རྒྱལ་དབང་ལྔ་པ་ཆེན་པོའི་གསུང་འབུམ།

རྒྱལ་དབང་ལྔ་པ་ཆེན་པོའི་གསུང་འབུམ།

གླེགས་བམ། ར༽

ངག་དབང་བློ་བཟང་རྒྱ་མཚོ།

Nitartha international

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཐམས་ཅད་མཁྱེན་པ་ལྔ་པ་ཆེན་པོའི་གསུང་འབུམ་པོད་ནང་མ་ང་བའི་དཀར་ཆག

― GLG025_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་མཁྱེན་པ་ལྔ་པ་ཆེན་པོའི་གསུང་འབུམ་པོད་ནང་མ་ང་བའི་དཀར་ཆག་བཞུགས་སོ།

― GLG025_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

གསུང་ནང་མ་པོད་ ༼ང༽ པར་ལེའུ་བདུན་མའི་བརྒྱུད་འདེབས་ལ་ཤོག་གྲངས། ༡ བླ་མ་ཀརྨ་གུ་རུའི་བརྒྱུད་འདེབས་ལ་ཤོག་གྲངས། ༣ བླ་མ་ཀརྨ་གུ་རུའི་གྱེར་སྒོམ་འཕྲིན་ལས་གཟི་འོད་སྟོང་འབར་ལ་ཤོག་གྲངས། ༧ བླ་མ་ཀརྨ་གུ་རུའི་འཕྲིན་ལས་དྲག་པོའི་སྲོག་གཏད་བྱིན་རླབས་སྤྲིན་ཕུང་ལ་ཤོག་གྲངས། ༥ བླ་མ་ཀརྨ་གུ་རུའི་བསྙེན་ཡིག་སྦར་བཅངས་མ་ལ་ཤོག་གྲངས། ༢ ཀརྨ་གུ་རུ་ཡང་གསང་དྲག་པོ་དང་འབྲེལ་བའི་ཟངས་མདོག་དཔལ་རིར་སྐྱེས་པའི་གསོལ་འདེབས་སྨོན་ལམ་གྱི་རིམ་པ་ལ་ཤོག་གྲངས། ༢ བླ་མ་ཀརྨ་གུ་རུའི་གཏོར་ནག་གི་ལས་མཐའ་གནམ་ལྕགས་སྤུ་གྲི་ལ་ཤོག་གྲངས། ༦ མ་དང་མཁའ་འགྲོ་མཉེས་བྱེད་མེ་མཆོད་ཀྱི་ཆོ་ག་རིག་འཛིན་སྲོག་མཐུད་རྩི་སྨན་ལྗོན་པ་ལ་ཤོག་གྲངས། ༨

― GLG025_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་བཟློག་འཁོར་ལོ་འབར་བ་ལ་ཤོག་གྲངས། ༣ རྡོ་རྗེ་དྲག་པོ་རྩལ་གྱི་རྩ་ཚིག་རྡོ་རྗེ་མདུད་འགྲོལ་ལ་ཤོག་གྲངས། ༣ རྫོགས་ཆེན་མཁའ་འགྲོ་སྙིང་ཏིག་གི་ཁྲིད་ཡིག་མཆན་སལ་འབུམ་ཕྲག་སྣང་བཞིའི་འོད་ཟེར་ལ་ཤོག་གྲངས། ༨ གཡུ་ཐོག་སྙིང་ཐིག་གི་ལས་བྱང་དཔག་གསམ་ལྗོན་ཤིང་ལ་ཤོག་གྲངས། ༡༠ ཐུན་ཆོག་དབང་དྲག་རོལ་པའི་དགའ་སྟོན་ལ་ཤོག་གྲངས། ༡༡ ཚེ་དཔག་མེད་དྭངས་མ་བཅུད་འདྲེན་གྱི་སྒོ་ནས་གཟིམ་ཆུང་བརྟན་བཞུགས་ཀྱི་ཆོག་བསྒྲིགས་དང་རྒྱུན་གྱི་རྣལ་འབྱོར་ལ་དགོས་པའི་ལྷན་ཐབས་ལ་ཤོག་གྲངས། ༥ འཆི་མེད་བདུད་རྩི་བུམ་པའི་རྣམ་དག་དབང་གི་ཆུ་རྒྱུན་གྱི་གསལ་བྱེད་བདུད་རྩིའི་ཟླ་སྣང་ལ་ཤོག་གྲངས། ༦ ལྷ་བྲག་གཏེར་བྱོན་ནང་སྒྲུབ་ལྕགས་ཀྱི་སྡོང་པོའི་ལས་བྱང་དབང་ཆོག་དང་

― GLG025_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་གངྒའི་ཆུ་རྒྱུན་ལ་ཤོག་གྲངས། ༧ བྱང་གཏེར་ལྕགས་སྡོང་མའི་དབང་ཆོག་གི་ལྷན་ཐབས་འཆི་མེད་བདུད་རྩིའི་བུམ་བཟང་ལ་ཤོག་གྲངས། ༦ ཁྲ་བྲག་གཏེར་བྱོན་མའི་དྲེགས་འདུལ་བསྙེན་ཐབས་རྡོ་རྗེ་འབར་བའི་གཟི་བྱིན་ལ་ཤོག་གྲངས་ ༣ རྡོ་རྗེ་གཏུམ་པོའི་ལས་བྱང་རྒྱུན་འཁྱེར་མཐོང་བ་རྣམ་གྲོལ་ལ་ཤོག་གྲངས། ༤ རྗེས་གནང་རིགས་གཏད་གྱིན་རླབས་ཀྱི་མཚམས་སྦྱོར་འཕྲིན་ལས་ཆུ་རྒྱུན་ལ་ཤོག་གྲངས། ༩ ལྷ་བྲག་གཏེར་བྱོན་ལས་ཁྱུང་གི་འཕྲིན་ལས་གནམ་ལྕགས་རྡོ་རྗེའི་ཐོག་མདའ་ལ་ཤོག་གྲངས། ༣ སྐད་ཅིག་ཉིད་ལ་བདེ་ཆེན་དུ་བགྲོད་པར་བྱེད་པའི་ཟབ་ལམ་འཕོ་བའི་གདམས་པ་ལ་ཤོག་གྲངས། ༢ ལྕགས་འདྲའི་འཁོར་ལོའི་སྔགས་བྱང་ལ་ཤོག་གྲངས། ༣ བཏགས་གྲོལ་གྱི་དབང་བསྐུར་དང་རབ་གནས་ཀྱི་ཆོག་བསྒྲིགས་མུ་ཐི་ལའི་ཕྲེང་བ་ལ་ཤོག་གྲངས། ༡༡ མཁའ་འགྲོ་བསུན་བཟློག་གི་བཅའ་གཤོམ་ཅི་འདོད་རྩེ་དགའ་གསར་གླུ་བ་ཤོག་གྲངས། ༤ བསུན་བཟློག་ཆོག་བསྒྲིགས་འཆི་བདག་གཡུལ་ལས་རྣམ་རྒྱལ་ལ་ཤོག་གྲངས། ༡༥ ཕྱི་ནམ་མཁའ་འགྲོ་བསུན་མའི་ཞུ་བ་ལ་ཤོག་གྲངས། ༣ ཚོགས་མཆོད་འདོད་རྒུའི་མཆོད་སྦྱིན་ལ་ཤོག་གྲངས། ༤ བསུན་བཟློག་ཟོར་བྱང་ལ་ཤོག་གྲངས། ༣ བརྟན་ཞུགས་ཀྱི་ཆོག་བསྒྲིགས་རབ་བརྟན་རྡོ་རྗེའི་ཕྲེང་བ་ལ་ཤོག་གྲངས། ༡༠ རིག་འཛིན་སྲོག་སྒྲུབ་ཀྱི་ཡང་ཟབ་ཨ་ཏི་ཧྲཱིཿགཅིག་སོགས་རིང་འཚོའི་ཚིགས་བཅད་ཀྱི་རིམ་ལ་ལ་ཤོག་གྲངས། ༡༣ མཆོད་རྟེན་གྱི་སྟོད་སྨད་བར་གསུམ་བསྒྲིགས་པའི་ངག་འདོན་ལ་ཤོག་གྲངས། ༤ རྗེ་བཙུན་སེང་ལྡེང་ནགས་སྒྲོལ་ལ་བརྟེན་པའི་མདོས་ཆོག་མཐོང་བས་དོན་འགྲུབ་ལ་ཤོག་གྲངས། ༡༧ ཚངས་སྲས་བཞད་པའི་རྡོ་རྗེའི་གསུང་འབུམ་ཐོར་བུ་ལས་དཔལ་ལྡན་མདོ་ཁམས་དབང་ཕྱུག་དམག་ཟོར་རྒྱལ་མོ་ལ་བསྟོད་པ་ནོར་བུ་དབང་གི་རྒྱལ་པོའི་དོ་ཤལ་ལ་ཤོག་གྲངས། ༥ དཔལ་ལྡན་དམག་ཟོར་

― GLG025_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་མངའ་གསོལ་བསམ་དོན་ལྷུན་འགྲུབ་མ་ལ་ཤོག་གྲངས། ༤ ལྷ་མོའི་གསང་མདོས་བསྔོ་ཚིག་ལ་ཤོག་གྲངས། ༣ སྒོ་དབྱེ་ཟོར་སྲིན་མོ་ཟ་ལམ་མ་རྣམས་ལ་ཤོག་གྲངས། ༦ འདོད་ཁམས་དབང་ཕྱུག་རེ་མ་ཏཱི་དགྱེས་པ་བསྐྱེད་པར་བྱེད་པའི་མདོས་ཀྱི་འཕྲིན་ལས་གྱེར་སྒོམ་རྡོ་རྗེའི་སྒྲ་དབྱངས་ལ་ཤོག་གྲངས། ༡༣ གཏེར་སྲུང་དཔལ་མགོན་སྟག་ཞོན་གྱི་གསོལ་མཆོད་བཀླགས་ཆོག་འཁྱེར་བདེ་ལ་ཤོག་གྲངས། ༥ གཙང་རོང་གཏེར་གསར་བླ་མ་ཞི་དྲག་གཉིས་ཀྱི་གཏེར་སྲུང་མཆོད་པའི་འཕྲིན་ལས་ལ་ཤོག་གྲངས། ༢ སྤྲུལ་པའི་ཆོས་རྒྱལ་ཆེན་པོའི་མདོས་ཀྱི་གྱེར་གཞུང་བསམ་དོན་ལྷུན་འགྲུབ་ལ་ཤོག་གྲངས། ༣ བྱེས་ཆས་ཀེ་ཏུའི་ལས་བྱང་སྔགས་བསྒྲིགས་དགྲ་སྲོག་གཅོད་པའི་སྤུ་གྲི་ལ་ཤོག་གྲངས། ༦ གནོད་སྦྱིན་ཡབ་སྐྱ་བདུན་གྱི་མདོས་ཆོག་དབང་དྲག་སྒྲུབ་པའི་དགའ་སྟོན་ལ་ཤོག་གྲངས། ༥ དཔལ་ལྡན་ཡང་གྷ་བཟའི་མདོས་ཀྱི་འཕྲིན་ལས་ཡིད་བཞིན་གཏེར་མཛོད་ལ་ཤོག་གྲངས། ༡༩ བོད་སྐྱོང་བརྟན་མ་བཅུ་གཉིས་ཀྱི་མདོས་ཀྱི་འཕྲིན་ལས་དཔྱིད་ཀྱི་རྒྱལ་མོའི་གླུ་དབྱངས་ལ་ཤོག་གྲངས། ༢༨ དྲང་སྲོང་ཁྱབ་འཇུག་ར་ཧུ་ལའི་ལས་བྱང་དུག་མདའ་ནག་པོ་ལ་ཤོག་གྲངས། ༥ ཁྱག་འཇུག་རྟེན་མདོས་ཀྱི་འཕྲིན་ལས་དྲང་སྲོང་ཀུན་ཏུ་དགའ་བའི་ཟློས་གར་ལ་ཤོག་གྲངས། ༨ དྲང་སྲོང་ལོག་ཏྲི་པཱ་ལའི་ལས་བྱང་ཆོག་བསྒྲིགས་གནམ་ལྕགས་རྡོ་རྗེ་དྲག་འབེབས་ལ་ཤོག་གྲངས། ༡༧ དྲང་སྲོང་ལོག་ཏྲི་པཱ་ལའི་སྲུང་བཟློག་ཐུན་མོང་བ་ཉམས་སུ་ལེན་ཚུལ་བཙན་མཁར་རུང་མའི་འཕྲུལ་སྒྱོགས་ལ་ཤོག་གྲངས། ༡༣ སྔགས་རྒོད་ལོག་ཏྲིའི་ཧོམ་གྱི་ལག་ལེན་ཉི་མའི་སྙིང་པོ་ལ་ཤོག་གྲངས། ༢ ལོག་ཏྲིའི་གཏང་རག་ལ་ཤོག་གྲངས། ༡ སྔགས་རྒོད་ལོག་ཏྲི་པཱ་ལའི་བཟློག་པ་དང་བསད་པའི་ལས་སྦྱོར་གྱི་གསལ་བྱེད་ཡི་གེ་གླང་སྨྱོན་སྣ་རྩེར་བཀོད་པའི་མཚོན་འཁོར་ལ་

― GLG025_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་གྲངས། ༡༣ གཉན་ཆེན་ཐང་ལྷའི་འཕྲིན་ལས་བདུད་རྩིའི་ཆུ་རྒྱུན་ལ་ཤོག་གྲངས། ༥ སྟག་ཞོན་། རྒྱལ་ཆེན་སྡེ་བཞི། བཀའ་སྲུང་བརྒྱད་མཆོག བཀའ་སྲུང་བརྒྱད་མཆོད། ཐང་ལྷ། ཁྱག་འཇུག རྒྱལ་བཙན། རྡོར་ལེགས། ཞིང་སྐྱོང་། མཐུ་ཆེན་སྡེ་བཞི། ཕུར་སྲུང་རྣམས་ཀྱི་གསོལ་མཆོད། གཞི་བདག་གཏོར་མ་དང་བཅས་པ་ལ་ཤོག་གྲངས། ༢༡ ནད་བདག་སྟོབས་འཇོམས་ཀྱི་ཆོག་བསྒྲིགས་མི་མཐུན་སྨག་ཏུམ་སེལ་བའི་བརྒྱ་ཕྲག་ཉི་དངོས་ལ་ཤོག་གྲངས། ༡༥ ཁྱོན་བསྡོམས། ༤༡༠ བཞུགས་སོ།

ལེའུ་བདུན་བརྒྱུད་འདེབས།

― GLG025_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

ལེའུ་བདུན་བརྒྱུད་འདེབས་བཞུགས་སོ། །བདེ་ཆེན་ཆོས་སྐུའི་ངོ་བོ་འོད་དཔག་མེད། །ལོངས་སྤྱོད་རྫོགས་སྐུའི་རྣམ་རོལ་པད་དཀར་ཅན། །གྲངས་མེད་སྤྲུལ་པའི་ཟློས་གར་པདྨ་འབྱུང་། །ནམ་མཁའི་སྙིང་པོ་འཚོ་རྒྱལ་ཁྲི་སྲོང་ལྡེ། །རྡོ་རྗེ་བདུད་འཇོམས་མུ་ཁྲི་བཙན་པོ་ལ། །གསོལ་བ་འདེབས་སོ་ཐུགས་རྗེ་ཅན་གྱིས་གཟིགས། །ཚུལ་འདིའི་སྒོ་འབྱེད་གཏེར་སྟོན་བཟང་པོ་གྲགས། །བཀའ་བབས་དངོས་གྲུབ་རྒྱལ་མཚན་རྡོ་རྗེ་དཔལ། །བྱམས་པ་བཤེས་གཉེན་བུདྡྷ་ཤྲཱིའི་ཞབས། །མེས་སྟོན་ནམ་མཁའི་མཚན་ཅན་ཤཱཀྱ་བཟང་། །བདུད་སྡེ་དཔུང་བཅོམས་རྡོ་རྗེ་འཛིན་པ་ལ། །གསོལ་བ་འདེབས་སོ་ཐུགས་རྗེ་ཅན་གྱིས་གཟིགས། །སྔ་འགྱུར་སྲོག་ཤིང་ཆེ་མཆོག་འདུས་པ་རྩལ། །རྡོ་རྗེ་བདུད་འཇོམས་སྤྲུལ་པའི་ཟློས་གར་མཁན། །ཐེག་མཆོག་ཆོས་ཀྱི་རྒྱལ་པོ་རིག་སྔགས་འཆང་། །ཀུན་བཟང་སྒྱུ་འཕྲུལ་དྲ་བའི་རོལ་གར་ཅན། །འཁོན་སྟོན་དཔལ་འབྱོར་ལྷུན་གྲུབ་འཁོར་ལོའི་མགོན། །གསོལ་བ་འདེབས་སོ་ཐུགས་རྗེ་ཅན་གྱིས་གཟིགས། །རུ་ལག་གྲུམ་པ་རྒྱང་དང་ཡོན་པོ་ལུང་། །གཏིང་ཟབ་སྒྲོམ་བུ་མི་མངོན་ཕྱག་རྒྱ་ཡིས། །རྒྱས་བཅིངས་གསང་བ་ཟབ་མོའི་གཏེར་གྱི་ཆོས། །དཔལ་ལྡན་ལྷ་མོ་དགེ་བསྙེན་ནོར་བུ་བཟང་། །གཏེར་གནས་སྲུང་མར་བཅས་པའི་ཚོགས་རྣམས་ལ། །གསོལ་བ་༴ མཆོག་ཐུན་དངོས་གྲུབ་མ་ལུས་འབྱུང་བའི་གནས། །ཚིག་དོན་ཡང་ཟབ་གསོལ་འདེབས་ཚངས་པའི་དབྱངས། །ཤེས་ལྡན་གཡེལ་བ་མེད་པར་ཉམས་ལེན་ན། །ཐུགས་རྗེ་ནུས་པའི་མཐུ་དཔུང་བསྐྱེད་དུ་གསོལ། །ལེའུ་བདུན་བརྒྱུད་འདེབས་ཁྱེར་བདེར་ཤིང་སྤྲེལ་ལོ་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་ངག་དབང་དགེ་ལེགས་སོ།། །།སརྦ་མངྒ་ལཾ།།

བླ་མ་ཀརྨ་གུ་རུའི་བརྒྱུད་འདེབས།

― GLG025_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཀརྨ་གུ་རུའི་བརྒྱུད་འདེབས་བཞུགས་སོ། །

― GLG025_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུལ་བྱུང་བདེ་ཆེན་ཀློང་དུ་གཡོ་མེད་ལས། །ནག་ཕྱོགས་བདུད་སྡེ་འཇོམས་ཕྱིར་ཁྲོས་པའི་གར། །སྟོན་མཛད་བཅོམ་ལྡན་ཀརྨ་ཧེ་རུ་ཀར། །གསོལ་བ་འདེབས་སོ་འགལ་རྐྱེན་བར་གཅོད་སོལ། །ལོག་པར་འཁུ་བའི་འབྱུང་པོའི་རྒྱལ་མཚན་ཀུན། །ཅིག་ཅར་སྙོལ་བའི་འཕྲིན་ལས་ལྷའི་འཁོར་ལོའི། །དྲག་སྔགས་གྲུབ་པའི་མཐུ་ལྡན་པྲ་ཧ་སྟི། །གསོལ་བ་འདེབས་སོ་འགལ་རྐྱེན་བར་གཅོད་སོལ། །དུས་གསུམ་རྒྱལ་བ་ཀུན་གྱི་གསང་བ་གསུམ། །བགྲང་ཡས་སྤྲུལ་པའི་གར་གྱིས་རྣམ་རོལ་པ། །ཚེ་དབང་རིགས་འཛིན་པདྨ་ཀ་ར་ལ། །གསོལ་བ་འདེབས་སོ་འགལ་རྐྱེན་བར་གཅོད་སོལ། །ལྗོངས་འདིར་ཐེག་མཆོག་བཀའ་མི་བསྡུ་བ་པོར། །བདེ་བའི་དཔལ་སྟེར་ཡེ་ཤེས་མཁའ་འགྲོ་མ། །མི་ཡི་སྲིད་པའི་ཟོལ་བརྟེན་འཚོ་རྒྱལ་ལ། །གསོལ་བ་འདེབས་སོ་འགལ་རྐྱེན་བར་གཅོད་སོལ། །འཇམ་དཔལ་རྡོ་རྗེའི་ཐུགས་རྗེའི་རྣམ་རོལ་ལས། །བོད་ཡུལ་རྒྱལ་པོའི་ཚུལ་གྱིས་རྒྱལ་བའི་བསྟན། །རྒྱས་མཛད་ཚངས་པ་ལྷ་ཡི་མེ་ཏོག་ལ། །གསོལ་བ་(༢ན)

― GLG025_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས་སོ་འགལ་རྐྱེན་བར་གཅོད་སོལ། །གང་གི་སྐྱེ་སྤྲུལ་ཟློས་གར་གྲངས་མེད་ལས། །མ་རུངས་ལོག་འདྲེན་ཀུན་འདུལ་ཟབ་མོའི་གཏེར། །ལུང་བསྟན་དུས་བཞིན་སྒོ་འབྱེད་དབང་པོའི་སྡེར། །གསོལ་བ་འདེབས་སོ་འགལ་རྐྱེན་བར་གཅོད་སོལ། །མཐའ་ཀླས་ངེས་གསང་རྒྱ་མཚོའི་ཚོགས་སྤྱི་དང་། །ཁྱད་པར་ཚུལ་འདིའི་བཀའ་བབས་དཔྲལ་བའི་ངོས། །སྐྱེ་བའི་རྟགས་ཀྱིས་ངོ་མཚར་རིགས་འཛིན་ཆེར། །གསོལ་བ་འདེབས་སོ་འགལ་རྐྱེན་བར་གཅོད་སོལ། །མི་བཟད་གསང་བ་དྲག་པོའི་གཞལ་མེད་དུ། །ཟབ་མོའི་ཆོས་ཀྱི་བཀའ་བབས་རིག་སྔགས་འཆང་། །མཐུ་སྟོབས་རྒྱ་མཚོའི་དཔལ་གྱུར་རྡོ་རྗེ་འཛིན། །གསོལ་བ་འདེབས་སོ་འགལ་རྐྱེན་བར་གཅོད་སོལ། །མཐའ་ཡས་ཐེག་པ་མཆོག་གི་ཆོས་ཚུལ་ཀུན། །རྗེན་པར་སྟོན་མཛད་དཔལ་ལྡན་ཀུན་ཏུ་བཟང་། །བཤེས་གཉེན་གཟུགས་ཅན་རྩ་བའི་བླ་མ་ལ། །གསོལ་བ་འདེབས་སོ་འགལ་རྐྱེན་བར་གཅོད་སོལ། །གཡས་རུ་གཙང་རོང་ཁམ་བུ་ལུང་ཞེས་པར། །མི་ཕྱེད་སྲ་བའི་རྒྱས་(༢བ)

― GLG025_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡམས་གསང་བའི་གཏེར། །གནས་ཆོས་བཀའ་ཡི་སྲུང་མར་བཅས་པ་ལ། །གསོལ་བ་འདེབས་སོ་འགལ་རྐྱེན་བར་གཅོད་སོལ། །རྫས་སྔགས་ཏིང་འཛིན་བཅས་པའི་རྟེན་འབྱུང་གིས། །འཕྲིན་ལས་དྲག་པོའི་སྲོག་གཏད་ཡོངས་ཐོབ་པས། །སྲུང་བཟློག་བསད་པའི་ལས་ཀུན་སྒྲུབ་པ་ལ། །ནམ་ཡང་ཐོགས་པ་མེད་པའི་མཐུ་ལྡན་ཤོག །འཇའ་ཚོན་ལྟར་བཀྲ་སྣང་སྟོང་ལྷ་ཡི་སྐུ། །མ་འདྲེས་གསལ་བར་འཆར་བའི་ང་རྒྱལ་གྱིས། །ཐ་མལ་ཞེན་བཟློག་འཕུང་བྱེད་འདྲེ་སྲིན་ཀུན། །ལྟ་བར་བཟོད་དཀའི་ནུས་མཐུ་ཐོབ་པར་ཤོག །མི་འཇིགས་རྡོ་རྗེའི་ལྟེ་བར་སྔགས་འཕྲེང་གི །འཁོར་ལོ་དུས་ཀྱི་མེ་ལྕེ་ལྟ་བུའི་འོད། །བརྗོད་བྲལ་ང་རོ་དྲག་པོས་བདུད་དཔུང་ཚོགས། །ཐལ་བར་བརླག་པའི་རིག་སྔགས་འགྲུབ་པར་ཤོག །སྣང་ཞིང་སྲིད་པའི་ཆོས་ཀུན་སེམས་ཀྱི་ཀློང་། །རང་སར་གྲོལ་བའི་ལྷུན་གྲུབ་ཀུན་ཏུ་བཟང་། །གདོད་ནས་འཁྲུལ་མ་མྱོང་བའི་གནས་ལུགས་ཀྱིས། །རང་སེམས་སངས་རྒྱས་རྗེན་པར་མཐོང་བར་ཤོག །མདོར་ན་རྩ་གསུམ་ལྷ་ཡི་འཁོར་ལོ་ཡི། །དུས་ལས་གཡེལ་བ་མེད་པའི་ཐུགས་རྗེའི་མཐུས། །དགྲ་བགེགས་ལོག་འདྲེན་སྡེ་ལས་རྣམ་རྒྱལ་ཞིང་། །ཀ་དག་ཡེ་གྲོལ་ཀུན་བཟང་འགྲུབ་གྱུར་ཅིག །ཅེས་མི་ཉག་བྱང་པ་གཏེར་སྟོན་ཆོས་རྒྱལ་དབང་པོའི་སྡེས་རོང་ཁམ་བུ་ལུང་ནས་བཞེས་པའི་ཟབ་གཏེར་བླ་མ་ཀརྨ་གུ་རུའི་བརྒྱུད་འདེབས་འདིའང་བྲག་སྣ་ཆོས་རྗེ་ཨོ་རྒྱན་བློ་བཟང་བསྟན་འཛིན་གྱིས་བསྐུལ་བའི་ངོར། ཟ་ཧོར་གྱི་བཙུན་པ་ངག་དབང་བློ་བཟང་རྒྱ་མཚོ། མིང་གཞན་(༣ན)

― GLG025_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

ཟིལ་གནོན་དྲག་རྩལ་རྡོ་རྗེས་ཤིང་སྤྲེལ་ཟླ་བའི་ཚེས་བཅུ་ལ་འོལ་དགའ་རྩེར་སྦྱར་བའོ། །བདུད་སྡེ་དཔུང་འཇོམས་ཀརྨ་ཧེ་རུ་ཀ །འཕྲིན་ལས་གྲུབ་པ་པྲ་ཆེན་ཧསྟིའི་ཞབས། །དུས་གསུམ་རྒྱལ་བའི་སྤྱི་གཟུགས་ཐོད་འཕྲེང་རྩལ། །གསོལ་བ་འདེབས་སོ་བདུད་བཞི་མཐར་བྱེད་ཤོག །ཟབ་གཏེར་བཀའ་ཡི་བསྡུ་པོ་མཁར་ཆེན་བཟའ། །འཇམ་དཔལ་རྡོ་རྗེ་ཁྲི་སྲོང་ལྡེའུ་བཙན་དང་། །སྐྱེ་བའི་ཡང་སྲིད་བཀྲ་ཤིས་སྟོབས་རྒྱལ་ལ། །གསོལ་བ་འདེབས་སོ་༴ ལུང་ཟིན་རིགས་འཛིན་ཆེན་པོ་ངག་གི་དབང་། །བཀའ་བབས་ཁྱབ་བདག་ཆོས་དབྱིངས་རང་གྲོལ་རྗེ། །ཟླ་མེད་དྲིན་ཅན་རྩ་བའི་བླ་མ་ལ། །གསོལ་བ་འདེབས་སོ་༴ གཙང་རོང་ཁམ་བུ་ལུང་ཞེས་གཡས་རུའི་ཆར། །རྒྱས་བཏབ་འཕྲིན་ལས་དྲག་པོ་གསང་བའི་གཏེར། །གནས་ཆོས་བཀའ་སྐྱོང་སྲུང་མའི་ཚོགས་བཅས་ལ། །གསོལ་བ་འདེབས་སོ་བདུད་བཞི་མཐར་བྱེད་ཤོག །སྲོག་གཏད་དབང་གིས་རང་རྒྱུད་ཡོངས་སུ་སྨིན། །གང་སྣང་ལྷ་སྐུར་ཤར་བས་བསྐྱེད་རིམ་གསལ། །ཆོས་ཀུན་རིག་ངོར་འཕྲོད་པས་རང་སར་གྲོལ། །འཕྱུགས་མེད་ཚུལ་བཞིན་ཉམས་སུ་ལོངས་པར་ཤར། ནང་དུ་རང་རྒྱུད་དུག་ལྔ་བདུད་བཞིའི་དཔུང་། །ཀ་དག་དབྱིངས་སུ་ཡེ་ཤེས་ལྔར་དག་པས། །ཕྱི་རོལ་འཁྲུལ་ངོར་ཤར་བའི་དགྲ་བགེགས་རྣམས། །ཚར་གཅོད་རྟེན་འབྲེལ་ལྷུན་གྱིས་གྲུབ་པར་ཤོག །སྣོད་བཅུད་ཐམས་ཅད་རྟེན་དང་བརྟེན་པར་ཤོག །གྲགས་པ་ཐམས་ཅད་གྲག་སྟོང་སྔགས་ཀྱི་སྒྲ། །(༣བ)

― GLG025_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་སེམས་བརྗོད་བྲལ་ཆོས་སྐུའི་རང་རྩལ་དུ། །ལེགས་ཤར་དོན་གཉིས་འགྲུབ་པའི་བཀྲ་ཤིས་ཤོག །ཅེས་པ་འདིའང་སྔར་བརྒྱུད་འདེབས་ཤིག་བརྩམས་དེ་མང་སྐྱོན་ནས་ཕན་བདེ་ལེགས་བཤད་གླིང་པའི་ཆོག་གྲྭ་བ་རྣམས་ཀྱིས་འཁྱེར་བདེ་བའི་སླད་དུ་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དགེ་སློང་འཇམ་དབྱངས་གྲགས་པའོ།། །།སརྦ་མངྒ་ལཾ།

བླ་མ་ཀརྨ་གུ་རུའི་གྱེར་སྒོམ་འཕྲིན་ལས་གཟི་འོད་སྟོང་འབར།

― GLG025_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཀརྨ་གུ་རུའི་གྱེར་སྒོམ་འཕྲིན་ལས་གཟི་འོད་སྟོང་འབར་བཞུགས་སོ། །

― GLG025_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མཿཀརྨ་གུ་ར་ཝ། རྔ་ཡབ་གླིང་དབུས་ལངྐའི་ཕོ་བྲང་ན། །འབོད་གྲོགས་རྒྱལ་པོའི་རྣམ་པར་འཕྲུལ་པོ་ཆེ། འཕྲིན་ལས་རིགས་འཛིན་ཀརྨ་གུ་རུའི་གཟིས། །བདུད་བཞིའི་སྨག་རུམ་སྲིད་ཞིའི་ཕ་མཐར་སྐྲོད། །ཁྲི་སྲོང་ལྡེ་བཙན་ཟབ་གཏེར་བསྟན་པའི་སྒོ། །འབྱེད་ལ་སྐུ་གསུང་ཐུགས་སྤྲུལ་རིམ་བྱོན་ལྟར། །ཡོན་ཏན་སྒྱུ་འཕྲུལ་བཀྲ་ཤིས་སྟོབས་ཀྱི་རྒྱལ། །མཁའ་འགྲོ་འཕྲིན་ལས་ཡོངས་གྲུབ་རྩལ་དེ་བསྔགས། །ཆོས་བདག་བཀའ་བབས་ལུང་ཟན་དཔྲལ་རྨེ་ཅན། །མི་ཉག་བྱང་པ་རིགས་འཛིན་ངག་གི་དབང་། །རྒྱལ་ཀུན་ངོ་བོ་ཟུར་ཆེན་ཐམས་ཅད་མཁྱེན། །ཞབས་རྡུལ་བྱང་ཆུབ་བར་དུ་གཙུག་ན་བསྟེན། །ཨཽ་ཌི་ཡ་ནའི་སློབ་དཔོན་རྡོ་རྗེ་འཆང་། །རིགས་ལྔའི་རྣམ་པར་འབྱམས་སུ་ཀླས་པ་ལས། །བྱ་གྲུབ་ཡེ་ཤེས་རང་མདངས་དོན་གྲུབ་ཏུ། །ཡོངས་ཤར་འབྱུང་པོའི་དོན་སྙིང་འབིགས་པའི་མདའ། །དེ་ཕྱིར་ཀརྨ་མ་ཧཱ་གུ་རུ་ཡི། །གྱེར་སྒོམ་འཕྲིན་ལས་གཟི་འོད་སྟོང་འབར་བ། །ཚིག་གི་སྲད་བུར་ལེགས་བརྒྱུས་མར་གད་འཕྲེང་། །སྔགས་འཆང་ཡོངས་ཀྱིས་མགུལ་བའི་རྒྱན་དུ་ལོང་། །སྐྱབས་སེམས་ཚོགས་(༢ན)

― GLG025_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་མཚམས་གཅོད་དང་། །བྱིན་དབབ་མཆོད་རླབས་སྔོན་འགྲོའི་འཁྲིགས། །དང་པོ་སྐྱབས་འགྲོ་སེམས་བསྐྱེད་ནི། །སྙིགས་དུས་ཉོན་མོངས་དུག་ལྔ་དྲག །ཕུང་བྱེད་འདྲེ་སྲིན་འབྱུང་པོ་ལངས། །དེ་ཕྱིར་བར་གཅོད་རྐྱེན་རྣམ་མང་། །བར་གཅོད་རྐྱེན་ལས་སྐྱོབ་པའི་ཕྱིར། །བདུད་འདུལ་པདྨར་བདག་སྐྱབས་མཆི། །མཐའ་ཡི་དགྲ་བཞི་མང་བ་དང་། ཁྱད་པར་རང་རྒྱུད་ཉོན་མོངས་བདུད། །ནང་དུ་འཁྲུགས་པའི་ཕྱི་རོལ་བདུད། །རླུང་ལྟར་ལངས་ཚེ་བསྒྲུབ་པར་བགྱི། །ཞེས་ལན་གསུམ་བརྗོད། གཉིས་པ་བསོད་ནམས་ཚོགས་གསོག་པ། ཧཱུཾ། ཀརྨ་དྲག་རྩལ་ལྷ་ཚོགས་གཤེགས། །ཉི་ཟླ་པདྨའི་གདན་ལ་བཞུགས། །ལུས་ངག་ཡིད་གསུམ་གུས་ཕྱག་འཚལ། །ཕྱི་ནང་གསང་བའི་མཆོད་པ་འབུལ། །ཉམས་ཆགས་སྡིག་སྒྲིབ་ཐམས་ཅད་བཤགས། །གསང་སྔགས་བསྒྲུབ་ལ་རྗེས་ཡི་རང་། །སྨིན་གྲོལ་གསང་སྔགས་ཆོས་འཁོར་སྐོར། །མྱ་ངན་མི་འདར་གསོལ་བ་འདེབས། །སྙིང་པོ་སེམས་ཅན་དོན་དུ་བསྔོ། །ཡང་དག་རྡོ་རྗེའི་དོན་རྟོགས་ཤོག །གསུམ་པ་མཚམས་(༢བ)

― GLG025_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

གཅོད་རིམ་པ་ནི། ཧཱུཾ། རང་ཉིད་ཀརྨ་གུ་རུར་གསལ་བ་ཡི། །ཐུགས་ལས་ཁྲོ་མཚོན་མེ་དཔུང་རབ་ཏུ་འཕྲོས། །གནོད་བྱེད་བདུད་དཔུང་མ་ལུས་རྡུལ་དུ་རློག །ལྷག་མ་ཕྱིར་བསྐྲད་མེ་མཚོན་ཁྲོ་བོས་གཏམས། །རྩ་སྔགས་ཤམ་བུ་ཅན་གྱི་མཇུག་ཏུ། ཨཱོཾ་བཛྲ་ཀྲོ་དྷ་ཙཀྲ་ཛྭ་ལ་རཾ་རཀྵ་རཀྵ་ཧཱུཾ་ཕཊ། བཞི་པ་བྱིན་ཆེན་དབབ་པ་ནི། ཧཱུཾ། ཨ་ལ་ལ་ཧོ་བྷ་ག་ཝ་ན་མ་ཧཱ་ཀ་རུ་ཎི་ཀ་ས་མ་ཡ་ཧོཿ ས་མ་ཡ་སྟྭཾ། ཧཱུཾ། རྔ་ཡབ་གླིང་ཕྲན་སྲིན་པོའི་ཡུལ། །ཟངས་མདོག་དཔལ་རིའི་གཞལ་ཡས་ནས། །ཀརྨ་མ་ཧཱ་གུ་རུ་རྩལ། །ལྷ་ཚོགས་འཁོར་དང་བཅས་རྣམས་ཀྱིས། །རྣལ་འབྱོར་རྟེན་དང་སྒྲུབ་རྫས་ལ། །སྐུ་གསུང་ཐུགས་ཀྱི་བྱིན་ཆེན་ཕོབ། །དབང་ཆེན་བསྐུར་ལ་བྱིན་གྱིས་རློབས། །གཟི་མདངས་བཀྲག་ཕྱུང་བདུད་རྩིར་སྤེལ། །བདུད་དང་ལོག་འདྲེན་ཚར་གཅོད་པའི། །མཐུ་སྟོབས་ནུས་པའི་དངོས་གྲུབ་སྩོལ། །རྩ་སྔགས་མཇུག་ཏུ་ས་མ་ཡ་ཨ་བེ་ཤ་ཡ་ཨ་ཨཱཿ ལྔ་པ་མཆོད་གཏོར་བརླབ་པ་ནི། ཐུགས་ཀའི་ཧཱུཾ་ལས་རཾ་ཡཾ་ཁཾ་འཕྲོས་པས། མཆོད་པའི་ཚོགས་ཀྱི་ཉེས་སྐྱོན་བསྲེགས་གཏོར་བཀྲུས། །ཨཱོཾ་ཨཱཿཧཱུཾ་གིས་བདུད་རྩིར་བྱིན་གྱིས་བརླབས། །ཟེགས་མར་འདོད་ཡོན་ལྷ་མོ་དཔག་མེད་སྤྲོས། །ཨཱོཾ་ཨཱཿཧཱུཾ་བཛྲ་དྷཱུ་པེ་ཧཱུཾ། བཛྲ་པུཥྤེ་ཧཱུཾ། བཛྲ་ཨཱ་ལོ་ཀེ་ཧཱུཾ། བཛྲ་གྷནྡྷེ་ཧཱུཾ། བཛྲ་ནཻ་ཝི་དྱེ་ཧཱུཾ། བཛྲ་ཤཔྟ་ཧཱུཾ། བཛྲ་སརྦ་པཱུ་ཛ་མེགྷ་ཧཱུཾ། ཨཱོཾ་ཨཱཿཧཱུཾ་སརྦ་པཉྩ་ཨ་མྲྀ་ཏ་ཧཱུཾ་ཧྲཱིཿཋ། །ཨཱོཾ་ཨཱཿཧཱུཾ་མཧཱ་བ་ལིཾ་ཏ་ཏེ་ཛྭ་བ་ལིཾ་ཏ་བ་ལ་བ་ཏེ་གུ་ཧྱ་ས་མ་ཡ་སྭཱ་ཧཱ། ཨཱོཾ་ཨཱཿཧཱུཾ་མཧཱ་རཀྟ་ས་མནྟ་མཎྜལ་ཧཱུཾ་ཕཊ། རྟེན་བསྐྱེད་སྤྱན་འདྲེན་བཞུགས་གསོལ་ཕྱག །མཆོད་བསྟོད་འཛབ་(༣ན)

― GLG025_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

བཟླ་དངོས་གཞིའི་ཁྲིགས། །དང་པོ་རྟེན་དང་བརྟེན་པ་ནི། །རང་གི་རིག་པ་ཧཱུཾ་དུ་བསམ། །རྒྱུ་ལས་སྐྱེས་པའི་སྔགས་བརྗོད་པས། །དྲག་པོའི་གཞལ་ཡས་ལྷུན་གྱིས་གྲུབ། །གནམ་ལྕགས་འབར་བའི་གཞལ་ཡས་ནང་། །གདན་དུ་སྣ་ཚོགས་རྡོ་རྗེ་དང་། །ཆུ་སྐྱེས་སྟེང་དུ་ཉོན་མོངས་བདུད། །དཀར་སེར་དམར་ནག་བཞི་བསྣོལ་སྟེང་། །སྟང་སྟབས་ཁྲོས་པའི་ཚུལ་དུ་ནི། །ཧཱུཾ་ལས་ཀརྨ་དྲག་པོའི་སྐུ། །ལྗང་ནག་དུ་བའི་མདོག་ལྟ་བུ། །ཕྱག་གཡས་སྣ་ཚོགས་རྡོ་རྗེ་འཕྱར། །ཕྱག་གཡོན་སེང་ལྡེང་ཕུར་བུ་བསྒྲིལ། །མཐིང་ནག་བེར་དང་ཆོས་གོས་བསྣམས། །སྣ་ཚོགས་རྡོ་རྗེའི་འཕྲེང་བ་དང་། །བདུད་ཀྱི་མགོ་འཕྲེང་དོ་ཤལ་འཆང་། །སྟང་སྟབས་ཁྲོས་པ་དྲག་པོའི་སྐུ། །དམ་ཚིག་སེམས་དཔའ་ཉིད་དུ་གསལ། །གཉིས་པ་ཡེ་ཤེས་སྤྱན་དྲང་པ། །ཧཱུཾ་ཧཱུཾ་ཧཱུཾ། ལངྐ་པུ་ར་སྲིན་པོའི་ཡུལ། །གཏུམ་དྲག་རྔམས་པའི་དུར་ཁྲོད་ནས། །སྲིན་པོའི་རྒྱལ་པོ་ཡལ་གམ་ཅན། །གུ་རུ་ཀརྨ་དྲག་པོ་རྩལ། །ལོག་འདྲེན་མ་རུངས་བསྒྲལ་སླད་དུ། །གནས་འདིར་མྱུར་བ་ཉིད་དུ་སྤྱོན། །མཧཱ་གུ་རུ་ཀརྨ་དྲག་པོ་རྩལ་བཛྲ་ས་མ་ཡ་ཛཿཛཿ ཛཿཧཱུཾ་བཾ་ཧོཿ གསུམ་པ་སྟན་ལ་བཞུགས་གསོལ་བ། འོག་གཞི་སྣ་ཚོགས་རྡོ་རྗེའི་སྟེང་། །པདྨའི་གདན་ལ་ཉོན་མོངས་བདུད། །དཀར་སེར་དམར་ནག་བཞི་བསྣོལ་སྟེང་། །སྟང་སྟབས་ཁྲོས་པའི་ཚུལ་དུ་བཞུགས། །མཧཱ་གུ་རུ་ཀརྨ་དྲག་པོ་རྩལ་བཛྲ་ས་མ་ཡ་ཏིཥྛ་ལྷན། བཞི་པ་གུས་པས་ཕྱག་འཚལ་བ། (༣བ)

― GLG025_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཆེན་ཐུགས་ཀྱི་སྤྲུལ་པ་མ་ཧཱ་གུ་རུ། །དྲག་པོའི་འཕྲིན་ལས་མཆོག་ལ་མངའ་བརྙེས་པའི། །མ་རུངས་དུས་མཐའི་དམག་དཔུང་འཇོམས་པའི་ལྷ། །ཁྲོ་རྒྱལ་འཕྲིན་ལས་རྫོགས་ལ་གུས་ཕྱག་འཚལ། །མ་ཧཱ་གུ་རུ་ཨ་ཏི་པུ་ཧོཿ པྲ་ཏིཙྪ་ཧོཿ ལྔ་པ་མཆོད་གཏོར་འབུལ་བ་ནི། སྒོ་ལྔའི་ལོངས་སྤྱོད་ཕྱི་ཡི་མཆོད་པ་དང་། །དུག་ལྔ་རྣམ་དག་རང་བྱུང་དག་པའི་རྫས། །བདེ་ཆེན་ཡོངས་གྲོལ་གསང་བའི་མཆོད་པ་རྣམས། །བདུད་འདུལ་པདྨའི་སྐུ་ལ་མཆོད་པར་འབུལ། །དགྱེས་པ་ཆེན་པོ་བསྐྱེད་ཕྱིར་བཞེས་སུ་གསོལ། །ཀརྨ་མཧཱ་གུ་རུ་མཾ་ས་རཀྟ་ཀེཾ་ནྲྀ་ཏི་ཨ་མྲྀ་ཏ་བ་ལིཾ་ཏ་མཧཱ་སརྦ་པཱུ་ཛ་ཁཱ་ཧི། དྲུག་པ་བསྟོད་པ་བྱ་བ་ནི། དུས་གསུམ་རྒྱལ་བའི་ཐུགས་རྗེ་འདུས་པའི་དཔལ། །མ་རུངས་འདུལ་མཛད་ཀརྨ་དྲག་པོ་རྩལ། །འགྲོ་བ་སྙིགས་མའི་སྡུག་བསྔལ་སྐྱོབ་པའི་ལྷ། །དྲག་པོའི་འཕྲིན་ལས་མཛད་ལ་ཕྱག་འཚལ་བསྟོད། །བདུན་པ་འཛབ་ཀྱི་རིམ་པ་ནི། ཐུགས་ཀར་མཐིང་ནག་རྡོ་རྗེའི་དབུས། །ཧཱུཾ་ཡིག་མཐའ་རུ་སྔགས་ཀྱིས་བསྐོར། །གནམ་ལྕགས་འབར་བའི་ཁང་སྒྲོམ་དབུས། །གསལ་བར་བསྒོམས་ལ་དྲག་སྔགས་བཟླས། །ཨཱོཾ་ཨཱཿཧཱུཾ་ཀརྨ་མཧཱ་གུ་རུ་ཀརྨ་སིདྡྷི་ཧཱུཾ། རྩ་སྒྲུབ་ལས། རྩ་བའི་སྙིང་པོ་འབུམ་ཕྲག་གསུམ། །བཟླས་པས་བདུད་བཞིའི་བར་ཆད་སེལ། །ཞེས་པ་ལྟར་བསྙེན་པ་བྱ། བརླབ་དྲངས་ཐོག་པར་ཐ་མ་ལྷག །མཐོ་སྐྱོང་བྲོ་གཏང་བསྡུ་སྨོན་ཤིས། །དང་པོ་ཚོགས་མཆོད་བྱིན་རླབས་ནི། ཚོགས་མཆོག་ལྗགས་སྒྲིགས་ལས། སྒྲུབ་པའི་ལས་རིམ་ཁ་སྐོང་ཕྱིར། །འདོད་ཡོན་ཚོགས་(༤ན)

― GLG025_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཡོ་བྱད་རྣམས། །ཞིང་ལྤགས་དངོས་སམ་གཅན་གཟན་གྱི། །གཡང་གཞིའི་གདན་ལ་ལེགས་བཤམས་ཏེ། །ཨ་ལས་ཐོད་པའི་ནང་དུ་ནི། །འདོད་ཡོན་དཔག་མེད་ལེགས་བཤམས་ལ། །འབྱུང་བའི་ས་བོན་གསུམ་གྱིས་སྦྱངས། །ཞེས་པ་ལྟར། རཾ་ཡཾ་ཁཾ། འབྲུ་གསུམ་སྔགས་ཀྱིས་བྱིན་གྱིས་བརླབས། །ཨཱོཾ་ཨཱཿཧཱུཾ་ཧྲཱིཿ ཡིས་འདོད་ཡོན་སྣ་ཚོགས་སྤེལ། །གཉིས་པ་ཚོགས་ལ་སྤྱན་དྲང་བ། དུས་གསུམ་རྒྱལ་བ་ཞི་ཁྲོའི་ཚོགས། །མཁའ་འགྲོ་དཔའ་བོ་དམ་ཚིག་ཅན། །ཆོས་སྐྱོང་སྲུང་མ་གཏེར་བདག་རྣམས། །མ་ལུས་ཡུད་ཀྱིས་གནས་འདིར་སྤྱོན། །ལངྐ་པུ་ར་སྲིན་པོའི་ཡུལ། །ཟངས་མདོག་དཔལ་རིའི་གནས་མཆོག་ནས། །སྲིན་པོའི་རྒྱལ་པོ་ཡལ་གམ་ཅན། །འདོད་ཡོན་ཚོགས་ལ་སྤྱན་འདྲེན་གཤེགས། །དག་པའི་ཞིང་ཁམས་སོ་སོ་ནས། །སྤྲུལ་སྐུས་འགྲོ་བའི་དོན་མཛད་པའི། །རིགས་འཛིན་བླ་མའི་ཚོགས་བཅས་རྣམས། །ཐུགས་རྗེས་དགོངས་ལ་གནས་འདིར་གཤེགས། །ཆོས་དབྱིངས་དག་པའི་ཞིང་མཆོག་ནས། །མཁའ་འགྲོ་འཕྲིན་ལས་ཡོངས་གྲུབ་རྩལ། །ཆོས་བདག་བུ་མཆོག་ཉེར་གཅིག་རྣམས། །ཚོགས་ལ་སྤྱན་འདྲེན་གཤེགས་སུ་གསོལ། །ཀརྨ་མཧཱ་གུ་རུ་དེ་ཝ་ཌཱ་ཀི་ནི་སརྦ་ཀིངྒ་ར་ས་མ་ཡ་ཛཿཛཿ གསུམ་པ་ཐོག་མར་མཆོད་པ་ནི། ཧཱུཾ། ཐུགས་རྗེ་འཕྲིན་ལས་གཅིག་བསྡུས་མཧཱ་གུ་རུ། །ལོངས་སྤྱོད་རྫོགས་སྐུ་ཁྲག་འཐུང་ཞི་ཁྲོའི་ལྷ། །དཔའ་བོ་ཌཱ་ཀི་ཆོས་སྲུང་གཏེར་བདག་དང་། །རིགས་འཛིན་(༤བ)

― GLG025_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་པ་རྣམས་ལ་མཆོད་པ་འབུལ། །མཆོག་ཐུན་དངོས་གྲུབ་བུ་མཆོག་བདག་ལ་སྩོལ། །ག་ཎ་ཙཀྲ་པཱུ་ཛ་ཁཱ་ཧི། བཞི་པ་བར་དུ་ཉམས་ཆགས་བཤགས། ཉོན་མོངས་དུག་ལྔའི་རྟོག་པའི་དབང་གྱུར་ཏེ། །ཚོར་དང་མ་ཚོར་མ་རིག་མུན་པས་བསྒྲིབས། །རྩ་བ་ཡན་ལག་དམ་ཚིག་ཉམས་ཆགས་ཀུན། །འདོད་ཡོན་ཚོགས་ཀྱི་མཆོད་པས་མཐོལ་ཞིང་བཤགས། །ཁྲག་འཐུང་ལྷ་ཚོགས་རྣམས་ཀྱིས་བཟོད་པར་བཞེས། །ཀརྨ་མཧཱ་གུ་རུ་སརྦ་ས་མ་ཡ་ཧཱུཾ། ལྔ་པ་ཐ་མར་བསྒྲལ་ཞིང་སྟོབ། །ཧཱུཾ་ནྲྀ་ཏྲི་ཛཿཛཿ མཆོག་གསུམ་སྐུ་གསུམ་བྱིན་རླབས་བདེན་པ་དང་། །དབང་ཕྱུག་འཇིག་རྟེན་དྲེགས་པའི་ནུས་མཐུ་ཡིས། །ཏིང་འཛིན་སྔགས་དང་ཕྱག་རྒྱར་ལྡན་བྱས་པས། །དཀོན་མཆོག་སྤྱི་དགྲ་རིགས་འཛིན་སྐུ་དགྲ་དང་། །སྐྱེ་འགྲོར་འཚེ་བྱེད་ཞིང་བཅུ་རུ་དྲ་དང་། །བོད་ཁམས་ཕུང་བྱེད་མཐའ་དམག་གདུག་པའི་ཚོགས། །གནོད་བྱེད་དགྲ་བགེགས་འབྱུང་པོ་དམ་སྲིའི་རིགས། །བསྒྲལ་བྱར་འོས་པའི་བླ་སྲོག་འདིར་ཁུག་ཅིག །བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུཾ། བཛྲ་སྥོ་ཊ་བཾ། བཛྲ་གཎྜེ་ཧོཿ པྲ་བེ་ཤ་ཡ་ཕཊ། ཨ་བེ་ཤ་ཡ་ཨཱཿ ཕུང་བྱེད་དགྲ་བགེགས་ཀྱི་སྙིང་སྲོག་ལ་རཾ་རཾ་ཐུལ་ཐུལ། ཏྲིག་རྦད་ཏྲིག་རྦད། ཧ་ལ་པྲ་ཏི་ཏྲི་ག་ནན་རྦད། ཕུར་པ་བཏབ་ཅིང་མཚོན་ཆས་བསྒྲལ་ལོ། །མ་ལ་ཡ་ཡི་རི་བོ་དང་། །སྲིན་ཡུལ་གནས་ནས་གུ་རུའི་ཚོགས། །སྤྱན་དྲངས་ཞལ་དུ་གསོལ་བར་བསམ། །ཧཱུཾ། དཔལ་ཆེན་འཁོར་བཅས་ཞལ་ཕྱེ་ཞིག །(༥ན)

― GLG025_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་ནི་ཧོཾ་ཁུང་གདངས་པ་འདྲ། །ཚེམས་ནི་ཧོཾ་ཤིང་བཙུགས་པ་འདྲ། །ལྗགས་ནི་ཧོཾ་གཟར་བརྐྱང་པ་འདྲ། །དགྲ་བགེགས་བསྒྲལ་བའི་ཕུང་པོ་འདི། །དཔལ་ཆེན་འཁོར་བཅས་ཞལ་དུ་སྟོབ། །རྡུལ་ཕྲན་ཙམ་ཡང་མེད་པར་རོལ། །ཨཱོཾ་ཨཱཿཧཱུཾ་ཀརྨ་མཧཱ་གུ་རུ་ཀརྨ་སིདྡྷི་ཧཱུཾ། དགྲ་བགེགས་ཀྱི་ཤ་ཁྲག་རུས་པ་ལ་ཁ་རཾ་ཁཱ་ཧི། དྲུག་པ་མར་གནས་ལྷག་མ་བཏང་། ཧཱུཾ། དང་པོ་ཕུད་ཀྱིས་མི་མཆོད་དུ། །ཀརྨ་གུ་རུའི་ལྷ་ཚོགས་གཉན། །བར་དུ་ལྷག་མས་མི་མཆོད་དུ། །མ་དང་མཁའ་འགྲོ་ལྷག་ལ་དགྱེས། །ཐ་མ་གཅིག་ཏུ་མི་བསྲེ་རུ། །ཆོས་ཉིད་ཡེ་ནས་རྒྱུ་འབྲས་གཅིག །དཔལ་གྱི་བཀའ་ཉན་ལྷག་སྡུད་རྣམས། །འདིར་སྤྱོན་ཤ་ཁྲག་མཆོད་གཏོར་བཞེས། །སྔོན་གྱི་དམ་ཚིག་མ་གཡེལ་བར། །བཅོལ་བའི་འཕྲིན་ལས་སྒྲུབ་པར་མཛོད། །ཨཱོཾ་མཧཱ་ཤྲཱི་ཧེ་རུ་ཀ་ས་མ་ཡ་དེ་ཝི་ཀྲོདྷ་སརྦ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཨཱོཾ་ཨཱཿཧཱུཾ་ཨུཙྪི་ཏ་བཛྲ་ཨ་དྷི་ཥྛ་ས་མུ་ཀྲ་མ་ས་མ་ཡ་ཧཱུཾ་ཕཊ། ཧཱུཾ་ཧཱུཾ་ཧཱུཾ། ཧྲཱིཿཧྲཱིཿཧྲཱིཿ བྷྱོ་བྷྱོ་བྷྱོ། ཨཱ་རཱ་རི་ཛཿ བདུན་པ་སྔོན་གྱི་ཆད་མཐོ་བསྒྲག །སྔོན་ཚེ་འདས་དུས་བསྐལ་པ་དང་པོ་ལ། །འོག་མིན་ཆོས་དབྱིངས་གནས་མཆོག་དམ་པ་རུ། །བཅོམ་ལྡན་དཔལ་ཆེན་ཧེ་རུ་ཀ་དཔལ་གྱིས། །སྣང་སྲིད་མ་མོ་དམ་ལ་བཏགས་པའི་ཚེ། །སོ་སོའི་གཟུགས་བསྟན་དམ་ཚིག་ཁས་བླངས་བཞིན། །མཆོད་གཏོར་འདི་བཞེས་བཅོལ་བའི་འཕྲིན་ལས་མཛོད། །བསྐལ་བ་བར་མ་རྒྱ་གར་གནས་ཆེན་དུ། །གྲུབ་པའི་རིགས་འཛིན་ཆེན་པོ་བརྒྱད་རྣམས་ཀྱིས། །ཞི་ཁྲོ་རང་རང་དཀྱིལ་འཁོར་ཞལ་(༥བ)

― GLG025_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱེ་ནས། །བཀའ་སྐྱོང་ཕོ་རྒྱུད་མོ་རྒྱུད་དམ་བཏགས་ཚེ། །སོ་སོའི་གཟུགས་བསྟན་༴ མཆོད་གཏོར་འདི་བཞེས་༴ བསྐལ་བ་ཐ་མ་ཆོས་འཁོར་བསམ་ཡས་སུ། །པདྨ་འབྱུང་གནས་རྗེ་འབངས་གྲོགས་དགུ་ཡིས། །ཞི་དང་ཁྲོ་བོའི་དཀྱིལ་འཁོར་ཞལ་ཕྱེ་ནས། །སྣང་སྲིད་དྲེགས་པ་སྡེ་བརྒྱད་དམ་བཏགས་ཚེ། །སོ་སོའི་གཟུགས་བསྟན་༴ མཆོད་གཏོར་འདི་བཞེས་༴ ལྔ་བརྒྱ་ཐ་མ་ཟངས་མདོག་དཔལ་རི་རུ། །གཏེར་སྟོན་རིགས་འཛིན་མཁའ་འགྲོ་ཡོངས་གྲུབ་ཀྱིས། །འཕྲིན་ལས་དྲག་པོའི་དཀྱིལ་འཁོར་ཞལ་ཕྱེ་ནས། །དམ་ཅན་རྒྱ་མཚོ་དམ་ལ་བཏགས་པའི་ཚེ། །སོ་སོའི་གཟུགས་བསྟན་༴ མཆོད་གཏོར་འདི་བཞེས་༴ ཧཱུཾ། མ་ཉེས་དཔང་དུ་དཀོན་མཆོག་བཞུགས། །དགྲ་བགེགས་མ་གཏོགས་སྐུ་གཟུར་ཞིག །ཁྲག་འཐུང་དྲག་པོའི་དམག་དཔུང་བཀྱེ། །དགྲ་བོའི་སྟེང་དུ་གཏོར་ཟོར་རྒྱོབ། །མཐའ་ཡི་དམག་དཔུང་ཐམས་ཅད་མཱ་ར་ཡ་སོད། རྩ་བའི་སྔགས་དང་ལས་ཀྱི་སྔགས་མང་དུ་བཟླ་ཞིང་གནོད་ཕྱོགས་སུ་འཕང་། བརྒྱད་པ་བོད་སྐྱོང་བསྟན་མ་བརྔན་ཞེས་པ་སྤྱི་ལྟར་བྱེད། དགུ་པ་དམ་སྲིའི་སྟེང་དུ་བྲོ། བདུད་འདུལ་ཀརྨ་དྲག་པོའི་བྲོ། །དམ་སྲིའི་སྙིང་ལ་ཆེམས་སེ་ཆེམ། ཁྲོ་བོ་ཁྲོ་མོ་རོལ་པའི་བྲོ། །དགྲ་བགེགས་སྙིང་ལ་ཆེམས་སེ་ཆེམ། ཁྲོ་བོ་རྣམས་ཀྱིས་བྲོ་བརྡུངས་ལ། ཁྲོ་མོ་རྣམས་ཀྱིས་རྒྱས་འདེབས་སོ། །ཤར་དུ་ཞི་བའི་བྲོ་བརྡུངས་པས། །ནད་གདོན་བར་ཆད་ཞི་བར་ཤོག །ལྷོ་རུ་རྒྱས་པའི་བྲོ་བརྡུངས་པས། །ཚེ་དང་བསོད་ནམས་རྒྱས་པར་ཤོག །(༦ན)

― GLG025_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

ནུབ་ཏུ་དབང་གི་བྲོ་བརྡུངས་པས། །ལྷ་འདྲེེ་མི་གསུམ་དབང་སྡུད་ཤོག །བྱང་དུ་དྲག་པོའི་བྲོ་བརྡུངས་པས། །དགྲ་བགེགས་དམ་སྲི་ཞི་བར་ཤོག །སྔགས་མཇུག་ཏུ། ཤནྟིཾ། པུཥྚིཾ། པ་ཤཾ །མཱ་ར་ཡ་ཕཊ། དགུ་པ་བཤགས་ཤིང་བཏང་རག་གཏོང་། ཡིག་བརྒྱའི་མཇུག་ཏུ། ལྷ་མཆོག་ཀརྨ་དྲག་པོ་གཤེགས། །ཕྱི་ནང་གསང་བའི་ཚོགས་མཆོད་འབུལ། །ཉམས་ཆགས་འགལ་འཁྲུལ་མཐོལ་ལོ་བཤགས། །སྐུ་གསུང་ཐུགས་ཡོན་འཕྲིན་ལས་བསྟོད། །མཆོག་དང་ཐུན་མོང་དངོས་གྲུབ་སྩོལ། །མཧཱ་པཉྩ། མཧཱ་རཀྟ། མཧཱ་བ་ལིཾ་ཏ་ཁཱ་ཧི། ཧཱུཾ། དཔལ་ཆེན་ཐུགས་ཀྱི་སྤྲུལ་པ་འཕྲིན་ལས་བདག །ལོག་འདྲེན་གདུག་པ་ཀུན་འདུལ་མཧཱ་གུ་རུ། །བདུད་སྡེ་འདུལ་མཛད་ཀརྨ་དྲག་པོའི་སྐུ། །བྱིན་རླབས་མཐུ་སྟོབས་ནུས་པའི་རྩལ་ལྡན་པ། །མ་རུངས་ལོག་འདྲེན་འདུལ་ལ་ཕྱག་འཚལ་བསྟོད། །བཅུ་པ་དཀྱིལ་འཁོར་ཉེར་བསྡུ་བ། གནམ་ལྕགས་ཁང་སྒྲོམ་གདན་བཅས་སྐུ་ལ་ཐིམ། །སྐུ་ཡང་རྡོ་རྗེ་དེ་ཉིད་སྔགས་འཁོར་དང་། །སྔགས་འཕྲེང་ཧཱུཾ་ལ་དེ་ཡང་ཞབས་ཀྱུ་ནས། །ནཱ་དའི་བར་བསྡུས་ཀ་ནས་དབྱིངས་སུ་དག །བཅུ་གཅིག་སྨོན་ལམ་ལེགས་གདབ་པ། །དགེ་འདིའི་མཐུ་ཡིས་སྡེ་བརྒྱད་ཟིལ་གནོན་ཅིང་། །བདུད་བཞིའི་གཡུལ་ལས་རྣམ་པར་རབ་རྒྱལ་ནས། །རང་རིག་དོན་གྱི་ཀརྨ་དྲག་པོ་རྩལ། །མངོན་སུམ་རང་ཞལ་ཚེ་འདིར་འགྲུབ་གྱུར་ཅིག །བཅུ་གཉིས་ཤིས་པ་བརྗོད་པ་ནི། བླ་མ་ཡི་དམ་མཁའ་འགྲོ་ཆོས་སྐྱོང་ཀུན། །སྐྱབས་གནས་མ་ལུས་(༦བ)

― GLG025_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་པའི་བདག་ཉིད་ཅན། །བླ་མ་རིགས་འཛིན་ཀརྨ་གུ་རུ་ཡིས། །ཕྱོགས་དུས་ཀུན་ཏུ་ཁྱབ་པའི་བཀྲ་ཤིས་ཤོག །ཅེས་སོགས་ཤིས་བརྗོད་ཀྱི་རིམ་པ་ཅི་རིགས་བྱའོ། །གདུལ་དཀའི་འགྲོ་ལ་ཚངས་པ་ལྷའི་མེ་ཏོག །སླར་བྱོན་བྱང་པ་རིགས་ལྡན་ཆོས་རྒྱལ་ཆེ། །སྔགས་འཆང་ཡོངས་ཀྱི་འཁོར་སྒྱུར་དབང་པོའི་སྡེས། །བཀའ་གཏེར་བསྟན་པའི་རྒྱལ་མཚན་སྲིད་རྩེར་བསྒྲེངས། །སྙིགས་དུས་འབྱུང་པོའི་གཉེན་པོར་ཆེར་ཁྲོས་པ། །ཀརྨ་གུ་རུའི་གཏུམ་དྲག་ཚ་བའི་དཔལ། །དུས་ཀྱི་མེ་དཔུང་ཁེངས་པ་ཐུང་ངུ་རུ། །བྱེད་པའི་ངད་དེ་སྡེ་བརྒྱད་སུ་ཡིས་བཟོད། །སྣ་ཚོགས་རྡོ་རྗེའི་ཕྱག་མཚན་ཉེར་གདེངས་པས། །ལས་བཞི་ཐོགས་མེད་བསྒྲུབ་ལ་དཀར་ཕྱོགས་རྣམས། །འཛུམ་དང་ཆབས་ཅིག་ཕུར་བུས་བདུད་བཞིའི་སྙིང་། །ཕུག་པར་ནག་པོའི་དཔུང་རྣམས་གདོང་པ་དམད། །གང་གི་རྣམ་འཕྲུལ་སྲིད་མེ་ཆུ་སྤུངས་ནས། །བསྐལ་པའི་མེ་ལྕེ་ཚངས་རིས་ཡུལ་ས་ཆེ། །བརྒལ་བས་ཉེས་བརྒྱ་གཞིལ་དང་ཅིག་ཅར་དུ། །བཀྲ་ཤིས་མི་ནོར་ཡོངས་འཕེལ་དེ་རྨད་བྱུང་། །དེ་ཕྱིར་འཕྲིན་ལས་གང་དཀྲུགས་འཐོར་པ་རྣམས། །བརྒྱུད་ལྡན་དམ་པའི་དགོངས་དོན་འཁྲུལ་མེད་དུ། །རབ་བསྡེབས་དགེ་བས་དུས་གསུམ་རྒྱལ་ཀུན་གྱི། །བདག་ཉིད་རྔ་ཡབ་གླིང་པས་རྗེས་འཛིན་ཤོག །ཅེས་བླ་མ་ཀརྨ་གུ་རུའི་གྱེར་སྒོམ་འཕྲིན་ལས་གཟི་འོད་སྟོང་འབར་ཞེས་པ་འདི་ནི་དཀོན་མཆོག་འབྱུང་གནས་ཐོག་ཆེན་མདའ་ལྟར་འཕེན་པ་སོགས་ལང་འགྲོའི་སྔགས་འཆང་རིམ་པར་བྱོན་པའི་གདུང་ལས་རྟ་(༧ན)

― GLG025_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་སྒྲོལ་མ་ཕུག་ནས་ཆེན་མོས་གསུང་གིས་བསྐུལ་ཞིང་ཆོས་རྒྱལ་གཏེར་བདག་གླིང་པས་ཀྱང་ལེགས་སོའི་རྒྱུ་མཚན་མཛད་པ་རྣམ་གཡེང་གིས་རིང་ཞིག་འགྱངས་པ་ཉེ་ཆར་ཕོ་བྲང་གནང་བྱུང་བ་སྔགས་བཙུན་ངག་དབང་མཁྱེན་རྩེས་བསྐུལ་བས་མཚམས་སྦྱོར་གྱི་རྐྱེན་བྱས་གཏེར་གཞུང་ལྗགས་སྒྲིགས་གཉིས་དང་བླ་མའི་གསུང་རྒྱུན་གྱིས་ལེགས་པར་བརྒྱན་ཏེ་ཟ་ཧོར་གྱི་སྔགས་སྨྱོན་ཟིལ་གནོན་བཞད་པ་རྩལ་གྱིས་དམར་སེར་ཅན་གྱི་ལོ་དབྱུ་གུ་ཟླ་བའི་གྲལ་ཚེས་ལ་སྦྱར་བའི་ཡི་གེ་པ་ནི་དཔལ་གྲོང་སྔགས་རམས་པ་ངག་དབང་དགེ་ལེགས་སོ།། །།སརྦ་མངྒ་ལཾ།།

བླ་མ་ཀརྨ་གུ་རུའི་འཕྲིན་ལས་དྲག་པོའི་སྲོག་གཏད་བྱིན་རླབས་སྤྲིན་ཕུང་།

― GLG025_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཀརྨ་གུ་རུའི་འཕྲིན་ལས་དྲག་པོའི་སྲོག་གཏད་བྱིན་རླབས་སྤྲིན་ཕུང་བཞུགས་སོ། །

― GLG025_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་དྷརྨ་དྷཱ་ཏྭཱཏྨཱ་ཏྨུཀྟཱ་ཡ། །འཕྲིན་ལས་དྲག་པོར་བསྒྲུབ་པ་སྲོག་གི་དབང་། །སྦྱིན་མཛད་རྩ་བའི་བླ་མ་རྡོ་རྗེ་འཆང་། །ཆོས་དབྱིངས་རང་གྲོལ་ཞབས་པད་ལ་བཏུད་ནས། །ཀརྨ་གུ་རུའི་བྱིན་རླབས་ལག་ལེན་འདྲི། །འདིར་ཀརྨ་མཧཱ་གུ་རུའི་སྲོག་གཏད་པའི་སྒོ་ནས་སྣོད་ལྡན་གྱི་སློབ་བུ་རྗེས་སུ་འཛིན་པ་ལ་སྟེགས་བུའམ་ཅོག་ཙེའི་ཁར་ལྕགས་སོགས་ཀྱི་སྣོད་དུ་ཟན་གྱི་ཆོས་འབྱུང་ནག་པོའི་སྟེང་བདུད་བཞིའི་གཟུགས་ཕྱག་ལེན་ལྟར་བཀོད་པའི་དབུས་སུ་སེང་ལྡེང་གི་ཕུར་པ་དར་གྱི་ཅོད་པན་ཅན་བཏབ། དེའི་སྟེང་མཉྫིའི་ཁར་དབང་གཏོར་ནག་པོ་ཟུར་གསུམ་པ་ཞི་དྲག་གི་རྒྱན་སྤྲོས་ཕུན་སུམ་ཚོགས་པ་སྐུ་རྟེན་ཙཀླི་དར་ནག་གི་གཏོར་གདུགས་ཅན་གཡས་གཡོན་དུ་སྣ་ཚོགས་རྡོ་རྗེ། སེང་ཕུར། དབང་ཕྱུག་གི་ཟོར་གཏོར། སྨན་རཀ །མདུན་དུ་ཉེར་སྤྱོད་ལྔ་ཚར། རྒྱབ་ཏུ་གཏེར་སྲུང་གི་གཏོར་མ། མདུན་དུ་ཚོགས་མཆོད་རྣམས་བཀོད་པས་མཛེས་པར་བཤམ། རྡོ་རྗེ་སློབ་དཔོན་གྱི་མདུན་དུ་རྡོར་དྲིལ། ཐོད་རྔ། འཐོར་ནས། གཞན་ཡང་རོལ་ཆེན་བགེགས་གཏོར་གུ་གུལ་ཡུངས་ཀར་སོགས་ཡོ་བྱད་ཐམས་ཅད་ཚགས་སུ་ཆུད་པར་(༢ན)

― GLG025_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས། ལས་བྱང་གཞུང་བཞིན་གྱེར་བའི་བདག་བསྐྱེད་གསལ་འདེབས་པ་དང་ལྷན་དུ་མེ་ལོང་ལ་གཟུགས་བརྙན་ལྟར་དབང་གཏོར་ཀྱང་གསལ་བཏབ་སྟེ། བསྟོད་པ་དང་བསྙེན་པ་དཀྱུས་བཞིན་བྱས་རྗེས་དབང་ཕྱུག་གི་ཟོར་སྒྲུབ་བྱ། ཚོགས་ཐོག་མཐའ་བར་གསུམ་གཏེར་སྲུང་མཆོད་པ་རྣམས་སོང་རྗེས། །དེ་ནས་སློབ་མ་རྣམས་ཡི་གེ་བརྒྱ་པའི་བུམ་ཆུས་ཁྲུས་ནས་ཕྱུང་སྟེ་གྲལ་ལ་འཁོད། །བགེགས་གཏོར་བཏང་། མཎྜལ་ཕུལ། སྤྱི་དང་བྱེ་བྲག་གི་ཆོས་བཤད་དང་། ཁྱད་པར་ཆོས་འདིའི་ལོ་རྒྱུས་ཀྱི་ཆེ་བ་བཤད་ནས་སྤྲོ་བ་བསྐྱེད། ཐོག་མར་གསོལ་བ་གདབ་པ་ནི། སྙིགས་དུས་ཉོན་མོངས་དུག་ལྔ་དྲག །ཅེས་ཚིག་རྐང་བཞི། ལས་བྱང་ཇི་ལྟ་བའི་གཤམ་དུ། བདུད་འདུལ་པདྨའི་སྲོག་གཏད་ཞུ། །ཞེས་ལན་གསུམ་གྱིས་གསོལ་བ་གདབ། མདུན་གྱི་ནམ་མཁར་རྩ་བ་གསུམ་གྱི་ལྷ་ཚོགས་མངོན་སུམ་དུ་བཞུགས་པའི་སྤྱན་སྔར་ལམ་ལོག་པ་ལས་ལྡོག་པ་སྐྱབས་འགྲོ་དང་། དམན་པ་ལས་ལྡོག་པ་སེམས་བསྐྱེད་པའི་ཕྱིར་དུ་ལས་བྱང་ལྟར་སྐྱབས་སེམས་སོ་སོར་ཚར་གསུམ་རེའི་རྗེས་ཟློས་བྱེད། རྩ་སྒྲུབ་(༢བ)

― GLG025_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། བུ་ཉིད་ལྷར་བསྐྱེད་སྒོམ་ལུང་ཕོབ། །རྫས་ཀུན་ལག་ཏུ་གཏད་པར་བྱ། །རང་དང་འདྲ་བའི་བུ་ལ་སྦྱིན། །མང་དུ་མི་སྤེལ་ས་མ་ཡ། །ཞེས་དང་། དྲག་པོའི་སྲོག་གཏད་ལས། འཕྲིན་ལས་དྲག་པོའི་སྲོག་གཏད་པ། གཞུང་བཞིན་ལྷ་རུ་བསྐྱེད་ནས་ཀྱང་། །ཚིལ་ཆེན་གུ་གུལ་དུད་པ་བཏང་། །མོས་གུས་གདུང་ཤུགས་དྲག་པོ་ཡིས། །སྲིན་ཡུལ་ལཾ་ཀ་པུ་ར་ནས། །སྤྱན་དྲངས་བསྟིམ་པ་ཉེར་གཅིག་བྱ། །ཞེས་པ་ལྟར། དབང་གི་ཆེ་བ་བྱིན་དབབ་པ་ལ་རག་ལས་པ་ཇོ་མོའི་ཞུ་ལན་ལས་བྱུང་བ་ལྟར་གལ་ཆེ་བས། ཨ་མྲྀ་ཏའི་སྔགས་ཀྱིས་བགེགས་བསངས། སྭ་བྷཱ་ཝས་སྦྱངས། སྐད་ཅིག་སྟོང་པའི་ངང་ཉིད་ལས། །གདན་དུ་སྣ་ཚོགས་རྡོ་རྗེ་དང་། །ཆུ་སྐྱེས་སྟེང་དུ་ཉོན་མོངས་བདུད། །དཀར་སེར་དམར་ནག་བཞི་བསྣོལ་སྟེང་། །སྟངས་སྟབ་ཁྲོས་པའི་ཚུལ་དུ་ནི། །ཧཱུཾ་ལས་རྡོ་རྗེའི་སློབ་བུ་རྣམས། སྐད་གཅིག་ཀརྨ་དྲག་པོའི་སྐུ། །ཞེས་པ་ནས། ཞེས་པའི་བར་བརྗོད་ཅིང་གསལ་བཏབ། སྤོས་སྦྱོར་བསྲེག་ཅིང་རོལ་མོ་དབྱངས་དང་བཅས་པས། ཧཱུཾ་ཧཱུཾ་ཧཱུཾ། ལཾ་ཀ་པུ་ར་སྲིན་པོའི་ཡུལ། །ཞེས་སོགས་ལན་གསུམ་དང་། རྩ་སྔགས་ཉེར་གཅིག་བརྗོད་པས་ནུབ་ཕྱོགས་བདེ་བ་ཅན། །ཨྱོན་མཁའ་འགྲོའི་གླིང་། རྔ་ཡབ་གླིང་ཕྲན། ཟངས་མདོག་དཔལ་གྱི་རི་བོ་སོགས་ནས་བདུད་འདུལ་ཀརྨ་གུ་རུ་ལ་རྩ་བ་གསུམ་གྱི་ལྷ་ཚོགས་ཀྱིས་བསྐོར་བ་ཁ་བ་བུ་ཡུག་འཚུབ་པ་བཞིན་བྱོན་པ་བསྟིམ། བྱང་ཆུབ་མ་ཐོབ་ཀྱི་བར་དུ་མི་འབྲལ་(༣ན)

― GLG025_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཆེད་དུ་སྤྱི་བོར་རྡོ་རྗེ་རྒྱ་གྲམ་དུ་བཞག་ནས་ཏིཥྛ་བཛྲ་གྱིས་བརྟན་པར་བྱ། དེ་ནས་སློབ་མ་ལྷར་གསལ་བ་ལ་མདུན་བསྐྱེད་ཀྱི་ཕྱག་མཚན་གཉིས་མར་མེ་གཅིག་ལས་གཉིས་མཆེད་ཀྱི་ཚུལ་དུ་གཏད་པར་བརྡ་སྤྲད། །ཉོན་མོངས་བདུད་བཞི་འདུལ་བའི་རྡོ་རྗེ་འདི། །སྐལ་ལྡན་བུ་ལ་ཐབས་ཀྱི་ཕྱག་རྒྱར་སྦྱིན། །ཨོཾ་བཛྲ་སྟཾ་བྷ་ཡ་ནན་ཞེས་སྣ་ཚོགས་རྡོ་རྗེ་ལག་གཡས་སུ་གཏད། འཕྲིན་ལས་ཡོངས་སྒྲོལ་སེང་ལྡེང་ཕུར་བ་འདི། །ཤེས་རབ་སྙིང་རྗེས་བསྒྲལ་བའི་རྗེས་སུ་གཏད། །ཧཱུཾ་བཛྲ་ཀཱི་ལི་ཀཱི་ལཱ་ཡ་མཱ་ར་ཡ་རྦད་ཅེས་ལག་གཡོན་དུ་གཏད། གཞུང་ལས། བ་ལིཾ་ལྷར་གསལ་སྤྱི་བོར་བཞག །ཅེས་པའི་དོན་བཞིན། མདུན་གྱི་གཏོར་མ་ཀརྨ་གུ་རུར་གསལ་བ་སློབ་མའི་སྤྱི་བོར་གདན་དྲངས་ལ། གདུང་ཤུགས་དྲག་པོས་མོས་གུས་བྱེད་དུ་བཅུག་སྟེ། ཧཱུཾ། དཔལ་ཆེན་ཐུགས་ཀྱི་སྤྲུལ་པ་འཕྲིན་ལས་བདག །ལོག་འདྲེན་གདུག་པ་ཀུན་འདུལ་མཧཱ་གུ་རུ། །ཀརྨ་དྲག་པོ་རྩལ་གྱི་སྐུ་གསུང་ཐུགས། །ཡོན་ཏན་འཕྲིན་ལས་བྱིན་རླབས་ནུས་པའི་རྩལ། །རིགས་ཀྱི་བུ་ལ་ད་ལྟ་ཉིད་དུ་བྱིན། །ཨཱོཾ་ཨཱཿཧཱུཾ་ཀརྨ་མཧཱ་ཀུ་རུ་ཀརྨ་སིདྡྷི་ཧཱུཾ་ཞེས་བརྗོད་ཅིང་མར་མེ་གཅིག་ལས་གཉིས་མཆེད་ཀྱི་ཚུལ་དུ་སློབ་མའི་སྤྱི་བོ་ནས་ཐིམ་པར་བརྡ་སྤྲད། གཞུང་ལས། དེ་ནས་སྲོག་གི་སྙིང་པོ་བྱིན་ཞེས་པའི་དོན་ཐུགས་ཀར་མཐིང་ནག་རྡོ་རྗེའི་དབུས། ཧཱུཾ་ཡིག་མཐའ་རུ་སྔགས་ཀྱིས་བསྐོར་ཞེས་པའི་དོན་དྲན་བཞིན་པའི་ངང་ནས། སློབ་མ་ལྷར་གསལ་བའི་ཐུགས་ཀར་རྡོ་རྗེ་མཐིང་ནག་ལྟེ་བར་ཧཱུཾ་བཅས་གསལ་བཏབ། །(༣བ)

― GLG025_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་དང་གཏོར་མ་ལྷར་གསལ་བའི་ཐུགས་ཀ་ནས་སྔགས་ཀྱི་འཕྲེང་བ་གྲངས་མེད་པ་ཆད་སྐུའི་དབྱིབས་བརྒྱུད་ཞལ་ནས་ཐོན་སློབ་མའི་ཁར་ཞུགས་སྔགས་འཕྲེང་ལ་སིབ་སིབ་ཐིམ་པས་སྔགས་ཀྱི་མེ་ལྕེས་ནད་གདོན་སྡིག་སྒྲིབ་བར་གཅོད་སོགས་གཞོབ་ཐུལ་གྱི་བསྲེགས་པར་བསམས་ལ། སློབ་དཔོན་གྱི་རུ་རགྴའི་འཕྲེང་བ་ལ་སློབ་མ་རྣམས་བཟུང་དུ་བཅུག་ལ། རྩ་སྔགས་བརྒྱ་རྩ་དང་ལས་སྔགས་ཚར་གསུམ་གྱི་རྗེས་ཟློས་བྱས་ནས་འཕྲེང་བ་མགོ་བོར་འཇོག །རྩ་སྒྲུབ་ལས། བག་ཟན་དུང་དང་ཁྲག་གིས་སྤྲུས། །བཀུག་བསྟིམ་མདུན་དུ་བཞག་ནས་ཀྱང་། །ཞེས་པའི་དོན་ལྟར་གཏོར་མའི་འོག་གི་བདུད་བཞི་སློབ་མའི་མདུན་དུ་བཀོད།ཚོགས་མཆོད་ལྟར་བསྐྱེད་དགུག་གི་རྗེས་སློབ་དཔོན་གྱིས་སྒྲོལ་སྔགས་བརྗོད་ཅིང་སེང་ལྡེང་ཕུར་པ་གདེང་བའི་སྟང་ག་བྱས་ནས་སློབ་མར་གཏད་དེ་ཕར་འདེབས་དང་མཚོན་ཆས་གཏུབ་ཏུ་བཅུག །སློབ་མ་ལྷར་གསལ་བ་ལ་ལིང་རོ་སྦྱིན་ཏེ། ཧཱུཾ། སྲིན་པོའི་རྒྱལ་པོ་ཡལ་གམ་ཅན། །ཞེས་སོགས་ཀྱི་སྟོབ་པ་བྱ་བ་ནི་སྒྲལ་དབང་དེ་ནས་སློབ་མ་ཀརྨ་གུ་རུ་ཆེ་བཙན་འགྲན་ཟླ་དང་བྲལ་བ་དེ་ཉིད་གནས་འགྱུར་ཏེ། རང་ཉིད་དབང་ཕྱུག་ཆེན་པོའི་སྐུ། །ཞེས་པ་ནས་གནོད་བྱེད་ཐམས་ཅད་ཚིག་པར་བསམ། ཞེས་པའི་བར་བརྗོད་དེ་དོན་དྲན་བཞིན་དང་འོད་ཟེར་མེ་ལྕེ་ལས་སྔགས་ཀྱི་རང་སྒྲ་སྒྲོག་པར་བསམས་ཏེ། ཟོར་སྔགས་ཀྱི་རྗེས་ཟློས་ལན་གསུམ་བྱ། ཟོར་ལག་ཏུ་གཏད་དེ་ཟོར་བསྐུལ་དང་བཅས་འཕེན་དུ་འཇུག །སྔགས་པ་སོགས་ཉམས་ལེན་མཁན་པོ་རྣམས་ལ་དབང་ཡོངས་རྫོགས་དང་། རྐྱེན་སེལ་(༤ན)

― GLG025_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་ལ་སྒྲོལ་དབང་དང་ཟོར་དབང་དོར་བས་ཆོག་ཅིང་། ལུགས་གཉིས་གང་ལྟར་ཡང་མཐར་གཏོར་མ་མགོར་བཞག་ནས་བཀའ་བསྒོ་བས། ཟོར་དབང་བསྐུར་ཚེ་བ་ལིཾ་ལྷར་གསལ་སྤྱི་བོར་བཞག་ཅེས་པའི་དོན་བཞིན། དབང་ཕྱུག་གནས་འགྱུར་ནས་ལྷར་གསལ་བའི་སྤྱི་བོར་བཞག་སྟེ། དཔལ་ཆེན་ཀརྨ་ཧེ་རུ་ཀཿ། འཕྲིན་ལས་གྲུབ་པའི་རིགས་འཛིན་པྲ་ཝ་ཧསྟི། སངས་རྒྱས་གཉིས་པ་པདྨ་ཐོད་འཕྲེང་རྩལ། རྒྱལ་ཡུམ་ཡེ་ཤེས་འཚོ་རྒྱལ། ཆོས་རྒྱལ་ཁྲི་སྲོང་ལྡེའུ་བཙན། མི་ཉག་བྱང་པ་ཆོས་རྒྱལ་དབང་པོའི་སྡེ། ཐུགས་སྲས་ངག་དབང་རིགས་འཛིན་རྡོ་རྗེ། རིགས་ཀུན་ཁྱབ་བདག་ཟུར་ཆོས་དབྱིངས་རང་གྲོལ་སོགས་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། །བདུད་འདུལ་ཀརྨ་དྲག་པོའི་སྐུ་གསུང་ཐུགས་ཡོན་ཏན་འཕྲིན་ལས་ཀྱི་སྒོ་ནས་རྡོ་རྗེའི་སློབ་མ་འདི་ལ་བྱིན་གྱིས་རློབས་ཤིག །ལུས་ཀྱི་ན་ཚ། སེམས་ཀྱི་སྡུག་བསྔལ། བསམ་པའི་བར་ཆད། ཆགས་ཆེ་ཉམ་ང་། སྟེང་འོག་བར་གསུམ་གྱི་གདོན་བགེགས་འབྱུང་པོ། མཐའི་དམག་དཔུང་སོགས་གཟུགས་ཅན་དགྲའི་གནོད་པས་མཚོན་ཏེ་བར་གཅོད་མི་མཐུན་པའི་ཕྱོགས་ཐམས་ཅད་ལས་བསྲུང་སྐྱོབ་སྦ་བའི་འཕྲིན་ལས་མཛོད། མཐུན་རྐྱེན་ཚེ་དང་བསོད་ནམས། དཔལ་འབྱོར་མངའ་ཐང་། ལུང་རྟོགས་ཀྱི་ཡོན་ཏན་སོགས་འཕེལ་ཞིང་རྒྱས་པར་བྱིན་གྱིས་བརླབ་ཏུ་གསོལ། ཞེས་སོགས་སྐབས་སུ་གང་བབ་ཀྱི་བཀའ་བསྒོ། སྐུ་རྟེན་ཙཀླིར་ལྷ་ནམ་མཁར་བཏེག །གཏོར་མའི་ལྷ་དམ་ཚིག་པ་འོད་དུ་ཞུ་ནས་བསྟིམ། །(༤བ)

― GLG025_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

བལྟས་པ་ཙམ་གྱིས་སྲིད་གསུམ་དབང་དུ་སྡུད། །བསྡིགས་པ་ཙམ་གྱིས་སྡེ་བརྒྱད་བྲན་དུ་འཁོལ། །བསམས་པ་ཙམ་གྱིས་དངོས་གྲུབ་ཆར་དུ་འབེབས། །ཨྱོན་བརྒྱུད་པར་བཅས་པའི་བཀྲ་ཤིས་ཤོག །ཅེས་པས་མཚོན་ཏེ་བཀྲ་ཤིས་པའི་ཚིགས་བཅད་བརྗོད་དེ་མེ་ཏོག་སིལ་མའི་ཆར་འབེབས། གཏང་རག་གི་མཎྜལ། ཚོགས་ལ་རོལ་བ་ནས་རྟ་བྲོའི་བར་དཀྱུས་བཞིན་དང་། གཏང་རག་གི་མཆོད་བསྟོད། བཟོད་གསོལ། སྐུ་རྟེན་གྱི་ལྷ་ལ་བརྟན་བཞུགས། རྟེན་མང་རྣམས་གཤེགས་སུ་གསོལ། བསྔོ་བ་སྨོན་ལམ་ཤིས་བརྗོད། ལས་ཀྱི་རྗེས་མི་མངོན་པར་བྱའོ། །ཆེར་སྙིགས་གདུལ་དཀར་དགྲ་གདོན་མཐར་བྱེད་པའི། །འཕྲིན་ལས་དྲག་པོའི་སྒྲུབ་པ་ཉམས་བསྟར་བར། །མང་དུ་མི་རུང་སྲོག་གཏད་བྱིན་རླབས་ཀྱི། །སྤྲིན་གྱི་ཕུང་པོས་ཕན་བདེའི་ལོ་ཏོག་བསྐྱེད། །ལ་ལ་ཡིག་ནག་ཐུག་ཕྲད་རང་སོར་འཇོག །འགའ་ཞིག་སྤྲད་ཙམ་བཞིན་དུ་གང་རྙེད་བསྲེ། །ཟོལ་ཟོག་འཕྲུལ་གྱིས་གཞན་སྣང་བྲིད་མཐོང་ནས། །བརྒྱུད་པའི་ཕྱག་བཞེས་མཐོང་བས་དོན་གསལ་བཀོད། །རྣམ་ཤེས་ཚོགས་བརྒྱད་རྔ་ཡབ་གླིང་དབུས་སྙིང་། །དཔལ་རིའི་རྩེ་མོར་རང་རིག་པདྨ་འབྱུང་། །མངོན་སུམ་རང་ངོ་འཕྲོད་རྒྱུར་འདིར་འབད་བའི། །སྟོན་ཟླ་ལྟ་བུར་དཀར་བའི་དགེ་ཚོགས་བསྔོ། །ཞེས་བླ་མ་ཀརྨ་གུ་རུའི་འཕྲིན་ལས་དྲག་པོའི་སྲོག་གཏད་བྱིན་རླབས་སྤྲིན་ཕུང་འདི་ནི་རྟ་ནག་སྒྲོལ་ཕུག་ཆོས་རྗེས་རིང་མོ་ནས་བསྐུལ་མ་མཛད་པར་མཐར་རྒྱལ་དབང་པདྨའི་གདུང་འཚོབ་ཆོས་རྒྱལ་གཏེར་བདག་གླིང་པས་ཁྲིགས་ཆགས་ཤིག་བྱུང་ན་གསུང་པ་དང་ལས་དང་(༥ན)

― GLG025_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་བ་མང་པོར་ཕན་པའི་ལྷག་བསམ་གྱིས་ཀུན་ནས་བླངས་ཏེ་རྩ་བའི་བླ་མ་ཟུར་ཀུན་མཁྱེན་ཆེན་པོའི་ཕྱག་བཞེས་དང་ཟིན་བྲིས་གནང་བ་གཞིར་བཞག་སྟེ་ཟ་ཧོར་གྱི་སྔགས་བཙུན་ཟིལ་གནོན་བཞད་པ་རྩལ་གྱིས་དམར་སེར་ཅན་གྱི་ལོ་དབྱུ་གུ་ཟླ་བའི་གྲལ་ཚེས་ལ་རང་བྱུང་འཕགས་པའི་གཞལ་མེད་ཁང་དུ་སྦྱར་བའི་ཡི་གེ་པ་ནི་དཔལ་གྲོང་སྔགས་རམས་པ་ངག་དབང་དགེ་ལེགས་སོ། །ཀརྨ་གུ་རུའི་སྨན་མཆོད་ཀྱི་ལྷན་ཐབས་ནི། འཕྲིན་ལས་ཁྲག་འཐུང་ཀརྨ་ཧེ་རུ་ཀཿ། །པྲ་ཆེན་ཧ་སྟི་པདྨ་ཐོད་འཕྲེང་རྩལ། །ཡེ་ཤེས་འཚོ་རྒྱལ་ཁྲི་སྲོང་ལྡེ་བཙན་ལ། །བདུད་རྩི་སྨན་མཆོད་འབུལ་ལོ་དངོས་གྲུབ་སྩོལ། །སྔགས་སྦྱོར། འཕྲིན་ལས་ཡོངས་གྲུབ་རྩལ་དང་ངག་གི་དབང་། །རྒྱལ་ཀུན་ངོ་བོ་ཆོས་དབྱིངས་རང་གྲོལ་ཞབས། །བཀའ་དྲིན་མཉམ་མེད་རྩ་བའི་བླ་མ་ལ། །བདུད་རྩི་སྨན་མཆོད་འབུལ་ལོ་དངོས་གྲུབ་སྩོལ།༴།ཀརྨ་གུ་རུ་ཡང་གསང་དྲག་པོའི་སྐུར། །རྣམ་རོལ་ལུས་དང་སྲུང་བ་གོ་ཆའི་ལྷ། །མ་ཧཱ་དེ་ཝ་གནས་ཆོས་སྲུང་མ་ལ། །བདུད་རྩི་སྨན་མཆོད་འབུལ་ལོ་དངོས་གྲུབ་སྩོལ། །ཅེས་པའང་ཟ་ཧོར་གྱི་བནྡེས་སྦྱར།། །།སརྦ་མངྒ་ལཾ།།

བླ་མ་ཀརྨ་གུ་རུའི་བསྙེན་ཡིག་སྦར་བཅངས་མ།

― GLG025_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཀརྨ་གུ་རུའི་བསྙེན་ཡིག་སྦར་བཅངས་མ་བཞུགས་སོ། །

― GLG025_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་སྔགས་འཆང་བའི་འཁོར་ལོས་སྒྱུར་བའི་རྒྱལ། །དཔལ་ལྡན་བཀྲ་ཤིས་སྟོབས་ཀྱི་རྒྱལ་པོ་དང་། །དབྱེར་མེད་ཆོས་དབྱིངས་རང་གྲོལ་ཞབས་པད་རྡུལ། །གཙུག་ཏུ་བསྟེན་ནས་བསྙེན་པའི་དམིགས་རིམ་འདྲི། །ཀརྨ་གུ་རུའི་བསྙེན་པའི་ཚེ་ཐུགས་ཀར་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཧཱུཾ་མཐིང་ཁའི་མཐར་བསྙེན་སྔགས་ཁ་དོག་ལྗང་ནག་མདུན་ནས་བརྩམས་ཏེ་གཡས་སྐོར་དུ་གྱེན་དུ་ལངས་ནས་འཁོད་པ་གསལ་ཞིང་འཚེར་བ་ཉི་མ་འབུམ་གྱི་འོད་བཀྲ་བ་ལྟ་བུ་ཞིག་ལ་སེམས་ཡང་ཡང་བསྟད་ནས་བསྒོམ་ཞིང་།དེའི་འོད་ཀྱིས་མུན་ནང་དུ་སྒྲོན་མེ་འབར་བ་ལྟར་དར་ལྗང་གུའི་ཕྲུ་མ་ཕུས་བཏབ་པ་ལྟ་བུ་རང་སྣང་བའི་ལུས་ཀྱི་ནང་ཐམས་ཅད་ཤིན་ཏུ་གསལ་བར་བསམ་པ་ཐུན་གཅིག་ལ་ཆ་གཉིས་སུ་བགོས་པའི་ཆ་དང་པོ་ལ་ཉམས་སུ་ལེན། ཆ་གཉིས་པར་བསྙེན་པ་ཞེས་པ་ནི་ཉེ་བའི་དོན་དེ་འཇིག་རྟེན་ན་མི་ལ་ཟས་གོས་སོགས་ཀྱི་སྟེར་སྦྱིན་བྱས་ནས་ཉེ་འབྲེལ་འདོགས་པ་དང་འདྲ་བས། རང་གི་ཐུགས་ཀའི་ས་བོན་ལས་སྤྲོས་པའི་འོད་ཟེར་གྱི་སྣེ་ལ་ཕྱི་ནང་གསང་བའི་མཆོད་ཚོགས་སྤྲོས་ནས་(༢ན)

― GLG025_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་སྲས་དང་བཅས་པ་ལ་མཆོད་པ་ཕུལ། ཐུགས་མཉེས་ཤིང་ཚིམ་པར་བསམས་ནས་འོད་ཟེར་ཚུར་བསྡུ་དེ་འདྲ་བའི་སྤྲོ་བསྡུ་ཐུན་དེ་མ་རྫོགས་བར་བྱེད། དེ་ནས་བདུན་གཉིས་པ་ལ་ཐུན་རེའི་སྟོད་ཀྱི་ཆ་གོང་ལྟར་ལ་འོད་ཟེར་ལྕགས་ཀྱུ་ལྟ་བུ་འཕྲོས་པས་ཞི་ཁྲོ་རབ་འབྱམས་ཀྱི་སྐྱབས་ཡུལ་ཐམས་ཅད་ཀྱི་ཐུགས་རྒྱུད་བསྐུལ། སྐུའི་བྱིན་རླབས་རྣམས་ཀརྨ་གུ་རུའི་རྣམ་པ་གསུང་བསྙེན་སྔགས་དང་ཨཱ་ལི་ཀཱ་ལི། ཐུགས་སྣ་ཚོགས་རྡོ་རྗེ་སོགས་ཕྱག་མཚན་གྱི་རྣམ་པ་ཆར་བཞིན་དུ་བབས་ནས་རང་ལ་ཐིམ་པས་རྒྱུད་བྱིན་གྱིས་བརླབས་པར་བསམ་པ་ནི་སྒྲུབ་པ་སྟེ།དཔེར་ན་འཇིག་རྟེན་ལ་ཁས་དྲག་ཅན་ཞིག་ལ་གཉེན་གྲོགས་བཅོལ་བའི་འབྲས་བུ་རང་འདོད་པའི་སྟོབས་འབྱོར་སོགས་དེས་སྟེར་བ་དང་འདྲ། སྒྲུབ་པ་ཆེན་པོ་ཞེས་པའི་དོ་ལི་འདིར་མི་མཛད། བདུན་ཕྲག་གསུམ་པའི་ཚེ་ཐུན་གྱི་ཆ་དང་པོ་སྔར་ལྟར་ལ་ཆ་གཉིས་པར་ཐུགས་ཀའི་ས་བོན་སྔགས་འཕྲེང་ལས་འོད་ཟེར་མེ་ལྕེ་ལྟ་བུ་ཚ་ཞིང་རྩུབ་པ་འཕྲོས། ལུས་ཀྱི་ནང་ཐམས་ཅད་གང་ནད་གདོན་སྡིག་སྒྲིབ་ཐམས་ཅད་གཞོབ་ཐུལ་གྱིས་(༢བ)

― GLG025_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲེགས། འོད་ཟེར་བ་སྤུའི་བུ་ག་ནས་ཕྱིར་ཐོན། འཇིག་རྟེན་གྱི་ཁམས་ཐམས་ཅད་ཁྱབ། གནོད་བྱེད་གདོན་བགེགས་ཐམས་ཅད་བྱ་སྒྲོ་མེ་ལ་བསྲེགས་པ་ལྟར་བསམ། ཚུལ་འདི་བདུན་ཕྲག་གསུམ་ལ་དཔེས་མཚོན་པ་ཡིན། དེ་ལས་མང་བ་བྱེད་ན་དེ་རྩིས་ཀྱི་གསུམ་བགོས་བྱེད། རྩ་བའི་བསྙེན་པ་འབུམ་ཕྲག་གཅིག་ཙམ་སོང་ནས་ཐུན་ཐམས་ཅད་ཀྱི་ཞབས་སུ་རང་ཉིད་དབང་ཕྱུག་ཆེན་པོར་གསལ་བའི་ཐུགས་ཀར་ཀརྨ་གུ་རུ་ཡེ་ཤེས་སེམས་དཔའི་ཚུལ་དུ་གསལ་བཏབ། ཆུ་བུག་ནས་མེ་འབར་བ་སོགས་ཀྱི་དམིགས་པ་དང་བཅས་སྔགས་རིང་བརྒྱའམ་ཉེར་གཅིག་གང་རིགས་བཟླ། ལས་བཞིའི་བསྙེན་པ་སོགས་སྤྲོས་བཅས་འདོད་ན་བསྙེན་ཡིག་གཞན་ནས་ཁ་བཀང་བར་འགལ་བ་མེད་དོ། །ཞེས་བླ་མ་ཀརྨ་གུ་རུའི་བསྙེན་ཡིག་སྦར་བཅངས་མ་འདི་ནི་བློ་བཟང་ཐབས་མཁས་ཀྱི་ཉམས་ལེན་དུ་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་རབ་འབྱམས་པ་ངག་དབང་དགེ་ལེགས་སོ།། །།སརྦ་མངྒ་ལཾ།།

ཀརྨ་གུ་རུ་ཡང་གསང་དྲག་པོ་དང་འབྲེལ་བའི་ཟངས་མདོག་དཔལ་རིར་སྐྱེ་བའི་གསོལ་འདེབས་སྨོན་ལམ་གྱི་རིམ་པ།

― GLG025_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

ཀརྨ་གུ་རུ་ཡང་གསང་དྲག་པོ་དང་འབྲེལ་བའི་ཟངས་མདོག་དཔལ་རིར་སྐྱེ་བའི་གསོལ་འདེབས་སྨོན་ལམ་གྱི་རིམ་པ་བཞུགས་སོ། །

― GLG025_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུང་ཁམས་སྐྱེ་མཆེད་ལངྐའི་གྲོང་ཁྱེར་དབུས། །རང་སྙིང་ཟངས་མདོག་དཔལ་རིའི་ཕོ་བྲང་ཆེར། །མ་འགགས་རིག་གདངས་རྩ་བའི་བླ་མ་དང་། །དབྱེར་མེད་མཚོ་སྐྱེས་རྡོ་རྗེར་གསོལ་བ་འདེབས། །རྔ་ཡབ་གླིང་ཕྲན་སྲིན་པོས་ཡོངས་བཀུར་བ། །ཆོས་ཀྱི་འཁོར་ལོས་སྒྱུར་བའི་རྒྱལ་པོ་ཆེ། །ཀརྨ་གུ་རུ་ཁྲོ་ཆགས་རོལ་བའི་གར། །ལེགས་མཛད་བརྟུལ་ཞུགས་གྲུབ་པར་གསོལ་བ་འདེབས། །རང་རྒྱུད་ཉོན་མོངས་དུག་ལྔ་འཁྲུག་པའི་གཟུགས། །ཕྱི་རོལ་བདུད་བཞིར་ཤར་བའི་གཉེན་པོ་རུ། །ལྗང་ནག་རིགས་འཛིན་འཕྲིན་ལས་དྲག་པོའི་ལྷ། །ཡིད་སྲུབས་གཡུལ་ལས་རྒྱལ་དེར་གསོལ་བ་འདེབས། །བན་སྔགས་ལམ་ལོག་དམ་སྲི་རུ་ཏྲ་སོགས། །མི་བསྲུན་གདོན་བགེགས་འབྱུང་པོ་བརྩེགས་པའི་བྲག །མཐུ་སྟོབས་གནམ་ལྕགས་འབར་བའི་ཐོག་གི་མདས། །ཕྱེར་འཐག་ཡང་གསང་དྲག་པོར་གསོལ་བ་འདེབས། །སྣང་སྟོང་འགོག་མེད་ཆུ་ནང་ཟླ་ལྟར་གསལ། །བརྟུལ་ཞུགས་བརྟན་པོས་གང་ལའང་ཉམ་མི་ང་། །ལྷ་སྔགས་ཡེ་ཤེས་རོལ་པའི་བདག་ཉིད་ཅན། །བསྐྱོད་པའི་རིམ་པ་(༢ན)

― GLG025_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་དུ་ལོངས་པར་ཤོག །འཛབ་བསྙེན་གྲངས་ཐེངས་རྟགས་དང་དྲོད་ཚད་རྙེད། །མན་ངག་ཕྲ་རགས་ཀུན་ལ་ནང་བྱན་ཆུད། །ཞི་རྒྱས་དབང་དྲག་འཕྲིན་ལས་སྦྱོར་བ་ཀུན། །ཐོགས་པ་མེད་པར་ལྷུན་གྱིས་གྲུབ་པར་ཤོག །སྣོད་བཅུད་ཐམས་ཅད་དཀྱིལ་འཁོར་འཁོར་ལོར་གསལ། །གང་སྣང་མ་ལུས་རང་བྱུང་རང་ལས་ཤར། །སེམས་ཉིད་བློ་འདས་ཀ་དག་རིག་པའི་དབྱིངས། །ལྷུན་གྲུབ་འོད་ལྔ་འཆར་བར་བྱིན་གྱིས་རློབས། །རྣམ་བཀྲ་འཇའ་གུར་འཁྲིགས་པ་པདྨ་འོད། །རིན་ཅེན་གཞལ་ཡས་མཛེས་པ་མཁའ་འགྲོའི་གླིང་། །སྐམ་རློན་ཐོད་པ་བརྩེགས་པའི་སྲིན་པོའི་མཁར། །གཅིག་ལས་དུ་མར་འཆར་བ་དག་པའི་ཞིང་། །དྲན་པས་ངན་སོང་གསུམ་གྱི་སྡུག་བསྔལ་སྐྱོབ། །ཐོས་པས་མངོན་མཐོའི་བདེ་སྐྱིད་དཔལ་ལ་སྦྱོར། །མཐོང་བས་སྲིད་པའི་མཚོ་ལས་རྣམ་སྒྲོལ་བ། །འདི་བས་ལྷག་པ་མཁའ་སྤྱོད་དམིགས་སུ་མེད། །དེ་ཕྱིར་ཚེ་འདིའི་སྣང་བ་འགགས་མ་ཐག །འཆི་བ་འོད་གསལ་དོན་གྱི་ཐོད་ཕྲེང་རྩལ། །རང་ངོ་འཕྲོད་ནས་དཔའ་བོ་མཁའ་འགྲོའི་གནས། །རིགས་འཛིན་འདུས་པའི་གྲལ་དེར་སྐྱེ་བར་(༢བ)

― GLG025_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག །རྩ་གསུམ་བྱིན་རླབས་ལུས་ཕྲའི་འགྲམ་པའི་ཆང་། །མངར་པོར་འཐུལ་བ་བདག་རྒྱུད་བ་ཀླུ་ལའི། །འདབ་མ་ཡོངས་ཕྱེ་འདི་ཕྱིའི་མདུན་མ་ཡི། །ཟེའུ་འབྲུ་བཞད་པའི་ཕུན་ཚོགས་དགའ་སྟོན་ཤོག །ཅེས་བླ་མ་ཀརྨ་གུ་རུ་དང་འབྲེལ་བའི་གསོལ་འདེབས་ཟངས་མདོག་དཔལ་རིར་སྐྱེ་བའི་སྨོན་ལམ་དང་བཅས་པ་ཞིག་དགོས་ཞེས་དངུལ་མཎྜལ་དང་བཅས་གནང་བྱུང་བ་ངག་དབང་མཁྱེན་བརྩེས་བསྐུལ་བའི་ངོར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་ཕུན་ཚོགས་དབང་པོའོ། །སརྦ་མངྒ་ལཾ།། །།

བླ་མ་ཀརྨ་གུ་རུའི་གཏོར་ནག་གི་ལས་མཐའ་གནམ་ལྕགས་སྤུ་གྲི།

― GLG025_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཀརྨ་གུ་རུའི་གཏོར་ནག་གི་ལས་མཐའ་གནམ་ལྕགས་སྤུ་གྲི་བཞུགས་སོ། །

― GLG025_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲིན་ལས་རིགས་འཛིན་ཀརྨ་དྲག་པོ་རྩལ། །ཆེས་ཆེར་ཁྲོས་པ་སྐུ་སྨད་ཕུར་བུའི་རྩེ། །བཏབ་པའི་མོད་ལ་དགྲ་བགེགས་ཕྱེ་མ་ལེབ། །བྱིན་ཟའི་ཕུང་པོར་མཆོད་པར་བྱེད་དེ་རྒྱལ། །མིག་སྨན་ཁུ་བས་བྱུགས་པ་ཟོར་གྱི་མདའ། །མི་བསྲུན་དགྲ་བགེགས་དོན་སྙིང་ཐལ་ཕྱུང་དུ། །འབིགས་བྱེད་གནམ་ལྕགས་སྤུ་གྲི་བར་མའི་དབལ། །གདེངས་ཚེ་དགའ་རབ་དབང་ཕྱུག་བྱིན་ཤ་འདར། །ཚུལ་དེའི་ཟབ་མོའི་གནད་གསང་འཁྲུལ་མེད་པར། །མངོན་སུམ་གཟིགས་པ་ཟུར་ཆེན་ཐམས་ཅད་མཁྱེན། །འཇམ་དབྱངས་བླ་མའི་ཕྱག་བཞེས་གསུང་རྒྱུན་བཞིན། །ཡི་གེར་འདྲི་ལ་གཏེར་སྲུང་གནང་བ་སྩོལ། །དེ་ཡང་སྦས་ཡུལ་ཁམ་བུ་ལུང་ནས་མི་ཉག་བྱང་པ་རིགས་འཛིན་ཆེན་པོས་གདན་དྲངས་པའི་བླ་མ་ཀརྨ་གུ་རུའི་གཏོར་ནག་གི་རིམ་པ་ཉམས་སུ་ལེན་པ་ལ། གཏོར་ནག་ལས་མཐའ་ལས། །ཕྱི་ནང་བར་གཅོད་སེལ་བའི་ཕྱིར། །གཏོར་ནག་ལས་ཀྱི་མདེ་ཐུང་བསྟན། །ལྕགས་སམ་ཐོད་པའི་ཚལ་བུ་རུ། །འབྲུ་ནག་ཕྱེ་ལ་དུག་ཁྲག་གིས། །སྦྲུས་པའི་ཆོས་འབྱུང་(༢ན)

― GLG025_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུ་གསུམ་སྟེང་། །ཞེས་པ་ལྟར་གཅན་གཟན་ནམ་གླང་ལྤགས་ལྟ་བུའི་སྟེང་དུ་ལྕགས་སོགས་དྲག་པོར་འོས་པའི་སྣོད་དུ་འབྲུ་ནག་ངར་བཏགས་ཀྱི་ཕྱེ་ལ་ཁྲག་ཆང་དང་བཙན་དུག་སོགས་ཀྱིས་སྦྲུས་པའི་ཆོས་འབྱུང་གྲུ་གསུམ་ནག་པོའི་ཁར། གཏོར་ནག་ལྗགས་སྒྲིགས་ལས། དེ་ནི་རྒྱ་དང་དཔངས་མཉམ་པའི། །སྟེང་དུ་བདུད་བཞི་བྱི་ཆིངས་སུ། །ལྷ་བུ་གན་རྐྱལ་དཀར་པོ་ལ། ཁ་སྦུབ་སེར་པོ་ཕུང་པོའི་བདུད། །དེ་སྟེང་ཉོན་མོངས་བདུད་གན་རྒྱལ། །འཆི་བདག་ནག་པོ་ཁ་སྦུབ་སྟེང་། །རྐང་བཞི་ས་ལ་འབེབས་པའི་ཚུལ། །ལག་གཉིས་བགྲད་ནས་བརྐྱང་བའོ། །ཞེས་པའི་དོན་བཞིན་བདུད་བཞིའི་ལིངྒའི་སྙིང་གར་དགྲ་བགེགས་དམིགས་བསལ་ཡོད་ན་སོ་སོའི་མིང་བྱང་སྤེལ་ཚིག་ཅན་འཇུག་པ་དངོས་བསྟན་བདུད་བཞིའི་གཟུགས་བཟོས་ཀྱང་དོན་གང་དགོས་ལ་སྦྱར་ཆོག་པ་མ་ཏྲཾ་ལ་རུ་ཏྲའི་དབྱིབས་བཟོ་ཡང་དགྲ་བགེགས་གང་དགོས་འགུགས་པ་དང་དབྱིབས་མཚུངས་ཤིང་སེང་ལྡེང་ཕུར་པ་རི་རབ་མ་སོར་བརྒྱད་པ་རྐེད་པར་དར་གྱི་སྦྲུལ་མགོའི་ཅོད་པན་ཅན་བཙུགས་པ། དེའི་(༢བ)

― GLG025_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེང་མཉྫིའི་ཁར་ལྕགས་སྣོད་དུ་གོང་གི་རྒྱུ་ལས་གྲུབ་པའི་གཏོར་ནག་ཟུར་གསུམ་པ་མེ་རིས་དམར་སེར་ངེ་བ་སོགས་དྲག་པོའི་རྒྱན་དང་མཐར་ཟེར་ཀོང་མཐེབ་སྐྱུ་རྩང་དམར་ཉེར་གཅིག །སྲིན་མོ་འགྲོས་སུ་བཙུགས་པར་རྒྱུ་མའི་ལྡ་ལྡི་དང་ཤ་དུམ་གྱི་སྤྲས་ཤིང་གཞན་ཡང་མཚེ་དང་ཡུངས་ཀར་གངས་བཟང་སོགས་ཀྱིས་བརྒྱན་པར་སྐུ་རྟེན་ཙཀ་ལི་དར་ནག་གི་གཏོར་གདུགས་མདའ་བཅས་བཙུགས། མདུན་དུ་སྒྲུབ་གཏོར། གཡས་སུ་སྨན་མཆོད་དང་། གཡོན་དུ་རཀྟ། རྒྱབ་ཏུ་གཏེར་སྲུང་། ཆད་མཐོ་གཞན་ཡང་ཆོས་སྐྱོང་གང་དགོས་ཀྱི་གཏོར་མ་ཕྱི་ནང་གི་ཉེར་སྤྱོད་ཐད་སྒྲིགས། མདུན་ནམ་གཡས་གཡོན་གང་འོས་སུ་གསང་བ་མུ་སྟེགས་གཏོར་ནག་ལས། ཁྱད་པར་ཕ་རོལ་བྱད་ལྟས་དང་། །བཀྲ་ངན་རྨིས་ལྟས་ངན་པ་ན། །ཧུར་ཐུམ་དྲག་པོའི་བཟློག་པ་བྱ། །དུར་ཁྲོད་ས་དང་ས་ནག་བསྲེས། །དུག་ཁྲག་ཆུས་སྤྲུས་དབང་ཕྱུག་གི །མཚན་མ་ཁོང་སྟོང་མཐོ་གང་དང་། །སོར་བཞི་ལ་སོགས་ཅི་འགྲུབ་བྱ། །རེ་བའི་གདན་ལ་འབྲུ་ནག་སྟེང་། །བཀོད་ལ་རང་འདྲར་བསྐྱེད་ཅིང་བསྟིམ། །ཡུངས་ཀར་ཐུན་ལ་སྔགས་ཤིང་བསྒྲུབ། །དུག་ཤོག་སྔགས་བྲིས་ཐུན་ཡུངས་བཅས། །ནང་བཅུག་ལ་ཆས་ཞབས་བསྡམས་ལ། །གནོད་བྱེད་སོགས་ལ་ཟོར་དུ་འཕང་། །ཞེས་པ་ལྟར་ཆེ་བ་གཅིག་ལ་ཆུང་བ་བརྒྱད་ཀྱིས་བསྐོར་བའི་ཟོར་བཅས། ཚོགས་འཁོར། བགེགས་གཏོར། ཌཱ་དྲིལ། ཕུར་པ། སྒྲོལ་གྲི། རྔ་རོལ། ཞྭ་ཕོད་སོགས་མཁོ་བའི་ཡོ་བྱད་རྣམས་ལེགས་པར་བཤམ། བདག་བསྐྱེད་ཀྱི་ལས་བྱང་གཞུང་བསྲངས། །(༣ན)

― GLG025_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

སྔ་དྲོའི་བར་རྩ་བའི་འཛབ་གང་འགྲོ་བཟླ། གཏོར་ནག་ལས་མཐའ་ལས། རང་ཉིད་ལྷ་ཡི་ཏིང་ངེ་འཛིན་གྱིས། །གཏོར་མ་ཤ་ཁྲག་ཕུང་པོར་བསམ། །མ་ལ་ཡ་ཡི་རི་བོ་དང་། །སྲིན་ཡུལ་གནས་ནས་གུ་རུའི་ཚོགས། །སྤྱན་དྲངས་ཞལ་དུ་གསོལ་བར་བསམ། །ཞེས་པ་ལྟར་ཟོར་གཏོར་ལ་གནོད་བྱེད་དགྲ་བགེགས་རྣམས་ཚོགས་ཐ་མ་ཇི་ལྟ་བའི་སྒོ་ནས་དགུག་གཞུག་ཉེར་གཅིག་གམ་བདུན་གྱི་མཐར་ཕུར་པ་སྒྲིལ་ཞིང་གདེངས་ཀའི་སྟེང་ཀ་དང་བཅས་བསྒྲལ་བའི་ཚིག་དམིགས་བྱ། །གཏོར་མ་ངོ་བོ་བདུད་རྩི་ལ་རྣམ་པ་དགྲ་བགེགས་བསྒྲལ་བའི་ཤ་ཁྲག་གི་རྒྱ་མཚོ་ཆེན་པོར་བསམ། ཧཱུཾ། ལང་ཀ་པུ་ར་སྲིན་པོའི་ཡུལ་ཞེས་སོགས་ལས་བྱང་ལྟར་སྤྱན་དྲངས། རྩ་སྔགས་མཐར་གནོད་བྱེད་ཀྱི་ཤ་ཁྲག་རུས་པ་ལ་ཁ་རཾ་ཁཱ་ཧི། ཞེས་བདུན་ནམ་གསུམ་གྱིས་ཕུལ་བས་ལྷག་མ་མ་ལུས་པར་གསོལ་བར་བསམ། །མདུན་དུ་སྤྱན་དྲངས་པའི་ལྷ་ཛཿཧཱུཾ་བཾ་ཧོཿས་གཉིས་སུ་མེད་པར་བསྟིམ། བདག་དང་དྲག་པོའི་གཏོར་མ་ནི། །བདུད་འདུལ་པདྨ་དྲག་པོའི་སྐུ། །ལྗང་ནག་དུ་བའི་མདོག་ལྟ་བུ། །ཞལ་གཅིག་ཕྱག་གཉིས་རྒྱན་རྣམས་རྫོགས། །ཕྱག་གཡས་སྣ་ཚོགས་རྡོ་རྗེ་འཕྱར། །འཕྲིན་ལས་སྣ་ཚོགས་མཛད་པའི་རྟགས། །ཉོན་མོངས་བདུད་བཞི་ཟིལ་གྱིས་གནོན། །གཡོན་པ་སེང་ལྡེང་ཕུར་པ་གདེངས། །ཤེས་རབ་སྙིང་རྗེས་སྒྲོལ་བའི་ཕྱིར། །ཞིང་བཅུ་རུ་དྲ་སྒྲོལ་བའི་རྟགས། །སྐུ་སྨད་ཕུར་པ་དཔལ་དང་ལྡན། །གནམ་ལྕགས་འབར་བའི་ཐོག་ལྟར་བསམ། །ཞེས་བདག་མདུན་གཉིས་ཀ་གསལ་བཏབ། །སྤྱན་འདྲེན་ནས་བསྟོད་པའི་(༣བ)

― GLG025_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

མཇུག་ཏུ་དགྲ་དགེགས་རུ་དྲ་སྒྲོལ་པའི་ལས་མཛོད་ཅིག །ཅེས་པ་འདོགས། ཐུགས་ཀར་མཐིང་ནག་རྡོ་རྗེའི་དབུས། །ཧཱུཾ་ཡིག་མཐའ་རུ་ལས་སྔགས་ནི། །རྟགས་དང་སྦྱར་ཏེ་ཅི་འགྲུབ་བཟླས། །མགར་གྱི་ཞུན་མེ་ལྟ་བུ་འཕྲོ། །འབར་བ་དྲག་པོའི་སྐུ་རུ་གསལ། །ཞེས་ཏིང་ངེ་འཛིན་གསལ་བས་སྔགས་དང་ལས་སྔགས་སྦྲེལ་པས་ཅི་ནུས་སུ་བཟླ། ཟོར་བསྒྲུབ་པ་ནི། གསང་བ་མུ་སྟེགས་གཏོར་ནག་ལས། རང་ཉིད་དབང་ཕྱུག་ཆེན་པོའི་སྐུ། །ཤིན་ཏུ་ཆེ་བ་གྱེན་དུ་བསྒྲེངས། །འབྲས་བུ་ཀླུ་ཡི་ཡུལ་དུ་ཟུག །སྐྱེད་པ་མི་ཡི་ཡུལ་དུ་ལྡེམ། །མགོ་བོ་ལྷ་ཡི་ཡུལ་དུ་འཁྱོག །ཆུ་སྦུགས་བསྐལ་བའི་མེ་ལྟར་འབར། །སྐུ་ཡི་བ་སྤུའི་བུ་ག་ནས། །ཞུན་གྱི་མེ་སྟག་ཁྲོ་བོ་འཕྲོ། །སྔགས་བཟླས་མེ་ཡི་འོད་ཟེར་གྱིས། །གནོད་བྱེད་ཐམས་ཅད་ཚིག་པར་བསམ། །ཞེས་མན་ངག་ལྟར་གསལ་བཏབ་སྟེ་ཟོར་སྔགས་ཅི་འགྲུབ་ཏུ་བཟླ། ཚོགས་ཐ་མ་དང་བར་མ་སོང་ནས། །ཚོགས་ཐ་མ་ལ་བརྟེན་ནས་བཟློག་པའི་འཕྲིན་ལས་འཆོལ་བ། གཏོར་ནག་ལས་མཐའ་ལས། ལྟས་དང་མཚན་མ་རྩུབ་པ་ན། །གཏོར་མ་དྲག་པོའི་ཕུར་བུར་བསྒོམ། །ལིངྒ་བསྒྲལ་ལ་གཏོར་མར་བཏབ། །ཞེས་པ་ལྟར་བདུད་བཞི་ལིངྒ་ཟུར་པ་ཞིག་བཤམས་ལ། བསྐུལ་བ་ནི། ཧཱུཾ། གནམ་ལྕགས་གཞལ་ཡས་མེ་དཔུང་འབར་བའི་དབུས། །བདུད་བཞི་འདུལ་མཛད་ཀརྨ་དྲག་པོ་རྩལ། །བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས། །བགེགས་ཚོགས་བདུད་དཔུང་མ་ལུས་དགྲ་ལ་སྒྱུར། །མཧཱ་དེ་བ་སྲིད་པའི་མེས་པོ་ཆེ། །བསྐལ་པའི་མེ་རླུང་བར་སྣང་ཁམས་འཁྲུག་པས། །ནད་གདོན་བར་གཅོད་རྐྱེན་ངན་མ་(༤ན)

― GLG025_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་པ། །གནམ་ལྕགས་ཟོར་གྱིས་དགྲ་བོའི་སྟེང་དུ་སྒྱུར། །བདུད་འདུལ་ཀརྨ་དྲག་པོའི་ལྷ་ཚོགས་ཀྱིས། །སངས་རྒྱས་བསྟན་བཤིག་དཀོན་མཆོག་དབུ་འཕང་སྨོད། །བླ་མའི་སྐུ་དགྲ་སེམས་ཅན་ཡོངས་ལ་འཚེ། ཁྱད་པར་བདག་སོགས་རྒྱུ་སྦྱོར་ཡོན་བདག་ལ། །གནོད་བྱེད་གཟུགས་ཅན་དགྲ་དང་གཟུགས་མེད་བགེགས། །ཡང་སྒོས་དམ་སྲི་གདོན་བགེགས་འབྱུང་པོའི་དཔུང་། །རྦད་འདྲེ་རྦོད་གཏོང་བྱད་མ་མཁན་པོ་སོགས། །རྣམ་པར་ཤེས་པ་བླ་སྲོག་ཚེ་གསུམ་སོགས། །མཐར་མེད་འབྲུབ་ཁུང་ནག་པོའི་ནང་ཁྲིད་དེ། །བདུད་བཞིའི་གཟུགས་བརྙན་དམིགས་བྱའི་ཁོག་པ་རུ། །མིང་བྱང་ཡི་གེར་བཏབ་པ་འདི་ཉིད་ལ། །ད་ལྟ་ཉིད་ལ་འགུགས་བསྟིམ་འཕྲིན་ལས་མཛོད། །གསེར་སྐྱེམས་བཏང་། གདབ་ལས་དངོས་གཞི་ཚོགས་ཐ་མ་ལྟར་ལ། སྟོབ་པ་ནི། ཧཱུཾ། སྲིན་པོའི་རྒྱལ་པོ་ཡལ་གམ་ཅན། །གུ་རུ་ཀརྨ་དྲག་པོ་རྩལ། །གནམ་ས་ཙམ་དུ་ཞལ་ཕྱེ་ཞིག །གངས་རི་ཙམ་གྱི་མཆེ་གཙིགས་ལ། །གློག་དམར་ཙམ་གྱི་ལྗགས་ཁྱོངས་ཤིག །དགྲ་བགེགས་བསྒྲལ་བའི་ཤ་ཁྲག་རུས། །དུག་གསུམ་ཤ་ཁྲག་མཆོད་པར་བཞེས། །ཨཱོཾ་ཨཱཿཧཱུཾ་ཀརྨ་མཧཱ་གུ་རུ་ཀརྨ་སིདྡྷི་ཧཱུཾ། གནོད་བྱེད་ཀྱི་ཤ་ཁྲག་རུས་པ་ལ་ཁ་རཾ་ཁཱ་ཧི་ཞེས་འབུལ། །ལྷག་མ་བཙོན་དུ་བཟུང་། བཟློག་སྒྱུར་ནི། ཧཱུཾ། བདུད་འདུལ་ཀརྨ་གུ་རུ་ཁྲོ་ཞིང་གཏུམ། །གཡས་པ་སྣ་ཚོགས་རྡོ་རྗེས་ལས་བཞི་བསྒྲུབ། །གཡོན་པ་ཕུར་བུ་དགྲ་བགེགས་སྙིང་ལ་གཟིར། །སྤྲུལ་པ་ཡང་སྤྲུལ་ཕོ་ཉའི་ཚོགས་བཅས་རྣམས། །དགྲ་བགེགས་བསྒྲལ་བའི་ཤ་ཁྲག་མཆོད་པ་བཞེས། །མི་མཐུན་(༤བ)

― GLG025_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

བར་གཅོད་བཟློག་པའི་འཕྲིན་ལས་མཛོད། །ལྷ་ཆེན་དབང་ཕྱུག་སྲིད་གསུམ་དབང་སྒྱུར་བ། །ལྷ་ཀླུ་མི་ཡི་གནས་ཁྱབ་སྲིད་མེས་ཅན། །ཆུ་སྦུབས་བསྐལ་མེ་བ་སྤུའི་བུ་ག་ནས། །མགར་གྱི་ཚ་ཚ་ལྟར་འཕྲོའི་དྲག་ཤུལ་ཅན། །དགྲ་བགེགས་བསྒྲལ་བའི་ཤ་ཁྲག་མཆོད་པར་བཞེས། །མི་མཐུན་བར་གཅོད་བཟློག་པའི་འཕྲིན་ལས་མཛོད། །ཅེས་ལིང་རོའི་ལྷག་མ་རྣམས་དང་སྨན་རཀ་བཅས་སྟོབ་པའི་ཚུལ་དུ་བྱེད། ཕུར་པ་ལྕགས་ཁང་མའི་བཟློག་གཞུང་ཆུང་བ་ལས། ཧཱུཾ། གཞན་ཡང་བཟློག་ཅིང་བསྒྱུར་བ་ནི། བཟློག་སྒྱུར་ལས་ལ་ཁྱེད་རང་མཁས། །ལྕི་ཡང་རི་བོ་པང་དུ་ལོང་། །དཀའ་ཡང་བདུད་ལ་རྒྱུ་ཞགས་ཐོབ། །རྒྱུ་སྦྱོར་ཡོན་བདག་འཁོར་བཅས་ལ། །ཡས་ཀྱི་བདུད་དུ་གཡོས་པ་བཟློག །མས་ཀྱི་སྲི་རུ་ལངས་པ་བཟློག །ཉེ་བའི་བྱོལ་ཟོར་གཏོང་བ་བཟློག །ལྟག་པའི་བདུད་དུ་བབས་པ་བཟློག །དཔྲལ་བའི་གཤེད་དུ་འཁོར་བ་བཟློག །ཕོ་སྲི་མོ་སྲི་ལངས་པ་བཟློག །ཆེ་སྲི་ཆུང་སྲི་ལངས་པ་བཟློག །དམ་སྲི་དབུལ་སྲི་གོད་སྲི་བཟློག །ཕ་མེས་དུར་སྲི་འཕུང་སྲི་བཟློག །བདུད་ཀྱི་ཐན་ནག་ཕྱག་བརྙན་བཟློག །བཙན་གྱི་གཟེར་བབ་གཏོང་བ་བཟློག །ས་བདག་བྱད་དུ་བཅིངས་པ་བཟློག །རྒྱལ་པོའི་སྨྱོ་འདྲེ་འབོག་པ་བཟློག །གཟའ་ཡི་ཀིང་ཀཾ་དུག་རླངས་བཟློག །མུ་སྟེགས་ངན་སྔགས་ཐམས་ཅད་བཟློག །ཐེའུ་རང་སྲིས་ལ་རྐུ་བ་བཟློག །སྔགས་པའི་ཕུར་པ་འདེབས་པ་བཟློག །བོན་གྱི་བཙོ་ཟོར་འཕེན་པ་བཟློག །སུམ་པའི་གླང་ཆེན་སྣ་བསྒྱུར་བཟློག །མི་ཉག་བོན་གྱི་འབོ་ལེ་བཟློག །ལོ་ཀེག་ཀི་ཀང་གཤེད་བཞི་བཟློག །ས་ལ་ཞག་རྩིས་འདེབས་པ་བཟློག །གནམ་ལ་ཟླ་གྲངས་(༥ན)

― GLG025_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས་པ་བཟློག །གཟའ་དང་སྐར་མ་ངན་པ་བཟློག །ལོ་ཀེག་ཟླ་ཀེག་ཞག་ཀེག་བཟློག །ཟ་ཀེག་བདུན་ཟུར་ཐམས་ཅད་བཟློག །དུས་ཚོད་བརྩིས་ནས་འདེབས་པ་བཟློག །གནམ་གྱི་དལ་ཁ་བབས་པ་བཟློག །ས་ལ་དུག་ནད་ལངས་པ་བཟློག །ཐོག་བབ་དལ་བབས་ཐམས་ཅད་བཟློག །བྱས་ཉེས་ཉམས་གྲིབ་ཐམས་ཅད་བཟློག །ཡུལ་མི་ཁྱིམ་མཚེས་དམོད་མོ་བཟློག །གཡས་ནས་ཕོ་བརྒྱས་མདའ་བརྡར་བཟློག །གཡོན་ནས་མོ་བརྒྱས་དུག་སྦྱོར་བཟློག །མི་ནག་སྐྱེ་བོའི་ཡ་ག་བཟློག །བྲན་ཁོལ་ངན་པའི་དམོད་ཆུ་བཟློག །མདུན་ནས་ལངས་ཤིང་སྡོད་པ་བཟློག །རྒྱབ་ནས་ཁྱི་བཞིན་འབྲང་བ་བཟློག །མོ་ངན་ལོག་པར་སྡིགས་པ་བཟློག །རྨིས་ལྟས་མཚན་མ་ངན་པ་བཟློག །སྲོད་ལ་བྱ་ཕོ་འཚེར་བ་བཟློག །ཐོ་རེངས་སྒོ་ཁྱི་ངུ་བ་བཟློག །འུག་པ་ཧ་ཧ་རྒོད་པ་བཟློག །སྲིན་བྱ་ཐོག་ཁར་འཚེར་བ་བཟློག །ལོགས་ལ་ཝ་སྤྱང་བརྒྱལ་བ་བཟློག །ལྟས་ངན་བརྒྱད་བཅུ་རྩ་བཞི་བཟློག །ཕ་ཚན་ནང་གི་བརྒྱ་འདྲེ་བཟློག །མ་བུ་དེ་ནི་བྱུར་འདྲེ་བཟློག །དར་ཚན་ནང་གི་སྟོང་འདྲེ་བཟློག །ཕོ་བདུད་དལ་ཁ་གཡས་སུ་བཟློག །མོ་བདུད་དལ་ཁ་གཡོན་དུ་བཟློག །སྤྱི་བདུད་དལ་ཁ་མཁའ་ལ་བཟློག །ཕས་ཀྱི་འཕུང་འདྲེ་རྦད་འདྲེ་བཟློག །ཚུར་གྱི་སྣ་འདྲེན་བྱེད་པ་བཟློག །ལུས་ལ་ན་ཚ་གཏོང་བ་བཟློག །ཚེ་ལ་བར་ཆད་བྱེད་པ་བཟློག །རྐུབ་ནས་འབུ་བཞིན་གཡེང་བ་བཟློག །མགོ་ལ་ཏིལ་བརྡུང་བྱེད་པ་བཟློག །ཁ་ནས་དར་བཞིན་འཇམ་པ་བཟློག །གཏིང་ནས་ཚེར་བཞིན་རྩུབ་པ་བཟློག །ལུས་ལ་སྦྲུལ་ལྟར་འཁྲིལ་བ་ཟློག །ངོས་ལ་སྤྲེལ་ལྟར་འཛེག་པ་བཟློག །མི་ཁ་བྲམ་མཆུ་ཐམས་ཅད་བཟློག །(༥བ)

― GLG025_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱི་རུ་ཆགས་ཆེ་ཐམས་ཅད་བཟློག །སྒོས་སུ་ཉམ་ང་ཡོད་པ་བཟློག །རྦོད་གཏོང་རྦད་འདྲེ་ཐམས་ཅད་བཟློག །རྨི་ལམ་ངན་པ་ཐམས་ཅད་བཟློག །ཕོ་བྱོལ་དེ་ནི་གཡས་སུ་བྱོལ། །མོ་བྱོལ་དེ་ནི་གཡོན་དུ་བྱོལ། ཁྱིམ་མཚེས་གཞན་གྱི་ས་རུ་བྱོལ། །སྡང་དགྲ་གནོད་བགེགས་དེ་ལ་བྷྱོ། །ཟ་བར་བྱེད་པའི་འདྲེ་ལ་བྷྱོ། །འཕུང་བར་བྱེད་པའི་སྲི་ལ་བྷྱོ། །སྦྱོར་ངན་གཏོང་བའི་ལྟག་ཏུ་བྷྱོ། །ཆོ་འཕྲུལ་ངན་པ་དགྲ་ལ་སྒྱུར། །བཟློག་ཅིང་བསྒྱུར་བའི་འཕྲིན་ལས་མཛོད། །ཆད་མཐོ་དང་། མ་ཉེས་དཔང་དུ་སོགས་ཀྱིས་ཐུན་གཏོར་འཕང་། །བསྟན་སྐྱོང་བྲོ་བརྡུང་ཆད་ལྷག་བཀང་ནས་བསྔོ་བ་སྨོན་ལམ་ཤིས་བརྗོད་བྱ། ཉིན་རྗེས་མ་རྣམས་ལ་དངོས་གཞི་གོང་ལྟར་ལ་བདག་བསྐྱེད་ཀྱི་བཟླས་པ་གྲུབ་རྗེས། བདག་དང་དྲག་པོའི་གཏོར་མ་ནི་ཞེས་སོགས་མན་མ་གཏོགས་གཏོར་མར་དགུག་གཞུག་དང་། ལྷ་སྤྱན་དྲངས་ནས་འབུལ་བ་དོར། ཉིན་ཐ་མ་ལིང་ག་ཟུར་པ་མི་དགོས་ཤིང་ཐུན་གཏོར་འཕང་རྗེས། གསེར་སྐྱེམས། སྒོ་དབྱེ་ཚེ་བདག་ལྟར་དང་གཏོར་མ་སྤགས། ཚོགས་ལྷག་དང་ཆད་མཐོ་དམག་ལྟོའི་ཚུལ་དུ་གཏོང་། གཏོར་མ་འཕེན་པར་གསེར་སྐྱེམས་ཀྱི་རྗེས་སུ། ཧཱུཾ། དབང་ཕྱུག་མཧཱ་དེ་བའི་སྐུ། །ཆུ་སྦུབས་བསྐལ་བའི་མེ་རླུང་འཁྲུག །གནམ་ལྕགས་འབར་བའི་ཟོར་གཏོར་འདི། །དགྲ་དང་བགེགས་ཀྱི་སྟེང་དུ་འཕེན། །བྱད་ཁ་བཟློག་ལ་ཕུར་ཁ་སྒྱུར། །བཅོལ་བའི་འཕྲིན་ལས་སྒྲུབ་པར་མཛོད། །ཟོར་སྔགས་བཟླ་ཞིང་འཕེན། རྩ་བའི་སྔགས་དང་ལས་ཀྱི་སྔགས། །མང་དུ་བཟླས་ཤིང་གནོད་ཕྱོགས་འཕང་ཞེས་པ་ལྟར། །ཧཱུཾ། མ་ཉེས་དཔང་དུ་དཀོན་མཆོག་བཞུགས། །དགྲ་བགེགས་མ་གཏོགས་སྐུ་གཟུར་ཅིག །ཁྲག་འཐུང་དྲག་པོའི་དམག་དཔུང་(༦ན)

― GLG025_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེད། །དགྲ་བགེགས་སྟེང་དུ་གཏོར་ཟོར་རྒྱོབ། །མཐའ་ཡི་དམག་དཔུང་ཐམས་ཅད་མཱ་ར་ཡ་སོད། །རྩ་སྔགས་གཤམ་དུ་བཟློག་སྔགས་དང་ཟོར་སྔགས་བཏགས་ཏེ་གཏོར་མ་བརྒྱག །མེ་ཆུའི་རྒྱས་འདེབས། ནང་དུ་ལོག་ནས་བསྟན་སྐྱོང་། བྲོ་བརྡུང་། ཚེ་འགུགས་གཏང་རག །རྟེན་ལ་བརྟན་བཞུགས། མགྲོན་ལ་གཤེགས་པ། བཟོད་གསོལ། སྨོན་ལམ་ཤིས་བརྗོད་རྣམས་དཀྱུས་ལྟར་ཕྱེད་དོ། །རྟ་ལྗང་དབང་པོའི་དཀྱིལ་འཁོར་བཅུ་གཉིས་ཆར། །བརྡར་ལ་བི་ཤྭ་ཀརྨའི་ཁེངས་དྲེགས་ཁུར། །འདོར་བྱེད་རིམ་པ་བདུན་ཡང་ཐལ་བྱུང་དུ། །འབིགས་ནུས་གནམ་ལྕགས་ཟོར་གྱི་ལས་འདི་མཚར། །གདོན་བགེགས་མཐའ་དམག་གླང་གདོང་བསྙེམས་པའི་མཆེ། །ཕྱུངས་ཏེ་མཐུ་སྟོབས་རྨ་བྱ་ལ་ཞོན་ནས། །བདེ་སྐྱིད་ཁང་བཟང་མདུན་སར་གར་རྩེ་བ། །རིགས་འཛིན་གདོང་དྲུག་དེ་ཀོ་ཅིས་མི་རྒྱལ། །འདིར་འབད་འབྲས་བུ་རང་རྒྱུད་དུག་ལྔའི་དཔུང་། །རྣམ་པར་བཅོམ་པས་ཕྱི་རོལ་དགྲ་གདོན་བགེགས། །ཉིན་ཕྱེད་འཆར་ཀའི་མུན་པ་ལྟར་བསངས་ནས། །གངས་ལྗོངས་རྫོགས་ལྡན་དཔལ་ལ་སྤྱོད་པར་ཤོག །ཅེས་བླ་མ་ཀརྨ་གུ་རུའི་གཏོར་ནག་གི་ལས་མཐའ་གནམ་ལྕགས་སྤུ་གྲི་འདི་ནི་ལང་འགྲོའི་སྔགས་འཆང་རྟ་ནག་སྒྲོལ་མ་ཕུག་ནས་དང་སླད་མར་རིགས་འཛིན་ཆེན་པོ་གཏེར་བདག་གླིང་པའི་གསུང་གིས་བསྐུལ་བ་རིང་ཞིག་འགྱངས་པ་ཉེ་ཆར་ཕོ་བྲང་གནང་བྱུང་པ་སྔགས་བཙུན་ངག་དབང་མཁྱེན་བརྩེས་མཚམས་སྦྱར་བས་རྐྱེན་བྱས་གཏེར་གཞུང་གི་དགོངས་དོན་བཀའ་དྲིན་མཉམ་མེད་ཆོས་དབྱིངས་རང་གྲོལ་གྱི་གསུང་ལས་ཇི་ལྟར་ཐོས་པ་བཞིན་ལྗགས་སྒྲིགས་དང་ཟིན་བྲིས་ལ་ཞིབ་ཏུ་

― GLG025_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

དཔྱད་ནས་ཟ་ཧོར་གྱི་སྔགས་སྨྱོན་ཟིལ་གནོན་བཞད་པ་རྩལ་གྱིས་མེ་སྦྲུལ་ཧོར་ཟླ་དགུ་པའི་ཡར་ངོའི་ཚེས་བཅུར་སྦྱར་བའི་ཡི་གེ་པ་ནི་དཔལ་གྲོང་སྔགས་རམས་པ་ངག་དབང་དགེ་ལེགས་སོ།། །།སརྦ་མངྒ་ལཾ།

མ་དང་མཁའ་འགྲོ་མཉེས་བྱེད་མེ་མཆོད་ཀྱི་ཆོ་ག་རིགས་འཛིན་སྲོག་མཐུད་རྩི་སྨན་ལྗོན་པ།

― GLG025_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

མ་དང་མཁའ་འགྲོ་མཉེས་བྱེད་མེ་མཆོད་ཀྱི་ཆོ་ག་རིགས་འཛིན་སྲོག་མཐུད་རྩི་སྨན་ལྗོན་པ་བཞུགས་སོ། །

― GLG025_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་བཛྲ་ཝ་ར་ཧྱཻ། རྒྱལ་ཀུན་འདུས་པ་རྔ་ཡབ་གླིང་པ་ཡི། །རིང་ལུགས་སྤེལ་ལ་བི་མཱ་ལ་མི་ཏྲའི། །རྣམ་སྤྲུལ་མྱང་སྟོན་བློ་མཆོག་རྡོ་རྗེའི་ཞབས། །བྱང་ཆུབ་བར་དུ་གཙུག་གི་ནོར་བུར་བསྟེན། །རྣལ་འབྱོར་རྩིང་སྤྱོད་དམ་སེལ་གྲིབ་རྐྱེན་མཐུས། །མ་དང་མཁའ་འགྲོའི་བཀའ་ཆད་མུན་པའི་སྨག །མཐར་བྱེད་མེ་མཆོད་སྣང་བ་འོད་པོ་ཆེས། །བདེ་སྐྱིད་གཟུགས་བརྙན་མ་ལུས་མངོན་སུམ་གསལ། །དེ་ཚུལ་ཟབ་གཏེར་རྣམ་གྲངས་མང་བ་ལས། །མཁའ་འགྲོའི་བཀའ་བབས་གཏེར་ཆེན་ཉང་རལ་གྱི། །ཌཱ་ཀིའི་སྙིང་ཁྲག་ཁྲོས་ནག་དགོངས་དོན་བཞིན། །རིགས་འཛིན་སྲོག་མཐུད་རྩི་སྨན་ལྗོན་འདི་སྤེལ། །དེ་ལ་འདིར་མཁའ་འགྲོའི་མེ་མཆོད་བྱ་བ་ལ་སྔོན་འགྲོ་དངོས་གཞི་རྗེས་ཀྱི་རིམ་པ་དང་གསུམ། དང་པོ་ནི། ལྷ་ལྔའི་གཞུང་ལས། ཡར་ངོ་མར་ངོའི་ཚེས་བཅུ་དང་། །དུས་གཉན་དུས་སུ་མི་མེད་པའི། །ས་ཕྱོགས་དབེན་པའི་གནས་ཉིད་དུ། །དཀྱིལ་འཁོར་ལྔ་ནི་བཞེངས་བྱས་ལ། །ཞེས་པ་ལྟར། གནས་དབེན་ཅིང་གཟུགས་ཅན་གཟུགས་(༢ན)

― GLG025_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཀྱི་འཚེ་བ་མེད་པའམ། ཡང་ན་མཚོ་གླིང་བས་མཐའ་དུར་ཁྲོད་ནགས་ཁྲོད་སོགས་ཇི་ལྟར་འོས་པའི་ས་ཕྱོགས་སུ་ཡར་ངོའི་ཚེས་བཅུའམ་དུས་གཞན་གྱི་སྲོད་ལ་བྱ་བར་མ་ཟད་ཉིན་མོ་ལྟ་བུའང་མི་རུང་བ་མིན་པས་གང་དུ་བྱ་བར་ཕྱག་བདར་དང་སྐྱང་ནུལ་ལེགས་པར་བྱས་ལ་གཙང་མའི་ས་ལ་སྟེགས་བུ་ཟླུམ་པོ་རྒྱ་དང་དཔངས་ཚད་ཇི་ལྟར་རིགས་པ་བྱས་ན་གཞུང་དང་མཐུན་ཞིང་། དེང་སང་ལག་ལེན་དུ་གྲུ་བཞི་བྱེད་པ་ལྟར་བྱས་ཀྱང་མི་འགལ་ཞིང་ཁོད་བསྙོམས་པས་བདུད་རྩི་ལྔས་ཆག་ཆག་གདབ། དེ་ཉིད་ལས། པདྨ་འདབ་བཞི་དཀར་པོ་བྲི། །ཞེས་པ་ལྟར་རྡུལ་ཚོན་གྱི་པདྨ་འདབ་བཞི་མུ་རམ་ཁ་ཁྱེར་དང་བཅས་པ་བྲིས་པའི་གྲྭ་བཞིར་ཟླ་ཕྱེད་རྡོ་རྗེས་མཚན་པའི་ལྟེ་བ་དཀར་པོའི་དབུས་སུ་ཕྱག་མཚན་ནམ་ཡིག་འབྲུའི་མཚོན་སྤུངས་གང་རུང་འགོད། དེ་ཉིད་ལས། གླང་མ་བལ་བུའི་ཤིང་རྣམས་ལ། །ཟླུམ་པོར་བརྩིགས་ཏེ་སྲེག་རྫས་འབུལ། །ཞེས་པ་ལྟར་བྱས་པས་ཁྱབ་ཀྱང་སྲོག་ཆགས་མེད་པའི་ལྕི་བ་སྐམ་པོ་འཇུག་པ་བདེ་ཕྱིར་ཟླུམ་པོར་བརྩིགས་ཏེ་ས་དཀར་སོགས་ཀྱིས་ཁ་དོག་བསྒྱུར། །(༢བ)

― GLG025_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་རག་གཏོར་གསུམ་ཆུ་གཉིས་ཉེར་སྤྱོད། རྡོ་རྗེ། དགང་བླུགས། དྲིལ་བུ། ཐོད་རྔ། རྐང་གླིང་། རོལ་ཆེན། འཐོར་ནས། བསང་ཆུ་སོགས་མཁོ་བའི་ཡོ་བྱད་མཐའ་དག་དང་ཁྱད་པར་སྲེག་རྫས་ནི། དེ་ཉིད་ལས། རྫས་ནི་ཕྱེ་མར་རཏྣ་དང་། །འབྲུ་སྣ་དར་ཟབ་གོས་ལ་སོགས། །ཟས་སྣ་ཐམས་ཅད་བསྲེག་པར་བྱ། །གསེར་དངུལ་ཟངས་ལྕགས་གཡུ་དང་ནི། །དུང་དང་མགྲོན་བུ་ལ་སོགས་པ། །རང་རང་ཕྱོགས་སུ་བསྲེག་པར་བྱ། །ཞེས་ལས་བཞིའི་ཐབ་ཁུང་སོ་སོར་ཡོད་པའི་དབང་དུ་བྱས་ནས་གསུངས་ཀྱང་། དེ་ཉིད་ལས། དབུས་སུ་ཐམས་ཅད་བསྲེག་པར་བྱ། །ཞེས་རྫས་ཐམས་ཅད་གཅིག་ཏུ་བསྒྲིལ་ནས་འབུལ་རུང་ཞིང་ཕྱག་ལེན་དུའང་མཛད་པས་དངོས་བསྟན་གྱི་རྫས་རྣམས་དང་དེར་མི་གསལ་བའི་རྫས་རྣམས་ཀྱང་རིགས་པས་དཔྱད་ནས་ཐམས་ཅད་ཕྱི་མར་བྱས་བག་ཟན་དང་བསྲེས་ནས་རིལ་བུར་དྲིལ་ཏེ་འབུལ་པ་ལེགས་ཤིང་མར་ཁུ་དང་ཡམ་ཤིང་ནི་མེད་དུ་མི་རུང་། དེའང་རྫས་གང་འཛོམ་གྱི་སྟེང་དུ། གཟི་བརྗིད་ཉམས་པ་ཞི་བ་ལ་ཙནྡན་དཀར་པོ་དང་འོ་མ་ཅན་དྲི་བཟང་པོའི་ཤིང་རིགས་མང་བ་བསྲེ། དེ་བཞིན་དུ། མདངས་ཉམས་པ་ཞི་བར་མེ་ཏོག་སྣ་ཚོགས། ཁ་དོག་ཉམས་པ་ཞི་བར་དར་སྣ་ཚོགས། འབྱོར་པ་ཉམས་པ་ཞི་བར་མར། སྡིག་པ་ཞི་བར་ཏིལ། ཉམས་རྟོགས་མི་འཕེལ་བ་ཞི་བར་ཆང་། དམ་སྡོམ་ཉམས་པ་ཞི་བར་སྤོས། །ཚེ་ཉམས་པ་ཞི་བར་དཱུརྦ། བསོད་ནམས་ཉམས་པ་ཞི་བར་འབྲས། འབྲུ་ནོར་ཉམས་པ་ཞི་བར་སོ་བ། བདེ་བ་ཉམས་པ་ཞི་བར་ཟས་མཆོག །མི་གཙང་བ་ཞི་བར་ཀུ་ཤ །བགེགས་ཞི་བར་ཡུངས་ཀར་དང་ཤ་ཁྲག་ཚིལ་གསུམ། འོག་(༣ན)

― GLG025_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

གདོན་གྱི་འཚེ་བ་ཞི་བར་རྨ་བྱའི་མདོངས། སྦྱོར་ངན་ཞི་བར་ལན་ཚ། ཤུགས་ཉམས་པ་ཞི་བར་ནས། ལོངས་སྤྱོད་ཉམས་པ་ཞི་བར་འོ་མ། སྟོབས་ཉམས་པ་ཞི་བར་སྲན་མ་དང་རིན་ཆེན་སྣ་ཚོགས། །རིམས་ཞི་བར་གྲོ། །མི་མོས་པ་ཞི་བར་དངར་གསུམ། ནད་ཞི་བར་སྨན་སྣ་ཚོགས། རིགས་བརྒྱུད་མི་འཕེལ་བ་ཞི་བར་ཤིང་ཏོག་སྣ་ཚོགས། །ས་ལམ་གྱི་ཡོན་ཏན་མི་འཕེལ་བ་ཞི་བར་འབྲུ་མར་རྣམས་སྐབས་སུ་གང་བབ་གཙོ་ཆེས་སྦྱོར་བ་གནད་དུ་ཆེ། དེ་ལྟར་ཡོ་བྱད་རྣམས་མཐོང་བ་བརྒྱུད་པའི་ཕྱག་ལེན་ལྟར་བཤམ་མོ། །གཉིས་པ་དངོས་གཞི་ལ། བདག་ཉིད་ཀྱི་རྣལ་འབྱོར་དང་། མེ་མཆོད་དངོས་ལས། དང་པོ་ནི་རྒྱས་པར་སྤྲོ་ན་གཏེར་ཆེན་ཆོས་ཀྱི་རྒྱལ་པོ་མངའ་རིས་པཎ་ཆེན་རིན་པོ་ཆེས་མཛད་པའི་སྒྲུབ་ཐབས་ཀྱི་ཆོ་ག་བདེ་ཆེན་རབ་རྒྱས་བྱ་བར་རིགས་ནའང་། མདོར་བསྡུས་ཁྱེར་བདེ་ཙམ་ལ་སྐྱབས་འགྲོ་ནི། བརྒྱུད་པའི་རྩ་བ་བླ་མ་རིན་པོ་ཆེ། །དངོས་གྲུབ་འབྱུང་གནས་ཡི་དམ་ལྷ་ཡི་ཚོགས། །ལེགས་པར་བྱིན་རླབས་དཔའ་བོ་མཁའ་འགྲོ་ལ། །ཀུན་ནས་གུས་པས་ཕྱག་འཚལ་སྐྱབས་སུ་མཆི། །ལན་གསུམ། སེམས་བསྐྱེད་ནི། བདག་གཞན་གཉིས་མེད་དོན་ཀུན་བསྒྲུབ་བྱའི་ཕྱིར། །བླ་མ་ཡི་དམ་མཁའ་འགྲོ་ཀུན་བསྒྲུབས་ནས། །སྙིང་པོ་བླ་མེད་བྱང་ཆུབ་འཐོབ་བྱའི་ཕྱིར། །གཞན་དོན་བྱེད་པར་བདག་གིས་སེམས་བསྐྱེད་དོ། །ལན་གསུམ་བརྗོད། བདག་བསྐྱེད་ནི། དེ་ནས་སྟོང་པའི་ངང་ཉིད་ལས། །སྟོང་གསུམ་འཇིག་རྟེན་ཁམས་འདི་ནི། །མཁའ་འགྲོ་ཆོས་འབྱུང་འབར་བའི་དབུས། །པདྨ་འདབ་བཞི་ཉི་མ་རོ། །དེ་སྟེང་རང་ཉིད་ཧྲཱིཿ(༣བ)

― GLG025_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་ལས། །འོད་འཕྲོས་བསྐུལ་དོན་རྣམ་གཉིས་བྱས། །ཚུར་འདུས་ཧྲཱིཿལ་ཐིམ་པ་ལས། །བདག་ཉིད་རྡོ་རྗེ་ཕག་མོར་བསྒོམ། །མདོག་ནག་ཕག་ཞལ་གྱེན་དུ་གཟིགས། །ཕྱག་གཉིས་གྲི་གུག་ཐོད་ཁྲག་འཛིན། ཁ་ཊྭཱཾ་རྩེ་གསུམ་གྲུ་མོར་བརྟེན། །རུས་པའི་རྒྱན་དང་དར་གྱིས་བརྒྱན། །གཡས་བརྐྱང་གཡོན་བསྐུམ་བདེ་བར་བཞུགས། །ཞལ་ནས་ཕེཾ་ཕེཾ་ཧྲིང་ཧྲིར་བརྗོད། །སྤྱན་བགྲད་ལྗགས་ནི་གློག་ལྟར་འགྱུ། །གཅེར་བུ་པདྨ་རཀྟ་འཛག །སྐུ་ལས་བསྐལ་པའི་མེ་འོད་འཕྲོ། །དེ་ལྟ་བུ་ཡི་སྐུ་རུ་གྱུར། །ཅེས་སོགས་ཡོ་ག་གསུམ་ལས་མཧཱ་ལྟར་ས་བོན་ལས་བསྐྱེད་ཀྱང་ཨ་ཏི་ཡོ་ག་ལྟར་རང་རིག་གདོད་ནས་ཁྲོས་མ་ནག་མོའི་སྐུར་ལྷུན་གྱིས་གྲུབ་པ་གསལ་སྣང་དང་ང་རྒྱལ་ལས་སྤྱན་འདྲེན་མཆོད་བསྟོད་སྤྲོས་པ་རྣམས་དོར་བས་ཆད་ལྷག་ཏུ་མི་འགྱུར་བའི་དབང་དུ་བྱས་ཀྱི། སྤྲོ་ན་སྤྱན་འདྲེན་སོགས་གཞུང་བཞིན་བྱ། །སྙིང་གར་ཆོས་འབྱུང་གཡུང་དྲུང་སྟེང་། །ཧྲཱིཿནག་སྔགས་ཀྱི་འཁོར་ལོ་བསྐོར། །ཐུགས་ཀའི་སྔགས་ལས་འོད་འཕྲོས་པས། །འགྲོ་དྲུག་སྒྲིབ་སྦྱངས་ཕག་མོར་གྱུར། །གཟུགས་སུ་སྣང་བ་མཁའ་འགྲོའི་སྐུ། །སྒྲ་རྣམས་ཡི་གེ་བཞི་ཡི་སྒྲ། །དྲན་རྟོག་ཆོས་ཉིད་ངང་དུ་གནས། །དེ་ལྟར་གསལ་བའི་དཀྱིལ་འཁོར་དེ། །དབྱིབས་ལ་བརྟགས་ཤིང་སེམས་ལ་བསྒོམ། །དབྱིབས་དང་གོམས་པར་གྱུར་བ་དང་། །སྔགས་ཀྱི་སྒྲ་ལ་བསླབ་པར་བྱ། །ཧ་རི་ནི་ས་ཞེས་པ་ནི། །དགོས་འདོད་འབྱུང་བའི་སྔགས་སུ་བཤད། །སྔགས་ཀྱི་རྒྱལ་པོ་འདི་བཟླས་སོ། །ཨོཾ་ཤྲཱི་བཛྲ་བྷ་ར་ཧི། ཧྲཱིཿཧ་རི་ནི་ས། ར་ཙ་ཧྲི་ཡ་ཧཱུཾ་ཕཊ། ཅེས་པ་འདི་ལ་འབུམ་ཕྲག་དྲུག །(༤ན)

― GLG025_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་ནི་ལུས་ངག་ཡིད་གསུམ་ལ། །འབར་བ་གསུམ་གྱི་དངོས་གྲུབ་འབྱུང་། །དེ་ནི་བསྙེན་པའི་རིམ་པའོ། །ཞེས་གསུངས་པ་བསྙེན་པ་དངོས་བསྟན་ལ་དགོངས་ཀྱི་མེ་མཆོད་ལ་འཛབ་ཅི་འགྲུབ་བཟླས་པས་ཆོག་གོ །གཉིས་པ་མེ་མཆོད་ཀྱི་རིམ་པ་ནི། རྡོར་དྲིལ་བཟུང་ནས་མཆོད་རྫས་དང་སྲེག་རྫས་བྱིན་གྱིས་བརླབ་པ་ནི། ཧཱུཾ། དུར་ཁྲོད་ཞིང་མཆོག་འོག་མིན་གནས་སུ་གསལ། །མཆོད་རྫས་སྨན་རཀ་གཏོར་མ་ཡེ་ཤེས་ལྔ། །འདོད་ཡོན་དྲུག་ལྡན་ཚོགས་ཀྱིས་འཇིག་རྟེན་དང་། །ཐབས་ཤེས་གཉིས་མེད་བདེ་ཆེན་འདུ་འབྲལ་མེད། །ཕྱི་ནང་གསང་གསུམ་སྣོད་བཅུད་བདེ་བ་ཆེ། །ཨོཾ་ཨཱཿཧཱུཾ་ཧོཿ སརྦ་པཱུ་ཛ་ས་མ་ཡ་ཧཱུཾ་ཞེས་ལན་མང་དུ་བཟླས་ནས་བྱིན་གྱིས་བརླབས། དུ་བ་མེད་པའི་མེས་ཐབ་ཏུ་སྤར་ལ་ཨོཾ་ཨགྣི་ཛྭ་ལ་རཾ་ཞེས་བརྗོད་ཅིང་མར་ཁུའི་ཐིགས་པས་ཀྱང་གསོ། དེ་ནས་མདུན་གྱི་ཐབ་དང་ལྷ་གསལ་འདེབས་པ་ནི། སུཾ་བྷ་སོགས་ཧཱུཾ་བཞིའི་སྔགས་བརྗོད་ཅིང་བསང་ཆུ་གཏོར་ནས་བགེགས་བསྐྲད། སྭ་བྷཱའི་སྔགས་ཀྱིས་སྟོང་པའི་ངང་ཉིད་ལས། །པཾ་ལས་པདྨ་རཾ་ལས་ཉི་མའི་སྟེང་། །ཧཱུཾ་ལས་ཞི་བའི་ཐབ་ཁུང་ཟླུམ་ཞིང་དཀར། །རྒྱར་ནི་ཁྲུ་གང་དཔངས་སུ་ཁྲུ་ཕྱེད་ལ། །ནང་དུ་ལྷ་རྫས་ལས་བྱུང་བུད་ཤིང་གང་། །རང་བཞིན་མེ་འབར་མེ་དབུས་པདྨ་དང་། །ཉི་ཟླ་རོ་སྟེང་ཨ་ཡིག་འཕྲོ་འདུ་ལས། །མེ་ལྷ་འཇིག་རྟེན་ཡེ་ཤེས་གཉིས་མེད་པ། །རྡོ་རྗེ་ཕག་མོ་ཁྲོས་མ་ནག་མོའི་སྐུ། །སྐུ་མདོག་ནག་མོ་སྐུ་དང་ཡན་ལག་རགས། །ཕྱག་གཡས་གྲི་གུག་ནམ་མཁར་ཕྱར་སྟབས་མཛད། །གཡོན་པ་ཐོད་པ་ཁྲག་བཀང་(༤བ)

― GLG025_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀར་འཛིན། ཁ་ཊྭཱཾ་མཆན་འཆང་དུར་ཁྲོད་ཆས་ཀྱིས་བརྒྱན། །གཡས་བསྐུམ་ཞབས་ཀྱི་རྟིང་པ་བྷ་གར་བསྟད། །གཡོན་བརྐྱང་ཞབས་ཀྱིས་མི་རོའི་སྙིང་ག་མནན། །བདེ་གཤེགས་ཕར་ཕྱིན་དྲུག་ལྡན་རུས་རྒྱན་གསོལ། །རལ་པ་དམར་ནག་གྱེན་འཁྱིལ་ཐུར་དུ་གྲོལ། །སྤྱི་གཙུག་ཕག་ཞལ་ནག་མོ་ངུར་སྒྲ་སྒྲོག །ཁམས་གསུམ་དབང་སྡུད་ཕག་ཟེ་མེ་དཔུང་འབར། །སྤྱན་གསུམ་དམར་འཁྲུག་ཟ་བྱེད་ཞལ་གདངས་འཇིགས། །མཆེ་བ་བཞི་གཙིགས་ལྗགས་འདྲིལ་རྐན་སྒྲ་སྒྲོག །ཕེཾ་སྒྲ་ཧ་ཧའི་གད་བརྒྱངས་ཞབས་གཉིས་བརྡེག །བདུད་དཔུང་སྲེག་མཛད་སྐུ་ལས་མེ་དཔུང་འབར། །འབུམ་ཕྲག་མཁའ་འགྲོའི་འཁོར་ཚོགས་དུ་མས་བསྐོར། ཁམས་གསུམ་ཡོངས་རྫོགས་སྐུ་ཡིས་སྟོང་གསུམ་ཁེངས། །སྟོང་ཉིད་ཡེ་ཤེས་རིག་རྩལ་སྐུ་རུ་གསལ། །ཕྱོགས་བཞིར་པདྨ་ཉི་མ་རོ་སྟེང་དུ། །ཧ་ཡིག་དཀར་པོའི་འཕྲོ་འདུ་ལས་སྐྱེས་པའི། །བདེ་ཆེན་དཀར་མོ་མེ་ལོང་ཡེ་ཤེས་སྐུ། །རི་ཡིག་སེར་པོའི་འཕྲོ་འདུ་ལས་སྐྱེས་པའི། །སེར་མོ་དོན་གྲུབ་མཉམ་ཉིད་ཡེ་ཤེས་རྒྱས། །ནི་ཡིག་དམར་པོའི་འཕྲོ་འདུ་ལས་སྐྱེས་པའི། །དམར་མོ་སྒྲ་སྒྲོག་སོར་རྟོག་ཡེ་ཤེས་གསུང་། །ས་ཡིག་ལྗང་གུའི་འཕྲོ་འདུ་ལས་སྐྱེས་པའི། །སྣ་ཚོགས་མཐར་ཕྱིན་བྱ་གྲུབ་ཡེ་ཤེས་ལས། །ཀུན་ཀྱང་ཞལ་གཅིག་ཕྱག་གཉིས་གྲི་ཐོད་འཛིན། ཁ་ཊྭཱཾ་དར་དཔྱངས་རིན་ཆེན་རུས་པའི་རྒྱན། །གཅེར་བུ་གར་སྟབས་ཕྱོགས་བཞིའི་རོ་སྟེང་བཞུགས། །དེ་ལྟར་གསལ་བའི་དཔྲལ་བར་ཨོཾ་དཀར་པོ། །མགྲིན་པར་ཨཱཿདམར་ཐུགས་ཀར་ཧཱུཾ་སྔོན་མཚན། །ཧཱུཾ་ལས་འོད་འཕྲོས་ཨྱོན་(༥ན)

― GLG025_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་མཆོག་ནས། །ཡེ་ཤེས་ལྷ་ཚོགས་བཛྲ་ས་མཱ་ཛཿ སྤྱན་འདྲེན་ནི། ཧཱུཾ། འོག་མིན་ཆོས་དབྱིངས་ཕོ་བྲང་ནས། །རྩ་བརྒྱུད་བླ་མ་གཤེགས་སུ་གསོལ། །སྐུ་དང་ཡེ་ཤེས་གཞལ་ཡས་ནས། །ཡི་དམ་ལྷ་ཚོགས་གཤེགས་སུ་གསོལ། །སྟོང་ཉིད་ཆོས་དབྱིངས་ཕོ་བྲང་ནས། ཁྲོས་མ་ནག་མོ་གཤེགས་སུ་གསོལ། །འཁོར་དུ་མཁའ་འགྲོ་མང་པོས་བསྐོར། ཁྱོད་ཀྱི་རྗེས་སུ་བདག་བསྒྲུབ་ཀྱི། །བྱིན་གྱིས་བརླབ་ཕྱིར་གཤེགས་སུ་གསོལ། །གནས་མཆོག་འདི་རུ་བྱིན་ཕོབ་ལ། །སྒྲུབ་མཆོག་བདག་ལ་དབང་བཞི་བསྐུར། །བགེགས་དང་ལོག་འདྲེན་བར་ཆད་སོལ། །མཆོག་དང་ཐུན་མོང་དངོས་གྲུབ་སྩོལ། །ཨོཾ་བཛྲ་བྷ་ར་ཧི། ཀྲོ་ཏ་ཀཱ་ལི་ཧ་རི་ནི་ས། ཨ་བེ་ཤ་ཡ། ཛཿཧཱུཾ་བཾ་ཧོཿས་བསྟིམ། ས་མ་ཡ་ཏིཥྛ་བཛྲ་ཞེས་བཞུགས་སུ་གསོལ། མཆོད་པ་ནི། ཧཱུཾ་བླ་མེད་མཆོག་གི་མཆོད་པ་དམ་པ་ནི། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །འདོད་པའི་ཡོན་ཏན་ལྔ་ཡིས་དབུ་བརྒྱན་ཏེ། །དམ་ཚིག་བཞིན་ལས་ཅི་བདེར་བཞེས་སུ་གསོལ། །ཨོཾ་བཛྲ་བྷ་ར་ཧི། ཀྲོ་ཏ་ཀཱ་ལི། ཧ་རི་ནི་ས་ས་པཱ་རི་ཝཱ་ར་ཨརྒྷཾ། པཱ་དྱཱཾ། པུཥྤེ། དྷུ་པེ། ཨཱ་ལོ་ཀེ །གནྡྷེ། ནཻ་ཝི་དྱ། ཤཔྟ་པཱུ་ཛ་ཧོཿ མཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། མཧཱ་རཀྟ་ཁ་རཾ་ཁཱ་ཧི། མཧཱ་བ་ལིཾ་ཏ་ཁ་རཾ་ཁཱ་ཧི། ཞེས་མཆོད་གཏོར་རྣམས་ཕུལ་ལ། དེ་ནས་སྲེག་རྫས་འབུལ་བ་ནི། རྫས་རྣམས་ཨོཾ་ཨཱཿཧཱུཾ་ལས་ཟག་མེད་ཀྱི། །བདུད་རྩི་ཆེན་པོ་རོ་བརྒྱ་ལྡན་པར་གྱུར། །ལྷ་ཚོགས་རྣམས་ཀྱང་སྐུ་མདོག་དཀར་ཞིང་། །ཕྱག་གཡས་བདུད་རྩིས་གང་བའི་བུམ་པ་འཛིན། །འོད་ཟེར་དཀར་པོ་ཕྱོགས་(༥བ)

― GLG025_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུར་འཕྲོས་པ་ཡིས། །ཞི་བའི་འཕྲིན་ལས་ཐམས་ཅད་འགྲུབ་པར་འགྱུར། །ཞེས་དམིགས་པ་བསྒྱུར་བ་ནི། དེ་ཉིད་ལས། རྩ་བའི་ཕག་མོ་འགྱུར་བ་མེད། །འཕྲིན་ལས་ཕག་མོ་བསྒྱུར་ཞིང་བསྒོམ། །ཞེས་པའི་དོན་ཡིན་ཞིང་ཐོག་མར་མར་ཁུ་དང་ཡཾ་ཤིང་ཕུལ་ལ། ཕྱེ་མར་རིན་ཆེན་དར་ཟབ་ཀུ་ཤ་སོགས། །གཡས་སུ་བཀོད་ལ་གཡོན་ནས་ལན་བདུན་ནམ། །ཉི་ཤུ་རྩ་གཅིག་བརྒྱ་རྩ་བརྒྱད་ལ་སོགས། །གྲངས་ཀྱི་ངེས་པའམ་གྲངས་མེད་འབུལ་བར་བྱ། །ཞེས་པས། ཨོཾ་བཛྲ་བྷ་ར་ཧི། ཀྲོ་ཏ་ཀཱ་ལི། ཧ་རི་ནི་ས་ཧྲི་ཧ་ཧ་ཧཱུཾ་ཧཱུཾ་ཕཊ་ཛྭ་ལ་སིདྡྷི་ཧཱུཾ་ཧཱུཾ་ཞེས་པའི་མཐར། ཆེ་གེ་མོ་ལ་མཁའ་འགྲོའི་བཀའ་ཆད་ལ་བརྟེན་པའི་ནད་གདོན་བར་ཆད་མི་མཐུན་པའི་ཕྱོགས་ཐམས་ཅད་ཤནྟིཾ་ཀུ་རུ་྄སྭཱཧཱ། སྤྱི་ཁྱབ་དང་། གོང་དུ་རྫས་ཀྱི་སྐབས་བཤད་པ་ལྟར་སྔགས་གཤམ་དུ་མཁའ་འགྲོའི་བཀའ་ཆད་ལ་བརྟེན་པའི་བར་ཆད་མི་མཐུན་པའི་ཕྱོགས་སྤྱི་དང་། བྱེ་བྲག་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤནྟིཾ་ཀུ་རུ་སྭཱཧཱ། མདངས་ཕུན་སུམ་ཚོགས་པ་ལ་༴ ཁ་དོག་ཕུན་སུམ་ཚོགས་པ་ལ་༴ འབྱོར་བ་ཕུན་ཚོགས་པ་ལ་༴ དགེ་བ་ཕུན་སུམ་ཚོགས་པ་ལ་༴ ཉམས་རྟོགས་ཕུན་སུམ་ཚོགས་ལ་༴ དམ་ཚིག་དང་སྡོམ་པ་ཕུན་སུམ་ཚོགས་པ་ལ་༴ ཚེ་ཕུན་སུམ་ཚོགས་པ་ལ་༴ བསོད་ནམས་ཕུན་སུམ་ཚོགས་པ་ལ་༴ ནོར་དང་འབྲུ་ཕུན་སུམ་ཚོགས་པ་ལ་༴ བདེ་བ་ཕུན་སུམ་ཚོགས་པ་ལ་༴ སྲུང་བ་ཕུན་སུམ་ཚོགས་པ་ལ་༴ བགེགས་མེད་པ་ཕུན་སུམ་ཚོགས་པ་ལ་༴ འོག་གདོན་གྱི་འཚེ་བ་མེད་པ་ཕུན་སུམ་ཚོགས་པ་(༦ན)

― GLG025_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་༴ སྦྱོར་བ་ངན་པ་མེད་པ་ཕུན་སུམ་ཚོགས་པ་ལ་༴ ཤུགས་ཕུན་སུམ་ཚོགས་པ་ལ་༴ ལོངས་སྤྱོད་ཕུན་སུམ་ཚོགས་པ་ལ་༴ སྟོབས་ཕུན་སུམ་ཚོགས་པ་ལ་༴ རིམས་མེད་པ་ཕུན་སུམ་ཚོགས་པ་ལ་༴ མོས་པ་ཕུན་སུམ་ཚོགས་པ་ལ་༴ ནད་མེད་པ་ཕུན་སུམ་ཚོགས་པ་ལ་༴ རིགས་བརྒྱུད་ཕུན་སུམ་ཚོགས་པ་ལ་༴ ས་ལམ་གྱི་ཡོན་ཏན་ཕུན་སུམ་ཚོགས་པ་ལ་༴ ཞེས་སྐབས་ཐོབ་ཀྱིས་བསྒྱུར་བ་སྔོན་ཆད་ཕྱག་ལེན་དུ་མི་མཛད་ཀྱང་དོན་ལ་གནས་ཤིང་ལེགས་པར་སེམས། བརྒྱ་སྟོང་ཁྲི་འབུམ་སོགས་གྲངས་ངེས་པར་བསག་དགོས་ཡོད་ན་གྲོགས་ཤིག་གིས་མ་ནོར་བར་བྱེད། འདི་གཙོ་བོར་ཞི་བའི་ལས་བསྒྲུབ་པའི་དབང་དུ་བྱས་ཀྱི། བདེ་ཆེན་རབ་རྒྱས་ལས། གང་འདོད་ལས་སམ་ལས་བཞི་དྲིལ་ལ་བཟླས། བསྲེག་ཅིང་ཞལ་དུ་བདུད་རྩིས་མཆོད་པར་བསམ། །སྔགས་ཙམ་གྱིས་མཆོད་བསྟོད་ཅིང་འཕྲིན་ལས་བཅོལ། །ཞེས་པའི་ཁུངས་ལ་བརྟེན་ནས་ཆོས་རྒྱལ་གཏེར་བདག་གླིང་པས་ལས་བཞི་གའི་སྤེལ་ཚིག་སྦྱར་བའི་སྲོལ་ཡོད་ཅེས་གསུང་པ་གསང་སྔགས་གསར་མའི་ལུགས་ཀྱི་ལས་ཐམས་ཅད་པའི་སྦྱིན་སྲེག་དང་ཆ་མཚུངས་པ་བྱེད་པར་སྤྲོ་ན་ཞི་བའི་གྲངས་ཐེངས་པའི་མཇུག་ཏུ་རྫས་དེ་ག་འབུལ་ཞིང་། སྤེལ་ཚིག །ཆེ་གེ་མོའི་ཚེ་དང་བསོད་ནམས་དཔལ་འབྱོར་དབང་ཐང་ལུང་རྟོགས་ཀྱི་ཡོན་ཏན་ཐམས་ཅད་པུཥྚི་ཀུ་རུ་སྭཱཧཱ། དེ་བཞིན་དུ་ཁམས་གསུམ་གྱི་སྐྱེ་དགུའི་སྟོབས་འབྱོར་ཐམས་ཅད་ཝ་ཤཾ་ཀུ་རུ་སྭཱ་ཧཱ། ཆེ་གེ་ལ་གནོད་པའི་དགྲ་བགེགས་ཐམས་ཅད་(༦བ)

― GLG025_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

མཱ་ར་ཡ་ཕཊ། ཅེས་ཇི་ལྟར་འོས་པ་བྱ་རུང་བ་རྫས་རྣམས་འབུལ་ཚེ་རྣམ་པ་རྫས་ལ་ངོ་བོ་ཟག་པ་མེད་པའི་བདུད་རྩི་ཞལ་དུ་གསོལ་བས་བསྒྲུབ་བྱ་རྣམས་ཀྱི་འཕྲིན་ལས་རྣམ་བཞི་ཐམས་ཅད་འབད་མེད་དུ་འགྲུབ་ཅིང་། ཁྱད་པར་དམ་ཚིག་ཉམས་ཆགས་ཀྱི་མཐུས་མ་དང་མཁའ་འགྲོའི་བཀའ་ཆད་ལ་བརྟེན་པའི་བར་ཆད་ཐམས་ཅད་ཞི་བའི་འཕྲིན་ལས་མཛད་པར་བསམ་པ་སོགས་གང་འཚམ་རིག་པས་འཕྲུལ་ཤེས་པར་བྱ། ཐུན་མཚམས་སུ་གོང་ལྟར་སྔགས་ཀྱིས་མཆོད། བསྟོད་པ་ནི། ཧྲཱིཿ སྐྱེ་མེད་རྣམ་དག་ཆོས་ཀྱི་དབྱིངས་ཉིད་ལས། །སྐྱེ་བའི་ཆོ་འཕྲུལ་ཅིར་ཡང་སྟོན་མཛད་མ། །འགྲོ་བ་ཀུན་སྐྱོབ་ཡེ་ཤེས་མཁའ་འགྲོ་ཡུམ། །དུག་གསུམ་འཇོམས་མཛད་ཕག་མོ་ཁྱོད་ལ་བསྟོད། །ལས་གང་བསྒྲུབ་ཀྱི་འདོད་དོན་ལ་གསོལ་བ་གདབ། གསུམ་པ་རྗེས་ནི། སླར་ཡང་གཏང་རག་གི་མཆོད་བསྟོད་བྱས་ལ། བཟོད་གསོལ་ནི། གང་དག་ཉེས་པ་བྱས་དང་བྱེད་འགྱུར་བ། །རྗེ་བཙུན་མགོན་ཁྱོད་འོད་གསལ་ཆེན་པོའི་ངང་། །བཟོད་པར་མཛོད་ལ་ལས་ཀྱི་དངོས་གྲུབ་དང་། །ཐོགས་མེད་འགྲུབ་པར་བྱིན་གྱིས་བརླབ་ཏུ་གསོལ། །ཞེས་དང་ཡིག་བརྒྱ་བཟླ། སེ་གོལ་གཏོག་ཅིང་བཛྲ་མུཿཞེས་བརྗོད་པས། ཡེ་ཤེས་པ་དབྱིངས་སུ་གཤེགས། དམ་ཚིག་པ་བདག་ལ་བསྡུ། སྨོན་ལམ་ནི། སྐྱེ་འཆི་བར་དོ་སྐུ་གསུམ་ལམ་འཁྱེར་གྱིས། །རྣམ་རྟོག་དག་ནས་སྐད་ཅིག་གཅིག་ཉིད་ལ། །མ་སྤངས་གནས་དག་མཁའ་སྤྱོད་ཞིང་ཁམས་སུ། །མངོན་སངས་རྒྱས་ནས་འགྲོ་བའི་དོན་བྱེད་ཤོག །ཤིས་བརྗོད་ནི། ཕུན་ཚོགས་ཡོན་(༧ན)

― GLG025_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

ཏན་རིན་ཆེན་འཕྲིན་ལས་ལྡན། །རབ་དཀར་ཐུབ་བསྟན་རབ་རྒྱས་འཛིན་མའི་དཔལ། །བསྟན་འཛིན་དཔྱོད་ལྡན་ཐེག་གསུམ་ལྷུན་གྱིས་གྲུབ། །རྟག་ཏུ་དཔལ་གནས་བཀྲ་ཤིས་བདེ་ལེགས་ཤོག །ཅེས་སོགས་བསྔོ་སྨོན་བཀྲ་ཤིས་རྒྱ་ཆེར་བྱ་ཞིང་མེ་ཏོག་སིལ་མ་ཕྱོགས་ཀུན་ཏུ་དགྲམ་པར་བྱ། མེ་རང་ཤིར་སོང་ན་དང་། ལོང་མེད་ན་ཆུ་གཙང་དང་འོ་མ་སོགས་ཀྱིས་གཞིལ་ལོ། །ཐལ་བ་ཕན་བྱེད་ཀྱི་རྫས་སུ་འཇོག་པའམ། ཡང་ན་ཆུ་ཀླུང་ཆེན་པོར་དོར་རོ། །དེ་ཉིད་ལས། ཞི་རྒྱས་དབང་དྲག་སོ་སོ་ཡི། །གང་བྱེད་ཤིང་ནི་འཚོག་པར་བྱ། །ཞི་བ་ལ་ནི་ཟླུམ་པོར་བརྩིག །རྒྱས་པ་ལ་ནི་གྲུ་བཞིར་བརྩིག །དབང་ལ་ཟླ་གམ་དྲག་པོ་ལ། །ཟུར་གསུམ་དག་ཏུ་བརྩིག་པར་བྱ། །མེ་ལྷག་ཕག་མོ་ལྷ་ལྔ་བསྐྱེད། །ཅེས་པ་ལྟར་ལྷག་མ་གསུམ་གྱི་སྟེགས་བུའང་ལས་སོ་སོའི་དབྱིབས་དང་མཐུན་པའི་སྟེང་དུ། རྒྱས་པ་ལ་པདྨ་འདབ་བཞི་ལྟེ་བ་སེར་པོའི་སྟེང་དུ། ཐབ་ཀྱི་རྒྱུ་རྒྱ་ཤུག་གི་ཤིང་། ལྷ་རྣམས་སྐུ་མདོག་སེར་པོ་གཡས་རིན་པོ་ཆེ་འབར་བ་འཛིན་པ། དབང་ལ་པདྨའི་ལྟེ་བ་དམར་པོ། ཙན་དན་དང་མཛོ་མོ་ཤིང་། །སྐུ་མདོག་དམར་པོ་གཡས་ལྕགས་ཀྱུ། དྲག་པོ་ལ་པདྨའི་ལྟེ་བ་ལྗང་། སེ་བ་དང་ཚེར་མ་དུག་ཤིང་། སྐུ་མདོག་ལྗང་ནག་གྲི་གུག་འཛིན་པ་སྲེག་རྫས་ཀྱང་བསྡུ་ན་སྔར་བཤད་པ་ཙམ་གྱིས་རུང་ཞིང་། རྒྱས་པར་སྤྲོ་ན། རྒྱས་པ་དང་དབང་གི་སྦྱིན་སྲེག་གི་གཞུང་གཞན་ནས་འབྱུང་བ་ལྟར་དང་། དྲག་པོ་ལ། གཙོ་བོར་ལིངྒ་ལ་དགུག་གཞུག་ཐུན་བརྡེག་པ་(༧བ)

― GLG025_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་བཤད་པས་མཚོན། ཞིབ་ཆ་མཐའ་དག་གཞུང་དང་མཐོང་བརྒྱུད་ཀྱི་ཕྱག་ལེན་ལྟར་བྱ་བ་ལས་རྒྱུན་དུ་མཁོ་ཆུང་བས་འདིར་རྒྱས་པར་མ་སྤྲོས། དེ་ཉིད་ལས། དཀར་ཆས་ཐམས་ཅད་ཤར་དུ་བསྲེག །སེར་ཆས་ཐམས་ཅད་ལྷོ་རུ་བསྲེག །དམར་ཆས་ཐམས་ཅད་ནུབ་ཏུ་བསྲེག །དྲག་ཆས་ཐམས་ཅད་བྱང་དུ་བསྲེག །ཅེས་པ་སྒྲུབ་མཆོད་ཀྱི་དཀྱིལ་འཁོར་དབུས་སུ་བཞག་པའི་ཕྱོགས་བཞིར་ལས་སོ་སོའི་སྦྱིན་སྲེག་བྱེད་པའི་དོན་ཡིན་པས་མ་འདྲེས་པར་ཤེས་པར་བྱའོ། །བར་ཆད་ཀུན་སེལ་ཌཱ་ཀ་ཌཱ་ཀི་ནཱིའི། །ཟབ་དོན་མན་ངག་གཏེར་བྱོན་མཐའ་ཡས་པའི། །རྩེར་སོན་མངའ་བདག་ཉི་མ་འོད་ཟེར་ལ། །བཀའ་བབས་ཁྲོས་ནག་ཡིད་བཞིན་དབང་གི་རྒྱལ། །སྣ་ཚོགས་ལས་སྒྲུབ་ཐབས་ཚུལ་གྲངས་མེད་ནས། །དམ་ཚིག་ཉམས་ཆགས་སྐོང་ཐབས་མེ་མཆོད་ཀྱི། །ལག་ལེན་རིགས་འཛིན་བརྒྱུད་པའི་བཞེད་སྲོལ་ལ། །བློ་གྲོས་རྩལ་གྱིས་ཞིབ་མོར་དཔྱད་ནས་བཀོད། །དགེ་དེས་དམ་གཙང་མ་ལ་ཡ་ཀླུང་ནས། །གནས་གསུམ་མཁའ་འགྲོ་དགྱེས་པའི་ཙན་དན་དྲིས། །སྡིག་སྒྲིབ་དེས་བསྐྱེད་བར་གཅོད་ཚ་གདུང་ཚོགས། །རབ་གཞིལ་སྒོ་གསུམ་བདེ་ཆེན་ལ་སྦྱོར་ཤོག །མ་དང་མཁའ་འགྲོ་མཉེས་བྱེད་མེ་མཆོད་ཀྱི་ཆོ་ག་རིགས་འཛིན་སྲོག་མཐུད་རྩི་སྨན་ལྗོན་པ་འདི་ནི་གཙང་རོང་ངེས་གསང་རྡོ་རྗེ་གླིང་གི་གདན་ས་པ་ཆོས་རྗེ་སྐུ་སྐྱེ་ངག་དབང་འཇམ་དབྱངས་རབ་རྒྱས་ཀྱིས་ནན་ཆེན་པོས་བསྐུལ་བ་ལ་བརྟེན། དཀྱིལ་འཁོར་རྒྱ་མཚོའི་ཁྱབ་བདག་ཁྲ་ཚང་བ་བློ་མཆོག་རྡོ་(༨ན)

― GLG025_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའི་བཀའ་དྲིན་ལས་གཏེར་ཁ་གོང་མའི་ཁྲོས་ནག་གི་སྐོར་ལེགས་པར་ཐོབ་ཅིང་། མེ་མཆོད་ཀྱི་ཕྱག་བཞེས་ཆོས་རྒྱལ་གཏེར་བདག་གླིང་པའི་གསུང་གི་བདུད་རྩི་ཡིད་ཀྱི་ཟ་མ་ཏོག་ཏུ་འཁྱིལ་བ་ཟ་ཧོར་གྱི་སྔགས་སྨྱོན་ཆེ་མཆོག་འདུས་པ་རྩལ་གྱིས་གཏེར་གཞུང་གི་དགོངས་དོན་གཞིར་བཞག །པཎ་ཆེན་ཆོས་ཀྱི་རྒྱལ་པོའི་སྒྲུབ་ཐབས་བདེ་ཆེན་རབ་རྒྱས་ནས་ཁ་འགེང་དགོས་པ་བསྐང་ཞིང་། ཟོར་ཡང་བའི་ཆེད་དུ་ཚིག་སྦྱོར་ལ་སྣོན་འབྲིད་ཅུང་ཟད་བགྱིས་ཏེ་ལྕགས་བྱ་ཧོར་ཟླ་དྲུག་པའི་ཉེར་དགུ་མཁའ་འགྲོ་འདུ་བའི་ཚེས་ལ་སྦྱར་བའི་ཡི་གེ་པ་ནི་འཆམས་དཔོན་དགེ་སློང་ངག་དབང་དཀོན་མཆོག་གིས་བགྱིས་པ་སརྦ་སིདྡྷི་པྲི་ཡཙྪ། །

ཕྱིར་བཟློག་འཁོར་ལོ་འབར་བ་སོགས།

― GLG025_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་བཟློག་འཁོར་ལོ་འབར་བ་སོགས་བཞུགས་སོ། །

― GLG025_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་པདྨ་སིདྡྷི་ཧཱུཾ། སྲིད་གསུམ་འགྲོ་བའི་འདྲེན་མཆོག་ཤཱཀྱའི་ཏོག །འདུལ་བའི་འཁོར་ཚོགས་རིགས་འཛིན་བྱང་ཆུབ་སེམས། །རྡོ་རྗེའི་སྐུ་བརྙེས་པདྨ་ཀཱ་ར་ལ། །གསོལ་བ་འདེབས་སོ་འགལ་རྐྱེན་བར་གཅོད་བཟློག །ཆོས་ཀྱི་རྒྱལ་པོ་ལྷ་སྲས་མུ་ཁྲི་བཙན། །ཟབ་གཏེར་མངའ་བརྙེས་བཟང་པོ་གྲགས་པ་དང་། །མགོན་དེས་རྗེས་བཟུང་དངོས་གྲུབ་རྒྱལ་མཚན་ལ། །གསོལ་༴ ཀུན་སྤང་ཆེན་པོ་རི་པ་སངས་རྒྱས་དང་། །འདུལ་བ་འཛིན་པ་ནམ་མཁའ་མཆོག་བཟང་པོ། །གྲུབ་པའི་དབང་ཕྱུག་ཐང་སྟོང་རྒྱལ་པོ་ལ། །གསོལ་༴ སྔགས་འཆང་ཆེན་པོ་འཇམ་དབྱངས་རྒྱལ་མཚན་དང་། །མཐུ་སྟོབས་མངའ་བདག་རིགས་འཛིན་བདུད་འཇོམས་རྗེ། །ཐུགས་སྲས་སྔགས་འཆང་དབང་པོའི་སྡེ་ཉིད་ལ། །གསོལ་༴ མ་ལུས་རྒྱལ་བའི་སྤྱི་གཟུགས་འཁོར་ལོའི་མགོན། །གང་འདུལ་སྤྲུལ་པའི་རོལ་པར་ཡོངས་ཤར་བ། །རིགས་འཛིན་ཆེན་པོ་ངག་གི་དབང་པོ་ལ། །གསོལ་༴ རིགས་འཛིན་མཆོག་དེས་རྗེས་བཟུང་ཐུགས་ཀྱི་སྲས། །ཟབ་ཆོས་གདམས་པ་ཀུན་གྱི་མཛོད་འཛིན་པའི། །མཁྱེན་བརྩེ་ནུས་ལྡན་ཟུར་ཆེན་བླ་མ་རྗེར། །གསོལ་༴ ཚེ་རབས་དུ་མར་པདྨཱ་ཀཱ་ར་ཡིས། །རྗེས་སུ་བཟུང་བའི་བཟང་པོའི་ལས་འཕྲོ་ཅན། །གང་ཤར་རང་སར་(༢ན)

― GLG025_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོལ་བའི་རིགས་འཛིན་ལ། །གསོལ་༴ ཞེས་པ་འདི་ཡང་ཆོས་རྒྱལ་དབང་པོའི་སྡེས་རྭ་ལུང་གང་བ་བཟང་པོའི་འདབས་སུ་མཛད་པའོ། །སྭ་བྷཱ་ཝས་སྦྱངས། ཆོས་ཀུན་ཀ་དག་སྤྲོས་དང་བྲལ་བའི་ངང་། །ཧཱུཾ་ལས་སྣ་ཚོགས་རྡོ་རྗེའི་ས་གཞི་དང་། །རྡོ་རྗེའི་ར་བ་དྲ་བ་གུར་བླ་བྲེ། །རྩེ་མོར་རྡོ་རྗེའི་ཏོག་གིས་ལེགས་མཚན་པར། ཕྲ་རབ་རྡུལ་གྱི་རྡོ་རྗེས་ཡོངས་སུ་གཏམས། །ཕྱི་རོལ་ཁ་དོག་ལྔ་ལྡན་མེ་དཔུང་འབར། །གུར་ཁང་ནང་དུ་གསེར་འཁོར་བཅུ་གསུམ་རྩིབས། །རྩིབས་ལོག་རྩ་རྩེ་རྒྱ་གྲམ་ལྟེ་བར་ཟུག །དེ་ནང་བཅུ་གསུམ་རྩིབས་རྩེ་ཕྱིར་བསྟན་པ། །གཡས་འཁོར་རྩིབས་ལ་སྔགས་རྣམས་གྱེན་བསྒྲེང་བ། །སྔགས་ཀྱི་སྒྲ་རྣམས་འབྲུག་སྟོང་ལྟ་བུར་ལྡིར། །འོད་ཟེར་འཕྲོ་ཞིང་ལྟེ་བར་བྷྲུཾ་ཡིག་ལས། །གསེར་སྦྱངས་ལས་གྲུབ་བྱང་ཆུབ་མཆོད་རྟེན་ཆེ། །ལྟེ་བར་སེང་ཁྲི་པད་ཟླའི་གདན་སྟེང་དུ། །ཧཱུཾ་ལས་སྤྲུལ་སྐུ་ཤཱཀྱ་སེང་གེའི་སྐུ། །ས་གནོན་མཉམ་གཞག་བདུད་འདུལ་ཕྱག་རྒྱ་ཅན། །རིགས་འཛིན་བྱང་སེམས་ཉན་རང་འཁོར་གྱིས་བསྐོར། །གནས་གསུམ་ཡི་གེ་གསུམ་གྱིས་མཚན་པ་ཡི། །ཧཱུཾ་ལས་འོད་འཕྲོས་རྟེན་དང་བརྟེན་པར་བཅས། །ཐོགས་པ་མེད་པར་བཛྲ་ས་མཱ་ཛཿ ཛཿཧཱུཾ་བཾ་ཧོ༔དམ་ཡེ་དབྱེར་མེད་པ། །རིག་པའི་རང་རྩལ་ངང་དུ་རོ་གཅིག་གྱུར། །མེ་ཏོག་དམ་པ་འཕྲེང་པ་དམ་པ་དང་། །ཞེས་སོགས་ཤློ་ཀ་གཉིས་ཀྱིས་མཆོད། མཚན་མཆོག་ལྡན་པ་དྲི་མེད་ཟླ་བའི་ཞལ། །ཞེས་སོགས་ཤློ་ཀ་གཅིག་གིས་བསྟོད། རང་ཉིད་ཐུབ་པར་གསལ་བའི་ཐུགས་ཀ་ནས། །ལག་ན་རྡོ་རྗེ་སྟོབས་པོ་ཆེ་ལ་སོགས། །ཕོ་ཉ་ལྕགས་ཀྱུ་ཞགས་པ་ལྕགས་སྒྲོག་དང་། །དྲིལ་བུ་ཐོགས་པ་སྟོང་གསུམ་ཁྱབ་སྤྲོས་ནས། །ལོ་ཟླ་ཞག་དུས་ཟ་མའི་སྐེག་རིགས་དང་། །ཆེ་སྲི་ཆུང་སྲི་དར་སྲི་ཕོ་(༢བ)

― GLG025_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་སྲི། །མོ་སྲི་ན་སྲི་དུར་སྲི་སྒོས་སྲི་དགྲ །ཕུང་སྲི་རྒྱལ་སྲི་གདོན་སྲི་རྒན་གཞོན་སྲི། །ལོ་ཟླ་ཞག་དང་དུས་ཀྱི་སྲི་ངན་ཀུན། སོ་སོའི་གཟུགས་དང་བྱད་དབྱིབས་ཇི་བཞིན་པ། །ཕྱི་ནང་རྩིབས་བར་བསྒོམས་པའི་གཟུགས་བྱང་ལ། ཁུ་གཅིག་བཛྲ་ཨངྒུ་ཤ་ཡ་ཛཿ། རྐེད་ནས་ཆིངས་ཤིག་བཛྲ་པཱ་ཤ་ཧཱུཾ། །ཡན་ལག་སྡོམས་ཤིག་བཛྲ་སྥོ་ཊ་བཾ། །མྱོས་པར་གྱིས་ཤིག་བཛྲ་གྷཎྜེ་ཧོཿ །དབྱེར་མེད་སྟིམས་ཤིག་ཨ་བེ་ཤ་ཡ་ཨ། །ཕྱི་ནང་རྩིབས་གཉིས་དྲག་ཏུ་འཁོར་བའི་བར། །གནོད་བྱེད་གདོན་བགེགས་ཕྱི་མ་དུམ་བུར་གཏུབས། །སྔགས་འཕྲེང་ལས་འཕྲོས་མེ་ཡིས་གཞོབ་ཐུལ་བསྲེགས། །ཐལ་བའི་རྡུལ་ཕྲན་ལྟ་བུར་བརླག་པར་གྱུར། །ཞེས་འཁོར་ལོ་འབར་བའི་དམིགས་པའི་ཟབ་གནད་རིགས་འཛིན་ཡོལ་མོ་བ་ཆེན་པོའི་ཞལ་གདམས་ཀྱི་སྟོན་གུ་རུ་ཚེ་བརྟན་གྱི་གསུང་རྒྱུན་བཞིན། །ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་ལྷ་ས་བ་ངག་དབང་དཀོན་ཅོག་གོ །རྒྱ་གར་སྐད་དུཿ ཙཀྲ་ནོ་བི་ཀ་ནཱ་མཿ བོད་སྐད་དུཿ འཁོར་ལོ་འབར་བ་ཞེས་བྱ་བའི་སྒྲུབ་ཐབས༔ སངས་རྒྱས་དང་བྱང་ཆུ་སེམས་དཔའ་ཐམས་ཅད་ལ་ཕྱག་འཚལ་ལོ༔ འདི་སྐད་བདག་གིས་ཐོས་པའི་དུས་གཅིག་ན༔ བཅོམ་ལྡན་འདས་རྡོ་རྗེའི་གདན་ལ་བཞུགས་ཏེ་བདུད་འདུལ་བའི་ཚེ༔ རིགས་འཛིན་དང་བྱང་ཆུབ་སེམས་དཔའ་རྣམས་ཀྱིས་འདི་སྐད་ཅེས་ཞུས་སོ༔ བཅོམ་ལྡན་འདས་བདག་ཅག་རིགས་འཛིན་བསྒྲུབ་པར་བྱེད་པ་ལ་བར་དུ་གཅོད་པའི་དགྲ་བགེགས་མང་ན་འདི་ལ་ཐབས་ཇི་ལྟར་བགྱི་ཞེས་ཞུས་སོ༔ བཅོམ་ལྡན་འདས་ཀྱིས་བཀའ་སྩལ་པ༔ འཁོར་ལོ་འབར་བ་ཞེས་བྱ་བའི་སྔགས་དང་སྒྲུབ་ཐབས་ཡོད་ཀྱི་འདི་ལོང་ཞིག༔ ཆོངས་ཤིག༔ ལྷོགས་ཤིག༔ ཡིད་ལ་གྱིས་ཤིག༔ སྔགས་འདི་བཟླས་པ་ཙམ་གྱིས་བགེགས་ཐམས་(༣ན)

― GLG025_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ལས་རྒྱལ་བར་འགྱུར་རོ༔ བགེགས་ཐམས་ཅད་ལས་རྒྱལ་ཞིང་ཉམ་ང་བ་མེད་པར་འགྱུར་རོ༔ སྔགས་ནི་འདིའོ་ཨོཾ་དྷུ་རུ་དྷུ་རུ་ཙཀྲཿ ཧ་ན་ཧ་ན་ཙཀྲ༔ བྷུ་རུ་བྷུ་རུ་ཙཀྲ༔ བྷྲ་མར་བྷྲ་མར་ཙཀྲ༔ བྷ་དུ་མ་ནི་ཙཀྲ༔ ཛ་ལ་ཛ་ལ་ཙཀྲ༔ སམྦྷ་ཝེ་ག་ན་ན་ཡ་ས་ར་ཙཀྲཿ སཱ་ལ་ཡ་སཱ་ལ་ཡ་ཙཀྲ༔ ནཱ་ག་ཤ་ཡ་ནཱ་ག་ཤ་ཡ་ཙཀྲ༔ བཾ་བཾ་ཙཀྲ་ཧཱུཾ་ཧཱུཾ་ཕཊ་ཕཊ༔ ས་མཱནྟ་ག་ར་ཙཀྲ༔ ཏིཔྟ་ཙཀྲ་ཧཱུཾ་ཕཊ༔ རང་ཤློ་ཀ་ལ་གཅིག་པོ་འདི་གསར་བསྒྲིགས། ཉིད་ཤཱཀྱ་ཐུབ་སྐུར་གྱུར་ཕྱག་མཐིལ་ན། །ཉི་ཟླ་གསལ་བའི་བར་དུ་སྐེག་ངན་དང་། །སྲི་སོགས་གནོད་བྱེད་གདོན་བགེགས་མ་ལུས་པ། །ཕྱེ་མར་བཏགས་ནས་རྗེས་ཤུལ་མེད་པར་གྱུར། །ན་མོ་རྗེ་བཙུན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་༔ སངས་རྒྱས་ཀྱི་༴ ཆོས་ཀྱི་༴ དགེ་འདུན་༴ བླ་མ་རྡོ་རྗེ་འཛིན་པའི་༴ མཉམ་མེད་ཤཱཀྱའི་རྒྱལ་པོའི་ལྷ་ཚོགས་རྣམས་ཀྱི་༴ གསང་སྔགས་དང་རིག་སྔགས་དང་གཟུངས་སྔགས་རྣམ་པར་དག་པའི་༴ རིགས་འཛིན་སྔགས་འཆང་བདག་༴ ཆོས་ཉིད་ངོ་བོ་ཀ་ནས་དག་ཀྱང་ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་། བདེན་པ་ཆེན་པོའི་མཐུ་དང་ནུས་པ་ལ་བརྟེན་ནས་བདག་ཅག་དཔོན་སློབ་འཁོར་དང་བཅས་པ་ལ་གནོད་པར་བྱེད་པའི་ནད་གདོན་བར་གཅོད་མི་མཐུན་པའི་ཕྱོགས་ཐམས་ཅད་དང་༔ ཁྱད་པར་ལོ་སྐེག་ཟླ་སྐེག་ཞག་སྐེག་ཟ་མའི་སྐེག༔ ཆེ་སྲི་ཆུང་སྲི་དར་སྲི་དུར་སྲི་ནད་སྲི་གོད་སྲི་ཕུང་སྲི་སོགས་ཐམས་ཅད་དགྲ་བགེགས་ཀྱི་སྟེང་དུ་མཱ་ར་ཡ་བཟློག་བཟློག་བྷྱོ་བྷྱོཿ སྔགས་འདི་བཟླས་པ་ཙམ་གྱིས་སྲི་ཅན་དྲག་པོ་སྔངས་ཞིང་ཤི་ཁ་བྱེ་བ་སྲི་ལས་ཐར་བར་འགྱུར་རོ༔ དེ་སྐད་ཅེས་བཀའ་སྩལ་པ་དང་རིགས་འཛིན་དང་བྱང་ཆུབ་སེམས་དཔའི་ཚོགས་ཐམས་ཅད་ཡིད་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཞེས་པ་འདི་ནི་སྤྲུལ་སྐུ་བཟང་པོ་གྲགས་པས་རྒྱང་ཡོན་ལུང་ནས་གཏེར་ནས་བཏོན་ཏེ། རིགས་འཛིན་རྒོད་ལྡེམ་ལ་གནང་བའོ།། །།མངྒ་ལཾ།།

རྡོ་རྗེ་དྲག་པོ་རྩལ་གྱི་རྩ་ཚིག་རྡོ་རྗེའི་མདུད་འགྲོལ།

― GLG025_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་དྲག་པོ་རྩལ་གྱི་རྩ་ཚིག་རྡོ་རྗེའི་མདུད་འགྲོལ་ཞེས་བྱ་བ་བཞུགས་སོ། །

― GLG025_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་པདྨ་སིདྡྷི་ཧཱུཾ། ཐོག་མར་སྔོན་འགྲོ་གཟེར་ལྔ་ཟངས་ཐལ་དང་མི་འདྲ་བའི་ཁྱད་པར་སྐྱང་གནས་ཀྱི་བླ་མ་དྲག་པོ་རྩལ་དུ་བསྒོམ། སྐྱབས་སེམས་གྲུབ་ནས་བླ་མའི་ཐུགས་ཀ་ནས་འོད་ཟེར་འཕྲོས་སྐྱབས་ཡུལ་གཞན་རྣམས་འོད་དུ་ཞུ་ཐུགས་ཀར་ཐིམ་འགྲོ་བ་རྣམས་ཀྱང་དེ་ལྟ་བུར་འོད་དུ་ཞུ་ནས་ཐུགས་ཀར་ཐིམ་རང་ཡང་དེ་ལྟ་བུར་ཐུགས་ཀར་ཐིམ། མཎྜལ་ཀྱང་འབུལ་མཁན་དང་འབུལ་ཡུལ་ཐམས་ཅད་སྐྱབས་འགྲོ་དང་འདྲ་ཕྱི་ནང་གསང་གསུམ་ཆོས་ལོངས་སྤྲུལ་གསུམ་སོ་སོར་འབུལ་ཡང་གནས་མི་འགྱུར་རྡོ་རྗེ་སེམས་དཔའི་གནས་གསུམ་དུ་རྡོར་སེམས་དཀར་དམར་མཐིང་ག་བསྐྱེད་ཐུགས་ཀར་ཟླ་གདན་ལ་ཨོཾ་ཨཱཿཧཱུཾ་གི་མཐར་ཡིག་བརྒྱ་དཀར་དམར་མཐིང་གིས་བསྐོར་བ། སྤྱི་བོའི་རྡོར་སེམས་ལས་བདུད་རྩི་བྱུང་སྨིན་མཚམས་ཡན་གང་དེ་བཞིན་དུ་མགྲིན་པས་མགྲིན་པ་ཐུགས་ཀས་ཐུགས་ཀ་ཡན་གང་གསུམ་གནས་བྱུང་བས་སྐུ་ཐམས་ཅད་གང་དེ་ནས་མཐེབ་མོ་ནས་བདུད་རྩི་བྱུང་རང་གི་སྤྱི་བོར་ཐུགས་ནས་སྡིག་སྒྲིབ་དག་པ་མཐར་འགྲོ་དྲུག་གི་སྒྲིབ་པ་སྦྱངས་མཐར་ཐམས་ཅད་རྡོར་སེམས་སུ་གྱུར་ནས་དབང་བཞི་ལེན་བླ་མ་མཐོ་བརྩེགས་གསོལ་བ་གདབ་དབང་བཞི་བྱའོ། །དམིགས་རིམ་བཅད། བླ་མ་རང་ཐིམ་ལུས་འདི་ལྷ་རུ་གྱུར། སྣང་སྟོང་འཛིན་མེད་ལྷ་ལ་སེམས་འཛིན་པ། བླ་མའི་རྣལ་འབྱོར་གྱི་མཐར་བླ་མ་འོད་དུ་ཞུ་རང་ལ་ཐིམ་པས་རང་དྲག་པོ་རྩལ་དུ་བསྒོམ་པའི་སེམས་འཛིན་བྱས་མཐར་ཐུགས་ཀ་ནས་བླ་མ་མཐེབ་སོར་ཙམ་པ་མདུན་དུ་ཆད་དེ་ལ་སེམས་འཛིན། དེ་ལས་བླ་མ་གྲངས་མེད་འཇིག་རྟེན་གང་བར་སྤྲོ་ལ་མ་ཡོ་བར་བསྒོམ་སླར་འདུས་མདུན་གྱི་དེར་ཐིམ་དེའང་རང་ལ་ཐིམ་པར་བསམ་མོ། །རགས་དང་ཕྲ་བ་ཆ་ཤས་ཀུན་ལ་འཛིན། །དེ་ནས་ངག་ཉིད་(༢ན)

― GLG025_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ལ་སེམས་འཛིན་ཧཱུཾ་ངག་ནས་བརྗོད་པའི་སྒྲ་དང་བཅས་སྙིང་གར་ཉི་གདན་ལ་ཧཱུཾ་བསྒོམ་དེ་ལས་ཧཱུཾ་གཉིས་རོ་རྐྱང་རྒྱུད་སྣ་བུག་གི་སྒོར་ཐོན་དེ་ལས་ཧཱུཾ་འཇིག་རྟེན་གང་བར་སྤྲོ་ཞིང་ལན་བརྫུས་ཏེ་ཧཱུཾ་གཉིས་ལ་ཐིམ་དེའང་ཐུགས་ཀར་བསྡུ། ཐུགས་ཀར་རྡོ་རྗེ་རྩེ་དགུ་པ་སྔོན་པོ་ལ། པ། །ཡི་གེ་ཧཱུཾ་སྔོན་སྣོད་བཅུད་ཁྱབ་པ་ནི། ཁ་དོག་སྒྲ་དབྱིབས་ཀུན་ལ་ཅི་གནས་བྱ། །སེམས་ཉིད་ཕྱག་མཚན་གནམ་ལྕགས་དེ་ལས་རྡོ་རྗེ་གཉིས་རོ་རྐྱང་ནས་སྣ་སྒོ་འཐོན་འཇིག་རྟེན་ཐམས་ཅད་རྡོ་རྗེས་གང་ཡང་ཚུར་བསྡུས་རྡོ་རྗེ་གཉིས་ལ་བསྡུ་དེ་གཉིས་ཀྱང་ཐུགས་ཀར་ཐིམ་མོ། །རྡོ་རྗེ་ལ། །འཛིན་ཚུལ་སྙིང་དབུས་གནམ་ལྕགས་རྩེ་དགུར་གྱུར། །དེ་ལས་སྤྲོ་བསྡུ་གོང་བཞིན་འཛིན་པར་བྱ། དེ་ནས་རང་གི་ཐུགས་ཀ་ནས་རྡོ་རྗེ་དཀར་པོ་ལུས་ཚན་མདུན་གྱི་ཁྲུ་བདུན་ཙམ་བར་སྤྲོས་ཏེ་གཡས་བསྐོར་བར་ཚུར་སྙིང་གར་བསྡུ། ཀ་དག་སྔོན་འགྲོ་རྡོ་རྗེ་དཀར་པོ་དང་། ཧཱུཾ་ཡང་རྡོ་རྗེ་དཀར་པོ་ལྟར་མདུན་དུ་སྤྲོས་དེ་ལས་སེམས་འཛིན་ཡང་དེ་ལས་ཧཱུཾ་གྲངས་མེད་སྤྲོས་སྣོད་བཅུད་ཕར་ཐལ་ཚུར་ཐལ་ཚུར་བསྡུ་བ་གོང་ལྟར་རོ། །ཧཱུཾ་སྔོན་ཐིག་ལེ་དཀར་དམར་དམིགས་རིམ་སྐྱོང་། །ལུས་གནད་ཆོས་བདུན་སྲིན་ལག་གི་རྩ་མཐེ་བོས་མནན་ནས་སྟ་ཟུར་དུ་བཞག །རྩ་རོ་རྐྱང་དབུ་གསུམ་སྤྱི་བོར་བཾ་ལས་བྱུང་བའི་ཐིག་ལེ་དཀར་པོ་སྲན་མ་ཙམ་གསུམ་མདོར་ཨ་ལས་བྱུང་བའི་ཐིག་ལེ་དམར་པོ་སྙིང་ག་ལྟ་བུར་རླུང་ཅུང་ཟད་བཟུང་བས་ཐིག་ལེ་དམར་པོ་སྙིང་གར་ཡོང་དཀར་པོར་ཞུ་ནས་འདྲེས་པར་དམིགས་པ་གཏོད་ཡང་དཀར་དམར་སོ་སོའི་གནས་སུ་འཇོག་གོ། །(༢བ)

― GLG025_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་གནད་རླུང་གནད་རྩ་གནད་ཐིག་ལེའི་གནད། །བཞི་ལ་བརྟེན་ནས་སེམས་ཀྱི་གནད་ཆ་བཙལ། བརྟེན་ཅན་རྡེའུ་ཤིང་བུ་ལྷ་སྐུ་སོགས་ལྷ་སྐུར་བསྒོམས་པ་ཡིན། །བར་བར་ངོ་བོར་བལྟས་ཏེ་རང་གྲོལ་བཏང་། བརྟེན་མེད་མ་བཅོས་པའི་ངང་དུ་བཞག །དེ་རྗེས་ཁྲིད་དེ་ནས་ལུས་རྩ་རླུང་ཐིག་ལེའི་གནད་སྔར་བཞིན་ལ་སྟེང་རླུང་ཅུང་ཟད་མནན་པས་རོ་རྐྱང་ནས་མར་སོང་བ་དབུ་མ་ནས་ཡར་ཞུགས་པས་ཨ་ཤད་ལ་ཐིག་ལེ་དམར་པོ་ནས་ཙམ་གཅིག་སྙིང་གར་སོང་སྤྱི་བོའི་དཀར་པོ་མར་བབས་སྙིང་གར་སྟེང་དཀར་འོག་དམར་ལ་དམིགས་པ་གཏད་དོ། །དེ་ནས་སྤྱི་བོར་བླ་མ་དྲག་པོ་རྩལ་བསྒོམས་དེ་ལ་ཧཱུཾ་ལྔ་བརྩེགས་ཀྱི་གནས་ཀྱི་གསོལ་བ་བཏབ་པས་བླ་མ་འོད་ཞུ་ཐིག་ལེ་སྔོན་པོར་སོང་ནས་སྙིང་གའི་ཐིག་ལེ་ལ་ཐིམ་པས་བླ་མ་ཕྱིན་མེད་རང་སེམས་ནང་དུ་མེད་པར་གཉིས་ཀ་དབྱེར་མེད་དུ་ཅིག་ནས་འཇོག་གོ །གཞུང་དངོས་གཞི་ལ་ཞུགས་ཏེ། །མཉམ་གཞག་གསལ་སྟོང་འཛིན་མེད་ཀྱི་ངོ་བོ་སྐྱོང་། །དེ་ལ་བྱིང་བ་གཏི་མུག་གེགས་བྱུང་ན། །གུ་རུ་དམར་སྨུག་ནམ་མཁའི་མཐོངས་སུ་བསྒོམས། །འོད་ཞུ་རང་ལ་ཐིམ་སོགས་གཞུང་བཞིན་བསྐྱངས། །རྒོད་པ་ཞེ་སྡང་གཏི་མུག་གེགས་སེལ་གུ་རུ་དམར་སྨུག་ལ་དམིགས་པ་གཏད་དེ་ནས་འོད་དུ་ཞུ་ཐིག་ལེ་དམར་སྨུག་ཏུ་གྱུར་ནས་སྙིང་གའི་ཐིག་ལེ་ལ་ཐིམ་པས་རང་སོགས་ཐམས་ཅད་མི་དམིགས་པར་འཇོག་གོ །གེགས་སེལ་གུ་རུ་དཀར། ཉམས་ལེན་དངོས་གཞི་སྔར་ལྟར་ལ་ཞེ་སྡང་གི་བགེགས་སེལ་གུ་རུ་དཀར་པོ་ཡིན་དེ་ལས་གུ་རུ་དཀར་པོས་འཇིག་རྟེན་ཁྱབ་པར་སྤྲོས་སེམས་ཅན་གྱི་དོན་བྱས་ལས་སེམས་ཅན་ཐམས་ཅད་གུ་རུར་གྱུར་པས་ཞེ་སྡང་ཡུལ་དག་ནས་མེད་པར་སོང་སྙིང་གར་ཐིམ་པ་སྔར་ལྟར་རོ། །སྨིན་མཚམས་ཐད་ཀྱི་ནམ་མཁར་བསྒོམ་པ་དང་། དངོས་གཞི་སྔར་ལྟར་ལ་བགེགས་སེལ་གུ་རུ་མཐིང་ག་སྙིང་གར་ཐིམ་པའི་བར་དམར་སྨུག་དང་འདྲ་དེ་ནས་ཐིག་ལེ་དཀར་དམར་གྱི་སྤྱི་བོ་དང་སྟེང་འོག་སོ་སོར་སོང་། རླུང་རོ་རྐྱང་ནས་མར་བྱུང་དབུ་མ་རྒྱུད་ཨ་ཤད་བསྐུལ་བས་མེ་འབར་རྩ་འཁོར་རྣམས་རིམ་པར་བསྲེགས་ལུས་ཐམས་ཅད་མེས་གང་། །ཕྲོ་དང་ཤེས་པ་དེ་ནས་ཕྱིར་འཕྲོས་འཇིག་རྟེན་མེས་གང་བསྲེགས་རང་ལུས་ཀྱང་ལྕགས་གོང་མེ་འབར་བ་ལྟར་བསྒོམས་པས་ཆགས་(༣ན)

― GLG025_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་ཞི་བར་འགྱུར་རོ། །རྫིང་འཁོར་གེགས་བྱུང་ན། །ལྟེ་བའི་གནས་ནས་མེ་འབར་སྣོད་བཅུད་དང་། །ཕུང་ཁམས་བསྲེགས་ནས་སྟོང་ཉིད་ངང་ལ་འཇོག །ཡང་དངོས་གཞི་སྔར་ལྟར་ལ་དུག་ལྔ་ཆ་མཉམ་གྱི་བགེགས་ཅེས་ལ་གུ་རུ་མཐིང་མ་དག་སྙིང་གར་སྒོམ་ཡང་ཐིག་ལེར་བཞུ་ལྟེ་བར་ཐིམ། ཕྲོ་ན་གུ་རུ་མཐིང་ག་སྙིང་ཐད་བསྒོམས། །དེ་ཡང་འོད་ཞུ་རང་ལ་ཐིམ་པར་བསམ། །སྐབས་འགར་བདེ་སྡུག་རེ་དོགས་སྣ་ཚོགས་པའི། །སྣང་བ་གང་གུ་རུ་མཐིང་གར་བསྒོམས་པ་དེས་དུག་ལྔའི་བགེགས་མ་སེལ་ན་འདི་ལྟར་སྒོམས། ཤར་ཆུ་ཡི་རི་མོ་བར། །སྦྲུལ་མདུད་བཞིན་དུ་རང་གྲོལ་ངང་ལ་བཏང་། །དེ་ལ་མ་གནས་ཡང་དུག་ལྔའི་གེགས་ཆུའི་རིམ་སོགས་ཀྱི་མ་སེལ་ན་གུ་རུ་ལ་མཚོན་ལྟ་བུར་བསྒོམ་པ་དང་ལྟེ་བར་ཐིམ། གུ་རུ་འོད་ལྔ་ཡི། །རྣམ་པར་སེམས་གཏད་འོད་ཞུ་རང་ལ་ཐིམ། །འཛིན་མེད་ངང་ལ་ཞག་གཅིག་མཉམ་པར་བཞག །དེ་ནས་ལུས་སེམས་སྣང་སེམས་བརྟག་པར་བྱ། ལུས་སེམས་སོ་སོ་ཡིན་ན་སྤྱི་དང་བྱེ་བྲག་གི་ཁྱད་མང་བས་ལུས་སེམས་ཀྱང་མིན་སེམས་ལུས་ཀྱང་མིན་ཏེ་ལུས་སེམས་ལྟར་མི་མཐོང་དགོས་པ་ལ་མཐོང་སེམས་ལུས་ལྟར་མཐོང་རེག་དགོས་པ་ལ་མེད་དེས་མཚོན་སེམས་ཕྱི་སྣང་བ་སྣོད་བཅུད་མིན་ལ་ཚུར་ཡང་མིན་པས་ལུས་སེམས་དང་སྣང་སེམས་ཐམས་ཅད་དབྱེར་མེད་ཏུ་བྱའོ། །བྱུང་གནས་འགྲོ་གསུམ་བརྟགས་ལ་ཕུ་ཐག་བཅད། དང་པོ་གང་ནས་བྱུང་བར་དུ་གང་དུ་གནས་མཐར་གང་དུ་འགྲོ་ལྟས་ཚེ་ངོས་བཟུང་རྒྱུ་མེད་དེ། །དེ་ནས་སེམས་ཉིད་སྟོང་གསལ་འཛིན་མེད་དེ། །ཡེ་ནས་སྐུ་གསུམ་ཡིན་པར་ངོ་སྤྲད་དེ། །ངོ་བོ་སྟོང་པ་ཆོས་སྐུ་དེ་ཡི་མདངས། གནས་དག་པ། །རང་བཞིན་གསལ་བ་ལོངས་སྤྱོད་འཇའ་ཚོན་ལྟར་ལྷུན་གྲུབ། རྫོགས་སྐུ་དང་། །ཐུགས་རྗེས་ཅིར་ཉི་མ་ནམ་མཁའ་ལ་ཤར་ཀྱང་འོད་ས་ལ་འགྱུར་བ་ལྟར། ཡང་མ་འགགས་སྤྲུལ་སྐུ་དེ། །དོན་ལ་རང་རིག་མ་བཅོས་རྗེན་པ་འདི། གསལ་ཙམ་ན་སྟོང་སྟོང་ཙམ་ན་གསལ། གསལ་སྟོང་དབྱེར་མེད་སྣང་སྟོང་དབྱེར་མེད་ངང་། སྣང་ཙམ་ན་སྟོང་སྟོང་ཙམ་ན་སྣང་བ་ལ། །རིག་སྟོང་རིག་རིག་ཝལ་ཝལ་ཁྱུག་ཁྱུག་དེ་ལ་བལྟས་པས་ཀྱང་རིག་ཙམ་ན་སྟོང་སྟོང་ཙམ་ན་(༣བ)

― GLG025_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

རིག །དབྱེར་མེད་གསལ་ལེ་སིང་ངེ་བ། གསལ་ལེ་སིང་ང་ཡི་རེ་བ་གསལ་སྟོང་འཛིན་མེད་རང་བབས་སུ་ཤིག་གོ་རང་གྲོལ་དུ་ལྷོད་ངེ་འཇོག །ཡེ་རེ་སྤྲོས་པའི་མཐའ་དང་བྲལ་བ་འདི། །ཡེ་ནས་སྐུ་གསུམ་བླ་མ་རང་སེམས་ཐིག་ལེ་དང་དེ་ལ་བྲམ་བསྟིམ་པས། རང་བཅས་ཡིན། །དེ་ལས་ལོགས་སུ་ཞི་དང་ཁྲོ་བོ་སོགས། །སངས་རྒྱས་ཡར་ལ་འཚོལ་བའི་རེ་བ་དང་། །མར་ལ་ངན་སོང་འཁོར་བར་ལྷུང་དོགས་པའི། །རེ་དོགས་དང་བྲལ་བར་དོ་རྣམ་གསུམ་གཅོད། །འཁོར་འདས་ཤན་བྱེད་བེམ་རིག་མགོ་རྟགས་བྱེད། །གཟུང་འཛིན་རང་གྲོལ་འོད་གསལ་མ་བུ་སྤྲོད། །རང་རིག་རང་ངོ་མ་བཅོས་ཐོད་ཕྲེང་རྩལ། །ཞེས་པའི་དགོངས་དོན་མཐར་ཐུག་ཁྲིད་ཡིག་གི །ཟིན་བྲིས་ཡང་ཐིག་གཅེས་སྒྲོན་གསལ་བྱེད་འདི། །རིགས་འཛིན་བརྒྱུད་པའི་གསུང་རྒྱུན་མ་ཉམས་པ། ཀུན་ཏུ་བཟང་། རིགས་ལྔ། ཕྱག་རྡོར་སྨུག་ནག་དབང་གི་མཁའ་འགྲོ་མ། ཚངས་པ། བརྒྱ་བྱིན། འཇོག་པོ། རྒྱལ་པོ་ཛ། ཤཱཀྱ་པྲ་བྷ། པདྨ་འབྱུང་གནས། །བཀའ་གཏེར་སྙན་བརྒྱུད་འཛིན་པའི་ལྡུམ་བུ་པ། བི་མཱ་ལ། ཤཱི་ལ་མཉྫུ། མཁར་ཆེན་བཟའ། སྣ་ནམ་པ། གཏེར་སྟེན་ཡབ་སྲས། སངས་རྒྱས་བྱམས་བཟང་། སེ་ཉི་མ་བཟང་པོ། སེ་མགར་པ་རྒྱལ་མཚན། སེ་རིན་ཆེན་རྒྱལ་མཚན། ཟླ་བ་མགོན་པ། འཇམ་དབྱངས་ཆོས་ཀྱི་རྒྱལ་མཚན། ཐུགས་སྲས་བློ་གྲོས་རྒྱལ་མཚན། མཁན་བྱམས་པ་བཟང་པོ། བྱ་བཏང་ཀུན་བཟང་ཉི་མ། རྫོགས་ཆེན་འབྲུག་སྒྲ་བཟང་པོ། དར་སྡིངས་པ་འཕྲིན་ལས་ལྷུན་གྲུབ་སྟེ། །འཕྲིན་ལས་རབ་རྩ་ཚིག་མཆན་བུ་གསལ་བའི་རྡོ་རྗེའི་ཚིག །རྗེ་བཙུན་བླ་མའི་གསུང་རྒྱུན་མ་ཉམས་པ། བརྗེད་ངེས་འཇིགས་པ་སྤང་བར་བྱ་བའི་ཕྱིར། །གང་ཤར་རང་སར་གྲོལ་དེསབཀོད་པ་དགེ། །གཉགས་ཛྙཱ་ན་ཀུ་མཱ་རའི་སྐྱེ་སྤྲུལ་ཟུར་ཆེན་འཇམ་དབྱངས་བླ་མ། རྒྱས་གང་དེས་བྲིས་པ་ལ། །ནོངས་པ་དཔལ་སྔགས་ཀྱི་སྲུང་མ་ཨེ་ཀ་ཛཱ་ཏིས། མཆིས་ན་ཆོས་སྲུང་ཀུན་ལ་བཤགས། །དགེ་འདིས་ཀུན་བཟང་གདོད་མའི་ས་ཐོབ་ཤོག །སརྦ་མངྒ་ལཾ།

རྫོགས་ཆེན་མཁའ་འགྲོ་སྙིང་ཏིག་གི་འཁྲིད་ཡིག་མཆན་གསལ་འབུམ་ཕྲག་སྣང་བཞིའི་འོད་ཟེར།

― GLG025_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་ཆེན་མཁའ་འགྲོ་སྙིང་ཏིག་གི་འཁྲིད་ཡིག་མཆན་གསལ་འབུམ་ཕྲག་སྣང་བཞིའི་འོད་ཟེར་ཞེས་བྱ་བ་བཞུགས་སོ།།

― GLG025_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པ་ཆེན་པོ་སེམས་ཀློང་མན་ངག་གི་སྡེ་གསུམ་གྱི་ནང་ནས། མན་ངག་གི་སྡེའི་ཡང་སྙིང་མཁའ་འགྲོ་སྙིང་ཏིག་གི་སྐོར་དཔོན་སློབ་ཀྱི་འགྲེལ་པ་བརྟག་པ་ནས་བཟུང་དབང་ཁྲིད་ལུང་གསུམ་སྤེལ་མར་མཛད་པའི་ཤིན་ཏུ་རྒྱས་པའི་ལུགས་ཡོད་ཀྱང་དེང་སང་འཇུག་པ་བདེ་བའི་དབང་དུ་བྱས་ནས་མི་མཛད་པ་ཤས་ཆེ། ལ་མ་སྨིན་པ་སྨིན་པར་བྱེད་པ་དབང་། སྨིན་ཟིན་གྲོལ་བར་བྱེད་པ་ཁྲིད་ཀྱི་རིམ་པ་གཉིས། ཕྱི་མ་ལ་གྲོལ་ལམ་གཙོ་བོར་སྟོན་པ་དང་། ཆགས་ལམ་གཙོ་བོར་སྟོན་པ་གཉིས། དང་པོ་ལ། རྒྱ་ཆེ་བ་པཎྜི་ཏའི་ཆོས་སྐོར་དང་། ཤིན་ཏུ་ཟབ་པ་ཀཱུ་སཱ་ལིའི་འདི་ལ་སྤྱིར་བཤད་ན་མང་དུ་ཡོད་ཀྱང་བྱེ་བྲག་པད་གླིང་པའི་བརྒྱུད་ཀུན་བཟང་དགོངས་འདུས། མ་རྒྱུད་ཀློང་གསལ། རྒྱུད་བུ་ཆུང་གསུམ་ལ་ངོས་འཛིན། མཁའ་འགྲོ་སྙིང་ཏིག་དང་དེའི་གསལ་བྱེད་ཡང་ཏིག་ཡིད་བཞིན་ནོར་བུ་གཉིས་ཡིན། ཆོས་སྐོར་གཉིས། ཕྱི་མ་ལ་བརྩོན་འགྲུས་རབ་ཚེ་འདིར་འཚང་རྒྱ། འབྲིང་བར་དོ། ཐ་མ་རང་བཞིན་སྤྲུལ་སྐུའི་ཞིང་དུ་འཚང་རྒྱ་བ་དང་གསུམ། དང་པོ་ལ། སྔོན་འགྲོ་སེམས་ཀྱི་ཁང་བུ་བཤིག་ནས་རང་བཞིན་མ་བཅོས་པར་སྣལ་དུ་དབབ་པ། དངོས་གཞི་ནས་ལུགས་ཀྱི་དོན་གཏན་ལ་དབབ་སྟེ་འོད་གསལ་ཆོས་སྐུ་གཅེར་མཐོང་དུ་ངོ་སྤྲོད་པ། རྗེས་སྣང་ཉམས་ཀྱི་འཆར་ཚུལ་བསྟན་ནས་ཉམས་(༢ན)

― GLG025_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ལེན་ཚུལ་བཤད་པ་དང་གསུམ། དང་པོ་ལ། འཁོར་བ་ལས་ངེས་པར་འབྱུང་བ་ཐུན་མོང་གི་སྔོན་ཡང་ཏིག་ཁྲིད་ཡིག་ཉི་ཟླ་གཟའ་སྐར་གྱི་ས་བཅད་ལ་བརྟེན་ཁྲིད་ཡིག་ནོར་བུ་ལུགས་དང་། དགེ་བ་གསུམ་གྱི་ཁྲིད་ཡིག་བྱང་ཆུབ་ལམ་བཟང་ནས་ཁ་བཀང་པས་རཏྣའི་ཀློང་གསལ་སོགས་རྫོགས་ཆེན་སྤྱི་འགྲོའི་འཆད་ལུགས་དང་མཐུན། མཁའ་འགྲོ་སྙིང་ཏིག་གི་བཏགས་གྲོལ་སྙིང་པོའི་དོན་ཁྲིད་ལས། མི་རྟག་སྙིང་རྗེ་བྱང་སེམས་བསྒོམ། ཞེས་པའི་རྩ་བ་ལ་བརྟེན་བཀྲ་བཟང་བ་ཕྱོགས་ཀྱིས་འཆད་ཚུལ་ས་བཅད་གཉིས་སུ་བྱས་ནས། མི་རྟག་ཅེས་པར། དལ་འབྱོར་རྙེད་དཀའ། མི་རྟག་པའི་ཚུལ་ལ་བསམས་ནས་ལས་འདུས་ཀྱི་ངང་ཚུལ། མི་དགེ་བས་འཕངས་པས་ངན་སོང་གི་སྡུག་བསྔལ། ཀུན་དཀྲིས་ཀྱི་དགེ་བས་མཐོ་རིས་ཐོབ་ཀྱང་སྡུག་བསྔལ་མྱོང་ཚུལ། རྣམ་དག་གི་དགེ་བ་ལ་བརྟེན་ནས་ཐར་པ་ཐོབ་ཚུལ། ཚུལ་དེ་ལ་བསམས་ནས་རྒྱུ་འབྲས་ཀྱི་འདོར་ལེན། སྡུག་བསྔལ་ལས་སྐྱོབ་པའི་ཕྱིར་དུ་སྐྱབས་འགྲོ་དང་བཅས་པ། གཉིས་པ་བྱམས་སྙིང་རྗེ་བྱང་སེམས་བསྒོམ་པའི་ཚུལ་ལ། ཀུན་རྫོབ་སྨོན་འཇུག་གི་སེམས་བསྐྱེད་དང་། དོན་དམ་སེམས་བསྐྱེད་གཉིས། དེའི་མཇུག་ཏུ་ཡིག་བརྒྱ། མཎྜལ། བླ་མའི་རྣལ་འབྱོར་རྣམས་སྟོན་པ་ལྟར་མཛད་ཀྱང་ཆོག་གོ །འགྲོ། གནས་ལུགས་གཏན་ལ་དབབ་པ་ཐུན་མོང་མ་ཡིན་པའི་སྔོན་འགྲོ་དང་གཉིས། དང་པོ་ལ། སྣང་སྲིད་བླ་མའི་ལམ་ཁྱེར་བཀྲ་བཟང་བའི་ལུགས་དེ་ཤེ་པན་ནས་རྗེ་རང་བྱུང་བར་བརྒྱུད་པའི་གཏེར་གཞུང་སོར་གནས་ཀྱི་ཁྲིད་ཚུལ་ཡིན་པ་དོན་ལ་ཁྱད་པར་མེད་ནའང་(༢བ)

― GLG025_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

དར་རྒྱས་ཆོས་སྡིངས་ཕྱོགས་ཀྱི་རྒྱུན་ཕྱག་ལེན་བདེ་བའི་གཤིས་ཡང་ཏིག་གི་ཁྲིད་ཡིག་གསེར་འཕྲེང་གི་ས་བཅད་སོར་བཞག་པ་ཡིན། སྒྲིབ་སྦྱོང་ཚོགས་གསོག་མཎྜལ་གྱི་ལམ་ཁྱེར། འཁོར་བ་རྒྱུ་འབྲས་ཀྱི་ལམ་ཁྱེར། ཚེ་མི་རྟག་པའི་ལམ་ཁྱེར། བྱམས་སྙིང་རྗེ་བྱང་སེམས་ཀྱི་ལམ་ཁྱེར་དང་ལྔ། དང་པོ་ལ། སྐྱབས་འགྲོ་དང་སེམས་བསྐྱེད་གཉིས། དང་པོ་ལ། སྐྱབས་འགྲོ་དང་འབྲེལ་བ་བླ་མའི་རྣལ་འབྱོར་གསེར་འཕྲེང་གཞུང་བཞིན་དངོས། རྗེས་ཐོབ་བླ་མ་རང་ལ་བསྟིམ་ཟིན་རྗེས་སླར་ཡང་སྣོད་གཞལ་ཡས་ཁང་བཅུད་བླ་མ་སྒྲར་གྲགས་པ་སྔགས་ཀྱི་གདངས་སུ་བལྟ། ཀྱི་ཉམས་ལེན། ཉལ་བའི་རྣལ་སྙིང་གར་བླ་མ་ཡབ་ཡུམ་སོར་གང་པ་ཞིག་ལ་དམིགས་པ་གཏོད། འབྱོར་དང་གསུམ། གཉིས་པ་ལ། ཀུན་རྫོབ་སེམས་ཅན་གྱི་དོན་དུ་ལམ་འདི་ཉམས་སུ་ལེན་སྙམ་པ། སེམས་བསྐྱེད། དོན་དམ་སེམས་ཅན་རྣམས་ཡེ་ནས་སངས་རྒྱས་ཡིན་པ་ཤེས་པར་བྱ་བའི་ཕྱིར་དུ། སེམས་བསྐྱེད་གཉིས། གཉིས་པ་སྒྲིབ་སྦྱོང་ཚོགས་གསོག་མཎྜལ་གྱི་ལམ་ཁྱེར་ལ། རྡོར་སེམས་གསེར་འཕྲེང་ན་མི་གསལ་བ་ཉི་ཟླ་གཟའ་སྐར་གྱི་རྩ་ཐོ་བཞིན་དགེ་བ་གསུམ་ཁྲིད་ནས་ཁ་བཀང་། སྒོམ་བཟླས་དང་མཎྜལ་གཉིས། དང་པོ་ལ། དངོས་གཞི། རྗེས་སྣོད་གཞལ་ཡས་ཁང་། བཅུད་རྡོར་སེམས། སྒྲ་ཡིག་བརྒྱའི་གདངས། ཐོབ། ཉལ་བའི་རྣལ་སྙིང་གར་རྡོ་རྗེ་སེམས་དཔའ་ཡབ་ཡུམ་སོར་གང་ཙམ་ལ་སེམས་གཏད། འབྱོར་དང་གསུམ། གཉིས་པ་དངོས་གཞི་དང་རྗེས་གང་སྣང་ཐམས་ཅད་མཆོད་རྫས་སུ་ཤེས་པ། ཐོབ་གཉིས། དང་པོ་ལ། སྤྲུལ་སྐུའི་མཎྜལ། ལོངས་སྐུའི་མཎྜལ། ཆོས་སྐུའི་མཎྜལ་དང་གསུམ། གསུམ་ག་ལ་གང་ལ་འབུལ་བར་བྱ་བའི་ཡུལ། གཞུང་བཞིན། གང་འབུལ་བར་བྱ་བའི་དངོས་པོ་སྤྲུལ་སྐུ་ལམ་དག་པ་སྲིད་པའི་འདོད་ཡོན། ལོངས་སྐུ་ལ་དག་པ་ཚངས་པ་རྔ་སྒྲའི་ཞིང་ཀུན་བཟང་མཆོད་སྤྲིན་གྱི་གང་བ། ཆོས་སྐུ་ལ་འོད་ཟེར་རྡོ་རྗེ་སྙིང་པོའི་ཞིང་ཁམས་རང་བཞིན་གྱིས་རྣམ་པར་དག་ཅིང་ལྷུན་གྱིས་གྲུབ་པས་མཆོད་བྱ་མཆོད་བྱེད་མཆོད་ཡུལ་ཐམས་ཅད་(༣ན)

― GLG025_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

ངོ་བོ་སྟོང་པ་རྣམ་པ་ཡེ་ཤེས་ལྔའི་གདངས་མ་འགགས་ཙམ་དུ་འོད་ལྔའི་ཐིག་ལེའི་མཎྜལ། འབུལ་བ་པོའི་མཁན་པོ་དང་གསུམ། གསུམ་པ་འཁོར་བ་རྒྱུ་འབྲས་ཀྱི་ལམ་ཁྱེར་ལ། དངོས་འབྲས་བུ་ལས་རྒྱུ་དཔོག་པའི་ཚུལ་གྱིས་ལས་དཀར་ནག་གི་འབྲས་བུ་བདེ་སྡུག་དེ་ལ་འདོར་ལེན་དེ་ཡང་དལ་རྟེན་ལ་སྒྲུབ་པ། གཞི་དང་། རྗེས་ཐོབ་དགེ་བ་ལ་སྤྲོ་ཞིང་མི་དགེ་བ་ལ་ཞེན་པ་ལོག་པ། གཉིས། བཞི་པ་ཚེ་མི་རྟག་པའི་ལམ་ཁྱེར་ལ། ངེས་པར་སྔར་བྱུང་བ་མཐའ་དག་ཕ་རོལ་ཏུ་སོང་ཚུལ་སོགས་འཆི་ངེས་པར་ཐེ་ཚོམ་མེད་པ། འཆི་བ། མྱུར་དུ་འཆི་བ། ལྟག་ཆུ་ཆད་པའི་རྫིང་བུ་ཞབས་བརྡོལ་ལྟ་བུ། དེ་རིང་ཡང་མི་འཆི་༸ལུས་ཀྱི་སྤྱོད་ལམ། ངག་གི་སྨྲ་བརྗོད། ཡིད་ཀྱི་རྟོག་དཔྱོད་བྱེད་བཞིན་པའི་ངང་ནས་གཟའ་གདོང་ཐུག་ལྟ་བུས་སྐད་ཅིག་ལ་འཆི་བས་ལུས་ནམ་མཁའི་གཞའ་ཚོན། སྙན་གྲགས་བྲག་ཆ། ནོར་རྫས་སྦྲང་རྩི། འཁོར་གཡོག་ཚོང་འདུས་ཀྱི་མགྲོན་པོ་ལྟ་བུ་སྟེ། མཁར་རྫོང་བརྩིགས་པ་ཞིག་པ། ནམ་ཟླ་དུས་བཞིའི་འགྱུར་ཚུལ། བཅུད་ཀྱི་སེམས་ཅན་གྱི་ངང་ཚུལ་བསམས་པའི་འཆི་བ་མི་རྟག་པ་རབ་སྐྱེས་པ་ལ་ཆོས་པ་རབ་སོགས་འབྱུང་བ། བའི་ངེས་པ་མེད་པ། རྗེས་ཐོབ་གང་སྣང་ཐམས་ཅད་ལ་མི་རྟག་པའི་འདུ་ཤེས། དང་བཞི། ལྔ་པ་བྱམས་སྙིང་གསེར་འཕྲེང་དུ་བྱམས་པ་སྔོན་ལ་གསུངས་ཀྱང་ཀུན་མཁྱེན་པའི་གཞུང་གཞན་ཚོར་སྙིང་རྗེ་སྔོན་ལ་མཛད་པ་ནམ་མཁའ་ལྟར་སེམས་ཅན་ལ་མཐའ་མེད་པ་ཐམས་ཅད་ཕ་མ་ཡིན་པ། ཚེ་འདིའི་མ་དཔེར་མཚོན་ནས་བསམས་པས་དེ་ལ་བྱམས་པ་སྐྱེ་བས་མར་གྱུར་དུས་གྲང་བའི་དུས་གོས་དང་། ཚ་བའི་རེག་བྱ་ལ་ཕུ་བཏབ་པས་མཐའ་བརྟེན་པའི་ཕན་བཏགས་ན། ལ་ལ་དམྱལ་བ་ཚ་གྲང་གིས་ཉེན་བཞིན་པ་ལའང་ཕན་ཐབས་ག་ལ་ཡོད་ཅིང་། མ་ཡུལ་དུ་བྱས་ནས་ལས་བསགས་ཏེ་དུག་གསུམ་གྱི་སྡུག་བསྔལ་ལ་སྤྱད་ན་མི་རུང་སྙམ་པས་ངག་ནས་ཀྱང་བདེ་བ་ཐོབ་ཅིང་སྡུག་བསྔལ་དང་བྲལ་བའི་གསལ་གང་མང་འདེབས། བྱང་སེམས་ཀྱི་སྐབས་གཏོང་ལེན་ཡང་ཡང་བྱེད༔ རྗེ་བྱང་སེམས་བསྒོམ་ཚུལ་ལ། སྙིང་རྗེ་བསྒོམ་པ། བྱམས་པ་བསྒོམ་པ། བྱང་ཆུབ་ཀྱི་སེམས་བསྒོམ་པ། རྗེས་ཐོབ་དང་བཞི། གོམས་པའི་ཤུགས་ཀྱིས་གཏོང་ལེན་ངང་གིས་(༣བ)

― GLG025_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་བ་དགོས། ཐུན་མོང་གི་སྔོན་འགྲོ་ལྔ་པོའི་དགོས་པ་ལའང་གཉིས་ཏེ། གནས་སྐབས་སུ་བླ་མའི་རྣལ་འབྱོར་གྱིས་བྱིན་རླབས་ཀྱི་སྒོ་འབྱེད། ཡིག་བརྒྱས་སྒྲིབ་པ་འདག །མཎྜལ་གྱིས་ཚོགས་གསོག །རྒྱུ་འབྲས་བསམས་པས་དགེ་སྡིག་གི་མཚང་ཤེས། མི་རྟག་པས་ངེས་འབྱུང་དང་སྐྱོ་ཤས་སྐྱེ། སྙིང་རྗེ་བྱང་སེམས་ཀྱིས་ཐེག་ཆེན་ལམ་དུ་འགྱུར་བ་དང་། མཐར་ཐུག་སངས་རྒྱས་ཐོབ་པའི་དགོས་པ་ཡོད་དོ། །གཉིས་པ་གནས་ལུགས་གཏན་ལ་དབབ་པ་ཐུན་མོང་མ་ཡིན་པའི་སྔོན་འགྲོ་ལ། འཁོར་འདས་རུ་ཤན་དབྱེ་བ། སྒྲིབ་པ་སྦྱང་བ། སྔོན་འགྲོ་དངོས། སྣལ་དུ་དབབ་པ་དང་བཞི། དང་པོ་ལ་གཞི་བདག་གཏོར་མ། འདས་རྗེས་ལ་ལུས་ཀྱི་སྔོན་འགྲོ་བྱ་བའི་ཕྱིར། རིགས་དྲུག་སྤྱོད་པ་སྣ་ཚོགས་བྱ། །དཀོན་ཅོག་གསུམ་གྱི་སྤྱོད་པ་དང་སྤྱད་ཞེས་གསུངས་པས། རང་གི་གནས་ཁང་མ་ཡིན་པའི་དུར་ཁྲོད་ལྟ་བུ་གཉན་ས་ཡིན་ན་དགོས། རྡོ་རྗེ་རྩེ་ལྔའི་སྟེང་དུ་བླ་མ་བསྒོམ་པ། སེམས་བསྐྱེད་ནས་ཀུན་བཟང་ཡབ་ཡུམ་བསྒོམས་པས་བར་ཆད་སེལ་ཞིང་བྱིན་རླབས་འཇུག །རིགས་དྲུག་གི་སྤྱོད་པ། སྔོན་ཆད་རིགས་དྲུག་གི་སྤྱོད་པ་སྣ་ཚོགས་བྱས་པར་གྲོགས་ཀྱི་སྐྱོན་མཚང་རིག་པའམ་ནང་སློང་བའི་ཟས་ལ་ཞེན་པ་ལོག་པ་ལྟར་དེའི་གཉེན་པོ་ཐེག་པ་ཐུན་མོང་བར། བྱམས་པ་དང་། མི་སྡུག་པ། གསང་སྔགས་ཕྱི་མ་ལ་རྣམ་པ་གཞན་དུ་གྱུར་ཀྱང་མ་དག་པའི་སྣང་བ་འདི་ཉིད་ཀྱི་སྤྱོད་པས་བསྒྱུར་བ། དྲི་མས་དྲི་མ་བཀྲུ་བ་དང་། དུག་གིས་དུག་ནི་འཇོམས་པར་བྱེད། ཅེས་པ་ལྟར། ཡང་སོས་སོགས་དམྱལ་བའི་ལུས་ཀྱི་རྣམ་འགྱུར། ཨ་ན་ཨ་ཚས་སོགས་ངག་གི་བརྗོད་པ། འཇིགས་སྐྲག་དང་སྡུག་བསྔལ་བསམ་པས་མཚོན་རིགས་དྲུག་སོ་སོའི་དགའ་སྡུག་སྣ་ཚོགས་བྱང་དགོས་པ་ནི་སྒོ་གསུམ་གྱི་སྡིག་པའི་དག །བར་གཅོད་ཞི། མངོན་ཞེན་ལྡོག །མཐར་ཐུག་སྐུ་གསུང་ཐུགས་རྡོ་རྗེ་གསུམ་དུ་འཚང་རྒྱའོ། །དཀོན་མཆོག་གསུམ་གྱི་སྤྱོད་ཚུལ་དང་བཞི། རྒྱལ་བ་ཞི་ཁྲོའི་སྐུ་གསུང་ཐུགས་ཀྱི་མཛད་སྤྱོད་ལ་བསླབ། གཉིས་པ་ལ། སྦྱང་གཞི་ལས་ཉོན་གྱིས་སྤགས་བས་ལུས་(༤ན)

― GLG025_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་མི་གཙང་བའི་སྣོད་དང་འདྲ་བས། ཀླད་རྒྱའི་སྟེང་ན་ལྷའི་ས་བོན་ཨ་དཀར་པོ། མགྲིན་པར་ལྷ་མིན་གྱི་སུ་སེར་ནག །སྙིང་གར་མིའི་ནྲྀ་སྔོ་ནག །ལྟེ་བར་དུད་འགྲོའི་ཏྲི་ལྗང་སེར། གསང་གནས་སུ་ཡི་དྭགས་ཀྱི་པྲེ་དམར་ནག །རྐང་མཐིལ་གཡོན་དུ་དམྱལ་བའི་དུ་ནག་པོ། ཐམས་ཅད་ཀྱང་ལས་ཉོན་གྱིས་ནག་ཚུབ་ངེ་མི་གསལ་བའོ། །དེ་ལྟར་ཡང་ཐལ་འགྱུར་ལས། ལུས་ནི་མ་རིག་རྒྱུས་བསྐྱེད་ཕྱིར། །རིགས་དྲུག་ས་བོན་ཉིད་དུ་གནས། །ཞེས་པའོ། །སྦྱོང་བྱེད་གཉིས། གནས་གསུམ་དུ་སྐུ་གསུམ་གྱི་ངོ་བོ་ཡིག་འབྲུ་གསུམ་ལས་མེ་ཡང་དཀར་དམར་མཐིང་གསུམ་འབར་བས་རིགས་དྲུག་གི་ས་བོན་རྣམས་མེས་མར་བསྲེགས་པ་ལྟར་རྗེས་མེད་དུ་སོང་བར་བསམ། ཐལ་འགྱུར་ལས། རིག་པ་སྐུ་གསུམ་དངོས་ཡིན་ཕྱིར། །ཡེ་ཤེས་ཡི་གེ་འབྲུ་གསུམ་ཤར། །ཞེས་པའོ། །དགོས་པ་ནི། གསུམ་ཐུན་མོང་དུ་སྡིག་པའི་ས་བོན་འདག །མན་ཆད་ཞི། མངོན་ཞེན་ལྡོག །ཕྱིས་འཁོར་བར་མི་ལྡོག་སངས་རྒྱས་ཀྱི་སྐུ་གསུང་ཐུགས་སུ་འཚང་རྒྱ། གསུམ་པ་སྔོན་འགྲོ་ལ། ལུས་ཀྱི་སྔོན་འགྲོ།ཐལ་འགྱུར་ལས། རྡོ་རྗེའི་སྐྱིལ་མོ་ཀྲུང་བཅས་པས། །ལུས་སྦྱངས་སེམས་ལ་ཕན་པའོ། །ཞེས་པས། རྐང་མཐིལ་གཉིས་སྤྲད་པའི། རྩེ་སར་བཙུགས། ལག་མཐིལ་གཉིས་སྤྱི་གཙུག་ཏུ་སྦྱར་བའི་དབྱིབས་རྡོ་རྗེ་རྩེ་གསུམ་པའི་རྣམ་པ་དེ་རྡོ་རྗེ་སྔོན་པོ་རྩེ་གསུམ་པ་མེ་འབར་བ་ཞིག་ཏུ་བསམ། ལག་པའི་ཐལ་མོ་ཕྱི་ནང་ཀློག་པ་ཀོང་པོ་རྫོགས་ཆེན་པས་མཛད་པ་དེ་མཆུན་ཆེ་གསུང་། ངག་གི་སྔོན་འགྲོ །ཡིད་ཀྱི་སྔོན་འགྲོ་དང་གསུམ། གཉིས་པ་ལ། ཐལ་འགྱུར་ལས། ངག་ནི་ཧཱུཾ་ཞེས་གནས་པ་ལ། རྒྱས་གདབ་པ་དང་རྩལ་སྦྱང་བ། གཉེན་ཙམ་ལམ་དུ་ཞུགས་པ་ཡིས། །ངག་སྦྱངས་སེམས་ལ་ཕན་པ་ཡིན། ཅེས་གསུངས་པས། རྒྱས་གདབ་པ། རྩལ་སྦྱང་བ། གཉེན་བཙལ་བ། ཧཱུཾ་གཅིག་ལ་གཅིག་འབྱར་བ་ཁ་ནང་ནས་སྔོ་བྱུར་གྱིས་སང་། མདུན་གྱི་དམིགས་རྟེན་ལ་སྦྲུལ་ལྟར་འགྲིལ། རྩེ་མོར་ཧཱུཾ་སླེབས་པ་དེ་ལ་སེམས་འཛིན། བང་རིམ་གྱིས་གྲོལ་བ་རྩ་བར་སླེབས་པ་ལ་སེམས་འཛིན། མཐར་དམིགས་པ་གང་ལ་ཡང་གཏད་ཆོག །ལམ་དུ་ཞུགས་པ་དང་བཞི། མདུན་དུ་ཧཱུཾ་ཁྲུ་གང་ཙམ་(༤བ)

― GLG025_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཞིག་སྒོ་སྐས། རྡོ་སྐས་སོགས་ལ་མི་འགྲོ་བ་ལྟར་ཕྱིན་ནས་ལ་ཀླུངས་མང་པོ་བརྒལ། མཚམས་མཚམས་སུ་ཧཱུཾ་ལ་སེམས་འཛིན། མཐར་མི་མངོན་པ་ལྟ་བུར་ཕྱིན་ནས་སླར་ཡང་ཚུར་ལྡོག་གོ །དང་པོ་ལ། ཕྱི་སྣང་བ་ལ་རྒྱས་གདབ་པ། མཆུ་དང་སོ་མ་རེག་ཙམ་གྱི་ངང་ནས་ཧཱུཾ་དལ་བུས་མཉམ་པར་བརྗོད་ཁ་ནང་ནས་ཧཱུཾ་རོང་རོང་ཕྱིར་ཐོན། སྣོད་བཅུད་ཁེངས་རིམ་གྱིས་གདོས་བཅས་ཐམས་ཅད་རང་བཞིན་མེད་པའི་སྟོང་པར་རྟོགས། དེའི་མདངས་ཧཱུཾ་གི་སྣང་བ་མེར་གྱིས་གང་སྙམ་པ་ཆད་པ། དེས་ཇི་གཞན་ལ་འགྲོ །ཧཱུཾ་ཡིག་རླུང་གསུམ་གཅིག་ཏུ་བསྲེས་ནས་བསྒོམས་པས་མྱུར་དུ་སེམས་འཛིན་ནུས་པ་ཡང་བཏག་པའི་མན་ངག་ཡིན་གསུངས། ནང་ཕུང་པོ་ལ་རྒྱས་གདབ་པ། ཕྱི་ནང་གི་ཁྱད་མ་གཏགས་གོང་དང་འདྲ། གཉིས་པ་ལ། ཕྱི་སྣང་བ་ལ་རྩལ་སྦྱང་བ། ཧཱུཾ་ཆེན་པོས་རི་རབ་སོགས་ཆེན་པོ་རྣམས་སྒེའུ་ཁུང་བརྟོལ་བར་ལྟར་ཕུག་པ་ནས་བཟུང་ཡུངས་འབྲུ་ཙམ་པ་རྡུལ་ཕྲན་ཙམ་གྱིས་ཕུག་སྟེ་མཐར་ཕྱི་རོལ་གྱི་སྣང་བ་ཐམས་ཅད་གཞི་མེད་རྩ་བྲལ་དུ་འགྲོ །གོང་དང་འདྲ་ནང་ཕུང་པོ་ལ་རྩལ་སྦྱང་བ། གསུམ་པ་ཡིད་ཀྱི་སྔོན་འགྲོ་ལ། རྩད་བཅད་པ། ལུས་ལ་ནད་དྲག་པོ་བྱུང་བ་གཉིད་ལ་སོང་བའི་དུས་མི་མངོན་པ་དོན་སེམས་ཀྱི་ཐོག་ཏུ་བྱུང་བའི་རྟགས་ཡིན། ཤི་ནས་ལུས་མེས་བསྲེགས་པ་སོགས་རྡུལ་ཕྲན་དུ་འགྲོ་ལ། སེམས་ཀྱི་ཐོག་ཏུ་རིགས་དྲུག་གི་བདེ་སྡུག་མྱོང་བ་རྐུན་མ་རྐུན་ཐོག་ཏུ་ངོས་ཟིན་པ་ལྟ་བུ་སྟེ་ལུས་ངག་ལས་སེམས་གཙོ་བར་ངེས་པའོ། །མཚང་བཙལ་བ། ལུས་ངག་ཡིད་གསུམ་གཅིག་གམ་ཐ་དད། གཅིག་ན་ལུས་ངག་ལྟར་སེམས་མཐོང་ཐོས་སུ་རུང་ཞིང་སེམས་ལྟར་ལུས་ངག་མཐོང་ཐོས་སུ་མ་རུང་བས་དེ་གསུམ་མི་གཅིག་པ་ལྟ་བུ། ཐ་དད་ན་ལུས་རྡུལ་ཕྲན་ཆ་མེད། ངག་རྗེས་མེད་གཏད་ཡལ། སེམས་བྱ་ལམ་རྗེས་མེད་དུ་སོང་ཚེ་སོ་སོའི་གཞི་མ་རྙེད་པར་གཅིག་བྱ་གཅིག་བྱེད་དང་བྲལ། ཐ་དད་བྱ་བྱེད་དང་བྲལ་བས་དེའི་ཚེ་ཡུལ་མང་རྟེན་འབྲེལ་གཅིག་ཏུ་རྟོགས་པས། གཟུང་འཛིན་གྱི་རྩ་བ་ཆད། གཉིས་འཛིན་གྱི་མཁར་པ་འགྱེལ། གནས་ལུགས་བརྟག་པ་དང་གསུམ། གསུམ་པ་ལ་འབྱུང་གནས། ཐལ་འགྱུར་ལས། སེམས་ནི་དང་བ་བྱུངས་དང་། བར་དུ་གནས་དང་ཐ་མར་འགྲོ། །དེ་ལྟར་གསུམ་ལ་བརྟགས་(༥ན)

― GLG025_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

དཔྱད་ན། །སེམས་སྦྱངས་སེམས་ཀྱི་གནས་ལུགས་ཤེས། །ཞེས་གསུངས། འགྲོ་གསུམ། སེམས་འདི་སྣོད་བཅུད་སྤྱི་དང་ཁྱད་པར་རང་གི་སྤྱི་གཙུག་ནས་རྐང་མཐིལ་བར་གྱི་ཆ་ཤས་ཕྲ་མོ་རེ་རེའི་སྟེང་ནས་བྱུང་ས་མ་རྙེད། དེ་བཞིན་དུ་གནས་ས་དང་འགྲོ་ས་ཡང་མ་རྙེད་པས། སྐྱེ་འགག་གནས་གསུམ་དང་བྲལ་ལ། བཞི་པ་སྣལ་དུ་དབབ་པ་ལ། ཀློང་གསལ་ལས། ཀ་དག་དོན་གཉིས་རྟོགས་བྱའི་ཕྱིར། །སྣལ་དུ་ཕབ་ནས་གསང་ཡང་གཞུག །ཅེས་པས། ལུས་ལུས་མི་འགུལ་བས་གདོན་བགེགས་མི་འཇུག །དེ་ལ་བརྟེན་ནས་རྩ་མི་འགུལ། དེ་མ་འགུལ་བས་རླུང་མི་འགུལ། དེ་མ་འགུལ་བས་ཐིག་ལེ་མི་འགུལ། དེ་མ་འགུལ་བས་སེམས་རང་བབས་སུ་གནས་པས་བསམ་གཏན་ངང་གིས་སྐྱེ་བའི་དགོས་པ་ཡོད། སོ་མ་མ་བཅོས་པ་བསྒུལ་བསྐྱོད་དང་བྲལ་བ། ངག་སོ་མ་མ་བཅོས་པ་སྨྲ་བརྗོད་དང་བྲལ་བ། ཡིད་སོ་མ་མ་བཅོས་པ་དགག་སྒྲུབ་དང་བྲལ་བ་དང་གསུམ་མོ། །གཉིས་པ་གནས་ལུགས་ཀྱི་དོན་གཏན་ལ་དབབ་པ་འོད་གསལ་ཆོས་སྐུ་གཅེར་མཐོང་དུ་ངོ་སྤྲོད་པ་ལ། གཞི་ཀ་དག་ཆོས་ཟད་དུལ་ཟླ་བ་ཁྲེག་ཆོད་ཀྱི་གདམས་པ། ལམ་ལྷུན་གྲུབ་འོད་གསལ་དུ་འགག་བསྡམ་པ་ཐོད་བརྒལ་གྱི་གདམས་པ་དང་གཉིས། དང་པོ་ལ། ངོ་སྤྲོད་པ། ཐུན་མོང་མ་ཡིན་པའི་སྔོན་འགྲོའི་དུས་ཟག་མེད་ཀྱི་བསམ་གཏན་སྐྱེས་ཀྱང་ངོས་མ་ཟིན་པས་རང་རིག་རང་གནས་ཀྱི་བསམ་གཏན་ངོ་སྤྲོད་པ་ལ་ཡི་དམ། མཁའ་འགྲོ་ལྔ། བཀའ་སྲུང་བཞིའི་གཏོར་མ། མཆོད་པ། གེགས་གཏོར། ཚོགས་འཁོར་རྣམས་བཤམ། མཁའ་འགྲོའི་ལས་སྦྱང་། བཀའ་སྲུང་གི་གཏོར་བསྔོ། མཆོད་འབུམ་ནས་ཚོགས་འཁོར་རྣམས་སོང་རྗེས་ངོ་སྤྲོད་དཔེ་སྟེང་ནས་ལན་གསུམ་གསུང་། དེ་ཡང་མིག་སྣ་རྩེར་ཕབ། རིག་པའི་ངོ་བོ་ལ་བལྟས་པས་ངོ་བོ་ཆོས་སྐུ་སྐྱེ་མེད་སྟོང་པ། རང་བཞིན་ལོངས་སྐུ་གནས་པ་མེད་པ་གསལ་སིང་ངེ་བ། ཐུགས་རྗེ་སྤྲུལ་སྐུ་གདངས་འགག་མེད་སྣ་ཚོགས་སུ་འཆར་བ། དེའི་ངང་ནས་བྱུང་ཆར་གྱི་རྟག་པ་དང་། (༥བ)

― GLG025_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

དྲན་འཛིན་གྱི་གཉེན་པོས་མ་བསླད་པ་གསལ་ལེ་ཧྲིག་གེ་གནས་པ་བསམ་གཏན་དུག་བྲལ། གནས་སོ་སྙམ་པ་སོགས་དུག་ཅན། རྟོག་པ་དང་བྲལ་བའི་གསལ་སིང་ངེ་བ་མཉམ་བཞག །མཐར་བསམ་གཏན་ལས་ལངས་ཚེ་སྤྲོས་བྲལ་གྱི་ཡེ་ཤེས་ལས་མི་གཡོ་བ་རྗེས་ཐོབ། དེའི་མཇུག་རྟོག་པ་སྣ་ཚོགས་འཕྲོ་བ་རྗེས་ཤེས་ཟེར། ཕྱག་རྒྱ་བ་ཚོ་རྣམ་རྟོག་ལ་བྱ་ར་བྱེད་ཅིང་དེ་འགོག་པས་འདི་དང་མི་མཐུན། རང་ལུགས་རྣམ་རྟོག་དགག་སྒྲུབ་མེད་པ་བྱ་འཕུར་ཡང་ནམ་མཁའ་ལས་མ་འདས་པ་ལྟ་བུ། རྩལ་སྦྱང་བ། བོགས་དབྱུང་བ་དང་གསུམ། གཉིས་པ་ལ། རང་གནས་བསམ་གཏན་གྱི་ངང་དུ་སྦྱང་བ་དང་། རང་གདངས་ཡེ་ཤེས་ཀྱི་རོལ་པས་སྦྱང་བ་གཉིས། དང་པོ་ལ། ངོ་བོ་ངོས་བཟུང་བ་དང་། སྔར་གྱི་གསལ་སིང་ངེ་བའི་ངང་ནས་མིག་གྱེན་དུ་བཏེག་པས་སྔར་གྱི་བསམ་གཏན་དེ་ཞིག་པའི་བྱུང་ཚོར་གྱི་རྟོག་པ་དང་དྲན་འཛིན་གཉེན་པོ་མེད་པའི་ཤེས་པ་རང་གསལ་རྒྱ་ཡན་འཆལ་བ་ཞིག་འཆར་བ་དོན་སྟོང་གསལ་དེ་ག་རྒྱ་ཆེར་སོང་བ་ཡིན། དེ་ལ་རྟོག་པ་ཅི་འཕྲོས་ཀྱང་སྦྲུལ་མདུད་ལྟར་རང་སར་ཞིག་འགྲོ །འདི་མེད་ང་རོའི་འོད་གསལ་སོགས་མི་ཟིན། འདི་ཁོ་ན་མ་བྱས་ལྷུན་གྲུབ་ཀྱི་སྒོམ་པ་ཆུ་བ་ལྟ་བུ་ཡིན་ནོ། །མཉམ་རྗེས་བསྲེ་བ། སྔར་ངོས་ཟིན་པའི་བསམ་གཏན་ལ་གཏན་པ་ཅུང་ཟད་ཐོབ་ནས་ཁྲོ་བོའི་ལྟ་སྟངས། གྱད་ཀྱི་དོར་སྟབས། སེང་གེའི་མཆོད་སྟངས་གསུམ་གྱིས་སྤྱོད་ལམ་ཞི་བ། ཅུང་ཟད་རྩུབ་པ། ཤིན་ཏུ་རྩུབ་པ་གསུམ་གྱིས་སྔར་གྱི་བསམ་གཏན་གྱི་ངང་མ་ཤོར་བར་རྐྱེན་དང་བསྲེ་བར་བྱའོ། །གཉིས་པ་རང་གདངས་ཡེ་ཤེས་ཀྱི་རོལ་བར་རྩལ་སྦྱང་བ་ལ། གནས་པ་སེམས་ཀྱི་རྒྱན། ཆུའི་རླབས་ཇི་ཙམ་གནས་ཀྱང་ཆུ་ལས་མ་འདས་པ་ལྟར་རྟོག་པ་གང་འཕྲོས་པ་དེ་ག་རང་བབས་སུ་བཞག་པས། མཐར་དེ་གའི་ངང་དུ་ཡལ་ལོ། །འགྲོ་མཁན་གྱི་ཤེས་པ་དང་འཕྲོ་བྱའི་ཡུལ་གཉིས་སུ་མ་གྲུབ་པར་གཞི་མེད་རྩ་བྲལ་དུ་གནས་པའོ། །ཁྲོ་བ་སེམས་ཀྱི་རལ་བ། དགག་སྒྲུབ་རེ་དོགས་སོགས་གང་ཤར་གྱི་རྟོག་པ་ལན་དུ་བཅུག་པས་ཆུ་རླབས་བྱུང་ཙམ་ཉིད་ནས་ཆུ་ནང་དུ་ཞིག་འགྲོ་(༦ན)

― GLG025_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལྟར། རྣམ་རྟོག་འཕྲོས་ཙམ་སྟོང་གསལ་གྱི་ངང་དུ་ཡལ་ལོ། །གཉིས་མེད་མཉམ་པའི་ངང་དུ་གནས་པ་དང་གསུམ། འགྲོ་གནས་གཉིས་སུ་མེད་པ་སྟོང་གསལ་རྗེན་ནེ་བ་དེ་གའི་ངང་ནས་ལུས་ངག་ཡིད་གསུམ་གྱི་སྤྱོད་པ་ཅི་བྱས་ཀྱང་བསམ་གཏན་ལས་མི་གཡོ་བའོ། །གསུམ་པ་བོགས་དབྱུང་བ་ལ། དུག་ལྔ་རང་གྲོལ། བྱར་བ་སོགས་ཀྱི་ཚེ་དེའི་ངོ་བོ་ལ་བལྟས་པས་ཤེལ་ལ་ཉི་ཞུར་ཕོག་པ་ལྟར་དྭངས་སིང་ངེ་དག་འགྲོ་བས་ཉོན་མོངས་གཞན་ལའང་འགྲེ །དཔེར་ན་འདོད་ཆགས་མི་བཟོད་པ་ཞིག་སྐྱེས་པའི་ཚེ་དེའི་ངོ་བོ་ལ་ཆེར་གྱིས་བལྟས་ནས་ཆམ་གྱིས་བཞག་པས་པད་སྟོང་གཉིས་མེད་དུ་གྲོལ་བ་སྟེ་སློབ་དཔོན་ཆེན་པོས། འདི་ལྟར་ཡིད་ཀྱི་ཡུལ་དུ་འགྱུ་བ་ཡི། །ཞེས་སོགས་ལྟ་བུའོ། །སྒོ་ལྔ་རང་གྲོལ། མིག་ལྟ་བུ་ལ་རྟོག་དཔྱོད་ཐོལ་གྱིས་བྱུང་བ་ན་དེ་གའི་ངང་ལ་བལྟས་པས་ཞིག་འགྲོ་བས་མཚོན། ཚོགས་དྲུག་རང་གྲོལ་དང་གསུམ་མོ། །ལུས་ཀྱི་མཛེས་སྡུག་གི་རྟོག་པ་ལྟ་བུ་ཤར་བ་དེ་གའི་ངང་དུ་འཇིག་པས་མཚོན་སྒྲ་དྲི་སོགས་ལའང་འགྲེའོ། །གཉིས་པ་ལྷུན་གྲུབ་འོད་གསལ་དུ་འགག་བསྡམ་པ་ཐོད་བརྒལ་གྱི་གདམས་པ་ལ། སྔོན་འགྲོ་ཟག་བཅས་ཀྱི་ཡེ་ཤེས་རྒྱུད་ལ་སྐྱེ་ཚུལ། དངོས་གཞི་དེ་ཉིད་ངོ་སྤྲོད་པ། ཀ་དག་གི་སྐབས་ལྟར་མཆོད་གཏོར་སོགས་སྔོན་དུ་བཏང་ནས་དཔེ་ལན་གསུམ་བཀླགས་ནས་ངོ་སྤྲོད་དོ། དེ་ཡང་ལྔ་ཚན་བདུན་གྱིས་ངོ་སྤྲོད་དེ། སྐུ་ལྔ། ཡེ་ཤེས་ལྔ། རིགས་ལྔ། འོད་ལྔ། རླུང་ལྔ། ཤེས་རབ་ལྔ། མཁའ་འགྲོ་ལྔའོ། །རྗེས་རྣལ་འབྱོར་བཞིའི་སྒོམ་ཚུལ་བསྟན་པ་གསུམ། དང་པོ་ལ། སྒོ་གསུམ་གྱི་བྱ་བ་དགུ་ཕྲུགས་སུ་བཏང་བ། སྒོ་གསུམ་གྱི་གནད་བདུན། ཡེ་ཤེས་གསུམ་གྱི་མཚོན་ཚུལ་བསྟནཔ་དང་གསུམ། ཙིཏྟ་ཤ་སྒྲན་གྱི་ནང་གཞན་དུ་བུམ་སྐུ་རྣམ་དག་དབྱིངས་ཀྱི་སྒྲོན་མའི་མདངས་དཀར་འཇམ་རྩའི་སྒྲོན་མའི་ལམ་རྒྱུད་རྒྱང་གཞག་ཆུ་སྒྲོན་ནས་ཐོན། དབྱིངས་རྣམ་དག་གི་སྒྲོན་མ་ཐིག་ལེ་སྟོང་སྒྲོན་ལུ་གུ་རྒྱུད་འཆར། དེའི་ཚེ་ཀ་དག་དང་ལྷུན་གྲུབ་དབྱེར་

― GLG025_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པའི་ཤེས་རབ་རང་བྱུང་གི་སྒྲོན་མ་ངོ་འཕྲོད་པར་འགྱུར་བས་ན་སྙིང་ནས་མིག་ཏུ་འབྲེལ་བའི་རྩ་དར་དཀར་གྱི་སྐུད་པ་ལྟ་བུས་འབྲེལ་བ་དེའི་ནང་ན་ཡེ་ཤེས་རྒྱ་དཀར་གྱི་ཉི་ཞུར་ལྟར་འཆར་བས། མིག་གི་གནད་དུ་གཟིགས་སྟངས་བྱས་ཏེ། ཆོས་སྐུའི་གཟིགས་སྟངས་གྱེན། ལོངས་སྐུ་ཐད་ཟུར། སྤྲུལ་སྐུ་ཅུང་ཟད་ཐུར་དུ་ཕོབ་པ་ཟིམ་ཕུས་བལྟའོ། །དེ་ལྟར་ཡང་། ཐལ་འགྱུར་ལས། ཆོས་སྐུའི་གཟིགས་སྟངས་སེང་གེ་ཡི། །འཁྲུལ་པའི་འཇིགས་པ་ཀུན་བྲལ་ནས། །རྡོ་རྗེེའི་མིག་གིས་མཐོང་བར་འགྱུར། །ཞེས་སོགས་གསུངས་སོ། །དགོས་པ་ནི། གནས་སྐབས་སུ་རིག་པའི་ཡེ་ཤེས་དབང་པོའི་མངོན་སུམ་དུ་གསལ། མཐར་ཐུག་སྣང་གཞི་ཟད་ནས་ལྷག་མེད་དུ་འཚང་རྒྱའོ། །དང་པོ་ལ། ཕྱི་འཇིག་རྟེན་གྱི་བྱ་བཞག་གི་ཆེད་དུ་ལུས་བཀོལ་བ། ནང་ཆོས་ཀྱི་ཆེད་དུ་བཀོལ་བ། གསང་བ་སྒུལ་བསྐྱོད་ཕྲ་མོ་ཙམ་ཡང་སྤོང་། ལུས་ཀྱི་བྱ་བ་གསུམ། ཕྱི་འཇིག་རྟེན་གྱི་གཏམ། ནང་ཁ་ཏོན་གསང་བ་སྨྲ་བརྗོད་ཕྲ་མོ་ཙམ་ཡང་མི་བྱེད། ངག་གི་བྱ་བ་གསུམ། ཕྱི་འཇིག་རྟེན་གྱི་བྱ་བ་བསམ་པ། ནང་སྒོམ་སྒྲུབ་སོགས་བསམ་པ། གསང་བ་རྟོག་པ་ཕྲ་མོའང་སྤངས་པས་བྱར་མེད་ཀྱི་རྣལ་འབྱོར་རྒྱུད་ལ་སྐྱེ་བས་འདས་རྗེས་ལས། གནས་བརྟན་གྲོལ་བའི་གདེངས་ཐོབ་ནས། །ཕྱི་ནང་བྱ་བ་ཀུན་བཏང་སྟེ། །ཞེས་དང་། གློང་གསལ་ལས། མངོན་སུམ་གནད་དུ་དབབ་པའི་ཕྱིར། །ཕྱི་ནང་གསང་བའི་བྱ་བ་ནི། །ལུས་ངག་ཡིད་ཀྱིས་སྒོ་སྤྲུགས་བཏང་། ཞེས་གསུངས། ཡིད་ཀྱི་བྱ་བ་གསུམ། ཐལ་འགྱུར་ལས། མངོན་སུམ་གནད་ནི་ལུས་ངག་སེམས། །སོ་སོའི་གནད་རྣམས་ངེས་པར་བསྟུན །དེ་ཡང་ལུས་ནི་སྐུ་གསུམ་ལས། །རྒྱུན་དུ་འདའ་བར་མི་བྱའོ། །ཞེས་གསུངས་པས། གཉིས་པ་ལ་ཆོས་སྐུ་སེང་རྐང་པའི་མཐིལ་གཉིས་སྤྲད། ལག་གཉིས་རྡོ་རྗེ་ཁུ་ཚུར་བརླའི་ཕྱི་ནང་གང་རུང་དུ་འཛུགས་པ་འདམ་ཁ་ལ་ནང་དུ་འཛུགས་པ་འཆུན་ཆེ། རོ་སྟོད་བརྒྱངས། མིག་གྱེན་ལ་གཏོད་པ་ཆོས་ཉིད་ཀྱི་སྤྱན་སོང་བས་སོ། །ཐུན་མོང་པའི་དགོས་པ་ནང་གི་འབྱུང་བ་ཟད། ཐུན་མོང་མ་ཡིན་པ་ཀ་དག་གི་དོན་རྟོགས། གེའི་ཞུགས་ཚུལ། ལོངས་སྐུ་གླང་པོ་ཆེའི་བཞུགས་ཚུལ། པུས་མོ་གཉིས་དང་ལག་(༧ན)

― GLG025_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གྲུ་མོ་གཉིས་ས་ལ་བཙུགས། རྟིང་པ་གཉིས་འཕོངས་ཀྱིས་མནན། གཡས་གཡོན་གྱི་སོར་མོ་བཞིས་འགྲམ་པ་དང་། མཐེ་བོས་ཨོག་མ་བཏེག །མིག་ཐད་ཀར་བལྟ་བ་ཡེ་ཤེས་ཀྱི་སྤྱན་ཡོད། ཐུན་མོང་བ་གཡོ་བྱེད་ཀྱི་རླུང་ཟིན། ཐུན་མོང་མ་ཡིན་པ་ལྷུན་གྲུབ་ཀྱི་ཉམས་འཆར། །སྤྲུལ་སྐུ་དྲང་སྲོང་ཙོག་པུའི་བཞུགས་ཚུལ་དང་གསུམ། རྐང་པའི་ལོང་བུ་གཉིས་སྤྲོད་པ་ཕྱི་ནང་འདེམ་ཁ་ཡིན་ཀྱང་ཕྱི་སྤྲད་པ་འཆུན་ཆེ། ལག་པ་གཉིས་སྣོལ་ནས་པུས་མོ་བསྡམ་པའམ་མེ་ཐབ་དྲུག་ཆིངས་གང་དུ་མིག་ཐུར་དུ་ཟུར་བལྟ་ཟུར་ཁྲིད་ཀྱི་ཚུལ་ཤེས་རབ་ཀྱི་སྤྱན་ཡོད། ཐུན་མོང་བ་དྲོད་སྐྱེ་ཞིང་འབྱུང་བཞི་སྙོམས། ཐུན་མོང་མ་ཡིན་པ་འཁྲུལ་སྣང་ཞིང་ཁམས་སུ་འཆར། དེ་བཞིན་དུ་གསུམ་ག་ལ་སོ་དང་མཆུ་མ་རེག་ཙམ་དུ་རླུང་རང་བབས་སུ་བཞག་པས། ཐུན་མོང་པ་འཁྲུལ་པ་དང་ཉོན་མོངས་པ་མི་འཕེལ། ཐུན་མོང་མ་ཡིན་པ་རིག་པའི་ཀློང་དུ་གྲོལ་ཞིང་། སངས་རྒྱས་ཀྱི་གསུང་གི་ངོ་བོར་འཚང་རྒྱ། སེམས་རྟེན་མེད་ནམ་མཁའ་སྟོང་པ་ལ་མ་ཡེངས་པར་གཏང་བས་ཐུན་མོང་བ་རིག་པའི་ཡེ་ཤེས་དབང་པོའི་སྒོར་འཆར། ཐུན་མོང་མ་ཡིན་པ་ཕུང་པོ་བག་མེད་དུ་འགྲོའོ། །གསུམ་པ་རྣལ་འབྱོར་བཞིའི་བསྒོམ་ཚུལ་ལ། ལྟ་བ། རི་བོང་རྭ་ལྟ་བུའི་སྟོང་པ་མ་ཡིན་པ་གསལ་སྟོང་ཟུང་འཇུག་འཛིན་མེད་རང་གནས་ཀྱི་བསམ་གཏན་ནམ་མཁའ་ལྟ་བུ་མཉམ་བཞག་གི་ལྟ་བ། འཇའ་ཚོན། སྤྲིན། ཆུ་རླབས། སྒྱུ་མའི་རྟ་གླང་ལྟ་བུ་རྗེས་ཐོབ་ཀྱི་ལྟ་བ། སྒོམ་པ། རང་རིག་རང་གསལ་འཕོ་འགྱུར་བྲི་གང་མེད་པ་གསལ་ལེ་སིང་ངེ་གནས་པ་སྤྲོས་པ་ཐམས་ཅད་དང་བྲལ་བར་བསྒོམ་པའོ། །སྤྱོད་པ། དེའི་ཚེ་གང་ལ་ཡང་གཟའ་གཏད་ཆེད་འཛིན་ཞིག་པ་སྨྱོན་པ་ལྟར་བླང་དོར་མེད་པའོ། །འབྲས་བུ་དང་བཞི། གོམས་པ་ཀློང་དུ་གྱུར་པས་དགག་སྒྲུབ་རེ་དོགས་དང་བྲལ་བས་གདོད་མའི་གཞི་ལ་རང་ཤར་རང་གྲོལ་དུ་འགྲོ་བའོ། །ངོ་སྤྲོད་དང་འདིས་ནི། གནས་སྐབས་སུ་ཆོས་ཉིད་ཡིད་སྤྱོད་དུ་མ་ལུས་པར་མངོན་སུམ་དུ་མཐོང་ལ། མཐར་ཐུག་དེ་མཐོང་བའི་གནད་ཀྱིས། དགེ་སྡིག་གིས་མི་གོས་ཤིང་ཚེའི་བར་ཆད་ཀྱང་རང་བཞིན་སྤྲུལ་སྐུའི་ཞིང་དུ་སྐྱེའོ། །སྒྲོན་མ་སྣང་བྱེད་ལས། རི་བོ་ཅོག་བཞག་ལྟ་བའི་ཚད་(༧བ)

― GLG025_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་མཚོ་ཅོག་བཞག་སྒོམ་པའི་ཚད། །སྣང་བ་གཅེར་བཞག་སྤྱོད་པའི་ཚད། །རིག་པ་ཅོག་བཞག་འབྲས་བུའི་ཚད། །ཚད་བཞི་ལྡན་པའི་རྣལ་འབྱོར་དེ། །ངེས་པའི་དོན་ལ་བློ་འདྲེས་པའོ། །ཞེས་གསུངས་སོ། །གསུམ་པ་སྣང་ཉམས་ཀྱི་སྐྱེ་ཚུལ་བསྟན་ནས་ཉམས་སུ་ལེན་ཐབས་བཤད་པ་ལ། སྣང་བ་བཞིའི་འཆར་ཚུལ། མཐའ་བརྟེན་བཞིའི་རང་བཞིན་གོམས་ཚུལ། གྲོལ་པ་ཆེན་པོ་བཞིའི་རང་ས་འཛིན་ཚུལ་དང་གསུམ། དང་པོ་ལ། ཆོས་ཉིད་མངོན་སུམ། དབྱིངས་ཀྱི་ནང་དུ་རིག་པ་ཚུད་དེ་ཐིག་ལེ་གསུམ་འབྲེལ་གྱི་སྣང་བ་དབང་པོའི་མངོན་སུམ་དུ་གྱུར་པ་ཚུན་ཆད་དོ། །གནས་སྐབས་སུ་ཆོས་ཉིད་ཡིད་སྤྱོད་དང་བྲལ་མཐར་ཐུག་གདོད་མའི་སར་གྲོལ་བའོ། །ཉམས་གོང་འཕེལ། ཐིག་ལེ་རིམ་པར་འཕེལ་བས་གྱེན་འགྲེང་རྩིབས་ཤར་མིག་མངས་རིས་སོགས་འོད་ལྔའི་གུར་ཁྱིམ་ཇེ་ཆེར་འཕེལ་ཞིང་འཆར་བ་དང་། རིགས་ལྔའི་སྐུ་ཕྲ་མོ་འཆར་བ་སོགས་སོ། །རིག་པ་ཚད་ཕེབས། ཐ་མལ་གྱི་སྣང་བ་ཐམས་ཅད་དབྱིངས་སུ་ནུབ་ཏེ་རིགས་ལྔ་ཚོམ་བུའི་དཀྱིལ་འཁོར་ཆེན་པོས་ཁྱབ་པར་སྣང་བས་འོག་མིན་གྱི་ཞིང་ཁམས་ཆེན་པོ་རང་སྣང་བས་ཚད་ལ་ཕེབས། ཆོས་ཉིད་ཟད་པ་དང་བཞི། ཕྱི་ཉམས་སྣང་གི་འཕེལ་ཟད། ནང་སྒྱུ་ལུས་ཀྱི་ཆོས་ཟད། གསང་བ་རྟོག་ཚོགས་ཀྱི་སེམས་ཟད། ཚིག་དང་འཁྲུལ་པ་ཐམས་ཅད་རང་ཟད་དེ། སྣང་དང་མི་སྣང་དུ་འཛིན་པའི་བློ་ཟད་པ་སོགས་སོ། །གནས་སྐབས་སུ་སྣང་བཞིའིཚད་ཀྱི་མཚམས་ཕྱེད། མཐར་ཐུག་ཆོས་ཟད་ལྷག་མེད་དུ་འཚང་རྒྱའོ། །གཉིས་པ། མཐའ་རྟེན་བཞིའི་རང་བཞིན་གོམས་ཚུལ་ལ། མི་འགུལ་བ་གསུམ་གྱི་གཞི་བཅའ་བ། ལུས་མ་འགུལ་བས་རྩ་མི་འགུལ། རྩ་མ་འགུལ་བས་མིག་མི་འགུལ། མིག་མ་འགུལ་བས་རླུང་མི་འགུལ། རླུང་མ་འགུལ་བས་སེམས་མི་འགུལ། སེམས་མ་འགུལ་བས་རྟོག་ཚོགས་རང་སར་དངས་ནས་གནས་པའོ། །སྡོད་པ་གསུམ་གྱི་ཚད་བཟུང་བ། ཕྱི་སྣང་བ་སྡོད། ནང་སྒྱུ་ལུས་སྡོད། གསང་བ་རླུང་སེམས་སྡོད་པའོ། །ཚད་རྨི་ལམ་གྱིས་འཛིན། རབ་ལ་རྨི་ལམ་རྒྱུན་ཆད། འབྲིང་ལ་འོད་གསལ་དུ་འཆར། ཐ་མས་རྨི་ལམ་དུ་ངོ་ཤེས་པའོ། །རྟགས་སྒོ་གསུམ་ལ་འཆར་ཏེ། ཆོས་ཉིད་མངོན་སུམ་གྱི་དུས་ལུས་རུས་སྦལ་འཁར་གཞོང་དུ་(༨ན)

― GLG025_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུག་པ་ལྟ་བུ། ངག་ལྐུགས་པ་ལྟ་བུ་སེམས་བྱ་བརྙིས་བཟུང་བ་ལྟ་བུ། གོང་འཕེལ་ལ། ལུས་སྐྱེས་བུ་ནད་ཀྱིས་གདུངས་པ་ལྟ་བུ། ངག་སྨྱོན་པ་ལྟ་བུ། སེམས་རྩི་དུག་གི་ཟིན་པ་ལྟ་བུ། ཚད་ཕེབས་ལ། ལུས་གླང་ཆེན་འདམ་ཆུད། ངག་གྲུལ་བུམ་ལྟ་བུ། སེམས་སྐྱེས་བུ་འབྲུམ་ནད་བྱང་བ་ལྟ་བུ། ཆོས་ཉིད་ཟད་པའི་ལུས་དུར་ཁྲོད་ཀྱི་མི་རོ་ལྟ་བུ། ངག་བྲག་ཆ། སེམས་ན་བུན་ལྟ་བུའོ། །ཐོབ་སྐྱེ་བ་ལ་རང་དབང་ཐོབ། འཇུག་པ་ལ་རང་དབང་འཐོབ། རླུང་སེམས་ལ་རང་དབང་ཐོབ་པའོ། །པ་གསུམ་ཀྱི་གཟེར་གདབ་པ། གདེངས་སངས་རྒྱས་ཀྱི་ཡོན་ཏན་ཐོབ་ཏུ་རེ་བ་དང་། མ་ཐོབ་པའི་དོགས་པ་མེད། འཁོར་བར་མི་ལྷུང་དུ་རེ་བ་དང་། ལྷུང་གི་དོགས་པ་མེད་པའོ། །བཞིའི་དྲོད་ཚད་དང་བཞི། གདོད་མའི་གཞི་ཐོག་ཏུ་གྲོལ་བས་གཞོན་ནུ་བུམ་པའི་སྐུར་མངོན་པར་བྱང་ཆུབ་བརྙེས་པ་སྟེ། དེ་དག་གིས་ཚེ་འདིར་གྲོལ་བའི་མན་ངག་གོ །གཉིས་པ་བརྩོན་འགྲུས་འབྲིང་བར་དོར་འཚང་རྒྱ་བ་ལ། སྐྱེ་གནས་ཀྱི་བར་དོ་ལ་ཐོས་བསམ་གྱི་སྒྲོ་འདོགས་གཅོད་པ་དེད་དཔོན་གསེར་གླིང་དུ་ཕྱིན་པ་ལྟ་བུ། འཆི་ཁའི་བར་དོ་ལ་གསལ་གདབ་པ་རྒྱལ་པོའི་བཀའ་འཕྲིན་བསྐུར་བ་ལྟ་བུ། ཆོས་ཉིད་ཀྱི་བར་དོ་རང་སྣང་ལ་ཡིད་ཆེས་པ་མ་པང་དུ་བུ་བཅུག་པ་ལྟ་བུ། སྲིད་པ་བར་དོ་ལ་ལས་ཀྱི་འཕྲོ་མཐུད་པ་ཡུར་བ་ཀོང་ཆག་པ་ལ་ཝ་འཛུགས་པ་ལྟ་བུའི་གདམས་ངག་དང་བཞི། བརྩོན་འགྲུས་ཐ་མ་རང་བཞིན་སྤྲུལ་པའི་སྐུར་འཚང་རྒྱ་བའི་རྗེས་སུ་གཏད་རྒྱ་མཛད་དོ། །བརྒྱུད་པ་ནི། ཀུན་ཏུ་བཟང་པོ། རྡོ་རྗེ་སེམས་དཔའ། དགའ་རབ་རྡོ་རྗེ། ཤྲཱི་སིངྷ། པདྨ་ཐོད་འཕྲེང་། མཁར་ཆེན་བཟའ། གཏེར་སྟོན་ཚུལ་རྡོར། ཀློང་ཆེན་རབ་འབྱམས། ཁྱབ་བརྡལ་ལྷུན་གྲུབ། འདི་དུས་ཀྱང་མཆོད་གཏོར་ཚོགས་འཁོར་སོགས་དགོས། གྲགས་པ་འོད་ཟེར། སངས་རྒྱས་དབོན་པོ། ཐུགས་སྲས་(༨བ)

― GLG025_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་གྲགས། ཀུན་བཟང་རྡོ་རྗེ། རྒྱལ་མཚན་དཔལ་བཟང་། སྣ་ཚོགས་རང་གྲོལ། བསྟན་འཛིན་གྲགས་པ། མདོ་སྔགས་བསྟན་འཛིན། འཕྲིན་ལས་ལྷུན་གྲུབ། རྩ་བའི་བླ་མ། ཡང་ན། གཏེར་སྟོན་ནས། ཤོ་བན་ལེགས་པ། རང་བྱུང་རྡོ་རྗེ། གཡུང་སྟོན་པ། ཡེ་ཤེས་བཟང་པོ། ཚུལ་ཁྲིམས་མགོན་པོ། མགོན་པོ་རྒྱལ་མཚན། རྒྱལ་སྲས་ཆོས་རྗེ། མྱང་སྟོན་ཆོས་རྗེ། གནུབས་རཏྣ་ཤྲཱི། ནམ་མཁའ་ཤེས་རབ། མངའ་རིས་པཎ་ཆེན། ལེགས་ལྡན་རྡོ་རྗེ། སྐྱི་སྟོན་ཚེ་རིང་པ། ཀླུ་སྒྲུབ་ཆོས་རྒྱ་མ། ནམ་མཁའ་རིགས་འཛིན། ཐུགས་མཆོག་འོད་འབར། གཏེར་བདག་གླིང་པ། དེས་བདག་ལའོ། །ཡང་ན་ནམ་མཁའ་ཤེས་རབ་ནས་ལེགས་ལྡན་རྡོ་རྗེ་མན་འདྲ། ཡང་ན། ཤོ་སེ་བ་ལུང་དུ་དྲུང་ཇོ་ཇོ་པ། ཆོས་ཀྱི་གྲགས་པ། ནམ་མཁའི་མཚན་ཅན། མངའ་རིས་པཎ་ཆེན་མན་འདྲ། ཡང་ན། དྲི་མེད་འོད་ཟེར། འོད་གསལ་ཀློང་ཡངས། ལྷུན་སྡིངས་རབ་འབྱམས། སྤྱང་ལུང་གཞོན་ནུ་བློ་གྲོས། རབ་གསལ་ཟླ་བ། པཎ་ཆེན་མན་འདྲ། ཡང་ན་ཤོ་བན་ནས། བདེ་ལེགས་རྒྱ་མཚོ། སྤྱང་ལུང་བ་མན་འདྲ། པཎ་ཆེན་སྐུ་མཆེད་གཉིས་ཀྱི་གསན་ཡིག་སྒོ་བསྟུན་ནས་བྲིས་པ་ཡིན། ཞེས་རྫོགས་ཆེན་མཁའ་འགྲོ་སྙིང་ཏིག་གི་འཁྲིད་ཡིག་མཚན་གསལ་འབུམ་ཕྲག་སྣང་བཞིའི་འོད་ཟེར་འདིའང་ཟ་ཧོར་གྱི་བནྡེས་དྲིན་ཅན་གཏེར་བདག་གླིང་པར་ཉམས་འཁྲིད་ནོས་དུས་ཟིན་བྲིས་སུ་བཏབ་བོ།། །།

གཡུ་ཐོག་སྙིང་ཐིག་གི་ལས་བྱང་དཔག་བསམ་ལྗོན་ཤིང་།

― GLG025_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

གཡུ་ཐོག་སྙིང་ཐིག་གི་ལས་བྱང་དཔག་བསམ་ལྗོན་ཤིང་ཞེས་བྱ་བ་བཞུགས་སོ། །

― GLG025_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མ་ཨོ་ཥ་དྷི་རཱ་ཛཱ་གུ་ཎ་ནཱ་ཐཱ་ཡ། རྨད་དུ་བྱུང་བའི་གསང་བ་གསུམ་གྱི་མ་ལ་ཡ་ཡི་དྲི་བསུང་གིས། །དུག་གསུམ་ཚ་གདུང་ནད་ཀུན་སེལ་བའི་སྒྱུ་འཕྲུལ་དྲ་བའི་གར་མཁན་མ། །རྒྱལ་བ་ཀུན་དངོས་སྨན་གྱི་བླ་མ་ཙན་དན་ལྗོན་པའི་བདག་ཉིད་ཅན། །གང་གི་ཐུགས་རྗེའི་གྲིབ་བསིལ་དག་གིས་འགྲོ་རྣམས་བདེ་བའི་དཔལ་ལ་སྦྱོར། །སྐུ་གསུམ་རིགས་འདུས་སྨན་རྒྱལ་རྡོ་རྗེ་འཆང་། །གདུལ་བྱའི་སྣང་ངོར་འཚམ་པའི་ཟློས་གར་ལ། གཡུ་ཐོག་མགོན་པོར་གྲགས་དེ་ངེས་དོན་དུ། །དཀྱིལ་འཁོར་རྒྱ་མཚོའི་གཙོ་བོར་ལྷུན་གྱིས་གྲུབ། ཁྱོད་གསུང་གསང་བའི་མཛོད་འཛིན་སུམ་སྟོན་རྗེ། །སྙིང་ཐིག་བསྟན་པ་སྤེལ་ཕྱིར་བསམས་བཞིན་དུ། །སྤྲུལ་པས་རྣམ་པར་རོལ་པའི་རིག་སྔགས་འཆང་། །བཀྲ་ཤིས་སྟོབས་ཀྱི་རྒྱལ་པོ་དབང་པོའི་སྡེ། །དཔལ་ལྡན་ཐེག་པ་མཆོག་གི་མཁའ་དབྱིངས་སུ། །ཟབ་དོན་འབྱོར་པའི་ཉིན་བྱེད་འཕྲིན་ལས་ཀྱིས། །སྐལ་བཟང་འདབ་བརྒྱ་རབ་ཏུ་རྒྱས་མཛད་པའི། །རྩ་བརྒྱུད་བླ་མའི་ཚོགས་ཀུན་ཕྱག་གི་ཡུལ། །ཡང་ཟབ་བླ་མ་སྨན་རྒྱལ་དབྱེར་མེད་དུ། །སྒྲུབ་པའི་ལས་བྱང་ཡོངས་འདུ་ས་བརྟོལ་དབང་། །མཆོག་ཐུན་དངོས་གྲུབ་ཆར་དུ་འབེབས་བྱེད་ན། །བློ་ལྡན་མཐའ་དག་དང་བའི་ཡིད་ཀྱིས་ཉོན། །དེ་ལ་འདིར་(༢ན)

― GLG025_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་ལམ་ཀུན་འདུས་བླ་མ་སྨན་རྒྱལ་སྒྲུབ་པའི་ལས་བྱང་ཁྲིགས་ཆགས་འཁྱེར་བདེ་བ་བརྗོད་པར་བྱའོ། །ཐོག་མར་སྐྱབས་སེམས་རྡོ་རྗེ་སེམས། །ཚོགས་ཞིང་གཏོར་བསྔོ་མཚམས་གཅད་དང་། །སྡིག་བཤགས་བྱིན་དབབ་མཆོད་གཏོར་བརླབ། །སྔོན་དུ་འགྲོ་བའི་ལས་རིམ་མོ། །དང་པོ་སྐྱབས་འགྲོ་ནི། ན་མོ་རིགས་འདུས་རྡོ་རྗེ་འཆང་། །ཕྱོགས་དུས་དཀོན་མཆོག་གསུམ་གྱི་དངོས། །བདག་གཞན་བྱང་ཆུབ་མ་ཐོབ་བར། །སྙིང་ནས་ཉེ་བར་སྐྱབས་སུ་མཆི། །གཉིས་པ་སེམས་བསྐྱེད་ནི། ནམ་མཁས་ཁྱབ་པའི་སེམས་ཅན་རྣམས། །སྡུག་བསྔལ་མཚོ་ལས་བསྒྲལ་བའི་ཕྱིར། །རྩ་བ་གསུམ་གྱི་གོ་འཕང་མཆོག །མ་ཐོབ་བར་དུ་བསྒྲུབ་པར་བྱ། །གསུམ་པ་རྡོ་རྗེ་སེམས་དཔའི་སྒོམ་བཟླས་ནི། །རང་གི་སྤྱི་བོར་པད་ཟླའི་སྟེང་། །ཧཱུྃ་དཀར་ལས་གྲུབ་རྡོ་རྗེ་སེམས། །ལོངས་སྤྱོད་རྫོགས་སྐུའི་ཆ་ལུགས་ཅན། །ཕྱག་གཉིས་རྡོ་རྗེ་དྲིལ་བུ་འཛིན། །ཐུགས་ཀར་ཟླ་སྟེང་ཧཱུཾ་གི་མཐར། །ཡི་གེ་བརྒྱ་པའི་སྔགས་ཀྱིས་བསྐོར། །འོད་འཕྲོས་འཕགས་མཆོད་འགྲོ་དོན་བྱས། །བདུད་རྩི་མཐེབ་སོར་ནས་འཛགས་པས། །རང་གི་ལུས་བཀྲུས་སྡིག་སྒྲིབ་ཀུན། །མ་ལུས་བྱང་ཞིང་དག་པར་གྱུར། །ཡི་གེ་བརྒྱ་པ་བརྗོད། བཞི་པ་ཚོགས་ཞིང་ནི། རབ་ཡངས་མདུན་གྱི་ནམ་མཁའ་ལ། །པདྨ་(༢བ)

― GLG025_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

འདབ་བཞིའི་ལྟེ་བའི་དབུས། །སྨན་རྒྱལ་དབྱེར་མེད་ཀུ་ཎའི་ཞབས། །ཞི་འཛུམ་འགྲོ་ལ་ཆགས་པའི་ཉམས། །དབུ་སྐྲ་ལྕང་ལོ་མེ་ཏོག་སྤྲས། །ཕྱག་གཡས་མཆོག་སྦྱིན་ཨུཏྤ་ལའི། །ཡུ་བ་ནས་བཟུང་སྙན་གྱི་ཐད། །བྱེ་བའི་སྟེང་དུ་གླེགས་རལ་མཚན། །གཡོན་པ་ཆོས་འཆད་པད་སྡོང་གི །རྩ་བ་ནས་བཟུང་འདབ་མ་རྣམས། །སྙན་གྱི་ཐད་ཀར་རྒྱས་པའི་སྟེང་། །བདུད་རྩིས་གང་བའི་བུམ་པ་ལ། །གུར་ཀུམ་གཞོན་ནུའི་ཁ་རྒྱན་དང་། །ནོར་བུ་གསེར་རྡོར་ཨ་རུ་རས། །གཡས་གཡོན་དབུས་གསུམ་རྣམ་པར་མཚན། །སྣ་ཚོགས་དར་གྱི་ན་བཟའ་ཅན། །རྡོ་རྗེའི་སྐྱིལ་ཀྲུང་གིས་བཞུགས་པའི། །འདབ་བཞིར་དཀར་སེར་དམར་ལྗང་གི །ལྷ་མོ་པི་ཝང་བྱ་རྒོད་དང་། །མི་རྐང་གླིང་བུ་མེ་ལོང་འཛིན། །མཛེས་སྡུག་རྒྱན་ལྡན་ལང་ཚོ་རྒྱས། །བདེ་སྟོང་རབ་རྒྱས་མཆོད་པ་འབུལ། །གཞན་ཡང་རྩ་གསུམ་ཆོས་སྲུང་བཅས། །མ་ལུས་འཁོར་གྱིས་བསྐོར་བར་གྱུར། །ཧཱུྃ་ཧྲཱིཿ བླ་མ་ཡི་དམ་མཁའ་འགྲོ་སྤྱན་འདྲེན་གཤེགས། །སེང་ཁྲི་པད་སྡོང་ཉི་ཟླའི་སྟེང་དུ་བཞུགས། །བདག་གཞན་སྒོ་གསུམ་གུས་ཕྱག་རྟག་ཏུ་འཚལ། །དངོས་འབྱོར་ཡིད་སྤྲུལ་ཕྱི་ནང་གསང་བས་མཆོད། །ཉེས་ལྟུང་ཉམས་ཆག་འགལ་འཁྲུལ་ཅི་མཆིས་བཤགས། །དུས་གསུམ་དགེ་བའི་ཚོགས་ལ་རྗེས་ཡི་རང་། །གང་ལ་གང་འདུལ་ཆོས་འཁོར་བསྐོར་བཞིན་དུ། །མྱ་ངན་མི་འདའ་འགྲོ་བའི་དོན་དུ་བཞུགས། །བསོད་ནམས་ཡེ་ཤེས་གང་བསགས་བྱང་ཆུབ་བསྔོ། །འཁོར་བ་དོང་སྤྲུགས་བདེ་ཆེན་མཆོག་ཐོབ་ཤོག །ལྔ་པ་གཏོར་མ་གཏོང་བ་ནི། རང་ཉིད་སྐད་ཅིག་དཔལ་ཆེན་རྟ་མགྲིན་དུ། །གསལ་བའི་ཐུགས་ཀའི་ཧཱུྃ་ལས་འོད་འཕྲོས་པས། །རྫས་ཀྱི་སྐྱོན་སྦྱངས་རིན་ཆེན་སྣོད་ཡངས་སུ། །བདུད་རྩིའི་ངོ་བོ་འདོད་པའི་དངོས་པོར་གྱུར། །ཨོཾ་ཨཱཿཧཱུྃ། ཐུགས་ཀའི་(༣ན)

― GLG025_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་ཟེར་ལྕགས་ཀྱུ་ལྟ་བུ་ཡིས། །དཀར་ཕྱོགས་སྐྱོང་བའི་ལྷ་དང་རིགས་དྲུག་འགྲོ །གནོད་བྱེད་གདོན་བགེགས་འབྱུང་པོའི་ཚོགས་རྣམས་ཀུན། །ཐོགས་པ་མེད་པར་གནས་འདིར་རབ་འདུས་ཤིག །ས་མ་ཡ་ཛཿ ས་མ་ཡ་སྟྭཾ། ཨཱོཾ་ཨརྒྷཾ་ནས་ཤཔྟའི་བར་དང་། ཨཱོཾ་ཨ་ཀཱ་རོ་མུ་ཁཾ་སརྦ་དྷརྨ་ཎཾ། ཨ་དྱ་ནུཏྤནྣ་ཏཱཏྟ་ཨཱོཾ་ཨཱཿཧཱུཾ་ཕཊ་སྭཱཧཱ། ན་མ༔སརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁྭེ་བྷྱཿ སརྦ་ཏད་ཁཾ་ཨུད་ག་ཏེ་སྥ་ར་ཎ་ཧི་མཾ་ག་ག་ན་ཁཾ་གྲིཧྣ་ཏ་བ་ལིཾ་ཏ་ཡེ་སྭཱཧཱ། ཞེས་ལན་གསུམ་གྱིས་དཀར་གཏོར་བསྔོས་ལ། ཧཱུྃ། དཀར་ཕྱོགས་སྐྱོང་བའི་དམ་ཚིག་ཅན་རྣམས་དང་། །གཞི་བདག་ཚོགས་ཀུན་མཆོད་སྦྱིན་གཏོར་མ་ལོང་། །རྣལ་འབྱོར་བདག་ཅག་དཔོན་སློབ་འཁོར་བཅས་ཀྱི། །བར་ཆད་ཀུན་སོལ་མཐུན་རྐྱེན་མ་ལུས་སྒྲུབས། །འགྲོ་དྲུག་ལུས་ངག་ཡིད་གསུམ་རབ་ཚིམ་ནས། །སྡུག་བསྔལ་ཀུན་བྲལ་བདེ་ལ་སྤྱོད་གྱུར་ཅིག །ཡ་ཧི་གཙྪ། ན་མ༔སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨཱོཾ་སམྦྷ་ར་སཾ་བྷ་ར་ཧཱུྃ། ཁ་ཁ། ཁཱ་ཧི་ཁཱ་ཧི། ས་མ་ཡ་ན་ར་ཀན་བཛྲ་ཧཱུྃ་ཕཊ། ཅེས་ལན་གསུམ་གྱིས་དམར་གཏོར་བསྔོས། ཧཱུྃ། ཉོན་ཅིག་སྐལ་མེད་བགེགས་ཀྱི་ཚོགས། །ང་ནི་གདོད་ནས་ལྷུན་གྲུབ་པའི། །ཁྲོ་རྒྱལ་ཀུན་གྱི་རྗེ་བཙུན་ཡིན། །བདུད་དཔུང་ཐལ་བར་བརླག་པར་བྱེད། །གསང་ཆེན་རགས་འདུས་དཀྱིལ་འཁོར་འདིར། །ཁྱེད་ཅག་འཇུག་པའི་སྐབས་མེད་པས། །སྔོན་ལས་འཕྲལ་རྐྱེན་ཅི་ཡོད་ཀྱང་། །མཆོད་སྦྱིན་གཏོར་མ་འདི་ལོང་ལ། །གཞན་དང་གཞན་དུ་བྱེར་ཞིང་དེངས། །འདུག་ན་བརླག་པར་གདོན་མི་ཟ། །སུམ་བྷ་ནི་སོགས་དང་། སརྦ་བྷཱུ་ཏ་ཨུ་ཙཊྚ་ལ་ཕཊ། དྲུག་པ་མཚམས་བཅད་པ་ནི། ཧཱུྃ་ཧྲཱིཿ། རང་བྱུང་ཡེ་ཤེས་ཁྲོ་བོའི་རྒྱལ། །མ་རིག་ལོག་རྟོག་བགེགས་ཀྱི་གཤེད། །ལྷ་འདྲེར་འཛིན་པའི་འཁྲུལ་སྣང་བགེགས། །བདེ་ཆེན་ཀློང་དུ་རང་གྲོལ་(༣བ)

― GLG025_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

མཚམས། །སྟེང་འོག་ཕྱོགས་མཚམས་མ་ལུས་པ། །རྡོ་རྗེ་འཁོར་ལོ་རིན་པོ་ཆེ། །པདྨ་རྒྱ་གྲམ་མེ་དཔུང་གིས། །གོ་མཚམས་མེད་པར་ལེགས་གཏམས་པའི། །འཇིགས་རུང་སྲ་བརྟན་སྲུང་བ་ཡི། །གུར་ཁང་མཚམས་ལས་མ་འདའ་ཅིག །ཨཱོཾ་ཨཱཿཧཱུྃ་གུ་རུ་དེ་ཝ་ཌཱ་ཀི་ནི། གནོད་བྱེད་འབྱུང་པོ་སརྦ་བིགྷྣཱན་ཨུ་ཙ་ཊ་ཡ་ཧཱུྃ་ཕཊ། བཛྲ་ཙཀྲ་རཏྣ་པདྨ་ཀརྨ་ཛྭ་ལ་རཾ་རཀྵ་རཀྵ་ཧཱུྃ། བདུན་པ་བཤགས་པ་ནི། སྲུང་འཁོར་ནང་གི་མདུན་གྱི་བར་སྣང་ལ། །རྩ་གསུམ་ལྷ་ཚོགས་གཤེགས་ཤིང་བཞུགས་སུ་གསོལ། །བཛྲ་ས་མ་ཛཿ སྐྱབས་གནས་བདག་ལ་བརྩེར་དགོངས་མཛོད། །ཐོག་མེད་དུས་ནས་ད་ལྟའི་བར། །བདག་གཞན་ལུས་ངག་ཡིད་གསུམ་གྱིས། །མི་དགེ་གང་བགྱིས་མཐོལ་ཞིང་བཤགས། །ཁྱད་པར་རྡོ་རྗེ་ཐེག་པ་ཡི། །རྩ་བ་ཡན་ལག་དམ་ཚིག་གི །ཉེས་ལྟུང་དྲི་མས་སྦགས་པ་ཀུན། །སྙིང་ནས་བཤགས་སོ་དངོས་གྲུབ་སྩོལ། །བརྒྱད་པ་བྱིན་དབབ་པ་ནི། ཧཱུྃ། བདེ་ཆེན་འགྱུར་མེད་ཆོས་སྐུའི་ཀློང་ཡངས་ནས། །གྲངས་མེད་གཟུགས་སྐུའི་རྣམ་པར་སྟོན་མཛད་པའི། །རིགས་འདུས་བླ་མ་སྨན་རྒྱལ་དཀྱིལ་འཁོར་གྱི། །ཞི་དང་ཁྲོ་བོའི་ལྷ་ཚོགས་དགོངས་སུ་གསོལ། །བླ་མ་རྡོར་སེམས་རིགས་བཞི་འཁོར་དང་བཅས། །རྟ་ཕག་ཡབ་ཡུམ་ཆོས་སྐྱོང་དམ་ཅན་ཚོགས། །མི་མངོན་དབྱིངས་ནས་གནས་འདིར་སྐུ་བཞེངས་ལ། །སྐུ་གསུང་ཐུགས་ཀྱི་བྱིན་ཆེན་མ་ལུས་ཕོབ། །གནས་ཁང་འདི་ལ་གཟི་བརྗིད་བཀྲག་མདངས་སྐྱེད། །སྒྲུབ་པའི་རྫས་ལ་མཐུ་སྟོབས་ནུས་པ་སྟིམ། །རིག་འཛིན་ཚོགས་ལ་བྱིན་རླབས་དབང་བཞི་སྐུར། །རེ་བའི་འབྲས་བུ་མཆོག་ཐུན་དངོས་གྲུབ་སྩོལ། །ཨཱོཾ་བཛྲ་མཧཱ་གུ་རུ་སརྦ་གུ་ཎ་སིདྡྷི་ཏིཥྛ་ཨ་བེ་ཤ་ཡ་ཨ་ཨཿ དགུ་པ་མཆོད་གཏོར་བྱིན་གྱིས་བརླབ་པ་ནི། ཨཱོཾ་ཡིག་དཀར་པོ་འོད་འབར་(༤ན)

― GLG025_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

བ། །རིགས་ལྔ་ཡབ་ཡུམ་ངོ་བོ་ཉིད། །མཚན་ལྡན་ཐོད་པར་ཞུ་བ་ལས། །འཆི་མེད་ཡེ་ཤེས་བདུད་རྩིར་གྱུར། །ཨཱོཾ་སརྦ་པཉྩ་ཨ་མྲྀ་ཏ་ཧཱུྃ་ཧྲཱི་ཐཱ། ཨཱ༔ཡིག་དམར་པོ་འོད་འབར་བ། །འཁོར་བ་སྐྱེ་མེད་དབྱིངས་སུ་སྒྲོལ། །མཚན་ལྡན་ཐོད་པར་ཞུ་བ་ལ། །ཉོན་མོངས་འཇོམས་པའི་རཀྟར་གྱུར། །མཧཱ་རཀྟ་ཛྭ་ལ་མཎྜ་ལ་ཧཱུྃ་ཕཊ། ཧཱུྃ་ཡིག་མཐིང་ཁ་འོད་འབར་བ། །བདེ་ཆེན་ཐུགས་ཀྱི་ངོ་བོ་ཉིད། །མཚན་ལྡན་ཐོད་པར་ཞུ་བ་ལས། །འདོད་ཡོན་མི་ཟད་གཏོར་མར་གྱུར། །ཨཱོཾ་ཨཱཿམཧཱ་བ་ལིཾ་ཏ་ཏེ་ཛོ་བ་ལིཾ་ཏ་བ་ལ་པཱ་ཏེ་གུ་ཧྱ་ས་མ་ཡ་ཧཱུྃ་སྭཱཧཱ། །ཧྲཱིཿཡིག་འོད་ལྔ་རབ་གསལ་བ། །ལས་རྣམས་ཀུན་བྱེད་ནམ་མཁའ་མཛོད། །མཚན་ལྡན་ཐོད་པར་ཞུ་བ་ལས། །ཕྱི་ནང་གསང་མཆོད་བསམ་མི་ཁྱབ། །ཨརྒྷཾ་ནས། ཤཔྟ་པཱུ་ཛ་མེ་གྷ་ཨཱོཾ་ཨཱཿཧཱུྃ། རཱུ་པ་ནས། སྤཪྴ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿཧཱུྃ། མཧཱ་མེ་ས་རཀྟ་ཀཾ་ནི་རི་ཏི་བོ་དྷི་ཙིཏྟ་མཧཱ་སུ་ཁ་ག་ཎ་གུ་ཧྱ་པཱུ་ཛ་ཧོཿ ཏིང་འཛིན་རྣམ་གསུམ་གཞལ་ཡས་ཁང་། །ལྷ་སྐྱེད་སྤྱན་འདྲེན་བཞུགས་གསོལ་ཕྱག །མཆོད་བསྟོད་བཟླས་པའི་རིམ་པ་རྣམས། །ཉམས་ལེན་དངོས་གཞིའི་བྱ་བར་ངེས། །དང་པོ་ཏིང་ངེ་འཛིན་གསུམ་ནི། ཧཱུྃ། ཆོས་རྣམས་མི་དམིགས་སྤྲོས་དང་བྲལ། །སྐྱེ་མེད་སྟོང་གསལ་ནམ་མཁའ་ཆེ། །ཨཱོཾ་མཧཱ་ཤཱུ་ནྱ་ཏཱ་ཛྙཱ་ན་སྭ་བྷཱ་ཝ་ཨཱཏྨ་ཀོ྅ཧཾ། དེ་ལྟར་མ་རྟོགས་སེམས་ཅན་ལ། །མི་ཟད་སྙིང་རྗེ་ཀུན་ཁྱབ་བསྒོམ། །སྟོང་ཉིད་སྙིང་རྗེ་དབྱེར་མེད་ཀྱི། །ངང་ནས་འགྲོ་དོན་བསྒྲུབ་པའི་ཕྱིར། །རང་རིག་གསེར་གྱི་རྡོ་རྗེར་གྱུར། །གཉིས་པ་གཞལ་ཡས་ཁང་ནི། །དེ་ལས་ཨེ་འཕྲོས་ནམ་མཁའ་ཆེར། །ཡཾ་འཕྲོས་རླུང་གི་དཀྱིལ་འཁོར་ཏེ། །རཾ་འཕྲོས་རཀྟའི་རྒྱ་མཚོ་འཁྲུག །སུཾ་ལས་ཞིང་ཆེན་ས་གཞི་གདལ། །ཀེཾ་ལས་རུས་པའི་རི་རབ་སྟེང་། །(༤བ)

