཞིག་དེ་ནས་སོང་བར་གྱུར་ཏོ། །འདི་བསྡུས་བརྗོད་ཕྲ་མོ་ཆ་གསུམ་དང་འདྲེས་པར་མི་འགྱུར་ཏེ། དང་པོ་ནི་དཔེ་ཅན་ལ་བསམ་ནས་དཔེས་བསྡུས་པ་ཡིན་ལ། གཉིས་པ་ནི་བརྡའ་དང་རྣམ་འགྱུར་གྱིས་རྟོགས་དགོས། གསུམ་པ་ནི་ཆའི་སྐབས་བསྒྲིབ་བྱའི་རང་བཞིན་དང་མཐུན་ཞིང་མཚུངས་པར་སྒྲིབ་བྱེད་ཀྱི་ཚིག་ཀྱང་བཀོད་དགོས་ལ། འདིར་བསྒྲིབ་བྱའི་དངོས་པོའི་དོན་དེ་དང་མ་འབྲེལ་ཞིང་མི་མཚུངས་པའི་སྒྲིབ་བྱེད་ཀྱི་ཚིག་གཅིག་རྣམ་གྲངས་སུ་བཀོད་པས་མི་འདྲའོ། །

ཀུན་ཕན་གྱི་རྒྱན་བཤད་པ།

― GLG020_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཕན་གྱི་རྒྱན་བཤད་པ།ཉེར་གཅིག་པ་ཀུན་ཕན་གྱི་རྒྱན་ལ་མཚན་ཉིད། དཔེར་བརྗོད་གཉིས། དང་པོ་ནི། བསྒྲུབ་པར་བྱ་བ་འགའ་ཞིག་རྩོམ་པ་ལས་བསོད་ནམས་ཀྱིས་སྐལ་བ་ཡི་ནི་སྟོབས་ལས་ཀྱང་དེ་ཡི་སྒྲུབ་བྱེད་ཀྱི་རྐྱེན་ཕུན་སུམ་ཚོགས་པ་གང་གཞན་ལ་བརྟེན་ནས་གྲོགས་སུ་བྱུང་བ་དེ་ནི་ཀུན་ཏུ་ཕན་པར་བརྗོད་དོ། །གཉིས་པ་ནི། བསྒྲུབ་བྱ་འཁྲིག་པའི་བདེ་བ་བསྒྲུབ་པའི་ཆེད་དུ་སྲེད་ལྡན་འགའ་ཞིག་རང་གི་དགའ་མ་མི་འདུད་པའི་ཁེངས་པ་གཞོམ་པའི་ཕྱིར་དུ། དེ་ཡི་ནི་རྐང་པ་དག་ལ་(༩༠ན)
ཕྱག་འཚལ་བར་བྱས་ཀྱང་དེ་ཁེངས་པའི་ཚེ། འགྲུབ་བྱེད་རྐྱེན་གཞན་བདག་ལ་ཕན་པའི་ཕྱིར་སྔོན་གྱི་བསོད་ནམས་ཀྱི་སྐལ་པ་ཡིས། གློ་བུར་དུ་འབྲུག་གི་སྒྲ་ནི་སྒྲགས་པར་གྱུར་པས། དགའ་མ་ཆགས་པ་འཕེལ་ཏེ་མཛའ་བོ་ལ་བདུད་པར་གྱུར་ཏོ། ཞེས་ཕན་པར་བྱེད་པོ་རྐྱེན་གཞན་འབྲུག་སྒྲ་ཡིས་མཛའ་བོའི་དོན་འགྲུབ་པ་ལ་ཕན་པ་སྟེ། དཔེར་ན། སྟོན་གྱི་འབྲས་བུ་སྤྱོད་ལ་ཡིད་ཀྱི་སྒོ། །ཉེ་བར་བརྣག་པའི་ཞིང་པ་རྣམས་ཀྱི་སེམས། །སོས་ཐན་འཇོམས་པར་འདོད་ཚེ་ཆར་གྱི་རྒྱུན། །ལན་གཅིག་མིན་པར་ཆལ་ཆིལ་འབབ་པར་བྱེད། །ཅེས་པ་ལྟ་བུ། །

རྒྱ་ཆེ་བའི་རྒྱན་བཤད་པ།

― GLG020_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་ཆེ་བའི་རྒྱན་བཤད་པ།ཉེར་གཉིས་པ་རྒྱ་ཆེ་བའི་རྒྱན་ལ་མཚན་ཉིད། དཔེར་བརྗོད། དོན་བསྡུ་བ་དང་གསུམ། དང་པོ་ནི། བསམ་པ་རྒྱ་ཆེ་བའི་འབྱོར་པ་རྒྱ་ཆེན་པོ་ཉིད་དུ་གྱུར་པ་ནི་བླ་ན་མེད་པ་གང་ཡིན་པ་དེ་ནི་རྒྱ་ཆེ་བ་ཞེས་པ་ཡི་རྒྱན་དུ་མཁས་པ་རྣམས་ཀྱིས་བརྗོད་དོ། །གཉིས་པ་ལ་གཉིས་ལས། དང་པོ་བསམ་པ་རྒྱ་ཆེ་བ་ནི། །རཱ་ཝ་ཎ་སྟེ་སྲིན་པོའི་རྒྱལ་པོའི་མགོ་བོ་ཡང་གཅོད་པར་ནུས་པའི་བྱ་བའི་ཁུར་ཆེན་པོ་ཡང་གང་ཞིག་བཟོད་པའི་རཱ་གྷུ་སྟེ་རྒྱལ་པོ་ཤིང་རྟ་བཅུ་པའི་བུ་རཱ་མ་ཎ་དེས་རང་གི་ཡབ་བླ་མ་ཡི་བཀའ་ལས་འདའ་བར་ནུས་པར་མ་གྱུར་བའོ། །དཔེར་ན། ཕྲ་ཞིབ་དཔྱད་ཚེ་འཇམ་དབྱངས་གཞོན་ནུ་ཡིས། །ཕྱི་རྒོལ་མཛད་ཀྱང་དགག་པར་ལེགས་ནུས་པའི། །བློ་བཟང་གྲགས་པས་འཁྲུལ་ལྡན་བསྟན་པ་འགའ། །རྒྱལ་བའི་རྗེས་སུ་ཞུགས་དགོངས་ལྷག་མ་བཞག །(༩༠བ)
ཅེས་པ་ལྟ་བུ། གཉིས་པ་འབྱོར་བ་རྒྱ་ཆེ་བ་ནི། རྒྱལ་པོ་གཞན་ལ་འབྱུང་བར་དགའ་བའི་སྲིན་པོའི་རྒྱལ་པོའི་ཕོ་བྲང་ནི་རིན་པོ་ཆེ་སྣ་ཚོགས་ལས་གྲུབ་པའི་རྩིག་པ་ལ་འཕོས་པའི་རྒྱལ་པོའི་གཟུགས་བརྙན་བརྒྱ་ཕྲག་དུ་མ་ཁོར་ཡུག་ཏུ་བསྐོར་བར་གྱུར་པས་ལང་ཀའི་དབང་ཕྱུག་དག་གི་གཟུགས་དང་གཟུགས་བརྙན་གཉིས་ཕལ་ཆེར་གྱིས་དབྱེ་བ་མི་ཕྱེད་པ་ལས། དཀའ་བའི་གནད་གཟུགས་དེ་ཁོ་ན་ཡིན་པར་ཤེས་པ་ནི་ཨཉྫ་ནའི་བུ་སྤྲེེའུ་ཧ་ལུ་མནྠ་ཡིན་ནོ། །དཔེར་ན། ས་སྲུང་དབང་པོའི་སྟེང་འགྱིང་ཞིང་། །རིན་ཆེན་བརྩེགས་པའི་ཁང་བཟང་དབུས། །ནོར་བུའི་ཚོགས་ལ་ལོངས་སྤྱོད་པའི། །མིག་སྟོང་ཅན་དེ་སྲིད་འདིར་བརྗིད། །ཅེས་པ་ལྟ་བུ། གསུམ་པ་ནི། དཔེར་བརྗོད་སྔ་མར་བསམ་པ་རྒྱ་ཆེ་བའི་བདག་ཉིད་དང་། འདིར་ནི་མངོན་པར་འབྱོར་པ་རྒྱ་ཆེ་ཞིང་བརླིང་བ་སྟེ། རྒྱ་ཆེན་པོ་གཉིས་པོ་འདི་དག་ཀྱང་གསལ་བར་རབ་ཏུ་མཚོན་བྱེད་ཀྱི་དཔེར་བརྗོད་ཟིན་པ་ཡིན་ནོ། །

བསྙོན་དོར་གྱི་རྒྱན་བཤད་པ།

― GLG020_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

བསྙོན་དོར་གྱི་རྒྱན་བཤད་པ།ཉེར་གསུམ་པ་བསྙོན་དོར་གྱི་རྒྱན་ལ་མཚན་ཉིད། དཔེར་བརྗོད། དོན་བསྡུ་བ་མདོར་བསྟན། དང་པོ་ནི། ཁྱད་ཆོས་སོགས་འགའ་ཞིག་གནས་ཚུལ་དངོས་དེ་མ་ཡིན་ཞེས་བསྙོན་བྱས་ནས་དོན་གཞན་ཅུང་ཟད་ཁས་བླངས་ཏེ་སྟོན་པ་ནི་བསྙོན་དོར་དག་གོ །གཉིས་པ་ལ་གསུམ་ལས། དང་པོ་ཆོས་ལ་བསྙོན་པ་ནི། འདོད་པའི་ལྷ་དག་གི་བྱ་བ་སྲིད་པ་གསུམ་ལས་རྣམ་པར་རྒྱལ་བ་ལ་ནི་ལྟོས་ནས། དེའི་ཁྱད་པར་གྱི་ཆོས་མདའ་ལྔ་པོ་དེ་མ་ཡིན་ཏེ། སྒྲོ་ལྡན་སྟོང་ཕྲག་ཅིག་ཡོད་དོ། །ཞེས་བསྙོན་པ་(༩༡ན)

― GLG020_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། དཔེར་ན། ཆོས་སྐྱོང་བཟང་པོ་བསིལ་ལྡན་ལྗོངས་འདི་ཡི། །གྲངས་མེད་མཁས་པའི་རྒྱན་གཅིག་མ་ཡིན་ཏེ། །དྲན་དབང་གཞན་གྱི་རྣམ་དཔྱོད་སྒྲོགས་པའི་ཚོགས། །འཕྲོག་པའི་ཆོམ་རྐུན་ཉིད་དུ་ངེས་པ་ལགས། །ཞེས་པ་ལྟ་བུ། གཉིས་པ་ཡུལ་ལ་བསྙོོན་པ་ལ་དཔེ་དོན་གཉིས། དང་པོ་ནི། བསྙོན་བྱ་ཡུལ་ཙནྡན་དང་། ཟླ་འོད་དང་། ལྷོ་ཕྱོགས་ཀྱི་དྲིའི་གཞོན་པ་དལ་བུས་ལྡང་བ་འདི་རྣམས་གནས་སྐབས་གྲགས་ཚོད་ལྟར་གཞན་གྱི་ངོར་ནི་བསིལ་མོད། ཅེས་ཁས་བླངས་ནས། བསྙོན་བྱེད་ཡུལ་ཅན་ཆགས་ལྡན་གྱི་ངོར་ནི་མེའི་རང་བཞིན་སྤྲོ་བ་ལྟར་ཚའོ་ཞེས་ཡུལ་ལ་བསྙོན་པའོ། །དཔེར་ན། །ཧ་ལུ་མནྠས་འཕངས་པའི་རི། །དཀར་ཞེས་ཕལ་ཆེར་དྲིལ་སྒྲོག་ཀྱང་། །དབང་ཤེས་འཁྲུལ་ལྡན་བདག་ཅག་ལ། །ཨིིནྡྲ་ནཱི་ལའི་མདོག་ཏུ་མངོན། །ཞེས་པ་ལྟ་བུ། གཉིས་པ་ནི། འདོད་ལྡན་གྱིས་སེམས་རྣལ་དུ་གནས་པ་གཞན་དག་ལ། ཁྱོད་ཙནྡན་སོགས་བསིལ་བར་ཁས་བླངས་པ་དེ་བསིལ་བ་མིན་པ་འདྲ་ཞེས་བསྙོན་ལུགས་ཡུལ་ཅན་བདག་ཉིད་ལ་ལྟོས་ནས་ཚ་བ་ཉིད་དུ་རབ་ཏུ་བསྟན་པའི་ཕྱིར་འདི་ནི་ཡུལ་ལ་བསྙོན་པའོ། །གསུམ་པ་རང་བཞིན་ལ་བསྙོན་པ་ལ་དཔེ་དོན་གཉིས། དང་པོ་ནི། བདུད་རྩི་ཟགས་པའི་འོད་ཟེར་ཅན་ཟླ་བ་ཞེས་པར་འཇིག་རྟེན་ན་བདག་ཅག་འདོད་ཀྱང་དོན་གྱིས་འདོད་ལྡན་བདག་ཉིད་སྲོག་འཕྲོག་པས་འདི་ནི་བདུད་རྩི་ལས་གཞན་དུག་ཟགས་པས་ཟེར་དང་(༩༡བ)
ལྡན་པ་ཉིད་དོ། །རྩ་བར་ཆགས་ལྡན་ལ་སྦྱར་འདུག་ཀྱང་། རྒྱན་ངོས་འཛིན་སོགས་ལ་དེའི་པར་བཀབ་མི་དགོས་ཏེ། འདི་རང་བཞིན་ཁོ་ན་ལ་སྦྱོར་བས། དཔེར་ན། སངས་རྒྱས་ཀྱི་གཙུག་གཏོར་རང་བཞིན་སྔོན་པོར་ཡོད་པ་མ་ཡིན་ནོ་ཞེས་བསྙོན་ནས། མཐིང་བྱུགས་པ་ལྟ་བུ། ཞེས་པ་སྟེ། དཔེར་ན། ཡིད་འོང་མཛའ་མོའི་བཞིན་རས་ཏེ། །རང་བཞིན་དཀར་བའི་མདོག་ཉིད་དུ། །ཡོད་པ་མ་ཡིན་ག་བུར་གྱི། ཁུ་བ་དག་གི་བྱུག་པའོ། །ཞེས་པ་ལྟ་བུ། གཉིས་པ་ནི། ཞེས་པ་ཟླ་བ་བདུད་རྩི་ཟགས་པའི་རང་བཞིན་གྱིས་ཟླ་བ་ཉིད་ལྡོག་ནས་དོན་གཞན་འདོད་པས་གཟིར་བའི་དུག་ཏུ་བརྗོད་པའི་ཕྱིར། འདི་ནི་རང་བཞིན་བསྙོན་དོར་རོ། །གསུམ་པ་ནི། བསྙོན་དོན་གྱི་དཔེ་ནི་སྔར་བཤད་མ་ཐག་པ་ཉིད་དུ་དཔེར་བརྗོད་རྣམས་ལ་རབ་ཏུ་བསྟན་ཟིན་ཏོ། །འདི་ཡིས་བསྙོན་དོར་གྱི་དབྱེ་བ་རྣམས་མཚོན་བྱ་དག་ལས་རྒྱ་ཆེན་མཚོན་ནུས་པ་བློ་གྲོས་ཀྱིས་དཔོག་གོ །

སྦྱར་བའི་རྒྱན་གྱི་སྐོར་བཤད་པ།

― GLG020_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱར་བའི་རྒྱན་གྱི་སྐོར་བཤད་པ།ཉེར་བཞི་པ་སྦྱར་བའི་རྒྱན་ལ་མཚན་ཉིད། གཅོད་མཚམས་ལ་བརྟེན་པའི་དབྱེ་བ། བཤད་ཟིན་དྲན་པའི་ཚུལ། སླར་ཡང་བདུན་དུ་དབྱེ་བ་དང་བཞི། དང་པོ་ནི། སྦྱར་བ་ནི་ཚིག་གི་གཟུགས་གཅིག་པ་དང་ལྡན་པ་ལས། སྒྲ་དོན་གང་རུང་མཚུངས་པའི་སྒོ་ནས་དངོས་པོ་ཕན་ཚུན་སྦྱར་གཞི་སྦྱར་ཆོས་དུ་མར་སྟོན་པའི་དོན་ཅན་ཉིད་དུ་འདོད་དོ། །གཉིས་པ་ལ་མདོར་བསྟན། རྒྱས་བཤད་གཉིས། དང་པོ་ནི། དེ་ཡི་ཚིག་གཅོད་མཚམས་ཐ་དད་མིན་པའི་སྦྱར་བ་དང་། གཅོད་མཚམས་ཐ་དད་ཅིང་ཚིག་འདྲ་(༩༢ན)

― GLG020_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་སྦྱར་བ་རྣམ་པ་གཉིས་སོ། །གཉིས་པ་ལ་གཉིས་ལས། དང་པོ། ཚིག་ཐ་དད་མིན་པའི་སྦྱར་བ་ནི། ཨུ་ད་ཡ་འཆར་བ་དང་དར་བ་ལ་འཇུག་པས། སྦྱར་གཞི་རྒྱལ་པོ་དང་ཟླ་བ་གཉིས་ལ། སྦྱར་ཆོས་རྒྱལ་སྲིད་དར་བ་ཟླ་བ་འཆར་བ་ལ་གནས་པས་མཛེས་པ་དང་། དེ་བཞིན་དུ་རྒྱལ་པོ་མིའི་དཀྱིལ་འཁོར་དང་། ཟླ་བ་ཉ་གང་བའི་དཀྱིལ་འཁོར་ལ་ཆགས། རྒྱལ་པོ་འདི་མིའི་རྒྱལ་པོ་དང་། ཟླ་བ་གཉིས་སྐྱེས་རྒྱལ་པོ། མྲྀ་དུ་ཀ་རཿཞེས་པ། འཇམ་པའི་དཔྱ་དང་འཇམ་པའི་འོད་གཉིས་ཀ་ལ་འཇུག་པས། རྒྱལ་པོ་འཇམ་པའི་དཔྱ་ཁྲལ་ལེན་ཞིང་། ཟླ་བ་འཇམ་པའི་འོད་ཀྱིས་མི་གདུང་བ་སྟེ། སྦྱར་ཆོས་དྲུག་པོ་སྒྲ་ཚིག་གཅིག་ཅིང་གཅོད་མཚམས་ཐ་མི་དད་པས་སྦྱར་བའི་སྦྱར་གཞི་གཉིས་པོ་འདིས་འཇིག་རྟེན་གྱི་ཡིད་ནི་རབ་ཏུ་འཕྲོག་པར་བྱེད་དོ། །དཔེར་ན། སྦྱར་གཞི་དབྱངས་ཅན་མ་དང་ཟླ་བའོ་མཛེས་ཤིང་ཡིད་འོང་ཤིན་ཏུ་དཀར་། །གདུང་བ་སེལ་ཞིང་བདེ་བ་སྐྱེད། །བདུད་རྩིའི་ཚོགས་རྣམས་ཅི་ཡང་སྤྲོ། །དགའ་བའི་ཟློས་གཅོད་མཚམས་གཅིག་གར་འཕེལ་བར་བྱེད། །ཅེས་པ་ལྟ་བུ། འདི་ལ་སྦྱར་ཆོས་གཉིས་ལས་གཅོད་མཚམས་གཅིག །མི་ཉུང་ཞིང་སྒྲ་དོན་གཅོད་མཚམས་གཅིག་ལ་ཁྱད་མེད་དོ། །གཉིས་པ་ཐ་དད་གཅོད་མཚམས་གཅིག །ཚིག་འདྲའི་སྦྱར་བ་ནི། རྒྱ་དཔེར། དགག་པའི་ན྅་སྔོན་དུ་ཡོད་པ་མི་གནས་ཞེས་པའི་དོན་དང་། ཀྵ་ཏྲ་ནི་རྒྱལ་རིགས་དང་། ནཀྵ་ཏྲ་རྒྱུ་སྐར་ལ་འཇུག་པ་སོགས་(༩༢བ)

― GLG020_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས་སྦྱོར་ཕྲལ་མ་ཕྲལ་སོགས་ཀྱི་སྒོ་ནས། རྒྱལ་རིགས་ཀྱི་ལམ་ཡང་དག་ལ་མི་གནས་ཤིང་། རྒྱལ་པོ་མི་དགེ་བའི་སྐྱོན་གྱི་འབྱུང་གནས་དང་སྡོངས་ནས་སྐྱོན་མང་པོ་དག་གིས་སྐྱེ་བོ་བདག་ཅག་དགའ་བ་མེད་པར་འདི་ལྟར་ཅིས་མ་མནར་ཏེ་མནར་རོ། །ཞེས་གཅོད་མཚམས་གཅིག་དང་། ཡང་རྒྱུ་སྐར་གྱི་ལམ་ནམ་མཁའ་ལ་རབ་ཏུ་གནས་པ་མཚན་མོའི་བྱ་བ་བྱེད་པ་དང་སྡོངས་ནས་སྲོད་ལ་ཟླ་བ་འདི་ཡིས་ནི་སྲེད་ལྡན་བདག་ལ་འདི་ལྟར་དགའ་བ་མེད་པར་འདོད་པས་ཅིས་མ་མནར་ཏེ་མནར་རོ། །དེ་དུས་རྣམས་ཀུན་ལས་ཡོལ་མེད་རླབས། གཅོད་མཚམས། །ལེགས་པའི་ནོར་བུ་མང་འབྱུང་ཁུངས། །རྒྱ་མཚོའི་གཏིང་མཐའ་རྙེད་མིན་པའི། །གཅིག་གོ །འདི་བོད་གཏམ་འདི་ཚོང་པའི་ཁ་ལས་སྒྲོག་སྐད་ལ་མཚོན་ན། གང་ལ་ཡང་མ་སྦྱར་བའི་ཤོ་ལོ་ཀ་གཅིག་ཧྲིལ་བུ་དོན་གཉིས་ལ་འབྱར་འགྲོ་བ་ཞིག་དགོས་པས། དཔེར་ན། དུས་རྣམས་ཀུན་ལས་ཡོལ་མེད་ཅིང་། །ལེགས་པ་མང་དུ་འབྱུང་བའི་ཁུངས། །གཏིང་མཐའ་ནམ་ཡང་རྙེད་མིན་པའི། །གཏམ་འདི་སྐྱེ་བོའི་ཁ་ལས་སྒྲོག །ཅེས་པ་ལྟ་བུ། དཀའ་གནས་འདི་ལ་འཇམ་ཁ། རིན་སྤུངས། དཔལ་སྒང་དུས་ལས་ཡོལ་མེད་ཐུགས་རྗེ་ཆེ། པ་གསུམ་ཡང་ལེགས་པའི་ཡོན་ཏན་འབྱུང་བའི་ཁུངས་དཔེར་བརྗོད། མཁྱེན་པའི་གཏིང་མཐའ་རྙེད་མིན་པའི། །གཏམ་འདི་བློ་ལྡན་ཁ་ལས་སྒྲོག །འཁྲུལ་པའི་ལམ་དུ་འཕྱན་ཞིང་། །ཟུར་མཁར་བས་སྒྲའི་གྲོང་ཚིག་གི་དཔེར་བརྗོད་འདྲ་བ་ཞིག་མ་གཏོགས་མ་བྱུང་འདུག་པས། མཁས་པ་དེ་རྣམས་འཁྲུལ་ཕྱིན། འཁྲི་སྟག་འབྲུག་གསུམ་གྱི་འགྲེལ་པ་དང་དཔེར་བརྗོད་ཡོད་ཟེར་བ་ས་ཕྱོགས་དེ་ནས་ཙནྡན་འཁྲུངས་(༩༣ན)

― GLG020_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

དོགས་མ་དགོས་འདིར་ལེགས་པར་བཤད་པ་ནི་སློབ་དཔོན་མཁས་པ་ཆེན་པོ་མིང་དང་དོན་མཐུན་པའི་པཎྜི་ཏ་སྨོན་འགྲོ་བའི་དྲིན་ལས་སོ། །གསུམ་པ་ནི། དཔེ་དང་། གཟུགས་ཅན་དང་། འགོག་པ་དང་ལྡོག་པ་ཅན་སོགས་ཀྱི་གསལ་བྱེད་ཀྱི་སྤྱོད་ཡུལ་ཅན་སྦྱར་བ་རྣམས་གོང་དུ་བསྟན་ཟིན་ཏོ། །བཞི་པ་ལ་དམ་བཅའ་བ། མདོར་བསྟན་རྒྱས་བཤད་དང་གསུམ། དང་པོ་ནི། སྔར་མ་བརྗོད་པ་གཞན་འགའ་ཞིག་ཀྱང་བསྟན་པར་བྱའོ། །གཉིས་པ་ནི། འགའ་ཞིག་བྱ་བ་ཐ་དད་མིན། །གཞན་པ་བྱ་བ་འགལ་མིན་ཡོད། །འགལ་བའི་ལས་ཅན་བདག་ཀྱང་གཞན། །སྦྱར་བ་ངེས་པ་ཅན་ཡང་ཡོད། །ངེས་པ་འགོག་པའི་གཟུགས་བརྗོད་དང་། །འགལ་མེད་འགལ་བ་ཅན་ཡང་སྟེ། །ཞེས་དེ་དག་རྣམས་ཀྱི་རང་བཞིན་ཡང་ནི་དཔེར་བརྗོད་དག་ལས་གསལ་བར་འགྱུར་རོ། །གསུམ་པ་ལ་བདུན་ལས། དང་པོ་བྱ་བ་ཐ་དད་མིན་པའི་སྦྱར་བ་ནི་སྦྱར་གཞི་མཛེས་མའི་མིག་དང་། ཕོ་ཉ་མོ་ཡིན་ལ་སྦྱར་ཆོས་མིག་ཟུར་དང་གཏམ་གཉིས་ཀ་འཁྱོག་ཅིང་། ཡིད་དུ་འོང་བའི་རང་བཞིན་ཅན་དང་ཆགས་པའི་ཉམས་གསལ་བར་སྟོན་པར་བྱེད་པ་གསུམ་པོ་སྟེ། མཛེས་མས་བསྐུལ་བ་ཡིན་ཁྱབ་མཉམ་དང་མིག་ཟུར་དང་ཕོ་ཉ་གཉིས་ཀས་མཛའ་བོ་འགུགས་པས་བྱ་བ་ཐ་མི་དད་དོ། །དཔེར་ན། འདྲེན་བྱེད་ཡུལ་དུ་ལྷག་པར་མཛེས། །ཡང་ཡང་བལྟས་ཀྱང་ངོམས་པ་མེད། །དཀར་འཇམ་ལུས་ཕྲའི་ལག་པ་དང་། །ནུ་མ་ཡིས་ཀྱང་བདེ་བ་གཡོ། །ཞེས་པ་ལྟ་བུ། གཉིས་པ་བྱ་བ་(༩༣བ)

― GLG020_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

འགལ་བ་མིན་པའི་སྦྱར་བ་ནི། སྦྱར་ཆོས་ཡིད་དུ་འོང་བ་དང་། ཆགས་པ་འཕེལ་བར་བྱེད་པ་དག་འཇམ་ཞིང་མྱོས་པའི་གདངས་སྙན་པ་ཅན་གསུམ་པོ་ཡིན་ལ། སྦྱར་གཞི་ནི། དཔེ་ཁུ་བྱུག་དཔེ་ཅན་དཀར་མིན་ནག་པའི་མིག་ཅན་གྱི་མཛེས་མ་སྟེ། དཔེའི་སྒྲ་ཐོས་བྱ་ནི་ཐོས་པར་གྱུར་པས། ཆགས་པ་འཕེལ་ནས་དཔེ་ཅན་འཁྱུད་བྱ་དག་ལ་འཁྱུད་པར་བྱེད་པ་བྱ་བ་མི་འགལ་བ། གཞན་ལ་མཚོན་ན། ཡིད་དུ་འོང་བ་སོགས་རྣམ་འགྱུར་དང་། རྒྱུད་མང་གཉིས་ཀ་ལ་སྦྱར་ནས་རྒྱུད་མང་གི་སྒྲ་བསྒྱུར་བྱ་བསྒྱུར་བས། གར་མཁན་གར་རྩེ་བྱ་རྩེ། ཞེས་པ་སྟེ། དཔེར་ན། ཡིད་ལ་ཀུན་དགའི་དཔལ་སྟེར་བའི། །དཀར་མཛེས་ལང་ཚོ་ངོམས་པ་ཅན། །ཟླ་འོད་ལུས་ལ་ཕོག་གྱུར་ཏེ། །སྨིན་ལེགས་མ་ལ་ཙུམྦ་ན། །ཞེས་པ་ལྟ་བུ། གསུམ་པ་འགལ་བའི་ལས་ཅན་གྱི་སྦྱར་བ་ནི། ཚུ་མ་ནི་ནུབ་ཕྱོགས་དང་། བུད་མེད་ཀྱི་མཚན་མ་གཉིས་ཀ་ལ་བྱེད་པས། སྔ་མ་ལ་ལྟོས་ནས་ཉི་མ་ནུབ་རི་དང་། ཕྱི་མ་ལ་ལྟོས་ནས་འདོད་པ་འཁྲིག་པ་ལ་སྦྱར་བ་སྦྱར་གཞི་དང་། སྦྱར་ཆོས་འཕེལ་བ་ཡིས་དམར་བ་ནི་ཐུན་མཚམས་ཀྱི་འོད་དང་། འདོད་པའི་རྣམ་པ་ཕྱི་རོལ་ཏུ་རབ་ཏུ་སྟོན་པར་བྱེད་པ་གཉིས་ལ་སྦྱར་ནས། བྱ་བ་འགལ་བ་ཚ་ཟེར་ཅན་ནི་ནུབ་པར་གྱུར་ལ། ལུས་སྐྱེས་འདོད་པ་དག་ནི་རྣམ་པར་རྒྱས་སོ། །དཔེར་ན། །གནག་སྣུམ་མགོ་སྐྱེས་རྣམ་པར་གཡོ། །ཟླ་བས་བརྒྱན་ཅིང་མཁྱེན་པའི་དཔལ། །མགྲིན་སྔོན་དག་གིས་མཆོད་སྦྱིན་དང་། །ཚངས་པའི་སྲས་ཀྱིས་དགེ་ལ་སྦྱོར། །ཞེས་པ་(༩༤ན)

― GLG020_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུ། བཞི་པ་ལ་ངེས་པ་ཅན་གྱི་སྦྱར་བ་ནི། སྦྱར་གཞི་རྒྱལ་པོ་དེ་ལ་སྦྱར་ཆོས་ནི་སྟྲིཾ་ཤ་ནི་རལ་གྲི་ཉིད་དང་ཁྲོ་བ། འཁྱོག་པོ་ཉིད་ནི་གཞུ་དང་གཡོ་ཅན་གཉིས། མཱ་རྒ་ཎ་མདའ་དང་སློང་བ་པོ་གཉིས་ལ་འཇུག་པ་ལས། མི་བདག་འདི་ཡི་སྒྲ་དེ་རྣམས་གྲི། གཞུ་མདའ་ཉིད་དུ་ངེས་པར་གནས་པ་ཡིན་པས་ཅིག་ཤོས་ནི་མིན་པའི་ཕྱིར་ངེས་པ་ཅན་ནོ། །དཔེར་ན། རྒྱལ་ཁྱོད་དགྱེས་དགུར་སྤྱོད་འདི་ཡང་དག་པའི། །སྤྱོད་ཚུལ་ཡིན་གྱི་འདོད་པའི་དགའ་སྟོན་མིན། །ཐབས་མཁས་དུ་མས་བསྒྱུར་འདི་དགེ་བ་ལ། །ཡིན་གྱི་མི་དགེའི་ཕྱོགས་ལ་གཞོལ་ཕྱིར་མིན། །ཞེས་པ་ལྟ་བུ། ལྔ་པ་ངེས་པ་འགོག་པའི་སྦྱར་བ་ནི། ཁྱད་གཞི་རྒྱལ་པོ་ཁྱོད་ཀྱིས་ས་གཞི་བསྲུང་བ་ལ། སྦྱར་ཆོས་ས་འདིར་རྩུབ་པའི་ཚེར་མ་ནི་པདྨའི་ཡུ་བ་ཉིད་ལ་མཐོང་ངོ་། །ཞེས་གཞི་གཅིག་ཁོ་ན་ལ་ཡོད་པའི་ངེས་པ་སྦྱར་ནས། འོན་ཀྱང་གཅིག་པུ་དེར་མ་ངེས་ཏེ། ཆགས་ཅན་འཁྲིགས་པ་ལ་སྤྱོད་པའི་ཚེ་དགའ་མ་ལ་འཁྱུད་པར་གྱུར་པ་ན་ལུས་ཀྱི་རྣམ་པ་ལའང་མཐོང་ངོ་། །ཞེས་པདྨའི་ཡུ་བ་ལ་བ་སྤུ་དང་། ལུས་ཀྱིས་བ་སྤུ་ལྡང་བ་གཉིས་པོ་དོན་སྦྱར་བ་ཡིན་ལ། ཅིག་ཤོས་ཀྱིས་ཡུ་བའི་བ་སྤུ་ཁོ་ན་འགོག་པ་སྟེ། དཔེར་ན། ཀུན་དགའི་དཔལ་སྟེར་ཆུ་ཤེལ་དབང་། །དགའ་བྱེད་ཀུ་མུད་ཏ་ཉིད་ཙམ། །འོན་ཀྱང་བྲམ་ཟེ་མང་པོ་ཞིག །དགའ་བའི་རྣམ་པ་ཅི་ཡང་སྟོན། །ཞེས་པ་ལྟ་བུ། དྲུག་པ་འགལ་མེད་ཀྱི་སྦྱར་བ་ནི། །ས་འཛིན་དཔེ་ཅན་རྒྱལ་པོ་དང་། དཔེ་རི་གཉིས་ཀ་ལ་འཇུག་པས་མི་འགལ་(༩༤བ)

― GLG020_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་སྦྱར་གཞི་ཡིན་ལ། སྦྱར་ཆོས་མི་འགལ་བ་ཀ་ཊ་ཀ་མང་བ་ནི། དཔེ་ལ་རི་ཕྲན་དཔེ་ཅན་ལ་རྒྱལ་ཕྲན་དཔེ་ཅན་མ་འགྱུར་ཞིང་དཔེ་འགྱུར་བ་ཞིག་དགོས་པས། གཟི་བརྗིད་ལྡན་པ་ནི་དཔེ་ཅན་སྔ་མ་དང་། དཔེ་ཉི་མ་ལ་མི་འགལ་བའི་ཁྱད་གཞི་ཁྱད་ཆོས་ངེས་པར་དར་བ་ནི་དཔེ་ཅན་ལ་རྒྱལ་སྲིད་དང་། དཔེ་ལ་འོད་ཟེར། སྐྱེ་དགུའི་བདག་པོ་བྱུང་བ་ནི་དཔེ་ཅན་སྔ་མ་དང་། དཔེ་ཚངས་པ། སྦྱར་ཆོས་རིག་བྱེད་ལ་མཁས་པ་གཉིས་ཀ་ལ་ཡོད་པ། སྦྱར་གཞི་རྗེ་བོ་དཔེ་ཅན་ལ་སྔ་མ་དང་། དཔེ་སྨིན་དྲུག་གི་བུ། སྦྱར་ཆོས་ནུས་པ་འཛིན་པ་དཔེ་ཅན་ལ་བརྟུལ་ཕོད་པའི་ནུས་པ་དང་། དཔེ་ལ་མདུང་ཐུང་འཛིན་པ་སྟེ། དཔེར་ན། དཔེ་ཅན་གྱི་སྦྱར་གཞི་སངས་རྒྱས། ལྷ་ཡི་ལྷ་བརྒྱ་བྱིན་མཆོག་སྤྱན་སྟོང་ལྡན་སྦྱར་ཆོས། །ཀུན་ལས་དབང་ཕྱུག་རྣམ་རྒྱལ་ཕ་རོལ་འཇོམས། །གསུང་གི་དབང་ཕྱུག་དབྱངས་ཅན་མ་ཡིད་དུ་འོང་སྦྱར་ཆོས། །གཉིས་སྐྱེས་ཟླ་བ། རྒྱལ་པོས་བདུད་རྩི་སྟེར་སྦྱར་ཆོས། །ཞེས་པ་ལྟ་བུ་སྦྱར་གཞི་སྦྱར་ཆོས་གཉིས་ཀ་མི་འགལ་བའོ། །བདུན་པ། འགལ་བ་ཅན་གྱི་སྦྱར་བ་ནི་དཔེ་དཔེ་ཅན་གྱི་ཁྱད་གཞི་དང་ཁྱད་ཆོས་སོགས་སྔ་མ་དང་འདྲ་བ་ལ། སྦྱར་ཆོས་འགལ་བ་ཞིག་དགོས་པས། རྒྱལ་པོ་དང་ཁྱབ་འཇུག་གཉིས་རང་གི་གོ་འཕང་དང་རྒྱལ་སྲིད་ལས་ཉམས་མེད་ཡིན་ཡང་། སྔ་མ་ནི་གླང་སོགས་མི་གསོད་པས་ཆོས་གཅོད་མིན་ལ་ཕྱི་མ་ནི་ཟློག་གོ །རྒྱལ་པོ་དང་ཟླ་བ་གཉིས་རྗེ་ཡིན་ཡང་། སྔ་མ་ནི་ནག་ཕྱོགས་ཀྱིས་ཟད་མི་ཤེས་ལ། ཕྱི་མ་ནི་ཟློག་གོ །རྒྱལ་པོ་དང་དབང་ཕྱུག་གཉིས། (༩༥ན)
བདེ་བྱེད་ཡིན་ཡང་། སྔ་མ་ལ་ལག་འགྲོའི་རྒྱན་མེད་ལ། ཕྱི་མ་ནི་དེ་ལས་ཟློག་གོ །རྒྱལ་པོ་དང་ལྷ་ཉིད་ལྷ་ཡིན་ཡང་། སྔ་མ་ནི་རྣམ་སད་དེ་གཉིད་མེད་པ་མིན་ལ། ཕྱི་མ་ནི་དེ་ལས་ཟློག་གོ །དཔེར་ན། པི་ཝང་སྒྲོག་ཀྱང་གར་མཁན་མིན། །གཙུག་ཟླ་ཚེས་ཀྱང་མགྲིན་པ་དཀར། །ཟུར་མིག་གཡོ་ཡང་འདོད་པ་སྤངས། །ལང་ཚོ་དར་ཡང་འཇའ་ལུས་སྐུ། །ཞེས་པ་ལྟ་བུ། །

ཁྱད་པར་བརྗོད་པའི་རྒྱན་གྱི་སྐོར་བཤད་པ།

― GLG020_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་པར་བརྗོད་པའི་རྒྱན་གྱི་སྐོར་བཤད་པ།ཉེར་ལྔ་པ་ཁྱད་པར་བརྗོད་པ་ལ་མཚན་ཉིད། དཔེར་བརྗོད། མ་བཤད་མ་བསླབ་པ་དང་གསུམ། དང་པོ་ནི། གཞན་ལས་ལྷག་པའི་ཁྱད་པར་རབ་ཏུ་བསྟན་པའི་ཕྱིར་དུ། རྒྱུ་འགའ་ཞིག་ལ་ཡོན་ཏན་དང་། རིགས་དང་། བྱ་བ་སོགས་གང་དུ་མ་ཚང་བ་ཉིད་བསྟན་པ་དེ་ནི་ཁྱད་པར་བརྗོད་པར་འདོད་དོ། །གཉིས་པ་ལ་ལྔ་ལས། དང་པོ་ཡོན་ཏན་མ་ཚང་བའི་ཁྱད་པར་ནི། མེ་ཏོག་གཞུ་ཅན་དག་གི་མཚོན་ཆ་མདའ་ལྔ་པོ་དེ་རྩུབ་པ་དང་རྣོ་བའི་ཡོན་ཏན་གཉིས་ཀ་མ་ཡིན་པ་སྟེ་མ་ཚང་བ་དེ་ལྟར་ན་ཡང་། རྒྱུ་མདའ་འདི་ཡིས་ནི་ཡོན་ཏན་དེ་གཉིས་ཚང་བ་དང་མཉམ་པའི་འབྲས་བུ་ས་གསུམ་དག་ལས་རྣམ་པར་རྒྱལ་བར་གྱུར་ཏེ། དཔེར་ན། འགྲོ་ལ་དངོས་སུ་དམ་ཆོས་ཀྱི། །གསུང་དབྱང་སྒྲོག་དང་སྐུ་གཟུགས་ཀྱིས། །རྣམ་འགྱུར་སྣ་ཚོགས་མི་ལྡན་ཡང་། །གདུལ་བྱ་རྗེས་འཛིན་སྣང་བརྙན་སྐུ། །ཞེས་པ་ལྟ་བུ། གཉིས་པ་རིགས་མ་ཚང་བ་ནི། མཛེས་མ་འདི་དག་ལྷ་ཡི་བུ་མོའི་རིགས་ཀྱང་མིན་ལ། དྲི་ཟའི་(༩༥བ)

― GLG020_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ལས་བྱུང་བའང་མིན་པ་དེ་ལྟ་མོད་ཀྱི། རྒྱུ་མཛེས་པ་འདི་ཡིས་རིགས་ཚང་བ་དང་མཉམ་པའི་འབྲས་བུ་ཚངས་པ་ཡང་དཀའ་ཐུབ་གཞོམ་པ་བསྒྲུབ་པར་ནུས་སོ། །དཔེར་ན། པདྨའི་རྫིང་བུར་མ་སྐྱེས་ཤིང་། །རྐང་འཐུང་རིགས་ལས་འཁྲུངས་མིན་པའི། །ཡིད་འོང་ཕྲ་ལྡེམ་དྲི་བཟང་ཅན། །རི་དྭགས་མིག་ཅན་ལུས་འདི་མཚར། །ཞེས་པ་ལྟ་བུ། གསུམ་པ་བྱ་བ་མ་ཚང་བ་ནི། ཁྲོ་གཉེར་དག་ནི་བསྡུས་པའི་བྱ་བ་མ་བྱས་ཤིང་། སོ་ཡི་གཡོགས་ཀྱང་བསྐྱོད་པའི་བྱ་བ་མ་བྱས་ལ། མིག་ཀྱང་དམར་པོར་གྱུར་པའི་བྱ་བ་མ་བྱས་ཀྱང་། བྱས་པ་དང་མཉམ་པའི་རྒྱུ་བྱམས་པས་འབྲས་བུ་དགྲའི་རིགས་རྣམས་ནི་ཉམས་པར་བྱས་སོ། །དཔེར་ན། མཛེས་པའི་རྣམ་འགྱུར་ཆགས་པའི་གཏམ་ལ་སོགས། །སྙིང་གྲོས་བཞིན་དུ་མང་པོ་མི་སྨྲ་ཡང་། །ལྷན་ཅིག་གནས་པ་ཙམ་གྱིས་བདག་ཡིད་ལ། །ཀུན་དགའ་བསྐྱེད་པའི་མཛའ་བོ་དམ་པ་འདི། །ཞེས་པ་ལྟ་བུ། བཞི་པ་རྫས་མ་ཚང་བའི་ཁྱད་པར་ནི། ཤིང་རྟ་དང་གླང་པོའང་མེད་ཅིང་། རྟ་དང་རྐང་ཐང་གི་རྫས་མེད་པར་ཡང་། ཡོད་པ་དང་མཉམ་པའི་རྒྱུ་ཟུར་མིག་ཉིད་ཀྱིས། འབྲས་བུ་འགྲོ་བ་གསུམ་པོ་དག་ལས་བུད་མེད་རྣམས་རྒྱལ་ལོ། །དཔེར་ན། ལེགས་སྦྱར་སྟོན་པའི་གླེགས་བམ་དང་། །གཎྜ་ལྕགས་སྨྱུག་སོགས་མེད་པར། །གདོང་དྲུག་ཞལ་ཁྱིམ་མཐོང་ཙམ་གྱིས། །སྒྲ་མཁས་དབང་ཕྱུག་གོ་ཆའི་ཞབས། །ཞེས་པ་ལྟ་བུ། ལྔ་པ་རྒྱུའི་ཁྱད་པར་ལ་དཔེ་དོན་གཉིས། དང་པོ་ནི། ཉི་མའི་ཤིང་རྟ་ལ་འཁོར་ལོ་(༩༦ན)
གཅིག་ལས་མེད་པ་དང་། ཁ་ལོ་བ་དྲང་སྲོང་འགྲོ་སྐྱོང་གི་བུ་རླ་ཤ་ཆག་ཅིང་ཉམས་པ་དང་། རྟ་མི་མཉམ་པ་བདུན་དང་བཅས་པས་དགོས་དོན་བསྒྲུབ་པ་ལ་ཕན་འདོགས་པའི་རྐྱེན་རྣམས་མ་ཚང་བ་དང་། སྐྱོན་ཅན་ཡིན་ཀྱང་། དེ་ལྟ་ན་ཡང་རྒྱུའི་ཁྱད་པར་ཉི་མ་རང་ཉིད་གཟི་བརྗིད་ཅན་ཡིན་པས། འབྲས་བུ་འགྲོ་བ་གསུམ་པོ་ཟིལ་གྱིས་མནན་ནོ། །དཔེར་ན། གཟུགས་མཛེས་གསུང་དབྱངས་སྙན་པ་དང་། །ཐུགས་ཀྱི་ཤེས་བྱ་ཀུན་མཁྱེན་སོགས། །མིན་ཡང་དགོས་འདོད་འབྱུང་ཁུངས་ཅན། །ཡིད་བཞིན་ནོར་འདིས་ཅི་འདོད་སྟེར། །ཞེས་པ་ལྟ་བུ། །གཉིས་པ་ནི། གཟི་བྱིན་ཅན་ཞེས་པའི་ཁྱད་པར་ལས། འདིར་ནི་རྒྱུའི་ཁྱད་པར་བརྗོད་དོ། །གསུམ་པ་ནི། བཤད་མ་ཐག་པའི་རིམ་པ་འདི་ཡིས་དཔེར་བརྗོད་གཞན་གྱིས་དབྱེ་བ་རྣམས་ཀྱང་བརྟག་པར་བྱའོ། །

མཚུངས་སྦྱོར་གྱི་རྒྱན་གྱི་སྐོར་བཤད་པ།

― GLG020_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

མཚུངས་སྦྱོར་གྱི་རྒྱན་གྱི་སྐོར་བཤད་པ།ཉེར་དྲུག་པ་མཚུངས་སྦྱོར་གྱི་རྒྱན་ལ་མཚན་ཉིད་དང་། དཔེར་བརྗོད་གཉིས། དང་པོ་ནི། བརྗོད་འདོད་བསྟོད་ཡུལ་ལ་ཡོན་ཏན་ཁྱད་འཕགས་སུ་མིང་ངམ་རྣམ་གྲངས་ཀྱི་སྒོ་ནས་མཚུངས་པར་བྱས་ནས་བསྟོད་ཅིང་། འགའ་ཞིག་ནི་སྨད་པའི་དོན་དུ་ངན་པར་སྔར་བཞིན་སྒྲགས་པ་གང་ཡིན་པ་དེ་ནི་མཚུངས་པར་སྦྱོར་བར་བཤད་དོ། །གཉིས་པ་ལ་གཉིས་ལས། དང་པོ་བསྟོད་པའི་མཚུངས་སྦྱོར་ནི། གཤིན་རྗེ་དང་། ལུས་ངན་དང་། ཆུ་ལྷ་དང་། མིག་སྟོང་པ་སྟེ། ཕྱོགས་བཞིའི་བདག་པོ་རྣམས་དང་། རྒྱལ་པོ་ཁྱོད་ཉིད་ཀྱང་འཇིག་རྟེན་སྐྱོང་བ་ཞེས་པའི་སྒྲ་ཡུལ་གཞན་དུ་མེད་པར་རྣམ་པར་འཛིན་པ་ལ་མཚུངས་སོ། །དཔེར་ན། འོད་དཀར་ཅན་དང་པ་ཝ་སངས། །ཆུ་སྐྱེས་འདབ་མ་དབྱངས་ཅན་ཞལ། །རབ་ཏུ་དཀར་ཞིང་འཇམ་པ་ཡི། །གྲགས་སྙན་བློ་ལྡན་ཁ་ལས་སྒྲོག །ཅེས་པ་ལྟ་བུ། གཉིས་པ་སྨད་པའི་མཚུངས་སྦྱོར་ནི། རི་དྭགས་མིག་ཅན་མ་དང་འགྲོགས་པའི་བདེ་བ་དང་། གློག་གི་རྩེ་དགའ་རོལ་བ་དག་དང་ནི། སྤྲིན་གྱི་འདུ་འགོད་རྩོམ་པ་རྣམས་རང་བཞིན་གྱིས་ན་སྐད་ཅིག་གཉིས་པར་མི་གནས་ཤིང་འཇིག་གོ་ཞེས་སྐྱོན་མཚུངས་པ་སྟེ། དཔེར་ན། སྤུ་མདོག་བཀྲ་བའི་གླང་རྒན་དང་། །ཐོས་དང་བྲལ་བའི་ཚུལ་འཆོས་མཁན། །ར་གན་གསེར་གྱི་མདོག་ཅན་འགའ། །མིག་སྔར་མཛེས་ཀྱང་དོན་གྱིས་དབེན། །ཞེས་པ་ལྟ་བུ།

འགལ་བའི་རྒྱན་གྱི་སྐོར་བཤད་པ།

― GLG020_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

འགལ་བའི་རྒྱན་གྱི་སྐོར་བཤད་པ།ཉེར་བདུན་པ་འགལ་བའི་རྒྱན་ལ་མཚན་ཉིད། དཔེར་བརྗོད། དོན་བསྡུ་དང་གསུམ། དང་པོ་ནི། འགལ་ཟླ་སྒྲུབ་བྱེད་ཀྱི་སླད་དུ་ནི་གང་དུ་དངོས་པོའི་ཁྱད་པར་དང་། ཆོས་དང་། བྱ་བ་སོགས་འགལ་བ་རྣམས་ཡང་དག་པར་ལྷན་ཅིག་ཏུ་འགྲོགས་པ་རབ་ཏུ་བསྟན་པ་དེ་ནི་འགལ་བར་བཤད་དེ། དཔེར་ན། གཉིས་པ་ལ་དྲུག་ལས། དང་པོ་གཞི་ཐ་དད་པའི་བྱ་བ་འགལ་བ་ནི། རྒྱུ་རྐྱེན་ནམ་མཁའ་གཡའ་དག་ཅིང་ཆུ་འཛིན་རྣམས་དྭངས་པ་དེ་ཤུགས་འབྱུང་དུ་བྱས་ནས། གཞི་ངང་པའི་རྒྱལ་པོ་དང་རྨ་བྱ་གཉིས་ཐ་དད་ཅིང་། བྱ་བ་ངང་པ་རྣམས་དག་ནི་མྱོས་པའི་གདངས་སྙན་གྱི་ཅ་ཅོ་འཕེལ་ལ། རྨ་བྱ་རྣམས་ཀྱི་སྒྲ་དག་ནི་ཡིད་འོང་(༩༧ན)

― GLG020_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་དང་བྲལ་བས་ཉམས་ཞེས། འཕེལ་ཉམས་ཀྱི་བྱ་བ་འགལ་བ་སྟེ། དཔེར་ན། རབ་མཛེས་སྤུ་སྡུག་རྣམ་བཀྲ་བའི། །རྨ་བྱ་དགའ་བའི་གར་སྒྱུར་ཚེ། །མཛའ་མོ་དང་བྲལ་འགྲོན་པོ་འགའ། །ཆགས་པའི་སྡུག་བསྔལ་དྲག་པོས་གཟིར། །ཞེས་པ་ལྟ་བུ་གཉིས་པ་གཞི་གཅིག་གི་བྱེད་པ་འགལ་བ་ནི། གཞི་དབྱར་སྐྱེས་ཀྱི་ཆུ་འཛིན་དག་གིས་ནི། བྱ་བ་ནམ་མཁའ་ཡུལ་མི་དགའ་བ་ངན་པ་ལྟ་བུར་སྤྱོད་ཅིང་། ཡང་བསིལ་པས་ཆགས་པ་འཕེལ་བ་ཡིས་ཀྱང་། འགྲོ་བའི་ཡིད་ནི་མཛའ་མོ་ལ་དགའ་བས་ཀུན་ཏུ་ཆགས་པར་གྱུར་ཏོ། །དཔེར་ན། སྒྱུ་མས་སྤྲུལ་པའི་རྟ་གླང་གི །རོལ་གར་དག་གིས་རྒྱུས་ལྡན་རྣམས། །བཏང་སྙོམས་ལ་གནས་སྐྱེ་ཕལ་རྣམས། །གཟིགས་མོར་མཚར་བའི་ཡ་མཚན་བྱེད། །ཅེས་པ་ལྟ་བུ། གསུམ་པ་གཞི་གཅིག་གི་ཆོས་དུ་མ་འགལ་བ་ནི། གཞི་བུད་མེད་གཅིག་པུ་ལ་སྐེད་པ་ཕྲ་ཞིང་རོ་སྨད་སྦོམ་པ་དང་། མཆུ་དམར་ཞིང་མིག་ནི་དཀར་བ་མིན་པ་སྟེ་ནག་པ་དང་། ལྟེ་བ་དམའ་ཞིང་ནུ་མ་མཐོ་བའི་བུད་མེད་ལུས་ཀྱིས་འདོད་ལྡན་སུ་དག་མ་བཅོམ་སྟེ་བཅོམ་མོ། །དཔེར་ན། མགོ་སྐྱེས་དཀར་ཞིང་བཞིན་རས་ནག །ཐོས་པས་རབ་ཕྱུག་ནོར་གྱིས་དབུལ། །ཡོན་ཏན་གྱིས་མཛེས་རྒྱན་གོས་ཧྲུལ། །ཤེས་བྱ་ཤེས་ཀྱང་བྲིན་སྒོ་ཆུང་། །ཞེས་པ་ལྟ་བུ། བཞི་པ་རྫས་འགལ་བ་ནི། གཞི་བུད་མེད་གཅིག་པུ་ལ་རྫས་པདྨའི་རྩ་བ་ལྟར་མཉེན་པའི་ལག་པ། ཆུ་ཤིང་ལྟར་མཁྲང་བའི་བརླ་པདྨ་ལྟར་དཀར་བའི་གདོང་དང་། ཨུཏྤལ་ལྟར་(༩༧བ)

― GLG020_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་པའི་མིག་ལྡན་ལུས་ཅན་མ་ཁྱོད་ཀྱི་གཟུགས་ཀྱིས། བདག་ཅག་རྣམས་གདུང་བར་ནུས་མིན་ནམ་སྟེ་ནུས་སོ། །དཔེར་ན། །པདྨའི་བཞིན་ལ་བུང་བའི་དབུ་སྐྲ་ཅན། །བྱི་རུའི་མཆུ་སྒྲོས་མུ་ཏིག་ཚེམས་ཀྱི་འཕྲེང་། །ཨུཏྤལ་དང་རལ་གྲི་འཛིན་པ་ཡི། །འཇམ་དཀར་གཞོན་ནུ་དེ་ནི་ལྷག་པའི་ལྷ། །ཞེས་པ་ལྟ་བུ། །ལྔ་པ་གཞི་གཅིག་གི་ལས་འགལ་བ་ནི། གཞི་རླུང་གིས་རབ་ཏུ་བསྐྱོད་པའི་སྐྱེད་མོས་ཚལ་གྱི་ཙཱུ་ཏ་དང་ཙནྡྲ་ཀའི་མེ་ཏོག་གི་རྡུལ། བྱ་བ་འགལ་བ་རྡུལ་གྱིས་མིག་ལ་རེག་པའི་བྱ་བ་བྱེད་དགོས་པ་ལ་མིན་ཞེས་པ་བཀབ་ན་ཡང་འགྲོན་པོ་ཡིས་དེ་མཐོང་བ་ན་ཆགས་པས་མིག་ལས་མཆི་མ་ཟགས་པར་བྱེད། ཅེས་མ་བྱས་པར་བྱས་པའི་འབྲས་བུ་འགྲུབ་པར་སྟོན་པ་སྟེ། དཔེར་ན། ལུས་ཅན་མཐའ་དག་བདེ་བ་ལ། །སྦྱོར་བའི་ཟས་གཙང་སྲས་པོ་ཡི། །འཚེ་བ་མེད་ཀྱང་བདུད་ཀྱི་སྡེ། །མི་ཟད་སྡུག་བསྔལ་ཆེ་ལ་སྦྱར། །ཞེས་པ་ལྟ་བུ། དྲུག་པ་སྦྱར་བའི་འགལ་བ་ནི། རྒྱ་དཔེར། ཨ་རྫུ་ན་དཀར་བ་དང་སྲིད་སྒྲུབ་གཉིས་ལ་འཇུག་པས་མཚོན་ཏེ་སྒྲ་གཅིག་གིས་དོན་གཉིས་སྟོན་པས། བོད་སྐད་ལ་བརྗོད་བྱ་མི་འདྲ་བའི་ཤོ་ལོ་ཀ་གཉིས་སུ་འབྱུང་བའི་དང་པོའི་དོན་ནི། སྙན་པར་སྒྲོག་མ་ཁྱོད་ཀྱི་མིག་ནག་པའི་མཐའ་དཀར་བ་དེའི་རྗེས་སུ་དམར་བ་ཡང་ཆགས་པའི་ཉམས་ཅན། དཀྱུས་རིང་པོ་རྣ་བའི་བར་དག་ལ་བརྟེན་པ་འདི་ནི་ཀུན་དགའ་ཞིང་ཡིད་བརྟན་པ་ཞིག་དགོས་རྒྱུ་ལ། སུ་ཡི་ཡིད་བཏོན་ཉིད་དུ་མི་འགྱུར་བའི་རྣལ་དུ་མི་གནས་པར་བྱེད་པ་ནི་(༩༨ན)
འགལ་ལོ། །གཉིས་པའི་དོན་ནི། ནག་མོ་སྙན་པ་སྒྲོག་མ་ཁྱོད་ཀྱི་མིག །བདག་པོ་སྲིད་སྒྲུབ་ལ་ཆགས་པས་ལྟ་བར་བྱེད་ཀྱང་། རབ་དཀར་སྒྲིབ་གཉིས་དྲི་མ་མེད་བདག་པོའི་རྣམ་བཀྲས་མཁྱེན་བརྩེ་ཕྱོགས་བཅུར་འཕྲོ། དགྲ་རྣ་བ་ཅན་ཐུགས་རྗེའི་བདུད་རྩིའི་རྒྱུན་བབས་པས། དག་ལ་རྨོངས་མུན་སྲོག་དང་བྲལ་བ་བྱས། འདོད་པ་བསྟེན་པར་བྱེད་པ་འདི་ནི་སུ་ཡིས་ཀྱང་ཡིད་བརྟན་ཉིད་དུ་མི་འགྱུར་རོ། །དཔེར་ན། རབ་ཏུ་དཀར་ཞིང་དྲི་མ་མེད། །རྣམ་བཀྲ་འོད་ཟེར་ཕྱོགས་བཅུར་འཕྲོ། །བདུད་རྩིའི་ཆུ་རྒྱུན་བབས་པ་ཡིས། །དུ་མའི་སྲོག་དང་བྲལ་བར་བྱས། །ཞེས་པ་ལྟ་བུ། གོང་དུ་རྫས་འགལ་བའི་སྐབས་མཚུངས་པ་གསལ་རབ་དཀར་རྡུལ་གྱི་དྲི་མ་མེད་བྱེད་ཀྱི་འབྲུ་རྣམ་མཛེས་འོད་དཀར་ཕྱོགས་བཅུར་འཕྲོ། མང་གི་ཚིག་སྡུད། བསིལ་ཟེར་བདུད་རྩིའི་རྒྱུན་འབབས་པས། འདྲ་བ་ཙམ། པདྨའི་སྲོག་བྲལ་བར་བྱས། ཡིན་ཡང་། དེ་ལ་གདོང་ཅན་ཞེས་པའི་བདག་པོའི་སྒྲ་ཡོད་པས། འདིར་གཞི་གཅིག་གི་སྟེང་དུ་པདྨ་དང་ཆུ་ཤིང་སོགས་རྫས་མང་པོ་སྤུངས་པས་མི་འདྲའོ། །གསུམ་པ་ནི། དེ་ལྟར་རྒྱན་གྱི་རྣམ་པ་འདི་རྣམས་ནི་རྣམ་གྲངས་མི་འདྲ་བ་དུ་མ་ཉིད་དུ་རབ་ཏུ་རྟོགས་པར་བྱའོ། །

སྐབས་མིན་བསྟོད་པའི་རྒྱན་བཤད་པ།

― GLG020_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་མིན་བསྟོད་པའི་རྒྱན་བཤད་པ།ཉེར་བརྒྱད་པ་སྐབས་མིན་བསྟོད་པ་ལ་མཚན་ཉིད། །དཔེར་བརྗོད། དོན་བཤད་པ་དང་གསུམ། དང་པོ་ནི་བསྟོད་པར་སྐབས་སུ་མ་བབ་པའི་ཡུལ་ཞིག་ལ་རྐྱེན་གྱིས་རང་ཉིད་ཡིད་འགྱུར་བའི་འདོད་པའི་དབང་གིས་བསྔགས་པ་ནི་སྐབས་མིན་སྟོད་པ་ཡིན་ནོ། །གཉིས་པ་ནི། མི་ཞིག་རྒྱལ་པོ་ངན་པའི་མཛད་སྤྱོད་ཀྱིས་ཡིད་འབྱུང་བའི་(༩༨བ)
རྐྱེན་གྱིས་བསྟོད་པའི་ཡུལ་མ་ཡིན་པ། རི་དྭགས་རྣམས་ནི་གཞན་ལ་བརྟེན་པའི་རེ་ལྟོས་མི་དགོས་ཤིང་། འབད་མེད་དུ་རྙེད་པར་སླ་བའི་ནོར། ཆུ་དང་རྩའི་མྱུ་གུ་སོགས་ཀྱིས་ནགས་རྣམས་སུ་བདེ་བར་འཚོ་བ་ནི་དགའོ། །དཔེར་ན། དཔོན་གྱིས་བཀའ་བསྐྱོན་རང་ཉམས་ཆགས་སྡང་སོགས། །གཡེང་མེད་སོ་ནམ་ཁྲལ་དང་འུ་ལག་གིས། །མནར་མིན་ལྟོ་གོས་སློང་བས་ཅི་བདེར་འཚོ། །དཱ་རི་དྲ་ཚོའི་སྣང་སེམས་བདེ་ཉམས་ལ། །ཞེས་པ་ལྟ་བུ། གསུམ་པ་ནི་རྒྱལ་པོ་ངན་པའི་རྗེས་སུ་འབྲངས་བ་རྣམས་ཉོན་མོངས་པ་ལ་ཡིད་སྐྱོ་བ་དང་ལྡན་པ་ཡིས་སྐབས་སུ་མ་བབ་པ་ཉིད་དུ་འདིར་རི་དྭགས་འདི་དག་གི་སྤྱོད་ཚུལ་ལ་བསྔགས་སོ། །

ཟོལ་བསྟོད་ཀྱི་རྒྱན་གྱི་སྐོར་བཤད་པ།

― GLG020_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོལ་བསྟོད་ཀྱི་རྒྱན་གྱི་སྐོར་བཤད་པ།ཉེར་དགུ་པ་ཟོལ་བསྟོད་ཀྱི་རྒྱན་ལ་མཚན་ཉིད། དཔེར་བརྗོད་དོན་བསྡུ་བ་དང་གསུམ། དང་པོ་ནི། གལ་ཏེ་ཡུལ་གང་ལ་སྨད་པ་བཞིན་བྱས་ནས། དོན་བསྟོད་པའི་ཕུལ་སྐྱེད་པའི་སྒོ་ནས་རྣམ་པ་སྐྱོན་ལྟར་སྣང་ཡང་། ངོ་བོ་ཡོན་ཏན་ཉིད་གང་དུ་ཉེ་བར་ཐོབ་པར་གྱུར་པ་འདི་ནི་ཟོལ་གྱི་བསྟོད་པར་བཤད་དོ། །གཉིས་པ་ལ་གསུམ་ལས། དང་པོ་མཐུ་ཕུན་སུམ་ཚོགས་པའི་ཟོལ་བསྟོད་ནི། རཱ་མ་ཎ་དཀའ་ཐུབ་ལ་གནས་པ་ཡིས་ཀྱང་། འབྱུང་པོ་འཛིན་མ་སྟེ་ས་ཆེན་པོ་འདི་ལས་རྒྱལ་བར་གྱུར་པ་ཡིན་པས། ས་དེ་ཉིད་རྒྱལ་པོ་ཁྱོད་ཉིད་གཅིག་པུས་བཟུང་བ་མིན་པས་ཀྱང་། ཚུལ་འདི་ལ་རྒྱལ་པོ་ཁྱོད་ནི་རྒྱག་པ་སྟེ་ཁེངས་པ་མཛད་མི་རིགས་སོ། །ཞེས་རྒྱལ་པོ་དེ་ས་ཀུན་ལས་རྒྱལ་བ་དང་། རཱ་མ་ན་དང་མཚུངས་པར་ཟོལ་གྱིས་བསྟོད་པའོ། །(༩༩ན)

― GLG020_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

དཔེར་ན། རྒྱ་ཞང་མ་བསྒྲུབས་ཐལ་སྡེབ་ཙམ་གྱིས་ཀྱང་། །བོན་མང་སྐད་ཅིག་ཁོང་ཁྲག་སྐྱུག་མཛད་ན། །བྱང་བདག་རིག་འཛིན་ཁྱོད་ཀྱིས་ཆེད་གཉེར་དུ། །བསྒྲུབས་མཐུས་དགྲ་བོ་གཞོམ་ལ་ཅི་ཞིག་སྙེམས། །ཞེས་པ་ལྟ་བུ། གཉིས་པ་དཔའ་བ་ཕུན་ཚོགས་ཀྱི་ཟོལ་བསྟོད་ནི། ཐོབ་བྱའི་ཡུལ་ས་གཞི་ཞེས་པ་བྱེད་པ་པོ་བསྟོད་ཡུལ་གྱི་རྒྱལ་པོ་ཡ་རབས་ཅན་ལ་སྨད་པའི་རྣམ་པས་བསྟོད་པའི་ཚུལ། སྔོན་གྱི་སྐྱེས་བུ་ཁྱབ་འཇུག་གིས་བདག་ཏུ་བཟུང་བའི་ས་གཞི་ལས་བཅད་ནས། དཔལ་འདི་ནི་ཁྱོད་ཀྱིས་ཡོངས་སུ་སྤྱོད་པར་འདུག་མོད། རྒྱལ་པོ་བུ་རམ་ཤིང་པའི་བརྒྱུད་པ་ཁྱོད་ཀྱིས་མ་བྱིན་པར་ལེན་པ་འདི་ནི་རིགས་སམ་ཅི་ཞེས་པ་སྟེ། དཔེར་ན། མི་དགེའི་མིང་ཙམ་ལྷག་མར་བྱ་བ་ཡི། །རྫོགས་ལྡན་ས་སྤྱོད་ང་ལས་ནུ་ཁྱོད་ཀྱིས། །ལྷ་དབང་མངའ་འབངས་དུ་མ་མ་བྱིན་པར། །ལེན་པ་དགེ་བཅུའི་ཁྲིམས་ལ་རྣམ་པར་གནོད། །ཅེས་པ་ལྟ་བུ། གསུམ་པ་སྟོབས་ཕུན་ཚོགས་ཀྱི་ཟོལ་བསྟོད་ནི། ཡུལ་རྒྱལ་པོ་ཁྱོད་ཀྱི་བཙུན་མོ་དང་ས་གཞི་ཡིན་ལ། ལག་འགྲོ་ནི་ཀླུ་དང་། བྱོལ་སོང་དང་། སྐྱེ་བོ་ངན་པ་རྣམས་ལ་འཇུག་པས། སྒྲ་གཅིག་གིས་ཆོས་གཉིས་སུ་འགྱུར་པར་བཀོད་ནས། ལག་འགྲོའི་ལོངས་སྤྱོད་དག་ལ་ཆགས་པས། ཅིའི་སླད་དུ་རྒྱལ་པོ་ཁྱོད་ཀྱིས་ང་རྒྱལ་བ་ལས། མཆོག་གི་མཐའ་སྟེ་རྩེ་མོར་འཛེགས་པར་གྱུར་པ་ནི་མི་རིགས་སོ་ཞེས་སྦྱར་གཞི་བཙུན་མོ་དང་ས་གཞིའི་བདག་ཡིན་པ་(༩༩བ)
ལ་སྨད་པ་ལྟར་བྱས་ནས། དོན་བཙུན་མོས་ལག་འགྲོ་སྟེ་ཀླུའི་ནོར་བུ་ལ་སྤྱོད་པ་དང་ས་གཞི་ནི་ཀླུའི་ལོངས་སྤྱོད་རྒྱ་མཚོ་ལ་ཆགས་པས་སྟོབས་དང་ལོངས་སྤྱོད་ཕུན་སུམ་ཚོགས་པར་བསྟན་ནོ། །དཔེར་ན། གཞུང་མང་འཛིན་དང་ལེགས་སྐྱོར་སློབ་དཔོན་བསྟེན། །ཉིན་མཚན་ལུས་ངག་ཡིད་ཀྱི་དཀའ་སྤྱད་བྲེལ། །དལ་མེད་རང་ཉིད་མནར་བའི་མཁས་གྲགས་ཀྱི། །རྣམ་དཔྱོད་དེ་ཡང་དགོས་པ་ལྷག་པོ་མེད། །ཅེས་པ་ལྟ་བུ། གསུམ་པ་ནི་དེ་ལྟར་བསྟན་པའི་དཔེར་བརྗོད་ཀྱིས་ཉེ་བར་མཚོན་པ་ལས་སྦྱར་བ་ཅན་དང་། གཞན་དག་གི་ཡང་ཟོལ་གྱིས་བསྟོད་པའི་རྣམ་གྲངས་རྣམས་ནི་རབ་ཏུ་རྒྱ་ཆེན་པོ་དག་མཐའ་དང་བྲལ་བས་བློ་གྲོས་ཀྱིས་དཔོག་གོ །

ངེས་བསྟན་གྱི་རྒྱན་བཤད་པ།

― GLG020_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

ངེས་བསྟན་གྱི་རྒྱན་བཤད་པ།སུམ་ཅུ་པ་ངེས་བསྟན་གྱི་རྒྱན་ལ་མཚན་ཉིད། དཔེར་བརྗོད་གཉིས། དང་པོ་ནི། གལ་ཏེ་ངེས་པ་བསྟན་བྱའི་དོན་ལས་ངེས་པ་སྟོན་བྱེད་གཞན་གྱི་འཇུག་པ་ཡིས་བསྟན་བྱ་སྟོན་བྱེད་དེ་དང་ཆོས་མཚུངས་པའི་འབྲས་བུ་འགའ། མཆོག་ཕན་པ་དང་། མཆོག་མིན་གནོད་པ་ལྟ་བུ་སྟོན་པར་བྱེད་པ་དེ་ནི་ངེས་པར་བསྟན་པ་ཡིན་ནོ། །གཉིས་པ་ལ་གཉིས་ལས། དང་པོ་མཆོག་གི་ངེས་བསྟན་ནི། ཐོག་མར་ངེས་པ་སྟོན་བྱེད་ཀྱི་དཔེ་ཉི་མ་འཆར་བ་ཉིད་ཀྱིས་ནི། པདྨ་རྣམས་ལ་དཔལ་སྟེར་བར་བྱེད་དོ་ཞེས་བཀོད་ནས། ཅིའི་སླད་དུ་ན། དགེ་བ་ཕུན་སུམ་ཚོགས་པ་རྣམས་ཀྱི་འབྲས་བུ་དག་གིས་འགྲོ་བ་རྣམས་གྲོགས་པོ་ལྟར་རྗེས་སུ་འཛིན་པར་བསྟན་པའི་ཕྱིར་རོ། །དཔེར་ན། རབ་དངས་རྙོག་པ་བྲལ་བའི་རྫིང་བུ་ལ། །གཟུགས་བརྙན་འགོག་པ་མེད་པ་ལེགས་(༡༠༠ན)
འཆར་བས། །ཇི་ལྟ་ཇི་སྙིད་ཤེས་བྱའི་ཚོགས་རྣམས་ཀུན། །རྒྱལ་བའི་ཐུགས་ལ་གསལ་བར་འཆར་དེ་སྟོན། །ཞེས་པ་ལྟ་བུ། གཉིས་པ་མཆོག་མིན་གྱི་ངེས་བསྟན་ནི། ངེས་པ་སྟོན་བྱེད་ཟླ་བའི་འོད་ཟེར་གྱིས་རེག་པ་ན་མུན་པའི་ཕྲེང་བ་ནུབ་པར་གྱུར་ཏོ་ཞེས་བཀོད་ནས། གང་གི་སླད་དུ་ན། རྒྱལ་པོ་ངན་པ་རྟོག་དཔྱོད་མེད་པ་རྣམས་ཀྱིས་རང་གི་བློ་དང་ཅུང་ཟད་འགལ་བ་རྣམས་ལ་འཕྲལ་དུ་གསོད་པ་སོགས་ངན་པའི་མཐར་གྱུར་བ་གསལ་བར་བྱེད་པ་ནི་ངེས་པ་བསྟན་རྒྱུའོ། །དཔེར་ན། དབང་ཕྱོགས་རི་ལས་རྟ་ལྗང་ཅན། །ཤར་ཚེ་སྲིན་བུའི་མེ་འོད་དག །ཉམས་པས་སྐྱིན་ཐང་དྲག་པོ་ཡིས། །དབྱར་སྐྱེས་གཞོན་ནུ་འཇོམས་པ་སྟོན། །ཞེས་པ་ལྟ་བུ། འདི་གཉིས་དོན་གཞན་བཀོད་པ་ལ་འཁྲུལ་གཞི་སྐྱེ་ཡང་དོན་གཞན་བཀོད་པ་ལ་སྒྲུབ་བྱེད་ནུས་པ་ཅན་རྗེས་སུ་བཀོད་ལ། འདིར་སྔོན་དུ་བཀོད་པས་འཁྲུལ་བའི་གནས་མེད་དོ། །

ལྷན་གཅིག་བརྗོད་པའི་རྒྱན་བཤད་པ།

― GLG020_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷན་གཅིག་བརྗོད་པའི་རྒྱན་བཤད་པ།སོ་གཅིག་པ་ལྷན་ཅིག་བརྗོད་པའི་རྒྱན་ལ་མཚན་ཉིད། དཔེར་བརྗོད། མཇུག་བསྡུ་བ་དང་གསུམ། དང་པོ་ནི། དངོས་པོ་གང་གི་ཡོན་ཏན་དང་ལས་རྣམས་ལྷན་ཅིག་གིས་བརྗོད་པ་ནི་ལྷན་ཅིག་བརྗོད་པའི་རྒྱན་ནོ། །གཉིས་པ་ལ་གསུམ་ལས། དང་པོ་ཡོན་ཏན་ལྷན་ཅིག་བརྗོད་པ་ནི། བུད་མེད་དྲན་གྲགས་པས་མི་བཟོད་པའི་སྐྱེས་བུ་ཞིག་གཉིད་མ་བྱུང་བའི་དབང་གིས། དེ་ནི་མཚན་མོའི་ཆ་འདི་དག་རྣམས་རྫོགས་རྒྱུ་མེད་པ་ལྟ་བུ་འདི། བདག་གི་དབུགས་ཤུགས་རིང་འདོན་པ་དང་ལྷན་དུ་མི་ཟད་དོ། །ཞེས་རིང་བའི་ཡོན་ཏན་དང་། ཟླ་བའི་རྒྱན་(༡༠༠བ)

― GLG020_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ལྡན་པའི་མཚན་མོ་རྣམས་ཀྱང་སྐྱ་སེང་སེང་བ་འདི། མཛའ་མོ་དྲན་པའི་བདག་གི་ལུས་སྐེམ་ཞིང་སྐྱ་བ་ཉིད་དང་ལྷན་ཅིག་ཏུ་དཀར་རོ་ཞེས་དཀར་བའི་ཡོན་ཏན་དཔེར་ན། འཇམ་མགོན་ཕྱག་གི་གྲི་དང་ལྷན་ཅིག་ཏུ། ཁོ་བོའི་འཆད་རྩོད་རྩོམ་པའི་རིག་པ་རྣོ། །དབྱངས་ཅན་ཕྱག་སོར་རྩེ་ཡི་རྒྱུད་མང་དང་། །ལྷན་ཅིག་བདག་གི་མཁས་པའི་གྲགས་པ་སྙན། །ཞེས་པ་ལྟ་བུ། འདིར་རིན་སྤུངས་པས་ཉེས་པར་བཤད་བཞིན་དུ། །སྣར་ཐང་པས་ལེགས་པར་བཤད་པ་ལ་སུན་འབྱིན་པ་ནི། མ་དག་པས་དག་པ་ལ་འཕྱ་བའོ། །གཉིས་པ་བྱ་བ་ཐ་དད་པའི་ལྷན་ཅིག་བརྗོད་པ་ནི། འགྲོན་པོ་བུད་མེད་དང་བྲལ་བ་རྣམས་ཀྱི་ཆགས་པའི་རྨོངས་པ་རྒྱས་པ་དང་ལྷན་ཅིག་ཏུ། བྱ་བ་ཐ་དད་པ་ཤིང་ཙཱུ་ཏའི་དོག་པ་སྟེ་སྙེ་མ་རྣམས་རྒྱས་སོ། །དེ་དག་མཛའ་མོ་དྲན་པས་མཆི་མ་ཤོར་བ་དང་མཉམ་དུ། བྱ་བ་ཐ་དད་པ་མ་ལ་ཡའི་རླུང་དག་ཀྱང་འབབ་བོ། །དཔེར་ན། སྨིན་ལེགས་དཀར་བའི་བཞིན་རས་ཀྱིས། །འདོད་ལྡན་ཆགས་པ་འཕེལ་བ་དང་། །ལྷན་ཅིག་ཁོ་བོའི་བློ་གྲོས་ཀྱང་། །དབྱངས་ཅན་ལྷ་མོའི་དྲིན་ལས་རྒྱས། །ཞེས་པ་ལྟ་བུ། རིན་སྤུངས་པས་འདི་ལ་རྒྱུ་འབྲས་ལྷན་ཅིག་པ་གསུངས་ན། རྒྱུ་རྒྱན་གྱི་སྐབས་ཀྱི་དེ་དང་མི་འདྲ་བའི་དབྱེ་བ་དགོས་པས་འཇོག་རྒྱུ་མི་རྙེད་ལ་ཁྱེད་ཀྱི་ལེགས་པར་བཤད་པ་འདི་ལ་སྐབས་འགར་རྩིང་རྟགས་མ་མཛད་ཅིག །གསུམ་པ་བྱ་བ་གཅིག་པའི་ལྷན་ཅིག་བརྗོད་པ་ནི། ཁུ་བྱུག་སྐད་སྙན་པར་སྒྲོག་པའི་སྐལ་བཟང་དང་ནགས་(༡༠༡ན)
ཀྱི་ཀླུང་ནི་དྲི་བཟང་བའི་བྱ་བ་དང་། དཔྱིད་དུས་ལ་བབ་པའི་ཉིན་གྱི་བྱ་བ་གསུམ་པོ་འདིས་སྐྱེ་བོའི་ཡིད་ཀུན་ཏུ་དགའ་བ་རྣམས་ལྷན་ཅིག་དག་ཏུ་འཕེལ་བར་གྱུར་ཏོ། །དཔེར་ན། རབ་དཀར་ཟླ་བའི་དཀྱིལ་འཁོར་དང་། རི་དྭགས་མིག་ཅན་མིག་གི་དཀྱུས། །པདྨ་དཀར་པོའི་ཆུན་པོ་ཡིས། །ལྷན་ཅིག་མིག་ལ་མཛེས་པ་སྟེར། །ཞེས་པ་ལྟ་བུར། སྣར་ཐང་པས་འདི་ལ་རྫས་བརྗོད་པར་འཆད་པ་ནི་འཁྲུལ་པའི་རང་འཚང་ངོ་། །གསུམ་པ་ནི། དེ་ལྟར་ལྷན་ཅིག་བརྗོད་པ་ཡི་དཔེར་བརྗོད་དགའ་ཞིག་འདིར་བྱས་པ་སྟེ་བཤད་ཟིན་ཏོ། །

ཡོངས་རྗེས་ཀྱི་རྒྱན་བཤད་པ།

― GLG020_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་རྗེས་ཀྱི་རྒྱན་བཤད་པ།སོ་གཉིས་པ་ཡོངས་རྗེས་ཀྱི་རྒྱན་ལ་མཚན་ཉིད། དམ་བཅའ། དཔེར་བརྗོད་དང་གསུམ། དང་པོ་ནི། བརྗོད་བྱའི་དོན་ཡོན་ཏན་དང་ལས་ལ་སོགས་པ་དེ་རྣམས་ཕན་ཚུན་བསྣོོལ་བ་གང་ཡིན་པ་དེ་ནི་ཡོངས་རྗེས་ཡིན་ཏེ། དེ་དག་ནི་དཔེར་ན་ཞེས་སོ། །གཉིས་པ་ནི། ཡོངས་སུ་རྗེས་པའི་རང་བཞིན་ཡང་ངེས་པར་བསྟན་པ་ཅུང་ཟད་བྱའོ། །གསུམ་པ་ནི་དགྲ་ཟླའི་ས་སྤྱོད་རྣམས་ལ་དཔའ་བོ་ཁྱེད་ཀྱིས་ཕར་མཚོན་བསྣུན་པ་དང་། འཆི་བ་སྟེར་བར་བྱེད་པ་ནི། ཁྱོད་ཀྱི་ལག་པ་ཡིན་ལ། ཚུར་དེ་དག་གི་གྲགས་པའི་ཀུ་མུད་ཏ་དཀར་པོ་ཡུན་རིང་དུ་བསྒྲུབས་པ་དག་ལག་པས་ཕྲོགས་སོ་ཞེས་གྲགས་པ་དང་ཡོན་ཏན་རྗེས་པ་སྟེ། དཔེར་ན། བློ་ལྡན་ཐོན་མིས་རིན་ཆེན་ཀཉྩ་ནས། །སྨྲ་མཁས་ལེགས་བྱིན་རེ་བ་ཡོངས་བསྐང་བས། །བརྡའ་སྤྲོད་རིག་པའི་ཚོགས་ཀྱི་སཾ་བྷོ་ཊ། །མི་(༡༠༡བ)
དམན་བློ་གྲོས་མཆོག་དེ་རྣམ་པར་གང་། ཞེས་པ་ལྟ་བུ། །

ཤིས་བརྗོད་ཀྱི་རྒྱན་བཤད་པ།

― GLG020_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་བརྗོད་ཀྱི་རྒྱན་བཤད་པ།སོ་གསུམ་པ་ཤིས་བརྗོད་ཀྱི་རྒྱན་ལ་མཚན་ཉིད། དཔེར་བརྗོད། ཞར་བྱུང་དང་གསུམ། དང་པོ་ནི། ཡུལ་མངོན་པར་འདོད་པའི་དངོས་པོ་བསྲུང་བའི་བསྒྲུབ་པ་ལ་བར་ཆད་མེད་པ་སྨོན་པ་ནི་ཤིས་བརྗོད་ཅེས་བྱ་སྟེ། དཔེར་ན་གཉིས་པ་ནི། ངག་དང་ཡིད་ཀྱི་སྤྱོད་ཡུལ་མ་ཡིན་པའི་ཡེ་ཤེས་ཀྱི་སྣང་བ་དམ་པས་ཁྱོད་ལ་སྲུངས་ཤིག་ཅེས་པ་འགྲུབ་རྒྱུའི་དོན་ལ་སྨོན་པ་དང་། གཞན་ཡང་གྲུབ་ཟིན་གྱི་འབྲས་བུ་རང་བཞིན་ལ་སྨིན་པའི་ཕྱིར་དུ་སྨོན་པ་སོགས་མང་ལ་མཐར་རྒྱལ་བ་ལྟ་བུ་ཤིས་བརྗོད་ཀྱི་སྒྲ་ཡོད་པ་ཞིག་དགོས་སོ། །དཔེར་ན། ངག་གི་འདོད་པ་འབད་མེད་དུ། །འཇོ་བའི་དབྱངས་ཅན་ལྷ་མོ་དེས། །བློ་གྲོས་རྒྱས་པའི་དངོས་གྲུབ་ཀུན། །སྩོལ་བའི་བཀྲ་ཤིས་དགའ་སྟོན་ཤོག །ཅེས་པ་ལྟ་བུ། གསུམ་པ་ནི། ཐུན་མོང་མིན་པའི་དཔེའི་སྐབས་སུ་རྗེས་འགྲོ་མེད་པའི་རྒྱན་དང་། བཅུ་གཉིས་པར་ཐེ་ཚོམ་ཅན་གྱི་རྒྱན་བཤད་པས་དེ་དག་ནི་དཔེ་རྣམས་ཉིད་ལས་བསྟན་ཟིན་ལ། དཔེའི་གཟུགས་ཅན་དག་ཀྱང་གཟུགས་ཅན་བཅོ་ལྔ་པའི་སྐབས་སུ་བཤད་པས་འདིར་གཟུགས་ཅན་རྣམས་ལ་ངེས་པར་བསྒྲགས་ཟིན་ཅིང་། རབ་རྟོག་ཆ་ཤས་འདི་ཡང་ནི་སྔར་བཤད་པའི་རབ་རྟོག་གི་དབྱེ་བ་ཉིད་ལ་འདུས་སོ། །

རབ་སྤེལ་གྱི་རྒྱན་བཤད་པ།

― GLG020_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་སྤེལ་གྱི་རྒྱན་བཤད་པ།སོ་བཞི་པ་རབ་སྤེལ་གྱི་རྒྱན་ལ། མཚན་ཉིད། དབྱེ་བ། དཔེར་བརྗོད། ཞར་བྱུང་རྒྱན་སྤྱིའི་རིགས་བསྡུ་ཚུལ་དང་བཞི། དང་པོ་ནི། ཐ་དད་པའི་རྒྱན་གསུམ་ཕན་ཆད་རྣམས་བསྲེས་པ་ནི་སྤེལ་མ་དག་ཏུ་བརྗོད་པ་(༡༠༢ན)
སྟེ་ཞེས་སོ། །གཉིས་པ་ནི། ཡན་ལག་སྒྲུབ་བྱེད་ཕན་འདོགས་པར་བྱེད་པ་དང་ཡན་ལག་ཅན་བསྒྲུབ་བྱ་ཕན་གདགས་པར་བྱ་བ་སོགས་བརྗོད་འདོད་ཀྱི་དངོས་པོའི་སྐབས་ཐོབ་སྦྱར་ནས་བསྲེ་བྱའི་རྒྱན་སོ་བཞི་པ་གང་ཡིན་རྣམས་གཅིག་ལ་གཅིག་ལྟོས་ཀྱི་རབ་སྤེལ་དང་། ཡང་བསྲེ་བྱའི་རྒྱན་ཐམས་ཅད་སོ་སོར་རང་རང་གི་དབང་ཐོབ་པའམ། སྟོབས་མཚུངས་པའི་རབ་སྤེལ་གྱི་རྒྱན་ཉིད་ཅེས་པ་ལུགས་གཉིས་སྤེལ་མ་ཡི་རྒྱན་དག་ནི་མཚོན་པར་བྱའོ། །གསུམ་པ་ནི། མཛེས་མ་ཁྱོད་ཀྱི་བཞིན་གྱི་དཔལ་མཛེས་པ་ཡན་ལག་དང་། ཡན་ལག་ཅན་པདྨ་དག་གིས་འགོག་པར་བྱེད་པ་སྟེ། དཔེ་རྒྱན་དང་། སྒྲུབ་བྱེད་ནུས་པ་ཅན་མཛེས་པའི་ཟེའུ་འབྲུའི་མཛོད་དང་། འདོད་པའི་ལྕུག་མའི་ཡུ་བ་ཕུན་སུམ་ཚོགས་པ་ཡོད་པས་འགྲན་ནུས་སོ་ཞེས་དོན་གཞན་བཀོད་པ་དང་། གདོང་འདི་ལ་འགྲན་ནུས་པ་ལ་བྱ་དཀའ་བ་ཅི་ཞིག་ཡོད་དེ་མེད་དོ། །ཞེས་པདྨ་ལ་ཟོལ་གྱིས་བསྟོད་པ་སྟེ། རྒྱན་གསུམ་ཚང་ངོ་། །ཕྱག་ལེན་ལ་དཔེར་བརྗོད་གཉིས་མཛད་སྲོལ་ཡོད་པས། དང་པོ་གཅིག་ལ་གཅིག་བརྟེན་གྱི་རབ་སྤེལ་ནི། དབྱངས་ཅན་མཛེས་སྐུ་ཟླ་བའི་དཀྱིལ་འཁོར་ནི། །ཉི་འོད་ཀྱིས་འཁྱུད་གངས་རིའི་མདངས་ལ་འགྲན། །དེ་ལ་ཕྲག་དོག་དཔལ་མོ་ལྷ་ཡུལ་དུ། །བྲོས་པས་རྒྱན་གྱི་མེ་ཏོག་འཛུམ་ཞིང་རྒོད། །གཉིས་པ་སྟོབས་མཚུངས་ནི། །གངས་རིའི་སྤུན་ཟླ་དབྱངས་ཅན་ཞལ། །སྤྱན་ཟུར་ཨུཏྤལ་འགྲོ་ལ་གཡོ། །བྱེད་པོས་ནམ་མཁའ་བཞུ་བའི་ཆུ། །དབུ་སྐྱེས་འདི་ལ་བྱུགས་སམ་སྙམ། །ཞེས་པ་ལྟ་(༡༠༢བ)
བུ། བཞི་པ་ནི། སྔར་བཤད་པའི་རྒྱན་རྣམས་ཀྱི་རིགས་ནི་རང་བཞིན་གྱིས་བརྗོད་པ་དང་། འཁྱོག་པོར་བརྗོད་པ་ཞེས་ངག་གི་རང་བཞིན་ཐ་དད་པ་གཉིས་ལས། འཁྱོག་པོར་བརྗོད་པ་ཐམས་ཅད་ལ་ཉམས་འགྱུར་སྣ་ཚོགས་སྦྱར་བས་ཚིག་སྦྱོར་གྱི་དཔལ་རྒྱས་པར་བྱེད་ལ། ཕལ་ཆེར་ཞེས་པའི་སྒྲས་རང་བཞིན་དྲང་པོར་བརྗོད་པ་ལ་མ་ཡིན་ནོ། །

དགོངས་པ་ཅན་གྱི་རྒྱན་བཤད་པ།

― GLG020_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་པ་ཅན་གྱི་རྒྱན་བཤད་པ།སོ་ལྔ་པ་དགོངས་པ་ཅན་གྱི་རྒྱན་ལ་ངོ་བོ་ངོས་གཟུང་བ་དང་། ཆོས་བཞི་རྒྱས་པར་བཤད་པ་གཉིས། དང་པོ་ནི། སྙན་ངག་མཁན་པོའི་བསམ་པ་སྙན་ངག་གི་རྒྱུན་འགྲུབ་པར་བྱེད་པའི་རྟོགས་པ་རྩོམ་པ་ནི་དགོངས་པ་སྟེ། སྙན་ངག་འགོ་བརྩམས་ནས་གྲུབ་པར་མ་གྱུར་གྱི་བར་དུ་བསམ་པ་གང་གནས་པ་ནི་རྒྱན་གྱི་རྒྱུ་ཡིན་ལ། རབ་ཏུ་སྦྱོར་བའི་བཅད་ལྷུག་སྤེལ་མའི་ཡུལ་གྱི་ཡོན་ཏན་ནི་དགོངས་པ་ཅན་ཞེས་བརྗོད་དོ། །དཔེར་ན། མེ་ལོང་དང་མཚུངས་མེ་ལོང་གཞུང་ལུགས་ལས། །མཁས་པའི་གསུང་བཞིན་མཁས་པའི་གོ་འཕང་དག །མངོན་འགྱུར་ཕྱིར་ན་མངོན་འགྱུར་ང་རྒྱལ་དག །སྤངས་ཏེ་ལོག་རྟོག་སྤངས་ནས་འདི་བརྩམས་སོ། །ཞེས་པ་ལྟ་བུ། གཉིས་པ་ནི། །དངོས་པོ་སྙན་པར་བརྗོད་པ་ཡི་ཚིག་རྣམས་ཀུན་ཕན་ཚུན་གཅིག་གིས་གཅིག་ལ་ཕན་པར་བྱེད་པ་ཉིད་ཀྱིས་འབྲེལ་ཆགས་པ་དང་དོན་དང་བྲལ་བའི་ཁྱད་པར་རྣམས་མ་བྱས་པར་ཉེ་བར་མཁོ་བ་ཁོ་ན་བཀོད་པ་དང་། བསྟོད་པའི་གནས་སྐབས་ཀྱི་མཆོག་དམན་དང་བསྟུན་ནས་བསྔགས་པ་བརྗོད་ཤེས་པ་དང་། དངོས་སུ་བརྗོད་པའི་རིམ་པའི་སྟོབས་ཀྱི་(༡༠༣ན)

― GLG020_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུགས་ལས་བརྗོད་བྱའི་དངོས་པོ་ནི་ཟབ་མོ་དག་ཀྱང་གསལ་བ། དཔེར་ན་སྐྱེས་རབས་ཀྱི་ཕྲེང་བ་བརྗོད་པའི་སྟོབས་ལས་ཐུབ་པའི་ངོ་མཚར་ཁྱད་པར་ཅན་གོ་བ་ལྟ་བུ་སྟེ། ཆོས་བཞི་པོ་དེ་དང་ལྡན་པའི་བསམ་པས་ཀུན་ནས་སླངས་པའི་དགོངས་པའི་དབང་དུ་གྱུར་པའི་ཕྱིར། དེ་དག་དགོངས་པ་ཅན་ཞེས་རིག་པར་བྱའོ། །གསུམ་པ་ཟློས་གར་གྱི་མཚན་ཉིད་ཀྱང་རྒྱན་དུ་བསྟན་པ་ནི། གང་ཡང་མཚམས་སྦྱོར་གྱི་ཡན་ལག་ལྔ་དང་འཇུག་པའི་ཡན་ལག་བཅུ་དྲུག་དང་། རྒྱན་བྱེད་པ་སོགས་མཚན་ཉིད་སུམ་ཅུ་རྩ་དྲུག་དང་། སྒེག་པའི་ཡན་ལག་སོགས་ལུང་གཞན་དག་ཏུ་བརྗོད་པ་འདི་ཡང་རྒྱན་ཉིད་དུ་ནི་དབྱུག་པ་ཅན་བདག་ཅག་འདོད་དོ། །བཞི་པ་མཇུག་བསྡུ་ཞིང་མ་བཤད་པ་བསླབ་ཚུལ་ནི། སྟོན་གྱི་སྙན་ངག་མཁན་རྣམས་ཀྱི་གཞུང་ལུགས་རྒྱ་ཆེ་ཞིང་མཐའ་ཡས་པ་དག་འདིར་རབ་ཏུ་བསྡུས་ནས་རྒྱན་སུམ་ཅུ་རྩ་ལྔའི་ཚད་དུ་གྱུར་པ་བསྟན་པ་ཡིས། རང་བཞིན་དང་འཁྱོག་པོའི་རྒྱན་རྣམས་དག་གི་ལམ་འདི་ཉིད་ནི་རྣམ་པར་ཕྱེའོ། །དེའི་མཐུས་བརྗོད་པའི་ཡུལ་ལས་འདས་པར་ཡོངས་སུ་གནས་པ་ཡི་ཤིན་ཏུ་ཕྲ་བའི་ཁྱད་པར་རྣམས་ནི་སྔར་བཤད་པའི་རྒྱན་རྣམས་ལ་གོམས་པ་རྣམས་ཀྱིས་དབྱེ་བར་ནུས་སོ། །སྙན་ངག་མེ་ལོང་ལས། ལེའུ་གཉིས་པའི་འགྲེལ་པ་དང་དཔེར་བརྗོད་བཤད་ཟིན་ཏོ། །སྨྲས་པ། བཅད་ལྷུག་སྤེལ་མའི་ལང་ཚོ་དར་བབས་མ། །(༡༠༣བ)
ངོ་མཚར་རྒྱན་གྱི་གདུ་བུ་འཁྲོལ་བ་ཅན། །དོན་བཟང་མིག་དཀྱུས་རྣམ་དཔྱོད་འདྲེན་བྱེད་ལས། །འགོངས་ཚེ་ཤེས་ལྡན་ཀུན་གྱི་བརྟན་པ་ཕྲོགས། །ཉམས་དང་འགྱུར་བའི་མཉེན་ལྕུག་སོར་མོའི་རྩེར། །སྙན་ཚིག་འབུམ་དུ་ཆགས་པའི་པི་ཝང་རྒྱུད། །བརྡུངས་ཚེ་ཚངས་པའི་བུ་མོ་གར་མཁན་མ། །ཁོ་བོའི་མགྲིན་པའི་པད་མཚོར་ཟློས་གར་སྒྱུར། །འཁྲུལ་པའི་རྡུལ་བྲལ་ལེགས་བཤད་དངས་པའི་དཔྱིད། །དོན་རྒྱན་བཻ་ཌཱུར་འཁྱིལ་བའི་ཨཱདརྵར། །ཁེངས་ལྡན་ཤེས་བྱ་སྨིན་ལེགས་མ་དེའི་བཞིན། །འགོག་མེད་ཤར་བའི་ངོ་མཚར་འདི་རྨད་བྱུང་། །ཞེས་བྱ་བ་ནི་བར་སྐབས་ཀྱི་ཚིགས་སུ་བཅད་པའོ། །

སྒྲ་རྒྱན་གྱི་སྐོར་བཤད་པ།

― GLG020_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

ལེའུ་གསུམ་པ།སྒྲ་རྒྱན་གྱི་སྐོར་བཤད་པ།རབ་དཀར་ཟླ་བ་འབུམ་ཕྲག་ཞུན་མ་འཁྱིལ་བའི་ཁམས་ལས་ལེགས་པར་གྲུབ་པའི་ལང་ཚོའི་དཔྱིད། །ལྟ་བས་མི་ངོམས་མཚན་དཔེའི་དཔལ་དང་ལྷན་ཅིག་འགྲོགས་པའི་མཛེས་སྡུག་འཇོ་སྒེག་རོལ་པ་ཅན། །མཁྱེན་བརྩེའི་སྤྱན་དཀྱུས་སྲིད་འདིའི་ཁོངས་ལས་བརྒལ་བར་སྤྲོས་དེས་ཉེ་བར་བཀུག་པའི་བློ་གྲོས་ཀྱི། །སྣང་བ་དམ་པ་མཛད་མི་ཤེས་པའི་བང་མཛོད་དེ་ནི་ཁོ་བོའི་སྐལ་བར་སྩོལ་ཅིག་ཀྱེ། །རྨད་བྱུང་ངོ་མཚར་མཚར་སྡུག་མཛེས་པའི་དཔལ། །དཔལ་མོའི་སྙེམས་འཕྲོག་འཕྲོག་བྱེད་རལ་པའི་རྒྱན། །རྒྱན་མཆོག་རྣམ་དཔྱོད་དཔྱོད་ལྡན་དགའ་བའི་དབང་། །དབང་ཕྱུག་བརྒྱད་ཀུན་ཀུན་ནས་གྲུབ་པའི་མཆོག །མཆོག་ཏུ་རྣམ་པར་ཡངས་པའི་ཞལ་གྱི་ལུང་། །ལུང་རིགས་གཏེར་མཛོད་(༡༠༤ན)

― GLG020_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་བཤད་ཀུན་གྱི་སྒོ། །སྒོ་འཕར་བརྒྱ་ཕྲག་འབྱེད་པའི་ངག་གི་ལྷ། །ལྷ་སྲས་ཟླ་བ་སྨོན་འགྲོ་ལོ་ཙཱ་དེས། །འཛུམ་འཛུམ་ཞལ་སྒོར་ཆགས་པའི་སྙན་ཚིག་རྒྱུན། །ལྷུག་ལྷུག་འབད་པ་མེད་པར་སྩལ་བ་གང་། །ཡང་ཡང་བསམ་ཤིང་གོམས་པར་བྱས་པ་ཡིས། །མཁས་མཁས་མང་པོར་ཚོགས་པའི་ཡང་རྩེ་ཐོབ། །རིག་གནས་རྒྱ་མཚོར་ཆགས་པའི་འདབ་བརྒྱའི་མཆུ། །འཛུམ་དབུས་གཙུག་ལག་ཟེའུ་འབྲུའི་ཕྲེང་འཛིན་པའི། །སྔོན་མེད་གསུམ་པའི་ལེགས་བཤད་དཀའ་བའི་གནས། །བདུད་རྩིའི་ཐེགས་པ་སྐལ་བཟང་མགྲིན་པར་བྱིན། །གཉིས་པ་སྒྲ་རྒྱན་བཤད་པ་ལ། ཟུང་ལྡན་གྱི་རྣམ་གཞག་བསྟན་པ། བྱ་དཀའ་བའི་ཁྱད་པར་གཞན་བརྗོད་པ་དབྱངས་སོགས་ཡི་གེ་ངེས་པའི་བྱ་དཀའ་བཤད་པ་དང་གསུམ། དང་པོ་མདོར་བསྟན། རྒྱས་བཤད་གཉིས། དང་པོ་མཚན་ཉིད་དང་དབྱེ་བ་གཉིས། དང་པོ་ནི། ཚིག་སྦྱོར་གང་དུ་ཡི་གེ་གཞན་གྱིས་བར་མ་ཆོད་པ་དང་། བར་ཆོད་པའི་བདག་ཉིད་ཅན་གང་རུང་ཡིན་ལ། རྒྱ་སྐད་ལ་དབྱངས་གསལ་གྱི་ཡི་གེ་དུ་མ་ཚོགས་པ་ལན་གཉིས་སུ་བསྐོར་བ་དང་། བོད་སྐད་ལ་མཚོན་ན། མཐའ་རྟེན། འཕུལ་བྱེད། འགྲེང་བུ་ན་རོ། ཡ་བཏགས། ར་བཏགས། བརྩེགས་མ་སོགས་གང་ཡང་མེད་པའི་ཀ་ལྟ་བུ་ལ་དབྱངས་ཨ་ཐུང་སྲོག་ཏུ་ཞུགས་པ་ལྟ་བུ་མ་ཡིན་པར་བསྐོར་བ་ནི་ཟུང་ལྡན་ཞེས་བྱའོ། །གཉིས་པ་ནི། དེ་ཡང་རྐང་པ་ཡི་དང་པོ་དང་བར་དང་མཐའ་ན་ཡོད་པའི་(༡༠༤བ)
སྤྱོད་ཡུལ་ཅན་ཏེ། དེ་ཡང་གཅིག་ཁོ་ན་དེ་བཞིན་དུ་གཉིས། གསུམ། བཞི་ཀ་ལ་ཡོད་པའི་རྐང་པ་ཡི་ཟུང་ལྡན་རྣམས་ནི་རྣམ་པར་རྟོག་པ་ནི། ཐོག་མ་ལ་ཡོད་ལ་བར་མཐའ་ལ་མེད་པ་དང་། བར་དུ་ཡོད་ལ་མཐའ་ཐོག་གཉིས་དོར་བ་དང་། བར་དང་ཐོག་མ་གཉིས་ལ་མེད་ཅིང་ཐ་མར་ཡོད་པ་དང་། དང་པོར་ཡོད་ཅིང་། ཕྱི་མ་གཉིས་མེད་པ་དང་། དེ་ལས་ཟློག་པ་དང་། ཐོག་མཐའ་གཉིས་ལ་ཡོད་ལ་བར་དུ་མེད་པ་དང་། ཀུན་ལ་ཡོད་པ་སྟེ། ནང་གསེས་ཀུན་ཏུ་དབྱེ་བ་ལས་གྱེས་པའི་ཟུང་ལྡན་དེ་དག་གི་དབྱེ་བ་ཤིན་ཏུ་མང་ངོ་། །

ཟུང་ལྡན་གྱི་རྣམ་གཞག་ལས་བྱ་སླ་བ་རྐང་པ་དང་པོ་ན་ཡོད་པའི་ཟུང་ལྡན་གྱི་སྐོར་བཤད་པ།

― GLG020_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུང་ལྡན་གྱི་རྣམ་གཞག་ལས་བྱ་སླ་བ་རྐང་པ་དང་པོ་ན་ཡོད་པའི་ཟུང་ལྡན་གྱི་སྐོར་བཤད་པ།གཉིས་པ་རྒྱས་པར་བཤད་པ་ལ། བྱ་དཀའ་བླ་གཉིས་སུ་ཕྱེ་ནས་འཆད་པར་དམ་བཅའ་བ། རྒྱས་བཤད་དངོས་དང་གཉིས། དང་པོ་ནི། དེ་ལ་བྱ་སླ་བ་དང་དཀའ་བའི་རྣམ་གཞག་ཀྱང་འགའ་ཞིག་དག་ནི་བསྟན་པར་བྱའོ། །གཉིས་པ་ལ་བྱ་སླ་རྐང་པའི་དང་པོ་ན་ཡོད་པའི་ཟུང་ལྡན་བྱ་དཀའ་གནས་གཞན་ལ་ཡོད་པའི་ཟུང་ལྡན། མཐའ་ཐོག་སྦྱར་བའི་ཟུང་ལྡན་ཀུན་ཏུ་ཟུང་ལྡན། བསྲེས་པའི་ཟུང་ལྡན་ཟློག་པའི་ཟུང་ལྡན་དང་དྲུག །དང་པོ་ལ། དཔེར་བརྗོད། དོན་བསྡུ་གཉིས། དང་པོ་ལ་བར་མ་ཆོད་ཀྱི་ཟུང་ལྡན་དུ་ཆོད་པའི་ཟུང་ལྡན། ཆོད་ཅིང་མ་ཆོད་པའི་ཟུང་ལྡན་དང་གསུམ། དང་པོ་ལ་དཔེར་བརྗོད། དོན་བསྡུ་གཉིས། དང་པོ་ལ་བཅོ་ལྔ་ལས་རྐང་པ་དང་པོའི་ཐོག་མ་ལ་ཡོད་པའི་ཟུང་ལྡན་ནི། གྲོགས་མོ་ཁྱོད་མཛའ་བའི་སྐྱེ་བོ་ལ་མི་འདུད་པའི་ཁེངས་པ་འདི་དང་འགྲོགས་པར་མ་བྱེད་པར། སྔར་དུས་ལས་ཡོལ་ཏེ་བསླུས་པ་དེ་གསོ་བའི་ཕྱིར། གྲོགས་ཀྱི་མགྲིན་པ་ནས་(༡༠༥ན)

