གུང་ཐང་དཀོན་མཆོག་བསྟན་པའི་སྒྲོན་མེའི་གསུང་འབུམ།

གུང་ཐང་དཀོན་མཆོག་བསྟན་པའི་སྒྲོན་མེའི་གསུང་འབུམ།

གླེགས་བམ་བདུན་པ།

གུང་ཐང་དཀོན་མཆོག་བསྟན་པའི་སྒྲོན་མེ།

Nitartha International

Images scanned by BDRC

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

དཀར་ཆག

― GTD007_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བཙུན་བླ་མ་དམ་པ་གུང་ཐང་འཇམ་པའི་དབྱངས་དཀོན་མཆོག་བསྟན་པའི་སྒྲོན་མེ་དཔལ་བཟང་པོའི་གསུང་འབུམ་ཅ་བའི་དཀར་ཆག་བཞུགས་སོ།།

― GTD007_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་མཆོག་རྒྱལ་བའི་ཐུགས་རྗེ་མེ་ཤེལ་ཁམས། །འཁྲུལ་བྲལ་མདོ་སྔགས་བསྐྲུན་པའི་འོད་བརྒྱ་པ། །འགྲོ་བློའི་རྨོངས་མུན་སེལ་བའི་སྒྲོན་མེ་མཆོག །ཟླ་བྲལ་རྗེ་བཙུན་བླ་མར་གུས་པས་འདུད། །རྒྱལ་བའི་ཐུགས་བསྐྱེད་ཟླ་ཤེལ་ལྷ་ལམ་ནས། །འཆར་བའི་འགྲོ་བློའི་ཆུ་སྣོད་འབུམ་ཕྲག་ཏུ། །རང་རང་མོས་འཚམས་གསུང་གསང་གཟུགས་བརྙན་རེ། །སྤྲོ་བའི་ཐབས་མཁས་འདི་ཀོ་རྨད་དུ་བྱུང་། །རྗེ་བཙུན་བླ་མ་དམ་པ་འཇམ་དཔལ་དབྱངས་དཀོན་མཆོག་བསྟན་པའི་སྒྲོན་མེ་དཔལ་བཟང་པོའི་གསུང་འབུམ། ༼ཇ༽ པ་ལ། ངན་སོང་ཐམས་ཅད་ཡོངས་སུ་སྦྱོང་བའི་དཀྱིལ་འཁོར་ཞལ་སྟོན་གྱི་བཤད་པ་ཆོས་དུང་དཀར་པོའི་སྒྲ་དབྱངས་ལ་གྲངས། ༡༩ ཀུན་མཁྱེན་བླ་མས་མཛད་པའི་རྡོར་ཕྲེང་གི་དབང་གི་ཁ་སྐོང་ཀྲྀ་ཡའི་ཕྱག་ལེན་དང་བཅས་པ་ལ། ༧ རབ་གནས་དགེ་ལེགས་ཆར་འབེབས་ཀྱི་ཕྱག་ལེན་མཐའ་དག་གསལ་བར་བཤད་པ་ལེགས་བྱས་སྤྲིན་གྱི་སྒྲ་དབྱངས་ལ། ༢༩ རབ་གནས་ཀྱི་ལོ་རྒྱུས་གཙོ་བོར་གྱུར་པའི་བཤད་པ་ལ། ༨ བཀྲ་ཤིས་རྫས་བརྒྱད་ཀྱི་རྣམ་བཤད་བཀྲ་ཤིས་དགའ་སྟོན་ལ། ༡༧ རྣམ་རྒྱལ་སྟོང་མཆོད་ཀྱི་ཆོ་གའི་ཟུར་འདེབས་བདུད་རྩིའི་ཟིལ་མངར་ལ། ༤ ཚེ་ལྷ་རྣམ་གསུམ་གྱི་མངོན་རྟོགས་ལ། ༢ གྲུབ་ཆེན་བརྒྱད་ཅུའི་རྗེས་གནང་བྱ་ཚུལ་ལ། ༩ སེང་ལྡེང་ནགས་སྒྲོལ་གྱི་སྒྲུབ་ཐབས་བྱིན་རླབས་དགའ་སྟོན་ལ། ༥ རྟ་མགྲིན་

― GTD007_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་གཉིས་པའི་སྒྲུབ་ཐབས་དངོས་གྲུབ་གཏེར་མཛོད་ལ། ༧ སྨན་ཆོག་མདོར་བསྡུས་ལ། ༡ སངས་རྒྱས་སུམ་ཅུ་སོ་ལྔའི་སྒྲུབ་ཐབས་ཀྱི་ཆོ་ག་ལྟུང་པའི་མུན་སེལ་ལ། ༨ ཡོན་སྦྱོང་གི་ཆོ་ག་སྒྲིབ་པའི་མུན་སེལ་ལ། ༥་ཚེ་དཔག་མེད་ལ་བརྟེན་པའི་ཚེ་སྒྲུབ་ལ། ༣ མི་འཁྲུགས་པའི་གོས་སྐུ་བཀྲམ་སྐབས་ཀྱི་འདོན་ཆའི་གོ་རིམ་ལ། ༥ འཕགས་མཆོག་འཇམ་དཔལ་ནག་པོ་ལ་བརྟེན་པའི་སྦྱིན་སྲེག་གི་ཆོ་ག་ཉེས་པ་ཀུན་སེལ། རི་ཁྲོད་ལྷ་མོ། ཆོས་རྒྱལ་གསང་སྒྲུབ། འཇིགས་བྱེད་ཆོས་རྒྱལ་སྦྲགས་པ། སེང་གདོང་མ། ལྷ་མོ་བཅས་ཀྱི་སྦྱིན་སྲེག་ལ། ༡༨ བཅོམ་ལྡན་ཀླུ་དབང་རྒྱལ་པོའི་བུམ་སྒྲུབ་གདུང་སེལ་ཟླ་བའི་འཁྲི་ཞིང་ལ། ༧ བཅོམ་ལྡན་ཀླུ་དབང་རྒྱལ་པོའི་སྒོ་ནས་ཡུལ་ཁྲུས་བྱ་ཚུལ་ཀླུ་བསང་བཅས་ལ། ༤ འཕགས་མཆོག་སེངྒེའི་སྒྲའི་མངོན་རྟོགས་བུམ་སྒྲུབ་བཅས་ལ། ༣ ཡེ་ཤེས་ཁྱུང་ཁྲའི་སྒྲུབ་ཐབས་ལས་ཚོགས་བྱིན་རླབས་དགའ་སྟོན་དང་། འཇམ་དཔལ་ནཱ་ག་རཀྴའི་བཀྲུ་བྱབས་སྲུང་བ་བཅས་ལ། ༨ འོད་ཟེར་ཅན་མའི་བསྙེན་སྒྲུབ་ཁ་སྐོང་ལས་ཚོགས་བཅས་ལ། ༡༢ སྨན་བྱིན་རླབས་བྱ་ཚུལ་བདུད་རྩིའི་ཐིགས་པ་ལ། ༥ གཟུངས་སྔགས་ཟབ་མོ་ཁ་ཏོན་དུ་བྱ་ཚུལ་དགེ་བའི་འཕྲུལ་འདེགས་ལ། ༦ མདོ་སྡེ་ཐར་པ་ཆེན་པོའི་འདོན་ཐབས་མདོ་ཉིད་ཀྱི་དགོངས་པ་རྒྱས་པར་བཀོད་པ་ལ། ༩ འཇམ་དཔལ་མཚན་བརྗོད་ཀྱི་འདོན་ཐབས་ཁག་གཉིས་ལ། ༤ བདེ་བར་གཤེགས་པའི་ཐུགས་རྟེན་སཱཙྪ་འདེབས་ཆོག་དང་། སྐུ་པར་

― GTD007_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

བཏབ་པ་སོགས་ལ་རབ་གནས་རྒྱས་བསྡུས་བྱ་ཚུལ་ལ། ༨ སུ་རཱུ་པའི་གཏོར་མ་གཏོང་ཚུལ་གྱི་རྣམ་གཞག་ལ། ༤ བཟང་སྤྱོད་ལ་བརྟེན་པའི་འཆི་བླུའི་ཆོ་ག་སྐྱེ་འགྲོའི་དབུགས་འབྱིན་ལ། ༩ ཚེ་བདག་མགོན་པོ་ལ་བརྟེན་ནས་འཆི་བླུ་བྱ་ཚུལ་ཚེ་ཉམས་གསོ་བྱེད་བདུད་རྩིའི་ཐིགས་པ་ལ། ༥ ཛམ་དཀར་ལྷ་ལྔའི་ནོར་སྒྲུབ་བྱ་ཚུལ་ཟུར་འདེབས་གསེར་གྱི་ལྡེ་མིག་དང་། ཛམ་དམར་སྲོག་སྒྲུབ་འདོད་རྒུ་མཆོག་སྦྱིན་སོགས་ལ། ༡༢ དུས་ཀྱི་འཁོར་ལོའི་ལམ་ལ་སློབ་ཚུལ་གྱི་སྨོན་ལམ་ལ། ༤ ཚེ་དཔག་མེད་ཀྱི་བླ་བརྒྱུད་སྨོན་ཤིས། འཇམ་དཔལ་གསང་ལྡན། མི་ཏྲའི་ཐུགས་རྗེ་ཆེན་པོ། གདུགས་དཀར་བཅས་ཀྱི་བརྒྱུད་འདེབས་ལ། ༩ འཕགས་མཆོག་འཇམ་དཔལ་དཀར་པོ་ལ་བསྟོད་པ་འཇམ་མགོན་དགྱེས་སྐྱེད་བསྟོད་སྤྲིན་རྒྱ་མཚོ་ལ། ༧ མདོ་སྔགས་ཀྱི་ལམ་ཟུང་ལྡན་གྱིས་བསྟན་པ་རྒྱལ་བ་དགྱེས་པའི་དབྱངས་སྙན་དང་མགུར་མ་བཅས་ལ། ༣ འཇམ་མགོན་བླ་མ་ལ་བསྟོད་པའི་རབ་བྱེད་ཀ་ལ་པིངྐའི་གླུ་དབྱངས་དང་། ཀུན་མཁྱེན་འཇིགས་མེད་དབང་པོ་ལ་བསྟོད་པ་བཅས་ལ། ༨ འཁྲུངས་རབས་གསོལ་འདེབས་ནོར་བུའི་ཕྲེང་བ་དང་མགུར་མ་བཅས་ལ། ༣ སྟོན་པ་ཐུབ་པའི་དབང་པོ་ལམ་བརྗོད་པར་བསྟོན་བསྒོ་མཐའ་ཡས་སོགས་བསྟོད་ཚོགས་གསོལ་འདེབས་ཀྱི་སྐོར་བྱིན་རླབས་གཏེར་གྱི་སྒོ་འབྱེད་ལ། ༥༦ དཔལ་ལྡན་སྨད་རྒྱུད་གྲྭ་ཚང་གི་དེབ་ཡིག་མགོ་རྒྱན་སོགས་དེབ་རྒྱན་སྣ་ཚོགས་ལ། ༩ དབེན་གནས་ཡིད་དགའ་ཆོས་འཛིན་གྱི་བཅའ་ཡིག་ཡང་དག་སྒྲུབ་པའི་འཇུག་ངོགས་དང་། དེའི་ཟུར་འདེབས། ཨ་རུ་ཧོར་ཆེན་དགོན་བཀྲ་ཤིས་བསམ་འགྲུབ་གླིང་གི་བཅའ་ཡིག་བཅས་ལ། ༢༢ སྐར་མ་རབ་རིབ་སོགས་མདོ་ཚིག་དོན་བཀྲལ། འཁོར་ལོའི་རྣམ་གཞག བཤེས་གཉེན་བསྟེན་ཚུལ། སྐུ་སྐྱེ་མྱུར་འབྱོན་གྱི་དེ་ཉིད་གསལ་བྱེད། ཐ་མ་ཁའི་ཉེས་དམིགས་ལེའུ་ཐོར་བུ་སྣ་ཚོགས་ལ། ༤༠ ལེགས་པར་བཤད་པ་ཤིང་གི་བསྟན་བཅོས་ལུགས་གཉིས་ཡལ་འདབ་བརྒྱ་ལྡན་ལ། ༧ ལེགས་པར་བཤད་པ་ཆུའི་བསྟན་བཅོས་ལུགས་གཉིས་རླབས་ཕྲེང་བརྒྱ་ལྡན་ལ། ༩ ཟློས་གར་གྱི་བསྟན་བཅོས་ཡང་དག་ལམ་དུ་བཀྲི་བའི་རོལ་རྩེད་ལ། ༡༤ ཚིག་བཀྲ་སྣ་ཚོགས་ཀྱི་སྐོར་སྐལ་བཟང་མདོངས་མཐའ་དགྱེས་པའི་དབྱར་རྔ་ལ། ༡༠ སྙན་དངགས་ཀྱི་དཔེར་བརྗོད་རྩོམ་འཕྲོ་ཅན་ལ། ༣༠ དཀར་ཆག་ཤོག་གྲངས་ ༢ བཅས་ཁྱོན་བསྡོམས་ཤོག་གྲངས་ ༣༢༠ བཞུགས།། །།

ངན་སོང་ཐམས་ཅད་སྦྱོང་བའི་དཀྱིལ་འཁོར་ཞལ་སྟོན་གྱི་བཤད་པ།

― GTD007_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

ངན་སོང་ཐམས་ཅད་སྦྱོང་བའི་དཀྱིལ་འཁོར་ཞལ་སྟོན་གྱི་བཤད་པ་ཆོས་དུང་དཀར་པོའི་སྒྲ་དབྱངས་ཞེས་བྱ་བ་བཞུགས་སོ།།

― GTD007_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་བྷ་ག་ཝ་ཏི་བཻ་རོ་ཙ་ནཱ་ཡ། དཔལ་ལྡན་མཁས་ཀུན་རལ་པའི་ཟུར་ཕུད་རྩེར། །ཞབས་སྐྱེས་ནོར་བུའི་གདེངས་ཀ་ངལ་གསོ་བ། །འཇིགས་མེད་དབང་པོར་མཚན་གསོལ་རིགས་ཀྱི་བདག །བྱང་ཆུབ་བར་དུ་གཙུག་ན་མཛེས་གྱུར་ཅིག །ངན་སོང་ཀུན་སྦྱོང་ཐམས་ཅད་རིག་པ་ཡི། །དཀྱིལ་འཁོར་ཐར་པ་ཆེན་པོའི་གཞལ་མེད་དུ། །བགྲང་ཡས་ཐར་འདོད་གཞུག་ལ་སྔོན་འགྲོའི་གཏམ། །ཟབ་གསང་ཆོས་དུང་དཀར་པོའི་དབྱངས་འདི་སྒྲོགས།། དེའང་རྒྱལ་བ་མ་ཕམ་མགོན་པོས་ཐེག་པ་ཆེན་པོ་རྒྱུད་བླ་མར། ཐུགས་རྗེ་ཆེན་པོས་འཇིག་རྟེན་མཁྱེན། །འཇིག་རྟེན་ཀུན་ལ་གཟིགས་ནས་ན། །ཆོས་ཀྱི་སྐུ་ལས་མ་གཡོས་པར། །སྤྲུལ་བའི་རང་བཞིན་སྣ་ཚོགས་ཀྱིས། །སྐྱེ་བ་མངོན་པར་སྐྱེ་བ་དང༌། །དགའ་ལྡན་གནས་ནས་འཕོ་དང༌། །ལྷུམས་སུ་འཇུག་དང་བལྟམས་པ་དང༌། །བཟོ་ཡི་གནས་ལ་

― GTD007_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་པ་དང༌། །བཙུན་མོའི་འཁོར་གྱིས་བསྐོར་བ་དང༌། །ངེས་འབྱུང་དཀའ་བ་སྤྱད་པ་དང༌། །བྱང་ཆུབ་སྙིང་པོ་གཤེགས་པ་དང༌། །བདུད་སྡེ་བཅོམ་དང་རྫོགས་པར་ན། །བྱང་ཆུབ་ཆོས་ཀྱི་འཁོར་ལོ་དང༌། །མྱ་ངན་འདས་པར་གཤེགས་མཛད་རྣམས། །ཡོངས་སུ་མ་དག་ཞིང་རྣམས་སུ། །སྲིད་པ་ཇི་སྲིད་གནས་པར་སྟོན། །ཞེས་གསུངས་པ་ལྟར། སངས་རྒྱས་བཅོམ་ལྡན་འདས་རྣམས་ནི། འགྲོ་བ་སེམས་ཅན་ཐམས་ཅད་ལ་རིས་སུ་མ་ཆད་པའི་བརྩེ་བ་སྙིང་རྗེ་ཆེན་པོའི་གཞན་དབང་དུ་གྱུར་ཏེ་ཐུགས་ཟག་པ་མེད་པའི་ཡེ་ཤེས་ཆོས་སྐུ་བདེ་བ་ཆེན་པོའི་ངང་ལས་མ་གཡོས་བཞིན་དུ་རྗེས་ཐོབ་སྒྱུ་མའི་རོལ་པ་གང་ལ་གང་འཚམ་གྱི་སྤྲུལ་བའི་ཟློས་གར་དཔག་ཏུ་མེད་པ་སྟོན་པར་མཛད་པ་ཆོས་ཉིད་ཡིན་ལ། ཁྱད་པར་དུ་རང་ཅག་རྣམས་ཀྱི་འདྲེན་པ་མཉམ་མེད་ཐུབ་པའི་དབང་པོ་འདི་ཉིད་ཀྱང༌། ངག་གི་དབང་