― GLG025_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

རཾ་ལས་བསྐལ་པའི་མེ་དཔུང་འབར། །དེ་དབུས་སྣ་ཚོགས་བྷྲུཾ་འཕྲོས་ཏེ། །ཡོངས་གྱུར་ཡེ་ཤེས་གཞལ་ཡས་ཁང་། །ཁྱམས་སྒོ་རྟ་བབས་མཚན་ཉིད་རྫོགས། །གསུམ་པ་ལྷ་སྐྱེད་པ་ནི། དེ་དབུས་པད་སྡོང་འདབ་མ་བཞི། །ཟླ་ཉི་བདུད་བཞིའི་རོ་གདན་སྟེང་། །ཧྲཱིཿ མ་ཧ་རི་ནི་ས་རྣམས། །དབུས་དང་འདབ་བཞི་སོ་སོར་གསལ། །དེ་ལས་འོད་འཕྲོས་སངས་རྒྱས་མཆོད། །སེམས་ཅན་ཀུན་གྱི་སྡིག་སྒྲིབ་སྦྱངས། །ཚུར་འདུས་རྡོ་རྗེ་གྲི་གུག་གྱུར། །དེ་ཉིད་གནས་གྱུར་དྲན་རྫོགས་སུ། །རྟ་མཆོག་དབང་ཆེན་སྐུ་མདོག་དམར། །དབུ་གཙུག་རྟ་མགོ་རྟ་སྐད་འཚེར། །དབང་སྡུད་གྲི་གུག་ཕྱག་གཡས་འཕྱར། །མཱ་རའི་ཁྲག་བཀང་ཐོད་པ་གཡོན། །བདུད་བཞིའི་སྟེང་ན་བརྐྱང་བསྐུམ་འགྱིང་། །རྡོ་རྗེ་ཕག་མོས་མགུལ་ནས་མཁྱུད། །མེ་དཔུང་འབར་བའི་ཀློང་དཀྱིལ་བཞུགས། །ཕྱོགས་བཞིའི་འདབ་མར་རྡོ་རྗེ་དང་། །རིན་ཆེན་པདྨ་འཕྲིན་ལས་ཀྱི། །མཁའ་འགྲོ་མཐིང་སེར་དམར་ལྗང་མདོག །རུས་པའི་རྒྱན་སྤྲས་གྲི་ཐོད་འཛིན། །བརྐྱང་བསྐུམ་གར་སྟབས་ཚུལ་གྱིས་འགྱིང་། །སྤྱི་གཙུག་པད་སྡོང་འདབ་བཞིའི་དབུས། །ཉི་མ་ཟླ་བའི་གདན་སྟེང་དུ། །རིགས་འདུས་བླ་མ་རྡོ་རྗེ་སེམས། །མཐིང་ནག་ཞལ་གཅིག་ཕྱག་གཉིས་པ། །གཡས་པ་རྡོ་རྗེ་ཐོད་པ་གཡོན། །གཅེར་བུ་རིན་ཆེན་རུས་རྒྱན་སྤྲས། །ཁྲོ་འཛུམ་འགྱིང་བག་སྐྱིལ་ཀྲུང་གི །པང་དུ་རང་རིགས་གསང་བའི་ཡུམ། །རབ་མཛེས་གྲི་ཐོད་འཛིན་པས་མཁྱུད། །ཕྱོགས་བཞིར་རིག་པའི་ཡེ་ཤེས་ཀྱི། །ངོ་བོ་དཀར་སེར་དམར་ལྗང་མདོག །རྣམ་སྣང་རིན་འབྱུང་འོད་དཔག་མེད། །དོན་གྲུབ་རྣམ་བཞི་ཡུམ་དང་སྦྱོར། །འཁོར་ལོ་རིན་ཆེན་པདྨ་དང་། །རྒྱ་གྲམ་རབ་འཛིན་ཆ་ལུགས་རྣམས། །གཙོ་བོ་ཇི་བཞིན་བཞུགས་པའི་མཐར། །ཡི་དམ་ཆོས་སྐྱོང་སྲུང་མ་རྣམས། །སྤྲིན་ཕུང་འཁྲིགས་པ་ལྟ་བུར་གྱུར། །བཞི་པ་སྤྱན་འདྲེན་པ་ནི། །(༥ན)

― GLG025_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུྃ་ཧྲཱིཿ ཆོས་དབྱིངས་སྤྲོས་བྲལ་ངང་ཉིད་ལས། །རིགས་འདུས་བླ་མ་སྐུ་བཞེངས་ཤིག །བདག་དང་འགྲོ་ལ་ཐུགས་བརྩེའི་ཕྱིར། །གནས་འདིར་སྤྱན་འདྲེན་གཤེགས་སུ་གསོལ། །ཨཱོཾ་ཨཱཿཧཱུྃ་གུ་རུ་དེ་ཝ་ཌཱ་ཀི་ནི། བཛྲ་ས་མ་ཡ་ཛཿ ཨེ་ཧྱ་ཧི། ལྔ་པ་བཞུགས་སུ་གསོལ་བ་ནི། །དུས་གསུམ་རྒྱལ་བ་ཀུན་འདུས་པའི། །གསང་ཆེན་དཀྱིལ་འཁོར་དམ་པ་འདིར། །དབྱེར་མེད་ཆུ་ལ་ཆུ་བཞག་བཞིན། །དགྱེས་བཞིན་བརྟན་པར་བཞུགས་སུ་གསོལ། །ས་མ་ཡ་ཏིཥྛ་ལྷན། དྲུག་པ་ཕྱག་འཚལ་བ་ནི། ཧཱུྃ་ཧྲཱི༔ རྩ་གསུམ་དཀྱིལ་འཁོར་མ་ལུས་པ། །ཀུན་འདུས་བླ་མ་སྨན་རྒྱལ་གྱི། །རྟེན་དང་བརྟེན་པར་བཅས་པ་ལ། །ལུས་ངག་ཡིད་གསུམ་གུས་ཕྱག་འཚལ། །ན་མོ་ཨ་ཏི་ལུ་ཧོཿ པྲ་ཏི་ཛ་ཧོཿ བདུན་པ་མཆོད་པ་འབུལ་བ་ནི། མེ་ཏོག་བདུག་སྤོས་མར་མེ་དྲི་དང་བཤོས། །རོལ་མོ་ལ་སོགས་ཡིད་འོང་ཕྱིར་མཆོད་པ། །དབང་པོ་ལྔ་དང་བསུར་ཆེན་ཞུན་ཆེན་མེ། །དྲི་ཆེན་དྲི་ཆུ་ཐོད་རྔ་རྐང་གླིང་སྒྲ། །དུག་གསུམ་སྐུ་གསུམ་དུག་ལྔ་ཡེ་ཤེས་ལྔ། །སྣང་སྲིད་འཁོར་འདས་བདེ་ཆེན་ཀློང་དུ་མཆོད། །ཨརྒྷཾ་ནས། ཤཔྟའི་བར་བརྗོད་དེ་ཕྱི་ནང་གི་མཆོད་པ་དབུལ་ལོ། །ཐབས་ཤེས་ཟླ་གསང་ཐིག་ལེ་ལས། །དཀར་དམར་བདེ་ཆེན་ཡེ་ཤེས་རྫས། །བླ་མ་ཡི་དམ་མཁའ་འགྲོ་ལ། །གཉིས་མེད་ངང་དུ་འབུལ་གྱི་བཞེས། །བོ་དྷི་ཙིཏྟ་ག་ཎ་གུ་ཧྱ་པཱུ་ཛ་ཧོཿཞེས་གསང་མཆོད་དབུལ་ལོ། །ཧཱུྃ་རྩ་བ་ཡན་ལག་སྟོང་སྦྱར་སྨན། །དུག་ལྔ་ཡེ་ཤེས་ལྔར་གྱུར་པ། །རིགས་ལྔ་དམ་ཚིག་ལྔ་ཡི་དངོས། །ཡེ་ཤེས་ལྔ་རྫོགས་མཆོད་པ་འབུལ། །ཨཱོཾ་སརྦ་པཉྩ་ཨ་མྲྀ་ཏ་ཧཱུྃ་ཧྲཱི༔ཐ། རྒྱལ་བ་སྨན་བླ་རིག་འཛིན་པདྨ་འབྱུང་། །དཔལ་ལྡན་ཕྲེང་བ་རྗེ་བཙུན་གཡུ་ཐོག་ཞབས། །ཡེ་ཤེས་གཟུངས་དང་དཔལ་ལྡན་གཞོན་ནུ་ལ། །བདུད་རྩི་སྨན་མཆོད་འབུལ་ལོ་བཞེས་སུ་(༥བ)

― GLG025_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ། །ཨཱོཾ་སརྦ་པཉྩ་ཨ་མྲྀ་ཏ་ཧཱུྃ་ཧྲཱི༔ཐ། སངས་རྒྱས་རིན་ཆེན་རིན་ཆེན་རྡོ་རྗེ་དང་། །དོན་གྲུབ་རྒྱལ་མཚན་དཀོན་མཆོག་སྐྱབས་ཀྱི་ཕུལ། །རིན་ཆེན་བསོད་དབང་རྣལ་འབྱོར་ཆེན་པོ་ལ། །བདུད་རྩི་སྨན་མཆོད་འབུལ་ལོ་བཞེས་སུ་གསོལ། །ཨཱོཾ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཐ། རི་ཁྲོད་ཞིག་པོ་ཟུར་མཁར་མཉམ་ཉིད་རྗེ། །དཀོན་མཆོག་པ་དང་ནམ་མཁའ་དཔལ་ལྡན་ཞབས། །མངའ་རིས་རིག་འཛིན་ལེགས་ལྡན་རྡོ་རྗེ་ལ། །བདུད་རྩི་སྨན་མཆོད་འབུལ་ལོ་བཞེས་སུ་གསོལ། །ཨཱོཾ་སརྦ་པཉྩ་ཨ་མྲྀ་ཏ་ཧཱུྃ་ཧྲཱི༔ཐ། བཀྲ་ཤིས་སྟོབས་རྒྱལ་ངག་གི་དབང་པོའི་དཔལ། །གསང་ཆེན་ཆོས་ཀྱི་མཛོད་འཛིན་ཨཱ་ནནྡ། །བཀའ་དྲིན་མཉམ་མེད་རྩ་བའི་བླ་མ་ལ། །བདུད་རྩི་སྨན་མཆོད་འབུལ་ལོ་བཞེས་སུ་གསོལ། །ཨཱོཾ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཐ། ཀུན་འདུས་རིགས་ལྔ་རྟ་ཕག་ཡབ་ཡུམ་དང་། །མཁའ་འགྲོ་ཆོས་སྐྱོང་དམ་ཅན་རྒྱ་མཚོ་ཚོགས། །སྨན་གྱི་དྲང་སྲོང་ལྷ་མོར་བཅས་པ་ལ། །བདུད་རྩི་སྨན་མཆོད་འབུལ་ལོ་བཞེས་སུ་གསོལ། །ཨཱོཾ་སརྦ་པཉྩ་ཨ་མྲྀ་ཏ་ཧཱུྃ་ཧྲཱི༔ཐ། ཞེས་བདུད་རྩི་སྨན་མཆོད་དབུལ་ལོ། །ཧྲཱིཿའཁོར་འདས་ཕྱི་ནང་གསང་བ་ཤེས་བྱ་དང་། །ཤེས་བྱེད་ལས་འདས་དམ་ཚིག་རྡོ་རྗེ་ཆེ། །ཐབས་ཤེས་མཐེབ་སྲིན་ཕྱག་རྒྱས་ཆོ་ག་བཞིན། །མྱངས་པས་དངོས་གྲུབ་མ་ལུས་སྩལ་དུ་གསོལ། །ཀཱ་ཡ་ཝ་ཀ་ཙིཏྟ་སིདྡྷི་ཨཱོཾ་ཨཱཿཧཱུྃ། ཞེས་དངོས་གྲུབ་བླང་། ཧཱུྃ། བནྡྷ་མཚན་ལྡན་འབར་བའི་སྣོད། །བདུད་བཞི་བསྒྲལ་བའི་སྙིང་ཁྲག་བཅུད། །རྣམ་རྟོག་འཁོར་བ་དབྱིངས་སྒྲོལ་ཕྱིར། །བླ་མ་ཡི་དམ་མཁའ་འགྲོ་མཆོད། །མཧཱ་རཀྟ་སོགས་བརྗོད་དེ་རཀྟ་དབུལ་ལོ། །ཧཱུྃ། སྣོད་བཅུད་གཏོར་མར་ལྷུན་གྱིས་གྲུབ། །གཉིས་སུ་མེད་པར་བྱིན་གྱིས་བརླབས། །འདོད་ཡོན་ལྷ་མོས་རབ་བརྒྱན་པ། །བདེ་བ་ཆེན་པོར་བཞེས་སུ་གསོལ། །ཨཱོཾ་ཨཱཿཧཱུྃ་བཛྲ་མཧཱ་གུ་རུ་སརྦ་གུ་ཎ་(༦ན)

― GLG025_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

སིདྡྷི་ཨཱོཾ་ཨཱཿཧཱུྃ་སྭཱཧཱ། མུཾ་ལཾ་མཾ་སྱཾ་ཏཾ། ཧྲཱིཿམཿཧ་རི་ནི་ས་ཙིཏྟ་ཧྲིང་ཧྲིང་། ས་པ་རི་ཝཱ་ར་ད་མ་བ་ལིཾ་ཏ་ཁ་ཁ། ཁཱ་ཧི་ཁཱ་ཧི། དྷརྨ་པཱ་ལ་ས་པ་རི་ཝཱ་ར་ཨི་དམ་བ་ལིཾ་ཏ་ཁ་ཁ། ཁཱ་ཧི་ཁཱ་ཧི། ཞེས་གཏོར་མ་དབུལ་ལོ། །ཧཱུྃ། སྐྱེ་བ་མེད་ལ་ཐམས་ཅད་སྐྱེ། །སྐྱེས་ཙམ་ཉིད་ལ་སྐྱེ་བ་དྲན། །འདུ་འབྲལ་མེད་པ་རྡོ་རྗེའི་གླུ། །ཉམས་དབྱངས་རང་གྲོལ་ཡེ་ཤེས་མཆོད། །ཨཱོཾ་ཏེ་ཏེ་ཧཱུྃ། ཏེ་ན་ཧཱུྃ། ཏེ་ཕུ་སྥ་ར་ཎ་ས་མ་ཡེ་ཧཱུྃ་ཧོ༔ ཞེས་རྡོ་རྗེའི་གླུས་མཆོད་དོ། །བརྒྱད་པ་བསྟོད་པ་ནི། ཧཱུྃ་ཧྲཱི༔ ཆོས་དབྱིངས་བདེ་ཆེན་ཀུན་གསལ་ཡངས་པའི་ངོས། །སྣ་ཚོགས་གཟུགས་སྐུའི་རྟ་ལྗང་དབང་པོ་ཡིས། །མཆོག་ཐུན་དངོས་གྲུབ་འདབ་བརྒྱ་བཞད་མཛད་པའི། །རྩ་གསུམ་རིགས་འདུས་ལྷ་ལ་ཕྱག་འཚལ་ལོ། །བདེ་ཆེན་ལང་ཚོ་བཻ་ཌཱུར་མཐིང་ཁ་དང་། །ལྷན་ཅིག་འཁྱིལ་བའི་བཞིན་ལག་མཚན་དཔེའི་འཇའ། །ཁྲོ་འཛུམ་འགྱིང་བག་རོལ་བའི་དཀྱིལ་འཁོར་གཙོ། །བླ་མ་རྡོ་རྗེ་སེམས་དཔའ་ལ་ཕྱག་འཚལ། །རྣམ་ཤེས་སྒྲིབ་བྲལ་ཆོས་དབྱིངས་རྟ་ལྗང་ཅན། །ཨིནྡྲ་ནཱི་ལར་འགྲན་བཟོད་རྡོ་རྗེའི་རིགས། །ཞེ་སྡང་ཀུནྡ་ཟུམ་བྱེད་མི་བསྐྱོད་པ། །དཀྱིལ་འཁོར་ཁྱབ་བདག་རིགས་ཀྱི་བདག་པོ་འདུད། །གཟུགས་ཕུང་རྙོག་བྲལ་རབ་དངས་མེ་ལོང་ཆུ། །ཟླ་ཤེལ་ཞུན་མར་འཁུ་བའི་སངས་རྒྱས་རིགས། །གཏི་མུག་མུན་པ་དྲུངས་འབྱིན་རྣམ་སྣང་མཛད། །སྐུ་ཡི་རིག་པའི་ཡེ་ཤེས་ལ་ཕྱག་འཚལ། །ཚོར་ཕུང་ཡོངས་དག་མཉམ་ཉིད་ཙན་དན་ཤིང་། །གསེར་སྦྱངས་གཙོ་མར་འགྲན་བཟོད་རིན་ཆེན་རིགས། །ང་རྒྱལ་ཚ་གདུང་དྲུངས་འབྱིན་རིན་འབྱུང་ལྡན། །ཡོན་ཏན་རིག་པའི་ཡེ་ཤེས་ལ་ཕྱག་འཚལ། །འདུ་ཤེས་རྣམ་དག་སོར་རྟོག་ཟིལ་དངར་བཅུད། །བྱུ་རུའི་ལྷུན་པོའི་རྗེས་འགྲོ་པདྨའི་རིགས། །འདོད་ཆགས་ནད་ཀུན་སེལ་བའི་འོད་(༦བ)

― GLG025_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

དཔག་མེད། །གསུང་གི་རིག་པའི་ཡེ་ཤེས་ལ་ཕྱག་འཚལ། །འདུ་བྱེད་དག་པ་བྱ་གྲུབ་ཡིད་བཞིན་ནོར། །མར་གད་གསར་པའི་དཔལ་འཛིན་ལས་ཀྱི་རིགས། །ཕྲག་དོག་དབུལ་བ་སེལ་བའི་དོན་ཡོད་གྲུབ། །ཕྲིན་ལས་རིག་པའི་ཡེ་ཤེས་ལ་ཕྱག་འཚལ། །གདོད་ནས་དབྱེར་མེད་ཆུ་ནང་ཟླ་གཟུགས་ལྟར། །མཛེས་སྡུག་ལྷ་མོར་ཤར་བའི་ཡུམ་ཆེན་ལྔ། །སྐེད་ཕྲ་ནུ་འབུར་རྒྱས་པའི་འཇོ་སྒེག་གིས། །ཟག་མེད་བདེ་ཆེན་རྒྱས་པར་མཛད་ལ་བསྟོད། །བརྩེ་ཆེན་སྙིང་རྗེའི་ཆུ་གཏེར་མ་འཁྲུགས་ཀྱང་། །དྲག་པོའི་འཕྲིན་ལས་ཡོལ་མེད་རླབས་ཕྲེང་ཅན། །གར་དགུའི་ཉམས་ཀྱིས་རོལ་བའི་ཧེ་རུ་ཀ །དབང་ཆེན་རྟ་ཕག་ཡབ་ཡུམ་ལ་ཕྱག་འཚལ། །དཀྱིལ་འཁོར་ཁྱབ་བདག་དབང་པོའི་གསང་གསུམ་གྱི། །སྣ་ཚོགས་སྤྲུལ་པའི་རོལ་གར་གྲངས་མེད་ལས། །ལེགས་གྲུབ་རིགས་བཞིའི་མཁའ་འགྲོ་ཞི་ཁྲོའི་ལྷ། །ཆོས་སྲུང་དྲང་སྲོང་ཚོགས་ལ་ཕྱག་འཚལ་ལོ། །དགུ་པ་འཛབ་བཟླ་བ་ནི། རང་ཉིད་ལྷར་གསལ་དཀྱིལ་འཁོར་ལྷ་ཚོགས་ཀྱི། །སྐུ་གསུང་ཐུགས་ལ་སྔགས་ཕྲེང་དཀར་དམར་མཐིང་། །འོད་ཟེར་དཔག་མེད་འཕྲོས་པས་སངས་རྒྱས་རྣམས། །མཆོད་པས་མཉེས་ཤིང་བྱིན་རླབས་མ་ལུས་བསྡུས། །སེམས་ཅན་སྒྲིབ་སྦྱངས་རྩ་གསུམ་གོ་འཕང་བཀོད། །སྣོད་བཅུད་གཞལ་ཡས་ལྷ་དང་ལྷ་མོར་གྱུར། །མིག་གི་སྣང་བ་མཐའ་དག་རྒྱལ་བའི་སྐུ། །རྩ་བར་ཐོས་པ་མ་ལུས་གྲགས་སྟོང་གསུང་། །ཡིད་ངོར་ཤར་ཀུན་གསལ་སྟོང་རིག་པའི་གཤིས། །བློ་འདས་བརྗོད་མེད་གཉུག་མའི་ཀློང་དུ་གྱུར། །ཨཱོཾ་ཨཱཿཧཱུྃ་བཛྲ་མཧཱ་གུ་རུ་སརྦ་གུ་ཎ་སིདྡྷི་ཧཱུྃ། ཨཱོཾ་ཨཱ༔ཧཱུྃ་སྭཱཧཱ། མུཾ་ལཾ་མཾ་སྱཾ་ཏཾ། ཧྲཱིཿམཿཧ་རི་ནི་ས་ཙིཏྟ་ཧྲིང་ཧྲིང་། ས་མ་ཡ་ཛཿཧཱུྃ་བཾ་ཧོཿ སརྦ་སིདྡྷི་ཧཱུྃ་ཨཱཿ ཞེས་གཙོ་འཁོར་ཐམས་ཅད་དྲིལ་བའི་སྔགས་རིང་འདི་ལ་རྒྱུན་གྱི་བཟླས་པ་བྱའོ། །ཧཱུྃ་ཧྲཱིཿ སྐྱེ་མེད་དབྱིངས་ལས་འགག་(༧ན)

― GLG025_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་རྩལ་ཤར་བ། །མཁྱེན་བརྩེ་ནུས་པས་འགྲོ་འདུལ་རྩ་གསུམ་ལྷ། །རང་བཞིན་གནས་ནས་སྤྱན་འདྲེན་གཉིས་མེད་བཞུགས། །ཕྱག་འཚལ་མཆོད་འབུལ་སྡིག་བཤགས་བསྟོད་ཅིང་བསྐུལ། །བསྙེན་སྒྲུབ་ལས་སྦྱོར་བཟླས་བརྗོད་ཏིང་འཛིན་བསྒོམ། །མི་མཐུན་ཕྱོགས་ཀུན་ཞི་ཞིང་འདོད་དགུ་རྒྱས། །རང་སྣང་དབང་བསྡུས་ལོག་རྟོག་དགྲ་བགེགས་ཐུལ། །མཆོག་ཐུན་དངོས་གྲུབ་དུས་འདིར་མྱུར་སྩོལ་མཛད། ཅེས་འཛབ་བསྟོད་བྱའོ། །ཚོགས་མཆོད་བྱིན་བརླབ་སྤྱན་འདྲེན་འབུལ། །བཤགས་བསྒྲལ་བཀའ་སྲུང་མཆོད་ཅིང་རོལ། །ལྷག་མ་དངོས་གྲུབ་ཆད་མདོ་སྐྱོང་། །རྟ་བྲོ་གཏང་རག་བཟོད་གསོལ་བསྡུ། །བསྔོ་སྨོན་བཅུ་བདུན་མཇུག་གི་རིམ། །དང་པོ་ནི། ཧཱུྃ་ཧྲཱིཿ རང་ཉིད་ལྷར་གསལ་ཐུགས་ཀའི་ས་བོན་ལས། །རཾ་ཡཾ་ཁཾ་འཕྲོས་ཚོགས་རྫས་བསྲེགས་སྦྱངས་བཀྲུས། །ཨཱོཾ་ཨཱཿཧཱུཾ་གིས་ཡེ་ཤེས་བདུད་རྩིར་གྱུར། །འདོད་ཡོན་ལྷ་མོ་མཆོད་རྫས་སྤྲིན་ཕུང་གཏིབས། །མཧཱ་ག་ཎ་ཙཀྲ་སརྦ་ཕ་ལ་ཧོ༔ གཉིས་པ་སྤྱན་འདྲེན་ནི། ཧཱུྃ་ཧྲཱིཿརིགས་འདུས་རྒྱལ་བའི་ལྷ་ཚོགས་རྣམས། །ཐུགས་དམ་ཐུགས་རྗེས་བརྩེར་དགོངས་ལ། །ཚོགས་ཀྱི་མཆོད་པ་བཞེས་སླད་དུ། །སྤྱན་འདྲེན་གནས་འདིར་གཤེགས་སུ་གསོལ། །ས་མ་ཡ་ཛཿ གསུམ་པ་འབུལ་བ་ནི། ངོ་བོ་ཟག་མེད་བདུད་རྩི་ལ། །འདོད་པའི་ཡོན་ཏན་ལྔ་ལྡན་པའི། །ཚོགས་ཀྱི་མཆོད་པ་དམ་པ་འདི། །བརྩེ་བས་བཞེས་ལ་དངོས་གྲུབ་སྩོལ། །ག་ཎ་ཙཀྲ་སརྦ་པཱུ་ཛ་ཧོཿ། བཞི་པ་བཤགས་པ་ནི། ཐོག་མེད་དུས་ནས་ད་ལྟའི་བར་དག་ཏུ། །གསང་བ་སྔགས་ཀྱི་དམ་ཚིག་མ་ལུས་དང་། །ཁྱད་པར་སྨན་གཞུང་ལས་གསུངས་དམ་བཅའ་ལས། །འགལ་འཁྲུལ་ནོངས་པ་མ་ལུས་མཐོལ་ལོ་བཤགས། །ཡི་གེ་བརྒྱ་པ་བརྗོད། ལྔ་པ་བསྒྲལ་མཆོད་ནི། རྩ་གསུམ་ལྷ་ཚོགས་སྔགས་དང་(༧བ)

― GLG025_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྒྱ་དང་། །ཏིང་འཛིན་མཐུ་ཡིས་ལོག་འདྲེན་དགྲ་བགེགས་ཀུན། །ཐར་མེད་གྲུ་གསུམ་ལྕགས་ཁང་འབར་བའི་ནང་། །དམིགས་རྟེན་གཟུགས་ཀྱི་ཉ་བོ་འདི་ལ་ཁུག །ཧཱུྃ། ཁྲོ་རྒྱལ་རྟ་མགྲིན་ཁྲག་འཐུང་ཧེ་རུ་ཀ །འཇིགས་རུང་ཞལ་གཅིག་ཕྱག་གཉིས་གྲི་ཐོད་འཛིན། །སྐུ་སྨད་གནམ་ལྕགས་འབར་བའི་ཕུར་བུ་ཡིས། །དམ་ཉམས་དགྲ་བོའི་སྙིང་ལ་མཱ་ར་ཡཱ། །ཞེས་བསྒྲལ། དགྲ་བགེགས་བསྒྲལ་བའི་ཤ་ཁྲག་རུས་པ་རྣམས། །ངོ་བོ་བདུད་རྩིའི་རྒྱ་མཚོར་བྱིན་བརླབས་ནས། །རྩ་གསུམ་དཀྱིལ་འཁོར་འཁོར་ལོའི་ཚོགས་ལ་དབུལ། །བཞེས་ནས་འཕྲིན་ལས་རྣམ་བཞི་གྲུབ་པར་མཛོད། །ཅེས་བཏབ་པ་བྱ། དྲུག་པ་ཆོས་སྲུང་མཆོད་པ་ནི། རྒྱས་པ་རྡོ་རྗེ་འཆང་ཨཱ་ནནྡས་མཛད་པའི་དམ་སྐོང་དྲེགས་པ་ཚར་གཅོད་བྱ་ཞིང་། བསྡུ་ན་འདི་ལྟར། རྒྱལ་བ་ཀུན་གྱི་མཁྱེན་བརྩེ་ནུས་པའི་ཚོགས། །མཐུ་སྟོབས་གཅིག་བསྡུས་པདྨ་འབྱུང་གནས་དང་། །དབྱེར་མེད་རྗེ་བཙུན་མ་ཧཱ་གུ་ཎ་ཡིས། །ཐུགས་རྗེའི་མཐུ་དཔུང་དུས་འདིར་སྩལ་དུ་གསོལ། །ཆོས་དབྱིངས་སྤྲོས་བྲལ་བདེ་བ་ཆེན་པོ་ལས། །གཉིས་མེད་གཉིས་སུ་རོལ་བའི་སྒྱུ་མ་མཁན། །བསྟན་སྲུང་དབང་པོ་དམ་ཅན་སྡེ་དགུའི་ཚོགས། །གནས་འདིར་ཐོགས་པ་མེད་པར་ད་ཚུར་སྤྱོན།།འཇིགས་རུང་དུར་ཁྲོད་འབར་བའི་གཞལ་ཡས་དབུས། །དགྲ་བགེགས་ཁྲག་ཞག་འཁྱིལ་བའི་ཆོས་འབྱུང་ནང་། །པདྨ་ཉི་ཟླ་དགྲ་བགེགས་གདན་སྟེང་དུ། །བསྟན་སྲུང་འཁོར་བཅས་དགྱེས་བཞིན་བརྟན་པར་བཞུགས། །མཚོ་སྐྱེས་རྡོ་རྗེ་རྗེ་བཙུན་གཡུ་ཐོག་ཞབས། །རྩ་བརྒྱུད་བླ་མས་བཀའ་བསྐོས་དམ་བསྒྲགས་པ། །དྲན་པར་མཛོད་ལ་རྣལ་འབྱོར་བདག་ཅག་གི །བཅོལ་བའི་འཕྲིན་ལས་མ་ལུས་སྒྲུབ་པར་མཛོད། །བཀའ་སྲུང་འཁོར་དང་བཅས་པའི་སྤྱན་ལམ་དུ། །མེ་ཏོག་བདུག་སྤོས་སྣང་གསལ་མར་(༨ན)

― GLG025_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་དང་། །དྲི་ཆབ་ཞལ་ཟས་རོལ་མོ་རྟ་གཡག་ལུག །བྱ་ཁྱི་གོ་མཚོན་སྐུ་གསུང་ཐུགས་རྟེན་རྫས། །འབོད་པའི་གཡབ་དར་དྲག་པོ་སྒྲུབ་པའི་རྫས། །སྐུ་མཁར་པདྨ་ཉི་ཟླ་མདའ་དར་དང་། །དམར་ཆེན་གཏོར་མ་བདུད་རྩི་རཀྟ་སོགས། །དངོས་བཤམས་ཡིད་སྤྲུལ་འཁོར་དང་བཅས་ལ་འབུལ། །སྲིན་པོའི་གཟུགས་ཅན་དར་ནག་འཇོལ་བེར་གསོལ། །གྲི་གུག་ཐོད་འཛིན་བེང་ཆེན་རྐེད་ལ་བཙུགས། །མི་མགོའི་ཕྲེང་བརྒྱན་རྟ་ནག་རྟིང་དཀར་ཆིབས། །གནོད་སྦྱིན་རྡོ་རྗེ་བདུད་འདུལ་ཁྱོད་ལ་བསྟོད། །སྲིན་མོ་མཐིང་ནག་དྲེའུ་ག་པ་ཞོན། །མཚོན་དྲུ་ནད་རྐྱལ་རབ་བཏགས་གྲི་ཐོད་འཛིན། །སྤྱི་བོར་ཟླ་ཚེས་ལྟེ་བར་ཉི་མས་བརྒྱན། །སྔགས་སྲུང་ཨེ་ཀ་ཛ་ཏི་ཁྱོད་ལ་བསྟོད། །སྲིན་པོ་དབུ་དགུ་བྱ་རོག་མགོ་བོས་བརྒྱན། །ཕྱག་གཉིས་སྦྲུལ་ཞགས་རྭ་ཡི་མདའ་གཞུ་བསྣམས། །ལུས་པོ་མིག་དང་སྐུ་སྨད་སྤྲུལ་མཇུག་འཁྱིལ། །གཟའ་བདུད་ཁྱབ་འཇུག་ནག་པོ་ཁྱོད་ལ་བསྟོད། །ལྕེ་སྤྱང་གདོང་ཅན་ཕྱག་བཞི་གྲི་ཐོད་དང་། །དགྲ་ཟོར་རྒྱུ་ཞགས་མི་མགོ་འཕྱར་ཞིང་འཛིན། །དུར་བྱ་མགོ་དགུ་ལ་ཞོན་དུར་ཁྲོད་བདག །མཁའ་འགྲོ་ལྕེ་སྤྱང་མཆུ་དམར་ཁྱོད་ལ་བསྟོད། །སྟག་གི་གདོང་ཅན་ཟངས་གྲི་རྒྱུ་ཞགས་ཐོགས། །སྙིང་གི་ཕྲེང་བས་ལུས་བརྒྱན་གཡུ་འབྲུག་ཞོན། །སྟོང་གསུམ་སྐད་ཅིག་ཉུལ་བའི་མཐུ་སྟོབས་ཅན། །གནོད་སྦྱིན་བཤན་པ་དམར་པོ་ཁྱོད་ལ་བསྟོད། །སྲིན་པོ་འཇིགས་རུང་གཡས་པ་སྤུ་གྲི་དང་། །གཡོན་པ་གློ་སྙིང་ཐོགས་ཤིང་མགོ་ཕྲེང་བརྒྱན། །དར་ནག་འཇོལ་བེར་རབ་གསོལ་སེང་གེ་ཞོན། །དམ་ཅན་སྲོག་གི་སྤུ་གྲི་ཁྱོད་ལ་བསྟོད། །སྲིན་ཞལ་སྤྱི་བོར་སྤྱང་གདོང་མཆེ་རིང་ཅན། །རལ་གྲི་རྩེ་གསུམ་རྒྱུ་མའི་ཞགས་པ་འཛིན། །མི་ལྤགས་གོས་གྱོན་རོལ་བས་མགོ་དགུ་ཞོན། །སྲིན་པོ་དགྲ་དུར་འཇིགས་བྱེད་ཁྱོད་ལ་བསྟོད། །སྲིན་མོ་བྱ་རོག་མགོ་ཅན་ཁྲག་རལ་སྤྲུག །གཡས་(༨བ)

― GLG025_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྒྱུ་ཞགས་དགྲ་སྟ་གཡོན་པ་ན། །ཙིཏྟ་བསྣམས་ཤིང་ལྕགས་སྤྱང་མགོ་དགུ་ཞོན། །བདུད་མོ་ཤན་ཏིང་རོ་ཟན་ཁྱོད་ལ་བསྟོད། །སྲིན་ཞལ་སྤྱི་བོར་བྱ་ཁྲའི་མགོ་བོ་ཅན། །ཕྱག་བཞི་མདུང་དང་དུག་རྐྱལ་མི་མགོ་རློན། །ཕུར་པ་བསྣམས་ཤིང་དྲེད་མོ་མགོ་དགུ་ཞོན། །སྲོག་བདག་ཧབ་སེ་ནག་པོ་ཁྱོད་ལ་བསྟོད། །བཀའ་སྲུང་སྡེ་དགུ་འཁོར་དང་བཅས་རྣམས་ཀྱིས། །བསྟན་དང་རྣལ་འབྱོར་ལ་འཚེ་དགྲ་དང་བགེགས། །སྟེང་འོག་ཕྱོགས་མཚམས་བར་གསུམ་གར་གནས་ཀྱང་། །ཚེ་སྲོག་མངའ་ཐང་ཆོམས་ལ་ཐལ་བར་རློག །ཀུན་མཁྱེན་རྒྱལ་བའི་བསྟན་པ་རིན་པོ་ཆེ། །ཁྱད་པར་རྗེ་བཙུན་མ་ཧཱ་གུ་ཎ་ཡི། །སྙན་བརྒྱུད་སྙིང་ཐིག་ངེས་དོན་རིང་ལུགས་དང་། །གསོ་རིག་གཙུག་ལག་འཕེལ་ཞིང་རྒྱས་པར་མཛོད། །རིག་འཛིན་བདག་གི་ཚེ་དང་བསོད་ནམས་དང་། །དཔལ་འབྱོར་སྙན་གྲགས་ཆོས་སྲིད་ཡོན་ཏན་ཀུན། །བསམས་པ་ཙམ་གྱིས་ཡིད་བཞིན་འགྲུབ་པ་ཡི། །ཞི་རྒྱས་དབང་དྲག་འཕྲིན་ལས་ཐོགས་མེད་སྒྲུབས། །མདོར་ན་འཆི་མེད་གྲུབ་པ་པདྨ་འབྱུང་། །དབྱེར་མེད་འགྲོ་མགོན་མ་ཧཱ་གུ་ཎ་ཡི། །དམ་ཚིག་གཉན་པོ་དགོངས་ལ་འགལ་རྐྱེན་ཀུན། །ཞི་ཞིང་མཐུན་རྐྱེན་མ་ལུས་སྒྲུབ་པར་མཛོད། །བདུན་པ་ཚོགས་ལ་ལོངས་སྤྱད་པ་ནི། ལས་ཀྱི་རྡོ་རྗེས། ཧོ། རྡོ་རྗེ་སློབ་དཔོན་དགོངས་སུ་གསོལ། །སྣང་སྲིད་འཁོར་འདས་རོ་མཉམ་པས། །གསང་ཆེན་བདེ་བའི་ལོངས་སྤྱོད་ཆེ། །ཐེ་ཚོམ་སྤངས་ཏེ་བཞེས་པར་མཛོད། །ག་ཎ་ཙཀྲ་མཧཱ་པཱུ་ཛ་ཧོཿ ཞེས་ཚོགས་ཕུད་བཏེག་ལ་འདྲེན། སློབ་དཔོན་གྱིས། ཨེ་མ་ངོ་མཚར་རྨད་ཀྱི་ཆོས། །འདོད་ཡོན་མ་སྨད་རོལ་པ་ཆེ། །དཀྱིལ་འཁོར་འཁོར་ལོ་མ་ལུས་པར། །གཉིས་མེད་དགྱེས་སྐྱེད་འདི་ལ་སྤྱོད། །ཨ་ལ་ལ་ཧོ༔ ཞེས་བླངས་ཏེ་རོལ་ལོ། །བརྒྱད་པ་ལྷག་མ་གཏང་བ་ནི། རིགས་འདུས་བླ་མ་རྒྱལ་བ་ཡི། །བཀའ་དང་བསྟན་པ་སྲུང་བྱེད་ཅིང་། །ལྷག་ལ་དབང་བའི་ཚོགས་རྣམས་(༩ན)

― GLG025_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན། །ལྷག་མཆོད་འདི་བཞེས་འཕྲིན་ལས་སྒྲུབས། །ཨུ་ཙིཊ་བ་ལིཾ་ཏ་བྷཀྵ་སི་སྭཱཧཱ། དགུ་པ་དངོས་གྲུབ་བླང་བ་ནི། གཏོར་མ་གནས་གསུམ་དུ་གཏུགས་ལ། ཧཱུྃ་ཧོ༔ བདེ་ཆེན་ཀློང་ཡངས་རྒྱལ་པོའི་ཞིང་ཁམས་ནས། །བླ་མ་སྨན་རྒྱལ་རིགས་འདུས་ཐུགས་དམ་ཅན། །སྐུ་གསུང་ཐུགས་ཡོན་འཕྲིན་ལས་བྱིན་ཆེན་པོ། །དངོས་གྲུབ་མ་ལུས་དུས་འདིར་སྩལ་དུ་གསོལ། །ཨཱོཾ་ཨཱ༔ཧཱུྃ་སརྦ་སིདྡྷི་ཕ་ལ་ཧོ༔ བཅུ་པ་ཆད་མདོ་ནི། མཚོ་སྐྱེས་རྡོ་རྗེ་རྗེ་བཙུན་གཡུ་ཐོག་པའི། །སྤྱན་སྔར་ཁས་བླངས་དམ་ཅན་སྲུང་མའི་ཚོགས། །གསང་ཆེན་སྒྲུབ་པའི་རིག་འཛིན་མཆེད་རྣམས་ཀྱིས། །གཏོར་མ་ལེན་ཞིང་རྣལ་འབྱོར་ཚེ་སྲོག་བསྲིང་། །བར་ཆད་སེལ་ཞིང་དགྲ་བགེགས་སྲོག་རྩ་གཅོད། །རྒྱུད་བཞིའི་བཤད་ཉན་འཕྲིན་ལས་སྤེལ་བ་སོགས། །སྔོན་གྱི་ཁས་བླངས་དམ་ལས་མ་འདའ་བར། །གཏོང་མ་འདི་ལོང་བཅོལ་བའི་འཕྲིན་ལས་མཛོད།བཅུ་གཅིག་པ་བསྟན་མ་བསྐྱང་བ་ནི། བོད་ཁམས་སྐྱོང་བའི་བསྟན་མ་བཅུ་གཉིས་པོ། །སྔོན་གྱི་དམ་བཅའ་གཉན་པོ་ཉེར་དགོངས་ལ། །གཏོར་མ་འདི་བཞེས་འགལ་རྐྱེན་བར་ཆད་སོལ། །རྣལ་འབྱོར་བཅོལ་བའི་ལས་རྣམས་ཐོགས་མེད་སྒྲུབས། །བཅུ་གཉིས་པ་རྟ་བྲོ་ནི། དཔལ་ཆེན་ཁྲོས་པའི་རྡོ་རྗེའི་བྲོ། །དགྲ་བགེགས་སྙིང་ལ་ཆེམས་སེ་ཆེམས། །དམ་སྲི་འབྱུང་པོ་མ་ལུས་པའི། །ལུས་ངག་ཡིད་གསུམ་མཱ་ར་ཡ། །བཅུ་གསུམ་པ་གཏང་རག་ནི། རིགས་འདུས་བླ་མ་དཀྱིལ་འཁོར་ལྷ། །བསྟན་སྲུང་རྒྱ་མཚོར་བཅས་པ་ལ། །ཕྱི་ནང་གསང་བའི་མཆོད་པ་འབུལ། །དགྱེས་པ་ཆེན་པོས་བཞེས་སུ་གསོལ། །བཅུ་བཞི་པ་བཟོད་པར་གསོལ་བ་ནི། །རིགས་འདུས་བླ་མ་རྒྱལ་བའི་སྐུ། །བརྩེ་ཆེན་ཚད་མེད་ཐུགས་རྗེས་དགོངས། །བདག་ཅག་བྱིས་པའི་རང་བཞིན་གྱིས། །ལྷག་ཆད་ནོར་འཁྲུལ་བཟོད་པར་བཞེས། །ཨཱོཾ་ཨཱཿཧཱུྃ་གུ་རུ་དེ་ཝ་ཌཱ་ཀི་ནི་ཀཱ་ཡ་ཝ་ཀ་ཙིཏྟ་ས་མ་(༩བ)

― GLG025_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

ཡཱ་ཨ་ཨ་ཨ། བཅོ་ལྔ་པ་དཀྱིལ་འཁོར་བསྡུ་བ་ནི། རྒྱལ་བའི་དཀྱིལ་འཁོར་རྟེན་དང་བརྟེན་པ་ཀུན། །གཉིས་མེད་ཆོས་ཀྱི་དབྱིངས་སུ་འཇའ་ལྟར་ཡལ། །མགྲོན་རྣམས་རྟེན་ལ་བཞུགས་ཤིང་གཤེགས་པ་རྣམས། །སླར་ཡང་བརྩེ་བས་གནས་འདིར་འབྱོན་པར་མཛད། །སརྦ་བུདྡྷ་ལ་མཎྜ་ལ་སྭ་བྷཱ་ཝ་ཨདྨ་ཀོ྅ཧཾ། བཅུ་དྲུག་པ་སྨོན་ལམ་ནི། དགེ་བ་འདི་ཡིས་བདག་གཞན་འགྲོ་བ་ཀུན། །སྨན་རྒྱལ་གདོད་མའི་མགོན་པོ་ཀུན་དུ་བཟང་། །རང་རིག་གསལ་སྟོང་གཉུག་མ་ལྷན་ཅིག་སྐྱེས། །ཚེ་འདི་ཉིད་ལ་མངོན་དུ་འགྱུར་བར་ཤོག །བཅུ་བདུན་པ་ཤིས་བརྗོད་ནི། །རྩ་རྒྱུད་བླ་མ་རིགས་འདུས་དཀྱིལ་འཁོར་ལྷ། །སྨན་གྱི་བསྟན་སྲུང་མཁའ་འགྲོ་དྲང་སྲོང་ཚོགས། །ཕུན་ཚོགས་རྣམ་པར་དགེ་བའི་བཀྲ་ཤིས་ཀྱིས། །ཡངས་པའི་ནོར་འཛིན་ཁྱོན་ཀུན་ཁྱབ་པར་ཤོག །རྗེ་བཙུན་གུ་ཎའི་ཐུགས་བཅུད་ཆུ་འཛིན་ཆེར། །ཡང་ཟབ་སྙིང་ཐིག་འཕྲིན་ལས་དབྱར་གྱི་རྔ། །ཚིག་ཉུང་དོན་འདུས་དབྱངས་སུ་བསྒྲགས་པ་ན། །སྐལ་བཟང་རྨ་བྱའི་དགའ་སྟོན་ཅི་ཡང་འཕེལ། །ཐ་སྙད་རྟོག་གེར་ཞེན་པའི་དྷ་དྷུ་རས། །མྱོས་པས་ཐེག་མཆོག་སྙིང་པོའི་གངས་རི་ལ། །ལོག་རྟོག་སྔོན་པོར་འཁྲུལ་བའི་མཁས་རློམ་རྣམས། །ཟབ་དོན་འདི་འདྲ་ལྟ་བའི་སྐལ་བས་དབེན། །བློ་ལྡན་ཚེ་གཅིག་སངས་རྒྱས་སར་འཁྲིད་ལམ། །འཚམས་མེད་ལས་ཀྱང་འདག་ནུས་ངེས་གསང་ཆོས། །འགྲོ་མགོན་གུ་ཎའི་སྙན་བརྒྱུད་གདམས་པ་འདི། །སུམ་སྟོན་རྒྱུད་འཛིན་ལས་འོངས་ཁོ་བོས་ཐོས། །རིགས་འདུས་བླ་མ་སྨན་རྒྱལ་གཡུ་ཐོག་རྗེ། །རྗེ་བཙུན་སུམ་སྟོན་རྣམ་འཕྲུལ་དབང་པོའི་སྡེ། །སྡེ་བཅས་གདམས་པའི་མཛོད་འཛིན་ཀུན་དགའི་དཔལ། །དཔལ་ལྡན་རྡོ་རྗེ་འཆང་དེའི་གསུང་གི་བཅུད། །བཅུད་ལྡན་འཆི་མེད་རྣམས་ཀྱི་བདུད་རྩི་གང་། །གང་ཞིག་སངས་རྒྱས་སར་འཁྲིད་ནུས་ལྡན་ཚེ། །ཚེ་གཅིག་(༡༠ན)

― GLG025_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་མཁྱེན་སྒྲུབ་པའི་ཟབ་མོའི་ཐེག །ཐེག་མཆོག་འདི་ཡི་དཔེ་ཟླར་འོས་སམ་སྙམ། །དགེ་ཚོགས་ཆུ་ཤེལ་དབང་པོའི་དཀྱིལ་འཁོར་གྱིས། །ཉེས་ལྟུང་མུན་པའི་སྨག་རུམ་དྲུངས་ཕྱུང་ནས། །དངོས་གྲུབ་རབ་དཀར་སྣང་བའི་དགའ་སྟོན་གྱིས། །སྐྱེ་དགུའི་སྙིང་གི་ཀུནྡ་བཞད་གྱུར་ཅིག །ཅེས་རྗེ་བཙུན་གཡུ་ཐོག་པའི་སྙིང་ཐིག་གི་ལས་བྱང་དཔག་བསམ་ལྗོན་ཤིང་འདི་ནི་གསོ་བ་རིག་པའི་གཙུག་ལག་ལ་བློ་གྲོས་ཀྱི་སྣང་བ་མཆོག་ཏུ་རྒྱས་པའི་བླ་སྨན་བྱང་ངོས་པ་བློ་བཟང་གཞན་ཕན་དབང་པོས་བསྐུལ་བ་ལ་བརྟེན་ནས་རྡོ་རྗེ་འཛིན་པ་ཨ་ནནྡས་མཛད་པའི་ལས་གཞུང་དངོས་གྲུབ་ཀུན་འབྱུང་ལ་གཞི་བྱས། སྙིང་ཐིག་ཕྱི་སྒྲུབ་ནས་ཁ་ཅུང་ཟད་བཀང་ཞིང་། ཚིག་སྦྱོར་མང་བ་རྣམས་ཉུང་ངུར་བསྡུས། མི་བདེ་བའི་ཚིག་རྣམས་ཀུན་གསར་དུ་བཅོས་ལ། ཕལ་ཆེར་གཞུང་དངོས་ཉིད་བྱིན་རླབས་ཀྱི་ཚན་ཁ་ཆེ་བའི་ཕྱིར་རང་སོར་བཞག་སྟེ། རྒྱལ་བ་རྡོ་རྗེ་འཆང་འཁོན་སྟོན་དཔལ་འབྱོར་ལྷུན་གྲུབ་སོགས་དམ་པ་དུ་མའི་བཀའ་དྲིན་གྱིས་གསང་སྔགས་གསར་རྙིང་ཐམས་ཅད་ཀྱི་སོ་སོའི་རང་ལུགས་རྣམས་མ་འདྲེས་པར་ཁོང་དུ་ཆུད་པའི་ཟ་ཧོར་གྱི་རིགས་ལས་ཨ་ཝ་དྷཱུ་ཏཱི་པའི་བཙུན་པ་ངག་དབང་བློ་བཟང་རྒྱ་མཚོས་ཀུན་འཛིན་གྱི་ལོ་དབྱུ་གུ་ཟླ་བའི་དཔའ་བོ་དགའ་སྟོན་གྱི་ཚེས་ལ་དགའ་ལྡན་ཕོ་བྲང་དུ་སྦྱར་བ་དགེ་ལེགས་འཕེལ།། །།མངྒ་ལཾ།།

ཐུག་ཆོག་དབང་དྲག་རོལ་པའི་དགའ་སྟོན།

― GLG025_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུག་ཆོག་དབང་དྲག་རོལ་པའི་དགའ་སྟོན་བཞུགས་སོ། །

― GLG025_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ཉོན་དེས་བསྐྱེད་བཅས་ལ་ཞེ་སྡང་བའི། །དམར་ཟླུམ་ལྟ་སྟངས་ཙམ་གྱིས་དགྲ་སྡེའི་སྙིང་། །ཟོས་པས་མ་ཚིམ་སྟོང་གསུམ་ཡོངས་མྱུལ་བའི། །དཔལ་མགོན་ཆེ་ཆུང་ལས་མཁན་འཁོར་ཚོགས་ཀྱི། །མཆོད་གཏོར་རྟེན་སོགས་མ་ཚང་བ་མེད་པ་འདུ་བགྱིས། བྲག་རྫོང་མའི་ལྷའི་རྣལ་འབྱོར་ལྟ་བུ་སྔོན་དུ་སོང་ནས། ཨ་མྲྀ་ཏས་བསངས། སྭ་བྷཱ་བས་སྦྱངས། གཏོར་མ་མི་དམིགས་ཏེ་སྟོང་པའི་ངང་ལས། །ཨ་ལས་ཡེ་ཤེས་ཀྱི་ཀ་པཱ་ལ་སྟོང་གསུམ་གྱི་ཁྱོན་དང་མཉམ་པའི་ནང་དུ། ཨོཾ་ཨཱཿཧཱུཾ་ཞུ་བ་ལས་བྱུང་བའི་དགྲ་བགེགས་གདུག་པ་ཅན་བསྒྲལ་བའི་ཤའི་རི་བོ། ཁྲག་གི་རྒྱ་མཚོ། རུས་པའི་ཕུང་པོ། ཟག་པ་མེད་པའི་བདུད་རྩིའི་རང་བཞིན་དུ་གྱུར། ཅེས་བརྗོད་ཅིང་། ཨོཾ་ཨཱཿཧཱུཾ་ཧ་ཧོ་ཧྲཱིཿ ཕྱག་རྒྱར་བཅས་པ་ཅི་མང་བརྗོད། རུ་མཚོན་ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས། མགོན་པོ་ཕོ་རྐྱང་། མོ་རྐྱང་། ལྕམ་དྲལ། ལྷ་བརྒྱད་ལ་སོགས་པ་སྐབས་སུ་གང་བབ་ཀྱི་དམ་ཚིག་པར་བསྐྱེད། དེ་རྣམས་ཀྱི་མདུན་དུར་ཁྲོད་ཀྱི་ས་གཞིར། རཾ་ལས་ཉི་མའི་དཀྱིལ་འཁོར་འོད་འབར་བའི་དབུས་སུ། བདུད་རྟ་བྲ་ནག་རྫུ་འཕྲུལ་གྱི་ཤུགས་དང་(༢ན)

― GLG025_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་པ། རུས་པའི་རྒྱན་གྱིས་སྤྲས་པའི་སྟེང་དུ། རུ་མཚོན་གྱི་ལས་མཁན་བྲན་བདུད་གཤིན་རྗེ་ནག་པོ་མུན་པའི་མདོག་ཅན་ཞལ་གཅིག་ཕྱག་གཉིས་པ། གཡས་བདུད་ཀྱི་ཁྲམ་ཤིང་རྩེ་མོ་གསུམ་པའི་མགུལ་ན་དར་ནག་གི་བ་དན་དང་། མི་མགོའི་ལན་ཚར་འཕྱང་བ་དགུ་ལ་བརྟེན་པ། གཡོན་པས་མི་སྙིང་རློན་པ་ཁྲག་འཛག་པ་དུག་སྦྲུལ་ནག་པོའི་ཞགས་པ་དང་བཅས་པ་ཞལ་དུ་འཇིབ་ཅིང་ཕྱིར་སྤྲུག་པ། ལྕགས་ཀྱི་རལ་པ་ནག་པོ་དྲག་ཏུ་སྤྲུག་ཅིང་གསིག་པ། ལྕགས་ཀྱི་མཆེ་བ་ཟངས་ཡག་ཏུ་གཙིགས་ནས་ཡ་སོས་མ་མཆུ་མནན་པ། སྐུ་སྟོད་ལ་བེར་ནག་གི་བེར་ཞོལ་གསོལ་ཞིང་། སྐུ་སྨད་གཅེར་བུ་ལ་དུག་སྦྲུལ་མང་པོ་ལང་ལོང་དུ་དཀྲིས་པ། སྐད་ཅིག་ཉིད་ལ་སྟོང་གསུམ་ཡུད་ཀྱིས་བསྐོར་ཅིང་། དགྲ་བགེགས་ཀྱི་སྲོག་དབུགས་སྡུད་པའི་དྲག་ཤུལ་ཅན། དེའི་གཡོན་ཕྱོགས་སུ་མ་བདུད་སྤུ་གྲིའི་མཆེད་མོ་སྲིན་མོ་ཁྲོས་པའི་གཟུགས་ཅན་གཅེར་མོ་རྒྱན་མེད་རྐང་པ་གསུམ་བགྲད་སྟབས་ཀྱིས་གནས་པ། ཕྱག་གཉིས་ཀྱིས་མེ་དཔུང་འབར་བ་འཛིན་ཅིང་ཁ་ནས་མེ་འབར་ཞིང་གདོང་ཕྱིར་ཕྱོགས་པ། ཡབ་ཡུམ་གཉིས་ཀའང་མེ་རླུང་རབ་ཏུ་འབར་བའི་དབུས་ན་བཞུགས་པར་(༢བ)

― GLG025_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ། དེ་རྗེས་གཙོ་འཁོར་རྣམས་ཀྱི་གནས་གསུམ་བྱིན་གྱིས་བརླབ་པ། ཡེ་ཤེས་པ་དགུག་གཞུག་དམ་ལ་བཞེས་པ། མཆོད་གཏོར་འབུལ་བ་རྣམས་དཀྱུས་བཞིན་ལ། ཁྱད་པར་བྲན་བདུད་ཀྱི་སྐབས་སུ་ལྷོ་ཕྱོགས་རི་རབ་ཀྱི་ཁོང་གསེང་ནས་ཡེ་ཤེས་པ་སྤྱན་དྲངས་པ་དང་། མཧཱ་ཀཱ་ལ་ལཀྵ་མུད་ཙ་ཀྲོ་དྷ་ཡ་མ་རཱ་ཛ་ཧཱུཾ་བྷྱོ༔ མ་རི་མ་ཤ་མུད་ཛ་ཡ་བྷྱོཿསརྦ་བིགྷྣཱན་ཤ་ཏྲཱུཾ་མཱ་ར་ཡ་ཨི་དམ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་པས་གཏོར་མ་འབུལ། གདོང་བཞི་པ་ལྕམ་དྲལ་སོགས་ཆོས་སྐྱོང་གཞན་གྱི་ཐུག་ཡོད་ནའང་། འདི་བཞིན་དུ་རང་རང་གི་གཞུང་ནས་འབྱུང་བ་ལྟར་བྱ། དེ་ནས་རང་ཉིད་ཡི་དམ་དུ་གསལ་བ་དང་། མདུན་བསྐྱེད་རྣམས་ཀྱི་ཐུགས་ཀ་ནས་འོད་ཟེར་འཕྲོས་པས། རང་བཞིན་གྱི་གནས་ནས་རྩ་བརྒྱུད་ཀྱི་བླ་མ། ཡི་དམ་དཀྱིལ་འཁོར་གྱི་ལྷ་ཚོགས། ནག་པོ་ཆེན་པོ་ལྕམ་དྲལ་གྱིས་གཙོ་མཛད་པའི་དམ་ཅན་སྲུང་མའི་ཚོགས་དང་བཅས་པ་ཨོཾ་བཛྲ་ས་མཱ་ཛཿ ཞེས་བརྗོད་ཅིང་རྡོ་རྗེ་བསྡུ་བའི་ཕྱག་རྒྱ་དང་བཅས་པས་ཕྱོགས་བཅུའི་གནས་རྣམས་ནས་བྱོན། མདུན་གྱི་ནམ་མཁའ་ས་གཞི་བར་སྣང་ཐམས་ཅད་ཁྱབ་པར་བཞུགས་པར་བསམས་ལ། དར་ནག་འཕྱར། རོལ་མོ་རྣམས་ཀྱི་སྒྲ་སྒྲོག་གུ་གུལ་དང་ཤ་ཆེན་ཚིལ་ཆེན་གྱི་དུད་པ་སྦྱར། དམ་ཚིག་གི་རྡོ་རྗེ་དར་ནག་གི་གཡབ་དར་དང་བཅས་པས་གཡོབ་ཅིང་། མི་རྐང་དང་བཤུག་པའི་སྒྲས་འབོད། རྣལ་འབྱོར་བ་ཏིང་ངེ་འཛིན་བརྟན་པོ་དང་ལྡན་པས། རྔ་བརྡུང་ཞིང་དབྱངས་དང་བཅས་ཏེ། ཧཱུཾ། དཔལ་ལྡན་མགོན་པོ་འཁོར་བཅས་རྣམས། །རྣལ་འབྱོར་བདག་གི་དད་པ་དང་། །སྔོན་གྱི་དམ་ཚིག་རྗེས་དགོངས་ལ། །འདིར་གཤེགས་(༣ན)

― GLG025_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གི་འཕྲིན་ལས་མཛོད། །ཧཱུཾ་བྷྱོཿ ལྷ་ཆེན་མཧཱ་ཀཱ་ལ་དང་། །ཨེ་ཀ་ཛཱ་ཊཱི་རེ་མ་ཏཱི། །གནོད་སྦྱིན་ཡབ་ཡུམ་པུ་ཏྲ་གཉིས། །སྲིང་མོར་བཅས་ཏེ་གཤེགས་སུ་གསོལ། །སྒོ་མ་བཞི་དང་རུ་འདྲེན་བཞི། །ཕོ་ཉ་དགུ་དང་གཎྜིའི་དམག །དུར་ཁྲོད་བདག་པོ་ཕྱོགས་སྐྱོང་བཅུ། །སྡེ་བརྒྱད་དྲེགས་པ་གནས་འདིར་གཤེགས། །ཧཱུཾ་བྷྱོཿ ཞིང་སྐྱོང་གཟི་ལྡན་དབང་ཕྱུག་དང་། །ཡུམ་ཆེན་བཞི་དང་ཕོ་ཉའི་ཚོགས། །ཆེ་བཙན་དྲག་པོ་མཐུ་བོ་ཆེ། །འཁོར་དང་བཅས་པ་གནས་འདིར་གཤེགས། །གློག་ལྟར་འཁྱུག་པས་འདིར་གཤེགས་ཤིག །འབྲུག་ལྟར་གྲག་པས་འདིར་གཤེགས་ཤིག །ཐོག་ལྟར་འདྲིལ་བས་འདིར་གཤེགས་ཤིག །ཧཱུཾ། རྡོ་རྗེ་འཆང་གི་སྤྱན་སྔ་རུ། །ཇི་ལྟར་ཁས་བླངས་དམ་བཅས་པ། །བྱིན་གྱིས་བརླབ་པའི་གནས་འདི་རུ། །དྲག་པོའི་ལས་ལ་སྤྱན་འདྲེན་གཤེགས། །ཧཱུཾ། དམ་ཅན་མཁའ་འགྲོ་འདུ་བའི་གནས། །བྱིན་རླབས་ཡོན་ཏན་འབྱུང་བའི་གཞི། །བདེ་ཆེན་རོལ་པའི་གཞལ་ཡས་ཁང་། །དགྲ་བགེགས་བསྒྲལ་བའི་གདན་ལ་བཞུགས། །ཧཱུཾ། སྦྱར་བའི་སྤོས་དང་གཡབ་པའི་དར། །རྔ་ཆེན་སྒྲ་དང་དུང་ཆེན་གླིང་། །རྣལ་འབྱོར་དྲག་པོའི་ངར་སྐད་ཀྱིས། །སྤྱན་འདྲེན་མ་ཐོགས་མྱུར་དུ་སྤྱོན། །དམ་ཅན་རྒྱ་མཚོ་མཐུ་རྩལ་ཅན། །སངས་རྒྱས་བསྟན་པ་སྐྱོང་བ་རྣམས། །གསང་བའི་མཆོད་སྤྲིན་རྒྱ་མཚོས་མཆོད། །དམ་ཚིག་དབང་གིས་འདུས་གྱུར་ཅིག །ཅེས་ཡིད་མ་ཡེངས་པར་སྤྱན་དྲངས་ལ། །བསྙེན་སྔགས་རྣམས་ཀྱི་མཇུག་ཏུ། ཨེ་ཧྱེ་ཧི། བཛྲ་ས་མཱ་ཛཿཛཿཧཱུཾ་བཾ་ཧོཿ ཞེས་བརྗོད་ཅིང་དྲག་རོལ་ཡུན་རིང་དུ་བྱ། དེ་ནས་སོ་སོའི་སྔགས་ཀྱི་མཇུག་ཏུ་(༣བ)

― GLG025_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

གྲྀཧྣེ་དཾ། ཨརྒྷཾ་པྲ་ཏཱིཙྪ་ཡེ་སྭཱཧཱ། ནས་ཤཔྟའི་བར་གྱི་ཕྱི་མཆོད་དང་། སྔགས་ཀྱི་མཇུག་ཏུ་འབྲུ་གསུམ་བཏགས་པས་ནང་མཆོད་ཕུལ། །རུ་མཚོན་ལ་རྡོ་རྗེ་གཟུངས་ཐག་དང་དར་ཐག་བཏགས་པའི་སྣེ་ནས་རྣལ་འབྱོར་པ་བཞི་བསྙེན་མཐར་ཕྱིན་པས་བཟུང་དཔོན་སློབ་རྣམས་མགྲིན་གཅིག་ཏུ་མགོན་པོ་འཁོར་བཅས་ཀྱི་བོད་རྦད་བསད་གསུམ་བརྒྱ་རྩའམ། ཉེར་གཅིག་ཙམ་རེ་འུར་འདོན་བྱ། དེའི་ཚེ་རང་ཉིད་ཡི་དམ་དུ་གསལ་བའི་ཐུགས་ཀ་ནས་འོད་ཟེར་དམར་ནག་ཚ་ཞིང་རྩུབ་པ་འཕྲོས། །མདུན་གྱི་མགོན་པོ་འཁོར་བཅས་ཀྱི་སྐུ་ལ་ཕོག་པས། ཐུགས་དམ་གྱི་རྒྱུད་བསྐུལ། ཐུགས་ཀ་ནས་རང་འདྲ་བའི་ཕོ་ཉ་ལས་མཁན་ནམ་མཁའི་མཐའ་ཁྱབ་པར་འཕྲོས། འཇིག་རྟེན་ཁམས་ཀྱི་དགྲ་བགེགས་ལོག་འདྲེན་ཐམས་ཅད་ཚར་བཅད། འཁོར་བཅས་ཀྱི་ནུས་མཐུ་ཐམས་ཅད་ཚུར་འདུས། མདུན་བསྐྱེད་རྣམས་ལ་ཐིམ་པས་གཟི་བརྗིད་ནུས་པ་བལྟ་བར་མི་བཟོད་པ་ཁམས་གསུམ་ཐམས་ཅད་འདར་ཁྲིལ་ལི་ལི་ཡོད་པར་བསམ། རྣལ་འབྱོར་པ་གཅིག་གམ་གཉིས་གསུམ་ཙམ་གྱིས་གཟུངས་ཐག་སོགས་ནས་བཟུང་། འོག་གི་སྐུལ་བྱེད་ཀྱི་བར། ཤཱ་ས་ནའི་སྔགས་རྒྱུན་མ་ཆད་པར་བཟུང་། གཞན་རྣམས་ཀྱིས་གསོལ་ཁ་བྱས་ཏེ། དེ་ཡང་སྔར་གྱི་སྟེགས་བུའི་ཁའི་གཏོར་མ་ཆེ་བའི་གཡས་སུ་ཤ་དམར་པོ་དུམ་བུ་དགུ་དང་། ཆང་ཕུད་གཙང་མ་བཞག །གཡོན་དུ་ཕྱེ་མར་དང་ཁྲག་ཆབ་བཞག །མདུན་དུ་ལས་ཀྱི་རྡོ་རྗེ་ཞིག་གིས་ལྕགས་སྣོད་གཙང་མའི་ནང་དུ་གཡས་ནས་ཤ་རེ། གཡོན་ནས་ཕྱེ་མར་མཐེབ་སྐྱུ་རེ་བཅུག །གསོལ་ཁ་ཚར་རེ་ལ་དེ་འདྲ་ལན་གསུམ་རེ་གཏོར་ཆེན་ལ་བསྟབ་ཅིང་། གཡས་གཡོན་ནས་ཁྲག་ཆང་(༤ན)

― GLG025_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་ཐིགས་རེ་ལྡུགས། །རྣལ་འབྱོར་བ་གཞན་རྣམས་ཀྱིས་རོལ་མོའི་བྱེ་བྲག་ཀུན་ཐོགས་ནས། མདུན་གྱི་གཏོར་རྫས་དགྲ་བགེགས་ཀྱི་ཤའི་རི་བོ། ཁྲག་གི་རྒྱ་མཚོ། རུས་པའི་གྲམ་ཁྲོད་ཆེན་པོ་སྟོང་གསུམ་ཐམས་ཅད་ཁྱབ་པར་བསམ། དེ་རྣམས་མགོན་པོ་འཁོར་དང་བཅས་པའི་ཞལ་དམར་གནམ་ས་ཙམ་གདངས་པའི་ནང་དུ་སིབ་ཀྱིས་བསྟབ་པས་ཧབ་ཐོབ་ཏུ་བཞེས་ནས་ཐུགས་རྒྱུད་ཟག་མེད་ཀྱི་བདེ་བས་མཉེས། བདག་གིས་ཅི་བཅོལ་བའི་ལས་ཐམས་ཅད་ཐོགས་པ་མེད་པར་བསྒྲུབ་པར་བསམས་ལ། དབྱངས་དང་བཅས་པས། ཧཱུཾ། མགོན་པོའི་མཚན་གསོལ་དཔལ་ལྡན་ནག་པོ་ཆེ། །རྒྱལ་བའི་བསྟན་སྲུང་བཀའ་ཡི་བྱ་ར་བ། །གདུག་པ་ཚར་གཅོད་དྲག་ཤུལ་མཐུ་རྩལ་ཅན། །བདུད་འདུལ་དཔའ་བོ་ལྕམ་དྲལ་འཁོར་བཅས་རྣམས། །བདག་ཅག་རྣམས་ལ་བརྩེ་བས་དགོངས་སུ་གསོལ། །འདོད་ཡོན་རྒྱ་ཆེན་གཏོར་མའི་རྒྱ་མཚོ་དང་། །ལོངས་སྤྱོད་སྣ་ཚོགས་ཞལ་ཟས་མཆོད་པ་འདི། །དཔལ་ལྡན་ནག་པོ་ལྕམ་དྲལ་འཁོར་བཅས་ལ། །གུས་པའི་ཚུལ་གྱིས་མཆོད་པ་དམ་པར་འབུལ། །དགྱེས་པའི་སེམས་ཀྱིས་མཆོད་གཏོར་འདི་བཞེས་ལ། །སྔོན་གྱི་ཐུགས་དམ་འཕྲིན་ལས་ཉེར་དགོངས་ལ། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱི། །མི་མཐུན་གནོད་པའི་རྐྱེན་རྣམས་མ་ལུས་ཞི་བ་དང་། །འདོད་དོན་མཐུན་པའི་རྐྱེན་རྣམས་མ་ལུས་འགྲུབ་པ་དང་། །ཐུབ་པའི་བསྟན་པ་མཐའ་དག་རྒྱས་པར་མཛད་དུ་གསོལ། །དེ་ནས་འདུར་དབྱངས་བྱ་ཞིང་། །ཧཱུཾ། དཔལ་ལྡན་མགོན་པོ་ནག་པོ། །ས་བཅུའི་དབང་ཕྱུག་ཆེན་པོ། །རྒྱལ་བའི་བཀའ་སྲུང་དམ་པ། །ལྷ་སྲུང་ཡོངས་(༤བ)

― GLG025_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དེད་དཔོན། །དུར་ཁྲོད་ཀུན་གྱི་བདག་པོ། །རིགས་འཛིན་ཡོངས་ཀྱི་སྲོག་ཤིང་། །རྣལ་འབྱོར་ཀུན་གྱི་དགྲ་ལྷ། །བསྟན་པ་ཡོངས་ཀྱི་བྱ་ར། །དུག་གསུམ་ནད་ཀྱི་སྨན་པ། །བདུད་འདུལ་རྣམས་ཀྱི་དཔའ་བོ། །མཧཱ་དེ་བའི་སྲས་མཆོག །ལྷ་ཆེན་དཔལ་འབར། འཇིགས་བྱེད་ཆེན་པོ། དམ་ཉམས་ཀུན་གྱི་སྲོག་གཅོད། །མནའ་ཟན་ཀུན་གྱི་གཤེད་མ། །གནོད་བྱེད་དགྲ་བགེགས་རྣམས་ཀྱི་བདུད་པོ་ཁྱེད་ཀྱི་ཞལ་དུ་ཁ་ཁ་ཁཱ་ཧི་ཁཱ་ཧི། ཞེས་བརྗོད་ཅིང་། མགོན་པོའི་གཏོར་སྔགས་ཤཱ་ས་ན་ལན་གསུམ་རོལ་ཆེན་དང་བཅས་པས་གསོལ་ཁ་དང་པོ་བལྟབ། ཡང་སྔར་བཞིན་བཤམས་ལ། གཞན་ཡང་དཔལ་ལྡན་ལྷ་མོ་ནག་མོ་ཆེན་མོ། འདོད་པ་ཁམས་ཀྱི་དབང་ཕྱུག་མ། དུར་ཁྲོད་ཀྱི་བདག་མོ། བདུད་ཀྱི་ཡུམ་ཆེན། ནད་དོ་ཅོག་གི་བདག་མོ། འཁོར་གྱི་མ་མོ་མཁའ་འགྲོ། དཔལ་མགོན་བདུན་ཅུ་རྩ་གཉིས། བདུད་འདུལ་གྱི་དམག་དཔུང་ཉི་ཁྲི་ཆིག་སྟོང་། །ལྷ་དམག་བྱེ་བ་དུང་ཕྱུར། ཕྱོགས་སྐྱོང་ཞིང་སྐྱོང་དུར་ཁྲོད་ཀྱི་བདག་པོ། དྲེགས་པ་ཕོ་རྒྱུད་མོ་རྒྱུད། སྣང་སྲིད་ལྷ་སྲིན་སྡེ་བརྒྱད། བཀའ་ཉན་གྱི་གནོད་སྦྱིན་ཡབ་ཡུམ། ལས་མཁན་མོན་པ་མིང་སྲིང་། མདུན་གྱི་བཤུལ་འདྲེན། གཡས་གཡོན་གྱི་རུ་འདྲེན། རྒྱབ་ཀྱི་རྗེས་མྱུལ། མཁའ་ལྡིང་། བྱ་ནག །ཁྱི་ནག །ལྕགས་སྤྱང་སྔོན་འགྲོ། མི་ནག་པོ་འོ་དོད་ཅན། སྤྲུལ་པ་ཁྲོ་བོའི་ཚོགས། །བདུད་ནག་པོ་གཤིན་རྗེའི་ཚོགས། །གདོང་བརྙན་གྱི་ཚོགས་འཁོར་དང་བཅས་པ་ཐམས་ཅད་ཀྱི་ཞལ་དུ་ཁ་ཁ་ཁཱ་ཧི་ཁཱ་ཧི། མཆོད་པ་དམ་པར་འབུལ་ཞིང་གསོལ་ལོ། །མཆོད་དོ། །རོལ་ཆེན་དང་། ལྷ་མོ་ལས་(༥ན)

― GLG025_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་རྣམས་ཀྱི་བོད་རྦད་བསད་གསུམ་བཟླ་ཞིང་། གསོལ་ཁ་གཉིས་པ་བསྟབ། ཡང་བཤམས་ལ། ཧོཿ རྡོ་རྗེ་འཛིན་པའི་བཀའ་དང་བསྟན་པ་རིན་པོ་ཆེ་ལ་ཉེ་བར་དགོངས་ཏེ། ཁྱེད་རྣམས་ཀྱིས་དགྱེས་ཤིང་མོས་པའི་ཐབས་ཀྱིས་བསྐྱེད་ལ། རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ཐམས་ཅད་ཀྱི་ནད་དང་གནོད་པ། གདོན་བགེགས་ཐམས་ཅད་ཞི་བར་མཛོད། ཚེ་དང་བསོད་ནམས་དང་དཔལ་འབྱོར་ཐམས་ཅད་རྒྱས་པར་སྤེལ། དབང་ཕྱུག་དང་ནུས་མཐུ་སྐྱེད། སྙན་པ་དང་གྲགས་པ་སྒྲུབས་དྲེགས་པའི་འགྲོ་བ་ཕོ་མོ་ཐམས་ཅད་དབང་དུ་སྡུད། གནོད་བྱེད་དགྲ་བགེགས་ཐམས་ཅད་ཐལ་བ་རྡུལ་དུ་རློག་ཅིག །གཞན་ཡང་བདག་ཅག་རྣམས་ཀྱི་རྒྱགས་ཆད་ཀྱི་མ་དང་། བློ་ལྷག་གི་ཕ་མཛོད། རྒྱབ་ཀྱི་སློག་པ་མཛོད། མདུན་གྱི་འཁོར་བ་མཛོད། ཉིན་གསུམ་གྱི་བྱ་ར་དང་། མཚན་གསུམ་གྱི་མེལ་ཚེ་མཛོད། ཡོ་ན་སྲོངས། འགྱེལ་ན་སློང་། ཆད་ན་འཐུད་ཅིག །རལ་ན་ཚེམས་ཤིག །སྟོར་ན་འཚོལ་ལ། བརྗེད་ན་སྐུལ་ཅིག མགོ་གང་གིས་ཡར་ལ་སྟོད་ཅིག །དཀྱུས་གང་གིས་མར་ལ་སྲིངས་ཤིག །གཞན་ཡང་ལེགས་པ་བརྒྱ་དང་སྤྲོད་ལ། ཉེས་པ་སྟོང་དང་སྡོལ་ཅིག །བསམས་པ་ཡིད་བཞིན་དུ་སྒྲུབས་ལ་རེ་བ་རྒྱ་མཚོ་ལྟ་བུར་སྐོངས་ཤིག །མཐུན་པའི་དངོས་གྲུབ་སྩོལ་ལ། །མི་མཐུན་པའི་ཕྱོགས་ཐམས་ཅད་བཟློག་ཅིག །གནོད་བྱེད་ཀྱི་དགྲ་བགེགས་བཟློག་པའི་རུ་མཚོན་གྱི་རྒྱལ་མཚན་ལ་བརྟན་པར་བཞུགས་ཏེ། དགྲ་དཔུང་བཤིག་ལ། བགེགས་དཔུང་ཐམས་ཅད་ཆོམས་ཤིག །དམག་དཔུང་སྐྱེད་ལ་རུ་མཚོན་ཕྱོར་(༥བ)

― GLG025_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག །སངས་རྒྱས་ཀྱི་བསྟན་པ་སྲུངས་ཤིག །དཀོན་མཆོག་གི་དབུ་འཕང་ཆེན་པོ་སྟོད་ཅིག །གཞན་ཡང་སྒོ་ལ་དར་འཕྱོར་ལ། ཁྲོམ་དུ་དུང་བུས་ཤིག །གཏམ་ངན་རྒྱུན་ཆོད་ལ་སྙན་གྲགས་འཇིག་རྟེན་དུ་སྒྲོགས་ཤིག །དམ་ཆོས་མི་ནུབ་པའི་རྒྱལ་མཚན་ནམ་མཁའ་ལ་ཕྱོར་ལ། མཐོ་རིས་དང་ཐར་པ་དང་བྱང་ཆུབ་སྒྲུབ་པའི་མགོན་གྲོགས་མཛོད་ཅིག །སྐྱབས་དང་དཔུང་གཉེན་དང་རྟེན་དང་གླིང་མཛོད་ཅིག །བདག་ཅག་གིས་ཇི་ལྟར་བསྒོ་བ་བཞིན་བཅོལ་བའི་འཕྲིན་ལས་ཐམས་ཅད་མྱུར་དུ་སྒྲུབས་ཤིག །ཅེས་འཁོར་བཅས་དྲིལ་བའི་སྔགས་རྣམས་རོལ་ཆེན་དང་བཅས་པས་གསོལ་ཁ་གསུམ་པ་བསྟབ། སླར་ཡང་དེ་འདྲ་ཚང་མ་ཚར་གཉིས་ཏེ་ཡོངས་དྲིལ་ཚར་གསུམ་རྫོགས་པ་དང་། དེ་དག་གི་ལྷག་མ་ལུས་པར་རྣམས་ཀྱང་བསྟབ། གདོང་བཞི་པའི་རུ་མཚོན་ཡོད་ན་གསོལ་ཁ་རྒྱས་པར་འདི་ཉིད་ཀྱི་གཏོར་ཆེན་གྱི་གསོལ་ཁ་ལས་འབྱུང་བ་ལྟར་བྱ། མདོར་བསྡུ་ན་འདིའི་གསོལ་ཁ་གཉིས་ལ་ལྷ་མོ་དང་ལས་མཁན་གྱི་གསོལ་ཁའི་མཇུག་ཏུ། ཧོཿ དཔལ་ལྡན་ནག་པོ་ཆེན་པོ་གདོང་བཞི་པའི་མགོན་པོ། གཙུག་ལག་ཁང་གི་སྲུང་མ། དུག་གསུམ་ནད་ཀྱི་སྨན་པ། རིག་འཛིན་རྣམས་ཀྱི་སྲོག་ཤིང་། རྣལ་འབྱོར་རྣམས་ཀྱི་དགྲ་ལྷ། བདུད་འདུལ་སྔགས་ཀྱི་དབང་ཕྱུག །སྲིན་པོའི་རྒྱལ་པོ་ལངྐ་མགྲིན་བཅུའི་གྲོང་ཁྱེར་ལཾ་ཀ་པུ་རི་གཏན་ནས་རླག་པར་བྱེད་པ། ལྷ་མ་ཡིན་གྱི་བུ་མོ་ནམ་མཁའི་གློག་འཕྲེང་ཅན་རྡུལ་དུ་རློག་པ། དཀོན་མཆོག་གསུམ་གྱི་བསྟན་པ་བསྲུང་བར་ཁས་བླངས་པ། ཡུམ་ལས་ཀྱི་གནོད་སྦྱིན་མ་བཞི་ལ། གཡས་སུ་གཡུང་མོ་ནག་མོ། གཡོན་དུ་གཏུམ་མོ་ལྗང་གུ །མདུན་དུ་སྲིན་མོ་ནག་(༦ན)

― GLG025_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

མོ། རྒྱབ་ཏུ་སིངྒ་ལི་མ་སེར་མོ། འཁོར་གནོད་སྦྱིན་དང་སྲིན་པོ། ཤ་ཟ། ཞིང་སྐྱོང་དང་བཅས་པ། སྲོག་གི་སྒོ་བདུད་ནག་པོ། ལས་ཀྱི་བཤན་པ་ཉི་ཤུ་རྩ་གཅིག །སྐྱེ་འགྲོའི་བདུད་གཅོད། དམ་ཉམས་ཀྱི་སྲོག་ལེན། ཆོས་འཁོར་གྱི་སྲུང་མ་འཁོར་དང་བཅས་པ་ཁྱེད་རྣམས་ཀྱི་ཞལ་དུ་ཁ་ཁ་ཁཱ་ཧི་ཁཱ་ཧི། མཆོད་པ་དམ་པར་འབུལ་ལོ། །ཞེས་དང་། དེ་རྗེས། རྡོ་རྗེ་འཛིན་པའི་བཀའ་དང་ཞེས་སོགས་བརྗོད་ཅིང་། བེག་ཙེ་ལ་དབང་ལྡན་མ་དང་གོང་གི་རྡོ་རྗེ་འཛིན་པ་བལྡབ། དེ་ལྟར་གསོལ་ཁའི་རྫས་རྣམས་ཀྱང་ཚན་རེ་ལ་ཚན་པ་བཞི་བཞི་བསྟབ་པར་བྱའོ། །དེ་ནས་མངའ་གསོལ་ཞིང་དཔངས་བསྟོད་རྒྱས་པར་བྱ་བ་ནི། རོལ་མོ་དབྱངས་དང་བཅས་པས། ཧཱུཾ། དཔལ་ཆེན་ཐུགས་ཀྱི་ཕོ་ཉ་མཆོག །ལྷ་ཆེན་མགོན་པོ་ནག་པོ་ལ། །རྡོ་རྗེ་འཛིན་པས་མངའ་གསོལ་བས། །དངོས་གྲུབ་སྩོལ་ཞིང་ལམ་མཆོག་སྟོན། །དཀོན་མཆོག་གསུམ་གྱིས་མངའ་གསོལ་བས། །སླུ་མེད་ཐར་པའི་ལམ་སྣ་འདྲེན། །མཁའ་འགྲོ་རྒྱ་མཚོས་མངའ་གསོལ་བས། །བར་ཆད་སེལ་ཞིང་སྒྲུབ་པོ་སྐྱོང་། །དཔའ་བོ་དཔའ་མོས་མངའ་གསོལ་བས། །དམ་ཚིག་ལྡན་པ་བསྲུང་ཞིང་སྐྱོང་། །དམ་ཅན་ཡོངས་ཀྱིས་མངའ་གསོལ་བས། །བསྟན་པའི་དགྲ་བགེགས་ཐལ་བར་རློག །ཕོ་ཉའི་ཚོགས་ཀྱིས་མངའ་གསོལ་བས། །མྱུར་མགྱོགས་རྣོ་བའི་སྟོབས་དང་ལྡན། །བྲན་གྱི་ཚོགས་ཀྱིས་མངའ་གསོལ་བས། །རྣལ་འབྱོར་བཅོལ་བའི་འཕྲིན་ལས་མཛད། །ལྷ་ཆེན་རྣམས་ཀྱིས་མངའ་གསོལ་བས། །རིན་ཆེན་མཛེས་པའི་རྒྱན་ཆ་ཅན། །ཀླུ་ཆེན་རྣམས་ཀྱིས་མངའ་གསོལ་བས། །སྦྲུལ་ཆེན་འཇིགས་པའི་ཆུན་པོས་དཀྲིས། །གནོད་སྦྱིན་རྣམས་ཀྱིས་མངའ་གསོལ་(༦བ)

― GLG025_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

བས། །དར་གོས་འཇོལ་བེར་ལྷབ་ལྷུབ་ཅན། །མ་མོ་རྣམས་ཀྱིས་མངའ་གསོལ་བས། །རིམས་ནད་དལ་ཡམས་དགྲ་ལ་འབེབས། །གཟའ་ཆེན་རྣམས་ཀྱིས་མངའ་གསོལ་བས། །དྲག་པོའི་གནམ་ལྕགས་ཐོག་སེར་འབེབས། །བདུད་ཆེན་རྣམས་ཀྱིས་མངའ་གསོལ་བས། །དགྲ་བོའི་སྲོག་གཅོད་མྱུར་དུ་བརྩོན། །གཤིན་རྗེ་རྣམས་ཀྱིས་མངའ་གསོལ་བས། ཁམས་གསུམ་འདུལ་བའི་མཐུ་རྩལ་ཅན། །ཕྱོགས་སྐྱོང་རྣམས་ཀྱིས་མངའ་གསོལ་བས། །ཕྱོགས་བཅུར་དབང་ཞིང་འཕྲིན་ལས་མཛོད། །དཔལ་མགོན་བདུན་ཅུས་མངའ་གསོལ་བས། །རྒྱལ་བའི་བསྟན་པ་བུ་བཞིན་སྐྱོངས། །སྲུང་མ་དྲུག་ཅུ་རྩ་བཞིས་མངའ་གསོལ་བས། །དམ་ཚིག་ལྡན་པའི་བར་ཆད་བསྲུང་། །ཆོས་ཀྱི་དབྱིངས་ཀྱིས་མངའ་གསོལ་བས། །མི་འགྱུར་ནམ་མཁའི་མདངས་དང་ལྡན། །སངས་རྒྱས་རིགས་ལྔས་མངའ་གསོལ་བས། །ཐོད་སྐམ་ལྔ་ཡིས་དབུ་ལ་མཛེས། །རྒྱལ་བ་དྲུག་གིས་མངའ་གསོལ་བས། །རུས་པའི་རྒྱན་ཆེན་དྲུག་གིས་མཛེས། །དྲེགས་པ་ཡོངས་ཀྱིས་མངའ་གསོལ་བས། །དཔལ་གྱི་ཆས་ཆེན་བརྒྱད་ཀྱིས་བརྒྱན། །དབྱངས་དང་གསལ་བྱེད་མངའ་གསོལ་བས། །མགོ་རློན་ལྔ་བཅུའི་དོ་ཤལ་བྱས། །ཆོས་སྒྲ་ཆེན་པོས་མངའ་གསོལ་བས། །རྣམ་འཕྲུལ་གཎྜ་ཕྱག་དབུས་བསྣམས། །དྲེགས་པ་སྡེ་བརྒྱད་ཡོངས་ཀྱིས་མངའ་གསོལ་བས། །མཐུ་དང་རྫུ་འཕྲུལ་བསམ་མི་ཁྱབ། །སྲིན་པོའི་ཚོགས་ཀྱིས་མངའ་གསོལ་བས། །རྔམ་པའི་ང་རོ་འབྲུག་ལྟར་སྒྲོག །ཤ་ཟའི་ཚོགས་ཀྱིས་མངའ་གསོལ་བས། །དགྲ་ཤ་ཟ་ཞིང་དགྲ་སྲོག་གཅོད། །རྒྱལ་ཆེན་བཞི་ཡིས་མངའ་གསོལ་བས། །བསྟན་པ་བསྲུང་ཞིང་འཇིག་རྟེན་སྐྱོང་། །རྒྱུ་སྐར་(༧ན)

― GLG025_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ཀྱིས་མངའ་གསོལ་བས། །འཇིག་རྟེན་སྣ་ཚོགས་ལས་རྣམས་བྱེད། །ས་བདག་གཉན་གྱིས་མངའ་གསོལ་བས། །གདུག་པའི་ནད་ཀྱིས་དགྲ་བགེགས་འཇོམས། །དཀར་པོའི་ཚོགས་ཀྱིས་མངའ་གསོལ་བས། །རྣལ་འབྱོར་སྒྲུབ་པའི་བར་ཆད་སེལ། །དབང་ཆེན་རྣམས་ཀྱིས་མངའ་གསོལ་བས། ཁམས་གསུམ་མ་ལུས་དབང་དུ་སྡུད། །ནོར་ལྷ་རྣམས་ཀྱིས་མངའ་གསོལ་བས། །ཚེ་དང་འབྱོར་པ་འཁོར་རྣམས་སྤེལ། །ཁྲོ་ཆེན་རྣམས་ཀྱིས་མངའ་གསོལ་བས། །དགྲ་བགེགས་ལོག་འདྲེན་རླག་པར་མཛད། །གཏེར་བདག་རྣམས་ཀྱིས་མངའ་གསོལ་བས། །འདོད་དགུའི་ལོངས་སྤྱོད་ཆར་བཞིན་འབེབས། །ཧཱུཾ། ལྷ་ཆེན་དཔལ་འབར་མཐུ་བོ་ཆེ། །ལྕམ་དྲལ་ཕོ་ཉར་བཅས་པ་དང་། །ཞིང་སྐྱོང་གཟི་ལྡན་དབང་ཕྱུག་དང་། །ཆེ་བཙན་དྲག་པོ་སྟག་ལ་ཞོན། །ཕྱག་བཞི་བྱ་རོག་གདོང་ཅན་དང་། །ཕྱག་དྲུག་བེང་དང་ལེགས་ལྡན་ཚོགས། །དཀར་མོ་བདུད་རྒྱལ་ཏྲག་ཤད་དང་། །མ་ནིང་གྲི་གུག་ཟངས་གྲི་ཅན། །བསྟན་པ་བསྲུང་བར་ཞལ་བཞེས་པའི། །དམ་ཅན་རྒྱ་མཚོའི་ཚོགས་བཅས་རྣམས། །གཟི་བརྗིད་ཆེན་པོར་མངའ་གསོལ་ལོ། །མཐུ་རྩལ་ཆེན་པོར་དབང་བསྐུར་རོ། །དྲག་ཤུལ་ཆེན་པོར་དཔངས་བསྟོད་དོ། །ཐུགས་རྗེ་ལྡན་པར་གསོལ་འདེབས་སོ། །འཕྲིན་ལས་མཛད་པར་བདག་བསྐུལ་ལོ། །དགྲ་བོ་སྒྲོལ་བར་དུས་འདེབས་སོ། །ཧཱུཾ། དཔལ་ལྡན་མགོན་པོ་ནག་པོ་ཁྱོད། །དབང་ཕྱུག་བརྒྱད་ཀྱིས་བསྐོར་བའི་ཚེ། །མཧཱ་དེ་བའི་སྲས་པོ་མཛད། །གནོད་སྦྱིན་འབུམ་དང་བཅས་ཏེ་གཤེགས། །ཧཱུཾ། དཔལ་ལྡན་མགོན་པོ་ནག་པོ་ཁྱོད། །ཚོགས་བདག་བརྒྱད་ཀྱིས་བསྐོར་(༧བ)

― GLG025_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཚེ། །ཚོགས་ཀྱི་གཙོ་བོ་འཇིག་རྟེན་སྐྱོང་། །ནོར་ལྷ་འབུམ་དང་བཅས་ཏེ་གཤེགས། །ཧཱུཾ། དཔལ་ལྡན་མགོན་པོ་ནག་པོ་ཁྱོད། །འཇིགས་བྱེད་དགུ་ཡིས་བསྐོར་བའི་ཚོགས། །དྲག་པོའི་ཚོགས་ཀྱི་གཙོ་བོ་མཛད། །འཇིགས་བྱེད་འབུམ་དང་བཅས་ཏེ་གཤེགས། །ཧཱུཾ། ལེགས་ལྡན་མགོན་པོ་ནག་པོ་ཁྱོད། །གྲོང་ཁྱེར་སུམ་བརྩེགས་འཇིག་པར་བྱེད། །སྡང་དགྲ་སྒྲོལ་བའི་མཐུ་བོ་ཆེ། །དྲེགས་པ་འབུམ་དང་བཅས་ཏེ་གཤེགས། །བསྟན་བསྲུང་མགོན་པོ་ནག་པོ་ཁྱོད། །ཆོས་འཁོར་ཡོངས་ཀྱི་སྲོག་ཤིང་སྟེ། །དམ་ཚིག་ཅན་གྱི་དགྲ་ལྷ་ཡིན། །སྲོག་གཅོད་འབུམ་དང་བཅས་ཏེ་གཤེགས། །ཧཱུཾ། གསང་བ་ཆེན་པོའི་གནས་མཆོག་འདིར། །ཤ་ཁྲག་གཏོར་མ་རི་ལྟར་སྤུངས། །ཛ་གད་བདུད་རྩི་རྒྱ་མཚོར་འཁྱིལ། །དྲི་བསུང་ངད་པ་སྤྲིན་ལྟར་གཏིབས། །འདོད་དགུ་སྣ་ཚོགས་ཆར་ལྟར་འབབ། །ཏིང་འཛིན་སྔགས་རྒྱས་བྱིན་བརླབས་ནས། །སྔར་བཅོལ་གཏང་རག་འདི་འབུལ་ལོ། །ད་བཅོལ་ཞུ་སྐྱེམས་འདི་འདྲེན་ནོ། །བཞེས་ཤིག་རོལ་ཞིག་དགོངས་པར་མཛོད། །མཆོད་ནི་དམ་རྫས་གཏོར་མས་མཆོད། །གསོལ་ནི་སྤྱན་གཟིགས་མཆོད་པས་གསོལ། །རྟེན་ནི་རུ་མཚོན་རྟགས་ལ་བརྟེན། །འབོད་ནི་དུང་ཆེན་གླིང་བུས་འབོད། །བསྐང་ནི་མཐུན་པའི་རྫས་ཀྱིས་བསྐང་། །རྦད་དོ་སྡང་བྱེད་དགྲ་ལ་རྦད། །བསྐུལ་ལོ་དྲག་པོའི་ལས་ལ་བསྐུལ། །ཕྱོས་སོ་དཔལ་བོ་དམག་ལ་ཕྱོས། །བསྟེན་ནོ་མགོན་པོ་རྒྱང་མ་རིང་། །བསྐུར་རོ་མགོན་པོ་ཕྲག་མ་ལྕི། །གཡབ་བོ་མགོན་པོ་སྤྱན་མ་བརྟུལ། །འབོད་དོ་མགོན་པོ་སྙན་མ་སྲ། །གསོལ་ལོ་མགོན་པོ་ཐུགས་མ་རིང་། །གཏོང་ངོ་མགོན་པོ་རྩལ་མ་ཞན། །དམ་(༨ན)

― GLG025_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་བསྟན་སྲུང་རྒྱ་མཚོའི་ཚོགས། །དམ་བཅས་ཞལ་བཞེས་མཛད་པ་རྣམས། །མཐུ་དང་ལྡན་པར་མངའ་གསོལ་ལོ། །སངས་རྒྱས་བསྟན་པ་བུ་བཞིན་སྐྱོངས། །མཐུ་རྩལ་ལྡན་པར་མངའ་གསོལ་ལོ། །བསྟན་འཛིན་སྐྱེས་བུའི་དབུ་འཕང་སྟོད། །ཤ་ལ་སྲེད་པར་མངའ་གསོལ་ལོ། །དགྲ་བོའི་ཤ་ལ་ཧབས་སེ་ཧབ། །ཁྲག་ལ་རྔམ་པར་མངའ་གསོལ་ལོ། །དགྲ་བོའི་ཁྲག་ལ་ཧུབས་སེ་ཧུབ། །སྲོག་ལ་དབང་བར་མངའ་གསོལ་ལོ། །དགྲ་སྲོག་ད་ལྟ་ཆོད་ལས་ཤོག །དམག་དཔོན་ཆེན་པོར་མངའ་གསོལ་ལོ། །སྡེ་བརྒྱད་དམག་དཔུང་དགྲ་ལ་དྲངས། །བསྟན་སྲུང་ཆེན་པོར་མངའ་གསོལ་ལོ། །བསྟན་ལ་གནོད་བྱེད་རྡུལ་དུ་རློག །ཆོས་སྐྱོང་ཆེན་པོར་མངའ་གསོལ་ལོ། །ཆོས་འཁོར་དར་ཞིང་རྒྱས་པར་མཛོད། །རིག་འཛིན་སྲུང་མར་མངའ་གསོལ་ལོ། །གསང་སྔགས་མཐུ་དང་ནུས་པ་བསྐྱེད། །རྣལ་འབྱོར་དགྲ་ལྷར་མངའ་གསོལ་ལོ། །བཅོལ་བའི་ལས་རྣམས་མྱུར་བར་སྒྲུབས། །ཞི་བའི་ལས་ལ་མངའ་གསོལ་ལོ། །ནད་གདོན་བར་ཆད་ཞི་བར་མཛོད། །རྒྱས་པའི་ལས་ལ་མངའ་གསོལ་ལོ། །ཚེ་དང་བསོད་ནམས་རྒྱས་པར་མཛོད། །དབང་གི་ལས་ལ་མངའ་གསོལ་ལོ། ཁམས་གསུམ་ཐམས་ཅད་དབང་དུ་སྡུས། །དྲག་པོའི་ལས་ལ་མངའ་གསོལ་ལོ། །བསྟན་ལ་གནོད་ཅིང་སྡང་བ་དང་། །བླ་མར་བརྙས་ཤིང་སེམས་ཅན་འཚེ། །བསྒྲལ་བའི་ཞིང་བཅུར་གྱུར་པ་ཡི། །དགྲ་བོ་དམ་ཉམས་ལས་ངན་འདི། །ད་ལྟ་བསྒྲལ་བའི་དུས་ལ་བབ། །དྲག་པོའི་མཚོན་ཆ་ཆར་ལྟར་ཕོབ། །འཇིགས་པའི་ང་རོ་འབྲུག་ལྟར་སྒྲོགས། །ཤ་ཁྲག་རུས་ལ་ཚོགས་སུ་རོལ།།དོན་སྙིང་རྣམ་ལྔ་ཞལ་དུ་གསོལ། །(༨བ)

― GLG025_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

ཡན་ལག་མགོ་ཆོད་རྒྱན་དུ་གྱིས། །སྐྱོབ་པའི་ལྷ་དང་མྱུར་དུ་ཕྱེ། །སྔོན་ཚེ་རྒྱལ་བའི་བཀའ་མ་བཅག །བླ་མ་བརྒྱུད་པའི་དམ་མ་གཡེལ། །རྣལ་འབྱོར་བདག་གི་ངག་མ་བཅག །དུས་ལ་བབ་བོ་སྲུང་མའི་ཚོགས། ཁམས་གསུམ་དགྲ་བོའི་སྲོག་དབུགས་ལ། །དབང་ཞིང་རྔམ་པར་མངའ་གསོལ་ལོ། །ཞེས་བརྗོད། དེ་ནས་གཟུངས་ཐག་རྣམས་བཀྲོལ། །ཁྲག་ཆང་འཐོར་བ་ལ་བརྩོན་པས། མདུན་གྱི་སྲུང་མ་རྣམས་ལས་ཕོ་ཉ་ལས་མཁན་སྟོང་གསུམ་ཁྱབ་པར་འཕྲོས། ཞི་རྒྱས་དབང་དྲག་གི་ལས་ཐམས་ཅད་ཐོགས་མེད་བསྒྲུབ་ཅིང་། ཁྱད་པར་དགྲ་བགེགས་ལོག་འདྲེན་ཐམས་ཅད་ཚར་བཅད། ཤ་ཁྲག་རུས་པ་རྗེས་མེད་དུ་བཞེས། རྣམ་ཤེས་ཆོས་ཀྱི་དབྱིངས་སུ་དྲངས་པར་བསམས་ལ། ཧཱུཾ། དམ་ཅན་རྒྱ་མཚོ་མཐུ་མ་ཆུང་། །མ་མོ་མཁའ་འགྲོ་རྩལ་མ་ཞན། ཕོ་ཉ་ལས་མཁན་བང་མ་བུལ། །མགོན་པོ་རྒྱབ་དཔུང་མ་ཞན་ཞིག །ལྷ་མོ་རྫུ་འཕྲུལ་མ་ཆུང་ཞིག །གནོད་སྦྱིན་ལས་ལ་མ་གཡེལ་ཞིག །པུ་ཏྲ་དགྲ་བོ་མ་བརྗེད་ཅིག །རུ་འདྲེན་རྔམ་པ་མ་ཆུང་ཞིག །ཕོ་ཉས་ཕྱི་བཤོལ་མ་བྱེད་ཅིག །སྡེ་བརྒྱད་རྣོ་ངར་མ་ཞན་ཞིག །མྱུར་བར་དམག་ལ་ཆས་པའི་ཚེ། །ལྷ་སྲིན་དམག་གིས་བར་སྣང་ཁེངས། །དྲེགས་པ་ཕོ་ཡིས་དམག་ཚོགས་དེ། །གཡས་དང་འགྱིང་ཞིང་མཚོན་ཆ་འཕེན། །དྲེགས་པ་མོ་ཡིས་དམག་ཚོགས་དེ། །གཡོན་ནས་འདབ་ཅིང་ཁྲག་ཟོར་འཕེན། །སྡེ་བརྒྱད་དྲེགས་པའི་དམག་ཚོགས་དེ། །ཕྱོགས་ནས་བསྐོར་ནས་དགྲ་ཡུལ་འཇོམས། །བུད་མེད་ནག་མོ་གྲི་ཐོགས་བརྒྱ། །མདུན་ནས་རྒྱུག་ཅིང་དགྲ་སྙིང་འབྱིན། །སྐྱེས་པ་སྟག་ཆས་བརྒྱན་པ་བརྒྱ། །གཡས་(༩ན)

― GLG025_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བརྔམ་ཞིང་དགྲ་ཤ་ཟ། །ཉན་ཐོས་དགྲ་བཅོམ་ཆེན་པོ་བརྒྱ། །གཡོན་ནས་འདུར་ཞིང་དགྲ་ཁྲག་འཐུང་། །སྔགས་པ་ནག་པོ་ཁྲོས་པ་བརྒྱ། །ཀླད་ནས་འབྲང་ཞིང་དགྲ་བོ་གསོད། །མོན་པ་གར་བྱེད་ཁྱུགས་སེ་ཁྱུག །མི་ནག་བཤུག་གླུ་ཀྱུར་རུ་རུ། །ལས་མཁན་འུར་སྒྲ་ཆེམས་སེ་ཆེམ། །ཕོ་ཉ་འདུར་རྒྱུགས་ཤར་ར་ར། །བྱ་ནག་ལྡིང་འཁོར་ལིངས་སེ་ལིང་། །ཁྱི་ནག་འཁང་ཟུག་ཆེམས་སེ་ཆེམ། །ལྕགས་སྤྱང་འདུར་སྒྲ་འུར་རུ་རུ། །ཁྱུང་ཆེན་འབྲུག་སྒྲ་ལྡིར་རི་རི། །དགྲ་ལ་རྦད་དོ་མཐུ་མ་ཆུང་། །བགེགས་ལ་རྦད་དོ་རྩལ་མ་ཞན། །བདག་གི་འཁོར་དང་ལོངས་སྤྱོད་དང་། །དབང་ཕྱུག་ཡེ་ཤེས་རྒྱས་པར་མཛོད། །ཧཱུཾ། ཕས་ཀྱི་རྦོད་གཏོང་བཟློག་པ་དང་། །ནད་ཁ་རིམས་ཁ་དགྲ་ལ་བསྒྱུར། །ཕུར་ཁ་ཟོར་ཁ་དགྲ་ལ་སྒྱུར། །བར་ཆད་ཐམས་ཅད་ཞི་བར་མཛོད། །བདག་ཅག་འཁོར་དང་བཅས་པ་རྣམས། །རི་རབ་རྩེ་ལྟར་མཐོ་བར་མཛོད། །རྒྱ་མཚོའི་མཐའ་ལྟར་རྒྱས་པར་མཛོད། །ཉི་ཟླའི་འོད་ལྟར་གསལ་བར་མཛོད། །ཆུ་བོའི་རྒྱུན་ལྟར་རིང་བར་མཛོད། །འཇིག་རྟེན་བདེ་ཞིང་ལོ་ལེགས་དང་། །སྐྱེ་འགྲོ་དར་ཞིང་བསྟན་པ་རྒྱས། །ཡམས་ནད་མུ་གེ་མི་འབྱུང་ཞིང་། །བཀྲ་ཤིས་ཕུན་སུམ་ཚོགས་པར་མཛོད། །བྲན་བདུད་བྱེ་བྲག་ཏུ་བསྐུལ་བ་ནི། ཧཱུཾ། རི་རབ་རི་ཡི་རྩ་བ་ནས། །ལས་མགོན་ཆེན་པོ་སྐུ་སྐྱོད་ཅིག །ནམ་གྱི་གུང་དང་ཉིན་གུང་ལ། །དམ་ཉམས་དགྲ་བོ་གསོད་ཅིང་སྤྱོན། །འཁོར་ནི་བདུད་མགོན་བདུན་བརྒྱ་དང་། །གཟའ་བདུད་བདུན་བརྒྱ་ཕོ་ཉར་བཅས། །དམ་ལས་འདས་པའི་དགྲ་བོ་རྣམས། །མཆོད་པར་འབུལ་ལོ་བཞེས་སུ་(༩བ)

― GLG025_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ། །མཐུན་པའི་ཡོ་བྱད་ཇི་སྙེད་རྣམས། །ཚོགས་བཅས་འབུལ་ལོ་བསྟན་པའི་ལས། །བདག་ཅག་བསྲུང་ཕྱིར་འདིར་བསྟན་ནོ། །ནག་པོའི་བྲན་ཕྱིར་འདིར་བསྟན་ནོ། །བཀའ་ལས་མ་འདའ་འདིར་བཞུགས་ཤིག །དགོས་འདོད་སྒྲུབ་ཕྱིར་འདིར་བཞུགས་ཤིག །ཇི་སྲིད་མ་གཤེགས་བར་དག་ཏུ། །གནས་འདིར་བརྟན་པར་བཞུགས་ནས་ཀྱང་། །གང་བཅོལ་ལས་རྣམས་སྒྲུབ་ཏུ་གསོལ། །ཞེས་ལྷ་མོ་དམག་ཟོར་མ་དུང་སྐྱོང་ལྷ་མོ་བསྟན་མ་བཅུ་གཉིས་ནག་པོ་ཆེན་པོ་འཆི་བདག་གཤིན་རྗེ་བསྟན་སྲུང་དམ་ཅན་རྒྱ་མཚོ། བརྗོད། དེ་ནས། མགོན་པོ་འཁོར་བཅས་འོད་དུ་ཞུ་བ་ལས་བྱུང་བའི་རུ་མཚོན་གཟི་བརྗིད་ནུས་པ་ཕུན་སུམ་ཚོགས་པ་དང་ལྡན་པ། ཕྱར་བ་དང་། ཕྱོགས་སུ་གདེངས་པ་ཙམ་གྱིས་དགྲ་བགེགས་ལོག་འདྲེན་ཐམས་ཅད་ཚར་གཅོད་པའི་ནུས་ལྡན་དུ་གྱུར། ཅེས་བརྗོད། དེ་ལྟ་བུའི་རུ་མཚོན་དེ་ཉིད་མདུན་གྱི་མགོན་པོ་འཁོར་བཅས་སོགས་ལ་རྟེན་དུ་འབུལ་བའི་ཚིག་འདི་སྐད་དོ། ཧཱུཾ། དཔལ་ལྡན་རྩ་བརྒྱུད་བླ་མ་དང་། །ཡི་དམ་རྒྱུད་སྡེ་བཞི་ཡི་ལྷ། །དམ་ཅན་ཆོས་སྐྱོང་སྲུང་མའི་ཚོགས། །ལྷ་སྲིན་དྲེགས་པ་འཁོར་བཅས་དགོངས། །དཔལ་ལྡན་གུར་གྱི་མགོན་པོ་ཆེ། །ཨེ་ཀ་ཛཱ་ཊཱི་འདོད་ཁམས་མ། །ཕྱི་ནང་ལས་མགོན་ཟངས་གྲི་ཅན། །གནོད་སྦྱིན་ནག་པོ་ཡབ་ཡུམ་དང་། །དམ་ཅན་པུ་ཏྲ་མིང་སྲིང་གསུམ། །ཕོ་ཉ་རུ་འདྲེན་གཎྜིའི་དམག །བྲན་བདུད་ནག་པོ་ལྕམ་དྲལ་དང་། །དྲེགས་པ་ཕོ་རྒྱུད་མོ་རྒྱུད་བཅས། །ཞིང་སྐྱོང་དྲག་པོ་གདོང་བཞི་པ། །ལས་མཛད་ཡུམ་ཆེན་སྲིང་མོ་བཞི། །སྡེ་བརྒྱད་བཤན་པར་བཅས་པ་ཀུན། །དཔལ་ལྡན་དམག་ཟོར་རེ་མ་ཏཱི། །མ་གཅིག་དཔལ་གྱི་ལྷ་མོ་(༡༠ན)

― GLG025_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །བོད་སྐྱོང་བསྟན་མ་བཅུ་གཉིས་དང་། །མགོན་པོ་མཧཱ་ཀཱ་ལ་དང་། །འཆི་བདག་ལས་ཀྱི་གཤིན་རྗེ་རྣམས། །ཟབ་མོ་གཏེར་གྱི་སྲུང་མ་སོགས། །བསྟན་སྲུང་དམ་ཅན་རྒྱ་མཚོའི་ཚོགས། །བདག་ལ་བརྩེར་དགོངས་རྟེན་ལ་བཞུགས། །དུར་ཁྲོད་འབར་བའི་རོ་ཐང་འདིར། །ཁྲག་མཚོ་འཁྱིལ་བའི་རྦ་ཀློང་ལྗོངས། །དམ་ཉམས་བམ་ཆེན་བསྒྱེལ་བའི་ཁྲིར། །བརྟན་པར་བཙུགས་པའི་རུ་མཚོན་མདུང་། །དཔག་བསམ་ལྗོན་པའི་སྲོག་ཤིང་རྩེར། །རྣོ་དཔལ་གྲི་ལྕགས་མདུང་སོ་ལ། །དུག་ཁྲག་སྔགས་རྒོད་ངར་དང་ལྡན། །ལྷབ་ལྷུབ་འབར་བའི་མེ་འོད་འཕྲོ། །གཡག་རྒོད་རོག་པོའི་རྔ་ཡབ་ཀྱི། །ཞོལ་ཆེན་སྤྲིན་ནག་ལྟ་བུར་གཏིབས། །དར་ནག་བ་དན་ཕན་རྩེ་གསུམ། རླུང་གིས་བསྐྱོད་པའི་འཕུར་ལྡིང་གཡོ། །སྐུ་རྟེན་རོ་རས་ཙ་ཀ་ལི། །གསུང་རྟེན་སྲོག་འཁོར་གསང་བའི་སྔགས། །ཐུགས་རྟེན་གསལ་བའི་མེ་ལོང་དང་། །ཡོན་ཏན་རྟེན་དུ་ཉེར་ལྔའི་རྫས། །འཕྲིན་ལས་རྟེན་དུ་དར་རས་འཕན། །བསེ་ལྕགས་ཤིང་བྱང་དམ་ཉམས་ཀྱི། །མགོ་ལག་མགྲོན་བུའི་ལན་ཚར་ཅན། །དྲིལ་བུ་གཡེར་ཀ་སིལ་སིལ་འཁྲོལ། །ཕུན་ཚོགས་རྒྱུ་ལས་ལེགས་གྲུབ་ཅིང་། །ཏིང་འཛིན་སྔགས་རྒྱས་བྱིན་བརླབས་པའི། །ཐུག་ཆེན་འབར་བ་དྲག་པོའི་རྟེན། །རྟེན་མཆོག་རུ་མཚོན་རྒྱལ་མཚན་འདི། །བླ་མ་ཡི་དམ་དཀྱིལ་འཁོར་ལྷ། །བཞུགས་པའི་ཕོ་བྲང་ཆེན་པོར་འཛུགས། །བྱིན་རླབས་ཐུགས་རྗེའི་སྤྲིན་སྔོན་ལས། །དངོས་གྲུབ་ཆར་རྒྱུན་དུས་འདིར་ཕོབ། །དམ་ཅན་སྲུང་མ་རྒྱ་མཚོའི་ཚོགས། །འདུ་བའི་གནས་དང་རྟེན་དུ་འཛུགས། །པདྨའི་མཚོ་ལ་ངང་པ་ལྟར། །འབྲེལ་མེད་(༡༠བ)

― GLG025_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་ནས་ལས་ཀུན་སྒྲུབས། །དྲེགས་བྱེད་དམག་དཔུང་རུ་མཚོན་མཆོག །གཡུལ་ལས་རྒྱལ་བའི་རྟེན་དུ་འཛུགས། །བསྟན་དང་རྣལ་འབྱོར་བདག་ཅག་ལ། །སྡང་བྱེད་དགྲ་བགེགས་རྡུལ་དུ་རློག །རྣལ་འབྱོར་བདག་ཅག་ཡོན་མཆོད་ཀྱི། །སྲོག་ཤིང་ཚེ་ཡི་རྟེན་དུ་འཛུགས། །མི་ནོར་ཆོས་དང་ལེགས་ཚོགས་ཀུན། །རབ་ཏུ་རྒྱས་ཤིང་བརྟན་པར་མཛོད། །དེ་ལྟར་རུ་མཚོན་རྒྱལ་མཚན་འདི། །སྔར་བཅོལ་ལེགས་པའི་རྟེན་དུ་འཛུགས། །ད་བཅོལ་ཞུ་བའི་རྟེན་དུ་འཛུགས། །བསམ་དོན་འགྲུབ་པའི་རྟེན་དུ་འཛུགས། །བླ་མ་དཀོན་མཆོག་ཡི་དམ་ལྷ། །དམ་ཅན་ཆོས་སྐྱོང་སྲུང་མའི་ཚོགས། །སྣང་སྲིད་དྲེགས་བྱེད་གཞི་བདག་རྣམས། །རུ་མཚོན་འདི་ལ་བརྟན་བཞུགས་ནས། །དཔལ་ལྡན་བླ་མའི་བསྟན་པ་དང་། །བདག་ཅག་དཔོན་སློབ་ཡོན་མཆོད་ཀྱི། །ཉིན་མཚན་བྱ་ར་མེལ་ཚེ་དང་། །བྱང་ཆུབ་བར་གྱི་སྟོང་གྲོགས་མཛོད། །ཅེས་བརྗོད་པས། མདུན་གྱི་བླ་མ་ཡི་དམ་སྲུང་མ་རྣམས་དང་། སྣང་སྲིད་ཀྱི་དྲེགས་པ་ཕོ་རྒྱུད་མོ་རྒྱུད་ཐམས་ཅད་མཚོ་ལ་ཆར་བབས་པ་བཞིན་དུ་རུ་མཚོན་གྱི་རྒྱལ་མཚན་དེ་ཉིད་ལ་ཐིམ་པར་བསམ་ཞིང་། མཐུ་སྟོབས་ཀྱི་དབང་ཕྱུག་ཁྱེད་རྣམས་རུ་མཚོན་གྱི་རྒྱལ་མཚན་འདི་ལ་བརྟན་པར་བཞུགས་ནས། སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་སྟོད། དགེ་འདུན་གྱི་སྡེ་སྐྱོངས། མི་ནོར་དགོན་གནས་ལོངས་སྤྱོད་དང་བཅས་པའི་གཉེར་མཛོད། བསྟན་པ་དང་རྣལ་འབྱོར་ལ་སྡང་བའི་དགྲ་བགེགས་གདུག་པ་ཅན་ཐམས་ཅད་སྐད་ཅིག་ཉིད་ལ་ཚར་ཆོད། ཁམས་གསུམ་གྱི་སེམས་ཅན་ཐམས་ཅད་ཀྱི་སྲོག་ལ་དབང་མཛོད་ཅིག །ཅེས་ལན་གསུམ་བརྗོད་ཅིང་། མེ་ཏོག་གཏོར། ཤིས་བརྗོད་ཀྱི་(༡༡ན)

― GLG025_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་སྐབས་སུ་གང་བབ་བརྗོད། །འབྲས་སྤུངས་གསང་སྔགས་ཕོ་བྲང་གི་རྟེན་ཐུག་བཙུགས་སྐབས་ཟིན་བྲིས་སུ་ཟ་ཧོར་གྱི་བནྡེས་བཀོད་པ་ཛ་ཡནྟུ། ༈ །དཔག་དཀའ་མ་ཡན་དཀྱུས་བཞིན་བཟླས་པ་ཞི་བ་ཞི་དྲག་ཕྱེད་མ་དྲག་ཁྲོ་གསུམ་གྱི་སྦྱང་བ། མཆོད་གཏོར་བྱིན་རླབས་སླར་ཡང་བསྐྱེད་ཆོག་ནས་བཟུང་གཏོར་འབུལ་གོང་ལྟར་གཟུངས་ཐག་བཅས་པ་བཟླ། ཤ་ཅན་མ་དང་། དེའི་མཇུག་ཏུ་རྡོ་རྗེ་འཛིན་པའི་བཀའ་དང་སོགས་ཀྱི་གསོལ་ཁ་མངའ་གསོལ་གཟུངས་ཐག་བཀྲོལ་རྗེས་བསྐུལ། དེ་མན་གུར་ཇི་ལྟ་བ། ཆོས་སྐྱོང་གཞན་རྣམས་ལ་མཆོད་གཏོར་རྣམས་བྱིན་རླབས་དཀྱུས་ལྟར་བྱ། ཐུག་རྣམས་ཨ་མྲྀ་ཏས་བསངས། སྭ་བྷཱ་ཝས་སྦྱངས། ཐུག་གི་ལྷ་སོ་སོ་མངོན་རྟོགས་དང་གསོལ་ཁ་གང་རིགས་ཀྱི་སྒོ་ནས་བསྐྱེད་ཅིང་སྤྱན་དྲངས། བཞུགས་གསོལ། མཆོད་པ་གཏོར་འབུལ་གྱི་བར་བྱ། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས། དམ་ཅན་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་མདུན་གྱི་ནམ་མཁར་བཛྲ་ས་མཱ་ཛཿས་སྤྱན་དྲངས། གདན་འབུལ། ཨོཾ་སརྦ་དྷརྨ་པཱ་ལ་ས་པ་རི་ཝཱ་ར་ཨརྒྷཾ་ནས་ཤཔྟའི་བར་གྱིས་མཆོད། ནང་མཆོད་འབུལ། གཟུངས་ཐག་དང་བཅས་ཆོས་སྐྱོང་སོ་སོའི་སྔགས་རྣམས་དམིགས་པ་དང་བཅས་བཟླ། ཧཱུཾ་ལེགས་ལྡན་མགོན་པོ་ནག་པོ་ཁྱོད། ཅེས་པ་ནས་དབང་ཞིང་རྔམ་པར་མངའ་གསོལ་ལོ། ཞེས་པའི་བར་བརྗོད་ནས་མངའ་གསོལ། གཟུངས་ཐག་འགྲོལ། ལྷ་མོ་དམག་ཟོར་མ་དུང་སྐྱོང་ལྷ་མོ་ཞེས་པ་མན་གོང་བཞིན་ནོ།། །།སརྦ་མངྒ་ལཾ། །

ཚེ་དཔག་མེད་དྭངས་མ་བཅུད་འདྲེན་གྱི་སྒོ་ནས་གཟིམ་ཆུང་བརྟན་བཞུགས་ཀྱི་ཆོག་སྒྲིགས་དང་རྒྱུན་གྱི་རྣལ་འབྱོར་ལ་དགོས་པའི་ལྷན་ཐབས་བཅས་པ།

― GLG025_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་དཔག་མེད་དྭངས་མ་བཅུད་འདྲེན་གྱི་སྒོ་ནས་གཟིམ་ཆུང་བརྟན་བཞུགས་ཀྱི་ཆོག་སྒྲིགས་དང་རྒྱུན་གྱི་རྣལ་འབྱོར་ལ་དགོས་པའི་ལྷན་ཐབས་བཅས་པ་བཞུགས་སོ། །

― GLG025_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མཿཔདྨཱ་ཀ་རཱ་ཡ། ཡེ་ཤེས་འོད་ལྔ་དབང་པོའི་གཞུ་རིས་གདངས། །པདྨ་ཐོད་ཕྲེང་རིགས་ལྔར་ཡོངས་ཤར་བར། །བརྟེན་ནས་འཆི་མེད་སྒྲུབ་པའི་ཆོ་ག་ཡི། །ལག་ལེན་བརྗེད་བྱང་རེག་ཟིག་འདྲི་བར་བྱ། །དེ་ཡང་བླ་མ་སྡེ་དཔོན་སོགས་མཆོག་དམན་གང་ལའང་དར་ལམ་གཅོད་ཅིང་བརྟན་བཞུགས་འཁྱེར་བདེ་བྱ་ན། སྟེགས་ཀྱི་ཁར་པདྨ་འདབ་བརྒྱད་ཀྱི་དབུས་བུམ་པ་བཅུད་ལྡན་ཁ་རྒྱན་གསེབ་ཏུ་རྒྱས་པར་སྤྲོ་ན་ཙཀླི་གཟུངས་ཐག །གཡས་གཡོན་དུ་ཚེ་ཆང་། ཚེ་རིལ། མདའ་དར། གཏོར་ཟླུམ་དམར་པོ་གཅིག །ལས་བཞིའི་འབྲང་རྒྱས་བསྟན་མ་བཅུ་གཉིས་དང་། བགེགས་ཀྱི་གཏོར་མ། སྨན་རཀ་མཆོད་པ། ལོགས་ཤིག་ཏུ་མཁའ་འགྲོ་སྡེ་ལྔའི་མཆོད་གཏོར་དར་ལམ་དང་བཅས་པ་ཕྱག་ལེན་ལྟར་བཤམ། སྐྱབས་འགྲོ་ནི། ཧཱུཾ། རང་བྱུང་ལྷུན་གྱིས་གྲུབ་པའི་སྐུ། །འོད་གསལ་ཆེན་པོའི་དགོངས་པ་ཅན། །ཐུགས་རྗེའི་དབང་གིས་འགྲོ་དོན་མཛད། །བླ་མ་རྣམས་ལ་སྐྱབས་སུ་མཆི། །རང་ལ་ཡེ་(༢ན)

― GLG025_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ཤར་བའི་སྐུ། །མི་འབྲལ་རྩེ་གཅིག་དགོངས་པ་ཅན། །བྱིན་གྱིས་བརླབ་ཅིང་བར་ཆད་སེལ། །ཡི་དམ་ལྷ་ལ་༴ དམ་ཚིག་རྣམ་པར་དག་པའི་སྐུ། །བརྩེ་གདུང་བྱམས་པའི་དགོངས་པ་ཅན། །ལེགས་ཉེས་སྟངས་འཛིན་དངོས་གྲུབ་སྟེར། །མཁའ་འགྲོའི་ཚོགས་ལ་༴ ལན་གསུམ། སེམས་བསྐྱེད་ནི། སྔོན་ནས་བསགས་པའི་སྡིག་སྒྲུབ་བཤགས། །འགྲོ་དོན་སངས་རྒྱས་འཐོབ་བྱའི་ཕྱིར། །སྨོན་པའི་བྱང་ཆུབ་སེམས་བསྐྱེད་དོ། །སེམས་ཅན་ཡོངས་སུ་སྨིན་བྱའི་ཕྱིར། །གསང་སྔགས་སྤྱོད་པ་རླབས་ཆེན་སྤྱད། །དོན་དམ་སྤྲོས་བྲལ་བྱང་ཆུབ་སེམས། །རང་བྱུང་མཐའ་བྲལ་སྟོང་གསལ་བསྒོམ། །ལན་གསུམ། ཧྲཱིཿ རང་ཉིད་རྟ་མགྲིན་བེ་ཅོན་སྡིགས་མཛུབ་མཛད། །ཐུགས་ལས་སྤྲུལ་པའི་ཁྲོ་མཚོན་མེ་དཔུང་གིས། །ཚེ་སྲོག་འཕྲོག་པའི་གདོན་བགེགས་འབྱུང་པོ་རྣམས། །མཐར་བསྐྲད་རྡོ་རྗེ་སྲུང་བའི་གུར་དུ་གྱུར། །ཨཱོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ། གནོད་བྱེད་འབྱུང་པོ་ཨུ་ཙ་ཏ་ཡ་ཕཊ། ཨཱོཾ་བཛྲ་ཙཀྲ་ཛྭ་ལ་རཾ་ཧཱུཾ་བྷྲཱུཾ་(༢བ)

― GLG025_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུཾ། ཞེས་བགེགས་བསྐྲད་ཅིང་སྲུང་འཁོར་བསྒོམ། །བརྒྱུད་པའི་བླ་མ་རྣམས་ཀྱི་བྱིན་དབབ་མཁའ་འགྲོ་འཚོ་རྒྱལ་ཡན་འཆི་མེད་འོད་སྣང་ལྟར་གྱི་མཇུག་ཏུ་སངས་རྒྱས་མངའ་བདག་དང་། དཀྱིལ་འཁོར་ཆེན་པོ་གཉིས་བླངས་ལ་སྔགས་བསྒྱུར། ཧྲཱིཿ ཆོས་དབྱིངས་རྣམ་དག་ཕོ་བྲང་ནས། །ཚེ་དཔག་མེད་མགོན་ལྷ་ཚོགས་རྣམས། །གནས་མཆོག་འདིར་གཤེགས་དབང་ཆེན་བསྐུར། །བྱིན་དབབ་དངོས་གྲུབ་མ་ལུས་སྩོལ། །ཨཱོཾ་ཨཱཿཧཱུཾ་བཛྲ་གུ་རུ་པདྨ་ཨཱ་ཡུརྫྙཱ་ན་ས་མ་ཡ་ཨ་བེ་ཤ་ཡ་ཨཱ་ཨཱཿ ཞེས་བྱིན་དབབ། ཧྲཱིཿ འཆི་མེད་རིགས་འཛིན་དཀྱིལ་འཁོར་སྒྲུབ་པའི་རྫས། །ཕྱི་ནང་གསང་བའི་རང་བྱུང་མཆོད་པ་རྣམས། །མ་དག་ལོག་འཁྲུལ་ཉེས་པའི་ཚོགས་རྣམས་ཀུན། །ཡེ་ཤེས་འབྲུ་གསུམ་སྦྱང་ཞིང་བྱིན་གྱིས་རློབས། །རཾ་ཡཾ་ཁཾ། ཨོཾ་ཨཱཿཧཱུཾ་མཧཱ་པཉྩ་ཨ་མྲྀ་ཏ་ཧཱུཾ་ཧྲཱི༔ཋ། མ་ཧཱ་བ་ལིཾ་ཏ་ཧཱུཾ། མ་ཧཱ་རཀྟ་ཧཱུཾ། ཨཱོཾ་ཨརྒྷཾ་ཨཱཿཧཱུཾ་ནས་ཤཔྟ་ཨཱཿཧཱུཾ་གི་བར་གྱིས་ཚེ་རྫས་མཆོད་གཏོར་དང་བཅས་པ་བྱིན་གྱིས་བརླབ། སྭ་བྷཱ་ཝས་སྦྱངས། འཛིན་མེད་སྟོང་པའི་དབྱིངས་ཉིད་ལས། །ཆུ་ལས་ཆུ་ལྦུར་བརྡོལ་བ་བཞིན། །པདྨའི་སྡོང་པོ་རྒྱས་པའི་སྟེང་། །ཟླ་བའི་དཀྱིལ་འཁོར་ཉ་གང་བར། །རང་བྱུང་པདྨ་ཚེ་དཔག་མེད། །དཀར་པོ་ལོངས་སྤྱོད་རྫོགས་སྐུ་ཆས། །ཕྱག་གཡས་གསེར་གྱི་རྡོ་རྗེ་དང་། །གཡོན་པ་འཆི་མེད་ཚེའི་བུམ་པ། །འཛིན་པས་ཡུམ་གྱི་མགུལ་ནས་འཁྱུད། །པང་དུ་ཡེ་ཤེས་མཁའ་འགྲོའི་གཙོ། །མནྡྷ་ར་བ་གོས་དཀར་མོ། །དམར་མོ་བཅུ་དྲུག་ལོན་པའི་ཚུལ། །ནུ་མ་འབུར་ཞིང་བྷ་ག་རྒྱས། །(༣ན)

― GLG025_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

གཡས་པ་པདྨ་བདུད་རྩི་ཡིས། །གང་བའི་ཐོད་འཛིན་ཡབ་ལ་འཁྲིལ། །གཅེར་མོ་སྐྲ་གྲོལ་རྣལ་འབྱོར་མའི། །ཆ་བྱད་རུས་པའི་རྒྱན་གྱིས་སྤྲས། །གཉིས་ཀའང་འཇའ་འོད་གུར་ཁྱིམ་དབུས། །རྡོ་རྗེ་པདྨའི་སྐྱིལ་ཀྲུང་བཞུགས། །རྩ་གསུམ་འཁོར་ལོ་ལྔ་ལྡན་པའི། །སྤྱི་བོ་བདེ་ཆེན་འཁོར་ལོའི་དབུས། །རིགས་འཛིན་བུདྡྷ་ཐོད་ཕྲེང་རྩལ། །དཀར་པོ་ཞལ་གཅིག་ཕྱག་གཉིས་པ། །གསང་གོས་སྣམ་སྦྱར་མཉེན་ཞུ་གསོལ། །འཁོར་ལོ་བུམ་འཛིན་ཡུམ་ལ་འཁྲིལ། །མ་ནྡྷར་བ་སངས་རྒྱས་སྤྱན། །འཁོར་ལོ་ཐོད་པ་༴ མགྲིན་པ་ལོངས་སྤྱོད་༴ རིགས་འཛིན་པདྨ་༴ དམར་པོ་༴ གསང་གོས་༴ པདྨ་བུམ་འཛིན་༴ ཤཱཀྱ་དེ་ཝ་གོས་དཀར་མོ། །པདྨ་ཐོད་པ་༴ སྙིང་ག་ཆོས་ཀྱི་༴ རིགས་འཛིན་རྡོ་རྗེ་༴ སྔོན་པོ་༴ གསང་གོས་༴ རྡོ་རྗེ་བུམ་འཛིན་༴ ཡེ་ཤེས་འཚོ་རྒྱལ་མཱ་མ་ཀི །རྡོ་རྗེ་ཐོད་པ་༴ ལྟེ་བ་སྤྲུལ་པའི་༴ རིགས་འཛིན་རཏྣ་༴ སེར་པོ་༴ གསང་གོས་༴ རིན་ཅེན་བུམ་འཛིན་༴ ཀཱ་ལ་སིདྡྷི་རིན་ཅེན་སྒྲོལ། །རིན་ཅེན་ཐོད་པ་༴ གསང་གནས་བདེ་སྐྱོང་༴ རིགས་འཛིན་ཀརྨ་༴ ལྗང་གུ་༴ གསང་གོས་༴ རྒྱ་གྲམ་བུམ་འཛིན་༴ བཀྲ་ཤིས་ཁྱེ་འདྲེན་དམ་ཚིག་སྒྲོལ། །རྒྱ་གྲམ་ཐོད་པ་༴ ཡུམ་རྣམས་གཅེར་མོ་སྐྲ་གྲོལ་བ། །རུས་པའི་རྒྱན་ལྡན་ལང་ཚོར་སྤྲས། །མཛེས་སྡུག་བདེ་བ་བསྐྱེད་པའི་ཉམས། །ཡབ་ཡུམ་རྡོ་རྗེ་པདྨ་ཡི། །སྐྱིལ་ཀྲུང་འཇའ་འོད་ཀློང་ན་བཞུགས། །སྤྱན་འདྲེན་མཆོད་བསྟོད་ནི། ཧྲཱིཿ རང་བཞིན་རྣམ་དག་ཞིང་ཁམས་ནས། །པདྨ་ཐོད་ཕྲེང་ཚེ་དབང་རྩལ། །འདིར་གཤེགས་གཉིས་སུ་མེད་པར་བཞུགས། །སྒོ་གསུམ་གུས་པས་ཕྱག་(༣བ)

― GLG025_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

འཚལ་ཞིང་། །ཕྱི་ནང་གསང་བའི་མཆོད་པ་འབུལ། །མཆོག་དང་ཐུན་མོང་དངོས་གྲུབ་སྩོལ། །སྔགས་གཤམ་དུ། ཨརྒྷཾ་པཱུ་ཛ་ཧཱུཾ་ནས་ཤཔྟའི་བར་དང་། སྣང་བ་མཐའ་ཡས་ཚེ་དཔག་མེད་མགོན་དང་། །པདྨ་འབྱུང་གནས་མཚན་ལྡན་གཟུང་མ་ལྔ། །རྩ་བའི་བླ་མ་དཀྱིལ་འཁོར་ལྷ་ཚོགས་ལ། །སྨན་མཆོད་འབུལ་ལོ་དབང་དང་དངོས་གྲུབ་སྩོལ། །ཨཱོཾ་བཛྲ་གུ་རུ་པདྨ་ཨཱ་ཡུརྫྙཱ་ན་མ་ཧཱ་པཉྩ་ཁཱ་ཧི། མ་ཧཱ་བ་ལིཾ་ཏ་ཁཱ་ཧི། མ་ཧཱ་རཀྟ་ཁཱ་ཧི། ཧྲཱིཿ དྲན་པ་ཙམ་གྱིས་འཆི་བདག་བདུད། །མཐར་མཛད་པད་འབྱུང་ཚེ་དཔག་མེད། །ཨེ་ཝཾ་ཟུང་འཇུག་ལྔ་ཚོགས་ལ། །ལུས་ངག་ཡིད་གསུམ་གུས་ཕྱག་འཚལ། །འཛབ་བཟླ་བ་ནི། ཚེ་འགུགས་གསོ་དང་བྱེ་བྲག་གི་དམིགས་པ་རྣམས་གཞུང་བཞིན་བྱས་ནས། ཨཱོཾ་བཛྲ་གུ་རུ་པདྨ་ཨཱ་ཡུརྫྙཱ་ན་སརྦ་སིདྡྷི་ཎི་བྷྲཱུཾ་ཧཱུཾ་ཛཿབཛྲ་ཨཱ་ཡུ་ཥེ་སྭཱ་ཧཱཿཞེས་བཟླ། ཚེ་འགུགས་ནི། བཅོམ་ལྡན་མགོན་པོ་སོགས་གསང་རྫོགས་ལས་བྱང་བཀླགས་ཆོག་མ་ནས་བླངས་ཏེ་མདའ་དར་གཡབ་ཅིང་ཚེ་འགུགས་ཀྱི་དམིགས་པ་བྱ། ཧོ། ནག་མོ་བཞིན་མི་སྡུག་གི་བུ་མོ་བདུད་མོ་བཞི། དམར་མོ་ཁྲོ་གཉེར་ཅན་གྱི་བུ་མོ་གནོད་སྦྱིན་མོ་བཞི། དཀར་མོ་མདངས་ལྡན་མའི་བུ་མོ་སྨན་བཙུན་མོ་བཞི། སྔོན་ཚེ་ཨ་སུ་ར་ཡི་བྲག་ཕུག་དབེན་གནས་སུ། །སློབ་དཔོན་ཆེན་པོ་པདྨ་འབྱུང་གནས་དང་། །བཤེས་གཉེན་གླང་ཆེན་དཔལ་གྱི་སེང་གེ་ཡིས། །ཞིང་ཆེན་བསྒྱེལ་བའི་སྟེང་དུ་བཞག་ནས་ཀྱང་། །རྡོ་རྗེ་ལག་གཏད་བདུད་རྩི་ལྕེ་ཡང་བཞག །དེ་ཚེ་ཁས་བླངས་དམ་ལས་མ་འདའ་བར། །ཚུར་གཤེགས་ཚུར་སྤྱོན་བོད་སྐྱོང་བསྟན་མ་རྣམས། །ཀུན་ཀྱང་ལྷབ་ལྷུབ་མང་པོའི་རྒྱན་དང་བཅས། །རོལ་མོ་སིལ་སྙན་མང་པོའི་སྒྲ་དང་བཅས། །

― GLG025_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

བྲན་གཡོག་མང་པོའི་འཁོར་དང་བཅས་ཏེ་སྤྱོན། །འདིར་གཤེགས་དམ་སྐོངས་འཕྲིན་ལས་སྒྲུབ་པར་མཛོད། །མ་མ། མེ་མེ། ལ་ལ། ལེ་ལེ། ཏ་ཏ། ཏེ་ཏེ། རྡོ་རྗེ་སྲིང་འགྲོ་མ་ཧཱུཾ་བྷྱོཿ མཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། མཧཱ་རཀྟ་ཁ་རཾ་ཁཱ་ཧི། མཧཱ་བ་ལིཾ་ཏ་ཁ་རཾ་ཁཱ་ཧི། བདག་ཉིད་ཆེན་མོ་རྡོ་རྗེ་ཀུན་གྲགས་མ་སོགས་སྦྱར། རང་གི་ཐུགས་ཀ་ནས་འོད་ཟེར་འཕྲོས་པས་གནས་གསུམ་གྱི་མཁའ་འགྲོ་སྡེ་ལྔའི་ཚོགས་ཨཱོཾ་བཛྲ་ས་མཱ་ཛཿས་སྤྱན་དྲངས། པདྨ་ཀ་མ་ལཱ་ཡ་སྟྭཾ་གྱིས་གདན་དབུལ། ཨཱོཾ་པཉྩ་ཌཱ་ཀི་ནཱི་ས་པ་རི་ཝཱ་ར་ཨརྒྷཾ། པཱ་དྱཾ། པུཥྤེ། དྷཱུ་པེ། ཨཱ་ལོ་ཀེ །གནྡྷེ། ནཻ་ཝི་དྱེ། ཤཔྟ་པྲ་ཏཱིཙྪ་སྭཱཧཱ་ཞེས་རིགས་ལྔ་སྤྱིར་མཆོད། རྡོ་རྗེ་མཁའ་འགྲོ་འཁོར་དང་བཅས་པའི་ལྗགས་ཧཱུཾ་ལས་སྐྱེས་པའི་རྡོ་རྗེ་རྩེ་གཅིག་པ་དམར་པོ་འོད་ཀྱི་སྦུ་གུ་ཅན་གྱིས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་བསམས་ལ། ཨཱོཾ་བཛྲ་ཌཱ་ཀི་ནཱི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ་གྱིས་གཏོར་མ་དང་། སྔགས་མཐར་ཆུ་གཉིས་ཉེར་སྤྱོད་རོལ་མོ་དང་བཅས་པས་མཆོད་ཅིང་། མཧཱ་པཉྩ་ཁཱ་ཧི། མ་ཧཱ་རཀྟ་ཁཱ་ཧི་ཞེས་སྨན་རཀ་དབུལ། ལྷ་བཙུན་ཀུན་བཟང་རྣམ་རྒྱལ་གྱི་དག་སྣང་མཁའ་འགྲོ་སྡེ་ལྔའི་བསུན་བཟློག་གི་སྡེ་ཚན་དང་པོ་གསང་མཆོག་གདོད་དབྱིངས་མ་གཏོང་། དེ་བཞིན་དུ་རྡོ་རྗེའི་གནས་སུ་རིན་ཅེན། པདྨ། ལས། སངས་རྒྱས་རྣམས་བཅུག་པའི་ལྗགས་བྱིན་རླབས་དང་། བཛྲ་གྱི་གནས་སུ་རཏྣ། པདྨ། ཀརྨ། བུདྡྷ་རྣམས་བཅུག་པའི་གཏོར་མ་ཕྱི་ནང་གི་མཆོད་པ་རྣམས་སྦྱར་ཞིང་། གདོད་མའི་གཞི་དབྱིངས་སོགས་སྡེ་ཚན་ཕྱི་པ་བཞི་རིམ་བཞིན་བཏང་བའི་(༤བ)

― GLG025_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

དར་ལམ་རྣམས་སོ་སོའི་དུས་གཅོད། བརྟན་བཞུགས་དངོས་ནི། འབུལ་ཡུལ་ལྷར་བསྐྱེད། བུམ་པ་ཕུལ་ཏེ། ཧྲཱིཿ བཀྲ་ཤིས་འོད་གསལ་བུམ་པ་གཞལ་ཡས་ཁང་། པདྨ་ཚེ་ཡི་ལྷ་ཚོགས་བཞུགས་པའི་གནས། །གཉིས་མེད་འོད་ཟེར་ཀུན་ཏུ་འབར་བའི་བཅུད། །གུས་པས་འབུལ་གྱི་ཡེ་ཤེས་ལྔ་རྫོགས་ཤོག །ཀཱ་ཡ་སིདྡྷི་ཨཱོཾ། ཝཱ་ཀ་སིདྡྷི་ཨཱཿ ཙིཏྟ་སིདྡྷི་ཧཱུཾ། འཆི་མེད་འོད་སྣང་ལྟར་ཚེ་ཆང་། ཚེ་རིལ་དང་། འཆི་མེད་ཚེ་ཡི་རང་བཞིན་སོགས་ཀྱི་མཐར་མདའ་དར་ཕུལ་ལ་ཚེ་ལྔ། འབྲང་རྒྱས་རྣམས་རིམ་བཞིན་ཕུལ་ལ། །ལྷུན་གྲུབ་ཚེ་དབང་རིགས་འཛིན་ལ། །དབང་གི་འབྲང་རྒྱས་འདི་ཕུལ་བས། །སྲིད་ཞིའི་ཕུན་ཚོགས་མ་ལུས་པ། །དབང་སྡུད་འཕྲིན་ལས་འགྲུབ་པར་ཤོག །ལྷུན་གྲུབ་༴ དྲག་པོའི་༴ ལོག་འདྲེན་དགྲ་བགེགས་ཚར་གཅོད་པའི། །དྲག་པོའི་༴ ལྷུན་གྲུབ་༴ ཞི་བའི་༴ སྒྲིབ་གཉིས་ནད་གདོན་བར་ཆད་ཀུན། །ཞི་བའི་༴ ལྷུན་གྲུབ་༴ རྒྱས་པའི་༴ ལུང་རྟོགས་ཚེ་དཔལ་བསོད་ནམས་སོགས། །རྒྱས་པའི་༴ བསམས་པ་ལྷུན་གྲུབ་མ་དང་ཚིགས་བཅད་ཅི་རིགས་བརྗོད། གཏང་རག་ནི། ཕྱི་ནང་གི་མཆོད་པ་བསྟོད་པ་དང་བཅས་པ་བྱ། སྣང་བ་མཐའ་ཡས་ཀྱི་ཡིག་བརྒྱ་སོགས་ཀྱིས་ལྷག་ཆད་ཁ་བསྐང་། སྨོན་ལམ་ནི། དགེ་བ་འདི་ཡིས་མཁའ་མཉམ་འགྲོ་ཀུན་གྱི། །སྒྲིབ་གཉིས་དེ་འབྲས་མ་ལུས་ཀུན་བྱང་ནས། །ཚེ་དཔག་མེད་མགོན་གོ་འཕང་མངོན་གྱུར་ཏེ། །རང་གཞན་དོན་གཉིས་མ་ལུས་འགྲུབ་པར་ཤོག །བཀྲ་ཤིས་ནི། ཆོས་སྐུ་སྣང་མཐའ་ལོངས་སྐུ་ཚེ་དཔག་མེད། །སྤྲུལ་པའི་སྐུ་མཆོག་པདྨ་འབྱུང་གནས་ཏེ། །སྐུ་གསུམ་དབྱེར་མེད་ཚེ་མཐའ་ཡས་པ་ཡི། །བཀྲ་ཤིས་ཕྱོགས་དུས་ཀུན་ཏུ་ཁྱབ་པར་ཤོག །ཕུན་སུམ་ཚོགས་པ་སོགས་ཀྱིས་མེ་ཏོག་སིལ་མས་ཕྱོགས་ཀུན་ཏུ་ཁྱབ་པར་བྱའོ། །ཚོགས་བྱིན་གྱིས་བརླབ་པ་ནི། ཨཱོཾ་སརྦ་དྲ་བྱེ་སཾ་ཤོ་དྷ་ནི་ཧཱུཾ་ཕཊཿ རཾ་ཡཾ་ཁཾ། ཨཱོཾ་ཨཱཿཧཱུཾ་ཧྲཱིཿཧྲཱིཿ རང་བཞིན་རྣམ་དག་གཞལ་ཡས་ནས། །བཅོམ་(༥ན)

― GLG025_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་མགོན་པོ་ཚེ་དཔག་མེད། །རིགས་ལྔ་ཡབ་ཡུམ་འཁོར་བཅས་རྣམས། །ཚོགས་ལ་སྤྱན་འདྲེན་གཤེགས་སུ་གསོལ། །དང་པོ་མཆོད་པ་ནི། །གཟུགས་སྒྲ་དྲི་རོ་རེག་བྱ་ཆོས། །ཀུན་ཏུ་བཟང་པོའི་མཆོད་པའི་སྤྲིན། །ནམ་མཁའ་མཛོད་ཀྱི་སྒོ་ཕྱེ་སྟེ། །འབུལ་གྱིས་བཞེས་ལ་དངོས་གྲུབ་སྩོལ། །ཨཱོཾ་བཛྲ་གུ་རུ་པདྨ་ཨཱ་ཡུརྫྙཱ་ན་གྷ་ན་ཙཀྲ་སརྦ་པཱུ་ཛ་ཁཱ་ཧི། བར་པ་བཤགས་པ་ནི། མ་རིག་ལས་དང་ཉོན་མོངས་ཀྱིས། །རྩ་བ་ཡན་ལག་དམ་ཚིག་གི །ནོངས་པར་གྱུར་པའི་ཉེས་པ་ཀུན། །གནོང་འགྱོད་སེམས་ཀྱིས་མཐོལ་ཞིང་བཤགས། །ཡི་གེ་བརྒྱ་པ་བརྗོད། ཚོགས་ཐ་མ་ནི། ཨོཾ་ཪྣྲིར་ཏྲི་ཛཿ སྐུ་སྟོད་དབང་ཆེན་ཁྲོས་པའི་གཟུགས། །སྐུ་སྨད་གནམ་ལྕགས་ཕུར་བུའི་དཔལ། །དགྲ་བགེགས་ལོག་འདྲེན་དམ་སྲི་ཡི། །སྙིང་ལ་བཏབ་པོ་མཱ་ར་ཡ། །ཤ་ཁྲག་རུས་ཕུང་རྡུལ་དུ་རློག །ཨཱོཾ་བཛྲ་ཀྲོ་དྷ་ཧ་ཡ་གྲཱི་ཝ་གནོད་བྱེད་ཤ་ཏྲུཾ་མཱ་ར་ཡ་རྦད། ཅེས་བསྒྲལ། གོང་གི་སྔགས་གཤམ་དུ་མ་ཧཱ་མཾ་ས་རཀྟ་ཀེཾ་ཪྣྲི་ཏི་ཁཱ་ཧི་ཞེས་པ་བཏགས། ལྷག་མ་ནི། ཚེ་དཔག་མེད་མགོན་བཀའ་འཁོར་ནི། །དམ་པ་ཆོས་ཀྱི་སྲུང་མ་རྣམས། །ཞེས་སོགས་ལྷག་མ་དང་བསྟན་སྐྱོང་བྱང་གཏེར་ཐུགས་རྗེ་ཆེན་པོ་ལྟར་བྱ། ཉེར་བསྡུ་ནི། སྣོད་བཅུད་ཐམས་ཅད་འོད་ལྔའི་ཀློང་དུ་ཐིམ། །དེ་ཉིད་འཁོར་དང་འཁོར་ཡང་གཙོ་བོར་ཐིམ། །གཙོ་བོ་མི་དམིགས་སྟོང་པའི་ངང་ཉིད་ལས། །སླར་ཡང་འཇའ་ཚོན་བཞིན་དུ་བསལ་བར་གྱུར། བྷྲཱུཾ་མཚན་རྡོ་རྗེའི་རྭ་གདངས་ཐོག་མདའི་རྒྱ་ཅན་ནང་གི་ཚེ་དཔག་མེད་དྭངས་མ་བཅུད་འདྲེན་གྱི་སྒོ་ནས་གཟིམས་ཆུང་བརྟན་བཞུགས་གྱི་ཆོག་སྒྲིགས་དང་རྒྱུན་གྱི་རྣལ་འབྱོར་ལ་དགོས་པའི་ལྷན་ཐབས་བཅས་པ་ཆུ་བབས་སུ་ཟ་ཧོར་གྱི་བནྡེས་བཀོད། །སརྦ་མངྒ་ལཾ། །

འཆི་མེད་བདུད་རྩི་བུམ་པའི་རྣམ་དག་དབང་གི་ཆུ་རྒྱུན་གྱི་གསལ་བྱེད་བདུད་རྩིའི་ཟླ་སྣང་།

― GLG025_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

འཆི་མེད་བདུད་རྩི་བུམ་པའི་རྣམ་དག་དབང་གི་ཆུ་རྒྱུན་གྱི་གསལ་བྱེད་བདུད་རྩིའི་ཟླ་སྣང་བཞུགས་སོ། །

― GLG025_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་ཨ་ཐཱ། འཁོར་འདས་རྒྱལ་པོ་པདྨ་ཐོད་ཕྲེང་གི །རྣམ་སྤྲུལ་གཏེར་སྟོན་རྡོར་འབུམ་ཆོས་ཀྱི་གྲགས། །གདམས་པའི་བཀའ་བབས་སྔགས་འཆང་དབང་པོའི་སྡེའི། །ཞབས་རྡུལ་གཙུག་ཏོར་རྩེ་མོར་འབྲལ་མེད་བསྟེན། །འཆི་མེད་བདུད་རྩི་བུམ་པའི་དབང་ལུང་དང་། །མན་ངག་དམར་ཁྲིད་སྟོན་མཛད་རྡོ་རྗེ་འཛིན། །ཆོས་དབྱིངས་རང་གྲོལ་དེང་ནས་བྱང་ཆུབ་བར། །གཏན་གྱི་སྐྱབས་སུ་འཛིན་ན་བརྩེ་བས་སྐྱོངས། །རྣམ་དག་དབང་གི་ཆུ་རྒྱུན་བུམ་བཟང་བཅུད། །དམ་པའི་ཞལ་ལུང་བརླིང་བས་རྟོགས་དཀའ་བ། །གསལ་བྱེད་བརྒྱུད་ལྡན་ཕྱག་ལེན་ཇི་བཞིན་དུ། །འདྲི་བར་ཆོས་སྲུང་གཏེར་བདག་གནང་བ་སྩོལ། །དེ་ལ་འདིར་སྤྲུལ་པའི་གཏེར་སྟོན་ཆེན་པོ་འོད་ཀོར་རྨ་བྱའི་མདོངས་མཐའ་ཅན་གྱིས་བྱམས་སྤྲིན་རྡོ་སྐུའི་ཞབས་དང་པྲ་དུན་ཙེའི་དྲེགས་པ་ཟིལ་གནོན་གྱི་ཐུགས་གསང་ནས་གདན་དྲངས་པའི་འཆི་མེད་བདུད་རྩི་བུམ་པའི་སྨིན་བྱེད་དབང་གི་རིམ་པ་གཏེར་གཞུང་དངོས་དང་དེའི་གསལ་བྱེད་ཁྲི་སྲོང་རྣམ་སྤྲུལ་དཔལ་བཀྲ་ཤིས་སྟོབས་རྒྱལ་གྱིས་མཛད་པ་གཉིས་གོང་མའི་ཕྱག་བཞེས་ཉམས་འོག་ཏུ་མ་ཆུད་པའི་རིགས་ཀྱིས་ཚུལ་བཞིན་མ་རྟོགས་པར་བརྟེན་རྗེས་འཇུག་འདྲའི་རེག་ཟིག་བྲིས་པ་འགའ་ཞིག་མཐོང་བའང་དགོངས་པའི་ཕྱོགས་ཙམ་དུ་མ་སོང་བར་སྣང་བས། ཕུགས་ཕྱག་(༢ན)

― GLG025_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

ལེན་རྣམ་དག་གི་རྒྱུན་ཆད་དོགས་པའི་སྒོ་འགེགས་ཕྱིར་འདྲི་འདུན་ཡོད་པའི་སྟེང་ཉེ་ཆར་རྩོད་བྲལ་གྱི་གཏེར་སྟོན་རྩ་བའི་བླ་མ་གཏེར་བདག་གླིང་པས་བཀའ་ཕེབས་པ་དང་དུ་བླངས་ཏེ་གསལ་བྱེད་བདུད་རྩིའི་ཟླ་སྣང་འགོད་པ་ལ། ཅོག་ཙེ་ལྟ་བུའི་སྟེགས་སྟེང་ཁེབས་སོགས་བཀོད་པས་མཛེས་པར་མཉྫིའི་སྟེང་ཀ་པཱ་ལ་མཚན་ལྡན་གྱི་ནང་དུ་གཏོར་མ་རྩ་བ་དང་ལོ་འདབ་ལས་ཐོན་པའི་ཨ་རུ་ར་ཟུར་བརྒྱད་པའི་དབྱིབས་ཅན་མཁྱིད་གང་ལས་མི་ཆུང་བ་བཟོ་ཁྱད་ཐོན་པ་མཐོང་བ་བརྒྱུད་པ་ལྟར་བཤམས་པའི་རྩེར་གསང་བདག་གི་ཙཀླི་མངོན་རྟོགས་ཀྱི་གཞུང་དང་མཐུན་པ་བཙུགས་ཆུ་གཉིས་སྔོན་དུ་འགྲོ་བའི་ཉེར་སྤྱོད། སྨན་རཀ །རྒྱལ་ཆེན་བཞི། སྨན་གྱི་བཀའ་སྲུང་དྲེགས་པ་དགུ །བསྟན་མ་བཅུ་གཉིས། གཏེར་སྲུང་ཡང་ལེ་བར་རྣམས་ཀྱི་མཆོད་གཏོར་ཚོགས་ཆས། དབང་རྫས་ཀྱི་ཕུར་མའི་རྫས་རབ་གནས་ཆིངས་དང་ལྡན་པའི་སྲུང་འཁོར་སློབ་དཔོན་གྱི་འཁྲིས་སུ་རྡོར་དྲིལ། མེ་ཏོག །ཁྲུས་བུམ། ས་ཡུལ་ཅི་རིགས་པར། གུ་གུལ། སོལ་མེ། བགེགས་གཏོར། ཡུངས་ཀར། རོལ་མོ་སོགས་མཁོ་བའི་ཡོ་བྱད་རྣམས་འདུ་བྱས། ལྷ་བྷེཾ་ཁ་རྒྱན་དཔག་བསམ་ལྗོན་ཤིང་དཀྱུས་ལྟར་ལས་གཞུང་གྱེར་ནས། བདག་བསྐྱེད་བསྒོམ། འཛབ་དགོངས་མགུལ་རྒྱན་(༢བ)

― GLG025_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

པཉྩ་ལི་ཀ་དང་འཕྲུལ་གསང་སྔགས་བྱད་མཐོང་ཆོག་གི་དགོངས་དོན་ལྟར། གསང་བདག་གི་བཟླས་པ་བརྒྱ་སྟོང་སྐབས་དང་སྦྱར་བ་དེ་ལས་རིམ་འགྲོས་ཀྱི་ཇེ་ཉུང་དུ་བཏང་བའི་གུ་རུའི་ཐུགས་སྔགས་ཁྱུང་སྔགས། རྒོད་དབྱུང་གི་སྔགས་རྣམས་དང་གཞུང་དུ་མི་གསལ་ཡང་ཚི་བཏུལ་མ་ཅུང་ཟད་བཟླས་ཏེ་བདག་ཉིད་ནུས་ལྡན་དུ་བྱ། དེ་ནས་བགེགས་གཏོར་བསྔོས་ཤིང་ཧཱུཾ་བཞི་བརྗོད་ནས་རོལ་མོ་སྤོས་དུད་སོགས་ཀྱི་ཚམ་ངམ་དང་ལྡན་པས་འདི་སྐད་དོ། །བདག་ཉིད་གསང་བདག་གསལ་བའི་ཐུགས་ཀ་ནས། ཁྲོ་རྒྱལ་ངོ་བོ་མཐིང་ནག་ཧཱུཾ་ཡིག་བཅུ། །འཕྲོས་པས་བར་གཅོད་གདོན་བགེགས་མཚམས་བཅད་དེ། །ཚུར་འདུས་སྟེང་འོག་ཕྱོགས་མཚམས་སྲུང་བའི་གུར། ཧཱུཾ་ཧཱུཾ། ཧཱུཾ་ཧཱུཾ། ཧཱུཾ་ཧཱུཾ། ཧཱུཾ་ཧཱུཾ། ཧཱུཾ་ཧཱུཾ། ཁྲོ་བོ་རཱ་ཛས་ནད་ཁ་ཁོག་རིམས་ཁ་ཆིངས་ཞེས་པའི་སྔགས་ལན་ཁ་ཡར་བརྗོད། སླར་ཡང་བདག་ཉིད་གསང་བདག་ཡི་དམ་ལྷར། །གསལ་བའི་ཐུགས་ཀ་གུ་རུའི་གནས་གསུམ་ནས། །དཀར་དམར་མཐིང་བའི་ཡི་གེ་འབྲུ་གསུམ་ལས། །འོད་ཟེར་ལྕགས་ཀྱུ་ལྟ་བུར་རབ་འཕྲོས་ནས། །འོག་མིན་ལྷུན་གྱིས་གྲུབ་པའི་གནས་དང་ནི། །མ་ལ་ཡ་དང་པདྨ་འོད་ལ་སོགས། །དག་པའི་ཞིང་ཁམས་རྣམས་ནས་བླ་མ་དང་། །དཀོན་ཅོག་རིན་ཅན་ཞི་བ་བྱང་སེམས་དང་། ཁྲག་འཐུང་ཁྲོ་བོ་དཔའ་བོ་མཁའ་འགྲོ་དང་། །ཆོས་སྲུང་རྒྱལ་པོ་སྡེ་བཞི་གཏེར་གྱི་བདག །བོད་སྐྱོང་བསྟན་མ་བཅུ་གཉིས་ལ་སོགས་པ། །ཡེ་ཤེས་ལས་གྲུབ་དཔག་ཏུ་མེད་པའི་ཚོགས། །འཁོར་བཅས་གནས་འདིར་བཛྲ་ས་མཱ་ཛཿ མདུན་གྱི་ནམ་མཁར་འགྱུར་མེད་རྡོ་རྗེའི་གདན། །དྲི་མེད་པདྨ་ཉི་ཟླ་བརྩེགས་པ་ལ། །དམ་ཚིག་ཡེ་ཤེས་དབྱེར་མེད་བརྟན་པར་བཞུགས། །ཕྱག་འཚལ་མཆོད་བཞེས་དབང་དང་དངོས་གྲུབ་སྩོལ། །ཞེས་མཆོད་ཡུལ་སྤྱན་དྲངས། རྡོ་རྗེ་སློབ་དཔོན་སངས་རྒྱས་དཔལ་སོགས་ཀྱིས་བདུན་རྣམ་དག་བྱ། དབང་(༣ན)

― GLG025_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་དང་མཆོད་གཏོར་རྣམས་བྱིན་གྱིས་བརླབས་པ་ནི། བདག་ཉིད་ཐུགས་ཀར་གུ་རུ་ཡེ་ཤེས་སེམས། །སྐུ་གསུང་ཐུགས་ཀྱི་གནས་ནས་ཡིག་འབྲུ་གསུམ། །ཨཱོཾ་འཕྲོས་གཏོར་མའི་མ་དག་ཉེས་ཀུན་སྦྱངས། །ཨཱཿའཕྲོས་འདོད་ཡོན་དྲུག་གི་མཆོད་པར་བསྒྱུར། །ཧཱུཾ་འཕྲོས་སྤེལ་བས་ནམ་མཁའི་མཛོད་བཞིན་གྱུར། །ཨཱོཾ་ཨཱཿཧཱུཾ། བརྗོད་ཚིག་དོན་བཞིན་ཡིད་ལ་བསམས་གྱུར་ཏེ། །གཏོར་མའི་དངོས་པོ་ཀུན་བཟང་མཆོད་པའི་སྤྲིན། །བྱེ་བྲག་ཕྱི་ནང་གསང་བ་དེ་ཁོ་ན། །ཚོགས་ཀྱི་འཁོར་ལོ་འཆི་མེད་བདུད་རྩིའི་སྨན། །ཆགས་མེད་རཀྟའི་ཨརྒྷཾ་རྒྱ་མཚོར་འཁྱིལ། །མཆོད་པའི་ལྷ་མོ་རིག་མ་བཅུ་དྲུག་སོགས། །དཔག་ཏུ་མེད་པའི་མཆོད་པ་དམ་པ་འདི། །རྩ་བརྒྱུད་བླ་མ་སངས་རྒྱས་ཆོས་དགེ་འདུན། །ཡི་དམ་ལྷ་དང་མཁའ་འགྲོའི་ཚོགས་རྣམས་ལ། །གུས་པས་འབུལ་ལོ་བཞེས་ཤིག་ཐུགས་དམ་བསྐོངས། །ཉམས་པ་སོར་ཆུད་དབང་དང་དངོས་གྲུབ་སྩོལ། །གུ་རུ་ཨཱོཾ་ཨཱཿཧཱུཾ། བ་ལིནྟ་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི། བུདྡྷ་དྷརྨ་སཾ་གྷ་དེ་ཝ་ཌཱ་ཀི་ནི་བ་ལིནྟ་ཁ་ཁ་ཁཱ་ཧི་ཁཱ་ཧི། ཕྱག་རྒྱར་བཅས་པའི་སྔགས་ཀྱིས་ལན་བདུན་དབུལ། མཉེས་གྱུར་ལྷ་ཚོགས་བདག་གི་སྙིང་གར་བསྡུ། །སློབ་མ་རྣམས་ཁྲུས་ནས་དབྱུང་ནང་དུ་བཏང་། ཕྱི་འབྲང་གི་བགེགས་བསྐྲད། །དེ་ནས་སློབ་བུ་རྣམས་ཀྱིས་བླ་མ་ལ། །ཕྱག་འཚལ་སྐོར་བ་བྱས་ཏེ་ཅི་འབྱོར་བའི། །མཎྜལ་མེ་ཏོག་ཕུལ་ལ་གསོལ་བ་བཏབ། །གུ་རུ་མཁྱེན་རབ་རྡོ་རྗེ་དགོངས་སུ་གསོལ། །བདག་ཅག་ལུས་ངག་ཡིད་གསུམ་སྨིན་པའི་ཕྱིར། །སྐུ་གསུང་ཐུགས་དང་ཡོན་ཏན་འཕྲིན་ལས་ཀྱི། །སྣོད་རུང་དབང་བསྐུར་ཟབ་མོ་སྩལ་དུ་གསོལ། །ཞེས་ལན་གསུམ་གྱིས་གསོལ་བ་བཏབ། །རྩ་བ་གསུམ་གྱི་སྤྱན་སྔར་རྒྱུད་དག་པའི་ཆེད་དུ། །ཐུགས་རྗེའི་དབང་གིས་འགྲོ་དོན་མཛད། །བླ་མ་རྣམས་ལ་སྐྱབས་སུ་མཆི། །རང་ལས་ཡེ་ཤེས་ཤར་བའི་སྐུ། །ཡི་དམ་ལྷ་ལ་སྐྱབས་སུ་མཆི། །དམ་ཚིག་(༣བ)

― GLG025_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པར་དག་པའི་སྐུ། །མཁའ་འགྲོའི་ཚོགས་ལ་སྐྱབས་སུ་མཆི། །སྔོན་ནས་བསགས་པའི་སྡིག་སྒྲིབ་བཤགས། །འགྲོ་དོན་སངས་རྒྱས་ཐོབ་ཕྱིར་བསྔོ། །སྨོན་པའི་བྱང་ཆུབ་སེམས་བསྐྱེད་དོ། །སེམས་ཅན་ཡོངས་སུ་སྨིན་བྱའི་ཕྱིར། །གསང་སྔགས་སྤྱོད་པ་རླབས་ཆེན་སྤྱོད། །དོན་དམ་སྤྲོས་བྲལ་བྱང་ཆུབ་སེམས། །རང་བྱུང་མཐའ་བྲལ་སྟོང་གསལ་བསྒོམ། །ཞེས་ལན་གསུམ་གྱི་རྗེས་ཟློས་བྱ། །གུ་རུ་ལྷར་གསལ་ཐུགས་ཀའི་ཡེ་ཤེས་བྷྲུཾ། ཁ་དོག་ལྔ་ལྡན་ཞིག་འཕྲོས་གཏོར་མར་ཕོག །གཏོར་སྣོད་བནྡྷ་ཕྱི་དཀར་ནང་དམར་བ། །ཇ་རིལ་མེ་དཔུང་འབར་བའི་གཞལ་ཡས་ཁང་། །ནང་གི་གཏོར་མ་བཅུད་ཀྱི་འགྲོ་བ་ཀུན། །རྣམ་དག་རྫས་ཀྱི་དངོས་པོ་ཡི་དམ་ལྷ། །གུ་རུ་པདྨ་ཇོ་མོ་འཚོ་རྒྱལ་ཡུམ། །སྤྲུལ་པའི་བྱ་ཁྱུང་རིགས་གསུམ་ལས་སྤྲུལ་པའི། །དུག་གསུམ་རྣམ་དག་རྒོད་དབྱུང་ཞི་ཁྲོའི་འཁོར། །གཞོམ་མེད་རྡོ་རྗེའི་མཁར་རྫོང་ཁྲོ་བོ་བཅུ། །ཚོགས་ཀྱི་འཁོར་ལོ་འདོད་ཡོན་མཆོད་རྫས་བཅས། །རབ་འབྱམས་དབང་རྫོགས་བསྐུར་བའི་རྟེན་དུ་གྱུར། །ལྷ་བྷེཾ་ཁ་རྒྱན་དཔག་བསམ་ལྗོན་ཤིང་ཚར་གཅིག་བརྗོད་དེ་མདུན་བསྐྱེད་ནན་ཏན་དུ་གསལ་བཏབ། སྔགས་བྱང་ནང་གི་སྔགས་རྣམས་ཀྱང་ཅུང་ཟད་བཟླ་ཞིང་བྱིན་གྱིས་བརླབ་དེ་ནས་གཏོར་དབང་དང་པོ་གཏོར་མ་རིགས་གསུམ་མགོན་པོའི་ལྷ་ཚོགས་སུ་གསལ་བའི་ཐུགས་ཀ་དང་ཁྱད་པར་དཔྲལ་བའི་ཨཱོཾ་ཡིག་ལས་འོད་ཟེར་དཀར་པོ་དཔག་ཏུ་མེད་པ་ཨཱོཾ་དང་བཅས་པ་བྱུང་། སློབ་མའི་དཔྲལ་བར་ཐིམ་པས་ལུས་ཀྱི་ནད་གདོན་སྡིག་སྒྲིབ་དག །སྐུའི་དབང་ཐོབ་པའི་དམིགས་པ་ངོ་སྤྲད། གཏོར་མ་ལྷར་གསལ་བའི་སྤྱི་བོར་བཞག་སྟེ། སྣོད་ནི་བནྡྷ་འབར་བའི་གཞལ་ཡས་ཁང་། །བཅུད་ནི་ལྷ་ཚོགས་ཡབ་ཡུམ་སྤྲུལ་པར་བཅས། །རྫས་ནི་མཆོད་པའི་ལོངས་སྤྱོད་བསམ་མི་ཁྱབ། །བུ་འདིར་ཤོག་སྐུ་ཡི་དབང་མཆོག་ཁྱོད་ལ་བསྐུར། །ཨཱོཾ་སརྦ་ཏ་ཐཱ་ག་ཏ་མཧཱ་ཀཱ་ཡ་ཀ་ལ་ཤ་ཨ་བྷི་ཥིཉྩ་ཨབྷེ་ཤ་ཡ་བ་ལིཾ་ཏ་མ་ཧཱ་སིདྡྷི་ས་མ་ཡ་ཨཱཏྨ་ཀོ྅ཧཾ། ཨཱོཾ་ཨཱཿཧཱུཾ་ཀཱ་ཡ་ཨ་བྷི་(༤ན)

― GLG025_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

ཥིཉྩ་ཨཱོཾ། ཞེས་པ་ལྔའམ་གསུམ་གང་རུང་བརྗོད། བཅོམ་ལྡན་འདས་རིགས་གསུམ་མགོན་པོའི་སྐུ་མི་ཟད་པ་རྒྱན་གྱི་འཁོར་ལོའི་དབང་མཆོག་དམ་པ་ལྷ་དང་གཉིས་སུ་མེད་པ་ཐོབ་པར་གྱུར་ཅིག །ཅེས་བདེན་པ་བརྗོད་ཅིང་མེ་ཏོག་གཏོར། དྲིལ་བུའམ་རྒྱས་པར་སྤྲོ་ན་རོལ་ཆེན་བྱ། མཐའ་རྟེན་དུ་ལྷ་བྷེཾ་ཁ་རྒྱན་དཔག་བསམ་ལྗོན་ཤིང་ཚར་གཅིག་བརྗོད་ནས་སྒོམ་ལུང་ཕོག་སྟེ་ལྷ་སྒོམ་དུ་གཞུག །གཏོར་དབང་གཉིས་པ་ནི། ཐུགས་ཀ་དང་ཁྱད་པར་མགྲིན་པའི་ཨཱཿལས་འོད་ཟེར་དམར་པོ་དཔག་ཏུ་མེད་པ་ཨཱཿཡིག་དང་བཅས་པ་བྱུང་སློབ་མའི་མགྲིན་པར་ཐིམ་པས་ངག་གི་ནད་གདོན་སྡིག་སྒྲིབ་དག །གསུང་གི་དབང་ཐོབ། གཏོར་མ་མགྲིན་པར་གཏུག །བསྐུར་ཚིག་དངོས་གཞི་གོང་ལྟར་ལ་སྐུའི་དོད་དུ་གསུང་གི་དབང་མཆོག །ཀཱ་ཡའི་ཚབ་ལ་ཝཱ་ཀའི་འབྱིན་འཇུག །སྔགས་མཐར་ཝཱ་ཀ་ཨ་བྷི་ཥིཉྩ་ཨཱཿ །གསུང་མི་ཟད་པ་རྒྱན་གྱི་འཁོར་ལོ་ཞེས་འདོན་པ་བསྒྱུར། མཐའ་རྟེན་དུ་སྔགས་བྱང་ནས་བཤད་པའི་རྗེས་ཟློས་ལན་གསུམ་བྱེད། རླུང་བུམ་པ་ཅན་འཛིན་དུ་བཅུག་སྟེ་རྔུབ་པའི་དུས་ཚེ་བཅུད་བསྡུ་བ་དང་ཕྱིར་དབྱུང་ཚེ་ནད་བསལ་བའི་དམིགས་པ་སྤྲོད། །གཏོར་དབང་གསུམ་པ་ནི། ཐུགས་ཀའི་ཧཱུཾ་ལས་འོད་ཟེར་སྔོན་པོ་དཔག་ཏུ་མེད་པ་ཧཱུཾ་ཡིག་དང་བཅས་པ་བྱུང་། སློབ་མའི་སྙིང་གར་ཐིམ་པས་ཡིད་ཀྱི་ནད་གདོན་སྡིག་སྒྲིབ་དག །ཐུགས་ཀྱི་དབང་ཐོབ། གཏོར་མ་སྙིང་ག །བསྐུར་ཚིག་གོང་བཞིན་ལ་ཐུགས་ཀྱི་དབང་། ཙིཏྟ་ཨ་བྷི་ཥིཉྩ་ཧཱུཾ། ཐུགས་མི་ཟད་པ་རྒྱན་གྱི་འཁོར་ལོ་སོགས་རིམ་བཞིན་འདོན་པ་བསྒྱུར། མཐའ་རྟེན་དུ་རྫོགས་པ་ཆེན་པོ་དེ་དག་ལ་ངོ་སྤྲད་དེ་ཅུང་ཟད་མཉམ་པར་བཞག །གཏོར་དབང་བཞི་པ་ནི། ཐུགས་ཀ་དང་ཁྱད་པར་ལྟེ་བ་དཔུང་པ་གཡས་ཀྱི་སྭཱ་ལས་འོད་ཟེར་སེར་པོ་དཔག་ཏུ་མེད་པ་སྭཱ་ཡིག་དང་བཅས་པ་བྱུང་། (༤བ)

― GLG025_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

སློབ་མའི་དཔུང་པ་གཡས་དང་ལྟེ་བར་ཐིམ་པས་སྒོ་གསུམ་གྱི་ནད་གདོན་སྡིག་སྒྲིབ་དག །ཡོན་ཏན་གྱི་དབང་ཐོབ། གཏོར་མ་དཔུང་པ་གཡས་དང་ལྟེ་བ། བསྐུར་ཚིག་གོང་བཞིན་ལ་ཡོན་ཏན་དབང་མཆོག །གུ་ཧྱེ། གུ་ཧྱེ་ཨ་བྷི་ཥིཉྩ་སྭཱ། ཡོན་ཏན་མི་ཟད་པ་རྒྱན་གྱི་འཁོར་ལོ་སོགས་རིམ་བཞིན་འདོན་པ་བསྒྱུར། མཐའ་རྟེན་དུ་སྲིན་ལག་གཉིས་ཀྱིས་ཕུར་སྨན་ཆབ་ཀྱིས་བྲན་སྒོ་དགུ་གཞན་རྣམས་ལ་དངོས་དང་མིག་གཉིས་ཀྱི་དོད་མཁུར་ཚོས་ལ་འབྱུག་ཅིང་རྫས་བུར་མའམ་རིལ་བུའི་ཐུམ་བུ་གདངས། ནད་ཐམས་ཅད་ལ་བྷྱོ། ནད་རིམས་ཐམས་ཅད་ལ་བྷྱོ། རིམས་ཐམས་ཅད་ལ་བྷྱོ། གདོན་ཐམས་ཅད་ལ་བྷྱོ་ཞེས་བརྗོད་ཅིང་ཐལ་མོ་བརྡབ། གཏོར་དབང་ལྔ་པ་ནི། ཐུགས་ཀ་དང་ཁྱད་པར་གསང་གནས་དཔུང་པ་གཡོན་པའི་ཧྲཱིཿལས་འོད་ཟེར་ལྗང་གུ་དཔག་ཏུ་མེད་པ་ཧྲཱིཿཡིག་དང་བཅས་པ་བྱུང་། སློབ་མའི་དཔུང་པ་གཡོན་དང་གསང་གནས་སུ་ཐིམ་པས་སྒོ་གསུམ་བྱ་བ་དང་བཅས་པའི་སྡིག་སྒྲིབ་དག །འཕྲིན་ལས་ཀྱི་དབང་ཐོབ། གཏོར་མ་དཔུང་པ་གཡོན་དང་གསང་གནས། བསྐུར་ཚིག་གོང་བཞིན་ལ་འཕྲིན་ལས་དབང་མཆོག །ཀརྨ། ཀརྨ་ཀ་ལ་ཤ་ཨ་བྷི་ཥིཉྩ་ཧྲཱིཿ། འཕྲིན་ལས་མི་ཟད་པ་རྒྱན་གྱི་འཁོར་ལོ་སོགས་རིམ་བཞིན་འདོན་པ་བསྒྱུར། མཐའ་རྟེན་དུ་རྡོ་རྗེའི་ཁྲབ་རིངས་ཀྱི་འཁོར་ལོ་ཆེ་འབྲིང་ཆུང་གསུམ་གང་རུང་རྫས་ཆིངས་དག་བཅས་གདགས། འདི་ནི་དབང་རྫས་ཀྱི་རྟེན་འབྲེལ་ཙམ་ཡིན་གྱི་འདྲི་མཁན་སྟན་ལས་མ་ལངས་པ་སོགས་མཚན་ཉིད་ཚང་བ་དཀའ་བས་བློས་ཁེལ་གྱི་སྲུང་བའི་གོ་ཅུང་མི་ཆོད། སྔགས་རུལ་ལ་ལའི་ལག་ལེན་ལ་བལྟས་ན་གོ་ཆོད་ཤེས་ཀྱང་ཆེའོ། །མཇུག་གི་ངོ་སྤྲོད་ནི། དེ་ལྟར་དབང་ཐོབ་སློབ་བུ་ཐ་མལ་པའི། །གནས་ལས་གྱུར་ཏེ་ལུས་ལྷ་ངག་རྒྱུད་སྔགས། །སེམས་ཉིད་གཞོམ་མེད་རྡོ་རྗེའི་རང་བཞིན་དང་། །དབྱེར་མེད་ཉིད་དུ་གྱུར་ལ་འདོན་ཡོན་སྨན། །འཕྲིན་ལས་རྣམ་བཞིས་གང་ལ་(༥ན)

― GLG025_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོགས་མེད་པར། །སྤྱོད་པས་ཕྱེ་བས་ང་རྒྱལ་ལེགས་བསམ་མོ། །དེ་ནས་དགའ་སྟོན་ཚོགས་ཀྱི་ཡོ་བྱད་རྣམས། །སྔོན་དུ་ལས་བྱེད་ཀྱིས་བཏེག་གསང་ཆུ་གཏོར། །བདག་གི་ཐུགས་ནས་གུ་རུ་ཡེ་ཤེས་སེམས། །སྐུ་གསུང་ཐུགས་ཀྱི་གནས་ནས་ཡིག་འབྲུ་གསུམ། །ཨཱོཾ་འཕྲོས་ཚོགས་ཀྱི་མ་དག་ཉེས་ཀུན་སྦྱངས། །ཨཱཿའཕྲོས་འདོད་ཡོན་དྲུག་གི་མཆོད་པར་བསྒྱུར། །ཧཱུཾ་འཕྲོས་སྤེལ་བས་ནམ་མཁའི་མཛོད་བཞིན་གྱུར། །ཨཱོཾ་ཨཱཿཧཱུཾ། ཞེས་པས་བྱིན་རླབས་གཙང་མའི་སྣོད་དུ་བཤམས། །གྷུ་རུ་ཨཱོཾ་ཨཱཿཧཱུཾ་ག་ཎ་ཙཀྲ་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི། བྷདྡྷ་དྷརྨ་སངྒྷ་དེ་ཝ་ཌཱ་ཀི་ནི་ག་ཎ་ཙཀྲ་པཱུ་ཙ་ཁ་ཁ་ཁཱ་ཧི་ཁཱ་ཧི། ཞེས་བསྔོས་ཚོགས་ཀྱི་འཐོར་ཕུད་སློབ་དཔོན་གྱིས། ཕྱོགས་བཞིར་གཏོར་ལ་བདག་ཉིད་ལྷར་གསལ་བས། །ནང་གི་སྦྱིན་སྲེག་དོན་དང་ལྡན་པར་རོལ། །དེ་བཞིན་སློབ་བུའི་ལག་གཉིས་ཐབས་ཤེས་ནང་། །སིདྡྷི་ས་མ་ཨ་ཧོ་སུ་ཁ་ཧོཿ ཞེས་བརྗོད་ཚོགས་ཀྱི་དངོས་གྲུབ་ལག་ཏུ་གཏད། བུས་བླང་སིདྡྷི་ཨ་ལ་ལ་ཧོཿ ཞེས། རོལ་ལ་དེ་ནས་ཀ་པཱ་ལ་ཡི་དབང་། །བསྐུར་བའི་གཏོར་མ་དེ་ཉིད་སྤྲོས་བྱས་ལ། །གོང་བཞིན་དངོས་གྲུབ་རྫས་ལ་རོལ་དུ་གཞུག །དཀར་དམར་གཏོར་མ་གཙང་མའི་ཕུད་ཀྱིས་བྲན། །ཨཱོཾ་ཨཱཿཧཱུཾ། འདོད་ཡོན་ལྔ་ལྡན་མཆོད་པ་དམ་པ་འདི། །ཆོས་སྐྱོང་རྒྱལ་པོ་ཆེན་པོ་སྡེ་བཞི་དང་། །སྨན་གྱི་བཀའ་སྲུང་མཐུ་ཆེན་དྲེགས་པ་དགུ། །གཏེར་བདག་དམག་དཔོན་ཡང་ལེ་བེར་རྣམས་ལ། །འབུལ་ལོ་མཆོད་སྦྱིན་གཏོར་མ་འདི་བཞེས་ལ། །རིགས་འཛིན་པདྨའི་བཀའ་བཞིན་སྙིགས་དུས་འདིར། །གསོ་རིག་བསྟན་པ་དར་ཞིང་ནད་རིགས་འཇོམས། །བདག་ཅག་དཔོན་སློབ་བསམ་དོན་གྲུབ་པར་མཛོད། །ཅེས་པས་བསྔོས་ལས་ཕྱོགས་གཙང་སར་བསྐྱལ། །སྦྱར་བྱང་ལྟ་བུར་འདུག་ཀྱང་ཆེ་བ་བརྗོད་ཅིང་སྤྲོ་བ་བསྐྱེད་ཕྱིར་འདི་སྐད་དོ། །སློབ་དཔོན་ཆེན་པོ་པདྨའི་དགོངས་པའི་ཀློང་། །(༥བ)

― GLG025_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོལ་ཕྱིར་སྤྲུལ་འཁོར་གསུམ་སོགས་ཞུས་པའི་ལན། །གསོ་དཔྱད་བདུད་རྩི་བུམ་པ་མ་བུའི་སྐོར། །གསང་སྔགས་ལམ་གྱི་རིམ་པ་རྩ་འགྲེལ་བཅས། །བསྟན་པ་སྲུང་ཕྱིར་སྐུ་དགྲ་བསྒྲལ་ཐབས་ཏེ། །རྣམ་པ་གསུམ་ལ་སོགས་ཏེ་མདོར་བསྡུ་ན། །གུ་རུ་པདྨས་མཛད་པའི་རིག་པའི་གནས། །ཐམས་ཅད་ཀུན་གྱི་སྣོད་རུང་འདིས་ཆོག་གོ །ནད་པ་གསོ་བ་ལ་ཡང་སྔོན་ཉིད་དུ། །སྣོད་རུང་བྱས་ལ་དེ་ནས་སྨན་དཔྱད་སོགས། །བཏང་བས་ནུས་ཆེ་མཇུག་ལ་བཀྲ་ཤིས་སོ། །སློབ་བུ་ཡོན་བདག་སྙིང་དང་འདྲ་བ་ལ། །སྲུང་བ་མན་ངག་སྦྱིན་པར་བྱེད་ན་ཡང་། །སྔོན་ལ་སྣོད་རུང་བྱས་ལ་སྲུང་ཡོན་གྱི། །མེ་ཏོག་འབུལ་དུ་བཅུག་ལ་སྲུང་བ་བཏགས། །དེ་ལྟར་བྱས་པས་གདགས་བྱ་དག་ལ་ཡང་། །བར་གཅོད་གདོན་གྱི་གནོད་པས་མི་ཚུགས་སོ། །ཞེས་བརྗོད་མེ་ཏོག་གཏོར་ལ། བྱ་ཚེགས་ཆུང་ལ་འགྲོ་དོན་རྒྱ་ཆེ་བ། །སྣོད་རུང་རྩ་བ་མདོར་བསྡུས་སྤྲོས་པའོ། །འཆི་མེད་བདུད་རྩིས་སྒྲིབ་གཉིས་དྲི་མ་འཁྲུད། །རྣམ་དག་དབང་གི་ཆུ་རྒྱུན་བུམ་པའི་བཅུད། །མ་ལུས་སེམས་ཅན་ཀུན་ལ་ཁྱབ་པར་ཤོག །ཅེས་དང་གཞན་ཡང་བཀྲ་ཤིས་ཀྱི་ཚིགས་བཅད་ཅི་རིགས་པ་བྱའོ། །སྨྲས་པ། རྙིང་རློམ་དྲེགས་པས་ཉེར་སྤོས་འབྱུང་པོའི་བྱ། །བླུན་རྨོངས་མུན་པའི་སྨག་ཏུ་གར་རྩེ་ཞིང་། །ལོག་བཤད་ཐན་སྐད་སྒྲོག་རྣམས་ཉིན་མོའི་མལ། །མི་སྨྲ་གཉིད་ལ་ཡུར་ན་ཅུང་ཟད་མཛེས། །རིགས་གསུམ་དགོངས་དོན་པདྨའི་ཐུགས་ཀྱི་བཅུད། །རིས་མེད་འགྲོ་སྲོག་འཚོ་བའི་སྨན་དཔྱད་འདིར། །སྔགས་བཙུན་ཕལ་དང་དཔོན་ཚང་མཚན་འཛིན་པ། །མང་པོའི་སྤྱན་ཟུར་གཟིགས་པ་ཅུང་མ་ལྷུང་། །བསྐལ་མཐར་བར་པ་ཏ་སོགས་གསོ་དཀའི་ནད། །དྲུངས་འབྱིན་སྟོད་གཏེར་ལས་འོངས་བདུད་རྩིའི་རྒྱུན། །འཐུང་འདོད་གཟུར་གནས་མང་པོར་ཕན་པའི་ཆེད། །སྣོད་རུང་དབང་གི་ལག་ལེན་ལྷུག་པར་བཀོད། ཁོ་བོ་སྔ་འགྱུར་བསྟན་འཛིན་གྲལ་རིང་ལ། །ཆུད་པའི་སྙན་པོའི་མིང་དང་མི་ལྡན་ཡང་། །

― GLG025_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་ཀ་རའི་བྱིན་རླབས་སྙིང་དབུས་སུ། །འཕོས་པའི་བཟང་པོའི་སྐལ་ཅན་ཡིན་ནམ་སྙམ། །པད་རྩ་ལྟར་དཀར་དགེ་བའི་ལྷ་ཡི་ཆུས། །སེམས་ཅན་ཀུན་གྱི་ནད་རྣམས་གཞིལ་མཛད་པའི། །སྨན་གྱི་བླ་མ་བཻ་ཌཱུཪྻ་འོད་དང་། །མཚུངས་པར་ཕན་བདེའི་སྒོ་བརྒྱ་འབྱེད་པར་ཤོག །ཅེས་འཆི་མེད་བདུད་རྩི་བུམ་པའི་རྣམ་དག་དབང་གི་ཆུ་རྒྱུན་གྱི་གསལ་བྱེད་བདུད་རྩིའི་ཟླ་སྣང་འདི་ནི་མཆོད་དཔོན་ངག་དབང་ཤེས་རབ་ཀྱིས་བླ་མ་དམ་པར་སྨིན་བྱེད་ཀྱི་གསོལ་བ་བཏབ་པས་མཚམས་སྦྱར་ཏེ་གཏེར་ཆེན་ཆོས་ཀྱི་རྒྱལ་པོ་གཏེར་བདག་གླིང་པས་འདི་ལྟ་བུ་གྱིས་ཞེས་བཀས་བསྐུལ་བ་དང་དུ་བླངས་ཏེ་རྩ་བའི་བླ་མ་ཁྱབ་བདག་ཆོས་དབྱིངས་རང་གྲོལ་གྱི་བཀའ་དྲིན་ལས་ཆོས་ཚུལ་འདི་ལ་གོམས་པའི་ཟ་ཧོར་གྱི་རིགས་ལས་གཡོ་རུ་ལྷོ་བརྒྱུད་དུ་སྐྱེས་པའི་སྔགས་པ་རྒན་པོ་ཆེ་མཆོག་འདུས་པ་རྩལ་གྱིས་ཆོས་རྒྱལ་དབང་པོའི་སྡེའི་ལྗགས་བསྒྲིགས་རྡོ་རྗེའི་གསུང་དངོས་གཞི་སོར་བཞག་ལ་ཁ་སྐོང་དང་འཁྲུགས་བསྡེབས་ཕྱག་བཞེས་འཕྱུགས་མེད་དུ་བག་ཡོད་ཀྱི་ལོ་རྟ་ཆེན་ཟླ་བའི་ཉེར་དགུ་ལ་ཕོ་བྲང་དམར་པོ་རིར་སྦྱར་བའི་ཡི་གེ་པ་ནི་འཕྱོང་རྒྱས་ལྐོག་པ་ཕུན་ཚོགས་དབང་པོས་བགྱིས་པ་ཛ་ཡནྟུ། །སརྦ་མངྒ་ལཾ།།

ལྷ་བྲག་གཏེར་བྱོན་ནང་སྒྲུབ་ལྕགས་ཀྱི་སྡོང་པོའི་ལས་བྱང་དབང་ཆོག་དང་བཅས་པ་གངྒཱའི་ཆུ་རྒྱུན།

― GLG025_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་བྲག་གཏེར་བྱོན་ནང་སྒྲུབ་ལྕགས་ཀྱི་སྡོང་པོའི་ལས་བྱང་དབང་ཆོག་དང་བཅས་པ་གངྒཱའི་ཆུ་རྒྱུན་བཞུགས་སོ། །

― GLG025_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་ནཱ་ཐཱ་ཡུརྫྙཱ་ན་པ་རི་མི་ཏཱ་ཡ། མི་འགྱུར་བདེ་ཆེན་ཆོས་སྐུ་གར་གྱི་དབང་། །ལོངས་སྤྱོད་རྫོགས་སྐུའི་རྣམ་རོལ་ཚེ་མཐའ་ཡས། །འཇའ་ལུས་མངོན་གྱུར་སྤྲུལ་སྐུ་པདྨ་འབྱུང་། །སྐུ་གསུམ་དངོས་པོ་གཅིག་གྱུར་གཙུག་ན་མཛེས། །ལྕགས་ཀྱི་སྡོང་པོའི་སྲོག་རྩ་གཞོམ་བྲལ་ཁམས། །འཆི་མེད་གྲུབ་པའི་བཅུད་ལེན་ཟབ་དོན་སྒོ། །འབྱེད་མཛད་རིགས་འཛིན་རྒོད་ལྡེམ་སྙན་གྲགས་རྔ། །ཀུན་ཁྱབ་གཏེར་ཆེན་ཆོས་ཀྱི་རྒྱལ་པོ་བསྔགས། །མཁྱེན་པའི་སྤྱན་ལྡན་སེ་སྟོན་རིན་རྒྱལ་ཞབས། །ཁྲི་སྲོང་རྣམ་སྤྲུལ་ཆེ་མཆོག་འདུས་པ་རྩལ། །བཀའ་དྲིན་མཉམ་མེད་ཟུར་ཆེན་རྡོ་རྗེ་འཆང་། །རྩ་བརྒྱུད་བླ་མས་བྱང་ཆུབ་བར་དུ་སྐྱོངས། །རྫུ་འཕྲུལ་དཔག་དཀའ་སྔགས་སྲུང་སྲིད་པའི་རྒྱལ། །དམ་ཅན་སྐྱེས་བུ་རྡོ་རྗེ་ལེགས་པ་སོགས། །གཏེར་སྐྱོང་རྣམས་ཀྱིས་གནང་བ་ཉེར་སྩལ་ནས། །མི་འཛད་དངོས་གྲུབ་ནམ་མཁའ་མཛོད་སྒོ་ཕྱེ། །ཨཽ་ཌྜི་ཡ་ནའི་མཁན་པོ་འཛམ་གླིང་འདིར། །བརྟུལ་ཞུགས་སྤྱོད་པའི་དབང་པོ་ཐུགས་ཀྱི་བཅུད། །འཆི་མེད་ཚེ་བྱད་སྨིན་བྱེད་མཐོ་རིས་ནས། །ཡན་ལག་བརྒྱད་ལྡན་ཆུ་རྒྱུན་དེང་འདིར་འབབ། དེ་ཡང་དུས་གསུམ་སངས་རྒྱས་ཀུན་གྱི་སྤྱི་གཟུགས་སློབ་དཔོན་ཆེན་པོ་པདྨ་(༢ན)

― GLG025_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོད་འཕྲེང་རྩལ་གྱིས་ཁ་བ་ཅན་གྱི་སྐྱེ་དགུ་རྣམས་གདུང་བ་སེལ་བའི་སླད་དུ་མཐའ་དབུས་ཐམས་ཅད་ཟབ་མོའི་གཏེར་གྱི་ཕྱག་རྒྱས་བཏབ་པའི་ནང་ཚན། ལས་དང་སྐལ་བར་ལྡན་པའི་སྤྲུལ་པའི་གཏེར་སྟོན་བརྒྱ་ཕྲག་བརྡལ་བར་བྱོན་པའི་ནང་ནས་རི་ཁྲོད་པ་བཟང་པོ་གྲགས་པའི་གཏེར་ལུང་སྙིང་ཏིག་གནད་ཀྱི་མན་ངག་དོན་བདུན་མ་ལས། བྱང་ཕྱོགས་མཐོ་ཡོར་ནག་པོའི་ས་ཕྱོགས་སུ། །རི་བོ་བཀྲ་བཟང་ཞེས་པའི་ཤར་འདབས་སུ། །ཆུ་ཁམས་གླང་ལོ་སྨེ་བའི་མཚན་རྟགས་ཅན། །པདྨ་ང་ཡིས་བྱིན་གྱིས་བརླབས་པའི་རྟགས། །སྤྱི་བོར་རྒོད་ཀྱི་ལྡེམ་ཕྲུ་ཡང་ཡང་འབྱུང་། ཞེས་དང་། དེ་ཉིད་ཀྱི་ནང་གཏེར་ལྷ་སྲས་ཀྱི་ཞུས་ལན་སྐབས་ལས། དུས་ངན་ཐ་མ་མཐར་ཐུག་སླེབ་ཀ་རུ། །རི་བོ་བཀྲ་བཟང་ཞེས་བྱའི་ཤར་འདབས་སུ། །སྦས་པའི་རྣལ་འབྱོར་གཅིག་གི་སྨོན་ལམ་གྱིས། །ང་ཡི་གཏེར་འདོན་ལྷ་སྲས་གདུང་བརྒྱུད་སྐྱོབ། །ཐུགས་ངལ་མ་མཛད་ལྷ་སྲས་བོད་ཀྱི་རྗེ། །དུས་ངན་སྙིགས་མའི་སེམས་ཅན་ཟོག་པོས་འདུལ། །དེ་ཡི་སྐྱོན་གྱིས་ལོག་ལྟའི་འདམ་ལ་ཚུད། །ཆོས་དང་ཆོས་འདྲ་མི་ཕྱེད་ཐེ་ཚོམ་ཆེ། །རི་བོ་བཀྲ་བཟང་འདབས་སུ་འབྱུང་བ་དེ། །གསང་སྔགས་ཐེག་པ་ཆེན་པོའི་བཀའ་དང་མཐུན། །དགེ་བའི་ཚུལ་སྤྱོད་སྦས་པའི་རྣལ་འབྱོར་པས། །གུང་ཐང་(༢བ)

― GLG025_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་པོ་རྗེ་འབངས་སྐྱོབ་པར་ངེས། །ཞེས་གསལ་བར་ལུང་དང་མཐུན་པར་བྱོན་པའི་གཏེར་ཆེན་གྱི་རྒྱལ་པོ་དངོས་གྲུབ་རྒྱལ་མཚན་ནམ། མཚན་ཡོངས་སུ་གྲགས་པ་རིགས་འཛིན་རྒོད་ཀྱི་ལྡེམ་ཕྲུ་ཅན་གྱི་བྱང་ཕྱོགས་བྲག་རི་དུག་སྦྲུལ་སྤུངས་འདྲའི་རྐེད་པར་གཞོམ་མེད་རྡོ་རྗེའི་སྒྲོམ་བུར་རྒྱས་བཏབ་པ་མཛོད་ལྔ་འདུས་པའི་ནང་ཚན་ལས། ལྷོ་གསེར་མཛོད་སེར་པོའི་ཆོས་སྡེའི་བྱེ་བྲག་དྲག་པོ་ཐུགས་ཀྱི་སྒྲུབ་པའི་ཧཱུཾ་གི་འཕྲིན་ལས་སྐབས་ལས། །དེ་ཡི་རྗེས་འཇུག་རྣལ་འབྱོར་བ། །མན་ངག་འདི་དང་འཕྲད་པའི་ཚེ། །བརྩོན་འགྲུས་དྲག་པོས་བར་ཆད་སྤང་། །ཉམས་ལེན་དྲག་པོས་དངོས་གྲུབ་ཐོབ། །ཐེ་ཚོམ་སྤངས་ལ་སྒྲུབ་པར་མཛོད། །བུ་ཁྱོད་ཡི་དམ་འདི་ལ་མཛོད། །བདག་དང་ཞལ་མཇལ་ལུང་སྟོན་ངེས། །ཞེས་རིགས་འཛིན་རྡོ་རྗེ་དྲག་པོ་རྩལ་གྱི་གདམས་སྐོར་ཆོས་ཚན་ཉེར་ལྔ་ཐེམས་བྱང་ཐེམས་མེད་དང་བཅས་པ་སྤྱན་དྲངས་པའི་བྱེ་བྲག་ཆོས་ཚན་བཅུ་དགུ་བ། ཐེམས་བྱང་ལས། རྣལ་འབྱོར་ཚེ་སྲོག་གསོ་བའི་ཕྱིར། །ཕྱི་ནང་གསང་བའི་ཚེ་སྒྲུབ་ཡོད། །ཅེས་གསུངས་པའི་ཚེ་སྒྲུབ་ཕྱི་ནང་གསང་གསུམ་ལས། ནང་སྒྲུབ་ལྕགས་ཀྱི་སྡོང་པོའི་ལས་བྱང་དང་། དབང་ལ་བརྒྱུད་ཚུལ་རྣམ་གྲངས་མང་ཞིང་ཕྱག་ལེན་ཀྱང་འདྲ་མིན་སྣ་ཚོགས་སྣང་བ་ལས། མཁྱེན་པའི་སྤྱན་ལྡན་རིག་སྔགས་འཆང་བའི་དབང་ཕྱུག་སེ་སྟོན་རིན་ཅེན་རྒྱལ་མཚན་དང་། པདྨའི་གདུང་འཚོབ་ཆོས་རྒྱལ་མངྒའི་མཚན་ཅན་ཡབ་སྲས་ཀྱི་ཕྱག་ལེན་འཁྲུལ་མེད་རྩ་བའི་བླ་མ་ཟུར་ཐམས་ཅད་མཁྱེན་པ་ལས་ཐོབ་པ་དང་། སྣང་བ་མ་ངེས་ཀྱི་དོགས་གནམ་སྤྲུལ་པའི་སྐུ་མཆོག་པདྨ་འཕྲིན་ལས་ལ་ཉེ་བར་དཔྱད་པ་བཞིན་བཀོད་པ་ལ། གཏེར་གཞུང་ལས། ཡར་ངོ་དུས་དང་གཟའ་སྐར་བཟང་པོ་ལ། །ས་བཅད་བཀྲ་ཤིས་དབེན་པའི་གནས་བཙལ་ཏེ། །འབྲུ་སྦས་རཏྣ་སྨན་དང་སྙིང་པོ་ལྔ། །རྒྱུན་ཆད་མེད་པའི་ཆུ་ཡིས་བུམ་པ་བཀང་། །(༣ན)

― GLG025_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

གཙང་མའི་གོས་དཀྲིས་དཔག་བསམ་སྡོང་པོས་བརྒྱན། ཞེས་པ་ལྟར། སྟེགས་བུའི་ཁང་རྟེན་ཁེབས་སོགས་ཀྱིས་མཛེས་པར་བྱས། །དབུས་སུ་མཎྜལ་ལྟ་བུའི་ཁྲར་རྡུལ་ཚོན་གྱི་པདྨ་འདབ་བརྒྱད་སྔོན་པོའང་། རས་བྲིས་ཀྱང་རུང་། དེ་སྟེང་མཉྫིའི་ཁར་རིན་པོ་ཆེ་བུམ་པ་མཚན་ཉིད་དང་ལྡན་པ་སྲོག་ཆགས་མེད་པའི་ཆུ་གཙང་གིས་སུམ་གཉིས་བཀང་བར་བུམ་རྫས་ཉེར་ལྔ་དང་། ལུགས་སྲོལ་འདི་ལ་དམ་ཚིག་གི་ལྷད་མ་ཞུགས་པའི་རིགས་འཛིན་རྣམས་ཀྱིས་བསྒྲུབ་པའི་ཚེ་རྫས། ཆོས་སྨན་ཁུངས་བཙུན་བཏབ། མགུལ་ཆིངས་དམར་པོ། ཁ་རྒྱན་ཙཀླི། གཟུངས་ཐག །གཡས་སུ་ཚེ་རིལ། གཡོན་དུ་ཚེ་ཆང་། མདའ་རྒོད་སྒྲོ་མར་དར་ཚོན་སྣ་ལྔ་མེ་ལོང་ཚེ་གཡུ་དང་བཅས་པ། ལི་ཁྲི། ཆུ་གཉིས་སྔོན་དུ་འགྲོ་བའི་ཉེར་སྤྱོད། གཡས་སུ་ཐུགས་སྒྲུབ་ཀྱི་དཔལ་གཏོར་ལས་བཞི་ལྷུན་གྲུབ། སྨན་རཀྟ། རྒྱལ་པོ་བཞི། སྔགས་སྲུང་། རྡོར་ལེགས་རྣམས་ཀྱི་གཏོར་མ། བགེགས་གཏོར། ཚོགས་མཆོད། ཨར་སྐྱ། གུ་གུལ། ཡུངས་ཀར། འཐོར་ནས། རྡོར་དྲིལ། རོལ་མོ་སོགས་མཁོ་བའི་ཡོ་བྱད་རྣམས་འདུ་བྱས། ཐུགས་སྒྲུབ་དྲག་པོ་རྩལ་གྱི་སྔོན་འགྲོ་གཟེར་ལྔ་དང་འབྲེལ་བའི་ལས་བྱང་། བསྙེན་པ་སུམ་བརྒྱ་ཉེར་གཅིག །འཛབ་བསྐུལ། དོན་བསྟོད་དང་བཅས་པ། བསྔུ་ན་སྔགས་ཀྱི་འཕྲིན་ལས་ཙམ་གྱིས་ཀྱང་རུང་། ཐུགས་སྒྲུབ་ལས་བྱང་དང་འབྲེལ་བ་རིགས་འཛིན་ཆེན་པོ་ངག་གི་དབང་པོ་ནན་ཏན་དུ་མཛད། མ་འགྲུབ་ན་ཚེ་ཆང་ཙམ་ལ་བརྟེན་ཀྱང་ཆད་ལྷག་ཏུ་མི་འགྱུར། །དེ་ནས་བདག་བསྐྱེད་ལ་བརྒྱུད་འདེབས་ནི། །མགོན་པོ་ཚེ་དཔག་མེད་ལ་གསོལ་བ་འདེབས། །ལྷ་མོ་ཙཎྜ་ལི་ལ་གསོལ་བ་འདེབས། །འཆི་མེད་པདྨ་འབྱུང་གནས་ལ་གསོལ་བ་འདེབས། །མཁའ་འགྲོ་ཡེ་ཤེས་འཚོ་རྒྱལ་ལ་གསོལ་བ་འདེབས། །གཏེར་སྟོན་(༣བ)

― GLG025_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་འཛིན་ཆེན་པོ་ལ་གསོལ་བ་འདེབས། །རིགས་འཛིན་སངས་རྒྱས་བྱམས་བཟང་ལ་གསོལ་བ་འདེབས། །སེ་སྟོན་ཉི་མ་བཟང་པོ་ལ་གསོལ་བ་འདེབས།།སེ་སྟོན་མགོན་པོ་བཟང་པོ་ལ་གསོལ་བ་འདེབས། །སེ་སྟོན་རིན་ཅེན་རྒྱལ་མཚན་ལ་གསོལ་བ་འདེབས། །སྤྱན་ཚབ་མགོན་པོ་ཟླ་བ་ལ་གསོལ་བ་འདེབས། །མཉམ་མེད་ཆོས་ཀྱི་རྒྱལ་མཚན་ལ་གསོལ་བ་འདེབས། །ཆོས་རྒྱལ་བཀྲ་ཤིས་སྟོབས་རྒྱལ་ལ་གསོལ་བ་འདེབས། །རིགས་འཛིན་ངག་གི་དབང་པོ་ལ་གསོལ་བ་འདེབས། །ཟུར་ཆེན་ཆོས་དབྱིངས་རང་གྲོལ་ལ་གསོལ་བ་འདེབས། །དྲིན་ཅན་རྩ་བའི་བླ་མ་ལ་གསོལ་བ་འདེབས། །སྐྱབས་འགྲོ་ནི། ཧཱུཾ། ཆོས་སྐུ་ལོངས་སྐུ་སྤྲུལ་སྐུ་གསུམ། །ཐུགས་རྗེས་བདག་ལ་དགོངས་སུ་གསོལ། །མཉམ་ཉིད་རང་བཞིན་དགོངས་པ་ཅན། །སངས་རྒྱས་རྣམས་ལ་སྐྱབས་སུ་མཆི། །ཡེ་ཤེས་རང་སྣང་ཐུགས་རྗེ་ཅན། །ཡི་དམ་ལྷ་ལ་སྐྱབས་སུ་མཆི། །སྨོན་ལམ་དབང་གིས་འགྲོ་དོན་མཛད། །བླ་མ་རྣམས་ལ་སྐྱབས་སུ་མཆི། །མ་ཆགས་གསུང་གིས་འགྲོ་དོན་མཛད། །དམ་པའི་ཆོས་ལ་སྐྱབས་སུ་མཆི། །མ་ནོར་ལམ་ལ་འདྲེན་མཛད་པའི། །དགེ་འདུན་རྣམས་ལ་སྐྱབས་སུ་མཆི། །རང་བྱུང་ཆེན་པོ་སྤྲུལ་པའི་སྐུ། །པདྨ་འབྱུང་གནས་ཉིད་ལ་འདུད། །ལེགས་ཉེས་སྟངས་འཛིན་དངོས་གྲུབ་སྟེར། །མཁའ་འགྲོའི་ཚོགས་ལ་སྐྱབས་སུ་མཆི། །བདག་ལ་ཚེ་ཡི་དངོས་གྲུབ་སྩོལ། །ཞེས་ལན་གསུམ་བརྗོད། སེམས་བསྐྱེད་ནི། ཧཱུཾ། བདག་གིས་འགྲོ་བའི་དོན་བྱ་ཕྱིར། །ཚེ་ལོ་དཔག་ཏུ་མེད་པ་ནས། །བརྒྱད་ཁྲིའི་བར་དུ་ཚེ་སྲོག་ནི། །སྲ་ཞིང་བརྟན་པར་བྱིན་གྱིས་རློབས། །བཅོམ་ལྡན་མགོན་པོ་ཚེ་དཔག་མེད། །བདག་ལ་ཚེ་ཡི་དངོས་གྲུབ་སྩོལ། །ཞེས་ལན་གསུམ་བརྗོད། ལྷ་བསྐྱེད་པ་ནི། དང་པོ་སྟོང་པའི་ངང་ཉིད་ལས། །ལྕགས་ཀྱི་པདྨ་འདབ་བརྒྱད་གདན། །དེ་སྟེང་བདག་ཉིད་འོད་དཔག་མེད། །སྐུ་མདོག་དམར་པོ་སྐྱིལ་ཀྲུང་བཞུགས། །སྤྲུལ་སྐུའི་ཆ་བྱད་དར་ཆོས་མནབས། །ཕྱག་གཉིས་མཉམ་གཞག་ཚེ་བུམ་འཛིན། །སྐུ་ཚེ་ཡན་ལག་(༤ན)

― GLG025_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

རགས་པའི་ཚད། །ཕྲག་པ་གཡས་གཡོན་ཉི་ཟླ་འཆར། །དངས་མ་འོད་ལྔའི་རྒྱབ་ཡོལ་ཅན། ཁོད་པའི་ནང་ནས་བག་ཆགས་ཀྱི། །སྙིགས་མ་གདོས་བཅས་ཐམས་ཅད་སྦྱངས། །འཆི་མེད་ཚེ་ཡི་བདུད་རྩིས་གང་། །རཱ་ག་དམར་པོའི་མདོག་ལྟར་གསལ། །སྤྱི་བོའི་གཙུག་ནས་གསང་གནས་བར། །ལྕགས་ཀྱི་སྲོག་རྩ་སྨྱུག་སྡོང་ཙམ། །ཀ་བ་བཙུགས་པ་ལྟ་བུར་བསམ། ནང་ན་སྟོང་འབོད་གསལ་མ་དངས། ཁ་དོག་ལྔར་གསལ་འོད་ཟེར་འབར། །སྲོག་རྩའི་ཕྱི་ན་སྔགས་ཀྱི་འབྲུ། །དུང་མདོག་ཟིལ་ཆགས་ལྟ་བུར་བསམ། །བདེ་བ་ཅན་ནས་ཡེ་ཤེས་སེམས། །རང་འདྲ་སྤྱན་དྲངས་མཁའ་ལ་བཞུགས། །བུམ་པའི་ནང་ནས་ཚེ་བཅུད་ལུད། །བདག་གི་ཚངས་བུག་ནང་དུ་བབས། །དབང་བསྐུར་ལྷ་དང་དབྱེར་མེད་གྱུར། །ལྷ་དང་སྲོག་རྩ་བདུད་རྩི་ལས། །འོད་འཕྲོས་གསལ་འཚེར་མདངས་དང་ལྡན། །ཐོ་རངས་སྔགས་འདི་བརྒྱ་རྩ་བཟླས། ཨཱོཾ་ཨཱཿཧཱུཾ་ན་མོ་བྷ་ག་ཝ་ཏེ་ཨ་པ་རི་མི་ཏ་ཨཱ་ཡུ་རྫྙཱ་ན་སུ་བི་ནི་ཤྩིཏ་ཏེ་ཛོ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། ས་མྱ་ཀྶཾ་བུདྡྷཱ་ཡ། ཏདྱ་ཐཱ། ཨོཾ་སརྦ་སཾ་སྐཱ་ར་པ་རི་ཤུདྡྷ་དྷརྨ་ཏེ་ག་ག་ན་ས་མུདྒ་ཏེ་སྭ་བྷཱ་ཝ་བི་ཤུདྡྷེ། མ་ཧཱ་ན་ཡ་པ་རི་ཝཱ་རེ་སྭཱ་ཧཱ། ཎི་བྷྲཱུཾ་བཛྲ་ཨཱ་ཡུ་ཥེ་ཨཱ་ཡུ་རྫྙཱ་ན་སིདྡྷི་ཨ་བྷྲཱུཾ། ཏིང་འཛིན་སྔགས་ཀྱི་འོད་ཟེར་ནི། ལྕགས་ཀྱུ་ལྟ་བུས་སྣོད་བཅུད་གང་། །སངས་རྒྱས་བྱང་ཆུབ་སེམས་དཔའ་ཡི། །ཐུགས་རྗེའི་བྱིན་རླབས་སིདྡྷི་བསྡུས། །ཕྱོགས་སྐྱོང་མཁའ་འགྲོ་སྡེ་བརྒྱད་ཀྱི། །རྫུ་འཕྲུལ་ཚེ་བཀྲག་གཟི་མདངས་ཕྲོགས། །རི་རབ་གླིང་བཞི་གླིང་ཕྲན་དང་། །གསེར་གྱི་རི་བདུན་རོལ་མཚོ་དང་། རྩི་ཤིང་ནགས་ཚལ་རཏྣའི་ཚོགས། །འབྱུང་བ་ལྔ་ཡི་དངས་མ་བསྡུས། །ལྷ་ཀླུ་མི་ཡི་དབང་ཐང་དང་། །བསོད་ནམས་མི་ཡི་དངོས་གྲུབ་བསྡུས། །བདུད་རྩིའི་འོད་ཟེར་ཆར་ལྟར་བབས། །ཐམས་ཅད་མ་ལུས་བདག་ལ་ཐིམ། །བདག་ལུས་བདུད་རྩིས་གང་བར་བསམ། །སྟོང་གསལ་འོད་(༤བ)

― GLG025_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་གོང་བུར་བསྒོམ། །ཞེས་དམིགས་པ་དང་བཅས་ཏེ་འཛབ་ལ་ཆིག་དྲིལ་བཟླ། །བདག་གི་སྤྱི་བོར་བྱོན་པ་ཡི། །ཡེ་ཤེས་སེམས་དཔའ་ཚེ་དཔག་མེད། །དམ་ཚིག་པ་དང་དབྱེར་མེད་དུ། །ཆུ་ལ་ཆུ་བཞག་ལྟ་བུར་གྱུར། །དེ་ནས་སྨོན་ལམ་ནི། ཧཱུཾ། སྐྱེ་འཆི་གཉིས་མེད་བདེ་བ་ཆེན་པོའི་དང་། །མི་འགྱུར་ཚེ་ཡི་དངོས་གྲུབ་བདག་ལ་སྩོལ། འདོན་པ་དེ་ཁྱད་ཀྱིས་ཤློ་ཀ་གཅིག་གསར་སྒྲིགས། །འབྱུང་ལྔ་འདུས་བ་གསལ་འཚེར་བརྟེན་པའི་སྐུ། །ཐུན་མོང་ཚེ་ཡི་དངོས་གྲུབ་བདག་ལ་སྩོལ། །ཨཱ་ཡུ་རྫྙཱ་ན་བྷིནྡྷ་བྷྲཱུཾ། ཎི་བྷྲུཾ་བཛྲ་ཨཱ་ཡུ་ཥེ་ཨཱ་ཡུ་རྫྙཱན་སིདྡྷི་ཨ་བྷྲུཾ། དགེ་བ་འདི་ཡིས་མྱུར་དུ་བདག །ཚེ་དཔག་མེད་མགོན་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། ཁྱོད་ཀྱི་ས་ལ་འགོད་པར་ཤོག །བལྟས་པ་ཙམ་གྱིས་སྲིད་གསུམ་དབང་དུ་སྡུད། །བསྡིགས་པ་ཙམ་གྱིས་སྡེ་བརྒྱད་བྲན་དུ་འཁོལ། །བསམས་པ་ཙམ་གྱིས་དངོས་གྲུབ་ཆར་དུ་འབབས། །ཨྱོན་བརྒྱུད་པར་བཅས་པའི་བཀྲ་ཤིས་ཤོག །ལོ་བརྒྱ་འཚོ་ཞིང་སྟོན་བརྒྱ་མཐོང་བ་དང་། །ཞེས་སོགས་ཀྱིས་ཤིས་པ་བརྗོད། ཕྱག་འཚལ་བ་དང་མཆོད་ཅིང་བཤགས་པ་དང་། །སོགས་དགེ་བ་བསྔོ། དེ་ནས་མདུན་བསྐྱེད་བསྒྲུབ་པ་ནི། གོང་ལྟར་སྔགས་དང་ཏིང་ངེ་འཛིན་རྒྱས་པར་བྱ། བདུད་རྩིའི་བཅུད་བསྡུས་བུམ་པའི་ནང་དུ་བསྟིམ། །རང་ལས་འོད་འཕྲོས་ཚེ་ཡི་སིདྡྷི་བསྡུས། །ཏིང་འཛིན་གསལ་བས་ཚེ་ཡི་འཕྲིན་ལས་བྱ། །ཞེས་པ་ལྟར། དཀྱིལ་འཁོར་དང་བུམ་པ་ལ་དམིགས་ནས། བཛྲ་ཨ་མྲྀ་ཏས་བསངས། སྭ་བྷཱ་ཝས་སྦྱངས། ཆོས་ཚིག་རྐང་དྲུག་གསར་སྒྲིགས། ཀུན་མི་དམིགས་སྟོང་པའི་ངང་། །བྷྲུཾ་ལས་རིན་ཅེན་བུམ་པ་ནི། །ལྟོ་ལྡིར་ཞབས་ཞུམ་མགྲིན་པ་ཕྲ། ཁ་གཡེལ་མཆུ་འཕྱང་ལྷ་རྫས་ཀྱི། །མགུལ་དཀྲིས་ལ་རྒྱན་དཔག་བསམ་ཤིང་། །ཆུ་དང་སྨན་བཅུད་ཀྱིས་གང་དབུས། །ལྕགས་ཀྱི་པདྨ་འདབ་བརྒྱད་གདན། །དེ་སྟེང་མགོན་པོ་འོད་དཔག་མེད། །(༥ན)

― GLG025_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་པ་ནས། དུང་མདོག་ཟིལ་ཆགས་ལྟ་བུར་བསམ། ཞེས་པའི་བར་དཀྱུས་ལྟར་ལ། ཧྲཱིཿ ནུབ་། ཚེ་གུར་ལས། ཕྱོགས་བདེ་བ་ཅན་གྱི་ཞིང་ཁམས་ནས། །བཅོམ་ལྡན་མགོན་པོ་ཡེ་ཤེས་ཚེ་དཔག་མེད། །བླ་མ་ཡི་དམ་མཁའ་འགྲོའི་ཚོགས་བཅས་རྣམས། །འཆི་མེད་ཚེ་ཡི་ལྷ་ཚོགས་འཁོར་དང་བཅས། །རང་བྱུང་ཡེ་ཤེས་བརྡ་ཡི་གླུས་བསྐུལ་ནས། །ཕྱག་རྒྱ་རོལ་པའི་གར་གྱིས་སྤྱན་འདྲེན་ན། །ལྷུན་གྲུབ་གཞལ་ཡས་གནས་འདིར་གཤེགས་ནས་ཀྱང་། །བདག་དང་སྐལ་ལྡན་རིགས་ཀྱི་བུ་རྣམས་ལ། །འཆི་མེད་ཚེ་ཡི་དབང་མཆོག་སྩལ་དུ་གསོལ། །བདེ་བ་ཅན་ནས་ཡེ་ཤེས་སེམས། །ཞེས་པ་ནས། དབང་བསྐུར་ལྷ་དང་དབྱེར་མེད་གྱུར། །ཛཿཧཱུཾ་བཾ་ཧོཿས་བསྟིམ། གལ་ཏེ་ཐུགས་སྒྲུབ་དང་མི་འབྲེལ་ན་མཆོད་པས་བརླབ་དགོས་པ་ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་བྷྲཱུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་ལ་སོགས་པ་དངས་ཤིང་ཐོགས་པ་མེད་པ་དཔལ་ཀུན་ཏུ་བཟང་པོའི་རྣམ་པར་སྤྲུལ་བ་ལས་བྱུང་བའི་མཆོད་པའི་སྤྲིན་ཕུང་བསམ་གྱིས་མི་ཁྱབ་པར་གྱུར། ཨོཾ་བཛྲ་ཨརྒྷཾ་ནས། ཤཔྟའི་བར་བརྗོད་པ་བདག་མདུན་འབྲེལ་མའི་དབང་དུ་བྱས་ཤིང་། བདག་བསྐྱེད་ཁོ་ནར་མི་དགོས། བདག་དང་སློབ་མ་ལྷ་སོགས་ཚིག་ཕྲད་བསྒྱུར་དགོས་པའི་རིགས་རིག་པས་འཕྲུལ་ཤེས་དགོས་སོ། །བཅོམ་གསར་སྒྲིགས། ལྡན་ཚེ་དཔག་མེད་མགོན་ལ། །མཆོད་ཡོན་ཞབས་བསིལ་མེ་ཏོག་དང་། །བདུག་སྤོས་སྒྲོན་མེ་དྲི་བཟང་ཆབ། །ཞལ་ཟས་སྒྲ་སྙན་རོལ་མོའི་ཚོགས། །འབུལ་གྱིས་དགྱེས་པར་བཞེས་ནས་ཀྱང་། །འཆི་མེད་ཚེ་ཡི་དངོས་གྲུབ་སྩོལ། །ཨཱོཾ་ཨ་པ་རི་མི་ཏ་ཨཱ་ཡུརྫྙཱ་ན་ས་པ་རི་ཝཱ་ར་ཨརྒྷཾ་ནས་(༥བ)

― GLG025_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

ཤཔྟའི་བར་བརྗོད།འཇིག་རྟེན་འདྲེན་པའི་གཙོ་བོ་ཚེ་དཔག་མེད་ཀྱིས་བསྟོད། ལྷ་འདི་ཡན་གྱི་གཏེར་གཞུང་རྣམས་བདག་བསྐྱེད་ལྟར་དཀྱུས་མ་གཅིག་ཏུ་མཛད་ནའང་སོ་སོའི་ཐད་དུ་འཕྲལ་ན་གསལ་བར་མངོན། དང་སྲོག་རྩ་བདུད་རྩི་ལས། །འོད་འཕྲོས་གསལ་འཚེར་མ་དངས་དང་ལྡན། །གཟུངས་ཐག་ནས་བཟུང་སྟེ་གོང་བཞིན་བཟླས་པ་བྱེད། །དེ་ནས་མདའ་དར་གཡབ་ཅིང་ཚེ་འགུགས་པ་ནི། བཅོམ་ལྡན་མགོན་པོ་ཡེ་ཤེས་ཚེ་དཔག་མེད། །འབྱུང་བ་ལྔ་ལ་དབང་སྒྱུར་ལྷ་མོའི་ཚོགས། །རྣལ་འབྱོར་བདག་གི་ཚེ་དང་གཡང་སྤེལ་ཞིག །སྟེང་འོག་ཕྱོགས་བཅུ་སྣོད་ཀྱི་འཇིག་རྟེན་ལ། །འཕྲོས་དང་འཁྱམས་དང་ཡང་པའི་ཚེ་ཁུག་ཅིག །སྟོང་ཕྲག་བརྒྱད་ཅུ་བགེགས་ཀྱི་ཚོགས་རྣམས་ཀྱིས། །བརྐུས་དང་ཕྲོགས་དང་བཞམས་པའི་ཚེ་ཁུག་ཅིག །འབྱུང་བ་དགྲ་གཤེད་འཁྲུགས་པའི་ལས་སྦྱོར་གྱིས། །ཉམས་དང་ཟད་དང་འཐོར་བའི་ཚེ་གསོས་ཤིག །ཡིད་ཀྱིས་དངངས་དང་ཧད་ཀྱིས་བརྒྱལ་བ་དང་། །ཡུད་ཀྱིས་འདྲོགས་པའི་ཚེ་དང་གཡང་སྤེལ་ཅིག །ཚེ་ཁུག་གཡང་སྐྱོབས་དངོས་གྲུབ་བདག་ལ་སྩོལ། །འབྱུང་ལྔ་འོད་ལྔ་འབར་བའི་ཚེ་བཅུད་བསྟིམ། །འཆི་མེད་ཚེ་ཡི་དངོས་གྲུབ་བདག་ལ་སྩོལ། །གཏེར་སྲུང་བསྐང་ཞིང་ཚོགས་མཆོད། རྩ་གསུམ་བསྐང་བའི་བར་བྱ་ཞིང་། ཚོགས་འབུལ་ཚིག་དཀྱུས་བཞིན་གྱི་སྟེང་། ཚེ་དཔག་མེད་ཀྱི་མཚན་སྔགས་ལ་ག་ཎ་ཙཀྲ་བཏགས་ནས་འབུལ། བདག་འཇུག་གསང་སྔགས་རྙིང་མའི་ཕྱོགས་ལ་ལེན་མི་ལེན་མཐའ་གཅིག་ཏུ་ངེས་པ་མེད་ཅིང་། པཎ་ཆེན་སྐུ་མཆེད་སོགས་མཛད་པ་ཤས་ཆེ་བས། དེ་དང་མཐུན་པར་རིགས་འཛིན་ངག་གི་དབང་པོ་ནན་ཏན་དུ་མཛད་པས་འགྲུབ་ན་ལེགས། སློབ་མ་རྗེས་སུ་འཛིན་པ་ལ། སློབ་མ་རྣམས་རྡོར་སེམས་སོགས་གང་ཡང་རུང་བས་བསྒྲུབས་པའི་བུམ་ཆུས་ཁྲུས་ནས་དབྱུང་། གྲལ་ལ་འཁོད། མེ་ཏོག་བཀྱེ་བསྡུ།བགེགས་གཏོར་བསྔོ་ཞིང་བསྐྲད། སྤྱི་དང་བྱེ་བྲག་བརྒྱུད་པའི་ལོ་རྒྱུས་སོགས་(༦ན)

― GLG025_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་སྤྲོ་བ་བསྐྱེད། མཎྜལ་ཕུལ། སྐྱེ་འཆི་གཉིས་མེད་བདེ་བ་ཆེན་པོའི་ངང་། །སོགས་ལན་གསུམ་གྱིས་གསོལ་བ་གདབ། །སྐྱབས་སེམས་ནི། ཐུགས་རྗེའི་དབང་གིས་འགྲོ་དོན་མཛད། །བླ་མ་རྣམས་ལ་སྐྱབས་སུ་མཆི། །རང་ལས་ཡེ་ཤེས་ཤར་བའི་སྐུ། །ཡི་དམ་ལྷ་ལ་སྐྱབས་སུ་མཆི། །དམ་ཚིག་རྣམ་པར་དག་པའི་སྐུ། །མཁའ་འགྲོའི་ཚོགས་ལ་སྐྱབས་སུ་མཆི། །སྔོན་ནས་བསགས་པའི་སྡིག་སྒྲིབ་བཤགས། །འགྲོ་དོན་སངས་རྒྱས་ཐོབ་བྱའི་ཕྱིར། །སྨོན་པའི་བྱང་ཆུབ་སེམས་བསྐྱེད་དོ། །སེམས་ཅན་ཡོངས་སུ་སྨིན་བྱའི་ཕྱིར། །གསང་སྔགས་སྤྱོད་པ་རླབས་ཆེན་སྤྱོད། །དོན་མ་སྤྲོས་བྲལ་བྱང་ཆུབ་སེམས། །རང་བྱུང་མཐའ་བྲལ་སྟོང་གསལ་བསྒོམ། །ལན་གསུམ་གྱིས་རྒྱུད་དག་པར་བྱ། བྱིན་དབབ་པ་ལ། ཨ་མྲྀ་ཏས་བསངས། སྭ་བྷཱ་ཝས་སྦྱངས། རང་ཤློ་ཀ་གཅིག་གསར་སྒྲིགས། ཉིད་ལྷར་གསལ་ཐུགས་ཀ་ནས། འོད་འཕྲོས་སློབ་མའི་ལུས་ལ་ཕོག །ནད་གདོན་སྡིག་སྒྲིབ་རྣམ་སྨིན་ལུས། །སྦྱངས་ཏེ་སྟོང་པའི་ངང་ཉིད་ལས། །ལྕགས་ཀྱི་པདྨ་འདབ་བརྒྱད་གདན། ཞེས་པ་ནས། འོད་འཕྲོས་གསལ་འཚེར་མདངས་དང་ལྡན། །གྱི་བར་བརྗོད། དེ་ནས་སློབ་དཔོན་དང་མདུན་བསྐྱེད་ཀྱི་ཐུགས་ཀ་ནས་འོད་ཟེར་འཕྲོས། ཡེ་ཤེས་པ་སྤྱན་འདྲེན་པའི་དམིགས་པ་དབང་ཆོག་གཞན་བཞིན་དུ་བརྡ་སྤྲད། ཧྲཱིཿ ནུབ་ཕྱོགས་བདེ་བ་ཅན་གྱི་ཞིང་ཁམས་ནས། །ཞེས་སོགས་ཀྱི་མཐར། ཨ་མ་ར་ཎི་དང་། ཨ་བེ་ཤ་ཡ་བརྗོད་ཅིང་སྤོས་རོལ་དང་བཅས་པས་བསྟིམ། སྤྱི་བོར་རྡོ་རྗེ་བཞག་ནས་ཏིཥྛ་བཛྲ་གྱིས་བརྟེན་པར་བྱ། མདའ་དར་དང་བཅས་ཏེ་ཚེ་འགུགས། གཞུང་ལས། ཞེས་བརྗོད་ཚེ་བུམ་སྤྱི་བོར་གཙུག་ཏུ་བཞག །གོང་གི་སྙིང་པོ་གསུམ་གྱིས་དངོས་གྲུབ་བསྟིམ། །བདག་གི་ཚངས་བུག་བརྒྱུད་ནས་བདུད་རྩི་བབས། ཁོག་པ་གང་ཞིང་དངོས་གྲུབ་ཐོབ་(༦བ)

― GLG025_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བསམ། ཞེས་པ་ལྟར། ཏིང་འཛིན་སྔགས་ཀྱི་འོད་ཟེར་ནི། ཞེས་སོགས་ཀྱི་མཐར་བུམ་པ་སྤྱི་བོར་བཞག་ཅིང་བུམ་ཆུ་བླུད་པ་སྐུའི་དབང་། ཚེ་འགུགས་ཀྱི་མཐར་བུམ་པ་མགྲིན་པར་བཞག་ཅིང་བུམ་ཆུ་བླུད་པ་གསུང་གི་དབང་། བླ་བརྒྱུད་མི་འདྲ་བ་ལུགས་གསུམ་གའམ། བསྡུ་ན་གོང་གི་གསོལ་འདེབས་ཀྱི་བརྒྱུད་པ་རྣམས་ཀྱི་མཐར་བུམ་པ་སྤྱི་བོར་བཞག །བུམ་ཆུ་བླུད་ནས་བྱིན་གྱིས་བརླབ། ཧྲཱིཿ སྐྱེ་འཆི་གཉིས་མེད་བདེ་བ་ཆེན་པོའི་ངང་གི་མཐར། བུམ་པ་སྙིང་གར་བཞག་ཅིང་བུམ་ཆུ་བླུད་པ་ཐུགས་ཀྱི་དབང་། ཨཱོཾ་བཅོམ་ལྡན་མགོན་པོ་རྡོ་རྗེ་ཚེ་དཔག་མེད། །འཁོར་ལོ་བརྒྱུད་དེ་བདག་གི་སྙིང་གར་ཐིམ། །འཆི་མེད་ཚེ་ཡི་དངོས་གྲུབ་ཐོབ་པར་བསམ། །ཞེས་བརྗོད་པའི་ཐོག་མར་བུམ་པ་སྤྱི་བོ་དང་སྙིང་ག་ཞེས་པའི་སྐབས་སུ་སྙིང་གར་གཏུགས་ནས་ལྷ་བསྟིམ། སྔགས་བརྗོད་ཅིང་ཚེ་རིལ་དང་ཚེ་ཆང་སྦྱིན། ན་མོ་བདག་གི་ཚེ་ལ་བར་ཆད་མེད་པར་གྱུར་ཅིག །འཆི་བདག་གི་བདུད་ལས་ཐར་བར་གྱུར་ཅིག །ཚེ་རྒྱས་པར་གྱུར་ཅིག །ཚེ་འཕེལ་བར་གྱུར་ཅིག །ཚེའི་བསམ་པ་མཐར་ཕྱིན་པར་གྱུར་ཅིག །ཚེ་མཐར་ཕྱིན་པའི་ལུས་འདིས་ཀྱང་འགྲོ་བའི་དོན་དཔག་ཏུ་མེད་པ་བྱེད་ནུས་པར་གྱུར་ཅིག །མཐར་བདུད་བཞིའི་འཇིགས་པ་ལས་ཐར་ནས་མངོན་པར་རྫོགས་པར་འཚང་རྒྱ་བར་གྱུར་ཅིག །ཅེས་སྨོན་ལམ་དང་བཅས་ཏེ་མེ་ཏོག་འཐོར། དཔྲལ་བར་ལི་ཁྲིའི་ཐིག་བཏབ། དཔྲལ་བའི་དབུས་སུ་རྟ་མགྲིན་དམར་པོ་ནི། ཞལ་གཅིག་ཕྱག་གཉིས་བེ་ཅོན་སྡིགས་མཛུབ་མཛད། ཨཱོཾ་བཛྲ་ཀྲོ་ཏ་ཧ་ཡ་གྲཱི་ཝ་ཧཱུཾ། བཛྲ་རཀྵ་རཀྵ་ཧཱུཾ། ཙིཏྟ་གསང་བའི་སྒོ་སྲུང་ནི། །དབང་གི་རྒྱལ་པོ་རྟ་མགྲིན་དེས། །ཚེ་སྲོག་བར་ཆད་བསྲུང་བར་མཛོད། །འཆི་བདག་བདུད་ཀྱི་སྒོ་ཆོད་ལ། །ཚེ་བདག་ཆེན་པོར་བཞུགས་སུ་གསོལ། །ཨཱོཾ་བཛྲ་ཀྲོ་ཏ་ཧ་ཡ་གྲཱི་ཝ་ཧཱུཾ། །དང་པོ་རྩེ་གཅིག་སེམས་ཀྱི་རྒྱ། །གཉིས་པ་ཐབས་དང་ཤེས་རབ་རྒྱ། །གསུམ་པ་(༧ན)

― GLG025_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་གསུང་ཐུགས་ཀྱི་རྒྱ། །བཞི་པ་ཚད་མེད་བཞི་ཡི་རྒྱ། །ལྔ་པ་ཡེ་ཤེས་ལྔ་ཡི་རྒྱ། །དྲུག་པ་རྟ་མགྲིན་དབང་གི་རྒྱ། །བདུན་པ་ཆོས་ཀྱི་དབྱིངས་ཀྱི་རྒྱ། །རྒྱ་བདུན་རིམ་གྱིས་བཏབ་པ་ལས། །སུ་ཡང་འདའ་བར་མ་བྱེད་ཅིག །ཆོས་ཀྱི་དབྱིངས་སུ་ཚེ་སྦས་པས། །སངས་རྒྱས་ཀྱིས་ཀྱང་མི་གཟིགས་ན། །གནོད་བྱེད་བགེགས་ཀྱིས་ལྟ་ཅི་སྨོས། །དེ་ཕྱིར་ང་ཡིས་ཚེ་སྦས་སོ། །བཛྲ་རཀྵ་ཞེས་ཚིགས་རྣམས་སུ་རྒྱ་གྲམ་དང་། ཆོས་ཀྱི་དབྱིངས་སུ་ཚེ་སྦས་པས་ཞེས་སོགས་ལ་རྡོ་རྗེ་སྙིང་གར་འཇོག །རྡོ་རྗེ་སྤྱི་བོར་བཞག་ལ། །དེ་རིང་ཕྱིན་ཆད་བུ་ཁྱོད་ཀྱི། །ཚེ་དཔག་མེད་མགོན་ང་ཡིན་གྱི། །ང་ཡིས་ཇི་ལྟར་བསྒོ་བ་བཞིན། །དེ་ལྟར་ཁྱོད་ཀྱིས་བྱ་དགོས་སོ། །ང་ལ་བརྙས་པར་མ་བྱེད་པར། །གུས་པས་ཅི་ནུས་མཚོན་པར་གྱིས། །ས་མ་ཡ་ན་ར་སྐན། ཞེས་དམ་ལ་བཞག །སྔ་འགྱུར་ཕལ་ཆེར་ལ་པར་བཀབ་མི་མཛད་ཀྱང་། མུང་པོ་བྱང་ཆུབ་གླིང་པའི་ཕྱག་རྡོར་དབང་གཞུང་ལས། །དེ་ནས་རིགས་ཀྱི་བུ་མཆོག་དེས། །སློབ་དཔོན་མཆོད་དེ་ཞབས་ལ་གཏུགས། །མཉེས་པའི་ཡོན་དབུལ་བྲན་ཁས་བླངས། ཞེས་པའི་དོན་ལྟར་དམ་ཚིག་བསྡུས་ཏེ་ཁས་བླངས་པ་སོགས་ཆོས་རྒྱལ་མངྒའི་མཚན་ཅན་སོགས་བཞེད་པས་སྤྱི་འགྲོ་ལྟར་མཛད་ཀྱང་ལེགས་ཆར་འགྱུར། ཚོགས་ལྷག་ཆད་མཐོ། བསྟན་སྐྱོང་། དངོས་གྲུབ་ལེན་པ། བདག་བསྐྱེད་ཀྱི་ཉེར་བསྡུ། སྨོན་ལམ། ཤིས་བརྗོད་རྣམས་དཀྱུས་ལྟར་བྱ་བ། དེ་ཡང་གཞུང་ལས། ཚེ་སྒྲུབ་ལྕགས་ཀྱི་སྡོང་པོ་འདི། །ཐོ་རེངས་སྔ་དྲོ་དང་པོ་ལ། །ཏིང་འཛིན་གསལ་བས་བརྒྱ་རྩ་བཟླས། །ཚེ་ཟད་མཐའ་ལ་ཐུག་པ་ཡང་། །འདི་བསྒྲུབས་ལོ་བརྒྱ་ངེས་པར་ཐུབ། །དུས་གསུམ་རྒྱལ་བའི་གདུང་འཛིན་དེས། །འདི་ཡི་ཡོན་ཏན་བརྗོད་མི་ཡང་། །ཕ་རོལ་ཕྱིན་བཅུ་ས་ལམ་བགྲོད། །བདེ་བ་ཅན་གྱི་ཞིང་དུ་སྐྱེ། །ཞེས་ཕན་ཡོན་ཆེ་བར་གསུངས་པ་ནི་མི་བསླུ་བའི་གཏན་ཚིགས་སོ། །ཡང་ཡང་གསལ་བའི་ཏིང་འཛིན་འཕྲོ་འདུ་(༧བ)

― GLG025_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས། །རིང་རིང་བསྐལ་པར་སྲོག་འཚོའི་བདུད་རྩིའི་རྒྱུན། །ལྷུང་ལྷུང་ཚངས་པའི་བུ་ག་ནས་བབས་པ། །འཁྱིལ་འཁྱིལ་སྙིང་གི་ཟ་མ་ཏོག་ཏུ་གཏམས། །རྒྱལ་མཆོག་པདྨ་ཐོད་འཕྲེང་ཐུགས་གསང་བཅུད། །བཅུད་ཀྱི་ཉིང་ཁུ་འཆི་མེད་སྒྲུབ་པའི་ཐབས། །ཐབས་མཁས་འཇའ་ལུས་ཡོངས་འགྲུབ་ཉེ་བའི་ལམ། །ལམ་བཟང་ཐེག་པ་ཀུན་གྱི་ཡང་རྩེར་སོན། །ཆོས་དཀར་འབྲས་སྨིན་སྨིན་གྲོལ་ཉམས་བསྟར་བས། །རིང་པོར་མི་ཐོགས་ཐོགས་མེད་ཚེ་འདི་ལ། །འོད་གཟི་སྟོང་འབར་འབར་བ་མཚན་དཔེའི་སྐུ། །མངོན་གྱུར་འགྲོ་ཀུན་ཀུན་བཟང་སར་འགོད་ཤོག །ཅེས་ལྷ་བྲག་གཏེར་བྱོན་ནང་སྒྲུབ་ལྕགས་ཀྱི་སྡོང་པོའི་ལས་བྱང་དབང་ཆོད་དང་བཅས་པ་གངྒའི་ཆུ་རྒྱུན་འདི་ནི་དོན་གྲུབ་ཅེས་པ་ས་ལུག་རྣམ་པར་རྒྱལ་པའི་ཕན་བདེ་ལེགས་བཤད་གླིང་སྤྱི་ཚོགས་གནས་འདི་གའི་ཚེ་འཕྲང་ལ་དམིགས་པའི་ཚེ་ཆོག་ཁ་མར་མཛད་པའི་དུས་རིགས་འཛིན་གོང་མའི་ཕྱག་བཞེས་ལ་མཛེས་རྒྱན་ཅུང་ཟད་བགྱིས་ཏེ་ཟ་ཧོར་གྱི་སྔགས་སྨྱོན་བཞད་པ་རྩལ་གྱིས་བཀོད་པའི་ཡི་གེ་པ་ནི་དཔལ་གྲོང་སྔགས་རམས་པ་ངག་དབང་དགེ་ལེགས་སོ།། །།

བྱང་གཏེར་ལྕགས་སྡོང་མའི་དབང་ཆོག་གི་ལྷན་ཐབས་འཆི་མེད་བདུད་རྩིའི་བུམ་བཟང་ཞེས་བྱ་བ།

― GLG025_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་གཏེར་ལྕགས་སྡོང་མའི་དབང་ཆོག་གི་ལྷན་ཐབས་འཆི་མེད་བདུད་རྩིའི་བུམ་བཟང་ཞེས་བྱ་བ་བཞུགས་སོ། །

― GLG025_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་དམར་པདྨ་རཱ་གའི་ལྷུན་པོ་ནི། །མཚན་དཔེའི་ལང་ཚོ་དར་ལ་བབ་པའི་དཔྱིད། །ཉིན་བྱེད་འབུམ་གྱི་གཟི་མདངས་འཕྲོག་བྱེད་པའི། །ཚེ་དཔག་མེད་མགོན་འཆི་མེད་གནང་བ་སྩོལ། །ཕུལ་བྱུང་ཚོགས་གཉིས་རྩ་བ་མཆོག་ཏུ་བརྟན། །ཀུན་མཁྱེན་མཛད་བཟང་ལོ་འདབ་ཕྱོགས་བཅུར་གཡོ། །སྐུ་གསུམ་རོ་བརྒྱའི་འབྲས་བུ་གཡུར་ཟ་བའི། །པདྨ་འབྱུང་གནས་དཔག་བསམ་ལྗོན་པ་རྒྱལ། །མགོན་དེའི་ཟབ་གཏེར་སྒོ་འབྱེད་རྒོད་ལྡེམ་ཅན། །སྐྱེ་བའི་ཟློས་གར་མངའ་རིས་ལེགས་ལྡན་རྗེ། །སྔ་འགྱུར་བསྟན་པའི་སྲོག་ཤིང་དབང་པོའི་སྡེ། །འཁྲུལ་མེད་བརྒྱུད་པའི་ལུགས་སྲོལ་འདི་རྨད་བྱུང་། །ཀུན་བཟང་གདོད་མའི་འོད་གསལ་མངོན་འགྱུར་ཕྱིར། །འཆི་བདག་གཡུལ་ལས་རྒྱལ་བའི་ལྕགས་སྡོང་མའི། །དབང་ཆོག་འཆི་མེད་བདུད་རྩིའི་བུམ་བཟང་དག །ལེགས་པར་བྲི་ལ་གཏེར་སྲུང་གནང་བ་སྩོལ། །དེ་ལ་འདིར་རིག་འཛིན་ཆེན་པོ་རྒོད་ཀྱི་ལྡེམ་ཕྲུ་ཅན་གྱིས་བྱང་ཟང་ཟང་ལྷ་བྲག་ནས་སྤྱན་དྲངས་པའི་ཆོས་ཚན་ཉེར་ལྔའི་ནང་གི་ཆོས་ཚན་བཅུ་དགུ་པ་ཚེ་སྒྲུབ་ལྕགས་ཀྱི་སྡོང་པོའི་སྒོ་ནས་གཞན་དོན་དུ་ཚེའི་དབང་བསྐུར་བར་བྱེད་པའི་རིམ་པ་གཏེར་གཞུང་དུ་ཅུང་ཟད་མི་བསལ་བ་རྣམས་བརྒྱུད་པའི་ཕྱག་ལེན་གྱིས་རྣམ་པར་བརྒྱན་ཏེ་ངག་བསྒྲིགས་སུ་བྱ་བ་ལ་སྔོན་འགྲོ། དངོས་(༢ན)

― GLG025_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

གཞི། རྗེས་དང་གསུམ་ལས། དང་པོ་ནི་དུས་དང་གཟའ་སྐར་བཟང་བ་ལ་གནས་ཡིད་དུ་འོང་བར་སྟེགས་བུ་ལ་རྟེན་ཁེབས་སོགས་རྒྱན་སྤྲོས་མཛེས་ཤིང་ཡིད་དུ་འོང་བར་བྱས་པའི་སྟེང་དུ་རིན་པོ་ཆེའི་བུམ་པ་འབབ་ཆུ་ཚད་ལྡན་གྱི་ཆུས་གང་བའི་ནང་དུ་བུམ་རྫས་ཉེར་ལྔ་བདུད་རྩི་ཆོས་སྨན་དང་ཚད་ལྡན་གོང་མའི་ཚེའི་རིལ་བུའི་ཕབས་རྒྱུན་སོགས་ལེགས་པར་བཏབ་པ་མགུལ་ཆིངས་ཁ་རྒྱན་ཙཀ་ལིས་བརྒྱན། གཡས་སུ་བྱིན་རླབས་རྟེན་གྱི་རྒྱུན་དང་ཀ་ར་བུ་རམ་སོགས་ཟན་ལ་བསྲེས་པའི་ཚེ་རིལ་བཤམས། དེ་དག་གི་མདུན་དུ་ཆུ་གཉིས་སྔོན་དུ་འགྲོ་བའི་མཆོད་པ་ཉེ་སྐོར་དུ་གཏེར་སྲུང་གི་རྒྱུན་གཏོར་མེད་པའམ། རྒྱས་པར་སྤྲོ་ན་གཏེར་སྲུང་གི་གཏོར་མ་ཡང་བཤམས། གཞན་ཡང་བགེགས་གཏོར། ཡུངས་ཐུན། སོལ་མེ། གུ་གུལ། ལི་ཁྲི་སྣོད་བཅས། རྡོ་རྗེ་དྲིལ་བུ། མདའ་རྒོད་སྒྲོ་མ་ལོངས་མ་སྤྱད་པ་དར་སྣ་ལྔ་མེ་ལོང་གཡུ་དང་བཅས་པ་བཏགས་ལ། ཚེ་འགུགས་ཀྱི་ཚེ་དབྱངས་རོལ་བྱེད་པར་སྤྲོ་ན་སྦུབ་ཆོལ་དང་རྔ་སོགས་ཀྱང་སྟ་གོན་ལེགས་པར་བྱས། བགེགས་སྐྲོད། སྲུང་འཁོར། མཚམས་གཅོད་རྣམས་འོག་ནས་འབྱུང་བ་ལྟར་གྲུབ་པ་དང་། དེ་ནས་རང་ཉིད་གཏེར་གཞུང་བཞིན་སྐྱབས་སེམས་ནས་བཟུང་། འཛབ་ཅུང་ཟད་བཟླས་རྗེས། སླར་(༢བ)

― GLG025_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་མདུན་བསྐྱེད་བུམ་པ་ལ་དམིགས་ཏེ། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་བྷྲཱུཾ་ཡིག་ལས། ཕྱི་ནི་བུམ་པའི་དབྱིབས་ཅན་ལ། །ནང་ནི་གཞལ་ཡས་ཁང་གི་དབུས། །ལྕགས་ཀྱི་པདྨ་འདབ་བརྒྱད་གདན། །དེ་སྟེང་བཅོམ་ལྡན་འོད་དཔག་མེད། །ཅེས་སོགས་བདག་བསྐྱེད་ལྟར་གཏེར་གཞུང་ཇི་ལྟ་བ་བཞིན་བརྗོད། བདག་གི་ཚངས་བུག་ནང་དུ་བབས། ཞེས་པ། ལྷ་ཡི་ཚངས་བུག་ནང་དུ་བབས། ཞེས་འདོན་པ་བསྒྱུར། འོད་འཕྲོས་གསལ་འཚེར་མདངས་དང་ལྡན། །ཞེས་པའི་རྗེས་སུ། ཨོཾ་བཛྲ་ཨཱ་ཡུ་ཥེ་ས་པ་རི་ཝཱ་ར་ཨརྒྷཾ་ནས་ཤཔྟའི་བར་གྱིས་མཆོད། འཇིག་རྟེན་འདྲེན་པའི་སོགས་ཤློ་ཀ་གཅིག་གིས་བསྟོད། འཛབ་བརྒྱ་སྟོང་སོགས་ཅི་རིགས་པ་བཟླ་བའི་སྐབས་བུམ་རྫས་ཚེ་རིལ་སོགས་ལ་དམིགས་ཏེ་ཏིང་ངེ་འཛིན་གྱི་སྤྲོ་བསྡུ། ཏིང་འཛིན་སྔགས་ཀྱི་འོད་ཟེར་ནི། ཞེས་སོགས་ཀྱི་དགོངས་པ་ལྟར་བྱ། དེ་ནས་གསུང་རིམ་པ་དང་བཅས་པའམ། རང་ཉིད་གཅིག་པུས་ཀྱང་རུང་སྟེ་མདའ་དར་གཡབ་ཅིང་། བཅོམ་ལྡན་མགོན་པོ་ཡེ་ཤེས་ཚེ་དཔག་མེད། ཅེས་པ་ནས། འཆི་མེད་ཚེ་ཡི་དངོས་གྲུབ་བདག་ལ་སྩོལ། ཞེས་པའི་བར་གཏེར་གཞུང་ལྟར་གྱི་ཚེ་འགུགས་ཚར་གཅིག་བྱས་ཏེ་བུམ་རྫས་རྣམས་ནུས་ལྡན་དུ་བྱ། རྣལ་འབྱོར་དང་བདག་ཅེས་པ་སློབ་མ་ལ་འདོན་པ་བསྒྱུར་རོ། །གཉིས་ལ་དངོས་གཞི་ནི་ལས་ཀྱི་རྡོ་རྗེས་བུམ་ཆུ་བྲིམ། སློབ་མ་རྣམས་ཕྱག་བཙལ་ཞིང་གྲལ་ལ་འཁོད། བླ་མ་སྐད་ཅིག་གིས་རྡོ་རྗེ་དྲག་པོ་རྩལ་གྱི་ང་རྒྱལ་བཟུང་། བགེགས་གཏོར་བསངས་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་དངས་ཤིང་ཐོགས་པ་མེད་པ་འདོད་པའི་ཡོན་ཏན་ལྔ་དང་ལྡན་ཞིང་རང་རང་གི་དབང་པོ་མཐའ་(༣ན)

― GLG025_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

དག་ཚིམ་པའི་བྱེད་ལས་ཀྱི་ནུས་པ་དང་ལྡན་པར་གྱུར། ཨོཾ་སརྦ་བི་སྟ་ནན། ན་མཿསརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཥཱེ་བྷྱཿསརྦ་ཐ་ཁཾ་ཨུདྒ་ཏེ་སྥ་ར་ཎ་ཧི་མཾ་ག་ག་ན་གྲྀཧྞ་དཾ་བ་ལིཾ་ཏ་ཡེ་སྭཱ་ཧཱ་ཞེས་ལན་གསུམ་གྱིས་བསྔོས། ན་མོ་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང་། སངས་རྒྱས་༴ ཆོས་༴ དགེ་འདུན་༴ བླ་མ་རིག་འཛིན་དྲག་པོ་རྩལ་གྱི་དཀྱིལ་འཁོར་གྱི་ལྷ་ཚོགས་རྣམས་ཀྱིས་རིག་པ་འཛིན་པ་བདག་གི་སྔགས་དང་ཏིང་ངེ་འཛིན་གྱི་བདེན་པའི་བྱིན་རླབས་ལ་བརྟེན་ནས། དེང་འདིར་རྡོ་རྗེའི་སློབ་མ་རྣམས་ལ་འཆི་མེད་ཚེའི་དབང་ཟབ་མོ་བསྐུར་བར་བྱེད་པ་ལ་གནོད་ཅིང་འཚེ་བར་བྱེད་པའི་གདོན་བགེགས་འབྱུང་པོ་མི་མིན་མི་རུ་བརྫུ་བ། ལྷ་མིན་ལྷ་རུ་བརྫུ་བ། ནང་གི་དངོས་གྲུབ་ཕྱིར་འཁྱེར་བ། ཕྱིའི་བར་ཆད་ནང་དུ་གཏོང་བར་བྱེད་པའི་གདོན་བགེགས་ ་ཐམས་ཅད་མཆོད་སྦྱིན་གྱི་གཏོར་མ་འདིས་ཚིམ་པར་གྱིས་ལ་རང་རང་གི་གནས་སུ་སོང་ཞིག །གལ་ཏེ་མི་འགྲོ་ན་ཁྲོ་བོའི་ཡེ་ཤེས་ཀྱི་རྡོ་རྗེ་མེ་འབར་བས་མགོ་བོ་ཚལ་པ་བརྒྱར་འགས་པར་གྱུར་ཏེ། གསུང་རིམ་པ་ཡོད་ན་རོལ་མོ་དབྱངས་དང་བཅས་པས། ཧཱུཾ། གསང་བ་ཚེ་ཡི་འཕྲིན་ལས་སྒྲུབ་པ་ལ། །བར་ཆད་བགེགས་རྣམས་མ་འདུག་ཕྱིར་དེངས་ཤིག །གལ་ཏེ་མི་འགྲོ་དཔལ་ཆེན་ཁྲོས་པ་ཡིས། །ལུས་སྲོག་ཐལ་བའི་རྡུལ་ཕྲན་བཞིན་དུ་བརླག །ཧཱུཾ། བཞི་པའི་སྔགས་དང་བཅས་ཏེ་སྤོས་དུད་རོལ་མོ་ཐུན་བྲབ་དང་བཅས་པས་ཚམ་རྔམས་བྱའོ། །ཧཱུཾ། སྟེང་འོག་ཕྱོགས་མཚམས་རྡོ་རྗེའི་ས་གཞི་དང་། །རྭ་གུར་བླ་བྲེ་ཁྲོ་བོ་མཚོན་ཆ་འཁྲུག །ཁ་དོག་ལྔ་ལྡན་ཡེ་ཤེས་མེ་དཔུང་གིས། །སྐད་ཅིག་ཙམ་གྱིས་བར་མཚམས་མེད་པར་གཏམས། །ཨོཾ་བཛྲ་རཀྵ་རཀྵ་ཧཱུཾ་ཕཊ། དེ་ནས། མཁའ་མཉམ་འགྲོ་བ་མ་(༣བ)

― GLG025_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་པ་རྣམ་མཁྱེན་ཡང་དག་པར་རྫོགས་པའི་སངས་རྒྱས་ཞེས་པ་ནས། མངོན་པར་དབང་བསྐུར་བ་ཞུ་བའི་ཡོན་དུ་མཎྜལ་འབུལ་བ་ཞུ། ཞེས་པའི་བར་ཆོས་རྒྱལ་དབང་པོའི་སྡེས་མཛད་པའི་ཚེ་སྒྲུབ་ལྕགས་ཀྱི་སྡོང་པོའི་མངོན་པར་དབང་བསྐུར་བ་ཇི་ལྟར་བྱ་བའི་འཆད་ཐབས་བཞིན་བྱ། དེ་ནས་དབང་གི་དོན་དུ་གསོལ་བ་གདབ་པ་ནི། སྐྱེ་འཆི་གཉིས་མེད་བདེ་བ་ཆེན་པོའི་ངང་། ཞེས་སོགས་གཏེར་གཞུང་གི་ཤློ་ཀ་གཅིག་གི་རྗེས་ཟློས་ལན་གསུམ་གྱིས་གསོལ་བ་བཏབ། དེ་ནས་མདུན་གྱི་ནམ་མཁར་མགོན་པོ་ཚེ་དང་ཡེ་ཤེས་དཔག་ཏུ་མེད་པ་ལ་རྒྱལ་བ་དགོངས་བརྒྱུད། རིག་འཛིན་བརྡ་བརྒྱུད། གང་ཟག་སྙན་བརྒྱུད། ལས་འཕྲོ་གཏེར་གྱི་བརྒྱུད་པ་སོགས་རྩ་བརྒྱུད་ཀྱི་བླ་མ་ཡི་དམ་མཁའ་འགྲོ་ཆོས་སྐྱོང་སྲུང་མར་བཅས་པའི་རྩ་བ་གསུམ་གྱི་ལྷ་ཚོགས་མངོན་སུམ་དུ་བསྐོར་ཏེ་བཞུགས་པའི་སྤྱན་སྔར། ལམ་ལོག་པ་ལས་ལྡོག་ཅིང་འཁོར་བ་དང་ངན་སོང་གི་སྡུག་བསྔལ་ལས་སྐྱོབ་པའི་སླད་དུ་སྐྱབས་སུ་འགྲོ་བའི་ཕྱིར་དུ། ཆོས་སྐུ་ལོངས་སྐུ་སྤྲུལ་སྐུ་གསུམ། ཞེས་པ་ནས། བདག་ལ་ཚེ་ཡི་དངོས་གྲུབ་སྩོལ། ཞེས་པའི་བར་གཏེར་གཞུང་ལྟར་ལན་གསུམ་རྗེས་ཟློས་བྱས། དེ་ནས་ལམ་དམན་པ་ཉན་རང་ལས་ལྡོག་ཅིང་སྡོམ་པ་གཟུང་བའི་དོན་དུ། བདག་གིས་འགྲོ་བའི་དོན་བྱ་ཕྱིར། ཞེས་སོགས་གཏེར་གཞུང་ལྟར་ཚིག་རྐང་དྲུག་གི་རྗེས་ཟློས་ལན་གསུམ་བྱ། དེ་ནས་བྱིན་དབབ་པ་ནི། །བླ་མའི་ཐུགས་ནས་འོད་འཕྲོས་པས། །སློབ་མའི་ལུས་ལ་ཕོག་པ་ཡིས། །བར་གཅོད་སྒྲིབ་སྦྱངས་འོད་ཕུང་གྱུར། །དེ་ཡང་སྟོང་པའི་ངང་ཉིད་ལས། །ལྕགས་ཀྱི་པདྨ་འདབ་བརྒྱད་གདན། །དེ་སྟེང་སློབ་མ་འོད་དཔག་མེད། །ཅེས་པ་ནས། དུང་མདོག་ཟིལ་པ་ལྟ་བུར་གྱུར། ཅེས་པའི་བར་ལས་བྱང་ལྟར་བརྗོད། སླར་ཡང་རང་ཉིད་ཀྱི་ཐུགས་ཀ་ནས་འོད་ཟེར་འཕྲོས། (༤ན)

― GLG025_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་གྱི་ཐུགས་ཀ་ལ་ཕོག །གཉིས་ཀའི་ཐུགས་ཀ་ནས་འོད་ཟེར་འཕྲོས། བདེ་བ་ཅན་ནས་མགོན་པོ་ཚེ་དཔག་མེད་ལ་རྩ་བ་གསུམ་གྱི་ལྷ་ཚོགས་རྣམས་ཀྱིས་བསྐོར་བ་སྤྱན་དྲངས། སློབ་མ་ལྷར་གསལ་བའི་ལུས་ལ་ཆར་ཆེན་པོ་བབས་པ་བཞིན་ཐིམ་པར་གྱུར། རོལ་མོ་དབྱངས་དང་བཅས་ཏེ། ཡེ་ཤེས་རང་སྣང་དག་པའི་ཞིང་ཁམས་ནས། །མགོན་པོ་ཚེ་དཔག་མེད་པའི་ལྷ་ཚོགས་ཀྱིས། །འདིར་འདུས་སྐལ་ལྡན་རིགས་ཀྱི་བུ་རྣམས་ལ། འཆི་མེད་ཚེ་ཡི་དངོས་གྲུབ་སྩལ་དུ་གསོལ། །ནུབ་ཕྱོགས་པདྨ་འོད་ཀྱི་གཞལ་ཡས་ནས། །སློབ་དཔོན་པདྨ་ཐོད་ཕྲེང་ཚེ་དབང་རྩལ། །༴༴གཏེར་གནས་རི་རྒྱལ་བཀྲ་བཟང་ཤར་འདབས་ནས། །རིག་འཛིན་རྒོད་ཀྱི་ལྡེམ་ཕྲུ་ཡབ་སྲས་རྣམས། །༴༴དག་པ་རབ་འབྱམས་གྲངས་མེད་ཞིང་ཁམས་ནས། །ཟབ་གཏེར་བསྟན་འཛིན་བརྒྱུད་པའི་བླ་མ་རྣམས། །༴༴ སྤྱི་གཙུག་པདྨ་ཉི་ཟླའི་གདན་སྟེང་ནས། །རྩ་བའི་བླ་མ་རྗེ་བཙུན་རྡོ་རྗེ་འཛིན། །༴༴ དབང་དྲག་དུར་ཁྲོད་རོལ་པའི་གཞལ་ཡས་ནས། །དམ་ཅན་ཟབ་མོ་གཏེར་གྱི་བཀའ་སྲུང་ཚོགས། །༴༴ ཨུ་རྒྱན་གསང་བ་མཁའ་འགྲོའི་གླིང་རྣམས་ནས། །ཚེ་ཡི་ཌཱ་ཀི་འབྱུང་ལྔའི་ལྷ་ཚོགས་ཀྱིས། །༴༴ འཆི་མེད་རྡོ་རྗེའི་སྲོག་གི་ཀ་བ་ཚུགས། །འཆི་བདག་བདུད་སྡེའི་དཔུང་ཚོགས་ཐལ་བར་རློག །ཟད་མེད་ཚེ་ཡི་བདུད་རྩི་ཆར་དུ་སྙིལ། །ཚེ་དཔལ་འབྱོར་བ་རྒྱས་པའི་བྱིན་ཆེན་ཕོབ། །གཟུངས་རིང་གི་རྗེས་སུ། ས་མ་ཡ་ཨ་བེ་ཤ་ཡ་ཨ་ཨཱཿཞེས་སྤོས་དུད་རོལ་མོ་དྲག་ཏུ་བྱ། བཅོམ་ལྡན་མགོན་པོ་ཡེ་ཤེས་ཚེ་དཔག་མེད། །སོགས་ཀྱི་ཚེ་འགུགས་ཚར་གཅིག་བྱའོ། །དེ་ནས་དབང་དངོས་ནི། ཏིང་འཛིན་སྔགས་ཀྱི་འོད་ཟེར་ནི། ཞེས་པ་ནས། སྟོང་གསལ་འོད་ཀྱི་ཕུང་པོར་བསྒོམ། ཞེས་པའི་བར་དང་། སྐྱེ་འཆི་གཉིས་མེད་བདེ་བ་ཆེན་པོའི་ངང་། ཞེས་པ་ནས། ཨ་ཡུ་རྫྙཱ་ན་སིདྡྷི་ཨཱཿཧཱུཾ། (༤བ)

― GLG025_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པའི་བར་གཏེར་གཞུང་ལྟར་བརྗོད་ཅིང་། ཚིག་དོན་ལྟར་ཏིང་ངེ་འཛིན་གྱི་དམིགས་པའི་འཕྲོ་འདུ་ལེགས་པར་བྱས། བདག་ལུས་ཞེས་པ་དང་བདག་ལ་ཞེས་པ་རྣམས་སློབ་མར་བསྒྱུར། དེ་ནས་རོལ་དབྱངས་དང་བཅས་ཏེ་མདའ་དར་གཡབ་ཅིང་། བཅོམ་ལྡན་མགོན་པོ་ཡེ་ཤེས་ཚེ་དཔག་མེད། །སོགས་ཀྱི་ཚེ་འགུགས་ཚར་གཅིག་བྱ། དེ་ནས་ཚེ་བུམ་སྤྱི་བོ་མགྲིན་པ་སྙིང་གའི་གནས་སུ་བཞག་ནས། བཅོམ་ལྡན་མགོན་པོ་རྡོ་རྗེ་ཚེ་དཔག་མེད། ཅེས་སོགས་གཏེར་གཞུང་ཚིག་རྐང་གསུམ་དང་། བདག་གི་ཞེས་པ་སློབ་མ་ལ་བསྒྱུར། དེའི་མཇུག་ཏུ། ཚེ་དཔག་མེད་མགོན་ལྷ་མོ་ཙཎྜ་ལི། །པད་འབྱུང་མཚོ་རྒྱལ་གཏེར་སྟོན་ཡབ་སྲས་དང་། །སངས་རྒྱས་བྱམས་བཟང་བསེ་སྟོན་རིན་རྒྱལ་ལ། །གསོལ་བ་འདེབས་སོ་ཚེ་ཡི་དངོས་གྲུབ་སྩོལ། །ཟླ་བ་མགོན་པོ་མཉམ་མེད་ནུབ་དགོན་པ། །སླར་ཡང་རྡོ་རྗེ་མགོན་དང་བྱིས་པའི་མཚན། །ངག་དབང་གྲགས་པ་སངས་རྒྱས་དཔལ་བཟང་ཞབས། །༴ནམ་མཁའ་རྒྱལ་མཚན་སྔགས་འཆང་ཤཱཀྱ་བཟང་། །མངའ་རིས་རིག་འཛིན་བདུད་འཇོམས་རྡོ་རྗེའི་ཞབས། །བཀྲ་ཤིས་སྟོབས་ཀྱི་རྒྱལ་པོ་དབང་བོའི་སྡེ། །༴ རིག་འཛིན་ཆེན་པོ་ངག་དབང་རྡོ་རྗེའི་དཔལ། །ཆོས་ཀྱི་རྒྱལ་པོ་རྗེ་བཙུན་ཨཱ་ནནྡ། །བཀའ་དྲིན་མཉམ་མེད་རྩ་བའི་བླ་མ་ལ། །་༴ གཟུངས་རིང་དང་བཅས་པ་བརྗོད་ཅིང་། སྟིམ་པའི་དམིགས་པ་གཞུང་བཞིན་བྱེད། དེ་ནས་གཟུངས་རིང་བརྗོད་ཅིང་བུམ་ཆུ་དང་ཚེ་རིལ་བྱིན། ན་མོ་སློབ་མའི་ཚེ་ལ་བར་ཆད་མེད་པར་གྱུར་ཅིག །ཅེས་པ་ནས། མཐར་བདུད་བཞིའི་འཇིགས་པ་ལས་ཐར་ནས་མངོན་པར་རྫོགས་པར་འཚང་རྒྱ་བར་གྱུར་ཅིག །ཅེས་པའི་བར་གྱི་སྨོན་ལམ་དཀྱུས་ནས་འབྱུང་བ་ལྟར་བཏབ་ཅིང་། མེ་ཏོག་གཏོར། དེ་རྗེས་དཔྲལ་བར་ལི་ཁྲིའི་ཐིག་ལེ་བྱས་ལ། དེའི་དབུས་སུ་དཔལ་རྟ་མགྲིན་སྐུ་མདོག་དམར་པོ་(༥ན)

― GLG025_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་གཅིག་ཕྱག་གཉིས་མདའ་གཞུ་འགེངས་པ། གཞུའི་སྟོད་ལ་འབྲུག་སྒྲ་སྒྲོག་ཅིང་། སྨད་ལ་གློག་འཁྱུག་པ། མདེའུ་ནས་ཐོག་སེར་འབབ་པ། རྟ་སྐད་ཕྱོགས་བཅུར་སྒྲོག་ཅིང་དུར་ཁྲོད་ཀྱི་ཆས་ཀྱིས་བརྒྱན་པ། ཞབས་གཉིས་སྟངས་སྟབས་སུ་བགྲད་པ་ཅིག་གསལ་བཏབ་ལ། རོལ་དབྱངས་དང་བཅས་ཏེ། ཧྲཱིཿ རྩ་སྒོར་དབང་དྲག་པདྨ་དབང་ཆེན་སྐུ། །འཇིགས་རུང་གར་དགུའི་ཉམས་ཀྱི་རོལ་པ་ཡིས། །ཚེ་ལ་བར་དུ་གཅོད་པའི་བགེགས་བཅོམ་སྟེ། །གཞོམ་དུ་མེད་པའི་སྲུང་བས་རྒྱས་བཏབ་བོ། །ཧྲཱིཿ པདྨཱནྟ་ཀྲིད་ཧ་ཡ་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ་བཛྲ་རཀྵཿ ཤིས་པ་བརྗོད་པ་ནི། དབྱངས་རོལ་དང་བཅས་ཏེ། མདུན་གྱི་ནམ་མཁའ་འཇའ་འོད་རབ་འཁྲིགས་པའི། །ཡིད་འོང་ལྡིང་ཁང་དབུས་སུ་པད་སྡོང་རྩེར། །མཚོ་སྐྱེས་རྡོ་རྗེ་རིག་འཛིན་ཚེ་དབང་རྩལ། །རྩ་བརྒྱུད་བླ་མ་ཡི་དམ་མཁའ་འགྲོ་དང་། །དཔའ་བོ་གིང་དང་ཆོས་སྲུང་རྒྱ་མཚོས་བསྐོར། །སྙན་པའི་གླུ་དབྱངས་དྲི་ཟའི་པི་ཝང་བཞིན། །ངོམས་པ་མེད་པ་རྣ་བའི་གསོས་སུ་འཇེབས། །བདུད་སྡེ་སྐྲོད་པའི་ཧཱུཾ་ཕཊ་ང་རོའི་སྒྲ། །དབྱར་གྱི་རྔ་གསང་ལྟ་བུར་མགྲིན་གཅིག་ལྡིར། །ཞི་དང་ཁྲོ་བོའི་མཆམས་འགྲོས་གར་གྱི་རིགས། །གློག་གི་ཕྲེང་བ་ལྟ་བུར་ཀུན་ཏུ་འཁྱུག །རྒྱལ་སྲིད་རིན་ཆེན་བདུན་དང་རྫས་བརྒྱད་སོགས། །བཀྲ་ཤིས་རྫས་ཀྱིས་འཆི་མེད་ལམ་ཀུན་ཁྱབ། །ཤིས་པ་བརྗོད་པའི་མེ་ཏོག་ཕྲེང་བའི་ཚོགས། །བཀྲ་ཤིས་བདེ་ལེགས་ཆར་ལྟར་བབས་པ་ཡིས། །འདིར་འདུས་བདག་ཅག་སྐལ་ལྡན་ཚོགས་རྣམས་ལ། །འཆི་མེད་ཚེ་ཡི་དངོས་གྲུབ་བཀྲ་ཤིས་ཤོག །འཛད་མེད་ནོར་གྱི་དངོས་གྲུབ་བཀྲ་ཤིས་ཤོག །དཔལ་འབྱོར་སྙན་གྲགས་དངོས་གྲུབ་བཀྲ་ཤིས་ཤོག །དོན་གཉིས་ལྷུན་གྱིས་གྲུབ་པའི་བཀྲ་ཤིས་ཤོག །གཙོ་བོས་ཇི་ལྟར་བཀའ་སྩལ་པ། །སོགས་ཀྱི་རྗེས་(༥བ)

― GLG025_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

ཟློས། མཎྜལ་འབུལ་བ། དེང་ནས་བརྩམས་ཏེ་སོགས་ཚེ་འགུགས་སྦྲགས་མའི་དབང་དང་འདྲའོ། །གསུམ་པ་མཇུག་གི་ཆོ་ག་ནི། ལྷ་བསྟིམ་ཟིན་པས་མཆོད་བསྟོད་མི་དགོས་ཤིང་། གཏེར་སྲུང་གཏེར་མ་རྒྱས་བསྡུས་སྐབས་དང་སྦྱར་ཏེ་ཕུལ། ཚོགས་ཡོད་ན་ཐུགས་སྒྲུབ་རྣམ་གསུམ་གང་རིགས་ལ་བརྟེན་ནས་ཚོགས་མཆོད་གཞུང་ལྟར་བྱ། མེད་ནའང་བསྔོ་བ་སྨོན་ལམ་བཀྲ་ཤིས་གང་བབས་དང་། ལས་ཀྱི་རྗེས་མི་མངོན་པར་བྱའོ། །སྨྲས་པ། རྨད་བྱུང་ངོ་མཚར་རྒྱ་མཚོའི་ཟབ་མོའི་གཏེར། །གཏེར་གྱི་སྙིང་པོ་མཛོད་ལྔའི་མན་ངག་རྒྱུན། །རྒྱུན་ཆད་མེད་པར་འཛིན་མཁས་མངའ་རིས་རྗེ། །རྗེ་བཙུན་ལེགས་ལྡན་རྡོ་རྗེ་བརྒྱུད་པར་ངེས། །ཟབ་ཟབ་རྟོགས་པར་དཀའ་བའི་ཆོས་ཚུལ་འདི། །ལྷོད་ལྷོད་ལེགས་བཤད་སྨྲ་བའི་རྣམ་དཔྱོད་གང་། །ཡང་ཡང་སྔ་འགྱུར་ཆོས་ཚུལ་ལ་གོམས་པའི། །མཐོ་མཐོའི་ཟ་ཧོར་རིགས་སོན་སྙོམས་ལས་པས། །གསང་ཆེན་རྙིང་མའི་བསྟན་འཛིན་དམ་པ་ཡི། །བཞེད་པའི་དོན་གྱི་རེ་བ་སྐོང་སླད་དུ། །ཁྲིམས་སུ་སྡེབས་པའི་དགེ་དེས་ལུས་ཅན་ཀུན། །འཆི་མེད་གདོད་མའི་གོ་འཕང་མངོན་འགྱུར་ཤོག །དེ་ལྟར་ལྕགས་སྡོང་འདི་ལ་མངའ་རིས་རིག་འཛིན་ཆེན་པོའི་ཕྱག་ལེན་ལུགས་མི་གཅིག་པ་ངོ་མཚར་ཅན་ཞིག་འདུག་པ་ཡིད་གཏན་དུ་རུང་བར་སྣང་མོད་ཀྱང་། འདི་ནི་རིག་འཛིན་ཆེན་པོ་དང་བསེ་སྟོན་གྱི་ལུགས་སྲོལ་ཐུན་མོང་བ། དབང་པོའི་སྡེའི་ཕྱག་བཞེས་ལྟར་བཀོད་པ་ཡིན་ལ། གཞན་དུ་ན་དིང་དུས་རྙིང་མ་བ་འགའ་ཞིག་དབང་དོན་ངོ་སྤྲོད་དང་བརྗོད་བྱ་གསལ་བར་བསམས་ནས་གསར་མའི་རྒྱས་འགེབས་ཤིང་། གསར་མ་བ་འགའ་ཞིག་བཀའ་མའི་མགོན་པོ་ཕྱག་བཞི་པ་སོགས་རྙིང་མའི་བརྡ་ཆད་ཙམ་མེད་པ་དག་ལ་སྒྲུབ་ཆེན་གྱི་སྤྲོས་པ་འདོར་ནས་བཀའ་བརྒྱད་སོགས་ཀྱི་རྒྱས་འགེབས། འགའ་ཞིག་མི་ཤེས་པའི་ཆོས་མེད་པར་འདོད་ནས་རྙིང་མའི་དབང་རྗེས་གནང་ལ་(༦ན)

― GLG025_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

གསར་མའི་རིགས་འགྲེ་མ་གཏོགས་རྙིང་ལུགས་ཀྱི་རྣམ་དབྱེ་ཙམ་ཡང་མེད་པ་དུ་མ་ཞིག་མཆིས་པ་ལ། ཁོ་བོའི་བློ་གྲོས་ཀྱི་མིག་ཆུང་ངུ་ཞིག་གིས་བརྟགས་ཚེ། དེ་ཐམས་ཅད་ཆོས་ལ་དབང་ཟ་བ་སྟེ། ཇི་སྐད་དུ་རྒྱུད་བླ་མ་ལས། གང་ཕྱིར་རྒྱལ་ལས་ཆེས་མཁས་འགའ་ཡང་འཇིག་རྟེན་འདི་ན་ཡོད་མིན་ཏེ། །མ་ལུས་དེ་ཉིད་མཆོག་ནི་ཚུལ་བཞིན་ཀུན་མཁྱེན་གྱིས་མཁྱེན་གཞན་མིན་པ། །དེ་ཕྱིར་དྲང་སྲོང་རང་ཉིད་ཀྱིས་བཞག་མདོ་སྡེ་གང་ཡིན་དེ་མི་དཀྲུག །ཐུབ་ཚུལ་བཤིག་ཕྱིར་དེ་ཡང་དམ་ཆོས་ལ་ནི་གནོད་པ་བྱེད་པར་འགྱུར། །ཞེས་གསུངས་པ་ལྟར། རྒྱལ་བའི་ཆོས་ཚུལ་རྣམ་པར་དཀྲུགས་པར་སོང་བས་འཐད་པར་མི་སེམས་ཤིང་། ཁོ་བོ་ནི་མདོ་སྔགས་གསར་རྙིང་སོགས་གང་ཡང་སོ་སོའི་བརྡ་ཆད་ལས། ཉ་དང་ཉུང་མ་བསྲེ་མ་མྱོང་བའི་སྟབས་ཀྱིས་འདིར་ཡང་སྔ་འགྱུར་རང་སྐད་གཙང་མར་བྱས་སོ། །ཞེས་བྱང་གཏེར་ལྕགས་སྡོང་མའི་དབང་ཆོག་ལྷན་ཐབས་འཆི་མེད་བདུད་རྩིའི་བུམ་བཟང་ཞེས་པ་འདི་ཡང་། གསང་ཆེན་རྙིང་མའི་བསྟན་པའི་གསལ་བྱེད་ཆེན་པོ་བྱང་པ་རིག་འཛིན་ངག་གི་དབང་པོའི་སྤྲུལ་པའི་སྐུ་བློ་བཟང་པདྨ་འཕྲིན་ལས་ཐེག་མཆོག་དབང་གི་རྒྱལ་པོ་ཡོངས་འདུའི་སྡེའི་གསུང་གིས་བསྐུལ་བ་ལ་བརྟེན་ནས། སྙིགས་དུས་ཀྱི་རྒྱལ་བ་གཉིས་པ་ཙོང་ཁ་པ་ཆེན་པོའི་རིང་ལུགས་འཛིན་པའི་རེས་སུ་སོན་ཡང་། རྒྱལ་བ་རྡོ་རྗེ་འཆང་འཁོན་སྟོན་ཆོས་ཀྱི་རྒྱལ་པོ་སོགས་དམ་པ་དུ་མའི་བཀའ་དྲིན་ལས། རིས་མེད་པའི་གྲུབ་པའི་མཐའ་དུ་མ་ལ་བློ་གྲོས་ཀྱི་སྣང་བ་ཅུང་ཟད་དཀར་བའི་ཟ་ཧོར་གྱི་བཙུན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས། བརྒྱུད་ལྡན་དམ་པའི་ཕྱག་ལེན་གྱིས་ལེགས་པར་བརྒྱན་ཅིང་། གཏེར་གཞུང་དངོས་ལ་མི་གསལ་བའི་ཁ་འགེངས་དགོས་པ་རྣམས་བཀང་སྟེ། དགའ་ལྡན་ཕོ་བྲང་དུ་སྦྱར་བའི་ཡི་གེ་བ་ནི་ངག་དབང་དགེ་ལེགས་སོ།། །།

ཁྲ་བྲག་གཏེར་བྱོན་མའི་དྲེགས་འདུལ་བསྙེན་ཐབས་རྡོ་རྗེ་འབར་བའི་གཟི་བྱིན།

― GLG025_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲ་བྲག་གཏེར་བྱོན་མའི་དྲེགས་འདུལ་བསྙེན་ཐབས་རྡོ་རྗེ་འབར་བའི་གཟི་བྱིན་བཞུགས་སོ། །

― GLG025_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

དྲེགས་འདུལ་ཧེ་རུ་ཀ་དཔལ་པདྨ་འབྱུང་། །དབྱེར་མེད་ཟུར་ཆེན་ཆོས་དབྱིངས་རང་གྲོལ་ཞབས། །དེང་ནས་ཀུན་བཟང་རང་རིག་རང་ངོ་རུ། །འཕྲོད་མིན་དེ་སྲིད་སྙིང་དབུས་པད་མཚོར་བཞུགས། །དེ་ཡང་དགས་ལུང་ཁྲ་མོ་བྲག་ནས་པདྨ་ལས་འབྲེལ་རྩལ་གྱིས་སྤྱན་དྲངས་པའི་གསང་བདག་རྡོ་རྗེ་གཏུམ་པོ་དྲེགས་འདུལ་གྱི་སྐོར་ཉེ་བར་བསྙེན་པ་ལ་སྤྱིར་ཕྱག་རྡོར་དྲེགས་འདུལ་འདི་ལ་ཕྱི་ནང་གསང་གསུམ་གྱི་སྒྲུབ་པ་ལས། སེར་བ་འབེབས་པ་ནས་རྡོ་རྗེའི་ཕྱག་མཚན་གྱི་ལས་མཐའི་བར་ཕྱི་སྒྲུབ་ཀྱི་ལས་ཚོགས། བུམ་སྒྲུབ་ནས་སྡེ་བརྒྱད་གནད་འཁོར་གྱི་བར་ནང་སྒྲུབ་ཀྱི་ལས་ཚོགས། ལས་བཞིའི་སྦྱིན་སྲེག་གསང་སྒྲུབ་ཀྱི་ལས་ཚོགས་ཡིན། གཞན་ཡང་སྐུ་གསུང་ཐུགས་ཀྱི་སྒྲུབ་པ་གསུམ་དུ་བཤད་པའི་སེང་ཕུར་ཉེར་གཅིག་ནས་ཀླུའི་གདོན་འགྲོལ་པའི་བར་སྐུ་སྒྲུབ་ཀྱི་ལས་ཚོགས། ཀླུ་བསད་པ་ནས་ངག་མནན་པའི་བར་གསུང་སྒྲུབ་ཀྱི་ལས་ཚོགས། གསང་བ་ཐུགས་ཀྱི་ཕུར་གཅིག་ནས་ཚོགས་ལས་ཀྱི་བར་ཐུགས་སྒྲུབ་ཀྱི་ལས་ཚོགས། ཡོན་ཏན་དང་འཕྲིན་ལས་ཀྱི་སྒྲུབ་པ་ལ་ལས་ཚོགས་ཟུར་དུ་མེད། སྒྲུབ་པའི་ཁོག་འབུགས་དང་དབང་ཆོག་སོགས་ཀུན་གྱི་ཁ་སྐོང་དུ་(༢ན)

― GLG025_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་ནའང་། དེང་སང་དབང་ཡང་གཏུམ་པོ་ཐུགས་ཀྱི་སྒྲུབ་པའི་ལས་བྱང་གི་གཞུང་བསྲངས་ནས་མཛད་པ་ཡིན་ཅིང་། ཟུར་ཆེན་ཐམས་ཅད་མཁྱེན་པ་ཆོས་དབྱིངས་རང་གྲོལ་གྱི་གསུང་ལས། ཕྱི་ནང་གསང་གསུམ་གྱི་བསྙེན་སྒྲུབ་གང་བྱེད་ཀྱང་གཏུམ་པོ་ཐུགས་ཀྱི་སྒྲུབ་པའི་ལས་བྱང་གིས་ཁོག་ཕུག །ལྷ་རྣམས་སྒྲུབ་ཐབས་སོ་སོའི་གཞུང་བཞིན་བསྒོམ་དགོས་ཚུལ་ཐོས་པས། དཔེར་ན་ཕྱི་སྒྲུབ་ལྟ་བུ་ལ་ལས་བྱང་གི་ཁོག་གཏུམ་པོ་ཐུགས་སྒྲུབ་ཇི་ལྟ་བ་ལ། གཞལ་ཡས་ཁང་གི་ནང་དུ་ལྷ་ཕྱི་སྒྲུབ་རང་ནས་གང་བཤད་མ་གཏོགས་ཁྲོ་བོ་བཅུ་སོགས་བསྐྱེད་མི་དགོས། དེ་ཡང་མཚམས་ཀྱི་སྔོན་དུ་སྒྲུབ་ཁོག་ནས་བཤད་པའི་རྒྱལ་ཆེན་མཐོ་འཛུགས་ནས་བཟུང་དཀྱིལ་འཁོར་རྒྱན་འགོད་ཀྱི་བར་གཏེར་གཞུང་འདི་གའི་དགོངས་པ་སོར་གནས་ལ་ཅུང་ཟད་མི་བདེ་བའི་ལྷན་ཐབས་དགོས་པ་བྱུང་ན་བྱང་གཏེར་སོགས་ནས་ཁ་བསྐང་ཆོག །དཀྱིལ་འཁོར་འདི་བ་ཕྱི་སྒྲུབ་གཏེར་གཞུང་ན་དབུས་གྲུ་གསུམ་ཐུར་དུ་བརྐོ་བ་སོགས་བཤད་འདུག་ཀྱང་། རྡུལ་ཚོན་ནམ་རས་བྲིས་ལྟ་བུས་འཐུས། གཏོར་མ་ནི་དཔལ་གཏོར་སྙིང་གཟུགས་མ་པདྨ་འདབ་མ་བཞི་བ་ཅན། བཀའ་བརྒྱད་སོགས་(༢བ)

― GLG025_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཟོ་དབྱིབས་ལམ་ཙམ་མཐུན་པར་རྒྱན་སྤྲོས་གང་ལེགས་བྱས་པ་དཀྱིལ་འཁོར་གྱི་སྟེང་དུ་མཉྫིའི་ཁར་བཞག །དེ་ལ་ཙཀླི་བཙུགས་གཏོར་གདུགས་མཐིང་ག་ཅན། སྨན་རཀ་མཆོད་པ་ཚོགས་ཆས་གཏེར་སྲུང་ལྡང་ལྷའི་གཏོར་མ་སོགས་ཉེ་བར་མཁོ་བའི་ཡོ་བྱད་རྣམས་ཚོགས་པར་བྱས། སྲོད་ཐུན་ལ་ལས་བྱང་གི་གཞུང་བསྲང་ཚོགས་ཀྱི་བར་གཏོང་བ་ཕུར་པ་སོགས་རྙིང་མ་སྤྱི་དང་འདྲ། དཀྱིལ་འཁོར་སྟེང་གི་སྒྲུབ་གཏོར་དེ་དང་པོར་མཆོད་རྫས་སུ་ཤེས་པར་བྱས་ནས་ལས་བྱང་གི་མཆོད་གཏོར་བྱས། ཚོགས་ལ་ཟིན་ནས་གཏོར་མ་སྐད་ཅིག་གི་ལྷར་བསྐྱེད། ཚོགས་སྤྱན་དྲངས་པ་དེ་ལ་བསྟིམ་ནས་ཚོགས་མཆོད་འབུལ་བ་རྙིང་མ་དཀྱུས་དང་འདྲ། བསྙེན་པའི་སྐབས་བདག་ལྷར་བསྐྱེད་པ་དང་གཏོར་མ་ལྷར་བསྐྱེད་པ་གཉིས་ཞལ་སྤྲོད་ཀྱི་ཚུལ་དུ་དམིགས་པའི་འཕྲོ་འདུ་སོགས་གཞུང་ན་གསལ་བ་བཞིན་བྱེད་བསྙེན་པ་མ་ཐེམས་བར་གྱི་ཐུན་གཞན་རྣམས་ལ་ལས་བྱང་མ་བཏང་བར་མངོན་རྟོགས་དང་མཆོད་པ་བསྡུས་པ་ཙམ་གྱིས་ཆོག །ཡང་ཐུན་རེ་ཙམ་ལ་ལས་བྱང་གཏོང་བར་ཤར་ན་ལས་བྱང་གི་དུས་གཏོར་མ་མཆོད་རྫས་སུ་བསྒྱུར། བསྙེན་པའི་དུས་ལྷར་བསྒྱུར་བ་སོགས་རྫོགས་ཆེན་པ་རིག་པའི་རང་རྩལ་དུ་སྐད་ཅིག་སྐད་ཅིག་ལ་འཕྲུལ་ཤེས་པ་འདི་མེད་ན་གསར་མ་བའི་རྟག་བརྟན་ཐེར་ཟུག་འདྲ་བ་དེ་ལ་ཐ་མལ་གྱི་ཞགས་ཤིག་ཡོད། བསྙེན་པའི་གྲངས་ནི་འབུམ་ཚོ་གསུམ་དང་ཉེར་གཅིག །དེ་ནས་ཚོགས་མཆོད་སོགས་བཏང་། ལྷ་དྲེགས་འདུལ་ངོ་བོ་གཅིག་པུ་དེ་ན་ཡིན་པས་མདུན་གྱི་དཀྱིལ་འཁོར་བསྡུ་བ་སོགས་མི་དགོས།གཏོར་མའི་ཙཀླི་ནང་སྒྲུབ་ཀྱི་མངོན་རྟོགས་དང་མཐུན་པར་བཙུགས། ནང་སྒྲུབ་ཀྱི་མངོན་རྟོགས་དང་སྦྱར་ཏེ་ལས་བྱང་གི་གཞུང་(༣ན)

― GLG025_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲང་། ཚོགས་མཆོད་འབུལ་བ་ཡན་ཕྱི་སྒྲུབ་དང་འདྲ། བསྙེན་པའི་དུས་གཏོར་མ་ལྷར་བསྐྱེད་པའི་བདག་མདུན་གྱི་གསལ་ཁ་འདི་ལ་མེད་པས་གཞུང་བཞིན་བྱེད། བསྙེན་ཚད་འབུམ་ཕྲག་གཅིག །དེ་ནས་ཡང་གོང་བཞིན་ཚོགས་མཆོད་སོགས་ཕུལ། ཙཀླི་བརྗེས། གསང་སྒྲུབ་ཀྱི་མངོན་རྟོགས་དང་སྦྱར་ཏེ་ལས་བྱང་གི་གཞུང་བསྲང་ཚོགས་མཆོད་ཀྱི་བར་བཏང་། འདི་ལ་ཡང་བདག་མདུན་སོ་སོར་མེད་པས་གཞུང་བཞིན་བསྙེན་པ་བྱེད། བསྙེན་ཚད་འབུམ་ཚོ་གསུམ་དང་ཉེར་གཅིག །དེ་ནས་གསང་སྒྲུབ་ཀྱི་མཇུག་ནས་བཤད་པའི་གནས་ལྔར་ཨོ་རྒྱན་ཡབ་ཡུམ་མཁའ་འགྲོ་བཞི་སོགས་ལྷ་ལྔ་གསལ་བཏབ། བསྙེན་སྔགས་གཤམ་དུ་ཧ་རི་ནི་ས་དང་ལས་བཞི་སོ་སོའི་སྔགས་གང་རུང་རེ་བཏགས་ནས། དཔེར་ན་མགྲིན་པའི་རྡོ་རྗེ་མཁའ་འགྲོ་དཀར་མོའི་ཐུགས་ཀ་ནས་འོད་ཟེར་སྤྲོ་བསྡུ་སོགས་ཀྱིས་མཚོན་ཏེ། རྒྱས་པ་སོགས་ལས་གཞན་རྣམས་ལའང་ལྷ་དང་སྔགས་ཀྱི་རིགས་འགྲེ ། ལས་བཞི་རེ་རེ་ལ་ཞག་རེ་རེ་ཙམ་གྱིས་ཆོག །དེ་ལས་མང་བ་ཕུན་སུམ་ཚོགས་པའི་ཡན་ལག་ཡིན། དེ་ཡང་ཕྱི་སྒྲུབ་ཀྱི་བསྙེན་པ་གཞུང་བཞིན་ཉམས་སུ་བླངས་པ་བསྙེན་པ། ནང་སྒྲུབ་ཀྱི་བསྙེན་པ་གཞུང་བཞིན་ཉམས་སུ་བླངས་པ་སྒྲུབ་པ། གསང་སྒྲུབ་ཀྱི་བསྙེན་པ་གཞུང་བཞིན་ཉམས་སུ་བླངས་པ་སྒྲུབ་པ་ཆེན་པོ། མཁའ་འགྲོ་རིགས་བཞི་ལ་བརྟེན་པ་ལས་སྦྱོར་གྱི་དང་པོ། དེ་ནས་ལས་བྱང་གི་གཞུང་བསྲང་དངོས་གྲུབ་བླང་བ་སོགས་རྙིང་མ་སྤྱི་ལྟར་བྱེད། མཇུག་ཏུ་གསང་སྒྲུབ་ལས་ཚོགས་ནས་བཤད་པའི་ལས་བཞིའི་སྦྱིན་སྲེག་བྱ། རྒྱལ་ཆེན་གྱི་མཐོ་འགྲོལ་བ་སོགས་སྤྱི་དང་མཐུན་པར་བྱས་ནས་སྐུ་མཚམས་འགྲོལ་ལོ། །(༣བ)

― GLG025_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་གསུམ་སྡེ་བརྒྱད་དྲེགས་པ་མ་ལུས་པ། །འདུལ་མཛད་གསང་བདག་རྡོ་རྗེ་གཏུམ་པོ་ཞེས། །མཚན་སྙན་དབྱར་གྱི་རྔ་སངས་ཐོས་པས་ཀྱང་། །བློ་གསལ་རྨ་བྱའི་སྙིང་ལ་དགའ་སྟོན་སྤེལ། །རྒྱལ་དབང་པདྨའི་ཟབ་གཏེར་རྒྱ་མཚོ་ལས། །ཤར་གཏེར་རིན་ཆེན་འབྲས་བུའི་བཅུད་སྨིན་པ། །མངའ་བདག་སྲས་མོ་རིན་ཆེན་ཚུལ་རྡོར་གྱིས། །ཟབ་ཆོས་རོ་བརྒྱ་མྱང་འདི་སྐལ་བཟང་དཔྱིད། །དེ་འདྲ་བྱང་བདག་རིགས་འཛིན་སྤྲུལ་པའི་གར། །སྔ་འགྱུར་བསྟན་པའི་སྲོག་ཤིང་དམ་པ་ཡི། །གསུང་གིས་ཉེ་བར་བསྐུལ་བའི་བྱེད་པོའི་མཐུས། །ཟ་ཧོར་བནྡེས་ཡི་གེའི་རིས་སུ་བྲིས། །ཟུར་ཆེན་རྡོ་རྗེ་འཆང་དེའི་བཀའ་དྲིན་གྱིས། །ཆོས་འདི་ཐོས་དང་གཏེར་གཞུང་དགོངས་དོན་ལྟར། །བཀོད་ལས་རྒྱུན་མེད་མགོ་སྐོར་བློས་བྱས་ཀྱི། ཁུངས་བྲལ་དཔེ་ཧྲུལ་རྣམས་དང་འདི་མི་འདྲ། །དགེ་འདིས་ཡིད་སྲུབས་སྡེ་དང་བཅས་པའི་དཔུང་། །རྣམ་པར་བཅོམས་པའི་རྒྱལ་རྔ་རབ་བརྡུངས་ནས། །རབ་དཀར་ཆོས་ཀྱི་བ་དན་འཆར་བ་ལ། །པདྨ་ཐོད་འཕྲེང་རྩལ་དང་བདག་མཚུངས་ཤོག །སརྦ་མངྒ་ལཾ།།

རྡོ་རྗེ་གཏུམ་པོའི་ལས་བྱང་རྒྱུན་འཁྱེར་མཐོང་བས་རྣམ་གྲོལ།

― GLG025_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་གཏུམ་པོའི་ལས་བྱང་རྒྱུན་འཁྱེར་མཐོང་བས་རྣམ་གྲོལ་ཞེས་བྱ་བ་བཞུགས་སོ། །

― GLG025_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མ་སྟྲི་མཱུ་ལ་སྱ་དེ་ཝཱ་ཡ། པདྨ་ཐོད་འཕྲེང་གན་ཇག་ཐང་ཏ་ཡི། །ཐུགས་རྗེའི་སྒྱུ་འཕྲུལ་གར་མཁན་གཏེར་བདག་གླིང་། །རྩ་གསུམ་འདུས་པའི་ངོ་བོར་གུས་བཏུད་ནས། །གཏུམ་པོའི་ལས་བྱང་རྒྱུན་ཁྱེར་ཉུང་ངུར་འདྲི། །དེ་ཡང་ལྷ་ལྕམ་པདྨ་གསལ་གྱི་རྣམ་སྤྲུལ། །གཏེར་སྟོན་ཆེན་པོ་པདྨ་གླིང་པས་ཡར་འབྲོག་བྲག་དམར་ནས་གདན་དྲངས་པའི་གསང་བདག་གཏུམ་པོའི་ཆོས་སྐོར་གྱི་ནང་ཚན་ལས་བྱང་གནམ་ལྕགས་འོད་ཀྱི་དྲ་བ་དབང་བསྐུར་གྱི་ངེས་པར་གྱེར་དགོས་ཀྱང་། བསྙེན་པ་དང་གདོན་འགྲོལ་གྱི་ཚེ་རྒྱུན་འཁྱེར་མཐོང་བས་རྣམ་གྲོལ་བཀོད་པ་ལ། སྐྱབས་འགྲོ་ནི། ཧཱུཾ བླ་མ་བདེ་གཤེགས་འདུས་པའི་སྐུ། ཞེས་སོགས་ལན་གསུམ་སེམས་བསྐྱེད་ནི། སེམས་བསྐྱེད་འགྲོ་བ་ཀུན་དོན་དུ། །ཞེས་སོགས་ལན་གསུམ་བརྗོད། ཚོགས་ཞིང་ནི། མདུན་གྱི་ནམ་མཁར་བླ་མ་རིགས་ཀྱི་བདག་པོར་བཞུགས་པའི་རྡོ་རྗེ་གཏུམ་པོ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་ཨཱོཾ་བཛྲ་ས་མཱ་ཛཿ ཞེས་སྤྱན་དྲངས། རྡོ་རྗེ་སློབ་དཔོན་སངས་རྒྱས་དཔལ། །སོགས་ཡན་ལག་བཅུ་པ་བྱ། །སེམས་ཅན་བདེ་དང་ལྡན་གྱུར་

― GLG025_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག །སྡུག་བསྔལ་ཀུན་དང་བྲལ་བར་ཤོག །བདེ་དང་རྟག་ཏུ་མི་འབྲལ་ཞིང་། །ཆོས་ཀུན་མཉམ་ཉིད་རྟོགས་པར་ཤོག །ཅེས་ཚད་མེད་བཞི་བསྒོམ། མཚམས་གཅོད་ནི་བགེགས་གཏོར་བསྔོས་རྗེས། ཧཱུཾ། བདག་ཉིད་གསང་བདག་ཐུགས་ཁྲོས་པས། །གནོད་བྱེད་འབྱུང་པོ་བགེགས་ཀྱི་ཚོགས། །ཁྱོད་ཀྱི་ལུས་ངག་ཡིད་གསུམ་པོ། །རྡུལ་ཕྲན་བཞིན་དུ་བརླག་པར་བྱེད། །དེ་བས་བགེགས་གཏོར་འདི་ཁྱེར་ལ། །འདི་རུ་མ་འདུག་གཞན་དུ་དེངས། །ཧཱུཾ་བཞིའི་སྔགས་བརྗོད། སྲུང་འཁོར་ནི། བདག་ཉིད་གསང་བདག་ཐུགས་ཀ་ནས། །དཀར་སེར་དམར་ལྗང་མཐིང་འོད་འཕྲོས། །རྡོ་རྗེ་ཕུར་པ་གྲི་གུག་གྲི། །འཁོར་ལོ་མེ་དཔུང་གུར་གྱིས་གཏམས། །གནོད་བྱེད་མི་མིན་བགེགས་ཀྱི་ཚོགས། །གསང་བདག་བཀའ་ལས་མ་འདའ་ཞིག །བཛྲ་ཀཱི་ལི་ཀཱི་ལཱ་ཡ་ཕེ་ལཾ་ཤོ་ཥ་ན་ཙཀྲ་ཛྲ་ལ་རཾ་རཀྵ་ཧཱུཾ་ཕཊ། བྱིན་འབེབས་ནི། རྟོག་མེད་སྤྲོས་བྲལ་ཆོས་ཀྱི་དབྱིངས་ཉིད་ལས། །སྟོང་པའི་ཆོས་ཉིད་ཡེ་ཤེས་རང་སྣང་བ། །གསང་བདག་རྡོ་རྗེ་གཏུམ་པོ་འཁོར་བཅས་ཀྱིས། །དབང་དང་བྱིན་རླབས་མཐུ་དང་དངོས་གྲུབ་སྩོལ། །ས་མ་ཡ་ཨ་(༢བ)

― GLG025_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

བེ་ཤ་ཡ་ཨ་ཨ། མཆོད་རྫས་བརླབ་པ་ནི། ཨཱོཾ་ཨཱཿཧཱུཾ་སྭ་བྷཱ་ཝ་བི་ཤུདྡྷཿ སརྦ་དྷརྨཱ་སྭ་བྷཱ་ཝ་བི་ཤུདྡྷོ྅ཧཾ། རཾ་ཡཾ་ཁཾ་གིས་མཆོད་གཏོར་རྣམས་ཀྱི་མ་དག་པའི་ཚོགས་བསྲེགས་གཏོར་བཀྲུས། སྟོང་པའི་ངང་ལས་བྷྲུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བར་མཆོད་པ་རྣམས་ནམ་མཁའ་གང་བར་སྤེལ་ལ་ཨརྒྷཾ་སོགས་བརྗོད། ཨོཾ་མ་ཧཱ་ཀེཾ་ནི་རི་ཏི་ཧཱུཾ། ཨཱོཾ་བོདྷི་ཙིཏྟ་ག་ན་གུ་ཧྱ་ཧཱུཾ། ཨཱོཾ་སརྦ་པཉྩ་ཨ་མྲྀ་ཏ་ཧཱུཾ། ཨཱོཾ་མ་ཧཱ་རཀྟ་ཛྭ་ལ་མཎྜལ་ཧཱུཾ། ཨཱོཾ་མ་ཧཱ་བ་ལིཾ་ཏ་ཧཱུཾ། རྟེན་བརྟེན་པ་བསྐྱེད་པ་ནི། ཧཱུཾ། ཆོས་རྣམས་རང་བཞིན་སྤྲོས་དང་བྲལ། ནམ་མཁའ་ལྟ་བུའི་ངང་ཉིད་ལས། །འགྲོ་དྲུག་ཀུན་ལ་ཁྱབ་པ་ཡི། །བརྩེ་བའི་སྙིང་རྗེ་ཉི་ལྟར་བསྒོམ། །སྟོང་ཉིད་སྙིང་རྗེ་གསལ་བའི་གློང་། །རྒྱུ་ཡི་རིག་པ་ཧཱུཾ་དུ་གསལ། །དེ་ལས་འོད་འཕྲོས་འབྱུང་རིམ་བརྩེགས། །ཨེ་ཡཾ་རཾ་ཁཾ་སུཾ་ཀེཾ་བྷྲུཾ། བྷྲུཾ་ལས་དུར་ཁྲོད་གཞལ་ཡས་ཁང་། །ཐོད་པ་སྐམ་རློན་རྩིག་པ་བཅས། །ལྷ་ཆེན་ཀ་བརྒྱད་རྔམ་ཞིང་འགྱིང་། །རུས་སྦལ་ཀ་གདན་འཁུན་པ་འདེབས། །གཟའ་བརྒྱད་ཀ་གཞུ་གློག་ལྟར་འཁྱུག །ལྷ་ཀླུའི་གདུང་མ་གདུང་སྟེགས་དང་། །རྒྱུ་སྐར་ཉེར་བརྒྱད་དྲལ་ཕྱམ་བཅས། །ཞིང་ཆེན་ཐོག་ཕུབ་ཐོད་པའི་བད། །རྒྱུ་མའི་དྲ་ཕྱེད་སྤྲས་པ་ལ། །ཙིཏྟའི་ཕོད་དོ་དམར་ཆེན་རྒྱན། །མི་རོའི་རྒྱལ་མཚན་ཀེང་རུས་འཕེན། །རྩེ་ན་གནམ་ལྕགས་ཕྱོགས་བཅུར་ལྡིང་། །རྡོ་རྗེའི་ཡ་ཐེམ་མ་ཐེམ་དང་། །གཡས་གཡོན་རི་བཞི་བཅས་པ་དང་། །གནམ་ལྕགས་འབར་བའི་སྒོ་མོ་ལ། །རྡོ་རྗེ་ཉི་ཟླའི་གཡག་ཤིང་བཅས། །མི་འགྱུར་ཨུར་མོའི་ཟེར་གྱིས་བསྡམས། །ཕོ་བྲང་རབ་ཏུ་ཡངས་པའི་ནང་། །ཡེ་ཤེས་མེ་དཔུང་འབར་བའི་ཀློང་། །མཐིང་ནག་གྲུ་གསུམ་ཨེ་(༣ན)

― GLG025_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་སྟེང་། །ཐབས་ཤེས་ཉི་ཟླ་པདྨའི་ཁར། །གཟའ་བརྒྱད་ཀླུ་བརྒྱད་བསྣོལ་བའི་སྟེང་། །རང་རིག་ཧཱུཾ་སྔོན་ཡོངས་གྱུར་ལས། །རྡོ་རྗེའི་ལྟ་བ་ཧཱུཾ་གིས་མཚན། །དེ་ལས་འོད་འཕྲོས་འཕགས་པ་མཆོད། །སེམས་ཅན་དོན་བྱས་ཚུར་འདུས་པ། །སྐད་ཅིག་ཡོངས་སུ་གྱུར་པ་ལས། །བདག་ཉིད་གསང་བདག་ཕྱག་རྡོར་ནི། །མཐིང་ནག་ཞལ་གཅིག་ཕྱག་གཉིས་པ། །ཕྱག་གཡས་གནམ་ལྕགས་རྡོ་རྗེ་གསོར། །ཕྱག་གཡོན་དུག་སྦྲུལ་ཞལ་དུ་འཁྱེར། །ཞལ་ནི་བགྲད་ཅིང་མཆེ་བ་གཙིགས། །སྤྱན་གསུམ་དམར་འཁྲུག་གྱེན་ཐུར་གཡོ། །སྨ་ར་ཁ་སྤུ་མེ་སྟག་འཕྲོ། །སྨིན་མ་རབ་འཇིགས་གློག་ལྟར་འཁྱུག །དབུ་སྐྲ་དམར་སེར་གྱེན་དུ་འཁྱིལ། །རིགས་བདག་སངས་རྒྱས་མི་བསྐྱོད་བཞུགས། །ཐོད་པའི་དབུ་རྒྱན་པྲོག་ཞུ་གསོལ། །སྐུ་སྟོད་སེང་གླང་སྟོད་གཡོགས་གསོལ། །སྨད་དཀྲིས་སྟག་གི་ཤམ་ཐབས་ཅན། །ཐོད་པ་སྐམ་རློན་དོ་ཤལ་དང་། །སྦྲུལ་ཆུན་སེ་རལ་ཁ་ཡིས་བརྒྱན། །དགའ་བོ་འཇོག་པོའི་ཐོད་བཅིངས་ཅན། །འདབ་བཟང་དཀར་མོའི་སྐུ་རགས་བྱས། །ཀླུ་རིས་བཞི་ཡིས་ཕྱག་ཞབས་བརྒྱན། །སྒེག་པ་དཔའ་བ་འཇིགས་ཚུལ་ཅན། །ཞབས་ནི་བརྐྱང་བསྐུམ་དོར་སྟབས་བགྲད། །མེ་དཔུང་ཀློང་ན་འགྱིང་ཚུལ་བཞུགས། །སྤྱི་གཙུག་དཔུང་པ་པུས་སྟེང་ལྔར། །གཏི་མུག་འཇོམས་པའི་ཁྱུང་ཆེན་མཐིང་། །ཞེ་སྡང་འཇོམས་པའི་ཁྱུང་ཆེན་དཀར། །ང་རྒྱལ་འཇོམས་པའི་ཁྱུང་ཆེན་སེར། །འདོད་ཆགས་འཇོམས་པའི་ཁྱུང་ཆེན་དམར། །ཕྲག་དོག་འཇོམས་པའི་ཁྱུང་ཆེན་ལྗང་། །རྡོ་རྗེ་མཆུ་ལ་གློག་དམར་ལྕེ། །སྤྱན་གསུམ་དམར་པོ་ཁྲག་ཀློང་འཁྲུག །གཡུ་ཡི་སྨིན་མ་བསྐལ་མེ་འབར། །ལྕགས་རྭ་དུ་བ་པུ་རུ་རུ། །(༣བ)

― GLG025_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱི་གཙུག་ནོར་བུ་དགོས་འདོད་འབེབས། །འདབ་གཤོག་གདེངས་པས་གནམ་ས་གཡོ། །སྡེར་མོས་ཀླུ་རྣམས་ཕོ་ཉར་འགྱེད། །རིན་ཆེན་སྤུ་གསེབ་ཐོག་སེར་འབེབས། །སྦྲུལ་འཁྱེར་སྡེ་བརྒྱད་སྲོག་སྙིང་ཟ། ཁྲོ་བཅུས་བར་ཆད་འབྱུང་པོ་འདུལ། །སྒོ་སྲུང་བཞི་ཡིས་བགེགས་རྣམས་བསྲུང་། །ཨཱོཾ་བཛྲ་པཱ་ཎི་ག་རུ་ཌ་མ་ཧཱ་རཀྵ་ས་མ་ཡ་ཧཱུཾ། སྤྱན་འདྲེན་པ་ནི། ཧཱུཾ །ཀླུ་རྒྱལ་དབང་སྡུད་སྙིང་པོ་ཡེ་ཤེས་ལྷ། །ཐུགས་རྗེའི་དབང་གིས་གནས་འདིར་གཤེགས་སུ་གསོལ། །ཀླུ་བདུད་སྦྲུལ་འཛིན་རྡོ་རྗེ་རྒྱལ་ཐབས་ཅན། །རྡོ་རྗེ་རྩེ་བྲན་འབུམ་བརྒྱན་ཁྲོ་བོའི་རྗེ། །རྡོ་རྗེ་ཀླུ་འཇོམས་ནག་པོ་གཤེགས་སུ་གསོལ། །ཨོཾ་བཛྲ་པཱ་ཎི་ག་རུ་ཌ་ཛཿཧཱུཾ་བཾ་ཧོཿ བཞུགས་སུ་གསོལ་བ་ནི། ཧཱུཾ། ཀླུ་གཉན་པདྨ་ཉི་ཟླའི་གདན་སྟེང་དུ། །གསང་བདག་ཕྱག་ན་རྡོ་རྗེ་བཞུགས་སུ་གསོལ། །འཁོར་ལོ་པདྨ་ལྔ་ཡི་གདན་སྟེང་དུ། །མཁའ་ལྡིང་བྱ་ཁྱུང་ཀླུ་འདུལ་བཞུགས་སུ་གསོལ། །བཛྲ་པཱ་ཎི་ག་རུ་ཌ་ས་མ་ཡ་ཏིཥྛ་ལྷན། མཆོད་པ་འབུལ་བ་ནི། ཨོཾ་བཛྲ་པཱ་ཎི་ག་རུ་ཌ་ས་པ་རི་ཝཱ་ར་ཨརྒྷཾ་སོགས་ཀྱིས་མཆོད། བོདྷི་ཙིཏྟ་ཧོ། མ་ཧཱ་པཉྩ་པཱུ་ཙ་ཧོ། མ་ཧཱ་རཀྟ་ཁཱ་ཧི། མ་ཧཱ་བ་ལིནྟ་ཁཱ་ཧི། བསྟོད་པ་ནི། ཧཱུ།ཾ གདུག་པ་འདུལ་མཛད་རྡོ་རྗེ་ཅན་གྱི་སྐུ། །མཐིང་ནག་འཇིགས་པ་རྡོ་རྗེའི་གར་སྟབས་ཅན། །གདུག་པའི་ཀླུ་འདུལ་བྱ་ཁྱུང་རིགས་ལྔས་མཚན། །གཉེན་པོར་གྱུར་པའི་ལྷ་ལ་ཕྱག་འཚལ་བསྟོད། །བཟླས་པ་བྱ་བ་ནི། རང་གི་སྙིང་གར་ཉི་མ་ལ་གནས་པའི་རྡོ་རྗེ་སྔོན་པོ་རྩེ་ལྔ་པའི་ལྟེ་བར་ཧཱུཾ་སྔོན་པོ། དེའི་མཐར་ཨཱོཾ་བཛྲ་ཙཎྜ་མ་ཧཱ་རོ་ཥ་ན་ཧཱུཾ་ཕཊ། ཅེས་སྤྲོ་བསྡུའི་དམིགས་པ་དང་བཅས་ཅི་ནུས་སུ་བཟླ། ཚོགས་མཆོད་སྤྲོ་ན་སྐབས་སུ་གང་བབས་(༤ན)

― GLG025_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ། །ཉེར་བསྡུ་ནི། ཧཱུཾ༔ གསང་བདག་ཕྱག་རྡོར་ལྷ་ཚོགས་རྣམས། ཐུགས་རྗེའི་དབང་གིས་འདིར་བྱོན་ཞིང་། །སེམས་ཅན་དོན་ཀུན་གྲུབ་ནས་ཀྱང་། །སླར་ཡང་སྐྱེ་མེད་ཀློང་དུ་བསྡུ། །བཛྲ་མུཿ བསྔོ་བ་སྨོན་ལམ་གྱི་མཐའ་བརྟེན་པར་བྱའོ། །སྤྲུལ་སྐུ་པདྨ་གླིང་པའི་གཏེར་བྱོན་རྡོ་རྗེ་གཏུམ་པོའི་ལས་བྱང་རྒྱུན་འཁྱེར་མཐོང་བས་རྣམ་གྲོལ་འདི་ནི་རང་དང་སྐལ་མཉམ་མང་པོ་ཕན་པའི་བློས་ཟ་ཧོར་སྔགས་སྨྱོན་གྱིས་རེག་ཟིག་ཏུ་བགྱིས་པའི་ཡི་གེ་པ་ནི་དཔལ་གྲོང་སྔགས་རམས་པ་ངག་དབང་དགེ་ལེགས་སོ།། །།སརྦ་མངྒ་ལཾ། །

རྗེས་གནང་རིག་གཏད་བྱིན་རླབས་ཀྱི་མཚམས་སྦྱོར་འཕྲིན་ལས་ཆུ་རྒྱུན།

― GLG025_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་གནང་རིག་གཏད་བྱིན་རླབས་ཀྱི་མཚམས་སྦྱོར་འཕྲིན་ལས་ཆུ་རྒྱུན་བཞུགས་སོ། །