― GLG020_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྱུད་ལ་དེ་ཉིད་ངོ་ཚ་དང་ལྡན་པར་གྱིས་ཤིག །གཞུང་དོན་གྱི་འབྲུ་གཉེར་བ་ཙམ་མ་གཏོགས། རྒྱ་དཔེའི་ཟུང་ལྡན་བོད་སྐད་ལ་ཞིག་པས་དོན་མི་སྟོན་ཅིང་། རྒྱ་དཔེར། མཱ་ནེ་ན་མཱ་ནེ་ན་ཞེས་ཟུང་ལྡན་བར་མ་ཆད་དུ་ཡོད་ལ། དེས་མཚོན་འོག་མ་རྣམས་ལ་ཡང་རྒྱ་དཔེར་ཤིན་ཏུ་གསལ་བས་དེ་ཉིད་བོད་ལ་མཚོན་པར་ཕྱག་ལེན་ལྟར་བརྗོད་པ་ནི་ཉེ་བར་མཁོ་བས། དཔེར་ན། འཛུམ་འཛུམ་ཞལ་གྱི་སྒོ་ལས་ལེགས་འཕྲོས་པའི། །འོད་ཟེར་འབུམ་ཕྲག་བཀྱེ་བས་ལེགས་བྲིས་ཀྱི། །མངོན་པའི་ང་རྒྱལ་བཅོམ་སྟེ་བདེན་པ་དག །མཐོང་མཛད་ཟས་གཙང་སྲས་ཀྱིས་འགྲོ་འདི་སྐྱོངས། །ཞེས་པ་ལྟ་བུ། །རྐང་པ་གཉིས་པའི་ཐོག་མ་ལ་ཡོད་པ་ནི། ངང་པ་རྣམས་ཀྱི་དྲེགས་པ་འཇོམས་པར་བྱེད་པའི་སྤྲིན་གྱི་སྒྲ་ཡིས་མྱོས་བྱེད་འདོད་ལྷས་ནི་དགའ་མ་དང་བཅས་ནས་བུད་མེད་རྣམས་ཀྱི་ཁེངས་པ་དང་བྲལ་བའི་སླད་དུ་ཡིད་ལ་འཇུག་པར་བྱེད་དོ། །དཔེར་ན། ངོ་མཚར་མཚན་དཔེའི་སྣང་བ་མི་ཟད་པའི། །མཛེས་མཛེས་ལང་ཚོ་གཅིག་ཏུ་རབ་བསྡུས་པ། །འདྲེན་བྱེད་སྔ་ན་མེད་པའི་དགའ་སྟོན་ཅན། །ངག་དབང་དབྱངས་ཅན་ལྷ་མོ་ཕྱག་གི་ཡུལ། །ཞེས་པ་ལྟ་བུ། གསུམ་པ་རྐང་པ་གསུམ་པའི་ཐོག་མ་ལ་ཡོད་པ་ནི། ཆུ་གཏེར་བཞིའི་སྐ་རགས་ཅན་གྱིས་ས་ཡི་ལག་གི་དཔྱ་ཁྲལ་འཛིན་སྡུད་ལ་མཁས་པ་ཁྱོད་ཉིད་རྒྱལ་པོར་ཐོབ་ནས། ད་ལྟ་ནི་སྐྱེ་དགུ་རྣམས་རྒྱལ་པོ་བཟང་པོ་དང་ལྡན་པར་གྱུར་ཏོ། །དཔེར་ན། ཐུན་མཚམས་ལང་ཚོ་གསར་པའི་རྗེས་འགྲོ་(༡༠༥བ)

― GLG020_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

བའི། །འཇོ་སྒེག་གཟུགས་སྐུའི་ཕྱག་གི་མཐེབ་སྲིན་གྱིས། །ལྡེམ་ལྡེམ་ཨུཏྤལ་བཟུང་བའི་རྩེ་མོ་ན། །ཤེར་ཕྱིན་གླེགས་བམ་ངོ་མཚར་ཅི་ཡང་བཀྲ། །ཞེས་པ་ལྟ་བུ། བཞི་པ་རྐང་པ་བཞི་པའི་ཐོག་མ་ལ་ཡོད་པ་ནི། རྒྱལ་པོ་ཁྱོད་ཀྱི་དགྲ་རྣམས་རྐང་ཐང་། ཤིང་རྟ། གླང་པོ། རྟ་དང་བྲལ་བས། འགའ་ཞིག་སྐྱོ་སྟེ་ནགས་དང་། གཞན་དག་ནི་ཤི་ནས་ལྷ་རྣམས་དག་གི་གནས་སུ་སོང་ངོ་། །དཔེར་ན། རབ་འབྱམས་ཤེས་བྱའི་ཀུན་གསལ་བཞིན་རས་ལ། །བརྡའ་སྤྲོད་རྣམ་པར་བཀྲ་བའི་མིག་དཀྱུས་ཅན། །བློ་གསལ་འདོད་ལྡན་བརྟན་པ་འཕྲོག་བྱེད་པས། །མཁས་མཁས་ཀུན་གྱི་ཟླ་བྲལ་ཤོང་སྟོན་རྗེ། །ཞེས་པ་ལྟ་བུ། ལྔ་པ་དང་པོ་གཉིས་ཀྱི་ཐོག་མ་ལ་ཡོད་པ་ནི། ཆུ་སྐྱེས་གདོང་ལྡན་མ་ཁྱོད་ཀྱི་མིག་གཉིས་ཀྱི་རྣམ་འཕྲུལ་ཡིད་འོང་འདི་ལ་ནི། དཔྱིད་དུས་ཀྱི་བུང་བའི་རྣམ་འཕྲུལ་གྱིས་ཅོ་འདྲི་བར་བྱེད་པ་ཅི་ཡིན་སྨྲོས་ཤིག །དཔེར་ན། ཡང་ཡང་བརྩོན་པའི་རླུང་གིས་བསྐུལ་བ་ཡིས། །ངལ་ངལ་འཕགས་ཡུལ་པཎ་ཆེན་བསྟན་པའི་ཕྱིར། །སྙིང་སྟོབས་དྲི་བསུང་མངར་བས་ཡོངས་བགྲོད་པ། །དཔང་སྟོན་ལོ་ཙཱར་བློ་ལྡན་སུ་མི་དད། །ཅེས་པ་ལྟ་བུ། དྲུག་པ་དང་པོ་དང་གསུམ་པའི་ཐོག་མ་ལ་ཡོད་པ་ནི་བཟུང་བར་དཀའ་བའི་གླང་པོའམ་རྟ་སོགས་གཡུལ་དུ་དཔའ་བ་ཡི་ཚོགས་དག་མེད་ཀྱང་། གང་གི་ཕྱིར་འདོད་པའི་ལྷ་མེ་ཏོག་གི་མདའ་ལ་བརྟན་པ་ཙམ་གྱིས། བདག་ཅག་འདོད་པས་འཆི་བ་ལྟ་བུའི་མཐར་བྱས་པ་དེའི་ཕྱིར། ཁྱོད་ཀྱིས་རྣམ་(༡༠༦ན)

― GLG020_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གནོན་པ་ནི་མཚར་རོ། །དཔེར་ན། དཀའ་དཀའི་གནད་ཀྱི་རྦ་རླབས་ཆེར་འཁྲུངས་པའི། །ལེགས་སྦྱར་ཆུ་གཏེར་ཆེན་པོའི་ཕ་མཐའ་དག །བརྟན་བརྟན་བློ་ཡི་གྲུ་རྫིངས་ལ་བརྟེན་ནས། །རབ་བགྲོད་ལོ་ཆེན་ཆོས་སྐྱོང་བཟང་པོའི་ཞབས། །ཞེས་པ་ལྟ་བུ། བདུན་པ་དང་པོ་དང་བཞི་པའི་ཐོག་མ་ལ་ཡོད་པ་ནི། གཡུལ་དུ་རྣོ་བའི་མཚོན་ཆས་ཕ་རོལ་འཇོམས་པས་དཔའ་བའི་མཛེས་པ་ཡིས་མི་བདག་ཁྱོད་འདྲ་བས། ནོར་འཛིན་འདི་ནི་རྩོད་དུས་ལས་རྒྱལ་བར་འགྱུར་ཏེ། ནོར་འཛིན་གྱི་སྐྱེ་བོ་ཀུན་རྫོགས་ལྡན་གྱིས་ཚིམ་པ་དག་ཀྱང་ཐོབ་པར་གྱུར་རོ། །དཔེར་ན། དཀར་དཀར་ལྷག་བསམ་གངས་ཀྱི་རི་བོ་ལས། །འཕྲིན་ལས་ཛཧྣུ་ཡི་བུ་མོའི་རྒྱུན། །ཐུབ་བསྟན་པད་དཀར་མིག་གི་དགའ་སྟོན་དུ། །ལེགས་ལེགས་སྤེལ་བའི་དུས་སྟོན་བླ་ན་མེད། །ཅེས་པ་ལྟ་བུ། བརྒྱད་པ་གཉིས་པ་དང་གསུམ་པའི་ཐོག་མ་ལ་ཡོད་པ་ནི། ས་ཧ་ཀཱ་རའི་མེ་ཏོག་གསར་པ་འདིས་བདག་ཉིད་མཆོག་ཏུ་སྲེད་པ་དང་ལྡན་པར་བྱེད་དོ། །དེ་བཞིན་ཁུ་བྱུག་མྱོས་པ་དག་གི་སྒྲ་ཡིད་དུ་འོང་བ་འདིས་ཀྱང་འདོད་པ་འཕེལ་ལོ། །དཔེར་ན། རིག་གནས་རྒྱ་མཚོའི་ཕྲེང་བ་ལེགས་བཟུང་བའི། །སྙན་སྙན་གྲགས་པའི་གདུགས་དཀར་སྲིད་རྩེ་ན། །ཁོར་ཁོར་གཡོ་བའི་ཚུལ་ལ་ལྷའི་བླ་མ། །རང་མིན་གཉིས་པ་ཡོད་སྙམ་རྣམ་པར་ལྟ། །ཞེས་པ་ལྟ་བུ། དགུ་པ་གཉིས་པ་དང་བཞི་པའི་ཐོག་མ་ལ་ཡོད་པ་ནི། བདག་རྒས་ཀྱང་མཛེས་མ་ཁྱོད་ལ་དམིགས་(༡༠༦བ)

― GLG020_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རེ་བ་དང་མ་བྲལ་བས། ཚུལ་འདི་ལ་འདོད་པ་མ་བསྟེན་ན། རེ་བ་དེ་འདྲ་བ་ཡི་ངང་ལ་གནས་སྐབས་ལུས་ནི་འཇིག་པར་བྱེད་པས། རྩེ་དགའི་ཆེད་དུ་བུད་མེད་ལ་འཛེག་ནུས་ཇི་ལྟར་མིན་པ་སྟེ་ནུས་སོ། །དཔེར་ན། རྣམ་པའི་ཡོན་ཏན་བང་མཛོད་རབ་དབང་བའི། །མང་མང་ཐོས་པའི་ངག་གི་འདོད་པ་འཇོ། །ཚངས་སྲས་མགྲིན་པར་བརྒྱན་པའི་སྐད་གཉིས་པ། །ཕྱུག་ཕྱུག་ཤམྦྷ་ལ་ལ་འཁུ་སྙམ་བྱེད། །ཅེས་པ་ལྟ་བུ། །བཅུ་པ་གསུམ་པ་དང་བཞི་པའི་ཐོག་མ་ལ་ཡོད་པ་ནི། ཡལ་འདབ་གསར་པས་མཛེས་པ་ཡི་ལྗོན་པས་གྲོགས་སུ་དྲངས་པའི་གཞོན་ནུ་རྣམས་གདོང་མཛེས་པ་པདྨར་མངོན་དུ་ཕྱོགས་པའི་བུང་བ་ཡིས་མཐོང་བས། འདི་རྣམས་ཤིང་གི་གྲོགས་སུ་མི་འོས་ཀྱི། རང་ཅག་རྣམས་ཀྱི་སྤྱོད་ཡུལ་ལོ་ཞེས་མིག་ནས་གཟུང་སྟེ་འགུགས་པར་བྱེད་དོ། །དཔེར་ན། ཐོར་ཚུགས་རབ་ཏུ་ལྡེམ་པའི་ནམ་མཁའ་ལ། །རབ་དཀར་ཟླ་བ་ཚེས་པས་རྣམ་པར་མཛེས། །འུར་འུར་མིག་ནས་འབར་བའི་མེ་དཔུང་གིས། །ཐུལ་ཐུལ་མདའ་ལྔ་པ་ཡི་རགས་ལུས་བསྲེགས། །ཞེས་པ་ལྟ་བུ། བཅུ་གཉིས་པ་རྐང་པ་དང་པོ་གསུམ་གྱི་ཐོག་མ་ལ་ཡོད་པ་ནི། འདོད་པས་མྱོས་པའི་བྱ་བཞད་ནི་ཁྲུས་ཀྱི་ཕྱིར་རབ་ཏུ་འཇུག་པ་ན་རྫིང་གི་ཆུ་ལ་གནས་པའི་མདོག་དཀར་བ་ཡི་ངང་མོའི་འདི་ཡི་ཅ་ཅོ་སྒྲོགས་པ་ཡིས། བདག་ནི་འདོད་པས་མཐར་བྱེད་གཤིན་རྗེའི་ཟས་སུ་བྱེད་དོ། །དཔེར་ན། དངས་དངས་གསལ་བའི་ཡིད་ཀྱི་མེ་ལོང་ངོས། །(༡༠༧ན)

― GLG020_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

ཝལ་ཝལ་ཤར་བའི་ཤེས་བྱའི་གཟུགས་བརྙན་གྱིས། །དུངས་དུངས་བློ་གསལ་གཞོན་ནུའི་འདྲེན་བྱེད་ལ། །སྔ་ན་མེད་པའི་དགའ་སྟོན་ཅི་ཡང་རྒྱས། །ཞེས་པ་ལྟ་བུ། བཅུ་གཉིས་པ་སྔ་མ་གཉིས་དང་བཞི་པའི་ཐོག་མ་ལ་ཡོད་པ་ནི། དྲི་མ་དང་བྲལ་བའི་ཟླ་བའི་ཆ་ཤས་དག་དང་ལྷན་ཅིག་ཏུ་འོངས་པའི་མ་ལ་ཡའི་རླུང་འདིས་བདག་ཡིད་དགའ་བར་མི་བྱེད་དེ་དེས་བསྐྱེད་པའི་འདོད་པ་འདི་ནི་མི་ཟད་པའི་དུག་གི་རྗེས་སུ་འགྲོའོ། །དཔེར་ན། སྙན་སྙན་པི་ཝང་བསྒྱུར་བའི་དྲི་ཟའི་གླུ། །ལྷང་ལྷང་སྒྲ་འཛིན་བུ་གར་ཐོས་པ་ཡིས། །འདོད་ལྡན་སྐྱེ་བོའི་སྙིང་ལ་དགའ་འཕེལ་བ། །ཆིལ་ཆིལ་དབྱར་གྱི་ཆུ་ཀླུང་དག་ལ་འགྲན། །ཞེས་པ་ལྟ་བུ། བཅུ་གསུམ་པ་ཕྱི་མ་གཉིས་དང་། དང་པོའི་ཐོག་མ་ལ་ཡོད་པ་ནི། བདག་ལ་བརྟེན་པ་སྟེ་མཛའ་བར་མི་འདོད་པའི་ཁེངས་པ་ཅན་མ། དོ་ཤལ་དང་ལྡན་ཞིང་ཡིད་འཕྲོག་པར་བྱེད་མ་ལུས་མེད་ཉིད་ཀྱི་དངོས་པོ་ཅན་མདའ་ལྔ་པ་ཁྱོད་ཀྱི་འདོད་པས་གདུངས་ཏེ་ལུས་ཕྲ་བར་གྱུར་པ་བདག་གི་ཕྲོགས་བྱས་ནས་བདེ་བ་རྒྱས་པར་མཛོད་ཅིག །དཔེར་ན། དཀའ་དཀའི་ཐོབ་བྱ་མཐར་ཐུག་རྒྱལ་བའི་ལམ། །སྙིང་སྟོབས་ལྡན་པའི་བྱང་སེམས་མ་ཡིན་པ། །གསལ་གསལ་ཤ་ཡི་མིག་གིས་མི་མཐོང་ཞིང་། །ངལ་ངལ་རྐང་པས་བགྲོད་ཀྱང་སླེབ་པ་མིན། །ཞེས་པ་ལྟ་བུ། །བཅུ་བཞི་པ་ཕྱི་མ་གསུམ་གྱི་ཐོག་མ་ལ་ཡོད་པ་ནི། མཛེས་མ་ཁྱོད་ཀྱི་གདོང་གིས། ཤེས་ལྡན་བདག་ལས་རྒྱལ་བ་སྟེ་དབང་དུ་བྱས་ན་ཆུ་(༡༠༧བ)

― GLG020_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་རྒྱན་ཙམ་དུ་གྱུར་ཅིང་། བུང་བ་གཡོ་བས་ཅུང་ཟད་སྒེག་པ་ཅན། འདབ་ལྡན་པདྨ་གཏམ་མེད་མ་ལས་བདག་གི་དགའ་མ་ཁྱོད་ཅི་ལྟར་མི་རྒྱལ་ཏེ་རྒྱལ་ལོ། །དཔེར་ན། ཀུན་མཁྱེན་ཙོང་ཁ་པ་ཡི་རིང་ལུགས་ལ། །འཁྲུལ་འཁྲུལ་དྲི་མ་སྤངས་པའི་དམ་བཅའ་ཡིས། །ཡང་ཡང་རྒོལ་བར་འདོད་པའི་སྐྱེ་བོ་རྣམས། འབོལ་འབོལ་སྟན་ལ་ཉལ་ཏེ་གཉིད་ལོག་གོ ། ཞེས་པ་ལྟ་བུ། བཅོ་ལྔ་པ་བཞི་གའི་ཐོག་མ་ལ་ཡོད་པ་ནི། པ་ཊ་ལའི་མེ་ཏོག་ལྟར་དམར་བའི་གོས་ཅན་ཉི་མའི་འོད་ཀྱིས་དམར་བར་གྱུར་པའི་ནུབ་ཕྱོགས་ཆུ་ལྷ་མ་བཞིན་དུ་དགའ་མ་ཁྱོད་མཛེས་སོ། །དེ་ལས་ཀྱང་ག་པུར་སོགས་ཀྱི་དྲི་བཟང་པོ་གནས་པས་བདག་གི་དགའ་མ་འདི་ལྷག་ཅིང་དགའ་བར་བྱས་སོ། །དཔེར་ན། མཐོ་མཐོའི་སྟན་ལ་འདུག་པ་ཙམ་ཉིད་དང་། ཆེ་ཆེ་རིགས་རུས་ཙམ་གྱིས་དྲེགས་པ་དང་། །ཡང་ཡང་སྐྱེ་བ་བརྒྱུད་པ་མ་ཡིན་ཡང་། །འགྲིག་འགྲིག་ཤེས་བྱ་འཆད་ན་དཔལ་སྒང་པ། །ཞེས་པ་ལྟ་བུ། གཉིས་པ་དོན་བསྡུ་བ་ནི། དེ་ལྟར་རྐང་པའི་ཐོག་མ་ལ་ཡོད་པ་ཡི་ཟུང་ལྡན་བར་ཆད་མེད་པའི་རྣམ་རྟོག་གི་ས་བོན་ཙམ་བསྟན་ནོ། །གཉིས་པ་ཆོད་པའི་ཟུང་ལྡན་ལ་དམ་བཅའ། དཔེར་བརྗོད། དོན་བསྡུ་བ་དང་གསུམ། དང་པོ་ནི་དེ་ནི་ཡི་གེ་དང་ཚིག་གཞན་གྱིས་བར་དུ་ཆོད་པ་ཡི་རྣམ་པར་རྟོག་པ་འགའ་ཡང་བསྟན་པར་བྱའོ། །གཉིས་པ་ལ་བཅུ་གསུམ་ལས། དང་པོ་གཉིས་ཀྱི་ཐོག་མའི་ཟུང་ལྡན་ཆོད་པ་ནི། ས་ཧ་ཀཱ་ར་ལས་འཁྲུངས་པ་ཉིད་(༡༠༨ན)

― GLG020_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ལོ་འདབ་ཡིད་འོང་དྲི་བཟང་དང་ལྡན་པ་ཡིས་དཔྱིད་དུས་ཀྱི་རི་དྭགས་ཨཎྜ་ཡའི་མིག་ཅན་བུད་མེད་ཀྱིས་རང་གི་མཛའ་བོ་ལ་མི་འདུད་པའི་ཁེངས་པའི་མིང་ངམ་སྒྲ་ཡི་ལྷག་མར་བྱེད་དོ། །རྒྱ་དཔེར། མ་དྷུ་རེ་ཎ་དྲྀ་ཤཾ་མཱ་ནི་མ་དྷུ་རེ་ཎ་སུ་གནྡྷི་ན་ཞེས། མ་དྷུ་རེ་ཎ་གཉིས་ཀྱི་བར་དུ་ཡི་གེ་གཞན་གྱིས་ཆོད་པས་མཚོན་ཏེ། འོག་མ་རྣམས་ལ་ཡང་གསལ་བས། བོད་སྐད་ལ་མཚོན་ན། བློ་གྲོས་མངོན་པར་རྒྱས་པའི་རྣམ་དཔྱོོད་ཀྱིས། །བློ་གྲོས་ཆེན་པོར་གྲགས་པའི་བཟང་རྫུ་མཁན། །ཕལ་ཆེར་ཁེངས་པ་ཕྲོགས་པའི་གྲགས་པའི་དབྱངས། །སྲིད་པའི་རྩེ་མོར་གྲགས་པ་ཨེ་མ་མཚར། །ཞེས་པ་ལྟ་བུ། །གཉིས་པ་དང་པོ་དང་གསུམ་པའི་ཐོག་མ་ལ་ཡོད་པ་ནི། དགའ་མའི་ལག་པ་པདྨ་དམར་པོ་ལྟར་ཤིན་ཏུ་དམར་བ་དེས་རྒྱུད་མང་ལ་བསྣུན་པའི་རྣམ་འཕྲུལ་དེ་ལ་ཕྲག་དོག་དང་ལྡན་པར་འགྱུར་ནས། རྣ་བའི་ཨུཏྤལ་གྱིས་མཛའ་བོའི་གདོང་ལའང་བསྣུན་པར་བྱེད་དོ་ཞེས་པས་འགྲམ་པ་སྦྱར་ནས་བསྡད་པ་སྟེ། དཔེར་ན། རབ་གསལ་ཟླ་བ་རྒྱས་པའི་དཀྱིལ་འཁོར་ལ། །རི་དྭགས་གཟུགས་ཀྱིས་རྣམ་པར་བཀྲ་བ་དེ། །རབ་རྨོངས་སྐྱེ་བོ་འགའ་ཞིག་སྨིན་ལེགས་མའི། །བཞིན་རས་ར་རིའི་དྲི་མས་ནོགས་ཞེས་སྨྲ། ཞེས་པ་ལྟ་བུ། གསུམ་པ་དང་པོ་དང་བཞི་པའི་ཐོག་མ་ལ་ཡོད་པ་ནི། །རླུང་གིས་གར་བསྒྱུར་ཏེ་བསྣུན་པའི་སྤྲིན་གྱི་ཕྲེང་བ་མཐའ་དག་ཏུ་ཁྱབ་པ་ལས་ཆུ་ནི་འཐོར་བར་བྱེད་ལ། དེ་རྗེས་མཇུག་(༡༠༨བ)

― GLG020_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོ་ལྡན་པ་དག་མཇུག་མ་རབ་ཏུ་བསླང་བའི་གར་དག་བྱེད་དོ། །དཔེར་ན། དཀར་འཇམ་ཡིད་འོང་པདྨ་དག །ངག་དབང་དབྱངས་ཅན་ལྷ་མོ་ཡི། །ཞབས་ཟུང་རྣམ་པར་བཏེག་པ་ལ། །དཀར་བའི་བློ་ཡིས་རྣམ་པར་སྤྲུལ། ཞེས་པ་ལྟ་བུ། བཞི་པ་གཉིས་པ་དང་གསུམ་པའི་ཐོག་མ་ལ་ཡོད་པ་ནི། འདོད་ལྡན་མ་དག་ཁྱོད་ཀྱི་ཡིད་ནི་མཛའ་བོ་ལ་མི་འདུད་པའི་ཁེངས་པ་རྩོད་པར་གྱུར་ཀྱང་། རང་ཉིད་ཀྱི་འདོད་པ་སྐྱེས་པ་ལས་ཉམས་པར་འགྱུར་སྲིད་དེ། ནཱིམྦ་ཀ་ལི་ཀཱའི་མེ་ཏོག་ཁ་བྱེ་བ་མཐོང་བ་ན་ཆགས་པས་གནས་སྐབས་ཅི་ལ་རེག་པར་གྱུར་ཏམ་སྟེ། མི་འཆི་བའི་ངེས་པ་མེད་དོ། །དཔེར་ན། མཚན་དཔེའི་ལང་ཚོ་རབ་ཏུ་རྒྱས་པ་ཡིས། །སྒེག་མོ་གཞན་གྱིས་བསྒྲུན་དུ་མ་མཆིས་པའི། །སྒེག་ལྡན་གསེར་མངལ་ཅན་གྱི་བུ་མོ་ཡི། །ཞབས་ཟུང་སྤྱི་བོའི་གཙུག་ན་རྒྱལ་གྱུར་ཅིག །ཅེས་པ་ལྟ་བུ། ལྔ་པ་གཉིས་པ་དང་བཞི་པའི་ཐོག་མ་ལ་ཡོད་པ་ནི། རྩེ་དགའི་རི་ཡི་རྩེ་ལས་འོངས་པའི་ཟླ་ཤེལ་གྱི་ཐང་འདི་ལ་ནི། མདོངས་མཐའ་མཆོག་ཏུ་མཛེས་པ་ཡི་གཙུག་ཕུད་ཅན་འདི་རབ་ཏུ་འཛེགས་ནས་གར་བྱེད་དོ། །དཔེར་ན། ཟུར་ཕུད་མཐོན་མཐིང་མགོ་སྐྱེས་རབ་ལྡེམ་ཤིང་། ལུས་དཀར་འཁོར་ལོའི་ཡན་ལག་ལ་འཁུ་བ། །མཛེས་སྡུག་ཆ་ཤས་རྫོགས་པའི་སྨིན་ལེགས་མ། །ལུས་མེད་མདའ་ཡི་སྤུན་ཟླ་མ་ཡིན་ནམ། །ཞེས་པ་ལྟ་བུ། དྲུག་པ་ཕྱི་མ་གཉིས་ཀྱི་ཐོག་མ་ལ་ཡོད་པ་ནི། གང་ཞིག་ལྷག(༡༠༩ན)

― GLG020_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཅན་སོགས་སྦྲུལ་མཆོག་གི་སྟེང་ན་གནས་ཤིང་། ཁྱབ་འཇུག་ཕག་པས་བཟུང་བའི་ས་འདི་ནི་རྒྱལ་པོའི་ཕྱོགས་གཞན་ལས་རབ་ཏུ་སླངས་ནས། ད་ལྟ་མི་བདག་ཁྱོད་ཀྱི་ལག་པས་བཟུང་ངོ་། །དཔེར་ན། ཤེས་བྱའི་དོན་ཀུན་ལྟ་བ་ལ། །སྔ་ན་མེད་པའི་རྣམ་དཔྱོད་ཅན། །ངག་དབང་དབྱངས་ཅན་མགྲིན་འཁྱུད་པའི། །ངག་གི་དབང་ཕྱུག་བློ་གྲོས་བརྟན། །ཞེས་པ་ལྟ་བུ། བདུན་པ་སྔ་མ་གསུམ་གྱི་ཐོག་མ་ལ་ཡོད་པ་ནི། གཡུལ་དུ་རོལ་གྱི་དགྲ་ཡི་གླང་པོ་རྣམས། རྒྱལ་པོ་ཁྱོད་ཀྱི་ལག་པ་མཐར་བྱེད་གཤིན་རྗེ་འདྲ་བ་ཡིས་མཚོན་བསྣུན་པས་ཁྲག་ནི་རབ་ཏུ་ཟགས་པ་ཐུན་མཚམས་དག་གི་སྤྲིན་བཞིན་མཛེས་སོ། །དཔེར་ན། དམར་སེར་ལི་ཁྲིའི་མདངས་འཛིན་ཞིང་། །དམར་བའི་མཆུ་སྒྲོས་རྣམ་པར་གཡོ། །དམར་འོད་ཆགས་པའི་རྣམ་འགྱུར་ཅན། །ཡིད་སྲུབས་དགྲ་དེ་རྣམ་པར་བཅོམ། །ཞེས་པ་ལྟ་བུ། བརྒྱད་པ་གཉིས་པ་བོར་བའི་གསུམ་གྱི་ཐོག་མ་ལ་ཡོད་པ་ནི། རླུང་གིས་རི་ཡི་འཁྲི་ཤིང་རྣམས་གྲུམས་པ་བཞིན་དུ་དཔའ་བས་གཞན་གྱི་སྡེ་ནི་བཅོམ་པས། འགའ་ཞིག་ནི་མཐར་གཤེད་དུ་སོང་བ་བཞིན། དཔུང་གི་རྡུལ་ཚུབ་གྱིས་ནམ་མཁའ་ཁྱབ་པར་གྱུར་རོ། །དཔེར་ན། བློ་གསལ་བྱེ་བའི་གཙུག་ན་རབ་འགྱིང་ཞིང་། །མཁས་མང་རྒྱ་མཚོའི་མགོ་བོས་ལེགས་པར་བཏུད། །བློ་ཆེན་ཀུན་ཀྱང་ཁྱོགས་ལ་འཕྱང་འགྱུར་པའི། །བློ་བཟང་གྲགས་པ་ཐུབ་བསྟན་བླ་ན་མཐོ། །(༡༠༩བ)

― GLG020_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་ལྟ་བུ། དགུ་པ་རྐང་པ་ཕྱི་མ་གསུམ་གྱི་ཐོག་མ་ལ་ཡོད་པ་ནི། ལེགས་ལྡན་བསོད་ནམས་ཀྱི་བགོ་སྐལ་ཆུ་འཛིན་གསར་པའི་འོད་ཆགས་ཤིང་། ལྷ་མིན་དག་གི་རིགས་རྣམས་ཉམས་པར་བྱེད་པ། སྦྱིན་ལྡན་གླང་པོ་ཆེའི་མཆོག་འདུལ་ཞིང་འཇོམས་པའི་གླང་རྫི་ཁྱབ་འཇུག་དེས་ཁྱེད་ལ་རྟག་ཏུ་སྲུངས་ཤིག །དཔེར་ན། ཀུན་གསལ་ལུས་ཕྲའི་བཞིན་རས་ལམ་ཡངས་པོར། །དབང་པོའི་གཞུ་ཡི་མིག་དཀྱུས་རྣམ་པར་བཀྲ། །དབང་ཕྱུག་གཙུག་གི་ཟླ་ཚེས་ལྟ་བུའི་སོས། །དབང་པོ་མིག་སྟོང་སྤྲུལ་ནས་ལྟ་མིན་ནམ། །ཞེས་པ་ལྟ་བུ། བཅུ་པ་བཞི་ཀའི་ཐོག་མ་ལ་ཡོད་པ་ནི། ཁྱོད་ཀྱི་མགོའི་སྐྲ་བུང་བ་དང་འདྲ་ཞིང་། གདོང་ནི་པདྨར་ཕྲག་དོག་བྱེད་པའི་དཀར་བ། ལྷ་མོ་དཔལ་མོ་བཞིན་དུ་སྐྱེ་བོ་མཐའ་དག་རབ་ཏུ་མྱོས་པར་བྱེད་མ་ཁྱོད་ཀྱིས། སྐྱེས་བོ་སུ་ཞིག་འདོད་མྱོས་ཀྱི་གྲངས་སུ་རྩི་བར་མི་བྱེད་དོ། །དཔེར་ན། རྒྱལ་བ་ཀུན་གྱི་གསང་གསུམ་མ་ལུས་པ། །རྒྱལ་སྲས་གཞོན་ནུའི་གཟུགས་སུ་ལེགས་ཤར་བ། །རྒྱལ་ཕྲན་མང་པོའི་གཙུག་ན་འགྱིང་བའི་ཕྱིར། །རྒྱལ་པོ་སྲོང་བཙན་སྒམ་པོ་བོད་ཀྱི་རྗེ། །ཞེས་པ་ལྟ་བུ། བཅུ་གཅིག་པ་བཞི་ཀའི་ཐོག་མ་ལ་ཡོད་ཅིང་ཕྱེད་སྔ་ཕྱི་རིགས་མི་གཅིག་པ་ནི། རྒྱ་ཆེ་བའི་རིན་པོ་ཆེའི་རྒྱན་དང་ལྡན་ཞིང་རྒྱགས་པའི་མིག་ཁོར་ཁོར་དུ་ལྟ་བ་དང་། ཛགྷ་ན་སྟེ་ཚང་ར་ཆུང་བ་མ་ཡིན་པས་མཛའ་བོ་ནི་དགའ་བ་དང་ལྡན་པ་བྱ་བར་བཟོད་ནུས་སོ། །དཔེར་ན། རབ་བསིལ་དལ་གྱིས་འབབ་པའི་ཆུ་ཀླུང་འགྲམ། །རབ་(༡༡༠ན)

― GLG020_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་སྒྲ་དེ་རྣ་བར་ཐོས་པའི་མོད། །བག་ཕེབས་ནགས་ཚལ་དྲ་བའི་དབེན་གནས་སུ། །བག་ཡོད་གཏན་བདེ་བསྒྲུབ་སྙམ་ཕྱང་མོ་ཉུག །ཅེས་པ་ལྟ་བུ། །བཅུ་གཉིས་པ་མི་མཉམ་པ་གཉིས་དང་མཉམ་པ་གཉིས་འདྲ་བའི་ཐོག་མ་ལ་ཡོད་པ་ནི་གཞན་གསོས་ཁུ་བྱུག་རྣམས་ཀྱི་སྐད་སྒྲགས་པ་དང་། མཛེས་མ་ཁྱོད་ཀྱིས་བརྗོད་པའི་སྒྲ་དང་ནི། ལྷ་ཡི་ཕྱོགས་ཀྱི་རླུང་གིས་ཀྱང་བདག་གི་ཡིད་ཕྲོག་སོ་ཞེས་ཕོ་ཉ་མོ་ལ་བོས་སོ། །དཔེར་ན། དཀར་འཇམ་ཟླ་བའི་གཟུགས་ལ་རབ་འཁུ་བ། །མཛེས་སྡུག་ལང་ཚོ་རྣམ་པར་རྒྱས་པ་ཅན། །དཀར་གསལ་བཞིན་རས་ངོམ་ཚེ་ཁེངས་ལྡན་ཅན། །མཛེས་ལྡན་ཡོངས་ཀྱི་བརྟན་པ་རྣམ་པར་ཕྲོགས། །ཞེས་པ་ལྟ་བུ། བཅུ་གསུམ་པ་ཐོག་མཐའ་གཉིས་དང་བར་པ་གཉིས་འདྲ་བའི་ཐོག་མ་ལ་ཡོད་པ་ནི་སྐེད་པ་ཤིན་ཏུ་ཕྲ་ཞིང་། འདོད་པས་རྔུལ་ཟགས་པ་ཡིས་གདོང་གི་ཟླ་བ་ཡང་བཀྲུས་ནས་རབ་ཏུ་མཛེས་པར་གྱུར་པ། ཆང་འཐུངས་པས་ངོ་ཚ་བཅོམ་པའི་བུད་མེད་རྣམས་ཀྱིས་སྐྱེས་པའི་ལུས་ལ་འཛེགས་ཤིང་འཁྱུད་པར་བྱེད་དོ། །དཔེར་ན། སྒྲ་རྒྱན་སྙན་ཚིག་སྨྲ་བ་ལ། །འཇིགས་པ་མེད་པའི་སྤོབས་པ་མཆོག །འཇིགས་བྲལ་ཤེས་རབ་ཀྱིས་ཐོབ་ཚེ། །སྒྲ་རྒྱན་རྩོམ་ལ་འཚོ་བྱུང་བཞིན། །ཞེས་པ་ལྟ་བུ། གསུམ་པ་དོན་བསྡུ་བ་ནི། དེ་ལྟར་བར་དུ་ཆོད་པའི་ཟུང་ལྡན་གྱི་རབ་ཏུ་དབྱེ་བ་འདི་ཡང་བསྟན་ཟིན་ཏོ། །གསུམ་པ་ཆོད་ལ་མ་ཆོད་པའི་ཟུང་ལྡན་དམ་བཅའ་དཔེར་བརྗོད་གཉིས། དང་པོ་ནི། བར་མ་ཆོད་དང་(༡༡༠བ)

― GLG020_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོད་པ་གཉིས་སྤེལ་བའི་བདག་ཉིད་ཅན་གྱི་རྣམ་རྟོག་རྣམས་ཀྱང་ཡོད་པ་འདི་ལྟ་སྟེ། གཉིས་པ་ལ་གསུམ་ལས། དང་པོ་ཕྱེད་སྔ་མ་གཉིས་དང་ཕྱེད་ཕྱི་མ་གཉིས་འདྲ་ཞིང་ཆོད་ཅིང་མ་ཆོད་པ་ནི། ཀ་ལི་ཀ་སྟེ། མེ་ཏོག་གཞོན་ནུ་ཐུར་དུ་འཕྱང་བའི་ཡལ་ག་དང་ལྡན་པ་ཅན་གྱི་སཱ་ལའི་ཤིང་ལོ་འདབ་རྒྱས་པ་དེ་ལ་ལྟ་བར་མི་ནུས་ཤིང་། དེ་བཞིན་དུ། བ་ཀུ་ལ་ཆགས་པའི་བུང་བ་ལ་ཡང་ལྟ་མི་ནུས་པ་དང་མཚུངས་པར་གྲོགས་མོ་ཁྱོད་ཀྱི་པདྨ་གཞོན་ནུ་དང་། ལྦུ་ཕྲེང་དཀར་པོ་ཅན་ལ་ཡང་ལྟ་མི་ནུས་ཏེ། ཆགས་པ་ཧ་ཅང་རྒྱས་པས་སོ། །དཔེར་ན། ཆིལ་ཆིལ་རླབས་ཕྲེང་གཡོ་བའི་རྒྱ་མཚོ་ཡི། །ཆིལ་ཆིལ་རྦ་རླབས་ཆེ་ལས་བགྲོད་པའི་ཐབས། །བརྟན་བརྟན་གྲུ་རྫིངས་ཚགས་སུ་ཚུད་པ་ལ། །བརྟན་བརྟན་བློ་དང་ལྡན་པའི་དེད་དཔོན་གནས། །ཞེས་པ་ལྟ་བུ། གཉིས་པ་ཐོག་མཐའ་གཉིས་དང་བར་པ་གཉིས་འདྲ་བ་ནི། སྤྲིན་ནག་ཆེན་པོ་མཁའ་ལ་ལྡན་པའི་དུས་སུ། སྣང་བ་དང་རྒྱུ་སྐར་ཀུན་མི་མཚོན་པ་སྟེ་མི་སྣང་བར་གྱུར་བ་དང་། རྨ་བྱ་སྐད་གསང་མཐོན་པོར་དགའ་བ་སྒྲོག་པར་བྱེད་པའི་དུས་སུ་འདོད་ལྡན་བདག་འདྲ་སུ་ཡིས་བལྟ་བར་མི་ནུས་ཏེ། ཆགས་པས་འཆི་བར་དོགས་པས་སོ། །དཔེར་ན། ལྡེམ་ལྡེམ་པད་དཀར་སྡོང་བུ་གཡོ་བའི་རྩེར། །འཁྱོག་འཁྱོག་མངོན་པར་འཕྲུལ་བའི་སྐེད་པ་དང་། །འཁྱོག་འཁྱོག་ཟུར་དུ་ལྟ་བའི་ཨུཏྤལ་སྤྱན། །ལྡེམ་ལྡེམ་ཐོར་ཚུགས་རྩེ་ན་ཟླ་ཚེས་དཀར། །ཞེས་པ་ལྟ་བུ། གསུམ་པ་བཞི་ཀ་ལ་འདྲ་བ་ནི། ཐུན་གསུམ་(༡༡༡ན)
གྱི་དབང་དུ་གྱུར་བའི་རིང་བ་ཡི་མཚན་མོ་གཤིན་རྗེ་འདྲ་བ་འདིས་བདག་ཤི་བར་གྱིས་ཤིག །རྒྱུ་མཚན་དགའ་མ་ཕྱོགས་གང་དག་ལ་བདག་སོང་ཡང་བྲལ་བས། འདོད་པས་སྲོག་གཟིར་འགྲོ་བས་ན། མཛའ་མོ་དེ་ནི་འགྲོགས་པའི་བློ་མེད་པར་བདག་བཅོམ་མོ། །དཔེར་ན། འགྲིག་འགྲིག་ལེགས་པར་བཤད་པའི་ལྕེ་མེད་པར། །འགྲིག་འགྲིག་རྫུན་གྱིས་གཞན་མགོ་སྐོར་བྱེད་པ། །འགྲིག་འགྲིག་སོ་ཕྲེང་སྟོན་པའི་གཡོ་ཁྲམ་ཅན། །འགྲིག་འགྲིག་བྲག་རི་བརྩེགས་ལྟར་དོན་གྱིས་སྟོང་། །ཞེས་པ་ལྟ་བུ། གསུམ་པ་དོན་བསྡུ་བ་ནི། ཞེས་རྐང་པ་དང་པོའི་ཟུང་ལྡན་གྱི་རྣམ་པར་རྟོག་པའི་ལུགས་འདི་ནི་བཤད་མ་ཐག་པ་འདི་འདྲ་སྟེ། འདི་ལྟ་ཁོ་ན་ལྟར་ཟུང་ལྡན་གྱི་རྣམ་རྟོག་གཞན་པ་འོག་ནས་འབྱུང་བ་རྣམས་ཀྱང་བློ་གྲོས་ཀྱིས་གཞལ་བར་བྱའོ། །

བྱ་དཀའ་བ་གནས་གཞན་ལ་ཡོད་པའི་ཟུང་ལྡན་གྱི་སྐོར་བཤད་པ།

― GLG020_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་དཀའ་བ་གནས་གཞན་ལ་ཡོད་པའི་ཟུང་ལྡན་གྱི་སྐོར་བཤད་པ།གཉིས་པ་བྱ་དཀའ་གནས་གཞན་ལ་ཡོད་པའི་ཟུང་ལྡན་ལ། དམ་བཅའ། དཔེར་བརྗོད་གཉིས། དང་པོ་ནི། གཞུང་ཧ་ཅང་སྤྲོས་པས་ཅུང་ཟད་འཇིགས་པའི་ཕྱིར། ཟུང་ལྡན་གྱི་དབྱེ་བ་མཐའ་དག་བརྗོད་པར་མི་འདོད་དེ། སྔར་བྱ་སླ་ཅུང་ཟད་ཙམ་བསྟན་ཅིང་། ད་ནི་དེ་ལ་བྱ་དཀའ་བ་མངོན་པར་འདོད་པ་གང་འགའ་ཞིག་དག་ནི་བསྟན་པར་བྱའོ། །གཉིས་པ་ལ་རྐང་བཞིའི་དབུས་ན་ཡོད་པ། མཐའ་ན་ཡོད་པ། བར་མཐའ་གཉིས་ན་ཡོད་པ། ཐོག་བར་གཉིས་ན་ཡོད་པ། ཐོག་མཐའ་གཉིས་ན་(༡༡༡བ)

― GLG020_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པ། གནས་གསུམ་ཀ་ལ་ཡོད་པ་དང་དྲུག །དང་པོ་ལ་གཉིས་ལས། ཆོད་ཅིང་མ་ཆོད་པ་ནི། བློ་བརྟན་པ་དང་དབང་པོ་རབ་ཏུ་བསྡམས་པ་ཁྱོད་ནི་སྡོམ་བརྩོན་གྱི་བརྟུལ་ཞུགས་ལ་གནས་པའི་ཕྱིར་མི་དགེ་བས་མི་ཉམས་པ་དེའི་ཕྱིར་གཡོ་སྒྱུ་མེད་པ་ཁྱོད་ཀྱི་བདེ་བ་འཇིག་པར་མི་འགྱུར་བ་འདི་སྙེད་དུ་མ་ཟད། བདེ་བ་ཐོབ་པའི་ཆེད་དུ་ཡོན་ཏན་འཕེལ་བར་འགྱུར་རོ། །དཔེར་ན། གང་ཞིག་འཕྲོག་བྱེད་འཕྲོག་བྱེད་ལ་སོགས་པའི། ཁེངས་པ་འཕྲོག་བྱེད་འཕྲོག་བྱེད་མཁྱེན་བརྩེའི་གཏེར། །གངས་རིའི་འཕྲོག་བྱེད་འཕྲོག་བྱེད་ཇི་བཞིན་དུ། །གཞན་སྟོབས་འཕྲོག་བྱེད་འཕྲོག་བྱེད་འཇམ་དཔལ་དབྱངས། །ཞེས་པ་ལྟ་བུ། གཉིས་པ་ཆོད་པ་ཁོ་ན་ནི། རྒྱལ་པོའི་མདུན་སར་ལྷ་ཡི་སྟེ་བྲམ་ཟེ་རྣམས་དག་གིས་ཞལ་ཆང་གིས་མ་བཅོམ་པར། རྒྱལ་པོའི་གཏོང་བ་སོགས་ནོར་གྱིས་མཛེས་པ་རབ་ཏུ་བསྟོད་པའི་རྒྱུས། ཁྱོད་ཀྱི་ཡོན་ཏན་རབ་ཏུ་གསལ་བ་ལ་ཡིད་ཆགས་པའི་སྐྱེ་དགུ་བདག་ལ་གྲགས་པའི་ཕུང་པོ་ཉིད་དུ་འགྱུར་བར་མ་ཟད། ལྷ་རྣམས་ཀྱི་གནས་སུ་ནི་གྲགས་པ་མི་འགྲོ་བ་མིན་ནོ། །དཔེར་ན། ལེགས་བྱས་ཕུལ་བྱུང་གངས་རི་ལས་འོངས་སྟོབས་འབྱོར་ཕུལ་བྱུང་གངྒཱའི་རྒྱུན། །གསེར་སྤྱངས་ཕུལ་བྱུང་འཁོར་ལོ་ལས་གྲུབ་ཐོགས་མེད་ཕུལ་བྱུང་བསྒྱུར་བའི་ཤུགས། །སྟོབས་འབྱོར་ཕུལ་བྱུང་ལྷུན་གྱིས་ལེགས་གྲུབ་རྫོགས་ལྡན་ཕུལ་བྱུང་མགྲོན་དུ་འགུགས། །སྡེ་བཞིའི་ཕུལ་བྱུང་སྒོ་འཕར་བརྒྱ་འབྱེད་ས་སྤྱོད་ཕུལ་བྱུང་འཁོར་ལོས་བསྒྱུར། །ཞེས་པ་ལྟ་བུ། གཉིས་པ་ལ་གཉིས་(༡༡༢ན)

― GLG020_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། དང་པོ་ནི། དམ་པའི་སྤྱོད་པ་ལ་བག་མེད་ཀྱི་ཚུལ་དང་མི་ལྡན་པ་ཁྱོད་ཀྱི་དགའ་མ་གང་ཞིག་དགའ་བའི་དགའ་སྟོན་འཁྲིག་པའི་དགའ་བས་ཁྱད་པར་དུ་མྱོས་མ་དེ་ཡིས་ནི་སྐབས་འདིར་ནི་འོད་ལྡན་གྱི་རིན་པོ་ཆེའི་རྒྱན་རྣམས་གཟུང་བར་འོས་ཀྱི། བདག་ལ་ནི་རྒྱན་གཞན་གྱིས་མཛེས་ལྡན་དུ་བྱས་པ་ཉིད་ཀྱི་འབྲས་བུ་འགའ་ཡང་མེད་དོ། །དཔེར་ན། ནོར་ལྡན་དབུས་ན་དཱ་རི་དྲ་ལྟར་སྟོན། མཁས་པའི་དབུས་ན་རྨོངས་པ་བཞིན་དུ་སྟོན། །བླུན་པོའི་དབུས་ན་མཁས་པའི་ངང་ཚུལ་སྟོན། །སོ་ཅན་དབུས་ན་འདབ་ཆགས་གཤོག་པ་སྟོན། །ཞེས་པ་ལྟ་བུ། གཉིས་པ་ཆོད་ལ་མ་ཆོད་པ་ནི། མགོན་པོ་ཁྱོད་ལྟ་བུས་གཞན་ལ་དུད་པའི་རོ་ནི་མ་མཐོང་བས་མི་མཁྱེན་ཏེ། དམན་པ་ཉིད་དང་མཆོག་ཉིད་དག་ནི་ངེས་པ་འགལ་བས། གང་ཞིག་དམན་པ་རྣམས་ཀྱིས་ནི་ཁྱོད་ལ་མགོ་བོས་འདུད་ཅིང་། དམན་པ་ནི་དེ་དག་ཁོ་ན་འདུད་པའི་རོ་དེ་མཆོག་ཏུ་ངོམ་ཤིང་བྲན་དུ་རྒྱུའོ། །དཔེར་ན། མིག་སྨན་མདངས་ལྡན་དབུ་སྐྲ་འཁྱོག་ལྡེམ་ལྡེམ། །ཁྱུ་མཆོག་ཏོག་གི་རྒྱལ་མཚན་ཕྲ་ལྡེམ་ལྡེམ། །རྣོ་ལྡན་ཉག་ཕྲན་འཕངས་པ་དྲང་ལྡེམ་ལྡེམ། །སུམ་རྩེན་ལྷ་མིའི་དཔུང་ཚོགས་འདར་ལྡེམ་ལྡེམ། །ཞེས་པ་ལྟ་བུ། གསུམ་པ་ལ་གཉིས་ལས། དང་པོ་ཆོད་པ་ནི། རོལ་པའི་འཛུམ་དཀར་དག་དང་། ངག་འཇམ་པོར་སྨྲ་བ་དང་། མི་ཟུར་ཆུང་ངུས་ལྟ་བ་དང་། ལུས་ལྕི་བའི་ཚུལ་གྱིས་འགྲོ་བ་དང་། ཆགས་པས་ཀུན་ཏུ་གླལ་བ་(༡༡༢བ)

― GLG020_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། ཛ་གྷན་ཚང་ར་རྒྱས་པ་དག་སྟོན་པ་དེས་འདོད་པ་བསྣུན་པ་དེས་ན་བདག་ནི་ཆགས་པས་འཚོ་བ་དམན་པར་གྱུར་ཏོ། །དཔེར་ན། གསལ་བྱེད་ཉི་མས་པདྨ་རྒྱས་པར་བྱེད། །མཛེས་བྱེད་རྒྱན་གྱིས་སྐྱེས་བུ་མཛེས་པར་བྱེད། །ཕན་བྱེད་སྨན་གྱིས་ནད་ལས་གྲོལ་བར་བྱེད། །བསིལ་བྱེད་རླུང་གིས་ཚ་གདུང་སེལ་བར་བྱེད། །ཅེས་པ་ལྟ་བུ། གཉིས་པ་ཆོད་ཅིང་མ་ཆོད་པ་ནི། དཔལ་ལྡན་ཀུན་ལ་ཁྱབ་པས་མི་ཤོང་བ། མི་གཡོ་བས་བརྟན་པ་དང་ལྡན་པ་གང་གི་བདག་ཉིད་ཅན་ནི། །འཆི་མེད་ཀྱི་ལམ་དང་མཉམ་པས་ཚད་དང་ལྡན་པ། རབ་ཏུ་དུད་པའི་འགྲོ་བ་རྒྱས་པར་བྱེད་པ། གཞན་གྱིས་མཆོད་པའི་གནས་དང་ལྡན་པ། ཚད་གཟུང་མེད་པའི་མིང་ཅན་དང་ས་ཆེན་འདི་གོམ་པས་འཇལ་བར་བྱེད་པའི་མངོན་མཐོའི་ཕུང་པོ་ཚད་མེད་པ། འཇུག་པ་བཅུ་སོགས་རྣམ་གྲངས་མང་པོར་བཀོད་པའི་ཁྱབ་འཇུག་ལ་ཕྱག་མཛོད་ཅིག །དཔེར་ན། མགུལ་བར་ཁྲོལ་ཁྲོལ་གདུ་བུའི་སྒྲ་སྒྲོག་དབྱངས་ཅན་མས་འཁྱུད་ལེགས་བཤད་སྒྲ་ཁྲོལ་ཁྲོལ། །བསྒྲགས་ཚེ་ཁྲོལ་ཁྲོལ་སྐད་སྙན་འབྱིན་པའི་ཁུ་བྱུག་ཚོགས་རྣམས་ལྷགས་ཏེ་སྐད་ཁྲོལ་ཁྲོལ། །སྒྱུར་བས་ཁྲོལ་ཁྲོལ་རྐང་གདུབ་ལྡན་པའི་ངང་པ་འཕུར་ལྡིང་མཚོ་མཐའ་དབྱངས་ཁྲོལ་ཁྲོལ། །མཐོང་བ་ཁྲོལ་ཁྲོལ་རྒྱང་གླུ་ལེན་པའི་སྨིན་ལེགས་མ་རྣམས་འགྱུར་ཁུག་གདངས་ཁྲོལ་ཁྲོལ། །ཞེས་པ་ལྟ་བུ། བཞི་པ་ལ་གཉིས་ལས། དང་པོ་ཆོད་པ་ནི། བཅུད་དེ་འཁྲིག་པའི་བྱ་བ་ལ་ཞུགས་ཏེ། བྲང་གི་ནུ་མས་དགའ་བར་(༡༡༣ན)

― GLG020_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་ཅིང་། སྙིང་པོར་གྱུར་བའི་བཅུད་མང་རབ་ཏུ་འཛིན་པའི་ལང་ཚོ་ཅན། བཞད་ཀྱི་རྗེས་མཚུངས་སྐད་ཀྱི་སྒྲ་ལྡན་དྲིལ་ཆུང་འདྲ་བ་ཅན་མ་དེས་ནི་རོ་བཙའ་བའི་བཅུད་ལེན་ལ་སྙིང་པོ་མེད་པར་རིག་པར་བྱས་སོ། །དཔེར་ན། ངག་དབང་ལྷ་མོས་ངག་གི་དཔལ། །ངག་གི་འདོད་འཇོ་ངག་རྣམས་ལ། །ངག་དབང་མ་ལྟར་ངག་སྩོལ་བས། །ངག་འདོད་ཚོགས་རྣམས་ངག་གིས་བསྟོད། །ཅེས་པ་ལྟ་བུ། གཉིས་པ་མི་མཉམ་པ་ཉིད་ཀྱི་ཐོག་མཐའ་དང་། མཉམ་པ་གཉིས་ཀྱི་ཐོག་བར་ན་ཡོད་པའི་ཆོད་ཅིང་མ་ཆོད་པ་ནི། རབ་ཏུ་བརྟན་ཞིང་། བློ་གྲོས་རྒྱས་པ། ཚུལ་དང་ཚུལ་མིན་པ་ལེགས་པར་བརྟག་པ་འདི་ཡིས་ནི་ཚུལ་ལེགས་པ་མེད་པར་དགེ་བའི་ཐབས་ལ་མིག་ལོང་བ་རྣམས་ཀྱི་མ་རུངས་པ་རྣམ་པར་ཐུལ་ཞིག །གཞན་ཡང་རྙེད་པ་ལ་སོགས་པའི་སླད་དུ་བཞོན་པ་ཡོངས་སུ་ཉོན་མོངས་པ་མི་འགྲོ་ཞིང་། རྒྱལ་བའི་ཐེག་པར་འགྲོ་བ་དག་གི་དགེ་བའི་ཐབས་ཚུལ་མ་ཐོབ་པ་རྣམས་ཐོབ་པ་རྣམས་ཐོབ་པ་དག་ལ་བརྟེན་ནས་སྐྱེད་པར་མཛོད་ཅིག །དཔེར་ན། མཛེས་མཛེས་མིག་ཟུར་གཡོ་བ་རྣམས་མཛེས་མཛེས། །མཛེས་མཛེས་ལང་ཚོ་ངོམ་ཡུལ་མཛེས་མཛེས་རྣམས། །མཛེས་མཛེས་སྒེག་མོའི་གམ་དུ་ཚུལ་མཛེས་མཛེས། །མཛེས་མཛེས་དེས་ཀྱང་འདོད་ལྡན་མཛེས་མཛེས་བྱེད། །ཅེས་པ་ལྟ་བུ། ལྔ་པ་ལ་གཉིས་ལས། དང་པོ་ཆོད་པ་ནི། །མཚུངས་མེད་ལྕི་བའི་མཚོན་ཆ་དང་ལྡན་པའི་(༡༡༣བ)

― GLG020_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

གཡུལ་དུ་ཁྱབ་འཇུག་གི་རྒྱལ་མཚན་ལ་གནས་པའི་དཔའ་བོ་བྱ་ཡི་སྒྲས་ལྷ་མ་ཡིན་ས་སྐྱེས་ཀྱང་ནི་འབྲོས་པར་བྱེད་ན། ཉི་མ་བཞིན་དུ་བཟོད་པར་དཀའ་བའི་དྲག་པོ་འཕྲོག་བྱེད་འདིའི་མདུན་འཇིགས་རུང་དུ་ནི་གཡུལ་ལ་དགྲ་རྣམས་བཤན་པས་ལུག་གསོད་པ་དང་མཚུངས་པར་རིག་གོ །དཔེར་ན། དཀར་མཛེས་ཆ་ཤས་རྫོགས་པའི་དཀྱིལ་འཁོར་དཀར། །དཀར་མདངས་འོད་ཟེར་ཚོགས་ཀྱི་ཀུ་མུད་དཀར། །དཀར་འཛུམ་འདབ་མ་རྒྱས་ཚེ་པདྨ་དཀར། །དཀར་བའི་འདབ་མ་ཟུམ་ཚེ་མཚན་མོ་དཀར། །ཞེས་པ་ལྟ་བུ། གཉིས་པ་ཆོད་ཅིང་མ་ཆོད་པ་ནི། མཚན་མོ་རིང་བ་ཚད་མེད་པའི་ཐུན་དང་ལྡན་པ། ལུས་རིད་པས་དཔལ་མེད་ལ། གྲོགས་མེད་པས་སྡུག་བསྔལ་ཚད་མེད་ཅིང་། མཐར་ནི་བགྲོད་བྱ་འཁྲིག་པ་ཉམས་སུ་མྱོང་བ་མིན་པས་ཚེ་ཟད་པའི་ནད་ལ་བརྟེན་པ་དང་། བཅུ་དྲུག་ཆ་ཡི་རང་བཞིན་ཟླ་བ་ལས་ནད་འཕེལ་བ་ཅན། མཛའ་བོ་དང་བྲལ་བའི་ནད་ཀྱིས་གཟིར་བ། སྐལ་ལྡན་མ་ནི་སྙིང་རྗེའི་རང་བཞིན་དུ་སོམས་ལ་འབྲལ་མེད་མཛོད་ཅིག །དཔེར་ན། ལྗང་ལྗང་སྤང་ལྗོངས་འོག་པག་རྣམས་ལྗང་ལྗང་། །ལྗང་ལྗང་རྐང་འཐུང་ལོ་འདབ་མདོག་ལྗང་ལྗང་། །ལྗང་ལྗང་ནེ་ཙོའི་སྒྲོ་གཤོག་སྲབ་ལྗང་ལྗང་། །ལྗང་ལྗང་མ་གད་ཁུ་བས་བྱུགས་ལྗང་ལྗང་། །ཞེས་པ་ལྟ་བུ། དྲུག་པ་ལ་གཉིས་ལས། དང་པོ་ཆོད་པ་ནི། གཞན་དོན་ངལ་མེད་ཁྱོད་ཀྱི་བློ་ལ་མཉམ་ཉིད་ལས་ཟློག་པ་ཉིད་ནི་མ་ཡིན་(༡༡༤ན)

― GLG020_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་བླ་མེད་ཆོས་ཀྱི་རྗེས་སུ་མི་མཐུན་པའི་ཕྱིར་འགྲོ་བ་མ་ཡིན་ལ་གདུང་བ་མེད་པར་དོན་ཐོབ་པ་དང་། སྐྱེས་བུ་མཆོག་གི་རྗེས་སུ་མཐུན་པ་ཉིད་དང་། སྲིད་འབྱོར་ལ་དགའ་བ་དང་འདོད་པ་མེད་པ་མེད་པའི་དྲང་སྲོང་རྣམས་ཀྱི་བཞེད་པ་ཞི་བདེ་དག་ལས་རྒྱལ་ལོ། །དཔེར་ན། བློ་གྲོས་རབ་རྒྱས་བློ་གསལ་རྣམས་ཀྱི་བློ། །བློ་རིག་འཇམ་དབྱངས་བློ་ལྟར་ཐོགས་མེད་བློ། །བློ་ལྡན་ཀུན་སྨོན་བློ་ཆེན་རངས་པའི་བློ། །བློ་མཆོག་དམ་པ་བློ་གྲོས་བརྟན་པའི་བློ། །ཞེས་པ་ལྟ་བུ། གཉིས་པ་ཆོད་ལ་མ་ཆོད་པ་ནི། དུས་ཀྱི་དུས་ཆེན་པོ་དབང་ཕྱུག་ནི་མགྲིན་ནག་ངོ་ནག །ཁྱུ་མཆོག་ནག་པོའི་རྒྱལ་མཚན་ཉིད་དག་འཛིན་པ་ནི། སྙན་སྒྲོག་གླུ་དབྱངས་དག་གི་སྒྲོག་བྱེད་བུང་བའི་ཚོགས་རྣམས་དང་། དབྱར་དུས་ཀྱི་སྤྲིན་ནག་ལྟར་གནག་པ་དང་། འཆི་བདག་གི་དུས་ཀྱིས་མི་གཟུང་ལ། དུས་གསུམ་དང་ཉི་ཟླ་ལ་སོགས་པའི་དུས་བརྒྱད་དུ་འཆར་བ། ཆ་ཐམས་ཅད་ཀྱི་གཙོ་བོ་དབང་ཕྱུག་ཁྱོད་ཀྱི་ཆུ་འཛིན་གྱིས་མཛེས་པ་གངས་རིའི་ཕག་ཏུ་དཀའ་ཐུབ་ལས་བཟློག་པའི་བྱ་བ་དཀའ་བས་འཚོ་བའི་བུད་མེད་སྐྲའི་ལན་བུའི་ཕྲེང་བས་མགོ་བོ་ནག་པ་ཅན་བསྟེན་པར་མཛོད་ཅིག །དཔེར་ན། དཀར་དཀར་གངས་ཀྱི་རི་བོ་ཇི་བཞིན་དཀར་དཀར་རི་བོང་ཅན་དཀར་དཀར། །དཀར་དཀར་པདྨའི་རྩ་བ་ལྟ་བུ་དཀར་དཀར་རྒྱལ་བའི་ཐུགས་དཀར་དཀར། །དཀར་དཀར་འོ་མའི་རྒྱ་མཚོ་ཇི་ལྟར་དཀར་དཀར་ལུས་ཕྲའི་གདོང་དཀར་དཀར། །དཀར་དཀར་དཔལ་མོའི་ལོགས་སྐྱེས་ལྟར་དུ་དཀར་དཀར་ཆུ་འཛིན་ཕྲེང་དཀར་དཀར། །ཞེས་པ་ལྟ་བུ། །

མཐའ་ཐོག་སྦྱར་བའི་ཟུང་ལྡན་གྱི་སྐོར་བཤད་པ།

― GLG020_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་ཐོག་སྦྱར་བའི་ཟུང་ལྡན་གྱི་སྐོར་བཤད་པ།གསུམ་པ་མཐའ་ཐོག་སྦྱར་བའི་ཟུང་ལྡན་ལ། དམ་བཅའ། དཔེར་བརྗོད་གཉིས། དང་པོ་ནི། རྐང་པ་གཉིས་ཀྱི་མཐའ་ཐོག་ནི་རབ་ཏུ་སྦྱར་བ་ཟུང་ལྡན་གྱི་གནས་སྐབས་འདིར་བརྗོད་པའི་ཁོངས་སུ་འདུ་མོད་ཀྱང་། རང་དབང་ཉིད་ཀྱིས་ཏེ་རང་སྐྱ་ཐུབ་པས་འདིར་བཤད་དོ། །གཉིས་པ་ནི། མཛའ་བོ་ཆགས་པས་མྱོས་པས་ཉེ་བར་གནས་ཀྱང་། བུད་མེད་དེས་བདག་ཉིད་ལ་མ་སྦྱར་བས་བདག་གིས་ལན་ལེན་སྙམ་པའི་ཁོང་ཁྲོ་བ་ཡི་སྡིག་པའི་རོ་དང་སྦྱར་ཏེ། ལུས་མེད་འདོད་པ་དག་གིས་གདུངས་པར་གྱུར་ཀྱང་། བདག་ནི་མཛའ་མོ་འདི་ཉིད་གདུང་བའི་སླད་དུ་ཁྱིམ་དུ་མ་སྡད་དོ། །དཔེར་ན། སྙན་ངག་རྒྱ་མཚོ་འཆད་ལ་མཁས་པའི་དཔལ། །དཔལ་ལྡན་དཔའ་བོའི་ཁེངས་འཕྲོག་ཕུར་བུ་ཡང་། །ཡང་ཡང་འདུད་པའི་ཚུལ་གྱིས་ནམ་མཁའི་ངོས། །ངོས་ཀྱིས་ཡང་ཡང་འོང་བ་གཟིགས་ལགས་སམ། །ཞེས་པ་ལྟ་བུ།

ཀུན་ཏུ་ཟུང་ལྡན་གྱི་སྐོར་བཤད་པ།

― GLG020_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཏུ་ཟུང་ལྡན་གྱི་སྐོར་བཤད་པ།བཞི་པ་ཀུན་ཏུ་ཟུང་ལྡན་ལ། རྐང་པ་བཟླས་པ། ཚིགས་བཅད་བཟླས་པ། ཟུང་ལྡན་ཆེན་པོ་དང་གསུམ། དང་པོ་ལ་སྤྱིར་བསྟན་པ། སོ་སོར་བཤད་པ་གཉིས། དང་པོ་ནི། ཚིགས་བཅད་ཕྱེད་རྐང་པ་གཉིས་བཟླས་པ་ནི་ཡང་དག་སྦྱར་བ་ཡིན་ལ། འདི་ལ་དབྱེ་ན། དང་པོ་གསུམ་པ་དང་། གཉིས་པ་བཞི་པ། དང་པོ་གཉིས་པ་དང་གསུམ་པ་བཞི་པ། དང་པོ་བཞི་པ་དང་གཉིས་པ་གསུམ་པར་བཟླ་བ་གསུམ་དུ་འདོད་དོ། །རྐང་པ་བཟླས་པ་ལའང་། དུ་མ་སྟེ་མང་པོའི་བདག་ཉིད་ཡོད་དེ། ཕྱེད་དང་རྐང་པ་བཟླས་(༡༡༥ན)
པ་དེ་དག་གི་དཔེར་བརྗོད་གསལ་བར་བྱའོ། །གཉིས་པ་ལ། ཕྱེད་བཟླས་ཡང་དག་སྦྱོར་བ་དང་། གཞན་རྐང་པ་བཟླས་པ་གཉིས། དང་པོ་ལ་གསུམ་ལས། དང་པོ་ལ་གསུམ་པ་དང་གཉིས་པ་བཞི་པར་བཟླས་པ་ནི། སྐྱེས་བུ་བརྟན་པ་གང་ཞིག་སྙིང་སྟོབས་ཅན་དེས་ཀྱང་ཁེངས་པ་རབ་ཏུ་སྤང་བྱར་བྱས་ན། སྤང་བྱ་ཁེངས་པ་དེས་མཛའ་མོ་ཁྱོད་ཀྱིས་ཀྱང་མཆོག་ཏུ་འབད་པ་ཡིས་སྤོང་བའི་ཡིད་བརྟན་བྱའོ་འབད་མེད་མ། རྒྱ་དཔེར། ནཱསྠཱ་ཡཿསཏཱ་ཡཱ་བརྫ་ཞེས་པ་མི་མཉམ་པ་གཉིས་ལ་ཡོད་པས་མཚོན་ཏེ་ཤིན་ཏུ་གསལ་ལོ། །དཔེར་ན། གསེར་སྦྱངས་གསེར་རི་གཙོ་མའི་འོད་རབ་རྣམ་འབར་བ། །ནོར་འཛིན་ས་གཞི་མགོ་བོའི་ཐོད་དུ་རྣམ་པར་མཛེས། །གསེར་སྦྱངས་ཅོད་པན་གཙོ་མའི་འོད་རབ་རྣམ་འབར་བ། །ནོར་འཛིན་རྣམ་སྲས་མགོ་བོའི་ཐོད་དུ་རྣམ་པར་མཛེས། །ཞེས་པ་ལྟ་བུ། གཉིས་པ་དང་པོ་གཉིས་པ་དང་གསུམ་པ་བཞི་པར་བཟླས་པ་ནི། ཁྱོད་ཀྱི་དཔུང་གི་བགྲོད་པ་ཁྱབ་བདག་སྟེ་ཁྱབ་འཇུག་ལྟ་བུའི་གཟི་བྱིན་གྱིས་མཚོན་ཆ་ཡང་ཡང་རབ་ཏུ་སྦྱར་ཞིང་བསྣུན་པས། དགྲ་བོ་མཛེས་པ་མེད་པ་ཡིས་ཟད་དོ། །དེས་མི་རྣམས་དཔའ་བའི་ཚུལ་དང་ང་རྒྱལ་ཉམས་པར་བྱས་ནས་གདུངས་ཤིང་ཀྱེ་མ་རོ་རྣམས་བྱས་ཟོས་ཤིང་རྣམ་པར་བཅོམ་མོ། །དཔེར་ན། ཐོར་ཚུགས་ཟླ་དབྱངས་ཅན་ལྷ་ཚེས་ཀྱིས་མཛེས་པ། །ཐོར་ཚུགས་དབང་ཕྱུག་ཟླ་ཚེས་ཀྱིས་མཛེས་པ། །ཤེས་ལྡན་རྣམས་ཀྱི་དགའ་བའི་དཔལ། །ཤེས་ལྡན་རྣམས་ཀྱི་དགའ་བའི་དཔལ། །ཞེས་པ་ལྟ་བུ། གསུམ་པ་དང་པོ་བཞི་(༡༡༥བ)

― GLG020_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གཉིས་པ་གསུམ་པར་བཟླས་པ་ནི། འབྲུག་གི་སྒྲ་ཡིས་སྤྲིན་བགྲོད་ཅིང་ཆར་བབས་པ་ན་དབྱར་སྐྱེས་སྦལ་པ་དང་རྨ་བྱའི་ཚོགས་རྣམས་མཛེས་པ་ཉིད་དུ་ཉེ་བར་གྱུར་ལ། རླུང་གི་ཚོགས་སྟུག་པོ་དང་བྲལ་བས་ཆུར་སྒྲོག་ངང་པའི་ཚོགས་རྣམས་ཀྱི་སྒྲ་སྙན་པ་དང་བྲལ་བ་ཉིད་དུ་གྱུར་རོ། །དཔེར་ན། དཀར་འཇམ་ཅན་ཟླ་བ་གྱིས་དགའ་བྱེད་པ། །སྙན་པའི་སྒྲ་དབྱངས་བྲམ་ཟེ་སྒོག་མཁས་ཅན། །སྙན་པའི་སྒྲ་དབྱངས་བུང་བ་སྒྲོག་མཁས་ཅན། །དཀར་འཇམ་ཅན་པདྨ་གྱིས་དགའ་བྱེད་པ། །ཞེས་པ་ལྟ་བུ། གཉིས་པ་གཞན་རྐང་པ་བཟླས་པ་ལ། ལན་གཅིག་བཟླས་པ། ལན་གཉིས་བཟླས་པ། ལན་གསུམ་བཟླས་པ། དོན་བསྡུ་བ་དང་བཞི། དང་པོ་ལ་དྲུག་ལས། དང་པོ་དང་པདྨ་པོ་གཉིས་པར་བཟླས་པ་ནི། འདོད་པས་གདུངས་ཀྱང་སྲོག་འཚོ་བའི་དབང་ཕྱུག་མཛའ་བོ་ཡིས། ཁོ་མོ་ལ་འདུད་ཀྱང་བདག་ནི་ངོ་ཚ་དམན་ཞིང་། ཁེངས་པ་ངེས་པར་གྲུབ་པའི་དབང་དུ་གྱུར་པས་བརྩེ་བ་སྤངས་པའི་བདག་ཉིད་མས་ཡིད་ཀྱིས་མཛའ་བོའི་བྲང་ལ་རང་གི་འོ་མ་འཛིན་པའི་ཁུར་གཉིས་པོ་ཉེ་བར་གཏད་ནས་ཀུན་ཏུ་འཁྱུད་པར་མ་བྱས་པས་འགྱོད་དོ། །དཔེར་ན། གནས་ལྔ་རིག་པའི་དབང་ཕྱུག་ཆེ། །གནས་ལྔ་རིག་པའི་དབང་ཕྱུག་ཆེ། །ཤོང་དཔང་མཁས་པའི་རྣམ་དཔྱོད་ལ། །གངས་ཅན་ལྗོངས་འདིར་སུ་ཡིས་འགྲན། །ཞེས་པ་ལྟ་བུ། །གཉིས་པ་དང་པོ་གསུམ་པར་བཟླས་པ་ནི། ལྷ་རྣམས་ཀྱི་མདུན་སར་རྟོག་མེད་བུད་མེད་རྒྱན་གྱིས་རྣམ་པར་མཛེས་པ་གནས་པའི་ས་དེར། རྒྱལ་པོ་ཁྱོད་ཀྱི་ཡོན་ཏན་པད་རྩ་དྲི་མ་མེད་པ་ལྟར་(༡༡༦ན)

― GLG020_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

མཛེས་ཤིང་། རྒྱལ་པོ་དེ་ནི་ཕྱིས་གྲོང་ཁྱེར་བཟང་པོ་རྣམས་ཀྱི་རྒྱན་ཕུན་སུམ་ཚོགས་པས་བརྒྱན་པའི་བུད་མེད་དག་དང་རྣམ་པར་རྩེ་ཞིང་སྤྱོད་དོ། །དཔེར་ན། རྣམ་པར་བཀྲ་ཤིང་འཁྱུག་པ་ཡི། །གློག་སྟོང་ཅན་དེ་མཁའ་ལ་རྒྱུ། །རྣམ་པར་བཀྲ་ཤིང་འཁྱུད་པ་ཡི། །རྨ་བྱ་ས་ལ་གར་གྱིས་རོལ། །ཞེས་པ་ལྟ་བུ། གསུམ་པ་དང་པོ་བཞི་པར་བཟླས་པ་ནི། སྙན་པར་སྨྲ་བ་དང་། ལུས་སྐྱེས་དུད་པ་དང་། ནུ་མ་གཉིས་མཐོ་ཞིང་ལང་ཚོ་དར་བབ་མས། ཁྱོད་ལས་གཞན་པའི་སྐྱེས་བུ་སུ་ཞིག་འདོད་པས་མ་བཅོམ་པ་དེའི་ཕྱིར། འབྱུང་པོ་ལུས་ལྡན་ཏེ་མི་རྣམས་ཀྱི་ནང་ནས་འདོད་པའི་སྐྱོན་ལས་གྲོལ་པ་ཁྱོད་གཅིག་བུ་ཡིན་པས་སོགས་ཞེས་དྲང་བ་ལ་ནི་མིང་གཞན་མེད་པས་ཉེ་བར་འགྲོ་བ་མ་ཡིན་ནོ། །དཔེར་ན། ཚ་གདུང་རྣམ་པར་འཕྲོག་མཁས་པ། །དཔལ་གྱི་ཆུ་འཛིན་གཞོན་ནུ་མ། །མ་ལ་ཡ་ཡི་རླུང་གིས་ཀྱང་། །ཚ་གདུང་རྣམ་པར་འཕྲོག་མཁས་པ། །ཞེས་པ་ལྟ་བུ། བཞི་པ་གཉིས་པ་གསུམ་པར་བཟླས་པ་ནི། རྒྱལ་པོ་ཁྱོད་ཀྱི་དམག་དཔུང་ཁྱབ་འཇུག་ལྟ་བུ་གོ་བསྒོས་ཤིང་མཚོན་རྣོན་པོ་ལྡན་པ། དཔའ་བོའི་ཚོགས་དག་གིས་ཕྱོགས་རྣམས་སུ་རྣམ་པར་རྒྱལ་བའི་གྲགས་པ་དང་ལྷན་ཅིག་པར། རྟ་གླང་གི་རྨིག་པའི་རྡུལ་དག་རྒྱས་པར་བྱེད་པའི་གཡུལ་གྱི་སྦྱོར་བའི་སྒོ་ནས། །དགྲའི་རིགས་ལུས་བྲལ་ཞིང་གཟི་བརྗིད་མེད་ལ། རྒྱགས་པ་ཉམས་པར་བྱེད་དོ། །དཔེར་ན། །རྣམ་འདྲེན་ཤཱཀྱའི་དབང་པོ་ཡིས། །ཕན་པའི་འདོད་པ་འཇོ་བར་མཛད། །ཕན་པའི་འདོད་པ་འཇོ་བར་མཛད། །ཡིད་བཞིན་དབང་གི་རྒྱལ་པོས་ཀྱང་། །ཞེས་པ་ལྟ་བུ། ལྔ་པ་གཉིས་པ་བཞི་(༡༡༦བ)

― GLG020_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བཟླས་པ་ནི། དྲན་ལྡན་བདག་ལས་ཕན་པའི་ཚིག་གཅིག་ཉན་པར་མཛོད་ཅིག །རྒྱལ་པོ་ཁྱོད་ཀྱི་དཔལ་ལྡན་པའི་ལག་པ་དང་ལྷན་ཅིག་ལག་འགྲོ་ཀླུ་ཡིས་ཀྱང་སའི་དཀྱིལ་འཁོར་རྣམ་འཛིན་པ་དེའི་ཕྱིར། ས་གཞི་འཛིན་པ་རང་གི་ལག་པ་ཁོ་ནར་རིགས་ནས་རྒྱགས་པ་རྒྱས་པར་ཡོངས་སུ་མ་བྱེད་ཅིག །དཔེར་ན། ཤེས་རབ་རྣམ་པར་རྒྱས་མཛད་པ། །ངག་གི་དབང་ཕྱུག་འཇམ་དཔལ་དབྱངས། །མི་ཤེས་མུན་པ་ཞི་མཛད་པའི། །ངག་གི་དབང་ཕྱུག་འཇམ་དཔལ་དབྱངས། །ཞེས་པ་ལྟ་བུ། །དྲུག་པ་གསུམ་པ་བཞི་པར་བཟླས་པ་ནི། འདོད་པའི་མེ་གང་ཁེངས་པ་རབ་ཏུ་བསྒྲུབ་པ་ལས། དུས་སྐད་ཅིག་མ་རེ་དང་མཉམ་དུ་རྒྱས་པས་པདྨའི་མིག་ཅན་ཁྱོད་རང་གི་མཛའ་བོ་ལ་ལྟ་བའི་རོ་ལ་ཞེན་མེད་ཁྱོད་ཀྱིས་བདེ་བ་དེ་དག་ནི་ཀུན་ནས་ལྷག་མེད་དུ་ཉམས་པ་ཉིད་དུ་ཅིས་མི་བྱེད་དེ་བྱེད་དོ། །དཔེར་ན། ཕྱི་རོལ་རིག་སྨྲའི་སྟོན་པ་དང་། །ནང་པའི་ལུགས་འཛིན་གཉིས་ཀྱི་ལྷ། །གདོང་བཞིའི་ཚངས་པ་མཆེ་བ་ལས་འཁྲུངས་པ། །གདོང་བཞིའི་སྤྱན་རས་གཟིགས་མཆེ་བ་ལས་འཁྲུངས་པ། །ཞེས་པ་ལྟ་བུ། གཉིས་པ་ལན་གཉིས་བཟླས་པ་ལ་གསུམ་ལས། །དང་པོ། ཐོག་མ་གཉིས་པ་དང་གསུམ་པར་བཟླས་པ་ནི། གཞན་ལ་མ་དུད་པའི་རྒྱལ་པོ་ཁྱོད་ཀྱི་ནི་འཇིག་རྟེན་གྱི་བདག་པོར་གྱུར་ཚེ། བསོད་ནམས་ཀྱི་མཐུ་ཡིས་མཐུ་ལྡན་རིན་ཆེན་ལྔ་པོ་བརྒྱ་བྱིན་དག་གིས་བཏུད་པ་དེའི་ཕྱིར་གསར་པའི་བཏུང་བ་བདུད་རྩི་དང་ལྡན་པའི་མཆོད་སྦྱིན་ནི། དུས་ཀྱི་གྲངས་ངེས་པ་ཉིད་དུ་ཆད་པར་མ་གྱུར་ཏོ། །དཔེར་ན། དཀར་ཞིང་དྲི་བཟང་དགའ་བ་སྐྱེད། །དཀར་ཞིང་དྲི་བཟང་དགའ་བ་སྐྱེད། །དཀར་ཞིང་དྲི་བཟང་དགའ་བ་སྐྱེད། །དབྱངས་ཅན་པདྨ་ཟླ་བ་མཛེས། །ཞེས་པ་ལྟ་བུ། །གཉིས་པ། དང་པོ་ནི་གསུམ་པ་དང་། (༡༡༧ན)

― GLG020_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་པར་བཟླས་པ་ནི། རྒྱལ་པོ་ཁྱོད་ཀྱི་དཔུང་གི་གླང་པོ་རྣམས་ནི། གླང་པོ་གཞན་དང་གཞན་དག་མང་པོའི་སྟོབས་དང་ལྡན་ཞིང་། ང་རྒྱལ་གྱི་སྒྲ་སྒྲོག་པ། རབ་ཏུ་རྒྱུད་དེ་བགྲོད་པ་ཡི་ཐང་ལ་རྡུལ་བསྒྲུབས་པ་ཡིས་ནམ་མཁའ་འགོག་པར་བྱེད་ཅིང་། གཡུལ་གྱི་སྟོབས་དང་ལྡན་པས་མཆོག་ཏུ་གཞན་གྱི་གླང་པོ་རྣམས་གསད་ཕྱིར་རྒྱུག་གོ །དཔེར་ན། ཁ་དོག་རྣམ་པར་རྨ་བྱ་བཀྲ་བ་ཅན། །འདྲེན་བྱེད་དག་གི་དགའ་སྟོན་དེ། ཁ་དོག་འཇའ་རྣམ་པར་བཀྲ་བ་ཅན། ཁ་དོག་རྣམ་པར་ལུས་ཕྲའི་མིག་བཀྲ་བ་ཅན། ཞེས་པ་ལྟ་བུ། གསུམ་པ། གཉིས་པ་གསུམ་པ་བཞི་པར་བཟླས་པ་ནི། སྨིན་ལེགས་ཁྱོད་ལྟ་བུ་མཉམ་པར་མ་བཞག་པས། སྲིད་པ་འདིར་ནི་ཆགས་སྡང་རྣམ་པ་གཉིས། མི་མཉམ་པ་དང་། ཀུན་ལ་ཕན་པ་མེད་ཅིང་། གནོད་པ་རྣམས་ཀྱི་ཚིགས་མི་བདེན་པ་ལོག་པ་གྱུར་པ། སྒྲུབ་བྱེད་མི་མཉམ་པ། རྫུན་ལྷུར་ལེན་པ་དང་། གཡོ་སྒྱུ་སྦྲུལ་བགྲོད་དང་མཚུངས་ལ་ངོ་ཚ་མེད་པའི་བུད་མེད་ཁྱོད་ལ་བདག་མི་དད་དོ། །དཔེར་ན། རྣ་བར་སྙན་ཞིང་རབ་བརྗིད་པ། མགྲིན་པར་སྒྲོག་པའི་དབྱངས་སངས་རྒྱས་ཀྱི་གསུང་སྙན་པོ། །མགྲིན་པར་སྒྲོག་པའི་དབྱངས་དྲི་ཟའི་སྙན་པོ། །མགྲིན་པར་སྒྲོག་པའི་དབྱངས་ཀ་ལ་པིངྐ་སྙན་པོ། །ཞེས་པ་ལྟ་བུ། །གསུམ་པ་ལན་གསུམ་བཟླས་པ་ནི་དགྲ་ཡི་མཛེས་པ་ཉམས་པར་བྱེད་ཅིང་། རྒྱལ་པོའི་སྡེ་ཀུན་གྱིས་ཚུར་བཏུད་པ། སྐྱེས་མཆོག་ཨུ་མས་གླུ་ཕན་པར་བྱེད་པའི་ལྷའི། རྗེ་དབང་ཕྱུག་གི་དཔལ་མེད་པ་མིན་པ། སྙིང་སྟོབས་ཀྱི་གོ་ཆ་བགོས་ཤིང་། ཨུ་མས་བཏུད་པས་གཙུག་ན་ཟླ་བ་དངོས་དང་འདྲ་བ་(༡༡༧བ)

― GLG020_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་གྱིས་མཆོད་ཡུལ་ཐོབ་པའི་དམ་པ་ཉེས་པའི་རྡུལ་མེད་པ། མ་མཛེས་པ་མིན་པའི་གཙོ་བོ་ཁྱོད་དོ། །དཔེར་ན། འོད་ཀྱི་ཐུགས་རྗེའི་འོད་རྣམ་པར་རྒྱས་པར་བྱེད། །འོད་ཀྱིས་རྣམ་ཉི་མའི་འོད་པར་རྒྱས་པར་བྱེད། །འོད་ཀྱིས་རྣམ་པར་ཟླ་བའི་འོད་རྒྱས་པར་བྱེད། །འོད་སྒྲོན་མེའི་འོད་ས་རྣམ་པར་རྒྱས་པར་བྱེད། །ཅེས་པ་ལྟ་བུ། བཞི་པ་དོན་བསྡུ་བ་ནི། །དེ་ལྟར་རྐང་པ་ལན་གཅིག་དང་། གཉིས་དང་གསུམ་བཟླས་པ་ཡང་བསྟན་ཟིན་ཏོ། །གཉིས་པ་ཚིགས་བཅད་བཟླས་པ་ལ། མཚན་ཉིད། དཔེར་བརྗོད་གཉིས། དང་པོ་ནི། ཚིགས་བཅད་གཉིས་དང་ལྡན་པའི་དོན་ནི། ཚིགས་བཅད་གཉིས་བཟླས་པ་ཡིན་ཏེ། དཔེར་ན། གཉིས་པ་ཚིགས་བཅད་འདྲ་བ་གཉིས་ནི། ཟླུམ་ཞིང་རྒྱས་བའི་ལག་པ་ཅན་གྲོགས་མིན་པ་དགྲ་རབ་ཏུ་འཇོམས་པར་བྱེད་པ་རྣམ་འདྲེན་ཁྱོད་ཀྱི་བསྟན་པ་འདིས་སའི་དཔལ་མི་མཚུངས་པ་སྟེ་དོ་ཟླ་བྲལ་བས་འཇིགས་པ་མེད་དོ། །ཡང་ཁྱོད་ཀྱི་དགྲ་ནི་ཁོ་རང་གི་འདྲེན་པ་དག་དང་བྲལ་བར་གྱུར་ཅིང་ལག་པ་སྲེག་རྫས་སློང་བ་ལ་སྲེག་ཁང་དུ་ཉེ་བར་གྱུར་པ་དང་། རང་གི་གྲོགས་ཀྱིས་བློས་བཏང་ཞིང་དགྲ་ཡིས་ནི་མཚུངས་པ་མེད་པའི་ས་མཐོ་རིས་འདི་མངོན་པར་བསྟེན་དུ་འཇུག་གོ །རྒྱ་དཔེར་ཚིག་གཟུགས་གཅིག་པའི་ཤོ་ལོ་ཀ་གཉིས་སོ། །དཔེར་ན་མིག་ལ་དཔལ་སྟེར་མཛེས་པའི་སྐུ། །རྣ་བར་སྙན་པའི་དབྱངས་སྒྲོག་མཁན། །ཡིད་ལ་དགའ་བ་སྐྱེད་བྱེད་པའི། །ཟླ་བའི་སྤུན་ཟླ་དབྱངས་ཅན་ཨེ་མ་མཚར། །མིག་ལ་དཔལ་སྟེར་མཛེས་པའི་སྐུ། རྣ་བར་སྙན་པའི་དབྱངས་སྒྲོག་མཁན། །ཡིད་ལ་དགའ་བ་སྐྱེད་བྱེད་པའི། །ཟླ་བའི་སྤུན་ཟླ་སྒེག་མོ་ཨེ་མ་མཚར། །ཞེས་པ་ལྟ་བུ། གསུམ་པ་ཟུང་ལྡན་ཆེན་པོ་ལ་མཚན་ཉིད་རྩོད་(༡༡༨ན)
སྤོང་དང་བཅས་ཏེ་བཤད་པ་དང་། དཔེར་བརྗོད་གཉིས། དང་པོ་ནི། རྐང་པ་བཞི་རྣམ་པ་གཅིག་པ་གང་ཟུང་ལྡན་ཆེན་པོར་བརྗོད་པ་ཡིན་ལ། དེ་ལའང་ལན་གསུམ་བཟླས་པར་མཐོང་མོད་དེ། དེས་ནའང་ཟུང་ལྡན་སྔ་མའི་བྱ་བ་དང་མི་འདྲ་བ་གཅིག་བར་མ་ཆོད་ལ་ཡི་གེ་གཞན་མེད་པ་ཡིན་ནོ། །གཉིས་པ་ནི། མཉམ་མེད་དཔལ་ལྡན་མཚུངས་མེད་མ་ཁེངས་པ་དང་ལྡན་ཡང་ངལ་བ་ཙམ་སྟེ། དེ་དག་དང་ནི་མཛའ་བོ་བོར་བའི་ཁེངས་པ་མཉམ་པ་ཉིད་དུ་ལྡན་པ་སྟེ། ཚུལ་མིན་པ་དེ་དག་དོར་བའི་སྤྱོད་ཚུལ་ཚད་ལྡན་འདི་དང་འགྲོགས་སུ་ཆུག་ཅིག །དཔེར་ན། དྲི་མེད་རྒྱལ་བའི་ཐུགས་རབ་གསལ་དྲི་མེད་དབྱངས་ཅན་སྐུ་གསལ། དྲི་མེད་ནམ་མཁའ་རབ་གསལ་དྲི་མེད་དྭངས་མཚོ་གསལ། །དྲི་མེད་ཟླ་བ་རབ་གསལ་དྲི་མེད་མན་ཤེལ་གསལ། །དྲི་མེད་འཕགས་ཆེན་རབ་གསལ་དྲི་མེད་མེ་ལོང་གསལ། །ཞེས་པ་ལྟ་བུ།

འདྲེས་པའི་ཟུང་ལྡན་བཤད་པ།

― GLG020_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེས་པའི་ཟུང་ལྡན་བཤད་པ།ལྔ་པ་འདྲེས་པའི་ཟུང་ལྡན་ནི། འཛིན་མ་འཛིན་པའི་ཀླུ་ལྷག་མ་ཅན་དང་མཚུངས་པ་དེ་རྣམ་པར་འཛིན་པ་འཛིན་མ་སྟེ་ས་ལ་སྤྱོད་པ་རྣམས་ཀྱི་དགྲ་སྡེའི་ལག་པ་རྣམ་པར་གནོན་པ་མི་དམན་པས་འཕྲལ་ལ་འཇོམས་པར་མྱུར་བ་དང་ལྡན་པ་ཁྱོད་ལ་མཆོད་པའི་ཁུར་ནི་བརྟན་པ་ཡི། ས་གཞི་དག་ནི་རིམ་པས་བསྲུང་བར་བཟོད་པ་མ་ཡིན་ནོ། །དཔེར་ན། མཛད་བཟང་མཆོག་གིས་མཆོག་དམན་འགྲོ་འདྲེན་མཛད། །མཛད་བཟང་སྤེལ་མཁས་མཁས་མཆོག་དབུས་ན་བཙུན། །བཙུན་བཙུན་ཟས་གཙང་རིགས་འཁྲུངས་ཐམས་ཅད་མཁྱེན། །མཁྱེན་བརྩེའི་དཔལ་གྱུར་དཔལ་ལྡན་ཤཱཀྱའི་གཙོ། །ཞེས་པ་ལྟ་བུ།

ལྡོག་པའི་ཟུང་ལྡན་བཤད་པ།

― GLG020_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡོག་པའི་ཟུང་ལྡན་བཤད་པ།དྲུག་པ་ལྡོག་པའི་ཟུང་ལྡན་ལ། མཚན་ཉིད་དང་དཔེར་བརྗོད་གཉིས། དང་པོ་ནི། དེ་ཡང་རྐང་པ་ཕྱེད་པ་དང་། ཚིགས་བཅད་ཕྱེད་པ་དང་། ཚིགས་བཅད་(༡༡༨བ)
རངས་པོ་ལྡོག་པའི་སྤྱོད་ཡུལ་ཅན་ཏེ། ཤོ་ལོ་ཀ་གཅིག་ལུགས་ལས་ལྡོག་པས་བསྐོར་བ་གསུམ་ནི་ཟུང་ལྡན་ལུགས་ལས་ལྡོག་པས་ན་ལུགས་ལས་ལྡོག་པ་ཞེས་བཤད་པའི་ཕྱིར་རོ། །གཉིས་པ་ལ་གསུམ་ལས། དང་པོ་རྐང་པ་ལྡོག་པ་ནི། གང་ལ་འབད་པ་བྱས་ཀྱང་དུས་བཏབ་པ་ལས་ཡོལ་བས་ཆགས་གདུངས་ཀྱིས་བདག་ལུས་ཕྲ་མོ་ཉིད་དེ་ནི་བདག་གིས་ཐོབ་པར་མཛད་མོད། ད་ནི་མཛའ་བོ་ཁྱོད་ལ་རེ་འདོད་མེད་པས་བྱེད་མེད་ཀྱི་ལྷ་བེམ་པོའི་རང་བཞིན་ཅན་བསྟོད་ནས་འོངས་པ་ཁྱོད་རང་གང་འདོད་དུ་གྲོ་བར་གྱུར་ཅིག་རྒྱ་དཔེར། ཡཱ་མ་ཏཱ་ཤ་ཀྲྀ་ཏཱ་ཡཱ་སཱ་སཱ་ཡཱ་ཏཱ་ཀྲྀ་ཤ་ཏཱ་མ་ཡཱ། ཞེས་པས་མཚོན་ཏེ་ཤིན་ཏུ་གསལ་བ་ཡོད་ལ། དཔེར་ན། དཀར་མོ་ལྷ་མཆོག་མཛེས་པ་ལྡན། །ལྡན་པ་མཛེས་མཆོག་ལྷ་མོ་དཀར། །ལེགས་ལྡན་བདེ་བ་སྟེར་གྱི་དཔལ། །དཔལ་གྱི་སྟེར་བ་བདེ་ལྡན་ལེགས། །ཞེས་པ་ལྟ་བུ་གཉིས་པ་ཚིགས་བཅད་ཕྱེད་ལྡོག་པ་ནི། ནཱ་དི་སྟེ། དེ་ཉིད་རྟོགས་པ་ལྡན་པ་བདག་རང་གི་བློ་མི་འདོད་པ་འགའ་ཡང་མེད་པ་སྟེ་མྱོས་པ་མིན་ལ། སེམས་དུལ་བ་འཇོམས་པར་བྱེད་པའི་འདོད་པའི་ལྷ་ཡི་རང་དབང་དུ་གདུང་པ་དག་ཀྱང་མེད་དོ། །དཔེར་ན། རབ་ཕྲ་ལུས་ལྡན་རིང་དཀྱུས་མིག །གདོང་པའི་མཛེས་པ་འདོད་པའི་རྟེན། །རྟེན་པའི་འདོད་པ་མཛེས་པའི་གདོང་། །མིག་དཀྱུས་རིང་ལྡན་ལུས་ཕྲ་རབ། ཅེས་པ་ལྟ་བུ། གསུམ་པ་ཚིགས་བཅད་རངས་པོ་ལྡོག་པ་ནི། ཀུན་གྱི་ཡིད་དུ་འགྲོ་ཞིང་། བདུད་འདོད་ལྷས་སྐྱོང་བ་གཞན་ཡིད་སྐུལ་བའི་ལྕག་མི་དམན་པ། གང་ཞིག་དབང་དུ་གྱུར་པའི་སྐྱེ་བོ་འདོད་པ་འཇོམས་བ་པ་གང་ལ་བདག་ཡིད་སོང་བ་སྐྱེ་བོ་བརྒྱའི་དབང་དུ་གྱུར་པའི་སྨད་འཚོང་མ་དེ་ལ་བྱོན་ཞེས་སྨྲས་སོ། །སྟོན་གྱི་འོད་ཟེར་འདི་ཡིས་ནི་གཟིར་བར་གྱུར་ཅིང་། ཚད་པས་བརྟན་མི་ཤེས་པ་དེ་ཡིས་ནི་ཉིན་མོའི་ནད་(༡༡༩ན)

― GLG020_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

དག་མ་ཐོབ་པ་མིན་པས་ཞེས་དོན་གྱིས་བུད་མེད་ལ་སྦྱར་ནས། མྱ་ངན་དང་བྲལ་སླད་ཁེངས་པ་མ་བྱེད་ཅིག་ཅེས་བོད་སྐད་ལས་བསྒྱུར་བས་ཤོ་ལོ་ཀ་མི་འདྲ་བ་གཉིས་སོ། །དཔེར་ན། རྒྱས་མཛེས་གསལ་བ་ཟླ་ཤེལ་མཆོག །མཛེས་ལྡན་གཙོ་མོའི་བུ་སྡུག་སྙིང་། །གཡོན་མིག་ཟུར་མཛེས་དཀར་ཟླའི་སྤུན། །ལུས་མེད་སྐེད་ཕྲ་མདའ་རྣོ་ངར། །ངར་རྣོ་མདའ་ཕྲ་སྐེད་མེད་ལུས། །སྤུན་ཟླའི་དཀར་མཛེས་ཟུར་མིག་གཡོན། །སྙིང་སྡུག་བུ་མོའི་གཙོ་ལྡན་མཛེས། །མཆོག་ཤེལ་ཟླ་བ་གསལ་མཛེས་རྒྱས། །ཞེས་པ་ལྟ་བུ། གཉིས་པ་བྱ་དཀའ་བའི་ཁྱད་པར་གཞན་བསྟན་པ་ལས། བ་ལང་གཅིན་གྱི་བྱ་དཀའ་བ་དང་། འཁོར་བའི་བྱ་དཀའ་བ་གཉིས། དང་པོ་ལ་མཚན་ཉིད་དང་། དཔེར་བརྗོད་གཉིས། དང་པོ་ནི། གལ་ཏེ་ཁྱེད་ཀྱི་ཡི་གེ་རྣམས་གཅིག་གི་སྟེ་རེ་རེ་བར་ཏུ་ཆོད་ཅིང་། སྟེང་མ་དཀྱུས་སུ་བཀླགས་པ་དང་། འོག་ནས་འཕར་ཏེ་བཀླགས་པ་གཉིས་གཟུགས་གཅིག་པ་དེ་ནི་བྱ་དཀའ་བ་དེ་ཉིད་དུ་རིག་ཅིང་བ་ལང་གཅིན་ཞེས་སྨྲས་ཏེ། དཔེར་ན། གཉིས་པ་ནི། ཆང་གིས་མྱོས་པ་འདྲ་བའི་མིག་ལྡན་ཟུར་མིག་གི་མཚོན་གྱིས་འདོད་པའི་ལྷ་འདི་རྒྱལ་བར་གྱུར་ཏེ། གལ་ཏེ་བདག་ཀྱང་དགའ་མ་གྲོགས་སུ་ཁུགས་པའི་སྡིག་པ་ཟད་ན་འདོད་པའི་ལྷ་ལ་ནི་ཐལ་མོ་སྦྱོར་རོ། །དཔེར་ན། དུས་ གསུམ་ རྒྱལ་ མཆོག་ དགའ་ ཉིད་ དཔལ་དུས་ ཀུན་ རྒྱལ་ སྲས་ བདག་ པ་ དཔལ་འཇམ་ དབྱངས་ བླ་ མ་ རབ་ ཏུ་ མཁས་འཇམ་ མགོན་ བླ༌ ན་ རབ་ མཛེས་ མཁས་རྒྱ་དཔེར། མ་དེ་ནོ་མ་དི་རཀྵཱི་ཎ་མ་དེ་ནོ་ཡ་དི་ཏ་ཏྐིཥཱ་ཎ། ཞེས་བརྒྱད་པོ་འདི་སྟེང་འོག་ཏུ་བྱས་རྗེས་བ་གླང་གཅིན་གསལ་བར་འབྱུང་ངོ་། །(༡༡༩བ)

― GLG020_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་འཁོར་བའི་བྱ་དཀའ་ལ་ཕྱེད་འཁོར། ཀུན་འཁོར། གཞུང་ལས་དངོས་སུ་མ་ཐོན་པ་བཻཌཱུ་རྱ་ཁ་ཆེའི་ལུགས་ཀྱི་ཀུན་འཁོར་དང་གསུམ། དང་པོ་ལ་མཚན་ཉིད། དཔེར་བརྗོད་གཉིས། དང་པོ་ནི་གལ་ཏེ་ཚིགས་སུ་བཅད་པ་གཅིག་གི་ཕྱེད་སྔ་མ་དང་པོ་དཀྱུས་དང་འཐུར་དུ་བཀླགས་པ་འདྲ་ཞིང་། ཕྱི་མ་ཟློག་ནས་དཀྱུས་དང་འཐུར་ལ་འདྲ་བར་འཁོར་ན་ཕྱེད་དུ་འཁོར་བ་ཞེས་བརྗོད་དོ། །གཉིས་པ་ནི། མ་དུད་ཡིད་ལས་བྱུང་བ་འདོད་ལྷ་ཁྱོད་དར་བའི་ཕྱིར་སྡེ་ནི། ཁེངས་ལྡན་མ། མ་ཡིན་མིན་པ་སྟེ་ཡིན་ལ་ཡང་ན་འཁོར་བའི་འཇིགས་པ་ལས་དཔག་མེད་བསྒྲུབས་པས་ན། བདག་ཅག་འདོད་ཆགས་སྡིག་པའི་རང་བཞིན་ནོ། །མ་ནོ་བྷ་བ་ཏ་བཱ་ཎི་ཀཾ་ཞེས་པ་རི་མིག་ལ་བཀོད་པ་སྟེ། དཔེར་ན། ངག་ དབང་ དབྱངས་ དགའ་ རྒྱས་ རབ་ རིག་ བློ་དབང་ ཕྱུག་ ཅན་ ལྡན་ གསལ་ ཡངས་ པ་ རིག་དབྱངས་ ཅན་ ལྷ་ མཆོག་ དཔྱོད་ རྣམ་ ཡངས་ རབདགའ་ ལྡན་ མཆོག་ འཕེལ་ ལྡན་ དཔྱོད་ གསལ་ རྒྱས་གཉིས་པ་ལ་མཚན་ཉིད། དཔེར་བརྗོད་གཉིས། དང་པོ་ནི། གལ་ཏེ་ཀུན་ཏུ་འཁོར་བ་ནི། ཕྱེད་སྔ་མའི་དང་པོ་དེ་སྟེང་ནས་དཀྱུས་དང་འཐུར། འོག་ནས་གྱེན་དང་ཡར་ཟློག་པས་སྒོར་མོར་འཁོར་བ་སྟེ། ཀུན་ཏུ་བཟང་པོ་ཞེས་པར་འདོད་དོ། གཉིས་པ་ནི། ཟླ་བ་ཤར་བ་དང་འདོད་པའི་ནད་ཡུན་རིང་པས་གདུང་བ་དག་ཅིས་མིན་ཏེ་གང་ཡང་རྒྱུ་མཚན་དགའ་མ་འདི་བདུད་འདོད་ལྷའི་རྒྱར་མ་ལྷུང་བ་ཞིག་སྟེ། བགྲོད་པ་འཁྲིག་པ་དང་། དེའི་གཏམ་གྱི་སྒྲ་དག་དེ་ལ་སྤྱོད་པའི་དཔལ་རྣམས་བཟློག་ཅིང་མེད་པ། ཁེངས་པའི་(༡༢༠ན)

