དགྲ་ལྷའི་གསོལ་མཆོད་མདོར་བསྡུས།
༄༅། །དགྲ་ལྷའི་གསོལ་མཆོད་མདོར་བསྡུས་བཞུགས་སོ། །རྃ་ཡྃ་ཁྃ། ༀ་ཨཱཿཧཱུྃ། ཀྱེ། རབ་དཀར་བསོད་ནམས་སྟོབས་ཀྱི་རུ་མཚོན་གྱིས། །ནག་ཕྱོགས་བདུད་དགྲའི་དཔུང་ཚོགས་གཞོམ་མཛད་པའི། །བསྟན་སྐྱོང་དགྲ་ལྷའི་རྒྱལ་པོ་འཁོར་དང་བཅས། །ཐོགས་མེད་རྫུ་འཕྲུལ་དབང་གིས་གཤེགས་སུ་གསོལ། །ཇ་ཆང་འོ་ཞོ་ཕྱེ་མར་དཀར་མངར་ཕུད། །གོ་མཚོན་དཀོར་ནོར་སྤྱན་གཟིགས་མཁོ་དགུའི་རིགས། །འདོད་པའི་ཡོན་ཏན་མ་ཚང་མེད་པའི་སྤྲིན། །དངོས་བཤམས་ཡིད་ཀྱི་སྤྲུལ་ཏེ་འབུལ་གྱིས་བཞེས། །བདག་དང་རྒྱུ་སྦྱོར་ཡོན་བདག་འཁོར་བཅས་ལ། །ལུས་དང་གྲིབ་མ་བཞིན་དུ་འབྲལ་མེད་འགྲོགས། །ཚེ་བསོད་དཔལ་འབྱོར་རླུང་རྟ་གྱེན་ལ་བསྐྱེད། །བསམ་པའི་དོན་ཀུན་འགྲུབ་པའི་ཕྲིན་ལས་མཛོད། །ཅེས་པའང་པདྨ་བི་ཛས་བྲིས་པ་དགེ །