― GLG025_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་བའི་བླ་མ་འཁོར་ལོའི་མགོན་པོ་རྣམས། །སྙིང་གི་ཟེའུ་འབྲུར་འབྲལ་མེད་རྟག་བཞུགས་ལ། །བགྲང་རིང་སྐྱེ་བའི་དགེ་བའི་བཤེས་མཛད་ནས། །བྱང་ཆུབ་ཐམས་ཅད་དེ་སྲིད་བར་དུ་སྐྱོངས། །དེ་ཡང་སྣོད་ལྡན་གྱི་སློབ་མའི་རྗེས་སུ་འཛིན་པར་བྱེད་པའི་རྗེས་གནང་། རིག་གཏད། བྱིན་རླབས་ལ་རྡུལ་ཚོན། ཚོམ་བུ། གཏོར་མ་སོགས་སོ་སོའི་གཞུང་ནས་བཤད་པའི་བཅའ་གཞི་རྣམས་ལེགས་པར་བསྒྲིགས་ཏེ་དབང་སྒྲུབ་སོང་ནས། སློབ་མ་ཁྲུས་ནས་དབྱུང་། མེ་ཏོག་བཀྱེ་བསྡུ་བྱེད། འོ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་ཟུང་འཇུག་སྐུ་བཞིའི་བདག་ཉིད་ཁྱབ་བདག་རྡོ་རྗེ་འཆང་ཆེན་པོའི་གོ་འཕང་ཐོབ་པར་བྱ། དེའི་ཆེད་དུ་གསང་ཆེན་རྡོ་རྗེ་ཐེག་པའི་རྒྱུད་སྡེ་རིན་པོ་ཆེ་བཞི་ལས་རྒྱུད་སྡེ་ཆེ་གེ་འདིའི་ཁོངས་སུ་གཏོགས་པ་ཟབ་པ་ལས་ཀྱང་ཆེས་ཟབ་པ་ལྷ་འདི་ཞེས་བྱ་བའི་རྗེས་གནང་དམ་རིག་གཏད་དམ་བྱིན་རླབས་ཞུ་སྙམ་པའི་བྱང་ཆུབ་ཀྱི་མཆོག་ཏུ་སེམས་བསྐྱེད་པ་ལེགས་པར་གསལ་བཏབ་སྟེ་གསན་འཚལ། དེའང་དམ་པའི་ཆོས་གསན་པའི་ཀུན་ཏུ་སྤྱོད་པ་ནི་རྒྱུད་སྡེ་རིན་པོ་ཆེ་རྣམས་ལས་གསུངས་པ་ལྟར་སྐུ་ལུས་ཀྱི་འདུག་སྟངས་དྲང་པོར་(༢ན)

― GLG025_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་པ་དང་ཐུགས་བསམ་གྱི་འདུན་པ་ཡང་གནས་ཁང་དང་ས་ཕྱོགས་འདི་ཉིད་ཀྱང་དངས་གསལ་གཉིས་སུ་མེད་པའི་ཡེ་ཤེས་རང་སྣང་ལས་གྲུབ་པའི་ཐར་བ་ཆེན་པོའི་གཞལ་ཡས་ཁང་པ་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་ད་ལྟར་གྱི་རྡོ་རྗེ་སློབ་དཔོན་འདི་ཉིད་ཀྱང་ཐ་མལ་གྱི་སྣང་བ་འདི་ལྟ་བུ་མ་ཡིན་པར་གང་བྱ་བའི་རྗེས་གནང་དམ་རིག་གཏད་དམ་བྱིན་རླབས་བསྐུར་བའི་ལྷ་ཆེ་གེ་མོ་དངོས་ཡིན་སྙམ་པའི་མོས་པ་བརྟན་པོ་དང་ལྡན་པའི་ངང་ནས། ཆོས་ཀྱི་སྒྲ་དབྱངས་གྲག་སྟོང་སྐྱེ་བ་མེད་པར་སྒྲོག་པ་སྲིད་ཞིའི་རྒུད་པ་ཐམས་ཅད་འཇོམས་པའི་སྒྲ་ལྷང་ལྷང་ཡོད་སྙམ་པའི་མོས་པ་བརྟན་པོ་མཛོད། དེའང་མགོན་པོ་ཞི་བ་ལྷས། དལ་འབྱོར་འདི་ནི་རྙེད་པ་ཤིན་ཏུ་དཀའ། །སྐྱེས་བུའི་དོན་བསྒྲུབ་ཐོབ་པར་གྱུར་པ་ལས། །གལ་ཏེ་འདི་ལ་ཕན་པ་མ་བསྒྲུབས་ན། །ཕྱིས་ནས་ཡང་དག་འབྱོར་པ་ག་ལ་རྙེད། །ཅེས་གསུངས་པ་ལྟར། འགྲོ་བ་རྣམས་ཀྱི་གཏན་གྱི་བདེ་བ་བསྒྲུབ་པར་ནུས་པའི་དལ་འབྱོར་གྱི་རྟེན་ཁྱད་པར་ཅན་ད་ལམ་ཐོབ་པའི་དུས་འདིར་དོན་ལྡན་དུ་བྱེད་ནུས་པའི་ཆོས་རྣམ་དག་ཅིག་མ་བྱས་ན་ཚེ་རབས་ཕྱི་མ་རྣམས་སུ་མི་ཁོམས་པའི་གནས་གྲངས་མེད་པར་(༢བ)

― GLG025_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྱམས་ཏེ་མི་ལུས་འདི་ལྟ་བུ་རྙེད་པར་དཀའ་བའི་ཕྱིར། ཅི་ནས་ཀྱང་འདམ་ཁ་མ་ལོག་པའི་ཆོས་རྣམ་དག་ཅིག་མཛད་དགོས། དམ་པའི་ཆོས་དེའང་ཐོས་བསམ་སྒོམ་གསུམ་གྱི་སྒོ་ནས་གཏན་ལ་འབེབས་དགོས་པས། གསན་པར་བྱ་བའི་ཆོས་ནི་ཡང་དག་པར་རྫོགས་པའི་སངས་རྒྱས་ཀྱིས་བཀའ་སྩལ་བའི་ཆོས་ཐམས་ཅད་བསྡུ་ན་ཐེག་པ་དམན་པ་དང་ཐེག་པ་ཆེན་པོ་གཉིས་ལས། དམན་པ་ནི། རང་གི་བུ་ལའང་མ་ཆགས་པའི། །ཉན་ཐོས་རྣམས་ནི་སྐལ་བ་དམན། །ཞེས་དང་། དམྱལ་བར་འགྲོ་བ་སངས་རྒྱས་ཀྱི། །གཏན་གྱི་གེགས་བྱེད་མ་ཡིན་ཏེ། །ཉན་ཐོས་རང་སངས་རྒྱས་རྣམས་ནི། །ས་རྣམས་ཀུན་གྱི་གཏན་གྱི་གེགས། །ཞེས་དང་། ལམ་གོལ་ལམ་ཞུགས་སྟོབས་ཆུང་བ། །སོགས་ཇི་སྙེད་ཅིག་གསུངས་པས་ཐེག་དམན་གྱི་ལམ་ནི་སེམས་ཅན་གཞན་དག་ཡལ་བར་དོར་ནས་རང་ཉིད་གཅིག་པུ་འཁོར་བ་ལས་ཅི་ཐར་བསྒྲུབས་པས་ཞི་བའི་མཐར་ལྷུངས་ཏེ་སངས་རྒྱས་ཐོབ་པ་ལ་ཡིད་ཆེས་ཤིན་ཏུ་ཐག་རིང་བར་འགྱུར་ཞིང་ཐེག་པ་ཆེན་པོའི་རིགས་སད་བའི་གདུལ་བྱ་ཡིན་ཕྱིན་དམན་པའི་ལམ་དུ་བཀྲིར་མི་རུང་བས་འདིར་ཐེག་པ་ཆེན་པོ་ལ་ངེས་པར་འཇུག་དགོས་ལ། ཐེག་པ་ཆེན་པོ་ལའང་རྒྱ་ཆེན་པོར་མོས་པ་ལ་དབང་བརྟུལ་ཆགས་བྲལ་གྱི་སྤྱོད་པ་དང་སེམས་ཅན་གྱི་དོན་དུ་འགྱུར་ན་གང་འཚམ་གྱི་སྤྱོད་པའི་སྒོ་ནས་ས་དང་ཕ་རོལ་དུ་ཕྱིན་པའི་ཐེག་པ། དབང་རྣོན་བདེ་ཆེན་གྱི་སྤྱོད་པས་སངས་རྒྱས་དོན་དུ་གཉེར་བ་སོགས་གདུལ་བྱའི་མོས་བློ་སྣ་ཚོགས་པ་བཀྲི་བའི་ཐབས་སུ་ཆོས་ཀྱི་རྣམ་གྲངས་མང་དུ་བསྟན་ཀྱང་གཙོ་བོར་གྱུར་བ་འབྲས་བུ་རྡོ་རྗེ་ཐེག་པ་ཡིན་པའི་རྒྱུ་མཚན་ཡང་རྒྱུའི་ཐེག་པ་ནི་བསྐལ་བ་གྲངས་མེད་གསུམ་དུ་ཚོགས་བསགས་པའི་མཐར་ས་བཅུ་གཅིག་ཙམ་མངོན་དུ་བྱེད་པ་(༣ན)

― GLG025_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་མ་གསུངས་པའི་ཕྱིར་ན་འབྲས་བུ་སྔགས་ཀྱི་ཐེག་པ་ཞིག་ལ་ངེས་པར་འཇུག་དགོས་ཏེ། ཚུལ་གསུམ་སྒྲོན་མེ་ལས། དོན་གཅིག་ན་ཡང་མ་རྨོངས་དང་། །ཐབས་མང་དཀའ་བ་མེད་པ་དང་། །དབང་པོ་རྣོན་པོའི་དབང་བྱས་ནས། །སྔགས་ཀྱི་ཐེག་པ་ཁྱད་པར་འཕགས། །ཞེས་གསུངས་པ་ལྟར་རྒྱུ་འབྲས་གཉིས་ཀྱི་ཐེག་པའི་ཐོབ་བྱ་སངས་རྒྱས་ཀྱི་གོ་འཕང་ཡིན་པ་ལ་དོན་གཅིག་ཏུ་ཟིན་ཀྱང་མྱུར་དུ་འཚང་རྒྱ་བ་ལ་འབྲས་བུ་སྔགས་ཀྱི་ཐེག་པ་ཁྱད་པར་དུ་འཕགས་པ་ཡིན་ཏེ་འཚང་རྒྱ་བའི་ཐབས་ལ་མ་རྨོངས་པ་དང་། ཐབས་མང་བ་དང་དཀའ་བ་མེད་པ་སྟེ་ཚེ་འདི་འམ་སྐྱེ་བ་བཅུ་དྲུག་ཚུན་ལ་རྡོ་རྗེ་འཛིན་པའི་གོ་འཕང་བྱེད་ནུས་པས་འབྲས་བུ་སྔགས་ཀྱི་ཐེག་པ་ཞིག་ལ་ངེས་པར་འཇུག་དགོས་ལ། རྒྱུད་སྡེའི་དབྱེ་ཚུལ་ལའང་། སངས་རྒྱས་གསང་བ་ལས། རྣལ་འབྱོར་སྤྱོད་དང་བྱ་དབྱེ་ལས། །རྒྱུད་སྡེ་རྣམ་པ་གསུམ་དུ་འགྱུར། །ཞེས་གསུངས་པ་ལྟར་བྱ་བ་སྤྱོད་པ་རྣལ་འབྱོར་གྱི་རྒྱུད་གསུམ་དུ་བཤད་ཅིང་། རྡོ་རྗེ་གུར་ལས། དམན་པ་རྣམས་ལ་བྱ་བའི་རྒྱུད། །བྱ་མིན་རྣལ་འབྱོར་དེ་ལྟག་ལ། །སེམས་ཅན་མཆོག་ལ་རྣལ་འབྱོར་མཆོག །རྣལ་འབྱོར་བླ་མེད་དེ་ལྟག་ལ། །ཞེས་པ་ལྟར་མུ་སྟེགས་བྱེད་སོགས་ལོག་པར་སྤྱོད་པ་རྣམས་ཀྱི་འདོད་ཆགས། འཚེ་བ། གཙང་སྒྲ། དེ་གསུམ་ག་ཆོས་སུ་སྨྲ་བ་ཀུན་རྗེས་སུ་འཛིན་པར་བྱེད་པའི་ཕྱིར་དུ་བླ་མེད། བྱ་སྤྱོད། རྣལ་འབྱོར་ཏེ་རྒྱུད་སྡེ་བཞི་དང་། ཡེ་ཤེས་རྡོ་རྗེ་ཀུན་ལས་བཏུས་པའི་རྗེས་སུ་འབྲངས་ནས་རྡོ་རྗེ་ས་འོག་སོགས་མདོ་སྡེ་རྟོག་པའི་རྒྱུད་དང་པོར་བྱས་ཏེ་རྒྱུད་སྡེ་ལྔ་དང་། བདེ་མཆོག་ལེའུ་ལྔ་བཅུ་རྩ་གཅིག་པ་ལས། ཇི་སྲིད་མདོ་བྱ་སྤྱོད་པ་(༣བ)

― GLG025_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །རྣལ་འབྱོར་གསང་མཐའི་དབྱེ་བ་ཡི། །སེམས་ཅན་མོས་པ་སྣ་ཚོགས་པ། །དེ་དག་དེ་ལ་དགའ་བ་ཡིན། །ཞེས་བླ་མེད་ལས་ཀྱང་རྣལ་འབྱོར་གསང་མཐའ་ལོགས་སུ་ཕྱེ་བས་རྒྱུད་སྡེ་དྲུག་ཏུ་བཞེད་པ་སོགས་རྣམ་གྲངས་མང་ནའང་འདིར་ཡོངས་སུ་གྲགས་པ་རྒྱུད་སྡེ་བཞིའི་དབང་དུ་བྱས་ཏེ་གསན་བྱའི་ཆོས་འདི་ཉིད་དཔེ་ཕྱག་རྡོར་འབྱུང་འདུལ་ལྟ་བུ་ལ་མཚོན་ན། ཕྱག་ན་རྡོ་རྗེ་ལ་འཁོར་ལོ་ཆེན་པོ་དབང་གི་ཆེ་བ། མདོ་ལུགས་བརྟག་པའི་ཆེ་བ། སྦ་བ་མ་གདམས་ངག་གི་ཆེ་བ་ནི། སློབ་དཔོན་སྦ་བ་བས་དཀྲལ་བ་སྟེ་གདམས་ངག་གི་ཆེ་བ་ནི་མ་རྒྱུད་གཏུམ་ཆེན་ཡིན་ལ། གཏུམ་པོ་ཁྱུང་གི་ཆེ་བ། ཨུ་ཙ་དྲག་སྔགས་ཀྱི་ཆེ་བ། རྣམ་འཇོམས་ཁྲུས་ཀྱི་ཆེ་བ། འགྲོ་བཟང་ཆོས་སྐྱོང་གི་ཆེ་བ། འབྱུང་པོ་འདུལ་བྱེད་སྟོབས་ཀྱི་ཆེ་བ་ལས། འབྱུང་འདུལ་ལའང་སོའི་སྔགས་འཆང་ཆེན་པོ་སྙེ་མདོ་ཤཱཀྱ་དཔལ་བར་ཡི་དམ་གྱི་ལྷས་དངོས་སུ་གནང་བའི་འབྱུང་འདུལ་མེ་དབང་དང་སྣར་ཐང་པའི་བཀའ་སྲོལ་བརྒྱ་རྩ་ནས་བཤད་པའི་འབྱུང་འདུལ་སོགས་རྣམ་གྲངས་མང་ཡང་འདིར་རྣལ་འབྱོར་མ་བླ་ན་མེད་པ་རྡོ་རྗེ་གུར་གྱི་རྒྱུད་ལས་བྱུང་བ་བླ་མ་རྡོ་རྗེ་གདན་པ་ནས་བ་རི་ལོ་ཙཱ་བ་བརྒྱུད་དེ་རྗེ་བཙུན་གོང་མར་བཀའ་བབས་པའི་འབྱུང་པོ་འདུལ་བྱེད་ཀྱི་རྗེས་གནང་འབུལ་བ་ལ་ཞེས་པ་དང་། སྤྱན་རས་གཟིགས་ལ་མཚོན་ན་བྱ་བའི་རྒྱུད་ལ་རིགས་དྲུག་ཏུ་ཡོད་པའི་པདྨའི་རིགས་ཀྱི་བྱང་ཆུབ་སེམས་དཔའ་ཐུགས་རྗེ་ཆེན་པོ་སྤྱན་རས་གཟིགས་ལ་སྒྲུབ་ཐབས་བརྒྱ་རྩ་མ་ནས་བཤད་པའི་ཐུགས་རྗེ་ཆེན་པོའི་རིགས་མང་བ་དང་། ཟུར་བཀའ་ལའང་དཔལ་མོ་ལུགས་དང་ཟླ་རྒྱལ་ལུགས་སོགས་བླ་མ་གོང་མ་རྣམས་ཀྱི་བཀའ་བབས་མང་ཡང་དཔལ་ལྡན་ཤངས་པ་བཀའ་བརྒྱུད་ཀྱི་ཆིག་བརྒྱུད་རྡོ་རྗེའི་རྒྱས་འདེབས་(༤ན)

― GLG025_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བརྒྱུད་པ་རིན་པོ་ཆེ་སྣ་བདུན་དུ་གྲགས་པའི་ནང་ཚན་ལྔ་པ་དཔོན་སྟོན་སྐྱེར་སྒང་པ་ཆོས་ཀྱི་སེང་གེའི་ལུགས་ཀྱི་ཐུགས་རྗེ་ཆེན་པོ་གཙོ་འཁོར་གསུམ་པའི་རྗེས་གནང་འབུལ་བ་ལ། ཞེས་པ་ལྟ་བུས་མཚོན་ཏེ་རྒྱུད་སྡེའི་དབྱེ་བ་དང་ལྷ་སོ་སོའི་རིགས་དབྱེ་ལུགས་སོགས་རིག་པས་འཕྲུལ་ཤེས་བྱེད། སྔོན་དུ་འགྲོ་བ་རྡོ་རྗེ་སློབ་དཔོན་གྱི་བྱ་བ་དང་དངོས་གཞི་སློབ་མའི་བྱ་བ་གཉིས་ལས། སློབ་དཔོན་གྱིས་བྱ་བའི་འོས་སུ་གྱུར་བ་ནི་བདག་བསྐྱེད་བཟླས་པ་དང་བཅས་པ་དང་། མདུན་བསྐྱེད་ཀྱི་ཚོམ་བུ་ཡན་ལག་བཞི་རྫོགས་སུ་བསྒྲུབ་ཅིང་དེ་དག་ལ་མཆོད་བསྟོད་གཏོར་མ་འབུལ་བ་དང་བྱིན་རླབས་བརྟན་བྱེད་ཀྱི་བཟླས་པ་སོགས་ནི་ལེགས་པར་གྲུབ། དེ་རྡོ་རྗེ་སློབ་མའི་བྱ་བ་ལ་ཡོན་དབུལ་ཞིང་གསོལ་བ་གདབ་པའི་སླད་དུ་དམིགས་པ་འདི་བཞིན་དུ་མཛོད། སློབ་དཔོན་ལྷ་ཆེ་གེ་མོར་གསལ་བའི་སྤྱན་སྔར་ཁྱེར་རང་རྣམས་ཀྱི་ལུས་ལོངས་སྤྱོད་དུས་གསུམ་དུ་བསགས་པའི་དངོས་པོ་ཐམས་ཅད་མཎྜལ་རི་རབ་གླིང་བཞི། ཉི་ཟླ་ཟུང་གཅིག །ལྷ་མིའི་དཔལ་འབྱོར་ཕུན་སུམ་ཚོགས་པའི་རྣམ་པར་སྤྲུལ་ཏེ་མཎྜལ་ཚོམ་བུ་བདུན་མ་ཞིག་དབུལ་བར་ཞུ་ཞེས་བརྗོད། དེ་ལྟར་མཎྜལ་ཕུལ་ནས་གསོལ་བ་གདབ་པ་འདིའི་རྗེས་ཟློས་ཤིག་མཛད་པ་ཞུ། ཞེས་རྗེས་གནང་སོ་སོའི་གཞུང་ནས་བཤད་པའི་ཐུན་མོང་པའི་གསོལ་གདབ་ལན་གསུམ་བྱེད། རྒྱུད་དག་པར་བྱ་བའི་ཕྱིར་ཐུགས་བསམ་གྱི་ཁྱད་པར་འདི་བཞིན་མཛད་འཚལ། དེའང་འཁོར་བ་ལ་མཐའ་མེད། མཐའ་མེད་པ་བཞིན་དུ་སེམས་ཅན་ལ་མཐའ་མེད། མཐའ་མེད་པའི་སེམས་ཅན་འདི་དག་འཁོར་བ་སྡུག་བསྔལ་གྱི་རྒྱ་མཚོ་ཆེན་པོར་འཁྱམས་པ་ཡིན་ལ། རྒྱ་མཚོ་ནི་གཏིང་ཟབ་ཅིང་མཐའ་རྙེད་དཀའ་བ་ལྟར་འཁོར་བའི་གཏིང་མཐའ་དེ་དང་(༤བ)

― GLG025_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ་ཞིང་ཆུ་སྲིན་ན་ཀྲ་སོགས་སྲོག་ཆགས་མ་རུངས་པ་དང་འདྲ་བའི་ཉོན་མོངས་པ་དུག་གསུམ་དང་མི་འདོད་པའི་རླུང་ཤུགས་དྲུག་པོ་ལྟར་ལས་ཀྱི་གཞན་དབང་དུ་གྱུར་པས། སེམས་ཅན་དེ་རྣམས་ལ་སྡུག་བསྔལ་ཇི་ལྟ་བུ་ཞིག་ཡོད་ན། དམྱལ་བ་རྣམས་ལ་ཚ་གྲང་གི་སྡུག་བསྔལ། ཡི་དགས་རྣམས་ལ་བཀྲེས་སྐོམ་གྱི་སྡུག་བསྔལ། དུད་འགྲོ་རྣམས་ལ་གཅིག་ལ་གཅིག་ཟ་བ་དང་གསོད་པ་དང་བཀོལ་སྤྱོད་ཀྱི་སྡུག་བསྔལ། མི་རྣམས་ལ་འདོད་པ་བཙལ་གྱིས་མ་རྙེད་པ་དང་མི་འདོད་པ་ཐོག་ཏུ་བབས་པའི་སྡུག་བསྔལ། ལྷ་མ་ཡིན་རྣམས་ལ་འཐབ་རྩོད་དང་ལུས་བཅད་ཅིང་དྲལ་བ་ལ་སོགས་པའི་སྡུག་བསྔལ། ལྷ་རྣམས་ལ་འཆི་འཕོ་བ་དང་གོང་མ་ནས་འོག་མར་ལྟུང་བ་དང་མཐར་ངན་སོང་དུ་སྐྱེ་བར་ཤེས་པ་ན་དམྱལ་བའི་སྡུག་བསྔལ་གྱི་སྡུག་བསྔལ་ལས་ཀྱང་ཆེས་ཆེ་བའི་སེམས་ཀྱི་སྡུག་བསྔལ་རྣམས་ཡོད་པར་བཤད་པས་སྡུག་བསྔལ་དེ་ལས་རང་ཉིད་གཅིག་པུ་ཐར་བར་བྱེད་དམ་སྙམ་ན་མ་ཡིན་ཏེ་སེམས་ཅན་འདི་དག་ཐམས་ཅད་རང་གི་ཕ་མར་མ་གྱུར་བ་མེད་ཅིང་མ་བྱས་རེས་ཀྱི་གནོད་པ་ལས་བསྐྱབས་ཤིང་ཕན་བཏགས་པའི་དྲིན་ཅན་ཤ་སྟག་ཡིན། འདི་དག་རྣམས་འདོད་པ་བདེ་བ་འདོད་ཀྱང་ཐབས་ལ་མི་མཁས་པའི་དབང་གིས་ལ་ལ་སྡུག་བསྔལ་དངོས་ལ་ལོངས་སྤྱོད། ལ་ལ་དེའི་རྒྱུ་རྔམས་པོ་ཆེར་ལོངས་སྤྱོད། བླང་དོར་ལ་བལྟ་བའི་མིག་མ་རིག་པས་ལྡོངས། ཐར་པའི་རྟེན་གྱི་འཁོར་བ་དང་བྲལ་དགེ་བའི་བཤེས་གཉེན་གྱི་དམིགས་བུ་བས་མ་ཟིན། མངོན་མཐོ་དང་ངེས་ལེགས་ལ་བརྡེག་འཆོས་ཤིང་འཁོར་བ་དང་ངན་སོང་གི་གཡང་ཁའི་གྲམ་པར་བྱེད་པ་འདི་རྣམས་དེ་ལས་ཐར་བར་བྱེད་པའི་ཐབས་ཤིག་མ་བྱས་ན་ངོ་ཚ་དང་ཁྲེལ་གཞུང་ཡེ་མེད་པ་ཡིན་ལ། (༥ན)

― GLG025_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས་ཀྱང་རྒྱལ་བའི་སྲས་པོ་ཐོགས་མེད་བཟང་པོ་དཔལ་གྱིས། རང་ཉིད་འཁོར་བའི་བཙོན་རར་གནས་བཞིན་དུ། །འཇིག་རྟེན་ལྷ་ཡིས་སུ་ཞིག་སྐྱོབ་པར་ནུས། །ཞེས་ཚངས་པ། ཁྱབ་འཇུག །དབང་ཕྱུག་སྟེ་གཙོ་བོ་གསུམ་གྱིས་ཐོག་དྲངས་པའི་འཇིག་རྟེན་གྱི་དབང་ཕྱུག་རྣམས་ལ་ནུས་པ་མི་མངའ་ཞིང་། གང་ལ་མངའ་ན་ཡུལ་ཁྱད་པར་ཅན་དཀོན་མཆོག་གསུམ་ནི་མཁྱེན་པའི་ཆ་ནས་གདུལ་བའི་ཁམས་དང་བསམ་པ་དང་བག་ལ་ཉལ་གཟིགས་པས་རྗེས་སུ་འཛིན་པ་ལ་མཁས། བརྩེ་བ་མེད་ན་ཡལ་བར་འདོད་སྲིད་ཀྱང་མ་རང་གི་བུ་གཅིག་པུ་ལ་བརྩེ་བ་ལྟར་རིས་མེད་པའི་ལུས་ཅན་ལ་སྙིང་རྗེ་ཆེན་པོ་དང་ལྡན། སྙིང་རྗེ་ཙམ་ཡོད་ཀྱང་མ་ལག་ཞར་མའི་བུ་ཆུས་ཁྱེར་གྱི་ར་མདའ་གཞན་ལ་སྦྲོན་པ་བཞིན་མ་ཡིན་པར་རྗེས་སུ་འཛིན་པའི་ནུས་མཐུ་ཁྱད་པར་ཅན་མངའ་བས་ཡོན་ཏན་དེ་ལྡན་ལ་སྐྱབས་སུ་འགྲོ་བར་བྱེད་པ་ཡིན་ལ། དེས་ན་རང་རེ་རྣམས་སྐྱབས་སུ་སོང་སྟེ་འཁོར་བ་ལས་ཐར་བ་ཙམ་གྱིས་ཆོག་གམ་སྙམ་ན་མ་ཡིན་ཏེ་ལུས་ཅན་མཐའ་དག་སྲིད་པའི་མཚོ་ལས་སྒྲོལ་བར་ནུས་པ་རྫོགས་པའི་སངས་རྒྱས་ཉག་གཅིག་ཡིན་པས་དེའི་གོ་འཕང་ཐོབ་པའི་ཕྱིར་དུ་ཐེག་པ་ཆེན་པོར་སེམས་བསྐྱེད་དགོས་པས། དེའི་སླད་དུ་མདུན་གྱི་རྡུལ་ཚོན་ནམ་ཚོམ་བུ། གཏོར་མ་སོགས་གང་ཡིན་པ་དེ་ཉིད་ལྷག་པའི་ལྷ་ཆེ་གེ་མོར་གསལ་བའི་མཐའ་སྐོར་དུ་རྩ་བརྒྱུད་ཀྱི་བླ་མ། ཡི་དམ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་ཏེ་བཞུགས་པའི་སྤྱན་སྔར་ཁྱེད་རང་རྣམས་ཀྱི་སྐུ་ཚེ་འཁོར་བ་ཐོག་མ་མེད་པ་ནས་བསགས་པར་གྱུར་པ་མ་འོངས་པ་ན་གསོག་པར་འགྱུར་བ། ད་ལྟར་ཡང་གསོག་བཞིན་པའི་(༥བ)

― GLG025_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

སྡིག་པའི་ལས་ཇི་སྙེད་ཅིག་ཡོད་པ་དེ་དག་ཐམས་ཅད་སྟོབས་བཞི་ཚང་བའི་སྒོ་ནས་བཤགས་པ་ལ་སོགས་ཡན་ལག་བདུན་པ་ཚུལ་བཞིན་དུ་བགྱིད་སྙམ་པས་གུར་ལས་བྱུང་བའི་རྒྱུན་བཤགས་ལན་གསུམ་གྱི་རྗེས་ཟློས་བྱ། དེ་ལྟར་རྒྱུད་དག་པར་བྱས་ནས་ཐུན་མོང་མ་ཡིན་པའི་གསོལ་བ་གདབ་པའི་སླད་དུ། བདག་ལ་དཔལ་ཆེ་གེ་མོའི་རྗེས་སུ་གནང་བ་མ་ལུས་པ་སྩལ་དུ་གསོལ་སྙམ་པའི་མོས་གུས་དྲག་པོས་གསོལ་བ་གདབ་པ་ལ་འདིའི་རྗེས་ཟློས་མཛོད། དེའང་དུས་གསུམ་སངས་རྒྱས་ཐམས་ཅད་ཀྱི་ངོ་བོ་ཞེས་པ་དང་སློབ་དཔོན་རིན་པོ་ཆེ་སོགས་སོ་སོའི་གཞུང་ལས་བྱུང་བ་བཞིན་དང་ལ་ལར་གསོལ་གདབ་མེད་པའང་ཡོད། དེས་སྔོན་འགྲོ་སོང་ནས་དངོས་གཞི་ལ་བ་རི་ལོ་ཙཱ་བའི་སྒྲུབ་ཐབས་བརྒྱ་རྩ་ལ་ལུང་གསུམ་གྱིས་འཆང་བའི་རྗེས་གནང་མཛད་ཅིག །འཆིང་ལུགས་བྱས་ཀྱང་ས་ལོའི་འཇམ་དབྱངས་དམར་སེར་དང་ངོར་ཆེན་དཀོན་མཆོག་ལྷུན་གྲུབ་ཀྱིས་མཛད་པའི་རྣམ་འཇོམས་སོགས་ལ་ཆིངས་ཅུང་ཟད་མི་འདྲ་བ་ཡོད་པ་སོ་སོ་ལྟར་མཛད་སྲོལ་ཅིང་ཕལ་ཆེར་ལ་དམ་ཚིག་པ་བསྐྱེད། དེ་ལ་ཡེ་ཤེས་པ་བསྟིམ་པའི་གཞི་བཀོད་རྗེས། སྔགས་ཀྱི་བཟླས་ལུང་། བྱིན་གྱིས་བརླབས་པའི་ལུང་གི་ཆིངས་མཛད་པ་ཡིན་པ་ཞིབ་ཆ་རྡོ་རྗེ་འཆང་དབང་ཕྱུག་རབ་བརྟན་གྱིས་གནང་བའི་འབྱུང་འདུལ་གྱི་དེར་གསལ་བར་ཡོད་ཅིང་། སློབ་དཔོན་ཨ་བྷ་ཡཱ་ཀ་རའི་སྒྲུབ་ཐབས་རྒྱ་མཚོའི་གཞུང་གི་རྗེས་སུ་འབྲངས་ན་སྐུ་གསུང་ཐུགས་ཀྱི་ཆིངས་མཛད་པ་དེའི་བྱེད་ལུགས་ནི་རྗེ་དབང་རབ་ཀྱིས་མཛད་པའི་འབྱུང་འདུལ་གྱི་ཡི་གེ་སོར་བཞག་གི་ལྷ་གང་ཡིན་ཁ་སྒྱུར། དེ་ལྟར་ལྷ་ཆེ་གེ་མོའི་རྗེས་སུ་གནང་བ་གསན་པ་ཡིན་པས་གནས་སྐབས་དེ་དག་ཏུ་ཞལ་གྱིས་བཞེས་པའི་(༦ན)

― GLG025_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་དང་སྡོམ་པ་ལ་བསྲུང་སྡོམ་ཚུལ་བཞིན་དུ་མཛད་སྙམ་པས་གཙོ་བོས་ཇི་ལྟར་སོགས་དང་གཏང་རག་གི་མཎྜལ་དབུལ། མཎྜལ་གྱིས་མཚོན་པའི་ལུས་ལོངས་སྤྱོད་དུས་གསུམ་བསགས་པའི་དགེ་བའི་དངོས་པོ་ཐམས་ཅད་དབུལ་སྙམ་པའི་སྒོ་ནས་འདིའི་རྗེས་ཟློས་མཛོད། དེང་ནས་བརྩམས་ཏེ་སོགས་བརྗོད། དེ་ལྟར་རྗེས་གནང་ཆེ་གེ་མོ་གསན་པ་ཡིན་པས་འདི་དག་ལ་བརྟོན་ནས་རང་གཞན་གྱི་དོན་རྒྱ་ཆེན་པོ་མཛད་པ་ཞུ། བསོད་ནམས་འདི་ཡིས་ཐམས་ཅད་གཟིགས་པ་ཉིད། །སོགས་བརྗོད་དོ། །དེའང་ཟུར་བཀའ་དང་སྤྱི་བཀའི་སངས་རྒྱས་བྱང་སེམས་ལ་འབྲུ་དཀར་གྱི་ཚོམ་བུ་དགོས་པ་ཤས་ཆེ། ལ་ལར་དམིགས་བསལ་གྱི་རྡུལ་ཚོན་གྱིས་པད་འདབ་ལྟ་བུ་འདྲི་བའང་ཡོད་ཅིང་འདི་རིགས་ཐམས་ཅད་ལ་འབུལ་གཏོར་ལས་དབང་གཏོར་གྱི་སྲོལ་མེད། གཏོར་མ་བཟོ་འདི་ཡིན་མེད་པ་ཞིག་མགོ་བོ་ལ་བཞག་ནས་སངས་རྒྱས་ཤཱཀྱ་ཐུབ་པ་བྱིན་གྱིས་རློབས་ཤིག་ཅེས་སོགས་བཀའ་བསྒོ་དམ་བཞག་བྱེད་པ་རྣམས་ནི་བཞད་གད་ཀྱི་གནས་ཁོ་ནར་འདུག །རྟ་མགྲིན་གསང་སྒྲུབ་ལྟ་བུ་དང་ཆོས་སྐྱོང་གི་རིགས་རྣམས་ལ་དབང་གཏོར་ངེས་པར་དགོས་པ་ཡིན་པས་སོ་སོར་མ་འདྲེས་པའི་ཡིག་ཆ་གང་ཡིན་དང་བསྟུན་དགོས་པས་ཐམས་ཅད་ལ་དཔེ་གཅིག་བཀབ་ནས་རྣ་བས་ཐོས་ཚད་ཀྱི་རྗེས་གནང་དང་རིག་གཏད་སོགས་བྱེད་པའི་བླ་ཆེན་བླ་ཆུང་རྣམས་ཀྱི་རྗེས་སུ་འབྲང་མི་འཚལ་ལོ། གསང་སྔགས་རྙིང་མ་ལ། འོ་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཁྱབ་བདག་ཀུན་ཏུ་བཟང་པོའི་གོ་འཕང་ཐོབ་པར་བྱ། ཞེས་པ་ནས། མོས་པ་བརྟན་པོ་(༦བ)

― GLG025_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད་ཡན་གོང་ལྟར་ལ། དེའང་མགོན་པོ་ཀླུ་སྒྲུབ་ཀྱིས། མཐུན་པར་གྱུར་པའི་ཡུལ་ན་གནས་པ་དང་། །སྐྱེས་བུ་དམ་ལ་ནི་བརྟེན་པ་དང་། །བདག་གི་ལེགས་སྨོན་སྔོན་ཡང་བསོད་ནམས་ཀྱི། །འཁོར་ལོ་ཆེན་པོ་བཞི་ནི་ཁྱེད་ལ་མངའ། །ཞེས་ཕུན་སུམ་ཚོགས་པ་དུ་མ་དང་ལྡན་པའི་དལ་འབྱོར་གྱི་མི་ལུས་འདི་ཉིད་རྒྱལ་བའི་ཡུམ་ལས། རབ་འབྱོར་བྱང་ཆུབ་སེམས་དཔའ་གང་དག་བདག་ཀྱང་དགེ་བ་ལ་སྤྱོད་ཅིང་གཞན་ཡང་དགེ་བ་ལ་བསྐུལ་བ་ན་དལ་འབྱོར་སྙིང་པོ་ཡོད་པར་བྱེད་པ་དེ་སངས་རྒྱས་ཀྱིས་བསྔགས་སོ། །ཞེས་གསུངས་པ་ལྟར་ལན་ཅིག་ཙམ་རྙེད་པའི་དལ་འབྱོར་གྱི་མི་ལུས་འདི་སྟོང་ལོག་ཏུ་མ་སོང་བར་སྙིང་པོ་ལོན་པ་ཞིག་ངེས་པར་བྱེད་དགོས་ལ། སྙིང་པོ་ལེན་པའི་ཐབས་ནི་དམ་པའི་ཆོས་སྒྲུབ་པ་ལས་གཞན་དུ་མ་མཆིས་ཤིང་། ཆོས་ཀྱང་རྣམ་བཤད་རིག་པ་ལས། ཆོས་ནི་ཤེས་བྱ་ལམ་དང་ནི། །མྱ་ངན་འདས་དང་ཡིད་ཀྱི་ཡུལ། །བསོད་ནམས་ཚེ་དང་གསུང་རབ་དང་། །འབྱུང་འགྱུར་ངེས་དང་ཆོས་ལུགས་ལའོ། །ཞེས་སྒྲ་ཡངས་པའི་དབང་དུ་བྱས་ན་དུ་མར་འཇུག་ཀྱང་འདིར་གཙོ་ཆེ་བ་དམ་པའི་ཆོས་ཏེ་མདོ་དགོངས་པ་འདུས་པ་ལས། རྒྱུ་ལ་མོས་པའི་རྒྱུའི་ཆོས་ཀྱི། །འཁོར་ལོ་རབ་ཏུ་བསྐོར་བྱས་ནས། །རྡོ་རྗེ་ཐེག་པའི་ཉེ་ལམ་ཞིག །མ་འོངས་དུས་ན་འབྱུང་པར་འགྱུར། །ཞེས་བདག་ཅག་གི་སྟོན་པས་བཀའ་དང་པོ་བདེན་པ་བཞི་བར་པ་མཚན་ཉིད་མེད་པ། མཐའ་མ་ལེགས་པར་རྣམ་པར་ཕྱེ་བ་སྟེ་ཆོས་འཁོར་རིམ་པ་གསུམ་ཡོངས་གྲགས་སུ་བསྐོར་ནས་གསང་ཆེན་རྡོ་རྗེ་ཐེག་པ་ནི་འོག་མིན་སོགས་དག་པའི་ཞིང་དང་། གཞན་ཡང་རི་རབ་ཀྱི་རྩེ། ཨྱོན་མཁའ་འགྲོའི་གསང་མཛོད། དཔལ་

― GLG025_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་འབྲས་སྤུངས་ཀྱི་མཆོད་རྟེན་སོགས་གནས་མང་པོར་དཀྱིལ་འཁོར་སོ་སོའི་རིགས་ཀྱི་བདག་པོ་སྐུར་བཞེངས་ནས་དབང་པོ་རྣོན་པོའི་གདུལ་བྱ་མཆོག་རྣམས་རྗེས་སུ་བཟུང་བ་ཡིན་ཅིང་། དེའང་དགའ་རབ་རྡོ་རྗེ། ཤྲཱི་སིངྷ་རིགས་འཛིན་བརྒྱད་ཀྱིས་གཙོས་པའི་པཎ་གྲུབ་དུ་མས་རྫོགས་པ་ཆེན་པོ་སེམས་ཀློང་མན་ངག་གི་སྡེ། སྤྱི་ཏི། ཡང་ཏི། འདུས་པ་མདོ། སྒྱུ་འཕྲུལ། བཀའ་བརྒྱད་སྤྱི་བྱེ་བྲག །དཔལ་མགོན་འཕགས་པ་ཀླུ་སྒྲུབ་ཀྱི་ཕ་རྒྱུད་གསང་བ་འདུས་པ་མི་བསྐྱོད་པ་དང་སངས་རྒྱས་ཡེ་ཤེས་ཞབས་ཀྱི་འཇམ་རྡོར། གྲུབ་པའི་དབང་ཕྱུག་དྲིལ་བུ་པ། ལཱུ་ཨི་པ། སྤྱོད་པའི་རྡོ་རྗེ་རྣམས་ཀྱི་མ་རྒྱུད་འཁོར་ལོ་སྡོམ་པ། ཀྱེ་རྡོར་མན་ངག་ལུགས། ནག་པོ་པ། མཚོ་སྐྱེས། ཌོམྦི་པ་སྟེ་བཞི་གཉིས་སུ་མེད་པ་དགྱེས་མཛད་རྡོ་རྗེ་སོགས་པཎ་གྲུབ་རྣམས་ཀྱིས་རྒྱུད་སྡེ་མཐའ་ཡས་པའི་སྲོལ་ལེགས་པར་ཕྱེ་ཞིང་ཐེག་པ་རིམ་དགུ་དང་རྒྱུད་སྡེ་བཞི་སོགས་ཀྱི་རྣམ་གཞག་ལས་གསང་སྔགས་གསར་རྙིང་ཞེས་བྱ་བའི་ཐ་སྙད་མ་མཆིས་ཀྱང་གངས་ཅན་གྱི་ལྗོངས་འདིར་འཇམ་དབྱངས་ཀྱི་སྤྲུལ་པ་རྗེ་ཁྲི་སྲོང་ལྡེའུ་བཙན་གྱིས་རྒྱལ་བའི་བསྟན་པ་སྤེལ་བའི་ཆེད་དུ་སངས་རྒྱས་གཉིས་པ་དཔལ་ཨྱོན་ཆེན་པོ་གདན་དྲངས་ཏེ་ལྷ་ཆེན་དགུ་དང་བསྟན་མ་བཅུ་གཉིས་སོགས་ལྷ་སྲིན་གདུག་པ་ཅན་ཐམས་ཅད་དམ་ལ་བཏགས་ཏེ་ཐུབ་བསྟན་ཉིན་མོ་ལྟར་མཛད་པའི་ཚེ་དམ་པའི་ཆོས་འགྱུར་བའི་བསྟན་པ་ལ་སྔ་དར་དང་སྔགས་ལ་རྙིང་མ། པཎྜི་ཏ་སྨྲྀ་ཏི་དང་ལོ་ཆེན་རིན་བཟང་ཚུན་ཆད་དར་བ་རྣམས་ལ་བསྟན་པ་ཕྱི་དར་དང་སྔགས་གསར་མ་ཞེས་པའི་ཐ་སྙད་དུ་མཛད་ལ། དེའང་མདོ་སྒྱུ་སེམས་གསུམ་སོགས་ནི་ཨྱོན་ཆེན་(༧བ)

― GLG025_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

པོ། བི་མ་ལ་མི་ཏྲ། ལོ་ཆེན་བཻ་རོ་སོགས་ཀྱིས་འཆད་ཉན་གྱིས་གཏན་ལ་ཕབ། རྨ་གཉགས། སོ་ཟུར་གནུབས་གསུམ་སོགས་ཏེ་ཧེ་རུ་ཀ་དཔལ་གོས་དཀར་ལྕང་ལོའི་ཕྲེང་བ་འཛིན་པའི་རིགས་སྔགས་འཆང་བ་མཐའ་ཀླས་པས་རྒྱས་པར་མཛད། གཏེར་མ་ནི་མ་འོངས་སྙིགས་མའི་དུས་མཐར་ཐུག་པའི་བར་དུ་དུས་དང་བསྟུན་ཏེ་བསྟན་འགྲོའི་ཕན་བདེའི་བཙས་སུ་རི་བྲག་མཚོ་གསུམ་གཙུག་ལག་ཁང་དང་གསང་བའི་དབེན་གནས་མང་པོར་གསང་བའི་ཕྱག་རྒྱས་བཏབ་པ་ལས་ཅན་རྣམས་ཀྱིས་རིམ་བཞིན་འདོན་པར་སྨོན་ལམ་དུ་མཛད་པ། གཏེར་ཆེན་ཆོས་ཀྱི་རྒྱལ་པོ་རཏྣ་གླིང་པའི་ཀློང་གསལ་སྤྱིའི་ཐེམས་གསང་བ་བཀའ་རྒྱ་ཅན་ལས། བདག་འདྲ་ཨྱོན་པདྨ་འབྱུང་གནས་ཀྱིས། །སུམ་སྟོང་ལོན་ནས་བོད་ཀྱི་ཡུལ་འདིར་འོངས། །སྨོན་ལམ་དབང་གིས་རྒྱལ་པོའི་ཐུགས་དགོངས་བསྒྲུབས། །བསམ་ཡས་ལི་སོགས་གཙུག་ལག་བརྒྱ་རྩ་དང་། །མཐའ་དབུས་ཀུན་ཀྱང་ཡིད་བཞིན་གཏེར་གྱིས་བཀང་། །བརྒྱ་དང་བཅུ་གཅིག་བོད་ཀྱི་འགྲོ་བ་འདུལ། །ཐུགས་དགོངས་རྫོགས་ནས་རྔ་ཡབ་གནས་སུ་འགྲོ། །སྙིང་པོའི་ཐུགས་གཏེར་དཔག་མེད་བསམ་ཡས་ཀྱང་། །ཀུན་ལས་ཁྱད་འཕགས་ཡང་ཟབ་སྙིང་པོའི་གཏེར། །ཞེས་པ་ལྟར་མཐའ་དབུས་ཐམས་ཅད་གཏེར་གྱིས་བཀང་ཞིང་དེ་འདོན་པའི་ལས་ཅན་གྱི་གཏེར་སྟོན་ལའང་ཚད་བཟུང་དཀའ་ཡང་གཙོ་བོར་གྱུར་པ་ནི། ཇི་སྐད་དུ། ཐུགས་གཏེར་གཅིག་ནི་ལྷོ་བྲག་སྲིན་མོ་སྦར་རྗེས་ཅན་ལ་སྦེད། ཁྱད་པར་མཁའ་འགྲོའི་སྒྲུབ་སྐོར་ཡིན། མངའ་བདག་སྐུ་ཡི་སྤྲུལ་པས་འདོན་པར་འགྱུར། །ཐུགས་གཏེར་གཅིག་ནི་ལྷོ་བྲག་གནམ་སྐས་བྲག་ལ་(༨ན)

― GLG025_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

སྦེད། ཁྱད་པར་སྔ་མའི་སྒྲུབ་སྐོར་ཡིན། མངའ་བདག་གསུང་གི་སྤྲུལ་པས་འདོན་པར་འགྱུར། །ཞེས་སྐུའི་སྤྲུལ་པ་མངའ་བདག་ཉང་ཉི་མ་འོད་ཟེར་དང་གསུང་གི་སྤྲུལ་པ་གུ་རུ་ཆོས་ཀྱི་དབང་ཕྱུག་གཉིས་སྐུའི་སྐྱེ་བརྒྱུད་རིམ་པར་བྱོན་ཞིང་ཉི་མ་དང་ཟླ་བ་ལྟར་ཡོངས་སུ་གྲགས། དེའི་ཡང་སྲིད་ཐུགས་ཀྱི་སྤྲུལ་པ་ནི། སྒྲུབ་ཐབས་ཡོན་ཏན་གཏེར་མཛོད་ལས། འདི་ནས་ཚེ་ལོ་ལྔ་བཅུ་ཁ་རལ་དུས། །ང་ཡིས་ཐུགས་རྗེས་སྤྲུལ་པའི་རིགས་འཛིན་ནི། །པདྨ་རྒྱལ་པོ་ཡེ་ཤེས་རོལ་པ་རྩལ། །ཕྱི་ལྟར་རབ་བྱུང་སྔགས་པའི་ཆ་ལུགས་ཅན། །ནང་ལྟར་སེམས་བསྐྱེད་བསྟན་པའི་བྱ་བར་བརྩོན། །གསང་བ་གཉིས་མེད་རྫོགས་ཆེན་དོན་དང་ལྡན། །ཆོས་རྒྱལ་ཡབ་སྲས་འཚོ་རྒྱལ་སྨོན་ལམ་གྱིས། །སྤྲུལ་པའི་གཟུགས་ཀྱི་མ་འགེགས་སྤྱོད་པ་སྐྱོང་། །དེ་འདྲའི་གང་ཟག་ནུབ་ཀྱི་ཕྱོགས་ནས་འོང་། །ལས་སུ་སངས་རྒྱས་བསྟན་པའི་བྱ་བ་བྱེད། །ཅེས་མངའ་རིས་པདྨ་དབང་རྒྱལ་གྱིས་བསམ་ཡས་བར་ཁང་ནས་ཡོངས་འདུས་རྣམ་གསུམ་གྱི་ཟབ་གཏེར་སྤྱན་དྲངས་ཤིང་དེའི་ཡང་སྲིད་ཡོན་ཏན་གྱི་སྤྲུལ་པ་ནི། རང་གཏེར་མྱོང་གྲོལ་པདྨ་རཱ་གའི་ཁ་བྱང་ལས། ད་ལྟའི་མགོ་ནག་སྤྱི་ཡི་རྒྱལ་པོ་ཁྱོད། །སྨོན་ལམ་དག་པའི་སྐྱེ་བ་རྣམ་ལྔས་འདོན། །དམ་རྫས་འདི་དང་འཕྲད་པའི་སྐྱེས་བུ་དེ། །སྐྱེ་བ་དུ་མར་ཟབ་གཏེར་ལ་སྤྱད་པས། །སྐུ་ཡི་གཟི་བརྗིད་མཚན་རྟགས་བཅུ་གསུམ་ལྡན། །བདེན་པའི་ངག་འགྲུབ་སྒྲ་དབྱངས་ཚངས་པའི་གསུང་། །ཐུགས་ཀྱི་དགོངས་པ་ཟབ་མོ་གཏིང་མཐའ་དཀའ། །བདག་དང་རྒྱལ་པོའི་ཡོན་ཏན་སྤྲུལ་པ་སྟེ། །འཕྲིན་ལས་རྣམ་པ་ལྔ་ལ་རང་དབང་སྤྱོད། །ཅེས་པ་ལྟར་(༨བ)

― GLG025_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷང་ལྷང་བྲག །ཁམ་བུ་ལུང་། འཇོད་པོ་གསེར་གྱི་མཆོད་རྟེན་ནས་ཟབ་གཏེར་སྤྱན་དྲངས་ཤིང་དེའི་སྐྱེ་བ་འཕྲིན་ལས་ཀྱི་སྤྲུལ་པ་ནི་སླད་ནས་འབྱུང་བར་འགྱུར་ལ། ཐུགས་སྒྲུབ་ཆོས་ཚན་ཉེར་ལྔའི་ཐེམས་ཡིག་ལས། མ་འོངས་བསྟན་པའི་ཐ་མ་ལ། །བསྐལ་བ་དུམ་བུར་རྩོད་པའི་དུས། །དྲག་པོ་གྲུ་གསུམ་སྣེ་བ་ཅན། །ཐོགས་རྡུགས་མེད་པའི་སྤྱོད་པ་སྐྱོང་། །ཁྲོ་བོའི་ཆ་བྱད་ངར་དང་ལྡན། །ཤར་ནས་འབྱུང་བའི་གཏད་རྒྱ་གྱིས། །ཞེས་དང་། སྙིང་ཐིག་གནད་ཀྱི་མན་ངག་དོན་བདུན་ལས། བྱང་ཕྱོགས་ཐོ་ཡོར་ནག་པོའི་ས་ཕྱོགས་སུ། །རི་བོ་བཀྲ་བཟང་ཞེས་པའི་ཤར་འདབས་སུ། །ཆུ་ཁམས་གླང་ལོ་རྨེ་བའི་མཚན་རྟགས་ཅན། །པདྨ་ང་ཡི་བྱིན་གྱིས་བརླབས་པའི་རྟགས། །སྤྱི་བོར་རྒོད་ཀྱི་ལྡེམ་ཕྲུ་ཡང་ཡང་བྱུང་། །ཞེས་ཟང་ཟང་བྲག་ནས་རིགས་འཛིན་ཆེན་པོ་རྒོད་ཀྱི་ལྡེམ་ཕྲུ་ཅན་གྱི་མཛོད་ལྔ་འདུས་པའི་ཟབ་གཏེར་སྤྱན་དྲངས། དེའི་སྐྱེ་བརྒྱུད་ནི། རང་གཏེར་ལས། བདུད་འཇོམས་སྐྱེ་བ་ཉི་ཟླའི་མིང་། །བྱང་སེམས་སྤྲེའུའི་ལོ་བ་ཞིག །ལས་ཅན་ཐོག་བབས་ཚུལ་དུ་འབྱུང་། །དེ་ཡིས་འདི་འབྱིན་འགྲོ་འདུལ་འགྱུར། །ཞེས་མཆོག་གི་སྤྲུལ་སྐུ་མངའ་རིས་ལེགས་ལྡན་བདུད་འཇོམས་རྡོ་རྗེས་ཟབ་གཏེར་མང་དུ་སྤྱན་དྲངས་ཤིང་། གཞན་ཡང་དྲག་སྔགས་ཀྱི་བདག་པོ་གཏེར་སྟོན་རྒྱ་ཞང་ཁྲོམ། །གླིང་པ་བཅུ་གཅིག་དྲི་མེད་རྣམ་གསུམ་སོགས་སྤྲུལ་པའི་གཏེར་སྟོན་གྲངས་མེད་པ་བྱོན་ཅིང་དིང་སང་ཡང་བདག་ཅག་གི་རྡོ་རྗེ་སློབ་དཔོན་ཆོས་རྒྱལ་གཏེར་བདག་གླིང་པས་འགྲོ་བ་རྣམས་འདྲེན་པར་མཛད་བཞིན་པ་འདི་ལྟར་ནས། སྐབས་འདིར་གསན་བྱའི་ཆོས་ནི། ཆོས་(༩ན)

― GLG025_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་རྒྱལ་པོ་མངའ་བདག་ཉང་ཉི་མ་འོད་ཟེར་གྱི་གཏེར་བྱོན་དྲག་པོའི་སྐོར་ལ། རྒྱས་པ་གཞུང་ཆེན་བདེ་གཤེགས་འདུས་པ། འབྲིང་པོ་མེའི་སྤུ་གྲི །ཆུང་བ་དཔའ་བོ་ལྷ་གསུམ། ཐེམས་མེད་ཁ་ཡར་སྣ་ཚོགས་པ་ཡོད་པའི་ནང་ནས་འབྲིང་པོ་མེའི་སྤུ་གྲིའི་དབང་ལ། འཕྲིན་ལས་ཀྱི་གཞུང་བསྲངས་ཏེ་དཀྱིལ་འཁོར་སྒྲུབ་ཅིང་མཆོད་པ། འཛབ་བཟླས་ནས་ནུས་ལྡན་དུ་བྱེད་པ། ཟབ་གཏེར་གྱི་སྲུང་མ་ལ་གཏོར་མ་ཕུལ་ཏེ་རྒྱ་འགྲོལ་བའི་འཕྲིན་ལས་འཆོལ་བ། ཚོགས་ཀྱི་འཁོར་ལོས་ཆོ་གའི་ཆད་ལྷག་བཀང་བ་སོགས་ལྷག་ཆད་མེད་ཙམ་པའི་གོ་ཡུལ་སོང་ནས། རྡོ་རྗེ་སློབ་མ་རྣམས་ཀྱི་སྐུའི་ངོ་སྐལ་དུ་གྱུར་པ་ལ། ཞེས་སོགས་གོང་དང་འདྲ། དེས་མཚོན་གཏེར་ཁ་གང་ཡིན་དེ་ཀའི་ཆེ་བ་དང་ལོ་རྒྱུས་སོགས་རིག་པས་འཕྲུལ་ཤེས་པར་བྱའོ། །དེང་དུས་གལ་ཆུང་དམ་པའི་ཆོས་ལ་བྱེད། རྗེས་གནང་རིག་གཏད་གང་དྲན་གྱིས་ཆོག་སྐབས། །དོན་དུ་གཉེར་བ་ངོ་མཚར་ཆེ་སྙམ་ནས། །གསལ་བྱེད་ཡི་གེ་འབད་པ་ཆེན་པོས་བྲིས། །ལེགས་བཤད་ཤར་རིའི་རྩྭ་ནས་ཟོས་བཞིན་དུ། །དྲིན་ཚོར་ལྕི་བ་ནུབ་རིའི་ངོས་གཏོང་བར། །སྟོན་པ་ཁ་ཡང་ཀླད་མེད་རང་མཚང་སྟེ། །དེ་ཕྱིར་རྟ་ཤིའི་སོ་བཞིན་དམ་པ་གཅེས། །འདིས་མཚོན་དགེ་བ་ནམ་མཁའི་ནོར་བུ་ཡིས། །མ་རིག་རྨོངས་པའི་སྨག་རུམ་མཐར་བྱས་ནས། །འགྲོ་རྣམས་གཏན་བདེའི་སྣང་བ་འོད་པོ་ཆེ། །རྟག་ཏུ་སྤྱོད་པའི་སྐལ་བ་བཟང་པོར་ཤོག །ཅེས་བརྗེད་གནང་རིག་གཏད་བྱིན་རླབས་ལ་ཉེ་བར་མཁོ་བའི་མཚམས་སྦྱོར་འཕྲིན་ལས་ཆུ་རྒྱུན་འདི་ནི་མཆོད་དཔོན་ངག་དབང་ཤེས་རབ་ཀྱིས་དོན་གཉེར་ཆེན་པོས་བསྐུལ་བ་ལ་བརྟེན་ནས། (༩བ)

― GLG025_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུར་ཐམས་ཅད་མཁྱེན་པ། རྡོ་རྗེ་འཆང་གནས་གསར་བ། ཁྱབ་བདག་ཞ་ལུ་བ་གསུམ་གྱིས་གནང་བའི་ཕྱག་བཞེས་དྲན་པའི་ཡུལ་དུ་གསལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་གནས་བརྟན་འཇམ་དབྱངས་གྲགས་པའོ།། །།སརྦ་མངྒ་ལཾ།

ལྷ་བྲག་གཏེར་བྱོན་ལས་ཁྱུང་གི་འཕྲིན་ལས་གནམ་ལྕགས་རྡོ་རྗེའི་ཐོག་མདའ།

― GLG025_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་བྲག་གཏེར་བྱོན་ལས་ཁྱུང་གི་འཕྲིན་ལས་གནམ་ལྕགས་རྡོ་རྗེའི་ཐོག་མདའ་ཞེས་བྱ་བ་བཞུགས་སོ། །

― GLG025_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་ཕྱོགས་གདོན་བགེགས་གཤེད་དུ་རྡོ་རྗེའི་རྭ། །སྲིད་པའི་རྩེ་མོར་གདེངས་པ་བྱ་ཁྱུང་གི །སྒྲུབ་ཐབས་འཕྲིན་ལས་རིམ་པ་སྤེལ་བ་ལ། །ཆོས་བདག་གཏེར་སྲུང་དགྱེས་པའི་གནང་བ་སྩོལ། །དེ་ལ་འདིར་ལྷ་བྲག་གཏེར་བྱོན་གྱི་རྒྱལ་སྲས་ཁྱུང་ཆེན་ཡོངས་རྫོགས་དང་། ལས་ཁྱུང་གཉིས་ལས། ལས་ཁྱུང་གི་འཕྲིན་ལས་ངག་འདོན་སྔོན་འགྲོའི་རིམ་པ་ལ།སྐྱབས་སེམས་ནི། ཐུགས་རྗེའི་དབང་གིས་འགྲོ་དོན་མཛད༔ བླ་མ་རྣམས་ལ་སྐྱབས་སུ་མཆི༔ རང་ལ་ཡེ་ཤེས་ཤར་བའི་སྐུ༔ ཡི་དམ་ལྷ་ལ་སྐྱབས་སུ་མཆི༔ དམ་ཚིག་རྣམ་པར་དག་པའི་སྐུ༔ མཁའ་འགྲོའི་ཚོགས་ལ་སྐྱབས་སུ་མཆི༔ སྔོན་ནས་བསགས་པའི་སྡིག་སྒྲིབ་བཤགས༔ འགྲོ་དོན་སངས་རྒྱས་ཐོབ་ཕྱིར་བསྔོ༔ སྨོན་པའི་བྱང་ཆུབ་སེམས་བསྐྱེད་དོཿསེམས་ཅན་ཡོངས་སུ་སྨིན་བྱའི་ཕྱིར༔ གསང་སྔགས་སྤྱོད་པ་རླབས་ཆེན་སྤྱོད༔ དོན་དམ་སྤྲོས་བྲལ་བྱང་ཆུབ་སེམས༔ རང་བྱུང་མཐའ་བྲལ་སྟོང་གསལ་བསྒོམ༔ ལན་གསུམ་བརྗོད། ཚོགས་ཞིང་ནི། རྡོ་རྗེ་སློབ་དཔོན་སངས་རྒྱས་དཔལ། ཞེས་སོགས་བརྗོད། སྲུང་འཁོར་ནི། ཧཱུཾ། རང་ཉིད་ལས་ཀྱི་ཁྱུང་ཆེན་གསལ་བ་ཡི། །ཐུགས་ལས་སྤྲུལ་པའི་ཕོ་ཉ་དཔག་མེད་འཕྲོས། །གནོད་བྱེད་མཐར་བསྐྲད་རྡོ་རྗེའི་གུར་ཁང་དང་། །ཡེ་ཤེས་མེ་(༢ན)

― GLG025_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས་བར་མཚམས་མེད་པར་གཏམས། །སུམྦྷ་དང་། ཨོཾ་བཛྲ་རཀྵ་རཀྵ་ཧཱུཾ་ཕཊ། བྱིན་དབབ་པ་ནི། ཧཱུཾ༔ དུས་གསུམ་སངས་རྒྱས་ཐམས་ཅད་ཀྱི༔ ཐུགས་ལས་སྤྲུལ་པའི་ཕོ་ཉ་ནིཿ ལས་ཀྱི་ཁྱུང་ནག་འཇིགས་པ་ཡི། །སྐུ་གསུང་ཐུགས་ཀྱི་བྱིན་ཆེན་ཕོབ། །ཆིག་དྲིལ་སྔགས་ཀྱི་མཐར། །ཀརྨ་ག་རུ་ཌ་ས་མ་ཡ་ཨ་བེ་ཤ་ཡ་ཨ་ཨཱཿ སྨན་རག་གཏོར་གསུམ་མཆོད་པ་བརླབ་པ་ནི། ཨཱོཾ་ཧཱུཾ་སྭཱ་ཨཾ་ཧཱཿ ཧྲི་མ༔ ཨཱོཾ་བཛྲ་ཡཀྵ་ཀྲོ་དྷ་ཧཱུཾ༔ ཨོཾ་ཨཱཿཧཱུཾ༔ རཀྟ་མནྡྷ་ལ་ཧཱུཾ༔ ཨ་དྷུ་པུ་ཨཱ་གྷ་ཧཱུཾ༔ དངོས་གཞིའི་རིམ་པ་ལ་ལྷ་བསྐྱེད་པ་ནི། སྭ་བྷཱ་ཝས་སྦྱངས། ཆོས་ཀུན་ཀ་ནས་དག་པ་སྟོང་པའི་དབྱིངས། །པཾ་ལས་པདྨ་རཾ་ལས་ཉི་མ་དང་། །ཀླུ་རྒྱལ་མང་པོ་གདན་དུ་བཏིང་བའི་སྟེང་། །རང་སེམས་རིག་པའི་ངོ་བོ་ཁྲོམ་མཐིང་ནག །དེ་ལས་འོད་འཕྲོས་རྩ་གསུམ་ལྷ་ཚོགས་མཆོད། །སེམས་ཅན་དོན་བྱས་ཚུར་འདུས་ཡོངས་གྱུར་ལས། །བདག་ཉིད་ལས་ཀྱི་བྱ་ཁྱུང་གནག་ཅིང་འཚེར། །དབུ་དགུ་རྡོ་རྗེའི་རྭ་དབར་ནོར་བུས་བརྒྱན། །དབུ་སྐྲ་སྨིན་མ་དམར་སེར་རབ་ཏུ་འབར། །ཉི་ཟླ་ལྟར་འཁྱིལ་སྤྱན་མིག་ཕྱོགས་བཅུར་གཟིགས། །ཞལ་ནས་ཧཱུཾ་དང་ཀྲི་ཀྲོང་སྒྲ་ཆེན་སྒྲོག །ཕྱག་གཉིས་ཀླུ་ཕྲན་མང་པོ་བཟུང་ནས་ཟ། །སྐུ་ལུས་གནམ་ལྕགས་མེ་ཡི་ཚ་ཚ་འཕྲོ། །ཡེ་ཤེས་གནམ་(༢བ)

― GLG025_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་རལ་གྲིའི་སྒྲོ་གཤོག་བརྐྱང་། །མཆུ་དང་ཕྱག་ཞབས་སྡེར་མོ་མ་ལུས་པ། །སྤུ་གྲི་ལྟར་རྣོ་ལྕགས་ཀྱུ་བཞིན་དུ་བཀུག །བསྐལ་བའི་མེ་དཔུང་འབར་བའི་དབུས་བཞུགས་པའི། །དཔྲལ་བར་ཨཱོཾ་དཀར་མགྲིན་པར་ཨཱཿདམར་པོ། །ཐུགས་ཀར་ཧཱུཾ་ཡིག་སྔོན་པོས་མཚན་པ་ཡི། །ཕྱོགས་ལས་རྣམ་པར་རྒྱལ་བའི་སྐུ་རུ་གྱུར། །སྤྱན་འདྲེན་ནི། ཁྲོཾ། ཕྱོགས་བཅུ་ནམ་མཁའ་ཡངས་པའི་དཀྱིལ་འཁོར་ནས༔ ལས་ཀྱི་བྱ་ཁྱུང་ནག་པོ་སྙན་གསོན་ཞིག༔ ས་བདག་ཀླུ་གཉན་འདུལ་ཕྱིར་སྤྱན་འདྲེན་གྱི༔ རིངས་པའི་ཚུལ་གྱིས་གནས་འདིར་གཤེགས་སུ་གསོལ༔ ཁྲོཾ། ཀརྨ་ག་རུ་ཌ་ས་མ་ཡ་ཛཿཛཿ། བཞུགས་གསོལ་ནི། ཁྲོཾ། རབ་འཇིགས་དྲག་པོ་འབར་བའི་གཞལ་ཡས་འདིར༔ ས་བདག་ཀླུ་གཉན་མ་ལུས་བསྒྲལ་པའི་ཕྱིར༔ ལས་ཀྱི་བྱ་ཁྱུང་ནག་པོ་འཁོར་བཅས་རྣམས༔ གཉིས་མེད་བརྟན་པར་བཞུགས་ལ་འཕྲིན་ལས་མཛོད༔ ས་མ་ཡ་ཨ་བེ་ཤ་ཡ་ཨ་ཨཱཿ། མཆོད་པ་ནི། ཁྲོཾ། དྲི་མེད་ཡིད་འོང་གཙང་མར་སྤྱར་བ་ཡི༔ མཆོད་ཡོན་མེ་ཏོག་བདུག་སྤོས་སྣང་གསལ་དང་༔ དྲི་ཆབ་ཞལ་ཟས་སྙན་པའི་རོལ་མོ་འབུལ༔ གཟུགས་སྒྲ་དྲི་རོ་རེག་བྱ་ཆོས་ལ་སོགས༔ བདུད་རྩི་སྨན་དང་རཀྟ་བ་ལིཾ་རྒྱན༔ ས་བདག་ཀླུ་གཉན་ཤ་ཁྲག་རུས་པ་སོགས༔ ཕྱི་ནང་གསང་བའི་མཆོད་པ་བཞེས་སུ་གསོལ༔ ཁྲོཾ། ཀརྨ་ག་རུ་ཌ་མ་ཧཱ་སརྦ་པཱུ་ཛ་ཁཱ་ཧི༔ མ་ཧཱ་པཉྩ་ཨ་མྲྀ་ཏ་ཁཱ་ཧི༔ མ་ཧཱ་བ་ལིཾ་ཏ༔ མ་ཧཱ་མཾ་ས༔ མ་ཧཱ་རཀྟ༔ མ་ཧཱ་ཙིཏྟ༔ མ་ཧཱ་བྷ་སུ་ཏ༔ མ་ཧཱ་གོ་རོ་ཙ་ན༔ མ་ཧཱ་ཀེཾ་ནྲྀ་ཏི་ཁཱ་ཧི༔ བསྟོད་པ་ནི། བདེ་གཤེགས་ཀུན་གྱི་མཐུ་སྟོབས་མ་ལུས་པ། །ལས་ཀྱི་བྱ་ཁྱུང་ནག་པོའི་སྐུར་བསྟན་ནས། །ས་བདག་ཀླུ་གཉན་གདོན་བགེགས་འབྱུང་པོའི་ཚོགས། །རླག་མཛད་མཐུ་སྟོབས་དབང་པོ་ཁྱོད་ལ་བསྟོད། །མན་ངག་ལྟར་ཆིག་དྲིལ་གྱི་འཛབ་བཟླ། དེ་ནས་དྲག་ཏུ་བསྐུལ་བ་ནི། ཧཱུཾ། དུས་གསུམ་སངས་(༣ན)

― GLG025_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་ཐམས་ཅད་ཀྱི༔ ཞེས་སོགས་གཞུང་ལྟར་བྱ། མཇུག་ཆོག་གི་རིམ་པ་ལ། ཚོགས་མཆོད་ནི། ཐུགས་སྒྲུབ་འབྲིང་པོའི་ཚོགས་མཆོད་ལ་ལྷ་སྔགས་ཁ་བསྒྱུར་ནས་བྱ། ཡི་གེ་བརྒྱ་པས་ལྷག་ཆད་ཁ་བསྐང་། ནོངས་པ་བཟོད་པར་གསོལ། སྣོད་བཅུད་འོད་གསལ་དུ་བསྡུས་ཏེ། དེའི་ངང་ལ་ཀ་དག་རིག་པའི་ཀློང་དུ་ཅུང་ཟད་མཉམ་པར་བཞག །སྨོན་ལམ་ཤིས་བརྗོད་ནི། དགེ་འདིས་འགྲོ་ཀུན་ས་བདག་ཀླུ་གཉན་གྱི། །དུག་དཔལ་མྱོང་དང་མྱོང་འགྱུར་སྡུག་བསྔལ་ཀུན། །བྱང་སྟེ་རང་རིག་དག་པའི་ཡེ་ཤེས་བྱུང་། །མངོན་སུམ་རང་ངོ་འཕྲོད་ནས་གྲོལ་བར་ཤོག །ལུས་ལ་སྣང་སྟོང་ལྷ་སྐུའི་བཀྲ་ཤིས་ཤོག །ངག་ལ་གྲག་སྟོང་སྔགས་ཀྱི་བཀྲ་ཤིས་ཤོག །སེམས་ལ་རིག་སྟོང་ཏིང་འཛིན་བཀྲ་ཤིས་ཤོག །རྟག་ཏུ་བདེ་སྟོང་ཡེ་ཤེས་བཀྲ་ཤིས་ཤོག །ཅེས་སྨོན་ལམ་ཤིས་བརྗོད་རྒྱས་བསྡུས་ཅི་རིགས་པ་སྐབས་དང་སྦྱར་ནས་བྱའོ། །གང་ཞིག་བསྒྲུབས་པས་ཕྱོགས་ལས་རྣམ་རྒྱལ་པ། །བྱ་ཁྱུང་འཕྲིན་ལས་གནམ་ལྕགས་རྡོ་རྗེའི་ཐོག །ལྷ་བྲག་གཏེར་གྱི་དགོངས་དོན་འཁྲུལ་མེད་ལས། །རང་བཟོས་བསླད་པའི་ཟོག་ཆོས་འདི་ན་མེད། །ལ་ལ་མི་ཤེས་བཞིན་དུ་རྩོམ་འདོད་བློས། །མུན་པའི་མདའ་ལྟར་སྔ་འགྱུར་སྒྲུབ་འཕྲིན་ལ། །གསར་མའི་རྒྱས་འགེབས་བྱེད་རྣམས་རང་གཞན་གྱི། །དོན་དུ་མི་འགྱུར་སྣག་ཤོག་གྲོན་དུ་ཟད། །སྔགས་རློམ་རིགས་ཀྱི་བསྙེམས་པ་ཙམ་མིན་པར། །སྨིན་གྲོལ་གདམས་པར་སྒྲོ་འདོགས་ཡོངས་དཔྱད་མཐུས། །སྨྲ་བའི་མགྲིན་པ་བཏེག་ནས་བཀོད་པའི་དགེས། །མཆོག་ཐུན་དངོས་གྲུབ་རྣམ་གཉིས་འགྲུབ་གྱུར་ཅིག །ཅེས་ལྷ་བྲག་གཏེར་བྱོན་ལས་ཁྱུང་གི་འཕྲིན་ལས་གནམ་ལྕགས་རྡོ་རྗེའི་ཐོག་མདའ་ཞེས་པ་འདི་ནི་ངག་དབང་ཤེས་རབ་ཀྱིས་བསྙེན་མཚམས་བྱེད་པར་ནན་གྱིས་བསྐུལ་བ་ལ་བརྟེན་ནས། ཅུང་ཟད་ཁ་འགེངས་དགོས་པ་རྣམས་(༣བ)

― GLG025_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གཏེར་ཚེག་མེད་ཅིང་། ཕལ་ཆེར་གཏེར་གཞུང་མཁའ་འགྲོའི་ཁ་རླངས་ཉམས་པ་མེད་པ་ཁོ་ནས་བརྒྱན་ཏེ། ཀུན་བཟང་ཐུགས་རྗེའི་ཟློས་གར་ཟུར་ཆེན་ཆོས་དབྱིངས་རང་གྲོལ་གྱི་བཀའ་དྲིན་ལ་བརྟེན་པའི་ཆོས་ཚུལ་འདི་ལ་གོམས་པ་ཟ་ཧོར་གྱི་བནྡེས་བཀོད་པའི་ཡི་གེ་པ་ནི་ཆང་ཁྱིམ་བློ་བཟང་དངོས་གྲུབ་བོ།། །།སརྦ་མངྒ་ལཾ།

སྐད་ཅིག་ཉིད་ལ་བདེ་ཆེན་དུ་བགྲོད་པར་བྱེད་པའི་ཟབ་ལམ་འཕོ་བའི་གདམས་པ།

― GLG025_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

སྐད་ཅིག་ཉིད་ལ་བདེ་ཆེན་དུ་བགྲོད་པར་བྱེད་པའི་ཟབ་ལམ་འཕོ་བའི་གདམས་པ་བཞུགས་སོ། །

― GLG025_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

ཕན་དང་བདེ་བའི་དཔལ་ཀུན་སྩོལ་བྱེད་པའི། །བླ་མ་རྡོ་རྗེ་དྲག་རྩལ་ལ་བརྟེན་ནས། །སྐད་ཅིག་ཉིད་ལ་བདེ་བ་ཆེན་པོ་རུ། །བགྲོད་བྱེད་མན་ངག་ཐོར་བུ་ཁྲིགས་སུ་བསྡེབ། །སྐྱབས་འགྲོ་གཏེར་གཞུང་གི་རྒྱས་པའམ། །བསྡུ་ན། བདག་སོགས་འགྲོ་ཀུན་མ་ལན་མང་དུ་བྱ། སྤྱི་བོར་སུམ་བརྩེགས་གདན་དང་དར་ཆེན་ཁྲི། །ཞེས་སོགས་ཀྱི་བླ་མའི་རྣལ་འབྱོར་གསོལ་འདེབས་དང་བཅས་པའི་མཇུག་ཏུ་རླུང་ནང་དུ་རྡུབས་པ་དང་སྦྲགས་ཏེ། བླ་མའི་སྤྱི་བོར་ཨོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུཾ།མཐིང་ཁ་རྣམས་ལ་འོད་ཟེར་དམར་དཀར་མཐིང་གསུམ་རིམ་པ་བཞིན་དུ་བྱུང་བས། ལུས་ཀྱི་ནང་མེར་གྱིས་གང་སྐུ་གསུང་ཐུགས་ཀྱི་བྱིན་རླབས་རྣམས་རིམ་པ་བཞིན་འཐོབ། །རླུང་ཕྱིར་འབྱིན་པ་དང་མཉམ་དུ་ལུས་ངག་ཡིད་གསུམ་གྱི་སྒྲིབ་པ་དང་དམ་ཚིག་ཉམས་ཆག་རྣམས་དག་པར་བསམ།བླ་མ་སྐུ་གསུམ་གྱི་གསོལ་འདེབས་བྱས་པའི་མཇུག་ཏུ། སྤྱི་བོའི་བླ་མ། རང་གི་ལུས་ཐ་མལ་བ། དམིགས་པའི་འགྲོ་འདུ་གསུམ་གསལ་སྟོང་འཛིན་མེད་ཀྱི་ངང་དུ་ཅུང་ཞིག་མཉམ་པར་བཞག །དེ་རྗེས། པད་མ་ཉི་ཟླ་རུ་དྲ་ཕོ་མོ་རྣམས། །བསྣོལ་སྟེང་རང་(༢ན)

― GLG025_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཡི་གེ་ཧཱུཾ་མཐིང་ནག །ཡོངས་གྱུར་རང་ཉིད་བླ་མ་དྲག་པོ་རྩལ། །རབ་ཁྲོས་མཐིང་ནག་དབུ་སྐྲ་གྱེན་དུ་བརྫེས། །ཟབ་ཆེན་བེར་དང་རུས་པའི་རྒྱན་གྱིས་སྤྲས། །གཡས་པ་རྡོ་རྗེ་གཡོན་པ་དྲིལ་བུ་འཛིན། །ཕྲུ་མ་ཕུས་བཏབ་ལྟ་བུའི་གསལ་སྟོང་སྐུའི། །ནང་དུ་དབུ་མའི་རྩ་དེ་སྨྱུག་དོང་ཙམ། །ཡར་སྣ་ཚངས་བུག་མར་སྣ་གསང་གནས་ཟུག །རྩ་དེ་ཕྱི་དཀར་ནང་དམར་དེ་ཡི་ནང་། །ལྟེ་བ་སྙིང་ག་ཚངས་བུ་འོག་གསུམ་དུ། །ཐིག་ལེ་གསུམ་དང་ཚངས་བུག་ཡི་གེ་ཀྵ། ཁ་དོག་དཀར་པོ་མགོ་བོ་ཐུར་བསྟན་པ། །མིག་རྣ་སྣ་ཁ་གསང་གནས་བཤང་ལམ་དགུ །མཐིང་ནག་ཡི་གེ་ཧཱུཾ་དགུས་རྣམ་པར་བཀག །རང་གི་སེམས་དང་ལྟེ་བའི་ཐིག་ལེ་གཉིས། །ངོ་བོ་དབྱེར་མེད་གཅིག་ཏུ་གྱུར་པར་བསམ། །རང་གི་སྤྱི་བོ་ཁྲུ་གང་ཙམ་གྱི་ཐད། །རང་ལུས་འཛིན་མེད་སྤྱི་བོ་ཡི། །ཞེས་སོགས་སྤྱན་འདྲེན་མཆོད་བསྟོད་ཀྱི་བར་བརྗོད་དེ་བླ་མ་ཞི་བའི་རྣལ་འབྱོར་གསལ་བཏབ། ཆོས་དབྱིངས་རང་བྱུང་མའི། བདག་ཀྱང་རྗེས་འཇུག་ཐུགས་རྗེས་བྱིན་གྱིས་རློབས། །ཞེས་པའི་མཇུག་སོ་སོར། འཇིགས་རུང་བར་དོའི་འཕྲང་ལས་དྲང་དུ་གསོལ། །ངན་སོང་སྡུག་(༢བ)

― GLG025_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔལ་གནས་ལས་སྐྱོབ་ཏུ་གསོལ། །རིགས་འཛིན་བླ་མའི་ཐུགས་ཀར་འདྲེན་དུ་གསོལ། །བདེ་ཆེན་ཡེ་ཤེས་བསྐྱེད་པར་མཛད་དུ་གསོལ། །ཞེས་སྦྱོར། དེ་ནས་དམིགས་པ་ནི་ཧིག་ཅེས་ལན་གསུམ་བརྗོད་པས་ལྟེ་བའི་ཐིག་ལེ་ལ་ཐིམ། དེས་ཀྵ་འཕུལ། བླ་མའི་ཐུགས་ཀའི་འོད་ཟེར་ལྕགས་ཀྱུ་ལྟ་བུས་ཀྵ་དྲངས་ཏེ་ཐུགས་ཀར་ཐིམ། ཐིག་ལེ་དེ་ཚངས་བུག་རྒྱ་མཐོངས་ཁ་ཕྱེ་བ་འདྲ་བ་ནས་ཡར་མ་ཤོར་བ་བྱས་ཏེ་མར་ཐིམ་པས་སྔར་ལྟར་བབ། གསལ་སྟོང་འཛིན་མེད་ཀྱི་ངང་དུ་ཅུང་ཞིག་མཉམ་པར་བཞག་པ་ནི་རྒྱུན་གྱི་རྣལ་འབྱོར་རོ། ལག་ལེན་དངོས་གཞིའི་ཚེ་གཞན་སྔར་དང་འདྲ་བ་ལ་ཀྵ་ཡིག་མགོ་གྱེན་དུ་བསྟན་ཞིང་རྣམ་ཤེས་དང་གཉིས་སུ་མེད་པའི་ཐིག་ལེ་དེ་ཚངས་བུག་ནས་སྐར་མདའ་འཕངས་པ་བཞིན་དུ་བླ་མའི་ཐུགས་ཀར་འཕོ། དྲོད་ཚད་རྟགས་གསུམ་སོགས་ནི་གཏེར་གཞུང་ལས་ཤེས་པར་བྱའོ། །ཟབ་ལམ་འཕོ་བའི་མན་ངག་བཞད་པ་རྩལ་གྱིས་སྦྱར།། །།སརྦ་མངྒ་ལཾ།

ལྕགས་འདྲའི་འཁོར་ལོའི་སྔགས་བྱང་།

― GLG025_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་འདྲའི་འཁོར་ལོའི་སྔགས་བྱང་བཞུགས་སོ། །

― GLG025_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་འདྲའི་འཁོར་ལོའི་སྔགས་ལ། རྒྱ་མཚོའི་མུན་པའི་དམག་བསྔུ་ནི། ལྟེ་བར་སྡིག་པ་གསུམ་ལ་ཨྱཱཻ་མྱགས་དང་ཨྱཱཻ་དུན་སོགས་སྤྱི་དང་འདྲ། །རྒལ་གཉེར་ལ་དགྲ་བོའི་ཙིཏྟ་བྲེང་ཤག་སྙིང་མཱ་ར་ཡ། ཟླ་གམ་གྱི་ལོགས་གཉིས་ལ་སྡེ་བརྒྱད་རྣམས་ཀྱི་སྲོག་སྔགས་ཚན་པ་གཉིས་སུ་བྱས་ནས་གཅིག་གི་མཇུག་ཏུ་ཏྲིས་ནན་བསམ་ངན་སྦྱོར་རྩུབ་འཆང་བའི་བན་བོན་བྱད་མ་མཁན་གྱི་ལྷ་སྲུང་རྦད་འདྲེ་དང་བཅས་པའི་ལུས་ངག་ཡིད་གསུམ་མཐུ་སྟོབས་ནུས་པ་ཐམས་ཅད་མ་ར་ཡ་སྟཾ་བྟ་ཡ་ནན། ལོགས་གཅིག་ལ་དགྲ་བོའི་ལོ་སྙིང་སོགས་ཞལ་ཤེས་ལྟར་འདྲི། མུ་ཁྱུད་ལ། ར་ཏ་ར་ཁྲག་སྲོག་ལ་ཡཾ། ཏྲི་ལིང་དགྲ་བོའི་སྙིང་ལ་ཤག །ཨེ་ཀ་ཡ་མ་སྲོག་ལ་ཧུར་ཐུམས་གཟིར་ནན་དགྲ་བོའི་སྙིང་ལ་ཤག་རྦད་ནག་པོ་ནཱ་ག་བྷེ་ར་སྲོག་ལ་ཛ་ལ་ཛ་ལ། ནྲི་ཧུར་ཐུམས་དགྲ་བོའི་སྙིང་ལ་རྦད། རྩིབས། ཨེ་རཾ་བཾ་ཁཾ་ཤིག་ཙིཏྟ་གཏུབས། སས་གཏིབས། མེས་ཚིག་ཆུས་བསྐུར། རླུང་གིས་གཡོས། ཁ་རཾ་བཾ་ལྷག་སྣ་རི་ཙི་རི་ཁས་གཡོན། དགྲ་བོའི་སྙིང་ལ་མཱ་ར་ཡ་རྦད་སོད། འོག་འཁོར་གྱི་ཟླ་གམ་གཉིས་ལ་སྡེ་བརྒྱད་ཀྱི་སྔགས་ཚན་སྟེང་འཁོར་ལྟར་བྱས་པའི་རྦད་འདྲེ་(༢ན)

― GLG025_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

རྦོད་གཏོང་སྡེ་བརྒྱད་ཐམས་ཅད། བསམ་ངན་སྦྱོར་རྩུབ་འཆང་བའི་བན་བོན་སོགས་དགྲ་བགེགས་རྣམས་ཀྱི་གཤེད་དུ་ཕོབ་ཅིག་བདུད་དུ་ཕོབ་ཅིག་སོགས། ལོགས་གཅིག་ལ་རྦད་འདྲེ་སྡེ་བརྒྱད་རྣམས་རང་གཤེད་འབེབས་སོགས་འདྲི། གཏད་བཟློག་དང་བྱས་པ་བཤིག་པ་གཉིས་ལྕགས་སྡིག་སོར་བཞག་དང་། མནན་པ་རི་རབ་སྟོབས་ཆེན་འཇུག་ཀྱང་ལྕགས་སྡིག་ལྟར་བྱའོ། །གཤེད་པོ་ལས་རྒྱལ་གྱི་སྔགས་ནི། ཨྱཱཻ་སྡིག་པའི་མཚམས་བཞིར་འདྲི། མྱགས་སོགས། བྱི་ལིངྒའི་འདོམས་དང་གཡས་གཡོན་ལ་འདྲི། དུ་རནཱ་ག །བྱི་དུ་ར་རགྨོ་ཏི། ༈ རཾཀྵེ། ནཱཾ་གེ །ཡ་མེ། རཾ་གྨོ །རཾ་ཀྴ། ཀྵེ་མོ། བཛྲ་ཀྲོ་ཏ། དེ་ནྟི་ཀཱི་ལཱ་ཡ། མ་མར་གྨོ །ཉིད་དུ་གཏུབས། ཧེ་ཤ་རག་ཏྲག །དུ་ཕྲག་དུནྟིཾ། ཁི་ལ་ནི། ཨ་དུ་ན། ཏྲི་ཤ་ན། རཱ་ཙ་ཧ་སྟཾ། རཾ་འཕྲུལ་མིག་ནང་མར་མེ་སོ་གྱིར་བསྟན་དུ་འདྲི། ཙ་མུ་ཏྲག །ཤ་ཏྲཱུཾ་ཏི་སྟ་རོ་ནི་རོ། ཏྲི་ག་ནག །ཨ་ཏྲི་སཱོ་དྷུ། ཙ་ཏྲི་རཱི་ཙ། རཱ་ཙ་ནཱ་ག །དེ་ཝ་རུ་ཏྲི། ཁ་ར་ག །ཀྵེ་མ་ཏྲི། དུནྟི། དུནྟི་ཏྲི་སྲོག་མཱ་ར་ཡ། གྷ་ན་པ་ཏི། བྷ་ན་ཀེ་རོ། ཀཱ་ལ་དུ་ཁྲག །བྱི་དུ་རཱ་ན། ནཱ་ག་མོ་ཏི། ས་ག་བྱི་དུ། རྩིབས། དགྲ་བོ་བན་བོན་བྱད་མ་མཁན་སརྦ་སྟཾ་བྷ་ཡ་ནན་འདྲིད་

― GLG025_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

རྦད་སརྦ་རྩ་སྦུར། སྲོག་ལ་ནན་སྙིང་གཟེར་བྲང་ཤག་རཾ་ཡཾ་རྦད། མཆོག་ཕག་འཁོར་ལོའི་སྔགས་ནི། ཨྱཱཻ་རྡོ་རྗེའི་རྭ། མྱགས་སོགས། བསམ་རྩིབས་ནང་། ངན་སྦྱོར་རྩུབ་འཆང་བའི་དགྲ་བོ་དམག་དཔུང་སྲིད་སྡེ་བྱད་མ་མཁན་དང་བཅས་པའི་ཚེ་སྲོག་བསོད་ནམས་ཐམས་ཅད་ནྲྀ་ཐུན་སྔགས། ཧུར་ཐུམས་ཛཿ རྩ་ཁྲག་སྙིང་ཐུམས་རིལ་རཾ་ཤག་རྦད། དགྲ་ཕྱི་རྩིབས་བཅུ་གཉིས། པོའི་ཙིཏྟ་བྲེང་ཤག་ཛཿ སྲོག་ལ་ཧུར་ཐུམས་རྦད། ཨོཾ་རྩིབས་བར་གྱི་མུ་ཁྱུད། བཛྲ་ཀ་ཝུ་ཝ་ཝ་ས་མ་ཧཱ་ཀཱ་ལཱ་ཡ་ཧཱུཾ་ཧཱུཾ་ཕཊ། བསམ་ངན་སྦྱོར་རྩུབ་འཆང་བའི་དགྲ་བོ་དམག་དཔུང་སྲིད་སྡེ་བྱད་མ་མཁན་དང་བཅས་པའི་ཚེ་སྲོག་བསོད་ནམས་ཐམས་ཅད་མཱ་ར་ཡ་རྦད། སྟོང་སྲོག་འཁོར་ལོའི་སྔགས་ནི། ཨྱཱཻ་སྔགས་དགོད་ལུགས་དཔེ་རིས་བཞིན། རིང་གི་རཀྵ་མོནྟའི་མཚམས་སུ་ཡ་མ་ཐ། ཨ་དུ་རཀྴ། པ་ཙ་ཏྲི། སུ་ནི་ཏྲི། ནེ་ནི་ཨ་རྦད་སོད། ཨ་ཝཱ་ག་སྟཾ་བྷ་ཡ་ནན། རྦོད་གཏོང་བཟློག་བྷྱོ། བསམ་ངན་སྦྱོར་རྩུབ་འཆང་བའི་དགྲ་བོ་དམག་དཔུང་སྲིད་སྡེ་བན་བོན་བྱད་མ་མཁན་དང་བཅས་པ་ནྲྀ་མཱ་ར་ཡ་རྦད་སོད། བཙན་པོ་སེང་གེའི་ལྟོ་བར་གསོད་པའི་སྔགས་ནི། ཨྱཱཻ་རྡོ་རྗེའི་རྭ། མྱགས་སོགས། ཨེ་རྩིབས་ནང་ལ། ཀ་ཧེ་དུ་ན་སོགས། ཨྱཱཻ་བར་གྱི་མུ་ཁྱུད་ས་མགོ་ནང་བསྟན་དུ་འདྲི། མྱགས་མཐར་ཐུན་སྔགས། དེའི་མཐར་བསད་པ་ལས་དྲུག །ཨོཾ་བར་གྱི་མུ་ཁྱུད་ཁ་མགོ་ཕྱིར་བསྟན་དུ་འདྲི། བཛྲ་ཀ་ལྦུ་ཝ་ཝ་ས་མ་ཧཱ་ཀཱ་ལ་ཡ་ཧཱུཾ་ཧཱུཾ་ཕཊ། ཨོཾ་མ་ཧཱ་ཀཱ་ལ་གུ་ཎ་ཧྲི་ད་ཡ་ཧཱུཾ་ཕཊ། ཨོཾ་པིདྒ་མུ་ཁ་ཧཱུཾ་ཕཊ། ཨོཾ་ཀརྨ་མ་ཧཱ་ཀཱ་ལ་ཧཱུཾ་ཕཊ། ཨོཾ་མ་ཧཱ་ཀཱ་ལི་ཧཱུཾ་ཕཊ། ལྷོ་འབྲུག་པའི་ལྷ་སྲུང་རྣམས་ཁོ་རང་རྣམས་ཀྱི་གཤེད་དུ་ཕོབ་ཅིག་མཱ་ར་ཡ། (༣ན)

― GLG025_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་ཕྱི་རྩིབས། ངན་སྦྱོར་རྩུབ་འཆང་བའི་བན་བོན་དགྲ་བོ་དམག་དཔུང་དང་བཅས་པའི་སྲོག་ལ་ཡཾ་ཤག་ཧྲི་མྱགས་རྦད་དགྲ་སྙིང་གཟེར། རྦུད་ནན། ཧ་ལ་ཧ་ལ་ཙ་མ་རི་ཕྱུང་། དེ་བཞིན་དུ་སློབ་མ་སྟག །སྔགས་པ་སྤྱི་དང་དྲག་སྔགས་མཁན་སྡིག་པ། བོན་པོ་ཕག །སྤྱིའི་སྤུན་རུས་སྦལ། བུད་མེད་བྱ། རྒྱལ་རིགས་ཀྱི་སྔགས་པ་ལ་སེང་གེ་ཁ་འཐབ། མ་མོ་མཁན་ལ་ཤྭ་ན་ལྕེ་འཐབ། གཤིན་རྗེ་མཁན་ལ་ཁྱུང་འཐབ། བྱ་ཁྱུང་མཁན་ལ་རྨ་བྱ་སྔགས་པ་ནང་འགྲས་ལ་རུས་སྦལ། གཏད་མཁན་ལ་སྦྲུལ་ནག །རྡོ་རྗེ་སྤུན་ལ་དམེ་འཐབ། སློབ་མ་ནང་འགྲས་སྟག་མོ། ཨུ་རྨོ་ནང་འགྲས་སམ་དགེ་འདུན་གྱི་སྡེ་ལ་གླང་ཆེན་མཆེ་འཐབ། བོན་པོ་ལ་ཕོ་ཉ་རྐང་མགྱོགས། དྲག་སྔགས་མཁན་ལ་ཐོབ། བྱ་ཁྱུང་སོ་བརྡར་འཁོར་ལོའི་སྔགས་ནི། ཁྲོཾ་ལྟེ་བར། ག་རུ་ཌ་གནོད་བྱེད་དགྲ་བོ་བྱད་མ་རྩ་སྦུར་ཡ། སྲོག་ནན་སྙིང་གཟེར་བྲེང་ཤག་ཡཾ་རྦད། ཨེ་ཧུར་ཐུམས་ཛཿ ཁཾ་ཤག་རོ་མྱུགས་མུགས་ཏི་རྦད་ཡ། ཨེ་ནན་ཡཾ་བཟློག་བསམ་ངན་སྦྱོར་རྩུབ་འཆང་བའི་བན་བོན་སྔགས་པས་བྱས་པའི་རིག་སྔགས་རྦོད་གཏོང་གི་གནོད་པ་ཐམས་ཅད་ཕྱིར་ཤིག་འདྲིད་བྷྱོ། ཨེ་མཚན། ཧུར་ཐུམས་ཛཿ རྩ་སྦུར་སྲོག་ནན། སྙིང་གཟེར་བྲེང་ཤག་ཡཾ་རྦད་བསམ་ངན་སྦྱོར་རྩུབ་རྩིབས།འཆང་བའི་བན་བོན་སྔགས་པས་བྱས་པའི་རིག་སྔགས་རྦོད་གཏོང་གི་གནོད་པ་ཐམས་ཅད་ཕྱིར་ཤིག་ཤིག །ཨྱཱཻ་མུ་ཁྱུད། རིང་ལ་བཤིག་པ་གཡུ་སྤྱང་བཏགས་པ། ཞེས་པའང་ཟ་ཧོར་གྱི་བནྡེ་སྦྱར། །སརྦ་མངྒ་ལཾ། །

བཏགས་གྲོལ་གྱི་དབང་བསྐུར་དང་རབ་གནས་ཀྱི་ཆོག་སྒྲིགས་མུ་ཐི་ལའི་འཕྲེང་བ།

― GLG025_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

བཏགས་གྲོལ་གྱི་དབང་བསྐུར་དང་རབ་གནས་ཀྱི་ཆོག་སྒྲིགས་མུ་ཐི་ལའི་འཕྲེང་བ་བཞུགས་སོ། །

― GLG025_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

བློ་འདས་རིག་རྩལ་དཔལ་ལྡན་ཀུན་ཏུ་བཟང་། །རང་སེམས་བླ་མའི་ངོ་བོར་ཡོངས་ཤར་བ། །འཁོན་རིགས་ཁྱབ་བདག་དཔལ་འབྱོར་ལྷུན་གྲུབ་ཞབས། །བྱང་ཆུབ་བར་དུ་གཙུག་ཏོར་རྩེ་མོར་མཛེས། །བཀའ་གཏེར་ཨ་ཏིའི་ཆུ་ཀླུང་རྣམ་པ་བཞི། །བདག་བློའི་རྒྱ་མཚོར་འབེབས་མཁས་འདྲེན་པ་རྗེ། །ཟུར་ཆེན་ཐམས་ཅད་མཁྱེན་དང་ཁྲ་ཚང་བ། །བློ་གྲོས་མཆོག་གི་རྡོ་རྗེས་རྟག་ཏུ་སྐྱོངས། །ཁྱད་པར་ལམ་འདིའི་སྨིན་གྲོལ་ཟིལ་དངར་བཅུད། །སྐུ་གསུམ་ལང་ཚོའི་སྲོག་སོང་བྱེད་པ་པོ། སྤྲུལ་པའི་སྐུ་མཆོག་ཆོས་རྒྱལ་གཏེར་བདག་གླིང་། །སེམས་ཉིད་གདོད་མའི་མགོན་ལས་དམིགས་སུ་མེད། །མ་བསྒོམས་སངས་རྒྱས་ཐོབ་པའི་ཆོས་ལྔ་ལས། །བཏགས་པས་ཚེ་འདིར་ཕུང་པོ་འོད་སྐུ་རུ། །གྲོལ་ནུས་གླེགས་བམ་འཁོར་ལོའི་རབ་གནས་དང་། །དབང་བསྐུར་སྙིགས་དུས་འགྲོ་ལ་གཅིག་ཏུ་གཅེས། །དེ་ཕྱིར་ཡང་ཏིག་ཡིད་བཞིན་ནོར་བུ་ཡི། །དགོངས་དོན་ཇི་བཞིན་དང་པོའི་ལས་ཅན་ལ། །ཕན་གདགས་རང་གི་དྲན་པ་གསོ་བའི་ཆེད། །བཀླགས་ཆོག་མུ་ཐི་ལ་འཕྲེང་མགུལ་པར་སྤུད། །དེ་ལ་འདིར་བཏགས་(༢ན)

― GLG025_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོལ་གྱི་རབ་གནས་དབང་བསྐུར་གྱི་རིམ་པ་ལ། བཏགས་གྲོལ་འདྲི་ལུགས་དང་། དཀྱིལ་འཁོར། བཞུགས་སྣོད། མཆོད་པ་སོགས་ཀྱི་བཅའ་གཞི་རྣམས་ཡང་ཏིག་གི་བཏགས་གྲོལ་མན་ངག་རིན་པོ་ཆེའི་སྙིང་པོ་དང་། རྒྱས་པར་སྤྲོ་ན། བླ་མ་ཡང་ཏིག་གི་རྒྱབ་ཡིག་སོགས་ལས་ཤེས་པར་བྱ། སྔོན་འགྲོ་བགེགས་གཏོར། སྐྱབས་སེམས། སྒྲིབ་སྦྱོར་མཆོད་པ་བརླབ་པ་ནི། ཨཱོཾ་སྭ་བྷཱ་ཝ་ཤུདྡྷཱ་སརྦ་དྷརྨཿསྭ་བྷཱ་ཝ་བི་ཤུདྡྷོ྅ཧཾ། ཕྱི་དང་ནང་གི་ཆོས་ཐམས་ཅད་སྟོང་པ་ཆེན་པོ། སྟོང་པའི་ངང་ལས་བཾ་ལས་པདྨ་ཨ་ལས་ཟླ་བ་རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧྲཱིཿ ལས་འོད་འཕྲོས་སེམས་ཅན་གྱི་དོན་བྱས། སླར་འདུས་ཡོངས་སུ་གྱུར་པ་ལས། རང་ཉིད་དཔའ་བོ་རྟ་མགྲིན་ཞལ་གཅིག་ཕྱག་གཉིས་དབྱུག་ཏོ་དང་སྡིགས་མཛུབ་མཛད་པའི་པང་ན་རྡོ་རྗེ་ཕག་མོ་དམར་མོ་གྲི་གུག་དང་ཐོད་པ་འཛིན་པས་ཡབ་ལ་འཁྱུད་པ། གཉིས་ཀའང་རིན་པོ་ཆེ་དང་རུས་པ་དང་ཐོད་པའི་འཕྲེང་བས་རབ་ཏུ་བརྒྱན་པ། སྤྱན་གསུམ་ཁྲོ་བོའི་ལྟ་སྟངས་ཆེན་པོས་བསྐལ་པའི་མེ་རི་མེ་ཕུང་གི་དབུས་ན་བཞུགས་པར་བསམ། ཧཱུཾ། ཉོན་ཅིག་བགེགས་དང་(༢བ)

― GLG025_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

ལོག་འདྲེན་ཚོགས། །ལུས་ངག་ཡིད་ལ་གནོད་པའི་བགེགས། །བར་ཆད་འབྱུང་པོ་ཐམས་ཅད་ཀུན། །འདི་རུ་མ་འདུག་གཞན་དུ་དེངས། །ང་ནི་དཔལ་ཆེན་རྟ་མགྲིན་རྒྱལ། །རྡོ་རྗེ་འཛིན་བྱེད་འབར་བའི་སྐུ། །ང་ཡི་བཀའ་ལས་འདས་གྱུར་ན། །ཐལ་བའི་རྡུལ་བཞིན་བརླག་པར་གྱུར། །ཨཱོཾ་ཤྲཱི་བཛྲ་ཧ་ཡ་གྲཱི་ཝ་རཱ་ཛ་ཧྲི་ཡ་ཧ་རི་ནི་ས་རཀྵ་ཨུ་ཙ་ཏ་ཡ་ཧཱུཾ་ཕཊ། བགེགས་ཐམས་ཅད་རྒྱ་མཚོའི་མཐར་བྱེད་ནས། །ཡེ་ཤེས་ཀྱི་མེ་ཕུང་གཅིག་ཏུ་འབར་བར་གྱུར། །བདག་དང་ཕ་མས་གཙོ་བྱས་པའི་སེམས་ཅན་ཐམས་ཅད། བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །བཅོམ་ལྡན་འདས་ཞི་ཁྲོ་རབ་འབྱམས་ཀྱི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་མཆིའོ། །ཆོས་ཐམས་ཅད་སྟོང་ཞིང་བདག་མེད་པ་ཡིན་པ་ལ། དེ་ལྟར་མ་རྟོགས་པའི་སེམས་ཅན་ཐམས་ཅད་སྙིང་རེ་རྗེ། དེ་དག་ཐམས་ཅད་རྫོགས་པའི་སངས་རྒྱས་ཀྱི་ས་ལ་འགོད་པར་བྱ། དེའི་ཆེད་དུ་བཅོམ་ལྡན་འདས་ཞི་ཁྲོ་རབ་འབྱམས་ཀྱི་དཀྱིལ་འཁོར་ཆེན་པོ་སྒྲུབ་པར་བགྱིའོ། །སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་འཕྲད་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་ཐམས་ཅད་དང་བྲལ་བར་གྱུར་ཅིག །དགའ་བ་ཆེན་པོ་དེ་དང་དུས་རྟག་ཏུ་མི་འབྲལ་བར་གྱུར་ཅིག །བདེ་སྡུག་གི་རྒྱུ་ཆགས་སྡང་ཐམས་ཅད་དང་བྲལ་བའི་བཏང་སྙོམས་ཆེན་པོ་ལ་གནས་པར་བསམ། སྤྱི་བོར་རྡོར་སེམས་བསྒོམ་ཞིང་དམིགས་པ་དང་བཅས་ཡི་གེ་བརྒྱ་བ་བཟླ། ཨཱོཾ་བཛྲ་ཀྲོ་ཏ་ཧ་ཡ་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ། ཨརྒྷཾ། པཱ་དྱཾ། པུཥྤེ། དྷཱུ་པེ། ཨཱ་ལོ་ཀེ །གནྡྷེ། ནཻ་ཝི་དྱ། (༣ན)

― GLG025_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

ཤཔྟ་ཨཱོཾ་ཨཱཿཧཱུཾ། ཡོངས་སུ་གྱུར་པ་ལས། ཕྱི་ནང་གི་མཆོད་པ་དངས་ཤིང་ཐོགས་པ་མེད་པས་ས་དང་བར་སྣང་ཀུན་ཏུ་བཟང་པོའི་མཆོད་པའི་སྤྲིན་ཕུང་ལྟ་བུས་གང་བར་བསམ། བདག་བསྐྱེད་དང་འབྲེལ་བའི་སྤྱན་འདྲེན། མཆོད་བསྟོད། བསྟིམ་པ། དབང་བསྐུར། རྒྱས་གདབ། བཟླས་པ་བྱ་བ་ནི། ཨཱོཾ་ཡོ་ག་ཤུདྡྷོ་སརྦ་དྷརྨཿསྭ་བྷཱ་ཝ་བི་ཤུདྡྷོ྅ཧཾ། ཕྱི་ནང་གི་ཆོས་ཐམས་ཅད་སྟོང་པའི་ངང་ལས། པཾ་ལས་པདྨ། ཨ་ལས་ཟླ་བ། རཾ་ལས་ཉི་མའི་དཀྱིལ་འཁོར་གྱི་སྟེང་དུ། རང་གི་སེམས་ཉིད་ཧཱུཾ་ལས་འོད་འཕྲོས། སེམས་ཅན་གྱི་དོན་བྱས། ཚུར་འདུས་ཡོངས་སུ་གྱུར་པ་ལས། རང་ཉིད་རང་བཞིན་གཞིའི་ཀུན་ཏུ་བཟང་པོ་མཐིང་ཁ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་ཐུགས་ཀར་བསྣོལ་བ། ཨེ་ལས་ཆོས་ཉིད་ཀུན་ཏུ་བཟང་མོ་གྲི་གུག་དང་ཐོད་པ་འཛིན་པས་ཡབ་ལ་འཁྱུད་པ། གཉིས་ཀའང་རིན་པོ་ཆེའི་རྒྱན་ཐམས་ཅད་ཀྱིས་བརྒྱན་ཅིང་། ཡབ་རྡོ་རྗེའི་སྐྱིལ་མོ་ཀྲུང་དང་ཡུམ་བརྟུལ་ཞུགས་ཀྱི་སྐྱིལ་མོ་ཀྲུང་གིས་འཁྲིལ་བའི་ཡབ་ཀྱི་སྤྱི་བོར་རྡོ་རྗེ་སེམས་དཔའ་ཡབ་ཡུམ་དཀར་པོ། མགྲིན་པར་རིན་ཆེན་འབྱུང་ལྡན་ཡབ་ཡུམ་སེར་པོ། སྙིང་གར་རྣམ་པར་སྣང་མཛད་ཡབ་ཡུམ་མཐིང་ཁ། ལྟེ་བར་སྣང་བ་མཐའ་ཡས་ཡབ་ཡུམ་དམར་པོ། གསང་བར་དོན་ཡོད་གྲུབ་པ་ཡབ་ཡུམ་ལྗང་གུ། ཡབ་ཡུམ་ཐམས་ཅད་ཀྱང་རྒྱན་ཆ་ལུགས་ཕྱག་མཚན་ཐམས་ཅད་གཙོ་བོ་ཡབ་ཡུམ་དང་མཚུངས་པ། ལག་པ་གཡས་སུ་ལྕགས་ཀྱུ་མ་དཀར་མོ། གཡོན་པ་ཞགས་པ་མ་སེར་མོ། རྐང་པ་གཡས་ལ་ལྕགས་སྒྲོག་མ་དམར་མོ། གཡོན་ལ་དྲིལ་བུ་མ་(༣བ)

― GLG025_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

ལྗང་གུ་ཞི་བའི་རྒྱན་ཅན་སེམས་དཔའི་སྐྱིལ་མོ་ཀྲུང་གིས་བཞུགས་པ། རྣམ་སྣང་གི་ཐུགས་ཀར་པདྨ་དང་ཉི་ཟླའི་དབུས་སུ་རྡོ་རྗེ་སྔོན་པོ་ལྟེ་བ་ལ་ཧཱུཾ་གིས་མཚན་པའི་རྭ་ལྔ་ལ་ཨཱོཾ་ཧཱུཾ་ཏྲཱཾ་ཧྲཱིཿཨས་མཚན་པའི་ཕྱི་རོལ་ཏུ་ཨཱ་ལི་བཅུ་དྲུག་དང་། ཀཱ་ལི་རྣམས་མར་མེའི་འཕྲེང་བ་ལྟར་འོད་གསལ་བར་བསམ། ཧཱུཾ། ཀུན་ཏུ་བཟང་པོ་བདེ་གཤེགས་རིགས་ལྔའི་གཙོ། །ཡེ་ཤེས་མཆོག་གིས་འགྲོ་བའི་དོན་མཛད་པ། །རང་བཞིན་དབྱིངས་ནས་ཐུགས་རྗེའི་རྣམ་འཕྲུལ་གྱི། །ཡབ་ཡུམ་འཁོར་དང་བཅས་པ་གཤེགས་སུ་གསོལ། །ཡེ་ཤེས་པ་སྟེང་གི་ནམ་མཁར་བྱོན་པ་ལ། ཨཱོཾ། ཕྱི་ནང་གསང་བ་བླ་ན་མེད་པ་ཡི། །མཆོད་པའི་སྤྲིན་ཕུང་རབ་འབྱམས་རྒྱ་མཚོ་རྣམས། །མ་ལུས་བློ་ཡིས་བླངས་ཏེ་གུས་འབུལ་གྱི། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། །ཨཱོཾ་སརྦ་ཏ་ཐཱ་ག་ཏ་པཱུ་ཙ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཧཱུཾ། ཧཱུཾ། རང་ཉིད་ཆོས་ཀྱི་དབྱིངས་ལས་མ་གཡོས་ཀྱང་། །ཐུགས་རྗེའི་རྣམ་འཕྲུལ་སྣ་ཚོགས་སྟོན་མཛད་ཅིང་། །འགྲོ་བའི་དོན་གཉིས་ལྷུན་གྱིས་གྲུབ་པའི་ལྷ། །ཀུན་བཟང་ཡབ་ཡུམ་གཉིས་ལ་ཕྱག་འཚལ་བསྟོད། །ཛཿཧཱུཾ་བཾ་ཧོ༔ བདག་ལ་གཉིས་སུ་མེད་པར་ཐིམ། ཨཱོཾ་ཨཱཿཧཱུཾ་གིས་སྐུ་གསུང་ཐུགས་བྱིན་གྱིས་བརླབས། ཨཱོཾ་བུདྡྷ་ཨ་བྷི་ཥི་ཉྩ་ཨཱོཾ། ཨཱོཾ་བཛྲ་ཨ་བྷི་ཥི་ཉྩ་ཧཱུཾ། ཨཱོཾ་རཏྣ་ཨ་བྷི་ཥི་ཉྩ་ཏྲཱཾ། ཨཱོཾ་པདྨ་ཨ་བྷིཥི་ཉྩ་ཧྲཱིཿ ཨཱོཾ་ཀརྨ་ཨ་བྷིཥི་ཉྩ་ཨ༔ སྤྱི་བོའི་གནས་ལྔར་རིགས་ལྔས་དབུ་བརྒྱན་པར་བསམ། ཐུགས་ཀར་པད་ཟླའི་སྟེང་གི་རྡོ་རྗེ་དང་སྔགས་རྣམས་ལས་འོད་ཟེར་བྱུང་བས་སྣོད་བཅུད་ཐམས་ཅད་ལྷ་དང་ལྷ་ཅཞིན་དུ་གྱུར།སེམས་ཅན་ཐམས་ཅད་ཀྱི་སྡིག་པ་ཐམས་ཅད་སྦྱངས། འོད་(༤ན)

― GLG025_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེར་གྱི་འཕྲོ་འདུས་སངས་རྒྱས་ཀྱི་རྣམ་པར་འཕྲུལ་པ་རྒྱ་མཚོ་སྟོན་པར་བསམས་ལ། ཨཱོཾ་ཏྲཱཾ་ཧཱུཾ་ཧྲཱི་ཨ། ཞེས་པ་སུམ་བརྒྱ་ཙམ། དབྱངས་གསལ་སོ་སོར་ཉེར་གཅིག་རེ་དང་། རྟེན་འབྲེལ་སྙིང་པོའི་མཐར་སེམས་ཅན་ཐམས་ཅད་ཀྱི་སྡིག་སྒྲིབ་བག་ཆགས་དང་བཅས་པ་ཤིནྟཾ་ཀུ་རུ་ཡེ་སྭཱ་ཧཱ། ཞེས་བཏགས་པ་ཚར་བདུན་ཙམ་བཟླས་ནས་འོག་ཏུ་འཐོར་རྒྱུའི་མེ་ཏོག་བྱིན་གྱིས་བརླབ།མདུན་བསྐྱེད་ནི། ཨཱོཾ་མ་ཧཱ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། སྟོང་པ་ཉིད་དུ་གྱུར། སྟོང་པའི་ངང་ལས་བདག་དང་གནས་དང་རྣལ་འབྱོར་པ་རྣམས་འོག་མིན་གྱི་ཞིང་དང་སྟོན་པ་དང་འཁོར་དུ་བསམས་ཏེ་མདུན་གྱི་ཚོམ་བུའི་དཀྱིལ་འཁོར་འོད་ཟེར་གྱི་ཕུང་པོ་གཅིག་ཏུ་འབར་བའི་དབུས་སུ་སེང་གེ་ཤར་དུ་གླང་པོ་ཆེ། ལྷོ་རུ་རྟ་མཆོག །ནུབ་ཏུ་རྨ་བྱ། བྱང་དུ་ཤང་ཤང་རྣམས་ཀྱི་ཁྲིའི་སྟེང་དུ་པདྨ་ཉི་ཟླའི་སྟེང་དུ། ཨཱོཾ་ཧཱུཾ་ཏྲཱཾ་ཧྲཱི་ཨ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་པས་ས་བོན་རྣམས་རིམ་པ་བཞིན། འཁོར་ལོ་དང་། རྡོ་རྗེ་དང་རིན་པོ་ཆེ་དང་། པདྨ་དང་། རལ་གྲིར་གྱུར། ཨེ་བཾ་ལཾ་རཾ་ཡཾ་ལས་ཕྱག་མཚན་ལྡན་གྱུར། སླར་ཡང་འོད་འཕྲོས་སྣོད་བཅུད་ལྷ་དང་ལྷ་མོར་གྱུར། འོད་ཟེར་ཚུར་འདུས་ཡོངས་སུ་གྱུར་པ་ལས། རྩ་བའི་བླ་མ་བརྒྱུད་པས་བསྐོར་བ་རྣམས་དཔལ་རྣམ་པར་སྣང་མཛད་ཀྱི་རྣམ་པ་ཅན་མཐིང་ཁ་འཁོར་ལོ་རྩིབས་བརྒྱད་པ་བྱང་ཆུབ་མཆོག་གི་ཕྱག་རྒྱས་གཟུང་བ་ཡུམ་དབྱིངས་ཕྱུག་མ་མཐིང་ཁ་དང་མཉམ་པར་སྦྱོར་བ། ཤར་དུ་མི་བསྐྱོད་པ་དཀར་པོ་བདུད་འདུལ་གྱིས་རྡོ་རྗེ་འཛིན་པ་ཡུམ་མཱ་མ་(༤བ)

― GLG025_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

ཀི་དཀར་མོ་དང་མཉམ་པར་སྦྱོར་བ། ལྷོར་རིན་ཆེན་འབྱུང་ལྡན་མཆོག་སྦྱིན་གྱིས་རིན་པོ་ཆེ་འཛིན་པ་ཡུམ་སངས་རྒྱས་སྤྱན་མ་སེར་མོ་དང་མཉམ་པར་སྦྱོར་བ། ནུབ་ཏུ་སྣང་བ་མཐའ་ཡས་དམར་པོ་ཏིང་ངེ་འཛིན་གྱིས་པདྨ་འཛིན་པ་ཡུམ་གོས་དཀར་མོ་དང་མཉམ་པར་སྦྱོར་བ། བྱང་དུ་དོན་ཡོད་གྲུབ་པ་ལྗང་གུ་སྐྱབས་སྦྱིན་གྱིས་རྒྱ་གྲམ་འཛིན་པ་ཡུམ་དམ་ཚིག་སྒྲོལ་མ་ལྗང་གུ་དང་མཉམ་པར་སྦྱོར་བ། ཡུམ་ཐམས་ཅད་ཀྱི་ཕྱག་ན་གྲི་གུག་དང་ཐོད་པ་འཛིན་པ། རྡོ་རྗེའི་སྐྱིལ་མོ་ཀྲུང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པའོ། །དེ་ནས་རྡོ་རྗེ་དང་དྲིལ་བུ་འཛིན་པས་དབྱངས་དང་བཅས་ཏེ། ཧཱུཾ། མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་པའི། །བཅོམ་ལྡན་རིགས་ལྔ་ཡབ་ཡུམ་འཁོར་བཅས་གཤེགས། ཞེས་པས། འོག་མིན་ནས་རིགས་ལྔའི་སངས་རྒྱས་དང་། །བྱང་སེམས་གྲངས་མེད་པ་དང་། བླ་མ་བརྒྱུད་པ་ཐམས་ཅད་དང་། ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་མཁའ་འགྲོ་དཔག་ཏུ་མེད་པ་སྤྲིན་ཕུང་གཏིབས་པ་བཞིན་བྱོན་པ་ལ། མེ་ཏོག་བདུག་སྤོས་སྣང་གསལ་དྲི། །ཞལ་ཟས་རོལ་མོ་ལ་སོགས་པ། །ཕྱི་ནང་མཆོད་པའི་སྤྲིན་ཕུང་གིས། །བདེ་གཤེགས་མ་ལུས་འཁོར་བཅས་མཆོད། །ཨོཾ་བཛྲ་པུ་ཥྤེ། དྷུ་པེ། ཨཱ་ལོ་ཀེ །གནྡྷེ། ནཻ་ཝི་དྱ། ཤཔྟ་ཨཱཿཧཱུཾ། ཨཱོཾ། ཡེ་ནས་འོད་གསལ་ཆོས་སྐུ་དག་པ་ལ། །སྣ་ཚོགས་གཟུགས་སྐུ་མཚན་དཔེ་གཟི་འོད་ཅན། །བླ་མ་ཡི་དམ་རིགས་ལྔའི་སངས་རྒྱས་དང་། །མཁའ་འགྲོ་དམ་ཅན་རྒྱ་(༥ན)

― GLG025_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོའི་ཚོགས་ལ་བསྟོད། ཨཱོཾ་བཛྲ་ཨཾ་གུ་ཤ་ཛཿ ཨཱོཾ་བཛྲ་པཱ་ཤ་ཧཱུཾ། ཨཱོཾ་བཛྲ་ཨ་བེ་ཤ་ཡ་ཧོ། བཏགས་གྲོལ་ལྷའི་སྐུར་གསལ་བ་ལ་གཉིས་སུ་མེད་པར་ཐིམ། ཡང་ཐུགས་ཀ་ནས་འོད་ཟེར་འཕྲོས། རིགས་ལྔ་ལ་སོགས་པ་ཕྱོགས་བཅུའི་སངས་རྒྱས་ཐམས་ཅད་སྤྱན་དྲངས། དེ་རྣམས་ཀྱིས་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག །ཆུའི་ལྷག་མ་ཡར་ལུད་པ་ལས། །སྤྱི་གཙུག་ཏུ་བུདྡྷ་ཨ་བྷིཥི་ཉྩ་ཨོཾ། དཔྲལ་བར་བཛྲ་ཨབྷིཥིཉྩ་ཧཱུཾ། རྣ་ལྟག་གཡས་སུ་རཏྣ་ཨ་བྷིཥིཉྩ་ཏྲཱཾ། ལྟག་པར་པདྨ་ཨ་བྷིཥིཉྩ་ཧྲཱིཿ རྣ་ལྟག་གཡོན་དུ་ཀརྨ་ཨ་བྷིཥིཉྩ་ཨ། ཞེས་དབང་བསྐུར། དཔྲལ་བར་ཨཱོཾ་དཀར་པོ། མགྲིན་པར་ཨཱཿདམར་པོ། ཐུགས་ཀར་ཧཱུཾ་སྔོན་པོས་མཚན་པར་བསམ། ཡབ་ཀྱི་དགོངས་པ་ཡུམ་གྱི་དགོངས་པ་ཡབ་ཡུམ་གཉིས་མེད་ཀྱི་དགོངས་པ་ཡེ་ཤེས་ཉེར་གཅིག་ཚར་བདུན་བཏོན་རྗེས་གླེགས་བམ་རིགས་ལྔར་གསལ་བ་འོད་དུ་ཞུ། གནས་འོག་མིན། བདག་སྟོན་པ་ཀུན་བཟང་། ཆོས་ཨ་ཏིའི་རྒྱུད། འཁོར་སེམས་ཅན་ཐམས་ཅད་སངས་རྒྱས་བྱང་སེམས་སུ་མོས་ནས། བདག་བསྐྱེད་ཀྱི་དུས་སྔགས་ཀྱིས་བསྒྲུབས་པའི་མེ་ཏོག་གིས་གཏོར་ཞིང་། རིགས་ལྔའི་རྩ་སྔགས་རྟེན་འབྲེལ་སྙིང་པོ་དང་བཅས་པ་བརྒྱ་རྩ་བརྒྱད་བརྗོད་ནས། འབྲུ་དང་། སྨན་དང་། རིན་པོ་ཆེ་མཎྜལ་ལན་གསུམ་ཕུལ་ཏེ། ས་གཞི་སྤོས་ཀྱིས་བྱུགས་ཤིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡི། །འགྲོ་ཀུན་རྣམ་དག་ཞིང་དུ་སྤྱོད་པར་ཤོག །ཨཱོཾ་(༥བ)

― GLG025_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

བཛྲ་རཊྵེཨཱཿཧཱུཾ། ཞེས་པ་དང་། མེ་ཏོག་ལ་སོགས་པ་ཕྱི་ནང་གི་མཆོད་པས་མཆོད་ལ། བླ་མ་དང་རིགས་ལྔའི་བསྟོད་པ་རྒྱས་པར་བྱས་ཏེ། མེ་ཏོག་གིས་སྙིམ་པ་བཀང་ལ་མགྲིན་གཅིག་ཏུ། གང་འདིར་བཅོམ་ལྡན་འདས་རིགས་ལྔའི་སངས་རྒྱས་སྲས་དང་བཅས་པ་དང་། བླ་མ་དང་ཕྱོགས་བཅུའི་རྒྱལ་བ་སྲས་དང་བཅས་པ་རྣམས་དགོངས་སུ་གསོལ། ཆེ་གེ་མོ་བགྱི་བས་ཐོག་དྲངས་པའི་སེམས་ཅན་ཐམས་ཅད་སྨིན་པར་མཛད་དུ་གསོལ། གྲོལ་བར་མཛད་དུ་གསོལ། གང་བར་མཛད་དུ་གསོལ། རྒྱས་པར་མཛད་དུ་གསོལ། ཆེར་འཕེལ་བར་མཛད་དུ་གསོལ། ཞེས་པ་གསུམ་དང་། རྒྱུད་དང་བཟླས་རྗེས་རྣམས་ཚར་གཅིག་བརྗོད་པའམ། རྒྱུད་ཀྱི་སྙིང་པོ་ཚར་བདུན་བརྗོད་ལ། བཀྲ་ཤིས་ཀྱི་ལྷ་ཚོགས་དཔག་ཏུ་མེད་པས་བཀྲ་ཤིས་བརྗོད་པར་བསམས་ལ། མེ་ཏོག་འཐོར་རོལ་མོ་དཀྲོལ་ཞིང་མགྲིན་གཅིག་ཏུ། བདེ་གཤེགས་མི་འགྱུར་སྐུ་ལྔ་ལྷུན་གྱིས་གྲུབ། །ཡེ་ཤེས་ལྔ་ལྡན་འཕྲིན་ལས་ཕུན་སུམ་ཚོགས། །གདོད་མའི་མགོན་པོ་རིགས་ལྔའི་བཀྲ་ཤིས་གང་། །བཀྲ་ཤིས་དེས་ཀྱང་དེང་འདིར་ཕུན་ཚོགས་ཤོག །འོག་མིན་ཡེ་ཤེས་བདེ་ཆེན་རྒྱ་མཚོའི་ཞིང་། །རྒྱལ་བ་རྒྱ་མཚོ་དཔག་མེད་ཚོགས་མངའ་པས། །འགྲོ་བའི་དོན་གཉིས་ལྷུན་གྱིས་གྲུབ་པ་ཡི། །བཀྲ་ཤིས་དམ་པ་དེས་ཀྱང་བདེ་ལེགས་ཤོག །བདེ་ཆེན་རིགས་འཛིན་བདེ་གཤེགས་འགྲོ་བའི་ཡབ། །རྣམ་སྨིན་ཚེ་དབང་ཕྱག་རྒྱ་ལྷུན་གྱིས་གྲུབ། །སོ་སོའི་སྐུ་དང་ཡེ་ཤེས་ཕུན་ཚོགས་པའི། །བཀྲ་ཤིས་དམ་པ་དེས་ཀྱང་བདེ་ལེགས་ཤོག །དགའ་རབ་རྡོ་རྗེ་ཤྲཱི་སིངྷ་དང་། །ཨྱོན་པདྨ་འཚོ་(༦ན)

― GLG025_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་ཡུམ་དང་བཅས། །དངོས་གྲུབ་སྣ་ཚོགས་འབར་བའི་སྤྲིན་འཕྲོ་བའི། །བཀྲ་ཤིས་དམ་པ་དེས་ཀྱང་བདེ་ལེགས་ཤོག །ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །ཞེས་པ་ལ་སོགས་པའི་ཤིས་པ་རྒྱ་ཆེ་བར་བརྗོད་པའི་ཚེ་ཕྱོགས་བཅུར་བཀྲ་ཤིས་ཀྱི་བདུད་རྩི་དང་འོད་ཟེར་གྱི་དྲ་བས་འཇིག་རྟེན་ཐམས་ཅད་གྲོལ་ཏེ་སངས་རྒྱས་ཀྱི་བྱང་ཆུབ་ལ་གནས་པར་བསམ་ཞིང་། ཨཱོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། ཞེས་བརྗོད་དབང་བསྐུར་ན། དབང་ཕྱུག་རབ་གནས་ཀྱི་ཆོ་ག་ཚར་གཅིག་བལྡབས་པར། གླེགས་བམ་རིགས་ལྔར་གསལ་བ་འོད་དུ་ཞུ་མི་བྱེད། དབང་གཞན་དང་མ་འབྲེལ་བར་བསྐུར་ན་ཁྲུས་ནས་དབྱུང་། བགེགས་བསྐྲད། རིན་ཆེན་སྨན་འབྲུའི་མེ་ཏོག་འཐོར། །གསོལ་བཏབ་སྒྱུ་འཕྲུལ་ལས། །སངས་རྒྱས་ཀུན་གྱི་གསང་བ་འཛིན། །རྡོ་རྗེ་བླ་མ་དགོངས་སུ་གསོལ། །ཡང་དག་དོན་གྱི་མཆོག་དམ་པ། །བདག་ལ་མངོན་དུ་འགྱུར་བར་མཛོད། །བླ་མ་ཀུན་བཟང་དང་། མདུན་གྱི་དཀྱིལ་འཁོར་རིགས་ལྔར་གསལ་བ་ལ་ཡན་ལག་བཅུ་པ་གང་འོས་བྱེད། དབང་གཞན་དང་འབྲེལ་ན་འདི་ཡན་མི་དགོས། དབང་དངོས་གཞིའི་སྐབས་དཔོན་སློབ་གཉིས་ཀས་རྒྱུད་ལྷར་བསམ། སློབ་མ་ཐ་མལ་དུ་གནས་པའི་གནས་ལྔར་རིམ་པ་བཞིན་ཨཱོཾ། ཏྲཱཾ། ཧཱུཾ། ཧྲཱིཿ ཨ་བསྒོམས་པའི་ཨཱོཾ་ལས་འོད་ཟེར་དཀར་པོ་འཕྲོས། ཕྱི་སྣོད་ཀྱང་ཨཱོཾ་དུ་གྱུར། ནང་བཅུད་ཀྱང་ཨཱོཾ། གསང་བ་རང་གི་ཕུང་ཁམས་སྐྱེ་མཆེད་ཀྱང་ཨཱོཾ་དུ་གྱུར་པ་ལ་རང་སྒྲ་དིར་སྒྲོག་པར་བསམས་ལ། ཨཱོཾ་བརྒྱ་འམ་ཉེར་གཅིག་བཟླ།དེས་མཚོན་ཏྲཱཾ་སོགས་གཞན་ལ་ཡང་འགྲེ། དེའི་ཚེ་སྣང་སྲིད་ལོངས་སྐུའི་ཞིང་(༦བ)

― GLG025_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་སུ་བསམ་ཞིང་བླ་མས། ཨེ་མ་སྐལ་ལྡན་རིགས་ཀྱི་བུ། །འཁོར་འདས་སྣང་སྲིད་རང་གི་སེམས། །གདོད་ནས་མ་སྐྱེས་རྩ་བ་བྲལ། །སྟོང་གསལ་རིག་སྟོང་ཆོས་ཀྱི་སྐུ། །གང་ཤར་རང་གྲོལ་སྦྲུལ་མདུད་བཞིན། །སྤང་བླང་གཉིས་མེད་ཤེས་པར་གྱིས། །ཞེས་ངོ་སྤྲད་ལ། ཡང་། ཨེ་མ་སྐལ་ལྡན་རིགས་ཀྱི་བུ། །མིག་རྩེ་ནམ་མཁའི་ཁམས་སུ་ལྟོས། །རྣམ་པ་སྣ་ཚོགས་འོད་གསལ་ཞིང་། །ཐིག་ལེ་དབྱིངས་དང་ལུ་གུ་རྒྱུད། །དུས་གསུམ་རྒྱལ་བའི་གསང་ཆེན་དབང་། །དོན་གྱི་སྙིང་པོ་འདི་ཉིད་དོ། །ཞེས་པས་མངོན་སུམ་ངོ་སྤྲད་ལ། གླེགས་བམ་ལྷར་གསལ་བ་འོད་དུ་ཞུ། ཡིག་འབྲུ་འོད་ཟེར་གྱི་གོང་བུར་གྱུར་པ་ལ་རིན་པོ་ཆེའི་མཎྜལ་ཕུལ། སློབ་མའི་སྤྱི་བོར་ཨཱོཾ་གསལ་བཏབ། དཔྲལ་བར་རྒྱུད་བཞེས། རྒྱུད་ལས་འོད་ཟེར་བྱུང་བས་བླ་མ་དང་། །བྱང་ཆུབ་སེམས་དཔའ་ཐམས་ཅད་ཀྱི་སྐུའི་དབང་དང་བྱིན་རླབས་ཐམས་ཅད་ཐོབ་པར་བསམ་ལ། སངས་རྒྱས་ཐམས་ཅད་ཀྱི་སྲས་གཅིག་པུས་མིང་འདི་ཞེས་བྱ་བ་ལ་དབང་བསྐུར་ཞིང་བྱིན་གྱིས་བརླབ་ཏུ་གསོལ་ལོ། སྨོན་པར་མཛད་དུ་གསོལ་ལོ། །གྲོལ་བར་མཛད་དུ་གསོལ་ལོ། །གང་བར་མཛད་དུ་གསོལ་ལོ། །ཆེར་འཕེལ་བར་མཛད་དུ་གསོལ་ལོ། །རྒྱས་པར་མཛད་དུ་གསོལ་ལོ། །སྐུ་རྡོ་རྗེ་གཉིས་སུ་མེད་པའི་དངོས་གྲུབ་ཆེན་པོ་གྲུབ་པར་མཛད་དུ་གསོལ་ལོ། །ཨཱོཾ་གྷ་ཛ་ཀཱ་ཡ་ཨ་བྷིཥིཉྩ་ཨཱོཾ། དེ་བཞིན་དུ་སྨན་གྱི་མཎྜལ་ཕུལ་ནས་མགྲིན་པར་ཨཱཿགསལ་བཏབ། རྒྱུད་མགྲིན་པར་བཞག །རྒྱུད་ལས། འོད་ཟེར་བྱུང་བས་བླ་མ་དང་བྱང་ཆུབ་སེམས་དཔའ་ཐམས་ཅད་ཀྱི་གསུང་གི་(༧ན)

― GLG025_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་བྱིན་རླབས་ཐམས་ཅད་ཐོབ་པར་བསམས་ལ་གོང་གི་ཚིག་རྣམས་བརྗོད། ཁྱད་པར་དུ་གསུང་རྡོ་རྗེ་གཉིས་སུ་མེད་པའི་དངོས་གྲུབ་ཆེན་པོ་གྲུབ་པར་མཛད་དུ་གསོལ་ལོ། །ཨཱོཾ་གྷ་ཛ་ཨ་བྷིཥིཉྩ་ཨཿ །འབྲུའི་མཎྜལ་ཕུལ་ལ། སྙིང་གར་ཧཱུཾ་གསལ་བཏབ། རྒྱུད་སྙིང་གར་བཞག །རྒྱུད་ལས་འོད་ཟེར་བྱུང་བས་བླ་མ་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་ཀྱི་དབང་དང་བྱིན་རླབས་ཐམས་ཅད་ཐོབ་པར་བསམས་ལ་གོང་བཞིན། ཁྱད་པར་དུ་ཐུགས་རྡོ་རྗེ་གཉིས་སུ་མེད་པའི་དངོས་གྲུབ་ཆེན་པོ་གྲུབ་པར་མཛད་དུ་གསོལ་ལོ། །ཨཱོཾ་གྷ་ཛ་དྷརྨ་ཡ་ཨ་བྷིཥིཉྩ་ཧཱུཾ། དེ་ནས་དར་ཚོན་གྱིས་གྲིལ་ལ་ག་འུར་བཅུག་སྟེ། འདི་དབུགས་ལ་སླེབས་དགོས་པས་དྲོད་དང་མ་བྲལ་བར་རྟག་ཏུ་ཆོངས་ཤིག་ཅེས་བརྗོད་དོ། །དེའང་ལུས་ངག་ཡིད་གསུམ་གྱི་གནས་གསུམ་དུ་བཏགས་པས་སྐུ་གསུང་ཐུགས་གསུམ་དུ་གྲོལ་བར་བྱེད་ལ། སྐྱེས་པས་མཆན་ཁུང་གཡོན་དང་། བུད་མེད་ཀྱིས་གཡས་སུ་གདགས་སོ། སྔར་ལུང་ཐོབ་མྱོང་ན་སྙིང་པོ་གསུམ་བརྗོད། མ་ཐོབ་ན་བཏགས་གྲོལ་ཚར་གཅིག་ཀློག་གོ །དུས་གཞན་དུ་ཀློག་བའི་དུས་ཚིགས་རྣམ་པ་བརྒྱད་ལས། དང་པོ་ཉི་ཟླ་གཟས་འཛིན་པའི་ཚེ་ཕྱི་ནང་གི་མཆོད་པ་བཤམས་ལ། རང་ཉིད་རྣམ་སྣང་ཡབ་ཡུམ་མཐིང་ཁ་རྡོ་རྗེ་སྐྱིལ་ཀྲུང་ཅན་འཁོར་ལོ་རྩིབས་བརྒྱད་པ་བྱང་ཆུབ་མཆོག་གི་ཕྱག་རྒྱས་འཛིན་པར་བསྒོམས་པའི་ལྕེ་སྟེང་དུ་འཁོར་ལོ་དཀར་པོ་རྩིབས་བཞི་པ་ཨཱོཾ་གྱིས་མཚན་པ་བསྒོམས་ལ་བྱིན་པའི་དུས་སུ་བཀླག་སྟེ། དྲུག་གམ་དགུ་དག་ཅིང་གསལ་བར་བརྗོད་པའི་རང་སྒྲས་འཇིག་རྟེན་ཐམས་ཅད་ཁྱབ་ཅིང་འོད་ཟེར་གྱིས་སེམས་ཅན་ཐམས་ཅད་འཁོར་བ་ལས་གྲོལ་བར་བསམ་མོ། །ཉིན་མཚན་(༧བ)

― GLG025_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ལ་ཟིན་དུས་ཀྱི་ཟུག་པའི་ཚེ་དུད་འགྲོའི་རིགས་ལ་དེའི་ཁ་ཟས་དང་མཐུན་པའི་སྟོན་མོ་དང་། སྙོམ་པའི་ཆ་ལ་སྲོག་འདོན་དང་། འཁྲུག་པའི་ཚེ་ཆོས་ཉིད་ཀྱི་དོན་བསྒོམ་པར་བྱ་སྟེ། དེ་ཉིད་ལས། ཉི་ཟླ་གཟའ་ཡིས་ཟིན་དུས་ན། །འདི་ནི་ལན་དྲུག་དགུ་འམ་ནི། །འཁོར་ལོའི་ལྕེ་ཡིས་རབ་བརྗོད་ན། །དེའང་སྤྲུལ་པའི་སྐུ་དང་མཉམ། །འདི་དུས་སྲོག་འདོན་དགེ་བ་བྱ། །དུད་འགྲོའི་རིགས་ལ་སྟོན་མོ་བྱ། །ཆོས་ཉིད་དོན་ལ་བསྒོམ་པར་བྱ། །བཀླག་པར་བྱེད་པའི་དུས་ན་ཡིན། །སྲོག་འདོན་སྙོམས་པའི་དེ་ལའོ། །དུད་འགྲོ་ཟུང་པའི་དུས་ན་ཡིན། །བསྒོམ་པ་འཁྲུག་པའི་དུས་སུ་བྱ། །དེ་ལྟར་སུ་ཡིས་བྱས་པ་ཡང་། །སྤྲུལ་སྐུའི་ཡོན་ཏན་ཐོབ་པའོ། །ཞེས་སོ། །གཉིས་པ་ས་གཡོས་བྱུང་བའི་ཚེ་རང་ཉིད་མི་བསྐྱོད་པ་ཡབ་ཡུམ་དཀར་པོ་བདུད་འདུལ་གྱི་ཕྱོགས་ཀྱང་རྡོ་རྗེ་འཛིན་པར་བསམས་པའི་ལྗགས་ཀྱི་སྟེང་ན་རྡོ་རྗེ་རྩེ་གསུམ་པ་ཧཱུཾ་གིས་མཚན་པར་བསྒོམས་ནས། དྲུག་གམ་བདུན་བརྗོད་པའི་རང་སྒྲ་དང་འོད་ཟེར་གྱིས་གནོད་པ་དང་འཚེ་བ་ཐམས་ཅད་ཞི་ནས་རྣམ་པར་གྲོལ་བར་བསམས་པ་ནི་བྱེར་བའི་དུས་སུ་བྱ་ཞིང་། རྣལ་འབྱོར་པ་དམ་ཚིག་དང་ལྡན་པ་ལ་ཚོགས་ལོ་གྲངས་སྙོམས་པའི་དུས་སུ་བྱའོ། །དེའང་རྣལ་འབྱོར་ཕོ་མོ་ལོ་གྲངས་གཅིག་ལ་ཚོགས་བྱས་པས་ཚོགས་ལོ་གྲངས་འགྲུབ་བོ། །འཁྲུག་པའི་དུས་སུ་སྐྱེ་བོ་ལ་སྟོན་མོ་དང་ཟུག་པའི་ཚེ་སོ་སོའི་གནས་ནས་སྤྱན་དྲངས་པ་ཡིན། དེ་ཉིད་ལས། གལ་ཏེ་ས་གཡོས་བྱུང་བའི་ཚེ། །འདི་ཉིད་ལན་དྲུག་ལན་བདུན་ནམ། །ཡང་ན་ལན་ནི་ལྔ་འམ་གསུམ། །རྡོ་རྗེའི་ལྕེ་ཡིས་བཀླག་པར་བྱ། ཚོགས་ནི་རྣལ་འབྱོར་ལོ་ཡི་གྲངས། །འདི་ཡི་དུས་སུ་རབ་ཏུ་བཏང་། །དམ་ཚིག་(༨ན)

― GLG025_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ལྡན་རྣལ་འབྱོར་པ། །ཚོགས་ཀྱི་སྟོན་མོ་འདི་བཞིན་བྱ། །བཀླག་པ་འབྱུང་བ་བྱེད་དུས་སུ། །ཚོགས་ནི་སྙོམས་པའི་དུས་ན་བྱ། །སྟོན་མོ་དེ་བཞིན་འཁྲུག་པའི་དུས། །རྣལ་འབྱོར་བ་ནི་ཟུག་པ་ཡི། །དུས་ན་སོ་སོའི་གནས་ནས་བོད། །འདི་ལྟར་འབྱུང་བའི་ཁྱད་པར་ལས། །རྣལ་འབྱོར་དེ་ནི་ཐར་ལམ་དུ། །ཡང་དག་ངེས་པར་འཇུག་པ་ཡིན། །རྡོ་རྗེ་འཆང་བ་རྣམས་དང་ནི། །སྐལ་བ་ཡང་དག་མཉམ་པའོ། །གསུམ་པ་འོད་ཀྱི་སྣང་བ་བྱུང་བའི་ཚེ་རང་ཉིད་རིན་ཆེན་འབྱུང་ལྡན་ཡབ་ཡུམ་སེར་པོ་མཆོག་སྦྱིན་གྱིས་ཕྱག་རྒྱས་རིན་ཆེན་བཟུང་བར་བསྒོམས་པའི་ལྕེ་སྟེང་དུ་དུང་བསམ་པ་ལས་ལན་ལྔ་འམ་གསུམ་མམ་གཅིག་ཏུ་བརྗོད་པའི་རང་སྒྲ་དང་། འོད་ཀྱི་ནམ་མཁའ་དབྱིངས་ཀུན་ཁྱབ་པས་འདོད་དགུ་གྲུབ་ཅིང་གྲོལ་བར་བསམས་ཏེ་སྙོམས་པའི་དུས་སུ་བྱའོ། །བྱེད་པའི་ཚེ་རླུང་བསྒོམ་ཞིང་འཁྲུག་པའི་ཚེ་རྣལ་འབྱོར་མ་དགུའམ་བཅུ་གཅིག་ལ་ཚོགས་དང་སྟོན་མོ་བྱའོ། །སྔ་མ་ལས། འོད་ཀྱི་སྣང་བ་འབྱུང་བའི་ཚེ། །ལན་ལྔ་གསུམ་དང་ལན་གཅིག་ཏུ། །དུང་གི་ལྕེ་ཡིས་བཀླག་པར་བྱ། །རྣལ་འབྱོར་མ་ནི་དམ་ཚིག་ཅན། །དགུའམ་བཅུ་གཅིག་མན་ཆད་ལ། །བཟའ་བཏུང་རྩུབ་པའི་སྟོན་མོ་བྱ། །བཀླག་པ་སྙོམས་པའི་དུས་ན་ཡིན། །རླུང་ནི་བྱོན་པའི་དུས་ན་ཡིན། །སྟོན་མོ་འཁྲུག་པའི་དུས་ནའོ། །འདི་ལྟར་བྱས་པའི་རྣལ་འབྱོར་བ། །སྤྲུལ་པའི་སྐུ་དང་ཡོད་མཉམ་མོ། །ཞེས་སོ། །བཞི་པ་སྒྲ་བྱུང་བའི་ཚེ་རང་ཉིད་འོད་དཔག་མེད་ཡབ་ཡུམ་དམར་པོ་མཉམ་བཞག་གི་སྟེང་ན་པདྨ་འདབ་མ་བརྒྱད་པ་འཛིན་པའི་ལྕེ་སྟེང་དུ་པདྨ་བསྒོམས་ཏེ། བྱེར་བའི་ཚེ་ལན་ལྔ་(༨བ)

― GLG025_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

འམ་དྲུག་གམ་བདུན་དུ་བརྗོད་པས་སྣང་སྲིད་འཁོར་འདས་ཐམས་ཅད་རིག་པའི་དབང་དུ་འདུས་ཤིང་། རང་སྒྲ་དང་འོད་ཀྱིས་སེམས་ཅན་ཐམས་ཅད་སྨིན་གྲོལ་དུ་བསམ་མོ། །སྙོམས་པ་ལ་དཀོན་མཆོག་གི་དྲུང་དུ་མཆོད་པ་དང་། དགེ་སློང་རྣམ་དག་ལ་སྟོན་མོ་ཟུག་པའི་ཚེ་བྱ་བ་ནི། དེ་ལས། སྒྲ་ནི་བྱུང་བའི་དུས་ན་ཡང་། །ལན་ནི་དྲུག་དང་བདུན་དང་ལྔར། །པདྨའི་ལྕེ་ཡིས་བཀླག་པར་བྱ། །འདི་དུས་ལྷ་ལ་མཆོད་པ་འབུལ། །དགེ་སློང་ཚུལ་ཁྲིམས་ལྡན་པ་ལ། །ཆོས་དང་ལྡན་པའི་སྟོན་མོ་བྱ། །བཀླག་པར་བྱེད་པའི་དུས་ན་ཡིན། །མཆོད་པ་དེ་བཞིན་སྙོམས་པ་ལ། །དགེ་སློང་ཟུག་པའི་དུས་ནའོ། །འདི་ལྟར་སུ་ཡིས་བྱས་པ་དེ། །འདི་ཡང་སྤྲུལ་པའི་སྐུ་དང་མཉམ། །ཞེས་སོ། །ལྔ་པ་སད་སེར་བྱུང་བའི་ཚེ། རང་ཉིད་དོན་ཡོད་གྲུབ་པ་ཡབ་ཡུམ་ལྗང་གུ་སྐྱབས་སྦྱིན་གྱིས་རྡོ་རྗེ་རྒྱ་གྲམ་བཟུང་པའི་ལྕེ་སྟེང་དུ་རལ་གྲི་བསམས་ཏེ། ཟུག་པའི་དུས་སུ་ལན་ཅི་འགྲུབ་བརྗོད་པའི་རང་སྒྲ་དང་འོད་ཀྱི་སྣང་སྲིད་གང་ཞིང་། བར་ཆད་ཞི་ནས་འདོད་པའི་དོན་གྲུབ་པར་བསམ་མོ། །སྙོམ་པའི་ཚེ་རོལ་མོ་སིལ་སྙན་གྱི་མཆོད་པ་དང་། །རྣལ་འབྱོར་བ་ལྔའམ་བཅོ་ལྔ་གྱེར་དུས་བོས་ཏེ། །འཁྲུག་དུས་སྟོན་མོ་བྱའོ། །སྔ་མ་ལས། སད་ཀྱིས་རྒྱལ་ཁམས་ཁྱབ་པའི་ཚེ། །རལ་གྲིའི་ལྕེ་ཡིས་འདི་བརྗོད་ན། །སངས་རྒྱས་ཡོན་ཏན་འདི་ཡིས་ཐོབ། །འདི་དུས་སྒྲ་ཡི་མཆོད་པ་བྱ། རྣལ་འབྱོར་ལྔའམ་བཅོ་ལྔ་ལ། །ཚོགས་ཀྱི་སྟོན་མོ་ལན་བདུན་བྱ། །བཀླག་པ་ཟུག་པའི་དུས་ན་ཡིན། །མཆོད་པ་སྙོམས་པའི་ཚེ་ནའོ། །བྱེར་བ་ལ་ནི་རྣལ་འབྱོར་བོད། །འཁྲུག་པའི་ཚེ་ན་སྟོན་མོ་བྱ། །འདི་ལྟར་སུ་ཡིས་བྱས་པ་ལ། །སྤྲུལ་པའི་སྐུ་ཡི་ཡོན་ཏན་ཐོབ། །དྲུག་པ་རིམས་དང་(༩ན)

― GLG025_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

ཡམས་ནད་བྱུང་བའི་ཚེ་དོན་ཡོད་གྲུབ་པ་སྔར་བཞིན་བསྒོམས་པའི་ལྕེ་སྟེང་དུ་ལྕགས་ཀྱུ་བསམས་ཏེ་དེ་ལས་འོད་ཟེར་གྱི་ཚོགས་ཚད་མེད་པ་བསམ་ལ། འཁྲུག་པའི་ཚེ་དགུ་འམ་བཅུ་གཅིག་གམ་བཅུ་དགུ་བརྗོད་པའི་རང་སྒྲ་དང་འོད་ཟེར་གྱིས་ནད་རིམས་ཞི་ནས་སེམས་ཅན་ཐམས་ཅད་སངས་རྒྱས་པར་བསམ་མོ། །སྙོམས་པའི་དུས་སུ་མི་རྟོག་པ་བསྒོམ་ཞིང་། །བྱེར་དུས་བྱིས་པའི་སྟོན་མོ་བྱ་བ་ཡང་། །དེ་ལས། རིམས་དང་ཡམས་ནད་བྱུང་བའི་ཚེ། །དགུ་དང་བཅུ་གཅིག་བཅུ་དགུར་ནི། །ལྕགས་ཀྱུའི་ལྕེ་ཡིས་བརྗོད་པར་བྱ། །འདི་དུས་མི་རྟོག་བསྒོམ་པར་བྱ། །བྱིས་པ་དགུའམ་བཅོ་བརྒྱད་ལ། །སྟོན་མོ་བྱ་བ་རབ་ཏུ་བསྔགས། །བཀླག་པ་འཁྲུག་པའི་དུས་ན་ཡིན། །བསྒོམ་པ་སྙོམས་པའི་དུས་ནའོ། །བྱིས་པ་བྱེར་པའི་དུས་ནའོ། །སྟོན་མོ་ཟུག་པ་ཉིད་ལ་བྱ། །དེ་ལྟར་བྱས་པའི་སྐྱེས་མཆོག་ནི། །འདི་ལ་སྤྲུལ་སྐུའི་ཡོན་ཏན་ཐོབ། །ཅེས་སོ། །བདུན་པ་མུ་གེ་བྱུང་བའི་ཚེ་ཀུན་བཟང་ཡབ་ཡུམ་མཐིང་ཁ་མཉམ་བཞག་ལས་འོད་ཟེར་འཕྲོ་བའི་ལྕེ་སྟེང་དུ་ཟླ་ཕྱེད་རྡོ་རྗེ་རྩེ་གསུམ་པ་གྱེས་པའི་རྣམ་པར་བསམ་སྟེ། བྱེད་དུས་གཉིས་སམ་གསུམ་མམ་ལྔ་བརྗོད་པའི་འོད་དང་སྒྲས་འཚེ་བ་ཞི་ཞིང་བྱང་ཆུབ་ཀྱི་གོ་འཕང་ཐོབ་པར་བསམ་མོ། །སྙོམས་པ་ལ་དྲིས་མཆོད་ཅིང་། འཁྲུག་པ་ལ་བཤན་པའམ་མུ་སྟེགས་བོས་ཏེ་ཟུག་པ་ལ་སྟོན་མོ་བྱ་བ་ནི། དེ་ལས། མུ་གེ་དག་ནི་བྱུང་བའི་ཚེ། ཁ་ཊྭཱཾ་ལྕེ་ཡིས་འདི་བརྗོད་ན། །སྤྲུལ་སྐུའི་ཡོན་ཏན་འཛིན་པ་ཡིན། །ལན་ནི་ལྔའམ་གསུམ་གཉིས་ཏེ། །འདི་དུས་དྲི་ཡི་མཆོད་པ་བྱ། །བཤན་པ་འམ་ནི་མུ་སྟེགས་ལ། སྟོན་མོ་བྱ་བར་རབ་ཏུ་བསྔགས། །བཀླག་པ་བྱེར་པའི་དུས་ན་བྱ། །མཆོད་པ་སྙོམས་(༩བ)

― GLG025_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཉིད་ལའོ། །སྡིག་ཅན་འཁྲུག་པ་ཉིད་ལ་སྟེ། །སྟོན་མོ་དེ་བཞིན་ཟུག་པ་ལའོ། །འདིས་ཀྱང་སྤྲུལ་སྐུའི་ས་བོན་འཇོག །ཅེས་སོ། །བརྒྱད་པ་ཕྱུགས་ནད་བྱུང་བའི་ཚེ་ཀུན་ཏུ་བཟང་མོ་ཡབ་དང་མཚུངས་པར་བསྒོམས་ལ་ཟུག་དུས་བརྒྱད་དམ་བཅུ་དྲུག་ཏུ་བརྗོད་པའི་འོད་དང་རང་སྒྲས་འཇིག་རྟེན་གྱི་ཕྱུགས་ནད་ལ་སོགས་པ་ཞི་ནས་སངས་རྒྱས་ཐོབ་པར་བསམ་མོ། །བྱེར་དུས་མར་མེས་མཆོད་ཅིང་། སྙོམས་དུས་དགྲ་བཅོམ་པ་འམ། མེད་ན་རྩ་བའི་བླ་མ་སྤྱན་དྲངས་ལ། །འཁྲུག་དུས་སྟོན་མོ་བྱ་བ་ནི། དེ་ཉིད་ལས། རྒྱལ་ཁམས་ཕྱུགས་ནད་བྱུང་བའི་ཚེ། །རང་བྱུང་ཆེན་པོའི་ཡི་གེ་འདི། །ལན་བརྒྱད་དམ་ནི་བཅུ་དྲུག་ཏུ། །རྩེ་གསུམ་ལྕེ་ཡིས་འདི་བརྗོད་ཅིང་། །འདི་དུས་ཨཱ་ལོ་ཀེ་མཆོད་བྱ། །དགྲ་བཅོམ་པ་དག་བདུན་ལ་ཡང་། །སྟོན་མོ་བྱ་བར་རབ་ཏུ་བསྔགས། བཀླག་པ་ཟུག་པ་ཉིད་ལ་ཡིན། །མཆོད་པ་བྱེར་བ་ཉིད་ལ་བྱ། །དགྲ་བཅོམ་སྙོམས་པའི་དུས་ན་བོད། །འཁྲུག་པ་ལ་ནི་སྟོན་མོ་བྱ། །འདི་ལྟར་བྱས་པའི་སྐྱེས་བུ་ནི། །སྤྲུལ་པའི་ས་བོན་ངེས་པར་འཇོག །འདི་ལ་ཐེ་ཚོམ་བྱ་མི་རུང་། །ངེས་པར་འབྲས་བུ་དམ་པ་ཐོབ། །ཅེས་སོ། །དེའང་བྱེར་བ་དང་ཟུག་པ་ལ་སོགས་པའི་དུས་ནི། སྐབས་འདིར་ཉིན་མཚན་ཕྲུགས་གཅིག་གིས་བརྩི་བ་ཡིན་ཏེ། དེའང་ཉིན་དུས་ཀྱི་ནམ་ལངས་ནས་དྲོས་པོ་ཆེའི་བར་དུ་བྱེད་པའོ། །དེ་ནས་གུང་ལ་མ་སླེབ་པར་ཟུག་པའོ། །གུང་མཐིང་པོ་ནི་སྙོམས་པའོ། །གྲིབ་བསིལ་ཕེབས་ནས་ཉི་མ་ནུབ་པའི་བར་ནི་འཁྲུག་པའོ། །མཚན་དུས་ཀྱི་སྲོད་བྱེར་བ། སྲོད་ཡོལ་ཟུག་པ་ནམ་ཕྱེད་སྙོམས་པ་ཐོ་རངས་འཁྲུག་པའོ། །དེ་ལྟར་ཉིན་མཚན་གྱི་ཆ་གང་ལ་རྟགས་དེ་ནམ་བྱུང་བའི་བྱེར་ཟུག་གི་རིམ་པ་དང་སྦྱར་ལ་ཀློག་པ་དང་། བསྒོམ་པ་དང་། བོད་(༡༠ན)

― GLG025_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། ཚོགས་ཀྱི་སྟོན་མོ་རྣམས་བྱ་བ་ཡིན་ནོ། །འདི་དག་གི་སྒོམ་རིགས་ནི་གནད་ཡིག་ལས་བྱུང་བ་བཞིན་བཀོད་དོ། །གཞན་ཡང་ཉ་སྟོང་ཚེས་བརྒྱད་དང་། ཚེས་བཅུ་ཉི་ཤུ་ལྔའི་ཉིན་མཚན་ལ་ཚོགས་དང་གཏོར་མ་བཤམས་ཏེ། རྣལ་འབྱོར་བ་དམ་ཚིག་ཅན་རྣམས་འདུས་ནས་བཀླགས་ཏེ། ཚོགས་ལ་རོལ་བས་སྣང་བའི་འཕེལ་ཚད་དང་། རྟོགས་པ་དང་ཏིང་ངེ་འཛིན་སྐྱེ་ཞིང་། ཉམས་ཆགས་ཐམས་ཅད་བསྐང་བ་དང་། བསམ་པའི་དོན་ཐམས་ཅད་འགྲུབ་པའི་དུས་བཟང་པོ་ལ་བཀླགས་པར་བྱ། བཀླག་ཐབས་ནི་བི་མ་ལའི་ཡང་ཏིག་གི་རྒྱབ་ཡིག་ལས་ཤེས་པར་བྱ། ཕན་ཡོན་ནི། ལུས་ལ་བཅངས་པ་ཙམ་གྱིས་དགེ་བ་བྱེ་བ་འབུམ་དུ་འགྱུར་དུ་འཕེལ་ཞིང་། ནད་དང་གདོན་དང་བར་ཆད་གང་གིས་ཀྱང་མི་ཚུགས་པ་དང་། གང་དུ་བཞུགས་ཚད་མཆོད་རྟེན་དུ་འགྱུར་པས་འགྲོ་བ་དེ་ཉིད་ལ་མཁའ་འགྲོ་ལ་སོགས་པ་རྣམས་ཀྱིས་མཆོད་ཅིང་དངོས་གྲུབ་སྟེར་བ་དང་། ཕས་ཀྱི་རྒོལ་བས་མི་ཚུགས་པ་དང་། ཡེ་ཤེས་ཀྱི་སྣང་བ་གོང་དུ་འཕེལ་བས། རིག་པའི་གཏན་སྲིད་ཟིན་པ་དང་། །བར་དོར་རང་ངོ་ཤེས་པ་དང་། །སངས་རྒྱས་ཀྱི་བྱང་ཆུབ་འགྲུབ་པ་ལ་སོགས་པ་སྟེ། སངས་རྒྱས་སྲས་གཅིག་ལས། འདི་ཡང་འགྲོ་བ་སངས་རྒྱས་ཡིན། །ཞེས་པ་དང་། དུས་གནད་ངེས་པ་ལས། འདི་ཉིད་བཅངས་པ་ཙམ་གྱིས་ཀྱང་། །སངས་རྒྱས་ཉིད་དུ་འགྱུར་བ་ལ། །ཐེ་ཚོམ་བྱ་བར་ཅི་ཞིག་དགོས། །ཞེས་སོ། །གཞན་ཡང་རྣལ་འབྱོར་པ་ལས་གཞན་པས་བཅངས་ཀྱང་གྲོལ་ནུས་ཏེ། དེ་ཉིད་ལས། བྱོལ་སོང་གཟུགས་སམ་བུད་མེད་དམ། །སྐྱེ་བ་དམན་པའི་སེམས་ཅན་གྱིས། །འདི་དང་བྲལ་བ་མ་བྱས་ན། །ངེས་པར་སྐུ་གསུམ་འབྲས་བུ་ཐོབ། །ཅེས་པ་(༡༠བ)

― GLG025_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། གལ་ཏེ་བྱོལ་སོང་མགུལ་དུ་འདི། །བཏགས་ན་དེ་ཉིད་ཀྱང་གྲོལ་ན། །འགྲོ་བ་མི་རྣམས་སྨོས་ཅི་དགོས། །ཞེས་སོ། །འདི་སུ་ལ་སྣང་བ་དེ་ཉིད་སྐལ་ལྡན་གྲོལ་བའི་རིགས་ཅན་ཡིན་ཏེ། དགའ་དང་འགའ་ལས་ཐམས་ཅད་ལ་སྣང་བའང་བསོད་ནམས་ཀྱིས་བསགས་པ་ལ་མི་ཤོང་བས་མི་སྣང་བ་ཡིན་པར། དེ་ཉིད་ལས། དེ་ཡི་ཕྱིར་ན་གསང་ཚིག་འདི། །ཐུན་མོང་ཉིད་དུ་འཕྲད་པ་མིན། །རིགས་ལྡན་སྐྱེས་བུ་སྐལ་ཚེ་བས། །འགའ་ལ་འདི་ཉིད་སྣང་བ་ལས། །ཀུན་གྱིས་མཐོང་བ་མ་ཡིན་ནོ། །ཞེས་སོ། །འདི་ཉིད་འཕྲད་པའི་སེམས་ཅན་དེ་གཟུགས་བརྙན་ཅིག་འདུག་ཀྱང་རེ་ཞིག་ལས་ཀྱིས་དེ་ལྟར་འགྱུར་མོད། རིག་པའི་ངོ་བོ་འགྲོ་བ་བཟང་ངན་གང་དུའང་མ་གྲུབ་པས་ལས་འདི་དང་ཕྲད་པས་གྲོལ་ནས་རིག་པ་བཞི་ལ་གྲོལ་བ་ཡིན་ནོ། །བླུན་པོ་ཁ་ཅིག་དུད་འགྲོ་ལ་བཏགས་པས་གྲོལ་ན་དང་ཆ་བྱད་དེ། སེམས་ཅན་ཐམས་ཅད་ལ་བཏགས་པས་ཆོག་མོད། གྲོལ་བའི་རྟགས་ཅི་ཡོད། ལུས་ནི་མ་འགྱུར་བར་འདུག །ཟེར་བ་ནི་ལོག་ལྟ་བདུད་ཆོས་མཁན་ཚིག་ཙམ་ཤེས་པ་སྐལ་མེད་རྟོོག་གེ་བའི་རིགས་ཡིན་ཏེ་ཡང་དག་པའི་རྒྱུད་ཆེན་པོར་ངེས་པའི་དོན་དུ་གསུངས་ལ། དཀོན་མཆོག་བརྩེགས་པ་ལས། རིགས་སྔགས་དང་། སྨན་དང་། མཁྱུད་དཔྱད་དང་། རྟེན་ཅིང་འབྲེལ་པར་འབྱུང་པའི་མཐུ་ནི་བསམ་གྱིས་མི་ཁྱབ་བོ། །སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཐབས་དང་ཏིང་ངེ་འཛིན་དང་རྫུ་འཕྲུལ་གྱི་སྤྱོད་ཡུལ་ནི་བསམ་གྱིས་མི་ཁྱབ་བོ། །ཞེས་གསུངས་པས། རྡོ་རྗེ་འཆང་གིས་ཐབས་ཁྱད་པར་ཅན་ཟབ་མོའི་རྟེན་འབྲེལ་འདི་ཉིད་བླ་ན་མེད་པའི་རིག་སྔགས་སུ་མཛད་པས་གྲོལ་ངེས་པ་ཡིན་ནོ། །སངས་རྒྱས་ཀྱི་ཐབས་ནི་ཚད་མེད་དེ་བཏགས་པས་གྲོལ་པ་ཡང་མཁྱེན་དགོས་སོ། །མ་མཁྱེན་ན་སངས་(༡༡ན)

― GLG025_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་ཐམས་ཅད་མཁྱེན་པ་མ་ཡིན་པའི་སྐྱོན་དུ་འགྱུར་རོ། །གྲོལ་བ་སེམས་གྲོལ་བ་སྟེ། གཤིས་རིག་པའི་ངང་དུ་ཕྱིན་པ་ཡིན་མོད། ལུས་དེ་སྔར་དང་མི་འདྲ་བར་འགྲོ་གར་དགོས། དགྲ་བཅོམ་པ་རྣམས་ཀྱང་གྲོལ་བ་ཡིན་མོད། ལུས་འགྱུར་བར་མ་གསུངས་ལ། རྒྱན་ཡོད་མེད་གཉིས་སུ་གསུངས་པས། གྲོལ་བ་ལ་ད་ལྟ་རྫུ་འཕྲུལ་དངོས་སུ་སྟོན་ནུས་པས་ཀྱང་མ་ཁྱབ་བོ། །དཔེར་ན་ཕྱིན་ཅི་ལོག་གི་ཀླན་ཀ་ཁྱི་ཟུག་པ་སྤང་པའི་འོས་མ་ཡིན་ཀྱང་། སྐལ་ལྡན་ཁ་ཅིག་ཚིག་དེས་མགོ་འཁོར་ནས་ཐེ་ཚོམ་ཟ་བ་བཟློག་པའི་དགོས་པ་ཡོད་དོ། །ངེས་པའི་དོན་ལ་ཡིད་ཆེས་ནས་བསོད་ནམས་ཚད་མེད་པའི་ཕྱིར་རོ། །ཡེ་ཤེས་གྲུབ་པའི་རྒྱུད་ལས། ཆོས་ལ་སྡང་བ་ངེས་གསལ་བ། །བསོད་ནམས་འབྲས་བུ་གཏིང་དཔག་མེད། །ཅེས་པ་ལྟར་ཡིན་ནོ། །དེའི་ཕྱིར་འདི་ཉིད་འཆི་དུས་སུ་ལུས་ལ་ཡོད་པའི་སེམས་ཅན་དེ་སྡིག་ཅན་ཡིན་ལས་ཟད་ནས་འཁོར་བའི་ཁ་མི་བརྒྱུད་པར་གྲོལ་ཏེ། དུས་གནད་ངེས་པ་ལས། ནམ་ཞིག་འཆི་བའི་དུས་ཀྱི་ཚེ། །འདི་ཉིད་ལུས་ལ་གནས་པ་ལ། །རིགས་དྲུག་སྐྱེ་བ་རྣམ་བཞི་ཡི། །གྲོང་ཁྱེར་དུ་ནི་འཇུག་མི་སྲིད། ཅེས་སོ། །དེའང་གཞན་ལ་གསངས་ནས་བཅངས་པས་ཕན་ཡོན་ཆེན་པོ་ཐོབ་སྟེ། དེ་ཉིད་ལས། གལ་ཏེ་འདི་ཉིད་སྣང་བའི་མིས། །འདི་ཉིད་ཡོད་པར་སུས་གཞན་ལ། །སྨྲ་བར་བྱེད་པའི་མི་དེ་ཡིས། །རང་གི་འབྲས་བུ་བཀླག་པར་བྱེད། །དེ་ཡི་ཕྱིར་ན་རང་བྱུང་གི །ཡི་གེ་འདི་ནི་ཡོད་པ་ཡི། །ཚིག་གི་ཟུར་ཙམ་བརྗོད་མི་བྱ། །མ་གསངས་དངོས་གྲུབ་མི་འབྱུང་ལ། །གསངས་པས་དངོས་གྲུབ་ཕུན་སུམ་ཚོགས། །ཞེས་གསུངས་སོ། །བཀྲ་ཤིས་པའི་ཚིགས་སུ་བཅད་པས་མེ་ཏོག་འཐོར། (༡༡བ)

― GLG025_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་གནས་དབང་བསྐུར་འཇུག་པ་བདེ་བར་བྱེད་ན། བདག་མདུན་གཉིས་ཀ་ཀུན་བཟང་དམ་རྡོར་སེམས་གཙོ་རྐྱང་གིས་འཐུས་པར་མཛད་པའི་ཕྱག་ལེན་ཡོད་དོ། །ཨ་ཏིའི་གདམས་པ་ཉམས་སུ་བསྟར་བ་ཡི། །སྐལ་ལྡན་གདུལ་བྱའི་ལམ་གྱི་ཆ་རྐྱེན་དུ། །མ་བསྒོམས་སངས་རྒྱས་ཆོས་ལྔའི་ནང་ཚན་གྱི། །བཏགས་གྲོལ་རྒྱུད་དྲུག་ཀུན་བཟང་དགོངས་པའི་བཅུད། །མཚམས་མེད་ལ་སོགས་སྡིག་ལྟུང་ཁུར་པོ་ཆེས། །མནར་ཡང་འདི་ཕྲད་ངན་སོང་ལྟ་ཅི་སྨོས། །སྲིད་མཚོའི་མཐའ་བྲལ་ཐར་པའི་གླིང་བགྲོད་གཏམ། །མ་དང་མཁའ་འགྲོའི་གྲོང་དུ་དར་དིར་གླེང་། །བསོད་ནམས་བྱས་འདིའི་མཐོ་རིས་ཆུ་གཙང་གིས། །རིགས་དྲུག་རྒྱུད་ལ་གོས་པའི་ལས་ཉོན་དྲི། །ཉེར་བཀྲུས་སེམས་ཉིད་དོན་གྱི་རྡོ་རྗེ་སེམས། །མངོན་སུམ་རང་ངོ་འཕྲོད་པའི་བཀྲ་ཤིས་ཤོག །ཅེས་བཏགས་གྲོལ་གྱི་དབང་བསྐུར་དང་རབ་གནས་ཀྱི་ཆོག་སྒྲིགས་མུ་ཐི་ལའི་འཕྲེང་བ་ཞེས་པ་འདི་ནི་མཁའ་འགྲོ་ཡང་ཏིག་གི་གཞུང་གཙོ་བོར་བཟུང་བླ་མ་ཡང་ཏིག་ནས་ཀྱང་ཁ་བཀང་སྟེ་པདྨའི་གདུང་འཚོབ་ཆོས་རྒྱལ་གཏེར་བདག་གླིང་པའི་གསུང་རྒྱུན་ལྟར་འཁྲུག་བསྡེབས་སུ་ཟ་ཧོར་གྱི་བནྡེ་གང་ཤར་རང་གྲོལ་གྱིས་ལྕགས་བྱ་ཧོར་ཟླ་བརྒྱད་པའི་གྲལ་ཚེས་ལ་སྦྱར་བའི་ཡི་གེ་པ་ནི་རིག་བྱེད་དུ་མ་ལ་བློ་གྲོས་ཀྱི་སྣང་བ་དཀར་བ་མཐར་རྒྱས་པ་བློ་བཟང་དབང་པོས་བགྱིས་པ་དགེ་ལེགས་འཕེལ།། །།སརྦ་མངྒ་ལཾ།

མཁའ་འགྲོ་བསུན་བཟློག་གི་བཅས་བཤོམས་ཅི་འདོད་རྩེ་དགའ་གསར་གླུ།

― GLG025_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་བསུན་བཟློག་གི་བཅས་བཤོམས་ཅི་འདོད་རྩེ་དགའ་གསར་གླུ་ཞེས་བྱ་བ་བཞུགས་སོ། །

― GLG025_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་བསུན་བཟློག་ལ་རྒྱས་པ་དཀྱིལ་འཁོར་ལ་བརྟེན་ན། འོག་ནས་འབྱུང་བའི་ཡས་རྣམས་གཞུང་དང་དཔེ་རིས་གོ་བསྟུན་ཏེ་དཀྱིལ་འཁོར་གྱི་མཐའ་ལ་འགོད། བསྡུས་པ་གཏོར་མ་ལ་བརྟེན་ཀྱང་དབྱིབས་མཚུངས། འབྲིང་པོ་མདོས་ལ་བརྟེན་པ་འདི་ལག་ལེན་རྒྱས་བསྡུས་འཚམ་པའི་དབང་དུ་བྱས། རྒྱས་འབྲིང་བསྡུས་གསུམ་གང་ལ་ཡང་བདག་བསྐྱེད་སྔོན་དུ་འགྲོ་དགོས་པ་དྲི་མེད་བསུན་བཟློག་སོགས་ལ་མཁའ་འགྲོའི་དཀྱིལ་འཁོར་ལ་བརྟེན་པར་བཤད་ཀྱང་། གཏེར་ཁ་འོག་མ་དང་རཏྣ་གླིང་པ་སོགས་ལ་ཞི་ཁྲོ་ལྟ་བུར་བརྟེན་པ་དང་། བླ་མ་ཞི་དྲག་བཀའ་བརྒྱད་ཕུར་པ་སོགས་གང་འོས་ཞིག་འཐད་པར་བཤད་པས་ས་ཡུལ་གང་འོས་སུ་རྡུལ་ཚོན་དང་རས་བྲིས་ལྟ་བུའམ་མི་སྤྲོ་ན། སྐུ་རྟེན། སྨན་རག་གཏོར་གསུམ་མཆོད་པ་ཙམ་གྱིས་འཐུས། མཁའ་འགྲོ་ཆོས་སྐྱོང་གཏེར་སྲུང་གཞིས་བདག་རྣམས་ཀྱི་གཏོར་མ་དང་ཚོགས་འཁོར་བཤམ། མདུན་བསྐྱེད་ལ་རྡུལ་ཚོན་གྱི་རི་རབ་གླིང་བཞི་ཉི་ཟླ་སོགས་རྒྱས་བསྡུས་འཚམ་པ་བྲིས། དེའི་སྟེང་ཨན་བདར་ལྟ་བུའི་ཁར་ས་སྤྱིན་པོ་ལ་རི་རབ་བང་རིམ་བདུན་(༢ན)

― GLG025_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩེགས་སུ་བྱས་པའི་བང་རིམ་དང་པོའི་སྟེང་དུ་མཁའ་འགྲོའི་གཙོ་མོ་སྐུ་མདོག་མཐིང་ནག་ཞལ་གཅིག་ཕྱག་གཉིས་གྲི་གུག་འཕྱར་ཞིང་། གཡོན་ཐོད་ཁྲག་ཐུགས་ཀར་འཛིན་པ། དར་དམར་གྱི་སྟོད་གཡོགས་དང་སྟག་ཤམ། རུས་པ་དང་རིན་པོ་ཆེས་བརྒྱན་པ་ཐད་སྒ་མི་ལྤགས་ཀྱི་སྤུ་ལེན་གོང་རྨེད་སྲབ་མཐུར་སྦྲུལ་གྱིས་སྤྲས་པའི་བོང་བུའི་སྟེང་དུ་ཕྱེད་སྐྱིལ་གྱིས་བཞུགས་པ། དེའི་མདུན་དུ་མཁའ་འགྲོ་སྔོན་མོ་ཞལ་གཅིག་ཕྱག་གཉིས་གཡས་ཁྲམ་ཤིང་འཕྱར་ཞིང་གཡོན་ནད་རྐྱལ། དར་དམར་གྱི་སྟོད་གཡོགས་དང་རེ་ལྡེའི་ཤམ་ཐབས་ཞབས་གཉིས་ཕྱེད་སྐྱིལ་གྱིས་སྒ་སྲབ་སོགས་གོང་དང་འདྲ་བའི་དྲེའུ་ལ་ཞོན་པ། གཙོ་མོའི་རྒྱབ་ཏུ་མཁའ་འགྲོ་སྔོན་མོ་གཡས་རྡོ་རྗེས་མཚན་པའི་བེ་ཅོན། གཡོན་ཐོད་ཁྲག །དར་ལྗང་གི་སྟོད་གཡོགས་དང་དར་དམར་གྱི་ཤམ་ཐབས་ཅན། གོང་གི་ཆས་དང་མཚུངས་པའི་རྟ་ལ་ཞོན་པ། དེའི་མཐའ་སྐོར་དུ་གར་མཁན་བཅུ་གསུམ། བང་རིམ་གཉིས་པར་མཆོད་ལྷ་བཅུ་གསུམ། བང་རིམ་གསུམ་པར། རྨ་བྱ། བྱ་རྒོད། ཁྲ། བདུད་བྱ། ནེ་ཙོ། ཤང་ཤང་། (༢བ)

― GLG025_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྭ་ཏ། བྱ་ནག །གོང་མོ། ཁྱིམ་བྱ། བྱ་གླག །སེ་མོ། བྱ་རོག་གིས་མཚོན་པའི་སྒྲོ་གཤོག་ནག་ཤས་ཆེ་བའི་རིགས། བང་རིམ་བཞི་པར་སེང་གེ །སྟག །གཟིག །གཡི། དོམ། དྲེད། སྤྱང་ཀི །སྦྲེ། སྲེ་མོང་། ཕག །ཅེ་སྤྱང་། འཕར་བ། ཝ་སོགས་ཁ་དོག་དམར་ཤས་ཆེ་བའི་གཅན་གཟན་གྱི་རིགས། བང་རིམ་ལྔ་པར་མར་མེ་དང་ལྷ་བཤོས་སྤེལ་མ་བཅུ་གསུམ། བང་རིམ་དྲུག་པར་འབྲུག །གླང་། རྟ། རྐྱང་། དྲེའུ། བོང་བུ། གཙོད། གཡག །ར་ལུག །བྱི་བ། ཤ་བ། དགོ་བ། བང་རིམ་བདུན་པར་སྟག་དང་མདའ་དར་སྤེལ་བ་བཅུ་གསུམ་རེ། ཁོར་ཡུག་ཏུ་རྟ། དྲེའུ། གླང་པོ་སོགས་སྲོག་ཆགས་སྣ་ཚོགས་ལ་ཁལ་བཀལ་བ་དང་། ཕྱེ་སྣ་ཚོགས་ལས་བྱས་པའི་ངར་མི་རྣམས་བཅུ་གསུམ་རེ། འབྲུ་སྣ། ཇ་སྣ། རས་སྣ། དར་སྣ། སྨན་སྣ། ཟས་སྣ། རིན་པོ་ཆེ་སྣ་ལྔ། ལྷོ་རྫས། བྱང་རྫས། སྤོས་སྣ། གསུར་སྣ། མི་རྟ་གླང་སེང་རྨ་བྱ་སོགས་ཀྱིས་གཙོས་པའི་ཤ་སྣའི་རིགས། ཁྲག་སྣ། ར་རྒྱ་བོའི་ཁྲག་མཚལ་བྱ་དམར་པོ། བསེ་བྱད་ཁྲ་བོ་དང་སྔོན་བཏགས་པ། འབྲང་རྒྱས་དབུས་སྐྱུ། ཏིང་ལོ། སྨན་པ། མཁྲིས་པ། བྱ་ནག་སྒོ་ང་། བཀྲ་ཤིས་རྫས་རྟགས་སོགས་ཡས་ཀྱི་རིགས་ཚོགས་ཚད། ལྕགས་རི་ལ་ཕོ་གདོང་། མོ་གདོང་བཅུ་གསུམ་རེ། ཉི་ཟླ་འཇའ་རིས། ཁྲམ་རིས། ཤིང་གྲི་ཡུལ་མཁར་རིས། རྣམ་རྒྱང་། མདའ་འཕང་བཅུ་གསུམ་རེ་འགོད་པ་རྒྱས་པའི་ལུགས་ཡིན་ཅིང་། འབྲིང་ལ་བདུན། བསྔུ་ན་གསུམ་བྱེད་པར་བཤད། ལྕགས་རིའི་ཚབ་ལ་(༣ན)

― GLG025_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་ཁྲིད་རྣམ་རྒྱལ་མདའ་འཕང་ཤིང་བྱང་སོགས་བཙུགས་ན་མཛེས་ཤིང་། ཟུར་བཞིར་འཕན་གདུགས། རྒྱལ་མཚན། མི་ལྤགས་ཀྱི་གཡང་གཞི་སོགས་འཛུགས། སྒྲོམ་ཁྲི་མི་བྱེད་ན་ལྕགས་རིའི་ཕྱོགས་མཚམས་གང་འོས་སུ་འཛུགས། མདོས་ཀྱི་གཡས་སུ་ཤ་སྣའི་གཏོར་མར་ཤ་རྫར་དང་། གཡོན་དུ་ཁྲག་སྣ་ཚོགས་ཀྱི་གཏོར་མ་རྒྱན་མེད་གཉིས་ཀར་གྲི་ལམ་དང་དམར་རྩི། གཏོར་ཟོར་ཁྲག་ཟོར་བཤན་པའི་མདའ་ཟོར། ཁྲག་ཟོར་དང་ཡུགས་སའི་མེ་ཟོར་ཁྲག་ཟོར་དང་དམེ་པོའི་རྡོ་ཟོར། ཁྲག་ཟོར་དང་ཡུངས་ཟོར། སྨན་རཀ །ཆུ་གཉིས་སྔོན་དུ་འགྲོ་བའི་ཕྱི་ནང་གི་མཆོད་པ་ཚར་རེ། རྡོ་རྗེ་མཁའ་འགྲོ་ཐད་ཀྱི་གང་འོས་སུ་ཅོག་ཙེའི་སྟེང་དུ་མཁའ་འགྲོ་འབུལ་གཏོར་ལྔ་དཀྱིལ་ནག་མཐའ་དམར་རྒྱན་གང་ལེགས་ཀྱི་མདུན་དུ་གླུད་ཆུང་རེ། བསྒྲུབ་བྱའི་ལུས་སྤོས་ཆུས་བཀྲུས་ལ་འབྲུ་ལྔའི་ཕྱེ་ལ་བརྫིས་པ་ལུས་ཚད་ཙམ་མམ། ཆུང་ན་ཁྲུ་གང་ཙམ། མདོས་གཞུང་གཞན་ནས་འབྱུང་བ་ལྟར་གླུད་རྫས་ནམ་མཁའ་རྒྱང་བུ་ཕོ་གདོང་མོ་གདོང་སོགས་ཚང་པའི་མཐར་གླུད་བྲན་བཅུ་གཉིས་ཀྱིས་བསྐོར་བ། ཁམ་སའི་བུད་མེད་བཞིས་ཟུར་བཞི་ནས་འདེབས་པའི་ཚུལ་བྱེད། དེའི་ཕྱི་རོལ་གྱི་ཤར་དུ་སེང་གདོང་དཀར་མོ། ལྷོར་ཕག་གདོང་སེར་མོ། ནུབ་ཏུ་ཁྱི་གདོང་དམར་མོ། བྱང་དུ་སྤྱང་གདོང་ལྗང་གུ་རྣམས་ཀྱི་ཕྱག་གཡས་ན་གདུགས་དང་། གཡོན་ན་རྒྱལ་མཚན། ཤར་ལྷོ་སྟག་གདོང་མ། ལྷོ་ནུབ་ཏུ་འུག་གདོང་མ། ནུབ་བྱང་དུ་ཁྱི་གདོང་མ། བྱང་ཤར་དུ་ཕག་གདོང་མ་སོ་སོའི་རང་མདོག་གཡས་གླིང་བུ་དང་། གཡོན་(༣བ)

― GLG025_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ཏོག་འཛིན་པས་བསྐོར་བ་རྣམས་སྟན་དཀར་པོའི་སྟེང་དུ་འཇོག །མཁའ་འགྲོ་བརྟན་བཞུགས་ལ་དགོས་པའི་ཕོད་མདའ་དར་ཁ་དོག་སྣ་ལྔ་གང་རུང་རེ་བཏགས་པ། དངུལ་ཕོར་རམ་དཀར་ཡོལ་ཚེ་ཆང་གིས་བཀང་བར་མར་གྱི་ཟེ་པྲོག་སྦྲན་པ་ལྔ། ཕྱེ་མར་ལྔ། ཚེ་དཔག་མེད་ཀྱི་སྐུ། ཚེ་མདོ། པད་སྤུངས། དུང་དཀར། ཕུར་པ། མཁའ་འགྲོ་ལྔ་རྒྱན་དང་ལྡན་པ། དར་ལམ་ཁ་དོག་ལྔ། རྐང་གླིང་། རོལ་མོ། རྡོ་རྗེ་སློབ་དཔོན་གྱི་མདུན་དུ་རྡོར་དྲིལ། ཐོད་རྔ། སྨན་རཀ །གཡབ་དར་སོགས་མཁོ་བའི་ཡོ་བྱད་རྣམས་འདུ་བགྱིས། ཚོགས་ཐ་མ་ཡན་སོང་ནས། བསངས་གཞུང་ལས་བྱུང་བ་ལྟར་སྔགས་དྲུག་ཕྱག་རྒྱ་དྲུག་གིས་མདོས་ཡས་མཆོད་སོགས་ཡོ་བྱད་ཐམས་ཅད་བྱིན་གྱིས་བརླབས་རྗེས། ཧོ། དགོངས་སུ་གསོལ་ནས། མ་མོའི་ཚོགས་རྣམས་གསན་ཅིང་དགོངས་སུ་གསོལ་གྱིས་བར་སོང་ནས། བརྟན་བཞུགས་འབུལ་ཡུལ་གང་ཡིན་ཁྲིར་སྤྱན་དྲངས། མཁའ་འགྲོ་དང་དར་ལམ་བསྒྲིགས། ཞུ་བ་ཞུ་ལན་ཀ་ཐོ་ལྟར་དཔེ་ནང་བཞིན་བཏང་ཐོག་སྟེང་ནས་མཁའ་འགྲོས་གནང་བ་སྦྱིན། རྡོ་རྗེ་སློབ་དཔོན་སོགས་ཀྱི་གླུད་ཅུང་ཟད་འདེགས་པ་དང་བཅས་བསུན་མའི་ཚོགས་རྣམས་ཞེས་སོགས་ཀྱིས་གླུད་བསྔོ། རྡོ་རྗེ་སློབ་དཔོན་གྱིས་གྲི་ཐོགས་ལ་དར་ལམ་རྣམས་རིམ་པར་བཅད་པའི་མཐར་བཅོལ་བའི་འཕྲིན་ལས་གྲུབ་པར་མཛོད་ཅེས་ཕུད་གཏོར། དར་ལམ་སྡུད་པར་སོ་སོའི་ཚིག་དང་བསྟུན་པའི་གཏོར་མ་གདེང་ཙམ་དང་ཕུད་གཏོར། དར་ལམ་བསྒྱུར་བ་ལ་སོ་སོའི་མཇུག་ཏུ་གསེར་སྐྱེམས་གཏོར་ཞིང་གཏོར་མ་ཕྱིར་དོར། མཁའ་འགྲོ་(༤ན)

― GLG025_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ནང་དུ་འོངས་ཏེ་ཚོགས་ལ་རོལ། ཤར་གྱི་གླིང་འདི་ཅིའི་དང་གླིང་ཞེས་སོགས་མཁའ་འགྲོ་སོ་སོའི་བརྟན་བཞུགས་དང་། རྡོ་རྗེ་སློབ་དཔོན་གྱི་སྐུ་འབུལ་བ་སོགས་ལྔ་པོ་སྤེལ་མར་མཛད། དེ་ནས་མདོས་གྱེར་བཟློག་གི་གཞུང་ཕྱག་རྒྱ་སྟོང་ཉིད་ཆེན་པོ་ཞེས་པ་ནས། སྣང་སྲིད་ལྷ་འདྲེའི་ལམ་བསྟན་སྡང་པའི་དགྲ་ལ་བསྟན་གྱི་བར་སོང་རྗེས་གསེར་སྐྱེམས་གཏོར། དེ་དག་གོང་གི་ཚིག་རྣམས་སུ་ཐོད་རྔ། མི་རྐང་། དུང་ཆེན་གསུར་དུད་གཏོང་བ་སོགས་བྱེད་ཐུབ་པ་རྣམས་ཚིག་དང་བསྟུན་སྟེ་མཛད་སྲོལ་འདུག །ལྷག་མ་དང་ཆད་ཐོ་འབུལ། མདོས་དང་ཟོར་རྣམས་རོལ་མོ་དང་བཅས་ཏེ་ཕྱིར་བཏང་། ཚེ་ཆོག་ལ་བརྟེན་པའི་བརྟན་བཞུགས་འབུལ་ལོ། །མཁའ་འགྲོ་བསུན་བཟློག་གི་བཅས་བཤོམས་ཅི་འདོད་རྩེ་དགའ་གསར་གླུ་ཞེས་པའང་ཟ་ཧོར་བནྡེས་བྲིས།། །།སརྦ་མངྒ་ལཾ།

བསུན་བཟློག་གི་ཆོག་སྒྲིགས་འཆི་བདག་གཡུལ་ལས་རྣམ་རྒྱལ།

― GLG025_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

བསུན་བཟློག་གི་ཆོག་སྒྲིགས་འཆི་བདག་གཡུལ་ལས་རྣམ་རྒྱལ་ཞེས་བྱ་བ་བཞུགས་སོ། །

― GLG025_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་རྒྱ་མཚོའི་རིགས་བདག་ཐོད་ཕྲེང་རྩལ། །ཟབ་གཏེར་བསྟན་པའི་ཉི་མ་ཆོས་ཀྱི་དབང་། །དྲིན་ཅན་བློ་མཆོག་རྡོ་རྗེར་གུས་བཏུད་ནས། །བསུན་བཟློག་ལག་ལེན་འཁྲུགས་སྡེབས་འདི་ལྟར་རོ། །དེ་ལ་འདིར་མཁའ་འགྲོ་བསུན་བཟློག་གི་ཡི་གེ་གཏེར་ཁ་སྣ་ཚོགས་ནས་བྱུང་བའི་ནང་ཚན་གཏེར་ཁ་འོག་མའི་བླ་མ་སྤྲུལ་སྐུའི་སྒྲུབ་པའི་ལས་ཕྲན་ལས་བྱོན་པའི་བླ་མ་ཞི་བའི་ཆོས་སྡེར་བཞུགས་པ་གཙོ་བོར་བཀོད་པ་ལ་རབ་དཀྱིལ་འཁོར། འབྲིང་མདོས། ཐ་མ་གཏོར་མར་བརྟེན་པའི་རིམ་པ་མཐོང་བ་བརྒྱུད་པའི་ཕྱག་བཞེས་ལས་རྟོགས་པའི་དབང་དུ་བགྱིས་ཏེ་བདག་བསྐྱེད་དཀྱིལ་འཁོར་ལ་བརྟེན་པའི་སྤྲོས་པ་ཆེ་བའམ་བྲིས་ཐང་སྨན་རཀ་གཏོར་གསུམ་ཙམ་ལ་བརྟེན་པ་སོགས་ཇི་ལྟར་ཡང་བླ་མ་ཞི་དྲག་མཁའ་འགྲོ་བཀའ་བརྒྱད་ཀྱི་བྱེ་བྲག་སོགས་ཀྱི་ལས་གཞུང་བསྲང་བ་ནས་ཚོགས་ཐ་མའི་བར་སོང་རྗེས་མདུན་བསྐྱེད་ཀྱི་མཆོད་པ་དང་ཡས་རྣམས་ལ་དམིགས་ནས་སྔགས་དྲུག་ཕྱག་རྒྱ་དྲུག་གིས་བྱིན་གྱིས་བརླབས། མདུན་བསྐྱེད་ཀྱི་ལྷ་རྣམས་སྤྱན་དྲང་ཞིང་མཆོད་པ་ནི། ཧོ། དགོངས་སུ་གསོལ། (༢ན)

― GLG025_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲོས་པ་མེད་པའི་དབྱིངས་མཐའ་བྲལ་རང་བཞིན་གྱི་ངང་ལས། ཀུན་རྫོབ་སྒྱུ་མ་ལྟ་བུ། ཐུགས་རྗེ་སྤྲུལ་པའི་སྐུ། རིན་པོ་ཆེ་སྣ་ཚོགས་ལས་གྲུབ་པའི་གཞལ་ཡས་ཁང་དམ་པ་འདིར། སྤྱན་འདྲེན་བཞུགས་སུ་གསོལ་བ་ནི། བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀ །རིགས་ལྔ་ཡབ་ཡུམ་སྲས་དང་བཅས་པ་དང་། །དཔལ་རྡོ་རྗེ་སེམས་དཔའ་དང་སངས་རྒྱས་བྱང་ཆུབ་སེམས་དཔའི་ཚོགས་བཅས་ལ། དགའ་རབ་རྡོ་རྗེ་འཇམ་དཔལ་བཤེས་གཉེན། ཤྲཱི་སིང་ཧ། པདྨ་བཛྲ། ས་ར་ཧ། ཀླུ་སྒྲུབ་སྙིང་པོ། ཨིནྡྲ་བོ་དྷི་ལ་སོགས་རང་བཞིན་གྱི་གྲུབ་ཐོབ་བྱེ་བ་འབུམ་དང་། སངས་རྒྱས་མཁའ་འགྲོ། བཛྲ་རཏྣ་པདྨ་ལོ་ཀ །དྷ་ཀི་ལོ་ཀ ། སརྦ་ཌཱ་ཀི་ལ་སོགས་མཁའ་འགྲོ་བྱེ་བ་འབུམ་དང་། མ་གཅིག་དཔལ་ལྡན་ལྷ་མོ་ནག་མོ་འཁོར་ནག་མོ་བྱེ་བའི་ཚོགས་དང་། མགོན་པོ་ལེགས་ལྡན་སྲིད་པའི་ཕོ་རྒྱུད་དང་བཅས་པ་ཨ་ར་ལིའི་ཚོགས་མ་ལུས་པ་ཐམས་ཅད། ཀེང་རུས་གྲུ་གསུམ་མཐིང་ནག་འབར་བ་འདིར། །སྤྱན་འདྲེན་གཤེགས་ནས་བཞུགས་གསོལ། ཕྱག་འཚལ་ཞིང་ཕྱི་ནང་གསང་བ་དེ་ཁོ་ན་ཉིད་ཀྱིས་མཆོད། ཚོགས་(༢བ)

― GLG025_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གཏོར་མ་འབུལ་ཞིང་། སྡིག་པ་བཤགས། རྗེས་སུ་ཡི་རང་། ཆོས་ཀྱི་འཁོར་ལོ་བསྐོར། བསྐལ་བ་གྲངས་མེད་དུ་མི་འདའ་བར་བཞུགས་སུ་གསོལ། སྐྱབས་གསོལ་བྱང་ཆུབ་ཆེན་པོར་བསྔོ། ཧཱུཾ། བཅོམ་ལྡན་དཔལ་ཆེན་ཆེ་མཆོག་ཧེ་རུ་ཀ༔ ཡུམ་མཆོག་རྡོ་རྗེ་རྣལ་འབྱོར་མ༔ ཞི་བ་ལྷུན་གྲུབ་པདྨ་དང་༔ ཁྲོ་བོ་རྨད་དུ་བྱུང་བ་རྣམས༔ ཞལ་ཟས་ཚོགས་ཀྱི་མཆོད་པ་དང་༔ བྷ་ལིཾ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལཿ སྔགས་འཆང་རྣལ་འབྱོར་སྐུ་ཚེ་སྲིངསཿ དཔའ་བོ་མཁའ་འགྲོའི་བསུན་མ་བཟློག༔ ཧཱུཾ། བཅོམ་ལྡན་བུདྡྷ་ཧེ་རུ་ཀ༔ ཡུམ་མཆོག་བུདྡྷ་ཀྲོ་ཏི་ཤྭ་རི་མ༔ ཞལ་ཟས་ཚོགས་ཀྱི་མཆོད་པ་དང་༔ བྷ་ལིཾ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལཿ སྔགས་འཆང་རྣལ་འབྱོར་སྐུ་ཚེ་སྲིངསཿ དཔའ་བོ་མཁའ་འགྲོའི་བསུན་མ་བཟློག༔ ཧཱུཾ། བཅོམ་ལྡན་བཛྲ་ཧེ་རུ་ཀ༔ ཡུམ་མཆོག་རྡོ་རྗེ་ཕག་མོར་བཅས༔ ཞལ་ཟས་ཚོགས་ཀྱི་མཆོད་པ་དང་༔ བྷ་ལིཾ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལཿ སྔགས་འཆང་རྣལ་འབྱོར་སྐུ་ཚེ་སྲིངསཿ དཔའ་བོ་མཁའ་འགྲོའི་བསུན་མ་བཟློག༔ ཧཱུཾ། བཅོམ་ལྡན་རཏྣ་ཧེ་རུ་ཀ༔ ཡུམ་མཆོག་རིན་ཆེན་མཁའ་འགྲོ་མ་༔ ཞལ་ཟས་ཚོགས་ཀྱི་མཆོད་པ་དང་༔ བྷ་ལིཾ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལཿ སྔགས་འཆང་རྣལ་འབྱོར་སྐུ་ཚེ་སྲིངསཿ དཔའ་བོ་མཁའ་འགྲོའི་བསུན་མ་བཟློག༔ ཧཱུཾ། བཅོམ་ལྡན་པདྨ་ཧེ་རུ་ཀ༔ ཡུམ་མཆོག་པདྨ་མཁའ་འགྲོ་མ༔(༣ན)

― GLG025_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་ཟས་ཚོགས་ཀྱི་མཆོད་པ་དང་༔ བྷ་ལིཾ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངསཿ དཔའ་བོ་མཁའ་འགྲོའི་བསུན་མ་བཟློག༔ ཧཱུཾ། བཅོམ་ལྡན་དཔལ་ཆེན་ཀརྨ་ཧེ་རུ་ཀ༔ ཡུམ་མཆོག་ལས་ཀྱི་མཁའ་འགྲོ་མ༔ ཞལ་ཟས་ཚོགས་ཀྱི་མཆོད་པ་དང་༔ བྷ་ལིཾ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལཿ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་བསུན་མ་བཟློག༔ ཧཱུཾ། བཅོམ་ལྡན་མགོན་པོ་ཚེ་དབང་འོད་དཔག་མེད༔ རྡོ་རྗེ་སེམས་དཔའ་ཐུགས་ཀྱི་ལྷ༔ རིན་ཆེན་འབྱུང་གནས་ཡོན་ཏན་མཛོད༔ རྣལ་འབྱོར་དམ་ཚིག་སྐུ་ཡི་གཏེར༔ དོན་ཡོད་གྲུབ་པ་འཕྲིན་ལས་བདག༔ ཕྱོགས་བཅུར་སངས་རྒྱས་ཐམས་ཅད་དང་༔ བྱང་ཆུབ་སེམས་དཔའ་ཆེན་པོའི་ཚོགས༔ ཞི་ཁྲོ་རྒྱལ་བ་རྒྱ་མཚོ་ལ༔ ཞལ་ཟས་ཚོགས་ཀྱི་མཆོད་པ་དང་༔ བྷ་ལིཾ་རྒྱན་གྱི་གཏོར་མ་དང་༔ རྣམ་ལྔའི་མཆོད་པ་འདི་བཞེས་ལ༔ སྔགས་འཆང་རྣལ་འབྱོར་སྐུ་ཚེ་སྲིངས༔ དཔའ་བོ་མཁའ་འགྲོའི་བསུན་མ་བཟློག༔ ཧཱུཾ། རྡོ་རྗེ་སེམས་དཔའ་དགའ་རབ་རྡོ་རྗེ་དང་༔ འཇམ་དཔལ་བཤེས་གཉེན་ཤྲཱི་སིང་ཧ་དང་༔ པདྨ་བཛྲ་ས་ར་ཧ་བ་དང་༔ ཨིནྡྲ་བོ་དྷི་ལ་སོགས་དང་༔ ཇི་སྙེད་བྱེ་བ་འབུམ་གྱི་ཚོགས་བཅས་རྣམས༔ གདན་པདྨ་འདི་རུ་བཞུགས་སུ་གསོལ༔ སྔགས་འཆང་བདག་ལ་བྱིན་གྱིས་རློབས༔ ཞལ་ཟས་ཚོགས་ཀྱི་མཆོད་པ་དང་༔ བྷ་ལིཾ་རྒྱན་གྱི་གཏོར་མ་དང་༔(༣བ)

― GLG025_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་ལྔའི་མཆོད་པ་འདི་བཞེས་ལཿ སྔགས་འཆང་རྣལ་འབྱོར་སྐུ་ཚེ་སྲིངསཿ དཔའ་བོ་མཁའ་འགྲོའི་བསུན་མ་བཟློག༔ ཧཱུཾ། སངས་རྒྱས་བསྟན་པ་བསྲུང་མཛད་པའི༔ ཧེ་རུ་ཀ་ཡི་བཀའ་ཉན་དང་༔ ས་བརྒྱད་ནོན་པའི་སྲུང་མ་སྟེ༔ མ་གཅིག་ལྷ་མོ་ནག་མོ་ལ༔ སྲིད་གསུམ་ནག་མོའི་ཚོགས་ཀྱིས་བསྐོར༔ བྱང་ཤར་མཚམས་ནས་སྤྱན་འདྲེན་ནོ༔ རྫུ་འཕྲུལ་སྟོབས་ཀྱིས་གཤེགས་སུ་གསོལ༔ ནད་དང་རིམས་ཀྱི་བདག་མོ་ཁྱོད༔ མཐུ་སྟོབས་རྫུ་འཕྲུལ་བསམ་མི་ཁྱབ༔ ནག་མོ་བྱེ་བ་འབུམ་གྱིས་བསྐོར༔ མོ་རྒྱུད་ཆོས་ཀྱི་སྲུང་མ་རྣམས༔ བསུན་མ་བཟློག་ཕྱིར་གཤེགས་སུ་གསོལ༔ ཧཱུཾ། དུས་གསུམ་སངས་རྒྱས་བསྟན་པ་བསྲུང་༔ ལེགས་ལྡན་ནག་པོ་མགོན་པོ་སྟེ༔ མ་ཧཱ་ཀཱ་ལ་མཐུ་སྟོབས་ཅན༔ ནག་པོ་སྟོང་གི་ཚོགས་ཀྱིས་བསྐོར༔ ཤ་ཟ་འབུམ་ནི་ཕོ་ཉར་འགྱེད༔ མ་མོ་བྱེ་བ་ལས་ལ་འཁོལ༔ ལྷ་བདུད་དམག་དཔོན་མཐུ་སྟོབས་ཅན༔ དུར་ཁྲོད་གནས་ནས་གཤེགས་སུ་གསོལ༔ ཕོ་རྒྱུད་ཆོས་སྐྱོང་སྲུང་མ་རྣམས༔ མ་ཧཱ་ཀཱ་ལའི་བཀའ་བྱུང་གི༔ བསུན་མ་བཟློག་ཕྱིར་གཤེགས་སུ་གསོལ༔ ཧཱུཾ། སྔོན་གྱི་བསྐལ་པའི་དང་པོ་ལ༔ ཨྱོན་ཡུལ་གྱི་ནུབ་བྱང་མཚམས༔ པདྨ་གེ་སར་སྡོང་པོ་ལ༔ ཡ་མཚན་མཆོག་གི་དངོས་གྲུབ་བརྙེས༔ པདྨ་འབྱུང་གནས་ཞེས་སུ་གྲགས༔ འཁོར་དུ་མཁའ་འགྲོ་མང་པོས་བསྐོར༔ བྲན་དུ་ལྷ་སྲིན་སྡེ་བརྒྱད་བསྐོར༔ ཁྱེད་ཀྱི་རྗེས་སུ་བདག་སྒྲུབ་ཀྱི༔ བྱིན་གྱིས་བརླབ་ཕྱིར་གཤེགས་སུ་གསོལ༔ རྣལ་འབྱོར་བདག་ལ་དབང་ཞིག་བསྐུར༔ བྱིན་(༤ན)

― GLG025_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

རླབས་མཐུ་ཡི་དངོས་གྲུབ་སྩོལ༔ དཔའ་བོ་མཁའ་འགྲོའི་བསུན་མ་བཟློག༔ ཀྱེ། ཡེ་ཤེས་དབྱིངས་ཀྱི་ཕོ་བྲང་ནས༔ ཡེ་ཤེས་མཁའ་འགྲོ་སྤྱན་འདྲེན་གཤེགས་སུ་གསོལ༔ གཉིས་མེད་མཁའ་ལྟར་དག་པའི་ཕོ་བྲང་ནས༔ མ་དང་མཁའ་འགྲོ་སྤྱན་འདྲེན་གཤེགས་སུ་གསོལ༔ མི་མངོན་དབྱིངས་ཀྱི་ཕོ་བྲང་ནས༔ དབྱིངས་ཀྱི་མཁའ་འགྲོ་གཤེགས་སུ་གསོལ༔ མཁའ་སྤྱོད་རྣམ་དག་གཞལ་ཡས་ནས༔ ལས་ཀྱི་མཁའ་འགྲོ་གཤེགས་སུ་གསོལ༔ འདོད་དགུ་ལྷུན་གྱིས་གྲུབ་པའི་ཕོ་བྲང་ནས༔ རིགས་ཀྱི་མཁའ་འགྲོ་ཡབ་ཡུམ་གཤེགས་སུ་གསོལ༔ དྲག་པོ་ཨེ་ཡི་གཞལ་ཡས་ནས༔ འཇིག་རྟེན་མཁའ་འགྲོ་གཤེགས་སུ་གསོལ༔ ཐོད་མཁར་འབར་བའི་གཞལ་ཡས་ནས༔ གིང་ཆེན་གིང་ཆུང་ལ་སོགས་ཏེ༔ དུར་ཁྲོད་བདག་པོ་སྤྱན་འདྲེན་གཤེགས་སུ་གསོལ༔ ཡེ་ཤེས་མཁའ་འགྲོ་གསན་ཅིང་དགོངས་སུ་གསོལ༔ མ་དང་མཁའ་འགྲོ་གསན་ཅིང་དགོངས་སུ་གསོལ༔ དབྱིངས་ཀྱི་མཁའ་འགྲོ་གསན་ཅིང་དགོངས་སུ་གསོལ༔ ལས་ཀྱི་མཁའ་འགྲོ་གསན་ཅིང་དགོངས་སུ་གསོལ༔ རིགས་ཀྱི་མཁའ་འགྲོ་གསན་ཅིང་དགོངས་སུ་གསོལ༔ འཇིག་རྟེན་མཁའ་འགྲོ་གསན་ཅིང་དགོངས་སུ་གསོལ༔ ཤ་ཟའི་མཁའ་འགྲོ་གསན་ཅིང་དགོངས་སུ་གསོལ༔ གིང་ཆེན་གིང་ཆུང་ལ་སོགས་གསན་ཅིང་དགོངས་སུ་གསོལ༔ དུར་ཁྲོད་བདག་པོ་འཁོར་བཅས་གསན་ཅིང་དགོངས་སུ་གསོལ༔ རིགས་ལྔའི་མཁའ་འགྲོ་གསན་ཅིང་དགོངས་སུ་གསོལ༔ དམ་ཚིག་མཁའ་(༤བ)

― GLG025_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་གསན་ཅིང་དགོངས་སུ་གསོལ༔ བསྟན་སྲུང་མ་མགོན་གསན་ཅིང་དགོངས་སུ་གསོལ༔ མ་མོའི་ཚོགས་རྣམས་གསན་ཅིང་དགོངས་སུ་གསོལ༔ ༼ཀ༽ཞེས་མདུན་བསྐྱེད་གསལ་བཏབ་ཅིང་མཆོད་ནས་མཁའ་འགྲོའི་ཞུ་བ་དང་གནང་བ་བྱིན་པ་ལོགས་སུ་གསལ༔ ཞུ་ལན་ནི། རྡོ་རྗེ་སློབ་དཔོན་སོགས་ཀྱི་འདི་སྐད་དོ། །ཀྱེ། མཁའ་འགྲོའི་ཚོགས་རྣམས་སྙན་གསོན་དང་༔ རིགས་བཟང་ལྷ་ཡི་སྐྱེས་བུ་འདི༔ ཁྱེད་མཁའ་འགྲོའི་ཡུལ་དེར་ངེད་མི་གཏོང་༔ མཁའ་འགྲོའི་ཡུལ་ལས་སྡུག་པ་མེད༔ འཇའ་ཚོན་གུར་ཕུབ་ལེགས་རྒྱུ་མེད༔ ཡང་དག་བརྩིས་ན་ཡལ་ནས་འགྲོ༔ གཉིས་མེད་མཁའ་ལྟར་དག་པའི་ཕོ་བྲང་དེར༔ མེ་ཏོག་ཆར་རྒྱུན་འབབ་པ་ཡང་༔ ཡང་དག་བརྩིས་ན་ཡལ་རྒྱུ་ཡིན༔ མི་མངོན་དབྱིངས་ཀྱི་ཕོ་བྲང་ན༔ རིན་ཆེན་གསེར་གྱི་ལྡིང་ཁང་ཡང་༔ ཡང་དག་བརྩིས་ན་ཞིག་རྒྱུ་ཡིན༔ མཁའ་འགྲོ་བདེ་ཆེན་ཕོ་བྲང་ན༔ མཁའ་འགྲོའི་འདུ་ཚོགས་མང་པོ་ཡང་༔ ཚོགས་དཔོན་དབྱིངས་ནས་བྱེར་རྒྱུ་ཡིན༔ ཁྱེད་མཁའ་འགྲོའི་ཡུལ་ལས་སྡུག་པ་མེད༔ རིགས་བཟང་ལྷ་ཡི་དཔའ་བོ་འདི༔ ཁྱེད་མཁའ་འགྲོའི་ཡུལ་དུ་མི་གཏོང་ཁྱེད་རང་གཤེགས༔ ༼ཁ༽ཀྱེ། མཁའ་འགྲོའི་ཚོགས་རྣམས་སྙན་གསོན་དང་༔ འདོད་དགུ་ལྷུན་གྱིས་གྲུབ་པའི་ཕོ་བྲང་ན༔ ཡིད་འོང་གཏེར་གྱི་ལོངས་སྤྱོད་ཀྱང་༔ ཡང་དག་བརྩིས་ན་སྒྱུ་མ་ཡིན༔ དྲག་པོ་ཨེ་ཡི་གཞལ་ཡས་ཀྱི༔ ཐོད་པའི་སྐུ་མཁར་བརྩེགས་ལེགས་ཀྱང་༔ ཡང་དག་བརྩིས་ན་ཞེ་སྡང་ཡིན༔ མི་ལྤགས་བླ་བྲེ་ཡོལ་པ་ཡང་༔ ཡང་དག་བརྩིས་ན་གཏི་མུག་ཡིན༔ ཚིལ་ཆེན་མར་མེ་(༥ན)

― GLG025_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་གསལ་ཡང་༔ ཡང་དག་བརྩིས་ན་ཕྲག་དོག་ཡིན༔ ཤ་ཆེན་གཏོར་མ་སྤུངས་པ་ཡང་༔ ཡང་དག་བརྩིས་ན་ང་རྒྱལ་ཡིན༔ རཀྟའི་མཚོ་མོ་འཁྱིལ་བ་ཡང་༔ ཡང་དག་བརྩིས་ན་འདོད་ཆགས་ཡིན༔ རུས་པའི་རྒྱན་ཆ་མང་པོ་ཡང་༔ ཡང་དག་བརྩིས་ན་གནད་མེད་ཡིན༔ ཚིལ་ཆེན་དྲི་གསུར་མནམ་པ་ཡང་༔ ཡང་དག་བརྩིས་ན་ཞིམ་རྒྱུ་མེད༔ དྲི་ཞིམ་སྤོས་དུད་སྣ་ཚོགས་ཀྱང༔ ཡང་དག་བརྩིས་ན་ན་བུན་ཡིན༔ ཁྱེད་མཁའ་འགྲོའི་ཡུལ་ལས་སྡུག་པ་མེད༔ མཁའ་འགྲོའི་ཡུལ་ལས་ངན་པ་མེད༔ མཁའ་འགྲོའི་ཡུལ་དེ་དགའ་རྒྱུ་མེད༔ མཁའ་འགྲོའི་ཡུལ་དེ་སྤྲོ་རྒྱུ་མེད༔ ངེད་བོད་ཀྱི་ཡུལ་ལས་དགའ་བ་མེད༔ བོད་ཀྱི་ཡུལ་ལས་སྐྱིད་པ་མེད༔ ཅི་བསམ་དངོས་སུ་འགྲུབ་པ་ཡོད༔ ཟས་ནོར་ལོངས་སྤྱོད་བྱས་པས་ཆོག༔ དུངས་པ་ཡིད་ཀྱིས་བླངས་པས་ཆོག༔ རིགས་བཟང་ལྷ་ཡི་སྐྱེས་བུ་འདི༔ ཁྱེད་མཁའ་འགྲོའི་ཡུལ་དེར་ངེད་མི་གཏོང་༔ རྒྱན་གྱི་གཏོར་མ་འདི་བཞེས་ལས༔ རང་རང་གནས་སུ་ད་གཤེགས་ཤིག༔ ༼ག༽ཀྱེ། དཔའ་བོ་མཁའ་འགྲོའི་ཚོགས་རྣམས་སྙན་གསོན་དང་༔ དུར་ཁྲོད་དབྱིངས་ཀྱི་ཕོ་བྲང་ན༔ དཔའ་བོའི་བྲོ་བརྡུང་མཚར་རྒྱུ་མེད༔ དཔའ་མོའི་གར་བྱེད་ལེགས་རྒྱུ་མེད༔ བྱ་ངང་པའི་སྐད་དེ་སྙན་རྒྱུ་མེད༔ ངུར་པའི་སྐད་ལ་སྤྲོ་རྒྱུ་མེད༔ དར་དཀར་རྒྱལ་མཚན་ལེགས་རྒྱུ་མེད༔ དར་ནག་རུ་མཚོན་འཇིགས་རྒྱུ་མེད༔ རྐང་གླིང་སྨྱུག་གླིང་སྙན་རྒྱུ་མེད༔ གསེར་གྱི་ཉི་མ་དྲོ་རྒྱུ་མེད༔ དུང་གི་ཟླ་བ་དཀར་རྒྱུ་མེད༔ སྐར་ཕྲན་ཚོམ་བུ་ལེགས་རྒྱུ་མེད༔ ཁྱེད་མཁའ་འགྲོའི་ཡུལ་དེ་སྐྱིད་རྒྱུ་མེད༔ མཁའ་འགྲོའི་(༥བ)

― GLG025_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་དུ་དགའ་རྒྱུ་མེད༔ རྒྱན་གྱི་གཏོར་མ་འདི་བཞེས་ལས༔ དེ་བས་ཁྱེད་རང་གཤེགས་པ་ཞུ༔ ༼ང༽ཀྱེ། མཁའ་འགྲོའི་ཚོགས་རྣམས་སྙན་གསོན་དང་༔ ཁྱེད་ཨྱོན་ཡུལ་ན་ཡ་མཚན་པ༔ བདུད་རྩིའི་རྒྱ་མཚོ་ཆེ་བ་ཡང་༔ ཡང་དག་བརྩིས་ན་ཞིམ་རྒྱུ་མེད༔ བདུད་རྩིའི་ཟས་ཀྱི་ལོངས་སྤྱོད་ཀྱང་༔ ཡང་དག་བརྩིས་ན་འཕེལ་རྒྱུ་མེད༔ ཡེ་ཤེས་དབྱིངས་ཀྱི་ཕོ་བྲང་དེར༔ ཐེངས་གཅིག་བཞུགས་པ་སྐྱིད་རྒྱུ་མེད༔ མེ་ཏོག་མནྡ་ར་བ་དེ༔ ལན་ཅིག་མཐོང་བས་དགའ་རྒྱུ་མེད༔ མཛེས་པའི་ཡིད་འོང་སྣ་ཚོགས་ཀྱང་༔ སྐད་ཅིག་དྲན་པས་དགའ་རྒྱུ་མེད༔ ཁྱེད་མཁའ་འགྲོའི་ཡུལ་ལས་སྡུག་པ་མེད༔ འཐབ་རྩོད་གནས་ལས་ཐར་དུས་མེད༔ ཤ་ཆེན་ཟས་ཀྱང་ཞིམ་རྒྱུ་མེད༔ རཀྟའི་མཚོ་མོ་ཞིམ་རྒྱུ་མེད༔ རིགས་བཟང་ལྷ་ཡི་སྐྱེས་བུ་འདི༔ ཁྱེད་མཁའ་འགྲོའི་ཡུལ་དེར་མི་གཏོང་ངོ་༔ རིན་ཆེན་དངུལ་གྱི་སྐུ་མཁར་ལ༔ ཁ་བད་དུང་ལས་བྱས་པ་ཡང་༔ ཡང་དག་བརྩིས་ན་འདུས་བྱས་ཡིན༔ རིན་ཆེན་ཟངས་ཀྱི་སྐུ་མཁར་དེ༔ བྱུ་རུ་ཁ་བད་བྱས་ན་ཡང་༔ བལྟས་པས་ངོ་མཚར་ཆེ་རྒྱུ་མེད༔ ཁྱེད་ཨྱོན་ཡུལ་ལ་སྨོན་རྒྱུ་མེད༔ ངེད་བོད་ཀྱི་ཡུལ་ལས་དགའ་བ་མེད༔ ཅི་བྱེད་རང་དབང་ཐོབ་པས་སྐྱིད༔ རིགས་བཟང་ལྷ་ཡི་སྐྱེས་བུ་འདི༔ ཁྱེད་མཁའ་འགྲོའི་ཡུལ་དུ་མི་གཏོང་ངོ་༔ རྒྱན་གྱི་གཏོར་མ་འདི་བཞེས་ལ༔ རང་རང་གནས་སུ་ད་བཞུད་ཅིག༔ ༼ཅ༽ཀྱེ། མཁའ་འགྲོའི་ཚོགས་རྣམས་སྙན་གསོན་དང་༔ བྱ་རིགས་སྐད་སྙན་འདི་ན་ཡོད༔ གཅན་གཟན་སྣ་ཚོགས་འདི་ན་ཡོད༔ རྒྱན་ཆ་སྣ་ཚོགས་འདི་ན་ཡོད༔ ཐོད་པ་ལྟག་སྤྲོད་འདི་ན་ཡོད༔ དུང་ཆེན་(༦ན)

― GLG025_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

རྐང་གླིང་འདི་ན་ཡོད༔ སིལ་སྙན་སྒྲ་སྙན་འདི་ན་ཡོད༔ ཡིད་འོང་དཀོར་མཛོད་འདི་ན་ཡོད༔ ཁྱེད་མཁའ་འགྲོའི་ཡུལ་ལ་སྨོན་རྒྱུ་མེད༔ ཁྱེད་མཁའ་འགྲོའི་ཡུལ་དེར་ངེད་མི་འགྲོ༔ རིགས་བཟང་ལྷ་ཡི་སྐྱེས་བུ་འདི༔ དཔའ་བོའི་ཕོ་ཉ་བྱེད་མི་ཁོམ༔ དཔའ་མོའི་ཚོགས་དཔོན་བྱེད་མི་ཁོམ༔ ཁྱེད་མཁའ་འགྲོའི་ཡུལ་དེར་ངེད་མི་གཏོང་༔ རྒྱན་གྱི་གཏོར་མ་འདི་བཞེས་ལ༔ ཁྱེད་རང་གནས་སུ་ད་བཞུད་ཅིག༔ ༼ཆ༽ཀྱེ། དཔའ་བོ་མཁའ་འགྲོའི་ཚོགས་རྣམས་སྙན་གསོན་དང་༔ བདག་དང་རྒྱུ་སྦྱོར་ཡོན་བདག་གི༔ ཤ་ཁྲག་རུས་པའི་གླུད་བཟང་འབུལ༔ རིན་ཆེན་འབྲུ་ཡི་ཕྱེ་དཀར་ལ༔ གཞི་མདོ་གཙང་མའི་ཆུ་ཡིས་བྲན༔ དྲག་པོའི་གཏོར་མ་ཟུར་གསུམ་བཅོས༔ དམར་ཚོགས་ཤ་རུས་རི་ལྟར་སྤུངས༔ བདུད་རྩི་སྨན་གྱི་རྒྱ་མཚོ་དང་༔ དར་ཚོན་སྣ་ལྔའི་རྒྱན་གྱིས་བརྒྱན༔ མཚན་ལྡན་ཤུག་པའི་བྱང་བུ་ལ༔ བྱ་བཟང་དཀར་མོའི་སྤུ་ཡིས་བརྒྱན༔ འདོད་ཡོན་ལྔ་རུ་བྱིན་གྱིས་བརླབས༔ དཔའ་བོ་མཁའ་འགྲོའི་ཚོགས་ལ་གླུད་དུ་འབུལ༔ མཉེས་ཤིང་ཚིམ་པར་མཛད་དུ་གསོལ༔ ཚེ་ཡི་དུས་ལ་བབས་ན་ཡང་༔ ལོ་གསུམ་བར་དུ་བཤོལ་ཐོབ་ཅིག༔ རྐྱེན་ངན་ཐམས་ཅད་བཟློག་ཏུ་གསོལ༔ གླུད་འདི་བཞེས་ལ་དགྱེས་པར་མཛོད༔ བུ་ལོན་ལན་ཆགས་བྱང་བར་མཛོད༔ ཕྱིན་ཆད་གནོད་པ་མ་བྱེད་ཅིག༔ ༼ཇ༽སྔོན་གྱི་བསུན་མ་རྣམས་ལ། ཀྱེ། བསུན་མའི་ཚོགས་རྣམས་སྙན་གསོན་དང་༔ སངས་རྒྱས་དགོངས་པ་ལས་བྱུང་བའི༔ སྐུ་གླུད་རིན་ཆེན་རྒྱན་ཅན་འདི༔ མཁའ་དང་དབྱིངས་ལས་འདས་པ་མེད༔ (༦བ)

― GLG025_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་དཔེས་རབ་བརྒྱན་གཟི་བརྗིད་འབར༔ རྡོ་རྗེ་འཆང་དང་ཞལ་མི་གཉིས༔ ཡོན་བདག་འདི་ཡི་སྐུ་ཚད་ཡིན༔ ངོ་མཚར་ཅན་གྱི་གླུད་འདི་འབུལ༔ རྒྱུ་སྦྱོར་ཡོན་བདག་ཆེ་གེ་ཡི༔ འགྲོ་དོན་བསྟན་པ་རྒྱས་པ་དང་༔ སེམས་ཅན་མྱང་འདས་དབྱིངས་སུ་བཀོད༔ ཇི་སྲིད་འཁོར་བ་མ་སྟོངས་བ༔ གཟུགས་སྐུ་ཡུལ་འདིར་བཞུགས་པར་ཞུ༔ མཁའ་འགྲོའི་དར་ལམ་གཅོད་པ་ནི༔ དཔལ་ལྡན་བླ་མ་འདི་ཉིད་ཀྱི། རྒྱལ་པོ་སོགས་སྐྱེ་བོ་མཆོག་དམན་རྣམས་སྐབས་ཐོབ་སྦྱར། ལག་ཏུ་གྲི་ཐོགས་ལ་འདི་སྐད་དོ། ཧཱུཾ། ཤར་ཕྱོགས་རྡོ་རྗེ་རིགས་ཀྱི་མཁའ་འགྲོ་མ༔ རྡོ་རྗེ་གདན་ནས་སྐུ་བསྐྱོད་ལ༔ དཀར་མོ་དུང་གི་ཐོར་ཚུགས་ཅན༔ གནས་བཟང་དུར་ཁྲོད་ཉམས་རེ་དགའཿ གོས་བཟང་གཡང་གཞི་བརྗིད་རེ་ཆེ༔ སྐྱོགས་བཟང་བྷན་དྷ་མཚན་རེ་བཟང་༔ སྐྱེམས་བཟང་རཀྟ་བཅུད་རེ་ཆེ༔ ཟས་བཟང་མཾ་ས་རོ་རེ་བདའ༔ དམ་ཚིག་བསྲུང་ཞིང་མཁའ་ལ་འགྲོ༔ ཕྱག་ན་ཤེལ་གྱི་རལ་གྲི་བསྣམས༔ ཤར་ཕྱོགས་དར་ལམ་དཀར་པོ་ཆོད༔ ཧཱུཾ། ལྷོ་རིན་ཆེན་རིགས་ཀྱི་མཁའ་འགྲོ་མ༔ སེར་མོ་གསེར་གྱི་ཐོར་ཚུགས་ཅན༔ དུར་ཁྲོད་གནས་ནས་སྐུ་བསྐྱོད་ལ༔ གནས་བཟང་དུར་ཁྲོད་ཉམས་རེ་དགའ༔ གོས་བཟང་གཡང་གཞི་བརྗིད་རེ་ཆེ༔ སྐྱོགས་བཟང་བྷན་དྷ་མཚན་རེ་བཟང་༔ སྐྱེམས་བཟང་རཀྟ་བཅུད་རེ་ཆེ༔ ཟས་བཟང་མཾ་ས་རོ་རེ་བདའ༔ དམ་ཚིག་བསྲུང་ཞིང་མཁའ་ལ་འགྲོ༔ ཕྱག་ན་གསེར་གྱི་རལ་གྲི་བསྣམས༔ ལྷོ་ཡི་དར་ལམ་སེར་པོ་ཆོད༔ ཧཱུཾ། ནུབ་ཕྱོགས་པདྨ་རིགས་ཀྱི་མཁའ་འགྲོ་མ༔ དམར་མོ་ཟངས་ཀྱི་ཐོར་ཚུགས་ཅན༔ དུར་ཁྲོད་གནས་ནས་སྐུ་(༧ན)

― GLG025_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱོད་ལ༔ གནས་བཟང་དུར་ཁྲོད་ཉམས་རེ་དགའ༔ གོས་བཟང་གཡང་གཞི་བརྗིད་རེ་ཆེ༔ སྐྱོགས་བཟང་བྷན་དྷ་མཚན་རེ་བཟང་༔ སྐྱེམས་བཟང་རཀྟ་བཅུད་རེ་ཆེ༔ ཟས་བཟང་མཾ་ས་རོ་རེ་བདའ་༔ དམ་ཚིག་བསྲུང་ཞིང་མཁའ་ལ་འགྲོ༔ ཕྱག་ན་ཟངས་ཀྱི་རལ་གྲི་བསྣམས༔ ནུབ་ཀྱི་དར་ལམ་དམར་པོ་ཆོད༔ ཧཱུཾ། བྱང་ཕྱོགས་ལས་ཀྱི་རིགས་ཀྱི་མཁའ་འགྲོ་མ༔ སྔོན་མོ་གཡུ་ཡི་ཐོར་ཚུགས་ཅན༔ དུར་ཁྲོད་གནས་ནས་སྐུ་བསྐྱོད་ལ༔ གནས་བཟང་དུར་ཁྲོད་ཉམས་རེ་དགའ༔ གོས་བཟང་ཞིང་ཆེན་བརྗིད་རེ་ཆེ༔ སྐྱོགས་བཟང་བྷན་དྷ་མཚན་རེ་བཟང་༔ སྐྱེམས་བཟང་རཀྟ་བཅུད་རེ་ཆེ༔ ཟས་བཟང་མཾ་ས་རོ་རེ་བདའ༔ དམ་ཚིག་བསྲུང་ཞིང་མཁའ་ལ་འགྲོ༔ ཕྱག་ན་གཡུ་ཡི་རལ་གྲི་ཐོགས༔ བྱང་གི་དར་ལམ་སྔོན་པོ་ཆོད༔ ཧཱུཾ། དབུས་ཕྱོགས་བུདྡྷ་རིགས་ཀྱི་མཁའ་འགྲོ་མ༔ སྨུག་མོ་མཆོང་གི་ཐོར་ཚུགས་ཅན༔ དུར་ཁྲོད་གནས་ནས་སྐུ་བསྐྱོད་ལ༔ གནས་བཟང་དུར་ཁྲོད་ཉམས་རེ་དགའ༔ གོས་བཟང་ཞིང་ཆེན་བརྗིད་རེ་ཆེ༔ སྐྱོགས་བཟང་བྷན་དྷ་མཚན་རེ་བཟང་༔ སྐྱེམས་བཟང་རཀྟ་བཅུད་རེ་ཆེ༔ ཟས་བཟང་མཾ་ས་རོ་རེ་བདའ༔ དམ་ཚིག་བསྲུང་ཞིང་མཁའ་ལ་འགྲོ༔ ཕྱག་ན་མཆོང་གི་རལ་གྲི་ཐོགས༔ དབུས་ཀྱི་དར་ལམ་སྣ་ལྔ་ཆོད༔ ཁྱེད་ཅག་གཞན་དང་མི་འདྲ་ཡི༔ ཁྱེད་ཅག་གཞན་དང་འདྲ་རྒྱུ་ལ༔ སྔོན་ཚེ་དཔལ་གྱི་དམ་མནོས་པས༔ དཔལ་གྱི་གཏོར་ལེན་སྲུང་མ་ཡིན༔ དེ་ནས་སློབ་དཔོན་པདྨ་ཡིས༔ དམ་ལ་བཏགས་པའི་གཏོར་ལེན་ཡིན༔ ད་ལྟ་རྣལ་འབྱོར་(༧བ)

― GLG025_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཕྱུག་གིས༔ ཐུགས་ལ་བཏགས་པའི་གཏོར་ལེན་ཡིན༔ བཀའ་ལ་བཏགས་སོ་བཀའ་རྟགས་ཀྱིས༔ དམ་ལ་བཏགས་སོ་དམ་ཚིག་སྐོངས༔ ཐུགས་ལ་བཏགས་སོ་ཐུགས་དམ་བཞེས༔ མདོས་དང་གཏོར་མ་འདི་བཞེས་ལ༔ མཁའ་འགྲོའི་དར་ལམ་བརྐྱང་བ་ཆོད༔ ནད་སྣ་རིམས་སྣ་དགྲ་ལ་སྒྱུར༔ བཅོལ་བའི་འཕྲིན་ལས་གྲུབ་པར་མཛོད༔ ཅེས་བརྗོད། ཕུད་གཏོར་ལ་དར་ལམ་བཅད་དོ༔ ས་མ་ཡ། རྒྱ་རྒྱ་རྒྱ། དེ་ནས་དར་ལམ་སྡུད་པ་ལ༔ ལག་ཏུ་གསེར་སྐྱེམས་ཐོགས་ལ་འདི་སྐད་དོ༔ ཧཱུཾ། ཤར་ཕྱོགས་རྡོ་རྗེ་རིགས་ཀྱི་མཁའ་འགྲོ་མ༔ མི་སྡུག་སྤྲུལ་པའི་གཟུགས་སྟོན་ཅིང་༔ སྐྱེ་འགྲོ་དམ་ཚིག་ཉམས་ཆགས་ཤོར༔ ཁྱེད་ཀྱི་བཀའ་ཆད་བར་ཆད་བཏང་༔ གཟུང་འཛིན་དར་གྱི་ཐག་པ་བཏགས༔ ཆོ་འཕྲུལ་བཀའ་ཆད་མ་བཏང་བར༔ ཕུད་དང་གཏོར་མ་འདི་བཞེས་ལ༔ ཤར་ཕྱོགས་དར་ལམ་དཀར་པོ་སྡུས༔ ཤར་གྱི་དལ་ཁ་བསྒྱུར་དུ་གསོལ༔ ཧཱུཾ། ལྷོ་ཕྱོགས་རིན་ཆེན་རིགས་ཀྱི་མཁའ་འགྲོ་མ༔ མི་སྡུག་སྤྲུལ་པ་ཅིར་ཡང་སྟོན༔ སྐྱེ་འགྲོ་ཡོངས་ལ་ནད་ཆར་འབེབས༔ དམ་ཚིག་སྤང་བླང་ཤོར་བ་ལ༔ ནད་རིགས་གདུག་པ་སྣ་ཚོགས་བཏང་༔ གཟུང་འཛིན་དར་གྱི་མདུད་པས་བཅིངས༔ ཕུད་དང་གཏོར་མ་འདི་བཞེས་ལ༔ ལྷོ་ཕྱོགས་དར་ལམ་སེར་པོ་སྡུས༔ ནད་ཁ་རིམས་ཁ་ཕྱི་ལ་སྒྱུར༔ ལྷོ་ཡི་དལ་ཁ་བསྒྱུར་དུ་གསོལ༔ ཧཱུཾ། ནུབ་ཕྱོགས་པདྨ་རིགས་ཀྱི་མཁའ་འགྲོ་མ༔ ཐུགས་ཀྱི་སྤྲུལ་པ་སྣ་ཚོགས་སྟོན༔ ཉམས་ཆགས་ཤོར་བའི་གང་ཟག་ལ༔ འཐིབས་ནད་སྨྱོ་བའི་ནད་ཀྱང་བཏང་༔ དར་གྱི་མདུད་(༨ན)

― GLG025_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དམ་པོས་བཅིངས༔ རི་ལྟར་སྤུངས་པའི་གཏོར་མ་བཞེས༔ བར་གཅོད་བདུད་དུ་མ་འབབ་པར༔ ནུབ་ཕྱོགས་དར་ལམ་དམར་པོ་བསྡུས༔ བར་ཆད་རྐྱེན་ངན་བཟློག་ཏུ་གསོལ༔ ཧཱུཾ། བྱང་ཕྱོགས་ལས་ཀྱི་རིགས་ཀྱི་མཁའ་འགྲོ་མ༔ ཁྲོས་པའི་ཆ་ལུགས་ཅིར་ཡང་སྟོན༔ དམ་ཚིག་གཉན་པོ་ཉམས་པ་ལ༔ བྱིངས་རྨུགས་ལྐུགས་པའི་ནད་ཀྱང་བཏང་༔ དར་གྱི་རྒྱ་མདུད་ཐེག་པ་བཏགས༔ འབྱོར་པར་བཤམས་པའི་མཆོད་པ་བཞེས༔ བྱང་ཕྱོགས་དར་ལམ་སྔོན་པོ་སྡུས༔ བདུད་མོའི་ཆོ་འཕྲུལ་དགྲ་ལ་སྒྱུར༔ ཧཱུཾ། དབུས་སུ་བུདྡྷ་རིགས་ཀྱི་མཁའ་འགྲོ་མ༔ ཡེ་ཤེས་ཐུགས་ལ་རྟོག་པ་མི་མངའ་ཡང་༔ སྐུ་ཡི་སྤྲུལ་པ་ཕྱོགས་བཅུར་འགྱེད༔ སེམས་ཅན་སྐྱེ་འགྲོ་ཉོན་མོངས་ལ༔ གདུག་པའི་དམུགས་གཟའ་བྱིང་འཐིབས་བཏང་༔ དར་གྱི་ཐག་པ་བཏགས་པ་འདི༔ ཕུན་སུམ་ཚོགས་པའི་བཀའ་གཏོར་འབུལ༔ མཁའ་འགྲོའི་བཀའ་ཆད་མ་འབེབས་ཤིག༔ དར་ཐག་རིན་ཆེན་སྣ་ལྔ་སྡུས༔ བར་ཆད་ཆོ་འཕྲུལ་ཕྱི་ལ་སྒྱུར༔ ཞེས་དར་ལམ་སྡུད་པར་བྱ་བའི་ཏི་ཀའོ༔ དེ་ནས་ཕུད་ཐོགས་ལ༔ དར་ལམ་བསྒྱུར་པར་བྱ་སྟེ༔ བྷྱོ༔ ཤར་ཕྱོགས་རྡོ་རྗེ་རིགས་ཀྱི་མཁའ་འགྲོ་མ༔ ཕུད་དང་གཏོར་མ་འདི་བཞེས་ཤིག༔ གནས་མཆོག་འདི་རུ་བྱིན་ཕོབ་ལ༔ བར་ཆད་སོལ་ལ་དངོས་གྲུབ་སྩོལ༔ དར་ལམ་བརྐྱང་བ་ད་སྒྱུར་ཞིག༔ བྷྱོ༔ ལྷོ་རིན་ཆེན་རིགས་ཀྱི་མཁའ་འགྲོ་མ༔ ཕུད་དང་གཏོར་མ་འདི་བཞེས་ཤིག༔ དངོས་གྲུབ་ཆར་ལྟར་དབབ་ཏུ་གསོལ༔ རྐྱེན་དང་བར་ཆད་ཁྱོད་ཀྱིས་གསོལ༔ དར་ལམ་བརྐྱང་བ་ད་(༨བ)

― GLG025_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྱུར་ཞིག༔ བྷྱོ༔ ནུབ་པདྨ་རིགས་ཀྱི་མཁའ་འགྲོ་མ༔ ཕུད་དང་གཏོར་མ་འདི་བཞེས་ཤིག༔ ཕྱི་ནང་གསང་བའི་བར་ཆད་སོལ༔ མཁའ་འགྲོའི་དར་ལམ་ད་སྒྱུར་ཞིག༔ བྷྱོ༔ བྱང་ལས་ཀྱི་རིགས་ཀྱི་མཁའ་འགྲོ་མ༔ ཕུད་དང་གཏོར་མ་འདི་བཞེས་ཤིག༔ མཁའ་འགྲོ་བདུད་དུ་མ་འབབ་པར༔ དར་ལམ་བརྐྱང་བ་ད་སྒྱུར་ཞིག༔ བྷྱོ༔ དབུས་སངས་རྒྱས་རིགས་ཀྱི་མཁའ་འགྲོ་མ༔ ཕུད་དང་གཏོར་མ་འདི་བཞེས་ཤིག༔ མི་མཐུན་རྐྱེན་དང་བར་ཆད་སོལ༔ དར་ལམ་བརྐྱང་བ་ད་སྒྱུར་ཞིག༔ ཚོགས་ལ་ལོངས་སྤྱོད་༔ མཁའ་འགྲོ་ལྔའི་བརྟན་བཞུགས་ནི༔ ཀྱེ༔ ཤར་གྱི་གླིང་འདི་ཅིའི་དང་གླིང་༔ ཤར་གྱི་གླིང་ནི་མེ་ཏོག་གླིང་༔ མེ་ཏོག་རང་ཡང་དཀར་པོའི་གླིང་༔ མཁའ་འགྲོའི་རིགས་ནི་ཅིའི་དང་རིགས༔ མཁའ་འགྲོའི་རིགས་ནི་རྡོ་རྗེ་རིགས༔ སྐུ་མདོག་དཀར་གསལ་མདངས་དང་ལྡན༔ རང་རང་དཔའ་བོ་ཡབ་དང་བཅས༔ ཕྱག་གི་གར་སྟབས་ལིངས་སེ་ལིང་༔ རུས་པའི་རྒྱན་དྲུག་སིལ་ལི་ལི༔ ཞབས་ཀྱི་བྲོ་བརྡུང་ཁྲིགས་སེ་ཁྲིག༔ འཁོར་ཀྱང་རང་འདྲ་འབུམ་ཕྲག་སྟེ༔ དཔའ་བོ་ཁྱེད་ཞིང་གདན་འདྲེན་ཡིན༔ གུ་རུ་བཛྲ་ཐོད་ཕྲེང་རྩལ༔ ཞི་བའི་འཕྲིན་ལས་མཐར་ཕྱིན་ཅིང་༔ རྡོ་རྗེ་སློབ་དཔོན་བཀའ་གཉན་པས༔ ད་ནི་མི་ཡི་ཡུལ་དུ་བཞུགས༔ མཁའ་འགྲོ་རྣམས་ལ་དེ་བཟླས་ནས༔ སྤུན་ཚོ་མི་སྡོད་ལོག་ནས་འགྲོ༔ ཤར་གྱི་ཕྱོགས་ནས་ཚེ་བཀུག་ནས༔ ཚེ་དར་འདི་ཕྱག་ཏུ་འཛིན་པར་ཞུ༔ ཚེ་ཆང་འདི་ཞལ་དུ་གསོལ་བ་ཞུ༔ འོ་སྐོམ་ཐུགས་ལ་བསྟིམ་པར་ཞུ༔ སྐུ་ཚེ་མི་འགྱུར་བརྟན་པར་བཞུགས༔ ལོ་བརྒྱའི་བར་དུ་(༩ན)

― GLG025_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་པར་བཞུགས༔ དེའི་རྗེས་རྡོ་རྗེ་སློབ་དཔོན་གྱིས་ཚེ་དཔག་མེད་ཀྱི་སྐུ་སོགས་རིམ་བཞིན་ཐོགས་ལ༔ ཀྱེ༔ སེམས་ཅན་ཀུན་གྱི་མགོན་གྱུར་བླ་མ་རྗེ༔ ཨྱོན་མཁའ་སྤྱོད་གནས་སུ་མི་བཞུད་པར༔ འགྲོ་བའི་དོན་དུ་བོད་ཡུལ་བཞུགས་པར་ཞུ༔ བུ་སློབ་གདུལ་བྱ་སྨིན་གྲོལ་མཛད་པར་ཞུ༔ འཆི་མེད་གྲུབ་པའི་སྐུ་རྟེན་འདི་བཞེས་ལ༔ འཆི་མེད་རིགས་འཛིན་ངང་ལ་བཞུགས་སུ་གསོལ༔ ཀྱེ༔ ལྷོ་ཡི་གླིང་འདི་ཅིའི་དང་གླིང་༔ ལྷོ་ཡི་གླིང་ནི་མེ་ཏོག་གླིང་༔ མེ་ཏོག་རང་ཡང་སེར་པོའི་གླིང་༔ མཁའ་འགྲོའི་རིགས་ནི་ཅིའི་དང་རིགས༔ མཁའ་འགྲོའི་རིགས་ནི་རིན་ཆེན་རིགས༔ སྐུ་མདོག་སེར་གསལ་མདངས་དང་ལྡན༔ རང་རང་དཔའ་བོ་ཡབ་དང་བཅས༔ ཕྱག་གི་གར་སྟབས་ལིངས་སེ་ལིང་༔ རུས་པའི་རྒྱན་དྲུག་སིལ་ལི་ལི༔ ཞབས་ཀྱི་བྲོ་བརྡུང་ཁྲིགས་སེ་ཁྲིག༔ འཁོར་ཀྱང་རང་འདྲ་འབུམ་ཕྲག་སྟེ༔ དཔའ་བོ་ཁྱེད་ཞིང་གཞན་གདན་འདྲེན་ཡིན༔ གུ་རུ་རཏྣ་ཐོད་ཕྲེང་རྩལ༔ རྒྱས་པའི་འཕྲིན་ལས་མཐར་ཕྱིན་ཅིང་༔ རྡོ་རྗེ་སློབ་དཔོན་བཀའ་གཉན་པས༔ ད་ནི་མི་ཡི་ཡུལ་དུ་བཞུགས༔ མཁའ་འགྲོ་རྣམས་ལ་དེ་བཟླས་ནས༔ སྤུན་ཚོ་མི་སྡོད་ལོག་ནས་འགྲོ༔ ལྷོ་ཡི་ཕྱོགས་ནས་ཚེ་བཀུག་ནས༔ ཚེ་དར་འདི་ཕྱག་ཏུ་འཛིན་པར་ཞུ༔ ཚེ་ཆང་འདི་ཞལ་དུ་གསོལ་བར་ཞུ༔ འོ་སྐོམ་ཐུགས་ལ་བསྟིམ་པར་ཞུ༔ སྐུ་ཚེ་མི་འགྱུར་བརྟན་པར་བཞུགས༔ ལོ་བརྒྱའི་བར་དུ་བརྟན་པར་བཞུགས༔ ཀྱེ༔ སེམས་ཅན་ཀུན་གྱི་མགོན་གྱུར་བླ་མ་རྗེ༔ ཨྱོན་མཁའ་སྤྱོད་གནས་སུ་མ་བཞུད་པར༔ (༩བ)

― GLG025_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་བའི་དོན་དུ་བོད་ཡུལ་བཞུགས་པར་ཞུ༔ བུ་སློབ་གདུལ་བྱ་སྨིན་གྲོལ་མཛད་པར་ཞུ༔ ཚེ་མཐའ་ཡས་པའི་གསུང་རྟེན་འདི་བཞེས་ལ༔ འཆི་མེད་རིགས་འཛིན་ངང་ལ་བཞུགས་སུ་གསོལ༔ ཀྱེ༔ ནུབ་ཀྱི་གླིང་འདི་ཅིའི་དང་གླིང་༔ ནུབ་ཀྱི་གླིང་ནི་མེ་ཏོག་གླིང་༔ མེ་ཏོག་རང་ཡང་དམར་པོའི་གླིང་༔ མཁའ་འགྲོའི་རིགས་ནི་ཅིའི་དང་རིགས༔ མཁའ་འགྲོའི་རིགས་ནི་པདྨའི་རིགས༔ སྐུ་མདོག་དམར་གསལ་མདངས་དང་ལྡན༔ རང་རང་དཔའ་བོ་ཡབ་དང་བཅས༔ ཕྱག་གི་གར་སྟབས་ལིངས་སེ་ལིང་༔ རུས་པའི་རྒྱན་དྲུག་སིལ་ལི་ལི༔ ཞབས་ཀྱི་བྲོ་བརྡུང་ཁྲིགས་སེ་ཁྲིག༔ འཁོར་ཀྱང་རང་འདྲ་འབུམ་ཕྲག་སྟེ༔ དཔའ་བོ་ཁྱེད་ཞིང་གཞན་གདན་འདྲེན་ཡིན༔ གུ་རུ་པདྨ་ཐོད་ཕྲེང་རྩལ༔ དབང་གི་འཕྲིན་ལས་མཐར་ཕྱིན་ཅིང་༔ རྡོ་རྗེ་སློབ་དཔོན་བཀའ་གཉན་པས༔ ད་ནི་མི་ཡི་ཡུལ་དུ་བཞུགས༔ མཁའ་འགྲོ་རྣམས་ལ་དེ་བཟླས་ནས༔ སྤུན་ཚོ་མི་སྡོད་ལོག་ནས་འགྲོ༔ ནུབ་ཀྱི་ཕྱོགས་ནས་ཚེ་བཀུག་ནས༔ ཚེ་དར་འདི་ཕྱག་ཏུ་འཛིན་པར་ཞུ༔ ཚེ་ཆང་འདི་ཞལ་དུ་གསོལ་བར་ཞུ༔ འོ་སྐོམ་ཐུགས་ལ་བསྟིམ་པར་ཞུ༔ སྐུ་ཚེ་མི་འགྱུར་བརྟན་པར་བཞུགས༔ ལོ་བརྒྱའི་བར་དུ་བརྟན་པར་བཞུགས༔ ཀྱེ༔ སེམས་ཅན་ཀུན་གྱི་མགོན་གྱུར་བླ་མ་རྗེ༔ ཨྱོན་མཁའ་སྤྱོད་གནས་སུ་མ་བཞུད་པར༔ འགྲོ་བའི་དོན་དུ་བོད་ཡུལ་བཞུགས་པར་ཞུ༔ བུ་སློབ་གདུལ་བྱ་སྨིན་གྲོལ་མཛད་པར་ཞུ༔ མི་འགྱུར་ཆོས་སྐུའི་ཐུགས་རྟེན་འདི་ལ་བཞེས་ལ༔ འཆི་མེད་རིགས་འཛིན་ངང་ལ་བཞུགས་སུ་གསོལ༔ ཀྱེ༔ བྱང་(༡༠ན)

― GLG025_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

གི་གླིང་འདི་ཅིའི་དང་གླིང་༔ བྱང་གི་གླིང་ནི་མེ་ཏོག་གླིང་༔ མེ་ཏོག་རང་ཡང་ལྗང་གུའི་གླིང་༔ མཁའ་འགྲོའི་རིགས་ནི་ཅིའི་དང་རིགས༔ མཁའ་འགྲོའི་རིགས་ནི་ལས་ཀྱི་རིགས༔ སྐུ་མདོག་ལྗང་གསལ་མདངས་དང་ལྡན༔ རང་རང་དཔའ་བོ་ཡབ་དང་བཅས༔ ཕྱག་གི་གར་སྟབས་ལིངས་སེ་ལིང་༔ རུས་པའི་རྒྱན་དྲུག་སིལ་ལི་ལི༔ ཞབས་ཀྱི་བྲོ་བརྡུང་ཁྲིགས་སེ་ཁྲིག༔ འཁོར་ཀྱང་རང་འདྲ་འབུམ་ཕྲག་སྟེ༔ དཔའ་བོ་ཁྱེད་ཞིང་གཞན་གདན་འདྲེན་ཡིན༔ གུ་རུ་ཀརྨ་ཐོད་ཕྲེང་རྩལ༔ དྲག་པོའི་འཕྲིན་ལས་མཐར་ཕྱིན་ཅིང་༔ རྡོ་རྗེ་སློབ་དཔོན་བཀའ་གཉན་པས༔ ད་ནི་མི་ཡི་ཡུལ་དུ་བཞུགས༔ མཁའ་འགྲོ་རྣམས་ལ་དེ་བཟླས་ནས༔ སྤུན་ཚོ་མི་སྡོད་ལོག་ནས་འགྲོ༔ བྱང་གི་ཕྱོགས་ནས་ཚེ་བཀུག་ནས༔ ཚེ་དར་འདི་ཕྱག་ཏུ་འཛིན་པར་ཞུ༔ ཚེ་ཆང་འདི་ཞལ་དུ་གསོལ་བར་ཞུ༔ འོ་སྐོམ་ཐུགས་ལ་བསྟིམ་པར་ཞུ༔ སྐུ་ཚེ་མི་འགྱུར་བརྟན་པར་བཞུགས༔ ལོ་བརྒྱའི་བར་དུ་བཞུགས་པར་ཞུ༔ ཀྱེ༔ སེམས་ཅན་ཀུན་གྱི་མགོན་གྱུར་བླ་མ་རྗེ༔ ཨྱོན་མཁའ་སྤྱོད་གནས་སུ་མ་བཞུད་པར༔ འགྲོ་བའི་དོན་དུ་བོད་ཡུལ་བཞུགས་པར་ཞུ༔ བུ་སློབ་གདུལ་བྱ་སྨིན་གྲོལ་མཛད་པར་ཞུ༔ གཡས་འཁྱིལ་ཡོན་ཏན་རྟེན་མཆོག་འདི་བཞེས་ལ༔ འཆི་མེད་རིགས་འཛིན་ངང་ལ་བཞུགས་སུ་གསོལ༔ ཀྱེ༔ དབུས་ཀྱི་གླིང་འདི་ཅིའི་དང་གླིང་༔ དབུས་ཀྱི་གླིང་ནི་མེ་ཏོག་གླིང་༔ མེ་ཏོག་རང་ཡང་མཐིང་ཁའི་གླིང་༔ མཁའ་འགྲོའི་རིགས་ནི་ཅིའི་དང་རིགས༔ མཁའ་འགྲོའི་རིགས་ནི་བུདྡྷའི་རིགས༔ སྐུ་མདོག་མཐིང་གསལ་མདངས་དང་ལྡན༔ རང་རང་དཔའ་བོ་ཡབ་དང་བཅས༔ (༡༠བ)

― GLG025_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་གི་གར་སྟབས་ལིངས་སེ་ལིང་༔ རུས་པའི་རྒྱན་དྲུག་སིལ་ལི་ལི༔ ཞབས་ཀྱི་བྲོ་བརྡུང་ཁྲིགས་སེ་ཁྲིག༔ འཁོར་ཀྱང་རང་འདྲ་འབུམ་ཕྲག་སྟེ༔ དཔའ་བོ་ཁྱེད་ཞིང་གཞན་གདན་འདྲེན་ཡིན༔ གུ་རུ་བུདྡྷ་ཐོད་ཕྲེང་རྩལ༔ ཞི་རྒྱས་དབང་དྲག་འཕྲིན་ལས་མཐར་ཕྱིན་ཅིང་༔ རྡོ་རྗེ་སློབ་དཔོན་བཀའ་གཉན་པས༔ ད་ནི་མི་ཡི་ཡུལ་དུ་བཞུགས༔ མཁའ་འགྲོ་རྣམས་ལ་དེ་བཟླས་ནས༔ སྤུན་ཚོ་མི་སྡོད་ལོག་ནས་འགྲོ༔ དབུས་ཀྱི་ཕྱོགས་ནས་ཚེ་བཀུག་ནས༔ ཚེ་དར་འདི་ཕྱག་ཏུ་འཛིན་པར་ཞུ༔ ཚེ་ཆང་འདི་ཞལ་དུ་གསོལ་བར་ཞུ༔ འོ་སྐོམ་ཐུགས་ལ་བསྟིམ་པར་ཞུ༔ སྐུ་ཚེ་མི་འགྱུར་བརྟན་པར་བཞུགས༔ ལོ་བརྒྱའི་བར་དུ་བརྟན་པར་བཞུགས༔ ཀྱེ༔ སེམས་ཅན་ཀུན་གྱི་མགོན་གྱུར་བླ་མ་རྗེ༔ ཨྱོན་མཁའ་སྤྱོད་གནས་སུ་མ་བཞུད་པར༔ འགྲོ་བའི་དོན་དུ་བོད་ཡུལ་བཞུགས་པར་ཞུ༔ བུ་སློབ་གདུལ་བྱ་སྨིན་གྲོལ་མཛད་པར་ཞུ༔ ཕུར་པ་འཕྲིན་ལས་རྟེན་མཆོག་འདི་བཞེས་ལ༔ འཆི་མེད་རིགས་འཛིན་ངང་ལ་བཞུགས་སུ་གསོལ༔ སྔགས་པ་ལ། མཐུ་སྟོབས་ནུས་རྩལ་ལྡན་པའི་སྔགས་འཆང་ཁྱེད༔ ཨྱོན་མཁའ་སྤྱོད་གནས་སུ་མ་བཞུད་པར༔ འགྲོ་བའི་དོན་དུ་བོད་ཡུལ་བཞུགས་པར་ཞུ༔ བུ་སློབ་གདུལ་བྱ་སྨིན་གྲོལ་མཛད་པར་ཞུ༔ སྐྱེས་པ་ལ། རིགས་བཟང་ལྷ་སྲས་དཔའ་མཛངས་སྐྱེས་བུ་ཁྱེད༔ ༴༴སྡེ་རིགས་འཁོར་བཅས་སྐྱོང་བར་མཛད་དུ་གསོལ༔ བུད་མེད་ལ། རིགས་ལྡན་ལྷ་ཡི་སྲས་མོ་དམ་པ་ཁྱེད༔ ༴༴བུ་ནོར་ལོངས་སྤྱོད་སྤེལ་བར་མཛད་དུ་གསོལ༔ ཞེས་སོགས་རིག་པས་དཔྱད་ནས་འདོན་པ་བསྒྱུར༔ དེ་ནས་མདོས་གྱེར་བ་ནི། ཀྱེ། ཕྱག་རྒྱ་སྟོང་ཉིད་ཆེན་པོ་འདིས༔ ཡེ་ཤེས་མཁའ་འགྲོའི་བསུན་མ་བཟློག༔ (༡༡ན)

― GLG025_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

བྱམས་དང་སྙིང་རྗེའི་སེམས་བསྐྱེད་ཀྱིས༔ དབྱིངས་ཀྱི་མཁའ་འགྲོའི་བསུན་མ་བཟློག༔ བསྟོད་བསྐུལ་འཕྲིན་ལས་སྣ་ཚོགས་ཀྱིས༔ དཔའ་བོ་མཁའ་འགྲོའི་བསུན་མ་བཟློག༔ དར་སྣ་ལྔ་ཡི་མཆོད་པ་ཡིས༔ རིགས་ཀྱི་མཁའ་འགྲོའི་བསུན་མ་བཟློག༔ ཐོད་པ་ལྟག་སྤྲོད་རྔ་སྒྲ་ཡིས༔ རྡོ་རྗེ་མཁའ་འགྲོའི་བསུན་མ་བཟློག༔ རིན་ཆེན་སྣ་ལྔའི་རྒྱན་ཆ་འདིས༔ རིན་ཅེན་མཁའ་འགྲོའི་བསུན་མ་བཟློག༔ ཤ་ཆེན་སྤོས་ཀྱི་བྷ་ལིཾ་འདིས༔ པདྨ་མཁའ་འགྲོའི་བསུན་མ་བཟློག༔ སྨན་སྣ་ཚང་བའི་དམ་རྫས་འདིས༔ ལས་ཀྱི་མཁའ་འགྲོའི་བསུན་མ་བཟློག༔ མཆོད་པའི་བྱེ་བྲག་སྣ་ཚོགས་ཀྱི༔ སངས་རྒྱས་མཁའ་འགྲོའི་བསུན་མ་བཟློག༔ རྐང་གླིང་སྐད་དང་སྒྲ་དབྱངས་ཀྱིས༔ རིགས་ལྔ་མཁའ་འགྲོའི་བསུན་མ་བཟློག༔ ཤ་སྣ་ཚང་བའི་གཏོར་མ་འདིས༔ འཇིག་རྟེན་མཁའ་འགྲོའི་བསུན་མ་བཟློག༔ ཁྲག་སྣ་ཚང་བའི་གཏོར་མ་འདིས༔ ཤ་ཟ་མཁའ་འགྲོའི་བསུན་མ་བཟློག༔ ཚིལ་ཆེན་གསུར་གྱི་དུད་པ་འདིས༔ གིང་ཆེ་གིང་ཆུང་ལ་སོགས་དང་༔ དུར་ཁྲོད་བདག་པོའི་བསུན་མ་བཟློག༔ དུང་ཆེན་རྐང་གི་གླིང་བུ་དང་༔ མཚན་ལྡན་གསང་བའི་རྔ་ཆུང་འདིས༔ སྣ་ཚོགས་མཁའ་འགྲོའི་བསུན་མ་བཟློག༔ མི་ལྤགས་ཞིང་ཆེན་གཡང་གཞི་འདིས༔ མ་མོ་མཁའ་འགྲོའི་བསུན་མ་བཟློག༔ རྒྱ་མ་ར་ཡི་གསུར་དུད་འདིས༔ དགྲ་ལྷའི་རྒྱལ་པོའི་བསུན་མ་བཟློག༔ བསེ་བྱང་ཁྲ་ཕོ་དར་བརྒྱན་འདིས༔ རྒྱལ་པོ་རྣམས་ཀྱི་བསུན་མ་བཟློག༔ གླང་ཆེན་ཁྱུང་དང་སེང་གེ་འབྲུག༔ རྩལ་ཆེན་སེང་གེ་ལ་སོགས་ཀྱིས༔ ལྷ་ཡི་རྒྱལ་པོའི་བསུན་མ་(༡༡བ)

― GLG025_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག༔ མཚལ་བྱ་ལ་སོགས་སྐད་སྙན་བྱ་རིགས་ཀྱིས༔ གཉན་གྱི་རྒྱལ་པོའི་བསུན་མ་བཟློག༔ སྐྱུང་ཁ་རོག་པོ་ལ་སོགས་པ༔ གཤོག་ནག་བྱ་རིགས་ཐམས་ཅད་ཀྱིས༔ བདུད་ཀྱི་རྒྱལ་པོའི་ཆད་པ་བཟློག༔ རྟ་རྐྱང་དྲེའུ་ལ་སོགས་པ༔ རྡོག་རིགས་སེམས་ཅན་ཐམས་ཅད་ཀྱིས༔ དམུ་ཡི་རྒྱལ་པོའི་བསུན་མ་བཟློག༔ སྟག་གཟིག་གུང་ལ་སོགས་པ་ཡི༔ གཅན་གཟན་རི་བཀྲ་ཐམས་ཅད་ཀྱིས༔ གནོད་སྦྱིན་རྒྱལ་པོའི་བསུན་མ་བཟློག༔ ཝ་དང་འཕར་བ་ལ་སོགས་པ༔ གཅན་གཟན་དམར་པོ་ཐམས་ཅད་ཀྱིས༔ བཙན་གྱི་རྒྱལ་མོའི་བསུན་མ་བཟློག༔ དར་སྣ་བ་དན་སྣ་ཚོགས་དང་༔ ནག་པོའི་རྒྱན་ཆ་སྣ་ཚོགས་ཀྱིས༔ སྲིན་པོའི་རྒྱལ་པོའི་བསུན་མ་བཟློག༔ ཤ་བ་དགོ་བ་ལ་སོགས་པ༔ རི་དྭགས་གཟུགས་བརྙན་སྣ་ཚོགས་འདིས༔ ས་བདག་རྒྱལ་པོའི་བསུན་མ་བཟློག༔ གཡག་ལུག་ར་གསུམ་ལ་སོགས་པ༔ ནོར་ཕྱུགས་གཟུགས་བརྙན་སྣ་ཚོགས་འདིས༔ ཡུལ་གྱི་རྒྱལ་པོའི་བསུན་མ་བཟློག༔ ཉི་ཟླ་འཇའ་ཚོན་བྲིས་པ་འདིས༔ གཟའ་བདུད་ཆེན་པོའི་བསུན་མ་བཟློག༔ འབྲང་རྒྱས་ཏིང་ལོ་ཞལ་དཀར་འདིས༔ སྨན་ཕྲན་རྣམས་ཀྱི་བསུན་མ་བཟློག༔ གསེར་གཡུ་རིན་ཆེན་ཁལ་བཀལ་འདིས༔ དཀོར་བདག་རྣམས་ཀྱི་བསུན་མ་བཟློག༔ ཤ་ཁྲག་དམར་གྱི་གཏོར་མ་འདིས༔ སྨན་མོ་གངས་སྨན་མཚོ་སྨན་དང་༔ ནགས་སྨན་ས་ཡི་ལྷ་མོ་དང་༔ ལྕགས་ཀྱི་ལྷ་མོ་མེའི་ལྷ་མོ་དང་༔ འབྱུང་བཞི་ལྷ་མོའི་བསུན་མ་བཟློག༔ རི་རབ་རྩེ་ལ་བཞུགས་པ་ཡི༔ ལྷ་ཆེན་ཚངས་པ་ལ་སོགས་ཏེ༔ ལྷའི་སྡེ་ཚོགས་རྣམས་ཀྱི་བསུན་མ་བཟློག༔ ལྷ་ཡི་གཡུལ་ངོ་(༡༢ན)

― GLG025_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

ད་སྒྱུར་ཞིག༔ རི་རབ་རྩ་བར་བཞུགས་པ་ཡི༔ ས་བདག་གཙང་ཀུན་བསུན་མ་བཟློག༔ ལྷ་ཆེན་གཡུལ་ངོ་ད་སྒྱུར་ཞིག༔ རྒྱུ་སྦྱོར་ཡོན་གྱི་བདག་པོ་འདིའི༔ ཤ་ཡི་བསུན་མ་ད་སྒྱུར་ཞིག༔ ཁྲག་གི་བསུན་མ་ད་སྒྱུར་ཞིག༔ རུས་པའི་བསུན་མ་ད་བཟློག་ཅིག༔ དབང་པོ་ལྔ་ཡི་བསུན་མ་ད་བཟློག་ཅིག༔ རྣམ་ཤེས་གསལ་བའི་སྒྲོན་མེ་ད་སྤོར་ཞིག༔ མི་མཐུན་རྐྱེན་རྣམས་བཟློག་ཏུ་གསོལ༔ མོ་ངན་མཚན་རྩུབ་ཐམས་ཅད་བཟློག༔ ལྟས་ངན་བརྒྱད་ཅུ་རྩ་གཅིག་བཟློག༔ བན་བྱད་བོན་བྱད་སྔགས་བྱད་བཟློག༔ ལོ་ཟླ་ཞག་ཀེག་ཐམས་ཅད་བཟློག༔ གློ་བུར་བརྒྱད་ཅུ་རྩ་གཅིག་བཟློག༔ ཡེ་འབྲོག་སུམ་བརྒྱ་དྲུག་ཅུ་བཟློག༔ ནད་རིགས་བཞི་བརྒྱ་རྩ་བཞི་བཟློག༔ དུས་མིན་འཆི་བ་རྣམ་བརྒྱད་བཟློག༔ བགེགས་རིགས་སྟོང་ཕྲག་བརྒྱད་ཅུ་བཟློག༔ རྩིས་ཀྱི་རྡེའུ་ནག་པོ་བཟློག༔ མོ་ངན་རྨི་ལམ་ངན་པ་བཟློག༔ མི་ནག་སྐྱེ་བོའི་ཡ་ག་བཟློག༔ བྲན་འཁོལ་ངན་པའི་དམོད་མཆུ་བཟློག༔ ཕོ་བདུད་དལ་ཁ་གཡས་སུ་སྒྱུར༔ མོ་བདུད་དལ་ཁ་གཡོན་དུ་སྒྱུར༔ སྤྱི་བདུད་དལ་ཁ་མཁའ་ལ་སྒྱུར༔ ངན་བཅུ་སྡིག་བཅུ་ཐམས་ཅད་སྒྱུར༔ མོ་ངན་པྲ་ངན་ཐམས་ཅད་སྒྱུར༔ སྡང་བའི་དགྲ་དང་གནོད་པའི་བགེགས་ལ་བཟློག༔ བྷྱོ་བྷྱོ་བཟློག་བཟློག༔ ངར་མི་དང་བཅས་ཏེ་མདོས་གཏོང་བ་ནི། ཧཱུཾ ནམ་མཁའ་གཡུ་ཡི་ལྡིང་ཁང་ནས༔ ཉི་འོད་འབར་བའི་སྨན་གཅིག་མ༔ བཞེངས་ཤིག་བཞེངས་ཤིག་དབྱིངས་ནས་བཞེངས༔ བསྐུལ་ལོ་བསྐུལ་ལོ་ཐུགས་དམ་བསྐུལ༔ དགོངས་ཤིག་དགོངས་ཤིག་ཐུགས་དམ་དགོངས༔ འབོད་པའི་འགྲོ་བ་གྲངས་མང་ཡང་༔ ཧ་ཅང་ཉོན་མོངས་མ་(༡༢བ)

― GLG025_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེད་ཅིག༔ བོས་ནས་ཐུགས་ལོག་མ་མཛད་ཅིག༔ གསངས་ནས་ལེ་ལོ་མ་མཛད་ཅིག༔ ལས་ཀྱི་བསུན་མ་བཟློག་ཏུ་གསོལ༔ ལྷ་ཀླུ་སྡེ་བརྒྱད་ལ་སོགས་པ༔ འཆི་བདག་གཤིན་རྗེའི་བསུན་མ་བཟློག༔ བསྟན་མ་ཡོངས་ཀྱི་གཙོ་མོ་སྟེ༔ དམག་གི་རྒྱལ་མོ་ཆེན་མོ་སྟེ༔ དམ་ལ་གནས་ཤིང་འཕྲིན་ལས་མཛོད༔ ཞལ་ཟས་ཚོགས་ཀྱི་མཆོད་པ་བཞེས༔ ཧཱུཾ། གངས་ཀྱི་ཡུམ་ཆེན་གཡུ་བུན་མ༔ མ་མོ་ཡོངས་ཀྱི་བསུན་མ་བཟློག༔ ལྷོ་ཡི་སྐྱི་མཐིང་གཡའ་མ་སྐྱོང་༔ བཙན་གྱི་རྒྱལ་པོའི་བསུན་མ་བཟློག༔ ཁ་རག་ཁྱུང་བཙུན་དཔལ་གྱི་ཡུམ༔ བདུད་གྱི་རྒྱལ་པོའི་བསུན་མ་བཟློག༔ བྱང་གི་གསེར་མཐིང་གཡུ་བུན་མ༔ གཤིན་རྗེའི་རྒྱལ་པོའི་བསུན་མ་བཟློག༔ གངས་དཀར་ཤ་མེད་སྨན་གཅིག་མ༔ སྨན་གྱི་རྒྱལ་མོའི་བསུན་མ་བཟློག༔ བྱང་གི་བྱང་ཐང་ཏིང་མོ་སྨན༔ འབྲོག་སྲིན་རྒྱལ་མོའི་བསུན་མ་བཟློག༔ མོ་བཙུན་ཁུག་ཆོས་གཡར་མོ་བསིལ༔ ཀླུ་ཡི་རྒྱལ་མོའི་བསུན་མ་བཟློག༔ དཔལ་ཆེན་གསང་བའི་གྲོགས་མཆོག་མ༔ རི་ཡི་རྒྱལ་པོའི་བསུན་མ་བཟློག༔ ཀྱི་མཐིང་གངས་ཀྱི་ར་མོ་སྨན༔ ཤ་ཟ་རོ་ཡི་བསུན་མ་བཟློག༔ བསྟན་མ་བཙུན་མོ་ར་མོ་སྨན༔ མ་བསངས་རྒྱལ་མོའི་བསུན་མ་བཟློག༔ ཀོང་བཙུན་དེ་མོ་བོད་ཁམས་སྐྱོང་༔ མ་བདུད་རྒྱལ་མོའི་བསུན་མ་བཟློག༔ ལེགས་སྦྱོར་གསེར་ཐང་ཡི་གེ་སྨན༔ དམུ་བདུད་རྒྱལ་མོའི་བསུན་མ་བཟློག༔ བ་སྤུའི་བུ་མོ་སི་ལ་མ༔ གངས་ཀྱི་རྒྱལ་མོའི་བསུན་མ་བཟློག༔ ན་ར་ཤེལ་གྱི་སྨན་གཅིག་མ༔ མ་བསངས་ཡོངས་ཀྱི་བསུན་མ་བཟློག༔ མི་གཡོ་བརྟན་པའི་ས་འཛིན་མ༔ བགེགས་ཀྱི་རྒྱལ་མོའི་བསུན་མ་བཟློག༔ (༡༣ན)

― GLG025_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

འཛམ་གླིང་བསྟན་པའི་བསྟན་མ་དང་༔ བོད་ཁམས་བསྐྱངས་པས་སྐྱོང་མ་དང་༔ པདྨ་འབྱུང་གནས་ཕོ་ཉ་སྟེ༔ རྐྱེན་རྣམས་བཟློག་པའི་མཐུ་མོ་ཆེ༔ དམག་དཔུང་བསྐྱེད་ལ་བར་ཆད་སོལ༔ བྱད་ཁ་ཕུར་ཁ་བཟློག་པ་དང་༔ སྣང་སྲིད་ལྷ་འདྲེའི་བསུན་མ་བཟློག༔ ཞལ་ཟས་ཚོགས་ཀྱི་མཆོད་པ་བཞེས༔ འཕྲིན་ལས་རྣམ་བཞི་གྲུབ་པར་མཛོད༔ བྷྱོ་བྷྱོ། ཡང་ཅིག་བསུན་མ་བཟློག་པ་ནི༔ མ་མོ་མཁའ་འགྲོའི་རྒྱལ་མོ་སྟེ༔ དཀར་མོ་སྤྱན་གཅིག་མ་ཡི་བསུན་མ་བཟློག༔ ནག་མོ་རལ་གཅིག་མ་ཡི་བསུན་མ་བཟློག༔ སློབ་དཔོན་སྲུང་མའི་བསུན་མ་བཟློག༔ སྔགས་པ་ཀུན་གཞིའི་བསུན་མ་བཟློག༔ བྷྱོ༔ ཡང་ཅིག་བསུན་མ་བཟློག་པ་ནི༔ ཆོས་སྐྱོང་སྲུང་མའི་བསུན་མ་བཟློག༔ མ་མོའི་བསུན་མ་བཟློག་ཏུ་གསོལ༔ ལས་ཀྱི་མ་མོ་ཆེན་མོ་བཞིའི་བསུན་མ་བཟློག༔ དབང་གི་རྒྱལ་མོ་བཞི་ཡི་བསུན་མ་བཟློག༔ དམ་ལ་གནས་པའི་མ་མོ་བཞིའི་བསུན་མ་བཟློག༔ ཡིད་ལ་སྐྱེས་པའི་མཁའ་འགྲོ་བཞིའི་བསུན་མ་བཟློག༔ ད་རེས་ལྷ་མོ་དབུགས་འཕྲོག་བཞིའི་བསུན་མ་བཟློག༔ དགྲ་བོའི་སྙིང་འཕྲོག་མ་མོ་བཞིའི་བསུན་མ་བཟློག༔ ལས་ཀྱི་མ་མོ་མཁའ་འགྲོའི་བསུན་མ་བཟློག༔ བསྟན་སྐྱོང་རྣམས་ཀྱི་བསུན་མ་བཟློག༔ སྟེང་ཕྱོགས་ལྷ་ཡི་བསུན་མ་བཟློག༔ འོག་ཕྱོགས་ཀླུ་ཡི་བསུན་མ་བཟློག༔ བར་སྣང་གཉན་གྱི་བསུན་མ་བཟློག༔ སྒྲུབ་པའི་མ་ཚོགས་བསུན་མ་བཟློག༔ གིང་ཆེན་མཆོག་གི་བསུན་མ་བཟློག༔ དབང་ཕྱུག་མ་ཚོགས་བསུན་མ་བཟློག༔ མ་མོ་དྲུག་ཅུ་རྩ་བཞིའི་བསུན་མ་བཟློག༔ འབར་མ་(༡༣བ)

― GLG025_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་མོ་བརྒྱད་ཀྱི་བསུན་མ་བཟློག༔ སྲིད་པའི་མ་མོ་བརྒྱད་ཀྱི་བསུན་མ་བཟློག༔ ལས་ཀྱི་སྲིང་མོ་ཆེན་མོ་བཞིའི་བསུན་མ་བཟློག༔ བསྟན་སྐྱོང་མ་མོ་འཁོར་དང་བཅས༔ ལས་ཀྱི་བསུན་མ་བཟློག་ཏུ་གསོལ༔ ཚོགས་དང་གཏོར་མ་འདི་བཞེས་ལས༔ བྱད་ཁ་རྦོད་གཏོང་བསུན་མ་བཟློག༔ འབྱུང་བ་ལྔ་ཡི་བསུན་མ་བཟློག༔ བླ་མ་ཡི་དམ་ལྷ་ཡི་བསུན་མ་བཟློག༔ དཔའ་བོ་མཁའ་འགྲོ་དམ་ཅན་དང་༔ སྲུང་མ་རྣམས་ཀྱི་བསུན་མ་བཟློག༔ སྣང་སྲིད་མ་མོའི་བསུན་མ་བཟློག༔ འདོད་ཡོན་མཆོད་པ་འབུལ་ལགས་ཀྱི༔ སེམས་ངང་ནམ་མཁའ་ཤ་དང་ས༔ ཁྲག་དང་ཆུ་སེར་དྲོད་དང་མེ༔ དབུགས་རླུང་འབྱུང་ལྔའི་མཆོད་པ་འབུལ༔ དྲི་ཆེན་དྲི་ཆུ་བྱང་ཆུབ་སེམས༔ ཤ་ཁྲག་ལ་སོགས་མཆོད་པར་འབུལ༔ མི་རྟ་གླང་སེང་རྨ་བྱའི་ཤ༔ ཤ་ཆེན་ལྔ་ཡི་མཆོད་པ་འབུལ༔ གཟུགས་སྣང་གྲགས་པའི་མེ་ཏོག་དང་༔ དགེ་སྡིག་ལ་སོགས་མཆོད་པར་འབུལ༔ དགའ་བ་ཉམས་ཀྱི་མཆོད་པ་འབུལ༔ ཡོན་ཆབ་མེ་ཏོག་བདུག་སྤོས་དང་༔ སྣང་གསལ་དྲི་ཆབ་ཞལ་ཟས་དང་༔ སྒྲ་སྙན་ལ་སོགས་མཆོད་པར་འབུལ༔ དུང་ཆེན་ཁ་སྦྱོར་དུང་ཆེན་དང་༔ ཤ་ཆེན་ཚིལ་ཆེན་སྤོས་རྣམས་དང་༔ དུར་ཁྲོད་ཆེན་པོའི་ས་གཞི་དང་༔ དབང་པོ་ལྔ་ཡི་མེ་ཏོག་བཀོད༔ སྐོང་ཞིག་དུར་ཁྲོད་གཞལ་ཡས་སུ༔ ཚིལ་ཆེན་ཞུན་མར་མར་མེས་གཏམས༔ མཚན་ལྡན་བཀྲ་ཤིས་ཀ་པཱ་ལར༔ གཏོར་མ་ཡེ་ཤེས་བདུད་རྩིར་གྱུར༔ བྷན་དྷ་ཉི་ཤུའི་དཀྱིལ་འཁོར་དུ༔ ཤ་ཆང་ཁུར་བ་ལ་སོགས་པ༔ རོ་བརྒྱ་ལྡན་པའི་ཚོགས་འཁོར་བཤམས༔ མཚན་ལྡན་རྡོ་རྗེ་ཀ་པཱ་ལར༔ འབྲུ་བཅུད་ཨ་མྲྀ་ཏ་ཡིས་བཀང་༔ རྩ་བརྒྱད་སྟོང་ལ་(༡༤ན)

― GLG025_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱར་བའི་སྨན༔ མཆོད་པ་རྒྱ་ཆེན་ཁྱེད་ལ་འབུལ༔ ཐབས་དང་ཤེས་རབ་དཀྱིལ་འཁོར་དུ༔ རྣལ་འབྱོར་ཕོ་མོ་ཐམས་ཅད་ཀྱིས༔ ཚངས་པའི་སྒྲ་དབྱངས་སྙན་པར་གྱེར༔ གསུང་དབྱངས་སྙན་ངག་དྲུག་ཅུའི་སྒྲ༔ མཆོད་པ་རྒྱ་ཆེན་ཁྱེད་ལ་འབུལ༔ ཧཱུཾ༔ མཆོད་པའི་ལྷ་མོ་ཐམས་ཅད་ཀྱི༔ གར་སྟབས་ཕྱི་ནང་མཆོད་པ་འབུལ༔ རིན་ཆེན་ཁང་པ་ཡངས་བརྩིགས་དང་༔ རིན་ཆེན་གསེར་གྱི་བུམ་པ་དང་༔ ཡིད་བཞིན་ནོར་བུ་རིན་ཆེན་དང་༔ རྒྱལ་སྲིད་རིན་ཆེན་སྣ་བདུན་དང་༔ བཀྲ་ཤིས་རྫས་བརྒྱད་མཆོད་པའི་ཚོགས༔ གདུགས་དང་རྒྱལ་མཚན་བ་དན་དང་༔ བླ་བྲེ་དར་འཕན་ལྡ་ལྡི་དང་༔ མཆོད་པའི་སྤྲིན་ཕུང་ཇི་སྙེད་དང་༔ བླ་མ་ཡི་དམ་དཀོན་མཆོག་དང་༔ མཁའ་འགྲོའི་འཁོར་ཚོགས་རྣམས་ལ་འབུལ༔ ལྷ་ཀླུ་སྡེ་བརྒྱད་ལ་སོགས་པ༔ འཆི་བདག་གཤིན་རྗེའི་བསུན་མ་བཟློག༔ མི་དང་མི་མིན་ལ་སོགས་ཏེ༔ བྱད་ཁ་ཕུར་ཁ་ཟོར་ཁ་རྣམས༔ བྱད་མ་རྦོད་གཏོང་མཁན་ལ་བཟློག༔ རྨི་ལམ་མཚན་ལྟས་ངན་པ་བཟློག༔ མདོས་ལམ་འཐེན་ཞིང་ཁ་བསྒྱུར་ལ་ལམ་བསྟན་པ་ནི། ཀྱེ། དགོངས་ཤིག་གནས་མཆོག་དམ་པ་འདིར༔ དཔའ་བོ་དཔའ་མོ་འཁོར་དང་བཅས༔ སྔགས་འཆང་རྣལ་འབྱོར་སྐུ་ཚེ་སྲིངས༔ བསུན་མ་བཟློག་ཕྱིར་དངོས་གྲུབ་ཞུ༔ ད་ནི་གཤེགས་ཤིག་གཤེགས་རེ་རན༔ ད་ནི་བཞུགས་པའི་ཡུན་མ་རིང་༔ ཉི་མ་ནུབ་ཕྱོགས་ཕ་གི་ན༔ མ་སྲིང་མཁའ་འགྲོ་འབོད་པ་དིར་རི་རི་༔ ལྷ་བྱ་སིལ་སྙན་ཁྲོལ་ལོ་ལོ༔ དཔའ་བོ་མཁའ་འགྲོའི་ཚོགས་རྣམས་ཀྱིས༔ གླུ་ལེན་གར་བྱེད་ཁྱུགས་མ་ཁྱུག༔ དཔའ་བོའི་བྲོ་བརྡུང་ཁྲིགས་སེ་ཁྲིག༔ དཔའ་མོའི་(༡༤བ)

― GLG025_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

བཤུག་གླུ་ཀྱུར་རུ་རུ༔ མཁའ་འགྲོའི་བརྡ་སྐད་དིར་རི་རི༔ གནས་མཆོག་དེ་ནི་ཉམས་རེ་དགའ༔ གནས་མཆོག་དེ་ནི་དང་རེ་སྤྲོ༔ གནས་མཆོག་དེ་ནི་དྲི་རེ་ཞིམ༔ མ་སྲིང་མཁའ་འགྲོའི་ཚོགས་རྣམས་ད་བཞུད་འཚལ༔ རང་རང་གཞལ་ཡས་ཁང་དུ་གཤེགས༔ ཁྱོད་རང་གཞལ་ཡས་ཁང་དུ་སྤྱོད༔ སྐྱེལ་ལོ་ཁྱེད་རང་གནས་ལ་སྐྱེལ༔ ཁྱེད་རང་བཞུད་པའི་བཤུལ་ལམ་དེར༔ དྲི་བཟང་དེ་ནི་སྨན་གྱི་ཡུལ༔ དྲི་བཟང་སྤོས་དུད་ཆིལ་ལི་ལི༔ འཇའ་ཚོན་སྣ་ལྔ་སྤུངས་སེ་སྤུང༔ དར་ཟབ་སྣ་ཚོགས་ལྷུབས་སེ་ལྷུབ༔ ད་ནི་ཁྱོད་རང་གནས་སུ་གཤེགས༔ ད་གཤེགས་ད་ནི་བཞུད་རེ་རན༔ ཁྱེད་རང་བཞུད་པའི་བཤུལ་ལམ་དེར༔ གཤེགས་སོ་གཤེགས་སོ་ཤར་ར་ར༔ ཁྱོད་ཅག་མ་སྲིང་མཁའ་འགྲོ་རྣམས༔ རང་རང་སོ་སོའི་གནས་སུ་གཤེགས༔ ཀྱེ། མཁའ་འགྲོའི་ལམ་བསྟན་ནུབ་ཏུ་བསྟན༔ ཉི་མ་ནུབ་ཕྱོགས་ཕ་གི་ན༔ དུར་ཁྲོད་གླིང་མཆོག་ཉམས་རེ་དགའ༔ བམ་ཆེན་མི་རོ་དབངས་ཆེ་ཐོབ༔ ཚིལ་ཆེན་མར་མེ་འོད་རེ་གསལ༔ རཀྟའི་རྒྱ་མཚོ་མདངས་རེ་ཆེ༔ རྐང་གླིང་དུམ་ཆེན་སྐད་རེ་སྙན༔ ཞིང་ལྤགས་གཡང་གཞི་གོས་རེ་དྲོ༔ ཐོད་པའི་སྐུ་མཁར་བརྗིད་རེ་ཆེ༔ མཁའ་འགྲོའི་བརྡ་སྐད་དིར་རི་རི༔ དཔའ་བོའི་གར་བྱེད་ཁྱུགས་སེ་ཁྱུག༔ དཔའ་མོའི་གླུ་ལེན་ཙེར་རེ་རེ༔ སྨན་སྤོས་དད་པ་ཆིལ་ལི་ལི༔ ཤིང་ཏོག་མེ་ཏོག་བཀྲགས་མདངས་ལྡན༔ གསུང་སྙན་སྒྲ་དབྱངས་དིར་རི་རི༔ མཛེས་པའི་བྱ་རིགས་གྱ་མ་གྱུ༔ གཙང་པོའི་ཆུ་འབབ་མེར་རེ་རེ༔ ཞལ་ཟས་ཚོགས་ཆེན་སྤུངས་སེ་སྤུང་༔ དར་གྱི་ཅོད་པན་པུར་རུ་རུ༔ ན་བཟའ་དར་དཔྱངས་ལྷུབས་སེ་ལྷུབ༔ གཡུ་ཡི་(༡༥ན)

― GLG025_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིག་ལེ་ཐིབས་སེ་ཐིབ༔ དེ་འདྲའི་གནས་མཆོག་ཉམས་རེ་དགའ༔ མཁའ་འགྲོའི་ལམ་བསྟན་དེ་རུ་བསྟན༔ ད་ནི་གཤེགས་ཤིག་གཤེགས་རེ་རན༔ མཁའ་འགྲོའི་བརྡ་སྐད་དིར་རི་རི༔ ཌཱ་མ་རུ་དེ་ཁྲོལ་ལོ་ལོ༔ དུང་དང་པི་ཝང་སྐད་རེ་སྙན༔ རྒྱན་ཆ་མང་པོ་སིལ་ལི་ལི༔ དེ་འདྲའི་གནས་སུ་ད་གཤེགས་ཤིག༔ རྐྱང་སེར་རླུང་ལ་ཆིབས་ནས་གཤེགས༔ བྱ་རྒྱལ་ཁྱུང་ལ་ཆིབས་ནས་ད་གཤེགས་ཤིག༔ རྟ་དྲེལ་བོང་གསུམ་ཆིབས་ནས་ད་གཤེགས་ཤིག༔ སྟག་དང་གཟིག་ལ་ཆིབས་ལ་ད་གཤེགས་ཤིག༔ དོམ་དང་དྲེད་ལ་ཆིབས་ལ་ད་གཤེགས་ཤིག༔ ཁྱི་དང་སྤྱང་ཀིར་ཆིབས་ལ་ད་གཤེགས་ཤིག༔ མཁའ་འགྲོའི་ལམ་བསྟན་ཨྱོན་ཡུལ་དུ་བསྟན༔ སྣང་སྲིད་ལྷ་འདྲེའི་ལམ་བསྟན་སྡང་བའི་དགྲ་ལ་བསྟན༔ ཞེས་བརྗོད་ཅིང་གསེར་སྐྱེམས་གཏོར། ལྷག་མ་དང་ཆད་མཐོ་བཏང་། ཕྱི་རོལ་ནུབ་ཕྱོགས་ཀྱི་རི་ནག་པོའི་རྩེར་ཕྱིན་ལ་ཟོར་འཕང་བ་གཞན་ན་གསལ༔ དེ་ནས་བསྟན་མ་བསྐྱང་། མེ་ཆུས་རྒྱས་འདེབས་ཤིང་སྲུང་འཁོར་བསྒོམ༔ ནང་དུ་ལོག་སྒོ་དྲུང་དུ་བྲོ་བརྡུང་། ཚེ་ཆོག་དང་འབྲེལ་པའི་བརྟན་བཞུགས་གྲུབ་ནས་བདག་བསྐྱེད་མཇུག་ཆོག་སོགས་སྤྱི་ལྟར་རོ། །མཆོག་དམན་བར་པའི་སྐྱེ་དགུ་དུས་མིན་དུ། །བསུན་མའི་ཕོ་ཉ་བཟློག་པར་བྱེད་པའི་ཐབས། །རིགས་འཛིན་ཞལ་ལུང་ཕྱག་བཞེས་མ་ཉམས་པ། །བཀོད་འདིས་འགྲོ་ཀུན་རྡོ་རྗེ་ལྟར་བརྟན་ཤོག །དམར་སེར་ཅན་ཞེས་པ་མེ་སྦྲུལ་ཆུ་སྟོད་ཟླ་བར་ཕན་བདེ་ལེགས་བཤད་གླིང་སྤྱི་ཚོགས་ཀྱིས་ཡོ་བྱད་བསྡུས་ཏེ་ཚེ་ཆོག་ཞག་བདུན་དང་འབྲེལ་པའི་རིང་འཚོའི་རྟེན་འབྲེལ་བསྒྲིགས་ཚེ་མཆོད་དཔོན་(༡༥བ)

― GLG025_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

ངག་དབང་ཤེས་རབ་ཀྱིས་གྲ་ཚང་དུ་གསེར་ཞོ་སྟོང་ལ་བསྐོར་བའི་སྤྱི་རྫས་འབུལ་བ་དང་བསུན་མ་བཟློག་གི་དགོས་བྱེད་རྣམས་བསྒྲིགས་ནས་དོན་གཉེར་ཆེན་པོས་བསྐུལ་བར་བརྟེན་བསུན་བཟློག་གི་ཆོག་སྒྲིགས་འཆི་བདག་གཡུལ་ལས་རྣམ་རྒྱལ་ཞེས་པ་འདི་ནི་ཟ་ཧོར་གྱི་བནྡེ་ཟིལ་གནོན་བཞད་པ་རྩལ་གྱིས་སྦྱར་བའི་ཡི་གེ་པ་ནི་རིགས་འཛིན་གྱི་བཙུན་པ་འཇམ་དབྱངས་གྲགས་པས་བགྱིས་པ་དགེ་ལེགས་སུ་གྱུར་ཅིག །སརྦ་མངྒ་ལཾ།

ཕྱི་ནས་མཁའ་འགྲོ་བསུན་མའི་ཞུ་བ།

― GLG025_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་ནས་མཁའ་འགྲོ་བསུན་མའི་ཞུ་བ་བཞུགས་སོ། །

― GLG025_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

ཨྱོན་སྤྲུལ་པའི་སྐུ་ལ་ཕྱག་འཚལ་ལོ༔ བསུན་བཟློག་རྒྱས་པའི་མདོས་ཐབས་སུ་བཅས་པ་ལ༔ བསུན་མའི་མགྲོན་རྣམས་ཀྱིས། སྔ་མ་སྔགས་སྟོན། སྐྱེས་བུ་རིགས་བཟང་དང་། བུད་མེད་རིགས་བཟང་གང་ཡིན་པ་ལ། ནུབ་ཕྱོགས་བདེ་བ་ཅན་དུ་བཞུད་དགོས་ཟེར་ནས། བྲོད་པ་འདིང་ཞིང་གདན་འདྲེན་པ་འདི་སྐད་དོ༔ ༼ཀ༽ཀྱེ། རིགས་བཟང་ལྷ་ཡི་སྐྱེས་བུ་ཁྱེད༔ ངེད་མཁའ་འགྲོ་རྣམས་ལ་ཚུར་གསོན་དང་༔ ཁྱེད་བོད་ཀྱི་ཡུལ་ལས་སྡུག་པ་མེད༔ ངེད་མཁའ་འགྲོའི་ཡུལ་ལས་སྐྱིད་པ་མེད༔ ངེད་མཁའ་འགྲོའི་ཡུལ་ལས་དགའ་བ་མེད༔ ཡེ་ཤེས་དབྱིངས་ཀྱི་ཕོ་བྲང་ན༔ འཇའ་ཚོན་གུར་ཕུབ་ཁྱིལ་ལི་ལི༔ གཉིས་མེད་མཁའ་ལྟར་དག་པའི་ཕོ་བྲང་ནས༔ མེ་ཏོག་ཆར་བབ་སིལ་ལི་ལི༔ མི་མངོན་དབྱིངས་ཀྱི་ཕོ་བྲང་ན༔ གསེར་གྱི་ལྡིང་ཁང་ལྡིངས་སེ་ལྡིང་༔ མཁའ་སྤྱོད་ཉམས་དགའི་ཕོ་བྲང་ན༔ མཁའ་འགྲོའི་ཚོགས་རྣམས་སྤུངས་སེ་སྤུང་༔ ངེད་མཁའ་འགྲོའི་ཡུལ་ལས་སྐྱིད་པ་མེད༔ ཁྱེད་བོད་ཀྱི་ཡུལ་ལས་སྡུག་པ་མེད༔ བྲེལ་ཕོངས་ལས་ལ་ཟིན་དུས་མེད༔ (༢ན)

― GLG025_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་ཀྱི་ལས་ལ་དལ་དུས་མེད༔ རིགས་བཟང་ལྷ་ཡི་སྐྱེས་བུ་ཁྱེད༔ ངེད་མཁའ་འགྲོའི་ཡུལ་དེར་ད་གཤེགས་ཤིག༔ ༼ཁ༽ཀྱེ། རིགས་བཟང་ལྷ་ཡི་སྐྱེས་བུ་ཁྱེད༔ ངེད་མཁའ་འགྲོའི་ཡུལ་དེར་ད་གཤེགས་ཤིག༔ མཁའ་འགྲོའི་ཡུལ་ལས་དགའ་བ་མེད༔ མཁའ་འགྲོའི་ཡུལ་ལས་སྐྱིད་པ་མེད༔ འདོད་དགུ་འབྱུང་བའི་ཕོ་བྲང་ན༔ ཅི་འདོད་གཏེར་གྱི་དངོས་གྲུབ་ཡོད༔ དྲག་པོ་ཨེ་ཡི་གཞལ་ཡས་ན༔ ཐོད་པའི་སྐུ་མཁར་ལྡེམ་པ་ཡོད༔ མི་ལྤགས་གཡང་གཞི་རྒྱངས་སེ་རྒྱང་༔ ཚིལ་ཆེན་མར་མེ་ཏལ་ལ་ལ༔ ཤ་ཁྲག་གཏོར་མ་སྤུངས་སེ་སྤུང་༔ རཀྟའི་རྒྱ་མཚོ་ཁྱིལ་ལི་ལི༔ རུས་པའི་རྒྱན་ཆ་ཁྲོལ་ལོ་ལོ༔ ཚིལ་ཆེན་སྤོས་དུད་ཐུལ་ལུ་ལུ༔ མི་རྐང་གླིང་བུ་སྐད་རེ་བཟང་༔ ངེད་མཁའ་འགྲོའི་ཡུལ་ལས་བྲོད་པ་མེད༔ གནས་དེར་འདེངས་དང་དགའ་སྐྱིད་འཛོམ༔ རིགས་བཟང་ལྷ་ཡི་སྐྱེས་བུ་ཁྱེད༔ རྣ་བའི་དབང་པོ་ཚུར་གསོན་དང༔ ངེད་མཁའ་འགྲོའི་ཡུལ་ལས་དགའ་བ་མེད༔ ཁྱེད་བོད་ཀྱི་ཡུལ་ལས་སྡུག་པ་མེད༔ ཆགས་སེམས་ཆེ་ལ་གྲོལ་རྒྱུ་མེད༔ དེ་བས་ཨྱོན་(༢བ)

― GLG025_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་དེར་འདེངས༔ ༼ག༽ གཤེགས་ཀྱང་ཟེར། ཀྱེ། རིགས་བཟང་ལྷ་ཡི་སྐྱེས་བུ་ཁྱེད༔ རྣ་བའི་དབང་པོ་ཚུར་གསོན་དང་༔ ངེད་མཁའ་འགྲོའི་གནས་དེ་ཉམས་རེ་དགའ༔ དུར་ཁྲོད་ཆེན་པོའི་གནས་མཆོག་ན༔ དཔའ་བོའི་གར་བྱེད་ཁྱུགས་སེ་ཁྱུག༔ དཔའ་མོའི་བྲོ་བརྡུང་ཆེམས་སེ་ཆེམ༔ བྱ་ངང་བའི་སྐད་སྙན་སངས་སེ་སང་༔ ངུར་པའི་སྐད་སྙན་ཙེར་རེ་རེ༔ མཁའ་འགྲོའི་གླུ་ལེན་ཀྱུར་རུ་རུ༔ དར་དཀར་རྒྱལ་མཚན་པུར་རུ་རུ༔ དར་ནག་རུ་མཚོན་ལྷབས་སེ་ལྷབ༔ རྐང་གླིང་སྨྱུག་གླིང་སྐྱུར་རུ་རུ༔ གསེར་གྱི་ཉི་མ་ཁྱིལ་ལི་ལི༔ དུང་གི་ཟླ་བ་ཏལ་ལ་ལ༔ སྐར་ཕྲན་ཚོམ་བུ་ཤིགས་སེ་ཤིག༔ གནས་དེར་འདེངས་དང་གནས་དེར་སྐྱིད༔ ཉམས་དགའི་གནས་དེར་གཤེགས་སུ་གསོལ༔ ༼ང༽ཀྱེ། རིགས་བཟང་ལྷ་ཡི་སྐྱེས་བུ་ཁྱེད༔ ངེད་བསུན་མ་རྣམས་ལ་ཚུར་གསོན་དང་༔ ཁྱེད་བོད་ཀྱི་ཡུལ་ལས་སྡུག་པ་མེད༔ བོད་ཀྱི་ཡུལ་ལས་ངན་པ་མེད༔ བོད་ཀྱི་ཡུལ་དེ་གནས་རེ་ཆུང་༔ བདུད་རྩིའི་ཆུ་ལ་འཐུང་རྒྱུ་མེད༔ ཡེ་ཤེས་དབྱིངས་ལ་གཞག་ས་མེད༔ མེ་ཏོག་གླིང་ལ་བལྟ་ས་མེད༔ མཛེས་པའི་ཡིད་ལ་གདུངས་རྒྱུ་མེད༔ དེ་བས་བོད་ཀྱི་ཡུལ་འདི་སྡུག༔ རིགས་བཟང་ལྷ་ཡི་སྐྱེས་བུ་ཁྱེད༔ ད་ནི་མཁའ་འགྲོའི་ཡུལ་དེར་གཤེགས༔ མཁའ་འགྲོའི་ཡུལ་དེ་གནས་རེ་བཟང་༔ རིན་ཆེན་གསེར་གྱི་ལྡིང་ཁང་དེ༔ ཁ་པད་གཡུ་ལ་བྱས་པ་ཡོད༔ རིན་ཆེན་དངུལ་གྱི་སྐུ་མཁར་དེ༔ ཁ་པད་ལྕགས་ལ་བྱས་པ་ཡོད༔ རིན་ཆེན་ཟངས་ཀྱི་སྐུ་མཁར་དེ༔ ཁ་པད་བྱུ་རུར་བྱས་པ་ཡོད༔ རིན་ཆེན་ལྕགས་ཀྱི་སྐུ་མཁར་དེ༔ ཁ་པད་(༣ན)

― GLG025_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོང་ལ་བྱས་པ་ཡོད༔ དེ་འདྲའི་གཞལ་ཡས་ཉམས་རེ་དགའ༔ དེ་འདྲའི་གནས་མཆོག་དང་རེ་སྤྲོ༔ གནས་མཆོག་དེ་རུ་ད་བཞུད་འཚལ༔ ༼ཅ༽ཀྱེ། རིགས་བཟང་ལྷ་ཡི་སྐྱེས་བུ་ཁྱེད༔ ངེད་མཁའ་འགྲོ་རྣམས་ལ་ཚུར་གསོན་དང་༔ ཨྱོན་ཡུལ་དེར་འགྲོ་རེ་རན༔ ཁྱེད་མི་འགྲོ་བའི་དབང་ཡང་མེད༔ བྱ་རྣམས་སྐད་སྙན་ཙེར་རེ་རེ༔ གཅན་གཟན་ངར་སྐད་དུར་རུ་རུ་༔ རྒྱན་ཆ་མང་པོ་པུར་རུ་རུ་༔ ཐོད་པ་ལྟག་སྤྲོད་ཁྲོལ་ལོ་ལོ༔ སིལ་སྙན་མང་པོ་སིལ་ལི་ལི༔ ཨ་ལ་ལ་སྟེ་ཉམས་རེ་དགའ༔ སྐལ་ལྡན་རིགས་བཟང་དགྱེས་པར་མཛོད༔ ཨྱོན་ཡུལ་དེར་ཁྲིད་ནས་འགྲོ༔ དཔའ་བོ་རྣམས་ལ་ཕོ་ཉར་བཀོད༔ དཔའ་མོའི་ཚོགས་ལ་འཕྲིན་ལས་བཅོལ༔ གསེར་གྱི་གདུ་བུ་ཁྲོལ་ལོ་ལོ༔ དངུལ་གྱི་མགུལ་ཨོང་སྤོངས་སེ་སྤོང་༔ ད་ནི་མཁའ་འགྲོའི་ཡུལ་དེར་གཤེགས༔ ༼ཆ༽ཀྱེ། རིགས་བཟང་དམ་ཚིག་ལྡན་པའི་རྣལ་འབྱོར་ཁྱེད༔ རིགས་བཟང་ལྷ་ཡི་སྐྱེས་བུ་འདི༔ ངེད་མཁའ་འགྲོའི་ཡུལ་དེར་མི་གཏོང་ན༔ རིགས་བཟང་དཔའ་བོ་དེའི་གླུད་ཚུར་ཐོང་ཞིག༔ ཤ་ཁྲག་རུས་པའི་གླུད་ཚུར་ཐོང་ཞིག༔ སྐྲ་དང་སེན་མོའི་གླུད་ཚུར་ཐིང་ཞིག༔ མགོ་ལུས་པགས་པའི་གླུད་ཚུལ་ཐོང་ཞིག༔ ངེད་མཁའ་འགྲོ་རྣམས་མི་སྡོད་ལོག་ནས་འགྲོ༔ ཨྠྀི༔ རྒྱ་རྒྱ་རྒྱ༔ ས་མ་ཡ༔ མཁའ་འགྲོ་རྣམས་ཀྱིས་གནང་བ་སྦྱིན་པ་འདི་སྐད་དོ༔ ༼ཇ༽ཀྱེ། ཁྱེད་ནི་བྱང་ཆུབ་སེམས་དཔའ་སྟེ༔ རང་དོན་དྲི་མས་ཁྱེད་མ་གོས༔ མཁའ་ཉམས་འགྲོ་ལ་ཁྱེད་སེམས་བརྩེ༔ ཁྱེད་ནི་དཔའ་བོ་ཆེན་པོ་སྟེ༔ བདུད་དང་མུ་སྟེགས་ཟིལ་གྱིས་གནོན༔ (༣བ)

― GLG025_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེད་ནི་ཡེ་ཤེས་སེམས་དཔའ་སྟེ༔ འཁོར་བའི་སྐྱོན་གྱིས་ཡོངས་མ་གོས༔ བསྟན་པ་ཡུན་རིང་བསྲུང་པའི་ཕྱིར༔ ཁྱེད་ཀྱི་བཀའ་བཞིན་སྒྲུབ་པར་བགྱི༔ ངེད་རྣམས་སོ་སོའི་གནས་སུ་འགྲོ༔ ཁྱེད་རྣམས་སྐུ་ཁམས་བཟང་བར་མཛོད༔ མཁའ་འགྲོ་བསུན་མ་རྣམས་ཀྱིས་གནང་བ་སྦྱིན་པར་བྱའོ༔ འབྱོན་བཞུད་ཀྱི་ཞུ་ལན་ཚོར༔ བླ་མ་ལ་འདི་སྐད་དོ༔ ཀྱེ། སེམས་ཅན་རྣམས་ཀྱི་མགོན་གྱུར་བླ་མ་རྗེ༔ ཁྱེད་ཨྱོན་ཡུལ་དུ་མི་བཞུད་པར༔ འགྲོ་བ་སེམས་ཅན་དོན་དུ་བོད་ཡུལ་དབུས་སུ་བཞུགས་པར་ཞུ༔ བུ་སློབ་རྣམས་དང་འགྲོ་བ་སེམས་ཅན་ལ༔ སྨིན་ཅིང་གྲོལ་བར་མཛད་དུ་གསོལ༔ ཅེས་ཆས་རྣམས་དབུལ་ལོ༔ སྔགས་པ་ཡིན་ན༔ ཀྱེ། ཐུགས་རྗེའི་མངའ་བདག་སྔགས་འཆང་ཁྱེད༔ ཨྱོན་མཁའ་འགྲོའི་གནས་སུ་མ་བཞུད་པར་བཞུགས་པར་ཞུ༔ ཞེས་མཁའ་འགྲོ་རྣམས་ཀྱིས་ཞུ་བ་བྱའོཿ མངྒ་ལཾ།། །

ཚོགས་མཆོད་འདོད་དགུའི་མཆོག་སྦྱིན།

― GLG025_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་མཆོད་འདོད་དགུའི་མཆོག་སྦྱིན་བཞུགས་སོ། །

― GLG025_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་རྣམ་ལྔ་དགྱེས་སྐོང་ཚོགས་མཆོད་རྫས། །རྨད་བྱུང་དཔའ་བོའི་དགའ་སྟོན་ཆོ་གའི་ཁྲིགས། །རྡོ་རྗེ་འཆང་དབང་བླ་མའི་ཕྱག་བཞེས་བཞིན། །ཆོག་སྒྲིགས་འདོད་དགུའི་མཆོག་སྦྱིན་དེང་འདིར་སྤེལ། །དེ་ཡང་དཔའ་བོ་དང་མཁའ་འགྲོ་འདུ་བའི་དུས་ཁྱད་པར་ཅན་གྱི་ཚེ་མཁའ་འགྲོ་ལྔ་མཉེས་པར་བྱེད་པའི་དཔའ་བོའི་དགའ་སྟོན་ལ་ཚོགས་ཀྱི་འཁོར་ལོ་ཞེས་སྤྱི་མིང་སྒོས་སུ་བཏགས་པའི་ཚོགས་ཀྱི་མཆོད་པའི་ཆོ་ག་ལ་ལས་དང་པོ་པ་དང་ཐུན་མོང་བའི་ནང་ཚན་རྗེ་བཙུན་ཆེན་པོས་མཛད་པའི་ཚོགས་འཁོར་འབྲིང་པོ། བུ་སྟོན་ཐམས་ཅད་མཁྱེན་པས་མཛད་པའི་ཚོགས་འཁོར་དཔའ་བོའི་སྟོན་མོའི་ཆོ་ག་བདེ་ཆེན་རྣམ་རོལ་སོགས་རྒྱས་པར་ཡོད་ནའང་སྒྲུབ་ཆོག་བསྐང་གསོ་སོགས་ཀྱི་དུས་ཁའུ་བྲག་རྫོང་པའི་ཕྱག་བཞེས་འཁྱེར་བདེར་མཛད་པ་བཞིན་ལག་ཏུ་བསྟར་བ་ལ། བ་ལ་དང་མ་ད་ན་གཉིས་གཙོ་བོར་གྱུར་པའི་བཟའ་བཅའ་བཏུང་བའི་རིམ་པ་སོགས་མཆོད་པའི་རྫས་རྣམས་སྟེགས་དང་གདན་གཞི་(༢ན)

― GLG025_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སོགས་པའི་ཁར་བཀོད་པས་མཛེས་པར་བཤད། ཐོག་མར་མཆོད་གཡོག་པས་ཕྱག་གསུམ་བཙལ་ཏེ། ཚོགས་ཀྱི་ཡོ་བྱད་རྣམས་ལ་བྱིན་རླབས་གནང་བ་ཞུ། ཞེས་བརྗོད། ཚོགས་པས་བཛྲ་ཨ་མྲྀ་ཏ་ནས་ཧ་ཧོཿཧྲཱིཿའི་བར་གྱིས་ནང་མཆོད་ལྟར་བྱིན་གྱིས་བརླབ། དེ་ནས་ཚོགས་ཀྱི་རྩེ་མོ་ནས་ཟ་ན་རང་ཉིད་ཀྱིས་ཟ་བ་ལས་སུམ་འགྱུར་གྱིས་ཆེ་བ་ཞིག་དང་། དེ་མཚུངས་པ་ལ་ཞིག་བླ་མའི་བྲིས་འབུར་གྱི་སྐུ་བརྙན་གང་ཡང་རུང་བའི་མདུན་དུ་བཤམས་རྗེས། ཕྱག་གསུམ་བཙལ་ནས་བླ་མ་དང་དཀོན་ཅོག་གི་དྲུང་དུ་ཚོགས་ཀྱི་ཕུད་འབུལ་བ་ཞུ་ཞེས་བརྗོད། ཐམས་ཅད་ཀྱིས་ཞལ་ཟས་རོ་བརྒྱ་ལྡན་པའི་ཡིད་འཕྲོག་པ་ཞེས་སོགས་ཀྱི་མཇུག་ཏུ། ཨོཾ་གུ་རུ་བུདྡྷ་བོ་དྷི་སཏྭ་ས་པ་རི་ཝཱ་ར་ག་ཎ་ཙཀྲ་པཱུ་ཛི་ཏེ་ཁཱ་ཧི། ཞེས་བརྗོད། དེ་རྗེས་ཐོད་པའམ་ཏིང་པར་ལ་སོགས་པར་མ་ད་ན་སྔར་བཞིན་བཞག་ལ་ཕྱག་གསུམ་བཙལ་ཏེ། བླ་མ་དང་དཀོན་ཅོག་གི་དྲུང་དུ་མ་ད་ནའི་ཕུད་འབུལ་བཞི་ཞེས་བརྗོད་པས་ཐམས་ཅད་ཀྱིས། དམན་པའི་ཡུལ་ལས་རབ་འདས་ཤིང་། །རྒྱལ་བ་ཀུན་གྱི་དམ་ཚིག་(༢བ)

― GLG025_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག །དངོས་གྲུབ་ཀུན་གྱི་གཞིར་གྱུར་པ། བདུད་རྩི་མཆོག་གིས་མཆོད་པར་བགྱི། །སྒྲིབ་པའི་དྲི་མ་ཀུན་བསལ་ནས། །རྟོག་པ་ཀུན་ལས་རྣམ་གྲོལ་བ། །བླ་ན་མེད་པའི་བྱང་ཆུབ་སེམས། །བདེ་བ་ཆེན་པོས་མཉེས་གྱུར་ཅིག །གུ་རུ་བུདྡྷ་བོ་དྷི་སཏྭ་ས་པ་རི་ཝཱ་ར་མ་ཧཱ་པཉྩ་ཨ་མྲྀ་ཏ་ཁཱ་ཧི། དེ་ནས་ཟན་དང་བལ་གོས་ལས་ཅུང་ཟད་ཆུང་བ་མཁའ་འགྲོ་ཆོས་སྐྱོང་གི་རྟེན་གྱི་མདུན་དུ་བཤམས་ལ་ཆབ་སྦྲན་ནས། མཁའ་འགྲོ་ཆོས་སྐྱོང་གི་དྲུང་དུ་ཚོགས་མཆོད་འབུལ་བ་ཞུ་ཞེས་བརྗོད་ཐམས་ཅད་ཀྱིས། ཨོཾ་བྷ་ག་ཝ་ན་མ་ཧཱ་ཀཱ་རུ་ཎི་ཀ་ཧེ་བཛྲ་ས་པ་རི་ཝཱ་ར། ཀཱ་ཡ་ཝཱ་ཀ་ཙིཏྟ། ཨོཾ་ཨིནྡྲ་ཛ་མ་ཛ་ལ་ཛཀླ་བྷུ་ཏ་བཧྣི་བཱ་ཨུ་རཀྑ་ཙཎྜ་སུ་ཛྫོ་མཱ་དེ་བཱ་པྤ་ཏ་ལ་པ་ཏ་ལཾ་ཨཊྠ་སཔྤ་སྭཱ་ཧཱ། ཨི་དཾ་བ་ལིཾ་བྷུ་ཉྫ་ཛིགྷ་ཕུལླ་དྷུ་པ་མཾ་ས་པིཾ་གྷ་ཨམྦྷ་སཔྤ་ཀཛྫ་སཱ་དཱ་ཁནྟི་ཁུ་ཎི་ཕེ་ཌ་གྷ་ད། ཨོཾ་ཨ་ཀཱ་རོ་མུ་ཁཾ་སརྦ་དྷ་རྨཱ་ཎཱཾ་ཨཱ་དྱ་ནུཏྤནྣ་ཏྭཱ་ད། ཨོཾ་ཨཱཿཧཱུཾ་ཕཊ་སྭཱ་ཧཱ། བདེ་མཆོག་དང་རྡོ་རྗེ་རྣལ་འབྱོར་མ་སོགས་ལ་མཛད་སྲོལ་འདུག་ཀྱང་མ་བྱས་པས་ཆད་ལྷག་ཏུ་མི་འགྱུར་བས་བཏང་སྙོམས་སུ་བཞག །གུར་མགོན། ཞལ་བཞི་པ། ལས་མགོན། གནོད་སྦྱིན། མཁའ་འགྲོ་དང་གཞི་བདག་སོགས་ཀྱི་གཏོར་སྔགས་ཚར་གསུམ་མམ་རེ་རེ་གང་རུང་བརྗོད་པའི་རྗེས་སུ། ཨོཾ་བཛྲ་པུཥྤེ་ཨཱཿཧཱུཾ་ནས་ཤཔྟའི་བར་དང་། འབྲུ་གསུམ་གྱིས་ནང་མཆོད་དབུལ། དེ་རྗེས་ཕུད་ཕོར་དུ་མ་ད་ན་བླུག་པ་ནམ་མཁར་བཏེག་ལ། ནང་ཕུད་འབུལ་བ་ཞུ་ཞེས་བརྗོད། ཐམས་ཅད་ཀྱིས། ཕྱོགས་བཅུ་དུས་གསུམ་ན་བཞུགས་པའི་དྲིན་ཅན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་དང་། བྱ་བ། སྤྱོད་པ། རྣལ་འབྱོར། རྣལ་འབྱོར་བླ་ན་མེད་པའི་རྒྱུད་སྡེ་ཆེན་པོ་བཞི་དང་འབྲེལ་བའི་ཡི་དམ་དཀྱིལ་འཁོར་གྱི་ལྷ་ཚོགས་དང་། དཔལ་རྡོ་རྗེ་ནག་པོ་(༣ན)

― GLG025_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་གུར་མགོན་ལྕམ་དྲལ་བྲན་གཡོག་འཁོར་དང་བཅས་པ་རྣམས་དང་། ལེགས་ལྡན་ནག་པོ་གདོང་བཞི་པ། ཡུམ་བཞི། བཀའ་སྡོད་གནོད་སྦྱིན་བེག་ཙེ་ལྕམ་སྲིང་། འཁོར་ཚོགས་དམ་ཅན་རྒྱ་མཚོའི་ཚོགས་རྣམས་དང་། གཞན་ཡང་ཆོས་འཁོར་བསྲུང་ཞིང་བསྟན་པ་སྐྱོང་བར་ཞལ་གྱིས་བཞེས་པའི་བཀའ་སྡོད་ཆོས་སྐྱོང་སྲུང་མ་རྣམས་དང་། ཡུལ་ཉི་ཤུ་རྩ་བཞི། དུར་ཁྲོད་ཆེན་པོ་བརྒྱད་ན་བཞུགས་པའི་དཔའ་བོ་མཁའ་འགྲོའི་ཚོགས་རྣམས་དང་། བོད་ཁམས་སྐྱོང་བར་བྱེད་པའི་བསྟན་མ་བཅུ་གཉིས། གནས་བདག །གཞི་བདག །ཡུལ་བདག །གྲོང་བདག །གཉུག་མར་གནས་པ་རྣམས་ཀྱི་ཞལ་དུ་ཨོཾ་ཨཱཿཧཱུཾ། ཌཱ་དྲིལ་དང་རོལ་ཆེན་མཛད། རྡོ་རྗེ་སློབ་དཔོན་གྱིས། ཨེ་མའོ་ཡེ་ཤེས་ཆེན་པོ་རྣམས། །ཚོགས་ཆེན་འབར་བས་ཉོན་མོངས་བསྲེག །འདི་འདྲའི་བདེ་བ་ཐོབ་ནས་ནི། །ཀུན་གྱིས་ཨ་ཧོ་སུ་ཁ་བརྗོད། །ཅེས་བརྗོད་ཐམས་ཅད་ཀྱིས་ལྐོག་བཏེག་ནས། ཨ་ཧོ་སུ་ཁ་བྷ་ཀྵ་ཡེ། ཨ་ཧོ་སུ་ཁ་ཧོ་ཡ་ན། མ་ཧཱ་མུནྟ་སིདྡྷི་ནི། པྲ་ཝརྡྷ་ན་ནིརྡྷི་ནི། ཨེ་མ་བདེ་བ་ལོངས་སྤྱོད་ཅེས། །ཨེ་མ་བདེ་བ་རབ་གསལ་བ། །ཕྱག་རྒྱ་ཆེན་པོ་གྲུབ་པ་འདིས། །རབ་ཏུ་འཕེལ་པའི་རོལ་གར་འདིའོ། །ཧཱུཾ་ཧེ་ཧ་ཧ་ཧ་ཧོ་ཞེས་བརྗོད། ཚོགས་རྫས་འགྲིམ་པ་ནི། མཆོད་གཡོག་པའི་ལག་པ་གཡོན་པས་ཐོད་པར་མ་ད་ན་བླུག་ལ་བཟུང་། དེའི་སྟེང་དུ་ལག་པ་གཡས་པའི་མཐེབ་སྲིན་གྱིས་བ་ལ་བཟུང་ལ་ཁ་བཀབ་པའི་ཚུལ་དུ་བྱས་ཏེ། ཐོག་མར་རྡོ་རྗེ་སློབ་དཔོན་ལ་འབུལ་བའི་རྣམ་པས། ཧོ། རྡོ་རྗེ་སློབ་དཔོན་དགོངས་སུ་གསོལ། །འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེར་ཁྱི་དང་གདོལ་བ་སོགས། །རང་བཞིན་གཅིག་ཏུ་དགོངས་ཏེ་རོལ། །ཞེས་བརྗོད། དེས་ཀྱང་སྔར་(༣བ)