― GLG020_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་པ་སྟོབས་དང་ལྡན་པ། གཡོ་སྒྱུ་ལ་གནས་པའི་མཛའ་མོ་འདི། སྲེད་ལྡན་འཆི་བའི་སླད་དུའོ། །རྒྱ་དཔེར། སཱ་མཱ་ཡཱ་མཱ་མཱ་ཡཱ་མཱ་སཱ། ཞེས་པ་བསྐོར་བ་སྟེ། དཔེར་ན། ཚེ་ དབང་ དོན་ འགྲུབ་ འགྲུབ་ དོན་ དབང་ ཚེ་དབང་ ཕྱུག་ ལེགས་ དོན་ དོན་ ལེགས་ ཕྱུག་ དབང་དོན་ ཀུན་ ལ་ དབང་ དབང་ ལ་ ཀུན་ དོན་འགྲུབ་ དོན་ དབང་ ཚེ་ ཚེ་ དབང་ དོན་ འགྲུབ་ གསུམ་པ་ནི། བཻ་དརྦྷ་དང་ཁ་ཆེའི་ལུགས་ཀྱི་ཀུན་འཁོར་ཆེན་མོ་འདི་ཉིད། འཇམ་དབྱངས་ཁ་ཆེའི་ཕྱག་ལེན། རྒྱ་དཔེ་དང་མཐུན་པར་བོད་དུ་བཀབ་པ་ཡིན་པས་འཁོར་ལོ་སྒོར་མོ་འདི་བཻ་དརྦྷ་དང་གྲུ་བཞི་འདི་ཁ་ཆེའི་ལུགས་ཡིན་ཞེས་གྲངས་ཆེན་ལོ་ཙཱ་བ་དང་མཁས་སྒང་རསྨི་དྷྭ་ཛ་མཐུན་པར་གསུང་ཞེས་སློབ་དཔོན་མཁས་པའི་དབང་པོ་སྨོན་འགྲོ་ལོ་ཙཱ་བ་ཐུགས་རྩིས་ཆེ་ཞིང་དིང་སང་གི་ཀུན་འཁོར་ཕལ་ཆེར་རྒྱ་དཔེ་དང་མི་མཐུན་གསུང་ངོ་། །དཔེར་ན།

དབྱངས་སོགས་ཡི་གེ་ངེས་པའི་བྱ་དཀའ་བའི་སྐོར་བཤད་པ།

― GLG020_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་སོགས་ཡི་གེ་ངེས་པའི་བྱ་དཀའ་བའི་སྐོར་བཤད་པ།གསུམ་པ་དབྱངས་སོགས་ཡི་གེ་ངེས་པའི་བྱ་དཀའ་ལ། མཚན་ཉིད། དཔེར་བརྗོད། དོན་བསྡུ་བ་དང་གསུམ། དང་པོ་ནི། ཨ་ལྟ་བུ་དབྱངས་ངེས་པ་དང་། ཨ་ཀུ་ཏ་ལྟ་བུ་མགྲིན་པ་ལས་བྱུང་བས་གནས་ངེས་པ་དང་། ཀ་སོགས་ཡི་གེ་ངེས་པ་རྣམས་ངེས་པ་ཅན་གང་ཡིན་པ་འདི་བྱ་དཀའ་བ་ཡིན་ལ། དེ་ཡང་ཡི་གེ་གསུམ་པོ་འདི་བཞིར་ངེས་པ་དང་། ལ་སོགས་པས་གསུམ། གཉིས། གཅིག་ཏུ་རབ་ཏུ་བསྟན་པ་འདི་དཀའ་བ་སྟེ། གཞན་དག་དབྱངས་གནས། ཡི་གེ་རྣམ་ལྔ་སོགས་ངེས་པ་ནི་བྱ་སླ་དག་ཏུ་འདོད་དོ། །གཉིས་པ་ལ་དབྱངས་ངེས་པ། གནས་ངེས་པ། ཡི་གེ་ངེས་པ་དང་གསུམ། དང་པོ་ལ་བཞི་ལས། དང་པོ་བཞིར་ངེས་པ་ནི། རིག་བྱེད་ཀྱི་བརྟུལ་ཞུགས་རྫོགས་པའི་མཐར་ལྔ་པ་དང་བར་མའི་དབྱངས་སྨྲས་པའི་གླུ་དང་། འདོད་བྱ་གསར་དུ་རྙེད་པའི་དགའ་བ་ནི། ཡམས་ནད་དང་། འཇིགས་སྐྲག་གི་རྒྱུ་སྟེ། རྒྱུ་མཚན། འཁོར་བ་འདི་གནས་སྐབས་ཀྱི་ལོངས་སྤྱོད་དགའ་བདེ་འདྲ་ཡང་། དོན་རྨོངས་པའི་བློས་འཁྱམས་པས་ནད་ལྟར་སྤང་བྱ་ཡིན་པས། ད་ནི་གཏན་བདེ་དགེ་བའི་ཡུལ་ཐར་པ་བསྒྲུབ་པའི་སེམས་འདོད་རྩེ་གཅིག་པ་ཟུང་ཞིག །རྒྱ་དཔེར། ཨཱམྣཱ། གཱི་ཏཱི། བྷོ་གོ དྷེ་ཡེ། ཞེས་པ་ཕྱེད་སྔ་ཕྱི་བཞི་པོའི་མགོར་ཡོད་པས་མཚོན་ཏེ། ཤིན་ཏུ་གསལ་ལོ། །དཔེར་ན། དཔལ་ལྡན་རྒྱལ་བ་ཐམས་ཅད་ལ། །གསོལ་ཐོབ་མཆོད་ཡོན་རོལ་མོ་འཁྲོལ། །དུས་ཀུན་ལུས་བཏུད་གུས་འདུད་ཞུ། །དགྱེས་སྐྱེད་དགེ་ལེགས་ཆེས་ཆེར་འཕེལ། །ཞེས་པ་ལྟ་བུ། གསུམ་དུ་ངེས་པ་ནི། ས་ལས་རྣམ་པར་(༡༢༡ན)

― GLG020_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་ཞིང་བརྟན་པ་གྲུབ་པར་བྱེད་པའི་བརྟུལ་ཞུགས་ལ་དགའ་བ་མཆོག་ཏུ་རྟོགས་པའི་རྒྱལ་པོ་ཀུ་རུ་པས། གཡུལ་དུ་རང་གི་རིགས་ཀྱི་དགྲ་བོ་རྣམས་ནི་འཐབ་འཛིངས་ཆེ་བར་བཀག་ཅིང་། རྒྱལ་པོའི་གཟི་བརྗིད་ལྕི་བས་འདར་བར་བྱས་སོ། །དཔེར་ན། སྙིང་གི་དཀྱིལ་གྱི་ཏིང་འཛིན་ནི། ག་ཙ་ན་ཡང་རབ་གསལ་བ། །དཔེ་མེད་བཤེས་གཉེན་དེ་སྤེལ་ངེས། །དེ་ཕྱིར་སྙིང་ནས་དང་བས་དད། །ཅེས་པ་ལྟ་བུ། གསུམ་པ་གཉིས་སུ་ངེས་པ་ནི། དཔལ་དང་གཟི་བརྗིད་ངོ་ཚ་གྲགས་པ་དང་། བློ་གྲོས་དང་། ལུགས་ཀྱི་སྟེང་དུ་ཚིག་དང་དགའ་བ་གཉིས་ཀྱི་འཕེལ་བ་སྟེ། ཁྱོད་ལ་འཕེལ་བ་གཉིས་པོ་གང་ཡོད་པ་འདི་གཉིས་ལྷའི་དབང་པོ་བརྒྱ་བྱིན་ལ་ཡང་མེད་དོ། །དཔེར་ན། རབ་གསལ་དངས་པ་ཟླ་བ་ལ། །དཀར་འཇམ་མཚན་མས་རྣམ་པར་བརྒྱན། །ཉོན་མོངས་རྙོག་མཚོ་ལོང་ལོང་ཁྲོད། །རྨོངས་འགྲོའི་སྐྱོན་ཚོགས་འཇོམས་མཛོད་གོ །ཅེས་པ་ལྟ་བུ། བཞི་པ་དབྱངས་གཅིག་ཏུ་ངེས་པ་ནི། ཟླ་དང་ནད་རིང་ཅིས་མིན་གང་། །དགའ་མ་བདུད་ཀྱི་རྒྱར་མ་ལྷུང་། །བགྲོད་བཟློག་སྒྲ་མེད་དཔལ་མེད་མ། །སྟོབས་ལྡན་རྒྱུ་གནས་འཆི་སླད་དུའོ། །ཞེས་པའི་དོན་གོང་དུ་བཀྲོལ་ཟིན། དཔེར་ན། དཔལ་ལྡན་བླ་མ་དམ་པ་གང་། །གདན་ས་འགྲན་ཟླ་བྲལ་བ་ན། །ངག་དབང་འཇམ་དཔལ་དབྱངས་ཞལ་ནས། །དཀའ་གནད་གཞལ་བྱར་རབ་འབྱམས་གྲགས། །ཞེས་པ་ལྟ་བུ། གཉིས་པ་གནས་ངེས་པ་ལ་བཞི་ལས། དང་པོ་གནས་བཞིར་ངེས་པ་ནི་འདྲེན་(༡༢༡བ)

― GLG020_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་ཀུན་དགའ་སྐྱེད་པར་བྱེད་མ། རྒྱུ་སྐར་ཚོགས་རྣམས་དག་གི་གནས་སྤྲིན་མེད་པའི་ནམ་མཁའ་འདི་ལ་ལུས་ཅན་མ་ཁྱོད་ཀྱིས་ལན་གཅིག་མིག་གཉིས་པོ་བྱིན་པ་སྟེ་ལྟ་བར་མཛོད་ཅིག །རྒྱ་དཔེར། གྷ་ཛ་ཏ་ཊ་རྣམས་རིམ་བཞིན་མགྲིན་རྐན་སོ་སྤྱི་བོ་རྣམས་ལས་སྐྱེས་པས་མཚོན་ཏེ། གསལ་ལོ། །དཔེར་ན། དད་བརྟན་ལ་ལས་ས་ལ་གསེར། །གང་གང་རྒྱ་ངོས་གངྒཱི་ཁར། །བྱེ་མ་སྤུངས་པའི་ཕུང་ཕྱུར་འབུལ། །ཚབ་ཚོབ་ཙུབ་ཙུབ་ཡང་ཡང་མཛད། །ཅེས་པ་ལྟ་བུ། གཉིས་པ་གནས་གསུམ་དུ་ངེས་པ་ནི། ལང་ཚོ་མ་ནུ་འབུར་སྟུག་པོར་རྒྱས་པ་ཁྱོད་ཀྱི་གདོང་གི་སྐྲ་ཡི་ལན་བུའི་འཁྲི་ཤིང་བུང་བ་ལྟར་སྔོ་ཞིང་། འདྲེན་བྱེད་པདྨའི་གཟུགས་རྙན་ཅན། ལུས་ཟླ་བ་ལྟར་མཛེས་པས་འདོད་ལྡན་སུ་དག་མ་བཅོམ་སྟེ་བཅོམ་མོ། དཔེར་ན། མི་ཕམ་དཔའ་བོས་ཕ་མ་བུར། །འཕྲལ་ཕུགས་ཕན་བདེ་ཕུང་ཕུང་སྤུངས། །ཀང་ཀ་ཀཱ་ཀ་ཧ་ཧ་སྒྲོག །ཏབ་ཏོབ་ལ་ལུང་ལ་ལ་འཐས། །ཞེས་པ་ལྟ་བུ། གསུམ་པ་གནས་གཉིས་སུ་ངེས་པ་ནི། རྟག་ཏུ་སྡིག་པ་མེད་ཅིང་ཀུན་དགའ་བསྐྱེད་པའི་མཆོག་རྒྱལ་པོ་ཁྱོད་ཀྱིས་ལང་ཚོས་ལུས་དུད་པའི་མཛེས་མ་དང་ཡང་དག་པར་འགྲོགས་ནས་ཆགས་པ་སྤྱད་པས། ཁྱོད་རང་གི་བཙུན་མོ་ཕྲག་དོག་གི་དབང་གིས་འདོད་པ་ལུས་མེད་ཀྱིས་འགོངས་ཏེ། འཆི་བའི་འཇིགས་པ་དུ་མས་རེག་པར་གྱུར་པ་འདི་ལ་བརྩེ་བར་མཛོད་ཅིག །དཔེར་ན། བ་མོ་བབས་པས་ཕྱུར་བུར་སྤུངས། །བ་ཕྱུགས་མང་པོ་བྷུ་མིར་འཕྱན། །ཧ་ཧ་སྒྲོག་མཁས་ཀུ་སྒྲས་འགེངས། །ང་རྒྱལ་སྒྲ་སྒྲོག་ངར་ངར་སྤྱོད། །ཅེས་པ་ལྟ་བུ། བཞི་པ་གནས་གཅིག་ཏུ་(༡༢༢ན)

― GLG020_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

ངེས་པ་ནི། ཧ་ཧ་ཞེས་མུ་ཅོར་མི་སྒྲོག་ཅིང་། མཁའ་འགྲོ་ཉི་མས་མཚན་པའི་རི་རབ་ཀྱི་རྩེར་འགྲོ་བ། དབང་པོ་མིག་སོགས་འཁྱོག་པོ་དང་ལྡན་པ་སྐྱེ་བོ་ངན་པའི་སྤྱོད་ཚུལ་ལ་མ་ཆགས་པ་ཅན་ཁྱོད་འཁྱོག་ཅིང་འགྲོ་བ་དང་། སྐད་སྙན་པ་ལྷུང་ལྷུང་དུ་སྒྲོག་པས་གངྒཱའི་ཆུར་ནི་འཇུག་བཞིན་པས་སྡིག་པ་བྱ་རོག་ལྟར་ནག་པ་འཇོམས་པས་མཐོ་རིས་སུ་འགྲོའོ། །དཔེར་ན། དུང་དུང་གསོལ་ཐོབ་ལྷ་ལ་སྟེ། །ས་ལ་ལུས་བཏུད་གཏམ་རྣམས་ལྡིར། །ལ་ལ་དད་དད་ལྟར་དུ་འདུད། །མདོངས་ལྡན་རྟ་ལ་ཐུར་ཐག་ཐོགས། །ཞེས་པ་ལྟ་བུ། གསུམ་པ་གསལ་བྱེད་ཀྱི་ཡི་གེ་ངེས་པ་ལ་བཞི་ལས། དང་པོ་བཞིར་ངེས་པ་ནི། ཀྱེ་ཀྱེ་སྒྲ་སྙན་པར་སྒྲོག་པ་རུ་རུའི་བྲང་འཇོམས་པའི་སྡིག་ཅན་ཤ་བ་རི་པ་ཁྱོད་རི་དྭགས་ཀྱི་ཆར་ཡང་ཡང་འགྲོ་་བ་གྲིབ་ཅན་ནད་ཅན་གྱི་སར་མ་འོང་ཞིག །བདག་གི་མར་གྱུར་པའི་རི་དྭགས་ལགནོད་པ་བྱེད་པ་པོ་དང་། ཐར་པ་དོན་དུ་གཉེར་བ་རྣམས་ཕྲད་མི་རིགས་པ། དཔེར་ན་བྱ་རོག་རྨ་བྱའི་སྒྲར་འགྱུར་བ་ཅི་ཡང་མི་སྲིད་དོ། །རྒྱ་དཔེར། ར་ག་ཀ་མ་བཞིར་ངེས་པས་ཤིན་ཏུ་གསལ་ལོ། །དཔེར་ན། སོ་སོས་བསུན་བསུན་ས་ས་སར། །དགྱེས་དགྱེ་གུས་གུས་དགའ་སྒྲ་སྒྲོག་ལོ་ལེགས་ལ་ལར་ལས་ལ་ལུས། །མཐོ་མཐོ་ཐད་ཐད་ཐང་ཐང་འཐུད། །ཅེས་པ་གསུམ་དུ་ངེས་པ་ནི། ལྷ་རྣམས་དགའ་བར་བྱེད་པའི་ལྷ་རིག་བྱེད་ལ་སྨོད་པ་འགོག་པ་པོས། ལྷ་མིན་རྣམས་དགའ་བར་བྱེད་པའི་གཙོ་བོ་རྣམས་བཅོམ་པ་ན་ཨ་ལ་ལ་(༡༢༢བ)
ཞེས་དགའ་བའི་སྒྲ་ཡིས་མཐོ་རིས་རྣམས་གང་བར་གྱུར་ཏོ། །དཔེར་ན། གང་གི་སྒྲ་བརྒྱ་སྒྲ་སྒྲོག་གང་། །གང་གཱ་གབ་གྱུར་གོང་གི་གམ། ལས་ལམ་ལ་ལུས་ལ་ལས་ལན། །ཏང་ཏང་ཏིང་ཏིང་སྟེ་བུའི་གཏམ། །ཞེས་པ་ལྟ་བུ། །གསུམ་པ་གཉིས་སུ་ངེས་པ་ནི། མཁས་པ་ལྷ་དང་ལྷ་མ་ཡིན་ཀུན་ལ་འགྲོ་བའི་སྟོབས་དང་ལྡན་ཞིང་། བྱིན་པ་ལེགས་པས་མཛེས་པ་ཅན། ཆང་གི་རོ་མྱོང་བའི་ངང་ཚུལ་དང་ལྡན་པ། གཤོལ་འཛིན་ཏེ་སྟོབས་བཟང་ཞེས་པ་དེ་ནི་བཞད་དཀར་གྱི་སྙན་སྒྲ་དང་ལྡན་པའི་མཚོ་རུ་ཁྲུས་ལ་སོང་ངོ་། །དཔེར་ན། རོང་རོང་རོང་རི་རུ་རུའི་རྭ། །རང་རང་རེ་རེ་རིང་རིང་རུང་། །ཤོང་ཤོང་ཤང་ཤང་ཤིབ་ཤིབ་གཤིབ། །ཤ་ཤ་ཤུབ་ཤུབ་ཤུལ་ཤམ་ཤིས། །ཞེས་པ་ལྟ་བུ། །བཞི་པ་གཅིག་ཏུ་ངེས་པ་ནི། བདག་གི་དགྲ་འདི་ཡིས་བདག་ཅག་རྣམས་ཀྱི་བཞིན་རས། ཁྱོད་ཀྱི་བཞིན་རྔམ་པ་གཤིན་རྗེ་ལྟ་བུའི་ཚུལ་གྱིས་ངེས་པར་མ་བཅོམ་པ་མིན་པ་སྟེ་བཅོམ་མོད། བརྟུལ་ཕོད་མི་དམན་པ་འདི་དང་བདག་ཅག་གི་སྲོག་འཐབ་པ་ལ་སྦྱོར་བ་ནི། རྗེ་བོ་ཁྱོད་སྐྱེས་བུ་དམ་པ་མིན་ལ། རྒྱུ་མཚན་སྡིག་པ་མེད་པ་མ་ཡིན་ནོ། །དཔེར་ན། སྒྲ་སྒྲོག་སྒྲ་སྒྲོག་སྒྲ་བརྒྱ་སྒྲོག །དགྱེས་དགྱེས་གུས་གུས་མགོ་གུག་གུག །གྱོལ་གྱོལ་སྒེག་སྒེག་སྒོར་སྒོར་འགྲོ། །རྒྱུད་རྒྱུད་གླུའི་སྒྲར་གར་བསྒྱུར་དགེ། །ཞེས་པ་ལྟ་བུ། གསུམ་པ་ནི། དེ་ལྟར་བྱ་དཀའ་བའི་ལམ་ལ་ཡང་རིམ་པ་ཅུང་ཟད་ཀུན་ཏུ་བསྟན་ཟིན་ནོ། །

གབ་ཚིག་གི་རྒྱན་སྐོར་བཤད་པ།

― GLG020_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

གབ་ཚིག་གི་རྒྱན་སྐོར་བཤད་པ།གསུམ་པ་གབ་ཚིག་གི་རྒྱན་ལ་དམ་བཅའ་བ། དགོས་པ་བརྗོད་པ། དངོས་དང་། གབ་ཚིག་ལྟར་སྣང་མི་འཆད་པའི་རྒྱུ་(༡༢༣ན)

― GLG020_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་དང་བཞི། དང་པོ་ནི། གབ་ཚིག་གི་རྣམ་པའི་རྣམ་པར་རྟོག་པ་ཡི་ལུགས་ཀྱང་འདི་རབ་ཏུ་བསྟན་པར་བྱའོ། གཉིས་པ་ནི། རྩེད་མོ་སོགས་ཀྱི་མདུན་སར་བཞག་གད་ཀྱི་ཆེད་དང་། དེར་ཤེས་པ་རྣམས་ལ་ཚོགས་སུ་གསང་གཏམ་ཚིག་ཏུ་སྨྲ་བ་དང་། ཕ་རོལ་པོ་དེ་མི་ཤེས་པར་ཀུན་ཏུ་རྨོངས་པར་བྱེད་པ་ལ་གབ་ཚིག་དག་ནི་ཉེ་བར་མཁོ་ཞིང་ལྡན་ནོ། །གསུམ་པ་ལ་དངོས་དང་། མཇུག་བསྡུ་བ་གཉིས། དང་པོ་ལ། བཅུ་དྲུག་ལས། དང་པོ་ཀུན་ཏུ་ཚོགས་པ་ལ་མཚན་ཉིད། དཔེར་བརྗོད་གཉིས། དང་པོ་ནི། རྣམ་དབྱེ་དང་མཚམས་སྦྱོར་སོགས་ཀྱི་སྒོ་ནས་ཚིག་མཚམས་སྦྱར་བས་སྒྲ་འདྲེས་ཏེ་དོན་སྦས་པ་ནི་ཀུན་ཏུ་ཚོགས་པ་ཞེས་བརྗོད་དོ། །གཉིས་པ་ནི། བདག་གི་སྐད་དོད་ཨ་སྨད་ལ་རྣམ་དབྱེ་གསུམ་པའི་ཊཱ་བྱིན་ནས་བསྒྲུབས་པས་མེ་ཞེས་པ། དེའི་ཕ་རོལ་ཏུ་གནོད་པའི་སྐད་དོད་ཨཱ་གས་ལ་སི་བྱིན་ནས་ཕྱིས། དེའི་ཕ་རོལ་དུ་རོའི་སྐད་དོད་རས། དེ་ནས་རིམ་པ་བཞིན་ཨེ་ཨ་ཡ་དང་། ས་རྣམ་བཅད་དང་། ཨ་དང་སྒྲ་ལྡན་གྱི་བར་དུ་ཨུ་དང་། མཚམས་སྦྱོར་རྣམས་བྱས་པས། མ་ཡཱ་གོ་རཿཞེས་པ་འགྲུབ་ལ། བསྒྲིབ་བྱ་འདིའི་སྒྲིབ་བྱེད་ནི། མ་ཡཱ་དག་གི །གོ་བ་ལང་། རས་རོ་བྲོ་བ་སྟེ། དེར་འཁྲུལ་བའོ། །དེ་ཡང་བདག་གི་གནོད་པའི་རོ་བྲོ་བའི་སེམས་ཀྱིས་བླངས་པའི་ཤེས་པ་ཅུང་ཟད་མེད་པ་ལ་ཅིའི་སླད་དུ་དུས་ཀུན་ཏུ་མིག་དམར་མ་ཁྱོད་ཀྱིས་ཁྲོ་བའི་གནས་ཡོད་པ་མིན་པར་ངུ་བ་འདི་ཡིས་ཅི་བྱེད། དཔེར། (༡༢༣བ)

― GLG020_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་རྒྱ་བོད་ཀྱི་ལུགས་གཉིས་ལས། སྔ་མ་ནི། དུ་རཱ་ཀར་ཏྭ་ཡཱ་བྱཱ། ཚུལ་འདི་མ་ལུས་སྟོན་པ་ཡི། །ས་འཛིན་ཕག་ཏུ་མལ་འཆའ་བའི། །འབྲི་སྟག་ཀར་གསུམ་རྣམ་པར་ཐར། །དུར་ངན་པ་དང་ཨཱ་ཀར་འབྱུང་གནས་ཡུཥྨད྄ལ། གསུམ་པ་བྱིན་པའི་ཏྭ་ཡཱ་ཁྱོད་ཀྱིས་བི་འཇིག་པ་དང་ཨཱང྄་སྦྱོར་བ་ཡིན་ལ། སྒྲིབ་བྱེད་དུ་དུར྄་སྟོབས། ཨཱང྄་འཛིན་པ། ཀ་ར་བྱེད་པ། ཏྭཡཱ་ཁྱོད་ཀྱིས། བི་འབྱོར་པ། ཨཱང྄་སྦྱོར་བའོ། ཕྱི་མ་ནི། ཚིག་རྐང་དང་པོར་དཀར་ནག་དམར། ཞེས་པ་ལྟ་བུ། ཕྱི་མ་ལ་གདོང་སེམས་ཆུ་ཞེས་པ་ལྟ་བུ་ལུས་ཕྲའི་བཞིན་རས་ཆེས་ཆེར་ནག །ཡིད་སྲུབས་གྲོགས་མིན་པ་ཡིན་པ། །སྐྱེས་བུའི་གཟུགས་ལ་ཚ་བསིལ་ཚོགས། །ཉིན་མཚན་མེད་པར་འབར་མི་འབར། །ཞེས་པ་ལྟ་བུ། གཉིས་པ་སླུ་བྱེད་ཀྱི་གབ་ཚིག་ལ་མཚན་ཉིད། དཔེར་བརྗོད་གཉིས། དང་པོ་ནི། དངོས་པོ་གཞན་ལ་གྲགས་པའི་སྒྲ་སྟོབས་ལྡན་མཛེས་པར་བརྗོད་ནུས་པ་ལྟ་བུ་ངག་གིས་དོན་དེ་གབ་ནས་གང་དུ་མི་མཛེས་པ་ལྟ་བུ་ཞིག་ཏུ་འཁྲུལ་བས་སླུ་བ་ནི་སླུ་བྱེད་ཉིད་དོ། །གཉིས་པ་ནི། ཀུཔྫ་ནི་གྲོང་ཁྱེར་ཀཱ་ནྱ་ཞེས་བྱ་བའི་ཡུལ་གྱི་བུད་མེད་ཤིན་ཏུ་མཛེས་པ་ལ་འཇུག་ལ། གབ་བྱ་དེའི་གབ་བྱེད། གཉའ་བ་སྒུར་བའི་བུད་མེད་ལ་ཡང་གྲགས་པས། དེ་འདྲའི་མཛེས་མ་གྲོགས་སུ་བསྟེན་པ་ཁྱོད་ཀྱི་ནི། དགའ་བ་ཇི་ལྟ་བུ། འཕེལ་བར་གྱུར་བ་དེ་ནི་ཁྱད་པར་འཕགས་ཏེ། རྒྱུ་མཚན། མཛའ་མོ་འདི་འཆི་མེད་བུ་མོ་ལ་ཅོ་འདྲི་ཞིང་མཚུངས་པས་ན་མི་མོ་ལ་སྤྱོད་པས་དེ་ལྟ་བུ་མ་ཡིན་ནོ། །ཞེས་སྒྲ་དོན་གང་རུང་བཤད་རྒྱུ་(༡༢༤ན)

― GLG020_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པའི་སྒོ་ནས་ནོར་འགྲོ་བ་ཞིག་དགོས་པས། དཔེར་ན། ཁྱོད་མཐོང་ལུས་ནི་གཙུག་ཕུད་ཅན། །བརྟན་པའི་ཡིད་ནི་གཡོན་ལ་གནས། །ངག་གི་རྐང་པ་འཐེང་པོར་འགྲོ། །མེ་ཏོག་མདའ་ནི་སྲིད་ན་མང་། །ཞེས་ཡོངས་གྲགས་ཀྱི་རྨ་བྱ་གཡོན་རྐང་པ་འཐེང་པ་འདོད་ལྷའི་མདའ་རྣམས་ཀྱི་དོན་ནི། མི་ཡོན་པོ་ཚིག་རིང་ཐུང་སྣ་ཚོགས་ལུས་ཕྲ་རྣམས་སོ། །གསུམ་པ་རིམ་པ་དང་བྲལ་བ་ལ་མཚན་ཉིད། དཔེར་བརྗོད་གཉིས། དང་པོ་ནི། སྦྱོར་བའི་གོ་རིམས་ཤིན་ཏུ་འཁྲུགས་པ་ཡིས་དོན་ལ་རྨོངས་པར་བྱེད་པ་དེ་ནི་རིམ་པ་དང་བྲལ་བ་སྟེ། གཉིས་པ་ནི། མཆུས་ཡུ་བར་འོ་བྱེད་དོ། །གང་ལ་ན་པདྨ་ཅན་གྱིའོ། །གང་གིས་ན་ཞལ་ལས་སྒྲ་སྙན་པར་སྒྲོག་པར་བྱེད་པའི་ངང་པས་ཚེར་མ་རྩུབ་མོ་ཅན་གྱི་རྐང་པ་ལ་ལུས་ནི་འདར་བར་བྱེད་པའི་སྒོ་ནས་སོ། །ཞེས་ཕྱེད་ཕྱི་མའི་མཇུག་ཕྱེད་སྔ་མའི་མགོ་དང་། ཕྱེད་ཕྱི་མའི་དང་པོའི་མཇུག་ཕྱེད་སྔ་མའི་རྗེས་མའི་མགོར་འོང་བས་སྒོར་མོར་འཁོར་འགྲོ་བས་གོང་འོག་འཆོལ་བ་ཞིག་དགོས་ཏེ། དཔེར་ན། རྣམས་ཀྱིས་འགྲོ་བློ་རབ་ཏུ་བསྐྱེད། །དཀར་གྱུར་རབ་ནག་རྒོལ་རྨོངས་བཞིན། །ངན་པ་ལེགས་ལྡན་ཤེས་རབ་ཅན། །དབྱངས་ཅན་ལྷ་མོའི་ཐུགས་རྗེ་དེ། །ཞེས་པ་ལྟ་བུ་སྒོར་མོར་འཁོར་བའོ། །བཞི་པ་རབ་བཅོམ་ལ་མཚན་ཉིད། དཔེར་བརྗོད་གཉིས། དང་པོ་ནི། གོང་དུ་སྒྲ་དོན་གང་རུང་སྦྱར་བ་གང་ལས་དོན་རྟོགས་པར་དཀའ་བ་ཡི་ཚིག་གི་ཕྲེང་བ་དེ་ནི་རབ་བཅོམ་ཡིན་ཏེ། དཔེ་ལ་ཁ་འཕངས་ནས། འདི་སུ་ཞིག་ཅེས་པ་ལྟ་བུ། གདམ་(༡༢༤བ)

― GLG020_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

ང་ཅན་གྱི་ཚིག་རེ་བྱུང་ཚེ་རྒྱན་འདི་ཉིད་ལ་རྣམ་པ་གསལ་བར་འགྱུར་རོ། །གཉིས་པ་ནི། བུ་མོ་ཁྱོད་ཀྱི་རྐང་པ་མཛེས་པ་ལ་རྐང་གདུབ་རྒྱས་པ་སྒྲ་སྙན་པ་སྒྲོག་པ། མངོན་སུམ་ཉིད་དུ་གྱུར་པ་འདིར། ཆགས་པའི་དབང་གིས་བདག་གི་སྲོག་ནི་བརྟན་པ་མ་ཡིན་ནོ། །རྒྱ་དཔེར། དཀའ་ཡང་བོད་སྐད་དུ་ཞིག་པ་ཡིན་ལ། ཧ་ཧ་མི་སྒྲོག་མཁའ་འགྲོས་མཚན། ཞེས་སོགས་ཀྱི་དོན་དངོས་གཞི་གོང་དུ་བཤད་ཟིན་པ་ལྟར་དང་དེ་རབ་ཏུ་བཅོམ་ལུགས་ནི། སྙན་གྲགས་མཐོ་རིས་ལ་འགྲོ་བ་དང་། མཁའ་འགྲོས་མཚན་པའི་རིར་འགྲོ་ཞེས་པ་དང་། སྡིག་པ་དང་བྱ་རོག་གཉིས་ནག་པར་མཚུངས་ཆོས་བྱས་ནས། བྱ་རོག་འཇོམས་ཞེས་དཔེ་དངོས་ལ་ཁ་འཕངས་པ་ལྟ་བུ་སྟེ། དཔེར་ན། དོན་སྨྲ་ནུས་བྲལ་ལྕེ་རྐྱོང་ཞིང་། །རྣམ་འཁྱོག་གཞན་ལ་སེམས་པའི་ཡིད། །ཉེ་བར་གནས་རྣམས་རབ་བཅོམ་ནས། །ཁུང་བུར་ཉལ་བའི་སྦྲུལ་དེ་སུ། །ཞེས་གབ་བྱ་རི་ཁྲོད་པ་ཟོག་པོ་དང་གབ་བྱེད་སྦྲུལ་ལོ། །ལྔ་པ་མཐུན་གཟུགས་ལ་མཚན་ཉིད། དཔེར་བརྗོད། གཉིས། དང་པོ་ནི། དངོས་པོ་གཞན་དུ་ཕལ་པ་སྟེ་བཏགས་པའི་དོན་བཀོད་པའི་ཚིག་དག་གིས་དོན་གོ་བར་སྡེབས་པ་དག་ནི་མཐུན་པའི་གཟུགས་ཏེ། བསྡུས་བརྗོད་ལ་ཁྱད་གཞི་ཆོས་མཚུངས་མི་མཚུངས་སོགས་ཀྱི་དབྱེ་བ་ཡོད་ལ། འདི་ནི་དོན་མཐུན་པ་བསྟན་རྒྱུ་ཡོད་པ་ཙམ་མོ། །གཉིས་པ་ནི། གབ་བྱ་སོར་མོ་རྣམས་ཀྱི་རྩེ་ཁ་དོག་དམར་བའི་གཞོན་ནུ་མ་ཡན་ལག་ལྔ་ལྡན་ཡིན་ལ། གབ་བྱེད་ནི་གང་གི་ཡལ་འདབ་ལ་མེ་ཏོག་དམར་(༡༢༥ན)

― GLG020_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་དོག་པ་ཅན། འཁྲི་ཤིང་ཡལ་འདབ་ལྔ་པ་ཅན་ནི་སྐྱེད་མོས་ཚལ་འདི་བདག་གིས་མཐོང་ངོ་། །དཔེར་ན། རྨ་མེད་སྡོང་བུ་ཡལ་ག་ཟུང་། །ལོ་འདབ་སེར་པོས་མངོན་པར་ཀླུབས། །མངར་བའི་རོ་དང་ཞིམ་པའི་འབྲས། །ལྡན་པའི་སྟོན་གྱི་ལྗོན་ཤིང་མཐོང་། །ཞེས་གབ་བྱ་དགེ་སློང་དང་གབ་བྱེད་ཤིང་ངོ་། །དྲུག་པ་རྩུབ་མོ་ལ་མཚན་ཉིད། དཔེར་བརྗོད་གཉིས། དང་པོ་ནི། མཚན་ཉིད་ཀྱི་བཤད་བྱར་ཡོད་ཙམ་གྱི་སྒྲའི་ངེས་ཚིག་དང་ལྡན་པའི་སྒོ་ནས། ད་ནི་དེ་དག་བཟོད་པ་འདུག་གོ་ཞེས་པ་ལྟ་བུའི་ཚིག་རྩུབ་མོ་ངེས་པར་དགོས་སོ། །གཉིས་པ་ནི། གབ་བྱ་ཆང་མ་རྣམས་སོ་སོའི་ཁང་པར་བྱ་བས་དལ་བུར་རྒྱུ་ཞིང་ཆང་གིས་བཟི་སྟེ་རྒན་མོ་ལྟར་གྱུར་པ་ལ། གབ་བྱེད་ལ་དྲི་བཟང་གི་རྫིང་བུའི་ངེས་ཚིག་བསྟན་རྒྱུ་ཡོད་ཙམ་མ་གཏོགས་འཇིག་རྟེན་ན་མི་གྲགས་པས། ལྷ་རྣམས་ལྷ་ཡི་ཁང་པ་རུ། སོ་སོའི་འོད་ཀྱིས་དལ་བུར་རྒྱུ་ཞིང་ཡོངས་གྲགས་ཀྱི་དྲི་བཟང་གི་རྫིང་བུར་འཁྲུས་བྱས་པས་འདོད་པས་མྱོས་པར་བྱས་པ་དེ་རྣམས། ད་ནི་རྒན་མོ་གཞིན་ནོ། །ཞེས་རྩུབ་ཅིང་གབ་པ་སྟེ། དཔེར་ན། ཆུ་ནང་སྐྱེས་ཤིང་ཆུར་བརྟེན་པ། །སྲོག་ལྡན་མང་པོ་ཁར་གནས་པའི། །ལྡིར་ལྡིར་སྐད་ཀྱིས་ཁེངས་ན་ཡང་། །ནམ་ཞིག་ཞིག་ཚེ་གཞན་གྱིས་རྫི། །ཞེས་གཞན་གྱིས་རྫི་བ་ནི་རྩུབ་མོའི་ཚིག་ཡིན་ལ། གབ་བྱ་པདྨ་དང་། གབ་བྱེད་ཆུ་སྲིན་ནོ། །གབ་ཚིག་གི་དངོས་པོ་ཕན་ཚུན་སྦྱར་བའི་སྐབས་སྒྲ་དོན་གང་ཡིན་ཡང་ཕན་ཚུན་གཉིས་ཀ་ལ་འབྱར་འགྲོ་བ་ཞིག་དགོས་(༡༢༥བ)

― GLG020_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། འདིར་ནི་གབ་བྱེད་དེ་འཇིག་རྟེན་ན་མ་གྲགས་ཤིང་། ངེས་ཚིག་སྟོན་རྒྱུ་ཡོད་པ་ཙམ་མོ། །བདུན་པ་གྲངས་ལ་མཚན་ཉིད་དང་། དཔེར་བརྗོད་གཉིས། དང་པོ་ནི། གང་དུ་གྲངས་ཀྱིས་ཀུན་ཏུ་རྨོངས་པར་བྱེད་པ་ནི་གྲངས་ཉིད་ཅེས་བྱ་སྟེ། གསུམ་པ་ནི། གབ་བྱའི་མིའི་བདག་པོ་ཀཉྩ་པུ་རི་སླ་བ་ཞེས་པའི་རྒྱལ་པོ་ཡིན་ལ། གབ་བྱེད་ནི་གསལ་བྱེད་ཀ་ཙ་པུ་རི་བཞིས་ཡོངས་སུ་རྣམ་པར་བརྒྱན་པ་ཡི་གྲོང་ཁྱེར་ཉ་སྣ་ལྡན་དབུས་ན་ཡོད་པ་འགའ་ཞིག་དང་། གྲོང་གང་ཞིག་དེ་ན་ཀཉྩ་པུ་རི་སླ་བ་ཞེས་མིའི་བདག་པོ་ཡི་གེ་བརྒྱད་ཚོགས་པའི་མིང་ཅན་ཡོད་དོ། །དཔེར་ན། ཐུབ་པའི་གྲོང་ཁྱེར་དབུས་བཞུགས་སྣ་ལྡན་སྔོན། །ལྔ་པའི་གསུམ་ལྔ་མཐར་གནས་དྲོ་བ་ཅན། །མཚོ་ཡི་རྩེ་མོ་མཐར་གནས་ཕྱིར་ཡང་རོལ། །ལེགས་པའི་ཡོན་ཏན་མང་པོ་རྣམ་པར་སྟེར། །ཞེས་པ་གབ་བྱ་བྲཱཏྨ་ཎ་དེ་ཝཱི་དང་གབ་བྱེད་སྡེ་པ་རྣམས་སོ། །བརྒྱད་པ་རབ་བཏགས་ལ་མཚན་ཉིད། དཔེར་བརྗོད་གཉིས་དང་པོ་ནི། གང་དུ་བརྗོད་བྱའི་ངག་དོན་དེ་རྣམ་པ་གཞན་དུ་སྣང་བ་དེ་ནི་རབ་བཏགས་ཉིད་དོ། །ལེའུ་གཉིས་པའི་རབ་བཏགས་ནི་བྱེའུས་སྐད་སྒྲོག་པ་ལ་སངས་རྒྱས་ལ་བསྟོད་པ་བྱེད་ཅེས་པ་ལྟ་བུ་ཡིན་ལ། འདིར་ནི་བསྒྲིབ་བྱ་དགེ་སློང་དང་སྒྲིབ་བྱེད་ངང་པ་ལྟ་བུ་ལ། གཉིས་ཀ་ལ་འཇུག་རུང་གི་ཆོས་ཤིག་བཀོད་ནས་དགེ་སློང་ལས་གཞན་ངང་པར་སྒྲོ་བཏགས་པ་ལྟ་བུའོ། །གཉིས་པ་ནི། གབ་བྱ་དབུལ་པོ་ཞིག་ནོར་སློང་བའི་ཚེ། ཚིག་རྣམས་ལྡབ་ལྡིབ་ཏུ་རབ་ཏུ་འཁྲུལ་བ་དང་། མགོ་བོ་དུད་ཅིང་ཞུམ་པ་དང་། མིག་དམན་པས་ལྟ་བ་དང་། ཡིད་(༡༢༦ན)

― GLG020_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྲག་པས་ལུས་ཀྱང་འདར་བ་དང་ལྡན་པ་བདག་ལ་ནི་ཕྱུག་པོ་རྗེས་སུ་མི་བརྩེ་འམ། ཞེས་པ་ཡིན་ལ། དེའི་གབ་བྱེད་ནི། མཛེས་མ་ལ་རྒན་མོ་ཞེས་བཞད་གད་ཀྱིས། བདག་ཆགས་པས་ཚིག་འཁྲུལ། ངོ་ཚས་མགོ་ཞུམ། འདོད་པས་ལུས་འདར་བ་ལ་མི་བརྩེ་འམ། བྲྀདྡྷ་ཞེས་པ་ཕྱུག་པོ་དང་རྒན་མོ་གཉིས་ཀ་ལ་འཇུག་གོ །དཔེར་ན། གང་ཞིག་མཐོང་ཚེ་དགའ་བས་འཛུམ། །སྟོན་ཅིང་ལུས་ཀྱང་ལྡེམ་ལྡེམ་དུ། །འདར་ཞིང་རྣམ་པར་གཡོ་བ་དག །རྒྱས་པར་གྱིས་ཤིག་དཀར་འཇམ་ཅན། །ཞེས་གབ་བྱ་ཟླ་བ་ཀུནྡ། གབ་བྱེད་གཞོན་ནུ་དང་ལུས་ཕྲའོ། །དགུ་པ་མིང་དུ་འདུས་པ་ལ་མཚན་ཉིད། དཔེར་བརྗོད་གཉིས། དང་པོ་ནི། གང་དུ་མིང་ཐུན་མོང་བ་དག་ལ་སྣ་ཚོགས་པའི་དོན་དུ་མས་སྒྲིབས་པ་དཀའ་བས་བཏགས་པ་དེ་ནི་མིང་དུ་འདུས་པ་ཉིད་དོ། །གཉིས་པ་ནི། གབ་བྱ་ས་ལྡན་ནི་རྒྱལ་པོ་འགའ་ཞིག་དང་། རཱ་ཛ་ནི་རྒྱལ་པོ་དང་། ས་ནཱ་ཏ་ན་སྟེ་འདི་ནི། ཁྱབ་འཇུག་དང་བཅས་པའི་གསུམ་པོ་འདིར་འཁྲུལ་བ་འདྲ་བ་ལ། ས་ལྡན་ཞེས་པར་སྒྲོག་པས་མིའི་རྒྱལ་པོ་ཡང་མ་ཡིན་ལ། ཁྱབ་འཇུག་ཀྱང་མ་ཡིན་ནོ། །མིག་མི་བརྟན་མ་ཞེས་པས་གང་འགབ་པར་བྱ་ན། དོན་ཤིང་གི་རྒྱལ་པོ་དེ་སྒྲིབ་པར་བྱེད་དོ། །རྒྱུ་མཚན་གོང་གི་སྒྲ་གསུམ་པོ་འདི་རིམ་པ་བཞིན་དུ། ཤིང་དང་། ཤིང་གི་རྒྱལ་པོ་དང་། མ་རྒྱས་པ་མིན་པ་གསུམ་ལ་འཇུག་གོ །དཔེར་ན། བློ་ལྡན་ཀུན་ཕན་མཚོ་ལས་སྐྱེས། །འཆི་མེད་གཙོ་བོ་རོལ་མོ་མཁན། །ཉམས་འགྱུར་གར་གྱིས་རྣམ་བྲེལ་བས། །(༡༢༦བ)

― GLG020_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་པའི་དངོས་པོ་ལྕོལ་ཅིག་ཀྱེ། །ཞེས་གབ་བྱ་དབྱངས་ཅན་མ་དང་། གབ་བྱེད་ག་བུར། ཟླ་བ། པདྨ། བརྒྱ་བྱིན། དྲི་ཟ། གར་མཁན་སོགས་མང་པོ་ཡོད་པའོ། །བཅུ་པ་སྒྲིབ་པ་ལ་མཚན་ཉིད་དཔེར་བརྗོད་གཉིས། །དང་པོ་ནི། ཚིགས་ནི་དེ་དང་མཚུངས་པའི་ཆོས་གཞན་ལ་རིག་པས་དེ་ཉིད་གོ་ཞིང་དོན་གཞན་བཤད་བྱའི་ཆོས་དེ་སྒྲིབ་པས་ན་སྒྲིབ་པ་ཞེས་བྱའོ། །གཉིས་པ་ནི། གབ་བྱ་རྫས་བྲལ་དབུལ་པོའི་མི་ནི་གཏང་བར་བྱས་ནས། ནོར་དང་ལྡན་པ་ཅན་རྣམས་ཀྱི་སར་བགྲོད་པ་གང་ཞིག །སྣ་ཚོགས་པའི་སྐྱོགས་ཏེ་ཐབསས་ཚུལ་བརྒྱ་ཕྲག་གིས་འཇིག་རྟེན་འགུགས་པར་བྱེད་པ་ཁྱོད་ནི། བཟུང་ཞིང་བཟློག་པར་དཀའ་བ་སྨད་འཚོང་མ་ཡིན་ལ། གབ་བྱེད་ནི་གོང་གི་ཁྱད་པར་དེ་རྒྱལ་པོ་ལ་ཡང་ཡོད་པས་དེར་གོ་བ་ལྟ་བུའོ། །དཔེར་ན། སྙིང་སྟོབས་ཆེན་པོས་མི་མཐུན་བཅོམ། །སྣ་ཚོགས་ཐབས་ཀྱིས་ཀུན་ལས་རྒྱལ། །གང་འཚམ་སྤྲུལ་པ་སྟོན་མཁས་ཁྱོད། །པད་དཀར་མིག་ཏུ་མངོན་པར་ངེས། །ཞེས་པ་ལྟ་བུ། གབ་བྱ་སངས་རྒྱས་དང་གབ་བྱེད་ཁྱབ་འཇུག་གོ །བཅུ་གཅིག་པ་མཐུན་པའི་སྒྲ་ལ་མཚན་ཉིད། དཔེར་བརྗོད་གཉིས། དང་པོ་ནི། སྒྲ་སྦྱར་བའི་རྣམ་གྲངས་བཀོད་པ་ཡིས་དོན་རྟོགས་དཀའ་བ་བསྒྲུབ་པ་དག་ནི་མཐུན་པའི་སྒྲའོ། །གཉིས་པ་ནི། ཨ་དྷཱ་ར་མཆུ་དང་། ས་མིན་པ་གཉིས་ལ་འཇུག །པྲ་བཱ་ལ་བྱུ་རུ་དང་། སྐྲའི་མིང་ཅན་ལས་རྒྱལ་བ་གཉིས་ལ་འཇུག་པ་ལས། གབ་བྱ་མཛེས་མ་ཁྱོད་ཀྱི་མཆུ་བྱུ་རུ་ལྟར་དམར་བ་དེ་ཡིས་དིང་སང་བདག་མཆོག་ཏུ་ནི་སྲེད་པ་དང་ལྡན་པར་བྱེད་དོ་སྙན་སྒྲོགས་མ་(༡༢༧ན)

― GLG020_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

གབ་བྱེད་ས་མིན་པ་མིང་མཐུན་པ་གང་དང་རབ་ཏུ་གྱུར་པ་སྐྲའི་མིང་ཅན་ལས་རྒྱལ་ལོ། །འདི་ལ་ངེས་པར་སྒྲ་སྦྱར་དགོས་ཤིང་། དཔེར་ན། རྣམ་པར་གསལ་བྱེད་བླ་མེད་འོད། །གཞན་དག་དགའ་ཞིང་རྒྱས་པར་བྱེད། །བརྗིད་ཅིང་ལྷུན་ཆགས་གཟི་འབར་བ། །བདུད་ལས་རྒྱལ་ཁྱོད་དགེ་བར་མཛོད། །རྣམ་པར་གསལ་བ་སོགས་སངས་རྒྱས་དང་ཉི་མ་གཉིས་ཀའི་ཡོན་ཏན་ལ་འཇུག་ཅིང་། བདུད་ལས་རྒྱལ་བ་གཉིས་ཀའི་སྒྲར་མཚུངས་པས་གབ་བོ། །བཅུ་གཉིས་པ་རྨོངས་པའི་གབ་ཚིག་ལ་མཚན་ཉིད། དཔེར་བརྗོད་གཉིས། དང་པོ་ནི། ཚིག་སྦྱོར་གང་ཞིག་མངོན་སུམ་དུ་བརྗོད་དོན་བསྟན་ཀྱང་། ཚིག་དེ་ཉིད་ཀྱིས་འཁྲུལ་རྒྱུ་བྱས་ནས་རྨོངས་པའི་ཕྱིར། དེ་ནི་རྨོངས་པ་ཞེས་བྱའོ། །གཉིས་པ་ནི། གབ་བྱ་འདོད་ལྡན་དག་ནི་མལ་སྟན་ལ་ཁྲོ་བས། རྒྱབ་བསྟན་ནས་ཕྱིར་ཟློག་སྟེ་ཉལ་བར་གྱུར་ལ། ཆགས་པས་ཀྱང་དེ་བཞིན་དུ་གཉིད་ཉལ་ཏེ། དལ་བུ་ཡིས་ཕོ་མོ་དག་ཁ་སྤྲད་དེ་སྦྱོར་རོ། །གབ་བྱེད་ནི་ཕོ་མོ་ཕན་ཚུན་ཁྲོས་པ་དང་། རྒྱབ་གཏད་པ་དང་། ཆགས་པས་ཕྱིར་ལོག་ཏུ་ཇི་ལྟར་ཉལ་སྙམ་པ་དང་། རྒྱབ་གཏད་ན་ཁ་ཇི་ལྟར་སྦྱོར་སྙམ་རྨོངས་པ་སྟེ། འགལ་རྒྱན་དང་འདྲའོ། །དཔེར་ན། ལྕེ་ཡི་རླུང་གིས་ཚ་གདུང་སྐྱེད། །འཇམ་པའི་སྟན་གྱིས་ལུས་ནི་རྩུབ། །རྐང་ཆག་སྐྱ་རེངས་ཐོགས་མེད་འགྲོ། །སྨིན་ལེགས་མཐོང་བས་མུན་པ་ཐིབས། །རླུང་གིས་ཚ་བ་སྐྱེད་མི་ཐུབ་པས་ཅི་ཡིན་ནམ་སྙམ་པ་ལྟ་བུའོ། །བཅུ་(༡༢༧བ)

― GLG020_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་ཡོངས་ཕྲོགས་ལ་མཚན་ཉིད། དཔེར་བརྗོད་གཉིས། དང་པོ་ནི། གང་ལ་ཚིག་སྦྱོར་གྱི་ཕྲེང་བའི་བདག་ཉིད་ཅན་ནི། བསྐོར་ཐག་རིང་པོ་བྱས་ནས། སྔ་མ་སྔ་མ་ལ་རྟེན་ནས་ཕྱི་མ་གོ་བ་དེ་ནི་ཡོངས་ཕྲོགས་ཞེས་བྱའོ། །གཉིས་པ་ནི། གབ་བྱ་ཉི་མས་ཚིག་པ་རྣམས་སྤྲིན་ལ་དགའ་བ་ཡིན་ལ། གབ་བྱེད་བྱ་རྒྱལ་ནི་མཁའ་ལྡིང་ཡིན་ཞིང་། དེས་སྔོན་རྒྱ་མཚོ་ལས་བྱུང་བའི་བདུད་རྩི་ཕྲོགས་པས་རྒྱལ་བ་ཡིན་ལ། དེའི་ཟས་བདུད་རྩི་ཟ་བ་ནི་བརྒྱ་བྱིན། བརྒྱ་བྱིན་ལས་སྐྱེས་པ་ནི་སྲིད་སྒྲུབ། དེའི་དགྲ་ཀཪྞ། དེའི་བླ་མ་ཉི་མ། དེའི་འོད་ཀྱིས་བཅོམ་པའི་སྐྱེ་བོ་རྣམས། ཁ་བ་འཇོམས་པ་ནི་མེ། དེའི་གྲོགས་མིན་པ་ནི་ཆར། དེ་འཛིན་པ་ཡི་སྤྲིན་གྱིས་ཁྱབ་པའི་མཁའ་ལ་མངོན་པར་དགའོ། །དཔེར་ན། སྟོབས་ལྡན་གསོད་སྐྱེས་དག་གི་དགྲ །ལྷར་བསྟེན་རྣམས་ཀྱི་གཙོ་བོ་དྲུག ཁྱུང་ཞོན་བུ་ཡི་དམག་ཚོགས་རྣམས། །རབ་ཏུ་བཀའ་བསྡུས་ཐལ་བར་བརླག །ཅེས་སྟོབས་ལྡན་གསོད་པ་པོ་ནི་ཁྱབ་འཇུག །དེ་ལས་སྐྱེས་པ་ནི་འདོད་ལྷ། དེའི་དགྲ་ནི་དབང་ཕྱུག་དེ་ལྷར་བསྟེན་པ་ནི་ཕྱི་རོལ་པ། དེའི་གཙོ་བོ་ནི་མུ་སྟེགས་སྟོན་པ་དྲུག་གོ །ཁྱུང་ཞོན་ནི་ཁྱབ་འཇུག་དེའི་བུ་ནི་བདུད། དེའི་དམག་ཚོགས་འཇོམས་མཁན་ནི་ཟས་གཙང་སྲས། དེའི་བཀའ་བསྡུ་བ་པོ་ཕྱག་ན་རྡོ་རྗེས་བཅོམ་པའོ། །བཅུ་བཞི་པ་གཅིག་སྒྲིབས་ལ་མཚན་ཉིད། དཔེར་བརྗོད་གཉིས། དང་པོ་ནི། གང་དུ་རྟེན་ནི་གསལ་བར་བྱས་ཏེ་བརྟེན་པ་སྦས་པ་ནི་གཅིག་སྒྲིབས་པའོ། །གཉིས་པ་ནི། གབ་བྱ་ནམ་ཡང་(༡༢༨ན)

― GLG020_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོན་དང་བུད་མེད་ཀྱི་ནུ་མའི་དཀྱིལ་འཁོར་ལ་རེག་པའི་བདེ་བ་མ་མྱོང་ཡང་། མི་མ་ཡིན་པ་དྲི་ཟ་འགའ་ཞིག་གི་ལག་པའི་མིང་ཅན་གྱི་ཤིང་ཨེ་རེ་ཎྜ་ལ་ནི་འབྲས་བུ་མེད་པ་ཡིན་ནོ་ལོ། ཞེས་བརྟེན་པ་ལག་པའི་ཆུ་ཤིང་ངོ་། །དེ་གབ་བྱེད་ནི་རྟེན་དྲི་ཟ་དང་མི་མ་ཡིན་གསལ་བར་བྱས་སོ། །གཞན་ལ་མཚོན་ན་སངས་རྒྱས་ཀྱི་ཕྱག་འདི་ལྗོན་ཤིང་ལ་ལང་ལིང་དུ་གཡོ་བ་འདྲ་ཞེས་བརྟེན་པ་ཡལ་ག་སྦས་ནས་རྟེན་ལྗོན་ཤིང་བརྗོད་པའོ། །དཔེར་ན། རྐང་འཐུང་གསར་པའི་འཁྲི་ཤིང་ལ། །ལོ་འདབ་ཁུར་གྱིས་རྣམ་དུད་པ། །རིན་ཆེན་གདུ་བུས་སྤྲས་པ་ཡི། །སོར་མོས་མཚན་པ་འགའ་ལྟར་མཛེས། །ཞེས་པ་རྟེན་ལག་པ་སྦས་ནས་བརྟན་པ་སོར་མོ་བརྗོད་པ་ལྟ་བུའོ། །བཅོ་ལྔ་པ་གཉིས་ཀ་སྒྲིབས་པ་ལ་མཚན་ཉིད། དཔེར་བརྗོད་གཉིས། དང་པོ་ནི། ཚིག་སྦྱོར་གང་དུ་རྟེན་བརྟེན་པ་གཉིས་ཀ་སྦས་པར་གྱུར་པ་དེ་ནི་གཉིས་ཀ་ལ་སྒྲིབས་པའོ། །གཉིས་པ་ནི། གབ་བྱ་སྐྱེས་བུ་སུ་ཞིག་སྐྲ་དང་མགོ་བོ་གང་འགྲོགས་པ་ཡི་དུས་སུ་སྐྲ་བཤད་པ་སོགས་བྱ་བ་ཐམས་ཅད་ཉེ་བར་ནི་ཐོབ་སྟེ་བསྒྲུབས་ཤིང་། གལ་ཏེ་ཁ་ཟས་ཀྱི་དུས་དག་ཏུ། གལ་ཏེ་དེའི་ནང་དུ་སྐྲའི་ཉག་མ་རེ་རེ་ཙམ་སོང་བ་མཐོང་ན་འདོར་པར་བྱེད་དོ། །དཔེར་ན། ས་འཛིན་ཕང་བར་གཏི་མུག་གཉིས་ཀྱི་རོའི། །བཅུད་ཆགས་སྐད་འབྱིན་འགའ་ཞིག་ལྡེམ་ལྡེམ་ལ། །གནས་ཏེ་འབྲས་བུར་འདོད་པ་དེ་དོན་དག །གལ་ཏེ་གྲུབ་ན་བརྐམ་པ་ཆོས་ཉིད་ཡིན། །རྟེན་ཆུ་ཤིང་དང་བརྟེན་པ་བྱེའུ་(༡༢༨བ)

― GLG020_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀ་སྦས་པའོ། །བཅུ་དྲུག་པ་ཡོངས་འདྲེས་ལ་མཚན་ཉིད། དཔེར་བརྗོད་དོན་བསྡུ་བ་དང་གསུམ། དང་པོ་ནི། གང་ལ་སྔར་བཤད་པའི་མཚན་ཉིད་བཅོ་ལྔ་པོ་སྣ་ཚོགས་འདྲེས་པ་དེ་ནི་ཡོངས་སུ་འདྲེས་པ་ཞེས་བྱའོ། །གཉིས་པ་ནི། གབ་བྱ་ཧ་དྲོ་བ། ཡ་མཐར་གནས། ག་ཀ་སྟེ། ཛ་ཙ་སྡེ། བྷ་པ་སྡེ། ཊ་ཊ་སྡེ། བཅས་པའི་སྐད་དོད་ས་དང་། ཡི་གེའི་སྐད་དོད་ཨུ་ན་མཚམས་སྦྱར་བའི་ན་ཏ་སྡེ་སྟེ། སྡེ་འདི་གལ་ཏེ་མ་རྒྱལ་བ་སྟེ་མ་ཤེས་ན། མཱ་ཏྲ་ཀ་སྟེ་ཡི་གེའི་ཕྱི་མོ་ཙམ་ཡང་ཤེས་པ་མེད་པ་ངེད་ཀྱི་བུ་འདིའི་ཕྱི་རོལ་རིག་བྱེད་རྟག་པ་རང་བྱུང་སོགས་ཀྱི་ཚུལ་ཤེས་ཀྱང་བླུན་པོའོ། །དེའི་གབ་བྱེད་ནི། ཧ་ཡ་རྟ་དང་། ག་ཛ་གླང་པོ། བྷ་ཊ་དཔའ་བོ་སྟེ་དཔུང་བུ་ཆུང་། སེ་ན་སྡེ་སྟེ། དེ་དག་ལས་མ་རྒྱལ་ན། མ་ཏྲི་ཀ་མ་མེད་པའི་བུ་འདི་ཡི་གེ་ཤེས་ཀྱང་བླུན་པའོ། །དཔེར་ན། མིག་གི་ཁང་པར་མདའ་ཡི་མེ་འབར་ཚེ། །གཉིས་སྐྱེས་ལ་ལ་ཟླ་བ་མཐོང་བ་བཞིན། །གཟུགས་མེད་རྣམས་ནི་དགའ་ཞིང་སྡུག་བསྔལ་བྱེད། ཁམས་གསུམ་དབང་སྡུད་བརྩེ་ཞིང་དགའ་བ་བསྒོམ། །ཞེས་མིག་གཉིས་དང་མདའ་ལྔ་སོགས་གབ་ཚིག་བདུན་པ་དང་། གཉིས་སྐྱེས་ནི་མང་པོ་ལ་འཁྲུལ་འགྲོ་བས་གཉིས་པ་སླུ་བྱེད་དང་། གཟུགས་མེད་ནི་འདྲེ་དང་འདོད་ལྷ། ཁམས་གསུམ་དབང་སྡུད་ནི་ལྷ་མོ་ཀུ་རུ་ཀུལླེ་དང་དབང་ཕྱུག་གཉིས་ལ་ངེས་ཚིག་གི་སྒྲ་བཤད་རུང་ཙམ་ཡོད་ཅིང་། སྡུག་བསྔལ་བྱེད་ཅེས་རྩུབ་མོའི་ཚིག་ཡོད་པས་དྲུག་པ་རྩུབ་མོས་འགོག་པ་དང་གསུམ་ཚང་ལ། གབ་བྱ(༡༢༩ན)
མཛེས་མའི་མིག་འདོད་པའི་མདངས་དམར་བ་དང་། ཆགས་ཅན་རབ་བྱུང་ནག་ཕྱོགས་ལ་དགའ་བའི་འདྲེ། ལྷ་མོ་རིག་བྱེད་མ། གབ་བྱེད་དབང་ཕྱུག་གི་མིག་གི་མེའི་མདའ། བྲམ་ཟེ་ཁྱབ་འཇུག་གོ ། གསུམ་པ་དོན་བསྡུ་བ་ནི། བཤད་མ་ཐག་པ་དེ་ནི་མིང་དུ་འདུས་པ་བསྲེས་ཤིང་བསླུས་པ་ཡི་ནི་གཟུགས་དང་ལྡན་པ། དེ་བཞིན་ཉིད་དུ་ནི་གབ་ཚིག་གཞན་གྱི་ཡང་རྒྱན་འདྲེས་པའི་རིམ་པ་ཤེས་པར་བྱའོ། །གཉིས་པ་མཇུག་བསྡུ་བ་ནི་བཤད་མ་ཐག་པ་འདི་རྣམས་གབ་ཚིག་བཅུ་དྲུག་ཡིན་ཏེ། དེ་དག་ནི་སྔོན་གྱི་སློབ་དཔོན་རྣམས་ཀྱིས་བསྟན་པ་ལྟར་བཤད་དོ། །བཞི་པ་གབ་ཚིག་ལྟར་སྣང་མི་འཆད་པའི་རྒྱུ་མཚན་ནི། གབ་ཚིག་ངན་པ་གཞན་དག་བཅུ་བཞི་པོ་དེ་དག་རྣམས་ཀྱང་སྔོན་གྱི་སློབ་དཔོན་རྣམས་ཀྱིས་བརྗོད་པ་ཡིན་ལ། སྐབས་འདིར་ངན་པའི་མཚན་ཉིད་མེད་པ་གང་ཞིག་དེ་འདོད་པས། སྐྱོན་གྱིས་ཡོངས་སུ་དྲང་བར་བྱ་བ་མིན་པར་རིག་ནས། སླར་ཡང་དཎྜཱི་བདག་ཅག་གིས་ལེགས་པ་ཁོ་ན་བཅུ་དྲུག་བརྗོད་པར་བྱས་སོ། །

སྐྱོན་སེལ་གྱི་རྣམ་གཞག་རྒྱས་པར་བཤད་པ།

― GLG020_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོན་སེལ་གྱི་རྣམ་གཞག་རྒྱས་པར་བཤད་པ།གསུམ་པ་སྐྱོན་སེལ་རྒྱས་པར་བཤད་པ་ལ་མདོར་བསྟན། རྒྱས་བཤད་གཉིས། དང་པོ་ནི། དོན་ཉམས་དོན་འགལ་དོན་གཅིག་པ། །ཐེ་ཚོམ་ཅན་དང་རིམ་པ་ཉམས། །སྒྲ་ཉམས་གཅོད་མཚམས་ཉམས་པ་དང་། །སྡེབ་སྦྱོར་ཉམས་དང་མཚམས་སྦྱོར་བྲལ། །དགུ་པོ་དེའི་སྟེང་དུ། ཡུལ་དང་། དུས་དང་། སྒྱུ་རྩལ་དང་། སྣ་ཚོགས་པའི་འཇིག་རྟེན་དང་། ལུང་དང་རིག་པ་དག་དང་འགལ་བ་སྟེ་དྲུག་པོ་འདི་གཅིག་ཏུ་སྡོམས་པའི་སྐྱོན་བཅུ་པོ་དེ་དག་སྙན་ངག་ལ་སྙན་ངག་མཁན་རྣམས་(༡༢༩བ)

― GLG020_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་སྤངས་བར་བྱའོ། །གཞན་ཡང་དམ་བཅའ། གཏན་ཚིགས། དཔེ་ཉམས་པ་ཞེས་པ་གསུམ་པོ་འདི་ཡང་སྐྱོན་མ་ཡིན་ནམ། འོན་ཀྱང་འདིར་མི་འཆད་པ་ནི་རྟོག་པར་གྲགས་ཀྱང་ཕྱོགས་འདིར་མ་གྲགས་པས་ཕལ་ཆེར་དཔྱད་པར་དཀའ་བ་ཉིད་ཀྱི་ཕྱིར་སྦྱར་བ་དེ་ཡིས་ནི་འབྲས་བུ་ཅི་བྱ་སྟེ་དགོས་པ་མེད་དོ། །གཉིས་པ་ལ་བཅུ་ལས། དང་པོ་དོན་ཉམས་པ་ལ་མཚན་ཉིད། དཔེར་བརྗོད། དམིགས་བསལ་དང་གསུམ། དང་པོ་ནི། བརྗོད་བྱེད་ཀྱི་ཚིག་ཚོགས་པ་ལ་བརྗོད་བྱའི་དོན་གྱིས་སྟོང་པ་གང་དེ་ནི་ཉམས་པ་ཞེས་པར་འདོད་ལ། དེ་ཡང་མྱོས་པས་སྨོན་པ་དང་། བྱིས་པ་བསམ་མེད་ཀྱིས་བརྗོད་པ་ལས་གཞན་དུ་ན་དེ་དག་སྐྱོན་ཡིན་ནོ། །གཉིས་པ་ནི། མི་འདི་ནི་རྒྱ་མཚོ་འཐུང་བར་བྱེད་དེ། བྱིས་པ་བདག་ནི་དེ་རིང་རྒས་པས་གཟིར་ལ། སྤྲིན་པ་འདི་ཡང་འབྲུག་གི་སྒྲ་རབ་ཏུ་སྒྲོག་པར་བྱེད་དེ། །འཕྲོགས་བྱེད་ནི་གླང་པོ་ཆེ་ས་སྲུང་དག་ལ་དགའོ། དཔེར་ན། ཟླ་བ་འདི་ནི་ཤིན་ཏུ་དམར། །ཉི་མའི་འོད་ཀྱིས་བསིལ་བར་བྱས། །ཁོ་བོ་ཉལ་ནས་རྒྱུན་དུ་འགྲོ། །ན་ཆུང་ལ་འཁྱུད་ཚངས་པར་སྤྱོད། །ཅེས་པ་ལྟ་བུ། གསུམ་པ་ནི། འདི་ལྟ་བུ་སེམས་རྣལ་དུ་མི་གནས་པས་མངོན་པར་བརྗོད་པ་ལ་སྨད་པར་བྱ་བ་མིན་ཏེ། གཞན་དུ་ན་དེ་ལྟ་བུ་ལ་སོགས་པ་སྙན་ངག་མཁན་པོ་སུ་ཞིག་གིས་སྦྱོར་ཏེ་མ་སྦྱོར་རོ། །གཉིས་པ་དོན་འགལ་བ་ལ་མཚན་ཉིད། དཔེར་བརྗོད། དམིགས་བསལ་གསུམ། དང་པོ་ནི། ངག་གཅིག་ནི་རབ་ཏུ་སྦྱར་བ་ཡིས་ངག་སྔ་མ་དང་ཕྱི་མ་གཅིག་(༡༣༠ན)

― GLG020_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་གཅིག་གི་ནུས་པ་གཞན་འཇོམས་པ་འགལ་བའི་དོན་ཅན་ཉིད་ཀྱི་སྐྱོན་འདི་ནི་དོན་འགལ་ཞེས་པར་རབ་ཏུ་བརྗོད་དོ། །གཉིས་པ་ནི། དགྲ་རིགས་མཐའ་དག་འཇོམས་པ་དང་། སྣ་ཚོགས་པའི་བྱ་བའི་ཁུར་ལྡན་འདི་རྒྱལ་བར་གྱུར་ཅིག་འབྱུང་པོ་ཀུན་ལ་བརྩེ་བ་ཅན་ཁྱོད་ལ་དགྲ་ནི་སུ་ཡང་མེད་དོ། །དཔེར་ན། ཉོན་མོངས་མ་ལུས་བཅོམ་པ་ཡི། །གནས་བརྟན་དགྲ་བཅོམ་ཁྱོད་ཀྱིས་ནི། །རི་དྭགས་མིག་ཅན་མ་འདི་ལ། །ལོག་གཡེམ་སྤྱོད་པར་མ་མཛད་ཅིག །ཅེས་པ་ལྟ་བུ། གསུམ་པ་ལ་འགའ་ཞིག་འདོད་ཚུལ་དང་། དཔེར་བརྗོད་གཉིས། དང་པོ་ནི། མངོན་པར་ཆགས་པ་དང་ལྡན་པའི་སེམས་ལ་ནི་མུ་ཅོར་སྨྲ་བའི་སྐབས་དེ་འགའ་ཞིག་ཡོད་པས་ན་ཆགས་པ་ཕུལ་བྱུང་བརྗོད་པ་གང་ལ་འགལ་བའི་དོན་ཅན་གྱི་ཚིག་དག་ཀྱང་མངོན་པར་བརྗོད་པར་འགྱུར་རོ། །གཉིས་པ་ནི། གཞན་གྱི་བུད་མེད་ལ་སྲེད་པ་འགའ་ཞིག །ཚུལ་དེ་ནི་འཕགས་པ་དག་གིས་ཀྱང་ག་ལ་མི་རིག་པས། མཛེས་མ་དེ་ཡི་སོའི་སྒྲིབ་བྱེད་གཡོ་བ་དང་། བདག་གིས་ནི་ནམ་ཞིག་འཐུང་བར་འགྱུར་རམ། དཔེར་ན། ཧ་ཅང་ཆགས་མྱོས་དྲག་པོ་ཡིས། །མྱོས་ཏེ་སྐྱབས་མེད་གནས་ཁང་དུ། སྤྱད་དེ་སྐྱེ་བོ་གཞན་ཅི་སྨོས། །ཀུན་མཁྱེན་རྒྱལ་བས་ག་ལ་གཟིགས། །ཞེས་པ་ལྟ་བུ། གསུམ་པ་དོན་གཅིག་པ་ལ་མཚན་ཉིད། དཔེར་བརྗོད། དམིགས་བསལ་དང་གསུམ། དང་པོ་ནི། བརྗོད་བྱའི་དོན་ཉིད་དམ། བརྗོད་བྱེད་ཀྱི་སྒྲ་གང་ལ་ཡང་ཁྱད་པར་(༡༣༠བ)

― GLG020_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པར་སྔར་བརྗོད་པ། གལ་ཏེ་སླར་ཡང་རབ་ཏུ་སྒྲིགས་པ། དེ་ནི་དོན་གཅིག་པར་འདོད་དེ། དཔེར་ན། གཉིས་པ་ནི། འདོད་པའི་སྲེད་པ་ལ་སྲེད་པ་འཕེལ་བར་བྱེད་པའི་བུ་མོ་རྣམས་ཀྱི་ཆགས་པའི་རྒྱུ་ནི་དེ་རྣམས་སྐྲའི་ལན་བུའི་འོད་ཟེར་ནག་པོ་ཅན་དང་། ཆུ་འཛིན་དང་། གློག་དང་ལྡན་པ་དང་། འབྲུག་སྒྲ་ཟབ་མོ་སྒྲོག་པ་འདི་དག་གོ །ཞེས་སྲེད་པ་དང་སྲེད་བྱེད་དོན་གཅིག་ལ། ཆུ་འཛིན་སོགས་ཀྱང་སྤྲིན་དུ་དོན་གཅིག་པས་དགོས་པ་མེད་པར་ལྡབས་པའོ། །དཔེར་ན། ཉོན་མོངས་སྡིག་པ་སྒྲིབ་པ་ཀུན། །མ་ལུས་ཞི་བར་བྱ་བའི་ཕྱིར། །རྒྱལ་བས་ཆོས་འཆད་ཆོས་འཁོར་བསྐོར། །བཀའ་ཡི་རྣམ་གྲངས་དུ་མ་གསུང་། ཞེས་པ་ལྟ་བུ། གསུམ་པ་ལ་མཚན་ཉིད། དཔེར་བརྗོད་གཉིས། དང་པོ་ནི། རྗེས་སུ་བརྩེ་སོགས་ཁྱད་པར་ལས། གལ་ཏེ་དགའ་བས་གཏམ་འགའ་ཞིག་བརྗོད་པར་འདོད་ན་ནི་ཡང་ཡང་བརྗོད་པ་ལ་སྐྱོན་མེད་དེ་འདི་ནི་རྒྱན་དུ་རིགས་པ་ཡིན་ནོ། །གཉིས་པ་ནི། འདོད་པས་བཀབ་པ་མིན་པ་སྟེ་རྒྱུ་མཚན་མེད་པར་འཁོན་པ་ཡིས་བུད་མེད་མཆོག་འདི་བཅོམ་པར་གྱུར་ཏོ། །ཡན་ལག་ཀུན་མཛེས་པ་འདི་བཅོམ་པར་གྱུར་ཏོ། །ངག་སྙན་ཅིང་འཇམ་པར་སྒྲོག་མ་འདི་བཅོམ་པར་གྱུར་ཏོ། །དཔེར་ན། ཡིད་དུ་འོང་བའི་མཛའ་བོ་ཁྱོད། །སྐྱིད་པའི་གནས་ཁང་འདི་རུ་ཤོག །ཞིམ་པའི་ཁ་ཟས་ཟ་ཕྱིར་འདོང་། །སྙིང་གྲོས་ལྷུག་པར་སྨྲ་ཕྱིར་གཤེགས། ཞེས་པ་ལྟ་བུ། །བཞི་པ་ཐེ་ཚོམ་ཅན་ལ་མཚན་ཉིད། དཔེར་བརྗོད། དམིགས་བསལ་དང་གསུམ། དང་པོ་ནི། ངེས་པའི་(༡༣༡ན)

― GLG020_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དུ་རབ་ཏུ་སྦྱར་བའི་ཚིག་རྣམས་ཉིད་ཀྱིས་གལ་ཏེ་ནི་ཐེ་ཚོམ་བྱེད་མི་དགོས་པ་ལ་དེ་སྐྱེད་པར་བྱེད་ན་ནི་འདི་ཐེ་ཚོམ་ཅན་ཞེས་རབ་ཏུ་བརྗོད་དོ། །གཉིས་པ་ནི། འཁྲིག་པའི་རེ་འདོད་ཀྱི་དགའ་བས་བལྟ་བ་ཡིས་རོ་ལ་མིག་ཟུར་གཡོ་བར་བྱེད་པའི་གྲོགས་མོ་དག །འདི་འདྲ་བས་ཁྲིས་ན་ཡོད་ན་བལྟ་བར་བཟོད་པ་མ་ཡིན་ཏེ། རྒྱང་ན་འདུག་པའི་མ་མ་འདིས་ཀྱང་ངོ་། །རྒྱ་དཔེར་ཨ་ར་རྟ་ཅེས་པ་ཉེ་བ་དང་རིང་བ་གཉིས་ཀ་ལ་འཇུག་པས་ཐེ་ཚོམ་དུ་འགྱུར་པ་ཡིན་ནོ། །དཔེར་ན། ཀུན་མཁྱེན་རྒྱལ་བ་མཆོག་གང་གིས། །འགྲོ་ལ་ཕན་ཕྱིར་གོ་ཡི་སྒྲ། །གསུངས་པ་འདི་ཡི་དོན་དུ་ནི། །འགྱུར་རམ་ཡང་ན་མི་འགྱུར་རོ། །ཞེས་པ་ལྟ་བུ། གསུམ་པ་ལ་མཚན་ཉིད། དཔེར་བརྗོད་བཤད་པ་དང་གསུམ། དང་པོ་ནི། འདི་འདྲ་བའི་ཐེ་ཚོམ་གྱི་སླད་དུ་ནི་གལ་ཏེ། འགའ་ཞིག་ཏུ་སྦྱར་བ་ན། དེ་ནི་རྒྱན་ཉིད་དུ་འགྱུར་གྱི། དེ་ལ་སྐྱོན་མེད་པ་འདི་ལྟ་སྟེ། གཉིས་པ་ནི། མ་སྨད་པ་དེ་ནི་ལུས་སྐྱེས་ཏེ་འདོད་པའམ་ཚ་བའི་འཇིགས་པས་གཟིར་ཞིང་སྦྱོར་བ་རྩུབ་མོ་ཡིས་དུས་འདི་ཉིད་ཀྱིས་ནི་བཟུང་བར་མཐོང་སྟེ། ད་ནི་བདག་ཅག་ཁྱོད་ལ་འདོད་པའི་རེ་བ་ཅི་ཡང་མེད་དོ། །དཔེར་ན། འཇམ་དབྱངས་གྲུབ་བམ་དབྱངས་ཅན་མས་རྗེས་སུ་བཟུང་བའི་སྐྱེས་བུ་ཁྱོད། སྙན་ཚིག་གཞུང་བརྒྱ་སྨྲ་བ་ལ། རྨད་བྱུང་བློ་གྲོས་ཅན་དེར་སྨོན། །ཞེས་པ་ལྟ་བུ། གསུམ་པ་ནི། འདོད་པས་གཟིར་རམ་ཚ་བས་གདུངས་ཞེས་པ་ངེས་མེད་ཐེ་ཚོམ་བྱེད་པའི་ཚིག་གིས་(༡༣༡བ)

― GLG020_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེད་འཇོས་ཀྱལ་ཀའི་སྒོ་ནས་མཛའ་བོ་སྐྱེས་པ་དེའི་ཡིད་འཁྲུགས་པར་བྱ་བའི་ཕྱིར་དུ་ཕོ་ཉ་མོས་སྨྲས་སོ། །ལྔ་པ་རིམ་པ་ཉམས་པ་ལ་མཚན་ཉིད། དཔེར་བརྗོད། དམིགས་བསལ་དང་གསུམ། དང་པོ་ནི་བཤད་བྱའི་དོན་མང་པོ་དག་སྔ་མར་མདོར་བསྟན་ནས། དེའི་རྗེས་སུ་ཡོན་ཏན་གྱི་དོན་རྣམས་གོ་རིམས་མ་འཁྲུགས་པར་སྦྱར་དགོས་པ་ལ། གལ་ཏེ་གོ་རིམས་ཀྱིས་རྗེས་སུ་བསྟན་པར་མ་བྱས་ནས། རིམ་པ་ཉམས་པར་མངོན་པར་བརྗོད་པའི་སྐྱོན་དུ་དེ་དག་ནི། བཤད་དེ། དཔེར་ན། གཉིས་པ་ནི། འགྲོ་བ་རྣམས་ཀྱི་གནས་པའི་རྒྱུ་ཁྱབ་འཇུག །སྤྲུལ་པའི་རྒྱུ་ཚངས་པ། འཇིག་པའི་རྒྱུ་དབང་ཕྱུག་ཅེས་མདོར་བསྟན་ནས་རྒྱས་བཤད་ཀྱི་སྐབས་སུ། མ་སྐྱེས་པ་བདེ་འབྱུང་དང་། སྲེད་མེད་ཀྱི་བུ་དང་ཆུ་སྐྱེས་ཀྱི་སྐྱེ་གནས་ཅན་གྱིས་ཁྱེད་རྣམས་ལ་སྲུངས་ཤིག་ཅེས་གོ་རིམས་འཆོལ་བའོ། །དཔེར་ན། ཁ་དོག་ཨིནྡྲ་ནཱི་ལ་སུ་ཝརྞ། །གངས་རིའི་མདངས་དང་ལྡན་པའི་ལྷག་པའི་ལྷ། །ཕྱག་ན་པདྨ་འཇམ་མགོན་གསང་བདག་གིས། །དུས་རྣམས་ཀུན་ཏུ་དགེ་ལེགས་སྩལ་དུ་གསོལ། །ཞེས་པ་ལྟ་བུ། གསུམ་པ་ལ་མཚན་ཉིད་དཔེར་བརྗོད་གཉིས། དང་པོ་ནི། བརྗོད་དོན་གྱི་འབྲེལ་པ་ངེས་པར་ཤེས་པའི་རྒྱུར་གོ་རིམས། འཁྲུགས་པའི་སྦྱོར་བ་གང་ཡང་གལ་ཏེ་འབད་པར་བྱས་ནས་རིམ་པ་ཟློས་ཀྱང་སྐྱོན་མིན་པར་མཁས་པ་རྣམས་ཀྱིས་སྨྲ་སྟེ། དཔེར་ན། གཉིས་པ་ནི། གཉེན་དང་བྲལ་བས་གཏོང་བ་དང་། ཤི་སྟེ་ལུས་གཏོང་བ་དང་། ཡུལ་དང་བྲལ་ནས་གཏོང་བ་ཞེས་པ་གསུམ་པོ་(༡༣༢ན)

― GLG020_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དང་པོ་དང་ཐ་མ་གཉིས་དང་བྲལ་བ་ནི་ཉོན་མོངས་པའི་སྡུག་བསྔལ་རིང་བ་ཡིན་ལ། བར་མ་ལུས་དང་བྲལ་བ་ནི་སྐད་ཅིག་གི་གདུང་བ་སྟེ་ཡུན་ཐུང་ངོ་། །དཔེར་ན། པད་དཀར་མེ་ཏོག་བ་ཀུ་ལ། །ཀུ་མུ་ཏ་ཡི་ཆུ་སྐྱེས་གསུམ། །དང་མཐའ་ཉི་ཟླས་ཁ་འབྱེད་ཀྱང་། །བར་པ་ཁ་ཡི་ཆང་གིས་སོ། །ཞེས་པ་ལྟ་བུ། དྲུག་པ་སྒྲ་ཉམས་པ་ལ་མཚན་ཉིད་དཔེར་བརྗོད། དམིགས་བསལ་དང་གསུམ། དང་པོ་ནི། བརྗོད་དོན་གྱི་མཚོན་བྱ་ལ་རྣམ་དབྱེ་དང་རྐྱེན་གྱི་མཚན་ཉིད་ཀྱི་ལམ་ལ་མཚོན་ན། དེ་དང་མི་མཐུན་པའི་ཚིག་སྦྱོར་ནི་མཆོག་མིན་པ་མི་མཁས་པ་དག་འདོད་པ་ནི་སྒྲ་ཉམས་པ་ཡིན་ཏེ། མཆོག་གི་མཁས་པ་རྣམས་དག་འདོད་པ་འདི་ནི་སྐྱོན་ལྟར་སྣང་ཡང་སྐྱོན་མ་ཡིན་ནོ། །གཉིས་པ་ནི། ས་གཞི་རྒྱ་མཚོའི་སྐ་རགས་ཅན་དེ་ནི་རྒྱལ་པོ་ཁྱོད་ཀྱི་དཔུང་པས་སྲུངས་ཤིག །ཅེས་རྒྱ་དཔེར། རྒྱལ་ཆེན་གྱི་སྐད་དོད་མ་ཧཱ་རཱ་ཛ་ན་ཞེས་ལས་འཛིན་གྱི་བསྡུ་བ་ཡོད་པས་དེའི་མཐར། ཙནྡྲ་པའི་མདོ་ལས་ཚིག་སྡུད་ཀྱི་མཐའོ། །ཞེས་སྤྱིར་བཏང་ནས། ས་ཁི་དང་། ཨ་ཧར྄་དང་། རཱ་ཛན྄་རྣམས་ཀྱི་ཊཙ྄འོ། ཞེས་པས་ཊཙ྄འི་རྐྱེན་བྱིན། ཙ྄་དབྱངས་དོན་དང་། ཊི་ཏ྄་དྷ། ཨཎ྄། ཨཉ྄། ཋཀ྄ ཋཉ྄། ནཉ྄། སྣཉ྄། ཀཉ྄་ཀྭ་རཔ྄་ཁྱུན་ལས་སོ་ཞེས་པའི་ཁྱད་དོན་གྱིས་ཊ་ཕྱིས་ཨ་བཞག །ནའི་ཨཙ྄་ལ་སོགས་པ་ལ་ངོས་མཐའི་ཨཎྲ་ཕྱིས་ཤིང་དབྱངས་མེད་དབྱངས་ལ་ཡང་དག་པར་སྦྱར་བས། རཱ་ཛ་ཞེས་འབྱུང་དགོས་པ་ལ་འདིར་དེ་མེད་པར་རཱ་ཛན྄་(༡༣༢བ)

― GLG020_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་དང་། རྣམ་དབྱེ་དྲུག་པའི་ཚབ་ལ་བཞི་པ་བྱིན་པའི་སྐྱོན་གྱིས། རྒྱལ་ཆེན་ཁྱོད་ལ་དཔུང་པས་བསྲུངས་ཞེས་འབྲེལ་མེད་ཀྱི་ཚིག་འབྱུང་བས་མཚོན་ཏེ། རྒྱ་དཔེར། རྐྱེན་དང་རྣམ་དབྱེ་ནོར་བའི་དཔེར་བརྗོད་ཤིན་ཏུ་གསལ་ལོ། །སྐྱོན་འདི་ཤིན་ཏུ་སྤང་བའི་གནས་ཡིན་ཀྱང་། ད་ནི་དུས་དབང་གིས་མང་པོ་འབྱུང་བར་ངེས་ཏེ་ཀར་ལུགས་ཀྱི་དྲུང་པ་སི་ཏོ་བར་ཁ་ཁྲལ་ཕོག་ནས། མཚམས་སྦྱོར་ལྔ་པའི་འགྲེལ་པ་བརྗོད་བྱ་གང་ཡང་མེད་པ་ཞིག་བརྩམས། དེའི་མཇུག་ཏུ་ལོ་ཙཱ་བ་བརྟན་པ་མིང་ལེ་དྲུག་པ་བསྒྲལ་ནས་བསླབ་མ་མྱོང་བ་དེ་ལ་བློ་བརྟན་ལྔ་པ་ཞེས་པ་བསྔགས་བརྗོད་བྱེད་པ་སོགས་བླུན་པོའི་སྣང་ཚུལ་ནི་ཤིན་ཏུ་མང་ངོ་། །ཞེས་པ་སྔར་བཤད་པ་དེ་ནི། ཚིག་འདི་ལ་ནི་ཉམས་འགྱུར་ཡོད་པ་མི་ནུས་པ་ན་ཤེས་འདོད་མེད་དོ། །དཔེར་ན། འཁོར་བར་འཁྱམས་པའི་འགྲོ་བ་རྣམས། །གཏན་བདེ་ཐོབ་ལས་ཕྱག་བཙལ་ཏེ། །སངས་རྒྱས་རྣམས་ལ་བྱིན་བརླབས་ནས། །འདོད་པའི་དོན་ཀུན་གྲུབ་པར་གྱུར། །ཅེས་གཏན་བདེ་ཐོབ་ཕྱིར་དང་། སངས་རྒྱས་ཀྱིས་ལྟ་བུ་དགོས་པ་ལ་མ་བྱུང་ཞིང་། སྒྲ་སྒྲུབ་ལ་ཡང་། སུ་ཁ་ལ་རྣམ་དབྱེ་བཞི་པའི་དེ་དགོས་རྒྱུ་ལ། ལྔ་པའི་དེས་བྱིན་པ་དང་། བུདྡྷ་ལ་རྣམ་དབྱེ་གསུམ་པའི་བྷིས྄་དགོས་རྒྱུ་ལ། བདུན་པའི་སུཔ྄་བྱིན་པས་འཁྲུལ་ལོ། །གསུམ་པ་ལ་དཔེར་བརྗོད་དང་། སྒྲུབ་བྱེད་གཉིས། དང་པོ་ནི། ལྷོ་ཡི་རི་ལས་ཉེ་བར་བཏུད་པའི་རླུང་གིས་ཙཱུ་ཏའི་རྐང་འཐུང་གི་ནི་ཡལ་འདབ་རྣམས་པར་རོལ་ཞིང་རྩེ་བ་ལྟར་བསྐྱོད་པ་ཡིས་མྱུ་གུ་མཛེས་(༡༣༣ན)

― GLG020_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་ལྡན་པར་བྱེད་དོ། །གཉིས་པ་ནི། ཞེས་སོགས་ཀ་ཙནྡ་གྱི་བསྟན་བཅོས་བདག་ཉིད་ཆེན་པོ་རྣམ་ལ་ལྟ་བ་ལ་གཡེལ་བའི་སེམས་དང་ལྡན་པ་འགའ་ཞིག་ལ། རི་ལ་ཞེས་པ་རྣམ་དབྱེ་བདུན་པ་ཐོབ་མོད་སྙམ་པ་འབྱུང་བའི་སྒྲ་ཉམས་པ་བཞིན་དུ་སྣང་མོད་ཀྱི། མིང་ལེ་བཞི་པར་གཉིས་ཐོབ་པ་ལ་ཕ་རོལ་སྟེར་བར་བཤད་པས་སྐྱོན་མེད་པའི་ཕྱིར་སྐལ་བཟང་འདི་ནམ་ཡང་གཏོང་བ་མ་ཡིན་ནོ། །དཔེར་ན། རྒྱལ་བས་ཐུགས་རྗེ་ཆེར་འཕེལ་བས། །འགྲོ་བའི་སྡུག་བསྔལ་མ་ལུས་ཞི། །ཕན་བདེའི་འཁྲི་ཤིང་མྱུ་གུ་དེ། །དབྱར་གྱི་མཚོ་ལྟར་འཕེལ་བར་གྱུར། །རྒྱལ་བའི་ཞེས་དྲུག་པ་ཐོབ་པ་འདྲ་ཡང་བྱེད་ཚིག་བྱས་ན་ལེགས་སོ། །བདུན་པ་ངལ་སོ་ཉམས་པ་ལ། །མཚན་ཉིད། དཔེར་བརྗོད། །དམིགས་བསལ་དང་གསུམ། །དང་པོ་ནི། ཚིགས་བཅད་རྣམས་ལ་ངལ་སོ་ངེས་པའི་གནས། སྡེབ་སྦྱོར་གྱི་ཚིག་གི་གཅོད་མཚམས་ངལ་སོ་བར་རིག་དགོས་ལ། དེ་ཉམས་གཅོད་མཚམས་མིང་མ་རྫོགས་པར་ངལ་སོ་བ་ནི་ཉམས་པ་སྟེ། ཉན་པ་པོ་དག་དགའ་བ་མིན་པ་སྐྱེད་དེ། དཔེར་ན། གཉིས་པ་ནི། བུད་མེད་རྣམས་ཀྱིས་ཡང་དག་པར་བརྗོད་པའི་ཚིག་གླུ་གར་སོགས་སྙན་པའི་རོ་དང་ཉམས་མེད་པ་ལ། སྐབས་འདིར་སྐྱེས་བུའི་མཆོག་རྣམས་ནད་འགྲོགས་པའི་མིའི་དབང་པོ་ཉི་མའི་རིགས་རྒྱུད་ལས་བྱུང་བ་འདིས་ལྟ་བར་བྱེད་དོ། །ལ་སོགས་པ་སྡེབ་སྦྱོར་ཉམས་པ་ནི་སྐྱོན་ནོ། །རྒྱ་དཔེར། སྟྭཱིཎཱཾ་སཾ་གཱི་ཏི། བརྗོད་པའི་སྐད་དོད་གཱི་ཏི་མ་རྫོགས་(༡༣༣བ)

― GLG020_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ངལ་སོས་པས་ངལ་སོ་ནོར་བ་སོགས་ཤིན་ཏུ་གསལ་ལོ། །དཔེར་ན། མཆོག་རྣམས་འདྲེན་སངས་རྒྱས་པ་དག །ལུས་ཅན་ཀུན་བརྩེ་ལྡན་མ་མ། །གང་དེ་ཡིས་བདག་ལ་ཕན་འདོགས། །མྱུར་སྩོལ་ཤིག་ཐུགས་རྗེ་ཅན་ཀྱེ། །ཞེས་པ་ལྟ་བུ། གསུམ་པ་ལ་དངོས་དང་། སྒྲུབ་བྱེད་གཉིས། དང་པོ་ནི། གཙུག་ལག་གཉིས་ཀྱི་བྱ་བ་དང་བྱ་བ་མ་ཡིན་པ་བླང་དོར་མ་ཚང་བ་མེད་པར་ལུང་ཉིད་ཀྱི་སྒོ་ནས་ལྟ་བར་བྱེད་ཅིང་། གཞན་ཡང་མི་བདག་འདི་ཡི་དབང་དུ་གྱུར་པའི་ས་འཛིན་ཀུན་སྲུང་བར་བྱེད་ཅེས་པ་དེ་ལྟར་མིང་གི་དབུས་སུ་ངལ་སོ་སྦྱོར་བ་ལྟར་ཡོད་ཀྱང་སྐྱོན་མེད་དོ། །རྒྱ་དཔེར། ཀཱཪྻ་ནྱ་ཞེས་པའི་ཡཱ་ནི་རྣམ་དབྱེའི་ཤུགས་ལས་རིང་པོར་གྱུར་ལ། ཎི་ནི་རྣམ་དབྱེ་ཡིན་པས། དབུས་སུ་ངལ་སོ་བྱུང་བ་ལ་སྐྱོན་མེད་ཅིང་། ཡ་བཏགས་བྱུང་བ་ནི་མཚམས་སྦྱོར་གྱི་སྟོབས་སོ། །དཔེར་ན། དབྱངས་ཅན་ལྷ་མོ་སྨོས་ཅི་དགོས། །འཇམ་དབྱངས་ཀྱིས་ཀྱང་བློ་གྲོས་ཀུན། །འབད་པ་མེད་པར་སྩལ་བ་ཡིས། །རྣམ་པར་དཔྱོད་འདི་དེ་རྨད་བྱུང་། །ཞེས་འཇམ་དབྱངས་དང་ཀྱིས་གཉིས་ཀྱི་བར་བཅད་པ་དང་། དེ་རྨད་ཅེས་སྦྲེལ་བ་ལ་སྐྱོན་མེད་པ་ལྟ་བུ། གཉིས་པ་ནི། ཇི་ལྟར་རྣམ་དབྱེའི་སྟོབས་ཀྱིས་ཚིག་གི་མཐའ་ཕྱིས་པར་བྱས་པ་ལ་ལྷག་མ་ཚིག་ཉིད་དུ་ངེས་པ་དེ་བཞིན་དུ། མཚམས་སྦྱོར་རྣམ་འགྱུར་གྱི་མཐའ་ཡང་ཚིག་ཉིད་ཅེས་ནི་བརྗོད་པ་ཡིན་ནོ། །དེ་ལྟ་ན་ཡང་དེ་རྣ་བར་རྩུབ་པས་སྙན་ངག་མཁན་རྣམས་མི་སྦྱོར་ཏེ། རྒྱལ་པོ་དེའི་རྒྱལ་(༡༣༤ན)

― GLG020_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་གྱི་ཏོག་གི་ཆུ་འཛིན་བསྐུལ་ཞེས་པ་འདིའོ། །རྒྱ་དཔེར། ཏོག་གི་སྐད་དོད་ཀེ་ཏུའི་ཀེ་ནི་རྐང་པ་དང་པོའི་མཐའ་བྱུང་བ་བདུན་པའི་ཚིག་ཡིན་ཡང་མི་སྙན་པས་སྤང་བར་བྱའོ། །བརྒྱད་པ་སྡེབ་སྦྱོར་ཉམས་པ་ལ་མཚན་ཉིད། དཔེར་བརྗོད་གཉིས། དང་པོ་ནི། གང་དུ་ཡི་གེ་ཆད་ལྷག་ཤོར་བས་རིང་ཐུང་དང་ལྕི་ཡང་སྡེབ་སྦྱོར་ལས་བཤད་པ་ཇི་ལྟ་བ་བཞིན་མི་གནས་པ་དེ་ནི་སྡེབ་སྦྱོར་ཉམས་པ་ཞེས་བྱ་སྟེ། སྐྱོན་འདི་ནི་ཤིན་ཏུ་སྨད་པའི་གནས་སོ། །གཉིས་པ་ལ་གཉིས་ལས། དང་པོ་ཆད་ལྷག་དཔེར་བརྗོད་ནི། ཟླ་བའི་འོད་ཟེར་རབ་བསིལ་བས་རེག་ཅེས་པ་རྒྱ་དཔེར་ཡི་གེ་རྐང་པ་བདུན་ལས་མེད་པས་ཉུང་བ་ཉིད་དང་། ས་ཧ་ཀཱ་རའི་ལོ་འདབ་གསར་པ་རྣམས་སྣུམ་ཞིང་ཞེས་པ་འདི་ལ་ཡི་གེ་དགུ་ཡོད་པས་ལྷག་པའོ། །དཔེར་ན། ཀྱེ་མ་བོད་རྒན་བླུན་པོ་རྣམས། །ཐ་ག་པ་འདྲའི་བླ་ཆེན་རྣམས་ལ་དགའ། །ཤེས་བྱ་ཤེས་པའི་བློ་ལྡན་རྣམས་ལ། །ཕག་རྒོད་ལྟ་བུར་གཟུར་བར་བྱེད་པ་དེའོ། །ཞེས་པ་ལྟ་བུ། གཉིས་པ་ལྕི་ཡང་གི་དཔེར་བརྗོད་ནི། འདོད་པའི་མདའ་རྣོན་པོ་དེ་དག་རི་དྭགས་མིག་ཅན་མ་རྣམས་ལ་རྣམ་པར་འཕངས། ཞེས་པ་དབང་པོ་རྡོ་རྗེའི་ཐོག་མ་ཏ་ཡིན་པས་དེའི་ལྕི་ཡང་དང་མ་མཐུན་པས་ཇི་བཞིན་མིན་ལ། མཛེས་མའི་མིག་ཅན་དག་ལ་མྱོས་བྱེད་འདོད་ལྷའི་མདའ་རྣོན་པོ་ལྷུང་(༡༣༤བ)

― GLG020_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་ཡང་། ཉེ་དབང་རྡོ་རྗེའི་ཐོག་མར་ཛ་ཡོད་པས་དེ་དང་མཐུན་པས་ཇི་བཞིན་མིན་ནོ། །དཔེར་ན། མཧཱཀརུཎྱཱགགནཱཏྶུཪྻམཏིཡཙྪཀརཿ དེཝབམརཱ་མཛྙུཤྲཱིགྷོཥཱཡནམསྶརྦྦཀཱལ། །ཞེས་པ་བྲམ་ཟེ་ཕྲུག་གུ་རྩེན་གྱི་སྡེབ་སྦྱོར་འདི་ལ། བྷ་ཏ་ལ་ག་ཐོབ་ཀྱང་། འདིར་ཧཱ་ཤྲི་ཀཱ་ཛུ་རྣམས་ཡང་བ། །ཐུགས་རྗེ་ཆེན་པོའི་མཁའ་དབྱིངས་ལས། །བློ་གྲོས་ཉིན་བྱེད་སྩོལ་མཛད་པ། །ལྷ་མཆོག་འཇམ་དཔལ་དབྱངས་ལ་ནི། །དུས་རྣམས་ཀུན་ཏུ་ཕྱག་འཚལ་ལོ། །དགོས་པ་ལ་ལྕི་བ་དང་། ཏི་མ་ལྕི་བ་དགོས་པར་ཡང་བ་ལྟ་བུའོ། །དགུ་པ་མཚམས་སྦྱོར་ཉམས་པ་ལ་མཚན་ཉིད། །དཔེར་བརྗོད། དམིགས་བསལ་དང་གསུམ། དང་པོ་ནི། བསྡུས་པའི་ཚིག་མཚམས་སྦྱར་བ་བརྗོད་པར་མི་འདོད་ཅེས། ཚིག་གཅིག་གམ་ཐ་དད་པ་རྣམས་ལ་མཚམས་སྦྱོར་ཐོབ་ཀྱང་མེད་པའི་རིགས་གང་ཞིག །དཔེར་ན། ན་མ་ཨཱཪྻ་ཞེས་པ་ལྟ་བུ་རྣམ་བཅད་དང་ཨེ་ཨ་ཡའི་ཡ་ཕྱིས་ཤུལ་སོགས་དམིགས་བསལ་གྱི་རྒྱུ་མཚན་མེད་པ་ལ་མཚམས་མི་སྦྱོར་བ་དེ་ནི་མཚམས་སྦྱོར་བྲལ་བ་ཞེས་བསྟན་ནོ། །གཉིས་པ་ནི། མཁའ་དང་བདག་གི་ཡིད་ཕྲོགས་པ་ལ་ཡང་། རླུང་གིས་དལ་བུར་རྒྱུ་བ་ཡིས་ནི་འདོད་པ་འཕེལ་ཏེ་འཁྲིག་པ་བསྟེན་པ་ནི། བུད་མེད་ཀྱི་འགྲམ་པའི་དཀྱིལ་འཁོར་ལ་རྔུལ་གྱི་ཆུ་རྒྱས་པ་ནི་སེལ་བར་བྱེད་དོ། །རྒྱ་དཔེར། ཙ་ར་ཏཱ། ཨངྒ་ནཱ་གཉིས་མཚམས་མ་སྦྱར་བ་ལྟ་བུ་སྟེ། དཔེར་ན། ཟླ་བའི་དཀྱིལ་འཁོར་ཇི་བཞིན་དུ། །རབ་(༡༣༥ན)

― GLG020_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་མ་ཏི་ཨཱ་ཀ་ཤ །ཇི་བཞིན་མཐའ་ཡས་པ་ནི། །བླ་མ་ལྷ་ཡི་དྲིན་ལས་སོ། །ཞེས་པ་ལྟ་བུ། གསུམ་པ་ནི། མཚན་མོ་འདི་ལ་ཞེས་པའི་སྐད་དོད་ཀྱི་མགོའི་ཨཱ་དང་། ཚིགས་བཅད་སྔ་མའི་གཤམ་གྱི་པི་གཉིས་པོ་མཚམས་མི་སྦྱོར་བ་ནི་ཤད་ཉིས་བརྩེགས་ཀྱིས་ཆོད་པས། འདི་འདྲ་མཁས་པས་ཉམས་པའི་སྐྱོན་དུ་རིག་པར་མི་བྱེད་དོ། །དཔེར་ན། མཁས་དབང་ཙནྡྲ་གོ་མི་ཡི། །འཆད་རྩོད་རྩོམ་པའི་བི་ཙཱ་ར་ཨ་ཏི་ཤ་ཡི་ངོ་མཚར་ནི། ཆེ་ཞེས་ཀུན་གྱིས་གླེང་བར་བྱེད། ཅེས་པ་ལྟ་བུ། བཅུ་པ་ཡུལ་འགལ་བ་སོགས་ཀྱི་སྐྱོན་ལ། འགལ་བ་དྲུག་གི་མཚན་ཉིད་མདོར་བསྟན། སོ་སོའི་དཔེར་བརྗོད་རྒྱས་པར་བཤད། གནས་སྐབས་འགལ་ཡང་སྐྱོན་མེད་དུ་བསྟན་པ་དང་གསུམ། དང་པོ་ནི། རི་དང་། ནགས་དང་། ཡུལ་འཁོར་ལ་སོགས་ཡུལ་དང་། ཉིན་མཚན་དང་། དབྱར་སོགས་དུས་དྲུག་ལ་སོགས་དུས་དང་། འདོད་པའི་ཡོན་ཏན་གྱི་དོན་ལྔ་ལ་བརྟེན་པ་ཡི་གར་དང་གླུ་སོགས་སྒྱུ་རྩལ་ཏེ་འབྱུང་པོ་སེམས་ཅན་རྒྱུ་བ་དང་། མི་རྒྱུ་བ་བེམ་པོ་རྣམས་ཀྱི་འཇུག་པ་ཇི་ལྟ་བ་ནི་འཇིག་རྟེན་གྱི་མིང་ཅན་ནོ། །རིག་པ་གཏན་ཚིགས་རིག་པ་རྟོག་གེའི་བདག་ཉིད་དང་། ཐོས་པ་རིག་བྱེད་དང་བཅས་པ་གསུངས་པ་ལུང་ཉིད་ཡིན་ཏེ། རྒྱུ་མཚན་དེས་ན་སྙན་ངག་མཁན་པོ་མིང་ཤེས་རློམ་གྱི་བག་མེད་པ་རྣམས་ཀྱིས་སྦྱོར་བ་ལས། ཚུལ་དང་ལྡན་པས་ཡུལ་དུས་དང་མི་འགལ་བ་དང་དེར་ཇི་ལྟར་(༡༣༥བ)