― GTD007_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུག་གྲགས་པས།དཔལ་ལྡན་སྟུག་པོ་བཀོད་པ་ཉིད་དུ་དོན་དམ་ཐུགས་ཆུད་ཅིང༌། །དགའ་ལྡན་སྐྱེ་བོའི་དོན་མཛད་ཕྱིར་ན་དམ་པ་ཏོག་དཀར་འགྱུར། །ཞེས་གསུངས་པ་ལྟར་བསྐལ་པ་བགྲང་དུ་ཡས་པའི་སྔ་རོལ་ནས་རྒྱལ་བ་དབང་པོའི་ཏོག་ཏུ་མངོན་པར་སངས་རྒྱས་ཏེ་སྐུ་བཞི་ཡེ་ཤེས་ལྔ་ལ་སོགས་པའི་ཡོན་ཏན་མཐའ་དག་མངོན་པར་བྱང་ཆུབ་ཏུ་ཟིན་ཀྱང༌། ཐུན་མོང་གདུལ་བྱའི་སྣང་ངོར་དགའ་ལྡན་དུ་སྐྱེ་བ་གཅིག་གིས་ཐོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དམ་པ་ཏོག་དཀར་པོའི་སྐྱེ་བ་བཞེས་ཤིང༌། དེ་ནས་གཟིགས་པ་ལྔ་ལ་གཟིགས་ཏེ་རྒྱལ་པོ་ཟས་གཙང་མའི་སྲས་སུ་བལྟམས་ནས་མཚན་གཞོན་ནུ་དོན་ཀུན་གྲུབ་པར་གསོལ་ཏེ་ལོ་ཉི་ཤུ་རྩ་དགུར་ཁབ་ཏུ་བཞུགས་ཤིང་ལོ་དྲུག་དཀའ་བ་སྤྱད་དེ་མཐར་བྱང་ཆུབ་ཀྱི་ཤིང་དྲུང་དུ་ས་ག་ཟླ་བའི་ཚེས་བཅོ་ལྔའི་སྲོད་ལ་བདུད་བཏུལ་གུང་ལ་མཉམ་པར་བཞག་ཐོ་རངས་མངོན་པར་རྫོགས་པར་སངས་རྒྱས་ཏེ་གདུལ་བྱ་རྣམས་ཀྱི་དབང་པོའི་རིམ་པ་དང་མཐུན་པར་ཆོས་ཀྱི་ཕུང་པོ་ཇི་སྙེད་ཅིག་གསུངས་པ་ཐམས་ཅད་བསྡུས་ན་ཉན་ས་དང་ཀུན་བཏུས་ལྟར་གསུང་རབ་ཡན་ལག་བཅུ་གཉིས་སམ་གསུང་རབ་ཡན་ལག་དགུ་དང༌། དེའང་མདོ་སྡེ་རྒྱན་ལས། སྡེ་སྣོད་དག་ནི་གསུམ་མམ་གཉིས་ཀྱང་རུང༌། །ཞེས་གསུངས་པ་ལྟར་མདོ་མངོན་འདུལ་བའི་སྡེ་སྣོད་གསུམ་མམ་ཐེག་པ་ཆེ་ཆུང་གི་སྡེ་སྣོད་གཉིས་སུ་འདུ་ལ། ཡང་ན་མདོ་སྡེ་གདམས་ངག་འབོག་

― GTD007_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྒྱལ་པོ་ལས། རྒྱུ་ལ་སྤྱོད་པ་རྒྱུ་ཆོས་ཀྱི། །འཁོར་ལོར་རབ་ཏུ་བསྐོར་བྱས་ནས། །རྡོ་རྗེ་ཐེག་པ་ཉེ་ལམ་ཞིག །མ་འོངས་དུས་ན་འབྱུང་བར་འགྱུར། །ཞེས་གསུངས་པ་བཞིན་དུ། རྒྱུ་ལམ་བྱེད་ཕ་རོལ་ཏུ་ཕྱིན་པའི་ཐེག་པ་དང༌། འབྲས་བུ་ལམ་བྱེད་གསང་སྔགས་རྡོ་རྗེའི་ཐེག་པ་གཉིས་སུ་འདུ་ཞིང༌། དེ་གཉིས་ཀྱི་ནང་ནས་ཀྱང་ཕྱི་མ་ནི་ཤིན་ཏུ་དཀོན་ཞིང་ཆེས་མཆོག་ཏུ་གྱུར་པ་ཡིན་ཏེ། ཇི་སྐད་དུ། འཇིག་རྟེན་དུ་ནི་ཀུན་མཁྱེན་རྣམས། །རེས་འགའ་འབྱུང་ངམ་མི་འབྱུང་སྲིད། །ཨུ་དུམ་ཝ་རའི་མེ་ཏོག་བཞིན། །བརྒྱ་ལམ་ན་ནི་རེས་འགའ་ཞིག །གང་གིས་སེམས་ཅན་མཉམ་མེད་དོན། །མྱ་ངན་མི་འདའ་བྱེད་པར་ནུས། །གསང་སྔགས་སྤྱོད་པའི་ཚུལ་འབྱུང་བ། །དེ་བས་ཀྱང་ནི་ཤིན་ཏུ་དཀོན། །ཞེས་གསུངས་ཤིང་བསྐལ་པ་བཟང་པོ་འདི་ལའང༌། རྣམ་འདྲེན་སྟོང་འབྱོན་པའི་ནང་ན་སྔགས་ཀྱི་བསྟན་པ་དར་བ་བསྟན་པ་འདི་ལས་གཞན་མ་བཤད་ཅིང༌། བླ་མ་གོང་མ་རྣམས་ཀྱི་གསུང་རྒྱུན་ལ་རིགས་པས་བསྒྲུབས་ཏེ་གསུམ་བཞི་ཙམ་འབྱུང་བར་གསུངས་པ་མ་གཏོགས་གཞན་ཐམས་ཅད་མདོ་ཕྱོགས་རྐྱང་པ་ཡིན་པས། དོན་འདི་ལ་དགོངས་ནས་རྗེ་བདག་ཉིད་ཆེན་པོས་ཀྱང༌། སངས་རྒྱས་ལས་ཀྱང་དཀོན་པའི་རྡོ་རྗེའི་ཐེག །ཅེས་འདོམས་པར་མཛད་པ་ཡིན། འོ་ན་དེ་ཙམ་དུ་དཀོན་པ་དེར་སྔ་མ་ལས་ལྷག་པའི་ཁྱད་ཆོས་ཇི་ལྟ་བུ་ཞིག་ཡོད་

― GTD007_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡིན་སྙམ་ན། ཚུལ་གསུམ་སྒྲོན་མེ་ལས། དོན་གཅིག་ན་ཡང་མ་རྨོངས་དང༌། །ཐབས་མང་དཀའ་བ་མེད་པ་དང༌། །དབང་པོ་རྣོན་པོའི་དབང་བྱས་པས། །སྔགས་ཀྱི་ཐེག་པ་ཁྱད་པར་འཕགས། །ཞེས་ཁྱད་པར་བཞི་བཤད་ཀྱང༌། རྗེ་བདག་ཉིད་ཆེན་པོའི་བཞེད་སྲོལ་ཐུན་མོང་མ་ཡིན་པ་ནི་མདོ་སྔགས་གཉིས་ལ་ཆོས་སྐུ་དང་རྣམ་པ་མཐུན་པའི་ལམ་སྟོང་ཉིད་བསྒོམ་པའི་ཡེ་ཤེས་ཡོད་པར་འདྲའང༌། གཟུགས་སྐུ་དང་རྣམ་པ་མཐུན་པའི་ལྷའི་རྣལ་འབྱོར་ཡོད་མེད་དང་དེ་ལ་བརྟེན་ནས་བྱིན་རླབས་འཇུག་ཚུལ་སོགས་མི་འདྲ་བ་ཡོད་པས་ཕྱི་མ་ཁྱད་པར་དུ་འཕགས་པ་ཡིན་ལ། དེ་ལྟ་བུའི་གསང་སྔགས་རྡོ་རྗེ་ཐེག་པ་དེ་ལའང༌། རྒྱུད་སྡེའི་དབྱེ་བ་ཇི་ལྟ་བུ་ཡོད་ཅེ་ན། བླ་མ་སྔ་མ་རྣམས་མདོ་སྡེ་རྟོག་པའི་རྒྱུད། བྱ་བའི་རྒྱུད། སྤྱོད་པའི་རྒྱུད། རྣལ་འབྱོར་རྒྱུད། རྣལ་འབྱོར་བླ་ན་མེད་པའི་རྒྱུད། རྣལ་འབྱོར་གསང་མཐའི་རྒྱུད་དང་དྲུག་ཏུ་འདོད་པ་སོགས་བཞེད་ཚུལ་མང་ཡང༌། རང་ལུགས་ནི་རྡོ་རྗེ་གུར་ལས། དམན་པ་རྣམས་ལ་བྱ་བའི་རྒྱུད། །བྱ་མེད་རྣལ་འབྱོར་དེ་ལྟག་ལའོ། །སེམས་ཅན་མཆོག་ལ་རྣལ་འབྱོར་མཆོག །རྣལ་འབྱོར་བླ་མེད་དེ་ལྟག་ལའོ། །ཞེས་ཕྱིའི་བྱ་བ་གཙོ་བོར་གྱུར་པ་བྱ་རྒྱུད། ཕྱིའི་བྱ་བ་དང་ནང་གི་རྣལ་འབྱོར་ཆ་མཉམ་དུ་སྤྱོད་པ་སྤྱོད་རྒྱུད། རྣལ་འབྱོར་ཁོ་ན་གཙོ་བོར་གྱུར་པ་རྣལ་འབྱོར་རྒྱུད། རྣལ་འབྱོར་དེ་ལས་གོང་ན་མེད་པས་རྣལ་འབྱོར་བླ་མེད་དེ་རྒྱུད་སྡེ་བཞིར་བཞག་པ་ཡིན་ལ། དེ་བཞིའི་འཇོག་བྱེད་གཞན་ཡང༌། སྒྲོན་གསལ་ལས། སྐྱེ་བོ་འདོད་ཆགས་ཅན་དོན་དུ། །ཞེས་སོགས་གསུངས་པ་ལྟར་སྤྱིར་སྔགས་ཀྱི་

― GTD007_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་པ་ནི། དབང་རྣོན་ཆགས་བཅས་ཀྱི་ལམ་གྱིས་འཚང་རྒྱ་བའི་དབང་དུ་བྱས་པ་ཡིན་ལ། རིག་མའི་འདོད་ཡོན་ལ་ཆགས་པ་སྤྱོད་པའི་ཚུལ་ཡང༌། མངོན་པ་མཛོད་ལས། གཉིས་གཉིས་འཁྱུད་དང་ལག་བཅང་དང༌། །རྒོད་དང་བལྟས་པས་འཁྲིག་པ་ཡིན། །ཞེས་རིགས་མི་འདྲ་བ་བཞིར་ཡོད་པ་བཞིན་དུ། སམྦྷུ་ཊ་ལས། རྒོད་དང་བལྟ་དང་ལག་བཅང་དང༌། །གཉིས་གཉིས་འཁྱུད་དང་རྣམ་པ་བཞ། །སྲིན་བུའི་ཚུལ་གྱིས་རྒྱུད་བཞིར་གནས། །ཞེས་དེ་དག་རིམ་པ་ལྟར་ལམ་དུ་བྱེད་ནུས་པའི་གདུལ་བྱ་རིགས་བཞི་ཡོད་པའི་དབང་གིས་རྒྱུད་བཞིར་གསུངས་པའི་ནང་ནས་གསུམ་པ་རྣལ་འབྱོར་རྒྱུད། དེ་ལའང་རྩ་བཤད་ཕྱོགས་མཐུན་གྱི་རྒྱུད་མང་དུ་བཞུགས་ཀྱང་གཙོ་བོ་གྱུར་པ་སྔགས་རིམ་ལས། རྣལ་འབྱོར་རྒྱུད་རྣམས་ཀུན་གྱི་མཆོག་གྱུར་པ། །དཔལ་ལྡན་དེ་ཉིད་བསྡུས་པའི་འོ་མའི་མཚོ། །ཞེས་དེ་ཉིད་བསྡུས་པ་གཙོ་བོར་གསུངས་པ་དང༌། དེར་མ་ཟད་དཔལ་ནཱ་རོ་ཏ་པས། དེ་ཉིད་བསྡུས་པ་རྩ་རྒྱུད་དང༌། གསང་འདུས་རྩ་རྒྱུད་དེའི་རྒྱུད་ཕྱི་མ་དང༌། ལེའུ་བཅོ་བརྒྱད་པ་དེའི་འང་རྒྱུད་ཕྱི་མར་བཤད་པ་ནི་སྤྱོད་བསྡུས་ཀྱིའང་དགོངས་པ་ཡིན་པར་མཐའ་དཔྱོད་རིན་པོ་ཆེའི་མྱུ་གུར་གསུངས་ལ། དེའི་རྒྱུ་མཚན་ནི་འདུས་པའང་རྒྱུད་སྡེ་བཞིར་ཕྱེ་བའི་རྣལ་འབྱོར་རྒྱུད་མིན་ཀྱང༌། སྤྱིར་དེ་ལ་རྣལ་འབྱོར་རྒྱུད་ཅེས་གསུངས་པ་མང་ཞིང་གསུངས་པའི་དུས་ལ་ལྟོས་ཏེ་གཅིག་ཤོས་སྔ་བ་དང་འདུས་པར་དབང་གི་སྐོར་སོགས་འགའ་ཞིག་དེ་ཉིད་བསྡུས་པར་ཞལ་འཕངས་མཛད་པའང་ཡོད་པའི་གནད་ཀྱིས་ཡིན། འདི་དག་གི་སྐབས་

― GTD007_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་གསུངས་པའི་དཀྱིལ་འཁོར་གྱི་དབྱེ་བ་ལ་སྦྱོང་རྒྱུད་དཀྱིལ་འཁོར་བཅུ་གཉིས་སོགས་མང་དུ་ཡོད་ནའང༌། དེ་ཐམས་ཅད་ཀྱི་རྩ་བ་ལྟ་བུར་གྱུར་པ་ནི་ངན་སོང་ཐམས་ཅད་ཡོངས་སུ་སྦྱོང་བའི་དཀྱིལ་འཁོར་ཆེན་པོ་འདི་ཉིད་ཡིན་པས་འདི་ལྟ་བུའི་དཀྱིལ་འཁོར་དུ་ཞུགས་ཏེ་དབང་རྣམ་པར་དག་པ་མནོས་ནས་དམ་ཚིག་དང་སྡོམ་པ་ཚུལ་བཞིན་དུ་བསྲུང་ཞིང༌། མཚན་བཅས་མཚན་མེད་ཀྱི་རྣལ་འབྱོར་སོགས་ལ་ཚུལ་བཞིན་དུ་བསླབ་ནས་རྫོགས་པའི་སངས་རྒྱས་ཀྱི་གོ་འཕང་སྒྲུབ་དགོས་པས། དང་པོར་སློབ་དཔོན་མཚན་ཉིད་དང་ལྡན་པ་ལས་སྨིན་བྱེད་དབང་གི་ཆུ་རྒྱུན་ཉམས་པ་མེད་པར་ནོད་པ་ཤིན་ཏུ་གལ་ཆེ་སྟེ། རྡོ་རྗེ་ཕྲེང་བ་ལས། དབང་བསྐུར་བ་ནི་མཆོག་ཡིན་ཏེ། །དངོས་གྲུབ་ཐམས་ཅད་རྟག་ཏུ་མནོས། །ཞེས་དང༌། ཕྱག་ཆེན་ཐིག་ལེ་ལས། ལན་གཅིག་དབང་རྣམས་ཀྱི་ནི་བསྐུར། །དེ་ཚེ་གསང་ཆེན་བཤད་པ་ཡི། །ངེས་པར་སྣོད་དུ་གྱུར་པ་འོ། །ཞེས་གསུངས་ཤིང༌། དབང་མ་ཐོབ་ན་ཅི་ཙམ་འབད་ཀྱང་ཡོན་ཏན་སྐྱེ་བར་མི་ནུས་པ་ནི་སངས་རྒྱས་ཐོད་པ་ལས། དཔེར་ན་པི་ཝང་སྦྱོར་ཀུན་ཚོགས། །རྒྱུད་དང་བྲལ་ན་བརྡུང་མི་རུང༌། །དེ་བཞིན་དབང་དང་བྲལ་ན་ན། །སྔགས་དང་བསམ་གཏན་འགྲུབ་མི་འགྱུར། །ཞེས་གསུངས་ཏེ། དེའི་རྒྱུ་མཚན་ནི་བུ་སྟོན་གྱིས་མཛད་པའི་འདུས་པའི་དཀྱིལ་ཆོག་ལས། གཏོར་ཕྱིར་དྲི་མ་འཁྲུད་པའི་ཕྱིར། །བླུགས་ཕྱིར་ནུས་པ་འཇོག་པའི་ཕྱིར། །དབང་ཕྱིར་འབྲས་བུ་མངོན་གྱུར་ཕྱིར། །ལྷག་མེད་གྲོལ་བ་སྟེར་ཕྱིར་དབང༌། །ཞེས་ཨ་བྷི་ཥེ་ཀའི་སྒྲ་ལ་ངེས་ཚིག་གི་བཤད་པ་བྱས་ནས་ཕུང་ཁམས་སྐྱེ་མཆེད་ཀྱི་དྲི་མ་འཁྲུད་པ་དང༌། གདུལ་བྱའི་རྒྱུད་ལ་