― GLG025_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཕྱག་རྒྱས་བླངས་ནས། བདེ་གཤེགས་ཆོས་ལ་རིན་ཐང་མེད། །འདོད་ཆགས་ལ་སོགས་དྲི་མ་སྤངས། །གཟུང་དང་འཛིན་པ་དང་བྲལ་པའི། །དེ་བཞིན་ཉིད་ལ་གུས་ཕྱག་འཚལ། །ཨ་ཧོ་མ་ཧཱ་སུ་ཁ་ཧོ་ཞེས་བརྗོད། དེ་བཞིན་དུ་ཐམས་ཅད་ལ་བསྐོར་ཏེ། རིག་པ་འཛིན་པ་དགོངས་སུ་གསོལ། །ཞེས་སོགས་བརྗོད་པ་འགྲེ །འདི་སྒྲུབ་པ་པོ་ཉུང་འདུལ་གྱི་དབང་དུ་མཛད་ཀྱིས་ཚོགས་ཆེ་ན། སྤྱིར་རིག་པ་འཛིན་རྣམས་དགོངས་སུ་གསོལ། ཞེས་བསྒྱུར་ནས། ནང་གི་སྦྱིན་སྲེག་གི་ཚུལ་གྱིས་ཚོགས་ལ་རོལ། ལྷག་མ་བསྡུས་ལ་རྡོ་རྗེ་སློབ་དཔོན་གྱི་ཞལ་ནས་མ་ད་ན་ཧུབ་གཅིག་བཟུང་ནས་འབར་བའི་ཕྱག་རྒྱའི་ནང་ནས་ཞལ་བཀྲུ་སྦྲན་ལ། ཨོཾ་ཨུཙྪི་ཥྚ་བ་ལིཾ་ཏ་བྷ་ཀྵ་སི་སྭཱ་ཧཱ། ལྷག་མ་ལ་དབང་བའི་འབྱུང་པོའི་ཚོགས་རྣམས་ཚིམ་ནས། ནང་གི་དངོས་གྲུབ་ཕྱིར་མི་གཏོང་བ་དང་། ཕྱི་ཡི་བར་ཆད་མི་གཏོང་བའི་འཕྲིན་ལས་རྣམས་ཡང་དག་མཛད་དུ་གསོལ། ཞེས་བརྗོད། རྡོ་རྗེའི་གླུ་ནི། ཀོལླ། རི་ཋི། ཨཱ་བོ་ལཱ། མུ་མྨུ་ཎི་རི། ཀ་ཀྐོ་ལཱ། གྷ་ཎ། ཀི་པཱི་ཊ་ཧོ། བཛྫ་ཨི། ཀ་རུ་ཎེཾ་ཀི །ཨ་ཨི། ན་རོ་ལཱ། ཏ་ཧིཾ། བ་ལུ། ཁཛྫ། གཱ་ཌྷེཾ། མ་ཨ་ཎ། པིཛྫ་ཨ་ཨི། ཧ་ལ། ཀཱ་ལིཉྫ་ར། པ་ཎི་ཨ་ཨི། དུ་དྷུ་རུ། བཛྫ་ཨ་ཨི། ཙ་ཨུ་ས་མ། ཀུསྠུ་རི། སིཧླ། ཀཔྤུ་ར་ལཱ་ཨ་ཨི། མ་ལ་ཨི་ཨིནྡྷ་ན། ཤཱ་ལི་ཛ། ཏ་ཧིཾ། བྷ་རུ་ཁཱ་ཨ་ཨི། ཕེཾ་ཁ་ཎ། ཁེ་ཊ། ཀ་རནྟེ། ཤུདྡྷ་ཤུདྡྷ། ཎ་མུ་ནི་ཨ་ཨི། ནི་རཾ་ཤུ། ཨཾ་ག་ཙ་ཌཱ་ཝི། ཏ་ཧིཾ་ཛ། ས་ར་ཝ། པ་ཎི་ཨ་ཨི། མ་ལ། ཨ་ཛེ་ཀུནྡུ་རུ། ཝཊྚ་ཨི། ཌི་ཎྜི་མ། ཏ་ཧིཾ། ན་བཛྫི་ཨ་ཨི། ཤིས་བརྗོད་ནི། ཧཱུཾ་ཧཱུཾ་ཧཱུཾ། དེ་ཧ་སོགས་ཡོད་ནའང་དེང་སང་ཀྱེ་རྡོར་སྒྲུབ་ཐབས་ནས་འབྱུང་བ་ལྟར་རམ། ཕུན་སུན་ཚོགས་པ་སོགས་ཀྱི་ཤིས་བརྗོད་དང་།

― GLG025_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

མཇུག་ཆོག་དཀྱུས་ལྟར་མཛད་པ་ཡིན་ནོ། །ཐ་མལ་རོ་ལ་སྲེད་པའི་འཆིང་བའི་རྒྱ། །གཅོད་བྱེད་ཟག་མེད་བདུད་རྩིར་རྟག་རོལ་བ། །རྣལ་འབྱོར་མཆོག་གི་ཡུལ་ལས་བཟའ་བཅའ་ལ། །མངོན་ཞེན་སྔགས་རློམ་ཕལ་གྱི་སྤྱོད་ཡུལ་མིན། །ག་ཎ་ཙཀྲའི་པཱུ་ཛ་ནམ་མཁའ་མཛོད། །སྒོ་འཕར་ཕྱེ་ཚེ་གནས་གསུམ་དཔའ་བོ་དང་། །མ་དང་མཁའ་འགྲོ་དགྱེས་པའི་དགའ་སྟོན་གྱི། །རབ་སྙན་རྒྱང་གླུ་རྟག་ཏུ་མགྲིན་པར་ལེན། །འདིས་མཚོན་བསོད་ནམས་ཡོངས་བྱས་ས་བོན་ཚོགས། །སྐྱེད་དུ་བསྲིངས་པ་ཨ་མྲའི་སྡོང་པོའི་རྩེར། །གཏན་བདེ་རོ་བརྒྱ་བདའ་བའི་འབྲས་བུ་ལ། །ནམ་མཁའི་མཐའ་སྙེད་འགྲོ་ཀུན་སྤྱོད་པར་ཤོག །ཅེས་ཚོགས་མཆོད་འདོད་དགུའི་མཆོག་སྦྱིན་འདི་ནི་མཁའ་འགྲོ་ལྔ་མཉེས་པར་བྱེད་པའི་དུས་སྟོན་གལ་ཆེ་བའི་ཚེ་རྣམ་པར་རྒྱལ་པའི་ཕན་བདེ་ལེགས་བཤད་གླིང་པའི་ཕྱག་བཞེས་ཀྱི་ཆེད་དུ་ས་རྟ་ཁྲ་ཟླ་བའི་ཡར་ཚེས་ལ་ཟ་ཧོར་གྱི་བནྡེས་སྦྱར་པའི་ཡི་གེ་པ་ནི་དཔལ་གྲོང་སྔགས་རམས་པ་ངག་དབང་དགེ་ལེགས་སོ།། །།

བསུན་བཟློག་གི་ཟོར་བྱང་།

― GLG025_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

བསུན་བཟློག་གི་ཟོར་བྱང་བཞུགས་སོ། །

― GLG025_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོར་འཕང་བ་ནི། གསེར་སྐྱེམས་བཏང་ལ་འདི་སྐད་དོ། །ཧཱུཾ། ད་ལམ་གྱི་གཏོར་མ་ཆེན་པོ་འདི༔ མཁའ་འགྲོ་དམ་ཅན་མཆོད་པའི་རྫས༔ དགྲ་བགེགས་དམ་སྲི་སྒྲོལ་བའི་མཚོན༔ ནད་དང་རིམས་ཀྱི་ན་བུན་འཐུལ༔ མཚོན་དང་གནོད་སྦྱིན་ཆར་པ་འབེབས༔ བསྟན་པ་བཤིག་པའི་དགྲ་བོ་ལ༔ མཚོན་གྱི་བསྐལ་པ་སྣ་ཚོགས་ཕོབ༔ ཁྲག་འཐུང་སྔགས་ཟོར་དགྲ་ལ་རྒྱོབ༔ འཕུང་པར་བྱེད་པའི་སྲི་ལ་གཏོར་ཟོར་རྒྱོབ༔ གནོད་པར་བྱེད་པའི་བགེགས་ལ་གཏོར་ཟོར་རྒྱོབ༔ ཟ་བའི་འདྲེ་ལ་གཏོར་ཟོར་རྒྱོབ༔ བར་གཅོད་རྐྱེན་ལ་གཏོར་ཟོར་ཡ༔ བགེགས་དང་དམ་སྲི་རྡུལ་དུ་རློག༔ བཅོལ་བའི་འཕྲིན་ལས་གྲུབ་པར་མཛོད༔ ཧཱུཾ་བྷྱོ། ཤར་རྡོ་རྗེ་རིགས་ཀྱི་ཕོ་ཉ་མོ༔ གཡས་ན་དུག་ཁྲག་ཟོར་འཕེན་མ༔ གཡས་པ་བཤན་པའི་མདའ་ཟོར་ཐོགས༔ གཡོན་པ་ཤེས་རབ་གཞུ་བདུངས་ལ༔ གཡས་པ་ཐབས་ཀྱི་ཟོར་རྒྱོབ་ཅིག༔ སྡང་བའི་དགྲ་ལ་མདའ་ཟོར་ཡ༔ གནོད་པའི་བགེགས་ལ་མདའ་ཟོར་ཡ༔ ཟ་བའི་འདྲེ་ལ་མདའ་ཟོར་ཡ༔ ཡས་ཀྱི་བདུད་གཡོས་དེ་རིང་བཟློག༔ མས་ཀྱི་སྲི་(༢ན)

― GLG025_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

ལངས་དེ་རིང་བཟློག༔ ཕ་ཚན་ནང་གི་རྒྱ་འདྲེ་དེ་རིང་བཟློག༔ ཉེ་བའི་བྱོལ་ཁ་དེ་རིང་བཟློག༔ གནམ་ལ་གཟའ་སྐར་ངན་པ་བཟློག༔ ས་ལ་ཞག་དུས་འདེབས་པ་བཟློག༔ ཉི་མ་རླུང་མལ་ངན་པ་བཟློག༔ ཟླ་བ་ཞག་དུས་ངན་པ་བཟློག༔ ཆོས་ཀྱི་ཆོས་ཟོར་ཐམས་ཅད་བཟློག༔ བོན་གྱི་བོན་ཟོར་ཐམས་ཅད་བཟློག༔ མོ་ངན་པྲ་ངན་ཐམས་ཅད་བཟློག༔ རྨི་ལྟས་མཚན་མ་ངན་པ་བཟློག༔ ཆགས་ཆེ་ཉམ་ང་ཐམས་ཅད་བཟློག༔ བྷྱོ། ལྷོ་རིན་ཆེན་རིགས་ཀྱི་ཕོ་ཉ་མོ༔ གཡས་པ་དུག་ཁྲག་ཟོར་འཕེན་མ༔ གཡོན་པ་ཡུགས་སའི་མེ་ཟོར་རྒྱོབ༔ གཡོན་པ་ཤེས་རབ་མེ་སྤོར་ལ༔ གཡས་པ་ཐབས་ཀྱི་ཟོར་རྒྱོབ་ཅིག༔ སྡང་བའི་དགྲ་ལ་མེ་ཟོར་ཡ༔ གནོད་པའི་བགེགས་ལ་མེ་ཟོར་ཡ༔ ཟ་བའི་འདྲེ་ལ་མེ་ཟོར་ཡ༔ ཡས་ཀྱི་བདུད་གཡོས་དེ་རིང་བཟློག༔ མས་ཀྱི་སྲི་ལངས་དེ་རིང་བཟློག༔ ཕ་ཚན་ནང་གི་རྒྱ་འདྲེ་དེ་རིང་བཟློག༔ ཉེ་བའི་བྱོལ་ཁ་དེ་རིང་བཟློག༔ གནམ་ལ་གཟའ་སྐར་ངན་པ་བཟློག༔ ས་ལ་ཞག་དུས་འདེབས་པ་བཟློག༔ ཉི་མ་རླུང་མལ་ངན་པ་(༢བ)

― GLG025_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག༔ ཟླ་བ་ཞག་དུས་ངན་པ་བཟློག༔ ཆོས་ཀྱི་ཆོས་ཟོར་ཐམས་ཅད་བཟློག༔ བོན་གྱི་བོན་ཟོར་ཐམས་ཅད་བཟློག༔ མོ་ངན་པྲ་ངན་ཐམས་ཅད་བཟློག༔ རྨི་ལྟས་མཚན་མ་ངན་པ་བཟློག༔ ཆགས་ཆེ་ཉམ་ང་ཐམས་ཅད་བཟློག༔ བྷྱོ། ནུབ་པདྨ་རིགས་ཀྱི་ཕོ་ཉ་མོ༔ གཡས་པ་དུག་ཁྲག་ཟོར་འཕེན་མ༔ གཡོན་པ་དམེ་བའི་རྡོ་ཟོར་རྒྱོབ༔ གཡོན་པ་རྡོ་ཡི་སྒྱོགས་འཕེན་མ༔ གཡས་པ་ཐབས་ཀྱི་ཟོར་ཕོངས་ཤིག༔ སྡང་བའི་དགྲ་ལ་རྡོ་ཟོར་ཡ༔ གནོད་པའི་བགེགས་ལ་རྡོ་ཟོར་ཡ༔ ཟ་བའི་འདྲེ་ལ་རྡོ་ཟོར་ཡ༔ ཡས་ཀྱི་བདུད་གཡོས་དེ་རིང་བཟློག༔ མས་ཀྱི་སྲི་ལངས་དེ་རིང་བཟློག༔ ཕ་ཚན་ནང་གི་རྒྱ་འདྲེ་དེ་རིང་བཟློག༔ ཉེ་བའི་བྱོལ་ཁ་དེ་རིང་བཟློག༔ གནམ་ལ་གཟའ་སྐར་ངན་པ་བཟློག༔ ས་ལ་ཞག་དུས་འདེབས་པ་བཟློག༔ ཉི་མ་རླུང་མལ་ངན་པ་བཟློག༔ ཟླ་བ་ཞག་དུས་ངན་པ་བཟློག༔ ཆོས་ཀྱི་ཆོས་ཟོར་ཐམས་ཅད་བཟློག༔ བོན་གྱི་བོན་ཟོར་ཐམས་ཅད་བཟློག༔ མོ་ངན་པྲ་ངན་ཐམས་ཅད་བཟློག༔ རྨི་ལྟས་མཚན་མ་ངན་པ་བཟློག༔ ཆགས་ཆེ་ཉམ་ང་ཐམས་ཅད་བཟློག༔ བྷྱོ། བྱང་ལས་ཀྱི་རིགས་ཀྱི་ཕོ་ཉ་མོ༔ གཡས་པ་དུག་ཁྲག་ཟོར་འཕེན་མ༔ གཡོན་པ་དམེ་བའི་རྡོ་ཟོར་རྒྱོབ།གཡོན་པ་རྡོ་ཡེ་སྒྱོགས་འཕེན་མ། གཡས་པ་ཐབས་ཀྱི་ཟོར་ཕོངས་ཤིག༔ སྡང་བའི་དགྲ་ལ་ཐུན་ཟོར་ཡ༔ གནོད་པའི་བགེགས་ལ་ཐུན་ཟོར་ཡ༔ ཟ་བའི་འདྲེ་ལ་ཐུན་ཟོར་ཡ༔ ཡས་ཀྱི་བདུད་གཡོས་དེ་རིང་བཟློག༔ མས་ཀྱི་སྲི་ལངས་དེ་རིང་བཟློག༔ ཕ་ཚན་ནང་གི་རྒྱ་འདྲེ་དེ་རིང་བཟློག༔ ཉེ་བའི་བྱོལ་ཁ་དེ་རིང་བཟློག༔ (༣ན)

― GLG025_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ལ་གཟའ་སྐར་ངན་པ་བཟློག༔ ས་ལ་ཞག་དུས་འདེབས་པ་བཟློག༔ ཉི་མ་རླུང་མལ་ངན་པ་བཟློག༔ ཟླ་བ་ཞག་དུས་ངན་པ་བཟློག༔ ཆོས་ཀྱི་ཆོས་ཟོར་ཐམས་ཅད་བཟློག༔ བོན་གྱི་བོན་ཟོར་ཐམས་ཅད་བཟློག༔ མོ་ངན་པྲ་ངན་ཐམས་ཅད་བཟློག༔ རྨི་ལྟས་མཚན་མ་ངན་པ་བཟློག༔ ཆགས་ཆེ་ཉམ་ང་ཐམས་ཅད་བཟློག༔ ཅེས་བརྗོད། མངྒ་ལཾ།། །།

བརྟན་བཞུགས་ཀྱི་ཆོག་སྒྲིགས་རབ་བརྟན་རྡོ་རྗེའི་འཕྲེང་བ།

― GLG025_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་བཞུགས་ཀྱི་ཆོག་སྒྲིགས་རབ་བརྟན་རྡོ་རྗེའི་འཕྲེང་བ་བཞུགས་སོ། །

― GLG025_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་མྲྀ་ཏཱ་ཡུརྡཱི་རྒྷ་སྱ་སིདྡྷི་རསྟུ། འཆི་མེད་གྲུབ་པའི་དཔལ་སྟེར་ཚེ་དཔག་མེད། །གཉིས་མེད་ཚེ་དཔག་རིགས་འཛིན་པདྨ་འབྱུང་། །གཏེར་སྟོན་དངོས་གྲུབ་རྒྱལ་མཚན་བརྒྱུད་པར་བཅས། །མཁྱེན་བརྩེ་ནུས་པས་དོན་གཉིས་ལྷུན་གྲུབ་མཛོད། །རིགས་འཛིན་ཆེན་པོ་རྒོད་ཀྱི་ལྡེམ་ཕྲུ་ཅན་གྱིས་ཟང་ཟང་ལྷ་བྲག་ནས་གདན་དྲངས་པའི་ཚེ་སྒྲུབ་ལོངས་སྐུ་མའི་སྒྲུབ་ཐབས་ལ་བརྟེན་པའི་ལས་བྱང་སྒྲུབ་མཆོག་སོགས་ཀྱི་སྐབས་ཉེ་བར་མཁོ་བར་མ་ཟད་དབང་ཚིག་བླ་མ་སྡེ་བདག་སོགས་ཀྱི་བརྟན་བཞུགས་ལའང་ཁ་བསྒྱུར་ཆོག་པའི་གསུང་རྒྱུན་རྡོ་རྗེ་འཆང་མགོན་པོ་བསོད་ནམས་མཆོག་ལྡན་གྱི་གསུང་ལས་ཉེ་བར་ཐོས་པ་ལྟར་ཆུ་བབས་སུ་བཀོད་པ་ནི། བླ་མ་དྲག་པོ་རྩལ་དང་གཏེར་སྲུང་རྣམས་ཀྱི་མཆོད་གཏོར་སྨན་རཀ་ཚོགས་རྫས། ཁྱད་པར་ཚེ་དཔག་མེད་ཀྱི་དཀྱིལ་འཁོར་རབ་རྡུལ་ཚོན། འབྲིང་རས་བྲིས། ཐ་མའང་ཚོམ་བུ་ལ་བརྟེན་པ། མཆོད་གཏོར་ལྔ་དམར་པོ། ཚེ་བུམ་མགུལ་ཆིངས་དཀར་པོ། ཚེ་འབྲང་། ཚེ་མདའ། སྙིང་པོ་ལྔ། ཚེ་(༢ན)

― GLG025_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

ཟན་ལྔ། ཚེ་ཆང་། བཀྲ་ཤིས་རྟགས་བརྒྱད། རྒྱལ་སྲིད་སྣ་བདུན། བཀྲ་ཤིས་རྫས་བརྒྱད། སྟན་དཀར་རྡོ་རྗེའི་རི་མོ་ཅན། རོལ་མོ་སོགས་མཁོ་བའི་ཡོ་བྱད་ཐམས་ཅད་མངོན་པར་འདུ་བྱས་ཏེ་རིགས་འཛིན་བརྒྱུད་པའི་ཕྱག་ལེན་ལྟར་བཤམ། རྡོ་རྗེའི་མཆེད་ལྕམ་རྣམས་ཚོགས་གྲལ་ལ་འཁོད་ནས་ཐོག་མར་ཐུགས་སྒྲུབ་དྲག་པོ་རྩལ་གྱི་ལས་བྱང་གཞུང་བསྲང་། ཚོགས་ལ་སླེབས་པའི་མཚམས་སུ་སྤྱིར་རྙིང་མའི་དཀྱིལ་ཆོག་རྣམས་ལ་བདག་མདུན་སོ་སོར་མི་མཛད་པ་མང་ཡང་འདི་དང་ལྕགས་སྡོང་མ་གཉིས་ལ་བདག་མདུན་སོ་སོར་མཛད་པའི་ཕྱག་ལེན་འདུག་པས་ཚེའི་བར་ཆད་བསྲུང་པའི་ཕྱིར་མཚམས་བཅད་པ་ནི། ཧྲཱིཿ བདག་ཉིད་རྟ་མགྲིན་དམར་པོ་རབ་ཁྲོས་པ། །ཞལ་གཅིག་ཕྱག་གཉིས་སྤྱན་གསུམ་སྡང་མིག་གཟིགས། །ཞལ་གདངས་མཆེ་གཙིགས་སྨིན་མ་སྨ་ར་འཁྱུག །དབུ་སྐྲ་ཁམ་ནག་གྱེན་དུ་བརྫེས་པ་ཡི། །སྤྱི་གཙུག་རྟ་མགོ་ལྗང་གུ་རྔོག་མ་དམར། །ཕྲུམ་ཕྲུམ་སེར་པོ་ཞུར་དཀར་རྟ་སྐད་འཚེར། །ཕྱག་གཡས་ཙནྡན་བེ་ཅོན་ནམ་མཁའ་ལ། །ཕྱར་ནས་གཟུགས་ཁམས་འདེགས་(༢བ)

― GLG025_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་གཡོན་པ་ཡིས། །སྡིགས་མཛུབ་དང་བཅས་འདོད་ཁམས་ཟིལ་གྱིས་གནོན། །དུར་ཁྲོད་ཆས་བརྒྱད་སྦྲུལ་དང་རིན་ཅེན་རྒྱན། །རི་རབ་སྟེགས་བཅས་ཞབས་གཉིས་དོར་སྟབས་ཀྱིས། །པདྨ་ཟླ་ཉི་རུ་དྲ་བརྫིས་པའི་སྟེང་། །གར་དགུའི་ཉམས་ཀྱི་རོལ་པས་འགྱིང་པའི་སྐུ། །ཡེ་ཤེས་མེ་དཔུང་འབར་བའི་ཀློང་ན་བཞུགས། ཧྲཱིཿང་ནི་པདྨ་ཧེ་རུ་ཀའི༔ ཐུགས་ལས་སྤྲུལ་པའི་ཁྲོ་བོའི་རྒྱལ༔ རྟ་མགྲིན་དབང་གི་རྒྱལ་པོ་སྟེ༔ ཁྲོ་བོ་ཀུན་གྱི་ཕོ་ཉ་ཡིན༔ སྤྱི་གཙུག་རྟ་སྐད་ཐེངས་གསུམ་གྱིས༔ འཇིག་རྟེན་སྲིད་པའི་རྩེ་མོ་འདར༔ བར་དུ་ཧྲཱིཿཡི་རྔམ་སྒྲ་ཡིས༔ ལྷ་མིན་གནོད་སྦྱིན་སྲིན་པོ་བརྒྱལ༔ འོག་ཏུ་ཞབས་ཀྱིས་བྲོ་བརྡུང་པས༔ ས་གཞི་རྒྱ་མཚོ་འཆོལ་ཞིང་ལྡེག༔ སྐུ་ལ་བསྐལ་པའི་མེ་འབར་བས༔ དྲེགས་པ་སྡེ་བརྒྱད་མ་ལུས་བསྲེག༔ ང་ཉིད་དབང་གི་རྒྱལ་པོ་ཡིན༔ ང་ཡི་བཀའ་ལས་སུ་འདའ་བ༔ ཐལ་བ་བཞིན་དུ་བརླག་པར་བྱའོ༔ ཨཱོཾ་པདྨཱནྟ་ཀྲྀ་ཏ་མ་ཧཱ་ཀྲོ་དྷ་ཧ་ཡ་གྲཱི་ཝ་ཧྲཱིཿདབང་ཧུ་ལུ་ཧུ་ལུ་ཧཱུཾ་ཕཊ༔ ཨ་ཡ་མ་ཙ་དུ་ནཱ་ག་ཕུ་ཏྲ་རགྨོ་ཡགྨོ་ཡགྴ༔ ཧཾ་ཤཱ་ན་སརྦ་དུ་ཥྚ་ན་མཱ་ར་ཡ་ཕཊ༔ སྐུ་ལས་མེ་འབར་འཇིག་རྟེན་ཁམས་ཀུན་བསྲེགས། །གནས་ལྔ་རྟ་མཆོག་འཇའ་འོད་ལྟར་འཁྲུགས་པས། །ཁྲོ་མཚོན་རྡོ་རྗེ་མེ་ཡི་གུར་ཁང་གི །སྲུང་བའི་འཁོར་ལོ་བར་མཚམས་མེད་པར་གྱུར༔ བདག་བསྐྱེད་ནི། ཨཱོཾ་སྭ་བྷཱ་ཝ་ཤུདྡྷཱཿསརྦ་དྷརྨཱཿསྭ་བྷཱ་ཝ་ཤུདྡྷོ྅ཧཾ། མ་བཅོས་ཤེས་པ་སོ་མའི་ངང་ཉིད་ལས། །རང་ཉིད་ཚེ་དཔག་མེད་མགོན་སྐུ་མདོག་དམར། །ཞལ་གཅིག་ཕྱག་གཉིས་ཞབས་གཉིས་སྐྱིལ་ཀྲུང་བཞུགས། །ཞལ་འཛུམ་ཤངས་(༣ན)

― GLG025_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་གཟེངས་མཐོ་སྤྱན་དཀྱུས་རིང་། །སྙན་གཤོག་རྒྱས་ཤིང་གནག་སྣུམ་ཐོར་ཚུགས་ཅན། །ཕྱག་གཡས་པདྨའི་སྡོང་པོ་ཐུགས་ཀར་འཛིན། །གཡོན་པ་མཉམ་གཞག་ཚེ་བུམ་དཀར་པོ་བསྣམས། །དབུ་རྒྱན་སྙན་རྒྱན་མགུར་ཆུ་དོ་ཤལ་འཕྲེང་། །དཔུང་རྒྱན་སེ་མོ་དོ་དང་ཕྱག་ཞབས་གདུབ། །དར་གྱི་ཅོད་པན་སྟོད་གཡོགས་གསང་བའི་གོས། །ཤམ་ཐབས་སྐ་རགས་ཞི་རྒྱན་བཅུ་གསུམ་སྤྲས། །མཉེན་ལྕུག་འཁྲིལ་ལྡེམ་གསལ་འཚེར་གཞོན་ནུའི་ཚུལ། །ལྷུན་སྡུག་གཟི་བྱིན་ཞི་བའི་ཚུལ་དགུའི་དང་། །ལྷན་ནེ་ལྷང་ངེ་ལྷམ་མེ་འོད་དུ་འབར། །ཐུགས་ཀར་ཟླ་སྟེང་ཧཱུཾ་ཡིག་དམར་པོ་ལས། །འོད་འཕྲོས་སེམས་ཅན་དོན་བྱས་རྒྱལ་ཀུན་མཆོད། །ཐུགས་དམ་རྒྱུད་བསྐུལ་བྱིན་རླབས་ཚུར་འདུས་ཐིམ། །སྐད་ཅིག་བྷྲུཾ་ལས་རིན་ཅེན་གཞལ་ཡས་ཁང་། །གྲུ་བཞི་སྒོ་བཞི་རྟ་བབས་དྲ་བ་དང་། །དྲ་ཕྱེད་ཤར་བུ་ལ་སོགས་རྒྱན་རྫོགས་དང་། །པདྨ་འདབ་བཞིའི་ལྟེ་བར་བདག་ཉིད་ནི། །ལྷར་གསལ་ངང་ནས་ཐུགས་ཀའི་ཧཱུཾ་དམར་ལས། །འོད་ཟེར་ཕྱོགས་བཅུར་འཕྲོས་པས་དུས་གསུམ་གྱི། །སངས་རྒྱས་སྲས་དང་བཅས་པ་མ་ལུས་པ། །འོག་མིན་གནས་ནས་སྤྱན་དྲངས་བདག་ལ་ཐིམ། །བདག་ཉིད་འོད་ལྔའི་རང་བཞིན་བཀྲག་མདངས་རྒྱས། །ཐུགས་ཀར་ཉི་ཟླའི་གའུ་སེན་གང་སྟེང་། །རིན་ཅེན་ལྔ་ལས་གྲུབ་པའི་རྩེ་ལྔ་པ། །ལྟེ་བའི་དབུས་སུ་ཡི་གེ་ཎི་ལྗང་གུ། ཁ་དོག་བཞི་ལྡན་ཧཱུཾ་གིས་རབ་བསྐོར་བ། །དེའི་ཕྱིར་རྡོ་རྗེའི་ལྟེ་བའི་མཐའ་སྐོར་དུ། །གསེར་གྱི་མདོག་ཅན་ཚེ་ཡི་སྙིང་པོས་བསྐོར། །དེ་ནས་ཚེ་གཟུངས་རྒྱུན་མི་ཆད་པར་བཟླ་ཞིང་དམིགས་པ་ལ་ནན་ཏན་བྱ། །རཾ་ལས་(༣བ)

― GLG025_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་འཕྲོས་ཕྱོགས་བཞིའི་ཧཱུཾ་ལ་ཕོག །ཧཱུཾ་ལས་འོད་འཕྲོས་རྡོ་རྗེའི་རྩེ་ལ་ཕོག །རྡོ་རྗེ་ལས་འཕྲོས་སྔགས་ཀྱི་འཁོར་ལོར་ཕོག །དེ་ལས་འོད་འཕྲོས་རིན་ཅེན་ཟུར་བརྒྱད་ཐུགས། །དེ་ལས་སྣོད་བཅུད་འཇིག་རྟེན་ལ་ཕོག་པས། །ཚེ་ལ་གནོད་པའི་བར་ཆད་ཐམས་ཅད་བསྒྲལ། །བདག་ལ་ཕོག་པས་བཀྲག་མདངས་རྒྱས་པར་གྱུར། །ཞེས་དམིགས་པ་དང་བཅས་ཏེ་ཉམས་སུ་བླངས་པས་ཚེ་ཉི་ཟླ་དང་མཉམ་པ་ལྟ་བུར་འགྱུར་རོ། །མདུན་བསྐྱེད་ཀྱི་རིམ་པ་ནི། ཨཱོཾ་སྭ་བྷཱ་ཝ་ཤུདྡྷཿསརྦ་དྷརྨཱ་ཿསྭ་བྷཱ་བ་ཤུདྡྷོ྅ཧཾ། བྷྲཱུཾ་ཡིག་དཀར་པོ་འོད་དུ་ཞུ་བ་ལས། །ཚེ་བུམ་དབྱིངས་ཟླུམ་ལྟོ་ཆེ་མཆུ་འཕྱང་བ། ཁ་གཡེལ་ཞབས་ཞུམ་མགྲིན་ཕྲ་རྒྱན་གྱིས་སྤྲས། །འོད་ཟེར་ཁ་དོག་ལྔ་ལྡན་འཕྲོ་བར་གྱུར། །བྷྲཱུཾ་བི་ཤྭ་བི་ཤུདྡྷེ་བནྡྷ་ཙཀྲ་ཛྙཱ་ན་མཎྜལ་ཧཱུཾ། བུམ་ནང་ཨ་དཀར་ལས་བྱུང་བདུད་རྩིའི་ཆུ། །འཁྱིལ་སྟེང་རིན་ཅེན་ལས་གྲུབ་གཞལ་ཡས་ཁང་། །ཕྱོགས་བཞི་དཀར་སེར་དམར་ལྗང་དབུས་དམར་སྨུག །གྲུ་བཞི་སྒོ་བཞི་རྩིག་པ་ལྔ་ཡི་སྟེང་། །ཕ་གུ་སེར་པོ་དྲ་བ་དྲ་ཕྱེད་དང་། །མདའ་ཡབ་པུ་ཤུ་ཤར་བུ་རྟ་བབས་བཞི། །ཆོས་འཁོར་རི་དགས་སྣ་ཚོགས་རྒྱན་གྱིས་སྤྲས། །འདོད་པའི་སྣམ་བུར་ལྷ་མོ་མཆོད་པ་འབུལ། །དེ་དབུས་པདྨ་འདབ་བཞིའི་ལྟེ་བ་རུ། །ཧྲཱིཿ ཡིག་དཀར་ལས་མགོན་པོ་ཚེ་དཔག་མེད། །དཀར་པོ་ཞལ་གཅིག་ཕྱག་གཉིས་མཉམ་བཞག་གིས། །ཚེ་བུམ་འཛིན་ཞིང་རྡོ་རྗེ་སྐྱིལ་ཀྲུང་སྟེང་། །གོས་དཀར་ལྷ་མོ་པདྨའི་སྐྱིལ་ཀྲུང་གིས། །མཉམ་སྦྱོར་གཉིས་ཀ་ཞི་རྒྱན་བཅུ་གསུམ་སྤྲས། །ཞི་ཚུལ་དགུ་ལྡན་འགྱིང་བག་གར་གྱིས་བཞུགས། །ཤར་གྱི་འདབ་མའི་སྟེང་(༤ན)

― GLG025_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ལཱ་སྱ་མ། །དཀར་མོ་མེ་ལོང་ཤེལ་གྱི་བུམ་པ་བསྣམས། །ལྷོ་ཡི་འདབ་མར་མཱ་ལྱཱ་སྔོན་མོ་ནི། །རཏྣའི་ཕྲེང་བ་མཐིང་གི་བུམ་པ་བསྣམས། །ནུབ་ཀྱི་འདབ་མར་གཱི་ཏཱི་དམར་མོ་ནི། །པི་ཝཾ་བརྡུང་ཞིང་བྱུ་རུའི་བུམ་པ་བསྣམས། །བྱང་གི་འདབ་མར་ནིརྟི་ལྗང་གུ་མ། །གར་གྱི་ཕྱག་རྒྱ་དབང་སྔོན་བུམ་པ་བསྣམས། །ཤར་ལྷོའི་གྲུ་ཆད་དྷཱུ་པེ་དཀར་མོ་ནི། །སྤོས་ཀྱི་ཁང་པ་དུང་གི་བུམ་པ་བསྣམས། །ལྷོ་ནུབ་གྲུ་ཆད་པུཥྤེ་སེར་མོ་ནི། །མེ་ཏོག་གཞོང་པ་གསེར་གྱི་བུམ་པ་བསྣམས། །ནུབ་བྱང་གྲུ་ཆད་ཨཱ་ལོ་ཀེ་དམར་མོ། །མར་མེའི་ཀོང་བུ་བྱུ་རུའི་བུམ་པ་བསྣམས། བྱང་ཤར་གྲུ་ཆད་གནྡྷེ་ལྗང་གུ་མ། །དུང་ཆོས་ཨིནྡྲ་ནཱི་ལའི་བུམ་པ་བསྣམས། །ཤར་སྒོར་དཀར་མོ་སྒེག་མོ་ལྕགས་ཀྱུ་ཐོགས། །ལྷོ་སྒོར་སེར་མོ་སྒེག་བྱེད་ཞགས་པ་ཐོགས། །ནུབ་སྒོར་དམར་མོ་དབང་སྡུད་ལྕགས་སྒྲོག་ཐོགས། །བྱང་སྒོར་ལྗང་མོ་མགྱོགས་བྱེད་དྲིལ་བུ་ཐོགས། །ལྷ་མོ་བརྒྱད་པོ་ཞི་མཛེས་སེམས་སྐྱིལ་དང་། །སྒོ་སྲུང་བཞི་པོ་ཕྱག་གཡོན་བུམ་པ་བསྣམས། །ཅུང་ཟད་ཁྲོ་ཉམས་བརྐྱང་བསྐུམ་ཚུལ་བཞུགས་པ། །བཅུ་གཉིས་པོ་རྣམས་སྤྱན་གཉིས་གནག་སྣུམ་གྱི། །རལ་པའི་ཐོར་ཚུགས་ལྷག་མ་ཐུར་དུ་འཕྱང་། །རིན་ཅེན་རྒྱན་སྤྲས་དར་གྱི་སྟོད་གཡོགས་དང་། །ཤམ་ཐབས་སྐུ་ལས་འོད་ཟེར་དུ་མ་འཕྲོས། །སྤྱན་དྲང་བ་ནི། ཐུགས་ཀའི་ཧཱུཾ་ལས་འོད་འཕྲོས་པས༔ བདེ་བ་ཅན་གྱི་ཞིང་ཁམས་ནས༔ བཅོམ་ལྡན་མགོན་པོ་ཚེ་དཔག་མེད༔ སྔོན་ཚེ་ཐུགས་དམ་ཞལ་བཞེས་བཞིན༔ བདག་གི་གནས་འདིར་གཤེགས་སུ་གསོལ༔ ཨེ་ཧྱེ་ཧི་བྷ་ག་ཝན། མ་ཧཱ་ཀ་རུ་ཎི་ཀ་དྲྀ་(༤བ)

― GLG025_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

ཤྱ་ཧོཿ ཛཿཧཱུཾ་བཾ་ཧོཿ སྤྱན་དྲངས་ནས་བུམ་ནང་གི་ལྷ་ལ་བསྟིམ་མོ། །དེ་ནས། བཅོམ་ལྡན་མགོན་པོ་ཚེ་དཔག་མེད། ཡེ་ཤེས་ཆེན་པོ་གསལ་བའི་སྐུ༔ ཐུགས་རྗེས་འགྲོ་བའི་དོན་མཛད་པའི༔ མགོན་པོ་ཁྱེད་ལ་ཕྱག་འཚལ་ལོ༔ ན་མོ་པུ་རུ་ཤ་ཡ་ཧོ༔ ཞེས་ཕྱག་འཚལ་ལོ། །མཆོད་པ་འབུལ་བ་ནི། བདེ་བར་གཤེགས་སོ་ཚེ་དཔག་མེད༔ ཡེ་ཤེས་ཆེན་པོ་གསུང་གི་ལྷ༔ ཚེ་ཡི་ལྷ་ཚོགས་ཐམས་ཅད་ལ༔ ཀུན་བཟང་མཆོད་སྤྲིན་སྣ་ཚོགས་འབུལ༔ ཨརྒྷཾ་བདུག་སྤོས་མེ་ཏོག་དང་༔ མར་མེ་དྲི་ཆབ་མཆོད་པར་འབུལ༔ བྷ་ལིཾ་ཏ་ཡི་གཏོར་མ་འདི༔ འདོད་ཡོན་དྲུག་ཏུ་བྱིན་བརླབས་པ༔ ཡེ་ཤེས་ལྷ་ཚོགས་རྣམས་ལ་འབུལ༔ བསྙེན་པ་བྱ་བ་ནི། ཨཱོཾ་བཛྲ་ཛྙཱ་ན་ཨ་ཡུ་བ་ཤེ །ཧཱུཾ་བྷྲཱུཾ་ཎི་ཛཿ ཐུགས་ལས་འོད་འཕྲོས་བུམ་ནང་ལྷ་ཚོགས་མཆོད། །བདུད་རྩི་ཚུར་འདུས་ལུས་ཀྱི་ནང་ཀུན་གང་། །འོད་ཟེར་ཕར་འཕྲོས་ཡབ་ཡུམ་སྦྱོར་མཚམས་ནས། །བྱང་སེམས་དྲངས་ཏེ་རང་གི་ཐུགས་ཀར་ཐིམ། །ཟག་པ་མེད་པའི་བདེ་ཆེན་ཏིང་འཛིན་རྒྱས། །གོས་དཀར་ཉི་ཟླའི་སྟེང་དུ་ཚེའི་རང་བཞིན། དཀར་འཚེར་སྣུམ་འདྲིལ་དཀྱིལ་དུ་ཎི་ལྗང་གུ། །ཞལ་ནས་ཨཱ་ཡུ་རྫྙཱ་ན་བྷྲཱུཾ་ཞེས་སྒྲོག །ཐུགས་ནས་ལྷ་མོ་བཞི་དང་འོད་ཟེར་འཕྲོས། །ཨཱོཾ་ཨ་མུ་ཧ་ཧོཿ ལྷ་མི་སྡེ་བརྒྱད་རྣམས་ཀྱི་ཆེ་བཀྲག་དང་༔ ས་ཆུ་མེ་རླུང་འབྱུང་བའི་བཅུད་རྣམས་བསྡུས༔ ས་མ་ཡ་བྷོ་དྷི་ཙིཏྟ་བཛྲ་ཨཾ་ཀུ་ཤ་ཛ༔ ཆོས་སྐྱོང་གཏེར་སྲུང་འགོ་པའི་ལྷ་རྣམས་ཀྱིས༔ འཇིག་རྟེན་ཁམས་ཀྱི་ཚེ་ཡི་དངོས་གྲུབ་ཁུག༔ ཨཱོཾ་བཛྲ་ཨཱ་ཡུཿ ཤེ་ཨ་ཨ། (༥ན)

― GLG025_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

འཆི་བ་མེད་པ་ཚེ་ཡི་རང་བཞིན་གྱི། །དཀར་ལ་འོད་དུ་འཚེར་བའི་རྣམ་པ་ཅན། །སྐར་ཆེན་ཐང་ལ་ཕེབས་པ་ལྟ་བུ་ཞིག །ཚེ་ཡི་རྫས་རྣམས་ཀུན་ལ་ཐིམ་པར་གྱུར། །ཅེས་དམིགས་པའི་རིམ་པ་རྣམས་ལ་ནན་ཏན་དུ་བྱའོ། །དེ་ནས་གཟུངས་ཐག་ནས་བཟུང་ལ་ལྷ་བསྐུལ་པ་ནི། བཅོམ་ལྡན་ཡེ་ཤེས་མགོན་པོ་ཚེ་དཔག་མེད༔ ཐུགས་རྗེའི་དབང་གིས་འགྲོ་བའི་དོན་ལ་བྱོན། །མཁའ་དབྱིངས་རྣམ་དག་ཡུམ་གྱི་གཞལ་ཡས་སུ༔ བྱང་ཆུབ་སེམས་ཀྱི་བདུད་རྩི་འོད་དུ་འཕྲོ༔ ཚེ་དང་གཡང་སྤེལ་དབང་དང་བྱིན་ཕོབ་ཅིག །ཨཱོཾ་བཛྲ་ཛྙཱ་ན་ཨཱ་ཡུཿཤེ་ཧཱུཾ་བྷྲཱུཾ་ཎི་ཛ༔ ཞེས་བརྗོད་ཅིང་ཚེ་བཀུག་ལ་བསྟིམ་མོ། ཧཱུཾ། ཤར་གྱི་ཕྱོགས་ནས་ཚེ་འགུགས་མ༔ ལཱ་སྱེ་དཀར་མོ་ཚེ་ཡི་བདག༔ ཕྱག་ན་ཤེལ་གྱི་བུམ་པ་བསྣམས༔ བུམ་པའི་ནང་ནི་གཞལ་ཡས་ཁང་༔ ཕྱི་ནང་མེད་པར་གསལ་ལེར་གསལ༔ གཟུངས་ཐག་རྡོ་རྗེའི་ཚ་ཚ་འཕྲོ༔ པདྨ་མེ་ཏོག་མདངས་དང་ལྡན༔ ཤར་གྱི་ཕྱོགས་ནས་ཚེ་ཁུག་ཅིག༔ ཨཱོཾ་༴ ཧཱུཾ། ལྷོ་ཡི་ཕྱོགས་ནས་ཚེ་འགུགས་མ༔ མཱ་ལེ་སྔོན་མོ་ཚེ་ཡི་བདག༔ ཕྱག་ན་གསེར་གྱི་བུམ་པ་བསྣམས༔ བུམ་པའི་ནང་ནི་གཞལ་ཡས་ཁང་༔ ཕྱི་ནང་མེད་པར་གསལ་ལེར་གསལ༔ གཟུངས་ཐག་རྡོ་རྗེའི་ཚ་ཚ་འཕྲོ༔ པདྨའི་མེ་ཏོག་མདངས་དང་ལྡན༔ ལྷོ་ཡི་ཕྱོགས་ནས་ཚེ་ཁུག་ཅིག༔ ཨཱོཾ་༴ ཧཱུཾ། ནུབ་ཀྱི་ཕྱོགས་ནས་ཚེ་འགུགས་མ༔ གཱི་ཏི་དམར་པོ་ཚེ་ཡི་བདག༔ ཕྱག་ན་མཆོང་གི་བུམ་པ་བསྣམས༔ བུམ་པའི་ནང་ནི་གཞལ་ཡས་ཁང་༔ ཕྱི་ནང་མེད་པར་གསལ་ལེར་(༥བ)

― GLG025_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ༔ གཟུངས་ཐག་རྡོ་རྗེའི་ཚ་ཚ་འཕྲོ༔ པདྨའི་མེ་ཏོག་མདངས་དང་ལྡན༔ ནུབ་ཀྱི་ཕྱོགས་ནས་ཚེ་ཁུག་ཅིག༔ ཨཱོཾ་༴ ཧཱུཾ། བྱང་གི་ཕྱོགས་ནས་ཚེ་འགུགས་མ༔ ནི་རྟི་ལྗང་གུ་ཚེ་ཡི་བདག༔ ཕྱག་ན་གཡུ་ཡི་བུམ་པ་བསྣམས༔ བུམ་པའི་ནང་ནི་གཞལ་ཡས་ཁང་༔ ཕྱི་ནང་མེད་པར་གསལ་ལེར་གསལ༔ གཟུངས་ཐག་རྡོ་རྗེའི་ཚ་ཚ་འཕྲོ༔ པདྨའི་མེ་ཏོག་མདངས་དང་ལྡན༔ བྱང་གི་ཕྱོགས་ནས་ཚེ་ཁུག་ཅིག༔ ཨཱོཾ་༴ ཧཱུཾ། ལུས་ཀྱི་ཤ་ཡི་ཁམས་ཉམས་ན༔ འབྱུང་བ་ས་ཡི་བཅུད་བསྡུས་ལ༔ སངས་རྒྱས་སྤྱན་གྱིས་ཚེ་ཁུག་ཅིག༔ བདག་ལ་ཚེ་ཡི་དངོས་གྲུབ་སྩོལ༔ ཨཱོཾ་༴ ཧཱུཾ། ལུས་ཀྱི་ཁྲག་གི་ཁམས་ཉམས་ན༔ འབྱུང་བ་ཆུ་ཡི་བཅུད་བསྡུས་ལ༔ མཱ་མ་ཀི་ཡིས་ཚེ་ཁུག་ཅིག༔ བདག་ལ་ཚེ་ཡི་དངོས་གྲུབ་སྩོལ༔ ཨཱོཾ་༴ ཧཱུཾ། ལུས་ཀྱི་དྲོད་ཀྱི་ཁམས་ཉམས་ན༔ འབྱུང་བ་མེ་ཡི་བཅུད་བསྡུས་ལ༔ གོས་དཀར་མོ་ཡི་ཚེ་ཁུག་ཅིག༔ བདག་ལ་ཚེ་ཡི་དངོས་གྲུབ་སྩོལ༔ ཨཱོཾ་༴ ཧཱུཾ། ལུས་ཀྱི་དབུགས་ཀྱི་ཁམས་ཉམས་ན༔ འབྱུང་བ་རླུང་གི་བཅུད་བསྡུས་ལ༔ དམ་ཚིག་སྒྲོལ་མས་ཚེ་ཁུག་ཅིག༔ བདག་ལ་ཚེ་ཡི་དངོས་གྲུབ་སྩོལ༔ ཨཱོཾ་༴ ཧཱུཾ། འབྱུང་བ་ས་ཡི་ཞིང་ཁམས་ནས༔ རྡོ་རྗེ་ཚེ་མཆོག་འགུགས་པའི་ལས་མཛད་མ༔ དཀར་མོ་མགྱོགས་མ་ཞི་བྱེད་འོད་འཕྲོའི་ཚོགས༔ འགྲོ་བ་ཡོངས་ཀྱི་ཚེ་ལ་དབང་སྒྱུར་ལ༔ ཤར་ཕྱོགས་སྣོད་བཅུད་ཀུན་གྱི་ཚེ་ཁུག་ཅིག༔ ཨཱོཾ་༴ ཧཱུཾ། འབྱུང་བ་ཆུ་ཡི་༴ རིན་ཅེན་༴ སྔོན་མོ་མགྱོགས་མ་རྒྱས་བྱེད་༴ འགྲོ་བ་༴ ལྷོ་ཕྱོགས་༴ ཨཱོཾ་༴ ཧཱུཾ། འབྱུང་བ་མེ་ཡི་༴ པདྨ་༴ དམར་མོ་མགྱོགས་མ་དབང་(༦ན)

― GLG025_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུད་༴ འགྲོ་བ་༴ ནུབ་༴ ཨཱོཾ་༴ ཧཱུཾ། འབྱུང་བ་རླུང་༴ འཕྲིན་ལས་༴ ལྗང་མོ་མགྱོགས་མ་གྲུབ་བྱེད་༴ འགྲོ་བ་༴ བྱང་༴ ཨཱོཾ་༴ ཞེས་ཚེ་འགུགས་པའི་ཆོ་ག་བྱ། ཚེ་བསྟིམ་པ་ནི། ཧཱུཾ། སྲིད་པ་གསུམ་གྱི་ཚེ་བཀུག་རྣམས༔ ཡི་གེ་བྷྲཱུཾ་ལ་བསྟིམ་པར་བྱ༔ བྷྲཱུཾ་དེ་འོད་དུ་ཞུ་བ་ལས༔ ཚེ་ཡི་བུམ་པ་ཉིད་ལ་བསྟིམ༔ བུམ་པའི་ནང་གི་འོད་ཟེར་རྣམས༔ འབྱུང་བའི་སྙིང་པོ་ལྔ་ལ་བསྟིམ༔ སྙིང་པོ་ལྔ་ཡི་བཀྲག་མདངས་རྣམས༔ ལྷ་ཡི་སྙིང་པོ་ལྔ་ལ་བསྟིམ༔ ཨཱོཾ་ཨཱཿཧཱུཾ་སྭཱ་ཧཱ། ཡི་གེ་དཔའ་བོ་འབྲུ་ལྔ་པོ༔ བདག་གི་སྙིང་གར་ཐིམ་པ་ཡིས༔ སྙིང་ནང་འོད་ཀྱི་ཁང་བུར་གྱུར༔ ས་མ་ཡ་ཏིཥྛ་ལྷན། ཚོགས་མཆོད་ཐུགས་སྒྲུབ་གཞུང་ལྟར་དང་། ཨཱོཾ་ཨཱཿཧཱུཾ་ཨཱ་ཡུ་རྫྙཱ་ན་དེ་ཝ་ཌཱ་ཀཱི་ནི་མ་ཧཱ་བྷ་ལིཾ་ཏ་ཁཱ་ཧི། ཞེས་འབུལ། དམག་ཟོར་མ། བཀའ་སྲུང་བརྒྱད་མཆོད། རྒྱལ་བཙན་གཞི་བདག་གི་གཏོར་མ་རྣམས་བསྔོ། དེ་ནས་བརྟན་བཞུགས་དངོས་བྱ་བ་ནི། གང་ལ་བྱ་བའི་ཡུལ་དེ་རོལ་མོ་དང་བཅས་ཏེ་གནས་ཁང་དུ་གདན་དྲངས། གདན་ཁྲི་ལ་བཞུགས་སུ་གསོལ། བསུན་བཟློག་རྒྱས་པ་མེད་པའི་དུས་ལྷ་བཙུན་ཀུན་བཟང་རྣམ་རྒྱལ་གྱི་རིགས་ལྔའི་བསུན་བཟློག་གསང་མཆོད་གདོད་དབྱིངས་མ་ལེན། བརྟན་བཞུགས་འབུལ་ཡུལ་དེ་སྭ་བྷཱ་ཝས་སྦྱངས། སེང་ཁྲི་རྡོ་རྗེས་མཚན་པའི་གདན་སྟེང་དུ། ཧྲཱིཿ ལས་རྡོ་རྗེ་སློབ་དཔོན་ཚེ་དཔག་མེད། །དཀར་པོ་ཞལ་གཅིག་ཕྱག་གཉིས་ཚེ་བུམ་བསྣམས། །གོས་དཀར་ཡུམ་དང་གཉིས་སུ་མེད་པར་གྱུར། །བརྟན་བཞུགས་ཀྱི་ཡུལ་དཀྱིལ་འཁོར་གྱི་གཙོ་བོར་བྱེད་པ་སྔོན་ཆད་ཕྱག་ལེན་གྱི་རྒྱུན་ལ་མི་འདུག་ཀྱང་བྱས་ན་འབྲེལ་(༦བ)

― GLG025_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་ཤིང་ལེགས་པར་མངོན་ལ། དེ་ལྟར་ལེགས་ཞེས་འཇམ་དབྱངས་ཆོས་ཀྱི་རྒྱལ་པོ་ཡང་གསུང་། རིགས་འཛིན་བརྒྱུད་པ་བསྐུལ་བ་ནི། གནས་འོག་མིན་ཆོས་ཀྱི་དབྱིངས་ནས་རང་གི་སྤྱི་གཙུག་ཡན་ཆད་བླ་མ་བརྒྱུད་པས་ཁེངས་པར་བསམས་ཤིང་། དེ་ཐམས་ཅད་ཀྱི་ཕྱག་ན་ཚེའི་བུམ་པ་རེ་བསྣམས་པ། འཁོར་མཁའ་འགྲོ་མང་པོ་ལུས་ཀྱི་གར་བེད་ཤིགས་སེ་ཤིག༔ ངག་གི་འཛབ་དང་སྙིང་པོ་དིར་རི་རི་འདྲེན་པར་བསམས་ལ་ཐམས་ཅད་ཀྱིས་མགྲིན་གཅིག་ཏུ་གསོལ་བ་འདི་ལྟར་གདབ་བོ། །ཨཱོཾ་རྡོ་རྗེ་འཆང་གནས་གསར་བའི་ཕྱག་ལེན་ལ་མི་མཛད་ཀྱང་བཀྲ་བཟང་པའི་ལུགས་ལ་འདུག་པ་འཐད་ལེགས་སུ་སྤྲུལ་སྐུ་གཏེར་བདག་གླིང་པ་གསུང་། ཨཱཿཧཱུཾ། ཨཱོཾ་བཛྲ་ཛྙཱ་ན་ཨཱཿཡུཿཤེ་ཧཱུཾ་བྷྲཱུཾ་ཎི་ཛཿ འོག་མིན་ཆོས་དབྱིངས་ཕོ་བྲང་ནས། །ཡེ་ཤེས་སྣང་བ་ལམ་མེ་པ། །ཀུན་ཏུ་བཟང་པོའི་དུས་ལ་བབ། །འཆི་མེད་ཚེ་ཡི་དངོས་གྲུབ་སྩོལ། །ཨཱོཾ་ཨཱཿཧཱུཾ་ཨཱོཾ་བཛྲ་ཛྙཱ་ན་ཨཱཿཡུཿཤེ་༴ པདྨ་དབང་གི་ཞིང་ཁམས་ནས། །ཡེ་ཤེས་ཡེ་ཤེས་འབྱུང་གནས་ཆེ། །སྣང་བ་མཐའ་ཡས་༴ འཆི་མེད་༴ ཨཱོཾ་༴ བདེ་བ་ཅན་གྱི་ཞིང་ཁམས་ནས། །འཆི་མེད་དབང་པོ་ལྷའི་བླ་མ། །ཚེ་དཔག་མེད་མགོན་༴ འཆི་མེད་༴ ཨཱོཾ་༴ འཛམ་བུ་གླིང་གི་གནས་བརྒྱད་ནས། །དཔལ་ལྡན་སངས་རྒྱས་པདྨ་སྐྱེས། །པདྨ་འབྱུང་གནས་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །གསུམ་རིག་གཙང་མ་དག་པ་སྟེ། །པདྨ་སཾ་བྷའི་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །མཁས་པ་སྒྱུ་འཕྲུལ་ཆེན་པོ་འཆང་། །བློ་ལྡན་མཆོག་སྲེད་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །འཁོར་ལོས་སྒྱུར་བ་སྟོབས་པོ་ཆེ། །པདྨ་རྒྱལ་པོའི་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །ཐུབ་པ་ཆེན་པོ་ཐུབ་ཆེན་ལྡན། །ཤཱཀྱ་སེང་གེའི་དུས་༴ འཆི་མེད་༴ ཨཱོཾ་༴ རིགས་འཛིན་ཚེ་(༧ན)

― GLG025_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་ཞིང་ཁམས་ནས། །ཉི་མ་འཆར་ཀའི་དཀྱིལ་ལྟར་མཛེས། །ཉི་མ་འོད་ཟེར་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །བདག་མེད་སེང་གེའི་སྒྲ་དང་ལྡན། །སེང་གེ་སྒྲ་སྒྲོག་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །རྡོ་རྗེ་འཇིགས་བྱེད་འཇིགས་པར་བྱེད། །རྡོ་རྗེ་གྲོ་ལོད་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །ཆོས་དབྱིངས་སྣང་བ་ཟད་མི་ཤེས། །མཁའ་འགྲོ་འཚོ་རྒྱལ་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །སྨོན་ལམ་ཡེ་ཤེས་རྒྱ་མཚོ་སྟེ། །གཏེར་སྟོན་ཡབ་སྲས་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །ཐེག་པ་མཆོག་གསུམ་སྟོན་པ་པོ། །རྡོ་རྗེའི་མཚན་ཅན་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །བྱམས་ཆེན་རང་བཞིན་དཔག་ཏུ་མེད། །བྱམས་པ་བཤེས་གཉེན་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །སངས་རྒྱས་སྐུ་ལྔའི་བདག་ཉིད་ཅན། །སངས་རྒྱས་དཔལ་བཟང་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །ཁྱབ་བདག་ཡེ་ཤེས་ལྔ་ཡི་བདག །ཆོས་རྒྱལ་བསོད་ནམས་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །ཆོས་ཀྱི་རྒྱལ་མཚན་ལེགས་པར་འཛུགས། །སངས་རྒྱས་བསྟན་པའི་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །ཆོས་ཀྱི་དབང་ཕྱུག་ཆོས་ཀྱི་རྒྱལ། དཀོན་ཅོག་བཟང་པོའི་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །མགོན་པོ་རིགས་མཆོག་ཆེན་པོ་སྟེ། །ཚར་ཆེན་ཆོས་རྗེའི་༴ (༧བ)

― GLG025_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །སྔགས་མཆོག་སྔགས་བདག་རིག་སྔགས་རྒྱལ། །མཁྱེན་བརྩེའི་དབང་ཕྱུག་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །བླ་མ་གསང་སྔགས་ཆེ་བའི་མཆོག །དབང་ཕྱུག་རབ་བརྟན་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །མགོན་པོ་ས་བཅུའི་དབང་ཕྱུག་སྟེ། །བསོད་ནམས་མཆོག་ལྡན་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །མཆོག་གི་དང་པོ་སྐུ་གསུམ་འཆང་། །ཆོས་དབྱིངས་རང་གྲོལ་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །ཤེས་རབ་ཡེ་ཤེས་མེ་བོ་ཆེ། །པདྨ་འཕྲིན་ལས་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །འགྲོ་བའི་མར་མེ་ཡེ་ཤེས་སྒྲོན། །གཏེར་བདག་གླིང་པའི་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །སངས་རྒྱས་ལྔ་བདག་ཅོད་པཎ་ཅན། །ཟིལ་གནོན་བཞད་རྩལ་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །རྡོ་རྗེ་ལྕགས་ཀྱུ་ཞགས་པ་ཆེ། །སྒོ་མ་བཞི་ཡི་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །ཤུགས་ཆེན་མགྱོགས་པ་ཆེན་པོ་སྟེ། །ཕོ་ཉ་མེད་པའི་༴ འཆི་མེད་༴ ཨཱོཾ་༴ རིགས་འཛིན་ཚེ་ཡི་ཞིང་ཁམས་ནས། །དཀྱིལ་འཁོར་ཆེན་པོ་ཡངས་པ་ཡིན། །ཚེ་ཡི་ལྷ་ཚོགས་༴ འཆི་མེད་༴ ཞེས་བྱིན་དབབ་པོ། །དེ་ནས་ཚེ་འབྲང་ཕྱག་ཏུ་ཕུལ་ཏེ། ཧཱུཾ། དུས་གསུམ་སངས་རྒྱས་ཐམས་ཅད་ཀྱི༔ སྐུ་ནི་སྐྱེ་ཤི་འདུ་འབྲལ་མེད༔ མི་འགྱུར་མི་ཤིགས་ཡེ་ཤེས་སྐུ༔ སངས་རྒྱས་སྐུ་ཡི་ཚེ་དབང་འདི༔ རྗེ་བཙུན་བླ་མ་ཐུགས་རྗེ་ཅན༔ འགྲོ་དོན་མཛད་ཕྱིར་འབུལ་ལགས་ཀྱི༔ སྐུ་ཡི་ཚེ་དབང་བརྟན་གྱུར་ནས༔ སྐུ་ནི་བརྟན་པར་བཞུགས་སུ་གསོལ༔ (༨ན)

― GLG025_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་ལ་དབང་པའི་རིགས་འཛིན་དུ༔ རྗེ་བཙུན་བླ་མ་བརྟན་པར་བཞུགས༔ ཧཱུཾ། དུས་གསུམ་སངས་རྒྱས་ཐམས་ཅད་ཀྱི༔ ཐུགས་ནི་མི་གཡོ་གསལ་ལ་དངས༔ རང་སྣང་ཡེ་ཤེས་ཆེན་པོའི་ངང་༔ རང་གྲོལ་ཐུགས་ཀྱི་དགོངས་པ་འདི༔ རྗེ་བཙུན་༴ འགྲོ་དོན་༴ ཐུགས་ཀྱི་༴ ཐུགས་ནི་༴ ཚེ་ལ་༴ རྗེ་བཙུན་༴ ཧཱུཾ། དུས་གསུམ་༴ ཡོན་ཏན་ནོར་བུ་རིན་པོ་ཆེ༔ དགོས་འདོད་ཐམས་ཅད་འབྱུང་བའི་གནས༔ ཡེ་ཤེས་རྒྱས་པའི་དབང་མཆོག་འདི༔ རྗེ་བཙུན་༴ འགྲོ་དོན་༴ ཡོན་ཏན་༴ ཡོན་ཏན་༴ ཚེ་ལ་༴ རྗེ་བཙུན་༴ ཧཱུཾ། དུས་གསུམ་༴ གསུང་ནི་མི་འགག་སྙན་གདངས་ཆེ༔ འཛིན་མེད་མ་ཆགས་པདྨའི་སྒྲ༔ བདེ་གཤེགས་གསུང་གི་ངོ་བོ་འདི༔ རྗེ་བཙུན་༴ འགྲོ་དོན་༴ གསུང་གི་༴ གསུང་ནི་༴ ཚེ་ལ་༴ རྗེ་བཙུན་༴ ཧཱུཾ། དུས་གསུམ་༴ འཕྲིན་ལས་མཛད་པ་བསམ་མི་ཁྱབ༔ ཡེ་ཤེས་འཕྲིན་ལས་གྲུབ་པའི་རྩལ༔ ཐུགས་རྗེ་སྤྲུལ་པའི་མཛད་པ་འདི་རྗེ་བཙུན་༴ འགྲོ་དོན་༴ འཕྲིན་ལས་༴ འཕྲིན་ལས་༴ ཚེ་ལ་༴ རྗེ་བཙུན་༴ རྒྱས་པར་སྤྲོ་ན་ཚེ་འབྲང་ལྔ་དང་༔ བསྡུ་ན་གཅིག་པ་ལན་ལྔར་འབུལ་ལོ། །སྙིང་པོ་ལྔ་ཕྱག་ཏུ་ཕུལ་ཏེ། སྙིང་པོ་ལྔ་ཡི་བཀྲག་མདངས་རྣམས༔ ལྷ་ཡི་སྙིང་པོ་ལྔ་ལ་ཐིམ༔ ཡི་གེ་འབྲུ་ལྔ་དཔའ་བོ་ལྔ༔ རྗེ་བཙུན་ཐུགས་ཀར་ཐིམ་པ་ཡིས༔ ཚེ་ཡི་འོད་ཀྱི་གོང་བུར་གྱུར༔ ཨཱོཾ་ཨཱཿཧཱུཾ་སྭཱ་ཧཱ། ས་མ་ཡ་ཏི་ཥྛ་ལྷན། ཞེས་བརྗོད་ཅིང་ཚེ་ཐམས་ཅད་ཡིག་འབྲུ་ལྔར་གྱུར་ནས་ཐུགས་ཀར་བསྟིམ་མོ། །ཚེ་སྦ་ཞིང་རྒྱས་བཏབ་པ་ནི། ཧཱུཾ། འཆི་མེད་ཚེ་ཡི་རང་བཞིན་ནི༔ ཡེ་ཤེས་(༨བ)

― GLG025_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་ཡི་ངོ་བོ་སྟེ༔ འོད་ལྔ་གསལ་ལ་མདངས་དང་བཅས། །མི་ཡི་ཚེ་ནི་སྣུམ་ལ་འདྲིལ༔ ཐུགས་ཀར་ཡེ་ཤེས་སེམས་དཔའ་ཡི། །ཐུགས་ཀྱི་ཀློང་དུ་སྦ་བར་བྱ༔ མི་དམིགས་སྟོང་པའི་གོ་ཆ་ལ༔ སུས་ཀྱང་གནོད་པར་བྱ་བ་མིན༔ ཅེས་སྟོང་པའི་ངང་ལ་དར་ཅིག་བཞག་གོ །ཚེ་བསྲུང་བ་ནི། དཔྲལ་བའི་དབུས་སུ་རྟ་མགྲིན་དམར་པོ་ནི༔ ཞལ་གཅིག་ཕྱག་གཉིས་བེ་ཅོན་སྡིགས་མཛུབ་མཛད། ཧྲཱིཿཔདྨཱ་ནྟ་ཀྲྀ་ཏ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ་བཛྲ་ཀྲོ་དྷ་རཀྵ་རཀྵ་ཧཱུཾ༔ ལུས་མགོ་མཇུག་རྡོ་རྗེའི་གོ་ཁྲབ་ཏུ་གྱུར། ནང་གི་རྩ་སྒོ་བསྲུང་བ་ནི། ཧཱུཾ། ཙིཏྟ་གསང་བའི་སྒོ་སྲུང་ནི༔ དབང་གི་རྒྱལ་པོ་རྟ་མགྲིན་ཏེ༔ ཚེ་སྲོག་བར་ཆད་བསྲུང་བར་མཛོད༔ འཆི་བདག་བདུད་ཀྱི་སྒོ་ཆོད་ལ༔ ཚེ་བདག་ཆེན་པོར་བཞུགས་སུ་གསོལ༔ ཨཱོཾ་བཛྲ་ཀྲོ་ཏ་ཧ་ཡ་གྲཱི་བ་ཧཱུཾ༔ བཛྲ་རཀྵ་རཀྵ་ཧཱུཾ༔ དབང་གྲུབ་ནས་དངོས་གྲུབ་བླང་བ་ནི། བུམ་ཆུ་ཕྱག་ཏུ་ཕུལ་ནས། བཀྲ་ཤིས་འོད་གསལ་སོགས་ཚིགས་བཅད་དངས་མ་བཅུད་འདྲེན་ལས་བླངས་པའི་མཐར། ཀཱ་ཡ་སིདྡྷི་ཨཱོཾ། ཝཱ་ཀ་སིདྡྷི་ཨཱཿ ཙིཏྟ་སིདྡྷི་ཧཱུཾ། ཚེ་ཟན་ཕུལ་ཏེ། ཧཱུཾ། འཁོར་ལོས་སྒྱུར་བའི་རྒྱལ་པོ་ལ༔ ཅི་འདོད་རྩོལ་བ་མེད་པ་བཞིན༔ ལྷུན་གྲུབ་ཚེ་དབང་རིགས་འཛིན་ལ༔ ཚེ་ཡི་ལོངས་སྤྱོད་འདི་ཕུལ་བས༔ ཕུན་སུན་ཚོགས་པའི་དངོས་གྲུབ་ཤོག༔ ཚེ་ཆང་ཕུལ་ཏེ། ཧཱུཾ། ཡིད་བཞིན་ནོར་བུ་རིན་ཅེན་ལ༔ ལོངས་སྤྱོད་ངང་གིས་འབྱུང་བ་བཞིན༔ ལྷུན་གྲུབ་ཚེ་དབང་རིགས་འཛིན་ལ༔ ཚེ་བཅུད་དངོས་གྲུབ་འདི་ཕུལ་བས༔ རྩོལ་(༩ན)

― GLG025_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

བ་མེད་པའི་དངོས་གྲུབ་ཤོག༔ ཚེ་རིལ་ཕུལ་ཏེ། ཧཱུཾ། དམག་དཔོན་ནོར་བུ་རིན་ཅེན་གྱིས༔ ཕས་ཀྱི་དགྲ་དཔུང་འཇོམས་པ་བཞིན༔ ལྷུན་གྲུབ་ཚེ་དབང་རིགས་འཛིན་ལ༔ ཚེ་ཡི་རིལ་བུ་འདི་ཕུལ་བས༔ དགྲ་བགེགས་དཔུང་འཇོམས་དངོས་གྲུབ་ཤོག༔ རྒྱས་པར་སྤྲོ་ན། བཀྲ་ཤིས་རྟགས་བརྒྱད་རྣམས་རིམ་གྱིས་ཕུལ་ཏེ། རིན་ཅེན་ཏོག་མཛེས་ལྷ་རྫས་གདུགས་དཀར་འདི༔ རྡོ་རྗེ་སློབ་དཔོན་བསྐལ་བརྒྱར་རྟག་བཞུགས་ནས༔ ཟབ་རྒྱས་ཆོས་འཁོར་བསྐོར་ཕྱིར་འབུལ་ལགས་ན༔ བརྩེ་བས་བཞེས་ཏེ་འདོད་པའི་འབྲས་བུ་སྩོལ༔ ཚིག་ལྷག་མ་གསུམ་འོག་མ་རྣམས་ལ་འགྲེ ། ཀུན་གསལ་འདྲེན་བྱེད་ལྡན་པའི་གསེར་ཉ་འདི༔༴༴ འཆི་མེད་བདུད་རྩིས་གང་བའི་བུམ་བཟང་འདི༔༴༴ ཡིད་འོང་འདབ་སྟེང་འཛུམ་པའི་པདྨ་འདི༔ ༴༴བཀྲ་ཤིས་གཡས་སུ་འཁྱིལ་པའི་དུང་དཀར་འདི༔༴༴ དགེ་མཚན་རི་མོ་བཀྲ་བའི་དཔལ་བེའུ་འདི༔༴༴ ལུགས་གཉིས་སྲིད་རྩེར་བསྒྲེང་པའི་རྒྱལ་མཚན་འདི༔༴༴ གླིང་བཞི་ཀུན་ལ་དབང་སྒྱུར་འཁོར་ལོ་འདི༔༴༴ ཞེས་དང་། རྒྱལ་སྲིད་བདུན་ལ། ཕྱོགས་ལས་རྣམ་པར་རྒྱལ་པའི་འཁོར་ལོ་འདི༔༴༴ འདོད་པའི་རེ་བ་སྐོང་བའི་ནོར་བུ་འདི༔༴༴ རྨད་བྱུང་བདེ་བ་སྟེར་བའི་བཙུན་མོ་འདི༔༴༴ ཆོས་སྲིད་དོན་གཉིས་ལྷུན་གྲུབ་བློན་པོ་འདི༔༴༴ སྟོང་གསུམ་སྐད་ཅིག་བསྐོར་ནུས་གླང་པོ་འདི༔༴༴ ཅང་ཤེས་རླུང་གི་ཤུགས་ལྡན་རྟ་མཆོག་འདི༔༴༴ ཕ་རོལ་དགྲ་དཔུང་འཇོམས་པའི་དམག་དཔོན་འདི༔༴༴ ཞེས་དང་། བཀྲ་ཤིས་རྫས་བརྒྱད་ཚིག་(༩བ)

― GLG025_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

བཅད་ལྷུག་སྤྱི་འགྲོ་ལྟར་འབུལ། འདི་རྣམས་གཏེར་གཞུང་དངོས་སུ་མི་གསལ་ཀྱང་བརྟན་བཞུགས་གཞན་འགར་སྣང་ཞིང་ལེགས་པའི་ཆ་ལག་ཏུ་འགྱུར་བས་བཀོད་པ་ཡིན་ནོ། །དེ་རྗེས་བསམས་པ་ལྷུན་གྲུབ་མ། ཚིགས་བཅད་སྨོན་ལམ་གྱི་རིགས་དང་། ཚོགས་ལྷག་སོགས་གོང་དུ་མ་སོང་ན་དཀྱུས་ལྟར་དང་། དཀྱིལ་འཁོར་བསྡུ་སྐབས་ལས་བྱང་ཡོངས་རྫོགས་མཇུག་ཆོག་ཆ་ཚང་བ་མཛད་དོ། །དེ་ལྟར་མཆོག་གི་རྡོ་རྗེ་སློབ་དཔོན་སོགས། །མི་འགྱུར་སེང་གེའི་ཁྲི་ལ་ཞབས་བརྟན་པའི། །ཐབས་ཚུལ་ཡིད་བཞིན་དབང་གི་རྒྱལ་པོ་འདི། །ཁོ་བོའི་བློ་གྲོས་རྒྱལ་མཚན་རྩེར་བཀོད་དོ། །དགེ་དེས་རབ་འབྱམས་རྒྱལ་བའི་སྤྱི་གཟུགས་ཀུན། །ཕན་བདེའི་དཔལ་འབྱོར་རྒྱས་པའི་འཕྲིན་ལས་ཅན། །དང་པོའི་མགོན་པོ་འགྲོ་བའི་བསོད་ནམས་ཀྱི། །ཞིང་གྱུར་སྲིད་མཐའི་བར་དུ་བརྟན་གྱུར་ཅིག །ཅེས་ལྷ་བྲག་གཏེར་བྱོན་ནང་ལོངས་སྤྱོད་རྫོགས་སྐུ་ལ་བརྟེན་ནས་འཕྲིན་ལས་དང་སྒྲུབ་ཐབས་ཀྱི་འགྲེལ་བ་པད་འཕྲེང་གཉིས་བསྡེབས་པར། དྲིན་ཅན་རྩ་བའི་བླ་མ་ཁྱབ་བདག་མགོན་པོ་བསོད་ནམས་མཆོག་ལྡན་བསྟན་པའི་རྒྱལ་མཚན་དཔལ་བཟང་པོའི་ཕྱག་ལེན་གྱིས་ཁ་བཀང་ནས་བརྟན་བཞུགས་སུ་བྱ་བའི་རིམ་པ་རབ་བརྟན་རྡོ་རྗེའི་འཕྲེང་བ་འདི་ཉིད་སྔོན་ནས་རེག་ཟིག་ཏུ་བྱས་ཀྱང་སྣང་ལ་མ་ངེས་ཀྱི་ཆད་ལྷག་ཁ་ཤས་བྱུང་འདུག་པར་གཏེར་གཞུང་དང་རིགས་འཛིན་སངས་རྒྱས་དཔལ་བཟང་གི་ཕྲིན་གཞུང་ཚེ་དབང་སོགས་ཆོག་སྒྲིགས་ཀྱི་རིགས་རྣམས་ལ་ཞིབ་མོར་དཔྱད། མཆོག་གི་སྤྲུལ་སྐུ་རིགས་འཛིན་མངའ་རིས་པ་(༡༠ན)

― GLG025_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་སོགས་ཕྱོགས་འདི་ལ་ཚད་མར་གྱུར་པའི་དམ་པ་རྣམས་ཀྱི་བཞེད་སྲོལ་གྱིས་བརྒྱན་ཏེ། རང་གི་བརྗེད་བྱང་དང་། རྣམ་པར་རྒྱལ་བའི་ཕན་བདེ་ལེགས་བཤད་གླིང་པའི་ཞལ་འདོན་སོགས་སུ་འཇུག་པ་བདེ་བའི་ཆེད་དུ་ཟ་ཧོར་གྱི་བནྡེ་ངག་དབང་བློ་བཟང་རྒྱ་མཚོས་སྦྱར་བའི་ཡི་གེ་པ་ནི་བློ་བཟང་ཚེ་རིང་ངོ་།། །།

རིགས་འཛིན་སྲོག་སྒྲུབ་ཀྱི་ཡང་ཟབ་ཨ་ཏི་ཧྲཱིཿགཅིག་མ་སོགས་རིང་འཚོའི་ཚིགས་བཅད་ཀྱི་རིམ་པ།

― GLG025_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་འཛིན་སྲོག་སྒྲུབ་ཀྱི་ཡང་ཟབ་ཨ་ཏི་ཧྲཱིཿགཅིག་མ་སོགས་རིང་འཚོའི་ཚིགས་བཅད་ཀྱི་རིམ་པ་བཞུགས་སོ། །

― GLG025_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་བཛྲ་གུ་རུ་པདྨཱ་ཀཱ་ར་ཨཱ་ཡུཿསུདྡྷི་རཏྣ་བྷ་ད་ས་མ་ཡ་ཧྲིཾ་ཧྲིཾ་ཛཿ ཟེར་འཇའ་འོད། ལྔ་འཁྲུག་པ་འི་གཞི། དབྱིངས་སྟོང་པ་དང་། རིག་པ་རྡོ་རྗེའི་ལུ་གུ་རྒྱུད་ཀྱི་ནམ། མཁའ། ལ། ཡེ་ཆེད་དུ་མ་བཅས་པར། ཤེས་སྙིང་པོ་རང་བྱུང་། དོན་གྱི་ལྷུན་གྲུབ་ཀྱི་དུས་ལྟ་བུ་བདེ་བའི་ཉམས་ཅན། དཔྱིད། གསར་དུ་བྱས་པ་མ་ཡིན་པ། གདོད་མ་ནས་རང་བཞིན་གྱི། གསལ་བའི། འོག་མིན་ཆོས་ཀྱི་དབྱིངས་ཀྱི་གནས་མཆོག །དམ་པ་འདིར། སྣང་བ་སྐུ་སྒྲར། གྲག་གསུང་། རང་སྣང་ཐམས་ཅད་པ་ཀུན་བཟང་ཆོས་ཀྱི་སྐུའི། རིག་ངོ་བོར་གསོལ་བ་འདེབས། བ་ནི་སྐྱབས་སེམས་ཀྱི་དོད་དོ། །བླ་ན་མེད་པ་ངོ་མཚར་བའི་བཀོད་པ་མཐོང་ཐོས་དྲན་དང་རེག་པས་རྣམ་པས་གྲོལ་བས་གནས་ཀྱི་རབ་དང་། ཕུལ་དང་གཙོ་བོར། གྱུར་པའི། །ཕྱོགས་བཅུ་དུས་བཞིའི་སྲས་བཅས་རྒྱལ་བའི་གཞལ་མེད་ཀྱིས། །ཕྱུར་ཕན་ཚུན་གོ་ས་མི་འགོག་པས། བུར་གཏམས་པའི་རང་རིག་ཀ་ནས་དག་པ་ལྷུན་གྲུབ་འོད་ལྡན་ཤར་བའི་ཁང་རྣམས་ནི་ཕྱི་ནང་རྒྱབ་མདུན་སྟེང་འོག་སོགས་གང་དུ་ཡང་མེད་པའི་ཟང་ཐལ་ལེ་བའི་གཤིས། འོག་མིན་གྱི་ལྷ་ཡི་ཚོགས། རྣམས། །བླ་མ་ཡི་དམ་མཁའ་འགྲོ་སྟེ། རྩ་བ་གསུམ་པོ་ཀུན་འདུས་པའི་ངོ་བོར་གསང་གསུམ་མི་ཟད་པ། རྒྱན་གྱི་འཁོར་རང་གིས་རང་ལ། ལོ་(༢ན)

― GLG025_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད། པའི་ཚུལ་གྱིས་ཚོགས་གསོག་པའོ། །རྟག་པ་བདེན་པར་གྲུབ་པའི་མཐར་ལྷུང་། མ་ཡིན་པ་སེམས། སྟོང་པ་ཉིད་ཆོས་ཀྱི་སྐུ། །གཏན་ནས་མ་གྲུབ་པའི། ཆད་པའི་མཐར་ལྷུང་བ། མ་ཡིན་པས་སྟོང་པའི་ངང་ནས། རང་གི་རིག་པ་ལོངས་སྤྱོད་རྫོགས། སྐུར་འཇའ་ཚོན་ལྟར་ཤར་ཀྱང་། །སྣང་སྟོང་། གཉིས་པོ་དེ་དབྱེར། མེད་པ་འདི་ཞེས་བརྗོད་བྲལ། བློ་ལས། འདས་པ་གནས་ལུགས། རྫོགས་པ་ཆེན་པོའི་ངང་།ནས། །འགྱུར་མེད་ཀྱི་བདེ་བ་འཕོ་བ། ཆེན་པོའི་སྐུ་བདག་གཞན་ཐམས་ཅད་ལ་ཡོད་བཞིན་པ་དེ་ངོ་འཕྲོད་པའི་སྒོ་ནས། ཐོབ་པར་ཤོག་ཅིག་པར་སྨོན་ལམ་གདབ། །དེ་ལྟར་སྔོན་འགྲོའི་སྐབས་ངོ་བོ་ཀ་ནས་དག་ཅིང་། ལྷུན་གྲུབ་འོད་ལྔའི་ཞིང་ཁམས་དེར་དངོས་གཞི་རྒྱུ་རྐྱེན་ལ་མ་བལྟོས་པར་རང་། ལུས་ཚེ་ལྷ་སྐུ་མདོག་དམར་པོ་མདའ་དར་བུམ་པ་འཛིན་པ་ཡུམ་བཅས། ཀྱི་གནས་ལྔར་འཇའ་ཟེར་འོད་ཀྱི་གུར། དཀྱིལ། །གསང་བ་བསམ་གྱིས་མི་ཁྱབ་བ། མཆོག་གི་འཇའ་ཟེར་འོད་ཀྱི་གཞལ་ཡས། ཁང་གདོད་མ། ནས གྲུབ་པ་དེར། །སྐུ་དང་གསུང་དང་ཐུགས་དང་ཡོན་ཏན་དང་འཕྲིན་ལས་ཀྱི། ལྷ་ཚོགས་རྣམས་ཀྱི་གདན། །པད་མ་དཀར་པོ་ཉི་མ་ཟླ་བའི་གདན་གྱི་དབུས་སུ་རང་གི །རིག་པའི་གདངས། འོད་སྐུའི་རྣམ་པ། ཅན། གྱི། །ཡབ་ཡུམ། གཉིས་སུ་མེད་པ་ལ་རྣམ་པ་སོ་སོར་སྣང་བ། མཉམ་པར་སྦྱོར་བའི་སྤྱི་བོར་ཚེ་དཔག་མེད་དཀར་པོ། མགྲིན་པར་དམར་པོ། སྙིང་གར་སྔོན་པོ། ལྟེ་བར་སེར་པོ། གསང་གནས་(༢བ)

― GLG025_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ལྗང་གུ། གཡོན། ཚེ་བུམ་གཡས། མདའ་དར་གྱི་ཕྱག་མཚན། དང་། །རིན་ཅེན་རུས་རྒྱན་དར་དཔྱངས་སོགས། ལོངས་སྤྱོད་རྫོགས་པའི། སྐུ་ཡི། །རྒྱན་རྣམས་སྐུ་ལ། རྫོགས་ལ་རང་དང་འདྲ་བར་རྣམ་པ་མི་གཅིག་པའི། སྤྲུལ་པས་ནམ་མཁའ་ནས་ས་གཞིའི་བར་གང་བ། དང་། །དེ་ཡང་། ཐེག་པ་དགུ་ཡོངས་རྫོགས་ཀྱི་ལྷ་ཡི་རྣམ་པར་ཡོངས་སུ། ཁྱབ། པའི་འོད་ཟེར་གྱི་འཕྲོ་འདུ་དང་མདའ་དར་གྱིས་གཡབས་པས། །ཕྱི་སྣོད་ཀྱི་འཇིག་རྟེན་གྱི་ཁམས་ཀྱི་སྙིང་པོ། འབྱུང་བཞིའི་བཅུད་སེར་དཀར་དམར་ལྗང་གི་རྣམ་པ་དང་། ནང་བཅུད་ཀྱི་སེམས་ཅན་ལྷ་ཀླུ་མི་སོགས། འགྲོ་དྲུག་གི་ཚེ་དཔག །དང་། །གསང་བ་མཆོག་སྤང་རྟོགས་ཡོན་ཏན་གྱི། སྙིང་པོ་ཞི་དང་ཁྲོ་བོའི། རྒྱལ་བའི་དཀྱིལ་འཁོར་རྒྱ་མཚོའི་བྱིན་རླབས། སོགས། །སྲིད་ཞིའི་ཁམས་ཀྱི་ངོ་མཚར་བ་ཡོད་དོ་ཅོག་གི་ཚེ་ནོར་དཔལ། འབྱོར། །བཀྲ་ཤིས་པའི། འདོད་པའི་ཡོན་ཏན་གྱི་ཕྱྭ་གཡང་ཀུན། །ཆོས་ཀྱི་དབྱིངས་ཀ་དག་ཆེན་པོར་སྤྲོས་བྲལ་ནམ་མཁའ་ལྟ་བུའི་ངང་། །གདོད་མ་ནས། ལྷུན་གྱིས་གྲུབ་པའི། འོད་གསལ་སྣང་བའི་རྒྱན་དུ་གྱུར་བ་ཀུན། །རིགས་རང་ལ་རང་ཆས་སུ་ཡོད་བཞིན་པ་ཉི་མ་ཤར་བས་མུན་པ་སངས་བ་ལྟར་རང་ལུས་དམ་པ། བརྒྱ་དེ་ཉིད་རིགས་ལྔ་གསང་ཆེན་རིགས་གཅིག་སོགས། འདུས་པའི་འཇའ་ཟེར་ཐིག་ལེའི་དཀྱིལ། འཁོར་འདིར། །འཆི་མེད་ཀྱི་རིགས་འཛིན། གཉུག་མ་ཚེ་ཡི་བཅུད་མ་ལུས་པ་བདུད་རྩི་དང་བཀྲ་ཤིས་རྫས་རྟགས་ཀྱི་རྣམ་པར། ཁུག་ཅིག །པར་བསྐུལ་ཏེ་བསྟིམ། །ཚེ་རང་ལུས། ལྷ་ཐོད་ཕྲེང་སྡེ་ལྔ་ཀུན་འདུས་པའི། །མཁའ་ལ་སྤྱོད་པའི་དཀྱིལ་འཁོར་འདིར་ལྷ་རྣམས་ཀྱང་རང་རིག་དོན་གྱི། རིགས་འཛིན་བླ་མ་པདྨ་འབྱུང་གནས་དངོས་ཡིན་ཏེ། །སྲ་ཞིང་། བརྟན་པ་རྡོ་རྗེའི་འོད་ཟེར་འབུམ་ཕྲག་བརྩེགས་པའི། །གུར་ཁང་ཡེ་ཤེས་ཀྱི། ཕོ་བྲང་ཆེན་པོ་འདིར། །སྔར་བཞིན། བཀུག་པའི་ཚེ་བཅུད་རྣམས་རང་ལ་བྱེད་ན་རྡོ་རྗེ་ཚེ་ལྷ་དང་གཞན་ལ་བྱེད་ན་དེའི་ཐུགས་ཀར་བསྒྲུབ་པ་དེ་ཚེ་ལྷར་གསལ་བཏབ་པའི་(༣ན)

― GLG025_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་གསང་དཔལ་གྱི་བེའུ་བསྟིམ་པ། ར། །ནམ་ཡང་། འཛག་མེད་བརྟན་པའི་ཆེད་དུ་བདེ་གཤེགས་རྣམས་ཀྱི་ཐུགས། ཕྱག་རྒྱ་འམ་ཕྱག་མཚན་གསུང་། ཡིག་འབྲུ་སྐུའི་སོ་སོ། རྣམ་པ། །གཅིག་ཏུ་འོད་དུ་ཞུ་བའི། དངས་མའི་བདུད་རྩི་ཡིས་ནི། ཡོངས་སུ་རྒྱས་བཏབ་པ་ལ་བརྟེན་ནས། །ཟག་བྲལ་འཇའ་ལུས་རྡོ་རྗེའི་རང་བཞིན་གྱི། རྩི་ཡིས་བཏབ། པ་རྫ་ལ་སོ་བཏང་བ་ལྟར་བྱས་པའི་ངང་ནས། །སྣང་སྲིད་ཀྱི་སྣོད་བཅུད། ཐམས་ཅད་ཧྲཱིཿཡིག་དམར་པོ་གཅིག་ལ་གཅིག་འབྲེལ་བའི། ལུ་གུ་རྒྱུད། །གཟི་བརྗིད་དང་། ལྡན་པ་འོད་ཕུང་དམར་པོ། འཁྲུག་པའི་ཧྲཱིཿའི། རང་སྒྲར་བཅས། བས་ངག་ནས། །ཧྲཱིཿཧྲཱིཿ ཞེས་བསྙེན་པ་ཇི་ཙམ་ནུས་ཀྱི་བར་དུ་བྱ་ལ། །གོང་གི་རྫོགས་ཆེན་གྱི་གནད་ལ་ཉམས་སུ་བླངས་པའི་མཐུས་གདོད་མ་ནས་རང་བཞིན་གྱི་དག་པའི་སྙིང་གི་དབུས་ན། གཞོན་ནུ་བུམ་སྐུ་ཆོས་སྐུ་དབྱིངས་ཀྱི་གཞིར། །ཆོས་ཉིད་མངོན་སུམ་སོགས། སྣང་བ་བཞི་ཡོངས་སུ། རྫོགས་པའི་མཐར། ཆོས་ཉིད་ཟད། སར་འཁྱོལ་ཏེ་འཕོ་བ་ཆེན་པོ་འཇའ་ལུས་རྡོ་རྗེའི་སྐུར། རང་གཞིར་གྲོལ་ལོ། །ཆོས་ཐམས་ཅད། རབ་ཏུ་འབྱམས་ཏེ་རྣམ་པར། དག་པའི་ཧྲཱིཿརང་ལ་རླུང་། རྡོ་རྗེ་འི་བཟླས་པའི་ཉམས་ལེན་བྱས་ན་ཚེའི། བཅུད་དུ་འགྱུར་ཞིང་། གོང་དུ། ལྷ་དང་། སྔགས་དང་དམིགས་པ་དང་ཏིང་འཛིན་གསལ་སྟོང་། བརྗོད་བྲལ་གྱི་མཐའ། །དབྱིངས་རིག་ལྷིང་ཡང་ལ་སྣང་བའི། འགྲོས་འགག་པ་མེད་པ་འོད་གསལ། རྡོ་རྗེ་སྙིང་པོའི་ངང་། ནས། །སྐབས་སུ་ཞི་བ་ལས་ཁྲོ་བོར་བསྒྱུར་ཏེ། འཇིགས་པ་མེད་པ་ཧཱུཾ་གི་དྲག་སྔགས། ཀྱི་སྒྲ། སྒྲོག་ན། །འདི་ཡིས་བར་ཆད་འབྱུང་པོ་རྡུལ་དུ་རློག །ངེས། །ཡང་སྐད་ཅིག་དྲན་རྫོགས་ལ། ཕྱི་ནང་གི་ལྷ་ཚོགས་ཐམས་ཅད། ཐོད་ཕྲེང་རིགས་ལྔར་གསལ་བ། གནས་འགྱུར་ཏེ་ཁྲག་འཐུང་། དྲག་པོ་རིགས་ལྔའི་རྣམ་པར་བསྒྱུར་བ། ནི། །སྐུ་ལ། དཔལ་གྱི་ཆས་(༣བ)

― GLG025_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་དང་། དུར་ཁྲོད་ཀྱི་ཆས་བརྒྱད་དང་། །གར་གྱི་ཉམས་དགུ་སོགས། ཁྲོས་པའི་ཆས་དང་སྟང་སྟབས། རྔམ་ཞིང་། གཏུམ་པ་དང་། །ཞབས་གཡོན། བརྐྱང་གཡས། བསྐུམ་པའི། འགྱིང་བག་གིས་པད་མ་ཉི་མ་རོ་རི་གདན་བརྩེགས་པའི་རྩེར། །གཡས་ཕྱག་གཡོན་གཉིས་ཀྱི་གཡས། གསེར་གྱི་རྡོ་རྗེ་རྩེ་ལྔ་པ་དང་གཡོན། ལྕགས་ཀྱི་སྡིག་ཕ་མགོ་དགུ་པ་འཛིན་པ། ལས། །ཡར་མཐོ་བ། སྲིད་པའི་རྩེ་མོ་དང་མར་དམའ་བ། མནར་མེད་དམྱལ་པའི་གནས་ཡན་ཆོད། ཀྱི་བར་ཐམས་ཅད། །ཕྱག་མཚན་ལྕགས་སྡིག་དང་། སྤྲུལ་པའི་ཁྲོ་བོ་ཡཀྵ་མེ་དབལ་སྐུ་ལས་འཕྲོས་པའི་ཚ་སྲེག་གི་འོད་ཟེར་གྱིས་བཀང་ནས། །ཡེ་ཤེས་མེ་ཡིས་རྒྱལ་བསེན་གདོན་བགེགས་ཐམས་ཅད་རྩ་སྦུར་མེས། བསྲེགས། པ་ལྟར་རྡུལ་དུ་བརླག །ལྷག་མ་ཅུང་ཟད་ལུས་པའང་། འུར་འུར་ཆེམ་ཆེམ་གྱི་སྒྲ་དང་བཅས་པའི། རླུང་གིས་གཏོར། །དོན་བསྒྲལ་བྱ་སྒྲོལ་བྱེད་ཐམས་ཅད་ཡེ་ནས་དག་པའི། དམ་པ་དབྱིངས་རིག་དབྱེར་མ་མཆིས་པ། མི་འགྱུར་རྫོགས་པ་ཆེན་པོའི་ངང་ནས། ཆེ། །རྡོ་རང་གི་སྙིང་དབུས་འགྱུར་མེད། རྗེའི་གདན་རང་རིག །ལ་མ་ཧཱགུ་རུའི་ཐུགས། །སྐྱེ་འགག་གནས་གསུམ་གྱི་མཐའ་བྲལ་ཆེན་པོའི་ངང་། །ངོ་བོ་ཆོས་སྐུ། རང་བཞིན་ལོངས་སྐུ། ཐུགས་རྗེ་སྤྲུལ་སྐུ་སྟེ་སྐུ་གསུམ། ཡངས་པའི་ཀློང་། ནས། །ཧཱུཾ་གི་སྒྲ་དང་འཕྲོ་འདུ། རྣམས་དམིགས་པ་མེད་པས། རང་གི་རིག་པ་རང་བྱུང་རང་ཤར་གྱི། ངོ་བོར་ཐིམ། །རིག་ཕྱི་ནང་གི་རྟོག་ཚོགས་ཐམས་ཅད་འབྱུང་བའི་རང་གི །གཞི་གདོད་མའི་སངས་རྒྱས། ཀུན་ཏུ་བཟང་པོའི། དགོངས་པར། ཀ་ནས་དབྱིངས་དག་པ། ཨཱཿསྐྱེ་མེད་ཀྱི་དང་དུ་བཞག་པས་ཚེ་སྒྲུབ་སྲུང་བཟློག་སོགས་ཀྱི་གནད་འགག་ཐམས་ཅད་འདིར་ཚང་ང་ོ། །ཞེས་ལྷ་བཙུན་ནམ་མཁའ་འཇིགས་མེད་ཀྱི་དག་སྣང་ཧྲཱིཿཧཱུཾ་སྦྲགས་མའི་གསལ་བྱེད་ཀྱི་མཆན་བུ་འདི་ནི་མཆོད་དཔོན་ངག་དབང་ཤེས་རབ་ཀྱིས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་བ་ནི་དགེ་སློང་འཇམ་དབྱངས་གྲགས་(༤ན)

― GLG025_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །ཞེས་ཚོགས་གསོག་ཚེ་སྒྲུབ་བཟློག་པ་ཐམས་ཅད་ཀྱི་ཡང་སྙིང་། འབྲེལ་བར་གྱུར་པ་ཐམས་ཅད་ལ་བར་ཆད་རྒྱ་འདྲེ་འགོང་པོ་སྡེ་བརྒྱད་མ་རུངས་གདུག་རྩུབ་ཐམས་ཅད་བཟློག་པར་བྱེད་ཅིང་། ཚེ་སྟོབས་ནུས་པ་ལས་བཞི་ཐམས་ཅད་ཀྱི་སྒྲུབ་པ་ཐུགས་སྒྲུབ་ཀུན་གྱི་ཡང་སྙིང་། དག་སྣང་ཐམས་ཅད་ཀྱི་སྙིང་བཅུད་འཕོ་བ་དང་། བར་དོ། ས་ལམ་ཐམས་ཅད་ཀྱི་གེགས་སེལ། སྒྱུ་ལུས་འོད་གསལ་གྱི་སྙིང་པོ། ཀ་དག་ལྷུན་གྲུབ་སྣང་བཞིའི་དོན་མངོན་དུ་བྱེད་པ། ཧྲཱིཿཧཱུཾ་ཟུང་འཇུག་ཌཱ་ཀིའི་བླ་རྡོ། ཆོས་སྲུང་གི་སྲོག་འཁོར། རིགས་འཛིན་སྲོག་གི་སྒྲུབ་པའི་ཡང་སྙིང་ཟབ་པའི་མཐར་ཐུག་ཨྠྀི། །ས་མ་ཡཱ། རྒྱ་རྒྱ་རྒྱ། བཀའ་སྲུང་དམ་ཅན་གཏེར་བདག་མཛོད་ལྔ་གནོད་སྦྱིན་གྱིས་སྲུངས་ཤིག །སྐལ་པ་དང་ལྡན་པའི་ལས་ལྡན་སྨོན་ལམ་མཐའ་ཅན་རྣམས་དང་འཕྲད་པར་ཤོག་ཅིག །དམ་ཉམས་ཁ་གསག་མཁན། གཙིགས་མེད་ཡལ་བར་གཏོང་བ་རྣམས་ཀྱི་སྙིང་ཁྲག་དགའ་སྟོན་ལ་རོལ་ཅིག །ཨྱོན་གསང་མཆོག་རོལ་པའི་དུར་ཁྲོད་དུ་ཡེ་ཤེས་དབྱིངས་ཀྱི་ཌཱ་ཀི་མ་དང་། པད་འབྱུང་ཡབ་ཡུམ་གཉིས་མེད་ཀྱི་ཐུགས་བཅུད་ནི། རང་ལོ་ཞེ་བདུན་པ་ལ་ཐོབ་སྟེ། ང་ལྔའི་དུས་སུ་ཡང་རྫོང་དྲག་སྔགས་ཀྱི་ཕུག་པ་དང་ཉེ་བར་གྲུབ་ཐོབ་མེ་ལོང་གི་སྒྲུབ་གནས་ཤོ་མོ་མཐའ་རྩའི་ཕུག་པའི་ཉེ་འདབས་སུ་རིག་ཐོག་ནས་ཕབ་པའོ། །ཟབ་རྒྱ།། །།རིགས་ལྔའི་བརྟན་བཞུགས་ལས་རྡོ་རྗེ་མཁའ་འགྲོའི་བརྟན་བཞུགས་ནི། སྭ་སྟི། གསང་མཆོག་གདོད་དབྱིངས་འཛིན་མ་ལས་ཐོན་པའི། །ལྷུན་གྲུབ་རྒྱན་སྣང་རོལ་(༤བ)

― GLG025_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དཔག་བསམ་དབང་། །ཡོངས་རྫོགས་བསྟན་པའི་འབྲས་བུའི་ཁུར་ལྕི་བའི། །སྙིགས་དུས་ཕན་བདེའི་སྲོག་ཤིང་ཞབས་བརྟན་ཤོག །གདུལ་བྱ་གླིང་བཞི་བལྟས་པའི་དབུས་ཉིད་ཀྱི། །རྒྱལ་བའི་ཆོས་ཕུང་བ་གམ་རྩེ་མོ་ནས། །འོད་གསལ་རྡོ་རྗེ་སྙིང་པོའི་དྲིལ་བསྒྲགས་པའི། ཁམས་གསུམ་ཆོས་ཀྱི་རྒྱལ་པོ་ཞབས་བརྟན་ཤོག །ཐུབ་གཞུང་དྲི་མེད་གཙུག་ལག་ཕུལ་གྱུར་ནས། །རྡོ་རྗེའི་གསང་ལམ་བླ་མེད་ཐེག་ཀུན་རྩེ། །གཞི་ལམ་རྒྱུན་མཐར་ས་བཅུའི་མགོན་པོ་ཁྱོད། །འཇིགས་མེད་རྡོ་རྗེའི་གདན་ལ་རྟག་བཞུགས་གསོལ། །ཀ་དག་གཞི་ལ་སྣང་བཞིས་དབུགས་དབྱུང་ནས། །ལྷུན་གྲུབ་འོད་གསལ་གཞོན་ནུ་བུམ་སྐུའི་དབྱིངས། །འགྲོ་ཀུན་ཀུན་བཟང་གོ་འཕང་སར་བཀོད་པའི། །ཨ་ཏིའི་བསྟན་འཛིན་མཆོག་ཁྱོད་ཞབས་བརྟན་ཤོག །ཕྱི་དང་ནང་དང་གསང་བའི་བར་ཆད་དཔུང་། །གཞོམ་གཞིག་བྲལ་བ་རྡོ་རྗེའི་ཐུགས་གསུང་སྐུའི། །མཁྱེན་རྟོགས་ཐུགས་རྗེའི་དཔུང་གིས་མཐར་བཅོམས་ནས། །བདུད་ཚོགས་གཡུལ་ལས་རྒྱལ་ཞིང་ཞབས་བརྟན་ཤོག །རིན་ཅེན་མཁའ་འགྲོའི་བརྟན་བཞུགས་ནི། གདོད་མའི་གཞི་དབྱིངས་ཕྱི་ནང་གསང་བའི་ཀློང་། །རྡོ་རྗེ་གདན་དབུས་སྐུ་གསུམ་སྟོན་པ་ཡིས། །ལུང་བསྟན་ཇི་བཞིན་མཐུ་སྟོབས་ནུས་པའི་དབང་། །རིགས་འཛིན་པདྨའི་རྒྱལ་ཚབ་ཞབས་བརྟན་ཤོག །གང་སྐུའི་བཀོད་པ་སྒྱུ་འཕྲུལ་འཕྲིན་ལས་ཞེས། བསྟན་དང་འགྲོ་ལ་འཚེ་བྱེད་ཕྱིར་བཟློག་ནས། །ཟབ་གསང་བཀའ་གཏེར་སྙིང་པོའི་འོད་གསལ་དང་། །རྡོ་རྗེའི་ཏིང་འཛིན་མི་གཡོ་ཞབས་བརྟན་(༥ན)

― GLG025_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག །རྣམ་གྲོལ་སྒྱུ་མ་ལྷུན་གྲུབ་རྟེན་འབྲེལ་གྱི། །རྒྱུ་འབྲས་མི་བསླུ་སྟོང་ཉིད་སྙིང་རྗེའི་གྲུས། །འགྲོ་ཀུན་སྲིད་ཞིའི་མཚོ་ལས་སྒྲོལ་མཛད་པའི། །ཐར་གླིང་དེད་དཔོན་མཆོག་ཁྱོད་ཞབས་བརྟན་ཤོག །ཆེན་པོ་གསུམ་བཅུད་སྤྲོས་བྲལ་རང་བཞིན་བབས། །སྣ་ཚོགས་གྲུབ་མཐའ་མང་པོའི་སྒྲོ་བཏགས་ཀྱིས། །གཞོམ་པར་མ་ནུས་འཁྲུལ་མེད་རྒྱལ་བའི་ཐུགས། །ཞིང་འདིར་ཐུབ་བསྟན་རྒྱས་ཕྱིར་ཞབས་བརྟན་ཤོག །སྣང་བཞི་བགྲོད་མཐའ་ཟུང་འཇུག་ལམ་གྱི་རྩེ། །འཇའ་ལུས་རྡོ་རྗེའི་གར་མཁན་པདྨ་འབྱུང་། །གཞན་མིན་ཁྱོད་དངོས་ཞིང་འདིར་བསྐལ་བརྒྱའི་བར། །བདག་སོགས་མིག་གི་བདུད་རྩིར་རྟག་བརྟན་གསོལ། །པདྨ་མཁའ་འགྲོའི་བརྟན་བཞུགས་ནི། ཆོས་དབྱིངས་ཁྱབ་པའི་རྒྱལ་ཀུན་དགོངས་མཚོ་ལས། །ཆོས་དབྱིངས་མཐའ་ཀླས་རྣམ་རོལ་ཡིད་བཞིན་ནོར། །ཆོས་དབྱིངས་ནང་བཞུགས་སྟོན་པའི་བསྟན་མཆོག་རྩེར། །ཆོས་དབྱིངས་ཁྱོན་ན་མཛེས་ཁྱོད་ཞབས་བརྟན་ཤོག །བསྐལ་མང་དུ་མར་ཚོགས་གཉིས་སྔོན་བྱས་པས། །རབ་འབྱམས་རྒྱལ་པ་ཀུན་དང་རོ་གཅིག་ཀྱང་། །ད་དུས་གདུལ་བྱ་འདྲེན་པའི་མགོན་ཉིད་དུ། །བསམས་བཞིན་སྐྱེ་བ་བཞེས་ཁྱོད་ཞབས་བརྟན་ཤོག །རྫོགས་ལྡན་དང་པོར་མཛད་པ་བཅུ་གཉིས་ཀྱི། །ཚུལ་བསྟན་ཞི་བདེར་གཟིམས་ལ་ངོ་མཚར་ཅི། ད་དུས་གདུལ་བྱ་སྐྱོབ་ལ་མི་དལ་བའི། །རྒྱལ་སྲས་མགོན་པོ་མཆོག་ཁྱོད་ཞབས་བརྟན་ཤོག །ལྷ་རྫས་ངུར་སྨྲིག་མནབས་པ་ཤཱཀྱའི་རྒྱལ། །སྔ་འགྱུར་བསྟན་པ་སྤེལ་མཛད་པདྨ་འབྱུང་། །(༥བ)

― GLG025_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་བདག་ཀུན་ཏུ་བཟང་དང་གཉིས་མེད་ཁྱོད། །འགྱུར་མེད་དད་བརྒྱའི་གདན་ལ་རྟག་བཞུགས་གསོལ། །ཕུན་ཚོགས་ཚོགས་གཉིས་མ་ལུས་བདག་གིར་བྱས། །སྲིད་ཞི་ཞི་བདེ་ཙམ་མིན་རྣམ་མཁྱེན་སར། །ཐབས་མཁས་མཁས་གྲུབ་དབང་པོ་ཁྱོད་ཉིད་ཀྱིས། །མ་ལུས་ལུས་མེད་འདྲེན་ཕྱིར་ཞབས་བརྟན་ཤོག །ཀུན་མཁྱེན་ཡོངས་གཟིགས་ཤེས་བྱའི་ཕ་རོལ་ཕྱིན། །འགྲོ་ལ་རྗེས་ཆགས་མཚན་དཔེའི་སྐུར་བཞེངས་པའི། །བདག་སོགས་གདུལ་བྱའི་བསོད་ནམས་མཆོད་སྡོང་ཁྱོད། །མི་འཇིགས་གདོང་ལྔའི་ཁྲི་ལ་རྟག་བརྟན་ཤོག །ཀརྨ་མཁའ་འགྲོའི་བརྟན་བཞུགས་ནི། གང་སྐུ་ལྟ་བས་མི་ངོམས་རྡོ་རྗེ་བཞིན། །མི་ཤིགས་སྲ་བརྟན་ཁྲི་འཕང་མཐོན་པོའི་རྩེར། །གདུལ་བྱ་མིག་གི་བདུད་རྩིར་ལྷམ་མེ་བ། །འགྱུར་མེད་བསྐལ་བརྒྱའི་བར་དུ་ཞབས་བརྟན་ཤོག །གང་གསུང་ལེགས་བཤད་ཆོས་དབྱིངས་རྒྱ་མཚོའི་སྒྲ། །འགྲོ་བའི་མོས་ཁམས་དབང་པོ་དང་འཚམ་པར། །རང་རང་སྐད་དུ་རྟག་པར་ལྷང་ངེ་བ། །འགྱུར་མེད་བསྐལ་བརྒྱའི་བར་དུ་ཞབས་བརྟན་ཤོག །གང་ཐུགས་མཐའ་བཞི་རང་དག་གཉུག་མའི་བབས། །སྟོང་ཉིད་སྙིང་རྗེ་ཟུང་འཇུག་ལམ་གྱི་མཐར། །རྡོ་རྗེའི་ཏིང་འཛིན་མི་གཡོ་ལྷན་ནེ་པ། འགྱུར་མེད་བསྐལ་བརྒྱའི་བར་དུ་ཞབས་བརྟན་ཤོག །ཐུགས་གསུང་སྐུ་ཡི་མི་ཟད་རྒྱན་འཁོར་གྱི། །མཛད་འཕྲིན་ཆོས་དབྱིངས་ཁྱོན་ལ་ཐུག་གི་བར། འགྲོ་ལ་ཕན་བདེ་སྟེར་བའི་རྩ་ལག་ཁྱོད། །ཞིང་འདིར་མི་གཡོ་བརྟན་པར་གསོལ་བ་འདེབས། །གསང་གསུམ་ཞིང་དང་གནས་ཡུལ་དུར་ཁྲོད་ཀྱི། །ཕྱོགས་བཅུའི་གནས་དང་ས་གསུམ་དབང་སྒྱུར་པའི། །ཌཱ་ཀི་ཆོས་སྲུང་ཕྱི་ནང་སྡེ་བརྒྱད་ཀྱིས། །ཉེར་འཚེ་བསུན་མའི་དཔུང་ཚོགས་ཀུན་(༦ན)

― GLG025_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག་ཅིག །སངས་རྒྱས་མཁའ་འགྲོའི་བརྟན་བཞུགས་ནི། སྐྱེ་མེད་ཐུགས་ནི་ཆོས་དབྱིངས་ངང་ནས་ཞི། །ལྷུན་གྲུབ་གར་དགུ་སྒྲུབ་པ་བཀའ་བརྒྱད་རྒྱན། །སྙིང་རྗེས་ཁྲོས་པའི་བཀའ་སྲུང་མཐུ་རྩལ་ཅན། །སྙིང་དབུས་དབྱིངས་རིག་པད་འབྱུང་ངོ་བོར་བཞུགས། །དབྱིངས་དང་དབྱིངས་ནང་འཁོར་འདས་སྤྲོས་པ་ཀུན། །རྫོགས་པ་ཆེན་པོའི་གཞི་ལ་བྱང་ཆུབ་ནས། །མ་ལུས་སྣང་བ་རང་གྲོལ་རྡོ་རྗེ་འཆང་། །མངོན་གྱུར་གཞི་ཡི་གྲུབ་ཐོབ་ཞབས་བརྟན་ཤོག །རྫས་མཆོག་རིན་ཅེན་བརྒྱད་དང་རྒྱལ་སྲིད་བདུན། །རྟགས་བརྒྱད་ལྷ་མིའི་མཆོད་སྤྲིན་དཔལ་འབྱོར་གྱི། །གཟི་འོད་ནམ་མཁའ་ཁེངས་པའི་གླུ་གར་དང་། །ཇི་སྙེད་རོལ་མོ་སྒྲ་ཡི་མཆོད་སྤྲིན་འབུལ། །ཡིད་འོང་སྲིད་ཞིའི་ཁྱོན་ན་འགྲན་བྲལ་བའི། །དངོས་གྲུབ་བདེ་སྟེར་བཀྲ་ཤིས་ལྷ་རྫས་ཀྱི། །ངོ་མཚར་མི་གཡོ་རྡོ་རྗེ་ཅན་གྱི་ཁྲིར། །ཕྱོགས་དུས་སྐྱབས་ཀུན་བདེན་པས་བརྟན་བཞུགས་གསོལ། །མངོན་བྱང་ལྔ་ལས་གྲུབ་པའི་སྐུ་རྡོ་རྗེ། །བདེན་དོན་བཅུ་གཉིས་ཆོས་འཁོར་བསྐོར་བའི་གསུང་། རྣམ་པ་ཉི་ཤུ་ཐུགས་ཀྱི་རྡོ་རྗེ་ཡིས། །བདག་ལ་གསང་གསུམ་དབང་བསྐུར་མཆོག་སྩོལ་ཞིག །ཅེས་ནོར་འཛིན་གྱི་ཐིག་ལེ་ངོ་མཚར་གསར་པའི་སྣང་བ་བརྒྱ་ཕྲག་གིས་རྣམ་པར་བཀྲ་བས་སྐབས་གསུམ་གྱི་ཡུལ་ལ་འཁུ་ཞིང་མཁའ་ལ་སྤྱོད་པ་མངོན་སུམ་གྱི་གཞལ་མེད་འབྲས་གཤོངས་ཀྱི་དབེན་ཁྲོད་ལྷ་རི་རིན་ཅེན་སྙིང་པོར་སོ་སོད་དུ་གནས་སྐབས། ལུས་ཅན་ཕན་བདེའི་སྲོག་ཤིང་ཐམས་ཅད་མཁྱེན་ཅིང་གཟིགས་པའི་སྤྱན་ཡོངས་སུ་ཡངས་པ་རིགས་འཛིན་རྒྱལ་བའི་དབང་པོ་གང་ཉིད་བདག་སོགས་འགྲོ་བའི་བསོད་ནམས་ཀྱི་མཆོད་སྡོང་དུ་ཞབས་པད་བརྟན་པའི་རྟེན་(༦བ)

― GLG025_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲེལ་དུ་ཀུ་སྭ་ལི་བ་ཀུན་བཟང་རྣམ་པར་རྒྱལ་བས་ལྷག་བསམ་རྣམ་པར་དག་པའི་ཕུལ་གྱིས་སྦྱར་བ་དགེའོ།། །།མཆོག་གསུམ་བླ་མ་རྡོ་རྗེ་དྲག་པོ་རྩལ། །ཡི་དམ་ཀུན་དངོས་འཇམ་དཔལ་ཚེ་བདག་ལྷ། །མཁའ་འགྲོའི་གཙོ་མོ་འདོད་ཁམས་དབང་ཕྱུག་མ། །རྩ་གསུམ་བྱིན་རླབས་བདེན་པའི་ནུས་མཐུ་ཡིས། །ཟ་ཧོར་གདུང་ལས་ངུར་སྨྲིག་འཛིན་པའི་དཔལ། །ངག་དབང་འཇམ་མགོན་བློ་བཟང་རྒྱལ་བ་ཡི། །རིང་ལུགས་རྒྱ་མཚོའི་གོས་ཅན་ཀུན་ཁྱབ་པར། །རབ་སྤེལ་ཟིལ་གནོན་དྲག་རྩལ་རྡོ་རྗེ་ནི། །ཇི་སྙེད་བསྐལ་བརྒྱར་འགྱུར་མེད་རང་བཞིན་མཆོག །སྲ་མཁྲེགས་རྡོ་རྗེ་ལྟ་བུར་རྟག་བརྟན་ཞིང་། །ཕུལ་བྱུང་བཞེད་དོན་ཚོགས་རྣམས་མ་ལུས་པ། །ཐོགས་པ་མེད་པར་མྱུར་དུ་འགྲུབ་གྱུར་ཅིག །ཅེས་པ་འདི་ཡང་ཆོས་རྗེ་ཨྱོན་བསྟན་འཛིན་དང་སྒྲུབ་གྲོགས་རྣམས་ཀྱིས་མེའི་སྤུ་གྲིའི་མཚམས་འོག་ནས་བསྐུལ་བའི་ངོར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་ངག་དབང་དགེ་ལེགས་སོ། །རབ་བརྟན་རྡོ་རྗེ་གཡུང་དྲུང་པད་འདབ་སྟེང་། །བདུད་རྩིའི་བཅུད་འཁྱིལ་དམར་གསལ་བུམ་པའི་ནང་། །ཚེ་དབང་རིགས་འཛིན་གསལ་བའི་གཟི་བྱིན་གྱིས། །འཆི་མེད་གྲུབ་པའི་རྟེན་འབྲེལ་ལྷུན་གྲུབ་ཤོག །ཚེ་དཔག་མེད་མགོན་ཐུགས་ཀར་འདབ་བརྒྱད་སྟེང་། །འོད་ལྔའི་སྣ་ཚོགས་རྡོ་རྗེ་གཡུང་དྲུང་རིས། །ཐབས་ཤེས་ཉི་ཟླ་ཟུང་དུ་འཇུག་པའི་ཁྲིད། །རྡོ་རྗེ་སློབ་དཔོན་གཡོ་མེད་བརྟན་གྱུར་ཅིག །ཚེ་དང་ཡེ་ཤེས་དཔག་མེད་མགོན་པོ་དང་། །ཡིད་བཞིན་འཁོར་ལོ་རྣམ་པར་རྒྱལ་མ་སོགས། །འཆི་བདག་གཡུལ་ལས་རྒྱལ་པའི་ལྷ་རྣམས་ཀྱི། །ཐུགས་རྗེས་སྨོན་པའི་གནས་ཀུན་འགྲུབ་པར་མཛོད། །ངག་གི་དབང་ཕྱུག་འཇམ་(༧ན)

― GLG025_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་མཁྱེན་བརྩེའི་གཏེར། །ངུར་སྨྲིག་གར་བསྒྱུར་བློ་བཟང་གྲགས་པ་ཡི། །བསྟན་པ་རྒྱ་མཚོའི་གོས་ཅན་མ་ལུས་པས། །སྤེལ་ཕྱིར་རྗེ་བཙུན་བླ་མ་ཞབས་བརྟན་ཤོག །རྩ་བརྒྱུད་བླ་མ་རྡོ་རྗེ་འཇིགས་མཛད་ལྷ། །ཡེ་ཤེས་མགོན་པོ་བཀའ་སྡོད་དམག་ཟོར་མའི། །བྱིན་རླབས་ནུས་མཐུས་བར་ཆད་ཀུན་ཞི་ཞིང་། །འདོད་པའི་རེ་བ་ཡོངས་སུ་སྐོང་གྱུར་ཅིག །ཅེས་པ་འདི་ནི་རྣམ་པར་རྒྱལ་བའི་ཕན་བདེ་ལེགས་བཤད་གླིང་པའི་དབུ་མཛད་བློ་བཟང་བསྟན་འཛིན་དང་། གཉེར་པ་བློ་བཟང་སྦྱིན་པ་གཉིས་ཀྱིས་གྲ་ཚང་སྤྱི་ཚོགས་ཀྱི་ཞལ་འདོན་དུ་བསྐུལ་བའི་ངོར་ཟ་ཧོར་གྱི་བནྡེས་སྦྱར། །བྱེ་བ་ཕྲག་བརྒྱའི་ཞི་ཁྲོའི་ལྷ་ཚོགས་རྣམས། །རྡོ་རྗེ་སློབ་དཔོན་ལུས་ཀྱི་དཀྱིལ་འཁོར་དུ། །ལྷུན་གྲུབ་པདྨ་འབྱུང་གནས་དྲག་པོ་རྩལ། །ཐུགས་རྗེ་བསྐུལ་ན་མཁྱེན་བརྩེ་ནུས་དཔུང་སྐྱེད། །ཆོས་ཀུན་གང་ཤར་ཡེ་ནས་རང་གྲོལ་བའི། །ཆེ་མཆོག་འདུས་པའི་ཟིལ་གནོན་བཞད་པ་རྩལ། །གཞོམ་མེད་གཡུང་དྲུང་རང་བཞིན་སེང་གེའི་ཁྲིར། །བསྐལ་པ་རྒྱ་མཚོར་མི་འགྱུར་བཞུགས་བྱིན་རློབས། །རྩ་གསུམ་ཡོངས་འདུས་བཀའ་བརྒྱད་ལྷ་ཚོགས་ཀྱིས། །ཌཱ་ཀི་རིགས་ལྔས་བརྐྱང་བའི་དར་ལམ་ཆོད། །ལྷ་སྲིན་གདུག་པའི་བསུན་མ་ཕྱིར་བཟློག་ནས། །ཞིང་འདིར་མི་གཡོ་བརྟན་པར་མཛད་དུ་གསོལ། །བདེ་གཤེགས་ཞི་ཁྲོས་སྐྱེ་འཆི་མེད་དབང་བསྐུར། །གཟུང་མ་རྣམས་ཀྱིས་རྡོ་རྗེའི་གླུ་དབྱངས་ལོང་། །སེམས་དཔའ་ཆེ་རྣམས་བཀྲ་ཤིས་ཆར་དུ་ཕོབ། །གིང་ཆེན་ཕོ་ཉས་བདུད་དཔུང་ཕ་མཐར་སྐྲོད། །སྒེག་སོགས་ལྷ་མོས་འཆི་མེད་ཚེ་གཡང་ཁུག །ཡུམ་བཞིས་འབྱུང་བའི་(༧བ)

― GLG025_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུད་སྡུས་ཉམས་པ་གསོས། །སྲིད་གསུམ་ཆེ་བཀྲག་འཁོར་འདས་ཡོན་ཏན་ཀུན། །ཐུགས་གསང་དཔལ་གྱི་བེའུར་འཁྱིལ་བར་མཛོད། །སྐྱོན་བྲལ་པདྨ་ཐབས་ཤེས་ཉི་ཟླའི་སྟེང་། །འཆི་མེད་འོད་སྣང་ཡབ་ཡུམ་རོལ་གར་གྱི། །བཅུ་དྲུག་དགའ་བཞི་ལས་འོངས་དངས་མའི་བཅུད། །མི་འགྱུར་སྲོག་གི་ཟུངས་སུ་འགྱུར་བར་ཤོག །རྩ་བརྒྱུད་བླ་མ་ཀུན་འདུས་ཚེ་དབང་རྩལ། །རང་རིག་དག་པའི་རང་ངོ་ཡོངས་ཤེས་ཏེ། །གཙུག་ན་འབྲལ་མེད་སྐྱོང་བའི་རྣལ་འབྱོར་གྱིས། །འཆི་མེད་རིགས་འཛིན་འགྲུབ་པར་བྱིན་གྱིས་རློབས། །དབུ་མ་ཉི་ཟླའི་གུར་དབུས་འོད་མི་འགྱུར། །རྟེན་དང་བརྟེན་པར་བཅས་པའི་འོད་ཟེར་གྱིས། །རྒྱུད་ལྔའི་རྒྱུ་སྦྱངས་རིགས་བཞིའི་ས་བོན་དུ། །ཐིམ་པས་རྣམ་གྲོལ་ཚེ་ཡི་དཔལ་འབར་ཤོག །སྲོག་རྩའི་དངས་མ་ལྔ་ལྡན་འོད་ཕུང་ནང་། །རིགས་ལྔ་འདུས་པའི་མི་འགྱུར་མགོན་པོའི་སྐུ། །ཡེ་ཤེས་འབྱུང་གནས་ཡིན་པར་ངེས་རྙེད་པས། །འཆི་མེད་སྐུ་གསུམ་མྱུར་དུ་འགྲུབ་པར་ཤོག །ཆུ་དབྱིངས་རྩ་ཡི་སྒྲོན་གསུམ་གཅིག་དྲིལ་ནས། །མཁའ་ལ་གདོད་མའི་རང་བྱུང་ཡེ་ཤེས་རྩལ། །འཇའ་ལྟར་སྣང་བས་ཚེ་སྲོག་མི་ཤིགས་པའི། །ཐིག་ལེ་ཆོས་ཉིད་མངོན་སུམ་མཐོང་བར་ཤོག །སླུ་མེད་སྤང་རྟོགས་སྣང་ཉམས་གོང་དུ་འཕེལ། །ལོངས་སྐུའི་ཞིང་མྱུལ་རིག་པ་ཚད་དུ་ཕེབས། །ཆོས་ཉིད་ཟད་སར་འཁྱོལ་བ་རྡོ་རྗེའི་སྐུ། །འགྲུབ་སྟེ་འཆི་བདག་བདུད་ལས་རྒྱལ་པར་ཤོག །ལྷ་སྔགས་རྫས་རླུང་ཐབས་ཀྱིས་བསྒྲུབས་པ་དང་། །མཚུངས་མིན་རྒྱལ་དབང་པདྨ་ཐོད་ཕྲེང་ལྟར། །འཕོ་བ་ཆེན་པོའི་སྐུ་འགྲུབ་ཚེ་ལ་དབང་། །སྐྱེ་འཆི་མེད་པའི་རིགས་འཛིན་བརྙེས་པར་ཤོག །དད་དང་དམ་ཚིག་གཙང་མའི་ཞིང་ས་ལ། །བདེན་(༨ན)

― GLG025_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབས་སྨོན་ལམ་ས་བོན་རབ་བཏབ་པ། །རྩ་གསུམ་ཐུགས་རྗེའི་ཆར་གྱིས་ལེགས་སྨིན་ནས། །རེ་བའི་འབྲས་བུ་ཉེར་དུད་ཤིས་པ་སྩོལ། །ཞེས་པའི་ཚིགས་སུ་བཅད་པ་འདི་ནི་རྣམ་པར་རྒྱལ་བའི་ཕན་བདེ་ལེགས་བཤད་གླིང་པའི་གྲ་དམངས་རྣམས་ཀྱིས་དོན་གཉེར་ཆེན་པོས་བསྐུལ་བ་ལྟར་བྱང་གཏེར་ཚེ་དཔག་མེད་འཆི་མེད་འོད་སྣང་གི་བསྐྱེད་རྫོགས་རྫོགས་ཆེན་གྱི་ལམ་དང་མཐུན་པར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་གནས་བཙུན་འཇམ་དབྱངས་སོ། །ཞི་ཁྲོ་ཆེ་མཆོག་ངོ་བོར་ཡོངས་འདུས་པའི། །ཕྱག་རྒྱས་བདུད་དཔུང་ཟིལ་གནོན་བཞད་པ་རྩལ། །རྡོ་རྗེ་སློབ་དཔོན་གཟུགས་སུ་ལེགས་ཤར་བ། །སྲིད་པའི་མཐའ་སྙེད་དཀྱིལ་འཁོར་མགོན་པོར་བཞུགས། །ཐོད་འཕྲེང་རིགས་ལྔར་རང་སྣང་ཤེས་རབ་མར། །སྙོམས་འཇུག་དངས་མའི་བདུད་རྩིས་རྩ་འཁོར་ཀུན། །གཏམས་པས་ཨ་ཧཾ་སྲོག་གི་ཀ་བའི་ཟུངས། །མི་ཤིགས་རྡོ་རྗེའི་ཁམས་སུ་དེང་བྱིན་རློབས། །མ་དང་མཁའ་འགྲོ་ཆོས་སྐྱོང་ནོར་གྱི་ལྷ། །གཏེར་སྲུང་དམ་ཅན་མཐུ་སྟོབས་ལྡན་རྣམས་ཀྱིས། །ནག་ཕྱོགས་རྩ་ལག་ཕམ་པའི་དཀར་པོའི་དར། །ཚངས་པའི་ཡུལ་སར་འཕྱར་བའི་བཀྲ་ཤིས་སྩོལ། །ཅེས་པ་འདིའང་ལྷ་ས་བྱང་གླིང་པ་བློ་བཟང་ལྷུན་གྲུབ་སྤུན་མ་སྲུ་རྣམས་ཀྱིས་རྣམ་པར་རྒྱལ་བའི་ཕན་བདེ་ལེགས་བཤད་གླིང་པར་རྒྱུན་འཛུགས་ཀྱི་ཆེད་དུ་ཇི་སྲིད་ཀྱི་བར་ཞིང་ཕུལ་ནས་ཞལ་འདོན་ཚིགས་བཅད་དགོས་ཚུལ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དགེ་སློང་འཇམ་དབྱངས་གྲགས་པའོ། །འོད་མཚན་དཔག་ཏུ་མེད་པ་སྣང་མཐའི་གར། །ཚེ་དབང་རིགས་འཛིན་གྲུབ་པ་ཐོད་ཕྲེང་རྩལ། །མ་སྨད་ཐུགས་རྗེའི་བུམ་པ་(༨བ)

― GLG025_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་པོ་ལས། །འཆི་མེད་བདུད་རྩིའི་ཆུ་རྒྱུན་རྟག་ཏུ་སྩོལ། །ངག་དབང་འཇམ་དཔལ་ཞི་ཁྲོས་རྗེས་བཟུང་པས། །འཁོར་འདས་ཕྱག་རྒྱ་ཟིལ་གནོན་བཞད་པ་རྩལ། །བློ་གསལ་སྐལ་བཟང་རྒྱ་མཚོའི་དཔལ་མགོན་དུ། །ངེས་པ་ལྔ་ལྡན་ཇི་བཞིན་གཡོ་མེད་ཤོག །རྒྱལ་དབང་བློ་བཟང་གྲགས་པའི་ཆོས་སྲིད་བསྟན། །མཐུ་སྟོབས་ནུས་པས་གྱེན་དུ་ཉེར་འདེགས་པ། །དཔལ་ལྡན་ནོར་འཛིན་སྐྱོང་བ་མི་ཡི་རྗེ། །གཞོམ་མེད་རྡོ་རྗེའི་ཁྲི་ལ་རྟག་བརྟན་ཤོག །ཛཱ་ཏིའི་དྲི་བཟང་འཐུལ་བའི་ཡུལ་གྲུ་ནས། །རྣམ་བཀྲ་ཟ་འོག་འཐག་པའི་རྒྱལ་ཁམས་བར། །ཁྲིམས་གཉིས་གསེར་གྱི་གཉའ་ཤིང་རབ་ལྕི་བས། །འགྲོ་རྣམས་རྫོགས་ལྡན་དགའ་སྟོན་ལ་སྤྱོད་ཤོག །ཕྱོགས་ལས་རྣམ་རྒྱལ་ཕན་བདེ་འབྱུང་བའི་གནས། །སྨིན་གྲོལ་རྒྱུད་འགྲེལ་མན་ངག་རྡོ་རྗེའི་ཐེག །ལེགས་པར་བཤད་པའི་ཁྲིམས་ལྡན་རིགས་འཛིན་གླིང་། །སྲིད་མཐའི་བར་དུ་བླ་ནས་བླར་འཕེལ་ཤོག །ལྷག་བསམ་ཞིང་སར་དགེ་བའི་ས་བོན་ཚོགས། །ཡོངས་བཏབ་འབྲས་བཟང་སྙེ་མ་རོ་བདའི་བཅུད། །བདག་སོགས་མཁའ་མཉམ་སྐྱེ་དགུ་མ་ལུས་པས། །བྱང་ཆུབ་སྙིང་པོའི་བར་དུ་མྱོང་བར་ཤོག །དངོས་གྲུབ་འབྱུང་གནས་རྩ་བརྒྱུད་བླ་མ་དང་། །བྱིན་རླབས་གཏེར་མཛོད་བདེ་གཤེགས་ཞི་ཁྲོའི་ལྷ། །འཕྲིན་ལས་ཀུན་སྒྲུབ་འདོད་ཁམས་དབང་ཕྱུག་མས། བསམས་པའི་དོན་རྣམས་ལྷུན་གྱིས་གྲུབ་པར་ཤོག །ཅེས་མཆོད་དཔོན་ངག་དབང་ཤེས་རབ་ཀྱིས་རྣམ་པར་རྒྱལ་བའི་ཕན་བདེ་ལེགས་བཤད་གླིང་པར་སྙན་དར་བཅས་ཕུལ་བའི་དུས་ངེད་རང་དང་སྡེ་པ་གཉིས་ཀའི་རིང་འཚོའི་སྨོན་ལམ་ཚིགས་བཅད་དགོས་ཚུལ་བྱུང་བ་ལྟར་ཟ་ཧོར་གྱི་བནྡེས་སྦྱར་པའི་ཡི་གེ་བ་ནི་ཏྲེའོ་ངག་དབང་ནམ་མཁའ་འོ། །(༩ན)

― GLG025_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུང་ཁམས་སྐྱེ་མཆེད་ཨཽ་ཌྜི་ཡ་ནའི་ཞིང་། །སྙིང་བཅུད་དངས་མ་སིནྡྷུ་རྒྱ་མཚོའི་དབུས། །འདབ་བརྒྱད་སྙིང་གི་པད་དཀར་ཟེའུ་འབྲུའི་སྟེང་། །སྙིང་ཚིལ་ཉི་ཟླའི་གདན་ལ་རིག་རྩལ་གདངས། །རྩ་བའི་བླ་མ་སྐུ་གསུམ་རིགས་འདུས་ལྷ། །མཚོ་སྐྱེས་རྡོ་རྗེ་ཞལ་གཅིག་ཕྱག་གཉིས་གཙུག །རྟ་མགོའི་རྩེ་མོར་རིགས་བདག་སྣང་མཐའ་ཡས། །འོད་ཀྱི་ཐིག་ལེས་རབ་མཚན་རྡོ་རྗེ་གཡས། །གཡོན་པ་བུམ་འཛིན་ལྷ་མོ་ཙཎྜ་ལཱི། །ཚེ་མདའ་བུམ་པ་འཛིན་དང་མཉམ་པར་སྦྱོར། །གཉིས་ཀའང་བཅུ་དྲུག་ལང་ཚོ་དཀར་དམར་མདངས། །རུས་པ་རིན་ཅེན་མེ་ཏོག་དར་ཟབ་སྤྲས། །འོད་ཀློང་རྡོ་རྗེ་པདྨའི་སྐྱིལ་ཀྲུང་བཞུགས། །དུང་ཁང་ཟླ་གདན་ལོངས་སྐུ་འཕགས་མཆོག་དམར། །ཕྱག་ན་ཤེལ་ཕྲེང་པདྨ་ཐུགས་ཀར་ཨཱོཾ། །གཙོ་བོའི་ལྗགས་སྟེང་ཨཱཿལ་དབྱངས་གསལ་བསྐོར། །སྙིང་ནས་ཉི་ཟླར་སྤྲུལ་སྐུ་པད་འབྱུང་དམར། །ཐུགས་ཀར་ཧཱུཾ་མཚན་ཉི་ཟླ་གའུའི་ནང་། །སྲོག་ཡིག་ཡུམ་གྱི་ཐུགས་ཀར་ཞལ་སྦྱར་གསལ། །རྩ་ཁམས་དག་པ་དཔའ་བོ་མཁའ་འགྲོའི་འཁོར། །རིགས་བདག་ཉི་མ་ལྟར་འབར་འོད་ཟེར་གྱིས། །རྩ་གསུམ་ལྷ་ཚོགས་འཁོར་འདས་ཚེ་བཅུད་རྣམས། །བཀུག་ནས་དྷཱུ་ཏཱིའི་ལམ་བརྒྱུད་སྲོག་ཡིག་དང་། །དབྱེར་མེད་འཕོ་བ་ཆེན་པོའི་སྐུ་འགྲུབ་ཤོག །སྐུ་གསུམ་རིགས་ཀུན་འདུས་པའི་བྱིན་ཆེན་ཆར། །ཕབ་པས་ཟིལ་གནོན་འཇམ་དཔལ་བཞད་པ་རྩལ། །ཚེ་དབང་རིགས་འཛིན་ཇི་བཞིན་འཆི་བདག་གི །བདུད་ལས་རྒྱལ་པའི་བདེན་ཚིག་འགྲུབ་པར་ཤོག །ཅེས་པ་འདིའང་སྡེ་པ་བློ་བཟང་མཐུ་སྟོབས་ཀྱིས་རྣམ་པར་རྒྱལ་བའི་ཕན་བདེ་ལེགས་བཤད་གླིང་པར་རྩེས་དང་ནས་(༩བ)

― GLG025_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་བཅོ་ལྔ་སྦྱར་བའི་རིང་འཚོའི་ཚིགས་བཅད་རྒྱུན་འཛུགས་ཤིག་དགོས་ཚུལ་ལྟར་མཚོ་སྐྱེས་རྡོ་རྗེའི་སྒྲུབ་སྐོར་སྔ་ཕྱི་བར་གསུམ་དུ་བྱུང་བའི་ཕྱི་མ་ལྷང་ལྷང་བྲག་གི་གཏེར་བྱོན་དང་རྒྱ་ཅན་ལས་བྱུང་བ་ཕྱོགས་ཙམ་མཐུན་པའི་དོན་གྱི་རྣལ་འབྱོར་ལ་བརྟེན་ནས་སྨོན་ལམ་བཏབ་པ་ཕན་ཡོན་ཆེ་བར་མཐོང་སྟེ་ཟ་ཧོར་གྱི་བནྡེས་སྦྱར་བའི་ཡི་གེ་བ་ནི་དགེ་སློང་འཇམ་དབྱངས་གྲགས་པའོ། །སྣོད་བཅུད་བདེ་ལྡན་ཞིང་ཁམས་སྐྱེ་འཕགས་གར། །སྣང་དབུས་ཁྲི་པད་ཉི་ཟླའི་གདན་སྟེང་དུ། །དཔལ་ལྡན་བླ་མ་ཚེ་དཔག་མེད་མགོན་སྐུར། །རབ་གསལ་འཁོར་བ་སྟོངས་མིན་རྟག་བརྟན་ཤོག །ཨ་ཧཾ་མི་འགྱུར་དྷཱུ་ཏཱིའི་ཀ་བ་ཅན། །སྙིང་དབུས་ཐབས་ཤེས་ཟླ་ཉིའི་གའུའི་ནང་། །དངས་མའི་ཚེ་སྲོག་ཡིག་གཟུགས་འོད་བཀྲག་འཚེར། །བསྐལ་བརྒྱར་མི་ཕྱེད་གཡུང་དྲུང་ལྟར་བརྟན་ཤོག །པད་འབྱུང་ཡབ་ཡུམ་ཞལ་ལུང་ཚེས་མངར་བས། །ལེགས་བཏགས་གསང་མཚན་རྡོ་རྗེ་ཐོགས་མེད་རྩལ། །སཱ་ལའི་སྨན་ལྗོངས་ཕན་བདེའི་ཉེར་འཚོ་རུ། །མི་འགྱུར་སྨོན་ལམ་བདེན་ཚིག་ལྷུན་གྲུབ་ཤོག །ནོར་འཛིན་སྐྱོང་བའི་མི་དབང་ཞབས་བརྟན་ཞིང་། །ཆོས་ལྡན་རྒྱལ་པོའི་ཁྲིམས་ཀྱིས་འཛམ་གླིང་ཁྱབ། །ཐུབ་བསྟན་བཤད་སྒྲུབ་དབྱར་མཚོ་ལྟ་བུར་འཕེལ། །འབངས་རྣམས་ལྷ་ཡི་དགའ་སྟོན་ལ་སྤྱོད་ཤོག །སླུ་མེད་དཀོན་ཅོག་གསུམ་གྱི་ཐུགས་རྗེ་དང་། །བདེ་གཤེགས་རྒྱལ་བ་ཞི་ཁྲོའི་བྱིན་རླབས་སྟོབས། །འདོད་ཁམས་དབང་ཕྱུག་མ་སོགས་སྲུང་མའི་མཐུས། །བསམས་པའི་དོན་ཀུན་ལྷུན་གྱིས་གྲུབ་པར་ཤོག །ཅེས་ངེད་རང་དང་སྡེ་བའི་རིང་འཚོ་བསྟན་འགྲོ་རྒྱས་པའི་སྨོན་ལམ་འདི་ནི་གྲོང་སྨད་པ་སངས་རྒྱས་(༡༠ན)

― GLG025_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་མཚོས་རྣམ་པར་རྒྱལ་བའི་ཕན་བདེ་ལེགས་བཤད་གླིང་པར་འཛུགས་རྒྱུ་ཞིག་དགོས་ཞེས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་འཕྱོང་རྒྱས་བཀྲས་རབ་ཕུན་ཚོགས་དབང་པོའོ། །རྒྱལ་ཀུན་མཁྱེན་བརྩེ་ནུས་པའི་རྣམ་རོལ་ལས། །ཐུབ་བསྟན་ཉིན་མོར་བྱེད་ལ་སྟོན་པ་དངོས། །མི་ཟད་མཚན་དཔེས་བརྒྱན་པའི་བཤེས་གཉེན་ཚུལ། །འཛིན་མཛད་རིགས་ཀུན་བདག་པོ་ཞབས་བརྟན་ཤོག །སྙིགས་དུས་ལོག་པར་སྤྱོད་པའི་འགྲོ་མང་དང་། །ཁྱད་པར་རྨུ་རྒོད་བོད་འབངས་གཉེན་གཅིག་པུར། །གྲུབ་མཆོག་མཚོ་སྐྱེས་རྡོ་རྗེ་སླར་བྱོན་པ། །བསྟན་འགྲོའི་མཆོད་སྡོང་ཆེན་པོ་ཞབས་བརྟན་ཤོག །མཆོག་གསུམ་རྩ་བརྒྱུད་བླ་མ་ཡི་དམ་ལྷ། །མཐུ་ལྡན་ཆོས་སྲུང་བྱིན་རླབས་ནུས་པའི་རྩལ། ཁྱབ་བདག་པདྨ་རྒྱལ་པོའི་ཐུགས་རྗེའི་གཟིས། །གསོལ་བ་བཏབ་པའི་རེ་འབྲས་ལྷུན་གྲུབ་ཤོག །ཅེས་པ་འདི་ཡང་བཀའ་འབངས་ཀྱི་ཐ་ཆུང་པད་འཕྲིན་པས་གུས་པས་གསོལ་བ་བཏབ་པའོ། །ཚངས་པ་དུང་ཐོད་ཅན་གྱིས་རིང་འཚོའི་ཆེད་དུ་མཛད་ནས་གྲྭ་ཚང་ལ་ཚུགས་ཤིག་པར་གསུངས་པ། མཆོག་གསུམ་ངོ་བོ་རྩ་གསུམ་དཀྱིལ་འཁོར་གྱི། ཁྱབ་བདག་འཁོར་ལོའི་མགོན་པོ་པདྨ་འབྱུང་། །ཞི་དང་ཁྲོ་བོའི་ལྷ་ཡི་ཚོགས་ཀུན་གྱིས། །དངོས་གྲུབ་ཀུན་སྩོལ་བགེགས་དཔུང་ཞི་བར་མཛོད། །དུས་གསུམ་རྒྱལ་བ་ཀུན་གྱི་སྲས་ཀྱི་མཆོག །ངུར་སྨྲིག་འཛིན་པ་གངས་ཅན་འགྲོ་བའི་མགོན། །མཐའ་ཡས་བསྐལ་པའི་བར་དུ་ཞབས་བརྟན་ཅིང་། །འགྲོ་ལ་ཆོས་ཀྱི་འཁོར་ལོ་བསྐོར་དུ་གསོལ། ཁྱོད་ནི་སྐུ་ཚེ་དུ་མའི་སྔོན་རོལ་ནས། །འགྲོ་ལ་སྙིང་སྟོབས་ཆེན་པོའི་མཆོག་གྱུར་ཀྱང་། །ད་དུང་འགྲོ་བའི་དོན་ལ་མི་ངལ་ཞིང་། །(༡༠བ)

― GLG025_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བ་མ་སྟོངས་བར་དུ་བཞུགས་སུ་གསོལ། །ཀུན་མཁྱེན་རྒྱལ་བ་གཉིས་པ་བཙོང་ཁ་པའི། །ཆོས་སྲིད་སྲིད་མཐའི་བར་དུ་རྒྱས་པ་དང་། །གྲུ་འཛིན་དགའ་ལྡན་རྣམ་རྒྱལ་ཕོ་བྲང་གི །ལུགས་གཉིས་བསྐལ་བརྒྱའི་བར་དུ་སྐྱོང་དུ་གསོལ། །ཚེ་དཔག་མེད་མགོན་འཕགས་མ་རྣམ་པར་རྒྱལ། །ཡིད་བཞིན་འཁོར་ལོ་འཇིགས་པ་བརྒྱད་སྐྱོབ་སོགས། །ཐུགས་རྗེ་བཞུ་བླུགས་རྡོ་རྗེའི་སྲོག་གི་ཟུངས། །མི་འགྱུར་གཡུང་དྲུང་ལྟ་བུར་བྱིན་གྱིས་རློབས། །སངས་རྒྱས་ཀུན་འདུས་རྗེ་བཙུན་བཙོང་ཁ་པའི། །གསུང་ངག་ཆོས་ཀྱི་མཛོད་ལ་དབང་སྒྱུར་བློ། །མཁས་བཙུན་བཟང་པོའི་འཕྲིན་ལས་རྒྱ་མཚོའི་མཐར། །ཡོངས་ཁྱབ་བཤེས་གཉེན་དམ་པ་ཞབས་བརྟན་ཤོག །ཕས་རྒོལ་ས་སྲུངས་འགྲོས་ལ་འཇིགས་མེད་པར། །ཐོས་བསམ་གདོང་ལྔའི་རྩལ་གསུམ་གོ་ཆ་ཅན། །ཐུབ་བསྟན་གངས་རིར་ཉེར་བསྒོམ་ལང་ཚོའི་སྡེ། །འོག་མིན་ཞིང་གཙོ་ལྟ་བུར་བརྟན་པར་ཤོག །ཞྭ་སེར་བཤད་སྒྲུབ་བསྟན་པ་དགེ་འདུན་ཚོགས། །ལུགས་གཉིས་ཕོ་བྲང་སྐྱོང་བ་མི་ཡི་དབང་། །སྐུ་ཚེ་ཆབ་སྲིད་མངའ་འབངས་བདེ་སྐྱིད་རྣམས། །རྫོགས་ལྡན་དུས་བཞིན་བླ་ནས་སྔར་འཕེལ་ཤོག །མྱུར་མཛད་མགོན་པོ་དམ་ཅན་མ་ཧེའི་ཞལ། །འདོད་ཁམས་དབང་ཕྱུག་སྤྲུལ་པའི་ཆོས་རྒྱལ་ཆེ། །ལྷ་དང་དྲང་སྲོང་བདེན་ཚིག་ལ་དབང་བས། །སྨོན་ལམ་ཅི་བཏབ་ལྷུན་གྲུབ་འཕྲིན་ལས་མཛོད། །ཅེས་བདེན་པ་བརྗོད་པའི་ཚིགས་སུ་བཅད་པ་ཚིག་ཉུང་ལ་དོན་རྒྱས་པ་ཞིག་ཚོགས་ཆེན་དང་གྲྭ་ཚང་དུ་འཛུགས་རྒྱུ་ལ་རྩོམས་ཤིག་ཅེས་གནས་ཆུང་ལྕོག་ནས་བསྟན་སྲུང་སྤྲུལ་པའི་ཆོས་རྒྱལ་ཆེན་པོས་བསྐུལ་མ་མཛད་པ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དཔལ་གྲོང་སྔགས་(༡༡ན)

― GLG025_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

རམས་པ་ངག་དབང་དགེ་ལེགས་སོ། །ཞེ་ལྕགས་བྱ་ཆོས་རྒྱལ་གཏེར་བདག་གླིང་བའི་མནལ་ལམ་མོ། སྡང་རྣམ་དག་རྡོ་རྗེ་རིགས་ཀྱི་ལྷ། །ཞི་བའི་ལས་མཛད་འཁོར་དང་བཅས་རྣམས་ཀྱིས། །འདོད་ཡོན་ལྔ་ལྡན་མཆོད་གཏོར་འདི་བཞེས་ལ། །ཤར་ཕྱོགས་རྡོ་རྗེ་མཁའ་འགྲོའི་བསུན་མ་བཟློག །འབྱུང་བ་ཆུ་དང་ཉོན་མོངས་ཞེ་སྡང་ལས། །གྱུར་པའི་འགལ་རྐྱེན་བར་ཆད་ཀུན་སོལ་ལ། །མེ་ལོང་ཡེ་ཤེས་རྡོ་རྗེ་ཚེ་དབང་བསྐུར། །མི་འགྱུར་མི་ཤིགས་རབ་ཏུ་བརྟན་པར་མཛོད། །ང་རྒྱལ་རྣམ་དག་རིན་ཅེན་རིགས་ཀྱི་ལྷ། །རྒྱས་པའི་ལས་མཛད་འཁོར་དང་བཅས་རྣམས་ཀྱིས། །འདོད་ཡོན་ལྔ་ལྡན་མཆོད་གཏོར་འདི་བཞེས་ལ། །ལྷོ་ཕྱོགས་རིན་ཅེན་མཁའ་འགྲོའི་བསུན་མ་བཟློག །འབྱུང་བ་ས་དང་ཉོན་མོངས་ང་རྒྱལ་ལས། །གྱུར་པའི་འགལ་རྐྱེན་བར་ཆད་ཀུན་སོལ་ལ། །མཉམ་ཉིད་ཡེ་ཤེས་རིན་ཅེན་ཚེ་དབང་བསྐུར། །མི་འགྱུར་མི་ཤིགས་རབ་ཏུ་བརྟན་པར་མཛོད། །འདོད་ཆགས་རྣམ་དག་པདྨ་རིགས་ཀྱི་ལྷ། །དབང་གི་ལས་མཛད་འཁོར་དང་བཅས་རྣམས་ཀྱིས། །འདོད་ཡོན་ལྔ་ལྡན་མཆོད་གཏོར་འདི་བཞེས་ལ། །ནུབ་ཕྱོགས་པདྨ་མཁའ་འགྲོའི་བསུན་མ་བཟློག །འབྱུང་བ་མེ་དང་ཉོན་མོངས་འདོད་ཆགས་ལས། །གྱུར་པའི་འགལ་རྐྱེན་བར་ཆོད་ཀུན་སོལ་ལ། །སོར་རྟོག་ཡེ་ཤེས་པདྨ་ཚེ་དབང་བསྐུར། །མི་འགྱུར་མི་ཤིགས་རབ་ཏུ་བརྟན་པར་མཛོད། །ཕྲག་དོག་རྣམ་དག་ལས་ཀྱི་རིགས་ཀྱི་ལྷ། །མངོན་སྤྱོད་ལས་མཛད་འཁོར་དང་བཅས་རྣམས་ཀྱིས། །འདོད་ཡོན་ལྔ་ལྡན་མཆོད་གཏོར་འདི་བཞེས་ལ། །བྱང་ཕྱོགས་ལས་ཀྱི་མཁའ་འགྲོའི་བསུན་མ་བཟློག །འབྱུང་(༡༡བ)

― GLG025_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

བ་རླུང་དང་ཉོན་མོངས་ཕྲག་དོག་ལས། །གྱུར་པའི་འགལ་རྐྱེན་བར་ཆད་ཀུན་སོལ་ལ། །བྱ་གྲུབ་ཡེ་ཤེས་འཕྲིན་ལས་ཚེ་དབང་བསྐུར། །མི་འགྱུར་མི་ཤིགས་རབ་ཏུ་བརྟན་པར་མཛོད། །གཏི་མུག་རྣམ་དག་སངས་རྒྱས་རིགས་ཀྱི་ལྷ། །ལྷུན་གྲུབ་ལས་མཛད་འཁོར་དང་བཅས་རྣམས་ཀྱིས། །འདོད་ཡོན་ལྔ་ལྡན་མཆོད་གཏོར་འདི་བཞེས་ལ། །དབུས་ཕྱོགས་བུདྡྷ་མཁའ་འགྲོའི་བསུན་མ་བཟློག །འབྱུང་བ་མཁའ་དང་ཉོན་མོངས་གཏི་མུག་ལས། །གྱུར་པའི་འགལ་རྐྱེན་བར་ཆད་ཀུན་སོལ་ལ། །ཆོས་དབྱིངས་ཡེ་ཤེས་ལྷུན་གྲུབ་ཚེ་དབང་བསྐུར། །མི་འགྱུར་མི་ཤིགས་རབ་ཏུ་བརྟན་པར་མཛོད། །སྣང་སྟོང་བདེ་ཆེན་གཞོམ་མེད་རྡོ་རྗེའི་སྐུ། །མཚན་དཔེའི་ལང་ཚོ་རབ་རྒྱས་རྒྱལ་ཀུན་གྱི། །ངོ་མཚར་སྤྱི་གཟུགས་གང་འདུལ་སྤྲུལ་པའི་སྐུ། །འགྱུར་མེད་སྐུ་ཡི་རྡོ་རྗེ་ཞབས་བརྟན་གསོལ། །གྲག་སྟོང་འགག་པ་མེད་པ་རྡོ་རྗེའི་གསུང་། །ཡན་ལག་དྲུག་ཅུ་ཟབ་གསང་ཆོས་ཀྱི་སྒྲ། །འགྲོ་བློའི་བསམ་པ་བཞིན་སྟོན་ལོངས་སྤྱོད་རྫོགས། །འགག་མེད་གསུང་གི་རྡོ་རྗེ་ཞབས་བརྟན་གསོལ། །རིག་སྟོང་སྐྱེ་འགག་གནས་བྲལ་རྡོ་རྗེའི་ཐུགས། །ཟབ་གསལ་ཡེ་ཤེས་ཆོས་ཀུན་འབྱུང་བའི་དབྱིངས། ཁྱབ་བདག་རྒྱལ་བའི་སྙིང་པོ་ཆོས་ཀྱི་སྐུ། །འཁྲུལ་མེད་ཐུགས་ཀྱི་རྡོ་རྗེ་ཞབས་བརྟན་གསོལ། །ཀུན་ཁྱབ་མཁའ་ལ་འཕྲིན་ལས་ཉིན་མོར་བྱེད། །འཆར་ནུབ་ཡོངས་བྲལ་ཕན་བདེའི་སྣང་བ་ཅན། །བསྟན་འགྲོའི་པད་ཚལ་རྒྱས་པའི་ཉེར་འཚོ་མཆོག །བསྐལ་པ་རྒྱ་མཚོ་རབ་ཏུ་གསལ་གྱུར་ཅིག །ཚུལ་འདི་འཁྲུལ་སྣང་བདེན་མེད་ཀྱི་ཟ་ཟིར་བུད་མེད་གཞོན་ནུ་མཛེས་ཤིང་ལང་ཚོ་རྒྱས་པ་ཞིག་གིས་མངའ་བདག་བཙན་པོའི་(༡༢ན)

― GLG025_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ཚེའི་བར་ཆད་ཞི་ཕྱིར་རིགས་ལྔའི་ལྷ་ལ་མཆོད་གཏོར་ཕུལ་ནས་འབྱུང་བ་རེ་དང་ཉོན་མོངས་པ་རེས་བསྐྱེད་པའི་བར་ཆད་སེལ་པའི་འཕྲིན་ལས་འཆོལ། རིགས་ལྔའི་ཚེ་དངོས་གྲུབ་ཏུ་ལོང་། དེའི་བཀའ་བབས་ལྷ་སྲས་ཀྱི་རྣམ་རོལ་དང་ཁྱོད་ལ་ཡོད་པས་སོ་ཟེར། རྨི་ལམ་དེ་གར་དོན་དེ་ཚང་བའི་རྩོམ་པ་ཞིག་བྱེད་ཁུལ་གྱི་བྲི་གཞིའི་སམ་ཊ་ཞིག་བཙལ་སོང་བར་མ་རྙེད་ཅིང་། འཇིམ་པ་ལྟ་བུའི་རྡོ་རྗེ་རྩེ་ལྔ་པ་ཞིག་ལ་བྲིས་ནས་འབུལ་ཁུལ་གྱི་རྡོ་རྗེ་དེའི་ཕྱོགས་གཅིག་སྐྱབས་མགོན་མཆོག་གི་ཕྱག་དང་ཕྱོགས་གཅིག་ང་རང་གིས་བཟུང་ནས་འདུག་པར་རྡོ་རྗེ་དེའི་རྭ་གཉིས་ཙམ་འགུལ་པའི་བྲུལ་ལ་ཁད་ཙམ་འདུག་པར་བྲུལ་ན་མི་རུང་བས་ཐབས་ཤིག་ལྟ་དགོས་སེམས་ཚེ། མི་དབང་ཆེན་པོའི་སྐུ་འཕག་ནས་དར་དམར་ཡུག་ཅིག་འདོན་པ་གནང་། དེས་རྭ་དེ་མི་འགུལ་བར་བཀྱིགས་ནས་ཡང་འབུལ་བ་སྣང་སོང་བར་ལེགས་པའི་རྟོག་པ་བྱེད་པ་ཞིག་བྱུང་བ། བུད་མེད་དེ་མཁའ་འགྲོ་འཚོ་རྒྱལ་ལྟ་བུ་ཞིག་ཡིན་ནམ་སྙམ་པ་དང་། གོང་གི་ཚིག་རིགས་ལྔའི་སྐོར་རྨི་ལམ་ལ་གང་བྱུང་མ་བརྗེད་པས་འཁྲུལ་སྣང་བཞིན་དང་། ཤློ་ཀ་ཕྱི་མ་བཞིའི་ཚིག་ཟུར་མ་ངེས་པ་འདྲ་བློས་བཅད་ནས་བྲིས་པ་དང་། ཤློ་ཀ་གསུམ་ཙམ་རྩ་བརྗེད་ཀྱི་འདྲི་རྒྱུ་མ་བྱུང་ལགས། སོ་སྐྱེའི་འཁྲུལ་སྣང་བདེན་མེད་ཅི་བརྟོལ་བསྐྱེད་ནས་ཕུལ་བ་འཁྲུལ་མེད་ཟབ་ཐུགས་ཆོས་ཀྱི་དབྱིངས་སུ་བཟོད་པར་བཞེས་པར་གསོལ་བ་འདེབས་ཤིང་། རྟེན་འབྲེལ་འདྲའི་ཁྱད་ནས་ཧམ་པ་བསྐྱེད་ནས་ཕུལ་བ་ལགས། །ཡིད་བཞིན་མཚོ་དབུས་པད་སྡོང་ཟེའུ་འབྲུའི་སྟེང་། །བདེ་ཆེན་གར་གྱི་ཉམས་(༡༢བ)

― GLG025_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་ཚེ་དབང་རྩལ། །སྟོང་ཉིད་སྙིང་རྗེའི་རང་གདངས་འཚོ་རྒྱལ་མ། །མཉམ་སྤྱོར་དངས་མས་སྲོག་གི་ཀ་བ་ཚུགས། །ཙཎྜ་ལཱི་སོགས་འཆི་མེད་ལྷ་ཚོགས་ཀྱིས། །མཁའ་འགྲོ་ཤུགས་འགྲོ་ལྷ་སྲིན་གདུག་ཅན་གྱི། །བསུན་མའི་ལམ་ཆོད་བླ་ཚེ་སྲོག་འཕྲོག་པའི། །རྩུབ་སེམས་དཔལ་ཞི་ཕྱིར་བཟློག་འཕྲིན་ལས་མཛོད། །འཁོར་འདས་ཡོངས་ཀྱི་ཕྱག་རྒྱ་ཟིལ་གནོན་པར། །ཀུན་བཟང་འཇམ་མགོན་རིག་པའི་མཁའ་དབྱིངས་སུ། །གང་ཤར་རང་གྲོལ་རྡོ་རྗེ་ཐོགས་མེད་རྩལ། །དཀྱིལ་འཁོར་རྒྱ་མཚོའི་བྱེད་པོར་བརྟན་གྱུར་ཅིག །གངས་ཅན་ལུགས་གཉིས་སྐྱོང་བ་མུ་ཁྲི་བཙན། །གནམ་སའི་ཁྱོན་ལ་སྟོབས་ཀྱི་འཁོར་ལོ་ཡིས། །དབང་སྒྱུར་སངས་རྒྱས་རྒྱ་མཚོ་གཡུང་དྲུང་བ། །ཨ་ཧོ་ཀ་བ་ཉེར་ཚུགས་ཞབས་བརྟན་ཤོག །རིགས་བརྒྱུད་དཔལ་འབྱོར་ལོངས་སྤྱོད་མངའ་ཐང་སོགས། །ངལ་གསོས་པོ་ཡི་བསོད་ནམས་སྐལ་མཉམ་ཞིང་། །འཇིག་རྟེན་གསུམ་གྱི་གཙུག་ན་ཞབས་སེན་ཟླ། །འཆར་བར་མེས་པོ་ཚངས་པའི་མཆེད་པོར་ཤོག །ཤཱཀྱ་སེང་གེའི་རིང་ལུགས་མ་ལུས་དང་། །ཁྱད་པར་ཞྭ་སེར་ཅོད་པན་འཆང་བའི་བསྟན། །ལྷ་གཅིག་སྙིང་སྟོབས་བརྩོན་པའི་དཔུང་པ་ཡིས། །ཉེར་བཏེག་སྲིད་མཐའི་བར་དུ་ཡར་རྒྱས་ཤོག །མཐའ་བཞི་དབུས་ཀྱི་འབངས་སུ་གཏོགས་སོ་ཅོག །ནད་མཚོན་དབུལ་ཕོངས་སྡུག་བསྔལ་ཀུན་ཞི་ཞིང་། །རིང་པོའི་ཚེ་དང་མཁོ་དགུའི་འབྱོར་བ་རྣམས། །ལྷ་ཡི་གྲོང་ཁྱེར་ས་ལ་འཕོས་འདྲར་ཤོག །འཁོར་འདས་ཡོངས་ཀྱི་ཡོན་ཏན་མ་ལུས་པས། །རྣམ་པར་རྒྱལ་པའི་ཕན་བདེ་ལེགས་བྱུང་བས། །བཤད་དང་སྒྲུབ་པའི་གླིང་འདི་ཉེར་བཀང་སྟེ། །སྲིད་མཐའི་(༡༣ན)

― GLG025_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

བར་དུ་དར་ཞིང་རྒྱས་པར་ཤོག །འདིས་མཚོན་ཐོག་མ་མེད་ནས་ད་ལྟའི་བར། །བསགས་པའི་བསོད་ནམས་ཕུང་པོར་སྤུངས་པ་ལས། །དེང་ནས་བྱང་ཆུབ་བར་དུ་ཕུན་ཚོགས་ཀྱིས། །མདུན་མ་མཐའ་དག་ལྷུན་གྱིས་གྲུབ་པར་ཤོག །ཁྲིམས་ལྡན་རིགས་འཛིན་འདུས་གླིང་ཚོགས་རྣམས་ཀྱིས། །ལྷག་བསམ་རྣམ་དག་ཀུན་བླངས་བདེན་བརྗོད་དང་། །རྟེན་ཅིང་འབྲེལ་པར་འབྱུང་བ་སླུ་མེད་མཐུས། །སྨོན་ལམ་རབ་བཏབ་རེ་བ་འབྲས་ལྡན་ཤོག །སྲིད་གསུམ་དབང་སྒྱུར་དམག་ཟོར་ལྷ་མོ་སོགས། །བསྟན་སྲུང་དམ་ཅན་རྒྱ་མཚོའི་ཚོགས་རྣམས་ཀྱིས། །བསམས་པ་ཇི་བཞིན་འགྲུབ་པའི་འཕྲིན་ལས་དང་། །བཀྲ་ཤིས་དཔལ་གྱིས་དུས་ཀུན་ཁྱབ་པར་མཛོད། །རིང་འཚོའི་ཚིགས་བཅད་དོན་བཟང་ལ་ཚིག་འཇམ་བདེ་བ་གྲྭ་ཚང་དུ་འཛུགས་རྒྱུ་ཞིག་དགོས་ཞེས་མཆོད་དཔོན་ངག་དབང་ཤེས་རབ་ཀྱིས་བསྐུལ་བ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དཔལ་གྲོང་སྔགས་རམས་པ་ངག་དབང་དགེ་ལེགས་སོ། །དགེ་འདིའི་དཀོན་མཆོག་རྣམ་གསུམ་ཐུགས་རྗེའི་མཐུས། །དགའ་ལྡན་ཕོ་བྲང་ཆོས་དང་སྲིད་ཀྱི་བསྟན། །དེ་འཛིན་ངག་དབང་བློ་བཟང་རྒྱ་མཚོའི་སྡེ། །བསྐལ་བརྒྱར་ཞབས་ཟུང་རྡོ་རྗེ་ལྟར་བརྟན་ཤོག །ས་ཡི་དབང་ཕྱུག་སངས་རྒྱས་རྒྱ་མཚོ་ཡི། །སྐུ་ཚེ་མངའ་ཐང་ཆབ་སྲིད་མ་ལུས་པ། །རྣམ་མང་ཐོས་པའི་སྲས་དང་འགྲན་ནུས་པར། །བླ་མ་ཡི་དམ་སྲུང་མས་བྱིན་གྱིས་རློབས། །ལྷག་བསམ་སྟོན་ཟླ་ལྟར་དཀར་རྒྱུ་སྦྱོར་བ། །འདིར་སྣང་ཚེ་རིང་ནད་མེད་བདེ་སྐྱིད་འཕེལ། །(༡༣བ)

― GLG025_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་བར་ལྷ་མིའི་རྟེན་བཟང་ཉེར་བརྒྱུད་ནས། །བླ་མེད་བྱང་ཆུབ་མྱུར་དུ་ཐོབ་པར་ཤོག །ཅེས་པ་འདི་ཡང་དར་མོ་སྨན་རམས་པ་བློ་བཟང་ཆོས་གྲགས་ཀྱིས་རིགས་མེད་ལ་མང་སྐོལ་དུས་ཚོགས་འདོན་དུ་དགོས་ཚུལ་ལྟར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དཔལ་གྲོང་སྔགས་རམས་པའོ། །མཐའ་ཡས་ཞིང་བཞུགས་རྒྱལ་བ་སྲས་བཅས་ཀྱི། །མཁྱེན་བརྩེ་གཅིག་བསྡུས་བློ་བཟང་བསྟན་པའི་གཉེན། །ངག་གི་དབང་ཕྱུག་བློ་བཟང་རྒྱ་མཚོ་ཡི། །ཞབས་པད་སྲིད་མཐའི་བར་དུ་བརྟན་གྱུར་ཅིག །སངས་རྒྱས་ཀུན་གྱི་མཁྱེན་བརྩེའི་གཏེར་ཆེན་པོ། །གང་འདུལ་འགྲོ་བའི་རེ་བསྐོང་བུམ་བཟང་མཆོག །ལྷ་མིའི་འདྲེན་མཆོག་མཐོང་བ་དོན་ལྡན་རྗེས། །ལྷར་བཅས་འགྲོ་རྣམས་སྲིད་མཐའི་བར་དུ་སྐྱོངས། །བསླུ་མེད་དཀོན་མཆོག་རིན་ཆེན་རྣམ་གསུམ་མཐུས། །རྒྱལ་བའི་འཕྲིན་ལས་སངས་རྒྱས་རྒྱ་མཚོ་ཡི། །སྐུ་ཚེ་ཆབ་སྲིད་སྲིད་མཐར་བརྟན་པ་དང་། །ཕུན་ཚོགས་ཡར་ངོའི་ཟླ་ལྟར་རྒྱས་པར་ཤོག །ཆུ་ཁྱི་ཟླ་བ་བདུན་པའི་ཚེས་བཅུ་དྲུག་ལ་ཚེར་གསེབ་ཆོས་སྐྱོང་ཆེན་པོས་མཛད་དེ་རང་ཕྱོགས་ཀྱི་དགོན་ཆེ་ཕྲ་རྣམས་ལ་འཛུགས་དགོས་ཚུལ་བྱུང་བ་ལྟར་པར་དུ་བཀོད་པའོ།། །།མངྒ་ལཾ།

མཆོད་རྟེན་གྱི་སྟོད་སྨད་བར་གསུམ་བསྒྲིག་པའི་ངག་འདོན།

― GLG025_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་རྟེན་གྱི་སྟོད་སྨད་བར་གསུམ་བསྒྲིག་པའི་ངག་འདོན་བཞུགས་སོ། །

― GLG025_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་རྟེན་གྱི་སྟོད་སྨད་བར་གསུམ་བསྒྲིག་པའི་ངག་འདོན་ནི། དཀོན་ཅོག་གསུམ་གྱི་མཚན་གཞུག་པའི་དུས། དགེ་འདུན་ཆོས་ལ་དགྲ་བྱུང་གི །རྫོགས་པའི་སངས་རྒྱས་ར་མདའ་རློག །གཟུ་དང་དཔང་དུ་དཀོན་ཅོག་བཞུགས། །བདག་གིས་མ་ཉེས་པའི་བདེན་པ་བདར། དགྲ་བགེགས་ཀྱི་ཉེས་པ་བསྒྲག །ཐོད་སྐུ་སོགས་བུམ་ནང་གི་སྐུ་རྣམས་བཞུགས་སུ་གསོལ་ནས། ཧཱུཾ། ཆོས་ཀྱི་དབྱིངས་ཀྱི་ཕོ་བྲང་ན། །དྲག་པོ་ཨེ་ཡི་གཞལ་ཡས་ན། །སྲོག་སྡུད་གཤིན་རྗེ་ནག་པོ་ནི། །ནག་པོ་དུག་ཆེན་འཁྱིལ་པའི་སྐུ། །དབུ་གསུམ་ཕྱག་དྲུག་ཞབས་བཞི་བགྲད། །ཕྱག་དྲུག་མཚོན་ཆས་དགྲ་བགེགས་སྒྲོལ། །སྐུ་ལ་དུར་ཁྲོད་རྒྱན་དང་ལྡན། ཁྲོ་རྒྱལ་ཐམས་ཅད་ཟིལ་གྱིས་གནོན། །དྲེགས་པ་ལྷ་སྲིན་རྡུལ་དུ་རློག །དམ་ཉམས་དགྲ་བོའི་གཤེད་མ་མཛོད། །ཨྱེ་མྱགས་ཀྱི་མཐར་དགྲ་བོའི་ཙིཏྟ་ཧུར་ཐུམས་ཛ༔ སྲོག་ལ་དུན་རྨུགས་བྲེང་ཤག་རྦད། བང་རིམ་དང་པོར་རིམ་བཞིན་གཤེད་བཞི་བཀོད་ལ། ཧཱུཾ སྲིན་པོ་ཡ་མ་རཱ་ཛའི་སྐུ། །སྨུག་ནག་བེ་ཅོན་ཙཀྲ་བསྣམས། །དམ་ཉམས་དགྲ་བོའི་གཤེད་མ་མཛོད། །ཡ་མ་(༢ན)

― GLG025_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

རཱ་ཛ་ས་དོ་མེ་ཡ་བསམ་ངན་སྦྱོར་རྩུབ་འཆང་བའི་བན་བོན་སྐྱེ་བོ་རྐང་འདྲེ་རྦོད་གཏོང་ཐམས་ཅད་ཀྱི་སྲོག་ལ་དུན་རྨུགས་རྦད། གཤིན་རྗེ་མྱོས་བྱེད་འབར་བའི་སྐུ། །སེར་ནག་བེ་ཅོན་འཁོར་ལོ་བསྣམས། །དམ་ཉམས་དགྲ་བོའི་གཤེད་མ་མཛོད། །ཡ་མེ་དོ་རུ་ཎ་ཡོ་ད་ཡ་བསམ་ངན་སྦྱོར་རྩུབ་འཆང་བའི་བན་བོན་སྐྱེ་བོ་རྦད་འདྲེ་རྦོད་གཏོང་ཐམས་ཅད་སྐྱི་སྲོག་ལ་ཁཾ་ཤག་རྦད། བདུད་པོ་ཨཱཪྻ་མ་རུའི་སྐུ། །དམར་ནག་བེ་ཅོན་འཁོར་ལོ་བསྣམས། །དམ་ཉམས་དགྲ་བོའི་གཤེད་མ་མཛོད། །ཡ་ད་ཡོ་ནི་ར་ཡ་ཀྵེ་ཡ་བསམ་ངན་སྦྱོར་རྩུབ་འཆང་བའི་བན་བོན་སྐྱེ་བོ་རྦད་འདྲེ་རྦོད་གཏོང་ཐམས་ཅད་ཀྱི་སྲོག་ལ་བྲེང་ཤག་རྦད། གནོད་སྦྱིན་རལ་པ་ཚར་དགུའི་སྐུ། །ལྗང་ནག་བེ་ཅོན་འཁོར་ལོ་བསྣམས། །དམ་ཉམས་དགྲ་བོའི་གཤེད་མ་མཛོད། །ཡཀྵེ་ཡཙྪ་ནི་རཱ་མ་ཡ་བསམ་ངན་སྦྱོར་རྩུབ་འཆང་བའི་བན་བོན་སྐྱེ་བོ་རྦད་འདྲེ་རྦོད་གཏོང་ཐམས་ཅད་ཀྱི་སྲོག་ལ་ཡཾ་ཤག་རྦད། བང་རིམ་གཉིས་པར་མོན་པ་བཞི་བཀོད་ལ། ཧཱུཾ། དུང་གི་མོན་པ་སེང་གེའི་མགོ །ལྕགས་ཀྱི་མོན་པ་སྟག་གི་མགོ །བསེ་ཡི་མོན་པ་དྲེད་ཀྱི་མགོ །གསེར་གྱི་མོན་པ་ཁྱུང་གི་མགོ །སྤྲུལ་པ་ལས་(༢བ)

― GLG025_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྲོག་གཤེད་བཞིས། །དམ་ཉམས་དགྲ་བོའི་གཤེད་མ་མཛོད། །ཀཱ་ལི་དུན་ཏིང་ཙིཏྟ་རོ་མྱགས་རྦད། །ཧ་ལ་ཧ་ལ་དུན་ཏིང་ཙིཏྟ་རོ་མྱགས་རྦད། རཀྴ་དུན་ཏིང་ཙིཏྟ་རོ་མྱགས་རྦད། ཀརྨ་བྷ་ཏི་དུན་ཏིང་རོ་མྱགས་རྦད། བང་རིམ་གསུམ་པ་བདུད་བཞི་བཀོད་ལ། ཧེ་ལེ་ཁྱབ་པ་ཤར་གྱི་བདུད། །ནག་པོ་འཛུམ་མེད་ལྷ་ཡི་བདུད། །སོ་འདར་འཁྲིགས་པ་ནུབ་ཀྱི་བདུད། །རལ་པ་སྤྱིར་བཅིངས་བྱང་གི་བདུད། །ལས་ཀྱི་བདུད་པོ་ཆེན་པོ་བཞི། །དམ་ཉམས་དགྲ་བོའི་གཤེད་མ་མཛོད། །རུ་ཏཱ་རུ་ཐུམས་བྷ་ཏི་སྲོག་ལ་ཐུར་ཐུར་མཱ་ར་ཡ། བང་རིམ་བཞི་པར་འཆི་བདག་བཅུ་གཉིས་བཀོད་ལ།ཧཱུཾ། ལྕགས་རི་འབར་བ་བཅུ་གཉིས་ལ། །འཆི་བདག་བདུད་ཀྱི་བདུད་ཆེན་པོ། །འཇིགས་བྱེད་ཆེན་པོ་འཇིགས་པའི་གཟུགས། །གདུག་པ་དུག་གི་ཁ་རླང་ཅན། །འབར་བ་གཏུམ་པོ་ཚོགས་ཀྱི་བདག །སྤྱན་གསུམ་ལྡོག་པའི་སྡང་མིག་སྒྱུར། །ཞལ་བགྲད་འབར་བའི་མཆེ་བ་གཙིགས། །ལྕེ་མྱང་མཆུ་ནི་ཁྲག་གིས་བརླན། །སོ་རྣོ་ལག་པ་ཁྲག་གི་དམར། །ཟངས་གྲི་ཞགས་པ་ནག་པོ་དང་། །གདུག་པའི་མཚོན་ཆ་མང་པོ་འཛིན། །སྙིང་རྗེ་མེད་པར་སོད་བྱེད་པ། །རྔམས་ཤིང་གཏུམ་པོའི་ཚོགས་བཅས་ཀྱིས། །དམ་ཉམས་དགྲ་བོའི་གཤེད་མ་མཛོད། །ཀྲྀ་ཥྞ་ཛ་མ་རི་དགྲ་བོའི་ཙིཏྟ་བྲེང་ཤས་ཛཿ སྲོག་ལ་ཧུར་ཐུམས་རྦད། བང་རིམ་བཞི་པའི་སྨད་ཆར་ཞག་གཤེད་སོ་གཉིས་བཀོད་ལ། ཧཱུཾ། སྒྲོན་མ་བསྡུས་པ། ཁྱམས་ཀྱི་འོབས་སུམ་ཅུ་རྩ་གཉིས་ལ། །ཤར་དུ་བདུད་པོ་ཁྲམ་ཤིང་ཐོགས་པ་བརྒྱད། །ལྷོ་ན་གཤིན་རྗེ་བེ་ཅོན་ཐོགས་པ་བརྒྱད། །ནུབ་ན་མ་མོ་ནད་རྐྱལ་བསྣམས་པ་བརྒྱད། །(༣ན)

― GLG025_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་དུ་གནོད་སྦྱིན་རལ་གྲི་བསྣམས་པ་བརྒྱད། །གཡོན་པ་ཀུན་གྱིས་འཁོར་ལོ་སྐོར། །དམ་ཉམས་དགྲ་བོའི་གཤེད་མ་མཛོད། །ཏཱི་ཙ་པ་ལ་ཨ་ཤུག་མེ་ཡ་དུན་ཤག་རྦད་བྷྱོ། དགྲ་བོ་བྱད་མ་མཱ་ར་ཡ་རྦད་ནན། དུ་ཏྲི་ཡ་ཏྲི་མ་ཏྲི་ཤི་ཏྲི་ཡ། དུག་ཤག་མྱགས་རྦད་བྷྱོ། དགྲ་བོ་བྱད་མ་མཱ་ར་ཡ་རྦད་ནན། སྒོ་བཞིར་སྒོ་བ་བཀོད་ལ། ཧཱུཾ། སྲོག་བདག་དཀར་པོ་སྙིང་འབྱིན་དང་། །མ་ཧཱ་ཀཱ་ལ་འཇིགས་པའི་སྐུ། །བདུད་པོ་ཡབ་རྗེ་ནག་པོ་དང་། །གནོད་སྦྱིན་སྐུ་མཆོག་དམར་པོ་བཞི། །དྲག་པོ་ལས་ཀྱི་སྒོ་བཞི་ནས། །དམ་ཉམས་དགྲ་བོའི་གཤེད་མ་མཛོད། །ཏྲི་ཅ་པ་ལ་ཨ་ཤུག་མེ་ཡ་དགྲ་བོ་བྱད་མའི་སྲོག་ལ་ཐུམས་རིལ་རྦད་བྷྱོ། མཱ་ར་ཡ་རྦད་ནན། མ་ཧཱ་ཀཱ་ལ་ཡ་དགྲ་བོ་བྱད་མ་ཐུན་ཁྲག་ཤག་ཙིཏྟ་རོ་མྱགས་རྦད་བྷྱོ། རུ་ཏྲ་དུ་རུ་ཡ། དགྲ་བོ་བྱད་མའི་རྩལ་དུན་རྨུགས་རྦད་བྷྱོ། ཡཀྴ་རུ་ལུ་ཧ་ཧ་ཡ། དགྲ་བོ་བྱད་མའི་ཁྲག་ལ་མུགས་ཏི་ཐུན་རྦད་བྷྱོ། མཱ་ར་ཡ་རྦད་བྷྱོ། སེང་ཁྲིའི་མཚོ་གདན་ལ་ཟ་མའི་གཤིན་རྗེ་དྲུག་ཅུ་བཀོད་ལ། ཧཱུཾ། དཀྱིལ་སྒྲོན་མ་བསྡུས་པ། འཁོར་མུ་ཁྱུད་ལྕགས་རི་ལ། །ཐད་མཁར་རྩང་ནི་དྲུག་ཅུ་ལ། །ཕོ་གཤེད་སུམ་བརྒྱ་དྲུག་ཅུ་དང་། །མོ་གཤེད་སུམ་བརྒྱ་དྲུག་ཅུ་དང་། །གཤིན་རྗེ་བདུན་བརྒྱ་ཉི་ཤུའི་ཚོགས། །མི་ལྤགས་གཡང་གཞི་གོས་སུ་གྱོན། །གཡས་པ་གནམ་ལྕགས་འཁོར་ལོ་དང་། །གཡོན་པ་ཐུན་གྱི་གོང་ཟོར་བསྣམས། །དམ་ཉམས་དགྲ་བོའི་གཤེད་མ་མཛད། །ཡ་མ་དུ་ན་དུ་ན་ཤ །གྷྲི་ན་གྷྲི་ན། པ་ཙ་པ་ཙ། ཧུ་ལུ་ཧུ་ལུ། བྷེ་ར་བྷེ་ར། ཧ་ལ་ཧ་ལ། ཡ་ཡ། མ་མ། (༣བ)

― GLG025_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

རུ་རུ། ནག་མ་ཧ་དྷེ་ཧྲེ་ཏ་ཡ་ནི་དུན་བྷྱོ་ཡ་དགྲ་བོ་བྱད་མ་མཱ་ར་ཡ་རྦད་ནན། དམག་སྡུད་ཀྱི་བསྐུལ་ནི། ཧཱུཾ། ཉོན་མོངས་ལས་ཀྱི་རུ་ཏྲ་འདི། །མ་རིག་མུན་པའི་སྨག་རུམ་དུ། །དུག་གསུམ་སྟོབས་ཀྱིས་གནོན་མཛད་པ། །འཆི་བདག་ནག་པོ་ཚེ་སྲོག་བདག །གསང་བ་བཤད་ཀྱི་ལྷ་ཁྱེད་ཀྱིས། །རང་གཤེད་མནན་པའི་ལས་མཛོད་ཅིག །ཨེ་རཾ་བཾ་ཡཾ་ཁཾ་ཤ་གི་ཙིཏྟ་གཏུབས། དགྲ་བོ་སས་གཏིབས། མེས་འཚིག །ཆུས་བསྐུར། རླུང་གིས་གཡོས། ཁ་རི་བཾ་ལྷུག་སྣ་རི་ཙི་རི་ཁས་གཡོན། དགྲ་བོའི་སྙིང་ལ་མཱ་ར་ཡ་རྦད་སོད། ལྕགས་སྡིག་གི་སྐབས་བྱས་པ་བཤིག་པ་དང་ལྕགས་འདྲེའི་སྐབས་གཤེད་པོ་ལས་རྒྱལ་གྱི་ངག་འདོན་ནི། ཧཱུཾ། ལྔ་བརྒྱ་དུས་ཀྱི་ཐ་མ་ལ། །སྔགས་པ་ནང་རྒྱས་བྱེད་པའི་ཚེ། །ལྷ་སྲིན་སྟོབས་འགྲན་བྱེད་པའི་དུས། །དྲག་སྔགས་གཅོད་འགྲན་བྱེད་པའི་ཚེ། །གཤེད་པོ་ལས་ཀྱི་རྒྱལ་པོ་ཁྱོད། །སྐྱེ་བ་སྔ་མའི་ལས་དབང་གིས། །སྒྲུབ་བྱེད་སྐྱེས་བུ་ཆེན་པོ་ལ། །སྡེ་དཔོན་དྲེགས་པའི་སྲོག་ཁང་ནས། །སྲོག་སྙིང་སྔགས་ཀྱི་རྣམ་པར་ཕྱུང་། །སེམས་ནི་སྔགས་ཀྱི་རྒྱུད་དུ་བྱུང་། །འཇིག་རྟེན་དྲེགས་པའི་སྲོག་སྔགས་ཀྱི། །དམ་ཉམས་ལས་ཀྱི་རུ་དྲ་ལ། རང་གཤེད་དབབ་པའི་འཕྲིན་ལས་མཛོད། །རཀྵ། ནཱ་ག །ཡ་མ། རག་མོ། རཀྴ། ཀྵེ་མ། བཛྲ་ཀྲོ་ཏ། དུན་ཏིང་ཀཱི་ལཱ་ཡ། མ་མ་རག་མོ། ཉིད་དུ་གཏུབས། ཧ་ཤ་རག་ཏྲག །དུ་ཕྲག་དུན་ཏིང་། འབིལ་ནི། ཨ་དུན་ཏྲི། ཏྲི་ཤ་ན། རྭ་ཙ་ཧསྟི། རཱ་ཙ་མུ་ཏྲ་ག །ཤ་ཏྲཱུཾ་ཏི་སྟ་རི་ནི་རོ། ཏྲི་ནག །ཨ་ཏྲི་སཱདྷུ། ཙ་ཏྲི་རཱ་ཙ། རཱ་(༤ན)

― GLG025_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

ཙ་ནཱ་ག །དེ་ཝ་རུ་ཏྲི། ཁ་རག་ཀྵེ་མ་ཏྲི། དུན་ཏི་ཧྲི་སྲོག་མཱ་ར་ཡ། གྷ་ན་བ་ཏི། བྷྲི་ན་ཀ་རོ། ཀཱ་ལ་དུ་པྲག བྱི་དུ་ར་ན། ནཱ་ག་མོ་ཏྲི། ས་ག་བྱི་དུ། དགྲ་བོ་བན་བོན་བྱད་མ་མཁན་སརྦ་སྟཾ་བྷ་ཡ་ནན། འདྲིད་རྦད་སརྦ་རྩ་སྦུར། སྲོག་ལ་ནན། སྙིང་གཟེར། བྲེང་ཤག་རཾ་ཡཾ་རྦད། ཚེ་བདག་ལུགས་གཉིས་ཀྱི་མཆོད་རྟེན་བསྒྲིག་དུས་ལ་ཉེར་མཁོ་འདིའང་ཟ་ཧོར་གྱི་བནྡེས་སྦྱར།། །།སརྦ་མངྒ་ལཾ།

རྗེ་བཙུན་སེང་ལྡེང་ནགས་སྒྲོལ་ལ་བརྟེན་པའི་མདོས་ཆོག་མཐོང་བས་དོན་གྲུབ།

― GLG025_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བཙུན་སེང་ལྡེང་ནགས་སྒྲོལ་ལ་བརྟེན་པའི་མདོས་ཆོག་མཐོང་བས་དོན་གྲུབ་བཞུགས་སོ། །

― GLG025_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མ་ཨཱཪྻ་ཏཱ་རཱ་ཡཻ། དུས་གསུམ་རྣམ་འདྲེན་བསྐྱེད་པའི་ཡུམ་གཅིག་མ། །ཁྱོད་ཀྱི་མཁྱེན་བརྩེ་ནུས་པས་བར་ཆད་ལས། །རྒྱལ་བྱེད་མདོས་ཀྱི་ཆོག་ཁྲིགས་མཐོང་བ་ཡིས། །དོན་ཀུན་འགྲུབ་པའི་འཕྲིན་ལས་འདི་ན་སྤེལ། །དེ་ལ་འདིར་རྗེ་བཙུན་སེང་ལྡེང་ནགས་སྒྲོལ་ལ་བརྟེན་པའི་མདོས་ཀྱི་ཆོ་ག་ཉམས་སུ་བླང་བ་ལ་བཅའ་གཞིའི་རིམ་པ་རྣམས་ཡིག་རྙིང་དང་མཐོང་བ་བརྒྱུད་པའི་ཕྱག་ལེན་ལྟར་ལེགས་པར་བཤམས། བདག་གསར་མ་སོར་བཞག་བྱེད་ན་བདག་བསྐྱེད་ཇོ་བོ་དང་བ་རིའི་ལུགས་གང་རུང་ནས་ལེན་ཅིང་སྨན་རག་ཚོགས་མཆོད་དོར་སྒོ་དབྱེ་མན་ནི་གཞན་ནས་ཁ་འགེང་བར་བཤད་པས་སྐྱོན་དུ་མི་འགྱུར་རོ། །བསྐྱེད་སྒོས་ཀྱི་བཅའ་གཞི་མཉྫི་དང་མཎྜལ་གྱི་སྟེང་དུ་བུམ་རྫས་ཉེར་ལྔ་བླུག་པའི་བུམ་པ་ཁ་རྒྱན་ཅན་སྨན་རཀ་གཏོར་གསུམ་མཆོད་པ་རྣམས་རྒྱས་པར་བཤམས། བུམ་པའི་ཁར་གཟུངས་ཐག་རྡོ་རྗེ་བཀོད། བདག་བསྐྱེད་ནི། ན་མོ་བླ་མ་བདེ་གཤེགས་འདུས་པའི་སྐུ༔ ཞེས་སོགས་ཤློཀ་གཉིས་ཀྱིས་སྐྱབས་སེམས་བྱ། འབྱུང་གཏོར་བཏང་ལ་བགེགས་ལ་བཀའ་བསྒོ་བ་ནི༔ ཧཱུཾ། ཉོན་ཅིག་བགེགས་དང་འབྱུང་པོ་རྣམས༔ བྱང་ཆུབ་སྒྲུབ་ལ་མི་དགའ་བའི༔ བདུད་སྡེ་དཔུང་དང་བཅས་པ་རྣམས༔ ང་ནི་རབ་འཇིགས་ཁྲོ་བོའི་རྒྱལ༔ ང་(༢ན)

― GLG025_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་བཀའ་ལས་མ་འདའ་བར༔ ལན་ཆགས་གླུད་གཏོར་འདི་ལོང་ལ༔ གནས་འདིར་མ་འདུག་མྱུར་དུ་དེངས༔ གལ་ཏེ་མི་འགྲོ་འདུག་གྱུར་ན༔ ཁྲོ་བོ་ཁྲོ་མོའི་ཚོགས་བཅས་ཀྱིས༔ ཁྱོད་ཀྱི་ལུས་ངག་ཡིད་དང་བཅས༔ བརླག་པར་འགྱུར་གྱིས་གཞན་དུ་མིན༔ དེ་བས་མ་འདུག་མྱུར་དུ་དེངས༔ ཨོཾ་སུཾ་བྷ་ནི་སུཾ་བྷ་ཧཱུཾ༔ གྲྀཧྞ་གྲྀཧྞ་ཧཱུཾ༔ གྲྀཧྞ་པ་ཡ་གྲྀ་ཧྞ་པ་ཡ་ཧཱུཾ༔ ཨཱ་ན་ཡ་ཧོ༔ བྷ་ག་ཝན༔ བིདྱཱ་རཱ་ཛ་ཧཱུཾ་ཕཊ༔ གཉིས་པ་མཚམས་བཅད་པ་ནི༔ ཧཱུཾ། ང་ནི་དབང་ཆེན་རབ་འཇིགས་ཁྲོས་པའི་སྐུ༔ མཚོན་ཆའི་འོད་ཟེར་ཁྲོ་ཚོགས་དཔག་མེད་འཕྲོ༔ རྡོ་རྗེའི་འཁོར་ལོ་རལ་གྲི་འབར་བ་དང་༔ དབྱུག་ཏོ་རྒྱ་གྲམ་ཕུར་པ་ལ་སོགས་གུར༔ ཡེ་ཤེས་ལྔ་ཡི་མེ་དཔུང་ལྔ་རུ་འབར༔ ཁྲོ་ཆུང་ཡཀྴ་མང་པོ་སྐར་ལྟར་འཁྲུག༔ སྒྲུབ་ལ་བར་དུ་གཅོད་པའི་དགྲ་དང་བགེགས༔ ཐམས་ཅད་རྡུལ་ཕྲན་བཞིན་དུ་བརླག་པར་བྱེད༔ སྟེང་འོག་ཕྱོགས་མཚམས་ཀུན་ཏུ་ཁྱབ་པར་སྲུངས༔ བཀའ་དང་མཚམས་ལས་སུ་ཡང་འདའ་མ་བྱེད༔ ཨཱོཾ་བཛྲ་ཙཀྲ་ཏིཀྵཱ་ཀརྨ་ཀཱི་ལ་ཡ་ཛྭ་ལ་རཾ་ཡཀྵ་ཀྲོ་ཏ་ཛྭ་ལ་མ་དྷ་ལ་ཧཱུཾ་ཕཊ༔ ཅེས་མཚམས་བཅད་དོ༔ གསུམ་པ་མཆོད་རྫས་ལ་བསངས་ཆུ་གཏོར་ཞིང་བྱིན་གྱིས་བརླབ་པ་(༢བ)

― GLG025_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

ནི༔ སྭ་བྷཱ་ཝས་སྣོད་བཅུད་ཐམས་ཅད་སྟོང་པར་སྦྱངས༔ སྟོང་པའི་ངང་ལས་ཐོད་པ་དང་བྷྲཱུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨཱོཾ་ཨཱཿཧཱུཾ༔ ཨོཾ་བྷྲཱུཾ་ཏྲཱཾ་ཧྲཱཾ་ཨ༔ ཨོཾ་བཛྲ་པུཥྤེ༔ དྷཱུ་པེ༔ ཨཱ་ལོ་ཀེ༔ གནྡྷེ༔ ནཻ་ཝི་དྱེ༔ ཤཔྟ་ཨཱཿཧཱུཾཿ ན་མ༔ སརྦ་ཏ་ཐཱ་ག་ཏེ་བྷྱོ་བི་ཤྭ་མུ་གེ་བྷྱཿ སརྦ་ཐཱ་ཁཾ་ཨུདྒ་ཏེ་སྥ་ར་ཎ་ཨི་མཾ་ག་ག་ན་ཁཾ༔ ཞེས་བརྗོད་པས་མཆོད་གཏོར་རྣམས་ཡེ་ཤེས་ཀྱི་བདུད་རྩི་རོ་མཆོག་བརྒྱ་དང་ལྡན་པཿ གཟུགས་མཛེས༔ སྒྲ་སྙན༔ དྲི་ཞིམ༔ རོ་བདའ༔ རེག་འཇམ༔ ཞལ་བསིལ༔ ཞབས་བསིལ༔ ཡོན་ཆབ༔ དྲི་ཆབ་ལ་སོགས་པ་མཆོད་པའི་བྱེ་བྲག་དཔག་ཏུ་མེད་པས་ནམ་མཁའ་དང་ས་གཞི་འཇིག་རྟེན་གྱི་ཁམས་ཐམས་ཅད་མཆོད་པའི་བྱེ་བྲག་དང་འདོད་ཡོན་གྱི་ལྷ་མོས་གང་བར་ནན་གྱི་བྱིན་གྱིས་བརླབ་བོ༔ སྨན་རཀ་གཏོར་གསུམ་སོགས་ཕྱི་ནང་གསང་བའི་མཆོད་རྫས་རྣམས་རང་རང་གི་བྱེད་ལས་ཁྱད་པར་ཅན་དཔལ་ཀུན་ཏུ་བཟང་པོའི་རྣམ་པར་ཐར་བ་ལས་བྱུང་བའི་མཆོད་པའི་སྤྲིན་ཕུང་ནམ་མཁའི་ཁམས་གང་བར་གྱུར། ཨོཾ་མ་ཧཱ་པཉྩ་ཨ་མྲི་ཏ་ཧཱུཾ་ཧྲཱིཿཋ། མ་ཧཱ་བྷ་ལིཾ་དྷ་ཧཱུཾ་ཧྲཱིཿཋ། ནམ་མཁའ་མཛོད་ཀྱི་སྔགས་དང་ཕྱག་རྒྱ་བྱ། བཞི་པ་རྟེན་གྱི་ལྷ་བསྐྱེད་པ་ནི༔ སྭ་བྷཱ་ཝས་སྟོང་པར་སྦྱངས་པའི་ངང་ལས་གནས་དེ་ཉིད་འཇའ་ཚོན་ལྔའི་འོད་དང་ཟེར་དུ་འཁྲུག་པ༔ ཁྱད་པར་དུ་ཨིནྡྲ་ནཱི་ལའི་མདོག་སྟེང་འོག་ཕྱོགས་མཚམས་ཀུན་ཏུ་ཡང་ལྗང་གུར་གསལ་བ་དག་པར་གྱུར་པའི་དབུས་སུ་པཾ་ལས་པདྨ་སྔོན་པོ་འདབ་མ་སྟོང་དང་ལྡན་པའི་སྟེང་དུ་ཨ་ལས་ཟླ་བའི་གདན་དང་ཟླ་བའི་རྒྱབ་ཡོལ་གྱི་དབུས་སུ་ཧཱུཾ་ཡིག་ལྗང་གུ་འོད་ཟེར་ལྔ་རུ་འཕྲོས་པས༔ ཕྱོགས་བཅུའི་རྒྱལ་བ་ཐམས་ཅད་མཆོད༔ སེམས་ཅན་གྱི་སྒྲིབ་པ་སྦྱངས༔ དོན་བྱས་ཚུར་(༣ན)

― GLG025_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་ཏཱཾ་ལ་ཐིམ༔ ཡོངས་སུ་གྱུར་བ་ལས༔ རྗེ་བཙུན་མ་ཞལ་གཅིག་ཕྱག་གཉིས་སྐུ་མདོག་ལྗང་གུ༔ ཕྱག་གཡས་པ་མཆོག་སྦྱིན༔ གཡོན་ཨུཏྤལའི་ཡུ་བ་མཐེབ་སྲིན་གྱིས་བཟུང་ནས་སྙན་གྱི་ཐད་ཀ་ནས་ཁ་བྱེ་བ༔ ཞབས་གཡས་བརྐྱང་གཡོན་བསྐུམ་ཞལ་འཛུམ་འོད་ཟེར་དང་ལྡན་ཞིང་དབུ་གཙུག་ན་སྣང་བ་མཐའ་ཡས་ཀྱིས་བརྒྱན་པ༔ གཞོན་ནུ་ལང་ཚོ་རྒྱས་པ༔ བཅུ་དྲུག་ལོན་པ༔ ནུ་མ་འབུར་བ༔ སྐུ་ལྡེམ་ལ་འགྱིང་བག་དང་ལྡན་པ༔ སངས་རྒྱས་ཀྱི་མཚན་ཐམས་ཅད་རྫོགས་པ༔ དབུ་རྒྱན་སྙན་རྒྱན་ཕྱག་གདུབ་ཞབས་གདུབ༔ དོ་ཤལ་དཔུང་རྒྱན་ལ་སོགས་རྒྱན་དུ་མས་སྤྲས་པ༔ དབུ་སྐྲ་སེར་ཞིང་ལི་བ་སྤྱི་བོར་བཅིངས་པ་ཟར་བུ་འཕྱང་བ༔ དར་ལྔའི་སྟོད་གཡོགས་དང་༔ དར་དམར་པོའི་ཤམ་ཐབས་ཅན༔ ནམ་མཁའི་འཇའམ་ཆུ་ནང་གི་ཟླ་བ་ལྟར་སྣང་བ་ལ་གདོས་བཅས་སུ་མ་གྲུབ་པ༔ འོད་ཟེར་དང་ལྡན་པ་ཞིག་གསལ་བར་ཡང་ཡང་བསྒོམ༔ དེའི་མཐའ་སྐོར་དུ་ཡང་སྒྲོལ་མ་ཉི་ཤུ་རྩ་གཅིག་དང་སངས་རྒྱས་བྱང་སེམས་ཡི་དམ་མཁའ་འགྲོ་ཆོས་སྐྱོང་དཔག་ཏུ་མེད་པས་བསྐོར་བར་བསྒོམ༔ རྗེ་བཙུན་མའི་སྤྱི་བོར་ཨོཾ་དཀར་པོ༔ མགྲིན་པར་ཨཱཿདམར་པོ༔ ཐུགས་ཀར་ཧཱུཾ་མཐིང་ག་དང་ཏཱཾ་ཡིག་ལྗང་གུ༔ ལྟེ་བར་ཧྲཱིཿསེར་པོ་རེ་བསམ༔ ཐུགས་ཀའི་ཡིག་འབྲུ་གཉིས་ལས་འོད་འཕྲོས༔ རྒྱ་གར་རྡོ་རྗེ་གདན་གྱི་ལྷོ་ནུབ༔ ནུབ་ཕྱོགས་ཨུ་རྒྱན་ཡུལ་གྱི་ཤར་རི་བོ་ཏ་ལ་བྱང་ཆུབ་སེམས་དཔའ་སྤྱན་རས་གཟིགས་ཀྱི་གནས་དང་༔ ལྷོ་ཕྱོགས་སེང་ལྡེང་གི་ནགས་ནས་ཐུགས་དམ་གྱི་རྒྱུད་བསྐུལ་ནས་བྱོན་པར་བསམ༔ ལྔ་པ་སྤྱན་དྲང་བ་ནི༔ རོལ་མོ་དང་དབྱངས་སྙན་པོས༔ ཧཱུཾ། ཆོས་སྐུ་སྐྱེ་མེད་ངང་ཉིད་ལས༔ ཐུགས་རྗེའི་སྨོན་ལམ་(༣བ)

― GLG025_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་འཁྲུངས་པ༔ ལོངས་སྤྱོད་རྫོགས་སྐུ་མཚན་དཔེས་སྤྲས༔ བཅོམ་ལྡན་ཐུགས་རྗེའི་ངང་ཅན་མ༔ ཚུར་གཤེགས་རྒྱལ་བ་བསྐྱེད་པའི་ཡུམ༔ འཕགས་མ་འཕགས་མ་གཤེགས་སུ་གསོལ༔ པོ་ཏ་ལ་ཡི་གནས་མཆོག་ནས༔ ཐུགས་རྗེའི་སྤྱན་དང་ཏཱཾ་ཡིག་ལ༔ འགྲོ་བ་སྐྱོབ་པར་སྐུ་སྤྲུལ་མ༔ ཡིད་བཞིན་དངོས་གྲུབ་ཀུན་གྱི་གཏེར༔ འགྲོ་བ་མགོན་མེད་རྣམས་ལ་ནི༔ བརྩེ་བ་ཆེན་པོས་གཤེགས་སུ་གསོལ༔ འཇིགས་བརྒྱད་ཞི་དང་ཚེ་དབང་རྒྱས༔ ཁམས་གསུམ་དབང་སྡུད་དྲག་པོ་ཡིས༔ མི་མཐུན་ཕྱོགས་རྣམས་བཟློག་པ་དང་༔ བདག་ལ་མཆོག་དང་ཐུན་མོང་སོགས༔ རེ་བའི་འདོད་དོན་མ་ལུས་པ༔ ཐམས་ཅད་སྩོལ་ཕྱིར་གཤེགས་སུ་གསོལ༔ ཨཱཪྻ་ཏཱ་ར་ས་མ་ཡ་ཛཿཧཱུཾ་བཾ་ཧོཿ ཞེས་རྗེ་བཙུན་མའི་ལྷ་ཚོགས་འཁོར་དང་བཅས་པ་སྐད་ཅིག་ལ་བྱོན་ནས་མདུན་གྱི་ནམ་མཁར་ཁྲ་ཕུང་ངེ་བཞུགས་པ་ལ་རང་ཐལ་མོ་སྦྱར་ལ༔ ཇི་སྙེད་སུ་དག་གམ༔ ཡན་ལག་བདུན་པ་གང་རུང་བ་ཞིག་འབུལ་ལོ༔ དྲུག་པ་བཞུགས་སུ་གསོལ་བ་ནི༔ ཧཱུཾ། བསོད་ནམས་དང་ནི་ཡེ་ཤེས་ཀྱིཿ ཚོགས་གཉིས་རྣམ་དག་ལས་གྲུབ་པའི༔ ཕོ་བྲང་གཞལ་ཡས་འོད་དུ་འབར༔ པདྨ་གེ་སར་ཟླ་བའི་སྟེང་༔ བཅོམ་ལྡན་འཕགས་མའི་ཚོགས་རྣམས་ཀུན༔ དགྱེས་ཤིང་བརྟན་པར་བཞུགས་སུ་གསོལ༔ ཨཱཪྻ་ཏཱ་ར་དྷེ་བ་དྷུ་ཀི་ནི་ས་མ་ཡ་ཏིཥྛ་ལྷན༔ ཞེས་ནམ་མཁའི་ཡེ་ཤེས་པ་རྣམས་དམ་ཚིག་བསྐྱེད་པ་ལ་ཆུ་འདྲེས་པ་ལྟར་དབྱེར་མེད་དུ་བཞུགས་པར་བསམ༔ ཡང་ཐུགས་ཀ་ནས་འོད་འཕྲོས་པས་ཕྱོགས་བཅུའི་རྒྱལ་བ་ཐམས་ཅད་རིགས་ལྔའི་ཚུལ་དུ་བྱོན་ནས་དབང་བསྐུར་བུམ་ཆུས་སྐུ་ནང་ཁེངས་སྤྱི་བོར་ལུད་པ་ལས་རིགས་ཀྱི་བདག་ཉིད་སྣང་བ་མཐའ་ཡས་ཀྱིས་དབུ་བརྒྱན་ཅིང་༔ གཞན་(༤ན)

― GLG025_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་རྣམས་ལའང་རང་རང་གི་རིགས་བདག་གིས་བརྒྱན་པར་བསམ༔ བདུན་པ་ཕྱག་འཚལ་བ་ནི༔ ཨེ་མ་ཧོ༔ དུས་གསུམ་སངས་རྒྱས་བསྐྱེད་པའི་ཡུམ༔ འགྲོ་དྲུག་བུ་བཞིན་སྐྱོང་བའི་མ༔ རྒྱལ་བའི་ཡུམ་ལ་ཕྱག་འཚལ་ལོ༔ འགྲོ་དྲུག་སྡུག་བསྔལ་གཟིར་བ་ལ༔ བྱམས་པའི་ཐུགས་རྗེས་སྐྱོབ་མཛད་མ༔ སྒྲོལ་མ་ཡུམ་ལ་ཕྱག་འཚལ་ལོ༔ ལས་ཀྱི་མེ་ཆེན་འབར་བ་ལ༔ ཐུགས་རྗེའི་ཆུ་ཡིས་བསིལ་མཛད་མ༔ འཕགས་མ་ཁྱོད་ལ་ཕྱག་འཚལ་ལོ༔ སྙིགས་མའི་འགྲོ་བ་ཉོན་མོངས་ལ༔ འཕགས་མ་ཁྱེད་ནི་ལྷག་པར་བརྩེ༔ ཐུགས་རྗེ་ཅན་ལ་ཕྱག་འཚལ་ལོ༔ གང་གིས་ཟོལ་མེད་བློ་ཡིས་ནི༔ མོས་པས་སྐད་ཅིག་དྲན་པས་ཀྱང་༔ སྡུག་བསྔལ་སྒྲོལ་ལ་ཕྱག་འཚལ་ལོ༔ ལྷ་མོ་ཐུགས་རྗེའི་ངང་ཅན་མ༔ བརྩེ་དང་མཁྱེན་དང་ནུས་པར་ལྡན༔ ཡིད་བཞིན་མ་ལ་ཕྱག་འཚལ་ལོ༔ དུས་མིན་འཆི་བ་ལ་སོགས་པ༔ མི་མཐུན་ཕྱོགས་རྣམས་ཀུན་སྐྱོབ་མ༔ སྐྱབས་ཆེན་མ་ལ་ཕྱག་འཚལ་ལོ༔ ཏཱ་ར་དྷེ་བ་དྷ་གི་ནི་ཨ་ཏི་པུ་ཧོ༔ པྲ་ཏི་ཛ་ཧོ༔ ཞེས་ཕྱག་བྱའོ༔ བརྒྱད་པ་སྐུ་ཁྲུས་གསོལ་བ་ནི༔ ཧཱུཾ། སྔོན་གྱི་རྒྱལ་བ་འཇིག་རྟེན་མགོན༔ ལུམྤིའི་ཚལ་དུ་བལྟམས་པ་ན༔ ཚངས་དང་བརྒྱ་བྱིན་ལྷ་རྣམས་ཀྱིས༔ ཇི་ལྟར་དག་པའི་ཁྲུས་གསོལ་ལྟར༔ དྲི་ལྡན་ཆབ་ནི་དགེ་བའི་ཆུས༔ དེ་བཞིན་བདག་གིས་སྐུ་ཁྲུས་གསོལ༔ ཡེ་ཤེས་མཆོག་གི་འཕགས་མ་ནི༔ གཙོ་འཁོར་ལྷ་ཡི་ཚོགས་རྣམས་ལ༔ སྐུ་ལ་སྒྲིབ་གཡོགས་མི་མངའ་ཡང་༔ བདག་ཅག་སྒྲིབ་པ་སྦྱང་བ་དང་༔ འགྲོ་རྣམས་བསོད་ནམས་བསག་པའི་ཕྱིར༔ དག་བྱེད་ཆུ་ཡིས་སྐུ་ཁྲུས་གསོལ༔ བདག་སོགས་ཉོན་མོངས་(༤བ)

― GLG025_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲིབ་དག་ནས༔ དྲི་མ་མེད་པའི་སྐུ་ཐོབ་ཤོག༔ ཨཱོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཧཱུཾ༔ ཞེས་མེ་ལོང་ངོས་ལ་སྐུ་ཁྲུས་གསོལ་ལོ༔ དེ་ནས་དར་རམ་རས་དྲི་མ་མེད་པ་ཐོགས་ལ༔ ཧཱུཾ། དྲི་བྲལ་ཡང་དག་མཆོག་གི་སྐུ་མངའ་བ༔ སྲེད་དང་ཆགས་སོགས་དྲི་མ་མི་མངའ་ཡང་༔ གཙང་དང་དྲི་ཞིམ་ལྡན་པའི་གོས་དག་གིས༔ འཕགས་མའི་ཚོགས་རྣམས་དགའ་བས་སྐུ་ཕྱིའོ༔ ཨཱོཾ་ཧཱུཾ་ཧྲཱིཿཀཱ་ཡ་བི་ཤོ་དྷ་ན་ཡེ་སྭཱ་ཧཱ༔ ལྷ་ཡི་ན་བཟའ་པཉྩ་ལི་ཀ་དང་༔ དྲི་མེད་དག་པ་ཀར་ཤི་ཀ་ཡི་རས༔ རྗེ་བཙུན་འཕགས་མ་འཁོར་དང་བཅས་པ་དང་༔ ཕྱོགས་བཅུའི་རྒྱལ་བ་ཀུན་ལ་དབུལ་བར་བགྱིའོ༔ ཨོཾ་སརྦ་ཏ་ཐཱ་ག་ཏ་ཨ་ལངྐ་ར་ཡེ་སྭཱ་ཧཱ༔ ཞེས་ན་བཟའ་དབུལ་ལོ༔ དགུ་པ་མཆོད་པའི་བྱེ་བྲག་རྣམས་འབུལ་བ་ནི༔ དང་པོ་ཕྱི་མཆོད་རྣམས་ལས་ཆུ་གསུམ་འབུལ་བ་ནི༔ ཧཱུཾ། དྲི་མེད་གཙང་ཞིང་དག་པ་བདུད་རྩིའི་ཆུ༔ ཡན་ལག་བརྒྱད་ལྡན་བཀྲ་ཤིས་དགེ་བའི་རྫས༔ སྤོས་དང་ག་པུར་ཙནྡན་ལ་སོགས་པ༔ བསིལ་དང་ངད་ལྡན་བདེ་བ་སྐྱེད་བྱེད་པ༔ ཞལ་བསིལ་ཞབས་བསིལ་ཡོན་ཆབ་ལ་སོགས་པ༔ རྗེ་བཙུན་འཕགས་མའི་ཚོགས་ལ་དབུལ་བར་བགྱི༔ ཨརྒྷཾ་པྲ་ཏཱི་ཙྪ་ཡེ་སྭཱ་ཧཱ༔ པཱ་དྱཾ་པྲ་ཏཱི་ཙྪ་ཡེ་སྭཱ་ཧཱ༔ དེ་ནས་མཎྜལ་འབུལ་བ་ནི༔ སྤྱི་དང་མཐུན་པར་རྒྱས་བསྡུས་གང་ཡང་རུང་བ་ལ་ཆ་གསུམ་དུ་འབུལ་ལོ༔ བཅུ་པ་འདོད་ཡོན་གྱི་མཆོད་པ་འབུལ་ཏེ༔ རྡོ་རྗེ་དྲིལ་བུ་གསོར་ཞིང་འཁྲོལ༔ རོལ་མོའི་སྒྲ་སྐབས་སུ་བསྒྲག་ཅིང་༔ ཧཱུཾ། སྟོང་གསུམ་འཇིག་རྟེན་ཕྱོགས་དུས་ཐམས་ཅད་དུ༔ འདོད་ཡོན་ལྔ་ལྡན་མཆོད་པའི་བྱེ་བྲག་ནི༔ དངོས་སུ་འབྱོར་དང་ཡིད་ཀྱིས་ལེགས་སྤྲུལ་ཏེ༔ རྒྱལ་བའི་ཡུམ་མཆོག་ཁྱོད་ལ་དབུལ་བར་བགྱིའོ༔ (༥ན)

― GLG025_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུཾ། རྒྱལ་བའི་དཀྱིལ་འཁོར་སྤྱན་ལ་མཆོད་འབུལ་མ༔ ལྷ་མོ་དཀར་མོ་རབ་མཛེས་ངང་ཚུལ་ཅན༔ དཀར་སེར་དམར་ལྗང་མཐིང་བའི་མདངས་ལྡན་པའི༔ སྒེག་མའི་ཕྱག་ན་མེ་ཏོག་སྣ་ཚོགས་ཐོགས༔ རྗེ་བཙུན་འཕགས་མའི་ཚོགས་ལ་དབུལ་བར་བགྱིའོ༔ ཨཱོཾ་ཨཱཿཧཱུཾ་ཏཱ་རེ་དྷེ་བ་དྷ་ཀི་ནི་བཛྲ་པུཥྤེ་ཧཱུཾ༔ རྒྱལ་བའི་དཀྱིལ་འཁོར་ཤངས་ལ་མཆོད་འབུལ་མ༔ ལྷ་མོ་སེར་མོ་རབ་མཛེས་ངང་ཚུལ་ཅན༔ ག་བུར་ཙནྡན་རྒྱ་ཤུག་ལ་སོགས་པའི༔ སྒེག་མའི་ཕྱག་ན་བདུག་སྤོས་སྣ་ཚོགས་བསྣམས༔ རྗེ་བཙུན་འཕགས་མའི་ཚོགས་ལ་དབུལ་བར་བགྱིའོ༔ ཨཱོཾ་ཨཱཿཧཱུཾ་ཏཱ་རེ་དྷེ་བ་དྷ་ཀི་ནི་བཛྲ་དྷཱུ་པེ་ཧཱུཾ༔ རྒྱལ་བའི་དཀྱིལ་འཁོར་ཐུགས་ལ་མཆོད་འབུལ་མ༔ ལྷ་མོ་དམར་མོ་རབ་མཛེས་ངང་ཚུལ་ཅན༔ འབྲུ་མར་རྩི་མར་སྣང་གསལ་འོད་ཀྱི་ཚོགས༔ སྒེག་མའི་ཕྱག་ན་སྣང་གསལ་དཔག་མེད་བསྣམས༔ རྗེ་བཙུན་འཕགས་མའི་ཚོགས་ལ་དབུལ་བར་བགྱིའོ༔ ཨཱོཾ་ཨཱཿཧཱུཾ་ཏཱ་རེ་དྷེ་བ་དྷ་ཀི་ནི་བཛྲ་ཨཱ་ལོ་ཀེ་ཧཱུཾ༔ རྒྱལ་བའི་དཀྱིལ་འཁོར་སྐུ་ལ་མཆོད་འབུལ་མ༔ ལྷ་མོ་ལྗང་གུ་རབ་མཛེས་ངང་ཚུལ་ཅན༔ ཙནྡན་གུར་ཀུམ་རྩི་ཆེན་དྲི་ལ་སོགས༔ སྒེག་མའི་ཕྱག་ན་དྲི་ཆབ་དཔག་མེད་བསྣམས༔ རྗེ་བཙུན་འཕགས་མའི་ཚོགས་ལ་དབུལ་བར་བགྱིའོ༔ ཨཱོཾ་ཨཱཿཧཱུཾ་ཏཱ་རེ་དྷེ་བ་དྷ་ཀི་ནི་བཛྲ་གྷནྡྷེ་ཧཱུཾ༔ རྒྱལ་བའི་དཀྱིལ་འཁོར་ལྗགས་ལ་མཆོད་འབུལ་མ༔ ལྷ་མོ་དཀར་མོ་རབ་མཛེས་ངང་ཚུལ་ཅན༔ རང་བྱུང་ལྷན་སྐྱེས་སྦྱར་བའི་ཞལ་ཟས་སོགས༔ སྒེག་མའི་ཕྱག་ན་ཞལ་ཟས་དཔག་མེད་བསྣམས༔ རྗེ་བཙུན་འཕགས་མའི་ཚོགས་ལ་དབུལ་བར་བགྱིའོ༔ ཨཱོཾ་ཨཱཿཧཱུཾ་ཏཱ་རེ་དྷེ་བ་དྷ་ཀི་ནི་བཛྲ་ནཻ་ཝི་དྱ་ཧཱུཾ༔ རྒྱལ་བའི་དཀྱིལ་འཁོར་སྙན་(༥བ)

― GLG025_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་མཆོད་འབུལ་མ༔ ལྷ་མོ་སྔོན་མོ་རབ་མཛེས་ངང་ཚུལ་ཅན༔ རྔ་དུང་དྲིལ་བུ་པི་ཝང་འབྱུང་བའི་སྒྲ༔ སྒེག་མའི་ཕྱག་ན་སིལ་སྙན་དཔག་མེད་བསྣམས༔ རྗེ་བཙུན་འཕགས་མའི་ཚོགས་ལ་དབུལ་བར་བགྱིའོ༔ ཨཱོཾ་ཨཱཿཧཱུཾ་ཏཱ་རེ་དྷེ་བ་དྷ་ཀི་ནི་བཛྲ་ཤཔྟ་ཧཱུཾ༔ བཅུ་གཅིག་པ་ནང་གི་མཆོད་པ་ནི༔ ཧཱུཾ། སྲིད་པར་གཏོགས་པའི་འཇིག་རྟེན་རབ་འབྱམས་ན༔ གཟུགས་མཆོག་རབ་མཛེས་ཇི་སྙེད་ཡོད་པ་ཀུན༔ རྡོ་རྗེ་གཟུགས་མའི་ཚོགས་སུ་ཀུན་སྤྲུལ་ནས༔ རྒྱལ་བ་བསྐྱེད་པའི་ཡུམ་ལ་དབུལ་བར་བགྱིའོ༔ ཨཱོཾ་ཨཱཿཧཱུཾ་བཛྲ་རཱུ་པ་པྲ་ཏཱི་ཙྪ་ཧཱུཾ༔ སྲིད་པར་གཏོགས་པའི་འཇིག་རྟེན་རབ་འབྱམས་ན༔ སྒྲ་མཆོག་སྐད་སྙན་ཇི་སྙེད་ཡོད་པ་ཀུན༔ རྡོ་རྗེ་སྒྲ་མའི་ཚོགས་སུ་ཀུན་སྤྲུལ་ནས༔ རྒྱལ་བ་བསྐྱེད་པའི་ཡུམ་ལ་དབུལ་བར་བགྱིའོ༔ ཨཱོཾ་ཨཱཿཧཱུཾ་བཛྲ་ཤཔྟ་ཧཱུཾ༔ སྲིད་པར་གཏོགས་པའི་འཇིག་རྟེན་རབ་འབྱམས་ན༔ དྲི་མཆོག་བཟང་པོ་ཇི་སྙེད་ཡོད་པ་ཀུན༔ རྡོ་རྗེ་དྲི་མའི་ཚོགས་སུ་ཀུན་སྤྲུལ་ནས༔ རྒྱལ་བ་བསྐྱེད་པའི་ཡུམ་ལ་དབུལ་བར་བགྱིའོ༔ ཨཱོཾ་ཨཱཿཧཱུཾ་བཛྲ་གྷནྡྷེ་ཧཱུཾ༔ སྲིད་པར་གཏོགས་པའི་འཇིག་རྟེན་རབ་འབྱམས་ན༔ ལོངས་སྤྱོད་རོ་མཆོག་ཇི་སྙེད་ཡོད་པ་ཀུན༔ རྡོ་རྗེ་རོ་མའི་ཚོགས་སུ་ཀུན་སྤྲུལ་ནས༔ རྒྱལ་བ་བསྐྱེད་པའི་ཡུམ་ལ་དབུལ་བར་བགྱིའོ༔ ཨཱོཾ་ཨཱཿཧཱུཾ་བཛྲ་རཱ་སེ་ཧཱུཾ༔ སྲིད་པར་གཏོགས་པའི་འཇིག་རྟེན་རབ་འབྱམས་ན༔ རབ་མཛེས་ན་བཟའ་ཇི་སྙེད་ཡོད་པ་ཀུན༔ རྡོ་རྗེ་རེག་མའི་ཚོགས་སུ་རྣམ་སྤྲུལ་ནས༔ རྒྱལ་བ་བསྐྱེད་པའི་ཡུམ་ལ་དབུལ་བར་བགྱིའོ༔ ཨཱོཾ་ཨཱཿཧཱུཾ་བཛྲ་སྤཪྴེ་ཧཱུཾ༔ སྲིད་པར་གཏོགས་པའི་འཇིག་རྟེན་རབ་འབྱམས་ན༔ སྣང་སྲིད་(༦ན)

― GLG025_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་མཆོག་ཇི་སྙེད་ཡོད་པ་ཀུན༔ རྡོ་རྗེ་ཆོས་མའི་ཚོགས་སུ་ཀུན་སྤྲུལ་ནས༔ རྒྱལ་བ་བསྐྱེད་པའི་ཡུམ་ལ་དབུལ་བར་བགྱིའོ༔ ཨཱོཾ་ཨཱཿཧཱུཾ་བཛྲ་དྷརྨ་མ་ཧཱ་མུ་དྲ་ཧཱུཾ༔ བཅུ་གཉིས་པ་བདེ་བའི་གསང་མཆོད་འབུལ་བ་ནི༔ ཧཱུཾ། རྡོ་རྗེ་རིགས་ཀྱི་རྗེ་བཙུན་འཕགས་མ་ལ༔ ཞེ་སྡང་ངོ་བོ་རྣམ་པར་དག་པ་ཡི༔ མེ་ལོང་ཡེ་ཤེས་བདེ་བའི་མཆོད་པ་འབུལ༔ ཀུན་ཏུ་བདེ་བའི་མཆོད་པས་མཉེས་གྱུར་ཅིག༔ རིན་ཅེན་རིགས་ཀྱི་རྗེ་བཙུན་འཕགས་མ་ལ༔ ང་རྒྱལ་ངོ་བོ་རྣམ་པར་དག་པ་ཡི༔ མཉམ་ཉིད་ཡེ་ཤེས་བདེ་བའི་མཆོད་པ་འབུལ༔ ཀུན་ཏུ་བདེ་བའི་མཆོད་པས་མཉེས་གྱུར་ཅིག༔ པདྨ་རིགས་ཀྱི་རྗེ་བཙུན་འཕགས་མ་ལ༔ འདོད་ཆགས་ངོ་བོ་རྣམ་པར་དག་པ་ཡི༔ སོར་རྟོག་ཡེ་ཤེས་བདེ་བའི་མཆོད་པ་འབུལ༔ ཀུན་ཏུ་བདེ་བའི་མཆོད་པས་མཉེས་གྱུར་ཅིག༔ ལས་ཀྱི་རིགས་ཀྱི་རྗེ་བཙུན་འཕགས་མ་ལ༔ ཕྲག་དོག་ངོ་བོ་རྣམ་པར་དག་པ་ཡི༔ བྱ་གྲུབ་ཡེ་ཤེས་བདེ་བའི་མཆོད་པ་འབུལ༔ ཀུན་ཏུ་བདེ་བའི་མཆོད་པས་མཉེས་གྱུར་ཅིག༔ དེ་བཞིན་རིགས་ཀྱི་རྗེ་བཙུན་འཕགས་མ་ལ༔ གཏི་མུག་ངོ་བོ་རྣམ་པར་དག་པ་ཡི༔ ཆོས་དབྱིངས་ཡེ་ཤེས་བདེ་བའི་མཆོད་པ་འབུལ༔ ཀུན་ཏུ་བདེ་བའི་མཆོད་པས་མཉེས་གྱུར་ཅིག༔ ཨཱོཾ་ཨཱཿཧཱུཾ་ཏཱ་ར་ཛྙཱ་ན་པཱུ་ཛ་ས་མ་ཡ་ཧཱུཾ༔ བཅུ་གསུམ་པ་གཏོར་མ་འབུལ་བ་ནི༔ མེ་རླུང་གི་སྦྱོར་བ་ལ་སོགས་སྤྱི་ལྟར་བྱིན་གྱིས་བརླབས༔ ཧཱུཾ། ངོ་མཚར་རྨད་དུ་བྱུང་བའི་གཏོར་མ་ནི༔ རང་བྱུང་རྣམ་དག་བདུད་རྩིའི་ངོ་བོ་ཉིད༔ ཡེ་ཤེས་ལྔ་ཡི་འོད་ཟེར་རྣམ་པར་འཕྲོ༔ འདོད་པའི་ཡོན་ཏན་ལྔ་ཡི་ཕུང་པོར་གསལ༔ མཆོད་པའི་ལྷ་མོར་དཔག་ཏུ་མེད་པས་གང་༔ (༦བ)

― GLG025_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

ཤ་ལྔ་བདུད་རྩི་སྨན་གཏོར་རཀྟའི་ཚོགས༔ དཔག་ཏུ་མེད་པའི་མཆོད་སྤྲིན་རྒྱ་མཚོ་འདིས༔ རྗེ་བཙུན་འཕགས་མའི་ལྷ་ཚོགས་མཉེས་གྱུར་ཅིག༔ ཏཱ་ར་དྷེ་པ་དྷ་ཀི་ནི་ཨ་མྲྀ་ཏ་མ་ཧཱ་བ་ལིངྟ་རཀྟ་སརྦ་པུ་ཛ་ཧཱུཾ༔ ཁ་ཁ་ཁཱ་ཧི་ཁཱ་ཧི༔ བཅུ་བཞི་པ་བསྟོད་པ་བྱ་བ་ནི༔ སངས་རྒྱས་ཀྱིས་བསྟོད་པ་ལས༔ གཉིས་གསུམ་བདུན་དུ་མངོན་པར་བརྗོད་ན༔ ཞེས་པས༔ ཧཱུཾ། སྤྱན་རས་གཟིགས་དབང་བརྩེ་བའི་ཐུགས་རྗེ་ཅན༔ འགྲོ་བ་ཀུན་གཟིགས་དག་པའི་སྦྱིན་ཉིད་ལས༔ འགྲོ་བའི་དོན་དུ་སྤྲུལ་པའི་བཅོམ་ལྡན་མ༔ བརྩེ་བའི་ཐུགས་རྗེ་ཅན་ལ་ཕྱག་འཚལ་བསྟོད༔ ཞལ་གཅིག་ཕྱག་གཉིས་ཨིནྡྲ་ནཱི་ལའི་མདོག༔ གཞོན་ནུ་ལང་ཚོ་བཅུ་དྲུག་ལོན་པའི་ཚུལ༔ གཡས་པ་མཆོག་སྦྱིན་གཡོན་པ་ཨུཏྤལ༔ དུས་གསུམ་རྒྱལ་བའི་ཡུམ་ལ་ཕྱག་འཚལ་བསྟོད༔ རིན་ཅེན་རྒྱན་སྤྲས་འཛུམ་པའི་འོད་ཟེར་ཅན༔ ལོངས་སྤྱོད་རབ་རྫོགས་རྒྱན་རྣམས་མ་ལུས་རྫོགས༔ འཕྲིན་ལས་རྣམ་བཞི་དངོས་གྲུབ་ཀུན་གྱི་གཏེར༔ དགོས་འདོད་རེ་བསྐོང་མ་ལ་ཕྱག་འཚལ་བསྟོད༔ ཅེས་བསྟོད་རྗེས་སུ་ཕྱག་འཚལ་ཉེར་གཅིག་བསྟོད་པ་ཚར་གཉིས་བཏོན་རྗེས་སུ༔ བུམ་པ་ལ་སྤྲོ་བསྡུ་བྱ་ཞིང་མང་དུ་བཟླས་སོ༔ ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ༔ ཞེས་བརྒྱ་དང་༔ ཨཱཪྻ་ཏཱ་ར༔ ཞེས་བརྒྱ་ཚར་གྱི་རྗེས་སུ་ཡང་བསྟོད་པ་ཚར་གསུམ་འདོན༔ ཡང་བསྙེན་པ་བརྒྱ་བཏོན་རྗེས་སུ་བསྟོད་པ་ཚར་བདུན་བྱའོ༔ བཅོ་ལྔ་པ་བཤགས་པ་བྱ་བ་ནི༔ མོས་གུས་ཚད་མེད་པས་ཡིད་སྨད་འགྱོད་པ་སྐྱེད་དེ༔ ཐལ་མོ་སྙིང་གར་སྦྱར་ལ༔ རྗེ་བཙུན་འཕགས་མའི་ལྷ་ཚོགས་ཐམས་ཅད་དགོངས༔ །བདག་ཅིག་མ་རིག་རྨོངས་ཤིང་ལས་ངན་པས༔ མི་དགེ་ལས་ཀྱི་སྒྲིབ་ཚོགས་ཅི་མཆིས་པ༔ གནོང་ཞིང་འགྱོད་(༧ན)

― GLG025_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་དྲག་པོས་མཐོལ་ཞིང་བཤགས༔ མ་ལྟར་བྱམས་པའི་ཐུགས་རྗེས་དགོངས་ནས་ཀྱང་༔ ཉེས་བྱས་སྒྲིབ་པའི་ཚོགས་རྣམས་བྱང་བར་ཤོག༔ བཛྲ་ས་མ་ཡེ་ཤུདྡྷེ་ཨཿ ཞེས་པ་དང་ཡིག་བརྒྱ་བཟླས་སོ༔ བཅུ་དྲུག་པ་ཐུགས་དམ་གནད་ནས་བསྐུལ་ཞིང་སྨྲེ་སྔགས་ཀྱིས་གསོལ་བ་བཏབ་པ་ནི༔ རྗེ་བཙུན་མའི་རྟེན་གྱི་དྲུང་དུ་ཐལ་སྦྱར་པུས་བཙུགས་ལུས་བ་སྤུ་གཡོ་བས༔ གདོང་མཆི་མ་འབྱིན་ཅིང་བུ་མ་ལ་དུངས་ནས་ངུ་བའི་ཚུལ་དུ་བྱའོ༔ ཀྱེ་ཧུད་འཕགས་མ་འཕགས་མ་བྱམས་ལྡན་ཐུགས་རྗེ་ཅན༔ རྒྱལ་པའི་ཡུམ་ཁྱོད་གནས་མཆོག་ག་ན་བཞུགས༔ སྐྱབས་མེད་བདག་ལ་དགོས་པའི་དུས་བྱུང་ངོ༔ ཐོག་མེད་དུས་ནས་ད་ལྟ་ཐུག་གི་བར༔ རིགས་དྲུག་འཁོར་བའི་གཡང་ཟ་དོང་རིང་འདིར༔ སྐྱེ་བ་གྲངས་མེད་ཤ་ཁྲག་ལུས་བླངས་ཀྱང་༔ བྱས་པའི་ལས་ལ་དོན་མེད་ཆུད་རེ་ཟོས༔ སྐྱེ་བ་ལན་ཅིག་ཙམ་ཞིག་ཐར་པའི་ལམ༔ བསྒྲུབ་པའི་འབྲེལ་ཡང་བདག་གིས་མ་ཞོགས་སམ༔ འཕགས་མའི་ཐུགས་རྗེས་བདག་ཉིད་བཏང་སྲིད་དམ༔ ཐུགས་རྗེས་བཟུང་དང་འཕགས་མ་རྒྱལ་བའི་ཡུམ༔ བདག་ནི་མ་རིག་ལས་ངན་སྡིག་སྒྲིབ་ཅན༔ མགོན་མེད་བདག་ནི་མ་ཡིས་མ་གཟིགས་སམ༔ དུངས་པའི་ང་རོས་འོ་དོད་བོས་ལགས་ན༔ མ་ཁྱོད་བརྩེ་བའི་ཐུགས་རྗེས་མི་འཛིན་ནམ༔ རིགས་དྲུག་འཁོར་བའི་དོང་དུ་ལྷུངས་ལགས་ན༔ འཕགས་མ་ཐུགས་རྗེའི་ཞགས་པས་མི་འདྲེན་ནམ༔ མ་རིག་མུན་པའི་ཡུལ་དུ་གཏན་འཁྱམས་ན༔ འཕགས་མ་ཐུགས་རྗེའི་སྒྲོན་མེ་མི་སྤོར་རམ༔ ལས་ཀྱི་ཡུལ་དུ་དབང་མེད་འཁྱམས་ལགས་ན༔ མ་ཅིག་ཐུགས་རྗེའི་ལྕགས་ཀྱུས་མི་འཛིན་ནམ༔ དགེ་བའི་མྱུ་གུ་ལོ་ཏོག་སྐམས་(༧བ)

― GLG025_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

ལགས་ན༔ འཕགས་མ་ཐུགས་རྗེའི་ཆར་རྒྱུན་མི་འབེབས་སམ༔ ཞེ་སྡང་དུག་ལྔའི་མེ་ཆེན་འབར་ལགས་ན༔ མ་ཅིག་ཐུགས་རྗེའི་ཆུ་ཡིས་མི་བརླན་ནམ༔ དུག་གསུམ་འཁྲུལ་པའི་ནད་ཀྱིས་གདུངས་ལགས་ན༔ མ་ཁྱོད་ཐུགས་རྗེའི་སྨན་གྱིས་མི་གསོ་འམ༔ དུས་འདིར་མ་ཁྱོད་ཐུགས་རྗེས་མ་བཟུང་ན༔ དེང་ནས་ཕྱིན་ཆད་ངེས་པའི་གནས་མེད་དོ༔ ཀྱེ་མ་ཀྱེ་ཧུད་འཕགས་མ་ཐུགས་རྗེ་ཅན༔ བདག་ལ་རེ་ལྟོས་སྐྱབས་གནས་གཞན་ན་མེད༔ སྐྱིད་སྡུག་རེ་ལྟོས་གཅིག་ཤེས་ཁྱོད་ཤེས་ན༔ ཐུགས་རྗེའི་དཔའ་ཚན་སྐྱེད་ཅིག་རྗེ་བཙུན་མ༔ འཁོར་བའི་གནས་སུ་ཡུན་རིང་གཏན་འཁུམས་ན༔ ནམ་ཞིག་ལས་ཟད་འབྲས་བུ་ཐོབ་པའི་ཚེ༔ འཕགས་མའི་ཐུགས་རྗེས་མི་འཚལ་དོན་མ་མཆིས༔ ལས་དབང་བཙན་ཞེས་བདག་ཉིད་བོར་གྱུར་ན༔ ཐུགས་རྗེ་ཆེ་ཞེས་སྐྱབས་གནས་སུ་ལ་བྱེད༔ འཕགས་མ་ཁྱོད་ལ་ཐུགས་རྗེའི་སྟོབས་མངའ་ཞིང་༔ སྔོན་འབྲེལ་གསོལ་བཏབ་བདེན་པ་མི་བསླུ་ན༔ ཐུགས་ལ་ལེ་ལོ་བཏང་སྙོམས་མི་མཛད་པར༔ སྐད་ཅིག་ཉིད་ལ་ཐར་པར་འདྲེན་དུ་གསོལ༔ ཚེ་འདིར་མི་མཐུན་རྐྱེན་ངན་བར་ཆད་དང་༔ རྒྱལ་པོ་མེ་ཆུ་ལྕགས་སྒྲོག་དུག་དང་མཚོན༔ རིམས་ནད་སྣ་ཚོགས་ཆོམ་རྐུན་དུས་མིན་འཆི༔ དགྲ་དང་བགེགས་སོགས་རྨི་ལམ་མཚན་ལྟས་ངན༔ ཆགས་ཆེ་ཉམ་ང་འཇིགས་པ་བརྒྱད་ལ་སོགས༔ མ་ལུས་ཞི་ཞིང་བཟློག་པར་མཛད་དུ་གསོལ༔ ཚེ་དབང་ལོངས་སྤྱོད་དཔལ་འབྱོར་འཕྲིན་ལས་རྣམས༔ གོང་ནས་གོང་དུ་འཕེལ་ཞིང་རྒྱས་པར་མཛོད༔ ཁམས་གསུམ་སྲིད་གསུམ་སྣང་སྲིད་ཐམས་ཅད་ཀྱི༔ སྣང་བ་དབང་དུ་འདུ་(༨ན)

― GLG025_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

བར་མཛད་དུ་གསོལ༔ བདུད་དང་དགྲ་བགེགས་འབྱུང་པོའི་ཚོགས་རྣམས་ཀུན༔ ཚར་གཅོད་དྲག་པོའི་འཕྲིན་ལས་མཛད་དུ་གསོལ༔ བདག་ནི་རྩེ་གཅིག་ཟོལ་ཟོག་མེད་པ་ཡིས༔ ཁ་ཙམ་མ་ཡིན་སྙིང་ནས་གསོལ་བཏབ་པས༔ འགྲོ་འདུག་ལས་བྱེད་གང་གི་ཕྱོགས་དག་ཏུའང་༔ བུ་གཅིག་མ་བཞིན་བརྩེ་བས་བསྐྱེད་དུ་གསོལ༔ འདི་དང་ཕྱི་མ་བར་དོའི་གནས་སྐབས་སུ༔ འབྲལ་མེད་རྟག་ཏུ་ཐུགས་རྗེས་བཟུང་དུ་གསོལ༔ བདག་གི་རྒྱུད་ལ་མི་རྟག་བྱམས་སྙིང་རྗེ༔ དད་དང་བརྩོན་འགྲུས་ངེས་འབྱུང་སྐྱོ་ཤས་དང་༔ ཟབ་མོའི་དོན་དང་སྟོང་ཉིད་ལྟ་བའི་མཆོག༔ རྟག་ཏུ་ཉམས་ལེན་སྐྱོ་ངལ་མེད་པ་དང་༔ ཚེ་དང་སྒྲུབ་པ་མཐའ་རུ་ཕྱིན་པར་ཤོག༔ ཅེས་སྐད་ཅིག་མ་ཡེངས་པར་སེམས་དུང་དུང་བས་གསོལ་བ་གདབ་བོ༔ བཅུ་དྲུག་པ་དབང་བསྐུར་བ་ནི༔ བུམ་པ་རྗེ་བཙུན་མའི་རྟེན་དང་བཅས་པ་རང་དང་གཞན་གྱི་སྤྱི་བོར་བཞག་ལ༔ རྗེ་བཙུན་མ་དངོས་སུ་གསལ་བའི་གནས་བཞི་ནས་བསྐྱེད་རིམ་གྱི་སྐབས་ལྟར་གནས་བཞི་ནས་ཡིག་འབྲུ་བཞི་ལས་འོད་ཟེར་བར་མ་ཆད་པར་བདག་གི་གནས་བཞིར་འཕྲོས་ཤིང་ཐིམ་པར་བསྒོམས་ལ༔ ཧཱུཾ། རྗེ་བཙུན་འཕགས་མ་ཐུགས་རྗེ་ཅན༔ རྣམ་དག་སྐུ་ཡི་སྒོ་ཕྱེ་ལ༔ མི་འགྱུར་རྡོ་རྗེ་ཚེ་ཡི་དབང་༔ སྐལ་ལྡན་ལུས་ལ་བསྐུར་དུ་གསོལ༔ ཨཱཪྻ་ཏཱ་ར་ཀཱ་ཡ་ཨ་བྷིཥིཥྩ་ཨཱོཾ༔ རྗེ་བཙུན་འཕགས་མ་ཐུགས་རྗེ་ཅན༔ འགག་མེད་གསུང་གི་སྒོ་ཕྱེ་ལ༔ འགག་མེད་རྣམ་གྲོལ་གསུང་གི་དབང་༔ སྐལ་ལྡན་ངག་ལ་བསྐུར་དུ་གསོལ༔ ཨཱཪྻ་ཏཱ་རེ་ཝཱ་ག་ཨ་བྷིཥིཉྩ་ཨཱཿ རྗེ་བཙུན་འཕགས་མ་ཐུགས་རྗེ་ཅན༔ སྤྲོས་བྲལ་ཐུགས་ཀྱི་སྒོ་ཕྱེ་ལ༔ སྤྲོས་མེད་རྡོ་རྗེ་ཐུགས་ཀྱི་དབང་༔ སྐལ་ལྡན་(༨བ)

― GLG025_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ལ་བསྐུར་དུ་གསོལ༔ ཙིཏྟ་ཨ་བྷི་ཥིཉྩ་ཧཱུཾ༔ རྗེ་བཙུན་འཕགས་མ་ཐུགས་རྗེ་ཅན༔ སྐུ་གསུམ་ཡོངས་རྫོགས་སྒོ་ཕྱེ་ལ༔ འཕྲིན་ལས་རྣམ་བཞི་འགྲོ་འདུལ་དབང་༔ སྐལ་ལྡན་ལུས་ངག་ཡིད་ལ་བསྐུར༔ སརྦ་ཨ་བྷི་ཥིཉྩ་ཧྲཱིཿ ཞེས་གནས་བཞིར་བཏུག་ཅིང་བུམ་ཆུ་བཏུང་ཞིང་ཁྲུས་བྱའོ༔ མཆོད་གཏོར་མདོས་ཡས་བྱིན་བརླབ་ནི། བདུན་གྱི་མཆོད་པ་དང་མདོས་ཡས་རྣམས་ལ་དམིགས་ཏེ་བདག་བསྐྱེད་ཀྱི་མཆོད་གཏོར་བྱིན་རླབས་རྣམས་བྱས་རྗེས། ཨ་མྲྀ་ཏས་བསངས། སྭ་བྷཱ་ཝས་སྦྱངས། མདུན་དུ་རིན་པོ་ཆེ་ལས་གྲུབ་པའི་ཁང་བཟང་ལྕགས་རིས་བསྐོར་བ་རྩེ་ཞོལ་དུ་ཡོན་བདག་རྣམས་ཀྱི་གླུད་ཕུང་ཁམས་སྐྱེ་མཆེད་རྣམས་ཡོངས་སུ་རྫོགས་པ་མཛེས་ཤིང་ཡིད་དུ་འོང་། ནམ་མཁའ། རྒྱང་བུ། མདའ་ཁྲ། འཕང་ཁྲ། ཕོ་གདོང་། མོ་གདོང་། གཏོར་མ། རིན་པོ་ཆེ། འབྲུ། སྨན་སོགས་མཐུན་པའི་རྗེས་ཐམས་ཅད་བཟང་ཞིང་གྱ་ནོམ་པ་ས་དང་བར་སྣང་ནམ་མཁའི་ཁྱོན་ཐམས་ཅད་ཡོངས་སུ་གང་བ་འདོད་པའི་ཡོན་ཏན་ལྔ་དང་ལྡན་པར་གྱུར༔ བསངས་གཞུང་ལས་བྱུང་བའི་སྔགས་དྲུག་ཕྱག་རྒྱ་དྲུག་གིས་བྱིན་གྱིས་བརླབས༔ མདུན་བསྐྱེད་ནི་རྗེ་བཙུན་མའི་སྐུ་གཟུགས་ལ་དམིགས་ནས། ཨོཾ་བཛྲ་ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་རང་གི་མདུན་དུ་ཐར་པ་ཆེན་པོའི་གཞལ་ཡས་ཁང་གྲུ་བཞི་སྒོ་བཞི། རྒྱན་རྟ་བབས། མཚན་ཉིད་ཡོངས་སུ་རྫོགས་པའི་དབུས་སུ་པདྨ་འདབ་བརྒྱད་ཀྱི་ལྟེ་བར་པ་ལས་པདྨ་དང་ཨ་ལས་ཟླ་བའི་གདན་གྱི་སྟེང་དུ་ཧཱུཾ་ལས་ཨུཏྤལ་ཏཱཾ་ལྗང་གུ་མཚན་པ་ལས་འོད་འཕྲོས། འཕགས་པ་མཆོད་སེམས་ཅན་གྱི་དོན་བྱས། ཚུར་འདུས་ཡོངས་སུ་གྱུར་པ་ལས། བཅོམ་ལྡན་འདས་རྗེ་(༩ན)

― GLG025_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

བཙུན་སྒྲོལ་མ་སྐུ་མདོག་རིན་པོ་ཆེ་མརྒད་ལྟར་ལྗང་བ་ཞལ་གཅིག་ཕྱག་གཉིས་པ་ཞབས་ཕྱེད་སྐྱིལ་དུ་བཞུགས་པ་ཕྱག་གི་ལས་མཆོག་སྦྱིན་གྱི་ཕྱག་རྒྱ་དང་། གཡོན་མེ་ཏོག་ཨུཏྤལ་སྔོན་པོའི་ཡུ་བ་མཐེབ་སྲིན་གྱི་བར་དུ་འཛིན་པས་འདབ་མ་སྙན་གྱི་ཐད་དུ་ཁ་བྱེ་བ། རིན་པོ་ཆེའི་དབུ་རྒྱན། མགུལ་རྒྱན། སྙན་རྒྱན། ཕྱག་གདུབ། ཞབས་གདུབ། སོར་གདུབ་ལ་སོགས་རྒྱན་དཔག་ཏུ་མེད་པས་སྤྲས་པ། དར་དཀར་པོའི་སྟོད་གཡོགས་དང་། དར་དམར་པོའི་ཤམ་ཐབས་ཅན་འོད་དཔག་མེད་ཀྱིས་དབུ་བརྒྱན་པ། ཡེ་ཤེས་འོད་ལྔ་འཁྲིགས་པའི་དབུས་སུ་བཞུགས་ཤིང་། སངས་རྒྱས་དང་བྱང་ཆུབ་སེམས་དཔའི་ཚོགས་སྤྲིན་གྱི་ཕུང་པོ་གཏིབས་པ་ལྟ་བུས་བསྐོར་བའི་སྤྱི་བོར་ཨཱོཾ། མགྲིན་པར་ཨཱཿ ཐུགས་གར་ཧཱུཾ་དེ་ལས་འོད་འཕྲོས། རང་བཞིན་གྱི་གནས་དང་། གཡུ་ལོ་བཀོད་པའི་ཞིང་ནས་རྗེ་བཙུན་མ་སྒྲོལ་མ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས། བཛྲ་ས་མཱ་ཛཿ མ་ལུས་སེམས་ཅན་ཀུན་གྱི་མགོན་གྱུར་ཅིང་། །བདུད་སྡེ་དཔུང་བཅས་མི་ཟད་འཇོམས་མཛད་ལྷ། །དངོས་རྣམས་མ་ལུས་ཡང་དག་མཁྱེན་གྱུར་པའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་བ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེ་རྣམ་སྦྱངས་ཤིང་། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པ། ཁྱོད་བཞེད་འགྲོ་དོན་མཛད་དུས་འདི་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང་། །མཐའ་ཡས་སེམས་ཅན་ཚོགས་རྣམས་བསྒྲལ་བྱའི་ཕྱིར། །ཡོངས་དག་འཁོར་དང་བཅས་ཏེ་གཤེགས་སུ་(༩བ)

― GLG025_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ། །པོ་ཏ་ལ་ཡི་གནས་མཆོག་ནས། །ཏཱཾ་ཡིག་ལྗང་གུ་ལས་འཁྲུངས་ཤིང་། །འོད་དཔག་མེད་ཀྱིས་དབུ་ལ་བརྒྱན། །དུས་གསུམ་སངས་རྒྱས་འཕྲིན་ལས་མ། །འགྲོ་བའི་དོན་དུ་གཤེགས་སུ་གསོལ། །བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་ནས་ཀྱང་། །ཐུགས་ལ་དགོངས་ཤིང་གནང་བར་མཛོད། །བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ནི། །ཇི་སྲིད་མཆོད་པ་བདག་བགྱིད་ན། །དེ་སྲིད་བཅོམ་ལྡན་བཞུགས་སུ་གསོལ། །ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡིས། །དེ་བཞིན་བདག་གིས་སྐུ་ཁྲུས་གསོལ། །ས་གཞི་སྤོས་ཀྱིས་བྱུགས་ཤིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་ལ་སྤྱོད་པར་ཤོག །རབ་འབྱམས་རྒྱ་མཚོ་དཔག་མེད་ན། །མཆོད་ཡོན་ཇི་སྙེད་ཡོད་པ་དང་། །བདག་གིས་གུས་པས་བཤམས་པ་འདི། །རྒྱལ་བ་སྲས་དང་བཅས་ལ་འབུལ། །ཨོཾ་ཨཱཪྻ་ཏཱ་ར་ས་པ་རི་ཝཱ་ར་ཨརྒྷཾ་པྲ་ཏཱི་ཙྪ་སྭཱ་ཧཱ། དེ་བཞིན་དུ། རབ་འབྱམས་རྒྱ་མཚོ་དཔག་མེད་ན། །ཞབས་བསིལ་ཇི་སྙེད་ཡོད་པ་རྣམས། །ཞེས་པ་ནས་བཟུང་སྟེ་རོལ་མོའི་བར་ཚིགས་བཅད་སྔགས་འདོན་པ་བསྒྱུར། །ལྷ་དང་ལྷ་མིན་ཅོད་པན་གྱིས། །ཞབས་གཉིས་པདྨོ་ལ་བཏུད་ཅིང་། །ཕོངས་པ་ཀུན་ལས་སྒྲོལ་མཛད་མ། །སྒྲོལ་མ་ཡུམ་ལ་ཕྱག་འཚལ་ལོ། །ཕྱག་འཚལ་སྒྲོལ་མ་མྱུར་མ་དཔའ་མོ། །སྤྱན་ནི་སྐད་ཅིག་གློག་དང་འདྲ་མ། །འཇིག་རྟེན་གསུམ་མགོན་ཆུ་སྐྱེས་ཞལ་གྱི། །གེ་སར་བྱེ་བ་ལས་ནི་བྱུང་མ། །(༡༠ན)

― GLG025_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་ཕྱག་འཚལ་ཉེར་གཅིག་གི་དང་པོ་སོང་རྗེས། གོང་ལྟར་ཆུ་གཉིས་ཉེར་སྤྱོད་ཀྱི་མཆོད་པ་འབུལ། དེ་བཞིན་དུ། ཕྱག་འཚལ་སྟོན་ཀའི་ཟླ་བ་ཀུན་ཏུ་ཞེས་པ་ནས་བཟུང་སྟེ། ཕྱག་འཚལ་བ་ནི་ཉི་ཤུ་རྩ་གཅིག་གི་བར་ཤློ་ཀ་རེ་དང་། རབ་འབྱམས་རྒྱ་མཚོ་མ་ཚར་རེ་སྤེལ། དེ་ནས་གཏོར་མ་ཆ་བཞིའི་དང་པོ་ལ་དམིགས་ནས། ཨོཾ་མཱུ་ལ་མཱ་ལ་ཤྲཱི་མངྒུ་རུ། ཨ་ཀཱ་རོ་སོགས་བཏགས་ཏེ་ལན་གསུམ་མམ་བདུན་གྱིས་བླ་མ་ལ། ཨོཾ་ཏྲཻ་རཏྣ་ལ་གཏོར་སྔགས་གཏོར་མ་གཉིས་པ་དཀོན་ཅོག་སྤྱི་ལ། ཡི་གེ་བཅུ་པ་ལ་གཏོར་སྔགས་བཏགས་ནས་གསུམ་པ་སྒྲོལ་མ་ལ། གཏོར་མ་བཞི་པ་དམག་ཟོར་མ་གུར་ཞལ་སོགས་རང་གང་མོས་ཀྱི་ཆོས་སྐྱོང་ལ་འབུལ། མདོས་ཀྱི་མདུན་དུ་འཇིག་རྟེན་པའི་གཏོར་མ་ཆ་དྲུག་རེ་བྱས་ཏེ་དང་པོ་ཕྱོགས་སྐྱོང་ལ་ཆ་གསུམ་ལྟར་དང་། གཉིས་པ་གཞི་བདག་ལ། གསུམ་པ་སྡེ་བརྒྱད་ལ་ཆ་གསུམ་ལྟར་བསྔོས་རྗེས། བླ་མ་དཀོན་ཅོག་གསུམ་གྱི་མཐུ་དང་། གསང་སྔགས་དང་། རིག་སྔགས་དང་། གཟུངས་སྔགས་དང་། སྙིང་པོ་དང་། ཕྱག་རྒྱ་དང་། ཏིང་ངེ་འཛིན་གྱི་མཐུ་དང་། བདེན་པའི་བྱིན་གྱིས་རླབས་ཀྱི་མཐུས་ལྷ་དང་། ཀླུ་དང་། དྲི་ཟ་དང་། གྲུལ་བུམ་དང་། ཤ་ཟ་དང་། སྲུལ་པོ་དང་། བརྗེད་བྱེད་དང་། སྨྱོ་བྱེད་དང་། རྒད་པོ་དང་། རྒད་མོ་དང་། བུ་མོ་དང་། བུ་ཕོ་དང་། འཁོར་གཡོག་དང་། མ་མོ་དང་། མཁའ་འགྲོ་དང་། ལོག་འདྲེན་དང་། གཤིན་རྗེ་དང་། རྒྱལ་པོ་དང་། འགོང་པོ་དང་། ནམ་མཁའ་ལྡིང་དང་། གཉན་དང་། ས་བདག་དང་། ཀླུ་སྲིན་དང་། གནོད་སྦྱིན་དང་། འབྱུང་པོ་དང་། བཙན་དང་། བདུད་དང་། ཡི་དྭགས་དང་། (༡༠བ)

― GLG025_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

ཤ་ཟ་དང་། གཟའ་དང་། རྒྱུ་སྐར་དང་། ལོ་དང་། ཟླ་བ་དང་། ཞག་དང་། ཟ་མ་ལ་སོགས་པ་ལ་གནོད་པའི་སྦྱོར་བ་བྱེད་པ་རྣམས་ཞི་བར་གྱུར་ཅིག །ཅེས་བརྗོད། བཞི་པ་བགེགས་ལ་ཆ་གསུམ་ལྟར་བསྔོས་རྗེས། ན་མ་དཀོན་ཅོག་གསུམ་ནས་བྱིན་རླབས་ཀྱི་བར་གོང་ལྟར་ལ། བགེགས་རིགས་སྟོང་ཕྲག་བརྒྱད་ཅུའི་གནོད་སེམས་དང་གདུག་རྩུབ་ཞི་བར་གྱུར་ཅིག །ཅེས་བརྗོད། ལྔ་པ་རིགས་དྲུག་དང་དྲུག་པ་ལན་ཆགས་ལ་གཏོང་བ་གཏོར་མ་བརྒྱ་རྩ་ནས་ལེན། ཚོགས་འཁོར་གཏེར་གཞུང་གང་འོས་ནས་ཁ་བསྒྱུར་ཏེ་ཚོགས་ལྷག་ཡན་གཏོང་། དེ་ནས་རོལ་ཆེན་དང་བཅས་རང་རྣམ་པ་རྟ་མགྲིན་དུ་གནས་བསྒྱུར་ཏེ་འདི་སྐད་དོ། །ཧཱུཾ། དམ་པ་ཆོས་སྐྱོང་སྲུང་མ་རྣམས། །འདིར་ནི་བཅོལ་བའི་ལས་རྣམས་མཛོད། །མཆོད་སྦྱིན་གཏོར་མ་གླུད་རྫས་འབུལ། །གནས་འདིར་གནོད་པ་མ་མཛད་ཅིག །སྣང་སྲིད་ལྷ་འདྲེ་སྡེ་བརྒྱད་པོ། །སྔགས་འཆང་བདག་གི་བཀའ་ལ་ཉོན། །གཞན་གྱིས་རྦད་ལ་མ་ཉན་ཅིག །གདོན་བགེགས་ཆེན་པོ་ཐམས་ཅད་ཀྱང་། །བསམ་སྦྱོར་ངན་པ་ཞི་བར་གྱིས། ཁྱེད་རྣམས་དགྱེས་པའི་གཏོར་མ་དང་། །གཟུགས་བརྙན་མང་པོ་རྣམས་དང་ནི། །ལ་རྫས་ལུང་རྫས་འདོད་དགུར་བཅས། །ཡིད་འོང་མཆོད་པ་སྦེ་ཞོལ་དང་། །དར་གྱི་གུར་ཕུབ་ལྡིར་རི་རི། །འབྲུ་ཚེམ་དགུ་ཡི་ཁྲི་ལ་བཞུགས། །དར་གླུད་རྒྱན་ཆ་སྣ་ཚོགས་དང་། །ཡིད་འོང་རྟ་ཕོ་ལེགས་མགྱོགས་ལ། །འབྲུ་ཡི་ངར་མི་ཆེན་པོ་བསྐྱོན། །ལུས་ལ་གསེར་གཡུ་མང་པོས་བརྒྱན། །དར་གྱི་གོས་བྱོན་ལྷུབས་སེ་ལྷུབ། །སྨྲ་བ་མཁས་ལ་ངག་སྙན་པ། །བཞིན་ནི་ལེགས་ལ་མདངས་རེ་ཆེ། །འོག་ན་རྟ་ཞོན་ཞུངས་སེ་ཞུང་། །མགོ་ལ་ཐོད་བཅིངས་པུར་རུ་རུ། །(༡༡ན)

― GLG025_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

རྩེད་འཇོ་སྣ་ཚོགས་བསྒྱུར་ལ་མཁས། །གཡུ་ཡི་ལྷམ་ཆུང་ཟུལ་ལུ་ལུ། །གསེར་གྱི་སྐ་རགས་ཁྱུགས་སེ་ཁྱུག །རྣམ་རྒྱལ་ལྡེམ་པ་སྐུ་ལ་བརྒྱན། །ཕོ་གདོང་མོ་གདོང་མི་སྐད་སྨྲ། །མདའ་རིགས་འདོད་དགུ་ཚང་བ་རྣམས། །ཡོན་བདག་གླུད་དུ་ཁྱེད་ལ་འབུལ། །ཡིད་འོང་ནོར་རྫས་མང་པོ་རྣམས། །ཞལ་ཟས་ཞིམ་ལ་མངར་དགུ་དང་། །གཡོག་འཁོར་ངར་མི་བཅུ་གསུམ་དང་། །སྨན་སྤོས་མར་མེའི་མཆོད་པ་རྣམས། ཁྱེད་རྣམས་ཀུན་ལ་འབུལ་ལགས་ཀྱི། །སྔགས་པའི་ཕུར་ཁ་བསྒྲིལ་བ་དང་། །ཡུངས་ཀར་ཐུན་གྱིས་བྲབ་པ་དང་། །ཟོར་ཁ་སྣ་ཚོགས་འཕེན་པ་དང་། །དེ་དག་ནུས་པ་ཕྱིར་ལ་བཟློག །བོན་པོ་རྔ་གཤང་དཀྲོལ་བ་དང་། །སྡུན་མར་འུར་རྡོ་འཕེན་པ་དང་། །དྲག་སྔགས་ཕྲ་མེད་ཉེ་འབྱེད་དང་། །སྡེ་བརྒྱད་དྲག་པོ་བསྐུལ་བ་དང་། །དེ་དག་ནུས་པ་ཕྱིར་ལ་བཟློག །ཆོས་སྐྱོང་ལྷ་འདྲེ་ཐམས་ཅད་ཀྱང་། །ལ་ལ་དཀོར་ཆའི་བཤུལ་དུ་འབྲེང་། །ལ་ལ་སྔགས་པ་དྲག་པོས་རྦད། །ལ་ལ་ལས་དང་རྒྱུ་འབྲས་སྟོན། །ལ་ལ་རིམས་དང་དལ་ཡམས་སྟོན། །འགའ་ཞིག་བདེན་པའི་སེར་བ་འབེབས། །ཆར་པ་མི་འབབ་ལོ་ཉེས་བྱེད། །ལམ་ཆགས་བུ་ལོན་འདྲེན་པ་དང་། །ཉེ་འབྲེལ་རོགས་ཀྱི་བཤུལ་དུ་འབྲང་། །མཛེ་ནད་གཏོང་བའི་ཀླུ་རྣམས་དང་། །གནོད་བྱེད་ལན་ལེན་འདྲེ་རྣམས་དང་། །ཤ་ཁྲག་སྲོག་དབུགས་ཟ་བ་དང་། །ངར་སྣབས་མི་གཙང་ཟ་བ་དང་། །འབྱུང་པོའི་ལྷ་དང་ས་བདག་དང་། །ལོ་དང་སྨེ་བ་སྤར་ཁ་དང་། །ཀུན་ཀྱང་གླུད་ཀྱིས་མཉེས་གྱུར་ཅིག །གནོད་འགལ་ངན་པ་ཞི་བར་མཛོད། །བུ་ལོན་ལན་ཆགས་ཁྱེར་གྱུར་ཅིག །བདག་ཅག་ལོངས་(༡༡བ)

― GLG025_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་འཕེལ་བར་མཛོད། །རྐྱེན་ངན་བར་ཆད་ཕྱིར་ལ་བཟློག །རྦོད་གཏོང་ནུས་པ་བཟློག་ཏུ་གསོལ། །བསམ་པའི་དོན་རྣམས་གྲུབ་པར་མཛོད། །བྱམས་པའི་སེམས་ཀྱིས་མཆོད་སྦྱིན་གྱིས། །སྙིང་རྗེའི་སྟོབས་ཀྱིས་དམ་ཆོས་བཤད། ཁྱོད་ཀྱང་མ་རིག་འཁོར་བར་འཁྱམས། །ད་ནི་བྱང་ཆུབ་སེམས་སྐྱེད་ཅིག །རང་གི་ལུས་ལ་དཔེ་ལོང་ལ། །གཞན་གྱི་ལུས་ལ་གནོད་མ་བྱེད། །སྡིག་སྤོངས་ཐར་པའི་ལམ་ལ་བཀོད། །ནད་དང་དལ་ཡམས་བཟློག་ཏུ་གསོལ། །ཚེ་དང་དབང་ཐང་ལོངས་སྤྱོད་དང་། །འབྲས་བུ་ཐམས་ཅད་འཕེལ་བར་མཛོད། །གློ་བུར་བརྒྱད་ཅུ་རྩ་བཞི་བཟློག །ཡེ་འབྲོག་སུམ་བརྒྱ་དྲུག་ཅུ་བཟློག །བཞི་བརྒྱ་རྩ་བཞིའི་ནད་རྣམས་བཟློག །སྟོང་ཕྲག་བརྒྱད་ཅུའི་གདོན་རྣམས་བཟློག །ཡས་ཀྱི་བདུད་དུ་གཡོས་པ་བཟློག །མས་ཀྱི་སྲི་རུ་ལངས་པ་བཟློག །ཕ་ཚན་ནང་གི་རྒྱ་འདྲེ་བཟློག །མ་ཡི་བྱུར་འདྲེ་ལ་སོགས་བཟློག །སྡང་བའི་དགྲ་རྣམས་བཟློག་པ་དང་། །གནོད་པའི་བགེགས་རྣམས་མ་ལུས་བཟློག །གཞན་ཡང་ལོ་ཀེག་ཟླ་ཀེག་དང་། །ཞག་ཀེག་མ་ལུས་བཟློག་ཏུ་གསོལ། །ལྷ་འདྲེ་སྲིས་ལ་རྐུ་བ་དང་། །འཕུང་འདྲེ་མ་ལུས་བཟློག་ཏུ་གསོལ། །མི་ནད་ཕྱུགས་ནད་ཐམས་ཅད་དང་། །བྱིས་པའི་གདོན་ཆེན་བཅོ་ལྔ་བཟློག །མི་ཁ་དགྲ་མཆུ་ཐམས་ཅད་བཟློག །གཡུལ་རྣམས་མ་ལུས་ཞི་བར་མཛོད། །དགྲ་དང་ཡམས་ནད་བཟློག་ཏུ་གསོལ། །མྱོས་ཤིང་འཐིབས་པ་བསལ་བར་མཛོད། །ཉིན་གཅིག་པ་དང་ཉིན་གཉིས་པ། །ཉིན་གསུམ་པ་ཡི་རིམས་རྣམས་དང་། །རིམས་རྣམས་ཐམས་ཅད་ཞི་བར་མཛོད། །ཉམ་ང་བག་ཚ་བཟློག་ཏུ་གསོལ། །འཐབ་རྩོད་འདུམས་པར་མཛད་དུ་གསོལ། །ཡུལ་ཕྱོགས་དགེ་ཞིང་དར་བ་དང་། །དམ་(༡༢ན)

― GLG025_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཕྱོགས་བཅུར་དར་བར་མཛོད། །ལོ་བརྒྱ་ཐུབ་ཅིང་སྟོན་བརྒྱ་མཐོང་བ་དང་། །བཀྲ་ཤིས་བདེ་ལེགས་ཕུན་སུམ་ཚོགས་པ་དང་། །ཚེ་དང་བསོད་ནམས་དཔལ་དུ་འབར་བར་མཛོད། །མི་ཚེ་དགེ་ཞིང་དངོས་གྲུབ་མ་ལུས་སྩོལ། ཞེས་བསྔོས་ནས་ལན་ཁ་ཡར་གཏོང་ཚེ་མཆོད་གཏོར་དང་ཡས་རྣམས་གསོས་ཏེ་བྱིན་རླབས་བྱ། ཕྱག་འཚལ་ཉེར་གཅིག་གི་མཆོད་པ་ནས་བཟུང་འདིའི་བར་ཚོགས་འཁོར་མ་གཏོགས་ཤར་མར་གཏོང་། མཐར་འཇིག་རྟེན་པའི་གཏོར་མ་རྣམས་མདོས་ཀྱི་ནང་དུ་བསྒྲིལ། མདོས་ལམ་ཐེན། སྒོ་དབྱེ་ནི། མདོས་ཁ་བསྒྱུར་ལ། ཀྱེ། སྐྱོད་དོ་གཤེགས་སོ་བགེགས་དང་དམ་སྲིན་ཚོགས། །ཕོ་བྲང་དེ་ནི་ད་སྐྱོད་འཚལ། ཆིབས་ཁ་དེ་ནི་ད་བསྒྱུར་འཚལ། །ཤར་གྱི་སྒོ་བས་སྒོ་དབྱེ་འཚལ། །རྣམ་པར་རྒྱལ་བས་འཕྲང་སོལ་འཚལ། །མདོས་འགྲོ་དེ་ནི་ཤར་དུ་འགྲོ། །གླུད་འགྲིམ་དེ་ནི་ཤར་དུ་འགྲིམ། །ཤར་ཕྱོགས་རྒྱལ་པོ་ཡུལ་འཁོར་སྲུང་། །དྲི་ཟ་འབུམ་གྱི་འཁོར་གྱིས་བསྐོར། ཁྱེད་ཀྱང་མདོས་ཀྱི་བདག་པོ་སྟེ། །མདོས་བདག་ལ་སོགས་མདོས་བཞེས་ཤིག །གླུད་བདག་ལ་སོགས་གླུད་བཞེས་ཤིག །ད་གཤེགས་དེ་ནི་ད་རེ་རན། །ཕོ་བྲང་དེ་ནི་ད་སྐྱོད་འཚལ། །ཆིབས་ཁ་དེ་ནི་ད་སྒྱུར་འཚལ། །ཧཱུཾ སྐྱོད་དོ་གཤེགས་སོ་བགེགས་དང་མ་སྲིན་ཚོགས། །ཕོ་བྲང་དེ་ནི་ད་སྐྱོད་འཚལ། །ཆིབས་ཁ་དེ་ནི་ད་སྒྱུར་འཚལ། །ལྷོ་ཡི་སྒོ་བས་སྒོ་ཕྱེ་འཚལ། །ལྷོ་ཕྱོགས་གསེར་སྒོ་སེར་པོ་ཕྱེ། །ལྷོ་ཡི་འཕྲང་བས་འཕྲང་སོལ་འཚལ། །གཤིན་རྗེ་གཤེད་པོས་འཕྲང་སོལ་འཚལ། །མདོས་འགྲོ་དེ་ནི་ལྷོ་རུ་འགྲོ། །གླུད་འགྲིམ་དེ་ནི་ལྷོ་རུ་འགྲིམ། །ལྷོ་ཕྱོགས་རྒྱལ་པོ་འཕགས་སྐྱེས་པོ། །ཤར་ཕྱོགས་དུང་སྒོ་དཀར་པོ་ཕྱེ། །ཤར་གྱི་འཕྲང་བས་འཕྲང་སོལ་འཚལ། །གཤིན་རྗེ་འབུམ་གྱི་(༡༢བ)

― GLG025_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་གྱིས་བསྐོར། ཁྱོད་ཀྱང་མདོས་ཀྱི་བདག་པོ་སྟེ། །མདོས་བདག་ལ་སོགས་མདོས་བཞེས་ཤིག །གླུད་བདག་ལ་སོགས་གླུད་བཞེས་ཤིག །དེ་གཤེགས་དེ་ནི་ད་རེ་རན། །ཕོ་བྲང་དེ་ནི་ད་སྐྱོད་འཚལ། །ཆིབས་ཁ་དེ་ནི་ད་སྒྱུར་འཚལ། །ཧཱུཾ། སྐྱོད་དོ་གཤེགས་སོ་བགེགས་དང་མ་སྲིན་ཚོགས། །ཕོ་བྲང་དེ་ནི་ད་སྐྱོད་འཚལ། །ཆིབས་ཁ་དེ་ནི་ད་སྒྱུར་འཚལ། །ནུབ་ཀྱི་སྒོ་བས་སྒོ་བྱེ་འཚལ། །ནུབ་ཕྱོགས་ཟངས་སྒོ་དམར་པོ་ཕྱེ། །ནུབ་ཀྱི་འཕྲང་བས་འཕྲང་སོལ་འཚལ། །རྟ་མགྲིན་རྒྱལ་པོས་འཕྲང་སོལ་འཚལ། །མདོས་འགྲོ་དེ་ནི་ནུབ་ཏུ་འགྲོ། །གླུད་འགྲིམ་དེ་ནི་ནུབ་ཏུ་འགྲིམ། །ནུབ་ཕྱོགས་རྒྱལ་པོ་སྤྱན་མི་བཟང་། །ཀླུ་དབང་འབུམ་གྱི་འཁོར་གྱིས་བསྐོར། ཁྱོད་ཀྱང་མདོས་ཀྱི་བདག་པོ་སྟེ། །མདོས་བདག་ལ་སོགས་མདོས་བཞེས་ཤིག །གླུད་བདག་ལ་སོགས་གླུད་བཞེས་ཤིག །ད་གཤེགས་དེ་ནི་ད་རེ་རན། །ཕོ་བྲང་དེ་ནི་ད་སྐྱོད་འཚལ། །ཆིབས་ཁ་དེ་ནི་ད་སྒྱུར་འཚལ། །ཧཱུཾ། སྐྱོད་དོ་གཤེགས་སོ་བགེགས་དང་མ་སྲིན་ཚོགས། །ཕོ་བྲང་དེ་ནི་ད་སྐྱོད་འཚལ། །ཆིབས་ཁ་དེ་ནི་ད་སྒྱུར་འཚལ། །བྱང་གི་སྒོ་བས་སྒོ་བྱེེ་འཚལ། །བྱང་ཕྱོགས་གཡུ་སྒོ་སྔོན་པོ་ཕྱེ། །བྱང་གི་འཕྲང་བས་འཕྲང་སོལ་འཚལ། །བདུད་རྩི་འཁྱིལ་བས་འཕྲང་སོལ་འཚལ། །མདོས་འགྲོ་དེ་ནི་བྱང་དུ་འགྲོ། །གླུད་འགྲིམ་དེ་ནི་བྱང་དུ་འགྲིམ། །བྱང་ཕྱོགས་རྒྱལ་པོ་རྣམ་ཐོས་སྲས། །གནོད་སྦྱིན་འབུམ་གྱི་འཁོར་གྱིས་བསྐོར། ཁྱོད་ཀྱང་མདོས་ཀྱི་བདག་པོ་སྟེ། །མདོས་བདག་ལ་སོགས་མདོས་བཞེས་ཤིག །གླུད་བདག་ལ་སོགས་གླུད་བཞེས་ཤིག །ད་གཤེགས་དེ་ནི་ད་རེ་རན། །ཕོ་བྲང་དེ་ནི་ད་སྐྱོད་འཚལ། །(༡༣ན)

― GLG025_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

ཆིབས་ཁ་དེ་ནི་ད་སྒྱུར་འཚལ། །དེ་ནས་མདོས་ཀྱི་ལམ་བསྟན་པ་ནི། ཧཱུཾ། སྲིད་པའི་མདོས་བདག་ཕོ་མོ་རྣམས༔ ལམ་བསྟན་ཤར་གྱི་ཕྱོགས་སུ་བསྟན༔ ཤར་གྱི་ཕྱོགས་སུ་མི་བསྟན་ན༔ དྲི་ཟ་ཕོ་མོ་མདོས་ལ་དགྱེས༔ དྲི་ཟ་ཕོ་མོ་བོད་ལྷང་ལྷང་༔ སྲིད་པའི་མདོས་ཆེན་ཁྱོད་སོང་ལ༔ བདག་ཅག་དཔོན་སློབ་འཁོར་བཅས་ལ༔ གནོད་པའི་རྐྱེན་ཆེན་མ་བཏང་ཞིག༔ ཆགས་ཆེ་ཉམ་ང་བསྒྱུར་དུ་གསོལ༔ ལམ་བསྟན་ཤར་ལྷོ་མཚམས་སུ་བསྟན༔ ཤར་ལྷོ་མཚམས་སུ་མི་བསྟན་ན༔ མེ་ལྷ་ཕོ་མོ་མདོས་ལ་དགྱེས༔ མེ་ལྷ་ཕོ་མོ་བོད་ལྷང་ལྷང་༔ སྲིད་པའི་མདོས་ཆེན་ཁྱོད་སོང་ལ༔ བདག་ཅག་དཔོན་སློབ་འཁོར་བཅས་ལ༔ གནོད་པའི་རྐྱེན་ཆེན་མ་བཏང་ཞིག༔ ཆགས་ཆེ་ཉམ་ང་བསྒྱུར་དུ་གསོལ༔ ལམ་བསྟན་ལྷོ་ཡི་ཕྱོགས་སུ་བསྟན༔ ལྷོ་ཡི་ཕྱོགས་སུ་མི་བསྟན་ན༔ གྲུལ་བུམ་ཕོ་མོ་མདོས་ལ་དགྱེས༔ གྲུལ་བུམ་ཕོ་མོ་བོད་ལྷང་ལྷང་༔ སྲིད་པའི་མདོས་ཆེན་ཁྱོད་སོང་ལ༔ བདག་ཅག་དཔོན་སློབ་འཁོར་བཅས་ལ༔ གནོད་པའི་རྐྱེན་ཆེན་མ་བཏང་ཞིག༔ ཆགས་ཆེ་ཉམ་ང་བསྒྱུར་དུ་གསོལ༔ ལམ་བསྟན་ལྷོ་ནུབ་མཚམས་སུ་བསྟན༔ ལྷོ་ནུབ་མཚམས་སུ་མི་བསྟན་ན༔ སྲིན་པོ་ཕོ་མོ་མདོས་ལ་དགྱེས༔ སྲིན་པོ་ཕོ་མོ་བོད་ལྷང་ལྷང་༔ སྲིད་པའི་མདོས་ཆེན་ཁྱོད་སོང་ལ༔ བདག་ཅག་དཔོན་སློབ་འཁོར་བཅས་ལ༔ གནོད་པའི་རྐྱེན་ཆེན་མ་བཏང་ཞིག༔ ཆགས་ཆེ་ཉམ་ང་བསྒྱུར་དུ་གསོལ༔ ལམ་བསྟན་ནུབ་ཀྱི་ཕྱོགས་སུ་བསྟན༔ ནུབ་ཀྱི་ཕྱོགས་སུ་མི་བསྟན་ན༔ ཀླུ་ལམ་(༡༣བ)

― GLG025_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་པོ་མདོས་ལ་དགྱེས༔ ཀླུ་ལམ་དཀར་པོ་བོད་ལྷང་ལྷང་༔ སྲིད་པའི་མདོས་ཆེན་ཁྱོད་སོང་ལ༔ བདག་ཅག་དཔོན་སློབ་འཁོར་བཅས་ལ༔ གནོད་པའི་རྐྱེན་ཆེན་མ་བཏང་ཞིག༔ ཆགས་ཆེ་ཉམ་ང་བསྒྱུར་དུ་གསོལ༔ ལམ་བསྟན་ནུབ་བྱང་མཚམས་སུ་བསྟན༔ ནུབ་བྱང་མཚམས་སུ་མི་བསྟན་ན༔ རླུང་ལྷ་ཕོ་མོ་མདོས་ལ་དགྱེས༔ རླུང་ལྷ་ཕོ་མོ་བོད་ལྷང་ལྷང་༔ སྲིད་པའི་མདོས་ཆེན་ཁྱོད་སོང་ལ༔ བདག་ཅག་དཔོན་སློབ་འཁོར་བཅས་ལ༔ གནོད་པའི་རྐྱེན་ཆེན་མ་བཏང་ཞིག༔ ཆགས་ཆེ་ཉམ་ང་བསྒྱུར་དུ་གསོལ༔ ལམ་བསྟན་བྱང་གི་ཕྱོགས་སུ་བསྟན༔ བྱང་གི་ཕྱོགས་སུ་མི་བསྟན་ན༔ གནོད་སྦྱིན་ཕོ་མོ་མདོས་ལ་དགྱེས༔ གནོད་སྦྱིན་ཕོ་མོ་བོད་ལྷང་ལྷང་༔ སྲིད་པའི་མདོས་ཆེན་ཁྱོད་སོང་ལ༔ བདག་ཅག་དཔོན་སློབ་འཁོར་བཅས་ལ༔ གནོད་པའི་རྐྱེན་ཆེན་མ་བཏང་ཞིག༔ ཆགས་ཆེ་ཉམ་ང་བསྒྱུར་དུ་གསོལ༔ ལམ་བསྟན་བྱང་ཤར་མཚམས་སུ་བསྟན༔ བྱང་ཤར་མཚམས་སུ་མི་བསྟན་ན༔ དབང་ལྡན་ཕོ་མོ་མདོས་ལ་དགྱེས༔ དབང་ལྡན་ཕོ་མོ་བོད་ལྷང་ལྷང་༔ སྲིད་པའི་མདོས་ཆེན་ཁྱོད་སོང་ལ༔ བདག་ཅག་དཔོན་སློབ་འཁོར་བཅས་ལ༔ གནོད་པའི་རྐྱེན་ཆེན་མ་བཏང་ཞིག༔ ཆགས་ཆེ་ཉམ་ང་བསྒྱུར་དུ་གསོལ༔ ལམ་བསྟན་སྟེང་གི་ཕྱོགས་སུ་བསྟན༔ སྟེང་གི་ཕྱོགས་སུ་མི་བསྟན་ན༔ ཚངས་པ་ཕོ་མོ་མདོས་ལ་དགྱེས༔ ཚངས་པ་ཕོ་མོ་བོད་ལྷང་ལྷང་༔ སྲིད་པའི་མདོས་ཆེན་ཁྱོད་སོང་ལ༔ བདག་ཅག་དཔོན་སློབ་འཁོར་བཅས་ལ༔ གནོད་པའི་རྐྱེན་ཆེན་མ་བཏང་ཞིག༔

― GLG025_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་ཆེ་ཉམ་ང་བསྒྱུར་དུ་གསོལ༔ ལམ་བསྟན་འོག་གི་ཕྱོགས་སུ་བསྟན༔ འོག་གི་ཕྱོགས་སུ་མི་བསྟན་ན༔ ས་བདག་ཕོ་མོ་མདོས་ལ་དགྱེས༔ ས་བདག་ཕོ་མོ་བོད་ལྷང་ལྷང་༔ སྲིད་པའི་མདོས་ཆེན་ཁྱོད་སོང་ལ༔ བདག་ཅག་དཔོན་སློབ་འཁོར་བཅས་ལ༔ གནོད་པའི་རྐྱེན་ཆེན་མ་བཏང་ཞིག༔ ཆགས་ཆེ་ཉམ་ང་བསྒྱུར་དུ་གསོལ༔ ཀྱེ། ད་ནི་མདོས་ལ་ཁ་བསྒྱུར་འཚལ༔ ཧཱུཾ། ཕྱོགས་ཕྱོགས་ཉི་མ་ཤར་ཕྱོགས་ན༔ དུང་ལུང་དཀར་པོའི་ནང་ཤེད་ན༔ དུང་གི་རྟ་ཕོ་དགོ་བ་ཙམ༔ བང་རེ་མགྱོགས་ལ་རྒྱ་མ་རྒྱུག༔ དུང་གི་མི་ཕོ་ཆེ་བ་ཙམ༔ སྨྲ་རེ་མཁས་ཏེ་ལྡབ་མ་ལྡིབ༔ དེ་ན་མི་བཟང་རྟ་རེ་བཟང་༔ དེ་ན་འགྲོ་མཁས་གཏམ་རེ་སྡུག༔ དེ་ན་འཁོར་མང་གཡོག་རེ་ཧྲགས༔ དེ་ན་གསེར་བཟང་གཡུ་རེ་ཆེ༔ དེ་ན་སྟག་གཟིག་རི་མོ་བཀྲ༔ ཡ་བདུད་ཕོ་བྲང་དེ་རུ་སྐྱོད༔ མ་བདུད་ཕོ་བྲང་དེར་སྐྱོད་འཚལ༔ རྒྱལ་པོའི་ཕོ་བྲང་དེར་སྐྱོད་འཚལ༔ བཙན་གྱི་ཤོ་རྡེ་དེར་འགྲེམ་འཚལ༔ མ་མོ་འདུ་ས་དེ་རུ་འཚལ༔ ཐེའུ་བྲང་སྐྱས་ས་དེ་རུ་མཛོད༔ སྲིན་མོའི་མཚེར་ས་དེ་རུ་མཛོད༔ ཕྱག་གི་སོར་རྡོར་དེ་རུ་མཛོད༔ ཀུ་རེ་ཀྱལ་ག་དེ་རུ་མཛོད༔ འདི་ན་སྡོད་པའི་ཡུལ་མ་མཆིས༔ མདོས་འདི་འབུལ་ལོ་སླར་མ་ལོག༔ གླུད་འདི་འབུལ་ལོ་སྒབ་མ་ངན༔ ཚེ་འདི་འགུགས་སོ་སྙན་མ་གསང་༔ ཞེས་གསེར་སྐྱེམས་བཏང་ངོ་༔ ཀྱེ། ཕྱོགས་ཕྱོགས་ཉི་མ་ལྷོ་ཕྱོགས་ན༔ གསེར་ལུང་སེར་པོའི་ནང་ཤེད་ན༔ གསེར་གྱི་རྟ་ཕོ་དགོ་བ་ཙམ༔ བང་རེ་མགྱོགས་ཏེ་རྒྱ་མ་རྒྱུག༔ གསེར་གྱི་མི་ཕོ་ཆེ་བ་ཙམ༔ སྨྲ་རེ་མཁས་ཏེ་ལྡབ་མ་ལྡིབ༔ དེ་ན་མི་བཟང་རྟ་རེ་བཟང་༔ དེ་ན་འགྲོ་མཁས་གཏམ་རེ་སྡུག༔ དེ་ན་འཁོར་མང་གཡོག་རེ་ཧྲགས༔ དེ་ན་གསེར་བཟང་གཡུ་རེ་ཆེ༔ དེ་ན་སྟག་གཟིག་རི་མོ་བཀྲ༔ ཡ་བདུད་ཕོ་བྲང་དེ་རུ་སྐྱོད༔ མ་བདུད་ཕོ་བྲང་དེར་སྐྱོད་འཚལ༔ རྒྱལ་པོའི་ཕོ་བྲང་དེར་སྐྱོད་འཚལ༔ བཙན་(༡༤བ)

― GLG025_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཤོ་རྡེ་དེར་འགྲེམ་འཚལ༔ མ་མོའི་འདུ་ས་དེ་རུ་འཚལ༔ ཐེའུ་བྲང་སྐྱས་ས་དེ་རུ་མཛོད༔ སྲིན་མོའི་མཚེར་ས་དེ་རུ་མཛོད༔ ཕྱག་གི་སོར་རྡོར་དེ་རུ་མཛོད༔ ཀུ་རེ་ཀྱལ་ག་དེ་རུ་མཛོད༔ འདི་ན་སྡོད་པའི་ཡུལ་མ་མཆིས༔ མདོས་འདི་འབུལ་ལོ་སླར་མ་ལོག༔ གླུད་འདི་འབུལ་ལོ་སྒབ་མ་ངན༔ ཚེ་འདི་འགུགས་སོ་སྙན་མ་གསང་༔ ཀྱེ། ཕྱོགས་ཕྱོགས་ཉི་མའི་ནུབ་ཕྱོགས་ན༔ ཟངས་ལུང་དམར་པོའི་ནང་ཤེད་ན༔ ཟངས་ཀྱི་རྟ་ཕོ་དགོ་བ་ཙམ༔ བང་རེ་མགྱོགས་ལ་རྒྱ་མ་རྒྱུག༔ ཟངས་ཀྱི་མི་ཕོ་ཆེ་བ་ཙམ༔ སྨྲ་རེ་མཁས་ཏེ་ལྡབ་མ་ལྡིབ༔ དེ་ན་མི་བཟང་རྟ་རེ་བཟང་༔ དེ་ན་འགྲོ་མཁས་གཏམ་རེ་སྡུག༔ དེ་ན་འཁོར་མང་གཡོག་རེ་ཧྲགས༔ དེ་ན་གསེར་བཟང་གཡུ་རེ་ཆེ༔ དེ་ན་སྟག་གཟིག་རི་མོ་བཀྲ༔ ཡ་བདུད་ཕོ་བྲང་དེ་རུ་སྐྱོད༔ མ་བདུད་ཕོ་བྲང་དེར་སྐྱོད་འཚལ༔ རྒྱལ་པོའི་ཕོ་བྲང་དེར་སྐྱོད་འཚལ༔ བཙན་གྱི་ཤོ་རྡོ་དེར་འགྲེམ་འཚལ༔ མ་མོའི་འདུ་ས་དེ་རུ་འཚལ༔ ཐེའུ་བྲང་སྐྱས་ས་དེ་རུ་མཛོད༔ སྲིན་མོའི་མཚེར་ས་དེ་རུ་མཛོད༔ ཕྱག་གི་སོར་རྡོར་དེ་རུ་མཛོད༔ ཀུ་རེ་ཀྱལ་ག་དེ་རུ་མཛོད༔ འདི་ན་སྡོད་པའི་ཡུལ་མ་མཆིས༔ མདོས་འདི་འབུལ་ལོ་སླར་མ་ལོག༔ གླུད་འདི་འབུལ་ལོ་སྒབ་མ་ངན༔ ཚེ་འདི་འགུགས་སོ་སྙན་མ་གསང་༔ ཀྱེ། ཕྱོགས་ཕྱོགས་ཉི་མའི་བྱང་ཕྱོགས་ན༔ གཡུ་ལུང་སྔོན་པོའི་ནང་ཤེད་ན༔ གཡུ་ཡི་རྟ་ཕོ་དགོ་བ་ཙམ༔ བང་རེ་མགྱོགས་ལ་རྒྱ་མ་རྒྱུག༔ གཡུ་ཡི་མི་ཕོ་ཆེ་བ་ཙམ༔ སྨྲ་རེ་མཁས་ཏེ་ལྡབ་མ་ལྡིབ༔ དེ་ན་མི་བཟང་རྟ་རེ་(༡༥ན)

― GLG025_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་༔ དེ་ན་འགྲོ་མཁས་གཏམ་རེ་སྡུག༔ དེ་ན་འཁོར་མང་གཡོག་རེ་ཧྲགས༔ དེ་ན་གསེར་བཟང་གཡུ་རེ་ཆེ༔ དེ་ན་སྟག་གཟིག་རི་མོ་བཀྲ༔ ཡ་བདུད་ཕོ་བྲང་དེ་རུ་སྐྱོད༔ མ་བདུད་ཕོ་བྲང་དེར་སྐྱོད་འཚལ༔ རྒྱལ་པོའི་ཕོ་བྲང་དེར་སྐྱོད་འཚལ༔ བཙན་གྱི་ཤོ་རྡེ་དེར་འགྲེམ་འཚལ༔ མ་མོའི་འདུ་ས་དེ་རུ་འཚལ༔ ཐེའུ་བྲང་སྐྱས་ས་དེ་རུ་མཛོད༔ སྲིན་མོའི་མཚེར་ས་དེ་རུ་མཛོད༔ ཕྱག་གི་སོར་རྡོར་དེ་རུ་མཛོད༔ ཀུ་རེ་ཀྱལ་ག་དེ་རུ་མཛོད༔ འདི་ན་སྡོད་པའི་ཡུལ་མ་མཆིས༔ མདོས་འདི་འབུལ་ལོ་སླར་མ་ལོག༔ གླུད་འདི་འབུལ་ལོ་སྒབ་མ་ངན༔ ཚེ་འདི་འགུགས་སོ་སྙན་མ་གསང་༔ གསེར་སྐྱེམས་གཏོར་རོ༔ ཟོར་ལམ་བསྟན་པ་ནི་འདི་སྐད་དོ༔ བྷྱོ། ཤར་ལྷོ་ནུབ་དང་བྱང་ཕྱོགས་སུ༔ སྟེང་འོག་ཕྱོགས་མཚམས་ཐམས་ཅད་དུ༔ འཕེན་ནོ་འཕེན་ནོ་ཟོར་འཕེན་ནོ༔ མཐོ་བ་རྣམས་ནི་ཞབས་སྡུས་ཤིག༔ དམའ་བ་རྣམས་ནི་དབུ་སྨད་ཅིག༔ ཀླུ་གཉན་རྣམས་ནི་དབུ་ཆུམ་ཞིག༔ བར་པ་རྣམས་ནི་སྐུ་གཟུར་ཅིག༔ ཡུལ་ལྷ་ཡུལ་བཙན་སྐུ་གཟུར་ཅིག༔ འཕྲང་པ་རྣམས་ནི་འཕྲང་སོལ་ཅིག༔ སྒོ་བ་རྣམས་ནི་སྒོ་ཕྱེ་ཞིག༔ ཁྲག་གི་དེ་ནི་ཟོར་འཕངས་པས༔ སྐུ་ལ་དེ་ནི་ཕོག་ཀ་རེ༔ ཡུངས་ཀར་གྱི་ནི་ཟོར་འཕངས་པས༔ སྐུ་ལ་དེ་ནི་ཕོག་ཀ་རེ༔ མཚེ་ཡི་དེ་ནི་ཟོར་འཕངས་པས༔ སྐུ་ལ་དེ་ནི་ཕོག་ཀ་རེ༔ གཏོར་མའི་དེ་ནི་ཟོར་འཕངས་པས༔ སྐུ་ལ་དེ་ནི་ཕོག་ཀ་རེ༔ ཁྲག་ཟོར་དེ་ནི་མདའ་ལས་ཚ༔ ཡུངས་(༡༥བ)

― GLG025_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོར་དེ་ནི་རྦབ་ལས་དྲག༔ མཚེ་ཟོར་དེ་ནི་མདུང་ལས་རྣོ༔ གོང་ཟོར་དེ་ནི་ཐོག་ལས་དྲག༔ དོ་ནུབ་ཟོར་ལམ་སྒོ་ཕྱེ་ཞིག༔ བྷྱོ། རྣལ་འབྱོར་གླིང་བཞིའི་དཀྱིལ་འཁོར་ནས༔ སྟག་སྲིན་དེ་ནི་ཟོར་བའི་གདོང་༔ དབུ་དགུ་ཕྱག་ནི་བཞི་པ་སྟེ༔ དོ་ནུབ་ཟོར་གྱི་དཔུང་མཛོད་ཅིག༔ ཟོར་བདག་ཆེན་པོ་གཤེགས་སུ་གསོལ༔ དེ་ནས་ཟོར་ལམ་བསྟན་པ་ནི༔ བྷྱོ། ཟོར་ལམ་ཤར་གྱི་ཕྱོགས་སུ་བསྟན༔ ཤར་གྱི་ཕྱོགས་སུ་ཟོར་འཕངས་པས༔ མ་མོའི་ཁྲག་ཟོར་ཉིན་ཆེས་སོ༔ དྲག་པོའི་དཔལ་ཟོར་ལྟོ་ཆེས་སོ༔ ཤར་གྱི་དྲི་ཟ་ཕོ་མོ་ནི༔ དྲི་ཟ་ཕོ་ནི་བུབ་ཅིང་བརྒྱལ༔ དྲི་ཟ་མོ་ནི་ཁྲག་ཏུ་སྐྱུག༔ དྲི་ཟ་སྤུན་དགུ་དམྱལ་ཐག་བཅད༔ སྡང་བ་དགྲ་ལ་འཕངས་པའི་ཚེ༔ ཐལ་བའི་རྡུལ་དུ་བརླགས་པར་བྱ༔ གནོད་པའི་བགེགས་ལ་འཕངས་པའི་ཚེ༔ གནམ་ལྷ་དཀར་པོ་ཁྲག་ཏུ་སྐྱུག༔ ཅེས་ཟོར་ལམ་བསྟན་ན༔ རྒྱས་པ་བྱེད་ན་ཕྱོགས་བཞི་ལའང་བྱའོ༔ ཕྱི་སྒོ་ཡན་ལ་ཐུན་བྲབ་དང་གུ་གུལ་གྱི་དུད་པ་གཏོང་། ཕྱི་རོལ་ཏུ་སླར་ཡང་གསེར་སྐྱེམས་བཏང་། འདྲེ་ལྔ་བདུད་གཅོད་དམ་ཐེབས་ཀྱི་སར་མདོས་གཏོང་། ཟོར་བསྐུལ་དང་བཅས་ཟོར་བརྡེག བསྟན་མ་སྐྱོང་། སྲུང་འཁོར་བསྒོམ། སྒོ་དྲུང་དུ་བྲོ་བརྡུང་། ནང་དུ་ལོག་ནས། བཅུ་བདུན་པ་སྨོན་ལམ་གདབ་པ་ནི། ཐལ་མོ་མེ་ཏོག་དང་བཅས་ལ༔ ཨཱོཾ་གྲུབ་པར་གྱུར་ཅིག་རྗེ་བཙུན་ཐུགས་རྗེ་ཅན༔ འཕགས་མ་ཁྱེད་ལ་བསྙེན་སྒྲུབ་མཆོག་པ་དང་། །བསྟོད་ཅིང་གསོལ་བ་བཏབ་པའི་མཐུ་བྱིན་གྱིས༔ དེང་ནས་བཟུང་སྟེ་བྱང་ཆུབ་མ་ཐོབ་པར༔ འཕགས་མ་ཁྱེད་དང་(༡༦ན)

― GLG025_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

རྟག་ཏུ་མི་འབྲལ་ཞིང་༔ ནད་མེད་ཚེ་དབང་ལོངས་སྤྱོད་འཕེལ་པ་དང་༔ བྱང་ཆུབ་བསྒྲུབ་ལ་བར་ཆད་མི་འབྱུང་ཞིང་༔ ས་དང་ལམ་གྱི་ཡོན་ཏན་རབ་རྫོགས་ནས༔ བདག་གཞན་དོན་གཉིས་ལྷུན་གྱིས་གྲུབ་པ་ཡི༔ རྣམ་མཁྱེན་རྫོགས་པའི་སངས་རྒྱས་ཐོབ་པར་ཤོག༔ ཅེས་ལན་གསུམ་བྱས་ནས༔ མདུན་སྐྱེད་ཀྱི་རྟེན་ལ་མཆོད་བསྟོད་བྱ། ཡི་གེ་བརྒྱ་པ་བརྗོད། ནོངས་པ་བཟོད་པར་གསོལ། རྟེན་ཡོད་པ་རྣམས་ལ་བརྟན་བཞུགས་དང་། མེད་པ་རྣམས་ལ་གཤེགས་གསོལ་བྱ། སྨོན་ལམ་ནི། བདག་གིས་དུས་གསུམ་བསགས་པ་ཡི༔ བསྙེན་སྒྲུབ་ལ་སོགས་དགེ་ཚོགས་དང་༔ གཞན་ཡང་དགེ་སྤྱད་བསྐུལ་བཏབ་དང་༔ རྗེས་སུ་ཡི་རང་ལས་བྱུང་ཞིང་༔ འཕགས་མ་ཁྱེད་མཆོད་བྱིན་རླབས་ཀྱིས༔ ནད་མེད་ཚེ་རིང་དཔལ་དང་གྲགས༔ བཀྲ་ཤིས་བདེ་ལེགས་མཆོག་ཐོབ་ཅིང་༔ བདག་གཞན་དོན་གཉིས་མཐར་ཕྱིན་ཤོག༔ ཅེས་ལན་གསུམ་རྗེས་སུ་མེ་ཏོག་འཐོར་ཞིང་བཀྲ་ཤིས་བྱ༔ ཧོ་དུས་གསུམ་རྒྱལ་བ་ཀུན་གྱི་ཡུམ་མཆོག་མ༔ དགོས་འདོད་རེ་སྐོང་ཡིད་བཞིན་ནོར་བུའི་མཆོག༔ བཀྲ་ཤིས་ཀུན་གྱི་མཆོག་བརྙེས་དོན་གྲུབ་མ༔ དཔལ་ལྡན་ཐོག་མ་བར་དང་མཐར་དགེ་བའི༔ འཕྲིན་ལས་ཀུན་འགྲུབ་མྱུར་མ་དཔའ་མོ་སྟེ༔ །རྗེ་བཙུན་འཕགས་མ་སྒྲོལ་མའི་བཀྲ་ཤིས་ཤོག༔ ཅེས་དང་། གཞན་ཡང་བཀྲ་ཤིས་སྨོན་ལམ་ཅི་རིགས་པ་བྱའོ། །རྗེ་བཙུན་སེང་ལྡེང་ནགས་སྒྲོལ་ལ་བརྟེན་ཏེ། །ནད་གདོན་ཟུག་རྡུ་དྲུངས་ནས་འབྱིན་པའི་ཐབས། །མདོས་(༡༦བ)

― GLG025_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོག་མཐོ་རིས་ཆུ་བོ་བརྒྱུད་ལྡན་གྱི། །བཞེད་སྲོལ་མེས་པོའི་རལ་བའི་ཀླུང་ལས་ཕབ། །སྦྱོར་དངོས་རྗེས་ཚང་ལག་ལེན་མི་ཤེས་པར། །འོལ་ཆོད་རྫུན་གཏམ་བསྒྲིགས་པའི་སྨིག་རྒྱུ་ལ། །བསིལ་བྱེད་ཉལ་འགྲོར་འཁྲུལ་པའི་སྐྱེ་རྒུ་རྣམས། །སྐོམ་ཚད་གདུང་བས་མྱ་ངམ་ཐང་འཁྱམས་དོགས། །དེ་ཕྱིར་མཁས་གྲུབ་ཚད་མེད་ཞལ་ལུང་ལས། །འོངས་པའི་ཡི་གེ་འདི་ལ་ཉེར་བརྟེན་དང་། །གླུ་མཁན་འཕྱོན་མའི་གར་དང་མི་འདྲ་བའི། །གོ་དོན་ལག་པའི་རྩེ་མོར་ད་གདོད་སོན། །དགེ་བས་རྗེ་བཙུན་བཅོམ་ལྡན་འདས་མ་ཡིས། །ཚེ་རབས་ཀུན་ཏུ་ལྷག་པའི་ལྷ་མཛད་ནས། །འཇིགས་ཆེན་བརྒྱད་དང་སྒྲིབ་གཉིས་བག་ཆགས་དགྲ། །ཕ་མཐར་བྱེད་པའི་སྐལ་བར་མྱུར་ལྡན་ཤོག །ཁྱད་པར་གངས་རིས་བསྐོར་བའི་སྨན་ལྗོངས་ཀྱི། །ལུས་ཅན་རྒྱུད་ལ་ལྷ་ཁྱོད་ཐུགས་རྗེའི་རྒྱུན། །འཇུག་པར་ཞལ་གྱིས་འཆེས་པ་འགྱུར་མེད་དུ། །མངོན་སུམ་ཉམས་སུ་མྱང་བའི་དགེ་ལེགས་སྩོལ། །ཞེས་རྗེ་བཙུན་སེང་ལྡེང་ནགས་སྒྲོལ་གྱི་སྒོ་ནས་བར་ཆད་བཟློག་པའི་མདོས་ཀྱི་གདམས་པ་དཔལ་དཱི་པཾ་ཀཱ་རས་འབྲོམ་ཆོས་ཀྱི་རྒྱལ་པོར་གནང་བ་བཀའ་གདམས་ཕྱོགས་ནས་རིམ་གྱིས་བརྒྱུད་ནའང་བར་སྐབས་ཕྱག་ལེན་ས་རྙིང་གི་ཕྱོགས་སུ་དར་ཞིང་། བྱ་རྒྱུད་ཀྱི་རྗེ་བཙུན་མའི་སྒྲུབ་ཐབས་སོར་བཞག་ལ་བརྟེན་པའང་ཁུངས་བཙུན་ཞིང་མི་ལེགས་པ་མེད་ཀྱང་མདོས་ཆོག་གི་རིགས་འདི་སྔ་འགྱུར་གྱི་འཕྲིན་ལས་ལ་བརྟེན་ན་ཁོག་ཕུགས་པས་ཁུངས་བཙུན་གྱི་ཕྱག་བཞེས་ལ་མཛད་སྲོལ་ཡོད་པས་བདག་བསྐྱེད་རིགས་འཛིན་རཏྣ་གླིང་པའི་གཏེར་བྱོན་འཚོ་རྒྱལ་སྐོར་གསུམ་གྱི་ནང་སྒྲུབ་ཡིད་བཞིན་ནོར་བུ་ལ་བརྟེན།

― GLG025_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

མདུན་སྐྱེད་དང་མདོས་ཆོག་སྐོར་ཡིག་རྙིང་འཁྲུགས་སྡེབས་སུ་བྱས། མདོས་ཟོར་གྱི་སྒོ་དབྱེ་བ་སོགས་སློབ་དཔོན་ཆེན་པོས་མཛད་པའི་མདོས་ནས་བཀང་སྟེ་ཆ་ལག་ཚང་བར་ཕྱོགས་གཅིག་ཏུ་བསྒྲིགས་པའི་མདོས་ཆོག་མཐོང་བས་དོན་གྲུབ་འདི་ནི་རང་གཞན་མང་པོར་ཕན་འདོད་ཀྱི་བློས་མཚམས་སྦྱར་ཏེ་ཟ་ཧོར་གྱི་བན་རྒན་བཞད་པ་རྩལ་གྱིས་སྦྱར་བའི་ཡི་གེ་པ་ནི་འཕྱོང་རྒྱས་ལྐོག་པ་ཕུན་ཚོགས་དབང་པོའོ།། །།སརྦ་མངྒ་ལཾ།

ཚངས་སྲས་བཞད་པའི་རྡོ་རྗེའི་གསུང་འབུམ་ཐོར་བུ་ལས་དཔལ་ལྡན་འདོད་ཁམས་དབང་ཕྱུག་དམག་ཟོར་རྒྱལ་མོ་ལ་བསྟོད་པ་ནོར་བུ་དབང་གི་རྒྱལ་པོའི་དོ་ཤལ།

― GLG025_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

ཚངས་སྲས་བཞད་པའི་རྡོ་རྗེའི་གསུང་འབུམ་ཐོར་བུ་ལས་དཔལ་ལྡན་འདོད་ཁམས་དབང་ཕྱུག་དམག་ཟོར་རྒྱལ་མོ་ལ་བསྟོད་པ་ནོར་བུ་དབང་གི་རྒྱལ་པོའི་དོ་ཤལ་ཞེས་བྱ་བ་བཞུགས་སོ། །

― GLG025_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མ་མྶཱ་ར་སྭ་སྟ་ཡེ། འགྱུར་མེད་ཆོས་དབྱིངས་གསེར་ལྡན་ཡངས་པའི་དབུས། །གསང་གསུམ་མི་ཟད་ཡོན་ཏན་ལྷུན་པོའི་སྤོར། །འཇིགས་རུང་ལྷ་དབང་དཔུང་ཚོགས་འཕྲུལ་གྱི་སྒོས། །དགྲ་བགེགས་སྔོན་གྱི་ལྷ་རྣམས་འཇོམས་ལ་བསྟོད། །རབ་དམར་ཁྲག་གི་ན་ཀྲའི་གྲོང་ཁྱེར་ལས། །རབ་འཇིགས་འབབ་ལྡན་འཁྲིགས་ཤིང་ཆེན་འཁྲུགས་པ། །བར་མཐོ་སྲིད་རྩེར་འཕྱུང་ལྟའི་སྒྲ་ཆེན་པོས། །རབ་རྨོངས་བདུད་སྡེ་གདུང་པའི་ཅ་ཅོ་སྒྲོག །སྲ་བརྟན་འོད་སྲུངས་བྱིན་ཡང་གཡོ་བྱེད་པའི། །ཤུགས་དྲག་རྡུལ་གྱི་རྒྱལ་མཚན་འཚུབ་མ་ཡིས། །ས་འཛིན་དབང་པོ་འཇིག་ན་མི་རུང་ཞེས། །བཅུ་གཉིས་ཁྱིམ་གྱི་ཞགས་པས་རིང་དུ་བཅིངས། །མདོག་ལྔའི་འགྲོད་པའི་ཤུགས་ཀྱང་དུབ་བྱེད་ཅིང་། ཁྱུ་བདག་ལ་འགྲན་ཐེག་པའི་དབང་པོ་ལ། །འཕོང་གྲོགས་རུས་པའི་གཟེབ་དང་ཀ་ནེའི་སྒྲས། །ལེགས་སྤུད་མི་ཐོད་སྲབ་སྐྱོགས་རྣམ་པར་འཕྱང་། །ཀ་ཀ་ནི་ལའི་རྡུལ་རྩེགས་ལྷུན་པོ་ནི། །སྟང་ཟིལ་ལན་བརྒྱར་བྱུགས་ལ་སྣང་གཏེར་གྱི། །ཚ་ཟེར་གོས་ཀྱིས་ཀླུབས་ན་ཁྱོད་ཀྱི་སྐུའི། །ཆ་ཤས་ཙམ་ལ་འགྲན་པའི་དཔེ་རུ་བསྟན། །གཏུམ་དྲག་རབ་རྔམ་གཡར་ངོ་བསྟན་ཙམ་(༢ན)

― GLG025_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས། །སྲིད་གསུམ་རིགས་ལྡན་ཙིཏྟ་བཀས་གྱུར་ན། །ར་མ་ཎ་ཡིས་ནོར་སྦྱིན་གཅུང་པོ་དང་། །ལྔ་པའི་ལམ་དུ་གཏམ་སྨྲ་རྫུན་པའི་གཏམ། །དམར་སེར་གཙུག་ཕུད་འཁྱིལ་པའི་གཟི་འོད་ཀྱི། །ཚ་གདུང་འཇིགས་པས་འཕུར་བྱེད་ཚོགས་རྣམས་ཀུན། །བསྲུང་ཕྱིར་ཆུ་ཤེལ་དབང་པོའི་དཀྱིལ་འཁོར་གྱིས། །མངོན་པར་བརྒྱན་གྱི་ཟོལ་ལ་བསྟེན་པར་ངེས། །ཞལ་ཁྱིམ་འབྲས་ལྡན་དུས་ཀྱི་ཀུན་གསལ་དབུས། །སྣང་བྱེད་རྟ་བདུན་དཀྱིལ་འཁོར་མངོན་བསལ་ཟས། །ཇི་སྙེད་ཤེས་བྱའི་འདབ་སྟོང་བཞད་པ་ལས། །ལྐོག་གྱུར་ཐུན་གསུམ་མ་དེ་གང་དུ་བྲོས། །འདྲེན་བྱེད་འགྲམ་དཀྱུས་རབ་གསལ་བཞིན་སྣོད་ངོས། །ཐུན་མཚམས་སྒེག་མོ་འཁྱུག་པའི་གཟུགས་ཀྱི་འཕྲུལ། །འགོག་མེད་རྟག་ཏུ་ཤར་བའི་ལྕགས་ཀྱུ་ཡིས། །པི་ཤྭ་ཀརྨའི་ཡིད་ཀྱིས་ཁེངས་པ་ཕྲོགས། །མི་སྡུག་ཞལ་གྱི་ས་འཛིན་དཀར་པོ་ལས། །དམ་ཉམས་ཁྲག་གི་ཡན་ལག་བརྒྱད་ལྡན་ཆབ། །ཤུགས་དྲག་ཆེས་ཆེར་བབས་པའི་དབུ་ཕྲེང་གིས། །སོ་སྐྱེའི་གོས་སེར་འགྲོད་བྱེད་རྣམ་པར་བརླན། །རབ་གཙིགས་མཆེ་བའི་ཆུ་འཛིན་འཁྲིགས་པའི་དབུས། །གསུང་གི་ང་རོ་དབྱར་གྱི་(༢བ)

― GLG025_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

རྔ་གསངས་དང་། །རོ་འཛིན་མཇུག་བརྒྱ་རབ་འཁྱུག་རིགས་སྔགས་ཀྱི། །རྡོ་རྗེའི་ཟེགས་མས་ལོག་འདྲེན་བྲག་རི་འཇོམ། །འཛམ་བུ་ན་ད་ལས་གྲུབ་རྣ་རྒྱན་སྟེང་། །གཙུག་ཕུད་ལྔ་བ་འཁྱིལ་པའི་རྣམ་འགྱུར་གྱིས། །ས་གསུམ་དྲེགས་ལྡན་གཉིས་འཐུང་དབང་པོའི་ཚོགས། །འཇིགས་ཏེ་ལྔ་པའི་གྲོང་དུ་བྲོས་ཀྱིས་དོགས། །གཡོན་ཕྱོགས་ཐོས་འཛིན་དབང་པོ་མཛེས་བྱེད་པའི། །རླུང་གི་ཟས་ཅན་སྨྲ་བའི་འདབ་སྟེགས་ལས། །མི་ཟད་ཧ་ལའི་ཞགས་པས་བཅིངས་དོགས་ནས། །སྦྱིན་སྐྱེས་སྟོབས་ལྡན་ས་བོན་སྐྱབས་སུ་བསྟེན། །ཅོད་པན་རབ་དཀར་ཐོད་སྐམ་ལྔ་ཡི་ཕྲེང་། །མི་སྡུག་ཨཎྜའི་སྲད་བུ་ལ་བརྒྱུས་ཏེ། །ཡིད་འོང་སྣ་ཚོགས་རིན་ཆེན་ཕྲེང་བ་ཡི། །བཀོད་ལེགས་འདྲེན་བྱེད་དགའ་སྟོན་ཨེ་མ་མཚར། །འབྲུག་སྒྲ་མངལ་འཛིན་ལུས་འདེགས་ལས་གྲུབ་པའི། །རྣམ་བཀྲ་ངག་གི་མཚོན་ཆའི་རྫིང་རིང་རྒྱན། །ནོར་བུའི་ཏོག་གིས་མཚན་པར་རྒྱུ་སྐར་ཚོགས། །བལྟ་ཕྱིར་ལྷ་ཡི་ལམ་ལས་འོངས་པ་འདྲ། གནམ་ལྕགས་རྡོ་རྗེ་འབར་བའི་འཆང་བཟུང་ཅན། །བདུད་དཔུང་ཕྱེ་མར་འཐག་པའི་དབྱིག་པ་ནི། །འཛིན་བྱེད་གཡས་པར་མཁའ་ལ་ཕྱར་ཙམ་གྱིས། །ས་གསུམ་མ་ལུས་གཅིག་ཅར་འདར་བར་ངེས། །ལོག་འདྲེན་མགོ་བོ་བྲེགས་པའི་ཀ་པཱ་ལར། །དམར་ནག་ཁྲག་གིས་རབ་གང་ཕྱག་གཡོན་གྱིས། །ཞལ་དུ་བཏབ་པས་གངྒ་མ་གཉིས་ལ། །ཡན་ལག་མཆོག་དང་མི་ལྡན་གཏམ་གྱིས་རྫུ། །རྣམ་མང་གདུལ་བྱའི་བློ་ཡི་མེ་(༣ན)

― GLG025_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

ལོང་ངོས། །སྣ་ཚོགས་སྤྲུལ་བསྒྱུར་སྟོན་པའི་གཟུགས་སྐུའི་ཁྱོན། །ཚད་མས་གཞལ་ནས་མིན་འདི་ཞིང་བསལ་གྱིས། །ཚད་ལྡན་སྟོན་གྱི་གོས་སུ་རུང་བ་མཚར། །གང་གི་བྱམས་བརྩེའི་བཅུ་གཉིས་བདག་པོ་ཡིས། །ལུས་ཅན་སྦྲང་རྩིའི་རྒྱལ་མཚན་སྐྱོང་སྟོན་ཡང་། །རེ་སྟས་སྦགས་པའི་བམ་ཆེན་མགོ་རློན་གྱི། །མཁའ་དབང་གྲངས་ལྡན་འཕྲེང་འདི་བཞད་གད་རྒྱུ། །བསུས་ཁྱིམ་འཇིགས་བྲལ་རབ་མཐའི་བ་གམ་ལ། །ལེགས་བྲིས་དཔུང་ཚོགས་རྣམ་བཞིའི་གནས་བཅས་ནས། །བཅུད་བྲལ་མིང་གི་ལྷག་མར་གཏང་བའི་ཚུལ། །གསལ་བར་སྟོན་ཕྱིར་ནམ་མཁའི་ནོར་བུས་བརྒྱན། །ཕྱི་ནང་གསལ་འགྲིབ་མེད་པའི་ཡེ་ཤེས་སྐུར། རབ་བཀྲ་སྟག་ལྤགས་དར་ནག་ལྷུབ་ལྷུབ་དང་། །འཁྱོག་འགྲོ་ཟུང་གི་གསེར་ག་བདུན་པ་ཡིས། །མངོན་པར་བརྒྱན་པའི་བྱེད་པོ་སུ་ཞིག་ཡིན། ཁྲམ་ཤིང་ཤོ་དྷེ་མཚོན་གྱི་དྲུ་གུ་སོགས། །འཇིགས་རུང་ཤ་ཀྲའི་དཔལ་མགྲིན་སྣང་བྱེད་མེས། །དགྲ་བགེགས་ཆུ་སྲིན་རྒྱལ་མཚན་ཅན་གྱི་ལུས། །ལྷག་མར་བསྲེག་པའི་གུལ་བྱུང་སྟོབས་ནི་རྨད། །རྐྱང་སེར་རིགས་གཉིས་སྟེང་དུ་ཞབས་པད་ཟུང་། །སྐྱིལ་ཀྲུང་ཕྱེད་པའི་ཚུལ་གྱིས་མཁའ་དབྱིངས་ལ། །མངོན་པར་འཕགས་པའི་ཤུགས་དྲག་གར་ཉམས་ཀྱིས། །རྒྱ་ཆེན་སྲིད་གསུམ་ཚད་ཀྱིས་འཇལ་བ་བཞིན། ཁྱོད་སྐུ་རབ་དངས་ལྷ་ཡི་ལམ་ཡངས་པར། མཚན་དཔེའི་གཟི་བྱིན་དབང་གཞུས་ལེགས་སྤྲས་ན། །རིན་ཆེན་རུས་(༣བ)