― GLG020_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས་པ་བཞིན་སྦྱོར་གྱི། གནས་ལུགས་ཇི་བཞིན་མིན་པར་གལ་ཏེ་སྦྱོར་བ་ལ་རབ་ཏུ་ཞུགས་པ་ན་འདིར་ནི་ཡུལ་སོགས་འགལ་བ་ཞེས་བརྗོད་དོ། །གཉིས་པ་ལ་དྲུག་ལས། དང་པོ་ཡུལ་འགལ་བ་ནི་ག་བུར་རྐང་འཐུང་ལ་རེག་པའི་མ་ལ་ཡའི་རླུང་གི་དྲི་བཟང་པོ་ཅན་ཞེས་པ། རི་དེ་ན་ག་བུར་གྱི་ཤིང་མེད་པས་འགལ་ལོ། །ཀ་ལིངྒཱ་ཡི་ནགས་སུ་སྐྱེས་པའི་གླང་པོ་འདི་དག་རི་དྭགས་ཀྱི་རིགས་ཞེས་པ་ནི། རི་དེའི་གླང་པོ་རྣམས་བྷ་དྲའི་རིགས་ཡིན་པས་འགལ་ལོ། །ཙོ་ལའི་ཡུལ་གྱི་ཆུ་ཀླུང་ཀ་ཝེ་རིའི་འགྲམ་ངོགས་ཀྱི་སའི་ཨ་ཀ་རུ་ནག་པོ་ནི་སྔོན་པོ་ཞེས་པ། ཆུ་དེའི་འགྲམ་ན་ཨ་ག་རུ་མེད་པས་འགལ་ལོ། །ཞེས་པ་ཡུལ་དང་འགལ་བ་ཡི་ཚིག་གི་འཇུག་པ་འདི་འདྲ་བ་མང་ངོ་། །དཔེར་ན། ཀེ་ལ་ཤ་རྩེར་འགྱིང་བའི་སྟག་མོ་དེས། །ང་རོ་ཙམ་གྱིས་རི་དྭགས་མ་ལུས་འདར། །སཱ་ལའི་ལྗོངས་ཀྱི་སྐྱེད་ཚལ་ན་འཁྲུངས་པའི། །རྣམ་རྒྱལ་གསེར་མདོག་ནད་ཀུན་འཇོམས་པར་བྱེད། །ཅེས་པ་ལྟ་བུ། གཉིས་པ་དུས་དང་འགལ་བ་ནི། མེ་ཏོག་པདྨ་ཅན་ནི་མཚན་མོ་རྒྱས་ཤིང་། ཉིན་པར་ཀུ་མུ་ཏ་ལྡན་པ་དག་གསལ་ལོ། །ཤིང་ནི་ཙུ་ལ་ནི་དཔྱིད་ཀྱི་དུས་སུ་རབ་ཏུ་རྒྱས་སོ། །སོ་ཀ་དག་ནི་ནམ་མཁའ་དངས་པ་ལ་སྤྲིན་གྱིས་གཏབས་སོ། །ངང་པའི་སྒྲ་ནི་དབྱར་མི་སྙན་པ་ལ་དེ་ཉན་པར་འོས་སོ། །སྟོན་ནི་རྨ་བྱ་མི་དགའ་བ་ལ་དགའ་བས་མྱོས་པ་སྟེ། དགུན་སྟོད་རླུང་དང་སྤྲིན་པ་ལྡང་བ་ལ་ཉི་མ་དྲི་མ་མེད་དོ། །དགུན་བསིལ་བའི་དུས་ཙན་དན་གྱིས་དགོས་པ་མེད་པ་ལ་དེ་བསྔགས་པར་འོས་སོ། །(༡༣༦ན)

― GLG020_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་འདི་འདྲ་དུས་དང་ནི་འགལ་བའི་ལུགས་དག་བསྟན་པ་ཡིན་ནོ། །དཔེར་ན། ཟླ་གཞོན་ཟེར་གྱིས་ཕྱེ་བའི་པདྨ་ལ། །རྩེ་དགའ་ཁོང་ནས་རྒོད་པའི་བུང་བ་ལྡིང་། །དགུན་དུས་འདབ་མ་རྒྱས་པའི་ཨུཏྤ་ལ། །མཛེས་མ་ཁྱོད་ཀྱི་རྣ་བའི་རྒྱན་དུ་འཇེབས། །ཞེས་པ་ལྟ་བུ། གསུམ་པ་སྒྱུ་རྩལ་དང་འགལ་བ་ལ་དམ་བཅའ། དཔེར་བརྗོད། དོན་བསྡུ་བ་དང་གསུམ། དང་པོ་ནི། སྒྱུ་རྩལ་དག་དང་འགལ་བའི་ལམ་ཅུང་ཟད་བསྟན་པར་བྱ་སྟེ། དཔེར་ན། གཉིས་པ་ནི། དཔའ་བ་དང་སྒེག་པ་དག་གི་དངོས་པོའི་ཉམས་ཀྱི་རྒྱུར་གྱུར་པའི་སེམས་ཀྱི་ཁྱད་པར་བརྟན་པ་ནི་སྤྲོ་དགའ་ཡིན་པ་ལ་དེ་ཁྲོ་བ་དང་ཡ་མཚན་པ་ཡིན་ཞེས་པའོ། །དཔེར་ན། འབོད་གྲོགས་མགྲིན་གཅོད་རཱ་མ་ཎ། །མི་སྡུག་ཁྲོ་བའི་ཉམས་དག་གིས། །ཀུན་ཏུ་དགའ་བའི་འཛུམ་དང་བཅས། །རྩེ་བའི་ཟློས་གར་དག་གིས་བྲེལ། །ཞེས་པ་ལྟ་བུ། གསུམ་པ་ནི། དྲང་སྲོང་སོགས་དབྱངས་བདུན་རྫོགས་པ་འདི་དག་ནི་ཚང་པའམ་གང་རུང་དམན་པ་དང་། ཐ་དད་པའི་ལམ་སྟེ་ཡུལ་དང་མཐུན་པར་རབ་ཏུ་འཇུག་གོ །འདི་ལྟར་སྒྱུ་རྩལ་དྲུག་ཅུ་རྩ་བཞིར་འགལ་བའི་ཚུལ་ལེགས་པར་རྟོགས་པར་བྱའོ། །དེ་ལྟ་བུའི་སྒྱུ་རྩལ་དྲུག་ཅུ་རྩ་བཞི་ཡོངས་སུ་བཅད་པར་ལེའུ་བཞི་པ་ཞིག་སློབ་དཔོན་འདི་ཉིད་ཀྱིས་མཛད་པ་ཡོད་པར་གྲགས་པ་ལས། དེར་ནི་དེ་ཡི་རང་བཞིན་གསལ་བར་འགྱུར་རོ། །བཞི་པ་འཇིག་རྟེན་དང་འགལ་བ་ནི། །གླང་པོ་དག་ལ་ནི་རལ་པ་མེད་པར་དེ་གཡོ་བ་དང་། རྟ་ལ་ར་ནི་མེད་པར་དེ་རྣོ་བ་(༡༣༦བ)

― GLG020_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་པ་དང་། སྙིང་པོ་མེད་པའི་ཆུ་ཤིང་ཨེ་རཎྜ་ལ་སྙིང་པོ་ལྕིའོ། །སྙིང་པོ་ལྕི་བའི་སེང་ལྡེང་ལྗོན་པ་ལ་སྙིང་པོ་མེད་དོ། །ཞེས་པ་འདི་ནི་འཇིག་རྟེན་གྱི་ལུགས་ཉིད་དང་འགལ་བས་ཀུན་གྱིས་སྨད་དོ། །དཔེར་ན། དབྱར་གྱི་ཆར་སྤྲིན་སྟུག་པོ་ལས། །བྱུང་བའི་ཚ་སྲེག་མེ་ལྕེ་ཡིས། །བསྲེགས་པའི་དུད་སྤྲིན་འཐུལ་བ་ཡིས། །ས་གཞི་ཐམས་ཅད་ལྡེམ་ལྡེམ་གཡོ། །ཞེས་པ་ལྟ་བུ། ལྔ་པ་རིག་པ་དང་འགལ་བ་ལ། དམ་བཅའ། དཔེར་བརྗོད། མཇུག་བསྡུ་དང་གསུམ། དང་པོ་ནི། རིག་པ་ཞེས་བྱ་བ་ནི་གཏན་ཚིགས་ཀྱི་རིག་པ་སྟེ། དེ་དང་འགལ་བ་བསྟན་པར་བྱའོ། །གཉིས་པ་ལ་ཕྱི་ནང་གཉིས་ལས། དང་པོ་ནི། བདེ་བར་གཤེགས་པས་འདུས་བྱས་ཐམས་ཅད་འཇིག་པར་ནི་གསུངས་པ་བདེན་མོད། །དེ་ལྟ་ནའང་ཙ་ཀོ་རའི་མིག་ཅན་མ་དེ་ནི་བདག་གི་སྙིང་ལ་ད་དུང་རྟག་པར་གནས་སོ། །དཔེར་ན། དུག་གསུམ་ངན་པའི་ཁ་ལོ་པས། །འགྲོ་རྣམས་ངན་འགྲོར་འཁྲིད་བྱེད་ཀྱང་། །མཛའ་མོ་འདི་ལ་སྤྱད་པ་ཡིས། །མངོན་མཐོའི་ས་ལ་འགྲོ་བར་ངེས། །ཞེས་པ་ལྟ་བུ། གཉིས་པ་ནི། སེར་སྐྱའི་སློབ་མ་གངས་ཅན་པ་རྣམས་ཀྱིས་སྔར་ནས་དངོས་པོར་གནས་པ་ལ་ཡོད་པ་ཉིད་རབ་ཏུ་སྐྱེ་བར་འགྱུར་ཞེས་ཉེ་བར་བརྗོད་པ་དེ་ནི་མི་རིགས་ཏེ། དངོས་པོ་རྣམས་སྔར་མེད་པ་ཉིད་ནི་བདག་ཅག་གི་ཕྱིས་རབ་ཏུ་སྐྱེ་བར་མཐོང་བ་གང་གི་ཕྱིར་རོ། །དཔེར་ན། འཇིག་རྟེན་བྱེད་པོ་ཚངས་པ་ནི། །ཡིན་ཞེས་སྨྲ་བ་རྫུན་པ་སྟེ། །མེས་པོའི་སྔོན་ནས་སྲིད་པ་འདི། །གྲུབ་པ་བདག་གིས་ངེས་པར་མཐོང་། །ཞེས་པ་ལྟ་བུར་གསུམ་(༡༣༧ན)

― GLG020_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི། རིག་པ་དག་དང་འགལ་བ་ཡི་ལུགས་ནི་ཀུན་ཏུ་བསྟན་པར་བྱས་ཟིན་ནོ། །དྲུག་པ་ལུང་དང་འགལ་བ་ལ་དམ་བཅའ། དཔེར་བརྗོད་གཉིས། དང་པོ་ནི། དེ་ནས་ལུང་དང་འགལ་བ་ཡི། འཇུག་པ་དང་ནི་བསྟན་པར་བྱའོ། །གཉིས་པ་ལ། མེ་མ་བཞག་ཀྱང་མཆོད་སྦྱིན་བྱེད་པ་ལུང་དང་འགལ་ཚུལ། ཆོ་ག་མ་བྱས་ཀྱང་རིག་བྱེད་ཀླག་པ་ལུང་དང་འགལ་ཚུལ་གཉིས་ལས། དང་པོ་ནི། རང་བཙས་དུས་ཀྱི་མེའི་རྒྱུན་ནི་བཞག་པ་མ་ཡིན་ཡང་རང་གི་བུ་སྐྱེས་པར་གྱུར་པའི་ཚེ་བྲམ་ཟེ་རང་གི་སྤྱོད་པ་མ་ཉམས་པས་བརྒྱན་པ་འདི་དག་ནི་བཻ་ཤྭཱ་ན་རཱི་སྟེ་མེའི་མཆོད་སྦྱིན་སླར་སྒྲུབ་པར་བྱེད་དོ། ཞེས་མ་བཞག་ཀྱང་མཆོད་སྦྱིན་བྱེད་པ་ལུང་དང་འགལ་བ་སྟེ། དཔེར་ན། རྒྱུན་དུ་སྲོག་ཆགས་དུ་མ་དག །བསད་པའི་ཤ་ཁྲག་ལོངས་སྤྱོད་ཅིང་། །རྙེད་བཀུར་ཆེད་དུ་བྲམ་ཟེ་ཡིས། །གཙང་སྤྲའི་སྤྱོད་པ་འཛིན་པར་བྱེད། །ཞེས་པ་ལྟ་བུ། གཉིས་པ་ནི། རིག་བྱེད་ཀྱི་གཞུང་ལས། བུ་སྐྱེས་པའི་ཚེ་སྔོན་ལ་ཆོ་ག་བྱས་ནས། རྗེས་སུ་རིག་བྱེད་ཀླག་དགོས་པར། འདིར་ནི་ཆོ་ག་མ་བྱས་ཀྱང་། བླ་མའི་གནས་སྐབས་དག་ལས་སྲིད་སྲུང་ལ་སོགས་པའི་རིག་བྱེད་བཀླགས་སོ། །དཔེར་ན། རང་བཞིན་དག་པའི་ཤེལ་དག་ནི་དབྱི་བ་སོགས་འདུ་བྱེད་གཞན་ལ་ལྟོས་པ་མེད་པ་བཞིན་ནོ། །ཞེས་པ་ལུང་དང་འགལ་ལོ། །དཔེར་ན། གཙུག་ལག་ཡོན་ཏན་མ་བསླབ་པའི། །དེ་ཉིད་གཞན་ལ་འཆད་ཅིང་སྟོན། །དབང་ཁྲིད་གདམས་པ་མ་ཐོབ་པར། །སློབ་མ་སྨིན་(༡༣༧བ)

― GLG020_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོལ་ལམ་ལ་འགོད། །ཅེས་པ་ལྟ་བུ། གསུམ་པ་གནས་སྐབས་འགའ་ཞིག་ཏུ་འགལ་སྐྱོན་མེད་པར་བསྟན་པ་ལ། སྤྱིར་བསྟན་པ་དང་། སོ་སོར་བཤད་པ་གཉིས། དང་པོ་ནི། སྔར་བཤད་པའི་སྐྱོན་ནི་མཐའ་དག་འདི་ལ་ཡང་རེས་འགའ་སྙན་ངག་མཁན་མཁས་པས་སྐྱོན་གྱི་གྲངས་ལས་རབ་ཏུ་འདས་ནས་ཡོན་ཏན་གྱི་ལམ་ནི་རྣམ་པར་འཛིན་ནོ། །གཉིས་པ་ལ་དྲུག་ལས། དང་པོ་ཡུལ་དང་འགལ་ཡང་སྐྱོན་མེད་པ་ནི། རྒྱལ་པོ་དེ་ཡི་མཐུ་ཡིས་ནི། དེ་ཡི་སྐྱེད་མོས་ཚལ་དུ་ལྷ་རྣམས་ཀྱི་དཔག་བསམ་གྱི་ལྗོན་པ་ཡལ་འདབ་ཀྱི་གོས་དམར་པོ་དང་ལྡན་པ་དག་གི་གནས་སུ་གྱུར་རོ། །དཔེར་ན། བོད་ཡུལ་ཚོང་འདུས་འགུར་མོའི་སྐྱེད་ཚལ་དུ། །སྨན་རྒྱལ་གཡུ་ཐོག་མགོན་པོའི་ལེགས་བྱས་ཀྱིས། །རྣམ་རྒྱལ་གསེར་མདོག་ཕྱུར་བུར་སྤུངས་པ་ཡིས། །ལྟ་ན་སྡུག་གི་གྲོང་ཁྱེར་བཞིན་དུ་མཛེས། །ཞེས་པ་ལྟ་བུ། གཉིས་པ་དུས་དང་འགལ་ཡང་སྐྱོན་མེད་པ་ནི། རྒྱལ་པོ་འཆི་བའི་འཇིགས་པ་གསལ་བར་བྱེད་པའི་ལྟས་ངན་པའི་ཚེ། དུས་གཅིག་ཏུ་ཀ་དམ་པ་ཡི་མེ་ཏོག་རྡུལ་དང་འགྲོགས་ལ། འདབ་མ་བདུན་པ་ལས་འཁྲུངས་པའི་མེ་ཏོག་རྣམས་སྐྱེད་པར་བྱེད་ཅིང་། དྲག་པོ་ཡི་རླུང་དག་རྒྱུ་བར་བྱེད་དོ། །ཞེས་ཀ་དམ་པ་དང་འདབ་བདུན་པ་གཉིས་གཅིག་དབྱར་དང་གཅིག་སྟོན་གྱི་དུས་མ་གཏོགས་མི་འབྱུང་བས་སྤྱིར་འགལ་ཡང་། རྒྱལ་པོ་འཆི་བའི་ལྟས་ངན་ལ་སྐྱོན་མེད་དོ། །དཔེར་ན། རྩ་རླུང་ལས་སུ་རུང་བའི་རྣལ་འབྱོར་པས། །དགུན་(༡༣༨ན)

― GLG020_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གྲང་བའི་རེག་བྱ་ཀུན་བཅོམ་ནས། །ས་གཞི་རི་ཀླུངས་དྲོས་པས་སྤང་ལྗོངས་ཀུན། །མ་རྒད་གཞོན་ནུའི་འོག་པག་གྱོན་སྙམ་བྱེད། །ཅེས་པ་ལྟ་བུ། གསུམ་པ་སྒྱུ་རྩལ་དང་འགལ་ཡང་སྐྱོན་མེད་པ་ནི། ཁྱོགས་ཀྱིས་བཏེག་ནས་གཡོ་ཞིང་རབ་ཏུ་བསྐུལ་བས་ཡིད་སྐྲག་པར་གྱུར་ཏེ། དེའི་སྟེང་ནས་ཁས་གླུ་བརྗོད་པའི་སྐྱེ་བོ་བུད་མེད་རྣམས་མྱུར་བས་གླུའི་སྟབས་མི་མཉམ་པས་སྤྱིར་མི་སྙན་ཡང་འདོད་ལྡན་འགའ་ཞིག་ལ་ནི་སྙན་པས་ཆགས་པ་དག་ནི་འཕེལ་བར་བྱེད་དོ། །དཔེར་ན། འདོད་པས་མྱོས་པའི་ཚ་གདུང་གིས། །ལུས་ཕྲའི་རྒྱན་གྱི་མེ་ཏོག་རྣམས། །སྙིགས་ཀྱང་གར་གྱི་ལྡེམ་ལྡེམ་ལ། །ཆགས་ལྡན་མཛེས་པའི་སྣང་བ་འཆར། །ཞེས་པ་ལྟ་བུ། བཞི་པ་འཇིག་རྟེན་དང་འགལ་ཡང་སྐྱོན་མེད་པ་ནི། ཟླ་བའི་འོད་ཟེར་རབ་ཏུ་བསིལ་བ་ཡིན་ཡང་། རང་གི་བུད་མེད་དང་བྲལ་བའི་ཉོན་མོངས་ཀྱིས་ཡིད་འཁྲུགས་པ་འདི་རྣམས་ཚ་བའི་བསྲེག་བྱ་འཛིན་པར་འདོད་པ་དང་ལྡན་པ་རྣམས་བརྩི་བར་བྱེད་དོ། །དཔེར་ན། ད་དྷུ་ར་ཡིས་ཆེར་མྱོས་པ། །འགའ་ཞིག་ཀུན་གསལ་འགྲམ་པ་ལ། །ཆུ་ཤེལ་དབང་པོའི་དཀྱིལ་འཁོར་ནི། །དུ་མ་ཤར་བའི་ལྟད་མོ་མཐོང་། །ཞེས་པ་ལྟ་བུ། ལྔ་པ་རིག་པ་དང་འགལ་ཡང་སྐྱོན་མེད་པ་ནི། དབང་ཕྱུག་ནི་ཉི་མ་སོགས་གསལ་བས་གཞལ་བྱ་ཡིན་ཡང་། འགའ་ཞིག་ཏུ་མི་སྣང་བས་གཞལ་བྱ་མིན་ལ། ས་སོགས་ཆ་ལྡན་ཡིན་ཡང་། རང་གི་ངོ་བོ་ཆ་ལྡན་མིན་ལ། རང་གི་གཟུགས་རྟག་པའི་རང་བཞིན་གཅིག་ཉིད་ཡིན་ཡང་སྤྲུལ་པ་(༡༣༨བ)

― GLG020_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་ཚོགས་པས་གཅིག་ཉིད་མིན་པ། སྣ་ཚོགས་པའི་གཟུགས་ཅན་ཁྱོད་ལ་ཕྱག་འཚལ་ལོ། དཔེར་ན། བརྒྱ་ཕྲག་ལོ་ལྡན་བཅུ་དྲུག་ངང་ཚུལ་འཆང་། །འགྲོ་ཀུན་ལ་བརྩེ་འདོད་ལྷ་འཇོམས་ལ་བརྩོན། །ཉོན་མོངས་བཅོམ་ཀྱང་དབྱངས་ཅན་ལྷ་མོ་ལ། །ཆགས་པའི་ཉམས་ཀྱིས་འཁྱུད་པ་འཇམ་དཔལ་དབྱངས། །ཞེས་པ་ལྟ་བུ། དྲུག་པ་ལུང་དང་འགལ་ཡང་སྐྱོན་མེད་པ་ནི། སྐྱ་སེང་གི་བུ་ལྔ་པོ་དག་གི་ནི་ཆུང་མ་རྒྱལ་པོ་ལྔ་ལེན་གྱི་བུ་མོ་དྲཽ་པཱ་དི་ཞེས་བྱ་བ་དེ་ནི་བུད་མེད་འཆོལ་བའི་སྐྱོན་གྱིས་ཡོངས་སུ་དག་པ་རྣམས་ཀྱི་ནང་ནས་མཆོག་ཏུ་གྱུར་པ་འདི་འདྲ་ལྷ་ཡིས་སྒྲུབ་པར་བྱེད་དེ་བསོད་ནམས་ཀྱི་མཐུའོ། །སྐྱེས་པ་ལྔ་ཙམ་དང་འགྲོགས་པའི་བུད་མེད་ལ་འཆོལ་བའི་སྐྱོན་མེད་པ་ནི་སྤྱིར་འགལ་ཡང་། ཁྱད་པར་འཕགས་བསྟོད་ཀྱི་ལུང་ནས་བཤད་པའི་སྐྱོན་མེད་དོ། །དཔེར་ན། སོ་སོ་སྐྱེ་བོའི་ས་ནས་སྐད་ཅིག་ལ། །གསང་སྔགས་ཐབས་ལམ་ཟབ་མོའི་མན་ངག་གིས། །མཆོག་གི་དང་པོའི་ལམ་བཟང་ཐོབ་པ་འདི། །རྒྱུད་སྡེ་ཡིད་བཞིན་ནོར་བུའི་དགོངས་པའོ། །ཞེས་པ་ལྟ་བུ།
མཇུག་གི་དོན།བཞི་པ་འཇུག་གི་དོན་ལ། དངོས་དང་། ཕན་ཡོན། རྩོམ་པ་པོ་སྒྱུར་བྱེད་བཤད་པ་གསུམ། དང་པོ་ནི། རྗོད་བྱེད་ཀྱི་སྒྲ་དང་བརྗོད་བྱའི་དོན་གྱི་རྒྱན་ནི་རྣམ་པར་བཀྲ་བ་དང་། ཚེགས་ཆུང་བ་བྱ་སླ་བ་དང་ཚེགས་ཆེ་བ་བྱ་བ་དཀའ་བ་དག་གི་ལམ་མ་ནོར་བ་དང་། སྙན་ངག་རྣམས་ཀྱི་ཡོན་ཏན་དང་སྐྱོན་གྱི་ཚུལ་དེ་ལྟར་གོང་དུ་མདོར་བསྡུས་ནས་རབ་ཏུ་(༡༣༩ན)

― GLG020_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་ཟིན་ནོ། །གཉིས་པ་ནི། སྙན་ངག་གི་རིག་པ་སྒྲུབ་པར་བྱེད་པའི་ཐབས་སུ་དཎྜི་བདག་གིས་བསྟན་པའི་ལམ་འདིར་ནི་སྙན་ངག་གི་སྤང་བླང་གི་སྐྱོན་དང་ཡོན་ཏན་དག་རབ་ཏུ་རྟོགས་པའི་བློ་གྲོས་ཅན་སྐལ་བ་བཟང་པོའི་དབང་ཕྱུག་ཏུ་གྱུར་པའི་སྙན་ངག་གི་ཚིག་དང་མངོན་པར་འགྲོགས་པར་བྱས་ན་ལེགས་ཚོགས་འབྱུང་བའི་དཔེ། ཆང་མིག་མ་སྟེ་མིག་ཟིམ་བུར་ལྟ་བའི་མཛེས་མ་དག་དང་ལང་ཚོ་དར་ལ་བབ་པ་ཅན་གྱི་སྐྱེས་པ་དང་དགྱེས་དགུར་རྩེ་བཞིན་པའི་ཡིད་ལ་དགའ་བ། ལུས་ལ་བདེ་བ་དང་། འཕྲལ་ཡུན་ཀུན་ཏུ་དགེ་བའི་སྙན་པའི་གྲགས་པ་ཕུལ་དུ་བྱུང་བའི་སྐལ་བ་བཟང་པོ་རྒྱུན་མི་ཆད་པ་ཐོབ་པར་འགྱུར་རོ། །སྙན་ངག་མེ་ལོང་ལས། ལེའུ་གསུམ་པའི་འགྲེལ་པ་དང་དཔེར་བརྗོད་བཤད་ཟིན་ཏོ། །གསུམ་པ་ནི། འཕགས་པའི་ཡུལ་གྱི་སྙན་ངག་མཁན་རྣམས་ཀྱི་གཙུག་གི་ནོར་བུ་སློབ་དཔོན་དབྱུག་པ་ཅན་གྱིས་མཛད་པའི་ཤར་ལྷོའི་ལམ་གྱི་སྙིང་པོ་མཐའ་དག་བསྡུས་པའི་སྙན་ངག་གི་བསྟན་བཅོས་མེ་ལོང་གི་གཞུང་འདི། འཇམ་དབྱངས་གོང་མའི་ཏི་ཤྲི་དཔལ་ལྡན་ས་སྐྱ་པ་བླ་མ་ཆོས་ཀྱི་རྒྱལ་པོ་དང་། དེའི་ཉེ་གནས་བོད་ཆོལ་ཁ་གསུམ་ལ་དབང་སྒྱུར་བའི་དཔོན་ཆེན་ཤཱཀྱ་བཟང་པོ་གཉིས་ཀྱིས་མཐུན་པའི་རྐྱེན་སྦྱར་བ་ལ་བརྟེན་ནས། དཔལ་ས་སྐྱའི་གཙུག་ལག་ཁང་དུ། གནས་ལྔ་རིག་པའི་པཎྜི་ཏ་ལཀྵྨི་ཀ་ར་དང་། (༡༣༩བ)

― GLG020_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་གྱི་མིག་གཅིག་པུ་ལོ་ཙཱ་བ་འཇམ་དཔལ་དབྱངས་ཤོང་ལོ་རྡོ་རྗེ་རྒྱལ་མཚན་གཉིས་ཀྱིས་ལེགས་པར་བསྒྱུར་ཅིང་། དེའི་རྗེས་སུ་དཔང་སྟོན་ཐམས་ཅད་མཁྱེན་པ་ལོ་ཙཱ་བ་བློ་གྲོས་བརྟན་པའི་ཞལ་སྔ་ནས་ཀྱིས་གོ་དཀའ་བའི་ཆ་ཤས་སུ་གྱུར་པ་དང་། དོན་ཆེ་བ་རྣམས་ལ་འགྱུར་བཅོས་མཛད་པ་ཡིན་ལ། དུས་ཕྱིས་རང་ཅག་ཐ་སྙད་མཁན་པོ་རྣམས་ལ་བཀའ་དྲིན་མཚུངས་པ་མེད་པ་མ་ཧཱ་པཎྜི་ཏ་ཆེན་པོ་ཆོས་སྐྱོང་བཟང་པོས་ཀྱང་འགྱུར་བཅོས་མཛད་ཅིང་། སྙེ་ཐང་ལོ་ཙཱ་བ་བློ་གྲོས་བརྟན་པ་བཞི་པས་ཀྱང་ལེགས་པར་འགྱུར་བདེ་བར་བཅོས་པ་ཡིན་ནོ། །སྨྲས་པ། སྨིན་ལེགས་བྱེ་བའི་སྙེམས་པ་ཡོངས་འཕྲོག་མཚན་དཔེའི་ངོ་མཚར་མཛེས་མའི་ལང་ཚོར་གྲུབ་པའི་སྣང་བ་སྟེར་མཁས་དཔལ། །མཉེན་ལྕུག་སོར་རྩེས་བསྐུལ་པའི་རྒྱུད་ལས་ཆོས་ཀྱི་གནས་ལུགས་དབྱངས་སུ་མཚར་བའི་ཚངས་པའི་གསུང་གི་དཔེ་ཟླ་ཅན། །ཟག་མེད་བདེ་ཆེན་དཔལ་གྱི་རྩེ་དགའ་ཁོང་ནས་རྒོད་ཀྱང་ཆགས་པའི་ཉམས་ཀྱི་འཇོ་སྒེག་གར་མཁན་ཀུན་དགའི་དཔྱིད། སྨྲ་བའི་དབང་ཕྱུག་ངག་གི་མཆོད་སྦྱིན་འདོད་དགུར་སྩོལ་བའི་སྔོན་མེད་དཔག་བསམ་ཡོངས་འདུ་གསར་པ་དབྱངས་ཅན་ལྷ། །གང་གིས་རྗེས་བཟུང་ཕུལ་བྱུང་མཁྱེན་དཔྱོད་དྲི་བྲལ་མེ་ལོང་གཙང་མའི་ངོས། རྨད་བྱུང་གཏམ་སོགས་བརྗོད་དོན་སྲོག་ལྡན་བཅད་ལྷུག་སྤེལ་མའི་ཕྲ་ལྡེམ་ལུས། སྒྲ་དོན་སྣ་ཚོགས་རྒྱན་གྱིས་ལེགས་(༡༤༠ན)

― GLG020_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

སྤུད་ཉམས་འགྱུར་སྟོང་གི་གར་བསྒྱུར་བའི། །ཤེས་ལྡན་གཟིགས་མོར་འཚར་དུ་དངར་བའི་བྱེད་པོ་དཎྜིའི་གཙུག་ལག་མཆོག །དཔྱད་གསུམ་དག་པའི་ནོར་བུས་ལེགས་དྲུངས་རིག་གནས་རྒྱ་མཚོར་འཁྱིལ་བའི་ཆབ། །རྣམ་དཔྱོད་གསེར་གྱི་སྐྱོགས་ལས་བཅུས་པའི་ལེགས་བཤད་རིན་ཆེན་ཕྲེང་འཛིན་ལ། །འཇམ་དབྱངས་གཞོན་ནུ་དགྱེས་པས་མགྲིན་འཁྱུད་སྙན་ཚིག་འབྱུང་གནས་དབང་གི་རྒྱལ། །ཤེས་བྱ་ཀུན་ལ་འཇིགས་མེད་རྡོ་རྗེ་མཁས་དབང་སྨོན་འགྲོ་པཎ་ཆེན་དེའི། །གསུང་རྒྱུན་དབྱངས་ཀྱི་རྒྱལ་མོའི་པི་ཝང་སྒྲ། །འཆད་མཁས་སོར་མོས་ལེགས་བསྐུལ་རྣ་བའི་དཔྱིད། །ལེགས་བཤད་དགའ་སྟོན་འཇོ་བའི་བདུད་རྩིའི་བཅུད། །ཐོས་བརྩོན་ཤེས་རབ་ཡོལ་གོར་འཕྱུར་བ་ལས། །གྲངས་མེད་རིག་གནས་ལྗོན་པས་ཉེར་དུད་དབུས། །སྙན་འགྱུར་བྱེ་བའི་འབྲས་བུ་གཡུར་ཟ་བའི། །མི་ཟད་གཏེར་གྱི་ལེགས་བཤད་རོ་བརྒྱའི་དཔལ། །བསྟན་བཅོས་ཡོངས་འདུའི་དབང་པོ་ཆེ་འདི་གྲུབ། །རྗོད་བྱེད་ཙམ་གྱི་དབུ་བའི་དོ་ཤལ་དང་། །ཉེས་བཤད་ཆུ་སྲིན་གདུག་པས་མ་གཙེས་པའི། །དཀའ་གནས་ཞིབ་མོར་འགྲེལ་བ་ཡོལ་མེད་རླབས། །སྙན་ངག་ནོར་བུའི་འབྱུང་ཁུངས་འདི་གཅིག་པུ། །ཚིག་ཉུང་དོན་རྒྱས་རྒྱུད་ལས་ཉེར་དྲངས་པའི། །དཎྜིའི་བཞེད་དོན་རྫོགས་པར་བླངས་པའི་གླུ། །སྐལ་བཟང་རྣ་བར་འཇེབས་པའི་དགའ་སྟོན་འདི། །དབྱངས་ཅན་མགྲིན་པར་ཆགས་ལས་(༡༤༠བ)

― GLG020_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་དུ་ཅི། །བརྟན་གཡོའི་ཆོས་ཀྱིས་རང་བཞིན་ཡངས་པའི་ཟླ། །གཙུག་ལག་ག་བུར་འཛག་པའི་ཀུན་དགའི་དཔྱིད། །སྙན་འགྱུར་སྣང་བའི་བསིལ་ཟེར་འབུམ་འཕྲོ་བས། །རྒྱལ་བསྟན་ཀུན་ད་ཁོང་ནས་འཛུམ་པ་བཞིན། །འཁྲུལ་པའི་རང་འཚང་ངོམ་པའི་སྲིད་སྒྲུབ་མགོ། དཔྱད་གསུམ་དག་པའི་མཚོན་གྱིས་ཉེར་བྲེགས་པས། །དགག་སྒྲུབ་དྲི་ངའི་རོ་དེས་པད་དཀར་མིག །གཉིས་པ་སཱ་ལའི་ལྗོངས་སུ་འོངས་མིན་ནམ། །མང་ཐོས་ལང་ཚོ་རྒྱས་པའི་རྣམ་དཔྱོད་མིག །ཤེས་བྱ་ཀུན་ལ་འཇུག་པའི་དཀྱུས་རིང་ལ། །རྗེས་ཆགས་རྒྱལ་གསུང་ཡན་ལག་བཅུ་གཉིས་མ། །མཛའ་བའི་སྐལ་བཟང་གཏོང་མིན་དམ་དུ་འཁྱུད། །མཐའ་མེད་ཁེངས་པའི་རོ་ལྡན་སྲིད་ཞིའི་དངོས། །སྒྲ་དོན་རྒྱུད་དུ་འདྲེན་ལ་དབྱངས་ཅན་མ། །ཁྱོད་དང་ཐ་དད་དབྱེ་བ་མ་ནུས་ཞེས། །ཕུར་བུས་དབང་པོའི་མདུན་སར་གཏམ་དུ་གླེང་། །ཤོང་དཔང་རྙོག་བྲལ་ཤོང་ལོའི་དབྱངས་ཅན་མགུལ་རྒྱན་དཔང་ལོ་གཞུང་དོན་གསལ་བ། ཞ་ལུ་བའི་གནད་བསྡུས་པ་ལྟ་བུ། གསུང་གི་གངྒཱའི་རྒྱུན། །ཐོས་བརྩོན་ཧུབ་ཀྱིས་འདྲེན་ཞིང་སྐྱུག་མཁས་པའི། །ངུར་སྨྲིག་འཛིན་པའི་ཛཧྣུ་མཆིས་ཞེས། །ཉི་ཟླ་གཟའ་སྐར་ལྟ་ཕྱིར་མཁའ་ལ་ལྷགས། །འཇམ་ཁ་སྣང་ཐང་པ་རིན་སྤུངས་པ་དཔལ་སྒང་པ་ཟུར་མཁར་པ་ཀླུ་སྒྲུབ་པ། མཁས་མང་རྒྱ་ཆེར་འགྲེལ་བའི་མ་ལ་ཡར། །ལེགས་བཤད་ཙནྡན་ལྗོན་པའི་ཕྲེང་བ་ལ། །འཁྲུལ་བའི་བྲང་འགྲོའི་ལྕེ་གཉིས་རྐྱོང་བ་དག །སྒྲུབ་དང་སུན་འབྱིན་དྲི་ཡིས་བསལ་བར་བྱས། །མེ་ཏོག་མདའ་(༡༤༡ན)

― GLG020_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་བཤེས་གཉེན་རྫུ་བག་གིས། །དཔའ་བོ་གཙུག་ལག་པའི་མཆན་དང་། འབྲི་སྟག་ཀར་འབྲུག་བཞིའི་འགྲེལ་བ་དཔེར་བརྗོད་སོགས། མུ་ཅོར་དུག་མདས་བཤད་སྒྲུབ་རིགས་པའི་ཚོགས། །འཇོམས་པའི་དམ་བཅའ་བསད་པའི་དམར་བའི་ཁྲག །མཚམས་སྤྲིན་ཇི་བཞིན་ཐུབ་བསྟན་མཁའ་ལ་མཛེས། །མོངས་རྟུལ་ཆང་གིས་ཆེར་མྱོས་ཚུལ་འཆོས་ཀྱི། །འཁར་བ་ལ་བརྟེན་རྣམ་དཔྱོད་གོམ་འཁྱོར་བས། །གཟིག་ཤུན་མགྲིན་བཟང་གོས་སུ་ཉེར་ཀླུབས་པའི། །བཤེས་གཉེན་དེ་རྣམས་སྨྲ་བཅད་ངལ་སོ་མཛོད། །བ་ལང་ཚིག་ལྡན་རྟོག་གེའི་ཨེ་རཎྜར། །ཉམས་དང་འགྱུར་བའི་རོ་བཅུད་ཆེས་མངར་བའི། །སྙན་ངག་འབྲས་བུ་རེ་བའི་གཞུང་ལུགས་པ། །མཁའ་དབྱིངས་ཨུཏྤལ་ཕོན་པོ་ཐོད་དུ་འཆིང་། །གཏི་མུག་ཁུང་བུར་སེམས་གནས་བདེ་བའི་རོར། །རྗེས་ཆགས་ཉོན་མོངས་དུག་གིས་ཐར་པའི་སྲོག །གཅོད་པའི་རྫུན་གཏམ་ཕུད་སྒྲོག་སྒོམ་ཆེན་གྱི། །རྣ་བར་ལེགས་བཤད་འདི་འདྲ་ཚེར་མའི་གྲོགས། །དཀའ་གནད་ཀུན་གསལ་འདྲེན་བྱེད་ལས་འོངས་མེས། །པཎ་ཆེན་བསོད་གྲགས་པ་དང་སྒོམ་སྡེ་ནམ་མཁའ་རྒྱལ་མཚན་སོགས་རང་ཕྱོགས་པ་མང་པོ་དང་། རྗེ་དྲུང་མི་བསྐྱོད་པ་ཆོས་རྗེ་གོ་རམས་པ། རྟ་ནག་མཁན་པོ་ཆོས་རྣམ་རྒྱལ་སོགས། ཚིགས་བཅད་དམ་དུམ་སྦྱོར་ལ་སྙན་ངག་པར། །ཁེངས་ལྡན་འདོད་ལྷ་བསྲེགས་དང་ལྷན་ཅིག་ཏུ། །གསེར་མདོག་ཅན་མཁན་པོ་ལྕང་འདམ་པ། འབྲུག་པ་སངས་རྡོར་བ་སྡེ་པ་མདར་བ་སོགས་ཅུང་ཟད་སྦྱངས་པའི་སྔོན་གྱི་ལྷ་རྣམས་འདར། །(༡༤༡བ)

― GLG020_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་སྦྱོར་རྗོད་བྱེད་བཀྲ་བའི་དབང་པོའི་གཞུ། །དོན་གྱི་སྙིང་པོར་དཔྱད་ཚེ་སྟོང་པའི་གཟུགས། །གནད་འགག་གཟུང་དུ་མེད་པའི་ལྟད་མོ་ལ། །བྱིས་པའི་བློ་ཅན་གནས་རྙིང་ཆོས་རྗེ་དང་སྡེ་པ་མདར་པས་བརྩམས་པའི་འགྲེལ་པ། པཎ་ཆེན་ཤཱཀ་མཆོག་གི་དཔེར་བརྗོད། དོན་མེད་ངལ་བས་མནར། །དེ་ཕྱིར་དབྱངས་ཀྱི་རྒྱལ་མོ་རིག་པའི་འཕྲུལ། །མཐའ་དག་མགྲིན་པར་ཆགས་པའི་བང་མཛོད་ལས། །དབྱངས་ཅན་དགྱེས་པའི་གླུ་དབྱངས་ནོར་བུའི་དཔྱ། །ཤེས་ལྡན་རྣ་བར་འདོད་པ་ཅི་ཡང་འཇོ། །རྣམ་པར་འབྱེད་པའི་ཤེས་རབ་འཁོར་ལོ་ཡིས། །འཁྲུལ་པའི་དྲི་མ་བདར་བའི་དཀྱིལ་འཁོར་ཅན། །དོན་བཟང་རིག་པའི་ཚ་ཟེར་འབུམ་འཕྲོ་བ། །ཁོ་བོའི་རྣམ་པར་དཔྱོད་པའི་མཁའ་ལ་ཤར། །དེ་ལྟའི་མངར་བའི་ཁྱད་པར་ཕྲ་མོའི་རྡུལ། །སྦྲང་རྩིར་འཁྱིལ་བའི་གླེགས་བམ་འདབ་བརྒྱ་བ། །རྣམ་པར་བཞད་ལ་ཤེས་ལྡན་རྐང་དྲུག་ཚོགས། །ཀུན་ཡིད་འགུགས་པའི་སྙན་འགྱུར་གླུར་ལོང་ཞིག །གྲགས་བླ་ཆེན་ཕལ་ཆེར། སྐམ་ཆེན་པོར་འགྱིང་བའི་སྟོབས་ལྡན་དཔུང་། །རབ་རྨོངས་ནོར་འཛིན་འོག་ཏུ་ཉེར་བཏང་ནས། །ཀུན་ལས་རྣམ་པར་རྒྱལ་བའི་བསྟན་བཅོས་ཀྱི། །གདུགས་དཀར་སྲིད་རྩེའི་བར་དུ་འཁོར་འདིར་ལྟོས། །འཇམ་དབྱངས་དབྱངས་ཅན་ལྷ་ཡིས་རྗེས་བཟུང་ཞིང་། །མཁས་དབང་དབང་པོའི་དཔེ་ཟླ་ཉེར་བསྟེན་པས། །སྙན་ཚིག་ཚིག་གི་སྤྲོས་པ་ནམ་མཁའི་མཐའ། །མི་འཛད་འཛད་པ་མེད་པའི་གཏེར་བཞིན་སྤེལ། །ཕུར་བུའི་བློ་ལྡན་བློ་གྲོས་རྣམ་པར་ཡངས། །ཤེས་བྱ་(༡༤༢ན)

― GLG020_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་གཟིགས་ཀུན་མཁྱེན་ལོ་ཙཱ་བ། །ཚེ་དབང་དོན་གྲུབ་དོན་གྱི་པཎྜི་ཏ། །རིགས་ཆོས་རྒྱུད་འཛིན་རྒྱུད་ལྡན་ངག་གི་ལྷའི། །མང་མང་མཐའ་མེད་རིག་པའི་གནས་རྣམས་ཀུན། །ཆིལ་ཆིལ་རླབས་ཕྲེང་གཡོ་བའི་རྒྱ་མཚོ་ཆེ། །མངར་མངར་ཚིག་གི་ཕྲེང་བར་ལེགས་བརྒྱུས་ནས། །གསལ་གསལ་བློ་ཡི་ནོར་འཛིན་ཁྱོན་ཀུན་བཀང་། །རྗོད་བྱེད་ལུས་ཀྱི་མཛེས་མཛེས་དར་བབ་མར། །སྣ་ཚོགས་སྙན་པའི་ཁྲོལ་ཁྲོལ་རྒྱན་སྤུད་ནས། །དོན་བཟང་ཉམས་ཀྱི་ལྡེམ་ལྡེམ་གར་བསྒྱུར་བས། །ཡིད་ཀྱི་དགའ་སྟོན་ཡང་ཡང་སྤེལ་བའི་མཆོག །བུང་བའི་མདངས་འཛིན་དབུ་སྐྲ་འཁྱོག་ལྡེམ་ལྡེམ། །ཡིད་འོང་ཟླ་བ་ཚེས་པ་དཀར་གསལ་གསལ། །རིན་ཆེན་རྩ་ཕྲན་རྣ་བས་འོད་འཚེར་འཚེར། །དབྱངས་ཅན་ལྷ་མོ་དགྱེས་པའི་ཞལ་འཛུམ་འཛུམ། །འཛུམ་བག་ཉམས་ཀྱིས་སྒེག་པའི་སྒྱུ་འཕྲུལ་གར། །གར་སྟབས་ཁོ་བོའི་མགྲིན་པའི་པད་མཚོའི་དཀྱིལ། །དཀྱིལ་འཁོར་གང་བའི་ཟླ་ལྟར་མཛེས་བཞིན་དུ། །དུ་མར་སྤྲུལ་པའི་ཟློས་གར་དེ་རྨད་བྱུང་། །བརྩོན་པའི་དཔྱིད་ཀྱི་མངལ་ལས་སྦྲུམ། །ཤེས་རབ་དབྱར་གྱི་རྒྱལ་མོ་དར། །ལེགས་བཤད་འབྲས་བུའི་ཁུར་གྱིས་དུད། །རིག་པའི་དྲི་བསུང་ཆེས་ཆེར་རྒྱས། །ལུང་གི་ལོ་འདབ་ཕང་ཕུང་ཅན། །མི་འཇིག་དམ་བཅའ་རྩ་བ་བརྟན། །ངག་གི་དོན་ཀུན་འབད་མེད་དུ། །ལྷུན་གྱིས་གྲུབ་པའི་དཔག་བསམ་དབང་། །བློ་གྲོས་ཀུན་གསལ་ཡངས་པ་ལ། །སྨྲ་མཁས་བཅུ་གཉིས་བདག་པོའི་དཔལ། །(༡༤༢བ)

― GLG020_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

སྐལ་བཟང་པད་དཀར་གཞོན་ནུའི་ཚོགས། །དགའ་སྟོན་སྟེར་བའི་གཉེན་གཅིག་བུ། །རྒྱ་ཆེན་རྣམ་དཔྱོད་ལྕགས་ཀྱུ་ཡིས། །མཚོ་བྱུང་ལྷ་མོ་འགུགས་བྱེད་པའི། །འཇིགས་པ་མེད་པའི་སྙིང་སྟོབས་ཀྱིས། །མ་རྨད་གོ་ཆ་བཙན་པོ་གྱོན། །ཐུབ་པའི་བསྟན་ལ་འཆད་རྩོད་དང་། རྩོམ་པའི་ལང་ཚོ་དར་བའི་ཁ། ལྷག་པའི་ལྷ་ཡི་རབ་ཕྱེ་བས། །ཀུན་ལས་རྣམ་པར་རྒྱལ་བའི་སྡེས། །མང་ཐོས་གསེར་གྱི་རྩིབས་སྟོང་གིས། །ཆོས་ཀྱི་འཁོར་ལོས་སྒྱུར་བའི་དཔལ། །འདོད་པ་མེད་པར་ལྷུན་གྲུབ་པའི། །རྫོགས་ལྡན་དགའ་སྟོན་དཔལ་དེ་དར། །དེ་ལྟར་དགེ་ཚོགས་ཤུགས་དྲག་དྲི་གཞོན་གྱིས། །མི་མཐུན་རྒུད་པའི་ཆུ་འཛིན་མཐར་བསྐྲད་ནས། །བསྟན་དང་འགྲོ་བའི་ཉེར་འཚོའི་རྟ་ལྗང་ཅན། །ཕན་བདེའི་སྣང་བས་སྲིད་འདི་ལེགས་ཁྱབ་ཅིང་། །ཕུལ་བྱུང་བློ་གྲོས་ཡིད་བཞིན་དབང་གི་རྒྱལ་པོ་མཆོག་གང་གི །ལུང་དང་རྟོགས་པའི་འདོད་དགུར་སྤྱོད་པའི་སྐལ་བ་བཟང་པོ་ཡི། །གྲགས་སྙན་ཕྱོགས་ཀྱི་རྣ་ལུང་རབ་མཛེས་ཀུན་མཁྱེན་བཙོང་ཁ་པའི། །ཆོས་དང་སྲིད་ཀྱི་དཔལ་ཀུན་སྲིད་མཐར་འཕེལ་ཞིང་དར་བ་དང་། །བཅུ་ཕྲག་རིག་པའི་གསེར་གྱི་ཁྲིར་འགྱིང་ཆོས་ཀུན་ལྟ་བའི་མིག་སྟོང་ཅན། །རྣོ་ངར་རིག་པའི་རྩེ་བརྒྱ་འཛིན་མཁས་ཀུན་ལས་རྣམ་པར་རྒྱལ་བའི་ལྷ། །མཁས་མང་འཆི་བ་མེད་པའི་དབང་ཕྱུག་ཤོང་དཔང་བརྒྱུད་པའི་བསྟན་པ་ཡི། །ལེགས་བཤད་བདུད་རྩིས་ཀུན་ནས་འཚོ་བའི་དགའ་སྟོན་མཆོག་ཏུ་རྒྱས་གྱུར་ཅིག །དེ་ལྟར་མཁས་པ་ཐམས་ཅད་(༡༤༣ན)

― GLG020_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དགའ་སྟོན་བླ་ན་མེད་པའི་སྙན་ངག་མེ་ལོང་འདི་ཉིད། འཇམ་དཔལ་དབྱངས་ཤོང་སྟོན་ལོ་ཙཱ་བས་བསྒྱུར་བ་ནས་བཟུང་། སྙིགས་དུས་ཀྱི་ཀུན་མཁྱེན་གཉིས་པ་ཞ་ལུ་ལོ་ཙཱ་བ་རིན་ཆེན་ཆོས་སྐྱོང་བཟང་པོའི་བར་དུ་དར་རྒྱས་ཆེ་ཞིང་། དེ་ནས་ཀྱང་འཇིག་རྟེན་གྱི་མིག་གཅིག་པུ་དེའི་དྲིན་གྱི་བློ་གསལ་མང་པོར་འཕེལ་བའི་རྒྱུད་ལས་མཆོག་ཏུ་གྱུར་པ། སྒང་རྒན་འོད་ཟེར་རྒྱལ་མཚན་དང་། གྲངས་ཆེན་འཇམ་དཔལ་རྡོ་རྗེ་གཉིས་ཀྱི་ལེགས་བཤད་ཡོངས་སུ་རྫོགས་པ་ཐོབ་པ་སྨོན་འགྲོ་པཎྜི་ཏ་རིག་གནས་རྒྱ་མཚོའི་ཕྲེང་བ་འཛིན་པ་ཙམ་མ་གཏོགས། ཚུལ་བཞིན་སྦྱངས་པས་ཤེས་པའི་མཁས་པ་ཉུང་བར་གྱུར་ཅིང་། ཁྱད་པར་དིང་དུས་གཞུང་གི་གནད་ཕྱོགས་ཙམ་མ་རིག་པར། སྔོན་གྱི་མཁས་པའི་སྙན་ཚིག་དཔེར་བླངས་ན་ཚིགས་བཅད་དམ་དུམ་སྦྱོར་བ་ལ་སྙན་ངག་ཤེས་པར་སྨྲ་བ་སོགས་གཞུང་ལུགས་ཐ་སྙད་རིག་པ་གང་ལ་ཡང་མ་བསླབས་པར་ཤེས་པའི་ཀུན་མཁྱེན་དང་པཎྜི་ཏ། ལམ་གྱི་གནད་ཅུང་ཟད་མ་བསྒོམས་པར་ཐོབ་པའི་གྲུབ་ཆེན་དང་སྤྲུལ་སྐུ། ཁ་ཟས་འདི་ཙམ་གྱིས་ལྟོ་བ་ཁེངས་མི་ཁེངས་ཀྱི་ཚོད་ཀྱང་མི་ཐིངས་པར་དུས་གསུམ་རྟོགས་པའི་མངོན་ཤེས་སོགས་རྒྱུ་མེད་པར་འབྲས་བུ་སྐྱེད་པའི་སྣང་ཚུལ་ཅི་མང་ཞིག་གངས་ཅན་འདིར་མཆིས་ཀྱང་། ཁོ་བོ་ནི་འོ་སྐོལ་གྱི་སྟོན་པ་ཉི་མའི་གཉེན་གྱིས་རྒྱུ་འབྲས་ཀྱི་རྣམ་གཞག་མདོ་སྡེ་དུ་མར་བཀའ་སྩལ་བ་ལ་ངེས་པ་(༡༤༣བ)

― GLG020_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

རྙེད་པའི་དབང་གིས་ན། ཚིགས་བཅད་ཙམ་རྩོམ་ཤེས་པའི་བློ་རྩ་མ་གཏད་པར། སྨོན་འགྲོ་པཎ་ཆེན་གྱི་རིགས་ཆོས་ཀྱི་རྒྱུད་འཛིན་སྐད་གཉིས་སྨྲ་བའི་དཔྱོད་ལྡན་འཇམ་དབྱངས་དབང་རྒྱལ་རྡོ་རྗེ་ལ་ལམ་རྣམ་པར་དབྱེ་བ་རྣམས་ལ་བཟུང་། སྐྱོན་བཅུ་སྤོང་བའི་བར་གྱི་གཞུང་དོན་ཡོངས་སུ་རྫོགས་པའི་དཀའ་གནད་དང་བཅས་པ་ནན་ཏན་དུ་ཐོས་ཤིང་། དཔེར་བརྗོད་ཀྱི་རྩོམ་རྒྱུགས་སོགས་ཞིབ་མོར་བྱས་ཏེ་ཁོང་དུ་ཆུད་པར་བརྟེན། སློབ་དཔོན་མཁས་པ་ཉིད་ཀྱིས་ཀྱང་ལེགས་སོ་དང་བཅས། འགྲེལ་པ་ཞིག་བརྩམས་ན་ལེགས་པའི་མཚམས་སྦྱར་ཞིང་། སོ་ཟུར་གནུབས་གསུམ་སྔགས་པའི་རྒྱལ་པོར་གྲགས་པའི་ཟུར་གྱི་རིགས་སྔགས་འཆང་པའི་རྒྱུད་དུ་བྱུང་ཞིང་། གསང་སྔགས་གསར་རྙིང་དང་ཐ་སྙད་རིག་པ་སོགས་ལ་རྣམ་པར་དཔྱོད་པའི་སྣང་བ་མཆོག་ཏུ་ཡངས་པའི་ཆོས་ཀྱི་རྗེ་སྔགས་རམ་པ་དཔལ་འབྱོར་འཕྲིན་ལས་རབ་རྒྱས། རང་གི་གམ་དུ་ཉེ་བར་བཅར་པའི་ཕྱོགས་འདི་ལ་མོས་པ་གྲོང་སྨད་པ་འཕྲིན་ལས་རྒྱ་མཚོ། གསོ་རིག་སྨྲ་བ་བློ་བཟང་གཞན་ཕན་དབང་པོ། ཡིག་རིགས་བཅུ་ཕྲག་ཤེས་པའི་སོར་མོའི་འདུ་བྱེད་པ་ངག་དབང་དགེ་ལེགས། སའི་ཚངས་པ་བསྟན་འཛིན་ཆོས་ཀྱི་རྒྱལ་པོའི་མདུན་དུ་ལུགས་གཉིས་ཀྱི་བློ་གྲོས་ཅན་དཀའ་བཅུ་བ་ཤེས་རབ་རྒྱ་མཚོ་སོགས་ཀྱིས་བསྐུལ་བ་དང་། བླ་མ་འཇམ་དཔལ་དབྱངས་དང་ཞལ་མི་གཉིས་པ་གང་གི་བསྟན་པ་རིན་པོ་ཆེ་འདི་ལ་སྔོན་ཆད་ཞང་ཞུང་པ་ཆོས་དབང་གྲགས་པ་དང་(༡༤༤ན)

― GLG020_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་ཅན་བཞད་པའི་རྡོ་རྗེ་དགེ་འདུན་རྒྱ་མཚོ་སོགས་དུ་མ་བྱོན་ཡང་། དེང་དུས་ཕྱོགས་འདི་ལ་ལྗགས་ཀྱི་དབང་པོ་རྐྱོང་བ་ཉིན་སྐར་ལྟར་གྱུར་པ་ནས། གཞན་ཕྱོགས་པ་འགས་ཐ་སྙད་མི་ཤེས་ཞེས་ཁ་ཟེར་བ་འགོག་པ་དང་། ཤོང་དཔང་བརྒྱུད་པའི་བསྟན་པ་ཡུན་རིང་པོར་གནས་པའི་ཆེད་དུ་ལྷག་བསམ་གྱིས་ཀུན་ནས་བསླང་སྟེ། གཞུང་དོན་རྫོགས་པར་བཀྲལ། གྲོལ་བ་དང་ནི་རིགས་དང་མཛོད། ཅེས་པ་ནས་སྐྱ་སེང་བུ་ལྔ་དག་གི་ནི། །ཞེས་པའི་བར་གྱི་དཔེར་བརྗོད་མཐའ་དག་རང་བློས་བསྐྲུན། གོ་སླ་བ་རྣམས་ཚིག་ཉུང་ངུ་དང་དཀའ་གནས་ཀུན་ཞིབ་མོར་བཀྲོལ་བའི་སྙན་ངག་མེ་ལོང་གི་དཀའ་འགྲེལ་དབྱངས་ཅན་དགྱེས་པའི་གླུ་དབྱངས་ཞེས་པ་འདི་ཡང་། གནམ་སྐོས་ཀྱི་རྒྱལ་པོ་དཔལ་ཕག་མོ་གྲུ་པའི་བློན་པོ། འཕགས་ཡུལ་པའི་རྒྱལ་རིགས་སཱ་ལ་པ་ཆེན་པོ་ཟ་ཧོར་གྱི་རིགས་ལས་བྱུང་ཞིང་། དུས་གསུམ་རྒྱལ་བ་ཐམས་ཅད་ཀྱི་ངོ་བོ་འཇམ་མགོན་ཆོས་ཀྱི་རྒྱལ་པོ་ཙོང་ཁ་པ་ཆེན་པོའི་རིང་ལུགས་པ་ངག་གི་དབང་ཕྱུག་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེའམ་སྐད་གཉིས་སྨྲ་བའི་སྙན་ངག་མཁན་ཚངས་སྲས་ཞད་པའི་རྡོ་རྗེ་གདོང་དྲུག་དགའ་བའི་བཤེས་གཉེན་དུ་འབོད་པས། རྒྱལ་བ་ཟས་གཙང་གི་སྲས་པོ་དྲག་པོ་ཞེས་པ་ལྕགས་སྤྲེལ་ལ་སྐུ་བལྟམས་ནས་ཉིས་སྟོང་དྲུག་རྒྱ་དྲུག་ཏུ་སླེབ་ཅིང་། རང་ལོ་སོ་གཅིག་པ། འཕགས་ཡུལ་བ་ཨཱ་ཛི་ཏ། ཕྱོགས་འདིར་ཐམས་ཅད་འདུལ་དུ་གྲགས་པ། རྒྱ་ནག་གི་རྒྱལ་ཁབ་ཏུ་ཏིང་ཧ་ཞེས་མེ་ཕག་ཆུ་ཤེལ་གྱི་དབང་པོ་སྨིན་དྲུག་གིས་ཉ་བའི་དཀར་ཕྱོགས་ཀྱི་དགའ་བ་གསུམ་པ། དུས་འཁོར་བའི་ཡ་ཎའི་དབྱངས་ཧ་གསལ་བྱེད་ཇི་འཆར་ཞིང་། ཁམས་ནམ་མཁའ། སྙིང་སྟོབས་ཀྱི་སྙིང་སྟོབས་གསལ་ཆེན་པོའི་བུ་མོ་དབྱངས་འཆར་བའི་དམར་ཕྱོགས་ཀྱི་དགའ་བ་གསུམ་པ། དབྱངས་ཨ་གསལ་བྱེད་(༡༤༤བ)

― GLG020_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

ཝ་ཁམས་ས། འདོད་ཡོན་དྲི་འཆར་བའི་ཚེས་ལ་ཆོས་སྡེ་ཆེན་པོ་དཔལ་ལྡན་འབྲས་སྤུངས་ཀྱི་གཟིམ་ཁང་ལུགས་གཉིས་ཀྱི་མདུན་ས་དགའ་ལྡན་ཕྱོགས་ཐམས་ཅད་ལས་རྣམ་པར་རྒྱལ་བའི་ཕོ་བྲང་དུ་དབུ་བཙུགས། ལོ་དེ་ཁའི་མགོ་ཟླ་བའི་དམར་ཕྱོགས་ཀྱི་རྒྱལ་བ་གཉིས་པའི་ཚེས་ཀྱི་ཏཏྐཱལ་གཞུའི་དུས་སྦྱོར་ལ་རྫོགས་པར་གྲུབ་པའི་མཐུས། གནས་ལྔ་རིག་པའི་བསྟན་པ་ཕྱོགས་དུས་ཀུན་ཏུ་དར་བའི་ལེགས་ཚོགས་སིདྡྷིར་སྟུ། །ནམ་སྶརསྭསྟྱཻ། འཛད་པ་མེད་པ་རྒྱལ་ཀུན་མཁྱེན་པའི་ཕུང་པོར་སྤུངས་པའི་ནོར། །མཛེས་སྡུག་དྲི་ཟའི་བུ་མོའི་གཟུགས་སུ་གྲུབ་པའི་ལང་ཚོ་ཅན། །རྒྱུད་མང་འཕྲུལ་ལས་ཟབ་རྒྱས་ཆོས་ཀྱི་གླུ་ཡི་དབྱངས་སྙན་པོ། །གདུ་བུའི་སྒྲ་དང་ལྷན་ཅིག་སྒྲོགས་ཤིག་ངག་དབང་ལྷག་པའི་ལྷ། །ཤེས་བྱའི་རང་བཞིན་ཕ་མཐའ་བྲལ་བའི་མཁའ། །མཐའ་ཀླས་ཚིག་གི་སྦྱོར་བའི་གཤོག་རླབས་ཀྱིས། །འཇམ་པའི་བྱེད་པོ་མཁས་དབང་དཎྜི་ཡི། །ངོ་མཚར་གཞུང་བརྒྱའི་རྩེར་སོན་མེ་ལོང་མ། །ཚུལ་འདིའི་གཞུང་དོན་འཆད་དང་རྒྱན་གསུམ་ཚིག །སྨྲ་བའི་དབང་ཕྱུག་ཤོང་པང་ལོ་ཙཱ་བའི། །དྲི་མེད་བརྒྱུད་པ་འཛིན་པའི་འཇིག་རྟེན་མིག །ཕལ་ཆེར་དུས་ཀྱི་བསྐལ་བས་ཆེས་ཆེར་ནོངས། །མཁས་པའི་ངག་སྒྲོས་རྐུ་དང་གྲོང་པའི་ཚིག །རྣམ་པར་བཅད་ལ་སྙན་ངག་པར་རློམ་དང་། །མགྲིན་པའི་རྩ་འཁོར་གྲོལ་བའི་སྒྲོ་བཏགས་ཅན། །སྙིང་མེད་ཆུ་ཤིང་ལྟ་བུའི་སྐྱེ་བོས་གང་། །འོན་ཀྱང་དེང་དུས་གཙུག་ལག་བྱེ་བའི་སྒོ། །འབྱེད་ལ་འཇམ་དབྱངས་སྨོན་གྲོ་ལོ་ཙཱ་བ། །འཇིག་རྟེན་མེས་པོ་རྣ་བ་བརྒྱད་པ་ཡིས། །བསམས་བཞིན་སྤྲུལ་པར་ངེས་ལས་གཞན་དུ་ཅི། །གང་དེའི་དྲིན་ལས་མི་འཇིགས་སྤོབས་པ་མཆོག །དགེ་བའི་བློ་གྲོས་མི་དམན་ཡངས་པ་ལས། །དཀའ་བའི་གནད་ཀྱིས་མདུད་ཀུན་འགྲོལ་བྱེད་པའི། །མཁས་རྣམས་དགའ་བ་སྐྱེད་པར་བྱེད་འདི་(༡༤༥ན)

― GLG020_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྲུན། །སྙན་འགྱུར་ཆ་ཤས་རྫོགས་པའི་པུསྟ་ཀ །སྔོན་མེད་ཟླ་བ་འདྲེན་པའི་ཆོ་ག་མཁན། མི་ཟད་པར་གྱི་རླུང་གི་ཤིང་རྟ་ཡིས། །ཤེས་ལྡན་གླིང་བཞིའི་མུན་པ་ཅིག་ཅར་སེལ། །གཟིགས་མོར་ཚར་དུ་དངར་བྱེད་ཡི་གེའི་གཟུགས། །སོར་མོའི་འཕྲུལ་ལྡན་བློ་བཟང་མཆོག་གྱུར་དང་། །བསོད་ནམས་བསམ་འགྲུབ་སྨིན་གྲུབ་བསྟན་པ་རྣམས། །བི་ཤྭ་ཀརྨ་ས་འདིར་འོངས་པ་བཞིན། །ཚུལ་འདིར་ལུས་ངག་ཡིད་གསུམ་འབད་པ་ཡིས། །རྣམ་དཀར་དགེ་བའི་འབྲས་བུའི་བཀྲ་ཤིས་དུང་། །མ་སྨད་གཡས་སུ་འཁྱིལ་བའི་ཕན་བདེའི་སྒྲ། །སྲིད་པའི་རྩེ་མོའི་བར་དུ་སྒྲོག་གྱུར་ཅིག །བསོད་ནམས་ཆུ་གཏེར་འཁྱིལ་བའི་རྫིང་ཆེན་པོར། །ཚེ་དཔལ་འབྱོར་པའི་གཉིས་སྐྱེས་ལུས་དཀར་ཙམ། །བདེ་བའི་སྙན་འགྱུར་གླུ་དབྱངས་སྒྲོག་བཞིན་དུ། །སྐྱིད་པའི་ཕུར་ལྡིང་རྩེ་འཇོར་རོལ་གྱུར་ཅིག །དག་པ་དོན་དམ་འགྱུར་མེད་རྡོ་རྗེའི་ཁམས། །ལྷུན་གྲུབ་མཚན་དཔེས་བརྒྱན་པའི་གར་མཁན་མ། ཟུང་འཇུག་སྐུ་བཞིའི་དཔལ་དེ་མངོན་འགྱུར་ནས། །དོན་གཉིས་འབྲས་བུར་ལོངས་སུ་སྤྱོད་གྱུར་ཅིག །(༡༤༥བ)

― GLG020_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་ཡུལ་མཁས་པའི་གཙུག་རྒྱན་སྨྲ་བའི་དབང་ཕྱུག་དཎྜིའི་ལེགས་བཤད་མེ་ལོང་གི་དཀའ་འགྲེལ་འདི་རྩོམ་པ་ལ། ཐོག་མར་རང་གིས་ཚུལ་བཞིན་དུ་བསླབ་སྦྱང་བྱས་པ་སྔོན་དུ་འགྲོ་དགོས་པས། རྒྱ་གར་ཆུ་བོ་གངྒཱ་ཚུན་ཆད་དུ་རིག་པའི་གནས་ལྔ་ལ་ཡང་འགྲན་ཟླ་མེད་པའི་མཁས་པ་ཆེན་པོ། སྨོན་འགྲོ་ལོ་ཙཱ་བ་རིག་གནས་རྒྱ་མཚོའི་ཕྲེང་བ་འཛིན་པ་ཚེ་དབང་དོན་གྲུབ་ཀྱི་ཆོས་ཀྱི་སྲས་འཇམ་དབྱངས་དབང་རྒྱལ་རྡོ་རྗེའི་དྲུང་དུ་རིག་གནས་འདི་ལ་སྦྱངས་སྐབས། གོ་དོན་དང་རྩོམ་རྒྱུགས་ལ་བསྔགས་བརྗོད་འདི་ལྟར་མཛད་དོ། །ཟ་ཧོར་རྒྱལ་རིགས་ཡོངས་འདུའི་འཁྲི་ཤིང་རྩེར། །འཇིག་རྟེན་དབང་ཕྱུག་དགྱེས་པའི་མེ་ཏོག་དཀར། །ཡོངས་འཛིན་ལྷ་དང་བཅས་པའི་གཙུག་རྒྱན་དུ། །བསྔགས་འོས་འདི་ནི་ངོ་མཚར་ཨེ་མ་ཕུལ། །གང་གི་མཁྱེན་བཟང་སྤྲིན་གྱི་བ་གམ་རྩེར། །སྙན་ཚིག་ཉམས་ཀྱི་འབྲུག་སྒྲ་བཞད་པའི་ཚེ། །བདག་ལུས་ཙནྡན་ནགས་ཀྱི་ཁང་བུ་ན། །སེམས་ཀྱི་མདོངས་མཐའ་དགའ་བའི་གར་གྱིས་བྲེལ། །ཤོང་པང་བླ་མའི་ལེགས་བཤད་བདུད་རྩིའི་རྒྱུན། །མ་ལུས་ཐུགས་ཀྱི་བུམ་པར་ལེགས་བསྡུས་ནས། །བློ་གསལ་འགྲོ་ལ་ཨ་བྷི་ཥཱི་ཉྩའི་ཆུ། །རིགས་མེད་འགྱེད་པའི་སྨོན་འགྲོ་ལོ་ཙཱ་བ། །དེ་རིགས་ག་བུར་འཐུལ་བའི་ནགས་ཀླུང་ནས། །རིག་གནས་དྲི་(༡༤༦ན)

― GLG020_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས་དབེན་པ་ཕལ་པའི་ཤིང་། །སྙོམ་ལས་ལོ་མའི་ཁུར་གྱིས་དུད་པ་དེའི། །ལག་པའི་ཡལ་འདབ་འཛུམ་ཞིང་འདི་སྐད་ཞུ། །གང་ཚེ་སྙན་ཚིག་ཨུ་དུམྦཱ་རའི་ཕྲེང་། །མཁས་མང་རྣམ་དཔྱོད་ཡངས་པའི་སྐུ་རྒྱན་དུ། །གསལ་བར་འགོད་པའི་མཁྱེན་ལྡན་དགེ་དབང་ཡང་། །ཁེངས་པ་ཉམས་ཏེ་མཐོ་རིས་བྲོས་སམ་སྙམ། །ཞེས་སོ། །དཀའ་འགྲེལ་འདི་བརྩམས་ཟིན་ཕྲལ་པཎ་ཆེན་སྨོན་འགྲོ་ཡབ་སྲས་ཀྱི་དྲུང་དུ་རྩོམ་ཕུད་དང་ཞུས་དག་ལ་བསྲིངས་པའི་ཚེ། སྐུ་མདུན་ཆེན་མོས་ལན་དུ་འཕྲིན་ཡིག་འདི་ལྟར་རོ། །མདོ་སྔགས་སྡེ་སྣོད་གཙུག་ལག་གི་འབྱོར་བ་མ་ཚང་བ་མེད་ཅིང་མངོན་པར་འབྱོར་བའི་མིའི་ཉི་མ། མཁྱེན་རབ་ནོར་བུ་འབུམ་ཕྲག་གིས་གཏམས་པའི་ས་མུ་དྲ། རྣམ་དཔྱོད་ཀྱི་འོད་སྣང་ལྷག་པར་གསལ་བའི་ཟླ་བ། མཁས་པ་ཐམས་ཅད་ཀྱི་གཙུག་གི་ཅོད་པན། ཕྱོགས་ལས་རྣམ་པར་རྒྱལ་བའི་ཞབས་ཀྱི་པདྨོར། རྒན་བུའི་སོར་བཅུ་སྙིང་ཁར་བཀོད་ནས་ཞུ་བ། བྱང་ཕྱོགས་གངས་རིའི་ལྗོངས་འདི་ན། ཐ་སྙད་གཙུག་ལག་བརྫུན་གྱི་འཁྲུལ་གཏམ་དབྱངས་སུ་ལེན་པར་སྤྲིན་གྱི་རྔ་གསངས་སྒྲོག་མཁན་ཤིན་ཏུ་མང་ཡང་། ལེགས་བཤད་འཆི་མེད་ལྷའི་རྔ་སྒྲ་ཙམ་གྱིས་ཀྱང་། སྨྲ་བྱེད་ཉི་མས་ཀུན་མུད་ཟུམ་པ་ལྟར་གྱིས་འཆད་རྩོད་རྩོམ་པའི་མཛད་བཟང་ཁོར་མོར་(༡༤༦བ)

― GLG020_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐོར་བའི་སྐབས་ནས། བཀའ་དམ་ཡིད་ཀྱི་གསོས་སྨན་དུ་གྱུར་པ་སྔ་ཕྱིར་ཕེབས་པས་དངོས་མཇལ་གྱི་དགའ་སྤྲོས་གྱུར་ལགས། སྔོན་མེད་པའི་སྙན་ངག་གི་འགྲེལ་པ་ཐམས་ཅད་ཀྱི་གཙུག་གི་ནོར་བུར་གྱུར་ངེས། ལྕམ་བུ་དང་ཟོལ་སྦྱོར་སྤངས་པའི་འདྲེན་བྱེད་ནས་བདུད་རྩིའི་རྒྱུན་ཡང་འཛག་པ་འདི་ཁར་གྱུར་པ། སྙན་ཊཱིཀ་འདི་ལ་ལྕགས་ནན་ཐར་གསུམ་གྱིས་དཔྱད་བརྡར་བྱས། བློ་ནས་ཅུང་ཟད་མི་གསལ་བ་རྣམས་ལ་པང་ལོ། གུང་ཐང་བདེ་བློའི་འགྲེལ་པ་སོགས་ཚད་ཐུབ་ལ། བདག་གཉིས་ཀས་ཞིབ་བལྟས་བྱས། རྒན་བུའི་མིག་ཤིན་ཏུ་གསལ་ཡང་། བབ་ཐེག་པོ་རང་མི་ཡོང་འདུག་པས། ཨོ་ལོས་བསྒྲགས། རྒན་བུས་སེམས་གཞན་ལ་མ་ཡེངས་པར་ཉན་ནས། དོགས་པ་ཡོང་འདྲ་སྙམ་པ་ཐམས་ཅད་ལ། སློབ་དཔོན་མཁས་པ་རྩོད་བྲལ་ཡོངས་ལ་གྲགས་པའི་གསུང་རྒྱུན་ཟབ་མོ་མ་བརྗེད་པ་རྣམས་ཤོག་ཟེར་ལ་ཡིག་ཆུང་དུ་བཀོད་པ་ལྟར། མཁྱེན་རབ་རྡོ་རྗེ་ཕ་ལམ་གྱིས་ཐུགས་གཞིག་འཇུག་པ་གནང་ཆ་དང་། ཞུ་དག་གྲུབ་ནས་འགྱང་ཙམ་སོང་ཡང་། སྟག་ཚང་ལོ་ཙཱའི་དུས་འཁོར་སྤྱི་དོན་ལ་མཆན་ཞིབ་གྲགས་ཞུ་དག་བྱེད་པ་འདི་ཁས། ད་བར་འགྱངས་པ་ལ་དགོངས་ཁྲེལ་མི་འཇུག་པ་དང་། སྙིང་པོའི་ཞུ་མཆིད། ད་ལམ་སྙན་ཚིག་གི་འགྲེལ་པ་འདི་པར་དུ་རྐོ་བ་གནང་ཚེ། རིག་གནས་ཀྱི་བསྟན་པ་ལ་ཕན་པ་གཞལ་དུ་མ་མཆིས་པ་འབྱུང་བ་ལྟར། (༡༤༧ན)

― GLG020_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་པ་ཁྱེད་ཀྱིས་ཆབ་ཤོག་ནས་བཟུངས་གསུང་རྩོམ་ཐམས་ཅད་པར་ལ་བཀོད་པ་མཁྱེན་མཁྱེན། བསྟན་པ་རིན་པོ་ཆེར་ཕན་ངེས་ལགས། སླར་ཕེབས་འོས་ཚོགས་དལ་འགྲོའི་རྒྱུན་ལྟར་དང་། རྒན་བུ་ལྔ་པའི་མཐར་གཏུགས་འདུག་པས། འདི་ཕྱི་ཐམས་ཅད་དུ་ཐུགས་བརྩེ་བ་ཆེན་པོས་རྗེས་སུ་འཛིན་པ་མཁྱེན་མཁྱེན་མཁྱེན། ཞུ་ཡིག་རྟེན་བཀྲ་ཤིས་ཁ་བཏགས་ལ་རྒྱ་མཛེས། ཧོར་ཟླ་བརྒྱད་པའི་དམར་ཕྱོགས་ཀྱི་དགའ་བ་གསུམ་པའི་ཚེས་བཟང་ལ་ཕུལ་བའི་ཞུ་ཡིག །སྲས་ཀྱི་འཕྲིན་ཡིག་འདི་ལྟར་རོ། །དུས་གསུམ་རྒྱལ་བའི་སྤྱི་གཟུགས་རྒྱལ་དབང་ཐམས་ཅད་གཟིགས་པའི་ཞབས་དྲུང་དུ། ཞུ་བ། སྐུའི་དཀྱིལ་འཁོར་གསེར་གྱི་རི་དབང་གུར་གུམ་གྱི་ཆར་པས་བཀྲུས་པ་ལྟར་བརྟན་ཞིང་། བརྗིད་ཆགས་པར་བཞུགས་པའི་རིང་ནས། ཉམས་དང་འགྱུར་བས་ཡོངས་སུ་སྒེག་པའི་ཐུགས་དམ་སྙན་ཚིག་གི་ཕྲེང་བ་དང་། རྨ་བྱའི་མགྲིན་པའི་ཁ་དོག་ལ་འགྲན་པའི་གོས་བཟང་། ལྷ་རྫས་ཟླ་བའི་གྲོགས་པོ་དང་ཆབས་ཅིག་པར། དཎྜིའི་ཞལ་ལུང་དང་མཐུན་པའི་ཚིག་རྒྱན་གྱི་འགྲེལ་པ་ཟླ་མ་མཆིས་པ་རྣམས་སྤྱི་བོའི་ཅོད་པན་དུ་འབྱོར་ཞིང་། ཉེ་བར་ཡང་། ཐུགས་དམ་ཞིབ་འཁོད་བཀྲ་ཤིས་པའི་དར་དང་བཅས་ཕྱག་རྒྱའི་རེ་ཁ་མ་ཉམས་པར་ཟུར་ཕུད་ཀྱི་རྒྱན་དུ་ཐོབ་པས། བདག་སེམས་ཀྱི་གཉིས་སྐྱེས་གཞོན་ནུ་(༡༤༧བ)

― GLG020_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་གཏན་གསུམ་པའི་རྩེ་དགའ་ལ་རེག་པར་གྱུར་ལགས། ཆེད་ཞུས། སྤྱིར་དཔང་ལོ་ཆེན་པོའི་འགྲེལ་པ་ཚད་གཏུག་ཏུ་སྣང་ཡང་། ཧ་ཅང་ཚིག་སྣེ་བསྡུས་གྲགས་ཤིང་། གཞན་མ་གངས་རིའི་ལྗོངས་འདིར་སྙན་ངག་སྨྲ་བ་ཕལ་ཆེ་བ་ནི་ཉེས་བཤད་མུན་པའི་ལམ་དུ་འཁྱམས་པ་ཁོ་ན་ལས། གཞན་དུ་མ་མཐོང་ལགས་ཀྱང་། ད་ལམ་དཎྜིའི་དགོངས་དོན་པདྨའི་ཚལ་རྣམས་དུས་གཅིག་ཏུ་ཕྱེ་བ་ལ། གསལ་བྱེད་ཀྱི་ཉི་མ་མཆོག་འདི་ལེགས་བཤད་ཀྱི་འོད་སྟོང་སྤྲོ་བཞིན་པར་ཤར་བས། བདག་སོགས་རིག་གནས་པའི་བུང་བ་རྣམས་གཏམ་སྙན་གྱི་གླུ་དབྱངས་ཕྱོགས་བཅུར་སྒྲོག་པ་ལ་ཆས་པར་གྱུར་ལགས་ཤིང་བཀའ་རྩོམ་གསར་གནང་ལ། ལགས་དྲུང་དང་ཐུན་མོང་ནས་ཞུ་དག་ཞིབ་ཏུ་གྲུབ་བསྟུན། ཅུང་ཟད་ཐེ་ཚོམ་པ་ཙམ་གྱི་རིགས་ལ་ཤོག་ཟེར་དང་བཅས་སྟག་ཚང་པའི་དུས་འཁོར་སྤྱི་དོན་ཞལ་བཤུས་གྲུབ་པར་ཞུས་དག་དིང་སང་བྱེད་རྩིས་ཀྱི་འཕྲལ་ཉིད་དུ་འབུལ་རྩིས་ལགས་ནའང་། ད་ལམ་སྡེབས་སུ་འབུལ་རྒྱུ་མ་བྱུང་བར། རྣམ་དབྱིངས་དམ་པ་མི་ཁྲེལ་བ་མཁྱེན་མཁྱེན་ཞིང་། སླད་ནས་དུས་འཁོར་གྱི་སྤྱི་དོན་འབུལ་བ་དང་བཅས། སྐུ་ཞབས་སུ་འཕྲལ་ཉིད་རྫོང་སྟར་ཞུ་དགོས་འདུག་པ། ཞིབ་ཞུས་ནང་སོ་གྲོང་སྨད་ནས་ཀྱི་ཞུ་ཤོག་ཏུ་ཕུལ་བ་ལྟར། དབྱིངས་བཞུགས་མཁྱེན་ངོས་(༡༤༨ན)

― GLG020_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

ཕེབས་འོས་ཀྱང་གངྒཱའི་རྒྱུན་ལྟར་མཁྱེན་མཁྱེན་ལགས། ཞུ་ཡིག་འདེགས་རྟེན་བཀྲ་ཤིས་པའི་ལྷ་རྫས་གངས་རིའི་མདངས་ལྡན་ལ་རྒྱ་མཛེས་དང་བཅས་ཉེ་བར་ཞུ་ཐོ། དེ་ལྟར་ཅུང་ཟད་ཐེ་ཚོམ་པ་རྣམས་ཀྱི་རིགས་ལ་ཤོག་ཟེར་འདུག་པར་དཔྱད་པ་བྱེད་དགོས་རྣམས་ཁོ་བོ་ཤར་ཕྱོགས་གོང་མ་ཆེན་པོའི་དྲུང་དུ་བགྲོད་པ་སོགས་ཀྱིས་གཡེངས་ཏེ་འགྱངས་པ་ལས་སླར་ཡང་ལོ་བཞི་བཅུ་པ་མེ་མོ་སྤྲེའུའི་ལོར་ཞུས་དག་པར་བྱས་པ་ཡིན་ནོ།། །།

རྩིས་སྐར་ནག་ལས་བརྩམས་པའི་དྲིས་ལན་ཉིན་བྱེད་དབང་པོའི་སྣང་བ།

― GLG020_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

རྩིས་སྐར་ནག་ལས་བརྩམས་པའི་དྲིས་ལན་ཉིན་བྱེད་དབང་པོའི་སྣང་བ་ཞེས་བྱ་བ་བཞུགས་སོ། །

མཆོད་བརྗོད་དང་རྩོམ་པར་དམ་བཅའ་བ།

― GLG020_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

དི བཱ རེ ནྡྲ སྱ དྱཱ ནུ ནཱ མོ ག ཎ ཀི རྣ ཀྵ ཏྲེ བྷི ཤྩཱི ནཱ དཱ ར མྦྷ རྣཱཾ བྲ ཤྣོ ཏྟ རོ བི ཧ ར ཏི སྨ། བ ནྡྷི ཏྱོ ཥྞཱི ཥ ཨ གྲཱ ཏི ཤ ཙ སུ ཁ མ ཧཱ ཙ པྲ པུ ཥྚི ར ཡུ བ ནྱཱ ཨཱི བཱ ཤུ ཀླ ཀུ མུ ངྻ ཤྴརཝ ན ཀ ར མ ཎཽ ཀུ ཎྜ ལི༔ པ ཏྲ ཤུ ཀྲ། ཕུལ་བྱུང་བདེ་ཆེན་ལང་ཚོ་རབ་རྒྱས་ཀུན་ད་ལྟར་དཀར་བྱང་ཆུབ་སེམས། །ནམ་ཡང་འཕོ་མེད་གཙུག་ཏོར་རྩེར་བཅིངས་ནོར་བུའི་ཡོལ་གོར་ལེགས་འཁྱིལ་བས། །(༢ན)

― GLG020_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

།བྱོ ཏྟ རྱི རྣཱ ཤ ཡཱ པ དྦྷ ར ཛ མ ཀ ན མཿ ཀཱ ལ ཙ ཀྲོ ནི མི ཏྟཱ ནུ བྱ ཉྫ རྱཱ དི བུ དྡྷ ཤྴི བ ཙ བྷ ཝ ཨ ཧོ མཱ ཡ ཙཱ ཤུ ནྱ རཱུ པ ། སྟོང་གཟུགས་མཚན་དཔེའི་ངོ་མཚར་སྒྱུ་འཕྲུལ་སྲིད་ཞིའི་རྒུད་པའི་ཚོགས་བཅིལ་བ། །རྣམ་ཀུན་མཆོག་ལྡན་དང་པོའི་སངས་རྒྱས་ཟུང་འཇུག་དུས་ཀྱི་འཁོར་ལོར་འདུད། །ལེགས་པའི་ཆ་བསགས་གྲོང་ཁྱེར་ཤམྦྷ་ལར། །ས་དབང་ཚུལ་བཟུང་ཁྱབ་བདག་འཁོར་ལོའི་མགོན། །ཆོས་རྒྱལ་བདུད་དང་རིགས་ལྡན་ཉེར་ལྔ་ཡི། །ཞབས་སེན་བུང་བ་སྤྱི་བོའི་པད་མཚོར་བསྟེན། །(༢བ)

― GLG020_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་དཔྱོད་རླུང་གིས་གཞུང་ལུགས་ཉིན་མོར་བྱེད། །གངས་ཅན་ལྷ་ཡི་ལམ་དུ་འདྲེན་མཛད་པས། །ལོ་པཎ་མཁས་པའི་རྣམ་པར་ཐར་པ་ལ། །བསམ་ཀྱིན་བརྗོད་དུ་མེད་པའི་བཀའ་དྲིན་དྲན། །རྒྱལ་ཀུན་མཁྱེན་བརྩེའི་སིནྡྷུ་ཝ་རའི་མདངས། །འཇམ་དཔལ་རྡོ་རྗེ་རྣོན་པོར་ཤར་བའི་གར། །བཤེས་གཉེན་ཚུལ་གྱིས་རྣམ་རོལ་བཙོང་ཁ་པ། །མཁས་གྲུབ་ཡོངས་ཀྱི་འཁོར་ལོས་སྒྱུར་པའི་དཔལ། །གསུང་རབ་ཕྱོགས་རེར་སྦྱངས་པའི་གོམ་སྟབས་ཅན། །མཁས་རློམ་གླང་པོའི་ལྷ་ཆེན་མཐོང་བའི་ཚེ། །གྲགས་པ་དོན་ལྡན་ལོ་ཆེན་སྟག་ཚང་པ། གནས་ལྔའི་བསྟན་པ་རྒྱས་མཛད་ཁྱོད་མིན་སུ། །རྒྱ་ཆེན་ཤེས་བྱ་ཀུན་རིག་ཆོས་ཀྱི་གྲགས། །ཟུང་འཇུག་སྒྱུ་མའི་གར་མཁན་ནོར་བུ་བཟང་། །ཕུག་ལུགས་ཤིང་རྟ་ཆེན་པོ་ལྷུན་རྒྱམ་པ། །དཔལ་མགོན་འཕྲིན་ལས་སྙན་པའི་གྲགས་པ་འབར། །གཙུག་ལག་སྨྲ་བའི་དབང་ཕྱུག་ཟུར་རིགས་རྗེ། །རིག་གནས་རྒྱ་མཚོའི་འཕྲེང་འཛིན་སྨོན་འགྲོ་བ། །མདོར་ན་བདག་བློ་ཆེས་ཕྲའི་ཟ་མ་ཏོག །ལེགས་བཤད་བདུད་རྩིས་གང་བར་མཛད་རྣམས་རྒྱལ། །དཀའ་གནས་དྲི་བའི་ཚིག་གི་པདྨ་དཀར། །ཟབ་ཅིང་བརླིང་པའི་འདབ་མ་སྟོང་ལྡན་པ། །བླུན་རྨོངས་ཚོགས་པའི་ཐུན་གསུམ་ཟུམ་པའི་ཁ། །དྲིས་ལན་ཉི་མའི་གཟེར་གྱིས་རྣམ་པར་འབྱེད། །རི་མོར་བྲིས་མཚུངས་མཚུངས་མེད་བླ་གྲལ་དུ། །ཆུད་མིན་འཇམ་དབྱངས་དབྱངས་ཅན་ངག་གི་ལྷས། །སྨྲ་བའི་རྣམ་དཔྱོད་དཔྱོད་ལྡན་མགུ་ནུས་མཆོག །བྱིན་པས་ལེགས་བཤད་བཤད་པའི་སྤོབས་པ་ཐོབ། །མཛེས་མཛེས་གཞན་མགོ་སྐོར་བའི་ཚུལ་འཆོས་དང་། །ཟོབ་ཟོབ་ཚེ་འདིའི་འབྱིད་ཐབས་མི་ཤེས་ཀྱང་། །འགྲིག་འགྲིག་མགྲིན་པའི་ལམ་ནས་ལེགས་དྲངས་པའི། །སྙན་སྙན་དྲི་ཟའི་རྒྱུད་ཀྱི་(༣ན)
དབྱངས་འདི་ཉོན། །ཞེས་སྙན་ཚིག་གི་ལམ་ནས་སྔུན་བསུས་ཏེ།

གླེང་གཞི།

― GLG020_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

གླེང་གཞི། གླེང་བར་བྱ་བ་ནི། ལུས་ཅན་མཐའ་དག་གི་འདྲེན་མཆོག་དམ་པ། བསྐལ་བ་བཟང་པོ་འདིའི་སངས་རྒྱས་ཀྱི་སྟོང་གི་ནང་ཚན། དཔལ་ལྡན་སྟོབས་བཅུའི་རྩལ་འཆང་བ་ཟས་གཙང་གི་སྲས་པོ་དེ་ཉིད་ཀྱིས་གདུལ་བྱའི་དབང་པོ་དང་འཚམ་པར་དམ་པའི་ཆོས་ཀྱི་བདུད་རྩིའི་སྒོ་འཕར་བརྒྱ་ཕྲག་ཕྱེ་སྟེ། མངོན་པར་མཐོ་བ་དང་ངེས་པར་ལེགས་པ་བླ་ན་མེད་པའི་གོ་འཕང་གི་སྲོག་འཚོ་བའི་འཇིགས་པའི་སྦྱིན་པ་རླབས་པོ་ཆེ་སྩལ་པའི་ནང་ཚན་གྱི་གཙོ་བོ་ནི་སྤྱི་རྒྱུད་ལས། འཇིག་རྟེན་དུ་ནི་ཀུན་མཁྱེན་རྣམས། །ཨུ་དུམ་ཝཱ་རའི་མེ་ཏོག་ལྟར། །རྒྱ་ལམ་ན་ནི་རེས་འགའ་ཞིག །འབྱུང་འགྱུར་ཡང་ནི་མི་འབྱུང་ངོ་། །གསང་སྔགས་སྤྱོད་པའི་ཆོ་ག་ནི། །དེ་བས་ཀྱང་ནི་དཀོན་པ་སྟེ། །ཞེས་གསུངས་པ་ལྟར། ཆེས་དཀོན་པ་ནམ་མཁའི་པདྨ་ལྟ་བུ་དང་། དོན་ཆེན་པོ་དང་ལྡན་པ་ཡིད་བཞིན་གྱི་ནོར་བུ་རིན་པོ་ཆེ་དང་མཚུངས་པ་ནི་ཟབ་མོ་རྡོ་རྗེ་ཐེག་པར་གྲགས་ལ། དེའི་ནང་ནས་ཀྱང་བཤད་རྒྱུད་རྡོ་རྗེ་འཕྲེང་བར། ཨེ་ནི་གསང་བ་མཁའ་དབྱིངས་དང་། །བྷ་ག་ཆོས་འབྱུང་པདྨ་དང་། །ཆོས་དབྱིངས་སེང་གེའི་ཁྲི་དང་ནི། །མཆོག་ཏུ་རྨད་བྱུང་རྗོད་པར་བྱེད། །ཝ་ནི་རྡོ་རྗེ་རྡོ་རྗེ་སེམས། །རྡོ་རྗེ་འཇིགས་བྱེད་དབང་ཕྱུག་ཆེ། །ཧེ་རུ་ཀ་དང་དུས་འཁོར་ལོ། །དང་པོའི་སངས་རྒྱས་ལ་སོགས་མཚན། །ཞེས་གསུངས་པའི་ཕྱི་མ་དང་པོའི་སངས་རྒྱས་ནི་རྩ་རྒྱུད་ལས། བྱ་རྒོད་ཕུང་པོའི་རི་ཆེན་པོར། །ཐེག་པ་ཆེན་པོ་བླ་ན་མེད། །ཤེས་རབ་ཕ་རོལ་ཕྱིན་པའི་ཚུལ། །བྱང་ཆུབ་སེམས་དཔའ་རྣམས་ལ་བསྟན། །དེ་ནས་གཅིག་ཏུ་མཆོད་རྟེན་ཆེར། །ཆོས་ཀྱི་དབྱིངས་ཀྱི་དཀྱིལ་འཁོར་དུ། །ཞེས་དང་། མདོར་བསྡུས་(༣བ)

― GLG020_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོའི་བཤད་སྦྱར་སྙིང་པོའི་སྣང་བར་ཡང་། ཟླ་བ་བཟང་པོ་གྲོང་དགུ་བཅུ་རྩ་དྲུག་གི་རྒྱལ་པོ་དང་བཅས་པས་ཤམྦྷ་ལ་ནས་འབྲས་སྤུངས་སུ་འོངས་ཏེ་རྒྱུད་གསུང་བའི་དོན་དུ་གསོལ་བ་བཏབ་པར་བཤད་པ་ལྟར། འཕགས་ཡུལ་དབུས་གྱུར་འཆང་བཛྲཱ་ས་ན། བོད་སྐད་དུ་རྡོ་རྗེ་གདན་དུ་གྲགས་པའི་ལྷོ་ཕྱོགས། ཤྲི་དྷ་ན་ཀ་ཊ་ཀ་ཞེས་དཔལ་ལྡན་འབྲས་སྤུངས་ཀྱི་མཆོད་རྟེན་ཆེན་པོར། ལས་ལྡན་གྱི་ཆོས་རྒྱལ་ཟླ་བ་བཟང་པོ་ལ་དུས་ཀྱི་འཁོར་ལོའི་རྒྱུད་སྟོང་ཕྲག་བཅུ་གཉིས་པ་བཀའ་སྩལ་པའི་ལུགས་སྲོལ་དེ་ཉིད་བྱང་ཕྱོགས་ཀ་ལཱ་པའི་གྲོང་ཁྱེར་ཆེན་པོར་དར་བའི་རྩ་རྒྱུད་ལས་ཕྱུང་བའི་བསྡུས་རྒྱུད་དང་འགྲེལ་ཆེན་གཉིས་ཙི་ལུ་པ་དང་དུས་ཞབས་པའི་དྲིན་ལས་འཕགས་ཡུལ་དང་། དེ་ནས་རྭ་འབྲོ་ཤོང་གི་མཁྱེན་དཔྱོད་བརྩོན་པའི་བྱེད་པོས་བོད་གངས་ཅན་གྱི་ལྗོངས་འདིར་དར་ཏེ། ཐོས་བསམ་སྒོམ་པས་གཏན་ལ་འབེབས་པའི་རིང་ལུགས་ཆེས་ཆེར་འཕེལ་བར་གྱུར་པའི་ཟབ་མོ་རྡོ་རྗེའི་རྣལ་འབྱོར་འདི་ཉིད་ཚུལ་བཞིན་རྟོགས་པ་ལ་ཕྱི་ནང་གཞན་གསུམ་ཤེས་དགོས་པས། ཕྱི་རོལ་ཤེས་པའི་ཡན་ལག་སྐར་རྩིས་ཀྱི་གཞུང་ལུགས་འདི་ཉིད་མ་ཤེས་ན་སངས་རྒྱས་ཀྱང་ཐོབ་པར་མི་འགྱུར་རོ། །ཅིའི་ཕྱིར་ན། རྒྱལ་པོ་ཤིང་རྟ་ཅན་གྱིས་མ་ག་དྷའི་རྒྱལ་པོ་བྱེད་ཅིང་། སེནྡྷ་པས་ཨོ་ཏནྟ་པུ་རིའི་གཙུག་ལག་ཁང་འཛིན་པའི་ཚེ་དུས་ཞབས་པ་ཆུང་བ་བྱོན་ཏེ། ནཱ་ལནྡཿའི་སྒོ་གོང་ལ་རྣམ་བཅུ་དབང་ལྡན་དང་། དེའི་འོག་ཏུ། གང་གིས་དང་པོའི་སངས་རྒྱས་མི་ཤེས་པ་དེས་མཚམས་ཡང་དག་པར་རྗོད་པ་མི་ཤེས་ཞེས་པ་ནས་རྡོ་རྗེ་འཛིན་པའི་ལམ་དང་བྲལ་བ་སྟེ་འཁོར་བ་པའོ་ཞེས་པའི་བར་བྲིས་པས་སོ། །རྒྱ་ནག་གི་རྩིས་གཞུང་ཡང་འཕགས་པ་འཇམ་དཔལ་དབྱངས་ཀྱིས་རི་བོ་རྩེ་ལྔར་གསུངས་ནས། མ་ཧཱ་ཙི་ནའི་རྒྱལ་ཁམས་སུ་དར་བ་རྒྱ་མོ་བཟའ་ཀོང་ཇོས་ཐོག་མར་བོད་དུ་བསྣམས་(༤ན)

― GLG020_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་མཆོག་དམན་ཀུན་གྱིས་སྤང་བླང་བྱ་བར་མེད་དུ་མི་རུང་བ་སྟེ། སྐར་ནག་རྩིས་ཀྱི་ཚུལ་གཉིས་ལས་བརྩམས་པའི་དྲི་བ་ཚིག་ཉུང་ཞིང་དོན་བརླིང་བ། མཁས་པའི་མགུལ་རྒྱན་དུ་གྲགས་པ་ཞིག་སྔོན་རྗེ་མངའ་བདག་ཁྲི་སྲོང་ལྡེའུ་བཙན་གྱི་དུས་དཔལ་ཨཽ་ཌྜི་ཡཱ་ནའི་སློབ་དཔོན་ཆེན་པོའི་པདྨའི་ཟབ་ཆོས་ཀྱི་བཀའ་བབས་སོ་ཟུར་གནུབས་གསུམ་སྔགས་པའི་རྒྱལ་པོར་གྲགས་པའི་ཟུར་འུག་བྱ་ལུང་པའི་རིགས་ལས་ཉེ་བར་སོན་པ་འཁོར་ལོའི་མགོན་པོ་སྔགས་རམ་པ་དཔལ་འབྱོར་འཕྲིན་ལས་རབ་རྒྱས་ཀྱིས་མཛད་སྣང་བ། རིག་སྔགས་འཆང་བ་ཆེན་པོ་ཉིད་ཐོག་མར་སྔགས་རྙིང་མ་བཀའ་གཏེར་ལ་ཐོས་བསམ་སྒོམ་པ་མཐར་ཕྱིན་པར་མ་ཟད། ཡོན་ཏན་ལྡན་ན་སྐྱེ་བོ་ཀུན། །མ་བསྡུས་པར་ཡང་རང་ཉིད་འདུ། །དྲི་ལྡན་མེ་ཏོག་རྒྱང་རིང་ཡང་། །བུང་བ་སྤྲིན་གྱི་ཚོགས་བཞིན་འདུ། །ཞེས་པ་ལྟར། རིགས་དང་དཀྱིལ་འཁོར་ཀུན་གྱི་ཁྱབ་བདག །མཁས་པ་དང་གྲུབ་པ་ཐམས་ཅད་ཀྱི་འཁོར་ལོས་སྒྱུར་བ། རྒྱ་ཆེན་གནས་ལྔ་རིག་པའི་པཎྜི་ཏ་ཆེན་པོ་དཔལ་འབྱོར་ལྷུན་གྲུབ་ཀྱི་སྙན་གྲགས་ཀྱིས་ཐུགས་ཕྲོགས་ཏེ། ཆོས་ཀྱི་རྒྱལ་པོ་སྲོང་བཙན་སྒམ་པོའི་སྒྲུབ་གནས་སྐྱིད་ཤོད་ཉང་བྲན་ཕ་བོང་ཁར་ཡུན་རིང་པོ་ཞབས་པད་བསྟེན་ནས་གསང་སྔགས་ཕྱི་འགྱུར་དང་ཐ་སྙད་ཀྱི་རིག་གནས་མཐའ་ཡས་པར་སྦྱང་པ་མཛད་དེ། གཙུག་ལག་མང་པོར་གཞན་དྲིང་མི་འཇོག་པའི་མཁས་པ་ཆེན་པོར་གྱུར་པས། དྲི་ཚིག་གི་དོན་འདི་ལ་སོམ་ཉི་ག་ལ་མངའ་ནའང་། དེང་སང་གི་དུས་འདིར་གདུང་རུས་ཆེ་ཆེ་མོ་དང་། སྐྱེ་བ་མང་པོ་བརྒྱུད་བརྒྱུད་པར་གྲགས་པའི་ཆེད་རློམ་མང་པོ་དང་། ལྔ་བསྡུས་མགྱོགས་རྩིས་གཟའ་འཛིན་གྱི་རི་མོ་བྲེ་གང་རྡེ་དྲུག་གི་ནག་རྩིས་ཙམ་ཤེས་པའི་མངོན་པའི་ང་རྒྱལ་ཅན་དང་། དགུ་མཐའ་ཙམ་ཡང་མི་ཤེས་པའི་དུས་འཁོར་མཁན་པོ་ངོ་མཚར་(༤བ)

― GLG020_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་རྣམས་ལ་ཅོ་འདྲི་ཤིང་། ལས་དང་པོ་པ་རྣམས་ལ་ཕན་པའི་ཆེད་དུ་མཛད་པར་གོར་མ་ཆག་ལ། རྩིས་རིགས་སྨྲ་བར་ཡིད་གཞུངས་པའི་གཟུར་གནས་ཀྱི་བློ་དང་ལྡན་པའི་དྲིས་ལན་དགོས་ཚུལ་ནན་ཏན་དུ་བྱུང་བ། དྲི་ཚིགས་ཐོག་མར། བླ་མ་དང་དུས་ཀྱི་འཁོར་ལོ་འཇམ་དཔལ་གཞོན་ནུའི་ཞབས་ལ་ལུས་ངག་ཡིད་གསུམ་ཕྱག་འཚལ་ལོ། །ལྷ་བཅས་འགྲོ་བའི་བླ་མ་ཟས་གཙང་སྲས། །དཔལ་ལྡན་བདེ་ཆེན་དུས་ཀྱི་འཁོར་ལོ་དང་། །མཁྱེན་དང་བརྩེ་བའི་བདག་ཉིད་འཇམ་དཔལ་དབྱངས། །ཕྱོགས་བཅུའི་རྒྱལ་བ་སྲས་བཅས་གུས་བཏུད་ནས། །གནས་འདིའི་དཀར་ནག་རྩིས་ཀྱི་ལེགས་བཤད་ལ། ཚེ་རབས་སྔོན་ནས་སྦྱངས་པར་ཞལ་བཞེས་པའི། །མཁས་དབང་རྣམས་ལ་དྲི་བ་ཞུ་ཚིག་ལ། ཁོ་བོ་སྦྱངས་པ་ཆུང་ཞིང་བརྩོན་པ་ཞན། །ཤེས་རབ་དམན་པས་རྟོགས་དཀར་གྱུར་པ་ནི། །ཞེས་པའི་དོན་ལྟར་ན་ཚེ་རབས་མང་པོར་མཁས་པ་རིམ་པར་བརྒྱུད་པ། ཁྱད་པར་དུས་འཁོར་སོགས་ལ་སྦྱངས་པའི་སྔོན་གནས་རྗེས་དྲན་ཡོད་པ་ཞིག་འདྲི་བའི་ཡུལ་ཡིན་འདུག་པ། རིགས་པ་ནངས་པར་འཆི་ཡང་བསླབ་། །ཚེ་འདིར་མཁས་པར་མ་གྱུར་ཡང་། །སྐྱེ་བ་ཕྱི་མར་བཅོལ་བ་ཡི། །ནོར་ལ་རང་ཉིད་ལེན་དང་མཚུངས། །ཞེས་པ་ལྟར་ན། རྒྱ་བོད་ཀྱི་མཁས་གྲུབ་ཐམས་ཅད་ཀྱི་ཡང་རྩེ་འཕགས་མཆོག་ཀླུ་སྒྲུབ་དང་། ཐམས་ཅད་མཁྱེན་པ་བུ་སྟོན་ལྟ་བུའི་སྐྱེ་བའོ་ཞེས་ཚེ་རབས་སྔོན་མའི་གནས་རྗེས་སུ་དྲན་པར་ཞལ་གྱིས་མཆེས་ཤིང་། མངོན་མཁྱེན་གྲུབ་རྟགས་སོགས་ཀྱང་ཐོག་མེད་དུ་ཡོད་པར་རློམ་པ་རྣམས་གཙུག་ལག་རྒྱ་མཚོར་གཟིགས་པར་དཀའ་བའི་གནས་སུ་མི་འགྱུར་སྙམས་པ་འདུག་ཀྱང་། དུས་སྙིགས་མ་བས་ཀྱང་ཆེས་ཆེར་སྙིགས་པར་གྱུར་བའི་སྐྱོན་ཡིན་ནམ། དམན་པ་སྤྱོད་པ་བཟང་གྱུར་ཀྱང་། །དེ་ནི་བཅོས་(༥ན)