― GTD007_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་ཀྱི་ནུས་པ་ལུགས་སུ་བླུགས་པ་དང༌། རྒྱུད་ཉན་བཤད་དང་ལམ་བསྒོམ་པ་སོགས་ལ་དབང་བར་བྱེད་པ་དང༌། འབྲས་བུ་བླ་མེད་བྱང་ཆུབ་ཐོབ་པར་བྱེད་པས་ན་དབང་ཞེས་བཤད་དེ། ཤཱཀྱ་འོད་ཀྱི་འདུལ་བ་སུམ་བརྒྱ་པར་ཡང༌། རྫོགས་པའི་བྱང་ཆུབ་དཔལ་ནོད་དབང་བསྐུར་ཡིན། །ཞེས་གསུངས་པ་ལྟ་བུ་ཡིན་པས་དང་པོར་དངོས་གྲུབ་ཐམས་ཅད་བསྒྲུབ་པའི་གཞི་རྟེན་དུ་དབང་ཐོབ་པ་གལ་ཆེ་ལ། དེར་མ་ཟད་རྗེ་བདག་ཉིད་ཆེན་པོས་བླ་མ་ལྔ་བཅུ་པའི་ཊཱིཀྐར། དབང་བསྐུར་བ་ལ། སྨིན་བྱེད་རྒྱུའི་དབང་དང༌། གྲོལ་བྱེད་ལམ་གྱི་དབང་དང༌། གྲོལ་བ་འབྲས་བུའི་དབང་དང་གསུམ་དུ་ཡོད་ཀྱང༌། ཞེས་ཐོག་མར་འཇུག་པའི་སྒོ་དང༌། བསྐྱེད་རྫོགས་ཀྱི་ལམ་དང༌། འབྲས་བུ་ཟུང་འཇུག་གི་གོ་འཕང་སྟེ་སྔགས་ལམ་གྱི་གནད་ཐམས་ཅད་དབང་གི་ཁོངས་སུ་འདུས་པར་གསུངས་ཏེ། རྒྱུ་མཚན་འདི་དག་ལ་བརྟེན་ནས། སྔགས་རིམ་ཆེན་མོར། རྣལ་འབྱོར་གྱི་དབང་ཕྱུག་བིར་ཝ་པའི་གདམས་པ་འཛིན་པའི་བོད་ཀྱི་བླ་མ་མཁས་པ་འགའ་ཞིག་སྔགས་ཀྱི་ལམ་གྱི་གནད་ཐམས་ཅད་དབང་གི་ཁོག་ནས་ཚོལ་བར་མཛད་པ་ནི་རྨད་དུ་བྱུང་བའི་སྲོལ་དུ་མཐོང་ངོ༌།། ཞེས་ས་སྐྱ་བའི་ལམ་འབྲས་ཀྱི་གདམས་ངག་མ་ནོར་བ་རྣམས་ལ་བསྔགས་བརྗོད་མཛད་པ་ལྟ་བུས་མཚོན། དགོས་པ་བསམ་གྱིས་མི་ཁྱབ་པས་འདི་ལ་ནན་ཏན་དུ་བྱེད་དགོས་ཤིང༌། དེ་ལའང་དཀྱིལ་འཁོར་དུ་འཇུག་པའི་རིམ་པ་དང༌། ཞུགས་ནས་དབང་བསྐུར་བ་གཉིས་སུ་ཡོད་པས། སྔ་མ་ནི་དགོས་པ་ཆེ་ཞིང་དགག་བྱ་ཆུང་བས་སྣོད་མིན་ལ་ལའང་བྱར་

― GTD007_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

རུང་སྟེ། རྩ་རྒྱུད་དེ་ཉིད་བསྡུས་པ་ལས། དཀྱིལ་འཁོར་ཆེན་པོ་འདིར་གཞུག་པ་ལ་སྣོད་དུ་གྱུར་པ་དང་སྣོད་དུ་མ་གྱུར་པ་བརྟག་མི་འཚལ་ལོ། །ཞེས་དང༌། རྩེ་མོ་ལས། དཀྱིལ་འཁོར་གྱི་རྒྱལ་པོ་ཆེན་པོ་འདིར་ནི་མ་ལུས་ཤིང་ལུས་པ་མེད་པའི་སེམས་ཅན་གྱི་ཁམས་ཐམས་ཅད་འཇུག་ཏུ་རུང་ངོ༌། །སྣོད་དང་སྣོད་མ་ཡིན་པ་ཡོངས་སུ་བརྟག་པར་མི་བྱ་སྟེ། ཞུགས་པ་ལ་མངོན་པར་ཞེན་པ་ཡོངས་སུ་གཟུང་བར་བྱའོ། །དེ་ཅིའི་ཕྱིར་ཞེ་ན། སེམས་ཅན་ཐམས་ཅད་ཀྱིས་མཐོང་བ་ཙམ་གྱི་མོད་ལ་ཕྱིར་མི་ལྡོག་པ་ཉིད་དུ་འགྱུར་རོ། །དད་པ་མེད་པ་དང༌། དགེ་བའི་རྩ་བ་མ་བསགས་པ་དང༌། རྒྱུད་ཡོངས་སུ་མ་སྨིན་པ་དང༌། མོས་པ་མེད་དུ་ཟིན་ཀྱང༌། འོན་ཀྱང་མཐོང་བ་ཙམ་གྱིས་སོ། །ཞེས་དང༌། གཞུག་པ་ཙམ་ཞིག་སྦྱིན་བྱ་ཡི། །རྣམ་པ་ཐམས་ཅད་བྱ་བ་མིན། །ཞེས་གསུངས་ཤིང༌། སངས་རྒྱས་གསང་བས་རྣམ་སྣང་མངོན་བྱང་གི་འགྲེལ་པ་དང༌། ཤཱནྟི་པས་དགྲ་ནག་གི་འགྲེལ་པར་ཡང་དེ་བཞིན་དུ་གསུངས་པས་རྒྱུད་སྡེ་བཞི་ག་མཐུན་པར་དཀྱིལ་འཁོར་དུ་འཇུག་པའི་སྐོར་རྣམས་ཀུན་ལ་བྱས་ཀྱང་འགལ་བ་མེད་ཅིང་མཐོང་བ་ཙམ་གྱིས་ཐར་པའི་ས་བོན་བསྐྲུན་པས་ཕན་ཡོན་ཆེ་ལ། དེ་ལའང་གདོང་གཡོགས་དང་བཅས་ཏེ་འཇུག་པ་དང༌། དཀྱིལ་འཁོར་མཐོང་བའི་བདག་ཉིད་དུ་འཇུག་པ་གཉིས། སྔ་མ་ལ་ཡོལ་བའི་ཕྱི་འཇུག་དང་ནང་འཇུག་ཅེས་བྱ་བ་ཕྱག་ལེན་ལ་ཡོལ་བ་བསལ་མ་བསལ་དང་བསྒོམ་དོན་ལ་དཀྱིལ་འཁོར་གྱི་ཕྱི་རོལ་ཏུ་བྱ་བ་དང་ནང་དུ་བྱ་བའི་སྐོར་གཉིས་ཡོད་པས། དང་པོ་ཕྱི་འཇུག་ལ། མཎྜལ་ཕུལ་ཏེ། དེའང་ངན་སོང་སྦྱོང་རྒྱུད་ལས། དེས་ཀྱང་

― GTD007_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

མོས་པས་སྤྱི་བོས་ཕྱག་འཚལ་ཏེ། །ཅི་སྟེ་ནོར་ཡོད་བླ་མ་ལ་དབུལ་བྱ། །ནོར་དང་གཏེར་དང་འབྲུ་དང་དབྱིག་དང་གསེར། །མདོར་ན་རང་གི་ལུས་ཀྱང་དབུལ་བར་བྱ། །ཞེས་གསུངས་པ་ལྟར་ལུས་ལོངས་སྤྱོད་ཐམས་ཅད་ཡོན་དུ་དབུལ་ཞིང་དེ་ནས། དགའ་ཆེན་ཁྱོད་བདག་སྟོན་པ་སྟེ། །ཞེས་སོགས། དགའ་བ་ཆེན་པོ་རྡོ་རྗེ་འཆང་གི་ངོ་བོར་བལྟས་ནས་གསོལ་བ་འདེབས་དགོས་པ་ནི་དཔལ་ལྡན་དཔའ་བོའམ་མཚན་གཞན་སློབ་དཔོན་ཆེན་པོ་བྷ་བི་ལྷས་བླ་མ་ལྔ་བཅུ་པར། བླ་མ་དང་ནི་རྡོ་རྗེ་འཛིན། །ཐ་དད་པར་ནི་མི་བརྟག་གོ །ཞེས་གསུངས་ཤིང༌། དེའང་རྡོ་རྗེ་འཆང་བྱ་བའི་སངས་རྒྱས་ཤིག་ཟུར་དུ་ཡོད་པ་མ་ཡིན་པར། རྒྱུད་དེ་དང་དེ་གསུངས་པའི་ཚེ་དེའི་དཀྱིལ་འཁོར་གྱི་བདག་པོའི་སྐུར་བཞེངས་ནས་གསུངས་པ་བོ་དེ་ཉིད་ཡིན་པས་སྐབས་འདི་ལྟ་བུ་ལ་མཚོན་ན་རྩ་བའི་བླ་མ་དང་བཅོམ་ལྡན་འདས་རྣམ་པར་སྣང་མཛད་ཆེན་པོ་ངོ་བོ་དབྱེར་མེད་དུ་མོས་དགོས་པ་ནི། སྦྱོང་རྒྱུད་ལས། བཅོམ་ལྡན་འདས་ཀྱི་སྤྱན་སྔར་དབང་བསྐུར་བར་བྱའོ། །ཞེས་པའི་དགོངས་པ་ཡིན་ལ། དེའི་འོག་ཏུ་མིག་དར་འཆིང་དགོས་པ་ནི། སྦྱོང་རྒྱུད་ལས། དར་ལ་སོགས་པས་མིག་གཉིས་གཡོགས་ནས་ན། །ཞེས་གསལ་བར་གསུངས་ཤིང༌། དེའི་ཁ་དོག་གི་ཁྱད་པར་དུས་འཁོར་གྱི་དཀྱིལ་ཆོག་ལས་ལས་མཐུན་གྱི་ཁ་དོག་ཏུ་གསུངས་ལ། ཨ་བྷྱཱའི་རྡོར་ཕྲེང་དུ་དམར་སེར་ཅི་རིགས་བྱ་བར་གསུང༌། བཞི་བརྒྱ་ལྔ་བཅུ་པར། དེ་ནས་གོས་དམར་གྱིས་གདོང་གཡོགས། །ཞེས་དམར་པོ་གཙོ་བོར་མཛད་པས་དེང་སང་ཕྱག་ལེན་ལའང་དེ་བཞིན་བྱེད་པར་སྣང་

― GTD007_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང༌། འདིའི་སྔགས་དོན་ནི་ཡིད་དག་པར་བྱ་བའི་ཕྱིར་མིག་དར་ཆིངས་ཤིག་ཅེས་པ་ཡིན་ལ། དེའང་ཡིད་མི་གཡེང་བའི་ཐབས་ལ་འདོད་པ་སོགས་བཞེད་ཚུལ་སྣ་ཚོགས་ཡོད་ཀྱང་རང་ལུགས་འབྲས་མ་སྨིན་གྱི་བར་དུ་བརྟོལ་མི་རུང་བ་ལྟར། དཀྱིལ་འཁོར་སྟོན་པའི་སྣོང་རུང་དུ་མ་གྱུར་གྱི་བར་དུ་མཐོང་ན་སྒྲིབ་པར་འགྱུར་བས་དེ་འགོག་བྱེད་ཡིན། དེ་ནས་མེ་ཏོག་གཏོད་པ་ནི། སྦྱོང་རྒྱུད་ལས། ཡོན་གྱིས་ལག་པ་བཀང་སྟེ་གཞུག་པར་བྱ། །ཞེས་སླར་དཀྱིལ་འཁོར་དུ་འཇུག་པའི་དུས་ཀྱི་ཕྱག་རྟེན་དུ་མེ་ཏོག་སྣ་ལྔ་པའི་ཕྲེང་བ་རེ་སྟེར་བ་ཡིན་ལ། ཟུང་འཇུག་གསལ་བར། བླ་མས་རབ་ཏུ་དང་སེམས་ཀྱིས། །རྟག་པའི་གཟུགས་སུ་རྣམ་པར་བསམ། །དེ་ལ་ཨཱ་ཁཾ་བཱི་ར་ཧཱུཾ་སྔགས་ཀྱི། །མེ་ཏོག་ཕྲེང་བ་རབ་བཟང་པོ། །གུས་པས་མེ་ཏོག་དོར་དོན་དུ། །འབད་པས་བློ་ལྡན་འཛིན་དུ་འཇུག །ཅེས་རྟག་པ་སྟེ་རྣམ་སྣང་གི་ངོ་བོར་བསྐྱེད་པར་གསུངས་པ་རྒྱུད་སྡེ་འོག་མའི་སྐབས་འདིར་མི་དགོས་ཀྱང༌། ཨཱ་སྣང་བ་མཐའ་ཡས། ཁཾ་དོན་ཡོད་གྲུབ་པ། བི་རྣམ་པར་སྣང་མཛད། ར་རིན་འབྱུང༌། ཧཱུཾ་མི་བསྐྱོད་པ་སྟེ་རིགས་ལྔའི་ས་བོན་ལས་ཡེ་ཤེས་ལྔར་བསྐྱེད་ནས་ཐ་མལ་གྱི་སྣང་ཞེན་དང་མ་འདྲེས་པ་དགོས་པས། དོན་འདི་ལ་དགོངས་ནས་ཀུན་རིག་ཊཱིཀ་ཆེན་དུ་དབང་རྫས་ལ་བསྐྱེད་ཆོག་བྱེད་པ་བླ་མེད་ཁོ་ནའི་ལུགས་ཡིན་པར་གསུང་བའི་དགོངས་པའང༌། ༸རྒྱལ་དབང་བསྐལ་བཟང་རྒྱ་མཚོས་དབང་དོན་དེ་ཉིད་ཡང་གསལ་ལས་རྒྱུད་སྡེ་འོག་མའི་སྐབས་ལྷ་སོ་སོའི་གཟུགས་སུ་མི་བསྐྱེད་པའི་དོན་ཡིན་གྱི། ཆུ་ཅོད་པན་སོགས་དག་པ་ཡེ་ཤེས་ཀྱི་རང་བཞིན་དུ་མོས་མི་དགོས་པ་ནི་མིན་ནོ། །ཞེས་འགྲེལ་པར་