― GLG025_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བྲང་འགྲོའི་ཆུ་ཁུར་གྱི། །སྣ་ཚོགས་རྒྱན་གྱིས་སྤུད་ལ་མཚར་དུ་ཅི། །མིག་གིས་བལྟ་བར་བཟོད་དཀའི་དྲག་མོའི་སྐུར། །བསྟན་པ་ཙམ་གྱིས་སྟོབས་ལྡན་དྲེགས་པའི་ཚོགས། །སྙེམས་པ་བཏང་ནས་ཁྱོད་ཀྱི་བྲན་བགྱི་ན། །སྟོང་གསུམ་མི་མཇེད་བདག་པོ་གང་དུ་མཆིས། །རབ་དཀར་རི་དྭགས་རྒྱན་གྱིས་སྭ་བའི་ལུས། །མཛེས་སྡུག་ཆ་ཤས་རྫོགས་ལ་སྲེད་བྲལ་ཞེས། །མི་སྡུག་སྣང་གཏེར་གཟུགས་སྐུའི་དཀྱིལ་འཁོར་གྱིས། །ལོག་འདྲེན་སྲ་སྨོས་ཚལ་ཀུན་གཅིག་ཅར་ཟུམ། །སེང་གེ་མོའི་བུའི་སྟོབས་ཀྱང་ཟིལ་གནོན་པའི། །མིག་སྨན་འབུམ་སྡེའི་མདངས་ཅན་འཇིགས་གཟུགས་ལ། །སྐྲག་སྟེ་ཆོས་ཀུན་སྟོང་པའི་མཁར་བྲོོས་པས། །ཡེ་ཤེས་མེ་ལྕེ་འབར་བས་རྗེས་སུ་སྙེགས། །ཐོས་འཛིན་བདུད་རྩིའི་ལང་ཚོ་འཆི་མེད་དབྱངས། །སྙན་བརྗིད་ཡན་ལག་དྲུག་ཅུའི་ཕུལ་བྱུང་གསུང་། །འཇིགས་རུང་ང་རོ་དྲག་པོས་བདུད་སྡེའི་སྙིང་། །དུམ་བུར་གས་ཀྱང་རྣ་བའི་ཁུང་བུ་འགེབས། །ཆོས་དབྱིངས་འདམ་སྐྱེས་རྫིང་བུའི་བ་གམ་དབུས། །གང་ཐུགས་དཔལ་ཁྱིམ་ཟེའུ་འབྲུའི་སྒྱུ་རྩལ་སྤྱོད། །བདེ་ཆེན་བུང་བའི་རི་དྭགས་མིག་ཅན་མ། །ལིང་གཅུགས་གྲོགས་སུ་བཀུག་སྟེ་རྩེ་དགར་རོལ། །རབ་འབྱམས་དུས་གསུམ་རྒྱལ་བ་མ་ལུས་པའི། །གསང་གསུམ་ལས་བྱུང་མཁྱེན་བརྩེ་ནུས་མཐུའི་ཚོགས། གཅིག་བསྡུས་གང་གི་ཡོན་ཏན་ཕུང་པོའི་ཁུར། །གྲག་པའི་གསེར་ལྡན་ལུས་ནི་ཨེ་མ་བསྲ། །ལས་བཞིའི་འཕྲིན་ལས་བཅུ་གཉིས་བདག་པོ་ཡིས། །གང་འཚམས་ལེགས་བྲིས་ལམ་གྱི་ཁྱོན་ཡངས་པར། །འོངས་པས་ལས་ལྡན་སྣང་གསལ་རབ་རྒྱས་ཤིང་། །དགྲ་བགེགས་འབྱུང་པོའི་སྤྱི་ཚོགས་ཕྱེ་མར་མཛད། །ཐུབ་བསྟན་ཟླ་བའི་མ་མའི་བཅུད་ཀྱི་ཕུལ། །རྡོ་རྗེ་ཐེག་པའི་ཟིལ་མདངས་ཀཱ་ལ་ཤར། །འཁུ་བའི་སེམས་འཆང་བདུད་དཔུང་སྦྱིན་སྐྱེས་ཚོགས། །འཇོམ་མཛད་མགྲིན་སྔོན་ལྷག་པའི་ལྷ་དེར་བསྟོད། །གཙུག་ཕུད་མགྲིན་པར་ཅོ་འདྲིའི་(༤ན)

― GLG025_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

པད་གདན་ལ། །མངོན་པར་ཆགས་པས་འཁྱུད་ལྟའི་ཚེས་བདག་སྟེང་། །སྣ་ཚོགས་རྒྱན་གྱིས་སྤུད་འདྲའི་ཀེ་ལ་ཤར། །གར་དགུའི་རྣམ་འགྱུར་སྟོན་པ་ཡོད་དམ་སྙམ། །ཡིད་ལ་དཔྱང་ཐག་འཛིན་པའི་གང་གི་སྐུ། །ཞལ་ཁྱིམ་དྲི་བཟང་ཁང་པ་རྒྱས་པའི་དབུས། །ཚེམས་ཀྱི་ཟེའུ་འབྲུ་རབ་འཁྲིགས་བུང་བའི་སྤྲིན། །དཀར་དམར་མདངས་སོགས་མ་འདྲེས་ཡིད་དུ་འོང་། །ཨུཏྤལ་འདབ་ལྟར་མཉེན་འཇམ་ཕྱག་ཟུང་གིས། །འདབ་ལྡན་མེལ་ཚེ་དར་གྱི་ཕང་ཕུང་ཅན། །བཀོད་ལེགས་གུཉྩ་ནམ་གྱི་ཡོལ་གོའི་ནང་། །ཡིད་འོང་རིན་ཆེན་ཕྱུར་བུར་གཏམས་པ་འཛིན། །མཚན་བཟང་ལང་ཚོའི་གཟི་ལྡན་ཁྱོད་ཀྱི་སྐུ། །འཆི་མེད་རྫས་ཀྱིས་ནད་གསུམ་ལྷབ་ལྷུབ་དང་། །རྩེ་ཕྲན་སེན་མོ་རོ་སོགས་རིན་ཆེན་ཕྲས། །ལེགས་པར་སྤྲས་པའི་རྒྱན་གྱིས་རྣམ་པར་མཛེས། །ཆགས་བྲལ་ཆོས་ཀྱི་སྤྲིན་གྱི་མཁའ་དབྱིངས་ལ། །གང་གི་གསང་གསུམ་རྟ་ལྗང་མངོན་རྫོགས་ཀྱང་། །འགྲོ་ཀུན་པད་དཀར་ལ་ཆགས་ཞབས་ཟུང་བ། །འོད་སྟོང་སྐྱིལ་ཀྲུང་ལས་ཅན་འདབ་བརྒྱ་བཞད། །རིགས་གཉིས་སྔོན་འགྲོ་འཇིགས་རུང་མུན་པའི་མདོག །འབོད་གྲོགས་ཟག་དུང་ན་ཀྲའི་སྤྱི་བོ་ཅན། །མངོན་པར་འགྱིངས་པས་དགྲ་དཔུང་གནམ་འཕྱོའི་ཚོགས། །བསུས་ཁྱིམ་ལྔ་པའི་གློང་དུ་འཇུག་ལས་གང་། །འཕྲོག་བྱེད་གདོང་ཅན་དམར་ནག་ཤ་ཟའི་གཟུགས། །བསྲ་བརྟན་ནོར་འཛིན་ལྟོ་བར་འགྲོད་བྱེད་ཟུང་། །ཤུགས་དྲག་སྟོབས་ཀྱིས་བསྡབས་པས་ས་གསུམ་ཡང་། །འཇིག་སྙམ་ཚངས་འཇོམས་ལུས་མེད་ཚུལ་གྱིས་གནས། །དྲི་བཞོན་འཁྲུག་པའི་བགྲང་བྱའི་ཆོ་འཕྲུལ་གྱིས། །ས་གསུམ་འགེང་མཛད་ཆུ་འཛིན་སྟུག་པོའི་ངོས། །བྱེད་པོས་རླུང་གི་རྒྱལ་མཚན་བྱུགས་འདྲའི་མདོག །སྟོབས་འགྲོའི་སྟེང་དུ་འཇིགས་རུང་གར་གྱིས་རོལ། །(༤བ)

― GLG025_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེའི་གཟེགས་མ་འཕྲིན་ལས་ཕོ་ཉ་ཅན། །རྣམ་འགྱུར་གྲངས་མེད་སྟོན་པའི་བྱི་རུའི་རི། །ངོ་མཚར་ཡིད་ལ་འགོད་པའི་ཁྱོད་ཀྱི་སྐུ། །ཆུ་གླང་གདན་ལ་མི་སྡུག་རྣམ་འགྱུར་ཚུལ། །གར་དགུའི་ཉམས་ལྡན་རི་སྐྱེས་ས་འཛིན་ལ། །འཁུ་བའི་ཁྱོད་སྐུ་ཕྱོགས་ཀྱི་རྭ་ལྡན་སྟེང་། །མངོན་པར་འཕགས་པའི་གཟི་འོད་མ་བཟོད་པར། །པད་གཉེར་གླིང་བཞི་བསྐོར་བའི་རྫས་ལ་བསྟེན། །ཐུན་གསུམ་དུས་ཀྱི་མཁའ་གང་སྟུག་པོའི་དབུས། །སྤྲིན་གྱི་ལྕུག་མ་འཁྱུག་ལྟའི་གཟུགས་ཀྱི་སྐུ། །མི་སྡུག་སྟེང་དུ་གཏུམ་དྲག་བརྔམ་ཚུལ་གྱིས། །ལོག་འདྲེན་དགྲ་སྡེའི་མགོ་བོ་ཅིག་ཅར་འགེམས། །སྣ་ཚོགས་ལས་བཞིའི་འཕྲིན་ལས་མེལ་ཚེའི་ངོམ། །བརྗོད་བྲལ་རྣམ་འགྱུར་གྲངས་མེད་སྟོན་པའི་སྐུ། །མཐུ་སྟོབས་རྫུ་འཕྲུལ་དཔག་དཀའ་སྲིད་གསུམ་ལ། །དབང་བསྒྱུར་བཀའ་སྡོད་དམ་ཅན་ཚོགས་ལ་བསྟོད། །གང་གི་ཐུགས་རྗེའི་རྒྱུ་སྐར་མུ་ཁྱུད་ཀྱིས། །མི་མཐུན་ཉེར་འཚེའི་ཀུན་ཁེབས་སྟུག་པོ་ཡི། །དཔུང་ཚོགས་མ་ལུས་འཇོམས་པའི་སྒྱུ་འཕྲུལ་གྱིས། །རབ་འབྱམས་ཞི་བའི་ལས་ཀུན་འགྲུབ་པར་མཛོད། །མི་ཟད་གསང་གསུམ་ཟླ་བའི་མ་མ་ལས། །ལེགས་འོངས་ཁྱེད་ཐུགས་རྟ་བདུན་དཀྱིལ་འཁོར་གྱིས། །ལུགས་ཟུང་མཐུན་རྐྱེན་འོད་སྟོང་འབར་བ་ཡིས། །རབ་འབྱམས་རྒྱས་པའི་ལས་ཀུན་འགྲུབ་པར་མཛོད། །གྲངས་མེད་མཛད་པའི་ཡིད་བཞིན་དབང་གི་རྒྱལ། །ཤུགས་དྲག་གསོལ་འདེབས་བ་ཤིའི་ཐབས་མཁས་གོས། །ཇི་སྙེད་སྲིད་གསུམ་རྒྱལ་མཚན་རྩེར་བཀོད་པའི། །རབ་འབྱམས་དབང་གི་ལས་ཀུན་འགྲུབ་པར་མཛོད། །དཔག་དཀར་ནུས་མཐུའི་ཕྱུགས་བདག་འདབ་ལྡན་ཅན། །རྫས་སྔགས་ཏིང་འཛིན་གནམ་རུའི་འཁྲུལ་འཁོར་གྱིས། །དགྲ་བགེགས་བཅུད་བྲལ་གྲོང་ཁྱེར་མཐར་བྱེད་པའི། །རབ་འབྱམས་མངོན་སྤྱོད་ལས་(༥ན)

― GLG025_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་འགྲུབ་པར་མཛོད། ཁྱད་པར་བདག་ཡིད་མཁའ་ལྡིང་རྒྱལ་མཚན་ཅན། །འདོད་དོན་ས་མནྟ་ཀ་ནོར་བུ་མཆོག །ལས་བཞིའི་ཏིམྦུའི་ན་ཆུང་ཐབས་ཀྱི་རྒྱུས། །ཐོགས་མེད་ཡིད་བཞིན་འགྲུབ་པའི་འཕྲིན་ལས་མཛོད། །དཔལ་སྟུག་བསྟན་པ་ཡོངས་འདུ་ས་བརྟོལ་ལ། །ཐུན་མོང་ཐེག་པའི་ཡལ་འདབ་རབ་རྒྱས་ཤིང་། །ངེས་གསང་བླ་མེད་གང་བུས་གཡུར་ཟ་བའི། །རིག་འཛིན་འཆི་མེད་དགའ་སྟོན་རྒྱས་གྱུར་ཅིག །ཅེས་དཔལ་ལྡན་འདོད་ཁམས་དབང་ཕྱུག་དམག་ཟོར་རྒྱལ་མོ་ལ་བསྟོད་པ་ནོར་བུ་དབང་གི་རྒྱལ་པོའི་དོ་ཤལ་ཞེས་བྱ་བ་འདི་ཡང་། རང་ཉིད་ལྷག་པའི་ལྷ་མོར་མི་ཕྱེད་དད་པའི་ཤུགས་ཀྱིས་མངོན་པར་བསྐུལ་ཞིང་། རབ་འབྱམས་སྨྲ་བ་ངག་དབང་བསོད་ནམས་རྣམ་རྒྱལ་དང་། རིག་བྱེད་པ་བློ་བཟང་འཇམ་དཔལ་སོགས་ཀྱིས་མཚམས་སྦྱར་བ་ལ་བརྟེན་ནས། ཚངས་སྲས་བཞད་པའི་རྡོ་རྗེ་ཡི་ས་ཡོས་སྤྲད་དུས་ཀྱི་ཟླ་བའི་དཀར་ཕྱོགས་བཟང་པོ་གཉིས་པར། ཀུན་མཁྱེན་བུ་རམ་ཤིང་པ་བལྟམས་པའི་དུས་ཆེན་གྱི་ཉིན། འཆི་མེད་སྐྱེད་ཚལ་ས་ལ་འཕོས་འདྲའི་དགའ་ལྡན་ཕོ་བྲང་གི་གཟིམས་ཆུང་མངོན་པར་དགའ་བར་སྦྱར་བའོ། །བཀྲ་ཤིས་དཔལ་འབར་འཛམ་གླིང་རྒྱན་དུ་ཤོག །རྒྱལ་བ་གཉིས་པའི་མཛད་པའི་རྒྱ་མཚོ་ལས། །དམག་ཟོར་ལྷ་མོ་བསྟོད་པའི་རབ་བྱེད་འདི། །བློ་གྲོས་རྒྱལ་མཚན་དད་པས་པར་དུ་བསྒྲུབས། །དགེ་དེས་རྟག་ཏུ་རྒྱལ་བ་དགྱེས་བྱེད་ཤོག །མངྒ་ལཾ།།

དཔལ་ལྡན་དམག་ཟོར་མའི་མངའ་གསོལ་བསམ་དོན་ལྷུན་གྲུབ་མ།

― GLG025_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ལྡན་དམག་ཟོར་མའི་མངའ་གསོལ་བསམ་དོན་ལྷུན་གྲུབ་མ་བཞུགས་སོ། །

― GLG025_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

བསམས་པའི་དོན་ཀུན་ལྷུན་གྱིས་གྲུབ་པའི་དཔལ། །ཡིད་བཞིན་དབང་གི་རྒྱལ་པོ་ལྷག་པའི་ལྷ། །འདོད་ཁམས་དབང་ཕྱུག་དཔལ་ལྡན་དམག་ཟོར་མས། །ཕུན་ཚོགས་བཀྲ་ཤིས་དགའ་སྟོན་རྒྱས་པར་མཛོད། །མཁས་དང་གྲུབ་པའི་འཁོར་ལོས་སྒྱུར་པའི་དཔལ། །དངོས་བརྒྱུད་རིགས་འཛིན་རྡོ་རྗེ་སློབ་དཔོན་དང་། །ཀུན་བཟང་བདེ་བ་ཆེན་པོ་རོ་གཅིག་པ། །དངོས་གྲུབ་ཡོངས་ཀྱི་བྱེད་པོར་མངའ་གསོལ་ལོ། །བླ་མེད་སྐུ་བཞིའི་ངོ་བོ་རྫོགས་སངས་རྒྱས། །དེའི་གསུང་ཆགས་བྲལ་ཉེར་ཞི་དམ་པའི་ཆོས། །འཛིན་མཛད་ཐེག་པ་གསུམ་གྱི་དགེ་འདུན་ཏེ། །སླུ་མེད་སྐྱབས་མཆོག་ངོ་བོར་མངའ་གསོལ་ལོ། །བདེ་ཆེན་རབ་རྒྱས་སྟོང་ཉིད་སྙིང་རྗེའི་ཉམས། །ཤེས་རབ་རྡོ་རྗེ་དབྱིངས་ཀྱི་དབང་ཕྱུག་མར། །རྣམ་རོལ་དཔལ་ཆེན་འཇམ་དཔལ་གཤིན་རྗེ་དང་། །མཉམ་སྦྱོར་དཀྱིལ་འཁོར་གཙོ་མོར་མངའ་གསོལ་ལོ། །གསལ་སྟོང་འཛིན་མེད་རང་སེམས་རྣལ་འབྱོར་མ། །གྲངས་མེད་རྣམ་བཞིའི་དཔའ་མོར་ཡོངས་ཤར་བའི། །འཇིག་རྟེན་འདས་དང་མ་འདས་ཌཱ་ཀི་མ། །མཁའ་འགྲོ་ཀུན་གྱི་དབང་མོར་མངའ་གསོལ་ལོ། །ཕྱི་ནང་གྲུབ་མཐའ་སྨྲ་བ་ཐུན་མོང་གི །(༢ན)

― GLG025_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

གདུལ་བྱའི་སྣང་ངོར་ཚངས་པའི་སྲས་མོའི་ཚུལ། །འཛིན་མཛད་ཤེས་རབ་སྣང་བའི་དཔལ་སྟེར་བ། །དབྱངས་ཅན་ངག་གི་ལྷ་མོར་མངའ་གསོལ་ལོ། །མགོ་རློན་རྒྱུ་མའི་འཕྲེང་བའི་ག་ཤ་ཅན། །དགྲ་བོའི་སྙིང་ཁྲག་དྲོན་མོ་བཏུངས་པས་ཀྱང་། །མ་ངོམས་སྲོག་དབུགས་ལེན་ལ་རིངས་པ་ཡི། །བསྟན་སྲུང་ཡོངས་ཀྱི་རྗེ་མོར་མངའ་གསོལ་ལོ། །ཕུར་པ་ཕྱག་རྡོར་རྟ་མགྲིན་ལ་སོགས་པས། །གསང་བའི་མཚན་གྱི་ཆེ་བར་མངའ་གསོལ་ལོ། །རྒྱ་གར་ཧོར་དང་རྒྱ་ནག་བོད་ཡུལ་སོགས། །དགོན་གནས་ཀུན་གྱི་བདག་མོར་མངའ་གསོལ་ལོ། །ལྷ་ཀླུ་གནོད་སྦྱིན་བདུད་སྲིན་གཤིན་རྗེ་སོགས། །སྡེ་བརྒྱད་དྲེགས་པའི་བཙུན་མོར་མངའ་གསོལ་ལོ། །འཇིགས་རུང་རླུང་ནག་འཚུབ་མའི་གུར་ཁྱིམ་གྱིས། །གྲངས་མེད་སྤྲུལ་པ་འགྱེད་པར་མངའ་གསོལ་ལོ། །རླུང་གི་ཤུགས་ལྡན་རྐྱང་སེར་དྲེའུ་ཡིས། །སྟོང་གསུམ་སྐད་ཅིག་བསྐོར་བར་མངའ་གསོལ་ལོ། ཁྲམ་བམ་ནག་པོ་བདུད་ཀྱི་མཚོན་ཆ་ཡིས། །དགྲ་བོ་ཁྲམ་ལ་འདེབས་པར་མངའ་གསོལ་ལོ། །རྣོན་པོ་མཚོན་གྱི་དྲུ་གུ་སྔོ་དམར་གྱིས། །དགྲ་བགེགས་སྲོག་རྩ་གཅོད་པར་མངའ་གསོལ་ལོ། །བཏབ་པས་འཕུང་ནུས་(༢བ)

― GLG025_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

བཙན་ཤོ་དཀར་དམར་གྱིས། །དགྲ་བོ་ཁ་ཕུང་གཏོང་བར་མངའ་གསོལ་ལོ། །ནད་ཀྱི་རྒྱ་མཚོ་འཁྱིལ་བའི་རྫིང་བུ་ཡིས། །དགྲ་ཡུལ་ནད་ཀྱིས་བརླག་པར་མངའ་གསོལ་ལོ། །སྦྲུལ་ཞགས་ཀྱིས་བཅིངས་ནད་ཀྱི་རྐྱལ་པ་ཡིས། །དགྲ་བོ་རིམས་ཀྱིས་འཕུང་བར་མངའ་གསོལ་ལོ། །མིག་སྨན་ལྟར་ནག་རེ་བའི་སྟོད་གཡོགས་ཀྱིས། །མངོན་སྤྱོད་འཕྲིན་ལས་སྒྲུབ་པར་མངའ་གསོལ་ལོ། །སྙན་གཡས་གདོང་ལྔའི་དབང་པོའི་གད་རྒྱངས་ཀྱིས། །དགྲ་བགེགས་གླང་ཆེན་འདུལ་བར་མངའ་གསོལ་ལོ། །གཡོན་པ་ལྟོ་འགྲོ་འཁྱིལ་པའི་དུག་རླངས་ཀྱིས། །དམ་ཉམས་དགྲ་བོ་འཆིང་བར་མངའ་གསོལ་ལོ། །འཇའ་ཚོན་ལྟར་བཀྲ་རྨ་བྱའི་སྒྲོ་གདུགས་ཀྱིས། །དཔོན་སློབ་དགོན་གནས་སྐྱོང་བར་མངའ་གསོལ་ལོ། །གཙུག་རུམ་ཉི་ཟླའི་དཀྱིལ་འཁོར་འོད་སྣང་གིས། །ལེགས་ཉེས་སོ་སོར་འབྱེད་པར་མངའ་གསོལ་ལོ། །རྡོ་རྗེས་མཚན་པའི་བེ་ཅོན་འབར་བ་ཡིས། །དགྲ་བགེགས་ཐལ་བར་བརླག་པར་མངའ་གསོལ་ལོ། །དགྲ་བགེགས་སྙིང་ཁྲག་གིས་གང་ཀ་པཱ་ལས། བདེ་ཆེན་བཅུད་ཀྱིས་ཚིམ་པར་མངའ་གསོལ་ལོ། །མིག་སྨན་ལྟར་གནག་འཇིགས་རུང་སྲིན་མོའི་སྐུས། །ལོག་འདྲེན་ཐལ་བར་རློག་པར་མངའ་གསོལ་ལོ། །ཉི་མ་འབུམ་ལས་ལྷག་པའི་གཟི་བརྗིད་ཀྱིས། །ཕྱོགས་ལས་རྣམ་པར་རྒྱལ་པར་མངའ་གསོལ་ལོ། །དམར་ཟླུམ་སྤྱན་གསུམ་ཕྱོགས་བཅུར་བགྲད་པ་ཡིས། །དུས་གསུམ་སྒྲིབ་མེད་གཟིགས་པར་མངའ་གསོལ་ལོ། །དབུ་སྐྲ་དམར་སེར་གྱེན་དུ་བརྫེས་པ་ཡིས། །སྟེང་གི་ལྷ་རྣམས་འདུལ་བར་མངའ་གསོལ་ལོ། །སྨིན་མ་སྨ་ར་གློག་ལྟར་འཁྱུག་པ་ཡིས། །སྡེ་བརྒྱད་འབྱུང་པོ་འདུལ་བར་མངའ་གསོལ་ལོ། །(༣ན)

― GLG025_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་གདངས་མཆེ་གཙིགས་ང་རོ་དྲག་པོ་ཡིས། །བསྟན་པའི་རུ་དྲ་འདུལ་བར་མངའ་གསོལ་ལོ། །ཐོད་སྐམ་རིན་ཅེན་ལྔ་ཡིས་དབུ་བརྒྱན་པས། །རིགས་བདག་རྡོ་རྗེ་གཞོན་ནུར་མངའ་གསོལ་ལོ། ཁྲག་འཛག་མི་མགོ་ལྔ་བཅུའི་དོ་ཤལ་གྱིས། །དགྲ་བགེགས་རྩད་ནས་གཅོད་པར་མངའ་གསོལ་ལོ། །ཞིང་ལྤགས་སྟག་ཤམ་རུས་པའི་རྒྱན་ཆ་ཡིས། །དཔལ་ཆེན་དཀྱིལ་འཁོར་སྲུང་མར་མངའ་གསོལ་ལོ། །བྱུག་པའི་རྫས་གསུམ་སྐུ་ལ་ཉེར་སྦགས་པས། །མཐུ་སྟོབས་གཟི་བྱིན་བསྐྱེད་པར་མངའ་གསོལ་ལོ། །རལ་གྲི་མགོ་རློན་ཁྲག་འཛག་ཕྱག་མཚན་གྱིས། །མཐུ་སྟོབས་རྡོ་རྗེའི་ཐོག་ལྟར་མངའ་གསོལ་ལོ། །དར་ནག་གསེར་གྱི་ཐིག་ལེའི་གོས་བཟང་གིས། །འཕྲིན་ལས་ཐོགས་མེད་བསྒྲུབ་པར་མངའ་གསོལ་ལོ། །དུག་སྦྲུལ་ལས་གྲུབ་སྲབ་འཐུར་གོང་རྨེད་ཀྱིས། །འོག་གི་ཀླུ་རྣམས་འདུལ་བར་མངའ་གསོལ་ལོ། །ས་གཞི་ཁྲག་ཞག་རྒྱ་མཚོའི་རླབས་འཁྲུག་པས། གདུག་པའི་ས་བདག་འདུལ་བར་མངའ་གསོལ་ལོ། །མཚན་ལྡན་ཕྱི་ནང་གསང་བའི་རྟེན་རྣམས་ཀྱིས། །མི་འབྲལ་རྟག་ཏུ་འགྲོགས་པར་མངའ་གསོལ་ལོ། །སྲ་ཞིང་རྣོ་བའི་རྡོ་རྗེའི་གོ་མཚོན་གྱིས། །རང་བསྲུང་གནོད་བྱེད་འཇོམས་པར་མངའ་གསོལ་ལོ། །ཡིད་འོང་འདོད་ཡོན་ལྔ་དང་ཉེར་སྤྱོད་ཀྱིས། །ཞི་བའི་འཕྲིན་ལས་བསྒྲུབ་པར་མངའ་གསོལ་ལོ། །ཕུན་ཚོགས་བཀྲ་ཤིས་རྟགས་བརྒྱད་སྤྱན་གཟིགས་ཀྱིས། །རྒྱས་པའི་འཕྲིན་ལས་བསྒྲུབ་པར་མངའ་གསོལ་ལོ། །རྒྱལ་སྲིད་སྣ་བདུན་མཚར་དུ་དངར་བ་ཡིས། །དབང་གི་འཕྲིན་ལས་བསྒྲུབ་པར་མངའ་གསོལ་ལོ། །ཕུལ་བྱུང་ནང་གི་མཆོད་པའི་ཚོགས་རྣམས་ཀྱིས། །དྲག་པོའི་འཕྲིན་ལས་(༣བ)

― GLG025_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲུབ་པར་མངའ་གསོལ་ལོ། །གསང་བ་མཉམ་སྦྱོར་བདེ་བ་ཆེན་པོ་ཡིས། །མཆོག་གི་དངོས་གྲུབ་སྩོལ་བར་མངའ་གསོལ་ལོ། །མདོར་ན་བླ་མ་ཡི་དམ་མཁའ་འགྲོ་སོགས། །རྩ་གསུམ་ཀུན་གྱི་མཁྱེན་བརྩེ་ནུས་མཐུའི་དཔུང་། །གཅིག་ཏུ་རབ་བསྡུས་བསྟན་སྲུང་དབང་པོའི་མཆོག །བསམ་འཕེལ་ཡིད་བཞིན་ནོར་བུར་མངའ་གསོལ་ལོ། །དུས་འདི་ནས་བཟུང་བྱང་ཆུབ་སྙིང་པོའི་བར། །དམག་ཟོར་ལྷ་ཁྱེད་རྒྱལ་བ་མ་ལུས་པའི། །ངོ་བོར་ཡིད་ཆེས་གཏན་གྱི་སྐྱབས་ཞུ་ན། །འབྲལ་མེད་ལྷག་པའི་ལྷ་རུ་མངའ་གསོལ་ལོ། །བདག་ཅག་མི་ནོར་དགོན་གནས་སྡེར་བཅས་པ། །འདོད་ཁམས་དབང་ཕྱུག་ཁྱོད་ལ་གཉེར་དུ་གཏད། །བརྣག་པའི་དགྲ་བགེགས་རྡུལ་དུ་རློག་པ་དང་། །མཐུན་པའི་ལེགས་ཚོགས་འཕེལ་བར་མངའ་གསོལ་ལོ། །ལྷག་པའི་ལྷ་ངོ་མཁའ་ལྟར་མངོན་མཐོ་ཞིང་། །མཐུ་སྟོབས་གཟི་བརྗིད་ཉི་མའི་འོད་ལྟར་འབར། །འཕྲིན་ལས་མ་ལུས་རྡོ་རྗེའི་ཕ་ལམ་ལྟར། །གང་ལ་ཐོགས་མེད་འགྲུབ་པར་མངའ་གསོལ་ལོ། །དཀར་ཕྱོགས་རྒྱལ་པའི་བ་དན་སྲིད་རྩེར་བསྒྲེང་། །ནག་པོ་བདུད་ཀྱི་རུ་དར་ས་ལ་བསྙལ། །ཆོས་སྲིད་ལུགས་གཉིས་རྫ་རྔ་སྲིད་རྩེར་བསྒྲགས། །བཀྲ་ཤིས་ཕུན་སུམ་ཚོགས་པར་མངའ་གསོལ་ལོ། །དངོས་གྲུབ་གཏེར་གྱུར་རྩ་བརྒྱུད་བླ་མ་དང་། །བྱིན་རླབས་སྩོལ་མཛད་དཔལ་ཆེན་ཕུར་པའི་ལྷ། །འཕྲིན་ལས་ཐོགས་མེད་དམག་ཟོར་རྒྱལ་མོ་ཡིས། །བདག་སོགས་འདོད་པའི་རེ་བ་སྐོང་གྱུར་ཅིག །ཅེས་འདོད་ཁམས་ཀྱི་དབང་ཕྱུག་དཔལ་ལྡན་དམག་ཟོར་རྒྱལ་མོ་ལྷ་ངོ་བསྟོད་ཅིང་མངའ་གསོལ་བྱ་བའི་རིམ་པ་བསམ་དོན་ལྷུན་གྲུབ་མ་ཞེས་བྱ་བ་འདི་ནི། ཆུ་སྦྲུལ་ཧོར་ཟླ་བཞི་པའི་ནང་དུ་(༤ན)

― GLG025_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་སྒྲུབ་དང་མདོས་བསྐང་གི་སྐབས་བྱེད་དགོས་པའི་མཚན་མ་མཐོང་བ་ལ་བརྟེན་ནས་ཟ་ཧོར་གྱི་བནྡེས་པ་སངས་ནམ་གྲུའི་འགྲུབ་སྦྱོར་གྱི་ཉིན་ཏལ་ཁར་སྦྱར་བའི་ཡི་གེ་པ་ནི་འཇམ་དཔལ་ལོ། །མངྒ་ལཾ།། །།

ལྷ་མོའི་གསང་མདོས་བསྔོ་ཚིག

― GLG025_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་མོའི་གསང་མདོས་བསྔོ་ཚིག་བཞུགས་སོ། །

― GLG025_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

བྷྱོ། རི་རབ་ལྷུན་པོ་གླིང་བཞི་གླིང་ཕྲན་ཅན། །རིན་ཆེན་རི་བོ་དཔག་བསམ་ལྗོན་པའི་ཤིང་། །འདོད་འཇོའི་བ་དང་མ་རྨོས་ལོ་ཏོག་སྨིན། །ཉི་ཟླས་མུན་སེལ་ལྕགས་རིས་བསྐོར་བའི་ནང་། །དངོས་བཤམས་ཡིད་སྤྲུལ་ཀུན་བཟང་མཆོད་པའི་སྤྲིན། །འཕྲིན་ལས་རྣམ་བཞིའི་གཏོར་ཚོགས་ཕྱུར་བུར་སྤུངས། །བདུད་རྩི་སྨན་གྱི་རྒྱ་མཚོ་ལྦུ་འཕྲེང་འཁྲིགས། །དམར་ཆེན་རཀྟའི་རྦ་རླབས་གཡོ་བ་འདིས། །སྲིད་གསུམ་དབང་སྒྱུར་དཔལ་ལྡན་རེ་མ་ཏཱི། །ཞི་རྒྱས་དབང་དྲག་ལས་བཞིའི་རྣམ་འགྱུར་ཅན། །རེ་ཏཱི་ནད་བདག་བཀའ་ཉན་དུས་བཞིའི་ལྷ། །གངས་ཀྱི་ཡུམ་ཆེན་མཆེད་སོགས་བོད་སྐྱོང་བསྟན། །བཅུ་གཉིས་དམ་ཅན་རྒྱ་མཚོའི་ཐུགས་དམ་བསྐང་། །སྒྲིབ་གཉིས་ནད་གདོན་ཞི་ཞིང་ཚེ་དཔལ་དང་། །ལུང་རྟོགས་རབ་རྒྱས་ཁམས་གསུམ་དབང་དུ་སྡུད། །གནོད་བྱེད་དགྲ་བགེགས་སྒྲོལ་བའི་འཕྲིན་ལས་མཛོད། །ག་བུར་གུར་གུམ་གྱིས་བྲན་མཆོད་ཡོན་དང་། །ཆུ་དང་(༢ན)

― GLG025_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

ཐང་ལས་སྐྱེས་པའི་མེ་ཏོག་བཀྲ། །སྨན་སྤོས་ཤིང་སྣ་དྲི་ཞིམ་དུད་སྤྲིན་གཏིབས། །ཉི་མ་ནོར་བུ་རྩི་འབྲུའི་སྒྲོན་མེ་སྤར། །སྨན་སྣའི་ངད་ལྡང་ཐུགས་ཀར་བྱུགས་པའི་དྲི། །བཟའ་བཅའ་ལྷ་བཤོས་རོ་བརྒྱའི་བཅུད་དང་ལྡན། །པི་ཝང་གླིང་བུ་སིལ་སྙན་རོལ་མོའི་སྒྲ། །རྫས་མདངས་ཀྱིས་བསྒྱུར་ཞི་རྒྱས་དབང་མཆོད་འདིས། །སྲིད་གསུམ་དབང་སྒྱུར་དཔལ་ལྡན་རེ་མ་ཏཱི། །ཞི་རྒྱས་དབང་དྲག་ལས་བཞིའི་རྣམ་འགྱུར་ཅན། །རེ་ཏཱི་ནད་བདག་བཀའ་ཉན་དུས་བཞིའི་ལྷ། །གངས་ཀྱི་ཡུམ་ཆེན་མཆེད་སོགས་བོད་སྐྱོང་བསྟན། །བཅུ་གཉིས་དམ་ཅན་རྒྱ་མཚོའི་ཐུགས་དམ་བསྐང་། །སྒྲིབ་གཉིས་ནད་གདོན་ཞི་ཞིང་ཚེ་དཔལ་དང་། །ལུང་རྟོགས་རབ་རྒྱས་ཁམས་གསུམ་དབང་དུ་སྡུད། །གནོད་བྱེད་དགྲ་བགེགས་སྒྲོལ་བའི་འཕྲིན་ལས་མཛོད། །དྲོད་རླངས་མ་ཡལ་འཐུལ་བའི་སྙིང་ཁྲག་འཕྱར། །དབང་པོ་སྣ་ལྔའི་མེ་ཏོག་འཕྲིག་ཅིང་གཡོ། །ཤ་ཆེན་དུད་པ་ཁམས་ནག་ལང་ལོང་འཐིབས། །ཚིལ་ཆེན་སྣང་གསལ་དུས་མཐའི་མེ་བཞིན་འབར། །བསད་ཁྲག་མཁྲིས་པ་གསར་པ་རྫིང་བུར་འཁྱིལ། །ཤ་རུས་རྐང་མར་སྤུངས་པའི་བཟའ་བཅས་གཏམས། །ཐོད་རྔ་རྐང་གླིང་བཤུགས་པའི་སྒྲ་དབྱངས་དང་། །འབོད་བརྡ་གཡབ་པའི་དར་ཚོན་སྣ་ལྔ་ཡིས། །སྲིད་གསུམ་དབང་སྒྱུར་དཔལ་ལྡན་རེ་མ་ཏཱི། །ཞི་རྒྱས་དབང་དྲག་ལས་བཞིའི་རྣམ་འགྱུར་ཅན། །རེ་ཏཱི་ནད་བདག་བཀའ་ཉན་དུས་བཞིའི་ལྷ། །གངས་ཀྱི་ཡུམ་ཆེན་མཆེད་སོགས་བོད་སྐྱོང་བསྟན། །བཅུ་གཉིས་དམ་ཅན་རྒྱ་མཚོའི་ཐུགས་དམ་བསྐང་། །སྒྲིབ་གཉིས་ནད་གདོན་ཞི་ཞིང་ཚེ་དཔལ་དང་། །ལུང་(༢བ)

― GLG025_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས་རབ་རྒྱས་ཁམས་གསུམ་དབང་དུ་སྡུད། །གནོད་བྱེད་དགྲ་བགེགས་སྒྲོལ་བའི་འཕྲིན་ལས་མཛོད། །རྟ་མཆོག་འབྲོང་གཡག་ཞོལ་མོ་འདོད་འཇོའི་བ། །ར་ལུག་བྱ་ནག་ཁྱི་ནག་ཅེ་སྤྱང་སོགས། །གནམ་ལ་འཕུར་དགུ་ས་ལ་འཛུལ་དགུ་དང་། །རི་དྭགས་མཆོང་དགུ་བགྲང་ཡས་སྲོག་ཆགས་ཚོགས། །སྲིན་པོའི་མགོ་ལྤགས་སྤྲས་པའི་རྐྱང་སེར་དྲེལ། །བེ་ཅོན་ནལ་ཐོད་འཕྲིན་ལས་བཞི་སྒྲུབ་པའི། །སྣ་ཚོགས་ཕྱག་མཚན་རྒྱན་གོས་བཞོན་པ་དང་། །མཐུན་པའི་དམ་རྫས་མ་ཚང་མེད་པ་ཡིས། །སྲིད་གསུམ་དབང་སྒྱུར་དཔལ་ལྡན་རེ་མ་ཏཱི། །ཞི་རྒྱས་དབང་དྲག་ལས་བཞིའི་རྣམ་འགྱུར་ཅན། །རེ་ཏཱི་ནད་བདག་བཀའ་ཉན་དུས་བཞིའི་ལྷ། །གངས་ཀྱི་ཡུམ་ཆེན་མཆེད་སོགས་བོད་སྐྱོང་བསྟན། །བཅུ་གཉིས་དམ་ཅན་རྒྱ་མཚོའི་ཐུགས་དམ་བསྐང་། །སྒྲིབ་གཉིས་ནད་གདོན་ཞི་ཞིང་ཚེ་དཔལ་དང་། །ལུང་རྟོགས་རབ་རྒྱས་ཁམས་གསུམ་དབང་དུ་སྡུད། །གནོད་བྱེད་དགྲ་བགེགས་སྒྲོལ་བའི་འཕྲིན་ལས་མཛོད། །རང་སྲུང་རྡོ་རྗེའི་གོ་ཆ་སྲ་ཞིང་བརྟན། །ཕ་རོལ་ཕྱེར་འཐག་སྣ་ཚོགས་མཚོན་ཆ་གཟིངས། ཁྲག་རྒྱུན་འཛག་པའི་མི་ལྤགས་བླ་བྲེ་བྲེས། །མགོ་རྐང་ལག་སྐྲའི་བ་དན་ཕྱོགས་བཅུར་གཡོ། །འཕྲལ་བསད་རྒྱུ་མ་རློན་པའི་ལྡ་ལྡི་ལ། །གློ་སྙིང་མཁའ་མཆིན་མཚེར་པའི་དྲ་ཕྱེད་འཕྱང་། །སྲིད་གསུམ་འཕྱོ་པའི་རླུང་ནག་གུར་ཆེན་ཕུབ། །གཤིན་རྗེའི་བཤས་ར་ལྟ་བུའི་ཞིང་ཁམས་འདིས། །སྲིད་གསུམ་དབང་སྒྱུར་དཔལ་ལྡན་རེ་མ་ཏཱི། །ཞི་རྒྱས་དབང་དྲག་ལས་བཞིའི་རྣམ་འགྱུར་ཅན། །རེ་ཏཱི་ནད་བདག་བཀའ་ཉན་དུས་བཞིའི་ལྷ། །གངས་ཀྱི་ཡུམ་ཆེན་མཆེད་སོགས་བོད་སྐྱོང་བསྟན། །བཅུ་གཉིས་དམ་ཅན་རྒྱ་མཚོའི་ཐུགས་དམ་བསྐང་། །སྒྲིབ་གཉིས་ནད་གདོན་ཞི་ཞིང་ཚེ་དཔལ་དང་། །ལུང་རྟོགས་རབ་རྒྱས་ཁམས་གསུམ་དབང་དུ་སྡུད། །གནོད་བྱེད་དགྲ་བགེགས་སྒྲོལ་བའི་འཕྲིན་ལས་མཛོད། །ཡིད་འཕྲོག་ལྷ་ཡི་དགའ་ཚལ་ཚར་དུ་དངར། །ནད་བརྒྱ་སེལ་བའི་སྨན་གྱི་ནགས་ཀླུང་འཁྲིགས། །རིན་ཆེན་ཁང་བཟང་རྒྱ་ཕིབས་ལྕོག་གིས་མཛེས། །ཡིད་བཞིན་ནོར་སོགས་ལྷ་མིའི་དཔལ་འབྱོར་བསྙིལ། །ནམ་མཁའ་རྒྱང་བུ་མདའ་འཕང་དར་ཚོན་འབྲུ། །ཇ་སྣ་ཤིང་འབྲས་ཤ་སྒང་རམས་སྐག་མཚལ། །བཙོད་ཞུན་སྣམ་རས་ལས་སྒོ་སྣ་ཚོགས་ཟོང་། །དཀར་གསུམ་མངར་གསུམ་བཟའ་བཅའ་ངར་མི་གླུད། །དབུས་སྐྱུ་ཁྲག་ཀོང་བགྲང་ཡས་མཐུན་རྫས་ཀྱིས། །(༣ན)

― GLG025_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་གསུམ་དབང་སྒྱུར་དཔལ་ལྡན་རེ་མ་ཏཱི། །ཞི་རྒྱས་དབང་དྲག་ལས་བཞིའི་རྣམ་འགྱུར་ཅན། །རེ་ཏཱི་ནད་བདག་བཀའ་ཉན་དུས་བཞིའི་ལྷ། །གངས་ཀྱི་ཡུམ་ཆེན་མཆེད་སོགས་བོད་སྐྱོང་བསྟན། །བཅུ་གཉིས་དམ་ཅན་རྒྱ་མཚོའི་ཐུགས་དམ་བསྐང་། །སྒྲིབ་གཉིས་ནད་གདོན་ཞི་ཞིང་ཚེ་དཔལ་དང་། །ལུང་རྟོགས་རབ་རྒྱས་ཁམས་གསུམ་དབང་དུ་སྡུད། །གནོད་བྱེད་དགྲ་བགེགས་སྒྲོལ་བའི་འཕྲིན་ལས་མཛོད། །འཁོར་ལོ་ནོར་བུ་དབང་རྒྱལ་བཙུན་མོ་དང་། །སྔོན་པོ་གླང་ཆེན་རྟ་མཆོག་དམག་གི་དཔོན། །འོད་སྔོན་འཕྲོ་བའི་རལ་གྲི་པགས་པ་འཇམ། །དགའ་བའི་ནགས་ཚལ་ཅི་འདོད་འགྲུབ་པའི་ཁྱིམ། །གདུང་སེལ་གོས་དང་ཉོན་མོངས་བྲལ་བའི་མལ། །སྐད་ཅིག་བགྲོད་ལྷམ་ཉེ་བའི་རིན་ཆེན་བདུན། །བཀྲ་ཤིས་རྫས་རྟགས་བརྒྱད་དང་འདོད་ཡོན་ལྔ། །ནམ་མཁའ་མཛོད་ཀྱི་སྒོ་ཕྱེ་མཆོད་སྤྲིན་གྱིས། །སྲིད་གསུམ་དབང་སྒྱུར་དཔལ་ལྡན་རེ་མ་ཏཱི། །ཞི་རྒྱས་དབང་དྲག་ལས་བཞིའི་རྣམ་འགྱུར་ཅན། །རེ་ཏཱི་ནད་བདག་བཀའ་ཉན་དུས་བཞིའི་ལྷ། །གངས་ཀྱི་ཡུམ་ཆེན་མཆེད་སོགས་བོད་སྐྱོང་བསྟན། །བཅུ་གཉིས་དམ་ཅན་རྒྱ་མཚོའི་ཐུགས་དམ་བསྐང་། །སྒྲིབ་གཉིས་ནད་གདོན་ཞི་ཞིང་ཚེ་དཔལ་དང་། །ལུང་རྟོགས་རབ་རྒྱས་ཁམས་གསུམ་དབང་དུ་སྡུད། །གནོད་བྱེད་དགྲ་བགེགས་སྒྲོལ་བའི་འཕྲིན་ལས་མཛོད། །གསང་མདོས་བསྔོ་བའི་ཚིགས་སུ་བཅད་པ་ཟ་ཧོར་བནྡེས་འཕྲལ་དུ་སྦྱར་བའི་ཡི་གེ་པ་ནི་དགེ་སློང་འཇམ་དབྱངས་གྲགས་པའོ། །སརྦ་མངྒ་ལཾ། །

སྒོ་དབྱེར་ཟོར་སྲིན་མོའི་ཟ་ལམ་མ་རྣམས།

― GLG025_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་དབྱེར་ཟོར་སྲིན་མོའི་ཟ་ལམ་མ་རྣམས་བཞུགས་སོ། །

― GLG025_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུཾ། ཤར་གྱི་སྒོ་མ་རྟ་གདོང་དཀར༔ ཐབས་ཤེས་ལྕགས་ཀྱུའི་ཕྱག་རྒྱ་ཡིས༔ ཤར་ཕྱོགས་དུང་སྒོ་དཀར་པོ་ཕྱེ༔ གཏོར་མའི་ཟོར་ལམ་དགྲ་ལ་བྷྱོ༔ ཧཱུཾ། ལྷོ་ཡི་སྒོ་མ་ཕག་གདོང་ནག༔ ཐབས་ཤེས་ཞགས་པའི་ཕྱག་རྒྱ་ཡིས༔ ལྷོ་ཕྱོགས་གསེར་སྒོ་སེར་པོ་ཕྱེ༔ གཏོར་མའི་ཟོར་ལམ་དགྲ་ལ་བྷྱོ༔ ཧཱུཾ། ནུབ་ཀྱི་སྒོ་མ་དྲེད་གདོང་དམར༔ ཐབས་ཤེས་ལྕགས་སྒྲོག་ཕྱག་རྒྱ་ཡིས༔ ནུབ་ཕྱོགས་ཟངས་སྒོ་དམར་པོ་ཕྱེ༔ གཏོར་མའི་ཟོར་ལམ་དགྲ་ལ་བྷྱོ༔ ཧཱུཾ། བྱང་གི་སྒོ་མ་སྤྱང་གདོང་སྔོ༔ ཐབས་ཤེས་དྲིལ་བུའི་ཕྱག་རྒྱ་ཡིས༔ བྱང་ཕྱོགས་གཡུ་སྒོ་སྔོན་པོ་ཕྱེ༔ གཏོར་མའི་ཟོར་ལམ་དགྲ་ལ་བྷྱོ༔ བཛྲ་རཏྣ་པདྨ་ཀརྨ་པྲ་པེ་ཤ་ཡ་ཕཊ༔ བྷྱོ། བཟློག་བྱེད་མ་གཅིག་སྤྱན་འདྲེན་ནོ༔ བསྒྱུར་བྱེད་མ་གཅིག་སྤྱན་འདྲེན་ནོ༔ སྲིན་མོ་ཟ་ལམ་གོམ་པ་བདུན་ཅུ་འདས་པའི་ཕ་རོལ་ན༔ འཇིག་རྟེན་འདས་ཀྱང་འཁོར་བའི་ཆ་ལུགས་འཛིན༔ ཡེ་ཤེས་གྲུབ་ཀྱང་ལས་ཀྱི་མཁའ་འགྲོ་མ༔ རྡོ་རྗེ་སྡེར་མོས་ལྟས་ངན་བྷྱོ་བཟློག་ཅིག༔ སོ་སོའི་རིགས་དང་མིང་སྲིང་(༢ན)

― GLG025_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕམ་དྲལ་ཚུལ༔ འདོད་ཅིང་ཆགས་པའི་ཚུལ་འཆང་རྣལ་འབྱོར་མ༔ བྷྱོ། དཀར་མོ་སྤྱན་གཅིག་རྡོ་རྗེ་རིགས་ཀྱི་ལྕམ༔ ཉིད་ཀྱི་མིང་པོ་རྒྱལ་པོའི་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ཤར་ཕྱོགས་གློ་བུར་ཡེ་འབྲོག་ཤོར་ར་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཤར་ཕྱོགས་རྒྱལ་པོ་ཆོ་འཕྲུལ་དགྲ་ལ་སྒྱུར༔ བྷྱོ། སྲིན་མོ་ཤུགས་འཆང་རིན་ཅེན་རིགས་ཀྱི་ལྕམ༔ ཉིད་ཀྱི་མིང་པོ་གཤིན་རྗེའི་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ འཆི་བདག་གཤིན་རྗེའི་ཁྲམ་ལ་བཏབ་པ་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་གཤིན་རྗེའི་ཆོ་འཕྲུལ་དགྲ་ལ་སྒྱུར༔ བྷྱོ། གར་གྱི་དབང་ཕྱུག་པདྨ་རིགས་ཀྱི་ལྕམ༔ ཉིད་ཀྱི་མིང་པོ་ཀླུ་ཡི་བཀའ་བསྒྱུར་ལ༔ རྣལ་འབྱོར་བདག་གི་འཁོར་ཏུ་གཏོགས་པ་ལ༔ ས་བདག་ཀླུ་ཡི་བྱད་དུ་ཚུད་པ་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཀླུ་ཡི་ཆོ་འཕྲུལ་དགྲ་ལ་སྒྱུར༔ བྷྱོ། གར་གྱི་དབང་ཕྱུག་ལས་ཀྱི་རིགས་ཀྱི་ལྕམ༔ ཉིད་ཀྱི་(༢བ)

― GLG025_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

མིང་པོ་གནོད་སྦྱིན་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ གནོད་སྦྱིན་གདུག་པའི་གདོན་གྱིས་ཟིན་ཏ་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་གནོད་སྦྱིན་ཆོ་འཕྲུལ་དགྲ་ལ་སྒྱུར༔ བྷྱོ། དབྱིངས་ཕྱུག་དཔལ་ལྡན་རྡོ་རྗེ་མཁའ་འགྲོ་མ༔ ཀོང་བཙུན་མཚོན་ཆའི་ཚོགས་ཀྱི་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ཕྱི་ཡི་དགྲ་སྙིང་ཐམས་ཅད་ཕེབས་ཏ་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་མི་སྙིང་གློ་འཕྲོག་དགྲ་ལ་སྒྱུར༔ བྷྱོ། སྔགས་སྲུང་ཨེ་ཀ་ཛ་ཏི་རལ་གཅིག་མ༔ བདུད་པོ་སྐོས་རྗེ་བྲང་དཀར་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ བདུད་ཀྱི་རྒྱལ་པོའི་ཁྲམ་ནང་བརྐྱང་བ་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་བདུད་ཀྱི་ཁྲམ་ཁ་དགྲ་ལ་སྒྱུར༔ བྷྱོ། ཨེ་ཀ་ཛ་ཏི་ནག་མོ་གློག་མ་སྤྲིན༔ བདུད་པོ་རེ་ཏི་འགོང་ཡག་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ནག་པོ་བདུད་ཀྱི་བྱན་པོས་བརྐུས་ཏ་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་བདུད་ཀྱི་ཆོ་འཕྲུལ་དགྲ་ལ་སྒྱུར༔ བྷྱོ། དཀར་མོ་ཆེན་མོ་ཉི་མའི་ཐོད་འཕྲེང་ཅན༔ ཉིད་ཀྱི་མིང་པོ་གནམ་ལྷའི་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ རྒྱལ་པོ་དཀར་པོས་དམངས་སུ་འབེབས་ཏ་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་རྒྱལ་པོའི་ཆོ་འཕྲུལ་དགྲ་ལ་སྒྱུར༔ བྷྱོ། མ་མོ་ཨེ་ཀ་ཛ་ཏི་ཐལ་མདོག་མ༔ གྲོང་གི་ཐེ་བྲང་དགྲ་བོའི་བཀའ་

― GLG025_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ འབྱུང་པོ་ཐེ་བྲང་ཡུལ་དུ་ཕེབས་ཏ་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་འབྱུང་པོའི་ཆོ་འཕྲུལ་དགྲ་ལ་སྒྱུར༔ བྷྱོ། ས་བདག་ཆེན་མོ་ནག་མོ་རལ་གཅིག་མ༔ ས་ཡི་ཐེ་བྲང་ནག་པོའི་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ཐེ་བྲང་རྣམས་ཀྱི་ཆོ་འཕྲུལ་ཤོར་ར་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཐེ་བྲང་ཆོ་འཕྲུལ་དགྲ་ལ་སྒྱུར༔ བྷྱོ། གནམ་ལ་ཤེལ་བཟའ་ལོ་རོ་སྨན་གཅིག་མ༔ དཀར་སྐྱ་གཟའ་བདུད་རྣམས་ཀྱི་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ དྲང་སྲོང་གཟའ་ཡི་གདུག་རྩུབ་ཤོར་ར་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་གཟའ་ཡི་ཆོ་འཕྲུལ་དགྲ་ལ་སྒྱུར༔ བྷྱོ། བཙན་ལ་ལོ་རོ་རྡོ་རྗེ་སྨན་གཅིག་མ༔ ཉིད་ཀྱི་མིང་པོ་བཙན་གྱི་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ བཙན་གྱི་རྒྱལ་པོའི་རྟ་བབས་ཤོར་ར་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་བཙན་གྱི་ཆོ་འཕྲུལ་དགྲ་ལ་སྒྱུར༔ བྷྱོ། ཉུལ་ལེ་འཇིགས་པ་ཁྲག་གི་རལ་གཅིག་མ༔ ཀླུ་སྲིན་ཕོ་མོ་ཡོངས་ཀྱི་བཀའ་བསྒྱུར་ལ༔ རྣལ་འབྱོར་བདག་གི་འཁོར་དུ་གཏོགས་པ་ལ༔ ཀླུ་སྲིན་རྣམས་ཀྱི་ཆོ་འཕྲུལ་ཤོར་ར་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་ཀླུ་སྲིན་ཆོ་འཕྲུལ་དགྲ་ལ་སྒྱུར༔ བྷྱོ། ལྷ་མོ་ནག་མོ་ལས་ཀྱི་དབང་མོ་ཆེ༔ སྣང་སྲིད་ལྷ་སྲིན་སྡེ་བརྒྱད་བཀའ་བསྒྱུར་ལ༔ མདོར་ན་བདག་ཅག་(༣བ)

― GLG025_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་དང་བཅས་པ་ལ༔ སྣང་སྲིད་མ་མོའི་ཁྲམ་ནག་བརྐྱང་བ་རེ༔ བཟློག་གོ་དམར་ཆེན་གཏོར་མ་འདི་ཡིས་བཟློག༔ བསྒྱུར་རོ་མ་མོའི་ཁྲམ་ཁ་དགྲ་ལ་སྒྱུར༔ ཧཱུཾ། ང་ནི་ཁྲོ་རྒྱལ་ཀུན་གྱི་རྗེཿ ང་ནི་བདེ་གཤེགས་ཀུན་གྱི་གཙོ༔ ང་ནི་གཤིན་རྗེ་ཀུན་གྱི་གཤེད༔ ང་ནི་མ་མོ་ཀུན་གྱི་ཡབ༔ ང་ནི་མཁའ་འགྲོ་ཀུན་གྱི་རྗེ༔ ང་ནི་གིང་ཆེན་ཀུན་གྱི་རྒྱལ༔ འཁོར་གྱི་མཁའ་འགྲོ་དམ་ལ་འདུས༔ དམ་ཅན་རྒྱ་མཚོ་དམག་ལ་འཆོས༔ མཁའ་འགྲོ་འབུམ་ཚོགས་སྤུངས་སེ་སྤུང་༔ ཞུབ་ཆེན་སྟོང་སྡེ་སིལ་ལི་ལི༔ དཔའ་བོ་མདའ་སྒྲ་སྒྲེངས་སེ་སྒྲེང་༔ དཔའ་མོ་དུལ་བརྡབ་ཆེམས་སེ་ཆེམ༔ དར་གྱི་རུ་མཚོན་ལྷབས་སེ་ལྷབ༔ མཚོན་རྩ་ཕུར་རྩེ་རོངས་སེ་རོང་༔ ཡུངས་ཀར་རྦབ་འདྲིལ་ཤར་ར་ར༔ མཚོ་ཡི་མདེའུ་ཐུང་ཐལ་ལ་ལ༔ གཏོར་མའི་སྒྱོགས་བརྡེག་ཆེམས་སེ་ཆེམ༔ ཁྲག་ཐུན་དུག་རླངས་ཆིལ་ལི་ལི༔ དགྲ་བགེགས་གནོད་བྱེད་རྡུལ་དུ་རློག༔ གདབ་སྔགས་ནི། ཨོཾ་བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཧཱུཾ་ཕཊ། བཛྲ་ཀི་ལི་ཀི་ལཱ་ཡ་སརྦ་བིགྷཱ་ན་པཾ། དགྲ་བགེགས་གནོད་བྱེད་མཱ་ར་ཡ་ཧཱུཾ་ཕཊ། ཅེས་པ་ཡང་དག་ནས་དམོད་པ་དྲག་སྔགས་བར་ལ་སྦྱར་ཞིང་དྲག་སྔགས་སོ་ལྔ་པའི་མཐར། དམ་ཉམས་གནོད་བྱེད་ཤ་ཏྲུན་ཧུར་ཐུཾ་ཛཿམཱ་ར་ཡ་རྦད། ཧཱུཾ་བྷྱོཿ སྡང་བའི་དགྲ་བགེགས་དམ་སྲི་འདི༔ དང་པོ་མ་རིག་གཏི་མུག་འཐིབས༔ བར་དུ་གཟུང་དང་འཛིན་པས་བསྐྱེད༔ ཐ་མ་ལས་ངན་དབང་གིས་འཁོར༔ ཞེ་སྡང་ང་ཡི་རྒྱུད་ལས་བྱུང་༔ འདོད་ཆགས་མ་ཡི་མངལ་དུ་བསྐྱེད༔ ང་རྒྱལ་ཕྲག་དོག་ལས་ངན་སྤྱོད༔ ལྔ་ཕུང་རྩད་ནས་གཅོད་པའི་(༤ན)

― GLG025_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར༔ སྲོག་པའི་རྩ་ལ་ཕུར་ཟོར་རྒྱོབ༔ ང་རྒྱལ་སྙིང་ལ་གཏོར་ཟོར་ཡཱ༔ གཏི་མུག་ཤ་ལ་མདའ་ཟོར་རྒྱོབ༔ འདོད་ཆགས་ཁྲག་ལ་ཐུན་ཟོར་ཡཱ༔ ཞེ་སྡང་རུས་ལ་རྡོ་ཟོར་རྒྱོབ༔ ཕྲག་དོག་དབུགས་ལ་དུག་ཟོར་ཡཱ༔ ལྔ་ཕུང་ལུས་ལ་གྲི་ཟོར་རྒྱོབ༔ རྡོ་རྗེ་སློབ་དཔོན་སྐུ་དགྲ་དང་༔ མཆེད་དང་ལྕམ་དྲལ་སྤྱི་ཡི་དགྲ༔ རྣལ་འབྱོར་བདག་གི་སྒོས་དགྲ་དང་༔ གཟུགས་མེད་དམ་སྲི་གནོད་བྱེད་རྣམས༔ ཡོངས་རྫོགས་ཟོར་གྱིས་རྡུལ་དུ་རློག༔ དཔལ་ཆེན་རྔམས་པའི་ཞལ་དུ་སྟོབ༔ འཁོར་གྱི་ཁྲོ་ཚོགས་མཆོད་པར་བཞེས༔ མ་མོ་མཁའ་འགྲོའི་རྔམ་ཟས་ཀྱིས༔ གིང་ཆེན་རོལ་པའི་རྔམ་ཟས་མཛོད༔ སེམས་ནི་རྒྱལ་བའི་གནས་སུ་སྦོར༔ ཧཱུཾ། ཁྲག་གི་ཀོང་བུ་ལོ་ཚད་འདིས༔ སྣང་སྲིད་ལྷ་འདྲེའི་ཆད་པ་བཟློག༔ ཡུངས་ཀར་ཐུན་གྱི་གང་བུ་འདིས༔ གཤིན་རྗེ་རྣམས་ཀྱི་གནོད་པ་བཟློག༔ བྲག་ལ་སྐྱེས་པའི་མཚེ་ཟོར་འདིས༔ ནག་པོ་བདུད་ཀྱི་ཆད་པ་བཟློག༔ དྲི་ཞིམ་སྤོས་ཀྱི་སྡོང་བུ་འདིས༔ རྒྱལ་པོ་རྣམས་ཀྱི་གནོད་པ་བཟློག༔ ཡུགས་སའི་འཕང་གི་རྩང་རྣོན་འདིས༔ མ་བདུད་རྣམས་ཀྱི་གནོད་པ་བཟློག༔ རབས་ཆད་ཁང་པའི་དུད་པ་འདིས༔ གནོད་སྦྱིན་ཕོ་མོའི་གནོད་པ་བཟློག༔ ཤ་ཁྲག་སྣ་ཚོགས་བསགས་པ་འདིས༔ ཀླུ་བདུད་ཕོ་མོའི་གནོད་པ་བཟློག༔ མྱོས་བྱེད་ཆང་གི་སྦང་མ་འདིས༔ ཐེ་བྲང་རྣམས་ཀྱི་གནོད་པ་བཟློག༔ མར་མེ་གསལ་བྱེད་སྡོང་བུ་འདིས༔ མཁའ་འགྲོ་རྣམས་ཀྱི་གནོད་པ་བཟློག༔ གདུག་པ་ཤིང་གི་ཚེར་མ་འདིས༔ གཟའ་སྐར་རྣམས་ཀྱི་གནོད་པ་(༤བ)

― GLG025_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག༔ ལྷ་བཤོས་ཁྲག་གིས་བྱུགས་པ་འདིས༔ ས་བདག་རྣམས་ཀྱི་གནོད་པ་བཟློག༔ མེ་ཏོག་བཅུད་ཅན་ཕབ་རྩི་འདིས༔ དྲེ་བོ་རྣམས་ཀྱི་གནོད་པ་བཟློག༔ དྲག་པོའི་དུག་སྣ་མང་པོ་འདིས༔ འགོང་པོ་རྣམས་ཀྱི་གནོད་པ་བཟློག༔ གྱི་ལིང་རྟ་ཡི་ཚིལ་བུ་འདིས༔ དམར་པོ་བཙན་གྱི་གནོད་པ་བཟློག༔ རམས་ཀྱི་ཕྱི་མོའི་ཕྱེ་མ་འདིས༔ དམུ་ཡི་ཚོགས་ཀྱི་གནོད་པ་བཟློག༔ གུ་གུལ་སྦྱར་བའི་དྲི་བསྲུང་འདིས༔ ལྷ་ཆེན་རྣམས་ཀྱི་གནོད་པ་བཟློག༔ བལ་ཚོན་སྣ་ལྔའི་ཚོན་དཀྲིས་འདིས༔ རིམས་ནད་དལ་ཡམས་ཐམས་ཅད་བཟློག༔ སྐྱེས་པ་ཕོ་ཡི་མདའ་ཁྲ་འདིས༔ དགྲ་བགེགས་མཚོན་ཆ་ཐམས་ཅད་བཟློག༔ ཟ་མ་མོ་ཡི་འཕང་ཁྲ་འདིས༔ ལྟས་ངན་མཚན་མ་ངན་པ་བཟློག༔ ལུང་དགུ་འདུས་པའི་ཆུ་སྣ་འདིས༔ ཀླུ་སྲིན་ཕོ་མོའི་གནོད་པ་བཟློག༔ ལུང་དགུ་འདུས་པའི་ས་སྣ་དང་༔ ཕུང་བཤུལ་དགུ་ཡི་ས་སྣ་འདིས༔ ཡུལ་དང་མཁར་ལ་ཆགས་ཆེ་བཟློག༔ རྭ་གྲོད་རྫས་ཀྱིས་བཀང་བ་འདིས༔ མི་ཁ་སྨྲ་མཆུ་རྩོད་པ་བཟློག༔ བྱ་མོ་ནག་མོའི་སྒོ་ང་འདིས༔ སྨན་མོའི་ཚོགས་ཀྱི་གནོད་པ་བཟློག༔ ཕུར་པ་དར་ནག་བཏགས་པ་འདིས༔ གནོད་སྦྱིན་ཕོ་མོའི་གནོད་པ་བཟློག༔ ཕ་ཤིང་སྟག་པའི་ཁྲམ་ཤིང་འདིས༔ སྐྱེས་པ་ཕོ་ཡི་གནོད་པ་བཟློག༔ མ་ཤིང་གླང་མའི་ཁྲམ་ཤིང་འདིས༔ ཟ་མ་མོ་ཡི་གནོད་པ་བཟློག༔ རུ་མཚོན་མཚོན་ཆ་སྣ་ཚོགས་འདིས༔ ཕྱི་འཁྲུག་ནང་འཁྲུག་གཡུལ་ངོ་བཟློག༔ ལྕགས་ཕྱེ་ཟངས་ཕྱེའི་ཐུན་སྣ་འདིས༔ རྟགས་དང་མཚན་མ་ངན་པ་བཟློག༔ མི་མང་ཐལ་མོ་བརྡེབ་པ་འདིས༔ རྦད་འདྲེ་རྦོད་གཏོང་(༥ན)

― GLG025_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་པ་བཟློག༔ བྷྱོ། གཞན་ཡང་བཟློག་ཅིང་བསྒྱུར་པ་ནི༔ ལྷ་ཆེན་དྲག་པོའི་གདུག་རྩུབ་བཟློག༔ ལྷ་མ་ཡིན་གྱི་རྒྱུ་ཐབས་བཟློག༔ སྐེམ་བྱེད་ལྕགས་ཀྱུས་ཟིན་པ་བཟློག༔ དྲང་སྲོང་བཀའ་ཡི་དམོད་པ་བཟློག༔ མ་མོའི་ཐུན་སྔགས་བྱུང་བ་བཟློག༔ ཕྲ་མེན་མ་ཡི་ཉེ་འབྱེད་བཟློག༔ ས་བདག་ཀླུ་ཡི་གདུག་བྱད་བཟློག༔ ཕོ་ཉའི་རྦོད་གཏོང་བྱུང་བ་བཟློག༔ ཕུར་པའི་དབལ་ཁ་འཕེན་པ་བཟློག༔ ཡུངས་ཀར་ཟོར་ཁ་འཕེན་པ་བཟློག༔ མུ་སྟེགས་གདུག་པའི་བྱད་ཁ་བཟློག༔ བནྡེའི་ཧོམ་པའི་ངན་སྔགས་བཟློག༔ ཞང་ཞུང་བོན་གྱི་བཙོ་དམར་བཟློག༔ སུམ་པའི་གླང་དང་ལིང་ཀྱང་བཟློག༔ མི་ཉག་བོལ་ལེ་ཐམས་ཅད་བཟློག༔ ཁྱུང་པོའི་བཙན་དང་ངན་བྱེད་བཟློག༔ གླང་ལ་ཐོང་ཤ་བྱེད་པ་བཟློག༔ བཞི་བརྒྱ་རྩ་བཞིའི་ནད་རྣམས་བཟློག༔ བགེགས་རིགས་སྟོང་ཕྲག་བརྒྱད་ཅུ་བཟློག༔ གདོན་རིགས་སུམ་བརྒྱ་དྲུག་ཅུ་བཟློག༔ བྱིས་པའི་གདོན་ཆེན་བཅོ་ལྔ་བཟློག༔ དུས་མིན་འཆི་བ་རྣམ་བརྒྱད་བཟློག༔ གཤིས་ངན་འགུམ་པ་བཅོ་ལྔ་བཟློག༔ རྨི་ལམ་མཚན་ལྟས་ངན་པ་བཟློག༔ འབྱུང་བ་རྟེན་འབྲེལ་ངན་པ་བཟློག༔ གཞན་གྱི་བསམ་སྦྱོར་ངན་པ་བཟློག༔ ཡས་ཀྱི་བདུད་དུ་གཡོས་པ་བཟློག༔ མས་ཀྱི་སྲི་རུ་ལངས་པ་བཟློག༔ ལྟག་པའི་བདུད་དུ་བབས་པ་བཟློག༔ དཔྲལ་བའི་གཤེད་དུ་འཁོར་བ་བཟློག༔ ཕ་ཚན་ནང་གི་རྒྱ་འདྲེ་བཟློག༔ དར་ཚན་ནང་གི་སྟོང་འདྲེ་བཟློག༔ ཕོ་སྲི་མོ་སྲི་ཆུང་སྲི་བཟློག༔ དམ་སྲི་ཕུང་སྲི་གོད་སྲི་བཟློག༔ ཕ་མེས་དུར་སྲི་བཙན་སྲི་བཟློག༔ བདུད་ཀྱི་ཐན་ངན་(༥བ)

― GLG025_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

འཆའ་ངན་བཟློག༔ ལོ་སྐེག་ཟླ་སྐེག་བཞི་གཤེད་བཟློག༔ གནམ་ལ་ཟླ་གྲངས་འདེབས་པ་བཟློག༔ ས་ཞག་རྩིས་ལ་འདེབས་པ་བཟློག༔ གནམ་ནས་དལ་ཁ་བབས་པ་བཟློག༔ ས་ནས་དུག་ནད་ལངས་པ་བཟློག༔ དུས་ཚོད་རྩིས་པ་འདེབས་པ་བཟློག༔ མི་ནག་སྐྱེ་བོའི་ཡ་ག་བཟློག༔ ཡུལ་མི་ཁྱིམ་མཚེས་དམོད་མོ་བཟློག༔ གཡས་ནས་ཕོ་བརྒྱས་མཚོན་བརྡར་བཟློག༔ གཡོན་ནས་མོ་བརྒྱས་དུག་གཡོས་བཟློག༔ མདུན་ནས་རྩང་བཞིན་འཛུགས་པ་བཟློག༔ རྒྱབ་ནས་ཁྱི་བཞིན་འབྲང་བ་བཟློག༔ ངོས་ལ་སྤྲེལ་ལྟར་འཛེག་པ་བཟློག༔ ལྐོག་ནས་འབུ་བཞིན་གཡེང་བ་བཟློག༔ སྲོད་ལ་ཁྱིམ་བྱ་འཚེར་བ་བཟློག༔ གུང་ལ་རྟ་ཕོ་འཚེར་བ་བཟློག༔ ཐོ་རངས་སྒོ་ཁྱི་ངུ་བ་བཟློག༔ འུག་པ་སྤོ་ལ་རྒོད་པ་བཟློག༔ སྲིན་བྱ་གོང་ཁར་འཚེར་བ་བཟློག༔ ལོགས་ལ་ཝ་སྤྱང་བརྒྱལ་བ་བཟློག༔ གནམ་ལ་བྱ་རྒོད་སྡེར་འཛིངས་བཟློག༔ ཕུ་ནས་ཤ་ཕོ་རུ་འཛིངས་བཟློག༔ མདའ་ནས་ཉ་མོ་རྔ་འཛིངས་བཟློག༔ བར་ནས་བུད་མེད་སྡེར་འཛིངས་བཟློག༔ མ་བུའི་བྱུར་སྲི་ཐམས་ཅད་བཟློག༔ ཕོ་བདུད་དལ་ཁ་གཡས་སུ་སྒྱུར༔ མོ་བདུད་དལ་ཁ་གཡོན་དུ་སྒྱུར༔ སྤྱི་བདུད་དལ་ཁ་མཁའ་ལ་སྒྱུར༔ ཕས་ཀྱི་འཕུང་འདྲེ་བྱེད་པ་བཟློག༔ ཕུགས་ཀྱི་འདྲེ་ཆེན་ངན་པ་བཟློག༔ ལུས་ལ་ནད་ངན་གཏོང་བ་བཟློག༔ ཚེ་ལ་བར་གཅོད་བྱེད་པ་བཟློག༔ ས་ལ་བྱི་ལྟར་འཛུལ་པ་བཟློག༔ མཁའ་ལ་བྱ་ལྟར་ལྡིང་བ་བཟློག༔ ཐོག་ཏུ་རྦབ་ལྟར་རིལ་བ་བཟློག༔ གདུང་རིང་སྐེད་པ་ཚིགས་པ་བཟློག༔ མི་ལ་བར་དུ་གཅོད་པ་བཟློག༔

― GLG025_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུགས་ལ་གོད་ཁ་བྱེད་པ་བཟློག༔ མི་ཁ་སྨྲ་མཆུ་ཐམས་ཅད་བཟློག༔ ཆགས་ཆེ་ཉམ་ང་ཐམས་ཅད་བཟློག༔ བསམ་སྦྱོར་ངན་པ་གཏོང་བ་ཡི༔ སྡང་དགྲ་གནོད་བྱེད་ཐམས་ཅད་ཀུན༔ དཔལ་ཆེན་འཁོར་དང་བཅས་པ་ཡིས༔ ཐམས་ཅད་གཅིག་ཏུ་བསྡུས་ནས་ཀྱང་༔ གཞིག་དང་སྦར་དང་བཏུལ་བྱས་ནས༔ རྡུལ་ཕྲན་བཞིན་དུ་བརླག་པར་མཛོད༔ ཚལ་པ་ཚལ་པ༔ དུམ་བུ་དུམ་བུ༔ རྡུལ་ཕྲན་རྡུལ་ཕྲན༔ ཕྱེ་མ་ཕྱེ་མ༔ བརླག་བརླག༔ བཟློག་བཟློག༔ བྷྱོ་བྷྱོ༔ སརྦ་མངྒ་ལཾ།།

འདོད་ཁམས་དབང་ཕྱུག་རེ་མ་ཏཱི་དགྱེས་པ་བསྐྱེད་པར་བྱེད་པའི་མདོས་ཀྱི་ཕྲིན་ལས་གྱེར་སྒོམ་རྡོ་རྗེའི་སྒྲ་དབྱངས།

― GLG025_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་ཁམས་དབང་ཕྱུག་རེ་མ་ཏཱི་དགྱེས་པ་བསྐྱེད་པར་བྱེད་པའི་མདོས་ཀྱི་ཕྲིན་ལས་གྱེར་སྒོམ་རྡོ་རྗེའི་སྒྲ་དབྱངས་བཞུགས་སོ། །

― GLG025_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

ནམཿཤྲཱི་མཱཾ་དེ་ཝྱཻ་སརྦ་སིདྡྷི་པྲ་ཡ་ཙྪ། རབ་དཀར་དགེ་ལེགས་ཆུ་གཏེར་ཆེ་ལས་དོན་གཉིས་བུམ་བཟང་ཟ་མ་ཏོག །མཆོག་ཐུན་དངོས་གྲུབ་འཆི་མེད་བདུད་རྩི་སྐལ་བཟང་ཡོངས་ལ་སྩོལ་མཁས་པའི། །དངོས་དང་བརྒྱུད་པའི་བླ་མའི་ཚོགས་ཀུན་གཅིག་བསྡུས་བདག་ཉིད་རྡོ་རྗེ་འཛིན། །འཁོན་སྟོན་ཆོས་རྗེ་ཡབ་སྲས་གཙུག་ཏུ་བསྟེན་ནོ་འཛུམ་ཞལ་ལྷུག་པར་སྟོན། །བདེ་གཤེགས་ཞི་ཁྲོའི་དཀྱིལ་འཁོར་ཀུན་གྱི་མཐུ་སྟོབས་ནུས་པ་མ་ལུས་པ། །གཅིག་ཏུ་རབ་བསྡུས་ཕྲིན་ལས་དབང་ཕྱུག་རྡོ་རྗེ་གཞོན་ནུ་ཁྲོ་བོའི་དབང་། ཁྲོ་བཅུ་ཕྲ་ཕྱག་སྒོ་མ་ཕུར་སྲུང་བཀའ་ཉན་ལས་བྱེད་ཚོགས་རྣམས་ཀྱིས། །ནག་ཕྱོགས་བདུད་སྡེའི་དཔུང་ཚོགས་ཆོམས་ལ་དངོས་གྲུབ་མ་ལུས་ཆར་ལྟར་ཕོབ། །རྒྱལ་བའི་བསྟན་པ་སྤྱི་དང་ཁྱད་པར་ཉི་མའི་གཉེན་གྱི་རིང་ལུགས་མཆོག །བསྲུང་བར་ཞལ་བཞེས་བསྟན་སྲུང་གཙོ་མོ་དཔལ་ལྡན་དམག་དང་ཟོར་གྱི་ལྷ། །རིགས་འཛིན་སྔགས་འཆང་བུ་ལྟར་སྐྱོང་ཞིང་དགྲ་བགེགས་ཕྱེ་མར་འཐག་མཛད་པ། །འདོད་ཁམས་དབང་ཕྱུག་བཀའ་སྡོད་བཅས་པས་ཕྲིན་ལས་རྣམ་བཞི་ལྷུན་གྱིས་སྒྲུབས། །མཐུ་སྟོབས་རྡོ་རྗེ་ཐོག་གི་རྗེས་འགྲོ་ལ། །མྱུར་མགྱོགས་གློག་གིས་འགྲན་པར་བཟོད་མིན་པའི། །ལྷ་མཆོག་མ་མོའི་དབང་ཕྱུག་རེ་མ་ཏཱིའི། །དགྱེས་བསྐྱེད་མདོས་ཀྱི་རིམ་པ་འདྲི་བྱེད་ན། །ཇི་ལྟར་བསམས་(༢ན)

― GLG025_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཡིད་ཀྱི་རེ་བ་ཀུན། །ཐོགས་པ་མེད་པར་ལྷུན་གྱིས་རབ་གྲུབ་ཅིང་། །མི་མཐུན་ཕྱོགས་རྣམས་ཐལ་བར་རློག་པ་ཡི། །འཕྲིན་ལས་གཡེལ་མེད་བསྒྲུབ་པའི་གྲོགས་མཛོད་ཅིག །དེའང་དུས་གསུམ་རྒྱལ་བ་ཀུན་གྱི་བསྟན་པ་བསྲུང་བའི་གཙོ་མོ་འདོད་ཁམས་དབང་ཕྱུག་དམག་ཟོར་རྒྱལ་མོ་མདོས་ཀྱི་སྒོ་ནས་དགྱེས་པ་སྐྱེད་པར་བྱེད་པའི་ཕྲིན་ལས་ཀྱི་རིམ་པ་བྲི་བ་ལ། སྔོན་དུ་འགྲོ་བ། དངོས་གཞི། རྗེས་ཀྱི་རིམ་པ་དང་གསུམ་ལས། དང་པོ་མཆོད་གཏོར། སྨན་རཀ །མདོས་ཀྱི་བཅའ་གཞི་སོགས་ལག་ལེན་མཐའ་དག་བླ་མའི་མན་ངག་ཕྱག་བཞེས། མཐོང་བརྒྱུད། ཡིག་ཆུང་། དཔེ་རིས་སོགས་སྒོ་བསྟུན་དགོས་ཤིང་། ཁོ་བོས་ཟུར་དུ་བྱས་པའི་ལག་ལེན་གསལ་བྱེད་ཆོས་སྲུང་དགྱེས་པའི་སྒྲ་དབྱངས་ལ་བློ་ལྡན་རྣམས་ཞིབ་མོར་དཔྱོད་པ་གནད་དུ་ཆེ། ལག་ལེན་མན་ངག་ཅུང་ཟད་ཙམ་ཡང་མ་ཤེས་པར་རོལ་མོ་ཙམ་དཀྲོལ་རྒྱུ་ཡོད་པ་རྒྱུ་མཚན་དུ་བྱས་ཏེ། ཆོས་སྲུང་བསྟེན་པར་རློམ་པའི་བསྟན་འཛིན་གྱི་གཟུགས་བརྙན་ཅན་རྣམས་ཀྱི་སྤྱོད་ཚུལ་རང་རེའི་ལུགས་འདི་ལ་ཡེ་མ་ཤོར་བ་གལ་ཆེ། གཉིས་པ་ནི། དཔལ་ཆེན་རྡོ་རྗེ་གཞོན་ནུའི་འཕྲིན་ལས་ཀྱིས་གཞུང་བསྲངས། ཆོས་སྐྱོང་འདིའི་བསྐང་གསོ་བཟླས་པ་ཡན་དང་། ཨེ་ཀ་ཛཱ་ཊཱི་སོགས་གཏེར་སྲུང་སྡེ་བརྒྱད། དཀར་བདུད་ཕུར་སྲུང་གི་གསོལ་མཆོད། གཞན་ཡང་རྒྱུན་དུ་(༢བ)

― GLG025_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་བའི་ཆོས་སྐྱོང་རྣམས་དང་། གཞི་བདག་གི་གཏོར་མ་རྣམས་ཕུལ་གྲུབ་རྗེས། བསྟོད་པ་ཅི་རིགས་དང་ཚོགས་ཐོག་མཐའ་བར་གསུམ་སོང་མཚམས། མདོས་གྱེར་བ་ལ། བྱིན་གྱིས་བརླབ་པ་ནི། སྭ་བྷཱ་ཝས་སྦྱངས། སྟོང་པའི་ངང་ལས། ནམ་མཁའ། རླུང་། ཆུ། མེ་ལ་སྟེ་འབྱུང་བ་རིམ་བརྩེགས་ཀྱི་དཀྱིལ་འཁོར་གྱི་སྟེང་དུ་བསྐང་མདོས་རི་རབ་བང་རིམ་བཞི་པ། རིན་པོ་ཆེ་སྣ་བཞི་ལས་གྲུབ་པ། སྟེང་གི་དབུས་དང་ཕྱོགས་བཞིར་རིན་པོ་ཆེ་དང་ཐོད་པ་ལས་གྲུབ་པའི་གཞལ་ཡས་ཁང་མཛེས་ཤིང་ཡིད་དུ་འོང་པ་ཕྱི་རོལ་གྱི་རྨང་དུ་གསེར་གྱི་རི་བདུན། རོལ་པའི་མཚོ་བདུན། གླིང་བཞི་ལྕགས་རི་མུ་ཁྱུད་ཀྱིས་བསྐོར་བ་དང་བཅས་པར་གྱུར། སྭ་བྷཱ་ཝས་སྦྱངས། སྟོང་པའི་ངང་ལས། རི་རབ་ཀྱི་སྟེང་གི་གཞལ་ཡས་ཁང་གི་ནང་དུ་ཁྲག་ཞག་འཁྲུག་པའི་རྒྱ་མཚོ་ཆེན་པོའི་དབུས་སུ་ཞེས་པ་ནས། དབུ་ལ་རྨ་བྱའི་གདུགས་ཕུབ་པ། དྲེའུའི་སྔོན་དུ་ཆུ་སྲིན་གདོང་ཅན་མཐིང་ནག་ཞགས་པ་དང་མཐུར་སྣ་འཛིན་པ། མི་ལྤགས་ཀྱི་ན་བཟའ་གསོལ་བ། སླད་ཀྱི་རྗེས་འབྲང་སེང་གེའི་གདོང་པ་ཅན་དམར་ནག་གྲི་གུག་དང་ཐོད་ཁྲག་འཛིན་པ། གཙོ་མོའི་ཕོ་བྲང་གི་ཕྱོགས་བཞིའི་མདུན་གྱི་མཁར་དུ་བདུད་མོ་རེ་མ་ཏཱི་མཐིང་ནག་གཡས་རལ་གྲི་དང་གཡོན་ཐོད་ཁྲག་འཛིན་པ། མི་ལྤགས་དང་དར་ནག་གི་གོས་གྱོན་ཞིང་བོང་བུ་གྭ་པ་ལ་བཅིབས་པ། གཡས་ཀྱི་མཁར་དུ་ནད་ཀྱི་བདག་མོ་མཐིང་ནག་གཡས་ཤོ་རྡེ་དང་གཡོན་བྱང་དམར་འཛིན་པ། དར་ནག་དང་རེ་བའི་གོས་གྱོན་ཞིང་དྲེའུ་ལ་བཅིབས་པ། རྒྱབ་ཀྱི་མཁར་དུ་སྐྱི་མཐིང་མ་ནག་མོ་གཡས་མི་སྙིང་དང་གཡོན་སྡིགས་མཛུབ་མཛད་པ། མི་ལྤགས་དང་སྟག་ལྤགས་གྱོན་ཞིང་ཤ་བ་ལ་བཅིབས་པ། གཡོན་གྱི་མཁར་དུ་ཁྲི་སྨན་ས་ལེ་མ་དཀར་མོ་ཕྱག་གཉིས་ཀྱིས་ཆུ་སྲིན་གྱི་པགས་པ་ནམ་མཁའ་ལ་འཕྱར་ཞིང་དར་དཀར་གྱི་ཐོད་དང་གོས་གྱོན་པ། (༣ན)

― GLG025_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་ནག་ལ་བཅིབས་པ། གཞལ་ཡས་ཁང་གི་མདུན་གྱི་གཡས་ཟུར་གྱི་མཁར་དུ་དཔྱིད་ཀྱི་རྒྱལ་མོ་མཐིང་ནག་གཡས་སྤུ་གྲི་དང་གཡོན་ཐོད་ཁྲག་འཛིན་ཅིང་མི་ལྤགས་གྱོན་པ་དྲེའུ་ལ་བཅིབས་པ། རྒྱབ་ཀྱི་གཡས་ཟུར་གྱི་མཁར་དུ་དབྱར་གྱི་རྒྱལ་མོ་དམར་ནག་གཡས་ལྕགས་ཀྱུ་དང་གཡོན་ཐོད་ཁྲག་འཛིན་པ་ཆུ་དར་གྱོན་ཞིང་ཆུ་གླང་ལ་བཅིབས་པ། རྒྱབ་ཀྱི་གཡོན་ཟུར་གྱི་མཁར་དུ་སྟོན་གྱི་རྒྱལ་མོ་སེར་མོ་གཡས་ཟོར་བ་དང་གཡོན་ཐོད་ཁྲག་འཛིན་པ་རྨ་བྱའི་སྒྲོ་ཐུལ་གྱོན་ཞིང་ཤ་བ་ལ་བཅིབས་པ། མདུན་གྱི་གཡོན་ཟུར་གྱི་མཁར་དུ་དགུན་གྱི་རྒྱལ་མོ་མཐིང་ནག་གཡས་ཁྲམ་ཤིང་དང་གཡོན་ཐོད་ཁྲག་འཛིན་པ་རྔ་མོ་གྭ་པ་ལ་བཅིབས་པ། བང་རིམ་གཉིས་པའི་མདུན་ངོས་ཀྱི་མཁར་དུ་བཀྲ་ཤིས་ཚེ་རིང་མ་དཀར་མོ་རྡོ་རྗེ་དང་བུམ་པ་འཛིན་པ་སེང་གེ་ལ་བཅིབས་པ། མཐིང་གི་ཞལ་བཟང་མ་སྔོན་མོ་བ་དན་དང་མེ་ལོང་འཛིན་ཅིང་རྐྱང་ལ་བཅིབས་པ། མི་གཡོ་བློ་བཟང་མ་སེར་མོ་ཟས་ཀྱི་གཞོང་པ་དང་ནེའུ་ལེ་འཛིན་པ་སྟག་ལ་བཅིབས་པ། ཅོད་པན་མགྲིན་བཟང་མ་དམར་མོ་ནོར་བུ་དང་གཏེར་གྱི་སྒྲོམ་བུ་འཛིན་པ་ཤ་བ་ལ་བཅིབས་པ། ལྟད་དཀར་འགྲོ་བཟང་མ་ལྗང་གུ་དཱུརྦ་དང་སྦྲུལ་ཞགས་འཛིན་པ་འབྲུག་ལ་བཅིབས་པ། ལྔ་གའང་ཁྲོ་ཆགས་སྒེག་པའི་ཉམས་ལྡན། དར་གྱི་ན་བཟའ་དང་རིན་པོ་ཆེའི་རྒྱན་གྱིས་སྤྲས་པ། གཡས་ཀྱི་མཁར་དུ་རྡོ་རྗེ་ཀུན་གྲགས་མ་སྔོན་མོ་སྦྲུལ་ནག་སྟོང་གི་ཐུལ་བ་དང་གཡག་ལྤགས་རློན་པའི་ཤམ་ཐབས་ཅན། བྱ་རྒོད་ཀྱི་ཕུར་བུ་འཛིན་པ། གཡུ་འབྲུག་ལ་བཅིབས་པ། རྡོ་རྗེ་གཡའ་མ་སྐྱོང་སྔོན་མོ་གཡག་ལྤགས་རློན་པའི་ན་བཟའ་དང་། ཁྱུང་གཤོག་སྟོང་གི་ཤམ་ཐབས་ཅན། ཟངས་ཀྱི་ཕུར་བུ་འཛིན་པ། དྲེལ་རྟ་རྐང་གསུམ་ལ་བཅིབས་པ། རྡོ་རྗེ་ཀུན་བཟང་མ་དཀར་མོ་སེང་གེའི་གཡང་གཞི་གསོལ་ཞིང་རྡོ་རྗེ་རྩེ་ལྔ་བསྣམས་པ་སེང་གེ་ལ་བཅིབས་པ། རྡོ་རྗེ་བགེགས་(༣བ)

― GLG025_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་གཙོ་སྔོན་མོ་གླང་ནག་སྟོང་གི་ན་བཟའ་དང་། ཁྱུང་གཤོག་སྟོང་གི་ཤམ་ཐབས་ཅན་ལྕགས་ཕུར་འཛིན་ཅིང་གསེར་ཤ་ཡུ་མོ་ལ་བཅིབས་པ། རྒྱབ་ཀྱི་མཁར་དུ་རྡོ་རྗེ་སྤྱན་གཅིག་མ་དཀར་མོ་དུང་གི་ཁུ་འཕང་གི་ན་བཟའ་ལ་གཡུའི་སྐ་རགས་བཅིངས་པ། ཁྲག་གི་རྐྱལ་པ་འཛིན་ཞིང་དུང་ཤ་དཀར་པོ་ལ་བཅིབས་པ། རྡོ་རྗེ་དཔལ་གྱི་ཡུམ་སེར་མོ་མི་ལྤགས་ཀྱི་ན་བཟའ་དང་། མི་སྙིང་ཁུག་པའི་ཤམ་ཐབས་ཅན། དུག་མདའ་ལྟོར་ནག་འཛིན་ཅིང་ཁྱུང་ལ་བཅིབས་པ། རྡོ་རྗེ་ཀླུ་མོ་དཀར་མོ་མི་མགོ་བརྩེགས་པའི་ཐུལ་པ་གྱོན་ཞིང་ཞིང་དབྱུག་འཛིན་པ། ཕག་རྒོད་ནག་པོ་ལ་བཅིབས་པ། རྡོ་རྗེ་དྲག་མོ་རྒྱལ་ལྗང་གུ་གཡག་ལྤགས་སྟོང་གི་སློག་པ་དང་། ཁྱུང་གཤོག་སྟོང་གི་ཤམ་ཐབས་ཅན། མཆོག་ཕུར་འཛིན་ཅིང་། འབྲོང་རྭ་དགུ་ལ་བཅིབས་པ། གཡོན་གྱི་མཁར་དུ་རྡོ་རྗེ་དཔལ་མོ་ཆེ་ནག་མོ་སེང་ལྤགས་སྟོང་གི་སློག་པ་དང་། སྦྲུལ་ནག་གཏམས་པའི་ཤམ་ཐབས་ཅན། ཁྲག་གི་བུམ་པ་འཛིན་ཅིང་ཀོང་རྟ་དཀར་པོ་ལ་བཅིབས་པ། རྡོ་རྗེ་སྨན་གཅིག་མ་དམར་མོ་གྱི་ལིང་དཀར་པོའི་སྟོད་གཡོགས་དང་། སྟག་ལྤགས་སྟོང་གི་ཤམ་ཐབས་ཅན། བ་སོའི་ཕུར་པ་འཛིན་ཅིང་དྲེལ་ནག་ཁ་སེར་ལ་བཅིབས་པ། རྡོ་རྗེ་གཡའ་མོ་སིལ་དམར་ནག་སྦྲུལ་ནག་གཏམས་པའི་གཡང་གཞི་གསོལ་ཞིང་སེང་ལྡེང་གི་ཕུར་བ་འཛིན་པ། གནའ་བ་ཡུ་མོ་ལ་བཅིབས་པ། རྡོ་རྗེ་དྲིལ་བུ་གཟུགས་ལེགས་མ་སྔོན་མོ་སྤྱང་ཀིའི་སློག་པ་དང་། མི་རྩིབ་བརྒྱུས་པའི་ཤམ་ཐབས་ཅན། ཅང་ཏེའུ་དང་གླིང་བུ་འཛིན་པ། གཡུའི་སེང་གེ་ལ་བཅིབས་པ། གཙོ་འཁོར་དེ་དག་གི་བཀའ་ཉན་ལས་བྱེད་ཕོ་ཉ་སྡེ་བརྒྱད་དྲེགས་པའི་དམག་ཚོགས་བསམ་གྱིས་མི་ཁྱབ་པར་གྱུར། ཨོཾ་སྭ་བྷཱ་ཝས་སྦྱངས། སྟོང་པའི་ངང་ལས། ཕྱི་ནང་གསང་བའི་མཆོད་པ་སྤྱན་གཟིགས་མཐུན་པའི་རྫས་རྣམས་ཀྱི་མ་དག་དངོས་འཛིན་ཐམས་ཅད་རང་གི་ཐུགས་ཀ་ནས་སྤྲོས་པའི་རཾ་(༤ན)

― GLG025_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ཡེ་ཤེས་ཀྱི་མེས་བསྲེགས། ཡཾ་ལས་ཆོས་ཉིད་ཀྱི་རླུང་གིས་གཏོར། ཁཾ་ལས་མཚན་མེད་ཀྱི་ཆུས་བཀྲུས། ཨོཾ་གྱིས་ཇི་ལྟར་འདོད་པའི་ལོངས་སྤྱོད་ལྔར་གྱུར་པ། ཨཱ་ཡིས་ནམ་མཁའི་ཁམས་གང་བ་དཔལ་ཀུན་ཏུ་བཟང་པོའི་མཆོད་པའི་སྤྲིན་ལྟར་ཁྱབ། ཧཱུཾ་གིས་བླ་ན་མེད་པའི་བདུད་རྩིའི་རང་བཞིན་ཟད་མི་ཤེས་པར་སྤེལ། སྭཱས་གཟུགས་བརྙན་ཐམས་ཅད་མཚན་དང་དཔེ་བྱད་ཕུང་པོ་དང་ཁམས་དང་སྐྱེ་མཆེད་ལ་སོགས་པ་དང་ལྡན་པ། ཧཱས་འདོད་ཁམས་ཀྱི་དབང་ཕྱུག་རེ་མ་ཏཱི་འཁོར་དང་བཅས་པའི་སྐུ་གསུང་ཐུགས་དང་གཉིས་སུ་མེད་པའི་བདེ་བ་ཆེན་པོའི་རང་བཞིན་དུ་རོལ་པའི་ཐུགས་དམ་གཉན་པོ་སྐོང་པའི་ནུས་ལྡན་དུ་གྱུར། སྭ་བྷཱ་ཝས་སྦྱངས། སྟོང་པའི་ངང་ལས། རལ་གྲི་ཕུར་པ་ལ་སོགས་པའི་མཚོན་ཆ་དང་། ནད་རྐྱལ། ཤོ་རྡེ། བྱང་དམར། དྲུ་བུ། ཁྲམ་ཤིང་། སྐམ་གཤེར་གྱི་ཐུན་ལ་སོགས་པ་རྣོ་པའི་ངར་དང་དུག་གི་དཔལ་དང་ལྡན་པ། བཏབ་པ་ཙམ་གྱིས་དགྲ་བགེགས་རྩད་ནས་གཅོད་པའི་ནུས་པ་དང་ལྡན་པར་གྱུར། སྔགས་དྲུག་དང་ཕྱག་རྒྱ་དྲུག་གིས་བྱིན་གྱིས་བརླབ་བོ། །སྤྱན་འདྲེན་པ་ནི། སྤོས་སྦྱོར་བསྲེགས། གཡབ་དར་དང་བཅས་ཏེ། བྷྱོཿ དཔལ་ལྡན་ཀུན་ཏུ་བཟང་མོ་ཁྲོས་པའི་གར། །གཤིན་རྗེའི་ལྕམ་གཅིག་དཔལ་ལྡན་རེ་མ་ཏཱི། །རིགས་འཛིན་དགྲ་ལྷ་འདོད་ཁམས་དབང་ཕྱུག་མ། །བདེ་ཆེན་ཆོས་ཀྱི་དབྱིངས་ནས་སྐུ་བཞེངས་ཤིག །དམ་ཉམས་དགྲ་བགེགས་གཤེད་མ་མཐུ་རྩལ་ཅན། །མ་མོ་ནག་མོ་དྲེགས་པ་ཀུན་གྱི་གཙོ། །དམག་ཟོར་རྒྱལ་མོ་འཁོར་དང་བཅས་པ་རྣམས། །མུ་ལེ་དིང་གི་ཕོ་བྲང་ནས་བཞེངས་ཤིག །ང་ནི་དཔལ་ཆེན་རྡོ་རྗེ་གཞོན་ནུ་སྟེ། ཁྲོ་རྒྱལ་དབང་པོའི་བཀའ་ལས་མ་འདའ་བར། །བསྟན་སྲུང་གཙོ་མོ་དམ་ཚིག་ཉེར་དགོངས་ལ། །གསང་ཆེན་སྒྲུབ་པའི་གནས་འདིར་དམ་ལ་འདུས། །(༤བ)

― GLG025_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

བྷྱོ། ཕྱོགས་ཕྱོགས་དག་ཀྱང་ཕ་གི་ན། །ཉི་མ་བྱང་ཤར་ཕ་གི་ན། །བྲག་དང་ཆུ་འཐབ་ཕར་འདས་ན། །མུ་ལེ་དིང་གི་ནང་ཤེད་ན། །རླུང་ནག་འཚུབ་མའི་གུར་གྱི་ནང་། །མེ་རི་རབ་ཏུ་འབར་བའི་དབུས། ཁྲག་ཞག་འཁྲུག་པའི་རྒྱ་མཚོའི་ཀློང་། །བསེ་མཁར་དུར་ཁྲོད་རྒྱན་ལྡན་ནས། །དམག་ཟོར་རྒྱལ་མོ་གཤེགས་སུ་གསོལ། །རེ་ཏཱི་ནད་བདག་གཤེགས་སུ་གསོལ། །བྲན་གཡོག་མཆེད་བཞི་གཤེགས་སུ་གསོལ། །དུས་བཞིའི་ལྷ་མོ་གཤེགས་སུ་གསོལ། །མཁའ་འགྲོ་མཆེད་ལྔ་གཤེགས་སུ་གསོལ། །བདུད་མོ་མཆེད་བཞི་གཤེགས་སུ་གསོལ། །གནོད་སྦྱིན་མཆེད་བཞི་གཤེགས་སུ་གསོལ། །སྨན་མོ་མཆེད་བཞི་གཤེགས་སུ་གསོལ། །བཀའ་ཉན་འཁོར་ཚོགས་གཤེགས་སུ་གསོལ། །དམ་ཅན་རྒྱ་མཚོའི་ཚོགས་དང་བཅས། །ཐུགས་དམ་ཅན་དུ་འདྲ་ལགས་ཀྱང་། །དམག་ཟོར་རྒྱལ་མོ་སྣ་ལ་སྤྱོན། །ནག་མོ་གློག་ལྟར་འཁྱུག་ཅིང་སྤྱོན། །དམག་ཟོར་རྒྱལ་མོ་ད་ཚུར་སྤྱོན། །གདུང་སེམས་ཅན་ཁྱོད་ད་ཚུར་སྤྱོན། །ནག་མོའི་ཚོགས་ཀྱིས་སྟེང་ཁམས་ཁོང་། ཁམས་གསུམ་མ་ལུས་དབང་དུ་སྡུས། །བྷྱོཿ ཞིང་ཆེན་ལ་སོགས་གོས་ཀྱི་གཡབ་བཏང་ཡང་། །གཟིགས་པ་ལྟར་ཡང་མ་གཅིག་མི་མཛད་ན། །དཔལ་ལྡན་ལྷ་མོ་ཁྱོད་ནི་སྤྱན་རེ་བརྟུལ། །དར་ནག་གཡབ་མོ་གཡབ་ཀྱི་ད་ཚུར་སྤྱོན། །རྐང་གླིང་ལ་སོགས་སྙན་པའི་སྒྲ་བསྒྲགས་ཀྱང་། །གསན་པ་ལྟར་ཡང་མ་གཅིག་མི་མཛད་ན། །དཔལ་ལྡན་ལྷ་མོ་ཁྱོད་ནི་རི་སྙན་རེ་སྲ། །མི་རྒན་གླིང་བུ་འབུད་ཀྱི་ད་ཚུར་སྤྱོན། །ཚིལ་ཆེན་ལ་སོགས་སྤོས་ཀྱི་དུད་བཏང་ཡང་། །སྣོམ་པ་ཙམ་ཡང་མ་གཅིག་མི་མཛད་ན། །དཔལ་ལྡན་ལྷ་མོ་ཁྱོད་ནི་(༥ན)

― GLG025_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

ཤངས་རེ་བརྟུལ། །གསུར་ཆེན་དུད་པ་འཐུལ་གྱིས་ད་ཚུར་སྤྱོན། །དམ་ཉམས་དགྲ་བགེགས་སྒྲོལ་ཞེས་ལས་བཅོལ་ཡང་། །དགོངས་པ་ལྟར་ཡང་མ་གཅིག་མི་མཛད་ན། །དཔལ་ལྡན་ལྷ་མོ་ཁྱོད་ནི་ཐུགས་རེ་གཡེལ། །ཐུགས་དམ་ཐུགས་རྗེས་དགྲ་བགེགས་མྱུར་དུ་སྒྲོལ། །རཀྟ་རེ་མ་ཏཱི་ཨེ་ཧྱེ་ཧི། ཕྱི་མཆོད་ནི། བདག་གིས་དངོས་བཤམས་ཡིད་ཀྱིས་སྤྲུལ་པ་ལས། །ཞེས་པ་ནས། སྤཪྴ་པྲ་ཏཱི་ཙྪ་ཧཱུཾ་སྭཱ་ཧཱ། ཞེས་པའི་བར་བརྗོད། ནང་མཆོད་ནི། དགྲ་བགེགས་སྙིང་ཁྲག་ལ་སོགས་བསྐྱིལ་པ་ཡི། །དམར་ཆེན་ཁྲག་གི་རྒྱ་མཚོའི་མཆོད་ཡོན་འདི། །འདོད་ཁམས་དབང་ཕྱུག་འཁོར་དང་བཅས་ལ་འབུལ། །འཕྲིན་ལས་རྣམ་བཞི་ལྷུན་གྱིས་གྲུབ་པར་མཛོད། །ཚིག་ཕྱི་མ་འདི་གཉིས་འགྲེ། ཀཱ་ལི་དེ་ཝཱི་ས་པ་རི་ཝཱ་ར་ཨརྒྷཾ་པྲ་ཏཱི་ཙྪ་ཡེ་སྭཱ་ཧཱ། མིག་ལྕེ་རྣ་བ་སྣ་དང་སྙིང་གི་ཚོགས། །སྤུངས་པའི་དགྲ་བགེགས་དབང་པོའི་མེ་ཏོག་འདི།༴༴།ཤ་ཆེན་ཚིལ་ཆེན་གུ་གུལ་ལ་སོགས་པ། །སྦྱར་བའི་བདུག་སྤོས་ནམ་མཁའི་ཁྱོན་གང་འདི།༴༴།ཚིལ་དང་རྐང་མར་ཞག་མཚོར་འཁྱིལ་པའི་དབུས། །རོ་སྐྲའི་སྡོང་བུ་ལ་སྦར་མར་མེ་འདི།༴༴།རཀྟའི་རྦ་རླབས་ཆལ་ཆིལ་འཁྲུག་པ་ལ། །ཞག་གི་སྤྲིས་མ་ཆགས་པའི་དྲི་ཆབ་འདི།༴༴།འབྲུ་སྣ་ལྔ་དང་ཤ་ཁྲག་རུས་པ་ཡི། །ཕུང་པོར་སྤུངས་པའི་ཞལ་ཟས་དམ་པ་འདི།༴༴།མི་རྐང་གླིང་བུ་རྫ་རྔ་སིལ་སྙན་སོགས། །སྙན་བརྗིད་སྣ་ཚོགས་རོལ་མོའི་མཆོད་པ་འདི།༴༴།སྨན་མཆོད་ནི། བྷྱོཿ ཕྲ་མོ་སྦོམ་པོ་ལས་བྱུང་བའི། །ཞེས་སོགས་དང་། རཀྟ་ནི། བྷྱོ༔ ཆུ་དང་མ་འདྲེས་དངས་མའི་ཁྲག །ཅེས་སོགས་དང་། གཏོར་མ་ནི། ཤ་ཁྲག་ལ་སོགས་བདུད་རྩི་ལྔ་དང་སྦྱར། །ཞེས་སོགས་ཀྱིས་དཀྱུས་བཞིན་འབུལ། །བསྟོད་པ་ནི། བྷྱོཿ རྒྱལ་བ་ཀུན་གྱི་ཡུམ་གཅིག་དབྱངས་ཅན་མ། །མི་བསྲུན་དགྲ་སྡེའི་གཤེད་དུ་ཁྲོ་མོའི་སྐུར། །སྟོན་

― GLG025_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་འདོད་པ་ཁམས་ཀྱི་དབང་ཕྱུག་ལ། །སྙིང་ནས་འདུད་དོ་མཆོག་ཐུན་དངོས་གྲུབ་སྩོལ། །རླུང་ནག་དྲག་ཏུ་འཚུབ་པའི་གུར་ཁྱིམ་ནང་། །རབ་དམར་ཁྲག་ཞག་རྦ་ཀློང་འཁྲུག་པའི་སྟེང་། །སྦྲུལ་དང་སྲིན་པོའི་སྒ་སྲབ་གོང་རྨེད་ཅན། །རྐྱང་སེར་དྲེའུའི་སྟེང་ན་ཕྱེད་སྐྱིལ་བཞུགས། །མིག་སྨན་བརྩེགས་པའི་ས་འཛིན་དབང་པོ་ལ། །ཉིན་བྱེད་འབུམ་གྱིས་འཁྱུད་པའི་སྲིན་མོའི་གཟུགས། །བསྐལ་པའི་མེ་དཔུང་དབུས་ན་མངོན་པར་འགྱིང་། །རབ་བརྗིད་དུར་ཁྲོད་ཆོས་ཀྱིས་རྣམ་པར་བརྒྱན། །སྣ་ཚོགས་མཚོན་ཆ་གདུག་ཅན་སྙིང་ལ་གཟིར། །ཧ་ཧའི་གད་བརྒྱངས་སྲིད་གསུམ་མ་ལུས་གཡོ། །སྤྲུལ་པ་ཡང་སྤྲུལ་བྱེ་བ་ཕྱོགས་བཅུར་འགྱེད། ཁམས་གསུམ་ཀུན་ལས་རྣམ་རྒྱལ་ཁྱོད་ལ་བསྟོད། །དམག་ཟོར་ལྷ་མོ་འཁོར་དང་བཅས་རྣམས་ཀྱིས། །ནད་གདོན་ཀུན་ཞི་ཚེ་དང་བསོད་ནམས་རྒྱས། །མི་ནོར་དབང་སྡུད་དགྲ་བགེགས་ཚར་གཅོད་པའི། །འཕྲིན་ལས་རྣམ་བཞི་ལྷུན་གྱིས་གྲུབ་པར་མཛོད། །བཤགས་པ་ནི། བྷྱོཿ རྡོ་རྗེ་འཆང་དང་ལྭ་བ་དམར་པོ་སོགས། །ཞེས་སོགས་བྱ། མ་མོའི་ལྷ་བགྱེད་པ་ནི། ཧཱུཾ། མ་ནི་རྒྱལ་བ་ཀུན་གྱི་མཁའ། །མོ་ནི་སྲིད་པ་གསུམ་གྱི་ཀློང་། །མ་ནི་སྐྱེ་བ་མེད་པའི་མཁའ། །མོ་ནི་འགག་པ་མེད་པའི་ཀློང་། །མ་ནི་ཚངས་དབྱངས་ལྡན་པའི་མཁའ། །མོ་ནི་ཐེག་ཆེན་སྟོན་པའི་ཀློང་། །མ་ནི་སྤྲོས་བྲལ་དབྱིངས་ཀྱི་མཁའ། །མོ་ནི་སེམས་ཀྱི་དབྱིངས་ཀྱི་ཀློང་། །མ་ནི་ཐབས་ཆེན་སྟོན་པའི་མཁའ། །མོ་ནི་ཤེས་རབ་ཆགས་མེད་ཀློང་། །མ་ནི་འཕྲིན་ལས་རྒྱ་ཆེན་མཁའ། །མོ་ནི་བདེ་བ་སྟེར་བའི་ཀློང་། །མ་ནི་ཆོས་སྐུ་དོན་དམ་མཁའ། །མོ་ནི་གཟུགས་སྐུ་སྣ་ཚོགས་ཀློང་། །འགྲོ་ལ་ཕན་དང་བདེ་འབྱུང་པའི། །མཁའ་ཀློང་གཉིས་སུ་བདག་སྒོམས་ཤིག །ཁྲོ་བོའི་ང་རྒྱལ་བསྐྱེད་པ་ནི། ཧཱུཾ། ང་ནི་ཁྲག་འཐུང་ཁྲོ་བོ་ཀུན་གྱི་གཙོ། །ང་ནི་དབང་ཕྱུག་མ་མོ་(༦ན)

― GLG025_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་གྱི་རྗེ། །ང་ནི་ལྷ་སྲིན་སྡེ་བརྒྱད་བྲན་དུ་འཁོལ། །ང་ནི་དེང་འདིར་ཕྲིན་ལས་རྣམ་བཞི་འཚོལ། །སྲིད་པའི་ཆེ་བཙན་ཐམས་ཅད་བཀའ་ལ་ཉན། །ནད་བདག་མ་མོས་རིམས་ཁ་དགྲ་ལ་སྒྱུར། །བྱད་ཕུར་དུས་མིན་འཆི་སོགས་འགལ་རྐྱེན་བཟློག །ཞི་རྒྱས་དབང་དྲག་བཅོལ་བའི་ལས་ཀུན་སྒྲུབས། །བསྒྲལ་མཆོད་འབུལ་བ་ལ་ཐོག་མར་བསྐུལ་བ་ནི། རི་རབ་ལྷུན་པོ་དང་དཔལ་ལྡན་གཉན་རེ་མ་རྣམས་བྱ། དེ་ནས་གསེར་སྐྱེམས་ནི། བཀའ་དྲིན་འཁོར་མེད་རྩ་བརྒྱུད་བླ་མ་དང་། །དངོས་གྲུབ་ཀུན་སྩོལ་རྡོ་རྗེ་ཕུར་པའི་ལྷ། །འཕྲིན་ལས་སྒྲུབ་མཛད་འདོད་ཁམས་དབང་ཕྱུག་མ། །གསེར་སྐྱེམས་འདི་བཞེས་བཅོལ་པའི་ལས་ཀུན་སྒྲུབས། །རེ་ཏཱི་ནད་གཏོང་བྲན་གཡོག་རྣམ་པ་བཞི། །དུས་བཞིའི་ལྷ་མོ་ཚེ་རིང་མཆེད་ལྔ་དང་། །བསྟན་མ་བཅུ་གཉིས་འཁོར་ཚོགས་རྒྱ་མཚོར་བཅས། །གསེར་སྐྱེམས་༴ ཚེ་རབས་དུ་མར་བསྟེན་པའི་དམ་ཅན་ཚོགས། །ཕ་མེས་བརྒྱུད་ནས་འགོ་བའི་སྲུང་མ་དང་། །དྲེགས་པ་སྡེ་བརྒྱད་ཕུར་སྐྱོང་གཏེར་སྲུང་རྣམས། །གསེར་སྐྱེམས་༴ དེ་ནས་འབྲུབ་ཁུང་ཉ་བོ་སོགས་བསྐྱེད་དེ་དགུག་གཞུག་བྱས་རྗེས། དཔྲལ་བ་ནས་སྤྲུལ་བུད་མེད་དཀར་མོའི་ཚོགས། །ལྕགས་ཀྱུ་འཛིན་བྱེད་དགྲ་བགེགས་བླ་ཚེ་ཁུག །མགྲིན་པ་ནས་སྤྲུལ་བུད་མེད་དམར་མོའི་ཚོགས། །ཞགས་པ་འཛིན་པས་དམ་ཉམས་དགྲ་བགེགས་ཆིངས། །ཐུགས་ཀ་ནས་སྤྲུལ་བུད་མེད་ནག་མོའི་ཚོགས། །ལྕགས་སྒྲོག་འཛིན་པས་དམ་ཉམས་དགྲ་བགེགས་སྡོམས། །ལྟེ་བ་ནས་སྤྲུལ་བུད་མེད་སེར་མོའི་ཚོགས། །དྲིལ་བུ་འཛིན་པས་དམ་ཉམས་དགྲ་བགེགས་མོས། །གསང་གནས་ནས་སྤྲུལ་ལས་བྱེད་ཕོ་ཉའི་ཚོགས། །དགྲ་བོ་ལྷ་དང་ཕྲོལ་ལ་བདུད་དང་སྤྲོད། །གཟུ་དཔང་ནི། རྩ་བ་གསུམ་གྱིས་དཀྱིལ་འཁོར་ལྷ་ཚོགས་དང་། །ཆོས་སྲུང་སྡེ་བརྒྱད་དྲེགས་པའི་དམག་(༦བ)

― GLG025_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ལ། །ཟོལ་མེད་སྙིང་ནས་ར་མདའ་སྦྲོན་བྱེད་ན། །བདེན་རྫུན་བཤགས་ཕྱེ་བརྣག་པའི་དགྲ་བགེགས་སྒྲོལ། །འཁོར་བར་ཡིད་འབྱུང་སྙིང་ནས་དམ་ཆོས་སེམས། །འགྲོ་ཀུན་མར་ཤེས་བྱང་ཆུབ་སེམས་རྒྱུད་འབྱོངས། །གསང་ཆེན་ཆོས་ལ་སྤྱོད་པའི་རིགས་འཛིན་ལ། །གནོད་པའི་དགྲ་བགེགས་ཐུལ་ཞིག་སྲུང་མའི་ཚོགས། །དཀའ་བ་ཁྱད་བསད་བླ་མ་ཡུན་དུ་བསྟེན། །མན་ངག་ཇི་བཞིན་བསྙེན་སྒྲུབ་མཐའ་རུ་ཕྱིན། །ཆོས་སྲུང་འབྲལ་མེད་བསྟེན་པའི་རིགས་༴ གནོད་༴ རྒྱལ་བའི་བསྟན་བཤིག་བླ་མའི་སྐུ་ལ་བསྡོ། །རིགས་འཛིན་སྒོས་དགྲ་འགྲོ་བའི་བདེ་སྐྱིད་འཇིག །བདེན་མེད་གདུག་ཅན་དགྲ་འདི་ཡལ་བོར་ན། །སྲོག་འཕྲོག་བཤན་པའི་མིང་ཡང་ངོ་རེ་གནོང་། །རྒྱལ་བའི་སྤྱན་སྔར་བསྟན་པ་བསྲུང་ངོ་ཞེས། །དྲག་པོའི་རྣམ་པར་རོལ་ལ་དགོས་པ་ཅི། །དེ་ཕྱིར་གཟུགས་བྱང་མིང་རུས་བཏབ་པའི་དགྲ། །ལོ་ཟླ་ཞག་ཏུ་མ་བཞག་སྙིང་ཁྲག་འཐུང་། །གཡབ་དར་དང་བཅས། བསྟན་པའི་གདུག་ཅན་དགྲ་བོ་འདི། །སྒྲོལ་ཕྱིར་སྤྲུལ་པ་གྲངས་མེད་པ། །སྟོན་ཅིག་འདོད་ཁམས་དབང་ཕྱུག་མ། །དམག་ཟོར་རྒྱལ་མོ་ད་ཚུར་སྦྱོན། །བྲན་གཡོག་དམག་སོགས་ད་ཚུར་སྦྱོན། །དུས་བཞིའི་ལྷ་མོ་༴ བསྟན་མ་བཅུ་གཉིས་མ་༴ དམ་ཅན་རྒྱ་མཚོ་༴ དེ་ནས་འདོན་གྱི་རོལ་མོ་བསྒྱུར་ཏེ། པད་སྒོར་འཁྱིལ་ཉལ་ཡན་གྱི་འཆམས་རྣམས་གྲུབ་རྗེས། །བྷྱོ༔ བདུད་མོ་ནག་མོ་རེ་མ་ཏཱིས། །རལ་གྲིས་དགྲ་བོའི་ལུས་ལ་བསྣུན། །ནད་ཀྱི་བདག་མོས་ཤོ་རྡེ་དང་། །བྱང་དམར་དཀྱུས་སུ་དགྲ་བགེགས་ཆུག །ཁྲི་སྨན་ས་ལེས་མཚོན་རྣོན་གྱིས། །དམ་ཉམས་དགྲ་བོའི་གནས་གསུམ་བསྣུན། །མ་གཅིག་སྐྱི་མཐིང་གཡའ་མ་སྐྱོང་། །ཐུན་གྱི་ཆར་པ་དགྲ་ལ་ཕོབ། །བྷྱོཿ དཔྱིད་ཀྱི་རྒྱལ་མོ་མཐིང་ནག་གིས། །སྤུ་གྲི་རྣོན་པོས་ཡན་ལག་གཏུབས། །དབྱར་གྱི་རྒྱལ་མོ་དམར་ནག་གིས། །(༧ན)

― GLG025_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་ཀྱུས་དགྲ་བོའི་ནང་ཁྲོལ་དྲོངས། །མ་ཡམས་ནག་མོ་མཐུ་རྩལ་ཅན། །གྲི་གུག་འབར་བས་མགོ་བོ་ཁོས། །ཆུ་སྲིན་ཀླུ་མོ་རེ་མ་ཏཱིས། །དུག་ཁྲག་ནད་ཀྱིས་སྨྱོ་རུ་ཆུག །བྷྱོཿ སྟོན་གྱི་རྒྱལ་མོ་སེར་འོད་ཀྱིས། །ཟོར་བ་རྣོན་པོས་མགོ་ལུས་ཕྲོལ། །དགུན་གྱི་རྒྱལ་མོ་མུན་པའི་མདོག །ཁྲམ་ཤིང་ནག་པོ་དགྲ་བོར་ཐོབ། །བསྟན་མ་བཅུ་གཉིས་མཐུ་རྩལ་ཅན། །སྣ་ཚོགས་མཚོན་ཆས་ཕྱེ་མར་ཐོགས། །འདོད་ཁམས་དབང་ཕྱུག་རེ་མ་ཏཱིས། །ཕུར་བུ་སྙིང་ལ་ཐོབ་ལ་སོང་། །སྟོབ་པ་ནི། བྷྱོ༔ དཔལ་ལྡན་ལྷ་མོ་བཀའ་ཉན་སྲུང་མའི་ཚོགས། །གནམ་ས་གདངས་པ་ཙམ་གྱི་ཞལ་ནང་དུ། །དམ་ཉམས་དགྲ་བོ་བསྐྲལ་བའི་ཤ་དར་ཁྲག །མ་ལུས་སྟོབ་པོ་དགྱེས་པ་ཆེན་པོས་རོལ། །ཨོཾ་ཀཱ་ལི་དེ་ཝཱི་ས་པ་ར་མ་ཧཱ་མཾ་ས་སོགས་བརྗོད། མདོས་དངོས་གཞི་གྱེར་བ་ནི། བྷྱོཿ དཔལ་ལྡན་ལྷ་མོ་རེ་མ་ཏཱི། །མ་གཅིག་སྲིད་པའི་རྒྱལ་མོ་ཁྱོད། །འོད་སྲུང་བསྟན་པ་ནུབ་ཁ་རུ། །རྒྱལ་བ་ཤཱཀྱ་ཐུབ་པ་དང་། །སྨོན་ལམ་གཅིག་ཏུ་བཏབ་པའི་མཐུས། །ཤཱཀྱའི་བསྟན་དང་བསྟན་འཛིན་ཀུན། །སྲུང་སྐྱོབ་མཐུ་སྟོབས་མི་བཟད་པས། །འགྲོ་བའི་དོན་ལ་རབ་ཏུ་བརྩོན། །སྐུ་ནི་ཀུན་ཏུ་བཟང་མོ་སྟེ། །གསུང་ནི་སྒྲ་དབྱངས་བརྗོད་འདས་མ། །ཐུགས་ནི་སྨྲ་བསམ་སྤྱི་ལས་འདས། །ཀུན་གྱི་ཡུམ་ཆེན་འདིར་གཤེགས་ཤིག །ཁྱོད་ཀྱི་ཐུགས་དམ་གཉན་སྐྱོང་གི །མདོས་བདག་ཆེན་མོས་མདོས་བཞེས་ཤིག །གླུད་བདག་ཆེན་མོས་གླུད་འདི་ལོང་། །བཅོལ་བའི་འཕྲིན་ལས་བསྒྲུབ་པར་མཛོད། །བྷྱོཿ རི་ཡི་རྒྱལ་པོ་རི་རབ་འདི། །ཀེ་ཀེ་རུ་དང་བཻ་ཌཱུཪྻ། །པདྨ་རཱ་ག་བཙོ་མ་གསེར། །རྒྱུ་ནི་རིན་ཆེན་གཞི་ལས་གྲུབ། །ལྷ་མིའི་འདོད་ཡོན་ཀུན་དང་ལྡན། །བསེ་མཁར་རྒྱ་ཕུབས་ལྕོག་གིས་མཛེས། །རྔམ་བརྗིད་ཕོ་བྲང་གནས་ཀྱི་རྟེན། །རི་རབ་ལྕགས་རི་ནག་(༧བ)

― GLG025_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

པོས་བསྐོར། །གླིང་བཞི་གླིང་ཕྲན་རྣམ་བཀྲ་བ། །འདོད་ཁམས་དབང་ཕྱུག་མ་ལ་འབུལ། །རེ་ཏཱི་ནད་བདག་གཉིས་ལ་འབུལ། །གཡོག་མོ་བཀའ་ཉན་བཞི་ལ་འབུལ། །སྤྲུལ་པ་དུས་བཞིའི་ལྷ་མོར་འབུལ། །མཁའ་འགྲོ་ཚེ་རིང་མཆེད་ལྔར་འབུལ། །བསྟན་མ་བཅུ་གཉིས་ཚོགས་ལ་འབུལ། །འཁོར་ཚོགས་དམ་ཅན་རྒྱ་མཚོར་འབུལ། །བཞེས་ནས་རྣལ་འབྱོར་བདག་ཅག་གིས། །བཅོལ་བའི་འཕྲིན་ལས་གྲུབ་པར་མཛོད། །ཕོ་བྲང་སྟེང་ན་འཇའ་ཚོན་ལྟར། །རྣམ་པར་བཀྲ་བའི་གདུགས་དང་ཏོག །རི་རབ་སྟེང་ན་མཐིང་ནག་གི །ནམ་མཁའ་འཇའ་རིས་རྒྱང་བུ་གཅིག །བང་རིམ་གཉིས་པའི་ཕྱོགས་རྣམས་སུ། །ནམ་མཁའ་བཅུ་གཉིས་རྩེ་མོ་ལ། །རྨ་བྱའི་སྒྲོ་ཕོད་དག་གིས་མཛེས། །རྒྱང་བུ་བཅུ་གཉིས་རྩེ་མོ་ལ། །བྱ་ཕོའི་སྒྲོ་ཕོད་དག་གིས་མཛེས། །རྩེ་མོར་མཁའ་ལྡིང་ནག་མོ་ནི། །བཅུ་གསུམ་འཕུར་མཁས་ལིངས་སེ་ལིང་། །གསུང་སྙན་དེ་ནི་སྐྱུར་རུ་རུ། །སྤྱན་རྩ་དེ་ནི་ཧྲིགས་སེ་ཧྲིག །འདོད་ཁམས་དབང་ཕྱུག་མ་ལ་འབུལ། །རེ་ཏཱི་ནད་བདག་གཉིས་ལ་འབུལ། །གཡོག་མོ་བཀའ་ཉན་བཞི་ལ་འབུལ། །སྤྲུལ་པ་དུས་བཞིའི་ལྷ་མོར་འབུལ། །མཁའ་འགྲོ་ཚེ་རིང་མཆེད་ལྔར་འབུལ། །བསྟན་མ་བཅུ་གཉིས་ཚོགས་ལ་འབུལ། །འཁོར་ཚོགས་དམ་ཅན་རྒྱ་མཚོར་འབུལ། །བཞེས་ནས་རྣལ་འབྱོར་བདག་ཅག་གིས། །བཅོལ་པའི་འཕྲིན་ལས་གྲུབ་པར་མཛོད། །བང་རིམ་གསུམ་པའི་ཕྱོགས་རྣམས་སུ། །རྟ་དྲེལ་རྒྱུག་ཅིང་གཡག་རྒོད་དང་། །ལུག་འཚེར་བྱ་ལྡིང་ཁྱི་སེང་འཕྱོ། །ཉི་ཟླ་བེ་ཅོན་ཐོད་ཁྲག་དང་། །ནད་རྐྱལ་ཤོ་རྡེ་བྱང་དམར་དང་། །མཚོན་དུ་ཁྲམ་ཤིང་རེ་བའི་གོས། །མི་གླང་སྟག་ལྤགས་ཐོད་རློན་དང་། །རུས་པ་སྦྲུལ་རྒྱན་བྱུག་པའི་རྫས། །སྒ་སྲབ་རླུང་ནག་འཚུབ་མའི་གུར། །སྲ་བའི་གོ་ཆ་རྣོ་བའི་མཚོན། །མདའ་དང་དར་གྱི་ཅོད་པན་ཅན། །སྦྲུལ་ཞགས་མི་སྙིང་རྨ་བྱའི་གདུགས། །རྒྱལ་སྲིད་བདུན་དང་འདོད་ཡོན་ལྔ། །བཀྲ་ཤིས་རྟགས་བརྒྱད་ལ་སོགས་པ། །མཐུན་པའི་དམ་རྫས་ཚོགས་རྣམས་ཀུན། །འདོད་ཁམས་དབང་ཕྱུག་མ་ལ་འབུལ། །རེ་ཏཱི་ནད་བདག་གཉིས་ལ་འབུལ། །གཡོག་མོ་(༨ན)

― GLG025_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་ཉན་བཞི་ལ་འབུལ། །སྤྲུལ་པ་དུས་བཞིའི་ལྷ་མོར་འབུལ། །མཁའ་འགྲོ་ཚེ་རིང་མཆེད་ལྔར་འབུལ། །བསྟན་མ་བཅུ་གཉིས་ཚོགས་ལ་འབུལ། །འཁོར་ཚོགས་དམ་ཅན་རྒྱ་མཚོར་འབུལ། །བཞེས་ནས་རྣལ་འབྱོར་བདག་ཅག་གིས། །བཅོལ་པའི་འཕྲིན་ལས་གྲུབ་པར་མཛོད། །གཞན་ཡང་འབུལ་བའི་མཐུན་རྫས་ནི། །ལྷ་ཡི་ཆད་པ་བཟློག་པའི་ཁྲམ། །བདུད་ཀྱི་ཆད་པ་བཟློག་པའི་ཁྲམ། །མ་མོའི་དལ་ཡམས་༴ ཀླུ་ཡི་མནན་གཏད་༴ བཙན་གྱི་རྒྱུ་སྲང་༴ གཤིན་རྗེའི་འཁོར་ལོ་༴ རྒྱལ་པོའི་སྨྱོ་འབོག་༴ གཟའ་ཡི་ཀི་ཀང་༴ བྱད་ཟོར་རྦོད་གཏོང་༴ བལ་མོའི་ཁྲག་ཟོར་༴ འདོད་ཁམས་༴ རེ་ཏཱི་༴ གཡོག་མོ་༴ སྤྲུལ་པ་༴ མཁའ་འགྲོ་༴ བསྟན་མ་༴ འཁོར་ཚོགས་༴ བཞེས་ནས་༴ བཅོལ་པའི་༴ བང་རིམ་བཞི་བའི་ཕྱོགས་རྣམས་སུ། །མདའ་ཁྲ་དང་ནི་འཕང་ཁྲ་དག །རེ་རེ་བཅུ་གསུམ་གྲངས་ཚང་ཞིང་། །ཤིང་གྲི་ཡུལ་མཁར་རི་མོ་ཅན། །ཕོ་གདོང་སྟག་ཆས་རི་མོ་ཅན། །མོ་གདོང་དང་འཕན་༴ ཕོ་གདོང་ལིངྒ་༴ མོ་གདོང་གླང་གི་༴ ཕོ་གདོང་ནོར་བུའི་༴ མོ་གདོང་མཁར་ཐབས་༴ སྤྱན་གཟིགས་དཀོར་ནོར་ལོངས་སྤྱོད་སོགས། །ཀུན་ཀྱང་བཅུ་གསུམ་གྲངས་ཚང་པ། །བདག་དང་རྒྱུ་སྦྱོར་གླུད་ཀྱི་ཚད། །འདོད་ཁམས་༴ རེ་ཏཱི་༴ གཡོག་མོ་༴ སྤྲུལ་པ་༴ མཁའ་འགྲོ་༴ བསྟན་མ་༴ འཁོར་ཚོགས་༴ བཞེས་ནས་༴ བཅོལ་པའི་༴ གཞན་ཡང་མཐུན་པའི་དམ་རྫས་ནི། །ཤ་ཁྲག་དམར་གྱི་གཏོར་མ་དང་། །རྩ་བརྒྱད་སྟོང་སྦྱར་བདུད་རྩི་སྨན། །དམར་ཆེན་རཀྟའི་ཨརྒྷཾ་དང་། །གཏོར་མ་འབྲང་རྒྱས་སྨན་ལེའི་ཚོགས། ཁྲག་དང་མཁྲིས་པ་ཤ་དང་ཆང་། །བྱ་མོ་ནག་མོ་གསེར་མིག་མ། །རམས་སྐག་མཚལ་སྤོས་མེ་ཏོག་སོགས། །བཙོད་དང་ཞུན་མཁན་ནས་འབྲས་གྲོ། །དམར་ཆེན་ཁྲག་གི་དབུས་སྐྱུ་དང་། །ངར་མི་ཁྲག་གི་ཀོང་བུ་སོགས། །གཙོ་འཁོར་སོ་སོའི་མཐུན་པའི་རྫས། །མ་(༨བ)

― GLG025_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

ཚང་མེད་པར་རབ་བཤམས་པ། །འདོད་ཁམས་༴ རེ་ཏཱི་༴ གཡོག་མོ་༴ སྤྲུལ་པ་༴ མཁའ་འགྲོ་༴ བསྟན་མ་༴ འཁོར་ཚོགས་༴ བཞེས་ནས་༴ བཅོལ་པའི་༴ འཕྲིན་ལས་བཅོལ་ཞིང་བཟློག་བསྒྱུར་བྱ་བ་ནི། བྷྱོཿ རྩ་བརྒྱུད་བླ་མ་ཐམས་ཅད་དང་། །པདྨ་ཐོད་ཕྲེང་སྤྱན་སྔ་རུ། །ཇི་ལྟར་ཁས་བླངས་དམ་བཅས་པའི། །དམ་ལ་དགོངས་ཏེ་གླུད་བཞེས་ཤིག །བདག་ལ་བལྟོས་པའི་ཡོན་བདག་འདི། །སྔོན་གྱི་ལས་ཀྱི་འཕྲོ་ཆུངས་ཏེ། །དུས་ལ་བབ་ཅིང་ཚེ་ཟད་ཀྱང་། །ལོ་བརྒྱའི་བར་དུ་བཤོལ་ཐོབ་ཅིག །རྣལ་འབྱོར་ང་ཡི་བཀའ་མ་བཅག །མ་མོའི་ཐུགས་དམ་འདིས་སྐོངས་ལ། །ནད་གདོན་དགྲ་བགེགས་ཞི་བར་མཛོད། །ཚེ་དང་དཔལ་འབྱོར་རྒྱས་པར་མཛོད། །བྷྱོཿ དཔལ་ལྡན་གཉན་གྱི་རེ་མ་ཏཱི། །ཁྱོད་ཀྱི་ལག་པ་གཡས་པ་ན། །བདུད་ཀྱི་ཁྲམ་བམ་གནམ་ལ་འཕྱར། །སྐྱེ་འགྲོ་གཟུགས་སུ་སྣང་བ་ཀུན། །སང་ཕོད་དིང་སང་སུ་འཆི་ཡང་། །དོ་གཅིག་ཁྱོད་ཀྱི་བྲམ་ལ་འདེབས། །བདག་དང་རྒྱུ་སྦྱོར་ཡོན་བདག་འདི། །གལ་ཏེ་ཁྲམ་ལ་བཏབ་ཟིན་ན། །མཐུན་པའི་དམ་རྫས་འདི་བཞེས་ལ། ཁྲམ་ཁ་ཕྱིས་ཤིག་རེ་མ་ཏཱི། །ཟློག་བྱེད་མ་ཡི་དུས་ལ་བབ། །སྒྱུར་བྱེད་མ་ཡི་དུས་ལ་བབ། །བྷྱོཿ དཔལ་ལྡན་གཉན་གྱི་རེ་མ་ཏཱི། ཁྱོད་ཀྱི་ལག་པ་གཡོན་པ་ན། །བཙན་གྱི་ཤོ་རྡེ་དཀར་ནག་འགྱེད། །སྐྱེ་འགྲོ་གཟུགས་སུ་སྣང་བ་ཀུན། །སང་ཕོད་དིང་སང་སུ་འཆི་ཡང་། །དོ་གཅིག་ཁྱོད་ཀྱིས་ཤོ་ལ་འགོད། །བདག་དང་རྒྱུ་སྦྱོར་ཡོན་བདག་འདི། ཁྱོད་ཀྱིས་ཤོ་ལ་བཀོད་ཟིན་ན། །མཐུན་པའི་དམ་རྫས་འདི་བཞེས་ལ། །ཤོ་རྡེ་དཀར་ནག་དེ་སྤོས་ཤིག །ཟློག་བྱེད་མ་ཡི་དུས་ལ་བབ། །སྒྱུར་བྱེད་མ་ཡི་དུས་ལ་བབ། །བྷྱོཿ དཔལ་ལྡན་གཉན་གྱི་རེ་མ་ཏཱི། ཁྱོད་ཀྱི་མཆན་ཁུང་གཡོན་པ་ན། །ནད་ཀྱི་རྐྱལ་པ་སྔོ་དམར་སྦེད། །སྦྲུལ་ནག་ལྔ་བརྒྱའི་ཁ་ཆིངས་ཅན། །སྐྱེ་འགྲོ་གཟུགས་སུ་སྣང་བ་ཀུན། །སང་ཕོད་དིང་སང་སུ་འཆི་ཡང་། །དོ་གཅིག་ཁྱོད་ཀྱིས་ནད་ལ་འདེབས། །བདག་དང་(༩ན)

― GLG025_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་སྦྱོར་ཡོན་བདག་འདི། །གལ་ཏེ་ནད་ལ་བཏབ་སྲིད་ན། །མཐུན་པའི་དམ་རྫས་འདི་བཞེས་ལ། །ནད་ཁ་སྒྱུར་གཅིག་རེ་མ་ཏཱི། །དལ་ཡམས་སྒྱུར་ཅིག་རེ་མ་ཏཱི། །ཟློག་བྱེད་མ་ཡི་དུས་ལ་བབ། །སྒྱུར་བྱེད་མ་ཡི་དུས་ལ་བབ། །བྷྱོཿ ལྔ་བརྒྱ་དུས་ཀྱི་སྙིགས་མ་ལ། །འབྲས་བུ་གསང་སྔགས་ཆོས་དར་ཏེ། །གསང་སྔགས་བོན་ལྟར་གྱེར་པའི་དུས། །དགེ་སྡིག་འཆོལ་པར་སྤྱོད་པའི་ཚེ། །རྣལ་འབྱོར་ཡོངས་ཉམས་མ་མོ་འཁྲུགས། །ཐུགས་དང་འགལ་པའི་རྟགས་བསྟན་པ། །འཛམ་བུ་གླིང་གི་དབུས་ཕྱོགས་ནས། །བུད་མེད་ནག་མོ་བསམ་མི་ཁྱབ། ཁ་རླངས་ནག་པོ་བཏང་བའི་ཚེ། །མཁའ་ལ་ནད་ཀྱི་སྤྲིན་ཕུང་ཆགས། །བཞི་བརྒྱ་རྩ་བཞིའི་ནད་རྣམས་བྱུང་། །ཡེ་འབྲོག་སུམ་བརྒྱ་དྲུག་ཅུ་བྱུང་། །དུས་མིན་འཆི་བ་རྣམ་བརྒྱད་བྱུང་། །གསང་སྔགས་སྤྱོད་པ་གྲངས་མེད་ཡང་། །གཞུང་བཞིན་སྤྱོད་པའི་རྣལ་འབྱོར་ང་། །བཀའ་ལྟར་སྤྱོད་པའི་དབང་ཕྱུག་བདག །མན་ངག་ཐུགས་ཀྱི་རྒྱུད་བསྐུལ་ཏེ། །དཔལ་ཆེན་བདུད་རྩི་རྣམ་ལྔས་མཆོད། །མ་སྲིང་དམར་ཆེན་ཚོགས་ཀྱིས་མཆོད། །གསུར་ཆེན་དུད་པ་རྒྱུན་མི་གཅོད། །དབང་ཕྱུག་ཕུ་ནས་ཁུས་འདེབས་ན། །དཔལ་ལྡན་མདའ་ནས་སྙན་མ་སྲ། །རི་ཀླུངས་མེད་པར་ཁུ་ཡིས་ཐོབ། །དབང་ཕྱུག་མདའ་ནས་གཡབ་དོར་གྱི། །དཔལ་ལྡན་ཕུ་ནས་སྤྱན་མ་བརྟུལ། །ནག་མོའི་ཚོགས་ཀྱིས་སྟོང་ཁམས་གང་། །སྔོན་ནས་སྲིང་མོ་ཕུར་པའི་ལྷ། །ད་ལྟ་དཔལ་ལྡན་རེ་མ་ཏཱི། །ལྷ་སྲིན་ཀུན་གྱི་གཤེད་བྱེད་མ། །སྐྱེ་འགྲོ་ཀུན་གྱི་བདུད་གཅོད་མ། །དགྲ་བོ་ཀུན་གྱི་སྙིང་འབྱིན་མ། །བགེགས་ཀུན་ཐལ་བར་རློག་བྱེད་མ། །མ་ཡི་ནང་ནས་མ་གཅིག་མ། །སྲིང་གི་ནང་ནས་སྲིང་གཅིག་མ། །མཐུན་པའི་མདོས་གླུད་འདི་བཞེས་ལ། །བདག་དང་རྒྱུ་སྦྱོར་ཡོན་བདག་གི །ནད་གདོན་ཆགས་ཆེ་ཉམ་ང་བཟློག །ཡུལ་ཕྱོགས་(༩བ)

― GLG025_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ཕྱོགས་འདི་དག་གི །ནད་རིམས་དུས་ཀྱི་འཁྲུག་པ་བཟློག །བཟློག་བསྒྱུར་ཕྲིན་ལས་དུས་ལ་བབ། །བྷྱོཿ ལྔ་བརྒྱ་དུས་ཀྱི་ཐ་མ་ལ། །གསང་སྔགས་བོན་གྱེར་དགེ་སྡིག་འཆོལ། །དེ་ཚེ་སྲིད་པའི་མ་མོ་ཁྲོས། །མ་མོ་ཁྲོས་པའི་རྟགས་བསྟན་པ། །འཛམ་བུ་གླིང་གི་དབུས་ཕྱོགས་ནས། །བུད་མེད་ནག་མོས་སྟོང་ཁམས་གང་། ཁ་རླངས་ནག་པོ་བཏང་པའི་ཚེ། །ནད་ཀྱི་ན་བུན་སྤྲིན་དུ་ཆགས། །དེ་ཚེ་ནད་ཀྱི་བསྐལ་བ་དང་། །འབྲུམ་པ་དཀར་ནག་ལྷོག་པ་དང་། །སྐྲངས་ནད་བལ་ལྡག་གཡན་པ་བྱུང་། །ནད་ཀྱང་མ་མོ་ཁྱོད་ཀྱི་ནད། །རིམས་ཀྱང་མ་མོ་ཁྱོད་ཀྱི་རིམས། །བདག་དང་རྒྱུ་སྦྱོར་ཡོན་བདག་ལ། །ནད་ཁ་ཆོད་ལ་རིམས་ཁ་སྒྱུར། །བར་གཅོད་མི་མཐུན་ཕྱོགས་རྣམས་ཀུན། །སྡང་བའི་དགྲ་ཡི་སྟེང་དུ་བཟློག །བཟློག་བསྒྱུར་ཕྲིན་ལས་དུས་ལ་བབ། །བྷྱོཿ ལྔ་བརྒྱ་དུས་ཀྱི་ཐ་མ་ལ། །གསང་སྔགས་བོན་གྱེར་དགེ་སྡིག་འཆོལ། །དེ་ཚེ་སྲིད་པའི་མ་མོ་ཁྲོས། །མ་མོ་ཁྲོས་པའི་རྟགས་བསྟན་པ། །འཛམ་བུ་གླིང་གི་ཤར་ཕྱོགས་ནས། །བུད་མེད་དཀར་མོས་སྟོང་ཁམས་གང་། ཁ་རླངས་དཀར་པོ་བཏང་པའི་ཚེ། །ནད་ཀྱི་ན་བུན་སྤྲིན་དུ་ཆགས། །དེ་ཚེ་ནད་ཀྱི་བསྐལ་བ་དང་། །མཛེ་ནད་ཤུ་བ་གཡན་པ་དང་། །གློ་གཟེར་སྐྱ་རྦབ་རླུང་ནད་འབྱུང་། །ནད་ཀྱང་མ་མོ་ཁྱོད་ཀྱི་ནད། །རིམས་ཀྱང་མ་མོ་ཁྱོད་ཀྱི་རིམས། །བདག་དང་རྒྱུ་སྦྱོར་ཡོན་བདག་ལ། །ནད་ཁ་ཆོད་ལ་རིམས་ཁ་སྒྱུར། །བར་གཅོད་མི་མཐུན་ཕྱོགས་རྣམས་ཀུན། །སྡང་བའི་དགྲ་ཡི་སྟེང་དུ་བཟློག །བཟློག་བསྒྱུར་ཕྲིན་ལས་དུས་ལ་བབ། །བྷྱོཿ ལྔ་བརྒྱ་དུས་ཀྱི་ཐ་མ་ལ། །གསང་སྔགས་བོན་གྱེར་དགེ་སྡིག་འཆོལ། །དེ་ཚེ་སྲིད་པའི་མ་མོ་ཁྲོས། །མ་མོ་ཁྲོས་པའི་རྟགས་བསྟན་པ། །འཛམ་བུ་གླིང་གི་ལྷོ་ཕྱོགས་ནས། །བུད་མེད་སེར་མོས་སྟོང་ཁམས་གང་། ཁ་རླངས་སེར་པོ་བཏང་པའི་ཚེ། །ནད་ཀྱི་ན་བུན་སྤྲིན་དུ་ཆགས། །དེ་ཚེ་ནད་ཀྱི་བསྐལ་བ་དང་། །མཁྲིས་པ་ཤ་ཡ་མིག་སེར་དང་། །རྒྱ་ནད་ཤ་སེར་ནད་རྣམས་འབྱུང་། །ནད་ཀྱང་མ་མོ་ཁྱོད་ཀྱི་ནད། །རིམས་ཀྱང་མ་མོ་ཁྱོད་ཀྱི་རིམས། །བདག་དང་རྒྱུ་སྦྱོར་ཡོན་བདག་ལ། །ནད་ཁ་ཆོད་ལ་རིམས་ཁ་སྒྱུར། །བར་གཅོད་མི་མཐུན་ཕྱོགས་རྣམས་ཀུན། །སྡང་བའི་དགྲ་ཡི་སྟེང་དུ་བཟློག །བཟློག་བསྒྱུར་ཕྲིན་ལས་དུས་ལ་བབ། །བྷྱོཿ ལྔ་བརྒྱ་དུས་ཀྱི་ཐ་མ་ལ། །གསང་སྔགས་བོན་གྱེར་དགེ་སྡིག་འཆོལ། །དེ་ཚེ་སྲིད་པའི་མ་མོ་ཁྲོས། །མ་མོ་ཁྲོས་པའི་རྟགས་བསྟན་པ། །འཛམ་བུ་གླིང་གི་ནུབ་ཕྱོགས་ནས། །བུད་མེད་དམར་མོས་སྟོང་ཁམས་གང་། ཁ་(༡༠ན)

― GLG025_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

རླངས་དམར་པོ་བཏང་པའི་ཚེ། །ནད་ཀྱི་ན་བུན་སྤྲིན་དུ་ཆགས། །དེ་ཚེ་ནད་ཀྱི་བསྐལ་བ་དང་། ཁྲག་ནད་གཟེར་ཐབས་ལེའུ་བརྒན་དང་། །རྒྱུ་གཟེར་ཁྲག་སྐྱུག་མཁལ་ནད་འབྱུང་། །ནད་ཀྱང་མ་མོ་ཁྱོད་ཀྱི་ནད། །རིམས་ཀྱང་མ་མོ་ཁྱོད་ཀྱི་རིམས། །བདག་དང་རྒྱུ་སྦྱོར་ཡོན་བདག་ལ། །ནད་ཁ་ཆོད་ལ་རིམས་ཁ་སྒྱུར། །བར་གཅོད་མི་མཐུན་ཕྱོགས་རྣམས་ཀུན། །སྡང་བའི་དགྲ་ཡི་སྟེང་དུ་བཟློག །བཟློག་བསྒྱུར་ཕྲིན་ལས་དུས་ལ་བབ། །བྷྱོཿ ལྔ་བརྒྱ་དུས་ཀྱི་ཐ་མ་ལ། །གསང་སྔགས་བོན་གྱེར་དགེ་སྡིག་འཆོལ། །དེ་ཚེ་སྲིད་པའི་མ་མོ་ཁྲོས། །མ་མོ་ཁྲོས་པའི་རྟགས་བསྟན་པ། །འཛམ་བུ་གླིང་གི་བྱང་ཕྱོགས་ནས། །བུད་མེད་སྔོན་མོས་སྟོང་ཁམས་གང་། ཁ་རླངས་སྔོན་པོ་བཏང་པའི་ཚེ། །ནད་ཀྱི་ན་བུན་སྤྲིན་དུ་ཆགས། །དེ་ཚེ་ནད་ཀྱི་བསྐལ་བ་དང་། །བལ་ནད་སྨྱོ་འབོག་རིམས་ནད་དང་། །བླ་རྡོལ་སྨྱོ་སོགས་སྣ་ཚོགས་འབྱུང་། །ནད་ཀྱང་མ་མོ་ཁྱོད་ཀྱི་ནད། །རིམས་ཀྱང་མ་མོ་ཁྱོད་ཀྱི་རིམས། །བདག་དང་རྒྱུ་སྦྱོར་ཡོན་བདག་ལ། །ནད་ཁ་ཆོད་ལ་རིམས་ཁ་སྒྱུར། །བར་གཅོད་མི་མཐུན་ཕྱོགས་རྣམས་ཀུན། །སྡང་བའི་དགྲ་ཡི་སྟེང་དུ་བཟློག །བཟློག་བསྒྱུར་ཕྲིན་ལས་དུས་ལ་བབ། །བྷྱོཿ ལྔ་བརྒྱ་དུས་ཀྱི་ཐ་མ་ལ། །གསང་སྔགས་བོན་གྱེར་དགེ་སྡིག་འཆོལ། །དེ་ཚེ་སྲིད་པའི་མ་མོ་ཁྲོས། །མ་མོ་ཁྲོས་པའི་རྟགས་བསྟན་པ། །འཛམ་བུ་གླིང་གི་དབུས་ཕྱོགས་ནས། །བུད་མེད་སྨུག་མོས་སྟོང་ཁམས་གང་། ཁ་རླངས་སྨུག་པོ་བཏང་པའི་ཚེ། །མཚོན་གྱི་ན་བུན་སྤྲིན་དུ་ཆགས། །དེ་ཚེ་ནད་ཀྱི་བསྐལ་བ་དང་། །གཡུལ་འཁྲུག་འཐབ་རྩོད་སྣ་ཚོགས་པས། །གྲངས་མེད་མཚོན་ཆའི་འཁོར་ལོ་འབྱུང་། །དུས་འཁྲུག་མ་མོ་ཁྱོད་ཀྱི་འཕྲུལ། །མཚོན་ཀྱང་མ་མོ་ཁྱོད་ཀྱི་མཚོན། །བདག་དང་རྒྱུ་སྦྱོར་ཡོན་བདག་ལ། །མཚོན་ཁ་ཆོད་ལ་དམག་ཁ་སྒྱུར། །བར་གཅོད་མི་མཐུན་ཕྱོགས་རྣམས་ཀུན། །སྡང་བའི་དགྲ་ཡི་སྟེང་དུ་བཟློག །བཟློག་བསྒྱུར་ཕྲིན་ལས་དུས་ལ་བབ། །སྲིད་གསུམ་བདག་མོ་མཐུ་སྟོབས་ཅན། །སོགས་དང་། ལྷུན་གྲུབ་ཆོས་དབྱིངས་མ། འདོད་ཁམས་དབང་ཕྱུག་མ་དང་ཆར་སྤྲིན་ལྟར་སྔོ་མ་བྱ། བྷྱོཿ མཐིང་ནག་མུན་པའི་མདོག་ཅན་སྲིན་མོའི་གཟུགས། །མི་ལྤགས་དར་ནག་གོས་གྱོན་བོང་བུ་བཅིབས། །རལ་གྲིས་དགྲ་སྲོག་གཅོད་ཅིང་ཐོད་ཁྲག་ནང་། ཁྲག་འཐུང་བདུད་མོ་རེ་མ་ཏཱི་ལ་བསྟོད། །དར་ནག་རེ་བའི་གོས་གྱོན་དྲེའུ་བཅིབས། །ཕུང་བྱེད་ཤོ་རྡེ་ནག་པོ་དགྲ་ལ་འགྱེད། །བྱང་དམར་སྟོང་གི་དཀྱུས་ལ་དགྲ་བགེགས་འཇུག །སྲོག་འཕྲོག་ནད་ཀྱི་(༡༠བ)

― GLG025_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་མོ་ཁྱོད་ལ་བསྟོད། །མི་བཟད་སྲོག་ལ་དབང་བྱེད་ཁྲོ་མོའི་གཟུགས། །གཡང་གཞི་སྟག་ལྤགས་གྱོན་ཞིང་ཤ་བ་བཅིབས། །དོན་སྙིང་ཁྲག་གིས་སྦགས་པ་ཞལ་དུ་གསོལ། །སྐྱི་མཐིང་ནག་མོ་ཁྱོད་ལ་བདག་བསྟོད་དོ། །སྐུ་མདོག་རབ་དཀར་རེས་འགའ་སྨུག་པོར་སྟོན། །དར་དཀར་གོས་གྱོན་སོ་བྱ་རོག་པོ་བཅིབས། །ཆུ་སྲིན་གདུག་པའི་པགས་པ་མཁའ་ལ་འཕྱར། །འཁྲི་སྨན་ས་ལེ་དཀར་མོ་ཁྱོད་ལ་བསྟོད། །དཔལ་ལྡན་བཀྲ་ཤིས་ཚེ་རིང་མཆེད་ལྔ་དང་། །བོད་ཁམས་སྐྱོང་བའི་བསྟན་མ་བཅུ་གཉིས་སོགས། །རྣལ་འབྱོར་བུ་བཞིན་སྐྱོང་པའི་མཐུ་རྩལ་ཅན། །འཁོར་ཚོགས་དམ་ཅན་རྒྱ་མཚོའི་ཚོགས་ལ་བསྟོད། །འཆི་མེད་མཆོག་སྩོལ་མ་བྱ། གླུད་གཏོང་བ་ནི། བཛྲ་ཨ་མྲི་ཏས་བསངས། །སྭ་བྷཱ་ཝས་སྦྱངས། སྟོང་པའི་ངང་ལས་མཛེས་ཤིང་ཡིད་དུ་འོང་པའི་ངར་གླུད། །ལུས་ངག་ཡིད་གསུམ་ཕུང་པོ་ཁམས་སྐྱེ་མཆེད། ཚེ་སྲོག་དབུགས་དབང་པོ་ལྔ་སོགས་ཚང་ཞིང་། དར་ཟབ་ཀྱི་གོས། རིན་པོ་ཆེའི་རྒྱན་གྱིས་སྤྲས་པ་འདོད་ཡོན་ལྔས་ཁྱད་པར་དུ་བྱས་པ་གྱུར། སྔགས་དྲུག་ཕྱག་རྒྱ་དྲུག་གིས་བྱིན་གྱིས་བརླབས་ཏེ། རིན་ཆེན་འབྲུ་ཚོགས་ལས་གྲུབ་པའི། །མཛེས་ཤིང་ཡིད་འོང་ངར་གྱི་མི། །རྩ་བ་འབུ་ཡིས་མ་ཟོས་ཤིང་། །རྩེ་མོ་སད་ཀྱིས་མ་ཁྱེར་པ། །ཞོ་ཤའི་སྙིང་ལ་དུང་དཀར་རུས། །མུ་ཏིག་ཀླད་པ་ཟེར་མོའི་སྐྲ། །ཞོ་ཤའི་མཁལ་མ་མར་གྱི་མདོངས། །ལུང་ཐང་མིག་ལ་མགྲོན་བུའི་སོ། །རྐང་པ་གཡས་པ་ཐབས་ཆེན་ལྕགས། །གཡོན་པ་ཤེས་རབ་ཟངས་ལ་བྱས། །ལག་པ་གཡས་པ་རིན་ཅེན་གསེར། །གཡོན་པ་དེ་ནི་གཡུ་ལ་བྱས། །ལུས་ནི་རྒྱན་དང་གོས་ཀྱིས་མཛེས། །སྨྲ་མཁས་པ་དེ་ངག་རེ་འཇམ། །ཡིད་ནི་རྟོག་ཅིང་དཔྱོད་པ་བཀྲ །བླ་ཚེ་སྲོག་གསུམ་དབུགས་དང་ལྡན། །ཕུང་པོ་ལྔ་དང་དབང་པོ་ལྔ། (༡༡ན)

― GLG025_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་ཆེན་བཅོ་བརྒྱད་སྐྱེ་མཆེད་ནི། །བཅུ་གཉིས་པོ་ཡང་མ་ལུས་ཚང་། །སྦྱིན་བདག་རྐེ་ནས་རྒྱན་བཀྲོལ་ཏེ། །མགུལ་པར་བརྒྱན་པས་འཚེར་རོ་རེ། །སྦྱིན་བདག་ལུས་ནས་གོས་ཕུད་དེ། །ལུས་ལ་བཀོན་པས་ལྷུབས་སེ་ལྷུབ། །འགྲོ་མཁས་དེ་ནི་ཁྱུང་གི་འགྲོས། ཁྱུང་ཆེན་འགྲོས་སུ་ལྡེགས་སེ་ལྡེག །མི་ཟད་ནོར་གྱི་བང་མཛོད་ཚོགས། །རྣམ་ཐོས་བུ་ལ་འགྲན་བཟོད་འདི། །སྔགས་དང་ཕྱག་རྒྱས་བྱིན་བརླབས་ནས། །འདོད་ཁམས་དབང་ཕྱུག་མ་ལ་འབུལ། །རེ་ཏཱི་ནད་བདག་གཉིས་ལ་འབུལ། །བྲན་གཡོག་ལྷ་མོ་མཆེད་བཞིར་འབུལ། །སྤྲུལ་པ་དུས་བཞིའི་ལྷ་མོར་འབུལ། །མཁའ་འགྲོ་ཚེ་རིང་མཆེད་ལྔ་འབུལ། །བསྟན་མ་བཅུ་གཉིས་ཚོགས་ལ་འབུལ། །འཁོར་ཚོགས་དམ་ཅན་རྒྱ་མཚོར་འབུལ། །མི་བས་གླུད་དགའ་གླུད་འདི་བཞེས། །རིན་ཅེན་མཛེས་པའི་གླུད་འདི་བཞེས། །རིགས་འཛིན་རྡོ་རྗེ་སློབ་དཔོན་གླུད། །སྔགས་འཆང་རྣལ་འབྱོར་བདག་གི་གླུད། །མཆེད་གྲོགས་རྡོ་རྗེ་སྤུན་གྱི་གླུད། །རྒྱུ་སྦྱར་སྦྱིན་པའི་བདག་པོའི་གླུད། །སྐྱེས་པ་ཕོ་རྣམས་ཀུན་གྱི་གླུད། །ཟ་མ་མོ་རྣམས་ཀུན་གྱི་གླུད། །ཡུལ་མཁར་ནོར་རྫས་ཀུན་གྱི་གླུད། །གླུད་འདི་བཞེས་ལ་མཚོན་ཁ་ཕྱེས། །ཤོ་དང་བྱང་དམར་དཀྱུས་ནས་ཕྱུངས། །ནད་རྐྱལ་ཁ་སྡོམས་མཚོན་དུ་ཆོད། །མནན་གཏད་བྱད་ཁ་དག་ལས་ཐོན། །བཅིངས་པ་ཁྲོལ་ལ་བསྡམས་པ་གློད། །གདོན་བགེགས་མི་མཐུན་ཕྱོགས་རྣམས་ལས། །ཐར་རོ་དམིགས་བྱ་འཁོར་བཅས་ཐར། །རྒྱལ་ལོ་དཀར་པོ་ལྷ་རྒྱལ་ལོ། །ཕམ་མོ་ནག་པོ་འདྲེ་ཕམ་མོ། །བསྒྱུར་རོ་ལྟས་ངན་དགྲ་ལ་སྒྱུར། །བྷྱོཿ དཔལ་ལྡན་གཉན་གྱི་རེ་མ་ཏཱི། །ནམ་མཁའི་མཐོངས་ལ་བཞུགས་པའི་ཚེ། །ནམ་མཁའི་མཐོངས་ཀྱི་དཔལ་མོ་བཙན། །དེ་ཡང་བྱང་ཤར་རེ་མ་ཏཱི། །མདོས་གླུད་ཡས་ཀྱི་མཆོད་པ་(༡༡བ)

― GLG025_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེས། །བཅོལ་པའི་ཕྲིན་ལས་བསྒྲུབ་པར་མཛོད། །ཅེས་པ་ནས། དམ་ཚིག་མཐར་གནས་གཙོ་མོ་མཛད་པའི་ཚེ། །མོ་བཙན་ཆེན་མོ་རྡོ་རྗེ་གཡར་མོ་བསིལ། །རྣལ་འབྱོར་གྲོགས་བྱེད་གསང་སྔགས་ཆོས་འཁོར་སྐྱོང་། །དེ་ཡང་བྱང་ཤར་རེ་མ་ཏཱི། །མདོས་གླུད་ཡས་ཀྱི་མཆོད་པ་བཞེས། །བཅོལ་པའི་ཕྲིན་ལས་བསྒྲུབ་པར་མཛོད། །ཅེས་པའི་བར་འདོན་པ་ཅུང་ཟད་བསྒྱུར། །བྷྱོཿ དགྲ་ལྷ་སྲོག་ལྷ་ལ་སོགས་པའི། །ལྷ་ཡི་རིགས་གྱུར་ཐམས་ཅད་ཀྱིས། །མ་གཅིག་སྲིད་པའི་རྒྱལ་མོ་ལ། །མཆོད་ཅིང་བསྐོར་ཞིང་ཕྱག་བགྱིས་ཀྱང་། །ཇོ་མོ་དེ་ལ་སྤྱན་མི་གཟིགས། །ཕྱག་ལན་མ་སྟེར་ཁྲོ་ཚུལ་སྟོན། །གླུད་འདི་འདོད་ཁམས་གཙོ་མོ་བཞེས། །ལྷ་ཡི་འཁུ་ལྡོག་ཞི་བར་མཛོད། །ཀླུ་རྗེ་རྒྱལ་པོ་ལ་སོགས་པའི། །ཀླུ་ཡི་རིགས་གྱུར་ཐམས་ཅད་ཀྱིས། །མ་གཅིག་སྲིད་པའི་རྒྱལ་མོ་ལ། །མཆོད་ཅིང་བསྐོར་ཞིང་ཕྱག་བགྱིས་ཀྱང་། །ཇོ་མོ་དེ་ལ་སྤྱན་མི་གཟིགས། །ཕྱག་ལན་མི་སྟེར་ཁྲོ་ཚུལ་སྟོན། །གླུད་འདི་འདོད་ཁམས་གཙོ་མོ་བཞེས། །ཀླུ་ཡི་གནོད་པ་ཞི་བར་མཛོད། །རེ་ཏཱི་འགོང་ཡག་ལ་སོགས་པའི། །བདུད་ཀྱི་རིགས་གྱུར་ཐམས་ཅད་ཀྱིས། །མ་གཅིག་སྲིད་པའི་རྒྱལ་མོ་ལ། །མཆོད་ཅིང་བསྐོར་ཞིང་ཕྱག་བགྱིས་ཀྱང་། །ཇོ་མོ་དེ་ལ་སྤྱན་མི་གཟིགས། །ཕྱག་ལན་མི་སྟེར་ཁྲོ་ཚུལ་སྟོན། །གླུད་འདི་འདོད་ཁམས་གཙོ་མོ་བཞེས། །བདུད་ཀྱི་ཁྲམ་ཁ་དགྲ་ལ་སྒྱུར། །སྐྱེས་བུ་ལུང་བཙན་ལ་སོགས་པའི། །བཙན་གྱི་རིགས་གྱུར་ཐམས་ཅད་ཀྱིས། །མ་གཅིག་སྲིད་པའི་རྒྱལ་མོ་ལ། །མཆོད་ཅིང་བསྐོར་ཞིང་ཕྱག་བགྱིས་ཀྱང་། །ཇོ་མོ་དེ་ལ་སྤྱན་མི་གཟིགས། །ཕྱག་ལན་མི་སྟེར་ཁྲོ་ཚུལ་སྟོན། །གླུད་འདི་འདོད་ཁམས་གཙོ་མོ་བཞེས། །བཙན་གྱི་གཟེར་ནད་ཞི་བར་མཛོད། །མ་བདུད་རྒྱལ་མོ་ལ་སོགས་པའི། །མ་མོའི་རིགས་གྱུར་ཐམས་ཅད་ཀྱིས། །མ་གཅིག་སྲིད་པའི་རྒྱལ་མོ་ལ། །མཆོད་ཅིང་བསྐོར་ཞིང་ཕྱག་བགྱིས་ཀྱང་། །ཇོ་མོ་དེ་ལ་སྤྱན་མི་གཟིགས། །ཕྱག་ལན་མི་སྟེར་ཁྲོ་ཚུལ་སྟོན། །གླུད་འདི་འདོད་ཁམས་གཙོ་མོ་བཞེས། །མ་མོའི་དལ་ཡམས་དགྲ་ལ་སྒྱུར། །དཀོན་རྗེ་དཀོར་བདག་ལ་སོགས་པའི། །རྒྱལ་པོའི་རིགས་གྱུར་ཐམས་ཅད་ཀྱིས། །མ་གཅིག་སྲིད་པའི་རྒྱལ་མོ་ལ། །མཆོད་ཅིང་བསྐོར་ཞིང་ཕྱག་བགྱིས་ཀྱང་། །ཇོ་མོ་དེ་ལ་སྤྱན་མི་གཟིགས། །ཕྱག་ལན་མི་སྟེར་ཁྲོ་ཚུལ་སྟོན། །གླུད་འདི་འདོད་ཁམས་གཙོ་མོ་བཞེས། །རྒྱལ་པོའི་སྨྱོ་འབོག་དགྲ་ལ་(༡༢ན)

― GLG025_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྱུར། །དེ་ནས་ལམ་བསྟན། གསེར་སྐྱེམས་བཏང་། སྒོ་དབྱེ་ནི། རིགས་འཛིན་སྔགས་འཆང་བདག་ཅག་རྣམས། །ཏིང་འཛིན་སོགས་དང་ཕྱག་རྒྱ་ཡིས། །དེང་འདིར་དར་གླུད་ཁ་བསྒྱུར་ཞིང་། །ཟོར་ཁ་གཉན་པོ་བསྐྱོད་བྱེད་ན། །སྒོ་བ་རྣམས་ཀྱིས་སྒོ་ཕྱེ་ཞིག །འཕྲང་བ་རྣམས་ཀྱིས་འཕྲང་སོལ་ཅིག །སྣང་སྲིད་ལྷ་སྲིན་གདུག་པ་ཀུན། །དམག་དཔུང་ཚོགས་ཀྱི་མཐུ་སྟོབས་བསྐྱེད། །ཟོར་སྣ་གཉན་པོའི་ངར་ཐོན་ལ། །ཟོར་སྣ་སྡང་བའི་དགྲ་ལ་དྲོངས། །ཟོར་སྣ་གནོད་པའི་བགེགས་ལ་དྲོངས། །མི་མཐུན་ཕྱོགས་རྣམས་དགྲ་སྟེང་བྷྱོ། །ཟོར་བསྐུལ་ནི། བྷྱོཿ ཕྱོགས་ཕྱོགས་དེ་ནི་ཕ་གི་ན། །ཉི་མ་ཤར་ཕྱོགས་ཕ་གི་ན། །ཡུགས་སའི་བུ་མོ་སྒེག་མོ་ཞིག །ང་འགྲོ་ང་རིངས་ཟེར་ཞིང་འདུག །མདོས་བདག་མོ་ནི་ཡིན་པར་ངེས། །མདོས་དང་གླུད་འདི་སྐྱོལ་ལ་ཤོག །ཕྱོགས་ཕྱོགས་དེ་ནི་ཕ་གི་ན། །ཉི་མ་ཤར་ལྷོ་ཕ་གི་ན། །བུད་མེད་སྨྱོན་མ་ཟོར་ཐོགས་ཤིག །ང་འགྲོ་ང་རིངས་ཟེར་ཞིང་འདུག །མདོས་བདག་མོ་ནི་ཡིན་པར་ངེས། །མདོས་དང་གླུད་འདི་སྐྱོལ་ལ་ཤོག །ཕྱོགས་ཕྱོགས་དེ་ནི་ཕ་གི་ན། །ཉི་མ་ལྷོ་ཕྱོགས་ཕ་གི་ན། །བུད་མེད་སྨྱོན་མ་ཟོར་ཐོགས་ཤིག །ང་འགྲོ་ང་རིངས་ཟེར་ཞིང་འདུག །མདོས་བདག་མོ་ནི་ཡིན་པར་ངེས། །མདོས་དང་གླུད་འདི་སྐྱོལ་ལ་ཤོག །ཕྱོགས་ཕྱོགས་དེ་ནི་ཕ་གི་ན། །ཉི་མ་ལྷོ་ནུབ་ཕ་གི་ན། །བུད་མེད་རྒན་མོ་མཁར་ཐོགས་ཤིག །ང་འགྲོ་ང་རིངས་ཟེར་ཞིང་འདུག །མདོས་བདག་མོ་ནི་ཡིན་པར་ངེས། །མདོས་དང་གླུད་འདི་སྐྱོལ་ལ་ཤོག །ཕྱོགས་ཕྱོགས་དེ་ནི་ཕ་གི་ན། །ཉི་མ་ནུབ་ཕྱོགས་ཕ་གི་ན། །མགར་བའི་བུ་མོ་གྲི་ཐོགས་ཤིག །ང་འགྲོ་ང་རིངས་ཟེར་ཞིང་འདུག །མདོས་བདག་མོ་ནི་ཡིན་པར་ངེས། །མདོས་དང་གླུད་འདི་སྐྱོལ་ལ་ཤོག །ཕྱོགས་ཕྱོགས་དེ་ནི་ཕ་གི་ན། །ཉི་མ་ནུབ་བྱང་ཕ་གི་ན། །བཤན་པའི་བུ་མོ་ལག་དམར་ཞིག །ང་འགྲོ་ང་རིངས་ཟེར་ཞིང་འདུག །མདོས་བདག་མོ་ནི་ཡིན་པར་ངེས། །མདོས་དང་གླུད་འདི་སྐྱོལ་ལ་ཤོག །ཕྱོགས་ཕྱོགས་དེ་ནི་ཕ་གི་ན། །ཉི་མ་བྱང་ཕྱོགས་ཕ་གི་ན། །མགོན་མེད་སྐྱབས་མེད་དྭ་ཕྲུག་ཅིག །ང་འགྲོ་ང་རིངས་ཟེར་ཞིང་འདུག །མདོས་བདག་མོ་ནི་ཡིན་པར་ངེས། །མདོས་དང་གླུད་འདི་སྐྱོལ་ལ་ཤོག །ཕྱོགས་ཕྱོགས་དེ་ནི་ཕ་གི་ན། །ཉི་མ་བྱང་ཤར་ཕ་གི་ན། །བནྡེའི་བུ་མོ་འཕྱོན་མ་ཞིག །ང་འགྲོ་ང་རིངས་ཟེར་ཞིང་འདུག །མདོས་བདག་མོ་ནི་ཡིན་པར་ངེས། །མདོས་(༡༢བ)

― GLG025_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གླུད་འདི་སྐྱོལ་ལ་ཤོག །བྷྱོཿ དམག་ཟོར་ལྷ་མོ་འཁོར་དང་བཅས་རྣམས་ཀྱིས། །སྡང་བའི་དགྲ་དང་གནོད་པའི་བགེགས་སྟེང་དུ། །མདའ་ཟོར་ཆུ་འཁྱུགས་སར་ལྟར་ཤར་ར་ར། །སྒོང་ཟོར་རི་རབ་ཟོར་ཆེན་རིལ་ལི་ལི། ཁྲག་ཟོར་ནད་ཀྱི་རྦ་རླབས་ཆིལ་ལི་ལི། །ཀོང་ཟོར་རྡོ་རྗེའི་ཐོག་ལྟར་རྦད་དེ་རྦད། །བྱད་ཁ་ཕུར་ཁ་ནད་གདོན་འཁྲུག་ལོངས་སོགས། །ཐམས་ཅད་སྡང་པའི་དགྲ་དང་གནོད་པའི་བགེགས། །སྟེང་དུ་བཟློག་ཅིང་བསྒྱུར་པའི་ཕྲིན་ལས་མཛོད། །ཅེས་ཟོར་འཕང་། གསུམ་པ་ནི། ཆོས་དབྱིངས་དབང་ཕྱུག་མ་སོགས་དཀྱུས་ལྟར་བྱས་ནས་ཡས་གཏོར་ཐུན་རྫས་རྣམས་ཐོག་ཏུ་ཕུལ། ཆད་མཐོ་བསྟན་སྐྱོང་སྤྱི་ལྟར་བྱ། གཏང་རག་མཆོད་པ། རྟེན་ཡོད་ན་བརྟན་བཞུགས། མེད་ན་གཤེགས་པ་སོགས་ཕྱག་ལེན་ལྟར་དང་། སྨོན་ལམ་ཤིས་བརྗོད་དགའ་སྟོན་གྱི་དཔལ་ལ་རོལ་ལོ། །སྨྲས་པ། དཔག་བསམ་ཡོངས་འདུའི་ལྗོན་པ་དེས། འདོད་པའི་རེ་འདོད་སྐོང་བ་ལྟར། །སྲིད་གསུམ་ལྷ་མོ་འདི་བསྟེན་པས། །འདོད་པའི་དོན་ཀུན་ངང་གིས་འགྲུབ། །དེ་ཕྱིར་འདི་ཉིད་དགྱེས་བསྐྱེད་པའི། །མདོས་ཀྱི་རིམ་པའི་འཕྲིན་ལས་རྣམས། །གྱེར་སྒོམ་རྡོ་རྗེའི་སྒྲ་དབྱངས་སུ། །ལྷག་བསམ་དག་པས་ཡི་གེར་བཀོད། །རིགས་རུས་དུ་མར་སྔ་འགྱུར་གྱི། །ཆོས་ཚུལ་འདི་ལ་གོམས་པའི་མཐུས། །སྦྱོར་དངོས་རྗེས་ཚད་རྣམ་དཔྱོད་ཀྱིས། །རིག་སྔགས་འཆང་བའི་དགའ་སྟོན་བསྒྲུབས། །དགེ་དེས་བདུད་སྡེའི་དཔུང་རྣམས་ཀུན། །རྣམ་པར་བཅོམས་པའི་རྒྱལ་ཐབས་ཀྱི། །དོན་གཉིས་བདེ་ཆེན་ཕོ་བྲང་དུ། །དགའ་བདེར་འཇུག་པའི་དཔལ་ཐོབ་ཤོག །ཅེས་ཕན་བདེ་ལེགས་བཤད་གླིང་གི་སློབ་དཔོན་ཆོས་རྗེ་ངག་དབང་བློ་བཟང་པས་ཉེ་བར་བསྐུལ་བས་མཚམས་སྦྱར་བ་དང་། འདི་སྐོར་གྱི་ལག་ལེན་གྲ་གཙང་དུ་གསར་དུ་བཙུགས་སྐབས་སྔོན་གྱི་རྩ་བའི་ཡིག་རྙིང་རྣམས་དང་བརྒྱུད་ལྡན་གོང་མའི་ཡིག་ཆ་རྣམས་ལ་གཞི་(༡༣ན)

― GLG025_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས། མངའ་བདག་ཉང་གི་གཏེར་བྱོན་མགོན་པོ་གཡུལ་བཟློག་ནས་ཀྱང་ཁ་བསྐང་། ཚིག་རྐང་གོ་རིམ་སོགས་ལེགས་པར་བཅོས་ཏེ་བསྐང་མདོས་ཀྱི་དབང་དུ་བགྱིས་པའི་འདོད་ཁམས་དབང་ཕྱུག་རེ་མ་ཏཱི་དགྱེས་པ་སྐྱེད་པར་བྱེད་པའི་མདོས་ཀྱི་ཕྲིན་ལས་གྱེར་སྒོམ་རྡོ་རྗེའི་སྒྲ་དབྱངས་ཞེས་པ་འདིའང་རྩོད་དུས་ཀྱི་རྒྱལ་བ་རྡོ་རྗེ་འཆང་ཆེན་པོ་འཁོན་སྟོན་ཆོས་ཀྱི་རྒྱལ་པོ་སོགས་རྡོ་རྗེ་འཛིན་པ་དུ་མའི་བཀའ་དྲིན་གྱིས་གསང་ཆེན་རྙིང་མའི་ཕྱོགས་ལ་བློ་གྲོས་ཀྱི་འཇུག་པ་དང་ལྡན་ཞིང་། མ་གཤིན་ཕུར་གསུམ་གྱི་སྔགས་འཆང་རིམ་པར་བྱོན་པ་ཟ་ཧོར་གྱི་རིགས་ལས་བྱུང་བའི་རིགས་འཛིན་གྱི་བཙུན་པ་བླ་མེད་རྡོ་རྗེ་རྩལ་ལམ་དྲག་པོ་རྩལ་དུ་འབོད་པས་མེ་ཕག་ས་ག་ཟླ་བའི་མཁའ་འགྲོ་འདུ་བའི་ཚེས་ལ་སྦྱར་བའི་ཡི་གེ་པ་ནི་སྔགས་འཆང་ངག་དབང་དགེ་ལེགས་སོ། །སརྦ་མངྒ་ལཾ། །

གཏེར་སྲུང་དཔལ་མགོན་སྟག་ཞོན་གྱི་གསོལ་མཆོད་བཀླགས་ཆོག་ཁྱེར་བདེ།

― GLG025_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་སྲུང་དཔལ་མགོན་སྟག་ཞོན་གྱི་གསོལ་མཆོད་བཀླགས་ཆོག་ཁྱེར་བདེ་བཞུགས་སོ། །

― GLG025_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཕྱག་རྒྱ་ཟིལ་གནོན་ལ། །སྒོ་གསུམ་གུས་པས་རབ་བཏུད་ནས། །གཏེར་སྲུང་དཔལ་མགོན་སྟག་ཞོན་གྱི། །གསོལ་མཆོད་བཀླགས་ཆོག་འཁྱེར་བདེར་བཀོད། །མཆོད་གཏེར་སྤྱན་གཟིགས་རྣམས་ཕྱག་ལེན་ལྟར་འདུ་བྱས་ལ། ཧཱུཾ། རབ་འཇིགས་དུར་ཁྲོད་ཆེན་པོ་ལྕང་ལོ་ཅན། །རི་བོ་མ་ལ་ཡ་ཡི་གནས་མཆོག་ནས། །གནམ་ལྕགས་ཨུར་མོ་རབ་ཏུ་ཏ་ལ་ལ། །རཀྟའི་རྒྱ་མཚོ་རྦ་ཀློང་མེར་རེ་རེ། །ཞིང་ཆེན་རྐང་རུས་ལྷུ་དུམ་ཁྲོལ་ལོ་ལོ། །འདབ་ཆགས་ཤ་ཟ་མང་པོ་ལྡིང་ཞིང་འདུར། །གསུར་ཆེན་དུད་པའི་ཚོགས་ནི་འཁྱིལ་ཞིང་འཚུབ། །དེ་འདྲའི་དུར་ཁྲོད་རབ་ཏུ་འཇིགས་པ་ནས། །གྱིང་ཆེན་མགོན་པོ་ཡབ་ཡུམ་སྐུ་བསྐྱོད་ལ། །གྲུ་གསུམ་མཐིང་ནག་འབར་བའི་དཀྱིལ་འཁོར་འདིར། །གྱིང་བདུད་མ་མོ་འཁོར་དང་བཅས་པ་རྣམས། །དམ་ཚིག་དབང་གིས་སྤྱན་འདྲེན་གཤེགས་སུ་གསོལ། །ཨོཾ་ཤྲཱི་མ་ཧཱ་ཀཱ་ལཱ་མ་ཏི་ཡཾ་ཛཿཛཿ ཏྲག་ར་རཀྴ་ཧེ་ལ་ཛཿཛཿ དུན་རུ་ཏྲ་རུ་ཐུཾ་བྷ་ཏི་ཛཿ ཤུ་ལ་ར་ཙ་ཏྲི་ཤི་ཛ་ཡ་ཛ་བཛྲ་ཏྲི་རྣ་ས་དྷུ་ཁ་ཐུཾ་ཏྲི་ས་མ་ཡ་ཛཿཛཿ ས་པ་རི་ཝཱ་ར་ཨཱ་གཙྪ་ཡ་ཨཱ་གཙྪ་ཡ། པྲ་པེ་ཤཱ་ཡ། པྲ་པེ་ཤཱ་ཡ། ཏིཥྛ་ཏིཥྛ། བནྡྷཱ་ཨ་བནྡྷཱ་ཨ། ཨ་ཝ་ལོ་ཀཱ་ཡ་ཨ་ཝ་ལོ་ཀཱ་ཡ། ཨཱ་ཀཱ་ཪྵཱ་ཡ་ཧཱུཾ་ཛཿ རྡོ་རྗེ་བདེན་པའི་སྤྱན་སྔ་རུ། ཁས་བླངས་དམ་བཅས་མ་བསྙེལ་བར། །གྲུ་གསུམ་མཐིང་ནག་དཀྱིལ་འཁོར་འདིར། །བཞུགས་ལ་བཅོལ་པའི་འཕྲིན་(༢ན)

― GLG025_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་མཛོད། མ་ཧཱ་ཀཱ་ལ་ས་པ་རི་ཝཱ་ར་ཏིཥྛ་བཛྲ་ས་མ་ཡ་སྟྭཾ། ཧཱུཾ། བསྟན་པ་བསྲུང་བར་ཞལ་བཞེས་པའི། །ནག་པོ་ལྕམ་དྲལ་འཁོར་བཅས་ལ། །ཛ་གད་བདུད་རྩི་རཀྟ་དང་། དབང་པོའི་མེ་ཏོག་གསུར་ཆེན་སྤོས། །ཞུན་ཆེན་སྒྲོན་མེའི་སྣང་གསལ་དང་། །དམར་ཆེན་མཁྲིས་པའི་དྲིའི་བྱུག་པ། །དམར་ནག་བཤོས་བུ་འབར་བའི་ཟས། །རོལ་མོའི་སྒྲ་དབྱངས་མཆོད་པར་འབུལ། །ཨོཾ་ཤྲཱི་མ་ཧཱ་ཀཱ་ལཱ་ཡ་ས་པ་རི་ཝཱ་ར་ཨརྒྷཾ་ནས་ཤཔྟ་པྲ་ཏཱི་ཙྪ་ཡེ་སྭཱ་ཧཱའི་བར་བརྗོད། ཧཱུཾ། ལྕང་ལོར་བཅས་པའི་དུང་ཆེན་བནྡྷ་རུ། །བྱང་ཆུབ་སེམས་དང་མཾ་ས་རཀྟ་དང་། །དྲི་ཆེན་ཀུ་ཀུ་ཆུ་སྟེ་བདུད་རྩི་ལྔ། །གཉིས་མེད་སྦྱར་བའི་དམ་རྫས་ཨ་མྲི་ཏ། །ནག་པོ་སྟག་ཞོན་འཁོར་དང་བཅས་ལ་འབུལ། །ཨོཾ་ཤྲཱི་མ་ཧཱ་ཀཱ་ལཱ་ཡ་ས་པ་རི་ཝཱ་ར་མ་ཧཱ་པཉྩ་ཨ་མྲི་ཏ་ཁ་རཾ་ཁཱ་ཧི། ཧཱུཾ བདུད་འདུལ་དབང་ཕྱུག་ནག་པོ་འཇིགས་བྱེད་ཆེ། །མ་ཧ་ཀཱ་ལ་རྡོ་རྗེ་འཇིགས་པའི་ཚོགས། ཁམས་གསུམ་སྒྲོལ་གྱིང་ཆེན་པོའི་དངོས་གྲུབ་ནི། །སྒྲུབ་མཆོག་རྣལ་འབྱོར་བདག་ལ་དུས་འདིར་སྩོལ། །ཨོཾ་ཤྲཱི་མ་ཧཱ་ཀཱ་ལཱ་ཡ་ས་པ་རི་ཝཱ་ར་ཀཱ་ཡ་སིདྡྷི་ཨཱོཾ། ཝཱ་ཀ་སིདྡྷི་ཨཱཿ། ཙིཏྟ་སིདྡྷི་ཧཱུཾ། ཧཱུཾ། རླུང་ནག་འཚུབ་མའི་ཀློང་དཀྱིལ་ནས། །མོན་པ་ནག་པོ་བརྡ་མི་འཕྲོད། །མགྱོགས་བྱེད་དཔའ་བོ་སྟག་ལ་ཞོན། །བདུད་བཙན་སྲིན་པོ་མ་མོ་གྱིང་། །ཀླུ་ཡི་ཚོགས་དང་བཅས་པ་ཡི། །(༢བ)

― GLG025_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་པོ་ཆེན་པོ་འཁོར་བཅས་ལ། །དམ་རྫས་རཀྟ་དམར་ཆེན་འབུལ། །བདག་གི་དགྲ་བགེགས་མྱུར་དུ་སྒྲོལ། །ཨཱོཾ་ཤྲཱི་མ་ཧཱ་ཀཱ་ལཱ་ཡ་པ་ས་པ་རི་ཝཱ་ར་མ་ཧཱ་མཾ་ས། མ་ཧཱ་ཙིཏྟ། མ་ཧཱ་ཀེཾ་ནྲྀ་ཏིག་ཁ་ཁཱ་ཧི་ཁཱ་ཧི། ཨོཾ་ཤྲཱི་མ་ཧཱ་ཀཱ་ལཱ་ཡ་ས་པ་རི་ཝཱ་ར་ས་མ་ཡ་སྨ་ར། ས་མ་ཡ་མ་ཏི་ཀྲ་མ། ས་མ་ཡ་རཀྵ་ནཱུ། ཀྱེ། སྟག་ལ་ཞོན་པའི་ནག་པོ་ཆེ། །འཁོར་དང་བཅས་པ་ཁྱེད་རྣམས་ཀྱིས། །ཞི་རྒྱས་དབང་དྲག་ལས་རྣམས་ཀུན། །བཅོལ་བ་ཇི་བཞིན་སྒྲུབ་པར་མཛོད། །ཧཱུཾ། གཏོར་ཚོགས་མི་དམིགས་སྟོང་པའི་ངང་། །ཨེ་ལས་གནམ་ལྕགས་འབྲུབ་ཁུང་ནང་། །ནྲི་དང་ཏྲི་ལས་དགྲ་བགེགས་ཀྱི། །གཟུགས་བརྙན་ཉམ་ཐག་རྣམ་པར་གྱུར། །ནྲི་ཛཿ ཏི་ཛཿབཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུཾ། བཛྲ་སྥོ་ཊ་བཾ། བཛྲ་གྷཎྚེ་ཧོ། བཛྲ་པྲ་བེ་ཤཱ་ཡ་ཕཊ། ཨ་བེ་ཤཱ་ཡ་ཨ། རང་དང་མགོན་པོའི་ཐུགས་ཀ་ནས། །འཕྲོས་པའི་འོད་ཟེར་ལྕགས་ཀྱུ་ཡིས། །གནོད་བྱེད་དམ་ཉམས་དགྲ་བགེགས་ཚོགས། །སྐད་ཅིག་ཙམ་ལ་འདིར་ཁུག་ཅིག །གྲི་གུག་འབར་བས་ཁོག་པར་ཤོགས། །ཚེ་སྲོག་དྲོད་དང་རྣམ་ཤེས་གོ །སྲུང་བ་འབྲུ་གསུམ་རྣམ་པར་ཐོན། །རང་གི་གནས་གསུམདག་ལ་ཐིམ། །ཨོཾ་ཨཱཿཧཱུཾ། ཕོ་ཉའི་ཚོགས་ཀྱི་མཚོན་ཆ་ཡིས། །ཤ་ཁྲག་རུས་པ་དུམ་བུར་གཏུབས། །འབྲུ་གསུམ་གྱིས་མཚན་འོད་ཟེར་གྱིས། །དུག་གསུམ་སྦྱངས་ནས་བདུད་རྩིར་བསྒྱུར། །ཧཱུཾ། ད་ནི་ཁྲོ་བོའི་རྒྱལ་པོ་སྟེ། །ལག་ན་རྡོ་རྗེ་རྡོ་རྗེ་འཆང་། །རྡོ་རྗེའི་ལུས་ལས་རྡོ་རྗེ་འཕྲོས། །ཐམས་ཅད་མ་ལུས་ཟིལ་གྱིས་མནོན། །དེ་ཡི་བཀའ་ཉན་མཐུ་བོ་ཆེ། །ཆོས་སྐྱོང་མགོན་པོ་བསྟན་སྲུང་མགོན། །མ་ཧཱ་ཀཱ་ལ་མཐུ་རྩལ་ཅན། །ཟས་སུ་དགྲ་བོའི་ཤ་ཟ་ཞིང་། །སྐོམ་དུ་དགྲ་བོའི་སྙིང་ཁྲག་འཐུང་། ཁྱོད་ནི་ཤ་ཟ་ཁྲག་འཐུང་སྟེ། །བསྟན་པ་གཉན་པོ་བསྲུང་སླད་དུ། །རྨད་དུ་བྱུང་བའི་གཏོང་མ་དང་། །དགྲ་བོའི་ཤ་ཁྲག་མཆོད་པར་བཞེས། །བཅོལ་(༣ན)

― GLG025_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་འཕྲིན་ལས་མྱུར་དུ་སྒྲུབས། །དམ་ཉམས་དགྲ་འདི་ད་ལྟ་སྒྲོལ། །དུས་ལ་བབ་བོ་ས་མ་ཡ། །ཨོཾ་ཤྲཱི་སོགས། མགོན་པོ་ཡབ་ཡུམ་མོན་པ་དང་བཅས་པའི་སྔགས་སྦྲེལ་པའི་རྗེས་སུ་ས་པ་རི་ཝཱ་ར་སརྦ་བིགྷྣ་ན་ཤ་ཏྲུཾ་མཱ་ར་ཡ་ཨི་དམ་པ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ་གྱིས་དབུལ། ཧཱུཾ། སྲིན་པོའི་གཟུགས་ཅན་མཐིང་ནག་འཇིགས་པའི་སྐུ། །རིན་ཅེན་རྒྱན་དང་མི་མགོའི་དོ་ཤལ་འཕྱང་། །འཇོལ་བེར་གསོལ་ཞིང་གསེར་སྒ་རྐེད་ལ་བཅིངས། སག་ཏིའི་ལྷམ་གསོལ་གར་དགུའི་ཉམས་ཀྱིས་བརྗིད། །ཕྱག་གཡས་བདེ་ཆེན་ལྷ་བདུད་དམག་དཔུང་འགྱེད། །གཡོན་པ་སྙིང་ཁྲག་ཁྲོལ་བའི་ལྕགས་པར་འཛིན། །གཟའ་བདུད་སྟག་ཆེམ་སྨྱོན་པར་སྤྲུལ་བ་ལ། །ཞོན་ནས་སྟོང་གསུམ་སྐད་ཅིག་ཙམ་གྱིས་བསྐོར། །སླད་ཀྱི་རྗེས་འབྲང་སྲོག་བདག་རྒྱལ་པོ་ཆེ། །སེང་གེ་རྔམ་པར་བརྫུས་ནས་ཕྱི་བཞིན་རྒྱུག །ཡེ་ཤེས་མེ་དཔུང་དམར་ནག་དབུས་བཞུགས་པའི། །དཔལ་ལྡན་མ་ཧཱ་ཀཱ་ལ་ཁྱོད་ལ་བསྟོད། །འདོད་ཁམས་བདག་མོ་ཁྲམ་ཤིང་ཐོད་ཁྲག་དང་། །ནད་རྐྱལ་འཛིན་ཞིང་ལྕགས་ཀྱི་དྲེལ་རྟ་ཞོན། །ཐོད་སྦྲུལ་རུས་རྒྱན་མི་ལྤགས་རེ་ལྡེའི་གོས། །དུག་སྦྲུལ་སྐ་རགས་སྤྱི་བོར་རྨ་བྱའི་མདོངས། །ལུས་ལ་ཁྲག་དང་ཞག་གི་ཐིག་ལེས་བརྒྱན། །སྒ་ཡི་སྔ་ཕྱིར་ནད་རྐྱལ་མཚོན་དྲུ་འཕྱང་། །སྣང་སྲིད་མ་མོ་བྱེ་བའི་འཁོར་གྱི་དབུས། །རབ་བཞུགས་མཁའ་འགྲོའི་གཙོ་མོ་ཁྱོད་ལ་བསྟོད། །གཡས་པ་རྩེ་གསུམ་མི་རོས་བརྒྱན་པ་འཛིན། །གཡོན་པ་རུ་མཚོན་འཕྱར་བས་དམག་སྣ་འདྲེན། །དར་ནག་བེར་གྱོན་འཇིགས་རུང་སྐུའི་སྤྲུལ་པ། ཁྲམ་ཐོགས་བདུད་ཀྱི་མོན་པ་ནག་པོར་བསྟོད། །གཡས་པ་མ་ཧེའི་རྭ་དུང་ཆེར་བུས་བས། །ལྷ་འདྲེའི་དམག་སྡུད་གཡོན་པ་ཞགས་པ་ཡིས། །དགྲ་བོའི་(༣བ)

― GLG025_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

སྐེ་འཆིང་བསེ་ཁྲབ་དམར་པོ་གྱོན། །གསུང་སྤྲུལ་སྲོག་གཅོད་བཙན་གྱི་མོན་པར་བསྟོད། །གཡས་པ་ལྕགས་ཀྱི་སྤུ་གྲིས་དགྲ་བགེགས་ཀྱི། ཁོག་པ་གཤོག་ཅིང་གཡོན་པ་སྙིང་དམར་པོ། །གཙོ་བོའི་ཞལ་སྟོབ་མི་ལྤགས་རློན་པ་གྱོན། །སྔོ་ནག་བླ་འགུགས་གྱིང་གི་མོན་པར་བསྟོད། །ཛ་ལ་ནག་པོ་ཕྱག་གཡས་ཐོད་ཁྲག་དང་། །གཡོན་པ་རིན་ཅེན་གཏེར་གྱི་ནེའུ་ལེ་འཛིན། །བར་སྦྲུལ་རྒྱན་ལྡན་རིགས་ངན་ཆ་ལུགས་ཅན། །ཞབས་གཉིས་ནོར་བདག་སེར་པོ་མནན་ལ་བསྟོད། །ཤ་ཟ་ཁྲག་འཐུང་སྙིང་འབྱིན་བླ་འགུགས་དང་། །གཟེར་འདེབས་ཚེ་འཕྲོག་སྲོག་གཅོད་མོན་པ་བདུན། །གྲི་ཐོད་འཛིན་ཅིང་བདུད་དམག་འབུམ་གྱིས་བསྐོར། །སྲོག་གཅོད་ལས་ལ་རྔམ་པ་ཁྱོད་ལ་བསྟོད། །མོན་མོ་ནག་མོ་བདུད་ཀྱང་རང་འདྲའི་འཁོར། །སྟོང་ཁམས་ཁེངས་ཤིང་བྷྱོ་དང་ཛ་སྒྲ་སྒྲོག །ཁྲག་ཐུན་ཟོར་གྱི་དཔུང་ཚོགས་ཆར་ལྟར་འབེབས། །མི་བསྲུན་ནད་བདག་མ་མོའི་ཚོགས་ལ་བསྟོད། །མདོག་ནག་རལ་བ་མུན་གཏིབས་པགས་རློན་གྱོན། ཁྲམ་ཤིང་ཞགས་པ་འཛིན་ཅིང་རྟ་ནག་ཞོན། །སྔ་ཤར་བདུད་ཁྲམ་ཕྱི་ཤར་མི་རོ་བཀལ། །བདུད་མགོན་རི་ནག་སྤུངས་པ་ཁྱོད་ལ་བསྟོད། །སྐུ་ལ་དར་དཀར་རལ་བ་ལྷབ་ལྷུབ་གྱོན། །རྒྱལ་ཞུས་དབུ་མཛེས་འཁོར་ལོ་ཤཀྟི་ཐོགས། །རྟ་དཀར་བྲུམ་དམར་ཞོན་ནས་སྟོང་གསུམ་མྱུལ། །ལྷ་མགོན་རྒྱལ་པོ་འོད་ལྷ་དཀར་པོར་བསྟོད། །འཇིགས་པའི་གཟུགས་ཅན་ཁྲག་རལ་ཐུར་དུ་གཏིབས། །གཡས་པ་རྩེ་གསུམ་གཡོན་པ་ཐོད་ཁྲག་འཛིན། །བསྐལ་པའི་མེ་རླུང་འཁྲུག་པའི་ཀློང་ན་བཞུགས། །གྱིང་མགོན་ལྕགས་ཞ་ནག་པོ་ཁྱོད་ལ་བསྟོད། །དར་དམར་བེར་དང་ཐོད་བཅིངས་བསེ་ཁྲབ་གྱོན། །མདུང་དམར་ཁྲག་གི་བ་དན་བཙན་ཞགས་ཐོགས། །རྟ་དམར་རླུང་གི་ཤུགས་ཅན་སྟེང་ན་ཞོན། །བཙན་མགོན་ཤུ་བོ་ལག་རིང་ཁྱོད་ལ་བསྟོད། །ཟ་འོག་བེར་དང་དར་ཐོད་མཛེས་པར་བཅིངས། །(༤ན)

― GLG025_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་རྩེ་གསུམ་སྟེང་དུ་བྱ་ཁྲ་ལྡིང་། །ར་སྙིང་དམར་པོ་ཐོགས་ནས་སྤྱང་ཀི་ཞོན། །གྱིང་མགོན་རྡོ་རྗེ་ལེགས་པ་ཁྱོད་ལ་བསྟོད། །གདུག་པའི་ཁ་རླངས་སྤྲིན་འཐིབས་སྦྲུལ་ནག་གིས། །གདེངས་ཀ་གཡོ་ཞིང་བྲང་འགྲོའི་མཇུག་མ་ཅན། །སྦྲུལ་གྱི་ཞགས་པ་སྦལ་པའི་རྒྱལ་མཚན་འཛིན། །ཀླུ་མགོན་ནག་པོ་ཁྱོད་ལ་བདག་བསྟོད་དོ། ཁྲག་གི་རལ་པ་འཕྱང་ཞིང་མི་ལྤགས་དང་། །རེ་ལྡེའི་གོས་གྱོན་རྩེ་གསུམ་བ་དན་འཛིན། །མཐིང་ནག་གུར་ཁྱིམ་དུག་མཚོའི་ཀློང་ན་བཞུགས། །མ་མགོན་རྡོ་རྗེའི་སྡེར་ཅན་ཁྱོད་ལ་བསྟོད། །ལུས་ཀུན་མིག་གང་མགོ་དགུ་སྦྲུལ་མཇུག་ཅན། །ཆུ་སྲིན་རྒྱལ་མཚན་རྭ་ཡི་མདའ་གཞུ་ཐོགས། །སྤྲིན་དང་རླུང་ནག་འཚུབ་མའི་ཁྲོད་ན་གནས། །གཟའ་མགོན་ཁྱབ་འཇུག་ཆེན་པོ་ཁྱེད་ལ་བསྟོད། །གཞན་ཡང་ཙན་བེང་ལས་སྤྲུལ་ལྷ་བདུད་དམག །མཁའ་དབྱིངས་འཛིན་མའི་ཁྱོད་ཀུན་རྣམ་པར་གང་། །གཡས་ཀྱི་རུ་འདྲེན་ལྷ་དམག་ཉི་ཁྲི་དང་། །ཆིག་སྟོང་གོ་སྲ་མཚོན་རྣོ་རྟ་མཆོག་ཞོན། །གཡོན་གྱི་རུ་འདྲེན་མ་མོ་བྱེ་བའི་ཚོགས། ཁྲམ་ཤིང་ནད་རྐྱལ་ཐོགས་ནས་དྲེལ་རྟ་ཞོན། །སྔོན་གྱི་སྣ་འདྲེན་ལྷོ་ཕྱོགས་གཤིན་རྗེ་བརྒྱད། །སྟག་གཟིག་དོམ་དྲེད་འཕར་སྤྱང་སྤྲུལ་ནས་རྒྱུག །སླད་ཀྱི་རྗེས་འབྲང་བྱང་གི་གནོད་སྦྱིན་བརྒྱད། །ལྕགས་ཀྱི་བྱ་ཁྲར་སྤྲུལ་ནས་མཁའ་ལ་ལྡིང་། །མདོར་ན་ས་དང་བར་སྣང་མ་ལུས་པ། །ཡོངས་གང་མཐུ་སྟོབས་རྫུ་འཕྲུལ་བསམ་མི་ཁྱབ། །བསྟན་པ་བསྲུང་ཞིང་རྣལ་འབྱོར་སྐྱོང་མཛད་པའི། །དམ་ཅན་འཁོར་ཚོགས་རྒྱ་མཚོའི་ཚོགས་ལ་བསྟོད། །སྟག་ཞོན་མགོན་པོ་འཁོར་བཅས་ཁྱེད་རྣམས་ཀྱིས། །ཁྱབ་བདག་རྡོ་རྗེ་འཆང་ཆེན་གསང་བའི་བདག །པདྨ་འབྱུང་གནས་ཤྲཱིནྟཾ་གརྦྷ་དང་། །གུ་ཧྱ་ཙནྡྲ་རྒྱ་གར་ཁྲག་འཐུང་ནག །སྒེག་པའི་རྡོ་རྗེ་བལ་བོ་ནོར་(༤བ)

― GLG025_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་འཛིན། །གནུབས་ཆེན་སངས་རྒྱས་དྲང་ང་ཀུན་གྲགས་དང་། །ས་བན་འབུམ་གྲགས་སྐྱོ་བན་མཐུ་པོ་ཆེ། །ལྕེ་བཙུན་མདོ་སེར་རོང་པ་རྒྱ་ལོའི་མཚན། །ལྕེ་བཙུན་བློ་ལྡན་བླ་མ་སྲི་བུ་ཆུང་། །རིན་ཅེན་རྒྱལ་མཚན་ཆོས་རྒྱལ་དཔལ་བཟང་པོ། །དཔོན་སྟོན་ཆོས་སྐྱོང་ཕ་རྒོད་སྔགས་འཆང་རྗེ། །ལྡོང་སྟོན་བློ་གསལ་འ་ཞྭ་མཁྱེན་བརྩེའི་དབང་། །བསོད་ནམས་ཆོས་འཕེལ་དབང་ཕྱུག་རབ་བརྟན་རྗེ། །རྡོ་རྗེ་འཆང་དངོས་མགོན་པོ་བསོད་ནམས་དང་། །བཀའ་དྲིན་མཉམ་མེད་ཟུར་ཆེན་ཀུན་དགའི་ཞབས། །རྩ་བརྒྱུད་བླ་མའི་དམ་ཚིག་གཉན་པོ་རྣམས། །ཉེ་བར་དགོངས་ལ་བཅོལ་བའི་འཕྲིན་ལས་མཛོད། ཁྱད་པར་གནུབས་བན་སངས་རྒྱས་ཡེ་ཤེས་ཀྱིས། །འཇམ་དཔལ་གཤིན་རྗེ་ཚེ་བདག་ཟབ་ཆོས་ཀྱི། །གཏེར་གྱི་སྲུང་མར་བསྐོས་ཤིང་གཉེར་གཏད་པ། །མ་གཡེལ་མཐུ་རྩལ་དབྱུང་བའི་དུས་ལ་བབ། །སངས་རྒྱས་བསྟན་དང་འགྲོ་བའི་བདེ་སྐྱིད་བཤིག །གསང་ཆེན་ཐེག་པ་མཆོག་ལ་ལོག་པར་བལྟ། །ཟབ་གཏེར་བདུད་ཀྱིས་བྱས་ཞེས་ཡ་ག་སྒྲོག །ཁྱད་པར་ཕྱག་རྒྱ་ཟིལ་གྱིས་གནོན་པའི་སྐོར། །བལ་ཡུལ་མུ་སྟེགས་ངན་པའི་ཆོས་ཡིན་ཟེར། །རིགས་འཛིན་བདག་ལ་ལྷ་མེད་ཟེར་ནས་བརྙས། །སྲུང་མ་ཁྱོད་ལ་མཐུ་མེད་ཟེར་ནས་སྨོད། །ལོག་པར་འདྲེན་པའི་དམ་ཉམས་དགྲ་བོ་ལ། །མ་རུང་ལྟས་ངན་གྲངས་མེད་ཆར་ལྟར་ཕོབ། །ལོ་ཟླར་མ་འཇོག་སྲོག་ཆོད་བླ་ཚེ་བསྐུམས། །ཤ་རུས་ཚོགས་སུ་རོལ་ཅིག་ཁ་རཾ་ཁཱ་ཧི། །ཐོགས་མེད་འཕྲིན་ལས་སྒྲུབས་ཤིག་ས་མ་ཡ། །ཞེས་འཇམ་དཔལ་ཚེ་བདག་གི་གཏེར་སྲུང་མགོན་པོ་སྟག་ཞོན་གྱི་མཆོད་གཏོར་འབུལ་ཚུལ་བདུད་སྡེ་ཕྱེར་འཐག་ཅེས་པ་འདི་ནི་གཤིན་རྗེ་ཚེ་བདག་ནག་པོའི་གཏེར་སྲུང་གི་གཙོ་བོ་ཞིག་ཏུ་འདུག་པ་བར་སྐབས་སུ་རྒྱུན་ཆད་པ་ལྟ་བུར་སྣང་བ་ལས། གཏེར་སྲུང་གི་གྲལ་དུ་མཆོད་གཏོར་འབུལ་པའི་ཕྱག་ལེན་གྱི་རྒྱུན་ཚུགས་(༥ན)

― GLG025_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ལེགས་པར་མངོན་ཞིང་། དེང་སང་འདི་ལ་རང་གཞན་གྱི་ཆེར་རློམ་མང་པོས་རྗེས་གནང་གི་རྒྱས་འདེབས་བྱས་པའི་རྒྱུན་མ་དག་པའི་ཕུང་པོ་ཆེན་པོ་ཡོང་འདུག་པ་རང་གཞན་བསླུ་བའི་བྱེད་པོར་མཐོང་ནས་ཡིད་བརྟན་མ་བྱས་ཀྱང་། སླར་སྔགས་རྙིང་མའི་ལུགས་མ་ཉམས་བ་ཚར་པ་རྡོ་རྗེ་འཆང་ནས་བརྒྱུད་པའི་སྐོར་ཐོབ་པ་ལ་བརྟེན་ནས་ཟ་ཧོར་གྱི་བནྡེ་ཟིལ་གནོན་དྲག་པོ་རྩལ་གྱིས་རྣམ་པར་རྒྱལ་བའི་ཕན་བདེ་ལེགས་བཤད་གླིང་པ་རྣམས་ཀྱི་རྒྱུན་འཁྱེར་དུ་སྦྱར་བའི་ཡི་གེ་པ་ནི་སུདྷཱི་ཨཱ་ཡུརྡཱིརྒྷའི་མིང་ཅན་ནོ། །

གཙང་རོང་གཏེར་གསར་བླ་མ་ཞི་དྲག་གཉིས་ཀྱི་གཏེར་སྲུང་མཆོད་པའི་འཕྲིན་ལས།

― GLG025_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

གཙང་རོང་གཏེར་གསར་བླ་མ་ཞི་དྲག་གཉིས་ཀྱི་གཏེར་སྲུང་མཆོད་པའི་འཕྲིན་ལས་བཞུགས་སོ། །

― GLG025_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་གསུམ་རིགས་འདུས་འཆི་མེད་ཚེ་ཡི་ལྷ། །འཕྲིན་ལས་དྲག་པོ་ཀརྨ་གུ་རུ་ལ། །གུས་པས་བཏུད་ནས་གང་དེའི་ཟབ་ཆོས་ཀྱི། །གཏེར་སྲུང་མཆོད་པའི་རིམ་པ་འདྲི་བར་བྱ། །དེའང་སྐུ་གསུམ་རིགས་འདུས་མཚོ་སྐྱེས་རྡོ་རྗེ་དང་། ཀརྨ་གུ་རུ་གཉིས་ཀྱི་གཏེར་སྲུང་མཆོད་ཐབས་གཏེར་སྟོན་རིན་པོ་ཆེའི་དུས་ཅུང་ཟད་སྦ་ཚུལ་གནང་བ་རྒྱུན་འབྱམས་སུ་སོང་བའི་ཡི་གེ་སོགས་ཁ་གསལ་མི་འདུག་རུང་། ཀརྨ་གུ་རུ་བསྒྲུབ་པར་འཚུབ་ཆའི་རྣམ་པའང་ཐོ་རེ་ཡོང་འདུག་པ། རིགས་འཛིག་ངག་གི་དབང་པོ་ཡན་ཆད་དུ་སྲུང་མ་ཚོར་ཚོགས་དང་བཅས་ཏེ་མཆོད་པ་མཛད་པ་རྗེས་འཇུག་རྣམས་ཀྱིས་མ་ངེས་པའི་མཆོད་གཏོར་ཆད་སྐྱོན་དུ་འདུག་པས་ཁམ་བུ་ལུང་གི་རོང་བཙན་ཁ་བ་དཀར་པོ་དང་། ཀླུ་མོ་ལྕམ་མོ་འབུམ་བཟའ་གཉིས་ལ་གཏོར་བསྔོས་བྱ་དགོས་གསུང་བ་རྗེ་བླ་མ་པདྨ་དབང་གི་ཞལ་ལས་ཐོས་ཤིང་། ལྷང་ལྷང་གི་བདུད་ལ་གཏོར་མ་ཆད་ན་འཚུབ་ཡོང་བ་ཁོ་བོས་དངོས་སུ་གྲུབ་པས། བདུད་བཙན་ཀླུ་གསུམ་གྱི་མཆོད་གཏོར་འབུལ་བར་བྱེད་པ་ལ། བདུད་ལ་བདུད་བཤོས་ནག་པོ་ཟླུམ་པོ་རྩེ་མོ་ཅུང་ཟད་བཀུག་པ། རོང་བཙན་ལ་བཤོས་ཟུར་གསུམ་དམར་པོ། ཀླུ་ལ་(༢ན)

― GLG025_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

ཀླུ་གཏོར་དཀར་པོ་སྦྲུལ་གྱིས་འཁྱུད་པ། གསུམ་ག་ལ་མཐེབ་སྐྱུས་བསྐོར་བ་མཆོད་པ་སོགས་བཤམས་ཏེ་བྱིན་གྱིས་རློབ་པ་ནི། ཐུགས་ལས་འཕྲོས་པའི་རཾ་ཡཾ་ཁཾ་གསུམ་གྱིས། མཆོད་གཏོར་རྣམས་ཀྱི་མ་དག་བསྲེགས་གཏོར་བཀྲུས། །ཨ་དང་ཨོཾ་ལས་བྷནྡྷ་རིན་ཆེན་སྣོད། །ཤ་ཁྲག་དང་ནི་བདུད་རྩི་ཀླུ་སྨན་གྱུར། །ཨཱོཾ་ཨཱཿཧཱུཾ། སྤྱན་འདྲེན་པ་ནི། ལྷང་ལྷང་མཚམས་ཕུག་གནས་དང་ཁམ་བུ་ལུང་། །གནས་ཆོས་སྲུང་བར་ཨྱོན་ཆེན་པོ་ཡི། །སྤྱན་སྔར་ཁས་བླངས་བདུད་བཙན་ཀླུ་གསུམ་པོ། །ཐོགས་པ་མེད་པར་གནས་འདིར་ད་ཚུར་སྤྱོན། །རུ་ཏྲ་དུང་ཤུ་ལ་ཙནཱ་ག་ཕུཿས་པ་རི་ཝཱ་ར་ས་མཱ་ཛཿ མཆོད་གཏོར་འབུལ་བ་ནི། ཁྲག་གི་ཨརྒྷཾ་དབང་པོའི་མེ་ཏོག་དང་། །ཤ་ཆེན་དུད་པ་ཚུལ་ཆེན་སྣང་གསལ་འབར། །མཁྲིས་པའི་དྲི་ཆབ་ཤ་རུས་ཞལ་ཟས་སྤུངས། །རྐང་གླིང་ཐོད་རྔ་སིལ་སྙན་རོལ་མོའི་ཚོགས། །བཙན་རྟ་དམར་པོ་བདུད་ཀྱི་རྟ་ནག་པོ། །སྒ་སྲབ་ཆས་མཛེས་གོ་མཚོན་དར་ནག་གོས། །སྨན་རཀ་གཏོར་མ་ཕྱི་ནང་ཚོགས་མཆོད་ཀྱིས། །སྟོབས་ལྡན་བདུད་བཙན་གཉིས་ཀྱི་ཐུགས་དམ་བསྐང་། །རྩི་སྨན་དྲི་ལྡན་མཆོད་ཡོན་མེ་ཏོག་བཀྲ། །ཙན་(༢བ)

― GLG025_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

དན་ཛཱ་ཏི་སྤོས་དཀར་དུད་སྤྲིན་འཁྲིགས། །ཤེལ་སོགས་སྣང་གསལ་ཀླུ་སྨན་དྲི་ཆབ་དང་། །རོ་བརྒྱའི་ཞལ་ཟས་སྙན་པའི་སྒྲ་དབྱངས་འཁྲོལ། །དར་ཟབ་རིན་ཆེན་སྐྱེད་ཚལ་ནགས་སྨན་ལྗོངས། །ཆུ་ཀླུང་མཚོ་དང་རུས་སྦལ་རྒྱན་གྱིས་མཛེས། །དཀར་གསུམ་མངར་གསུམ་སྦྱར་བའི་ཚོགས་གཏོར་གྱིས། །ཀླུ་ཆེན་ལྕམ་མོ་འབུམ་བཟའི་ཐུགས་དམ་བསྐང་། །ཨཱོཾ་རུ་དྲ་དུ་རཱ་ཙ་ས་པ་རི་ཝཱ་ར་མ་ཧཱ་བ་ལིཾ་ཏ་ཁ་རཾ་ཁཱ་ཧི། ལན་གསུམ་དང་། གོང་གི་སྔགས་གཤམ་དུ། མ་ཧཱ་པཉྩ་དང་རཀྟའང་སྦྱར་ཏེ་འབུལ། །བཙན་ལ། ཨཱོཾ་ཤུ་ལ་ཙ་རཱ་ཙ་སོགས་ཀྱིས་སྨན་རཀ་གཏོར་གསུམ་དང་། ཀླུ་ལ་ནཱ་ག་ཕུཿརཱ་ཙ་ས་གཏོར་མ་འབུལ། མཐིང་ནག་མི་བསྲུན་བདུད་ཀྱི་གཙོ། །དར་ནག་བ་དན་ཞགས་པ་འཛིན། །མཐིང་ནག་གོས་གྱོན་རྟ་ནག་བཅིབས། །བསྟོད་དོ་བཅོལ་བའི་འཕྲིན་ལས་མཛོད། །སྲོག་གི་གཤེད་པོ་བཙན་རྒོད་ཆེ། །མདུང་དམར་ཞགས་འཛིན་རྟ་དམར་ཞོན། །བསེ་ཁྲབ་བསེ་རྨོག་གྱོན་ཞིང་རྔམས། །བསྟོད་དོ་བཅོལ་བའི་འཕྲིན་ལས་མཛོད། །ཀླུ་མོ་དཀར་སྔོ་རུས་སྦལ་བཅིབས། །དར་གྱི་ན་བཟའ་མཛེས་པར་གསོལ། །རིན་ཆེན་ནོར་བུ་བུམ་པ་འཛིན། །བསྟོད་དོ་བཅོལ་བའི་འཕྲིན་ལས་མཛོད། །བཛྲ་མུཿས་གཤེགས་སུ་གསོལ། གཙང་རོང་གཏེར་གསར་བླ་མ་ཞི་དྲག་གཉིས་ཀྱི་གཏེར་སྲུང་མཆོད་པའི་འཕྲིན་ལས་འདི་ནི། ཞང་སྣ་ནམ་པ་རྡོ་རྗེ་བདུད་འཇོམས་ཀྱི་སྤྲུལ་པའི་ཟློས་གར་བློ་བཟང་པདྨ་འཕྲིན་ལས་ཀྱི་གསུང་གིས་བསྐུལ་བ་དང་དུ་བླངས་ཏེ་ཟ་ཧོར་གྱི་སྔགས་སྨྱོན་ཟིལ་གནོན་དྲག་རྩལ་གྱིས་དགའ་ལྡན་ཕོ་བྲང་དུ་སྦྱར། །སརྦ་མངྒ་ལཾ།

སྤྲུལ་པའི་ཆོས་རྒྱལ་ཆེན་པོའི་མདོས་ཀྱི་གྱེར་གཞུང་བསམ་དོན་ལྷུན་གྲུབ།

― GLG025_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་པའི་ཆོས་རྒྱལ་ཆེན་པོའི་མདོས་ཀྱི་གྱེར་གཞུང་བསམ་དོན་ལྷུན་གྲུབ་བཞུགས།

― GLG025_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུཾ། གདོད་ནས་དག་པ་ཀ་དག་ཆོས་ཀྱི་སྐུ། །ལྷུན་གྲུབ་ཞི་ཁྲོའི་ཟློས་གར་ལོངས་སྤྱོད་རྫོགས། །ཐུགས་རྗེ་སྤྲུལ་པའི་རྣམ་རོལ་པདྨ་འབྱུང་། །སྐུ་གསུམ་དབྱེར་མེད་དངོས་གྲུབ་སྩལ་དུ་གསོལ། །བསྐལ་བ་དང་པོར་བདུད་དང་ཀླུ་ཡི་སྲས། །མཐུ་སྟོབས་དབང་ཕྱུག་དགེ་བསྙེན་ཆེན་པོར་གྲགས། །བར་གྱི་བསྐལ་བར་བྷ་ཏ་ཧོར་ཡུལ་དུ། །སྒོམ་གྲའི་དཀོར་སྲུང་རྒྱལ་པོ་པེ་ཧ་ར། །ཐ་མའི་དུས་སུ་བོད་ཡུལ་གངས་ཅན་འདིར། །ཆོས་འཁོར་མ་ལུས་སྐྱོང་བའི་སྲུང་མ་ཆེ། །སྤྲུལ་པའི་ཆོས་རྒྱལ་ཆེན་པོ་འཁོར་བཅས་ལ། །དགྱེས་པ་སྐྱེད་པར་བྱེད་པའི་མཆོད་པ་ནི། །རིན་ཅེན་ཤེལ་དཀར་བཻཌཱཪྻ་སྔོན་པོ། །པདྨ་རཱ་ག་གསེར་ལས་གྲུབ་པ་ཡི། །རི་རབ་ལྷུན་པོ་བང་རིམ་བཞི་ཡི་སྟེང་། །ཕོ་བྲང་སྐུ་མཁར་རྒྱ་ཕུབས་ལྕོག་གིས་མཛེས། ཁོར་ཡུག་སྲ་བརྟན་ལྕགས་རིས་ཡོངས་སུ་བསྐོར། །ནང་དུ་ལྷ་དང་མི་ཡི་འདོད་ཡོན་ནི། །ཕུན་ཚོགས་ངོ་མཚར་རྒྱ་མཚོས་ཡོངས་གང་བ། །སྤྲུལ་པའི་ཆོས་རྒྱལ་འཁོར་བཅས་རྟེན་དུ་འབུལ། །བསྟན་འགྲོའི་ཕན་བདེ་བླ་མའི་སྐུ་ཚེ་སྤེལ། །སྔགས་འཆང་བདག་གིས་བཅོལ་བའི་དོན་རྣམས་ཀུན། །(༢ན)

― GLG025_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

འབད་མེད་ལྷུན་གྱིས་གྲུབ་པའི་འཕྲིན་ལས་མཛོད། །སྟེང་ན་འཇའ་ཚོན་ལྟར་བཀྲ་གདུགས་དང་ཏོག །སྒྲོ་ཕོད་ཡུངས་ཀར་གང་བཟང་དག་གིས་མཚན། །དར་གྱི་འཕན་དང་ཅོད་པན་ལྷབ་ལྷུབ་གཡོ། །ནམ་མཁའ་རྒྱང་བུ་སྤེལ་མར་ཚར་དུ་དངར། །ཆུ་གཉིས་ཉེར་སྤྱོད་ལྔ་དང་རོལ་མོའི་ཚོགས། །འདོད་ཡོན་སྣ་ལྔ་སྲ་བརྟན་རྡོ་རྗེའི་གོ །རྣོ་བའི་མཚོན་ཆ་ཞྭ་ཕོད་སག་ཐེབ་དང་། །རིན་ཅེན་རུས་རྒྱན་པགས་པའི་རྒྱལ་མཚན་ཚོགས། །སྤྲུལ་པའི་ཆོས་རྒྱལ་འཁོར་བཅས་རྟེན་དུ་འབུལ། །བསྟན་འགྲོའི་ཕན་བདེ་བླ་མའི་སྐུ་ཚེ་སྤེལ། །སྔགས་འཆང་བདག་གིས་བཅོལ་བའི་དོན་རྣམས་ཀུན། །འབད་མེད་ལྷུན་གྱིས་གྲུབ་པའི་འཕྲིན་ལས་མཛོད། །རྟ་ལུག་བྱ་ཁྱི་བྱི་བ་ར་དཀར་དང་། །སྤྲེའུ་སེང་གེ་སྟག་གཟིག་དོམ་དྲེད་གུང་། །འདབ་ཆགས་སྣ་ཚོགས་གླང་ཆེན་རྟ་གཡག་དྲེལ། །ཕུན་ཚོགས་འདོད་ཡོན་ཁུར་བའི་ཁལ་མ་དང་། །སྨྱུག་རྒོད་རྩེ་རྒྱལ་བྱ་དཀར་གསོབ་ཀྱི་ནང་། །རིན་ཅེན་གའུར་གསང་བའི་སྲོག་འཁོར་དང་། །སྟག་གཟིག་རས་མ་སྣམ་རས་དཀར་དམར་སྔོ། ཁ་དོག་ལྔ་ལྡན་རྔ་མའི་ཆུན་པོ་རྣམས། །སྤྲུལ་པའི་ཆོས་རྒྱལ་འཁོར་(༢བ)

― GLG025_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་རྟེན་དུ་འབུལ། །བསྟན་འགྲོའི་ཕན་བདེ་བླ་མའི་སྐུ་ཚེ་སྤེལ། །སྔགས་འཆང་བདག་གིས་བཅོལ་བའི་དོན་རྣམས་ཀུན། །འབད་མེད་ལྷུན་གྱིས་གྲུབ་པའི་འཕྲིན་ལས་མཛོད། །ཕུན་ཚོགས་རོ་བརྒྱའི་དཔལ་ལྡན་གཏོར་མ་དང་། །སྡེ་བརྒྱད་བཤོས་བུ་འབྲུ་དར་སྨན་སྣ་ཤ །ཕོ་གདོང་མོ་གདོང་ཤིང་གྲི་ཡུལ་མཁར་རིས། །ཕུང་ཁམས་སྐྱེ་མཆེད་ཚང་བའི་ངར་གླུད་མཛེས། །བདུད་རྩིའི་གསེར་སྐྱེམས་འཕྱི་བའི་ཤ་ཚིལ་གསུར། །ཤ་ཆེན་སྤོས་དཀར་དུད་པ་མདའ་དར་ལྔ། །བཀྲ་ཤིས་རྟགས་བརྒྱད་རྒྱལ་སྲིད་རིན་ཅེན་བདུན། །ཕྱི་ནང་གསང་བའི་མཆོད་པ་དམ་པ་འདི། །སྤྲུལ་པའི་ཆོས་རྒྱལ་འཁོར་བཅས་རྟེན་དུ་འབུལ། །བསྟན་འགྲོའི་ཕན་བདེ་བླ་མའི་སྐུ་ཚེ་སྤེལ། །སྔགས་འཆང་བདག་གིས་བཅོལ་བའི་དོན་རྣམས་ཀུན། །འབད་མེད་ལྷུན་གྱིས་གྲུབ་པའི་འཕྲིན་ལས་མཛོད། །ཆོས་སྐྱོང་རྒྱལ་པོ་སྡེ་ལྔ་འཁོར་བཅས་རྣམས། །རྟེན་ལས་མི་གཡོ་དམ་ལས་མ་འདའ་བར། །སངས་རྒྱས་བསྟན་དང་དགེ་འདུན་སྡེ་རྣམས་སྐྱོངས། །རྡོ་རྗེའི་སློབ་དཔོན་སྐུ་ཚེ་འཕྲིན་ལས་སྤེལ། །གངས་ཅན་བོད་ཀྱི་ཡུལ་འདིར་མི་ཕྱུགས་ནད། །འཐབ་རྩོད་མུ་གེ་ཉེར་འཚེ་ཀུན་ཞི་ཞིང་། །ལུགས་གཉིས་ཁྲིམས་ཀྱིས་འགྲོ་བ་མ་ལུས་པ། །བདེ་ཞིང་སྐྱིད་པའི་དཔལ་ལ་སྤྱོད་པར་མཛོད། ཁྱད་པར་རིགས་འཛིན་བདག་གི་ནད་གདོན་བགེགས། །ཞི་ཞིང་ཚེ་དང་བསོད་ནམས་དཔལ་འབྱོར་རྒྱས། ཁམས་གསུམ་དབང་སྡུས་བརྣག་པའི་དགྲ་བགེགས་རྣམས། །མྱུར་དུ་སྙིང་ཁྲག་དྲོན་མོ་ཞལ་དུ་གསོལ། །མདོར་ན་རྒྱལ་དབང་པདྨ་ཉང་རལ་ཞབས། །རྒོད་ལྡེམ་ལེགས་ལྡན་རྗེ་དང་དབང་པོའི་སྡེ། ཁྱབ་བདག་བླ་མའི་དམ་ཚིག་ཉེར་དགོངས་ལ། །བསམ་དོན་ལྷུན་གྱིས་གྲུབ་པའི་དགེ་ལེགས་མཛོད། །ཅེས་མདོས་རྒྱུན་འཁྱེར་(༣ན)

― GLG025_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་དུ་འཁྱེར་བདེ་བ་འདི་ནི་གནས་ཆུང་ལྕོག་ཏུ་རྟེན་མདོས་གསར་དུ་བཙུགས་སྐབས། ཆོས་སྐྱོང་ཆེན་པོས་འདི་ལྟ་བུ་བགྱིས་ཞེས་བཀས་བསྐུལ་བ་ལྟར། ཟ་ཧོར་གྱི་བནྡེས་བགྱིས་ཡི་གེ་པ་ནི་སྔགས་བན་ངག་དབང་འཕྲིན་ལས་སོ། །

བྱེས་ཆས་ཀེ་ཏུའི་ལས་བྱང་ངག་བསྒྲིགས་དགྲ་སྲོག་གཅོད་པའི་སྤུ་གྲི།

― GLG025_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེས་ཆས་ཀེ་ཏུའི་ལས་བྱང་ངག་བསྒྲིགས་དགྲ་སྲོག་གཅོད་པའི་སྤུ་གྲི་བཞུགས་སོ། །

― GLG025_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་ཀུན་གྱི་སྐུ་གསུང་ཐུགས་རྡོ་རྗེ། །གཅིག་བསྡུས་རྒྱལ་དབང་པདྨ་འབྱུང་གནས་དང་། །དབྱེར་མེད་དྲིན་ཅན་བླ་མའི་ཞབས་བཏུད་ནས། །བྱེས་ཆས་ཀེ་ཏུའི་ངག་འདོན་ཁྲིགས་སུ་སྡེབ། །བྱེས་ཆས་ཀེ་ཏུ་སྒྲུབ་པར་བྱེད་པ་ལ་མཆོད་གཏོར་དམ་རྫས་འཁོར་ལོ་སོགས་གཏེར་གཞུང་དང་མན་ངག་ལྟར་མངོན་པར་འདུ་བྱས་ནས་རོལ་མོ་དབྱངས་དང་བཅས་པས་འདི་སྐད་དོ། །ཆོས་ཀུན་མི་དམིགས་སྟོང་པའི་ངང་ཉིད་ལས། །མདུན་དུ་རིན་ཆེན་སྣ་ཚོགས་ལས་གྲུབ་པའི། །སྐུ་མཁར་རྒྱ་ཕུབས་ལྕགས་རི་ལྕོག་གིས་མཛེས། །ནང་དུ་ཐོད་པ་སྐམ་རློན་རབ་བརྩེགས་པར། །སྣ་ཚོགས་རུས་པའི་གདུང་མ་དྲལ་ལྕམ་ལ། །ཤ་ལྔ་བདུད་རྩི་ལྔ་ཡིས་ཐོག་ཞལ་བྱས། །མི་མགོའི་ཏོག་དང་ཞིང་ལྤགས་རྒྱལ་མཚན་འཕྱར། །ནང་ཁྲོལ་རྒྱུ་མ་དུག་སྦྲུལ་དྲ་ཕྱེད་འཕྱང་། །ཤ་རུས་སྤུངས་ཤིང་ཁྲག་གི་ཞིམ་ཆུ་འབབ། །བཟོད་དཀའ་འཇིགས་རུང་གཞལ་ཡས་ཁང་གི་དབུས། །རིན་ཆེན་རུས་པ་བཾ་རོ་གསར་རྙིང་རྣམས། །ཕན་ཚུན་བསྣོལ་ཞིང་བརྩིགས་པའི་ཁྲི་སྟེང་དུ། །བསྟན་སྲུང་སྤྲུལ་པའི་ཆོས་རྒྱལབྱེས་ཆས་ནི། །རྣམ་པ་ཞི་ཁྲོའི་ཉམས་ལྡན་ཅུང་ཟད་འཛུམ། །(༢ན)

― GLG025_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དུ་དགྲ་ལ་ཁྲོ་ཞིང་གཏུམ་རྔམས་ཅན། །ཞལ་གཅིག་ཕྱག་གཉིས་ཆ་ལུགས་རབ་བྱུང་ཚུལ། །གཡས་པ་ཤེལ་ཕྲེང་གཡོན་པ་རྩེ་གསུམ་འཛིན། །དབུ་ལ་བསེ་ཞུ་ཞབས་ལ་སག་ལྷམ་གསོལ། །ཞབས་གཉིས་མཉམ་པའི་སྟབས་ཀྱིས་རབ་བཞེངས་པའི། །གར་དགུའི་ཉམས་ཀྱིས་རྣམ་པར་རོལ་བ་ལ། །གསང་བའི་ཡུམ་ཆེན་འཇིགས་རུང་བློན་པོ་དང་། །དགེ་སློང་འཁར་གསིལ་སྔགས་ནག་ཕུར་བུ་ཐོགས། །བདུད་མོ་ནག་མོ་སྟག་ཤར་གོ་མཚོན་ཅན། །ན་ཆུང་མོན་མོ་སྨན་བཙུན་ཨ་ཙ་ར། །སྤྲེའུ་འབག་སེང་གར་འཆམས་ལ་སོགས་པ། །སྣང་སྲིད་དྲེགས་པ་སྡེ་བརྒྱད་དམག་ཚོགས་དང་། །འཁོལ་པོ་ཡང་འཁོལ་བྲན་གཡོག་མངག་གཞུག་བཅས། །ས་དང་བར་སྣང་གང་བས་བསྐོར་བར་གྱུར། །རང་ཉིད་ལྷར་གསལ་སྤྱི་གཙུག་གདན་སྟེང་དུ། །རིགས་འཛིན་སློབ་དཔོན་པདྨ་ཐོད་ཕྲེང་རྩལ། །ཞ་ཁྲའི་ཉམས་ལྡན་དཔའ་བོ་མཁའ་འགྲོས་བསྐོར། །ལྷ་སྲིན་དབང་དུ་སྡུད་པའི་རྣམ་འགྱུར་ཅན། །བདག་ཉིད་ཡི་དམ་ཐུགས་ཀའི་ས་བོན་ལས། །འོད་འཕྲོས་བསམ་ཡས་གཙུག་ལག་ཁང་ཆེན་དང་། །དགུང་སྔོན་མཐོན་པོ་ལ་སོགས་གནས་(༢བ)

― GLG025_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ནས། །ཚུར་སྤྱོན་དམ་ཚིག་པ་དང་གཉིས་མེད་གྱུར། །མ་ཧཱ་རཱ་ཛ་བཛྲ་ས་མ་ཡ་ཛཿ ས་མ་ཡ་ཏི་ཥྛ་ལྷན། མཆོད་འབུལ་ནི། མ་ཧཱ་རཱ་ཛ་ཨརྒྷཾ་ནས་ཤཔྟའི་བར་གྱིས་མཆོད། མ་ཧཱ་རཱ་ཛ་ས་པ་རི་ཝཱ་ར་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། མ་ཧཱ་རཀྟ། མ་ཧཱ་བྷ་ལིཾ་ཏ། བཤགས་པ་ནི། བླ་མ་ཡི་དམ་བསྟན་སྲུང་དགོངས་སུ་གསོལ། །བདག་ཅག་མ་རིག་འཁྲུལ་བའི་དབང་གྱུར་ཏེ། །གསང་སྔགས་སྤྱི་ཡི་དམ་ཚིག་ཉམས་པ་དང་། ཁྱད་པར་སྤྲུལ་པའི་ཆོས་རྒྱལ་ཆེན་པོ་ཡི། །སྐུ་གསུང་ཐུགས་དང་འགལ་བ་ཅི་མཆིས་པ། །སྙིང་ནས་བཤགས་སོ་འཕྲིན་ལས་མ་ལུས་སྒྲུབས། །གསོལ་ཞིང་བསྐང་བ་ནི། ཆོས་རྒྱལ་འཁོར་བཅས་སྤྱན་ལམ་དུ། ཁྲག་གི་ཨརྒྷཾ་མཚོ་ལྟར་བསྐྱིལ། །དབང་པོའི་མེ་ཏོག་འཇའ་ལྟར་བཀྲ །ཤ་ཆེན་དུད་པ་སྤྲིན་ལྟར་འཐུལ། །ཞུན་ཆེན་མར་མེ་ཉི་ལྟར་གསལ། །ཞག་གི་དྲི་ཆབ་རྦ་རླབས་འཁྲུག །ཤ་རུས་ཞལ་ཟས་རི་ལྟར་སྤུངས། །སྙན་བརྗིད་རོལ་མོ་ཆེམས་སེ་ཆེམ། །གར་འཆམས་ཟློས་གར་ཤིགས་སེ་ཤིག །སྙན་པའི་གླུ་ལེན་ཀྱུར་རུ་རུ། །ཅང་ཤེས་རྟ་མཆོག་འདུར་ཞིང་རྒྱུག །འབྲོང་གཡག་སྟོབས་ལྡན་ངར་ཞིང་འཕྱོ། །ཤེལ་དཀར་ལུག་ནི་དལ་བུར་རྒྱུ། །འདབ་ཆགས་སྣ་ཚོགས་མཁའ་ལ་ལྡིང་། ཁྱི་དང་ཅེ་སྤྱང་མང་པོ་འདུར། སྟག་སེང་གླང་པོ་སྣ་ཚོགས་འགྱིང་། །རྡོ་རྗེའི་གོ་ཆ་འོད་དུ་འཚེར། །རྣོ་ངར་མཚོན་ཆ་མཁའ་ལ་ཟིང་། །ཞྭ་ནག་ཕོད་ཀ་རུས་རྒྱན་དང་། །སྣམ་སྦྱར་འཁར་གསིལ་བསླང་བའི་སྣོད། །འཕྱི་བའི་ཤ་དང་དོན་སྣོད་ལྔ། ཁྲག་དང་རུས་པ་པགས་པའི་ཚོགས། །སྨན་རཀ་གཏོར་མ་གསེར་སྐྱེམས་སོགས། །ཆོས་རྒྱལ་བྱེས་ཆས་ཀེ་ཏུའི་དང་། །གསང་ཡུམ་བློན་པོ་འཁོར་(༣ན)

― GLG025_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་རྣམས། །དགྱེས་པ་བསྐྱེད་ཕྱིར་གསོལ་ཞིང་མཆོད། །ཐུགས་དམ་སྐོངས་ལ་ལས་ཀུན་སྒྲུབས། །རྒྱས་པར་བྱེད་ན་གཏེར་གཞུང་གི་གསོལ་མཆོད་རྣམས་ཀྱང་སྐབས་འདིར་བྱའོ། །བསྟོད་པ་ནི། སྣ་ཚོགས་མ་ངེས་སྐུ་ཡི་རྣམ་འགྱུར་ནི། །གྲངས་མེད་འཕྲིན་ལས་བསྒྲུབ་ཕྱིར་སྟོན་མཛད་པའི། །རིགས་འཛིན་ཡོངས་ཀྱི་དགྲ་ལྷ་མཐུ་རྩལ་ཅན། །སྤྲུལ་པའི་ཆོས་རྒྱལ་ཆེན་པོར་བདག་བསྟོད་དོ། །སྙན་བརྗིད་དྲག་སོགས་གསུང་གིས་ས་གསུམ་འགེང་། །རབ་གསལ་ཐུགས་ཀྱིས་དུས་ཀུན་གསལ་བར་གཟིགས། །དཔག་བསམ་ཤིང་ལྟར་འདོད་པའི་རེ་བ་སྐོང་། །ཐུབ་བསྟན་ཡོངས་ཀྱི་སྲུང་མར་བདག་བསྟོད་དོ། །རྣལ་འབྱོར་དྲོད་མྱུལ་དགྲ་བགེགས་སྲོག་རྩ་གཅོད། །འཕྲིན་ལས་ཀུན་བསྒྲུབ་རྒྱལ་པོ་པེ་ཧ་ར། །དགྱེས་དགུར་སྤྱོད་པའི་ཡུམ་དང་བློན་པོ་སོགས། །བཀའ་སྡོད་དྲེགས་པའི་ཚོགས་ལ་བདག་བསྟོད་དོ། །བསྙེན་པ་ནི། རང་ཉིད་ལྷར་གསལ་སྤྱི་བོར་རིགས་ཀྱི་བདག །པདྨ་འབྱུང་གནས་གསལ་བཏབ་རང་ཉིད་ཀྱི། །ཐུགས་ལས་འོད་འཕྲོས་མདུན་གྱི་ཐུགས་རྒྱུད་བསྐུལ། །དཀར་སེར་དམར་ནག་མདངས་ལྡན་རྒྱལ་པོའི་ཚོགས། །སྤྲོས་ཏེ་ནད་གདོན་ཞི་ཞིང་ཚེ་དཔལ་རྒྱས། ཁམས་གསུམ་དབང་བསྡུས་གནོད་བྱེད་དགྲ་བགེགས་བསྒྲལ། །རྒྱལ་པོ་རང་གི་དབང་དུ་འདུས་ནས་ནི། །འཕྲིན་ལས་གང་བཅོལ་ཐོགས་མེད་བསྒྲུབ་པར་གྱུར། །ཨཱོཾ་རཱ་ཛ་དུ་ན་ལིང་སྭཱ་ཧཱ། དེ་ནས་ཞག་གསུམ་གྱི་རིང་འདི་ལྟར་བྱའོ། །ཨེ་མ་མི་བཟད་བཙོན་ཁང་འབར་བའི་གྲུ་གསུམ་ནང་། །ཏྲི་ལས་སྒྲུབ་པ་བྱེད་པའི་སྒབ་འདྲེ་ནི། །གནོད་སྦྱིན་བྲེ་དོ་བྱ་མགོ་མི་གཟུགས་ཅན། །ཡན་ལག་ལྕགས་སྒྲོག་བསྡམས་(༣བ)

― GLG025_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གན་རྐྱལ་གྱུར། །རང་གི་ཐུགས་ནས་སྤྲུལ་པ་དཔག་མེད་སྤྲོས། །ལྕགས་ཀྱུས་བཟུང་ལ་ཞགས་བསྡམས་ལྕགས་སྒྲོག་བཅིངས། །དྲིལ་བུས་མྱོས་ཏེ་སྐད་ཅིག་ཙམ་ཉིད་ལ། །གནོད་བྱེད་བཀུག་སྟེ་བྱང་བུའི་གཟུགས་སུ་བསྟིམ། །ཨཱོཾ་ཨ་ཏྲི་དུན་ཏྲི་མཱ་ར་ཡ་ཁུག །སྒྲུབ་པ་ལ་བར་གཅོད་བྱེད་པའི་གནོད་བྱེད་ཐམས་ཅད་མཱ་ར་ཡ་ནན་ནན། །སྟཾ་བྷ་ཡ་ནན། ཛ་ཛ་ནན། སྔགས་བཟླ་ཐུན་བརྡེག་མཇུག་ཏུ་མནན་པ་བྱའོ། །བསྒྲུབ་པའི་འཛབ་བཟླ་བ་ནི། རང་ཉིད་པད་སྡོང་ཉི་ཟླའི་གདན་སྟེང་དུ། །པདྨ་ཐོད་འཕྲེང་ཁྲོ་ཆགས་ཞི་བའི་ཉམས། །ཕྱག་གཡས་རྡོ་རྗེ་གཡོན་པ་ཐོད་པ་འཛིན། །གཡོན་གྱི་གྲུ་མོའི་ཁ་ཊྭཱཾ་ག་ཡིས་མཚན། །པཎ་ཞུ་ཆོས་གོས་དར་ནག་གསང་གོས་དང་། །ཟབ་ཆེན་བེར་གསོལ་གསལ་སྟོང་བདེ་བའི་ཉམས། །ཐུགས་ནི་ཆུ་ཤིང་འབྲས་བུ་འདྲ་བ་དེ། །རྣམ་པ་པད་སྟོང་འདབ་མ་བརྒྱད་པའི་དབུས། །ཡེ་ཤེས་སེམས་དཔའ་པདྨ་ཐོད་ཕྲེང་རྩལ། །རང་འདྲ་མཐེ་བོང་ཙམ་དུ་གསལ་བ་ཡི། །ཐུགས་ཀའི་ས་བོན་དག་ལས་འོད་ཟེར་འཕྲོས། །མདུན་གྱི་རྒྱལ་པོ་འཁོར་བཅས་ཐུགས་རྒྱུད་བསྐུལ། །ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་དང་། །རྣོ་བའི་མཚོན་ཆ་ནད་ཀྱི་རྐྱལ་པ་སོགས། །གྲངས་མེད་ཐོགས་པའི་གཙོ་འཁོར་དཔག་མེད་སྤྲོས། །དགྲ་བོའི་བླ་ཚེ་འགུགས་དང་གསོད་པ་དང་། །ནད་གདོན་བར་ཆད་ཉེར་འཚེ་ཆར་ལྟར་གཏོང་། །རྒྱ་གར་མོན་པ་སྤྲ་དང་སྤྲེའུ་སོགས། །ཐན་བྱ་ལ་སོགས་ལྟས་ངན་ཆུ་ལྟར་རྒྱུག །མདོར་ན་དགྲ་བགེགས་ཐལ་བའི་རྡུལ་བཞིན་དུ། །བརླག་པའི་འཕྲིན་ལས་མ་ལུས་མཛད་པར་གྱུར། །ཨཱོཾ་རཱ་ཛ་དུན་ལིང་། །ཤནྟིཾ་ནན་རྦད། ཀུས་ཐོབ། འུར་རྡོ་འཕོངས། རྡོ་ཆར་ཕོབ། (༤ན)

― GLG025_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

རང་འཐག་སྟོང་འཁོར་གྱིས། ཨི་ཨ་ལི་ལའི་སྒྲ་ཐོང་། ངའི་ནོར་སྙོགས། ཞེས་མན་ངག་ལྟར་བཟླས་པ་བྱའོ། །བསྐུལ་ཞིང་འཕྲིན་ལས་བཅོལ་བ་ནི། སྤྲུལ་པའི་ཆོས་རྒྱལ་འཁོར་དང་བཅས་པ་རྣམས། །སློབ་དཔོན་པདྨ་གནུབས་བན་ནས་བརྒྱུད་དེ། །གནམ་ལྕགས་མེ་འབར་ཆོས་རྒྱལ་ཕུན་ཚོགས་རྗེ། །བཀྲ་ཤིས་སྟོབས་རྒྱལ་ངག་གི་དབང་པོའི་དཔལ། །རྩ་བའི་བླ་མ་པདྨ་བཛྲ་སོགས། །དངོས་བརྒྱུད་བླ་མའི་དམ་ཚིག་ཉེར་དགོངས་ལ། །རིགས་འཛིན་སྔགས་འཆང་བདག་དང་སྦྱིན་པའི་བདག །བསྟན་པ་སྲིད་སྡེར་བཅས་པ་མཐའ་དག་གི །ནད་གདོན་བར་ཆད་ཉེར་འཚེ་ཞི་བ་དང་། །ཚེ་དང་བསོད་ནམས་དཔལ་འབྱོར་ཀུན་རྒྱས་ཤིང་། །མི་ནོར་ཟས་གསུམ་མ་ལུས་དབང་དུ་སྡུས། ཁྱད་པར་སྔ་དགྲ་ལག་དར་ཕྱི་དགྲ་སེམས། །དེ་དགྲ་གནོད་བྱེད་དུག་མཚོན་མཐུ་གཏེར་དང་། །དམག་སོགས་སྦྱོར་བ་གཤོམ་པའི་དགྲ་བགེགས་ཀུན། །སྟེང་འོག་ཕྱོགས་སུ་མཚམས་གང་ན་གནས་ཀྱང་རུང་། །བླ་སྲོག་ཚེ་གསུམ་མྱུར་དུ་ཞལ་དུ་ཐོབ། །སྙིང་ཁྲག་འཐུང་ལ་བདུན་བརྒྱུད་རྩད་ནས་ཆོད། །རྗེས་མེད་ཐལ་བ་རླུང་ལ་བསྐུར་བྱས་ནས། །མངོན་སྤྱོད་དྲག་པོའི་འཕྲིན་ལས་སྒྲུབ་པར་མཛོད། །དེ་ནས་བསྒྲལ་པ་ནི། ཨེཿ མདུན་དུ་ལྕགས་བསྲེགས་འབར་བའི་ས་གཞིའི་ནང་། །བཙོན་ཁང་གྲུ་གསུམ་བང་རིམ་དགུ་པ་ཅན། །མེ་འབར་རླུང་འཁྲུག་མུན་ནག་ཆེས་ཆེར་གཏིབས། །གསོད་གཅོད་སྒྲ་སྒྲོག་དུག་ནད་རླངས་པ་འཐུལ། །ཐར་མེད་ལས་ཀྱི་འབྲུབ་ཁུང་ནག་པོའི་དབུས། །ནྲྀ་ལས་དམིགས་བྱའི་དམ་ཉམས་དགྲ་བོ་གང་། །ཉམ་ཆུང་བུ་ག་དགུ་ནས་སྣག་ཁྲག་འཛག །གནོད་བྱེད་ཐམས་ཅད་འདུས་པའི་བདག་ཉིད་ཅན། །(༤བ)

― GLG025_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

ཡན་ལག་ལྕགས་སྒྲོག་གིས་བསྡམས་གན་རྒྱལ་གྱུར། །རྩ་བ་གསུམ་གྱི་བྱིན་རླབས་ནུས་མཐུ་དང་། །བསྟན་སྲུང་སྤྲུལ་པའི་རྒྱལ་པོ་པེ་ཧ་ར། །གསང་ཡུམ་བློན་པོ་འཁོལ་པོ་ཡང་འཁོལ་སོགས། །དྲེགས་པ་སྡེ་བརྒྱད་དམག་ཚོགས་ནུས་མཐུ་ཡིས། །བསྟན་དང་འགྲོ་ལ་འཚེ་བ་སྤྱི་ཡི་དགྲ །རྣལ་འབྱོར་བདག་ལ་བསྡོ་བ་སྒོས་ཀྱི་དགྲ །བླ་མའི་སྐུ་དགྲ་ཞིང་བཅུ་ཚང་བ་དང་། །གཟུགས་བྱང་མིང་ནས་བཏབ་པའི་དགྲ་བོ་འདི། །སྲིད་རྩེ་མནར་མེད་བར་དུ་གར་འདུག་ཀྱང་། །ལྕགས་ཀྱུས་ཁུག་ལ་ཞགས་པས་སྐེ་ནས་ཆིངས། །ལྕགས་སྒྲོག་གིས་སྡོམས་དྲིལ་བུས་མྱོས་བྱས་ནས། །ལིངྒ་འདི་ལ་ད་ལྟ་ཉིད་དུ་ཁུག །བླ་འགུགས་དང་ལྷ་དབྱེའི་སྔགས་བཟླ། པེ་ཧར་ཁྲོས་པ་སྐུ་སྟོད་སྲིན་པོའི་གཟུགས། །སྐུ་སྨད་གནམ་ལྕགས་ཕུར་བུ་སྙིང་ག་ལ། །བཏབ་པས་སྲོག་བཅད་རྣམ་ཤེས་ཐུགས་ཀར་བསྡུས། །ཤ་ཁྲག་རུས་ཕུང་མ་ལུས་དུམ་བུར་གྱུར། །ཞེས་བསད་སྔགས་བཟླ་ཞིང་བསྒྲལ། །པེ་ཧར་འཁོར་བཅས་གནམ་ས་ལྟ་བུའི་ཞལ། །གདོངས་ལ་དམ་ཉམས་དགྲ་བོའི་ཤ་ཁྲག་བཞེས། །དམིགས་བྱའི་དགྲ་བོ་བདུན་བརྒྱུད་ཚུན་ཆད་ཀྱི། །བླ་ཚེ་སྲོག་གསུམ་ཞལ་དུ་ཁ་རཾ་ཁཱ་ཧི། །ཞེས་བསྟབ་པ་བྱའོ། །སྒོ་དབྱེ་ནི། ཕྱོགས་བཞི་སྐྱོང་བའི་རྒྱལ་ཆེན་སྡེ་བཞི་དང་། །སྒོ་སྐས་ལམ་འཕྲང་བསྲུང་བའི་ལྷ་འདྲེ་དང་། །སྟེང་འོག་བར་གསུམ་དག་ཏུ་གནས་པ་ཡི། །གདུག་པའི་ཚོགས་རྣམས་སྔགས་འཆང་བདག་ལ་ཉོན། །དེང་འདིར་དྲག་པོའི་ཟོར་ཁ་སྒྱུར་བྱེད་ན། །སྒོ་བས་སྒོ་ཕྱེ་འཕྲང་པས་འཕྲང་རྣམས་སོལ། །མཐུ་དང་ནུས་པས་ཟོར་གྱི་དཔུང་པ་སྐྱེད། །རྣལ་འབྱོར་བཅོལ་བའི་འཕྲིན་ལས་སྒྲུབ་པར་མཛོད། གཟུ་དཔུང་ནི། རྩ་གསུམ་ཆོས་སྲུང་སྡེ་བརྒྱད་དྲེགས་པའི་ཚོགས། །མ་(༥ན)

― GLG025_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

གཡེལ་མ་གཡེལ་རྣལ་འབྱོར་བདག་ལ་དགོངས། །འཁོར་བར་ངེས་འབྱུང་སྙིང་ནས་དམ་ཆོས་བསྒྲུབས། །རྡོ་རྗེ་སློབ་དཔོན་སྤྱི་བོའི་རྒྱན་ལྟར་བསྟེན། །དམ་ཚིག་སྡོམ་པ་མིག་གི་འབྲས་ལྟར་བསྲུངས། །གསང་སྔགས་ཟབ་དོན་སྙིང་ལྟར་འབྲལ་མེད་བསྟེན། །ཆོས་བཞིན་སྤྱོད་ལ་སྡང་བའི་དགྲ་བྱུང་ན། །ར་མདའ་མཛོད་ཅིག་མངོན་ཤེས་སྤྱན་ལྡན་ཚོ། ཁྱད་པར་ཡི་དམ་བསྙེན་སྒྲུབ་མཐའ་རུ་ཕྱིན། །མཐུ་ལྡན་སྤྲུལ་པའི་རྒྱལ་པོ་ཆེན་པོ་ཁྱོད། །ན་གཞོན་སོ་དཀར་ཙམ་ནས་ལེགས་བསྟེན་ནས། །ད་ལྟ་སྐྲ་དཀར་ཙམ་དུ་ཁྱོད་བསྒྲུབས་སོ། །སྒྲུབ་ཁང་གོས་ལྟར་གྱོན་ནས་ཁྱོད་བསྒྲུབས་སོ། །དཀའ་བ་ཁྱད་དུ་བསད་ནས་ཁྱོད་བསྒྲུབས་སོ། །བདག་ལ་སྡང་བའི་དགྲ་བགེགས་མི་སྒྲོལ་ན། །ཆོས་སྐྱོང་བསྟེན་པའི་དགོས་པ་ནོངས་མིན་ནམ། །བསྟན་འགྲོའི་སྤྱི་དགྲ་བླ་མའི་སྐུ་ཡི་དགྲ། །རིགས་འཛིན་སྒོས་སུ་བསྡོོ་བའི་སྡིག་ཅན་འདི། །ཞིང་བཅུ་ཚང་བར་དགོངས་ཤིག་སྤྱན་ལྡན་རྣམས། །སྙིང་ཁྲག་ཐང་ལ་འཕོ་ཞིག་བཤན་པའི་ཚོགས། གསེར་སྐྱེམས་ནི། །འབྲུ་བཅུད་བདུད་རྩི་གསེར་དང་ལེགས་སྦྱར་བ། །རང་རང་འདོད་པའི་དངོས་པོར་བྱིན་བརླབས་འདི། །བླ་མ་ཡི་དམ་མཁའ་འགྲོའི་ཚོགས་ལ་འབུལ། །དེང་འདིར་འཕྲིན་ལས་བསྒྲུབ་པའི་གྲོགས་མཛོད་ཅིག །འབྲལ་མེད་བསྟེན་པའི་ཆོས་སྲུང་ཚོགས་སྤྱི་དང་། ཁྱད་པར་སྤྲུལ་པའི་ཆོས་རྒྱལ་ཆེན་པོ་ནི། །འཁོར་བཅས་གསེར་སྐྱེམས་མཆོད་པ་འདི་བཞེས་ལ། །མངོན་སྤྱོད་དྲག་པོའི་འཕྲིན་ལས་མྱུར་དུ་སྒྲུབས། །དཔལ་ལྡན་སྲིད་གསུམ་རྣམ་རྒྱལ་རཱ་ཧུ་ལ། །ལོ་ཟླ་ཞག་དང་དུས་ཚོད་ལ་དབང་བའི། །གཟའ་དང་རྒྱུ་སྐར་ས་བདག་ལྷ་སྲིན་ཚོགས། །གསེར་སྐྱེམས་འདི་བཞེས་མཐུན་པའི་(༥བ)

― GLG025_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲིན་ལས་སྒྲུབས། ཟོར་བསྐུལ་ནི། སྐྱེས་བུ་དཔའ་བཙན་གོ་གྱོན་མཚོན་ཐོགས་པའི། །གནམ་ལྕགས་ཐོག་ལྟར་འཕེན་པའི་མདའ་ཟོར་འདི། །དམིགས་བྱའི་དམ་ཉམས་དགྲ་བོའི་སྟེང་དུ་འཕེན། །མི་ནོར་ཕྱུགས་གསུམ་ཚེ་སྲོག་མཱ་ར་ཡ། །མིག་སྨན་མདངས་ཀྱི་ཕོད་ཀ་ཞྭ་ནག་གྱོན། །འཇིགས་རུང་སྔགས་ནག་ཚོགས་ཀྱི་ཕུར་ཟོར་འདི། །རིགས་འགྲེ། རྣམ་པ་ཞི་ཞིང་ངོ་བོ་མི་བསྲུན་པའི། །འཁར་གསིལ་ལྷུང་བཟེད་ཆོས་གོས་རྡུལ་ཟོར་འདི། །༴༴ སྲིན་མོའི་གཟུགས་ཅན་བདུད་མོ་ནག་མོ་ཡི། །གོས་ནག་གཡབ་ཅིང་བརྡབ་པའི་ཟོར་ཁ་འདི། །༴༴ རི་རབ་གཏོར་མ་དུག་དང་མཚོན་ཆ་ཡི། །རང་བཞིན་གནམ་ལྕགས་ལས་གྲུབ་གཏོར་ཟོར་འདི། །༴༴ ཞེས་ཟོར་རྣམས་རིམ་པས་འཕང་། །རང་གི་ཐུགས་ལས་སྤྲུལ་པའི་ཁྲོ་བོ་དང་། །བསྐལ་བའི་མེ་དཔུང་འབར་ཞིང་རླུང་ནག་འཚུབ། །ཆུ་བོ་རྦ་རླབས་འཁྲུག་ཅིང་རྡོ་རྗེ་ཡི། །སྲ་བརྟན་སྲང་བའི་གུར་ཁང་ཆེན་པོར་གྱུར། །མེ་ཆུའི་རྒྱས་འདེབས། དེ་ནས་སྒོ་དྲུང་དུ་གཏོར་གཞོང་ཁ་སྦུབ། བྲོ་ནི། བཅོམ་ལྡན་དཔལ་ཆེན་ཁྲོས་པའི་བྲོ་བརྡུངས་པས། །སྣང་སྲིད་དྲེགས་པའི་ཚོགས་ཀྱང་འདར་བར་བྱེད། །བདུད་དང་དམ་སྲིའི་ཚོགས་ཀུན་རྡུལ་དུ་རློག །ཤར་དུ་ཞི་བ་ལྷོ་རུ་རྒྱས་པ་དང་། །ནུབ་ཏུ་དབང་དང་བྱང་དུ་དྲག་པོའི་བྲོ། ཁྲོ་ཆེན་འབར་བའི་ཚོགས་ཀྱི་བརྡུངས་པ་ལས། །མི་བཟད་ཁྲོ་མོ་རྣམས་ཀྱིས་རྒྱས་བཏབ་པས། །དགྲ་འདྲེ་བྱུར་གསུམ་བསྐལ་བར་མ་ལྡང་ཞིག །ཨཱོཾ་ལཾ་ཧཱུཾ་ལཾ། སྟཾ་བྷ་ཡ་ནན། མངའ་གསོལ་ནི། མཆོག་གསུམ་ངོ་བོ་རིགས་འཛིན་བླ་མ་དང་། །དངོས་གྲུབ་གཏེར་གྱུར་སྒྲུབ་པ་བཀའ་བརྒྱད་ལྷ། །འཕྲིན་ལས་ལྷུན་གྲུབ་ཆོས་སྐྱོང་སྲུང་མ་ལ། །དགེ་ལེགས་ཀུན་(༦ན)

― GLG025_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་རྩ་བར་མངའ་གསོལ་ལོ། །ཀུན་བཟང་གདོད་མའི་གཤིས་སུ་གཡོ་མེད་ཀྱང་། །མ་རུང་འདུལ་ཕྱིར་མི་བསྲུན་བཤན་པ་ཆེ། །དཔལ་ལྡན་སྤྲུལ་པའི་ཆོས་རྒྱལ་འཁོར་བཅས་རྣམས། །བསྟན་སྲུང་དགྲ་ལྷའི་གཙོ་བོར་མངའ་གསོལ་ལོ། །དཔག་བསམ་ཤིང་དང་ཡིད་བཞིན་ནོར་བུ་ལྟར། །འདོད་པའི་རེ་བ་མ་ལུས་ཆེས་སྐོང་ཞིང་། །བར་ཆད་མི་མཐུན་གཡུལ་ལས་རྣམ་རྒྱལ་པའི། །བསམ་དོན་ལྷུན་གྱིར་གྲུབ་པར་མངའ་གསོལ་ལོ། །ཤིས་བརྗོད་ནི། ཆོས་སྲུང་མཐུ་རྩལ་བདེན་པའི་བྱིན་རླབས་ཀྱིས། །ནད་གདོན་བར་ཆད་མ་ལུས་ཀུན་ཞི་ཞིང་། །ཚེ་དཔལ་ལོངས་སྤྱོད་ཆོས་ཀྱི་དགའ་སྟོན་སོགས། །ས་སྟེང་ཆེན་པོར་ཁྱབ་པའི་བཀྲ་ཤིས་ཤོག །རྒྱལ་པོ་བྱེས་ཆས་ཀེ་ཏུའི་ངག་འདོན་གཏེར་གཞུང་གི་ཟུར་འདེབས་ཁྲིགས་སུ་བསྡེབས་པ་དགྲ་སྲོག་གཅོད་པའི་སྤུ་གྲི་ཞེས་བྱ་བ་འདིའང་གཏེར་སྟོན་གྲུ་གུ་ཡང་ཝང་གི་གདུང་ལས་སོན་པའི་སྔགས་འཆང་དོན་གྲུབ་བཀྲ་ཤིས་ཀྱིས་བསྐུལ་པའི་ངོར་ཟ་ཧོར་གྱི་སྔགས་བཙུན་ངག་དབང་བློ་བཟང་རྒྱ་མཚོ་མིང་གཞན་ཟིལ་གནོན་དྲག་རྩལ་རྡོ་རྗེས་སྦྱར་བའི་ཡི་གེ་པ་ནི་བློ་བཟང་བསྟན་འཛིན་དབང་རྒྱལ་ལོ།། །།སརྦ་མངྒ་ལཾ།།

གནོད་སྦྱིན་ཡ་བ་སྐྱ་བདུན་གྱི་མདོས་ཆོག་དབང་དྲག་གྲུབ་པའི་དགའ་སྟོན།

― GLG025_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་སྦྱིན་ཡ་བ་སྐྱ་བདུན་གྱི་མདོས་ཆོག་དབང་དྲག་གྲུབ་པའི་དགའ་སྟོན་ཞེས་བྱ་བ་བཞུགས་སོ། །

― GLG025_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་པདྨ་ཐོད་འཕྲེང་དང་། །དབང་ཆེན་རྟ་མཆོག་ལ་བཏུད་ནས། །གནོད་སྦྱིན་ཡ་བ་སྐྱ་བདུན་གྱི། །མདོས་ཀྱི་འཕྲིན་ལས་རིམ་པ་འདྲི། །དེ་ཡང་བྱིན་གྱིས་བརླབས་ལ་རིམ་པ་བཞི་ཡོད་པའི་གཞན་གསུམ་མ་མོ་དང་དམིགས་གསལ་གྱི་བསྒྱུར་ཁ་མ་གཏོགས་འདྲ་ལ། རྟེན་བསྐྱེད་པ་ནི། སྭ་བྷཱ་ཝས་སྦྱངས། སྟོང་པའི་ངང་ལས་རྟེན་མདོས་རི་རབ་ཀྱི་སྟེང་གཞལ་ཡས་ཁང་གི་ནང་བཙན་ཡུལ་ཟངས་ཐང་དམར་པོ་ཟངས་བྲག་གནམ་ཁ་བསྙེག་གོ །རྩེ་ལ་རྒོད་སྨུག་ལྡིང་བ། ལོགས་ལ་བཙན་སྐྱ་རྒྱུ་བ། རྐེད་ན་གཅན་གཟན་ངུར་བ། རྩ་བར་དུག་ཆུ་ཁོལ་བ། བྲག་རི་དམར་པོའི་ནང་དུ་ཁྲག་མཚོ་ཁོལ་ཞིང་བསེ་མཁར་སྨུག་པོ་ཟངས་ཀྱི་སྒོ་ལྕགས་ཅན་བཙན་མཁར་འཇིགས་སུ་རུང་བའི་དབུས་ན་ཏྲི་བདུན་ཡོངས་སུ་གྱུར་པ་ལས་ལྷ་བཙན་དགྲ་ལྷའི་རྒྱལ་པོ་ཙེ་དམར་བ་སྐུ་མདོག་དམར་ལྗང་རལ་པ་དམར་པོ་མེ་འོད་འཁྲིགས་པ། སྤྱན་ནས་མེའི་སྐར་མདའ་འཁྲུག་པ། ཞལ་ནས་ཁྲག་གི་སེར་ཆེན་འབེབས་པ། མཆེ་བ་རྣོན་པོ་གངས་རི་ལྟར་གཙིགས་པ། ལྗགས་གློག་ལྟར་འཁྱུག་པ། ཁྲོ་ཞིང་(༢ན)

― GLG025_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིགས་ལ་རྔམ་ཞིང་གཏུམ་པ། །སྐུ་ལ་དར་དམར་གྱི་བེར་ཆེན་ཟ་འོག་སྔོ་ཁྲའི་གོང་ལག་ཅན་གསོལ་བར་རིན་ཅེན་གསེར་གྱི་སྐ་རགས་བཅིངས་པ། དབུ་ལ་དར་དམར་གྱི་འགྱིང་ཐོད་ཅན། སྟག་དོང་གཡས་དང་གཟིག་ཤུབས་གཡོན་དུ་འཕྱང་བ། བསེ་ཕུབ་དམར་པོ་རྒྱབ་ཏུ་འཁྱིལ་བ། ཕྱག་གཡས་བཙན་གྱི་ཞགས་པ་དམར་པོས་དགྲ་བོ་འཆིང་ཞིང་། གཡོན་བསེ་མདུང་དམར་པོ་དར་དམར་གྱི་རུ་མཚོན་ཅན་སྙིང་ལ་བསྣུན་པ། རྟ་བྲ་བོ་སྒབ་ནག །དར་གདན་དམར་པོ་སྒ་ཁྲ་བོ། དངུལ་གྱི་ཡོབ་ཐག །ཟངས་ཀྱི་ཡོབ་ཆེན་གསེར་གྱི་སྲབ། གཡུའི་མཐུར་མདའ། དར་དམར་གྱི་སྲབ་སྐྱོགས། སྦྲུལ་ནག་གི་གོང་རྨེད་བྱས་པ་ལ་བཅིབས་ནས་སྟོང་གསུམ་བསྐོར་བ། སྐུ་ལ་ཞལ་གྱི་ལྷ་བཙན་སྐུ་མདོག་དཀར་སེར་ཁྲོ་གཏུམ་ཅན་སྐུ་ལ་ཟ་འོག་དམར་ཁྲའི་གོས་དང་དར་དམར་གྱི་ཐོད་གསོལ་བ། གཡས་སུ་སྟག་དོང་དང་གཡོན་གཟིག་ཤུབས་འཕྱང་བ། ཕྱག་གཉིས་གསེར་མདའ་གསེར་གཞུ་རེ་བཀང་སྟེ་དགྲ་བོའི་སྙིང་ལ་བརྡེག་པ། སྨུག་པོ་ཤ་གདོང་སྒ་སྲབ་ཅན་ལ་བཅིབས་པ། གྲོ་ཤོད་བོད་ཀྱི་སྒང་དམག་རྗེ་སྐུ་མདོག་དམར་པོ་མེ་འོད་འབར་བ་རྔམ་ཞིང་(༢བ)

― GLG025_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིགས་པ་སྐུ་ལ་ལེ་བརྒན་གྱི་འཇོལ་བེར་དང་དར་དམར་གྱི་ཐོད་བཅིངས་པ། སྟག་དོང་གཡས་དང་གཟིག་ཤུབས་གཡོན་དུ་འཕྱང་བ། ཕྱག་གཡོན་ཟངས་ཞགས་དམར་པོས་དགྲ་བོ་བཅིངས་ཏེ་གཡས་ཀྱིས་ཤང་ལང་བརྡེག་པ། མཚའ་ལུ་རྟིང་དཀར་སྒ་སྲབ་ཅན་ལ་བཅིངས་པ། ར་ཙ་གོས་སྔོན་གྱི་ཀླུ་བཙན་སྐུ་མདོག་དམར་ནག་འཇིགས་སུ་རུང་བ། སྐུ་ལ་ཆུ་དར་སྔོན་པོའི་རལ་གུ་ལ་དུག་སྦྲུལ་གྱི་སྐ་རགས་བཅིངས་པ། དར་སྔོན་གྱི་ཐོད་ཅན། སྟག་དོང་གཡས་དང་གཟིག་ཤུབས་གཡོན་དུ་འཕྱང་བ། ཕྱག་གཡས་ལྕགས་མདུང་ནག་པོ་དང་གཡོན་དུག་སྦྲུལ་གྱི་ཞགས་པ་འཕེན་པ། རྟ་སེར་པོ་སྒ་སྲབ་ཅན་བཅིབས་པ། རྡོ་རེངས་དམར་པོའི་གྲིབ་བཙན་སྐུ་མདོག་དམར་པོ་འཇིགས་པའི་གཟུགས་ཅན་བེར་དམར་གྱི་སློག་པ་དང་དར་དམར་གྱི་ཐོད་གསོལ་བ། སྟག་དོང་གཡས་དང་གཡོན་དུ་གཟིག་ཤུབས་འཕྱང་བ། ཕྱག་གཡས་བསེ་མདུང་དམར་པོ་དང་གཡོན་བཙན་གྱི་རྒྱུ་ཞགས་བསྣམས་པ། རྐྱང་དམར་སྦོ་དཀར་སྒ་སྲབ་ཅན་ལ་བཅིབས་པ། ཀཾ་ཀ་ཐོད་ནག་བདུད་བཙན་སྐུ་མདོག་ལྗང་ནག་ཤིན་ཏུ་འཇིགས་པ། སྐུ་ལ་དར་ནག་བེར་ཆེན་དང་བདུད་དར་ནག་པོ་ཐོད་དུ་བཅིངས་པ། སྟག་དོང་གཡས་དང་གཡོན་དུ་གཟིག་ཤུབས་འཕྱང་བ། ཕྱག་གཡས་དར་ནག་གི་རུ་མཚོན་འཕྱར་ཞིང་། གཡོན་པས་འབྲེང་ཞགས་བླ་ལ་འདེབས་པ། རག་པ་གཞུང་ནག་སྒ་སྲབ་ཅན་ལ་བཅིབས་པ། རྩལ་ཐོག་རྒྱུག་གི་གྲི་བཙན་སྐུ་མདོག་ཁྲག་ལྟར་དམར་བ་སྐུ་ལ་ཟངས་ཁྲབ་དམར་པོ་དང་དབུ་ལ་དར་དམར་གྱི་ཐོད་བཅིངས་པ། སྟག་དོང་གཡས་དང་གཡོན་དུ་གཟིག་ཤུབས་འཕྱང་བ། ཕྱག་གཡས་བསེ་མདུང་དམར་པོ་མེ་འོད་འཕྲོ་བ་(༣ན)

― GLG025_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

གསོར་ཞིང་། གཡོན་ཟངས་ཀྱི་རལ་གྲི་གློག་ལྟར་འཁྱུག་པ། རྟ་མཆོག་རླུང་གི་གཤོག་པ་སྒ་སྲབ་ཅན་ལ་བཅིབས་པ། བདུན་ཀའང་རི་ཁྱི་སྤྱང་ཀི་རོལ་དུ་ཁྲིད་པ། རི་བྱ་ཕོ་རོག་སྟེང་དུ་ལྡིང་བ། བཙན་དམག་འབུམ་སྡེའི་འཁོར་གྱིས་བསྐོར་བ་དང་བཅས་བཞུགས་པར་མོས་ལ། གསོལ་མཆོད་གཞུང་བཞིན་གཏོང་། མདོས་བསྔོ་བ་ནི། སྔོན་ཚེ་སངས་རྒྱས་འོད་སྲུངས་བསྟན་པའི་མཇུག །བྱང་ཕྱོགས་ལི་ཡུལ་ལྕང་ར་སྨུག་པོ་ན། ཕ་ནི་རྗེ་བཙུན་མ་ནི་ཨུཏྤལ་རྒྱན། །སྲས་སུ་འཁྲུངས་པའི་འཕྱོར་པ་ཞེས་བྱ་བས། །དགེ་སློང་ཙནྡྲ་བྷ་ཧར་སྡོམ་པ་བླངས། །ནགས་ཚལ་ཁྲོད་གནས་མཆོད་སྦྱིན་བྱེད་པའི་ཚེ། །ལྷ་ལྕམ་དེ་བྱིན་དུག་སྦྲུལ་འཇིགས་པ་ལས། །བསྐྱབས་ཚེ་བློན་པོས་མཐོང་ནས་ཡ་ག་བསྒྲགས། རྒྱལ་པོ་ཁྲོས་ཏེ་གསོད་དུ་ཆས་པ་ན། །ལྷ་ལྕམ་ལྕེབས་སོགས་རྒྱུ་མཚན་ཐོས་པ་ཡིས། །སྲས་དེས་ཁ་བ་ཅན་གྱི་ཕྱོགས་སུ་བྲོས། །ནམ་ཞིག་དམག་གིས་ལི་སྲས་གྲི་རུ་བཀྲོངས། །གདུག་སེམས་སྨོན་ལམ་བཏབ་པའི་འབྲས་བུ་ལས། །བཙན་རྗེ་ཟླ་བ་ཐོད་ཀར་རིགས་བརྒྱུད་དུ། ཁྲག་གི་སྒོ་ང་སྐྱེས་པ་བརྡོལ་བའི་ནང་། །བཙན་རྒོད་གནོད་སྦྱིན་ཆེན་པོ་ཙེ་དམར་བ། །ཞེ་སྡང་མཐུ་ཡིས་མགོ་ལས་བདུད་བཙན་ནག །རུས་ལས་ལྷ་བཙན་དྲོད་ལས་བྲག་གི་བཙན། ཁྲག་ལས་གྲིབ་བཙན་ཆུ་སེར་ཀླུ་ཡི་བཙན། །ཤ་ཡི་རས་ལས་གྲིབ་བཙན་དྲུག་བྱུང་བས། །བཙན་རྒོད་འབར་བ་སྤུན་བདུན་ཞེས་གྲགས་པས། །སྲིད་གསུམ་ཚེ་སྲོག་ཟ་ཞིང་འཕུང་བྱེད་ཚེ། །དཔལ་ཆེན་རྟ་མགྲིན་དབང་གིས་དམ་བཏགས་པའི། །ལྷ་(༣བ)

― GLG025_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

བཙན་དགྲ་ལྷའི་རྒྱལ་པོ་སྤུན་བདུན་པོ། །སློབ་དཔོན་ཆེན་པོ་པདྨ་ཐོད་འཕྲེང་གིས། །ཆོས་འཁོར་གཉན་པོའི་སྲུང་མར་བཀའ་བསྒོས་པ། །འདིར་སྤྱོན་འདིར་སྤྱོན་རྟེན་པའི་མདོས་ལ་བཞུགས། །རྣལ་འབྱོར་བཅོལ་པའི་འཕྲིན་ལས་སྒྲུབ་པར་མཛོད། །ལྷ་ཁྱོད་དགྱེས་པ་བསྐྱེད་པའི་མཆོད་རྫས་ནི། །ཤེལ་དང་བཻཌཱུར་པད་རཱག་གསེར་སྦྱངས་ལས། །གྲུབ་པའི་ལྷུན་པོ་བང་རིམ་བཞི་ལྡན་སྟེང་། །ཕོ་བྲང་སྐུ་མཁར་རྒྱ་ཕུབས་ལྕོག་གིས་མཛེས། །གླིང་བཞི་གླིང་ཕྲན་མཐའ་ན་ལྕགས་རིས་བསྐོར། །ཉི་ཟླའི་འོད་ཀྱིས་འཇིག་རྟེན་མུན་པ་སེལ། །དཔག་བསམ་ཤིང་དང་འདོད་པ་འཇོ་བའི་བ། །མ་རྨོས་ལོ་ཏོག་རིན་ཅེན་རི་བོ་མཐོ། །བཀྲ་ཤིས་རྟགས་བརྒྱད་རྒྱལ་སྲིད་སྣ་བདུན་གྱིས། །གནོད་སྦྱིན་མཆེད་བདུན་འཁོར་བཅས་ཐུགས་དམ་བསྐང་། །རྟེན་མདོས་འདི་ལ་རྟག་ཏུ་བརྟན་བཞུགས་ནས། །སྔགས་འཆང་བདག་གིས་བཅོལ་བའི་ལས་ཀུན་སྒྲུབས། །གཟུགས་མཛེས་སྒྲ་སྙན་དྲི་ཞིམ་རོ་བརྒྱའི་ཟས། །འཇམ་མཉེན་གོས་དང་ཁྲག་ཆང་མཆོད་ཡོན་སྦྲང་། །དབང་པོའི་མེ་ཏོག་གསུར་ཆེན་དུད་སྤྲིན་འཁྲིགས། །ཞུན་ཆེན་མར་མེ་མཁྲིས་པའི་དྲི་ཆབ་འཁྱིལ། །ཤ་རུས་ཞལ་ཟས་རོལ་མོ་སྣ་ཚོགས་ལྡིར། །རྩ་བརྒྱད་ཡན་ལག་སྟོང་སྦྱར་ཨ་མྲྀ་ཏ། །ཤ་ལྔ་བདུད་རྩི་ལྔ་ལྡན་གཏོར་མའི་ཚོགས། །དམར་ཆེན་རཀྟའི་རྦ་རླབས་མཁའ་ལ་འཕྱོ། །འཛད་མེད་ནམ་མཁའ་མཛོད་ཀྱི་མཆོད་སྤྲིན་འདིས། །གནོད་སྦྱིན་མཆེད་བདུན་འཁོར་བཅས་ཐུགས་དམ་བསྐང་། །རྟེན་མདོས་འདི་ལ་རྟག་ཏུ་བརྟན་བཞུགས་ནས། །སྔགས་འཆང་བདག་གིས་བཅོལ་བའི་ལས་ཀུན་སྒྲུབས། །སྟེང་ན་འཇའ་ལྟར་བཀྲ་བ་དར་ཟབ་གདུགས། །སྒྲོ་ཕོད་གང་བཟང་ཕྱག་མཚན་ཏོག་གིས་མཛེས། །སྣ་ཚོགས་དར་གྱི་འཕན་དང་ཅོད་པན་གཡོ། །འཇམ་མཉེན་འདབ་ཆགས་(༤ན)

― GLG025_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲོ་སྤུས་ཐོད་བཅིངས་བའི། །ནམ་མཁའ་རྒྱང་བུ་དབང་པོའི་གཞུ་རིས་ཅན། །མདའ་ཁྲ་འཕང་ཁྲ་གྲངས་ཚད་བསྣོལ་མར་བཀོད། །ལྕགས་ཟངས་བསེ་ཡི་ཁྲབ་རྨོག་སྤ་བསེའི་ཕུབ། །སྣ་ཚོགས་རྔ་མའི་རྒྱན་ལྡན་ཞོལ་བཏགས་སོགས། །རང་བསྲུང་རྡོ་རྗེ་གོ་ཆའི་ཚོགས་རྣམས་ཀྱིས། །གནོད་སྦྱིན་མཆེད་བདུན་འཁོར་བཅས་ཐུགས་དམ་བསྐང་། །རྟེན་མདོས་འདི་ལ་རྟག་ཏུ་བརྟན་བཞུགས་ནས། །སྔགས་འཆང་བདག་གིས་བཅོལ་བའི་ལས་ཀུན་སྒྲུབས། །དམར་ནག་ལྕགས་མདུང་བསེ་མདུང་དར་ལྕེ་ཅན། །ཟངས་ལྕགས་རལ་གྲི་དགྲ་སྟ་མདའ་དང་མདུང་། །འཆིང་བྱེད་རྒྱུ་མ་འབྲེང་བ་དུག་སྦྲུལ་དང་། །ཞགས་པ་དམར་པོ་ལྕགས་ཀྱི་ཨ་ལོང་ཅན། །དར་དམར་ཟ་འོག་དམར་ཁྲ་ལེ་བརྒན་ལས། །གྲུབ་པའི་འཇོལ་བེར་རྩེ་བེར་དམར་ནག་དང་། །རལ་གུ་སྔོན་པོ་སྔོན་དམར་དར་གྱི་ཐོད། །སག་ལྷམ་དམར་པོ་གསེར་གྱི་སྐ་རགས་ལ། །རིན་ཅེན་སྣ་ཚོགས་ཕྲ་ཡིས་རབ་སྤྲས་པས། །གནོད་སྦྱིན་མཆེད་བདུན་འཁོར་བཅས་ཐུགས་དམ་བསྐང་། །རྟེན་མདོས་འདི་ལ་རྟག་ཏུ་བརྟེན་བཞུགས་ནས། །སྔགས་འཆང་བདག་གིས་བཅོལ་པའི་ལས་ཀུན་སྒྲུབས། །ཅང་ཤེས་རྟ་མཆོག་བླ་བོ་སྒབ་ནག་དང་། །ཤ་གདེང་སྨུག་པོ་མཚའ་ལུ་རྟིང་དཀར་ཅན། །གསེར་གྱི་མདོག་ལྡན་རྐྱང་དམར་སྦོ་དཀར་དང་། །རག་པ་གཞུང་ནག་རླུང་གི་ཤུགས་ཅན་ལ། །དར་གདན་སྟེང་དུ་རྟ་སྒ་ཁྲ་བོས་མཛེས། །དངུལ་གྱི་ཡོབ་ཐག་ཟངས་ཀྱི་ཡོབ་ཆེན་དང་། །གསེར་སྲབ་གཡུ་ཟབ་དར་དམར་སྲབ་སྐྱོགས་ཅན། །དུག་སྦྲུལ་ནག་པོའི་གོང་རྨེད་རྒྱན་སྤྲས་ནས། །སྟོང་གསུམ་སྐད་ཅིག་མྱུལ་པའི་བཞོན་པ་འདིས། །གནོད་སྦྱིན་མཆེད་བདུན་འཁོར་བཅས་ཐུགས་དམ་བསྐང་། །རྟེན་མདོས་འདི་ལ་རྟག་ཏུ་བརྟེན་བཞུགས་ནས། །སྔགས་འཆང་བདག་གིས་བཅོལ་པའི་ལས་ཀུན་སྒྲུབས། །གླང་ཆེན་སྟག་གཟིག་ལྤགས་(༤བ)

― GLG025_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཞིང་ཆེན་གོས། །མི་མགོ་སྐམ་རློན་དོ་ཤལ་རིན་ཅེན་རྒྱན། །གཡག་རྒོད་ར་ལུག་ཁྱི་འཕྱོ་བྱ་ནག་ལྡིང་། །གནམ་ལ་འཕུར་དགུ་ས་ལ་འཛུལ་དགུ་དང་། །རི་དྭགས་འཕྱོར་དགུ་རྒྱལ་མཚན་བ་དན་བསྒྲེང་། །སྐྱེས་པ་ཕོ་དང་ཟ་མ་མོ་ཡི་གླུད། །ཕོ་གདོང་མོ་གདོང་ཤིང་གྲི་ཡུལ་མཁར་རིས། །སྨན་སྣ་དར་ཟབ་ཤིང་ཏོག་ཇ་སྣ་དང་། །ཤ་རིགས་བཟའ་བཅའ་སྣ་མང་འབྲུ་ཚོགས་ཀྱིས། །གནོད་སྦྱིན་མཆེད་བདུན་འཁོར་བཅས་ཐུགས་དམ་བསྐང་། །རྟེན་མདོས་འདི་ལ་རྟག་ཏུ་བརྟེན་བཞུགས་ནས། །སྔགས་འཆང་བདག་གིས་བཅོལ་པའི་ལས་ཀུན་སྒྲུབས། ཁ་དོག་ལྔ་ལྡན་རྔ་མའི་ཆུན་པོ་དང་། །སྣམ་རས་དཀར་དམར་སྔོ་དང་སྟག་གཟིག་རས། །ཛོ་ཀེ་མོན་པ་བུད་མེད་ཟློས་གར་བསྒྱུར། ཁྱད་པར་རིན་ཅན་ལས་གྲུབ་ག་འུའི་ནང་། །བླ་རྡོ་གསང་བ་སྲོག་གི་འཁོར་ལོ་བཅས། །སྣ་ཚོགས་རིན་ཅེན་དུ་མས་ལེགས་གཏམས་དང་། །དྲེགས་པ་རང་བཞིན་འདུ་བའི་རྟེན་རྫས་སོགས། །ཕྱི་ནང་གསང་བའི་མཆོད་སྤྲིན་རྒྱ་མཚོའི་ཚོགས། །དངོས་བཤམས་ཡིད་སྤྲུལ་ནམ་མཁའ་ཁྱོན་གང་བས། །གནོད་སྦྱིན་མཆེན་བདུན་འཁོར་བཅས་ཐུགས་དམ་བསྐང་། །རྟེན་མདོས་འདི་ལ་རྟག་ཏུ་བརྟེན་བཞུགས་ནས། །སྔགས་འཆང་བདག་གིས་བཅོལ་པའི་ལས་ཀུན་སྒྲུབས། །བཙན་རྒོད་འབར་བ་སྤུན་བདུན་འཁོར་བཅས་ཀྱིས། །ཐུབ་བསྟན་འཕེལ་ཞིང་དེ་འཛིན་ཚོགས་རྣམས་བརྟན། །འཇིག་རྟེན་སྤྱི་དང་ཡང་སྒོས་བོད་ཡུལ་འདིར། །རྒུད་པ་ཀུན་ཞི་བདེ་སྐྱིད་འཕེལ་བར་མཛོད། ཁྱད་པར་རིགས་འཛིན་བདག་ཅག་དགོན་གནས་སྡེ། །རྒྱུ་སྦྱོར་སྦྱིན་པའི་བདག་པོ་བཅས་པ་ལ། །སྔ་དགྲ་ལག་དར་ཕྱི་དགྲ་ཡིད་ལ་སེམས། །ད་དགྲ་ཚེར་ལྟར་རྩུབ་པ་སྡེ་དཔུང་གི །སྟོབས་འབྱོར་མངའ་ཐང་ཚེ་དང་བསོད་ནམས་སྣུབས། །བླ་ཚེ་དུག་ལ་སྲོག་རྩ་དམར་པོ་ཆོད། །མདོར་ན་མིང་དང་བརྡ་ཙམ་མ་ལུས་པར། །ཐལ་(༥ན)

― GLG025_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་རྡུལ་ཕྲན་བཞིན་དུ་བརླག་པར་མཛོད། །བདག་སོགས་དཔོན་སློབ་ཡོན་བདག་འཁོར་བཅས་ཀྱི། །ཚེ་དཔལ་བསོད་ནམས་དབང་ཐང་སྟོབས་འབྱོར་དང་། །ལུང་རྟོགས་ཡོན་ཏན་ལ་སོགས་སྲིད་ཞི་ཡི། །ལེགས་ཚོགས་མ་ལུས་རྒྱས་པའི་འཕྲིན་ལས་མཛོད། །མདོར་ན་སངས་རྒྱས་གཉིས་པ་ཐོད་འཕྲེང་རྩལ། །པདྨ་དབང་རྒྱལ་གནམ་ལྕགས་མེ་འབར་རྗེ། །རིགས་འཛིན་བརྒྱུད་པའི་དམ་ཚིག་ཉེར་དགོངས་ལ། །བསམས་པའི་ཇི་བཞིན་ལྷུན་གྱིས་གྲུབ་པར་མཛོད། །གནོད་སྦྱིན་ཡ་བ་སྐྱ་བདུན་གྱི་མདོས་ཆོག་གི་རིམ་པ་དབང་དྲག་གྲུབ་པའི་དགའ་སྟོན་ཞེས་པ་འདི་ནི་ཟ་ཧོར་སྔགས་སྨྱོན་གྱིས་སྦྱར་བའི་ཡི་གེ་པ་ནི་གནས་བན་འཇམ་དབྱངས་སོ། །

དཔལ་ལྡན་ཡང་གྷ་བཟའི་མདོས་ཀྱི་འཕྲིན་ལས་ཡིད་བཞིན་གཏེར་མཛོད།

― GLG025_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ལྡན་ཡང་གྷ་བཟའི་མདོས་ཀྱི་འཕྲིན་ལས་ཡིད་བཞིན་གཏེར་མཛོད་བཞུགས་སོ། །

― GLG025_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་པདྨ་སིདྡྷི་ཨ་དྷི་ཥྛ་ན་ཨ་དྷི་ཥྛ་ཏེ་སྭ་ཧཱ། གསོལ་བ་བཏབ་ན་སྨོས་ཅི་དྲན་པས་ཀྱང་། །སྲིད་ཞིའི་གདུང་སེལ་པདྨ་ཐོད་ཕྲེང་རྩལ། །དུས་གསུམ་སངས་རྒྱས་ཀུན་གྱི་ངོ་བོ་རུ། །ཡིད་ཆེས་དད་པས་གཏན་གྱི་སྐྱབས་སུ་བསྟེན། །ལས་འཕྲོས་སྐལ་ལྡན་ཨ་ཇོ་དཔལ་པོ་ཡིས། །མཆིམས་ཕུ་དགེ་བའི་བྲག་ནས་སྤྱན་དྲངས་པའི། །མདོས་ཀྱི་འཕྲིན་ལས་གྱེར་གྱིས་ཡང་གྷ་བཟའ། །དགྱེས་པར་བྱེད་པའི་ཚུལ་འདི་རྨད་དུ་བྱུང་། །དེ་ཕྱིར་རྒྱལ་ཀུན་ངོ་བོ་རྡོ་རྗེ་འཛིན། །ཟུར་ཆེན་ཆོས་དབྱིངས་རང་གྲོལ་བཀའ་དྲིན་ལས། །རྟེན་བསྐང་བཟློག་མདོས་རྣམ་དབྱེ་ཁོང་ཆུད་པས། །རིགས་འཛིན་བརྒྱུད་པའི་བཞེད་སྲོལ་འཁྲུལ་མེད་དགོད། །དེ་ཡང་བོད་ཀྱི་ཡུལ་བདག་ཆེན་མོ་བསྟན་མ་བཅུ་གཉིས་ཀྱི་གནོད་སྦྱིན་མ་བཞིའི་ནང་ཚན་དཔལ་ལྡན་ཡང་གྷ་བཟའ་འམ་རྨ་རི་རབ་འབྱམས་རྡོ་རྗེ་དྲག་མོ་རྒྱལ་དུ་གྲགས་པ་དགྱེས་བྱེད་མདོས་ཀྱི་རིམ་པ་ལ་མགོན་པོ་གཡུལ་བཟློག་དང་བྱང་གཏེར་སོགས་ནས་བཤད་པའི་བསྟན་མ་བཅུ་གཉིས་ཀྱི་སྤྱི་མདོས་དང་སྒོས་མདོས་སྤྲུལ་པའི་གཏེར་སྟོན་ཟུར་མཁར་ཨ་ཇོ་དཔལ་པོས་བསམ་ཡས་མཆིམས་ཕུ་དགེ་(༢ན)

― GLG025_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

འུ་གོང་གི་བྲག་ནས་སྤྱན་དྲངས་པའི་སྐོར་ལས་མཆིམས་ཕུའི་གཏེར་ཉིད་གཙོ་བོར་བཟུང་གཏེར་ཁ་གོང་འོག་དང་བྱང་གཏེར་སོགས་གཞན་དག་ལས་ཉེར་མཁོ་རྣམས་ལྷན་ཐབས་སུ་བྱས་ཏེ་འགོད་པ་ལ། དང་པོ་རྫས་གསོག་པ་ནི། སྤྱིར་མདོས་ལ་བཀའ་གཏེར་གྱི་གཞུང་ནས་བྱུང་བའི་ཡི་གེ་རྣམ་གྲངས་མང་བ་དག་ཁོང་དུ་ཆུད་པར་བྱས་ནས་རྟེན་མདོས་བསྐང་མདོས་བཟློག་མདོས་སོགས་ལས་བཞི་སྒྲུབ་ལུགས་ཀྱི་ཁ་སྒྱུར་སྤྱི་མདོས་སྒོས་སུ་བསྔོ་བ། སྒོས་མདོས་སྤྱིར་བསྔོ་བ། ཕོ་སྣ་མོ་ཡིས་དྲང་བ། མོ་སྣ་ཕོ་ཡིས་དྲང་བ། གྱེར་ཐོག་ནས་གསོགས་དང་གསོགས་ཐོག་ནས་མདོས་ངོས་ཟིན་པ་སོགས་མཐོང་བརྒྱུད་ཀྱི་ཕྱག་ལེན་ཆེ་ཕྲར་བློ་བྱང་ལ་སྒྲུབ་པ་བཀའ་བརྒྱད་སྤྱི་བྱེ་བྲག་གི་དབང་ནོས་ཤིང་བསྙེན་པ་ཐེངས་བའི་སྔགས་འཆང་ཞིག་གིས་ལག་ཏུ་བསྟར་དགོས་པའི་ཕྱིར་ཞིབ་པ་གཞན་ནས་རྟོགས་པའི་དབང་དུ་བྱས་ཏེ་འདི་གའི་སྒོས་ཆོས་གཏེར་གཞུང་ལས་བྱུང་བ་ལྟར་འབྲུའི་ངར་ཕྱེའམ་ས་བཟང་པོ་ལ་རིན་པོ་ཆེ་བརྡར་བ་བསྲེས་པར་ཇོ་མོའི་སྐུ་འབག་དང་། བུད་མེད་ནག་མོ་རྟ་ལ་ཞོན་པ། གཡུ་བྱ་ཕུག་རོན། ཁུ་བྱུག་སྔོན་པོ། གང་མོ་གྲོ་མོ། (༢བ)

― GLG025_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

ཤ་བ་ཡུ་མོ། རྟ་དཀར་པོ། ལུག་གྲོ་མོ། ར་རྒྱ་མོ། བཙན་བཤོས། སྨན་ལེ། ངར་གླུད་བཅུ་གསུམ། ནམ་མཁའ། རྒྱང་བུ། མདའ། འཕང་། དེ་དག་ནི་རབ་བརྒྱད། འབྲིང་བདུན། ཐ་མ་ལྔ། གཞན་ཡང་ཟ་འུག །དར་སྣ་ལྔ། སྨྱུག་རྒོད། གཡག་རྔ་དཀར་པོ། ནས་གྲོ་སྲན་མའི་བཅའ་ཡོས། ཞལ་ཟས་དང་སྤྱན་གཟིགས་སྣ་ཚོགས་པ་དང་དངོས་སུ་མི་གསལ་བའི་རྫས་རྣམས་ཀྱང་འདུ་བྱའོ། །གཉིས་པ་བཤམ་པ་ནི་གོང་གཏོར་བདག་བསྐྱེད་ཀྱི་ཕྱི་ནང་གསང་མཆོད་རྣམས་དང་། གཅན་གཟན་སོགས་གཡང་གཞི་གང་ཡང་རུང་བའི་སྟེང་དུ་རི་རབ་ཀྱི་རྩེར་སྐུ་གཟུགས་བཅའ་བ་གཏེར་ཁ་སོ་སོར་རྣམ་འགྱུར་མི་མཐུན་པ་མང་དུ་ཡོད་པས་གང་བྱས་ཀྱང་དོན་ལ་མི་འགལ་མོད་འདིར་མཆིམས་ཕུའི་གཏེར་གཞུང་གི་དགོངས་པ་ལྟར་འོག་ནས་འབྱུང་བའི་མངོན་རྟོགས་བཞིན་དང་། བང་རིམ་རྣམས་ལ་གཏོར་མ་སོགས་ལྷོ་རྫས་བྱང་རྫས་ཀྱི་མཐུན་རྫས། ཁྲི་ལ་སྤྱན་གཟིགས་ཀྱི་ཤིང་བྱང་། ནམ་རྒྱང་། མདའ་འཕང་། རྩེད། སྟེང་དུ་གདུགས་སོགས་མཐོང་བརྒྱུད་ཀྱི་ཕྱག་ལེན་ལྟར་བཀོད་པས་མཛེས་པར་བཤམ་མོ། །གསུམ་པ་མདོས་བྱིན་གྱིས་བརླབ་པ་ནི། ཕྱེ་ཕུད། མདའ་དར། གསེར་སྐྱེམས་དང་བཅས་པ་སྔགས་དྲུག་ཕྱག་རྒྱ་དྲུག་གིས་བྱིན་གྱིས་བརླབ་ནས་མགྲོན་རྣམ་བཞི་ལ་ཕུད་ཀྱིས་བསྐང་། བཀའ་བརྒྱད་སྤྱི་དང་བྱེ་བྲག་གང་རུང་གི་འཕྲིན་ལས་ཀྱིས་གཞུང་བསྲང་བ་ཚོགས་ཐ་མ་ཡན་གྱེར། རྡོ་རྗེ་གནོད་སྦྱིན་གྱི་སྐུར་བསྒྱུར་བ་ནི། པད་ཉི་རུ་དྲ་ཕོ་མོའི་གདན་སྟེང་(༣ན)

― GLG025_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

དུ། གཏེར་ཁ་འོག་མའི་དགོངས་དོན་བསྡུས་པ་གསར་རྩོམ། རང་ཉིད་ཁྲོ་བོ་རྡོ་རྗེ་གནོད་སྦྱིན་ཆེ། །རྩ་ཞལ་མཐིང་ནག་གཡས་དཀར་གཡོན་པ་དམར། །ཕྱག་དྲུག་རྡོ་རྗེ་ཐོད་ཁྲག་ཐུགས་ཀར་འཛིན། །བར་པ་གཉིས་ཀྱིས་རྡོ་རྗེ་དྲིལ་བུ་བསྣམས། །མཐའ་གཉིས་ཞིང་དབྱུག་འཕྱར་ཞིང་རི་རབ་འཛིན། །ཞབས་གཉིས་བརྐྱང་བསྐུམ་དུར་ཁྲོད་ཆས་ཀྱིས་བརྒྱན། །ཡེ་ཤེས་མེ་དཔུང་འབར་བའི་དབུས་ན་བཞུགས། །ཞེས་བརྗོད། མདོས་ཤེས་པ་རྣམ་པ་བཞི་ལས་དང་པོ་རི་རབ་གཞལ་ཡས་ཁང་དུ་ཤེས་པ་ནི། སྭ་བྷཱ་ཝས་སྦྱངས། ཆོས་རྣམས་མི་དམིགས་སྟོང་གསར་རྩོམ། པ་ཉིད་ཀྱི་ངང་། །མཁའ་རླུང་ཆུ་ས་འབྱུང་བཞིའི་དཀྱིལ་འཁོར་སྟེང་། །རི་རབ་རིན་ཅེན་བཞི་ལས་ལེགས་གྲུབ་པ། །བང་རིམ་གསུམ་སྟེང་རིན་ཅེན་གཞལ་ཡས་ཁང་། །གཡས་གཡོན་མདུན་གསུམ་ལྕོག་ཀུན་རྒྱན་གྱིས་སྤྲས། །ཕྱི་རོལ་རྨད་དུ་གསེར་རི་རོལ་མཚོ་བདུན། །གླིང་བཞི་གླིང་ཕྲན་ལྕགས་རི་མུ་ཁྱུད་ཀྱིས། །ཡོངས་བསྐོར་འདོད་ཡོན་ཚོགས་ཀྱིས་གང་བར་གྱུར། །གཉིས་པ་དྲེགས་པའི་ལས་མཁན་ཕོ་ཉ་ལས་བྱེད་དུ་ཤེས་པ་ནི། དབུས་ཕྱོགས་གསར་རྩོམ། རིན་ཅེན་འབར་བའི་གཞལ་ཡས་སུ། །རྨ་རི་རབ་འབྱམས་རྡོ་རྗེ་དྲག་མོ་རྒྱལ། །སྐུ་མདོག་རབ་དཀར་མཛེས་ཤིང་བརྗིད་པ་ལ། །ཡིད་ཙམ་ཁྲོ་ཉམས་ལྡན་པ་ལྷ་མོའི་གཟུགས། །གནག་སྣུམ་དབུ་སྐྲ་ཐོར་ཚུགས་དར་གྱིས་བཅིངས། །ལྷག་མའི་ཟར་བུ་ཐུར་དུ་སིལ་བུར་འཕྱང་། །ཕྱག་གཡས་འཕྲུལ་གྱི་མེ་ལོང་ཞགས་པ་དང་། །གཡོན་པ་ལྕགས་ཀྱུ་དར་སྣས་བརྒྱན་པ་འཛིན། །རྒྱ་དར་སྨུག་པོ་ཚིག་གུའི་རི་མོ་ཡིས། །(༣བ)

― GLG025_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་མཛེས་ཙེ་བེར་སྟེང་ན་དར་དཀར་ལས། །ལེགས་གྲུབ་གོ་ཟུ་ལྷབ་ལྷུབ་ཚུལ་དུ་བརྩེགས། །གསེར་སྦྱངས་རང་བཞིན་པྲོག་ཞུ་མགུལ་རྒྱན་དང་། །ཕྱག་ཞབས་གདུ་བུ་དོ་ཤལ་སེ་མོ་དོ། །སྐ་རགས་རྒྱན་ཆ་གཡུ་དང་མུ་ཏིག་སོགས། །རྣམ་མང་རིན་ཅེན་མཛེས་པའི་ཕྲ་ཡིས་སྤུད། །སྙན་ཆ་གཡུ་ཡི་གོ་ར་དངུལ་ཕྲ་ཅན། །ཞབས་ལ་སག་རིའི་མོ་ལྷམ་སྣེ་རིང་གསོལ། །དུང་ཤ་དཀར་པོ་མཛེས་པའི་རྭ་བཅུ་ལྡན། །དུང་གི་སྒ་སྲབ་གཡུ་ཡི་མཐུར་རྨེད་ཅན། །པདྨ་ཉི་ཟླའི་སྟེང་ན་དལ་འགྲོས་སུ། །རྒྱུ་བའི་ཚུལ་སྟེང་སྐྱིལ་ཀྲུང་ཕྱེད་པས་བཞུགས། །གཡས་ཀྱི་ཁང་བཟང་ནང་དུ་སྐུའི་ཕོ་ཉ། སྐུ་མདོག་རབ་དཀར་ལྷ་མོ་དུང་གྷ་བཟའ། །ཕྱག་གཡས་ལྕགས་ཀྱི་བྱ་ཁྲ་དགྲ་ལ་འགྱེད། །གཡོན་པ་ཟོར་བས་དམ་ཉམས་དགྲ་སྲོག་གཅོད། །ཤ་བ་ཡུ་མོ་སྒ་སྲབ་ཅན་ལ་བཅིབས། །གཡོན་གྱི་ཁང་བཟང་གསུང་གི་ཕོ་ཉ་མོ། །མདོག་དམར་མ་མོའི་གཟུགས་འཛིན་མམ་གྷ་བཟའ། །རེ་ལྡེ་གྱོན་ཅིང་སྲེ་ལོང་ཕྲེང་བ་གཡས། །གཡོན་པ་དར་མདུང་དགྲ་བོའི་སྙིང་ལ་འདེབས། །དྲེལ་རྟ་སྒ་སྲབ་རྒྱན་གྱིས་སྤྲས་ལ་བཅིབས། །མདུན་གྱི་ཁང་བཟང་ཐུགས་ཀྱི་ཕོ་ཉ་མོ། །སྐུ་མདོག་སྔོན་མོ་ཤེལ་བཟང་སྨན་གཅིག་མ། །ཕྱག་གཉིས་དངུལ་གཞོང་ཟས་བཀང་དར་སྣ་འཛིན། །བྱུ་རུ་དུང་གི་ཁྱད་པར་རྒྱན་གྱིས་སྤྲས། །རྡོ་རྗེའི་རྭ་གདེངས་འབྲོང་གཡག་ཞོལ་ཆེན་བཅིབས། །གསུམ་ག་དར་གྱི་ན་བཟའ་རིན་ཅེན་རྒྱན། །མ་མོ་གནོད་སྦྱིན་རིགས་གྱུར་བཀའ་ཉན་དང་། །ལས་བྱེད་ཕོ་ཉའི་འཁོར་གྱིས་བསྐོར་བར་གྱུར། །གསུམ་(༤ན)

― GLG025_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མཐུན་རྫས་ཡ་སྟགས་གླུད་སྐོངས་སུ་ཤེས་པ་ནི། །རཾ་ལས་མེ་གསར་བསྒྲིགས། ཡིས་དངོས་པོའི་སྐྱོན་རྣམས་བསྲེགས། །ཡཾ་ལས་རླུང་གིས་དངོས་པོའི་སྐྱོན་རྣམས་སྦྱངས། ཁཾ་ལས་ཆུ་ཡིས་དངོས་པོའི་སྐྱོན་རྣམས་བཀྲུས། །ཨཱོཾ་གྱིས་འདོད་པའི་ལོངས་སྤྱོད་ལྔ་དང་ལྡན། །ཨཱཿཡིས་ས་གཞི་བར་སྣང་ཡོངས་ཁྱབ་ནས། །མི་ཟད་ནམ་མཁའ་མཛོད་ཀྱི་ལོངས་སྤྱོད་སྤེལ། །ཧཱུཾ་གིས་རྨད་བྱུང་བདུད་རྩི་ཆེན་པོར་གྱུར། །སྭཱ་ཡིས་གཟུགས་བརྙན་ཐམས་ཅད་དཔེ་བྱད་དང་། །ཕུང་པོ་ཁམས་དང་སྐྱེ་མཆེད་མ་ལུས་ལྡན། །ཧཱ་ཡིས་ཡང་གྷ་བཟའ་ནི་འཁོར་བཅས་ཀྱི། །སྐུ་གསུང་ཐུགས་དང་གཉིས་མེད་བྱིན་རློབས་ཀྱིས། །ཐུགས་དམ་གཉན་པོ་སྐོང་བའི་ནུས་ལྡན་གྱུར། །ཨཱོཾ་ཨཱཿཧཱུཾ་ཏྲིཾ་སྦཾ་པཾ་ཏྲཾ་རཏྣ་ཏྲཻ་ལོ་ཀྱ་ཕཊ། བཞི་པ་མཐུན་རྫས་དུག་མཚོན་དུ་ཤེས་པ་ནི། སྣ་ཚོགས་མཚོན་ཕུར་རྩོང་གསར་བསྒྲིགས། སོགས་དྲག་པོའི་རྫས། །གནམ་ལྕགས་རྡོ་རྗེ་འབར་བའི་ཐོག་ལྟ་བུར། །གྱུར་ནས་དགྲ་བགེགས་མ་ལུས་རྩད་གཅོད་ཅིང་། །ཐལ་བའི་རྡུལ་དུ་རློག་པའི་ནུས་ལྡན་གྱུར། །སྔགས་དྲུག་དང་ཕྱག་རྒྱ་དྲུག་གིས་ཀྱང་བྱིན་གྱིས་བརླབ་པོ། བཞི་པ་སྤྱན་དྲང་བ་ནི། ཤིང་སྣ། སྤོས་དཀར། ཚིལ་ཆེན་གྱི་དུད་པ་སོགས་བཏང་། ཐུགས་ཀ་ནས་འོད་ཟེར་ལྕགས་ཀྱུའི་ཚུལ་དུ་འཕྲོས་པས་དཔོན་གཡོག་བཞི་མངོན་རྟོགས་དང་བསྐུལ་ནས་འབྱུང་བ་ལྟར་སིལ་སྒྲ་དངབཅས་བྱོན་པ་བསམས་ལ། རོལ་མོ་དབྱངས་དང་གཡབ་དར་བཅས་ཏེ། བྷྱོ། རྨ་རི་རབ་འབྱམས་རྡོ་རྗེ་དྲག་མོ་རྒྱལ། ཆོས་དབང་གི་གཏེར་མ།(༤བ)

― GLG025_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

བེར་ལྗང་གྱོན་ནས་ཕྱག་ན་ཙིཏྟ་བསྣམས། །མི་དྲེད་ནག་མོ་ཞོན་ནས་དམ་ཉམས་འགུགས། །གློ་བུར་སེམས་ཀྱི་ཡེ་འབྲོག་ཞི་བའི་ཕྱིར། །བྱང་གི་རྨ་ཆེན་བོང་ནས་གཤེགས་སུ་གསོལ། །རྨ་རི་རབ་འབྱམས་ཉང་གཏེར་ཟུར་ཅུང་ཟད་བཅོས་པ། རྡོ་རྗེ་དྲག་མོ་རྒྱལ། །སྐུ་མདོག་དཀར་གསལ་རིན་ཅེན་དར་ཟབ་མཛེས། །བེ་ཅོན་དང་ནི་རིན་ཅེན་གཞོང་པ་བསྣམས། །འབར་བ་བཅིབས་ནས་གནས་འདིར་གཤེགས་སུ་གསོལ། དཀར་མོ་གསར་རྩོམ། གསེར་གཡུའི་ཐོད་གདེངས་སྨུག་ནག་གོས། །རལ་པའི་ཐོར་ཚུགས་ལྕགས་ཀྱི་ཐོད་བཅིངས་མཛེས། །རྭ་དགུའི་འབྲོང་བཅིབས་སྨན་མོ་སྟོང་གིས་བསྐོར། །དབུ་རུ་སྙེ་མཚམས་གནས་ནས་གཤེགས་སུ་གསོལ། །དཀར་གསལ་ཞི་མ་ཁྲོ་ཉམས་གནོད་སྦྱིན་མོ། །དར་གོས་རིན་ཅེན་རྒྱན་སྤྲས་མེ་ལོང་ཞགས། །ལྕགས་ཀྱུ་དར་སྣས་ལེགས་སྤུད་རྭ་བཅུ་པའི། །དུང་ཤ་བཅིབས་ནས་གནས་འདི་གཤེགས་སུ་གསོལ། །ལས་སྒྲུབ་དུང་གྷ་བཟའ་དང་མམ་གྷ་བཟའ། །ཤེལ་བཟའ་སྨན་གཅིག་སྐུ་གསུང་ཐུགས་ཀྱི་སྤྲུལ། །འཁོར་ཚོགས་དང་བཅས་དབྱར་གྱི་ཆར་སྤྲིན་ལྟར། །དགུན་གྱི་འཐོར་རླུང་བཞིན་དུ་གཤེགས་སུ་གསོལ། །ཧོ། དམར་མོ་ཁྲོ་གཉེར་གཏེར་ཁ་འོག་མ་ནས་མངའ་རིས་པན་ཆེན་རིན་པོ་ཆེས་བསྒྲིགས་པ་ལས་ཟུར་ཅུང་ཟད་བསྒྱུར་བ། ཅན་གྱི་བུ་མོ་གནོད་སྦྱིན་མོ། །སྔོན་ཚེ་ཨ་སུ་ར་ཡི་བྲག་ཕུག་དབེན་གནས་སུ། །སློབ་དཔོན་ཆེན་པོ་པདྨ་འབྱུང་གནས་དང་། །བཤེས་གཉེན་རླངས་ཆེན་དཔལ་གྱི་སེང་གེ་ཡིས། །ཞིང་ཆེན་བསྒྱེལ་པའི་སྟེང་དུ་བཞག་ནས་ཀྱང་། །རྡོ་རྗེ་ལག་གཏད་བདུད་རྩི་ལྕེ་ལ་(༥ན)

― GLG025_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག །དེ་ཚེ་ཁས་བླངས་དམ་ལས་མ་འདའ་བར། །ཚུར་སྤྱོན་ཚུར་སྤྱོན་ཡང་གྷ་བཟའ་འཁོར་བཅས། །ཀུན་ཀྱང་ལྷབ་ལྷུབ་མང་པོའི་རྒྱན་དང་བཅས། །རོལ་མོ་སིལ་སྙན་མང་པོའི་སྒྲ་དང་བཅས། །བྲན་གཡོག་མང་པོའི་འཁོར་དང་བཅས་ཏེ་སྤྱོན། །འདིར་གཤེགས་དམ་སྐོངས་འཕྲིན་ལས་གྲུབ་པར་མཛོད། །ཧཱུཾ། སྔོན་ཚེ་དུར་ཁྲོད་ཆེན་ཉང་གཏེར། པོ་བསིལ་བའི་ཚལ། །ཡེ་ཤེས་མཁའ་འགྲོ་སེང་གེའི་གདོང་ཅན་གྱི། །སྤྱན་སྔར་ཐུགས་དམ་ཞལ་བཞེས་དམ་བཅས་པའི། །བསྟན་སྐྱོང་མཁའ་འགྲོའི་ཚོགས་རྣམས་གཤེགས་སུ་གསོལ། །སྔོན་ཚེ་བལ་པོ་ཁ་ལ་རོང་དགུ་རུ། །སློབ་དཔོན་ཆེན་པོ་པདྨ་འབྱུང་གནས་ཀྱི། །སྤྱན་སྔར་ཐུགས་དམ་ཞལ་བཞེས་དམ་བཅས་པའི། །བོད་སྐྱོང་རྨ་རི་རབ་འབྱམས་གནས་འདིར་གཤེགས། །རང་རང་སྡེ་བརྒྱད་དུ་མའི་འཁོར་བཅས་རྣམས། །དམ་ཅན་རྣལ་འབྱོར་སྒྲུབ་པོ་འཁོར་བཅས་ལ། །ཐུགས་ནི་བརྩེ་བས་རྗེས་སུ་ཉེར་དགོངས་ལ། །སྤྱན་འདྲེན་མཆོད་པའི་གནས་འདིར་གཤེགས་སུ་གསོལ། །ལྕགས་ཀྱུའི་ཕྱག་རྒྱ་དང་བཅས་ཡང་གྷ་བཟའ་ས་མ་ཡ་ཛཿཛཿ དམ་ཚིག་གཟི་ལྡན་འབར་མ་ས་མ་ཡ་ཛཿཛཿ གོང་གསུམ་སྨན་གཅིག་ས་མ་ཡ་ཛཿཛཿ ལྔ་པ་བཞུགས་སུ་གསོལ་བ་ནི། ཨཱོཾ། རང་གི་མདུན་དུ་གྲུབ་པའི་མཎྜལ་དབུས། ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པ། །ཏིང་འཛིན་པིར་གྱིས་བྲིས་པའི་གཞལ་ཡས་སུ། །དར་ཟབ་ཀྱིས་གཡོགས་རིན་ཅེན་གདན་ཁྲི་ལ། །བསྟན་པ་སྐྱོང་མཛད་གངས་རིའི་དབང་པོ་(༥བ)