― GLG020_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་རྣམ་ཐར་ཡིན། །ཤེལ་ལ་ནོར་བུས་ཁ་བསྒྱུར་ཀྱང་། །ཆུ་དང་ཕྲད་ན་རང་མདོག་སྟོན། །ཞེས་པའི་དོན་མིན་ལས་ཆེ། །དེ་འདྲའི་རིགས་ཕལ་ཆེར་ནི་ལེགས་བཤད་སྨྲ་བའི་ལྗགས་ཐུང་ངུར་གྱུར་འདུག་པས་ན། ས་ཕྱོགས་དེ་ནས་ཙནྡན་འཁྲུང་རིགས་མིན་འདྲ་བས། ཡོན་ཏན་མེད་པའི་སྐྱེ་བོ་འགའ། །ཡོན་ཏན་ལྡན་ལ་ལྷག་པར་སྡང་། །གངས་ཀྱི་ཡུལ་དུ་དགུན་སྐྱེས་པའི། །ལོ་ཏོག་ལྟས་ངན་ཡིན་ཞེས་སྒྲོག །ཅེས་དང་། བརྒྱ་ཡི་ནང་ན་མཁས་པ་དཀོན། །སྟོང་གི་ནང་ན་དཔའ་བོ་དཀོན། །བརྒྱ་སྟོང་ལས་ཀྱང་ཆེས་དཀོན་པ། །ཚིག་གི་མདུད་འགྲོལ་རེ་རེ་ཙམ། ཞེས་པའི་དོན་དུ་མངོན་ནོ། །རང་ཉིད་ལ་དོགས་གནས་གྱུར་བ་འམ། གཞན་ལ་ཕན་སེམས་ཀྱིས་དྲི་བ་དང་། དཔྱད་པའི་གནད་ནི། །སློབ་དཔོན་ཉི་མ་སྦས་པས། གནམ་བསྐོས་རྒྱལ་པོའི་ཕོ་བྲང་དུ། །པཎ་ཆེན་ལྔ་བརྒྱ་འདུ་བའི་གནས། །ལེགས་བཤད་འཚོལ་དང་འདྲི་བ་དང་། །དཀའ་བའི་དོགས་སེལ་དེ་རུ་གྱིས། །ཞེས་པ་ལྟར་མཁས་པ་མང་པོ་ལ་འདྲི་བར་གསུངས་ནའང་། དུས་དབང་གིས་རིག་པའི་གནས་ལྔ་ཤེས་པའི་མཁས་པ་མང་པོ་གནས་གཅིག་ཏུ་ཚོགས་པ་ལྟ་ཅི་སྨོས། གཉིས་གསུམ་ཚོགས་པའང་དཀའ་བའི་ཕྱིར་ན། མཁས་པ་འཇམ་གསར་བས་རྨི་ལམ་གྱི་དགའ་མའི་དྲི་ལན་དུ། སྐབས་ཤིག་ཚོང་འདུས་ཆེན་པོའི་དུས་སྟོན་བལྟས། །སྐྱེ་བོ་ཕར་འགྲོ་བརྒྱ་དང་ཚུར་འོང་སྟོང་། །བློ་ལྡན་མཁས་པའི་གྲོགས་པོ་ཉིན་སྐར་ཙམ། །ཁོ་བོ་ཙུ་ཏའི་ཡུལ་ན་རྐང་གཉིས་པ། །དེ་ནས་གཞན་ཕོངས་འཇིགས་མེད་སེང་གེའི་སྒྲ། །སྔོན་དུ་བསྒྲགས་པའི་ཆོས་གྲྭ་ཆེན་པོར་སླེབ། །མི་བརྟགས་བཞག་ཚེ་བསོད་ནམས་རྒྱ་མཚོའི་ཞིང་། །བརྟགས་ན་ཆུ་ཤིང་ལྟ་བུའི་སྐྱེ་བོས་གང་། །ཞེས་པའི་དོན་ཐོག་ཏུ་བབས་པའི་དུས་ཚོད་འདིར་བདག་ལྟ་བུས་ཝ་(༥བ)

― GLG020_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་སེང་གེར་བརྫུ་བའི་ཟོལ་གྱིས་དྲིས་ལན་ཅུང་ཟད་བགྱིས་པར་དཔྱོད་ལྡན་རྣམས་རྗེས་སུ་ཡི་རང་བར་མི་འགྱུར་བ་མ་ཡིན་ཏེ། ལྷ་མདོངས་ལོ་ཙཱ་བས་བལ་ཡུལ་གྱི་ལམ་ཡིག་ཏུ་འཇམ་དབྱངས་ཕྱག་གིས་སྩལ་བའི་པིར། །གང་གིས་བདེ་བར་འཛིན་པ་ཡི། །སྨན་ཐང་སྤྲུལ་སྐུ་འཇམ་དབྱངས་པས། །ལེགས་བཤད་སིལ་བུའི་གླེང་མོ་མཛད། །སྙོམ་ལས་མྱོས་ཆུས་ངོམས་པ་བདག་ལྟ་ཡིས། །རིག་གནས་མིང་ཙམ་ཡོད་པར་མི་ནུས་ཀྱང་། །ཅུང་ཟད་ཙམ་ལ་ལན་ལྡོན་ཅི་ནུས་ཕུལ། །ཕན་ཚུན་རྗེས་སུ་ཡི་རང་གནས་སུ་གྱུར། །ཅེས་པའི་དོན་དུ་སེམས། །འོན་ཀྱང་ཚེ་རབས་སྔ་མ་ནས་སྦྱངས་པའི་མཁས་པའི་སྐྱེ་བ་ཡིན་ནོ་ཞེས་ཁས་ལེན་ཅིང་དེར་རློམ་པ་ནི་མ་ཡིན་ཏེ། རྒྱུ་མཚན་གང་གི་ཕྱིར་ན། བསྟན་པའི་མངའ་བདག་མཁན་ཆེན་བློ་བཟང་ཆོས་ཀྱི་རྒྱལ་མཚན་དཔལ་བཟང་པོ་དང་། འཇམ་དབྱངས་བླ་མ་དཀོན་མཆོག་ཆོས་འཕེལ་གྱིས་ཐམས་ཅད་མཁྱེན་པ་ཡོན་ཏན་རྒྱ་མཚོའི་སྐྱེ་བ་ཡིན་ནོ་ཞེས་ངོས་འཛིན་པར་གནང་བ་ནི་གཞན་ངོ་ཙམ་ལ་དགོངས་པར་སེམས། རང་ངོས་ནས་སྐྱེ་བ་དྲན་པ་དང་། མངོན་ཤེས་གྲུབ་རྟགས་སོགས་ནི་ལྟ་ཅི་སྨོས། རྨི་ལམ་བཟང་བ་ཙམ་ཡང་འོང་མ་མྱོང་བས། གོང་གི་འདྲི་ཡུལ་གྱི་ཁྲོད་དུ་ཚུད་པར་མ་གྱུར་ཀྱང་། ན་ཚོད་ཆུང་ངུ་ནས་བསྟན་པ་རིན་པོ་ཆེའི་སྒོར་ཞུགས། མཁས་པའི་དབང་ཕྱུག་མང་པོ་དང་མཇལ་ཏེ་ཐོས་བསམ་ཅུང་ཟད་བྱས་པས། བླུན་པོའི་དབུས་ན་དགའ་ཞིང་རྩེ། །མཁས་པའི་དབུས་ན་ཞུམ་ཞིང་བཟུང་། །ནོག་དང་ལྐོག་ཤལ་མེད་ན་ཡང་། །ཡ་སོ་ཅན་གྱི་བ་གླང་ཡིན། ཞེས་པའི་གྲལ་དུ་སྡོད་མ་དགོས་ཙམ་ཡོད་པ་དང་། ཡབ་རྒྱལ་པོ་ཟས་གཙང་གི་གསུང་ལས། ང་ཡི་བུ་ནི་རིགས་དག་དང་། །རུས་ལ་ངོ་མཚར་འཛིན་མ་ཡིན། །ཡོན་ཏན་བདེན་པ་ཆོས་ཀྱི་རྣམས། །དེ་ལ་འདི་ཡི་ཡིད་དགའ་བའོ། །ཞེས་དང་། ལུང་བར་མ་ལས། (༦ན)
མེ་ཏོག་དྲི་ནི་རྫི་ཕྱོགས་མིན་མི་འགྲོ། །རྩ་བའམ་རྒྱ་སྤོས་ཙནྡན་ཡང་མ་ཡིན། །མཁས་རྣམས་དྲི་ནི་རྫི་ཕྱོགས་མིན་འགྲོ་སྟེ། །སྐྱེས་བུ་དམ་པ་ཕྱོགས་རྣམས་ཀུན་དུ་འགྲོ། །ཞེས་གསུངས་པ་ལྟར། ཐོས་བསམ་གྱི་ཆ་ལ། སྔོན་བྱོན་མཁས་པའི་རྣམ་ཐར་ལ་མིག་ཡར་ལྟའི་ལུགས་སུ་བྱས་ཤིང་། སེམས་ཅན་ལ་སངས་རྒྱས་ཀྱི་མིང་བཏགས་པའི་བླ་ཆེན་གྱི་གོ་སར་གནས་ཀྱང་། དེ་དག་གི་ཁྱུ་ཚོགས་སུ་སྤྱི་འདྲེ་མ་བྱས་པའི་རྒྱུ་མཚན་གྱིས། ལན་ཅུང་ཟད་སྤྲོ་བར་བྱའོ། །

དྲི་བ་དང་པོ། སྐར་ནག་གཙུག་ལག་འདི་ཉིད་རིག་གནས་ལྔ་པོ་གང་གི་ཁོངས་སུ་གཏོགས་མིན་གྱི་དྲིས་ལན།

― GLG020_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་བ་དང་པོ།སྐར་ནག་གཙུག་ལག་འདི་ཉིད་རིག་གནས་ལྔ་པོ་གང་གི་ཁོངས་སུ་གཏོགས་མིན་གྱི་དྲིས་ལན།དེས་ན་དྲི་བ་དང་པོ་ནི། དེ་ཡང་དང་པོ་སྐར་ནག་གཙུག་ལག་འདི། །རིག་པའི་གནས་ལྔའི་ཁོངས་སུ་གཏོགས་དགོས་པས། །བཟོ་དང་གསོ་བ་སྒྲ་ཚད་ནང་དོན་ཏེ། །རིག་གནས་ལྔ་པོ་གང་གི་ཁོངས་སུ་གཏོགས། །དེ་རྣམས་གང་གི་ཁོངས་སུ་གཏོགས་མིན་ན། །ཡན་ལག་རིག་བྱེད་བཞི་ལ་གཏོགས་དགོས་པས། །སྙན་ངག་མཆོད་སྦྱིན་སྲིད་སྲུང་ངེས་རྗོད་ཀྱི། །རིག་བྱེད་བཞི་པོ་གང་གི་ཁོངས་སུ་གཏོགས། །དེར་ཡང་མ་གཏོགས་གཙུག་ལག་ཆོས་འདི་ཉིད། །རིག་གནས་ཁོལ་བུ་ཞིག་ཏུ་ཁས་ལེན་ན། །རིག་པའི་གནས་དྲུག་དག་ཏུ་འགྱུར་བའི་ཕྱིར། །རིག་གནས་ལྔ་རུ་བསྡུས་པ་དོན་མེད་དོ། །ཞེས་པ་ལ། སྤྱིར་མགོན་པོ་བྱམས་པས། རིག་པའི་གནས་ལྔ་དག་ལ་བརྩོན་པར་མ་བྱས་ན། །འཕགས་མཆོག་ཅི་སེམས་ཐམས་ཅད་མཁྱེན་ཉིད་ཐོབ་མི་འགྱུར། །དེ་ལྟ་བས་ན་གཞན་དག་ཚར་ཅད་རྗེས་གཟུང་དང་། །བདག་ཉིད་ཀུན་ཤེས་བྱ་ཕྱིར་དེ་ལ་དེ་བརྩོན་བྱེད། །ཅེས་སྨྲ་ངན་ཚར་གཅོད་པ་སྒྲ་ཚད། །བློ་ལྡན་རྗེས་སུ་འཛིན་པ་བཟོ་གསོ། །རང་ཉིད་ཀུན་ཤེས་པར་བྱེད་པ་ནང་རིག་པ་སྟེ། ལྔར་གསུངས་པ་ནི་སྤྱིར་བཏང་ལས་མཐའ་གཅིག་ཏུ་གྲངས་ངེས་སུ་གཟུང་བར་བྱ་མི་ནུས་ཏེ། དེ་ལས་སྤྲོ་བསྡུ་སྣ་(༦བ)

― GLG020_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་འབྱུང་བར་བསྒྲུབ་ནུས་པས་སོ། །རྒྱུ་མཚན་ཅིའི་ཕྱིར་ན། ཉུང་ངུར་བྱེད་ཚེ་རིག་གནས་ཐམས་ཅད་བཟོ་རིག་པའི་ཁོངས་སུ་བསྡུ་ནུས་ཏེ། བཟོ་རིག་པ་ལ་ལུས་བཟོ་ངག་བཟོ་ཡིད་ཀྱི་བཟོ་དང་གསུམ་དུ་བཤད་པའི་ཕྱིར། ལུས་བཟོ་མཆོག་ནི་བདེ་གཤེགས་སྲས་བཅས་ཀྱི་སྐུ་གསུང་ཐུགས་ཀྱི་རྟེན་ཡིན་ལ། དེ་ཡང་། དབྱངས་ཅན་མས་རྗེས་སུ་བཟུང་བའི་དཔལ་ལྡན་བློ་གྲོས་བཟང་པོས། རྒྱལ་བའི་སྐུ་གཟུགས་ཐལ་མོ་བཅུ་པ་ལ། །རྒྱལ་སྲས་རྣམས་ཀྱི་མཐོ་བཅུ་ཞན་པ་དང་། །རྒྱལ་ཡུམ་སོགས་ཀྱི་ཞལ་ཚད་དགུ་པ་དང་། །རྒྱལ་དབང་ཁྲོས་པ་རྣམས་ལ་གདོང་བརྒྱད་དང་། །མིའུ་ཐུང་ལ་ལུས་ཚད་མཐོ་དྲུག་གོ །ཞེས་སོགས་སྐུའི་ཕྱག་ཚད་གསལ་བར་གསུངས་པའི་ཁུངས། དུས་འཁོར་སམ་བུ་ཊི། སྡོམ་འབྱུང་སོགས་རྒྱུད་སྡེ་མང་པོ་དང་། ཤཱ་རིའི་བུས་ཞུས་པ་སོགས་མདོ་ལས་བྱུང་བའི་ཕྱག་ཚད་རྣམས་ཡིན་ཞིང་། མཐོ་ཚད་རེ་རེར་སོར་ཕྱེད་བཅུ་གསུམ་དུ་བཤད་པའི། གཙུག་ཏོར་ནས་གསར་གནས་ཀྱི་བར་ལ་མཐོ་ལྔ། གསང་གནས་ནས་རྟིང་པའི་བར་ལ་སྟེ། བསྡོམས་པས་སོར་བརྒྱ་ཉེར་ལྔར་བཤད་ལ། དེ་ཡང་དུས་འཁོར་གྱི་ལུགས་ལ། སྤྲུལ་སྐུའི་ཆ་ཚད་རགས་པར་སོར་མོ་བརྒྱ་དང་བཅུ་གཉིས་སུ་བཤད་པ་དང་། མདོ་ཕྱོགས་དང་རྒྱུད་སྡེ་འགར་ཡང་། རྡོ་རྗེ་སེམས་དཔའ་བཞེངས་པའི་ཚད། །གདོང་པ་དགུ་ལས་འགྱུར་བ་མེད། ཅེས་གསུངསས་པ་ནི་ཕྲ་རགས་ཀྱི་དབྱེ་བ་དང་མདོ་སྡེ་སྔགས་ཀྱི་ཁྱད་པར་མི་འདྲ་བའི་དབང་དུ་བྱས་པ་ཡིན་ཏེ། ཕར་ཕྱིན་ཐེག་པའི་སྐབས་སུ། ས་བཅུ་པ་ཆོས་ཀྱི་སྤྲིན་ཐོབ་མ་ཐག་ཏུ་འཕོ་རླུང་སྟོང་བརྒྱད་བརྒྱ་པ་ཕྲ་རགས་བཅུ་འགགས། ས་བཅུ་པ་དེ་ཉིད་མཐར་ཕྱིན་ཕྱིན་གྱི་བར་དུ། འཕོ་རླུང་སྟོང་བརྒྱད་བརྒྱ་པ་ཕྲག་གཉིས་འགགས་ནས། མདོ་ལུགས་ཀྱི་ལོངས་(༧ན)

― GLG020_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་འཐོབ་པར་འདོད་ནའང་། གསང་སྔགས་ལ། ད་དུང་འཕོ་བའི་བག་ཆགས་བེམ་ཆོས་ཕྲ་མོ་སྟོང་བརྒྱད་བརྒྱ་པ་ཕྲག་བཅུ་གཉིས་ལུས་པ། ཀུན་དུ་འོད་ལ་སོགས་པའི་ས་བཅུ་གཉིས་ཀྱིས་སྤོང་ཞིང་། སྤང་བྱ་དེ་ཉིད་ཕར་ཕྱིན་ཐེག་པའི་ལུགས་ཀྱི་རྟོགས་པའི་སངས་རྒྱས་ཀྱི་སྤངས་བྱར་དོན་གྱིས་འགྲོ་བས། དེ་ལྟ་བུའི་སྤང་རྟོགས་ཡོངས་སུ་རྫོགས་པ་ན་ལོངས་སྐུ་འཐོབ་པས། གནད་འདི་ལ་བརྟེན་ནས་ལུས་ཚད་ཆེ་ཆུང་གི་རྣམ་གཞག་འབྱུང་ནའང་། སྔགས་ཀྱི་ཁྱད་འཕགས་ཀྱི་ས་ཀུན་ཏུ་འོད་སོགས་བཅུ་གཅིག་པོ་དུས་ཡུན་རིང་པོར་མི་འགོར་བར་རྫོགས་འགྲོ་བའི་ཕྱིར་ཕྲ་བའི་གནད་དེ་དང་བསྟུན་པའི་ལུས་ཚད་འཇོག་པར་དཀའོ། །ཚུལ་འདི་དག་ལ། གྲགས་པ་དོན་ལྡན་གྱི་མཁས་པ་སྟག་ཚང་ལོ་ཙཱ་བས། མདོ་སྔགས་ཀྱི་ལོངས་སྤྲུལ་ལ་སོར་གྱི་དབྱེ་བར་གསུངས་པ་ནི། གནད་དེ་དག་ལ་དགོངས་པ་ཡིན་གྱི། དེང་སང་ལག་ལེན་གྱི་སྐབས། པིར་ཐོགས་དབང་པོ་སྨན་བླ་དོན་གྲུབ་པས་མཛད་པའི་ཆ་ཚད་གྱི་ཡི་གེ་ཆེན་མོ་དང་། དེའི་རྗེས་འཇུག་དབྱངས་ཅན་ལྷ་མོས་རྗེས་སུ་བཟུང་བ་སྤྲུལ་སྐུ་རིང་མཁར་བ་སོགས་མཁས་པ་རྣམས་ཀྱིས་མཛད་པའི་ཡི་གེ་དང་ཕྱག་ལེན་གྱི་དཀྱུས་སུ། དེ་བཞིན་གཤེགས་པའི་སྐུ་ལ་སོར་བརྒྱ་ཉེར་ལྔ་འབྱུང་བ་དེ་ལས་གཞན་པའི་རིང་ཐུང་གི་དབྱེ་བ་མི་མཛད་ཅིང་། ཞལ་ཚད་བཅུ་དང་། དེ་ལས་ཅུང་ཟད་ཐུང་བའང་། གཙོ་འཁོར་ལྟ་བུ་གཞི་གཅིག་ལ་བརྟེན་པའི་བལྟོས་ས་ལྟོས་འཇོག་དགོས་པར་མངོན་ནོ། །ད་ལྟ་ཡོངས་གྲགས་ཀྱི་ལོངས་སྤྲུལ་ནི། རྡོ་རྗེ་འཆང་ལྟ་བུ་ལོངས་སྐུ་དང་། ཤཱཀྱ་ཐུབ་པ་ལྟ་བུ་སྤྲུལ་སྐུར་ངོས་འཛིན་པ་མང་ཡང་། གསང་སྔགས་ཀྱི་དཀྱིལ་འཁོར་རྟེན་བརྟེན་པ་རྣམས་ནི་གང་ལ་གང་འདུལ་དུ་སོ་སོར་སྤྲུལ་པས་སྤྲུལ་སྐུར་ངོས་འཛིན་དགོས་པས་དྲི་(༧བ)

― GLG020_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

ཟའི་རྒྱལ་པོ་རབ་དགའ་འདུལ་ཕྱིར་དྲི་ཟའི་ཆ་བྱད་དུ་བསྟན་པ་ནི་བཟོ་བོ་སྤྲུལ་སྐུ། འཁོར་ལོས་སྒྱུར་རྒྱལ། ཁྱིའུ། བུ་མོ། གྲུ་ཟམ་སོགས་སུ་སྤྲུལ་པ་ནི་སྐྱེ་བ་སྤྲུལ་སྐུ། བྱང་ཆུབ་མཆོག་མངོན་དུ་མཛད་པའི་ཚུལ་སྟོན་པ་མཆོག་གི་སྤྲུལ་སྐུར་བཤད་པ་ལྟར་རོ། །གསུང་རྟེན་ནི་ཡི་གེ་སྟེ། ཇི་སྐད་དུ། ངོ་བོ་གཟུགས་དང་བྱེད་ལས་དང་། །ངེས་ཚིག་དབྱེ་བསྡུ་རྒྱུ་ཀློག་ཚུལ། །ཞེས་གསུངས་པའི་ཡི་གེའི་ངོ་བོ་ནི། སྤང་ལོ་ཆེན་པོས། བརྗོད་འདོད་དབང་གིས་རླུང་གིས་རླུང་གཡོས་ཤིང་། །དེ་ཡིས་གནས་དང་བྱེད་པ་དང་། །རྩོལ་པ་བསྐྱེད་དེ་དབུགས་འབྱུང་དང་། །ལྷན་ཅིག་ཡི་གེའི་གདངས་རྣམས་སྐྱེ། །ཞེས། གནས་དང་བྱེད་པ་དང་རྩོལ་བ་རྣམས་ལས་ཡི་གེ་འབྱུང་བའི་གཟུགས་ཀྱི་དབྱེ་བ་ནི། ཚངས་པའི་ཡི་གེ་ལཱཉྩ་ན། དེ་དང་ཆ་མཐུན་པ་དྷ་རི། དེའི་མགོ་གྱེན་དུ་བཟེད་པ་ན་ག་ར། དེའི་མགོ་ཐུར་དུ་བཀུག་པ་ཝ་རྟུ་ལ། འདྲ་མིན་ཤས་ཆེ་བ་ཀསྨཱི་ར། གཞན་ཡང་། གཽ་ཌ། ག་འུ་ར། རྒྱ་མཚོ་མཐའི་ཡི་གེ་སིན་དྷུ། བྲུ་ཤ །རྒྱ་དང་བོད་ལ་སོགས་པའི་ཡི་གེའི་གཟུགས་རྣམས་ཡོད་དོ། །མདོ་རྒྱ་ཆེ་རོལ་པར་ཡང་ཚངས་པའི་ཡི་གེ་དང་ཞེས་སོགས་ཡིག་རིགས་དྲུག་ཅུ་རྩ་བཞི་ཙམ་བཤད་དེ། ཚངས་པའི་ཡི་གེ་དང་། ཁ་རོ་ཥྚའི་ཡི་གེ་དང་། པདྨའི་སྙིང་པོའི་ཡི་གེ་དང་། ཨངྒཱའི་ཡི་གེ་དང་། བངྒིའི་ཡི་གེ་དང་། མ་ག་དྷའི་ཡི་གེ་དང་། བཀྲ་ཤིས་པའི་ཡི་གེ་དང་། སོར་གདུམ་གྱི་ཡི་གེ་དང་། ས་ཀཱ་ནཱིའི་ཡི་གེ་དང་། སཱ་དྷ་ནཱིའི་ཡི་གེ་དང་། ཨཱ་ཧུ་བའི་ཡི་གེ་དང་། རྩུབ་མོའི་ཡི་གེ་དང་། འགྲོ་ལྡིང་བའི་ཡི་གེ་དང་། མོན་ཡུལ་གྱི་ཡི་གེ་དང་། ལྷོ་ཕྱོགས་པའི་ཡི་གེ་དང་། དྲག་པོའི་ཡི་གེ་དང་། གྲངས་ཀྱི་ཡི་གེ་དང་། སྤྱིའུ་ཚུགས་ཀྱི་ཡི་གེ་དང་། རྗེས་སུ་མཐུན་པའི་ཡི་གེ་དང་། བྷ་ར་དའི་ཡི་གེ་དང་། ཁྱཱ་སྱའི་ཡི་གེ་དང་། རྒྱ་ནག་གི་ཡི་གེ་དང་། ཧཱུ་ནའི་ཡི་གེ་དང་། དབུས་ཀྱི་ཡི་གེ་དང་།

― GLG020_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་གྱི་ཡི་གེ་དང་། ལྷའི་ཡི་གེ་དང་། ཀླུའི་ཡི་གེ་དང་། གནོད་སྦྱིན་གྱི་ཡི་གེ་དང་། དྲི་ཟའི་ཡི་གེ་དང་། མི་འམ་ཅིའི་ཡི་གེ་དང་། ལྟོ་འཕྱེ་ཆེན་པོའི་ཡི་གེ་དང་། ལྷ་མ་མིན་གྱི་ཡི་གེ་དང་། ནམ་མཁའ་ལྡིང་གི་ཡི་གེ་དང་། རི་དྭགས་འཁོར་ལོའི་ཡི་གེ་དང་། བྱ་རོག་སྐད་ཀྱི་ཡི་གེ་དང་། སའི་ལྷའི་ཡི་གེ་དང་། བར་སྣང་གི་ལྷའི་ཡི་གེ་དང་། བྱང་སྒྲ་མི་རྙན་གྱི་ཡི་གེ་དང་། ནུབ་བ་གླང་སྤྱོད་ཀྱི་ཡི་གེ་དང་། ཤར་ལུས་འཕགས་པོའི་ཡི་གེ་དང་། འདེགས་པའི་ཡི་གེ་དང་། བཞག་པའི་ཡི་གེ་དང་། རབ་ཏུ་བཞག་པའི་ཡི་གེ་དང་། རྒྱ་མཚོའི་ཡི་གེ་དང་། རྡོ་རྗེའི་ཡི་གེ་དང་འཕྲིན་ཡིག་རབ་ཏུ་སྤྲིང་པའི་ཡི་གེ་དང་། རྣམ་པར་བཞག་པའི་ཡི་གེ་དང་། ཆུང་ངུ་མ་ཡིན་པའི་ཡི་གེ་དང་། བསྟན་བཅོས་བསྐོར་བའི་ཡི་གེ་དང་། རྩིས་བསྐོར་བའི་ཡི་གེ་དང་། འདེགས་པ་བསྐོར་བའི་ཡི་གེ་དང་། རྐང་པས་བྲིས་པའི་ཡི་གེ་དང་། ཚིག་ཕྱི་མ་གཉིས་གྲུབ་པའི་ཡི་གེ་དང་། ཇི་སྲིད་ཚིག་ཕྱི་མ་བཅུ་གྲུབ་བྱའི་ཡི་གེ་དང་། བར་མ་སྒྲུབ་པའི་ཡི་གེ་དང་། སྒྲ་ཐམས་ཅད་ཀུན་བསྡུས་པའི་ཡི་གེ་དང་། རིག་པ་དང་རྗེས་སུ་མཐུན་པའི་ཡི་གེ་དང་། རྣམ་པར་བསྲེས་པའི་ཡི་གེ་དང་། དྲང་སྲོང་དཀའ་ཐུབ་ཀྱིས་གདུངས་པའི་ཡི་གེ་དང་། གསལ་བའི་ཡི་གེ་དང་། ས་རབ་ཏུ་ལྟ་བའི་ཡི་གེ་དང་། སྨན་ཐམས་ཅད་ཀྱི་རྒྱུ་མཐུན་པའི་ཡི་གེ་དང་། སྙིང་པོ་ཐམས་ཅད་ཀུན་བསྡུས་པའི་ཡི་གེ་རྣམས་ཏེ། ཡི་གེ་དྲུག་ཅུ་རྩ་བཞིའོ། །ཐུགས་ཀྱི་རྟེན་ནི། ཐུབ་དབང་སྐུ་བལྟམས་ཚེ་སེར་སྐྱར་བཀྲ་ཤིས་སྒོ་མང་གི་མཆོད་རྟེན། མ་ག་དྷར་སངས་རྒྱས་ཚེ་བྱང་ཆུབ་མཆོད་རྟེན། ཝ་ར་ནཱ་སིར་ཆོས་བསྟན་ཚེ་བདུད་འདུལ་མཆོད་རྟེན་ནམ་ཆོས་འཁོར་མཆོད་རྟེན། སུམ་ཅུ་རྩ་གསུམ་དུ་ཡུམ་བདེན་པ་ལ་བཀོད་ཚེ་ལྷ་བབས་མཆོད་(༨བ)

― GLG020_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན། མཉན་ཡོད་དུ་མུ་སྟེགས་བཏུལ་ཚེ་པདྨ་སྤུངས་པའི་ཆོ་འཕྲུལ་མཆོད་རྟེན། རྒྱལ་པོའི་ཁབ་ཏུ་དགེ་འདུན་གྱི་དབེན་བཟླུམས་པའི་ཚེ་དབྱེན་བཟླུམས་མཆོད་རྟེན། ཡངས་པ་ཅན་དུ་སྐུ་ཚེ་བྱིན་གྱིས་བརླབས་པའི་ཚེ་རྣམ་རྒྱལ་མཆོད་རྟེན། རྩ་མཆོག་གྲོང་དུ་མྱ་ངན་ལས་འདས་ཚེ་མྱང་འདས་མཆོད་རྟེན་ནོ། །མདོར་ན་བློས་སླངས་དང་། དཀྱིལ་འཁོར་དྲི་ཐིག །དུས་འཁོར། མཁའ་འགྲོ་མ་རྡོ་རྗེ་གུར། ཡོ་ག །འཕྲེང་བ་སོགས་ནས་བཤད་པའི་ས་གར། མཆོད་གར། ཞི་ཁྲོ་སྒྱུ་འཁྲུལ། སྒྲུབ་པ་བཀའ་བརྒྱད། དཔལ་ཆེན་ཕུར་པ་སོགས་རྩ་འཆམས། འབྲུབ་འཆམས་ཇི་སྙེད་པ་སྣང་ངོ་། །ལུས་བཟོ་ཕལ་པ་ནི། རྒྱ་མཚོ་ཆེན་པོར་བགྲོད་པའི་གྲུ་གཟིངས་ཆེན་པོ། རྒྱ་གར་བལ་པོ་རྒྱ་ནག་སོགས་ཀྱི་ཆུ་ལ་བགྲོད་པའི་གྲུ་ཆུང་། ཁང་ཁྱིམ། ཁང་བརྩེགས། ཁང་མིག་ལྔ་བརྒྱ་པ། བཟའ་བཏུང་གི་གཡོས། གོས་རྒྱན་གྱི་ཁྱད་པར། གཞན་ཡང་བསྡུས་རྒྱུད་ལས། གཡུལ་དུ་ཕམ་པའི་དགྲ་བོ་དག་ནི་གལ་ཏེ་འཕྲལ་ལ་རྫོང་གི་ནང་དུ་ཞུགས་པར་གྱུར་པ་ན། ཕྱི་རོལ་ཏུ་ནི་འཁྲུལ་འཁོར་བྱ་སྟེ་རྒྱུན་ཆད་མེད་པར་རྡོ་དང་མེ་མདའ་རབ་ཏུ་བབ་པ་དང་། རལ་གྲི་ལ་སོགས་གཅོད་པའི་འཁྲུལ་འཁོར་དག་དང་ས་གཞིའི་གནས་ལ་གུར་དང་གོ་ནི་དབྱེ་བ་ཡིས། དེ་ཡི་རྫོང་ནི་ཕྱེ་མར་བྱས་ཏེ་ཉིན་ཞག་ཅུང་ཟད་དག་གིས་གདུག་པ་དེ་ནི་བསྒྲུབ་པར་བྱ། ཞེས། ངོ་མཚར་བའི་སྦྱོར་བ་ཐང་རྫོང་གཞིག་པ་རྡོའི་འཁྲུལ་འཁོར་ཏེ་མགྱོགས་ཆུ་རྫོང་འཇོམས་པ་གྲུའི་འཁྲུལ་འཁོར། རི་རྫོང་འཇོམས་པ་མེའི་འཁྲུལ་འཁོར། རལ་གྲི་འཁོར་བ་གྲི་གུག་གི་འཁྲུལ་འཁོར། རྩེ་མོ་འབྱེད་པ་རླུང་གི་འཁྲུལ་འཁོར། རྩིག་པ་འཇིག་པ་གུར་གྱི་འཁྲུལ་འཁོར་ཏེ་གོ་ཆ་འཇིགས་པ་ལྕགས་མདའི་འཁྲུལ་འཁོར་རྣམས་དང་། རང་(༩ན)

― GLG020_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་སྲུང་བ་རལ་གྲིའི་འཁྲུལ་འཁོར། རྒྱལ་རིགས་འཐབ་པ་ཤིང་རྟའི་ཚད། ལྟད་མོ་ལ་འགྲོ་བའི་དོན་དུ་ཁང་བཟང་གི་མཚན་ཉིད། དགའ་སྟོན་གྱི་དོན་དུ་ཁྱོགས་ཀྱི་མཚན་ཉིད་དོ་ལྡུམ་ར་བཅུ་པའི་དོན་དུ་ཆུ་གྱེན་དུ་འདྲེན་པའི་འཁྲུལ་འཁོར་སོགས་དུས་འཁོར་ལས་གསུངས་པ་དང་། ངག་བཟོའི་གཙོ་བོ་ནི། ལོ་ཆེན་རིན་ཆེན་བཟང་པོ་སོགས་ནས་དར་བའི་ཡོ་ག་དང་། གཞན་ཡང་སྔགས་གསར་མའི་ཡི་དམ་ཆོས་སྐྱོངས་ལ་བརྟེན་པའི་གདངས་དབྱངས་དང་། སྔགས་རྙིང་མའི་གྱེར་དབྱངས་ལ། འགྱུར་ཁུག་འདེགས་འཇོག་སྦོམ་ཕྲ་སྟེ་དྲུག་ལྡན་སྙན་བརྗིད་རྔམས་པ་སོགས་མ་འདྲེས་པའི་རིགས་དང་། དཀོན་མཆོག་མཆོད་པའི་ཆེད་དུ་རོལ་མོའི་སྐད་ཀྱི་གདངས་སྣ་ཚོགས་སུ་ཁྲོལ་བ། ངག་བཟོ་ཕལ་པ་ནི། དུས་ཀྱི་དགའ་སྟོན་གྱི་ཚེ་སྐྱེ་བོ་མང་པོའི་དབུས་སུ་གླུ་ལེན་པ། པི་ཝང་སོགས་རྡུང་བ་ཇི་སྙེད་པ། ཡིད་བཟོའི་གཙོ་བོ་ནི། ལུས་ངག་གི་བཟོར་མི་གཏོགས་པའི་གཙུག་ལག་ལ་ཐོས་བསམ་སྒོམ་པ་ཐམས་ཅད་དང་། ཕལ་པ་ནི། ས་གཞི་དང་། རིན་པོ་ཆེ་དང་། ལྗོན་ཤིང་དང་། གོས་དང་། གླང་པོ་ཆེ་དང་། རྟ་དང་། སྐྱེས་པ་དང་། བུད་མེད་བརྟག་པ་སོགས་ཏེ། སེམས་ལྡན་དང་སེམས་མེད་ཀྱི་དཔྱད་དོན་གྱི་རིམ་པ་རྣམས་ཡིན་པས། དོན་དྲིལ་ན། དམན་པའི་ལས་རྫ་བཟོ་ནས་བཟུང་སྟེ། སྙིང་པོའི་མཆོག་ཟབ་མོ་རྡོ་རྗེ་རྣལ་འབྱོར་ལ་བརྟེན་ནས་ཚེ་གཅིག་ལ་འཚང་རྒྱ་བའི་ལམ་སྒྲུབ་པའི་བར་ཐམས་ཅད་བཟོ་རིག་ཏུ་བསྡུ་ནུས་པའི་ཕྱིར་ན། དཔལ་དུས་ཀྱི་འཁོར་ལོ་ནས་གསུངས་པའི། ལྔ་བསྡུས། སྒྲ་གཅན། ལོ་འཕོ། ཟླ་འཕོ། གཟའ་འཛིན། གཟའ་ལྔ། དུས་སྦྱོར། ཞག་གསུམ་གྱི་རྣམ་པར་དབྱེ་བའི་སྐོར་སོགས་སྐར་རྩིས་དང་། དབང་ཕྱུག་ཆེན་པོས་ལྷ་མོ་དབུ་མ་ལ་གསུངས་པའི་(༩ན)

― GLG020_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་པོ་ལྟ་བུ་ལ་དབྱངས་གསལ་འཆར་ཚུལ། ཚེ་ཚད། འཆི་བ་བརྟགས་པ། བློན་པོ་ལྟ་བུ་ལ། པདྨའི་འཁོར་ལོ། བུམ་པའི་འཁོར་ལོ། རལ་གྲིའི་འཁོར་ལོ། མདའ་གཞུའི་འཁོར་ལོ་སོགས་བེམ་པོའི་རིགས་དང་། སྦྲུལ་གྱི་འཁོར་ལོ། སྡེ་རྒྱད་ཀྱི་འཁོར་ལོ། འདབས་ཆགས་ཀྱི་འཁོར་ལོ། དགྲ་གཤེད་ཀྱི་འཁོར་ལོ། རུས་སྦལ་གྱི་འཁོར་ལོ། བྱ་ཁྱུང་གི་འཁོར་ལོ་སོགས་སྲོག་ཆགས་ལ་བརྟེན་པ། བག་རྩིས་ཁྱོ་ཤུག་རིགས་གསུམ་སོགས་རང་རིགས་ཀྱི་འཁོར་ལོ། དམག་མི་ལྟ་བུ་ལ་གླང་ཆེན་མཆེ་བའི་འཁོར་ལོ། རྐང་པ་བརྒྱད་པའི་འཁོར་ལོ། རྐང་པ་བརྒྱད་ཅུ་རྩ་གཅིག་པའི་འཁོར་ལོ། རུས་སྦལ་གྱི་འཁོར་ལོ། སེང་གེ་ལྡན་གྱི་འཁོར་ལོ། གདུགས་ཀྱི་འཁོར་ལོ། མཚོན་ཆ་ལྟ་བུ་ལ། སྒྲ་ཅན་རྩ་བའི་འཁོར་ལོ། དཀར་ཕྱོགས་དང་ནག་ཕྱོགས་ཀྱི་ཚེས་ལ་འཆར་བའི་སྒྲ་ཅན་གྱི་འཁོར་ལོ། ཡུད་ཙམ་ར་ཧུའི་འཁོར་ལོ་གཉིས། ཟླ་ཕྱེད་ར་ཧུའི་འཁོར་ལོ། ཐུན་ཆེད་ར་ཧུའི་འཁོར་ལོ། མདུང་རྩེ་བཅུ་གཉིས་ཀྱི་ར་ཧུའི་འཁོར་ལོ། བི་ཥྚིའི་འཁོར་ལོ། ཐུན་འཚམས་བརྒྱད་ཀྱི་ར་ཧུའི་འཁོར་ལོ་སྟེ་ར་ཧུའི་འཁོར་ལོ་བཅུ། ཕྱོགས་མཚམས་གཟའ་བརྒྱད་ཀྱི་འཁོར་ལོ། རྣལ་འབྱོར་མ་བརྒྱད་ཀྱི་འཁོར་ལོ། དུས་སྦྱོར་ཕྱེད་པའི་འཁོར་ལོ། ཐུན་ཕྱེད་ཀྱི་འཁོར་ལོ། བདུད་རྩིའི་ཐུན་མཚམས་ཀྱི་འཁོར་ལོ། རིགས་ལྡན་འཆར་ཚུལ་གྱི་འཁོར་ལོ། བཙུན་མོ་ལྟ་བུ་ལ། ཏཏྐ་ལའི་དུས་སྦྱོར་ལ་འཁོར་ལོ་བརྒྱད་ཅུ་ལྷག་བཅས་འཁོར་གཡོག་ལྟ་བུ་ལ་མིང་སྐར་སྐྱེས་སྐར་འཚོལ་ཐབས། དཀར་པོའི་འཁོར་ལོ་མཛེས་མ་དབང་སྡུད། དམར་པོའི་འཁོར་ལོ་རི་དྭགས་གཤོར་བ། ནག་པོའི་འཁོར་ལོ་དགྲ་བགེགས་སྒྲོལ་བ་སོགས་དཔལ་གཡུལ་ལས་རྣམ་པར་(༡༠ན)

― GLG020_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བའི་རྩིས་དང་། འཕགས་པ་འཇམ་དཔལ་གྱིས་ཀོང་རྩེ་འཕྲུལ་གྱི་རྒྱལ་པོ་ལ་གནང་བའི་ལོ་ཟླ་ཞག་དུས་ཚོད། སྲོག་ལུས་དབང་ཐང་རླུང་རྟ་སྤར་རྨེ་སོགས་རྩིས་གཞིར་བཟུང་ནས། གསོན་རྩིས་ལ་མི་འགྱུར་རྩ་བའི་རྡེའུ་དྲུག །གཅོད་དྲལ་གྱི་རྡེའུ་ཉི་ཤུ་རྩ་གཅིག །རྡེའུ་ཞེ་བདུན་མ་བཅུ་བཞི་མ། བརྒྱད་མ། ནད་རྩིས་ལ། ཐང་ཤིང་གི་རྩིས། ཚེ་རྩིས་ལ། རྒྱ་མ་ཕ། ངག་གི་རྩིས། གཟའ་བཞི་མ་ཀླུང་གི་རྩིས། ལྷ་དཔལ་ཆེ་གསུམ་གྱི་རྩིས། གིང་གོང་གཉེར་སྦྱོར་གྱི་རྩིས། གཤིན་རྩིས་ལ། ཟང་འཁྱམ་རྣམ་གྲངས་མི་འདྲ་བ་བཅུ་གསུམ་སོགས་རྒྱ་ནག་གཙུག་ལག་གི་རྩིས་རྣམས་ཀྱང་གོང་དུ་བཤད་པ་ལྟར་ཡིད་བཟོར་བསྡུ་ནུས་སོ། །འོན་ཀྱང་དེང་སང་རིག་པའི་གནས་ལྔར་ཡོངས་སུ་གྲགས་པ་ལྟར་ན། བཟོ་གསོ་སྒྲ་ཚད་ནང་རིག་ལྔ་པོ་རིག་གནས་ཆེ་བ་ལྔ་ཡིན་པས་འདི་ལྔ་ཤེས་པ་ལ་རྒྱ་གར་འཕགས་པའི་ཡུལ་དུ་མ་ཧཱ་པཎྜི་ཏ་ཞེས་ལྔ་རིག་པ་ཆེན་པོ་འམ་མཁས་པ་ཆེན་པོར་གྲགས་ལ། རང་ཅག་བོད་ཡུལ་འདིར་མཁས་བླུན་དབྱེ་བ་མེད་པས་རིག་གནས་ཕྱོགས་རེ་ཙམ་ཤེས་པ་ལའང་ཐམས་ཅད་མཁྱེན་པ། ཀུན་མཁྱེན། པཎྜི་ཏ། མཁས་པའི་དབང་པོ་སོགས་མིང་སྙན་པོར་འབོད་པ་ནི། བྱ་བ་འགའ་ལ་མཁས་པ་ཡིས། །གཞན་དག་ཤེས་པའི་ངེས་པ་མེད། །ཆུ་ལས་འོ་མ་འབྱེད་ཤེས་པའི། །ངང་པས་གཟུགས་བརྙན་ཟས་སུ་སྒོམ། །ཞེས་པའི་དོན་ལྟར་རོ། །ལྔ་པོ་དེའི་བྱེ་བྲག་པ་སྒྲ་རིག་པ་རྗོད་བྱེད་ཀུན་གྱི་གཞིར་བཟུང་ནས། དེ་ཉིད་ལས་འཕྲོས་པའི་རིག་གནས་ཆུང་བ་ལྔ་ནི། སྙན་ངག་ཤེས་ན་ཚིག་རྒྱན་ལ་མི་རྨོངས། སྡེབ་སྦྱོར་ཤེས་ན་ཚིགས་བཅད་ལ་མི་རྨོངས། མངོན་བརྗོད་ཤེས་ན་མིང་ལ་མི་རྨོངས། ཟློས་གར་ཤེས་ན་སྐད་རིགས་ལ་མི་རྨོངས། སྐར་རྩིས་ཤེས་ན་བླང་དོར་(༡༠བ)

― GLG020_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མི་རྨོངས་པས་དོན་དེ་ལ་དགོངས་ནས། འཇིག་རྟེན་གྱི་མིག་གཅིག་པུ་ལོ་ཆེན་ཐམས་ཅད་མཁྱེན་པའི་ཞལ་ནས། སྐར་རྩིས་སྙན་ངག་སྡེབ་སྦྱོར་དང་། །མངོན་རྗོད་ཟློས་གར་འདི་ལྔ་ལ། །རིག་གནས་ལྔ་ཞེས་འཕགས་ཡུལ་ན། །གྲགས་པའི་བ་དན་རླུང་ལྟར་སྒྲོག །ཅེས་སོ། །འཇམ་དབྱངས་ཁ་ཆེ། སྣ་ཐང་པཎ་ཆེན་སཾགྷ་ཤྲཱི། རིན་སྤུངས་ངག་དབང་འཇིགས་གྲགས་སོགས་ཀྱིས་སྒྲ་ཐེ་བའི་རིག་གནས་ཆུང་བ་ལྔར་མཛད་པ། རིག་གནས་བཅུ་ཕྲག་ཏུ་བཤད་པར་དགུ་ལས་མི་འབྱུང་བའི་སྐྱོན་འཇུག་གམ་སྙམ་མོད། །དེ་དག་ནི་གྲགས་པ་དོན་ལྡན་གྱིམ་ཁས་པར་བདའ་བས། བབ་ཅོལ་མིན་པའིཁུངས་ཤིག་ཡོད་ངེས་ཏེ། ཤེས་རབ་ལྡན་པས་ཉེས་པ་དག །སེལ་བར་ནུས་ཀྱི་བླུན་པོས་མིན། །ནམ་མཁའ་ལྡིང་གིས་དུག་ཅན་སྦྲུལ། །གསད་པར་ནུས་ཀྱི་ཁྭ་ཏས་མིན། །ཞེས་པ་ལྟར་རོ། །དེ་ལྟ་བུའི་རིག་གནས་ལྔ་ལ་རིག་པའི་གནས་ཆུང་བ་ལྔའི་ཐ་སྙད་བྱེད་པས། དེ་ལྔ་ཤེས་པ་ལ་ཨལྤ་པཎྜི་ཏ་ཞེས་པཎ་ཆུང་གི་མིང་ངོ་། །མཁས་པ་ཟུར་མཁར་བློ་གྲོས་རྒྱལ་པོས་ཀྱང་། རིག་གནས་བཅུ་ཕྲག་གཅིག་ལ་སྤུངས་པའི་མཐུས། །མཁས་པའི་བྱ་བ་འཆད་རྩོད་རྩོམ་པ་གསུམ། །མཁས་པ་མང་པོ་ཚོགས་པའི་མདུན་སར་ཡང་། །མཁས་རྣམས་ཁྲེལ་བའི་གཏམ་ནི་སྨྲ་མི་མྱོང་། །ཞེས་གསུང་པ་རང་ཉིད་མཁས་པའི་གོ་འཕང་ཐོབ་པ་ལ་བྲོད་ཁ་རྙེད་པའི་གཟེངས་བསྟོད་པར་སྣང་ཡང་། དུས་དེར་སྐྱོགས་སྟོན་ལོ་ཙཱ་བ་རིན་ཆེན་བཀྲ་ཤིས་བློ་གྲོས་ངོ་མཚར་བྱེ་བའི་གཏེར་མཛོད། དཔལ་ཁང་ལོ་ཙཱ་བ་དབྱངས་ཅན་བསྙེམས་པའི་སྡེ། ལྷ་མདོངས་ལོ་ཙཱ་བ་བཤེས་གཉེན་རྣམ་རྒྱལ། འབྲུག་པ་ལོ་ཙཱ་བ་ངག་དབང་གྲགས་པ་སོགས་མཁས་པ་མང་པོའི་བསྒང་(༡༡ན)

― GLG020_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

མཇུག་སྒང་རྒན་འོད་ཟེར་རྒྱལ་མཚན། གྲངས་ཆེན་རབ་འབྱམས་པ་འཇམ་དཔལ་རྡོ་རྗེ། སྐད་གཉིས་སྨྲ་བ་སངས་རྒྱས་དཔལ་བཟང་། སྨོན་འགྲོ་པཎྜི་ཏ་རིག་གནས་རྒྱ་མཚོ་པ་ཚེ་དབང་དོན་གྲུབ་སོགས་མཁས་པ་མང་པོ་ཆུ་གཉེར་ལྟར་གཅིག་རྗེས་གཅོག་ནོན་དུ་འབྱུང་བར་མངོན་དུ་ཕྱོགས་པའི་དུས་སྐབས་བཟང་པོར་སོང་བས་མཁས་པ་མཁས་པའི་དྲུང་ན་མཛེས་པར་སྣང་། དེང་སང་ནི་ཟུར་མཁར་བ་རང་བཞུགས་ཀྱང་། བླུན་པོའི་དྲུང་ན་མཁས་པ་བས། །སྤྲེའུ་འཛིན་པ་ཁྱད་པར་འཕགས། །སྤྲེ་འཛིན་ཟས་དང་ནོར་གྱིས་མཆོད། །མཁས་པ་ལག་པ་སྟོང་པར་འགྲོ། །ཞེས་པའི་དོན་ཐོག་ཏུ་བབས་པའི་དུས་ཀྱི་དབང་ལས་ཏེ། སྔོན་བྱོན་མཁས་པའི་རྗེས་སུ་འཇུག་པའང་ཉིན་སྐར་ལྟ་བུར་གྱུར་ཅིང་། རིག་གནས་བཅུ་ཕྲག་ཕྱོགས་ཙམ་ཤེས་པ་བྱུང་སྲིད་ནའང་ཆོ་ག་ཉམས་པར་བྱེད་པ་རྣམས། ཆོ་ག་ཚང་བར་བྱེད་ལ་བརྙས། །ཙཱུ་ཏའི་ཡུལ་དུ་ཕྱིན་པ་ན། །རྐང་གཉིས་པ་ལ་མིར་མི་རྩི། །ཞེས་པའི་དཔེ་དང་མཚུངས་པར་མངོན་ནོ། །སྤྱིར་རིག་གནས་ཀྱི་དབྱེ་བ་ལ་མདོ་རྒྱུད་དང་མཁས་པས་བཤད་ཚུལ་མང་བས་མཐའ་གཅིག་ཏུ་གྲངས་འདི་ཙམ་མོ་ཞེས་བཟུང་མི་ནུས་ཏེ། འདུལ་བ་ལུང་དུ་བྲམ་ཟེ་རྣམས་ཀྱི་ལས། གསང་སྔགས་ཀྱི་རྒྱུད་དང་། ཆོ་ག་ཞིབ་མོ་དང་། གཏན་ཚིགས་རིགས་པ་དང་། རིག་བྱེད་དང་། བརྡ་སྤྲོད་པ་དང་། སྒྲ་ངེས་པར་སྦྱོར་བ་དང་། ཤེས་གསལ་དང་། ངེས་པའི་ཚིག་དང་། སྡེབ་སྦྱོར་བསྡུས་པ་དང་། སྐར་མའི་རིག་པ་དང་། རྟོག་བྱེད་ཀྱི་རིག་པ་དང་། ཆུར་ལྷུང་གི་རིག་པ་དང་། ཆེར་སྤྱོད་ཀྱི་རིག་པ་དང་། འཇིག་རྟེན་རྒྱང་འཕེན་པའི་རིག་པ་དང་། བྱེ་བྲག་པའི་རིག་པ་དང་། རྒྱུད་དྲུག་ཅུ་པ་དང་། ཁྱུར་མིད་ཀྱི་རིག་པ་དང་། གནས་འདུག་གི་རིག་པ་སྟེ་བཅོ་(༡༡བ)

― GLG020_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་གསུངས་པ་ལྟ་བུས་མཚོན་ནུས་སོ། །གཞན་ཡང་སྙན་ངག་མེ་ལོང་དུ། འདི་ལྟར་རྒྱུ་རྩལ་དྲུག་ཅུ་བཞིར། །ཞེས་པ་ལྟར། བཟོ་ལ་སོགས་པར་གཏོགས་པ་སུམ་ཅུ། རོལ་མོའི་བྲེ་བྲག་བཅོ་བརྒྱད། གླུ་དབྱངས་ཀྱི་ངེས་པ་བདུན། གར་གྱི་ཆ་བྱད་དགུའོ། །དང་པོ་བཟོ་ལ་སོགས་པར་གཏོགས་པ་སུམ་ཅུ་ནི། ཡི་གེ །ལག་རྩིས། གྲངས། རྩིས་ཆེན། ཐོད་ཚུགས། གོམ་སྟབས། ལྕགས་ཀྱུས་སྒྱུར་ཐབས། རལ་གྲིའི་ཐབས། ཞགས་པ་གདབ་པ། མདའ་བོ་ཆེ་འཕེན་པ། མདུན་དུ་བསྣུར་བ། ཕྱིར་བསྣུར་བ། གཅད་པ། དྲལ་བ། དབུག་པ། རྒྱང་ནས་འཕོག་པ། སྒྲ་དྲག་པར་འཕོག་པ། གནད་དུ་འཕོག་པ། མི་ཚོར་བར་འཕོག་པ། ཚབས་ཆེ་བར་འཕོག་པ། མཆོངས་པ། གྱད་ཀྱི་འཛིང་སྟངས། བང་རྐྱལ། བརྒལ་བ། གླང་པོ་ཆེའི་གཉར་ཞོན་པ། རྟ་ལ་ཞོན་པ། ཤིང་རྟའི་བཟོ་ཐབས། མདའ་གཞུའི་བཟོ་ཐབས། འགྱེད་སྟོབས་དང་སུམ་ཅུའོ། །རོལ་མོའི་བྱེ་བྲག་བཅོ་བརྒྱད་ནི། །བྲོ། རྔ་བོ་ཆེ། རྫ་རྔ། རྔ་ཕྲན། རྫ་རྔ་ཆེན་པོ། འཁར་རྔ། པི་ཝང་རྒྱུད་གཅིག་པ། རྫ་རྔ་ཁ་གཅིག་པ། ལྕགས་ཀྱི་སིལ་ཁྲོལ། འཁར་བའི་སིལ་འཁྲོལ། པི་ཝང་རྒྱུད་གསུམ་པ། རྔ་མུ་ཀུནྡ། སིལ་སྙན་གླུ་དབྱངས་དང་བསྟུན་པ། ཕེག་རྡོབ་རོལ་མོའི་སྒྲ་པི་ཝང་གླིང་བུ་དང་བཅོ་བརྒྱད་དོ། །གླུ་དབྱངས་ཀྱི་ངེས་པ་མདུན་ནི། བར་མ་པ། དྲང་སྲོང་བ། ས་འཛིན་པ། དྲུག་ལྡན། ལྔ་པ། བློ་གསལ། འཁོར་ཉན་དང་བདུན་ནོ། །གར་གྱི་ཆ་བྱད་དགུ་ནི། སྒེག་པ། དཔའ་བ། མི་སྡུག་པ། དྲག་ཤུལ། བཞད་གད། འཇིགས་རུང་བ། སྙིང་རྗེ། དམ་པ། ཞི་བ་དང་དགུའོ། །གཞན་ཡང་། ཐེབ་ཀྱི་ཤ་ནོན་པ། རྐྱལ་གྱིས་ཆུ་ཆེན་ཆོད་པ། ཡང་རྩལ་བྱ་ལྟ་བུ་སྟེ་ལུས་རྩལ་གསུམ། ལོ་རྒྱུས་ཀྱིས་དགེ་འཐོན་པ། གཏམ་གྱིས་བཞད་གད་འཐོན་པ། གཤགས་ཀྱིས་ཕ་རོལ་གནོན་པ་སྟེ་ངག་གི་རྩལ་གསུམ། མཛངས་ལ་བློ་འགྱུ་བ། དཔའ་ལ་བསྲན་ཚུགས་པ། ཁ་གསལ་ཞིང་(༡༢ན)
གཏིང་མི་རྟོགས་པ་སྟེ་ཡིད་ཀྱི་རྩལ་གསུམ་བཅས་པའི་ཕོ་རྩལ་སྣ་དགུ་དང་། གཏམ་ཡིག་རྩིས་གསུམ། མདའ་རྡོ་མཆོངས་གསུམ། བང་རྐྱལ་སྦེ་གསུམ་སྟེ་ཕོ་རྩེད་སྣ་དགུ་སོགས་རྒྱུ་རྩལ་དང་རིག་གནས་ཀྱི་དབྱེ་བ་ནི་བགྲང་ཡས་པའི་ཕྱིར་མཐའ་དག་སྤྲོ་བར་ག་ལ་ནུས་སོ། །

དྲི་བ་གཉིས་པ། ཟླ་བཤོལ་ཇི་ལྟར་འདོན་ལུགས་སོགས་ཀྱི་དྲིས་ལན།

― GLG020_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་བ་གཉིས་པ།ཟླ་བཤོལ་ཇི་ལྟར་འདོན་ལུགས་སོགས་ཀྱི་དྲིས་ལན།དྲི་བ་གཉིས་པ་ནི། གཉིས་པ་དེང་སང་ཟླ་བཤོལ་འདོན་པ་ལ། །བཞེད་ལུགས་མཚན་མོའི་སྐར་ཚོགས་ལྟར་མང་བའི། །ལ་ལ་དབུགས་ཐོབ་བསྒང་ཚད་གཙོ་ཆེ་ཟེར། །ལ་ལ་ཟླ་དགའ་འབར་བ་ཡིན་ནོ་སྐད། །རྒྱ་ནག་རྩིས་དང་གསོ་དཔྱད་གཞུང་ལུགས་སོགས། །བགྲང་ཡས་དཔག་མེད་བཞེད་ལུགས་འདུག་མོད་ཀྱང་། །དུས་འཁོར་རྒྱུད་ཀྱི་རི་མོའི་ངེས་པ་འདི། །གཙོ་ཆེར་གོ་བས་རེ་ཞིག་བརྟག་པར་བྱ། །དེ་ཡང་ཁྱིམ་ཟླ་འདི་ཡིས་སྟོན་པའི་ཕྱིར། །ཁྱིམ་ཟླ་གནས་གཉིས་བཞག་པའི་འོག་མ་ནི། །ལྷག་པ་འཚོལ་བའི་བཞི་རུ་གསུངས་འདུག་པས། །དབུགས་འདི་ཞག་ཏུ་ལོངས་ཚུལ་ཇི་ལྟར་ཡིན། །དེ་བསགས་ཟླ་བ་ཕྱེད་བཅས་སོ་གཉིས་ནས། །ཟླ་བཤོལ་གཉིས་སུ་ལོངས་པར་ཁས་ལེན་ནམ། །ཟླ་རོས་བགོས་པའི་ལྷག་མ་དེ་ཡིས་ཀྱང་། །གཉིས་སོགས་བྱུང་ན་ཕྱེད་ཟླར་གསུངས་འདུག་པ། །སྔ་མའི་ཕྱེད་དམ་རྗེས་མའི་ཕྱེད་གང་ཡིན། །དེ་ལྟར་དབུགས་སོགས་སྔ་མ་བསགས་པ་ཡིས། །ཕྱི་མ་ཕྱི་མའི་ཟླ་བཤོལ་འབྱུང་འགྱུར་ན། །བཅུ་གཉིས་ལོན་ཚེ་ལོ་བཤོལ་འབྱུང་ངམ་ཅི། །དེ་ལྟར་ཡིན་ན་ཟླ་བཤོལ་འདི་ཉིད་ཀྱང་། །འདོན་པར་རིགས་མི་འགྱུར་ཏེ་དབུགས་སོགས་ཀྱི། །བཤོལ་བསགས་ཞག་ཏུ་ལོངས་ཚེ་དོར་ཟིན་པས། །དེ་བསགས་ཟླ་བཤོལ་འབྱུང་དོན་མེད་པར་འདོད། །འདི་དོན་རྒྱས་པ་ལུང་རིགས་འཐད་ངོས་ནས། །ཐེ་ཚོམ་མེད་པར་མྱུར་དུ་སྩལ་ཏུ་གསོལ། ཁོ་བོ་བླུན་རྨོངས་གནས་སུ་གྱུར་པས་ན། །ལུང་ཡང་བསྡུས་རྒྱུད་རྩ་(༡༢བ)

― GLG020_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ཁོ་ན་འདོད། །ཅེས་པ་སྤྱིར་ཟླ་བཤོལ་འདི་མདོ་རྒྱུད་ཐ་སྙད་ཀྱི་གཙུག་ལག་མང་པོ་ནས་གསུངས་ལ། དེའང་ཕྲ་མོ་ནས་བརྩིས་ཏེ་ལོ་ཟླ་འཇོག་དགོས་པས། དམ་པའི་ཆོས་འདུལ་བའི་ལུགས་ལ། མཛོད་ལས། སྐད་ཅིག་མ་བརྒྱ་ཉི་ཤུ་ལ། །དེ་ཡི་སྐད་ཅིག་དེ་དག་ཀྱང་། །དྲུག་ཅུ་ལ་ནི་ཐང་གཅིག་གོ །ཡུད་ཙམ་ཉིན་ཞག་ཟླ་གསུམ་ནི། །གོང་ནས་གོང་དུ་སུམ་ཅུར་འགྱུར། །ཞག་མི་ཐུབ་དང་བཅས་པ་ཡི། །ཟླ་བ་བཅུ་གཉིས་ལ་ལོ་གཅིག །ཅེས། སྐྱེས་བུ་དར་བབ་ཀྱི་སེ་གོལ་གཅིག་པ་ལ་དྲུག་ཅུ་རྩ་བཞིར་ཕྱེ་བའི་གཅིག་ལ་དུས་མཐའི་སྐད་ཅིག་མ། དེ་བརྒྱ་ཉི་ཤུ་ལ་དེའི་སྐད་ཅིག་མ། དེ་འདྲ་དྲུག་ཅུ་ལ་ཐང་གཅིག །དེ་སུམ་ཅུ་ལ་ཡུད་ཙམ། དེ་སུམ་ཅུ་ལ་ཉིན་ཞག །དེ་སུམ་ཅུ་ལ་ཟླ་བ། དེ་བཅུ་གཉིས་ལ་ལོར་བཤད་ཅིང་། འཇིག་རྟེན་ལ་ལོ་རེ་ལ་སྟོན་ཐོག་རེ་ལས་མི་འོང་བས། ལོ་ལེགས་ཉེས་ཞེས་རྗོད་པར་བྱེད་ལ། ལོའི་སྐད་དོད་ཝ་ཎ་ཞེས་པ་ངེས་ཚིག་གིས་བཤད་ན། ཡོངས་བགྲང་། བགྲང་གཞི། རང་སྐྱོབ། འདོར་བྱེད་དུ་གྲགས་པས་འཆི་མེད་མཛོད་ལས། ཡོངས་བགྲང་བགྲང་གཞི་རང་སྐྱོབ་དང་། །འདོར་བྱེད་ཅེས་བྱ་ལོ་ཡི་མིང་། །ཞེས་སོ། །ལོ་དེ་ལ་དུས་ཚིགས་འབྱེད་ཚུལ་མང་དུ་ཡོད་པ་ལས། དགུན་དཔྱིད་དབྱར་གསུམ་བསྡུས་ནས། དུས་ཚིགས་གསུམ་དུ་བཤད་པའི་དགོས་པ་ཕྱག་དར་ཁྲོད་པའི་གོས་དེ་ཁྱིམ་པས་ཟླ་བ་བཞིར་ལོངས་སྤྱད་ནས་འཇོག་ལ། དེ་རྟོགས་པའི་ཕྱིར་གསུངས་པས། དགྲ་བཅོམ་པ་ས་ག་ལྷས་ཟླ་བཞི་ལ་སོགས་ལོངས་སྤྱད་པའི། གོས་དེ་སྡོམ་བརྩོན་གྱིས་རྟོག་ན། ཞེས་སོ། །དུས་ཚིགས་བཞིར་ཕྱེ་བ་ནི། དཔྱིད་དབྱར་སྟོན་དགུན་ཏེ་དུས་བཞིར་འཇིག་རྟེན་ན་གྲགས་པ་དང་མཐུན་པའི་ཆེད་ཡིན་ལ། འོན་ཀྱང་རྒྱ་གར་ན་དབྱར་སྟོན་དགུན་དཔྱིད་ཀྱི་ཐ་སྙད་ཡོད་ཀྱང་། རབ(༡༣ན)

― GLG020_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲིང་ཐ་ཆུང་གི་ཐ་སྙད་མེད་པས། རྒྱ་དཔེར་མགོ་ཟླ་བ་ལ་མཱརྒ་ཤིཪྵི་ཞེས་པ་ལས་ར་བའི་སྐད་དོད་མེད་དོ། །དུས་ཚིགས་ལྔར་ཕྱེ་བ་ནི། དབྱར་ཕྱི་མ་ཁས་ལེན་པ་ལ་དབྱར་ཐུང་ངུ་ཤེས་པའི་ཆེད་དེ། རྒྱ་ཆེར་འགྲེལ་ལས། དེ་ནི་ཉིན་ཞག་གཅིག་སྟེ། དབྱར་ཟླ་ཐ་ཆུང་གི་ཚེས་བཅུ་དྲུག་གོ་ཞེས་བྱ་བའི་ཐ་ཚིག་གོ །ཞེས་གསུངས་པས། དབྱར་སྔ་མ་ཁས་མ་བླངས་པ་ཞིག་ལ། ཟླ་བ་བདུན་པར་དབྱར་ཟླ་ཐ་ཆུང་དུ་བྱས་པའི་ཚེས་བཅུ་དྲུག་ལ་དབྱར་ཁས་མ་བླངས་ན་ལོ་གཅིག་བུ་དེར་དབྱར་གནས་མི་འཆགས་པས་ཤི་ཟླ་དང་འདྲ་བའི་ཐ་སྙད་ཀྱང་བཏགས་སོ། །དུས་ཚིགས་དྲུག་ཏུ་ཕྱེ་བ་ནི། ཞག་མི་ཐུབ་ཤེས་པའི་ཆེད་ཡིན་ཏེ། ཚེས་ཞག་ལས་ཡུད་ཙམ་ཕྱེད་ཕྱེད་ཀྱིས་ཉིན་ཞག་རིང་བས། ཟླ་བ་ཕྱེད་དང་གཉིས་ནས་ཞག་མི་ཐུབ་ཀྱི་གསོ་སྦྱོང་འོང་བའི་ཕྱིར། ལོ་དྲི་བ་ལས། རྒྱལ་དང་དབོ་དང་ས་ག་ཅན། །ཆུ་སྟོད་འཁྲུམས་སྨད་སྨིན་དྲུག་ཅན། །འདི་རྣམས་ཀྱི་ནི་ནག་པོའི་ཕྱོགས། །ཟླ་ཕྱེད་གསོ་སྦྱོང་བཅུ་བཞི་པ། །ཞེས་སོ། །དེ་ལ་བརྟེན་ནས་ལོ་རེ་ལ་ཟླ་བ་བཅུ་གཉིས། དེ་རེ་རེ་ཞག་སུམ་ཅུར་བྱས་པའི་ཟླ་བ་བཅུ་གཉིས་པོ་དེས་ཀྱང་མི་ཆོག་གི །ཞག་མི་ཐུབ་ཀྱི་ཞག་དྲུག་དང་བཅས་ཞག་སུམ་བརྒྱ་རེ་དྲུག་རེ་རྫོགས་པའི་དབང་དུ་བཏང་ནས། ལྷག་པར་འགྱུར་བ་དེ་བསགས་པ་ན་ཟླ་བཤོལ་འགྱུར་ཏེ། འདུལ་བ་ལུང་ལས། བཅོམ་ལྡན་འདས་རྒྱལ་པོའི་ཁབ་འོད་མའི་ཚལ་ན་བཞུགས་པའི་ཚེ་ན་དགེ་སློང་རྣམས་ལ། ལོ་ལྔ་ལྔ་ན་བཤོལ་དོར་ཅིག་བཀའ་སྩལ་པས་དགེ་སློང་རྣམས་ལོ་ལྔ་ན་བཤོལ་འདོར་པར་བྱེད་ཅེས་གསུངས་ལ། རྒྱལ་པོའི་ལུགས་དང་མ་མཐུན་པར་འཕྱ་བ་ན་མདོ་ལས་བློན་པོ་རྣམས་ཡུས་ཏེ། དེ་ལྟར་ན་རྒྱལ་པོའི་གཞུང་བཞིན་དུའང་གྱིས་ཤིག །ཅེས་དང་།(༡༣བ)

― GLG020_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་བཅོས་ལས། ཟླ་བའི་བཤོལ་འདོར་བ་ནི་རྒྱལ་པོའི་རྗེས་སུ་འབྲང་བས་ཤེས་པར་བྱའོ་ཞེས་གསུངས་སོ། །འོན་ཀྱང་འདུལ་བ་འཛིན་པ་ཕལ་ཆེར་གྱིས་བཤད་པའི་སྐོར་རྣམས་རགས་བརྩིས་སུ་འདུག་པས་དཔྱད་ནས་ཞག་གསུམ་གྱི་རྣམ་དབྱེ་མ་དགོངས་པའི་སྐྱོན་ཅུང་ཟད་ཡོད་པར་སྣང་། མཁས་པ་ལ་ལ། རྟ་བྱ་བྱི་བ་ཡོས་ལ་བཤོལ། །སྟོན་དགུན་དཔྱིད་དབྱར་འབྲིང་པོ་གཉིས། །ཞེས་རྟ་ལོ་ལ་སྟོན་དང་། བྱ་ལོ་དགུན་འབྲིང་བཤོལ་ན་ཟླ་བ་ཉི་ཤུ་རྩ་བརྒྱད་ལ་བཤོལ་འོང་བར་འདུག་པས་རྩིང་པོའི་བློ་ཅན་ཏེ། འདུལ་མངོན་དང་། དུས་འཁོར་གང་གི་རྗེས་སུ་འབྲང་ཡང་ལེགས་པར་མ་མཐོང་ངོ་། །རྒྱ་ནག་གི་ལུགས་ལ། ཀོང་རྩེའི་ཞུ་ལན་དུ། དུག་པ་ཅན་གྱི་ལོ་དག་ལ། །དུག་པ་ཅན་གྱི་ཟླ་བ་གདོན། །ཞེས། སྟག་རི་མོ་མ་ཡལ་བས་ཟླ་གཅིག་ཤོལ། སྦྲུལ་ཤུན་ལྤགས་མ་རྗེས་པས་ཟླ་བ་གཅིག་བཤོལ། སྤྲེའུ་ཤིང་ཐོག་མ་སྨིན་པས་ཟླ་གཅིག་བཤོལ། ཕག་ངུར་སྒྲ་མ་ཡལ་བས་ཟླ་གཅིག་བཤོལ་བར་བཤད་པས། དཔེར་ན་སྟག་གི་ལོ་ལ་སྟག་གི་ཟླ་བ་བཤོལ་བས་མཚོན་ནུས་སོ། །དོན་གྱི་སྙིང་པོ། དུས་འཁོར་དང་དབྱངས་འཆར་སོགས་ཀྱི་དགོངས་པ་སྐར་རྩིས་འདི་རིགས་རྩིས་ལ་མ་བལྟོས་པར་ཕྲ་མོ་ནས་དཔྱད་པའི་རྩིས་ཡིན་པས། མཁས་པ་མགུ་བ་སྐྱེ་བའི་གནས་ཁོ་ནར་སྣང་ཞིང་། དྲི་བའི་སྙིང་པོར་ཡང་འདུག་པས་ཅུང་ཟད་བརྗོད་པར་སེམས་ཀྱང་། རིག་པ་གླེགས་བམ་ནང་གནས་དང་། །མ་བསྒྲུབས་པ་ཡི་གསང་སྔགས་དང་། །བརྗེད་ངས་ཅན་གྱིས་བསླབས་པ་རྣམས། །དགོས་པའི་ཚེ་ན་སླུ་བ་མང་། །ཞེས་དང་། འཕགས་པ་ཀླུ་སྒྲུབ་ཀྱིས། མཁས་པའི་མདུན་སར་ཅི་བརྟོལ་གྱིས། །སྨྲ་བྱེད་དུད་འགྲོའི་གདོལ་ཐབས་ཡིན། །ཉིན་པར་ཨཱུ་ལུ་ཀ་ཡི་སྒྲ། (༡༤ན)

― GLG020_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

།ངོ་མཚར་རྩིས་སུ་སུ་ཞིག་བྱེད། །དུད་འགྲོའི་སྐད་གསང་ཕྱུགས་དཀྱིལ་དུ། །འབྱིན་ན་ཤིན་ཏུ་མཛེས་པ་ཡིན། །བློ་ལྡན་སྐྱེ་བོའི་ཁྲོད་ནང་དུ། །འབྱིན་ལ་ངོ་མཚར་སུ་ཞིག་འཛིན། །ཞེས་གསུངས་པ་ལྟར། ཁོ་བོ་བརྩོན་པ་ཆུང་བ་དང་སྦྱངས་པ་ཞན་ལ་ཤེས་རབ་དམན་པས། ཕྲ་མོའི་གནད་འདི་དག་ཚུལ་བཞིན་སྨྲ་བའི་སྤོབས་པ་ཐོབ་པར་མ་གྱུར་ཅིང་། ཁྱད་པར་དུས་འཁོར་མཁན་པོར་རློམ་པ་འགས་གླེགས་བམ་ཆེན་པོ་རྩོམ་པ་ན་ཞིབ་རྩིས་མ་འགྲིག་པས་འབྱོལ་ཐབས་ལྷུར་ལེན་པའི་ཚིག་འདྲི་བ་དང་། རྗེས་འཇུག་གིས་རྐང་རྗེས་ལག་སུབ་བྱེད་པ་མཐོང་ཚེ། བློ་དམན་བདག་འདྲས་དཔྱོད་ལྡན་རྣམས་དགྱེས་པ་སྐྱེད་མི་ནུས་པར་མ་ཟད་བླུན་གཏམ་ཅི་བརྟོལ་དུ་སྨྲས་པར་གྱུར་དོགས་མོད། འོན་ཀྱང་། གང་ཞིག་གསེར་གྱི་རི་ལ་གནས་བཅས་པ། །དེ་ཡི་འདབ་ཆགས་རྣམས་ཀྱང་གསེར་དུ་འགྱུར། །ཞེས་པའི་དཔེ་ལྟར། སྟག་ཚང་ལོ་ཙཱ་བ་ཤེས་རབ་རིན་ཆེན། དུས་ཞབས་པ་ཆེན་པོ་ཆོས་ཀྱི་གྲགས་པ། ཐམས་ཅད་མཁྱེན་པ་ནོར་བཟང་རྒྱ་མཚོ། མཁས་པའི་དབང་པོ་ཕུག་པ་ལྷུན་གྲུབ་རྒྱ་མཚོ། དཔལ་མགོན་འཕྲིན་ལས་ཞབས་རྣམས་ཀྱི་ལེགས་བཤད་ལ་ཅུང་ཟད་ཐོས་པ་བྱས་པའི་བྱེད་པོས། མཁས་པ་རྣམས་ཁྲེལ་བའི་གནས་སུ་མི་འགྱུར་ཙམ་ཞིག་གི་རྒྱུ་མཚན་གླེང་ན། ཞིབ་རྩིས་ཚད་ལྡན་ཞིག་བྱེད་པར། ཐམས་ཅད་མཁྱེན་པ་བུ་སྟོན་ཞབས་ཀྱི་མཁས་པ་དགའ་བྱེད་དང་། དུས་ཞབས་པ་ཆེན་པོ་ལྷུན་གྲུབ་རྒྱ་མཚོའི་པད་དཀར་ཞལ་ལུང་ལྟ་བུ་ཞིག་གི་རྒྱུ་མཚན་རྩིས་ལ་སྦྱང་དགོས་ཤིང་། བྱེ་བྲག་བཤོལ་སོགས་ལ་ཞག་གསུམ་གྱི་རྣམ་པར་དབྱེ་བའི་རྣམ་གཞག་ལ་བརྟེན་དགོས་ནའང་། དེང་སང་ནི། རྨིག་རྗེས་སུ་ཆུ་ཡིས་དགང་སླ་སྟེ། །མཛོད་ཆུང་ནོར་གྱིས་དགང་བ་སླ། །ཞིང་ཆུང་ས་བོན་གདབ་སླ་(༡༤བ)

― GLG020_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། །བློ་ཆུང་རིག་པས་མགུ་བ་སླ། །ཞེས་པ་ལྟར། དུས་འཁོར་ཤེས་པར་ཁས་འཆེ་བ་དགུ་མཐའ་ཙམ་ཡང་སློབ་མ་མྱོང་པའི་མུན་ནག་འདོམ་འཇལ་གྱི་རིགས་མཐའ་ཀླས་ཤིང་། ལྔ་བསྡུས་གཟའ་འཛིན་ཙམ་ཤེས་པས་རྩིས་པ་ཆེན་པོ་སྲིད་སྒྲུབ་གཉིས་པ་ལྟ་བུར་རློམ་པ་མང་ལ། ཞག་གསུམ་རྣམ་དབྱེ་རྣ་བའི་ཁུང་བུར་སོན་པ་ཉུང་བར་སྣང་། རང་ལུགས་པདྨ་དཀར་པོའི་ཞལ་ལུང་གི་དགོངས་པ་གཙོ་བོར་བྱས་ཏེ་བཤད་ན། ལོ་གཅིག་བུ་དེ་མཁའ་དུས་མེས་བསྒྱུར་བས། སུམ་བརྒྱ་དྲུག་བཅུ་བྱུང་བ་དེས་ཁྱིམ་ལོའི་ཞག་གྲངས་བསྟན་པ་ཡིན་ལ། ཁྱིམ་ལོའི་དོན་ཉི་མས་ལུགས་སོགས་ཁྱིམ་བཅུ་གཅིག་ལ་རྫོགས་པར་སྤྱོད་པའི་ཡུན་ཚད་དོ། །བཤད་མ་ཐག་པའི་ཞག་གྲངས་དེ་གནས་གཉིས་སུ་བྱས་པའི་འོག་མ་མིག་གིས་བསྒྱུར། མདའ་རོས་སྟེང་དུ་བགོས་པས་སུམ་བརྒྱ་དོན་གཅིག་བྱུང་བ་དེ་ཚེས་ཞག་གི་གྲངས་ཡིན་ལ། ཟླ་བ་འཕེལ་འགྲིབ་ཀྱི་དབང་གིས་ཚེས་ལོངས་ལ་བརྟེན་ནས་བཞག་པ་ཡིན་ནོ། །ཞལ་ལུང་གི་དགོངས་པ་ལྟར་ཆུ་ཚོད་སོགས་ལག་ལེན་ཞིབ་ཏུ་བྱས་ན། ཚེས་དཀྱིལ་ཆུ་ཚོད་བཞི། ཆུ་སྲང་སོ་དྲུག །དབུགས་ལྔ། ཆ་ཤས་བདུན་ཡོད་པས། དཀྱིལ་འཁོར་སུམ་བརྒྱ་དོན་གཅིག་པོ་མཁའ་རོས་བསྒྱུར། ཆུ་ཚོད་བཅུག །དེ་བཞིན་དུ་རང་རང་འཁོར་ལོས་བསྒྱུར་ལ། ཆ་ཤས་ཀྱི་བང་རིམ་བཞིན་བཅུག །དེ་རི་མཁའ་རིས་བསྒྱུར་བས་ཐེར་འབུམ་ཆེན་པོ་བདུན། ཐེར་འབུམ་གསུམ། དུང་འཕྱུར་དྲུག །བྱེ་བ་དྲུག །ས་ཡ་བརྒྱད། འབུམ་ཕྲག་གཉིས། ཁྲི་ཕྲག་དྲུག །སྟོང་ཕྲག་བརྒྱད། བརྒྱད་བརྒྱ་རྣམས་བྱུང་བ་གནས་གསུམ་དུ་བཞག །འོག་མར་མཁའ་རིས་བགོས། བར་མར་སྦྱིན། དེ་ལ་མཚོ་རོས་བགོས་སྟེ་མར་ཕྲི་བའི་ལྷག་མ་རིམ་པ་བཞིན། རི་མཁའ་རི། འདོད་པ། རོ། མཁའ་རོ། མཁའ་རོ་རྣམས་ཀྱིས་བགོས་ལྷག་སུམ་(༡༥ན)

― GLG020_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་དྲུག་ཅུ་རྩ་ལྔ་བྱུང་བ་ནི་ཉིན་ཞག་གི་དཀྱིལ་འཁོར་ཏེ། ཆུ་ཚོད་བཅུ་དྲུག །ཆུ་སྲང་བཅུ་བཞི། དབུགས་གཅིག །འདོད་ཆ་བཅུ་གཉིས། རི་མཁའ་རིའི་ཆ་བརྒྱ་ཉེར་གཅིག་ཡོད་དོ། །ཚེས་ཞག་གི་ཡུན་ཚད་ནི། ཟླ་རྐང་ལས་བྱུང་བའི་ལོངས་སྤྱོད་ལ་རག་ལུས་པས། རིམ་པའི་སྔ་རྐང་དུ་རྒྱུན་དང་ཞག་གཉི་ཀ་ལ་ནོར། ཕྱི་རྐང་དུ་རྒྱུན་ལ་ནོར་དང་། ཞག་ལ་བུ་ལོན། རིམ་མིན་གྱི་སྔ་རྐང་དུ་རྒྱུན་དང་ཞག་གཉིས་ཀ་ལ་བུ་ལོན། ཕྱི་རྐང་དུ་རྒྱུན་ལ་བུ་ལོན་དང་ཞག་ལ་ནོར་དུ་འགྲོ་བ་ཡིན་པས་ལོངས་སྤྱོད་དེ་རྣམས་གཟའི་ཆུ་ཚོད་མན་ཆད་དུ་བསྣན་པའི་ཚེ། ཚེས་འཕེལ་དུ་ཆུ་ཚོད་རེ་བཞིའི་བར་དུ་འབྱུང་ཡང་ཚེས་འགྲིབ་དུས་ཆུ་ཚོད་ང་བཞིའི་བར་དུ་འོང་བས། རྐང་པ་ལུགས་འབྱུང་དུ་སྤྱོད་དུས་ཚེས་འཕེལ་པས་ཟླ་བའི་འཕེལ་གྲིབ་བུལ་ལ། རྐང་པ་ལུགས་ལྡོག་གི་དུས་སུ་ཚེས་འགྲིབ་པས་ཟླ་བའི་འཕེལ་འགྲིབ་མགྱོགས་པའི་དོན་གྱིས་ཚེས་ཞག་དེ་རྣམས་ཟླ་བའི་དཀར་ནག་གི་ཆ་རེ་རེ་ནས་འཕེལ་འགྲིབ་བྱེད་པའི་དབང་གིས་བཞག་པའི་ཞག་ཡིན་པས། ཆ་རེ་འཕེལ་བའི་ཡུན་ཚད་ལ་ཡར་ཚེས་རེ་དང་། ཆ་རེ་འགྲིབ་པ་ལ་མར་ངོའི་ཚེས་སུ་བཏགས་པའི་སྒོ་ནས་དེ་ལྟར་བཤད་ཀྱི་ཟླ་བའི་དཀར་ནག་གི་ཆ་ལ། ཆ་བཅོ་ལྔ་ལས་གཞན་དུ་ཆེ་ཆུང་ཡོད་པ་ནི་མིན་ནོ། །ཉིན་ཞག་ནི། ལོ་རེ་ལ་རེས་གཟའ་སུམ་བརྒྱ་ལྔ་བཅུ་རྩ་ལྔ་ཅུང་ལྷག་པར་འགྱུར་པས་བཞག་གྲངས་ཀྱང་དེ་ལྟར་བྱུང་ཞིང་། ཉིན་ཞག་གི་ཡུན་ཚད་ཀྱང་ཚེས་ལོངས་ཀྱི་རི་མོར་ཤར་བ་ལ་མ་ལྟོས་པས། དྲི་མེད་འོད་ལས། ཉིན་ཞག་གི་ཐོག་མ་ནམ་ཕྱེད་ནས་འགོ་བརྩམས་པའི་གཟའི་འཕོ་འཚམས་ཀྱང་གསུང་ལ། ད་ལྟ་འཇིག་རྟེན་གྲགས་ཚོད་དང་བསྟུན་ནས། ནམ་ལངས་དུས་སུ་དུས་རྒྱུན་དུ་འཕོ་བའོ། །དྲི་མེད་འོད་ཀྱིས་ཉིན་ནས་མཚན་ཕྱེད་ཀྱི་བར་ཉིན་དང་(༡༥བ)

― GLG020_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷག་མར་མཚན་མོའི་ཐ་སྙད་མཛད་པར་ལོ་ཆེན་ནམ་མཁའ་བཟང་པོས། མངོན་པར་འབྱུང་བའི་མདོ་ལས། གཞོན་ནུས་བླ་ན་དེ་ཐོས་པ་དང་ཉི་མ་དེ་ཉིད་ལ་གྲགས་འཛིན་མ་ལའང་ཁྱིའུ་ཞིག་བཙས་སོ། །བདུད་རྩི་ཟས་ལའང་ཁྱིའུ་ཞིག་བཙས་སོ། །དེ་ཉིད་ཀྱི་ཉིན་མོ་ཟླ་བའང་སྒྲ་ཅན་གྱིས་ཟིན་ཏོ། །ཞེས་པར། དུས་དེར་ཕྱི་རོལ་པའི་ལུགས་ཀྱི་རྩིས་ལས་མེད་པའི་ཁུངས་དང་བཅས་ཏེ་འབྲུ་གཉེར་བ་དང་། ཆོས་རྗེ་མཁས་གྲུབ་དགེ་ལེགས་པས། ཉིན་མོ་ཞེས་པ་མཚན་མོར་འདོན་པ་བསྒྱུར་བར་མཛད་པ་སོགས་སྨྲ་བོ་ཐམས་ཅད་ཉིན་མ་བདུན་ཉིན་མཚན་གཉིས་ཀྱི་ཟླས་ཕྱེད་པའི་ཉིན་མོ་ལས་འོད་མི་སྙམས་གསུང་བར་སྣང་མོད། འཁྲུལ་མེད་ཀྱི་དུས་ཞབས་པ་ལྷུན་གྲུབ་རྒྱ་མཚོས། དེ་ཉིད་ཀྱི་ཞགས་ཟླ་བ་སྒྲ་གཅན་གྱིས་འཛིན་པའི་དོན་དུ་གསུངས་པ་ནི་སྔོན་མེད་ཀྱི་ལེགས་བཤད་དེ། སྔ་མ་ཚོ་ལྟར་ན་ཉིན་ཞག་གི་ནང་དུ་མཚན་མོ་མི་འདུ་བར་ཁས་ལེན་དགོས་པར་དོན་གྱིས་སོང་བས་མཁས་པར་རློམ་པ་རྣམས་ཀྱང་ཞག་གསུམ་རྣམ་དབྱེ་ལ་སྦྱང་འཚལ། ཁྱིམ་ཞག་ནི་ཉི་མས་ཁྱིམ་རེ་རེར་སྤྱོད་པའི་ཡུན་ཚད་དེ་སུམ་ཅུར་བགོས་པའི་ཞག་སུམ་བརྒྱ་དྲུག་ཅུ་སྟེ། དཔེར་ན་ཉི་མ་ལུག་གི་ཁྱིམ་དུ་ཞུགས་ནས་གླང་ཁྱིམ་དུ་འཕོ་བའི་བར་ལ་རགས་རྩིས་སུ་ཚེས་ཞག་སུམ་ཅུ་རྩ་གཅིག་འབྱུང་བར་མངོན་ཡང་། ཞིབ་ཏུ་བརྩིས་ན་ཚེས་ཞག་སུམ་ཅུའི་སྟེང་དུ་ཆུ་ཚོད་གཅིག །ཆུ་སྲང་ལྔ་བཅུ། དབུགས་བཞི། འདོད་ཆ་བརྒྱད་རྫོགས་ནས་ཁྱིམ་འཕོས་པ་ན་ཚེས་ཞག་སུམ་བརྒྱ་དོན་གཅིག་དང་འགྲིག་གོ །ཉིན་ཞག་ནི། ནམ་ལངས་ནས་ནམ་ལངས་བར་ལ་ངོས་བཟུང་སྟེ། རེས་གཟའ་ཚེས་ཀྱི་ཆུ་ཚོད་ལ་མ་ལྟོས་པར། གཟའ་ནི་ནམ་ལངས་ནས་ནམ་ལངས་ཀྱི་བར་དུ་འཕོ་ཞེས་པ་ལྟ་བུ་དང་། ཚེས་ཞག་ནི་ངེས་པ་མེད་པར། ཚེས་ཀྱི་ཆུ་ཚོད་འཕེལ་དུས་ཆུ་ཚོད་དྲུག་(༡༦ན)

― GLG020_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

ཅུ་རྩ་བཞི་ཙམ་འབྱུང་བའི་སྐབས་ཡོད་ནའང་འགྲིབ་དུས་ཆུ་ཚོད་ལྔ་བཅུ་རྩ་བཞི་ཙམ་ལས་མི་འོང་པས་ཟླ་བའི་ཆ་བཅོ་ལྔ་པོ་འཕེལ་འགྲིབ་ལ་ལྟོས་པས་ན་ཕལ་ཆེར་ནམ་མ་ལངས་གོང་ནས་རྫོགས་པ་མང་བས། དཔེར་ན་ཆོས་ཀྱི་དུས་ལོངས་ལ། ཆུ་ཚོད་ང་དགུ། ཆུ་སྲང་གསུམ། དབུགས་བཞི། ཆ་ཤས་བཅུ་དྲུག །ཉིན་ཞག་གི་དུས་ལོངས་ལ་ཆུ་ཚོད་དྲུག་ཅུ། ཁྱིམ་ཞག་གི་དུས་ལོངས་ལ། ཆུ་ཚོད་དྲུག་ཅུ། ཆུ་སྲང་ང་གཉིས། དབུགས་བཞི། ཆ་ཤས་བརྒྱ་རེ་བརྒྱད་འབྱུང་བ་ཡིན་པའི་ཕྱིར་ན། ཚེས་ཞག་གིས་ཉིན་ཞག་གི་དོད་མི་ཐུབ། ཉིན་ཞག་གིས་ཁྱིམ་ཞག་གི་དོད་མི་ཐུབ་པ་ལ། དེ་ཡང་ཟླ་བར་མ་ལོངས་པར་ཉིན་ཞག་ཤུགས་ཆེ་བས་མཁས་རྨོངས་ཀུན་ལ་ནམ་ལངས་ནས་ནམ་ལངས་ཀྱི་བར་ཉིན་ཞག་ཏུ་སོང་ཞིང་། ཟླ་བར་ལོངས་ན། ཚེས་ཞག་ཤུགས་ཆེ་བས་ཉིན་ཞག་སུམ་ཅུ་སོང་མ་སོང་ལ་མ་ལྟོས་པར། ཟླ་བ་ཉ་བ་ནས་ཉ་བའི་བར་ལ་ཟླ་བ་ལོངས་བར་ངོས་འཛིན། ལོ་རུ་ལོངས་ན་ཁྱིམ་ཞག་ཤུགས་ཆེ་བས། དོན་གྱིས་ལོ་གཅིག་ལ་ཁྱིམ་ཞག་སུམ་བརྒྱ་དང་དྲུག་ཅུ་ལས་མེད་པས་སོ། །ཚུལ་དེ་ལྟར་མཁས་པ་ཡོངས་ལ་གྲགས་ཀྱང་། ཞག་གསུམ་གྱི་རྣམ་པར་དབྱེ་བའི་དོན་ལ་ཞིབ་ཏུ་དཔྱད་ཚེ་ཞག་གསུམ་ཀྱི་ལྔ་བསྡུས་མི་འདྲ་བ་རི་མོས་གཏན་ལ་འབེབས་ནུས་ནའང་ལུགས་གཞན་གཉིས་ཀྱི་ལག་ལེན་བྱས་པས། རིགས་པའི་རྣམ་གྲངས་ཙམ་ལས་དགོངས་དོན་ལྷག་པོ་མི་འབྱུང་བའི་ཕྱིར་ན། ད་ལྟའི་ལག་རྩིས་སུ་བྱེད་པ་འདི་དག་སྔོན་གྱི་མཁས་པ་རྣམས་ཀྱིས་ཚེས་ཞག་གི་ལྔ་བསྡུས་སུ་མཛད་པ་ཡིན་པས། རེས་གཟའ་ཚེས་ལོངས་ལ་ལྟོས་བར་ལུང་རིགས་ཀྱིས་སྒྲུབ་ནུས་ཤིང་། སྨོན་འགྲོ་པཎྜི་ཏ་དང་གཙང་འདར་སྟོད་ཀྱི་རིག་བྱེད་པ་དགྲ་འདུལ་དོན་གྲུབ་རྡོ་རྗེ་སོགས་མཁས་པ་མང་པོ་ཞལ་མཐུན་པར་སྣང་ངོ་། །འོན་ཀྱང་(༡༦བ)

― GLG020_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ལྟ་ལག་ལེན་དུ་བྱེད་མཁན་ཤིན་ཏུ་ཉུང་བས་ཕྱོགས་འདི་ལ་རོ་འཛིན་གཡོ་བར་ནུས་པའི་མཁས་པ་རྣམས་ཀྱིས་ལེགས་བཤད་ཀྱིས་ཟུར་བརྒྱན་པར་འཚལ་ལོ། །འཇིག་རྟེན་ན་ཡོངས་སུ་གྲགས་པའི་ལོ་གཅིག་ལ་ཞག་སུམ་བརྒྱ་དྲུག་ཅུར་བཤད་པའང་སྤྱིར་བཏང་སྟེ། ཚེས་ལོངས་ཐུང་བ་རྣམས་བསྟུད་མར་བྱུང་ཚེ། ཚེས་ཞག་གི་ཆུ་ཚོད་ང་བཞི་ཙམ་དེས། ཉིན་ཞག་དྲུག་ཅུ་མ་ཐུབ་པར། ཉིན་གཅིག་པུ་དེར་ཚེས་སྔ་མའི་ཆུ་ཚོད་ནས་ཀྱང་གཅིག་གཉིས་མར་འཕྱུགས། ཕྱི་མའི་ཆུ་ཚོད་ནས་ཀྱང་གཉིས་གསུམ་ཡར་འཕྱུགས་པས་ན་ཚེས་ཞག་གསུམ་གྱི་ངོ་མཐོང་བས་ཆུ་ཚོད་བར་པ་ལྔ་བཅུ་ང་བཞི་ཙམ་པ་དེ་དོན་དུ་མི་ཆད་ཀྱང་། དངོས་བསྟན་ལ་ད་ནངས་སྔ་གྲོ་ནི་ཁོ་མ་སླེབ། སང་སྔ་དྲོ་ནི་ཁོ་རྫོགས་ཟིན་པས་མ་མཐོང་ངོ་། །དཔེར་ན་ཚེས་གཅིག་ལ་གཟའ་ཉི་མར་ཆུ་ཚོད་གཉིས། ཚེས་གཉིས་ལ་ཉི་མ་བལྡབས་ནས་ཆུ་ཚོད་ང་བརྒྱད་ཙམ་འདུག་ན་ཚེས་གཅིག་གི་ཚེས་ལོངས་ང་བརྒྱད་གནམ་སྟོང་ལ་རྫོགས་ཟིན། ཚེས་གཉིས་ནས་ཚེས་ལོངས་གཉིས་ཙམ་ལས་ཚེས་གཅིག་ལ་དངོས་སུ་མ་ཕན་པས་ཚེས་གཅིག་གི་ཞག་ནང་དེར་ཆུ་ཚོད་ང་བཞི་ཡོད་པའི་ཚེས་གཅིག་རྫོགས་པ་དོན་གྱིས་འཐོབ་ཅིང་དངོས་བསྟན་ཚེས་གཅིག་ཆད་ཀྱང་དོན་ལ་ཚེས་གཉིས་ཆད་པར་ངོས་འཛིན་པ་ལྟ་བུའོ། །དོན་དྲིལ་ན་བཤད་མ་ཐག་པས་དཔེར་མཚོན་ཏེ། སྔ་ཚེས་ཀྱི་གཟའ་ཉི་མས་བདག་བྱས་པའི་ཉིན་ཞག་དེ་ལ་ཚེས་ལོངས་བཞི་ལས་ལྷག་པ་མ་བྱུང་ལ། ཕྱི་ཚེས་ལ་གཟའ་གསར་པའི་ངོ་མ་མཐོང་ཞིང་ཚེས་ཞག་འོག་མའི་ངོའང་མཐོང་བས་ཚེས་གཉིས་ཀྱི་ཚེས་ལོངས་རྣམས་ཚེས་གཅིག་གི་ཁོངས་སུ་བསྡུ་དགོས་ཤིང་། མ་བསྡུས་ན་ཚེས་ལོངས་བཞི་ལས་མེད་པའི་ཚེས་ཞག་གཅིག་ཁས་ལེན་དགོས་པར་འགྱུར་ལ། དེ་ལྟ་བུ་མི་སྲིད་པས་སོ། །ཚེས་ལྷག་པའི་དུས་ཚེས་ལོངས་དྲུག་ཅུ་རྩ་བཞི་ཙམ་པ་མང་བ་བསྟུད་(༡༧ན)

― GLG020_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཉིན་ཞག་གི་ཚེས་ཞག་མ་ཐུབ་པར། ཚེས་ལོངས་དྲུག་ཅུ་རྩ་བཞི་པོའི་དྲུག་ཅུས་ཉིན་ཞག་རྫོགས་ནས་ལྷག་མ་བཞི་པོས། ཉི་མ་སྔ་ཕྱི་གཉིས་ཀར་ཆུ་ཚོད་གཉིས་རེ་ཙམ་དོན་གྱིས་ཐོབ་པས་ན་ཚེས་ཞག་གཅིག་ལ་ཉིན་ཞག་གསུམ་གྱི་དོན་མེད་པས། དཔེར་ན་ཚེས་གཅིག་ལ་རེས་གཟའ་ཉི་མ་ལ་ཚུ་ཚོད་ང་བརྒྱད། རྐང་པའི་ལོངས་སྤྱོད་རྣམས་ནོར་གྱི་དབང་གིས་ཚུ་ཚོད་འཁོར་ལོར་ལོངས་པས་གཟའ་མཆོངས་ཏེ་ཚེས་གཉིས་ལ་རེས་གཟའ་མིག་དམར་ལ་ཚུ་ཚོད་གསུམ་ཙམ་ཡོད་ན། ཚེས་གཅིག་གི་ལོངས་སྤྱོད་ཀྱི་སྟེང་ནས་ཆུ་ཚོད་གཉིས་ཡར་འཚངས་ཏེ་གནམ་གང་གི་ངོ་ཐོང་། ཆུ་ཚོད་གསུམ་བཞི་ཙམ་ཚེས་གཉིས་ཀྱི་སྔ་དྲོ་བསྡད་པས་ཚེས་ལོངས་དྲུག་ཅུ་རེ་བཞི་ཡོད་པའི་ཚེས་དེ་སྔ་དྲོ་ལན་གཉིས་བྱུང་བས་ཚེས་གཉིས་ལྷག་པོར་འདོན་པ་ལྟ་བུའོ། །དོན་དྲིལ་ན་སྔ་ཚེས་ཀྱི་གཟའི་ཆུ་ཚོད་ང་བརྒྱད་ལོངས་སྤྱོད་རྒྱུ་ཡོད་པའི་སྟེང་དུ། ཕྱི་ཚེས་ཀྱི་ལོངས་སྤྱོད་བདུན་ཡང་བྱུང་བས་ན་ཚེས་ཞག་གཅིག་ལ་ཆུ་ཚོད་བརྒྱ་དང་བཅོ་ལྔ་ཙམ་ཁས་ལེན་དགོས་ཤིང་། དེ་འདྲ་མི་སྲིད་པས་ཕྱི་ཚེས་ཀྱི་ཁོངས་ནས་ཚེས་ལྷག་པོར་བཏོན་པ་ཡིན་ནོ། །ཆད་ལྷག་གི་སྐབས་ཚེས་ཞག་གཅིག་གིས་ཉིན་ཞག་གསུམ་གྱི་ངོ་མཐོང་བ་དང་། ཉིན་ཞག་གཅིག་གིས་ཚེས་ཞག་གསུམ་གྱི་ངོ་མཐོང་བའི་ཁྱབ་པ་རྣམ་པ་ཀུན་ཏུ་ཁས་ལེན་མི་དགོས་ཏེ། པད་དཀར་ཞལ་ལུང་དུ། ཉིན་ཞག་གཅིག་གིས་ཚེས་ཞག་གསུམ་གྱི་ངོ་མཐོང་བའམ། མ་མཐོང་ཡང་འདྲའོ། །ཉིན་ཞག་གཅིག་གིས་ཚེས་ཞག་རིལ་པོ་གཅིག་དང་། ཚེས་ཞག་འོག་མའི་ཡང་ངོ་མཐོང་བ་ནམ་བྱུང་བའི་ཚེ། ཆད་པར་སྣང་བ་འབྱུང་ལ། ཞེས་སོགས་གསུངས་པས་མཚོན་ནོ། །དོན་ལ་ཆད་ལྷག་བྱུང་བ་ནི་མིན་ཏེ། ཆད་པའི་ཚེ་ཚེས་བཅོ་ལྔ་ལ་ཟླ་བའི་ཆ་མ་རྫོགས་པར་ནག་ཁྱུར་པའང་མེད་ཅིང་། ལྷག་པའི(༡༧བ)

― GLG020_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་ཟླ་བའི་ཆ་ཟླུམ་པོ་ལ་ཕྱོགས་གཅིག་འབུར་མོར་ཡང་མི་འབྱུང་བས་སོ། །དེ་ལྟར་ཚེས་ཞག་དང་ཉིན་ཞག་གཉིས་ཕན་ཚུན་གཅིག་གིས་གཅིག་གི་དོད་མ་ཐུབ་པར་ལོ་རེ་ལ་ཚེས་ཆད་པ་བཅུ་གཉིས་ཙམ་དང་ལྷག་པ་དྲུག་ཙམ་བྱུང་བ། ཆད་ལྷག་ཕན་ཚུན་མགོ་བསྡེབས་པའི་ལྷག་མ་རྣམས་ཀྱི་ནུས་པས། འཇིག་རྟེན་ཡོངས་གྲགས་ཀྱི་ལོ་གཅིག་ཉིན་ཞག་སུམ་བརྒྱ་དང་ང་བཞི་ལས་མི་འོང་བ་མངོན་སུམ་གྱིས་གྲུབ་པས། ཆད་ལྷག་འབྱུང་བ་ཟླ་བའི་འཕེལ་གྲིབ་ལ་བརྟེན་ནས་ཚེས་ཞག་གི་ནུས་པ་ཡིན་པ་རྒྱུ་མཚན་དུ་བྱས་ཏེ། ཉིན་ཞག་ལ་ཆད་ལྷག་གཏན་ནས་མ་བརྩིས་ན་ལོར་ལོངས་པའི་ཚེ་ཚེས་བཅོ་ལྔར་སླེབ་དུས་ཚེས་བརྒྱད་དགུ་ཙམ་གྱི་མིང་འདོགས་དགོས་པ་རྒན་མོ་ཞིག་གིས་ཆད་ལྷག་མ་བརྩིས་པས་ཉེར་དགུ་ལ་བཅོ་ལྔའི་ཟླ་བ་ཤར་པའི་དཔེ་འདིར་འོང་ངོ་། །རྒྱུ་མཚན་དེས་ན་ཚེས་ཞག་སུམ་བརྒྱ་དོན་གཅིག་གི་སྟེང་ནས་ཚེས་ཟླ་བཅུ་གཉིས་ལ་སུམ་བརྒྱ་དྲུག་ཅུར་ལོངས་པའི་ཚེ། ལྷག་མ་ཚེས་ཞག་དང་ཁྱིམ་ཞག་གི་བར་ཁྱད་ཀྱི་ནུས་པས་ཐོན་པ་ཚེས་ཞག་བཅུ་གཅིག་ཚུ་ཚོད་བཞི། ཆུ་སྲང་སོ་དྲུག །དབུགས་ལྔ། འདོད་ཆ་བདུན་རྣམས་ལུས་ཤིང་། བ་ལང་རྫི་ཡན་གྱིས་ཤེས་པའི་ཉིན་ཞག་སུམ་བརྒྱ་རེ་ལྔའི་སྟེང་ནས་ཚེས་ཞག་དང་ཉིན་ཞག་གི་བར་ཁྱད། ཆུ་སྲང་ང་བདུན། དབུགས་གཅིག །འདོད་ཆ་བཞི། ཆ་ཤས་སུམ་བརྒྱ་རེ་དྲུག་བྱུང་བ་ལ་བརྟེན་ནས། ཞག་མི་ཐུབ་ཚེས་ཞག་ལྔ་རྗེས་འབྲང་དང་བཅས་པའི་དབང་གིས། ཞག་སུམ་བརྒྱ་ང་ལྔ། ཆུ་ཚོད་བཅུ་གཅིག །ཆུ་སྲང་སོ་བདུན། དབུགས་གཉིས། འདོད་ཆ་ལྔ། ཆ་ཤས་བརྒྱ་ཉེར་གཅིག་ལས་མི་འགྲོ་ལ། ལྷག་མ་ཉིན་ཞག་ལྔ་རྗེས་འབྲང་དང་བཅས་པ་དང་ཚེས་དཀྱིལ་དང་ཉི་དཀྱིལ་གྱི་བར་ཁྱད། ཚེས་ཞག་ལྔ། ཆུ་ཚོད་ཞེ་བརྒྱད། ཆུ་སྲང་ཉེར་གཉིས། དབུགས་གསུམ། འདོད་ཆ་བདུན། (༡༨ན)