― GTD007_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་དོ། །དེའི་རྗེས་སུ། དབང་མེད་བདག་གིས་མི་དགེ་བགྱིས་པ་དང༌། །ཞེས་སོགས་ཀྱི་སྐབས་ནས་སྡིག་པ་བཤགས་པའི་ཡན་ལག་ལ་སོགས་པ་སྔོན་དུ་འགྲོ་བས་བྱང་སྡོམ་འཛིན་པ་ཡིན་ཏེ། དེའང་དབང་རྫོགས་པར་བསྐུར་བ་ལ། རྩེ་མོ་ལས། སྡོམ་པ་གསུམ་ལ་བཀོད་ནས་ན། །དེ་ནས་དཀྱིལ་འཁོར་བསྟན་པར་བྱ། །ཞེས་གསུངས་པ་ལྟར་སྔགས་སྡོམ་ཡང་འཛིན་དགོས་ལ། སྐབས་འདི་ལྟ་བུ་ལ་ནི། རྡོར་འཕྲེང་ལས། འདིར་སྡོམ་པ་གང་སློབ་དཔོན་དུ་མི་བྱེད་པ་ལ་སྟེར་བ་དེ་ནི་ཐུན་མོང་བ་སྟེ། སྐྱབས་སུ་འགྲོ་བ་དང་སེམས་བསྐྱེད་པ་ཙམ་གྱི་མཚན་ཉིད་དོ།། ཞེས་ཐུན་མོང་བ་བྱང་ཆུབ་སེམས་དཔའི་སྡོམ་པ་ཙམ་བཟུང་བས་ཆོག་ཅིང་འཛིན་པའི་ཆོ་གའང༌། ཉི་ཤུ་པ་སོགས་ཕལ་མོ་ཆེར། དཀོན་མཆོག་གསུམ་ལ་བདག་སྐྱབས་མཆི། །ཞེས་སོགས་ཀྱི་སྒོ་ནས་འབོག་པར་བཤད་ཀྱང༌། འདིར་རང་གི་སྒོས་ཆོས་ལྟ་བུའི་རྒྱུད་རྣམས་ལས་བཏུས་པའི་ཚིགས་བཅད་འདི་དག་གི་སྒོ་ནས་འཛིན་པ་ཡིན། དེ་ནས་ཐམས་ཅད་རྣལ་འབྱོར་གྱི་སེམས་བསྐྱེད་པ་ལ་ཐམས་ཅད་ཅེས་པ་ཀུན་རྫོབ་བྱང་ཆུབ་ཀྱི་སེམས་ཀྱི་དབང་དུ་བྱས་ན་རིས་སུ་མ་ཆད་པའི་སེམས་ཅན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་བའི་ཕྱིར་དུ་རྫོགས་པའི་བྱང་ཆུབ་ཐོབ་པར་འདོད་པ་དང༌། དོན་དམ་བྱང་ཆུབ་ཀྱི་སེམས་ལ་མཚོན་ན་འཁོར་འདས་ཀྱི་ཆོས་ཐམས་ཅད་རང་བཞིན་གྱིས་མ་གྲུབ་པར་རྟོགས་པའི་དོན་ཡིན་ལ། རྣལ་འབྱོར་ཅེས་པ། དབུས་མཐའ་ལས། དེར་གནས་ལས་སུ་རུང་བ་ཉིད། །དོན་རྣམས་ཐམས་ཅད་འབྱོར་པར་འགྱུར། །

― GTD007_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་ཞི་གནས་ཀྱི་སྟོབས་ཀྱིས་སེམས་རྣལ་དུ་གནས་པར་བྱས་པའི་སྟེང་ནས། ལྷག་མཐོང་གིས་སྤྲུལ་བསྒྱུར་སོགས་དོན་ཐམས་ཅད་ལ་དབང་འབྱོར་པར་བྱེད་པས་ཞི་ལྷག་ཟུང་འབྲེལ་གྱི་ཏིང་ངེ་འཛིན་ཐམས་ཅད་ལ་རྣལ་འབྱོར་དུ་བཤད་པ་ལྟ་བུ་ཡོད་ཀྱང༌། སྐབས་ཐོབ་ཀྱིས་འདི་ནི། འདུས་པ་ཕྱི་མ་ལས། ཐབས་དང་ཤེས་རབ་སྙོམས་འཇུག་པ། །རྣལ་འབྱོར་ཅེས་ནི་བྱ་བར་བཤད། །ཅེས་ཐབས་ཀུན་རྫོབ་བྱང་ཆུབ་ཀྱི་སེམས་དང༌། ཤེས་རབ་དོན་དམ་བྱང་ཆུབ་ཀྱི་སེམས་གཉིས་ཟླ་བ་དང་རྡོ་རྗེའི་རྣམ་པར་ཟུང་འབྲེལ་དུ་བསྒོམ་པའི་དོན་ཡིན་ཏེ། དཔལ་མཆོག་ལས། གང་ཞིག་སྐྱེ་བ་ཙམ་གྱིས་ན། །སངས་རྒྱས་ཉིད་དུ་དོགས་མེད་པའ། །བྱང་ཆུབ་སེམས་ནི་བཏང་མི་བྱ། །ཕྱག་རྒྱ་རྡོ་རྗེ་གང་ཡིན་པའོ། །ཞེས་དང༌། གྲུབ་ཆེན་མར་མེ་མཛད་ཀྱིས། རྣལ་འབྱོར་སེམས་ནི་ཡང་དག་བསྐྱེད། །སྙིང་གར་རྡོ་རྗེ་སྙིང་པོ་བསམ། །ཞེས་སོགས་དང་དགོངས་པ་གཅིག་གོ །འདི་དག་རྒྱས་པར་བཤད་ན། རྒྱུ་བཞི། རྐྱེན་བཞི། སྟོབས་བཞི། རྒྱུ་འབྲས་མན་ངག་བདུན་དང༌། བདག་གཞན་མཉམ་བརྗེའི་སྒོ་ནས་བསྐྱེད་ཚུལ། དཔེ་ས་སོགས་ཉེར་གཉིས། གྲོགས་འདུན་སོགས་ཉེར་གཉིས། མི་ཟད་པ་བརྒྱད་ཅུ་སོགས་ཀུན་རྫོབ་བྱང་ཆུབ་ཀྱི་སེམས་ཀྱི་རྣམ་གཞག་དང༌། མདོ་སྡེ་རྒྱན་ལས་གསུངས་པའི་དོན་དམ་བྱང་ཆུབ་ཀྱི་སེམས་ཀྱི་ཁྱད་པར་གསུམ་དང༌། དེའི་འཛིན་སྟངས་གནས་ལུགས་སྟོང་པ་ཉིད་ཀྱི་དོན་རིགས་པས་སྒྲུབ་ཚུལ་རྣམ་ལྔ་རྣམ་བདུན་མཐའ་བཞི་སྐྱེ་འགོག །མུ་བཞི་སྐྱེ་འགོག་རྟེན་འབྲེལ་ལ་སོགས་པ་

― GTD007_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་ཡས་ཀྱང་འདིར་བརྗོད་ཀྱིས་མི་ལང༌། དེ་ནས་རྡོ་རྗེ་འབྱུང་བ་ལས་གསུང་བའི་སྔགས། སུ་ར་ཏེ་ས་མ་ཡ། ཞེས་སོགས་ཀྱིས་དེ་ཉིད་བརྟན་པར་བྱས། བཛྲ་ས་མ་ཡ་ཧཱུཾ། ཞེས་པས་དཀྱིལ་འཁོར་གྱི་ནང་དུ་བཅུག་པ་ཡིན་ཏེ། ཨ་ས་མེ་ཞེས་སོགས་ཀྱང་རིགས་གསུམ་གྱི་ལྷ་དང་སྐལ་བ་མཉམ་པར་བྱས་པའི་དོན་ཡིན་པས། འདི་ཡན་ཆད་ཀྱིས་ཡོལ་བའི་ཕྱི་འཇུག་གམ། ཕྱི་སྐལ་མཉམ་དུ་བྱེད་པའི་རིམ་པ་སོང་ཟིན་པ་ཡིན། དེའང་སྤྱིར་དཀྱིལ་འཁོར་དུ་འཇུག་པའི་ཚུལ་ལ། བྱ་ནམ་མཁའ་ནས་འབབ་པ་ལྟར་སྟེང་ནས་ཐུར་དུ་འཇུག་པ་ཡེ་ཤེས་པའི་འཇུག་པ། ཁ་བ་བུ་ཡུག་འཚུབ་པ་ལྟར་ཕྱོགས་མཚམས་ཐམས་ཅད་ནས་ནང་དུ་འཇུག་པ་རྡོ་རྗེ་སེམས་དཔའི་འཇུག་པ། སའི་གཏིང་ནས་ཆུ་རྡོལ་བ་ལྟར་དཀྱིལ་འཁོར་གྱི་འོག་ནས་ཐོལ་བྱུང་གི་ཚུལ་གྱིས་སྟེང་དུ་འཇུག་པ་རྡོ་རྗེ་ཤུགས་ཀྱི་འཇུག་པ། རྒྱལ་པོའི་ཕོ་བྲང་དུ་སྒོ་བའི་རྗེས་སུ་འབྲང་ནས་འཇུག་པ་ལྟར་ཤར་སྒོ་ནས་འཇུག་པ་རྡོ་རྗེ་སློབ་མའི་འཇུག་པ་རྣམས་སུ་ཡོད་པའི་ནང་ནས་འདིར་ཕྱི་མ་ཡིན་ཏེ། རྒྱས་པར་བྱེད་ན་བཛྲ་ས་མ་ཡ་ཧཱུཾ། ཞེས་པའི་གོང་དུ་སྒོ་བ་བཞིའིསྔགས་རྒྱས་སྒོ་སོ་སོར་བཀུག་སྟེ། སླར་བཛྲ་ས་མ་ཡ་ཞེས་པས་ཤར་སྒོ་ནས་གཞུག་པར་གསུང༌། འདི་ལ་དབང་དོན་དེ་ཉིད་ཡང་གསལ་དུ་སྒོ་མ་རྣམས་ཀྱི། ཞེས་གསུངས་པ་ཡི་གེ་མ་དག་པར་མངོན་ཏེ། སྦྱོང་རྒྱུད་ཤཱཀ་ཐུབ་ཀྱི་སྐབས་ལས། དཔའ་བོ་ལྕགས་ཀྱུ་ཞགས་པ་དང༌། །ཞེས་སྒོ་བ་རྣམས་ལ་དཔའ་བོའི་མིང་གིས་བཏགས་ཤིང༌། རྩེ་མོར། ལྷ་སོ་བདུན་གྱི་གྲངས་གསུང་བའི་

― GTD007_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

སྐབས་སུའང༌། གསང་ཆེན་ལྷ་མོ་བཅུ་གཉིས་དང༌། །ཞེས་ལྷ་སོ་བདུན་གྱི་གྲངས་སུ་ལྷ་མོ་བཅུ་གཉིས་ལས་མ་གསུངས་པའི་ཕྱིར་རོ། །སྦྱོང་རྒྱུད་ལོ་ཆེན་གྱི་འགྱུར་ལས་ལྕགས་ཀྱུ་མ་ཞེས་སོགས་གསུངས་ཀྱང༌། དེ་འགྱུར་འཆུག་པ་ཡིན་པས་འདིའི་ཤེས་བྱེད་དུ་མི་འགྲོའོ། །དེའི་འོག་ཏུ་གནས་གསུམ་བྱིན་གྱིས་བརླབ་པ་ནི་སྦྱོང་རྒྱུད་ཀྱི་དགོངས་པ་ཡིན་ཞིང༌། དེ་རྗེས་ཡེ་ཤེས་འབེབས་པ་ལ་འདུས་པའི་རྩ་རྒྱུད་ལེའུ་བཅོ་ལྔ་བར་གནས་ཀྱི་ཁྱད་པར་ལ་སོགས་པ་རྒྱས་པར་གསུངས་ཀྱང༌། འདིར་རྡོ་རྗེ་འབྱུང་བ་ནས་བཤད་པ་བཞིན་སྒོ་དབྱེ་བའི་སྔགས་ཀྱིས་བླ་མ་དང་སློབ་མ་གཉིས་ཀའི་སྙིང་ག་ཕྱེ་སྟེ། བླ་མའི་ཐུགས་ཀའི་རྡོ་རྗེ་ལས་ཨ་ཡིག་དམར་པོ་ཞིག་བྱུང་ནས་སློབ་མའི་སྙིང་གའི་རྡོ་རྗེའི་དབུས་སུ་ཞུགས་པའི་འོད་ཟེར་གྱིས་ལུས་ཀུན་གང་བར་བསྒོམ་པ་དང༌། དེ་ཉིད་བསྡུས་པ་ལས་གསུངས་པའི་གསོལ་འདེབས་ཀྱི་ཚིག་དང༌། སྔགས་དང་ཕྱག་རྒྱ་ལ་སོགས་པ་ཚང་བའི་སྒོ་ནས་དབབ་དགོས་ཏེ། འབེབ་མ་ནུས་ན་སྤོག་ཆོག་བྱ་ཚུལ་དང༌། སྐུ་གསུང་ཐུགས་གང་ལ་གང་འབབ་དང་བབས་པའི་མཚན་མ་སོགས་རྒྱས་པར་དེ་ཉིད་ཡང་གསལ་སོགས་སུ་གསུངས་པ་ལྟར་ཡིན། དེ་ལྟར་ཡེ་ཤེས་དངོས་སུ་བབས་པའམ་བབས་པའི་མོས་པ་བརྟན་པོ་བྱས་པའི་སྟོབས་ཀྱིས་ཐུགས་གཉིས་སུ་མེད་པའི་ཡེ་ཤེས་ཀྱི་བྱིན་རླབས་ཞུགས་པ་ལ་ནང་སྐལ་མཉམ་གྱི་ཐ་སྙད་མཛད་པ་ཡིན་ཞིང༌། དེ་ནས་ཡང་སྦྱོང་རྒྱུད་ལས། རིན་ཆེན་མེ་ཏོག་ལ་སོགས་པ། །གང་ལ་བབས་པ་རིགས་ཀྱི་ལྷ། །གཙོ་བོའི་རིགས་དེ་སྒྲུབ་ན་ན། །དངོས་གྲུབ་མྱུར་ཏེ་ཐེ་ཚོམ་མེད། །ཅེས་གསུངས་པ་ལྟར། དངོས་གྲུབ་

― GTD007_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་འབྲིང་ཐ་མ་གང་འགྲུབ་པ་དང༌། ལྷའི་རིགས་ཅི་འདྲ་ཞིག་སྒྲུབ་པའི་སྣོད་དུ་རུང་བ་དང༌། དེའི་དངོས་གྲུབ་མྱུར་བུལ་སོགས་ཀྱི་སྐལ་བ་མཆོག་དམན་རྟོགས་པའི་ཕྱིར་དུ་མེ་ཏོག་འདོར་དགོས་ཤིང་འདོར་བའི་སྔགས་ནི་ཨོཾ་བཛྲ་པྲ་ཏཱི་གྲིཧྞ་ཧཱུཾ། ཞེས་པ་འདི་ཡིན་ལ། ཕུལ་བའི་མེ་ཏོག་གི་ཕྲེང་བ་སློབ་མའི་སྤྱི་བོར་བཅིངས་ཏེ་མེ་ཏོག་ཕྲེང་བའི་དབང་བསྐུར་བའི་སྔགས་ནི་སྔགས་དེའི་འོག་མ་གཉིས་ཡིན་པར་གསུང༌། དེ་རྗེས་མིག་དར་དབྱེ་བ་ལ། རྡོ་རྗེ་སེམས་དཔའ་དེང་ཁྱོད་ཀྱི། །ཞེས་སོགས་ཚིགས་བཅད་ཤོ་ལོ་ཀ་གཅིག་པོ་འདི་དེ་ཉིད་བསྡུས་པ་ལས་འབྱུང་ཞིང༌། དེའི་མཇུག་ཏུ་སྦྱོང་རྒྱུད་ལས་གསུངས་པ་ལྟར། ཨོཾ་བཛྲ་ཧ་སྱ། ཞེས་སོགས་ཀྱིས་གདོང་གཡོགས་བཀྲོལ་ནས། ཨོཾ་བཛྲ་པཱ་ཤྱ་ཧོཿ ཞེས་པས་དཀྱིལ་འཁོར་བལྟ་བར་བསྐུལ་བ་ཡིན་ལ། འགའ་ཞིག་ཏུ་ཧེ་བཛྲ་པཱ་ཤྱ། ཞེས་ཀྱང་འབྱུང་བ་དེ་དང་དོན་གཅིག་ཅིང༌། དེ་འང་ཧེ་ནི་བོད་སྐད་དུ་བསྒྱུར་ན་ཀྱཻ་ཞེས་འབོད་པའི་ཚིག་དང༌། པཱ་ཤྱ་ཞེས་པ་ལྟོས་ཤིག་ཅེས་པ་ཡིན། གང་ལ་ལྟ་བ་ཡིན་ན་བཛྲ་ཞེས་པ་རྡོ་རྗེའི་སྐད་དོད་ཡིན་ཞིང༌། དེའང་མི་ཕྱེད་པ་ལ་འཇུག་པས། རྒྱུད་སྡེ་གོང་མ་ལྟར་ན་བདེ་སྟོང་དབྱེར་མི་ཕྱེད་པ་དང༌། རྒྱུད་སྡེ་འོག་མ་ལྟར་ན་ཟབ་གསལ་གཉིས་སུ་མེད་པའི་ཡེ་ཤེས་བཞིན་ལག་གི་རྣམ་པར་ཤར་བ་རྟེན་བརྟེན་པའི་དཀྱིལ་འཁོར་ལ་བྱ་དགོས། ལ་ལས་དེ་ལྟར་མ་གོ་བར། ཧེ་བཛྲ་ཞེས་སྦྲེལ་ནས་ཀྱཻ་རྡོར་གྱི་དཀྱིལ་འཁོར་ཞལ་སྟོན་དུ་བཟུང་སྟེ། བདེ་མཆོག་ལྟ་བུ་ཙཀྲ་སམྦ་ར་པཱ་ཤྱ། ཞེས་སོགས་སུ་འདོན་པ་བསྒྱུར་དགོས་པར་