― GLG025_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན། །རབ་མཛེས་ཕྱག་གཡས་མེ་ལོང་ཞགས་པ་དང་། །གཡོན་པ་འགུགས་བྱེད་ལྕགས་ཀྱུ་དར་སྣས་བརྒྱན། །ཤ་བ་ལ་བཅིབས་བརྟན་པར་བཞུགས་སུ་གསོལ། ཁྱོད་ཀྱི་སྐུ་ཡི་ཕོ་ཉ་དུད་གྷ་བཟའ། །ཕྱག་གཡས་ལྕགས་ཀྱི་བྱ་ཁྲ་དགྲ་ལ་འགྱེད། །གཡོན་པ་ཟོར་བས་དམ་ཉམས་དགྲ་སྲོག་གཅོད། །ཡུ་མོ་ལ་བཅིབས་གཡས་སུ་བཞུགས་སུ་གསོལ། །གསུང་གི་ཕོ་ཉ་མམ་གྷ་བཟའ་ཞེས་མ། །རེ་ལྡེ་གྱོན་ཞིང་སྲེ་ལོང་འཕྲེང་བ་གཡས། །གཡོན་པ་དར་མདུང་དགྲ་བོའི་སྙིང་ལ་འདེབས། །དྲེལ་རྟ་ལ་བཅིབས་གཡོན་དུ་བཞུགས་སུ་གསོལ། །ཐུགས་ཀྱི་ཕོ་ཉ་ཤེལ་བཟང་སྨན་གཅིག་མ། །ཕྱག་གཡས་དངུལ་གཞོང་ཟས་ཀྱིས་བཀང་བ་བསྣམས། །གཡོན་པ་དར་གྱི་ལྷབ་ལྷུབ་གཡོ་བྱེད་མ། །འབྲོང་གཡག་ལ་བཅིབས་མདུན་དུ་བཞུགས་སུ་གསོལ། །གཞན་ཡང་མཆེད་མོ་བསྟན་མའི་ཚོགས་རྣམས་དང་། །སྨན་མོ་བདུད་དང་བཙན་དམག་འབུམ་སྡེའི་ཚོགས། །གནས་འདིར་བཤད་སྒྲུབ་བསྟན་པ་སྤེལ་བ་དང་། །རྣལ་འབྱོར་འཕྲིན་ལས་བསྒྲུབ་ཕྱིར་བརྟན་པར་བཞུགས། །ས་མ་ཡ་ཏིཥྛ་ལྷན། བཀའ་བསྒོ་བ་ནི། ཧཱུཾ། ང་ནི་ཆེ་མཆོག་ཧེ་རུ་གཏེར་ཁ་འོག་མ། ཀཿ། སངས་རྒྱས་ཀུན་དང་མཉམ་སྦྱོར་པའི། །ཇི་སྙེད་སངས་རྒྱས་ཐམས་ཅད་ཀྱི། །དེ་བཞིན་སྒྲུབ་པའི་རྣལ་འབྱོར་པའི། །དད་པ་དང་ནི་དམ་ཚིག་གིས། །མིང་སྲིང་བཞིན་དུ་དམ་བསྲེས་པའི། །དམ་ཚིག་ཆེན་པོའི་དུས་ལ་བབ། །རྡོ་རྗེ་དྲི་ཆུ་བདུད་རྩི་མཆོག །པཉྩ་ཨ་མྲྀ་ཏ་སྦྱར་ཏེ། །བསྟན་སྐྱོང་རྡོ་རྗེ་དྲག་མོ་རྒྱལ། །(༦ན)

― GLG025_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་གསུང་ཐུགས་སྤྲུལ་གཡོག་འཁོར་ལ། ཁྲོ་བོ་རྡོ་རྗེ་གནོད་སྦྱིན་གྱིས། །ལྕེ་ལ་བདུད་རྩི་བཞག་ནས་ནི། །སྔོན་ཚེ་ཇི་ལྟར་མནའ་བོར་བཞིན། །ང་ཡངདམ་ལས་མི་འདའོ། ཁྱེད་རྣམས་དམ་ལས་མ་འདའ་ཞིག །གལ་ཏེ་དམ་ལས་ཁྱོད་འདས་ན། ཁྲོ་བོ་རྡོ་རྗེ་གནོད་སྦྱིན་གྱིས། །སྙིང་ཁྲག་བཞོས་ཏེ་འཐུང་པར་བྱེད། །དེ་བས་དམ་ལས་མ་འདའ་བར། །བཅོལ་བའི་འཕྲིན་ལས་གྲུབ་པར་མཛོད། །བཛྲ་ཡཀྴ་ཧཱུཾ་ཧཱུཾ། དྲུག་པ་མཆོད་པ་འབུལ་ཞིང་ཐུགས་དམ་བསྐང་བ་ནི། ཧཱུཾ ཐབས་དང་ཤེས་རབ་གཏེར་ཁ་འོག་མ། གཉིས་མེད་པའི། །རང་བྱུང་གདོད་ནས་རྣམ་པར་དག །རྩ་བརྒྱད་སྟོང་ལ་སྦྱར་བའི་སྨན། །ར་ས་ཡ་ན་ལ་སོགས་པའི། །བཅོམ་ལྡན་ཆེ་མཆོག་ཡབ་ཡུམ་ལ། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེར་དགོངས་དབང་དང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། །ཉུལ་ལ་འབུམ་གྱི་དཀྱིལ་འཁོར་ནས། །རྨ་རི་རབ་འབྱམས་ཞལ་དུ་ཁ་རཾ་ཁཱ་ཧི། །རྟེན་དུ་བཙུགས་ན་རང་དབང་མེད་པར་འདུ། །སྲིད་པ་ཆགས་པའི་མ་མོའི་ཞལ་དུ་ཁ་རཾ་ཁཱ་ཧི། །རྣམ་དག་བདུད་རྩིའི་དམ་རྫས་མཉེས་མཆོད་འབུལ། །ཐུགས་རྗེས་བརྩེ་དགོངས་དབང་དང་དངོས་གྲུབ་སྩོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། །བྷྱོ། བསྟན་སྐྱོང་རྨ་རི་རབ་འབྱམས་ལ། །ཕྱི་ཡི་མཆོད་པ་འབུལ་བ་ནི། །མཛེས་པའི་མེ་ཏོག་དབུ་ལ་འབུལ། །དྲི་ཞིམ་བདུག་སྤོས་ཤངས་ལ་འབུལ། །སྣང་གསལ་མར་མེ་སྤྱན་ལ་འབུལ། །དམ་(༦བ)

― GLG025_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

རྫས་གཏོར་མ་ལྗགས་ལ་འབུལ། །ཐོད་རྔ་གླིང་བུ་སྙན་ལ་འབུལ། །མི་ལྤགས་གཡང་གཞི་སྐུ་ལ་འབུལ། །ཤ་ཆེན་སྤོས་ཀྱི་མཆོད་པ་འབུལ། །ཞུན་ཆེན་མར་མེའི་མཆོད་པ་འབུལ། རྡོ་རྗེ་དྲི་ཆུའི་མཆོད་པས་མཆོད། །ཨཱོཾ་བཛྲ་པུཥྤེ། དྷཱུ་པེ། ཨཱ་ལོ་ཀེ །གནྡྷེ། ནཻ་བིདྱེ། ཤཔྟ་པཱུ་ཙ་མེ་གྷ་ས་མུ་དྲ་སྥ་ར་ཎ་ས་མ་ཡ་ཧཱུཾ། བྷྱོ། རང་བྱུང་ནང་མཆོད་འབུལ་བ་ནི། །འབྲས་ཆན་འཁུར་བ་ཟན་དང་ཆང་། །མི་ཤ་ལ་སོགས་ཤ་ལྔས་བརྒྱན། །གཏི་མུག་ཤ་ནི་ཟན་ལས་ཞིམ། །འདོད་ཆགས་ཁྲག་གི་ཆང་ལས་ཞིམ། །ཞེ་སྡང་ཀེང་རུས་རྫ་ལྟར་སྤུངས། །ནང་གི་མཆོད་པ་བཞེས་སུ་གསོལ། །མ་ཧཱ་པཱུ་ཛ་ཧོཿ བྷྱོ། གཉིས་མེད་གསང་མཆོད་འབུལ་བ་ནི། །ཟག་བཅས་ཕུང་པོ་རྣམ་པ་ལྔ། །སྐུ་ཡི་མཆོད་པ་བཞེས་སུ་གསོལ། །འདོད་ཆགས་ཞེ་སྡང་ཉོན་མོངས་ལྔ། །གསུང་གི་མཆོད་པ་བཞེས་སུ་གསོལ། །ཐིག་ལེ་དཀར་དམར་བདེ་གསལ་དབྱིངས། །ཐུགས་ཀྱི་མཆོད་པ་བཞེས་སུ་གསོལ། །བླ་མེད་གསང་བའི་བློ་བྲལ་དང་། །བློ་དང་ལྡན་པ་སྣ་ཚོགས་རྣམས། །གཟུང་འཛིན་མེད་པར་འབུལ་ལགས་ཀྱི། །དུག་གསུམ་ལུས་ངག་ཡིད་དང་གསུམ། །སྐུ་གསུང་ཐུགས་ཀྱི་མཆོད་པ་བཞེས། །མ་ཧཱ་པཱུ་ཛ་ཧོཿ བསྐང་ངོ་བསྐལ་པའི་ཚིག་ཟུར་ཅུང་ཟད་བཟོས་པ། ཐུགས་དམ་བསྐང་། །ཆོས་དབྱིངས་མཁའ་འགྲོ་ཕོ་བྲང་ནས། །མངོན་རྫོགས་རྒྱལ་བའི་ཐུགས་དམ་བསྐང་། །གླིང་བཞིའི་མངའ་བདག་ཡིན་པའི་ཕྱིར། །རྨ་རི་རབ་འབྱམས་ཐུགས་དམ་བསྐང་། །བསྟན་མ་སྐྱོང་མ་ཏི་མ་དང་། །ཡ་མའི་ཚོགས་ཀྱི་ཐུགས་དམ་(༧ན)

― GLG025_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐང་། །འཁོར་བཅས་ཤ་སྣས་བསྐང་བ་ནི། །རི་རབ་སྲིད་པའི་བུམ་རྩེ་ནས། །ཡེ་ཤེས་མཆོག་གི་མ་མོ་ལ། །སེང་གེ་དཀར་མོའི་ཤ་ཡིས་བསྐང་། །མི་རྟོག་ནམ་མཁའི་མཁའ་སྟོང་ནས། །དམ་ཚིག་གཟི་ལྡན་འབར་མ་ལ། །ཤ་ཆེན་མཆོག་གིས་ཐུགས་དམ་བསྐང་། །བ་ལང་དཀར་པོའི་ཤ་ཡིས་བསྐང་། །དཔའ་གཏུམ་སྟག་མོའི་ཤ་ཡིས་བསྐང་། །པུ་ཤུད་རྨ་བྱའི་ཤ་ཡིས་བསྐང་། །ཐོགས་མེད་བྱ་ཁྱུང་ཤ་ཡིས་བསྐང་། །མི་སྣང་འཇོལ་མོའི་ཤ་ཡིས་བསྐང་། །བྱ་རྒོད་དཀར་པོའི་ཤ་ཡིས་བསྐང་། །ཅེ་སྤྱང་ནག་པོའི་ཤ་ཡིས་བསྐང་། །གཏི་མུག་དྲེད་མོའི་ཤ་ཡིས་བསྐང་། །ང་རྒྱལ་འཕར་བའི་ཤ་ཡིས་བསྐང་། །ཞེ་སྡང་སྦྲུལ་གྱི་ཤ་ཡི་བསྐང་། །བསྟེན་པའི་དམ་རྫས་ཡིན་པའི་ཕྱིར། །ལུག་ནག་སྤྱི་དཀར་ཐུགས་དམ་བསྐང་། །འབོད་པའི་དམ་རྫས་ཡིན་པའི་ཕྱིར། །རོལ་མོའི་སྒྲ་ཡིས་ཐུགས་དམ་བསྐང་། །རྟག་ཏུ་མི་འབྲལ་འགྲོགས་པའི་ཕྱིར། །རྟག་གཏོར་ཆེན་པོས་ཐུགས་དམ་བསྐང་། །རྒྱུན་དུ་མི་འབྲལ་འགྲོགས་པའི་ཕྱིར། །རྒྱུན་གྱི་གཏོར་མས་ཐུགས་དམ་བསྐང་། །དམ་ཚིག་གཉན་པོ་བསྲེ་བའི་ཕྱིར། །བདུད་རྩི་སྨན་གྱིས་ཐུགས་དམ་བསྐང་། །རཀྟ་སྐོམ་དུ་འཐུང་བའི་ཕྱིར། ཁྲག་གི་རྒྱ་མཚོས་ཐུགས་དམ་བསྐང་། །སྲིན་བྱ་བྱ་རོག་ངུར་པ་སོགས། །འཁོར་དང་བཅས་པའི་ཐུགས་དམ་བསྐང་། །ཤ་སྣ་སྟོང་གིས་ཐུགས་དམ་བསྐང་། །སྙིང་སྣ་འབུམ་གྱིས་ཐུགས་དམ་བསྐང་། །བྷྱོ། སྲིད་པ་ཆགས་བྱེད་ལ་སོགས་ལ། །གུང་རུ་(༧བ)

― GLG025_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོད་ཀྱི་དཀོར་ཆ་དང་། །རྒྱ་ཡུལ་མཐིལ་གྱི་དར་དང་ཟབ། །མདོ་ཁམས་སྨད་ཀྱི་ཇ་དང་ཟོག །མང་ཡུལ་སྟོད་ཀྱི་སྨན་དང་སྤོས། །སྤ་གྲོ་སྨད་ཀྱི་བཙོད་དང་ཞུན། །བྱང་ཁ་སྟོད་ཀྱི་ཚྭ་དང་ཉ། །བོད་ཁ་སྨད་ཀྱི་འབྲུ་དང་བཅུད། །ལྷ་མོ་འཁོར་དང་བཅས་པའི་ཐུགས་དམ་བསྐང་། །ཨཱོཾ། ལྷུན་གྲུབ་ཆོས་དབྱིངས་ཞི་བསྐང་ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པ། བདེ་བ་ཆེན་པོའི་དངོས། །རྣམ་པ་རེ་བ་སྐོང་མཛད་མཐུན་པའི་རྫས། །དངོས་བཤམས་ཡིད་ཀྱིས་སྤྲུལ་པའི་མཆོད་པའི་སྤྲིན། །ནམ་མཁའི་ཁམས་ཀུན་བཀང་སྟེ་འབུལ་བ་ནི། །རིན་ཅེན་གསེར་དངུལ་འོད་འབར་སྣོད་ཡོངས་སུ། །འབྲས་ཆང་རྒུན་ཆང་ནས་གྱི་ཆང་ཕུད་སོགས། །མཚོ་ལྟར་རབ་བསྐྱིལ་གཙང་མའི་གསེར་སྐྱེམས་འདི། །བསྟན་སྐྱོང་ཆེན་མོ་འཁོར་དང་བཅས་ལ་འབུལ། །ཙན་དན་ཤུག་པ་ཨ་ཀ་རུ་ལ་སོགས། །དྲི་ཞིམ་ངད་ལྡན་སྤོས་སྣ་བརྒྱ་ཕྲག་ཚོགས། །བསྲེགས་པའི་དུད་སྤྲིན་ནམ་མཁའི་ཁམས་གང་བས། །དམ་ཚིག་གཟི་ལྡན་འབར་མ་འཁོར་བཅས་བསངས། །རིན་ཅེན་སྒ་སྲབ་མཛེས་པའི་དར་སྣས་བརྒྱན། །ཤ་བ་དུང་གི་རྭ་བཅུ་ཟངས་སེ་ཟང་། །སྤྲིན་དཀར་གཡོ་འདྲའི་རྟ་མཆོག་གློག་ལྟར་འཁྱུག །འཇམ་པའི་སྤུ་ལྡན་ཤེལ་ལྟར་འཚེར་པའི་ལུག །འཇའ་ཚོན་ལྟར་བཀྲའི་རྒྱན་ལྡན་ར་སྐྱེས་སོགས། །གཡུ་བྱ་ཕུག་རོན་ཚོགས་རྣམས་ཐིབས་སེ་ཐིབ། ཁུ་བྱུག་མྱོས་པའི་སྒྲ་འབྱིན་ལང་ལིང་གཡོ། །བྱ་ནག་སྲིན་མོའི་ཚོགས་ནི་ཟློས་གར་བསྒྱུར། །སྐད་སྙན་བྱིའུ་སྣ་ཚོགས་གླུ་དབྱངས་ལེན། །མཛེས་པའི་སྤྱན་གཟིགས་རྣམས་ཀྱིས་ཐུགས་དམ་

― GLG025_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐང་། །ཇ་ཆང་ཕུད་སོགས་བཏུང་བ་མཚོ་ལྟར་བསྐྱིལ། །རོ་བརྒྱ་ལྡན་པའི་ཞལ་ཟས་སྣ་ཚོགས་དང་། །འབྲུ་སྣ་ལ་སོགས་བཅའ་པའི་བྱེ་བྲག་དང་། །དཀར་གསུམ་མངར་གསུམ་གཙང་མའི་ཕུད་ཀྱིས་མཆོད། །ལྷ་རྫས་མེ་ཏོག་ཚོགས་ཀྱིས་བར་སྣང་གང་། །རབ་འབར་སྒྲོན་མེའི་ཕྲེང་བ་མཚར་དུ་མངར། །གདངས་སྙན་སྐད་ཀྱི་འགྱུར་པ་བརྒྱ་ཕྲག་སོགས། །སིལ་སྙན་རོལ་མོའི་བྱེ་བྲག་ཀུན་ཀྱང་འབུལ། །སྟོང་གསུམ་ཁྱོན་ལྟར་རིན་ཅེན་སྣོད་ཡངས་སུ། །རི་རབ་ལྟ་བུར་སྤུངས་པའི་གཏོར་མ་འདི། །ཨཱོཾ་ཨཱཿཧཱུཾ་གིས་བདུད་རྩིའི་བྱིན་བརླབས་ནས། །བསྟན་སྐྱོང་ཆེན་མོ་འཁོར་བཅས་ཞལ་དུ་འབུལ། ཚོགས་འཁོར་འབུལ་བ་ནི། བྷྱོ། ཚོགས་གཏེར་ཁ་འོག་མ་ཟུར་ཅུང་ཟད་བསྒྱུར་བ། ཀྱི་དངོས་པོ་བསྲེགས་སྦྱངས་བཀྲུས། །རཾ་ཡཾ་ཁཾ་ཨོཾ་ཨཱཿཧཱུཾ། བདེ་བར་གཤེགས་སོ་བཅོམ་ལྡན་འདས། །སངས་རྒྱས་ཀུན་གྱི་བདག་ཉིད་ཅན། །རྡོ་རྗེ་དྲག་རྒྱལ་འཁོར་བཅས་ལ། །ཞལ་ཟས་ཚོགས་ཀྱི་མཆོད་པ་འབུལ། །ག་ཎ་ཙཀྲ་པུ་ཛ་བྷ་ལིནྟ་ཁཱ་ཧི། བྷྱོ། གཟི་ལྡན་འབར་མ་འཁོར་བཅས་རྣམས། །ཕྱི་ནང་གསང་གསུམ་ཚོགས་ལ་རོལ། །དམ་སྐོངས་དབང་དང་དངོས་གྲུབ་སྩོལ། །མི་མཐུན་རྐྱེན་དང་བར་ཆད་སོལ། །རྩ་བ་ཡན་ལག་དམ་ཚིག་ཀུན། །ཞལ་ཟས་ཚོགས་ཀྱིས་མཐོལ་ལོ་བཤགས། །བཛྲ་ས་མ་ཡ་ཧོཿ ཚོགས་བར་པ་བཏང་བ་ནི། ཨེ་ཧྱེ་ཧི་ནི་ཚུར་སྤྱོན་འཁོར་དང་བཅས། །མ་ཏྲི་ཤ་ལ་རོལ་ཞིག་མཆོད་པ་བཞེས། །དམར་ཆེན་ཁྲག་ལ་རོལ་ཞིག་མཆོད་(༨བ)

― GLG025_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བཞེས། །གསུར་ཆེན་ཚིལ་ལ་རོལ་ཞིག་མཆོད་པ་བཞེས། །རུས་ཆེན་རྐང་ལ་རོལ་ཞིག་མཆོད་པ་བཞེས། །དགྲ་བགེགས་ཤ་ཁྲག་རུས་པ་ལ་ཁཱ་ཧི། །ཐ་མ་སྟོབ་པ་ནི། མ་མོ་ཐམས་ཅད་དབྱིངས་སུ་དགྱེས། །ཕྱག་ན་དབང་དྲག་ཕུར་པ་དྲིལ། །བསད་མནན་སྤར་པའི་ལས་མཛོད་ཅིག །ཨཱོཾ་བྷྱོ་དྷེ་ཆེ་གེ་མོ་ལ་ཛཿ ཆེ་མཆོག་མ་མོའི་ལྷ་ཚོགས་རྣམས། །ཞལ་གདངས་ལྗགས་འདྲིལ་ཚེམས་གཙིགས་ནས། །དགྲ་བགེགས་དམ་ཉམས་ཞལ་དུ་སྟབ་བོ་ཁ་རཾ་ཁཱ་ཧི། །མ་ཧཱ་རཀྟ་གོ་རོ་ཙ་ན་ཁ་རཾ་ཁཱ་ཧི། ལྷག་མ་བཏང་བ་ནི། བྷྱོ། དང་པོ་ཕུད་ཀྱིས་མི་མཆོད་དུ། །བཅོམ་ལྡན་དཔལ་ཆེན་ཕུད་ལ་དབང་། །བར་དུ་ཚོགས་ལ་མི་རོལ་དུ། །དམ་ཅན་སྲུང་མ་ཚོགས་ལ་བདག །དེ་ནས་དམར་གྱིས་མི་སྦྲན་དུ། །མ་དང་མཁའ་འགྲོ་ཁྲག་ལ་དགྱེས། །ལྷག་མ་ཁ་ཆུས་མི་སྦྲན་དུ། །རྗེ་དང་འབངས་ཀྱི་ཁྱད་པར་ཆེ། །ལྷག་མ་ཕུད་ཀྱི་གཏོར་མ་འདི་བཞེས་ལ། །བཅོལ་བའི་འཕྲིན་ལས་མྱུར་དུ་གྲུབ་པར་མཛོད། །བྷྱོ། ཡུལ་གཏེར་ཁ་འོག་མ་ནས་མངའ་རིས་པཎ་ཆེན་རིན་པོ་ཆེས་བསྒྲིགས་པ། གཅིག་དབུ་རུ་སྙེ་མཚམས་ན། །རབ་འབྱམས་རྡོ་རྗེ་དྲག་མོ་རྒྱལ། །དཀར་མོ་གསེར་གཡུའི་ཐོད་གདངས་ཅན། །ན་བཟའ་སྨུག་ནག་འབར་བ་གསོལ། །རལ་པའི་ཐོར་ཚུགས་ལྕགས་ཐོད་འཛིན། །ཆིབས་སུ་འབྲོང་ཆེན་རྭ་དགུ་བཅིབས། །འཁོར་དུ་སྨན་མོ་སྟོང་གིས་བསྐོར། །བཤོས་བུ་སྙིང་དང་གཏོར་མས་བསྐང་། །བདག་གི་བསམ་པའི་དོན་རྣམས་སྒྲུབས། །ཧོ། དཀྱིལ་འཁོར་གཉན་གྱི་སྲུང་མ་ཆེན་མོ། །མཁའ་འགྲོ་འབར་མའི་གཙོ་མོ་ཆེན་མོ། །(༩ན)

― GLG025_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

སློབ་དཔོན་པདྨའི་བྲན་གཡོག་ཆེན་མོ། །སྒྲུབ་ཆེན་རྣམས་ཀྱི་བཀའ་ཉན་ཆེན་མོ། །ནོར་དང་ཆོས་ཀྱི་གཏེར་སྲུང་ཆེན་མོ། །བོད་ཁམས་སྐྱོང་བའི་བསྟན་མ་ཆེན་མོ། །གསང་སྔགས་སྒྲུབ་པའི་རྣལ་འབྱོར་ཆེན་མོ། །དགྲ་བགེགས་སྒྲོལ་བའི་མཐུ་མོ་ཆེ། །ནད་པ་གསོ་བའི་བྱིན་རླབས་ཅན། །སྲིའུ་གསོ་བའི་དཔལ་མོ་ཆེ། །རྣོ་མཐོང་སྟོན་པའི་མངོན་ཤེས་མཁན། །ཕྱུགས་མ་སྐྱོང་པའི་གཡག་རྫི་མོ། །སྔོན་ཚེ་ཁས་བླངས་དམ་བཅས་བཞིན། །དམ་རྫས་མཆོད་གཏོར་འདི་བཞེས་ལ། །བོད་ཁམས་རྟག་ཏུ་བདེ་བ་དང་། །རིམས་ནད་ཡམས་ནད་བཅད་དུ་གསོལ། །རྣལ་འབྱོར་འཁོར་བཅས་བསྲུང་བ་དང་། །ནད་དང་བགེགས་རྣམས་མེད་པར་མཛོད། །ཆགས་ཆེ་ཉམ་ང་ཐམས་ཅད་བཟློག །དགྲ་བགེགས་ཐམས་ཅད་རྡུལ་དུ་རློག །འཕྲིན་ལས་བཞི་སོགས་དངོས་གྲུབ་ཀུན། །སྒྲུབ་པ་པོ་ལ་མྱུར་དུ་སྩོལ། །ཡང་གྷ་བཟའ། དམ་ཚིག་གཟི་ལྡན་འབར་མ། །གོང་གསུམ་སྨན་གཅིག་མ་ས་པ་རི་ཝཱ་ར་མ་ཧཱ་པཉྩ་ཁཱ་ཧི། རྡོ་རྗེ་དྲག་རྒྱལ་དཀར་གསལ་མདོག །སྨུག་ནག་གོས་ཅན་རྭ་བཅུ་བཅིབས། །མཆོད་གཏོར་འདི་བཞེས་འཕྲིན་ལས་མཛོད། །ཀུན་ཀྱང་རྡོ་རྗེའི་སྐུ་གསུང་ཐུགས། །ཡབ་ནི་རྫི་རྒན་ཤེལ་གྲི་བུན། །ཡུམ་ནི་གནོད་སྦྱིན་གདུག་པའི་རིགས། །གཉིས་མེད་སྙོམས་ཞུགས་སྤྲུལ་པའི་སྲས། །རྡོ་རྗེ་དྲིལ་འཛིན་བསྟན་མའི་ཚོགས། །རང་རང་སྡེ་དཔུང་སྟོང་ཕྲག་འཁོར། །ལ་ལ་དཀར་མོ་ཟླ་བའི་མདངས། །ལ་ལ་གསེར་འོད་ཀུན་ཏུ་འབར། །ལ་ལ་(༩བ)

― GLG025_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་མདངས་སྲིད་གསུམ་སྡུད། །ལ་ལ་ལྗང་ནག་འོད་ཟེར་ཅན། །ལ་ལ་ཞི་ཚུལ་དགྱེས་པ་ལ། །ལ་ལ་ཁྲོ་ཚུལ་འཇིགས་བྱེད་ལ། །ལ་ལ་སྣ་ཚོགས་སྒྲུབ་པ་མོ། །ཀུན་ཀྱང་ཕྱག་གཡས་རྡོ་རྗེ་དང་། །གཡོན་པ་ནོར་བུ་འབར་བ་བསྣམས། །རིན་ཅེན་ཐོད་གདེངས་རྒྱན་ཕྲེང་ཅན། །ཞི་རྒྱས་དབང་དྲག་འཕྲིན་ལས་ཀྱི། །རང་རྟགས་དངོས་གྲུབ་ཀུན་ཀྱི་བདག །མཆོད་གཏོར་འདི་བཞེས་ཆོས་ནོར་སྤེལ། །ཇི་ལྟར་བསམས་པའི་འདོད་དོན་ཀུན། །བཅོལ་བ་ཙམ་གྱིས་གྲུབ་པར་མཛོད། །བརྩེ་གདུང་དྲག་པོས་མ་དང་སྲིང་། །བསྟན་མའི་ཚོགས་རྣམས་མཆོད་བསྟོད་ན། །འཕྲིན་ལས་རྣམ་བཞི་ཐོགས་མེད་སྒྲུབས། །བཅོལ་བའི་འཕྲིན་ལས་གྲུབ་པར་མཛོད། །ཅེས་སྤོས་དང་རོལ་མོ་དང་ཕུད་དང་གཏོར་མས་ཕྱོགས་བཞིར་མཆོད། གང་འདོད་རེ་བ་རྫོགས་པར་འགྱུར། །དཔལ་གྱི་གསུང་ལས་བྱུང་བ་སྟེ། །གནོད་སྦྱིན་ཆེན་མོ་ཡང་གྷ་བཟའ། །ལས་ཀུན་བདག་ཉིད་ཁྱད་པར་དུ། །ཞི་དང་དྲག་པོའི་ལས་མཛད་མ། །བསྟན་འཛིན་སྐྱོང་ཞིང་བསྟན་བཤིག་རྣམས། །གང་འཚམ་ཆད་པས་འདུལ་བར་མཛོད། །སྔགས་གཤམ་དུ་ལས་གང་འདོད་སྦྱར། །ཧཱུཾ། མ་མོ་རྡོ་རྗེ་བསྟན་མའི་ཚོགས། །མ་རྟགས་རྟེན་འབྲེལ་བཅུ་གཉིས་པོ། །རྣམ་དག་སྐྱེ་མཆེད་མཁའ་འགྲོ་མ། །ཚོགས་དྲུག་ཡུལ་དྲུག་རབ་རྒྱས་ནས། །དགེ་ལེགས་བསམ་དོན་ཀུན་འགྲུབ་ཅིང་། །བདེ་ཆེན་ཡེ་ཤེས་འབར་བར་མཛོད། །འཇིག་རྟེན་འདས་ཀྱང་འཁོར་བ་མོ། །ཡེ་ཤེས་གྲུབ་ཀྱང་ལས་ཀྱི་གཉེར། །རྫུ་འཕྲུལ་ཐོགས་(༡༠ན)

― GLG025_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་སྙིང་ཉེ་གྲོགས། །སྔོན་ཚེ་རྡོ་རྗེ་སྲིན་པོའི་བཀའ། །བར་དུ་པདྨ་ཐོད་ཕྲེང་ལུང་། །དེ་ནས་རིགས་འཛིན་བླ་མའི་མཆིད། །ད་ལྟ་བདག་གི་རེ་བ་སྐོང་། །རྒྱན་གྱི་གཏོར་མ་འདི་བཞེས་ལ། །བཅོལ་བའི་འཕྲིན་ལས་གྲུབ་པར་མཛོད། །བླ་མ་རྡོ་རྗེ་སྲིན་པོ་ལ། །ཕྱག་བྱས་མཁའ་འགྲོ་བཅུ་གཉིས་ཀྱི། །ཕ་རབས་ཚུལ་དུ་བསྟོད་པར་བྱ། །ཧཱུཾ། དོན་གྱི་དབྱིངས་ལས་ཡེ་ཤེས་ཡབ། །ཡུམ་ཆེན་རྡོ་རྗེ་མཁའ་འགྲོ་མ། །སྣང་སྟོང་ཡབ་ཀྱི་རྗེས་བྲན་ལས། །བདེ་སྟོང་མ་བདུད་བཅུའི་ནང་ཚན། །ནམ་གྱི་ཤེལ་གྲི་དཀར་པོ་ལས། །ཆགས་པའི་མ་མོ་གནོད་སྦྱིན་མ། །སྙོམས་པར་ཞུགས་པའི་བྱིན་རླབས་ལས། །གནོད་སྦྱིན་ཆེན་མོ་ཡང་གྷ་བཟའ། །སྐྱེ་གནས་བཞི་ཡིས་ཐུགས་དམ་བསྐང་། །མཐར་ཐུག་བདེ་ཆེན་ཟུང་འཇུག་ལས། །སྣང་སྲིད་བདེ་ཆེན་གཅིག་ཏུ་འཁྱིལ། །སྣང་བ་ཡབ་ལ་སྟོང་པ་ཡུམ། །རིག་རྩལ་སྲས་ཀྱི་ཚོགས་དང་བཅས། །འཁོར་འདས་རོ་མཉམ་ཐུགས་དམ་བསྐང་། །བསྐང་ངོ་མཆོད་དོ་མ་ཆེན་ཚོགས། དངོས་གྲུབ་དམ་པ་དེང་འདིར་སྩོལ། །བསྟོད་པ་ནི། ཧཱུཾ། རྡོ་རྗེ་གཏེར་ཁ་འོག་མ། དབང་ཕྱུག་ཡེ་ཤེས་ཁྲོ་རྒྱལ་གཙོ། །གདུག་པའི་དབང་གིས་ཁྲོ་བོའི་སྐུར་བསྟན་པ། །དུར་ཁྲོད་ཆས་བརྒྱད་སྐུ་ལ་རབ་ཏུ་བརྗིད། །ཕྱག་དྲུག་ཕྱག་ན་མཚོན་ཆ་སྣ་ཚོགས་བསྣམས། །ཞབས་གཉིས་རུ་དྲའི་སྟེང་ན་སྟབས་ཀྱིས་བཞུགས། ཁྲོ་བོ་རྡོ་རྗེ་གནོད་སྦྱིན་སྐུ་ལ་བསྟོད། །དམར་ནག་རལ་བ་འབར་ཞིང་དོམ་ནག་རྒྱུག །རྨ་རི་རབ་འབྱམས་སྐུ་ལ་ཕྱག་འཚལ་བསྟོད། །བྷྱོ། བསྟན་(༡༠བ)

― GLG025_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྐྱོང་ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པ། མཛད་དཔལ་ལྡན་ཡང་གྷ་བཟའ། །གསང་མཚན་དམ་ཚིག་གཟི་ལྡན་འབར་མ་སྟེ། །རྨ་རི་རབ་འབྱམས་རྡོ་རྗེ་དྲག་མོ་རྒྱལ། །རྒྱལ་བའི་བསྟན་སྲུང་ཆེན་མོ་ཁྱོད་ལ་བསྟོད། ཁྱོད་སྐུ་རབ་དཀར་ཤེལ་གྱི་ལྗོན་པ་བཞིན། །ལྷབ་ལྷུབ་དར་དང་རིན་ཅེན་རྒྱན་ཕྲེང་གཡོ། །རིན་ཅེན་དབུ་རྒྱན་འཕུར་ལྡིང་ཅོད་པན་ཅན། །ཆོས་འཁོར་སྐྱོང་མཛད་དཔལ་མོ་ཁྱོད་ལ་བསྟོད། །སྐུ་གསུང་ཐུགས་ཀྱི་བཀའ་ཉན་གཙོ་མོ་གསུམ། །དམ་ཚིག་ལྡན་པའི་མཆེད་གྱུར་བསྟན་མའི་ཚོགས། །ལས་བྱེད་སྡེ་བརྒྱད་བཟུང་མོ་སྨན་མོའི་ཚོགས། །ས་དང་བར་སྣང་གང་བ་རྣམས་ལ་བསྟོད། །ལས་སྒྲུབ་པ་ལ་ངོ་མཐོན་དུ་དཔའ་བསྐྱེད་པའི་ཕྱིར་གསོལ་ཁའི་འཕྲིན་ལས་འདིར་མ་ཟད་བསྐང་བ་རྐྱང་པ་ལའང་སྤྱོད་རུང་ཞིང་བསྐང་བའི་ཚེ་འཛབ་བྱེད་ན་དེ་གྲུབ་རྗེས་མཛད་པའང་ཕྱག་ལེན་དུ་སྣང་བ། ནས་ཕྱེ་གཙང་མ་ལ་སྨན་སྣ། རིན་པོ་ཆེ་དང་སྤོས་སྣ། མར། ཆང་རྒོད་སོགས་བསྲེས་ཤིང་བྲན་པའི་རང་བཤོས་མཐེབ་སྐྱུས་སྐོར་ཞིང་རྒྱན་སྤྲོས་དང་བཅའ་ཡོས་སོགས་ཁ་ཟས་ཀྱི་བྱེ་བྲག་སྣ་ཚོགས་པ་དར་སྣས་བརྒྱན་པ་བཞི། དམ་ཚིག་གི་རྒྱ་ཕོར་ཆང་བཟང་པོ་སྨན་ཕབས་བཏང་པས་བཀང་ལ། མར་གྱི་ཟེ་པྲོག་གིས་སྤྲས་པ་བཞི། གཞན་ཡང་བསྐང་བའི་མཐུན་རྫས་ཀྱི་ཡས་དངོས་སུ་བཤམས་པ་གང་ཡོད་ཀྱང་དེ་དག་གི་མདུན་དུ་བཀོད། མདོས་དང་གསོལ་ཁའི་ཆོས་ཐམས་ཅད་སྔགས་དྲུག་ཕྱག་རྒྱ་དྲུག་གིས་བྱིན་གྱིས་བརླབས། མཆོད་སྦྱིན་གྱི་གཏོར་མ་གཟུགས། སྒྲ། དྲི། རོ། རེག་བྱ་འདོད་པའི་ཡོན་ཏན་ལྔ་དང་ལྡན་པ་ས་དང་བར་སྣང་ནམ་མཁའི་ཁྱོན་ཐམས་ཅད་གང་(༡༡ན)

― GLG025_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འདི་དང་། དགྱེས་པའི་སྤྱན་གཟིགས། མཆོད་པའི་བྱེ་བྲག་བསམ་གྱིས་མི་ཁྱབ་པ། གཙང་མ་ཕུད་ཀྱི་གསེར་སྐྱེམས་དམ་པ་དང་བཅས་པ་འདི་རྣམས། རྣལ་འབྱོར་ཡོངས་ཀྱི་དགྲ་ལྷ། སངས་རྒྱས་བསྟན་པའི་སྲུང་མ། ཆོས་འཁོར་ཡོངས་ཀྱི་སྲོག་ཤིང་། མཐུ་དང་སྟོབས་ཀྱི་བདག་མོ། བོད་ཁམས་སྐྱོང་བའི་བསྟན་མ། སྣང་སྲིད་ཀྱི་ལྷ་མ་སྲིན་སྡེ་བརྒྱད་བྲན་དུ་འཁོལ་བ། དམ་ཅན་སྒྲུབ་པ་པོ་བུ་བཞིན་དུ་སྐྱོང་བ། བསྟན་པ་ལ་གནོད་པའི་དགྲ་དང་བགེགས་ཐམས་ཅད་སྐད་ཅིག་གིས་བརླག་པར་བྱེད་པའི་དྲག་ཤུལ་ཅན་རྡོ་རྗེ་དྲག་མོ་རྒྱལ། མཚན་གཞན་ཇོ་མོ་ཡང་གྷ་བཟའ། གསང་མཚན་རྡོ་རྗེ་དམ་ཚིག་གཟི་ལྡན་འབར་མ། སྐུ་མདོག་དཀར་ལ་དམར་བའི་མདངས་ཆགས་པ། དར་གྱི་ན་བཟའ་དང་། རིན་པོ་ཆེའི་རྒྱན་ཕྲེང་གི་ལྷབ་ལྷུབ་ཅན། ཕྱག་གཡས་འཕྲུལ་གྱི་མེ་ལོང་བསྣམས་ནས་སྣང་སྲིད་གསལ་བར་སྟོན་ཅིང་། ཞགས་པས་དམ་ཉམས་ཀྱི་མགུལ་ནས་འཆིང་བ། གཡོན་པ་ལྕགས་ཀྱུ་དར་སྣ་ཚོགས་ཀྱིས་བརྒྱན་པས་དགྲ་བགེགས་རྣམས་ཀྱི་སྲོག་རྩ་གཅོད་ཅིང་སྣང་སྲིད་དབང་དུ་སྡུད་པ། ཆིབས་སུ་ཤ་བ་རྭ་བཅུ་ལ་བཅིབས་པ། རྨ་རི་རབ་འབྱམས་ཀྱི་རྩེ་ལ་བཞུགས་ནས་དཔལ་ལྡན་འབྲས་སྤུངས་ཀྱི་དགོན་གནས་སྐྱོང་ཞིང་བཀའི་བྱ་ར་མཛད་པ་གསོལ་ལོ། །མཆོད་དོ། །མགྲོན་ནོ། །བསྔོའོ། གཞན་ཡང་སྐུའི་གཡོག་མོ་དུད་གྷ་བཟའ་མཚེའུའི་རོང་ལ་གནས་པ། ཕྱག་གཡས་ལྕགས་ཀྱི་བྱ་ཁྲ་བསྣམས་ནས་སྤྲུལ་པ་ཕྱོགས་བཅུར་འགྱེད་ཅིང་། གཡོན་ལྕགས་ཀྱི་ཟོར་བས་དམ་ཉམས་ཀྱི་སྲོག་རྩ་གཅོད་པ། ཤ་བ་ཡུ་མོ་ལ་བཅིབས་པ་བདུད་མོའི་ཚོགས་(༡༡བ)

― GLG025_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བསྐོར་བ་ལ་གསོལ་ལོ། །མཆོད་དོ། །མགྲོན་ནོ། །བསྔོའོ། །གཞན་ཡང་ཕག་ཚང་གི་རོང་ལ་གནས་པ། གསུང་གི་གཡག་མོ་མམ་གྷ་བཟའ་རེ་ལྡེ་ནག་པོའི་ན་བཟའ་གྱོན་པ། ཕྱག་གཡས་ན་སྲེ་ལོང་གི་ཕྲེང་བས་ལེགས་ཉེས་རྩིས་ལ་འདེབས་ཤིང་གཡོན་དར་མདུང་དམར་པོ་དགྲ་ལ་འཕྱར་བ། དྲེའུ་ལ་བཅིབས་ཤིང་བཙན་དམག་འབུམ་གྱིས་བསྐོར་བ་དང་བཅས་པ་ལ་གསོལ་ལོ། །མཆོད་དོ། །མགྲོན་ནོ། །བསྔོའོ། །ཐུགས་ཀྱི་གཡོག་མོ་ཤེལ་བཟའ་སྨན་གཅིག་སྐུ་ལ་ཟ་འོག་གི་ན་བཟའ་བརྒྱན་ཅིང་ཆུ་དར་སྔོན་པོའི་ལྷབ་ལྷུབ་ཅན། དུང་གི་ཅོད་པན་དང་བྱུ་རུའི་རྒྱན་གྱིས་བརྒྱན་པ། ཕྱག་གཡས་དངུལ་སྐྱོགས་ཟས་ཀྱིས་གང་བ་གཙོ་མོ་ལ་སྟོབ་ཅིང་གཡོན་པ་དར་གྱི་ལྷབ་ལྷུབ་བསྣམས་པ། ཕག་ཚང་གི་རོང་ལ་བཞུགས་ཤིང་འབྲོང་གཡག་རོག་པོ་ལ་བཅིབས་ནས་བཀའི་བྱ་ར་མཛད་པ། སྨན་མོ་འབུམ་སྡེའི་འཁོར་གྱིས་བསྐོར་བ་ལ་གསོལ་ལོ། །མཆོད་དོ། །མགྲོན་ནོ། །བསྔོའོ། །ཞེས་ཕུད་རྣམས་གཏོར་ལ་བསྟན་སྐྱོང་ཆེན་མོ་འཁོར་དང་བཅས་པ་རྣམས་ཀྱིས་དམ་རྫས་རྒྱན་དང་ལྡན་པའི་མཆོད་གཏོར་འདི་བཞེས་ལ། སྔོན་སློབ་དཔོན་ཆེན་པོ་པདྨ་འབྱུང་གནས་དང་གནུབས་ཆེན་སངས་རྒྱས་ཡེ་ཤེས་ལ་སོགས་པ་བླ་མ་གོང་མ་རྣམས་ཀྱི་བཀའ་དང་དམ་ལ་བཏགས། རང་རང་གི་སྲོག་གི་སྙིང་པོ་ཕུལ་ནས་སངས་རྒྱས་ཀྱི་བསྟན་པ་བསྲུང་བ་དང་། རྣལ་འབྱོར་དམ་ཚིག་ཅན་རྣམས་ཀྱིས་ཇི་ལྟར་བསྒོ་བའི་འཕྲིན་ལས་བསྒྲུབ་པར་ཁས་བླངས་དམ་བཅས་པའི་དམ་ཚིག་རྗེས་སུ་དྲན་པར་གྱིས་ལ་སངས་རྒྱས་ཀྱི་བསྟན་པ་སྲུངས། དཀོན་ཅོག་གི་དབུ་འཕང་སྟོད། བསྟན་འཛིན་གྱི་སྐྱེས་བུ་དམ་པ་རྣམས་ཀྱི་སྐུ་ཚེ་སྲིངས། (༡༢ན)

― GLG025_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲིན་ལས་སྒྲུབས། ཁྱད་པར་དུ་ཡང་བདག་ཅག་དཔོན་སློབ་དགོན་གནས་དགེ་འདུན་ཀྱི་སྡེ་དང་བཅས་པ་ལ་ཉིན་གསུམ་གྱི་བྱ་ར། མཚན་གསུམ་གྱི་མེལ་ཚེ་མ་གཡེལ་བར་བསྲུང་བ་དང་། སྐྱོབ་པ་དང་། སྦ་བ་དང་། །སངས་རྒྱས་ཀྱི་བསྟན་པ། དགེ་འདུན་གྱི་སྡེ། བཤད་སྒྲུབ་ཀྱི་བྱ་བ་རྣམས་ཡར་ངོའི་ཟླ་བ་ལྟར་དུ་རྒྱས་པར་མཛོད་ཅིག །ཁམས་གསུམ་གྱི་ཟས་ནོར་ལོངས་སྤྱོད་ཕུན་སུན་ཚོགས་པ་ཐམས་ཅད་དབང་དུ་སྡུས་ཤིག །བསྟན་པ་དང་བསྟན་པ་འཛིན་པ་དང་དགོན་གནས་འདི་དག་ལ་གནོད་ཅིང་འཚེ་བ་དང་། བསམ་སྦྱོར་ངན་པའི་དགྲ་བགེགས་རྣམས་ཀྱི་བསམ་སྦྱོར་ངན་པ་ཐམས་ཅད་མྱུར་དུ་ཞི་ཞིང་དབང་དུ་བསྡུ་བར་མཛོད། གལ་ཏེ་ཞི་བས་འདུལ་བར་མ་འཚལ་ན་ལྟས་དང་ཆོ་འཕྲུལ་སྣ་ཚོགས་པས་སྤ་བཀོངས་ལ་སྐད་ཅིག་ཉིད་ལ་གང་ལ་གང་འཚམ་པའི་དྲག་པོའི་ཆད་པས་ཐལ་བར་བརླག་པར་མཛོད་ཅིག །མདོར་ན་གང་ལ་གང་བསྒོ་བའི་ཞི་རྒྱས་དབང་དྲག་གི་འཕྲིན་ལས་ཐམས་ཅད་ཐོགས་པ་མེད་པར་མྱུར་དུ་གྲུབ་པར་མཛོད་ཅིག །ཅེས་འཕྲིན་ལས་འཆོལ་ལོ། །བདུན་པ་བསྐུལ་ཞིང་འཕྲིན་ལས་འཆོལ་བ་ནི། བྷྱོ། རྨ་རི་གཏེར་ཁ་འོག་མ། ནམ་མཁའ་རིགས་ཀྱི་རྒྱལ་མོ་སྟེ། །འཇིག་རྟེན་རིགས་ལ་དབང་སྒྱུར་ལས་མཁན་མ། །བེར་ལྗང་གྱོན་ཅིང་དགྲ་བོའི་ཙིཏྟ་གསོལ། །དམར་མོ་སྲོག་གཅོད་མ་ཡི་ཐུགས་དམ་བསྐུལ། །རྩེ་ཞེས་གཙུག་ལག་འོད་འབར་མ། ཉང་གཏེར། །ཆིངས་སུ་འབྲོང་བུ་དར་མ་བཅིབས། །སྨན་རག་མཆོད་གཏོར་འདི་བཞེས་ལ། །བཅོལ་བའི་འཕྲིན་ལས་གྲུབ་པར་མཛོད། །མ་མོ་མཁའ་འགྲོ་མ་ལུས་པའི། །(༡༢བ)

― GLG025_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ཚོགས་དུ་མས་བསྐོར་བ་ནི། །ཀུན་ཀྱང་གདུག་པའི་ལག་ཆ་ཐོགས། །ཀུན་ཀྱང་སྲོག་དང་དབུགས་ལ་དགའ། །ཀུན་ཀྱང་ཤ་ཟ་ཁྲག་ལ་དགའ། །ཀུན་ཀྱང་མདངས་འཕྲོག་བཅུད་ལེན་མ། །རྒྱལ་བློན་འབངས་དང་ཡང་གཡོག་སོགས། །སྡེ་བརྒྱད་མང་པོའི་འཁོར་དང་བཅས། །དེ་རིང་མཐུ་དང་དཔུང་བསྐྱེད་ལ། །བཞི་བརྒྱ་རྩ་བཞིའི་ནད་རྣམས་དང་། །སྟོང་ཕྲག་དྲུག་ཅུའི་བགེགས་རྣམས་བཟློག །གཏད་ཁྲམ་ངན་སྔགས་རྦོད་གཏོང་དང་། །དགྲ་འདྲེའི་གནོད་པ་ཐམས་ཅད་བཟློག །དམ་ཅན་བསྟན་སྲུང་ཁྱེད་རྣམས་ཀྱིས། །རྣལ་འབྱོར་བདག་ཅག་འཁོར་བཅས་ལ། །ཚེ་རིང་ནད་མེད་བདེ་སྐྱིད་སྤེལ། །ཡིད་ལ་འདོད་པ་ཀུན་གྲུབ་མཛོད། །འགྲོ་ཀུན་ཕན་བདེའི་དཔལ་འབྱོར་དང་། །འཇིག་རྟེན་ཁམས་ཀྱི་འདོད་ཡོན་རྣམས། ཁུག་ཅིག་སྡུས་ཤིག་དབང་དུ་སྡུས། །བླ་མའི་སྐུ་དགྲ་བསྟན་ལ་གནོད། །སྔགས་འཆང་སྒྲུབ་ལ་བར་གཅོད་པའི། །སྡང་བའི་དགྲ་དང་གནོད་པའི་བགེགས། །སོད་ཅིག་རྒྱོབ་ཅིག་རེངས་པར་མཛོད། །ཟུངས་ཤིག་ཆིངས་ཤིང་རྡུལ་དུ་རློག །དེ་ཡི་ཤ་ཟོ་ཁྲག་ལ་འཐུང་། །དགྲ་བགེགས་ཕ་རོལ་གནས་སུ་སྒྲོལ། །སངས་རྒྱས་བསྟན་པ་དར་བ་དང་། །བསྟན་འཛིན་སྐྱེས་བུ་འགྲོ་དོན་འཕེལ། །རྒྱལ་ཁམས་བདེ་ཞིང་བཀྲ་ཤིས་པའི། །བསྟན་མ་རྣམས་ཀྱི་འཕྲིན་ལས་མཛོད། །ཧཱུཾ། ང་ནི་དཔལ་ལྡན་རྡོ་རྗེ་འཛིན། ཐམས་ཅད་མཁྱེན་པ་དགེ་འདུན་རྒྱ་མཚོས་མཛད་པ། སྲིད་གསུམ་དགྲ་བགེགས་ཀུན་གྱི་གཤེད། ཁྲོ་བོའི་རྒྱལ་པོ་རྟ་མཆོག་དཔལ། །དེ་རིང་བསྟན་སྐྱོང་ཚོགས་རྣམས་ལ། །དམ་(༡༣ན)

― GLG025_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་འཕྲིན་ལས་གཉེར་དུ་གཏོད། །བསྟན་སྐྱོང་རྡོ་རྗེ་དྲག་མོ་རྒྱལ། །སྐུ་གསུང་ཐུགས་ཀྱི་གཡོག་མོར་བཅས། །བསམ་ཡས་དཔལ་གྱི་མཆིམས་ཕུ་རུ། །སློབ་དཔོན་པདྨ་འབྱུང་གནས་ཀྱི། །རྟ་མགྲིན་ཁྲག་འཐུང་སྐུ་འཁོར་དུ། །དབང་བསྐུར་བཀའ་དང་དམ་ལ་བཞག །དེ་ཚེ་གསང་བའི་མཚན་བཏགས་པ། །རྡོ་རྗེ་དམ་ཚིག་གཟི་ལྡན་འབར། །དེ་ནས་སྒྲགས་ཀྱི་ཡང་རྫོང་དུ། །གནུབས་ཆེན་སངས་རྒྱས་ཡེ་ཤེས་ཀྱིས། །གཤིན་རྗེ་གཤེད་ཀྱི་དཀྱིལ་འཁོར་དུ། །དབང་བསྐུར་བཀའ་དང་དམ་ལ་བཞག །དེ་ནས་དཔལ་གྱི་ཕུག་པ་རུ། །སློབ་དཔོན་ཉན་ཆེན་དཔལ་དབྱངས་ཀྱིས། །ཡང་དག་སྒྲུབ་པའི་དཀྱིལ་འཁོར་དུ། །དབང་བསྐུར་བསྟན་པ་བསྲུང་བ་རུ། །བཀའ་བསྒོས་དམ་ཚིག་གཉེར་དུ་གཏད། །དེ་ལྟར་རྩ་བརྒྱུད་བླ་མ་ཡིས། །བཀའ་བསྒོས་རང་གི་ཁས་བླངས་པའི། །དམ་ཚིག་གཉན་པོ་དྲན་གྱིས་ལ། །ནམ་མཁའ་གང་བའི་སྤྱན་གཟིགས་དང་། །དམ་རྫས་མཆོད་གཏོར་འདི་བཞེས་ལ། །བཅོལ་པའི་ལས་འདི་མྱུར་དུ་སྒྲུབས། །དཔལ་ལྡན་རྡོ་རྗེ་དྲག་མོ་རྒྱལ། །གོང་གསུམ་སྐྱོང་བའི་སྨན་གཅིག་མ། །གསང་མཚན་རྡོ་རྗེ་གཟི་ལྡན་འབར། །མཐུ་སྟོབས་དབང་ཕྱུག་ཡང་གྷ་བཟའ། ཁྱོད་ཉིད་དགྲ་ལ་ཁྲོས་པའི་ཚེ། །ཆིབས་སུ་གློག་ཕྲེང་འབར་བ་བཅིབས། ཁ་ནས་བསྐལ་པའི་མེ་དཔུང་འཕྲོ། །ཤངས་ནས་དུད་སྤྲིན་ཐུལ་ལུ་ལུ། །རྗེས་སུ་མེ་དཔུང་འབར་བ་ཁྲིད། །མཁའ་ལ་གློ་བུར་ཆུ་འཛིན་འཁྲིག །འབྲུག་སྒྲ་དྲག་པོ་ཕྱོགས་བཅུར་སྒྲོག །གནམ་ལྕགས་(༡༣བ)

― GLG025_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

སེར་ཆེན་དྲག་ཏུ་འབེབས། །ས་གཞི་མེ་དང་ཆུ་ཡིས་འགེངས། །བདུད་བྱ་སྐྱུང་ཀ་ཡིངས་སེ་ཡིང་། །བྱ་ནག་མཆུ་སེར་ཐིབས་སེ་ཐིབ། །སྨན་མོའི་ཤོན་སྐོར་ཁྲིགས་སེ་ཁྲིག །བདུད་དམག་མང་པོ་ཉེར་རེ་རེ། །བཙན་གྱི་རྟ་རྒྱུག་ཤར་ར་ར། །དགའ་ན་རྒྱ་མཚོ་མཁའ་ལ་སྐྱེལ། ཁྲོས་ན་ཉི་ཟླ་ཐང་ལ་འབེབས། །བགད་ན་རི་རབ་ཕྱེ་མར་འཐག །དེ་ལྟའི་མཐུ་རྩལ་ཆོ་འཕྲུལ་ཅན། །འཁོར་དང་བཅས་པ་ཁྱེད་རྣམས་ཀྱིས། །སངས་རྒྱས་བསྟན་པ་ལ་གནོད་ཅིང་། །དགེ་འདུན་སྡེ་རྣམས་དཀྲུག་ཅིང་འཇོམས། །སྐྱེ་བོ་ཡོངས་ལ་གནོད་སེམས་ཅན། ཁྱད་པར་དགོན་གནས་འདི་ཉིད་དང་། །རྣལ་འབྱོར་བདག་ཅག་འཁོར་བཅས་ལ། །སྡང་ཞིང་གདུག་པའི་བསམ་པ་ཅན། །མི་དང་མི་མིན་དགྲ་བགེགས་རྣམས། །ལྟས་དང་ཆོ་འཕྲུལ་སྣ་ཚོགས་པས། །འཇིགས་ཤིང་སྐྲག་ནས་སྤ་བཀོངས་ལ། །ལོ་དང་ཟླ་བར་མ་བཞག་པར། །སྙིང་ཁྲག་དྲོན་མོ་མྱུར་དུ་འཐུང་། །ད་ལྟ་ཉིད་དུ་བརླག་པར་གྱིས། །གདུག་ཅན་དམ་ཉམས་དགྲ་བོ་འདི། །གཉེན་འཁོར་ཕུན་ཚོགས་ཀུན་དང་ཕྲོལ། །སྐྱོབ་པའི་ལྷ་དཔོན་རྣམས་དང་ཕྱེ། །ཟས་ནོར་ལོངས་སྤྱོད་ཉམས་སུ་ཆུག །བདུན་བརྒྱད་ཚུན་ཆད་བརླག་པར་གྱིས། །བཅོལ་པའི་ལས་འདི་མ་བསྒྲུབས་ན། །སློབ་དཔོན་ཆེན་པོའི་བཀའ་དང་འགལ། །རང་གི་དམ་ཚིག་ཁས་བླངས་རྣམས། །རྣལ་འབྱོར་བདག་གི་རེ་བ་བཅད། །དེ་བས་དམ་ཚིག་མ་བསྙེལ་པར། །བཅོལ་པའི་འཕྲིན་ལས་མྱུར་དུ་སྒྲུབས། །བརྒྱད་པ་དབང་དུ་བསྡུ་བ་ནི། རང་ཉིད་ཁྲོ་བོའི་བསྐྱེད་རིམ།

― GLG025_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

གསར་ལ་ཆེ་བའི་ང་རྒྱལ་བསྐྱེད་དེ། འདི་སྐད་དོ། །ཧཱུཾ། ང་ནི་མཆིམས་ཕུའི་གཏེར་མ། རྟ་མཆོག་རྒྱལ་པོ་སྟེ། །ང་ནི་དྲེགས་པའི་བདག་པོ་ཡིན། །ང་ནི་ལྷ་འདྲེ་ཀུན་གྱི་རྗེ། །ང་ཡི་བཀའ་ལས་མི་ཉན་ན། །རྡུལ་ཕྲན་བཞིན་དུ་བརླག་པར་བྱེད། །དེ་བས་ང་ཡི་བཀའ་ལ་ཉོན། །གོང་གོང་ཆུམ་ཆུམ་ལས་ལ་ཤོག །ཨཱོཾ་ཉང་གཏེར་གཡུལ་བཟློག་གི་གཞུང་། ཨཱཿཧཱུཾ་སྭཱ་ཧཱ། བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཡ་མཱནྟ་ཀ་པདྨ་ཀྲོ་དྷཱི་ཤྭ་རི་བཛྲ་ཀཱི་ལི་ཀཱི་ལཱ་ཡ་ཙཎྜ་མ་ཧཱ་རོ་ཥ་ན། ཀཱ་ལ་རཱུ་པ། བཛྲ་ཡཀྵ་ཀྲོ་དྷ་པདྨ་བྷཱནྡྷ་མུ་ཀ་ཨཱ་ཀཪྴ་ཡ། ཨཱ་ཀཪྴ་ཡ། བནྡྷ་ཡ། བནྡྷ་ཡ། ཏོ་ཤ་ཡཱ། ཏོ་ཤ་ཡཱ། མོ་ཧ་ཡཱ། མོ་ཧ་ཡཱ། ཤྲཱི་མ་ཧཱ་ཀཱ་ལ་སརྦ་རཱུ་པ་བཛྲ་སརྦ་དུཥྚཾ་སརྦ་ཌཱ་ཀི་ནི་ཧྲི་ད་ཡ། ཧ་ཧ་ཧི་ཧི། ཨེ་ཨ་ར་ལི་ཧཱུཾ་ཛཿ། ཞེས་བརྒྱ་རྩ་བཟླ། དགུ་པ་བསྙེན་ཅིང་སྒྲུབ་པ་ལ་མ་ཡེངས་པར་སྲོག་གི་སྙིང་ནས་འབད་པ་ནི། ཨཱོཾ་ཨ་པེ་ཨ། ཡང་གྷ་བཟའ་ས་མ་ཡ་ཛཿཛཿ། ཨཱོཾ་ཨ་པེ་ཨ་གཟི་ལྡན་འབར་མ་ས་མ་ཡ་ཛཿཛཿ། ཨཱོཾ་ཨ་པེ་ཨ། སྨན་མོ་ཆེན་མོ་ས་མ་ཡ་ཛཿཛཿ། མ་མ་རུ་ལུ་རུ་ལུ་མ་ཏིང་མ་བྷྱོ། ཞེས་མཆིམས་ཕུའི་གཏེར་ཁ་ལས་བྱུང་བ་ལྟར་ཅི་ནུས་སུ་བཟླ་ཞིང་གཏེར་ཁ་གཞན་དག་ལས་འབྱུང་བ་བྱ་བར་འདོད་ན་བསྟན་མ་བཅུ་གཉིས་ཀྱི་ནང་ཚན་ངོས་བཟུང་སྟེ་བཟླ། ཞི་རྒྱས་དབང་དྲག་གི་དམིགས་པའི་རིམ་པ་ཞལ་རྒྱུན་ལས་འབྱུང་བ་བཞིན་ཉམས་སུ་བསྟར་རོ། །བཅུ་པ་མདོས་གླུད་ཀྱི་རབས་དང་ཡས་ཀྱི་ཆོ་འབྲང་འདོན་པ་ནི། རཀྴའི་གཏེར་བྱོན་ལས་ཤེས་པར་བྱའོ། །བཅུ་གཅིག་པ་མདོས་བསྔོ་ཞིང་འཕྲིན་ལས་འཆོལ་པ་ནི། (༡༤བ)

― GLG025_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

བྷྱོ། ཡུལ་གཡུལ་བཟློག་ནི་རྨ་ཡུལ་ཐང་བརྒྱད་ནས། །རྨ་ཆེན་སྦོམ་རའི་ལྕམ་གཅིག་མ། །གདུང་རུས་གཉན་ཏེ་རྨ་ཆེན་བཟའ། །བྱང་གི་སྨན་ཏིང་ཏིང་མོ་བཙུན། །གཡག་ལྤགས་སྟོང་གི་སློག་པ་ལ། ཁྱུང་གཤོག་སྟོང་གི་གཤོག་པ་ཅན། །ཆིབས་སུ་འབྲོང་བུ་རྭ་དགུ་བཅིབས། །ཕྱག་ན་མཆོང་གི་ཕུར་བ་བསྣམས། །ཉི་འོད་མ་བདུན་འཁོར་གྱིས་བསྐོར། ཁྱོད་ཀྱི་ཐུགས་དམ་དུས་ལ་བབ། །མཐུན་རྫས་མདོས་གླུད་འདི་ལོང་ལ། །བསྟན་པ་འཇིག་པའི་དམ་ཉམས་རྩད་ནས་ཆོད། །ཧཱུཾ་བྷྱོ་བཛྲ་ཀཱི་ལི་ཀཱི་ལཱ་ཧཱུཾ་ཛཿ། དགྲ་ལ་བྷྱོ། བྷྱོ། གསར་སྒྲིགས། ཤེལ་དཀར་དབང་སྔོན་པད་རཱཀ་དང་། །གསེར་སྦྱངས་ལས་གྲུབ་རི་རབ་རྩེར། །རིན་ཅེན་ཁང་བཟང་མཛེས་པའི་ལྕོག །རྒྱ་ཕུབས་ནོར་བུའི་ཏོག་གིས་སྤྲས། །དྲ་བ་དྲ་ཕྱེད་དྲིལ་སྒྲ་འཁྲོལ། །དར་དཔྱངས་ནོར་བུའི་རྒྱན་གྱིས་སྤུད། །སྲོག་ཤིང་དཔག་བསམ་ལྗོན་རྩེར་གདུགས། །ལོགས་ལ་གསལ་ཕྱེད་ཉི་ཟླ་འཁོར། །རྩ་བར་གསེར་རི་རོལ་མཚོ་བདུན། །གླིང་བཞི་གླིང་ཕྲན་ལྕགས་རིས་བསྐོར། །ལྷ་མིའི་དཔལ་འབྱོར་ཕུན་ཚོགས་ལྡན། །ཡིད་འཕྲོག་རྔམས་བརྗིད་གནས་ཀྱི་རྟེན། །རྣམ་བཀྲ་ནམ་མཁའ་སྒྲོ་ཕོད་ཅན། །རྒྱང་བུ་སྤེལ་ལེགས་ཕྲེང་བར་བསྒྲིགས། །ཡུལ་མཁར་ཕོ་གདོང་མོ་གདོང་དང་། །ལྷ་བདུད་མ་མོ་ཀླུ་དང་བཙན། །གཤིན་རྗེ་རྒྱལ་པོ་གཟའ་རྒོད་བྱེད། །རྦོད་གཏོང་མ་མོའི་ཁྲག་ཟོར་སོགས། །གནོད་བྱེད་མ་ལུས་བཟློག་པའི་ཁྲམ། །མདའ་ཁྲ་འཕང་ཁྲ་ཐབས་ཤེས་ཚུལ། །རྣམ་པར་ཤེས་པ་ཚེ་སྲོག་དབུགས། །ཕུང་ཁམས་སྐྱེ་(༡༥ན)

― GLG025_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

མཆེད་དབང་པོ་ལྔ། །ཚང་བའི་ངར་གླུད་རྒྱན་གོས་ཅན། །འབྱོར་ལྡན་ཡིད་འོང་འབུམ་ཕྲག་སྤེལ། །ཆུ་གཉིས་ཉེར་སྤྱོད་དབང་པོ་ལྔ། །བཀྲ་ཤིས་རྟགས་བརྒྱད་རྒྱལ་སྲིད་བདུན། །བཙོ་མ་གསེར་གྱི་པྲོག་ཞུ་ལ། །ལྷ་དང་མི་ཡི་རིན་པོ་ཆེ། །ཡིད་འཕྲོག་སྣ་ཚོགས་ཕྲ་ཡིས་བརྒྱན། །གསེར་གཡུ་མུ་ཏིག་སྤེལ་པའི་ཐོད། །སྣ་ཚོགས་རིན་ཅེན་ཕྲས་སྤྲས་པའི། །མགུལ་རྒྱན་གདུ་བུ་སེ་མོ་དོ། །དོ་ཤལ་སྐ་རགས་གཡུའི་གོ་རའི། །སྙན་ཆ་ལ་སོགས་མཛེས་པའི་ཆས། །སྲབ་འཇམ་རྒྱ་དར་ཅན་གྱི་གོས། །ཚིག་གུའི་རི་མོ་ལྡན་པའི་བེར། །དར་དཀར་གོས་ཟུང་ལྷབ་ལྷུབ་གཡོ། །གཡག་ལྤགས་སྟོང་གི་སློག་པ་དང་། ཁྱུང་གཤོག་སྟོང་གི་ཤམ་ཐབས་བརྗིད། །ཟབ་བེར་ལྗང་གུའི་རེ་ནག་གོས། །སག་ཏིའི་མོ་ལྷམ་རྩེ་སྙུང་དཀར། །སྣང་སྲིད་གསལ་བའི་མེ་ལོང་ཞགས། །དར་སྣ་ལྔས་བརྒྱན་ལྕགས་ཀྱུ་དང་། །བེ་ཅོན་རིན་པོ་ཆེའི་གཞོང་པ། །མཆོང་ཕུར་མི་སྙིང་རྩ་ལག་བཅས། །ལྕགས་ཀྱུ་བྱ་ཁྲ་ཟོར་བ་དང་། །སྲེ་ལོང་ཕྲེང་བ་དར་མདུང་གཡོ། །དངུལ་གཞོང་ཟས་བཀང་དར་ཚོན་ལྔ། །ཤ་པ་རྭ་བཅུ་འཕར་པ་དང་། །འབྲོང་བུ་དར་མ་རྭ་དགུ་པ། །དོམ་ནག་སྨྱོན་པ་མི་དྲེད་རྒྱུ། །ཤ་བ་ཡུ་མོ་རྟ་དཀར་དྲེལ། །སྒ་སྲབ་ལ་སོགས་ཆས་ཀྱིས་སྤྲས། །འདོད་འཇོའི་བ་དང་མཛོ་གཡག་གླང་། །སྟག་གཟིག་གསའ་ཕྱི་ཅེ་སྤྱང་འདུར། །གྲོ་མོའི་ལུག་དང་ར་རྒྱ་མོ། །གཡུ་བྱ་ཕུག་རོན་ཁུ་བྱུག་སྔོ། །གོང་མོ་གྲོ་མོ་ཁྲུང་ཁྲུང་དཀར། །བྱ་རོག་རྒོད་གླག་བསེ་བྱ་ཁྲ། །གོ་བོ་ངང་(༡༥བ)

― GLG025_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གླ་བ་དང་། །དགོ་བ་གནའ་བ་རྒྱ་ལ་སོགས། །གནམ་ལ་འཕུར་དགུ་ས་འོག་ཏུ། །འཛུལ་དགུ་རི་དྭགས་འཕྱོ་དགུའི་ཚོགས། །བུད་མེད་ནག་མོ་རྟ་ལ་ཞོན། །རྡོ་རྗེའི་གོ་ཁྲབ་བཙན་པོའི་རྨོག །ཞོལ་བཏགས་རྔ་གཅུས་འཇའ་རིས་ཅན། །ཕུབ་དང་ལྕགས་གཞིབས་རང་སྲུང་གོ །གྲི་གུག་རལ་གྲི་དགྲ་སྟ་མདུང་། །སྒྱོགས་དང་དཔག་ཆེན་མདའ་པོ་ཆེ། །ཕ་རོལ་འཇོམས་པ་རྡོ་རྗེའི་མཚོན། །སྨྱུག་རྒོད་རྩེ་རྒྱས་གཡག་རྔ་དཀར། །དར་སྣ་ལྔས་བརྒྱན་མདའ་བོ་ཆེ། །བདུད་རྩི་སྨན་དང་རཀྟའི་མཚོ། །རྟག་གཏོར་རྒྱུན་གཏོར་བསྐང་གཏོར་སྤུངས། །འབྲང་རྒྱས་བཤོས་བུ་ཏིང་ལོ་སྦར། །སྨན་ལེ་ཁྲག་སྣའི་དབུས་སྐྱུ་དང་། །དམར་པོ་འབུམ་སྡེའི་བཙན་གྱི་བཤོས། ཁྲག་ཀོང་ངར་མི་མཛེས་སྡུག་བརྗིད། །སེང་གེ་མི་དང་བ་ལང་དཀར། །སྟག་མོ་པུ་ཤུད་རྨ་བྱ་ཁྱུང་། །འཇོལ་མོ་བྱ་རྒོད་ཅེ་སྤྱང་དྲེད། །འཕར་བ་སྦྲུལ་ལ་སོགས་པ་ཡི། །ཤ་སྣ་མི་གཅིག་སྟོང་ཕྲག་བཤམས། །མི་རྟ་བ་ལང་ལ་སོགས་པའི། །སྙིང་སྣ་འབུམ་ཕྲག་བཅལ་དུ་བཀྲམ། །བརྒྱ་ཕྲག་ཤིང་ཏོག་རོ་བདའི་ཟས། །ཕྲུམ་ཐུད་ཕྱེ་མར་འཁུར་བ་ཚྭ། །གྲོ་ནས་སྲན་འབྲས་སོ་པ་ཁྲེ། །འབྲུ་སྣ་ཀ་ར་བུ་རམ་སྦྲང་། །ནས་གྲེ་སྲན་མའི་བཅའ་ཡོས་དང་། །སྣ་ཚོགས་ཟས་སྣའི་བྱེ་བྲག་ཚོགས། །རྔ་ཆང་ཞོ་ཆུ་རྣམ་གྲངས་སྟོང་། །འོ་ཆོལ་གསེར་སྐྱེམས་བཏུང་བ་བསྐྱིལ། །བཻཌཱུར་མ་རྒད་དབང་སྔོན་ཤེལ། །པད་རཱཀ་གཟི་གཡུ་མུ་ཏིག་མཆོང་། །བྱུ་རུ་ནལ་གསེར་དངུལ་ཟངས་ལྕགས། །སྣ་ཚོགས་ལྷ་མིའི་རིན་པོ་ཆེ། ཁ་དོག་རྣམ་མང་ཟབ་གོས་དར། །རས་སྣམ་(༡༦ན)

― GLG025_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

སྟག་གཟིག་ལ་སོགས་པའི། །མཐའ་ཡས་སྲོག་ཆགས་པགས་པ་དང་། །བཙོད་དང་ཞུ་མཁན་རམས་སྐག་མཚལ། །བཟང་དྲུག་ཙན་དན་ཨ་ག་རུ། །ག་གུར་སྤོས་སོགས་སྨན་སྣ་སྟོང་། །རྫ་རྔ་ཟོམ་རྔ་རྔ་བོ་ཆེ། །རྐང་གླིང་དུང་ཆེན་རྒྱ་གླིང་དང་། །སྒྲ་སྙན་སིལ་སྙན་པི་ཝང་གླུ། །གཡབ་དར་རྒྱལ་མཚན་འཕན་གདུགས་བསྒྲེང་། །ཐུགས་དམ་སྐོང་བྱེད་མཐུན་པའི་རྫས། །དངོས་བཤམས་ཡིད་སྤྲུལ་མཆོད་པའི་ཚོགས། །དཔལ་ལྡན་དྲག་མོ་རྒྱལ་ལ་འབུལ། །སྐུ་སྤྲུལ་དུང་གྷ་བཟའ་ལ་འབུལ། །གསུང་སྤྲུལ་མམ་གྷ་བཟའ་ལ་འབུལ། །ཐུགས་སྤྲུལ་ཤེལ་བཟའ་སྨན་ལ་འབུལ། །བཀའ་གཉན་འཁོར་དང་བཅས་ལ་འབུལ། །མདོས་བདག་ཆེན་མོས་མདོས་བཞེས་ཤིག །གླུད་བདག་ཆེན་མོ་གླུད་བཞེས་ཤིག །དགྱེས་པ་ཆེན་པོས་འཕྲིན་ལས་བཞིའི། །བསམས་པའི་དོན་ཀུན་ལྷུན་གྲུབ་མཛོད། །དམ་བསྒྲག་ཅིང་ཟློག་སྒྱུར་འཕྲིན་ལས་འཆོལ་བ་ནི། །བྷྱོ། སློབ་གསར་བསྒྲིགས། དཔོན་པདྨ་ཐོད་ཕྲེང་གིས། །གཟི་ལྡན་འབར་མ་འཁོར་བཅས་ཀྱི། །སྲོག་གི་སྙིང་པོ་ཉེར་བླངས་ནས། །དབང་བསྐུར་དམ་ལ་བཏགས་མིན་ནམ། ཁམས་ཀྱི་རྨ་ཆེན་སྦོམ་རའི་མགུལ། །བྱང་གི་ཏིང་ཏིང་ཏིང་མོ་བཙུན། །སེར་མོ་ལས་མཁན་གསང་མཚན་དུ། །རྡོ་རྗེ་དྲག་མོ་རྒྱལ་ཞེས་བཏགས། །གཞན་ཡང་རླངས་ཆེན་དཔལ་སེང་དང་། །གནུབས་ཆེན་སངས་རྒྱས་ཡེ་ཤེས་སོགས། །གྲུབ་བརྙེས་རིག་སྔགས་འཆང་མང་པོས། །བཀའ་དང་དམ་ལ་བཏགས་མིན་ནམ། ཁྱད་པར་ཉང་རལ་ཡབ་སྲས་དང་། །(༡༦བ)

― GLG025_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་དབང་ཐུགས་སྲས་པདྨ་དབང་། །དམར་ཞགས་རས་ཆེན་གྲགས་རྒྱན་པ། །བཀྲ་ཤིས་མཚན་ཅན་ཤེས་རབ་འོད། །ཆོས་བློ་དབང་ཕྱུག་བློ་གྲོས་དང་། །བསོད་སེང་འཇམ་དབྱངས་བློ་གྲོས་ཞབས། །དམ་པ་ཆོས་ཚུལ་ནམ་མཁའ་དཔལ། །འཇམ་དབྱངས་རྒྱལ་མཚན་པདྨ་དབང་། །ལེགས་ལྡན་རྡོ་རྗེ་མཁྱེན་བརྩེའི་ཞབས། །དབང་རབ་མགོན་པོ་བསོད་ནམས་མཆོག །ཁྱབ་བདག་ཆོས་དབྱིངས་རང་གྲོལ་སོགས། །རྩ་བརྒྱུད་བླ་མས་བདག་ཅག་གི །གྲོགས་པོར་གཏད་དོ་གཞུང་མ་ངན། །མཛའ་བོར་གཏད་དོ་ཁྲེལ་མ་བོར། །བྲན་དུ་གཏད་དོ་རྐང་མ་ངན། །མཐུ་རྩལ་མ་ཞན་འཕྲིན་ལས་སྒྲུབས། ཁྱོད་ལ་འཕྲིན་ལས་གཏད་པ་ནི། །བསྟན་དང་བསྟན་འཛིན་སྡེ་རྣམས་སྤེལ། །ས་སྐྱོང་རྒྱལ་པོའི་མངའ་ཐང་རྒྱས། །བོད་ཁམས་རུ་བཞིའི་རྒྱལ་ཁམས་ཀྱི། །མི་ནོར་ཕྱུགས་གསུམ་བསྲུང་ཞིང་སྐྱོབས། །བདག་ཅག་དམིགས་བྱར་བཅས་པའི་ཚེ། །ཟད་ཀྱང་ལོ་བརྒྱའི་བར་དུ་སྲིངས། །ཆོས་སྲིད་དཔལ་འབྱོར་ལེགས་ཚོགས་རྣམས། །ཡར་ངོའི་ཟླ་ལྟར་འཕེལ་བར་མཛོད། །རིགས་འཛིན་བདག་ཅག་ཡོན་མཆོད་རྣམས། །སྣང་སྲིད་ལྷ་སྲིན་སྡེ་བརྒྱད་ཀྱི། །བྱད་དུ་བཅུག་ན་བྱད་ཐག་ཆོད། ཁྲམ་ལ་བབས་ན་ཁྲམ་ཁ་ཕྱི། །ཤོ་ལ་བཀོད་ན་ཤོ་རྡེལ་སྤོས། །ནད་ལ་བབས་ན་ནད་ཁ་སྒྱུར། །ཟློག་སྒྱུར་འཕྲིན་ལས་གཉན་པོ་མཛོད། །གཞན་ཡང་བར་དུ་གཅོད་བྱེད་པའི། །ནད་རིགས་བཞི་བརྒྱ་རྩ་བཞི་དང་། །སྟོང་ཕྲག་བརྒྱད་ཅུའི་བགེགས་ཀྱི་ཚོགས། །སུམ་བརྒྱ་དྲུག་ཅུའི་ཡེ་འབྲོག་གདོན། །བྱིས་པའི་གདོན་ཆེན་བཅོ་ལྔ་དང་། །དུས་མིན་(༡༧ན)

― GLG025_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

འཆི་བ་རྣམ་པ་བརྒྱད། །ལྟས་ངན་བརྒྱད་ཅུ་རྩ་གཅིག་རྣམས། །ཟློག་སྒྱུར་འཕྲིན་ལས་གཉན་པོ་མཛོད། །འབྲུམ་ནག་འབྲུམ་ཡན་ལྷོག་པ་དང་། །སྐྲངས་པ་བལ་ལྡག་གཡོན་པའི་ནད། །མཛེ་ཤུ་ཕོལ་མིག་སྐྱ་རྦབ་རླུང་། །གློ་གཟེར་ཤ་ཡ་མིག་སེར་དང་། །རྒྱ་ནད་ཤ་སེར་ཁྲག་གི་ནད། །གཟེར་ཐབས་ལེ་བརྒན་རྒྱུ་གཟེར་དང་། ཁྲག་སྐྱུག་མཁལ་ནད་ལ་སོགས་པ། །ཟློག་སྒྱུར་འཕྲིན་ལས་གཉན་པོ་མཛོད། །བལ་ནད་སྨྱོ་འབོག་གློ་རྡོལ་དང་། །གཡུལ་འཁྲུག་འཐབ་རྩོད་མི་ཁ་ཟ། །དུག་སྦྱོར་བསམ་ངན་གྲོས་ངན་བཤམས། །རྨིས་ལྟས་ཉམས་དང་མཚན་མ་ངན། །ཀེག་སྲི་ངན་པ་ལངས་པ་དང་། །ཆགས་ཆེ་ཉམས་ང་ལ་སོགས་པའི། །བར་གཅོད་མི་མཐུན་ཕྱོགས་རྣམས་ཀུན། །ཟློག་སྒྱུར་འཕྲིན་ལས་གཉན་པོ་མཛོད། །བསྟན་སྐྱོང་འཁོར་བཅས་མཐུ་རྩལ་སྐྱེད། །ནད་གདོན་བར་གཅོད་དགྲ་བགེགས་ཀུན། །བྷྱོ་བྷྱོ་སྡང་བའི་དགྲ་ལ་བྷྱོ། །བྷྱོ་བྷྱོ་གནོད་པའི་བགེགས་ལ་བྷྱོ། །བཅུ་གཉིས་པ་གླུད་ཡས་རྣམས་བྱིན་གྱིས་བརླབས་ནས་གཏོང་བ། བཅུ་གསུམ་པ་མདོས་གླུད་ལ་བསྒྱུར་ཞིང་ཁྲོམ་སྣ་བསྒྱུར་བ། བཅུ་བཞི་པ་སྒོ་དབྱེ་ཞིང་མདོས་གླུད་ཀྱི་ལམ་བསྟན་པ། བཅོ་ལྔ་པ་གསེར་སྐྱེམས་གཏོང་བ། བཅུ་དྲུག་པ་མཇུག་ཟོར་གྱིས་གཅོད་པ། བཅུ་བདུན་པ་ཡས་གཞི་སྤྲུལ་པ་རྣམས་རཀྴའི་གཏེར་བྱོན་བཞིན་བྱ། དེ་ནས་མདོས་རྣམས་ཕྱིར་སྦགས། གཏོང་སར་སླེབས་ནས་གསེར་སྐྱེམས་གཏོང་། བྷྱོ། བསྟན་མ་འཁོར་བཅས་མཐུ་རྩལ་སྐྱེད། གསར་བསྒྲིགས། །མདོས་ཡས་འདི་ཡི་སྣ་དྲོངས་ལ། །(༡༧བ)

― GLG025_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ཅག་ཡོན་མཆོད་འཁོར་བཅས་ལ། །གནོད་ཅིང་འཚེ་བའི་དགྲ་དང་བགེགས། །ནད་གདོན་ཆགས་ཆེ་ཉམ་ང་དང་། །བྱང་ཕུར་གཏད་ཟོར་ཀེག་སྲི་ངན། །དམར་བཤལ་རྒྱུ་ཚད་གག་ལྷོག་གཟེར། །འབྲུམ་པ་བེ་གེ་བར་པ་ཏ། །ཉྭ་ལོག་འཁྲུ་སྐྱུག་ལ་སོགས་པའི། །མི་ཕྱུགས་ནད་རིགས་མ་ལུས་པ། །དགྲ་དང་བགེགས་ཀྱི་སྟེང་དུ་སྒྱུར། །ཟློག་སྒྱུར་བཅོལ་བའི་འཕྲིན་ལས་མཛོད། །ཅེས་བཟློག་སྔགས་བཟླ་ཞིང་རོལ་མོ་བརྡུང་། །མཚོན་ཆ་བརྡེག་ཅིང་ཞིང་ལྤགས་བརྡུལ། །བྷྱོས་གདབ། མེ་ཆུས་རྒྱས་འདེབས་བྱེད་ཕྱི་མིག་མི་བལྟ་བར་ནང་དུ་ལོག་གོ །ཧོ། འདི་གསར་བསྒྲིགས། ལྟར་དངོས་བཤམས་ཡིད་སྤྲུལ་མཆོད་པའི་སྤྲིན། །མི་མཛད་ནམ་མཁའ་མཛོད་དུ་བྱིན་རླབས་ནས། །ཡར་ལ་མཆོད་ཅིང་མར་ལ་བྱིན་པའི་མཐུས། །བསྟན་སྲུང་འཁོར་བཅས་ཐུགས་དམ་སྐོངས་གྱུར་ཅིག །སྐུ་གསུང་ཐུགས་རྣམས་མཉེས་ཤིང་རབ་ཚིམ་པས། །སྒྲིབ་གཉིས་བར་གཅོད་ཀུན་ཞི་ཚེ་དཔལ་རྒྱས། ཁམས་གསུམ་དབང་འདུས་དགྲ་བགེགས་རྡུལ་དུ་རློག །འཕྲིན་ལས་རྣམ་བཞི་ལྷུན་གྱིས་གྲུབ་པར་ཤོག །ཅེས་སྨོན་ལམ་གདབ། ཚེ་འགུགས་ཤིང་བཀྲ་ཤིས་བརྗོད་པ་སོགས། མཇུག་སྤྱི་ལྟར་བྱའོ། །འདི་ནི་བཟློག་མདོས་གཙོ་བོར་བྱས་ཀྱི། རྟེན་མདོས་དང་བསྐང་མདོས་སུ་བྱེད་ན་ཤིང་བྱད་རྣམས་ཀྱི་ཁ་བསྒྱུར་གྱི་འཕྲུལ་ཤེས་དགོས་ཤིང་བསྔོ་ཚིག །དཔལ་ལྡན་དྲག་རྒྱལ་རྟེན་དུ་འབུལ། གསར་བསྒྲིགས། བསྐང་བའི་ཚེ། དཔལ་ལྡན་དྲག་རྒྱལ་ཐུགས་དམ་བསྐང་། ཞེས་དང་། གླུད་བདག་ཆེན་མོ་གླུད་བཞེས་ཤིག །རྨ་རི་རབ་འབྱམས་འཁོར་བཅས་རྣམས། །རྟེན་(༡༨ན)

― GLG025_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མདོས་འདིར་བརྟན་པར་བཞུགས། །བདག་སོགས་སྒྲུབ་པོ་རྒྱུ་སྦྱོར་གྱི། །ཡུལ་ཁམས་གྲོང་གནས་རྟག་ཏུ་སྲུངས། ཞེས་དང་། རྨ་རི་རབ་འབྱམས་འཁོར་བཅས་ཀྱི། །ཐུགས་དམ་གཉན་པོ་དབྱིངས་སྐོངས་བས། །ཉམས་ཆགས་བར་ཆད་མི་མཐུན་ཕྱོགས། །འབྲས་བུ་ངན་པ་ཀུན་ཞི་ཞིང་། །དགྱེས་པ་ཆེན་པོས་སོགས་དྲང་གཞན་ཡང་ཚིག་ཟུར་བསྒྱུར་དགོས་རིག་པས་དཔྱོད། རྟེན་མདོས་ལ་བརྟན་བཞུགས་དང་བསྐང་མདོས་ཡང་ཐོག་ཏུ་སྤགས་པ་ཁ་གསོ་ཞིང་བྱིན་གྱིས་བརླབས་ལ། བྷྱོ། སྔོན་གསར་བསྒྲིགས། ཚེ་པདྨ་ཐོད་ཕྲེང་ལ་སོགས་པ། །རིགས་འཛིན་བརྒྱུད་པའི་གཡར་དམ་གཉན་པོ་ལས། །མི་འདའ་གནོད་སྦྱིན་ཆེན་པོ་ཡང་གྷ་བཟའ། །སྐུ་ཡི་སྤྲུལ་པ་དཀར་མོ་དུད་གྷ་བཟའ། །གསུང་གི་སྤྲུལ་པ་དམར་མོ་མམ་གྷ་བཟའ། །ཐུགས་སྤྲུལ་མཐིང་ཁ་ཤེལ་གཟའ་སྨན་གཅིག་མ། །བཀའ་འཁོར་གནོད་སྦྱིན་མ་མོ་འབུམ་སྡེའི་ཚོགས། །སྲུང་མ་དམ་ཅན་རྒྱ་མཚོར་བཅས་པ་རྣམས། །དབུ་རུ་སྙེ་མཚམས་རྨ་རི་རབ་འབྱམས་སོགས། །རང་རང་གར་བཞུགས་གནས་ནས་ད་ཚུར་སྤྱོན། །དར་ཚོན་སྣ་ལྔ་གཡབ་པའི་བརྡ་སྟོན་ན། ཁ་བའི་བུ་ཡུག་ལྟ་བུར་འཐིབ་ཅིང་སྤྱོན། །ཤ་ཆེན་སྤོས་དཀར་ཤིང་སྣའི་དུད་འཐུལ་ན། །དབྱར་གྱི་ཆར་སྤྲིན་བཞིན་དུ་ལང་ལོང་སྤྱོན། །གསེར་སྐྱེམས་སྨན་རཀ་བཏང་བ་སྦྲེང་བྱེད་ན། །འཐོར་རླུང་དྲག་པོའི་རྡུལ་བཞིན་འཚུབ་ཅིང་སྤྱོན། །ལྷ་མཆོག་འཁོར་བཅས་ཐུགས་དང་མཐུན་པའི་རྫས། །རི་རབ་གླིང་བཞི་གླིང་ཕྲན་ཉི་ཟླ་དང་། །ནམ་རྒྱང་མདའ་འཕང་ཕོ་གདོང་མོ་གདོང་(༡༨བ)

― GLG025_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། །ལྷ་མིའི་དཔལ་འབྱོར་མཁོ་དགུའི་འབྱོར་པ་རྣམས། །སྤུངས་པས་མི་ཟད་མདོས་ཆེན་ནམ་མཁའ་མཛོད། །ལེགས་པར་དབུལ་གྱི་དགྱེས་པ་ཆེན་པོས་བཞེས། །བདག་ཅག་དགོན་གནས་རྒྱུ་སྦྱོར་བཅས་པ་ལ། །དུས་མིན་འཆི་བ་ནད་རིམས་འཐབ་རྩོད་གཡུལ། །དགྲ་བགེགས་གདོན་གྱི་འཚེ་བ་མ་ལུས་ཞི། །ཚེ་དང་བསོད་ནམས་དཔལ་འབྱོར་མངའ་ཐང་དང་། །བཤད་དང་སྒྲུབ་པ་ལུང་རྟོགས་ཡོན་ཏན་སོགས། །སྲིད་དང་ཞི་བའི་ཕུན་ཚོགས་མ་ལུས་པ། །ཡར་ངོའི་ཟླ་ལྟར་འཕེལ་པའི་འཕྲིན་ལས་མཛོད། །ཅེས་གར་བཞུགས་ཀྱི་ཕྱོགས་སུ་འབུལ། །གསོལ་བའི་འཕྲིན་ལས་ནི། སྲིད་ཞི་དཔལ་འབྱོར་མ། བཀྲ་ཤིས་རོལ་མོའི་བྱིན་འབེབས་རྒྱ་ཆེར་བྱ། ནང་དུ་རྟེན་ལ་བརྟན་བཞུགས་སོགས་མཇུག་ཆོག་སྤྱི་དང་འདྲ། ཞིབ་ཆ་མཐའ་དག་གསང་ཆེན་རྙིང་མའི་རིང་ལུགས་ལ་སྦྱངས་པའི་རིག་སྔགས་འཆང་བ་ཞིག་ལ་སྒྲོ་འདོགས་གཅོད་དགོས་པས་དཔེ་མཐོང་བས་ཆོག་པ་ནི་མ་ཡིན་ནོ། །དང་པོར་གཡུང་དྲུང་བོན་གྱིས་མཆོད་པའི་ལྷ། །བར་དུ་མཚོ་སྐྱེས་རྡོ་རྗེའི་བཀའ་ཉན་མོ། །ཐ་མར་རིགས་འཛིན་བརྒྱུད་པའི་སྲུང་མ་ཆེའི། །མདོས་ཀྱི་འཕྲིན་ལས་ལག་ལེན་ཁྲིགས་བསྡེབས་པ། །མི་ཤེས་རང་བཟོ་མཁན་པོའི་འོལ་ཆོད་དང་། །གཞན་གྱི་སྦྱར་བྱང་བརྗེས་པའི་གཡོ་ཁྲམ་སོགས། །མ་ཡིན་སྔ་འགྱུར་ཆོས་ཚུལ་འདི་ཀོ་ལ། །སྦྱངས་པའི་གདེངས་ཚོད་ཡོད་ནས་མགྲིན་པ་བཏེག །དགེ་དེས་དམ་ཚིག་གཟི་ལྡན་འབར་མ་ཡིས། །དགྲ་བགེགས་འབྱུང་པོའི་དཔུང་བཅས་ཚར་བཅད་དེ། །སྲིད་དང་ཞི་བའི་ལེགས་ཚོགས་བླ་ནས་(༡༩ན)

― GLG025_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

བླར། །སྤེལ་བའི་འཕྲིན་ལས་རྣམ་བཞི་གྲུབ་པར་མཛོད། །གངས་ཅན་ལྗོངས་ཀྱི་ཡུལ་བདག་བསྟན་མ་བཅུ་གཉིས་ཀྱི་ཡ་གྱལ་གནོད་སྦྱིན་ཆེན་མོ་དཔལ་ལྡན་ཡང་གྷ་བཟའི་མདོས་ཀྱི་འཕྲིན་ལས་ཡིད་བཞིན་གཏེར་མཛོད་འདི་ནི་ཆོག་སྒྲིགས་ཤིག་བྱས་ན་ལེགས་སམ་སྙམ་རང་བློ་འཁྲུལ་པའི་ཀུན་རྟོག་ལ་ཤར་བ་བཞིན་ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ་དང་ཁྱབ་བདག་ཁྲ་ཚང་བ་ཆེན་པོའི་བཀའ་དྲིན་ལས་མདོས་ཀྱི་ལག་ལེན་མཐའ་དག་ལ་སྨྲ་བའི་སྤོབས་པ་ཅུང་ཟད་རྙེད་པ་ཟ་ཧོར་གྱི་སྔགས་སྨྱོན་རྡོ་རྗེ་ཐོགས་མེད་རྩལ་གྱིས་ཀུན་དགའ་ཞེས་པ་ཤིང་སྟག་རྒྱལ་ཟླ་བའི་ཡར་ངོའི་ཚེས་བརྒྱད་ཀྱི་པ་སངས་ནམ་གྲུའི་འགྲུབ་སྦྱོར་གྱི་དུས་སྦྱར་བའི་ཡི་གེ་པ་ནི་གནས་བརྟན་འཇམ་དབྱངས་གྲགས་པར་བགྱིས་པ་བསམ་པའི་དོན་ཀུན་ལྷུན་གྱིས་གྲུབ་པར་གྱུར་ཅིག །སརྦ་མངྒ་ལཾ།

བོད་སྐྱོང་བསྟན་མ་བཅུ་གཉིས་ཀྱི་མདོས་ཀྱི་འཕྲིན་ལས་དཔྱིད་ཀྱི་རྒྱལ་མོའི་གླུ་དབྱངས།

― GLG025_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

བོད་སྐྱོང་བསྟན་མ་བཅུ་གཉིས་ཀྱི་མདོས་ཀྱི་འཕྲིན་ལས་དཔྱིད་ཀྱི་རྒྱལ་མོའི་གླུ་དབྱངས་བཞུགས་སོ། །

― GLG025_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མ་སྟྲཻ་ཀཱ་ལ་བུདྡྷ་པདྨཱ་ཀ་རཱ་ཡ། སྣང་སྲིད་དྲེགས་པ་ཀུན་གྱི་སྲོག་སྙིང་ལ། །དབང་སྒྱུར་མཚོ་སྐྱེས་པདྨ་ཐོད་ཕྲེང་རྩལ། །དབྱེར་མེད་ཁྱབ་བདག་ཆོས་དབྱིངས་རང་གྲོལ་ཞབས། །རྩ་གསུམ་ཀུན་འདུས་ངོ་བོར་གཙུག་ན་མཛེས། །བདེ་གཤེགས་ཞི་ཁྲོ་ཀུན་འདུས་བཀའ་བརྒྱད་ཀྱི། །མཆོད་བསྟོད་དྲེགས་པའི་དཀྱིལ་འཁོར་ལ་གནས་ལྷ། །རང་སེམས་ཀ་ནས་དག་པའི་མེ་ལོང་ངོས། །དཔལ་ལྡན་ཀུན་ཏུ་བཟང་མོའི་རོལ་གར་མཁན། །ཚུར་མཐོང་འགྲོ་བློར་གངས་ཅན་བོད་ཀྱི་ཡུལ། །རིང་ནས་སྐྱོང་བའི་བསྟན་མ་བཅུ་གཉིས་ཚོགས། །འཕྲིན་ལས་མདོས་ཀྱི་མཆོད་པས་དགྱེས་བསྐྱེད་པའི། །གྱེར་སྒོམ་དཔྱིད་ཀྱི་རྒྱལ་མོའི་གླུ་དབྱངས་ལེན། །དེའང་བོད་ཡུལ་ཁ་བ་ཅན་གྱི་ལྗོངས་འདི་བསྲུང་ཞིང་སྐྱོང་བའི་བསྟན་མ་བཅུ་གཉིས་མཉེས་པར་བྱེད་པའི་མདོས་ཀྱི་འཕྲིན་ལས་ཉམས་སུ་བསྟར་བ་ལ། སྤྱིར་མདོས་ལ་ལྷ་འདྲེ་སྟོང་གི་དྲ་བ་དང་། །མ་མོ་གླིང་བཞི། མགོན་པོ་གཡུལ་བཟློག རཀྴའི་གཏེར་བྱོན་གྱི་གཏོ་སྣང་སྲིད་སིལ་བུ། དགའ་རབ་རྡོ་རྗེའི་མདོས་འཆོང་སོགས་བཀའ་གཏེར་གྱི་ཡི་གེ་ཕྱི་མོ་རྣམས་ནས་ཁོག་ཕུབ་པ་ཞིག་དགོས་ཤིང་། བྱེ་བྲག་གི་(༢ན)

― GLG025_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

མདོས་ལའང་གསོགས་ཐོག་ནས་མདོས་དང་གྱེར་ཐོག་ནས་གསོགས་ངོས་ཟིན་པ། སོ་སོའི་མཐུན་རྫས་བཤམ་ལུགས། སྤྱི་མདོས་སྒོས་སུ་གཏོང་བ་དང་། སྒོས་མདོས་སྤྱིར་གཏོང་བ། ཕོ་མདོས་མོ་ལ་གཏོང་བ་དང་། མོ་མདོས་ཕོ་ལ་གཏོང་བ། ལས་བཞི་གང་འཚོལ་གྱི་ཁ་སྒྱུར། རྟེན་མདོས་བསྐང་མདོས་བཟློག་མདོས་སོགས་ཕྲ་ཞིབ་ལ་སྒྲོ་འདོགས་བཅད་ཅིང་། སྒྲུབ་པ་བཀའ་བརྒྱད་སྤྱི་བྱེ་བྲག་གི་དབང་དང་། སྲུང་མའི་སྲོག་གཏད་སོགས་ལེགས་པར་ནོས་པའི་རིགས་སྔགས་འཆང་བ་མཚན་ཉིད་འདི་དང་ལྡན་པ་ཞིག་གིས་ཉམས་སུ་བསྟན་དགོས་པའི་ཕྱིར་ན། མདོས་གཏོར་སོགས་ཀྱི་བཅའ་གཞི་རྣམས་གཏོར་གཞུང་དང་མཐོང་བརྒྱུད་ཀྱི་ཕྱག་ལེན་ལ་བལྟོས་པས། དང་པོ་རྫས་བསག་པ། གཉིས་པ་མདོས་བཤམས་པ་རྣམས་ཟུར་དུ་ཤེས་པར་བྱས་ཏེ། གསུམ་པ་མདོས་བྱིན་གྱིས་བརླབ་པ་ནི། སྔགས་པ་བདག་ཉིད་བེར་ནག་ཐོད་དམར་ཁ་གཡུ་ཁ་གསེར་སོགས་ཀྱི་ཆས་སུ་ཞུགས། འབྲུ་སྣ་བྲེ་བཅུ་གསུམ་གྱི་སྟེང་དུ་གསང་འཕྱི་ལ་མདའ་དར་རིན་ཆེན་བཏགས་པ་བཙུགས། རྒྱ་ཕོར་དང་དངུལ་སྐྱོགས་གསེར་སྐྱེམས་(༢བ)

― GLG025_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བཀང་། སྔགས་དྲུག་ཕྱག་རྒྱ་དྲུག་གིས་བྱིན་གྱིས་བརླབས་ནས། མགྲོན་རྣམ་པ་བཞི་ལ་གསོལ་ཁ་བཏང་། དེ་ནས་བཀའ་བརྒྱད་སྤྱི་བྱེ་བྲག་གང་རུང་གི་འཕྲིན་ལས་གཞུང་བསྲང་། འཛབ་བཟླས་ཚོགས་ལས་ཡན་རྫོགས་པར་བྱས། རྡོ་རྗེ་གནོད་སྦྱིན་གྱི་སྐུར་བསྒྱུར་བ་ནི། པད་ཉི་ཆོས་དབང་གཏེར་གཞུང་གི་དགོངས་དོན་བསྡུས་པ་གསར་རྩོམ། རུ་དྲ་ཕོ་མོའི་གདན་སྟེང་དུ། །རང་ཉིད་ཁྲོ་བོ་རྡོ་རྗེ་གནོད་སྦྱིན་ཆེ། །རྩ་ཞལ་མཐིང་ནག་གཡས་དཀར་གཡོན་པ་དམར། །ཕྱག་དྲུག་རྡོ་རྗེ་ཐོད་ཁྲག་ཐུགས་ཀར་འཛིན། །བར་པ་གཉིས་ཀྱིས་རྡོ་རྗེ་དྲིལ་བུ་བསྣམས། །མཐའ་གཉིས་ཞིང་དབྱུག་འཕྱར་ཞིང་རི་རབ་འཛིན། །ཞབས་གཉིས་བརྐྱང་བསྐུམ་དུར་ཁྲོད་ཆས་གྱིས་བརྒྱན། །ཡེ་ཤེས་མེ་དཔུང་འབར་བའི་དབུས་ན་བཞུགས། །ཞེས་གསལ་བཏབ་མདོས་ཤེས་པ་རྣམ་པ་བཞི་དགོས་པའི་དང་པོ་རི་རབ་གཞལ་ཡས་ཁང་དུ་ཤེས་པ་ནི། སྭ་བྷཱ་ཝས་སྦྱངས། ཆོས་རྣམས་གསར་རྩོམ། མི་དམིགས་སྟོང་པ་ཉིད་ཀྱི་ངང་། །མཁའ་རླུང་ཆུ་ས་འབྱུང་བཞིའི་དཀྱིལ་འཁོར་སྟེང་། །རི་རབ་རིན་ཅེན་བཞི་ལས་ལེགས་གྲུབ་པ། །བང་རིམ་གསུམ་སྟེང་རིན་ཆེན་གཞལ་ཡས་ཁང་། །ཕྱོགས་མཚམས་ལྕོག་མཛེས་སྣ་ཚོགས་རྒྱན་གྱིས་སྤྲས། ཕྱི་རོལ་རྨད་དུ་གསེར་རི་རོལ་མཚོ་བདུན། །གླིང་བཞི་གླིང་ཕྲན་ལྕགས་རི་མུ་ཁྱུད་ཀྱིས། །ཡོངས་བསྐོར་འདོད་ཡོན་ཚོགས་ཀྱིས་གང་བར་གྱུར། །གཉིས་པ་དྲེགས་པའི་གཟུགས་བརྙན་ཕོ་ཉ་ལས་བྱེད་དུ་ཤེས་པ་ནི། དབུས་ཕྱོགས་རིན་ཆོས་དབང་དབང་གཏེར་གྱི་དགོངས་དོན་བསྡུས་པའི་གསར་རྩོམ། ཆེན་མཛེས་པའི་གཞལ་ཡས་སུ། ཁྲག་ཞག་རྒྱ་མཚོ་རྦ་ཀློང་འཁྲུག་པའི་དབུས། །དྲེའུ་ནག་པོ་སྒ་(༣ན)

― GLG025_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

སྲབ་རྒྱན་སྤྲས་སྟེང་། །བྷྱོཿལས་དཔལ་ལྡན་ནག་མོ་རེ་མ་ཏཱི། །ཕྱག་གཡས་ཤང་ལང་གཡོན་པ་ནད་རྐྱལ་འཛིན། །ཐོད་སྐམ་དབུ་བརྒྱན་ཐོད་རློན་དོ་ཤལ་འཕྱང་། །ཞིང་ཆེན་གཡང་གཞི་རེ་སྡེའི་ཤམ་ཐབས་གྱོན། །རིན་ཆེན་རུས་པ་སྦྲུལ་གྱིས་རྣམ་པར་བརྒྱན།༢ །སྐུ་ལ་ཁྲག་ཞག་ཐལ་ཆེན་རྫས་གསུམ་བྱུགས། །ཀླད་དུ་བྱ་རོག་ནག་པོ་ལྡིང་ཞིང་འཕུར། །མེ་དཔུང་འཚུབ་མར་འཁྱིལ་བའི་དབུས་ན་བཞུགས། །བཅུ་གཉིས་ལྕོག་ནད་མདུན་ནས་གཡས་སྐོར་དུ། །བདག་མངའ་བདག་གི་གཏེར་བྱོན། ཉིད་ཆེན་མོ་རྡོ་རྗེ་ཀུན་གྲགས་མ༔ སྐུ་མདོག་མཐིང་ནག་རིན་ཆེན་རྒྱན་གྱིས་སྤྲས༔ ཆུ་སྲིན་རྒྱལ་མཚན་དང་ནི་མེ་ལོང་བསྣམས༔ འབྲུག་ལ་བཅིབས་ནས་བསྟན་པའི་བྱ་ར་མཛད༔ དཔལ་ལྡན་ཧ་རི་རྡོ་རྗེ་གཡའ་མ་སྐྱོང་༔ སྐུ་མདོག་སྔོ་ནག་རིན་ཆེན་རུས་པས་བརྒྱན༔ རྣོ་བའི་ཤང་ལང་རྡོ་རྗེ་ཞགས་པ་བསྣམས༔ རྐྱང་ལ་བཅིབས་ནས་བསྟན་པའི་བྱ་ར་མཛད༔ གངས་ཀྱི་ཡུམ་ཆེན་རྡོ་རྗེ་ཀུན་ཏུ་བཟང་༔ སྐུ་མདོག་མཐིང་ནག་རིན་ཆེན་རྒྱན་གྱིས་སྤྲས༔ གསེར་གྱི་རྡོ་རྗེ་ཚེ་ཡི་བུམ་པ་བསྣམས༔ སེང་གེ་བཅིབས་ནས་བསྟན་པའི་བྱ་ར་མཛད༔ འབྲོག་ཆེན་འཁོར་འདུལ་རྡོ་རྗེ་བགེགས་ཀྱི་གཙོ༔ སྐུ་མདོག་མཐིང་ནག་མུན་པའི་གོ་ཟུ་ཅན༔ རུ་མཚོན་རྩེ་ལྔ་དང་ནི་ཞགས་པ་བསྣམས༔ དྲེའུ་བཅིབས་ནས་བསྟན་པའི་བྱ་ར་མཛད༔ གངས་དཀར་ཤ་མེད་རྡོ་རྗེ་གཡུ་བུན་མ༔ སྐུ་མདོག་དཀར་མོ་དར་གྱི་ལྷབ་ལྷུབ་ཅན༔ འཛོམས་པའི་ཟོར་བ་གཏེར་གྱི་བུམ་པ་(༣བ)

― GLG025_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣམས༔ ཤ་བ་བཅིབས་ནས་བསྟན་པའི་བྱ་ར་མཛད༔ ཁ་རག་ཁྱུང་བཙུན་རྡོ་རྗེ་དཔལ་གྱི་ཡུམ༔ སྐུ་མདོག་དཀར་མོ་རྨ་བྱའི་ཐོད་དང་ལྡན༔ ཌཱ་མ་རུ་དང་གསལ་བའི་མེ་ལོང་བསྣམས༔ ཁྱུང་ལ་བཅིབས་ནས་བསྟན་པའི་བྱ་ར་མཛད༔ གཏེར་ཆེན་མཁའ་ལྡིང་རྡོ་རྗེ་ཀླུ་མོ་ནི༔ སྐུ་མདོག་དམར་མོ་དར་དང་རིན་ཆེན་བརྒྱན༔ སྦྲུལ་གྱི་ཞགས་པ་རིན་ཆེན་པར་བུ་བསྣམས༔ རྟ་མཆོག་བཅིབས་ནས་བསྟན་པའི་བྱ་ར་མཛད༔ རྨ་རི་རབ་འབྱམས་རྡོ་རྗེ་དྲག་མོ་རྒྱལ༔ སྐུ་མདོག་དཀར་གསལ་རིན་ཆེན་དར་ཟབ་མཛེས༔ བེ་ཅོན་དང་ནི་རིན་ཆེན་གཞོང་པ་བསྣམས༔ འཕར་བ་བཅིབས་ནས་བསྟན་པའི་བྱ་ར་མཛད༔ ཀོང་བཙུན་དེ་མོ་རྡོ་རྗེ་བོད་ཁམས་སྐྱོང་༔ སྨུག་ནག་དར་དང་ཞིང་ལྤགས་རློན་པས་བརྒྱན༔ མདའ་དར་དང་ནི་རིན་ཆེན་ཟ་མ་ཏོག༔ སྤྲིན་གསེབ་རླུང་བཅིབས་བསྟན་པའི་བྱ་ར་མཛད༔ བཙན་ལ་རག་མོ་རྡོ་རྗེ་སྨན་གཅིག་མ༔ སྐུ་མདོག་དམར་ལྗང་རིན་ཅེན་སྣ་ལྔས་བརྒྱན༔ ལྷབ་ལྷུབ་དར་དང་དངོས་གྲུབ་འབྲང་རྒྱས་བསྣམས༔ མཛོ་མོ་བཅིབས་ནས་བསྟན་པའི་བྱ་ར་མཛད༔ སྨན་བཙུན་ཁུག་ཆོས་རྡོ་རྗེ་གཡའ་མོ་བསིལ༔ སྐུ་མདོག་དམར་མོ་རིན་ཆེན་རྒྱན་གྱིས་སྤྲས༔ རིན་ཆེན་འབད་པ་སྒྲ་སྙན་ཏིང་ཤག་བསྣམས༔ ཤ་ཡུ་བཅིབས་ནས་བསྟན་པའི་བྱ་ར་མཛད༔ གཡུ་ཡི་དྲིལ་བུ་རྡོ་རྗེ་གཟུགས་ལེགས་མ༔ སྐུ་མདོག་དམར་སེར་རིན་ཆེན་རྒྱན་གྱིས་སྤྲས༔ སྙན་པའི་དྲིལ་བུ་རིན་ཆེན་པདྨ་བསྣམས༔ སྟག་ལ་བཅིབས་ནས་བསྟན་པའི་བྱ་ར་མཛད༔ གསར་བསྒྲིགས། ཀུན་ཀྱང་ཟ་(༤ན)

― GLG025_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

འོག་དར་གྱི་ཙེ་བེར་གསོལ། །སྣ་ཚོགས་རིན་ཆེན་མཛེས་པའི་རྒྱན་གྱིས་བརྒྱན། །སྨན་མོ་བདུད་དང་གནོད་སྦྱིན་ལ་སོགས་པ། གྲངས་མེད་འཁོར་ཚོགས་རྒྱ་མཚོས་བསྐོར་བར་གྱུར། གསུམ་པ་མཐུན་རྫས་ཕ་སྟགས་གླུད་སྐོངས་སུ་ཤེས་པ་ནི།རཾ་ལས་གསར་སྒྲིགས། མེ་ཡིས་དངོས་པོའི་སྐྱོན་རྣམས་བསྲེགས། །ཡཾ་ལས་རླུང་གིས་དངོས་པོའི་སྐྱོན་རྣམས་སྦྱངས། ཁཾ་ལས་ཆུ་ཡིས་དངོས་པོའི་སྐྱོན་རྣམས་བཀྲུས། །ཨོཾ་གྱིས་འདོད་པའི་ལོངས་སྤྱོད་ལྔ་དང་ལྡན། །ཨཱཿཡིས་ས་གཞི་བར་སྣང་ཡོངས་ཁྱབ་ནས། །མི་མཛད་ནམ་མཁའ་མཛོད་ཀྱི་ལོངས་སྤྱོད་སྤེལ། །ཧཱུཾ་གིས་རྨད་བྱུང་བདུད་རྩི་ཆེན་པོར་བསྒྱུར། །སྭཱ་ཡིས་གཟུགས་བརྙན་ཐམས་ཅད་དཔེ་བྱད་དང་། །ཕུང་པོ་ཁམས་དང་སྐྱེ་མཆེད་མ་ལུས་ལྡན༔ ཧཱ་ཡིས་རེ་ཏཱི་བསྟན་སྐྱོང་འཁོར་བཅས་ཀྱི། །སྐུ་གསུང་ཐུགས་དང་གཉིས་མེད་བྱིན་རླབས་ཀྱིས། །ཐུགས་དམ་གཉན་པོ་སྐོང་བའི་ནུས་ལྡན་གྱུར། །ཨཱོཾ་ཨཱཿཧཱུཾ་ཏྲེ་སྦཾ་བཾ་ཏྲཾ་རཏྣ་ཏྲཻ་ལོཀྱ་ཕཊ༔ བཞི་བ་མཐུན་རྫས་དུག་མཚོན་དང་དུག་དཔལ་དུ་ཤེས་པ་ནི། གསར་རྩོམ། སྣ་ཚོགས་མཚོན་ཕུར་རྩེད་སོགས་དྲག་པོའི་རྫས། །གནམ་ལྕགས་རྡོ་རྗེ་འབར་བའི་ཐོག་ལྟ་བུར། །གྱུར་ནས་དགྲ་བགེགས་མ་ལུས་རྩད་གཅོད་ཅིང་། །ཐལ་བའི་རྡུལ་དུ་རློག་པའི་ནུས་ལྡན་གྱུར། །སྔགས་དྲུག་དང་ཕྱག་རྒྱ་དྲུག་གིས་ཀྱང་བྱིན་བརླབ་བོ། བཞི་པ་སྤྱན་དྲང་བ་ནི། ཙནྡན། ཨཀརུ། སྤོས་དཀར། ཤིང་སྣ། ཚིལ་ཆེན་གྱི་དུད་པ་བཏང་། རོལ་མོ་དཀྲོལ། གཡབ་དར་དང་བཅས་ནས། ཆོས་དབང་གི་གཏེར་བྱོན། བྷྱོ། དད་པ་དང་ནི་དམ་ཚིག་གིས༔ མ་གཅིག་དཔལ་ལྡན་ལྷ་མོ་སྤྱན་འདྲེན་ནོ༔ སྐུ་གཅིག་མ་ལ་མཆེད་བཞི་མིང་དགུ་མ༔ ཉི་མ་བྱང་ཤར་མཚམས་ནས་གཤེགས་སུ་གསོལ༔ ཀུན་གྱི་གཙོ་(༤བ)

― GLG025_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་མཛད་པའི་རེ་མ་ཏཱི༔ སྐུ་ཡི་རྒྱན་དུ་ཞིང་ཆེན་གཡང་གཞི་གྱོནཿ གཡས་གཡོན་ཕྱག་ན་ནད་རྐྱལ་ཤང་ལང་བསྣམས༔ དྲེལ་རྟ་རྐང་གསུམ་བཅིབས་ནས་འདིར་སྐྱོད་ལ༔ མང་ཡུལ་དུར་ཁྲོད་ཀློང་ནས་གཤེགས་སུ་གསོལ༔ བདག་ཉིད་ཆེན་མོ་བཀྲ་ཤིས་ཚེ་རིང་མ༔ བེར་ནག་གྱོན་ནས་ཕྱག་ན་ཁྲཾ་བཾ་ཐོགས༔ བདུད་ཤ་ཞོན་ནས་བདུད་དཔུང་བཟློག་པའི་ཕྱིར༔ དོན་མཐིང་ཉ་ལམ་གངས་ནས་གཤེགས་སུ་གསོལ༔ དཔལ་ལྡན་ཧ་རི་རྡོ་རྗེ་གཡའ་མོ་སྐྱོང་༔ བེར་སོན་གྱོན་ནས་ཕྱག་ན་ཞགས་པ་འཛིན༔ གསེར་གྱི་མདོག་ཅན་རྟ་མཆོག་སེར་པོ་བཅིབས༔ གཟའ་བདུད་ནག་པོའི་གནོད་པ་བཟློག་པའི་ཕྱིར༔ ཕ་རི་གནས་ཀྱི་གངས་ནས་གཤེགས་སུ་གསོལ༔ གངས་ཀྱི་ཡུམ་ཆེན་རྡོ་རྗེ་ཀུན་ཏུ་བཟང་༔ བེར་དམར་གྱོན་ནས་ཕྱག་ན་ཐོད་ཁྲག་འཛིན༔ བོང་བུ་གླ་བ་ཞོན་ནས་སྟོང་ཁམས་གཡུལ༔ བཙན་ཐོགས་འདུལ་ཕྱིར་ལ་ཕྱིའི་གངས་ནས་གཤེགས་སུ་གསོལ༔ འབྲོག་ཆེན་འཁོར་འདུལ་རྡོ་རྗེ་བགེགས་ཀྱི་གཙོ༔ བེར་ལྗང་གྱོན་ནས་བེ་ཅོན་ཞགས་པ་འཛིན༔ ཁམས་ཀྱི་རྔ་མོ་ཞོན་ཞིང་འཇིག་རྟེན་གཡོ༔ གནོད་བྱེད་བགེགས་ཀྱི་བར་ཆད་བཟློག་པའི་ཕྱིར༔ འབྲོག་སྨན་ལུང་གི་མཚོ་ནས་གཤེགས་སུ་གསོལ༔ བདུད་མོ་འཁོར་བཅས་གནས་འདིར་སྤྱན་འདྲེན་གཤེགས༔ གངས་དཀར་ཤ་མེད་རྡོ་རྗེ་སྤྱན་གཅིག་མ༔ བེར་དཀར་གྱོན་ནས་ཐོད་དང་རལ་གྲི་འཛིན༔ སེང་གེ་ཞོན་ནས་དགྲ་བགེགས་འགུགས་པར་བྱེད༔ རྒྱལ་པོའི་བར་ཆད་ཆོ་འཕྲུལ་བཟློག་པའི་ཕྱིར༔ གྱ་བ་ཕུ་ཡི་གངས་ཟུར་གནས་ནས་གཤེགས༔ ཁ་རག་(༥ན)

― GLG025_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱུང་བཙུན་རྡོ་རྗེ་དཔལ་གྱི་ཡུམ༔ བེར་སེར་གྱོན་ནས་ཕྱག་ན་དགྲ་སྟ་འཛིན༔ ཁྱུང་ལ་ཞོན་ནས་མི་བསྐྱོད་དབྱིངས་ན་བཞུགས༔ གཤིན་རྗེའི་གདོན་དང་དགྲ་དཔུང་འཇོམས་པའི་ཕྱིར༔ ཁ་རག་ཤར་གྱི་གནས་ནས་གཤེགས་སུ་གསོལ༔ སེང་ཆེན་མཁའ་ལྡིང་རྡོ་རྗེ་ཀླུ་མོ་ནི༔ བེར་དམར་གྱོན་ནས་ཕྱག་ན་ལྕགས་ཀྱུ་འཛིན༔ དོམ་ནག་ཞོན་ནས་ལྷོ་མོན་དབྱིངས་ལ་གཤེགས༔ རྨི་ལྟས་མཚན་མ་ངན་པ་བཟློག་པའི་ཕྱིར༔ ཇོ་མོ་ནགས་རྒྱལ་གནས་ནས་གཤེགས་སུ་གསོལ༔ རྨ་རི་རབ་འབྱམས་རྡོ་རྗེ་དྲག་མོ་རྒྱལ༔ བེར་ལྗང་གྱོན་ནས་ཕྱག་ན་ཙིཏྟ་བསྣམས༔ མི་དྲེད་ནག་མོ་ཞོན་ནས་དམ་ཉམས་འགུགས༔ གློ་བུར་སེམས་ཀྱི་ཡེ་འབྲོག་ཞི་བའི་ཕྱིར༔ བྱང་གི་སྨན་ཆེན་བོད་ནས་གཤེགས་སུ་གསོལ༔ གནོད་སྦྱིན་འཁོར་བཅས་གནས་འདིར་སྤྱན་འདྲེན་གཤེགས༔ ཀོང་བཙུན་དེ་མོ་རྡོ་རྗེ་བོད་ཁམས་སྐྱོང་༔ བེར་དཀར་གྱོན་ནས་འཆིང་བྱེད་ཞགས་པ་འཛིན༔ རྭ་བཅུ་ཤ་བ་ཞོན་ནས་བདུད་དཔུང་འཇོམས༔ ས་བདག་ཀླུ་ཡི་ནད་གདོན་ཞི་བའི་ཕྱིར༔ ཀོང་པོ་ཤར་གྱི་ཕྱོགས་ནས་གཤེགས་སུ་གསོལ༔ གཙང་ལ་ར་རོག་རྡོ་རྗེ་སྨན་གཅིག་མ༔ བེར་སེར་གྱོན་ནས་ཕྱག་ན་དྲིལ་བུ་འཛིན༔ མདངས་ཆེན་གཙོད་ལ་ཞོན་ནས་གཏད་བཟློག་མ༔ གནོད་སྦྱིན་གདུག་པའི་ནད་གདོན་ཞི་བའི་ཕྱིར༔ བསམ་སྡིངས་རྒྱབ་རིའི་གནས་ནས་གཤེགས་སུ་གསོལ༔ སྨན་བཙུན་ཨུག་ཆོས་རྡོ་རྗེ་གཡར་མོ་བསིལ༔ བེར་དམར་གྱོན་ནས་དམ་ཉམས་སྲོག་རྩ་གཅོད༔ ཕྱག་ན་ཚོན་སྣ་ལྔ་ཡི་དྲུ་བུ་འཛིན༔ འབྲི་ལ་ཞོན་ནས་དམ་ཉམས་ནད་ལ་འདེབས༔ རྟ་ནག་ཚ་ཚ་(༥བ)

― GLG025_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་ནས་གཤེགས་སུ་གསོལ༔ གཡུ་ཡི་དྲིལ་སྙན་རྡོ་རྗེ་གཟུགས་ལེགས་མ༔ བེར་ནག་གྱོན་ནས་འགུགས་བྱེད་ལྕགས་ཀྱུ་འཛིན༔ རྐྱང་ལ་ཞོན་ནས་སྟོང་གསུམ་གཡུལ་བར་བྱེད༔ འཕུང་བྱེད་ནག་མོའི་གདོན་རྣམས་བཟློག་པའི་ཕྱིར༔ བོད་ཀྱི་དབུས་རིའི་གནས་ནས་གཤེགས་སུ་གསོལ༔ སྨན་བཙུན་འཁོར་བཅས་གནས་འདིར་སྤྱན་འདྲེན་གཤེགས་སུ་གསོལ༔ ཧོཿ ནག་གཏེར་ཁ་འོག་མ་ནས་མངའ་རིསཔཎ་ཆེན་གྱིས་བསྒྲིགས། མོ་བཞིན་མི་སྡུག་གི་བུ་མོ་བདུད་མོ་བཞི། །དམར་མོ་ཁྲོ་གཉེར་ཅན་གྱི་བུ་མོ་གནོད་སྦྱིན་མོ་བཞི། །དཀར་མོ་མདངས་ལྡན་མའི་བུ་མོ་སྨན་བཙུན་མ་བཞི། །སྔོན་ཚེ་ཨ་སུ་ར་ཡི་བྲག་ཕུག་དབེན་གནས་སུ། །སློབ་དཔོན་ཆེན་མོ་པདྨ་འབྱུང་གནས་དང་། །བཤེས་གཉེན་གླང་ཆེན་དཔལ་གྱི་སེང་གེ་ཡིས། །ཞིང་ཆེན་བསྒྱེལ་བའི་སྟེང་དུ་བཞག་ནས་ཀྱང་། །རྡོ་རྗེ་ལག་གཏད་བདུད་རྩི་ལྕེ་ལ་བཞག །དེ་ཚེ་ཁས་བླངས་དམ་ལས་མ་འདའ་བར། །ཚུར་གཤེགས་ཚུར་སྤྱོན་བོད་སྐྱོང་བསྟན་མ་རྣམས། །ཀུན་ཀྱང་ལྷབ་ལྷུབ་མང་པོའི་རྒྱན་དང་བཅས། །རོལ་མོ་སིལ་སྙན་མང་པོའི་སྒྲ་དང་བཅས། །བྲན་གཡོག་མང་པོའི་འཁོར་དང་བཅས་ཏེ་སྤྱོན། །འདིར་གཤེགས་དམ་བསྐོང་འཕྲིན་ལས་གྲུབ་པར་མཛོད། །ཧཱུཾ སྔོན་ཉང་གཏེར། ཚེ་དུར་ཁྲོད་ཆེན་པོ་བསིལ་བའི་ཚལ། །ཡེ་ཤེས་མཁའ་འགྲོ་སེང་གེའི་གདོང་ཅན་གྱི༔ སྤྱན་སྔར་ཐུགས་དམ་ཞལ་བཞེས་དམ་བཅས་པའི༔ བསྟན་སྐྱོང་མཁའ་འགྲོའི་ཚོགས་རྣམས་གཤེགས་སུ་གསོལ༔ སྔོན་ཚེ་བལ་བོ་ཁ་ལམ་རོང་དགུ་རུ༔ སློབ་དཔོན་ཆེན་པོ་པདྨ་འབྱུང་གནས་ཀྱི༔ སྤྱན་སྔར་ཐུགས་དམ་ཞལ་བཞེས་དམ་བཅས་པའི༔ བོད་སྐྱོང་བསྟན་(༦ན)

― GLG025_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བཅུ་གཉིས་གནས་འདིར་གཤེགས༔ རང་རང་སྡེ་བརྒྱད་དུ་མའི་འཁོར་བཅས་རྣམས༔ དམ་ཅན་རྣལ་འབྱོར་སྒྲུབ་པོ་འཁོར་བཅས་ལ༔ ཐུགས་ནི་བརྩེ་བས་རྗེས་སུ་ཉེར་དགོངས་ལ༔ སྤྱན་འདྲེན་མཆོད་པའི་གནས་འདིར་གཤེགས་སུ་གསོལ༔ ཨཱོཾ་ཨེ་ཧྱེ་ཧིཿཌཱ་ཀི་ནི་ས་པ་རི་ཝཱ་ར་ས་མ་ཡ་ཛཿཛཿཛཿཛཿཧཱུཾ་བཾ་ཧོཿ ཨཱོཾ་མ་མ། མེ་མེ། ལ་ལ། ལེ་ལེ། ཏ་ཏ། ཏེ་ཏེ། ཁ་རགྨཿ མ་མ་སྲིང་འགྲོ་མ་ཧཱུཾ་བྷྱོ་ཧཱུཾཿ ལྔ་པ་བཞུགས་སུ་གསོལ་ཞིང་བཀའ་བསྒོ་བ་ནི། ཧཱུཾ་བྷྱོཿ རླུང་ཆོས་དབང་གི་གཏེར་བྱོན། ནག་འཚུབ་མའི་དཀྱིལ་འཁོར་དུ༔ མཐིང་ནག་གྲུ་གསུམ་འབར་བའི་གཞལ་ཡས་ནས༔ ལྕགས་ཀྱི་དྲེལ་རྟ་མགྱོགས་པའི་གདན་སྟེང་ན༔ ནག་མོ་མི་སྤྲུལ་བདུད་མོ་མཆེ་བ་ཅན༔ མངོན་སྤྱོད་ལས་ཀྱི་འཕྲིན་ལས་བསྒྲུབ་པའི་ཕྱིར༔ མཐིང་ནག་རོ་ཡི་གདན་ལ་བཞུགས་སུ་གསོལ༔ བྷྱོ། བདག་ཉིད་ཆེན་མོ་ལ་སོགས་བདུད་མོ་ཆེན་མོ་བཞི༔ བཞིན་མི་སྡུག་གི་བུ་མོ་བེར་ནག་གྱོན༔ རྣལ་འབྱོར་དབང་གི་འཕྲིན་ལས་བསྒྲུབ་པའི་ཕྱིར༔ དམར་ནག་རོ་ཡི་གདན་ལ་བཞུགས་སུ་གསོལ༔ བྷྱོ། གངས་དཀར་ཤ་མེད་ལ་སོགས་གནོད་སྦྱིན་བཞི༔ ཁྱོད་རྣམས་གནོད་སྦྱིན་དབང་སྒྱུར་རིགས་ཡིན་པར༔ ལས་སུ་གསོད་གཅོད་སྲོག་དབུགས་ལེན་པར་དགྱེས༔ སེར་ནག་རོ་ཡི་གདན་ལ་བཞུགས་སུ་གསོལ༔ བྷྱོ། ཀོང་བཙུན་དེ་མོ་ལ་སོགས་སྨན་བཙུན་བཞི༔ ཁྱོད་རྣམས་སྨན་བཙུན་དཀར་མོའི་རིགས་ཡིན་པས༔ སྐྱེ་འགྲོ་སེམས་ཅན་ཚེ་སྲོག་བསྲིང་བར་བྱེད༔ དཀར་ནག་རོ་ཡི་གདན་ལ་བཞུགས་སུ་གསོལ༔ ས་མ་ཡ་ཨ་ཕེབས༔ དེ་ནས་བཀའ་བསྒོ་བ་ནི།(༦བ)

― GLG025_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུཾ། ང་ནི་གཏེར་བདག་མ། ཆེ་མཆོག་ཧེ་རུ་ཀ༔ སངས་རྒྱས་ཀུན་དང་མཉམ་སྦྱོར་པའི༔ ཇི་སྙེད་སངས་རྒྱས་ཐམས་ཅད་ཀྱི༔ དེ་བཞིན་སྒྲུབ་པའི་རྣལ་འབྱོར་པའི༔ དད་པ་དང་ནི་དམ་ཚིག་གིས༔ མིང་སྲིང་བཞིན་དུ་དམ་བསྲེས་པའི༔ དམ་ཚིག་ཆེན་པོའི་དུས་ལ་བབ༔ རྡོ་རྗེ་དྲི་ཆུ་བདུད་རྩིའི་མཆོག༔ པཉྩ་ཨ་མྲྀ་ཏ་སྦྱར་ཏེ༔ དཔལ་ལྡན་ལྷ་མོ་རེ་མ་དང་༔ སྤྲུལ་པའི་བསྟན་མ་བཅུ་གཉིས་ལ༔ ཁྲོ་བོ་རྡོ་རྗེ་གནོད་སྦྱིན་གྱིས༔ ལྕེ་ལ་བདུད་རྩི་བཞག་ནས་ནི༔ སྔོན་ཚེ་ཇི་ལྟར་མནའ་བོར་བཞིན༔ ང་ཡང་དམ་ལས་མི་འདའ་འོ༔ ཁྱེད་རྣམས་དམ་ལས་མ་འདའ་ཞིག༔ གལ་ཏེ་དམ་ལས་ཁྱོད་འདས་ན༔ ཁྲོ་བོ་རྡོ་རྗེ་གནོད་སྦྱིན་གྱིས༔ སྙིང་ཁྲག་བཞོས་ཏེ་འཐུང་བར་བྱེད༔ དེ་བས་དམ་ལས་མ་འདའ་བར༔ བཅོལ་བའི་འཕྲིན་ལས་གྲུབ་པར་མཛོད༔ བཛྲ་ཡཀྴ་ཧཱུཾ་ཧཱུཾ། དྲུག་པ་མཆོད་པ་འབུལ་ཞིང་ཐུགས་དམ་བསྐང་བ་ནི། ཧཱུཾ། ཐབས་དང་གཏེར་ཁ་འོག་མ། ཤེས་རབ་གཉིས་མེད་པའི༔ རང་བྱུང་གདོད་ནས་རྣམ་པར་དག༔ རྩ་བརྒྱད་སྟོང་ལ་སྦྱར་བའི་སྨན༔ ར་ས་ཡ་ན་ལ་སོགས་པའི༔ བཅོམ་ལྡན་ཆེ་མཆོག་ཡབ་ཡུམ་ལ༔ རྣམ་དག་བདུད་རྩིའི་དམ་རྫས་མཉེས་མཆོད་འབུལ༔ ཐུགས་རྗེ་བརྩེར་དགོངས་དབང་དང་དངོས་གྲུབ་སྩོལ༔ མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ཡེ་ཤེས་འོད་ཀྱི་དཀྱིལ་འཁོར་ནས༔ དཔལ་ལྡན་རེ་མ་ཏཱིའི་ཞལ་དུ་ཁ་རཾ་ཁཱ་ཧི༔ ཆོས་དབྱིངས་རྣམ་དག་གཞལ་ཡས་ནས༔ བདག་ཉིད་ཆེན་མོའི་ཞལ་དུ་ཁ་རཾ་ཁཱ་ཧི༔ ཡོངས་རྫོགས་དཔལ་ལྡན་དཀྱིལ་འཁོར་ནས༔ དཔལ་ལྡན་ལྷ་རིའི་ཞལ་དུ་ཁ་རཾ་ཁཱ་(༧ན)

― GLG025_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

ཧི༔ ཧིཿ ཉི་ཟླ་འོད་ཀྱི་དཀྱིལ་འཁོར་ནས༔ གངས་ཀྱི་ཡུམ་ཆེན་ཞལ་དུ་ཁ་རཾ་ཁཱ་ཧི༔ འཕུང་བྱེད་སྦས་པའི་དཀྱིལ་འཁོར་ནས༔ འབྲོག་ཆེན་འཁོར་འདུལ་ཞལ་དུ་ཁ་རཾ་ཁཱ་ཧི༔ སྙིང་རྗེ་བྱམས་པའི་དཀྱིལ་འཁོར་ནས༔ གངས་དཀར་ཤ་མེད་ཞལ་དུ་ཁ་རཾ་ཁཱ་ཧི༔ ཡང་གསང་དགོངས་པའི་དཀྱིལ་འཁོར་ནས༔ ཁ་རག་ཁྱུང་བཙུན་ཞལ་དུ་ཁ་རཾ་ཁཱ་ཧི༔ ཆགས་བྱེད་ཆ་སྙོམས་དཀྱིལ་འཁོར་ནས༔ སེར་ཆེན་མཁའ་ལྡིང་ཞལ་དུ་ཁ་རཾ་ཁཱ་ཧི༔ ཉུལ་ལེ་འབུམ་གྱི་དཀྱིལ་འཁོར་ནས༔ རྨ་རི་རབ་འབྱམས་ཞལ་དུ་ཁ་རཾ་ཁཱ་ཧི༔ ཕོ་ཉ་འབར་བའི་དཀྱིལ་འཁོར་ནས༔ ཀོང་བཙུན་དེ་མོའི་ཞལ་དུ་ཁ་རཾ་ཁཱ་ཧི༔ དུར་ཁྲོད་ཚོགས་ཀྱི་དཀྱིལ་འཁོར་ནས༔ བཙན་ལ་ར་རོག་ཞལ་དུ་ཁ་རཾ་ཁཱ་ཧི༔ གླིང་བཞི་རྩ་ཡི་དཀྱིལ་འཁོར་ནས༔ མ་བཙུན་ཨུག་ཆོས་ཞལ་དུ་ཁ་རཾ་ཁཱ་ཧི༔ དྲི་ཟ་ལ་སོགས་དཀྱིལ་འཁོར་ནས༔ གཡུའི་དྲིལ་སྙན་ཞལ་དུ་ཁ་རཾ་ཁཱ་ཧི༔ དུར་ཁྲོད་འབར་བའི་དཀྱིལ་འཁོར་ནས༔ ཨེ་ཀ་ཛ་ཏི་སྤུན་དྲུག་ཞལ་དུ་ཁ་རཾ་ཁཱ་ཧི༔ འབྱུང་བ་དབུགས་ཀྱི་དཀྱིལ་འཁོར་ནས༔ རྟག་པའི་རྒྱལ་མོ་ལྔའི་ཞལ་དུ་ཁ་རཾ་ཁཱ་ཧི༔ རྟེན་དུ་བཙུགས་ན་རང་དབང་མེད་པར་འདུ༔ སྲིད་པ་ཆགས་པའི་མ་མོའི་ཚོགས་བཅས་ཞལ་དུ་ཁ་རཾ་ཁཱ་ཧི༔ རྣམ་དག་བདུད་རྩིའི་དམ་རྫས་མཉེས་མཆོད་ལ༔ ཐུགས་རྗེ་བརྩེ་དགོངས་དབང་དང་དངོས་གྲུབ་སྩོལ༔ མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ བྷྱོ། འདོད་ཁམས་བསྟན་མ་བཅུ་གཉིས་ལ༔ ཕྱི་ཡི་མཆོད་པ་འབུལ་བ་ནི༔ མཛེས་པའི་མེ་ཏོག་དབུ་ལ་འབུལ༔ དྲི་ཞིམ་བདུག་སྤོས་ཤངས་ལ་འབུལ༔ སྣང་(༧བ)

― GLG025_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་མར་མེ་སྤྱན་ལ་འབུལ༔ དམ་རྫས་གཏོར་མ་ལྗགས་ལ་འབུལ༔ ཐོད་རྔ་གླིང་བུ་སྙན་ལ་འབུལ༔ མི་ལྤགས་གཡང་གཞི་སྐུ་ལ་འབུལ༔ ཤ་ཆེན་སྤོས་ཀྱི་མཆོད་པ་འབུལ༔ ཞུན་ཆེན་མར་མེའི་མཆོད་པ་འབུལ༔ རྡོ་རྗེ་དྲི་ཆུ་བྱུག་པས་མཆོད༔ ཨོཾ་བཛྲ་པུཥྤེ། དྷཱུ་པེ་ཨཱ་ལོ་ཀེ །གནྡྷེ། ནེ་ཝི་དྱེ། ཤཔྟ་པཱུ་ཙ་མེ་གྷ་ས་མུ་དྲ་སྥ་ར་ཎ་ས་མ་ཡ་ཧཱུཾ༔ བྷྱོ། རང་བྱུང་ནང་མཆོད་འབུལ་བ་ནི༔ འབྲས་ཆན་འཁུར་བ་ཟན་དང་ཆང་༔ མི་ཤ་ལ་སོགས་ཤ་ལྔས་བརྒྱན༔ གཏི་མུག་ཤ་ནི་ཟན་ལས་ཞིམ༔ འདོད་ཆགས་ཁྲག་ནི་ཆང་ལས་ཞིམ༔ ཞེ་སྡང་ཀེང་རུས་རྫ་ལྟར་སྤུངས༔ ནང་གི་མཆོད་པ་བཞེས་སུ་གསོལ༔ མ་ཧཱ་པཱུ་ཙ་ཧོ༔ བྷྱོ། གཉིས་མེད་གསང་མཆོད་འབུལ་བ་ནི༔ ཟག་བཅས་ཕུང་པོ་རྣམ་པ་ལྔ༔ སྐུ་ཡི་མཆོད་པར་བཞེས་སུ་གསོལ༔ འདོད་ཆགས་ཞེ་སྡང་ཉོན་མོངས་ལྔ༔ གསུང་གི་མཆོད་པར་བཞེས་སུ་གསོལ༔ ཐིག་ལེ་དཀར་དམར་བདེ་གསལ་དབྱིངས༔ ཐུགས་ཀྱི་མཆོད་པར་བཞེས་སུ་གསོལ༔ བླ་མེད་གསང་བའི་བློ་བྲལ་དང་༔ བློ་དང་ལྡན་པ་སྣ་ཚོགས་རྣམས༔ གཟུང་འཛིན་མེད་པར་འབུལ་ལགས་ཀྱི༔ དུག་གསུམ་ལུས་ངག་ཡིད་དང་གསུམ༔ སྐུ་གསུང་ཐུགས་ཀྱི་མཆོད་པར་བཞེས༔ མ་ཧཱ་པཱུ་ཙ་ཧོ༔ བསྐང་ངོ་བསྐལ་པའི་ཐུགས་དམ་བསྐང་༔ ཆོས་དབྱིངས་མཁའ་ཀློང་ཕོ་བྲང་ནས༔ མངོན་རྫོགས་རྒྱལ་བའི་ཐུགས་དམ་བསྐང་༔ ནམ་མཁའ་དབྱིངས་ཀྱི་དཀྱིལ་འཁོར་ནས༔ བདག་ཉིད་ཆེན་མོའི་ཐུགས་དམ་བསྐང་༔ འབྱུང་ལྔ་རྣམ་དག་དཀྱིལ་འཁོར་ནས༔ དཔལ་ལྡན་ལྷ་རིའི་ཐུགས་དམ་བསྐང་༔ དབྱིངས་(༨ན)

― GLG025_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཡེ་ཤེས་གཉིས་མེད་པའི༔ གངས་ཀྱི་ཡུམ་ཆེན་ཐུགས་དམ་བསྐང་༔ སྣང་སྲིད་ཀུན་ལ་དབང་སྒྱུར་བའི༔ འབྲོག་ཆེན་འཁོར་འདུལ་ཐུགས་དམ་བསྐང་༔ སྦས་པའི་ལྷ་མོ་འདུལ་པའི་ཕྱིར༔ གངས་དཀར་ཤ་མེད་ཐུགས་དམ་བསྐང་༔ སྲིད་པ་མ་མོ་འདུལ་པའི་ཕྱིར༔ ཁ་རག་ཁྱུང་བཙུན་ཐུགས་དམ་བསྐང་༔ སྲིད་པ་བྷྱོ་ཟློག་མཛད་པའི་ཕྱིར༔ སེར་ཆེན་མཁའ་ལྡིང་ཐུགས་དམ་བསྐང་༔ གླིང་བཞིའི་མངའ་བདག་ཡིན་པའི་ཕྱིར༔ རྨ་རི་རབ་འབྱམས་ཐུགས་དམ་བསྐང་༔ སྨན་མོའི་གཙོ་མོ་ཡིན་པའི་ཕྱིར༔ ཀོང་བཙུན་དེ་མོའི་ཐུགས་དམ་བསྐང་༔ ས་བདག་ཆེན་མོ་ཡིན་པའི་ཕྱིར༔ བཙན་ལ་ར་རོའི་ཐུགས་དམ་བསྐང་༔ སྐྱེ་འཆི་མེད་པའི་སྐུ་བརྙེས་ཕྱིར༔ མོ་བཙུན་ཨུག་ཆོས་ཐུགས་དམ་བསྐང་༔ དཀྱིལ་འཁོར་མུ་རན་སྐྱོང་བའི་ཕྱིར༔ གཡུ་ཡི་དྲིལ་བུའི་ཐུགས་དམ་བསྐང་༔ བསྟན་མ་བཅུ་གཉིས་ཐུགས་དམ་བསྐང་༔ སྐྱོང་མ་བཅུ་གཉིས་ཐུགས་དམ་བསྐང་༔ ཏི་མ་བཅུ་གཉིས་ཐུགས་དམ་བསྐང་༔ ཡ་མ་བཅུ་གཉིས་ཐུགས་དམ་བསྐང་༔ འཁོར་བཅས་ཤ་སྣས་བསྐང་བ་ནི༔ རི་རབ་སྲིད་པའི་བུམ་རྩེ་ནས༔ ཡེ་ཤེས་མཆོག་གི་མ་མོ་ལ༔ སེང་གེ་དཀར་མོའི་ཤ་ཡིས་བསྐང་༔ མི་རྟོག་ནམ་མཁའི་མཁའ་སྟོང་ནས༔ བོད་སྐྱོང་བསྟན་མ་བཅུ་གཉིས་ལ༔ ཤ་ཆེན་མཆོག་གིས་ཐུགས་དམ་བསྐང་༔ བ་ལང་དཀར་པོའི་ཤ་ཡིས་བསྐང་༔ དཔའ་གཏུམ་སྟག་མོའི་ཤ་ཡིས་བསྐང་༔ པུ་ཤུད་རྨ་བྱའི་ཤ་ཡིས་བསྐང་༔ ཐོགས་མེད་བྱ་ཁྱུང་ཤ་ཡིས་བསྐང་༔ མི་སྣང་འཇོལ་མོའི་ཤ་ཡིས་བསྐང་༔ བྱ་རྒོད་དཀར་པོའི་ཤ་ཡིས་(༨བ)

― GLG025_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐང་༔ ཅེ་སྤྱང་ནག་པོའི་ཤ་ཡིས་བསྐང་༔ གཏི་མུག་དྲེད་མོའི་ཤ་ཡིས་བསྐང་༔ ང་རྒྱལ་འཕར་བའི་ཤ་ཡིས་བསྐང་༔ ཞེ་སྡང་སྦྲུལ་གྱི་ཤ་ཡིས་བསྐང་༔ བསྟེན་པའི་དམ་རྫས་ཡིན་པའི་ཕྱིར༔ ལུག་ནག་སྤྱི་དཀར་ཐུགས་དམ་བསྐང་༔ འབོད་པའི་དམ་རྫས་ཡིན་པའི་ཕྱིར༔ རོལ་མོ་སྒྲ་ཡིས་ཐུགས་དམ་བསྐང་༔ རྟག་ཏུ་མི་འབྲལ་འགྲོགས་པའི་ཕྱིར༔ རྟག་གཏོར་ཆེན་པོས་ཐུགས་དམ་བསྐང་༔ རྒྱུན་དུ་མི་འབྲལ་འགྲོགས་པའི་ཕྱིར༔ རྒྱུན་གྱི་གཏོར་མས་ཐུགས་དམ་བསྐང་༔ དམ་ཚིག་གཉན་པོ་བསྲེ་པའི་ཕྱིར༔ བདུད་རྩི་སྨན་གྱི་ཐུགས་དམ་བསྐང་༔ རཀྟ་སྐོམ་དུ་འཐུང་བའི་ཕྱིར༔ ཁྲག་གི་རྒྱ་མཚོས་ཐུགས་དམ་བསྐང་༔ སྲིན་བྱ་བྱ་རོག་ངུར་སོགས་ཀྱིས༔ འཁོར་དང་བཅས་པའི་ཐུགས་དམ་བསྐང་༔ ཤ་སྣ་སྟོང་གིས་ཐུགས་དམ་བསྐང་༔ སྙིང་སྣ་འབུམ་གྱི་ཐུགས་དམ་བསྐང་༔ བྷྱོ། སྲིད་པ་ཆགས་བྱེད་ལ་སོགས་ལ༔ གོང་རུ་སྟོད་ཀྱི་དཀོར་ཆ་དང་༔ རྒྱ་ཡུལ་མཐིལ་གྱི་དར་དང་ཟབ༔ མདོ་ཁམས་སྨད་ཀྱི་ཇ་དང་ཟོག༔ མང་ཡུལ་སྟོད་ཀྱི་སྨན་དང་སྤོས༔ སྤ་གྲོ་སྨད་ཀྱི་བཙོད་དང་ཞུན༔ བྱད་ཁ་སྟོད་ཀྱི་ཚྭ་དང་ཉ༔ བོད་ཁ་སྨད་ཀྱི་འབྲུ་དང་བཅུད༔ ལྷ་མོ་འཁོར་དང་བཅས་པའི་ཐུགས་དམ་བསྐང་༔ ཚོགས་བྱ་བ་ནི། བྷྱོ། གཏེར་ཁ་འོག་མ། ཚོགས་ཀྱི་དངོས་པོ་བསྲེག་སྦྱང་བཀྲུ༔ རཾ་ཡཾ་ཁཾ་ཨཱོཾ་ཨཱཿཧཱུཾ། བདེ་བར་གཤེགས་སོ་བཅོམ་ལྡན་འདས༔ སངས་རྒྱས་ཀུན་གྱི་བདག་ཉིད་ཅན༔ བོད་སྐྱོང་བསྟན་མ་བཅུ་གཉིས་ལ༔ ཞལ་ཟས་ཚོགས་ཀྱི་མཆོད་པ་འབུལ༔ ག་ཎ་ཙཀྲ་པཱུ་ཙ་པ་ལིཾ་ཏ་ཁཱ་ཧི༔ བྷྱོ། བསྟན་མ་བཅུ་གཉིས་འཁོར་བཅས་རྣམས༔ (༩ན)

― GLG025_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་ནང་གསང་གསུམ་ཚོགས་ལ་རོལ༔ དམ་སྐོང་དབང་དང་དངོས་གྲུབ་སྩོལ༔ མི་མཐུན་རྐྱེན་དང་བར་ཆད་སོལ༔ རྩ་བ་ཡན་ལག་དམ་ཚིག་ཀུན༔ ཞལ་ཟས་ཚོགས་ཀྱིས་མཐོལ་ལོ་བཤགས༔ བཛྲ་ས་མ་ཡ་ཧོ༔ ཨེ་ཧྱེ་ཧི། ཚུར་སྤྱོན་འཁོར་དང་བཅས༔ མ་ཏྲཾ་ཤ་ལ་རོལ་གཅིག་མཆོད་པར་བཞེས༔ དམར་ཆེན་ཁྲག་ལ་རོལ་ཅིག་མཆོད་པར་བཞེས༔ གསུར་ཆེན་ཚལ་ལ་རོལ་ཅིག་མཆོད་པར་བཞེས༔ རུས་ཆེན་རྐང་ལ་རོལ་ཅིག་མཆོད་པར་བཞེས༔ དགྲ་བགེགས་ཤ་ཁྲག་རུས་པ་ལ་ཁཱ་ཧི་ཁཱ་ཧི༔ ལམ་བཏབ་བ། མ་མོ་ཐམས་ཅད་དབྱིངས་སུ་དགྱེས༔ ཕྱག་ན་དབང་དྲག་ཕུར་པ་འདྲིལ༔ བསད་མནན་སྤར་བའི་ལས་མཛོད་ཅིག༔ ཨཱོཾ་བྷོ་དྷེ་ཆེ་གེ་མོ་ལ་ཛཿ ཆེ་མཆོག་མ་མོའི་ལྷ་ཚོགས་རྣམས༔ ཞལ་གདངས་ལྗགས་འདྲིལ་ཚེམས་གཙིགས་ནས༔ དགྲ་བགེགས་དམ་ཉམས་ཞལ་དུ་བཏབ་བོ་ཁ་རཾ་ཁཱ་ཧི༔ མ་ཧཱ་མཾ་ས། མ་ཧཱ་རཀྟ། གོ་རོ་ཙ་ན་ཡ་ཁ་རཾ་ཁཱ་ཧི༔ ལྷག་མ་བཏང་བ། བྷྱོ། དང་པོ་ཕུད་ཀྱིས་མི་མཆོད་དུ༔ བཅོམ་ལྡན་དཔལ་ཆེན་ཕུད་ལ་དབང་༔ བར་དུ་ཚོགས་ལ་མི་རོལ་ཏུ༔ དམ་ཅན་སྲུང་མ་ཚོགས་ལ་བདག༔ དེ་ནས་དམར་གྱིས་མི་སྦྲོོན་དུ༔ མ་དང་མཁའ་འགྲོ་ཁྲག་ལ་དགྱེས༔ ལྷག་མ་ཁ་ཆུས་མི་སྦྲན་དུ༔ རྗེ་དང་འབངས་ཀྱི་ཁྱད་པར་ཆེ༔ ལྷག་མ་ཕུད་ཀྱི་གཏོར་མ་འདི་བཞེས་ལ༔ བཅོལ་བའི་འཕྲིན་ལས་མྱུར་དུ་གྲུབ་པར་མཛོད༔ ཡུལ་གཅིག་མ་ཧཱ་དེ་ཝ་ནིཿ གཏེར་ཁ་འོག་མ་ནས་མངའ་རིས་པཎ་ཆེན་རིན་པོ་ཆེས་བསྒྲིགས། གནམ་སྨན་རྡོ་རྗེ་ཀུན་གྲགས་མ༔ དཀར་གསལ་གངས་རིའི་ཉི་ཤར་འདྲ༔ ན་བཟའ་འཇའ་ཚོན་སྤེལ་ལེགས་འདྲ༔ གསེར་དང་གཡུ་ཡི་ཐོད་གདེངས་(༩བ)

― GLG025_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན༔ ཆིབས་སུ་གཡུ་འབྲུག་སྔོན་པོ་བཅིབས༔ འཁོར་དུ་སྨན་མོ་སྟོང་གིས་བསྐོར༔ བཤོས་བུ་སྙིང་དང་གཏོར་མས་བསྐང་༔ བདག་གི་བསམ་པའི་དོན་རྣམས་སྒྲུབས༔ བྷྱོ། ཡུལ་ཅིག་མོན་ཡུལ་སྤ་གྲོ་ན༔ སྐྱིན་མཐིང་རྡོ་རྗེ་གཡའ་མ་སྐྱོང་༔ སེར་ནག་མཛེས་པའི་འོད་འཕྲོ་མ༔ སྤྲིན་དཀར་སྤུངས་པའི་ཐུལ་པ་གསོལ༔ ཤེལ་དང་གཡུ་ཡི་ཐོད་གདེངས་ཅན༔ ཆིབས་སུ་ཤ་བ་དཀར་མོ་བཅིབས༔ འཁོར་དུ་སྨན་མོ་སྟོང་གིས་བསྐོར༔ བཤོས་བུ་སྙིང་དང་གཏོར་མས་བསྐང་༔ བདག་གི་བསམ་པའི་དོན་རྣམས་སྒྲུབས༔ བྷྱོ། ཡུལ་ཅིག་ན་ལན་ཤེལ་གོང་ན༔ ཡུམ་ཆེན་རྡོ་རྗེ་གཡུ་བུན་མ༔ དམར་སེལ་པདྨ་རཱ་གའི་མདོག༔ ན་བཟའ་གངས་དཀར་སྤུངས་པ་གསོལ༔ གསེར་དང་གཡུ་ཡི་ཐོད་གདེངས་ཅན༔ ཆིབས་སུ་སྟག་མོ་རི་ཁྲ་བཅིབས༔ འཁོར་དུ་སྨན་མོ་སྟོང་གིས་བསྐོར༔ བཤོས་བུ་སྙིང་དང་གཏོར་མས་བསྐང་༔ བདག་གི་བསམ་པའི་དོན་རྣམས་སྒྲུབས༔ བྷྱོ། ཡུལ་ཅིག་ཡར་འབྲོག་དང་གོང་ན༔ འབྲོག་ཆེན་རྡོ་རྗེ་བགེགས་ཀྱི་གཙོ༔ དམར་སྨུག་མཛེས་པའི་འོད་འཕྲོ་མ༔ དཀར་མཛེས་གཡུ་ཡི་མཐའ་ཅན་གསོལ༔ གསེར་དང་གཡུ་ཡི་ཐོད་གདེངས་ཅན༔ ཆིབས་སུ་འབྲོང་ཆེན་འགྱིང་བ་བཅིབས༔ འཁོར་དུ་སྨན་མོ་འབུམ་གྱི་བསྐོར༔ བཤོས་བུ་སྙིང་དང་གཏོར་མས་བསྐང་༔ བདག་གི་བསམ་པའི་དོན་རྣམས་སྒྲུབས༔ བྷྱོ། གཙང་འགྲམ་རྫ་རི་གངས་དཀར་ན༔ ཤ་མེད་རྡོ་རྗེ་ཀུན་ཏུ་བཟང་༔ དཀར་འཚེར་ཤེལ་ཀྱི་ཁ་དོག་བཀྲ༔ དར་དཀར་གཡུ་ཡི་མཐའ་ཅན་གསོལ༔ གསེར་གཡུ་མུ་ཏིག་ཐོད་གདེངས་ཅན༔ ཆིབས་སུ་སྨན་(༡༠ན)

― GLG025_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

ཤ་དཀར་མོ་བཅིབས༔ འཁོར་དུ་སྨན་མོ་སྟོང་གིས་བསྐོར༔ བཤོས་བུ་སྙིང་དང་གཏོར་མས་བསྐང་༔ བདག་གི་བསམ་པའི་དོན་རྣམས་སྒྲུབས༔ བྷྱོ། ཡུལ་ཅིག་སྲང་ཡུལ་པ་ཏྲ་ན༔ བཙན་མོ་རྡོ་རྗེ་ཡེ་ཤེས་མཆོག༔ མཐིང་ནག་དྲག་ཤུལ་རྔམ་པའི་ཞལ༔ རྨ་བྱ་མཛེས་པའི་ཐུལ་པ་གསོལ༔ གསེར་དང་གཡུ་ཡི་ཐོད་གདེངས་ཅན༔ ཆིབས་སུ་འོལ་མོ་ཁ་ཁྲ་བཅིབས༔ འཁོར་དུ་སྨན་མོ་སྟོང་གིས་བསྐོར༔ བཤོས་བུ་སྙིང་དང་གཏོར་མས་བསྐང༔ བདག་གི་བསམ་པའི་དོན་རྣམས་སྒྲུབས༔ བྷྱོ། ཡུལ་ཅིག་སྙེ་མོ་དབང་ཡུལ་ན༔ ཁྱུང་བཙུན་རྡོ་རྗེ་དཔལ་གྱི་ཡུམ༔ མཐིང་ནག་གདུག་པའི་རྔམས་ཚུལ་ཅན༔ ན་བཟའ་མུ་མེན་མཛེས་པ་གསོལ༔ བྲག་ནག་སྤུངས་པའི་ཐོད་གདེངས་ཅན༔ ཆིབས་སུ་དྲེལ་ནག་རྟིང་དཀར་བཅིབས༔ འཁོར་དུ་སྨན་མོ་སྟོང་གིས་བསྐོར༔ བཤོས་བུ་སྙིང་དང་གཏོར་མས་བསྐང་༔ བདག་གི་བསམ་པའི་དོན་རྣམས་སྒྲུབས༔ བྷྱོ། ཡུལ་ཅིག་དབུ་རུ་སྙེ་མཚམས་ན༔ རབ་འབྱམས་རྡོ་རྗེ་དྲག་མོ་རྒྱལ༔ དཀར་མོ་གསེར་གཡུའི་ཐོད་གདེངས་ཅན༔ ན་བཟའ་སྨུག་ནག་འབར་བ་གསོལ༔ རལ་པའི་ཐོར་ཚུགས་ལྕགས་ཐོད་འཛིན༔ ཆིབས་སུ་འབྲོང་ཆེན་རྭ་དགུ་བཅིབས༔ འཁོར་དུ་སྨན་མོ་སྟོང་གིས་བསྐོར༔ བཤོས་བུ་སྙིང་དང་གཏོར་མས་བསྐང་༔ བདག་གི་བསམ་པའི་དོན་རྣམས་སྒྲུབས༔ བྷྱོ། ཡུལ་ཅིག་ཀོང་ཡུལ་བྲེ་སྣ་ན༔ ཀོང་བཙུན་རྡོ་རྗེ་བོད་ཁམས་སྐྱོང་༔ སྐུ་མདོག་འཇའ་ཚོན་སྤེལ་ལེགས་འདི༔ སྨུག་ནག་མེ་སྟག་འབར་བ་གསོལ༔ གསེར་གཡུ་སྤེལ་བའི་ཐོད་གདེངས་ཅན༔ ཆིབས་སུ་རྟ་ནག་རྟིང་དཀར་(༡༠བ)

― GLG025_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

བཅིབས༔ འཁོར་དུ་སྨན་མོ་སྟོང་གིས་བསྐོར༔ བཤོས་བུ་སྙིང་དང་གཏོར་མས་བསྐང་༔ བདག་གི་བསམ་པའི་དོན་རྣམས་སྒྲུབས༔ བྷྱོ། ཡུལ་ཅིག་ན་ལེན་བྲི་ལེན་ན༔ ལ་རོ་རྡོ་རྗེ་སྨན་ཅིག་མ༔ སྐུ་མདོག་སྔོ་ནག་ནམ་མཁའ་ལྟར༔ སྤྲིན་ནག་སྤུངས་པའི་ཐུལ་པ་གསོལ༔ རལ་པའི་ཟར་བུ་གཡས་རྣམས་གཡོན་དུ་འཁྱིལ༔ ཆིབས་སུ་རྐྱང་བུ་དཀར་བཅིབས༔ འཁོར་དུ་སྨན་མོ་སྟོང་གིས་བསྐོར༔ བཤོས་བུ་སྙིང་དང་གཏོར་མས་བསྐང་༔ བདག་གི་བསམ་པའི་དོན་རྣམས་སྒྲུབས༔ བྷྱོ། ཡུལ་ཅིག་དར་ཚོན་གསེར་གདེངས་ན༔ ཁུག་ཆོས་རྡོ་རྗེ་གཡར་མོ་བསིལ༔ སྐུ་མདོག་གཟི་འོད་འབར་བ་ལ༔ ན་བཟའ་གཡུ་ཡི་སྟོང་ཞོལ་གསོལ༔ གསེར་གཡུ་སྤུངས་པའི་ཐོད་གདེངས་ཅན༔ ཆིབས་སུ་ཆུ་རྟ་སྔོན་པོ་བཅིབས༔ འཁོར་དུ་སྨན་མོ་སྟོང་གིས་བསྐོར༔ བཤོས་བུ་སྙིང་དང་གཏོར་མས་བསྐང་༔ བདག་གིས་བསམ་པའི་དོན་རྣམས་སྒྲུབས༔ བྷྱོ། ཡུལ་ཅིག་གནམ་མཚོ་ཕྱུག་མོ་ན༔ གཡུ་ཡི་དྲིལ་བུ་རྡོ་རྗེ་གསུང་སྙན་མ༔ དཀར་མོ་མདངས་ལྡན་འོད་འཕྲོ་མ༔ ན་བཟའ་སེར་ཁྲ་འབར་བ་གསོལ༔ གསེར་གཡུ་སྤེལ་མའི་ཐོད་གདེངས་ཅན༔ ཆིབས་སུ་ཆུ་གླང་ཟལ་པོ་བཅིབས༔ འཁོར་དུ་སྨན་མོ་སྟོང་གིས་བསྐོར༔ བཤོས་བུ་སྙིང་དང་གཏོར་མས་བསྐང་༔ བདག་གི་བསམ་པའི་དོན་རྣམས་སྒྲུབས༔ ཧོ། དཀྱིལ་འཁོར་གཉན་གྱི་སྲུང་མ་ཆེན་མོ། །མཁའ་འགྲོ་འབར་བའི་གཙོ་མོ་ཆེན་མོ། །སློབ་དཔོན་པདྨའི་བྲན་གཡོག་ཆེན་མོ། །སྒྲུབ་ཆེན་རྣམས་ཀྱི་བཀའ་ཉན་ཆེན་མོ། །ནོར་དང་ཆོས་ཀྱི་གཏེར་སྲུང་ཆེན་མོ། །བོད་ཁམས་སྐྱོང་བའི་བསྟན་མ་(༡༡ན)

― GLG025_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་མོ། །གསང་སྔགས་སྒྲུབ་པའི་རྣལ་འབྱོར་མ་ཆེན་མོ། །དགྲ་བགེགས་སྒྲོལ་བའི་མཐུ་མོ་ཆེ། །ནད་པ་གསོ་བའི་བྱིན་རླབས་ཅན། །སྲིའུ་གསོ་བའི་དཔལ་མོ་ཆེ། །རྣོ་མཐོང་སྟོན་པའི་མངོན་ཤེས་མཁན། །ཕྱུགས་མ་སྐྱོང་བའི་གཡག་རྫི་མོ། །སྔོན་ཚེ་ཁས་བླངས་དམ་བཅས་བཞིན༔ དམ་རྫས་མཆོད་གཏོར་འདི་བཞེས་ལ༔ བོད་ཁམས་རྟག་ཏུ་བདེ་བ་དང་༔ རིམས་ནད་ཡམས་ནད་བཅད་དུ་གསོལ༔ རྣལ་འབྱོར་འཁོར་བཅས་བསྲུང་བ་དང་༔ ནད་དང་བགེགས་རྣམས་མེད་པར་མཛོད༔ ཆགས་ཆེ་ཉམ་ང་ཐམས་ཅད་བཟློག༔ དགྲ་བགེགས་ཐམས་ཅད་རྡུལ་དུ་རློག༔ འཕྲིན་ལས་བཞི་སོགས་དངོས་གྲུབ་ཀུན༔ སྒྲུབ་པ་པོ་ལ་མྱུར་དུ་སྩོལ༔ ལ་ལ། ལི་ལི། ཏ་ཏ། ཏེ་ཏེ། མ་མ། མེ་མེ། རྡོ་རྗེ་སྲིང་འགྲོ་མ་ཧཱུཾ་བྷྱོ། མ་ཧཱ་པཉྩ་ཁཱ་ཧི། ཧཱུཾ། དཔལ་གྱི་སྤྲུལ་པའི་རྡོ་རྗེ་འཛིན༔ རྡོ་རྗེ་ཀུན་གྲགས་དཀར་གསལ་མདོག༔ ན་བཟའ་འཇའ་རིས་འབྲུག་སྔོན་བཅིབས༔ མཆོད་གཏོར་འདི་བཞེས་འཕྲིན་ལས་མཛོད༔ རྡོ་རྗེ་སྤྱན་མཐིང་སེར་ནག་མདོག༔ སྤྲིན་ཕུང་གོས་ཅན་ཤ་མོ་བཅིངས༔ མཆོད་གཏོར་འདི་བཞེས་འཕྲིན་ལས་མཛོད༔ རྡོ་རྗེ་གཡུ་བུན་དམར་གསལ་མདོག༔ གངས་དཀར་གོས་ཅན་སྟག་ཁྲག་བཅིབས༔ མཆོད་གཏོར་འདི་བཞེས་འཕྲིན་ལས་མཛོད༔ རྡོ་རྗེ་བགེགས་གཙོ་དམར་སྨུག་མདོག༔ དཀར་མཛེས་གོས་ཅན་འབྲོང་ཆེན་བཅིབས༔ མཆོད་གཏོར་(༡༡བ)

― GLG025_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་བཞེས་འཕྲིན་ལས་མཛོད༔ རྡོ་རྗེ་ཀུན་བཟང་ཤེལ་དཀར་མདོག༔ དར་དཀར་གོས་ཅན་ཡུ་མོ་བཅིབས༔ མཆོད་གཏོར་འདི་བཞེས་འཕྲིན་ལས་མཛོད༔ རྡོ་རྗེ་བཙན་མོ་མཐིང་ནག་རྔམས༔ རྨ་བྱའི་གོས་ཅན་འོལ་མོ་བཅིབས༔ མཆོད་གཏོར་འདི་བཞེས་འཕྲིན་ལས་མཛོད༔ རྡོ་རྗེ་ཁྱུང་བཙུན་མཐིང་ནག་རྔམས༔ མུ་མེན་གོས་ཅན་དྲེལ་ནག་བཅིབས༔ མཆོད་གཏོར་འདི་བཞེས་འཕྲིན་ལས་མཛོད༔ རྡོ་རྗེ་དྲག་རྒྱལ་དཀར་གསལ་མདོག༔ སྨུག་ནག་གོས་ཅན་རྭ་བཅུ་བཅིབས༔ མཆོད་གཏོར་འདི་བཞེས་འཕྲིན་ལས་མཛོད༔ རྡོ་རྗེ་ཀོང་བཙུན་འཇའ་ཚོན་མདོག༔ སྨུག་ནག་གོས་ཅན་རྟ་ནག་བཅིབས༔ མཆོད་གཏོར་འདི་བཞེས་འཕྲིན་ལས་མཛོད༔ རྡོ་རྗེ་སྨན་ཅིག་ནམ་མཁའི་མདོག༔ སྤྲིན་དཀར་གོས་ཅན་རྐྱང་བུ་བཅིབས༔ མཆོད་གཏོར་འདི་བཞེས་འཕྲིན་ལས་མཛོད༔ རྡོ་རྗེ་ཁུག་ཆོས་གཟི་འོད་འབར༔ གཡུ་ཡི་གོས་ཅན་རྟ་ཞོལ་བཅིབས༔ མཆོད་གཏོར་འདི་བཞེས་འཕྲིན་ལས་མཛོད༔ རྡོ་རྗེ་གཡུ་དྲིལ་དཀར་མདངས་ཅན༔ ན་བཟའ་སེར་ཁྲ་ཆུ་གླང་བཅིབས༔ མཆོད་གཏོར་འདི་བཞེས་འཕྲིན་ལས་མཛོད༔ ཀུན་ཀྱང་རྡོ་རྗེ་སྐུ་གསུང་ཐུགས༔ ཡབ་ནི་རྫི་རྒན་ཤེལ་གྲི་བུན༔ ཡུམ་ནི་བདུད་མོ་གནོད་སྦྱིན་སྨན༔ གཉིས་མེད་སྙོམས་ཞུགས་སྤྲུལ་པའི་སྲས༔ རྡོ་རྗེ་དྲིལ་འཛིན་བསྟན་མའི་ཚོགས༔ རང་རང་སྡེ་དཔུང་སྟོང་ཕྲག་འཁོར༔ ལ་ལ་དཀར་མོ་ཟླ་བའི་མདངས༔ ལ་ལ་སེར་འོད་ཀུན་ཏུ་འབར༔ ལ་ལ་དམར་དམངས་སྲིད་གསུམ་སྡུད༔ ལ་ལ་ལྗང་ནག་འོད་ཟེར་ཅན༔ ལ་ལ་ཞི་ཚུལ་དགྱེས་པ་ལ༔ ལ་ལ་ཁྲོ་ཚུལ་འཇིགས་བྱེད་མ༔ ལ་ལ་སྣ་ཚོགས་སྤྲུལ་པ་མོ༔ ཀུན་ཀྱང་ཕྱག་གཡས་རྡོ་རྗེ་དང་༔ གཡོན་པར་ནོར་བུ་འབར་བ་བསྣམས༔ རིན་ཆེན་(༡༢ན)

― GLG025_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོད་གདེངས་རྒྱན་ཕྲེང་ཅན༔ ཞི་རྒྱས་དབང་དྲག་འཕྲིན་ལས་ཀྱི༔ རང་རྟགས་དངོས་གྲུབ་ཀུན་གྱི་བདག༔ མཆོད་གཏོར་འདི་བཞེས་ཆོས་ནོར་སྤེལ༔ ཇི་ལྟར་བསམ་པའི་འདོད་དོན་ཀུན༔ བཅོལ་བ་ཙམ་གྱིས་གྲུབ་པར་མཛོད༔ བརྩེ་གདུང་དྲག་པོས་མ་དང་སྲིང་༔ བསྟན་མའི་ཚོགས་རྣམས་མཆོད་བསྟོད་ན༔ འཕྲིན་ལས་རྣམ་བཞི་ཐོགས་མེད་སྒྲུབས༔ བཅོལ་བའི་འཕྲིན་ལས་གྲུབ་པར་མཛོད༔ ཅེས་པའི་སྤོས་དང་རོལ་མོ་དང་༔ ཕུད་དང་གཏོར་མས་ཕྱོགས་བཞིར་མཆོད༔ གང་འདོད་རེ་བ་རྫོགས་པར་འགྱུར༔ དཔལ་གྱི་ཐུགས་སྤྲུལ་བདུད་མོ་བཞི༔ སྤྱིར་ནི་འཕྲིན་ལས་ཀུན་གྱི་བདག༔ ཁྱད་པར་དབང་དྲག་རྫོགས་པའི་དཔལ༔ མཆོད་གཏོར་འདི་བཞེས་སངས་རྒྱས་ཀྱི༔ བསྟན་པ་བཤིག་པའི་དགྲ་བོ་ལ༔ དྲག་པོའི་ལས་རྣམས་མཛད་དུ་གསོལ༔ ལ་ལ་ལེ་ལེ་ཏ་ཏ་ཏེ་ཏེ་མ་མ་མེ་མེ་རྡོ་རྗེ་སྲིང་འགྲོ་མ་བསྟན་པའི་དགྲ་བོ་མཱ་ར་ཡ་ཕཊ་ཧཱུཾ། དཔལ་གྱི་གསུང་ལས་བྱུང་བ་སྟེ༔ གནོད་སྦྱིན་ཆེན་མོ་རྣམ་པ་བཞི༔ ལས་ཀུན་བདག་ཉིད་ཁྱད་པར་དུ༔ ཞི་དང་དྲག་པོའི་ལས་མཛད་མ༔ བསྟན་འཛིན་སྐྱོང་ཞིང་བསྟན་བཤིག་རྣམས༔ གང་འཚམ་ཆད་པས་འདུལ་བར་མཛོད༔ སྔགས་གཤམ་ལའང་གང་འདོད་སྦྱར་བ་ཡིན། ཧཱུཾ། སྐུ་ལས་མངོན་པར་སྤྲུལ་པ་ཡི༔ སྨན་བཙུན་ཆེན་མོ་མཆེད་སྡེ་བཞི༔ ལས་བཞི་ཀུན་ལ་ཐོགས་མེད་ཅིང་༔ ཞི་རྒྱས་མངོན་དུ་ཕྱུང་མཛད་མ༔ རྣལ་འབྱོར་བདག་ཅག་བུ་སློབ་རྣམས༔ མི་ནོར་ཆོས་རྒྱུད་རྒྱས་པ་དང་༔ བཀྲ་ཤིས་བདེ་ལེགས་དཔལ་ཀུན་སྐྱེད༔ སྔགས་གཤམ་འདོགས། ཧཱུཾ། མ་མོ་རྡོ་རྗེ་བསྟན་(༡༢བ)

― GLG025_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་ཚོགས༔ མ་རྟོགས་རྟེན་འབྲེལ་བཅུ་གཉིས་པོ༔ རྣམ་དག་སྐྱེ་མཆེད་མཁའ་འགྲོ་མ༔ ཚོགས་དྲུག་ཡུལ་དྲུག་རབ་རྒྱས་ནས༔ དགེ་ལེགས་བསམ་པ་ཀུན་འགྲུབ་ཅིང་༔ བདེ་ཆེན་ཡེ་ཤེས་འབར་པར་མཛོད༔ འཇིག་རྟེན་འདུས་ཀྱང་འཁོར་བ་མོ༔ ཡེ་ཤེས་གྲུབ་ཀྱང་ལས་ཀྱི་གཉེར༔ རྫུ་འཕྲུལ་ཐོགས་མེད་སྙིང་ཉེའི་གྲོགས༔ སྔོན་ཚེ་རྡོ་རྗེ་སྲིན་པོའི་བཀའ༔ བར་དུ་པདྨ་ཐོད་ཕྲེང་ལུང་༔ དེ་ནས་རིགས་འཛིན་བླ་མའི་མཆིད༔ ད་ལྟ་བདག་གི་རེ་བ་སྐོང་༔ རྒྱན་གྱི་གཏོར་མ་འདི་བཞེས་ལ༔ བཅོལ་བའི་འཕྲིན་ལས་གྲུབ་པར་མཛོད༔ ཧཱུཾ། དཔལ་ཆེན་ཁྲག་འཐུང་སྤྲུལ་པ་མོ༔ ཡེ་ཤེས་དབྱིངས་ལས་རྟེན་འབྲེལ་ཚུལ༔ ཕྱོགས་མ་བཞི་དང་མཚམས་མ་བཞི༔ སྙིང་པོའི་མ་མོ་ཆེན་མོ་བཞི༔ མ་རྟོགས་སྐྱེ་མཆེད་བཅུ་གཉིས་ཏེ༔ ཕྱི་རོལ་བསྟན་མ་བཅུ་གཉིས་པོ༔ ཀུན་ཀྱང་ཐུགས་ཀྱི་དབྱིངས་སུ་གཅིག༔ བཅུ་གསུམ་ས་དང་ལམ་གྱི་དངོས༔ ཕྱི་ནང་གསང་བའི་དགའ་བ་བཞི༔ དབྱེར་མེད་ཡེ་ཤེས་བཞི་དང་བཅས༔ བཅུ་དྲུག་བདག་ཉིད་ཆེན་པོ་མ༔ སྣང་སྲིད་ཐམས་ཅད་མཆོད་བསྟོད་བཞེས༔ ལུགས་འབྱུང་ལུགས་ལྡོག་རྟེན་འབྲེལ་རྣམས༔ དགའ་བཞིའི་ངོ་བོར་རྣམ་དག་ནས༔ མཐར་ཐུག་རྡོ་རྗེ་འཆང་གི་ས༔ སྐུ་གསུང་ཐུགས་དང་ཡེ་ཤེས་སུ༔ མངོན་དུ་འགྱུར་བའི་འཕྲིན་ལས་མཛོད༔ བླ་མ་རྡོ་རྗེ་སྲིན་པོ་ལ༔ ཕྱག་བྱས་མཁའ་འགྲོ་བཅུ་གཉིས་ཀྱི༔ ཕ་རབས་ཚུལ་དུ་བསྟོད་པར་བྱ༔ ཧཱུཾ། དོན་གྱི་དབྱིངས་ལས་ཡི་གེ་ཡབ༔ ཡུམ་ཆེན་རྡོ་རྗེ་མཁའ་འགྲོ་མ༔ སྣང་སྟོང་ཡབ་ཀྱི་རྗེས་དྲན་ལས༔ བདེ་སྟོང་མ་བདུད་

― GLG025_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་མོ་བཅུ༔ ཨ་ར་ལ་ཡི་ཡེ་ཤེས་ལས༔ སྙིང་པོའི་བདུད་མོ་ཆེན་མོ་བཞི༔ ས་ཆུ་མེ་རླུང་ཐུགས་དམ་སྐོང་༔ ནམ་གྱི་ཤེལ་གྲི་དཀར་པོ་ལས༔ ཆགས་པའི་མ་མོ་གནོད་སྦྱིན་མ༔ སྙོམས་པར་ཞུགས་པའི་བྱིན་རླབས་ལས༔ གནོད་སྦྱིན་ཆེན་མོ་སྡེ་བཞི་ལས༔ སྐྱེ་བ་རྣམ་བཞིས་ཐུགས་དམ་བསྐང་༔ ས་ཡི་ཁ་རླངས་བདུད་ཆེན་དང་༔ སྨན་བཙུན་ཆེན་མོ་རོལ་པ་ལས༔ སྨན་བཙུན་ཡེ་ཤེས་ཆེན་མོ་བཞི༔ ནམ་ཟླ་དུས་བཞིས་ཐུགས་དམ་བསྐང་༔ མཐར་ཐུག་བདེ་ཆེན་ཟུང་འཇུག་ལས༔ སྣང་སྲིད་བདེ་ཆེན་གཅིག་ཏུ་འཁྱིལ༔ སྣང་བ་ཡབ་ལ་སྟོང་པ་ཡུམ༔ རིག་རྩལ་སྲས་ཀྱི་ཚོགས་དང་བཅས༔ འཁོར་འདས་རོ་མཉམ་ཐུགས་དམ་བསྐང་༔ བསྐང་ངོ་མཆོད་དོ་མ་ཆེན་ཚོགས༔ དངོས་གྲུབ་དམ་པ་དེང་འདིར་སྩོལ༔ བསྟོད་པ་བྱ་བ་ནི། ཧཱུཾ། རྡོ་རྗེ་ཆོས་དབང་གི་གཏེར་བྱོན། དབང་ཕྱུག་ཡེ་ཤེས་ཁྲོ་རྒྱལ་གཙོ༔ གདུག་པའི་དབང་གིས་ཁྲོ་བོའི་སྐུར་བསྟན་པ༔ དུར་ཁྲོད་ཆས་བརྒྱད་སྐུ་ལ་རབ་ཏུ་བརྗིད༔ ཕྱག་དྲུག་ཕྱག་ན་མཚོན་ཆ་སྣ་ཚོགས་བསྣམས༔ ཞབས་གཉིས་རུ་དྲའི་སྟེང་ན་སྟབས་ཀྱིས་བཞུགས༔ ཁྲོ་བོ་རྡོ་རྗེ་གནོད་སྦྱིན་སྐུ་ལ་བསྟོད༔ བྷྱོ་མ་ཅིག་དཔལ་ལྡན་ལྷ་མོ་ནག་མོའི་ཚོགས༔ མ་མོ་མཁའ་འགྲོ་ཡོངས་ཀྱི་ལས་མཛད་མ༔ བསྟན་མ་ཡོངས་ཀྱི་མངའ་བདག་གཙོ་མོ་མཛད༔ བདུད་མོ་ཡོངས་ཀྱི་སྲོག་བདག་ལས་མཁན་མོ༔ རྣལ་འབྱོར་ཡོངས་ཀྱི་སྲུང་བ་ལས་བྱེད་མ༔ ནག་མོ་ཁྲག་འཐུང་གསེར་གྱི་རལ་པ་ཅན༔ སྦྱང་མེ་བུ་ཡུག་འཁྱིལ་པས་དབུ་ལ་བརྒྱན༔ སྦྲུལ་

― GLG025_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་གདེངས་ཀས་ཀླུ་རྣམས་དབང་དུ་སྡུད༔ ཉི་ཟླ་རྐེད་བརྒྱན་ཁམས་གསུམ་ཟིལ་གྱིས་གནོན༔ རོ་དང་བོང་བུ་ཞིང་ཆེན་གདན་ལ་བཞུགས༔ ཁམས་གསུམ་སྒྲོལ་མཛད་གདུག་པ་རྩད་ནས་གཅོད༔ གཏི་མུག་རྩད་ནས་གཅོད་ལ་ཕྱག་འཚལ་བསྟོད༔ བདུད་ཤ་ཞོན་ནས་སྟོང་གསུམ་རྒྱུག་པར་བྱེད༔ བདག་ཉིད་ཆེན་མོའི་སྐུ་ལ་ཕྱག་འཚལ་བསྟོད༔ སྨུག་ནག་རལ་པ་གྱེན་དུ་འཁྱིལ་བ་ཡི༔ དཔལ་ལྡན་ལྷ་རིའི་སྐུ་ལ་ཕྱག་འཚལ་བསྟོད༔ བོང་བུ་ཞོན་ནས་བདུད་དཔུང་གཡོབ་པར་བྱེད༔ གངས་ཀྱི་ཡུམ་ཆེན་སྐུ་ལ་ཕྱག་འཚལ་བསྟོད༔ རྔ་མོ་ཞོན་ནས་སྟོང་གསུམ་ཟིལ་གྱིས་གནོན༔ འབྲོག་ཆེན་འཁོར་འདུལ་སྐུ་ལ་ཕྱག་འཚལ་བསྟོད༔ དཀར་ཆེན་རལ་སྤྲུག་སྲིན་པོ་དབང་དུ་སྡུད༔ གངས་དཀར་ཤ་མེད་སྐུ་ལ་ཕྱག་འཚལ་བསྟོད༔ ལྗང་སེར་རལ་པ་འབར་བའི་ཐོར་ཚུགས་ཅན༔ ཁ་རག་ཁྱུང་བཙུན་སྐུ་ལ་ཕྱག་འཚལ་བསྟོད༔ འོལ་པོ་ཞོན་ནས་གནོད་སྦྱིན་གཙོ་མོ་མཛད༔ སེར་ཆེན་མཁའ་ལྡིང་སྐུ་ལ་ཕྱག་འཚལ་བསྟོད༔ དམར་ནག་རལ་བ་འབར་ཞིང་དོམ་ནག་རྒྱུག༔ རྨ་རི་རབ་འབྱམས་སྐུ་ལ་ཕྱག་འཚལ་བསྟོད༔ དཀར་དམར་མདངས་ཅན་ཤ་ཞོན་གྲོང་ཁྱེར་རྒྱུག༔ ཀོང་བཙུན་དེ་མོའི་སྐུ་ལ་ཕྱག་འཚལ་བསྟོད༔ སེར་ནག་རལ་བ་སྤྲུག་ཅིང་མཛོ་མོ་ཞོན༔ བཙན་ལ་ར་རོག་སྐུ་ལ་ཕྱག་འཚལ་བསྟོད༔ རལ་པ་སྤྲུགས་ལ་རྐྱང་ཞོན་བུ་ཡིས་འདེབས༔ མོ་བཙུན་ཨུག་ཆོས་སྐུ་ལ་ཕྱག་འཚལ་བསྟོད༔ རལ་ལྗང་དགོ་ཞོན་སྲིད་པ་འཁྱམ་པར་རྒྱུག༔ གཡུ་ཡི་དྲིལ་སྙན་སྐུ་ལ་ཕྱག་འཚལ་བསྟོད༔ བདུན་པ་བསྐུལ་ཞིང་འཕྲིན་ལས་བཅོལ་བ་ནི། བྷྱོ། རླུང་ནག་གཏེར་ཁ་འོག་མ། འཚུབ་མ་འཁྱིལ་བའི་ནང་ཤེད་ན༔ (༡༤ན)

― GLG025_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཅིག་འདོད་པ་ཁམས་ཀྱི་དབང་ཕྱུག་མ༔ བདུད་ཀྱི་ཡུམ་ལ་གཤིན་རྗེའི་ལྕམ་ཅིག་མ༔ རལ་བ་གཡས་ནས་གཡོན་དུ་འཁྱིལ་བ་ནི༔ ཡུམ་གྱི་མཁའ་ལ་སྤྲུལ་པ་འགྱེད་པའི་རྟགས༔ ཕྱག་གཡས་མཁའ་ལ་ཤང་ལང་འཕྱར་བ་ནི༔ དམ་ཉམས་སྲོག་རྩ་རྩད་ནས་གཅོད་པའི་རྟགས༔ ཕྱག་གཡོན་ནད་ཀྱི་རྐྱལ་པ་བསྣམས་པ་ནི༔ དགྲ་བོའི་ཡུལ་དུ་ནད་ཡམས་གཏོང་བའི་རྟགས༔ དྲེལ་རྟ་ཆིབས་ཀྱི་སྔ་ཤ་ཕྱི་ཤ་ལ༔ སྐྱེས་པ་བུད་མེད་ཐོད་པ་བཀལ་བ་ནི༔ དམ་ཉམས་མི་རྒྱུད་རྩད་ནས་གཅོད་པའི་རྟགས༔ ནག་མོ་འབུམ་ཕྲག་བྲན་དུ་བཀོལ་བ་ནི༔ གང་ལ་བྱ་བའི་སྙིང་ནས་འདྲེན་པའི་རྟགས༔ མ་བདུད་འབུམ་ཕྲག་ཕོ་ཉར་འགྱེད་པ་ནི༔ བསྟན་གཤིག་དམ་ཉམས་རྩད་ནས་གཅོད་པའི་རྟགས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ བདག་གིས་བཅོལ་བའི་འཕྲིན་ལས་གྲུབ་པར་མཛོད༔ བྷྱོ། བདག་ཉིད་ཆེན་མོ་ཉི་ཟླ་མདངས་འཕྲོག་མ༔ སྲིད་པ་གསུམ་ཡང་སྟོང་གསུམ་སྒྲོལ་མཛད་མ༔ བེར་ནག་གྱོན་ཞིང་ཕྱག་ན་ཁྲམ་བཾ་ཐོགས༔ བདག་གི་ལས་མཛད་ཁྲོ་མའི་ཐུགས་དམ་བསྐུལ༔ བྷྱོ། དཔལ་ལྡན་ཧ་རི་ཁྲག་ལ་དགྱེས་མཛད་མ༔ སྲིད་པ་གསུམ་ཡང་དབང་དུ་སྡུད་པར་བྱེད༔ བེར་སེར་གྱོན་ནས་ཕྱག་གིས་ཞགས་པ་འཛིན༔ ཁྲོས་པའི་རྒྱལ་པོ་མི་མངོན་དབྱིངས་ནས་བསྐུལ༔ བྷྱོ། གངས་ཡུམ་དཀར་མོ་སྲིད་པའི་རྒྱལ་བྱེད་མོ༔ སྲིད་པ་གསུམ་ཡང་འགྲོ་བའི་སྲོག་གཅོད་མ༔ བེར་དམར་གྱོན་ནས་དམ་ཉམས་ཐོད་ཁྲག་འཛིན༔ གངས་ཡུམ་དཀར་མོ་གསང་བའི་དབྱིངས་ནས་བསྐུལ༔ བྷྱོ། འབྲོག་ཆེན་ལྗང་ནག་སྲིད་པའི་ཁམས་རྒྱལ་(༡༤བ)

― GLG025_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

མོ༔ སྙིང་ཁྲག་བེ་ཅོན་དམ་ཉམས་སྙིང་ཁྲག་འབྱིན༔ དམ་ཉམས་དགྲ་བོའི་སྲོག་རྩ་རྩད་ནས་གཅོད༔ འབྲོག་ཆེན་ནག་མོ་དབྱིངས་ཕྱུག་ཐུགས་དམ་བསྐུལ༔ བྷྱོ། ཆ་བྱད་དཀར་མོ་ཆེན་མོ་ལས་མཁན་མ༔ གཏི་མུག་ཁུ་འཕང་དགྲ་བོའི་སྲོག་ལ་གཟིར༔ བེར་དཀར་གྱོན་ནས་རལ་གྲི་མཁའ་ལ་འཕྱར༔ དཀར་མོ་སྤྱན་གཅིག་མ་ཡི་ཐུགས་དམ་བསྐུལ༔ བྷྱོ། ཁྱུང་ཞོན་སེར་མོ་འཇིག་རྟེན་ལས་ལ་བསྐུལ༔ རླུང་ནག་འཚུབ་བྱེད་དཀྱིལ་འཁོར་ལས་ཀྱི་གཙོ༔ དམག་རྒྱལ་དགྲ་སྟ་གཡུག་ཅིང་ཀླད་ལ་བསྐོར༔ ཁྱུང་ནག་འཇིགས་བྱེད་མ་ཡི་ཐུགས་དམ་བསྐུལ༔ བྷྱོ། སེར་ཆེན་རྡོ་རྗེ་དབྱིངས་ཀྱི་བདག་མོའི་གཙོ༔ ཆུ་སྲིན་སྡེར་མོ་ཡང་བཀོལ་བྲན་དུ་བཀོལ༔ བེར་དམར་གྱོན་ཞིང་ལྕགས་ཀྱུས་དགྲ་བགེགས་འགུགས༔ སྲོག་གཅོད་ཆེན་མོ་དབྱིངས་ནས་འཕྲིན་ལས་བསྐུལ༔ བྷྱོ། རྨ་རི་ནམ་མཁའ་རིགས་ཀྱི་རྒྱལ་མོ་སྟེ༔ འཇིག་རྟེན་རིགས་ལ་དབང་སྒྱུར་ལས་མཁན་མ༔ བེར་ལྗང་གྱོན་ཞིང་དགྲ་བོའི་ཙིཏྟ་གསོལ༔ དམར་མོ་སྲོག་གཅོད་མ་ཡི་ཐུགས་དམ་བསྐུལ་༔ བྷྱོ། ཀོང་ལྷ་དཀར་མོ་བྱ་རྒོད་ཐུལ་པ་གསོལ༔ གླིང་བཞི་ལ་མྱུལ་གསང་བའི་ཡུམ་གཅིག་མ༔ གནོད་བྱེད་འཆིང་བྱེད་ཞགས་པ་མཁའ་ལ་རྡེག༔ ལྷ་མོ་དཀར་མོའི་ཐུགས་དམ་གནད་ནས་བསྐུལ༔ བྷྱོ། བཙན་གྱི་འཁོར་འདུལ་གླིང་བཞིའི་རྒྱལ་མོ་སྟེ༔ དགྲ་ལ་ཐན་གཏོང་གླིང་བཞི་དམག་གིས་བསྐོར༔ བེར་སེར་གྱོན་ནས་ཕྱོགས་བཅུར་དྲིལ་བུ་ཁྲོལ༔ བཙན་འཁོར་འདུལ་བྱེད་ཁྲོ་མོའི་ཐུགས་དམ་བསྐུལ་༔ བྷྱོ། མ་བཙུན་ཁྲོ་མོ་གཏུམ་བྱེད་སྲིང་མོའི་(༡༥ན)

― GLG025_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོ༔ ཉི་ཟླ་རྐེད་ལ་བརྒྱན་པའི་རྔམས་བྱེད་མ༔ བེར་དམར་གྱོན་ཞིང་མཚོན་དྲུ་ཕྱོགས་བཅུར་འཕེན༔ མ་བཙུན་ཆེན་མོའི་ཐུགས་དམ་གནད་ནས་བསྐུལ༔ བྷྱོ། གཡུ་དྲིལ་ཚངས་དབྱངས་གླིང་བཞིར་ཁྱབ་པར་སྒྲག༔ བསྒྲགས་པ་ཙམ་གྱིས་སྣང་སྲིད་དབང་དུ་སྡུད༔ བེར་ནག་གྱོན་ཞིང་འགུགས་བྱེད་ལྕགས་ཀྱུ་འཛིན༔ ཚངས་དབྱངས་གཡུ་དྲིལ་ཐུགས་དམ་རྒྱུད་བསྐུལ་དགྲ་བགེགས་རྩད་ནས་ཆོད༔ མ་གཅིག་ལྷ་མོ་འདིར་སྤྱོན་དགྲ་བོའི་ཤ་ལ་གསོལ༔ མ་གཅིག་ལྷ་མོ་འདིར་སྤྱོན་དགྲ་བོའི་ཁྲག་ལ་གསོལ༔ མ་གཅིག་ལྷ་མོ་འདིར་སྤྱོན་དགྲ་བོའི་རུས་པ་གསོལ༔ མ་གཅིག་ལྷ་མོ་འདིར་སྤྱོན་དགྲ་བོའི་ཞུན་ཆེན་ཚིལ་ལ་གསོལ༔ དམར་ཆེན་ཤ་ཁྲག་གཏོར་མ་འདི་བཞེས་ལ༔ བདག་གིས་བཅོལ་བའི་ལས་རྣམས་གྲུབ་པར་མཛོད༔ བྷྱོ། བདག་ཉིད་ཆེན་མོ་ཉང་གཏེར།རྡོ་རྗེ་ཀུན་གྲགས་མོ༔ ཆིབས་སུ་ཆུ་གླང་སྔོན་པོ་བཅིབས༔ སྨན་རཀ་མཆོད་གཏོར་འདི་བཞེས་ལ༔ བཅོལ་བའི་འཕྲིན་ལས་གྲུབ་པར་མཛོད༔ རྡོ་རྗེ་སྐྱིན་མཐིང་གཡའ་མ་སྐྱོང་༔ ཆིབས་སུ་གསེར་ཤ་ཡུ་མོ་བཅིབས༔ སྨན་རཀ་མཆོད་གཏོར་འདི་བཞེས་ལ༔ བཅོལ་བའི་འཕྲིན་ལས་གྲུབ་པར་མཛོད༔ ཨེ་ཀ་ཛ་ཏི་རལ་གཅིག་མ༔ ཆིབས་སུ་གཡུ་འབྲུག་སྔོན་པོ་བཅིབས༔ སྨན་རཀ་མཆོད་གཏོར་འདི་བཞེས་ལ༔ བཅོལ་བའི་འཕྲིན་ལས་གྲུབ་པར་མཛོད༔ གངས་སྨན་རྡོ་རྗེ་གཡུ་སྒྲོན་མ༔ ཆིབས་སུ་ཆུ་རྟ་སྔོན་པོ་བཅིབས༔ སྨན་རཀ་མཆོད་གཏོར་འདི་བཞེས་ལ༔ བཅོལ་བའི་འཕྲིན་ལས་གྲུབ་པར་(༡༥བ)

― GLG025_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད༔ གནོད་སྦྱིན་གངས་དཀར་ཤ་མེད་མ༔ ཆིབས་སུ་དྲེའུ་རྟ་རྐང་གསུམ་བཅིབས༔ སྨན་རཀ་མཆོད་གཏོར་འདི་བཞེས་ལ༔ བཅོལ་བའི་འཕྲིན་ལས་གྲུབ་པར་མཛོད༔ ཁ་རག་ཁྱུང་བཙུན་དཔལ་གྱི་ཡུམ༔ ཆིབས་སུ་གྱི་ལིང་ཁ་དཀར་བཅིབས༔ སྨན་རཀ་མཆོད་གཏོར་འདི་བཞེས་ལ༔ བཅོལ་བའི་འཕྲིན་ལས་གྲུབ་པར་མཛོད༔ མདའ་ལ་བཙན་རོལ་གདུག་པ་འདུལ༔ ཆིབས་སུ་དོམ་བུ་སྙིང་དཀར་བཅིབས༔ སྨན་རཀ་མཆོད་གཏོར་འདི་བཞེས་ལ༔ བཅོལ་བའི་འཕྲིན་ལས་གྲུབ་པར་མཛོད༔ རྩེ་ཞེས་གཙུག་ལག་འོད་འབར་མ༔ ཆིབས་སུ་འབྲོང་བུ་དར་མ་བཅིབས༔ སྨན་རཀ་མཆོད་གཏོར་འདི་བཞེས་ལ༔ བཅོལ་བའི་འཕྲིན་ལས་གྲུབ་པར་མཛོད༔ བཙན་ལ་རོལ་པའི་སྨན་གཅིག་མ༔ ཆིབས་སུ་དྲེའུ་རྟ་རྐང་གསུམ་བཅིབས༔ སྨན་རཀ་མཆོད་གཏོར་འདི་བཞེས་ལ༔ བཅོལ་བའི་འཕྲིན་ལས་གྲུབ་པར་མཛོད༔ རྡོ་རྗེ་ཁུག་ཆོས་གཡའ་མོ་བསིལ༔ ཆིབས་སུ་རུས་སྦལ་མགོ་དགུ་བཅིབས༔ སྨན་རག་མཆོད་གཏོར་འདི་བཞེས་ལ༔ བཅོལ་བའི་འཕྲིན་ལས་གྲུབ་པར་མཛོད༔ བྱང་གི་སྨན་ཏིང་ཆེན་མོ་ནི༔ ཆིབས་སུ་འབྲོང་བུ་དར་མ་བཅིབས༔ སྨན་རཀ་མཆོད་གཏོར་འདི་བཞེས་ལ༔ བཅོལ་བའི་འཕྲིན་ལས་གྲུབ་པར་མཛོད༔ ཞིང་སྐྱོང་བསྟན་མ་བཅུ་གཉིས་ཀྱང་༔ མ་མོ་མཁའ་འགྲོ་མ་ལུས་པའི༔ འཁོར་ཚོགས་དུ་མས་བསྐོར་བ་ནི༔ འབུམ་ཕྲག་ཡངས་པའི་མཁའ་འགྲོ་མ༔ ཚངས་པའི་བུ་མོ་འབུམ་ཕྲག་(༡༦ན)

― GLG025_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག༔ དྲི་ཟ་ཆེན་མོ་འབུམ་ཕྲག་གཅིག༔ དྲང་སྲོང་ཆེན་མོ་འབུམ་ཕྲག་གཅིག༔ གྲུལ་བུམ་ཆེན་མོ་འབུམ་ཕྲག་གཅིག༔ སྲིན་མོ་ཆེན་མོ་འབུམ་ཕྲག་གཅིག༔ གནོད་སྦྱིན་ཆེན་མོ་འབུམ་ཕྲག་གཅིག༔ དཔལ་ལྡན་ཆེན་མོ་འབུམ་ཕྲག་གཅིག༔ ས་བདག་ཆེན་མོ་འབུམ་ཕྲག་གཅིག༔ སྨན་ཕྲན་ཆེན་མོ་འབུམ་ཕྲག་གཅིག༔ ཤ་ཟ་ཆེན་མོ་འབུམ་ཕྲག་གཅིག༔ བདུད་མོ་ཆེན་མོ་འབུམ་ཕྲག་གཅིག༔ མ་མོ་མཁའ་འགྲོ་ཁྱེད་རྣམས་ཀྱང་༔ ལ་ལ་གསེར་གྱི་རི་ལ་གནས༔ ལ་ལ་རྒྱ་མཚོའི་གཏིང་ལ་གནས༔ ལ་ལ་གླིང་ཆེན་བཞི་ལ་གནས༔ ལ་ལ་གངས་དཀར་རྩེ་ལ་གནས༔ ལ་ལ་ས་གཞིའི་འོག་ལ་གནས༔ ལ་ལ་ནམ་མཁའི་མཐོངས་ལ་གནས༔ ལ་ལ་དཔག་བསམ་ཤིང་ལ་གནས༔ ལ་ལ་ནམ་མཁའི་མཁར་ལ་གནས༔ ལ་ལ་གཅན་གཟན་སྡེར་ཆགས་ཞོན༔ ལ་ལ་རྨིག་པ་ཁ་དབྲག་ཞོན༔ ལ་ལ་རྨིག་པ་ཟླུམ་པོ་ཞོན༔ ལ་ལ་གདོང་པ་ཅན་ལ་ཞོན༔ ལ་ལ་འདབ་ཆགས་བྱ་ལ་ཞོན༔ ལ་ལ་རླུང་དང་བསེར་བུ་ཞོན༔ ལ་ལ་དགུ་ཚིགས་གཞུང་ལ་ཞོན༔ ལ་ལ་དུས་ལྔའི་གུང་ལ་རྒྱུ༔ ལ་ལ་ནམ་གྱི་གུང་ལ་རྒྱུ༔ ལ་ལ་ཉི་མའི་རྩེ་ལ་རྒྱུ༔ ལ་ལ་ཟླ་བའི་ཟེར་ལ་རྒྱུ༔ ལ་ལ་མུན་པའི་སྨག་ལ་རྒྱུ༔ ལ་ལ་གྲིབ་སོའི་རྟ་ལ་ཞོན༔ ལ་ལ་ནམ་གྱི་མདངས་ལ་ཞོན༔ ལ་ལ་སྐྱ་རེངས་རྐང་ལ་ཞོན༔ ལ་ལ་ཉི་མའི་ཟེར་ལ་ཞོན༔ ལ་ལ་ཆུ་བོའི་གཞུང་ལ་ཞོན༔ ལ་ལ་གསལ་(༡༦བ)

― GLG025_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་མེ་ལོང་ཐོགས༔ ལ་ལ་དར་དཀར་གཡབ་མོ་གཡོབ༔ ལ་ལ་ལྕགས་ཀྱུ་མདུང་དམར་ཐོགས༔ ལ་ལ་ཞགས་པ་ནག་པོ་ཐོགས༔ ལ་ལ་བེ་ཅོན་འབར་བ་ཐོགས༔ ལ་ལ་གཅོད་པའི་སྤུ་གྲི་ཐོགས༔ ལ་ལ་མགོ་ཡི་ཕོར་པ་ཐོགས༔ ལ་ལ་མི་སྙིང་རློན་པ་ཐོགས༔ ལ་ལ་མི་ལྤགས་གཡང་གཞི་ཐོགས༔ ལ་ལ་རུ་མཚོན་ནག་པོ་ཐོགས༔ ལ་ལ་བདུད་ཀྱི་ཁྲམ་ཁ་ཐོགས༔ ལ་ལ་ཤོ་རྡེལ་དཀར་ནག་ཐོགས༔ ལ་ལ་ནད་ཀྱི་རྐྱལ་པ་ཐོགས༔ ལ་ལ་ཚོན་གྱི་དྲུ་བུ་ཐོགས༔ ལ་ལ་བྱང་དམར་བམ་པོ་ཐོགས༔ ལ་ལ་ཏྲི་ཤུ་འབར་བ་ཐོགས༔ ལ་ལ་དབལ་རྩེ་རྣོན་པོ་ཐོགས༔ ཀུན་ཀྱང་གདུག་པའི་ལག་ཆ་ཐོགས༔ ཀུན་ཀྱང་སྲོག་དང་དབུགས་ལ་དགའ༔ ཀུན་ཀྱང་ཤ་ཟ་ཁྲག་ལ་དགའ༔ ཀུན་ཀྱང་མདངས་འཕྲོག་བཅུད་ལེན་མ༔ རྒྱལ་བློན་འབངས་དང་ཡང་གཡོག་སོགས༔ སྡེ་བརྒྱད་མང་པོའི་འཁོར་དང་བཅས༔ དེ་རིང་མཐུ་དང་དཔུང་སྐྱེད་ལ༔ བཞི་བརྒྱ་རྩ་བཞིའི་ནད་རྣམས་དང་༔ སྟོང་ཕྲག་དྲུག་ཅུའི་བགེགས་རྣམས་བཟློག༔ གཏད་ཁྲམ་ངན་སྔགས་རྦོད་གཏོང་དང་༔ དགྲ་འདྲེའི་གནོད་པ་ཐམས་ཅད་བཟློག༔ དམ་ཅན་བསྟན་སྲུང་ཁྱེད་རྣམས་ཀྱིས༔ རྣལ་འབྱོར་བདག་ཅག་འཁོར་བཅས་ལ༔ ཚེ་རིང་ནད་མེད་བདེ་སྐྱིད་སྤེལ༔ ཡིད་ལ་འདོད་པ་ཀུན་གྲུབ་མཛོད༔ འགྲོ་ཀུན་ཕན་བདེའི་དཔལ་འབྱོར་དང་༔ འཇིག་རྟེན་ཁམས་ཀྱི་འདོད་ཡོན་རྣམས༔ ཁུག་ཅིག་སྡུས་ཤིག་དབང་དུ་སྡུད༔ བླ་མའི་སྐུ་དགྲ་བསྟན་ལ་གནོད༔ སྔགས་འཆང་སྒྲུབ་(༡༧ན)

― GLG025_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བར་གཅོད་པའི༔ སྡང་བའི་དགྲ་དང་གནོད་པའི་བགེགས༔ སོད་ཅིག་རྒྱོབ་ཅིག་རེངས་པར་མཛོད༔ ཟུངས་ཤིག་ཆིངས་ཤིག་རྡུལ་དུ་རློག༔ དེ་ཡི་ཤ་ཟོ་ཁྲག་ལ་འཐུང་༔ དགྲ་བགེགས་ཕ་རོལ་གནས་སུ་སྒྲོལ༔ སངས་རྒྱས་བསྟན་པ་དར་བ་དང་༔ བསྟན་འཛིན་སྐྱེས་བུ་འགྲོ་དོན་འཕེལ༔ རྒྱལ་ཁམས་བདེ་ཞིང་བཀྲ་ཤིས་པའི༔ བསྟན་མ་རྣམས་ཀྱི་འཕྲིན་ལས་མཛོད༔ བརྒྱད་བ་དབང་དུ་བསྔུ་བ་ནི། རང་ཉིད་ཁྲོ་བོའི་བསྐྱེད་རིམ་གསར་ཆེ་བའི་ང་རྒྱལ་བསྐྱེད་ལ། ཧཱུཾ། ང་ཉང་གཏེར་གཡུལ་བཟློག་གི་གཞུང་། ནི་ཆེ་མཆོག་ཧེ་རུ་ཀཿ ང་ནི་པདྨ་དབང་ཆེན་ཡིན༔ སྐུ་ནི་རི་རབ་བས་ཀྱང་ཆེ༔ གསུང་གིས་ཧཱུཾ་སྒྲ་འབྲུག་ལྟར་སྒྲོག༔ ཤངས་ནས་བསྐལ་པའི་འཐོར་རླུང་འཚུབ༔ མིག་ནས་མེ་ཡི་ཕུང་པོ་འབར༔ སྨིན་མ་ཁྲོ་གཉེར་རྦ་རླབས་འཁྲུག༔ རལ་པ་ཁམ་ནག་སྲིད་རྩེར་འབར༔ ཕྱག་མཚན་མཚོན་ཆ་སྐར་ལྟར་འཁྲུག༔ དུས་གསུམ་བཞུགས་པའི་སངས་རྒྱས་ང་༔ ཁྲོ་རྒྱལ་ཐམས་ཅད་སྐུ་ལ་རྫོགས༔ གཟི་བརྗིད་ཕྱོགས་བཅུར་མེ་ལྟར་འབར༔ བསྐལ་པའི་མེ་ཡི་ཀློང་དཀྱིལ་ན༔ དྲེགས་པ་མ་ལུས་ལས་ལ་འཁོལ༔ ཁམས་གསུམ་སྲིད་གསུམ་དབང་དུ་སྡུད༔ འཇིག་རྟེན་ཁམས་ཀུན་གཡོ་འགུལ་བྱེད༔ དམ་ལས་འདའ་བའི་སྙིང་ཁྲག་འཐུང་༔ བདུད་དང་ལོག་འདྲེན་ཞབས་ཀྱིས་གནོན༔ དམ་ཉམས་མ་ལུས་སྲོག་ནས་གཟིར༔ དབང་གི་རྒྱལ་པོ་ལས་འཆོལ་གྱིས༔ ང་ཡི་བཀའ་ལས་གང་འདའ་བ༔ ལུས་སེམས་རྡུལ་དུ་རླག་པ་བྱེད༔ དེ་བས་དམ་ཅན་མ་(༡༧བ)

― GLG025_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་པ༔ གོང་གོང་ཆུམ་ཆུམ་དམ་ལ་འདུ༔ ཨཱོཾ་ཨཱཿཧཱུཾ་སྭཱ་ཧཱ། བཛྲ་ཀྲོ་དྷ་མ་ཧཱ་ཤྲཱི་ཧེ་རུ་ཀ་ཡ་མཱནྟག་པདྨ་ཀྲོ་དྷཱི་ཤྭ་རི་བཛྲ་ཀཱི་ལི་ཀཱི་ལཱ་ཡ་ཙཎྜ་མ་ཧཱ་རོ་ཁ་ཎ། ཀཱ་ལ་རཱུ་པ། བཛྲ་ཡཀྵ་ཀྲོ་དྷ་པདྨ་བནྡྷ་མུ་ཀ་ཨཱ་ཀཪྴ་ཡ། ཨཱ་ཀཪྴ་ཡ། བནྡྷ་ཡ་བནྡྷ་ཡ། ཏོ་ཤ་ཡཱ་ཏོ་ཤ་ཡཱ། མོ་ཧ་ཡཱ་མོ་ཧ་ཡཱ། ཤྲཱི་མ་ཧཱ་ཀཱ་ལ་སརྦ་རཱུ་པ་བཛྲ་སརྦ་དུཥྚི་སརྦ་ཌཱ་ཀི་ནཱི་ཧྲི་ད་ཡ། ཧ་ཧ་ཧི་ཧི། ཨེ་ཨ་ར་ལི་ཧཱུཾ་ཛཿ ཞེས་བརྒྱ་རྩ་བརྒྱད་བཟླས་ལ་དབང་དུ་བསྡུའོ། །དགུ་པ་བསྙེན་ཅིང་བསྒྲུབ་པ་ལ། མ་ཡེངས་པར་སྲོག་གི་སྙིང་པོ་ནས་འབོད་པ་ནི། བཛྲ་ཨ་ར་ལི་ཛཿ བཛྲ་ཨ་ར་ལི་ཧཱུཾ༔ བཛྲ་ཏི་ཏི་དྷེ༔ བཛྲ་བྷ་ར་དྷེ༔ བཛྲ་ས་བྱ་ཧཱུཾ༔ བཛྲ་ཏི་ཏི་ཧཱུཾ༔ བཛྲ་མ་ཏི་ཧཱུཾ༔ བཛྲ་ཏིང་བ་ཧཱུཾ༔ བཛྲ་ཁ་ར་ལི་ཧཱུཾ༔ བཛྲ་པིང་པོ་ཧཱུཾ༔ བཛྲ་ས་ག་ཤ་ཕྱིར༔ བཛྲ་དུ་ཕྱིར་ས་ར་ན་ཕཊ༔ མ་དུང་བྷྱོ༔ མ་དུང་བྷྱོ༔ ཧཱུཾ་ཧཱུཾ་ཛ་ཛཿ ཞེས་བཟླ་ཞིང་དམིགས་པ་དང་ཞི་རྒྱས་དབང་དྲག་གི་ཁ་སྐྱུར་སོགས་ཞལ་ལས་ཤེས་སོ། །བཅུ་པ་མདོས་གླུད་ཀྱི་རབས་དང་། ཡས་ཀྱི་ཆོས་དྲང་འདོན་པ་ནི་ཟུར་དུ་ཤེས་པར་བྱའོ། །བཅུ་གཅིག་པ་མདོས་བསྔོ་ཞིང་འཕྲིན་ལས་འཆོལ་བ་ནི། བྷྱོ། གནམ་བྱང་གཏེར་སྒོས་མདོས་གྱི་བར་སྣང་ལྷ་མོ་བསྟན་མ་ནི༔ ནམ་མཁའི་དབྱིངས་ན་བཞུགས་པ་ཡི༔ གནམ་གྱི་བུ་མོ་འཕྲུལ་མོ་ཆེ༔ གོས་སུ་མུན་པ་ནག་པོ་གྱོན༔ དགུ་ཚིགས་མཛེས་པའི་ཐོད་ལྡེམ་ཅན༔ བྲན་གཡོག་མང་པོའི་འཁོར་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོས་གླུད་བཞེས་ཤིག༔ བྷྱོ། གངས་ཀྱི་རོ་ཤགས་ལ་རོ་སྨན་གཅིག་མ༔ ན་བཟའ་སྤྲིན་དཀར་མཛེས་པ་ལ༔ (༡༨ན)

― GLG025_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

གཟའ་སྐར་མཛེས་པའི་ཐོད་ལྡེམ་ཅན༔ ཁུ་འཕང་འོད་འཕྲོ་འབར་བས་བརྒྱན༔ བྲན་གཡོག་མང་པོའི་འཁོར་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོས་གླུད་བཞེས་ཤིག༔ བྷྱོ། བར་སྣང་ཁམས་ཀྱི་གློག་མ་སྤྲིན༔ སྐུ་ལ་ན་བཟའ་ལྗང་སྔོན་གསོལ༔ གཟའ་སྐར་མང་པོའི་འཁོར་དང་བཅས༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོ་གླུད་བཞེས་ཤིག༔ བྷྱོ། མཁའ་ལ་རྒྱུ་བའི་ཐོགས་མེད་མ༔ རླུང་དང་སྤྲིན་གྱི་བདག་མོ་སྟེ༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོས་གླུད་བཞེས་ཤིག༔ དེ་ནས་རྔདྲག་ཏུ་བརྡུངས་ལ་འཕྲིན་ལས་འཆོལ་བ་ནི་འདི་སྐད་དོ༔ བྷྱོ། གནོད་སྦྱིན་བུ་མོ་སྒོ་བཞི་ལ༔ གནས་པ་འདི་རྣམས་ལས་འཆོལ་ལོ༔ བྷྱོ། ཤར་གྱི་དཀར་མོ་སྤྲིན་གཅིག་མ༔ ན་བཟའ་བྱ་རྒོད་ཐུལ་བ་གསོལ༔ དུང་གི་ཐོད་ལྡེམ་ཐོར་ཚུགས་ཅན༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་(༡༨བ)

― GLG025_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོ་གླུད་བཞེས་ཤིག༔ བྷྱོ། ལྷོ་ཕྱོགས་ནག་མོ་མཆེ་བ་ཅན༔ ན་བཟའ་ཞིང་ལྤགས་རློན་པ་གསོལ༔ གསེར་གྱི་ཐོད་ལྡེམ་ཐོར་ཚུགས་ཅན༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོ་གླུད་བཞེས་ཤིག༔ བྷྱོ། ནུབ་ཕྱོགས་དམར་མོ་དབང་སྡུད་མ༔ ན་བཟའ་ཆུ་སྲིན་གཡང་གཞི་གསོལ༔ བྱུ་རུའི་ཐོད་ལྡེམ་ཐོར་ཚུགས་ཅན༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལརྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོས་གླུད་བཞེས་ཤིག༔ བྷྱོ། བྱང་གི་སེར་མོ་ལས་མཁན་མ༔ ན་བཟའ་གཙོད་དང་སྐྱིན་དམར་གསོལ༔ ལྕགས་ཀྱི་ཐོད་ལྡེམ་ཐོར་ཚུགས་ཅན༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོས་གླུད་བཞེས་ཤིག༔ བྷྱོ། གངས་ཀྱི་ཡུམ་ཆེན་གཡུ་བུན་མ༔ གསང་མཚན་(༡༩ན)

― GLG025_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་འོད་འབར་མ༔ ན་བཟའ་སྤྲིན་དཀར་ལུས་ལ་གྱོན༔ མཆོང་གི་གོ་ཅོག་དབུ་ལ་གྱོན༔ འཁོར་ནི་ནག་རྒྱལ་བཙུན་མོས་བསྐོར༔ ཆིབས་སུ་རླུང་ནག་འཚུབ་མ་བཅིབས༔ དགྲ་ལྷའི་རྒྱལ་མོར་བཞུགས་པ་ཡི༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོ་གླུད་བཞེས་ཤིག༔ བྷྱོ། ལྷོ་ཡི་སྐྱིན་མཐིང་གཡའ་མ་སྐྱོང་༔ གསང་མཚན་རྡོ་རྗེ་ཀུན་གྲགས་མ༔ ན་བཟའ་སྤྲིན་དཀར་མཛེས་པ་གསོལ༔ ཤེལ་གྱི་ཐོད་ལྡེམ་ཐོར་ཚུགས་ཅན༔ ཆིབས་སུ་རྐྱང་བུ་ཁ་དཀར་བཅིབས༔ འཁོར་ནི་ཀླན་བཟའ་མང་པོས་བསྐོར༔ ལྷོག་པའི་ནད་དང་སེར་བའི་བདག༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོ་གླུད་བཞེས་ཤིག༔ བྷྱོ། ཁ་རག་ཁྱུང་བཙུན་རྡོ་རྗེ་དཔལ་གྱི་ཡུམ༔ གསང་མཚན་རྡོ་རྗེ་ཁྱུང་མདོག་དཔལ་གྱི་ཡུམ༔ ན་བཟའ་འཇའ་ཚོན་སྣ་ལྔ་ལུས་ལས་གྱོན༔ བྲག་ནག་སྤུངས་པའི་ཐོད་ལྡེམ་ཅན༔ ཆིབས་སུ་ངང་དཀར་ཞུར་པོ་བཅིབས༔ འཁོར་ནི་སྲིན་མོ་སྟོང་གིས་བསྐོར༔ བྲན་གཡོག་མང་པོའི་(༡༩བ)

― GLG025_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོ་གླུད་བཞེས་ཤིག༔ བྷྱོ། མོ་བཙུན་ཁུག་ཆོས་གཡར་མོ་བསིལ༔ གསང་མཚན་རྡོ་རྗེ་གཡར་མོ་རྒྱལ༔ ན་བཟའ་ཅི་ཡང་མ་ངེས་ཏེ༔ མུ་ཏིག་དཀར་པོའི་ཐོད་ལྡེམ་ཅན༔ འཁོར་ནི་ཤ་ཟ་འབུམ་གྱིས་བསྐོར༔ ཆིབས་སུ་སྨན་ཤ་ཡུ་མོ་བཅིབས༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོ་གླུད་བཞེས་ཤིག༔ བྷྱོ། ཀོང་བཙུན་དེ་མོ་རྡོ་རྗེ་བོད་ཁམས་སྐྱོང་༔ གསང་མཚན་རྡོ་རྗེ་གཉིས་མེད་འོད་འབར་མ༔ ན་བཟའ་སྨུག་ནག་བཏིབས་པ་ལ༔ འཇིགས་སུ་རུང་པའི་མེ་སྟག་འཕྲོ༔ གསེར་གྱི་ཐོད་ལྡེམ་ཐོར་ཚུགས་ཅན༔ ཆིབས་སུ་སྤྲིན་དཀར་ངང་པ་བཅིབས༔ འཁོར་ནི་མ་བདུད་མང་པོས་བསྐོར༔ ལོ་གཤེད་བཙའ་དང་མུ་གེའི་བདག༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོས་གླུད་བཞེས་(༢༠ན)

― GLG025_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིག༔ བྷྱོ། ཏིང་ཏིང་གངས་ཀྱི་དཀར་མོ་ཤག༔ གསང་མཚན་རྡོ་རྗེ་ཀུན་གྲགས་མ༔ ན་བཟའ་བྱ་རྒོད་ཐུལ་བ་གསོལ༔ ནག་མོ་མིག་གཅིག་དུང་གི་ཐོར་ཚུགས་ཅན༔ ལྕགས་ཀྱི་ལན་ཕྲན་མཆེ་བ་ཅན༔ འཁོར་དུ་ཆུ་སྨན་འབུམ་གྱིས་བསྐོར༔ ས་བདག་རིམས་ཀྱི་བདག་མོ་སྟེ༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོ་གླུད་བཞེས་ཤིག༔ བྷྱོ། ལེགས་སྦྱོར་ཡི་གེའི་གསེར་ཐང་མོ༔ གསང་མཚན་རྡོ་རྗེ་ཀུན་ཏུ་བཟང་༔ ན་བཟའ་གསེར་གྱི་མདོ་ལོ་རིས༔ རིན་ཆེན་བརྩེགས་པའི་ཐོད་ལྡེམ་ཅན༔ ཆིབས་སུ་ལྷ་འབྲི་དཀར་མོ་བཅིབས༔ འཁོར་ནི་གངས་སྨན་འབུམ་གྱིས་བསྐོར༔ བཀའ་ཡི་གངས་སྨན་བཟང་མོའི་ཡུམ༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོ་གླུད་བཞེས་ཤིག༔ བྷྱོ། གཡུ་ཡི་དྲེལ་རྟ་ཟུ་ལེ་མོ༔ གསང་མཚན་རྡོ་རྗེ་ཡེ་ཤེས་མཆོག༔ ན་བཟའ་གཅོད་ཀྱི་ཐུལ་བ་གསོལ༔ གཡུ་ཡི་དྲིལ་བུ་སིལ་ལི་མ༔ ཆིབས་སུ་གཙོད་པོ་ཁ་དཀར་བཅིབས༔ འཁོར་(༢༠བ)

― GLG025_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བྱང་སྨན་འབུམ་གྱིས་བསྐོར༔ དབྱར་བཞིན་མི་སྲུན་ལྕགས་རལ་མ༔ དགུན་བཞིན་མི་སྲུན་རླུང་ནག་འཚུབ་མའི་བདག༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོས་གླུད་བཞེས་ཤིག༔ བྷྱོ། བྱང་གི་འབྲོག་ཆེན་གཡའ་མོ་སྐྱོང་༔ གསང་མཚན་རྡོ་རྗེ་དྲིལ་བུ་མ༔ ན་བཟའ་གཡག་ལྤགས་རློན་པ་གསོལ༔ ལྕགས་ཀྱི་ཐོད་ལྡེམ་ཐོར་ཚུགས་ཅན༔ ཆིབས་སུ་འབྲོང་པོ་ཁ་དཀར་བཅིབས༔ འཁོར་དུ་བྱང་གི་འབྲོག་མཚན་མང་པོས་བསྐོར༔ མི་ལ་གནོད་ཅིང་སྡིག་བྱེད་མ༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོས་གླུད་བཞེས་ཤིག༔ བྷྱོ། ནམ་མཁའི་རྒྱལ་མོ་ཁོང་ཏིང་ཤག༔ གསང་མཚན་རྡོ་རྗེ་དཔལ་འབར་ཤག༔ ན་བཟའ་བྱ་རྒོད་ཐུལ་པ་གསོལ༔ རིན་ཆེན་མཛེས་པའི་ཐོད་ལྡེམ་ཅན༔ ཆིབས་སུ་སྨན་ཤ་ཡུ་མོ་བཅིབས༔ གཡུ་ཡི་དངུལ་ཆུ་ཡ་ལ་ལ༔ སེར་བ་ཁུ་འཕང་ཐག་གི་བདག༔ འཁོར་དུ་གནམ་སྨན་སྟོང་གིས་བསྐོར༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་(༢༡ན)

― GLG025_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོས་གླུད་བཞེས་ཤིག༔ བྷྱོ། གངས་ཀྱི་རམ་ཤག་ལ་རོ་སྨན་གཅིག་མ༔ གསང་མཚན་རྡོ་རྗེ་རྩལ་མ་ཀུན་གྲགས་མ༔ ན་བཟའ་བྱ་རྒོད་ཐུལ་བ་གསོལ༔ མཐའ་མ་ཆུ་བདུད་མང་པོའི་འཁོར་གྱིས་བསྐོར༔ བྲན་གཡོག་མང་པོའི་འཁོར་དང་བཅས༔ སིལ་སྙན་མང་པོའི་སྒྲ་དང་བཅས༔ ལྷབ་ལྷུབ་མང་པོའི་རྒྱན་དང་བཅས༔ ཟང་ཟིང་མང་པོའི་གླུད་དང་བཅས༔ དྲེལ་རྟ་མང་པོའི་ཁལ་དང་བཅས༔ མདོས་བདག་ཆེན་མོས་མདོས་ལོང་ལ༔ གླུད་བདག་ཆེན་མོ་གླུད་བཞེས་ཤིག༔ དེ་ཕྱིར་གནས་འདིར་མ་སྡོད་པར༔ བྷྱོ་བྷྱོ་དམ་ཉམས་དགྲ་ལ་བྷྱོ༔ ཟློག་ཟློག་དམ་ཉམས་དགྲ་ལ་ཟློག༔ ཟློག་སྒྱུར་བཅོལ་བའི་འཕྲིན་ལས་མཛོད༔ ཀྱེ། ཡུལ་ཉང་གཏེར་གཡུལ་ཟློག །ནི་ལྷོ་ཁ་མོན་ཁ་ན༔ གླན་ཐང་མ་མོ་བཙུན་གྱི་ལྕམ་མོ་ནི༔ གདུང་རུས་བཙུན་ཏེ་གླན་བཟའ་མོ༔ ལྷོ་ཡི་སྐྱི་མཐིང་གཡའ་མ་སྐྱོང་༔ གཡག་ལྤགས་རློན་པའི་སློག་པ་ལ༔ ཁྱུང་གཤོག་སྟོང་གི་ཤམ་ཐབས་ཅན༔ ཕྱག་ན་ཟངས་ཀྱི་ཕུར་པ་བསྣམས༔ ཆིབས་སུ་དྲེལ་རྟ་རྐང་གསུམ་བཅིབས༔ སྔོན་མོ་མ་བདུན་འཁོར་དང་བཅས༔ ཁྱོད་ཀྱི་ཐུགས་དམ་དུས་ལ་བབ༔ མཐུན་རྫས་མདོས་གླུད་འདི་ལོང་ལ༔ བསྟན་པ་འཇིག་པའི་དམ་ཉམས་རྩད་ནས་ཆོད༔ ཧཱུཾ་བཛྲ་ཧཱུཾ་བཛྲ་ལི་ལི་མ་ཧཱུཾ་བྷྱོ༔ བྷྱོ། ཡུལ་(༢༡བ)

― GLG025_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་གསང་འཕྱོ་ལ་གནས་ན༔ གངས་ཀྱི་ཡུམ་ཆེན་གཡུ་བུན་མ༔ གདུང་རུས་གཉེན་ཏེ་ཤ་བཟའ་མོ༔ དགྲ་ལྷའི་རྒྱལ་མོ་ལྕམ་གཅིག་མ༔ སེང་གེ་དཀར་པོའི་གཡང་གཞི་གྱོན༔ ཆིབས་སུ་སེང་གེ་དཀར་པོ་བཅིབས༔ ཕྱག་ན་རྡོ་རྗེ་རྩེ་ལྔ་བསྣམས༔ དཀར་མོ་མ་བདུན་འཁོར་དང་བཅས༔ ཁྱོད་ཀྱི་ཐུགས་དམ་དུས་ལ་བབ༔ མཐུན་རྫས་མདོས་གླུད་འདི་ལོང་ལ༔ བསྟན་པ་འཇིག་པའི་དམ་ཉམས་རྩད་ནས་ཆོད༔ ཧཱུཾ་ལཾ་འགྲེང་བཛྲ་ཏིབ་ཏིབ་ཏིང་ཏིང་བཛྲ་ཨཱོཾཿ བྷྱོ། ཡུལ་ནི་ཁ་རག་ཡུལ་དྲུག་ན༔ འདར་བུ་སྟོང་ཐང་རྗེ་ཡི་ལྕམ༔ གདུང་རུས་བཙུན་ཏེ་ཁྱུང་མོ་བཟའ༔ ཁ་རག་ཁྱུང་བཙུན་དཔལ་གྱི་ཡུམ༔ ན་བཟའ་མི་ལྤགས་རློན་པ་གྱོན༔ མི་སྙིང་ཁུག་པའི་ཤམ་ཐབས་ཅན༔ ཆིབས་སུ་བྱ་རྒྱལ་ཁྱུང་ཆེན་བཅིབས༔ ཕྱག་ན་དུག་མདའ་ལྟོང་ནག་བསྣམས༔ སེར་མོ་མ་བདུན་འཁོར་དང་བཅས༔ ཁྱོད་ཀྱི་ཐུགས་དམ་དུས་ལ་བབ༔ མཐུན་རྫས་མདོས་གླུད་འདི་ལོང་ལ༔ བསྟན་པ་འཇིག་པའི་དམ་ཉམས་རྩད་ནས་ཆོད༔ ཧཱུཾ་བྷྱོ་རི་ལི་ལི་ཧཱུཾ་བྷྱོ་ཛ་ཛ་དགྲ་ལ་བྷྱོ༔ བྷྱོ། ཡུལ་ནི་དབྱར་ཡུམ་ཆར་སྟོད་ན༔ དབྱར་ཐང་གཙུག་གི་ལྕམ་མོ་ནི༔ གདུང་རུས་གཉན་ཏེ་དབྱར་བཟའ་མོ༔ མོ་བཙུན་ཨུག་ཆོས་དབྱར་མོ་བསིལ༔ སྦྲུལ་ནག་གཏམས་པའི་གཡང་གཞི་གསོལ༔ ཆིབས་སུ་རྣ་བུ་ཤད་ལ་བཅིབས༔ ཕྱག་ན་སེང་ལྡེང་ཕུར་བ་བསྣམས༔ དམར་ནག་མ་བདུན་འཁོར་དང་བཅས༔ ཁྱོད་ཀྱི་ཐུགས་དམ་དུས་ལ་བབ༔ མཐུན་རྫས་མདོས་གླུད་འདི་(༢༢ན)

― GLG025_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

ལོང་ལ༔ བསྟན་པ་འཇིག་པའི་དམ་ཉམས་རྩད་ནས་ཆོད༔ ཧཱུཾ་མ་མ་ཧཱུཾ། བཛྲ་བཾ་མ་ཧཱ་ཧཱ་དགྲ་ལ་བྷྱོ༔ བྷྱོ། ཀོང་ཡུལ་དེ་ནི་བྲེ་སྣ་རུ༔ ཀོང་ལྷ་དཀར་པོའི་ལྕམ་མོ་ནི༔ གདུང་རུས་གཉན་ཏེ་ཀོང་བཟའ་མོ༔ ཀོང་བཙུན་དེ་མོ་བོད་ཁམས་སྐྱོང་༔ སེང་ལྤགས་སྟོང་གི་སློག་པ་གསོལ༔ སྦྲུལ་ནག་གཏམས་པའི་ཤམ་ཐབས་ཅན༔ ཆིབས་སུ་ཀོང་རྟ་དཀར་པོ་བཅིབས༔ ཕྱག་ན་ཁྲག་གི་བུམ་པ་བསྣམས༔ ནག་མོ་མ་བདུན་འཁོར་དང་བཅས༔ ཁྱོད་ཀྱི་ཐུགས་དམ་དུས་ལ་བབ༔ མཐུན་རྫས་མདོས་གླུད་འདི་ལོང་ལ༔ བསྟན་པ་འཇིག་པའི་དམ་ཉམས་རྩད་ནས་ཆོད༔ ཧཱུཾ་ཁཾ་ཆད་ཆད་མ་ཧྲི་བྷྱོ་ཛཿ དགྲ་ལ་བྷྱོ༔ བྷྱོ། ཡུལ་ནི་ཤེ་ཡུལ་ཤེ་སྟོད་ན༔ གངས་དཀར་རྫོང་གི་ཁ་ཤེད་ན༔ དུང་རུ་དཀར་པོའི་ལྕམ་མོ་ནི༔ གདུང་རུས་གཉན་ཏེ་ཤེ་བཟའ་མོ༔ ཤ་མེད་གངས་དཀར་སྨན་གཅིག་མ༔ དུང་གི་ཁུ་འཕང་སྐུ་ལ་གསོལ༔ གཡུ་ཡི་སྐ་རགས་ཐམས་སེ་ཐམ༔ ཆིབས་སུ་དུང་ཤ་དཀར་པོ་བཅིབས༔ ཕྱག་ན་ཁྲག་གི་རྐྱལ་པ་བསྣམས༔ གངས་སྨན་འབུམ་གྱི་འཁོར་དང་བཅས༔ ཁྱོད་ཀྱི་ཐུགས་དམ་དུས་ལ་བབ༔ མཐུན་རྫས་མདོས་གླུད་འདི་ལོང་ལ༔ བསྟན་པ་འཇིག་པའི་དམ་ཉམས་རྩད་ནས་ཆོད༔ ཧཱུཾ་བཛྲ་ཛ་ལ་དཾ་ཧཱུཾ་ཏིང་བྷྱོ་ཛ་དགྲ་ལ་བྷྱོ༔ བྷྱོ། ཡུལ་ནི་བྱང་འབྲོག་སྣ་བརྒྱད་ན༔ འབྲོང་རྗེ་ཐང་ལྷའི་ལྕམ་མོ་ནི༔ གདུང་རུས་གཉན་ཏེ་འབྲོང་བཟའ་མོ༔ བྱང་གི་འབྲོོག་སྲིན་འཁོར་འདུལ་མ༔ གླང་ནག་སྟོང་(༢༢བ)

― GLG025_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

གི་སློག་པ་ལ༔ ཁྱུང་གཤོག་སྟོང་གི་གཤོག་པ་ཅན༔ ཆིབས་སུ་གསེར་ཤ་ཡུ་མོ་བཅིབས༔ ཕྱག་ན་ལྕགས་ཀྱི་ཕུར་པ་བསྣམས༔ ས་བདག་མ་བདུན་འཁོར་གྱིས་བསྐོར༔ ཁྱོད་ཀྱི་ཐུགས་དམ་དུས་ལ་བབ༔ མཐུན་རྫས་མདོས་གླུད་འདི་ལོང་ལ༔ བསྟན་པ་འཇིག་པའི་དམ་ཉམས་རྩད་ནས་ཆོད༔ ཧཱུཾ་བཛྲ་ཏི་བ་ཤེལ་ཧཱུཾ་སྲིང་ཧེ་ཧེ་ཧ་ཧཱུཾ་བྷྱོ་ཛཿ དགྲ་བོའི་སྲོག་ལ་བྷྱོ༔ བྷྱོ། ཡུལ་ནི་རྨ་ཡུལ་ཐང་བརྒྱད་ན༔ རྨ་ཆེན་སྤོམ་རའི་ལྕམ་གཅིག་མ༔ གདུང་རུས་གཉན་ཏེ་རྨ་ཆེན་བཟའ༔ བྱང་གི་སྨན་ཏིང་ཏིང་མོ་བཙུན༔ གཡག་ལྤགས་སྟོང་གི་སློག་པ་ལ༔ ཁྱུང་གཤོག་སྟོང་གི་གཤོག་པ་ཅན༔ ཆིབས་སུ་འབྲོང་བུ་རྭ་དགུ་བཅིབས༔ ཕྱག་ན་མཆོང་གི་ཕུར་པ་བསྣམས༔ ཉི་འོད་མ་བདུན་འཁོར་གྱིས་བསྐོར༔ ཁྱོད་ཀྱི་ཐུགས་དམ་དུས་ལ་བབ༔ མཐུན་རྫས་མདོས་གླུད་འདི་ལོང་ལ༔ བསྟན་པ་འཇིག་པའི་དམ་ཉམས་རྩད་ནས་ཆོད༔ ཧཱུཾ་བྷྱོ་བཛྲ་ཀཱི་ལི་ཀཱི་ལ་ཧཱུཾ་ཛ་དགྲ་ལ་བྷྱོ༔ བྷྱོ། ཡུལ་ནི་ཡར་ཀླུངས་ཡ་ཕུག་ན༔ ཡར་ལྷ་ཤམ་པོའི་ལྕམ་མོ་ནི༔ གདུང་རུས་གཉན་ཏེ་ཤེའུ་བཟའ་མོ༔ གཡུ་ཡི་དྲིལ་བུ་སིལ་ལི་མ༔ སྐུ་ལ་སྤྱང་ཀིའི་སློག་པ་གྱོན༔ མི་རྩིབ་བརྒྱུས་པའི་ཤམ་ཐབས་ཅན༔ ཆིབས་སུ་གཡུ་ཡི་སེང་མོ་བཅིབས༔ ཕྱག་ན་གཡུ་ཡི་དྲིལ་བུ་བསྣམས༔ སྔོན་མོ་མ་བདུན་འཁོར་དང་བཅས༔ ཁྱོད་ཀྱི་ཐུགས་དམ་དུས་ལ་བབ༔ མཐུན་རྫས་མདོས་གླུད་འདི་ལོང་ལ༔ བསྟན་པ་འཇིག་པའི་དམ་ཉམས་རྩད་ནས་ཆོད༔ ཧཱུཾ་ཤེལ་(༢༣ན)

― GLG025_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་ས་པྲ་སི་ཧ་ར་ཧཱུཾ་བྷྱོ་ཛ་དགྲ་བོའི་སྲོག་ལ་བྷྱོ༔ བྷྱོ། ཡུལ་ནི་རྟ་ཡུལ་སྤང་བཀྲ་ན༔ རྟ་ཀ་ཤར་གྱི་ལྕམ་མོ་ནི༔ གདུང་རུས་གཉན་ཏེ་རྟ་བཟའ་མོ༔ དཀར་མོ་མིག་གཅིག་མཆེ་བ་ཅན༔ རྟ་ལ་བཙན་པོ་སྨན་གཅིག་མ༔ མི་མགོ་བརྩེགས་པའི་ཐུལ་པ་གསོལ༔ ཆིབས་སུ་ཕག་རྒོད་ནག་པོ་བཅིབས༔ ཕྱག་ན་ཞིང་གི་དབྱུག་པ་བསྣམས༔ དཀར་མོ་མ་བདུན་འཁོར་དང་བཅས༔ ཁྱོད་ཀྱི་ཐུགས་དམ་དུས་ལ་བབ༔ མཐུན་རྫས་མདོས་གླུད་འདི་ལོང་ལ༔ བསྟན་པ་འཇིག་པའི་དམ་ཉམས་རྩད་ནས་ཆོད༔ ཧཱུཾ་དྲུཾ་དྲུཾ་དྲུཾ་ཧཱུཾ་བྷྱོ་ཛ་ཛ་དགྲ་བོའི་སྲོག་ལ་བྷྱོ༔ བྷྱོ། ཡུལ་ནི་ལ་ཡུལ་ལ་སྟོད་ན༔ གནོད་སྦྱིན་སྙིང་འཕྲོག་ལྕམ་མོ་ནི༔ གདུང་རུས་གཉན་ཏེ་ལ་བཟའ་མོ༔ བཙན་ལ་ལ་རོག་སྨན་གཅིག་མ༔ གུ་ལེ་དཀར་པོའི་སྟོད་གཡོགས་ལ༔ སྟག་ལྤགས་སྟོང་གི་ཤམ་ཐབས་ཅན༔ ཆིབས་སུ་དྲེལ་ནག་ཁ་སེར་བཅིབས༔ ལག་ན་བ་སོའི་ཕུར་བུ་བསྣམས༔ དམར་མོ་མ་བདུན་འཁོར་དང་བཅས༔ ཁྱོད་ཀྱི་ཐུགས་དམ་དུས་ལ་བབ༔ མཐུན་རྫས་མདོས་གླུད་འདི་ལོང་ལ༔ བསྟན་པ་འཇིག་པའི་དམ་ཉམས་རྩད་ནས་ཆོད༔ ཧཱུཾ་ཉུར་ཧུ་མ་བྷྱོ་ཛ་ཛ་དགྲ་ལ་བྷྱོ༔ བྷྱོ། ཡུལ་ནི་བྱང་ཡུལ་བྱང་སྟོད་ན༔ སྐྱི་མཐིང་གངས་ཀྱི་ལ་ར་སྨན༔ སྦྲུལ་ནག་སྟོང་གི་ཐུལ་བ་ལ༔ གཡག་ལྤགས་སྟོང་གི་ཤམ་ཐབས་ཅན༔ ཕྱག་ན་བྱ་རྒོད་ཕུར་བུ་བསྣམས༔ ཆིབས་སུ་གཡུ་འབྲུག་སྔོན་མོ་བཅིབས༔ བཀའ་ཉན་མ་བདུན་འཁོར་དང་བཅས༔ ཁྱོད་ཀྱི་(༢༣བ)

― GLG025_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་དམ་དུས་ལ་བབ༔ མཐུན་རྫས་མདོས་གླུད་འདི་ལོང་ལ༔ བསྟན་པ་འཇིག་པའི་དམ་ཉམས་རྩད་ནས་ཆོད༔ ཧཱུཾ་ཨོ་ཚོལ་ཨ་ལི་མ་ཧྲི་ཀི་ལི་མ་བྷྱོ་ཧཱུཾ་ཛ༔་དགྲ་ལ་བྷྱོ༔ བྷྱོ། བོད་ཁམས་སྐྱོང་བའི་མཐུ་རྩལ་ཅན༔ བསྟན་མ་བཅུ་གཉིས་འཁོར་དང་བཅས༔ སྔོན་གྱི་སློབ་དཔོན་བཀའ་བཞིན་དུ༔ དམ་ཚིག་གཉན་ལས་མ་འདའ་བར༔ འབྲང་རྒྱས་མཚལ་གྱི་ཐིག་བྲན་ཅན༔ གཙང་མའི་བལ་དེ་ཤུབ་བེས་བརྒྱན༔ དབུས་སུ་མ་མོའི་སྐུ་རྟེན་བཞུགས༔ མདའ་ཁྲ་གཡས་ལ་འཕང་ཁྲ་གཡོན༔ ངར་གླུད་མཚོ་ཡུངས་བརྒྱན་པ་མདུན༔ ནམ་མཁའ་རྒྱང་བུ་ཕྲག་པར་བཙུགས༔ ཁྲམ་བམ་ནག་པོ་ལག་ཏུ་བསྐུར༔ ལེམ་བུ་ངར་བྱ་ལ་སོགས་པ༔ མཐུན་པའི་མདོས་གླུད་འདི་བཞེས་ལ༔ ནད་དང་རིམས་ཀྱི་དལ་ཁ་རྣམས༔ བསྟན་པ་འཇིག་པའི་དགྲ་ལ་སྒྱུར༔ ཆགས་ཆེ་ཉམ་ང་མ་ལུས་པ༔ བསྟན་པ་འཇིག་པའི་དགྲ་ལ་སྒྱུར༔ ཁྲམ་ཁ་ཤོད་ཁ་དགྲ་ལ་ཕོབ༔ བསྟན་པ་བཤིག་པའི་དགྲ་བོ་ལ༔ ནག་མོ་ཚོགས་ཀྱི་ཁྲམ་སྣ་ཐོད༔ མ་མ་ནག་མོ་དུན་ཏིང་མ༔ ས་མ་ཡ་སརྦ་དགྲ་ལ་བྷྱོ་བྷྱོ༔ བྷྱོ། ཤེལ་གསར་སྒྲིགས། དཀར་དབང་སྔོན་པདྨ་རཱ་ཀ་དང་༔ གསེར་སྦྱངས་ལས་གྲུབ་རི་རབ་རྩེར༔ རིན་ཆེན་ཁང་བཟང་བཅུ་གཉིས་ལྕོག༔ རྒྱ་ཕུབས་ནོར་བུའི་ཏོག་གིས་མཛེས། །དྲ་བ་དྲ་ཕྱེད་དྲིལ་སྒྲ་འཁྲོལ། །དར་དབྱངས་ནོར་བུའི་རྒྱན་གྱིས་སྤྲས། །སྲོག་ཤིང་དཔག་བསམ་ལྗོན་རྩེར་གདུགས། །ལོགས་ལ་གསལ་བྱེད་ཉི་ཟླ་བསྐོར། །རྩ་བར་གསེར་རི་རོལ་མཚོ་བདུན། །(༢༤ན)

― GLG025_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

གླིང་བཞི་གླིང་ཕྲན་ལྕགས་རིས་བསྐོར། །ལྷ་མིའི་དཔལ་འབྱོར་ཕུན་ཚོགས་ལྡན། །ཡིད་འཕྲོག་རྔམ་བརྗིད་གནས་ཀྱི་རྟེན། །རྣམ་བཀྲ་ནམ་མཁའ་སྒྲོ་ཕོད་ཅན། །རྒྱང་བུ་སྤེལ་ལེགས་ཕྲེང་བར་བསྒྲིགས། །ཡུལ་མཁར་ཕོ་གདོང་མོ་གདོང་དང་། །ལྷ་བདུད་མ་མོ་ཀླུ་དང་བཙན། །གཤིན་རྗེ་རྒྱལ་པོ་གཟའ་རྒོད་བྱད། །རྦོད་གཏོང་མ་མོའི་ཁྲག་ཟོར་སོགས། །གནོད་བྱེད་མ་ལུས་བཟློག་པའི་ཁྲམ། །མདའ་ཁྲ་འཕང་ཁྲ་ཐབས་ཤེས་ཚུལ། །རྣམ་པར་ཤེས་པ་ཚེ་སྲོག་དབུགས། །ཕུང་ཁམས་སྐྱེ་མཆེད་དབང་པོ་ལྔ། །ཚང་བའི་ངར་གླུད་རྒྱན་གོས་ཅན། །འབྱོར་ལྡན་ཡིད་འོང་འབུམ་ཕྲག་སྤེལ། །ཆུ་གཉིས་ཉེར་སྤྱོད་འདོད་ཡོན་ལྔ། །བཀྲ་ཤིས་རྟགས་བརྒྱད་རྒྱལ་སྲིད་བདུན། །བཙོ་མ་གསེར་གྱི་པྲོག་ཞུ་ལ། །ལྷ་དང་མི་ཡི་རིན་པོ་ཆེ། །ཡིད་འཕྲོག་སྣ་ཚོགས་ཕྲ་ཡིས་སྤུད། །གསེར་གཡུ་མུ་ཏིག་སྤེལ་བའི་ཐོད། །ཐོད་མཛེས་གསེར་ལ་གཡུ་ཡིས་སྤྲས། །བྲག་ནག་སྤུངས་པའི་ཐོད་བཅིངས་རྔམ། །རྣ་རྒྱན་གདུ་བུ་མགུལ་པ་བརྒྱན། །སེ་རལ་ཁ་དང་དར་ཟབ་ཀྱི། །དཀར་སེར་དམར་ལྗང་ནག་སྨུག་བེར། །སྦྲུལ་ནག་སྟོང་སྦྲེལ་གཡང་གཞི་དང་། །གཡག་ལྤགས་རློན་པའི་ཤམ་ཐབས་ཅན། །འཇའ་ཚོན་རྣམ་པ་བཀྲ་བའི་གོས། །ཤམ་ཐབས་ཁྱུང་གཤོག་ལས་གྲུབ་པ། །ཆུ་འཛིན་དཀར་པོའི་ཐུལ་པ་དང་། །སེང་ལྤགས་གངས་དཀར་སྤུངས་པའི་གོས། །གླང་ནག་སྟོང་གི་སློག་པ་དང་། །ན་བཟའ་གཡུ་ཡི་མཐའ་འཇག་ཅན། །དུང་གི་ཁུ་འཕང་ན་བཟའ་ལ། །(༢༤བ)

― GLG025_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

མཛེས་བྱེད་གཡུ་ཡིས་སྐ་རགས་སྤྲས། །དར་དཀར་གཡུ་ཡི་མཐའ་ཅན་གོས། །རྨ་བྱའི་ཐོད་དང་ཞིང་ལྤགས་ཀྱི། །སློག་པ་མི་སྙིང་ཤམ་ཐབས་དང་། །རྨ་བྱའི་སྒྲོ་ཐུལ་རབ་ཏུ་བཀྲ། །མི་མགོ་བརྩེགས་པའི་ཐུལ་པ་ཀླུབས། །ཙེ་བེར་མུ་མེད་མཐའ་འཇག་ཅན། །བྱ་རྒོད་ཐུལ་པ་སྦྲུལ་ཤམ་དང་། །སྨུག་ནག་ཟབ་གོས་མེ་སྟག་འཕྲོ། །གྱི་ལིང་དཀར་པོའི་པགས་པའི་གོས། །སྤྲིན་ནག་སྤུངས་པའི་ཐུལ་བ་དང་། །སྟག་ཤམ་སྤྱང་སློག་མིའི་རྩིབ་མ། །སྲད་བུར་བརྒྱུས་པའི་ཤམ་ཐབས་ཚོགས། །བྱ་རྒོད་རྐང་དང་ཟངས་ལྕགས་མཆོད། །བསེ་དང་སེང་ལྡེང་ཕུར་པའི་མཚོན། །ཆུ་སྲིན་རྒྱལ་མཚན་མེ་ལོང་དང་། ཁྲམ་ཤིང་ཤང་ལང་རྡོ་རྗེའི་ཞགས། །ཐོད་ཁྲག་རྡོ་རྗེ་ཚེའི་བུམ་པ། །བེ་ཅོན་རུ་མཚོན་རྩེ་ལྔ་པ། །རལ་གྲི་ཁྲག་རྒྱལ་ཟོར་བ་མདའ། །ཅང་ཏེའུ་ཞིང་དབྱུག་དུག་སྦྲུལ་ཞགས། །པར་བུ་གཞོང་པ་མདའ་དར་སྙིང་། །རིན་ཆེན་སྒྲོམ་བུ་ལྷབ་ལྷུབ་དར། །འབྲང་རྒྱས་ཏིང་ཤག་གཡུའི་དྲིལ་བུ། ༡༩།རིན་ཆེན་པདྨ་འདབ་སྟོང་འཛུམ། །གཡུ་འབྲུག་ཤ་བ་ཆུ་གླང་རྟ། །རྐྱང་སེར་བོང་བུ་འབྲོང་གཡག་འབྲོ། །རྔ་མོ་དྲེའུ་རླུང་ནག་འཚུབ། །སྟག་ཁྱུང་གྱེར་ལིང་འོལ་བ་དོམ། །ཤ་བ་རྭ་བཅུ་མི་དྲེད་རྔམས། །འཕར་བ་རླུང་གིས་བསྐྱོད་པའི་སྤྲིན། །རུས་སྦལ་མགོ་དགུ་བཙོད་མཛོ་རྟོལ། །བགྲང་ཡས་བཞོན་པ་བསམ་མི་ཁྱབ། །འདོད་འཇོའི་བ་དང་ར་ལུག་ཁྱི། །ཅེ་སྤྱང་གསའ་གཟིག་ཁྲུང་ཁྲུང་དཀར། །བྱ་རོག་རྒོད་གླག་བསེ་བྱ་ཁྲ། །གོ་བོ་ངང་པ་གླ་བ་དང་། །དགོ་བ་རྣ་བ་རྒྱ་ལ་སོགས། །(༢༥ན)

― GLG025_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་ལ་འཕུར་དགུ་ས་འོག་ཏུ། །འཛུལ་དགུའི་རི་དྭགས་འཕྱོ་དགུའི་ཚོགས། །རྡོ་རྗེའི་གོ་ཁྲབ་བཙན་པོའི་རྨོག །ཞོལ་བཏགས་རྔ་གཅུས་འཇའ་རིས་ཅན། །ཕུབ་དང་ལྕགས་གཞིབས་རང་སྲུང་གོ །གྲི་གུག་རལ་གྲི་དགྲ་སྟ་མདུང་། །སྒྱོགས་དང་དཔག་ཆེན་མདའ་བོ་ཆེ། །ཕ་རོལ་འཇོམས་པ་རྡོ་རྗེའི་མཚོན། །བདུད་རྩི་སྨན་དང་རཀྟའི་མཚོ། །རྟག་གཏོར་རྒྱུན་གཏོར་བསྐང་གཏོར་སྤུངས། །འབྲང་རྒྱས་བཤོས་བུ་ཏིང་ལོ་སྦར། །སྨན་ལེ་ཁྲག་སྣའི་དབུས་སྐྱུ་དང་། ཁྲག་ཀོང་ངར་མི་མཛེས་སྡུག་བརྗིད། །སེང་གེ་མི་དང་བ་ལང་དཀར། །སྟག་མོ་པུ་ཤུད་རྨ་བྱ་ཁྱུང་། །འཇོལ་མོ་བྱ་རྒོད་ཅེ་སྤྱང་དེད། །འཕར་བ་སྦྲུལ་ལ་སོགས་པ་ཡི། །ཤ་སྣ་མི་གཅིག་སྟོང་ཕྲག་བཤམས། །མི་རྟ་བ་ལང་ལ་སོགས་པའི། །སྙིང་སྣ་འབུམ་ཕྲག་གཅལ་དུ་བཀྲམ། །བརྒྱ་ཕྲག་ཤིང་ཏོག་རོ་བདའི་ཟས། །བྲུམ་ཐུད་ཕྱེ་མར་ཁུར་བ་ཚ། །གྲོ་ནས་སྲན་འབྲས་སོ་བ་ཁྲེ། །འབྲུ་སྣ་ཀ་ར་བུ་རམ་སྦྲང་། །སྣ་ཚོགས་ཟས་སྣའི་བྱེ་བྲག་ཚོགས། །ཇ་ཆང་ཞོ་ཆུ་རྣམ་གྲངས་སྟོང་། །འོ་ཆོལ་གསེར་སྐྱེམས་བཏུང་བ་བསྐྱིལ། །བཻ་ཌཱུ་དམར་གད་དབང་སྔོན་ཤེལ། །པད་རཱཀ་གཟི་གཡུ་མུ་ཏིག་མཆོང་། །བྱུ་རུ་ནལ་གསེར་དངུལ་ཟངས་ལྕགས། །སྣ་ཚོགས་ལྷ་མིའི་རིན་པོ་ཆེ། ཁ་དོག་རྣམ་མང་ཟབ་གོས་དང་། །རས་སྣམ་སྟག་གཟིག་ལ་སོགས་པའི། །མཐའ་ཡས་སྲོག་ཆགས་པགས་པ་དང་། །བཙོད་དང་ཞུན་མཁན་རམས་སྐག་མཚལ། །བཟང་དྲུག་ཙན་དན་ཨ་ག་རུ། །ག་པུར་སྤོས་(༢༥བ)

― GLG025_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་སྨན་སྣ་སྟོང་། །རྫ་རྔ་ཟོམ་རྔ་རྔ་བོ་ཆེ། །རྐང་གླིང་དུང་ཆེན་རྒྱ་གླིང་དང་། །སྒྲ་སྙན་སིལ་སྙན་པི་ཝང་གླུ། །གཡབ་དར་རྒྱལ་མཚན་འཕན་གདུགས་བསྒྲེང་། །ཐུགས་དམ་སྐོང་བྱེད་མཐུན་པའི་རྫས། ༣༡ ། དངོས་བཤམས་ཡིད་སྤྲུལ་མཆོད་པའི་ཚོགས། །དཔལ་ལྡན་རེ་མ་ཏཱི་ལ་འབུལ། །བདུད་མོ་མཆེད་བཞིའི་ཚོགས་ལ་འབུལ། །གནོད་སྦྱིན་མཆེད་བཞིའི་ཚོགས་ལ་འབུལ། །སྨན་མོ་མཆེད་བཞིའི་ཚོགས་ལ་འབུལ། །མདོས་བདག་ཆེན་མོས་མདོས་བཞེས་ཤིག །གླུད་བདག་ཆེན་མོས་གླུད་བཞེས་ཤིག །དགྱེས་པ་ཆེན་པོས་འཕྲིན་ལས་བཞིའི། །བསམ་པའི་དོན་ཀུན་ལྷུན་གྲུབ་མཛོད། དམ་བསྒྲག་ཅིང་བཟློག་སྒྱུར་འཕྲིན་ལས་འཆོལ་བ་ནི། བྷྱོ། གསར་སྒྲིགས། སློབ་དཔོན་པདྨ་ཐོད་ཕྲེང་གིས། །བསྟན་མ་བཅུ་གཉིས་ཁྱེད་རྣམས་ཀྱི། །སྲོག་གི་སྙིང་པོ་ཉེར་བླངས་ནས། །དབང་བསྐུར་དམ་ལ་བཏགས་མིན་ནམ། །བྱང་གི་གནམ་མཚོ་ཕྱུག་མོ་རུ། །ཏིང་ཏིང་གངས་ཀྱི་དཀར་མོ་ཤག །བདག་ཉིད་ཆེན་མོ་ཁྱོད་མཚན་དུ། །རྡོ་རྗེ་ཀུན་གྲགས་མ་རུ་བཏགས། །མོན་ཡུལ་ཇོ་མོ་ལྷ་རི་རུ། །རྡོ་རྗེ་གཡུ་སྒྲོན་གངས་སྨན་དཀར། །སྐྱིན་མཐིང་ཁྱོད་ཀྱི་གསང་བའི་མཚན། །རྡོ་རྗེ་གཡའ་མ་སྐྱོང་ཞེས་བཏགས། །བྲིན་གྱི་ལ་ཕྱི་ཆུ་དབར་དུ། །དཔལ་ལྡན་བཀྲ་ཤིས་ཚེ་རིང་མ། །གསེར་ཐང་མོ་ཁྱོད་གསང་མཚན་དུ། །རྡོ་རྗེ་ཀུན་ཏུ་བཟང་མོར་བཏགས། །ཡར་འབྲོག་གཡུ་མཚོ་ཕྱུག་མོ་རུ། །འབྲོག་ཆེན་ལྷ་ལྕམ་རྡོར་དྲིལ་མ། །གཡའ་མོ་སྐྱོང་ཁྱོད་གསང་མཚན་ལ། །འཁོར་(༢༦ན)

― GLG025_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

འདས་རྡོ་རྗེ་བགེགས་གཙོར་བཏགས། །ལྷ་ཕུ་གངས་རི་དཀར་པོ་རུ། །གངས་ཀྱི་ཡུམ་ཆེན་འོད་འབར་མ། །ཤ་མེད་ཁྱོད་ཀྱི་གསང་བའི་མཚན། །རྡོ་རྗེ་གཡུ་བུན་མ་རུ་བཏགས། །ཏུ་མཚམས་ཇོ་མོ་བར་ག་རུ། །སྟོང་ཐད་རྗེ་ལྕམ་ཁྱུང་བཟའ་མོ། ཁྱུང་བཙུན་ཁྱོད་ཀྱི་གསང་བའི་མཚན། །རྡོ་རྗེ་དཔལ་གྱི་ཡུམ་དུ་བཏགས། །བྱང་སྟོད་དམར་གྱི་མཚོ་འགྲམ་དུ། །བཙན་མོ་རྡོ་རྗེ་ཡེ་ཤེས་མཆོག །ཁོང་ཏིང་ཤག་ཁྱོད་གསང་བའི་མཚན། །མཁའ་ལྡིང་རྡོ་རྗེ་ཀླུ་མོར་བཏགས། ཁམས་ཀྱི་རྨ་ཆེན་སྤོམ་རའི་མགུལ། །བྱང་གི་ཏིང་ཏིང་ཏིང་མོ་བཙུན། །སེར་མོ་ལས་མཁན་གསང་མཚན་དུ། །རྡོ་རྗེ་དྲག་མོ་རྒྱལ་ཞེས་བཏགས། །ཤར་ཕྱོགས་ཀོང་ཡུལ་བྲེ་སྣ་རུ། །ཀོང་བཙུན་དེ་མོ་འོད་འབར་མ། །ཀོང་བཟའ་མོ་ཁྱོད་གསང་བའི་མཚན། །རྡོ་རྗེ་བོད་ཁམས་སྐྱོང་དུ་བཏགས། །ཨེ་གཉལ་ལོ་རོའི་གནས་མཆོག་ཏུ། །གངས་ཀྱི་རམ་ཤག་ལ་རོ་སྨན། །རྩལ་མོ་གྲགས་ཁྱོད་གསང་མཚན་དུ། །རྡོ་རྗེ་སྨན་གཅིག་མ་རུ་བཏགས། །གཙང་གི་ཇོ་མོ་ནགས་རྒྱལ་དུ། །སྨན་བཙུན་ཁུག་ཆོས་གཡར་མོ་རྒྱལ། །གཡར་གཟའ་མོ་ཁྱོད་གསང་བའི་མཚན། །རྡོ་རྗེ་གཡར་མོ་བསིལ་དུ་བཏགས། །པུད་ཀྱི་ཇོ་མོ་གཡུ་རི་ལ། །རྡོ་རྗེ་ཡེ་ཤེས་གཡུ་དྲིལ་མ། །ཤེ་བཟའ་མོ་ཁྱོད་གསང་མཚན་དུ། །རྡོ་རྗེ་གཟུགས་ལེགས་མ་ཞེས་བཏགས། །གཞན་ཡང་གླང་ཆེན་དཔལ་སེང་དང་། །གནུབས་ཆེན་སངས་རྒྱས་ཡེ་ཤེས་སོགས། །གྲུབ་བརྙེས་རིག་སྔགས་འཆང་མང་པོས། །བཀའ་དང་དམ་ལ་བཏགས་མིན་ནམ། ཁྱད་པར་ཉང་རལ་ཡབ་(༢༦བ)

― GLG025_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

སྲས་དང་། །ཆོས་དབང་ཐུགས་སྲས་པད་མ་དབང་། །དམར་ཞབས་རས་ཆེན་གྲགས་རྒྱན་པ། །བཀྲ་ཤིས་མཚན་ཅན་ཤེས་རབ་འོད། །ཆོས་བློ་དབང་ཕྱུག་བློ་གྲོས་དང་། །བསོད་སེང་འཇམ་དབྱངས་བློ་གྲོས་ཞབས། །དམ་པ་ཆོས་ཚུལ་ནམ་མཁའ་དཔལ། །འཇམ་དབྱངས་རྒྱལ་མཚན་པདྨ་དབང་། །ལེགས་ལྡན་རྡོ་རྗེ་མཁྱེན་བརྩེའི་ཞབས། །དབང་རབ་མགོན་པོ་བསོད་ནམས་མཆོག །ཁྱབ་བདག་ཆོས་དབྱིངས་རང་གྲོལ་སོགས། །རྩ་བརྒྱུད་བླ་མས་བདག་ཅག་གི །གྲོགས་པོར་གཏད་དོ་གཞུང་མ་ངན། །མཛའ་བོར་གཏད་དོ་ཁྲེལ་མ་བོར། །བྲན་དུ་གཏད་དོ་རྐང་མ་ངན། །མཐུ་རྩལ་མ་ཞན་འཕྲིན་ལས་སྒྲུབས། ཁྱོད་ལ་འཕྲིན་ལས་གཏད་པ་ནི། །བསྟན་དང་བསྟན་འཛིན་སྡེ་རྣམས་སྤེལ། །ས་སྤྱོད་རྒྱལ་པོའི་མངའ་ཐང་རྒྱས། །བོད་ཁམས་རུ་བཞིའི་རྒྱལ་ཁམས་ཀྱི། །མི་ནོར་ཕྱུགས་གསུམ་བསྲུང་ཞིང་སྐྱོབས། །བདག་ཅག་དམིགས་བྱར་བཅས་པའི་ཚེ། །ཟད་ཀྱང་ལོ་བརྒྱའི་བར་དུ་སྲིངས། །ཆོས་སྲིད་དཔལ་འབྱོར་ལེགས་ཚོགས་རྣམས། །ཡར་ངོའི་ཟླ་ལྟར་འཕེལ་བར་མཛོད། །རིགས་འཛིན་བདག་ཅག་ཡོན་མཆོད་རྣམས། །སྣང་སྲིད་ལྷ་སྲིད་སྡེ་བརྒྱད་ཀྱིས། །བྱད་དུ་བཅུག་ན་བྱད་ཐག་ཆོད། ཁྲམ་ལ་བབས་ན་ཁྲམ་ཁ་ཕྱིས། །ཤོ་ལ་བཀོད་ན་ཤོ་རྡོ་སྤོས། །ནད་ལ་བབས་ན་ནད་ཁ་སྒྱུར། །ཟློག་སྒྱུར་འཕྲིན་ལས་གཉན་པོ་མཛོད། །གཞན་ཡང་བར་དུ་གཅོད་བྱེད་པའི། །ནད་རིགས་བཞི་བརྒྱ་རྩ་བཞི་དང་། །སྟོང་ཕྲག་བརྒྱད་ཅུའི་བགེགས་ཀྱི་ཚོགས། །སུམ་བརྒྱ་དྲུག་ཅུའི་(༢༧ན)

― GLG025_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་འདྲོག་གདོན། །བྱིས་པའི་གདོན་ཆེན་བཅོ་ལྔ་དང་། །དུས་མིན་འཆི་བ་རྣམ་པ་བརྒྱད། །ལྟས་ངན་བརྒྱད་ཅུ་རྩ་གཅིག་རྣམས། །ཟློག་སྒྱུར་འཕྲིན་ལས་གཉན་པོ་མཛོད། །འབྲུམ་ནག་འབུམ་ཡང་ལྷོག་པ་དང་། །སྐྲངས་པ་བལ་ལྡག་གཡན་པའི་ནད། །མཛེ་ཤུ་ཕོལ་མིག་སྐྱ་རྦབ་རླུང་། །གློ་གཟེར་ཤ་ཡ་མིག་སེར་དང་། །རྒྱ་ནད་ཤ་སེར་ཁྲག་གི་ནད། །གཟེར་ཐབ་ལེ་བརྒན་རྒྱུ་གཟེར་དང་། ཁྲག་སྐྱུག་མཁལ་ནད་ལ་སོགས་པ། །ཟློག་སྒྱུར་འཕྲིན་ལས་གཉན་པོ་མཛོད། །བལ་ནད་སྨྱོ་འབོག་གློ་རྡོལ་དང་། །གཡུལ་འཁྲུག་འཐབ་རྩོད་མི་ཁ་ཟ། །དུག་སྦྱོར་བསམ་ངན་གྲོས་ངན་བཤམས། །རྨིས་ལྟས་ཉམས་དང་མཚན་མ་ངན། །ཀེག་སྲི་ངན་པ་ལངས་པ་དང་། །ཆགས་ཆེ་ཉམ་ང་ལ་སོགས་པའི། །བར་གཅོད་མི་མཐུན་ཕྱོགས་རྣམས་ཀུན། །ཟློག་སྒྱུར་འཕྲིན་ལས་གཉན་པོ་མཛོད། །བསྟན་སྐྱོང་འཁོར་བཅས་མཐུ་རྩལ་སྐྱེད། །ནད་གདོན་བར་གཅོད་དགྲ་བགེགས་ཀུན། །བྷྱོ་བྷྱོ་སྡང་བའི་དགྲ་ལ་བྷྱོ། །བྷྱོ་བྷྱོ་གནོད་པའི་བགེགས་ལ་བྷྱོ། །བཅུ་གཉིས་པ་གླུད་ལས་རྣམས་བྱིན་གྱིས་བརླབས་ནས་གཏོང་བ། བཅུ་གསུམ་མདོས་གླུད་བསྒྱུར་ཞིང་ཁྲོམ་སྣ་བསྒྱུར་བ། བཅུ་བཞི་བ་སྒོ་དབྱེ་ཞིང་མདོས་གླུད་ཀྱི་ལམ་བསྟན་པ། བཅོ་ལྔ་པ་གསེར་སྐྱེམས་གཏོང་བ། བཅུ་དྲུག་པ་མཇུག་ཟོར་གྱི་གཅད་པ། བཅུ་བདུན་པ་ལས་གཞི་སྒྲུབ་པ་རྣམས་རཀྴའི་གཏེར་བྱོན་བཞིན་བྱ། དེ་ནས་མདོས་རྣམས་ཕྱིར་བཏེག །གཏོར་མར་སླེབ་པ་དང་གསེར་སྐྱེམས་ཕུལ། བྷྱོ། བསྟན་གསར་སྒྲིགས། མ་བཅུ་གཉིས་མཐུ་རྩལ་སྐྱེད། །མདོས་ཡས་འདི་ཡི་སྣ་དྲོངས་ལ། །བདག་ཅག་ཡོན་མཆོད་འཁོར་བཅས་ལ། །གནོད་ཅིང་འཚེ་བའི་དགྲ་དང་བགེགས། །ནད་གདོན་ཆགས་(༢༧བ)

― GLG025_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་ཉམ་ང་དང་། །བྱད་ཕུར་གཏད་ཟོར་སྐེག་སྲི་ངན། །དམར་བཤལ་རྒྱུ་ཚད་གག་ལྷོག་གཟེར། །འབྲུམ་པ་བེ་གེ་པར་པ་ཏ། །ཉྭ་ལོག་འཁྲུ་སྐྱུག་ལ་སོགས་པའི། །མི་ཕྱུགས་ནད་རིགས་མ་ལུས་པ། །དགྲ་དང་བགེགས་ཀྱི་སྟེང་དུ་སྒྱུར། །ཟློག་སྒྱུར་བཅོལ་བའི་འཕྲིན་ལས་མཛོད། །ཅེས་བཟློག་པ་བྱ་ཞིང་། རོལ་མོ་བརྡུང་། མཚོན་ཆ་བརྡབ། ཞིང་ལྤགས་བརྡུལ་། སྦྱོར་གདབ། མེ་ཆུའི་རྒྱས་འདེབས་བྱ་ཞིང་ཕྱི་མིག་མི་ལྟ་བར་ནང་དུ་ལོག །ཧོཿ འདི་གསར་སྒྲིགས། ལྟར་དངོས་བཤམས་ཡིད་སྤྲུལ་མཆོད་པའི་སྤྲིན། །མི་མཛད་ནམ་མཁའ་མཛོད་དུ་བྱིན་བརླབས་ནས། །ཡར་ལ་མཆོད་ཅིང་མར་ལ་བྱིན་པའི་མཐུས། །བསྟན་སྲུང་འཁོར་བཅས་ཐུགས་དམ་སྐོངས་གྱུར་ཅིག །སྐུ་གསུང་ཐུགས་རྣམས་མཉེས་ཤིང་རབ་ཚིམ་པས། །སྒྲིབ་གཉིས་བར་གཅོད་ཀུན་ཞི་ཚེ་དཔལ་རྒྱས། ཁམས་གསུམ་དབང་འདུས་དགྲ་བགེགས་རྡུལ་དུ་རློག །འཕྲིན་ལས་རྣམ་བཞི་ལྷུན་གྱིས་གྲུབ་པར་ཤོག །ཅེས་སྨོན་ལམ་གདབ། ཚེ་འགུགས་ཤིང་བཀྲ་ཤིས་བརྗོད་པ་སོགས་མཇུག་སྤྱི་ལྟར་བྱའོ། །འདི་ནི་ནད་རིམས་བཟློག་པ་སོགས་བཟློག་མདོས་གཙོ་བོར་བྱས་པ་ཡིན་གྱི་བསྐང་མདོས་བྱེད་ན་དེ་གའི་ཁ་བསྒྱུར་དང་། མདོས་རྣམས་ཡང་ཐོག་ཏུ་མདོས་གླུད་སོ་སོར་གཏོང་བ། རྟེན་མདོས་སུ་བྱེད་ན་དེ་གའི་ཕྱག་ལེན་ཕྲ་ཞིབ་རྣམས་མཚན་ཉིད་དང་ལྡན་པའི་རྡོ་རྗེ་སློབ་དཔོན་ཡུན་དུ་བསྟེན་ཏེ་གསང་ཆེན་རྙིང་མའི་རིང་ལུགས་འཁྲུལ་པ་མེད་པ་ཁོང་དུ་ཆུད་པར་བྱས་ནས་ཉམས་སུ་བསྟར་བར་བྱའོ། །སྨྲས་པ། ཨ་ཧོ་དཔག་བསམ་ཡོངས་འདུའི་ལྗོན་པ་ལས། །འདོད་པའི་རེ་བ་ཡོངས་སུ་བསྐོང་བ་བཞིན། །བོད་སྐྱོང་བསྟན་(༢༨ན)

― GLG025_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

མ་མཉེས་བྱེད་ཆོ་ག་ཡིས། །རྣམ་བཞིའི་འཕྲིན་ལས་ལྷུན་གྱིས་ཅིས་མི་འགྲུབ། །རྒྱ་བོད་མཁས་གྲུབ་མ་དྲོས་ཀླུང་ཆེན་ལས། །མདོས་གཏོར་མཆོད་པའི་འཕྲིན་ལས་གདྒཱའི་རྒྱུན། །བློ་ལྡན་ཁྱབ་འཇུག་དགའ་བའི་ཞབས་བསིལ་དུ། །སྦྲེང་ཡང་སྐམ་ངན་བྲག་རྩེར་ག་ལ་འབབ། ཁྱད་པར་ཨྱོན་མཁན་པོ་པདྨ་ཞེས། །འཛམ་གླིང་ཆེ་བའི་རིག་སྔགས་འཆང་བ་དེའི། །ཐུགས་བཅུད་བཀའ་གཏེར་འཕྲིན་ལས་གྲངས་མང་ཡང་། །ཚད་ལྡན་ཤེས་པའི་སྔགས་འཆང་ཉིན་སྐར་ཙམ། །སྐྱེ་མང་རྒྱུད་དང་རིགས་རུས་སྟོབས་འབྱོར་ཁྲིས། །བསྙེམས་པའི་སྔ་འགྱུར་བན་སྔགས་ཕལ་མོ་ཆེ། །མི་སྨྲའི་གཉིད་ལ་གཡུར་ན་ཐ་སྙད་དང་། །རྟོག་གེའི་ཚིག་བཤད་མཁན་གྱི་སྤྱོད་ཡུལ་མིན། །དེ་ཕྱིར་རིགས་ཀུན་ཁྱབ་བདག་མེས་རྣམས་ཀྱིས། །ཟབ་དོན་གདམས་པའི་རིན་ཆེན་ཐོད་བཅིངས་མཐུས། །སྒྲུབ་ཕྲིན་གླིང་བཞི་ཡོངས་ལ་དབང་སྒྱུར་བའི། །རིག་སྔགས་འཆང་བའི་མང་བཀུར་རྒྱལ་སར་སོན། །མ་རིག་འཁྲུལ་པའི་ས་གཞིར་ཉེས་བརྒྱའི་ཤིང་། །རྩ་བ་སྦོམ་པོར་སྐྱེད་དུ་ཡོངས་བསྲིངས་པ། །འཕྲིན་ལས་རྣོན་པོའི་མཚོན་གྱིས་དྲུངས་ཕྱུང་སྟེ། །རང་རིག་ཀུན་བཟང་ཡེ་གྲོལ་མངོན་འགྱུར་ཤོག །དེའང་དཔལ་ཨྱོན་ཆེན་པོའི་ཞལ་ལུང་ལས། ཉེ་བར་འོངས་པའི་ལུང་བསྟན་མང་པོར་བོད་འབངས་ཀྱི་བདེ་ཐབས་སུ་བསྟན་མའི་སྒོས་མདོས་གལ་ཆེ་བར་གསུངས་ཀྱང་དེང་སང་ཧ་ཅང་གི་གྲགས་མི་ཆེ་ཞིང་། ལྷ་བྲག་གཏེར་བྱོན་གྱི་སྒོས་མདོས་སྙིང་པོ་ཙམ་ལས་སྦྱོར་དངོས་རྗེས་གསུམ་མཐའ་དག་མི་གསལ་བ་འདུག་པར་ལུང་བསྟན་དུས་བབ་ཀྱི་རྩོད་བྲལ་གཏེར་སྟོན་(༢༨བ)

― GLG025_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་པའི་སྐུ་འགྲོ་འདུལ་གཏེར་བདག་གླིང་པས་འདི་སྐོར་ལ་ཆོག་སྒྲིགས་བཀླགས་ཆོག་མ་ལྟ་བུ་བྱུང་ན་ལེགས་པ་ཡོད་འདུག་ཅེས་གསུང་གླེང་གནང་བ་དང་རང་ཉིད་ཀྱང་འདྲི་བའི་མདུན་པ་ཡོད་པའི་སྟེང་ཞང་སྣ་དམ་པ་རྡོ་རྗེ་བདུད་འཇོམས་ཀྱི་སྤྲུལ་པའི་སྐུ་མཆོག་བྱང་པ་རིགས་འཛིན་ཆེན་པོའི་ཡང་སྲིད་བློ་བཟང་པདྨ་འཕྲིན་ལས་ཐེག་མཆོག་དབང་གི་རྒྱལ་པོ་ཡོངས་འདུའི་སྡེའི་གསུང་གིས་ཀྱང་བསྐུལ་བ་ལ་བརྟེན་ནས། ཀུན་ཚང་བ་རྒྱས་པ། སེར་བཞག་པ་འབྲིང་པོ། སེར་ཚོས་གཉི་ག་བཞག་པ་བསྡུས་པ་ལོང་སྐབས་དང་སྦྱར་ཆོག་པའི་བོད་སྐྱོང་བསྟན་མ་བཅུ་གཉིས་ཀྱི་མདོས་ཀྱི་འཕྲིན་ལས་དཔྱིད་ཀྱི་རྒྱལ་མོའི་གླུ་དབྱངས་འདི་ནི། ལྷ་བྲག་གཏེར་བྱོན་ལ་གཞི་བྱས། གཏེར་ཁ་གོང་འོག་དང་རཀྴའི་གཏེར་མ་སོགས་ནས་ལེགས་ཆ་བསྡུས། ཅུང་ཟད་ཁ་འགེང་དགོས་པ་རྣམས་ཚིག་སྦྱོར་གསར་དུ་བསྒྲིགས་ཏེ། ཁྱབ་བདག་རྡོ་རྗེ་སེམས་དཔའི་ངོ་བོ་ཟུར་ཆེན་ཆོས་དབྱིངས་རང་གྲོལ་གྱི་བཀའ་དྲིན་ལ་བརྟེན་ནས་ཕྱོགས་འདིར་བློ་གྲོས་ཀྱི་སྣང་བ་དཀར་བའི་ཟ་ཧོར་གྱི་རིགས་ལས་སྔགས་སྨྱོན་གང་ཤར་རང་གྲོལ་གྱིས་ཐུན་མོང་ཞེས་པ་ལྕགས་ཁྱི་ཧོར་ཟླ་དགུ་པའི་དམར་ཆའི་མ་དང་མཁའ་འགྲོ་འདུ་བའི་ཚེས་དགེ་བར་ཕོ་བྲང་ཆེན་པོ་པོ་ཏ་ལར་སྦྱར་བའི་ཡི་གེ་པ་ནི་གནས་བཙུན་འཇམ་དབྱངས་སོ།། །།སརྦ་མངྒ་ལཾ།

དྲང་སྲོང་ཁྱབ་འཇུག་རཱ་ཧུ་ལའི་ལས་བྱང་དུག་མདའ་ནག་པོ་ཞེས་བྱ་བ།

― GLG025_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

དྲང་སྲོང་ཁྱབ་འཇུག་རཱ་ཧུ་ལའི་ལས་བྱང་དུག་མདའ་ནག་པོ་ཞེས་བྱ་བ་བཞུགས་སོ། །

― GLG025_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་ཀུན་གྱི་མཐུ་སྟོབས་ནུས་པའི་ཚོགས། གཅིག་བསྡུས་གསང་བའི་བདག་པོ་རྡོ་རྗེ་འཛིན། །དབྱེར་མེད་དཔལ་ལྡན་རྩ་བའི་བླ་མ་ལ། །སྙིང་ནས་འདུད་དོ་བརྩེ་བའི་སྤྱན་གྱིས་སྐྱོངས། སྲིད་གསུམ་དྲེགས་པ་ཟིལ་མནོན་མཚོ་སྐྱེས་རྗེ། །དྲག་སྔགས་གཏེར་གྱི་སྒོ་འབྱེད་ལས་འབྲེལ་རྩལ། །ཚུལ་འདིར་མཁས་ཤིང་གྲུབ་པ་བརྙེས་པ་ཡི། །རིགས་འཛིན་བླ་མའི་ཚོགས་རྣམས་ཕྱག་གི་ཡུལ། །གང་ཞིག་ལས་ལ་སྦྱར་ན་སྨོས་ཅི་དགོས། །གདེངས་ལྡན་གནད་ཀྱིས་བསྐུལ་བ་ཙམ་གྱིས་ཀྱང་། །དགྲ་དཔུང་ཕྱེ་མར་འཐག་པ་རཱ་ཧུ་ལའི། །ཕྲིན་ལས་དུག་མདའ་ནག་པོ་དེང་འདིར་སྤྲོ། །མཆོད་གཏོར་སྤྱན་གཟིགས་རྫས་རྣམས་བརྒྱུད་ལྡན་གྱི། །འཁྲུལ་མེད་མཐོང་བརྒྱུད་ཕྱག་བཞེས་ལྟར་བཤམས་ནས། །བདག་བསྐྱེད་སྤྱིར་བཏང་དམིགས་གསལ་སྐབས་ཐོབ་རྣམས། །དཔྱོད་ལྡན་མན་ངག་ཇི་བཞིན་ཉམས་སུ་ལོང་། །ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་མདུན་དུ་པད་ཟླའི་སྟེང་། །ཧཱུཾ་ལས་སྣ་ཚོགས་རྡོ་རྗེའི་ལྟེ་བར་ཧཱུཾ། །མཚན་པར་འོད་འཕྲོས་རྡོ་རྗེའི་ས་གཞི་དང་། །ར་གུར་བླ་བྲེ་ཡེ་ཤེས་(༢ན)

― GLG025_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་འབར་བའི། །སྲུང་འཁོར་དབུས་སུ་འཇིགས་རུང་དུར་ཁྲོད་ཆེ། ཁྲག་མཚོ་རྦ་ཀློང་འཁྲུག་དབུས་ཨེ་ལས་ནི། །གྲུ་གསུམ་མཐིང་ནག་མཁའ་མཉམ་ལྟེ་བ་ལ། བཾ་རཾ་ཨ་ནྲྀ་ཏྲི་ལས་པདྨ་དང་། །ཉི་ཟླ་དགྲ་བགེགས་གན་རྐྱལ་བསྣོལ་བའི་སྟེང་། །དུ་བའི་མདོག་ཅན་ཏྲི་ལས་འོད་འཕྲོས་པས། །དགྲ་བགེགས་ཚར་བཅད་ཚུར་འདུས་ཏྲིར་ཐིམ་པས། །གཟའ་བདུད་དུད་ཁ་ཞལ་དགུའི་སྟེང་དབུས་དཀར། །བྱ་རོག་མགོ་བཅས་ཞལ་རེར་དམར་ཟླུམ་སྤྱན། །སུམ་ལྡན་རལ་པ་དམར་སེར་གནམ་ས་ཁྱབ། །ཐོད་སྐམ་ལྔ་པ་རིན་ཆེན་རྩེ་ཕྲན་ཅན། །ཆུ་སྲིན་རྒྱལ་མཚན་རལ་གྲིའི་ཡུ་བ་ཅན། །གཡས་འཛིན་གཡོན་པར་སྦྲུལ་ཞགས་འོག་མ་གཉིས། །མདའ་གཞུ་འགེང་ཞིང་དུག་མདའ་དགྲ་ལ་འཕེན། །སྐུ་སྨད་དུག་སྦྲུལ་འཁྱིལ་ཞིང་འཇིགས་པའི་ཁ། །ལྟོ་བར་རབ་འགྲད་སྐུ་ལ་སྤྱན་སྟོང་མཛེས། །ཧ་ཧ་ཧཱུཾ་ཧཱུཾ་ཕཊ་ཕཊ་ཕེཾ་ཕེཾ་སྒྲ། །ཞལ་ནས་རབ་སྒྲོག་དགྲ་བོ་ཆེཾ་ཆེཾ་གསོལ། །གར་དགུའི་ཉམས་ལྡན་ཆེ་ཞིང་ཡན་ལག་རགས། །ཉི་མ་འབུམ་གྱི་གཟི་འོད་ལས་ལྷག་སྐུར། །སྦྲུལ་གྱི་དོ་ཤལ་ཆུན་པོ་སེ་རལ་ཁ། །མི་མགོའི་དོ་ཤལ་དར་ནག་རིན་ཆེན་རྒྱན། །(༢བ)

― GLG025_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ལྤགས་གཡང་གཞི་སྟག་ལྤགས་ཤམ་ཐབས་གསོལ། ཁམས་གསུམ་ཡོངས་སུ་ཁེངས་པར་བཞུགས་པའི་གཡས། ཁྲག་མཚོ་རུས་ཁྲིར་རྡོ་རྗེ་སྲིན་པོ་ཡབ། །ཟླ་གམ་རཀྟར་རྡོ་རྗེ་གློག་འགྱུ་ཡུམ། །ཡབ་ཡུམ་སྲས་གསུམ་ནུབ་དང་ཤར་ལྷོ་བྱང་། །ལྷོ་ནུབ་ཤར་དང་ནུབ་བྱང་ལྷོ་དང་ནི། །བྱང་ཤར་རྣམས་སུ་གདུག་ཅན་གདན་སྟེང་ན། །ལྗང་སྔོན་ཆེན་པོ་དྲང་སྲོང་དཀར་སེར་དང་། །བདུད་པོ་རོག་ཏི་བིཥྚི་པ་ཏྲ་དང་། །བིཥྩི་རཱ་ཛ་དུ་བ་མཇུག་རིང་དང་། ཁྱབ་འཇུག་ཆེན་པོ་སྒྲ་གཅན་འཛིན་པ་སྟེ། །ནང་གི་གཟའ་ཆེན་རྣམས་དང་ཕྱོགས་བཞི་ན། །སྟག་སྲིན་ཟོར་གདོང་བམ་སྲིན་དྲེད་ཀྱི་གདོང་། །ཀོང་སྲིན་གླང་གདོང་འབྲོག་སྲིན་ཆུ་སྲིན་གདོང་། །གདོང་མོ་བཞིར་བཅས་དེ་དག་ཕྱི་རོལ་ཏུ། །ཉི་མ་ཟླ་བ་ལ་སོགས་གཟའ་ཆེན་བརྒྱད། །བདུད་དང་གཤིན་རྗེ་ལ་སོགས་ལྷ་སྲིན་བརྒྱད། །ཚངས་པ་བརྒྱ་བྱིན་ལ་སོགས་ལྷ་ཆེན་བརྒྱད། །དགའ་པོ་འཇོག་པོ་ལ་སོགས་ཀླུ་ཆེན་བརྒྱད། །སྨིན་དྲུག་ལ་སོགས་རྒྱུ་སྐར་ཉི་ཤུ་བརྒྱད། །ཕྱོགས་སྐྱོང་བཅུ་དང་ནག་པོ་སྟོང་གི་ཚོགས། །ཤ་ཟ་འབུམ་སྡེ་མ་མོ་བྱེ་བ་དང་། །ལྷ་དམག་བྱེ་བ་དུང་ཕྱུར་ལ་སོགས་པ། །མདོར་ན་སྲིད་གསུམ་འབྱུང་པོའི་དམག་ཚོགས་བཅས། །ཤ་དགའ་ཁྲག་སྲེད་དབུགས་རྔུབ་རོ་ལ་འཇིབ། ཁྲོ་གཏུམ་ཆ་ལུགས་ཆོ་འཕྲུལ་ཅིར་ཡང་སྟོན། །སྲིད་གསུམ་ཐལ་བར་རློག་པའི་མཐུ་སྟོབས་ཅན། །འཁོར་གྱིས་ཡོངས་བསྐོར་གཙོ་འཁོར་ཐམས་ཅད་ཀྱི། །གནས་གསུམ་ཡི་གེ་གསུམ་གྱིས་མཚན་པར་གྱུར། །རང་གྱི་ཐུགས་ཀ་ལས་བྱུང་འོད་འཕྲོས་པས། །གར་བཞུགས་གནས་ནས་གཟའ་བདུད་རཱ་ཧུ་ལ། །འཁོར་བཅས་རྩ་བརྒྱུད་བླ་མའི་དམ་ཚིག་རྣམས། །དྲན་པ་ཙམ་(༣ན)

― GLG025_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་སྔགས་འཆང་བདག་ཅག་གི །ལས་རྣམས་བསྒྲུབ་ཕྱིར་གནས་འདིར་གཤེགས་སུ་གསོལ། །བཛྲ་ས་མ་ཡ་ཛཿ ཧྲི་ཤག་ཏུ་ར་ག་རཾ་ན་གེ་ཙིཏྟ་ཏྲཾ་མ་ཡོང་ཟ་འགྲི་ཧ་ཧི་ཀེ་ཤེ་ལ་ཛཿཛཿ ས་མ་ཡ་ཛཿཛཿ སྤྱན་འདྲེན་པ་ནི། །ཧཱུཾ་ཀུན་བཟང་སྦྲུལ་པ་ཕྱག་ན་རྡོ་རྗེ་ཡི། །ཕོ་ཉ་ཞིང་བཅུའི་དགྲ་བོ་འདུལ་བ་ལ། །འཇིག་རྟེན་འདི་ན་འགྲན་ཟླ་མེད་པའི་སྐུ། །ཆོས་ཀྱི་དབྱིངས་ནས་སྤྱན་འདྲེན་གཤེགས་སུ་གསོལ། །གནམ་ལྕགས་རྩེ་ནས་སྤྱན་འདྲེན་༴ དུར་ཁྲོད་གནས་ནས་༴ འཇིགས་པའི་གཟའ་མཆོག་༴ མཐོང་བའི་དུག་ཅན་༴ རེག་པའི་དུག་ཅན་༴ ཁ་རླངས་དུག་ཅན་༴ ཁྱབ་འཇུག་ཆེན་པོ་༴ སྤྲུལ་པའི་གཟའ་བརྒྱད་༴ སྐར་ཆེན་བོད་ཀར་༴ དུ་བ་མཇུག་རིང་༴ ལྗང་སྔོན་ཆེན་པོ་༴ མ་རུ་ཙེ་ཉིད་༴ གདོང་མོ་མཆེད་བཞི་༴ རྒྱུ་སྐར་ཉེར་བརྒྱད་༴ ལྷ་སྲིན་སྡེ་བརྒྱད་༴ བཀའ་ཉན་འཁོར་ཚོགས་༴ ཨཱོ་རཱ་ཧུ་ལ་གྷྲྀཧྞ་ཨཱ་གཙྪ་ཡ་ཧཱུཾ་ཛཿ བཞུགས་སུ་གསོལ་བ་ནི། ཐོགས་མེད་དྲག་རྩལ་རྫུ་འཕྲུལ་མངའ་བའི་ལྷ། །འབར་བའི་གདན་ལ་དགྱེས་པར་བཞུགས་སུ་གསོལ། །རཱ་ཧུ་ལ་ས་མ་ཡ་ཏིཥྛལྷན། །ཕྱག་འཚལ་བ་ནི། །མངོན་སྤྱོད་ཕྲིན་ལས་བསྒྲུབ་པའི་བསྟན་སྲུང་ཆེ། །དྲག་པོ་རཱ་ཧུ་ལ་ལ་ཕྱག་འཚལ་ལོ། །རཱ་ཧུ་ལ་ཨ་ཏི་པུ་ཧོཿ པྲ་ཏཱི་ཙྪ་ཧོཿ སྨན་རག་གཏོར་གསུམ་ནི། གཟའ་མཆོག་རྒྱལ་པོ་སྤྲུལ་པ་ཡང་སྤྲུལ་དང་། །འཁོར་བཅས་དམ་རྫས་བདུད་རྩི་ཨ་མྲྀ་ཏ། །དམར་ཆེན་རཀྟའི་གཏོར་མ་འདི་བཞེས་ལ། །དབང་དང་དངོས་གྲུབ་སྩོལ་ལ་དགྲ་ཡུལ་དུ། །ཐོག་སེར་ཕོབ་ཅིག་སྲོག་སེར་སྐྱིན་ཐང་གི །ལས་རྣམས་མཐར་ཕྱིན་སྒྲུབ་པའི་(༣བ)

― GLG025_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲིན་ལས་མཛོད། །རཱ་ཧུ་ལ་སརྦ་པཉྩ་ཨ་མྲྀ་ཏ་ཁཱ་ཧི། །རཱ་ཧུ་ལ་མ་ཧཱ་རཀྟ་ཁཱ་ཧཱི། བསྐང་བ་ནི། ཧཱུཾ། ཁྱབ་འཇུག་ཆེན་པོ་འཁོར་བཅས་ཀྱི། །སྤྱན་གྱི་དབང་པོ་ཚིམ་བྱའི་ཕྱིར། །མེ་ཏོག་སྟོང་གིས་ཐུགས་དམ་བསྐང་། །སྙན་གྱི་དབང་པོ་ཚིམ་བྱའི་ཕྱིར། །གླུ་གར་རོལ་མོས་༴ ཤངས་ཀྱི་དབང་པོ་༴ གསུར་ཆེན་དུད་པས་༴ ལྗགས་ཀྱི་དབང་པོ་༴ མཾ་ས་ཤ་ཡིས་༴ ཐུགས་ཀྱི་དབང་པོ་༴ རོལ་མོ་སྒྲ་ཡིས་༴ རྟག་ཏུ་མི་འབྲལ་འགྲོགས་པའི་ཕྱིར། །རྟག་གཏོར་ཆེན་པོས་༴ རྒྱུན་དུ་འཕྲིན་ལས་འཆོལ་བའི་ཕྱིར། །རྒྱུན་གཏོར་ནར་མས་༴ གནས་ཀྱི་དམ་རྫས་ཡིན་པའི་ཕྱིར། །ཐོད་མཁར་འབར་བས་༴ བཞུགས་པའི་དམ་རྫས་ཡིན་པའི་ཕྱིར། ཉི་ཟླ་པདྨས་༴ མཐུན་པའི་དམ་རྫས་ཡིན་པའི་ཕྱིར། །རཀྟ་དམར་གྱིས་༴ དམ་ཚིག་གཅིག་ཏུ་བསྲེ་བའི་ཕྱིར། །བདུད་རྩི་སྨན་གྱིས་༴ དམ་ཉམས་དགྲ་བོ་གསོད་པའི་ཕྱིར། །ཙིཏྟ་སྙིང་གིས་༴ དགྲ་བགེགས་ཤ་ལ་ཟ་བའི་ཕྱིར། །མཾ་ས་ཤ་ཡིས་༴ དབང་པོ་སྣ་ལྔས་༴ གོ་རོ་ཙ་ནས་༴ ཀེང་རུས་ཚིགས་ཆེན་༴ ནང་ཁྲོལ་སྣ་ལྔས་༴ ཚིལ་ཆེན་སྣང་གསལ་༴ བྱང་སེམས་དཀར་དམར་༴ བྷ་ལིང་གཏོར་མས་༴ ཛ་གད་ཕུད་ཀྱིས་༴ བདུད་རྩི་སྣ་ལྔས་༴ ཁྲག་སྣ་ལྔ་ཡིས་༴ ཆུ་སྣ་ལྔ་ཡིས་༴ འདོད་ཡོན་གཏོར་མས་༴ དེ་ལྟར་བསྐང་བ་གསོ་གསོ་ནས། །རྣམ་འབྱོར་ཉམས་ཆགས་སྐོང་གྱུར་ཅིག །བསྟོད་པ་ནི། །ཧཱུཾ ལྷུན་གྲུབ་སྐུ་གསུམ་རོལ་པའི་ངང་ཉིད་ལས། །དགྲ་བགེགས་སྲོག་རྩ་དམར་འབྱིན་ཁྲོ་གཏུམ་ཅན། །དྲེགས་པ་ཀུན་གྱི་ནང་ནས་རྫུ་འཕྲུལ་གྱི། །ཟླ་བྲལ་གཟའ་བདུད་རཱ་ཧུ་ལ་ལ་(༤ན)

― GLG025_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟོད། །འཇིགས་རུང་བཟོད་བར་དཀའ་བའི་དུར་ཁྲོད་ནང་། །དམར་ནག་རྦ་ཀློང་འཁྲུག་པའི་ཁྲག་མཚོའི་དབུས། །ལྷུན་པོ་ལྟ་བུའི་མི་སྡུག་སྲིན་པོའི་གཟུགས། །རབ་འབར་བསྐལ་བའི་མེ་དཔུང་གྱོན་ལ་བསྟོད། །དམར་ཟླུམ་མིག་སྟོང་བལྟ་བས་ལེགས་ཉེས་འབྱེད། ཁ་གདངས་ཉི་མ་ཟླ་བ་ལྟོ་རུ་ཟ། །རྣོ་ངར་མཚོན་གྱིས་བརྣག་པའི་དགྲ་སྙིང་འབིགས། །དུག་སྦྲུལ་ཞགས་པས་ལོག་འདྲེན་འཆིང་ལ་བསྟོད། །ཚ་གྲང་འཐབ་པའི་རྐན་རྡེབ་དུག་རླངས་འཕྱོ། །གནམ་ལྕགས་མེ་ཡི་ཐོག་འབེབས་སེར་བ་གཏོང་། །དགྲ་དཔུང་ཡུལ་བཅས་ཕྱེ་མར་འཐག་བྱེད་པའི། །སྲིད་གསུམ་རྣམ་པར་རྒྱལ་བ་ཁྱོད་ལ་བསྟོད། ཁྱོད་ཀྱི་འཁོར་ན་ཕྱི་ནང་གསང་བ་ཡི། །གཟའ་ཆེན་བརྒྱད་དང་གདོང་མོ་རྣམ་པ་བཞི། །ལྷ་སྲིན་སྡེ་བརྒྱད་སྲིད་གསུམ་འབྱུང་པོ་ཡི། །གྲངས་མེད་དམག་ཚོགས་འཁོར་དང་བཅས་ལ་བསྟོད། །དེ་ནས་བསྐུལ་ཞིང་འཕྲིན་ལས་བཅོལ་བ་ནི། ཧཱུཾ། ཀིཾ་ཀང་རོག་ཏི་མགོ་དགུ་བྱ་རོག་དབུ། །མགོ་བརྒྱད་གཟའ་ཆེན་བརྒྱད་དེ་གྲི་རྒོད་དང་། །དྲང་སྲོང་ནད་དང་སེར་ཆེན་གློ་བུར་འཁྲུག །འཇིག་རྟེན་འཁྲུག་དང་ལྷ་སྲིན་མ་ལུས་དང་། །སྲོག་གཅོད་མུ་གེ་ནད་ཡམས་ཀིཾ་ཀང་བརྒྱད། །ལོག་འདྲེན་དགྲ་ལ་འབེབས་པའི་དུས་ལ་བབ། །དམ་རྫས་རྒྱན་གྱི་མཆོད་པ་འདི་བཞེས་ལ། །རྣལ་འབྱོར་བཅོལ་བའི་འཕྲིན་ལས་སྒྲུབ་པར་མཛོད། །ཧྲཱིཿ སྲིན་པོའི་གཟུགས་ཅན་མགོ་དགུ་རོ་སྨད་སྦྲུལ། །སྣ་ཚོགས་མཚོན་འཛིན་གནམ་ལྕགས་ཐོག་ཆེན་གྱིས། །དགྲ་བོ་མ་ལུས་གསོད་པའི་མཐུ་བོ་ཆེ། །ལྷོ་ནུབ་མཚམས་ནས་སྐུ་བཞེངས་ཟླ་རྗེས་སྤྱོད། །ཤར་དུ་བརྒྱུ་ཞིང་བྱང་ཤར་མཚམས་ནས་ནི། །སྐུ་བཞེངས་ཉི་མའི་རྗེས་སྤྱོད་ནུབ་ཏུ་བརྒྱུ། །ཉིན་(༤བ)

― GLG025_Page_0614 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་བརྒྱུ་བས་མཚམས་བཞི་ཕྱོགས་བཞི་འཇོམས། །དུས་ཚོད་ཚེས་གྲངས་འབྱུང་བ་ལྔ་ཡི་བདག །སྡེ་བརྒྱད་བྲན་འཁོལ་འཇིག་རྟེན་ཁམས་ཀུན་འཁྲུག །ལོ་ཉེས་འཁྲུག་པ་ཐོག་སེར་འབེབས་ཤིང་གཏོང་། །མདུན་དུ་སུ་བྱུང་ཁྱུར་མིད་གཏོང་བྱེད་པའི། །འཇིག་རྟེན་འདི་ན་ཟླ་བྲལ་མཐུ་རྩལ་ཅན། །སྔོན་གྱི་ཁས་བླངས་དམ་བཅའ་མ་བསྙེལ་བར། །དམ་རྫས་༴ རྣལ་འབྱོར་༴ ཧྲཱིཿ ལྗང་སྔོན་ཆེན་པོ་དྲང་སྲོང་དཀར་སེར་དང་། །བདུད་པོ་རོག་ཏི་བིཥྚི་པ་ཏྲ་ཆེ། །བིཥྞུ་ར་ཛ་དུ་བ་མཇུག་རིང་དང་། ཁྱབ་འཇུག་ཆེན་པོ་སྒྲ་གཅན་འཛིན་པ་སྟེ། །གཟའ་ཆེན་བརྒྱད་ཀྱི་ཐུགས་དམ་དུས་ལ་བབ། །སྔོན་གྱི་ཁས་བླངས་༴ དམ་རྫས་༴ རྣལ་འབྱོར་༴ ཕྱོགས་བཅུ་ནམ་མཁའ་ཡངས་པའི་དཀྱིལ་འཁོར་ནས། །སྦས་ཤིང་གབ་པའི་གདོང་མོ་མཆེད་བཞི་ནི། །ནམ་མཁའི་དབྱིངས་ནས་འབྲུག་གི་སྒྲ་སྒྲོག་ཅིང་། །བར་སྣང་ཁམས་ནས་དྲག་པོའི་གློག་འཁྱུག་པ། །རི་རབ་རྩེ་ནས་གནམ་ལྕགས་ཐོག་ཆེན་འབེབས། །སྲིང་མོ་གདོང་མོ་མཆེད་བཞིའི་དུས་ལ་བབ། །སྔོན་གྱི་ཁས་བླངས་༴ དམ་རྫས་༴ རྣལ་འབྱོར་༴ འཛམ་གླིང་ཕྱོགས་མཚམས་ནམ་མཁའི་དཀྱིལ་ཡངས་ནས། །བར་སྣང་ཁམས་ལ་དབང་སྒྱུར་གཟའ་ཆེན་བརྒྱད། །རྒྱུ་སྐར་ཉི་ཤུ་རྩ་བརྒྱད་ལ་སོགས་ཏེ། །སྤྲུལ་པ་ཡང་སྤྲུལ་འཁོར་དང་བཅས་པ་རྣམས། །ལོག་འདྲེན་དགྲ་བགེགས་འདུལ་བའི་དུས་ལ་བབ། །ཞི་རྒྱས་དབང་དྲག་འཕྲིན་ལས་བསྒྲུབ་པའི་ཕྱིར། །སྔོན་གྱི་༴ དམ་རྫས་༴ རྣལ་འབྱོར་༴ ཆད་མཐོ་ནི། །སྨན་རག་སྦྲན་ལ། །ཧཱུཾ། སྔོན་ཚེ་སློབ་དཔོན་པདྨ་ཡིས། །སིནྡྷུ་རྒྱ་མཚོའི་མཚོ་གླིང་དུ། །ནམ་མཁའི་གཟའ་རྣམས་དམ་ལ་བཏགས། །བཀའ་(༥ན)

― GLG025_Page_0615 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་གཏོར་མ་འདི་ལོང་ལ། །བཅོལ་བའི་འཕྲིན་ལས་བསྒྲུབ་པར་མཛོད། །ཧཱུཾ། ཡར་སྟོད་ཤམྦྷུ་གངས་ཀྱི་ར་བ་རུ། །རིགས་འཛིན་ཆེན་པོ་ཀུ་མཱ་རཱ་ཛ་དང་། །རྫོགས་ཆེན་རྣལ་འབྱོར་ཀློང་ཆེན་རབ་འབྱམས་ཀྱིས། །ཡེ་ཤེས་ཐིག་ལེའི་དཀྱིལ་འཁོར་ཞལ་ཕྱེ་ཚེ། །མངའ་བདག་གཟའ་རྣམས་མ་ལུས་ཐམས་ཅད་ཀྱིས། །སོ་སོའི་གཟུགས་མཆོག་དམ་པ་བསྟན་ནས་ཀྱང་། །སྒྲུབ་པ་པོ་ལ་དངོས་གྲུབ་སྟེར་བ་དང་། །བཀའ་ཡི་གཏོར་མ་ལེན་པར་མ་ཆད་དམ། །རྣལ་འབྱོར་ཚེ་སྲོག་བསྲིང་བར་མཆད་དམ། །བཅོལ་བའི་འཕྲིན་ལས་བསྒྲུབ་པར་མ་ཆད་དམ། །སྔོན་ཚེ་ཞལ་བཞེས་དམ་ལས་མ་འདའ་བར། །ཤ་ཁྲག་རྒྱན་གྱི་གཏོར་མ་འདི་བཞེས་ལ། །རྣལ་འབྱོར་བཅོལ་བའི་འཕྲིན་ལས་སྒྲུབ་པར་མཛོད། །ཅེས་གཏོར་མ་སྐབས་ཐོབ་དང་སྦྱར་ཏེ་སྐྱེལ། དེ་ནས་བྲིས་སྐུ་སོགས་ཡོད་ན་བརྟན་བཞུགས་སྨོན་ལམ་མཇུག་ཆོག་རྣམས་བྱའོ། །དེ་ལྟར་དྲང་སྲོང་ཁྱབ་འཇུག་ནག་པོ་ཡི། །ལས་བྱང་ཆད་ལྷག་མེད་ཅིང་ཁྱེར་བདེ་འདི། །རྒྱལ་བའི་བསྟན་པ་བསྲུང་བའི་བཙས་སུ་བཀོད། །སྐལ་མེད་ལོག་ལྟ་ཅན་ལ་གསང་བའི་རྒྱ། །དྲང་སྲོང་ཁྱབ་འཇུག་རཱ་ཧུ་ལའི་འཕྲིན་ལས་དུག་མདའ་ནག་པོ་ཞེས་བྱ་བ་འདིའང་། ཕན་བདེ་ལེགས་བཤད་གླིང་པ་རྣམས་ཀྱི་རྒྱུན་འཁྱེར་དུ་བདེ་བའི་ཆེད། ཆོས་སྐྱོང་འདི་ཉིད་ཉེ་བར་བསྙེན་ཅིང་བསྒྲུབ་པའི་རིག་སྔགས་འཆང་བའི་བརྒྱུད་དུ་སོན་པ་ཟིལ་གནོན་དྲག་རྩལ་རྡོ་རྗེས་ཆུ་ཕོ་རྟ་ལོ་ཁྲུམས་ཀྱི་ཟླ་བའི་དམར་ཕྱོགས་ཀྱི་གྲལ་ཚེས་ལ་ཉེ་བར་བཀོད་པའི་ཡི་གེ་པ་ནི་ངག་དབང་དགེ་ལེགས་སོ། །སརྦ་མངྒ་ལཾ།།

ཁྱབ་འཇུག་རྟེན་མདོས་ཀྱི་འཕྲིན་ལས་དྲང་སྲོང་ཀུན་ཏུ་དགའ་བའི་ཟློས་གར།

― GLG025_Page_0617 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་འཇུག་རྟེན་མདོས་ཀྱི་འཕྲིན་ལས་དྲང་སྲོང་ཀུན་ཏུ་དགའ་བའི་ཟློས་གར་བཞུགས་སོ། །

― GLG025_Page_0618 ―

^{[མ་དཔེ་གཟིགས་ན་འདིར་གནོན།]}

[Full Size]

དྲེགས་འདུལ་གསང་བདག་ངོ་བོ་ཐོད་འཕྲེང་རྩལ། །ཟབ་གཏེར་སྒོ་འབྱེད་རིན་ཆེན་ཚུལ་རྡོར་སོགས། །རྩ་གསུམ་ཀུན་འདུས་ངོ་བོར་གུས་བཏུད་ནས། ཁྱབ་འཇུག་རྟེན་མདོས་ཁ་སྐོང་རིམ་པ་འདྲི། །དེ་ལ་འདིར་གཟའ་བདུད་ཆེན་པོ་དུག་གི་སྤུ་གྲི་ཁྱབ་འཇུག་རཱ་ཧུ་ལའི་རྟེན་མདོས་ཀྱི་རིམ་པ་ལ། དྲེགས་འདུལ་གཤིན་རྗེ་སོགས་ཡི་དམ་གྱི་ལྷ་གང་ཡང་རུང་བའི་འཕྲིན་ལས་ཀྱི་གཞུང་བསྲངས། འཛབ་བཟླས། དེ་ནས་མདོས་བྱིན་གྱིས་བརླབ་པ་ལ་ཤེས་པ་རྣམ་པ་བཞི་ལས། རི་རབ་གཞལ་ཡས་སུ་ཤེས་པ་ནི། སྔོན་དུ་ཕུར་པ་གཤིན་རྗེ་སོགས་ཡི་དམ་གཞན་གྱི་གཞུང་བསྲངས་ན། བདག་སྐྱེད་བསྒྱུར་བ་ནི། སྟོང་པའི་ངང་ལས་སྐད་ཅིག་གིས༔ ཉི་ཟླ་པདྨའི་གདན་སྟེང་དུ༔ ཧཱུཾ་ལས་བདག་ཉིད་གཏུམ་པོ་ནི༔ ཤིན་ཏུ་ཁྲོས་པ་སྲིན་པོའི་གཟུགས། །གདུག་པའི་སྟེང་ན་བརྐྱང་བསྐུམ་བཞུགས༔ མཐིང་ནག་རྔམ་པས་ཕྱག་གཡས་རྡོ་རྗེ་འཕྱར༔ གཡོན་པ་སྡིགས་མཛུས་མཛད་པས་ཁྱུང་གི་བྱ་ཁྲ་འགྱེད༔ འདར་རྒྱལ་ཞལ་ལ་རྔམ་པས་མཆེ་བ་གཙིགས༔ སྤྱན་གསུམ་གདངས་པས་བསྐལ་པ་མེ་ལྟར་འབར༔ སྨ་ར་ཨག་ཚོམས་སྨིན་(༢ན)

― GLG025_Page_0619 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བཞིན་དུ་བསྡུས༔ ཞལ་གདངས་ལྗགས་འདྲིལ་ཁྲོ་གཉེར་རབ་ཏུ་བརྗིད༔ དབུ་སྐྲ་ཁམ་ནག་གྱེན་བརྫེས་སྦྲུལ་གྱིས་བརྒྱན༔ རིགས་ལྔས་དབུ་བརྒྱན་དུར་ཁྲོད་ཆས་བརྒྱད་གསོལ༔ མེ་དཔུང་དཀྱིལ་བཞུགས་ཐུགས་ཀར་ཉི་མའི་སྟེང་༔ རྡོ་རྗེའི་ལྟེ་བར་ཧཱུཾ་ལ་སྔགས་ཀྱིས་བསྐོར༔ གཡས་སུ་འཁོར་བར་བསམ་ཞིང་སྔགས་འདི་བཟླས༔ ཨཱོཾ་ཙཎྜ་མ་ཧཱ་རོ་ཥ་ཎ་ཧཱུཾ་ཕཊ༔ ག་རུ་ཌ་ཙ་ལེ་ཙ་ལེ་ཧཱུ་ཾཕཊ༔ ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་མདུན་དུ་པད་ཟླའི་སྟེང་དུ་ཧཱུཾ་ལས་སྣ་ཚོགས་རྡོ་རྗེའི་ལྟེ་བར་ཧཱུཾ་གིས་མཚན་པ་ལས་འོད་ཟེར་འཕྲོས་པས། རྡོ་རྗེའི་ས་གཞི་ར་བ་དྲ་བ་གུར་བླ་བྲེ། ཡེ་ཤེས་ཀྱི་མེ་དཔུང་འབར་བའི་སྲུང་བའི་འཁོར་ལོའི་ནང་དུ་ཆུད་པའི་ནམ་མཁའ་རླུང་ཆུས་སྟེ་འབྱུང་བ་རིམ་གྱི་བརྩེགས་པའི་སྟེང་དུ། རྟེན་མདོས་རི་རབ་ནག་པོ་བང་རིམ་གསུམ་པ། ཐོད་པ་རིན་པོ་ཆེ་ལས་གྲུབ་པའི་གཞལ་ཡས་ཁང་མི་མགོའི་ཏོག་དང་ཞིང་ལྤགས་ཀྱི་རྒྱལ་མཚན། རྒྱུ་རློན་དང་དུག་སྦྲུལ་གྱི་དྲ་བ་དང་གློ་སྙིང་མཁལ་མཆིན་ཡན་ལག་གི་དྲ་ཕྱེད། རུས་པའི་པུར་ཤུ་དང་མདའ་ཡབ་སོགས་དུར་ཁྲོད་ཀྱི་རྫས་སྣ་ཚོགས་ལས་གྲུབ་པ་འཇིགས་ཤིང་སྐྱི་གཡའ་བ། (༢བ)

― GLG025_Page_0620 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་རླུང་འཚུབ་པའི་ཕོ་བྲང་ཆེན་པོ་ཁྲག་གི་རྒྱ་མཚོ་རྦ་ཀློང་འཁྲུག་པའི་དབུས་སུ། ཨེ་ལས་གྲུ་གསུམ་མཐིང་ནག་ནམ་མཁའ་དང་མཉམ་པའི་ལྟེ་བར། པཾ་ལས་སྣ་ཚོགས་པདྨ། རཾ་ལས་ཉི་མ། ཨ་ལས་ཟླ་བ། ནྲྀ་ལས་དགྲ་བགེགས་ཕོ་མོ་གན་རྐྱལ་དུ་བསྣོལ་བར་གྱུར། དྲེགས་པའི་གཟུགས་ཅན་ཕོ་ཉ་ལས་བྱེད་དུ་ཤེས་པ་ནི། གདན་གྱི་སྟེང་དུ་ཏྲི་དུ་བའི་མདོག་ཅན་དེ་ལས་འོད་ཟེར་འཕྲོས་པས་དགྲ་བགེགས་ཐམས་ཅད་ཚར་བཅད་ཚུར་འདུས་ཏྲི་ལ་ཐིམ། དེ་ཡོངས་སུ་གྱུར་པ་ལས། སྤྲུལ་པའི་གཟའ་བདུད་རཱ་ཧུ་ལ་སྐུ་མདོག་དུད་ཀ །མགོ་དགུ་བྱ་རོག་མགོ་དང་བཅུའི་ཞལ་རེ་རེ་ལ་སྤྱན་གསུམ་གསུམ་དང་ལྡན་པ། གཡས་པ་ཆུ་སྲིན་གྱི་རྒྱན་མཚན་རལ་གྲིའི་ཡུ་བ་བྱས་པ་འཕྱར་བ། གཡོན་པ་སྦྲུལ་ཞགས་མདའ་གཞུ་འགེང་བ། དུག་མདའ་དགྲ་ལ་འཕེན་ཞིང་། སྐུ་སྨད་དུག་སྦྲུལ་འཁྱིལ་བ། སྐུ་ལ་སྤྱན་སྟོང་གི་ཁྲག་མིག་མཛེས་པ། མི་ལྤགས་ཀྱི་གཡང་གཞི་དང་། སྦྲུལ་ནག་གི་སེ་རལ་ཁ་དང་དོ་ཤལ་ཆུན་བུ་དར་ནག་དང་རིན་པོ་ཆེས་བརྒྱན་པ། དབུ་རེ་རེ་ལ་ཐོད་པ་སྐམ་པོ་ལྔ་ལྔ་དང་རིན་པོ་ཆེའི་རྩེ་བྲན་གྱིས་བརྒྱན་པ། ཞལ་ནས་ཧ་ཧ་དང་ཧཱུཾ་ཧཱུཾ་དང་། ཕཊ་ཕཊ་ཕེ་ཾཕེ་ཾགྱི་སྒྲ་སྒྲོག་ཅིང་། དམ་ཉམས་དགྲ་བོ་ཞལ་དུ་ཆེམ་ཆེམ་གསོལ་བ། སྐུ་ཆེ་ལ་ཡན་ལག་རགས་པ། གར་དགུའི་ཉམས་དང་ལྡན་ཞིང་ཉི་མ་འབུམ་གྱི་གཟི་བརྗིད་ལས་ལྷག་པ། སྐུ་ཁམས་གསུམ་ཡོངས་ཁེངས་པར་བཞུགས་པའི་གཡས་སུ། ཁྲག་མཚོ་རུས་པའི་ཁྲི་སྟེང་དུ། ཛ་ལས་ཡབ་རྡོ་རྗེ་སྲིན་པོ་སྔོ་ནག་ཞལ་གསུམ་གསུམ་དགུ་པ་ཕྱག་གཡས་གཡོན་ན་དབྱུག་ཏོ་དང་། ཁྲག་མཚོ་བསྣམས་པ། ཞེ་སྡང་འབར་བའི་ཀློང་(༣ན)