― GLG020_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

རི་མཁའ་རིའི་ཆ་ལྔ་བརྒྱ་གྱ་དྲུག་དང་བཅས་པ་མི་རྫོགས་ཤིང་། ཚེས་ཞག་ལྷག་པོ་བཅུ་གཅིག་རྗེས་འབྲང་དང་བཅས་པའི་ལྷག་པོ་བཅུ་གཅིག་དང་དོད་སྙོམས་པའི་ཉིན་ཞག་གི་དབང་དུ་བྱས་ཏེ་རྩི་ན། དྲུག་ཅུ་རེ་ལྔ་པའི་ལྔ་པོ་དང་། བར་ཁྱད་ཉིན་ཞག་དུ་བཏང་བའི་ཞག་ལྔ། ཆུ་ཚོད་ཞེ་གཉིས། ཆུ་སྲང་ང་ལྔ། དབུགས་གསུམ། འདོད་ཆ་གཉིས། རི་མཁའ་རིའི་ཆ་ལྔ་བརྒྱ་དང་ཉེར་གཅིག །རི་རོའི་ཆ་ལྔ་བཅུ་ང་དྲུག་རྣམས་འབྱུང་། དྲུག་ཅུ་རེ་ལྔའི་ལྔ་རྗེས་འབྲང་དང་བཅས་པ་དང་བར་ཁྱད་བཏོན་པའི་ལྔ་རྗེས་འབྲང་དང་བཅས་པ་བསྡོམས་པས་ཉིན་ཞག་བཅུ། ཆུ་ཚོད་ང་དགུ །ཆུ་སྲང་དགུ །དབུགས་ལྔ། འདོད་ཆ་གཅིག །རི་མཁའ་རིའི་ཆ་དྲུག་བརྒྱ་ཞེ་གཉིས། རི་རོའི་ཆ་ང་དྲུག་རྣམས་འོང་ངོ་། ཁྱིམ་ཞག་གི་སུམ་བརྒྱ་དྲུག་ཅུ་ནས་ཁྱིམ་ཞག་གི་དབང་དུ་བཏང་བའི་ཞག་བཅུ། ཆུ་ཚོད་ཞེ་བཞི། ཆུ་སྲང་ཞེ་དྲུག །དབུགས་གསུམ། འདོད་ཆ་ལྔ། རི་མཁའ་རིའི་ཆ་ཤས་བཅུ་དྲུག་མ་རྫོགས་པས་དོན་གྱིས་ལོ་རྫོགས་པ་ལ་ཁྱིམ་ཞག་རྫོགས་དགོས་སོ། །རྗེ་འཕྲིན་ལས་པས་འབྲས་རྩིས་རིན་ཆེན་འཕྲེང་བར། ཉི་ཚེས་དུས་ཚོད་ལ་དབང་བའི། །ས་བདག་འབྲས་བུ་བསྟན་པ་ཡི། །ཞེས་པ་ལྟར་ན། ད་ལྟ་ཉིན་ཞག་རེ་ལ་དབང་བར་ཁས་ལེན་པའི་ས་བདག་རྣམས་ཚེས་ལོངས་ལ་ལྟོས་དགོས་མི་དགོས་དཔྱད་པར་མ་བཟོད་པས་བློ་ལྡན་གྱིས་ནག་རྩིས་ཀྱི་ཁུངས་མ་རྣམས་ལ་ཞིབ་ཏུ་བལྟས་ཏེ་མཐའ་ཆོད་པ་བྱ་བར་རིགས་སོ། །མཁས་བླུན་མང་པོས་ཆད་ཚེ་སྔ་མ་ཆད། ལྷག་ཚེ་ཕྱི་མ་ལྷག་པར་བཤད་པ་ནི་ལུང་རིགས་ཀྱི་སྒྲུབ་བྱེད་ག་ལ་ཡོད། ཞལ་ལུང་དུ། ལྟ་བ་འོག་མ་མངོན་པར་ཞེན་པའི་ཁྲིགས་ངེས་རྣམ་པ་ཐམས་ཅད་དགོས་པའི་འཐད་པ་མི་སྣང་ལ། འོན་ཀྱང་ཐ་སྙད་སྐྱོང་བདེ་བ་ལ་ཚུལ་འདི་མི་ལེགས་(༡༨བ)

― GLG020_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། རྒྱུ་མཚན་ནི་གོང་དུ་བཤད་པའི་རང་ལུགས་ཀྱིས་ཤེས་སོ། །ཞེས་པ་ལྟར། ཆུ་ཚོད་མང་བའི་ཚེས་འཆད་ཅིང་ཉུང་བའི་ཚེས་ལྷག་པ་ནི་ལེགས་ལ། ཁྱད་པར་རྩིས་སྐར་ནག་སྒོ་བསྟུན་པའི་ཚེ་ཆད་ལྷག་གི་སྔ་ཕྱིའི་དུས་ངེས་ཅན་དུ་མ་བྱུང་ན་ས་བདག་འཕྱུགས་པའི་ཉེས་པ་འབྱུང་བར་མངོན་ནོ། །མཁས་པ་དག་གིས་གཟའ་འདས་པར་གསུངས་པ་དང་། ལ་ལ་དག་འདས་པ་དང་མ་འདས་པའི་ཆ་སྣ་ཚོགས་ཡོང་པར་འཆད་པ་ལ། ལུགས་ཕྱི་མ་ནི་མི་འཐད་པར་རྟོགས་པ་སླ་བ་ལུགས་སྔ་མ་ལ་དུས་བཞི་ཆེན་པོའི་རྗེས་སུ་དཔྱིད་འབྲིང་གནམ་སྟོང་གི་རྩིས་བྱས་པར། གཟའ་ཉི་ཤུ་རྩ་དགུ་དང་ཆུ་ཚོད་སུམ་ཅུ་སོགས་བཤད་པས་གཟའ་ཉེར་དགུ་པ་དེ་འདས་ནས་དངོས་བསྟན་གཟའ་སུམ་ཅུ་པར་ཁས་མ་བླངས་ན། ལོ་གཅིག་ལ་གཟའ་སུམ་བརྒྱ་དྲུག་ཅུ་རྩ་ལྔ་མི་འབྱུང་བའི་སྐྱོན་ཡོད་པའི་གནོད་བྱེད་དང་། ཐིག་ལ་ཤར་བ་ན་གཟའི་འཁོར་ལོ་ལོངས་ནས་དོར་པ་མ་ཡིན་པར་ཐལ་ཏེ། ད་དུང་གཟའ་སྤེན་པ་ཡོད་པའི་ཕྱིར་རོ། །ཞེས་དང་། དེར་མ་ཟད་སྟོང་གཟུགས་མ་ཡིན་པའི་མངོན་སུམ་གྱིས་གྲུབ་པ། ནས་ཁལ་གཅིག་དང་བྲེ་བཅོ་ལྔ་ལྟ་བུར། ཁལ་གཅིག་པུ་དེ་འདས་ཟིན་ནས་བྲེ་བཅོ་ལྔའི་སྟེང་དུ་བྲེ་ལྔ་བསྣན་ན་ཁལ་གཉིས་པར་འགྱུར་པའི་རིགས་པ་སོགས་རྣམ་གྲངས་མང་ནའང་། དོན་གྱི་སྙིང་པོ་གཟའ་ད་ལྟར་བར་ཁས་ལེན་དགོས་ཏེ། གཅིག་ཤར་ན་ཉི་མར་ཁས་ལེན་དགོས་པས་སོ། །རྒྱུ་མཚན། འགྲེལ་ཆེན་ལས། དྲིས་པའི་དབྱངས་ཀྱི་སྐབས་སུ། བདུན་གྱི་ཆའི་ལྷག་མ་ནི་གཟའི་ཆ་ལྷག་མ་སྟེ། ཟླ་བ་སྟེ་གཟའ་གཅིག་པ་ལ་གནས་པ་དང་། མེ་སྟེ་གཟའ་གསུམ་པ་ལ་གནས་པ་དང་། མདའ་སྟེ་གཟའ་ལྔ་པ་ལ་གནས་པ་དང་། རི་བོ་སྟེ་གཟའ་བདུན་པ་ལ་ལྷག་མ་གནས་པར་གྱུར་ན་མི་རྣམས་ལ་གྲུབ་པ་ཡོད་པ་མ་ཡིན་ཏེ། ཉི་མ་དང་། བཀྲ་ཤིས་དང་། ཕུར་བུ་(༡༩ན)

― GLG020_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། སྤེན་པ་སྟེ་མི་མཉམ་པ་རྣམས་ལའོ། །མིག་སྟེ་གཟའ་གཉིས་པ་དང་། རིག་བྱེད་དེ་གཟའ་བཞི་པ་དང་། རོ་སྟེ་དྲུག་པ་ལ་བྱ་བ་འགྲུབ་པར་གྱུར་རོ་ཤིན་ཏུ་མཉམ་པའི་གནས་སུ་གྱུར་པ་ཟླ་བ་དང་། གཟའ་ལག་པ་དང་། པ་ཝ་སངས་རྣམས་ལ་ལྷག་མ་གནས་པར་གྱུར་ནའོ། །ཞེས། བདུན་གྱིས་བགོས་པའི་ལྷག་མ་གཅིག་ཉི་མ་ཡིན་པ་སོགས་རྡོ་རྗེའི་ཚིག་འདི་ལ་ཀླན་ཀ་མི་འཇུག་པས་སོ། །གཞན་ཡང་ད་ལྟ་ལྔ་བསྡུས་ལ་གཟའ་སྐར་ཉི་མ་སྦྱོར་བྱེད་ཅེས་ཡན་ལག་ལྔར་བཤད་པའི་ཡན་ལག་གཅིག་མ་ཚང་བའི་སྐྱོན་དུ་གྱུར་ཏེ། དངོས་སུ་ཤར་བའི་གཟའ་དེ་འདས་ཟིན་པས་གཟའ་མ་ཚང་བའི་སྐྱོན་ཡོད་དོ། །བཤོལ་གྱི་རྣམ་གཞག་ལ། དབུགས་བཤོལ། ཞག་བཤོལ། ཟླ་བཤོལ། ལོ་བཤོལ་སོགས་རིགས་པས་དཔྱད་ན་རྣམས་གྲངས་མང་པོར་འགྱུར། འགྱུར་ཚུལ་འཇིག་རྟེན་ཁམས་ལེར། སྟོང་ཕྲག་ཉི་ཤུ་རྩ་གཅིག་རོ་བརྒྱ་ལྡན་པ་དག་ལས་སོ་ཡི་ཆ་ཡིས་ངེས་པར་ཕྱུང་གྱུར་པ། ལུས་ལ་དབུགས་ལྷག་གང་དག་ཉིན་ཞག་སོ་སོའི་དུས་སུ་འབྱུང་བ་རི་དང་དུས་རྣམས་དག་གི་གྲངས། སྟོང་ཕྲག་སུམ་ཅུ་རྩ་དྲུག་དག་གིས་བསྒྱུར་བ་རྣམས་ཀྱང་ལོ་བརྒྱའི་ཚད་དུ་རབ་ཏུ་གྲགས་པ་སྟེ། སྟོང་དུས་མེ་ཡིས་རབ་ཏུ་ཕྱེ་བ་རྣམས་ནི་ཆུ་ཚོད་དུ་འགྱུར་དྲུག་ཅུའི་ཆ་ཡིས་ཉིན་ཞག་ཀྱང་། ཞེས་རྒྱུར་ཚིག་གིས་བཤོལ་གྱི་རྣམ་གཞག་འདི་ཙམ་ལས་གཞན་གསལ་བར་བསྟན་པ་མེད་ཅིང་། རྗེ་འཕྲིན་ལས་ཞབས་ཀྱིས། དབུགས་འབྱུང་འདུག་དང་བར་མ་སྟེ། དེ་ལ་དབུགས་གཅིག་ཅེས་གྲགས་པའི། ཞེས་པ་ལྟར། དབུགས་འབྱུང་འཇུག་གནས་གསུམ་དུ་བྱས་པའི་དབུགས་སུམ་ཅུ་ན་རགས་རྩིས་ཀྱི་དབུགས་བཤོལ་འཐོོན། སུམ་ཅུ་སོ་གཉིས་ན་འབྲིང་པོར་བརྩིས་པའི་བཤོལ་འཐོན། ཕྱེད་བཅས་སོ་གཉིས་ན་ཤིན་ཏུ་ཞིབ་པའི་བཤོལ་འཐོན་(༡༩བ)

― GLG020_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འགྱུར་ལ། ལ་ལ་རགས་པ་ཟླ་བའི་ཡེ་ཤེས་ཀྱི་ཆ། འབྲིང་ཉི་མའི་ཡེ་ཤེས་ཀྱི་ཆ། ཕྲ་བ་སྒྲ་གཅན་གྱི་ཡེ་ཤེས་ཀྱི་ཆར་འདོད། འགའ་ཞིག་ཟླ་བ་རང་ལ་རགས་འབྲིང་ཕྲ་གསུམ་གྱི་ཡེ་ཤེས་ཀྱི་ཆར་བཤད་པའང་བྱེད་དོ། །རྒྱུད་ཀྱི་སྐབས་འདིར་སྟོང་ཕྲག་ཉི་ཤུ་ལ་ཁྲི་ཚོ་གཉིས། རྩ་གཅིག་གི་གཅིག་པུས་སྟོང་ཕྲག་གཅིགརོ་བརྒྱས་དྲུག་བརྒྱ་བསྟན་པས་ཞག་གཅིག་ལ་དབུགས་ཉི་ཁྲི་ཆིག་སྟོང་དྲུག་བརྒྱ་བྱུང་བ་ལ། སོ་ནི་སུམ་ཅུ་རྩ་གཉིས་ཀྱི་མངོན་རྗོད་ཡིན་པས། རགས་འབྲིང་ཞིབ་གསུམ་གྱི་ནང་ནས་འབྲིང་པོའི་དབང་དུ་བཏང་བ་ཡིན། དེ་བཞིན་དུ། ཞག །ཟླ་བ། ལོ་རྣམས་ལ་ཕྲ་རགས་ཀྱི་དབང་གིས་སུམ་ཅུ་དང་། སོ་གཉིས་དང་། ཕྱེད་སོ་གཉིས་ཀྱི་རྣམ་གཞག་བྱར་ཡོད་པ་ལས་དབུགས་བཤོལ་བཏོན་ན་ཧ་ཅང་ཐག་ཉེ་གྲགས། ཞག་བཤོལ་ནི་ཆད་ལྷག་གི་དབང་གིས་ཇི་བཞིན་འདོན་པར་མི་ནུས། ལོ་བཤོལ་ནི་ཐག་ཧ་ཅང་རིངས་པས་ཉེས་པ་དུ་མ་འབྱུང་བའི་ཕྱིར་རིང་ཐུང་འཚམ་པ་ཟླ་བ་ལ་བཤོལ་མཛད་པ་ཡིན་ནོ། །དེ་ཡང་། ཚེས་ཞག་སུམ་ཅུའི་དུས་ཉི་མས་ཁྱིམ་ནས་འཕོ་མ་ནུས་པའི་དབང་གིས་ཚེས་ཟླ་ཕྱེད་བཅས་སོ་གསུམ་ནས་བཤོལ་དགོས་ཏེ། འགྲེལ་ཆེན་ལས། འདིར་ཟླ་བ་ཕྱེད་དང་བཅས་པའི་སུམ་ཅུ་གཉིས་ན་ལྷག་པའི་ཟླ་བར་འགྱུར་ཏེ། གནམ་སྟོང་ལ་ཉི་མའི་འཕོ་བ་མེད་པའི་ཕྱིར་རོ། །དེས་ན་ལོངས་སྤྱོད་པར་མི་འགྱུར་རོ། །ཞེས་འབྱུང་ལ། དེ་ཡང་ཕྱི་རུ་ཟླ་བ་ཕྱེད་དང་སོ་གསུམ། ནང་དུ་འཕོ་རླུང་སུམ་ཅུ་སོ་ཕྱེད་དང་གསུམ་གསུམ་ན་ཡེ་ཤེས་ཀྱི་རླུང་རེ་རེ་ཡོད་པས་འཕོ་རླུང་སྟེང་ནས་ཆད་པ་བསགས་པའི་རྒྱུ་མཚན་གྱིས་ཀྱང་ཤེས་དགོས་སོ། །ཆ་ཤས་དང་འདོད་ཆ་ལ་གྲངས་མང་ཉུང་མཐའ་གཅིག་ཏུ་ངེས་པ་མེད་པས་ན། བཅུ་གསུམ་དང་། རི་མཁའ་རི་དང་། རི་རོ་དང་། བུ་མཁའ་མིག་བུག་ཡིད་སོགས་འཁོར་ལོ་ཤིན་ཏུ་རྣམ་གྲངས་མང་བས། རྩིས་གསར་བ་རྣམས་འཁོར་ལོའི་(༢༠ན)

― GLG020_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་གིས་ཆ་ཤས་ལ་མང་ཉུང་ཡོད་དམ་སྙམ་པའི་ཐེ་ཚོམ་གྱི་དྲ་བར་ཚུད་ནའང་། འདི་ལ་ཉིན་ཞག་མང་པོར་བསམ་བློ་བཏང་བའི་དཀའ་ཐུབ་ཀྱི་ངལ་བ་སྟེན་མི་དགོས་ཏེ། དཔེར་ན། ནད་ཀྱི་ཕུང་པོ་གཅིག་འཇལ་བྱེད་ཀྱི་བྲེ་འབོ་སྣ་ཚོགས་ཡོད་པ་ལྟ་བུའོ། །འོན་ཀྱང་། རི་མཁའ་རིས་བསྒྱུར་བའི་ཆ་ཤས་བཅུ་བཞི་ལྟ་བུས་བགོས་པ་ནི་མིན་ནོ། །དེ་ལྟར་གཟའ་ལྟ་བུ་མཚོན་ན། ཞག་གཅིག་ལ་ཆ་ཤས་བྱེ་བ་གཅིག །ས་ཡ་ལྔ། འབུམ་ཚོ་གཉིས། །ཁྲི་ཚོ་བདུན། སྟོང་དང་ཉིས་བརྒྱ་ཡོད་པ་དེ་རི་མཁའ་རིའི་འཁོར་ལོའི་ངོ་སྐལ་གྱི་ཐོབ་ནོར་རེར་དབུགས་གཅིག །དབུགས་དྲུག་ཏུ་ལོངས་པ་ན་ཆུ་སྲང་གཅིག །ཆུ་སྲང་དྲུག་ཅུར་ལོངས་པ་ན་ཆུ་ཚོད་གཅིག །ཆུ་ཚོད་དྲུག་ཅུ་ལོངས་པ་ན་ཞག་གཅིག །ཞག་སུམ་ཅུར་ལོངས་པ་ན་ཟླ་བ་གཅིག །ཟླ་བ་བཅུ་གཉིས་སུ་ལོངས་པ་ན་ལོ་གཅིག །དེ་ལྟ་བུའི་ལོ་ཇི་ཙམ་རིགས་པ་འདས་ལོར་བཞག་ནས་ཟླ་དག་སྒྲུབ་དགོས་པས། ཁམས་ལེ། མེ་མཁའ་རྒྱ་མཚོ་རྣམས་ལ་རབ་བྱུང་ལ་སོགས་འདས་པ་རྣམས་བསྲེས་ཀླ་ཀློའི་ལོ་ནི་རབ་ཏུ་གྲུབ། ཀླ་ཀློའིདབང་པོའི་ལོ་ནི་ལག་པ་གདངས་ཅན་ཟླ་བས་དམན་པའི་ལྷག་མ་དག་ཀྱང་ཉི་མས་བསྒྱུར། ནག་པ་ལ་སོགས་ཟླ་བ་བསྲེས་ཏེ་འོག་ཏུ་དུས་ཀྱིས་བསྒྱུར་བ་མཁའ་མེ་ཟླ་བས་རྣམ་པར་དབྱེ། རྙེད་པ་སྟེང་དུ་བསྲེས་པ་དག་ནི་མི་ཡི་བདག་པོ་ཟླ་བའི་ཚོགས་པ་རྣམ་པར་དག་པར་འགྱུར། ཞེས་བྱུང་བས། མེ་མཁའ་རྒྱ་མཚོ་ལ་འདས་ལོ་འཆོལ་པའམ། ཡང་ན། རབ་བྱུང་རེ་རེ་ཞེས་རྩིས་གཞི་སྤོ་བ་སོགས་གང་བྱེད་ཀྱང་འདས་ལོ་དེ་གནས་གཉིས་སུ་བཞག་པའི་གོང་མ་ཉི་མས་བསྒྱུར་ཏེ་ཟླ་བར་གསིལ་བ་དེ་ལ། མཁས་རློམ་འགའ་ཞིག་གིས། ཟླ་བའི་ཚོགས་དེ་ཚེས་ཟླ་ཡིན་ཞེས་སྨྲ་བ་ནི་ཤིན་ཏུ་མི་རིགས་ཏེ། ཚེས་ཞག་ལ་ཚེས་ཞག་གིས་བཤོལ་འདོན་མི་(༢༠བ)

― GLG020_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་པའི་ཕྱིར་ན། གནས་གཉིས་སུ་བཞག་པའི་འོག་མའི་ཆོ་ག་རྣམས་བྱེད་མི་དགོས་པར་འགྱུར་རོ། །ཟེར་རྒྱུས་ཕོངས་པ་གཅིག་གིས། འདས་ཟླ་དེ་ལ་ཁྱིམ་ཟླ་དང་ཚེས་ཟླ་ཅི་རིགས་སུ་ཡོད་ཟེར་བ་ནི། གླང་ལ་མཛུབ་མོ་བཙུགས་ནས་འདི་ལ་བ་དང་གླང་ཅི་རིགས་སུ་ཡོད་ཟེར་བ་དང་ཁྱད་པར་ཅི་ཡོད། མཁས་གྲུབ་ཊིཀ་ཆེན་དུ། དེ་དག་ཁྱིམ་ཟླ་དང་ཚེས་ཟླ་གང་ཡང་མིན་གྱི། སོ་སོར་མ་ཕྱེ་བའི་ཟླ་བའི་ཕུང་པོ་ཡིན་ནོ། །ཞེས་དམ་བཅའ་བ་ནི། ནས་ཕུང་ལ་འདི་ནི་ནས་དང་རྩམ་པ་གང་ཡང་མ་ཡིན་གྱི། སོ་སོར་མ་ཕྱེ་བའི་ཟས་ཀྱི་ཕུང་པོ་ཡིན་ནོ་ཟེར་བ་དང་འདྲ་བས། མཆོག་འདི་ལ་བྱང་པའི་མཁས་པ་རྣམས་དགའ་བ་བསྐྱེད་པའི་གནས་མ་ཡིན་ནོ། །དེས་ན་བཤད་མ་ཐག་པའི་ཟླ་བ་དེ་ཁྱིམ་ཟླའི་ཕུང་པོ་ཡིན་ལ། བགོས་བྱེད་ཕྱེད་བཅས་སོ་གཉིས་པོ་སྲིད་པའི་དོན་དུ་བཞིས་བསྒྱུར་ནས་མཁའ་མེ་ཟླ་བར་བཏང་། དེ་དང་གཤེད་མཚུངས་པར་བྱ་བའི་ཕྱིར་ཁྱིམ་ལོ་རྣམས་གནས་གཉིས་སུ་བཞག་པའི་འོག་མ་བཞིས་བསྒྱུར་སྟེ། བརྒྱ་སུམ་ཅུས་བགོས་པའི་ཐོབ་ནོར་རྣམས་ནི་སྔར་རྩིས་གཞི་སྤོས་པ་ནས་བཟུང་སྟེ་ཟླ་བཤོལ་བྱུང་བའི་གྲངས་ཡིན་ལ། དེ་གནས་སྟེང་མར་བྱིན་པས་ཁྱིམ་ཟླ་དེ་ཚེས་ཟླར་སོང་བ་ཡིན་ནོ། །ད་ལྟ་ལག་རྩིས་སུ། འོག་མ་མིག་བསྒྱུར་རྩིས་འཕྲོས་བརྒྱན། །མདའ་རོས་ཐོག་པ་སྟེང་དུ་སྦྱིན། །ཞེས་པ་དང་གོང་གི་རྒྱུད་ཚིག་གཉིས་ཅུང་ཟད་མ་ཐུན་པ་ལ། མཁས་པ་ཡེ་བཟང་རྩེ་པས། ཐོག་མ་བཞིས་བསྒྱུར་བའི་རྒྱུ་མཚན་མཁའ་མེ་ཟླ་བས་བགོས་པའི་ལྷག་མ་ལ་རྟེན་ནས་དྷུ་བ་འཚོལ་བའི་ཆེད་ཡིན་གསུང་པར་རྒྱུ་མཚན་ཆེ་བ་མེད་དེ། ཟླ་རོའི་ལྷག་མས་ཀྱང་དྷྲུ་བ་འཚོལ་ཐུབ་པས་སོ། །དེས་ན་རྒྱུད་དུ་བཞིས་བསྒྱུར་བ་རྒྱ་དཔེ་ལ་སྡེབ་སྦྱོར་འགྲིག་པའི་དབང་གིས་ཡིན་ཞེས་ཤོང་པང་བུ་སོགས་ཚད་ཐུབ་གྱི་མཁས་(༢༡ན)

― GLG020_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྣམས་གསུང་པ་ལེགས་སོ། །རྗེ་སྟག་ཚང་པས། ཆ་ཤས་ཕྲ་མོ་ཞིབ་ཏུ་རྩི་ན་ཅུང་ཟད་ཡོད་ཀྱང་རྩིས་ཀྱི་གྲུབ་མཐའ་དང་བྱེད་པ་གང་ལའང་ཕན་གནོད་བྱེད་མི་ནུས་པས་མཛུབ་མོ་ཚ་བ་འབྲས་བུར་ཟད་དེ། ཞེས་གསུང་པ་ལོ་འགའ་ཞིག་གི་རིང་ཆ་ཤས་མ་བརྩིས་ཀྱང་ཆུ་ཚོད་ཡན་ལག་ལ་ཉེས་པ་སྐྱེད་མི་ནུས་པ་སོགས་ལ་དགོངས་ནས་བྱེད་རྩིས་ཀྱི་རྗེས་སུ་འབྲངས་པར་མངོན་ཏེ། བྱེད་རྩིས་ལ་བྱེད་རྩིས་དང་བྱེད་རྩིས་རྣམ་དག་གཉིས་སུ་གྲགས་པའི་སྔ་མ་ནི། ཁམས་ལེར། ཚེས་རྣམས་སྦྱིན་དང་དོར་དང་སླར་ཡང་སྦྱིན་པ་དག་ནི་གཟའ་དང་ཆུ་ཚོད་རྐང་པ་རྣམས་སུ་སྟེ། ཚོགས་ཀྱི་ཆ་ལ་ཆུ་གཏེར་ཟླ་བས་མཉམ་དང་མི་མཉམ་ཐོབ་པ་དག་ལ་སྦྱིན་དོར་རྐང་པའི་དོན། ཞེས་སྐབས་འདིར་ཚེས་རྩིས་དང་གོང་དུ་དྷྲུ་བ་ཐམས་ཅད་གནས་གཉིས་སུ་མཛད་ནས། བྱ་སླ་བ་དང་། མུ་སྟེགས་རྣམས་གདུལ་བའི་དོན་དུ་དེ་དག་གི་བྱེད་པ་དང་མཐུན་པར་བསྟན་པ་ཡིན་ཞིང་། མུ་སྟེགས་ཀྱི་བྱེད་པ་དེའང་ཐོག་མ་ཉིད་ནས་མ་དག་པ་མ་ཡིན་ཡང་། བར་སྐབས་སུ་སློབ་དཔོན་འགའ་ཞིག་གིས་ཆོས་ལ་དཔེ་མཁྱུད་ཀྱི་དབང་གིས་གབ་དྲགས་པས་མན་ངག་གི་རྒྱུན་ཉམས་ཞེས་མཁས་པ་རྣམས་འཆད་དོ། །ཕྱི་མ་བྱེད་རྩིས་རྣམ་དག་ཏུ་གྲགས་པ་ནི་དེང་སང་རྩིས་པ་མཐའ་དག་ལག་ལེན་དུ་བྱེད་པའི་གནས་ལྔ་མ་དེ་ཡིན་ནའང་། གཟའི་སྐབས་སུ་ཞག་རེ་ལ་ཆ་ཤས་བཅུ་དྲུག་གིས་ཆད་པ་བསགས་པས་ལོ་ཉིས་བརྒྱ་ཉེར་གཅིག་ན་ཆུ་ཚོད་ལྔ་ཙམ་ཆད་པའི་ཉེས་པ་འབྱུང་ཞིང་། ཉི་མ་ལ་ཞག་རེར་ཆ་ཤས་ཞེ་བཞིས་མ་ངེས་པའི་ལྷག་པོ་བསགས་པས། ལོ་ཉིས་བརྒྱ་ཉེར་གཅིག་ན་ཆུ་ཚོད་བརྒྱད་ཙམ་གྱིས་མངས་བའི་སྐྱོན་ཡོད་པས། ཆ་ཤས་ཕྲ་མོ་ཚུན་ཆད་ཀྱི་སྐྱོན་དང་བྲལ་བར་བརྩིས་(༢༡བ)

― GLG020_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གྲུབ་པའི་མཐའ་འདི་ཉིད་ཡིད་ཆེས་ཀྱི་གནས་ཡིན་ནོ། །རྒྱུ་མཚན་དེས་ན། བོད་གངས་ཅན་གྱི་ལྗོངས་འདིར་བླ་དཔོན་ཟུང་དུ་འཇུག་པ་གནམ་བསྐོས་ཀྱི་རྒྱལ་པོ་དཔལ་ཕག་མོ་གྲུ་པའི་བླ་རྩིས་པ་ཆེན་པོ་ཕུག་ནས་ཆོས་རྗེ་འཕྲིན་ལས་པ་དང་། དེའི་དངོས་སློབ་པ་རྣམས་ཀྱི་ལེའུ་ཐོར། གཟའ་འཛིན་སོགས་ཀྱི་སྐབས། བྱེད་རྩིས་ཀྱི་རི་མོ་ཅུང་ཟད་མ་གཏོགས། རྒྱུན་གྱི་གཟའ་སྐར་མཐའ་དག་གྲུབ་རྩིས་ཁོ་ན་ལ་བརྟེན་འདུག་ནའང་། དེང་སང་ནི་ཕུག་ལུགས་པའི་རྗེས་འབྲང་རྣམས་ཀྱང་མོན་པ་ཏྲོོ་པས་གསུང་རབ་ལ་ཞུས་དག་བྱས་པའི་དཔེ་ལྟར་བྱེད་མཁན་མང་བ་རྟགས་སུ་བཀོད་ནས་བྱེད་རྩིས་ཀྱི་ཟླ་སྐར་སོགས་ལུང་སྟོན་པར་སྣང་མོད། གཟུར་གནས་ཀྱི་བློ་ལྡན་ཞིག་གིས་བརྟགས་ན་ཉི་དག་གི་ཆ་ཤས་མ་དག་པའི་དབང་གིས་ཉི་སྐར་འཕྱུགས་ལ། དེ་ལ་བརྟན་ནས་ཟླ་བའི་སྐར་མའང་སྐར་མ་རེ་རེ་སྔོན་དུ་འགྲོ་བ་འདི་མ་དག་པ་རིགས་པས་འགྲུབ་པས། ཟླ་སྐར་ཡང་གྲུབ་པའི་མཐའ་ལ་བརྟེན་པར་རིགས་སོ། །དཔལ་འཆི་མེད་བདེ་བས། ཕུག་ལུགས་ལ་གྲུབ་རྩིས་ཀྱི་ཟླ་སྐར་འདས་པར་བྱེད་ཅེས་གསུངས་པའི་རྒྱུན་ལྟར་ན། བྱེད་རྩིས་དང་སྐར་མ་མཐུན་པ་འོང་རྒྱུར་སྣང་ཡང་། བླ་རྩིས་གར་དབང་བ་སོགས་ཕལ་ཆེར། སྐར་མ་ད་ལྟར་བར་མཛད་ལ། མིག་སྐར་དང་བསྟུན་ཚེ་མཚན་མོ་བྱེད་རྩིས་དང་མཐུན་པས། ཉིན་མོ་གྲུབ་རྩིས་ཀྱི་ཟླ་སྐར་ད་ལྟར་བ་དང་འགྲིག་པར་རྗེས་སུ་དཔག་ནུས་པས་ན། ད་ལྟ་ལག་ལེན་དུ་དེ་ལྟར་བྱེད་ནའང་། ལུགས་མི་འདྲ་བར་གསུང་བ་པོ་གཉིས་ཀ་རྗེས་འཕྲིན་ལས་ཞབས་ཀྱི་དངོས་སློབ་ཡིན་པས། ཅུང་ཟད་ཐེ་ཚོམ་གྱི་གཞི་འདུག་པར། བློ་གྲོས་དང་ལྡན་པ་རྣམས་ཀྱིས་དཔྱད་པར་འཚལ་ལོ། །དེ་ལྟར་རྩིས་ཀྱི་དཀའ་གནས་ཀྱི་འཕྲོས་དོན་ལ་སྔོན་གྱི་མཁས་པ་ཆེན་པོ་ཀུན་གྱི་ཚད་མའི་(༢༢ན)

― GLG020_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་སུ་གྱུར་པ་ཤོང་པང་བུ་གསུམ། ཕྱིས་ཀྱི་མཁས་པ་སྟག་ཚང་ལོ་ཆེན། ཞ་ལུ་ལོ་ཆེན་རྣམས་དང་། ལ་ལར་ལེགས་པར་བཤད་ཅིང་འགའ་ཞིག་ཏུ་ཉེས་བཤད་སྣ་ཚོགས་ཀྱང་ཡོད་པའི་སྔོན་གྱི་མཁས་པ་ཇོ་བོ་ནང་ཀུན་མཁྱེན་དོལ་པོ་བ་དང་། ཐམས་ཅད་མཁྱེན་པ་བསོད་ནམས་རྒྱལ་མཚན་སོགས། ཕྱིས་ཀྱི་མཁས་པ་ཡེ་བཟང་རྩེ་པ། བྱང་པ་རིགས་ལྡན་རྣམ་རྒྱལ་གྲགས་བཟང་། མཁས་གྲུབ་དགེ་ལེགས་དཔལ་བཟང་། པཎ་ཆེན་བྱམས་པ་གླིང་པ། ཁྲུས་ཁང་ལོ་ཙཱ་བ། ཀརྨ་པ་མི་བསྐྱོད་རྡོ་རྗེ། འབྲུག་པ་ཐམས་ཅད་མཁྱེན་པ་པདྨ་དཀར་པོ་སོགས་དུས་ཞབས་ཆེན་པོར་ཞལ་གྱིས་བཞེས་པ་རྣམས་ཀྱི་ཡིག་ཆ་དང་གསུང་རྒྱུན་རྣམས་ལ་འཐད་མི་འཐད་ཀྱི་དཔྱད་པ་བློ་དམན་བདག་འདྲས་རང་བློའི་སྟོབས་ཀྱིས་བྱ་བར་ག་ལ་ནུས། འོན་ཀྱང་ཟུང་འཇུག་སྒྱུ་མའི་གར་མཁན་དུས་ཞབས་པ་ཆེན་པོ་མཁས་གྲུབ་ནོར་བཟང་རྒྱ་མཚོའི་ཞལ་སྔ་ནས་དང་། དང་པོའི་སངས་རྒྱས་ཀྱི་ཤིང་རྟ་པ་ཆེན་པོ་ལྷུན་གྲུབ་རྒྱ་མཚོ་གཉིས་ཀྱི་ལེགས་བཤད་ལ་བརྟེན་ནས་ཅུང་ཟད་སྤྲོ་བར་ནུས་ནའང་། ཧ་ཅང་ཡི་གེ་མངས་པས་འཇིགས་པ་དང་། དངོས་མེད་ཀྱི་དོན་རྒྱས་བཤད་ཀྱི་ཁོངས་སུ་འཐོར་དོགས་པས་རེ་ཞིག་བཏང་སྙོམས་སུ་གཞག་སྟེ་དྲིས་ལན་གྱི་དོན་སྙིང་པོར་དྲིལ་ན། དེང་སང་གངས་ཅན་གྱི་ལྗོངས་འདིར་རྩིས་རིགས་སྨྲ་བ་མང་པོར་ཚོགས་པའི་སོ་སོའི་ལུགས་ལ་བརྟགས་ཚེ་འགོས་ལོ་སོགས་མང་པོས་ཟླ་བཤོལ་རགས་པ་ཙམ་འཐོན་རྩིས་ཀྱི་ཟླ་བ་སུམ་ཅུ་མ་ལོངས་པ་ནས་བཤོལ་བར་བཤད་པའི་རྗེས་སུ་འབྲངས་ནས་ལུང་སྟོན་པ་ཐམས་ཅད་མ་ནིའི་ཟླས་ལུང་སྦྱོར་དངོས་རྗེས་ཚང་ཙམ་ཡང་མི་ཤེས་པའི་མཐོང་ཐོས་དྲན་རེག་ཏུ་གྲགས་པའི་བླ་ཆེན་གྱི་སྐྱབས་གནས་དང་འདྲ་བས་(༢༢བ)

― GLG020_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེས་པ་མངོན་སུམ་བྱེད་བཞིན་དུ། གཡོ་ཅན་ཚིག་གིས་ཕ་རོལ་སླུ། །ལྷ་ཆེན་སྨྲེ་སྔགས་ཤོར་བ་ལ། །སྡུག་བསྔལ་བདེན་པ་བསྒྲགས་སོ་ལོ། །ཞེས་པའི་དོན་ཐོག་ཏུ་བབས་པར་སྣང་། ཆག་ལོ་རིན་ཆེན་ཆོས་རྒྱལ་གྱིས། རབ་བྱུང་ཤིང་ཕོ་བྱི་བ་ནས། །ས་ཕོ་འབྲུག་གིས་ཐར་ཐུག་པར། །ལོ་ནི་དྲུག་ཅུ་རྩ་ལྔའི་བར། །ཟླ་བ་བདུན་བརྒྱ་བརྒྱད་ཅུ་ལ། །ཟླ་བ་ཕྱེད་བཅས་སོ་གཉིས་ན། །ཟླ་བཤོལ་རེ་རེ་འབྱུང་བའི་ཕྱིར། །ཟླ་བཤོལ་ཉི་ཤུ་རྩ་བཞིའོ། །ཞེས་པའང་རབ་བྱུང་མེ་ཡོས་ལ་སྦྱོར་རྒྱུ་ཤིང་བྱིར་སྦྱར་བས་ནོར་ཞིང་བཤོལ་ཡང་རགས་རྩིས་སོ། །འགའ་ཞིག་ཟླ་དག་འཕར་བའི་ཚེ་ཟླ་བ་ཕྱི་མ་འདོན་ཟེར་བ་ནི་ལྕ་རློན་པར་ཡོད་པ་རྒྱུ་མཚན་དུ་བྱས་པ་འདྲ། ལ་ལ་དག་དབུས་ནས་བཤོལ་པ་དང་མཐའ་ནས་བཤོལ་བའི་དོན་མ་གོ་བར། མདའ་རོའི་ལྷག་མར་གཅིག་བྱུང་ཚེ་ངོ་ཐོག་འདོན་པ་དང་། ཐིག་ཤར་ཚེ་ཟླ་བ་རྟིང་མ་འདོན་ཟེར་བ་ཡང་མུན་ནག་གི་འདོམ་འཇལ་ཏེ། ཟླ་དག་འཕར་ནས་ཀྱང་ཟླ་བ་མ་བཏོན་ན་ཉི་མ་ཤར་ཟིན་ནས་ད་དུང་ནམ་མ་ལངས་ཟེར་བ་དང་འདྲའོ། །བྱེད་རྩིས་པ་ཁ་ཅིག་གིས་གསང་བའི་མན་ངག་ཡིན་ཟེར་ནས་ཟླ་དག་འཕར་ནས་བརྩིས་པའི་བདུན་ཟུར་གྱི་སྟེང་དུ་བཤོལ་འདོན་པ་རིག་པའི་རྩལ་གྱིས་འཐོན་པ་མི་འདུག་ནའང་། འ་ཞ་བོས་པས་བླ་གཡུའི་མངོན་ཤེས་ལྟར་སྟབས་རང་འགྲིག་ཏུ་སོང་ནས་མཁས་པའི་ཕྱག་ལེན་དང་འགྲིག་པར་གདའ། མཁས་རློམ་ཁ་ཅིག་ཁྱིམ་ལོ་ཕྱེད་བཅས་སོ་གཉིས་ནས་ཚེས་ལོ་རེ་རེ་འཕར་བས་མཐར་ལོ་བཤོལ་འོང་ཟེར་བ་ནི་ཤིན་ཏུ་མ་བརྟགས་པ་སྟེ། ཁྱིམ་ཟླ་ཕྱེད་བཅས་སོ་གཉིས་ཀྱི་དུས་ཟླ་བཤོལ་མ་བཏོན་ན་ཟླ་བ་སུམ་བརྒྱ་དང་བརྒྱད་ཅུ་གྱ་བཞི་ལ་ལོ་བཤོལ་ཐོན་འོང་། དེ་ལྟར་བྱས་ན་ཟླ་བ་བརྒྱ་དང་སོ་གཉིས་ཙམ་ན་སྟོན་གྱི་དུས་(༢༣ན)

― GLG020_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ཤིང་རྩི་ཁ་འབུས་ཤིང་དགུན་གྱི་ཚེ་ཆུ་བོ་བསྒང་རྒྱས་འོང་པའི་ཕྱིར་དུས་ཚིགས་ཐམས་ཅད་འཕྱུགས་འགྲོ་ལ། ཟླ་བ་ཕྱེད་བཅས་སོ་གཉིས་ནས་བཤོལ་བཏོན་པས་ཚེས་ཞག་ལྷག་པོ་ཆུ་རང་སར་སིམ་པ་ལྟར་ལོ་བཤོལ་རྒྱུ་མེད་དོ། །དེ་ལྟར་བཤད་མ་ཐག་པའི་རང་བཟོ་དང་ཡིག་ཧྲུལ་འགའ་ཞིག་ལ་བློ་བཀལ་ཏེ་སྨྲ་བ་དེ་དག་ནི་ཆུ་ཤིང་ལྟར་སྙིང་པོ་མེད་པར་མཐོང་ལ། མཁས་པའི་ཕྱག་བཞེས་ཁུངས་དང་འགྲེལ་བ་ནི་འདི་ལྟ་སྟེ། དངོས་བསྟན་རྒྱུད་ཀྱི་དགོངས་པ་གོང་དུ་བཤད་པ་ལྟར། །སོ་ཡི་ཆ་ཡིས་ངེས་པར་ཕྱུང་གྱུར་པ། །ཞེས་པའི་ཚིག་གི་ནུས་པ་དངོས་བསྟན་སོ་གཉིས་ཡིན་ཡང་། ཞིབ་པར་ཕྱེད་བཅས་སོ་གཉིས་སུ་བྱས་པ་སོ་གཉིས་གཉིས་ཀྱིས་བསྒྱུར་བས་དྲུག་ཅུ་རེ་བཞིར་སོང་། ཕྱེད་པོ་དེ་གཉིས་ཀྱིས་བསྒྱུར་ནས་བསྲེས་པས་མདའ་རོར་སོང་བ་དེས་བགོས་པའི་ནོར་སྟེང་མར་བྱིན་པས་ཁྱིམ་ལོ་ཕྱེད་བཅས་སོ་གཉིས་ཀྱི་ཚེ་ཟླ་དག་གྲངས་མཆོངས་པ་ན་ཆད་པའི་གྲངས་དེ་བསབ་དགོས་པས་ཟླ་བཤོལ་འཐོན་པ་ཡིན་ནོ། །ལུགས་འདིའི་རྗེས་སུ་འབྲང་བའི་མཁས་པ་ཤིན་ཏུ་མང་ཞིང་། ཁྱད་པར་སྨོན་འགྲོ་པཎྜི་ཏ་ཚེ་དབང་དོན་གྲུབ་དང་། རིག་བྱེད་མཁན་པོ་མདར་པ་དགྲ་འདུལ་དོན་གྲུབ་རྡོ་རྗེ་གཉིས་ཀྱི་དྲུང་དུ་དཀར་ནག་རྩིས་ཀྱི་ཟབ་གནད་མཐའ་དག་ལ་ལེགས་པར་སྦྱངས་པའི་གཙུག་ལག་འཛིན་པ་གཞོན་ནུ་སྐལ་བཟང་ལས་ཁོ་བོས་པདྨ་དཀར་པོའི་ཞལ་ལུང་གི་དགོངས་པའི་གནད་རྣམས་ཞིབ་མོར་ཐོས་ཤིང་དཔྱད་པའི་ཚེ། བཤོལ་ཡང་ཟླ་འཕར་དང་བསྟུན་པའི་རྒྱུད་དོན་འཕྱུག་མེད་སྨོན་མདར་སོགས་མཁས་པ་ཚད་ཐུབ་རྣམས་ཀྱི་ཕྱག་ལེན་དུ་མཛད་ཚུལ་གྱི་རྒྱུ་མཚན་ལ་ངེས་ཤེས་རྙེད་པས་ན། ཕྱག་ལེན་འདི་ཉིད་གྲོང་རྩིས་པ་འདྲས་རང་བཟོ་བྱས་པ་མ་ཡིན་པའི་ཡིད་(༢༣བ)

― GLG020_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེས་ཀྱི་གནས་སུ་ངེས་པ་རྙེད་དོ། །དེ་ལྟར་ན་ལུགས་འདི་དང་མི་མཐུན་པ་རྣམས་ཚད་མ་མ་ཡིན་ནམ་སྙམ་པའི་ལོག་རྟོག་ནི་བྱེད་མི་དགོས་ཏེ། རྒྱུད་ཀྱི་དངོས་བསྟན་བྱེད་པའི་རྩིས་ཡིན་ལ་དེ་ལས་གྲུབ་པའི་རྩིས་ཉིད་རྣམ་པར་དག་པས་སོ། །གཞན་ཡང་མཁས་པ་མགུ་བ་སྐྱེད་པའི་ལུགས་གཅིག་ལ། གྲགས་པ་དོན་ལྡན་གྱི་མཁས་གྲུབ་ཆེན་པོ་ནོར་བཟང་རྒྱ་མཚོའི་བཞེད་པ་ཉི་ལྡོག་འཁོར་ལོར་གྲགས་པ། ལོ་གྲངས་བདུན་བརྒྱ་དང་བརྒྱད་ཅུའི་འཁོར་ལོ་ངོ་མཚར་ཅན་རི་མོའི་སྒོ་ནས་སྒྲུབ་ཚུལ། དེ་ལ་གསལ་བྱེད་སྲོང་བཙན་གདུང་གིས་མཐོ་ཞིང་གཞུང་ལུགས་རྒྱ་མཚོའི་ཕ་མཐར་སོན་པ་ལྷ་བཙུན་བསོད་ནམས་དཔལ་བཟང་གིས་མཛད་པ་ཡོད་ལ། འཁོར་ལོའི་རེའུ་མིག་ཕྱི་ནང་བཞི་རིམ་དུ་ཡོད་པའི་ནང་མར་རྒྱ་གར་གྱི་ཉི་ལྡོག །དེའི་ཕྱི་མར་ལོ་བདག །དེའི་ཕྱི་མར་བོད་ཀྱི་ཉི་ལྡོག །དེའི་གཡོན་དུ་བཅུ་གཅིག་གམ་བཅུ་གཉིས་འགོད་པ་ཉི་ལྡོག་གི་ཟླ་བ་སྟོན་བྱེད། དེའི་ཕྱི་མ་ཟླ་བཤོལ་མཐའ་དབུས་གང་ནས་འཐོན་རྣམས་གསལ་བར་བཀོད་དོ། །ལུགས་འདི་དང་གྲུབ་རྩིས་ཀྱི་ཟླ་དག་འཕར་བའི་སྔ་མ་འདོན་པ་གཉིས་གུང་འགྲིག་པས། ལྷ་བཙུན་རིན་པོ་ཆེའི་གསུང་ལས། དེས་ན་གནད་ཀྱི་སྙིང་པོ་ནི། །ཁྱིམ་ཟླ་གནས་གཉིས་བཞག་པ་ཡི། །འོག་མ་མིག་བསྒྱུར་རྩིས་འཕྲོ་བསྲེ། །མདའ་རོས་ཐོབ་པ་སྟེང་དུ་སྦྱིན། །སྟེང་དུ་གཉིས་འཕར་བྱུང་བའི་ཚེ། །རང་གིས་བརྩིས་པའི་ཟླ་བ་ལྷག །དེ་ཡང་ལྷག་མར་གཅིག་བྱུང་ཚེ། །ཟླ་བཤོལ་ཟླ་བའི་དབུས་དང་ནི། །ཐིག་ལེ་ཤར་ཚེ་མཐའ་ནས་བཤོལ། །དེ་ཡང་ལོ་གྲངས་བདུན་བརྒྱ་དང་། །བརྒྱད་ཅུའི་ཉི་ལྡོག་ཟླ་བཤོལ་གྱི། །ཁྲ་མ་གཟིགས་པས་མངོན་སུམ་འགྲུབ། །ཅེས་གསུངས་སོ། །ཟླ་བ་སྔ་མ་ལ་བཤོལ་ཐོན་ཟིན་པའི་ནུས་པས་ཟླ་བ་རྟིང་མ་ལ་ཟླ་དག་འཕར་བ་ཡིན་ཞིང་། མདའ་རོའི་ལྷག་མར་གཅིག་བྱུང་བ་ན་ཟླ་དག་(༢༤ན)

― GLG020_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

འཕར་བའི་ཟླ་བ་དེ་ཤར་ཚེ་ཟླ་བཤོལ་བྱུང་ནས་ཟླ་བ་ཕྱེད་སོང་བ་ཡིན་ལ། མདའ་རོའི་ལྷག་མར་ཐིག་ཤར་ཚེ་ཟླ་བཤོལ་རྫོགས་པ་དང་ཟླ་དག་འཕར་བའི་ཟླ་བ་དེ་ཤར་བ་དུས་མཉམ་པའི་དོན་ཡིན་ནོ། །གཞན་ཡང་འདས་ཟླ་སྲེ་པའི་སྐབས་ཟླ་དག་འཕར་བའི་ངོ་ཐོག་གི་ཟླ་བ་དེ་མི་སྲེ་བས་ཀྱང་ཟླ་བ་གོང་མ་བཤོལ་བའི་སྒྲུབ་བྱེད་བླ་ན་མེད་པའོ། །ད་ལྟའི་རྩིས་རིག་ཕལ་ཆེར་དང་། འཇིག་རྟེན་རྒན་པོ་ཚོད་ཅན་གྱི་ཁུར་འཛིན་ཐམས་ཅད་མགྲིན་གཅིག་ཏུ་ཕྱེད་བཤོལ་ཡོད་ཅེས་གླེང་བའི་ཞེ་ཕུགས་ལ་ཕྱེད་ཟླ་འཐོན་དུས་ཞག་བཅོ་ལྔ་ཙམ་ཞིག་རང་འཐོན་པའི་ཉམས་ཤར་ནས། ད་ལོའི་སྔ་ཕྱིའི་བབས་གང་ལ་བལྟས་ཀྱང་ཟླ་བ་ཧྲིལ་པོའི་ཡུན་ཙམ་འཐོན་པ་མི་འདུག་ཟེར་མོད། དེ་དག་ནི་ལོག་རྟོག་གིས་བཏགས་པའི་གཏམ། བཀའ་བརྒྱུད་པའི་བླ་མ་ཞིག་གིས་སྤང་བྱ་གོང་མོ། བླང་བྱ་བྱ་བོན། དགག་བྱ་ཕོ་རོག་ཡིན་ཟེར་བ་དང་འདྲ་བས་དགག་བསྒྲུབ་ཀྱི་ཡུལ་མིན་ལ། ཕྱེད་བཤོལ་ཞེས་པ་དཔེར་ན། ས་ག་ཟླ་བ་ལ་བཤོལ་འཐོན་ཚེ་ཟླ་བ་ཧྲིལ་པོར་བཏོན་ན། མདའ་དུས་ཧོར་ཟླ་ལྔ་པའི་བསྒང་། །ཐག་མ་དུས་མར་སྙེ་མ་འཐོན། །རང་ཅག་གནས་པའི་ས་འདིར་ནི། །དབྱར་གྱི་ཉི་མ་ལྡོག་པའི་དུས། །འདི་ཡི་ཤར་ནུབ་ས་ཡི་ཁྱོན། །ཐ་དད་གྱུར་ན་ཤིང་གྲིབ་ཀྱིས། །བརྟགས་ཏེ་ལྡོག་ཚུལ་ཐ་དད་སྨྲ། །ཞེས་སོགས་ཟླ་བ་ལྔ་པའི་ནང་དུ་འཆར་རྒྱུའི་ཐག་མ་དུས་མར་སྙེ་མ་འཐོན་པ་སོགས་དུས་ཀྱི་སྣང་ཚུལ་རྣམས་ཟླ་བ་བཞི་པར་ཡར་འཕྱུགས་ཆེས་ན། ཟླ་བ་བཞི་པའི་ཚེས་བཅུ་དྲུག་ནས་གནམ་གང་གི་བར་ཚེས་གཅིག་དང་། སྣྲོན་ཟླ་བའི་ཚེས་གཅིག་ནས་བཅོ་ལྔའི་བར་ཚར་གཅིག་འཐེབ་ལ་བཏོན་ན། དུས་ཀྱི་སྔ་ཕྱིའི་བབས་ནས་འགྲིག་པའི་དབང་དུ་མཛད་པ་ཡིན་ཡང་། དངོས་སུ་འདོན་མི་ཐུབ་སྟེ། དེ་ལྟར་བྱས་ན་གནམ་གང་ལ་ཟླ་བ་ཉ་ཞིང་། ཚེས་བཅུ་བཞི་ལ་དགུ་ཞལ་ཡོད་པ་ཞིག་གནག་(༢༤བ)

― GLG020_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

རྫི་རྒན་པོ་ཡན་ཆད་ཀྱིས་མངོན་སུམ་དུ་མཐོང་ནས་སྨོད་པའི་ཡུལ་དུ་འགྱུར་ཞིང་། འཇིག་རྟེན་གྱི་གྲགས་ཚོད་འགོག་མི་ནུས་པས། དོན་གྱིས་འཐོབ་ཀྱང་ལག་ལེན་དུ་བྱེད་མི་རུང་ངོ་། །རང་ལུགས་ཐུན་མོང་མ་ཡིན་པ་ཕུག་ལུགས་ཀྱི་ཕྱག་བཞེས་ནི། གོང་དུ་བཤད་པ་ལྟར་ཞག་གསུམ་གྱི་རྣམ་གཞག་གི་དོན་དྲིལ་ན། ཞག་གསུམ་སོ་སོའི་གྲངས་ལ་མང་ཉུང་ཡོད་ཀྱང་དོན་དུ་ཚེས་ཞག་སུམ་བརྒྱ་དོན་གཅིག་དང་། ཁྱིམ་ཞག་སུམ་བརྒྱ་དྲུག་ཅུ་གཉིས་ཡུན་ཚད་སྙོམས་པའི་རྒྱུ་མཚན། དཔེར་ན། རེ་ཁ་ཡུག་རིང་ཐུང་སྙོམས་པ་གཉིས་སྟེང་འོག་ཏུ་བྲིས་པའི་རེ་ཁ་སྟེང་མར་རིའུ་མིག་ཞེང་ཆེ་བ་བཅུ་གཉིས་དང་། འོག་མར་རིའུ་མིག་ཞེང་ཆུང་བ་བཅུ་གསུམ་བྱས་ན་རིའུ་མིག་གི་གྲངས་ལ་ཁྱད་ཡོད་ནའང་། མཐའི་ཚད་ལ་རིང་ཐུང་མེད་པར་སྙོམས་འགྲོ་བ་ལྟར། ཁྱིམ་ཟླ་ཕྱེད་དང་སོ་གཉིས་ཀྱི་ཚེ་ཟླ་རེ་རེ་འཕར་བས་ཚེས་ཟླ་ཕྱེད་དང་སོ་གསུམ་ནས་ཚེས་ཞག་ལ་ཉི་ཁྱིམ་མ་རྫོགས་པའི་རིང་ཐུང་ཤོར་བ་དེའི་ཉེས་པ་སེལ་འགྲོའོ། །དེ་ལྟར་ཟླ་བ་སོ་སོའི་དབུགས་ཟླ་བ་ལྔ་མའི་ཉེར་བརྒྱད་ཙམ་ལ་ཐོབ། ཁྱིམ་ངོ་ཐོག་གི་ཚེས་ལྔ་ཙམ་ལ་སླེབ། བསྒང་ཚེས་བཅུ་དྲུག་ཙམ་ལ་འོང་དགོས་རྒྱུ། ལོ་གཅིག་ལ་ཚེས་ཞག་སུམ་བརྒྱ་དྲུག་ཅུར་བྱས་པས་ཉི་མས་ཁྱིམ་འཕོ་མ་ནུས་པར་རིམ་གྱིས་ཕྱི་གྲོས་སུ་ལུས་པས་བཤོལ་འཐོན་ཁར་བསྒང་ཚད་གནམ་སྟོང་དང་། བཤོལ་འཐོན་མ་ཐོག་བསྒང་ཚད་ཚེས་གཅིག་གཉིས་ལ་འོང་བ་མངོན་སུམ་དུ་གྲུབ་པས་ཟླ་བའི་བསྒང་ཚད་ཕྱི་མའི་ཚེས་གཅིག་ལ་ཤར་དུས་སྔ་མ་བཤོལ་དགོས་ཏེ། མ་བཤོལ་ན་མགོ་ཟླའི་བསྒང་ཚད་རྒྱལ་ཟླར་འཕོས་པ་དེའི་ཚེ་དགུན་ཉི་ཟླ་བ་བཅུ་གཉིས་པ་ལ་ལོག་འགྲོ་བར་ཁས་ལེན་དགོས་པས་དུས་མི་འགྱུར་བའི་གཟེར་མངོན་སུམ་དུ་འཕྱུག་པ་སོགས་གནོད་བྱེད་མི་ཟད་པ་ཐོག་ཏུ་འབབ་བོ། །གོང་དུ་རྗེ་ནོར་བཟང་(༢༥ན)

― GLG020_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལུགས་ཀྱི་ཉི་ལྡོག་འཁོར་ལོའི་གསལ་བྱེད་དུ། ད་ལྟའི་རིའུ་མིག་འོག་མ་ཡི། །གཡོན་དུ་དྲག་པོ་ཕལ་ཆེར་བཀོད། །ཟླ་ལྷག་ཡོད་ཚེ་སྐབས་འགའ་རུ། །ཉི་མ་འགོད་པར་མཛད་པ་ནི། །ཡུལ་འདིའི་དགུན་ཉི་ལྡོག་པ་ཡི། །ཟླ་བའི་ངོས་འཛིན་ཡིན་པར་ངེས། །ཞེས་པ་བྱུང་བས། ཕུག་ལུགས་ཀྱི་ཕྱག་ལེན་ཐུན་མོང་མ་ཡིན་པ་འདི་ལས་ཟླ་བ་དྲུག་གི་བཤོལ་འཕྱི་བས་ན། དགུན་ཉི་ཟླ་བ་བཅུ་གཉིས་པའི་ཚེས་བདུན་ཙམ་ལ་ལོག་པ་ཞིག་འབྱུང་བས་དེ་ལ་དགོངས་ནས་ཉི་མ་བཀོད་པ་ཡིན་ཞིང་། འཇིག་རྟེན་ཁམས་ལེར། གང་ཕྱིར་རི་ལ་སྐྱེ་བོ་རྣམས་ཀྱི་ཉིན་མཚན་མཉམ་པར་འགྱུར་ཏེ་ལུག་ཉི་སྲང་གི་ཉི་མ་ལའོ། །ཞེས་ཉིན་མཚན་མཉམ་པ་ལུག་དང་སྲང་གིས་ལོངས་སྤྱོད་པའི་སྐབས་སུ་བསྟན་ཅིང་། དེ་བཞིན་དུ་བགྲོད་པ་མཐར་ཐུག་པ་གཉིས་ཀྱང་ཀརྐཊ་དང་། ཆུ་སྲིན་གྱི་ཁྱིམ་དུ་བཤད་པས། དབྱར་དགུན་གྱི་ཉི་ལྡོག་ཀྱང་ཧོར་ཟླ་དྲུག་པ་དང་བཅུ་གཉིས་པ་ལ་འབྱུང་བའི་ཕྱིར་ན། གོང་དུ་དུས་མི་འགྱུར་བའི་གཟེར་ཞེས་བཤད་པ་མི་འཐད་དོ་སྙམ་ན། འཛམ་གླིང་ཆུང་ངུ་འདི་ཡོངས་སུ་རྫོགས་པའི་ཉི་མ་དུས་གཅིག་ལ་ལྡོག་ན། ཁམས་ལེའི་དངོས་བསྟན་དང་མི་མཐུན་པའི་སྐྱོན་འདི་འབྱུང་ནའང་ལྷོ་གླིང་འདིའི་ཁྱོན་ཡོངས་སུ་རྫོགས་པར་མ་ཟད། ལྷོ་གླིང་ཤར་མ་ནས་དབུས་དྲང་ཐད་ཀྱི་བར་ལ་ཉི་ལྡོག་སུམ་ཅུ་ལྷག་ཙམ་འབྱུང་བར་ཐམས་ཅད་མཁྱེན་པ་ནོར་བཟང་རྒྱ་མཚོས་སློབ་དཔོན་ཨ་བྷ་ཡའི་དུས་འཁོར་ལ་འཇུག་པའི་ཁུངས་དང་བཅས་ཏེ་གསུངས་པས་ཉེས་པ་དེས་འཇུག་གོ །དེ་ལྟར་རྒྱུད་ནས་གསུངས་པའི་བགྲོད་པ་གཉིས་དང་མཉམ་པ་གཉིས་སོགས་བསྟན་པ་ཐམས་ཅད་ལྷོ་གླིང་དབུས་མའི་ཚངས་ཐིག་དྲང་པོ་ལ་དགོངས་ཏེ་གསུངས་ལ། རྗེས་འཇུག་གི་མཁས་པ་རྣམས་ཀྱིས་དེའི་ཤུགས་ལས་ཉི་ལྡོག་སུམ་བརྒྱ་དྲུག་ཅུ་འབྱུང་བའི་ཚུལ་རྟོགས་ཏེ། རང་ཅག་(༢༥བ)

― GLG020_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་པའི་བོད་ཀྱི་ཡུལ་འདིར་འཁྲིག་པ་དང་གཞུའི་ཁྱིམ་དུ་ཉི་མ་ལྡོག་པར་ཁས་བླངས་པ་ཡིན་ནོ། །འོ་ན་ཐམས་ཅད་མཁྱེན་པ་ནོར་བཟང་རྒྱ་མཚོས། འདས་ལོའི་ཐོག་མ་རབ་བྱུང་མེ་ཡོས་ལོ་དྲུག་ཅུ་སྐོར་བདུན་དང་། ལོ་རྐྱང་ཉི་ཤུ་པ་མི་ཟད་པ་མེ་ཕོ་ཁྱིའི་དགུན་ཉི་ལྡོག་དུས་ལ་ཐུར་ཤིང་གིས་བརྟགས་པས། ལོ་དེའི་ཧོར་ཟླ་བཅུ་གཉིས་པའི་ཚེས་ལྔའི་ཉིན་ཐུར་ཤིང་གི་གྲིབ་མ་བྱང་ནས་ལོག་པར་མངོན་སུམ་གྱིས་མཐོང་བས་དེའི་སྔོན་མའི་ཚེས་བཞི་དེ་ལ་རང་ཅག་རྣམས་གནས་པའི་ས་ཁྱོན་འདིར་དགུན་ཉི་ལོག་པར་གྲུབ་ལ། ཞེས་བཀའ་སྩལ་པ་ལྟར་ན་ཧོར་ཟླ་བཅུ་གཉིས་པའི་ཚེས་བཞི་ལ་དགུན་ཉི་ལྡོག་པ་ཞིག་འབྱུང་བས། གོང་གི་དམ་བཅའ་དེ་ལ་གནོད་དམ་སྙམ་ན། མི་གནོད་དེ། རྒྱུད་ལུགས་ཀྱི་ཟླ་བཤོལ་ཟླ་དག་འཕར་བའི་དབང་དུ་བཏང་ཞིང་། ལུགས་དེ་དང་ཕྱོགས་མཐུན་ཙམ་དུ་ཉི་ལྡོག་འཁོར་ལོའི་ཕྱག་ལེན་མཛད་པས། ལུགས་དེའི་ཟླ་བཤོལ་འཐོན་པ་ཉེ་བའི་ཟླ་བ་བཅུ་གཉིས་པའི་ནང་དུ་ཉི་ལྡོག་གི་རི་མོ་ཤར་བ་ཡིན་ལ། ཟླ་བ་བཅུ་གཉིས་ལ་དེ་ནི་བོད་ཀྱི་ཡུལ་འདི་ཁོ་ནའི་དབང་དུ་བཏང་བའི་ཉི་ལྡོག་དང་བསྟུན་པའི་ཟླ་བ་བཅུ་གཉིས་པ་མ་ཡིན་པས་སོ། །འདི་དག་ལས་འཕྲོས་པའི་དཀའ་གནས་ཀྱི་ལེགས་བཤད་ནི་རྗེ་ནོར་བཟང་རྒྱ་མཚོས་མཛད་པའི་ཉི་ལྡོག་གསལ་སྒྲོན་སོགས་ལས་ཤེས་པར་བྱའོ། །གཞན་ཡང་ཉི་མས་འཛམ་གླིང་ཆུང་ངུ་འདིར་ལྡོག་ཐེངས་གཅིག་ལས་མི་འོང་ཞིང་། དེ་རྒྱུད་ནས་བཤད་པ་དང་མཐུན་དགོས་པ་ཡིན་ན། རྒྱུད་ནས་བཤད་པའི་དགུན་ཉི་ལྡོག་པའི་ཚེ་ལྷོ་ཕྱོགས་རྟ་གདོང་གི་མེ་རི་ལ་བཅར་ཏེ་དེ་ནས་ཕར་ཅུང་ཟད་ཙམ་ཡང་འགྲོ་མི་ནུས་པའི་ལྷོ་བགྲོད་མཐར་ཐུག་པ་ཡིན་པས། དེའི་དུས་ལས་ས་ཆུ་འཁྱགས་ཤིང་གྲང་ངར་ཆེ་བ་མེད་ལ། ད་ལྟ་བོད་ཀྱི་ཡུལ་འདིར་ཉི་མ་ལོག་ནས་ཞག་ཉི་ཤུ་རྩ་བདུན་(༢༦ན)

― GLG020_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་བར་དགུ་འདྲེན་པ་ཞེས་ངེས་པར་གྲང་དུ་འགྲོ་བ་ཀུན་ལ་གྲགས་ཤིང་མངོན་སུམ་གྱིས་གྲུབ་པས། ས་འདིར་འོས་པའི་ཟླ་བཤོལ་ཉི་ལྡོག་དུས་སྦྱོར་སོགས་རིགས་པའི་ལམ་ནས་འདྲེན་དགོས་པ་མངོན་སུམ་གྱིས་གྲུབ་པ་ལྟ་བུའོ། །དཔེར་ན། ཉི་མ་ནམ་སོའི་ཆུ་ཚོད་ཞེ་ལྔའི་སྟེང་ནས་སྐྱེས་པས། ཁམས་ལེར། དུས་ཀྱི་རྒྱུ་སྐར་རྐང་པ་གསུམ་བཅས་བུ་ལོན་དག་སྟེ་ཉི་མའི་ལོངས་སྤྱོད་དབུས་ནས་སྤྱད་པར་བྱ། ཞེས། དྲུག་དང་ཞེ་ལྔས་སྐྱེས་ཁྱིམ་སྦྱོང་བར་བསྟན་ཅིང་། ནམ་སོའི་རྐང་པ་གསུམ་པའི་མཐའ་ནས་ཉི་མ་སྐྱེས་པ་དང་ལྷོ་བགྲོད་ཀྱི་འགོ་བརྩམས་པ་ཡིན་པས། རྩིས་རིག་སྨྲ་བའི་གཙུག་རྒྱན་དཔལ་མགོན་འཕྲིན་ལས་ཀྱིས་ཐུར་ཤིང་གི་གྲིབ་མས་ཞིབ་མོར་གཏན་ལ་ཕབ་པ་ན། བོད་ཡུལ་འདིར་སྐར་མ་ལག་གི་རྐང་པ་དང་པོའི་ཆུ་ཚོད་དྲུག་པའི་སྟེང་ནས་ལྷོ་བགྲོད་ཀྱི་མགོ་བརྩམས་པ་མངོན་སུམ་གྱིས་གྲུབ་པས། ཕྱག་ལེན་ཐུན་མོང་མ་ཡིན་པའི་སྐྱེས་ཁྱིམ་ཟླ་དུས་ཀྱིས་སྦྱོང་བའང་ཤེས་ནུས་སོ། །དེ་བཞིན་དུ་དུས་སྦྱོར་ཡང་། གངས་ལྡན། ཀཻ་ལ་ཤ །རྒྱ་ནག །ལི། བོད། འཕགས་ཡུལ་ཏེ་ཡུལ་དྲུག་ཏུ་དུས་སྦྱོར་མི་འདྲ་བའི་དབང་གིས་རྗེ་འཕྲིན་ལས་ཞབས་ཀྱིས། དེ་ལྟར་དུས་སྦྱོར་ས་གཞན་འབྱུང་པོའི་བྱ། །འདིར་འོས་རྟ་ལྗང་རྒྱལ་པོས་ཕྱོགས་མཐར་དང་། །ཅེས་དང་། སྔོན་མེད་ལེགས་པར་བཤད་པ་ཡི། །ས་འདིར་འོས་པའི་དུས་སྦྱོར་དག །ཅེས་རྒྱ་བལ་ནས་འགྱུར་བའི་དུས་སྦྱོར་གྱི་ཚིག་ཟིན་ཙམ་ལ་མ་བརྟེན་པར་རིག་པའི་འཕྲུལ་བླ་ན་མེད་པ་མཛད་དོ། །བསྒང་ཚད་འདོན་ལུགས་ཀྱང་ཕུག་ལུགས་ཀྱི་རྗེས་འབྲང་མང་དུ་སྣང་བར། ཁོ་བོས་ཟུར་ཆེན་འཁོར་ལོའི་མགོན་པོའི་དྲུང་དུ་བླ་བརྩིས་པ་གར་དབང་ཕུན་ཚོགས་ནས་བརྒྱུད་པའི་སྐར་རྩིས་མཐའ་ཆོད་པར་སྦྱངས་ཤིང་། རྗེས་སུ་གཡུ་ལོ་གཡུལ་རྒྱལ་བའི་མན་ངག་གཉག་བན་ངག་དབང་འཇམ་དཔལ་བློ་གྲོས་ལས་ཐོས་པ་གཉིས་ཀར་ཁྱིམ་འཕོ་དབུགས་ཐོབ་(༢༦བ)

― GLG020_Page_0614 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒང་ཚད་གསུམ་ག་ཉི་བར་ལ་ངོས་འཛིན་ཅིང་། ཕུག་ནས་ལྷུན་གྲུབ་རྒྱ་མཚོ་དང་དཔལ་མགོན་འཕྲིན་ལས་གཉིས་ཀའི་བཞེད་པར་མཛད། དེ་ལ་འདོད་ཆ་དང་འདོད་ཆའི་ལྔ་ཆ་གནོན་ལུགས་བླ་རྩིས་གར་དབང་བའི་མན་ངག་སོགས་ངོ་མཚར་བ་ཁོང་དུ་ཆུད་པ་དང་། ཆུ་རྟ་གཡས་རུ་གཙང་གི་རྒྱལ་ཁམས་མྱུལ་བར་ཕྱིན་སྐབས་བོད་ཡུལ་གྱི་པཎྜི་ཏ་ཆེན་པོ་སྨོན་འགྲོ་ལོ་ཙཱ་བ་རིག་གནས་རྒྱ་མཚོའི་འཕྲེང་བ་འཛིན་པ་ཞེས་སྐུ་ཡོན་དུ་མ་ཟད་སྐུ་ཚེའང་ཕ་མཐར་བརྒལ་བ་དེ་ལས་དཀའ་གནས་མང་པོའི་ཞུན་ཐར་བཅད་ཚེ་ཕུག་ལུགས་ལ་གསར་རྙིང་གཉིས་སུ་ཡོད་པའི་ཞལ་ལུང་ཕུག་རྙིང་པ་དང་། དེར་མི་གསལ་བའི་མན་ངག་ཟུར་པ་རྣམས་དཔལ་མགོན་འཕྲིན་ལས་པས་གསལ་བར་མཛད་པའི་སྐོར་ཕུག་གསར་བ་ཡིན་ཞེས་ཟབ་གནད་འདི་བླ་རྩིས་པ་ཆེན་པོ་འཕྲིན་ལས་ཞབས་ཀྱི་ལུགས་སུ་བཞེད་པར་འདུག་པས་ཀྱང་བཤད་མ་ཐག་པའི་ལུགས་འདི་ཁུངས་ཐུབ་པར་སྣང་། གཞན་ཡང་མཁས་པ་ཟུར་མཁར་བའི་གསུང་ལས། ཚུལ་འདི་ལྟར་ན་སྤུར་རྒྱལ་འདར། །གཞན་ཀུན་ལ་ཕྱོགས་མེད་གཏོང་བ་དང་། །རང་ལེགས་བཤད་འཚོལ་བར་རློམ་ན་ཡང་། །དོན་སྦྱིན་ལེན་གཉིས་ཀ་གསེར་ལས་དཀོན། །ཞེས་པ་ལྟར། རིག་པའི་གནས་མང་པོར་སྦྱངས་ཟེར་བ་ཕྲད་ཚད་ལ་དྲི་བ་དུ་མ་བྱེད་ཀྱིན་ཡོད་པས། ཕུག་ལུགས་པར་ཁས་འཆེ་བ་འདྲ་ལ་རྩད་བཅད་ཚེ་ལ་ལ་ཁྱིམ་འཕོ་ཉི་བར་དང་གཞན་གཉིས་ཉི་དག་ལ་བྱེད་ཟེར་བ་དང་། འགའ་ཞིག་ནི། དེ་ཡང་སྐྱེས་ཁྱིམ་ཟླ་དུས་ཀྱི། །སྦྱངས་པའི་ཉི་དག་སྐར་དབྱུག་ཏུ། །མཁའ་རོ་མེ་ཤར་གསན་པའི་བསྒང་། །ཞེས་སོགས་དངོས་བསྟན་ལ་ཞེན་ནས་མན་ངག་གབ་པ་མ་རྟོགས་པར་མཐོང་བས། མཁས་པ་ཇི་ལྟར་ཐབས་རྡུགས་ཀྱང་། །བླུན་པོ་འཇུག་པའི་ལམ་མི་འགྲོ། །ཆར་འདོད་བྱིའུ་ཁ་སྐོམ་ཡང་། །ས་ལ་འབབ་པའི་ཆུ་མི་འཐུང་། །ཞེས་པ་ལ་བསམས་ནས་ཡིད་བརྟན་དུ་མ་བཟུང་ངོ་། །

དྲི་བ་གསུམ་པ། རྒྱ་ལུགས་ཀྱི་རྩིས་གཞུང་ལས་སྐོར་འགོའི་གཙོ་ཆེ་སྐྱེ་རྨེ་འཛིན་པ་ལ་བརྒྱད་ཅུ་སྐོར་དང་དྲུག་ཅུ་སྐོར་ཞེས་ལུགས་གཉིས་ལས་གང་ཞིག་ཁུངས་དང་ལྡན་མིན་གྱི་དྲིས་ལན།

― GLG020_Page_0615 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་བ་གསུམ་པ།རྒྱ་ལུགས་ཀྱི་རྩིས་གཞུང་ལས་སྐོར་འགོའི་གཙོ་ཆེ་སྐྱེ་རྨེ་འཛིན་པ་ལ་བརྒྱད་ཅུ་སྐོར་དང་དྲུག་ཅུ་སྐོར་ཞེས་ལུགས་གཉིས་ལས་གང་ཞིག་ཁུངས་དང་ལྡན་མིན་གྱི་དྲིས་ལན།དྲི་བ་གསུམ་པ་ལ། གསུམ་པ་རྒྱ་ནག་རྩིས་ཀྱི་གཞུང་ལུགས་འདི། །སྔ་འགྱུར་ཕྱི་འགྱུར་བར་འགྱུར་ཡང་འགྱུར་བཞི། །བོད་དུ་འགྱུར་བ་རླུང་ལྟར་གྲགས་མོད་ཀྱི། །སྐོར་འགོའི་གཙོ་ཆེ་སྐྱེ་རྨེ་འཛིན་པ་ལ། །བརྒྱད་ཅུ་སྐོར་དང་དྲུག་ཅུ་སྐོར་ཞེས་པའི། །བཞེད་ལུགས་མི་མཐུན་གཉིས་སུ་འདུག་པ་འདི། །དགོངས་པ་ཅན་ནམ་སྔ་ཕྱི་གང་ཁས་ལེན། །སྔ་འགྱུར་བར་འགྱུར་རྒྱུད་རྣམས་གཞིར་བཞག་པའི། །བརྒྱད་ཅུ་སྐོར་ཉིད་དག་པར་ཁས་ལེན་ན། །འགྱུར་ཡང་སྔ་མ་རྒྱུད་ཀྱང་ཁུངས་ཐུབ་ནས། །ད་ལྟ་རྒྱལ་བ་ཤཱཀ་ཐུབ་བསྟན་པ་ལ། །རྨེ་འཕྲེང་བར་མ་ཤིང་བྱི་བཞི་ལྗང་ནས། །བརྒྱད་དཀར་བར་གྱི་དྲུག་ཅུ་འདི་ཉིད་ལ། །སྐྱེ་རྨེ་འཛིན་པ་འཁྲུལ་མེད་ཡིན་པར་གསུངས། །ཕྱི་འགྱུར་རིན་ཆེན་གསལ་སྒྲོན་གཞིར་བཞག་ནས། །དྲུག་ཅུ་སྐོར་ཉིད་དག་པར་ཁས་ལེན་ན། །རྩིས་རྒྱུད་འཁྲུལ་མེད་རིན་ཆེན་ཀུན་འདུས་ལས། །ཤིང་བྱི་གཅིག་དཀར་ནས་གཟུང་སྟེ། །ཆུ་ཕག་གཉིས་ནག་བར་དག་ཏུ། །སམ་ཁ་གསུམ་གྱི་རྨེ་བ་ཚང་། །འཁོར་ཞིང་འཁོར་བ་མ་རྫོགས་པ། །ལྷག་དང་བཅས་པ་འབྱུང་མི་སྲིད། །ཞེས་གསུངས་གཞན་ཡང་མཁས་པ་ཁྱུང་ནག་གིས། བཞི་ནས་བརྒྱད་ཀྱི་བར་དག་གི །རྨེ་བ་གསུམ་ཆད་གང་གིས་གསོ། །ཞེས་གསུངས་དེར་མ་ཟད་དེ་བཀའ་ཐང་ནས། དུས་གསུམ་མཁྱེན་པ་པདྨ་འབྱུང་གནས་ཀྱིས། །བོད་རྩིས་དྲུག་ཅུ་སྐོར་ཞེས་གསལ་སྒྲོན་ཞེས། །རྩིས་རྒྱུད་ཀུན་དང་མི་མཐུན་དར་བར་འགྱུར། །ཞེས་པ་ལོག་པའི་རྩིས་གཞུང་གསུངས་པས། འདི་རྣམས་རྩོད་པ་གང་གི་སྒོ་ནས་སྤོང་། ཞེས་པར། གཙུག་ལག་ཁང་གི་རྩིས་གཉིས་སུ་གྲགས་པའི་ནག་རྩིས་ནི། མཁས་པའི་དབང་པོ་སྟག་ཚང་ལོ་ཙཱ་བས། ནག་རྩིས་ནི་རྒྱ་ནག་ནས་བྱུང་བ་འཇམ་དཔལ་དབྱངས་ཀྱིས་གསུངས་པ་ས་བདག་(༢༧བ)

― GLG020_Page_0616 ―

^{[མ་དཔེ་གཟིགས་ན་འདིར་གནོན།]}

[Full Size]

གི་རིགས་བརྟགས་ལ་ཤིན་ཏུ་ཉེ་བར་མཁོ་ཞེས་གསུངས་པ་ལྟར། རིག་པའི་གནས་མི་ཆུང་བ་ཞིག་ཡིན་ཡང་། དེང་སང་འཇིག་རྟེན་རྨོངས་པའི་གྲགས་ཚོད་ལ། ལྷ་གསོལ་དང་སྐར་རྩིས་ཁོ་ན་བྱེད་མཁན་ལ་བོན་དཀར་བ་དང་། ནག་རྩིས་པར་བོན་ནག་གི་མིང་འདོགས་པ་ནི་སྔ་མ་སྐར་མའི་ཡིག་སྡེབས་ཀྱི་ས་མགོ་ཡོད་པ་དང་། ཁ་དོག་གི་དཀར་བ་དས་འཕུལ་སོགས་ཀྱི་བརྡ་ཙམ་ཡང་མ་ཤེས་པས། བཀའ་རྒྱུད་པ་ཕྱོགས་ཀྱི་ངག་བགྲོས་སུ་ན་རོ་པར་རྩ་བཤད་པ་ཞེས་པའི་དོན་མ་གོ་བར་ཨ་ནན་དང་རོ་རུ་སོང་ཟེར་བ་དང་འདྲ་བས་དཔྱད་བཟོད་པ་ག་ལ་ཡིན་ཏེ། དམ་པ་ཁྲོས་ཀྱང་བཏུད་ན་ཞི། །དམན་ལ་བཏུད་ན་ལྷག་པར་རེངས། །གསེར་དངུལ་སྲ་ཡང་བཞུ་ནུས་ཀྱི། །ཁྱི་ལུད་བཞུ་ན་དྲི་ངན་འབྱུང་། །ཞེས་པ་ལྟར་ཡིན་ལ། ནག་རྩིས་ཞེས་པ་རྒྱ་ནག་པོའི་ཡུལ་ནས་དར་པའི་རྒྱུ་མཚན་གྱིས་ནག་རྩིས་སུ་བཤད་པ་མ་གཏོགས་ཤིན་དུར་གྱི་རྩིས་ཙམ་ཞིག་གི་བྱེད་ལས་དང་བཅས་ཁ་དོག་ནག་པོར་བཞག་པའི་དོན་མིན་པས་རྣམ་དཔྱོད་དང་ལྡན་པ་རྣམས་ཀྱི་ཐོས་བསམ་གྱི་ཡུལ་ཡིན་ནོ། །དེ་ཡང་འཇམ་དཔལ་རྩ་བའི་རྒྱུད་ལས། རྒྱ་དང་རྒྱ་ནག་ཆེ་ཉིད་ལས། །འཇམ་པའི་དབྱངས་ནི་རབ་ཏུ་གྲུབ། །ཅེས་དང་། དེ་ཡི་ཡུལ་ན་འཇམ་པའི་དབྱངས། །བྱིས་པ་གཞོན་ནུའི་ཚུལ་གྱིས་ནི། །མངོན་སུམ་དུ་ནི་རྒྱུ་བར་བྱེད། །ཅེས་པའི་དོན་ལྟར། འཕགས་པ་རིགས་གསུམ་གྱི་མགོན་པོ་ལས། ཁ་བ་ཅན་གྱི་ལྗོངས་འདི་སྤྱན་རས་གཟིགས་ཀྱིས་འདུལ། ཨོ་རྒྱན་གྱི་ཡུལ་ཕྱག་ན་རྡོ་རྗེས་འདུལ་རྒྱ་ནག་གི་རྒྱལ་ཁམས་འཇམ་དབྱངས་ཀྱི་གདུལ་བྱ་ཡིན་པས། རྩིས་ཀྱི་གཙུག་ལག་སོགས་ཐབས་སྣ་ཚོགས་ཀྱི་སྒོ་ནས་རྒྱ་ནག་གི་སྐྱེ་རྒུ་རྣམས་མངོན་མཐོ་ངེས་ལེགས་ཀྱི་ས་ལ་བཀྲི་བར་དགོངས་ཏེ། རི་བོ་རྩེ་ལྔར་སྐུ་འཁྲུང་པའི་ཚུལ་བསྟན། ཀོང་རྩེ་སོགས་དངོས་ཀྱིས་འདུལ་པའི་ཞིང་(༢༨ན)

― GLG020_Page_0617 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་རྗེས་སུ་བཟུང་ནས་རྩིས་འགོ་སུམ་བརྒྱ་དྲུག་ཅུ་རྒྱས་པར་མཛད། ད་ལྟའང་སྐལ་ལྡན་རྣམས་ཀྱི་སྣང་ངོར་དངོས་སུ་བཞུགས་པར་གྲགས་སོ། །དེ་ལྟ་བུའི་སྟོན་པ་མཚན་ཉིད་དང་ལྡན་པ་འཇམ་དཔལ་དབྱངས་ཀྱིས་གསུངས་པའི་གཙུག་ལག་འདི་ཉིད་ལ་བོད་དུ་འགྱུར་ཚུལ་རྒྱ་ནག་སྔ་འགྱུར་རྙིང་མའི་རྙིང་མར་གྲགས་པ་ནི། ལྷ་མོ་དྲི་མ་མེད་པས་ཞུས་པའི་མདོ་ལས། ང་ཡོངས་སུ་མྱ་ངན་ལས་འདས་ནས་ལོ་ཉིས་སྟོང་ལྔ་བརྒྱ་ན་གདོང་དམར་ཅན་གྱི་ཡུལ་དུ་དམ་པའི་ཆོས་རྒྱས་པར་འགྱུར་རོ་ཞེས་གསུངས་པ་ལྟར། བོད་ཡུལ་འདི་སངས་རྒྱས་ཀྱི་བསྟན་པ་རིན་པོ་ཆེ་དབུ་བརྙེས། སྲོལ་བཏོད། དར་རྒྱས་སུ་གྱུར་པའི་བར་པ་སྲོལ་བཏོད་པར་དགོངས་ཏེ། འཕགས་པ་ཕྱག་ན་པད་མ་རྒྱལ་པོའི་ཚུལ་བཟུང་སྲོང་བཙན་སྒམ་པོས། བསྟན་པ་རྒྱས་པར་མཛད་པའི་སླད་དུ་བསྟན་པའི་བདག་པོའི་སྣང་བརྙན་གསེར་གྱི་ལྷ་ཤཱཀྱ་མུ་ནི་གདན་འདྲེན་པ་ལ་རྒྱ་དང་གཉེན་དུ་སྦྲེལ་ན་བུ་མོའི་རྟེན་སྐལ་དུ་ཇོ་བོ་རིན་པོ་ཆེ་བོད་དུ་སྦྱན་འདྲོངས་པར་མཁྱེན་ནས། ཐབས་མཁས་པའི་རྣམ་པར་དཔྱོད་པས་འཇིག་རྟེན་དང་སྒོ་བསྟུན་ཏེ། རྒྱ་ནག་ཐང་གི་རྒྱལ་པོ་ལ་ཆེ་བ་ཐང་ཁུ་ཐུ་ཧན་ཆན་གྱིས་མཚན་དུའང་འབོད་ལ། ཡོངས་གྲགས་ལ། ཐང་ཀའུ་ཛུང་གི་རྒྱལ་པོར་གྲགས་པའི་སྲས་ཐའི་ཇུང་དང་གཉེན་བྱེད་པའི་ཚུལ་གྱིས་དེའི་སྲས་མོ་འུན་ཤིང་ཀོང་ཇོ་ཞེས་བྱ་བ། བོད་སྐད་དུ་མཚོ་ནང་གི་པདྨ་ཟེར་བ། སྒྲོལ་མའི་སྤྲུལ་པ་དེ་བཙུན་མོར་བསུས་པའི་ཚེ་སྤོར་ཐང་བརྒྱད་ཅུ་སྐོར་དུ་གྲགས་པའི་ནག་རྩིས་ཀྱི་གཙུག་ལག་གངས་ཅན་གྱི་ཡུལ་དུ་ཐོག་མ་བྱུང་བ་ཡིན། འབྱུང་བ་རིན་ཆེན་ཀུན་འདུས། རྒྱུད་གབ་པ་གནད་གཟེར། རིན་ཆེན་སྤུངས་པ། སྡོང་པོ་ཀུན་འདུས་སོགས་ལ་བརྟེན་པ་རྒྱ་རྩིས་སྔ་འགྱུར། རྒྱུད་ཉི་མ་གསེར་འཕྲེང་། གཏེར་མཛོད་(༢༨བ)

― GLG020_Page_0618 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་ཆེན་སྒྲོན་མེ་སོགས་ཀྱི་རྗེས་སུ་འབྲང་བ་རྒྱ་རྩིས་པར་འགྱུར། རྒྱུད་སྟག་སྣ་དང་། མདོ་བྱང་སོགས་ཀྱི་རྗེས་སུ་འབྲང་བ་རྒྱ་རྩིས་ཕྱི་འགྱུར་དང་གསུམ་དུ་བྱུང་ལ། རྒྱ་ནག་སྔ་འགྱུར་ལ་རྒྱ་བཟའ་དང་ལོ་ཙཱ་བ་དར་ཆེན་ཐིག་ལེས་བསྒྱུར་བ་དང་། མངའ་བདག་ཁྲི་སྲོང་ལྡེ་བཙན་གྱི་དུས་ལོ་ཆེན་བཻ་རོ་ཙ་ན་སོགས་ཀྱིས་བསྒྱུར་བ་གཉིས་ཀ་མཐུན་པས་བཻ་རོའི་འགྱུར་དེ་བར་འགྱུར་དུ་གྲགས་ཀྱང་དོན་སྔ་འགྱུར་ཕྱི་མར་གཏོགས་པའི་ལུགས་དང་། ཕྱི་འགྱུར་མངའ་བདག་ཁྲི་རལ་གྱི་དུས་བསྒྱུར་བ། ཡང་འགྱུར་ལོ་ཙཱ་བ་ཁམ་པ་ཁྲ་མོས་གསལ་སྒྲོན་སོགས་བསྒྱུར་བའི་འགྱུར་སྔ་ཕྱི་བཞི་ཙམ་བཤད་པ་དང་། ཡང་ལུགས་གསུམ་དུ་བྱས་པའི་རྒྱ་ནག་སྔ་འགྱུར་གྱི་རྗེས་འབྲང་གྲྭ་ཕུག་ལུགས། བར་འགྱུར་གྱི་རྗེས་འབྲང་བྱང་པ་རིགས་ལྡན་ཆེན་པོ་དང་སྤུག་སྟོན། ཕྱི་འགྱུར་གྱི་རྗེས་འབྲང་མཁས་པ་རྒྱ་དྲུག་པ་དང་ཟུར་མཁར་བ་མང་ཐོས་བློ་གྲོས་རྒྱལ་པོ་སོགས་བྱུང་བར་སྣང་མོད། འོན་ཀྱང་ལོ་རྒྱུས་རྙིང་པ་རྣམས་སུ་ཆོས་རྒྱལ་ཁྲི་སྲོང་ལྡེའུ་བཙན་གྱི་ཡུམ་རྒྱ་བཟའ་རང་གི་ལུས་ནས་ཆད་པའི་བུ་དབང་རྒྱུ་མ་བྱུང་བར་བརྟེན་བོད་ཀྱི་ས་དཔྱད་ཐམས་ཅད་ཀྱང་ཉམས་སུ་བཅུག་རྩིས་ཀྱི་སྐོར་འགོ་ཐམས་ཅད་འཕྱུགས་པར་བྱས་པས་ལོ་འགོ་སོགས་མ་དག་པ་བྱུང་ཟེར་བ་ལྟར་ན་བཻ་རོའི་འགྱུར་དང་། རྒྱ་བཟའ་སྔོན་མའི་རྩིས་གཉིས་ཞུས་དག་ཕེར་མི་ཕེར་སོམ་ཉིའི་ཡུལ་དུ་འདུག་ཅིང་། གང་ལྟར་གོང་དུ་དྲངས་པའི་གྲྭ་ཕུག་པ་སོགས་མཁས་པ་དེ་རྣམས་ལོ་འགོ་ལ་རིམ་པ་ལྟར། མགོ་ཟླ་རྒྱལ་ཟླ། མཆུ་ཟླ་གསུམ་གྱི་ངོས་འཛིན་སོ་སོར་བྱུང་ཞིང་སྒྲུབ་བྱེད་ཀྱང་སྣ་ཚོགས་པ་ཞིག་སྣང་ལ། གཏེར་སྟོན་སངས་རྒྱས་གླིང་པས་སྤུ་རི་ཕུག་མོ་ཆེ་ནས་གདན་དྲངས་པའི་དགོངས་འདུས་ཀྱི་སྐར་ཡིག་གི་ལོ་འགོ་རྒྱལ་ལ་ངོས་བཟུང་འདུག་པས། དེ་ལྟ་ན་བཻ་རོའི་(༢༩ན)

― GLG020_Page_0619 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་སོགས་བར་འགྱུར་གྱི་རྗེས་སུ་འབྲང་བ་རྣམས་ཀྱི་ལུགས་དང་མཐུན་དགོས་འདྲ་ནའང་། འགྱུར་རྙིང་དག་རྩིས་ཁུངས་མ་དེ་དང་མ་མཐུན་ཚེ་ལྷད་ཅན་དུ་འགྲོ་ལ། རྣམ་པར་མི་དག་པ་ལོ་ཆེན་བཻ་རོ་ལྟ་བུས་བསྒྱུར་བའི་སྐབས་ག་ལ་སྲིད། བར་སྐབས་སུ་བླུན་པོ་སྙིང་ཁམས་ཅན་གྱིས་རང་དང་མ་མཐུན་པ་རྒྱུ་མཚན་དུ་བྱས་ཏེ་ལྷད་སྣ་ཚོགས་པ་མ་བཅུག་པའི་ངེས་པ་ནི་མི་འདུག་རུང་། དགོངས་འདུས་གཏེར་ཆོས་སུ་སོང་བས་བར་སྐབས་སུ་ལྷད་རང་ནི་འོང་དོན་མི་འདུག །དུས་གསུམ་མཁྱེན་པ་ཨོ་རྒྱན་འཁྲུལ་པ་མི་སྲིད། སངས་རྒྱས་གླིང་པ་གཏེར་སྟོན་རྣམ་དག་ཏུ་ངེས་ནའང་། སྐར་ཡིག་དེ་གདུལ་བྱའི་ཁམས་ཅི་རིགས་ལ་དགོངས་པའི་དྲང་དོན་ཡིན་ནམ། གལ་ཏེ་དགོངས་པ་ཅན་མིན་ན་བླུན་པོ་སྙིང་ཁམས་ཅན་གྱི་ལེའུ་ཐོ་རྙིང་པ་ཞིག་ལ་འགོ་རུ་མཁའ་འགྲོའི་བརྡ་ཡིག་དང་མཇུག་ཏུ་ས་མ་ཡ་རྒྱ་རྒྱ་བྲིས་ནས་གཏེར་ཆོས་ཀྱི་ཁྲོད་དུ་བཅུག་པ་མིན་ལས་ཆེ་སྙམ་ཕྱང་མོ་ཉུག་ཏུ་གྱུར་ཏོ། །གོང་གི་ལུགས་སྲོལ་དེ་དག་རྣམ་གྲངས་མང་ཞིང་། ལུང་རིགས་རྣམ་དག་གིས་དཔྱད་བཟོད་མི་བཟོད་ཀྱང་སྣ་ཚོགས་སྣང་བར་བར་སྐབས་སུ་ལྷད་ཆེས་མང་བ་ཞུགས་པའི་སྐྱོན་དུ་རྟོགས་པས། རྒྱལ་ཟླར་ལོ་འགོ་བྱེད་པ་རྒྱ་བཟས་རྩིས་གཞུང་དཀྲུགས་སྐྱོན་ཁོ་ནར་གོ་ཞིང་། རྟ་ཟླར་བྱེད་པ་ནི། མིང་ལའང་ཧོར་གྱི་ཟླ་བ་དང་པོར་གྲགས་ཤིང་། ཧོར་ཇིང་གིར་རྒྱལ་པོས་མི་ཉག་གི་ལག་ནས་རྒྱའི་རྒྱལ་ས་ཐོབ་པའི་ཟླ་བ་བཀྲ་ཤིས་པའི་དགའ་སྟོན་བྱས་པ་ལོ་གསར་དུ་བཟུང་བ་དཀྱུས་སུ་ཤོར་བས། ཇིང་གིར་གིས་སན་པ་བརྙེད་པའི་ཟླ་བ་ཟེར། བུ་སྟོན་ཐམས་ཅད་མཁྱེན་པས་ཀྱང་འདུལ་བའི་དུས་གོ་བློ་གསལ་མཛེས་རྒྱན་དུ། ཀྱེ་མ་གངས་ཅན་ལྗོངས་འདིར་ན། །མཁན་སློབ་ཁྱིམ་པས་བྱེད་པ་དང་། །(༢༩བ)

― GLG020_Page_0620 ―

^{[མ་དཔེ་གཟིགས་ན་འདིར་གནོན།]}

[Full Size]

སྡོམ་པ་གཏོར་མས་ལེན་པ་དང་། །ལོ་འགོ་ཧོར་ཟླས་བྱེད་པ་སོགས། །ཞེས་འབྲེལ་ཁུངས་ཆུང་བར་མཛད་ལ། དེ་ལྟར་ན་ཅིའུ། ཚིན་ཏྲི་ཧྭང་། ཧ་ན། ཨང་མཾ། ཧན། ཚ་བོ་ཚ། འུ་མ། ཧེའུ་ཅིང་། ཆིང་སང་། སུའི་གཡང་དི་ཡི། ཐང་། ཧང་མའོ། ལྱེང་། མི་ཉག །ཧོར། རྟ་མིང་། མཉྫུ་སོགས་མུ་ཏིག་གི་རྒྱལ་ས་འཕོ་ལེན་ཤིན་ཏུ་མང་བས་ལོ་འགོའང་སྣ་ཚོགས་པར་འགྱུར་མོད། དེང་སང་གི་རྒྱ་རྣམས་ཀྱི་ལེའུ་ཐོ་ཧོར་ཟླ་དང་པོ་རང་ལ་ལོ་འགོར་བྱས་ནས་ས་བདག་བཀོད་ཟེར་བ་ཁ་མཐུན་ལན་གསུམ་ཙམ་ཐོས་པ་ནི་ཝན་ལི་རྒྱལ་པོའི་རྗེས་སུ་ཁྲིམས་ལྷོད་པས་ཡུལ་གྲུ་ཁོལ་བུར་བྱས་པ་འདྲ། མཁས་པ་ལ་ལ་ཐང་གི་རྒྱལ་རབས་རྫོགས་ནས་ལྱེང་གི་དུས་ཤིག་དུས་འཁོར་རྒྱ་ནག་ཏུ་ཕེབས་པས་འབྱུང་བ་སྐྱེ་རིམ་དང་མཐུན་པར་མཆུ་ཟླ་ལ་ལོ་གསར་མཛད་གསུང་བས་ཀྱང་ཀོང་ཇོའི་དུས་མཆུ་ཟླའི་ལོ་འགོ་མེད་པ་དང་དུས་འཁོར་གྱི་ཁུངས་དྲངས་པས་ནག་རྩིས་རང་ལུགས་མིན་པའི་སྒྲུབ་བྱེད་དུ་སོང་བས་སྤྲང་པོ་རྡུང་བའི་ལག་ཆ་སྤྲང་པོ་རང་གིས་ཁྱེར་རོ། །འཁྲུལ་པ་དང་བྲལ་ཞིང་བློ་གྲོས་དང་ལྡན་པ་མགུ་བ་སྐྱེ་བའི་གནས་སུ་གྱུར་པ་ནི། ཁྱུང་ནག་གིས། དཔྱིད་ཟླ་ར་བ་སྟག་ཡིན་ཏེ། །མགོ་ལ་ཉ་ན་ཟླ་བཤོལ་མེད། །ཅེས་གསུངས་པ་ལྟར། དགུན་ཉི་ལྡོག་པའི་ཟླ་བར་ལོ་འགོ་འཛིན་རིགས་པས། རིན་ཆེན་སྤུངས་པ་ལས། ཟླ་བ་མ་ནོར་ངེས་པ་ནི། །དཔྱིད་ཟླ་ར་བ་རྐང་མཐོ་བདུན། །འབྲིང་པོ་དྲག་ལ་ཐ་ཆུང་ལྔ། །དབྱར་ར་བཞི་དང་འབྲིང་པོ་གསུམ། །ཐ་ཆུང་གཉིས་དང་སྟོན་པ་གཅིག །དེ་ཉིན་རང་གྲིབ་རང་ལ་འཁོར། །ཞེས་དང་། མན་ངག་སྣང་གསལ་ལེའུ་བརྒྱ་དང་བཅུ་བཞི་མ་ལས། ཟླ་བ་མ་ནོར་ལེགས་པར་བརྩིས། །དཔྱིད་ཟླ་ར་བ་རྐང་མཐོ་བདུན། །ཞེས་ཉི་མའི་གུང་གི་དུས་རང་གྲིབ་ལ་རྐང་མཐོ་བདུན་འབྱུང་བ་ཉི་མ་གཞུ་ཁྱིམ་དུ་སྤྱོད་པའི་སྐབས་(༣༠ན)

― GLG020_Page_0621 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་པས། སྒྲུབ་བྱེད་ཤིན་ཏུ་བཟང་ལ། སྣང་གསལ་ལས། ཐེ་སེ་རྒྱལ་པོ་རླུང་ལ་ཞོན། །ཐེ་ཁྱིམ་རྒྱལ་པོའི་བཙུན་མོ་དེ། །ཞག་གཉིས་རྟིང་ལ་སྐྱ་བོར་འགྱུར། །ཞེས་ཐེ་སེ་རྒྱལ་པོ་ལོ་འཕོ་འཚམས་ནས་གནས་སྤོ་བས་ཀྱང་རྟོགས་ནུས་ཤིང་། འབྱུང་བ་ཁོང་ཁྲོལ་ལེའུ་བཅུ་པ་ལས། ལོ་ཟླ་བས་འཕོ། ཟླ་བ་ཚེས་གྲངས་ཀྱི་འཕོ། ཚེས་གྲངས་དུས་ཚོད་ཀྱིས་འཕོ། དཔྱིད་ཟླ་ར་བའི་ཚེས་གཅིག་གི་ནམ་ལངས་ནས་ལོ་གསར་བར་རྩིས་ཤིག །ཅེས་སོགས་ལུང་རིགས་མཐའ་ཡས་སོ། །རྨེ་བ་མ་འཁྲུལ་བར་ངེས་པ་ཞིག་བྱུང་ཡང་ཟླ་བ་འཕྱུགས་ན་ཟླ་བའི་སྲོག་ལུས་དབང་ཐང་དང་རྨེ་བ་འཐབ་པའི་སྐབས་ཇི་ལྟ་བ་མི་འོང་བས། རྩིས་ཚད་ལྡན་ཞིག་བྱེད་པའི་སྔོན་དུ་རྒྱ་གར་སྐད་ལྟ་བུའི་མེད་དུ་མི་རུང་བ་ཐོག་མར་ལོ་དང་ཟླ་བའི་འགོ་ཚུལ་བཞིན་ཤེས་དགོས་པས་མཐའ་ཅུང་ཟད་དཔྱད་པ་ཡིན། མཁས་པ་ཆེན་པོ་ཟུར་མཁར་བ་བློ་གྲོས་རྒྱལ་པོས་ཞུ་དག་མཛད་པའི་གྲ་ཐང་གི་གསོ་དཔྱད་ཀྱི་རྒྱུད་བཞི་སྤར་མར། དཔྱིད་ཟླ་གསུམ་ནི་ཤིང་རྩི་ཁ་འབུས་དུས། །རྟག་པ་དབོ་དང་ནག་པས་ནམ་ཚོད་འཛིན། །བྱིའུ་ཅོ་ཀ་རང་སྐད་འབྱིན་པའི་དུས། །བདུན་ཅུ་རྩ་གཉིས་ཤིང་ཁམས་མཆིན་རྩ་རྒྱུ། །ཅོ་ཀའི་སྐད་ལྟར་ཕྲ་ལ་གྲིམས་པར་འཕར། །ལྷག་མ་བཅོ་བརྒྱད་ས་ཁམས་མཆེར་རྩ་རྒྱུ། །ཞེས་དག་ཆ་མཛད་ནས་མེས་པོའི་ཞལ་ལུང་དུ། དཔྱིད་ཟླ་ར་བ་སྟག་གི་ཟླ་བ་མ་ནོར་བ་ནི། བྱ་གཞུག་ལྕགས་ཀྱི་སྒོ་མོས་ཚེས་ནས་རྟ་པ་གསེར་གྱི་སྒོ་མོས་ཉ། རང་རྟགས་སུ་སྟག་གཅན་གཟན་གྱི་རྒྱལ་པོ་སྒྲ་དོན། གཅན་གཟན་ཐམས་ཅད་འཇུག །ཕྱི་རོལ་ཤིང་གི་ཁམས་འཕེལ་བ་ལ་དྲོད་བག་ཙམ་ཕེབས། ཤིང་རྩི་ཁ་འབུས། བར་ན་ཅོ་ག་སྐད་འབྱིན། བྱ་གོ་བོ་ཚང་གསོག །རླུང་དམར་འགོ་ལྡང་། (༣༠བ)