― GTD007_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་པ་གཏན་མི་འཐད་པས་འདིར་གོང་དུ་བཤད་པ་བཞིན་བཛྲ་ཞེས་པ་སྤྱི་སྒྲ་བྱེ་བྲག་ལ་སྦྱར་ཏེ་རྡོ་རྗེའི་དཀྱིལ་འཁོར་ཆེན་པོར་ངོས་འཛིན་དགོས་ལ་དཀྱིལ་འཁོར་གྱི་དོན་ནི། རྣམ་སྣང་མངོན་བྱང་ལས། དཀྱིལ་ནི་སྙིང་པོའོ། །འཁོར་ནི་ལེན་པའོ། །ཞེས་གསུངས་ཤིང༌། དེའི་དོན་ཡང་ཇི་ལྟར་ཡིན་ཞེ་ན། སྦྱོང་རྒྱུད་ལས། རྒྱལ་བས་གསུངས་པའི་ཡེ་ཤེས་གང༌། །དེ་ནི་དཀྱིལ་འཁོར་སྙིང་པོར་གསུངས། །ཞེས་སངས་རྒྱས་ཀྱི་ཐུགས་གཉིས་སུ་མེད་པའི་ཡེ་ཤེས་ནི་ནང་གཟུགས་མེད་ཀྱི་དཀྱིལ་འཁོར་དང་གོང་དུ་བཤད་པའི་སྙིང་པོའང་ཡིན་ལ། དེ་ཉིད་ཕྱི་གཟུགས་ཅན་གྱི་དཀྱིལ་འཁོར་གྱི་རྣམ་པར་སྤྲུལ་བའི་སྒོ་ནས་དེ་ལ་ལོངས་སུ་སྤྱོད་པ་ནི་ལེན་པའི་དོན་ཡིན་ཏེ། འདུལ་འཛིན་གྱི་ཊཱིཀ་ཆེན་ལས་ཀྱང༌། མཎྜལ་ཞེས་པའི་མཎྜ་སྙིང་པོ་ལ་ལེན་པ་སྟེ། ཞེས་གསུངས་སོ། །དེ་ལྟ་བུའི་དཀྱིལ་འཁོར་དེ་ལ་དབྱེ་བའི་རྣམ་གྲངས་ཀྱང་མང་དུ་ཡོད་དེ། འཇམ་དབྱངས་དགའ་བློའི་གསང་འདུས་བསྐྱེད་རིམ་ལས། གང་དུ་ཞུགས་པའི་དཀྱིལ་འཁོར་ལ་དུ་ཡོད་སྙམ་ན་རྣམ་པ་བཞི་སྟེ། ཕྱི་རྡུལ་ཚོན་དང༌། རས་བྲིས་གཉིས། ནང་ལུས་ཀྱི་དཀྱིལ་འཁོར་དང༌། བསམ་གཏན་གྱི་དཀྱིལ་འཁོར་གཉིས་དང་བཞིའོ། །དེར་མ་ཟད་དུས་འཁོར་སོགས་དང་བསྟུན་ན་བློས་བསླང་དུའང་དབང་བསྐུར་བར་མངོན་ནོ། །ཞེས་གསུངས་པའི་ནང་ནས་སྔ་མ་གཉིས་ནི་སློབ་དཔོན་དྲིལ་བུ་པས། རི་མོར་བྲི་བའི་ལས་དང་ན། །ཐིག་ལས་ཚོན་དགྱེའི་རིམ་པ་དང༌། །ཞེས་པ་ནས། བཅོས་མ་གཉིས་ཀྱི་ངོ་བོ་གང༌། །དེ་ནི་གདུལ་བྱའི་དབང་ལས་འདོད། །ཅེས་ལས་དང་པོ་པ་ལ་ཆེད་དུ་བསྔགས་ཤིང༌། དེའི་ནང་

― GTD007_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཀྱང་རྡུལ་ཚོན་ནི། རྒྱུད་རྡོར་ཕྲེང་ལས། དཀྱིལ་འཁོར་ས་ཚོན་ཕྲ་རབ་དང༌། །མཚུངས་པའི་དེ་བཞིན་གཤེགས་པ་ཀུན། །མཆོད་པ་ཉིད་དུ་འགྱུར་བ་དང༌། །ཞེས་ཕན་ཡོན་ཆེ་བར་དངོས་སུ་གསུངས་པའི་རིགས་པ་རས་བྲིས་ལ་སྦྱར་དུ་རུང་ཞིང༌། ཅུང་ཟད་འཇུག་པ་བདེ་བའི་དབང་གིས་དེང་སང་ཕྱག་ལེན་ཕལ་ཆེར་འདིའི་སྟེང་ནས་བྱེད་པ་འདི་བཞིན་ཡིན། དེའང་སྐབས་འདིར་སྟོན་པའི་ཤེས་བྱེད་ནི། ཉི་ཤུ་པ་ལས། དེ་ནི་བློ་དང་ལྡན་པ་ཡིས། །དཀྱིལ་འཁོར་རིམ་བཞིན་བསྟན་པར་བྱ། །ཞེས་གསུངས་ཤིང་བལྟ་བའི་ཚེ་ཀུན་སློང་གི་ཁྱད་པར་ཇི་ལྟ་བུ་དགོས་པ་ནི། རྡོ་རྗེ་སྙིང་པོ་རྒྱན་དང་གསང་བ་སྤྱི་རྒྱུད་སོགས་ལས། ད་ནི་དད་པའི་ཤུགས་ཀྱིས་སུ། །དཀྱིལ་འཁོར་འདི་དེ་ཉིད་ལ་ལྟོས། །ཞེས་མཐུན་པར་གསུངས་པས་ཡིད་འཁུལ་ངེས་ཀྱི་དད་པ་ཤུགས་དྲག་པོ་བཅོས་མ་མ་ཡིན་པ་ཞིག་གསལ་འདེབས་པ་ཤིན་ཏུ་གལ་ཆེ། དེའང་དད་པའི་ངོ་བོ་ནི། མངོན་པ་ཀུན་ལས་བཏུས་ལས། དད་པ་གང་ཞེ་ན། ཡོད་པ་ཉིད་དང་ཡོན་ཏན་ཅན་དང༌། ནུས་པ་རྣམས་ལ་མངོན་པར་ཡིད་ཆེས་པ་དང༌། དང་བ་དང༌། འདོད་པ་སྟེ་འདུན་པའི་རྟེན་བྱེད་པའི་ལས་ཅན་ནོ། །ཞེས་གསུངས་པ་ལྟར། སྐབས་འདི་ལྟ་བུ་ལ་མཚོན་ན་དཀྱིལ་འཁོར་འདི་ཉིད་རྒྱུད་ཀྱི་སྟོན་པ་རྡོ་རྗེ་འཆང་ཆེན་པོས་དུས་ནམ་གྱི་ཚེ་གནས་གང་དུ་གདུལ་བྱ་ཇི་ལྟ་བུ་ལ་གསུངས་ནས་དེ་ཉིད་སྨིན་གྲོལ་ལ་བཀོད་པ་སོགས་ཀྱི་དཔེ་དང་གཏན་ཚིགས་མཐོང་བའི་སྒོ་ནས་ཡིད་ཆེས་ཀྱི་དད་པ་བསྐྱེད་པ་དང༌། འདིའི་རྟེན་བརྟེན་པ་མཐའ་དག་གདོས་བཅས་བེམ་ཆོས་

― GTD007_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་རང་བཞིན་དང་ཐ་མལ་གྱི་གཙོ་འཁོར་དོན་གཞན་ལྟ་བུ་མ་ཡིན་པར་དག་པ་རབ་འབྱམས་འབའ་ཞིག་ཏུ་མཐོང་བའི་སྒོ་ནས་དང་བའི་དད་པ་བསྐྱེད་པ་དང༌། སླར་རང་རང་གིས་ཀྱང་འདི་ནས་གསུངས་པ་ལྟར་གྱི་ལམ་གྱི་ཆ་ཐམས་ཅད་ཚང་བར་ཉམས་སུ་བླངས་ན་དེ་དང་མཐུན་པའི་འབྲས་བུ་ཆོས་གཟུགས་ཀྱི་སྐུ་གཉིས་རྫོགས་པར་འགྲུབ་ནུས་སུ་མཐོང་བའི་སྒོ་ནས་མངོན་འདོད་ཀྱི་དད་པ་སྐྱེད་པའི་ཚུལ་གསུམ་དུ་ཡོད་པས། དེ་དག་ཅུང་ཟད་རྒྱས་པར་བཤད་ན། དང་པོ་ལའང་སྟོན་པ་རྡོ་རྗེ་འཆང་ཆེན་པོས་རྒྱུད་འདི་དུས་ནམ་གྱི་ཚེ་གསུངས་པ་ནི། ཡོ་ག་ལ་མཁས་པ་མི་གསུམ་དུ་གྲགས་པའི་ནང་ནས་སློབ་དཔོན་ཤཱཀྱ་བཤེས་གཉེན་ནི། བདག་ཅག་གི་སྟོན་པ་འདི་ཉིད་ཟས་གཙང་སྲས་སུ་འཁྲུངས་ནས་དཀའ་བ་སྤྱད་པའི་བར་དུ་བྱང་སེམས་ཡིན་ལ། དེ་ནས་ཡེ་ཤེས་ཀྱི་ལུས་འོག་མིན་དུ་ཕྱིན་ཏེ། མངོན་བྱང་ལྔས་སངས་རྒྱས་ནས། རི་རབ་ཀྱི་རྩེ་མོར་རྣལ་འབྱོར་རྒྱུད་གསུངས་ཏེ། སླར་ནེ་རཉྫ་ནའི་འགྲམ་གྱི་རྣམ་སྨིན་གྱི་ལུས་ལ་ཞུགས་ནས་བྱང་ཆུབ་ཀྱི་ཤིང་དྲུང་དུ་གཤེགས་པ་སོགས་ཀྱི་མཛད་པ་བསྟན་པར་བཞེད་ལ། སློབ་དཔོན་ཀུན་དགའ་སྙིང་པོ་སོགས་ནི། དེ་ཐམས་ཅད་དྲང་དོན་ཚུལ་བསྟན་ཁོ་ན་ཡིན་གྱི། ངེས་དོན་དུ་བསྐལ་པ་བགྲང་ལས་འདས་པའི་སྔ་རོལ་ནས་སངས་རྒྱས་ཟིན་པར་བཞེད་ཅིང༌། དེར་མ་ཟད་སྒྲོན་གསལ་ལས། རྣམ་པར་སྣང་མཛད་ཆེན་པོ་ནི་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པར་གྱུར་ཏོ། །ཞེས་བདག་ཅག་གི་སྟོན་པ་དང་རྣམ་པར་སྣང་མཛད་ཆེན་པོ་གཉིས་ཐུགས་རྒྱུད་གཅིག་པར་གསུངས་ཤིང༌། དཔའ་བར་འགྲོ་བའི་མདོ་ལས་ཀྱང༌། ཤར་ཕྱོགས་སུ་

― GTD007_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་ཀྱི་ཞིང་རྣམ་པར་སྤུངས་པ་ན། སངས་རྒྱས་རྣམ་པར་སྣང་མཛད་འོད་ཟེར་འཕྲུལ་གྱི་རྒྱལ་པོ་ཞེས་བྱ་བ་ཚེ་བསྐལ་པ་གྲངས་མེད་པ་བདུན་བརྒྱ་ཐུབ་པ་དེ་སྟོན་པ་འདི་ཉིད་ཡིན་པར་གསུངས་པ་སོགས་གསང་བ་བསམ་མི་ཁྱབ་ཀྱི་ངང་ཚུལ་དཔག་པར་དཀའ་ལ། དེ་དང་མཐུན་པར་རྒྱུད་འདིའང་འཁོར་བ་མ་སྟོངས་ཀྱི་བར་དུ་གདུལ་བྱ་སོ་སོའི་རྒྱུད་ལ་རྒྱུན་ཆད་མེད་པར་སྐོར་བར་མཛད་པ་ཡིན་ཀྱང༌། གདུལ་བྱ་ཐུན་མོང་བའི་ངོར་གསུང་ཚུལ་གྱི་དབང་དུ་བྱས་ན། སྦྱོང་རྒྱུད་ལས། ཚངས་པ་ཆེན་པོ་པདྨའི་གདན་ལ་བཞུགས་ཏེ། ཞེས་སོགས་གསུངས་པ་ལྟར་སུམ་ཅུ་རྩ་གསུམ་གྱི་གནས། རི་རབ་ཀྱི་རྩེ་མོ། རྣམ་པར་རྒྱལ་བའི་ཁང་བཟང་གི་བྱང་ཕྱོགས། ཐམས་ཅད་དགའ་བའི་ཚལ་ཞེས་བྱ་བར། བཅོམ་ལྡན་འདས་ཀྱི་སྐུ་ཆགས་བྲལ་གྱི་རྣམ་པ་ལས་འཁོར་ལོས་བསྒྱུར་བའི་རྣམ་པའམ་རྣམ་སྣང་ཆེན་པོའི་རྣམ་པར་བཞེངས་ཏེ་གསུངས་པར་ཀཱ་མ་དྷེ་ནུས་བཤད་ལ། ཁ་ཅིག་འདིར་ཚངས་པ་ཆེན་པོ་ཞེས་གསུངས་པའི་རྒྱུ་མཚན་ལྷ་སྐུ་ཞལ་བཞི་པའི་རྣམ་པར་བསྟན་པ་ལ་འདོད་པ་ནི་རྟོག་བཟོ་ཁོ་ན་ཡིན་ཏེ། འདི་ནི་ཆོས་མངོན་པ་མཛོད་ལས། དེ་ཉིད་ཚངས་ཚུལ་ཚངས་པ་ཡི། །འཁོར་ལོ་ཚངས་པས་བསྐོར་ཕྱིར་རོ།། ཞེས་ཚངས་པའི་སྒྲ་ཐར་པ་ལ་བཤད་ཚུལ་གཅིག་དང༌། ཡང་རྟེན་བརྟེན་པ་མ་ཕྱེ་བར་སངས་རྒྱས་བཅོམ་ལྡན་འདས་ལ་བཤད་ཚུལ་གཅིག་དང་གཉིས་གསུངས་པའི་ཕྱི་མའི་དབང་དུ་བྱས་པ་ཡིན་ལ། དེ་ལྟ་བུའི་ཚངས་པ་ཆེན་པོ་དེ་ཉིད་ཀྱིས་ཇི་ལྟ་བུར་གསུངས་ཚུལ་ནི། འཁོར་བྱེ་བ་ཁྲག་ཁྲིག་མང་པོའི་དབུས་སུ་

― GTD007_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

ངན་སོང་གི་རྒྱུད་ཐམས་ཅད་ཡོངས་སུ་སྦྱོང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་འོད་ཟེར་གྱི་སྤྲོ་བསྡུས་ངན་སོང་གི་སེམས་ཅན་གྲངས་མེད་པ་གྲོལ་བར་བྱས་ཤིང༌། དེ་དག་གིས་ཀྱང་ཆེད་དུ་བརྗོད་པ་ལ་བརྟེན་ནས། ལྷའི་དབང་པོ་བརྒྱ་བྱིན་གྱིས། ལྷའི་བུ་ནོར་བུ་དྲི་མ་མེད་པའི་འོད་ཅེས་བྱ་བ་ལྷ་ཡུལ་ནས་ཚེ་འཕོས་པ་དེ་ཉིད་ཀྱི་སྐྱེ་གནས་ཞུས་པའི་ལན་དུ། མནར་མེད་ལ་སོགས་པའི་དམྱལ་བའི་གནས་རྣམས་སུ་སྡུག་བསྔལ་བཟོད་གླགས་མེད་པ་རིམ་གྱིས་མྱོང་བར་ལུང་བསྟན་པས་ལྷ་རྣམས་འཇིགས་ཤིང་སྐྲག་ནས་མྱ་ངན་གྱིས་བརྒྱལ་བར་གྱུར་ཏེ། སླར་ཡང་དེ་ལས་སྐྱོབ་པའི་ཐབས་ཞུས་པ་ན། དང་པོ་སྦྱོར་བའི་ཏིང་ངེ་འཛིན། དེ་ནས་དཀྱིལ་འཁོར་རྒྱལ་མཆོག །དེ་ནས་ལས་ཀྱི་ཆོ་ག་དཀྱིལ་འཁོར་བྲི་སྒྲུབ། བདག་ཉིད་འཇུག་ཅིང་སློབ་མ་ལ་དབང་བསྐུར་བའི་རིམ་པ་སོགས་དང༌། ཁྱད་པར་དུ་གཤིན་པོ་རྗེས་འཛིན་གྱི་ཆོ་ག་རྣམས་རྒྱས་པར་གསུངས་པ་བཞིན་བརྒྱ་བྱིན་གྱིས་ཆོ་ག་བྱས་པས་ལྷའི་བུ་དེ་ཉིད་དམྱལ་བ་ལས་ཐར་ཏེ་དགའ་ལྡན་དུ་སྐྱེས་ནས། ཨེ་མ་ཤཱཀྱ་མགོན་པོ་ཡི། །ཞེས་སོགས་ཆེད་དུ་བརྗོད་པ་བྱས་པ་ཡིན་པས། དང་པོར་ཆོ་ག་མཚན་ཉིད་དང་ལྡན་པ་ཞིག་སྔོན་དུ་འགྲོ་བ་མེད་མི་རུང་ཡིན་ཏེ། མཁས་གྲུབ་ཐམས་ཅད་མཁྱེན་པས། བླ་མ་ཆོ་ག་རྒྱུད་བཞིན་མི་ཤེས་ཤིང༌། །དམ་ཚིག་སྡོམ་ལ་མི་གནས་རྣལ་འབྱོར་བྲལ། །བསྙེན་སོགས་མ་དག་གང་བྱུང་ལག་ལེན་གྱིས། །སློབ་མ་རྗེས་འཛིན་དབང་གི་གཟུགས་བརྙན་ཡིན། །དབང་གིས་མ་སྨིན་སྐྱེ་བོའི་ཚོགས་ནང་དུ། །རྐང་སྟབས་ཕྱག་རྒྱ་སྔགས་དང་དཀྱིལ་འཁོར་སོགས། །གསང་བ་བསྒྲགས་