― GLG025_Page_0621 ―

^{[མ་དཔེ་གཟིགས་ན་འདིར་གནོན།]}

[Full Size]

ན་བཞུགས་པའོ༔ གཡོན་དུ་ཟླ་གམ་རཀྟའི་དཀྱིལ་འཁོར་དུ། ཕུ་ལས་ཡུམ་རྡོ་རྗེ་གློག་འགྱུ་དམར་ནག་དབུ་དགུ་རྔམ་བརྗིད་ལ་ཁྲོས་པ། སྦྲུལ་ཞགས་ཁྲག་མཚོ་འཛིན་པ། འདོད་ཆགས་འཁོལ་བའི་ཀློང་ན་བཞུགས་པའོ༔ དེ་རྣམས་ཀྱི་ཕྱོགས་མཚམས་སུ་གདུག་པ་ཅན་རྣམས་ཀྱི་གདན་ལ། ནུབ་ཏུ་ཡ་ལས་ལྗང་སྔོན་ཆེན་པོ་ལྗང་ནག་ཞགས་པ་དང་ལྕགས་སྒྲོག་འཛིན་པ། མ་མོ་རོལ་པའི་དབུས་ན་བཞུགས་པའོ༔ ཤར་ལྷོར་ཙེ་ལས་དྲང་སྲོང་དཀར་སེར་ཕྱག་གཉིས་སྦྲུལ་ཞགས་དང་ཏྲི་ཤུ་ལ་འཛིན་པ། དགྲ་ལྷའི་དམག་ཚོགས་ཀྱིས་བསྐོར་བའོ༔ བྱང་དུ་དུ་ལས་བདུད་པོ་རོག་ཏི་མཐིང་ནག་སྦྲུལ་དང་བདུད་ཞགས་འཛིན་པ་བདུད་དམག་འབུམ་གྱིས་བསྐོར་བའོ༔ ལྷོ་ནུབ་ཏུ་ཙ་ལས་སྲིན་པོ་བིཤྚི་པ་ཏྲ་དམར་པོ་ཕྱག་ན་སྦྲུལ་དང་གྲི་ཆེན་བསྣམས་པ་སྲིན་པོའི་ཚོགས་ཀྱིས་བསྐོང་ནས་བཞུགས་པའོ༔ ཤར་དུ་ཨ་ལས་བིཥྞུ་རཱ་ཛ་དུད་ཀ་ཆུ་སྲིན་དང་སྟག་མགོ་འཛིན་པ་དགྲ་ལྷའི་དམག་ཚོགས་ཀྱིས་བསྐོར་ནས་བཞུགས་པའོ༔ ནུབ་བྱང་དུ་ན་ལས་དུ་བ་མཇུག་རིང་མཐིང་ནག་ཕྱག་ན་སྤུ་གྲི་དང་དབྱུག་ཏོ་འཛིན་པ་གཤིན་རྗེའི་དམག་ཚོགས་ཀྱིས་བསྐོར་ནས་བཞུགས་པའོ༔ ལྷོར་ཡ་ལས་ཁྱབ་མཇུག་ཆེན་པོ་སེར་ནག་སྦྲུལ་ཞགས་དང་ཆུ་སྲིན་འཛིན་པ། ཀླུ་བདུད་ཚོགས་ཀྱིས་བསྐོར་ནས་བཞུགས་པའོ༔ བྱང་ཤར་དུ་ཤ་ལས་སྒྲ་གཅན་འཛིན་པ་དུད་ཁ་ཆུ་སྲིན་དང་ཁྲམ་ཤིང་འཛིན་པ་ལྷ་སྲིན་སྡེ་བརྒྱད་ཀྱིས་བསྐོར་བའོ༔ དེ་དག་ཐམས་ཅད་ཀྱང་ཤིན་ཏུ་རྔམ་ཞིང་གཏུམ་བ་ཁྲོས་པའི་གཟུགས་ཅན་ལ། ལུས་མིག་གིས་ཁེངས་པ། དབུ་དགུ་པ་ཁ་གདངས་ཤིང་མཆེ་བ་གཙིགས་པ། ཤངས་ནས་ནད་ཀྱི་ན་བུན་འཐུལ་བ། སྦྱན་(༣བ)

― GLG025_Page_0622 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བསྐལ་བའི་མེ་འབར་བ། ཞལ་ནས་རྒྱོབ་དང་། གསོད་གྱི་སྒྲ་སྒྲོག་པ། བ་སྤུའི་བུ་ག་ནས་ཐོག་དང་སེར་བ་འབེབས་པ། རྒྱན་ཆ་ལུགས་གཙོ་བོ་དང་འདྲ་བའོ། །ཤར་དུ་མ་ལས་སྟག་སྲིན་ཟོར་བའི་གདོང་དཀར་སེར། སྟག་ཤམ་སྦྲུལ་གྱིས་བརྒྱན་པ། ཕྱག་ན་ལྕགས་ཀྱུ་དང་ཞགས་པ་བསྣམས་པ༔ ལྷོར་ར་ལས་བཾ་སྲིན་དྲེད་ཀྱི་གདོང་ཅན་སེར་ནག་མི་ལྤགས་ཀྱི་གཡང་གཞི་དང་སྟག་ཤམ་གསོལ་པ། སྦྲུལ་དང་ཐོད་པའི་སེ་རལ་ཁ་འཕྱང་བ། ཕྱག་ན་ཐོད་དབྱུག་བསྣམས་པའོ༔ ནུབ་ཏུ་ཙ་ལས་ཀོང་སྲིན་བ་ལང་གི་གདོང་དམར་ནག་སྟག་གཟིག་གོས་སུ་གསོལ་བ། དགྲ་སྟ་དང་ཞགས་པ་བསྣམས་པ༔ བྱང་དུ་ཤ་ལས་འབྲོག་སྲིན་ཆུ་སྲིན་གདོང་ལྗང་ནག་སྟག་ཤམ་དང་མི་ལྤགས་ཀྱིས་བརྒྱན་པ། ཕྱག་གཉིས་རི་བོ་བསྒྱེལ་ཞེང་ཀླད་ལ་བསྐོར་བ༔ དེ་དག་ཐམས་ཅད་སྲིན་མོ་ཁྲོས་པའི་ཆ་ལུགས་ཅན། བསྐལ་པའི་མེ་དཔུང་འབར་པའི་དབུས་སུ། ཞིང་ཆེན་གྱི་གདན་ལ་བཞུགས་པར་གྱུར། དེའི་ཕྱི་རོལ་ཏུ་ཤར་དུ་པ་ཝ་སངས་དཀར་པོ་གཡས་པདྨ་དང་གཡོན་ཤིང་ཏོག་བསྣམས་པ། ཤར་ལྷོར་ཕུར་བུ་མཐིང་ག་པུ་ཏི་བསྣམས་པ། ལྷོར་ལག་པ་ལྗང་གུ་གཡས་ཆོས་འཆད་དང་གཡོན་ཨུཏྤལ་བསྣམས་པ། ལྷོ་ནུབ་ཏུ་དམག་དཔོན་དམར་པོ་གཡས་བདུད་རྩི་བུམ་པ་དང་གཡོན་སྒྲོན་མེ་བསྣམས་པ། ནུབ་ཕྱོགས་ན་ཉི་མ་དམར་པོ་གཡས་མེ་ཏོག་དང་གཡོན་རིན་ཆེན་འབར་བ་བསྣམས་པ། ནུབ་བྱང་ན་ཟླ་བ་དཀར་པོ་ཀུ་མུད་བསྣམས་པ། བྱང་ཕྱོགས་སུ་སྒྲ་གཅན་དུད་ཀ་གཡས་པདྨ་དང་གཡོན་རལ་གྲི་བསྣམས་པ། བྱང་ཤར་དུ་སྤེན་པ་དམར་པོ་གཡས་དབྱུག་ཏོ་དང་གཡོན་དགྲ་སྟ་བསྣམས་པ། ཤར་དུ་ལྷ་དཀར་པོ་པི་ཝཾ་འཛིན་པ། ལྷོར་གཤིན་རྗེ་སྨུག་ནག་རལ་པ་སྙིལ་པ་བེ་ཅོན་འཛིན་པ། །ནུབ་ཏུ་ཀླུ་དམར་པོ་སྦྲུལ་མགོའི་གདེངས་ཀ་ཅན་སྦྲུལ་ཞགས་འཛིན་པ། བྱང་དུ་གནོད་སྦྱིན་ལྗང་སེར་ནེའུ་ལེ་འཛིན་པ། ཤར་ལྷོར་རྒྱལ་པོ་(༤ན)

― GLG025_Page_0623 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་སེར་བཾ་དབྱུག་འཛིན་པ། ལྷོ་ནུབ་ཏུ་བཙན་དམར་པོ་ཞགས་པ་འཛིན་པ། ནུབ་བྱང་དུ་དམུ་ལྗང་སེར་ནད་རྐྱལ་འཛིན་པ། བྱང་ཤར་དུ་བདུད་ནག་པོ་མདུང་ནག་འཛིན་པ། གཞན་ཡང་ཚངས་པ་བརྒྱ་བྱིན་ལ་སོགས་པའི་ལྷ་ཆེན་པོ་བརྒྱད། དགའ་བོ་འཇོག་པོ་སོགས་པའི་ཀླུ་ཆེན་པོ་བརྒྱད། བརྒྱ་བྱིན་དང་མེ་ལྷ་ལ་སོགས་པའི་ཕྱོགས་སྐྱོང་བཅུ། ཤར་ཕྱོགས་སུ་སྨིན་དྲུག་དམར་པོ་རིན་པོ་ཆེའི་ཟ་མ་ཏོག་བསྣམས་ཤིང་པདྨའི་ཁྲི་ལ་བཞུགས་པ། སྣར་མ་ལྗང་གུ་རིན་ཆེན་སྙེ་མ་བསྣམས་པ་གླང་པོ་ཆེའི་ཁྲི་ལ་བཞུགས་པ། མགོ་སེར་པོ་རིན་ཆེན་མྱུ་གུ་བསྣམས་པ་ཤ་བ་རྭ་བཅུའི་ཁྲིལ་བཞུགས་པ། ལག་དཀར་པོ་རིན་ཆེན་སྒྲོམ་བུ་བསྣམས་པ་སྦྲུལ་གྱི་ཁྲི་ལ་བཞུགས་པ། ནབས་སོ་སེར་པོ་རིན་ཆེན་ཟ་མ་ཏོག་བསྣམས་པ་པདྨ་འདབ་བརྒྱད་ཀྱི་ཁྲི་ལ་བཞུགས་པ། རྒྱལ་ལྗང་གུ་རིན་ཆེན་འབར་བ་བསྣམས་པ་བུམ་པའི་ཁྲི་ལ་བཞུགས་པ། །སྐག་ལྗང་གུ་གཡས་དབྱུག་ཏོ་དང་གཡོན་བུམ་པ་བསྣམས་པ་བྱ་རོག་བསྣོལ་བའི་ཁྲི་ལ་བཞུགས་པ། ལྷོར་མཆུ་དམར་པོ་རིན་ཆེན་འབར་བ་བསྣམས་པ་མ་ཧེའི་ཁྲི་ལ་བཞུགས་པ། གྲེ་དམར་པོ་རིན་ཆེན་སྒྲོམ་བུ་བསྣམས་པ་རིན་པོ་ཆེའི་ཁྲི་ལ་བཞུགས་པ། དབོ་ལྗང་གུ་རིན་ཆེན་གའུ་བསྣམས་པ་གསེར་ཁྲི་ལ་བཞུགས་པ། མེ་བཞི་ལྗང་གུ་རིན་ཆེན་མྱུ་གུ་བསྣམས་པ་རྨ་བྱ་བསྣོལ་བའི་ཁྲི་ལ་བཞུགས་པ། ནག་པ་ལྗང་གུ་པོ་ཏི་བསྣམས་པ་རྨ་བྱ་བསྣོལ་བའི་ཁྲི་ལ་བཞུགས་པ། ས་རི་དམར་པོ་རིན་ཆེན་མྱུ་གུ་བསྣམས་པ་གཡུ་སྤྱང་སྔོན་པོའི་ཁྲི་ལ་བཞུགས་པ། ས་ག་ལྗང་གུ་རླུང་འཚུབ་བསྣམས་པ་གླང་པོ་ཆེའི་ཁྲི་ལ་བཞུགས་པ། ནུབ་ཏུ་ལྷ་མཚམས་དམར་པོ་པདྨ་དམར་(༤བ)

― GLG025_Page_0624 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་བསྣམས་པ་རིན་པོ་ཆེའི་ཕུབ་སྟེང་གི་ཁྲི་ལ་བཞུགས་པ། སྣོན་དམར་པོ་པདྨ་དམར་པོ་བསྣམས་པ་སྟན་ནང་ཚངས་ཅན་གྱི་ཁྲི་ལ་བཞུགས་པ། སྣུབས་ལྗང་གུ་པདྨ་རྒྱས་པ་བསྣམས་པ་རུས་སྦལ་གྱི་ཁྲི་ལ་བཞུགས་པ། ཆུ་སྟོད་སེར་པོ་པདྨ་དམར་པོ་བསྣམས་པ་ནང་ཚངས་ཅན་གྱི་ཁྲི་ལ་བཞུགས་པ། ཆུ་སྨད་ལྗང་གུ་པདྨ་དམར་པོ་སྣམས་པ་མ་ཧེའི་ཁྲི་ལ་བཞུགས་པ། གྲོ་བཞིན་སེར་པོ་པདྨ་དམར་པོ་བསྣམས་པ་མོན་ཁུར་གྱི་ཁྲི་ལ་བཞུགས་པ། བྱི་བཞིན་དམར་པོ་པདྨ་དམར་པོ་བསྣམས་པ་ནང་ཚངས་ཅན་གྱི་ཁྲི་ལ་བཞུགས་པ། བྱང་དུ་མོན་དྲེ་ལྗང་གུ་ཨུཏྤལ་ལྗང་གུ་བསྣམས་པ་ནང་ཚངས་ཅན་གྱི་ཁྲི་ལ་བཞུགས་པ། མོན་གྲུ་ལྗང་གུ་ཨུཏྤལ་སྔོན་པོ་བསྣམས་པ་ཁྱུང་གི་༴ ཁྲུམས་སྟོད་ལྗང་གུ་ཨུཏྤལ་ལྗང་གུ་བསྣམས་པ་སེང་གེའི་ཁྲི་༴ ཁྲུམས་སྨད་མཐིང་ནག་ཨུཏྤལ་སྡོང་བུ་བསྣམས་པ་གླང་ཆེན་གྱི་ཁྲི་༴ ནམ་གྲུ་ནག་པོ་ཨུཏྤལ་ལྗང་ནག་བསྣམས་བ་རའི་༴ དབྱུ་གུ་ལྗང་གུ་པདྨ་དམར་པོ་བསྣམས་པ་མ་ཧེའི་༴ བྲ་ཉེ་ལྗང་གུ་པདྨ་ལྗང་གུ་བསྣམས་པ་འཁོར་ལོའི་༴ མགྱོགས་བྱེད་ནག་པོ་ལ་སོགས་པའི་ནག་པོ་སྟོང་། ཁྱབ་བྱེད་མ་མོ་ལ་སོགས་པའི་ཤ་ཟ་འབུམ། འབར་མ་གཏུམ་བྱེད་ལ་སོགས་མ་མོ་བྱེ་བ། ལྷ་དམག་བྱེ་བ་དུང་ཕྱུར། སྲིད་གསུམ་འབྱུང་པོ་བྱེ་བའི་ཚོགས་གཞན་ཡང་མཁའ་ལ་འགྲོ་བ། ཤུགས་ཀྱིས་འགྲོ་བ་སྨྱོ་བྱེད། སྲུལ་པོ་ལ་སོགས་པ་འབྱུང་པོའི་ཚོགས་དང་བཅས་པ་ཤ་ལ་དགའ་བ་ཁྲག་ལ་སྲེད་པ། དབུགས་ལ་རྔམས་པ། རོ་ལ་འཇིབ་པ། ཁྲོ་ཞིང་གཏུམ་པ། ཆ་ལུགས་དུ་མ་སྟེ་ཆོ་འཕྲུལ་ཅིར་ཡང་སྟོན་པ། སྲིད་གསུམ་ཐམས་ཅད་སྐད་ཅིག་(༥ན)

― GLG025_Page_0625 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་ཐལ་བར་རློག་པའི་མཐུ་དང་རྫུ་འཕྲུལ་བསམ་གྱིས་མི་ཁྱབ་པའི་ཚོགས་ཀྱིས་བསྐོར་བར་གྱུར། མཐུན་རྫས་ཡ་སྟགས་གླུད་སྐོས་སུ་ཤེས་པ་ནི། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཕྱི་ནང་གསང་བའི་མཆོད་པ་སྦྱན་གཟིགས་མཐུན་རྫས་ཐམས་ཅད་ཀྱི་མ་དག་པ་རྣམས། ཐུགས་ཀ་ནས་སྤྲོས་པའི་རཾ་ལས་མེས་བསྲེགས། ཡཾ་ལས་རླུང་གིས་གཏོར། ཁཾ་ལས་ཆུས་བཀྲུས། ཨཱོཾ་གྱིས་འདོད་ཡོན་ལྔར་བསྒྱུར། ཨཱ༔ས་ནམ་མཁའི་ཁམས་ཀུན་ཁྱབ། ཧཱུཾ་གིས་བདུད་རྩིའི་རང་བཞིན་འཛད་མེད་དུ་སྤེལ། སྭཱས་གཟུགས་བརྙན་ཐམས་ཅད་མཚན་དང་དཔེ་བྱད་ཕུང་ཁམས་སྐྱེ་མཆེད་དང་ལྡན། ཧཱས་ཁྱབ་འཇུག་ཆེན་པོ་འཁོར་དང་བཅས་པའི་སྐུ་གསུང་ཐུགས་དང་གཉིས་སུ་མེད་པར་རྟེན་ལ་བརྟན་པར་བཞུགས་པའི་ནུས་པ་དང་ལྡན་པར་གྱུར། མཐུན་རྫས་མཚོན་ཆ་དང་དུག་དཔལ་དུ་ཤེས་པ་ནི། ཨ་མྲྀ་ཏས་བསངས། སྭ་བྷ་ཝས་སྦྱངས། སྟོང་པའི་ངང་ལས་གྲི་མདུང་མདའ་གཞུ་སོགས་ཕྱག་མཚན་རྣམས་རྣོ་བའི་ངར་དང་དུག་གི་དབལ་དང་ལྡན་པ་བཏབ་པ་ཙམ་གྱིས་དགྲ་བགེགས་རྩད་ནས་གཅོད་པའི་ནུས་པ་དང་ལྡན་པར་གྱུར། སྔགས་དྲུག་ཕྱག་རྒྱ་དྲུག་གིས་བྱིན་གིས་བརླབ། གཙོ་བོའི་ཐུགས་ཀར་ཨྱོན་པདྨ་ཚོན་གང་བ། དེའི་ཐུགས་ཀར་ཡེ་ཤེས་ཀྱི་གཟའ་བདུད་རཱ་ཧུ་ལ་དཀར་པོ་ཕྱག་གཉིས་ཐལ་མོ་སྦྱར་བ་ཆོས་སྐྱོང་གཙོ་འཁོར་ཐམས་ཅད་ཀྱི་དཔྲལ་བར་ཨཱོཾ། མགྲིན་པར་ཨཱ༔ ཐུགས་ཀར་ཧཱུཾ། རང་ཡི་དམ་དུ་གསལ་བའི་ཐུགས་ཀའི་ཧཱུཾ་ལས་འོད་ཟེར་འཕྲོས། གར་བཞུགས་ཀྱི་གནས་ནས་གཟའ་བདུད་འཁོར་དང་བཅས་པ་ཐམས་ཅད། སངས་རྒྱས་རིན་ཆེན་སྙིང་པོ། བཅོམ་ལྡན་ཤཱཀྱ་(༥བ)

― GLG025_Page_0626 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་པ། ཨྱོན་པདྨ་ལ་སོགས་པ་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་དྲན་པ་ཙམ་གྱིས། སྔགས་འཆང་རྣལ་འབྱོར་བ་བདག་གི་ལས་བསྒྲུབ་པའི་ཆེད་དུ་གནས་འདིར་གཤེགས་སུ་གསོལ། བཛྲ་ས་མ་ཡ་ཛ༔ ཏྲི་ཤ་སོགས་བརྗོད། འཕྲིན་ལས་གཞུང་ལྟར་བཏང་། ཧཱུཾ་བར་སྣང་ཡངས་པའི་དཀྱིལ་འཁོར་ནས། ཁྱབ་འཇུག་ཆེན་པོརཱ་ཧུ་ལ། །ཀླུ་སྲིན་ཚོགས་པའི་མཐུ་པོ་ཆེ། །རོ་སྟོད་སྲིན་པོ་རོ་སྨད་སྦྲུལ། །མགོ་དགུ་མགོ་ལུས་མིག་གིས་ཁེངས། །བར་སྣང་ཁམས་ན་བཞུགས་ཙ་ན། ཉི་མ་ཟླ་བ་ལྟོ་རུ་ཟ། །རྒྱ་མཚོའི་གཏིང་དུ་བཞུགས་ཙན། །ཀླུ་རྣམས་ཀུན་ཀྱང་དཀྲུག་ཅིང་སློང་། །ལྷ་སྲིན་སྡེ་བརྒྱད་ནང་བྱན་བྱེད། །གཟའ་རྒོད་ཡོངས་ཀྱི་དམག་དཔོན་ཁྱོད། །སངས་རྒྱས་རིན་ཆེན་སྙིང་པོ་དང་། །བཅོམ་ལྡན་ཤཱཀྱ་ཐུབ་པདྨ་འབྱུང་། །གཏེར་སྟོན་ཚུལ་རྡོར་ཀློང་ཆེན་ཞབས། །རྩ་བརྒྱུད་བླ་མའི་དམ་ཚིག་བཞིན། །དཀར་ཕྱོགས་རྒྱལ་བའི་རྒྱལ་མཚན་བསྒྲེངས། །ནག་པོ་བདུད་ཀྱི་བ་དན་བསྙིལ། །བསྟན་འགྲོའི་ཕན་བདེ་སྤེལ་བ་བཞིན། །དེང་འདིར་སྔགས་འཆང་བདག་ཅག་གི །ཞི་རྒྱས་དབང་དྲག་ལས་བསྒྲུབ་ཕྱིར། །མཐིང་ནག་རི་རབ་གྲུ་གསུམ་དབྱིབས། །རིན་ཆེན་ཐོད་མཁར་གནས་ཀྱི་རྟེན། །གཙོ་འཁོར་སྐུ་གཟུགས་ཡོངས་རྫོགས་དང་། །དར་མདུང་ཁྲ་བོ་སྐུ་ཡི་རྟེན། །རྩ་སྔགས་བྲིས་པ་གསུང་གི་རྟེན། །ར་རོག་ཤ་སྙིང་དམ་རྫས་རྟེན། །སྲོག་འཁོར་བླ་རྡོ་མི་འབྲལ་རྟེན། །ཞལ་ཕྱུང་ནམ་མཁའ་འཇའ་རིས་ཅན། །རྩེ་མོར་ཕོ་རོག་སྒྲོ་ཡིས་བརྒྱན། །ལོགས་ལ་དར་ནག་པུར་རུ་རུ། །མགུལ་ལ་ཡུངས་ཀར་ཤར་ར་ར། ཁྱབ་འཇུག་ཞལ་དང་གཉིས་མེད་རྟེན། །མདའ་ཁྲ་སྦྲུལ་(༦ན)

― GLG025_Page_0627 ―

^{[མ་དཔེ་གཟིགས་ན་འདིར་གནོན།]}

[Full Size]

ཞགས་ཐོག་སེར་རིས། །ལྕགས་འཕང་དུང་གི་མེ་ལོང་ཅན། །རྒྱང་བུ་ནག་པོ་ཉི་ཟླས་བརྒྱན། །ཕོ་གདོང་མོ་གདོང་མཛེས་པའི་གཟུགས། །ཤིང་གྲི་ཡུལ་མཁར་རི་མོ་ཅན། །རྣལ་འབྱོར་མི་ནོར་གླུད་ཀྱི་རྟེན། །བཤོས་ནག་ཁྲག་ཀོང་ཨུས་ཀྱུ་དང་། །གཏོར་ཚོགས་འཕྲིན་ལས་འཆོལ་བའི་རྟེན། །རྩ་བརྒྱད་སྟོང་སྦྱར་བདུད་རྩི་སྨན། །དམ་ཚིག་གཅིག་ཏུ་བསྲེ་བའི་རྟེན། །དམར་ཆེན་རཀྟ་མཐུན་རྫས་རྟེན། །མི་ནག་བྱ་ནག་རྟ་ནག་གཡབ། །རྟོལ་ནག་ར་ལུག་ཁྱི་དང་ཕག །དགུ་དགུ་གཞན་ཡང་སྟག་གཟིག་དང་། །སྦྲུལ་དང་སྤྲེའུ་གདོང་དམར་འབྲུག །གླང་ཆེན་འདོད་འཇོའི་བ་ལ་སོགས། །དྲང་སྲོང་འཁོར་བཅས་དཀོར་ནོར་རྟེན། །པདྨ་ཨུཏྤལ་མེ་ཏོག་ཚོགས། །སྨན་སྣ་ཤིང་སྣ་དུད་པའི་སྤྲིན། །སྣང་གསལ་མར་མེ་དྲི་བཟང་ཆབ། །ཤིང་ཏོག་བཟའ་དང་བཅའ་བའི་ཚོགས། །སྒྲ་སྙན་རོལ་མོ་གླུ་གར་མཛེས། །མིག་སྣ་རྣ་ལྕེ་སྙིང་རྣམས་སྤུངས། །ཤ་ཚིལ་གསུར་གྱི་དུད་པ་འཐུལ། །ཚིལ་ཆེན་རོ་སྐྲར་མེ་དཔུང་འབར། ཁྲག་གི་བཏུང་བའི་ཨརྒྷཾ་སྦྲེང་། །ཕྱི་ཤ་པགས་པ་རུས་པ་དང་། །ནང་ཁྲོལ་བྱང་སེམས་དཀར་དམར་ཚིལ། །བཙོས་དང་རྗེན་པའི་ཤ་སྣ་ཚོགས། །ཤ་རུལ་ཁྲག་རུལ་ཉ་རུལ་དང་། །ར་མཆིན་ཤ་ཁྲག་བ་དམར་འོ། །སྟག་རས་གཟིག་རས་བསེ་བྱང་དང་། །ལྕགས་བྱང་དུང་སོགས་མཐུན་རྫས་རྟེན། །ཛཱ་ཏི་ཙནྡན་ག་བུར་དང་། །ཅུ་གང་འགིའུ་ཝཾ་རུ་རྟ་ཏིལ། །རྨ་བྱའི་གདོངས་དང་གུར་ཀུམ་སོགས། །ཀླུ་སྨན་ནད་ཀུན་སེལ་བྱེད་རྟེན། །གསེར་དངུལ་ཟངས་ལྕགས་མུ་ཏིག་གཡུ། །པད་རཱག་དབང་སྔོན་བྱུ་རུ་ཤེལ། །སྣ་ཚོགས་རིན་ཆེན་འབྲུ་སྣ་དང་། །ཇ་སྣ་ཟས་(༦བ)

― GLG025_Page_0628 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་དར་ཟབ་སོགས། །ལོངས་སྤྱོད་ཕུན་ཚོགས་རྒྱས་བྱེད་རྟེན། ཁྲབ་རྨོག་ཞོལ་རྟགས་སྲ་བའི་གོ །མདའ་མདུང་རལ་གྲི་དགྲ་སྟ་ཞགས། །ཕྱག་མཚན་མཚོན་ཆ་སྣ་ཚོགས་པ། །བ་དན་རྒྱལ་མཚན་རུ་མཚོན་སོགས། །དགྲ་འཇོམས་གཡུལ་ལས་རྒྱལ་བའི་རྟེན། །རྒྱལ་སྲིད་སྣ་བདུན་རིན་ཆེན་ཁྲི། །བཀྲ་ཤིས་རྟགས་བརྒྱད་དཔག་བསམ་ཤིང་། །གླིང་བཞི་གླིང་ཕྲན་རི་རབ་སོགས། །སྟོབས་འབྱོར་མངའ་ཐང་རྒྱས་བྱེད་རྟེན། །ལྟ་སྒོམ་སྤྱོད་དག་དམ་ཚིག་གཙང་། །གཟའ་བདུད་ཆེ་ཁྱོད་རང་གི་སེམས། །དྲེགས་འདུལ་ཧེ་རུ་ཀ་དཔལ་དུ། །ངེས་པ་རྙེད་པ་མཆོག་གི་རྟེན། །དེ་ལྟར་རྟེན་པའི་མཐུན་རྫས་རྣམས། ཁྱབ་འཇུག་ཆེན་པོའི་རྟེན་དུ་འབུལ། །སྲིན་པོ་ཡབ་ཀྱི་རྟེན་དུ་འབུལ། །ཀླུ་མོ་ཡུམ་གྱི་༴ ལྗང་སྔོན་ཆེན་པོའི་རྟེན་དུ་འབུལ། །དྲང་སྲོང་དཀར་སེར་༴ བདུད་པོ་རོག་ཏིའི་༴ བིཤྚི་བ་ཏྲའི་༴ བིཥྞུ་རཱ་ཛའི་༴ དུ་བ་མཇུག་རིང་༴ ཁྱབ་འཇུག་ཆེན་པོའི་༴ སྒྲ་གཅན་འཛིན་པའི་༴ སྟག་སྲིན་ཟོར་གདོང་༴ བཾ་སྲིན་དྲེད་གདོང་༴ ཀོང་སྲིན་གླང་གདོང་༴ ཆུ་སྲིན་གདོང་ཅན་༴ གཟའ་ཆེན་བརྒྱད་ཀྱི་༴ ལྷ་སྲིན་སྡེ་བརྒྱད་༴ ལྷ་ཆེན་བརྒྱད་ཀྱི་༴ ཀླུ་ཆེན་བརྒྱད་ཀྱི་༴ ཕྱོགས་སྐྱོང་བཅུ་ཡི་༴ རྒྱུ་སྐར་ཉེར་བརྒྱད་༴ ནག་པོ་སྟོང་གི་༴ ཤ་ཟ་འབུམ་སྡེའི་༴ མ་མོ་བྱེ་བའི་༴ ལྷ་དམག་དུང་ཕྱུར་༴ སྲིད་གསུམ་འབྱུང་པོའི་༴ དེ་ལྟར་ཁྱབ་འཇུག་འཁོར་བཅས་རྣམས། །གཞལ་ཡས་རྟེན་ལ་བརྟན་པར་བཞུགས། །མཐུན་པའི་རྫས་ལ་དགྱེས་པར་རོལ། །དངོས་འབྱོར་ཡིད་སྤྲུལ་མཆོད་པ་བཞེས། །དང་པོར་སངས་རྒྱས་རིན་ཆེན་སྙིང་། །རྡོ་རྗེའི་འཆང་དང་གསང་(༧ན)

― GLG025_Page_0629 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་བཀའ། །བར་དུ་དགའ་རབ་རྡོ་རྗེ་དང་། །འཇམ་དཔལ་བཤེས་གཉེན་ཤཱི་སིདྷ། །པད་འབྱུང་བི་མཱ་མི་ཏྲའི་བཀའ། །ཐ་མར་གཏེར་སྟོན་ལས་འབྲེལ་རྩལ། །ཀློང་ཆེན་རབ་འབྱམས་ནས་བཟུང་སྟེ། །ལེགས་ལྡན་རྡོ་རྗེ་དབང་པོའི་སྡེ། །ངག་གི་དབང་པོ་དྲིན་ཅན་རྗེ། །ཆོས་དབྱིངས་རང་གྲོལ་ལ་སོགས་པ། །རིགགས་འཛིན་རྩ་བརྒྱུད་བླ་མ་ཡིས། །མགོ་ལ་དམ་ཚིག་རྡོ་རྗེ་བཞག །ལྕེ་ཐོག་བདུད་རྩི་ཆོས་སྨན་བླུག །དམ་ཚིག་གཉན་པོ་རབ་སྒྲགས་པ། ཉེར་དགོངས་སངས་རྒྱས་བསྟན་པ་སྲུངས། །དེ་འཛིན་ཚོགས་ཀྱི་སྐུ་ཚེ་སྲིངས། །དཀོན་མཆོག་གསུམ་གྱི་དབུ་འཕང་བསྟོད། །དགེ་འདུན་སྡེ་རྣམས་དར་ཞིང་རྒྱས། །འགྲོ་བ་ཀུན་གྱི་བདེ་སྐྱིད་སྤེལ། ཁྱད་པར་གངས་ཅན་བོད་ཡུལ་འདིར། །མི་ཕྱུགས་ནད་རིམས་མུ་གེ་དང་། །གཡུལ་འཁྲུག་འཐབ་རྩོད་ལ་སོགས་པ། །མི་མཐུན་ཉེས་ཚོགས་ཀུན་ཞི་ཞིང་། །བདེ་སྐྱིད་དཔལ་ལ་སྤྱོད་པར་མཛོད། །ཡང་སྒོས་རིགས་འཛིན་བདག་ཅག་གིས། །བསྲུང་བར་བཅུག་པའི་མི་ནོར་ལ། །གནོད་ཅིང་འཚོ་བའི་ནད་གདོན་བགེགས། །བར་ཆད་མི་མཐུན་ཕྱོགས་སྤྱི་དང་། །བྱེ་བྲག་བན་བོན་དམོད་མཐུ་བྱེད། །སྡེ་བརྒྱད་ཟ་ཁ་ཟུག་པ་དང་། །དྲང་སྲོང་གཟའ་རྒོད་བསྡོངས་ཟླ་ཡི། །གཟེར་ཕོག་ཁ་རླངས་མཐོང་རེག་གི །དུག་དང་འཁུ་ལྡོག་ཉེས་པ་ཀུན། །མ་ལུས་ཞི་ཞིང་བཟློག་པར་མཛོད། །བསམ་ངན་སྦྱོར་རྩུབ་འཆང་བ་ཡི། །གནོད་བྱེད་དགྲ་བགེགས་མ་ལུས་པ། །ཞ་རེངས་ཁ་མིག་ལྟག་པར་སྐྱོལ། །སྨྱོ་ལྐུགས་ཉམས་ཤིང་སྲོག་རྩ་ཆོད། །ཡུལ་ཞིང་མཁར་ལ་ཐོག་སེར་དང་། །ཐན་དང་ལྟས་ངན་ཆར་པ་ཕོབ། །(༧བ)

― GLG025_Page_0630 ―

^{[མ་དཔེ་གཟིགས་ན་འདིར་གནོན།]}

[Full Size]

མདོར་ན་ཞི་རྒྱས་དབང་དྲག་གི །འཕྲིན་ལས་གང་བཅོལ་མ་ལུས་པ། །བསམས་པ་ཙམ་གྱིས་འབད་མེད་དུ། །ལྷུན་གྱིས་གྲུབ་པའི་འཕྲིན་ལས་མཛོད། །བསྟོད་བསྐུལ་བྱ། །གསང་བ་གསོལ་འདེབས་ནི། །ཧོ་དགོངས་སུ་གསོལ་ལོ། །དྲག་པོའི་ལས་ལ་གྲུབ་བའི་མཐུ་དང་རྩལ་མངའ་བ། །ཡེ་ཤེས་ཀྱི་སྤྲུལ་པ་ཆེན་པོ། འཇིག་རྟེན་ཁམས་ཀྱི་གཙོ་བོ། ཆོས་སྐྱོང་གཟའ་བདུད་ནག་པོ་ཁྱོད། །ཀུན་བཟང་ཧེ་རུ་ཀ་དང་ངོ་བོ་ཆོས་ཉིད་དུ་གཅིག་པ། །རང་བཞིན་ཡེ་ཤེས་སུ་མཚུངས་པ། །མཚན་ཉིད་འཕྲིན་ལས་ཐོགས་པ་མེད་པ་མི་མཐུན་པའི་ཕྱོགས་ཐམས་ཅད་འཇོམས་པའི་དཔའ་བོ། །སྣང་སྲིད་ལྷ་འདྲེ་ཀུན་གྱི་རྗེ་བོ། །ལྷ་མ་སྲིན་སྡེ་བརྒྱད་ཀྱི་སྡེ་དཔོན། །སྤྲུལ་བའི་ཆོས་སྐྱོང་ཆེན་པོ་ཁྱོད་ཀྱིས་རིགས་འཛིན་རྣལ་འབྱོར་བ་བདག་ཅག་འཁོར་དང་བཅས་པ་རྣམས་གཅེས་པའི་བུ་བཞིན་དུ་སྐྱོངས་ཤིག༔ དམ་ཚིག་ཅན་གྱི་སྲོག་བཟུང་ཞིག༔ སྒྲུབ་པ་པོའི་གྲོགས་མཛོད་ཅིག༔ དམ་ཉམས་པའི་དགྲ་བོ་ཐམས་ཅད་སྒྲོལ་ཅིག༔ ཆོས་སྐྱོང་བའི་སྲུང་མ་ཁྱོད་ནི། ཞི་བའི་མདངས་དང་ལྡན་པ། རྒྱས་པའི་བྱིན་ཆགས་པ། དབང་སྡུད་ལས་ཀྱི་རྩལ་མངའ་བ། དྲག་པོའི་དགྲ་བགེགས་སྒྲོལ་བའི་ལས་ལ་མྱུར་བ། བསྟན་པ་བསྲུང་བའི་བདག་པོ། མཐུ་སྟོབས་ཀྱི་དབང་ཕྱུག །སྒྲུབ་པ་པོའི་བསམ་གཏན་གྱི་དྲོད་མྱུལ་བར་བྱེད་པའི་གཟའ་བདུད་འཁོར་དང་བཅས་པ། བདག་ལ་དགོངས་སུ་གསོལ། བདག་སྔགས་འཆང་རྡོ་རྗེ་འཛིན་པ་ཞེས་བགྱི་བའི་སྒྲུབ་རྟེན་འདི་རྣམས་ལ་བཞུགས་པ་དང་གནས་པར་མཛོད་ཅིག༔ རྣལ་འབྱོར་པ་བདག་བླ་ན་མེད་པའི་བྱང་ཆུབ་བསྒྲུབ་པའི་བྱང་ཆུབ་བསྒྲུབ་པའི་གྲོགས་མཛོད་ཅིག༔ བདེ་བ་ཆེན་པོའི་ཞིང་དུ་(༨ན)

― GLG025_Page_0631 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་བ་ལ། བདུད་བཞིའི་འཇིགས་པ་ལས་སྐྱོབ་པ་དང་། ལམ་གྱི་བསྐུལ་མ་མཛོད་ཅིག༔ ཡང་དག་པའི་ས་ལ་འཁྲིད་པའི་སུན་མ་དང་འཕྲིན་ལས་མཛོད་ཅིག༔ སྙིང་པོ་བྱང་ཆུབ་མ་ཐོབ་ཀྱི་བར་དུ་ལུས་ངག་ཡིད་གསུམ་ལོག་པའི་ལམ་ལ་ནམ་ཡང་མི་འཇུག་ཅིང་། ཐར་པ་བྱང་ཆུབ་ཀྱི་ཕྱོགས་འབའ་ཞིག་ཏུ་འགྲོ་བར་མཛད་དུ་གསོལ༔ འཇིག་རྟེན་འདིར་ཡང་བདག་མི་མཐུན་པའི་ཕྱོགས་ཐམས་ཅད་ལས་རྣམ་པར་རྒྱལ་ཞིང་། ཟས་ནོར་ལོངས་སྤྱོད་ཐམས་ཅད་དབང་དུ་བསྡུ་བ་དང་། མངོན་སྤྱོད་ཀྱི་ལས་གང་ལའང་ཐོགས་པ་མེད་པར་འགྲུབ་བར་མཛད་དུ་གསོལ༔ བཀྲ་ཤིས་བདེ་ལེགས་ཐམས་ཅད་འབྱུང་ཞིང་ཅི་བསམས་པ་ལྷུན་གྱིས་གྲུབ་པར་མཛད་དུ་གསོལ༔ ཞེས་གསོལ་གདབ་འཕྲིན་ལས་འཆོལ་ཞིང་མེ་ཏོག་འཐོར་ཡི་གེ་བརྒྱ་པ་ལན་གསུམ་གྱིས་ལྷག་ཆད་ཁ་བཀང་། གང་ཡང་བདག་བློ་རྨོངས་པ་ཡིས། ཞེས་སོགས་ཀྱིས་ནོངས་པ་བཟོད་པར་གསོལ། ཆོས་སྐྱོང་གཟའ་མཆོག་འཁོར་བཅས་རྣམས། །རྟེན་འདིར་མི་འབྲལ་རྟག་བཞུགས་ནས། །བདག་ཅག་དཔོན་སློབ་ཡོན་མཆོད་ཀྱི། །འཕྲིན་ལས་རྣམ་བཞི་སྒྲུབ་པར་མཛོད། །ཨཱོཾ་སུ་པྲ་ཏིཥྛ་བཛྲ་ཡེ་སྭཱ་ཧཱ། །ཞེས་བརྟན་བཞུགས་བྱ། སངས་རྒྱས་ཀུན་འདུས་པདྨ་ཐོད་འཕྲེང་རྩལ། །རིགས་འཛིན་རྩ་བརྒྱུད་བླ་མའི་བཀྲ་ཤིས་ཤོག །དངོས་གྲུབ་ཆར་འབེབས་གསང་བདག་རྡོ་རྗེ་འཛིན། །དྲེགས་འདུལ་དཀྱིལ་འཁོར་ལྷ་ཡི་བཀྲ་ཤིས་ཤོག །སྲིད་གསུམ་དྲེགས་པ་ཡོངས་ཀྱི་དམག་དཔོན་མཆོག །གཟའ་རྒོད་ཁྱབ་འཇུག་ཆེན་པོའི་བཀྲ་ཤིས་ཤོག །གཞན་ཡང་བཀྲ་ཤིས་པའི་ཚིགས་སུ་བཅད་པ་ཅི་རིགས་(༨བ)

― GLG025_Page_0632 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའོ། །དེ་ལྟར་ཁྱབ་འཇུག་ཆེན་པོ་རཱ་ཧུ་ལའི་རྟེན་མདོས་ཀྱི་འཕྲིན་ལས་དྲང་སྲོང་ཀུན་ཏུ་དགའ་བའི་ཟློས་གར་ཞེས་བགྱི་བ་འདི་ནི་གསང་སྔགས་ཕོ་བྲང་གི་མཚམས་ཁང་ཤོད་ཀྱི་གཟའ་ཁང་དུ་རྟེན་མདོས་འཛུགས་པའི་དུས་ལས་འབྲེལ་རྩལ་གྱི་གཏེར་གཞུང་གི་མདོས་ནག་དང་དུག་དབྱུང་། མགོན་པོ་གཡུལ་བཟློག་གི་ནང་ཚན་ཁྱབ་འཇུག་གི་མདོས་གཡང་འགུགས་ཀྱི་ཡི་གེ་སོགས་ལས་ཀྱང་ཞིབ་མོར་དཔྱད་དེ་ཟ་ཧོར་ཀྱི་བནྡེས་སྦྱར་བའི་ཡི་གེ་པ་ནི་ཆང་ཁྱིམ་བ་བློ་བཟང་དངོས་གྲུབ་བོ། །སརྦ་མདྒ་ལཾ།

དྲང་སྲོང་ལོག་ཏྲི་པཱ་ལའི་ལས་བྱང་ཆོག་སྒྲིགས་གནམ་ལྕགས་རྡོ་རྗེ་དྲག་འབེབས།

― GLG025_Page_0633 ―

^{[མ་དཔེ་གཟིགས་ན་འདིར་གནོན།]}

[Full Size]

དྲང་སྲོང་ལོག་ཏྲི་པཱ་ལའི་ལས་བྱང་ཆོག་སྒྲིགས་གནམ་ལྕགས་རྡོ་རྗེ་དྲག་འབེབས་བཞུགས་སོ། །

― GLG025_Page_0634 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཤྩ་མ་ཧཱ་རྵི་བི་མ་ལཱ་ཡ། རྒྱལ་ཀུན་མཐུ་སྟོབས་ཁྲོ་ཆུ་ཁོལ་མའི་རྒྱུན། །གཏུམ་ཆེན་གསང་བའི་བདག་པོར་བླུག་པའི་གཟུགས། །ཕྱག་ན་རྡོ་རྗེ་གདེངས་པའི་མདོ་ཉིད་ལ། ཁམས་གསུམ་ཅིག་ཅར་འདར་བར་མཛད་ཁྱོད་བསྔགས། །ཆུ་ནང་གཟུགས་བཞིན་སྣ་ཚོགས་སྤྲུལ་བའི་གར། །དྲང་སྲོང་དྲི་མ་མེད་པའི་འོད་ཟེར་ཞེས། །དམོད་པའི་ག་བུར་གཟེགས་མས་ནད་གདོན་བགེགས། །ཚ་དབལ་ཀུན་འཇོམས་སྔོན་མེད་ཟླ་བ་ཆེ། །མགོན་དེ་ཁྲོས་པའི་མོད་ལ་སྡེ་བརྒྱད་དཔུང་། །མཐར་བྱེད་ཞེ་སྡང་རྡོ་རྗེ་ཁྲོ་བོའི་རྒྱལ། །སྟོང་ཕྲག་ཉི་མ་འབར་བའི་འོད་པོ་ཆེས། །སྙིགས་དུས་བདུད་མུན་མིང་གི་ལྷག་མར་བྱས། །དྷརྨ་ཨ་ཤྭ་ཀ་ཡི་ཐུགས་ཀྱི་བཅུད། །རྒྱལ་དབང་པདྨས་གཏེར་དུ་རྒྱས་བཏབ་པ། །སྒོ་འབྱེད་ཉང་རལ་ཆོས་ཀྱི་དབང་ཕྱུག་ཅེས། །གཏེར་སྟོན་ཉི་ཟླ་ཟུང་འབྲེལ་ལས་འོངས་ཆོས། །རིག་གཏད་ལུང་དང་མན་ངག་མཐོང་ཐོས་པའི། །རྙིང་རློམ་གངས་ཅན་པདྨོའི་མངལ་གང་ཡང་། །ལམ་འདིའི་སྲོལ་འབྱེད་རིན་ཅེན་ཕུན་ཚོགས་ཞབས། །མྱ་ངན་མེད་དེ་བསམས་བཞིན་སྲིད་པ་བཟུང་། །རིགས་རྣམས་ཀུན་ཁྱབ་ཆོས་དབྱིངས་རང་གྲོལ་(༢ན)

― GLG025_Page_0635 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ། །ཟབ་གཏེར་བཀའ་བབས་སྤྲུལ་སྐུ་གཏེར་བདག་གླིང་། །ཐུགས་རྗེའི་ཟེར་གྱིས་རང་བློ་པདྨའི་ཁ། །ཕྱེ་བའི་བཀའ་དྲིན་ཚད་གཞལ་ག་ལ་རྙེད། །དེ་ཕྱིར་སྨྲ་བའི་སྤོབས་པ་གཟེངས་མཐོ་བས། །སྣོད་ལྡན་དོན་གཉེར་མང་པོར་ཕན་པའི་ཆེད། །ཆོག་སྒྲིགས་གནམ་ལྕགས་རྡོ་རྗེ་དྲག་འབེབས་འདི། །ལས་འཕྲོ་ཉེར་སད་དཔའ་རྟགས་ལག་ཆར་བྱིན། །དེ་ལ་འདིར་དྲང་སྲོང་དྲི་མེད་འོད་ཟེར་ཞི་དྲག་གི་འཕྲིན་ལས་ཀྱི་རིམ་པ་མཐོང་བས་དོན་གསལ་ནག་པོ་འགྲོ་ཤེས་ཀྱི་ཚུལ་དུ་བཀོད་པ་ལ། སྔོན་འགྲོ །དངོས་གཞི། རྗེས་དང་གསུམ། དང་པོ་ལ་བརྒྱུད་འདེབས་ནི། དྲང་སྲོང་དྲི་མེད་ངྷརྨ་ཨ་ཤྭ་ཀ །བྲམ་ཟེ་ལེགས་གྲུབ་པྲ་བྷ་ཧསྟི་དང་། །ཤཱནྟི་གརྦྷ་པདྨ་འབྱུང་གནས་ལ། །གསོལ་བ་འདེབས་སོ་སྡེ་བརྒྱད་ཟིལ་གནོན་ཤོག །ཁྲི་སྲོང་ཡབ་སྲས་ཉང་རལ་འགྲོ་བའི་མགོན། །ཆོས་ཀྱི་དབང་ཕྱུག་པདྨ་དབང་རྒྱལ་དང་། །མར་སྟོན་སངས་རྒྱས་གཉན་སྟོན་བཀྲས་སེང་ལ། །གསོལ་བ་༴ ཆོས་ཉིད་རང་གྲོལ་སངས་རྒྱས་ལྷུན་དབང་དང་། །ཀུན་དགའ་བཀྲ་ཤིས་རྒྱལ་སྲས་ཆོས་ཀྱི་རྗེ། །ཆོས་འཕགས་བཟང་པོ་ཤཱཀྱ་དཔལ་བཟང་ལ། །གསོལ་བ་འདེབས་སོ་༴ འཇམ་དབྱངས་རྒྱལ་མཚན་མཁར་(༢བ)

― GLG025_Page_0636 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱིངས་རྡོ་རྗེ་དང་། །རིན་ཅེན་ཕུན་ཚོགས་མངའ་རིས་ལེགས་ལྡན་ཞབས། །ཆོས་རྒྱལ་ཕུན་ཚོགས་དབུར་སྨྱོན་ཆོས་གྲགས་ལ། །གསོལ་བ་༴ དཀོན་ཅོག་ལྷུན་གྲུབ་ཆོས་རྒྱལ་གཏེར་བདག་གླིང་། །སླར་ཡང་བཀྲ་ཤིས་རྒྱ་མཚོ་ཁུ་དབོན་དང་། །ཟུར་རིགས་ལྷུན་གྲུབ་རྡོ་རྗེ་ཡབ་སྲས་ལ། །གསོལ་བ་༴ ཡབ་དང་འབྲི་གུང་རིགས་འཛིན་ནཱ་རོ་པ། །རྣམ་གཉིས་གཙུག་བསྟེན་ཆོས་དབྱིངས་རང་གྲོལ་ཞབས། །ཟླ་མེད་དྲིན་ཅན་རྩ་བའི་བླ་མ་ལ། །གསོལ་བ་༴ རིག་གཏད་ལུང་དང་མན་ངག་དམར་འཁྲིད་ལ། །བརྟེན་ནས་བསྐྱེད་རིམ་བསྙེན་སྲུང་བཟློག་བསད་ཀྱི། །འཕྲིན་ལས་ཀུན་གྲུབ་མ་དག་མཁའ་དབྱིངས་སུ། །ལྷུན་གྲུབ་འོད་ལྔའི་ཡེ་ཤེས་རྫོགས་པར་ཤོག །སྐྱབས་འགྲོ་ནི། རྩ་གསུམ་འདུས་པའི་ངོ་བོ་གསང་བའི་བདག །ཞི་བའི་དྲང་སྲོང་སྐུར་བསྟན་དྲི་མ་མེད། །སྡེ་བརྒྱད་གཉེན་པོར་ལོག་ཏྲི་ཁྲོ་བོའི་རྒྱལ། །བྱང་ཆུབ་མ་ཐོབ་བར་དུ་སྐྱབས་སུ་མཆི། །ལན་གསུམ། སེམས་བསྐྱེད་ནི། འགྲོ་བའི་དོན་དུ་རང་རིག་ཀུན་ཏུ་བཟང་། །རང་ཞལ་མངོན་སུམ་བལྟ་ལ་སྒྲིབ་བྱེད་ཀྱི། །ལས་ཉོན་རྣམ་རྟོག་འཁྲུལ་ངོར་ཤར་བའི་གེགས། །འདུལ་ཕྱིར་སྔགས་རྒོད་ལོག་ཏྲི་བསྒྲུབ་པར་བྱ། །ལན་གསུམ་བརྗོད། ཚོགས་ཞིང་ནི། ཏྲཾ་རཏྣ་མཎྜལ། པཾ་པདྨ་མཎྜ་གམ་སཱུཪྻ་མཎྜལ་ཨ་ཙནྡྲ་མཎྜལ། བཛྲ་ས་མ་ཡ་ཛ༔ རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་སྟོན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། དངོས་འབྱོར་ཡིད་ཀྱིས་རྣམ་སྤྲུལ་བ། །དག་བའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་གེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་(༣ན)

― GLG025_Page_0637 ―

^{[མ་དཔེ་གཟིགས་ན་འདིར་གནོན།]}

[Full Size]

དག་པའི་ཆོས། །མ་ཆགས་སྤྱོད་ལ་རྗེས་ཡི་རང་། །དག་པའི་མཐའ་བཞི་དྲི་མ་མེད། །རྗོགས་པའི་བྱང་ཆུབ་སེམས་བསྐྱེད་དོ། །བདག་དང་མཐའ་ཡས་སེམས་ཅན་རྣམས། །དུས་གསུམ་བཞུགས་ལ་ལུས་དབུལ་ལོ། །ཚེ་རབས་བགྲངས་པའི་དགེ་བ་རྣམས། །བསྡུས་ཏེ་བྱང་ཆུབ་ཆེན་པོར་བསྔོ། །བགེགས་སྐྲོད་ནི། ཧཱུཾ། པདྨ་ཉི་ཟླ་བརྩེགས་པའི་གདན་སྟེང་ན། །རང་ཉིད་ཞེ་སྡང་རྡོ་རྗེ་མཐིང་ནག་མདོག །སྐུ་ལས་སྤྲུལ་པའི་ཁྲོ་བོ་མེ་དཔུང་དང་། །མཚོན་ཆའི་ཚོགས་ཀྱིས་སྟོང་ཁམས་ཁྱབ་པར་གྱུར། །གཏོར་མ་དཀར་དམར་གཉིས་བཤམས། །རང་གི་ཐུགས་ཀ་ནས་འོད་ཟེར་འཕྲོས་པས་ཕྱོགས་སྐྱོང་སྡེ་བརྒྱད་གཞི་བདག་ཞིང་སྐྱོང་གདོན་བགེགས་ཀྱི་ཚོགས་དང་བཅས་པ་བཛྲ་ཨངྐུ་ཤ་ཛཿས་བཀུག །གཏོར་མ་བསངས་གཞུང་ནས་བྱུང་བའི་སྔགས་དྲུག་ཕྱག་རྒྱ་དྲུག་གིས་བརླབ་བསྔོ་གཉིས་ཀ་བྱ། ཕྱོགས་སྐྱོང་སྡེ་བརྒྱད་རྣམས་དང་ཁྱད་པར་ཡུལ་ཕྱོགས་ས་ཕྱོགས་འདི་ཀུན་ན་གཉུག་མར་གནས་པའི་གཞི་བདག་ཞིང་སྐྱོང་གཙང་ཕུད་ལ་དགའ་བ་རྣམས་མཆོད་སྦྱིན་གྱི་གཏོར་མ་རྒྱ་ཆེན་པོ་འདི་བཞེས་ལ་བདག་ཅག་རྣམས་དྲང་སྲོང་ལོག་ཏྲི་པཱ་ལའི་འཕྲིན་ལས་ཟབ་མོ་ཉམས་སུ་ལེན་པ་ལ་བར་གཅོད་མི་འབྱུང་བའི་སྟོང་གྲོགས་མཛོད་ཅིག །ནག་ཕྱོགས་ཤ་ཁྲག་ལ་དགའ་བ་ལན་ཆགས་དང་གནོད་བྱེད་ཀྱི་གདོན་བགེགས་ནམ་མཁའ་ལ་འཕྱོ་བ། བར་སྣང་ལ་རྒྱུ་བ་ས་གཞི་ལ་འགྲིམ་པ། འབྱུང་བ་ལ་བརྟེན་པ། སྐྱབས་གྲིབ་ལ་གབ་པ། བསྙེན་སྒྲུབ་ལས་གསུམ་གྱི་སྒྲུབ་པ་ཆེན་པོ་མཐོང་ཐོས་མི་བཟོད་པ་ཐམས་ཅད་མཆོད་སྦྱིན་གྱི་གཏོར་མ་རྒྱ་ཆེན་པོ་འདིས་ཚིམ་པར་གྱིས་ལ་བྱམས་པའི་སེམས་ཀྱིས་སོ་སོ་རང་རང་གི་གནས་དང་རྟེན་ལ་དེངས་(༣བ)

― GLG025_Page_0638 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིག །གལ་ཏེ་མི་འགྲོ་ན་ཁྲོ་བོ་སྤྲིན་རབ་འབྱམས་ཀྱིས་ཡེ་ཤེས་ཀྱི་རྡོ་རྗེ་འབར་བས་ཕྱེ་མར་བརླག་པར་འགྱུར། ཧཱུཾ། བདག་ཉིད་ཁྲོ་རྒྱལ་ཐུགས་ཀ་ནས། མཐིང་ནག་ཧཱུཾ་གི་འོད་ཟེར་ལས། །སྟོང་གསུམ་ཁྲོ་བོས་རབ་གང་ཞིང་། །རྔམ་སྒྲས་འཇིག་རྟེན་ཀུན་བཀང་ནས། །གནོད་མཛེས་ཁྲོ་བོ་མ་ཡིན་པའི། །གདུག་པ་གཡོ་འགུལ་མིང་ཡང་མེད། ཁྲོ་རྒྱལ་མཚོན་ཆ་མེ་རི་འབར། །འབར་བའི་མཚམས་ལས་མ་འདའ་ཞིག །བསྙེན་སྔགས་དང་ཧཱུཾ་བཞིའི་སྔགས། །དྲང་སྲོང་གི་དམོད་པ་བརྗོད། །སྲུང་འཁོར་ནི། ཧཱུཾ། ཁྲོ་བོ་མཚོན་ཆ་བསྐལ་པའི་མེ་དཔུང་གིས། །སྟེང་འོག་ཕྱོགས་མཚམས་མ་ལུས་རབ་གཏམས་ནས། །ཕྲ་མོའི་རླུང་ཡང་ཐར་བར་མི་ནུས་པའི། །སྲ་བརྟན་རྡོ་རྗེའི་གུར་གྱིས་མཚམས་ཆོད་ཅིག །བཤགས་པ་ནི། །ཧཱུཾ། བདག་གིས་ཚེ་རབས་ཐོག་མེད་ཚུན་ཆད་ནས། །ད་ལྟའི་ལུས་འདི་བླངས་པ་ཡན་ཆད་དུ། །ལུས་ཀྱིས་སྡིག་བྱས་སྤྱོད་པ་ངན་དུ་སྤྱད། །ངག་གིས་ཚིག་ཀྱལ་སྨྲ་བ་མང་དུ་བརྗོད། །ཡིད་ཀྱིས་བློ་ནོར་ལོག་པར་སེམས་ལ་སོགས། །འདོད་ཁྲོ་གཏི་མུག་དབང་གིས་ལས་སྤྱད་ཀུན། །བཀྲམ་པའི་ལྷ་ཚོགས་རྣམས་ལ་བཟོད་པར་གསོལ། །ཡེ་ཤེས་ལྷ་ལ་རྟོག་པ་མི་མངའ་ཡང་། །དེ་ཡི་འཁོར་དུ་གཏོགས་པའི་དྲེགས་པ་རྣམས། །མི་གཡེལ་སྐྱོན་མཐོང་ཙམ་ནས་བརླག་པར་མཛད། །ནོར་འཁྲུལ་ཆགས་ཉམས་མཆིས་ན་བཟོད་པར་གསོལ། །བཟོད་པར་བཞེས་ལ་ཚངས་པའི་དངོས་གྲུབ་སྩོལ། །འདི་ཕྱིའི་རྐྱེན་དང་སྒྲིབ་པར་མི་འགྱུར་གསོལ། །ཡིག་བརྒྱ་བརྗོད། བྱིན་འབེབས་ནི། ཧཱུཾ། འོག་མིན་ཆོས་དབྱིངས་ཕོ་བྲང་ལྕང་ལོ་ཅན། །ནགས་ཚལ་དྲ་བ་འཁྲིགས་པའི་ཕུག་པ་ན། །དྲི་མ་མེད་པའི་འོད་ཟེར་(༤ན)

― GLG025_Page_0639 ―

^{[མ་དཔེ་གཟིགས་ན་འདིར་གནོན།]}

[Full Size]

དྲང་སྲོང་ཆེ། །སྡེ་བརྒྱད་གཉེན་པོར་ཞེ་སྡང་རྡོ་རྗེའི་སྐུ། །མཐིང་ནག་ཞལ་གཅིག་ཕྱག་བཞི་ཞབས་གཉིས་བགྲད། །རྒྱན་མེད་སྐུ་ལ་བསྐལ་པའི་མེ་དཔུང་འབར། ཁྱེད་ཀྱི་ཐུགས་རྗེའི་ཐུགས་དམ་རྒྱུད་བསྐུལ་ན། །རང་བཞིན་ལྷུན་གྱིས་གྲུབ་པའི་ཞིང་ཁམས་ནས། །གློག་ལྟར་མྱུར་བའི་ཐུགས་རྗེས་འདིར་སྤྱོན་ལ། །རིགས་འཛིན་སྒྲུབ་པ་པོ་ལ་བྱིན་ཕོབ་ཅིག །ལུས་ལ་རྡོ་རྗེ་སྐུ་ཡི་བྱིན་༴ ངག་ལ་བདེན་ཚིག་གསུམ་གི་བྱིན་༴ ཡིད་ལ་རང་བྱུང་ཐུགས་ཀྱི་བྱིན་༴ ཡོན་ཏན་འགྲན་མེད་དྲང་སྲོང་བྱིན་༴ འཕྲིན་ལས་འགྲོ་འདུལ་རྣམ་བཞིའི་བྱིན་༴ དབང་ཆེན་དབང་སྐུར་དྲང་སྲོང་དྲི་མ་མེད། །བྱིན་ཆེན་བྱིན་ཕོབ་དྲང་སྲོང་དྲི་མ་མེད། །མཐུ་ཆེན་མཐུ་སྩོལ་དྲང་སྲོང་དྲི་མ་མེད། །དངོས་གྲུབ་མཆོག་སྩོལ་དྲང་སྲོང་དྲི་མ་མེད། །བདག་ཉིད་ལས་ཀྱི་འབྲས་བུ་མཆིས་པར་མཛོད། །ཏྲང་དུའི་གཤམ་དུ་ས་མ་ཡ་ཨ་བེ་ཤ་ཡ་ཨ་ཨཱཾ༔ཞེས་བརྗོད། མཆོད་གཏོར་བྱིན་གྱིས་བརླབ་པ་ནི། །རང་ཉིད་ཡི་དམ་ལྷར་གསལ་བའི། །ཐུགས་ཀའི་ཧཱུཾ་ལས་རཾ་ཡཾ་ཁཾ། །འཕྲོས་པས་མཆོད་པའི་རྫས་རྣམས་ཀྱི། །མ་དག་དངོས་འཛིན་བསྲེགས་གཏོར་བཀྲུས། །ཨོཾ་ལས་རིན་ཆེན་སྣོད་ཡངས་སུ། །མཆོད་པའི་ཡོ་བྱད་རང་རང་གི །མིང་ཡིག་དང་པོ་ཐིག་ལེ་ཡིས། །མཚན་པ་ཡོངས་སུ་གྱུར་པ་ལས། །ཆུ་གཉིས་ཉེར་སྤྱོད་འདོད་ཡོན་ལྔ། །ཀུན་དུ་བཟང་པོའི་མཆོད་པའི་སྤྲིན། །མི་ཟད་ནམ་མཁའ་མཛོད་མངའ་བས། །རྒྱལ་བ་རྒྱ་མཚོ་མཉེས་བྱེད་གྱུར། །ཨཱོཾ་བཛྲ་ཨརྒྷཾ་ཨཱ༔ཧཱུཾ་ནས་ཤཔྟ་ཨཱ༔ཧཱུཾ་གི་བར་དང་། །བཛྲ་སརྦ་པཱུ་ཛ་མེ་གྷ་ཧཱུཾ། སྭ་བྷཱ་ཝས་སྦྱངས། སྟོང་པའི་ངང་ལས་རིན་ཅེན་སྣོད། །ནམ་(༤བ)

― GLG025_Page_0640 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་ལྟ་བུར་རབ་ཡངས་དབུས། །བྷྲཱུཾ་ལས་ལྷ་རྫས་གཏོར་མ་ནི། ཁ་དོག་དྲི་རོ་རེག་བྱར་ལྡན། །རང་གི་གནས་གསུམ་ཡི་གེས་མཚན། །ཨཱོཾ་ལས་འོད་ཟེར་གཏོར་མར་ཕོག །འབགས་བཙོག་སྦྱངས་ཏེ་ཨཱ༔ཡིག་ལས། །འོད་འཕྲོས་བདུད་རྩིའི་རྒྱ་མཚོར་སྤེལ། །ཧཱུཾ་ལས་འོད་འཕྲོས་ནུས་པ་བསྐྱེད། །བསམ་གྱིས་མི་ཁྱབ་མང་པོར་གྱུར། །ཨཱོཾ་ཨཱཿཧཱུཾ་མ་ཧཱ་བ་ལིནྟ་ཏེ་ཛྭ་བ་ལིནྟ་བ་ལ་བ་ཏེ་གུ་ཧྱ་ས་མ་ཡེ་སྭཱ་ཧཱ། བདག་གི་ཐུགས་ཀའི་ཧཱུཾ་ལས་རཾ་ཡཾ་ཁཾ་འཕྲོས་པས། དྲག་པོའི་མཆོད་རྫས་སྨན་རག་གཏོར་གསུམ་དང་བཅས་པའི་ཉེས་སྐྱོན་རྣམས་བསྲེགས་གཏོར་བཀྲུས་ཏེ་མི་དམིགས་པ་སྟོང་པ་ཉིད་དུ་གྱུར་པའི་ངང་ལས་ཨ་ལས་ཐོད་པ་ཡངས་ཤིང་རྒྱ་ཆེ་བ་རྣམས་གྱི་ནང་དུ་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ཞུ་བ་ལས་བྱུང་བའི་ཁྲག་གི་ཨརྒྷཾ་དང་ཞབས་བསིལ། དབང་པོའི་མེ་ཏོག །ཤ་ཆེན་གྱི་བདུག་སྤོས། ཞུན་ཆེན་གྱི་སྒྲོན་མེ། མཁྲིས་ཆེན་གྱི་དྲི་ཆབ། ཤ་རུས་ཀྱི་ཞལ་ཟས། རྐང་གླིང་ཐོད་རྔའི་རོལ་མོ་རྣམས་ས་གཞི་བར་སྣང་ནམ་མཁའི་ཁམས་ཐམས་ཅད་ཡོངས་སུ་གང་བར་གྱུར། ཨཱོཾ་བཛྲ་ཨརྒྷཾ་ཨཱ༔ཧཱུཾ་ནས་ཤཔྟའི་བར་བརྗོད་སྨན་ཕུད་ཀྱི་སྣོད་བཅུད་རྣམས་མི་དམིགས་པ་སྟོང་པ་ཉིད་དུ་གྱུར་པའི་ངང་ལས་ཡཾ་ལས་རླུང་། རཾ་ལས་མེ། ཀཾ་ལས་ཐོད་པའི་སྒྱེད་བུ་གསུམ་གྱི་སྟེང་དུ་ཨཱ༔ ལས་བྷནྡྷ་ཡངས་ཤིང་རྒྱ་ཆེ་བའི་ནང་དུ་འཁོར་ལོ་རྩིབས་བཞི་པའི་ལྟེ་བར་བྱང་སེམས། སེང་གེའི་ཤ །སྨན་བཟང་པོ་དྲུག །ཤར་གྱི་རྩིབས་ལ་དྲི་ཆེན། གླང་པོ་ཆེའི་ཤ །ཛཱ་ཏི་ལྷོའི་རྩིབས་ལ་ཤ་ཆེན། རྟའི་ཤ །ཀ་ཀོ་ལ། ནུབ་ཀྱི་རྩིབས་ལ་པདྨ་རཀྟ། རྨ་བྱའི་ཤ །ལི་ཤི །བྱང་གི་རྩིབས་ལ་དྲི་ཆུ། ཁྱུང་ཤ །གུར་ཀུམ་རྣམས་རླུང་གིས་མེ་སྦར་ཏེ་ཞུ་བ་ཡོངས་སུ་གྱུར་(༥ན)

― GLG025_Page_0641 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལས་ཕྱག་མཚན་བཅུ་སོ་སོའི་ལྟེ་བར་ཧཱུཾ་ཨཱོཾ་སྭཱ་ཨཱཾ་ཧཱ་མུཾ་ལཱཾ་མཱཾ་པཱཾ་ཏཱཾ་གྱིས་མཚན་པ་ལས་འོད་ཟེར་འཕྲོས། འཁོར་འདས་ཀྱི་བཅུད་ཐམས་ཅད་བསྡུས་ཏེ་ཐིམ་པ་ཡོངས་སུ་གྱུར་པ་ལས་རིགས་ལྔར་གྱུར་པའི་སྦྱོར་མཚམས་ནས་བྱང་ཆུབ་གྱི་སེམས་དཀར་དམར་གྱི་རྒྱན་བབས་པའི་སྟེང་དུ་རིགས་ལྔ་ཡབ་ཡུམ་འོད་དུ་ཞུ་ནས་ཐིམ་པས་བདུད་རྩིའི་རྒྱ་མཚོ་ཆེན་པོར་གྱུར། ཨཱོཾ་ཨཱ༔ཧཱུཾ་སརྦ་པཉྩ་ཨ་མྲི་ཏ་ཧཱུཾ་ཧྲཱི༔ཐ། ལག་པའི་སོར་མོ་བསྣོལ་ལ་མཐེ་བོང་གཉིས་བསྒྲེང་པའི་ངོས་ལ་མཛུབ་མོ་གཉིས་བཀུག་ལ། ཨཱོཾ་བཛྲ་བྷ་ཉྫ་བ་ལྱཾ་ཏ་བི་ཤྭ་ཙ་ཀྲ་བྷྲུཾ། རྡོ་རྗེའི་གཏེར་སྣོད་ཀ་པཱ་ལ་ཡངས་ཤིང་རྒྱ་ཆེ་བར་གྱུར། ལག་གཉིས་ཁུ་ཚུར་མཛུབ་མོ་མཆེ་བ་འདྲ་བར་བྱས་ལ། ཨཱོཾ་མ་ཧཱ་སྨི་ཏ་ཛྲ་ལ་མཎྜ་ལ་ཧཱུཾ། གཏི་མུག་ཤའི་གཏོར་མ་རི་བོ་ཙམ་དུ་གྱུར། རྡོར་ཐལ་བསྐྱོད་པ་རཀྟ་སྦྲེང་བའི་རྒྱས། ཨཱོཾ་མཧཱ་རཀྟ་ཛྭ་ལ་མཎྜ་ལ་ཧཱུཾ། འདོད་ཆགས་ཁྲག་གི་གཏོར་མ་རྒྱ་མཚོ་ལྟ་བུར་གྱུར། ལག་པ་སོའི་ཕྲེང་བ་ལྟར་བྱས་ལ། ཨཱོཾ་མ་ཧཱ་ཀིཾ་ནྲི་ཏི་ཛྲ་ལ་མཎྜ་ལ་ཧཱུཾ། ཞེ་སྡང་རུས་པའི་གཏོར་མ་གྲམ་བུ་ལྟར་ཁྲོལ་བར་གྱུར་རྡོར་ཐལ་སྙིང་གར་གཏུགས་རྗེས་མགོ་ཐོད་གྱི་རྒྱ་ལུས་ལ་ལན་གསུམ་བསྐོར་ལ་དེའི་རྗེས་སུ་མཛུབ་མོ་གཉིས་དང་མཐེ་བོང་གཉིས་ཏེ་བཞི་པོ་རྩེ་སྤྲད་སོར་མོ་གཞན་རྣམས་བསྣོལ་ཏེ་བསྒྲེངས་ལ། ཨཱོཾ་ཀ་པཱ་ལ་བ་སུ་ཏ་ར་ལྀ་ཀྲོཾ་ཀྲོཾ་དྷེ་ཝ་བྷྱོ༔ རུ་ལུ་རུ་ལུ་ཧཱུཾ། བ་ལིནྟ་མཎྜ་ལ་ཧཱུཾ། དམ་ཉམས་དགྲ་བགེགས་བསྒྲལ་བ་ལས་བྱུང་བའི་གཏོར་མ་ངོ་བོ་རང་བཞིན་རྣམ་པར་དག་ཅིང་རྨད་དུ་བྱུང་བ་ལ་རྣམ་པ་ཤ་ཁྲག་རུས་པའི་རང་བཞིན་སྲུང་མ་དམ་ཅན་རྒྱ་མཚོའི་དགྱེས་སྐོང་དམ་པར་གྱུར། ཨཱོཾ་ཨཱཿཧཱུཾ་གསུམ་དང་ཨེ་ཨ་ར་ལི་ཧྲིཾ་ཧྲིཾ་ཛཿ(༥བ)

― GLG025_Page_0642 ―

^{[མ་དཔེ་གཟིགས་ན་འདིར་གནོན།]}

[Full Size]

ཛཿ ཞེས་བྱིན་གྱིས་བརླབ། རཀྟའི་སྣོད་བཅུད་མི་དམིགས་པ་སྟོང་པ་ཉིད་དུ་གྱུར་བའི་ངང་ལས་པདྨ་འབར་བའི་སྣོད་ཆེན་པོར། ར་ལས་རྡོ་རྗེ་སྒེག་མོ་དམར་མོ་མཁའ་ནས་ཁྲག་བབས་ཏེ་ཉོན་མོངས་པ་བག་ཆགས་དང་བཅས་པ་འཇོམས་པའི་རཀྟའི་རྒྱ་མཚོ་རྦ་ཀློང་རྒྱ་མདུད་ཀྱི་ཚུལ་དུ་འཁྲུགས་པ་ལས། ལྷ་མོ་ཉིད་འོད་དུ་ཞུ་ནས་ཐིམ་པས་འཁོར་བ་སྟོངས་པར་གྱུར། ཨཱོཾ་ཨཱཿཧཱུཾ་མ་ཧཱ་རཀྟ་ས་མཱནྟ་མཎྜ་ལ་ཧཱུཾ་ཕཊ། གཉིས་པ་དངོས་གཞི་ལ་ཐུན་མོང་སྦྱང་གཞི་དག་བྱེད་ནི། རང་ལུས་ཐ་མལ་དྷཱུ་ཏཱིའི་ནང་། །སྙིང་ཐད་པདྨ་འདབ་བཞིའི་དབུས། །ཉི་ཟླའི་གདན་ལ་ཨཱཿདཀར་པོ། །དེ་ལས་འོད་འཕྲོས་སྡིག་སྒྲིབ་སྦྱངས། རྩ་གསུམ་འདུས་མདོར་པདྨ་ནི། །དམར་པོ་འདབ་མ་བཞི་སྟེང་དུ། །ཨཱ༔ཡིག་རི་བོང་འཛིན་པའི་མདོག །འོད་འཕྲོས་ལུས་གང་ནད་གདོན་སྦྱངས། ཞི་བ་བསྐྱེད་པ་ནི། སྐད་ཅིག་བདག་ཉིད་དྲང་སྲོང་རི། །སྐུ་མདོག་སྔོ་སྐྱ་ཀེང་རུས་གཟུགས། སྨིན་མ་ཨག་ཚོམ་རྒྱ་མདོར་སླེབས། །རས་དཀར་སྨད་དཀྲིས་སྟོད་གཡོགས་ཅན། །སྐྱིལ་ཀྲུང་ཚུལ་བཞུགས་གྷུནྡྷེ་བསྣམས། །འཁོར་དུ་དྲང་སྲོང་འབུམ་གྱིས་བསྐོར། །སྙིང་གར་ཉི་མའི་གདན་སྟེང་དུ། །སྲོག་གི་སྙིང་པོ་ཧཱུཾ་མཐིང་ནག །ཏྲང་དུའི་སྔགས་ཀྱིས་བསྐོར་བར་བསམ། །ཨཱོཾ་ཏྲང་དུ་ཧྲི་ན་ཏྲང་དུ་ཛཿཛཿ ཁྲི་ཚོ་གཅིག་སོགས་གོང་བསྙེན་འབད། །འདི་གའི་བསྙེན་པའི་དུས་གོང་འོག་གི་དྲག་པོའི་སྒོས་ཆོས་རྣམས་དོར་བའི་ལས་བྱང་སྦྱར་ཏེ་བསྙེན་པ་བྱེད་ཅིང་རྒྱུན་གྱི་འཕྲིན་ལས་ལ་མ་བྱས་ཀྱང་རུང་མོད། འོན་ཀྱང་ལྷ་བསྒོམ་པ་དང་བཟླས་པ་ཅུང་ཟད་བྱེད་པ་རིགས་འཛིན་ཆོས་ཀྱི་གྲགས་པའི་ཕྱག་བཞེས་ལ། (༦ན)

― GLG025_Page_0643 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པས་བྱས་ན་ལེགས་ཞེས་སྔགས་འཆང་དཀོན་ཅོག་ལྷུན་གྲུབ་གསུང་། དྲག་པོའི་རྟེན་བརྟེན་པ་བསྐྱེད་པ་ནི། རང་ཉིད་དྲང་སྲོང་ཞི་བ་རུ། །གསལ་བ་འོད་དུ་ཞུ་བ་ཡི། །སྟོང་པའི་ངང་ནས་བྷུཾ་ཡིག་ལས། །བྱང་ཆུབ་ཆེན་པོའི་མཆོད་རྟེན་ནི། །དཀར་པོ་གདན་ཁྲི་བང་རིམ་གསུམ། །རི་རབ་བང་རིམ་བཞི་པའི་སྟེང་། །བུམ་པ་བྲེ་དང་ཆོས་འཁོར་གདུགས། །ཉི་ཟླ་ནོར་བུའི་ཏོག་གིས་མཛེས། །གསལ་འཚེར་འོད་ཟེར་ཕྱོགས་བཅུར་འབར། །བུམ་པའི་ལྟོ་བ་ཡངས་པའི་ནང་། །རང་ལུས་གནམ་ལྕགས་རྡོ་རྗེ་ནི། །ཡར་རྩེ་ནམ་མཁའི་མཐོངས་ལ་ཐུག །མར་རྩེ་དབང་ཆེན་གཞི་ལ་རིག །རྩེ་མོ་རབ་ཏུ་རྣོ་ངར་ལྡན། །བྱད་མའི་ལྕེ་ཡིས་བྲང་ཁེགས་དབུས། །སྙིང་དབུས་ནྲི་བཅས་དཀྱིལ་དུ་གཟེར། །རྩེ་མོའི་བར་དུ་བྱད་མ་ཡི། །ཆོས་སྐྱོང་ལྷ་སྲུང་ཕོ་ཉར་བཅས། །ཡར་གྱི་ལྟེ་བར་ཞེ་སྡང་རྡོ་རྗེ་སོགས་ཚིག་རྐང་གསུམ་པོ་རྒྱུན་འཁྱེར་གྱི་ཐུན་མཚམས་དམིགས་པའི་ཁ་སྒྱུར་ལས་ལས་འདིར་ནི་དགོས་པ་མིན་ནོ། །རྭ་རྩེའི་ནང་དུ་ནི། །བླ་མ་སངས་རྒྱས་བྱང་སེམས་དང་། །རྩེ་མོར་བྱ་ཁྱུང་ནག་པོ་ནི། །སྦྲུལ་གདུག་བཟུང་ཞིང་འབར་དབུས་གནས། །རྡོ་རྗེའི་ལྟེ་བ་ཡངས་པའི་ནང་། །ཧྲཱི༔ཡིག་འོད་དུ་ཞུ་བ་ལས། །གསེར་གྱི་ཙཀྲ་རྩིབས་བརྒྱད་དབུས། །རང་ཉིད་རྫུས་སྐྱེས་ཁྲོ་བོ་ནི། །མཐིང་ནག་ཞལ་གཅིག་ཕྱག་བཞི་པ། །དང་པོ་གཉིས་ཀྱིས་ཐོ་བ་དང་། །རལ་གྲི་འབར་བ་རབ་ཏུ་གདེངས། །མཐའ་གཉིས་གནམ་ལྕགས་ལག་མཐིལ་ལ། འདི་བཟློག་པ་དྲག་པོ་དང་བསང་པ་གཙོ་བོར་སྟོན་པའི་དབང་དུ་བྱས་ཀྱི་རྒྱུན་དང་སྲུང་བ་སོགས་ལ་མཐའ་མ་གཉིས་ཀྱིས་མཆོད་རྟེན་བཏེག་ཅེས་དང་རྒྱུན་འཁྱེར་བཟློག་པའི་དུས་སུ་མཐའ་གཉིས་གནམ་ལྕགས་ཐལ་མོ་རྡེག་མནན་པ་ལ་མཐའ་མ་གཉིས་ཀྱི་རི་རབ་བཏེག་ཟོར་ལམ་མཐའ་གཉིས་དྲག་པོའི་ཟོར་རྫས་ཐོགས་སོགས་རིག་(༦བ)

― GLG025_Page_0644 ―

^{[མ་དཔེ་གཟིགས་ན་འདིར་གནོན།]}

[Full Size]

པས་འཕྲུལ་ཤེས་དགོས་སོ། །སོར་མོ་ལྕགས་སྡིག་མགོ་དགུ་འཕྱར། ཁམ་ནག་དབུ་སྐྲ་གྱེན་དུ་བརྫེས། །ཉི་ཟླའི་གདན་ལ་བརྐྱང་བསྐུམ་བགྲད། །ཤིན་ཏུ་ཁྲོ་ཞིང་མི་སྡུག་པ། །རྒྱན་མེད་མེ་དཔུང་དབུས་ན་བཞུགས། །དབུ་ཡི་དཔེ་གསར་རྙིང་མང་པོར་ཕྲག་པ་གཡས་སུ་ཟེར་ཡོད་ཅིང་། ལྷོ་བྲག་སྤྲུལ་སྐུ་སོགས་གསར་མ་འདྲེས་ཀྱང་ད་ལྟར་བྲིས་མོད། །དབུ་གཙུག་ཏུ་བྱེད་པ་རྗེ་འབྲི་གུང་བའི་བཞེད་པ་ཐུན་མོང་བ་མ་ཡིན་པའོ། །གཙུག་ཏུ་དྲང་སྲོང་ནི། །སྐུ་མདོག་སྔོ་སྐྱ་ཀེང་རུས་གཟུགས། །ཞེས་པ་ནས་བཟུང་སྟེ་འཁོར་དུ་དྲང་སྲོང་འབུམ་གྱིས་བསྐོར་ཞེས་པའི་བར་ལེན། སྤྱི་བོར་རིགས་ཀྱི་བདག་པོ་རུ། །ཀུན་འདུས་རྩ་བའི་བླ་མ་ནི། །རྣམ་པ་པདྨ་ཐོང་འཕྲེང་རྩལ། །མཐིང་ནག་རྡོ་རྗེ་དྲིལ་བུ་འཛིན། །གསང་ཡུམ་འཚོ་རྒྱལ་དཀར་མོས་འཁྱུད། །གཉིས་ཀའང་ལོངས་སྤྱོད་རྫོགས་སྐུའི་ཚུལ། །རྡོ་རྗེ་པདྨའི་སྐྱིལ་ཀྲུང་ཅན། །གཙོ་བོའི་ཐུགས་ཀར་ཧྲཱི༔ ཡིག་ལས། །འཁོར་ལོ་སེར་པོ་རྩིབས་བརྒྱད་དབུས། །པདྨ་ཉི་མའི་གདན་སྟེང་དུ་། །བཛྲ་པཱ་ཎི་ཡེ་ཤེས་སེམས། །རང་འདྲའི་ཁྲོ་བོའི་སྐུར་གསལ་བ། །དེ་ཡི་ཐུགས་ཀར་རིན་པོ་ཆེའི། །གུར་ཁང་སྨུག་པོ་མཆོང་བཅག་འདྲའི། །ཟུར་བརྒྱད་ལྟེ་བར་ཉི་མའི་སྟེང་། །ཏིང་འཛིན་སེམས་དཔའ་ཧཱུཾ་ཡིག་གཟུགས། །མཐིང་ནག་གསལ་འཚེར་འོད་དུ་འབར། །སྨྲ་བྱེད་གནམ་ལྕགས་རྡོ་རྗེ་ནི། །རྩེ་དགུ་ལྟེ་བར་ཧཱུཾ་གིས་མཚན། །ལྕེ་རྩར་ཨ་ལས་ཟླ་བ་གནས། །རྩེ་དགུ་ཁོང་གསེང་ཡོད་པའི་རྩེར། །མཆོང་བཅག་འདྲ་བའི་ཕཊ་དགུས་མཚན། །ལས་བྱང་དུ་མི་གསལ་བ་རྣམས་བུ་ལེད་ཀྱི་ཉེར་བསྡུའི་དགོངས་དོན་བཞིན་བཀོད་པ་ལས་ཁུངས་མེད་ཀྱི་རྟོག་བཟོ་མིན་ནོ། །སྙིང་གའི་ཧཱུཾ་ལས་ཨཱོཾ་འཕྲོས་པས། །བྱང་ཆུབ་མཆོད་རྟེན་ཕྱི་རོལ་ཏུ། །འཁོར་ལོ་དཀར་(༧ན)

― GLG025_Page_0645 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་གུར་ཁང་ནི། །ཟླུམ་པོ་སྲ་ཞིང་མཁྲེགས་པས་བསྐོར། །སྙིང་གའི་ཧཱུཾ་ལས་ཧཱུཾ་འཕྲོས་པས། །འཁོར་ལོའི་གུར་ཁང་ཕྱི་རོལ་ཏུ། །རྡོ་རྗེ་སྔོན་པོའི་གུར་ཁང་ནི། །ཟླུམ་པོ་༴ སྙིང་གའི་ཧཱུཾ་ལས་སྭཱ་འཕྲོས་པས། །རྡོ་རྗེ་གུར་ཁང་ཕྱི་རོལ་ཏུ། །རིན་ཅེན་སེར་པོའི་གུར་ཁང་ནི། །ཟླུམ་པོ་༴ སྙིང་གའི་ཧཱུཾ་ལས་ཨཱཾ་འཕྲོས་པས། །རིན་ཅེན་གུར་ཁང་ཕྱི་རོལ་ཏུ། །པདྨ་དམར་པོའི་གུར་ཁང་ནི། །ཟླུམ་པོ་༴ སྙིང་གའི་ཧཱུཾ་ལས་ཧཱ་འཕྲོས་པས། །པདྨའི་གུར་ཁང་ཕྱི་རོལ་ཏུ། །རལ་གྲིའི་ལྗང་གུའི་གུར་ཁང་ནི། ཟླུམ་པོ་༴ སྙིང་གའི་ཧཱུཾ་ལས་ཡཾ་འཕྲོས་པས། །རལ་གྲིའི་གུར་ཁང་ཕྱི་རོལ་ཏུ། །རླུང་ནག་འཚུབ་མའི་གུར་ཁང་ནི། །ཟླུམ་པོ་༴ སྙིང་གའི་ཧཱུཾ་ལས་རཾ་འཕྲོས་པས། །རླུང་གི་གུར་ཁང་ཕྱི་རོལ་ཏུ། །དུས་མཐའི་མེ་ཡི་གུར་ཁང་ནི། །ཟླུམ་པོ་༴ སྙིང་གའི་ཧཱུཾ་ལས་བཾ་འཕྲོས་པས། །མེ་ཡི་གུར་ཁང་ཕྱི་རོལ་ཏུ། །རྦ་ཀློང་འཁྲུག་པའི་གུར་ཁང་ནི། །ཟླུམ་པོ་༴ སྙིང་གའི་ཧཱུཾ་ལས་ལཾ་འཕྲོས་པས། །ཆུ་ཡི་གུར་ཁང་ཕྱི་རོལ་ཏུ། །རི་བོ་རྒྱ་གྲམ་གུར་ཁང་ནི། །ཟླུམ་པོ་༴ སྙིང་གའི་ཧཱུཾ་ལས་ཨེ་འཕྲོས་པས། །ས་ཡི་གུར་ཁང་ཕྱི་རོལ་ཏུ། །ནམ་མཁའ་གནམ་ལྕགས་གུར་ཁང་ནི། །ཟླུམ་པོ་༴ བར་མཚམས་རྣམས་ཀྱང་རང་རང་གི །རིགས་མཐུན་ཁ་དོག་མཚོན་ཆ་ཅན། ཁྲོ་ཚོགས་གཏམས་ཤིང་དུག་རླངས་འཁྲིགས། །ཕྱི་རོལ་རང་སྔགས་དབྱངས་གསལ་དང་། །རྟེན་འབྲེལ་སྙིང་པོའི་སྔགས་ཀྱི་ཕྲེང་། །འཛབ་དམོད་ཚིག་གི་ང་རོ་སྒྲོག །གཞོམ་ཞིག་མེད་པའི་གུར་དུ་གྱུར། །ལྷ་ཚོགས་རྣམས་ཀྱི་གནས་གསུམ་དུ། །ཨཱོཾ་དཀར་ཨཱཿདམར་(༧བ)

― GLG025_Page_0646 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུཾ་སྔོན་པོ། །ཧཱུཾ་ལས་འོད་ཟེར་རབ་འཕྲོས་པས། །རྒྱ་གར་ཡུལ་དབུས་ལྷོ་ཡི་ཕྱོགས། །རི་བོ་ཀུན་འདུས་རྩེ་མོ་ཡི། །ནགས་ཚལ་དྲ་བའི་ཀློང་དཀྱིལ་ནས། །དྲང་སྲོང་དྲི་མེད་འོད་ཟེར་ནི། །འཁོར་དུ་དྲང་སྲོང་འབུམ་གྱི་བསྐོར། །དཔལ་ལྡན་ཞེ་སྡང་རྡོ་རྗེ་ལ། ཁྲོ་བོའི་ཚོགས་དང་བཅས་པ་རྣམས། །མཁའ་ལ་གློག་སྟོང་འཁྱུག་པ་བཞིན། །ཐོགས་པ་མེད་པར་འདིར་སྤྱོན་ཅིག །ཨཱོཾ་ཏྲང་དུ་ཧྲིན་ཏྲང་དུ་ཛཿཛཿསྤྱན་འདྲེན་ནི། ཧཱུཾ། དད་པ་དང་ནི་དམ་ཚིག་གིས། །ཚུར་གཤེགས་གནས་འདིར་སྤྱན་འདྲེན་ན། །རྒྱ་གར་ཡུལ་གྱི་ལྷོ་ཕྱོགས་ངོས། །ཡུལ་ནི་རྒྱ་གར་ཨིནྡའི་ཡུལ། །རི་བོ་ཀུན་འདུས་རྩེ་མོ་ན། །ནགས་ཚལ་དྲ་བའི་ཀློང་དཀྱིལ་ན། །རིན་ཅེན་སྣ་ལྔའི་ཁྲི་སྟེང་ན། །སློབ་དཔོན་དྲང་སྲོང་དྲི་མེད་ནི། །དྲང་སྲོང་འབུམ་གྱི་འཁོར་གྱིས་བསྐོར། །མ་ལུས་འཁོར་དང་བཅས་པ་རྣམས། །སེམས་ཅན་དོན་ལ་གཤེགས་སུ་གསོལ། །ལྷ་སྲིན་སྡེ་བརྒྱད་གཉེན་པོ་རུ། །གཏུམ་ཆེན་དྲག་པོའི་སྐུར་བསྟན་པ། །སྤྲུལ་པ་ཡང་སྤྲུལ་བཅས་པ་རྣམས། །ཞི་རྒྱས་དབང་དྲག་འཕྲིན་ལས་ཀུན། །ཐོགས་མེད་བསྒྲུབ་ཕྱིར་གཤེགས་སུ་གསོལ། །སྡེ་བརྒྱད་འདུལ་ཕྱིར་༴ བྱད་མ་བཟློག་ཕྱིར་༴ འབྱུང་པོ་འདུལ་ཕྱིར་༴ རྒྱལ་བསེན་འདུལ་ཕྱིར་༴ དགྲ་བགེགས་འདུལ་ཕྱིར། །ཨོཾ་ཨེ་ཧྱེ་ཏི་བཛྲ་ས་མ་ཡ་ཛཿཛཿཧཱུཾ་བཾ་ཧོཿས་གཉིས་སུ་མེད་པར་བསམ། བཞུགས་སུ་གསོལ་བ་ནི། ཧཱུཾ། ཞི་བའི་ལྷ་ཚོགས་འཁོར་བཅས་རྣམས། །པདྨའི་གདན་ལ་བཞུགས་སུ་གསོལ། །དྲག་པོའི་ལྷ་ཚོགས་འཁོར་བཅས་རྣམས། །ཉི་ཟླའི་གདན་ལ་བཞུགས་སུ་གསོལ། །ཏིཥྛ་བཛྲ་ས་མ་ཡ་སྟཾ། ཧཱུཾ། བདག་ཅག་བསོད་ནམས་སྐལ་བར་ལྡན། །(༨ན)

― GLG025_Page_0647 ―

^{[མ་དཔེ་གཟིགས་ན་འདིར་གནོན།]}

[Full Size]

དྲང་སྲོང་འཁོར་བཅས་བྱོན་པ་ལེགས། །ཇི་སྲིད་བརྟན་པར་བཞུགས་སུ་གསོལ། །ཇི་སྲིད་བརྟན་པར་བཞུགས་ནས་ཀྱང་། ཁྱེད་ཀྱི་ཐུགས་རྗེས་བདག་ལ་གཟིགས། །ཐུགས་རྗེས་བདག་ལ་དབང་བཞི་སྐུར། །ཕྱག་འཚལ་བ་ནི་ཧཱུཾ། སློབ་དཔོན་དྲི་མེད་འཁོར་བཅས་ལ། །བདག་ཅག་གུས་པས་ཕྱག་འཚལ་ལོ། །ལུས་ངག་ཡིད་གསུམ་གུས་ཕྱག་འཚལ། །སྡེ་བརྒྱད་དབང་སྡུད་དངོས་གྲུབ་སྩོལ། །མཐུ་རྩལ་དབང་གི་དངོས་གྲུབ་སྩོལ། །ཞི་བའི་ཉེར་སྤྱོད་ནི། །ཨཱོཾ་སངས་རྒྱས་ཐམས་ཅད་འདུས་པའི་སྐུ། །སངས་རྒྱས་ཀུན་གྱི་སྤྲུལ་པ་ཡི། །དྲང་སྲོང་རྒྱལ་པོ་རིག་སྔགས་བདག །དྲག་སྔགས་བདག་པོ་མཐུ་རྩལ་ཅན། །སྡེ་བརྒྱད་འདུལ་བའི་དྲག་ཤུལ་ཅན། ཁྱེད་ལ་མཆོད་པ་འབུལ་བ་ནི། །བཟང་དྲུག་སྨན་གྱི་ངད་ལྡན་པའི། །མཆོད་ཡོན་ལྷ་ལ་ཆབ་འདི་དབུལ། །ལུས་ཅན་སྐོམ་པའི་གདུང་སེལ་ཤོག །ཨཱོཾ་བཛྲ་ཨརྒྷཾ་ཨཱཿཧཱུཾ། །དྲི་མེད་གཙང་ཞིང་ཡིད་འོང་བའི། །ཡན་ལག་བརྒྱད་ལྡན་ཞབས་བསིལ་འབུལ། །མ་དག་ཉེས་ཚོགས་བྱང་གྱུར་ཅིག །ཨཱོཾ་བཛྲ་པཱ་དྱཾ་ཨཱཿཧཱུཾ། པདྨ་ཨུཏྤལ་ལ་སོགས་པའི། །ཐང་སྐྱེས་ཆུ་སྐྱེས་མེ་ཏོག་འབུལ། །མཚན་དང་དཔེ་བྱད་ལྡན་པར་ཤོག །ཨཱོཾ་བཛྲ་པུཥྤེ་ཨཱཿཧཱུཾ། བདུད་རྩི་དང་ལྡན་སྤོས་མཆོག་འདི། །དྲང་སྲོང་འཁོར་དང་བཅས་ལ་འབུལ། །ཐུགས་རྗེས་བྱིན་རློབས་བཞེས་སུ་གསོལ། ཨཱོཾ་བཛྲ་དྷཱུ་པེ་ཨཱཿཧཱུཾ། སྣང་གསལ་སྒྲོན་མེ་འབར་བ་འདིས། །མ་རིག་མུན་པ་སེལ་བར་ཤོག །ཨཱོཾ་བཛྲ་ཨཱ་ལོ་ཀེ་ཨཱཿཧཱུཾ། ཁྱེད་སྐུ་སྒྲིབ་པ་མི་མངའ་ཡང་། །སེམས་ཅན་སྒྲིབ་པ་སྦྱང་བའི་ཕྱིར། །བདུད་རྩི་ཁྲུས་ཆབ་འདི་(༨བ)

― GLG025_Page_0648 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་བས། །སྐུ་རྣམས་དབྱིངས་ནས་དག་པ་བཞིན། །སེམས་ཅན་སྒྲིབ་པ་དག་གྱུར་ཅིག །ཨཱོཾ་བཛྲ་གནྦྷེ་ཨཱཿཧཱུཾ། བསྐལ་པ་བཟང་པོའི་ནས་འབྲུ་བཞིན། །ཞལ་ཟས་རོ་མཆོག་བརྒྱ་ལྡན་འདི། །དྲང་སྲོང་ཁྱེད་ལ་འབུལ་ལགས་ན། །ཐུགས་རྗེ་དང་ནི་དམ་ཚིག་དང་། །གཉིས་མེད་དོན་གྱིས་བཞེས་སུ་གསོལ། །ཨཱོཾ་བཛྲ་ནེ་ཝི་དྱ་ཨཱཿཧཱུཾ། ཀ་ལ་པིངྐའི་སྒྲ་དབྱངས་བཞིན། །སྒྲ་སྙན་རྒྱུན་རྣམས་ཐམས་ཅད་ཀུན། །དྲང་སྲོང་ཁྱེད་ལ་འབུལ་ལགས་ན། །ཐུགས་རྗེ་དང་ནི་དམ་ཚིག་དང་། །གཉིས་མེད་དོན་གྱིས་བཞེས་སུ་གསོལ། །ཨཱོཾ་བཛྲ་ཤཔྟ་ཨཱཿཧཱུཾ། །འདོད་ཡོན་ནི། ཧཱུཾ། མཛེས་པའི་གཟུགས་དབྱིབས་ཁ་དོག་དང་། །ཟློས་གར་སྣ་ཚོགས་བསྒྱུར་བ་འདི། །དྲང་སྲོང་འཁོར་བཅས་སྤྱན་ལ་འབུལ། །ཨཱོཾ་བཛྲ་རཱུ་པ་ཨཱཿཧཱུཾ། ཟིན་དང་མ་ཟིན་ལས་བྱུང་བའི། །མཐའ་ཡས་རོལ་མོ་གླུ་དང་དབྱངས། །དྲང་སྲོང་འཁོར་བཅས་སྙན་ལ་འབུལ། །ཨཱོཾ་བཛྲ་ཤཔྟ་ཨཱཿཧཱུཾ། །ག་བུར་ཙན་དན་གུར་ཀུམ་སོགས། །དྲི་མཆོག་དུང་ཕོར་གྱིས་སྦྲེང་བ། །དྲང་སྲོང་འཁོར་བཅས་ཐུགས་ཀར་འབུལ། །ཨཱོཾ་བཛྲ་གནྡྷེ་ཨཱཿཧཱུཾ། ལྷ་དང་མི་ཡི་བཟའ་དང་བཅའ། །རོ་བརྒྱ་ལྡན་པའི་བཤོས་བུ་འདི། །དྲང་སྲོང་འཁོར་བཅས་ཞལ་དུ་འབུལ། །ཨཱོཾ་བཛྲ་ར་ས་ཨཱཿཧཱུཾ། དུ་ཀཱུ་ལ་ཡི་རས་བཟང་སོགས་། །ལྷ་མིའི་རེག་བྱ་སྣ་ཚོགས་པ། །དྲང་སྲོང་འཁོར་བཅས་སྐུ་ལ་འབུལ། །ཨཱོཾ་བཛྲ་སྤཪྴ་ཨཱཿཧཱུཾ། གཏོར་མ་ནི། ཧཱུཾ། དཀར་གསུམ་དངར་གསུམ་ཤིང་ཏོག་དང་། །འབྲུ་སྣ་དང་སྦྱར་འདོད་ཡོན་ལྔའི། །རང་བཞིན་བདུད་རྩིའི་གཏོར་མ་འདི། །དྲང་སྲོང་འཁོར་དང་བཅས་(༩ན)

― GLG025_Page_0649 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འབུལ། །ཨཱོཾ་བཛྲ་པཱ་ཎི་ཁ་ཁ་ཁཱ་ཧི་ཁཱ་ཧི་དུ་ན་ཡ་སྭཱ་ཧཱ། ཨཱོཾ་ཏྲང་དུ་ཏྲི་ན་ཧྲང་དུ་ཛཿཛཿཁ་ཁ་ཁཱ་ཧི་ཁཱ་ཧི་དུ་ན་ཡ་སྭཱ་ཧཱ་། དྲག་པོའི་མཆོད་པ་ནི། ཧཱུཾ། ལོག་འདྲེན་སྡེ་བརྒྱད་བསྒྲལ་བ་ཡི། །སྙིང་ཁྲག་དྲོན་མོའི་མཆོད་ཡོན་འདི། །ཞེ་སྡང་རྡོ་རྗེ་འཁོར་བཅས་ལ། །འབུལ་གྱི་འཕྲིན་ལས་སྒྲུབ་པར་མཛོད། །ཨཱོཾ་རྀ་ཥི་ཀྲོ་ཏ་རཱ་ཛ་ཨརྒྷཾ་པ་ཏི་ཧཱུཾ་ཙྪ་སྭཱ་ཧཱ། །དགྲ་བགེགས་འབྱུང་པོ་བསྒྲལ་བའི་ཁྲག །དུང་ཆེན་སྣོད་གཏམས་ཞབས་བསིལ་འདི། །ཞེ་སྡང་རྡོ་རྗེ་འཁོར་༴ འབུལ་གྱི་འཕྲིན་ལས་༴ སྔགས་མཇུག་ཏུ་པཱ་དྱཾ་༴ མིག་ལྕེ་རྣ་བ་སྣ་དང་སྙིང་། །དྲོད་ལྡན་འཕྲིག་པའི་མེ་ཏོག་འདི། །ཞེ་སྡང་༴ འབུལ་གྱི་༴ སྔགས་མཇུག་ཏུ་པུཥྤེ་༴ སྣ་ཚོགས་ཤ་སྣ་སྨན་དང་སྤོས། །སྦྱར་བའི་ཁམས་ནག་དུད་འཐུལ་བ། །ཞེ་སྡང་༴ འབུལ་གྱི་༴ སྔགས་མཇུག་ཏུ་ངྷུ་པེ་༴ རྐང་མར་ཚིལ་གྱི་ཞུན་ཆེན་པོ། །སྐྲ་ལས་སྤར་བའི་སྒྲོན་མེ་འདི། །ཞེ་སྡང་༴ འབུལ་གྱི་༴ སྔགས་མཇུག་ཏུ་ཨཱ་ལོ་ཀེ་༴ ཁྲག་ཞག་མཁྲིས་པ་འཁྱིལ་བའི་དྲི། །ངད་ལྡན་ཐུགས་ཀར་བྱུག་པའི་རྫས། །ཞེ་སྡང་༴ འབུལ་གྱི་༴ སྔགས་མཇུག་ཏུ་གནྡྷེ་༴ གློ་སྙིང་མཁལ་མཚེར་མཆིན་པ་ཤ །ཀླད་རུས་སྤུངས་པའི་ཟས་མཆོག་འདི། །ཞེ་སྡང་༴ འབུལ་གྱི་༴ སྔགས་མཇུག་ཏུ་ནི་ཝི་དྱ་༴ རྐང་གླིང་ཐོད་རྔ་དུང་ཆེན་རྔ། །འོ་དོད་རྒྱང་གླུ་བཤུག་པའི་སྒྲ། །ཞེ་སྡང་༴ འབུལ་གྱི་༴ སྔགས་མཇུག་ཏུ་ཤཔྟ་༴ སྨན་མཆོད་ནི། །ཧཱུཾ། གདོད་ནས་རྣམ་དག་རྩ་བརྒྱད་སྟོང་(༩བ)

― GLG025_Page_0650 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱར་སྨན། །ཡེ་ཤེས་ལྔ་རྫོགས་གྲུབ་པའི་དམ་ཚིག་རྫས། །རྒྱུད་དྲུག་ཀུན་སྒྲོལ་དུག་ལྔ་རབ་སེལ་བ། །བདུད་རྩི་སྨན་མཆོད་འབུལ་ལོ་བཞེས་སུ་གསོལ། །ན་མཿསརྦ་ཏ་ཐཱ་ག་ཏ་མ་ཧཱ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། བརྒྱུད་མཆོད་ནི། །ཚིག་རྐང་གསུམ་པོ་བརྒྱུད་འདེབས་ཇི་ལྟ་བ་ལ། སྨན་མཆོད་འབུལ་ལོ་དབང་དང་དངོས་གྲུབ་སྩོལ། །ཞེས་བསྒྱུར་ཞིང་སྔགས་སྦྱོར། །གསང་བའི་བདག་པོ་ཕྱག་ན་རྡོ་རྗེ་འཛིན། །སྡེ་བརྒྱད་གཉེན་པོར་དྲང་སྲོང་ཁྲོ་བོའི་རྒྱལ། །སྤྲུལ་པ་ཡང་སྤྲུལ་འཁོར་དང་བཅས་པ་ལ་༴ ཨཱོཾ་རྀ་ཥི་ཀྲོ་ཏ་རཱ་ཛ་མཧཱ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། དངོས་གྲུབ་བླང་བ་ནི། ཨཱོཾ་ཨཱཿཧཱུཾ། དཔལ་ལྡན་རྡོ་རྗེའི་སྐུ་གསུང་ཐུགས་འཆང་བ། །མི་ཕྱེད་རྡོ་རྗེའི་སྐུ་གསུང་ཐུགས་དང་ལྡན། །དེང་བདག་གསང་བདག་སྐུ་གསུང་ཐུགས་འཛིན་པ། །གསང་བདག་སྐུ་གསུང་ཐུགས་ཀྱི་དངོས་གྲུབ་སྩོལ། །ཀཱ་ཡ་སིངྔྷི་ཨཱོཾ། །ཝཱ་ཀ་སིངྔྷི་ཨཱ༔ ཙིཏྟ་སིངྔྷི་ཧཱུཾ། གཏོར་མ་ནི། བླ་མེད་མཆོག་གི་མཆོད་པར་སྦྱར་བ་འདི། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །འདོད་པའི་ཡོན་ཏན་ལྔ་ཡིས་རབ་བརྒྱན་པ། །གཏོར་མའི་མཆོད་པ་འབུལ་ལོ་བཞེས་སུ་གསོལ། །སྔགས་མཇུག་ཏུ་མཧཱ་བ་ལིནྟ་ཁ་རཾ་ཁཱ་ཧི། །རཀྟ་ནི། གདུག་ཅན་དགྲ་བགེགས་ཁྲག་གི་དངས་མའི་མཚོར། །མཁའ་དབྱིངས་པདྨ་རཀྟའི་འབབ་ལྡན་ཀུན། །གཅིག་བསྡུས་མཚམས་སྤྲིན་ལ་འགྲན་དབུ་ཕྲེང་ཅན། །རཀྟའི་མཆོད་པ་འབུལ་ལོ་བཞེས་སུ་གསོལ། །སྔགས་མཇུག་ཏུ་མ་ཧཱ་རཀྟ་ཁ་རཾ་ཁཱ་ཧི། སྦྱོར་སྒྲོལ་ནི། མཚན་ལྡན་གཟུང་མ་དང་སྦྱར་བཅུ་དྲུག་ཆ། །ཡོངས་རྫོགས་དགའ་བཞིའི་བདེ་(༡༠ན)

― GLG025_Page_0651 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་རབ་རྒྱས་ཤིང་། །དམ་ཉམས་དགྲ་བགེགས་བསྒྲལ་བ་ལས་བྱུང་བའི། །སྦྱོར་སྒྲོལ་མཆོད་པ་འབུལ་ལོ་བཞེས་སུ་གསོལ། །སྔགས་མཇུག་ཏུ་མ་ཧཱ་མཾ་ས་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་བ་སུ་ཏ་ཁཱ་ཧི། །མ་ཧཱ་གོ་རོ་ཙ་ན་ཁཱ་ཧི། མ་ཧཱ་ཀེཾ་ནྲི་ཏི་ཁཱ་ཧི། བོངྷི་ཙིདྷ་མ་ཏྲཾ་རུ་དྲ་པྲ་བེ་ཤ་ཡ་ཕཊ། བསྟོད་པ་ནི། ཧཱུཾ། སངས་རྒྱས་ཐམས་ཅད་འདུས་པའི་སྐུ། །སངས་རྒྱས་ཀུན་གྱི་སྤྲུལ་པ་ཡི། །དྲང་སྲོང་ཆེན་པོ་དྲི་མེད་ནི། །བག་ཆགས་སྒྲིབ་པ་མི་མངའི་ཕྱིར། །ཉི་ཟླ་པདྨའི་གདན་ལ་བཞུགས། །ཐབས་དང་ཤེས་རབ་ལྡན་པའི་ཕྱིར། །ཞལ་གཅིག་ཕྱག་གཉིས་དྲང་སྲོང་སྐུ། །འདོད་ཆགས་དུག་ལྔ་སྤོང་བའི་ཕྱིར། །སྐུ་མདོག་སྔོ་སྐྱ་ཀེང་རུས་གཟུགས། ཁམས་གསུམ་དབང་དུ་སྡུད་པའི་ཕྱིར། །དབུ་སྐྲ་ལྕང་ལོ་གྱེན་དུ་འཁྱིལ། །སངས་རྒྱས་བསྟན་པ་བསྲུང་བའི་ཕྱིར། །ཞལ་ནས་སྡེ་བརྒྱད་སྤུ་གྲི་གསུངས། །སྡེ་བརྒྱད་གནད་ལ་བོར་བའི་ཕྱིར། །ཕྱག་ན་གསེར་གྱི་རྡོ་རྗེ་བསྣམས། །སྤྲུལ་པས་ཀུན་ལ་ཁྱབ་པའི་ཕྱིར། །འཁོར་དང་དྲང་སྲོང་འབུམ་གྱིས་བསྐོར། །སྡེ་བརྒྱད་དབང་དུ་སྡུད་པའི་ཕྱིར། །རི་བོ་ཀུན་འདུས་རྩེ་ལ་བཞུགས། །སངས་རྒྱས་སྤྲུལ་པ་ཡིན་པའི་ཕྱིར། །སྐུ་ལ་ན་བཟའ་རས་གོས་གསོལ། །ས་བཅུ་ཟིལ་གྱིས་གནོན་པའི་ཕྱིར། །ནགས་ཚལ་དྲ་བའི་ཕུག་ན་བཞུགས། །ཚེ་དང་བསོད་ནམས་སྤེལ་བའི་ཕྱིར། །ཤིང་ཏོག་སྣ་ཚོགས་ཞལ་དུ་གསོལ། །སངས་རྒྱས་སྟོང་གི་སྤྲུལ་པའི་སྐུ། །དྲང་སྲོང་ཁྱེད་ལ་གུས་ཕྱག་འཚལ། ཁྱོད་ཀྱིས་བདག་ལ་དངོས་གྲུབ་སྩོལ། །སྡེ་བརྒྱད་དབང་(༡༠བ)

― GLG025_Page_0652 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་སྡུད་པའི་ཕྱིར། །མཐུ་དང་རྫུ་འཕྲུལ་བདག་ལ་སྩོལ། །ཧཱུཾ། ལྷ་སྲིན་སྡེ་བརྒྱད་གཉེན་པོ་རུ། །དྲི་མེད་འོད་ཟེར་ཁྲོ་བའི་སྐུར། །རབ་བཞེངས་ཞེ་སྡང་རྡོ་རྗེ་ནི། །སྐུ་མདོག་སྟང་ཟིལ་བརྩེགས་པ་ཡི། །རི་རབ་ཉི་མས་འཁྱུད་པ་བཞིན། །བཟོད་པར་དཀའ་བའི་གཟི་བརྗིད་ཅན། །དབུ་སྐྲ་དམར་སེར་ནམ་མཁའ་ཁྱབ། །དམར་ཟླུམ་སྤྱན་གསུམ་གློག་ལྟར་འཁྱུག །སྲིན་པོ་ལྟ་བུར་རྔམ་ཞལ་གདངས། །མཆེ་བའི་གྲ་ནས་ཁྲག་རྒྱུན་འབབ། །ལྗགས་འགྲིལ་རྐན་སྒྲ་དྲག་ཏུ་རྡེབ། །སྨ་ར་སྨིན་མ་མེ་ལྟར་འབར། །སྦོམ་ཞིང་ཐུང་ལ་ཡན་ལག་རགས། །རྒྱན་མེད་གཅེར་བུ་འཇིགས་པའི་གཟུགས། །ཕྱག་གཡས་གནམ་ལྕགས་ཐོ་བ་ཡིས། །སྡེ་བརྒྱད་ཐམས་ཅད་རྡུལ་དུ་རློག །གཡོན་པ་རལ་གྲི་འབར་བ་ཡིས། །མགོ་ལུས་ཡན་ལག་དུམ་བུར་གཏུབས། །མཐའ་གཉིས་གནམ་ལྕགས་ལག་པའི་མཐིལ། །དགྲ་བགེགས་ཆ་ལང་བཞིན་བརྡབས་པའི། །ཤ་ཁྲག་སོར་མོ་སྡིག་པ་ཡིས། །ལྷག་མ་མེད་པར་ཆེམ་ཆེམ་ཟ། །རེས་འགའ་ཐུན་ཟོར་ཐོག་སེར་འབེབས། །སྐབས་འགར་བྱང་ཆུབ་མཆོད་རྟེན་འཛིན། །རི་རབ་ལ་སོགས་ཕྱག་མཚན་གྱིས། །སོ་སོར་མ་འདྲེས་ལས་ཀུན་བསྒྲུབ། །ཞབས་གཉིས་གཡས་བསྐུམ་གཡོན་བརྐྱང་བཞུགས། །སྐུ་ལས་འབར་བའི་མེ་དཔུང་གིས། །སྲིད་གསུམ་ཐམས་ཅད་སྲེག་པར་མཛད། །ཞལ་ནས་དྲང་སྲོང་དམོད་པའི་མཚོན། །ཕབ་པས་སྡེ་བརྒྱད་འབྱུང་པོ་འདུལ། །ཐུགས་ནི་མི་འགྱུར་བདེ་ཆེན་ལྡན། །སངས་རྒྱས་ཀུན་གྱི་མཐུ་སྟོབས་རྣམས། །གཅིག་བསྡུས་གསང་བའི་བདག་པོ་དང་། །དབྱེར་མེད་ཁྱོད་ལ་བདག་(༡༡ན)

― GLG025_Page_0653 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟོད་དོ། །བསྐུལ་བ་ནི། ཧཱུཾ། སངས་རྒྱས་བསྟན་པ་བསྲུང་བ་དང་། །ལས་ངན་དགྲ་བགེགས་བསྒྲལ་བ་དང་། །བར་ཆད་རྒྱལ་འགོང་འདུལ་བ་དང་། །བྱད་མ་རྦོད་གཏོང་བཟློག་པ་དང་། །ལྷ་སྲིན་སྡེ་བརྒྱད་འདུལ་བའི་ཕྱིར། །དྲང་སྲོང་ཆེན་པོ་རབ་ཁྲོས་ཤིང་། །ཉོན་མོངས་དུག་གསུམ་འཇོམས་པའི་ཕྱིར། །དུས་གསུམ་སངས་རྒྱས་འཁོར་བཅས་བཞེངས། །ཞེ་སྡང་དུག་ལྔ་གཞོམ་པའི་ཕྱིར། །རིགས་ལྔའི་སངས་རྒྱས་འཁོར་བཅས་བཞེངས། །མི་དགེ་བཅུ་རྣམས་འདུལ་བའི་ཕྱིར། །ཕྱོགས་བཅུའི་སངས་རྒྱས་འཁོར་བཅས་བཞེངས། །ལྷ་སྲིན་སྡེ་བརྒྱད་འདུལ་བའི་ཕྱིར། །དྲང་སྲོང་འཁོར་བཅས་ཐམས་ཅད་བཞེངས། །བར་ཆད་ལོག་འདྲེན་འདུལ་བའི་ཕྱིར། །ཕྱག་མཚན་ཐམས་ཅད་མཚོན་ཆར་བཞེངས། །བཞེངས་ཤིག་དྲང་སྲོང་ཆེན་པོའི་ཚོགས། །འདིར་སྤྱོན་མཆོད་གཏོར་འདི་བཞེས་ལ། །བསྟན་པ་བསྲུང་བའི་ལས་མཛོད་ཅིག །འཕྲིན་ལས་བཅོལ་བའི་དུས་ལ་བབ། །བྱད་མ་བཟློག་པའི་༴ རྒྱལ་འགོང་འདུལ་བའི་༴ དགྲ་བགེགས་སྒྲོལ་བའི་དུས་ལ་བབ། །ཆེ་བའི་ང་རྒྱལ་བསྐྱེད་པའི་དམིགས་པ་ནི། རྡོ་རྗེ་ལྟེ་བའི་ཧཱུཾ་ཡིག་ལས། །འོད་ཟེར་ལྕགས་ཀྱུ་ལྟ་བུ་འཕྲོས། །སྡེ་བརྒྱད་སྙིང་ནས་དབང་མེད་དྲངས། །མདུན་དུ་བཀུག་པའི་སྤྱི་བོ་རུ། །རྡོ་རྗེ་རྒྱ་གྲམ་བཞེང་པ་ཡིས། །འགུལ་འཁྱོག་སྤངས་ཏེ་འདར་བར་བསམ། །ཧཱུཾ། ང་ནི་མ་མོ་ཀུན་གྱི་ཡབ། །ང་ནི་གཤིན་རྗེ་ཀུན་གྱི་ཡུམ། །ང་ནི་ཁམས་གསུམ་ཀུན་གྱི་བདག །ང་ནི་དབང་ཕྱུག་ཆེན་པོ་སྟེ། །ང་ནི་སྲོག་གཅོད་ཀུན་གྱི་རྗེ། །ང་ནི་སྲིད་པ་ཀུན་གྱི་བདག །ང་ནི་(༡༡བ)

― GLG025_Page_0654 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་འགྲོ་ཀུན་གྱི་བདག །ང་ནི་སྙིང་ཁྲག་ཀུན་གྱི་བདག །ཁྱོད་ཀྱི་སྙིང་ཁྲག་ང་ལ་ཡོད། །ང་ཡི་ལས་རྣམས་ཁྱོད་ཀྱིས་སྒྲུབས། །དཔང་གཟུ་ནི། ཧཱུཾ། སངས་རྒྱས་ཐམས་ཅད་གཟུ་དང་དཔང་། །དམ་ཆོས་རིན་ཅེན་གཟུ་དང་དཔང་། །དགེ་འདུན་འདུས་པ་གཟུ་དང་དཔང་། །དཀོན་ཅོག་གསུམ་པོ་གཟུ་དང་དཔང་། །ཆོས་སྐྱོང་སྲུང་མ་གཟུ་དང་དཔང་། །རྒྱལ་འགོང་ཆེན་པོ་འདུལ་བའི་ཕྱིར། །དྲང་སྲོང་ཆེན་པོ་དྲི་མེད་ཁྱོད། །སྐུ་ནི་མི་འགྱུར་བརྟན་པ་ལ། །ཕྱག་མཚན་འཁོར་ལོ་བསྒྱུར་བཞིན་དུ། །དགྲ་བགེགས་མགོ་ལ་འཁོར་ལོ་སྐོར། །རྒྱལ་འགོང་ལུས་ལ་འཁོར་ལོ་སྐོར། །སྡེ་བརྒྱད་སྲོག་ལ་འཁོར་ལོ་སྐོར། །འཁོར་ལོ་གཡས་སུ་བསྐོར་ཙ་ན། །རྒྱལ་འགོང་སྙིང་ལ་འཁོར་ལོ་སྐོར། །འཁོར་ལོ་གཡོན་དུ་བསྐོར་ཙ་ན། །མོ་གདོན་སྙིང་ལ་འཁོར་ལོ་རྒྱོབ། །འཛབ་བཟླ་བར་གནས་པ་རྩ་ཤེས་པའི་དོན་ནི། རང་གི་ལྕེ་ནི་གནམ་ལྕགས་ཀྱི། ཁྲོ་བོའི་རྡོ་རྗེ་རྩེ་དགུ་པའི། །ལྟེ་བར་ཉི་མའི་གདན་སྟེང་དུ། །ཧཱུཾ་ལ་བསྙེན་སྔགས་རིང་མོ་ཡིས། །གཡས་བསྐོར་འོད་ཟེར་འཕྲོ་བར་བསམ། །མགྲིན་པའི་དཀྱིལ་གྱི་དོན་ནི། །ལྕེ་རྩེར་ཨ་ལས་ཟླ་བ་ཡི། །དཀྱིལ་འཁོར་ཨཱཿཡིས་མཚན་པའི་མཐར། །ཞི་བའི་སྔགས་གྱིས་གཡས་སྐོར་དུ། །མགལ་མེ་ལྟར་འཁོར་འོད་ཟེར་འཕྲོ། །རྩ་བསྙེན་གྱི་དམིགས་པ་ནི། ཡང་ཅིག་ཧཱུཾ་ལས་འོད་འཕྲོས་པས། །སྡེ་བརྒྱད་སྲོག་ཡིག་སྙིང་གནས་རྣམས། །མདུན་བཀུག་སྙིང་པོ་བགྲངས་པ་ཡིས། །ཕྱག་འཚལ་ཅི་གསུང་བགྱིད་འཚལ་ཞེས། །རང་རང་ས་བོན་ཚུར་དྲངས་ཏེ། །རྡོ་རྗེའི་ལྟེ་བའི་གདན་དུ་བསམ། །ཨཱོཾ་(༡༢ན)

― GLG025_Page_0655 ―

^{[མ་དཔེ་གཟིགས་ན་འདིར་གནོན།]}

[Full Size]

ལོག་ཏྲི་པཱ་ལ་ནན། །ས་ག་པ་ཤ་ནན། ནཱ་ག་དུ་དུ་ནན། མ་མི་མ་མི། ཙིར་ཙར་ཙིར་ཙར། བཾ་རུ་ལུ་བཾ་རུ་ལུ། རྦད་ཧྲ་ཀོ་ཤ་ཡ་རྦད་ཧྲ་ཀོ་ཤ་ཡ། ཧ་ོར་ཧོ་ར། ཙི་དུ་སོད་ཙ་སྐུ་སོད། ཤིག་ལྷུ་རུ་གཏུབས། ཧ་ལ་པ་ཏི་ནན། འཁོར་བ་འདུལ་གནོད་བྱེད་དགྲ་བགེགས་འབྱུང་པོ་ཆེ་གེ་མོའི་ཀཱ་ཝཱ་ཙི་བརླག་བརླག །དྲག་སྔགས་བཟླ་བ་ནི། མདུན་དུ་ཏིང་འཛིན་ལས་གྲུབ་པའི། །ཨ་ལས་ལྕགས་ཁང་གྲུ་གསུམ་པ། །དུག་གི་མུན་འཁྲིགས་བསྐལ་མེ་འབར། །ནད་ཀྱི་ན་བུན་མཚོན་ཆར་འབབ། །གཤིན་རྗེ་ཕོ་མོ་གཉིས་ཀྱི་བར། །དམིགས་བྱ་རྣི་ཧྲི་ཡོངས་འགྱུར་ལས། །དགྲ་བགེགས་གང་ཡིན་ཉམ་ཐག་པ། །སྔོ་བམ་ཡན་ལག་ལྕགས་སྒྲོག་བཅིངས། །རྣག་ཁྲག་བུ་ག་དགུ་ནས་འཛག །ཤིན་ཏུ་རིད་ཅིང་མི་སྡུག་བསམ། །རྡོ་རྗེ་ལྟེ་བའི་ཧཱུཾ་ཡིག་ལས། །འོད་ཟེར་ཕོ་ཉ་དཔག་མེད་འཕྲོས། །དམིགས་བྱ་གནོད་བྱེད་གང་ཡིན་པའི། །རྣམ་པར་ཤེས་པ་བླ་སྲོག་རྣམས། །ཐོགས་པ་མེད་པར་རབ་བཀུག་ནས། །ཛཿཧཱུཾ་བཾ་ཧོཿས་དབྱེར་མེད་བསམ། །གཅོད་པ་རྩེའི་དོན་ནི། །རྡོ་རྗེ་རྩེ་མོའི་ཕཊ་རྣམས་ལས། །གནམ་ལྕགས་རྡོ་རྗེ་མེ་འབར་བ། །མགར་གྱི་ཚ་ཚ་ལྟར་འཕྲོས་པས། །གནོད་བྱེད་དགྲ་བགེགས་རྣམས་ལ་ཕོག །ཚག་སྒྲ་དང་བཅས་བསྲེགས་པ་ཡིས། །ཐམས་ཅད་རྡུལ་དུ་བརླག་པར་བསམ། །ཨཱོཾ་ལོག་ཧྲི་པཱ་ལ་ནན་རྦད་ཐུཾ། འཇིག་རྟེན་མགོན་པོའི་སྲོག་ཆོད་སྙིང་ཕྱུངས་ཙིཏྟ་མཱ་ར་ལ་ཐུན་བྷྱོ་རྦད། ས་ག་པ་ཤ་ནན་རྦད་ལིངས་བདག་གི་སྲོག་ཆོད་སྙིང་ཕྱུངས་༴ ནཱ་ག་དུ་དུ་ནན་རྦད་ཕཊ་ཀླུ་བདུད་ཀྱི་སྲོག་ཆོད་སྙིང་ཕྱུངས་༴ མ་མཾ་མ་མཾ་རྦད་མྱོགས་མ་མོའི་སྲོག་(༡༢བ)

― GLG025_Page_0656 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོད་སྙིང་ཕྱུངས་༴ ཙིར་ཙར་ཙིར་ཙར། རྦད་རྦུད་བཙན་གྱི་སྲོག་ཆོད་༴ བཾ་རུ་ལུ་བཾ་རུ་ལུ་རྦད་ཐུམ་བདུད་ཀྱི་སྲོག་༴ རྦད་ཧྲ་ཀོ་ཤ་ཡ་རྦད་ཧྲ་ཀོ་ཤ་ཡ་རྦད་ཁོས་གཟའ་བདུད་གྱི་སྲོག་༴ ཧོ་ར་ཧོ་ར་རྦད་ཤག་རྒྱལ་འགོང་གི་སྲོག་༴ རྒྱལ་པོའི་སྲོག་ལ་དུང་དུང་སྙིང་ལ་ཤད་ཤད། བསེན་མོའི་སྲོག་ལ་༴༴ པེ་ཀར་གྱི་སྲོག་ལ༴༴ གཙང་ཐེལ་གྱི་སྲོག་ལ༴༴ གནོད་བྱེད་ཀྱི་སྲོག་ལ༴༴ ཆེ་གེ་མོའི་སྲོག་ལ་དུང་དུང་སྙིང་ལ་ཤད་ཤད། ཨ་ཡ་མ་དུ་རུ་ཙ་ཤན་སྡེ་བརྒྱད་ཀྱི་སྲོག་ལ༴༴ ཙི་དུ་སོད་ཙི་དུ་སོད་རྦད་ཐིབས། །ཤིག་ལྷུ་རུ་གཏུགས་རྦད་མྱོགས། །ཧ་ལ་བ་ཏི་ནན། །ག་ན་པ་ཏི་རྦད་རྨུགས། འཁོར་བ་དུལ་རྦད་ཆོམས། གནོད་བྱེད་འབྱུང་པོའི་ཀཱ་ཝཱ་ཙི་བརླག་བརླག་རྦད་ཧུ་ར། དགྲ་བགེགས་ཆེ་གེ་མོའི་སྲོག་ལ་མཱ་ར་ཡ་རྦད་རྦད། གནོད་བྱེད་རྒྱལ་པོ་ཐམས་ཅད་ར་ཙ་ཧབ་ལེ་ཧབ་ལེ་སོད། །ཀླུ་ཐམས་ཅད་ནཱ་ག་ལིང་ནཱ་ག་ལིང་། འབྱུང་པོ་ཐམས་ཅད་ཀ་ཧྲི་ཀུ་ཏྲ་སོད། བགེགས་ཐམས་ཅད་འགུག་གེ་འགུག་གེ་སོད། གཟའ་ཐམས་ཅད་ཐེ་རྩེ་ཐེ་རྩེ་སོད།ཐེའུ་རང་ཐམས་ཅད་ར་ཏྲི་ར་ཏྲི་མཱ་ར་ཡ་སོད། བསེན་མོ་ཐམས་ཅད་རོ་ཏྲི་རོ་ཏྲི་མཱ་ར་ཡ་སོད། དྲེ་བོ་དྲེ་མོ་ཐམས་ཅད་སུམ་ཏྲི་སུམ་ཏྲི་མཱ་ར་ཡ་སོད། གནོད་བྱེད་དགྲ་བགེགས་ཆེ་གེ་མོ་མཱ་ར་ཡ་སོད་སོད་རྦད་རྦད་ཛཿཛཿའདི་ལ་ཐུན་སྔགས་དང་དྲག་སྔགས་སྤུ་གྲི་རིང་མོ་གཉིས་ཀ་ཚང་བ་ཞལ་ཤེས་བཞིན་དབྱེ་ཤེས་དགོས་སོ། །དྲང་སྲོང་དམོད་པ་འདི་ཉིད་དོ། །བཀའ་ལྟར་མི་བྱེད་ཅིང་དམ་ལ་མི་གནས་པ་ཐམས་ཅད་འདི་རུ་མ་གནས་པར་གཞན་དུ་དེངས་ཤིག །སྲིད་པ་རྩེ་ནས་ཤིག་ཅིག །སྲིད་གསུམ་རྨང་ནས་སྒྱེལ་ཅིག །འཁོར་བ་གཏིང་ནས་ཕྱུང་ཞིག །བསྐལ་པའི་མེས་(༡༣ན)

― GLG025_Page_0657 ―

^{[མ་དཔེ་གཟིགས་ན་འདིར་གནོན།]}

[Full Size]

སྲེགས་ཤིག །དམ་ཚིག་གི་དམོད་པས་སྡིགས་ཤིག །བཀའི་ཆད་པས་ཆོད་ཅིག །གནམ་ལྕགས་ཐོག་གི་རལ་གྲིས་སྤྱི་བོའི་གཙུག་ནས་ཁོས་ཤིག །སུམྦྷ་ནི་སུམྦྷ་ནོན་ཅིག །སྲིད་གསུམ་གར་སྐྱེས་གར་གནས་ཀྱང་སྡིག་ཅན་འདིའི་སྟེང་དུ་རྡོ་རྗེ་མེའི་ཆར་ཆེན་པོ་ཕོབ་ཅིག །གནོད་བྱེད་ཐམས་ཅད་མཱ་ར་ཡ་ཕཊ། སྦྱོར་བ་ངན་པ་ཐུལ་ཅིག །བཀའ་བསྒོ་འདི་ཡི་ནུས་པ་ཡིས། །ཐལ་ཕྱེ་རླུང་གིས་གཏོར་བ་ལྟར། །གནོད་བྱེད་དེ་རུ་གནས་མི་འགྱུར། །དྲང་སྲོང་དམོད་དེ་ཟློག་ཏུ་ནན། །ཞེས་བརྗོད་དེ་ཐལ་མོ་ལན་གསུམ་བརྡབ། དེའང་རྒྱུན་འཁྱེར་རམ་བསྙེན་པའི་ཐུན་གྱི་ཐོག་མཐར། མན་ངག་སེམས་ལ་ཤེས་པ་ནི། །སྙིང་ནང་ཉི་མའི་གདན་ལ་ཧཱུཾ། །མཐིང་ནག་ཞིག་ལ་སེམས་གཏད་དེ། །མ་བཅོས་ཕང་སར་བཞག་པའི་ངང་། །ཀ་དག་ཆོས་སྐུའི་རང་ཞལ་བལྟ། །ཞེས་བརྗོད་ཅིང་དོན་ལ་མཉམ་པར་བཞག །འདི་ནི་ཞི་དྲག་གི་བསྙེན་པ་དང་རྒྱུན་གྱི་ཁྲིགས་རིམ་ལྟར་བཀོད་ཀྱི། རྒྱུན་འཁྱེར་གྱི་སྲུང་བཟློག་བསད་པ་བྱེད་ན་རྩ་བསྙེན་ཅི་རིགས་བཟླས་རྗེས་སུ་ཆོས་རྒྱལ་འབྲི་གུང་བ་རིན་ཅེན་ཕུན་ཚོགས་ཀྱིས་མཛད་པའི་རྒྱུན་འཁྱེར་སྙིང་པོ་གསལ་བ་ནས་སྲུང་བཟློག་བསད་གསུམ་བླངས་པས་འགྲུབ་ཅིང་འཕྲིན་ལས་མི་གྱེར་བར་རྒྱུན་འཁྱེར་ཁོ་ན་དོན་དུ་གཉེར་ན་ཐུན་བསྡུ་བ། སྤྱོད་ལམ། གཏོར་འབུལ་སྤྲོ་ན་བྱ་བ་སོགས་དེ་ཉིད་སོར་བཞག་ལེགས་སོ། །མཐར་ཆད་ལྷག་སྐོང་ཕྱིར་ཨཱ་ལི་ཀཱ་ལི་དང་ཡིག་བརྒྱ་བཟླ། གཏེར་སྲུང་མཆོད་པ་ནི། ཧཱུཾ། དགེ་བསྙེན་ཤེའུ་ཁ་རི་དང་། །ཇོ་བོ་ཀླུ་བདུད་མགོ་དགུ་དང་། །སྙོན་ཀ་ནག་པོ་ཏི་པ་ཙ། །གཏེར་སྲུང་ཚོགས་(༡༣བ)

― GLG025_Page_0658 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་གནས་འདིར་སྤྱོན། །ཉེར་སྤྱོད་འདོད་ཡོན་གཏོར་མ་དང་། །མཐུན་པའི་དམ་རྫས་ཚོགས་ཀྱིས་མཆོད། །ཉམས་ཆགས་འགལ་འཁྲུལ་ཅི་མཆིས་བཤགས། །ཐུགས་དམ་སྐོང་ངོ་དངོས་གྲུབ་སྩོལ། །ཨཱོཾ་ཨ་ཀཱ་རོ་ལན་གསུམ་གྱིས་གཏོར་མ་བསྔོ། ཨཱོཾ་དེ་ཝ་ནཱ་ག་ཨརྒྷཾ་ནས། ཤཔྟ་པྲ་ཏཱི་ཙྪ་སྭཱ་ཧཱ། ཧཱུཾ། མཁོ་མཐིང་གཏེར་སྲུང་ཤེལ་གིང་དཀར། །ཚུར་སྤྱོན་དགྱེས་པའི་སྟན་ལ་བཞུགས། །སྨན་རག་གཏོར་གསུམ་ཕྱི་ནང་གི །འདོད་ཡོན་མཆོད་པ་རྒྱ་མཚོ་འབུལ། །བསམ་པ་སྒྲུབས་ལ་རེ་བ་སྐོངས། །ཟབ་ཆོས་འཆད་ཉན་སྒོམ་སྒྲུབ་ལ། །ཕྲག་དོག་ཉེར་འཚེ་མེད་པ་ཡི། །བཅོལ་བའི་འཕྲིན་ལས་སྒྲུབ་པར་མཛོད། །ཨོཾ་མ་ཧཱ་རཱ་ཛ་ཀིངྐ་ར་ས་པ་རི་ཝ་ར་མ་ཧཱ་པཉྩ། མཧཱ་རཀྟ། མཧཱ་བ་ལིཾ་ཏ་ཁཱ་ཧི། སྔགས་མཇུག་ཏུ་ཨརྒྷཾ་ནས་ཤཔྟའི་བར་གྱིས་མཆོད། གསུམ་པ་མཇུག་ལ། ཚོགས་རྫས་དངོས་པོ་རྣམས་ལ་ཆུ་ཆང་དང་སྨན་རཀ་བྲན་ཏེ་དྲག་སྔགས་ཀྱིས་བགེགས་བསྐྲད་རྗེས། བསང་སྦྱང་བྱིན་རླབས་བྱ་བ་ནི། ཧཱུཾ། རང་ཉིད་ལྷར་གསལ་ཐུགས་སྲོག་ཡི་གེ་ལས། །རཾ་ཡཾ་ཁཾ་གསུམ་མེ་རླུང་ཆུ་འཕྲོས་ཏེ། །ཚོགས་རྫས་ཉེས་སྐྱོན་བསྲེགས་གཏོར་སྦྱངས་བཀྲུས་བས། །རྣམ་དག་འདོད་ཡོན་འདོད་དགུ་འབྱུང་བའི་གཏེར། །ཟག་མེད་ཡེ་ཤེས་བདུད་རྩིའི་རྒྱ་མཚོར་གྱུར། །ཨཱོཾ་ཨཱཿཧཱུཾ་ཧ་ཧོ་ཧྲཱི༔ ཞེས་ལན་གསུམ་བརྗོད། སྤྱན་དྲངས་ཤིང་དབུལ་བ་ནི། ཧཱུཾ། ཆོས་དབྱིངས་བདེ་ཆེན་ཕོ་བྲང་ནས། །བླ་མ་དཀོན་ཅོག་རྣམ་གསུམ་ལ། །ཞལ་ཟས་ཚོགས་ཀྱི་མཆོད་པ་འབུལ། །དབང་བསྐུར་བྱིན་རློབས་སྨིན་གྲོལ་སྩོལ། །འོག་མིན་ཆོས་དབྱིངས་ཕོ་བྲང་ན། །ཡི་དམ་དཀྱིལ་འཁོར་ལྷ་ཚོགས་ལ། །ཞལ་ཟས་ཚོགས་(༡༤ན)

― GLG025_Page_0659 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་མཆོད་པ་འབུལ། །མཆོག་དང་ཐུན་མོང་དངོས་གྲུབ་སྩོལ། །རི་བོ་ཀུན་འདུས་རྩེ་མོ་ན། །དྲང་སྲོང་དྲི་མེད་འཁོར་བཅས་ལ། །ཞལ་ཟས་ཚོགས་ཀྱི་མཆོད་པ་འབུལ། །སྡེ་བརྒྱད་དབང་སྡུད་དངོས་གྲུབ་སྩོལ། །ཡང་འདུལ་དྲེགས་འདུལ་ཁྲོ་རྒྱལ་དང་། །སྤྲུལ་འཁོར་དྲང་སྲོང་འབུམ་སྡེ་ལ། །ཞལ་ཟས་ཚོགས་ཀྱི་མཆོད་པ་འབུལ། །འཕྲིན་ལས་རྣམ་བཞི་སྒྲུབ་པར་མཛོད། །བཀའ་གསང་དམ་ཚིག་གཉན་གནས་པའི། །ཟབ་གཏེར་བཀའ་ཡིས་སྲུང་མ་ལ། །ཞལ་ཟས་ཚོགས་ཀྱི་མཆོད་པ་འབུལ། །གཏེར་ཆོས་བསྟན་པ་འཕེལ་རྒྱས་མཛོད། །སྟོང་ཁམས་ཕྱོགས་བཅུའི་ཀློང་ཡངས་ན། །བཀའ་ཉན་དྲེགས་པ་སྡེ་བརྒྱད་ལ། །ཞལ་ཟས་ཚོགས་ཀྱི་མཆོད་པ་འབུལ། །བསྟན་པ་བསྲུང་བའི་འཕྲིན་ལས་མཛོད། །བསྔོ་ཞིང་བསྐང་བཤགས་བྱ་བ་ནི། ན་མོ། རྩ་བརྒྱུད་བླ་མ་དཀོན་ཅོག་ཡི་དམ་ལྷ། །དམ་ཅན་རྒྱ་མཚོ་བསྟན་སྲུང་མ་ལུས་དང་། །དྲེགས་འདུལ་དྲང་སྲོང་སྤྲུལ་པ་འབུམ་སྡེར་བཅས། །བཀའ་ཉན་གཏེར་བདག་དྲེགས་པའི་ཚོགས་བཅས་ལ། །ཕྱི་ནང་གསང་བའི་མཆོད་རྫས་མ་ལུས་དང་། །ཞལ་ཟས་ཚོགས་ཀྱི་མཆོད་པས་ཐུགས་དམ་བསྐང་། །ཉམས་ཆགས་ནོངས་མཆིས་མ་ལུས་མཐོལ་ཞིང་བཤགས། །སྐོངས་གྱུར་མཆོག་ཐུན་ལས་བཞིའི་དངོས་གྲུབ་སྩོལ། །ཡིག་བརྒྱ་བརྗོད། །བསྒྲལ་བ་ནི། ཨེ་ནྲི་ཏྲི་ཛཿཧཱུཾ། ཡི་དམ་ལྷ་དང་དྲང་སྲོང་ཆེན་པོ་ཡི། །དམོད་པའི་བདེན་ཚིག་བརྗོད་པའི་བྱིན་རླབས་ཀྱིས། །གནོད་བྱེད་དགྲ་བགེགས་གཟུགས་མིང་ལིངྒ་ལ། །མྱུར་དུ་ཕོབ་ཅིག་སརྦ་ནྲི་ཏྲི་ཛཿ། །རིངས་པར་ཁུག་ཅིག་བཛྲ་ཨངྐུ་ཤ །མྱུར་དུ་ཆིངས་ཤིག་བཛྲ་པཱ་ཤ་ཧཱུཾ། (༡༤བ)

― GLG025_Page_0660 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་པོར་སྡོམས་ཤིག་བཛྲ་སྥོ་ཊ་བཾ། །དྲག་པོར་སྒྲོལ་ཞིག་བཛྲ་གྷཎྜེ་ཧོ༔ །གནོད་བྱེད་དགྲ་བགེགས་སརྦ་ནྲི་ཏྲི་ཨངྒུ་ཤ་ཛ༔ ཞེས་དགུག་བསྟིམ་དྲག་ཏུ་བྱ་ཞིང་། །ཨཱོཾ་ལོག་ཏྲི་པཱ་ལ་ནན་ཛཿ སོགས་བརྗོད། རྡོ་རྗེ་ཕུར་པ་ཀཱི་ལ་ཡ། སངས་རྒྱས་འཕྲིན་ལས་ཡོངས་རྫོགས་སྐུ། །དྲེགས་འདུལ་དྲང་སྲོང་སྤྲུལ་པའི་སྲས། །སྲས་མཆོག་བཛྲ་ཀཱི་ལི་ཡ། །དགྲ་བགེགས་ལྔ་ཕུང་རྡུལ་དུ་རློག །ཨོཾ་ཏྲང་དུ་དང་། བཛྲ་ཀཱི་ལཱ་ཡ་དགྲ་བགེགས་སརྦ་ནྲི་ཏྲི་ཤ་ཏྲུཾ་ཧུར་ཐུམ་ཛ་མཱ་ར་ཡ་རྦད། །དྲག་སྔགས་སྤུ་གྲི་བརྗོད་དེ་ཕུར་པ་བཏབ་ཅིང་རལ་གྲིས་གཏུབས། སྨན་རཀ་བྲན་ལ། ཧཱུཾ། རབ་འཇིགས་དྲང་སྲོང་ནག་པོ་འཁོར་དང་བཅས། །བཞེངས་ཤིག་བཞེངས་ཤིག་སྐུ་བཞེངས་ཤིག །རི་རབ་ཙམ་དུ་ཆེ་བའི་སྐུ་བཞེངས་ཤིག །སྟོང་ཁམས་ནམ་མཁའ་གང་བའི་ཞལ་ཕྱེ་ཞིག །རྣོ་གདུག་གངས་རི་གཏམས་འདྲའི་མཆེ་བ་གཙིགས། །བར་སྣང་གློག་སྟོང་འཁྱུག་འདྲའི་ལྗགས་སྐྱོད་ལ། །ཤ་རུས་དོན་སྙིང་ཁྲག་ལ་རྔམ་པ་ཡི། །དགྲ་བགེགས་བྱད་མ་བསྒྲལ་བའི་ཤ་ཁྲག་འདི། །ཞལ་དུ་སྟོབ་བོ་ཁ་རཾ་ཁཱ་ཧི། །མགུར་དུ་འདྲིལ་ལོ་ཨ་ར་ལི། །བཞེས་ཤིག་རོལ་ཞིག་ཁ་རཾ་ཁཱ་ཧི། །ཏྲང་དུ་དང་ལོག་ཏྲི་པཱ་ལ་ནན་སོགས་རྩ་སྔགས་ཞབས་སུ་དགྲ་བགེགས་འབྱུང་པོསརྦ་ནྲི་ཏྲི་ཤ་ཏྲུཾ་མ་ཧཱ་མཾ་ས་ཁཱ་ཧི། མ་ཧཱ་རཀྟ་ཁཱ་ཧི། མ་ཧཱ་ཙིཏྟ་ཁཱ་ཧི། མ་ཧཱ་གོ་རོ་ཙ་ན་ཁཱ་ཧི། མ་ཧཱ་བ་སུ་ཏ་ཁཱ་ཧི། མ་ཧཱ་ཙཀྵུ་ཁཱ་ཧི། དམོད་པའི་བདེན་སྟོབས་བརྗོད། ལྷག་མ་ནི། འབྲུ་གསུམ་དང་ཨ་ཀཱ་རོས་འདོད་ཡོན་དུ་བྱིན་གྱིས་བརླབ་ལ། ཧཱུཾ། འདོད་ཡོན་ཟག་མེད་དཔལ་གྱི་ཕམ་ཕབས་འདི། །ཐོག་ཐ་བར་གྱི་ཕུད་ལྷག་ཚོགས་མཆོད་ལ། །ཇི་ལྟར་དབང་བའི་(༡༥ན)

― GLG025_Page_0661 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་ཚོགས་མ་ལུས་པ། །སོ་སོར་མཉེས་མཆོད་དགྱེས་རོལ་དངོས་གྲུབ་སྩོལ། གྷ་ན་ཙཀྲ་ཨུཙྪི་ཥྚ་བ་ལིངྟ་ཁཱ་ཧི། །ཆད་མཐོ་ནི། ཧཱུཾ། སྔོན་ལྕང་ལོ་ཅན་གྱི་ཕོ་བྲང་དུ། །གསང་བའི་བདག་པོ་ཕྱག་ན་རྡོ་རྗེ་ཡིས། །སྣང་སྲིད་ལྷ་སྲིན་སྡེ་བརྒྱད་དམ་བཏགས་ཚེ། །བཀའ་ཡི་གཏོར་མ་ལེན་པར་མ་ཆད་དམ། །རྣལ་འབྱོར་སྟོང་གྲོགས་བྱེད་པར་མ་ཆད་དམ། །ཇི་ལྟར་ཁས་བླངས་བཞིན་དུ་འཕྲིན་ལས་མཛོད། །དེ་རྗེས་རི་བོ་ཀུན་འདུས་རྩེ་མོ་རུ། །དྲང་སྲོང་ཆེན་པོ་དྲི་མེད་འོད་ཟེར་གྱིས། །དྲེགས་པ་མ་ལུས་ཟིལ་གྱིས་མནན་པའི་ཚེ། །བཀའ་ཡི་གཏོར་མ་༴ རྣལ་འབྱོར་སྟོང་གྲོགས་བྱེད་༴ ཇི་ལྟར་ཁས་བླངས་༴ དེ་འོག་ལྷོ་ཕྱོགས་ཨིནྡྲའི་གྲོང་ཁྱེར་དུ། །རྒྱལ་བས་ལུང་བསྟན་མྱ་ངན་མེད་པ་ཡིས། །ཕོ་རྒྱུད་མོ་རྒྱུད་ལས་ལ་བཀོལ་བའི་ཚེ། །བཀའ་ཡི་གཏོར་མ་༴ རྣལ་འབྱོར་སྟོང་གྲོགས་བྱེད་༴ ཇི་ལྟར་ཁས་བླངས་༴ དེ་འོག་ཆོས་འཁོར་དཔལ་གྱི་བསམ་ཡས་སུ། །སློབ་དཔོན་ཆེན་པོ་པདྨ་ཐོད་ཕྲེང་གིས། །དྲང་སྲོང་དམོད་པས་སྡེ་བརྒྱད་ཚར་བཅད་ཚེ། །བཀའ་ཡི་གཏོར་མ་༴ རྣལ་འབྱོར་སྟོང་གྲོགས་༴ ཇི་ལྟར་ཁས་བླངས་༴ དེ་འོག་ཟངས་མདོག་དཔལ་རིའི་ཕོ་བྲང་དུ། །ཐུགས་རྗེ་ཆེན་པོའི་རྣལ་འབྱོར་ཆོས་དབང་གིས། །དྲེགས་པའི་སྡེ་དཔོན་བྲན་དུ་འཁོལ་བའི་ཚེ། །བཀའ་ཡི་༴ རྣལ་འབྱོར་༴ ཇི་ལྟར་ཁས་༴ ད་ལྟ་བཀྲ་ཤིས་བྱིན་ཆགས་གནས་མཆོག་འདིར། །དམ་ཚིག་ལྡན་པའི་རྡོ་རྗེའི་མཆེད་ལྕམ་གྱིས། བསྙེན་སྒྲུབ་ལས་སྦྱོར་ཚུལ་བཞིན་འགྱིད་པའི་ཚེ། །བཀའ་ཡི་༴ རྣལ་འབྱོར་༴ ཇི་ལྟར་༴ བསྟན་སྐྱོང་ནི། ཧཱུཾ། བསྟན་པ་སྐྱོང་མཛད་མ་དང་སྲིང་། །དཔལ་གནས་མ་དང་ཡང་དག་ཤེས། །ཁྱུང་བཙུན་ཀོང་ལྷ་གཡུ་བུན་མ། །མེ་སྟག་ཟླ་འོད་བྱང་རྒྱལ་མ། །གསེར་ཐང་ཀུན་བཟང་ཤནྟི་དཔལ། །ཀླུ་མོ་གཟི་འབར་ལ་སོགས་པའི་(༡༥བ)

― GLG025_Page_0662 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་མ་བཅུ་གཉིས་གཏོར་མ་ལོང་། །མི་མཐུན་གནོད་པའི་ཕྱོགས་རྣམས་བཟློག །ཨཱོཾ་ཨཱཿཧཱུཾ་བཛྲ་ཨ་མྲི་ཏ་ཁཱ་ཧི་མ་མ་ཧྲཱིཾ་མ་མ་ཧྲཱིཾ་ཁཱ་ཧི་ཁཱ་ཧི། བྲོ་བརྡུང་ནི། ཧཱུཾ། དྲང་སྲོང་འཁོར་བཅས་རོལ་བའི་བྲོ། །སྡེ་བརྒྱད་སྙིང་ལ་ཆེམས་སེ་ཆེམ། ཁྲོ་བོ་ཁྲོ་མོ་རོལ་པའི་བྲོ། །སྡེ་བརྒྱད་སྙིང་ལ་༴ ཁྲོ་བོ་རྣམས་ཀྱིས་བྲོ་བརྡུངས་པས། ཁྲོ་མོ་རྣམས་ཀྱིས་རྒྱས་འདེབས་སོ། །ཤར་དུ་ཞི་བའི་བྲོ་བརྡུངས་པས། །ནད་གདོན་བར་ཆད་ཞི་བར་ཤོག །ལྷོ་རུ་རྒྱས་པར་བྲོ་༴ ཚེ་དང་བསོད་ནམས་རྒྱས་པར་ཤོག །ནུབ་ཏུ་དབང་གི་བྲོ་༴ ལྷ་འདྲེ་མི་གསུམ་དབང་སྡུད་ཤོག །བྱང་དུ་དྲག་པོའི་༴ དགྲ་བགེགས་དམ་སྲི་ཞི་བར་ཤོག །ཨཱོཾ་ཏྲང་དུ་ཏྲི་ན་ཏྲང་དུ་ཛཿཛཿ ཤཱནྟི།ཾ པུཾ་ཥྚཾ། པཱ་ཤི །མཱ་ར་ཡ་རྦད། །གཏང་རག་ནི། ཧཱུཾ་དྲང་སྲོང་ཞི་ཁྲོའི་ལྷ་ཚོགས་ལ། །ཕྱི་ནང་གསང་བའི་མཆོད་པ་འབུལ། །ཉམས་ཆགས་ཉེས་ལྟུང་མ་ལུས་བཤགས། །སྐུ་གསུང་ཐུགས་ཀྱི་དངོས་གྲུབ་སྩོལ། །དབྱངས་གསལ་དང་ཡིག་བརྒྱ་བརྗོད་དེ་ལྷག་ཆད་ཁ་བཀང་། །ཉེར་བསྡུ་ནི། ཧཱུཾ། ད་ནི་བསམ་གཏན་དཀྱིལ་འཁོར་བསྡུ། །བསྐྱེད་རིམ་ཏིང་འཛིན་ལྷ་ཡི་སྐུ། །སྣང་སྟོང་སྐུ་ཡི་ཀློང་དུ་ཐིམ། །འཛབ་བསྙེན་དམོད་ཚིག་སྔགས་ཀྱི་སྒྲ། །གྲག་སྟོང་གསུང་གི་༴ སྐྱེ་མེད་རང་ཤར་རིག་པའི་རྩལ། །གསལ་སྟོང་ཐུགས་ཀྱི་༴ རང་གདངས་རྟེན་འབྲེལ་སྲུང་བའི་གུར། །ཡེ་ཤེས་རྣམ་ལྔའི་ཀློང་དུ་བསྡུ། །དུག་རླངས་འཇའ་ཚོན་༴ ས་ཆུ་མེ་རླུང་གནམ་ལྕགས་གུར། ཡུམ་ལྔའི་རང་བཞིན་༴ འཁོར་དལ་པད་རྡོར་རིན་ཆེན་སོགས། །ཡབ་ལྔ་ཡེ་ཤེས་༴ ཡེ་ཤེས་སྤྲུལ་པའི་ལྷ་ཚོགས་རྣམས། །རང་གདངས་འོད་ལྔའི་༴ སྟེང་འོག་ཐབས་ཤེས་འཁོར་ལོ་ཡང་། །ཟུང་(༡༦ན)

― GLG025_Page_0663 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་རྟེན་འབྲེལ་༴ རིག་གདངས་རྩེ་དགུའི་འོད་ལུས་ཀྱང་། །འོད་ཞུ་ལྟེར་གནས་ལྷ་ལ་ཐིམ། །ལྷ་རྣམས་འོད་ཞུ་རིམ་གྱིས་ཐིམ། །ཐ་མར་ཐུགས་སྲོག་ཏྲཾ་ལ་ཐིམ། །དེ་ཡང་ར་ཏ་ཁོག་པ་མགོ །ཟླ་ཚེས་ཐིག་ལེའི་དབྱིངས་སུ་ཐིམ། །ཐིག་ལེ་དམིགས་མེད་ངང་དུ་ཕཊ། །སླར་ཡང་ཞལ་ཕྱག་ཡོངས་རྫོགས་སྐུ། །དྲི་མེད་འོད་ཟེར་ཉིད་ཀྱི་ངང་། །ཉལ་ན་ཆུ་ལ་ལྡང་ན་མེ། །འདུག་ན་བྲག་ལ་འགྲོ་ན་རླུང་། །གསལ་བ་ངར་ལྡན་སྤྱོད་ལམ་མོ། །སྨོན་ལམ་ནི། །ཧཱུཾ། དགེ་བ་འདི་ཡིས་ཚེ་རབས་ཐམས་ཅད་དུ། །གསང་བདག་དྲང་སྲོང་ཞི་དང་ཁྲོ་བོ་ཡིས། །རྗེས་བཟུང་བདུད་བཞིའི་གཡུལ་ལས་རབ་རྒྱལ་ནས། །ཚེ་འདིར་འཕོ་བ་ཆེན་པོའི་སྐུ་འགྲུབ་ཤོག །ཤིས་བརྗོད་ནི། ཧཱུཾ། ལུས་ལ་སྣང་སྟོང་སྐུ་ཡི་བཀྲ་ཤིས་ཤོག །ངག་ལ་གྲག་སྟོང་གསུང་གི་བཀྲ་ཤིས་ཤོག །སེམས་ལ་རིག་སྟོང་ཐུགས་ཀྱི་བཀྲ་ཤིས་ཤོག །བདེ་སྟོང་མཆོག་གི་བཀྲ་ཤིས་ཀུན་ཁྱབ་ཤོག །དྲང་སྲོང་དམོད་པའི་མཐུ་ཡིས་སྡེ་བརྒྱད་དཔུང་། །སྦུར་མ་མེ་ལྕེས་བསྲེགས་འདྲའི་སྙན་གྲགས་ཀྱིས། །ཕྱོགས་འདིར་མོས་པའི་སྔགས་བན་ཆེས་མང་རུང་། །ཚད་ལྡན་ཤེས་པ་ཉིན་མོའི་སྐར་མ་བཞིན། །ཤོག་སེར་དྲི་ངད་ལྡང་བའི་མན་ངག་རྣམས། །གབ་དཀྲུས་ཐོར་བུའི་ཚུལ་དུ་ཡོངས་ཚང་ཡང་། །མཐོང་བརྒྱུད་དམར་འཁྲིད་མེད་པར་ཡིག་ནག་ལ། །བརྟེན་པ་ཙམ་དེ་ནམ་མཁའི་མཛུབ་རིས་འདྲ། །དེ་ཕྱིར་རང་དང་སྐལ་མཉམ་མང་པོ་ལ། །ཕན་ཆེད་ལྷག་པའི་སེམས་ཀྱིས་ཉེར་དྲངས་ནས། །བློས་བྱས་འཕྲུལ་བའི་སྦུན་པ་མི་འཐོར་བར། །ཕྱག་ལེན་དཀར་མོའི་འབྲུ་ཚོགས་ཕྱུར་བུར་སྤུངས། །གྲངས་རིང་བརྒྱུད་པའི་གདུང་དང་སྐྱེས་སྤྲུལ་རྣམས། །འུག་པ་སྤུ་གྲ་གཟིངས་ལྟར་(༡༦བ)

― GLG025_Page_0664 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བགྱིང་བར། །ཐོས་བསམ་སྒོམ་པས་སྔ་འགྱུར་བསྟན་པའི་སྲོག །ཟུངས་ཞེས་ཐལ་མོ་སྦྱར་ནས་བདག་གསོལ་འདེབས། །སྔོན་བྱུང་གདོན་ཚོགས་ཟད་པ་མེད་པའི་སྟེང་། །གསར་སྐྱེས་དམ་སྲི་དབྱར་མཚོ་ལྟར་འཕེལ་བའི། །དུས་འདིར་སྔགས་འཆང་རལ་ཁུར་ལྡན་རྣམས་ཀྱིས། །དྲག་སྔགས་དམོད་པའི་མཚོན་ཆར་འབེབས་པར་བསྐུལ། །གངས་ཅན་ཕན་བདེའི་སྲོག་འཕྲོག་འབྱུང་པོའི་གདོན། །དེ་ཡི་རྒྱུད་བརླམས་མིར་བཅས་མ་ལུས་པ། །དགེ་བའི་གནམ་ལྕགས་བྲག་རིའི་ཐལ་མོའི་བར། །གདྒཱའི་ཀླུང་གི་རྡུལ་བཞིན་འཐག་གྱུར་ཅིག །ཕུན་ཚོགས་ཉི་མ་འཇིག་རྟེན་ཀུན་ལ་འཆར། །མདོ་རྒྱུད་བསྟན་པའི་མྱུ་གུ་དུས་སུ་སྨིན། །བྱང་ཆུབ་མཆོག་གི་འབྲས་བུ་གཡུར་ཟ་བའི། །བཀྲ་ཤིས་དགའ་སྟོན་དཔལ་ལ་སྤྱོད་པར་ཤོག །ཅེས་དྲང་སྲོང་ལོག་ཏྲི་པཱ་ལའི་ལས་བྱང་གི་ཆོག་སྒྲིག་གནམ་ལྕགས་རྡོ་རྗེ་དྲག་འབེབས་འདི་ནི། །ཐོག་མར་རྣམ་པར་རྒྱལ་བའི་ཕན་བདེ་ལེགས་བཤད་གླིང་པའི་གྲྭ་པ་ཁ་ཤས་ལ་སྒྲུབ་ཁག་བཙུགས་སྐབས་དབུ་མཛད་བློ་བཟང་བསྟན་འཛིན་སོགས་མཚམས་པ་བ་རྣམས་ཀྱིས་བསྐུལ་བ་དང་དེ་རྗེས་མཆོད་དཔོན་ངག་དབང་ཤེས་རབ། དགའ་གདོང་སྔགས་རམས་པ་དོན་གྲུབ་རྒྱ་མཚོ། །བྱང་འདྲེན་དབུ་མཛད་དཀོན་ཅོག་རྒྱ་མཚོ་གསུམ་གྱིས་བསྐུལ་ཞིང་རིམ་གྱིས་འདྲི་འདུན་ཡོད་པའི་སྟེང་དྲིན་ཅན་བླ་མ་རྩོད་བྲལ་གྱི་གཏེར་སྟོན་སྤྲུལ་སྐུ་གཏེར་བདག་གླིང་པ་དང་། །སྤང་འགྲོ་མགོན་ཆོས་ཀྱི་དབང་ཕྱུག་གི་གདུང་གསོབ་གནས་གཞི་ཆོས་རྗེ་པདྨ་ཚེ་དབང་རིགས་འཛིན་གཉིས་ཀྱི་གསུང་གིས་བསྐུལ་བ་དང་ཕྱོགས་འདི་ལ་མཁས་ཤིང་གྲུབ་པ་བརྙེས་པའི་མངའ་རིས་བླ་ཆེན་དཀོན་ཅོག་ལྷུན་གྲུབ་ཀྱིས་ཡང་བསྐྱར་འཕྲིན་ཡིག་ལས་དྲངས་ཏེ་བསྐུལ་བ་ལ་བརྟེན་གཡོ་རུ་ལྷོ་རྒྱུད་དུ་(༡༧ན)

― GLG025_Page_0665 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་པའི་ཟ་ཧོར་གྱི་སྔགས་རྒན་ཆེ་མཆོག་འདུས་པ་རྩལ་གྱིས་གཏེར་ཁ་གོང་འོག་གི་ཡིག་རྙིང་། ཆོས་རྒྱལ་གནམ་ལྕགས་མེ་འབར་གྱིས་མཛད་པའི་ལས་བྱང་དང་རྒྱུན་འཁྱེེར། །བུ་ལོད་རིན་ཆེན་བཟང་པོའི་ཚོགས་མཆོད་སོགས་ཁུངས་ཐུབ་ཀྱི་ཡིག་ཆ་རྣམས་ནས་གང་དགོས་འཁྲུགས་བསྡེབས་སུ་བསྒྲིགས། །ཅུང་ཟད་མི་གསལ་བར་བློས་མཚམས་སྦྱར་ཏེ། །ཆུ་གླང་ནག་པ་ཟླ་བའི་དམར་ཆའི་དགའ་བ་དང་པོ་ལ་ཕོ་བྲང་ཆེན་པོ་པོ་ཏ་ལར་སྦྱར་བའི་ཡི་གེ་པ་ནི་རིག་འཛིན་གྱི་བཙུན་པ་འཇམ་དབྱངས་གྲགས་པས་བགྱིས་པ་འདིས་ཀྱང་ནག་ཕྱོགས་འབྱུང་པོའི་ཚོགས་རྣམས་འཇོམས་པའི་རྒྱུར་གྱུར་ཅིག །

དྲང་སྲོང་ལོག་ཏྲི་པ་ལའི་སྲུང་བཟློག་ཐུན་མོང་བ་ཉམས་སུ་ལེན་ཚུལ་བཙན་མཁར་བསྲུང་བའི་འཕྲུལ་སྒྱོགས།

― GLG025_Page_0667 ―

^{[མ་དཔེ་གཟིགས་ན་འདིར་གནོན།]}

[Full Size]

དྲང་སྲོང་ལོག་ཏྲི་པ་ལའི་སྲུང་བཟློག་ཐུན་མོང་བ་ཉམས་སུ་ལེན་ཚུལ་བཙན་མཁར་བསྲུང་བའི་འཕྲུལ་སྒྱོགས་བཞུགས་སོ། །

― GLG025_Page_0668 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་བི་མཱ་ལ་རསྨ་ཡེ། སྡེ་བརྒྱད་ཚ་ངར་མཐུ་སྟོབས་ཆུ་རྒྱུན་གྱིས། །གཞིལ་མཛད་ཡི་དམ་བཅུད་ཕུར་སྔགས་རྒོད་ཀྱི། །ཉམས་ལེན་གནད་དྲིལ་རྟོགས་འདི་བླ་མའི་དྲིན། །བསམས་ཀྱིན་སྙིང་དབུས་པདྨའི་ཟེའུ་འབྲུར་སྤྱོན། །སྲུང་བཟློག་བསད་མནན་བཅས་ཀྱི་རིམ་པ་ལ། །རྒྱས་འབྲིང་བསྡུས་པའི་རྣམ་གཞག་ཕ་མཐའ་ཡས། །ཞལ་ཤེས་དམར་འཁྲིད་མེད་ན་གབ་དཀྲུགས་ཀྱི། །གླེགས་བམ་བྱིས་པས་ལྷ་ཁང་བལྟ་དང་མཚུངས། །དེང་དུས་ཆོས་དོན་གཉེར་བ་ཆེས་ཉུང་བས། །ལག་ལེན་མཐའ་རྒྱ་གཅོད་པ་ཉིན་སྐར་ཙམ། །དེ་ཕྱིར་དང་པོའི་ལས་ཅན་འགའ་ཞིག་ཆེད། །འདྲི་བར་རྩ་བ་གསུམ་གྱིས་གནང་བ་སྩོལ། །དེ་ལ་འདིར་བྲམ་ཟེའི་སྔགས་རྒོད་ལོག་ཏྲི་པཱ་ལའི་སྲུང་བཟློག་བསད་མནན་སོགས་ཉམས་སུ་ལེན་པར་འདོད་པའི་རྣལ་འབྱོར་པས་བླ་མ་ཞི་དྲག་དང་བཀའ་བརྒྱད་སྤྱི་བྱེ་བྲག་ཅི་རིགས་པའི་དཀྱིལ་འཁོར་དུ་དབང་ལེགས་པར་ཐོབ་ཅིང་སྒོས་གྱི་འདིའི་རིག་གཏད། ལུང་། མན་ངག་ནོས། ཞི་བའི་གོང་བསྙེན་རབ་སུམ་འབུམ། འབྲིང་ཆིག་འབུམ། ཐ་མའང་ཆིག་ཁྲི། རྩ་བའི་བསྙེན་པ་རབ་བྱེ་བ་འམ་ཐ་མ་(༢ན)

― GLG025_Page_0669 ―

^{[མ་དཔེ་གཟིགས་ན་འདིར་གནོན།]}

[Full Size]

སུམ་འབུམ་ཐེམས་པ་འམ་ཡང་ན་མཆན་མའི་བསྙེན་པ་རྟགས་ལྡན་དུ་ཐེམས་པས་ལས་སྦྱོར་གྱི་རིམ་པ་ལག་ཏུ་ལེན་པ་ལ་གཏོར་མ་ལ་བརྟེན་པའི་སྲུང་བ། བཟློག་པ་རྐྱང་པ། བཟློག་བསད་དྲག་པོའི་བཅས་རྒྱས་པ་མཆོད་རྟེན་དཀར་ནག་ལ་བརྟེན་པ། བཅས་བསྡུས་པ་གཏོར་མ་ལ་བརྟེན་པ། འབྱུང་བཞི་དང་བཟློག་བསད་ཀྱི་ལས་ཁོལ་བུར་བསྒྲུབ་པ་རྣམས་ལས། དང་པོ་སྲུང་བ་ཉམས་སུ་བསྟར་བ་ལ་ཡིད་དང་མཐུན་པའི་གནས་སུ་ཅོག་ཙེ་ལྟ་བུ་སྟེགས་ཇི་ལྟར་འོས་པའི་ཁར་འབྲུ་ནག་ངར་བཏགས་ཀྱི་ཕྱེ་ལ་འབྲུ་སྣ་ལྔ། མན་ངག་ལས་བྱུང་བའི་རྫས་ལྔ་རྣམས་བསྲེས་པ་ཁྲག་ཆང་གིས་སྤྲུས་པའི་གཏོར་མ་ཟུར་གསུམ་དཀྱིལ་དམར་མཐའ་ནག་པ། །འཁོར་སྡེ་བརྒྱད་ཀྱི་གཏོར་མས་བསྐོར་བ་མེ་རི་སོགས་དྲག་པོའི་རྒྱན་སྤྲོས་ཚམ་ངམ་ཅན། རྩང་དམར། བསད་ཤ་དམར་པོ། རྩང་ལ་བཙུགས་པའི་ལིངྒ་ཁ་སྦུབ་པ་རྒྱུ་ལྡིང་། མཚོ་ཡུངས། ཨོང་སྐྱུ་ཁ་ཕྱིར་བསྟན་ཁྲག་ཀོར་སོགས་དཔེ་རིས་དང་མཐོང་བ་བརྒྱུད་པའི་ཕྱག་བཞེས་ལྟར་བཟོས་པའི་གཙོ་འཁོར་གྱི་གཏོར་མའི་ནང་དུ་ཤོག་དྲིལ་དང་གཏོར་གདུགས་ཀྱི་ཁྲོད་དུ་སྲུང་བཟློག་གི་(༢བ)

― GLG025_Page_0670 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ་མན་ངག་བཞིན་འཕྱུགས་མེད་དང་རབ་གནས་ཅན་གྱི་ཙགླི་བཙུགས་པ་མཉྫིའམ་ཁྲིའུའི་སྟེང་དུ་བཞག །མཐའ་སྐོར་དུ་སྨན་རཀ །དྲག་པོའི་གཏོར་མ་ཟུར་གསུམ་འཁོར་སྡེ་བརྒྱད་ཀྱིས་བསྐོར་བ། དེ་དང་དབྱིབས་འདྲ་བའི་རྟག་གཏོར། ཁྲག་ཆེན་བསྲེས་པའི་ཆུ་གཉིས། རང་རྫས་བསྲེས་པའི་དབང་པོ་ལྔ་བཅོས་མའམ་ནས་ནག་གི་མེ་ཏོག །ཤ་ཆེན་སྦྱར་བའི་སྤོས། ཚིལ་རྐང་འབྲུ་མར་གྱི་མར་མེ། ཆང་ལ་མཁྲིས་ཆེན་སྦྱར་བའི་དྲི་ཆབ། ཤ་རུས་བསྲེས་པའི་ལྷ་བཤོས་དམར་པོ་ཟུར་གསུམ་སོགས་ནང་གི་ཉེར་སྤྱོད་སྦྲེང་ཚར་དུ་བཀོད། ཟུར་ཞིག་ཏུ་ཐུན་གཏོར་ཟུར་གསུམ་གྱི་ལོགས་གསུམ་ཨོང་སྐྱུ་སྦྱར་བའི་ཁྲག་གིས་བརྒྱན་པ། གཏོར་ཟོར་ལ། རྩང་མཚོ་ཡུངས་མཚོན་ཆའི་རིགས་འཛུགས། ཀོང་ཟོར་། མདའ་ཟོར། ཁྲག་ཟོར། རྡོ་ཟོར་རྣམས་ཀྱི་རྫས་དང་ཕྱག་ལེན་ཕུ་ལོང་ཀྱིས་མཛད་པའི་ཟོར་གྱི་རིམ་པ་ལས་བྱུང་བ་ལྟར་བྱ་ཞིང་། གཏོར་མའི་སྟེགས་བུའི་ཕྱོགས་མཚམས་གང་དེར་འགོད། སྒྲུབ་ཁང་གིས་ཡུལ་གང་བདེ་འམ་གསང་བདག་དང་དྲང་སྲོང་གི་རྟེན་ལྟ་བུའི་དྲུང་དུ་སྟེགས་མཐོ་བར་གོང་གནོན་དྲང་སྲོང་ཞི་བའི་གཏོར་མ། ཆུ་གཉིས་ཉེར་སྤྱོད། དེ་དག་གི་མཐའ་སྐོར་ཅི་རིགས་བར་སྒོས་ཀྱི་ཆོས་སྐྱོང་དང་གཏེར་སྲུང་གི་གཏོར་མ། ཚོགས་ཆས། གཞི། བགེགས་ཀྱི་གཏོར་མ། ཡུངས་ཐུན། གུ་གུལ། གཡབ་དར་རོལ་མོ་སོགས་མཁོ་བའི་ཡོ་བྱད་ཐམས་ཅད་འདུ་བགྱིས། ཡར་ངོ་འམ་མར་ངོལ་ཡང་ཟུང་སྟེ་སྲུང་བ་ལ་ཤིས་པའི་གཟའ་སྐར་དང་བསྟུན་མཚམས་བཅད། སྒྲུབ་པ་པོ་རྣམས་སྟན་བདེ་བ་ལ་འཁོད། ལས་བྱང་གི་གཞུང་བསྲངས། ཞི་དྲག་གི་བསྙེན་སྔགས་དང་སྲུང་སྔགས་བརྒྱ་ཕྲག་(༣ན)

― GLG025_Page_0671 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་བཟླས། །ཚོགས་ཐ་མ་ཡན་ཕུལ། །ལྷག་མ་བཙོན་དུ་བཟུང་སྟེ་ཉལ་བའི་རྣལ་འབྱོར་བྱ། །ནང་པར་ཐོར་ཐུན་ནས་འཛབ་ལ་ཐུག་གི་བར་བཏང་། །མཆོང་སྨུག་གུར་ནང་དབྱངས་གསལ་ཞུ་བ་ལས། །དཀར་དམར་ཉི་ཟླ་གའུ་ཁ་སྦྱར་དབུས། །བྷཱུཾ་ཡིག་ཁོག་པར་ཏིང་འཛིན་སེམས་དཔའ་ནི། །མཐིང་ནག་མདོག་ལྡན་ཧཱུཾ་གི་ཀླད་ཀོར་དུ། །བླ་མ་སློབ་དཔོན་ཧཱུཾ་གི་གཡས་སུ་ཕོ། །གཡོན་དུ་མོ་རིགས་མདུན་དུ་གང་གཅེས་པ། །རྒྱབ་ཏུ་འཁོར་གཡོག་འོག་ཏུ་ས་མཁར་དང་། །རྟ་ཕྱུགས་ཡུལ་ཞིང་བསྲུང་བྱ་མ་ལུས་གསལ། །བདག་ལྕེ་རྡོ་རྗེ་རྩེ་དགུར་གསལ་བ་ཡི། །ལྟེ་བའི་ཧཱུཾ་ལ་སྲུང་བའི་སྔགས་ཕྲེང་ལས། །འོད་ཟེར་འཕྲོས་པས་རྭ་རྩེའི་ཕཊ་དགུར་ཕོག །དེ་ནས་ཛ༔ཡིག་དམར་པོ་དགུ་བྱུང་ལས། །འཕྲོས་པའི་འོད་ཟེར་ཁ་དོག་སྣ་ཚོགས་པ། །ལས་བྱེ་ཕོ་ཉ་སྤྲུལ་པ་ཡང་སྤྲུལ་དང་། །གསུམ་སྤྲུལ་ཁྲོ་བོ་ཁྲོ་མོ་དཔག་མེད་ཚོགས། །སྤྲོས་པས་རང་གཞན་བསྲུང་བྱ་ཐམས་ཅད་ཀྱི། །ཚེ་དང་སྲོག་གི་ངོ་བོ་ནྲིའི་རྣམ་པར། །ལྷ་སྲིན་སྡེ་བརྒྱད་རྣམས་ཀྱིས་བརྐུས་ཕྲོགས་ནས། །མཐོ་བ་ནམ་མཁའ་དམའ་བ་དམྱལ་བའི་ས། །ཉི་ཟླའི་ཐེམ་བར་སྤྲིན་གྱི་གོ་བར་ཁྲོད། །རི་རབ་ལྕོག་བར་འཛམ་གླིང་ཡུལ་གྲུ་སོགས། །ས་འོག་ས་སྟེང་ས་བླ་གར་ཁྱེར་ཞིང་། །སྦས་དང་བསྐུངས་ནས་ཡོད་པ་མ་ལུས་པ། །སྤྲུལ་པའི་ཕོ་ཉ་ཁྲོ་བོ་ཁྲོ་མོའི་ཚོགས། །ཡེ་ཤེས་སྤྱན་ལྡན་རྣམས་ཀྱིས་ཉེར་གཟིགས་ནས། །གནོད་བྱེད་ཐལ་བའི་རྡུལ་ཕྲན་བཞིན་དུ་རློག །ཚེ་སྲོག་ཡི་གེའི་གཟུགས་ཅན་དེ་ཕྲོགས་ནས། །ཧཱུཾ་གི་རྣམ་པར་རང་གཞན་བསྲུང་བྱ་ཡི། །ཐུགས་ཀར་བསྟིམ་པས་སྲོག་འཐུད་ཚེ་ཉམས་(༣བ)

― GLG025_Page_0672 ―

^{[མ་དཔེ་གཟིགས་ན་འདིར་གནོན།]}

[Full Size]

སྤེལ། །སླར་ཡང་ལྕེ་ཡི་འོད་ཟེར་འཕྲོ་འདུ་ཡི། །བླ་མ་ཡི་དམ་བདེ་གཤེགས་ཞི་ཁྲོའི་ལྷ། །སངས་རྒྱས་བྱང་སེམས་དཔའ་བོ་མཁའ་འགྲོའི་ཚོགས། །ཕོ་རྒྱུད་མོ་རྒྱུད་ཆོས་སྐྱོང་བྱིན་རླབས་མཐུ། །ལྷ་སྲིན་སྡེ་བརྒྱད་རྣམས་ཀྱི་སྲོག་གི་སྙིང་། །ལྷ་མིའི་ཚེ་དཔལ་བསོད་ནམས་དབང་ཐང་དང་། །ས་ཆུ་མེ་རླུང་འབྱུང་བ་རྣམ་ལྔའི་བཅུད། །ཐམས་ཅད་རང་དབང་མེད་པར་བཀུག་ནས་ནི། །བདག་གཞན་བསྲུང་བྱ་ཀུན་དང་དབྱེར་མེད་པར། །ཐིམ་པས་བཀྲག་མདངས་མཐུ་སྟོབས་ལྡན་པར་བསམ། །ཨཱོཾ་ལོག་ཏྲི་པཱ་ལ་ནན་སྲུང་། ས་ག་པ་ཤ་ནན་སྲུངས། །ནཱ་ག་དུ་དུ་ནན་སྲུངས། མ་མཾ་མ་མཾ་སྲུངས། །ཙིར་ཙར་ཙིར་ཙར་སྲུངས། བཾ་རུ་ལུ་བཾ་རུ་ལུ་སྲུངས། རྦད་ཏྲ་ཀོ་ཤ་ཡ་རྦད་ཏྲ་ཀོ་ཤ་ཡ་སྲུངས། ཧོ་ར་ཧོ་ར་སྲུངས། ཙི་དུས་ཙི་དུས་སོད། ཤིག་ལྷུ་རུ་གཏུབས། ཧ་ལ་པ་ཏི་ནན། འཁོར་བ་དུལ། གནོད་བྱེད་འབྱུང་པོའི་ཀཱ་ཝཱ་ཙི་བརླག་བརླག །ནྲི་བྷཱུཾ་ཧཱུཾ་ཛཿ བདག་ཅག་དཔོན་སློབ་མི་ནོར་འཁོར་དང་བཅས་པ་ལ་རཀྵ་རཀྵ་སྭཱ་ཧཱ། ཞེས་པའི་སྔགས་ཕྲེང་རང་ཉིད་ལྷར་གསལ་བའི། །ཕྱི་རིམ་འོད་ཟེར་གཡས་སུ་ཡོངས་བསྐོར་ཞིང་། །ལྷ་རྣམས་ཞལ་ནས་སྲིད་པའི་སྔགས་ཀྱི་སྒྲ། །དིར་དིར་རབ་སྒྲོག་གུར་ཁང་ཚོགས་ལས་ཀྱང་། །འབྲུག་སྟོང་དུས་གཅིག་ལྡིར་བ་ལྟ་བུའི་སྒྲས། །སྲིད་པ་གསུམ་ཁྱབ་བདག་གཞན་བསྲུང་བྱ་ལ། །འཚེ་བའི་རིག་སྔགས་བྱད་སྟེམས་རྦོད་གཏོང་དང་། །ལྷ་སྲིན་སྡེ་བརྒྱད་གནོད་པ་ལས་སྐྱོབ་བསམ། །ཞེས་དམིགས་པ་དང་བཅས་སྒྲུབ་པ་པོ་རྣམས་ངག་བསྡམས་ལ་ཉིན་མཚན་ཀུན་ཏུ་སྔགས་ཀྱི་སྒྲ་མ་ཆད་པར་བཟླ། དེའང་ཐུན་དྲུག་ཏུ་བཅད་པའི་ཐུན་དང་པོ་གིང་ཟན་ལ་འཛུལ་བའི་ཐུན་མཐར་གཏོར་ཆེན་(༤ན)

― GLG025_Page_0673 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཤ་ཟན་དང་སྨན་རཀ་སྦྲན། ཐུན་གཏོར་ལ་རཀྟ་སྦྲན། ནམ་མཁའ་མེད་པར་གྱུར་ན་ཡང་། །སྔགས་ཀྱི་དངོས་གྲུབ་མེད་མི་སྲིད། །ལྷ་དང་དྲང་སྲོང་གིས་བཤད་པའི། །རིག་སྔགས་བསླུ་བ་མི་སྲིད་ན། །འདོད་ཆགས་བྲལ་བས་བཤད་པ་ཡི། །གསང་སྔགས་སྦྱོར་བ་བསླུ་བ་ནི། །མ་བྱུང་བྱུང་བར་མི་འགྱུར་རོ། །ཞེས་བརྗོད་དེ་དོན་ལ་ངེས་པ་བརྟན་པོ་གཏིང་ཚུགས་པར་བྱས་ནས། དགྲ་འདྲེ་དམིགས་བསལ་གང་ཡིན་གཙོ་བོར་བྱས་པའི་དགྲ་བགེགས་རྣམས་དགུག་གཞུག་ཚར་གཅིག་བྱ། སླར་ཡང་སྨན་རཀ་སྦྲན་ཏེ་ལས་བྱང་བཞིན་སྔགས་རྒྱས་དྲག་པོའི་གཏོར་མ་བྱིན་གྱིས་བརླབས། བླ་མེད་མཆོག་གི་མཆོད་པ་བཞེས། །སོགས་ཀྱིས་གཏོར་མ་བསྔོ་ཞིང་ཉེར་སྤྱོད་དང་སྨན་རཀ་འབུལ། ཧཱུཾ། རྒྱལ་བ་ཀུན་གྱི་མཐུ་སྟོབས་གཅིག་བསྡུས་པ། །གསང་བ་ཀུན་འཛིན་དྲང་སྲོང་དྲི་མ་མེད། །དྲག་པོའི་ཁྲོས་པ་ཞེ་སྡང་རྡོ་རྗེའི་སྐུ། །སྤྲུལ་པ་ཡང་སྤྲུལ་དྲང་སྲོང་འབུམ་སྡེ་དང་། །ལྷ་སྲིན་དྲེགས་པའི་དམག་ཚོགས་རྒྱ་མཚོ་རྣམས། །བསྐུལ་ལོ་བསྐུལ་ལོ་ཐུགས་དམ་དབྱིངས་ནས་བསྐུལ། །མཐུ་སྟོབས་ནུས་པའི་དཔུང་ཚོགས་རབ་སྐྱེད་ཅིག །བ་ལིཾ་ཤ་ཁྲག་གཏོར་མ་འདི་བཞེས་ལ། །རྣལ་འབྱོར་བདག་ཅག་དཔོན་སློབ་མི་ནོར་འཁོར། །སྲུང་ཞིང་སྐྱོབ་པའི་འཕྲིན་ལས་སྒྲུབ་པ་དང་། །ནད་གདོན་བར་གཅོད་ཞི་བའི་ལས་མཛོད་ཅིག །ཚེ་དཔལ་འབྱོར་པ་རྒྱས་པའི་ལས་༴ མོས་བཞིས་ཁམས་གསུམ་དབང་སྡུད་ལས་༴ གནོད་བྱེད་དགྲ་བགེགས་སྒྲོལ་བའི་ལས་༴ ཅེས་ཐུན་གཏོར་གཏོར་ཆེན་ལ་འབུལ་ཞིང་སྨན་རཀ་སྦྲན། ཆོགས་འཁོར་གཏོང་། སླར་ཡང་ཐུན་གཏོར་གཅིག་བཤམས་པ་ལ་སྨན་རཀ་(༤བ)

― GLG025_Page_0674 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྲན་ཏེ་འདོད་ཡོན་དུ་བརླབ། གཏོར་ཆེན་ལ་ཤ་ཟན་སྨན་རཀ་སྦྲན། དེ་བཞིན་དུ་སེང་སྟག་ཁ་བགེང་བའི་དུས། །ཆུ་སྲིན་རྔ་མ་གཡབ་པའི་དུས། །བདུད་དམག་ལ་ཆས་པའི་དུས། །སྲིན་པོ་ལྟོ་བ་ལ་རུབ་པའི་དུས། །གཤིན་རྗེས་ཁྲམ་ལ་འདེབས་པའི་དུས། །གཞན་ལྔ་པོར་ཡང་འཛབ་བཟླ་བ་དང་ཐུན་གཏོར་གཏོང་བ་སོགས་སྔ་མ་ཇི་ལྟ་བ་བཞིན་བྱ། སྲུང་བའི་རིང་ཐུན་རེར་མཆོད་པ་གསོ་བ་ལས་མི་བརྗེ། རྡུལ་ཕྱགས་མི་བྱེད། གོས་མགོ་མཇུག་དང་ཕྱིར་མི་བསྒྱུར། སྟན་མི་སྤྲུག །ཕྱག་མི་འཚོལ། མདོར་ན་སྲིད་པའི་གཏེར་ཁྱིམ་སོགས་དྲག་སྔགས་ཀྱི་སྡོམས་ཙམ་རྣམས་ནས་བཤད་པའི་བསྙེན་སྒྲུབ་སྤྱི་ལ་གཅེས་པའི་ཞལ་གདམས་རྣམས་ཉམས་སུ་བསླངས་ཏེ། མཚམས་མ་རལ་བ་གནད་དུ་ཆེའོ། །དེ་ལྟར་སྲུང་བའི་རྟགས་དངོས་ཉམས་རྨི་ལམ་ཅི་རིགས་སུ་བྱུང་བ་དང་རྟག་གཏོར་ལ་རཀྟ་སྦྲན་ཏེ། དགུག་གཞུག་དང་བཅས་བསྐུལ་ཚིག་གི་འབུལ་བའི་བར་ཐུན་གཏོར་ཇི་ལྟ་བ་ལ་གཏོར་མ་ཐོག་ཏུ་འབུལ། གཏོར་ཆེན་ལ་ཤ་ཟན་སྨན་རཀ་སྦྲན་ནས་བྱིན་རླབས་གཏོར་བསྔོ་གཞུང་བཞིན་བྱེད། གདོད་གསོལ་ནི། མཚན་ལྡན་བླ་མས་བཀའ་ཡི་ལུང་བསྟན་ཅིང་། །ཚེ་རབས་དུ་མར་རྗེས་སུ་འབྲེལ་བ་ལས། །ད་ལྟ་ཞལ་མཐོང་དངོས་གྲུབ་བརྙེས་པའི་ལྷ། །འདི་ཕྱི་གཏན་གྱི་བར་ཆད་སེལ་བའི་མགོན། །སངས་རྒྱས་ཀུན་འདུས་དྲང་སྲོང་དྲི་མ་མེད། །བསྙེན་ཅིང་བསྒྲུབས་པའི་འབྲས་བུ་མཆིས་པ་དང་། །མི་དང་མི་མིན་དུཿ ཁའི་འཚེ་བ་ལས། །བརྩེ་ལྡན་ཁྱེད་ཀྱི་ཐུགས་རྗེས་སྐྱོབ་ཏུ་གསོལ། །ཨཱོཾ་ཏྲང་དུ་ཏྲི་ན་ཏྲང་དུ་ཛཿཛཿསརྦ་སིདྡྷི་ཕ་ལ་ཧཱུཾ། སྐུ་གསུང་ཐུགས་གསང་ཡེ་ཤེས་རོལ་པ་ཆེ། །རྨད་བྱུང་འཕྲིན་ལས་རྣམ་བཞིའི་འཁོར་ལོ་དང་། །(༥ན)

― GLG025_Page_0675 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གི་ལུས་ངག་ཡིད་གསུམ་དབྱེར་མེད་དུ། །བྱིན་རློབས་མཆོག་ཐུན་དངོས་གྲུབ་མྱུར་དུ་སྩོལ། །ཨཱོཾ་ཏྲང་དུ་༴ རྨོངས་འཁྲུལ་དུག་ལྔའི་དབང་དུ་སོང་བ་ལས། །ཚེ་འདིར་མི་དགེའི་ལས་ལ་ཅི་སྤྱད་དང་། །སྔོན་བསགས་སྡིག་པའི་རྣམ་སྨིན་འབྲས་བུ་ཡང་། །འཕགས་མཆོག་ཁྱོད་ཀྱིས་བྱང་ཞིང་དག་པར་མཛོད། །ཅེས་རྗེ་བཙུན་བཀྲ་ཤིས་ཕུན་ཚོགས་ཀྱིས་མཛད་པ་དང་གཞན་ཡང་ཡང་བཟློག་གི་འདོད་གསོལ་ལྷ་ཡི་ལྷ་མཆོག་མའི་འཇམ་དཔལ་གཤིན་རྗེའི་གཤེད་ཅེས་པ་དྲང་སྲོང་དང་ཁྲོ་ཞེས་པར་བསྒྱུར་ཞིང་བསྐལ་བ་དཔག་མེད་ཡང་བྱ། གཞན་ཡང་བསྟན་འགྲོའི་བདེ་སྐྱིད་འཕྲོག་པ་སྤྱི་ཡི་བགེགས། བདག་སོགས་བསྲུང་བྱ་ལ་འཚེ་སྒོས་ཀྱི་གདོན། །མི་བསྲུན་འབྱུང་པོའི་རྩ་སྦུར་དྲང་སྲོང་གི །དམོད་པའི་མེ་ཡིས་གཞོབ་ཏུ་སྲེག་པར་མཛོད། །སྙིགས་མ་ལྔ་བདོ་ལྷ་སྲིན་སྡེ་བརྒྱད་འཁྲུགས། །བན་སྔགས་བོན་དང་མུ་སྟེགས་མཐུ་བྱད་གཏོང་། །འཕུང་བྱེད་འགོང་པོས་སྐྱེ་བའི་རྒྱུད་དཀྲུག་བརླམས། །སྨོན་ལམ་ལོག་པའི་དམ་སྲི་ཆེས་ཆེར་འཕེལ། །དེ་ཕྱིར་དུས་ངན་འདི་རུ་ལྷ་ཁྱོད་ཀྱིས། །མཐུ་དཔུང་བསྐྱེད་ལ་གནོད་བྱེད་སྡེ་བརྒྱད་སྤྱི། ཁྱད་པར་རྒྱལ་བསེན་འགོང་པོ་དྲེ་བོ་བཙན། །དམ་སྲི་ཀླུ་གཉན་ས་བདག་ཚ་ངར་ཆོག །མཐུ་བྱད་རྦོད་གཏོང་རང་གཤེད་རང་ལ་ཕོབ། །གདོན་བགེགས་འབྱུང་པོའི་སྲོག་རྩ་དམར་པོ་ཆོད། །ནད་གདོན་ཆགས་ཆེ་ཉམ་ང་ཐམས་ཅད་སྒྱུར། །ཚེ་དཔལ་ལུང་རྟོགས་ཡོན་ཏན་འཕེལ་བར་མཛོད། །ཅེས་འདོད་གསོལ་སྨོན་ལམ་ཅི་རིགས་བྱ། །དབྱངས་གསལ་དང་ཡིག་བརྒྱ་བཟླ་ཞིང་ངག་འགྲོལ་ལོ། །གཉིས་པ་བཟློག་པ་རྐྱང་(༥བ)

― GLG025_Page_0676 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི། གཏོར་ཆེན་ཁ་ཕར་བསྒྱུར་ཞིང་འཁོར་ལོ་གཉིས་ཀྱང་རྒྱབ་མདུན་ཕྱི་ནང་མི་འཛོལ་བ་བྱེད། སྟན་ཁ་སྦུབ། གོས་མགོ་མཇུག་ལྡོག །མན་ངག་བཞིན་སྣ་ཞུར་འཐེན། བྱ་རོག་གི་ཞྭ་རྒྱུན་དུ་གྱོན་པ་འམ་མ་བདེ་ན་ཅུང་ཟད་རེ་ཐུན་འགོར་གྱོན། ལས་བྱང་གཞུང་བསྲང་བ་ལྷ་བསྐྱེད་པའི་བར་བཏང་ནས་བདག་མདུན་གཉིས་ཀ་ལྷན་ཅིག་ཏུ་བསྐྱེད་པའི་ཞར་ལ་ཏིང་ངེ་འཛིན་ཅན་གྱིས་ཀྱང་འགྲུབ་མོད་དམིགས་པ་གསལ་ཕྱིར་ཟོར་རྣམས་བྱིན་རླབས་ཀྱི་ཆེད་དུ། ཟོར་གཏོར་སྐད་ཅིག་སྟོང་པའི་ངང་། །དྲག་གཏོར་གནས་གྱུར་རྫུས་སྐྱེས་སུ། །རབ་ཁྲོས་དྲང་སྲོང་ཁྲོ་བོའི་རྒྱལ། །མུན་པ་ལྟར་ནག་འཇིགས་པའི་སྐུ། །ཞལ་གཅིག་ཕྱག་བཞི་ཞབས་གཉིས་བགྲད། ཁམ་ནག་དབུ་སྐྲ་གྱེན་དུ་འཁྱིལ། །སྤྱན་བགྲད་སྡང་མིག་གློག་ལྟར་འཁྱུག །ཞལ་གདངས་མཆེ་གཙིགས་ལྗགས་འདྲིལ་ཞིང་། །དྲག་སྔགས་མེ་ཡི་ཚ་ཚ་འཕྲོ། །གཅེར་བུ་རྒྱན་བྲལ་ཕྱག་བཞི་ཡི། །དང་པོ་གནམ་ལྕགས་ཐོ་རལ་དང་། །འོག་གཉིས་དྲག་པོར་ཟོར་རྫས་ཐོགས། །ཆེ་བརྗིད་གཏུམ་རྔམ་འཇིགས་པའི་སྐུ། །ཡང་སྤྲུལ་རང་འདྲའི་ཁྲོ་བོའི་ཚོགས། །དྲག་ཟོར་ཐོགས་པ་འབུམ་སྡེར་བཅས། །དྲེགས་པ་སྡེ་བརྒྱད་མ་ལུས་པ། །དབང་སྡུད་ཟིལ་གནོན་བྲན་དུ་འཁོལ། །དམར་ནག་མེ་རླུང་འཚུབ་དཀྱིལ་ཀློང་། །འཁོར་བཅས་སྡེ་དཔུང་བཞོན་པར་བཅས། ཁྲོས་འཁྲུག་རྔམ་པའི་ཚུལ་གྱིས་གསལ། །སླར་ཡང་དྲག་གཏོར་དེ་ཉིད་ཀྱི། །རྩ་བར་བསད་ཁྲག་རྒྱ་མཚོར་འཁྱིལ། །ཞིང་གི་ལྷུ་དུམ་ཕྱོལ་ཞིང་ལྡིང་། །རྐེད་པར་ཟོར་བདག་ཁྲོ་བོའི་ཚོགས། །རླུང་ལྟར་འཚུབ་ཅིང་གློག་ལྟར་འཁྱུག །རྩེ་མོར་ནད་མཚོན་བུ་ཡུག་(༦ན)

― GLG025_Page_0677 ―

^{[མ་དཔེ་གཟིགས་ན་འདིར་གནོན།]}

[Full Size]

འཚུབ། །དྲག་རྩལ་ནུས་ལྡན་འཇིགས་པའི་ཟོར། །ཐོགས་རྡུགས་འགྱིངས་བཟློག་མ་མཆིས་ཤིང་། །གང་ལ་བརྒྱབ་པའི་དགྲ་བགེགས་རྣམས། །ཐལ་བའི་རྡུལ་དུ་བརླག་ནུས་བསམ། །ཟོར་རྫས་མི་དམིགས་སྟོང་པའི་ངང་། །དབུས་ཀྱི་རི་རྒྱལ་ལྷུན་པོ་ལྟར། །ཆེ་བརྗིད་ནང་གི་ཟོར་ཐུན་རྣམས། །རང་རང་སྲོག་གི་ཡི་གེ་ལས། །སྐད་ཅིག་རྫུས་སྐྱེས་དྲེགས་པའི་ཚོགས། །བཀའ་ཉན་སྡེ་བརྒྱད་འདུས་པའི་དམག །མགོན་པོ་ཡུངས་ཟོར་ཐོགས་པ་འབུམ། །འཆི་བདག་མཚོན་ཟོར་ཐོགས་པ་འབུམ། །འགྲེ། གཤིན་རྗེ་དུག་ཟོར་ཐོགས་པ་འབུམ། །ས་བདག་མཛོ་ཟོར་ཐོགས་པ་འབུམ། །ཀླུ་བདག་ནད་ཟོར་ཐོགས་པ་འབུམ། །མ་མོ་ཁྲག་ཟོར་ཐོགས་པ་བུམ། །བཙན་རྒོད་མཚེ་ཟོར་ཐོགས་པ་འབུམ། །བདུད་ནག་ཁྲམ་ཟོར་ཐོགས་པ་འབུམ། །གཟའ་བདུད་དུག་ཟོར་ཐོགས་པ་འབུམ། །རྒྱལ་པོ་གཏོར་ཟོར་ཐོགས་པ་འབུམ། །འགོང་པོ་ཕུར་ཟོར་ཐོགས་པ་འབུམ། །ལཀྴ་རྡོ་ཟོར་ཐོགས་པ་འབུམ། །དམུ་བདུད་རྩང་ཟོར་ཐོགས་པ་འབུམ། །མི་ནག་མདའ་ཟོར་ཐོགས་པ་འབུམ། །བུད་མེད་གཡབ་ཟོར་ཐོགས་པ་འབུམ། །བཤན་པ་གྲི་ཟོར་ཐོགས་པ་འབུམ། །ཟོར་བདག་དྲེགས་པའི་དམག་དཔུང་ནི། །སྲོག་བདག་སྡེ་བརྒྱད་དྲག་ཤུལ་ཅན། །ལ་ལ་རི་རབ་འདེགས་ཤིང་འཕེན། །འགའ་ཞིག་རྒྱ་མཚོ་རྔུབ་ཀྱིས་འདེབས། །དེ་བཞིན་སྟོང་ཁམས་མེ་རུ་སྤར། །བསྐལ་བའི་རླུང་གིས་འཐོར་ཞིང་སྦུད། །མདའ་མཚོན་གནམ་ལྕགས་ཐོག་མདའ་འབེབས། །མེ་རླུང་འཚུབ་མ་ཐུལ་ལུ་ལུ། ཁ་ནས་དྲག་སྔགས་ཤར་ར་ར། །དུག་ནག་རླངས་པ་བུན་ནེ་བུན། ཁྲག་གི་ཆར་འབབ་སིལ་ལི་ལི། །ཀུ་སྒྲ་བསྲོ་སྒྲ་དིར་རི་རི། །རབ་འཇིགས་བཤུག་གླུ་ཀྱུར་རུ་རུ། །གད་བརྒྱང་འབྲུག་སྒྲ་ཆེམས་(༦བ)

― GLG025_Page_0678 ―

^{[མ་དཔེ་གཟིགས་ན་འདིར་གནོན།]}

[Full Size]

སེ་ཆེམས། །གདུག་རྩུབ་ཐོག་སེར་ཤར་ར་ར། །སྣ་ཚོགས་རུ་མཚོན་སྦུར་རུ་རུ། །མདའ་མདུང་མཚོན་རྣོན་ཡེར་རེ་རེ། །ཞུབ་ཆེན་བཞོན་པ་ཉེར་རེ་རེ། །མུན་ནག་འཚུབ་སྐོར་ཁྱིལ་ལི་ལི། །སྡེ་བརྒྱད་དྲག་པོའི་དམག་དཔུང་རྣམས། །གོ་ཆ་སྲ་ལ་མཚོན་ཆ་རྣོ། །རྣོ་མྱུར་དྲག་རྩལ་ལྡན་པ་ནི། །སྟོང་ཁམས་གང་བའི་དཔུང་དུ་གྱུར། །སྤྱན་འདྲེན་ནས་འཛབ་ལ་ཐུག་གི་བར་བཏང་རྗེས། །རང་ཉིད་ཞེ་སྡང་རྡོ་རྗེར་གསལ་བ་ཡིས། །མཐའ་མའི་ཕྱག་གཉིས་གནམ་ལྕགས་རབ་འབར་བའི། །ལག་མཐིལ་སྡིགས་མཛུབ་དབུས་སུ་དགྲ་བགེགས་དང་། །བྱད་མ་གདོན་བགེགས་ཐམས་ཅད་མངོན་སུམ་དུ། །གསལ་བའི་ཏིང་འཛིན་ང་རྒྱལ་གདེངས་ལྡན་པའི། །ལྷ་ཚོགས་ཞལ་ཕྱིར་གཟིགས་ནས་བཟློག་པའི་སྔགས། །སྒྲོག་ཅིང་གུར་ཁང་ལས་ཀྱང་འབྲུག་སྟོང་ལྟར། །ལྡིར་བས་རྦོད་གཏོང་ལྷ་སྲིན་གནོད་པ་བཟློག །སྔགས་ཕྲེང་ལས་འཕྲོས་འོད་ཟེར་གྱིས་བསྐོར་བའི། །འཕྲོ་འདུས་བྱང་མའི་སྟེང་དུ་བབས་པར་གྱུར། །ལྕེ་དབྱིབས་གནམ་ལྕགས་རྡོ་རྗེར་གསལ་བ་ཡི། །ལྟེ་བའི་ཧཱུཾ་དང་སྔགས་ལས་འཕྲོས་པའི་འོད། །རྭ་དགུའི་སྦུབས་བརྒྱུད་རྩེ་མོའི་ཕཊ་དམར་པོ། །བསྐུལ་བ་ལས་འཕྲོས་ཡེ་ཤེས་མེ་ཡི་ཟེར། །མགར་གྱི་ཚ་ཚ་ཞུན་མ་ལྟར་འཕྲོས་དང་། ཁྲོ་བོ་ཕོ་ཉ་གློག་ལྟར་འཁྱུག་པ་རྣམས། །དགྲ་བགེགས་བྱད་མ་རྦད་འདྲེ་རྦོད་གཏོང་ཚོགས། །རྒྱལ་བསེན་འགོང་པོ་དམ་སྲི་ཤི་འདྲེ་བཙན། །ཀླུ་གཉན་ས་བདག་ལ་སོགས་གནོད་བྱེད་ཀྱི། །སྡེ་བརྒྱད་རྣམས་ལ་ཕོག་པས་སྦྲང་བུ་མེར། །ལྕེབས་བ་ཇི་བཞིན་ཧྲགས་ཧྲགས་ཐུལ་ཐུལ་ཚིག །བསམ་སྦྱོར་ངན་(༧ན)

― GLG025_Page_0679 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ནུས་སྟོབས་རྡུལ་དུ་བརླག །རྦད་འདྲེ་སྡེ་བརྒྱད་འབྱུང་པོ་མ་ལུས་པ། །རྦོད་གཏོང་མཁན་སོགས་དགྲ་བོ་ཁོ་རང་གི །གཤེད་དུ་བབས་ནས་ཤ་ཟོས་ཁྲག་འཐུང་ཞིང་། །རུས་མུར་པགས་བཤུས་རློན་པ་གོས་གྱོན་ནས། །མིང་དང་བརྡ་དང་ཐ་སྙད་ཙམ་དུ་ཡང་། །ལུས་པ་མེད་པར་རྡུལ་དུ་བརླག་པར་བསམ། །ཨཱོཾ་ལོག་ཏྲི་པཱ་ལ་ནན་བྷྱོ་བཟློག །ས་ག་པ་ཤ་ནན་བྷྱོ་བཟློག །ནཱ་ག་དུ་དུ་ནན་བྷྱོ་བཟློག མ་མཾ་མ་མི་བྷྱོ་བཟློག ཙིར་ཙར་ཙིར་ཙར་བྷྱོ་བཟློག །བཾ་རུ་ལུ་བཾ་རུ་ལུ་བྷྱོ་བཟློག རྦད་ཏྲ་ཀོ་ཤ་ཡ་རྦད་ཏྲ་ཀོ་ཤ་ཡ་བྷྱོ་བཟློག །ཧོ་ར་ཧོ་ར་བྷྱོ་བཟློག །ཙི་དུ་སོད་ཙི་དུ་སོད། ཤིག་ལྷུ་རུ་གཏུབས། ཧ་ལ་པ་ཏི་ནན། འཁོར་འདུལ། གནོད་བྱེད་འབྱུང་པོའི་ཀཱ་ཝཱ་ཙི་བརླག་བརླག །དགྲ་བགེགས་བྱད་མ་ལྷ་སྲུང་དང་བཅས་པ་མཱ་ར་ཡ་བྷྱོ་བཟློག །ཅེས་འབད་དེ་བཟླ། རང་ཉིད་ཞེ་སྡང་རྡོ་རྗེར་གསལ་བ་ཡི། །མཐའ་ཕྱག་རྡོ་རྗེའི་བྲག་རི་ལྟར་གྱུར་པའི། །ལག་མཐིལ་ཉི་མ་ཟླ་བའི་དཀྱིལ་འཁོར་དང་། །སོར་བཅུ་གནམ་ལྕགས་སྡིག་པ་མགོ་དགུ་པ། །ཐལ་བརྡབས་དགྲ་བགེགས་དམར་ཚིལ་བཏང་བ་ཡི། །ཤ་ཁྲག་དུམ་བུར་འཐོར་བ་སྡིག་པའི་ཁས། །ལྕིབ་ལྕིབ་ཟོས་པས་ལྷག་མ་ཙམ་དུ་ཡང་། །མ་ལུས་རྗེས་ཤུལ་མེད་པར་བརླག་པར་བསམ། །ནམ་མཁའ་མེད་པར་སོགས་ཀྱིས་བདེན་པ་བརྗོད་རྗེས། ན་མོ་སངས་རྒྱས་ཀྱི་བཀའ་བདེན་པ་སོགས་ཡང་བཟློག་ལྟར་ལ་ཕྱག་རྒྱ་ཟིལ་གནོན་ཚེ་བདག་ནག་པོ་ཞེས་པའི་ཚབ་ལ་དྲང་སྲོང་ཞི་ཁྲོ་སྔགས་རྒོད་ལོག་ཏྲི་པཱ་ལའི་ཞེས་བསྒྱུར་ཐལ་བརྡབ་ལན་གསུམ་དང་དྲང་སྲོང་གི་དམོད་པ་ཚར་གཅིག་བརྗོད། ཐུན་གཏོར་གཏོང་བ་དང་ཟས་ཟ་བའི་སྔ་རོལ་ཏུའང་ཐལ་(༧བ)

― GLG025_Page_0680 ―

^{[མ་དཔེ་གཟིགས་ན་འདིར་གནོན།]}

[Full Size]

བརྡབ་བྱ། ཐུན་མཐར་གཏོར་ཆེན་ཁ་གསོ། ཐུན་གཏོར་ཤ་ཁྲག་མཚེ་ཡུངས་རྩང་གིས་བརྒྱན་པ་གཏོར་མའི་སྟོད་ཁྲོ་བོ་ལ་སྨད་ཆད་དགྲ་བགེགས་སུ་གསལ་བ་ལ་རཀྟ་སྦྲན། དགུག་གཞུག་ལན་གསུམ་བྱེད་ཅིང་སྨན་རཀ་སྦྲན་ཏེ་བྱིན་རླབས་ནས་བཟུང་འབུལ་ཚིག་བ་ལིཾ་ཤ་ཁྲག་གཏོར་མ་འདི་བཞེས་ལ་ཡན་སྲུང་བ་ལྟར། ཆགས་ཆེ་ཉམ་ང་བཟློག་པའི་ལས་མཛོད་ཅིག །སྡེ་བརྒྱད་འབྱུང་པོ་བཟློག་པའི་ལས་མཛོད་ཅིག །དམིགས་བཀར་གདོན་འདི་བཟློག་པའི་ལས་མཛོད་ཅིག །བྱད་ཁ་ཕུར་ཁ་བཟློག་པའི་ལས་མཛོད་ཅིག །རྨི་ལྟས་མཚན་ངན་བཟློག་པའི་ལས་མཛོད་ཅིག །ལོ་ཀེག་ཟླ་ཀེག་བཟློག་པའི་ལས་མཛོད་ཅིག །ཞག་ཀེག་ཟ་ཀེག་བཟོག་པའི་ལས་མཛོད་ཅིག །བྱད་མ་ལྷ་སྲུང་རང་གཤེད་རང་ལ་ཕོག །ཅེས་བརྗོད། ལྕགས་སམ་བྷནྡྷས་བསྐུལ་ཞིང་གཤིན་རྗེ་ཞེས་པ་དྲང་སྲོང་དུ་བསྒྱུར་ནས་ཐབས་སམ་དགྲ་ཕྱོགས་སུ་འཕང་། ཁྲོམ་བཟློག་སོགས་བཟློག་སྔགས་ཟབ་མོའི་རིགས་བཟླ། དྲང་སྲོང་གི་དམག་ཚོགས་ཀྱིས་རྒྱལ་འགོང་དམ་སྲིས་མཚོན་པའི་དགྲ་བགེགས་གང་ཡིན་པའི་ཕྱོགས་སུ་སོང་སྟེ་ཚར་བཅད། རྦད་འདྲེ་དང་སྡེ་བརྒྱད་རྣམས་དགྲ་བོའི་གཤེད་དུ་བབས་ནས་བརླག་པར་བསམ། ཐུན་གཏོར་གསར་བ་བཤམས་པ་ཁྲོ་བོར་བསྐྱེད། གཏོར་ཆེན་ཁ་གསོ་བ་སོགས་སྲུང་བའི་སྐབས་དང་འདྲ། ཐུན་མཚམས་ལ་ཟོར་སྔགས་ཀྱང་ཅུང་ཟད་བཟླ་ཞིང་ཞོར་སྒྲུབ་བྱེད། མཚམས་ཁང་དུ་ཕྱག་བདར་བྱ། མཆོད་པ་བརྗེ་བཟློག་པའི་རྟགས་དངོས་ཉམས་རྨི་ལམ་དུ་བྱུང་བ་དང་རྟག་གཏོར་ཐུན་གཏོར་བཞིན་འབུལ། གཏོར་ཆེན་གསོས་ནས་བྱིན་གྱིས་བརླབ་ཅིང་བསྔོས་ཏེ་འདོད་གསོལ་ལྷ་མཆོག་མ། བསྐལ་བ་དཔག་མེད་མ། བསྟན་འགྲོ་(༨ན)

― GLG025_Page_0681 ―

^{[མ་དཔེ་གཟིགས་ན་འདིར་གནོན།]}

[Full Size]

མ་སོགས་བྱ། ཐལ་བརྡབ་དང་བདེན་ཚིག་བརྗོད། དབྱངས་གསལ་དང་ཡིག་བརྒྱ་བཟློས་ཏེ་ངག་འགྲོལ་ལོ། །བསྐུལ་བ་ནི། ཧཱུཾ། མཆོག་གསུམ་ཀུན་འདུས་རྩ་བརྒྱུད་བླ་མ་དང་། །ཡི་དམ་ཞི་ཁྲོ་དམ་ཅན་སྲུང་མའི་ཚོགས། །དྲང་སྲོང་དྲི་མེད་སྤྲུལ་འཁོར་བཀའ་སྡོད་བཅས། །ཐུགས་དམ་གནད་ལས་བསྐུལ་ལོ་ས་མ་ཡ། །བྷྱོ། དྲེགས་འདུལ་ཁྲོ་རྒྱལ་ཆེན་པོའི་དུས་ལ་བབ། །སྤྲུལ་པའི་དྲང་སྲོང་འབུམ་ཚོགས་མཐུ་མ་ཆུང་། །འཁོར་གྱི་ལྷ་སྲིན་སྡེ་བརྒྱད་རྩལ་མ་ཞན། །མྱུར་མགྱོགས་ཕོ་ཉའི་ཚོགས་རྣམས་བང་མ་བུལ། །ཆོས་ཤིག་ཆོས་ཤིག་སྡེ་བརྒྱད་དམག་དཔུང་ཆོས། །རྒྱུག་ཅིག་རྒྱུག་ཅིག་དགྲ་བོའི་ཡུལ་དུ་རྒྱུག །ཕོབ་ཅིག་ཕོབ་ཅིག་ཐན་དང་ཆོ་འཕྲུལ་ཕོབ། །ཕྲོགས་ཤིག་ཕྲོགས་ཤིག་སྲོག་དབུགས་བླ་ཚེ་ཕྲོགས། །དམིགས་པར་གང་བྱས་དམ་ཉམས་དགྲ་བོ་འདི། །ལོ་ཟླ་མ་འགོར་མྱུར་དུ་མ་བསྒྲལ་ན། །དྲང་སྲོང་ཆེན་པོའི་བདེན་ཚིག་ཉམས་འགྱུར་ཏེ། །བཀའ་ཉན་དྲེགས་པའི་ཚོགས་རྣམས་མཐུ་རེ་ཆུང་། །དེ་བས་དམ་རྫས་བ་ལིཾ་གཏོར་མ་དང་། །དགྲ་བོའི་ཤ་ཁྲག་རུས་ལ་རྔམ་ཟས་གྱིས། །བྱད་མའི་ལྷ་སྲུང་རང་གཤེད་རང་ལ་ཕོབ། །བཅོལ་བའི་འཕྲིན་ལས་མྱུར་དུ་སྒྲུབ་པར་མཛོད། །ཧཱུཾ། དྲང་སྲོང་ཆེན་པོ་དྲི་མེད་དགེ་བ་ཡི། །བཀའ་ཉན་ལས་བྱེད་ལྷ་སྲིན་དྲེགས་པ་རྣམས། །སོ་སོའི་གནས་ནས་དཔུང་ཚོགས་ཞོན་པར་བཅས། །ཚུར་སྤྱོན་ཚུར་སྤྱོན་གནས་འདིར་དམ་ལ་སྤྱོན། །བྷྱོ། དྲེགས་པ་སྡེ་བརྒྱད་མཚན་ཉིད་ནི། །མུན་ནག་འཚུབ་མ་འཁྱིལ་ལི་ལི། །ནད་ཀྱི་ན་བུན་ཐུལ་ལུ་ལུ། །ཐོག་སེར་བུ་ཡུག་ཆིལ་ལི་ལི། ཁྲག་གི་ཆར་བབས་སིལ་ལི་ལི། །ཀཾ་ཀཾ་གློག་དམར་(༨བ)

― GLG025_Page_0682 ―

^{[མ་དཔེ་གཟིགས་ན་འདིར་གནོན།]}

[Full Size]

ཀེམས་སེ་ཀེམ། །མ་རུངས་འབྲུག་སྒྲ་འུར་རུ་རུ། །མི་སྡུག་མཚན་མ་ཤར་ར་ར། །ཆོ་འཕྲུལ་སྣ་ཚོགས་ཐོར་རོ་རོ། །དྲེགས་པ་སྡེ་བརྒྱད་དགྲ་ལ་བྷྱོ། །ལྷ་ཀླུ་བདུད་བཙན་མ་མོ་དང་། །སྲོག་བདག་གཟའ་བདུད་གཤིན་རྗེ་དམུ། །གནོད་སྦྱིན་རཱ་ཙ་འགོང་པོའི་ཚོགས། །བྷྱོ་བྷྱོ་སྡང་བའི་དགྲ་ལ་བྷྱོ། །སྣང་སྲིད་ལྷ་འདྲེ་དྲེགས་པའི་ཚོགས། །རྒྱུག་ཅིག་ད་ནི་ལས་ལ་ཆོས། ཁུག་ཅིག་ཁུག་ཅིག་བླ་ཚེ་ཁུག །དགྲ་བགེགས་བླ་ཚེ་ད་ཁུག་ཅིག །སྲོག་རྩ་ཆོད་ལ་སྙིང་རྩ་གཏུབས། །སྡེ་བརྒྱད་དམག་དཔུང་དགྲ་ལ་བྷྱོ། །དགྲ་བོ་མི་ནོར་ཁ་ཕུང་ཐོང་། །ལྟས་ངན་ཆོ་འཕྲུལ་སྣ་ཚོགས་ཕོབ། །བསྐུལ་ལོ་རྦད་དོ་མཐུ་མ་ཆུང་། །དྲང་སྲོང་བདེན་པའི་བཀའ་མ་བཅག །རྣལ་འབྱོར་དམ་རྫས་ཆུད་མ་གསོན། །ཤ་ཁྲག་རྒྱན་ལྡན་བ་ལིཾ་ལོང་། །བཅོལ་བའི་འཕྲིན་ལས་མྱུར་དུ་སྒྲུབས། །མངའ་གསོལ་བ་ནི། ཧཱུཾ་ཏྲཱཾ། ཆོས་ཀྱི་དབྱིངས་ལས་ལོངས་སྤྱོད་སྐུར་སྣང་བ། །སྤྱན་རས་གཟིགས་དབང་ཐུགས་རྗེའི་འོད་ཟེར་ལས། །སྤྲུལ་སྐུ་དྲེགས་འདུལ་དྲང་སྲོང་དྲི་མེད་ཅེས། །སངས་རྒྱས་སྟོང་གི་སྤྲུལ་པར་མངའ་གསོལ་ལོ། །ཉི་ཟླ་པདྨའི་གདན་ལ་བཞུགས་པ་ཡིས། །བག་ཆགས་སྒྲིབ་ཚོགས་སྤངས་པར་མངའ་གསོལ་ལོ། །ཞལ་གཅིག་ཕྱག་གཉིས་དྲང་སྲོང་ཆ་ལུགས་འཛིན། །ཐབས་དང་ཤེས་རབ་ལྡན་པར་མངའ་གསོལ་ལོ། །སྐུ་མདོག་སྔོ་སྐྱ་སྐེམ་རིད་ཀེང་རུས་ཚུལ། །འདོད་ཆགས་དུག་ལྔ་སྤངས་པར་མངའ་གསོལ་ལོ། །དབུ་སྐྲ་ལྕང་ལོ་གྱེན་དུ་འཁྱིལ་བ་ཡིས། ཁམས་གསུམ་དབང་དུ་སྡུད་པར་མངའ་གསོལ་ལོ། །སྨ་ར་ཨག་ཚོམ་རྒྱ་མདོར་ཞམ་པ་ཡིས། །འདོད་དགུ་ཆར་ལྟར་འབེབས་པར་མངའ་(༩ན)

― GLG025_Page_0683 ―

^{[མ་དཔེ་གཟིགས་ན་འདིར་གནོན།]}

[Full Size]

གསོལ་ལོ། །ཤེལ་དུང་ཝང་མིག་སྙན་རྒྱན་སྤྲས་པ་ཡིས། །མཆོག་ཐུན་དངོས་གྲུབ་སྩོལ་བར་མངའ་གསོལ་ལོ། །ཞལ་ནས་སྡེ་བརྒྱད་སྲོག་གི་སྤུ་གྲི་གསུང་། །སངས་རྒྱས་བསྟན་སྲུང་ཆེན་པོར་མངའ་གསོལ་ལོ། །ཕྱག་གཡས་གསེར་གྱི་རྡོ་རྗེ་ནམ་མཁར་གདེངས། །སྡེ་བརྒྱད་གནད་ལ་བོར་བར་མངའ་གསོལ་ལོ། །གཡོན་པ་ལུང་ཐང་ཕྲེང་བ་འདྲེན་པ་ཡིས། །ལྷ་སྲིན་དྲེགས་པའི་སྲོག་འཕྲོག་མངའ་གསོལ་ལོ། །སྐུ་ལ་རས་དཀར་ན་བཟའ་ཀླུབས་པ་ཡིས། །རྒྱལ་བའི་འཕྲིན་ལས་ཀུན་བསྒྲུབ་མངའ་གསོལ་ལོ། །འཁོར་དུ་དྲང་སྲོང་འབུམ་སྡེས་བསྐོར་བ་ཡིས། །སྤྲུལ་པས་ཀུན་ལ་ཁྱབ་པར་མངའ་གསོལ་ལོ། །རི་བོ་ཀུན་འདུལ་རྩེ་ལ་བཞུགས་པ་ཡིས། །སྡེ་བརྒྱད་དབང་དུ་སྡུད་པར་མངའ་གསོལ་ལོ། །ནགས་ཚལ་དྲ་བའི་ཕུག་ན་བཞུགས་པ་ཡིས། །ས་བཅུ་ཟིལ་གྱིས་གནོན་པར་མངའ་གསོལ་ལོ། །ཤིང་ཏོག་སྣ་ཚོགས་ཞལ་དུ་གསོལ་བ་ཡིས། །ཚེ་དང་བསོད་ནམས་སྤེལ་བར་མངའ་གསོལ་ལོ། །རྣལ་འབྱོར་གདུང་བས་གསོལ་འདེབས་མངའ་གསོལ་བས། །ཐུགས་རྗེས་བྱིན་རླབས་དངོས་གྲུབ་སྩལ་དུ་གསོལ། །ཧཱུཾ་ཏྲཱཾ། དེ་ལས་ཡང་སྤྲུལ་སྐད་ཅིག་རྫུས་སྐྱེས་སུ། །ཞེ་སྡང་རྡོ་རྗེ་མཐིང་ནག་ཁྲོ་བོའི་རྒྱལ། །གཅེར་བུ་རྒྱན་མེད་རབ་འཇིགས་རྔམ་པའི་སྐུ། །སྤྲོས་བྲལ་འགྱུར་མེད་ཆོས་སྐུ་མངའ་གསོལ་ལོ། །ཞལ་གཅིག་ཕྱག་བཞི་ཞབས་ཟུང་བགྲད་པ་ཡིས། །དོན་དམ་འཕྲིན་ལས་ཐབས་ཤེས་མངའ་གསོལ་ལོ། །ཞལ་གདངས་མཆེ་གཙིགས་ལྗགས་འདྲིལ་མེ་སྟག་འཕྲོ། །གནོད་བྱེད་གཞོབ་ཏུ་སྲེག་པར་མངའ་གསོལ་ལོ། །སྤྱན་གསུམ་དམར་ཟླུམ་སྡང་མིག་གློག་ལྟར་འཁྱུག །མྱུར་མགྱོགས་(༥བ)

― GLG025_Page_0684 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲིན་ལས་བསྒྲུབ་པར་མངའ་གསོལ་ལོ། །རྫི་སྨིན་སྨ་ར་ཨག་ཚོམ་ཚ་ཚ་འགྲོ། །ཉམས་པ་སྒྲོལ་མཛད་དཔའ་བོར་མངའ་གསོལ་ལོ། །དབུ་སྐྲ་ཁམ་ནག་གྱེན་དུ་བརྫེས་ཤིང་འབར། །དཀར་ཕྱོགས་བསྟན་པ་རྒྱས་མཛད་མངའ་གསོལ་ལོ། །པད་ཉི་དགྲ་བགེགས་གདན་ལ་འགྱིང་བ་ཡིས། །ཆགས་བྲལ་གདུག་པ་ཟིལ་གནོན་མངའ་གསོལ་ལོ། །ཕྱག་གཡས་གནམ་ལྕགས་ཐོ་ཆེན་ནམ་མཁར་འཕྱར། །དགྲ་གདོན་མགོ་བོ་འགེམས་པར་མངའ་གསོལ་ལོ། །གཡོན་པ་བསམ་གཅོད་རྣོ་ངར་རལ་གྲི་གདེང་། །གནོད་བྱེད་གཟུགས་ཕུང་གཏུབ་པར་མངའ་གསོལ་ལོ། །འོག་མའི་ཕྱག་གཉིས་མཆོད་རྟེན་ནམ་མཁར་བཏེག །རྣལ་འབྱོར་ཚེ་སྲོག་བསྲུང་བར་མངའ་གསོལ་ལོ། །རེས་ཅིག་ཉི་ཟླ་ཆ་ལང་དྲག་ཏུ་རྡེབ། །བཟློག་བསད་ཤ་ཁྲག་འཐོར་བར་མངའ་གསོལ་ལོ། །དེ་ཚེ་སོར་མཛུབ་སྡིག་པ་དམར་ནག་བཅུས། །ཤ་ཁྲག་ལྷག་མེད་རོལ་བར་མངའ་གསོལ་ལོ། །ཡང་ཅིག་ས་འཛིན་ལྷུན་པོ་མཁའ་ལ་བསྐྱོད། །དགྲ་བགེགས་གནོན་ཅིང་གཟིར་མཛད་མངའ་གསོལ་ལོ། །རང་འདྲའི་ཁྲོ་ཆུང་དཔག་མེད་འཕྲོ་འདུ་ཡིས། །ཐོགས་མིན་འཕྲིན་ལས་བསྒྲུབ་པར་མངའ་གསོལ་ལོ། །དྲག་སྔགས་འཕྲོ་འདུ་ལྕགས་ཀྱུ་འཕྲེང་བ་ཡིས། །མ་རུངས་འབྱུང་བ་འགུགས་པར་མངའ་གསོལ་ལོ། །བཀའ་ཡི་བདེན་ཚིག་དམོད་པའི་མཐུ་སྟོབས་ཀྱིས། །དྲག་རྩལ་ནུས་མཐུ་དཔག་མེད་མངའ་གསོལ་ལོ། །ཡེ་ཤེས་བསྐལ་མེའི་ཀློང་དུ་བཞུགས་པ་ཡིས། །ཉོན་མོངས་དགྲ་གདོན་བསྲེག་པར་མངའ་གསོལ་ལོ། །བཀའ་ཉན་སྡེ་བརྒྱད་དམག་ཚོགས་གྲངས་མེད་གྱིས། །དགྲ་བགེགས་རྡུལ་དུ་རློག་པར་མངའ་གསོལ་ལོ། །དམ་ལྡན་གཏེར་སྲུང་དྲེགས་ཚོགས་མ་ལུས་པས། །དམ་ཆོས་བསྟན་པ་འཕེལ་རྒྱས་མངའ་གསོལ་ལོ། །དམ་(༡༠ན)

― GLG025_Page_0685 ―

^{[མ་དཔེ་གཟིགས་ན་འདིར་གནོན།]}

[Full Size]

རྫས་བརྒྱན་པའི་མཆོད་གཏོར་འདི་བཞེས་ལ། །དམ་གཙང་རྣལ་འབྱོར་ཡོན་མཆོད་འཁོར་བཅས་ཀྱི། །འགལ་རྐྱེན་བར་ཆད་ཞི་བའི་འཕྲིན་ལས་མཛོད། །ཚེ་དཔལ་འབྱོར་པ་རྒྱས་པའི་འཕྲིན་ལས་མཛོད། །སྣང་གྲགས་དབང་དུ་བསྡུ་བའི་འཕྲིན་ལས་མཛོད། །དགྲ་གདོན་ཐལ་བར་རློག་པའི་འཕྲིན་ལས་མཛོད། །མཆོག་ཐུན་ལས་བཞིའི་འཕྲིན་ལས་མ་ལུས་པ། །ལྷ་མཆོག་མ་ཧཱ་རྀ་ཥིས་སྒྲུབ་པར་མཛོད། །བཟློག་བསྒྱུར་ནི། དེ་ལྟར་ལྷ་ཚོགས་རྣམས་རབ་ཏུ་དགྱེས་པས་བཟློག་བསྒྱུར་གྱི་ལས་རྣམས་ཐོགས་མེད་དུ་མཛད་པར་བསམ་ལ། ཧཱུཾ་བྷྱོ། དྲེགས་འདུལ་དྲང་སྲོང་དྲི་མ་མེད། །དེ་སྤྲུལ་རྫུས་སྐྱེས་ཁྲོ་ཆེན་ནི། །འཇིགས་བྱེད་ཞེ་སྡང་རྡོ་རྗེ་དང་། ཁྲོ་རྒྱལ་དེ་ཡི་སྤྲུལ་པ་དང་། །ཡང་སྤྲུལ་དམ་ཅན་རྒྱ་མཚོར་བཅས། །བཀའ་ཉན་དྲེགས་པ་སྡེ་བརྒྱད་ཚོགས། །རང་རང་གཡོག་སྤྲུལ་ཕོ་ཉར་བཅས། །འཁོར་དང་བཅས་པ་ཁྱོད་རྣམས་ལ། །བཟློག་བསྒྱུར་འཕྲིན་ལས་བཅོལ་བ་ནི། །སྔགས་འཆང་བདག་ཅག་འཁོར་བཅས་རྣམས། །དོ་ཅིག་དེང་སང་ཕན་ཆོད་ནས། །སང་ཕོད་ད་ཙམ་ཚུན་ཆད་ཀྱི། །ལོ་ཟླ་ཞག་དུས་སྤར་སྨེ་དང་། །སྲོག་ལུས་དབང་ཀླུང་དགྲ་གཤེད་ཀག །གཟའ་ཆོས་སྐར་སྦྱོར་བྱེད་པ་ངན། །ས་བདག་ཕྱོགས་ངན་ལ་སོགས་པ། །མི་མཐུན་འགལ་རྐྱེན་བཟློག་ཏུ་གསོལ། །ལྷ་བདུད་མ་མོ་རྒྱལ་བཙན་སོགས། །སྡེ་བརྒྱད་ཁྲོས་ཤིང་འཁྲུགས་པ་ཡིས། །འགོ་ནད་ཡམས་རིམས་འབྲུམ་བུ་དང་། །རྒྱུ་གཟེར་གག་ལྷོག་གཉན་ནད་སོགས། །ནད་རིགས་བཞི་བརྒྱ་རྩ་བཞི་བཟློག །ལྷ་ཀླུ་གནོད་སྦྱིན་རྒྱལ་བསེན་སོགས། །གདོན་(༡༠བ)

― GLG025_Page_0686 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་སྟོང་ཕྲག་བཅོ་བརྒྱད་དང་། །བགེགས་རིགས་སྟོང་ཕྲག་བརྒྱད་ཅུ་དང་། །བྱིས་པའི་གདོན་ཆེན་བཅོ་ལྔ་བཟློག །ལྟས་ངན་བརྒྱད་ཅུ་རྩ་གཅིག་བཟློག །ཡེ་འབྲོག་སུམ་བརྒྱ་དྲུག་ཅུ་བཟློག །གློ་བུར་བདུན་བརྒྱ་ཉི་ཤུ་བཟློག །སྔ་ཞགས་མདའ་ལྟར་འཕེན་པ་བཟློག །ཕྱི་ཞགས་དྲུབ་ལྟར་འཐུལ་བ་བཟློག །ལྷ་ཆེན་དྲག་པོའི་གདུག་རྩུབ་བཟློག །ལྷ་མ་ཡིན་གྱི་སྒྱུ་ཐབས་བཟློག །སྐེམས་བྱེད་ལྕགས་ཀྱུས་ཟིན་པ་བཟློག །དྲང་སྲོང་བྲམ་ཟེའི་དམོད་པ་བཟློག །མགོན་པོའི་པར་བུ་བསྐོར་བ་བཟློག །གཤིན་རྗེའི་འཁྲུལ་འཁོར་བཅས་པ་བཟློག །ཕུར་པའི་དབལ་ཁ་བཏབ་པ་བཟློག །ཕྲ་མེན་ཉེ་འབྱེད་གཏོང་བ་བཟློག །ཕོ་ཉའི་རྦོད་གཏོང་རྐང་མགྱོགས་བཟློག །བནྡེའི་འབུམ་སྐོར་བྱུང་བ་བཟློག །བོན་པོས་ཟོ་དམར་འཕངས་པ་བཟློག །མུ་སྟེགས་ངན་སྔགས་བཏང་བ་བཟློག །ཡུངས་ཀྱི་ཐུན་ཟོར་འཕེན་པ་བཟློག །སྔགས་པས་སྔགས་ཟོར་འཕངས་པ་བཟློག །བྱད་ཕུར་རྦོད་གཏོང་བྱུང་བ་བཟློག །མནན་གཏད་ཁྲམ་ལ་བཏབ་པ་བཟློག །སྲེག་འཕང་ལས་སྦྱོར་བྱས་པ་བཟློག །ཡས་ཀྱི་བདུད་དུ་གཡོས་པ་བཟློག །མས་ཀྱི་སྲི་རུ་ལངས་པ་བཟློག །ཕ་མེས་རྒན་སྲི་ལངས་པ་བཟློག །མ་སྲུའི་རྒན་སྲི་ལངས་པ་བཟློག །བྱིས་པའི་ཆུང་སྲི་ལངས་པ་བཟློག །དཔོན་སློབ་དམ་སྲི་ལངས་པ་བཟློག །པྲ་དང་མོ་རྩིས་ངན་པ་བཟློག །རྨི་ལམ་མཚན་ལྟས་ངན་པ་བཟློག །ལ་ཉེ་ཁ་ཡོགས་ངན་པ་བཟློག །ཁ་མཆུ་ཁ་སྨྲས་ངན་པ་བཟློག །དུག་མཚོན་བསམ་སྦྱོར་ངན་པ་བཟློག །བཙའ་སད་སེར་བ་ལོ་ཉེས་བཟློག །མི་ནད་ཕྱུགས་ནད་ངན་པ་བཟློག །ཐོག་འཁྱུག་གནམ་ལྕགས་ལྕེ་འབར་བཟློག །སྨྱོ་འབོག་བརྒྱལ་ནད་ངན་པ་བཟློག །ས་ཀླུ་མཛེ་ཕོལ་ཤུ་འབྲས་བཟློག །གཟའ་ནད་ཧུར་ཐུམ་གཏོང་བ་བཟློག །སྔ་(༡༡ན)

― GLG025_Page_0687 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་ལག་གིས་བདར་བ་བཟློག །ཕྱི་དགྲ་ཡིད་ལ་བཞག་པ་བཟློག །ད་དགྲ་མདུན་དུ་སྡོད་པ་བཟློག །ལུས་ཀྱི་ན་ཚ་ངན་པ་བཟློག །སེམས་ཀྱི་སྡུག་བསྔལ་ངན་པ་བཟློག །བསམ་དོན་མི་འགྲུབ་བར་གཅོད་བཟློག །མི་མཐུན་གནོད་པའི་ཕྱོགས་ཀུན་བཟློག །བཟློག་གོ་དམར་ཆེན་གཏོར་མས་བཟློག །བསྒྱུར་རོ་དྲང་སྲོང་དམོད་པས་སྒྱུར། །ཟོར་རོ་དགྲ་དང་བགེགས་ལ་ཟོར། །ཆོས་སོ་གནོད་བྱེད་གདོན་ལ་ཆོས། །ཕོ་བདུད་དལ་ཁ་གཡས་སུ་སྒྱུར། །མོ་བདུད་དལ་ཁ་གཡོན་དུ་སྒྱུར། །སྤྱི་བདུད་དལ་ཁ་མཁའ་ལ་སྒྱུར། །ཆུང་བདུད་དལ་ཁ་ཐད་དུ་སྒྱུར། །རབ་འཇིགས་ལོག་ཏྲིའི་ལྷ་ཚོགས་རྣམས། །དམ་རྫས་གཏོར་མ་འདི་བཞེས་ལ། །བཅོལ་བའི་འཕྲིན་ལས་སྒྲུབ་པར་མཛོད། །དྲེགས་པ་སྡེ་བརྒྱད་འཁོར་དང་བཅས། །བསྐུལ་ལོ་རྦད་དོ་མཐུ་མ་ཆུང་། །དྲང་སྲོང་བདེན་པའི་བཀའ་མ་བཅག །སྔགས་འཆང་དམ་རྫས་ཆུད་མ་གསོན། །དྲག་པོའི་འཕྲིན་ལས་སྒྲུབ་པར་མཛོད། །ཅེས་དང་བཟློག་སྔགས་བཟླ་དམོད་མོ་བྱ་ཞིང་ཐལ་མོ་བརྡབ་བོ། །སྒོ་དབྱེ་བ་ནི། སྒྲུབ་ཁང་སྟེང་དུ་གསེར་སྐྱེམས་འབུལ། བྷྱོ། ཟོར་བྱུང་དང་པོ་གང་ནས་བྱུང་། །དང་པོ་ཟོར་གྱི་བྱུང་ས་ནི། །རི་རབ་ལྷུན་པོའི་བྱང་ཕྱོགས་སུ། །ལྕང་ལོ་ཅན་གྱི་ཕོ་བྲང་ན། །གསང་བདག་ཕྱག་ན་རྡོ་རྗེ་ཡིས། །དྲེགས་པ་འདུལ་བའི་ཏིང་འཛིན་དང་། །དྲེགས་སྲོག་དབང་དུ་སྡུད་པའི་ཕྱིར། །དྲག་སྔགས་རྣོ་དབལ་འབྲུག་སྟོང་སྒྲ། །རབ་ཏུ་བསྒྲགས་པའི་སྔགས་ཟོར་གྱིས། །དྲེགས་བྱེད་ལྷ་སྲིན་སྡེ་བརྒྱད་རྣམས། །རབ་འཇིགས་དངངས་སྐྲག་རེངས་ཤིང་བརྒྱལ། །བརྒྱལ་བ་སངས་ནས་དྲེགས་པའི་ཚོགས། །འཁོར་དང་འབངས་སུ་ཁས་བླངས་ནས། །(༡༡བ)

― GLG025_Page_0688 ―

^{[མ་དཔེ་གཟིགས་ན་འདིར་གནོན།]}

[Full Size]

རང་རང་སྲོག་གི་སྙིང་པོ་ཕུལ། །དང་པོ་སྔགས་ཟོར་དེ་ལྟར་བྱུང་། །དེ་འོག་བར་གྱི་བསྐལ་བ་ལ། །རྒྱ་གར་ཡུལ་གྱི་ལྷོ་ཡི་ཕྱོགས། །ལྷོ་ཕྱོགས་ཨིནྡྲའི་ཡུལ་དབུས་སུ། །ཆོས་རྒྱལ་དྷ་རྨ་ཨ་ཤྭ་དེ། །ས་བདག་ཀླུ་དུག་ནད་ཀྱིས་ཟིན། །དུས་དང་བསྐལ་བ་དེ་ཙམ་ན། །ནགས་ཚལ་དྲ་བ་ཅན་གྱི་ཀློང་། །རི་བོ་ཀུན་འདུས་རྩེ་མོ་ནས། །ཆོས་ལོངས་སྤྲུལ་སྐུ་དྲང་སྲོང་ཆེ། །དྲི་མེད་འོད་ཟེར་སྤྱན་དྲངས་ནས། །དྲང་སྲོང་དམོད་པའི་བདེན་ཚིག་གི །དྲག་སྔགས་དཔལ་ཟོར་འདི་བརྒྱབ་བས། །རྒྱལ་པོ་ཀླུ་ཡི་སྙུན་ལས་གྲོལ། །བར་དུ་སྔགས་ཟོར་དེ་ལྟར་སྲིད། །དེ་རྗེས་དྷ་རྨ་ཨ་ཤྭ་དང་། །བྲམ་ཟེ་ལེགས་གྲུབ་པྲ་ཧ་སྟི། །འཕུང་བྱེད་ཤནྟིཾ་གྷརྦྷ་དང་། །པདྨ་འབྱུང་གནས་ལ་སོགས་ནས། །རྩ་བའི་བླ་མ་ཡན་ཆོད་ཀྱིས། །བསྟེན་ཅིང་བསྒྲུབས་པའི་ཡི་དམ་ལྷ། །ལྷ་མཆོག་དྲང་སྲོང་དྲག་རྩལ་ཅན། །རྣལ་འབྱོར་བདག་གིས་བསྒྲུབས་བསྒྲུབས་ནས། །བྱིན་རླབས་མཐུ་དཔུང་མ་ཉམས་པའི། །དྲག་སྔགས་སྤུ་གྲིའི་དཔལ་ཆུ་ཁྲག་གཏོར་མ་སོགས་དང་སྦྱར། ཟོར་འདི། །སྟེང་འོག་ཕྱོགས་མཚམས་ཕྱོགས་བཅུ་ཡི། །ལྷ་ཀླུ་གཉན་དང་ཕྱོགས་སྐྱོང་སོགས། །དཀར་ཕྱོགས་སྐྱོང་དང་མ་ཉེས་པའི། །ལྷ་སྲིན་ཡོངས་ལ་མི་འཕེན་ནོ། །སྐུ་གཟུར་དབུ་སྨོད་ཞབས་བསྐུམ་ཞིག །དབང་ཕྱུག་བདག་གིས་མ་ཉེས་སོ། །འདི་ལྟར་དྲག་པོའི་དཔལ་ཟོར་འདི། །སྡང་བའི་དགྲ་དང་གནོད་པའི་བགེགས། །བར་དུ་གཅོད་པའི་རྐྱེན་ལ་འཕེན། །རྒྱལ་བསེན་གནོད་བྱེད་འདུལ་བའི་ཕྱིར། །དྲང་སྲོང་ལྷ་ཚོགས་དབྱིངས་ནས་བཞེངས། །སྤྲུལ་འཁོར་འབུམ་སྡེ་ལས་ལ་ཕྱོས། །དྲང་སྲོང་ཆེན་པོ་དྲི་མེད་ཁྱོད། །སྐུ་ནི་མི་འགྱུར་བརྟན་པ་ལ། །ཕྱག་མཚན་འཁོར་(༡༢ན)

― GLG025_Page_0689 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་བསྒྱུར་བཞིན་དུ། །དགྲ་བགེགས་མགོ་ལ་འཁོར་ལོ་སྐོར། །རྒྱལ་འགོང་ལུས་ལ་འཁོར་ལོ་སྐོར། །སྡེ་བརྒྱད་སྲོག་ལ་འཁོར་ལོ་སྐོར། །འཁོར་ལོ་གཡས་སུ་བསྐོར་ཙ་ན། །རྒྱལ་འགོང་མགོ་ལ་འཁོར་ལོ་རྒྱོབ། །འཁོར་ལོ་གཡོན་དུ་བསྐོར་ཙ་ན། །མོ་གདོན་སྙིང་ལ་འཁོར་ལོ་རྒྱོབ། །སྡང་བའི་དགྲ་ལ་སྔགས་ཟོར་ཡཱ། །གནོད་པའི་བགེགས་ལ་སྔགས་ཟོར་ཡཱ། །ཟ་བའི་འདྲེ་ལ་སྔགས་ཟོར་ཡཱ། །འཕུང་བའི་སྲི་ལ་སྔགས་ཟོར་ཡཱ། །གནོད་བྱེད་ཐལ་བའི་རྡུལ་དུ་རློག །སྤུ་གྲི་རིང་མོ་དང་ཟོར་སྔགས་བཟླ་ཞིང་ཟོར་རྣམས་ཐེབས་དང་བསྟུན་ནས་དགྲ་ཕྱོགས་སུ་འཕང་། གཏོར་ཆེན་ལ་ཤ་ཟན་རཀྟ་སྦྲན། །དགུག་གཞུག་གསུམ་དང་སྨན་རཀ་སྦྲན་ཏེ་བྱིན་རླབས་འབུལ་ཚིག་བཟློག་པའི་ཤམ་བུ་ཅན་གྱི་བར་ཐུན་གཏོར་ལྟར་བྱ། ཡིག་བརྒྱ་བརྗོད། བཟོད་གསོལ་བྱ། ལྷ་མཆོག་མ། བསྐལ་བ་དཔག་མེད་མ། བསྟན་འགྲོ་མ། མཁྱེན་བརྩེ་ནུས་མངའ་མ་ཡང་བཟློག་ལྟར་ལ་ཚིག་ཕྲད་ཁ་བསྒྱུར་བ། ནམ་མཁའ་མེད་པར་སོགས་སྨོན་ལམ་བདེན་བརྗོད་བྱ། ཧཱུཾ། གཏོར་ཆེན་ལྷ་ཚོགས་ཡེ་ཤེས་པ། །སྐུ་རྟེན་འཁོར་ལོ་རྣམས་ལ་བསྡུ། །དམ་ཚིག་སེམས་དཔའ་རང་ཉིད་དང་། །ཛཿཧཱུཾ་བཾ་ཧོཿ་ས་གཉིས་མེད་བསམ། སླར་ཡང་གཏོར་མ་གསལ་འདེབས་མན་ངག་ལྟར་བྱ། ཤ་ཟན་རཀྟ་སྦྲན་རྗེས་དཔལ་འབར་བཙུགས། དགུག་གཞུག་ནས་འབུལ་ཞིང་འཕྲིན་བཅོལ་གྱི་བར་གོང་དང་འདྲ་བ་དམག་ལྟོའི་ཚུལ་དུ་འབུལ། གོང་གི་བསྐུལ་རིང་ཐུང་གང་རུང་གཏོང་། གཏོར་ལམ་ཐེན་ལ་གཏོར་ཆེན་ཕྱིར་སྤགས། གོང་གི་བསྐུལ་དང་བཟློག་གཞུང་(༡༢བ)

― GLG025_Page_0690 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་བཟློག་ལྟར་སྐབས་འདིར་བྱས་ཀྱང་རུང་། ཚོགས་ལྷག་དང་ཆད་མཐོ་གཏོང་། གཤེགས་སྐྱེམས་སུ་གཏོར་མ་གསོ་བ་ནས། འབུལ་བའི་བར་གོང་ལྟར་བྱས་རྗེས་དགྲ་འམ་ཐེབས་ཕྱོགས་སུ་གསེར་སྐྱེམས། ལྷ་ཚོགས་བསྐུལ་བ། ལྕགས་སམ་བྷནྡྷའི་བསྐུལ་ཚིག་དང་བཅས་མན་ངག་ལྟར་སྔགས་རྣམས་དང་གཏོར་མ་འཕེན་པའི་དམིགས་པ་ཞལ་ཤེས་ལྟར་བྱ། རང་མ་ཉེས་པའི་དཔང་བཙུགས། ཁོའི་ཉེས་པ་བསྒྲག །དམོད་མོ་བྱ། བྲིས་སྐུ་དང་འཕྱར་དར་བརྡབ། རལ་པ་སྤྲུག་བྲང་བརྡུང་། འོ་དོད་འབོད། དུལ་མོ་རྡུལ། ཐལ་མོ་བརྡབ་བོ། ནམ་མཁའ་མེད་པར་སོགས་བདེན་ཚིག་བརྗོད། མེ་ཆུའི་རྒྱས་འདེབས་བྱེད། དེ་ནས་ས་ལ་ཆོས་འབྱུང་རིམ་གསུམ་ལྟེ་བར་ནྲི་བྲིས་པའི་སྟེང་དུ་མེ་སྒྲ་ཆུས་བསད་བྱ། གཏོར་གཞོང་ཁ་སྦུབ། གཏོར་མནན་དང་འདུལ་སྦྱོང་གི་བྲོ་བརྡུང་། གཏོར་གཞོང་ལ་བསྒྱེལ་ལ་སྨན་འབྲུས་བཀང་། བཤལ་ཆུའམ་གཏོར་མ་ཟུར་དུ་བཤམས་པས་བསྟན་མ་བསྐྱང་། ནྲིའི་སྟེང་དུ་མཐོ་བརྩིགས་པ་ལོག་ཏྲིར་བསྐྱེད་ལ་བན་སྐོར་དགུ་བྱ། ནང་པ་སངས་རྒྱས་པས་བདག་ལ་བྱས་པའི་རྦོད་གཏོང་ཐམས་ཅད་ཞིག་པར་གྱུར་ཅིག །ཅེས་བརྗོད། བོན་སྐོར་དགུ་བྱ། ཕྱི་པ་མུ་སྟེགས་པ་དང་བོན་གྱིས་བདག་ལ་བྱས་པའི་རྦོད་གཏོང་ཐམས་ཅད་ཞིག་པར་གྱུར་ཅིག །ཅེས་བརྗོད། བྱེ་མའི་ལ་དགུ་བྱས་པར་གོམ་པ་དགུ་ཚུལ་ལ་སྤོ། ལ་དགུ་ལུང་དགུར་ཕྱིན་པར་བསམས་ལ་ཕྱི་མིག་མི་བལྟ་བར་ནང་དུ་ལོག །ཚེ་འགུགས་བླ་མ་དང་ནོར་ལྷའི་གཏོར་མ་མ་གཏོགས་པའི་གཏོར་མ་རྣམས་ལ་སྨན་རཀ་སྦྲན། ཨཱོཾ་ཨཱཿཧཱུཾ་གིས་བྱིན་གྱིས་བརླབས། །བསྐུལ་ཚིག་སྲུང་(༡༣ན)

― GLG025_Page_0691 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཤམ་བུ་ཅན་གྱིས་ཐོག་ཏུ་འབུལ། གཏང་རག །བཟོད་གསོལ། ཉེར་བསྡུ། སྨོན་ལམ། ཤིས་བརྗོད་དཀྱུས་ལྟར་བྱའོ། །གོང་གི་ས་བཅད་ཕྱི་མ་རྣམས་ནི་དཔལ་འབྲི་གུང་པ་ཆོས་ཀྱི་གྲགས་པས་མཛད་པའི་སྣང་ལས་ཀྱི་ཡིག་ཆ་དང་མཐོང་བརྒྱུད་ཀྱི་ཕྱག་བཞེས་ལས་ཤེས་པར་བྱ་ཞིང་སྲུང་བཟློག་ཐུན་མོང་བ་ལའང་། སྔོན་ཆད་ཡི་གེ་ནག་འགྲོས་འདི་འདྲ་བཀོད་པ་མི་འདུག་པས་ཆོས་ཀྱི་འབྱུང་ཁུངས་དང་། བརྒྱུད་པ། དམ་ཚིག །བསྟན་འགྲོའི་བདེ་ཐབས་སོགས་མི་སེམས་པར་རང་གི་ཚེ་སྟོབས་འབྱོར་སྒྲུབ་ཙམ་གྱི་དོན་དུ་ཆོས་རྒྱུན་ཚུལ་བཞིན་མནོས་པར་དཔེ་མཐོང་ཙམ་གྱིས་ཉམས་སུ་ལེན་པའི་དམ་མེད་ཁ་གཙང་ཅན་གྱི་ལག་ཏུ་ཤོར་ན་སྟོན་ཡུལ་དང་སྟོན་མཁན་གཉིས་ཀ་ཀླུ་བདུད་མགོ་དགུ་དང་རྒྱལ་པོ་ཤེལ་གིང་གཉིས་ཀྱིས་མི་ནོར་ཕྱུགས་གསུམ་གྱི་སྟེང་དུ་ཆད་པ་ཕོབ་ཅིག་ས་མ་ཡ། ད་ལྟར་སྔགས་རྒོད་ལོག་ཏྲི་དམོད་པའི་མཚོན། །དགྲ་བགེགས་སྡེ་བརྒྱད་འདུལ་བའི་སྤུ་གྲི་ཞེས། གངས་ལྗོངས་སྔ་འགྱུར་མཁན་པོ་མཐའ་དག་ལ། །རླུང་རྟར་གྲགས་པའི་ཆེ་བ་མགྲིན་གཅིག་གླེང་། །ཕལ་ཆེར་མིང་ཙམ་ལས་གཞན་གནད་མ་རྟོགས། །ལ་ལ་ཕྱོགས་མཐོང་ཙམ་གྱིས་ལག་ལེན་བྱེད། །མཁས་པ་རྣམས་ཀྱང་རགས་པའི་ཕྱག་བཞེས་ལས། །ཕྲ་ཞིབ་གནད་ཀྱི་དཔྱ་འཕྲང་མ་སྒྲོལ་ལུས། དྷ་རྨ་ཨ་ཤྭ་ཀ་དེའི་སྒྱུ་དྲའི་གར། །འབྲི་གུང་གནམ་ལྕགས་མེ་འབར་ཡབ་སྲས་ཀྱི། །བཞེད་སྲོལ་མཁས་པའི་དྲིན་ལས་ཐོས་པའི་མོད། །མེ་ལོང་བྱད་བཞིན་མ་འདྲེས་སོ་སོར་མཐོང་། །མེས་པོ་མང་པོའི་ལག་པ་རིམ་བརྒྱུད་ལ། །ཨ་ཕའི་ཉམས་(༡༣བ)

― GLG025_Page_0692 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་ཨ་མའི་རྨི་ལམ་གྱིས། །བརྒྱན་པའི་རྒྱུན་ཞེས་རང་ཚུགས་བཟང་པོ་ཅན། །རྨོངས་བརྟད་མཁན་རྣམས་རྭ་པའི་ཕུགས་སུ་ཉོལ། །ཨྱོན་པཎ་ཞུ་ཙམ་གྱིས་སྔ་འགྱུར་བསྟན། །ཟིན་ན་ཆེས་སླ་མལ་དུ་གློ་ལྷོད་མོད། །པད་འབྱུང་དགོངས་དོན་སྐྱོར་ཟློས་བྱེད་པ་ཡི། །མ་བབས་ལས་འདི་ཁོ་བོའི་རེས་སུ་སོན། །གངས་ཅན་བསྟན་དང་འགྲོ་བའི་བདེ་སྐྱིད་སྲོག །འཕྲོག་པ་ལྷ་མིན་གདོན་གྱི་ཆོམ་པོའི་མགོར། །བསོད་ནམས་གནམ་ལྕགས་ཐོག་གི་མདའ་ཆེན་འདིས། །ཨ་ཙ་ཀ་ཡི་དོག་པ་ལྟར་འགས་ཤོག །དགྲ་གདོན་གཟུགས་བརྙན་འཆར་གཞི་རང་རྒྱུད་སྒྲིབ། །དངས་པའི་རྫིང་བུ་སྐེམ་ནུས་ཚོགས་གཉིས་ཀྱི། །ཉི་མའི་གཟི་འབར་སྐུ་བཞིའི་འོད་སྟོང་གིས། །འཇིག་རྟེན་གསུམ་དུ་ཁྱབ་པའི་བཀྲ་ཤིས་ཤོག །ཅེས་དྲང་སྲོང་ལོག་ཏྲི་པཱ་ལའི་སྲུང་བཟློག་ཐུན་མོང་བ་ཉམས་སུ་ལེན་ཚུལ་བཙན་མཁར་བསྲུང་བའི་འཕྲུལ་སྒྱོགས་འདི་ནི་རྣམ་པར་རྒྱལ་བའི་ཕན་བདེ་ལེགས་བཤད་གླིང་པ་རྣམས་ཀྱི་ཉམས་ལེན་དང་བསྟན་པའི་བཙས་སུ་བསམས་ཏེ་ཟ་ཧོར་གྱི་སྔགས་སྨྱོན་ཟིལ་གནོན་དྲག་པོ་རྩལ་གྱིས་ཆུ་གླང་ཧོར་ཟླ་གསུམ་པའི་དམར་ཕྱོགས་རྒྱལ་བ་གསུམ་པའི་ཚེས་ལ་ཕོ་བྲང་ཆེན་པོ་པོ་ཏ་ལར་སྦྱར་བའི་ཡི་གེ་པ་ནི་སྡོམ་བརྩོན་འཇམ་དབྱངས་གྲགས་པས་བགྱིས་པ་འདིས་ཀྱང་སྲུང་བ་བཙན་པོའི་མཁར་གྱི་རྩེ་ནས་བཟློག་པའི་འཕྲུལ་སྒྱོགས་འཕངས་པས་དགྲ་བགེགས་ཐལ་བར་རློག་པའི་རྒྱུར་གྱུར་ཅིག །སརྦ་མངྒ་ལཾ།

སྔགས་རྒོད་ལོག་ཏྲིའི་ཧོམ་གྱི་ལག་ལེན་ཉི་མའི་སྙིང་པ།

― GLG025_Page_0693 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་རྒོད་ལོག་ཏྲིའི་ཧོམ་གྱི་ལག་ལེན་ཉི་མའི་སྙིང་པོ་བཞུགས་སོ། །

― GLG025_Page_0694 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ལྡན་དྲང་སྲོང་ཞི་ཁྲོ་དང་། །དབྱེར་མེད་རྩ་བའི་བླ་མ་ལ། །གུས་པས་བཏུད་ནས་ལས་ཀྱི་མཐའ། །སྡུད་བྱེད་སྲེག་པའི་ལག་ལེན་འདྲི། །དེ་ཡང་། རྒྱུད་ཀྱི་ལེའུ་ལྔ་པ་དང་། གཞུང་གི་མན་ངག་ཉེར་བདུན་པའི་བཅུ་པ་གཉིས་ལས་བཤད་པའི་རྒྱུད་དོན་ལྟར་ན་གཤིན་རྗེ་སོགས་གཞན་ནས་ཁ་བཀང་སྟེ་སྦྱིན་སྲེག་རྒྱས་པར་བྱས་པ་འཐད་ནའང་མན་ངག་བཅུ་བ་ནས་བཤད་པ་ལྟར་མེའི་ལས་སྦྱོར་ཙམ་ལ་ལྕགས་སླང་སོགས་སུ་དྲག་པོའི་ཤིང་གི་ཐབ་ཁུང་གྲུ་གསུམ་པ་བརྩིགས། དེའི་གཡས་ངོས་སུ་གདན་ལ་གཏོར་ཆུང་ཤ་ཁྲག་གིས་སྦྲགས་པ་བརྒྱ་རྩ། ལིང་ཆུང་བརྒྱ་རྩ། ཡམ་ཤིང་དང་མར་ནག་འོས་འཚམ་བཤམས། སྲེག་རྫས་དང་ཐབ་ཁུང་དྲག་སྔགས་ཀྱིས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཨ་ལས་ཐོད་པ་ཡངས་ཤིང་རྒྱ་ཆེ་བའི་ནང་དུ་ཪྣྲི་དང་ཏྲི་ལས་དགྲ་བགེགས་ཀྱི་ཤ་ཁྲག་ལས་བྱུང་བའི་སྲེག་རྫས་གསུམ་སོ་སོའི་རྣམ་པ་ཅན་ངོ་བོ་བདུད་རྩིའི་རང་བཞིན་དྲག་པོ་སྲེག་པའི་ལས་རབ་འབྱམས་སྒྲུབ་པའི་ནུས་པ་དང་ལྡན་པར་གྱུར། དགྲ་བགེགས་ཪྣྲི་ཏྲི་མཱ་ར་ཡ་ཛཿ(༢ན)

― GLG025_Page_0695 ―

^{[མ་དཔེ་གཟིགས་ན་འདིར་གནོན།]}

[Full Size]

ཛཿ ལན་གསུམ་གྱིས་བརླབས། མེ་སྤར་སྭ་བྷཱ་ཝས་སྦྱངས། སྟོང་པའི་ངང་ལས་ཧཱུཾ་ལས་དྲག་པོའི་ཐབ་ཁུང་གྲུ་གསུམ་པ་ཁ་དོག་ནག་པོ་བང་རིམ་གསུམ་དང་ལྡན་པ་ཁ་ཁྱེར་གདེངས་ཤིང་མཆུ་འཕྱང་བ་རྒྱ་ཆེ་བའི་ནང་དུ་ཧྲཱིཿལས་གསེར་གྱི་འཁོར་ལ་རྩིབས་བརྒྱད་པའི་ལྟེ་བར། དྲང་སྲོང་མེ་ལྷའི་ངོ་བོ་ཉིད། །སྐད་ཅིག་རྫུས་སྐྱེས་ཁྲོ་བོ་ནི། །མཐིང་ནག་ཞལ་གཅིག་ཕྱག་བཞི་པ། །ཞེས་པ་ནས། མཆོང་བཅག་འབར་བའི་ཕཊ་དགུས་མཚན་ཞེས་པའི་མཇུག་ཏུ། ལྷ་ཚོགས་རྣམས་ཀྱི་གནས་གསུམ་དུ་ཞེས་པ་ནས། མཐུ་རྩལ་དབང་དང་དངོས་གྲུབ་སྩོལ་གྱི་བར་བྱ། ཏྲཾ་དུའི་མཇུག་ཏུ་ཨརྒྷཾ་ནས་ཤཔྟའི་བར་དང་། ཨཱོཾ་རཾ་ཥཾ་ཀྲོ་ཏ་རཱ་ཛཱ་ཨརྒྷཾ་ནས་ཤཔྟའི་བར་བྱ། སྔགས་མཐར་མ་ཧཱ་པཉྩ་དང་རཀྟ་བཏགས་ལ་ཕུལ། སྐུ་ལས་འབར་བའི་མེ་དཔུང་གིས། །ཞེས་པ་ནས། དབྱེར་མེད་ཁྱོད་ལ་བདག་བསྟོད་དོ། །མེ་ལྷ་ཞེ་སྡང་རྡོ་རྗེ་ཞལ་གྲུ་གསུམ་རབ་ཏུ་གདངས་པའི་ལྗགས་རྡོ་རྗེ་ནག་པོ་རྩེ་གཅིག་པའི་རྣམ་པ་ཅན་འབར་ཞིང་གློག་ལྟར་འཁྱུག་པ་ལ་རཾ་ཡིག་དམར་ནག་ཚ་ཞིང་རྩུབ་པ་དང་དགང་བླུག་(༢བ)

― GLG025_Page_0696 ―

^{[མ་དཔེ་གཟིགས་ན་འདིར་གནོན།]}

[Full Size]

གི་རྩེ་ལ་ཧཱུཾ་ཡིག་ནག་པོ་རེ་རེས་མཚན་པར་བསམས་ལ། དྲག་སྔགས། འཁོར་བ་འདུལ་གྱི་མཇུག་ཏུ་པྲ་ཏི་ཧ་ཏ་ཛྭ་ལ་ཡ། བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ་གནོད་པར་བྱེད་པའི་དགྲ་བགེགས་རྒྱལ་འགོང་དམ་སྲི་འབྱུང་པོ་ཐམས་ཅད་མཱ་ར་ཡ་རྦད་ཛྭ་ལ་རཾ་ཞེས་རཾ་ཞེས་ཡཾ་ཤིང་ཟུང་དུ་སྦྱར་བ་ཁ་ཤས་ཕུལ། དེ་ནས་ཨཱོཾ་ཨགྣ་ཡེ་བདག་ཅག་སོགས་དགང་བླུག་གིས་མང་ཉུང་ཇི་ལྟར་རིགས་པ་འབུལ། གཏོར་ཆུང་རྣམས་དྲག་སྔགས་འཁོར་བ་དུལ་གྱི་མཇུག་ཏུ་གོང་གི་སྤེལ་ཚིག་ལྟར་འབུལ། སྒྲུབ་འཁོར་རྣམས་དང་ལིང་ཆུང་བརྒྱ་རྩ་བརྒྱད་པོ་སྔགས་དང་སྤེལ་ཚིག་གོང་ལྟར་ཕུལ། དེ་ནས་སྔགས་མཆོད་དང་བསྟོད་པ་གོང་ལྟར་བྱེད། ཡིག་བརྒྱ་བརྗོད་ཅིང་ཆད་ལྷག་ཁ་བཀང་། ཨཱོཾ་ཁྱེད་ཀྱིས་སེམས་ཅན་དོན་ཀུན་མཛད། ཅེས་སོགས་ཀྱིས་ཡེ་ཤེས་པ་གཤེགས། དམ་ཚིག་པ་རང་ལ་བསྡུ། ཞེས་པ་འདི་ཡང་མེ་སྦྲུལ་གྱི་ལོ་སྔགས་རྒོད་ལོག་ཏྲིའི་མཆོད་རྟེན་གྱི་སྒྲུབ་པ་རྒྱས་པར་བཙུགས་པའི་དུས་མཆོད་དཔོན་ངག་དབང་ཤེས་རབ་དང་སྔགས་རམས་པ་དོན་གྲུབ་རྒྱ་མཚོ་གཉིས་ཀྱི་དོགས་སེལ་བྱུང་བས་རྐྱེན་བྱས་ངག་དོན་བརྗོད་བདེ་བར་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དཔལ་གྲོང་སྔགས་རམས་པའོ། །སརྦ་མངྒ་ལཾ།

དྲང་སྲོང་ལོག་ཏྲིའི་གཏང་རག

― GLG025_Page_0697 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པར་ལྷོ་ཕྱོགས་ནགས་ཚལ་དྲ་བ་ཅན་ནས་དྲང་སྲོང་ཁྲོས་པ་ཞེ་སྡང་རྡོ་རྗེ། དབུ་གཙུག་ཏུ་དྲང་སྲོང་ཞི་བ་རིགས་ཀྱི་བདག་པོ་པདྨ་ཐོད་འཕྲེང་རྩལ་དང་བཅས་པ་དྲང་སྲོང་འབུམ་གྱི་འཁོར་གྱིས་བསྐོར་བ་ཨོཾ་བཛྲ་ས་མ་ཡ་ཛཿཛཿ པདྨ་ཀ་མཱ་ལ་ཡ་སྟཾ། དྲང་སྲོང་ཆེན་པོ་འཁོར་བཅས་ལ། །བདུད་རྩི་ཆབ་ཀྱིས་ཁྲུས་གསོལ་བས། །ཉམས་ཆགས་མི་གཙང་དྲི་མ་ཀུན། །མ་ལུས་བྱང་ཞིང་དག་གྱུར་ཅིག །མཆོད་ཡོན་མེ་ཏོག་བདུག་སྤོས་དང་། །མར་མེ་དྲི་ཆབ་ཞལ་ཟས་སྒྲ། །འདོད་ཡོན་ལྔ་ལྡན་མཆོད་པ་འདི། །དྲང་སྲོང་འཁོར་དང་བཅས་ལ་འབུལ། །དྲོད་རླབས་མ་ཡལ་དབང་པོ་ལྔ། །ཤ་ཆེན་བསྲེགས་དུད་སྤྲིན་ལྟར་འཁྲིགས། །རྐང་ཚིལ་ཞུན་ཆེན་སྒྲོན་མེ་གསལ། ཁྲག་ཞག་མཁྲིས་པ་ཐུགས་ཀར་འབྱུག །ཕྱི་ནང་ཤ་ཚིལ་རུས་པའི་བཤོས། །དུང་ཆེན་རྔ་དང་རྐང་གླིང་འབུད། །བདུད་རྩི་སྨན་དང་དམར་ཆེན་ཁྲག །དམ་རྫས་གཏོར་མ་སྤྱན་གཟིགས་འབུལ། །སྡེ་བརྒྱད་རང་གཤེད་རང་ཕབ་ནས། །གཟུགས་ཅན་དགྲ་བོ་བཅོམ་པ་དང་། །བགེགས་དཔུང་ཚ་ངར་བཅིལ་བ་སོགས། །སྔར་བཅོལ་ལེགས་པའི་གཏང་རག་དང་། །སླད་ནས་ལས་འཆོལ་དོན་ཆེན་དུ། །ཞེ་སྡང་རྡོ་རྗེ་འཁོར་བཅས་ལ། །འབུལ་ལོ་དགྱེས་པར་བཞེས་ནས་ཀྱང་། །སྲུང་བཟློག་བསད་མནན་འཕྲིན་ལས་མཛོད། །ཨཱོཾ་རཾ་ཥཾ་ཀྲོ་ཏ་རཱ་ཛ་ས་རི་ཝཱ་ར་ཨརྒྷཾ་ནས་ཤཔྟའི་བར་དང་། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། མ་ཧཱ་བྷ་ལིཾ་ཏ་༴ མ་ཧཱ་མཾ་ས་༴ མ་ཧཱུཾ་རཀྟ་༴ (༡བ)

― GLG025_Page_0698 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཧཱ་ཙིཏྟ་༴ མ་ཧཱ་བྷ་སུ་ཏ་༴ མ་ཧཱ་གོ་རོ་ཙ་ན་༴ མ་ཧཱ་ཀེཾ་ནི་རི་ཏི་༴ ཧཱུཾ། ཐུགས་ནི་མི་འགྱུར་བདེ་ཆེན་ལྡན། །སངས་རྒྱས་ཀུན་གྱི་མཐུ་སྟོབས་རྣམས། །གཅིག་བསྡུས་གསང་བའི་བདག་པོ་དང་། །དབྱེར་མེད་ཁྱོད་ལ་བདག་བསྟོད་དོ། །ཞེས་པའང་སྤྱི་བླ་མི་འགྱུར་བརྟན་པ་ཕྱོགས་གཏོགས་ནང་འཁྲུགས་ཀྱིས་བཅོམས་པ་དང་། སླད་མར་ཡང་གཏང་རག་སོགས་ལ་མཁོ་བའི་ཆེད་དུ་ཟ་ཧོར་གྱི་བནྡེས་སྦྱར་བའི་ཡི་གེ་པ་ནི་དགེ་སློང་འཇམ་དབྱངས་གྲགས་པའོ། །སརྦ་མངྒ་ལཾ།

སྔགས་རྒོད་ལོག་ཏྲི་པཱ་ལའི་བཟློག་པ་དང་བསད་པའི་ལས་སྦྱོར་གྱི་གསལ་བྱེད་ཡི་གེ་གླང་སྨྱོན་སྣ་རྩེར་བཀོད་པའི་མཚོན་འཁོར།

― GLG025_Page_0699 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་རྒོད་ལོག་ཏྲི་པཱ་ལའི་བཟློག་པ་དང་བསད་པའི་ལས་སྦྱོར་གྱི་གསལ་བྱེད་ཡི་གེ་གླང་སྨྱོན་སྣ་རྩེར་བཀོད་པའི་མཚོན་འཁོར་བཞུགས་སོ། །

― GLG025_Page_0700 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་རུ་ཤྩཱ་དྷེ་རྡེ་ཝཱ་རཀྵི་ཏ་སེ་བྷི་ར་དྷི་ཤྩཱ་ནཾ་ཀུ་རུ། །སྔགས་རྒོད་ལོག་ཏྲིའི་ཕྱག་ལེན་དཔྱ་འཕྲང་ལ། །མ་རྡུགས་གདེངས་ལྡན་བཤེས་གཉེན་དམ་པ་འགའ། །འབད་པས་བསྟེན་པའི་དྲིན་ཡིན་བྱང་ཆུབ་བར། །སྙིང་དབུས་པདྨོར་བསྒོམ་ལ་གཅིག་ཏུ་སྤྲོ། །དྲང་སྲོང་ནུས་མཐུ་གླང་ཆེན་སྨྱོན་པའི་སྣར། །མན་ངག་མཚོན་ཆའི་འཁོར་ལོ་རབ་བཀོད་པ། །ཟབ་གསང་འཕྲུལ་གྱི་ཞལ་གདམས་དུག་དབལ་ཅན། །ཡིད་སྲུབས་དམག་དཔུང་ཕྱེ་མར་འཐག་པའི་ཐོག །སྟོང་བཤད་མཁར་འབྱམས་ལ་པཎ་བརྒྱུད་ཆོས་རྒོད། །གཤོག་རྒྱངས་གདུགས་ལྟར་ཐུག་པ་མ་ཡིན་པར། །རྒྱ་ཁྲ་ཟན་འཇུག་དྲང་སྲོང་དམོད་པའི་མཆུས། །ལག་རྗེས་རིམ་བྱུང་གསུང་སྒྲོག་ཡོན་གྱི་དཔེ། །མཐའ་དབུས་ལྷ་མིན་གདོན་གྱི་རིག་སྔགས་མདས། །ཐལ་བྱུང་འབིགས་པའི་ཆེར་སྙིགས་དུས་ངན་འདིར། །བཟློག་པའི་ལྕགས་རི་མཐོན་པོའི་པད་སྟེང་ནས། །འབྱུང་བཞི་བསད་མཚོན་ཕྱོགས་བཞིར་ཅིས་མི་འཕེན། །དེ་ཕྱིར་མན་ངག་ཁྲོ་ཆུའི་མདེའུ་ལ། །སྣང་སྲིད་སྡེ་བརྒྱད་དྲེགས་པའི་དར་བཏགས་ཤིང་། །དྲག་སྔགས་འབྲུག་སྟོང་(༢ན)

― GLG025_Page_0701 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡིར་བའི་གནམ་ལྕགས་ཐོག །ལོག་འདྲེན་གཙུག་ཏུ་འབེབས་སོ་བག་ཡོད་བྱོས། །རྩ་བའི་ས་བཅད་གསུམ་པ་བཟློག་བསད་དྲག་པོའི་བཅས་རྒྱས་པ་མཆོད་རྟེན་དཀར་ནག་ལ་བརྟེན་ནས་ཉམས་སུ་བླང་བ་ལ། །སྲུང་བ་དང་མ་འབྲེལ་ཀྱང་སྐྱོན་དུ་མི་འགྱུར་ནའང་མཆོད་རྟེན་ནག་པོའི་སྒྲུབ་པའི་ཚེ་སྟོང་གནོན་གྱི་པུ་རི་དཀར་པོ་ངེས་པར་དགོས་ཤིང་། གཙོ་ཆེ་བ་ཟུང་འབྲེལ་དུ་མཛད་པས་མཆོད་རྟེན་དཀར་པོའི་རྒྱུ། རྫས། བཟོ་དབྱིབས། འཁོར་ལོ། གཟུངས་བཞུགས་སོགས་མཐོང་བརྒྱུད་ཀྱི་ཕྱག་ལེན་འཁྲུལ་པ་མེད་པའི་རབ་གནས་ཅན། བཀྲ་ཤིས་པའི་ལོ་ཟླ་གཟའ་སྐར་ཚེས་གྲངས་ལེགས་པ་དང་བསྟུན་ནས་ཚགས་སུ་ཆུད་པར་བྱ། མངོན་སྤྱོད་ཀྱི་སྐོར་སྲིད་པའི་གཏེར་ཁྱིམ་དང་རྡོ་རྗེ་གཙུག་ལག་སོགས་དྲག་སྔགས་ཀྱི་སྤྱི་སྡོམ་རྣམས་ལས་བཤད་པ་བཞིན་དུས་ཚོད་ནག་རྩིས་པའི་ལོ་ཟད་ཟླ་ཟད་སྔགས་པ་ཟོར་འཕེན་དུ་གྲགས་པ་ཟླ་བ་བཅུ་པ་ལྟ་བུས་མཚོན་ཉི་མ་རླུང་བར་དུ་ཞུགས་པ་སྨིན་དྲུག་ས་འོག་ཏུ་མ་སོང་བའི་ཟླ་བ་གང་ཡང་རུང་བའམ་དགྲ་དམིགས་བསལ་ལ་དེ་གའི་ལོ་ཁམས་དང་བགེགས་ལ་(༢བ)

― GLG025_Page_0702 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་པ་གང་བྱུང་དང་བསྟུན་རུང་ནའང་སྔགས་པ་ཁ་རུལ་གྱི་ཟླ་བ་དང་མ་འགྲིག་པ་ངེས་པར་དགོས། བཅས་བྱ་བའི་ཆོས་ཀྱི་ཉིན་དུས་འཁོར་དང་དབྱངས་འཆར་ནས་བཤད་པའི་འཆི་སྦྱོར། བདུད་རྒྱལ། བདུད་ཉི། སྲེག་སྦྱོར་ལྟ་བུ་འཕྲོད་ངན་པ་དང་། གཟའ་སྐར་གྱི་ངོ་བོ་དྲག་ཅིང་རྩུབ་པ། ཟིན་ཕུང་། ཀི་ཀང་སོགས་ནག་རྩིས་ལས་བྱུང་བའི་ས་བདག་གདུག་པ་ཅན་རྒྱུ་བ་དང་བསྟུན། མཎྜལ། མཆོད་རྟེན། འཁོར་ལོ་སོགས་བཅའ་ཞིང་། དེའང་བཀྲ་མི་ཤིས་པ་དང་དྲག་པོའི་རྫས་སྣ་ཚོགས་ལས་གྲུབ་པའི་ས་སྟེགས་གཤིན་རྗེ་གཟའ་གདོང་སོགས་སྒྲུབ་པའི་མཎྜལ་གཞན་ལས་འབྱུང་བ་ལྟར་འབྲུབ་ཁུང་བང་རིམ་གསུམ་ལ་ཁ་ཁྱེར་ལ་རྩད་ཐོད་པ་མེ་རིས་བསྐོར་བ། ཐོད་པ་དང་བུ་རི་ཤོང་ཚོད་ཀྱི་དོང་གཞན་ལས་རིང་བའམ་ཡང་ན་ལས་ཁུང་བང་རིམ་ཕྱི་ནང་གསུམ་པ་སོ་སོའི་ཁར་རྩང་དང་མེ་རིས་བསྐོར་བ། དེའི་མཐིལ་དུ་རབས་ཆད་ཐོད་པའི་ཨག་རྩེ་དང་ཕག་སྤྱང་གི་ཐོད་པའི་མཆུ་སྦྱར་བའི་སྟེང་ན་མཆོད་རྟེན་ནག་པོ་མན་ངག་ལས་བྱུང་བའི་རྫས་དང་བཟོ་དབྱིབས་མཚན་ཉིད་དང་ལྡན་པ་མགོ་མཇུག་ལྡོག་པའི་བང་རིམ་མན་འབྲུབ་ཁུང་གི་ནང་དུ་ཆུད་པ། པུ་རི་དང་ཐོད་པར་འཇུག་པའི་བཟློག་བསད། འབྱུང་གཞི་སྡེ་བརྒྱད་ཀྱི་འཁོར་ལིང་རྣམས་ཡོངས་རྫོགས་སམ་སྐབས་སྦྱར་གང་དགོས་འདྲི་བའི་སྣག་ཚ། བྲིག་ཞི། གཤེད་དབབ་སོགས་བྱུག་རྫས་ཀྱི་རིམ་པ། དགྲའི་ཟག་རྫས་དང་འདྲེ་ལ་དེའི་དོད་མཚུངས་སྔགས་དང་སྤེལ་ཚིག་འདྲི་ལུགས་སོགས་གསུང་རྒྱུན་ཕྱག་ལེན་མཐོང་བརྒྱུད་ལྟར་བཅས་ཐོག་མའི་དགུག་ཐུན་མ་གྲུབ་བར་སྣོད་ཟུར་པ་ཞིག་ཏུ་བཞག་ཆོག་པས་སྲུང་བའི་རིང་པུ་རི་དཀར་ནག་གཉིས་(༣ན)

― GLG025_Page_0703 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་སྦྱོར་བ་ཙམ་མོ། །བསྒྲིགས། དེའི་སྟེང་ན་རོ་གཡམ་གྱི་ཁ་བཀབ་དང་མཆོད་རྟེན་དཀར་པོའི་ཞབས་སྤྲོད། མཎྜལ་དང་བཅའ་གཞི་ལྷ་སྲིན་ཆགས་པའི་རྟེན་དུ་ཨྱོན་ཆེན་པོས་གསུངས་པས་པུ་རི་དཀར་ནག་གི་བཅའ་གཞི་སྲུང་བའི་དུས་ནས་བསྒྲིགས་གྲུབ་པ་དགོས། འདིར་ཡང་བཟློག་ལྟར་གཏོར་ཆེན་མི་བཅའ་བས་མཆོད་རྟེན་གྱི་ཉེ་སྐོར་ས་ཡུལ་གང་འགབ་ཏུ་བཤམས་ཆོག་པའི་དྲག་པོའི་སྒྲུབ་གཏོར་དཔེ་རིས་སུ་མཆོད་གཏོར་དུ་ངོས་བཟུང་ཡང་གསང་སྔགས་རྙིང་མའི་སྐབས་ཤེས་པ་བསུན་དགོས་པས་སྒྲུབ་གཏོར་རོ། །ཟུར་གསུམ་དབུས་དམར་མཐའ་ནག་པ་མཐར་སྡེ་བརྒྱད་ཀྱི་བཤོས་བུ། ཨོང་སྐྱུ། མཚེ་ཡུངས། རྩང་གིས་བསྐོར་བ། དཀར་རྒྱན་བསད་ལས་མཐར་ཐུག་པའི་ཚེ་དཀར་རྒྱན་མི་རྒྱག་པར་བཤད། དམར་རྒྱན་སོགས་རྒྱན་སྤྲོས་དང་བཅས་པ། སྨན་རཀ །ཟར་རྫས། གོང་གནོན་དྲང་སྲོང་ཞི་བའི་མཆོད་གཏོར་སོགས་བཅས་དངོས་གཞི། ཐུན་མོང་བའི་སྐབས་ཇི་ལྟ་བ་ལ་ཁྱད་པར་དྲེགས་པའི་སྡེ་དཔོན་གྱི་གཏོར་མ་རྟ་རྨིག་འཁོར་ལོ་དར་གྱི་ཅོད་པན་ཅན། ལྷ་དབྱེའི་རྫས་སྦྱར་བ། བྱ་འུག་གི་དང་སྒྲོ་ལ་སྔགས་རྫས་མན་ངག་དང་ལྡན་པ། དྲག་པོའི་ཐུན་རྫས་ལག་ལེན་བཞིན་ཐོག་མ་ནས་བཟོས་པ་བསྒྲུབས་ཏེ་དར་བཏགས་པ། བླ་ཕུར། སྙིང་ཕུར། སྲོག་ཕུར། གདབ་ཕུར། ཐོ་བ། གཏུན་ཁུང་། ཧོམ་ཆས་ཁམ་སའི་གའུ་གྲུ་གསུམ། འཕུང་རེ། རིང་ཆ། རྩང་། ཐོད་པ། ས་ཚོན། རོ་སྐྲ། ལ་ཆ། ཁྲོ་ཞལ་ལམ། རྒྱ་གྲམ་གྱི་ཐེའུ། རོ་གཡམ། རང་ཐག་སོགས་འབྱུང་གཞི་ཚང་བའམ་སྐབས་འཐོབ་སྦྱར་བའི་ཆོས་རྣམས་མངོན་པར་འདུ་(༣བ)

― GLG025_Page_0704 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས། བཟློག་བསད་རྐྱང་པ་ཉམས་སུ་བླངས་པས་མི་འགྲུབ་པ་མིན་ནའང་སྲུང་བཟློག་རིམ་བཞིན་མཛད་པའི་ཕྱག་ལེན་མང་ཞིང་ལེགས་པས་སྲུང་བའི་སྒྲུབ་པ་སྔར་ཐུན་མོང་བའི་སྐབས་སུ་བཤད་པ་ཇི་ལྟ་བ་ལ་གཏོར་གདུགས་ཀྱི་འོག་གི་འཁོར་ལོ་བསྲུང་བྱ་སྤ་བའི་ཚབ་ལ་མཆོད་རྟེན་གྱི་འཁོར་ལོར་བསྲུང་བྱ་སྦ་བའི་དམིགས་པ་བྱ་བ་ཙམ་མོ། །སྲུང་བ་གྲུབ་རྗེས་གཟའ་ཚེས་དྲག་པོ་དང་བསྟུན་འབྲི་གུང་ཕྱོགས་སུ་ལས་བྱང་ཐོག་མས་གོ་གཅོད་ནའང་གསལ་འདེབས་ཀྱི་ཆེད་དུ་ཐུན་ཐམས་ཅད་ལ་མཛད་པ་དངོས་གཙང་། ལས་བྱང་གི་ཚོགས་ཐ་མ་ཡན་སོང་བ་དང་། དགྲ་གཙོ་བོར་བྱེད་ན་དྲེགས་པའི་སྡེ་དཔོན་གྱི་གསོལ་བ་བཏང་ནས་སྔགས་སྡེབས་ལས་བྱུང་བའི་བསྐུལ་གཏོང་། ལྕགས་སྣོད་དུ་ལིང་འཁོར་རྣམས་གཅེར་ལ་མགོ་བོ་མདུན་དུ་བསྟན་ནས་བཞག་སྟེ། གདབ་ལས་ཀྱི་ངག་འདོན་བྱ་བ་ལ། དང་པོ་གསེར་སྐྱེམས་འབུལ་བ་ནི། དགྲ་ལག་གཙོ་བོར་བྱེད་ན་ཚེ་བདག་གི་གསེར་སྐྱེམས་ཚིག་རྐང་དང་པོ་རྩ་བརྒྱུད་བླ་མ་གཤིན་རྗེའི་ཞེས་པ་ལོག་ཏྲིའི་ཞེས་བསྒྱུར། བགེགས་ལ་གཙོ་པོར་བྱེད་ན་རྡོ་རྗེ་གྲོ་ལོད་གནམ་ལྕགས་འབར་བའི་གསེར་སྐྱེམས་ཀྱི་ཆེ་མཆོག་པདྨ་རྡོ་རྗེ་གྲོ་ལོད་རྩལ་ཞེས་པ་དྲང་སྲོང་དྲི་མེད་རྡོ་རྗེ་རྩལ་ཞེས་འདོན་པ་བསྒྱུར། གཉིས་པ་མཁྱེན་གསོལ་ནི། དགྲ་ལ་བྱེད་ན་འབྲི་གུང་ཆོས་རྒྱལ་རིན་ཆེན་ཕུན་ཚོགས་ཀྱིས་མཛད་པའི་བདག་ཉིད་སངས་རྒྱས་མ་གཏོང་། བགེགས་ལ་བྱེད་ན་བདག་ཉིད་སངས་རྒྱས་མ་ནས་རང་དབང་མེད་པར་དྲག་པོས་གཏན་ལ་ཕོབ་ཀྱི་བར་དངོས་གཞི་གོང་ལྟར་ལ། བན་སྔགས་བོན་དགྲ་ནག་པོས་འཚེ་བ་དང་ཞེས་པ། གནོད་བྱེད་སྡེ་བརྒྱད་འབྱུང་པོས་འཚེ་བ་དང་། བསྟན་(༤ན)

― GLG025_Page_0705 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རུ་དྲ་ནག་པོ་ཀླད་སྙིང་གིས་ཞེས་པ། །སྤྱི་སྒོས་འཕུང་བར་བྱེད་པའི་འབྱུང་པོ་ཡིས། །རང་གི་ཆོས་སྲིད་འབྱོར་བས་མ་ངོམས་བར། །གཞན་ལ་ཕྲག་དོག་བསྟན་ལ་བརྙས་པ་ཡི་ཞེས་པ། །ནད་རིམས་མི་ཁ་བྱུར་ཆགས་དུས་མིན་འཆི། །དབུལ་ཕོངས་མི་འདོད་སྣ་དགུ་སྟེར་བ་ཡི། །ཕྱི་དགྲ་ཞེ་སྡང་སོགས་ཀྱི་དགྲའི་ཚབ་བགེགས། བྱད་མ་དགྲ་བོ་ཞེས་པ་གདོན་བགེགས་འབྱུང་པོ། ཉེས་བྱེད་དགྲ་བོ་གཟུགས་ཕུང་རྣམ་ཤེས་བཅས། ཕ་ཚན་ཡུལ་འཁོར་མི་ནོར་སྡེ་དཔུང་རྣམས་ཞེས་པ། གནོད་བྱེད་སྡེ་བརྒྱད་དམིགས་བཀར་འབྱུང་པོ་འདིའི། །གཟུགས་ཕུང་རྣམ་ཤེས་འཁོར་གཡོག་དཔུང་བཅས་རྣམས། ཞེས་པའི་ཚིག་ཕྲན་བུ་ཁ་བསྒྱུར། གསུམ་པ་འབྲུབ་ཁུང་བསྐྱེད་ཅིང་དགུག་གཞུག་བྱ་བ་ནི། ལས་ངན་ཐམས་ཅད་སྨིན་པར་བྱེད་པའི་བཙོན་ཁང་དྲག་པོའི་དབུས་སུ་ཡན་ཚེ་བདག་སྨད་ལས་ཀྱི་འབྲུབ་ཁུང་བསྐྱེད་ཆོག་ཇི་ལྟ་བ་ལ་ཕག་སྤྱང་གི་གཤིན་རྗེ་ཕོ་མོ་འཇིགས་སུ་རུང་བ་གཉིས་ཀྱི་བར་དུ་ནི་ལས་དམིགས་བྱའི་དམ་ཉམས་ནས་ངོ་བོར་གྱུར་གྱི་བར། བགེགས་མ་བྱེད་ན་ཏྲི་ལས་དམིགས་བྱའི་སྡེ་བརྒྱད་དམ་སྲི་འབྱུང་པོ་དམིགས་བསམ་ཡོད་ན་བྱད་དབྱིབས་ཇི་ལྟ་བ་བརྗོད་པའི་རྩ་བའི་ས་བཅད་བཞི་དང་ལྔ་བར་ཡ་ཐོད་མ་ཐོད་པ། ཨེ་མེད་ན་ཕག་སྤྱང་གི་ཐོད་པ་ཞེས་པ་དོར། ཡན་ལག་ལྕགས་སྒྲོག་གིས་བསྡམས་པ། གནོད་བྱེད་ཐམས་ཅད་འདུས་པའི་ངོ་བོར་གྱུར། དགྲ་ལ་དགུག་གཞུག་བྱེད་ན་འཇམ་དཔལ་ཚེ་བདག་ནག་པོ་ཞེས་པ་དྲང་སྲོང་སྔགས་རྒོད་ལོག་ཏྲི་པཱ་ལར་བསྒྱུར་པའི་ཁུག་ཅིག་ཡན་བརྒྱའམ་ཉེར་གཅིག་སོགས་སྐབས་དང་སྦྱར། བགེགས་ལ་བྱེད་ན་ཆེ་མཆོག་(༤བ)

― GLG025_Page_0706 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་རྡོ་རྗེ་གྲོ་ལོ་རྩལ་གྱི་ཆབ། དྲང་སྲོང་སྔགས་རྒོད་ལོག་ཏྲི་པཱ་ལར་བསྒྱུར་བ་ཙམ་མ་གཏོགས་ཕོབ་ཅིག་ཡན་རྡོ་རྗེ་གྲོ་ལོད་བཞིན་ལེན། བཞི་པ་བསྐུལ་བ་ནི། ཧཱུཾ། སངས་རྒྱས་བསྟན་པ་བསྲུང་བ་དང་ཞེས་པ་ནས་དགྲ་བགེགས་སྒྲོལ་བའི་དུས་ལ་བབ་ཡན་ལས་བྱང་ལྟར། ལྔ་པ་ཆེ་བའི་ང་རྒྱལ་བསྐྱེད་པ་ནི། རྡོ་རྗེ་ལྟེ་བའི་ཧཱུཾ་ཡིག་ལས་ཞེས་པ་ནས་ང་ཡི་ལས་རྣམས་ཁྱོད་ཀྱིས་སྒྲུབས་ཞེས་པའི་བར་ལས་བྱང་ལྟར་དང་། ཡང་ཅིག་ཧཱུཾ་ལས་འོད་འཕྲོས་པས་ཞེས་པ་ནས་རྡོ་རྗེའི་ལྟེ་བའི་གདན་དུ་བསམ་ཞེས་པའི་བར་བརྗོད་པའི་མཐར་སྣང་སྲིད་སྡེ་བརྒྱད་ཐམས་ཅད་ཀྱིས། དགྲ་བགེགས་འགུགས་བཟློག་གསོད་པ་སོགས། ཇི་ལྟར་བཅོལ་བའི་འཕྲིན་ལས་རྣམས། །ཐོགས་པ་མེད་པར་སྒྲུབ་པར་བསམ། །དྲུག་པ་དྲག་ཏུ་བསྐུལ་ཞིང་འགུགས་པ་ནི། །བྷྱོ། མཆོད་བསྟོད་བསྙེན་ཅིང་བསྒྲུབས་པའི་ཡེ་ཤེས་ལྷ། །འཇིག་རྟེན་དྲེགས་བྱེད་ཡོངས་ཀྱི་སྲོག་སྙིང་བདག །ཐོགས་མེད་འཕྲིན་ལས་བསྒྲུབ་པའི་དྲག་རྩལ་ཅན། །རབ་འཇིགས་དྲང་སྲོང་ལོག་ཏྲིའི་ལྷ་ཚོགས་རྣམས། །བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས། །བསྐྱོད་ཅིང་བསྐྱོད་ཅིང་མཉམ་ཉིད་དབྱིངས་ནས་བསྐྱོད། །བསྐུལ་ལོ་བསྐུལ་ལོ་ཐུགས་དམ་གནད་ནས་བསྐུལ། །མཛོད་ཅིག་མཛོད་ཅིག་དྲག་པོའི་འཕྲིན་ལས་མཛོད། །དྲེགས་འདུལ་དྲང་སྲོང་ཆེན་པོའི་དུས་ལ་བབ། ཁྲོ་རྒྱལ་ཞེ་སྡང་རྡོ་རྗེའི་དུས་ལ་བབ། །སྤྲུལ་འཁོར་དྲང་སྲོང་འབུམ་སྡེའི་དུས་ལ་བབ། །བཀའ་ཉན་དྲེགས་པ་སྡེ་བརྒྱད་དུས་ལ་བབ། །དོ་ནུབ་ད་དུས་ནམ་གྱི་གུང་ཐུན་ལ། །དྲེགས་པ་སྡེ་བརྒྱད་དབང་དུ་བསྡུས་ལ་ཤོག །སྣང་སྲིད་དྲེགས་པའི་སྲོག་སྙིང་ཕྲོགས་(༥ན)

― GLG025_Page_0707 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཤོག །གནོད་བྱེད་དགྲ་གདོན་བྱད་མ་ཁུག་ལ་ཤོག །དྲང་སྲོང་ཆེན་པོ་ཐུགས་རྗེས་བྱིན་མ་ཆུང་། །དྲེགས་འདུལ་ཁྲོ་རྒྱལ་རྫུ་འཕྲུལ་རྩལ་མ་ཞན། །བདེན་ཚིག་དམོད་པའི་དྲག་སྔགས་དཔལ་མ་རྡུགས། །སྤྲུལ་འཁོར་སྡེ་བརྒྱད་ལས་བྱེད་བང་མ་བུལ། །དམིགས་པར་གང་བྱས་དགྲ་གདོན་བྱད་མ་འདི། །ལོ་ཟླ་མ་འགོར་མྱུར་དུ་མ་བསྒྲལ་ན། །དྲང་སྲོང་ཆེན་པོའི་བདེན་ཚིག་ཉམས་འགྱུར་རམ། །བཀའ་ཉན་དྲེགས་པའི་མཐུ་རྩལ་རྫུན་དུ་ཆེ། །དེ་བས་སྨན་རཀ་གཏོར་མ་མཆོད་པའི་ཚོགས། །མཐུན་པའི་དམ་རྫས་རྒྱ་མཚོ་འདི་བཞེས་ལ། །ཡིད་ལ་གནག་པའི་དགྲ་གདོན་གནོད་བྱེད་བགེགས། །གཟུགས་ལིང་མིང་དང་བྱང་བུར་བཏབ་པ་འདི། །ལྕགས་ཀྱུ་ཅན་གྱིས་སྙིང་ནས་བཟུང་ལ་ཤོག །ཞགས་པ་ཅན་གྱིས་སྐེ་ནས་ཁྲིད་ལ་ཤོག །ལྕགས་སྒྲོག་ཅན་གྱིས་ཡན་ལག་སྡོམས་ལ་ཤོག །དྲིལ་བུ་ཅན་གྱིས་རྡུལ་དུ་རློག་ལ་ཤོག །ཡི་དམ་ལྷ་དང་དྲང་སྲོང་ཆེན་པོ་ཡི། །དམོད་པའི་བདེན་སྟོབས་བརྗོད་པའི་བྱིན་རླབས་ཀྱིས། །ཆེ་གེ་མོ་ཞེས་གཟུགས་མིང་ལིངྒ་ལ། །མྱུར་དུ་ཕོབ་ཅིག་སརྦ་ནྲི་ཏྲི་ཛཿ། །རིངས་པར་ཁུག་ཅིག་བཛྲ་ཨ་གུ་ཤ་ཛཿ། །མྱུར་དུ་ཆིངས་ཤིག་བཛྲ་པཱ་ཤ་ཧཱུཾ། །དམ་པོར་སྡོམས་ཤིག་བཛྲ་སྥོ་ཊ་བཾ། །དྲག་པོར་སྒྲོལ་ཞིག་བཛྲ་གྷཎྜཱེ་ཧོཿ། །གནོད་བྱེད་དགྲ་བགེགས་སརྦ་ནྲི་ཏྲཱི་ཨཾ་ཀུ་ཤ་ཛཿཛཿ ཞེས་དྲག་ཏུ་བསྐུལ་ལོ། །འགུགས་པ་ནི། བདག་ལྕེ་རྡོ་རྗེ་རྩེ་དགུའི་ལྟེ་བ་ཡི། ཧཱུཾ་ལས་འོད་འཕྲོས་རྭ་རྩེ་དགུ་ལ་ཕོག །དེ་ལས་ཛཿའཕྲོས་རྟ་རྨིག་འཁོར་ལོ་བསྐུལ། །འཁོར་ལོའི་རྩིབས་བརྒྱད་རང་གི་ལྕེ་རྩེ་ལས། །སྤྲོས་པའི་ཛཿལས་ལྕགས་ཀྱུ་ཞགས་(༥བ)

― GLG025_Page_0708 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། །ལྕགས་སྒྲོག་དྲིལ་ཐོགས་རང་འདྲའི་ཁྲོ་བོའི་ཚོགས། །གྲངས་མེད་བཀའ་ཉན་དྲེགས་པ་སྡེ་བརྒྱད་དམག །སྣ་ཚོགས་མཚོན་འཛིན་སྟོང་ཁམས་ཁྱབ་རྣམས་ཀྱིས། །ལྕགས་ཀྱུས་དགྲ་བགེགས་དམིགས་བྱའི་སྙིང་ནས་བཏབ། །ཞགས་པས་མགྲིན་བཅིངས་མཚོན་ཆ་རྒྱབ་ནས་བརྡེབ། །སྐད་ཅིག་ཉིད་ལ་དྲག་པོའི་འབྲུབ་ཁུང་ནང་། །ལིངྒར་སིབ་ཐིམ་དགྲ་བོ་དངོས་སུ་བསམ། །ལོག་ཏྲི་པཱ་ཡ་ནན་ཛཿ སརྦ་ནྲི་ཏྲི་དགྲ་བགེགས་ཆེ་གེ་ཨངྐུ་ཤ་ཛཿ དེ་བཞིན་དུ་སྡེ་བརྒྱད་སོ་སོར་སྦྱར་བའི་མཐར། ཙི་དུ་སོང་ནས་འཁོར་འདུལ་གྱི་མཇུག་ཏུ་ཡི་དམ་ལྷ་དང་དྲང་སྲོང་བདེན་པ་དང་བདེན་པ་ཆེན་པོའི་བྱིན་རླབས་ཀྱིས་མྱུར་དུ་ཕོབ་ཅིག་ནྲི་ཏྲི་ཛཿ ཆེ་གེ་ཨངྐུ་ཤ་ཛཿ ཞེས་པའི་སྔགས་ཅི་འགྲུབ་བཟླ་ཞིང་དགུག་བསྟིམ་བྱ། དགྲ་གཙོ་བོར་བྱེད་ན་ཚེ་བདག་ཁྲོ་ཆུ་སོགས་ནས་བཤད་པའི་བླ་འགུགས། ཚེ་སྲོག་ཡིད་གསུམ་འགུགས་པའི་སྔགས་རྣམས་ལེན། དེ་ལྟར་ཐུན་དྲུག་ཏུ་བཅད་ནས་འགུགས་པའི་ལས་གཙོ་བོར་བྱས་ཏེ་ཁུགས་ངེས་པའི་རྟགས་མཚན་གཤིན་རྗེ་མེའི་སྤུ་གྲིའི་ཕྱག་ལེན་དང་ཅུང་ཟད་མི་མཐུན་པ་ཞྭ་དཔེ་ལྷམ་འགེབས་མི་བྱེད། ཡིད་ཆེས་ཁ་ཡར་མ་བྱུང་གི་བར་བྱ། བདུན་པ་ལྷ་དང་དབྱེ་བ་ནི། དགྲ་བོའི་ལྷས་བསྐྱབས་པའི་རྟགས་བྱུང་བའམ་མིན་ནའང་རུང་སྟེ། རང་ལྕེ་རྡོ་རྗེའི་རྩེ་ནས་སྤྲུལ་པ་ཡི། །མཚོན་ཆ་སྣ་ཚོགས་ཐོགས་པའི་ཁྲོ་བོ་དང་། །བྱ་རོག་འུག་པའི་ཕོ་ཉ་དཔག་མེད་ཕྲོས། །དགྲ་བོའི་འགོ་བའི་ལྷ་ལྔ་ཆོས་སྲུང་རྣམས། །འུར་རྡོས་བྱ་ཁྱུ་བདས་བཞིན་བསྐྲད་པ་ཡིས། །སྐྱབས་མེད་བྱེའུ་ཕྲུག་ཐང་ལ་འཁྱམས་ལྟར་བསམ། །ལས་ཀྱི་གཤིན་རྗེའི་གཤེད་པོ་ཐམས་ཅད་དང་ཞེས་པ། །(༦ན)

― GLG025_Page_0709 ―

^{[མ་དཔེ་གཟིགས་ན་འདིར་གནོན།]}

[Full Size]

དྲང་སྲོང་ཁྲོས་པའི་ཕོ་ཉ་ཐམས་ཅད་དང་ཞེས་པར་བསྒྱུར་བའི་ལྷ་དབྱེ་ཚེ་བདག་སྨད་ལས་ལྟར་བྱེད་ཅིང་གུ་གུལ་གྱི་དུ་བས་གདུག །སྒྲོ་གཉིས་ཀྱིས་བྱ་བ། རྫས་དུད་གཏོང་ལུགས་མན་ངག་བཞིན་བྱ། བགེགས་གཙོ་བོ་ཡིན་ན་ལྷ་དབྱེ་མི་དགོས་རུང་དེང་སང་སྔགས་བན་མང་པོ་བགེགས་ལ་བླ་དགས་བརྒྱག་ཅིང་ལྷ་དབྱེ་བྱེད་འདུག་པ། བླ་མ་མ་བསྟེན་པའི་ཟག་ཟོག་དཔའ་ཐལ་གྱི་སྐྱོན་ཁོ་ནར་སྣང་། དགྲ་ལ་བླ་དགས་བརྒྱག་པ་དང་དགྲ་བགེགས་གཉིས་ཀར་མི་འགྱུར་བའི་གཟེར་གྱིས་བསྡམས། བརྒྱད་པ་ཉེས་པ་བསྒྲག་པ་ནི། ཧཱུཾ། དུག་ལྔའི་དབང་གྱུར་དགྲ་གདོན་ཁྱོད། །རང་ཉེས་ལས་ངན་རང་ལ་སྨིན། །ད་ལྟ་བསྒྲལ་པའི་ཞིང་དུ་གྱུར། །སྔོན་གྱི་ཉེས་བྱས་ལ་འགྱོད་ཅིང་། །ཕྱིས་ནས་མི་བགྱིའི་དམ་བཅས་ནས། །བྱང་ཆུབ་ཐོབ་པ་ཁྱོད་སྨོན་ཅིག །ཅེས་བརྗོད། དགུ་པ་དགུག་ཐུན་བྲབ་པ་ནི། ཧཱུཾ། སྐམ་ཐུན་རློན་ཐུན་རྫས་རྣམས་སྡེ་བརྒྱད་ཀྱི། །དམག་དཔུང་མཚོན་ཆ་སྣ་ཚོགས་ནད་དང་མཚོན། །གནམ་ལྕགས་ཐོག་སེར་ཕབ་བས་སྙིང་གའི་ནང་། །གནས་པའི་རྣམ་ཤེས་མར་མེ་ལྟ་བུ་བསད། །ལུས་ངག་ཡིད་གསུམ་ཐལ་བའི་རྡུལ་དུ་བརླག །ཤ་ཁྲག་རུས་པ་ལྷག་མེད་ཟོས་པར་བསམ། །བྷྱོ། ང་ནི་ཞེ་སྡང་རྡོ་རྗེ་སྟེ། །ང་ནི་དྲང་སྲོང་དྲི་མ་མེད། །དྲང་སྲོང་དམོད་པའི་བདེན་ཚིག་གིས། །ལྷ་སྲིན་སྡེ་བརྒྱད་དྲེགས་པ་རྣམས། །ཐུན་ཟོར་ཕོ་ཉར་བདག་བསྐུལ་གྱི། །སྟོང་གསུམ་ཐུན་གྱི་ཕོ་ཉས་ཁོང་། །མཚོ་ཡུངས་མཚོན་རྡོ་ཟངས་ལྕགས་ཕྱེ། །དུག་ཁྲག་དྲག་པོའི་ཐུན་རྫས་རྣམས། །སོ་སོའི་ཕོ་ཉ་མཚོན་ཆ་ཐོགས། །ནད་མཚོན་ཐོག་སེར་ཐན་ལྟས་ངན། །(༦བ)

― GLG025_Page_0710 ―

^{[མ་དཔེ་གཟིགས་ན་འདིར་གནོན།]}

[Full Size]

མི་རུང་ཕྱོགས་ཀུན་དགྲ་བགེགས་སྟེང་། ཁ་ཆར་བུ་ཡུག་ལྟར་ཕོབ་ལ། །དགྲ་བགེགས་མི་ནོར་ཡིད་ཚེ་བསོད། །མི་ནོར་ཡུལ་ཞིང་ལོངས་སྤྱོད་རྣམས། །སྐད་ཅིག་ཉིད་ལ་བརླག་པར་གྱིས། །གཞན་ཡང་བུ་ལོད་ཀྱིས་མཛད་པ་ནི། བྷྱོ། སྣ་ཚོགས་ཐུན་རྫས་དྲག་སྔགས་དམོད་མཚོན་འདི། །བཀའ་ཉན་སྡེ་བརྒྱད་དྲག་པོ་འདུས་པའི་དམག །མགོན་ཀླུ་ས་རྒྱལ་མ་གཟའ་བཙན་བདུད་སོགས། །སྣ་ཚོགས་གཟུགས་ཅན་མགོ་བརྙན་བཞོན་པར་བཅས། །ཕྱག་མཚན་སྣ་ཚོགས་དྲག་པོའི་ཐུན་རྫས་རྣམས། །དགྲ་བགེགས་འདི་ཡི་གཟུགས་ཕུང་ཡུལ་མཁར་ལ། །དྲག་པོའི་ཐུན་ཟོར་བརྡེག་པའི་དུས་ལ་བབ། །གནམ་ལྕགས་ཐོག་སེར་ཀི་ཀཾ་དགྲ་ལ་བྷྱོ། །དལ་ཡམས་ཁྲག་ནད་བུ་ཡུག་དགྲ་ལ་བྷྱོ། །མཛེ་འབྲུམ་ཕོལ་མིག་གླང་ཐབས་དགྲ་ལ་བྷྱོ། །སྨྱོ་འབོག་བརྒྱལ་ནད་ལྷོག་གཟེར་དགྲ་ལ་བྷྱོ། །ནད་མཚོན་གློ་བུར་གྲི་འཐབ་དགྲ་ལ་བྷྱོ། །མི་རུང་ལྟས་ངན་གྱ་གཅིག་དགྲ་ལ་བྷྱོ། །ཡེ་འབྲོག་སུམ་བརྒྱ་དྲུག་ཅུ་དགྲ་ལ་བྷྱོ། །གློ་བུར་བདུན་བརྒྱ་ཉི་ཤུ་དགྲ་ལ་བྷྱོ། །ནད་རིམས་བཞི་བརྒྱ་རྩ་བཞི་དགྲ་ལ་བྷྱོ། །བགེགས་རིགས་སྟོང་ཕྲག་བརྒྱད་ཅུ་དགྲ་ལ་བྷྱོ། །དུས་མིན་འཆི་བ་རྣམ་བརྒྱད་དགྲ་ལ་བྷྱོ། །ལོ་ཟླ་ཞག་དུས་སྐེག་ངན་དགྲ་ལ་བྷྱོ། །མོ་ལྟས་རྨི་ལམ་མཚན་ལྟས་དགྲ་ལ་བྷྱོ། །ཞེས་བསྐུལ་ཏེ་ཐུན་སྔགས་རིང་མོ་བཟླ་ཞིང་ཐུན་བྲབ། བཅུ་པ་ཐལ་རྡེབ་དམོད་པ་ནི། རང་ཉིད་ཞེ་སྡང་རྡོ་རྗེ་གསལ་བ་ཡི། །ཞེས་སོགས་ཐུན་མོང་བ་ལྟར་བརྗོད་ཅིང་བཟློག་སྔགས་ལན་བདུན། ཐུན་སྔགས་ཚར་གཅིག་གི་རྗེས་སུ་ཐལ་མོ་བརྡབ། དྲང་སྲོང་གི་དམོད་རིང་བརྗོད་ནས་ཀྱང་ཐལ་མོ་རྡེབ་བོ། །དེ་ནས་ལིང་འཁོར་རྣམས་རབས་ཐོད། ཕག་(༧ན)

― GLG025_Page_0711 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱང་གི་ཐོད་པ། ལྕེའི་ཁུག་མ། མཆོད་རྟེན་སོ་སོར་མན་ངག་ལྟར་ལྟེབ་ནས་བཅུག །ཐུན་ཐག་ཕྱིར་དྲངས་པའི་སྣེ་མོ་རང་གིས་བཟུང་གཡས་གཡོན་དུ་སྒྲོ་བཙུགས། འཕུང་རེའི་གུར་ཕུབ་སྟེ་ནང་དུ་མར་མེའི་མདངས་མི་འཕོག་པ་དང་ལིངྒ་ལ་བདུད་རྩི་མི་འཐོར་བ་གལ་ཆེ། བཅུ་གཅིག་པ་སྒྲུབ་དངོས་ནི། ཐུན་སོ་སོའི་འགོར་ལས་བྱང་ཟོར་སྒྲུབ་སོགས་འཛབ་ལ་ཐུག་གི་བར་ཐུན་མོང་བ་ཇི་ལྟ་བ་ལ་གསེར་སྐྱེམས་ནས་བཟུང་དགུག་ཐུན་ཐལ་རྡེབ་ཀྱི་བར་རྒྱས་བསྡུས་ཇི་ལྟར་རིགས་པ་བྱ། དེ་ནས་བཟློག་པའི་བཟླས་པ་ནི། རང་ཉིད་ཞེ་སྡང་རྡོ་རྗེར་གསལ་བ་ཡི་ཞེས་སོགས་བཟློག་པའི་དམིགས་པ་ཐུན་མོང་བའི་དུས་ལྟར་ལ་དེའི་མཇུག་ཏུ། རྡོ་རྗེའི་ལྟེ་བའི་ཧཱུཾ་གིས་བསྐུལ་བ་ཡིས། །རྩེ་མོའི་ཕཊ་ལས་ཛཿདང་འོད་ཟེར་འཕྲོས། །སྡེ་བརྒྱད་ཚོགས་རྣམས་རང་དབང་མེད་བཀུག་སྟེ། །སོ་སོའི་འཁོར་ལོ་རྩིབས་ཀྱི་སྔགས་ལ་ཐིམ། །སྔགས་རྣམས་སྡེ་བརྒྱད་དངོས་སུ་གྱུར་པ་ཡིས། །ཤ་རུལ་སྦྲང་མ་བཞིན་དུ་དགྲ་བགེགས་ལ། །རུབ་རུབ་འདུས་ནས་དམིགས་བྱ་བསད་བཟློག་གཏོར། །བསྲེགས་སྦྱངས་མནན་པའི་ལས་རྣམས་ཐོགས་མེད་བསྒྲུབ། །རྩིབས་ལ་སྡེ་བརྒྱད་ཕོ་བྲང་བཏབ་པ་ཡིས། །དགྲ་བགེགས་ཐལ་བར་གནོད་བྱེད་སྡེ་བརྒྱད་གང་ཡིན་ཞིག་ལ་ལས་སྦྱོར་བྱེད་ན་སྔགས་དང་དམིགས་པའི་ཁ་སྒྱུར་བྱེད་ཤེས་དགོས་སོ། །རློག་པའི་ལས་བྱེད་བསམ། །ཞེས་སྡེ་བརྒྱད་ཀྱི་དམིགས་པའི་ཁ་སྒྱུར་སྦྱར། བཟློག་པའི་སྔགས་རྒྱུན་བཅས་ནས་འབད་དེ་བཟླ། རང་ཉིད་ཞེ་སྡང་རྡོ་རྗེ་གསལ་བ་ནས་བཟུང་དམོད་རིང་གི་ཐལ་བརྡབ་པར་བྱ། བཅུ་གཉིས་པ་གཏོར་མ་བསྔོ་བ་ནི། སྒྲུབ་(༧བ)

― GLG025_Page_0712 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་ལ་ཤ་ཟན་དང་སྨན་རག་སྦྲན། ཐུན་གཏོར་ལ་རཀྟ་སྦྲན་ཏེ་དགུག་གཞུག་ཉེར་ལྔ་གསུམ་ཙམ་གཏོར་མ་དང་གཞན་ལིངྒར་དམིགས། ནས་བདུན་གྱི་བར་ཅི་རིགས་པ་བྱས་རྗེས་དྲག་གཏོར་བྱིན་གྱིས་བརླབས་ཏེ་བསྔོ། མཆོག་གསུམ་མ། དྲང་སྲོང་ཆེན་པོ་མའི་བསྐུལ་མཇུག་ཏུ་འབུལ་ཚིག་ཤམ་བུ་ཅན་དང་། ལྕགས་སམ་བྷནྡྷས་བསྐུལ་ནས་ཐུན་གཏོར་དགྲ་བགེགས་ཀྱི་ཕྱོགས་སུ་འཕེན། ཁྲོམ་བཟློག་སོགས་སྔགས་བཟླ། ཉེས་པ་བསྒྲག་པ་ནས་བཟུང་ཐལ་དགུག་གཞུག་གི་རྟགས་ངེས་ཅན་གོང་ནས་བྱུང་ཟིན་པའི་དབང་དུ་བྱས་ཏེ་ཐུན་རྡེག་པས་གཤིན་རྗེ་དང་ཅུང་མི་འདྲ་བར་མ་ཟད་ལང་ནས་གཤིན་རྗེ་དང་ལོག་ཏྲི་གཉིས་ཀར་དྲོད་ཚད་ཀྱི་མཚམས་འཛིན་མན་ངག་མྱོང་བས་ཐོན་དགོས་པར་བར་བཤུས་བཀབ་ཀྱི་སྐམ་སྐམ་གྲས་བྱེད་རྒྱུ་མི་ཡོང་ངོ་། །རྡེབ་ཀྱི་བར་གོང་ལྟར་བྱ་ཞིང་ཐུན་གཏོར་གསར་པ་བཤམས་ནས་ཐུན་མཚམས་ལ་ཟོར་ཞོར་སྒྲུབ་བྱེད་པའི་བར་ཐུན་མོང་བ་དང་འདྲ་ལ་སྒྲུབ་པའི་དམ་ཚིག་རྣམས་ཀྱང་ཆ་མཚུངས།མངོན་སྤྱོད་ཀྱི་སྐབས་འདིར་ཐུན་ཐོག་མ་ཡན་པ་དང་ལྷ་དབྱེའི་སྒྲོམ་བུ་རེ་དཀར་པོ་ལ་མ་རེག་པ་གལ་ཆེ། སྔགས་སྡེབས་བཞིན་མགོ་ཅན་མགོ་བོ་གཅོད་པའི་བཟླ་ལུགས་བྱེད། དགྲ་གཙོ་བོར་བྱེད་ན་བླ་རྒྱུ་བ་སོགས་སོ་སོའི་དུས་མ་ནོར་བར་སྔགས་དང་བླ་ཕུར་སྙིང་ཕུར་སྲོག་ཕུར་གྱིས་ལག་ལེན་བྱ། ཕ་རོལ་ལྷས་སྐྱོབ་ཚེ་ན་དབྱེ་བའི་མན་ངག་ཟབ་མོ་བྱ། དེ་ལྟར་བཟློག་རྟགས་མ་བྱུང་གི་བར་ཐུན་དྲུག་ཏུ་ཉམས་སུ་བླངས་པས་རྟགས་(༨ན)