― GLG020_Page_0622 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེར་གསུམ་ལ་ཕྱི་ཐོལ་བབས། ཞེས་སོགས་ཀྱི་སྒྲུབ་བྱེད་མཐའ་ཡས་པར་མཛད་ཅིང་། དེ་དག་ལ་བརྟེན་ནས་ལ་ལ་ཟུར་མཁར་བའི་ལུགས་ཁོ་ན་ལ་ཞེན་པས་ཕུག་ལུགས་སུན་འབྱིན། ལ་ལ་ཕུག་ལུགས་ལ་ཞེན་པས་གསོ་དཔྱད་ཀྱི་ཕྱོགས་ལ་དགག་པ་བྱས་ནས་ཚ་གྲང་ལྟར་མཐོང་མོད། བདུད་རྩི་སྙིང་པོ་ཡན་ལག་བརྒྱད་པ་གསང་བ་མན་ངག་གི་རྒྱུད་འདི་དངོས་གཞི་ནག་རྩིས་པའི་བརྡ་ཆད་གཙོ་ཆེ་བ་ཡོད་པས། ནག་རྩིས་པའི་ལུགས་ལ་དཔྱིད་ར་སྟག་ལ་ལོ་འགོ་བྱེད་པར་གྲགས་པའི་རྗེས་སུ་འབྲིང་བ་ཙམ་ཡིན་ནའང་ནག་རྩིས། ཚད་ལྡན་དང་ཅུང་མི་མཐུན་པའི་རྒྱུ་མཚན། གསོ་དཔྱད་ལ་འབྱུང་བ་ལྔ་མ་བུ་དགྲ་གྲོགས་ཀྱི་སྐོར་དང་། ཆུ་མདོའི་སྐབས། གདོན་ཆུ་གང་བཏང་ངོས་དེ་ཤར་དུ་བརྩི། །ཆུ་དེ་སྲིད་པའི་རུས་སྦལ་གན་རྐྱལ་གནས། །མགོ་བོ་ལྷོར་བསྟན་ཐིག་བཞིས་ས་དགུར་གཅད། །གཡས་གསུམ་ལྷ་ས་མི་ས་གདོན་ཀྱི་ས། །གཡོན་གསུམ་དུར་ས་ཁང་ས་ཞིང་གི་ས། །དབུས་གསུམ་ཕ་མེས་རང་དང་བུ་ཚའི་ས། །ལིང་ཚེ་དགུ་པོའི་ས་དེར་གཟུགས་བརྙན་བརྟག །ཅེས་པ་སོགས་འགའ་ཞིག་མ་གཏོགས་སྤར་རྨེ་སོགས་ཀྱི་ཞིབ་ཆ་མེད་པར། གཙོ་བོར་གསོ་བ་གཉེན་པོ་སྨན་གྱི་སྦྱོར་སྡེ་བྱེད་པ་ལ། གསོ་བྱའི་ནད་ངོས་ཟིན་དགོས། དེ་ལ་དུས་བཞི་ཁམས་ལྔའི་རྩ་མ་ནོར་བར་རྟོགས་དགོས་པ། ནད་ལུས་ཀྱི་ཤིང་རྩ་དར་བ་ཕྱི་རོལ་གྱི་ཤིང་རྩི་རྒྱས་པ་ལ་ལྟོས་དགོས་པར། ཇི་སྐད་དུ། པདྨའི་མཚོ་ལ་ངང་པ་འདུ། །དྲི་ལྡན་མེ་ཏོག་བུང་བ་སྡུད། །འབྲོག་བཟང་དུ་ནི་རི་དྭགས་འཁོར། །ཤ་ཡི་དྲི་ལ་ཤ་སྦྲང་འཁོར། བཟའ་གཏུང་མང་སར་སྐྱེ་བོ་འཚོག །གལ་ཏེ་དེ་དག་མི་ལྡན་ན། །བསྡུས་ཀྱང་སྐྱེ་བོ་ཕལ་ཆེར་འབྲོས། །ཞེས་དང་། མགོན་པོ་ཀླུ་སྒྲུབ་ཀྱིས། རྟེན་ཅིང་འབྲེལ་པར་འབྱུང་འདི་རྒྱལ་བ་ཡི། །གསུང་གི་མཛོད་ཀྱི་གཅེས་པ་ཟབ་མོ་སྟེ། །གང་གི་འདི་ནི་(༣༡ན)

― GLG020_Page_0623 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་དག་མཐོང་བ་དེས། །སངས་རྒྱས་དེ་ཉིད་རིག་པ་རྣམས་མཆོག་མཐོང་། །ཞེས་པ་ལྟར། རྟེན་འབྲེལ་གྱི་ཆོས་ཉིད་འདི་མི་སླུ་བས་མ་མཛོལ་བར་འགྲིག་དགོས་པ་ཡིན། དེའི་དབང་དུ་བྱས་ནས་རྩ་བརྟག་པའི་དབང་གིས་ཕྱིའི་དུས་གཙོ་ཆེ་བར་བྱུང་ཞིང་། དེ་ཡང་རྟ་ཟླ་ལ་གཙང་མཁྲིས་མདའ་སྐོར་གྱི་ཤིང་རྩི་ཁ་འབུས། དབོ་ཟླ་ལ་བར་ཚིགས་པ་རྣམས་ཀྱི་ཤིང་རྩི་ཁ་འབུས། ནག་ཟླ་ལ་ཕུ་རགས་ཀྱི་ཤིང་རྩི་ཁ་འབུས་པས་རྩ་རྟོགས་པའི་ཆེད་དུ་འདི་གཙོ་བོར་འདོན། ཚེས་ལ་རྒྱུ་བའི་ས་བདག་སོགས་ཀྱི་མཁོ་བྱེད་མེད་ལ། གྲ་ཕུག་པ་བའི་ལུགས་ནི་རྩའི་ཕྱི་ནང་གི་དུས་མི་གཙོ་བར། ལོ་ཟླ་ཞག་ཚེས་ཀྱི་ས་བདག་མི་འཕྱུག་པ་གཙོ་ཆེ་བས། ལུང་རིགས་གཞན་གྱི་སྒྲུབ་བྱེད་ལྟ་ཅི་སྨོས། ས་བདག་རྒྱལ་པོ་ཐེ་སེ་རང་གནམ་ལོའི་རྟ་ལ་ཞོན་ནས་མགོ་ཟླའི་ནང་དུ་འཕོས་པའི་རྒྱུ་མཚན་གྱིས་ཐེ་སེ་གར་གནས་ཀྱི་བྱི་བ་སོགས་གནམ་ལོ་ཡིན་པར་སོང་བས་ཀྱང་ལོ་འགོའི་སྒྲུབ་བྱེད་གཞན་གྱིས་བྱེད་མ་དགོས་པར་ཐེ་སེ་རང་གིས་བྱས་པ་ཡིན་ནོ། །དེས་ན་སྔ་མས་དུས་བཞིའི་འགྱུར་ལྡོག་དང་བསྟུན་ནས་རྩ་ལྟ། ཕྱི་མས་ནི་ས་བདག་གི་རྗེས་སུ་འབྲངས་ནས་སྤང་བླང་སྟོན་པ་ཡིན་པས་དགོངས་པ་མི་འགལ་བར་ནག་རྩིས་རང་བྱེད་དུས་ཧོར་ཟླ་བཅུ་གཅིག་པ་དང་། གསོ་དཔྱད་ལ་འཇུག་དུས་ཧོར་ཟླ་དང་པོར་ལོ་འགོ་ཟུངས་ཤིག་ཅེས་གསོ་བ་རི་པའི་གཙུག་ལག་དང་། རྒྱ་ནག་སྤོར་ཐང་གི་རྩིས་ཕྱོགས་ཙམ་མཐོང་བའི་སྙོམ་ལས་མཁན་ཙུ་ཏིའི་ཡུལ་གྱི་རྐང་གཉིས་པ་ཞིག་མགྲིན་པའི་ལམ་ནས་ངོ་མཚར་བའི་གཏམ་ཅུང་ཟད་སྨྲ་བ་ལགས་སོ། །ཀོང་ཙེ་ལྟ་བུའི་མཁས་མཆོག་དཔལ་མགོན་འཕྲིན་ལས་དང་། དྲང་སྲོང་ཡིད་ལས་སྐྱེས་ལྟ་བུའི་ཟུར་མཁར་བློ་གྲོས་རྒྱལ་པོ་གཉིས་ཀྱི་དགོངས་པའི་ཞི་ཕུགས་མ་གོ་བའི་ཚིག་ཙམ་ལ་ཐོས་སྒྲོག་ཏུ་(༣༡བ)

― GLG020_Page_0624 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པའི་ད་ལྟའི་ཕྱོགས་རེའི་མིག་ཅན་འགའ་རེས་གསོ་རིག་ལ་ཞེན་པ་རྒྱུ་མཚན་དུ་བྱས་ཏེ་ཟླ་བ་བཅུ་གཅིག་པ་བཅུ་གཉིས་པ་དང་པོ་གསུམ་གྱི་ས་བདག་རྣམས་དང་པོ་གཉིས་པ་གསུམ་པ་གསུམ་ལ་བཀོད་ནས་འཇིག་རྟེན་ཕུང་བའི་སྦྱོར་བ་རྩོམ། རྩིས་ལ་ཞེན་ཅིང་གསོ་དཔྱད་ཅུང་ཟད་ཤེས་པ་འགའ་ཞིག་གིས་ཟླ་བ་བཅུ་གཅིག་པ་ཆུ་གོང་བུར་འདྲིལ་དུས་ལྕགས་ཁམས་ཀྱི་རྩ་འཕར་བ་ཤིང་ཁམས་སུ་ངོས་བཟུང་ནས་ནད་བུ་ཅན་སྐལ་དམན་མང་པོའི་གཤེད་དུ་གཤིན་རྗེའི་ཞགས་ཐོགས་མངོན་སུམ་དུ་རྒྱུ་བ་རྣམས་གོང་དུ་བཤད་པ་དེ་དག་བརྟེན་ནས་བློ་ནང་དུ་འགུགས་རིགས་ནའང་། ངན་པ་ཇི་ལྟར་བཅོས་གྱུར་ཡང་། །རང་བཞིན་བཟང་པོ་འབྱུང་མི་སྲིད། །སོལ་བ་འབད་དེ་བཀྲུས་ན་ཡང་། །ཁ་དོག་དཀར་པོ་མི་སྲིད་དོ། །ཞེས་གསུངས་པ་ལྟར་ཕན་པར་དཀའོ། །འཕན་ཡུལ་རྒྱལ་གྱི་ལྷ་རྗེ་གནས་བརྟན་པས། ཧོར་ཟླ་དང་པོ་ལ་ཤིང་རྩི་ཁ་མི་འབུས་ཞེས་སྨྲས་པ་ན། ཟུར་མཁར་བས། ཁྱོད་རང་འཕན་ཡུལ་གྱི་ལུང་པའི་ཕུར་བསྡད་པས། གཙང་མཁྲིས་ཀྱི་ཤིང་རྩི་ཁ་འབུས་པ་མ་མཐོང་བར་འདུག་ཅེས་གསུངས་པར་སྣང་། དེ་སང་ཡང་བློ་ཆུང་མང་པོས། ཧོར་ཟླ་བཅུ་གཅིག་པ་དཔྱད་པ་ཡིན་པའི་འགྲོས་ཐོས་ཚེ། དགུ་འདྲེན་དུས་དཔྱིད་ཀ་མི་འོང་ཞེས་གཏམ་རྔམས་པོ་ཆེར་རྩི་བ་ནི་རྒྱལ་ཁམས་མ་མཐོང་བའི་སྐྱོན་ཏེ། མཁས་པའི་གསུང་ལས། ཁམས་ཀྱི་དབྱེར་མོ་ཐང་ཞེས་པར། །སྟོན་ཡང་དཔྱིད་ལ་དཔྱིད་ཀྱང་སྟོན། །མོན་ཡུལ་མཐིལ་གསུམ་དཔྱིད་ཀྱང་སྟོན། །ཀོང་ཡུལ་བྲི་སྣར་དགུན་ཡང་དབྱར། །བྱང་ཁམས་སྣ་བརྒྱད་དབྱར་ཡང་དགུན། །དེ་བས་དེ་ལྟར་རིག་པར་འཚལ། །ཞེས་པ་ལྟར་རོ། །འོན་ཀྱང་གསོ་དཔྱད་དང་རྩིས་སུ་མ་ཟད་རིག་གནས་གང་ལའང་དུས་དབང་གི་ཐོས་བསམ་བྱས་པ་ཉུང་ཞིང་ཚུལ་(༣༢ན)

― GLG020_Page_0625 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་ཤེས་པ་རེ་གཉིས་བྱུང་ནའང་། མཁས་པ་མཁས་པའི་ནང་ན་མཛེས། །བླུན་པོས་མཁས་པ་ཇི་ལྟར་གོ །ཙན་དན་གསེར་ལས་རིན་ཆེ་བ། །བླུན་པོས་སོལ་བར་བྱས་པ་ལྟོས། །ཞེས་པའི་དོན་ལྟར་རྣམ་དཔྱོད་དང་ལྡན་པ་རྣམས་ལྷ་མེད་དབང་པོ་མ་ཚང་བར་སོང་ཞིང་། དུད་འགྲོ་ཆེ་གེ་མོ་དང་། མི་ཆེ་གེ་མོའི་སྤྲུལ་པའོ། ཞེས་བསླབས་ཤེས་ཏེ་ཡོན་ཏན་གང་ཡང་མེད་པ་ལ། གྲུབ་ཐོབ་དང་སྤྲུལ་སྐུའི་མིང་སྙན་སྙན་པོར་བྱས་ཏེ་ཆེན་པོའི་ཁེངས་དྲེགས་དང་བཅས་ནས་མ་བསླབས་པ་དང་མི་ཤེས་པར་ངོ་སོ་བྱེད་པ་མང་བས། གཏིང་ནས་ཉམས་པའི་ཁྲེལ་འདས་རྣམས། །རང་གི་གཏམ་ངན་ངོ་སོར་འཁྱེར། །ཀན་རྩིའི་ཡུལ་གྱི་རྒྱལ་རིགས་འགའ། །ཕ་བསད་པ་ལ་རྒྱལ་རྔ་རྡུང་། །ཞེས་དང་། མཁས་རྣམས་རིག་པ་ཡོན་གྱིས་བླུ། །བླུན་པོ་རིག་པ་བསླབས་ཀྱང་སྤོང་། །ཕལ་ཆེར་ནད་ལ་སྨན་ཟ་ཡང་། །ལ་ལ་གསོན་པོར་ལྕེབ་པ་ཡོད། །ཅེས་པའི་བརྗོད་དོན་ནོ། །འགའ་ཞིག་མདོ་འཛངས་བླུན་ལས། དེའི་ཚེ་དཔྱིད་ཟླ་ར་བའི་ཚེས་ཞག་གཅིག་གི་ཉིན་བཅོམ་ལྡན་འདས་ཆོ་འཕྲུལ་འགྲན་པའི་གནས་སུ་གཤེགས་པ་དང་། རྒྱལ་པོ་གསལ་རྒྱལ་གྱིས་མཆོད་པའི་ཡོ་བྱད་དང་ཞལ་ཟས་བཤམས་ནས། བཅོམ་ལྡན་འདས་ལ་ཕྱག་བདར་ཏེ་ཕུལ་ལོ། །བཅོམ་ལྡན་འདས་ཀྱི་ཚེམས་ཤིང་གསོལ་ནས། །ཚེམས་ཤིང་ས་ལ་བཙུགས་སོ། །ས་ལ་གཙུག་མ་ཐག་ཏུ་སྐྱེས་ནས་ཡལ་ག་དང་ལོ་མ་རྒྱས་པ། མཐོ་ཁྱད་དཔག་ཚད་ལྔ་བརྒྱ་བར་གྱུར་ཏེ། ཡལ་ག་དང་ལོ་མ་ཁོ་ར་ཁོར་ཡུག་ཏུ་དཔག་ཚད་ལྔ་བརྒྱ་ཁེབས་སོ། །ཞེས་པ་ཁུངས་སུ་འདྲེན་པ་ནི་མི་རིགས་ཏེ། སྤྱིར་མདོ་ལས་ཁུངས་ཆེ་བ་ཅི་ཡོད་ཀྱང་། མདོ་ནས་བཤད་པ་རྣམས་རྒྱ་གར་བའི་ལུགས་ཡིན་ལ། རྒྱ་གར་དུ་ས་བདག་སོགས་ཀྱི་རྣམ་གཞག་མེད་པ་སོགས་(༣༢བ)

― GLG020_Page_0626 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་སྲོལ་མི་འདྲ་ཞིང་། དུ་འཁོར་བ་ནག་ཟླ་ནས་ལོ་འགོ་བྱེད་པ་དང་། འདུལ་མངོན་ཧོར་ཟླ་བརྒྱད་པ་དགུ་པ་བཅུ་པ་གསུམ་ལ་ལོ་འགོ་ངོས་འཛིན་ནང་མི་མཐུན་པ་སྣ་ཚོགས་ཡོད་ལ། མར་བ་ལོ་ཙཱ་བས། ཆོ་འཕྲུལ་ཁྲ་ཡི་ཟླ་བ་ལ། །མི་ཁོ་བོ་རྒྱ་གར་ལམ་དུ་ཆས། །ཞེས་ཧོར་ཟླ་གཉིས་པར་མཛད་པ་དང་། བྱམས་པ་ལུང་བསྟན་པ་ཚིགས་སུ་བཅད་པ་བརྒྱད་པར། ཆོ་འཕྲུལ་ཝ་ཡི་ཟླ་བ་ལ། །ཞེས་པར་བརྟེན། ཝ་ནི་སྐར་མ་སྐག་ཡིན་ལ་དེ་རྒྱལ་དང་ཉེ་བའི་དབང་དུ་བཏང་ནས་ཧོར་ཟླ་བཅུ་གཉིས་པར་འཆད་པའང་སྣང་། ལུགས་སྲོལ་ཐ་དད་པ་མང་བས་ན་སོ་སོའི་རང་སྐད་དབྱེ་ཤེས་པའི་རིག་པའི་བདག་ཉིད་ཕྱེད་དགོས་པས། མཁས་པ་རང་གིས་དཔྱོད་ཤེས་ཀྱི། །བླུན་པོ་གྲགས་པའི་རྗེས་སུ་འབྲང་། །ཁྱི་རྐན་ཀུ་ཅོ་འདོན་པ་ན། །རྒྱུ་མཚན་མེད་པར་གཞན་དག་རྒྱུག །ཅེས་པའི་ལུགས་སུ་སོང་ན་མཁས་པའི་ཁྱུར་མི་ཆུད་དོ། །དཔལ་ཡེ་བཟང་རྩེ་བས། ཆོ་འཕྲུལ་ཝ་ཞེས་པའི་ཝའི་སྐད་དོད་རྒྱ་དཔེ་ལ་མེད་གསུང་བ་ལེགས་པར་བཤད་པ་ཡིན་མོད། ད་ནི་དུས་དབང་གིས་ཆེར་རློམ་དང་མཁས་རློམ་ཕལ་ཆེར་རྣམས་རྒྱ་དཔེ་ཕ་རི་ངོས་སུ་བཞག་ནས་བོད་དཔེ་གཟིགས་ཁྱད་ཀྱིས་ཀ་མད་སུམ་ཅུར་ཐུགས་གཉེར་གནང་བ་ཞུ། དངོས་དོན་གྱི་སྙིང་པོ་དྲུག་ཅུ་སྐོར་བར་གྲགས་པའི་ལུགས་ལ། མར་མེ་མཛད་ཀྱི་བསྟན་པ་ལ། །ཤིང་ཕོ་བྱི་བའི་གཅིག་དཀར་ནས། །ཆུ་མོ་ཕག་གི་ལྔ་སར་ཟད། །མ་འོངས་བྱམས་པའི་བསྟན་པ་ལ། །ཤིང་ཕོ་བྱི་བའི་བདུན་དམར་ནས། །ཆུ་མོ་ཕག་གི་གཉིས་ནག་ཟད། །ད་ལྟ་ཐུབ་པའི་བསྟན་པ་ལ། །ཤིང་ཕོ་བྱི་བའི་བཞི་ལྗང་ནས། །ཆུ་མོ་ཕག་གི་བརྒྱད་དཀར་ཟད། །ཅེས་ཁུངས་བྱེད་པ་ནི། བློ་ངན་ལས་ལ་སྤྱོད་པ་ལ། །རང་གི་འབད་པས་ཐོབ་པར་སེམས། །ཁྱི་རྒན་ཡ་སྐན་ཕུག་པའི་ཁྲག །རུས་པའི་བཅུད་དུ་བསྒོམས་(༣༣ན)

― GLG020_Page_0627 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་འཆའ། །ཞེས་པ་དང་འདྲ་བས་སྙིང་པོ་ཅི་ཡང་མེད་དེ། སྔོན་འབྱུང་འཁོར་ལོས་སྒྱུར་བའི་རྒྱལ་པོ་ཡུལ་འཁོར་སྐྱོང་ལ་བུ་སྟོང་དང་ལྔ་ཡོད་པར། བྲམ་ཟེ་རྒྱ་མཚོའི་རྡུལ་གྱིས་རིལ་བ་བྷྲིཾ་ཀ་ར་བྱ་བར་གཞོན་ནུ་རྣམས་ཀྱི་མཚན་བཅུག་སྟེ་རིམ་གྱིས་བཏོན་ནས་བརྟགས་པའི་ཚེ། འོ་ཀོལ་གྱི་སྟོན་པ་ཤཱཀྱ་ཐུབ་པ་ལ་གཞོན་ནུ་མིག་མི་འཛུམ་དུ་གྱུར་པ་དེས་སྙིགས་མ་བས་ཀྱང་སྙིགས་མའི་དུས་སུ་འཚང་རྒྱ་བར་ཞལ་གྱིས་བཞེས་པར་བཤད་པའི་སངས་རྒྱས་དེ་སངས་རྒྱས་སྟོང་གི་བཞི་པ་ཡིན། བསྐལ་བཟང་སོགས་ནས་བཤད་པའི་སངས་རྒྱས་སྟོང་མཐར་ཆགས་སུ་འབྱུང་རྒྱུའི་བསྐལ་པ་འདི་ལ་བཟང་པོའི་བསྐལ་པར་གྲགས་ཤིང་། མར་མེ་མཛད་ནི་བསྐལ་པ་འདིའི་སྔོན་དུ་བྱུང་བས། དེའི་དུས་འཇམ་དབྱངས་ཀྱིས་རྩིས་གསུངས་ཟིན་པའི་སྒྲུབ་བྱེད་ཚད་ལྡན་ཅི་ཡོད། དེ་ལྟར་ན། མདོ་དང་འདུལ་བ་ལུང་ལས་གསུངས་པའི་སངས་རྒྱས་འཁོར་བ་འཇིག །གསེར་ཐུབ། འོད་སྲུང་སོགས་ཀྱི་རྨེ་བའང་དོན་གྱིས་འཐོབ་པས། བསྐལ་བ་འདི་ལ་རྨེ་འཕྲེང་སྟོང་ཙམ་དགོས་པར་འགྱུར། རྨེ་འཕྲེང་བར་མ་རྐྱང་པར་འཁོར་ཚེ་རྨེ་བ་ལྔ་སེར་དྲུག་དཀར་བདུན་དམར་གསུམ་ཆད་ནས་མཆོངས་པའི་ཉེས་པ་འཇུག་ཅིང་། དེ་ལ་སྐྱོན་མི་འོང་ན་ལོའང་ངེས་མེད་འཆོལ་བར་བྱས་ནའང་འགལ་བ་ཅི་ཡོད། ལུགས་ངན་འདི་འདྲ་ལ་ཡིད་རྟོན་པ་ནི། གྱོལ་པོ་གསུམ་གྱིས་ཡུལ་འཇིག་པའི་དཔེ་འདིར་འོང་ངོ་། །དེས་ན་རིན་ཆེན་སྤུངས་པའི་རྒྱུད་ལེའུ་དྲུག་པ་ལས་སྲོག་གི་སྐྱེ་བོ་དབུས་བཞག་སྟེ། །སྲོག་ནས་བཞི་ནི་ལུས་ཡིན་ལ། །ལུས་ནས་བཞི་ནི་དབང་ཐང་ཡིན། །ཞེས་དང་། བཞི་ཡི་ཐ་མ་བརྒྱད་ལ་ཟད། །བརྒྱད་ཟད་པ་དེ་བདུན་ལ་འཁོར། །བདུན་གྱི་ཐ་མ་གཉིས་ལ་ཟད། །གཉིས་ཟད་པ་དེ་གཅིག་ལ་འདྲོངས། །གཅིག་གི་ཐ་མ་ལྔ་ལ་ཟད། །ལྔ་ཟད་(༣༣བ)

― GLG020_Page_0628 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་བཞི་ལ་འཁོད། །ཞེས་རྨེ་འཕྲེང་ལ་དྲུག་ཅུ་ཚར་གསུམ་ཡོད་པའི་དྲུག་ཅུ་སྐོར་རེ་ལ་རྨེ་འཕྲེང་རེ་སྤྱད་པས། དཔལ་མགོན་འཕྲིན་ལས་ཞབས་ཀྱི་དུས་དྲུག་ཅུ་སྐོར་དགུ་པའི་ཚེ། རྨེ་འཕྲེང་གོང་མར་རེས་བབས། དེ་ནས་ད་ལྟ་དྲུག་ཅུ་སྐོར་བཅུ་གཅིག་པའི་ཚེ་རྨེ་འཕྲེང་འོག་མར་ཡོད་ལ། རྨེ་འཕྲེང་ཆད་ལྷག་མེད་པར་འཁོར་བས། རྨེ་བའི་རྒྱུད་སམ་བཀའ་སུམ་འགྱུར་ལས་ཀྱང་། ཕོ་བྲང་དང་པོ་གཅིག་འབྱུང་སྟེ། །གཅིག་གི་ཐ་མ་ལྔ་ལ་ཟད། །ལྔ་ཟད་པ་དེ་བཞི་ལ་འདྲོངས། །བཞི་ཡི་ཐ་མ་བརྒྱད་ལ་ཟད། །བརྒྱད་ཟད་པ་དེ་བདུན་ལ་འདྲོངས། །བདུན་གྱི་ཐ་མ་གཉིས་ལ་འདྲོངས། །གཉིས་ཟད་པ་དེ་གཅིག་ལ་འཁོར། །འཁོར་ཞིང་འཁོར་བ་མ་གཏོགས་པ། །ལྷག་ཅིང་ཆད་པ་ལོགས་ན་མེད། །རྨེ་བ་དྲུག་ཅུ་ཚན་གསུམ་ལ། །བརྒྱ་དང་བརྒྱད་ཅུ་ཐམ་པ་འབྱུང་། །བརྒྱད་ཅུ་སྐོར་ཞེས་བརྗོད་པ་ཡིན། །ཞེས་སོ། །དེ་ལྟར་ལྷག་ཆད་མེད་པའི་སྲོག་ལུས་དབང་ཐང་གི་རྨེ་འཕྲེང་གསུམ་པོ་དེ་ཡང་། ཕོ་བྲང་བརྒྱད་ཅུའི་འགྲེལ་པ་ལས། དང་པོ་རྨེ་བའི་རྩིས་འགོ་ནི། །སྲོག་སྐྱེས་པ་ཡི་རྨེ་བ་ལ། །ཤིང་ཕོ་བྱི་བའི་གཅིག་དཀར་ནས། །ཆུ་མོ་ཕག་གི་ལྔ་སེར་བར། །ལོ་འགྲོས་དྲུག་ཅུ་ཐམ་པ་ཚང་། །དེ་ནས་ལུས་ཀྱི་རྨེ་བ་ནི། །ཤིང་ཕོ་བྱི་བའི་བཞི་ལྗང་ནས། །ཆུ་མོ་ཕག་གི་བརྒྱད་དཀར་བར། །ལོ་འགྲོས་དྲུག་ཅུ་ཐམ་པ་ཚང་། །དེ་རྗེས་དབང་ཐང་སྐྱེས་རྨེ་དེ། །ཤིང་ཕོ་བྱི་བའི་བདུན་དམར་ནས། །ཆུ་མོ་ཕག་གི་གཉིས་ནག་བར། །ལོ་འགྲོས་དྲུག་ཅུ་ཐམ་པ་ཚང་། །དེ་ནས་ཤིང་བྱི་གཅིག་འཁོར། །དེ་ལྟར་དྲུག་ཅུ་ཚན་གསུམ་ལ། །བརྒྱ་དང་བརྒྱད་ཅུ་ཐམ་པ་ཡོད། །ཅེས་སོ། །གཞན་ཡང་གནམ་གྱིས་བསྐོས་པའི་རྒྱལ་པོ་སྡེ་སྲིད་ཕག་མོ་གྲུ་པའི་ཕོ་བྲང་སྣེའུ་གདོང་རྩེར་དྲུག་ཅུ་སྐོར་བདུན་པའི་(༣༤ན)
མཇུག་གི་ཆུ་ཕོ་ཁྱི་ལ་རྟེན་འབུལ་བ་འོངས་སྐབས། ཆིང་ཤྲི་སྐལ་བཟང་གིས་ཁྱེར་བའི་རྒྱལ་པོས་ཁྲིམས་ཀྱིས་བཅད་པའི་ཁྱི་ལོའི་ལིའུ་ཐོ་ལ་དགུ་དམར་དབུས་སུ་བྱས་པ་དང་། ཡང་དྲུག་ཅུ་སྐོར་དགུ་པའི་ཆུ་སྤྲེ་ལོ་ལ་གཉིས་ནག་དབུས་སུ་བྱས་པ་སོགས། རྩིས་རིག་སྨྲ་བའི་གཙུག་རྒྱན་ཆོས་རྗེ་འཕྲིན་ལས་པས་མངོན་སུམ་དུ་གཟིགས་ཤིང་། ཁོ་བོས་ཀྱང་ཤར་ཕྱོགས་འཇམ་དབྱངས་གོང་མའི་རྒྱལ་ཁབ་ཏུ་བགྲོད་ཚེ་ལིའུ་ཐོ་ཚར་གཉིས་ཙམ་མཐོང་བའི་ཚེས་ཀྱི་ཆད་ལྷག་བཤོལ་སོགས་ཐམས་ཅད་གྲྭ་ཕུག་ལུགས་ཀྱི་ཕྱག་ལེན་དང་ཞུས་དག་ཕེར་བར་སྣང་ངོ་། །

དྲི་བ་བཞི་པ། རྒྱ་ནག་འགྱུར་གྱི་སྐོར་འགོ་ཚུལ་བཞིན་ཤེས་པ་ལས་མངོན་མཐོ་ངེས་ལེགས་སོགས་འཐོབ་པའི་གནས་ཡོད་མེད་ཀྱི་དྲིས་ལན།

― GLG020_Page_0629 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་བ་བཞི་པ།རྒྱ་ནག་འགྱུར་གྱི་སྐོར་འགོ་ཚུལ་བཞིན་ཤེས་པ་ལས་མངོན་མཐོ་ངེས་ལེགས་སོགས་འཐོབ་པའི་གནས་ཡོད་མེད་ཀྱི་དྲིས་ལན།དྲི་བ་བཞི་པ་ནི། བཞི་པ་དཔལ་ལྡན་དུས་འཁོར་རྒྱུད་དོན་གྱི། །ལམ་ལ་གཞུང་བཞིན་ལུགས་ནས་ཉམས་བླངས་ན། །ངེས་ལེགས་མཐར་ཐུག་ཟུང་འཇུག་འཁྲུལ་མེད་ཀྱང་། །རྒྱ་ནག་འགྱུར་གྱི་གཙུག་ལག་མདོ་རྒྱུད་ཀྱི། །རྒྱུད་དོན་སྐོར་འགོ་ཚུལ་བཞིན་ཤེས་པ་ཡིས། །མངོན་མཐོ་ངེས་ལེགས་འཐོབ་པའི་གནས་ཨེ་ཡོད། །གཞན་དུ་ཁྲིམས་དང་སྔགས་ལམ་མ་བསྟེན་པར། །མངོན་མཐོ་མཐོ་རིས་གསུམ་དང་ངེས་ལེགས་ཀྱི། །མཐར་ཐུག་ཟུང་འཇུག་འཐོབ་པར་མ་གསུངས་སོ། །མངོན་མཐོ་ངེས་ལེགས་འཐོབ་པའི་གནད་ཡོད་ན། །དེ་ཉིད་འགྲུབ་བྱེད་རྒྱུ་ཡི་གཙོ་བོ་དང་། །ལམ་གྱི་འགྲོས་རྣམས་བཀའ་དང་མི་འགལ་བའི། །ལུང་རིགས་འཁྲུལ་མེད་ཅིག་ནི་སྟོན་དགོས་སོ། །དེ་ཉིད་འཐོབ་པའི་གནད་ནི་མེད་གྱུར་ན། །གཙུག་ལག་ཁོ་ནའི་ལམ་གྱིས་ཟུང་འཇུག་སྐུ། །འཐོབ་པ་ལྟ་ཞོག་མཐོ་རིས་གསུམ་ཙམ་ཡང་། །འཐོབ་སྐལ་མེད་ན་དེང་སང་དུས་ཀྱི་ནི། །མོ་གཤེན་རྣམས་དང་ཁྱད་པར་ཅི་ཡོད་དེ། །ལྟོ་རྒྱབ་ཁོལ་བུ་ཙམ་དུ་ཟད་པར་ཐལ། །དེ་ཡི་ཚེ་ན་རྗེ་བཙུན་འཇམ་དབྱངས་ཀྱང་། །སྟོན་པར་བཟུང་ལ་དགོས་པ་ཅི་ཞིག་ཡོད། དཔེར་ན་མིག་མང་(༣༤བ)

― GLG020_Page_0630 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་དང་མ་འབྲེལ་ན། །རྡེའུ་ཇི་ལྟར་མང་ཡང་ཤི་རོར་འགྱུར། །དེ་བཞིན་མངོན་མཐོ་ངེས་ལེགས་མི་འཐོབ་པའི། །གཙུག་ལག་མདོ་རྒྱུད་མང་ཡང་རོ་དང་འདྲ། །ཞེས་པ་སྤྱིར་མགོན་པོ་ཀླུ་སྒྲུབ་ཀྱིས་མཛའ་བོ་བདེ་སྤྱོད་ལ་སྤྲིངས་པར། ཁྲིམས་ནི་རྒྱུ་དང་མི་རྒྱུའི་ས་བཞིན་དུ། །ཡོན་ཏན་ཀུན་གྱི་གཞི་རྟེན་ལེགས་པར་གསུངས། །ཞེས་པ་ལྟར་རྒྱུ་བ་བཅུད་ཀྱི་སེམས་ཅན་དང་། །མི་རྒྱུ་བ་སྣོད་ཀྱི་འཇིག་རྟེན་ཐམས་ཅད་ས་ཆེན་པོ་ལ་བརྟེན་པ་ལྟར་སྲིད་ཞིའི་ཡོན་ཏན་ཐམས་ཅད་འབྱུང་བའི་གཞི་ཚུལ་ཁྲིམས་ཡིན་ཏེ། ཞི་བ་མྱང་འདས་ཐོབ་པར་བྱེད་པ་ལ་དེ་སྒྲུབ་པའི་རྟེན་མངོན་མཐོའི་གོ་འཕང་ཐོབ་དགོས་པས། མི་ཡི་ཆོས་ལུགས་ལེགས་སྤྱད་ན། །ལྷ་ཡུལ་བགྲོད་པ་ཐག་མི་རིང་། །ལྷ་དང་མི་ཡི་ཐེམ་སྐས་ལ། །འཛེགས་ན་ཐར་པ་གམ་ན་འདུག །ཅེས་གསུངས་པས་འགྲུབ་ལ། ལྷ་མིའི་རྟེན་འཐོབ་པ་ཡང་ཚུལ་ཁྲིམས་ལ་རག་ལུས། རྟེན་དེ་ལ་ཚུལ་ཁྲིམས་དག་པའི་འབྲས་བུ་ཐར་པའི་གོ་འཕང་འཐོབ་ནུས་པས། མདོ་ལས། ངའི་དགེ་སློང་ཚུལ་ཁྲིམས་དྲི་མ་མེད་པ་དེ་ལ་མཐོ་རིས་ནི་རས་ཡུག་གིས་ཆོད་པ་ཙམ་ལ། ཐར་པ་ནི་ཡོལ་བས་ཆོད་པ་ཙམ་མོ། །ཞེས་གསུངས་ཤིང་བསྙེན་པར་རྫོགས་མ་ཐག་པ་ལ། ཚེ་དང་ལྡན་པ་ཁྱོད་བསྙེན་པར་རྫོགས་ཟིན་གྱིས། བག་ཡོད་པར་སྒྲུབས་ཤིག་ཅེས་བརྗོད་པར་སྣང་བས། བག་ཡོད་པ་ན། ཆོས་མངོན་པ་ལས། བག་ཡོད་པ་གང་ཞེ་ན། མ་ཆགས་པ་དང་། ཞེ་སྡང་མེད་པ་དང་། གཏི་མུག་མེད་པ་དང་བརྩོན་འགྲུས་དང་བཅས་པ་ལ་གནས་ན་དགེ་བའི་ཆོས་རྣམས་སྒོམ་ཞིང་། ཟག་པ་དང་བཅས་པའི་ཆོས་རྣམས་ལ་སེམས་སྲུང་བ་སྟེ། ཞེས་བཤད་དོ། །ཁམས་གསུམ་ཆོས་ཀྱི་རྒྱལ་པོ་ཙོང་ཁ་པས། །གནས་སྐབས་འབྲས་བུ་ལྷ་མི་དང་། །མཐར་ཐུག་འབྲས་བུ་(༣༥ན)

― GLG020_Page_0631 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་གསུམ། །ཐོབ་པར་འགྱུར་ཞེས་གསུངས་པའི་ཕྱིར། །དཔྱོད་ལྡན་རྣམས་ཀྱིས་སོ་སོ་ཐར། །མཉན་པའི་ཕྱིར་ནི་འབད་པར་བྱ། །ཞེས་པ་ལྷ་མིའི་ལུས་འཐོབ་པ་ནི་ཐབས་གཞན་ལ་ལྟོས་མི་དགོས་པར་ཚུལ་ཁྲིམས་རྣམ་པར་དག་པ་གཅིག་པུས་ཆོག་ལ། བྱང་ཆུབ་གསུམ་ཡང་འཐོབ་པའི་རྒྱུར་འགྱུར་བར་དགོངས་སོ། །གོང་དུ་མདོ་ལུང་གི །དགེ་སློང་ཞེས་པ་གཙོ་ཆེ་བའི་དབང་དུ་བཏང་བ་སྟེ། གཞན་དུ་ན་དེ་བཞིན་གཤེགས་པ་ནི་ཐབས་ལ་མཁས། ཐུགས་རྗེ་ཆེ་བས་ཉིན་ཞག་གཅིག་པའི་ཁྲིམས་ཡན་ལག་བརྒྱད་པས་ཀྱང་འགྲུབ་བོ། །སངས་རྒྱས་འཐོབ་པ་ལ་གསང་སྔགས་བླ་མེད་ཀྱི་ལམ་ཉམས་སུ་བླངས་པ་ཞིག་ངེས་པར་དགོས་ཏེ། ལས་མཐའ་རྣམ་འབྱེད་ལས། བསྐལ་པ་མཐའ་ཡས་རྣམས་སུ་ཡང་། །མགོ་དང་རིན་ཆེན་སོགས་བྱིན་པས། །སྣང་བ་རྣམ་པར་མ་དག་ཕྱིར། །བྱང་ཆུབ་འབྲས་བུ་ཐོབ་མི་འགྱུར། །མཐའ་ཡས་བསྐལ་པ་རྣམས་སུ་ཡང་། །དེ་བཞིན་ཚུལ་ཁྲིམས་བཟོད་སོགས་ཀྱིས། །སྣང་བ་གསུམ་པོ་མ་དག་ཕྱིར། །བྱང་ཆུབ་འབྲས་བུ་ཐོབ་མི་འགྱུར། །མཐའ་ཡས་བསྐལ་པ་རྣམས་སུ་ཡང་། །སྔགས་ཀྱི་སྐུ་ཡི་ཏིང་འཛིན་གྱིས། །སྣང་བ་རྣམ་པར་མ་དག་ཕྱིར། །བྱང་ཆུབ་འབྲས་བུ་ཐོབ་མི་འགྱུར། །སྣང་བ་གསུམ་པོ་དག་པ་ནི། །ཐམས་ཅད་མཁྱེན་ཉིད་ཐེ་ཚོམ་མེད། །ཅེས་ཕ་རོལ་ཏུ་ཕྱིན་པ་དང་། བསྐྱེད་རིམ་ཙམ་དང་། རྒྱུད་སྡེ་འོག་མ་གསུམ་གྱིས་སྣང་བ་གསུམ་དག་མི་ནུས་པས་ན་ངེས་པར་རྣལ་འབྱོར་བླ་མེད་ཀྱི་རྫོགས་རིམ་ལ་བརྟེན་དགོས་པར་བཤད་པས་སོ། །མན་ངག་སྙེ་མ་ལས་ཀྱང་། མཆོག་ཏུ་མཐར་ཐུག་པ་ནའང་ངེས་པར་ཐབས་འདི་ལ་ལྟོས་སོ་ཞེས་བརྗོད་པར་བྱ་སྟེ། དཔེར་ན་ནམ་(༣༥བ)

― GLG020_Page_0632 ―

^{[མ་དཔེ་གཟིགས་ན་འདིར་གནོན།]}

[Full Size]

མཁར་བཞུགས་པའི་རྫོགས་པའི་སངས་རྒྱས་རྣམས་ཀྱིས་གནང་བའི་ཤེས་རབ་ཀྱི་དབང་ལ་ཤཱཀྱའི་མགོན་པོ་བྱང་ཆུབ་ཀྱི་ཤིང་དྲུང་དུ་བཞུགས་པ་བྱང་ཆུབ་འཐོབ་པའི་ཆེད་དུ་མཚན་ཕྱེད་ན་ལྟོས་པ་བཞིན་དང་། ཇི་ལྟར་ཡང་བཅོམ་ལྡན་འདས་འདི་ཁོ་ནས་རྡོ་རྗེ་སྙིང་པོ་ལ་ཐིག་ལེ་མཆོག་མས་དབང་བསྐུར་བ་བྱིན་པ་བཞིན་ནོ། །ཞེས་དང་། གྲོལ་བའི་ཐིག་ལེ་ལས། ཅི་ཕྱིར་ཤཱཀྱ་ཐུབ་པ་ཡིས། །གྲངས་མེད་བར་དུ་ཚོགས་བསགས་ཀྱང་། །འདི་དོན་མ་རྟོགས་ནི་རཉྫར། །ཅི་ཡང་མ་ཡིན་ཏིང་འཛིན་གནས། །དེ་ཚེ་བདེ་གཤེགས་ཀུན་གྱིས་ཀྱང་། །ཐལ་བྱུང་བློ་ཅན་དེ་བཟློག་སྟེ། །ནམ་མཁའི་དཀྱིལ་ལྟར་རྣམ་དག་པའི། །ཟབ་གསལ་དྲི་མེད་རབ་བསྟན་ཏོ། །ནམ་ཕྱེད་དུས་སུ་བརྒྱལ་བ་ལྟར། །དེ་ཉིད་བསྒོམས་པས་ཐོ་རངས་སུ། །སྐད་ཅིག་གིས་ནི་ཡང་དག་རྟོགས། །ཞེས་གསལ་བར་བྱུང་ལ། ཁྱད་པར་བླ་མེད་ཀྱི་ནང་ནས་མཆོག་ཏུ་གྱུར་པ་དཔལ་གསང་བ་འདུས་པ་སྟེ། རྒྱུད་ཕྱི་མ་ལས། ཨེ་མའོ་ཤིན་ཏུ་རྙེད་དཀའ་བ། །བྱང་ཆུབ་སྒྲུབ་པའི་ཐབས་འདི་ཡིན། །རྒྱུད་ཀྱི་ཕྱི་མའི་ཕྱི་མར་གྱུར། །གསང་བ་འདུས་པ་ཞེས་བྱའི་རྒྱུད། །ཅེས་དང་། སྒྲོན་གསལ་ལས་ཀྱང་། ཇི་སྲིད་ཡ་ར་ལ་ཧའི་བར། །ཀ་ཁ་གྷ་མཐའ་ཎ་ཛའི་མཐའ། །ཏ་དྷའི་མཐའ་དང་མ་མཐར་བཅས། །དེ་དེའི་རྩ་བ་ཡི་གེ་གསུམ། །ཐུབ་པ་ཆེན་པོས་ཆོས་ཕུང་པོ། །བརྒྱད་ཁྲི་བཞི་སྟོང་གསུངས་པ་ཡི། །དཔལ་ལྡན་འདུས་འདི་སྣོད་ཡིན་ཏེ། །དེ་བས་དེ་ནི་རྒྱུད་ཀྱི་རྩེ། །ཞེས་སོ། །དོན་ཧྲིལ་གྱིས་དྲིལ་ན། མི་སློབ་པའི་ཟུང་འཇུག་འཐོབ་པ་ལ། སློབ་པའི་ཟུང་འཇུག་ཐོབ་དགོས། དེ་འཐོབ་པ་ལ་སྒྱུ་ལུས་ཐོབ་དགོས། སྒྱུ་ལུས་ཀྱི་བསྒྲུབ་གཞི་སེམས་དབེན་གྱི་ཡེ་ཤེས་རྫོགས་པར་སྐྱེད་པ་ཕྱིའི་ལས་རྒྱ་ལ་ལྟོས་པས། རིམ་ལྔ་ལས་སྒྱུ་མ་དང་ནི་ཐམས་ཅད་ལས། །(༣༦ན)

― GLG020_Page_0633 ―

^{[མ་དཔེ་གཟིགས་ན་འདིར་གནོན།]}

[Full Size]

བུད་མེད་སྒྱུ་མ་ཁྱད་པར་འཕགས། །ཡེ་ཤེས་གསུམ་གྱི་དབྱེ་བ་ནི། །གསལ་བར་འདི་ལས་མཚོན་པར་འགྱུར། །ཞེས་གསུངས། དེ་ལྟ་བུའི་དབང་པོ་གཉིས་སྦྱོར་གྱི་བདེ་བ་ལམ་དུ་བྱེད་ཚུལ་འདི་རྣལ་འབྱོར་རྒྱུད་མན་ཆད་ཐམས་ཅད་ལ་མེད་ཅིང་། སོ་སོ་སྐྱེ་བོ་ཚེ་གཅིག་ལ་གསང་སྔགས་རང་ལམ་གྱིས་བགྲོད་པར་ཚུལ་དེ་དགོས་པར་མ་ཟད། ཕ་རོལ་ཏུ་ཕྱིན་པའི་ས་བཅུའི་ལམ་མཐར་ཕྱིན་པ་རྣམས་ཀྱང་། མཐར་འཚང་རྒྱ་བའི་ཚེ་དངོས་ཀྱི་རིག་མ་ལ་བརྟེན་ནས་དབང་སྐུར་དགོས་པའི་ཁུངས་སུ། ཀྱེ་རྡོ་རྗེ་ལས། འབར་བའི་འཕྲེང་བ་འཁྲུག་པ་ཡི། །དཀྱིལ་འཁོར་རབ་ཏུ་བཞེངས་ནས་ནི། །རྡོ་རྗེ་སྙིང་པོ་དབང་སྦྱིན་ཕྱིར། །ཐིག་ལེ་མཆོག་ཉིད་བཀུག་པ་ཉིད། །ཅེས་གསུངས་སོ། །འདུས་པ་བདེ་དགྱེས་སོགས་སུ་ལས་རྒྱ་ལ་མ་བརྟེན་ན་ཚེ་གཅིག་ལ་འཚང་མི་རྒྱ་བར་བཤད་དོ། །དེ་ལྟ་ནའང་ཐམས་ཅད་མཁྱེན་པ་ཙོང་ཁ་པས། མདོ་རྒྱུད་གཞན་དང་བཤད་སྲོལ་མི་འདྲ་བའི། །ཤིང་རྟའི་སྲོལ་འབྱེད་དུས་ཀྱི་འཁོར་ལོའི་རྒྱུད། །ཅེས་པ་ལྟར་དམ་པ་དང་པོའི་སངས་རྒྱས་དུས་ཀྱི་འཁོར་ལོར་གདུལ་བྱ་དམན་པ་ལ་བྱང་ཆུབ་ཀྱི་སེམས་འཛག་པའི་བགྲོད་པ་དང་། འབྲིང་ལ་གཡོ་བའི་བགྲོད་པ་དང་། མཆོག་ལ་མི་གཡོ་བའི་བགྲོད་པ་གསུམ་ལས་དང་པོ་ལས་ཀྱི་ཕྱག་རྒྱ། གཉིས་པས་ཡེ་ཤེས་ཀྱི་ཕྱག་རྒྱ། གསུམ་པས་ཕྱག་རྒྱ་ཆེན་མོ་གསུམ་ལ་རིམ་བཞིན་བརྟེན་ནས་མཆོག་ཏུ་མི་འགྱུར་བས་བདེ་ཆེན་སྒྲུབ་པས་ན། རྩ་རྒྱུད་ལས། མཆོག་ཏུ་མི་འགྱུར་བསྒོམ་པར་བྱ། །པདྨར་རྡོ་རྗེ་རབ་བཀོད་ནས། །སྲོག་ནི་ཐིག་ལེར་གཞུག་པར་བྱ། །འཁོར་ལོ་ཐིག་ལེ་ཐིག་ལེ་ཡིས། །གཡོ་བ་རྡོ་རྗེ་དགག་པར་བྱ། །རྟག་ཏུ་རྟག་རེངས་རྣལ་འབྱོར་པ། །རྟག་ཏུ་སྟེང་དུ་ཁུ་(༣༦བ)

― GLG020_Page_0634 ―

^{[མ་དཔེ་གཟིགས་ན་འདིར་གནོན།]}

[Full Size]

བར་འགྱུར། །ཕྱག་རྒྱ་ཆེན་པོ་སྦྱོར་བ་ཡིས། །རྡོ་རྗེ་འབེབས་པས་བྱིན་གྱིས་རླབས། །མཆོག་ཏུ་མི་འགྱུར་སྐད་ཅིག་ནི། །སྟོང་ཕྲག་ཉི་ཤུ་རྩ་གཅིག་དང་། །དྲུག་བརྒྱ་རྫོགས་པས་རྒྱལ་པོ་ཆེ། །རྡོ་རྗེ་སེམས་དཔའ་རང་ཉིད་འགྱུར། །ཞེས་གསུངས་ལ། གདུལ་བྱ་མཆོག་གིས་མི་འགྱུར་བའི་བདེ་བ་སྟེན་ནུས་པ་དང་། དམན་པ་དང་བར་མས་ཕྱག་རྒྱ་གཞན་གཉིས་སྤངས་ནས་ཡེ་རྒྱ་ཁོ་ན་ལ་བརྟེན་ནུས་པའི་ས་མཚམས་ཀྱང་། སྒྲུབ་ལེའི་རྒྱ་གོ་དགུ་པ་ལས། སེམས་ནི་རྙོག་པ་དང་བཅས་ལས་ཀྱི་ཕྱག་རྒྱ་འདི་དང་བཏགས་པའི་ཡེ་ཤེས་ཕྱག་རྒྱ་སྤང་བྱ་སྟེ། ཡང་དག་རྫོགས་པའི་བྱང་ཆུབ་ཆེད་དུ་རྒྱལ་བ་མཆོག་གི་སྐྱེད་མ་མཆོག་གི་ཕྱག་རྒྱ་དགོས་པ་མེད། །རྣམ་པར་འགྱུར་བ་མེད་ཅིང་མཁའ་མཉམ་མུན་བཅོམ་ཁྱབ་བྱེད་རྣལ་འབྱོར་དག་གིས་བགྲོད་བྱེད་ཐེར་ཟུག་གནས། །ཡེ་ཤེས་གཟི་བརྗིད་སྲིད་པའི་དྲི་མ་འཕྲོག་ཅིང་དུས་ཀྱི་འཁོར་ལོས་རྗེས་སུ་རིག་པ་བསྒོམ་པར་བྱ། ཞེས་སོགས་ཀྱིས་ཤེས་སོ། །འཇམ་མགོན་ཆོས་ཀྱི་རྒྱལ་པོ་བཙོང་ཁ་པས། །འདི་ན་རྫོགས་སངས་རྒྱས་སུ་བགྲོད་པ་ལ། །ཟབ་མོ་རྡོ་རྗེ་ཐེག་དང་ཕར་ཕྱིན་ཐེག །རྣམ་པ་གཉིས་ཡོད་གསང་སྔགས་ཕར་ཕྱིན་ལས། །ཤིན་ཏུ་ཁྱད་པར་འཕགས་པ་ཡིན་ནོ་ཞེས། །ཉི་མ་ཟླ་བ་ལྟ་བུར་ཀུན་ཏུ་གྲགས། །ཞེས་གསུངས་པ་ནི། བསྐྱེད་རིམ་ནས་བཟུང་སྟེ་འོད་གསལ་གྱི་བར་གྱི་ལམ་གྱི་དོད་ཐུབ་རྣམས་སྔགས་ལམ་ལ་མ་ལྟོས་པར། ཕར་ཕྱིན་ཐེག་པ་རང་ལམ་གྱིས་བགྲོད་པའི་ས་བཅུའི་བྱང་ཆུབ་སེམས་དཔའ་སྲིད་པ་ཐ་མར་གྱུར་པ་ལ། ཕྱོགས་བཅུའི་སངས་རྒྱས་རྣམས་ཀྱིས་དབང་གསུམ་པ་དངོས་དབང་དུ་བསྐུར་ཏེ། སློབ་པའི་ཟུང་འཇུག་དང་། དེའི་རྗེས་སུ་དབང་བཞི་པ་བསྐུར་ནས་སྤྱོད་པ་བྱེད་དུ་བཅུག་པས། མི་སློབ་པའི་ཟུང་འཇུག་མངོན་དུ་བྱེད་པར་བཤད་པས། མཐར་(༣༧ན)

― GLG020_Page_0635 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ཡུན་ཐུང་ངུ་ཞིག་ལ་ཟུང་འཇུག་གི་ལམ་མངོན་དུ་བྱས་པ་ཙམ་ལས་གཞན་སངས་རྒྱས་ཀྱི་སར་བགྲོད་པའི་ལམ་ཕལ་ཆེར་ཕ་རོལ་ཏུ་ཕྱིན་པ་ལ་བརྟེན་ནས་བགྲོད་པ་ལ་དགོངས་སམ་མཉམ། གལ་ཏེ་སྔགས་ལམ་ལ་མ་ལྟོས་པར་ཕར་ཕྱིན་ཁོ་ནའི་ལམ་ལ་བརྟེན་ནས་སངས་རྒྱས་སུ་བགྲོད་པ་ཡོད་པའི་དགོངས་པ་ཡིན་སྲིད་ནའང་། མདོ་ཕྱོགས་ཀྱི་རང་སྐད་ལ་ཡོད་པའི་དབང་དུ་གནང་བ་སྟེ། སྤྱིར་བཏང་དང་ནི་དམིགས་བསལ་དག །བསྟན་བཅོས་ཀུན་ལ་གཅེས་པ་ཡིན། །ཞེས་སྤྱིར་བཏང་དང་དམིགས་བསལ་ལ་དགོངས་པ་ཡིན་ནོ། །དེ་ལྟར་བསྟན་པ་སྤྱིའི་སྐད་དུ་བྱེད་ན། མངོན་མཐོ་འཐོབ་པ་ཁྲིམས་དག་པ་དང་། སངས་རྒྱས་འཐོབ་པ་ངེས་གསང་རྡོ་རྗེ་ཐེག་པ་རྣལ་འབྱོར་བླ་ན་མེད་པ་ལ་རག་ལུས་ནའང་། དེ་གཉིས་མ་གཏོགས་ཆོས་གཞན་གྱིས་དགོས་པ་མེད་པ་ལྟ་བུར་གོ་ན་སངས་རྒྱས་འཐོབ་མི་ནུས་ཏེ། རྒྱལ་བས་ཆོས་ཚུལ་གྲངས་མེད་གསུངས་པ་ཐམས་ཅད་སེམས་ཅན་རྣམས་ཀྱིས་སངས་རྒྱས་འཐོབ་པའི་ཐབས་སུ་གསུངས་པས་སོ། །ཚུལ་དེ་ལ་བརྟེན་ནས་འབྲོམ་སྟོན་པས། བསྟན་པ་ཐམས་ཅད་གྲུ་བཞི་ལམ་འཁྱེར་ཤེས་པ་ངའི་བླ་མ་ཞེས་དཔལ་མར་མེ་མཛད་ལ་བསྔགས་པ་བརྗོད་པ་དང་། རྒྱལ་བ་བཙོང་ཁ་པས། བསྟན་པ་ཐམས་ཅད་འགལ་མེད་རྟོགས་པ་དང་། །གསུང་རབ་མ་ལུས་གདམས་པར་འཆར་བ་དང་། །ཞེས་པའང་། རང་ཉིད་ངན་འགྲོ་ལས་ཐར་པ་ཙམ་དོན་དུ་གཉེར་བ་སོགས་དམིགས་བསལ་ཅན་འགའ་རེ་མ་གཏོགས་སྐྱེས་བུ་ཆུང་ངུའི་ཆོས་རྣམས་ཀྱང་འབྲིང་ཉམས་སུ་ལེན་པ་ལ་དགོས། རང་ཉིད་གཅིག་པུ་ཞི་བདེ་དོན་གཉེར་སོགས་འགའ་རེ་མ་གཏོགས་འབྲིང་གི་ཆོས་རྣམས་ཆེན་པོའི་(༣༧བ)

― GLG020_Page_0636 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ལེན་ལ་དགོས་ཤིང་། རྡོ་རྗེ་ཐེག་པའི་སྔོན་དུ་ལམ་ཐུན་མོང་བའི་རྒྱུད་སྦྱང་འགྲོ་དགོས་པ་ལ། དེང་སང་ཐེག་པ་གསུམ་དང་གྲུབ་མཐའ་བཞི་སོགས་ཀྱི་རྣམ་གཞག་ལ་ཐོས་པ་ཅུང་ཟད་ཀྱང་མ་བྱས་པར་ཕྱག་རྒྱ་ཆེན་པོའི་རྟོགས་པ་ཀློང་དུ་གྱུར་པ་སྐད་བྱས་ནས་རི་སུལ་ཀུན་དུ་གྲོག་ཚང་རྡོལ་བ་ལྟ་བུ་ནི། སྒོམ་ན་ཐོས་པ་མི་དགོས་ཞེས། །བླུན་པོ་བློ་རྒྱ་ཆུང་དུ་སྨྲ། །ཐོས་པ་མེད་པར་སྒོམ་པ་ཙམ། །འབད་ཀྱང་དུད་འགྲོའི་སྒྲུབ་ཐབས་ཡིན། །ཞེས་པ་ལྟར་རོ། །འོ་ན་ནང་རིག་པ་ཙམ་ལ་ཐོས་བསམ་བྱས་པས་མྱ་ངན་ལས་འདས་པའི་གོ་འཕང་འགྲུབ་བམ་སྙམ་ན། སྤྱོད་འཇུག་ལས། རྒྱལ་སྲས་རྣམས་ཀྱིས་མི་བསླབ་པའི། །དངོས་དེ་འགའ་ཡང་ཡོད་མ་ཡིན། །དེ་ལྟར་གནས་པའི་མཁས་པ་ལ། །བསོད་ནམས་མི་འགྱུར་གང་ཡང་མེད། །ཅེས་དང་། རྗེ་བཙུན་ས་སྐྱ་པཎྜི་ཏས། རང་བློ་ཤེས་བྱ་ཀུན་ལ་མ་སྦྱངས་ན། །ཐམས་ཅད་མཁྱེན་པ་ནམ་མཁའི་མཐའ་ལས་རིང་། །ཞེས་གསུངས་པ་ལྟར་རྒྱལ་བའི་སྲས་གཞན་ཕྱིར་བླ་ན་མེད་པའི་བྱང་ཆུབ་དོན་དུ་གཉེར་བ་རྣམས་རང་དང་གཞན་གྱི་གྲུབ་པའི་མཐའ་ཐམས་ཅད་ལ་སྦྱང་དགོས་པ་ཡིན་ཏེ། དཔལ་ཆོས་ཀྱི་གྲགས་པས་གྲངས་ཅན་གྱི་གྲུབ་མཐའི་གསང་ཚིག་རྣམས་ཤེས་པའི་ཆེད་དུ་བྲན་དུ་བརྫུས་ཏེ་ཞང་པོའི་ཆུང་མའི་གཡོག་བྱས་ནས་གྲུབ་མཐའི་གནད་འདི་འདྲ་དྲི་དགོས་བྱས་པས། འདོད་པ་སྤྱོད་ཚེ་དྲི་ཡིས། ཁྱེད་རང་ཡིད་ལ་ཟུངས་ཟེར་བ་ལྟར་བྱས། དེའི་ཚེ་མོའི་རྐང་པ་ལ་ཐ་གུ་བཏགས་ནས་གང་དཀའ་སར་ཐེན་ཐེན་བྱས་ཚེ་མོས་ནན་ཆེན་དྲིས་པས་མཁྱེན་ཏོ། །དེ་བཞིན་གཤེགས་པས་གྲུབ་མཐས་བློ་མ་འགྱུར་བའི་སྐྱེ་བོ་བ་ལང་ལྟ་བུ་ལ། སྐྱེ་བ་སྔ་ཕྱི་དང་ལས་འབྲས་མེད་པར་འདོད་པའི་མུ་སྟེགས་རྒྱང་པན་གྱི་བསྟན་བཅོས་(༣༨ན)

― GLG020_Page_0637 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པའི་སྒོ་ནས་བཀྲི་བའི་སྐབས་ཡོད་དེ། ཅིའི་ཕྱིར་ན། རྒྱང་པན་པས་ཀྱང་རིགས་པ་ཁས་ལེན་པས་སོ། །སྔོན་བསམ་ཡས་སུ་མཁན་པོའི་ཞལ་ཆེམས་ལྟར་རྗེ་བཙན་པོས་ཧྭ་ཤང་གདུལ་དོན་དུ་མཁས་པ་ཀ་མ་ལ་ཤཱི་ལ་གདན་དྲངས་ཚེ་ཐོག་མར་ཧྭ་ཤང་དང་། པཎྜི་ཏ་ཆུ་ཕ་རི་ཚུ་རི་བྱུང་བར། པཎྜི་ཏས་ཚོད་བརྟག་པའི་ཕྱིར་དུ། ཆག་ཤིང་ཀླད་ལ་ལན་གསུམ་བསྐོར་བས། ཧྭ་ཤང་གིས་ཁམས་གསུམ་འཁོར་བར་སྐྱེ་བའི་རྒྱུ་དྲིས་པར་གོ་ནས་གཟུང་འཛིན་གཉིས་ཡིན་པའི་བརྡ་ཆད་དུ་བེར་གྱི་མཐུ་བ་ལན་གཉིས་ས་ལ་བརྡབས་པས། ཀ་མ་ལའི་ཐུགས་ལ་ཧྭ་ཤང་རིགས་པ་ཁས་ལེན་པས་ཐུལ་བར་དགོངས་པའི་ལོ་རྒྱུས་དང་། འཇིག་རྟེན་གྱི་གཏམ་ལའང་། ཤེས་ཅན་དེ་དགྲ་ལ་ཡོད་ཀྱང་མཁོ་ཟེར་བའི་དཔེ་འདིར་འོང་། སླར་རྒྱང་པན་དེ་སྐྱེ་བ་སྔ་ཕྱི་ཙམ་འདོད་པའི་མུ་སྟེགས་དཔྱོད་པ་པ་དང་། དེ་ཡང་ཐར་པ་འདོད་པའི་མུ་སྟེགས་གྲངས་ཅན་དང་གཅེར་བུ་པ་སོགས་ཀྱི་ལུགས་སུ་འཁྲིད་ལ། དེ་དག་གིས། ཁ་བ་རྒྱ་སྤོས་མེ་ཏོག་དང་། །བ་ཞོ་བ་མོ་མུ་ཏིག་མདོག །གདུགས་དཀར་བཟུང་བའི་དབྱིབས་འདྲ་བ། །ཐར་པ་ཡིན་པར་རྒྱལ་བས་བཤད། །ཅེས་པ་ལྟ་བུ་འདོད། མྱང་འདས་ཁས་ལེན་པ་ལ། ཆོས་རྣམས་བདེན་མེད་དུ་བློར་མི་ཚུད་པ་ལ་བྱེ་བྲག་སྨྲ་བ་དང་། དེ་ལས་བཟློག་སྟེ་བྱ་བྱེད་ལས་གསུམ་ཡུལ་སྟེང་ནས་མ་གྲུབ་པའི་བློས་བཏགས་འདོད་པ་ལ་མདོ་སྡེ་པ་དང་། ཕྱི་དོན་བཀག་ནས་གཟུང་འཛིན་གཉིས་སྟོང་གི་ཤེས་པ་བདེན་གྲུབ་ཏུ་འདོད་པ་ལ་སེམས་ཙམ་པ། གཟུགས་ནས་རྣམ་མཁྱེན་གྱི་བར་གྱི་ཆོས་ཐམས་ཅད་བདེན་མེད་དུ་བློར་ཆུད་པའི་རིགས་ལ་དབུ་མའི་གྲུབ་མཐའ་སྟེན། བརྟག་གཉིས་ལས། ལྟ་དང་རྒོད་དང་ལག་བཅིངས་དང་། །གཉིས་གཉིས་འཁྱུད་དང་རྣམ་པ་བཞི། །སྲིན་བུའི་ཚུལ་གྱིས་རྒྱུད་བཞིན་(༣༨བ)

― GLG020_Page_0638 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས། །ཞེས་ཤིང་ལ་གནས་པའི་སྲིན་བུས་ཤིང་ཉིད་ལྷག་མེད་དུ་ཟ་བ་ལྟར། ཉོན་མོངས་སྤང་བྱར་མ་བྱས་པར་ལམ་དུ་འཁྱེར་ཚུལ་བཞིའི་སྒོ་ནས་སངས་རྒྱས་སྒྲུབ་པའི་ཐབས་དམ་པ་སྟོན་པའི་སྣོད་དུ་གྱུར་པ་དབང་པོ་ཆེས་རྣོན་པོ་རྣམས་ལ་གསང་སྔགས་ཀྱི་ཐེག་པ་སྟོན་པས་ན། ལྷ་མོ་དབྱངས་ཅན་མའང་ངེས་དོན་དུ་གཤིན་རྗེ་གཤེད་དང་མཉམ་པར་སྦྱོར་བའི་གཉིས་མེད་གཉིས་སུ་སྣང་བའི་ཡུམ་རྡོ་རྗེ་དབྱིངས་ཕྱུག་མ་ཡིན་ལ། ཕྱི་རོལ་པ་རྣམས་ཀྱི་དོན་དུ་ཚངས་པའི་བུ་མོར་བསྟན་ཅིང་། ནང་པའི་ལུགས་འཛིན་རྣམས་ཀྱི་ངོར་སྤྱན་རས་གཟིགས་ཀྱི་མཆེ་བ་ལས་འཁྲུངས་པར་གྲགས། སྤྱན་རས་གཟིགས་ཀྱང་བཀའ་གདམས་གླེགས་བམ་རིན་པོ་ཆེར། བོན་གྱི་ངོར་གཤེན་ལྷ་འོད་དཀར་དུ་བསྟན་པར་གསུངས་ཤིང་། དུས་གསུམ་མཁྱེན་པ་ཨོ་རྒྱན་གྱི་ཟབ་གཏེར་མང་པོར་ལྷ་ཆེན་དབང་ཕྱུག་གི་སྒྲུབ་སྐོར་ལ། འཕགས་པ་འཇིག་རྟེན་དབང་ཕྱུག་དམར་པོར་སྒྲུབ་པ་ཞེས་ཕྱག་ན་པདྨར་བསྟན། དེ་ལྟར་མུ་སྟེགས་རྒྱང་པན་གྱི་གྲུབ་མཐས་ཀྱང་མཐར་མངོན་མཐོ་དང་སངས་རྒྱས་ཀྱི་སར་འཁྲིད་ནུས་པ་ཡོད་ན། རྒྱ་ནག་གི་གཙུག་ལག་རྩིས་ཀྱིས་མངོན་མཐོ་དང་སངས་རྒྱས་ཐོབ་པར་འགྱུར་བ་ཡོད་པ་ལ་སོམ་ཉི་མི་འཚལ་གྱི། འོན་ཀྱང་འདི་ཁོ་ནས་མངོན་མཐོ་ངེས་ལེགས་འཐོབ་མི་ནུས་མོད། དེ་རྒྱུ་མཚན་དུ་བྱས་ནས་ཡང་དག་པ་མ་ཡིན་པར་སྒྲུབ་མི་རུང་སྟེ། སངས་རྒྱས་འཐོབ་པ་ལ་དོན་གྱི་གནད་ནང་རིག་པ་ཐེག་པ་གསུམ་གྱི་ཆོས་ཚུལ་ལ་མ་རྨོངས་པ་ཞིག་དགོས། ཐེག་པ་གསུམ་གྱི་གཞུང་ལུགས་ལ་མཁས་པར་བྱེད་པ་ཚིག་གི་ཆ་ལ་འཁྲུལ་པ་སེལ་བ་གཏན་ཚིགས་རིག་པ་དང་དོན་གྱི་ཆ་ལ་འཁྲུལ་པ་སེལ་བ་སྒྲ་རིག་པ་ལ་ལྟོས་པས། ཐམས་ཅད་མཁྱེན་པ་ལོ་ཆེན་ཆོས་སྐྱོང་བཟང་པོས། མཁས་ཤེས་བྱ་བ་མང་ན་ཡང་། །སྒྲ་ཚད་ཀྱི་(༣༩ན)

― GLG020_Page_0639 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲང་ལ་བཅུར་ན་ཤེས། །ཞེས་གསུངས་སོ། །གཞན་དུ་ན་ལེགས་སྦྱར་གྱི་བསྟན་བཅོས་ཁོ་ན་ལ་བརྟེན་ནས་ཀྱང་འཚང་རྒྱ་བར་མི་ནུས་པས། བརྡ་སྤྲོད་ཀྱི་གཞུང་ཀུན་ཡང་དོན་མེད་དུ་འདོད་དགོས་པར་འགྱུར་རོ། །ནག་རྩིས་ཁོ་ནས་བྱང་ཆུབ་མཆོག་འཐོབ་མི་ནུས་པས་དེ་སྟོན་པ་པོ་རྗེ་བཙུན་འཇམ་དབྱངས་སྟོན་པ་ཡང་དག་ཏུ་བཟུང་མི་རིགས་པར་མི་འགྱུར་ཏེ། ནག་རྩིས་སུ་མ་ཟད་སྲིད་པ་འཁོར་བའི་སྡུག་བསྔལ་དྲུངས་ནས་འབྱིན་ནུས་པའི་ཟབ་མོ་སྟོང་པ་ཉིད་སྟོན་པའི་གཞུང་ལུགས་ཀྱང་འཇམ་དབྱངས་ཀྱིས་མགོན་པོ་ཀླུ་སྒྲུབ་ལ་གསུངས་ཤིང་། འཇམ་པའི་རྡོ་རྗེ་དཀྱིལ་འཁོར་གྱི་གཙོ་བོར་བཞེངས་ནས། རྡོ་རྗེའི་རྣལ་འབྱོར་མཆོག་གི་ཆོས་ཚུལ་རྒྱ་ཆེར་བསྟན་ཏོ། །གཞན་ཡང་། དེ་བཞིན་གཤེགས་པས་གཟུགས་ནས་རྣམ་མཁྱེན་གྱི་བར་གྱི་ཆོས་རྣམས་རང་གི་མཚན་ཉིད་ཀྱིས་གྲུབ་པར་བསྟན་པའི་མདོ་དང་། རྡོ་རྗེ་གུར་དུ། མིག་སྨན་དང་ནི་རྐང་མགྱོགས་དང་། །རལ་གྲི་དང་ནི་ས་བོན་འགྲུབ། །རིལ་བུ་དང་ནི་མཁའ་སྤྱོད་ཉིད། །མི་སྣང་བ་དང་བཅུད་ཀྱི་ལེན། །ཐ་མལ་པ་ཞེས་བཤད་པ་ཡིན། །ཞེས་གྲུབ་ཆེན་བརྒྱད་དང་། སྒྲོན་གསལ་ལས། དགོས་པ་ཡང་ནི་བཤད་བྱ་སྟེ། །ཞི་སོགས་བྱ་བའི་ཆོ་ག་དང་། །ཞེས་ཞི་རྒྱས་དབང་དྲག་གི་ལས་རབ་འབྱམས་སོགས་རྒྱུད་སྡེ་མང་པོར་བྱུང་བ། བཤད་མ་ཐག་པའི་དོན་ཙམ་བརྗོད་བྱར་བྱེད་པའི་མདོ་རྒྱུད་ཙམ་ལ་བརྟེན་ཀྱང་སངས་རྒྱས་མི་འཐོབ་པས། དེ་རྣམས་བཀའ་ཚད་མ་མིན་པ་དང་། དེ་བཞིན་གཤེགས་པའང་སྟོན་པ་རྣམ་དག་ཏུ་འཛིན་མི་རུང་བར་འགྱུར་བ་སོགས་རིགས་པ་གོ་མཚུངས་སོ། །ནག་རྩིས་ཀྱི་རང་གཞུང་ཁོ་ནས་མངོན་མཐོ་ངེས་ལེགས་མི་འཐོབ་པ་རྒྱུ་མཚན་དུ་བྱས་ནས། བྱེད་པ་པོ་རྣམས་ཀྱི་ལྟོ་གོས་(༣༩བ)

― GLG020_Page_0640 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཚེ་འདི་འབྱིད་ཐབས་རྐྱང་པར་འགྲོ་བའི་ངེས་གཟུང་མེད་དེ། མདོ་སྔགས་ཐ་སྙད་ཀྱི་རིག་པ་སོགས་གང་ལའང་བྱེད་པ་པོའི་བསམ་པ་གཙོ་ཆེ་བས་སོ། །ཅིའི་ཕྱིར་ན། ད་ལྟ་མཆོག་དམན་བར་མ་ཐམས་ཅད་ཀྱི་ངག་ལས་རླུང་ལྟར་རྗོད་ཅིང་། ཆོས་ཐམས་ཅད་ཀྱི་ཡང་རྩེར་བྱེད་པའི་ངེས་དོན་ཕྱག་རྒྱ་ཆེན་པོར་གྲགས་པ་འདི་ལ། སྤྱིར་སྡོམ་གསུམ་དུ། ངེད་ཀྱི་ཕྱག་རྒྱ་ཆེན་པོ་ནི། །དབང་ལས་བྱུང་བའི་ཡེ་ཤེས་དང་། །རིམ་པ་གཉིས་ཀྱི་ཁྱད་པར་ལས། །བྱུང་བའི་རང་བྱུང་ཡེ་ཤེས་ཡིན། །ཞེས་ཕྱག་རྒྱ་ཆེན་དེ་གསང་སྔགས་བླ་མེད་ཀྱི་ལམ་དུ་མཛད་པས་ན། སྔགས་རྙིང་མ་ལས་ཐེག་པ་རིམ་དགུར་གསུངས་པས་དབང་དང་རིམ་གཉིས་ལས་བྱུང་བའི་ཕྱག་རྒྱ་ཆེན་པོའི་ཡེ་ཤེས་ལས་མཐོ་བ་རྫོགས་པ་ཆེན་པོ་ལྷུན་གྲུབ་འོད་གསལ་སྣང་བཞིའི་ལམ་ཡོད་པར་བཞེད་ནའང་། གསར་མ་སོར་བཞག་པར། རྣལ་འབྱོར་བླ་མེད་ཀྱི་གོང་ན་ཐེག་པ་གཞན་མེད་པས་ཆོས་ཀུན་གྱི་རྩེ་མོར་སོན་པ་ཡིན་མོད། ད་ལྟའི་ཕྱག་རྒྱ་པའི་ལུགས་འདི་གནས་ལུགས་ཕྱག་ཆེན་ཞེས་ལྟ་བ་ལ་སྦྱར་ནས་མདོ་ལུགས་ཡིན་ཟེར་བས་ཕྱག་ཆེན་མཚན་ཉིད་ཚང་བར་མི་འགྲོའང་དོན་རྣལ་མ་ཞིག་བྱུང་ན་ཞི་ལྷག་ཟུང་འབྲེལ་ལྟ་བུར་སྣང་ལ། དེས་ན་མདོ་སྡེ་རྒྱན་ལས། ཆོས་ཀྱི་མིང་ནི་སྡོམ་པའང་འདི། །ཞི་གནས་ལམ་དུ་ཤེས་པར་བྱ། །ལྷག་མཐོང་ལམ་མིན་དེ་དོན་རྣམས། །རྣམ་པར་དཔྱོད་པར་ཤེས་པར་བྱ། །ཞེས་ཆོས་རྣམས་ཀྱི་གནས་ལུགས་ལས་མི་གཡེལ་བར་བསྡུས་ཏེ། རྩེ་གཅིག་ཏུ་ཉམས་སུ་ལེན་པ་ཞི་གནས་དང་། ལྷག་མཐོང་ནི་མི་གཡེང་བར་བརྟན་པ་ཐོབ་པའི་ངང་ནས་སོ་སོར་རྣམ་པར་དཔྱོད་པ་ཡིན་པས། ལྷག་མཐོང་གི་སྒོ་ནས་གནས་ལུགས་ཕྱིན་ཅི་མ་ལོག་(༤༠ན)

― GLG020_Page_0641 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཤེས་པར་བྱེད་པ། དེ་ཉམས་སུ་བསྟན་པའི་གཞི་རྟེན། ཞི་གནས་ལ་རག་ལུས་པས། མདོ་སྡེ་དགོངས་འགྲེལ་ལས། དེ་གཅིག་ཏུ་དབེན་པར་འདུག་སྟེ་ནང་དུ་ཡང་དག་པར་བཞག་ནས་ཇི་ལྟར་ལེགས་པར་བསམ་པའི་ཆོས་དེ་དག་ཉིད་ཡིད་ལ་བྱེད་ཅིང་། སེམས་གང་གིས་ཡིད་ལ་བྱེད་པའི་སེམས་དེ་ནང་དུ་རྒྱུན་ཆགས་སུ་ཡིད་ལ་བྱེད་པས་ཡིད་ལ་བྱེད་དོ། །ཞེས་གསུངས་ལ། དེར་མ་ཟད་དཔེར་ན་མར་མེ་གསལ་ཡང་རླུང་གིས་བསྐྱོད་ནས་གཟུགས་བརྙན་ཚུལ་བཞིན་མི་མཐོང་བ་ལྟར། དམིགས་པ་ལས་མི་གཡོ་བའི་ཞི་གནས་མེད་ན་ལྷག་མཐོང་གིས་དོན་ཚུལ་བཞིན་དུ་གཡོ་བ་མེད་པར་མི་མཐོང་ཞིང་། གལ་ཏེ་དེ་ལྟར་གཡོ་མེད་དུ་མཐོང་ནུས་ན་ལྷག་མཐོང་གིས་སོ་སོར་དཔྱད་པ་ཙམ་གྱིས་གནས་ལུགས་ཀྱི་དོན་ལ་དམིགས་པའི་ཏིང་ངེ་འཛིན་ཇེ་འཕེལ་དུ་སོང་ནས་རི་དང་མཚུངས་པར་ཤིན་ཏུ་བརྟན་པར་འགྱུར་ཏེ། ཟླ་བ་སྒྲོན་མའི་མདོ་ལས། ཞི་གནས་སྟོབས་ཀྱིས་གཡོ་བ་མེད་པར་འགྱུར། །ལྷག་མཐོང་གིས་ནི་རི་དང་འདྲ་བར་འགྱུར། །ཞེས་གསུངས་སོ། །དེ་བཞིན་དུ་ཕྱག་ཆེན་པོ་རྣམས་ཀྱིས་ཀྱང་གནས་པ་སྐྱོང་ཞེས་སྨྲ་བ་འདི། ཞི་གནས་ཀྱི་ལུགས་སུ་བྱེད་འདུག་པ། ཁྱེད་རྣམས་ཀྱིས་གནས་པ་བརྟན་པོ་ཡོད་པར་སྒོམ་ཆེན་བཟང་བཟང་མོ་བྱེད་པས་ན། དེ་ལྟ་བུའི་ཉམས་ལེན་དེ་སྐྱབས་འགྲོ་དང་སེམས་བསྐྱེད་ཀྱི་རྩིས་མ་ཟིན་ན་མུ་སྟེགས་བྱེད་ལ་གནས་ཆ་དེ་འདྲས་ཆ་ཙམ་དུའང་སྒྲུན་མི་ནུས་པའི་སྲིད་རྩེའི་བར་དུ་འགྲོ་བའི་ཏིང་འཛིན་ཡོད་པས། ཕྱག་རྒྱ་བའི་སྒོམ་ཆེན་པ་དེ་ནང་པ་སངས་རྒྱས་པའི་བྲལ་དུའང་མི་ཚུད་ལ། ཡང་ནག་རྩིས་པ་ཞིག་གིས་གཤིན་གསོན་གྱི་རྩིས་རྣམས་སྐྱབས་འགྲོ་དང་སེམས་བསྐྱེད་ཀྱིས་ཟིན་པའི་སྒོ་ནས་བྱས་ན་སངས་རྒྱས་འཐོབ་པའི་རྒྱུར་འགྱུར་བའི་རྒྱུ་མཚན་ཟན་ཆངས་གཅིག་ཙམ་(༤༠བ)

― GLG020_Page_0642 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་ཀྱི་སེམས་ཀྱི་སྒོ་ནས་བྱིན་ཀྱང་སངས་རྒྱས་འཐོབ་པའི་རྒྱུར་འགྱུར་ན། ནག་རྩིས་ཀྱི་སྒོ་ནས་འགྲོ་རྣམས་བདེ་སྐྱིད་ལ་འགོད་ནུས་ཏེ། གཤིན་རྩིས་ཀྱིས་ཡུལ་དང་ཉེ་འབྲེལ་ལ་ཕན་པར་མ་ཟད་གཤིན་པོ་རང་གི་སྡིག་པ་སྦྱོང་ཐབས་སུ་འགྱུར་བས། ཁྱུང་ནག་གི་ཟངས་སྐྱེམ་བསྡུས་དོན་བཅུ་གསུམ་མ་ལས། འཇམ་དཔལ་དཔལ་དང་ལྡན་པའི་མཆོག །དག་པར་བྱེད་ཅིང་སྡིག་སེལ་པ། །ངན་སོང་ཐམས་ཅད་སྦྱོང་བ་ཡི། །ཡེ་ཤེས་ལས་བྱུང་ཁྱོད་ལ་འདུད། །འགྲོ་བའི་ལས་དང་རྐྱེན་དབང་གིས། །སྡུག་བསྔལ་ཆུ་བོ་བཞི་ཡིས་གདུངས། །འཇིག་རྟེན་ཕ་རོལ་ཚེ་འཕོས་པའི། །གཤིན་བཅོས་ཕུང་པོ་གཏང་ཐབས་བདུན། །ཞེས་འཇམ་དཔལ་གྱི་ཐུགས་རྗེས་ངན་སོང་སྦྱོང་བར་གསུངས་ཤིང་། དེར་མ་ཟད། སྟེང་ལྷའི་ཡུལ་ན་ལྷ་དབང་བརྒྱ་བྱིན་ལ་འདོད་ཁམས་དང་གཟུགས་ཀྱི་ལྷས་བསྐོར་བ་དེར་སྐྱེས་སམ་བྱ་བ་དང་གཅིག །འོག་གཤིན་རྗེའི་འཇིག་རྟེན་གཤིན་རྗེ་ཆོས་ཀྱི་རྒྱལ་པོ་ལ། འཁོར་ངན་སོང་གསུམ་གྱིས་བསྐོར་བ་དེར་སྐྱེས་སམ་བྱ་བ་དང་གཉིས། བར་མིའི་འཇིག་རྟེན་ན་བར་དོའི་སེམས་ཅན་དེ་གར་སྐྱེ་ངེས་པར་གནས་པ་དང་གསུམ་ཞེས་བརྟགས་ནས། སྐྱེ་གནས་བཟང་པོར་སྒྱུར་ཞིང་ངན་པ་འགེགས་པའི་ཐབས་ཡོད་པས། སྔགས་རྙིང་མའི་ན་རག་གི་སྐོང་དང་། གསར་མའི་ཀུན་རིག་དང་ཆ་མཐུན། གསོན་རྩིས་ལ་ཁྱུང་ནག་སྒང་དྲིལ་ལས། འགྲོ་བའི་གཙོར་གྱུར་རྐང་གཉིས་མི་ལུས་འདི། །འབྱུང་བ་ལས་གྲུབ་རྣམ་རྟོག་རྐྱེན་དབང་གིས། །འདུས་པའི་ནད་དང་གདོན་གྱི་ཡེ་འབྲོག་འབྱུང་། །ཚེ་འདིར་ལེགས་ཉེས་སྐྱིད་སྡུག་འབྱུང་བས་བྱེད། །དེ་ཕྱིར་འབྱུང་བ་རྩི་བ་ཤིན་ཏུ་གཅེས། །ཞེས་པ་བརྩི་བྱའི་སྐོར་ལ་གོ་རྡེའུ་བདུན་མ་སོགས་ཀྱི་སྒོ་ནས་བླང་དོར་བསྟན་པས། ཚེ་རིང་ཞིང་ནད་(༤༡ན)

― GLG020_Page_0643 ―

^{[མ་དཔེ་གཟིགས་ན་འདིར་གནོན།]}

[Full Size]

ཉུང་བ། ལོངས་སྤྱོད་འཕེལ་བ་སོགས་ཕན་པ་རྒྱ་ཆེར་འབྱུང་། ནད་པར་ཕན་དོན། ཐང་ཤིང་ཆེན་པོ་བཞི་ཡི་རྩིས་དང་གཅིག །གསེར་གྱི་ཟམ་ཆེན་བཅོ་ལྔའི་རྩིས་དང་གཉིས། །གཡུང་དྲུང་ཤུག་པ་འདབ་རྒྱས་རྩིས་དང་གསུམ། །དཔག་བསམ་ལྗོན་ཤིང་འབྲས་བུའི་རྩིས་དང་བཞི། །དཔལ་ཁྱིམ་དང་ནི་བྱུང་ཁྱིམ་རྩིས་དང་ལྔ། །ཤི་མིག་གསོན་མིག་བགྲང་བའི་རྩིས་དང་དྲུག །ལིང་ཚེ་བརྒལ་ལམ་མ་བརྒལ་རྩིས་དང་བདུན། །ཞེས་འདུ་བ་འཁྲུགས་པའི་དུཿཁས་མནར་བ་རྣམས་འཆི་གསོས་ཀྱི་བདུད་རྩིའི་སྨན་དང་དེ་མཚུངས་པས། རྗེ་འཕྲིན་ལས་ཞབས་ཀྱིས། དགེ་ལེགས་ཚོགས་གཉིས་ཆེས་ཆེར་རབ་བསྒྲུབས་པས། །གང་གི་ཐུགས་རྗེས་ས་གསུམ་ལུས་ཅན་གྱི། །དུག་གསུམ་ལས་སྐྱེས་བཞི་བརྒྱ་རྩ་བཞིའི་ནད། །ཞི་བར་མཛོད་ཅིག་འཇམ་དཔལ་སྨན་པའི་རྒྱལ། །ཞེས་དང་། དེ་སྐད་ནད་ཀྱིས་གདུངས་པའི་འགྲོ་བ་ལ། །ཕན་དོན་ཐང་ཤིང་ཆེན་པོ་རྩིས་ཀྱི་གཞུང་། །ཞེས་པའི་དོན་གྱིས་ཤེས་ལ། ག་གོང་གཉན་སྦྱོར་གྱི་རྩིས་ཀྱི་གནས་སྐབས་སུ་ཕན་པའི་བྱེད་ལས། དབྱངས་འཆར་རིན་ཆེན་རྒྱ་མཚོ་ལས། །བུད་མེད་སྐྱེས་མིང་སྐར་མ་ནི། །ཁྱོ་ཡི་སྙིང་ལ་སོང་བ་ན། །ཚེ་རིང་ཡིད་གཅུག་འགྲོགས་པར་འགྱུར། ཁྱོ་ཡི་སྐྱེས་སྐར་བུད་མེད་སོང་། །དེ་དང་འདྲ་སྟེ་སྐྱིད་པ་ཡིན། །བུད་མེད་གཟའ་དེ་པ་ཝ་སངས། ཁྱོ་ཡི་སྙིང་ལ་སོང་བ་ན། །ཕྱོགས་ཀུན་རྣམ་པར་རྒྱལ་འགྱུར་ཏེ། །མཆོག་ཏུ་དག་ཞིང་སྐྱེད་པ་ཡིན། །ལྷག་པ་སྐྱེས་པའི་གཟའ་ཡིན་ཏེ། །བུད་མེད་སྙིང་ལ་སོང་བ་ན། །བཞོན་དང་ནོར་རྣམས་འཕེལ་བ་དང་། །བུ་ལྔ་དག་ནི་སྐྱེ་བ་ཡིན། །ཞེས་སྐར་རྩིས་ལས་བྱུང་བ་དང་། ཁྱད་པར་ནག་རྩིས་དངོས་བསྟན་དུའང་། བདེ་ལེགས་ཀུན་འབྱུང་ལས། སྲོག་གི་འབྱུང་བ(༤༡བ)

― GLG020_Page_0644 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་འགྱུར་ན། །ཚེ་རིང་གཅིག་སྒྲ་གཅིག་གིས་འཐུ། །གཅིག་གི་གཉེར་མ་གཅིག་གིས་འདྲེན། །ཤིན་ཏུ་འགྲོགས་ཡུན་རིང་བ་ཡིན། །ལུས་མཐུན་བུ་ཚ་འཕེལ་བ་སྟེ། །མལ་གང་ཤི་ཆད་མེད་པ་ལ། །དབང་པོ་སྐྱོན་མེད་བཞིན་ལེགས་སྐྱེ། །དབང་མཐུན་ནོར་རྫས་ལོ་ཕྱུགས་འཕེལ། །ལག་པ་མི་ལ་མི་གདེང་ཞིང་། །ཟས་ནོར་ཕུན་སུམ་ཚོགས་པ་འོང་། །རླུང་རྟ་མི་ཁ་བྱམས་པ་སྟེ། །ཕྱི་མི་ནང་མི་ཐམས་ཅད་བྱམས། །ལྷག་པར་ཡ་རབས་གོང་མས་སྐྱོང་། །ཞེས། འདི་སྣང་གི་བདེ་སྐྱིད་ཀྱི་དཔལ་ཕུན་སུམ་ཚོགས་པ་ལ་སྤྱོད་པར་འགྱུར་བར་མ་ཟད། འདི་ཕྱིའི་ལེགས་ཚོགས་ཐམས་ཅད་ཀྱི་རྩ་བ་དམ་པའི་ཆོས་སྒྲུབ་པའི་རྟེན་དལ་འབྱོར་གྱི་མི་ལུས་དང་། ཁྱད་པར་གསང་སྔགས་རྡོ་རྗེ་ཐེག་པ་བསྐྱེད་རྫོགས་ཀྱི་ཟབ་ལམ་ཉམས་སུ་ལེན་པ་ལ་རྟེན་མངལ་སྐྱེས་ཁམས་དྲུག་དང་ལྡན་པ་ཞིག་དགོས་པས་ན། སྡུག་བསྔལ་རྒྱ་མཚོའི་སྣོད་གྱུར་པ། །ལུས་ཀྱི་དགྲ་དང་འདྲ་མོད་ཀྱི། །བློ་དང་ལྡན་པས་འཁོལ་ཤེས་ན། །འདི་ལ་བསོད་ནམས་བརྟན་དུ་རུང་། །སྐད་ཅིག་འཇིག་པའི་ཚེ་ན་ཡང་། །དགེ་བའི་བག་ཆགས་རིང་དུ་འཁྱེར། །རླུང་གིས་གོས་པའི་ཙན་དན་དྲི། །རིང་དུ་འཐུལ་ཡང་དགའ་བ་སྐྱེད། །ཅེས་པ་ལྟར་རོ། །མི་ལུས་སྐྱེད་པའི་ཆ་ནས་གཏན་བདེའི་རྒྱུར་འགྱུར་བས་བཟང་པོར་སྒྲུབ་རིགས་པའི་རྒྱུ་མཚན། དཔེར་ན་ཚོང་པ་རྣམས་ཀྱི་ཐོབ་བྱའི་གཙོ་བོ་རིན་པོ་ཆེ་ཡིན་ཡང་། དེ་འཐོབ་པ་ལ་རྒྱ་མཚོ་ཆེན་པོ་ལ་བགྲོད་དགོས་ཤིང་བགྲོད་པའི་ཐབས་གཟིངས་དང་ཕུག་རོན་དུང་གསོན་པོ་སོགས་དགོས་ཏེ། ཕུག་རོན་མེད་ན་ཆུ་སྲིན་བརྟག་མི་ཐུབ། དུང་མེད་ན་ཆུ་སྲིན་གསོད་མི་ཐུབ་པར་ཆུ་སྲིན་གྱིས་གྲུ་འཇིག་པས། དོན་ཆེན་པོ་དབུལ་བའི་སྡུག་བསྔལ་སེལ་བའི་ནོར་བུ་ལེན་པ་འདབ་ཆགས་དམན་པ་ཕུག་རོན་ལ་ལྟོས་པ་ལྟར། གཏན་བདེའི་དོན་ཆེན་པོ་ལྷུན་གྱིས་(༤༢ན)

― GLG020_Page_0645 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་པའི་ཟུང་འཇུག་རྡོ་རྗེ་འཆང་གི་ས་འཐོབ་པ། དེ་སྒྲུབ་པར་བྱེད་པའི་རྟེན་མངལ་སྐྱེས་ཁམས་དྲུག་ལྡན་གྱི་ལུས་བཟང་པོ་སྐྱེད་པ་ཕན་ཚུན་གཉེན་དུ་འབྲེལ་པ་ལ་ལྟོས་སོ། །ཚུལ་དེ་དང་ཆ་མཐུན་འབྲས་བུ་ཕུན་སུམ་ཚོགས་པ་སྐྱེད་བྱེད་ཀྱི་རྒྱུ་ལ་རག་ལུས་པའི་དབང་དུ་མཛད་ནས། བཅོ་ལྔའི་ཟླ་བ་ཉ་བ་དེ་ཚེས་གཅིག་གི་ཟླ་བ་ཚེས་པ་ལས་བྱུང་བ་ལྟར་བདག་ཅག་གི་སྟོན་པ་ཤཱཀྱ་ཐུབ་པ་རང་དང་རྒྱུད་མི་གཅིག་པ་འཕགས་པ་འཇམ་དཔལ་དབྱངས་སོགས་ཀྱིས་དགེ་བའི་བཤེས་གཉེན་མཛད་ནས་སེམས་སྐྱེད་དུ་བཅུག །རང་དང་རྒྱུད་གཅིག་པའི་ཡུལ་ཤི་པི་པའི་རྒྱལ་པོ་སོགས་ཀྱིས་རྒྱལ་སྲས་ཀྱི་སྤྱོད་པ་ལ་བསླབས་ཏེ་སངས་རྒྱས་པས་མཚོན་པའི་དེ་བཞིན་གཤེགས་པ་ཐམས་ཅད་རང་རྒྱུ་བྱང་ཆུབ་སེམས་དཔའ་ལས་འཁྲུངས་པར་དགོངས་ཏེ། འཕགས་པ་དཀོན་མཆོག་བརྩེགས་པ་ལས། འོད་སྲུང་། དཔེར་ན་ཟླ་བ་ཚེས་པ་ལ་ཕྱག་འཚལ་བ་ལྟར་ཉ་བ་ལ་ནི་མ་ཡིན་ནོ། །འོད་སྲུང་། དེ་བཞིན་དུ་གང་དག་ང་ལ་དད་པ་དེ་དག་གིས་བྱང་ཆུབ་སེམས་དཔའ་རྣམས་ལ་ཕྱག་བྱ་ཡི། དེ་བཞིན་གཤེགས་པ་རྣམས་ལ་ནི་དེ་ལྟ་མ་ཡིན་ནོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ལས་ནི་དེ་བཞིན་གཤེགས་པ་རྣམས་འབྱུང་ངོ་། །ཞེས་སོ། །དྲི་ཚིག་གི་མཇུག་ཏུ། དེ་ལྟར་དྲི་བ་བརྩམས་པ་བཞི་པོ་འདི། །མིན་པའི་རྒྱ་ཆེ་ཞུ་རྒྱུ་མང་འདུག་ཀྱང་། །འདི་འདྲར་དོགས་པ་ཙམ་ཡང་མི་འདུག་པས། །ཟུར་ཙམ་ཞུས་མོད་དྲིས་ལན་སྩོལ་བར་རིགས། །ཞེས་པ་རྩིས་དཀར་ནག་ལ་དཀའ་གནས་ཀྱི་དོགས་པའི་གནས་མཐའ་ཡས་ཀྱང་། ད་ལམ་དྲི་བ་བཞི་ཙམ་ལས་མ་མཛད་འདུག་པ་སྐབས་སུ་བབ་སྟེ། དྲི་ཚིག་ཉུང་ངུ་འདི་ཙམ་གྱིས་ཀྱང་། དྲི་བའི་ཡུལ་སྐུ་ཚེ་མང་པོར་སྤྱིར་མཁས་པ་དང་གྲུབ་པའི་སྐྱེས་རབས་(༤༢བ)

― GLG020_Page_0646 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་འཕྲེང་བ་འཛིན་པ་དང་། དགོས་སུ་དུས་འཁོར་ལ་སྦྱངས་པའི་སྤྲུལ་པར་ཞལ་གྱིས་བཞེས་པ་དང་། ཚེ་འདིར་སྦྱངས་རློམ་གྱི་རྩིས་རིག་སྨྲ་བ་མང་པོ་ལན་མེད་དུ་གྱུར་པས་ན། ཤེས་རབ་མེད་པའི་བླུན་པོ་རྣམས། །མང་ཡང་དགྲ་བོའི་དབང་དུ་འགྲོ། །གླང་ཆེན་སྟོབས་ལྡན་ཁྱུར་ལོངས་པ། །རི་བོང་བློ་ལྡན་གཅིག་གིས་བཏུལ། །ཞེས་པའི་དོན་དུ་སྣང་ངོ་། །ཡང་། མི་ཐེབས་པ་རྣམས་བདག་ལ་ཕྲག་དོག་དང་། སྡང་སེམས་མི་འཚལ་གཏན་ལ་འབེབས་རྒྱུའི་དོན། །ད་དུང་འཁྲུལ་མེད་ལེགས་པར་མ་བཙལ་ན། །རང་གཞན་ཐམས་ཅད་སླུ་བའི་ཉེན་བརྡའོ། །ཞེས་པ་ལ། ནོར་ལྡན་བླུན་པོའི་ནང་ན་མང་། །དཔའ་བོ་གཅན་གཟན་ཁྲོད་ན་མོད། །ལེགས་བཤད་མཁས་པའི་ཁྲོད་འབྱིན་པ། །དམ་པ་འཇིག་རྟེན་འདི་ན་དཀོན། །ཞེས་པ་ལྟར་དེང་དུས་སྐྱེས་བུ་དམ་པའི་མཚན་སྙན་གྱི་པི་ཝང་རྡུང་བའི་ཡུལ། སྔོ་བསངས་མའི་སྐར་ཚོགས་ལྟ་བུ་ལས་ལེགས་པར་བཤད་པའི་ལྗགས་ཐུང་ངུར་མ་གྱུར་པ་ཡིད་བཞིན་གྱི་ནོར་བུའི་དོ་ཟླར་སོང་བས། རལ་གྲི་ཤུགས་ཆུད་ཀྱིས་བྱ་སླ་ཞིང་། ཚེ་རྟ་ལྟག་སྤྲོད་མས་དོན་འགྲུབ་པའི་སྤྱན་ལྟོས་སྐྱོ་མ་སྔ་བཙན་གྱི་དབང་གིས་མདུང་རིང་སྣ་གཅུར་ཁུགས་དཀའ་སྟེ། ཕལ་ཆེར་བུ་ཚའི་སྤྱོད་པ་ནི། །རིགས་རྒྱུད་སྔ་མའི་རྗེས་སུ་འབྲང་། །ཁུ་བྱུག་ཕྲུ་གུ་བྱེ་ཁྲ་རུ། །འགྲོ་བ་རྒྱ་ལམ་སྲིད་པ་ཙམ། །ཞེས་པ་ལྟར་དང་། ད་ལྟའི་རྩིས་པར་ཁས་འཆེ་བ་ཕལ་ཆེར་ཡང་། བླུན་པོས་བྱ་བ་ལེགས་གྲུབ་ཀྱང་། །སྟེས་དབང་ཡིན་གྱི་བསྒྲུབས་པས་མིན། །སྲིན་བུའི་ཁ་ཆུ་དར་སྐུད་དུ། །འགྲོ་བ་མཁས་ནས་བྱུང་བ་མིན། །ཞེས་པ་ལྟར། གཟའ་འཛིན་གྱི་སྒོ་ཡིག་སྦྱར་བ་སྐབས་རེ་འགྲིག་པ་དང་། སྦྱིན་བདག་བསོད་ནམས་ཅན་ལ་ཐང་རེ་གཉིས་གཟའ་ཚེས་དུས་སྦྱོར་ས་བདག་ཕྱུགས་ཀྱང་ཉེས་སྐྱོན་མ་བྱུང་བ་རྟགས་སུ་བཀོད་དེ། ངེད་རང་ཚོའི་ཕ་མེས་ནས་(༤༣ན)

― GLG020_Page_0647 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་ལེན་འདི་ག་བྱེད་ཀྱི་ཡོད་ཟེར་ནས་གཟུར་གནས་ཀྱི་ཚིག་དག་ཏུ་གླེང་བ་ལ་ངོ་མཚར་འཛིན་པ་རྣམས། སླར་ཐོས་བསམ་ལ་འཇུག་པ་དཀའ་སྟེ། སྐྱེ་བོ་ངན་པ་འབྱོར་ཐོབ་ཀྱང་། །ལྷག་པར་སྤྱོད་པ་ངན་པར་འགྱུར། །འབབ་ཆུ་ཇི་ལྟར་བཟློག་གྱུར་ཀྱང་། །ཐུར་དུ་བབ་པ་ཁོ་ནར་འདོད། །ཅེས་དང་། བྱང་པ་ཏ་དབེན་གྱིས། ཆོས་ལོག་པར་སྒྲུབ་པའི་ཐར་ལམ་དཀའ། །ཆོས་བྱས་ཚད་ལམ་དུ་འགྲོ་བ་དཀའ། །ལམ་ནོར་བ་དགོས་སར་སླེབ་པ་དཀའ། །ཡུལ་འཛམ་བུ་གླིང་དུ་སྐྱེ་བ་དཀའ། །ཞེས་པའི་དོན་ལྟར་རོ། །སྦྱར་བྱང་དུ། ཞེས་པ་འདི་ཉིད་ཁ་བ་ཅན་པ་ཡི། །འཛིན་པའི་ཐིག་ལེ་སྐྱིད་ཤོད་སྟོད་སྨད་ཀྱི། །མཁས་པའི་ཁྲོད་ནས་ཕུལ་དུ་ཕྱིན་གྱུར་པ། །ལྕང་ལོ་འཛིན་པ་འཁོར་ལོའི་དབང་ཕྱུག་དང་། །རིག་གནས་འདི་ཡི་མཁས་མང་ཞབས་གཏུགས་པ། །ཡིད་ཀྱི་ལྷ་ལམ་རྟོག་བརྗོད་རྒྱུ་སྐར་བཀྲ། །ངག་གི་དབྱར་སྐྱེས་རྔ་ཆེན་དལ་དུ་དགོད། །སོར་མོའི་ཆུ་འཛིན་དག་ནས་རིག་གནས་ཆར། །འབེབས་མཁས་ཤཱཀྱའི་བཙུན་པ་སྙོམ་ལས་པས། །ཐུབ་དབང་ལྕགས་སྤྲེར་བལྟམས་ནས་ཉིས་སྟོང་དང་། །ལྔ་བརྒྱ་གྱ་ལྔ་བཟླས་པ་ཤིང་གླང་ལོའི། །གྲོ་ཞུན་ཟླ་བའི་དཀར་ཕྱོགས་བཅོ་ལྔ་ལ། །སྤྲུལ་པའི་རྒྱལ་པོ་སྲོང་བཙན་སྒམ་པོ་སོགས། །སྐྱེས་ཆེན་དུ་མས་བྱིན་གྱིས་ལེགས་བརླབས་ཤིང་། །ད་ལྟ་མདོ་སྔགས་བསྟན་པའི་བདག་པོ་ནི། །མཚུངས་མེད་དཔལ་ལྡན་བླ་མ་ཞུགས་པའི་གནས། །བྱང་ཆུབ་ཤིང་གི་ནགས་ཁྲོད་དག་ཏུ་སྦྱར། །ཅེས་དྲི་བ་མཛད་པ་པོ་རང་གི་ཆ་ནས་གྱ་ཚོམ་དུ་བྲིས་པ་མིན་པར་ཚུལ་དེ་དག་ལ་ལེགས་པར་རྟོགས་ནས་བྲིས་སོ་ཞེས་གསུངས་པ་ཁུངས་དང་ཤིན་ཏུ་འབྲེལ་ཏེ། གང་ཞིག་འཇིག་རྟེན་ཐམས་ཅད་ཀྱིས། །རང་ལ་ཚད་མར་བྱེད་འདོད་ན། །དེ་ཡི་གཞུང་འདི་(༤༣བ)