― GTD007_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

པས་རྙེད་བཀུར་དོན་གཉེར་བ། །གསང་སྔགས་ཆོམ་རྐུན་ཆོ་གའི་གཟུགས་བརྙན་ཡིན། །མོ་དང་རྩིས་ལུང་སྨན་པའི་ངག་མཉན་ནས། །དམ་ཚིག་སྡོམ་པ་སྤངས་པའི་སློབ་མ་ལ། །བརྒྱ་ཕྲག་དབང་བསྐུར་འབུལ་བའི་བརྗེ་ཚོང་ཅན། །དམྱལ་བའི་སྒྲུབ་ཐབས་དབང་གི་གཟུགས་བརྙན་ཡིན། །དབང་ཁྲིད་ལུང་གིས་ཟས་ནོར་ཚོལ་བ་དང༌། །ལྟོ་ཕྱིར་རྫུན་གྱི་ཆོ་ག་བྱུང་རྒྱལ་གྱིས། །ཕན་སེམས་མེད་པར་གྲོང་ཆོག་བརྩོན་པ་ན། །བདག་གཞན་བསླུ་བའི་གཞན་དོན་གཟུགས་བརྙན་ཡིན། །ཞེས་གསུངས་པ་ལྟར་དང་པོར་ཆོ་ག་རྒྱུད་དང་མཐུན་པ་ཞིག་མ་བྱུང་ན། ཕྱི་མ་ཐམས་ཅད་ཀྱང་རྒྱུ་སྔོན་སོང་དང་མཐུན་པར་གཟུགས་བརྙན་ཙམ་ཞིག་ལས་མི་འོང་བས། དེ་ལྟ་བུའི་སྒོ་ནས་གཞན་དོན་བྱེད་པར་རློམ་ཡང་མཐར་རང་གཞན་གཉིས་ཀ་དམྱལ་བར་ལྟུང་བའི་རྒྱུར་འགྲོ་ཉེན་ཆེ་བས་ཤིན་ཏུ་གཟབ་དགོས་ཏེ། རང་གིས་བསྙེན་སྒྲུབ་སོགས་ཚུལ་བཞིན་མ་བྱུང་བས་འབྲས་བུའང་རྒྱུད་ཀྱི་བཤད་ཚོད་ལྟར་མ་བྱུང་བ་ན་ལྷ་སྔགས་སོགས་ལ་ཡིད་གཉིས་ཟ་བ་ནི། རང་གི་བློ་སྐྱོན་ཆོས་ལ་འགེལ་བ་ཡིན་ཏེ་བསྔགས་འོས་བསྔགས་བསྟོད་ལས། ཕྱི་ཡི་ཡན་ལག་སྟོབས་ཀུན་ན། །ཁྱོད་ཀྱིས་ཡང་དག་བསྒྲུབས་ལགས་ཏེ། །ནང་གི་སྟོབས་དག་མ་ཚང་བས། །བྱིས་པ་རྣམས་ནི་སྡུག་བསྔལ་བརྟེན། །ཞེས་གསུངས་པ་ལྟར་སྐྱབས་ཡུལ་རྣམས་ཀྱི་ངོས་ནས་རྒྱུ་ཚོགས་མ་ཚང་བ་མེད་པར་བསྒྲུབ་ཏུ་ཟིན་ཀྱང་ལྷན་ཅིག་བྱེད་རྐྱེན་ཡིན་ལ། ཉེར་ལེན་རང་གི་སེམས་སྟེང་ནས་འགྲུབ་དགོས་པས་དེ་མ་ཚང་ན་སྔ་མ་གཅིག་པུས་མི་ཆོག་སྟེ། ཞིང་ས་ཅི་

― GTD007_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་བཟང་ཡང་ས་བོན་མ་བཏབ་ན་མྱུ་གུ་མི་སྐྱེ་བ་དང་སྨན་པ་ཅི་ཙམ་མཁས་ཀྱང་དེས་བྱིན་པའི་སྨན་མ་བཏུང་ན་ནད་པ་གསོ་བར་མི་ནུས་པ་དང་འདྲ་བས། རང་ངོས་ནས་མ་བྱུང་བ་ཡིན་གྱི། ཡི་དམ་ལྷའི་ངོས་ནས་བསླུ་བ་ནམ་ཡང་མི་སྲིད་སྙམ་དུ་ཡིད་ཆེས་ཀྱི་དད་པ་ཤུགས་དྲག་བསྐྱེད་དགོས། གཉིས་པ་རྟེན་བརྟེན་པ་ཐམས་ཅད་ཡེ་ཤེས་སྒྱུ་མའི་རྣམ་རོལ་ཏུ་མཐོང་བའི་སྒོ་ནས་དང་བའི་དད་པ་བསྐྱེད་པ་ལ་རྟེན་བརྟེན་པ་གཉིས་ལས། དང་པོ་ནི། དཔལ་མཆོག་ལས། མི་མཉམ་མེད་པའི་ཟུར་བཞི་སྟེ། །དྲན་དང་དབང་པོ་སྒོ་བཞི་ཡིན། །བསམ་གཏན་རྣམས་ཀྱི་རྟ་བབས་བཞ། །ཞེས་སོགས་དང་ཆོ་གའི་གཞུང་དུའང་གསུངས་པ་ལྟར་ཐབས་ཤེས་ཀྱི་ཆ་སོ་སོའི་ངོ་བོ་ཡིན་ལ་དེར་མ་ཟད་འོག་གཞིའི་རླུང་མེ་ཆུ་ས་རི་རབ་རྣམས་ཀྱང་ཡེ་ཤེས་ཀྱི་རང་བཞིན་ལས་མ་འདས་པས། དེ་དག་བསྐྱེད་པའི་ཚེའང་རང་རང་གི་ས་བོན་དེ་ཉིད་མཉམ་གཞག་ནམ་མཁའ་ལྟ་བུའི་ཡེ་ཤེས་དང་རྗེས་ཐོབ་སྒྱུ་མ་ལྟ་བུའི་ཡེ་ཤེས་ཀྱི་ངོ་བོ་ཧཱུཾ་ཡིག་གཉིས་ཀྱི་བར་དུ་བཅུག་ནས་བསྐྱེད་པར་གསུངས་པའི་ཕྱིར་རོ། །འདིར་མི་མཉམ་མེད་པའི་ཟུར་བཞི་ཞེས་པའི་དོན་ཊཱིཀ་ཆེན་དང་ཆོ་གར། ཚད་མེད་པ་བཞིའི་ཚུལ་གྱིས་སེམས་ཅན་རྣམས་ལ་མི་མཉམ་པ་མེད་པས་གྲུ་བཞི། ཞེས་གྲུ་བཞི་ཚད་མེད་བཞིའི་ངོ་བོར་གནས་པའི་དོན་དུ་གསུངས་ལ། སྙེ་མ་བཅུ་གཉིས་པ་ལས། སངས་རྒྱས་དང་སངས་རྒྱས་མ་ཡིན་པ་མཉམ་པ་ཉིད་ཀྱིས་མི་མཉམ་པ་མེད་པས་གྲུ་བཞི་པ་སྟེ་ཟུར་བཞི་པའོ། །ཞེས་དང༌། སྙེ་མ་བཅོ་བརྒྱད་པ་ལས། དེ་བཞིན་གཤེགས་པ་དང་སོ་སོ་སྐྱེ་བོ་དག་དེ་ཁོ་ན་ཉིད་དུ་ན་གཉིས་སུ་མེད་པའི་

― GTD007_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་ཉིད་ཀྱིས་མི་མཉམ་པ་མེད་པ་གསལ་བར་བྱེད་པ་རྣམ་པར་དག་པས་དང༌། འཕགས་པའི་བདེན་པ་བཞི་རྣམ་པར་དག་པས་གྲུ་བཞི་པའོ། །ཞེས་མི་མཉམ་པ་མེད་པའི་དོན་ཆོས་ཀྱི་དབྱིངས་སུ་རོ་གཅིག་པར་སྟོན་པའི་ཡེ་ཤེས་ལ་གསུངས་ཀྱང་ཐབས་ཤེས་དབྱེར་མི་ཕྱེད་པས་སྔ་མ་དང་འགལ་བར་མི་འགྱུར་རོ།། གཉིས་པ་བརྟེན་པ་ལྷའི་རྣམ་དག་ནི། འདུལ་འཛིན་ཆེན་པོ་གྲགས་པ་རྒྱལ་མཚན་གྱིས། རྒྱལ་བའི་ཡེ་ཤེས་ལྔ་དང་རྣམ་ཐར་བཞ། །སྟོང་ཉིད་རྟོགས་པ་བཅུ་དྲུག་སྦྱིན་སོགས་བརྒྱད། །དད་བརྩོན་དྲན་དང་ཏིང་འཛིན་ཡོན་ཏན་རྣམས། །སུམ་ཅུ་རྩ་བདུན་ལྷ་ཡི་རྣམ་པ་རུ། །ཇི་བཞིན་ཤར་བ་ཟབ་གསལ་གཉིས་མེད་ལ། །ཞེས་གསུངས་པ་ལྟར་ཟབ་པ་སྟོང་པའི་དེ་ཉིད་དང༌། གསལ་བ་ལྷའི་འཁོར་ལོ་ཟུང་དུ་འཇུག་པའི་ཡེ་ཤེས་གཅིག་པུ་དེ་ཉིད་ལ། ཇི་སྐད་དུ། དབུས་མཐའ་རྣམ་འབྱེད་ལས། དེ་ལ་དོན་མཐོང་རྣམ་པར་ཤེས། །དེ་ཡི་ཁྱད་པར་སེམས་ལས་བྱུང༌། །ཞེས་གསུངས་པ་ལྟར་ལྡོག་ཆ་སོ་སོ་དང་བྱེད་ལས་ཀྱི་ཁྱད་པར་མི་འདྲ་བའི་སྒོ་ནས་ཕྱེ་བ་ཆོས་དབྱིངས་ཡེ་ཤེས་ལ་སོགས་པའི་ཡེ་ཤེས་ལྔ་དང༌། ཡུལ་ཅན་རྣམ་པར་ཐར་པའི་སྒོ་བཞི་དང༌། སྟོང་ཉིད་རྟོགས་པའི་ཡེ་ཤེས་བཅུ་དྲུག་དང༌། སྦྱིན་སོགས་ཕར་ཕྱིན་དྲུག་གི་སྟེང་དུ་སྨོན་ལམ་དང་ཐབས་མཁས་ཀྱི་ཕར་ཕྱིན་བསྣན་པས་བརྒྱད་དང༌། དད་བརྩོན་དྲན་པ་ཏིང་ངེ་འཛིན་གྱི་སྟོབས་རྣམས་ཀྱི་ངོ་བོ་ལྷ་སོ་བདུན་གྱི་རྣམ་པར་ཤར་བ་ཡིན་གྱི། རྒྱུད་ཐ་དད་པའི་གཙོ་འཁོར་དུ་མ་འདུས་པ་ལྟ་བུ་མ་ཡིན་ནོ། །དེའང་སྐབས་

― GTD007_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་དང་བླ་མེད་ཀྱི་སྐབས་ནས་རྣམ་དག་གསུང་ཚུལ་ཅུང་ཟད་མི་འདྲ་སྟེ། སྔགས་རིམ་ཆེན་མོ་ལས། རྟེན་བརྟེན་པའི་རྣམ་དག་ལ། ཡོ་ག་ནས་དད་པ་ལ་སོགས་པའི་ཡོན་ཏན་གྱི་ཆོས་སུ་དག་ཚུལ་ཉིད་བཤད་ལ། བླ་མེད་ནས་ལམ་གྱི་དག་པ་དང་ཕུང་སོགས་ཀྱི་དག་པ་གཉིས་ཀ་གསུངས་སོ། །ཞེས་བླ་མེད་ཀྱི་སྐབས་སུ་གཟུགས་ཀྱི་ཕུང་པོ་དག་པའི་རྣམ་སྣང༌། ཚོར་ཕུང་དག་པ་རིན་འབྱུང་དུ་གསུངས་པ་ལྟ་བུ་ཡོད་ཀྱང༌། འདིར་དེ་འདྲ་མ་གསུངས་པ་ནི་གོང་དུ་དབང་རྫས་སོགས་ཀྱང་ཡེ་ཤེས་ཀྱི་ངོ་བོར་མོས་པ་ཙམ་ལས་ལྷར་མི་སྐྱེད་པར་བཤད་པ་དང་གནད་གཅིག་སྟེ་ལམ་དུས་སུ་ཇི་ལྟར་མོས་པ་དེ་ཉིད་འབྲས་དུས་སུའང་འགྲུབ་དགོས་པའི་ཕྱིར་རོ། །གསུམ་པ་རང་གིས་ཀྱང་ལམ་འདི་ལ་བརྟེན་ནས་གནས་སྐབས་དང་མཐར་ཐུག་གི་འདོད་དོན་མ་ལུས་པ་བསྒྲུབ་ནུས་སུ་མཐོང་བའི་སྒོ་ནས་མངོན་འདོད་ཀྱི་དད་པ་བསྐྱེད་པ་ལ། དཔལ་མགོན་འཕགས་པ་ཀླུ་སྒྲུབ་ཀྱིས་རྒྱལ་པོ་བདེ་སྤྱོད་བཟང་པོ་ལ་གདམས་པ་རིན་པོ་ཆེའི་ཕྲེང་བ་ལས། དང་པོར་མངོན་པར་མཐོ་བའི་ཆོས། །ཕྱིས་ནི་ངེས་པར་ལེགས་འབྱུང་བའོ། །གང་ཕྱིར་མངོན་པར་མཐོ་ཐོབ་པས། །རིམ་གྱིས་ངེས་པར་ལེགས་པར་འབྱུང༌། །ཞེས་དང༌། ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེས། མངོན་མཐོ་ངེས་ལེགས་སྒྲུབ་བྱེད་དད་ཤེས་གཉིས། །ཞེས་སོགས་གསུངས་པ་ལྟར་གདུལ་བྱ་རྣམས་ཀྱིས་དོན་དུ་གཉེར་བྱའི་འབྲས་བུ་ནི། གནས་སྐབས་མངོན་པར་མཐོ་བ་དང༌། མཐར་ཐུག་ངེས་པར་ལེགས་པ་གཉིས་སུ་གྲངས་ངེས་པའི་གནད་ཀྱིས། སྟོན་པས་ཆོས་ཕུང་ཇི་སྙེད་ཅིག་གསུངས་པ་ཐམས་ཅད་