― GLG025_Page_0713 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་བ་དང་རྟག་གཏོར་གཏོང་བ་ནས་ངག་འགྲོལ་བའི་བར་འདྲ། བཅུ་གསུམ་པ་བསད་པའི་ལས་སྦྱོར་ནི། གསེར་སྐྱེམས་ནས་དགུག་ཐུན་དམོད་རིང་གི་བར་དང་བཟློག་དམིགས་མཇུག་ཏུ་སྡེ་བརྒྱད་ཀྱི་དམིགས་པ་འདོགས་པའི་བར་བྱས་རྗེས། ཕག་སྤྱང་ཐོད་པ་གཤིན་རྗེ་ཕོ་མོ་རུ། །གསལ་བའི་ཞེ་སྡང་འདོད་ཆགས་དུག་རླངས་ཀྱིས། །དགྲ་བགེགས་རྩ་རྒྱུས་ཐམས་ཅད་རུལ་ཞིང་མྱགས། །སྙིང་གར་ནྲིའམ་ཏྲི་ཡི་ཁོག་པ་ན། །ཕཊ་ཡིག་དམར་ནག་འོད་ཞུ་དྷཱིཿཡིག་ལས། །མུ་ཁྱུད་མེད་པར་ལྕགས་སྲེགས་འཁོར་ལོ་ནི། །རྣོ་དང་ལྡན་པ་གཡོན་དུ་དྲག་འཁོར་བས། །དགྲ་བགེགས་སྲོག་རྩ་ཉལ་ཉལ་བཅད་ཅིང་གཏུབས། །ཤ་ཁྲག་དུམ་བུར་བཏང་བ་སྡེ་བརྒྱད་ཀྱིས། །ཧབ་སྒྲ་དང་བཅས་དིར་དིར་ཟོས་པར་བསམ། །ཨཱོཾ་ལོག་ཏྲི་པཱ་ལ་ནན་སོད་ནས་ཀཱ་ཝཱ་ཙི་བརླག་བརླག་གི་མཐར་དགྲ་བགེགས་བྱད་མ་ལྷ་སྲུང་དང་བཅས་པ་མཱ་ར་ཡ་སོད་ཡཱ། ནྲི་ཏྲི་མཱ་ར་ཡ་རྦད་ཡཱ། ཞེས་སྔགས་རྒྱུན་བཅས་ནས་བཟླ། དྲག་གཏོར་འབུལ་བ། བསྐུལ་རྣམས་བཟློག་པ་ཇི་ལྟ་བ་ལ་གཏོར་མའི་འབུལ་ཚིག་བ་ལིཾ་ཤ་ཁྲག་གཏོར་མ་འདི་བཞེས་ལ་ཡན་སྲུང་བའི་སྐབས་ལྟར་ལ་དགྲ་གཙོ་བོར་བྱེད་ན། དམིགས་བྱའི་དགྲ་བོ་གཟུགས་ལིང་མིང་བཅས་འདིའི། །བླ་ཁུག་དབུགས་ཕྲོགས་མགོ་འཁོར་ཁྲག་ཏུ་སྐྱུགས། །བརྒྱལ་ཞིང་ལུས་སེམས་ཕྲོལ་ལ་སྲོག་རྩ་ཆོད། །ཚེ་ཡི་འདུ་བྱེད་བཀུམ་ལ་མྱུར་དུ་སོད། །ཤ་ཁྲག་གཟུགས་ཕུང་འབྱུང་བའི་ཞལ་དུ་ཐོབ། །བསད་རྟགས་སྲོག་སྙིང་དམར་པོ་ཁྱེར་ལ་ཤོག །བྱད་མ་ལྷ་སྲུང་རང་གཤེད་རང་ལ་ཕོག །བགེགས་ལ་གཙོ་བོར་བྱེད་ན། །གནོད་བྱེད་སྡེ་བརྒྱད་དམ་སྲི་འབྱུང་པོ་འདིའི། །རྣམ་ཤེས་ཁུག་ལ་མཐུ་སྟོབས་སྡེ་དཔུང་རྩལ། །གཟི་བརྗིད་དུག་རླངས་བྱད་གྲིབ་གདོང་གཟེར་སོགས། །བསམ་ངན་སྦྱོར་རྩུབ་ནུས་པ་ཐམས་ཅད་ཆོམས། །ལུས་(༨བ)

― GLG025_Page_0714 ―

^{[མ་དཔེ་གཟིགས་ན་འདིར་གནོན།]}

[Full Size]

སྲོག་ཕྲོལ་ལ་སྲོག་རྩ་དམར་པོ་ཆོད། །དབུགས་དང་ཚེ་ཡི་འདུ་བྱེད་ཧུར་ཐུམ་བཀུམ། །ཤ་ཁྲག་གཟུགས་ཕུང་འབྱུང་བ་ཞལ་དུ་ཐོབ། །མིང་ཙམ་བརྡ་ཙམ་མེད་པ་ཐལ་བར་རློག །ཅེས་བསྐུལ་བའི་རྗེས་སུ་ལྕགས་སམ་བྷནྡྷས་བསྐུལ་ཏེ་དགྲ་བགེགས་ཀྱི་ཕྱོགས་སུ་འཕང་། བཟློག་བསད་ཀྱི་སྔགས་ཟབ་མོའི་འུར་བ་སློང་། ཉེས་པ་བསྒྲག་པ་ནས་བཟུང་དམོད་རིང་ཐལ་རྡེབ་ཀྱི་བར་གོང་ལྟར་ལ་ཐུན་རྡེག་པའི་ཚེ་བསད་པའི་དམིགས་རིམ་མན་ངག་ལྟར་བྱ། ཐུན་གཏོར་གསར་བ་བཤམ་པ་ནས་ཟོར་ཞོར་སྒྲུབ་ཀྱི་བར་བཟློག་པ་དང་འདྲ། གཟུགས་ཅན་ལ་ཐུན་གྱི་ངེས་པ་མེད་པར་བླ་སྲོག་འགྱུ་དུས་དང་བསྟུན། བླ་ཕུར། སྙིང་ཕུར། སྲོག་ཕུར་སྔགས་དང་བཅས་ནས་བརྡེག་སྟེ་དགུག་ཕྱུང་བཅད་པའི་ལས་བྱ་ཞིང་བླ་སྲོག་འཛོམ་དུས་ཐུན་ཟོར་དང་བདེན་པ་བརྗོད་དགོས་པའི་གནད་འགག་ཟབ་མོ་ཞལ་ལས་འདྲི། འདིར་བཟློག་པའི་དུས་ནས་ཐུན་མཐར་ཐུན་བརྡེག་པ་སོགས་གཤིན་རྗེ་གཟའ་གདོང་གི་ཐུན་ཐམས་ཅད་ལ་མི་བརྡེག་པ་དང་ཅུང་ཟད་མི་མཐུན་ནའང་བསད་ལས་ཟིན་ནས་ཀྱང་འབྱུང་བཞིའི་ལས་བྱེད་པའི་རང་སྐད་ལ་ལྐུགས་མའི་རིགས་འགྲེའི་དབུ་སྦྲོས་མི་འཚལ་ལོ། །ཐུན་དྲུག་ཏུ་ཉམས་སུ་བླངས་པས་རྟགས་མཐོང་བ་ན་རྟག་གཏོར་གཏོང་བ་ནས་ངག་འགྲོལ་བའི་བར་ཡང་མཚུངས། བཅུ་བཞི་པ་འབྱུང་བཞིའི་ལས་སྦྱོར་ནི། བདག་ལྕེ་རྡོ་རྗེ་ལྟེ་བའི་ཧཱུཾ་ཡིག་ལས། །འོད་ཟེར་རྭ་དགུའི་རྩེ་མོའི་ཁོང་སེང་བརྒྱུད། །དམར་ནག་ཕཊ་དགུ་བསྐུལ་ལས་ཡཾ་ལྗང་གུ །འཕྲོས་པ་རླུང་གི་འཁོར་ལོའི་གཟུགས་རིས་དང་། །རྩིབས་བརྒྱད་ལ་ཕོག་བྲིས་པའི་འཁོར་ལོ་དེ། །འབྱུང་བ་རླུང་དངོས་གྱུར་ནས་སྟོང་གསུམ་གང་། །དགྲ་བགེགས་རླུང་གིས་གཡོས་ཤིང་གཏོར་བྱས་ཏེ། །ཐལ་བའི་རྡུལ་ཕྲན་བཞིན་དུ་བརླག་པར་བསམ། །དམར་ནག་ཕཊ་དགུ་བསྐུལ་ལས་རཾ་དམར་པོ། །འཕྲོས་པ་མེ་ཡི་འཁོར་ལོའི་གཟུགས་རིས་དང་། །རྩིབས་བརྒྱད་ལ་ཕོག་བྲིས་པའི་འཁོར་ལོ་དེ། །འབྱུང་པོ་རླུང་དངོས་(༩ན)

― GLG025_Page_0715 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་ནས་སྟོང་གསུམ་གང་། །དགྲ་བགེགས་མེ་ཡི་གདུང་ཞིང་བསྲེགས་བྱས་ཏེ། །ཐལ་བའི་རྡུལ་ཕྲན་བཞིན་དུ་བརླག་པར་བསམ། །དམར་ནག་ཕཊ་དགུ་བསྐུལ་ལས་མཾ་སྔོན་པོ། །འཕྲོས་པ་ཆུ་ཡི་འཁོར་ལོའི་གཟུགས་རིས་དང་། །རྩིབས་བརྒྱད་ལ་ཕོག་བྲིས་པའི་འཁོར་ལོ་དེ། །འབྱུང་བ་རླུང་དངོས་གྱུར་ནས་སྟོང་གསུམ་གང་། །དགྲ་བགེགས་ཆུ་ཡི་བསུབས་ཤིང་ཁྱེར་བྱས་ཏེ། །ཐལ་བའི་རྡུལ་ཕྲན་བཞིན་དུ་བརླག་པར་བསམ། །དམར་ནག་ཕཊ་དགུ་བསྐུལ་ལས་ནན་སེར་པོ། །འཕྲོས་པ་ས་ཡི་འཁོར་ལོའི་གཟུགས་རིས་དང་། །རྩིབས་བརྒྱད་ལ་ཕོག་བྲིས་པའི་འཁོར་ལོ་དེ། །འབྱུང་བ་རླུང་དངོས་གྱུར་ནས་སྟོང་གསུམ་གང་། །དགྲ་བགེགས་ས་ཡིས་འཐིབས་ཤིང་མནན་བྱས་ཏེ། །ཐལ་བའི་རྡུལ་ཕྲན་བཞིན་དུ་བརླག་པར་བསམ། །ཨཱོཾ་ལོག་ཏྲི་པཱ་ལ་ནན་ཡ་རཾ་འབྱུང་བ་གཅིག་གམ་གཉིས་ཀྱི་ལས་ཙམ་ཐ་མ་མི་བྱེད་ན་སྔགས་ཀྱི་ཤམ་བུ་ཟུར་ཁྱད་ཡོད་པ་ཞལ་ལས་འདྲི། བཾ་ནན་ཞེས་ཤམ་བུ་ཅན་དམིགས་པ་དང་བཅས་ཏེ་ཐུན་དྲུག་ཏུ་བཟླ་ཞིང་སྡེ་བརྒྱད་བསྐུལ་བའི་དམིགས་པ་རྣམས་ཀྱང་བྱ། གཏོར་མ་འབུལ་ཚིག་གི་བ་ལིཾ་ཤ་ཁྲག་གཏོར་མ་འདི་བཞེས་ལ་ཡན་བཟློག་བསད་ལྟར་ལ། གནོད་བྱེད་དགྲ་བགེགས་སྡེ་བརྒྱད་འབྱུང་པོ་སྤྱི། ཁྱད་པར་དམིགས་ཀྱི་བཀར་བའི་ཆེ་གེ་འདི། །བསྐལ་བའི་རླུང་གི་འཚུབ་མས་བསྐྲད་ཅིང་གཏོར། །དུས་མཐའི་མེ་ཡིས་རྩ་སྦུར་བཞིན་དུ་སྲེགས། །ཆུ་བོ་རྦ་རླབས་འཁྲུགས་པའི་ཀློང་དུ་ཁྱེར། །ས་ཆེན་རི་ཡིས་བསྐལ་བར་མི་ལྡང་གནོན། །འབྱུང་བའི་སྟོབས་ཀྱིས་རྡུལ་ཕྲན་བཞིན་དུ་རློག །ཅེས་བཏགས་པའི་མཇུག་ཏུ་ལྕགས་སམས་བྷནྡྷས་

― GLG025_Page_0716 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུན་གཏོར་བསྐུལ་ཏེ་འབྲུབ་ཁུང་ནང་དུ་བརྡེག །བཟློག་བསད་ཀྱི་སྔགས་བཟླ་བ་ནས་བཟུང་ངག་འགྲོལ་བའི་བར་འདྲ། བཅོ་ལྔ་པ་ནས་སྤོར་བ་ནི། དེ་ལྟར་བསྒྲུབས་པས་བཟློག་བསད་འབྱུང་བཞིའི་ལས་གང་འགྲུབ་ཀྱི་རྟགས་བརྟན་པོར་མཐོང་བའི་ཚེ་འཁོར་ལིང་རྣམས་ཚུར་ཕྱུང་ལ་ལྕགས་སྣོད་དུ་གཅེར། གསེར་སྐྱེམས་ནས་བཟུང་ཐུན་བརྡེག་ཐལ་རྡེབ་ཀྱི་བར་གཏང་རྗེས་གྱེར་སྒོམ་རྩེ་གཅིག་ཏུ་བསྒྲིལ་ཏེ། ཨེ་མ་ཁམས་གསུམ་སེམས་ཅན་རྣམས། །མ་རྟོགས་འཁྲུལ་པ་སྙིང་རེ་རྗེ། །སྙིང་རྗེས་བསྒྲལ་པའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཐུགས་རྗེ་ཐབས་ཀྱི་སྦྱོར་བ་ཡིས། །ཕུང་བོ་བསྒྲལ་བའི་ཞིང་དུ་བྱས། །རྣམ་ཤེས་ཡུམ་གྱི་མཁའ་ལ་སྦ། །ཡེ་ཤེས་དཔའ་བོར་བྱིན་བརླབས་ཏེ། །རིག་པ་ཆོས་ཀྱི་དབྱིངས་སུ་འཕངས། ཁྱོད་ནི་རྒྱལ་བའི་སྲས་སུ་སྐྱེ། །ཞེས་བརྗོད། སླར་གདབ་ཕུར་ལིངྒའི་ནྲི་འམ་ཏྲི་མིག་ཏུ་བསྒྲིལ་ཞིང་བཏབ་ལ། ཧཱུཾ། ཡེ་ཤེས་རྩལ་ལྡན་ཕུར་བུ་འདི། །དགྲ་བགེགས་སྙིང་ལ་བཏབ་པ་ཡིས། །ཉོན་མོངས་དུག་ལྔ་རྩད་ནས་གཅོད། །ལས་ངན་རྣམ་སྨིན་འཕྲོ་བཅད་ནས། །ཡེ་ཤེས་དབྱིངས་སུ་གནས་སྤར་རོ། ཧཱུཾ། དགྲ་གདོན་ཁྱོད་ཀྱི་སྙིང་ནང་ན། །ལུས་སྲོག་རྣམ་ཤེས་ཆགས་པའི་རྟེན། །རླུང་དངས་སྔོ་སྐྱ་མཐེ་བོང་ཙམ། །དེ་ནང་རཀྟའི་དངས་མ་ནི། །དམར་སེར་རྒྱ་སྲན་གའུ་ཙམ། །དེ་དབུས་རྣམ་ཤེས་ངོ་བོ་ནི། །ཐིག་ལེ་དཀར་པོ་ཡུངས་འབྲུ་ཙམ། །དེ་ལ་ཡེ་ཤེས་ཕུར་བུ་ཡི། །རྣོ་དཔལ་གཟི་འོད་རེག་ཙམ་གྱིས། །རླུང་གི་དངས་མ་འཇའ་ལྟར་ཡལ། །རཀྟའི་དངས་མ་འུབ་ཀྱིས་བསྐམས། །རྣམ་ཤེས་ངོ་བོ་ཐིག་ལེ་དེ། །ཡེ་ཤེས་ཕུར་(༡༠ན)

― GLG025_Page_0717 ―

^{[མ་དཔེ་གཟིགས་ན་འདིར་གནོན།]}

[Full Size]

བུའི་ཁོང་གསེང་དུ། །བྱང་ཆུབ་རྒྱུན་ལམ་ནང་དུ་ཞུགས། །ཆང་བཟུང་ལོགས་བརྒྱད་ཕོ་བྲང་དུ། །དཔལ་ཆེན་ཡབ་ཡུམ་ཐུགས་ཀ་རུ། །སྐད་ཅིག་ཉིད་ལ་ཐིམ་མ་ཐག །དེ་ལུས་སོལ་སྡོང་གོག་པོ་བཞིན། །ནག་ཁོག་གཟི་བཀྲག་མེད་པར་གྱུར། །ཕཊ་ཨཱོཾ་བཛྲ་ཀཱི་ལི་ཀཱི་ལཱ་ཡ། ཨེ་ཡཾ་རཾ་སྥ་ར་ཎ་ཕཊ། བྷོ་དྷི་ཙིཏྟ་ནྲི་ཏྲི་སཾ་ཧ་ར་ཎ་ཧཱུཾ། ཞེས་འདོན་སྒོམ་ཟུང་འཇུག་ལ་དམིགས་པ་ཤིན་ཏུ་གསལ་བར་བྱའོ། །གདབ་ཕུར་དེ་ཉིད་ལག་ཏུ་བསྒྲིལ་ཞིང་། ཧཱུཾ། རྡོ་རྗེ་ཕུར་བུ་ཀཱི་ལཱ་ཡ། །སངས་རྒྱས་འཕྲིན་ལས་ཡོངས་རྫོགས་སྐུ། །དྲེགས་འདུལ་དྲང་སྲོང་ཁྲོ་ཆེན་གྱི། །སྲས་མཆོག་བཛྲ་ཀཱི་ལཱ་ཡ། །བསྒྲིལ་ཞིང་བསྒྲིལ་ཞིང་བཏབ་ཙམ་གྱིས། །དགྲ་བགེགས་ལུས་ངག་ཡིད་གསུམ་དང་། །ཕུང་ཁམས་སྐྱེ་མཆེད་འབྱུང་བ་ལྔ། །ལས་ཉོན་བག་ཆགས་ཤེས་སྒྲིབ་བཅས། །སྐད་ཅིག་ཉིད་ལ་བསྒྲལ་ནས་ཀྱང་། །ཐལ་བའི་རྡུལ་བཞིན་བརླག་པར་མཛོད། །ཨཱོཾ་ཏྲང་དུ་ཏྲི་ན་ཏྲང་དུ་ཛཿཛཿ། བཛྲ་ཀཱི་ལི་ཀཱི་ལཱ་ཡ་དགྲ་བགེགས་སརྦ་ནྲི་ཏྲི་ཤ་ཏྲཾ་ཏྲིག་ནན་རྦད་ནན་བྷི་ན་ཙིཏྟ་རྦད་ནན་ནྲི་ཏྲི་ཧུར་ཐུམས་ཛ་མཱ་ར་ཡ་རྦད་རྦད། ཅེས་དང་ཐུན་སྔགས་སྤུ་གྲི་དྲག་སྔགས་རིང་མོའང་བཟླ་ཞིང་ལིངྒ་རྣམས་ཀྱི་གནས་ལྔ་དང་དབང་པོ་ལྔ་དང་། བླ་གནས་རྣམས་སུ་སྲེག་པའི་རིགས་ལ་དཔལ་ཚུབ་ཙམ་དུ་གདབ་བོ། །མི་བཟད་པའི་མཚོན་ཆ་ཐོགས་ཏེ། ཧཱུཾ། ད་ནི་དུས་གསུམ་བཞུགས་པ་ཡི། །སངས་རྒྱས་ཡིན་ཏེ་ཡེ་ཤེས་སྐུ། །འཁོར་ལོ་རྡོ་རྗེ་རིན་ཆེན་དང་། །པདྨ་རྒྱ་གྲམ་རབ་འབར་བ། །ཡེ་ཤེས་རྣོ་བའི་མཚོན་ཆ་ཡིས། །དགྲ་གདོན་བག་ཆགས་(༡༠བ)

― GLG025_Page_0718 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུལ་པའི་སེམས། །ལོག་རྟོག་འཁོར་བ་རྒྱུན་ཆོད་ཅིག །ཨཱོཾ་མནྟྲ་སུམྦྷ་ནི་བཛྲ་ཛྭ་ལ་ཧཱུཾ། ཨཱོཾ་བྷྲུཾ། ཧཱུཾ་བྷྲུཾ། ཏྲཱཾ་བྷྲུཾ། ཧྲཱི་བྷྲུཾ། ཨཿབྷྲུཾ། ཚལ་བ་ཚལ་བ་མཱ་ར་ཡ་ཛཿཛཿ། ཞེས་མཚོན་ཆས་བསྣུན་པའི་ཚེ། །ཕུར་བའི་དཔལ་ནས་མཚོན་ཆ་སྣ་ཚོགས་ཀྱི་ཆར་བབས་པས་ཁོའི་གཟུགས་ཕུང་རྣམས་དུམ་བུར་བཏང་བར་བསམ། རླུང་ཆུ་ས་བཟློག་བསད་ཀྱི་ལིངྒ་རྣམས་སྒྲོལ་བའི་ཚུལ་ཙམ་མ་གཏོགས་དངོས་སུ་དུམ་བུར་མི་བསྒྲལ། མེའི་བཅའ་གཞི་རྒྱས་པའི་སྐབས་ཡིན་ན་རབས་ཐོད་ནང་གི་བསད་འཁོར་བསྒྲལ་ཚུལ་ཙམ་ལས་དངོས་སུ་མིན་བསྒྲལ་སྦྱང་རྩེའི་ཁུག་མའི་ནང་གི་བསད་འཁོར་བསྒྲལ་ནས་མེའི་འཁོར་ལོ་དང་ལྷན་ཅིག་སྦྱིན་སྲེག་བྱས་ཀྱང་རུང་བ་ཡིན་ནོ། །འཁོར་ལོ་དུམ་བུར་བཏང་ལ་བསྒྲལ་ལོ། །ལིང་རོ་རྣམས་གནམ་ལྕགས་ཀྱི་རྡོ་རྗེ་རྩེ་དགུ་པ་དྲག་སྔགས་ཀྱི་ངར་བཏགས་པས་བརྡུང་ཞིང་། གཏུན་ཁུང་ཡུམ་གྱི་བྷ་གར་ཐོབ་ཡབ་ཀྱི་རྡོ་རྗེས་བརྡུངས་པས་ཁོའི་རྣམ་སྨིན་གྱི་ལུས་དམར་ཉོག་ཉོག་བརྡུངས་ནས་བརླག་པ་བསམ་ཞིང་། ཧཱུཾ། རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་འདི། །རྡོ་རྗེའི་མཚོན་ཆས་བསྒྲལ་ནས་ཀྱང་། ཁྲོ་མོ་འབར་བའི་གཏུན་ཁུང་དུ། །རྡོ་རྗེའི་ཐོ་བས་བརྡུངས་པ་ན། །ལྷ་ཡང་རུང་སྟེ་བརླག་བགྱིད་ན། །དགྲ་གདོན་གནོད་བྱེད་སྨོས་ཅི་དགོས། །ཨཱོཾ་པདྨ་ཨ་ཀོ་ཊ་ཡ་ཁ་ཐམ་ཁ་ཐམ་ཁ་ཐམ། ཞེས་བརྡུང་ངོ་། །རྒྱས་པར་ནི་ཟན་ལིང་ཤ་ཁྲག་རུས་པས་སྤགས་པ་ཞིག་གོང་དུ་འཁོར་ལོ་ལིངྒ་རྣམས་དང་ལྷན་ཅིག་ཏུ་བསྒྲལ་པའི་ལིང་རོ་ཤ་ཁྲག་རུས་པར་བཅས་པ་གཏོར་མར་བཏབ་ལ། བསྡུ་ན་འཁོར་ལོ་རྣམས་གཏོར་མར་འབུལ་ཚུལ་ཙམ་བྱས་ཀྱང་རུང་། སྨན་རཀ་སྦྲན་(༡༡ན)

― GLG025_Page_0719 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། ཧཱུཾ། ཆོས་དབྱིངས་ངང་ལས་སྙིང་རྗེ་ཡི། །རྩལ་སྣང་ཁྲོ་བོའི་སྐུར་བསྟན་པ། ཁྲོ་རྒྱལ་ཞེ་སྡང་རྡོ་རྗེ་ཞེས། །མཐིང་ནག་མི་སྡུག་ཁྲོ་ཚུལ་ཅན། ཁམས་གསུམ་སྲིད་གསུམ་ཟ་བྱེད་པ། ཁྱོད་ཀྱི་ཐུགས་དམ་དུས་ལ་བབ། །རི་རབ་ཙམ་གྱི་སྐུར་བཞེངས་ཤིག །གནམ་ས་ཙམ་གྱི་ཞལ་གདོངས་ཤིག །གངས་རི་གཏམས་འདྲའི་མཆེ་བ་གཙིགས། །གློག་སྟོང་འགྱུ་འདྲའི་ལྗགས་བསྐྱོད་ལ། །དགྲ་གདོན་བསྒྲལ་པའི་ཤ་ཁྲག་རུས། །ཕུང་ཁམས་སྐྱེ་མཆེད་དབང་པོ་ལྔ། །དོན་སྣོད་ཀླད་རྐང་ཁུ་བར་བཅས། །ཞལ་དུ་བསྟབ་བོ་ཁ་རཾ་ཁཱ་ཧི། །མགུར་དུ་འདྲིལ་ལོ་ཨ་ར་ལི། །དབྱིངས་སུ་བསྟིམ་མོ་ས་མ་ཡ། །བཞེས་ཤིག་རོལ་ཅིག་ཁ་རཾ་ཁཱ་ཧིཿ བྷྱོ། དྲེགས་འདུལ་ཁྲོ་རྒྱལ་འབར་བ་ཡི། །སྐུ་གསུང་ཐུགས་ཡོན་འཕྲིན་ལས་ཀྱི། །སྤྲུལ་པ་ཡང་སྤྲུལ་ལ་སོགས་པ། །ལས་བྱེད་རྣོ་མྱུར་རྫུ་འཕྲུལ་ཅན། །བྱེ་བ་འབུམ་སྡེའི་ཚོགས་བཅས་རྣམས། ཁྱོད་ཀྱི་ཐུགས་དམ་དུས་ལ་བབ། །རི་རབ་ཙམ་གྱི་སྐུར་བཞེངས་ཤིག །གནམ་ས་ཙམ་གྱི་ཞལ་གདོངས་ཤིག །གངས་རི་གཏམས་འདྲའི་མཆེ་བ་གཙིགས། །གློག་སྟོང་འགྱུ་འདྲའི་ལྗགས་བསྐྱོད་ལ། །དགྲ་གདོན་བསྒྲལ་པའི་ཤ་ཁྲག་རུས། །ཕུང་ཁམས་སྐྱེ་མཆེད་དབང་པོ་ལྔ། །དོན་སྣོད་ཀླད་རྐང་ཁུ་བར་བཅས། །ཞལ་དུ་བསྟབ་བོ་ཁ་རཾ་ཁཱ་ཧི། །མགུར་དུ་འདྲིལ་ལོ་ཨ་ར་ལི། །དབྱིངས་སུ་བསྟིམ་མོ་ས་མ་ཡ། །བཞེས་ཤིག་རོལ་ཅིག་ཁ་རཾ་ཁཱ་ཧིཿ བྷྱོ། ཁྲོ་རྒྱལ་ཞེ་སྡང་རྡོ་རྗེ་ཡི། །ཡང་གཡོག་བཀའ་ཉན་ལས་བྱེད་པ། །མགོན་པོ་ས་བདག་ཀླུ་རིགས་ལྔ། །མ་མོ་བཙན་བདུད་གཟའ་རྒྱལ་འགོང་། །སྣང་སྲིད་དྲེགས་པ་སྡེ་དཔུང་བཅས། །རང་རང་སྤྲུལ་པ་ཡང་སྤྲུལ་དང་། །གཡོག་དང་ཡང་གཡོག་ཕོ་ཉར་བཅས། །སྟོང་གསུམ་གང་བའི་དྲེགས་པ་རྣམས། ཁྱེད་ཀྱི་ཐུགས་དམ་དུས་ལ་བབ། །

― GLG025_Page_0720 ―

^{[མ་དཔེ་གཟིགས་ན་འདིར་གནོན།]}

[Full Size]

རི་རབ་ཙམ་གྱི་སྐུར་བཞེངས་ཤིག །གནམ་ས་ཙམ་གྱི་ཞལ་གདོངས་ཤིག །གངས་རི་གཏམས་འདྲའི་མཆེ་བ་གཙིགས། །གློག་སྟོང་འགྱུར་འདྲའི་ལྗགས་བསྐྱོད་ལ། །དགྲ་གདོན་བསྒྲལ་པའི་ཤ་ཁྲག་རུས། །ཕུང་ཁམས་སྐྱེ་མཆེད་དབང་པོ་ལྔ། །དོན་སྣོད་ཀླད་རྐང་ཁུ་བར་བཅས། །ཞལ་དུ་བསྟབ་བོ་ཁ་རཾ་ཁཱ་ཧི། །མགུར་དུ་འདྲིལ་ལོ་ཨ་ར་ལི། །དབྱིངས་སུ་བསྟིམ་མོ་ས་མ་ཡ། །བཞེས་ཤིག་རོལ་ཅིག་ཁ་རཾ་ཁཱ་ཧིཿ །ཞེས་དབུལ་ཞིང་བསྟབ་པས་དགྲ་གདོན་བྱད་མའི་ཤ་ཁྲག་རྣམས་ཁྲོ་རྒྱལ་དྲེགས་པའི་འཁོར་ཚོགས་དང་བཅས་པས་ཧབ་ཧབ་ཧུབ་ཧུབ་ཆེམ་ཆེམ་གསོལ་ཞིང་དགྱེས་པའི་གད་མོའི་འབྲུག་སྟོང་ལྡིར་བ་ལྟར་བསྒྲགས་ནས་ཚིམ་ཞིང་དགྱེས་པར་བསམ། དམོད་པའི་བདེན་སྟོབས་བརྗོད་པ་ནི། བཀའ་ལྟར་མི་བྱེད་ཅིང་སོགས་ནས་ཟློག་ཏུ་ནན་གྱི་བར་སྔར་ཐལ་རྡེབ་ཀྱི་སྐབས་ལྟར་བྱ། གཞན་ཡང་འདོད་པའི་དོན་ལ་གསོལ་བ་གདབ་བོ། །བཅུ་དྲུག་པ་མངའ་གསོལ་ཐུགས་རྗེའི་ཟློས་གར་མ་དང་བཟློག་བསྒྱུར་ཐུན་མོང་བའི་སྐབས་ལྟར་བྱ། བཟློག་སྔགས་བཟླ། དམོད་པ་བྱ་ཞིང་ཐལ་མོ་བརྡབ། རྒྱས་པར་སྤྲོ་ན་ཐུན་བརྒྱབ་པའི་རྗེས་སུ་བཟློག་གཞུང་འདི་ཚར་རེ་བཏང་ན་ལེགས་གསུང་། བཅུ་བདུན་པ་ལས་ལ་སྦྱར་བ་ནི། བསད་བཟློག་དང་འབྱུང་བཞི་སྡེ་བརྒྱད་ཀྱི་འཁོར་ལོ་རྣམས་མནན་སྲེག་འཕྱར་གཡེང་བྱེད་ལུགས་མཐོང་བ་བརྒྱུད་པའི་ཕྱག་ལེན་ཞལ་ལས་ཤེས་པར་བྱ་ཞིང་མེ་འཁོར་སོགས་སྲེག་པའི་ལས་སྤྱོར་བྱས་པའི་ཐལ་བ་རྣམས་ཕྱེད་མནན་པ་དང་ལྷན་ཅིག་ཏུ་སྤ། ལྷག་མ་རི་རྩེ་ནས་རླུང་ལ་འཕྱར་རོ། །ཐོག་ནས་གསེར་སྐྱེམས་འབུལ་ཞིང་ཟོར་འཕེན་པ་ཐུན་མོང་བའི་སྐབས་དང་འདྲ། སྒྲུབ་གཏོར་དེ་ཤེས་པ་སུམ་ལྡན་ཡིན་པས་དྲང་སྲོང་གི་དམག་ཚོགས་སུ་གསལ་བཏབ། ཤ་ཟན་གྱིས་གསོ་བ་དང་སྨན་རག་སྦྲན་པ་ནས་བཟུང་ཆད་མཐོའི་བར་

― GLG025_Page_0721 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུན་མོང་བ་ལྟར་བཏང་རྗེས། དགྲ་བགེགས་ཀྱི་ལིངྒ་གང་ཡང་རུང་བ་ཞིག་དཔལ་འབར་གྱི་མེ་ལ་བསྲེགས་ཏེ། གཟུ་དཔང་དང་བཅས་པ་ཞེས་སྒྲ་དྲག་པོ་ལན་གསུམ་བྱ། གཤེགས་སྐྱེམས་ཀྱི་གཏོར་མ་ཕུལ་ནས་ཐེམ་འོག་གམ་ལམ་རྒྱ་གྲམ་སོགས་དམིགས་གང་ཡིན་དུ་ས་འཁོར་གྱིས་མཚོན་པའི་གནོན་དགོས་མངོན་སྤྱོད་སྤྱི་གཞུང་ནས་བཤད་པ་ལྟར་བཅས་རྣམས་ཐོག་མ་ནས་ལག་ཏུ་བླངས་པའི་འདོན་ཆ་མཐའ་དག་ཆོས་རྒྱལ་བཀྲ་ཤིས་སྟོབས་རྒྱལ་གྱིས་མཛད་པའི་འཇམ་དཔལ་དམར་ཆུང་གི་ཆོག་སྒྲིགས་ཁ་བསྒྱུར་ན་བརྗོད་བདེ་ཞིང་ལེགས། ཆུ་རླུང་སོགས་ལས་གཞན་རྣམས་ཡུལ་དུས་ཀྱི་འཕྲལ་དུ་མ་ཐུབ་ན་སླར་གཟའ་ཚེས་དང་བསྟུན་ཆོག་པས་མནན་པའི་རྗེས་སུ་ཟ་ལམ་སྟོན་པའི་ཕྱིར་གསེར་སྐྱེམས། བསྐུལ། གཏོར་མ་འཕེན་པ་ནས་བཟུང་ཤིས་བརྗོད་ཀྱི་བར་དཀྱུས་བཞིན་ནོ། །རྩ་བའི་བཞི་པ་བཅས་བསྡུས་པའི་གཏོར་མ་ལ་བརྟེན་པ་ནི། ས་སྟེགས་འབྲུབ་ཁུང་གི་རྒྱས་བསྡུས་གོང་དང་འདྲ་བའི་ཁར་ཐུན་མོང་པའི་སྐབས་བཞིན་གཏོར་ཆེན་བཅའ། འཁོར་ལིང་གི་ལག་ལེན་རྣམས་ཞལ་ཤེས་མཐོང་བརྒྱུད་བཞིན་བསྟར། གཏོར་མ་ལྷར་བསྐྱེད་པ་སོགས་ཐུན་མོང་བའི་སྐབས་དང་གཞན་མ་མཆོད་རྟེན་རང་གི་སྒོས་ཆོས་དོར་བའི་བཅའ་གཞི་ངག་འདོན་དམིགས་པ་མཐའ་དག་བཅས་རྒྱས་པའི་སྐབས་སོར་བཞག་གོ །རྩ་བའི་ལྔ་པ་འབྱུང་བཞི་དང་བཟློག་བསད་ཀྱི་ལས་ཁོལ་བུར་བསྒྲུབ་པ་ནི། མཆོད་རྟེན་དང་གཏོར་ཆེན་གྱི་སྤྲོས་པ་དོར་ཞིང་འབྲུབ་ཁུང་དུ་ལས་གང་བྱེད་ཀྱི་འཁོར་ལིང་(༡༢བ)

― GLG025_Page_0722 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བརྟེན་ནས་སྒྲུབ་པས་ལག་ལེན་གྱི་ཁོག་རྒྱས་པ་ཉིད་ཀྱིས་འབུགས་པ་ཡིན་ནོ། །གཞན་ཡང་མཚོན་དོན་དང་སྦྱར་བའི་འབྱུང་བཞི་ཅིག་ཅར་བའི་ལས་བཤད་པའི་ཉམས་སུ་བསྟར་ན་དམ་སྲིའི་འཚུབ་ལྷོངས་ཀྱི་ཚེ་མར་ལ་ལྕགས་བསྲེགས་ལྟར་འགྲོ་བ་མྱོང་བས་གྲུབ་བོ། །འདི་དག་རྣམས་མཐོང་བརྒྱུད་དང་ཞལ་ཤེས་ཕྲ་ཞིབ་ལ་བལྟོས་ནའང་སྔོན་བྱུང་གི་གཏེར་བྱུང་དང་བླ་མ་གོང་མ་རྣམས་ཀྱི་ཡིག་ཆའི་ཁྲོད་ན་ཤིན་ཏུ་གསལ་བ་ཞིག་བྱུང་སོང་བས་བརྒྱུད་པའི་བླ་མ་དང་གསང་སྔགས་རྙིང་མའི་བསྟན་པ་ལ་ཅུང་ཟད་ཙམ་ཡང་མི་སེམས་པར་སྡང་སེམས་དང་ལྡན་བཞིན་དུ་རང་གི་དགྲ་འདུལ་གཉེན་སྐྱོང་གི་ཆེད་དུ་འབད་པས་འཚོལ་བའི་སྣོད་མིན་ལ་སྟོམ་པ་དང་རྒྱུ་ནོར་ངོ་དགའ་ཙམ་གྱི་ཆེད་དུ་འཆོལ་བར་བཤད་ན་ར་སྤུའི་འུར་རྡོ་བཞིན་དུ་རང་ལ་འཁོར་བའི་ཉེན་ཆེ་བས་རྟ་ཤིའི་སོ་ལྟར་དམ་པར་བྱེད་དགོས་པས་བག་མེད་འཆོལ་པར་བསྟན་པ་བྱུང་ན་ཆོས་འདིའི་གཏེར་གྱི་སྲུང་མ་རྣམས་དང་ཁྱད་པར་བཤན་པ་གཟའ་རྒོད་མིག་དམར་གྱིས་མི་ནོར་ཐམས་ཅད་ཀྱི་སྟེང་དུ་ཆད་པ་དྲག་པོ་ཐོག་ལྟར་ཕོབ་ཅིག །ས་མ་ཡ། སྔགས་རྒོད་ལོག་ཏྲི་ལག་ཏུ་ལོན་ནོ་ཞེས། ཁ་བོ་དབྱིངས་སུ་འཛེར་བའི་བན་སྔགས་ཀྱིས། །གངས་ཅན་འཛིན་མའི་ལྟོ་བ་གང་ན་ཡང་། །ཚུལ་ལྡན་ཤེས་པ་ཉིན་མོའི་སྐར་མ་བཞིན། །ང་ཚོའི་ཁེངས་པས་མཁས་གཞན་མི་བསྟེན་འགྱིང་། །ལ་ལ་སྔོན་ནས་སོང་ཞེས་ཟོག་རྫུན་བྱེད། །འགའ་ཞིག་ཨ་ཕའི་གསོལ་ཞལ་གཙང་བར་ཞེན། །ཕལ་ཆེར་སྐྱུར་བཟིའི་བློ་ཤེད་འདྲེ་ལ་འཚོང་། ཁོ་བོས་ཚད་ལྡན་མཁས་རྣམས་འབད་པས་བཙལ། །ལག་ལེན་དཀའ་བའི་གནད་ཀྱི་འཕྲང་ལ་གཅུར། །པད་(༡༣ན)

― GLG025_Page_0723 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་དགོངས་དོན་མཆོག་སྤྲུལ་འབྲི་གུང་པས། །ལོན་དེ་བློ་དང་བརྩོན་པས་ཁོང་དུ་ཆུད། །འདི་ཀོ་ཆོས་ཀྱི་ཁེ་ཚོང་བྱེད་འགེལ་ལག །ཤོར་ན་རང་ཐོག་འཁོར་ཞིང་བསྟན་དང་འགྲོ །འཕུང་ཉེན་ཆེ་ཡང་བདག་དང་བདག་འདྲ་བའི། །རྨོངས་རྣམས་བརྗེད་ངས་འཇིགས་པ་སྤང་ཕྱིར་བཀོད། །དགེ་ཚོགས་སྤུ་གྲིས་དགའ་རབ་དབང་ཕྱུག་མགོ །བཅད་ཞར་སྡེ་བརྒྱད་སྙིང་རྩ་འདར་བ་དང་། །ལྷན་ཅིག་དཀར་པོའི་ཆོས་ལ་འགྲོ་བ་ཀུན། །ཞུགས་ནས་གཏན་གྱི་འདུན་མ་འགྲུབ་པར་ཤོག །ཅེས་སྔགས་རྒོད་ལོག་ཏྲི་པཱ་ལའི་བཟློག་པ་དང་བསད་པའི་ལས་སྦྱོར་གྱི་གསལ་བྱེད་ཡི་གེ་གླང་སྨྱོན་སྣ་རྩེར་བཀོད་པའི་མཚོན་འཁོར་འདི་ནི་ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། ཆོས་རྒྱལ་གཏེར་བདག་གླིང་པ་སྔགས་འཆང་དཀོན་མཆོག་ལྷུན་གྲུབ་སོགས་ཕྱོགས་འདི་ལ་ཚད་མར་གྱུར་པའི་མཁས་པ་རྣམས་འབད་པས་བསྟེན་པའི་མཐུ་ལས་མན་ངག་ཕྲ་མོ་ཙམ་ལའང་ཐེ་མི་ཚོམ་པའི་གདེངས་ཚད་ཅན་གཡོ་རུ་ལྷོ་རྒྱུད་དུ་སྐྱེས་པའི་ཟ་ཧོར་གྱི་སྔགས་སྨོན་ཟིལ་གནོན་དྲག་པོ་རྩལ་གྱིས་བོད་ཡུལ་བསྟན་འགྲོའི་བདེ་ཐབས་སུ་དམ་སྲི་འབྱུང་པོ་འདུལ་པའི་སྒྲུབ་པ་རྣམ་པར་རྒྱལ་པའི་ཕན་བདེ་ལེགས་བཤད་གླིང་པར་འཛུགས་སྐབས། ལག་ལེན་ཁྱེར་བདེ་བའི་ཆེད་དུ་བག་ཡོད་ཅེས་པ་ཆུ་གླང་ནག་པོ་ཟླ་བའི་དམར་ཆའི་ཉེར་བཞི་ལ་འཛིན་མའི་སྤོ་ལས་མངོན་པར་འཕགས་པའི་ཕོ་བྲང་ཆེན་པོ་པོ་ཏ་ལར་སྦྱར་བའི་ཡི་གེ་པ་ནི་རིགས་འཛིན་གྱི་བཙུན་པ་འཇམ་དབྱངས་གྲགས་པས་བགྱིས་པ་འདིས་ཀྱང་མི་བསྲུན་པའི་དགྲ་ཚོགས་རྣམས་གཡུལ་ཐོག་ཏུ་གསོད་པའི་རྒྱུར་གྱུར་ཅིག །སརྦ་མངྒ་ལཾ།། །།

གཉན་ཆེན་ཐང་ལྷའི་འཕྲིན་ལས་བདུད་རྩིའི་ཆུ་རྒྱུན།

― GLG025_Page_0725 ―

^{[མ་དཔེ་གཟིགས་ན་འདིར་གནོན།]}

[Full Size]

གཉན་ཆེན་ཐང་ལྷའི་འཕྲིན་ལས་བདུད་རྩིའི་ཆུ་རྒྱུན་བཞུགས་སོ། །

― GLG025_Page_0726 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་ཐོད་འཕྲེང་ཁྱོད་ཞབས་བྱང་ཆུབ་བར། །གཙུག་ཏུ་འབྲལ་བ་མེད་པར་རྟག་བསྟེན་ནས། །ལྷ་ཆེན་ཚངས་པའི་རྒྱལ་པོ་དགྱེས་བསྐྱེད་པའི། །འཕྲིན་ལས་བདུད་རྩིའི་ཆུ་རྒྱུན་དེང་འདིར་སྦྲེང་། །སྐྱབས་སེམས་ནི། ཐུགས་རྗེའི་དབང་གིས་འགྲོ་དོན་མཛད། །བླ་མ་རྣམས་ལ་སྐྱབས་སུ་མཆི། །རང་ལ་ཡེ་ཤེས་ཤར་བའི་སྐུ། །ཡི་དམ་ལྷ་ལ་སྐྱབས་སུ་མཆི། །དམ་ཚིག་རྣམ་པར་དག་པའི་སྐུ། །མཁའ་འགྲོའི་ཚོགས་ལ་སྐྱབས་སུ་མཆི། །སྔོན་ནས་བསགས་པའི་སྡིག་སྒྲིབ་བཤགས། །འགྲོ་དོན་སངས་རྒྱས་ཐོབ་བྱའི་ཕྱིར། །སྨོན་པའི་བྱང་ཆུབ་སེམས་བསྐྱེད་དོ། །སེམས་ཅན་ཡོངས་སུ་སྨིན་བྱའི་ཕྱིར། །གསང་སྔགས་སྤྱོད་པ་རླབས་ཆེན་སྤྱད། །དོན་དམ་སྤྲོས་བྲལ་བྱང་ཆུབ་སེམས། །རང་བྱུང་མཐའ་བྲལ་སྟོང་གསལ་བསྒོམ། །ཞེས་ལན་གསུམ་བརྗོད། གོང་གནོན་གྱི་ལྷ་བསྐྱེད་པ་ནི། སྐད་ཅིག་གིས་རང་རིག་ཧྲཱིཿ ཡིག་དམར་པོ་ཡོངས་སུ་གྱུར་པ་ལས། དབང་ཆེན་རྟ་མཆོག་སྐུ་མདོག་དམར་ནག་དབུ་ཚངས་པའི་འཇིག་རྟེན་དུ་སླེབས་པ། ཞབས་རྒྱ་མཚོའི་གཏིང་དུ་བརྐྱང་བ། ཉི་ཟླ་གཟའ་སྐར་རྐེད་ལ་འཁོར་བ། རི་རབ་ལ་སྟེགས་བྱས་པ། ཕྱག་གཡས་པས་གཟུགས་ཁམས་འདེགས་ཤིང་། གཡོན་པས་འདོད་ཁམས་གནོན་པ། དུར་ཁྲོད་ཀྱི་ཆས་ཀུན་(༢ན)

― GLG025_Page_0727 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་བརྒྱན་པ། རྟ་སྐད་གཡས་གཡོན་སྟེང་འོག་ཏུ་བསྒྲགས་པས་ཕོ་རྒྱུད་མོ་རྒྱུད་གཟའ་ཀླུ་ཐམས་ཅད་དབང་དུ་སྡུད་པ། ཧྲཱིཿཧཱུཾ་ཕཊ་གསུམ་གྱི་སྒྲ་འབྲུག་ལྟར་ལྡིར་བ། ཁམས་གསུམ་དབང་དུ་སྡུད་ཅིང་སྲིད་གསུམ་ཟིལ་གྱིས་གནོན་པའི་སྐུར་གྱུར། ཧྲཱིཿམ་ཧཱ་ཀྲོ་ཏ་པདྨཱ་ནྟ་ཀྲྀ་ཏ་ཧ་ཡ་གྷྲཱི་ཝ་ཧཱུཾ་ཧཱུཾ་ཕཊ་ཡ་མ་རཱ་ཙ་དུ་ཏྲི་ཕུ་ཏི་ཧྲཱིཿཧཱུཾ་ཕཊ། ཅེས་ཅི་རིགས་བཟླས་ལ་བསྟོད་པ་ནི་འཇམ་རོལ་དང་བཅས། རྟ་མགྲིན་རྒྱལ་པོ་དབང་གི་ལྷ། །དྲེགས་པ་ཀུན་འདུས་པདྨ་འབྱུང་། །བླ་མ་རིགས་འཛིན་སྤྲུལ་སྐུ་ལ། །སྒོ་གསུམ་གུས་པས་ཕྱག་འཚལ་ལོ། །མཆོད་གཏོར་བརླབ་པ་ནི། ཧྲཱིཿམ་ཧཱ་ཀྲོ་ཏ་པདྨཱ་ནྡྷ་ཀྲྀ་ཏ་ཧ་ཡ་གྷྲཱི་བ་ཧཱུཾ་ཧཱུཾ་ཕཊ་ཀྱིས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཕྱི་ནང་གསང་པའི་མཆོད་རྫས་རྣམས་བཟང་ཞིང་གྱ་ནོམས་པ། ལྷ་ཆེན་འཁོར་དང་བཅས་པ་མཉེས་པར་བྱེད་པའི་མཆོད་སྤྲིན་ནམ་མཁའ་མཛོད་ལ་མངའ་བརྙེས་པ་བསམ་གྱིས་མི་ཁྱབ་པར་གྱུར། ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨ་ཝ་རྟ་ཡ་ཨ་ཝ་རྟ་ཡ་ཧོཿ བཛྲ་སྥ་ར་ཎ་ཁཾ། ལན་གསུམ་བརྗོད། སྭ་བྷཱ་ཝས་སྦྱངས། སྟོང་པའི་ངང་ལས་བྷྲུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་འོད་དུ་ཞུ་བ་ལས་བྱུང་བའི་གཏོར་མ་ཁ་དོག་དྲི་རོ་རེག་བྱ་ཕུན་སུམ་ཚོགས་པའི་སྟེང་དུ་(༢བ)

― GLG025_Page_0728 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་ཨཱཿཧཱུཾ་གིས་མཚན་པ་ལས་འོད་ཟེར་འཕྲོས་པས་འཁོར་འདས་ཀྱི་རོ་བཅུད་ཐམས་ཅད་བསྡུས་ཏེ་གཏོར་མར་ཐིམ། ཡི་གེ་གསུམ་ཡང་འོད་དུ་ཞུ་ནས་དབྱེར་མེད་གཅིག་ཏུ་འདྲེས་པས་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོ་ཟད་མི་ཤེས་པའི་རང་བཞིན་དུ་བསམ། ཨོཾ་ཨཱཿཧཱུཾ་མ་ཧཱ་བྷ་ལིནྟ་ཏེ་ཛྭ་བྷ་ལིནྟ་བྷ་ལ་བྷ་ཏེ་གུ་ཧྱ་ས་མ་ཡེ་སྭཱ་ཧཱ། ཞེས་ལན་གསུམ་མམ་བདུན་གྱིས་བྱིན་གྱིས་བརླབ། རྟེན་བསྐྱེད་པ་ནི། སྭ་བྷཱ་ཝས་སྦྱངས། སྟོང་པའི་ངང་ལས་རང་གི་མདུན་དུ་ཤེལ་གྱི་ཁང་བཟང་རིན་པོ་ཆེ་སྣ་ཚོགས་ཀྱི་སྒོ་ལྕོག་འོད་འབར་བ། རྩ་བར་བདུད་རྩིའི་རྒྱ་མཚོ་འཕྱུར་བ། རྐེད་པར་འཇའ་འོད་ན་བུན་གྱི་གུར་ཕུབ་པ། རྩེ་མོར་སྤྲིན་དཀར་རིན་པོ་ཆེའི་ཟིལ་ཆར་འབེབས་པ། ས་གཞི་ལྗང་སྔོན་མེ་ཏོག་སྣ་ཚོགས་རྒྱས་པ། ཁོར་ཡུག་ཏུ་གནམ་ལྷ་བརྒྱད་ཀྱི་གངས་རི་ཤེལ་གྱི་མཆོད་རྟེན་ལྟ་བུས་བསྐོར་བ། དེའི་སྟེང་དུ་ཉི་ཟླ་པདྨའི་གདན་ལ་སྟོབས་ལྡན་རྟ་མཆོག་ངང་དཀར་ལ་རིན་པོ་ཆེའི་སྒ་རྒྱན་དུ་མས་མཛེས་པའི་སྟེང་ན་ལྷ་ཆེན་རྡོ་རྗེ་འབར་བ་རྩལ་སྐུ་མདོག་ཤེལ་གྱི་རི་བོ་ལྟར་བརྗིད་པ། ཞལ་འཛུམ་ཞིང་མཆེ་བ་ཅུང་ཟད་གཙིགས་པ། སྤྱན་གསུམ་རབ་ཏུ་བཀྲ་བ། དབུ་སྐྲའི་ཐོར་ཚུགས་དར་དཀར་པོས་བཅིངས་པ། ཕྱག་གཡས་རྡོ་རྗེ་རྩེ་ལྔས་མཚན་པའི་སྦ་ལྕག་ནམ་མཁའ་ལ་འཕྱར་བ། གཡོན་པ་ཤེལ་དཀར་ཕྲེང་བ་འདྲེན་པ། ཟབ་ཆེན་དཀར་དམར་མཐིང་གསུམ་གྱི་བེར་གསོལ་བ། སྤྱི་བོ་ནོར་བུ་འབར་བའི་ཏོག་དང་རིན་པོ་ཆེའི་རྒྱན་སྣ་ཚོགས་དང་བཅས་པ། སྐུ་གཞོན་ཞིང་མཛེས་པ། རྒྱལ་པོ་རོལ་པའི་ཆ་ལུགས་སུ་བཞུགས་པ། དེའི་གཡོན་དུ་ཡུམ་གནམ་མཚོའི་རྒྱལ་མོ་རྡོ་རྗེ་གཡུ་སྒྲོན་མ་སྐུ་མདོག་སྔོ་བསངས་ཞལ་གཅིག་ཕྱག་གཉིས་ལ་སྤྱན་གསུམ་དང་ལྡན་པ། གཡས་རྒྱལ་མཚན་དང་གཡོན་མེ་ལོང་འཛིན་ཅིང་། དབུ་སྐྲ་ཐོར་ཚུགས་ལྷག་མའི་ཟར་བུ་ཐུར་དུ་འཕྱང་བ། སྨན་བཙུན་མཛེས་མ་ཡིད་དུ་འོང་བའི་ཆ་བྱད་(༣ན)

― GLG025_Page_0729 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་གཙོ་བོ་ལ་འདུད་པའི་རྣམ་པ་ཅན་གཡུ་འབྲུག་ལ་བཅིབས་པ། ཤར་དུ་ཞི་མཛད་རྡོ་རྗེ་འབར་བ་རྩལ། ལྷོར་རྒྱས་བྱེད་རྡོ་རྗེ་འབར་བ་རྩལ། ནུབ་ཏུ་དབང་གི་ལྷ་རྡོ་རྗེ་འབར་བ་རྩལ། བྱང་དུ་ལས་ཀྱི་ཁྲོ་བོ་རྡོ་རྗེ་འབར་བ་རྩལ། ཤར་ལྷོར་ལྷ་ཆེན་སྐྱེས་བུ་བཞིན་བཟང་། ལྷོ་ནུབ་དུ་ལྷ་ཆེན་གྱི་ངོ་བོ་འབྲོང་གཡག་ཞོལ་དཀར། ནུབ་བྱང་དུ་དཔལ་བོ་རྡོ་རྗེ་འབར་བ་རྩལ། བྱང་ཤར་དུ་ལྷ་མཆོག་སྲིད་གསུམ་གྱི་བདག་པོ་ཚངས་པ་ཆེན་པོ། རྣམ་འགྱུར་དེ་རྣམས་ཀྱི་འཁོར་དུ་མཆེད་འཁོར་སུམ་བརྒྱ་དྲུག་ཅུ། དམག་ཚོགས་བྱེ་བ་འབུམ་སྡེ། ཐམས་ཅད་ཀྱང་དཔུང་ཚོགས་བཞི་པའི་ཆ་ལུགས་སུ་འཇིགས་ཤིང་དཔའ་བ། སྟེང་དང་ཕྱོགས་མཚམས་ཀུན་ནས་སྤྲུལ་པའི་དུང་ཁྲ་དཀར་པོ་ལྡིང་ཞིང་། དུང་སྤྱང་ཕོ་མོ་དང་། འབྲོང་གཡག་ཞོལ་ཆེན་མང་པོ་ཁྲོ་ལ་ངར་བ། དེ་རྣམས་ཀྱི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཨཿདཀར་པོ་དྲི་མ་མེད་པའི་འོད་ཟེར་དང་། བདག་ཉིད་ཡི་དམ་དུ་གསལ་བའི་ཐུགས་ཀར་ཉི་དཀྱིལ་ལ་གནས་པའི་ཧྲཱིཿཡིག་དམར་པོ་ལས་འོད་ཟེར་ལྕགས་ཀྱུ་ལྟ་བུ་འཕྲོས་པས་རང་བཞིན་གྱི་གནས་ནས་སྐུ་ལྷ་ཆེན་པོ་སྤྲུལ་འཁོར་དམ་ཅན་རྒྱ་མཚོའི་ཚོགས་དང་བཅས་པ་སྤྲིན་ཕུང་གཏིབས་པ་བཞིན་དུ་བྱོན་པར་བསམ། ཧཱུཾ། ཡེ་ཤེས་གཞལ་ཡས་བསྐྱེད་ཀྱིས་རྒྱ་མ་ཆུང་། །སེང་གེ་གླང་ཆེན་ཁྲི་བཤམས་དཔངས་མ་དམའ། །ཉི་ཟླ་པདྨའི་གདན་གཏིང་བཀྲག་མ་ཞན། །ཡེ་ཤེས་ལྷ་མཆོག་བསྙེན་ཅིང་རྒྱང་མ་རིང་། །འཇིག་རྟེན་སྲུང་མ་བསྒྲུབ་ཀྱི་མཐུ་མ་ཆུང་། །འདིར་གཤེགས་ཉི་ཟླའི་གདན་ལ་བཞུགས་སུ་གསོལ། རྡོ་རྗེ་འབར་བ་རྩལ། ས་མ་ཡ་ཛཿཛཿཛཿཧཱུཾ་བཾ་ཧོཿ། པདྨ་ཀ་མ་ལ་ཡེ་སྟྭཾ། ཕྱི་མཆོད་འབུལ་བ་ནི། ཨཱོཾ་བཛྲ་ཐང་ཀ་ར་ས་པ་རི་ཝཱ་ར་ཨརྒྷཾ། པུཥྤེ་ནས། ཤཔྟ་པྲ་ཏཱི་ཙྪ་སྭཱ་ཧཱའི་བར་བརྗོད། སྨན་གཏོར་འབུལ་བ་ནི།(༣བ)

― GLG025_Page_0730 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུཾ། རྩ་བརྒྱད་སྟོང་སྦྱར་བདུད་རྩི་ཨ་མྲྀ་ཏ། །རྩ་བརྒྱུད་བླ་མ་ཡི་དམ་དཀྱིལ་འཁོར་ལྷ། །རྡོ་རྗེ་འབར་རྩལ་འཁོར་དང་བཅས་ལ་འབུལ། །བཞེས་ནས་དངོས་གྲུབ་མ་ལུས་སྩལ་དུ་གསོལ། །མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཧཱུཾ། དཀར་གསུམ་དངར་གསུམ་བཟང་སྨན་འབྲུ་དཀར་ཟིན། །ལེགས་སྦྱར་ཡེ་ཤེས་བདུད་རྩིར་བྱིན་བརླབས་པ། །རོ་མཆོག་བརྒྱ་ཕྲག་ལྡན་པའི་བྷ་ལིནྟ། །འབུལ་གྱིས་བཞེས་ལ་དངོས་གྲུབ་སྩལ་དུ་གསོལ། །རྡོ་རྗེ་ཐལ་མོ་ཁ་ཕྱེ་བའི་ཕྱག་རྒྱ་དང་བཅས། །ལྷ་ཆེན་རྡོ་རྗེ་འབར་བ་རྩལ་འཁོར་དང་བཅས་པའི་ལྗགས་ཧཱུཾ་ལས་སྐྱེས་པའི་རྡོ་རྗེ་རྩེ་གཅིག་པ་དམར་པོ་འོད་ཀྱི་སྦུ་གུ་ཅན་གྱིས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་བསམ། ཨཱོཾ་བཛྲ་ཐང་ཀ་ར་ས་པ་རི་ཝཱ་ར་མ་ཧཱ་བྷ་ལིམྟ་ཁ་ཁ་ཁཱ་ཧི་ཁཱ་ཧི། གཙོ་བོ་ལ་བདུན་ནམ་ཉེར་གཅིག །ཨཱོཾ་ཨ་ཀཱ་རོས་གཙོ་འཁོར་སྤྱིར་ལན་གསུམ་མམ་བདུན་གྱིས་འབུལ། བསྐང་རྫས་རྣམས། སྟོང་གསུམ་ཀུན་ཏུ་དྲི་ངད་འབྱུང་གྱུར་བ། །ཞེས་སོགས་སྔགས་དྲུག་དང་ཕྱག་རྒྱ་དྲུག་གིས་བྱིན་གྱིས་བརླབས་ནས། །གཡའ་ཆུ་གངས་ཆུ་གཙང་མའི་མཆོད་ཡོན་སྦྲེང་། །སྣ་ཚོགས་མེ་ཏོག་འཕྲེང་བའི་ཐོད་ཆིངས་མཛེས། །དྲི་ཞིམ་བསངས་སྤོས་དུད་པ་སྤྲིན་ལྟར་འཁྲིགས། །རིན་ཆེན་འབྲུ་མར་སྣང་གསལ་འོད་མདངས་བཀྲ། །ག་པུར་གུར་གུམ་དྲི་སྦྱོར་བྱུག་པའི་རྫས། །རོ་བདའ་ལྷ་མིའི་ཞལ་ཟས་རི་ལྟར་སྤུངས། །སྙན་བརྗིད་རོལ་མོ་གྱེར་དབྱངས་བསམ་མི་ཁྱབ། །ལྷ་ཆེན་འཁོར་བཅས་ཐུགས་དམ་བསྐང་ཕྱིར་འབུལ། །རྟ་མཆོག་ངང་དཀར་སྒ་སྲབ་ཆས་ཀྱིས་མཛེས། །འབྲོང་དཀར་དུང་ཁྲ་གཙང་ལུག་ཤེལ་ལྟར་འཚེར། །གདུགས་དཀར་རྒྱལ་མཚན་དར་འཕན་ལྡ་ལྡི་བྲེས། །རང་སྐྱོབ་གོ་དང་དགྲ་འཇོམས་སྣ་ཚོགས་མཚོན། །ཟབ་བེར་རིན་ཆེན་རྒྱན་སོགས་ཞི་དྲག་ཆས། །སྦ་ལྕག་(༤ན)

― GLG025_Page_0731 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེལ་ཕྲེང་ལ་སོགས་ཕྱག་མཚན་རིགས། །གནམ་ལ་འཕུར་དགུ་ས་ལ་འཛུལ་དགུ་དང་། །རི་དྭགས་འཕྱོ་དགུའི་ཚོགས་ཀྱིས་ཐུགས་དམ་བསྐང་། །རིན་ཆེན་སྣ་བཞི་ལས་གྲུབ་ལྷུན་པོ་ལ། །གསེར་གྱི་རི་བོ་རོལ་མཚོ་བདུན་གྱིས་བསྐོར། །གླིང་བཞི་གླིང་ཕྲན་རིན་ཆེན་རི་བོ་དང་། །ཡོངས་འདུའི་ལྗོན་པ་འདོད་པ་འཇོ་བའི་བ། །མ་སྨོས་ལོ་ཏོག་རྒྱལ་སྲིད་སྣ་བདུན་དང་། །ཉེ་བའི་སྣ་བདུན་བཀྲ་ཤིས་རྫས་རྟགས་སོགས། །ལྷ་ཀླུ་གནོད་སྦྱིན་མི་ཡི་འབྱོར་ཚོགས་ཀྱིས། །ལྷ་ཆེན་ཚངས་པ་འཁོར་བཅས་ཐུགས་དམ་བསྐང་། །མཎྜལ་གྲུ་བཞི་སྨྱུག་རྒོད་དར་སྣས་བརྒྱན། །བྲིས་འབུར་ཞལ་བརྙན་ཡེ་ཤེས་སེམས་དཔའ་འཁྱིལ། །དར་དཀར་གཞི་མར་ལེགས་བྲིས་སྙིང་པོའི་ཕྲེང་། །ལྷ་ཆེན་ཆགས་པའི་ཕྱི་སྒྲུབ་རྟེན་དུ་འབུལ། །རཾ་ཡཾ་ཁཾ་དང་འབྲུ་གསུམ་གྱིས་བརླབས་པའི། །གསེར་སྐྱེམས་བདུད་རྩིའི་རྒྱ་མཚོ་ཆེན་པོ་འདི། །སྟེང་འོག་གདོན་དང་རྒྱལ་འགོང་དམ་སྲི་སོགས། །བར་ཆད་འདུལ་ཕྱིར་མཆོད་པས་ཐུགས་དམ་བསྐང་། །གཟུགས་སྒྲ་དྲི་རོ་རེག་བྱ་ཆོས་ལ་སོགས། །མི་ཟད་འདོད་ཡོན་ཚོགས་ཀྱིས་མཆོད་པ་འདིས། །དྲི་ཟའི་རྒྱལ་པོ་ཟུར་ཕུད་ལྔ་པ་ཡིས། །དངོས་གྲུབ་མ་ལུས་སྩོལ་ཕྱིར་ཐུགས་དམ་བསྐང་། །དཀར་གསུམ་གཙང་ཕྱེ་སྨན་ཕུད་ཡོངས་སྦྱར་བར། །སྣ་ཚོགས་རྒྱན་གྱི་ཁྱད་པར་བཀོད་ལེགས་པ། །ཤེལ་མཁན་རིན་ཆེན་སྒོ་ལྕོག་འཕར་བའི་དབྱིབས། །དམ་རྫས་གཏོར་མ་ནང་གི་རྟེན་དུ་འབུལ། །ལྷ་ཆེན་ཚངས་པའི་རྒྱལ་པོ་ཆེན་པོ་དང་། །གསང་ཡུམ་རྡོ་རྗེ་གཡུ་སྒྲོན་མཉམ་སྦྱར་བ། །ཟག་མེད་དགའ་བ་བཅུ་དྲུག་ཆ་རྫོགས་པའི། །བདེ་ཆེན་གསང་བའི་མཆོད་པས་ཐུགས་དམ་བསྐང་། །བདེ་གསལ་མི་རྟོག་དབྱིངས་རིག་དབྱེར་མེད་པ། །དུས་གསུམ་རྒྱལ་བ་རྒྱ་མཚོའི་བགྲོད་གཅིག་ལམ། །ལྷ་(༤བ)

― GLG025_Page_0732 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་ཐུགས་ཀྱི་དགོངས་པ་ཟབ་ཞི་དང་། །ཇི་བཞིན་མཉམ་པར་བཞག་པས་ཐུགས་དམ་བསྐང་། །བསྟོད་ཅིང་འཕྲིན་ལས་འཆོལ་བ་ནི། ཧཱུཾ། དཔལ་ལྡན་ལྷ་ཡི་ལྷ་མཆོག་ཁྱོད། །འཛམ་གླིང་བྱང་ཕྱོགས་ཁ་བ་ཅན། ཁ་བ་ཅན་གྱི་བྱང་ལྗོངས་སུ། །ས་གཞི་ལྗང་སྔོན་རྩི་བཅུད་རྒྱས། །མེ་ཏོག་པདྨ་འོད་དུ་འཕྲོ། །གངས་དཀར་ཤེལ་གྱི་ཕྲེང་བས་བསྐོར། །ཡིད་འོང་མཚོ་ཆེན་མདངས་དང་ལྡན། །ཤེལ་མཁར་རིན་ཆེན་སྒོ་ལྕོག་འབར། །རྩ་བ་ཡིད་བཞིན་རྒྱ་མཚོས་བརྟེན། །རྐེད་པར་འཇའ་འོད་ན་བུན་ཐིབས། །རྩེ་མོར་དཀར་གསལ་དགོས་འདོད་ཀྱི། །རིན་ཆེན་ཆར་འབེབས་འབྲུག་སྒྲ་སྒྲོག །གཞལ་ཡས་དེ་ཡི་ནང་ཤེད་ན། །ཉི་ཟླ་པདྨ་རྟ་མཆོག་སྟེང་། །དམ་ཅན་རྡོ་རྗེ་འབར་བ་རྩལ། །སྐུ་མདོག་དཀར་ལ་ཁྲོ་འཛུམ་འགྱིང་། །ཕྱག་གཡས་རྡོ་རྗེའི་སྦ་ལྕག་འཕྱར། །གཡོན་པ་ཟླ་བའི་ཤེལ་ཕྲེང་འདྲེན། །དར་དཀར་ཐོད་བཅིངས་དབུ་སྐྲའི་རྩེར། །ཡིད་བཞིན་ནོར་བུ་འབར་བས་བརྒྱན། །སྐུ་ལ་བེར་ཆེན་ཕྲུག་གསུམ་གསོལ། །གཞོན་མཛེས་ཡིད་འཕྲོག་རྒྱལ་པོའི་ཆས། །འོད་ཟེར་སྣ་ཚོགས་ཕྱོགས་བཅུར་འཕྲོ། །མཆེད་འཁོར་སུམ་བརྒྱ་དྲུག་ཅུ་དང་། །དམག་དཔུང་བྱེ་བ་འབུམ་སྡེས་བསྐོར། །ཀུན་ཀྱང་ཁྲོ་གཏུམ་བརྗིད་པའི་གཟུགས། །དར་ཚོན་རོལ་མོས་ནམ་མཁའ་གང་། །བདེ་གཤེགས་སྟོང་གི་བསྟན་པ་བསྲུང་། །པདྨ་འབྱུང་གནས་བཀའ་བཞིན་བསྒྲུབ། །ཆོས་རྒྱལ་མངའ་རིས་བུ་བཞིན་སྐྱོང་། །དབུས་གཙང་རུ་བཞིའི་ཡུལ་ལྷ་མཛད། །རྗེ་དཔོན་ཡོངས་ཀྱི་དགྲ་ལྷར་གྱུར། །རྡོ་རྗེ་འབར་བ་རྩལ་ལ་བསྟོད། །ལྷ་ཆེན་ཡོངས་ཀྱི་རྗེ་བོར་བསྟོད། །དྲི་ཟའི་རྒྱལ་པོ་ཁྱོད་ལ་བསྟོད། །དེང་ནས་རིགས་འཛིན་མཆོག་ཐོབ་བར། །སྙན་པ་ནམ་མཁའི་འབྲུག་ལྟར་སྒྲོགས། །གྲགས་པ་གཟའ་སྐར་འོད་ལྟར་ཁྱེ། །དབུ་འཕང་རི་རྒྱལ་རྩེ་ལྟར་བསྟོད། །རིགས་བརྒྱུད་ཆུ་བོའི་གཞུང་ལྟར་སྤེལ། །དགོས་འདོད་དཔག་(༥ན)

― GLG025_Page_0733 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་ཤིང་ལྟར་སྩོལ། །སྡེ་བརྒྱད་དྲེགས་པ་བྲན་ལྟར་བཀོལ། །སྨྱོ་འདྲེ་རྒྱལ་པོ་རྡུལ་བཞིན་ཐུལ། །དམ་མེད་མནའ་ཟན་བགེགས་བཞིན་སྒྲོལ། །བདག་གི་ལུས་དང་གྲིབ་མ་བཞིན། །འགྲོགས་ནས་དངོས་གྲུབ་རྣམ་གཉིས་སྩོལ། །ཞེས་འདོད་དོན་ལ་གསོལ་བ་གདབ་ཅིང་མེ་ཏོག་གཏོར། །ཡི་གེ་བརྒྱ་པས་ལྷག་ཆད་ཁ་བཀང་། །མ་འབྱོར་བ་དང་ཉམས་པ་དང་། །གང་ཡང་བདག་བློ་རྨོངས་པ་ཡིས། །བགྱིས་པ་དང་ནི་འགྱིད་སྩལ་གང་། །དེ་ཀུན་མགོན་པོས་བཟོད་པར་གསོལ། །ལྷག་པ་དང་ནི་ཆད་པ་དང་། །ཆོ་གའི་ཡན་ལག་ཉམས་པ་དང་། །བདག་སོགས་བརྗེད་ངས་ཅི་མཆིས་པ། །དེ་ཡང་བཟོད་པར་མཛད་དུ་གསོལ། །འདི་ནི་གཟུགས་དང་ལྷན་ཅིག་ཏུ། །འགྲོ་བའི་དོན་དུ་བཞུགས་ནས་ཀྱང་། །ནད་མེད་ཚེ་དང་དབང་ཕྱུག་དང་། །མཆོག་རྣམས་ལེགས་པར་སྩལ་དུ་གསོལ། །ཨཱོཾ་སུ་པྲ་ཏིཥྛ་བཛྲེ་སྭཱ་ཧཱ། ཞེས་མེ་ཏོག་གཏོར་ནས་རྟེན་ལ་བསྟིམ་ཞིང་བརྟན་བཞུགས་ཀྱང་བྱ། ཤིས་བརྗོད་ནི། ཧཱུཾ། གར་དབང་འོད་མཐའ་ཡས་པ་ཆོས་ཀྱི་སྐུ། །གདུག་པ་འདུལ་མཛད་རྟ་མགྲིན་ལོངས་སྤྱོད་རྫོགས། །མཚོ་ལས་སྐྱེས་པའི་རྡོ་རྗེ་སྤྲུལ་པའི་སྐུ། །དབྱེར་མེད་ཡེ་ཤེས་སུམ་ལྡན་བཀྲ་ཤིས་ཤོག །ས་བརྒྱད་བརྙེས་ཀྱང་བསྟན་དང་འགྲོ་བའི་དོན། །དྲེགས་པའི་སྡེ་དཔོན་ཚུལ་འཛིན་གཉན་གྱི་རིགས། །དྲི་ཟའི་རྒྱལ་པོ་རྡོ་རྗེ་འབར་བ་རྩལ། །རྣམ་འགྱུར་ཅིར་ཡང་སྟོན་པའི་བཀྲ་ཤིས་ཤོག །ཞི་རྒྱས་དབང་དྲག་ལས་ཀུན་བསྒྲུབ་མཛད་པའི། །གསང་ཡུམ་མཆེད་བློན་སྤྲུལ་པ་ཡང་སྤྲུལ་དང་། །སྡེ་བརྒྱད་དྲེགས་པའི་དམག་གི་དཔུང་ཚོགས་སོགས། །གྲངས་མེད་འཁོར་ཚོགས་རྒྱ་མཚོའི་བཀྲ་ཤིས་ཤོག །བདུད་དང་རྒྱལ་འགོང་དམ་སྲི་འབྱུང་པོའི་རིགས། །དངོས་དང་ཡིད་ལ་བརླབས་པའི་སྐྱེ་བོའི་མཚོན། །ནག་པོའི་རྩ་ལག་བ་དན་རབ་བསྙལ་(༥བ)

― GLG025_Page_0734 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། །དཀར་ཕྱོགས་རྒྱལ་མཚན་བསྒྲེང་པའི་བཀྲ་ཤིས་ཤོག །བོད་སྐྱོང་ལྷ་རིགས་དངོས་དང་དངོས་འདྲ་བ། །ཆེ་མཉམ་བསོད་ནམས་ལྡན་པ་ཡ་རབས་ཀྱི། །སྐུ་ལྷ་གཉན་པོ་མཛད་ནས་གངས་ལྗོངས་འདིར། །བདེ་སྐྱིད་དགའ་སྟོན་དཔལ་འབར་བཀྲ་ཤིས་ཤོག །ཅེས་མེ་ཏོག་གི་ཆར་དབབ་བོ། །བྱང་སེམས་ནམ་མཁའི་སྙིང་པོ་གདུལ་དཀའི་འགྲོ །གཉན་པོར་སྲིད་གསུམ་བདག་པོ་ཚངས་པ་ཆེ། །མཆོད་བཀང་ཚིག་ཉུང་དོན་ཚང་འཁྱེར་བདེ་བ། །ཕྱོགས་འདི་གོམས་པའི་བློ་གྲོས་མཐུ་ལས་བྱུང་། ཁྲི་སྲོང་རིགས་ཀྱི་ཐིག་ལེའི་བག་ཆགས་མཐུ། །ཡོངས་སད་བོད་དང་བོད་ཆེན་འཛིན་མའི་གཞིར། །དབང་སྒྱུར་སངས་རྒྱས་རྒྱ་མཚོའི་དགྲ་ལྷ་མཆོག །གསོལ་ཆེད་ཟ་ཧོར་བནྡེས་ཡི་གེར་བཀོད། །སོར་མོའི་འདུ་བྱེད་གོང་དཀར་དཀར་བྲག་པ། །ངག་དབང་བྱམས་པའི་རྣམ་དཔྱོད་ཀྱིས་བསྒྲན་པའི། །བསོད་ནམས་འབྲས་བུ་ཡིད་སྲུབས་ལས་རྒྱལ་ནས། །འགྲོ་ཀུན་སྐྱིད་པའི་ཉི་མ་གུང་འཆར་ཤོག །སརྦ་མངྒ་ལཾ།

སྟག་ཞོན། རྒྱལ་ཆེན་སྡེ་བཞི། བཀའ་སྲུང་བརྒྱད་མཆོད། ཐང་ལྷ། ཁྱབ་མཇུག རྒྱལ་བཙན། རྡོར་ལེགས། ཞིང་སྐྱོང་། མཐུ་ཆེན་སྡེ་བཞི། ཕུར་སྲུང་རྣམས་ཀྱི་གསོལ་མཆོད། གཞི་བདག་གཏོར་མ་དང་བཅས་པ།

― GLG025_Page_0735 ―

^{[མ་དཔེ་གཟིགས་ན་འདིར་གནོན།]}

[Full Size]

སྟག་ཞོན། རྒྱལ་ཆེན་སྡེ་བཞི། བཀའ་སྲུང་བརྒྱད་མཆོད། ཐང་ལྷ། ཁྱབ་མཇུག །རྒྱལ་བཙན། རྡོར་ལེགས། ཞིང་སྐྱོང་། མཐུ་ཆེན་སྡེ་བཞི། ཕུར་སྲུང་རྣམས་ཀྱི་གསོལ་མཆོད། གཞི་བདག་གཏོར་མ་དང་བཅས་པ་བཞུགས་སོ། །

― GLG025_Page_0736 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་མགོན་སྟག་ཞོན་གྱི་གསོལ་མཆོད་བཀླགས་ཆོག་འཁྱེར་བདེ་གསར་སྒྲིགས་ནས་ཕྱུང་བ་ནི། མཆོད་གཏོར་སྤྱན་གཟིགས་རྣམས་ཕྱག་ལེན་ལྟར་འདུ་བྱས་ལ། །ཧཱུཾ། རབ་འཇིགས་དུར་ཁྲོད་ཆེན་པོ་ལྕང་ལོ་ཅན། །རི་བོ་མ་ལ་ཡ་ཡི་གནས་མཆོག་ནས། །གནམ་ལྕགས་ཨུར་མོ་རབ་ཏུ་ཏ་ལ་ལ། །རཀྟའི་རྒྱ་མཚོ་རྦ་ཀློང་མེར་རེ་རེ། །ཞིང་ཆེན་ཀེང་རུས་ལྷུ་དུམ་ཁྲོལ་ལོ་ལོ། །འདབ་ཆགས་ཤ་ཟ་མང་པོའི་ལྡིང་ཞིང་འདུར། །གསུར་ཆེན་དུད་པའི་ཚོགས་ནི་འཁྱིལ་ཞིང་འཚུབ། །དེ་འདྲའི་དུར་ཁྲོད་རབ་ཏུ་འཇིགས་པ་ནས། །གྱིང་ཆེན་མགོན་པོ་ཡབ་ཡུམ་སྐུ་བསྐྱེད་ལ། །གྲུ་གསུམ་མཐིང་ནག་འབར་བའི་དཀྱིལ་འཁོར་འདིར། །གྱིང་བདུད་མ་མོ་འཁོར་དང་བཅས་པ་རྣམས། །དམ་ཚིག་དབང་གིས་སྤྱན་འདྲེན་གཤེགས་སུ་གསོལ། །ཨཱོཾ་ཤྲཱི་མ་ཧཱ་ཀཱ་ལཱ་ཡ་ཏྲི་ཡཾ་ཛཿཛཿ ཏྲག་རཀྴ་ཧ་ལ་ཛཿཛཿ དུན་རུ་ཏྲ་རུ་ཐུཾ་བྷ་ཏི་ཛཿ ཤུ་ལ་ར་ཙ་ཏྲི་ཤཾ་ཛཿ ཡཾ་ཛ༔བཛྲ་ཏྲི་རྣ་ས་དྷུ་ཁ་ཐུཾ་ཏྲི་ས་མ་ཡ་ཛཿཛཿ ས་པ་རི་ཝཱ་ར་ཨཱ་གཙྪ་ཡ་ཡཱ་གཙྪ་ཡ། (༢ན)

― GLG025_Page_0737 ―

^{[མ་དཔེ་གཟིགས་ན་འདིར་གནོན།]}

[Full Size]

པྲ་བེ་ཤཱ་ཡ་པྲ་བེ་ཤཱ་ཡ། ཏིཥྛ་ཏིཥྛ། བནྡྷཱ་ཡ་བནྡྷཱ་ཡ། ཨ་ཝ་ལོ་ཀཱ་ཡ། ཨ་ཝ་ལོ་ཀཱ་ཡ། ཨཱ་ཀཪྵཱ་ཡ་ཧཱུཾ་ཛཿ ཧཱུཾ། རྡོ་རྗེ་འཛིན་པའི་སྤྱན་སྔ་རུ། ཁས་བླངས་དམ་བཅས་མ་བསྙེལ་པར། །གྲུ་གསུམ་མཐིང་ནག་དཀྱིལ་འཁོར་འདིར། །བཞུགས་ལ་བཅོལ་བའི་འཕྲིན་ལས་མཛོད། །མ་ཧཱ་ཀཱ་ལ་ས་པ་རི་ཝཱ་ར་ཏིཥྛ་བཛྲ་ས་མ་ཡ་སྟྭཾ། ཧཱུཾ། བསྟན་པ་བསྲུང་བར་ཞལ་བཞེས་པའི། །ནག་པོ་ལྕམ་དྲལ་འཁོར་བཅས་ལ། །ཛ་གད་བདུད་རྩི་རཀྟ་དང་། །དབང་པོའི་མེ་ཏོག་གསུར་ཆེན་སྤོས། །ཞུན་ཆེན་སྒྲོན་མེའི་སྣང་གསལ་དང་། །དམར་ཆེན་མཁྲིས་པའི་དྲིའི་བྱུག་པ། །དམར་ནག་བཤོས་བུ་འབར་བའི་ཟས། །རོལ་མོའི་སྒྲ་དབྱངས་མཆོད་པར་འབུལ། །ཨཱོཾ་ཤྲཱི་མ་ཧཱ་ཀཱ་ལཱ་ཡ་ས་པ་རི་ཝཱ་ར་ཨརྒྷཾ་ནས། ཤཔྟ་པྲ་ཏཱིཙྪ་ཡེ་སྭཱ་ཧཱའི་བར་བརྗོད། ཧཱུཾ། ལྕང་ལོར་བཅས་པའི་དུང་ཆེན་བནྡྷ་རུ། །བྱང་ཆུབ་སེམས་དང་མཾ་ས་རཀྟ་དང་། །དྲི་ཆེན་གོ་ཀུ་ཆུ་སྟེ་བདུད་རྩི་ལྔ། །གཉིས་མེད་སྦྱར་བའི་དམ་རྫས་ཨ་མྲྀ་ཏ། །ནག་པོ་སྟག་ཞོན་འཁོར་དང་བཅས་ལ་འབུལ། །ཨཱོཾ་ཤྲཱི་མ་ཧཱ་ཀཱ་ལཱ་ཡ་ས་པ་རི་ཝཱ་(༢བ)

― GLG025_Page_0738 ―

^{[མ་དཔེ་གཟིགས་ན་འདིར་གནོན།]}

[Full Size]

ར་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཧཱུཾ། བདུད་འདུལ་དབང་ཕྱུག་ནག་པོ་འཇིགས་བྱེད་ཆེ། །མ་ཧཱ་ཀཱ་ལ་རྡོ་རྗེ་འཇིགས་པའི་ཚོགས། ཁམས་གསུམ་སྒྲོལ་གྱིང་ཆེན་པོའི་དངོས་གྲུབ་ནི། །སྒྲུབ་མཆོག་རྣལ་འབྱོར་བདག་ལ་དུས་འདིར་སྩོལ། །ཨཱོཾ་ཤྲཱི་མ་ཧཱ་ཀཱ་ལ་ས་པ་རི་ཝཱ་ར་ཀཱ་ཡ་སིདྡྷི་ཨཱོཾ། ཝཱ་ཀྐ་སིདྡྷི་ཨཱཿ ཙིཏྟ་སིདྡྷི་ཧཱུཾ། ཧཱུཾ། རླུང་ནག་འཚུབ་མའི་ཀློང་དཀྱིལ་ནས། །མོན་པ་ནག་པོ་བརྡ་མི་འཕྲོད། །མགྱོགས་བྱེད་དཔའ་བོ་སྟག་ལ་ཞོན། །བདུད་བཙན་སྲིན་པོ་མ་མོ་གྱིང་། །ཀླུ་ཡི་ཚོགས་དང་བཅས་པ་ཡི། །ནག་པོ་ཆེན་པོ་འཁོར་བཅས་ལ། །དམ་རྫས་རཀྟ་དམར་ཆེན་འབུལ། །བདག་གི་དགྲ་བགེགས་མྱུར་དུ་སྒྲོལ། །ཨོཾ་ཤྲཱི་མ་ཧཱ་ཀཱ་ལཱ་ཡ་ས་པ་རི་ཝཱ་ར་མ་ཧཱ་མཾ་ས། མ་ཧཱ་ཙིཏྟ། མ་ཧཱ་ཀིཾ་ནྲྀ་ཏི་ཁ་ཁ་ཁཱ་ཧི་ཁཱ་ཧི། ཨོཾ་ཤྲཱི་མ་ཧཱ་ཀཱ་ལཱ་ཡ་ས་པ་རི་ཝཱ་ར་ས་མ་ཡ་སྨ་ར། ས་མ་ཡ་མ་ཏི་ཀྲ་མ། ས་མ་ཡ་རཀྵ་ནྟུ། ཀྱེ། སྟག་ལ་ཞོན་པའི་ནག་པོ་ཆེ། །འཁོར་དང་བཅས་པ་ཁྱེད་རྣམས་ཀྱིས། །ཞི་རྒྱས་དབང་དྲག་ལས་རྣམས་ཀུན། །བཅོལ་བ་ཇི་བཞིན་སྒྲུབ་པར་མཛོད། །ཧཱུཾ། གཏོར་ཚོགས་མི་དམིགས་སྟོང་པའི་ངང་། །ཨེ་ལས་གནམ་ལྕགས་འབྲུབ་ཁུང་ནང་། །ཪྣྲི་དང་ཏྲི་ལས་དགྲ་བགེགས་ཀྱི། །གཟུགས་བརྙན་ཉམ་ཐག་རྣམ་པར་གྱུར། །རྣི་ཛཿ ཏྲི་ཛཿ བཛྲ་ཨཾ་ཀུ་ཤ་ཛཿ བཛྲ་པཱ་ཤ་ཧཱུཾ། བཛྲ་སྤོ་ཊ་བཾ། བཛྲ་གྷཎྚ་ཧོཿ བཛྲ་པྲ་བེ་ཤཱ་ཡ་ཕཊ། ཨ་བེ་ཤཱ་ཡ་ཨ། རང་དང་མགོན་པོའི་ཐུགས་ཀ་ལས། །འཕྲོས་པའི་འོད་ཟེར་ལྕགས་ཀྱུ་ཡིས། །གནོད་བྱེད་དམ་ཉམས་དགྲ་བགེགས་ཚོགས། །སྐད་ཅིག་ཙམ་ལ་འདིར་ཁུག་ཅིག །(༣ན)

― GLG025_Page_0739 ―

^{[མ་དཔེ་གཟིགས་ན་འདིར་གནོན།]}

[Full Size]

གྲི་གུག་འབར་བས་ཁོག་པ་ཤོགས། །ཚེ་སྲོག་དྲོད་དང་རྣམ་ཤེས་གོ །སྲུང་བ་འབྲུ་གསུམ་རྣམ་པར་ཐོན། །རང་གི་གནས་གསུམ་དག་ལ་ཐིམ། །ཨཱོཾ་ཨཱཿཧཱུཾ། ཕོ་ཉའི་ཚོགས་ཀྱི་མཚོན་ཆ་ཡིས། །ཤ་ཁྲག་རུས་པ་དུམ་བུར་གཏུབས། །འབྲུ་གསུམ་གྱིས་མཚན་འོད་ཟེར་གྱིས། །དུག་གསུམ་སྦྱངས་ནས་བདུད་རྩིར་བསྒྱུར། །ཧཱུཾ། ད་ནི་ཁྲོ་བོའི་རྒྱལ་པོ་སྟེ། །ལག་ན་རྡོ་རྗེ་རྡོ་རྗེ་འཆང་། །རྡོ་རྗེའི་ལུས་ལ་རྡོ་རྗེ་འཕྲོས། །ཐམས་ཅད་མ་ལུས་ཟིལ་གྱིས་གནོན། །དེ་ཡི་བཀའ་ཉན་མཐུ་བོ་ཆེ། །ཆོས་སྐྱོང་མགོན་པོ་བསྟན་སྲུང་མགོན། །མ་ཧཱ་ཀཱ་ལ་མཐུ་རྩལ་ཅན། །ཟས་སུ་དགྲ་བོའི་ཤ་ཟ་ཞིང་། །སྐོམ་དུ་དགྲ་བོའི་སྙིང་ཁྲག་འཐུང་། ཁྱོད་ནི་ཤ་ཟ་ཁྲག་འཐུང་སྟེ། །བསྟན་པ་གཉན་པོ་བསྲུང་སླད་དུ། །རྨད་དུ་བྱུང་བའི་གཏོར་མ་དང་། །དགྲ་བོའི་ཤ་ཁྲག་མཆོད་པར་བཞེས། །བཅོལ་བའི་འཕྲིན་ལས་མྱུར་དུ་སྒྲུབས། །དམ་ཉམས་དགྲ་འདི་ད་ལྟ་སྒྲོལ། །དུས་ལ་བབ་བོ་ས་མ་ཡཱ། །ཨོཾ་ཤྲཱི་སོགས། མགོན་པོ་ཡབ་ཡུམ་མོན་པ་དང་བཅས་པའི་སྔགས་སྦྲེལ་བའི་རྗེས་སུ། ས་པ་རི་ཝཱ་ར་སརྦ་བིགྷ་ན་ཤ་ཏྲཱུཾ་མཱ་ར་ཡ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ་གྱིས་དབུལ་ལོ། །ཚར་ཆེན་ཆོས་ཀྱི་རྒྱལ་པོས་མཛད་པའི་གཏོར་ཆོག་སྟེང་ནས་ཟ་ཧོར་བནྡེས་ཉུང་ངུར་བསྡུས་པའོ། །རྒྱལ་ཆེན་སྡེ་བཞི་མཆོད་པ་ནི། བདག་ཉིད་ལྷ་ཡི་ཐུགས་ཀ་ནས། །ཞེས་པ་ནས། ཤཔྡའི་བར་ཕུར་པའི་སྒྲུབ་ཆེན་དངོས་གྲུབ་རྒྱ་མཚོ་ལྟར་གཏོང་། །བྱང་གཏེར་བཀའ་སྲུང་བརྒྱད་ཀྱི་(༣བ)

― GLG025_Page_0740 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མ་སོ་སོར་རམ་མདོར་བསྡུས་འཁྱེར་བདེ་བྱེད་པ་ཕྱག་ལེན་ལྟར་སྐབས་ཐོབ་དང་སྦྱར་ཏེ་བཤམས་ལ། ཧཱུཾ། ཀུན་བཟང་ཐུགས་སྤྲུལ་སངས་རྒྱས་ཀུན་གྱི་ཡུམ། །ཞལ་གཅིག་ཕྱག་གཉིས་ཁ་ཊྭཱཾ་བྷནྡཱ་ཐོགས། །སྨུག་ནག་སྤྲིན་དཀར་འཇའ་ཡི་མཐའ་ཅན་གྱོན། །ཨེ་ཀ་ཛཱ་ཊཱི་རལ་གཅིག་གཤེགས་སུ་གསོལ། །དུར་ཁྲོད་བརྒྱད་དབུས་མ་མོ་རོ་ཁ་མ། །ནམ་གྲུ་ཙ་མུནྟི་གསུམ་༴ ཉི་མ་བྱང་ཕྱོགས་གནས་ནས་རེ་མ་ཏཱི། །མ་གཅིག་དཔལ་ལྡན་གནས་འདིར་༴ དམར་ནག་པདྨ་ཁྲོས་པའི་དུར་ཁྲོད་ནས། །དབང་གི་མ་མོ་མཆེད་བདུན་༴ རི་ལུང་ཐང་དམར་ཟངས་མཁར་དམར་པོ་ནས། །སྒྲོལ་གིང་ཆེན་པོ་བཙན་རྒོད་༴ སྟེང་ཕྱོགས་ནམ་མཁའ་འོད་ཀྱི་གཞལ་ཡས་ནས། །ལེགས་ལྡན་ཆེན་པོ་གནས་འདིར་༴ སྙིང་ཉེ་བཀའ་ཉན་གཏེར་བདག་གཤོག་རྒོད་རྩལ། །དམ་ཅན་རྡོ་རྗེ་ལེགས་པ་༴ དྲི་ཟའི་རྒྱལ་པོ་རྡོ་རྗེ་འབར་བ་རྩལ། །སྔོན་གྱི་དམ་ཚིག་དགོངས་ལ་༴ ཁ་བ་ཅན་གྱི་ཡུལ་བདག་སྲུང་མ་ཆེ། །བསྟན་མ་བཅུ་གཉིས་འཁོར་བཅས་༴ བཀྲ་བཟང་རི་བོའི་གནས་ནས་ཉེ་བའི་དབང་། །རི་དེའི་ཕྱོགས་བཞིར་ལྷ་བདུད་བཙན་ཀླུ་ཡི། །དགེ་བསྙེན་ཁྲོམ་པ་སྐྱེས་བཞི་མཚམས་བཞི་ནས། །ཀླུ་སྲས་བུ་ལེ་དཀར་པོ་རྒྱལ་ཐང་དཀར། །ཀླུ་བཙན་སྤུན་གསུམ་རྣོ་མྱུར་ནག་པ་སོགས། །གཏེར་སྲུང་འཁོར་བཅས་གནས་འདིར་གཤེགས་སུ་གསོལ། །ཨཱོཾ་བཛྲ་ཏྲ་ག་རཀྴ་ཨེ་ཀ་ཛཱ་ཊཱི་མ་མ་རཀྨོ་ཏྲ་ཏྲ་ཏྲཀ །མ་ཧཱ་ཡཀྴ་ནག་མོ། པདྨ་ཌཱ་ཀི་ནཱི་ཡ་མ་ཤུ་ཏྲི། མ་ཧཱ་ཀཱ་ལ། བཛྲ་སཱ་ཧཱུཾ། བཛྲ་ཐང་ཀ་ར། མ་མ། ཁ་ཁ། (༤ན)

― GLG025_Page_0741 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ལ། ལེ་ལེ། ཏ་ཏ། ཏེ་ཏེ། དྷ་རྨ་པཱ་ལ་ས་པ་རི་ཝཱ་ར་བཛྲ་ས་མ་ཡ་ཛཿ དེ་ནས་མཆོད་འབུལ་ནི། ཧཱུཾ། བཀའ་སྲུང་འཁོར་དང་བཅས་པའི་སྤྱན་ལམ་དུ། །རཀྟ་གསུར་ཆེན་དུད་པ་ཚིལ་ཆེན་སྒྲོན། །ཤ་རུས་ཞལ་ཟས་ཐོད་རྔ་རོལ་མོའི་སྒྲ། །དམ་རྫས་གཏོར་མ་བདུད་རྩི་ཨ་མྲྀ་ཏ། །དྲི་ཟའི་རྒྱལ་པོ་བཤོས་དང་གཡའ་གངས་ཆུ། །སྤོས་དཀར་དུད་པ་རིན་ཅེན་རྣམ་པ་ལྔ། །དར་དང་ཟ་འོག་འབྲས་དཀར་གཙང་མ་དང་། །གསང་ལུག་ལ་སོགས་རང་རང་མཐུན་པའི་རྫས། །ཀླུ་རྣམས་དཀར་གསུམ་བདུད་རྩི་རིན་ཅེན་ལྔ། །ཀླུ་སྨན་ལ་སོགས་རང་རང་དགྱེས་པ་ཡི། །འདོད་པའི་ལོངས་སྤྱོད་ཚོགས་རྣམས་རབ་འབུལ་གྱི། །དགའ་བདེར་སྤྱོད་ལ་མཐུན་པའི་ལས་རྣམས་སྒྲུབས། །གོང་གི་ས་པ་རི་ཝཱ་རའི་མཇུག་ཏུ། །མ་ཧཱ་པཉྩ་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི། མ་ཧཱ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། འཕྲིན་བཅོལ་ནི། བཀའ་སྲུང་སྡེ་བརྒྱད་མཆེད་ཟླ་བྲན་གཡོག་རྣམས། །རྒྱལ་བའི་བསྟན་དང་རྣལ་འབྱོར་མ་གཡེལ་སྲུངས། ཁྱད་པར་གསང་སྔགས་ཟབ་མོའི་ཆོས་འདི་སྐྱོངས། །ལོག་པར་འདྲེན་པའི་དམ་ཉམས་དགྲ་བོ་ལ། །བསད་བསྐྲད་རེངས་རྨོངས་རྫུ་འཕྲུལ་སྣ་ཚོགས་སྟོན། །བོད་ཁམས་རུ་བཞི་ནད་འཁྲུག་ཉེར་འཚེ་ལས། །སྐྱོབས་ལ་གནས་ཆེན་བྱིན་རློབས་ཟབ་གཏེར་སྲུངས། །མདོར་ན་བཅོལ་བའི་ལས་ཀུན་སྒྲུབ་པར་མཛོད། །ཅེས་རྡོ་རྗེ་དྲག་པོ་རྩལ་གྱི་གཏོར་སྲུངས་རྣམས་ལ་མཆོད་གཏོར་འབུལ་ཚུལ་མདོར་བསྡུས་འདི་ཡང་མེད་དུ་མི་རུང་བའི་ཕྱིར་ཐུགས་སྒྲུབ་རྣམ་གསུམ་གྱི་ཆ་(༤བ)

― GLG025_Page_0742 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་ཏུ་གཏེར་གཞུང་དངོས་བསྟན་མ་འཁྱོངས་པས་འཁྱེར་བདེ་བའི་སླད་དུ་ཟ་ཧོར་བནྡེས་བཀོད་པའོ། །ཐང་ལྷ་སྒེར་དུ་གསོལ་བ་ནི། ཧཱུཾ། ཡེ་ཤེས་ལྷ་བྲག་གཏེར་གཞུང་ལྷད་མེད། གཞལ་ཡས་བསྐྱེད་ཀྱིས་རྒྱ་མ་ཆུང་། །སེང་གེ་གླང་ཆེན་ཁྲི་བཤམས་དཔངས་མ་དམའ། །ཉི་ཟླ་པདྨའི་གདན་བཏིང་བཀྲག་མ་ཞན། །ཡེ་ཤེས་ལྷ་མཆོག་བསྙེན་ཅིང་རྒྱང་མ་རིང་། །འཇིག་རྟེན་སྲུང་མ་བསྒྲུབ་ཀྱི་མཐུ་མ་ཆུང་། འདིར་གཤེགས་ཉི་ཟླའི་གདན་ལ་བཞུགས་སུ་གསོལ། །རྡོ་རྗེ་འབར་བ་རྩལ། །ས་མ་ཡ་ཛཿཛཿ ཧཱུཾ། སྐུ་ལྷའི་ཡབ་སྨོས་པ། འོ་དེ་གུང་རྒྱལ་ལགས། སྐུ་ལྷའི་ཡུམ་སྨོས་པ། །གཡུ་བྱ་གཤོག་གཅིག་ལགས། །སྐུ་ལྷ་ཉིད་སྨོས་པ། ཡ་ཞུར་གཉན་གྱི་ལྷ། །གཞུགས་ཡུལ་མཚན་གསོལ་བ། །འདམ་ཤོད་སྣར་མ་ལགས། ཁྲི་རྒོད་གཡུ་ལྗང་འཁྲིལ། །དབྱར་སྔོ་དགུན་ཡང་སྔོ། །བཞུགས་ཡུལ་ཉམས་རེ་དགའ། །དགྱེས་སོ་ལྷ་ཡི་ཡུལ། །མི་ཆོས་མཚན་གསོལ་བ། །ཐང་ལྷ་ཡ་ཞུར་ལགས། །ལྷ་ཆོས་མཚན་གསོལ་བ། །དྲི་ཟའི་རྒྱལ་པོ་ནི། །ཟུར་ཕུད་ལྔ་པ་ལགས། །གསང་བའི་མཚན་གསོལ་བ། །རྡོ་རྗེ་འབར་བ་རྩལ། །སྐུ་ལ་ཅི་གསོལ་ན། །དར་དཀར་རས་དཀར་གསོལ། །ཆིབས་སུ་ཅི་ཆིབས་ན། །ལྷ་རྟ་ངང་དཀར་ཆིབས། ཁམས་གསུམ་ཀུན་ཏུ་རྒྱུ། །མདོག་དཀར་འོད་ཟེར་འབར། །གཡས་ན་སྤ་ལྕག་འཕྱར། །མ་བདུན་ལས་ལ་འགྱེད། །གཡོན་པ་ཤེལ་འཕྲེང་འདྲེན། །ཐུགས་དམ་དབྱིངས་སུ་ཟློ། །སྤྲུལ་པ་ཅི་འགྱེད་ན། །རྟ་དམག་འབུམ་སྡེ་འགྱེད། །ཕྲན་གཡོག་འཁོར་དང་བཅས། །འདིར་(༥ན)

― GLG025_Page_0743 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོན་འཕྲིན་ལས་མཛོད། །དམ་ཅན་ཀུན་གྱི་ལྷ། །དམ་མེད་ཀུན་གྱི་གཤེད། །མནའ་ཟན་ཀུན་གྱི་བདུད། །རྣལ་འབྱོར་ཀུན་གྱི་དཔལ། །སྒྲུབ་མཆོག་བདག་གི་གྲོགས། །འཕྲིན་ལས་སྐལ་ཕོག་པ། །སྨྱོ་བའི་འདྲེ་འདུལ་ཞིང་། །སྡང་བའི་དགྲ་སྲོག་གཅོད། །མགྱོགས་སུ་རྟ་གཏོད་ཀྱི། །རྨིག་ཐོགས་ཟོར་མ་ལྕི། །རྣོ་རུ་མཚོན་བརྡར་གྱི། །རྩེ་མོ་དབལ་མ་ཞན། །ཅི་དང་དོ་སྔོ་ན། །དོ་ཐག་ཆད་ཏ་རེ། །མགྱོགས་དང་དཀྱུས་མཉམ་ན། །དཀྱུས་ཐོག་ཤོར་ར་རེ། །སྡང་དགྲས་འཁྱེར་ར་རེ། །བྱམས་ཀྱིས་སྐྱོང་ཏ་རེ། །དུས་ལ་བབ་བོ་ས་མ་ཡ། །དམ་ཚིག་རྗེས་སུ་དྲན་པར་གྱིས། །ལས་ལ་བབ་བོ་བགེགས་ཀྱི་རྒྱལ། །བཅོལ་བའི་འཕྲིན་ལས་སྒྲུབ་པར་མཛོད། །དབུས་གཙང་རུ་བཞིའི་ཡུལ་ལྷ་ཁྱེད། །ཆོས་སྐྱོང་རྒྱལ་པོ་ལྷ་ཡི་སྲས། ཁྲི་སྲོང་ལྡེའུ་བཙན་སྐུ་ལྷ་ཡིན། །ཨྱོན་པདྨ་འབྱུང་གནས་ཀྱིས། །དམ་ལ་བཏགས་པའི་དམ་ཚིག་ཅན། །ད་ལྟ་ཅི་བསྒོའི་ལས་རྣམས་ཉོན། །ཕྱི་རབས་བསྟན་པའི་ཐ་མ་ལ། །ཨྱོན་པདྨ་འབྱུང་གནས་ཀྱི། །རྗེས་སུ་འཇུག་པའི་སྔགས་འཆང་དང་། །ཆོས་རྒྱལ་ཁྲི་སྲོང་ལྡེའུ་བཙན་གྱི། །ལྷ་བརྒྱུད་ཆགས་པའི་རྗེ་རེགས་རྣམས། །མཐོ་མཐོ་གུང་ལ་རིག་པ་དང་། །དམའ་དམའ་བུ་བཞིན་སྐྱོང་བར་གྱིས། །བོད་ཁམས་རུ་བཞི་ཕྱུགས་བཞིན་སྐྱོངས། །བསམ་ཡས་ལྷ་ཁང་དཀོར་བཞིན་སྲུངས། །བསྐལ་བ་ཐ་མའི་སེམས་ཅན་ལ། ཁྱེད་ཀྱིས་སྲུང་སྐྱོབ་མ་བྱེད་དུ། །དང་པོ་བྱང་ལམ་བར་པ་རུ། །གསང་བདག་ཕྱག་ན་རྡོ་རྗེ་ཡིས། །སྲོག་སྙིང་གཟིར་བ་མི་དྲན་ནམ། །བར་དུ་བསམ་ཡས་ཧས་པོ་རིར། །དབང་ཆེན་(༥བ)

― GLG025_Page_0744 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་ཧེ་རུ་ཀས། །དབང་དུ་བསྡུས་པ་མི་དྲན་ནམ། །ཐ་མ་རི་རྒྱལ་བཀྲ་བཟང་གི །རྩེ་མོར་ལྷ་སྲིན་ཀུན་བསགས་ནས། །དཔལ་ཆེན་རྡོ་རྗེ་གཞོན་ནུ་ཡིས། །དམ་ཚིག་ཕོག་པ་མི་དྲན་ནམ། །ང་ནི་པདྨ་འབྱུང་གནས་ཡིན། ཁྱོད་ནི་གཉན་ཆེན་ཐང་ལྷ་ཡིན། །ཡུལ་ནི་དབུས་གཙང་རུ་བཞི་ཡིན། །བྱིན་རླབས་སྤྲིན་ལྟར་ཐིབས་སེ་ཐིབ། །ཐུགས་རྗེ་ཆར་ལྟར་ཤར་ར་ར། །དམ་ཚིག་མདངས་ལྡན་ཡལ་ལ་ལ། །ཐང་ལྷ་གཉན་པོ་གཤེགས་སུ་གསོལ། །སྐུ་ལྷ་གཉན་པོ་འཁོར་བཅས་ལ། །བརྗིད་ལྡན་བཟང་རིར་བཤོས་ཀྱིས་མཆོད། །གཡའ་ཆུ་གངས་ཆུ་གཙང་མས་མཆོད། །དྲི་ཞིམ་སྤོས་དཀར་དུད་པས་མཆོད། །གསེར་དངུལ་རིན་ཅེན་སྣ་ལྔས་མཆོད། །རྔོན་ཆ་དར་དང་ཟ་འོག་མཆོད། །གསང་ལུག་འབྲས་དཀར་གཙང་མས་མཆོད། །ཨོཾ་བཛྲ་ཐང་ཀ་ར་མུན་ཉིང་ཁུ་ཤ་ལི་ཤ་ཨ་མྲྀ་ཏ་ཁ་ཁ་ཁཱ་ཧི་ཁཱ་ཧི་སྭཱ་ཧཱ། །རྒྱལ་བ་ཀུན་གྱི་མཐུ་སྟོབས་ནུས་པའི་ཚོགས། །གཅིག་བསྡུས་གསང་བའི་བདག་པོ་རྡོ་རྗེ་འཛིན། །དབྱེར་མེད་དཔལ་ལྡན་རྩ་བའི་བླ་མ་ལ། །སྙིང་ནས་འདུད་དོ་བརྩེ་བའི་སྤྱན་གྱིས་སྐྱོངས། །སྲིད་གསུམ་དྲེགས་པ་ཟིལ་གནོན་མཚོ་སྐྱེས་རྗེ། །དྲག་སྔགས་གཏེར་གྱི་སྒོ་འབྱེད་ལས་འབྲེལ་རྩལ། །ཚུལ་འདིར་མཁས་ཤིང་གྲུབ་པ་བརྙེས་པ་ཡི། །རིགས་འཛིན་བླ་མའི་ཚོགས་རྣམས་ཕྱག་གི་ཡུལ། །གང་ཞིག་ལས་ལ་སྦྱར་ན་སྨོས་ཅི་དགོས། །གདེངས་ལྡན་གནོད་ཀྱིས་བསྐུལ་བ་ཙམ་གྱིས་ཀྱང་། །དགྲ་དཔུང་ཕྱེ་མར་འཐག་པ་རཱ་ཧུ་ལའི། །འཕྲིན་ལས་དུག་མདའ་(༦ན)

― GLG025_Page_0745 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་པོ་དེང་འདིར་སྤྲོ། །མཆོད་གཏོར་སྤྱན་གཟིགས་རྫས་རྣམས་མན་ངག་ལྟར། །འཁྲུལ་མེད་མཐོང་བརྒྱུད་ཕྱག་བཞེས་ལྟར་བཤམས་ནས། །བདག་བསྐྱེད་སྤྱིར་བཏང་དམིགས་བསལ་སྐབས་ཐོབ་རྣམས། །དཔྱོད་ལྡན་མན་ངག་ཇི་བཞིན་ཉམས་སུ་ལོང་། །ཨ་མྲི་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་མདུན་དུ་པད་ཟླའི་སྟེང་། །ཧཱུཾ་ལས་སྣ་ཚོགས་རྡོ་རྗེའི་ལྟེ་བར་ཧཱུཾ། །མཚན་པར་འོད་འཕྲོས་རྡོ་རྗེའི་ས་གཞི་དང་། །ར་གུར་བླ་བྲེ་ཡེ་ཤེས་མེ་འབར་བའི། །སྲུང་འཁོར་དབུས་སུ་འཇིགས་རུང་དུར་ཁྲོད་ཆེ། ཁྲག་མཚོ་རྦ་ཀློང་འཁྲུག་དབུས་ཨེ་ལས་ནི། །གྲུ་གསུམ་མཐིང་ནག་མཁའ་མཉམ་ལྟེ་བ་ལ། །པ་རཾ་ཨ་རྣི་ཏྲི་ལས་པདྨ་དང་། །ཉི་ཟླ་དགྲ་བགེགས་གན་རྐྱལ་བསྣོལ་བའི་སྟེང་། །དུ་བའི་མདོག་ཅན་ཏྲི་ལས་འོད་འཕྲོས་པས། །དགྲ་བགེགས་ཚར་བཅད་ཚུར་འདུས་ཏྲིར་ཐིམ་པས། །གཟའ་བདུད་དུད་ཁ་ཞལ་དགུའི་སྟེང་དབུས་དཀར། །བྱ་རོག་མགོ་བཅས་ཞལ་རེར་དམར་ཟླུམ་སྤྱན། །སུམ་ལྡན་རལ་བ་དམར་སེར་གནམ་ས་ཁྱབ། །ཐོད་སྐམ་ལྔ་པ་རིན་ཅེན་རྩེ་ཕྲན་ཅན། །ཆུ་སྲིན་རྒྱལ་མཚན་རལ་གྲིའི་ཡུ་བ་ལྡན། །གཡས་འཛིན་གཡོན་པར་སྦྲུལ་ཞགས་འོག་མ་གཉིས། །མདའ་གཞུ་འགེངས་ཤིང་དུག་མདའ་དགྲ་ལ་འཕེན། །སྐུ་སྨད་དུག་སྦྲུལ་འཁྱིལ་ཞིང་འཇིགས་པའི་ཁ། །ལྟོ་བར་རབ་བགྲད་སྐུ་ལ་སྤྱན་སྟོང་མཛེས། །ཧ་ཧ་ཧཱུཾ་ཧཱུཾ་ཕཊ་ཕཊ་ཕེཾ་ཕེཾ་སྒྲ། །ཞལ་ནས་རབ་སྒྲོག་དགྲ་བོ་ཆེམ་ཆེམ་གསོལ། །གར་དགུའི་ཉམས་ལྡན་ཆེ་ཞིང་ཡན་ལག་རགས། །(༦བ)

― GLG025_Page_0746 ―

^{[མ་དཔེ་གཟིགས་ན་འདིར་གནོན།]}

[Full Size]

ཉི་མ་འབུམ་གྱི་གཟི་འོད་ལས་ལྷག་སྐུར། །སྦྲུལ་གྱི་དོ་ཤལ་ཆུན་པོ་སེ་རལ་ཁ། །མི་མགོའི་དོ་ཤལ་དར་ནག་རིན་ཆེན་རྒྱན། །མི་ལྤགས་གཡང་གཞི་སྟག་ལྤགས་ཤམ་ཐབས་གསོལ། ཁམས་གསུམ་ཡོངས་སུ་ཁེངས་པར་བཞུགས་པའི་གཡས། ཁྲག་མཚོ་རུས་ཁྲིར་རྡོ་རྗེ་སྲིན་པོ་ཡབ། །ཟླ་གམ་རཀྟར་རྡོ་རྗེ་གློག་འགྱུ་ཡུམ། །ཡབ་ཡུམ་སྲས་གསུམ་ནུབ་དང་ཤར་ལྷོ་བྱང་། །ལྷོ་ནུབ་ཤར་དང་ནུབ་བྱང་ལྷོ་དང་ནི། །བྱང་ཤར་རྣམས་སུ་གདུག་ཅན་གདན་སྟེང་ན། །ལྗང་སྔོན་ཆེན་པོ་དྲང་སྲོང་དཀར་སེར་དང་། །བདུད་པོ་རོག་ཏི་བིཥྚི་པ་ཏྲ་དང་། །བིཥྞ་རཱ་ཛ་དུ་བ་མཇུག་རིང་དང་། ཁྱབ་འཇུག་ཆེན་པོ་སྒྲ་གཅན་འཛིན་པ་སྟེ། །ནང་གི་གཟའ་ཆེན་རྣམས་དང་ཕྱོགས་བཞི་ན། །སྟག་སྲིན་ཟོར་གདོང་ཁམ་སྲིན་དྲེད་ཀྱི་གདོང་། །ཀོང་སྲིན་གླང་གདོང་འབྲོག་སྲིན་ཆུ་སྲིན་གདོང་། །གདོང་མོ་བཞིར་བཅས་དེ་དག་ཕྱི་རོལ་ཏུ། །ཉི་མ་ཟླ་བ་ལ་སོགས་གཟའ་ཆེན་བརྒྱད། །བདུད་དང་གཤིན་རྗེ་ལ་སོགས་ལྷ་སྲིན་བརྒྱད། །ཚངས་པ་བརྒྱ་བྱིན་ལ་སོགས་ལྷ་ཆེན་བརྒྱད། །དགའ་བོ་འཇོག་པོ་ལ་སོགས་ཀླུ་ཆེན་བརྒྱད། །སྨིན་དྲུག་ལ་སོགས་རྒྱུ་སྐར་ཉི་ཤུ་བརྒྱད། །ཕྱོགས་སྐྱོང་བཅུ་དང་ནག་པོ་སྟོང་གི་ཚོགས། །ཤ་ཟ་འབུམ་སྡེ་མ་མོ་བྱེ་བ་དང་། །ལྷ་དམག་བྱེ་བ་དུང་ཕྱུར་ལ་སོགས་པ། །མདོར་ན་སྲིད་གསུམ་འབྱུང་པོའི་དམག་ཚོགས་བཅས། །ཤ་དགའ་ཁྲག་སྲེད་དབུགས་རྔམ་རོ་ལ་འཇིབ། ཁྲོ་གཏུམ་ཆ་ལུགས་ཆོ་འཕྲུལ་ཅིར་ཡང་སྟོན། །སྲིད་གསུམ་ཐལ་བར་རློག་པའི་མཐུ་སྟོབས་ཅན། །འཁོར་(༧ན)

― GLG025_Page_0747 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་ཡོངས་བསྐོར་གཙོ་འཁོར་ཐམས་ཅད་ཀྱི། །གནས་གསུམ་ཡི་གེ་གསུམ་གྱིས་མཚན་པར་གྱུར། །རང་གི་ཐུགས་ཀ་ལས་བྱུང་འོད་འཕྲོས་པས། །གར་བཞུགས་གནས་ནས་གཟའ་བདུད་རཱ་ཧུ་ལ། །འཁོར་བཅས་རྩ་བརྒྱུད་བླ་མའི་དམ་ཚིག་རྣམས། །དྲན་པ་ཙམ་གྱིས་སྔགས་འཆང་བདག་ཅག་གི །ལས་རྣམས་བསྒྲུབ་ཕྱིར་གནས་འདིར་གཤེགས་སུ་གསོལ། །བཛྲ་ས་མ་ཡ་ཛཿ ཧྲི་ཤག་རུ་རག་རཾ་ན་གེ་ཙིཏྟ་ཏྲཾ་མ་མ་ཡོང་ཟ་འགྲཾ་ཧ་ཧི་ཀེ་ཤེ་ལ་ཛཿཛཿ ས་མ་ཡ་ཛཿཛཿ སྤྱན་འདྲེན་པ་ནི། ཧཱུཾ། ཀུན་བཟང་སྤྲུལ་པ་ཕྱག་ན་རྡོ་རྗེ་ཡི། །ཕོ་ཉ་ཞིང་བཅུའི་དགྲ་བོ་འདུལ་པ་ལ། །འཇིག་རྟེན་འདི་ན་འགྲན་ཟླ་མེད་པའི་སྐུ། །ཆོས་ཀྱི་དབྱིངས་ནས་སྤྱན་འདྲེན་གཤེགས་སུ་གསོལ། །གནམ་ལྕགས་རྩེ་ནས་སྤྱན་འདྲེན་༴ དུར་ཁྲོད་གནས་ནས་༴ འཇིགས་པའི་གཟའ་མཆོག་༴ མཐོང་བའི་དུག་ཅན་༴ རེག་པའི་དུག་ཅན་༴ ཁ་རླངས་དུག་ཅན་༴ ཁྱབ་འཇུག་ཆེན་པོ་༴ སྤྲུལ་པའི་གཟའ་བརྒྱད་༴ སྐར་ཆེན་ཕོང་ཀར་༴ དུ་བ་མཇུག་རིང་༴ ལྗང་སྔོན་ཆེན་པོ་༴ མ་རུ་ཙེ་ཉིད་༴ གདོང་མོ་མཆེད་བཞི་༴ རྒྱུ་སྐར་ཉེར་བརྒྱད་༴ ལྷ་སྲིན་སྡེ་བརྒྱད་༴ བཀའ་ཉན་འཁོར་ཚོགས་༴ ཨོཾ་ར་ཧུ་ལ་གྷྲྀ་ཧྞ་ཨཱ་གཙྪ་ཡ་ཧཱུཾ་ཛཿ བཞུགས་སུ་གསོལ་བ་ནི། ཐོགས་མེད་དྲག་རྩལ་རྫུ་འཕྲུལ་མངའ་བའི་ལྷ། །འབར་བའི་གདན་ལ་དགྱེས་པར་བཞུགས་སུ་གསོལ། །རཱ་ཧུ་ལ་ས་མ་ཡ་ཏིཥྛ་ལྷན། །ཕྱག་འཚལ་བ་ནི། མངོན་སྤྱོད་འཕྲིན་ལས་བསྒྲུབ་པའི་བསྟན་སྲུང་ཆེ། །(༧བ)

― GLG025_Page_0748 ―

^{[མ་དཔེ་གཟིགས་ན་འདིར་གནོན།]}

[Full Size]

དྲག་པོ་ར་ཧུ་ལ་ལ་ཕྱག་འཚལ་ལོ། །རཱ་ཧུ་ལ་ཨ་ཏི་པུ་ཧོཿ པྲ་ཏི་ཙྪ་ཧོཿ སྨན་རག་གཏོང་གསུམ་ནི། གཟའ་མཆོག་རྒྱལ་པོ་སྤྲུལ་པ་ཡང་སྤྲུལ་དང་། །འཁོར་བཅས་དམ་རྫས་བདུད་རྩི་ཨ་མྲྀ་ཏ། །དམར་ཆེན་རཀྟ་གཏོར་མ་འདི་བཞེས་ལ། །དབང་དང་དངོས་གྲུབ་སྩོལ་ལ་དགྲ་ཡུལ་དུ། །ཐོག་སེར་ཕོབ་ཅིག་སྲོག་སེར་སྐྱིན་ཐང་གི ། ལས་རྣམས་མཐར་ཕྱིན་སྒྲུབ་པའི་འཕྲིན་ལས་མཛོད། །རཱ་ཧུ་ལ་སརྦ་པཉྩ་ཨ་མྲྀ་ཏ་ཁཱ་ཧི། རཱ་ཧུ་ལ་མ་ཧཱ་རཀྟ་ཁཱ་ཧི། །རཱ་ཧུ་ལ་མ་ཧཱ་བ་ལིཾ་ཏ་ཁཱ་ཧི། བསྐང་བ་ནི། ཧཱུཾ། ཁྱབ་འཇུག་ཆེན་པོ་འཁོར་བཅས་ཀྱི། །སྤྱན་གྱི་དབང་པོ་ཚིམ་བྱའི་ཕྱིར། །མེ་ཏོག་སྟོང་གིས་ཐུགས་དམ་བསྐང་། །སྙན་གྱི་དབང་པོ་ཚིམ་བྱའི་ཕྱིར། །གླུ་གར་རོལ་མོས་༴ ཤངས་ཀྱི་དབང་པོ་༴ གསུར་ཆེན་དུད་པ་༴ ལྗགས་ཀྱི་དབང་པོ་༴ མཾ་ས་ཤ་ཡིས་༴ ཐུགས་ཀྱི་དབང་པོ་༴ རོལ་མོ་སྒྲ་ཡིས་༴ རྟག་ཏུ་མི་འབྲལ་འགྲོགས་པའི་ཕྱིར། །རྟག་གཏོར་ཆེན་པོས་༴ རྒྱུན་དུ་འཕྲིན་ལས་འཆོལ་བའི་ཕྱིར། །རྒྱུན་གཏོར་ནར་མས་༴ གནས་ཀྱི་དམ་རྫས་ཡིན་པའི་ཕྱིར། །ཐོད་མཁར་འབར་བས་༴ བཞུགས་པའི་དམ་རྫས་ཡིན་པའི་ཕྱིར། །ཉི་ཟླ་པདྨས་༴ མཐུན་པའི་དམ་རྫས་ཡིན་པའི་ཕྱིར། །རཀྟ་དམར་གྱིས་༴ དམ་ཚིག་གཅིག་ཏུ་བསྲེ་བའི་ཕྱིར། །བདུད་རྩི་སྨན་གྱིས་༴ དམ་ཉམས་དགྲ་བོ་གསོད་པའི་ཕྱིར། །ཙིཏྟ་སྙིང་གིས་༴ དགྲ་བགེགས་ཤ་ལ་ཟ་བའི་ཕྱིར། །མཾ་ས་ཤ་ཡིས་༴ དབང་པོ་སྣ་ལྔས་༴ གོ་རོ་ཙ་ནས་༴ ཀེང་རུས་ཚིལ་ཆེན་༴ ནང་(༨ན)

― GLG025_Page_0749 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲོལ་སྣ་ལྔས་༴ ཚིལ་ཆེན་སྣང་གསལ་༴ བྱང་སེམས་དཀར་དམར་༴ བྷ་ལིང་གཏོར་མས་༴ ཛ་གད་ཕུད་ཀྱིས་༴ བདུད་རྩི་སྣ་ལྔས་༴ ཁྲག་སྣ་ལྔ་ཡིས་༴ ཆུ་སྣ་ལྔས་ཡིས་༴ འདོད་ཡོན་གཏོར་མ་ཐུགས་དམ་བསྐང་། །དེ་ལྟར་བསྐང་བ་གསོ་གསོ་ནས། །རྣལ་འབྱོར་ཉམས་ཆགས་སྐོང་གྱུར་ཅིག །བསྟོད་པ་ནི། ཧཱུཾ། ལྷུན་གྲུབ་སྐུ་གསུམ་རོལ་པའི་ངང་ཉིད་ལས། །དགྲ་བགེགས་སྲོག་རྩ་དམར་འབྱིན་ཁྲོ་གཏུམ་ཅན། །དྲེགས་པ་ཀུན་གྱི་ནང་ནས་རྫུ་འཕྲུལ་གྱི། །ཟླ་བྲལ་གཟའ་བདུད་རཱ་ཧུ་ལ་ལ་བསྟོད། །འཇིགས་རུང་བཟོད་པར་དཀའ་བའི་དུར་ཁྲོད་ནང་། །དམར་ནག་རྦ་ཀློང་འཁྲུག་པའི་ཁྲག་མཚོའི་དབུས། །ལྷུན་པོ་ལྟ་བུའི་མི་སྡུག་སྲིན་པོའི་གཟུགས། །རབ་འབར་བསྐལ་བའི་མེ་དཔུང་གྱོན་ལ་བསྟོད། །དམར་ཟླུམ་མིག་སྟོང་བལྟ་བས་ལེགས་ཉེས་འབྱེད། ཁ་གདངས་ཉི་མ་ཟླ་བ་ལྟོ་རུ་ཟ། །རྣོ་ངར་མཚོན་གྱིས་བརྣག་པའི་དགྲ་སྙིང་འབིགས། །དུག་སྦྲུལ་ཞགས་པས་ལོག་འདྲེན་འཆིང་ལ་བསྟོད། །ཚ་གྲང་འཐབ་པའི་རྐན་བརྡེབ་དུག་རླངས་འཕྱོ། །གནམ་ལྕགས་མེ་ཡི་ཐོག་འབེབས་སེར་བ་གཏོང་། །དགྲ་དཔུང་ཡུལ་བཅས་ཕྱེ་མར་འཐག་བྱེད་པའི། །སྲིད་གསུམ་རྣམ་པར་རྒྱལ་བ་ཁྱོད་ལ་བསྟོད། ཁྱོད་ཀྱི་འཁོར་ན་ཕྱི་ནང་གསང་བ་ཡི། །གཟའ་ཆེན་བརྒྱད་དང་གདོང་མོ་རྣམ་པ་བཞི། །ལྷ་སྲིན་སྡེ་བརྒྱད་སྲིད་གསུམ་འབྱུང་བ་ཡི། །གྲངས་མེད་དམག་ཚོགས་འཁོར་དང་བཅས་ལ་བསྟོད། །དེ་ནས་བསྐུལ་ཞིང་འཕྲིན་ལས་བཅོལ་བ་(༨བ)

― GLG025_Page_0750 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། ཧཱུཾ། ཀི་ཀང་རོག་ཏི་མགོ་དགུ་བྱ་རོག་དབུ། །མགོ་བརྒྱད་གཟའ་ཆེན་བརྒྱད་དེ་གྲི་རྒོད་དང་། །དྲང་སྲོང་ནད་དང་སེར་ཆེན་གློ་བུར་འཁྲུག །འཇིག་རྟེན་འཁྲུག་དང་ལྷ་སྲིན་མ་ལུས་དང་། །སྲོག་གཅོད་མུ་གེ་ནད་ཡམས་ཀི་ཀང་བརྒྱད། །ལོག་འདྲེན་དགྲ་ལ་འབེབས་པའི་དུས་ལ་བབ། །དམ་རྫས་རྒྱན་གྱི་མཆོད་པ་འདི་བཞེས་ལ། །རྣལ་འབྱོར་བཅོལ་བའི་འཕྲིན་ལས་སྒྲུབ་པར་མཛོད། །ཧྲཱིཿ སྲིན་པོའི་གཟུགས་ཅན་མགོ་དགུ་རོ་སྨད་སྦྲུལ། །སྣ་ཚོགས་མཚོན་འཛིན་གནམ་ལྕགས་ཐོག་ཆེན་གྱིས། །དགྲ་བོ་མ་ལུས་གསོད་པའི་མཐུ་བོ་ཆེ། །ལྷོ་ནུབ་མཚམས་ནས་སྐུ་བཞེངས་ཟླ་རྗེས་སྤྱོད། །ཤར་དུ་རྒྱུ་ཞིང་བྱང་ཤར་མཚམས་ནས་ནི། །སྐུ་བཞེངས་ཉི་མའི་རྗེས་སྤྱོད་ནུབ་ཏུ་རྒྱུ། །ཉིན་མཚན་རྒྱུ་བས་མཚམས་བཞི་ཕྱོགས་བཞི་འཇོམས། །དུས་ཚོད་ཚེས་གྲངས་འབྱུང་བ་ལྔ་ཡི་བདག །སྡེ་བརྒྱད་བྲན་འཁོལ་འཇིག་རྟེན་ཁམས་ཀུན་འཁྲུག །ལོ་ཉེས་འཁྲུག་པ་ཐོག་སེར་འབེབས་ཤིང་གཏོང་། །མདུན་དུ་སུ་བྱུང་ཁྱུར་མིད་གཏོང་བྱེད་པའི། །འཇིག་རྟེན་འདི་ན་ཟླ་བྲལ་མཐུ་རྩལ་ཅན། །སྔོན་གྱི་ཁས་བླངས་དམ་བཅའ་མ་བསྙེལ་པར། །དམ་རྫས་རྒྱན་གྱི་མཆོད་པ་འདི་བཞེས་ལ། །རྣལ་འབྱོར་བཅོལ་བའི་འཕྲིན་ལས་སྒྲུབ་པར་མཛོད། །ཧྲཱིཿ ལྗང་སྔོན་ཆེན་པོ་དྲང་སྲོང་དཀར་སེར་དང་། །བདུད་པོ་རོག་ཏི་བིཥྛི་པ་ཏྲ་ཆེ། །བིཥྞཱ་རཱ་ཛ་དུ་བ་མཇུག་རིང་དང་། ཁྱབ་འཇུག་ཆེན་པོ་སྒྲ་གཅན་འཛིན་པ་སྟེ། །གཟའ་ཆེན་བརྒྱད་ཀྱི་ཐུགས་དམ་དུས་ལ་བབ། །སྔོན་གྱི་ཁས་བླངས་དམ་བཅའ་མ་བསྙེལ་པར། །དམ་རྫས་རྒྱན་གྱི་མཆོད་པ་འདི་བཞེས་ལ། །རྣལ་འབྱོར་བཅོལ་བའི་འཕྲིན་ལས་སྒྲུབ་པར་མཛོད། །ཕྱོགས་བཅུ་ནམ་མཁའ་(༩ན)

― GLG025_Page_0751 ―

^{[མ་དཔེ་གཟིགས་ན་འདིར་གནོན།]}

[Full Size]

ཡངས་པའི་དཀྱིལ་འཁོར་ནས། །སྦས་ཤིང་གབ་པའི་གདོང་མོ་མཆེད་བཞི་ནི། །ནམ་མཁའི་དབྱིངས་ནས་འབྲུག་གི་སྒྲ་སྒྲོག་ཅིང་། །བར་སྣང་ཁམས་ནས་དྲག་པོ་གློག་འཁྱུག་པ། །རི་རབ་རྩེ་ནས་གནམ་ལྕགས་ཐོག་ཆེན་འབེབས། །སྲིང་མོ་གདོང་མོ་མཆེད་བཞིའི་དུས་ལ་བབ། །སྔོན་གྱི་ཁས་བླངས་དམ་བཅའ་མ་བསྙེལ་པར། །དམ་རྫས་རྒྱན་གྱི་མཆོད་པ་འདི་བཞེས་ལ། །རྣལ་འབྱོར་བཅོལ་བའི་འཕྲིན་ལས་སྒྲུབ་པར་མཛོད། །འཛམ་གླིང་ཕྱོགས་མཚམས་ནམ་མཁའི་དཀྱིལ་ཡངས་ནས། །བར་སྣང་ཁམས་ལ་དབང་སྒྱུར་གཟའ་ཆེན་བརྒྱད། །རྒྱུ་སྐར་ཉི་ཤུ་རྩ་བརྒྱད་ལ་སོགས་ཏེ། །སྤྲུལ་པ་ཡང་སྤྲུལ་འཁོར་དང་བཅས་པ་རྣམས། །ལོག་འདྲེན་དགྲ་བགེགས་འདུལ་བའི་དུས་ལ་བབ། །ཞི་རྒྱས་དབང་དྲག་འཕྲིན་ལས་བསྒྲུབ་པའི་ཕྱིར། །སྔོན་གྱི་ཁས་བླངས་དམ་བཅའ་མ་བསྙེལ་པར། །དམ་རྫས་རྒྱན་གྱི་མཆོད་པ་འདི་བཞེས་ལ། །རྣལ་འབྱོར་བཅོལ་བའི་འཕྲིན་ལས་སྒྲུབ་པར་མཛོད། །ཆད་མཐོ་ནི། སྨན་རག་སྦྲན་ལ། ཧཱུཾ། སྔོན་ཚེ་སློབ་དཔོན་པདྨ་ཡིས། །སིནྡྷུ་རྒྱ་མཚོའི་མཚོ་གླིང་དུ། །ནམ་མཁའི་གཟའ་རྣམས་དམ་ལ་བཏགས། །བཀའ་ཡི་གཏོར་མ་འདི་ལོང་ལ། །བཅོལ་བའི་འཕྲིན་ལས་སྒྲུབ་པར་མཛོད། ཧཱུཾ། ཡར་སྟོད་ཤམ་པོ་གངས་ཀྱི་ར་བ་རུ། །རིགས་འཛིན་ཆེན་པོ་ཀུ་མཱ་རཱ་ཛ་དང་། །རྫོགས་ཆེན་རྣལ་འབྱོར་ཀློང་ཆེན་རབ་འབྱམས་ཀྱིས། །ཡེ་ཤེས་ཐིག་ལེའི་དཀྱིལ་འཁོར་ཞལ་ཕྱེ་ཚེ། །སྔགས་བདག་གཟའ་རྣམས་མ་ལུས་ཐམས་ཅད་ཀྱིས། །སོ་སོའི་གཟུགས་མཆོད་དམ་པ་བསྟན་ནས་ཀྱང་། །སྒྲུབ་པ་པོ་ལ་དངོས་གྲུབ་སྟེར་བ་དང་། །བཀའ་ཡི་གཏོར་མ་ལེན་པར་མ་ཆད་དམ། །རྣལ་འབྱོར་ཚེ་སྲོག་བསྲིང་བར་མ་ཆད་(༩བ)

― GLG025_Page_0752 ―

^{[མ་དཔེ་གཟིགས་ན་འདིར་གནོན།]}

[Full Size]

དམ། །བཅོལ་བའི་འཕྲིན་ལས་བསྒྲུབ་པར་མ་ཆད་དམ། །སྔོན་ཚེ་ཞལ་བཞེས་དམ་ལས་མ་འདའ་བར། །ཤ་ཁྲག་རྒྱན་གྱི་གཏོར་མ་འདི་བཞེས་ལ། །རྣལ་འབྱོར་བཅོལ་བའི་འཕྲིན་ལས་སྒྲུབ་པར་མཛོད། །ཅེས་གཏོར་མ་སྐབས་ཐོབ་དང་སྦྱར་ཏེ་སྐྱེལ། །དེ་ནས་བྲིས་སྐུ་སོགས་ཡོད་ན་བརྟན་བཞུགས་སྨོན་ལམ་མཇུག་ཆོག་རྣམས་བྱའོ། །དེ་ལྟར་དྲང་སྲོང་ཁྱབ་འཇུག་ནག་པོ་ཡི། །ལས་བྱང་ཆད་ལྷག་མེད་ཅིང་འཁྱེར་བདེ་འདི། །རྒྱལ་བའི་བསྟན་པ་བསྲུང་བའི་བཙས་སུ་བཀོད། །སྐལ་མེད་ལོག་ལྟ་ཅན་ལ་གསང་བའི་རྒྱ། །དྲང་སྲོང་ཁྱབ་འཇུག་རཱ་ཧཱུ་ལའི་འཕྲིན་ལས་དུག་མདའ་ནག་པོ་ཞེས་བྱ་བ་འདི་ནི་གསར་རྩོམ་ཐོར་བུས་ཅུང་ཟད་བདེ་རུ་བཏང་ཞིང་ཕལ་ཆེར་གཏེར་གཞུང་གཙོ་བོར་བྱས་ཏེ་རྣམ་པར་རྒྱལ་བའི་ཕན་བདེ་ལེགས་བཤད་གླིང་པ་རྣམས་ཀྱི་རྒྱུན་འཁྱེར་དུ་བདེ་བའི་ཆེད་ཆོས་སྐྱོང་འདི་ཉིད་ཉེ་བར་བསྙེན་ཅིང་སྒྲུབ་པའི་རིག་སྔགས་འཆང་བའི་རྒྱུད་དུ་སོན་པ་ཟིལ་གནོན་དྲག་རྩལ་རྡོ་རྗེས་ཆུ་ཕོ་རྟ་ལོ་ཁྲུམས་ཀྱི་ཟླ་བའི་དམར་ཕྱོགས་ཀྱི་གྲལ་ཚེས་ལ་ཉེ་བར་བཀོད་པའི་ཡི་གེ་པ་ནི་ངག་དབང་དགེ་ལེགས་སོ། །དུས་གསུམ་རྒྱལ་བ་ཀུན་གྱི་མཁྱེན་བརྩེ་ནི། །གྲུབ་པའི་དབང་པོའི་གར་གྱིས་རྣམ་རོལ་བ། །སྲིད་གསུམ་བླ་མ་པདྨ་འབྱུང་གནས་ཀྱིས། །དངོས་གྲུབ་ཀུན་སྩོལ་བགེགས་ཀུན་གཞོམ་པར་མཛོད། །ལྷུན་གྲུབ་གདོད་མའི་གཤིས་ལས་མ་གཡོས་ཀྱང་། །བསྟན་པ་བསྲུང་ཕྱིར་སྣ་ཚོགས་སྤྲུལ་པའི་གར། །ཅིར་ཡང་འཆར་(༡༠ན)

― GLG025_Page_0753 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྤྲུལ་པའི་ཆོས་རྒྱལ་ཆེ། །འཁོར་དང་བཅས་པ་གནས་འདིར་ད་ཚུར་སྤྱོན། །སྣ་ཚོགས་རིན་ཅེན་ལས་གྲུབ་གཞལ་ཡས་ཁང་། །མུ་ཏིག་ཚོགས་འབར་རིན་ཅེན་བ་གམ་ཅན། །ཏིང་འཛིན་པིར་གྱིས་བྲིས་པའི་ཕོ་བྲང་དུ། །པདྨ་ཉི་ཟླའི་གདན་ལ་བཞུགས་སུ་གསོལ། །དུས་གསུམ་རྒྱལ་དབང་པདྨ་ཐོད་ཕྲེང་གིས། །དམ་ཚིག་རྡོ་རྗེ་སྤྱི་བོར་བཞག་ནས་ཀྱང་། །བསྟན་པ་བསྲུང་དང་དམ་ལྡན་འཕྲིན་ལས་ཀུན། །སྒྲུབ་པར་བཀའ་བསྒོས་དམ་བཅས་དྲན་པར་མཛོད། །དམ་རྫས་རྒྱན་གྱི་གཏོར་མ་རི་ལྟར་སྤུངས། །ཟག་མེད་བདུད་རྩིའི་བཏུང་བ་མཚོ་ལྟར་བསྐྱིལ། །ཕྱི་ནང་སྤྱན་གཟིགས་ས་དང་བར་སྣང་ཀུན། །རྒྱས་པར་བཀང་སྟེ་འཁོར་དང་བཅས་ལ་འབུལ། །གཏོར་མ་དབུལ། ཞི་རྒྱས་དབང་དྲག་འཕྲིན་ལས་བསྒྲུབ་པར་དང་། །བསྟན་པ་བསྲུང་ཕྱིར་ཁྲོ་ཆགས་ཞི་དང་སྒེག །ཉམས་བརྒྱའི་རོལ་པས་གར་མཛེས་རྣམ་འགྱུར་ཅན། །རྒྱལ་པོ་སྐུ་ལྔའི་སྐུ་ལ་བདག་བསྟོད་དོ། ཁྱོད་ཞལ་ནམ་མཁའ་མཆེ་བའི་ཆུ་འཛིན་འཁྲིགས། །ལྗགས་ཀྱི་གློག་འཕྲེང་སྲིད་གསུམ་ཟ་བ་བཞིན། །ཧ་ཧའི་གད་བརྒྱངས་ཧཱུཾ་ཧཱུཾ་འབྲུག་སྒྲ་ཅན། ཁམས་གསུམ་དབང་སྡུད་ཁྱོད་ལ་བདག་བསྟོད་དོ། །རང་བཞིན་ལྷུན་གྲུབ་གདོད་ནས་སྤྲོས་དང་བྲལ། །མ་བཅོས་རང་བྱུང་ལྷན་ཅིག་སྐྱེས་པའི་དངོས། །ཀུན་ཁྱབ་ཀུན་གྱི་རང་བཞིན་ཅིར་ཡང་འཆར། །གནས་ལུགས་དོན་གཟིགས་ཁྱོད་ལ་བདག་བསྟོད་དོ། །རྣམ་མང་ཡོན་ཏན་ཚོགས་ལ་མངའ་བརྙེས་(༡༠བ)

― GLG025_Page_0754 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་། ཁྱོད་ལ་མཆོད་བསྟོད་བསྙེན་ཅིང་བསྒྲུབས་པ་ལས། །འཇིག་རྟེན་འཇིག་རྟེན་འདས་པའི་ཡོན་ཏན་ཀུན། །ཕྱོགས་བཅུར་རྒྱས་མཛད་ཁྱོད་ལ་བདག་བསྟོད་དོ། །ཞི་རྒྱས་དབང་དྲག་རབ་འབྱམས་འཕྲིན་ལས་ཀུན། །དུས་གསུམ་རྒྱལ་བས་ཇི་ལྟར་བཀའ་བསྒོས་བཞིན། །ཐོགས་པ་མེད་པར་སྒྲུབ་མཛད་དམ་ཚིག་ཅན། །ཆོས་སྐྱོང་ཆེན་པོ་ཁྱོད་ལ་བདག་བསྟོད་དོ། །ཧཱུཾ། ཟག་མེད་ཡེ་ཤེས་བདེ་ཆེན་གྱི། །རྣམ་རོལ་ལས་བྱུང་སྟོང་གསུམ་ཁྱོན། །གང་བའི་མཆོད་གཏོར་འདི་བཞེས་ལ། །དེ་རིང་བཅོལ་བའི་འཕྲིན་ལས་མཛོད། །སྔོན་གྱི་ལས་དང་འཕྲལ་རྐྱེན་ལས། །བྱུང་བའི་མི་འདོད་ཉེར་འཚེ་ཀུན། །ཞི་ཞིང་ཚེ་དང་བསོད་ནམས་དང་། །འཁོར་དང་བསྟན་པ་རྒྱས་པར་མཛོད། །འཇིག་རྟེན་གསུམ་ན་གནས་པ་ཡི། །ཟས་ནོར་ལོངས་སྤྱོད་ཐམས་ཅད་དང་། །དྲེགས་ལྡན་སྐྱེ་བོ་མ་ལུས་པ། །སྐད་ཅིག་ཉིད་ལ་དབང་དུ་སྡུས། །ལོག་པར་སེམས་པའི་དགྲ་དང་བགེགས། །ཕྱོགས་དང་མཚམས་ན་གནས་པ་ཀུན། །རྡུལ་ཕྲན་ཙམ་ཡང་མ་ལུས་པར། །སྐད་ཅིག་ཉིད་ལ་ཚར་ཆོད་ཅིག །དུས་གསུམ་རྒྱལ་བའི་བསྟན་པ་དང་། །དཔལ་ལྡན་བླ་མའི་སྐུ་ཚེ་སྲིངས། ཁྱད་པར་བདག་གི་བསམས་དོན་རྣམས། །ལྷུན་གྱིས་གྲུབ་པའི་འཕྲིན་ལས་མཛོད། །ཅེས་ཆོས་རྒྱལ་ཆེན་པོ་ལ་མཆོད་བསྟོད་འཕྲིན་བཅོལ་དང་བཅས་པ་གོང་མ་ཆོས་རྒྱལ་ཆེན་པོའི་བཀའ་ལུང་སྤྱི་བོས་མཆོད་དེ་ཆོས་སྨྲ་བ་དགེ་འདུན་རྒྱ་མཚོའི་དཔལ་གྱིས་སྤྲུལ་པའི་གཙུག་ལག་ཁང་ར་ས་འཕྲུལ་སྣང་(༡༡ན)

― GLG025_Page_0755 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་སྦྱར་བའོ། །བདེ་ཆེན་ཆོས་སྐུ་སྣང་བ་མཐའ་ཡས་དཔལ། །ལོངས་སྤྱོད་རྫོགས་སྐུ་རྟ་མགྲིན་དབང་གི་ལྷ། །གྲངས་མེད་སྤྲུལ་པའི་རྣམ་རོལ་པདྨ་འབྱུང་། །སྐུ་གསུམ་དབྱེར་མེད་དངོས་གྲུབ་ཆར་ཆེན་ཕོབ། །གདོད་ནས་དག་པ་གསལ་སྟོང་དབྱིངས་ཀྱི་ངང་། །ལྷུན་གྲུབ་ཞི་ཁྲོ་རབ་འབྱམས་འོད་ལྔའི་ཀློང་། །གཅིག་ལས་དུ་མར་སྣང་བ་ཆུ་ཟླའི་གར། །རིགས་ཀུན་ཁྱབ་བདག་པདྨ་ཐོད་ཕྲེང་རྩལ། །མཁའ་ལ་འཇའ་ཚོན་སྣ་ལྔའི་མདངས་བཀྲག་ལྟར། །ལས་བཞི་སོ་སོར་སྒྲུབ་པའི་ཐུགས་གསུང་སྐུའི། །སྣ་ཚོགས་ཆོ་འཕྲུལ་སྟོང་གི་གཟི་བྱིན་དཔུང་། །སྐྱེད་ལ་སྡེ་བརྒྱད་ཚོགས་ཀུན་དབང་དུ་སྡུས། །སྣང་སྲིད་དྲེགས་པ་ཀུན་གྱི་ཅོད་པན་དུ། །མི་འདའ་རྡོ་རྗེའི་ཕྱག་རྒྱ་ཉེར་བཀོད་ནས། །བོད་ཡུལ་གངས་ཅན་ལྗོངས་འདིར་བསྟན་འགྲོ་ཡི། །ཕན་བདེའི་ལེགས་ཚོགས་མ་ལུས་རབ་རྒྱས་ཤིང་། ཁྱད་པར་རིགས་འཛིན་སྔགས་འཆང་བདག་ཅག་གི །ཆོས་སྲིད་འདོད་པའི་རེ་བ་སྐོང་བ་དང་། །སྲུང་བ་རྡོ་རྗེའི་ར་བར་བཅུག་རྣམས་ཀྱི། །བར་ཆད་ཀུན་ཞི་མཐུན་པའི་དངོས་གྲུབ་སྤེལ། །དངོས་དང་བརྒྱུད་པའི་སྒོ་ནས་མི་སྲུན་པའི། །ལོག་འདྲེན་དགྲ་བགེགས་རྩད་ནས་གཅོད་པ་སོགས། །འཕྲིན་ལས་ཐོགས་མེད་སྒྲུབ་པའི་གཟུ་དཔང་མགོན། །དུས་འདིར་མཛོད་ཅིག་པདྨ་ཐོད་ཕྲེང་རྩལ། །བརྒྱུད་ལྡན་བླ་མའི་དམ་ཚིག་གཉན་པོ་དང་། །རྣལ་འབྱོར་གདུང་བའི་ཡིད་ཀྱིས་འབོད་བྱེད་ན། །སྤྲུལ་པའི་ཆོས་རྒྱལ་སྐུ་ལྔ་འཁོར་བཅས་རྣམས། །(༡༡བ)

― GLG025_Page_0756 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་བའི་ཕོ་བྲང་ཆེ་ནས་སྐུ་བཞེངས་ཤིག །ཕུལ་བྱུང་བདེ་ཆེན་དབྱིངས་ལས་མ་གཡོས་ཀྱང་། ཁྲོ་ཆགས་ཞི་སོགས་རྣམ་འགྱུར་གྲངས་མེད་ཀྱིས། །བསྟན་དང་བསྟན་འཛིན་སྐྱོང་པའི་མཐུ་རྩལ་ཅན། །ཆོས་རྒྱལ་སྐུ་ལྔ་འཁོར་བཅས་གནས་འདིར་གཤེགས། །དམ་ཅན་སྤྲིན་ལྟར་འདུ་བའི་གནས་མཆོག་འདིར། །ཕྱི་ནང་གསང་མཆོད་རྟེན་པའི་དམ་རྫས་རྣམས། །ཆོས་སྐྱོང་འབོད་པའི་ཆེད་དུ་བཤམས་ལགས་ན། །དབྱར་གྱི་ཆར་སྤྲིན་ལྟ་བུར་ཐིབས་བཞིན་སྤྱོན། །རྐང་གླིང་དུང་ཆེན་འབྲུག་གི་སྒྲ་ལྟར་ལྡིར། །ཤ་ཆེན་སྤོས་དཀར་བསྲེག་ཅིང་དམར་ཆེན་སྦྲེངས། །དར་ཚོན་སྣ་ལྔས་གཡབ་ན་བསྟན་སྲུང་ཁྱོད། །དགུན་གྱི་འཐོར་རླུང་བཞིན་དུ་འཚུབ་བཞིན་སྤྱོན། །སྙན་འགྱུར་དབྱངས་དང་སྣ་ཚོགས་རོལ་མོའི་སྒྲ། །ཏིང་འཛིན་གསལ་དང་གདུང་སེམས་དྲག་པོ་ཡི། །དྲེགས་པའི་སྡེ་དཔོན་གནས་འདིར་སྤྱན་འདྲེན་ན། །ཚུར་སྤྱོན་དགྱེས་པའི་གདན་ལ་བརྟན་པར་བཞུགས། །དཔལ་ཆེན་ཁྲག་འཐུང་དབང་པོར་ལེགས་བཞུགས་ནས། །བདག་གིས་རྒྱལ་པོ་ཆེན་པོ་མཆོད་ཅིང་བསྟོད། །སྲུང་མ་ཁྱོད་ཀྱིས་བདག་གི་འཕྲིན་ལས་རྣམས། །སྒྲུབ་པའི་རྡོ་རྗེ་དམ་ལས་མ་འདའ་ཞིག །ཁ་དོག་སྣ་ཚོགས་རབ་བཀྲའི་མེ་ཏོག་དང་། །དྲི་བཟང་བསྲེགས་པའི་དུད་པས་ནམ་མཁའ་གང་། །མེ་ཤེལ་མར་མེའི་འཕྲེང་བ་ཚར་དུ་དངར། །བཟང་པོའི་སྨན་གྱི་ངད་ལྡན་དྲི་ཆབ་འཁྲུག །རོ་བརྒྱའི་དཔལ་འཛིན་ལྷ་མིའི་ཞལ་ཟས་སྤུངས། །སྙན་ཅིང་བརྗིད་པའི་གྲངས་མེད་རོལ་(༡༢ན)

― GLG025_Page_0757 ―

^{[མ་དཔེ་གཟིགས་ན་འདིར་གནོན།]}

[Full Size]

མོའི་ཚོགས། །སྤྲུལ་པའི་ཆོས་རྒྱལ་སྐུ་ལྔ་འཁོར་བཅས་ལ། །དགྱེས་པ་བསྐྱེད་ཕྱིར་འབུལ་གྱི་བཞེས་སུ་གསོལ། ཁྲག་གི་ཨརྒྷཾ་དབང་པོའི་མེ་ཏོག་དང་། །ཤ་ཆེན་དུད་པ་ཞུན་ཆེན་མར་མེ་སྤར། །ཤ་རུས་ཞལ་ཟས་རྐང་གླིང་རོལ་མོའི་སྒྲ། །མི་ལྤགས་གཅན་གཟན་གཡང་གཞིའི་བླ་བྲེ་དང་། །རྒྱུ་མའི་དྲ་བ་གློ་སྙིང་ཡན་ལག་གི །ལྷུ་དུམ་ལྡ་ལྡི་འཕྲེང་བར་སྤེལ་བ་རྣམས། །སྤྲུལ་པའི་ཆོས་རྒྱལ་སྐུ་ལྔ་འཁོར་བཅས་ལ། །དགྱེས་པ་བསྐྱེད་ཕྱིར་འབུལ་གྱི་བཞེས་སུ་གསོལ། །ཅང་ཤེས་རྟ་མཆོག་དར་གྱི་ཅོད་པན་ཅན། །འབྲོང་གཡག་མ་ཧེ་རྣོ་བའི་རྭ་ཆེན་གདེངས། །གླང་སེང་ཁྱི་སྤྱང་ར་ལུག་འདོད་འཇོའི་བ། །སྤྲ་སྤྲེལ་ཁྱིམ་བྱ་མོན་ནག་ཨ་ཙ་ར། །རྔ་མོ་བོང་བུ་དྲེལ་སོགས་བཞོན་པའི་ཚོགས། །འབག་སེང་གླུ་གར་རྩེད་འཇོ་མཐའ་ཡས་པ། །སྤྲུལ་པའི་ཆོས་རྒྱལ་སྐུ་ལྔ་འཁོར་བཅས་ལ། །དགྱེས་པ་བསྐྱེད་ཕྱིར་འབུལ་གྱི་བཞེས་སུ་གསོལ། །ཞྭ་ནག་ཕོད་ཀ་ཐེབ་ཞུ་གསག་ཐེབ་དང་། །ཟ་འོག་འཇོལ་བེར་སྣམ་སྦྱར་པགས་པའི་གོས། །སྦྲུལ་གྱི་ཆུན་པོ་རིན་ཅེན་རུས་པའི་རྒྱན། །སྲ་བརྟན་གོ་ཁྲབ་རྣོ་བའི་མཚོན་ཆའི་ཚོགས། །སྟག་སྤྲེལ་བྱ་རྒོད་སྤྱང་ཀི་ཟ་འོག་གི །རྒྱལ་མཚན་ཕྱོགས་བཅུ་མ་ལུས་ཟིལ་གནོན་པ། །སྤྲུལ་པའི་ཆོས་རྒྱལ་སྐུ་ལྔ་འཁོར་བཅས་ལ། །དགྱེས་པ་བསྐྱེད་ཕྱིར་འབུལ་གྱི་བཞེས་སུ་གསོལ། །རྩ་བརྒྱད་ཡན་ལག་སྟོང་སྤྱར་ཨ་མྲྀ་ཏ། །དགྲ་བགེགས་སྙིང་ཁྲག་བསྐྱིལ་བའི་རཀྟའི་མཚོ། །སྒྲུབ་གཏོར་ཁང་བཟང་རྒྱ་ཕུབས་ཏོག་གིས་མཛེས། །མཆོད་གཏོར་ཤ་ཁྲག་གསང་ཕྱིའི་རྟགས་ཀྱིས་བརྒྱན། །གཟུགས་སྒྲ་དྲི་རོ་རེག་བྱ་ལ་སོགས་པ། །དངོས་བཤམས་ཡིད་ཀྱིས་སྤྲུལ་པའི་མཆོད་པ་རྣམས། །སྤྲུལ་པའི་ཆོས་རྒྱལ་སྐུ་ལྔ་འཁོར་བཅས་ལ། །དགྱེས་པ་བསྐྱེད་ཕྱིར་འབུལ་གྱི་བཞེས་སུ་གསོལ། །ཕྱི་རྟེན་སྲོག་(༡༢བ)

― GLG025_Page_0758 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་དཀར་པོ་མཛེས་ཤིང་བརྗིད། །ནང་རྟེན་སྨྱུག་རྒོད་རྔ་མ་དར་སྣས་བརྒྱན། །གསང་རྟེན་མདོས་རིགས་སྣ་ཚོགས་སྐུ་འབག་དང་། །དྲེགས་པ་རང་བཞིན་འདུ་བའི་རྫས་ཀྱི་མཆོག །བླ་རྡོ་སྲོག་གི་འཁོར་ལོ་བཅས་པ་སོགས། །རྒྱུད་དང་མན་ངག་དེ་བཞིན་ལེགས་བཤམས་པ། །སྤྲུལ་པའི་ཆོས་རྒྱལ་སྐུ་ལྔ་འཁོར་བཅས་ལ། །དགྱེས་པ་བསྐྱེད་ཕྱིར་འབུལ་གྱི་བཞེས་སུ་གསོལ། །བཀྲ་ཤིས་རྟགས་བརྒྱད་རྒྱལ་སྲིད་རིན་ཅེན་བདུན། །ལྕགས་རི་མུ་ཁྱུད་རི་རབ་ལྷུན་པོ་དང་། །གླིང་བཞི་གླིང་ཕྲན་ཉི་མ་ཟླ་བ་ཟུང་། །འདོད་པའི་འབྲས་སྟེར་དཔག་བསམ་ཡོངས་འདུའི་ཤིང་། །ཡན་ལག་བརྒྱད་ལྡན་མཚོ་དང་རྫིང་བུ་སོགས། །ལྷ་མིའི་དཔལ་འབྱོར་ལོངས་སྤྱོད་ཇི་སྙེད་པ། །སྤྲུལ་པའི་ཆོས་རྒྱལ་སྐུ་ལྔ་འཁོར་བཅས་ལ། །དགྱེས་པ་བསྐྱེད་ཕྱིར་འབུལ་གྱི་བཞེས་སུ་གསོལ། །རྒྱལ་པོ་སྐུ་ལྔ་འཁོར་དང་བཅས་པའི་ལྗགས་ཧཱུཾ་ལས་སྐྱེས་པའི་རྡོ་རྗེ་རྩེ་གཅིག་པ་དམར་པོ་འོད་ཀྱི་སྦུ་གུ་ཅན་གྱིས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་བསམས་ལ་རྡོ་རྗེ་ཐལ་མོ་ཁ་ཕྱེ་ནས། །ཨཱོཾ་མ་ཧཱ་རཱ་ཛ་ས་པ་རི་ཝཱ་ར་ཨི་དཾ་བྷ་ལིཾ་ཏ་ཁ་ཁ་ཁཱ་ཧི། ལན་གསུམ་མམ་བདུན་གྱིས་གཙོ་བོ་དང་། ཨ་ཀྵ་རོ་ལན་གསུམ་གྱིས་འཁོར་རྣམས་ལ་དབུལ། ས་པ་རི་ཝཱ་རའི་མཐར་ཨརྒྷཾ་སོགས་ཀྱིས་མཆོད། འབྲུ་གསུམ་སྦྱར་བས་ནང་མཆོད་འབུལ། ཆོས་དབྱིངས་བདེ་བ་ཆེ་ལས་མ་གཡོས་ཀྱང་། །ལོག་འདྲེན་དགྲ་བགེགས་མ་ལུས་བསྒྲལ་པའི་ཕྱིར། །སྲོག་བདག་བཤན་པའི་གཟུགས་ཀྱིས་རྣམ་རོལ་བ། །སྤྲུལ་པའི་ཆོས་རྒྱལ་ཆེན་པོ་སྐུ་ལྔར་བསྟོད། །གདོང་ལྔའི་དབང་པོ་རབ་ཏུ་དགྱེས་པའི་སྟེང་། །ཞལ་གསུམ་ཕྱག་དྲུག་སྣ་ཚོགས་མཚོན་ཆ་ཐོགས། ཁྲོ་(༡༣ན)

― GLG025_Page_0759 ―

^{[མ་དཔེ་གཟིགས་ན་འདིར་གནོན།]}

[Full Size]

གཏུམ་གར་གྱི་རོལ་པའི་མཐུ་སྟོབས་ཅན། །འཕྲིན་ལས་རྒྱལ་པོ་ཁྱོད་ལ་བདག་བསྟོད་དོ། །མུན་པ་བྱེ་བས་བྱུགས་པའི་ལྷུན་པོ་ལ། །ཉིན་བྱེད་འབུམ་གྱིས་འཁྱུད་འདྲའི་གཟི་བྱིན་ཅན། །གླང་ཆེན་ཞོན་ནས་སྟོང་གསུམ་སྐད་ཅིག་མྱུལ། །ཐུགས་ཀྱི་རྒྱལ་པོ་ཁྱོད་ལ་བདག་བསྟོད་དོ། །མིག་སྨན་མདོག་ཅན་སྲིན་པོ་ཁྲོས་པའི་གཟུགས། །སེང་གེ་ཞོན་ནས་བརྣག་པའི་དགྲ་བགེགས་སྒྲོལ། །གྲངས་མེད་ཆོ་འཕྲུལ་སྣ་ཚོགས་སྟོན་མཛད་པའི། །སྐུ་ཡི་རྒྱལ་པོ་ཁྱོད་ལ་བདག་བསྟོད་དོ། །དཔག་པར་དཀའ་བའི་མཐུ་སྟོབས་རྫུ་འཕྲུལ་གྱིས། །ཆོས་འཁོར་སྐྱོང་མཛད་གནོན་སྦྱིན་ཤིང་བྱ་ཅན། །སྐུ་མདོག་ནག་པོ་དགྲ་བོའི་བླ་ཚེ་འགུགས། །ཡོན་ཏན་རྒྱལ་པོ་ཁྱོད་ལ་བདག་བསྟོད་དོ། །རྟ་གདོང་མེ་ཡི་ཕུང་པོ་ལྟར་དམར་ཞིང་། །འཇིགས་བརྒྱངས་ང་རོ་དྲག་པོས་ས་གསུམ་གཡོ། །རླུང་གི་ཤུགས་འཆང་དྲེལ་རྟ་ལ་ཞོན་པ། །གསུང་གི་རྒྱལ་པོ་ཁྱོད་ལ་བདག་བསྟོད་དོ། །ཟག་མེད་བདེ་བའི་ཉམས་ལྡན་གསང་བའི་ཡུམ། །བཀའ་ཉན་བློན་པོ་སྤྲུལ་པ་ཡང་སྤྲུལ་དང་། །རུ་འདྲེན་སྡེ་བཞི་དྲེགས་པ་སྡེ་བརྒྱད་ཀྱི། །འཁོར་ཚོགས་དམ་ཅན་རྒྱ་མཚོའི་ཚོགས་ལ་བསྟོད། །ཆོས་སྐྱོང་རྒྱལ་པོ་སྡེ་ལྔ་འཁོར་བཅས་རྣམས། །རིགས་འཛིན་མཚོ་སྐྱེས་པདྨ་ཐོད་ཕྲེང་གིས། །དབུ་རྩ་མཆིམས་ཕུ་ཤེལ་གྱི་བྲག་ཕུག་ཏུ། །སྲོག་གི་སྙིང་པོ་བླངས་ནས་དམ་ལ་བཏགས། །དེ་རྗེས་མྱང་བན་ཉི་མ་འོད་ཟེར་དང་། །མངའ་བདག་ཆོས་ཀྱི་དབང་ཕྱུག་ལ་སོགས་པ། །ཟབ་གཏེར་བརྒྱུད་(༡༣བ)

― GLG025_Page_0760 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བླ་མ་གྲངས་མེད་ཀྱིས། །དཀྱིལ་འཁོར་ཞལ་ཕྱེ་སྔོན་གྱི་མཐའ་ཚིག་བསྒྲགས། །པདྨ་དབང་དང་ལེགས་ལྡན་རྡོ་རྗེའི་ཞབས། །བཀྲ་ཤིས་སྟོབས་ཀྱི་རྒྱལ་པོ་ལ་སོགས་པའི། །པདྨའི་གདུང་གསོབ་རིག་པ་འཛིན་རྣམས་ཀྱིས། །དམ་ཚིག་གཉན་པོ་བསྒྲགས་པ་དེང་འདིར་དགོངས། །རྒྱལ་པ་ཀུན་དངོས་དགེ་འདུན་རྒྱ་མཚོའི་དཔལ། །མཐུ་སྟོབས་དབང་ཕྱུག་བསོད་ནམས་རྒྱ་མཚོ་སྡེ། །རིགས་འཛིན་བདག་གིས་མཆོད་བསྟོད་གཉེར་གཏད་པའི། །དམ་བཅའ་དགོངས་ལ་བཅོལ་བའི་འཕྲིན་ལས་སྒྲུབས། །ཕན་བདེའི་འབྱུང་གནས་རྒྱལ་བོའི་བསྟན་པ་དང་། །དེ་འཛིན་སྐྱེས་བུ་ཁྲིམས་ལྡན་འདུས་པའི་སྡེ། །བཤད་དང་སྒྲུབ་པའི་ཆོས་ལྡན་བྱ་བ་ཀུན། །ཡར་ངོའི་ཟླ་ལྟར་འཕེལ་ཞིང་རྒྱས་པར་མཛོད། །གངས་རིས་སྐོར་བའི་བོད་ཀྱི་རྒྱལ་ཁམས་འདིར། །མི་ནད་ཕྱུགས་ནད་མུ་གེ་མཐའ་དམག་དང་། །དུས་འཁྲུག་མཐའ་འདྲེའི་ཁ་རླངས་ཀུན་ཞི་ནས། །བདེ་སྐྱིད་དགའ་སྟོན་དཔལ་འབྱོར་རྒྱས་པར་མཛོད། །བློ་ཆེན་འཇམ་དཔལ་དཔའ་བོ་ངུར་སྨིག་གི །རྣམ་རོལ་སྐལ་བཟང་དཔྱིད་གྱུར་གྲགས་པའི་སྡེའི། །དྲི་མེད་ལུང་དང་རྟོགས་པའི་བསྟན་པ་མཆོག །སྲིད་མཐའི་བར་དུ་མི་ཉམས་རྒྱས་པར་མཛོད། །ནོར་འཛིན་ཆོས་བཞིན་སྐྱོང་བ་མི་ཡི་བདག །གནམ་བསྐོས་གསེར་གྱི་འཁོར་ལོ་རྩིབས་སྟོང་གིས། །དབང་སྒྱུར་ས་སྤྱོད་རྒྱལ་པོའི་མངའ་ཐང་དང་། །སྐུ་ཚེ་ཆབ་སྲིད་བརྟན་ཅིང་འཕེལ་བར་མཛོད། །ངོ་མཚར་སྡེ་བཞི་དགའ་སྟོན་དང་ལྡན་པའི། །ཕྱོགས་ལས་(༡༤ན)

― GLG025_Page_0761 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པར་རྒྱལ་བའི་ཕོ་བྲང་ཆེའི། །བསྟན་སྲིད་ཡིད་བཞིན་དབང་གི་རྒྱལ་པོ་མཆོག །སྲིད་ཞིའི་རྒྱལ་མཚན་རྩེ་མོར་འབར་གྱུར་ཅིག །མཆོག་ཐུན་དངོས་གྲུབ་ཕན་དང་བདེ་བའི་དཔྱིད། །ངེས་གསང་ལེགས་པར་བཤད་པ་འདུས་པའི་གླིང་། །ལུགས་ཟུང་རྣམ་པར་རྒྱལ་བའི་རུ་མཚོན་ཆེ། །སྲིད་པའི་རྩེ་མོར་བར་དུ་བསྒྲེང་བར་མཛོད། །རྒྱལ་བའི་བསྟན་བཤིག་དཀོན་ཅོག་དབུ་འཕང་སྨད། །བླ་མའི་སྐུ་དགྲ་སེམས་ཅན་བདེ་སྐྱིད་འཇོམས། །རྣལ་འབྱོར་སྒོས་སུ་འཚེ་བའི་དགྲ་བགེགས་རྣམས། །མངོན་སྤྱོད་དྲག་པོའི་ལས་ཀྱིས་ཚར་ཆད་ཅིག །ཁྱད་པར་ཟ་རིག་སྔགས་འཆང་བ་བདག་ཅག་ལ་ཞེས་བསྒྱུར། ཧོར་སྔགས་འཆང་བདག་ཅག་ལ། །སྔ་དགྲ་ལག་དར་ཕྱི་དགྲ་ཡིད་ལ་སེམས། །ད་དགྲ་གནོད་བྱེད་དུག་མཚོན་དམག་གཤོམས་བྱེད། །ཕྲག་དོག་མཐོ་གནོན་ལེགས་བསུབ་ཉེས་པ་སྒྲོག །རང་ནུས་མ་ཐོན་གཞན་དག་ཁྱི་ལྟར་རྦད། །དངོས་དང་བརྒྱུད་ནས་འཚོ་བའི་དམ་ཉམས་དགྲ །ཡིད་ལ་བརྣག་ཅིང་བསྒྲལ་པའི་ཞིང་གྱུར་པ། །སྟེང་འོག་ཕྱོགས་མཚམས་བར་གསུམ་གར་འདུག་ཀྱང་། ཁ་རྗེ་དབང་ཐང་སྟོབས་དང་གཟི་བརྗིད་ཆོམས། །ལོ་ཟླར་མ་འཇོག་བླ་སྲོག་ཚེ་གསུམ་ཁུག །དོན་སྙིང་དམར་པོ་ཞལ་དུ་བསྟབ་ནས་ཀྱང་། །རྗེས་མེད་རླུང་ལ་སྐུར་ཞིག་རྩལ་མ་ཞན། །སྐྱབས་འོས་སྲུང་བའི་འཁོར་ལོར་བཅུག་རྣམས་ཀྱི། །བར་ཆད་ཉེར་འཚེའི་ཚོགས་ཀུན་རབ་ཞི་ཞིང་། །ཚེ་དང་བསོད་ནམས་དཔལ་འབྱོར་ལེགས་ཚོགས་ཀུན། །འཕེལ་ཞིང་རྒྱས་པའི་སྟོང་གྲོགས་མཐའ་དག་མཛོད། །(༡༤བ)

― GLG025_Page_0762 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་མཁྱེན་འཇམ་དཔལ་སྙིང་པོའི་བསྟན་པ་མཆོག །ཐོས་སྒོམ་འཆད་རྩོད་རྩོམ་པས་འཛིན་པ་སོགས། །རྨད་བྱུང་རྣམ་པར་དཀར་བའི་འཕྲིན་ལས་ཀུན། །བསམས་པ་ཇི་བཞིན་ལྷུན་གྱིས་གྲུབ་པར་མཛོད། །ཚེ་རིང་ནད་མེད་ལེགས་པའི་ཡོན་ཏན་སྤེལ། །སྲིད་གསུམ་ཟིལ་གནོན་ཁམས་གསུམ་དབང་དུ་སྡུས། །ཕུན་ཚོགས་འདོད་པའི་དོན་གྱི་རེ་བ་རྣམས། །འབད་མེད་ལྷུན་གྱིས་གྲུབ་པའི་འཕྲིན་ལས་མཛོད། །མདོར་ན་འདོད་འཇོའི་བ་དང་བུམ་པ་བཟང་། །དཔག་བསམ་ཤིང་དང་ཡིད་བཞིན་ནོར་བུ་ལྟར། །དགོས་འདོད་སྩོལ་བའི་ཆོས་སྐྱོང་ཆེན་པོ་ཡིས། །དགྲ་ལྷ་མཛོད་ལ་བཀྲ་ཤིས་དགེ་ལེགས་སྩོལ། །ཞེས་སྤྲུལ་པའི་ཆོས་རྒྱལ་ཆེན་པོ་ལ་མཆོད་གཏོར་འབུལ་ཚུལ་དངོས་གྲུབ་ཆར་འབེབས་འདིའང་གནས་ཆུང་པེ་ཧར་ལྕོག་ཏུ་མདོས་བཙུགས་སྐབས་ཆོས་སྐྱོང་ཆེན་པོས་འདི་ལྟར་གྱིས་ཞེས་བསྐུལ་མ་མཛད་པ་ལྟར་ཟ་ཧོར་གྱི་བཙུན་པ་ངག་དབང་བློ་བཟང་རྒྱ་མཚོས་སྦྱར་བའི་ཡི་གེ་པ་ནི་རྒྱ་མཚོའོ། །ས་ལུག་ཧོར་ཟླ་དྲུག་པའི་ནང་དུ་ཆོས་སྐྱོང་ཆེན་པོས་བསྐུལ་མ་བྱུང་བ་ལྟར་བརྩམས་པ་ནས་རྒྱལ་བཙན་གཉིས་ཁོལ་དུ་ཕྱུང་བ། ཧཱུཾཿ འཇིག་རྟེན་མཆོད་བསྟོད་དཀྱིལ་འཁོར་གྲུ་འཛིན་པ། །དྲེགས་པའི་སྡེ་དཔོན་སུམ་ཅུའི་ནང་ཚན་ནས། །པེ་ཧར་རྒྱལ་པོ་སྐུ་ལྔ་གསང་ཡུམ་དང་། །བློན་པོ་འཁོར་ཚོགས་རྒྱ་མཚོ་ད་ཚུར་སྤྱོན། ཁྱད་པར་དགྲ་ལྷ་སྐྱེས་གཅིག་གསུང་གི་རྒྱལ། །བློན་པོ་རྡོ་རྗེ་གྲགས་ལྡན་མཐུ་རྩལ་ཅན། །སྐུ་ལྔའི་རྣམ་རོལ་གཅིག་ཏུ་མ་ངེས་པར། །སྟོན་མཛད་སྤྲུལ་པའི་ཆོས་རྒྱལ་(༡༥ན)

― GLG025_Page_0763 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་འདིར་གཤེགས། ཁྲག་གི་སྒོ་ང་བདུན་ལས་ཉེར་བརྡོལ་བའི། །བཙན་རྒོད་དམག་དཔོན་འབར་བ་སྤུན་བདུན་དང་། ཁྱད་པར་ཙེའུ་དམར་བོ་ཡང་ལེ་བེར། །ཕོ་ཉ་མངག་གཞུག་འཁོར་བཅས་གནས་འདིར་སྤྱོན། །དམར་ཆེན་གཏོར་མའི་རི་བོ་མཁའ་ལ་བསྙེག །ཁྲག་ཆང་བཏུང་བ་རྒྱ་མཚོ་ལྟ་བུར་བསྐྱིལ། །ཕྱི་ནང་གསང་བའི་མཆོད་པ་འབུལ་བྱེད་ན། །རོལ་ཞིག་ཁ་རཾ་ཁཱ་ཧི་ཞལ་དུ་དབུལ། །པདྨ་ཐོད་ཕྲེང་སོ་ཟུར་གནུབས་མྱང་སོགས། །སྔགས་འཆང་རྣམས་ཀྱིས་ཁྲག་འཐུང་དཀྱིལ་འཁོར་དུ། །དབང་བསྐུར་དམ་ཚིག་གཉན་པོ་ཉེར་ཕབ་ནས། །ཐུབ་བསྟན་སྐྱོང་བའི་སྲུང་མར་མ་བསྐོས་སམ། །མ་གཡེལ་མ་གཡེལ་སྔོན་གྱི་ཐ་ཚིག་དགོངས། །གསང་བ་སྔགས་ཀྱི་དམ་ཚིག་རྒྱ་མ་དྲལ། །རྡོ་རྗེའི་རི་མོ་སྤྱི་བོའི་གཙུག་མ་ཡལ། །ལྕེ་ལ་བདུད་རྩིའི་རོ་མཆོག་མ་ཉམས་པས། །བཤད་སྒྲུབ་བསྟན་པ་ཡར་ངོའི་ཟླ་ལྟར་རྒྱས། །བསྟན་འཛིན་སྐྱེས་བུ་བླ་མཆོད་སྡེ་གཉིས་སྤེལ། །གངས་ལྗོངས་ཡུལ་འདིར་འཐབ་རྩོད་མུ་གེ་ནད། །དུས་ཀྱི་འཁྲུག་པ་མ་ལུས་ཞི་བར་མཛོད། །དགའ་བའི་དཔལ་ལྡན་སྡེ་བཞིའི་ཕོ་བྲང་ཆེའི། །ཆོས་སྲིད་ཟུང་དུ་འཇུག་པའི་མངའ་ཐང་དར། །ཆབ་སྲིད་བརྟན་ཅིང་དབུ་རྨོག་བཙན་པ་སོགས། །ཞི་རྒྱས་དབང་དྲག་འཕྲིན་ལས་མ་ལུས་སྒྲུབས། །བརྡ་ཡིག་ཡོད། པཎ་ཆེན་སྐུ་མཆེད་ཀྱི་གཏེར་གཞུང་ལྷད་མེད། ཧྲཱིཿ པདྨ་ཙནྡྷ་མ་ཧཱ་ཀྲོ་དྷ་ཧ་ཡ་གྷྲཱི་བ་ཧུ་ལུ་ཧུ་ལུ་ཧཱུཾ་ཕཊ༔ མཆོད་གཏེར་ལེགས་པར་བཤམས་ལ་བྱིན་གྱིས་བརླབས་(༡༥བ)

― GLG025_Page_0764 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། རོལ་པ་སྐྱ་བདུན་གྱི་ལས་བྱང་ནི། དྲེགས་པར་བརྒྱུད་པ་ཡིན་པས་བསྐྱེད་མི་དགོས་ལ། བདག་ཉིད་རྟ་མགྲིན་དབང་ཆེན་དུ་གསལ་བའི་ཐུགས་ཀའི་ཡི་གེ་ལས་འོད་ཟེར་དམར་པོ་ལྕགས་ཀྱུ་ལྟ་བུ་སྤྲོས་ཏེ། སོ་སོའི་གནས་ནས་སྤྱན་དྲང་བ་ནི༔ སྤོས་དང་ཕྱེ་མར་བསྲེག་ཅིང་༔ དར་དམར་པོས་གཡབས་ལ་གདུང་བའི་ང་རོས་འབོད་པ་ནི༔ ཀྱེ། ཕྱོགས་ཕྱོགས་དེ་ནི་ཕ་གི་ན༔ ཉི་མ་ནུབ་ཕྱོགས་ཕ་གི་ན༔ བཙན་ཡུལ་ཟངས་ཐང་དམར་པོ་ན༔ པདྨ་དབང་གི་བཀའ་ཉན་པ༔ ཆེ་བཙན་རོལ་པ་སྐྱ་བདུན་ནི༔ ཕལ་ཆེར་སྐུ་མདོག་དམར་པོ་ལ༔ ཕྱག་ན་བ་དན་ཞགས་པ་བསྣམས༔ སྡེ་བརྒྱད་དྲེགས་པའི་ཚོགས་དང་བཅས༔ ཚུར་སྤྱོན་ཚུར་སྤྱོན་གནས་འདིར་སྤྱོན༔ ཤུ་ལ་ཧྲཱིཿབཛྲ་ས་མ་ཡ་ཛཿ བྷྱོ། བཙན་མཁར་དམར་པོའི་ནང་ཤེད་ན༔ ཤ་ཁྲག་ལོངས་སྤྱོད་བསམ་མི་ཁྱབ༔ ཡིད་འོང་སྤྱན་གཟིགས་ཀུན་ནས་མཛེས༔ དམ་ཚིག་གཙང་མའི་གདན་ལ་བཞུགས༔ ས་མ་ཡ་ཏིཥྛ་ལྷན༔ ཀྱེ། སྐྱེས་བུ་རོལ་བ་སྐྱ་བདུན་ནི༔ འཕྲིན་ལས་མཛད་པ་བསམ་མི་ཁྱབ༔ པདྨ་དབང་གིས་བཀའ་སྩལ་པའི༔ དམ་ཚིག་གཉེར་བདག་ཁྱོད་ལ་བསྟོད༔ གཙང་མའི་སྐུ་ཁྲུས་འདི་འབུལ་ལོ༔ བདག་དང་ཡོན་གྱི་བདག་པོ་ལ༔ ཐུགས་རྗེའི་དབང་གིས་ཉེ་བར་མཛོད༔ ཨརྒྷཾ་བི་ཤུདྡྷེ་སྭཱ་ཧཱ༔ གཙང་མའི་བདུག་སྤོས་སྤྲིན་ལྟར་གཏིབས༔ མེ་ཏོག་སྣང་གསལ་དྲི་མཆོག་དང་༔ ཞལ་ཟས་སྙན་པའི་རོལ་མོ་འབུལ༔ ཐུགས་རྗེའི་དབང་གིས་ཉེ་བར་མཛོད༔ དྷཱུ་པེ། པུཥྤེདྷཱི་པཾ། གནྡྷེ། ནཻ་བི་དྱེ། ཤཔྟ་པཱུ་ཙ་ཧོཿ ཀྱེ། (༡༦ན)

― GLG025_Page_0765 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་བུ་སྲོག་གི་བདག་པོ་ནི༔ འཇིགས་བྱེད་རོལ་བ་སྡེ་བདུན་ཚོགས༔ ཁྱེད་ལ་དགྱེས་པའི་ལོངས་སྤྱོད་ནི༔ ཤ་ཁྲག་དམར་གཏོར་རི་ལྟར་སྤུངས༔ ཟག་མེད་བདུད་རྩི་མཚོ་ལྟར་བསྐྱིལ༔ རཀྟའི་ཡོན་ཆབ་རྫིང་ལྟར་གཏམས༔ སྤྱན་གཟིགས་ལོངས་སྤྱོད་སྐར་ལྟར་བཀྲམ༔ རྔ་གླིང་རོལ་མོ་འབྲུག་ལྟར་སྒྲོག༔ གླུ་དབྱངས་སྙན་པའི་ཚོགས་དང་བཅས༔ དམ་ཅན་མཆེད་བདུན་ཐུགས་དམ་བསྐང་༔ བཙན་འཁོར་འབར་བའི་༴ སྡེ་བརྒྱད་བསྡོངས་ཟླའི་༴ དཀོར་སྲུང་དམ་ཅན་༴ ལས་བཞི་ཕོ་ཉའི་༴ ཧཱུཾ་བསེ་མཁར་དམར་པོ་ལྡེམས་སེ་ལྡེམ༔ དར་དམར་རུ་མཚོན་པུར་རུ་རུ༔ བ་དན་དམར་པོ་ཡེངས་སེ་ཡེང་༔ དྲེགས་པ་མདའ་འཕེན་སྒྲེངས་སེ་སྒྲེང་༔ ལས་བྱེད་བཤན་པ་རོལ་ལོ་ལོ༔ བཤུག་པའི་འབོད་སྒྲ་དིར་རི་རི༔ བྷྱོ། ཆེ་བཙན་བདག་པོའི་ཐུགས་དམ་བསྐང་༔ སློབ་དཔོན་པདྨའི་སྤྱན་སྔ་རུ༔ ཐུགས་དམ་ཞལ་བཞེས་དེ་དགོངས་ལ༔ ཁྲི་སྲོང་ལྡེ་བཙན་རྗེ་རིགས་དང་༔ རྣལ་འབྱོར་དམ་ལྡན་བརྒྱུད་པར་བཅས༔ དམ་ཚིག་གཅིག་ཏུ་སྐྱོང་བ་དང་༔ སྐུ་ལ་བསྡོ་བའི་རིགས་བརྒྱུད་ཆོད༔ ལོག་ལྟའི་སྡེ་དཔུང་ཆམ་ལ་ཕོབ༔ སྔགས་འཆང་རྡོ་རྗེའི་དམ་མ་དྲལ༔ བཅོལ་ལོ་གཉེར་རོ་མཐུ་རྩལ་སྐྱེད༔ ཡལ་ཡོལ་འདྲིད་སྐོར་མ་མཛད་ཅིག༔ ངོ་བསྲུང་ཟས་ཕྱིར་མ་འབྲེང་མཛོད༔ ཐུགས་དང་འགལ་བ་སྐོངས་གྱུར་ལ༔ བུ་སྡུག་ཚ་བོ་བཞིན་དུ་སྐྱོངས༔ ཞེས་ཕུད་གཙང་ཕྱོགས་བཅུར་གཏོར་ཞིང་བསྐུལ་ལོ༔ བྲག་བཙན་(༡༦བ)

― GLG025_Page_0766 ―

^{[མ་དཔེ་གཟིགས་ན་འདིར་གནོན།]}

[Full Size]

མཆེད་བདུན་གྱི་གསོལ་བའི་ལས་བྱང་པདྨ་ཐོད་ཕྲེང་རྩལ་གྱིས་མཛད་པ་རྗེའི་སྐུ་ལྷར་བསྔགས་པའོ༔ སྱམྱཡྻ༔ རྒྱ་རྒྱ་རྒྱ༔ པདྨ་དབང་ཆེན་གྱི་བཀའ་སྲུང་ངོ༔ ཁ་ཐཾ༔ བཛྲ་རིན་པོ་ཆེ་ཀུན་བཟང་རྩེ་པའི་ཕྱག་བཞེས་འཁྲུལ་མེད་རྩེ་ལུགས། སྭཱ་དྷུ་ས་མཱ་ཛཿ ལན་གསུམ། རྡོ་རྗེ་ལེགས་པ་དགྲ་ལ་བྷྱོ། །དམ་ཅན་རྡོ་རྗེ་ལེགས་པ་ཁྱོད། །སྐུ་ལ་ངེས་པ་མ་མཆིས་སོ། །སྐུ་ཡི་སྤྲུལ་པ་ཅིར་ཡང་སྟོན། །ཆིབས་ལ་ངེས་པ་མ་མཆིས་སོ། །སེང་གེ་དྲེད་དང་ར་སྐྱེས་ཆིབས། །ཞལ་ནས་གདུག་པའི་ངན་སྔགས་སྒྲོག །ཕྱག་ན་གསེར་གྱི་རྡོ་རྗེ་གསོར། །ནམ་མཁའ་ཡངས་པའི་ཁམས་ཤེད་ན། །འབྲུག་སྒྲ་དྲག་པོ་འུར་རུ་རུ། །བར་སྣང་ཡངས་པའི་ཁམས་ཤེད་ན། །གློག་དམར་དེ་ནི་ཁྱུགས་སེ་ཁྱུག །ས་གཞི་ལངས་པའི་ཁམས་ཤེད་ན། །ཐོག་དང་སེར་བ་ཤར་ར་ར། །མཐིང་གི་ཁུ་འཕང་སིལ་ལི་ལི། །སྒྲུབ་ཁང་གཉན་གྱི་ནང་ཤེད་ན། །རླུང་ནག་འཚུབ་མ་འཁྱིལ་ལི་ལི། །གསང་བའི་བཤུག་ཀླུ་ཀྱུར་རུ་རུ། བསོ་སྒྲ་ཆེན་པོ་འུར་རུ་རུ། །དེ་ན་དམ་ཅན་ཆེན་པོ་བཞུགས། །མངག་པའི་ཕོ་ཉ་ཁྱོད་ཡིན་ནོ། །འགུགས་པའི་ལྕགས་ཀྱུ་ཁྱོད་ཡིན་ནོ། །འཆིང་བའི་ཞགས་པ་ཁྱོད་ཡིན་ནོ། །གསོད་པའི་མཚོན་ཆ་ཁྱོད་ཡིན་ནོ། །རྣལ་འབྱོར་བདག་གིས་ཁྱོད་བསྟེན་ནོ། །སྔགས་ཀྱི་སྲུང་མ་གཤེགས་སུ་གསོལ། །མཐུན་པའི་གྲོགས་པོ་གཤེགས་སུ་གསོལ། །འགྲོ་བ་ཀུན་བཟང་གཤེགས་སུ་གསོལ། །བདུད་ཀྱི་དམག་དཔོན་གཤེགས་སུ་གསོལ། །འདིར་སྤྱོན་དགྱེས་པའི་གདན་ལ་བཞུགས། ཁྱོད་ཀྱི་ཐུགས་དམ་བསྐང་བ་ནི། །སྲོག་(༡༧ན)

― GLG025_Page_0767 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་དབུགས་ཀྱིས་ཐུགས་དམ་བསྐང་། །དབུགས་མེད་སྲོག་གིས་ཐུགས་དམ་བསྐང་། །དགྲ་བོའི་རྣམ་པར་ཤེས་པས་བསྐང་། །ཛམ་བུ་ཏི་བས་ཐུགས་དམ་བསྐང་། །ཤ་ཁྲག་གཏོར་མས་ཐུགས་དམ་བསྐང་། །ཞལ་ཟས་ཚོགས་ཀྱིས་ཐུགས་དམ་བསྐང་། །རཀྟའི་རྒྱ་མཚོས་ཐུགས་དམ་བསྐང་། །དྲི་ཞིམ་སྤོས་ཀྱིས་ཐུགས་དམ་བསྐང་། །གསལ་བྱེད་མར་མེས་ཐུགས་དམ་བསྐང་། །ཆང་དང་སྙིང་གིས་ཐུགས་དམ་བསྐང་། །རྔ་དང་དབྱངས་ཀྱིས་ཐུགས་དམ་བསྐང་། །གར་དང་རོལ་མོས་ཐུགས་དམ་བསྐང་། །པི་ཝཾ་གླིང་བུ་ཌཱ་མ་རུ། །སྙན་པ་སྒྲ་ཡིས་ཐུགས་དམ་བསྐང་། །ཚོགས་འཁོར་རྒྱ་ཆེན་ཐུགས་དམ་བསྐང་། །མཆོད་གཏོར་སྤྱན་གཟིགས་འདི་བཞེས་ལ། །བསྟན་པ་གཉན་པོ་བསྲུང་བ་དང་། །དགེ་འདུན་སྡེ་རྣམས་སྐྱོང་བ་དང་། །རྐྱེན་ངན་བར་གཅོད་བཟློག་པ་དང་། །མཐུན་རྐྱེན་བསྒྲུབ་ཅིང་དངོས་གྲུབ་སྩོལ། །བཅོལ་བའི་འཕྲིན་ལས་སྒྲུབ་པར་མཛོད། །དམ་ཅན་རྡོ་རྗེ་ལེགས་པ་འཁོར་དང་བཅས་པའི་ལྗགས་ཧཱུཾ་ལས་སྐྱེས་པའི་རྡོ་རྗེ་རྩེ་གཅིག་པ་དམར་པོ་འོད་ཀྱི་སྦུ་གུ་ཅན་གྱིས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་བསམས་ལ། ཨོཾ་བཛྲ་སྭཱ་དྷུ་ས་པ་རི་ཝཱ་ར་ཨི་དམ་བཾ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ། སྔགས་མཐར་ཨརྒྷཾ་ནས་ཤཔྟའི་བར་གྱིས་མཆོད། འབྲུ་གསུམ་སྦྱར་བས་ནང་མཆོད་དབུལ། །དམ་ཅན་མགར་བའི་མཚན་ཅན་ནག་པོ་ཁྱོད། །ཞལ་གཅིག་ཕྱག་གཉིས་དབུ་སྐྲ་དམར་སེར་འཁྱིལ། །གཡས་ཀྱི་ཕྱག་ན་ཁྲོ་ཆུའི་ཐོ་བ་ཐོགས། །གཡོན་གྱི་ཕྱག་ན་(༡༧བ)

― GLG025_Page_0768 ―

^{[མ་དཔེ་གཟིགས་ན་འདིར་གནོན།]}

[Full Size]

མགར་བའི་རྦུད་པ་བསྣམས། །ར་ལ་ཆིབས་ཤིང་སྐུ་ལ་བེར་ནག་གསོལ། །སྤྱན་རྩ་དམར་ཞིང་ལྗགས་ནི་གློག་ལྟར་འཁྱུག །དམ་ཉམས་དགྲ་བོ་ཁྱུར་མིད་བྱེད་མཛད་པ། །ཞལ་ནས་རྐན་སྒྲ་དྲག་པོ་བསྔགས་པ་ཡིས། །ལོག་པར་ལྟ་པའི་བགེགས་རྣམས་འདར་དུ་འཇུག །སྲིད་གསུམ་གདུག་པའི་ཚོགས་རྣམས་ཐམས་ཅད་ཀུན། །ཟིལ་གྱིས་གནོན་ཅིང་དབང་དུ་སྡུད་མཛད་པ། །དམ་ཅན་མགར་བ་ནག་པོ་ཁྱོད་ལ་བསྟོད། །དམ་ཅན་ཁྱོད་ཀྱི་ཐུགས་དང་ཅི་འགལ་བ། །མ་རིག་དབང་གིས་ཉེས་པ་བྱུང་བ་རྣམས། །རབ་ཏུ་འགྱོད་པའི་སེམས་ཀྱིས་མཐོལ་ལོ་བཤགས། །ཉེས་པ་ཐམས་ཅད་བཟོད་པར་བཞེས་སུ་གསོལ། །བདག་གིས་བསྟོད་ཅིང་བཤགས་པའི་བསོད་ནམས་ཀྱིས། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱི། །མི་མཐུན་ཕྱོགས་རྣམས་མ་ལུས་ཞི་བ་དང་། །བསམ་པ་འགྲུབ་པའི་དངོས་གྲུབ་སྩལ་དུ་གསོལ། །ཞིང་སྐྱོང་སེང་གེའི་གདོང་པ་ཅན་གྱི་ལས་བྱང་གནམ་ལྕགས་སྤུ་གྲི་གསར་སྒྲིགས་ནས་ཁོལ་དུ་ཕྱུང་བ་ནི། ཧཱུཾ། ཀུན་ཏུ་བཟང་པོ་རིགས་འཛིན་པདྨ་འབྱུང་། །གཏེར་སྟོན་རིན་ཅེན་ཚུལ་རྡོར་ལ་སོགས་པ། །རྩ་བརྒྱུད་བླ་མའི་བསྟན་སྲུང་མཐུ་རྩལ་ཅན། །ཞིང་སྐྱོང་འཁོར་བཅས་གནས་འདིར་གཤེགས་སུ་གསོལ། །རྒྱལ་བའི་བསྟན་པ་གཉན་པོ་བསྲུང་བའི་ཚེ། །འཕགས་ཡུལ་རྡོ་རྗེ་གདན་ནས་༴ གསང་སྔགས་ཐེག་པའི་བཀའ་སྲུང་མཛད་པའི་ཚེ། །ཨྱོན་གསལ་བའི་གནས་ནས་༴ དཔའ་བོ་མཁའ་འགྲོའི་གཙོ་བོ་མཛད་པའི་ཚེ། །ཉི་ཤུ་རྩ་བཞིའི་ཡུལ་(༡༨ན)

― GLG025_Page_0769 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་༴ ལྷ་སྲིན་སྡེ་བརྒྱད་དམག་སྣ་འདྲེན་པའི་ཚེ། །དུར་ཁྲོད་བསིལ་བའི་ཚལ་ནས་༴ གྲངས་མེད་སྤྲུལ་པ་ཕྱོགས་བཅུར་འགྱེད་པའི་ཚེ། །ཏེ་སེ་གངས་ཀྱི་རི་ནས་༴ མ་སྲིང་བསྟན་མའི་འཁོར་གྱིས་བསྐོར་བའི་ཚེ། །ལ་ཕྱི་སྒྲུབ་པའི་གནས་ནས་༴ རིགས་འཛིན་དགྲ་ལྷ་ཆེན་པོ་མཛད་པའི་ཚེ། །གནས་མཆོག་ཙ་རི་ཏྲ་ནས་༴ དམ་ཉམས་དགྲ་བོའི་སྲོག་རྩ་གཅོད་པའི་ཚེ། །རྔམ་པ་སྒྲ་སྒྲོག་ཆེ་ནས་༴ ཟབ་མོ་གཏེར་གྱི་སྲུང་མ་མཛད་པའི་ཚེ། །ཟིལ་ཆེན་གསང་བའི་ཕུག་ནས་༴ ཚུར་སྤྱོན་ཚུར་སྤྱོན་སེང་གདོང་ཡབ་དང་ཡུམ། །བམ་རོ་ཕོ་མོ་དྲེགས་པ་སྡེ་བརྒྱད་ཚོགས། །གྲངས་མེད་འཁོར་ཚོགས་རྒྱ་མཚོར་བཅས་པ་རྣམས། །དམ་ལས་མ་འདའ་ཐོགས་མེད་ད་ཚུར་སྤྱོན། །ཨཱོཾ་མ་ཧཱ་ཀཱ་ལ་སིདྷ་མུ་ཁ་ཧཱུཾ་ཕཊ་ཏྲི་ཧྲིང་ཛཿ ཌཱ་ཀི་ནཱི་སིཾ་ན་ར་མ་ཧཱུཾ་ཕཊ་ཏྲི་ཧྲིང་ཛཿ ས་པ་རི་ཝཱ་ར་ཨེ་ཧྱེ་ཧི་བཛྲ་ས་མ་ཡ་ཛཿཛཿ ཧཱུཾ། འཇིགས་རུང་དུར་ཁྲོད་ཆེན་པོའི་དབུས། །པད་ཉི་དགྲ་བགེགས་གདན་སྟེང་དུ། །བདུད་མགོན་ཡབ་ཡུམ་འཁོར་བཅས་རྣམས། །དགྱེས་ཤིང་བརྟན་པར་བཞུགས་སུ་གསོལ། །ས་མ་ཡ་ཏིཥྛ་ལྷན། ཧཱུཾ། མཐུ་སྟོབས་རྫུ་འཕྲུལ་བསམ་མི་ཁྱབ། །བདུད་མགོན་ནག་པོ་སེང་གེའི་གདོང་། །ཡབ་ཡུམ་འཁོར་དང་བཅས་པ་ལ། །འཕྲིན་ལས་བསྒྲུབ་ཕྱིར་ཕྱག་འཚལ་བསྟོད། །ཨ་ཏི་པུ་ཧོཿ པྲ་ཏཱི་ཙྪ་ཧོཿ སྲུང་མ་འཁོར་བཅས་སྤྱན་ལམ་དུ། །ཕྱི་ནང་གསང་བའི་མཆོད་ཚོགས་ཀུན། །དངོས་བཤམས་ཡིད་ཀྱིས་སྤྲུལ་ནས་འབུལ། །བཞེས་ནས་བཅོལ་བའི་འཕྲིན་ལས་མཛོད། །(༡༨བ)

― GLG025_Page_0770 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱོཾ་མ་ཧཱ་ཀཱ་ལ་སིདྷ་མུ་ཁ་སིཾ་ན་ར་མ་ཏྲི་ཧྲིཾ་ཡ་མ་རཱ་ཛ་དུ་ཏྲི་ཕུ་ཏྲི་ས་པ་རི་ཝཱ་ར་ཨརྒྷཾ་ནས། ཤཔྡའི་བར་བརྗོད། དམར་ཆེན་གཏོར་མའི་རི་ལྟར་སྤུངས། སྨན་ཕུད་རྒྱ་མཚོ་ལྟ་བུར་བསྐྱིལ། །དམར་ཆེན་ཁྲག་གི་ཨརྒྷཾ་སྦྲེང་། །དམ་ཅན་འཁོར་བཅས་བཞེས་སུ་གསོལ། །གོང་གི་སྔགས་གཤམ་དུ་ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི། མ་ཧཱ་མཾ་ས་གོ་རོ་ཙ་ན་ཙིཏྟ་བྷ་སུ་ཏ་ཀེཾ་ནྲྀ་ཏཾ་ཁ་རཾ་ཁཱ་ཧི། སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། མ་ཧཱ་རཀྟ་ཁ་རཾ་ཁཱ་ཧི། ཧཱུཾ། བསྐལ་བ་དུས་མཐའི་མེ་རླུང་འཁྲུག་པའི་དབུས། །སྟོང་གསུམ་སྐད་ཅིག་མྱུལ་བའི་རྟ་མཆོག་སྟེང་། །འཇིགས་རུང་གར་དགུའི་ཉམས་ཀྱིས་རྣམ་རོལ་བའི། །ཞིང་སྐྱོང་སེང་གེའི་གདོང་ཅན་ཁྱོད་ལ་བསྟོད། །མདོག་དམར་མི་སྡུག་སྲིན་མོ་ཁྲོས་པའི་གཟུགས། །དགྲ་བོའི་དོན་སྙིང་བཟུང་ནས་ཁྲག་རྒྱུན་འཐུང་། །རླུང་གི་ཤུགས་ལྡན་བཙན་རྟ་དམར་པོ་ཆིབས། །མ་མོ་མཁའ་འགྲོའི་གཙོ་མོ་ཁྱོད་ལ་བསྟོད། །མཐོང་བ་ཙམ་གྱིས་འཇིགས་ཤིང་སྐྱི་གཡའ་བ། །རྦད་ན་དགྲ་བགེགས་བདུན་བརྒྱུད་རྩད་ནས་གཅོད། །ལས་ཀུན་ཐོགས་མེད་སྒྲུབ་པའི་མཐུ་རྩལ་ཅན། །སྡེ་བརྒྱད་དྲེགས་པའི་འཁོར་ཚོགས་རྣམས་ལ་བསྟོད། །ཆོས་དབྱིངས་བདེ་བ་ཆེ་ལས་མ་གཡོས་ཀྱང་། །མི་སྲུན་བཤན་པ་བདུད་མགོན་སེང་གེའི་གདོང་། །ཡབ་ཡུམ་གཉིས་ཀྱི་ཐུགས་དམ་དུས་ལ་བབ། །ཤ་ཁྲག་རྒྱན་གྱི་གཏོར་མ་འདི་བཞེས་ལ། །རྣལ་འབྱོར་བདག་ལ་སྡང་བའི་དམ་ཉམས་དགྲ །སྟེང་འོག་ཕྱོགས་མཚམས་བར་གསུམ་གར་འདུག་ཀྱང་། །ཚེ་སྲོག་སྟོབས་འབྱོར་མངའ་ཐང་ཁ་རྗེ་ཆོམས། །ལོ་ཟླར་མ་འཇོག་སྙིང་ཁྲག་ཞལ་དུ་གསོལ། །(༡༩ན)

― GLG025_Page_0771 ―

^{[མ་དཔེ་གཟིགས་ན་འདིར་གནོན།]}

[Full Size]

མདོག་སེར་དྲི་ངན་སྤྱི་བོ་ཚུགས་སུ་འགྲོ། །བྱ་སྡེར་སར་བཙུགས་རྐང་པས་དམར་གཏོར་འཕེན། །བམ་ཆེན་ཕོ་མོའི་ཐུགས་དམ་དུས་ལ་བབ། །ཤ་ཁྲག་རྒྱན་གྱི་གཏོར་མ་འདི་བཞེས་ལ། །རྣལ་འབྱོར་བདག་ལ་སྡང་བའི་དམ་ཉམས་དགྲ །སྟེང་འོག་ཕྱོགས་མཚམས་བར་གསུམ་གར་འདུག་ཀྱང་། །ཚེ་སྲོག་སྟོབས་འབྱོར་མངའ་ཐང་ཁ་རྗེ་ཆོམས། །ལོ་ཟླར་མ་འཇོག་སྙིང་ཁྲག་ཞལ་དུ་གསོལ། །འཇིགས་པའི་གཟུགས་ཅན་སྣ་ཚོགས་མཚོན་ཆ་ཐོགས། །སྟོང་གསུམ་མྱུལ་ཞིང་དགྲ་བོའི་བླ་ཚེ་བརྐུ། །འཁོར་ཚོགས་རྒྱ་མཚོའི་ཐུགས་དམ་དུས་ལ་བབ། །ཤ་ཁྲག་རྒྱན་གྱི་གཏོར་མ་འདི་བཞེས་ལ། །རྣལ་འབྱོར་བདག་ལ་སྡང་བའི་དམ་ཉམས་དགྲ །སྟེང་འོག་ཕྱོགས་མཚམས་བར་གསུམ་གར་འདུག་ཀྱང་། །ཚེ་སྲོག་སྟོབས་འབྱོར་མངའ་ཐང་ཁ་རྗེ་ཆོམས། །ལོ་ཟླར་མ་འཇོག་སྙིང་ཁྲག་ཞལ་དུ་གསོལ། །བྷྱོ། རིག་རྒྱ་ཞང་ཁྲོམ་གྱི་གཏེར་བྱོན་ལྕགས་འདྲ་པད་ལུགས་སུ་གཏོགས། འཛིན་པདྨ་འབྱུང་གནས་དང་། །གནུབས་ཆེན་རྡོ་རྗེ་ཡང་ཝང་གི །དམ་ལ་གནས་པའི་དད་ཤུགས་འཆང་། །གསང་བ་སྙིང་འཛིངས་གཏེར་བདག་རྣམས། །སྒྲུབ་པའི་སྟོང་གྲོགས་བགྱིད་པ་དང་། །རང་ཉིད་མཆོད་པ་བཞེས་སླད་དུ། །གནས་འདིར་དད་པས་སྤྱན་འདྲེན་གྱི། །དམ་ཚིག་དབང་གིས་གཤེགས་སུ་གསོལ། །བཛྲ་ཨཾ་ཀུ་ཤ་ཛཿཛཿ གཏོར་མ་སྭ་བྷཱ་ཝས་སྟོང་པར་སྦྱངས། །སྟོང་པའི་ངང་ལས་བྷྲཱུཾ་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨཱོཾ་ཨཱཿཧཱུཾ། ལན་གསུམ་གྱིས་བྱིན་གྱིས་བརླབས། ན་མཿསརྦ་ཏ་ཐཱ་ག་ཏེ་བྷྱོཿ ཞེས་སོགས་ཀྱིས་ཕུལ། འདོད་དོན་གསོལ། སྒྲུབ་པ་པོའི་སྙིང་མི་དགའ་བའམ། །ཚིག་པ་ཟ་བའམ། ཁྲོ་སྙིང་འདོད་པའམ། ཤེས་པ་མི་བདེ་བ་ལ་སོགས་བྱུང་ན། གཏེར་སྲུང་གི་སྐྱོན་ཡིན་པས། ཆོས་སྐྱོང་ལ་གཏད་རྒྱ་བཀྲོལ་ཏེ་སྔོན་དུ་ཟིལ་གནོན་གྱི་གཏོར་མ་བསྔོའོ། །གཏེར་བདག་མཆོད་པ་ནི། (༡༩བ)

― GLG025_Page_0772 ―

^{[མ་དཔེ་གཟིགས་ན་འདིར་གནོན།]}

[Full Size]

མཎྜལ་གྲུ་གསུམ་ནག་པོའི་ཁར། གཏོར་མ་ཤ་ཁྲག་གིས་བརྒྱན་པ་བཞག་ལ། དེ་ལ་དྲག་པོའི་སྔགས་ཀྱིས་ལྷ་ཚོགས་ལ་ཕུལ། གསོལ་བ་བཏབ། གཡས་སུ་རྡོ་རྗེ་རྒྱ་གྲམ་དཀར་པོའི་སྟེང་དུ་གཏོར་མ་དཀར་པོ་ལ་ར་དཀར་མོའི་འོ་མ་བླུག །ཆབ་ཀླུ་སྨན་དང་བཅས་པ་བླུག །དེ་ཀླུ་བདུད་རྡོ་རྗེ་སྤྱན་གཅིག་དང་རྩེ་ལྷ་མཐུ་བོ་ཆེ་ལ་ཕུལ། གཡོན་དུ་རྡོ་རྗེ་རྒྱ་གྲམ་དམར་པོའི་སྟེང་དུ་གཏོར་མ་དམར་པོ་ཞིག་བཞག་གོ །དེ་ལྷ་སའི་བདུད་བཙན་དང་། རྫ་ལྷུད་མོའི་གཏེར་བདག་དང་། ཡེར་པའི་རྫོང་བདག་ལ་བསྔོའོ། །སྒྲུབ་པ་པོའི་རྨི་ལམ་འཁྲུག་པ་དང་། དགྲ་བོ་སྒྲོལ་ན་བྱའོ། །བདག་ཉིད་ཐོད་བཅིངས། ཞུ་བ་པོས་ཕྱག་བཙལ། ཡོན་ཕུལ། རྔ་བརྡུང་ཞིང་སྤོས་དུད་བཏང་ལ་འདི་སྐད་དོ། །བྷྱོ། འགྱུར་བ་མེད་པ་ཆོས་ཀྱི་དབྱིངས། །ཆོས་སྐུ་འགྱུར་བ་མེད་པ་ལས། །ལོངས་སྐུ་ཡ་མཱནྟ་ཀ་བྱུང་། །ལོངས་སྐུ་ཡ་མཱནྟ་ཀ་ལས། །སྤྲུལ་སྐུ་ཚེ་བདག་ནག་པོ་བྱུང་། །སྟོན་པའི་སྐུ་གསུང་ཐུགས་ལ་བབ། །བྷྱོ། གཡུང་ཕུའི་རྩེ་ལྷ་མཐུ་བོ་ཆེ། །ཆིབས་སུ་རྟ་དཀར་ཕྲུམ་དམར་ཆིབས། །སྐུ་ལ་དར་དཀར་སློག་པ་གསོལ། །དབུ་ལ་དར་དཀར་འགྱིང་ཐོད་བཅིངས། །སྟག་རལ་གཡས་ལ་གཟིག་ཤུབས་གཡོན། །ཕྱག་ན་དར་དཀར་མདུང་རིང་བསྣམས། །རྒྱུ་ཐུམས་སྙིང་གཟེར་དགྲ་ལ་ཡཱ། །དགྲ་བོའི་ཡུལ་དུ་དམག་དྲོངས་ཤིག །བྷྱོ། ཡེར་པའི་རྫོང་བདག་མཐུ་བོ་ཆེ། །ཆིབས་སུ་ཞུར་དམར་མདོངས་པོ་ཆིབས། །སྐུ་ལ་དར་དམར་བེར་ཆེན་གསོལ། །དབུ་ལ་དར་གྱི་འགྱིང་ཐོད་བཅིངས། །སྟག་རལ་གཡས་ལ་གཟིག་ཤུབས་གཡོན། །དར་དམར་རུ་མཚོན་གནམ་དུ་འཕྱར། །བཙན་གྱི་ཞགས་པ་ཀླད་ལ་བསྐོར། །དམ་ཉམས་དགྲ་ལ་བཙན་ཞགས་(༢༠ན)

― GLG025_Page_0773 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ། །གྲི་འཐབ་ཕོ་གཟེར་དགྲ་ལ་ཕོག །བྷྱོ། ལྷ་སའི་བདུད་བཙན་མཐུ་བོ་ཆེ། །ཆིབས་སུ་བྲ་ནག་རྟིང་དཀར་ཆིབས། །སྐུ་ལ་བེར་ནག་སུམ་བརྩེགས་གསོལ། །དབུ་ལ་ཐོད་ནག་འདོམ་གསུམ་བཅིངས། །སྟག་རལ་གཡས་ལ་གཟིག་ཤུབས་གཡོན། །ཕྱག་ན་དར་ནག་རུ་མཚོན་འཕྱར། །བདུད་ཞགས་ནག་པོ་མདའ་ལྟར་འཕེན། །འཐིབས་ནད་ནག་པོ་དགྲ་ལ་ཡཱ། །བྷྱོ། ཀླུ་བདུད་རྡོ་རྗེ་སྤྱན་གཅིག་མ། །ཆིབས་སུ་རུས་སྦལ་དཀར་ཁྲ་ཆིབས། །སྐུ་ལ་སྡིག་པའི་གཡང་གཞི་གསོལ། །དབུ་ལ་སྦྲུལ་གྱི་གདེངས་ཀ་ཅན། །སྲམ་གྱི་རྒྱལ་མཚན་གནམ་དུ་འཕྱར། །སྦྲུལ་ནག་ཞགས་པ་ཀླད་ལ་བསྐོར། །ཀླུ་ནད་མཛེ་ཤུ་དགྲ་ལ་ཡཱ། །ཞེས་བསྐུལ་ལོ། །གཏོར་མ་ཕུལ། དེ་ནས་ཞུ་བ་པོ་ལ་ལག་གཏོར་བྱས་ལ། ཆོས་ལག་ཏུ་གཏད། དེ་ལྟར་བྱས་ན་བཀྲ་ཤིས་བྱིན་ཆེ། དེ་ལྟར་མ་བྱས་ན་སློབ་དཔོན་མཛེས་ཁྱེར། སློབ་མ་སྨྱོ་འོང་ངོ་། །འདིའི་སྒྲུབ་ལུགས་གཏད་རྒྱ་ལོ་རྒྱུས་ཟུར་དུ་གསལ་ལོ། །གནུབས་བུདྡྷས་གཡས་རུ་རྫ་ལྷུད་མོའི་མཁའ་འགྲོ་མ་གྲོས་འདེབས་ས་རུ་སྦས་སོ། །དེ་བླ་མ་ཞང་ཁྲོམ་གྱིས་བཏོན། དྲེགས་པ་ཅན་བཞི་པོ་འདིས། །བླ་མའི་ལས་ཀ་བྱ་ཡི་གསུངས། །ཆོས་སྐྱོང་དུ་སོང་ནས་གཏོར་མ་རེ་གུད་དུ་དགོས་སོ་གསུང་། སྙིང་འཛིངས་དང་། སྟག་ཞོན་སྙིང་གཅིག་མའི་གཏད་རྒྱ་འགྲོལ་བའི་གདམས་པ། སྤུ་ངན་བདག་གིས་ཕྱི་རབས་གང་ཟག་དོན་དུ་གཏེར་དང་ཕྱོགས་གཅིག་ཏུ་སྦས་སོ། འདི་ལས་ལྷག་པ་ཡོད་ན་ན་ར་ཀན། ཨྠྀི། རྒྱ་རྒྱ་རྒྱ། ཟབ་རྒྱ། གཏེར་བདག་མཆོད་པ་གལ་ཆེ་བས་དབང་སྒྲུབ་དུས་སུ་ངེས་པར་བྱའོ། མ་བྱས་ན་འཁུ་ལྡོག་ཡོང་བར་གྲགས་ཤིང་མངོན་ནོ། །གསར་བྲིས། ཕུར་སྲུང་མཆོད་པའི་རིམ་པ་ནི། དཔལ་ཆེན་(༢༠བ)

― GLG025_Page_0774 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུར་བུ་སྒྲུབ་པའི་སྲུང་མ་མཆོག །དཀར་མོ་ཉི་ཟླ་སྟོང་གི་འཕྲེང་བ་ཅན། །གཡས་པ་རི་རབ་འཕེན་ཅིང་གཡོན་པ་ཡིས། །གླིང་བཞིར་བྷྱོ་བཟློག་རབ་བྱེད་ཉི་ཟླ་བརྒྱས། །དབུར་བརྒྱན་དགུ་བརྒྱས་དོ་ཤལ་རིན་ཅེན་དང་། །སྟག་ལྤགས་སྦྲུལ་ཆུན་དར་དཀར་ན་བཟའ་ཅན། །མཆེ་གཙིགས་སྤྱན་གསུམ་ཁྲོ་མོའི་ཉམས་ལྡན་པ། །འཁོར་བཅས་གནས་འདིར་སྤྱན་འདྲེན་གཤེགས་སུ་གསོལ། །བདུད་ཀྱི་རྒྱལ་པོ་ཐོད་འཕྲེང་མུན་པའི་མདོག །གཡས་པ་བ་དན་གཡོན་པ་མགོ་འཕྲེང་འཛིན། །དར་ནག་གོས་གྱོན་བདུད་རྟ་ནག་པོ་ཆིབས། །འཁོར་བཅས་གནས་འདིར་སྤྱན་འདྲེན་གཤེགས་སུ་གསོལ། །རིགས་འཛིན་སློབ་དཔོན་ཆེན་པོའི་སྤྱན་སྔ་རུ། །ཕུར་བུའི་སྲུང་མར་ཁས་བླངས་མཐུ་རྩལ་ཅན། །ཤྭ་ནག་མཆེད་བཞི་རེ་མ་མཆེད་བཞི་དང་། །བསེ་མོ་མཆེད་བཞི་སྐྱེས་བུ་སྒྲོལ་བའི་གིང་། །སྡེ་བཞིར་བཅས་སོགས་ཕུར་བུའི་སྲུང་མའི་ཚོགས། །འཁོར་བཅས་གནས་འདིར་སྤྱན་འདྲེན་གཤེགས་སུ་གསོལ། །དཀར་བདུད་སྲུང་མ་བཅུ་དྲུག་སྤྱན་ལམ་དུ། །དམར་ཆེན་ཤ་རུས་གཏོར་མ་རི་ལྟར་སྤུངས། །བདུད་རྩི་སྨན་གྱི་མཆོད་པ་མཚོ་ལྟར་བསྐྱིལ། །རཀྟ་ཁྲག་གི་ཨརྒྷཾ་རྦ་ཀློང་འཁྲུག །དབང་པོའི་མེ་ཏོག་ཤ་ཆེན་དུད་པ་དང་། །ཞུན་ཆེན་མར་མེ་ཤ་རུས་ཞལ་ཟས་ཚོགས། །རྐང་གླིང་སྙན་པའི་རོལ་མོར་བཅས་པ་འབུལ། །མཐུན་པའི་དམ་རྫས་འདི་རྣམས་རབ་བཞེས་ལ། །རིགས་འཛིན་བདག་ཅག་བསྙེན་ཅིང་སྒྲུབ་པ་དང་། །ལས་སྦྱོར་བསྐྱེད་རིམ་ཕྱག་རྒྱ་གར་འཆམས་སོགས། །སྲིད་པ་ཕུར་བུ་སྒྲུབ་པར་བྱེད་པ་ལ། །བཅོལ་བའི་འཕྲིན་ལས་མ་ལུས་སྒྲུབ་པར་མཛོད། །གསར་བྲིས། གཞི་བདག་གཏོར་མ་ནི། བཛྲ་ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་འོད་དུ་ཞུ་བ་ལས་(༢༡ན)

― GLG025_Page_0775 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བའི་གཏོར་མ་རང་རང་གི་དབང་པོ་རྣམས་ཚིམ་པར་བྱེད་ནུས་པའི་འདོད་ཡོན་ལྔ་ལྡན་གྱི་བདུད་རྩིའི་རྒྱ་མཚོ་ཟད་མི་ཤེས་པར་གྱུར་པར་བསམས་ལ། ཨོཾ་ཨཱཿཧཱུཾ། ལན་གསུམ་བརྗོད་དེ་བྱིན་གྱིས་བརླབས། རང་གི་ཐུགས་ཀ་ནས་འོད་ཟེར་ལྕགས་ཀྱུ་ལྟ་བུ་འཕྲོས། ས་གཞི་ཡུལ་གྲོང་ལ་གནས་པའི་སྲུང་མ་ཐམས་ཅད་བཛྲ་ས་མཱ་ཛཿས་སྤྱན་དྲངས་པར་བསམས་ལ། དེ་བཞིན་གཤེགས་པ་བཞིའི་མཚན་བརྗོད། ཨོཾ་ཨ་ཀཱ་རོ་མུ་ཁཾ་སརྦ་དྷ་རྨཱ་ཎཱཾ་ཨཱ་དྱ་ནུ་ཏྤ་ནྣ་ཏྭཱ་ཏ་ཨོཾ་ཨཱཿ་ཧཱུཾ་ཕཊ་སྭཱ་ཧཱ། ལན་གསུམ་གྱིས་བསྔོས། ཨོཾ་ཨརྒྷཾ་ནས་ཤཔྟའི་བར་གྱིས་མཆོད། མཆོད་སྦྱིན་གྱི་གཏོར་མ་གཟུགས་སྒྲ་དྲི་རོ་རེག་བྱ་འདོད་པའི་ཡོན་ཏན་ལྔ་དང་ལྡན་པ་འདི་ཉིད་སའི་ལྷ་མོ་བསྟན་མ། བོད་ཁམས་སྐྱོང་བའི་བསྟན་མ་བཅུ་གཉིས་ལ་སོགས་པ་གནས་བདག །གཞི་བདག །གྲོང་བདག །ཡུལ་བདག་གཉུག་མར་གནས་པ་རྣམས་དང་། མ་ལྟར་བྱམས་ཤིང་སྲིང་ལྟར་ཉེ་བ་རྣམས་ལ་འབུལ་ལོ། །སངས་རྒྱས་ཀྱི་བསྟན་པ་དར་ཞིང་འཇིག་རྟེན་དུ་དགེ་ལེགས་རྒྱ་ཆེན་པོ་འབྱུང་བ་དང་། གནས་མགྲོན་གྱི་དམ་ཚིག་སྲུངས། བདག་ཅག་དཔོན་སློབ་ཡོན་མཆོད་འཁོར་དང་བཅས་པས་བྱ་བ་དང་སྤྱོད་པ་ཉེས་པ་ལ་ཀོ་ལོང་རུ་ང་ཕྲག་དོག་མ་མཛད་པར། བསམ་སྦྱོར་ཆོས་མཐུན་ཡིད་བཞིན་དུ་འགྲུབ་པའི་འཕྲིན་ལས་གཏོང་གྲོགས་རྒྱ་ཆེན་པོ་མཛད་དུ་གསོལ། ན་མཿ བདག་གི་བསམ་པའི་སྟོབས་དག་དང་། །དེ་བཞིན་གཤེགས་པའི་བྱིན་སྟོབས་དང་། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །དོན་རྣམས་གང་དག་བསམས་པ་ཀུན། །དེ་དག་ཐམས་ཅད་ཅི་རིགས་པར། །འཇིག་རྟེན་ཁམས་འདིར་མ་ལུས་པར། །ཐོགས་པ་མེད་པར་འབྱུང་གྱུར་ཅིག །ཅེས་བདེན་སྟོབས་བརྗོད། སརྦམངྒ་ལཾ།།

ནད་བདག་སྟོབས་འཇོམས་ཀྱི་ཆོག་སྒྲིགས་མི་མཐུན་སྨག་རུམ་སེལ་བའི་བརྒྱ་ཕྲག་ཉི་དངོས།

― GLG025_Page_0777 ―

^{[མ་དཔེ་གཟིགས་ན་འདིར་གནོན།]}

[Full Size]

ནད་བདག་སྟོབས་འཇོམས་ཀྱི་ཆོག་སྒྲིགས་མི་མཐུན་སྨག་རུམ་སེལ་བའི་བརྒྱ་ཕྲག་ཉི་དངོས་བཞུགས་སོ།།

― GLG025_Page_0778 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་འདས་བསྐལ་བ་གྲངས་མེད་དུས་ནས་ཀྱང་། །རྨད་བྱུང་དོན་གཉིས་ལྷུན་གྲུབ་འཛམ་གླིང་ན། །ཟླ་བྲལ་རིག་སྔགས་འཆང་བའི་འཁོར་སྒྱུར་ཆེ། །སློབ་དཔོན་སངས་རྒྱས་གཉིས་པས་རྟག་ཏུ་སྐྱོངས། །དེའང་ཐེམས་ཡིག་ལས། ས་ནད་གཉན་ནད་འཇོམས་པའི་ཕྱིར། །ནད་བདག་སྟོབས་འཇོམས་མན་ངག་ཡོད། །ཅེས་པ་ལྟར་རྫས་ཡོ་བྱད་རྣམས་ཕུན་སུམ་ཚོགས་པ་གཞུང་དང་བླ་མ་དམ་པའི་ཞལ་ཤེས་བཞིན་བཤམ་ཞིང་རང་ལྷའི་རྣལ་འབྱོར་ཚོགས་མཆོད་ཡོན་དང་སྔོན་འགྲོ་བསངས་ཁྲུས་སོགས་སོང་ནས་རོལ་མོ་དབྱངས་དང་བཅས་པས། ཧཱུཾ། སྔོན་གྱི་བསྐལ་བ་དང་པོ་ལ༔ སློབ་དཔོན་པདྨ་འབྱུང་གནས་ཀྱིས༔ བཀའ་དང་དམ་ལ་བཏགས་པ་ཡིས༔ འཛམ་གླིང་བོད་ཀྱི་ལྷ་འདྲེ་རྣམས༔ ཆོས་ཉིད་བདེན་པའི་བཀའ་ལ་ཉན༔ ཁ་རག་གསང་བའི་ལྷ་བྲག་ཏུ༔ བསྟན་མ་བཅུ་གཉིས་དམ་ལ་བཏགས༔ གཙང་གི་ཁ་རག་གཡག་མིག་ཏུ༔ འབྲོག་མོ་ཐམས་ཅད་དམ་ལ་བཏགས༔ བསམ་ཡས་དབུ་རྩེའི་རིགས་གསུམ་དུ༔ རྒྱལ་པོ་ཐམས་ཅད་དམ་ལ་བཏགས༔ ཁམས་ཀྱི་གླ་བ་རྐང་གཅིག་ཏུ༔ ཐེ་བྲང་ཐམས་ཅད་དམ་ལ་བཏགས༔ (༢ན)

― GLG025_Page_0779 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུབ་ཀྱི་ལ་ཐོག་བྲག་དམར་དུ༔ དྲི་ཟ་ཕོ་མོ་དམ་ལ་བཏགས༔ བྱང་གི་གནམ་མཚོ་ཕྱུག་མོ་རུ༔ ཕོ་རྒྱུད་ཐམས་ཅད་དམ་ལ་བཏགས༔ ན་མར་རྒོད་གོང་ལྷ་བཙན་དུ༔ འབྲོག་མོ་ཐམས་ཅད་དམ་ལ་བཏགས༔ མལ་དོ་བཀུང་གི་རྒྱ་ཚལ་དུ༔ ཀླུ་རིགས་ཐམས་ཅད་དམ་ལ་བཏགས༔ རང་དོད་ལུང་པ་ནག་པོ་རུ༔ སྲིན་པོ་ཕོ་མོ་དམ་ལ་བཏགས༔ གུ་རུ་ཡར་ལ་གཤེགས་པའི་ཚེ༔ མང་ཡུལ་བྱེ་མའི་ལ་ཐོག་ཏུ༔ ལྷ་སྲིན་སྡེ་བརྒྱད་དམ་ལ་བཏགས༔ གཡའ་དང་གངས་ཀྱི་རྩེ་མོ་རུ༔ སྨན་བཙུན་ཐམས་ཅད་དམ་ལ་བཏགས༔ པདྨ་འབྱུང་གནས་སྤྱན་སྔ་རུ༔ བོད་ཀྱི་ལྷ་འདྲེ་ཐམས་ཅད་ཀྱིས༔ རང་རྟགས་སྲོག་གི་སྙིང་པོ་ཕུལ༔ མཐའ་ཡི་དམག་དཔུང་བཟློག་པ་དང་༔ དབེན་གནས་ཆོས་འཁོར་སྐྱོང་བ་དང་༔ གཙུག་ལག་གཉེན་པོ་བསྲུང་བ་དང་༔ དལ་ཡམས་ཐམས་ཅད་བཟློག་པ་དང་༔ བོད་ཁམས་སྐྱོབ་པའི་གྲོགས་བྱེད་པར༔ ཁས་བླངས་དམ་བཅའ་མ་བྱས་སམ༔ དེ་ཕྱིར་བཀའ་ལས་མ་འདའ་བར༔ སྔོན་གྱི་དམ་ཚིག་དྲན་པར་གྱིས༔ ཁྱོད་ཀྱི་སྲོག་སྙིང་ང་ལ་ཡོད༔ འདུ་འདུ་ལྷ་སྲིན་དམ་ལ་འདུ༔ (༢བ)

― GLG025_Page_0780 ―

^{[མ་དཔེ་གཟིགས་ན་འདིར་གནོན།]}

[Full Size]

གུཾ་གུཾ་ཆུཾ་ཆུཾ་ལས་ལ་ཆུཾ༔ གསེར་སྐྱེམས་བཤོས་བཟང་གཙང་མ་འདི༔ བོད་ཀྱི་གཞི་བདག་ཐམས་ཅད་དང་༔ འགོ་བའི་ལྷ་ལྔ་མཆོད་ཕྱིར་འབུལ༔ ས་ཕྱོགས་འདི་ཡི་གཞི་བདག་རྣམས༔ ཁྱོད་ཀྱི་མཐུ་རྩལ་དབྱུང་དགོས་སོ༔ ནུས་མཐུ་ལྡན་པའི་གཞི་བདག་རྣམས༔ རྣལ་འབྱོར་བདག་གི་གྲོགས་མཛོད་ལ༔ ས་ཕྱོགས་འདི་ཡི་ནད་རིམས་བཟློག༔ དམག་དཔུང་དགྲ་བགེགས་ཐམས་ཅད་བཟློག༔ ལྟས་ངན་པྲ་ངན་ཐམས་ཅད་བཟློག༔ བདུད་དང་དམ་སྲི་འགོང་པོ་བཟློག༔ ནུས་མཐུ་ཆུང་བའི་ལྷ་འདྲེ་རྣམས༔ རང་རང་བསམ་པ་བཟང་པོ་ཡིས༔ ཁྱེད་རང་གནས་པའི་ས་ཕྱོགས་སྲུང་༔ ང་ཡི་བཀའ་ལ་མི་ཉན་པར༔ ལོག་པར་འཁུ་བའི་ལྷ་འདྲེ་རྣམས༔ རྡོ་རྗེ་ཁྲག་འཐུང་ཁྲོས་པ་ཡིས༔ སྡང་མིག་གཟིགས་པས་བརླག་པར་འགྱུར༔ ཧཱུཾ་ཧཱུཾ་ཧཱུཾ། བཛྲ་ཀྲོ་ཏ་ཧཱུཾ། ས་མ་ཡ། མ་མ་རུ་ལུ། དྷེ་བ་ཨང་༔ རུ་དྲ་དྷ་མུན་ཡུ་ཐུན་ཤུ་ལ་ཛཿ ར་ཙ་ཙ། ཡཀྵ་ཀྵ། གྷྲི་བཛྲ། རག་ཤ་ར། བཛྲ་ས་དུ་ཧྲི། ཧི་ཤཾ། ཏྲི། ས་ནཱ་ག་ཕུ། ས་མ་ཡ། ཨ་མྲྀ་ཏ་ན་ར་སྐན་། ཧཱུཾ། སྟོང་ཡེ་ཤེས་ཀྱི་མ་མོ་མཆོད་པ་ལ་གཏོར་མ་དང་གསར་སྐྱེམས་བཤམ། གསུམ་སྟོང་གི་གཞལ་ཡས་ནས༔ དམ་ཚིག་དབང་གི་དཀྱིལ་འཁོར་ནས༔ དབང་ཆེན་རྟ་མཆོག་ཡབ་ཡུམ་ལ༔ མཁའ་འགྲོ་བྱེ་བ་འབུམ་གྱིས་བསྐོར༔ གནས་འདིར་སྤྱན་འདྲེན་གཤེགས་སུ་གསོལ༔ སྟོང་གསུམ་སྟོང་གི་ཤར་ཕྱོགས་ནས༔ བཻཌཱུར་དག་པའི་གཞལ་ཡས་ནས༔ རྡོ་རྗེ་མཁའ་འགྲོ་བྱེ་བ་འབུམ༔ གནས་འདིར་སྤྱན་འདྲེན་གཤེགས་སུ་གསོལ༔ སྟོང་གསུམ་སྟོང་གི་ལྷོ་ཕྱོགས་ནས༔ རིན་ཅེན་གསེར་(༣ན)

― GLG025_Page_0781 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་གཞལ་ཡས་ནས༔ རིན་ཅེན་མཁའ་འགྲོ་བྱེ་བ་འབུམ༔ གནས་འདིར་སྤྱན་འདྲེན་གཤེགས་སུ་གསོལ༔ སྟོང་གསུམ་སྟོང་གི་ནུབ་ཕྱོགས་ནས༔ པདྨ་རཱ་གའི་གཞལ་ཡས་ནས༔ པདྨ་མཁའ་འགྲོ་བྱེ་བ་འབུམ༔ གནས་འདིར་སྤྱན་འདྲེན་གཤེགས་སུ་གསོལ༔ སྟོང་གསུམ་སྟོང་གི་བྱང་ཕྱོགས་ནས༔ ཨིནྡྲ་ནཱི་ལའི་གཞལ་ཡས་ནས༔ ལས་ཀྱི་མཁའ་འགྲོ་བྱེ་བ་འབུམ༔ གནས་འདིར་སྤྱན་འདྲེན་གཤེགས་སུ་གསོལ༔ སྟོང་གསུམ་སྟོང་གི་མཁའ་སྤྱོད་ནས༔ སྟུག་པོ་བཀོད་པའི་གཞལ་ཡས་ནས༔ སངས་རྒྱས་མཁའ་འགྲོ་བྱེ་བ་འབུམ༔ གནས་འདིར་སྤྱན་འདྲེན་གཤེགས་སུ་གསོལ༔ སྟོང་གསུམ་སྟོང་གི་ཞིང་ཁམས་ནས༔ བློ་ཡི་བཀོད་པའི་གཞལ་ཡས་ནས༔ སྣང་བ་ཡེ་ཤེས་བྱེ་བ་འབུམ༔ གནས་འདིར་སྤྱན་འདྲེན་གཤེགས་སུ་གསོལ༔ སྟོང་གསུམ་ཕྱོགས་པའི་གཞལ་ཡས་ནས༔ མཚམས་ཀྱི་མཁའ་འགྲོ་བྱེ་བ་འབུམ༔ གནས་འདིར་སྤྱན་འདྲེན་གཤེགས་སུ་གསོལ༔ སྟོང་གསུམ་སྟོང་གི་འཇིག་རྟེན་ན༔ དུར་ཁྲོད་ཆེན་པོའི་གཞལ་ཡས་ནས༔ དུར་ཁྲོད་མཁའ་འགྲོ་བྱེ་བ་འབུམ༔ གནས་འདིར་སྤྱན་འདྲེན་གཤེགས་སུ་གསོལ༔ འཇིག་རྟེན་དུར་ཁྲོད་གླིང་དགུ་ནས༔ བམ་ཆེན་གསར་རྙིང་གཞལ་ཡས་ནས༔ ཤ་ཟ་མཁའ་འགྲོ་བྱེ་བ་འབུམ༔ གནས་འདིར་སྤྱན་འདྲེན་གཤེགས་སུ་གསོལ༔ མ་སྲིང་ཚུལ་བཟུང་དམ་ཚིག་མཁའ་འགྲོ་མ༔ དངོས་གྲུབ་སྟེར་བའི་འདྲེ་ཡི་མཁའ་འགྲོ་མ༔ སྙིང་གི་གྲོགས་མཛད་ཡེ་ཤེས་མཁའ་འགྲོ་མ༔ གནས་འདིར་སྤྱན་འདྲེན་(༣བ)

― GLG025_Page_0782 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་སུ་གསོལ༔ མ་མོ་མཁའ་འགྲོ་ཆོས་སྐྱོང་རྣམས༔ ཟས་སུ་ཤ་དང་ཁྲག་ལ་དགྱེས༔ བསྟན་སྲུང་མ་མོའི་ཚོགས་བཅས་རྣམས༔ གནས་འདིར་སྤྱན་འདྲེན་གཤེགས་སུ་གསོལ༔ ཨེ་ཀ་ཛཱ་ཊཱི་ཧ་རི་ནི་ས། ཨེ་ཧྱེ་ཧི་ཛཿཧཱུཾ་བཾ་ཧོཿ ས་མ་ཛཿཛཿ ཧཱུཾ། དུང་མདོག་འཁོར་ལོ་རྩིབས་བཞིའི་སྟེང་༔ མ་ཆགས་པདྨའི་གདན་སྟེང་དུ༔ ཞིང་ཆེན་ཕོ་མོ་བསྣོལ་པའི་སྟེང་༔ སངས་རྒྱས་མཁའ་འགྲོ་སྐུ་བཞུགས་འཚལ༔ མཐིང་ནག་འཁོར་ལོ་རྩིབས་བཞིའི་སྟེང་༔ མ་ཆགས་པདྨའི་གདན་སྟེང་དུ༔ ཞིང་ཆེན་ཕོ་མོ་བསྣོལ་བའི་སྟེང་༔ རྡོ་རྗེ་མཁའ་འགྲོ་བཞུགས་སུ་འཚལ༔ གསེར་མདོག་འཁོར་ལོ་རྩིབས་བཞིའི་སྟེང་༔ མ་ཆགས་པདྨའི་གདན་སྟེང་དུ༔ ཞིང་ཆེན་ཕོ་མོ་བསྣོལ་བའི་སྟེང་༔ རིན་ཅེན་མཁའ་འགྲོ་བཞུགས་སུ་གསོལ༔ དམར་གསལ་འཁོར་ལོ་རྩིབས་བཞིའི་སྟེང་༔ མ་ཆགས་པདྨའི་གདན་སྟེང་དུ༔ ཞིང་ཆེན་ཕོ་མོ་བསྣོལ་བའི་སྟེང་༔ པདྨ་མཁའ་འགྲོ་བཞུགས་སུ་འཚལ༔ ལྗང་གསལ་འཁོར་ལོ་རྩིབས་བཞིའི་སྟེང་༔ མ་ཆགས་པདྨའི་གདན་སྟེང་དུ༔ ཞིང་ཆེན་ཕོ་མོ་བསྣོལ་བའི་སྟེང་༔ ལས་ཀྱི་མཁའ་འགྲོ་བཞུགས་སུ་འཚལ༔ མ་མོ་མཁའ་འགྲོའི་ཚོགས་རྣམས་དང་༔ སྲིད་པ་མོ་བརྒྱུད་ལྷ་ཚོགས་དང་༔ ཆོས་སྐྱོང་ལས་བྱེད་སྡེ་བརྒྱད་རྣམས༔ པདྨ་ཞིང་ཆེན་གདན་ལ་བཞུགས། ཨེ་ཀ་ཛཱ་ཊྭཱི་ཧ་རི་ནི་ས། པདྨ་ཀ་མ་ལ་ཡེ་སྟཾ༔ བྷྱོ་མ་གཡེལ་མ་གཡེལ་དམ་ཅན་རྣམས༔ མ་འདའ་མ་འདའ་དམ་ཚིག་ཅན༔ ཨེ་ལས་བསྐྱེད་པའི་དཀྱིལ་འཁོར་རྒྱ་མ་ཆུང་༔ སེང་གེ་གླང་ཆེན་ཁྲི་བརྩེགས་བརྗིད་མ་ཞན༔ ཉི་ཟླ་པདྨའི་གདན་བརྩེགས་(༤ན)

― GLG025_Page_0783 ―

^{[མ་དཔེ་གཟིགས་ན་འདིར་གནོན།]}

[Full Size]

དཔངས་མ་དམའ༔ ཨཱོཾ་ལས་བསྐྱེད་པའི་སངས་རྒྱས་དགོངས་སུ་གསོལ༔ ཧཱུཾ་ལས་བསྐྱེད་པའི་མཁའ་འགྲོ་མཐུ་རྩལ་ཅན༔ མ་དང་བྷྱོ་ལས་བསྐྱེད་པའི་མཁའ་འགྲོ་མ་ལ་འདུ༔ ཡ་ལས་བསྐྱེད་པའི་གཤིན་རྗེ་དམག་དཔུང་བསྐྱེད༔ ཛ་ཧྲི་ལས་བསྐྱེད་གནོད་སྦྱིན་འཕྲིན་ལས་ཀྱིས༔ ཡི་དམ་རྒྱལ་བ་བསྒྲུབས་ཀྱང་རྒྱང་མ་རིང་༔ དམ་ཅན་ཕོ་མོ་འགྲན་གྱི་མཐུ་མ་ཆུང་༔ བྷྱོ་དམ་ཅན་དམ་ལ་མི་གནས་ཅི་ལ་གནས༔ སྲིད་པ་རླུང་ལ་མི་བརྟེན་ཅི་ལ་བརྟེན༔ དམ་ལ་གནས་པའི་དམ་ཅན་དགྲ་ལ་བྷྱོ༔ བདུད་ཀྱི་ལྟོ་བསྒྱུར་མཚོན་ཆ་འབར་བས་བསྒྱུར༔ ཁྲོ་རྒྱལ་གཅིག་དབུས་ཐམས་ཅད་ཞི་གྱུར་ཏེ༔ ཆོམས་ཤིག་ཆོམས་ཤིག་ཁྲོ་རྒྱལ་ཚོགས་ཀྱིས་ཆོམས༔ ཤིག་ཅིག་ཤིག་ཅིག་ཁྲོ་རྒྱལ་ཚོགས་ཀྱིས་ཤིག༔ བདག་ནི་གཞོན་ཏེ་སོ་དཀར་ཡན་ཆད་ནས༔ རྒན་པའི་ལུས་པོ་སོ་དམར་མན་ཆད་ཀྱི༔ གཡའ་རི་གངས་རི་མང་པོ་འགྲིམས་འགྲིམས་ནས༔ དབེན་པའི་བྲག་ཕུག་མང་པོ་འགྲིམས་འགྲིམས་ནས༔ གཉེན་མདུན་སྤངས་ནས་དམ་ཅན་ཁྱེད་བསྒྲུབས་སོ༔ མ་གཡེལ་མ་གཡེལ་དམ་ལ་འདུ༔ མ་མོ་ནག་མོའི་ཚོགས་ནི་མུན་ལྟར་གཏིབས༔ མུན་ལྟར་གཏིབས་ཀྱིན་ད་ཚུར་སྤྱོན༔ མ་མོ་སྨུག་མོའི་ཚོགས་ནི་སྤྲིན་ལྟར་གཏིབས༔ སྤྲིན་ལྟར་གཏིབས་ཀྱིན་ད་ཚུར་སྤྱོན༔ མ་མོ་དམར་མོའི་ཚོགས་ནི་མེ་ལྟར་འབར༔ མེ་ལྟར་འབར་ཀྱིན་ད་ཚུར་སྤྱོན༔ མ་མོ་སེར་མོའི་ཚོགས་ནི་སེར་ལྟར་འདྲིལ༔ སེར་ལྟར་འདྲིལ་གྱིན་ད་ཚུར་སྤྱོན༔ མ་མོ་ལྗང་ཁུའི་ཚོགས་ནི་ཆར་ལྟར་འབབ༔ ཆར་ལྟར་འབབ་ཀྱིན་ད་ཚུར་སྤྱོན༔ གནོད་སྦྱིན་གིང་ཕོའི་ཚོགས་(༤བ)

― GLG025_Page_0784 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་སེར་ལྟར་འདྲིལ༔ སེར་ལྟར་འདྲིལ་གྱིན་ད་ཚུར་སྤྱོན༔ ལུས་སྲོག་འབེམ་དུ་བཙུགས་ནས་དམ་ཅན་ཁྱེད་བསྒྲུབས་སོ༔ ས་གང་གདན་དུ་བཏིང་ནས་དམ་ཅན་ཁྱེད་བསྒྲུབས་སོ༔ བྲག་ཕུག་ཞྭ་རུ་གྱོན་ནས་དམ་ཅན་ཁྱེད་བསྒྲུབས་སོ༔ རུས་པ་ཕུར་ལྟར་བཙུགས་ནས་དམ་ཅན་ཁྱེད་བསྒྲུབས་སོ༔ ཟས་སུ་ཤ་ཆན་ཟ་ཡིན་དམ་ཅན་ཁྱེད་བསྒྲུབས་སོ༔ སྐོམ་དུ་རཀྟ་བཏུང་གིན་དམ་ཅན་ཁྱེད་བསྒྲུབས་སོ༔ གཏོར་མ་རི་ལྟར་སྤངས་ནས་དམ་ཅན་ཁྱེད་བསྒྲུབས་སོ༔ རཀྟ་མཚོ་ལྟར་བསྐྱིལ་ནས་དམ་ཅན་ཁྱེད་བསྒྲུབས་སོ༔ དགའ་བ་ཉམས་སུ་བླངས་ནས་དམ་ཅན་ཁྱེད་བསྒྲུབས་སོ༔ མཆིལ་མ་ཐུལ་ཐུལ་མ་གཅིག་བུ་འབོད་ན༔ ཕྱག་གང་ཙམ་གྱིས་གཏིང་མ་རིང་༔ ཁྲུ་གང་ཙམ་གྱིས་དཔངས་མ་མཐོ༔ མདའ་གང་ཙམ་གྱིས་གོང་མ་གཡེལ༔ རྣལ་འབྱོར་དབང་ཕྱུག་དགོངས་པའི་འཕྲིན་ལས་མཛོད༔ ཧཱུཾ། སྟོང་གསུམ་སྣང་གསལ་མེ་ཏོག་དང་༔ འཛིན་མེད་དྲི་ཡིས་གདུག་སྤོས་དང་༔ གསལ་སྟོང་འཛིན་མེད་མར་མེ་དང་༔ མ་མོ་མཁའ་འགྲོའི་ཚོགས་ལ་འབུལ༔ སྣང་སྲིད་ཚོགས་དྲུག་གཞལ་ཡས་སུ༔ དུ་མ་རོ་གཅིག་མཆོད་པར་བཤམས༔ ཆགས་ཞེན་མེད་པའི་མཆོད་པ་འདི༔ མ་མོ་མཁའ་འགྲོ་རྣམས་ལ་འབུལ༔ བདེ་སྟོང་གཉིས་མེད་ཉམས་སྣང་དུ༔ འཁོར་འདས་དབྱེར་མེད་མཆོད་པར་བཤམས༔ སྟོང་གསལ་འཛིན་མེད་ཉམས་སྣང་འདི༔ མ་མོ་མཁའ་འགྲོའི་ཚོགས་ལ་འབུལ༔ དུག་ལྔ་རང་གྲོལ་སྒྱུ་ལུས་ལ༔ འཛིན་རྟོག་མེད་པའི་ཆོས་དབྱིངས་སྒྲོལ༔ སྲིད་གསུམ་ཤ་ཁྲག་མཆོད་པར་བཤམས༔ མ་མོ་མཁའ་འགྲོ་རྣམས་(༥ན)

― GLG025_Page_0785 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འབུལ༔ རང་ཤར་རང་གྲོལ་བློས་བཀོད་པའི༔ འཛིན་ཆགས་མེད་པར་མཆོད་པར་འབུལ༔ གསལ་མདངས་ཆོས་སྐུ་ཀ་དག་འདི༔ མ་མོ་མཁའ་འགྲོ་རྣམས་ལ་འབུལ༔ ཧཱུཾ། མཾ་ས་རི་ལྟར་སྤུངས་པ་འདི༔ མ་མོ་མཁའ་འགྲོ་རྣམས་ལ་འབུལ༔ རཀྟ་མཚོ་ལྟར་བསྐྱིལ་བ་འདི༔ མ་མོ་མཁའ་འགྲོ་རྣམས་ལ་འབུལ༔ ཀེཾ་རུས་གྲམ་ལྟར་བཀྲམ་པ་འདི༔ མ་མོ་ཆེན་མོ་བརྒྱད་ལ་འབུལ༔ ཤ་ཁྲག་གཏོར་མ་བཤམས་པ་འདི༔ དབང་ཕྱུག་ཉི་ཤུ་བརྒྱད་ལ་འབུལ༔ ཚིལ་ཆེན་མར་མེ་བཤམས་པ་འདི༔ མཁའ་འགྲོ་སུམ་ཅུ་གཉིས་ལ་འབུལ༔ གཏོར་མ་གླུད་གཏོར་བཅས་པ་འདི༔ ཤྭ་ན་ཆེན་མོ་བཞི་ལ་འབུལ༔ ངར་གླུད་མར་མེ་གཏོར་མར་བཤམས༔ གོས་ལྷ་ཆེན་མོ་བཞི་ལ་འབུལ༔ མདོས་གླུད་གཏོར་མ་བཤམས་པ་འདི༔ རེ་ཏི་མ་མོ་བཞི་ལ་འབུལ༔ གཏོར་མ་ངར་གླུད་མར་མེ་ཟོར༔ སྒོ་མ་ཆེན་མོ་བཞི་ལ་འབུལ༔ མ་མོ་མཁའ་འགྲོ་མཉེས་གྱུར་ཅིག༔ དེ་ནས་གླུད་རབས་བྱ་བ་ནི༔ ཧཱུཾ། སྔོན་ནི་སུ་དང་སུ་ཡི་གླུད༔ ཨ་ཤྭ་ཀ་ཡི་རྒྱལ་པོའི་གླུད༔ མཚམས་མེད་སྡིག་པའི་ལས་བྱས་པས༔ མ་མོ་ལྷ་སྲིན་སྡེ་བརྒྱད་ཁྲོས༔ མུ་གེ་དུས་འཁྲུག་ཡམས་ནད་བྱུང་༔ སློབ་དཔོན་རོ་ལངས་བདེ་བ་རྡོ་རྗེ་ཡིས༔ སྐུ་གླུད་དམར་གཏོར་བཤམས་ནས་ནི༔ སྣང་སྲིད་མཁའ་འགྲོའི་ཕྱག་ཏུ་འབུལ༔ བསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ བར་དུ་སུ་དང་སུ་ཡི་གླུད༔ རྒྱལ་པོ་ཁྲི་སྲོང་ལྡེ་བཙན་ལ༔ མ་མོ་ཁྲོས་པའི་ལྟས་(༥བ)

― GLG025_Page_0786 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་ནས༔ མི་དགེ་མི་རུང་སྣ་ཚོགས་བྱུང་༔ སློབ་དཔོན་པདྨ་འབྱུང་གནས་ཀྱིས༔ རྒྱལ་པོའི་སྐུ་ཡི་ཚད་དུ་བྱས༔ སྐུ་གླུད་དམར་གཏོར་བཤམས་ནས་ནི༔ སྣང་སྲིད་མ་མོའི་ཕྱག་ཏུ་འབུལ༔ བསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ ཐ་མ་སུ་དང་སུ་ཡི་གླུད༔ སྔར་འདས་སྦྱིན་བདག་རྣམས་ཀྱི་གླུད༔ མ་མོ་མཁའ་འགྲོ་འཁྲུགས་ལྟས་བྱུང་༔ མུ་གེ་དུས་འཁྲུགས་ཡམས་ནད་བྱུང་༔ རིགས་འཛིན་སྔགས་འཆང་གོང་མ་ཡིས༔ སྐུ་གླུད་དར་ཟབ་ཡུངས་ཀྱིས་བརྒྱན༔ དཔལ་གྱི་གཏོར་མ་དམར་གྱིས་བརྒྱན༔ སྣང་སྲིད་མ་མོའི་ཕྱག་ཏུ་འབུལ༔ བསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ ད་ལྟ་སུ་དང་སུ་ཡི་གླུད༔ ད་ལྟ་འདིར་འདུས་སྦྱིན་བདག་གླུད༔ དྲིལ་ཟན་ངར་མི་ལོངས་སྤྱོད་དང་༔ འདོད་ཡོན་དཔག་མེད་འདི་བཤམས་ནས༔ སྣང་སྲིད་ལྷ་འདྲེའི་ཕྱག་ཏུ་འབུལ༔ བསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་ལྷ་སྲིན་སྡེ་བརྒྱད་དང་༔ སྲིད་པར་གནས་པའི་ལྷ་འདྲེ་ལ༔ སྐུ་གླུད་དམར་གཏོར་རྒྱན་དང་ལྡན༔ སྣང་སྲིད་ལྷ་འདྲེའི་ཕྱག་ཏུ་འབུལ༔ བསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ དེ་རིང་སུ་དང་སུ་ཡི་གླུད༔ རྒྱུ་སྦྱོར་(༦ན)

― GLG025_Page_0787 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་བདག་རྣམས་ཀྱི་གླུད༔ མཚམས་མེད་སྡིག་པའི་ལས་བྱས་པས༔ དཀར་ཕྱོགས་ལྷ་སྲིན་ཐུགས་ཁྲོས་ནས༔ རི་རབ་ནང་དུ་ཞལ་གཟིགས་པས༔ ནག་ཕྱོགས་ལྷ་སྲིན་ཕྱི་ལ་དོན༔ དེ་ཡི་ཁ་རླངས་མ་རུངས་པས༔ མུ་གེ་དུས་འཁྲུགས་ནད་ཡམས་བྱུང་༔ རིགས་འཛིན་སྔགས་འཆང་བདག་ཉིད་ཀྱི༔ སྣང་སྲིད་མ་མོའི་ཚོགས་རྣམས་དང་༔ སྡེ་བརྒྱད་ལྷ་འདྲེའི་ཚོགས་རྣམས་ལ༔ ཤ་ཁྲག་དམར་གྱི་གཏོར་མ་འབུལ༔ བསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་མ་མོའི་ཚོགས་རྣམས་དང་༔ དྲེགས་པ་ལྷ་འདྲེའི་ཚོགས་རྣམས་ལ༔ ཟས་སྣ་བརྒྱ་དང་རྩ་བརྒྱད་འབུལ༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ འདོད་སྲེད་ཆགས་པས་མ་ཞེན་ཅིག༔ གསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་མ་མོའི་ཚོགས་རྣམས་དང་༔ དྲེགས་པ་ལྷ་འདྲེའི་ཚོགས་རྣམས་ལ༔ ཆང་ཁལ་བརྒྱ་དང་རྩ་བརྒྱད་འབུལ༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ འདོད་སྲེད་ཆགས་པས་མ་ཞེན་ཅིག༔ གསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་མ་མོའི་ཚོགས་རྣམས་དང་༔ དྲེགས་པ་ལྷ་འདྲེའི་ཚོགས་རྣམས་ལ༔ སྤང་ཁལ་བརྒྱ་དང་རྩ་བརྒྱད་འབུལ༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ འདོད་སྲེད་ཆགས་པས་(༦བ)

― GLG025_Page_0788 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཞེན་ཅིག༔ གསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་མ་མོའི་ཚོགས་རྣམས་དང་༔ དྲེགས་པ་ལྷ་འདྲེའི་ཚོགས་རྣམས་ལ༔ སྒོག་ཁལ་བརྒྱ་དང་རྩ་བརྒྱད་འབུལ༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ འདོད་སྲེད་ཆགས་པས་མ་ཞེན་ཅིག༔ གསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་མ་མོའི་ཚོགས་རྣམས་དང་༔ དྲེགས་པ་ལྷ་འདྲེའི་ཚོགས་རྣམས་ལ༔ ཤ་ཁལ་བརྒྱ་དང་རྩ་བརྒྱད་འབུལ༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ འདོད་སྲེད་ཆགས་པས་མ་ཞེན་ཅིག༔ གསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་མ་མོའི་ཚོགས་རྣམས་དང་༔ དྲེགས་པ་ལྷ་འདྲེའི་ཚོགས་རྣམས་ལ༔ ཆན་སྣ་བརྒྱ་དང་རྩ་བརྒྱད་འབུལ༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ འདོད་སྲེད་ཆགས་པས་མ་ཞེན་ཅིག༔ གསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་མ་མོའི་ཚོགས་རྣམས་དང་༔ དྲེགས་པ་ལྷ་འདྲེའི་ཚོགས་རྣམས་ལ༔ གོས་སྣ་བརྒྱ་དང་རྩ་བརྒྱད་འབུལ༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ འདོད་སྲེད་ཆགས་པས་མ་ཞེན་ཅིག༔ གསད་པ་ལུས་ཀྱི་གླུད་དུ་འབུལ༔ (༧ན)

― GLG025_Page_0789 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་མ་མོའི་ཚོགས་རྣམས་དང་༔ དྲེགས་པ་ལྷ་འདྲེའི་ཚོགས་རྣམས་ལ༔ དར་གོས་བརྒྱ་དང་རྩ་བརྒྱད་འབུལ༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ འདོད་སྲེད་ཆགས་པས་མ་ཞེན་ཅིག༔ གསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་མ་མོའི་ཚོགས་རྣམས་དང་༔ དྲེགས་པ་ལྷ་འདྲེའི་ཚོགས་རྣམས་ལ༔ གསེར་གཡུ་ལ་སོགས་རིན་ཅེན་ལྔ༔ དཔག་མེད་བརྒྱ་དང་རྩ་བརྒྱད་འབུལ༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ འདོད་སྲེད་ཆགས་པས་མ་ཞེན་ཅིག༔ བསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་མ་མོའི་ཚོགས་རྣམས་དང་༔ དྲེགས་པ་ལྷ་འདྲེའི་ཚོགས་རྣམས་ལ༔ སྨན་སྣ་བརྒྱ་དང་རྩ་བརྒྱད་འབུལ༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ འདོད་སྲེད་ཆགས་པས་མ་ཞེན་ཅིག༔ བསད་པ་ལུས་ཀྱི་གླུད་དུ་འབུལ༔ ཕྲོགས་པ་ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་མ་མོའི་ཚོགས་རྣམས་དང་༔ དྲེགས་པ་ལྷ་འདྲེའི་ཚོགས་རྣམས་ལ༔ གླུད་ཡས་བརྒྱ་དང་རྩ་བརྒྱད་འབུལ༔ ཁྱེར་ཅིག་ཁྱེར་ཅིག་སྟོབས་ལྡན་རྣམས༔ འདོད་སྲེད་ཆགས་པས་མ་ཞེན་ཅིག༔ བསད་པ་ལུས་ཀྱི་གླུད་དུ་འབུལ༔ ཕྲོགས་པ་(༧བ)

― GLG025_Page_0790 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་གྱི་གླུད་དུ་འབུལ༔ ན་མི་ཕོད་ཀྱི་གླུད་དུ་འབུལ༔ འཆི་མི་ཕོད་ཀྱི་གླུད་དུ་འབུལ༔ སྣང་སྲིད་མ་མོའི་ཚོགས་རྣམས་དང་༔ དྲེགས་པ་ལྷ་འདྲེའི་ཚོགས་རྣམས་ལ༔ བདག་དང་རྒྱུ་སྦྱོར་ཡོན་བདག་གི༔ སྤྱི་བོའི་གཙུག་ནས་རྐང་མཐིལ་བར༔ ཤ་དང་རུས་པའི་གླུད་དུ་འབུལ༔ ཁྲག་དང་ཆུ་སེར་གླུད་དུ་འབུལ༔ སྐྲ་དང་བ་སྤུའི་གླུད་དུ་འབུལ༔ པགས་པ་ཡན་ལག་གླུད་དུ་འབུལ༔ གློ་སྙིང་མཆིན་པའི་གླུད་དུ་འབུལ༔ མཁལ་མ་མཆིན་པའི་གླུད་དུ་འབུལ༔ རྒྱུ་མ་ནང་རོལ་གླུད་དུ་འབུལ༔ དོན་སྙིང་སྣ་ལྔའི་གླུད་དུ་འབུལ༔ ལྷུ་ཆེན་བཅུ་དྲུག་གླུད་དུ་འབུལ༔ ཕྱུགས་དང་སྒོ་ཁྱིའི་གླུད་དུ་འབུལ༔ ཁང་ཁྱིམ་གཞིས་ཀྱི་གླུད་དུ་འབུལ༔ གཉེན་དང་བསོད་ནམས་གླུད་དུ་འབུལ༔ དབང་པོ་ཚོགས་དྲུག་གླུད་དུ་འབུལ༔ རྣམ་ཤེས་ཚོགས་བརྒྱད་གླུད་དུ་འབུལ༔ གླུད་འདི་བཞེས་ལ་གནས་སུ་དེངས༔ མཁའ་འགྲོ་གཏོར་མས་མཉེས་གྱུར་ཅིག༔ ལྷ་འདྲེ་གླུད་ཀྱི་མཉེས་གྱུར་ཅིག༔ ལན་ཆགས་བུ་ལོན་ཁོར་གྱུར་ཅིག༔ རིགས་དྲུག་ལན་ཆགས་ཁོར་གྱུར་ཅིག༔ ཕྱིའི་བཟློག་བཟློག༔ ཧཱུཾ། མཁའ་འགྲོ་སྡེ་ལྔ་ཁྲོས་པ་ཡིས༔ དུས་འཁྲུག་ལངས་པའི་ལྟས་ངན་བཟློག༔ མ་མོ་བསྟན་མ་ཁྲོས་པ་ཡིས༔ ཡམས་ནད་བླངས་པའི་ལྟས་ངན་བཟློག༔ གནོད་སྦྱིན་ནོར་བདག་ཁྲོས་པ་ཡིས༔ ལོ་ཉེས་མུ་གེ་བྱུང་བ་བཟློག༔ མ་གཤིན་ཕུར་གསུམ་ཁྲོས་པ་ཡིས༔ ཕུར་ཁ་ཟུག་པའི་ལྟས་ངན་བཟློག༔ ལྷ་སྲིན་སྡེ་བརྒྱད་ཁྲོས་པ་ཡིས༔ ལྟས་(༨ན)

― GLG025_Page_0791 ―

^{[མ་དཔེ་གཟིགས་ན་འདིར་གནོན།]}

[Full Size]

ངན་སྣ་ཚོགས་ལངས་པ་བཟློག༔ ཧཱུཾ། འཇིག་རྟེན་སྲིད་པའི་ནད་བདག་ལ་བསྔོ་བ། བྷྱོ་སྔོན་གྱི་བསྐལ་བ་དང་པོ་ལ༔ བཅོམ་ལྡན་འདས་ཀྱི་སྤྱན་སྔ་རུ༔ དུས་མཐའི་སྨོན་ལམ་བོར་པའི་མཐུས༔ ད་ལྟ་དུས་ཀྱི་སྙིགས་མ་ལ༔ སེམས་ཅན་ལོག་པའི་ལས་བྱས་པས༔ དེ་ཚེ་ལྷ་སྲིན་ཐམས་ཅད་འཁྲུགས༔ སྲིད་པ་ལས་ཀྱི་ནད་བདག་མོ༔ བདུད་མོ་ཁྲག་མིག་རལ་པ་ཅན༔ གཉན་མོ་ཁ་འབར་ཞེས་བྱ་བ༔ ནད་ཀྱི་བདག་མོ་ཆེན་མོ་ཞིག༔ རྒྱ་མཚོའི་གཏིང་ནས་སྐུ་བསྐྱོད་དེ༔ རི་རབ་ཟོམ་ལ་བརྟེན་བཅས་ནས༔ ཐལ་མོ་བར་སྣང་ཁམས་སུ་རྡེབ༔ ང་རོ་ནམ་མཁའི་མཐོངས་སུ་འབོད༔ ནམ་མཁའ་ནད་ཀྱི་རླངས་པས་སྒྲིབ༔ ས་ནད་མེ་ལྟར་འབར་བ་དང་༔ གཉན་ནད་ནག་པོ་རྒྱུག་འགྱེལ་དང་༔ རྩ་ནད་ཧ་ལ་ཅོག་འགྱེལ་དང་༔ བདུད་ནད་ཐོམ་པོ་མགོ་ཡོར་དང༔ བལ་ནད་ནག་པོ་སུམ་སྒྲིལ་དང༔ འདྲེ་ནད་འཇུམ་པོ་ལྟག་སྒྱེད་དང་༔ འབྲུམ་ནད་ཧས་གཉན་ག་པ་དང་༔ སྐྱ་འབྲུམ་ཆུ་ཝུར་ལུག་མིག་དང་༔ མཛེ་དང་ཤུ་དང་བོལ་དང་འབྲས༔ དམུ་ཆུ་སྐྱ་རྦབ་མཇིང་མཆུས་དང་༔ རྩ་རྒྱུག་མིག་སེར་ཤ་ཡ་དང་༔ སད་དང་སེར་བ་བཙའ་དང་འབུ༔ དུས་ཀྱི་འཁྲུག་པ་གློ་བུར་གཏོང་༔ སྡེ་པ་ནང་འཐབ་བྱེད་པ་དང་༔ བཙུན་པ་གྲི་རུ་གསོད་པ་དང་༔ བཙུན་མ་ལུས་རྒྱན་ནལ་བུ་གསོད༔ ཁྱོད་ཉིད་ཁྲོས་པའི་སྔ་ལྟས་ཡིན༔ སྔོན་གྱི་བསྐལ་བ་དང་པོ་ལ༔ སྤྲེ་རྒྱལ་ཧ་ལ་མཉྫུ་ཡི༔ སྤྱན་སྔར་ཁས་བླངས་དམ་བཅས་པ༔ ཁྱེད་ཉིད་བཞུགས་པའི་ས་ཕྱོགས་(༨བ)

― GLG025_Page_0792 ―

^{[མ་དཔེ་གཟིགས་ན་འདིར་གནོན།]}

[Full Size]

སུ༔ འབྲུམ་པའི་ནད་ནི་མི་གཏང་བར༔ ཁས་བླངས་ཆེན་པོ་མ་བྱས་སམ༔ རྡོ་རྗེ་གཏུམ་པོའི་སྤྱན་སྔ་རུ༔ ས་ནད་གཅད་པར་མ་བྱས་སམ༔ དུར་ཁྲོད་ཕུང་ལུང་ནག་པོ་རུ༔ པདྨ་འབྱུང་གནས་སྤྱན་སྔ་རུ༔ དུས་ཀྱི་ཐ་མ་ཤར་བའི་ཚེ༔ ནད་ཡམས་གཅོད་པར་མ་བྱས་སམ༔ ཧཱུཾ། ང་ནི་རིགས་འཛིན་ཆོས་ཀྱི་སྐུ༔ ང་ཡི་བཀའ་ལས་ཁྱོད་མ་འདའ༔ ང་ཡི་བཀའ་ལས་ཁྱོད་འདས་ན༔ རྡོ་རྗེ་དྲག་པོ་ཁྲོས་པ་ཡིས༔ སྡང་མིག་གཟིགས་པས་བརླག་པར་འགྱུར༔ སྲིད་པའི་མ་མོ་ཐམས་ཅད་དང་༔ ལྷ་སྲིན་སྡེ་བརྒྱད་མ་ལུས་པ༔ ཁྱོད་ཀྱི་འཁོར་དང་གཡོག་ཡིན་ལ༔ དལ་ཁ་བཟློག་པའི་བཀའ་ནན་གྱིས༔ བྷྱོ། རིན་ཆེན་ངར་གྱི་མི་མོ་ཆེ༔ ནག་པོ་ཁྲག་གི་རལ་པ་ཅན༔ སྲིད་པ་ལས་ཀྱི་དལ་བདག་མོ༔ བདུད་མོ་ལྷ་སྲིན་བྱ་བ་མོ༔ བསྐྱེད་ནི་འབྱུང་བ་ལྔ་ལས་བསྐྱེད༔ བརྡར་ནི་རིན་ཅེན་ལྔ་ལ་བརྡར༔ དྲིལ་ནི་ཡོན་བདག་ལུས་ལ་དྲིལ༔ བྱས་ནི་མི་མོའི་གཟུགས་སུ་བྱས༔ ཡིན་ནི་ནད་བདག་དངོས་ཡིན་ཏེ༔ འབུལ་ནི་ལྷ་སྲིན་ཡོངས་ལ་འབུལ༔ རྗེ་ནི་སྐྱེ་འགྲོ་སྲོག་དང་རྗེ༔ གཤགས་ནི་སྡེ་བརྒྱད་ཡོངས་ལ་འདེབས༔ ངར་མོ་ཁྲག་གི་རལ་པ་ཅན༔ ཕྱི་བལྟས་པས་ནི་ངར་མོ་ལ༔ ནང་བལྟས་པས་ནི་རིན་ཅེན་གཏེར༔ བར་དུ་བལྟས་པས་དལ་བདག་མོ༔ ཤ་མེད་བསེ་ཡི་ཤ༔ རུས་མེད་དུང་གི་རུས༔ ཁྲག་ནི་མ་མཆིས་མཚལ་གྱི་ཁྲག༔ དབུགས་མེད་རླུང་གི་དབུགས༔ སེམས་མེད་ནམ་མཁའི་སེམས༔ མིག་མེད་ལུང་ཐང་མིག༔ སོ་(༩ན)

― GLG025_Page_0793 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་མགྲོན་བུའི་སོ༔ སྙིང་མེད་ཞོ་ཤའི་སྙིང་༔ ལག་མེད་དབང་པོའི་ལག༔ རྐང་པ་མ་མཆིས་ལྕགས་ཀྱི་རྐང་༔ སྐྱེ་འགྲོ་སེམས་ཅན་ཐམས་ཅད་ཀྱི༔ དབང་པོ་སྒོ་ལྔའི་གླུད་དུ་འབུལ༔ ལུས་ངག་ཡིད་གསུམ་གླུད་དུ་འབུལ༔ ཀྱེ་གླུད་བྱུང་དང་པོ་གང་ནས་བྱུང་༔ གླུད་བྱུང་ལྷ་ཡི་ཡུལ་ནས་བྱུང་༔ ལྷ་རྣམས་ཀུན་ལ་ཚད་ནད་བྱུང་༔ མཐའ་བྲལ་ལྷ་ཡི་བུ་མོ་དེས༔ རྒྱ་མཚོའི་གླིང་ལ་ཁྲུས་ལ་ཕྱིན༔ ཟླ་བཟང་ཀླུ་ཡི་བུ་ཡིས་བཟུང་༔ མཐའ་བྲལ་ལྷ་ཡི་དམག་དྲངས་ཏེ༔ ཀླུ་ཡི་གནས་ནས་བཀུག་ཀྱང་ཤོར༔ མཐའ་བྲལ་ལྷ་ཡི་རྒྱལ་པོ་དེས༔ འབྲུ་བདུན་ངར་གྱི་ཕྱེ་བཏགས་ཏེ༔ རིན་ཅེན་ལྔ་ཡི་ཚུལ་ལ་སྦྱར༔ དྲི་ངད་སེལ་བའི་སྤོས་ཀྱིས་བརྒྱན༔ རོ་མཆོག་རྩི་དང་སྨན་གྱིས་བརྒྱན༔ གཟུགས་ལ་འདོད་པའི་ཡོན་ཏན་ལྔ༔ མཛེས་པའི་ཁ་དོག་ལྔ་དང་ལྡན༔ ལུས་ངག་ཡིད་གསུམ་བླུ་བའི་གླུད༔ གདུག་པ་ཀླུ་ཡི་བུ་ལ་སྦྱིན༔ ལྷ་ཡི་བུ་མོ་བྲོས་ཤིང་ཐར༔ དེ་ནས་གླུད་བྱུང་གང་དུ་བྱུང་༔ གླུད་བྱུང་ཟ་ཧོར་ཡུལ་དུ་བྱུང་༔ ཟ་ཧོར་རྒྱལ་པོ་གྲགས་པ་གཟི༔ བཞི་བརྒྱ་རྩ་བཞིའི་ནད་ཀྱིས་ཟིན༔ འཚོ་བྱེད་སྨན་པས་སྨན་སྦྱར་ཀྱང་༔ རྒྱལ་པོ་དངས་པར་མ་གྱུར་ནས༔ སློབ་དཔོན་བྲམ་ཟེ་དགེ་བ་ཡིས༔ འབྲུ་བདུན་ངར་གྱི་མི་ཆེན་ལ༔ རྣམ་ཤེས་བརྒྱད་ཀྱི་ཁོང་གསེང་གསལ༔ སྔགས་དང་ཕྱག་རྒྱས་བྱིན་གྱིས་བརླབས༔ རྒྱལ་པོའི་གླུད་དུ་ཕུལ་བ་ཡི༔ རྒྱལ་པོ་སྙུན་ལས་གྲོལ་ཞིང་ཐར༔ དེ་ནས་གླུད་བྱུང་གང་དུ་བྱུང་༔ གླུད་བྱུང་རྒྱ་གར་ཡུལ་དུ་བྱུང་༔ རྒྱ་(༩བ)

― GLG025_Page_0794 ―

^{[མ་དཔེ་གཟིགས་ན་འདིར་གནོན།]}

[Full Size]

གར་ཆོས་ཀྱི་རྒྱལ་པོ་ལ༔ སྙུན་ནད་ཙི་ཙི་ཛྭ་ལ་བྱུང་༔ དེ་ལ་ཅི་ཕན་དྲིས་པ་ལས༔ མོ་དང་ཕྱ་ཡིས་མཐོང་མཐོང་ཟེར༔ དེ་ནས་མོ་དང་ཕྱྭ་བྱས་བས༔ ལན་ཆགས་བསྙེག་པའི་ལྷ་འདྲེ་ལ༔ གླུད་དང་ཡོན་རྫོངས་ཐོད་ཞིག་ཟེར༔ སློབ་དཔོན་སྐྱེ་མེད་རྡོ་རྗེ་དེས༔ སྤྱན་དྲངས་གདན་ལ་བཞུགས་སུ་གསོལ༔ ཞལ་དུ་མཐུན་པའི་སྐྱེམས་ཀྱང་དྲངས༔ ཞུ་བའི་ཕྱི་ཚིལ་སྙན་དུ་ཕུལ༔ སློབ་དཔོན་སྐྱེ་མེད་རྡོ་རྗེ་ཡིས༔ འབྲུ་སྣ་ཕྱེ་དགུའི་དར་ཕྱེ་ལ༔ རྒྱལ་པོའི་སྐུ་ཡི་ཚད་དུ་བྱས༔ སྔགས་དང་ཕྱག་རྒྱས་བྱིན་གྱིས་བརླབས༔ བདེན་པའི་ཚིག་གི་བཀྲོལ་ནས་ཀྱང་༔ སྣང་སྲིད་ལྷ་འདྲེ་གླུད་ལ་དགྱེས༔ རྒྱལ་པོ་སྙུན་ལས་གྲོལ་བར་གྱུར༔ དེ་ནས་གླུད་བྱུང་གང་དུ་བྱུང་༔ གླུད་བྱུང་རྒྱ་ནག་ཡུལ་དུ་བྱུང་༔ རྒྱལ་པོ་ཀྲྀ་ཀི་འོད་བཟང་གིས༔ བྱ་བ་ལོག་པ་སྣ་ཚོགས་བྱས༔ ཉིན་མོ་ལྟས་དང་བརྟག་པ་ངན༔ མཚན་མོ་ལྟས་དང་རྨི་ལམ་ངན༔ བགེགས་ཆེན་ལངས་ཤིང་གདོན་ཆེན་གཡོས༔ འཇམ་དཔལ་ཐུགས་ལས་སྤྲུལ་པའི་སྐུ༔ ཀོང་ཙེ་འཕྲུལ་གྱི་རྒྱལ་པོ་དེས༔ སྐོར་མགོ་སུམ་བརྒྱ་དྲུག་ཅུ་ལས༔ ངན་པ་ལྟོ་དང་གླུད་ཀྱིས་བཅོས༔ ཉེས་པ་མ་ལུས་གསལ་ཞིང་བསྡུས༔ དེ་ནས་གླུད་བྱུང་གང་དུ་བྱུང་༔ བོད་ཀྱི་དམ་པ་ཆོས་སྐྱོང་བ༔ རྒྱལ་པོ་ཁྲི་སྲོང་ལྡེ་བཙན་དེ༔ དཔལ་གྱི་བསམ་ཡས་བཞེངས་པའི་ཚེ༔ བོད་ཀྱི་ལྷ་འདྲེ་གདུག་པ་ཅན༔ རྒྱལ་བློན་འཁོར་བཅས་ཐུགས་སུ་ཞུགས༔ འབྱུང་བཞིའི་ལུས་ལ་འདུ་བ་འཁྲུགས༔ སློབ་དཔོན་པདྨ་འབྱུང་(༡༠ན)

― GLG025_Page_0795 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཀྱིས༔ ལྷ་སྲིན་འཁོར་བཅས་དབང་དུ་བསྡུས༔ རིན་ཅེན་ངར་གྱི་མི་མོ་ལ༔ སོ་སོའི་མཐུན་རྫས་བཞེད་པས་བསྐོར༔ ཇི་ལྟར་འདོད་པ་སྤུངས་ཤིང་སྦྱར༔ སྔགས་དང་ཕྱག་རྒྱས་བྱིན་གྱིས་བརླབས༔ བདེན་པའི་ཚིག་གིས་བཀྲོལ་ཏེ་བཏང་༔ རྒྱལ་པོ་ལུས་སེམས་བདེ་བ་རྙེད༔ དེ་ནས་གླུད་བྱུང་གང་དུ་བྱུང་༔ ད་ལྟ་ཁྱིམ་སྒོ་ལམ་སྲང་འདིར༔ རྒྱུ་སྦྱོར་ཡོན་བདག་འཁོར་བཅས་ཀྱི༔ ནད་དང་གནོད་པ་བཟློག་པ་དང་༔ ཆགས་ཆེ་ཉམ་ང་བསྒྱུར་བ་དང་༔ མི་མཐུན་ཕྱོགས་ཀུན་གསལ་བ་དང་༔ བདེ་ལེགས་ཕུན་ཚོགས་བསྒྲུབ་པའི་ཕྱིར༔ གྲོགས་ས་སོ་སོའི་ཐུན་རྫས་དང་༔ མི་ནོར་ཕྱུགས་ཀྱི་མཐུན་རྫས་དང་༔ རང་ལས་འབྱོར་དང་གཞན་ལས་བཙལ༔ ལས་ཀྱིས་འབྱོར་དང་ཡིད་ཀྱིས་སྤྲུལ༔ དགའ་ཞིང་སྤྲོ་བའི་ཁམས་ཀྱིས་ནི༔ ཚུལ་དང་མཐུན་པའི་ཚོགས་འཕྲེང་བཅད༔ གུས་ཤིང་དང་བས་འབུལ་ལགས་ན༔ བུ་ལོན་ལན་ཆགས་བྲལ་བར་ཤོག༔ ཀྱེ་ངར་གྱི་ཕ་སྨོས་པ༔ གནམ་ལ་ཡང་ང་རྩེ༔ ངར་གྱི་མ་སྨོས་པ༔ ས་ལ་དོག་མོ་ཡུལ༔ གནམ་ས་གཉིས་ལ་སྐྱེས་པའི་དར༔ སྙིང་ནི་ཞོ་ཤའི་སྙིང་༔ ཡིན་དྲན་ཝལ་ལ་ལ༔ རུས་ནི་དུང་གི་རུས༔ དཀར་མདངས་ཡེར་རེ་རེ༔ ཤ་ནི་བསེ་ཡི་ཤ༔ སྨུག་དང་ཁམས་སེ་ཁམ༔ ཁྲག་ནི་མཚལ་གྱི་ཁྲག༔ དམར་མདངས་བྲེངས་སེ་བྲེང་༔ དྲོད་ནི་མེ་ཡི་དྲོད༔ ཚ་མདངས་ལམས་སེ་ལམ༔ དབུགས་ནི་རླུང་གི་དབུགས༔ འགྱུ་གདངས་བྲེངས་སེ་བྲེང་༔ མགོ་ནི་གོ་ལྕགས་མགོ༔ (༡༠བ)

― GLG025_Page_0796 ―

^{[མ་དཔེ་གཟིགས་ན་འདིར་གནོན།]}

[Full Size]

གདོང་བཀྲག་ཡལ་ལ་ལ༔ སྐྲ་ནི་སྦ་ཟེར་སྐྲ༔ མཛེས་རྒྱན་པུར་རུ་རུ༔ ལག་ནི་དབང་པོ་ལག༔ གཡའ་གངས་སིལ་ལི་ལི༔ མིག་ནི་ལུང་ཐང་མིག༔ མཐོང་གདངས་རྒྱངས་སེ་རྒྱང་༔ སྣ་ནི་མོ་བབ་སྣ༔ དྲི་ཞིམ་ཕྱིངས་སེ་ཕྱིར༔ སོ་ནི་མགྲོན་བུའི་སོ༔ བཞད་གང་ཡལ་ལ་ལ༔ ལྕེ་ན་ལ་རྒན་ལྕེ༔ སྨྲ་སྐད་ཤར་ར་ར༔ རྐང་པ་ཀྱུང་མོའི་རྐང་༔ འགྲོས་སྟབས་ལམས་སེ་ལམ༔ གོས་ནི་བལ་ཚོན་གོས༔ བཟང་གོས་ལྷབ་མ་ལྷུབ༔ མིང་མེད་རང་གི་མིང་༔ ཆོ་འཕྲེང་ཤར་ར་ར༔ མི་བས་གླུད་བཟང་སྟེ༔ དགོས་འདོད་སྣ་དགུ་ཚང༔ མི་བས་གསུང་སྙན་ཏེ༔ ཚངས་པ་ལྷ་ཡི་གསུང་༔ མི་བས་འགྲོ་མཁས་ཏེ༔ ཁྱུ་མཆོག་མ་ཧེའི་འགྲོས༔ བཟའ་བས་ཁ་དྲོ་སྟེ༔ ངད་མདངས་ཐིབས་སེ་ཐིབ༔ མི་བས་ནོར་ཆེ་སྟེ༔ དཀོར་ཆ་སྣ་ཚོགས་བརྒྱན༔ ཕུང་པོ་རྣམ་ལྔ་ཚང་༔ སྐྱེ་མཆེད་བཅུ་གཉིས་ཚང་༔ ཁམས་ཆེན་བཅོ་བརྒྱད་ཚང་༔ ལུས་ངག་ཡིད་གསུམ་ཚང་༔ སྒང་བུ་མཐོ་མཐོ་ནས༔ གསུང་སྙན་ཀྱུར་རུ་རུ༔ ཡས་ཀྱི་ཡས་གདོང་བཟློག༔ གཤོང་བུ་དམའ་དམའ་ནས༔ འགྲོས་བཟང་ལྡེམས་སེ་ལྡེམ༔ མས་ཀྱི་མས་གདོན་བཟློག༔ ཅ་ཅོ་ལྡིར་ལྡིར་ནས༔ སྐྱེས་པ་དམག་ལ་ཆས་པ་འདྲ༔ ཕོ་བདུད་དལ་ཁ་བསྒྱུར༔ རྒྱན་རྒྱན་པུར་པུར་ནས༔ ན་ཆུང་བག་མར་ཆས་པ་འདྲ༔ མོ་བདུད་དལ་ཁ་བསྒྱུར༔ འདི་འདྲའི་གླུད་མཆོག་ནི༔ འཕངས་པ་མེད་པར་བཏང་༔ སྤྱི་བདུད་དལ་ཁ་བསྒྱུར༔ སྲིད་པའི་ལྷ་འདྲེ་ཡང་༔ མིག་གི་དབང་པོ་ཡིས༔ ཡས་དང་གླུད་ལ་ལྟོས༔ རྣ་བའི་དབང་པོ་ཡིས༔ བརྗོད་པའི་(༡༡ན)

― GLG025_Page_0797 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲ་ལ་ཉོན༔ དྲན་པའི་དབང་པོ་ཡིས༔ བདེན་པའི་དོན་ལ་སོམས༔ གླུད་དང་རྫོངས་སུ་འབུལ༔ བུ་ལོན་ལན་ཆགས་འཇོལ༔ དུས་མིན་འཆི་བ་རྣམ་བརྒྱད་བཟློག༔ ཆགས་ཆེ་ཉམ་ང་བསྒྱུར་དུ་གསོལ༔ ལོ་སྐེག་ཟླ་སྐེག་ཐམས་ཅད་བཟློག༔ ཟ་སྐེག་ཞག་སྐེག་དུས་སྒེག་བཟློག༔ ཀྱེ། སྲིད་གསུམ་འདི་ན་གང་ཡང་རུང་༔ ཚུར་གཤེགས་རྒྱལ་པའི་བཀའ་ལ་ཉོན༔ འབྲུ་མཆོག་ངར་གླུད་ཡ་མཚན་ཅན༔ སྔོན་ཚེ་ལྷ་དབང་བརྒྱ་བྱིན་གླུད༔ ད་ལྟ་རྒྱུ་སྦྱོར་ཡོན་བདག་གླུད༔ གླུད་བདག་ཐམས་ཅད་གླུད་ལོང་ཞིག༔ ཡས་ཀྱི་བདག་པོ་ཡས་ལོང་ཞིག༔ རྒྱུ་སྦྱོར་སྦྱིན་པའི་བདག་པོ་ཡི༔ རུས་པའི་གླུད་འདི་རྡོ་ལ་གཏོང་༔ རྡོ་ལ་གནས་པའི་ལྷ་འདྲེ་རྣམས༔ གླུད་དང་ལན་ཆགས་འདི་ལོང་ལ༔ འཁོར་འདིར་གནོད་པ་མ་མཛད་ཅིག༔ ཤ་ཡི་གླུད་འདི་ས་ལ་གཏོང་༔ ས་ལ་གནས་པའི་ལྷ་འདྲེ་རྣམས༔ གླུད་དང་ལན་ཆགས་འདི་ལོང་ལ༔ འཁོར་འདིར་གནོད་པ་མ་མཛད་ཅིག༔ ཁྲག་གི་གླུད་འདི་ཆུ་ལ་གཏོང་༔ ཆུ་ལ་གནས་པའི་ལྷ་འདྲེ་རྣམས༔ གླུད་དང་ལན་ཆགས་འདི་ལོང་ལ༔ འཁོར་འདིར་གནོད་པ་མ་མཛད་ཅིག༔ དྲོད་ཀྱི་གླུད་འདི་མེ་ལ་གཏོང་༔ མེ་ལ་གནས་པའི་ལྷ་འདྲེ་རྣམས༔ གླུད་དང་ལན་ཆགས་འདི་ལོང་ལ༔ འཁོར་འདིར་གནོད་པ་མ་མཛད་ཅིག༔ དབུགས་ཀྱི་གླུད་འདི་རླུང་ལ་གཏོང་༔ རླུང་ལ་གནས་པའི་ལྷ་འདྲེ་རྣམས༔ གླུད་དང་ལན་ཆགས་འདི་ལོང་ལ༔ འཁོར་འདིར་གནོད་པ་མ་མཛད་ཅིག༔ ཡིད་ཀྱི་གླུད་འདི་མཁའ་ལ་གཏོང་༔ མཁའ་ལ་གནས་པའི་

― GLG025_Page_0798 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་འདྲེ་རྣམས༔ གླུད་དང་ལན་ཆགས་འདི་ལོང་ལ༔ འཁོར་འདིར་གནོད་པ་མ་མཛད་ཅིག༔ སྔོན་ཚེ་བདེན་པའི་བྱིན་རླབས་ཀྱིས༔ ད་ལྟ་རྒྱུ་སྦྱོར་སྦྱིན་བདག་གི༔ བསམ་པ་རྣམ་པར་དག་པ་དང་༔ རྣལ་འབྱོར་དམ་ཚིག་ལྡན་པ་ཡི༔ ལྷག་བསམ་རྣམ་དག་བཤམ་པ་ནི༔ མཆོད་སྦྱིན་གླུད་གཏོར་འདི་བཞེས་ལ༔ ཁྲམ་ལ་ཕབ་ན་ཁྲམ་ཁ་ཕྱིས༔ ཤོ་ལ་བབ་ན་ཤོ་རྡོ་གཏོར༔ རྒྱན་ལ་བབ་ན་རྒྱན་ཁ་སྤོས༔ རྩིས་ལ་བབ་ན་རྩིས་ཁ་ཕྱུང་༔ བདུད་ཀྱི་ཞགས་པ་ཁ་བསྒྱུར་ཅིག༔ བྱ་བས་སྤུ་དག་དགའ་བ་ཡིན༔ བྷྱོ། རྫས་རྣམས་སྒྱེའུར་བླུག་ལ་དམ་བསྒྲགས་བྱེད། གཟུགས་བརྙན་གྱི་མགོར་རྡོ་རྗེ་འཇོག །ཁྱོད་ནི་བསྟེན་ཅིང་བསྒྲུབས་པའི་ཚེ༔ མ་དང་བུ་རུ་བསྟེན་པའི་ཚེ༔ གང་ཡབ་གང་གི་བྲག་ཕུག་ཏུ༔ ལི་ཙ་བྱི་ན་དྲི་མེད་ཀྱི༔ སྤྱན་སྔར་ཁས་བླངས་དམ་བཅའ་བཞིན༔ ཇི་ལྟར་དམ་བཅའ་མ་གཡེལ་ཅིག༔ རྗེ་དང་འབངས་སུ་བསྟེན་པའི་ཚེ༔ བེ་དོ་ཤན་གྱི་བྲག་ཕུག་ཏུ༔ སུ་ཁ་སི་ནི་དྲི་མེད་ཀྱི༔ སྤྱན་སྔར་ཁས་བླངས་དམ་བཅའ་བཞིན༔ ཇི་ལྟར་དམ་བཅས་མ་གཡེལ་ཅིག༔ མ་དང་སྲིང་དུ་བསྟེན་པའི་ཚེ༔ མགོན་པོ་མ་ཧཱ་ཀཱ་ལ་ཡི༔ གཙུག་ལག་ཆེན་པོའི་ཁང་བཟང་དུ༔ སྤྱན་སྔར་ཁས་བླངས་དམ་བཅས་བཞིན༔ ཇི་ལྟར་དམ་བཅའ་མ་གཡེལ་ཅིག༔ གཅེན་དང་གཅུང་དུ་བསྟེན་པའི་ཚེ༔ ཁྲི་རྟ་སྔོན་པོའི་རི་ཁ་རུ༔ བོ་དེ་ཚངས་པ་བླ་མེད་ཀྱི༔ སྤྱན་སྔར་ཁས་བླངས་དམ་བཅས་བཞིན༔ ཇི་ལྟར་དམ་བཅས་མ་གཡེལ་ཅིག༔ གྲོགས་དང་གྲོགས་མོར་བསྟེན་པའི་ཚེ༔ ཙན་དང་བུ་ཊའི་མཆོད་རྟེན་དུ༔

― GLG025_Page_0799 ―

^{[མ་དཔེ་གཟིགས་ན་འདིར་གནོན།]}

[Full Size]

སློབ་དཔོན་བྲམ་ཟེ་མཆོག་སྲེད་ཀྱི༔ སྤྱན་སྔར་ཁས་བླངས་དམ་བཅས་བཞིན༔ ཇི་ལྟར་དམ་བཅས་མ་གཡེལ་ཅིག༔ གཙོ་དང་འཁོར་དུ་བསྟེན་པའི་ཚེ༔ དབང་ཕྱུག་གཙོ་མོ་ཁྱོད་རང་གིས༔ དུར་ཁྲོད་རོལ་ཐང་ནག་པོ་རུ༔ དཀར་མོ་འོད་ཀྱི་བུ་མོ་དང༔ དུར་ཁྲོད་ཆེན་པོའི་གནས་བརྒྱད་དང་༔ ཀུན་ཏུ་བཟང་མོའི་མཁའ་དབྱིངས་ནས༔ སྲིང་མོ་བརྒྱ་ཡི་མགྲིན་པ་དང༔ མ་རུ་རྩེ་ཡི་སྒོ་འགྲམ་དུ༔ ཕྱག་ན་རྡོ་རྗེའི་སྤྱན་སྔ་རུ༔ ཇི་ལྟར་ཁས་བླངས་དམ་བཅས་བཞིན༔ དམ་བཅའ་དེ་ལས་མ་འདའ་ཞིག༔ རང་སྲོག་སྙིང་ལ་མེ་འབར་ཏེ༔ ལུས་ནི་རྡུལ་ཕྲན་ཚིག་པར་འགྱུར༔ ང་ཡི་བསྟན་པ་མི་རུང་ན༔ མགོ་ནི་ཚལ་པ་བརྒྱར་འགས་ཏེ༔ སྙིང་ཡང་ངེས་པར་དུམ་བུར་འགྱུར༔ དེ་བས་མ་མོ་རང་དམ་ནི༔ རང་གིས་གསོས་ཏེ་དམ་སྲུངས་ཤིག༔ ཧཱུཾ། ཕྱིར་བཏེག་གཤེགས་སྐྱེམས་དྲངས། སྒྲུབ་ཁང་གི་མདོ་འམ་བདེ་ཡངས་ལྟ་བུ། སྟོང་གསུམ་སྟོང་གི་འཇིག་རྟེན་ནས༔ སྣང་སྲིད་མ་མོའི་ཚོགས་དང་བཅས༔ ནད་བདག་མ་མོའི་ཚོགས་བཅས་རྣམས༔ འདི་ནས་དཔག་ཚད་བརྒྱད་ཁྲི་ནས༔ ལྷོ་ཕྱོགས་གཤིན་ཐང་ནག་པོ་ན༔ གཤིན་རྗེ་ཆོས་ཀྱི་རྒྱལ་པོ་ཡིས༔ ཆོས་ཀྱི་འཁོར་ལོ་བསྐོར་བ་ཡོད༔ ཁྱེད་ཀྱི་འབྱོན་ས་དེ་རུ་ཡོད༔ འདི་རུ་མ་བཞུགས་དེ་རུ་བྱོན༔ ནད་ཀྱི་དལ་ཁ་དེ་རུ་སྤོས༔ མ་མོའི་ཁྲམ་སྣ་དེ་རུ་བསྒྱུར༔ ལས་ཀྱི་རྡེའུ་དེ་རུ་ཁྲོམ༔ མཚོན་གྱི་དྲུ་བུ་དེ་རུ་སྐྱོང་༔ ནད་ཀྱི་རྐྱལ་པ་དེ་རུ་ཕྱེ༔ འདི་རུ་མ་འདུག་དེ་རུ་བྱོན༔ ཁྱེད་ཀྱི་ཞུགས་གནས་འདི་ན་མེད༔ འདི་ནི་ཁྲག་འཐུང་དཀྱིལ་འཁོར་(༡༢བ)

― GLG025_Page_0800 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ༔ འདི་ནི་ཁྱེད་ཀྱི་བཞུགས་ས་མེད༔ གླུད་དང་གཏོར་མ་འདི་བཞེས་ལ༔ རང་རང་གནས་སུ་བདེ་བར་གཤེགས༔ གལ་ཏེ་མི་འགྲོ་འདུག་གྱུར་ན༔ དཔལ་ཆེན་ཆེ་མཆོག་ཁྲོས་པ་ཡི༔ སྒྲུབ་ཆེན་བཀའ་བརྒྱད་ལྷ་ཚོགས་དང་༔ འཇིགས་བྱེད་ཁྲོ་བཅུའི་ལྷ་ཚོགས་ཀྱིས༔ མ་རུངས་བཞིན་དུ་བརླག་པར་བྱེད༔ རྣལ་འབྱོར་བདག་གི་བཀའ་ལ་ཉོན༔ རྣལ་འབྱོར་བདག་ལ་སྡོ་བ་ཡི༔ དམ་ཉམས་དགྲ་བོའི་སྲོག་རྩ་ཆོད༔ ཚེ་ཡི་འདུ་བྱེད་གནད་ནས་བསྐུལ༔ མི་རབས་བདུན་བརྒྱུད་རྩད་ནས་ཆོད༔ ཚེ་དང་བསོད་ནམས་དཔལ་འབྱོར་སྟུངས༔ ཟ་ཐང་དབང་ཐང་སྟུངས་ལ་ཤོག༔ ཕོ་རྒྱུད་རྩད་ནས་ཆོད་ལ་ཤོག༔ མོ་རྒྱུད་རྩད་ནས་ཆོད་ལ་ཤོག༔ ཆུ་རྒྱུད་རྩད་ནས་ཆོད་ལ་ཤོག༔ དགྲ་དཔུང་རྩད་ནས་ཆོད་ལ་ཤོག༔ མི་རབས་རྩད་ནས་ཆོད་ལ་ཤོག༔ ནོར་ཕྱུགས་རྩད་ནས་ཆོད་ལ་ཤོག༔ ལོ་ཏོག་རྩད་ནས་ཆོད་ལ་ཤོག༔ རྣམ་ཤེས་ཚོགས་བརྒྱད་སྡུས་ལ་ཤོག༔ སྙིང་ཁྲག་ཁ་རུ་རྡུབས་ལ་ཤོག༔ ཁོང་ཁྲག་རྐུབ་ནས་ཐོན་ལ་ཤོག༔ དམེ་དང་ནང་འཁྲུག་ཐོང་ལ་ཤོག༔ ཕུང་ཤིང་རྒྱ་འདྲེ་ལྷོངས་ལ་ཤོག༔ རིམས་ནད་ཆར་ལྟར་ཕོབ་ལ་ཤོག༔ དམར་ནད་ཁྲག་ལྟར་ལྷོངས་ལ་ཤོག༔ གཟེར་ནད་ཕུར་ལྟར་བཙུགས་ལ་ཤོག༔ གག་ལྷོག་ཆུ་ལྟར་བསྙིལ་ལ་ཤོག༔ དམ་ཉམས་དགྲ་བོའི་ཡུལ་འཁོར་དུ༔ སྟེང་ནས་གཟའ་ནད་ཐོག་ལྟར་ཕོབ༔ འོག་ནས་ཀླུ་ནད་ཆུ་ལྟར་ཕོབ༔ བར་ནས་བཙན་ནད་གཟེར་ལྟར་ཕོབ༔ སྣང་སྲིད་མ་མོའི་ཚོགས་རྣམས་ཀྱིས༔ གླུད་དང་གཏོར་མ་འདི་བཞེས་ལ༔ སྔོན་ཚེ་(༡༣ན)

― GLG025_Page_0801 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་འབྱུང་གནས་དང་༔ རྣལ་འབྱོར་བདག་གི་བཀའ་ལ་ཉོན༔ བཅོལ་བའི་འཕྲིན་ལས་ཁྱེད་ཀྱིས་སྒྲུབས༔ རྣལ་འབྱོར་བདེན་པའི་བཀའ་ལ་ཉོན༔ བྷྱོ་ལྷ་སྲིན་སྡེ་བརྒྱད་སྤྱན་ལམ་དུ༔ ངར་མོ་ཆོས་སོ་གླུད་དུ་ཆོས༔ བདུད་མོ་ཆོས་སོ་མ་བཟློག་ཅིག༔ ཡབ་བདུད་རྣམས་ཀྱི་སྤྱན་ལམ་དུ༔ ངར་མོ་ཆོས་སོ་མ་བཟློག་ཅིག༔ ཡབ་བདུད་ཁྲམ་ནག་སྐྱོང་བ་དང་༔ བཙན་ཆེན་རྣམས་ཀྱི་སྤྱན་ལམ་དུ༔ ངར་མོ་ཆོས་སོ་མ་བཟློག་ཅིག༔ བཙན་དམར་དར་ཐོད་སྤྱན་ལམ་དུ༔ དམུ་དང་རྒྱལ་པོ་མ་བདུད་དང་༔ ཀླུ་རྒྱལ་རྣམས་ཀྱི་སྤྱན་ལམ་དུ༔ ངར་མོ་ཆོས་སོ་མ་བཟློག་ཅིག༔ གཉན་པོ་སྡེ་བཞིའི་སྤྱན་ལམ་དུ༔ ངར་མོ་ཆོས་སོ་མ་བཟློག་ཅིག༔ དམུ་བདུད་ཤོར་བ་སྤྱན་ལམ་དུ༔ ངར་མོ་ཆོས་སོ་མ་བཟློག་ཅིག༔ རྒྱལ་ནད་སྨྱོ་འབོག་བཟློག་ཏུ་གསོལ༔ མ་བདུད་དལ་འབེབས་བཟློག་ཏུ་གསོལ༔ མཛེ་ནད་ལྷོག་འབྲས་བཟློག་ཏུ་གསོལ༔ གཉན་ནད་གདུག་པ་བཟློག་ཏུ་གསོལ༔ རྦོད་གཏོང་ངན་པའི་སྤྱན་ལམ་དུ༔ ངར་མོ་ཆོས་སོ་མ་བཟློག་ཅིག༔ ངར་མོ་མཛེས་མ་འོད་འཕྲོ་མ༔ ལྷ་ཡི་གདོན་ཚོགས་བཟློག་ཏུ་གསོལ༔ གཞན་གྱི་མི་ཐུབ་དྲག་ཤུལ་ཅན༔ ལྷ་མིན་གདོན་ཚོགས་བཟློག་ཏུ་གསོལ༔ གཏུམ་པ་ཆེན་མོ་སྟོབས་བདག་མོ༔ ཀླུ་ཡི་གདོན་ཚོགས་བཟློག་ཏུ་གསོལ༔ འབར་བ་ཆེན་མོ་འོད་ལྡན་མ༔ རླུང་ལྷའི་གདོན་ཚོགས་བཟློག་ཏུ་གསོལ༔ ངར་མོ་སྒེག་མོ་མདངས་ལྡན་མ༔ ནམ་མཁའ་ལྡིང་གི་གདོན་ཚོགས་བཟློག་ཏུ་གསོལ༔ ཁྲོ་གཉེར་བརྗིད་པའི་སྨྲེང་གཤགས་ཀྱིས༔ དྲི་ཟའི་གདོན་ཚོགས་བཟློག་ཏུ་གསོལ༔ ངར་(༡༣བ)

― GLG025_Page_0802 ―

^{[མ་དཔེ་གཟིགས་ན་འདིར་གནོན།]}

[Full Size]

མོ་རིན་ཅེན་རྒྱན་ལྡན་མ༔ མི་ཡི་གདོན་ཚོགས་བཟློག་ཏུ་གསོལ༔ པདྨ་ལྟ་བུའི་འོད་མདངས་ཀྱིས༔ ལྟོ་འཕྱེའི་གདོན་ཚོགས་བཟློག་ཏུ་གསོལ༔ ངར་མོ་བརྟུལ་ཞུགས་ཆེ་བ་ཡིས༔ གནོད་སྦྱིན་གདོན་ཚོགས་བཟློག་ཏུ་གསོལ༔ རྡོ་རྗེ་ལྟ་བུའི་ས་མཁྲེགས་ཀྱིས༔ སྲིན་པོའི་གདོན་ཚོགས་བཟློག་ཏུ་གསོལ༔ ངར་མོ་རིན་ཅེན་ལུས་ལྡན་མ༔ ཡི་དྭགས་གདོན་ཚོགས་བཟློག་ཏུ་གསོལ༔ ངར་མོ་གཟུགས་བཞིས་ཆེ་བ་ཡི༔ ཤ་ཟའི་གདོན་ཚོགས་བཟློག་ཏུ་གསོལ༔ ངར་མོ་སྟོབས་དང་ལྡན་པ་ཡིས༔ འབྱུང་པོའི་གདོན་ཚོགས་བཟློག་ཏུ་གསོལ༔ སྡེ་བརྒྱད་ཡོངས་ཀྱི་དམག་དཔུང་བཟློག༔ མོ་ངན་པྲ་ངན་ཐམས་ཅད་བཟློག་ཏུ་གསོལ༔ སྐྱེ་འགྲོ་ཡོངས་ཀྱི་ཚེ་གླུད་འདི༔ ནད་བདག་ཆེན་མོ་ཁྱེད་ལ་འབུལ༔ བཟུང་བ་ཐོང་ལ་བཅིངས་པ་ཁྲོལ༔ གདམས་པ་ལྷོད་ལ་མནན་པ་ཐག༔ ལན་ཆགས་བུ་ལོན་ཁྱེར་ཏེ་སོང་༔ མཚོན་ཆའི་འཇིགས་པ་གང་ཡང་མེད༔ འཆི་བའི་སྲོག་ལ་ཀུན་ཀྱང་འཛེམ༔ རང་གི་ལུས་ལ་དཔེ་ལོང་ལ༔ སྐྱེ་འགྲོའི་ལུས་ལ་གནོད་མ་བྱེད༔ སེམས་ཅན་བདེ་ཞིང་ཡངས་པར་ཐོབ༔ སྡུག་སེམས་ལྡན་པའི་འཁོར་རྣམས་སྡུས༔ ཐམས་ཅད་རང་གི་གནས་སུ་དྲོངས༔ གལ་ཏེ་མི་འགྲོ་བར་གཅོད་ན༔ བླ་མ་རྣམས་ཀྱི་བྱིན་རླབས་དང་༔ ཡི་དམ་ལྷ་ཡི་ཏིང་འཛིན་དང་༔ མཁའ་འགྲོ་རྣམས་ཀྱི་མཐུ་རྩལ་དང་༔ ཕོ་ཉ་རྣམས་ཀྱི་བརྟུལ་ཞུགས་ཀྱིས༔ འཁོར་ལོ་རལ་གྲི་རྡོ་རྗེ་དང་༔ བེ་ཅོན་དབྱུག་ཏོ་ཞགས་པ་དང་༔ ཐོ་བ་ལྕགས་ཀྱུ་འཁྲིགས་པ་ཡིས༔ གདུག་པའི་མེ་འོད་ཚ་ཚ་འཕྲོ༔ ཧཱུཾ། ད་ནི་རྡོ་རྗེ་དྲག་པོ་རྩལ༔ རྡོ་རྗེ་གུར་གྱི་ར་བ་(༡༤ན)

― GLG025_Page_0803 ―

^{[མ་དཔེ་གཟིགས་ན་འདིར་གནོན།]}

[Full Size]

ན༔ ཧཱུཾ་མཛད་ལ་སོགས་ཁྲོ་བོ་བཅུ༔ སྒྲ་འབྱིན་མ་སོགས་ཁྲོ་མོ་བཅུ༔ དཔའ་བོ་དཔའ་མོ་འཇིགས་པའི་ཚོགས༔ འཇིགས་ཚུལ་རྔམས་དང་སྟང་སྟབས་ཀྱིས༔ གང་ལ་བྱ་བའི་དགྲ་དང་བགེགས༔ གསོ་ཐབས་མེད་པར་བརླག་པར་བྱེད༔ སོང་ཞིག་བྱེར་ཞིག་ནད་བདག་མོ༔ ཤ་ཟ་ཡི་དྭགས་འབྱུང་པོའི་ཚོགས༔ གདུག་ཅིང་རྒོད་ན་བརླག་པར་གྱིས༔ ཧཱུཾ་ཧཱུཾ་ཧཱུཾ། བྷྱོ། བླ་མ་དེ་ནས་ཁྲོར། དཀོན་ཅོག་ཡི་དམ་ལྷ་ཡི་ཚོགས༔ མ་གཡེལ་མ་འདའ་བདག་གི་གྲོགས་ལ་སྤྱོན༔ ཆོས་སྐྱོང་སྲུང་མ་དམ་ཅན་རྒྱ་མཚོའི་ཚོགས༔ མ་གཡེལ་མ་འདའ་བདག་གི་གྲོགས་ལ་སྤྱོན༔ ཆེད་དུ་བསྟེན་པའི་དམ་ཅན་མ་མོའི་ཚོགས༔ མ་གཡེལ་མ་འདའ་རང་གི་ཐ་ཚིག་ལོང་༔ ལས་ཀྱི་ཆགས་པའི་ལྷ་འདྲེ་དྲེགས་པ་ཅན༔ དུས་ལ་བབ་ཀྱི་ད་ནི་མྱུར་དུ་སྤྱོན༔ མ་དང་སྲིང་མོ་བུ་མོ་བྲན་མོའི་ཚོགས༔ སླས་དང་ཕྱི་མོ་བྲན་དང་ཡང་བྲན་རྣམས༔ དོ་ནུབ་དུས་བབ་མ་སྲིང་རྒྱ་མཚོ་དུས༔ དོ་ནུབ་གཟུ་དང་དཔང་མཛོད་དཀོན་ཅོག་གསུམ༔ དོ་ནུབ་སྣང་སྲིད་ལྷ་འདྲེས་ཞལ་ཆེ་ཆོད༔ མ་ཉེས་མ་ཡོ་གཟུ་དང་དཔང་པོ་མཛོད༔ ད་ལྟ་མཚན་མའི་དངོས་པོ་འདི་ལ་གཟིགས༔ དུས་ཀྱི་ཐ་མ་ལས་ཀྱི་མནར་བ་དག༔ བཀའ་དང་གཞུང་བཞིན་དམ་ཚིག་སྤྱད་དབང་མེད༔ ཡར་བལྟས་གནམ་ལ་མར་བལྟས་ས་ལ་ཐུག༔ ཕ་བོས་བྲག་ལ་མ་བོས་ཆུ་རུ་འདུག༔ འདི་འདྲའི་དུས་ན་དམ་ཅན་ལས་མ་གཡེལ༔ རང་སྔགས་ནུས་པས་རང་སྲོག་བཅད་ཏ་རེ༔ དུས་ལ་བབ་ཀྱི་ད་ནི་དམ་ལ་འདུས༔ བྷྱོ། དོ་ནུབ་དགྲ་ལ་ཟོར་གཅིག་འཕེན༔ མ་ཟུ་ར་ཡི་ཐོད་པ་རུ༔

― GLG025_Page_0804 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲག་སྣ་གསུམ་གྱི་སྨྱུག་ཆེན་ལ༔ སྨྱོ་བྱེད་དུག་གི་སྤྲོ་ཡང་བསྐྱོན༔ ཡུངས་ཀར་འབར་བའི་མདེའུ་གཡེལ༔ ཁྲོ་ཆུ་འབར་བའི་བཅས་ཀྱིས་དཀྲིས༔ ཟོར་གྱི་གཞུང་མཆོག་ལམས་སེ་ལམ༔ སྔགས་ཀྱི་རྒྱུད་སྒྲ་ཆེམས་སེ་ཆེམ༔ དམ་ཉམས་དགྲ་བོ་ལས་ངན་འདི༔ དང་པོ་ཞེ་སྡང་ཕ་ཡིས་བསྐྱེད༔ བར་དུ་འདོད་ཆགས་མ་ཡི་མངལ༔ ཐ་མ་དྲི་ཟ་ལྟོ་བར་འཁོར༔ དེ་ནས་ལྔ་ཕུང་ལུས་སུ་གྲུབ༔ ལྔ་ཕུང་རྩད་ནས་བཅད་པའི་ཕྱིར༔ ལྷ་མོ་ནག་མོ་ཟོར་འཕོངས་ལ༔ མོན་མོས་སྐྱོགས་ཀྱི་དཔུང་ཐུལ་ཅིག༔ བལ་མོས་ཟོར་གྱི་ཁ་སྒྱུར་ཅིག༔ དམ་ཉམས་དགྲ་བོ་ལས་ངན་འདིའི༔ འགོ་བའི་ལྷ་ལ་ཁྲག་ཟོར་ཡཱ༔ མིང་དང་གཟུགས་ལ་ཁྲག་ཟོར་ཡཱ༔ སྲོག་རྩ་དམར་ལ་ཁྲག་ཟོར་ཡཱ༔ སྙིང་རྩ་རྒྱུད་ལ་ཁྲག་ཟོར་ཡཱ༔ ཕོ་རྒྱུད་རྩད་ནས་ཆོད་ལ་ཤོག༔ མོ་རྒྱུད་མངལ་ནས་སྐོམས་ལ་ཤོག༔ ཆུ་རྒྱུད་རྩད་ནས་ཆོད་ལ་ཤོག༔ དགྲ་དཔུང་རྩད་ནས་ཆོད་ལ་ཤོག༔ དོ་ནུབ་དགྲ་ལ་དམག་ཅིག་འདྲེན༔ མ་མོའི་ཁྲག་སྣ་དགྲ་ལ་སྒྱུར༔ མ་མོའི་དལ་ཡམས་དགྲ་ལ་ཐོང་༔ མ་མོའི་བདུན་སྟངས་དགྲ་ལ་ཐོང་༔ རྩིས་ཀྱི་རྡེའུ་དགྲ་ལ་ཐོང་༔ ནད་ཀྱི་དལ་ཡམས་དགྲ་ལ་ཕོབ༔ དམ་ཉམས་དགྲ་བོའི་ཡུལ་འཁོར་དུ༔ མ་མོའི་རྟ་ཁྲོམ་ཁྱིལ་ལི་ལི༔ དར་ནག་རུ་མཚོན་ཐིབས་སེ་ཐིབ༔ རིམས་ནད་སྣ་ཚོགས་ཆར་ལྟར་ཕོབ༔ གློ་བུར་འཁྲུག་པའི་སྐྱིན་ཐང་ཐོང་༔ སྲོག་རྩ་དམར་པོ་རྦད་ཀྱིས་ཆོད༔ ཚེ་ཡི་འདུ་བྱེད་གནད་ནས་བཀུམ༔ མ་མོའི་ཟ་རེས་དགྲ་ལ་ཕོབ༔ ནད་ཀྱི་ན་བུན་ཐུལ་ལུ་ལུ༔ མཚོན་གྱི་ཆར་པ་ཤར་ར་ར༔ མ་མོའི་གཡབ་དར་(༡༥ན)

― GLG025_Page_0805 ―

^{[མ་དཔེ་གཟིགས་ན་འདིར་གནོན།]}

[Full Size]

ལིངས་སེ་ལིང་༔ མ་མོ་ལྕེ་རྒྱ་ཞོན་པ་ཡེར་རེ་རེ༔ ལྟས་ངན་ཡང་སྤྲུལ་མང་པོ་ཐིབས་སེ་ཐིབ༔ མི་རྐང་གླིང་བུ་སྐྱུར་རུ་རུ༔ སྦྱུག་པའི་བཤུག་གླུ་ཙེར་རེ་རེ༔ མ་མོ་སྨྲེ་ངག་འདོན་ཞིང་འོ་དོད་འབོད༔ དམ་ཉམས་དགྲ་ལ་རྟགས་ཕྱུང་ཞིག༔ སྒྲོལ་ཅིག་དགྲ་བོ་མྱུར་དུ་སྒྲོལ༔ སོལ་ཅིག་ལམ་གྱི་བར་ཆད་སོལ༔ བཟློག་ཅིག་འཁོར་བ་རུ་ནས་བཟློག༔ བདག་ལ་སྡང་བའིདགྲ་བོ་འདི༔ ལོ་དང་ཟླ་བར་མ་འཇོག་པར༔ ཞག་དང་ཟ་མར་རྟགས་ཕྱུང་ཞིག༔ བཅོལ་བའི་འཕྲིན་ལས་གྲུབ་པར་མཛོད༔ ཐུབ་བསྟན་སྤྱི་དང་རྗེ་བཙུན་བཙོང་ཁ་བའི། །རིང་ལུགས་ཉེར་འཛིན་སྐྱེས་ཆེན་མངའ་འབངས་སོགས། །གནས་སྐབས་མི་མཐུན་ཉེས་བརྒྱ་ཀུན་ཞི་ཞིང་། །བདེ་སྐྱིད་སུམ་རྩེན་དཔལ་ལ་འགྲན་བཟོད་ཤོག །ཅེས་འཇིག་རྟེན་བདེ་ཐབས་སུ་ནད་བདག་སྟོབས་འཇོམས་གྱེར་གཞུང་འཁྱེར་བདེ་འདིའང་ཟ་ཧོར་བནྡེས་སྦྱར་བ་བྷ་ཝནྟུ།། །