― GLG020_Page_0648 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་བརྟགས་ཏེ། །གཉེན་པོ་སྐྱེད་ལ་འབད་དེ་སྒྲུབས། །ཞེས་དང་། མཁས་འཇུག་ལས། དེས་ན་བློ་གྲོས་ལྡན་པ་ཡིས། །དང་པོ་སློབ་དཔོན་མཁས་བསྟེན་ཏེ། །ཕྱིས་ནས་རང་གིས་ལེགས་བརྟགས་ན། །དྲི་ཟའི་དབང་པོ་ལྟ་བུར་འགྱུར། །ཞེས་དང་། བྱང་ཏ་དབེན་གྱིས། གཟུགས་ལྷ་རུ་ཤེས་པའི་སྔགས་པ་སླ། ཕྱ་གཡང་དུ་ཁུགས་པའི་བོན་པོ་སླ། །འཁྲུལ་རྩིས་ལ་སྦྱངས་པའི་རྟེན་འབྲེལ་སླ། །གྲོས་གང་བྱས་འགྲུབ་པའི་གཙོ་བོ་སླ། །སྨན་འཚོ་བྱེད་ཤེས་པའི་ལྷ་རྗེ་སླ། །མཛངས་དཔའ་ངར་འཛོམ་པའི་སྟག་ཤར་སླ། །སྒོ་ཁྲེལ་ལྕག་ཡོད་པའི་དམན་ཤར་སླ། །ཤེས་རིག་པ་རྒྱས་པའི་བྱིས་པ་སླ། །གཞན་ཁག་འཁུར་ཡོད་པའི་མདུན་གྲོས་སླ། །ཚོང་བོད་འབྲོག་འཆམ་པའི་གནས་པོ་སླ། །བློ་ཤེས་རབ་ཅན་ལ་གང་ཡང་སླ། །ཞེས་པའི་དོན་ལྟར་ཐོག་མའི་སློབ་དཔོན་འཁོར་ལོའི་དབང་ཕྱུག་ཀུ་མཱ་རཱརྦ་ནི། ཀུན་མཁྱེན་ཀློང་ཆེན་པ་གངས་རི་ཐོད་དཀར་དུ་བཞུགས་སྐབས་པཎ་ཆེན་བི་མ་ལ་མི་ཏྲ་ཞལ་གཟིགས་ནས། ངའི་སྙིང་ཐིག་འདི་དོན་འདུས་ཤིང་གོ་སླ་བའི་ཉིང་ཁུར་བསྡུས་པ་ཞིག་ཏུ་རྩོམས། ཁྱོད་ལ་ཆོས་འདི་སྟོན་པའི་བླ་མ་ཀུ་མཱ་ར་དཱ་ཛའི་སྐྱེ་བ་ད་ལྟའི་སློབ་མ་གཞོན་ནུ་སངས་རྒྱས་འདི་ཡིན་པས་དེ་ལ་སྟོན། དེ་ནས་ཀྱང་སྣ་ལ་ཨ་ཡིག་གིས་མཚན་པའི་ཀུ་མཱའི་མིང་ཅན་བདུན་འབྱུང་བར་ལུང་བསྟན་པའི་ཀུ་མཱའི་མིང་ཅན་ཞིག་ཏུ། མངའ་བདག་ཁྲི་སྲོང་ལྡེའུ་བཙན་གྱི་ཡོན་ཏན་གྱི་རྣམ་འཕྲུལ་ཆོས་རྒྱལ་དཔལ་བཀྲ་ཤིས་སྟོབས་རྒྱལ་གྱིས་ངོས་འཛིན་མཛད་པས་གཙུག་ལག་ཁང་འདི་ལ་སྦྱངས་སྟོབས་ཀྱང་ཕུལ་དུ་ཕྱིན་པའོ། །འདྲེན་མཆོག་ཐུབ་པའི་དབང་པོ་འཁྲུངས་ལོ་རྗེ་བཙུན་ས་སྐྱ་པ་ས་འབྲུག །སྟོད་ལུང་པ་ཇོ་བོ་ཆེན་པོ་ཚུལ་ཁྲིམས་ཤིང་གླང་། ནེལ་པ་པཎྜི་ཏ་ཆུ་བྱི། བོད་རྒྱལ་པོའི་ཞལ་ཆེམས་སུ་གྲགས་པའི་འདས་ལོ་མང་བའི་ཕྱོགས་དང་(༤༤ན)

― GLG020_Page_0649 ―

^{[མ་དཔེ་གཟིགས་ན་འདིར་གནོན།]}

[Full Size]

ཉུང་བའི་ཕྱོགས་ཐམས་ཅད་མཁྱེན་པ་བུ་སྟོན་མེ་རྟ། སྟག་ཚང་ལོ་ལོ་ཆེན་ས་བྱི། ཙན་དན་ཇོ་བོའི་ལོ་རྒྱུས་སོགས་མང་དུ་བྱུང་ཡང་། མཁས་གྲུབ་ནོར་བཟང་བ་དང་ཞལ་ལུང་གི་དགོངས་པ་འཁྲུལ་བྲལ་གྱི་གཏན་རྩིས་ལྕགས་སྤྲེར་སྐུ་བལྟམས་པ་འདི་ཉིད་དཔྱད་བཟོད་བླ་ན་མེད་པ་ཡིན་ནོ། །སྐྱིད་ཤོད་ཉང་བྲན་ཕ་བོང་ཁ་འདི་ཆོས་རྒྱལ་སྲོང་བཙན་སྒམ་པོས། ར་ས་འཕྲུལ་སྣང་གི་གཙུག་ལག་ཁང་བཞེངས་པའི་སྔོན་འགྲོ་ས་གཞི་བྱིན་གྱིས་རློབ་པར་རིགས་གསུམ་མགོན་པོའི་སྒྲུབ་པ་མཛད་པའི་གནས་ཡིན་པར་མ་ཟད། རྡོ་རྗེ་མཁའ་འགྲོའི་རྒྱུད་ལས། བོད་ཀྱི་ཡུལ་དང་དེ་བཞིན་དུ། །མ་ལ་ཝ་དང་པུ་ལླི་སོགས། །ཉི་ཤུ་རྩ་བཞིའི་ཡུལ་ཡིན་ནོ། །ཞེས་དང་། གཞན་ཡང་དཔལ་འཁོར་ལོ་སྡོམ་པའི་རྒྱུད་ཉུང་ངུ་ལས། རྣལ་འབྱོར་མ་ཡི་ས་དང་གནས། །ཧེ་རུ་ཀ་དཔལ་རྒྱུ་ཡན་ལག །ཐམས་ཅད་བརྟན་གཡོའི་བདག་ཉིད་ཅན། །གནས་ནི་རབ་ཏུ་དགའ་བའི་ས། །དེ་བཞིན་ཉེ་གནས་དྲི་མ་མེད། །ཞིང་འདིར་འོད་བྱེད་ཤེས་པར་བྱ། །ཉེ་བའི་ཞིང་ནི་འོད་འཕྲོ་བ། །ཙྪན་དོ་ཧ་ནི་མངོན་གྱུར་ཉིད། །ཉེ་བའི་ཙྪན་དོ་སྦྱང་དཀའ་བ། །འདུས་པ་རིང་དུ་སོང་བ་ཡིན། །ཉེ་བར་འདུས་པ་མི་གཡོ་ལ། །དུར་ཁྲོད་ལེགས་པའི་བློ་གྲོས་ཉིད། །ཉེ་བའི་དུར་ཁྲོད་ཆོས་ཀྱི་སྤྲིན། །ཤཱི་ཧེ་རུ་ཀ་གཞུང་སྤྱོད་པའི། །འདི་ནི་ནང་གི་བདག་ཉིད་ས། །ཕ་རོལ་ཕྱིན་བཅུ་ས་རྣམས་ནི། །རྣལ་འབྱོར་མ་ཡི་བརྡ་ཡི་སྐད། །མཐོ་རིས་ས་སྟེང་ས་འོག་ཏུ། །དཔའ་བོའི་ཡན་ལག་བརྟན་གཡོའི་བདག །པཱུ་ལླིར་ལ་སོགས་གང་བསྟན་པ། །ཕྱི་ནང་བདག་ཉིད་ཅན་དུ་གནས། །ཞེས་པའི་ནང་ཚན། གནས་དི་ཝཱི་ཀོ་ཊི་བོད་སྐད་དུ་ལྷ་མོ་མཁར་ཞེས་པ་ཙཱ་རི། དེ་དང་འབྲེལ་པའི་ཞིང་ཙྭ་གོང་ཡིན་ལ། ཉེ་བའི་གནས་དི་ཝཱི་ཀོ་ཊི་དེ་ཕ་བོང་ཁ་དང་། ཉེ་(༤༤བ)
བའི་ཞིང་ལྷ་ལྡན་སྤྲུལ་པའི་གཙུག་ལག་ཁང་ཉེ་འཁོར་གྱི་གྲོང་ཁྱེར་དང་བཅས་པ་ཡིན་པའི་རྒྱུ་མཚན། ཕ་བོང་ཁའི་རྒྱབ་རི་ངལ་པོ་ཆེ་ཕྱི་གདུགས་རང་བྱོན་གྱི་རྣམ་པ་ལ་ནང་འཁོར་ལོ་སྡོམ་པའི་ཕོ་བྲང་དུ་ཡོད་ཅིང་། ཕ་བོང་ཁ་རང་གི་ཤར་གྱི་བྲག་འོག་ཏུ་དབང་ཕྱུག་གི་རྟེན་རང་བྱོན་ཤིན་ཏུ་གསལ། ལྷ་སའི་བདུད་རྩི་མའི་ཆུ་རྒྱུན་གྱི་ཆུ་མིག་འདི་ལྷ་མོ་ཨུ་མའི་གསང་གནས་ཀྱི་མཚོན་བྱེད་དུ་ཡོད་པ་འདི་མ་ཤེས་པར། ས་བོན་མ་བཏབ་ཀྱང་མྱུ་གུ་རང་བབས་སུ་འཁྲུངས་པའི་མཁས་པ་འགས་འཕྱ་བ་ནི་རང་ཉིད་གསལ་བར་སྟོན་པའི་མེ་ལོང་ངོ་། །ཉེ་བའི་གནས་ཁྱད་འཕགས་དེ་སྔོན་གྱི་དམ་པ་གྲངས་མེད་པས་བྱིན་གྱིས་བརླབས་ཤིང་། རིགས་དང་དཀྱིལ་འཁོར་ཀུན་གྱི་ཁྱབ་བདགམཁས་པ་དང་གྲུབ་པའི་འཁོར་ལོས་སྒྱུར་བ། མཁོན་རིགས་འཇམ་དབྱངས་དཔའ་བོ་དཔལ་འབྱོར་ལྷུན་གྲུབ་ཆོས་ཀྱི་ཁྲིར་ཞབས་པད་འགོད་བཞིན་པའི་དུས་སུ་ཕྱོགས་བྲལ་གྱི་རྣ་ལུང་དུ་དྲི་ཚིག་གི་རྒྱན་སྡུད་པའི་དོན་དུ་ངེས་སོ། །སྨྲས་པ། མ་ལ་ཡ་ལས་འོངས་པའི་དྲི་བསུང་གིས། །མི་བཟད་ཚ་གདུང་མ་ལུས་འཇོམས་པ་ལྟར། །ལེགས་བཤད་ཀེ་ཏ་ཀ་ཡིས་གཙུག་ལག་གི །དོན་མང་རྙོག་པ་ཀུན་གསལ་དྲུངས་པར་བྱས། །ཕུལ་བྱུང་མཁྱེན་དཔྱོད་ཧ་ལུ་མནྠ་ཡིས། །གཙུག་ལག་འབོད་གྲོགས་གཟུགས་དང་སྣང་བརྙན་དག །སོ་སོར་ཕྱེད་ཀྱང་མཁས་རློམ་སྤྲེ་ཚོགས་ཀྱིས། །རྟོགས་པའི་སྐལ་བ་ཕྲ་ཕྱིར་གསལ་བར་བཤད། །མཁས་དབང་དྲི་ཚིག་དར་གྱི་སྲད་བུ་ལ། །ལེགས་བཤད་ནོར་བུ་བརྒྱུས་པའི་དོ་ཤལ་འདི། །བློ་གྲོས་ལང་ཚོ་རྒྱས་པའི་ཟུར་མིག་ཅན། །ཀ་ཤི་མཛེས་དགའི་ཚོགས་རྣམས་ད་གྱོན་ཅིག །ཅེས་བྱ་བ་ནི་བར་སྐབས་ཀྱི་ཚིགས་སུ་བཅད་པའོ། །

བཞི་པ། ཞར་བྱུང་འཕན་ཡུལ་དྲུག་བརྒྱ་བའི་རྩིས་རིག་སྨྲ་བ་ནང་སོ་བསྟན་འཛིན་གྱིས་ར་ས་འཕྲུལ་སྣང་གི་རྩིས་པ་རྣམས་ལ་དྲི་བ་བཞི་བཏང་བའི་དྲིས་ལན་ཁག

― GLG020_Page_0650 ―

^{[མ་དཔེ་གཟིགས་ན་འདིར་གནོན།]}

[Full Size]

ཞར་བྱུང་འཕན་ཡུལ་དྲུག་བརྒྱ་བའི་རྩིས་རིག་སྨྲ་བ་ནང་སོ་བསྟན་འཛིན་གྱིས་ར་ས་འཕྲུལ་སྣང་གི་རྩིས་པ་རྣམས་ལ་དྲི་བ་བཞི་བཏང་བའི་དྲིས་ལན་ཁག །

དྲི་བ་དང་པོའི་དྲིས་ལན།

― GLG020_Page_0651 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་བ་དང་པོའི་དྲིས་ལན།ཞར་བྱུང་ཕན་ཡུལ་དྲུག་བརྒྱ་བའི་རྩིས་རིག་སྨྲ་བ་ནང་སོ་བསྟན་འཛིན་གྱིས་(༤༥ན)
ར་ས་འཕྲུལ་སྣང་གི་རྩིས་པ་རྣམས་ལ་དྲི་བ་བཞི་བཏང་འདུག་པའི། དང་པོའི་དྲི་ཚིག་ནི། སྭ་སྟི། དགེ་ལེགས་ཀུན་གྱི་འབྱུང་གནས་ཟས་གཙང་སྲས། །དམ་ཆོས་གཏམ་ལ་འཇིགས་མེད་འཇམ་དཔལ་དབྱངས། །མགོན་དེའི་རྣམ་འཕྲུལ་རིག་ལྡན་གྲགས་པ་སོགས། །ཟོལ་མེད་དད་པའི་སྒོ་ནས་ཕྱག་བཙལ་ཏེ། །དག་པའི་ཡུལ་མཆོག་ཉི་ཤུ་རྩ་བཞི་ཡི། །ནང་ཚན་མཆོག་གྱུར་ར་ས་འཕྲུལ་སྣང་ནས། །དཔལ་ལྡན་དུས་འཁོར་རི་མོའི་ལས་ཚུལ་དང་། །གཙུག་ལག་རིག་པའི་དཔལ་མངའ་བརྒྱ་དགའི་མཚན། །མཁས་པའི་ཚུལ་འཛིན་ཁྱོད་ལ་འདི་སྐད་ཞུ། །དེ་ཡང་དཔལ་ལྡན་བསྡུས་པའི་རྒྱུད་རྒྱལ་ལས། ལོ་འདི་ནས་ནི་དྲུག་བརྒྱའི་ལོ་ཡིས་བསལ་བར་མི་བདག་གྲགས་པ་ཤམྦྷ་ལ་ཞེས་བྱ་བར་འབྱུང་། །ཞེས་གསུངས་པས་ན། འདི་ནས་ཞེས་པའི་ལོ་ངོས་གང་ནས་འཛིན། །སྟོན་མཆོག་མཉམ་མེད་ཤཱཀྱ་སེང་གེ་དེས། །དུས་འཁོར་ཆོས་གསུངས་དུས་ནས་འཛིན་མོད་ཀྱང་། །དགུང་ལོ་སོ་དྲུག་དུས་སུ་གསུངས་པ་དང་། །བརྒྱད་ཅུའི་དུས་ལ་གསུངས་པར་བཞེད་པ་གཉིས། །བརྒྱད་ཅུར་གསུངས་པ་བཞེད་ན་རྩ་རྒྱུད་ལས། །བྱ་རྒོད་ཕུང་པོའི་རི་ཆེན་པོར། །ཐེག་པ་ཆེན་པོ་བླ་ན་མེད། །བྱང་ཆུབ་སེམས་དཔའ་རྣམས་ལ་བསྟན། །དེ་ནས་གཅིག་ཏུ་མཆོད་རྟེན་ཆེར། །ཆོས་ཀྱི་དབྱིངས་ཀྱི་དཀྱིལ་འཁོར་དུ། །དམ་པ་དང་པོ་དཔལ་ལྡན་རྒྱུད། །དཔྱིད་ཟླ་འབྲིང་པོའི་ཉ་ལ་གསུངས། །འདི་ལྟར་ལུགས་ན་སོ་དྲུག་དུས་སུ་གསུངས། །ཞེས་པའི་ལུང་དོན་འདི་དང་མི་འགལ་ལམ། །སོ་དྲུག་དུས་སུ་གསུངས་པར་ཁྱེད་བཞེས་ན། །དེ་ནས་དྲུག་བརྒྱ་འདས་རྗེས་རིགས་ལྡན་ནི། །གྲགས་པ་འབྱོན་འགྱུར་མངོན་སུམ་ལུང་(༤༥བ)

― GLG020_Page_0652 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་ནི། །ལོ་གྲངས་དྲུག་བརྒྱ་ཞེ་བདུན་འདས་པ་ཡི། །ཤིང་ཕོ་སྤྲེའུ་ལ་འཇམ་དཔལ་གྲགས་པ་བྱོན། །འདི་ལྟར་བཞེད་ན་ལོ་གྲངས་ལྔ་བཅུ་ཙམ། །ལྷག་པོར་འབྱུང་བས་དྲུག་བརྒྱ་ཞེས་པ་ཡི། །ལུང་དོན་འཁྲུལ་མེད་འདི་དང་མི་འགལ་ལམ། །ཡང་ན་ལུང་རྣམས་རིགས་མཐུན་བཀྲལ་ལུགས་དགོས། །ཞེས་པ་སྟོན་པས་རྩ་རྒྱུད་དུས་ནམ་གྱི་ཚེ་གསུངས་ཚུལ་ལ་བོད་ཀྱི་དུས་ཞབས་པ་ཆེན་པོ་ཕལ་ཆེར་བཞེད་ཚུལ་སྣ་ཚོགས་སུ་གྱུར་ཅིང་། ཁྱད་པར་མཁས་པའི་གྲགས་པ་རི་བོང་བཅལ་སྒྲོག་ཙམ་མིན་པའི་ཐམས་ཅད་མཁྱེན་པ་བུ་སྟོན་ལྟ་བུའང་ཐུགས་འཁྲུལ་པའི་ཁྱོགས་ལ་འཆང་ན་བློ་ཆུང་རྣམས་མགོ་བོ་འཁོར་བ་ལས་འོས་ཅི་ཡོད། བྱ་རྒོད་ཕུང་པོའི་རི་ཆེན་པོར། །ཐེག་པ་ཆེན་པོ་བླ་ན་མེད། །ཤེས་རབ་ཕ་རོལ་ཕྱིན་པའི་ཚུལ། །བྱང་ཆུབ་སེམས་དཔའ་རྣམས་ལ་བསྟན། །དེ་ནས་གཅིག་ཏུ་མཆོད་རྟེན་ཆེར། །ཆོས་ཀྱི་དབྱིངས་ཀྱི་དཀྱིལ་འཁོར་དུ། །ཞེས་སོགས་ཀྱི་ལུང་ལ་བརྟེན་ནས། །བྱ་རྒོད་ཕུང་པོའི་རིར་ཤེར་ཕྱིན་གྱི་ཆོས་འཁོར་བསྐོར་རྗེས། འབྲས་སྤུངས་སུ་དུས་འཁོར་གསུངས་པ་དང་། དུས་ཀྱང་སྟོན་པ་མངོན་པར་རྫོགས་པར་སངས་རྒྱས་པའི་ཕྱི་ལོ་གསུངས་པར་འདོད་པ་གཉིས་དངོས་སུ་འགལ་ཏེ། སྟོན་པ་སངས་རྒྱས་ནས་བདེན་བཞིའི་ཆོས་འཁོར་བསྐོར་བ་ལ་ལོ་ཁ་ཡར་འགོར། དེ་རྗེས་ཡབ་སྲས་འཇལ་བ་སོགས་དང་ཤེར་ཕྱིན་གསུངས་པ་ཡིན། བཙུན་པ་ཡང་དག་བདེན་ལྟར་ན། འཁོར་ལོ་དང་པོ་སངས་རྒྱས་པའི་ལོ་དེ་ཉིད་ལ་གསུངས། ཆོས་འཁོར་གཉིས་པ་སངས་རྒྱས་ནས་ལོ་བདུན་ནས་གསུངས། ཆོས་འཁོར་གསུམ་པ་སངས་རྒྱས་ནས་ལོ་སུམ་ཅུ་སོ་བདུན་ནས་གསུངས་པར་བཤད་པ་སོགས་ཀྱི་རྒྱུ་མཚན་གྱི་དབང་དུ་བྱས་ན། དུས་འཁོར་སངས་རྒྱས་(༤༦ན)

― GLG020_Page_0653 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱི་ལོ་གསུངས་ཚེ། དེའི་སྔོན་དུ་ཐེག་པ་ཆེན་པོ་ཕ་རོལ་དུ་ཕྱིན་པ་གསུངས་ཟིན་དགོས་ཏེ། སངས་རྒྱས་པའི་ཕྱི་ལོ་རང་དུས་འཁོར་གསུངས་ལ། དེའི་གོང་དུ་ཤེར་ཕྱིན་གསུངས་པའི་གོ་རིམ་ཡོད་པས་སོ། །དེས་ན་ལུང་དེའི་དོན་ནི། ཐེག་པ་ཐུན་མོང་པ་རྣམས་གསུངས་ཟིན་པའི་རྗེས་སུ་དཔལ་ལྡན་འབྲས་སྤུངས་ཀྱི་མཆོད་རྟེན་ཆེན་པོའི་འོག་ཏུ་ཆོས་དབྱིངས་གསུང་དབང་དང་སྟེང་དུ་དཔལ་ལྡན་རྒྱུ་སྐར་གྱི་དཀྱིལ་འཁོར་གསུངས་པར་བཤད་པ་ཙམ་ལས་དུས་མ་བཤད་དོ། །སངས་རྒྱས་མྱ་ངན་ལས་འདས་ནས་འཇམ་དཔལ་གྲགས་པའི་བར་དུ་ཆོས་རྒྱལ་དྲུག་གིས་ཆོས་བསྟན་པའི་ལོ་གྲངས་དྲུག་བརྒྱ་འགྲོ་དགོས་པས། ལོ་འདི་ནས་ནི་དྲུག་བརྒྱའི་ལོ་ཡིས་གསལ་བར་མི་བདག་གྲགས་པ་ཤམྦྷ་ལ་ཞེས་བྱ་བར་འབྱུང་། ཞེས་པའི་ལོ་འདིའི་ངོས་འཛིན་རྒྱུད་གསུངས་པའི་ལོར་བྱེད་དགོས་ཤིང་། སངས་རྒྱས་པའི་ཕྱི་ལོ་གསུངས་པ་ལྟར་ན། ལོ་འདི་ནས་ནི་བཞི་བཅུས་ལྷག་པའི་དྲུག་བརྒྱའི་ལོ་ཡིས་གསལ་བར་མི་བདག་གྲགས་པ་ཤམྦྷ་ལ་ཞེས་བྱ་བར་འབྱུང་། ཞེས་པའི་རྒྱུད་ཚིག་ཀྱང་བཟོ་སྐྱོར་བྱེད་དགོས་པར་འགྱུར་བས། རྒྱ་ནག་པ་མདོ་རྩོམ། བོད་པ་རྒྱུད་རྩོམ། རྒྱ་གར་བསྟན་བཅོས་རྩོམ་པའི་གཏམ་ཕྱག་ཏུ་འགེལ་བ་ཞུ། གཞན་ཡང་འགྲེལ་ཆེན་ལས། ས་གའི་ཉའི་སྐྱ་རེང་ཤར་བའི་ཚེ་བཅོམ་ལྡན་འདས་ཤཱཀྱ་ཐུབ་པ་མངོན་པར་རྫོགས་པར་སངས་རྒྱས་ཏེ། དེ་ནས་ཆོས་ཀྱི་འཁོར་ལོ་བསྐོར་ཅིང་། ཐེག་པ་གསུམ་བསྟན་པར་མཛད་ནས་ཟླ་བ་བཅུ་གཉིས་པ་ནག་པའི་ཉ་ལ་ཤྲཱི་དྷ་ནྱ་ཀ་ཊ་ཀར་ཞེས་པའི་དོན་ལ་ཟླ་བའི་འགོ་ཡིན་ན་ནག་ཟླ་ལས་འོས་མེད། སྟོན་པ་ས་ག་ཟླ་བར་སངས་རྒྱས་པའི་དུས་དེ་དང་པོར་བྱས་པའི་ཏི་ཐུག་སྒྲིགས་ཀྱིས་བཅུ་གཉིས་པ་ནག་ཟླར་ཟད་སྙམ་ནས་སངས་རྒྱས་པའི་ལོ་དེའི་རྗེས་མའི་ནག་ཟླར་(༤༦ན)

― GLG020_Page_0654 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་གསུངས་སོ་ཞེས་སྨྲ་བ་ནི། བར་དེར་བདེན་པ་དང་ཤེར་ཕྱིན་གྱི་ཆོས་འཁོར་བསྐོར་བའི་དུས་ཀྱི་ཡུན་ཡང་མ་བརྩིས་པའི་སྐྱོན་དངོས་སུ་ཡོད་ལ། ཟླ་བའི་ཐོག་མ་ནག་ཟླ་ཁོ་ནར་དགོས་པའི་རྒྱུ་མཚན་མེད་དེ། དཔྱིད་མཉམ་ཉི་མ་ལུག་ཁྱིམ་དུ་ཞུགས་པའི་དུས་དེ་ཐོག་མ་ཡིན་ཞིང་། ཁྱིམ་འཕོ་བ་ནག་ཟླའི་སྟོད་སྨད་ལ་གཅིག་ཏུ་མ་ངེས་པས། ནག་པའི་ཚེས་བཅུ་དྲུག་མན་ཆད་ལ་ཁྱིམ་སླེབ་ཀྱི་རི་མོ་ཤར་ན་མར་ངོ་སྔོན་འགྲོའི་དབང་དུ་བཏང་བའི་ས་ག་ཟླ་བ་ལ་ཟླ་བའི་ཐོག་མར་བྱེད་པ་ཡོད་པས་དེའི་དབང་དུ་བྱས་སོ། །ས་ག་ཟླ་བར་སངས་རྒྱས་ནག་ཟླར་རྒྱུད་གསུངས་པར་བཤད་པ་ས་ག་ཟླ་བ་གཅིག་ལ་སངས་རྒྱས་པ་དང་། ནག་པ་ཟླ་བ་གཅིག་ལ་རྒྱུད་གསུངས་པའི་ཟླ་བའི་ངོས་འཛིན་ཙམ་མ་གཏོགས་ཟླ་གྲངས་བཅུ་གཉིས་ཚར་གཅིག་པུ་དེའི་ཟླ་བར་འབྱུང་བའི་དོན་མིན་ནོ། །དཔེར་ན་རྒྱལ་པོའི་བུ་ཞིག་ཧོར་ཟླ་དང་པོ་ལ་བཙས་ནས་བསྐྱེད་བསྲིངས་ཏེ་ཧོར་ཟླ་བཅུ་གཉིས་པ་ཞིག་ལ་རྒྱལ་སར་བསྐོས་ཞེས་པ་ལྟ་བུ་དང་། འགྲེལ་ཆེན་གྱི་ལུང་གི་བབས་འོང་ཚུལ་གཅིག་གོ ། ཁྱིམ་འཕོ་ལ་བརྟེན་ནས་ལོ་དང་ཟླ་བའི་བདག་པོ་སོགས་ཀྱི་རྣམ་དབྱེ་སྔོན་ཆད་མཁྱེན་པ་མང་དུ་བྱུང་མོད། དེང་དུས་གྲ་ཕུག་པའི་ལུགས་འཛིན་ཙམ་མ་གཏོགས། མཛུབ་མོ་སྡུག་བསྔལ་བའི་དཀའ་ཐུབ་ལྷུར་ལེན་པའི་རྩིས་པ་རྣམས་ཀྱི་རྣ་བའི་ཡུལ་དུ་མ་གྱུར་ཏོ། །གཞན་ཡང་། རྒྱུད་གསུངས་ལོར་མ་ཟད་འཁྲུངས་ལོ་སོགས་ཐམས་ཅད་ནོར་བས། འདུལ་བ་ལུང་ལས། བཅོམ་ལྡན་འདས་ཀྱིས་བླ་ན་མེད་པའི་ཡེ་ཤེས་བརྙེས་པ་ན་གྲགས་འཛིན་མ་ལ་ཁྱིའུ་ཞིག་བཙས་སོ། །ཟླ་བའང་སྒྲ་གཅན་གྱིས་ཟིན་ཏོ་ཞེས་སངས་རྒྱས་པའི་ཚེ་གཟའ་འཛིན་བྱུང་བར་བཤད་པས། སྟོན་པ་ལྕགས་སྤྲེ་ལ་སྐུ་བལྟམས། ཤིང་རྟ་ལ་སངས་རྒྱས། ལྕགས་འབྲུག་ལ་རྒྱུད་གསུངས་ཤིང་མྱ་ངན་ལས་འདས་པར་བྱས་(༤༧ན)

― GLG020_Page_0655 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཤིང་རྟའི་ས་ག་ཟླ་བའི་ཚེས་བཅོ་ལྔ་པ་གཟའ་འཛིན་གྱི་རི་མོ་འཁྲུལ་མེད་དུ་འབྱུང་བ་སོགས་རྒྱུ་མཚན་མཐའ་ཡས་སོ། །ཞིབ་ཏུ་བརྩིས་ན་སྟོན་པ་མྱ་ངན་ལས་འདས་ནས་ཟླ་བཟང་གིས་ལོ་གསུམ་བཞུགས་པ་ཡིན་ཏེ། ཟླ་བ་བཟང་པོས། རྩ་རྒྱུད་རྒྱས་འབྲེལ་བསྟན་པའི་ལོ་གཉིས་པ་ལ་ཟླ་བཟང་གཤེགས་པར་གསུངས་པའི་གཤེགས་ལོ་དང་གཅིག །དེའི་གོང་དུ་རྩ་རྒྱུད་སྡུད་པ་དང་། རྒྱལ་འགྲེལ་སྟོང་ཕྲག་དྲུག་ཅུ་པ་མཛད་པ་སོགས་ལ་ལོ་གཉིས་དང་བཅས་པའི་ལོ་གསུམ་བྱུང་བ་ལ་དགོངས་ནས། མདོར་བསྡུས་གསུམ་པར། དེ་བཞིན་གཤེགས་པའི་ངེས་པ་དེའི་ཕྱིར་རྩ་བའི་རྒྱུད་ཀྱི་རྒྱལ་པོ་སྟོང་ཕྲག་གི་བཅུ་གཉིས་པ་དང་། རྒྱས་འགྲེལ་སྟོང་ཕྲག་དྲུག་ཅུ་པའང་ཤམྦྷ་ལ་སོགས་པའི་ཡུལ་གྱི་སྐད་གཞན་གྱིས་གླེགས་བམ་ལ་བྲིས་ནས་རྒྱལ་པོ་ཟླ་བ་བཟང་པོས་གྲོང་ཁྱེར་བྱེ་བ་ཕྲག་དགུ་བཅུ་རྩ་དྲུག་ན་གནས་པ་རྣམས་ལ་རབ་ཏུ་སྟོན་ཏོ། །དེ་ཉིད་དེ་ལ་མོས་པ་རྣམས་ཀྱིས་ཉན་ཅིང་བཀླགས་ཏེ་རང་གི་སེམས་ལ་བཟུང་ནས་གཞན་དག་ལ་རྒྱ་ཆེར་རབ་ཏུ་བསྟན་ཏོ། །རྒྱུད་བསྟན་པའི་དུས་དེ་ནས་ལོ་གཉིས་པ་ལ་སེམས་ཅན་རྣམས་ཀྱི་དངོས་གྲུབ་ཀྱི་རྒྱུའི་སླད་དུ་དཀྱིལ་འཁོར་གྱི་འཁོར་ལོ་དང་རྫུ་འཕྲུལ་བསྟན་ནས་སྤྲུལ་པའི་སྐུ་གང་ནས་བྱོན་པ་ལོངས་སྤྱོད་རྫོགས་པའི་སྐུ་དེ་ཉིད་དུ་གཤེགས་སོ། །ཞེས་བྱུང་ལ། ལོ་དྲུག་བརྒྱ་ལ་གསུམ་ལྷག་པ་ཙམ་སྣང་བ་ཕྲ་མོ་ཡིན་པས་ལུང་དོན་ལ་མི་གནོད་དེ། ལོ་བཞི་བཅུ་ཞེ་དྲུག་ཙམ་མི་འགྲིག་པའི་རྒྱ་ཆེ་མཐིལ་རྡོལ་ཚོ་དང་མི་འདྲའོ། །དེ་ནས་ཀླུ་ཡི་ལོ་བརྒྱ་རྣམས་ཀྱིས་ངེས་པར་མ་ཁའི་ཡུལ་དུ་ཀླ་ཀློའི་ཆོས་དག་རབ་ཏུ་འཇུག་ཅེས་འཇམ་དཔལ་གྲགས་པ་གཤེགས་ནས་རྒྱ་མཚོ་རྣམ་རྒྱལ་གྱི་བར་དུ་ལོ་བརྒྱད་བརྒྱ་འོང་བའི་རྒྱུ་མཚན། པདྨ་དཀར་པོ་ནས་ཤིན་ཏུ་བཟང་པོའི་བར་རིགས་ལྡན་(༤༧བ)

― GLG020_Page_0656 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ཀྱིས་ཆོས་ལོ་བརྒྱ་བསྟན་པས་འགྲིག་ལ། རྒྱ་མཚོ་རྣམ་རྒྱལ་ཁྲིར་བྱོན་པ། ཀླ་ཀློ་བཞུགས་པ། མེ་མཁའ་རྒྱ་མཚོའི་རྩིས་གཞི་སོགས་དུས་མཉམ་པས་ཏུ་རུ་ཥྐ་ཞེས་གར་ལོག་གམ་ཀླ་ཀློའི་གནས་ཚད་སྟོང་བརྒྱད་བརྒྱར་བཤད་པས། རིགས་ལྡན་ཉི་མ་ནས་དྲུག་པ་འཁོར་ལོའི་བར་ལ་རིགས་ལྡན་བཅོ་ལྔ་བྱུང་བའི་ཕྱི་མ་བཅུ་གསུམ་གྱིས་ལོ་བརྒྱ་རེ་ཁྲིར་བཞུགས་པས་ལོ་སྟོང་དང་སུམ་བརྒྱ་འབྱུང་བ་ལས། དྲག་པོ་འཁོར་ལོས་དགུང་ལོ་གོ་བདུན་བཞེས་ནས་ཀླ་ཀློ་བཏུལ་བས་ལོ་སྟོང་དང་སུམ་བརྒྱ་གོ་བདུན་བྱུང་། དེའི་སྟེང་དུ་རིགས་ལྡན་བཅུ་གསུམ་གྱི་སྔོན་མ་རྒྱ་མཚོ་རྣམ་རྒྱལ་དང་། རྒྱལ་དཀའ་གཉིས་བསྡོམས་པའི་ལོ་བཞི་བརྒྱ་དང་གསུམ་བྱུང་བ་བསྲེས་པས་སྟོང་བརྒྱད་བརྒྱ་ལས་མི་ལྷག་མི་ཉུང་བ་འདི་ཐམས་ཅད་མཁྱེན་པ་ནོར་བུ་བཟང་པོ་དང་པད་དཀར་ཞལ་ལུང་རྗེས་འབྲང་དང་བཅས་པའི་དྲི་མ་མེད་པའི་ལུགས་སྲོལ་ཡིན་ནོ། །སྟག་ཚང་ལོ་ཙཱ་བས། སུམ་ཅུ་རྩ་གཉིས་གདན་གྱི་མཐར་ནི་ལྷ་མིན་དགྲ་བོ་ཚེ་ལོ་བརྒྱ་པ་ཕྱག་ན་འཁོར་ལོར་འགྱུར། ཞེས་སུམ་ཅུ་རྩ་གཉིས་ཀྱི་མཐར་ཞེས་པའི་རྒྱུད་ཚིག་གིས་རྩ་གསུམ་པ་ཡིན་པའི་སྒྲུབ་བྱེད་དང་། མཐའ་ཡས་རྣམ་རྒྱལ་གྱི་མཚན། རྒྱ་དཔེར་ཨ་ནནྟ། བི་ཛ་ཡ་ཞེས་བར་དུ་རྣམ་དབྱེའི་གཅིག་ཚིག་གིས་ཆོད་པས་སོ་སོར་གསུངས་པ་རྣམས་ལེགས་བཤད་ཆེན་པོར་སྣང་ཡང་། ཀླ་ཀློའི་གནས་ཚད་ལ་སྟོང་བདུན་བརྒྱ་ཙམ་ལས་མ་བྱུང་བའི་བརྒྱ་པོ་རགས་རྩིས་སུ་མཛད་པ་ཅུང་ཟད་མི་འཐད་པར་མངོན་མོད། ཆོས་རྒྱལ་དང་རིགས་ལྡན་བསྡོམས་པར་སུམ་ཅུ་རྩ་གསུམ་འཐད་པའི་རྗེས་སུ་འབྲང་ནའང་། རྒྱ་མཚོ་རྣམ་རྒྱལ་ཡབ་སྲས་གཉིས་ལ་མེ་མཁའ་རྒྱ་མཚོའི་ལོ་གྲངས་རང་སར་བཞག་སྟེ། དྲག་པོ་སེང་ཁྲིར་ཕེབས་མ་ཐག་ནས་ཀླ་ཀློ་བཅོམ་པའི་མགོ་བརྩམས་པར་ཁས་བླངས་ན་དུས་དེ་ནས་ཀླ་ཀློའི་བསྟན་པ་དམར་ཕྱོགས་ཀྱི་ཟླ་བ་བཞིན་རིམ་(༤༨ན)

― GLG020_Page_0657 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་འགྲིབ་པར་འགྱུར་བ་ཡིན་པས་རྒྱུ་མཚན་བཟང་པོ་ཡོད་དམ་སྙམ། ཡང་ན། རྒྱ་མཚོ་རྣམ་རྒྱལ་དང་རྒྱལ་དཀའ་གཉིས་ཀྱི་དགུང་ལོའི་ཚད་ཀྱང་བརྒྱར་བྱས་ཏེ་རིགས་ལྡན་གྲགས་པ་ཐེ་བའི་རིགས་ལྡན་བརྒྱད་ཀྱི་རྗེས་སུ་ཀླ་ཀློ་འཇུག་ཅེས་ཁས་བླངས་ན། ཤིན་བཟང་ནས་དྲག་པོའི་འཁོར་ལོའི་བར་ལ་ལོ་གསུམ་མ་གཏོགས་སྟོང་དང་བརྒྱད་བརྒྱ་ཚང་འགྲོ་བས། རང་འདོད་གཙོ་བོར་བྱེད་པའི་བསྟན་བཅོས་ལ་ལའི་དབང་དུ་སོང་ན་ཁས་བླང་དུ་རུང་ཙམ་ཡིན་ལ། འགའ་ཞིག་ཉིན་མོ་ཞེས་པའི་ཚིག་མཚན་མོ་ཞེས་པར་འདོན་པ་སྒྱུར་བ་ལྟར། རང་གང་འདོད་དུ་བྱེད་ན། དེ་ནས་ཀླུ་ཡི་ལོ་བརྒྱ་ཞེས་པ་ལ་རི་རོའི་ལོ་བརྒྱ་ཞེས་འདོན་པ་སྒྱུར་དུ་ཅིས་མི་རུང་། འོན་ཀྱང་ཆོས་ལ་དབང་ཟ་བར་བྱེད་པ་དེ་འདྲ་མཁས་པ་རྣམས་ཁྲེལ་བར་འགྱུར་བའི་ཕྱིར། ཁོ་བོ་རིགས་ལྡན་གྲགས་པ་ཐེ་བའི་བརྒྱད་ཡིན་ནོ་ཞེས་མི་སྨྲ་སྟེ། ཁམས་ལེའི་གོ་སླར། རིགས་ལྡན་རིགས་ཀྱི་ནང་ནས་ལག་པས་བསྒྱུར་བའི་དུས་ཀྱི་བུ་དང་ཚ་བོ་དང་ནི་འདས་གྱུར་པ། །དེ་ཡི་དུས་སུ་ངེས་པར་མ་ཁའི་ཡུལ་དུ་ཀླ་ཀློའི་ཆོས་ནི་རབ་ཏུ་འཇུག་པ་དག་ཏུ་འགྱུར། །ཞེས་རིགས་ལྡན་གྱི་རིགས་སུ་གྱུར་པ་རྣམས་ཀྱི་ནང་ནས་ལག་པ་སྟེ་གཉིས་ཀྱིས་དུས་ཏེ་བཞི་བསྒྱུར་བའི་རིགས་ལྡན་དྲག་པོའི་བུ་པད་དཀར་དང་། ཚ་བོ་བཟང་པོ་སོགས་བརྒྱད་འདས་པའི་མཐའ་དེར་མ་ཁའི་ཡུལ་དུ་ཀླ་ཀློའཇུག་པར་བཤད་པས་སོ། །སྟག་ཚང་ལོ་ཙཱ་བའི་བཞེད་པ་དེའི་རྒྱབ་སྐྱོར་དུ་ལུང་སྔ་མར་མ་ཟད། སེམས་ཅན་རྣམས་ཀྱི་ཐར་པའི་སླད་དུ་ས་ལ་དུས་ཀྱི་འཁོར་ལོ་རབ་ཏུ་གསལ་བར་བྱེད་པར་འགྱུར། ཞེས་རིགས་ལྡན་གྲགས་པས་རྩ་བའི་རྒྱུད་བསྡུ་བར་མཛད་ཚུལ་བསྟན་ནས། དེའི་རྗེས་སུ། གདན་ནི་ཉི་ཤུ་རྩ་ལྔ་པོ་རྣམས་རིམ་པར་ཡོངས་སུ་བགྲངས་པ་དེ་ཡིན་པ་ནས་དུས་ཀྱི་མཐར། །རིགས་(༤༨བ)

― GLG020_Page_0658 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་པའི་རིགས་ལ་ལྷ་ཡི་དབང་པོ་ལྷ་ཡི་མཆོག་གིས་བཏུད་པ་དྲག་པོའི་རིགས་ལྡན་འབྱུང་བར་འགྱུར། །ཞེས་པའི་ཚིག་གིས་པདྨ་དཀར་པོ་མན་ཆད་དུ་གདན་ཉི་ཤུ་རྩ་ལྔ་དགོས་པའི་ཁུངས་སུ་འགྲོ་བ་ལྟ་བུར་སྣང་ཡང་། ལུང་དོན་ལ་དགོངས་པ་འགྲེལ་ལུགས་སྣ་ཚོགས་བྱུང་མོད། སྐད་དོད་ཀྱི་བར་དུ་རྣམ་དབྱེས་ཆོད་པའི་བཤད་ཚུལ་དེ་ལ་བླ་ཆེན་གྱི་མི་དཀར་པོ་ལ་བརྡ་སྤྲོད་ཀྱི་ཞྭ་ནག་པོ་གྱོན་པ་དེ། ངོས་ཅག་ཡིད་ཅུང་ཟད་སྤྲོ་བར་གྱུར་ནའང་། ཞེ་འདོད་ཀྱི་གཙོ་བོ་ནི། རྗེ་ནོར་བཟང་པའི་དྲི་མེད་འོད་རྒྱན་དང་པད་དཀར་ཞལ་ལུང་གི་དགོངས་པ་ཁོ་ནའོ། །མཁས་པ་འགོས་ལོ་ཡེ་བཟང་རྩེ་པས། རིགས་ལྡན་ཁྱབ་འཇུག་སྦས་པའི་དགུང་ལོ་ང་གཅིག་པའི་རྗེས་སུ་ཀླ་ཀློ་ཞུགས་པ་ཡིན་པས། གྲགས་པ་འདས་ནས་ལོ་བརྒྱད་བརྒྱ་ནས་ཀླ་ཀློ་འབྱུང་བར་བཤད་པ་དེས་སྦྲང་རྩིའི་བློ་གྲོས་བྱེ་བྲག་ཏུ་བསྟན་གསུང་བ་རང་ལུགས་ལ་འཐད་པར་མི་སེམས་མོད། ཀླ་ཀློའི་གནས་ཚད་ལ་ལོ་གྲངས་ལྔ་བཅུ་ཙམ་མ་འགྲིག་པར་རགས་རྩིས་མུན་པའི་ཁུང་བུ་སྐྱབས་སུ་བསྟེན་པ་ལས། ཉི་མ་གྲགས་པ་ནས་མཐའ་ཡས་རྣམ་རྒྱལ་གྱི་བར་རིགས་ལྡན་བཅུ་བདུན་ལ་ལོ་གྲངས་བརྒྱ་རེ་ཆོས་སྟོན་པར་བྱས། ཁྱབ་འཇུག་སྦས་པ་དང་དྲག་པོ་འཁོར་ལོ་ཅན་གཉིས་ཀྱི་ལོ་གྲངས་ཕྱེད་ཕྱེད་དྲིལ་བས་བརྒྱ་སྟེ། སྟོང་བརྒྱད་བཅུ་འབད་མེད་དུ་འགྲུབ་པས་བེམ་རྒན་ལ་ལྷན་པ་བཟང་པོ་ཐེབས་པར་སྣང་ངོ་། །རྒྱུད་ལས། ཀླ་ཀློའི་ཚོགས་ནི་འཁོར་གྱི་སྐྱེ་བོ་དང་བཅས་རབ་ཏུ་བཅད་ནས་མི་ཡི་ལོ་ནི་བརྒྱ་ཕྱེད་ན། རིགས་ལྡན་གྲུབ་པར་འགྱུར་ཏེ། ཞེས་པའི་དོན། རིགས་ལྡན་དྲག་པོའི་འཁོར་ལོས་བཏུལ་བའི་ཀླ་ཀློ་རྣམས་ཡང་དག་པའི་ལམ་ལ་ཞུགས་ནས་མི་ལོ་ལྔ་བཅུ་ཚུན་ལ་རིགས་ལྡན་གྱི་ལམ་གྲུབ་པར་འགྱུར་བའི་དོན་ཡིན་གྱི། དེ་རྣམས་ཀྱིས་རིགས་ལྡན་གྱི་ལམ་གྲུབ་པའི་ཚེ་དྲག་པོ་(༤༩ན)
འཁོར་ལོ་ཅན་བཞུགས་དགོས་པའི་དོན་ནི་མིན་ནོ། །ཆོས་རྒྱལ་རིགས་ལྡན་བསྡོམས་པར་སོ་གཉིས་སུ་བྱས་ནས་ཀླ་ཀློ་འདུལ་དུས་དྲག་པོའི་དགུང་ལོ་ལྔ་བཅུར་བཞེད་པ་རྣམས་ལྷན་པ་བརྒྱག་ཐེབས་ཙམ་ཡང་མི་འདུག་པས་རྗེས་སུ་མི་འཇུག་སྟེ། དམ་པ་ཇི་ལྟར་རྒུད་གྱུར་ཀྱང་། །སྡིག་དང་འདྲེས་པའི་ཟས་མི་ཟ། །སེང་གེ་བཀྲེས་ཀྱང་མི་གཙང་བའི། །ངན་སྐྱུགས་ཟ་བར་མི་བྱེད་དོ། །ཞེས་སོ། །

དྲི་བ་གཉིས་པའི་དྲིས་ལན།

― GLG020_Page_0659 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་བ་གཉིས་པའི་དྲིས་ལན།དྲི་བ་གཉིས་པ་ནི། གཉིས་པ་དཔལ་ལྡན་རྒྱུད་རྒྱལ་དབྱངས་འཆར་ལས། །རཱ་ཧུའི་བྱེ་བྲག་དུ་མར་བཤད་ན་ཡང་། །སྐབས་འདིར་ཟླ་རེ་ཉི་མ་རེ་བཞིན་དུ། །གསལ་བྱེད་རེ་དང་མཉམ་དུ་འཆར་བ་ཡི། །ཚེས་ཀྱི་ར་ཧུའི་མིང་དུ་བཏགས་པ་འདི། །ཟླ་བ་གཅིག་ལ་ཚེས་ཞག་སུམ་ཅུ་ལ། །གསལ་བྱེད་སུམ་ཅུ་ཐམ་པ་མ་ཉམས་བགོས་ཕྱིར། །སྤང་བྱའི་ཡི་གེ་གསུམ་པོའི་མིང་གསལ་དགོས། །ཚེས་གཅིག་གསལ་བྱེད་ཀ་ཞེས་འཆར་བ་འདི། །ཡར་ངོ་མར་ངོ་གང་ནས་ངོས་འཛིན་ཅིང་། །ཤར་ནུབ་ལྷོ་བྱང་མཚམས་བཞི་གང་ནས་འཆར། །ཤར་རྗེས་སྤང་བྱ་བསྒྲུབ་བྱའི་བྱ་བ་ཅི། །ཞེས་པ། དཔལ་གཡུལ་ལས་རྣམ་པར་རྒྱལ་བ་དབྱངས་འཆར་རྒྱུད་ལེའུ་བཅུ་པ་འདི་བོད་དུ་གློ་བོ་ལོ་ཙཱ་བས་བསྒྱུར། དེ་ལ་འགྲེལ་པ་མཛད་མཁན་ཤིན་ཏུ་མང་ཞིང་། ཁྱད་པར་ཕུག་ནས་རྗེ་ལྷུན་གྲུབ་རྒྱ་མཚོས་མཆོག་ཏུ་དགའ་བའི་སྒྲ་དབྱངས་མཛད་ཀྱང་། མན་ངག་ལ་ལྟོས་པའི་ཆེད་དུ་དངོས་བསྟན་ལ་གབ་དཀྲུགས་ཅུང་ཟད་ཡོད་པ་དང་བཅས་དུས་ཕྱིས་གཙུག་ལག་འདི་ཉིད་ཉམས་ནས་རྗེ་འཕྲིན་ལས་ཞབས་ཙམ་མ་གཏོགས་རྫོགས་པར་མཁྱེན་པ་ཉིན་སྐར་ལྟར་གྱུར་ཚེ། བླ་རྩིས་པ་ཆེན་པོ་དཔལ་མགོན་འཕྲིན་ལས་ཀྱི་དངོས་སློབ་དུས་རམ་པ་འཆི་མེད་བདེ་བས་གྲྭ་ཕུག་ཏུ་སྦྱངས་པའི་འཕྲོ་ཉུང་ངུ་ཞིག་ལུས་པ་དང་། ཅུང་ཟད་ཐུགས་གང་བ་(༤༩བ)

― GLG020_Page_0660 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་བྱུང་བས་སླར་རྒྱ་བལ་འཛུམ་ལང་གི་པཎྜི་ཏར་གཏུགས་ནས་ཚིག་གཅིག་ཀྱང་མ་ལུས་པར་སྦྱངས་པའི་གསུང་རྒྱུན་ཕྱག་ལེན་མ་ཉམས་པ། ཁོ་བོའི་སློབ་དཔོན་ཆེན་པོ་སྨོན་འགྲོ་པཎ་ཆེན་གྱི་དྲིན་ལས་ཁོང་དུ་ཆུད་པའི་བློ་གྲོས་ཀྱི་མིག་ཆུང་ངུ་ཞིག་གིས་བལྟས་ཚེ། ཁྱེད་ཀྱི་དྲི་ཚིག་དེ་ལོང་བའི་འཁར་བཙུགས་ལས་རྒྱུ་མཚན་ཤེས་པ་ཅུང་མིན་པར་སྣང་སྟེ། ཚེས་ཀྱི་རཱ་ཧུ་ཐུན་ཕྱེད་ལྟར་ཕྱོགས་བཞི་དང་མཚམས་བཞི་ནས་འཆར་རྒྱུའི་ལོག་རྟོག་གིས་བླ་བཙོངས་ཚར་འདུག་གོ །དེས་ན་དབྱངས་འཆར་བའི་ཡར་ངོ་དེ། དཔེར་ན་ནག་ཟླའི་ཚེས་བཅུ་དྲུག་ནས་གནམ་སྟོང་བར་ལ་དཀར་ཕྱོགས་དང་། ས་ག་ཟླ་བའི་ཚེས་གཅིག་ནས་བཅོ་ལྔའི་བར་ལ་དམར་ཕྱོགས་སུ་ངོས་འཛིན་པའི་དཀར་ཕྱོགས་ལ་ཀ་ནས་བརྩམས་པའི་གསལ་བྱེད་ཀྱི་བཅོ་ལྔ་དང་། ནག་ཕྱོགས་ལ་དྷ་ནས་བརྩམས་པའི་བཅོ་ལྔ་འཆར་ལ། སྤང་བྱའི་ཡི་གེ་ང་ཉ་ཎ་ཀྵ་བཞི་ཡོད་པས། གསུམ་ཞེས་དམིགས་སུ་དཀར་བ་རྒྱལ་ཁམས་མ་མཐོང་བའི་ནད་རྟགས་ཕྱིར་ཤར་བ་འདྲ། ལྷ་གཟིགས་གོང་མ་ཆེན་པོས། མིག་ཚུམ་ཚུམ་གྱིས་རྒྱབ་ཀྱི་རི་མི་མཐོང་། །ལྕེ་དིག་དིག་དེས་དགོས་པའི་གཏམ་མི་ཐོན། །ཚུལ་སྦུག་སྦུག་པས་ཡང་དག་དོན་མི་གསལ། །བློ་ཟོམ་ཟོམ་གྱིས་ཤ་སྙིང་བསྲེ་མི་ཐུབ། །གསུང་བ་ལྟར། ལྟ་བའི་ཚེ་ཕྱོགས་རེའི་མིག་ཏུ་སོང་ཞིང་། སྨྲ་བའི་ཚེ་དགོས་པའི་གཏམ་མི་ཐོན་པ་དེ་ཁྱེད་གཅིག་པུའི་སྐྱོན་མིན་པས་བག་ཚ་མི་དགོས་སོ། །དཀར་ཕྱོགས་ཀྱི་ཚེས་གཅིག་ནས་འགོ་བརྩམས་རླུང་ནས་བཟུང་སྟེ་གཡོན་སྐོར་དུ་མེའི་བར་ལ་གསལ་བྱེད་རིམ་གྱིས་འཆར་བས། ཚེས་གཅིག་ལ་ནུབ་ཕྱོགས་སྟོབས་ཆེ་ཞིང་ཤར་ཕྱོགས་སྟོབས་ཆུང་། ཁྱད་པར་དྷརྨའི་མིང་ཅན་ལྟ་བུ་དེ་ཉིན་དམག་གི་ལས་བྱེད་དུ་མི་རུང་བ་དང་ཞིབ་ཏུ་བརྩིས་ན་ཚེས་གཉིས་ལ་ནོར་བུའི་མིང་དང་གསུམ་ལ་དཔལ་གྱི་མིག་(༥༠ན)
སོགས་ལ་ངན་པར་བཤད་པས་དྲི་བ་གསུམ་པ་ལ། གསུམ་པར་མཚོན་ནོ། །

དྲི་བ་གསུམ་པའི་དྲིས་ལན།

― GLG020_Page_0661 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་བ་གསུམ་པའི་དྲིས་ལན།དྲི་བ་གསུམ་པ་ནི། རིགས་ལྡན་དུག་དང་ཀླུ་ཡི་དུག །དགོས་འདོད་སྒྲུབ་པ་སྤང་བྱར་གསུངས་པའི་ཕྱིར། །འཆར་ལུགས་བཞེད་ཚུལ་ཤིན་ཏུ་མང་བས་ན། །དེང་སང་ཉིན་མཚན་མཉམ་པའི་དུས་འདི་ན། །རེས་གཟའ་ཉི་མ་དབང་པའི་དུས་ཉིན་ཚེ། །ཐུན་འཚམས་གང་འཆར་ཡུན་དུ་ཆུ་ཚོད་ཅི། །ཞེས་པ་དབྱངས་འཆར་དུ་ཀླུ་རིགས་ལྡན་ཞེས་གཅིག་ཏུ་བཤད་པས། རིགས་ལྡན་གྱི་དུག་དག་ཀླུའི་དུག་ཅེས་སོ་སོར་འདྲི་བ་ནི། སྔོན་ཡར་རྒྱབ་ཞབས་དྲུང་ཀུན་དགའ་དར་རྒྱས་ཀྱིས་ར་བ་སྟོད་པའི་སློབ་དཔོན་ལ། ཁྱེད་ཚོ་ཚད་མ་བྱེད་དམ་རྣམ་འགྲེལ་བྱེད་ཀྱི་ཡོད། ཅེས་པའི་དྲི་བ་དང་མཚུངས་པའི་ནང་ཟོང་ཕྱིར་བཏོན་ཡིན་འདུག་པས། ལན་བྱེད་ཡུལ་དུ་མི་སྣང་ཡང་། བློ་ལྡན་གཞན་ལ་ཕན་སྲིད་པས། ཉིན་མཚན་མཉམ་པའི་དུས། ཉིན་ཚད་བརྒྱད་ཀྱིས་ཕྱེ་བའི་ནོར་ཆུ་ཚོད་གསུམ་ཆུ་སྲང་ཞེ་ལྔ་འབྱུང་བ་མཁའ་རོས་བསྒྱུར། སྲང་བཅུག །རི་བོས་བསྒྱུར། མཁའ་རོས་ཐོབ་ནོར་ཆུ་ཚོད་ཉེར་དྲུག་ཆུ་སྲང་བཅོ་ལྔ་རྫོགས་ནས། ཉི་མའི་སྤེན་པའི་ལོངས་སྤྱོད་ཆུ་ཚོད་གཅིག་དང་ཆུ་སྲང་ཕྱེད་བཅས་ང་གསུམ་རྫོགས་འཚམས་ནས་རིགས་ལྡན་ཆུ་སྲང་བཅུ་དྲུག་གི་ཡུན་འཆར་བ་སོགས་རེས་གཟའ་གཞན་ལའང་སོ་སོའི་སྒྱུར་བྱེད་དང་བཅས་པས་འབྱུང་བ་ནི་རང་དུས་ལ་འཆར་བ་ཡིན་ཞིང་། དུས་སྦྱོར་ཕྱེད་པ་ལ་ཉིན་དྲུག་སྐོར་དང་མཚན་ལྔ་སྐོར་དུ་བྱས་པའི་བདག་པོའི་གཟའི་སྐབས། བདག་པོའི་གཟའ་ཉི་མ་ཡིན་ཚེ་ཆུ་སྲང་བཅུ་དྲུག་ཡུན་ཚད་སོགས་གཞན་དུས་ལ་འཆར་བ་ཡིན་པས་དེའི་དུས་སུ་འཛེམ་དགོས་ཏེ། རིགས་ལྡན་ཐུན་འཚམས་མི་ཤེས་པར། །ཟས་ཞིམ་ཟོས་ཀྱང་དུག་འགྱུར་ཞིང་། །ནད་པས་སྨན་འཐུངས་དུག་ཏུ་འགྱུར། །སྦྲུལ་སོས་(༥༠བ)
བཏབ་པ་ཁྱུང་གིས་མིན། །དེ་ཕྱིར་རིགས་ལྡན་སྦྱོར་བ་སྤང་། །ཞེས་སོ། །

དྲི་བ་བཞི་པའི་དྲིས་ལན།

― GLG020_Page_0662 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་བ་བཞི་པའི་དྲིས་ལན།དྲི་བ་བཞི་པ་ནི། བཞི་པ་གཙུག་ལག་སྐོར་མགོ་མང་མཆིས་ཀྱང་། །རྒྱ་ནག་ཡུལ་དུ་སྤྱི་དོན་བཅོ་ལྔ་ཞེས། །བོད་དུ་འགྱུར་བར་རྩིས་མགོ་བཅོ་ལྔ་སྟེ། །དང་པོ་གནམ་གྱི་རིམ་པ་བཅུ་གསུམ་སྟེང་། །ཤེལ་གྱི་བྱ་ཁྱུང་དཀར་པོ་དེ་ཡི་སྟེང་། །ས་བདག་རྒྱལ་པོར་རྩིས་མགོ་ལྔ་སྟོན་ཏེ། །ཤེལ་གྱི་བྱ་ཁྱུང་དཀར་པོ་ཞེས་པ་འདི། །ལོ་འགྲོས་གང་གི་སྟེང་ནས་བསྐོར་རྒྱུ་ཡིན། །འདི་ལྟར་རྒྱུད་རྒྱལ་གཙུག་ལག་རྒྱ་མཚོ་ལས། །ཆུ་ཐིགས་ཙམ་གྱི་རིག་པ་འཆང་བ་པོ། །ཁོ་བོ་འཕན་ཡུལ་བསྟན་པའི་མིང་ཅན་གྱིས། །བྲིས་པའི་དུས་འཁོར་རི་མོའི་ལས་ཚུལ་དང་། །གཙུག་ལག་རིག་པ་སྨྲ་བའི་མཁྱེན་ལྡན་རྣམས། །རྒྱ་ལ་ལེགས་བཤད་ལུང་རིགས་མཐུན་པ་ཡིས། །ལན་འདེབས་གསལ་བ་གནས་འདིར་མྱུར་སྩོལ་ཅིག །ཅེས་པ་རྒྱ་ནག་དཔྱད་ལྡིང་བཅུ་མ་སྐོར་མགོ་ལ། གནམ་གྱི་བྱ་ཁྱུང་དཀར་པོའི་སྟེང་ནས་རྗེ་ས་བདག་རྒྱལ་པོའི་རྩིས་བྱེད་པར་འདོད་ན། གོས་སྔོན་གོང་པ་ནས་རལ་ལམ་མ་རལ། རྗེ་རྒྱལ་དབུ་ཐོད་ས་ལ་ལྷུང་ངམ་མ་ལྷུང་། ཕོ་བྲང་གི་གདན་ས་སྟོངས་སམ་མ་སྟོངས། མི་ཁ་མང་གིས་སྟོད་གླེང་བྱས་སམ་མ་བྱས། འབངས་སྟོང་སྡེའི་ཁ་ལག་བྱུང་ངམ་མ་བྱུང་། རྐང་འོག་གི་རྡེའུ་དེ་ཀླད་ལ་ཤོར་རམ་མ་ཤོར། སྟག་གཟིག་གི་གྲ་ཡལ་ལམ་མ་ཡལ། གྲུམ་ཟེའི་གདན་ས་སྟོངས་སམ་མ་སྟོངས། ཞེས་པས་མཚོན་ཏེ། གངས་ཀྱི་སེང་གེ་དཀར་མོའི་སྟེང་ནས་དགེ་བའི་བཤེས་གཉེན་གྱི་རྩིས། གསེར་སྦྲུལ་སེར་པོའི་སྟེང་ནས་གསང་སྔགས་རྡོ་རྗེ་འཛིན་པའི་རྩིས། གཡུ་འབྲུག་སྔོན་མོའི་སྟེང་ནས་གཡུང་དྲུང་བོན་གྱི་རྩིས། གསེར་གྱི་གླང་པོ་ཆེའི་སྟེང་ནས་ཕ་ཚན་གཙོ་བོའི་རྩིས། ལྕགས་སྟག་སྔོན་མོའི་སྟེང་ནས་ཞང་བློན་ངར་མའི་རྩིས། (༥༡ན)

― GLG020_Page_0663 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིན་མོ་དམར་མོའི་སྟེང་ནས་བཟའ་མ་བུད་མེད་ཀྱི་རྩིས། གསེར་གྱི་རྡོ་རྗེ་རྒྱ་གྲམ་གྱི་སྟེང་ནས་བྱིས་པ་ཆུང་ངུའི་རྩིས། མཐིང་གི་ནེ་ཙོའི་སྟེང་ནས་དམན་ཤར་གྱི་རྩིས། རྨེ་བ་དགུ་གླིང་གི་སྟེང་ནས་བྲན་གཡོག་གི་རྩིས། རྟ་མཆོག་ངང་པ་གསེར་ལྡན་གྱི་སྟེང་ནས་འོག་རྟའི་རྩིས། འབྲོང་པོ་རྭ་སྔོན་གྱི་སྟེང་ནས་ཕྱུགས་ལུག་གི་རྩིས། བུམ་པ་དང་འཁོར་ལོ་འབར་བའི་སྟེང་ནས་བཟའ་མི་བྱེ་བྲལ་འོང་མི་འོང་གི་རྩིས། རྨ་བྱ་མཇིང་བསྣོལ་གྱི་སྟེང་ནས་བག་མ་འགྲོ་ལམ་གྱི་རྩིས། ལྷ་ཁང་ཁྱུང་མགོའི་སྟེང་ནས་ཁང་པའི་རྩིས། གླིང་བརྒྱད་གསེར་གྱི་ས་གཞིའི་སྟེང་ནས་སོ་ནམ་ལས་བྱེད་ཀྱི་རྩིས། རིན་པོ་ཆེ་འོད་འབར་གྱི་སྟེང་ནས་དཀོར་ནོར་གྱི་རྩིས། གསེར་གྱི་ཆུ་མིག་གི་སྟེང་ནས་བྱིས་པ་བཙས་ཀླུང་གི་རྩིས། ལྷ་བྱ་དཀར་མོའི་སྟེང་ནས་ཕན་པའི་ལྷ་འགོའི་རྩིས། དུར་བྱ་ནག་མོའི་སྟེང་ནས་འདྲེ་གང་གནོད་ཀྱི་རྩིས། ཤ་བ་དམར་མོའི་སྟེང་ནས་སྐྲ་དང་རྒས་པའི་རྩིས། གསོན་པོ་རྒྱབ་སྙེས་ཀྱི་སྟེང་ནས་ནད་པ་འཚོ་འཆིིའི་རྩིས། མི་རོ་དམར་པོའི་སྟེང་ནས་གཤིན་པོའི་རྩིས། ཤིང་སྡོང་དམར་པོའི་སྟེང་ནས་ཚེ་འདས་རོ་སྲེག་གི་རྩིས། ཐོད་པ་དགུ་བརྩེགས་ཀྱི་སྟེང་ནས་དཀར་དུར་རུས་པའི་རྩིས། ས་བདག་མགོ་གསུམ་གྱི་སྟེང་ནས་གཏོ་དཀར་ནག་ཁྲ་གསུམ་ཀྱི་རྩིས། རྡོ་རྗེ་རྒྱ་གྲམ་གྱི་སྟེང་ནས་སྐྱེས་དར་མའི་སྲོག་གི་རྩིས། གཡུང་དྲུང་འཁྱིལ་བའི་སྟེང་ནས་བཟའ་མ་བུད་མེད་ལ་དབང་ཐང་གི་རྩིས། འཁོར་ལོ་རྩིབས་བརྒྱད་ཀྱི་སྟེང་ནས་བྱིས་པ་ཆུང་ངུའི་ལུས་ཀྱི་རྩིས་པདྨ་འདབ་བརྒྱད་ཀྱི་སྟེང་ནས་ཡ་རབས་གོང་མ་དང་ཡོན་ཏན་ཅན་གྱི་ཀླུངས་རྟའི་རྩིས་རྣམས་དཔྱད་ལྡིང་དཀྱུས་མར་མི་གསལ་ཡང་། མན་ངག་ལུགས་སུ་ཡོད་པའི་ཤེལ་གྱི་བྱ་ཁྱུང་གི་ཁ་ནས་ས་བདག་རྒྱལ་པོའི་རྩིས། དེ་སྤྱིར་བཏང་ལྕགས་བྱ་ནས་སྐོར་མོད། མན་ངག་ལུགས་སུ་ལྕགས་བྱ་(༥༡བ)
སྤྲེ་སྟེང་ནས་བསྐོར་ཞེས་པས། གཞན་རྣམས་ལའང་སྐོར་མགོའི་འཕྲུལ་ཞེས་དགོས་སོ། །དྲི་བའི་དངོས་དོན་ཙམ་ཞིག་བློ་ལྡན་དོན་གཉེར་ཅན་འདྲ་ལ་ཕན་སྙམ་ལན་བྲིས་པ་ལས་མཆོད་བརྗོད་སྦྱར་བྱང་སོགས་ནི་མཁས་པ་ཟུར་མཁར་བས། འདི་ན་གྲོང་པ་རྣམས་ཀྱི་ཚིག །རང་གར་རྐང་པས་བཅད་པ་ལ། །སྙན་ངག་མཁན་དུ་འཛིན་པ་ནི། །ཀྱེ་མ་འཁྲུལ་བའི་མཚང་རེ་ཆེ། །ཞེས་པའི་དོན་དུ་སྣང་བས། སོལ་བ་ནག་པོའི་རང་བཞིན་ལ་དཀར་ནག་གི་རྟོག་དཔྱོད་བྱེད་མ་དགོས་སོ། །

ཡར་ཀླུང་བཀྲ་ཤིས་རྩེའི་པཎྜི་ཏར་རློམས་པ་ཉི་འོག་མཁས་པར་གྲགས་པའི་རྩིས་རིག་ལས་འཕྲོས་པའི་དྲི་བ་འགའ་ཞིག་གི་དྲིས་ལན་གོ་བདེར་བཀོད་པ།

― GLG020_Page_0664 ―

^{[མ་དཔེ་གཟིགས་ན་འདིར་གནོན།]}

[Full Size]

ཡར་ཀླུང་བཀྲ་ཤིས་རྩེའི་པཎྜི་ཏར་རློམས་པ་ཉི་འོག་མཁས་པར་གྲགས་པའི་རྩིས་རིག་ལས་འཕྲོས་པའི་དྲི་བ་འགའ་ཞིག་གི་དྲིས་ལན་གོ་བདེ་བར་བཀོད་པ།ཡར་ལུངས་བཀྲིས་རྩེ་བ་པཎྜི་ཏར་རློམས་པ་ཉི་འོག་མཁས་པར་གྲགས་པའི་དྲི་བ་ཞིག་འདུག་པ་འགོ་འཇུག་ལ་ཚིགས་བཅད་སོགས་ཀྱང་མེད་ཅིང་ཤོག་དྲིལ་ཀྱང་ཧྲུལ་ནས་ཐམས་ཅད་ཀློག་རྒྱུ་མི་འདུག་རུང་། ཕལ་ཆེར་ཚང་འདུག་པ་རྣམས་འདི་ལྟ་སྟེ། ཐུབ་པས་དུས་འཁོར་གསུངས་དུས་སུ། །ལོངས་སྐུའི་ཆ་བྱད་ཅན་ཡིན་ནམ། །སྤྲུལ་སྐུའི་ཆ་བྱད་ཅན་གྱིས་གསུངས། །གླིང་འདིར་རེས་གཟའ་འཕོ་བའི་འཚམས། །ནམ་ལངས་ཡིན་ཞེས་ཕལ་ཆེར་འདོད། །དེ་ཡི་རྒྱུ་མཚན་ཇི་ལྟར་ཡིན། །སྡིག་གཟའ་རྣམས་ཀྱི་རང་འགྲོས་ཀྱིས། །རི་རབ་དག་ལ་འཁོར་མི་འཁོར། །ཉི་ཟླ་གཉིས་ལ་འགྲོས་བཞི་ཡོད་དམ་མེད། །ཉི་ཟླ་གཡས་སུ་འཁོར་བ་ལ། །རླུང་འགྲོས་ཞེས་ནི་འདོད་མི་འདོད། །སྒྲ་གཅན་གཡས་སུ་འཁོར་བ་དང་། །ཉི་ཟླ་གཡོན་དུ་འཁོར་བ་གཉིས། །འཕྲད་འཚམས་ཤར་གྱི་ཕྱོགས་ཡིན་ན། །ཉི་མ་ནུབ་ནས་འཛིན་པ་ཅི། །གཟའ་འཛིན་དུས་སུ་མིག་སྨན་མདོག །མཐོའམ་ཉི་མ་ཟླ་བ་མཐོ། །སྣོད་ཀྱི་འཇིག་རྟེན་འཇིག་པའི་དུས། །ཉི་མའི་དཀྱིལ་འཁོར་བདུན་འཆར་བ། །ཚད་ལྡན་གཞུང་ནས་བཤད་ཨེ་ཡོད། །རྣམ་དག་གྲུབ་མཐའི་རྩིས་ཉིད་ལ། །སྐྱེས་ཁྱིམ་ཟླ་དུས་སྐྱོང་བ་དང་། །དཀར་དྲུག་ཞེ་ལྔ་སྦྱོར་བ་གཉིས། །(༥༢ན)

― GLG020_Page_0665 ―

^{[མ་དཔེ་གཟིགས་ན་འདིར་གནོན།]}

[Full Size]

ངེས་དོན་ཐུགས་རྩེ་ཅི་ལ་གཏོད། །གཏོད་ན་རྒྱུ་མཚན་ཇི་ལྟར་ཡོད། །དེ་མཚུངས་ཉི་ཟླ་བསྲེས་པ་ཡིས། །སྦྱོར་བ་དག་ཏུ་འགྱུར་མོད་ཀྱང་། །ཉི་ཟླ་སྤྱོད་འགྱུར་ལོངས་སྤྱོད་ནི། །མི་མཚུངས་པས་ན་སྦྱོར་བ་ཉིད། །ཡུལ་ལ་སྤྱོད་དམ་དུས་ལ་སྤྱོད། །ལོངས་སྤྱོད་ཉིན་ཞག་གཅིག་དང་མཚུངས་སམ་ཅི། །གཟའ་ལྔ་ཉིན་ཞག་དང་ནི་ཚེས་སྤྱོད་གཉིས། །སྐྱེས་ཁྱིམ་སྦྱོང་ཁྱད་འགལ་ཁྱབ་ཆེ་བ་འདི། །སྐྱེས་སྐར་མི་གཅིག་སྙམ་ན་དགོས་པ་ཅི། །ངེས་དོན་ཕྱག་ལེན་ཐུགས་རྩེ་གང་ལ་གཏོད། །གཟའ་ལྔ་ཉིན་ཞག་མ་ནི་འདེབས་པའི་ཚེ། །རྐང་འཛིན་ཚེས་ཞག་ཉི་བར་ལ་བྱེད་པའི། །ཕྱག་ལེན་མཛད་པ་མང་དུ་འདུག་ལགས་ཀྱང་། །ཉེ་ཚེས་ལོངས་སྤྱོད་མང་ཉུང་མི་མཚུངས་པར། །གྲུབ་རྩིས་ཚེས་ཉི་དག་ལ་བྱེད་པ་ཅི། །ཕྱག་ལེན་གང་གི་སྟེང་ནས་གནང་བར་བཞེད། །གཟའ་རྣམས་ཀུན་གྱི་བགྲོད་གཞི་ཡི། །ཁྱིམ་ནི་བཅུ་གཉིས་ཡོད་པ་ལས། །ཉིན་མཚན་རིང་ཐུང་ཐམས་ཅད་དུ། །ཉིན་དྲུག་མཚན་དྲུག་འཆར་མི་འཆར། །འཆར་ན་སྔ་གསུམ་ཕྱི་གསུམ་གྱི། །འཆར་ལུགས་ཞལ་གྱིས་བཞེས་ཨེ་ཐུབ། །མི་བཞེས་འགལ་བ་ཅི་ཞིག་འབྱུང་། །བཞེས་ན་གཏད་སོ་ཇི་ལྟར་མཆིས། །བཅུ་བཞི་དང་ནི་བཅོ་ལྔ་དང་། །དེ་བཞིན་ཚེས་བརྒྱད་གནམ་སྟོང་ལ། །དུས་བཟང་འོང་བའི་རྒྱུ་མཚན་ཅི། །སྒྲ་གཅན་ལྷོ་བགྲོད་བྱང་བགྲོད་ཡོད་དམ་མེད་ལགས། །གཞན་ཡང་། ཉམས་དགའི་ཁུལ་ཞུ་ནག་རྩིས་དྲི་བ་ཞུ། །སངས་རྒྱས་མ་བྱོན་གོང་ནས་རྩིས་འདི་ནི། །གོ་རིམ་ཡོད་ཅེས་ཁ་ཅིག་སྨྲ་བ་ལ། །ཡོད་མེད་མཁས་པས་གཟིགས་ནས་ཕེབས་སྒོ་མཁྱེན། །ཁྱུང་ནག་སྒང་དྲིལ་སོགས་ནས་གསུངས་པ་ལ། །ཡར་གྱི་ལྔ་ནི་གནམ་གྱི་འཇུ་ཐག་ཡིན། །མར་གྱི་ལྔ་ནི་ས་ཡི་རྟེན་ཕུར་ཡིན། །ཡར་གྱི་བརྒྱད་ནི་གནམ་རྒྱང་ཡིན་ཞེས་དང་། །མར་གྱི་(༥༢བ)

― GLG020_Page_0666 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ནི་ས་རྒྱང་ཡིན་བརྗོད་པའི། །དེ་ན་མ་བུར་ཕྲད་ན་བཟང་བ་དང་། །དགྲ་གཤེད་ཕྲད་ན་ངན་ཞེས་པ། །འབྱུང་བ་འཐབ་ལུགས་ཇི་ལྟར་དགོས་པར་བཞེད། །རྨེ་བ་བརྒྱད་ཅུ་སྐོར་བ་དག་དང་ནི། །དྲུག་ཅུ་སྐོར་བ་གཉིས་སུ་ཡོད་པ་ལས། །འཇམ་དབྱངས་ཉིད་ཀྱི་གང་ནི་གསུངས་པར་བཞེད། །ངེས་དོན་ཕྱག་ལེན་ད་ལྟ་ཇི་ལྟར་སྐྱོང་། །ཞེས་པ་འདི་རྣམས་ལ་དྲི་བ་གནང་ཡོད་མེད་སྣ་ཚོགས་གྲངས་རེ་མང་འདུག་པར། ཚིག་ལྷུག་གི་རྒྱུ་མཚན་ལུང་ཁུངས་སོགས་ཀྱི་སྒོ་ནས་ལན་བྱས་ན་ཧ་ཅང་ཡི་གེ་མངས་པར་འགྱུར་བས། ཚིགས་བཅད་དུ་སྨྲས་ན། རྒྱུད་རྣམས་རྒྱལ་བའི་སྐུའི་བཀོད་པ། །བསྒྱུར་ནས་གསུངས་ཞེས་རྩོད་སྤོང་ཆེད། །སྟོན་འཁོར་གནས་ཀུན་བྱིན་བརླབས་ནས། །གསུངས་པ་ཚད་ཐུབ་ཡོངས་ལ་གྲགས། །རེས་གཟའ་ཉིན་ཞག་ལ་དབང་བར། །ཕལ་ཆེར་འདོད་ཀྱང་ཆོས་ལོངས་དང་། །བསྟུན་པ་ལུང་རིགས་དང་འབྲེལ་མོད། །རྨོངས་འདྲིལ་མཁས་པ་ཟུར་དུ་དབྱུང་། །བུ་ཡི་རླུང་འགྲོས་གདུགས་འཁོར་དཔེར། །མཛད་ན་གཟའ་དགུས་རང་འགྲོས་ཀྱིས། །རི་རབ་དངོས་སུ་མ་བསྐོར་ཀྱང་། །བཅུ་གཉིས་ཁྱིམ་བསྐོར་དོན་གྱིས་འཐོབ། །ཉི་ཟླ་འགྲོས་བཞི་ཡེ་ཤེས་ལེར། །གསུངས་ཀྱང་གཟའ་ལྔའི་མྱུར་བ་ལྟར། །འཁྱོག་འབྱུང་འགྲོས་བཞི་བཤད་པ་དང་། །མཚུངས་མིན་དངོས་སུ་བསྟན་པ་མེད། །ཉི་ཟླ་ནུབ་འགྲོ་རླུང་འགྲོས་ཏེ། །རང་འགྲོས་དཔེར་ན་ཉི་མ་ལ། །བཞི་ཡི་ཆུ་ཚོད་ཉེར་གཅིག་སྲང་། །དབུགས་ལྔ་ཆ་ཤས་ཞེ་གསུམ་བཤད། །གཟའ་འཛིན་དུས་སུ་ཟླ་བ་དག །ཤར་ནས་འཛིན་ཅིང་རྟ་ལྗང་ཅན། །དེ་ལས་གོ་བཟློག་སྒྲིབ་བྱེད་པ། །འཁོར་ལུགས་ཤིག་གི་གནད་དུ་གོ །དུས་འཁོར་གདན་གྱི་རྩེག་ལུགས་ལྟར། །ཟླ་ཉིའི་སྟེང་གི་སྒྲ་གཅན་གྱིས། །སྒྲིབ་པ་(༥༣ན)

― GLG020_Page_0667 ―

^{[མ་དཔེ་གཟིགས་ན་འདིར་གནོན།]}

[Full Size]

དཔེར་ན་དྭངས་ཤེལ་སྟེང་། །ཚོན་གཞན་གྱིས་ནི་མདོག་སྒྱུར་བཞིན། །ཉི་མ་བདུན་གྱིས་སྲེག་པ་སོགས། །མེ་ཆུ་རླུང་གིས་བསྐལ་པ་དག །འཇིག་པའི་ཚུལ་གྱི་རྣམ་གཞག་ཀུན། །ཚད་ལྡན་གཞུང་མང་དག་ལས་བཤད། །སྐྱེས་ཁྱིམ་བཤད་ཚུལ་མི་མཐུན་པ། །རི་རབ་དབུས་ཀྱི་ཚངས་ཐིག་ནས། །གཞལ་བའི་ལྷོ་བགྲོད་འགོ་རྩོམ་དང་། །ས་འདིར་བྱེ་བྲག་དབྱེ་བས་འབྱེད། །སྦྱོར་བའི་ཆུ་ཚོད་རེ་གཉིས་སུ། །བཤད་པས་གང་ཤར་འདས་པ་ཡིན། །ཆུ་ཚོད་མ་ཟད་དུས་དེའི་བར། །སྦྱོར་བའི་ལྷ་ཡིས་བཟང་ངན་བྱེད། །མཁས་པ་སུས་ཀྱང་མ་མཁྱེན་པའི། །ཉིན་ཞག་ཉི་བར་ཞལ་ལུང་ལུགས། །གཟའ་ལྔ་ཉི་ཞག་བྱེད་བཞིན་དུ། །ཉི་དག་ལ་བརྟེན་རྩིང་ཆོས་ཡིན། །བགྲོད་གཉིས་ཚེ་ཡང་ཉིན་མཚན་ལ། །ཁྱིམ་དྲུག་སོ་སོར་འཕྱུག་མེད་འབྱུང་། །ཆུ་ཚོད་སྲང་མདའི་མཐོ་དམའ་སྟེ། །དུས་ཀྱི་སྦྱོར་བས་མངོན་སུམ་མཐོང་། །འདུལ་ལུང་བསྙེན་གནས་ས་སྙིང་མདོར། །དུས་བཅུ་གསུངས་ཤིང་གཟའ་འཛིན་ཚེ། །དྷཱུ་ཏཱིར་རོ་རྐྱང་རླུང་འཇུག་པའི། །ཕྱི་ནང་སྦྱར་བའི་བཤད་པ་འཐོབ། །སྒྲ་གཅན་གདོང་དང་དུས་མེ་གཉིས། །རྒྱུ་ལམ་གཅིག་ཏུ་ངེས་པས་ན། །ཉི་ཟླ་ལྟ་བུར་ལྷོ་བྱང་དུ། །བགྲོད་པའི་གནས་སྐབས་ཅུང་ཟད་མེད། །ཟས་གཙང་སྲས་སྔོན་རྔ་བོང་དུ། །གྱུར་ཚེ་དྲུག་ཁྲིར་དཀའ་ཐུབ་མཐུས། །གཟའ་སྐར་གོ་རིམ་མཛད་ཅེས་པ། །ཉི་མའི་སྙིང་པོའི་མདོ་ལས་གསུངས། །ཡར་ལྔ་ལ་སོགས་རྟོགས་པ་ལ། །བརྩི་བྱའི་ལོ་ཡི་མ་བུ་དང་། །ཁམས་ལྔའི་འགྱུར་ཚུལ་ཤེས་དགོས་པས། །གྲྭ་ཕུག་ལུགས་ཀྱི་རྗེས་འབྲང་རིགས། །ཞེས་ཚིགས་སུ་བཅད་པའི་སྒོ་ནས་ལན་ཉུང་ངུར་བརྗོད་ཟིན་ལ། དེ་ཡང་། ལེགས་བཤད་བྱིས་པ་དག་ལས་ཀྱང་། །མཁས་པ་རྣམས་ཀྱིས་ཡོངས་སུ་ལེན། །དྲི་ཞིམ་འབྱུང་ན་(༥༣བ)
རི་དྭགས་ཀྱི། །ལྟེ་བ་ལས་ཀྱང་གླ་རྩི་ལེན། །ཞེས་པ་ལྟར། དྲི་བ་བྱེད་པོ་ཕྱི་མ་གཉིས་ཀྱི་དྲི་ཚིག་རྣམ་དཔྱོད་དང་ལྡན་པ་ཆེར་མི་འདུག་ཀྱང་། ལ་ལའི་སར་གནད་ཅུང་ཟད་སྣང་བས་ལན་བཏབ་ན་གཞན་ལ་ཕན་པར་འགྱུར་བའི་སྐབས་མཐོང་སྟེ་བྲིས་པ་ཡིན་ཞིང་། མཐར་རྒྱས་དགེ་སློང་གི་དྲི་བ་མང་པོ་ཡོད་ཟེར་བ། ཡི་གེ་མ་མཐོང་བས་ལན་འདེབས་ཚོད་ཀྱང་མ་ཟིན་ལ། བློ་དང་ལྡན་ན་མ་སྨྲས་ཀྱང་། །རྣམ་འགྱུར་ཉིད་ལས་བསམ་པ་གོ །བལ་པོའི་སེའུ་མ་ཟོས་ཀྱང་། །ཁ་དོག་ཉིད་ལས་བྲོ་བ་ཤེས། །ཞེས་པ་ལྟར། ས་བདག་འཕོ་བསྐྱེས་ཀྱི་ལོ་འགོ་དེ་རྩ་ལྟ་བའི་ལོ་འགོ་དང་མཐུན་པར་འཛིན་པ་སོགས་ཀྱིས་གཞན་རྣམས་ཀྱང་རྗེས་སུ་དཔག་ནུས་པས་ལེགས་ཉེས་ཀྱི་རྟོག་དཔྱོད་བྱེད་པའི་ཡུལ་མིན་ནོ། །

དགེ་བསྔོའི་སྨོན་ཚིག་དང་མཇུག་བྱང་།

― GLG020_Page_0668 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བསྔོའི་སྨོན་ཚིག་དང་མཇུག་བྱང་།སྨྲས་པ། རྣམ་ཀུན་མཆོག་ལྡན་འགྱུར་མེད་བདེ་ཆེན་དཔྱིད་ཀྱི་དཔལ་མོའི་མངལ་ཁུར་ལས། །མཚན་དཔེའི་མྱུ་གུ་གཡུར་དུ་ཟ་བའི་འཁྲི་ཤིང་གཞོན་ནུ་ལེགས་ལྡན་པར། །གཅིག་ལས་དུ་མར་སྣང་བའི་སྒྱུ་འཕྲུལ་ཕང་ཕུང་འདབ་མ་རྒྱས་པའི་རྩེར། །དངོས་གྲུབ་བྱེ་བའི་འབྲས་བཟང་རབ་དུད་ཡོངས་འདུ་ས་བརྟོལ་དང་པོའི་མགོན། །ཐུབ་གསུང་སྙིང་པོ་སྣ་ཚོགས་རིན་ཆེན་ཁམས། །ཟླ་བཟང་མཁྱེན་མངས་སོར་མོའི་འདུ་བྱེད་ལས། །ལེགས་བྱས་པདྨ་སྤུངས་པའི་ཕྲ་ཚོམས་ཅན། །གཏན་བདེའི་འོད་དུ་འབར་བ་རྣ་བའི་རྒྱན། །དམར་སྣུམ་རལ་པའི་རྩེ་ན་ཟླ་ཚེས་པའི། །སྲིད་ཞིའི་བྱེད་པོའི་དཔལ་གྱི་མགྲིན་པ་ལས། །ལྐོག་གྱུར་གཟུགས་ཀུན་རི་མོའི་ཨཱ་དཪྴ། །འཆར་བའི་གཡུལ་ལས་རྣམ་རྒྱལ་དབྱངས་དེ་འཇེབས། །མ་རིག་ས་ཀུ་ཙི་ཏྲའི་ཁ་ཆུ་ལ། །(༥༤ན)

― GLG020_Page_0669 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ཉོན་ཐགས་སུ་གྲུབ་པའི་ཁམས་ལྔའི་དར། །བླང་དོར་ཚོན་རིགས་བསྡེབས་པའི་ཟ་འོག་གོས། །འདི་སྣང་ལུས་ལ་རེག་བྱ་འཇམ་པས་བདེ། །སྒྲ་ཚད་བཟོ་གསོའི་རི་མོ་རྣམ་བཀྲ་བའི། །སྨྲ་བའི་སྤོབས་པ་གཟེངས་སུ་མཐོ་བའི་གླུ། །མགྲིན་པའི་འཁོར་ལོའི་དབུས་ནས་བླངས་པའི་དབྱངས། །འགྱུར་ཁུགས་སྙན་པའི་དཔལ་དེ་སྒྲ་འཛིན་དཔྱིད། །ཉེས་བརྒྱའི་ཁུང་བུར་འཁྱིལ་བའི་ཚུལ་འཆོས་ཅན། །དམ་པའི་སྤྲུལ་པར་ཁས་འཆེའི་ལྕེ་གཉིས་སྐྱོང་། །སྨྲ་བཅད་སྟོབས་འབྱོར་བཟང་བརྫུའི་ལྟོ་འགྲོའི་སྲོག །ལེགས་བཤད་མཁའ་ལྡིང་འགྱིང་བའི་སྡེར་མོས་བཅད། །གཙུག་ལག་རྒྱ་མཚོར་མཁྱེན་ཅན་དཀྱུས་རིང་པོར། །འཇུག་པའི་རིག་སྔགས་འཆང་བའི་འཁོར་ལོས་སྒྱུར། །གང་དེས་ལེགས་བཤད་དྲི་ཚིག་ཏམྦུ་ར། །ཉུང་ངུ་རྣམ་གསལ་སོར་མོས་བསྐུལ་འདི་སྙན། །ཐོས་ཉུང་མཚན་མོའི་བློ་ཡིས་པདྨའི་སྦུབས། །རྨོངས་རྟུལ་འདབ་མའི་རྒྱ་ནང་འཐུམས་པའི་དབུས། །སྨྲ་བའི་རྐང་དྲུག་འཕུར་འདོད་གླུ་ལེན་ན། །བསླབ་སྦྱང་གསར་པའི་སྐྱ་རེངས་འཆར་དེ་སྒུགས། །དེ་ལྟའི་མ་རིག་མུན་པ་སྟུག་པོའི་ནང་། །ཅི་བརྟོལ་བསྐྱེད་པའི་ཚིག་འཕྲེང་འདོམ་འཇལ་མཁན། །དྲི་བྱེད་ཡུལ་བཅས་བཅུད་བྲལ་བུམ་པ་ཟུང་། །ཕན་ཚུན་འཇོ་བའི་སྒྱུ་མའི་འཁྲུལ་འཁོར་བཞིན། །འོན་ཀྱང་ཐོས་བསམ་གཤོག་རྩལ་རྫོགས་པའི་རྒོད། །བཅུ་ཕྲག་རིག་གནས་མཁའ་དབྱིངས་མཐའ་འཇལ་ཡང་། །རེས་འགའ་ཅོང་རོང་ཁྲོད་དུ་མཚུན་ཟས་ལ། །(༥༤བ)

― GLG020_Page_0670 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་ལྟར་དོགས་པའི་གནས་ཀུན་བསལ་བར་བྱས། །ཆུ་འཛིན་གསར་པའི་ལང་ལོང་གཡོ་བའི་དབུས། །འབྲུག་སྒྲ་དལ་གྱིས་རྒོད་ཚེ་གཙུག་ཕུད་ཅན། །སྒྲོ་གཤོག་ཟླུམ་པོར་བྱས་ནས་དགའ་བའི་བར། །སྒྱུར་བ་དབྱར་གྱི་རྒྱལ་མོའི་ངང་ཚུལ་ཡིན། །ལོ་པཎ་བརྒྱུད་པའི་ཡང་སྲིད་མཚན་སྙན་ཡང་། །བློ་ལྡན་མདུན་སར་མིག་ཕབ་ངག་བཅད་ནས། །རྔུལ་ཆུའི་མུ་ཏིག་འཕྲེང་བ་འགྲམ་འཆང་བའི། །རྣམ་པར་ཐར་དེ་བདག་འདྲས་ཟིན་མ་གྱུར། །དགུ་མཐའ་ཙམ་གྱི་རི་མོ་མི་ཤེས་པར། །དང་པོའི་སངས་རྒྱས་རྒྱུད་ཀྱི་དགོངས་འགྲེལ་དག །རྩོམ་པར་རློམ་རྣམས་རིགས་ལྡན་རིགས་ཡིན་ན། །མ་ཁའི་ཡུལ་གྱི་སྦྲང་རྩིའི་བློ་གྲོས་སུ། །ཀྱེ་མ་ལུང་རིགས་མ་འབྲེལ་མདོ་སྔགས་འཆད། །ལེགས་སྦྱར་སྡེབ་སྦྱོར་མི་ཤེས་རྡོག་བཅག་སྒྲིག །ཚད་བྲལ་བཟོ་དང་གྲོང་ཚིག་སྙན་ངག་ཏུ། །རློམ་རྣམས་གཞན་འཕྲུལ་གནས་ཀྱི་བྱེད་པོའི་བུ། ཁུངས་བྲལ་རང་བཟོའི་དབང་ཁྲིད་མན་ངག་ལུང་། །ཧ་ལའི་རྐྱལ་པ་ཐོགས་པའི་གསོ་རིག་པ། །གཟའ་སྐར་ལོག་པར་སྟོན་པའི་རྩིས་མཁན་རྣམས། །འདི་ཕྱིའི་བདེ་འཕྲོག་འཕྲོག་པའི་གཤིན་རྗེ་དངོས། །ཡང་ཡང་ཚུལ་དེ་བསམས་ཚེ་འཁྲུལ་མེད་དུ། །མང་མང་བཅུ་ཕྲག་རིག་པའི་དཀའ་གནས་ཀུན། །གསལ་གསལ་རྗེན་པར་སྟོན་པའི་ཡོངས་འཛིན་རྣམས། །དད་དད་སེམས་ཀྱིས་ལག་པད་སྙིང་གར་ཟུམ། ཁོ་བོ་སྔོན་བསགས་ལེགས་བྱས་མི་དམན་པས། །མང་ཐོས་མཁས་མཆོག་དུ་མའི་ཚོགས་དང་མཇལ། །རྒྱ་ཆེན་ཤེས་བྱའི་(༥༥ན)

― GLG020_Page_0671 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ལུགས་མཐའ་ཀླས་པར། །དག་དང་མ་དག་འབྱེད་པའི་སྤོབས་པ་ཐོབ། །དེ་ལྟ་ན་ཡང་མཁས་ལས་བླུན་བྲིན་པའི། །མཐའ་འཁོབ་ཁ་བས་བསྐོར་བའི་བོད་དུ་སྐྱེས། །གཟིག་ལྤགས་གྱོན་པའི་མགྲིན་བཟང་གྲལ་རིང་དེར། །ཉམ་ཆུང་སྔོན་མེད་ཀ་ལ་པིང་ཀ་ཚུད། །འོན་ཏང་ཤར་རིའི་རྩེ་ནས་ཉིན་བྱེད་དབང་། །བགྲང་མེད་ཤར་ཡང་འཛད་མི་ཤེས་པ་ལྟར། །མགྲིན་པའི་ལམ་ནས་ལེགས་བཤད་མི་ཟད་ཀྱང་། །དང་པོའི་ལས་ཅན་དོན་དུ་ཉུང་ངུར་བཀོད། །དགེ་བའི་ལེགས་བྱས་འཕྲུལ་གྱི་ལྡེ་མིག་གིས། །སྡེ་བཞིའི་སྒོ་འཕར་ཕྱེ་བའི་གན་མཛོད་ལས། །ཆོས་སྲིད་འབྱོར་བར་སྤྱོད་པའི་གདུགས་དཀར་པོའི། །བསིལ་བའི་གྲིབ་མར་འགྲོ་ཀུན་ངལ་གསོར་ཤོག །ཅེས་རྩིས་དཀར་ནག་ལས་བརྩམས་པའི་དྲིས་ལན་ཉིན་བྱེད་དབང་པོའི་སྣང་བ་ཞེས་བྱ་བ་འདི་ནི། སློབ་དཔོན་གཞིས་ཀ་ཤར་པ་ཨ་འགུར་དང་། དཔལ་ནོར་བུ་སྤུན་གྱིས་སྔ་ཕྱིར་ནན་གྱིས་བསྐུལ་ཅིང་། གཞན་ཡང་དོན་གཉེར་ཅན་དུ་མས་བསྐུལ་བ་ལ་བརྟེན་ནས། རྡོ་རྗེ་ཐེག་པ་དང་ཐ་སྙད་ཀྱི་ཚུལ་ལ་མཁྱེན་སྤྱན་རྣམ་པར་ཡངས་པ་ཟུར་འུག་བྱ་ལུང་པའི་རིགས་ལས་རྡོ་རྗེ་འཛིན་པ་ཆེན་པོ་དཔལ་འབྱོར་འཕྲིན་ལས་རབ་རྒྱས་ཀྱི་དྲུང་དུ་དཀར་ནག་གི་རྩིས་ཕྲ་རགས་ཐོས་བསམ་གྱིས་གཏན་ལ་ཕབ། གཉགས་ཀྱི་བནྡེ་བླ་མཁྱེན་ངག་དབང་འཇམ་དཔལ་བློ་གྲོས་ལས་རྩིས་དཀར་ནག་དང་དབྱངས་འཆར་གྱི་ལེགས་བཤད་མང་དུ་ཐོས་ལ། སྨོན་མདར་སོགས་མཁས་པ་མང་དུ་བསྟེན་པས་རིག་གནས་དུ་མའི་འཕྲེང་བ་མགྲིན་པར་འཆང་བ་(༥༥བ)

― GLG020_Page_0672 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུག་པོ་ནས་གཞོན་ནུ་སྐལ་བཟང་པདྨ་དཀར་པོའི་ཞལ་ལུང་གི་སྟེང་ནས་རྒྱུ་མཚན་རྩིས་སོགས་ཀྱི་རིག་པ་དུ་མ་མཐའ་ཆོད་པར་མནོས་ཤིང་། རྒྱ་གར་གྱི་ཆུ་བོ་གངྒ་ཚུན་ཆད་དུ་གནས་ལྔ་རིག་པ་སྨྲ་བ་ལ་ཟླ་མེད་པའི་མཁས་པ་ཆེན་པོ་སྨོན་འགྲོ་ནས་རིག་གནས་རྒྱ་མཚོའི་འཕྲེང་བ་འཛིན་པ་ཚེ་དབང་དོན་གྲུབ་པའི་རིགས་ཆོས་ཀྱི་སྲས་ཤེས་བྱ་ཀུན་རིག་འཇམ་དབྱངས་དབང་རྒྱལ་རྡོ་རྗེའི་དྲུང་དུ་དཔལ་གཡུལ་ལས་རྣམ་པར་རྒྱལ་བའི་སྐོར་ཡོངས་སུ་རྫོགས་པ་དང་། རེའུ་མིག་རྒྱ་མཚོ་སོགས་སྐར་རྩིས་ཀྱི་གནད་དུ་མ། ནག་རྩིས་ཀྱི་གཏོ་དཀར་ནག་སོགས་ཐོས་པས། རྩིས་ཀྱི་གཙུག་ལག་ལ་སྤོབས་པ་དགེ་བ། བཅུ་ཕྲག་རིག་པའི་གནས་སྨྲ་བ་ལ་དབྱངས་ཅན་མགྲིན་པར་ཆགས་པའི་བློ་གྲོས་ཀྱི་ལང་ཚོ་དར་ལ་བབ་ཅིང་། གངས་ཅན་གྱི་ལྗོངས་འདིར་བླ་དཔོན་ཟུང་དུ་འཇུག་པ་སྡེ་སྲིད་རིན་པོ་ཆེ་ཕག་མོ་གྲུ་པའི་མདུན་ན་འདོན། ཟ་ཧོར་གྱི་རིགས་ལས་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེ། མིང་གཞན་འཇམ་དབྱངས་གོང་མའི་ལུང་གིས། ཟི་ཐེན། ཏྭ་ཞན། ཅི་ཙེའི་ཕཱེ། ཤཱ་ཝུའི་ཐེན་ཞཱ། ཤི་ཀྱོའུ། ཡི་ཐུང་། བཱི་ཞི། ཏའི་ཆི་ཀྱིང་གང་། དེའི་ཁེའི། ཤང་ཟི། ཙི་ཡིན། ཞེས་སྲིད་ཞིའི་གཙུག་གི་རྒྱན་དུ་དབང་བསྐུར་བ་གང་གིས། འདྲེན་མཆོག་ཟས་གཙང་སྲས་པོ་དྲག་པོ་ཞེས་པ་ལྕགས་སྤྲེལ་སྐུ་བལྟམས་ནས་ལོ་ཉིས་སྟོང་དྲུག་བརྒྱ་བཅོ་ལྔར་སླེབ་པ། འཕགས་པའི་ཡུལ་དུ་མ་ད་ན་ཞེས་པ་ཕྱོགས་འདིར་མྱོས་བྱེད་དུ་འབོད་ཅིང་། རྒྱ་ནག་གི་ཡུལ་གྲུར་ལོ་གསར་ཟིན་པས་བིང་ཤིང་ཞེས་པ་བོད་ཡུལ་དུ་མེ་ཕོ་སྤྲེའུར་གྲགས་པ། རྟ་ལྗང་ཅན་ཆུ་སྲིན་གྱི་ཁྱིམ་དུ་སྤྱོད་པ་རྒྱ་གར་བ་པཽ་ཥྱ། རྒྱ་(༥༦ན)

― GLG020_Page_0673 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་པ་ཤི་དབྲི་ཡོལ་དུ་རྗོད་པའོ། །ཧོར་གྱི་ཟླ་བ་བཅུ་གཉིས་པའི་དུས་འཁོར་བ་ལུགས་ཀྱི་དམར་ཕྱོགས་ཀྱི་གང་བ་དང་པོ། ཡུ་ཎའི་དབྱངས་ཧཱ། གསལ་བྱེད། ྈྐཾྈྐཱཿ ཁམས་སྙིང་སྟོབས་ཀྱི་མུན་པ་འཇུག་པ་ཆུང་ངུའི་སྨིན་པ། དབྱངས་འཆར་བའི་དཀར་ཕྱོགས་ཀྱི་གང་བ་དང་པོ། དབྱངས་ཨཽ། གསལ་བྱེད་ཙ། ཁམས་ནམ་མཁའ། འདོད་ཡོན་སྒྲ་འཆར་བ། རྟ་བདུན་གྱི་དབང་པོ་མེ་བཞིའི་དགའ་མ་དང་རྩེ་བའི་ཏཏྐཱ་ལ་བུམ་པའི་དུས་སྦྱོར་ལ། ལུགས་གཉིས་ཀྱི་མདུན་ས་ཆེན་པོ། དགའ་ལྡན་ཕྱོགས་ཐམས་ཅད་ལས་རྣམ་པར་རྒྱལ་བའི་ཕོ་བྲང་གི་གཟིམས་ཆུང་དགའ་ལྡན་སྣང་གསལ་དུ་སྦྱར་བའི་ཡི་གེ་པ་ནི་འཇམ་དབྱངས་དཔལ་བཟང་གིས་བགྱིས་པ་སིདྡྷི་རསྟུ།། །།ཡེ་དྷརྨཱ་ཧེ་ཏུ་པྲབྷ་ཝཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་ཝ་ད་ཏ། ཏེ་ཥཱཉྩ་ཡོ་ནི་རོ་དྷ་ཨེ་ཝཾ་ཝཱ་དཱི་མཧཱ་ཤྲམ་ཎཿ ཤུ་བྷམ་སྟུ་སརྦྦ་ཛ་ག་ཏཾ།། །