― GTD007_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་སྐྱེས་བུ་ཆུང་ངུ་དང་ཐུན་མོང་བ་མངོན་མཐོའི་ཆོས་སྐོར་དང༌། ཆེ་འབྲིང་གིས་བསྡུས་པ་ངེས་ལེགས་ཀྱི་ཆོས་སྐོར་གཉིས་སུ་འདུ་ལ། དེར་མ་ཟད། མངོན་རྟོགས་རྒྱན་ལས། འགྲོ་རྣམས་ཞི་བའི་ལས་དང་ན། །ཞེས་པ་ནས། མྱ་ངན་འདས་ལ་འགོད་པ་སྟེ། །ཞེས་གསུངས་པ་ལྟར་སངས་རྒྱས་ཀྱི་འཕྲིན་ལས་ཉེར་བདུན་པོ་ཐམས་ཅད་ཀྱང་དང་པོར་འགྲོ་བ་ཞི་བའི་འཕྲིན་ལས་མངོན་མཐོ་ལ་འགོད་པ་ནས་མཐར་ངེས་ལེགས་མི་གནས་པའི་མྱང་འདས་ལ་འགོད་པའི་འཕྲིན་ལས་སུ་འདུ་བ་ཤ་སྟག་ཡིན་ལ། དགོས་པ་དེ་གཉིས་ནི་ལམ་བཟང་འདི་ལ་བརྟེན་ནས་བདེ་བླག་ཏུ་བསྒྲུབ་པར་ནུས་པ་ནི། སྦྱོང་རྒྱུད་ལས། གང་ཕྱིར་ངན་སོང་བདག་ཅག་སྦྱངས། །བྱང་ཆུབ་སྤྱོད་པ་ཉིད་ལ་བཞག །ཅེས་ངན་སོང་སྦྱངས་ཏེ་མངོན་མཐོའི་རྟེན་ལ་འགོད་ཅིང༌། རྟེན་དེ་ལ་གནས་ནས་བྱང་ཆུབ་ཀྱི་སྤྱོད་པ་ལ་ཞུགས་ཏེ་ངེས་ལེགས་ཐར་པ་སྒྲུབ་པར་གསུངས་པའི་ཕྱིར། དང་པོ་ངན་སོང་སྦྱོང་ཚུལ་ནི་ལྷོ་སྒོར་གྲགས་པ་འདི་ཉིད་གཙོ་བོ་ཡིན་ལ། འདིའང་དོན་བསྡུས་ན་བགེགས་སྡིག་དྲི་མ་སྦྱང་བ་གསུམ་དུ་འདུ་བས། དང་པོ་བགེགས་སྦྱང་བ་ནི། སྦྱོང་རྒྱུད་ལས། དེ་ནས་གདོན་རྣམས་གཞོམ་པའི་ཕྱིར། །མངོན་སྤྱོད་ཀྱང་ནི་བརྩམས་བྱས་ཏེ། །ཞེས་སོགས་གསུངས་པ་ལྟར་ཨོཾ་སརྦ་བིགྷྣན་སོགས་ཀྱིས་གཏོར་མ་བསྔོ་བ་ནི་རྫས་སྔགས་ཏིང་ངེ་འཛིན་གསུམ་ཞི་བ་ཡིན་པས་ཞི་བས་སྦྱང་བ་དང་། ཏིང་ལོ་བསྐོར་ཞིང་སུམ་བྷ་ནི་བརྗོད་པ་རྫས་ཞི་བ་དང་སྔགས་དྲག་པོ་ཏིང་ངེ་འཛིན་ཕྱེད་མ་ཡིན་པས་ཞི་དྲག་ཕྱེད་མས་སྦྱང་བ། བདེན་སྟོབས་

― GTD007_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་དེ་དྲག་སྔགས་བརྗོད་ཅིང་གུ་གུལ་གྱིས་བདུག །ཡུངས་ཀར་གྱིས་བྲབ་པ་ནི་གསུམ་ག་དྲག་པོ་ཡིན་པས་དྲག་པོས་སྦྱང་བ་སྟེ། དེ་རྣམས་ཀྱི་སྒོ་ནས་མངོན་མཐོ་ལ་བར་དུ་གཅོད་པའི་བགེགས་སྦྱོང་ཞིང༌། དེ་རྗེས་སྡིག་པ་སྦྱོང་བ་ལ། སྦྱོང་རྒྱུད་ལས། སྦྱིན་སྲེག་བྱས་པར་གྱུར་ན་ན། །དམྱལ་བ་ཆེན་པོར་གྱུར་པ་ཡི། །སྡིག་པ་དེ་ལས་ཐར་བར་འགྱུར། །ཞེས་དང༌། སྦྱིན་སྲེག་མངོན་པར་དབང་བསྐུར་ན། །གདོན་མི་ཟ་བར་བདེ་འགྲོར་སྐྱེ། །ཞེས་ཟ་བྱེད་མཁའ་འགྲོའི་སྦྱིན་སྲེག་གི་སྒོ་ནས་སྡིག་པ་སྦྱོང་བ་དང༌། ཡང་དེ་ཉིད་ལས། ཐལ་བ་ཉུངས་ཀར་བྱེ་མ་སོགས། །རང་གི་མིང་སྨོས་སྔགས་བཏབ་པས། །བཟླས་པ་བྱས་ཏེ་སོང་ནས་ཀྱང༌། །རྒྱ་མཚོར་འབབ་པའི་ཀླུང་དོར་ན། །དེ་ལྟར་ཡང་ནི་སྡིག་ཅན་ཡང༌། །ངན་སོང་ལས་ནི་ཐར་འགྱུར་ན། །ཞེས་སོགས་བྲབ་སྔགས་ཀྱི་སྒོ་ནས་སྡིག་པ་སྦྱོང་བ་གཉིས་སུ་ཡོད། དེ་ནས་དྲི་མ་སྦྱོང་བ་ལ། ལྷ་ལ་ཁྲུས་གསོལ་བའི་ཆུ་དང༌། རྣམ་རྒྱལ་གྱི་བུམ་ཆུ་བསྡུས་ཏེ་ཕྱིན་དྲུག་གི་ཚིགས་བཅད་སོགས་བརྗོད་ནས་ཁྲུས་བྱེད་པ་ནི། གཙུག་དགུ་ལས། རུས་པའམ་གོས་སམ་མིང་ལ་ན། །རྡོ་རྗེ་ཆུ་ཡིས་བཀྲུ་བར་བྱ། །སྡིག་པ་བཀྲུ་བའི་སྔགས་ཀྱིས་ན། །སྲིད་གསུམ་དྲི་མ་བཀྲུ་བར་བྱ། །ཞེས་སོགས་ཀྱིས་གསུངས་ཤིང༌། དེ་རྗེས་གང་སེར་མའི་ཤིས་བརྗོད་སོགས་ཀྱིས་མི་ཤིས་པ་སྦྱོང་བ་ནི། དེ་ཉིད་ལས། སླར་ཡང་བཀྲ་ཤིས་ཚིགས་བཅད་ཀྱིས། །དུས་གསུམ་དུ་ནི་ཁྲུས་བྱ་འོ། །ཞེས་པའི་དགོངས་པ་ཡིན་ཏེ་སྦྱང་བ་འདི་དག་ཐམས་ཅད་རྒྱུད་འདིའི་སྐོར་ཁོ་ན་ལས་གསུངས་པ་མ་གཏོགས་གཞན་དུ་མི་གསལ་

― GTD007_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང༌། དེང་སང་གསང་བདེ་འཇིགས་གསུམ་སོགས་དཀྱིལ་འཁོར་ཕལ་ཆེར་དང་སྦྱར་ནས་བྱེད་པ་ནི་བླ་མ་གོང་མ་རྣམས་ཀྱིས་རྒྱུད་འདིའི་རིགས་པས་རྒྱས་བཀབ་པ་ཡིན་པས་དེ་ཐམས་ཅད་ཀྱི་རྩ་བ་ལྟ་བུ་ནི་རྒྱུད་འདི་ཉིད་ཡིན་ནོ། །དེ་རྗེས་ངེས་ལེགས་ཐར་པ་འགྲུབ་ཚུལ་ནི། མངོན་རྟོགས་རྒྱན་ལས། ངོ་བོ་ཉིད་ལོངས་རྫོགས་བཅས་དང༌། །དེ་བཞིན་གཞན་པ་སྤྲུལ་བ་ན། །ཆོས་སྐུ་མཛད་པ་དང་བཅས་པ། །རྣམ་པ་བཞིར་ནི་ཡང་དག་བརྗོད། །ཅེས་གསུངས་པ་ལྟར་ངེས་ལེགས་ཐར་པ་དོན་དུ་གཉེར་པ་རྣམས་ཀྱི་ཐོབ་བྱ་མཐར་ཐུག་གི་འབྲས་བུ་ནི། དག་པ་གཉིས་ལྡན་གྱི་ཆོས་དབྱིངས་ངོ་བོ་ཉིད་ཀྱི་སྐུ་དང་རོ་གཅིག་ཏུ་གྱུར་པའི་སངས་རྒྱས་ཀྱི་ཐུགས་གཉིས་སུ་མེད་པའི་ཡེ་ཤེས་དང༌། ཐེག་ཆེན་གྱི་ཆོས་ལ་རྫོགས་པར་ལོངས་སྤྱོད་པས་ན་ལོངས་སྐུའམ་གཞོམ་མེད་ཀྱི་གསུང་དང༌། གདུལ་བྱའི་མོས་པ་བཞིན་གང་འཚམ་དུ་སྤྲུལ་བའི་གཟུགས་ཀྱི་སྐུ་དང༌། འབད་རྩོལ་མེད་པར་ལྷུན་གྱིས་གྲུབ་པའི་མཛད་པ་དང་བཅས་པ་མདོར་བསྡུས་ན་སྐུ་གསུང་ཐུགས་འཕྲིན་ལས་དང་བཞི་པོ་འདིར་ངེས་ཏེ། གཉིས་སུ་མེད་པའི་ཡེ་ཤེས་ཀྱི་སྟོབས་ཀྱིས་སྲིད་པའི་རྒུད་པ་ལས་གྲོལ་ཞིང་བརྩེ་བ་སྙིང་རྗེ་ཆེན་པོའི་དབང་གིས་གཟུགས་སྐུའི་རྣམ་པར་བསྟན་ནས་འཁོར་བ་ཇི་སྲིད་བར་དུ་བཞུགས་པས་ཞི་བའི་རྒུད་པ་ལས་གྲོལ་ཏེ། དེ་ལྟར་སྲིད་ཞིའི་མཐའ་ལ་མི་གནས་པའི་མྱང་འདས་ཟུང་འཇུག་གི་གོ་འཕང་མངོན་དུ་མཛད་པས་རང་དོན་ཡོངས་སུ་རྫོགས་ཤིང༌། དེ་ནས་འཕྲིན་ལས་བཞིའི་སྒོ་ནས་གདུལ་བྱའི་དོན་རྒྱུན་ཆད་མེད་པར་མཛད་ཅིང༌། ཁྱད་པར་དུ་

― GTD007_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པའི་མཆོག་གསུང་གི་སྒོ་ནས་ཆོས་འཁོར་བསྐོར་ཏེ་གདུལ་བྱ་མཐའ་དག་བྱང་གྲོལ་ལ་བཀོད་པས་གཞན་དོན་ཡོངས་སུ་རྫོགས་པའི་ཕྱིར་དང༌། འབྲས་བུ་དེ་བཞི་ནི་ཕྱག་ཆེན། དམ་རྒྱ། ཆོས་རྒྱ། ལས་རྒྱ་བཞིའི་སྒོ་ནས་ལེགས་པར་སྒྲུབ་ནུས་པའི་ཕྱིར་རོ། །འདི་ལ་ཁ་ཅིག་རྒྱན་ལས། མཚན་ནི་སུམ་ཅུ་རྩ་གཉིས་དང༌། །དཔེ་བྱད་བརྒྱད་ཅུའི་བདག་ཉིད་འདི། །ཐེག་ཆེན་ཉེ་བར་ལོངས་སྤྱོད་ཕྱིར། །ཐུབ་པའི་ལོངས་སྤྱོད་རྫོགས་སྐུར་བཞེད། །ཅེས་ལོངས་སྐུ་ནི་མཚན་དཔེས་སྤྲས་པའི་གཟུགས་སྐུ་ལ་བཤད་པས་གསུང་ལོངས་སྐུར་འཇོག་པ་མི་འཐད་སྙམ་ན། དེ་ནི་མདོའི་དབང་དུ་བྱས་ལ། སྔགས་ཀྱི་སྐབས་འདིར་ལོངས་སྐུ་གཙོ་བོར་གསུང་ལ་འཇོག་དགོས་ཏེ། སྔགས་རིམ་ལས། ལོངས་སྐུ་ནི་སྒྱུ་ལུས་ལའང་བཤད་པས་ཆོག་མོད་ཀྱང༌། སྔགས་ཀྱི་སྤྱི་སྐད་ལ་དེ་བཞིན་གཤེགས་པའི་གསུང་ལ་བཤད་པ་མང་བས་འདིར་དེ་ལྟར་བཤད་དོ།། ཞེས་གསུངས་ཤིང་དབྱངས་ཅན་བཞད་པ་དགེ་འདུན་རྒྱ་མཚོའི་མཚན་བརྗོད་ཊཱིཀྐར་ཡང༌། མདོ་ལུགས་ཀྱིས་ཐེག་ཆེན་གྱི་ཆོས་ལ་ལོངས་སྤྱོད་ཀྱི་བྱེད་པ་པོའི་དབང་དུ་བྱས་པ་དང༌། སྔགས་ཀྱིས་ལོངས་སྤྱོད་བྱེད་ཀྱི་བྱེད་པའི་དབང་དུ་བྱས་པར་གསུངས་སོ། །འོན་ཀྱང་སྔགས་ལུགས་ལའང་ལོངས་སྐུར་ལྷ་སྐུ་བཞིན་ལག་གི་རྣམ་པ་ཅན་གཏན་མི་འདོད་པ་མིན་ཏེ། སྔགས་རིམ་གྱི་ལུང་དེར་སྒྱུ་ལུས་ཀྱང་གསུངས་པའི་ཕྱིར་དང་དབང་དོན་དེ་ཉིད་ཡང་གསལ་ལས། སྔགས་སྤྱི་ཙམ་དུ་མ་ཟད་དུས་འཁོར་གྱི་ལུགས་ལའང་ཐེག་ཆེན་གྱི་ཆོས་ལ་རྫོགས་པར་ལོངས་སྤྱོད་པའི་བྱེད་པ་པོའི་ལོངས་སྐུ་མཚན་དཔེས་བརྒྱན་པའང་ཡོད་པར་བཞེད་

― GTD007_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

དོ། །ཞེས་གསུངས་པའི་ཕྱིར། འོ་ན་སྐུ་གསུང་ཐུགས་འཕྲིན་ལས་བཞི་པོ་དེ་ཕྱག་རྒྱ་བཞིས་འགྲུབ་ལུགས་ཇི་ལྟར་ཡིན་སྙམ་ན། འཇིག་རྟེན་གསུམ་རྒྱལ་གྱི་རྟོག་པ་ལས། རྡོ་རྗེ་སྐུ་གསུང་ཐུགས་རྣམས་ཀྱི། །གཟུགས་བརྙན་སྦྱོར་བ་འདི་དག་ན། །ཕྱག་རྒྱ་ཀུན་གྱི་ཁྱད་པར་ཏེ། །ཞེས་དང༌། རྒྱུད་ཕྱི་མར། སྐུ་གསུང་ཐུགས་ཀྱི་རྡོ་རྗེ་ཡི། །གཟུགས་བརྙན་གྱི་ནི་སྦྱོར་བ་ཡིས། །བདག་ཉིད་ཆེན་པོ་ཕྱག་རྒྱ་ཆེ། །དེ་ལྟར་ཤེས་ནས་འགྲུབ་པར་འགྱུར། །ཞེས་དང༌། ཨ་བ་ཏ་ར་ལས་ཀྱང༌། ཕྱག་རྒྱ་དེའང་འདིར་སྐུ་ལ་སོགས་པའི་བྱེ་བྲག་གིས་ཕྱག་རྒྱ་ཆེན་པོ་ཞེས་བྱ་བ་དང༌། དམ་ཚིག་དང༌། ཆོས་དང་ལས་ཀྱི་ཕྱག་རྒྱ་དང་རྣམ་པ་བཞིར་བསྟན་ཏེ། ཞེས་གསུངས་པ་ལྟར། ལྷ་དེ་དང་དེའི་སྐུའི་རྣམ་པ་རྗེས་སུ་དྲན་ཅིང༌། རང་གི་ལུས་ཀྱང་དེར་མོས་ཏེ་ལྷའི་སྐུ་དང་རང་གི་ལུས་དབྱེར་མེད་དུ་བསྲེ་བ་ནི་ཕྱག་ཆེན་གྱིས་རྒྱས་བཏབ་པའི་དོན་ཡིན་ཞིང༌། དེ་ལྟར་མོས་པ་ཡིད་བྱེད་ཀྱིས་གོམས་པ་ལས་མཐར་ལྷ་སྐུ་དངོས་གནས་པར་བཞེངས་པས་གཟུགས་སྐུ་འགྲུབ་པ་ཡིན་ལ། དེས་མཚོན་ནས། ཆོས་རྒྱས་རང་གི་ངག་དང་སངས་རྒྱས་ཀྱི་གསུང་དབྱེར་མེད་དུ་རྒྱས་འདེབས་དང༌། དམ་རྒྱས་རང་གི་ཡིད་དང་སངས་རྒྱས་ཀྱི་ཐུགས་དབྱེར་མེད་དུ་རྒྱས་འདེབས། ལས་རྒྱས་རང་གི་སྒོ་གསུམ་གྱི་བྱ་བ་དང་སངས་རྒྱས་ཀྱི་འཕྲིན་ལས་དབྱེར་མེད་དུ་རྒྱས་འདེབས་པ་ཡིན་ཏེ། གོང་དུ་གཟུགས་བརྙན་སྦྱོར་བ་ཞེས་པའི་དོན་དང་པོར་མོས་པ་ཡིད་བྱེད་ཀྱིས་དེ་དང་ཆ་འདྲ་ཙམ་བསྒོམས་ནས་མཐར་དེ་དངོས་གནས་པར་འགྲོ་བའི་དོན་ནོ། །དེའང་ཕྱག་རྒྱ་བཞིའི་ནང་ནས་ཆོས་རྒྱའི་ཚེ་ལྕེ་

― GTD007_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཆོས་ཀྱི་ཡི་གེ་འགོད་པ་ནི་རླུང་སྔགས་ཐ་མི་དད་དུ་བྱས་ཏེ་གསུང་འགྲུབ་པའི་མཚོན་དོན་དང༌། ལས་རྒྱའི་ཚེ་སྣ་ཚོགས་རྡོ་རྗེ་རྭ་ཉི་ཤུ་པ་བསྒོམ་པ་འཕྲིན་ལས་རྣམ་བཞི་སོགས་ལས་སྣ་ཚོགས་འགྲུབ་པའི་མཚོན་དོན་དང༌། ཕྱག་ཆེན་གྱི་ཚེ་དང་པོའི་རྡོ་རྗེ་བསྒོམ་པ་གཟུགས་ཀྱི་ངོ་བོ་རྡོ་རྗེ་སེམས་དཔའི་ཕྱག་མཚན་ཡིན་པའི་གནད་ཀྱིས་ཡིན་ནམ་སྙམ་ལ། དམ་རྒྱའི་ཚེ་སྙིང་གར་ཐོག་མཐའ་མེད་པའི་ཆོས་ཉིད་ཀྱི་ངོ་བོ་རྡོ་རྗེ་རྩེ་ལྔ་པ་གསལ་འདེབས་པ་འདིའི་དོན་ཅུང་ཟད་རྟོགས་དཀའ་བར་སྣང་ཡང་འདི་ལྟར་འཆད་དགོས་སམ་སྙམ་སྟེ། དེའང་དམ་རྒྱ་ཞེས་པ་ནི་ཚིག་བསྡུས་པ་ཙམ་ལས་དོན་དུ་དམ་ཚིག་གི་ཕྱག་རྒྱ་ཞེས་པ་ཡིན་ལ། དམ་ཚིག་གི་དོན་ནི། ཀུན་རིག་ཊཱིཀ་ཆེན་ལས། སངས་རྒྱས་རྣམས་ཀྱི་ཐུགས་ཀྱི་གསང་བ་ནི་ངེས་ཚིག་གི་ཚུལ་གྱིས་ཡང་དག་པར་རྟོགས་པར་བྱ་བའི་ཕྱིར་རམ་ཡང་དག་པར་ཐོབ་པའམ། མི་འདའ་བའི་དོན་གྱིས་དམ་ཚིག་སྟེ། ཞེས་གསུངས་པ་ལྟར་དམ་ཚིག་གི་སྐད་དོད་ས་མ་ཡ་ཞེས་པ་རྟོགས་པ་དང༌། ཐོབ་པ་དང༌། མི་འདའ་བ་སོགས་ལ་འཇུག་ཚུལ་གསུངས་པ་ནི། རྣམ་འགྲེལ་ལས། གཤེགས་པ་རྟོགས་པའི་དོན་ཕྱིར་ཏེ། །ཞེས་སོགས་ལུགས་འབྱུང་ལྡོག་གི་བཤད་པའི་སྐབས་སུ་ཡེ་ཤེས་ཕུན་ཚོགས་ལ་སྦྱར་ནས་རྟོགས་པ་དང༌། སྤངས་པ་ཕུན་ཚོགས་ལ་སྦྱར་ནས་ཐོབ་པའམ་མངོན་དུ་བྱས་པ་ལ་བཤད་པ་ལྟར། འདིར་ཡང་སྤངས་པ་དང་ཡེ་ཤེས་གཉིས་ཀ་ལ་སྦྱོར་དགོས་ཤིང༌། དེའང་ངོ་བོ་སོ་སོ་བ་མ་ཡིན་པར་མི་འདའ་བའམ་མི་ཕྱེད་པས་ན་དམ་ཚིག་ཅེས་བཤད་པ་ཡིན་ལ། རྡོ་རྗེའི་སྐད་དོད་བཛྲ་ཞེས་པའམ་མི་ཕྱེད་པ་ལ་འཇུག་པས། ཐོག་མཐའ་

― GTD007_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པའི་ཆོས་ཀྱི་དབྱིངས་དང་དབྱེར་མི་ཕྱེད་པའི་ཡེ་ཤེས་ཀྱི་རྡོ་རྗེ་ངོ་བོ་གཅིག་ལ་ལྡོག་པས་ཕྱེ་ན་ཆོས་དབྱིངས་ཡེ་ཤེས་ལ་སོགས་པ་ཡེ་ཤེས་ལྔའི་བདག་ཉིད་ཅན་དེ་ལྟ་བུ་འགྲུབ་པ་ནི་སྐབས་འདིའི་ཕྱག་མཚན་གྱི་མཚོན་དོན་ཡིན་ནོ། །དེར་མ་ཟད་ཕྱག་རྒྱ་བཞི་འཇོག་ཚུལ་ལ་གཞི་ལམ་འབྲས་གསུམ་དང་སྦྱར་བའི་བཤད་ཚུལ་དུ་མ་ཡོད་དེ། བཤད་རྒྱུད་ཐམས་ཅད་གསང་བ་ལས། རྣམ་པར་ཤེས་པ་རྣམ་པ་བཞ། །ཕྱག་རྒྱ་བཞི་ཡི་ཆོ་ག་ཡིས། །གསང་བ་གཉིས་མེད་སྦྱོར་བ་ཡིས། །སྐུ་གསུང་ཐུགས་ནི་ཡང་དག་འབྱུང༌། །ཞེས་དང༌། འབྱུང་བ་ཆེན་པོ་བཞི་པོ་ཡང༌། །ཕྱག་རྒྱ་བཞི་ཞེས་བཤད་པ་ཡིན། །ཞེས་སོགས་གསུངས་པ་ལྟར། གཞིའི་ཕྱག་ཆེན་ཐ་མལ་གྱི་ལུས་དང༌། ཀུན་གཞིའི་རྣམ་ཤེས་སའི་ཁམས་རྣམས་ནི་སྦྱང་གཞི་ཡིན་ལ། དེ་སྦྱོང་བྱེད་དེ་ཉིད་བསྡུས་པའི་དུམ་བུ་དང་པོ་ནས་གསུངས་པའི་བྱང་ཆུབ་ཀྱི་སེམས་དང༌། ཡུལ་ཅན་རྣམ་པར་ཐར་པའི་སྒོ་སྟོང་པ་ཉིད་ནི་ལམ་གྱི་ཕྱག་ཆེན་ཡིན་ཞིང༌། སྦྱངས་པའི་འབྲས་བུ་ཡེ་ཤེས་ཀྱི་ངོ་བོ་ཉིད་ཀྱི་གཟུགས་སྐུ་དང༌། མེ་ལོང་ལྟ་བུའི་ཡེ་ཤེས་མི་བསྐྱོད་པ་རྣམས་ནི་འབྲས་བུའི་ཕྱག་ཆེན་ཡིན་ནོ། །དེས་མཚོན་ཏེ་སྦྱང་གཞི་ཐ་མལ་གྱི་སེམས་དང༌། ཆུ་ཁམས། ཉོན་ཡིད་རྣམས། སྦྱོང་བྱེད་དུམ་བུ་གཉིས་པ་ནས་གསུངས་པའི་ལམ་སྦྱིན་པའི་ཕར་ཕྱིན་དང་མཚན་མེད་སོགས་ཀྱིས་སྦྱངས་པའི་འབྲས་བུ་སངས་རྒྱས་ཀྱི་ཐུགས་དང་རིན་འབྱུང་མཉམ་ཉིད་ཡེ་ཤེས་རྣམས་ནི་འབྲས་བུའི་དམ་རྒྱ། སྦྱང་གཞི་ཐ་མལ་གྱི་ངག་དང༌། མེ་ཁམས། དྲུག་པ་

― GTD007_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་ཤེས་རྣམས། སྦྱོང་བྱེད་དུམ་བུ་གསུམ་པ་ནས་གསུངས་པའི་ལམ་ཤེས་རབ་ཀྱི་ཕར་ཕྱིན་དང༌། སྨོན་མེད་སོགས་ཀྱིས་སྦྱངས་པའི་འབྲས་བུ་སངས་རྒྱས་ཀྱི་གསུང་དང༌། འོད་དཔག་མེད། སོར་རྟོག་ཡེ་ཤེས་རྣམས་ནི་འབྲས་བུ་ཆོས་རྒྱ། སྦྱང་གཞི་ཐ་མལ་གྱི་བྱ་བ་དང༌། རླུང་གི་ཁམས། སྒོ་ལྔའི་རྣམ་ཤེས་རྣམས་སྦྱོང་བྱེད་དུམ་བུ་བཞི་པ་ནས་གསུངས་པའི་ལམ་བརྩོན་འགྲུས་ཀྱི་ཕར་ཕྱིན་དང་མངོན་པར་འདུ་མི་བྱེད་པ་སོགས་ཀྱིས་སྦྱངས་པའི་འབྲས་བུ་སངས་རྒྱས་ཀྱི་འཕྲིན་ལས་དང་དོན་ཡོད་གྲུབ་པ། བྱ་གྲུབ་ཡེ་ཤེས་རྣམས་ནི་འབྲས་བུའི་ལས་རྒྱ་སྟེ། མདོར་བསྡུས་ན་མ་དག་པའི་སྣོད་བཅུད་ཐམས་ཅད་སྦྱངས་ནས་སྐུ་བཞི་ཡེ་ཤེས་ལྔའི་བདག་ཉིད་ཀྱི་རྣམ་པར་སྣང་མཛད་ཆེན་པོའི་གོ་འཕང་བདེ་བླག་ཏུ་སྟེར་བར་བྱེད་པས། ངེས་ལེགས་ཐར་པ་སྒྲུབ་པ་ལའང༌། ཐབས་འདི་ལས་མཆོག་ཏུ་གྱུར་པ་མེད་པར་མཐོང་ནས་མངོན་འདོད་ཀྱི་དད་པ་བཅོས་མ་མ་ཡིན་པ་བསྐྱེད་དགོས། དེ་ལྟར་རྒྱུད་ཀྱི་ཆེ་བ་ཁོང་དུ་ཆུད་ནས་དད་པ་སྐྱེད་པ་ནི་དབང་རྣོན་ཆོས་ཀྱི་རྗེས་འབྲང་གི་ལུགས་ཡིན་ལ། དེ་ཙམ་མི་ནུས་ནའང༌། དཀྱིལ་འཁོར་མཐོང་བའི་ཕན་ཡོན་ཙམ་ཞིག་ཤེས་པ་ངེས་པར་སྔོན་དུ་འགྲོ་དགོས་པས། དེ་ནི་རྣམ་སྣང་མངོན་བྱང་ལས། །བསྐལ་པ་བྱེ་བ་དུ་མ་རུ། །སྡིག་པ་གང་ཞིག་སྔོན་བྱས་པ། །འདི་འདྲའི་དཀྱིལ་འཁོར་མཐོང་བ་ཡིས། །དེ་མ་ཐག་ཏུ་ཟད་འགྱུར་ན། །ཞེས་དཀྱིལ་འཁོར་མཐོང་བ་ཙམ་གྱིས་བསྐལ་པ་མང་པོའི་སྡིག་པ་འདག་པ་དང། འཇམ་དཔལ་རྩ་རྒྱུད་ལས། རས་བྲིས་མཐོང་བ་ཙམ་གྱིས་ན། །གཙང་མའི་གནས་སུ་སྐྱེ་བར་འགྱུར། །

― GTD007_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་དང༌། མཚམས་མེད་པ་དང་སྡིག་ཅན་ཡང༌། །རས་བྲིས་མཐོང་བ་ཙམ་གྱིས་ན། །སྐད་ཅིག་གིས་ནི་གྲོལ་བར་འགྱུར། །ཞེས་དང༌། རྡོ་རྗེ་རྩེ་མོའི་ལུང་གོང་དུ་དྲངས་པ་ལྟར། རས་བྲིས་ཐང་གཅིག་མཐོང་བས་ཀྱང་ཐར་པའི་ས་བོན་ཁྱད་པར་ཅན་བཞག་སྟེ་ཚེ་རབས་ཕྱི་མ་རྣམས་སུའང་ལམ་བཟང་འདི་དང་མཇལ་ཞིང༌། དགེ་བའི་བཤེས་གཉེན་གྱིས་རྗེས་སུ་བཟུང་སྟེ་མཚན་བཅས་མཚན་མེད་ཀྱི་རྣལ་འབྱོར་སོགས་ལ་ཚུལ་བཞིན་དུ་བསླབས་ཏེ་རིང་པོར་མི་ཐོགས་པར་མངོན་བྱང་ལྔའི་སྒོ་ནས་རྣམ་སྣང་ཆེན་པོའི་གོ་འཕང་མངོན་དུ་འགྱུར་བ་སོགས་གནས་སྐབས་མངོན་པར་མཐོ་བ་དང་མཐར་ཐུག་ངེས་པར་ལེགས་པ་ལས་བརྩམས་པའི་ཕན་ཡོན་བསམ་གྱིས་མི་ཁྱབ་པ་འབྱུང་བར་གསུངས་པས་འདི་ལྟ་བུའི་དཀྱིལ་འཁོར་མཐོང་བ་བདག་སྐལ་བ་བཟང་སྙམ་པའི་དགའ་སྤྲོ་དང༌། ངེད་ཀྱིས་ཇི་ལྟར་བརྡ་སྤྲད་པ་དེའི་ཚེ་རས་བྲིས་སུ་བྲིས་པ་འདི་ཉིད་མཚོན་བྱེད་དུ་བྱས་ཏེ། དེས་མཚོན་པར་བྱ་བ་དག་པའི་རྟེན་དང་བརྟེན་པ་དེ་དག་མངོན་སུམ་དུ་མཐོང་བའི་མོས་པ་ལྷན་ཅིག་པའི་སྒོ་ནས་གཟིགས་དགོས་པ་ཡིན་ལ། དཀྱིལ་འཁོར་སྟོན་པའི་རིམ་པ་ནི་གྲུབ་ཆེན་དཔལ་འཛིན་སོགས་ཀྱིས་བྱང་སྒོ་པ་ནས་བཟུང་སྟེ་མས་རིམ་བཞིན་སྟོན་པར་བཞེད་ལ། ལྭ་བ་པ་ལ་སོགས་པས་ཤར་སྒོ་པ་ནས་སྟོན་པར་བཞེད་པས་གང་ལྟར་བྱས་ཀྱང་འགལ་བ་མེད་པར་གསུངས་ལ། འོན་ཀྱང་འདིར་ནི། རྡོ་རྗེ་རྩེ་མོ་ལས། སྒོ་བ་རྡོ་རྗེ་ལྕགས་ཀྱུ་ནས་བཅོམ་ལྡན་འདས་ལ་ཐུག་གི་བར་དུ་བསྟན་ཏོ། །ཞེས་དང༌། རྡོ་རྗེ་འབྱུང་བ་ལས་ཀྱང༌། དེ་ནས་རྡོ་རྗེ་ལྕགས་

― GTD007_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱུ་ནས་བརྩམས་ཏེ་བཅོམ་ལྡན་འདས་རྣམ་པར་སྣང་མཛད་ཀྱི་བར་དུ་དཀྱིལ་འཁོར་ཆེན་པོ་བསྟན་པར་བྱའོ།། ཞེས་གསུངས་པ་དང་མཐུན་པར་བྱེད་ན། འབྱུང་བཞི་རིམ་བརྩེགས་རི་རབ་དང་བཅས་པའི་རྩེ་མོར་བསྲུང་བའི་འཁོར་ལོ་མེ་རི་དང་བཅས་པའི་དབུས་སུ་སྣ་ཚོགས་པདྨ་ལ་གནས་པའི་སྣ་ཚོགས་རྡོ་རྗེའི་ལྟེ་བར་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ་རིམ་པ་གཉིས་སུ་ཡོད་པའི་ནང་མའི་ཤར་སྒོར་རྡོ་རྗེ་ལྕགས་ཀྱུ། ལྷོ་སྒོར་རྡོ་རྗེ་ཞགས་པ། ནུབ་སྒོར་རྡོ་རྗེ་ལྕགས་སྒྲོག །བྱང་སྒོར་རྡོ་རྗེ་འབེབས་པ། ཕྱིའི་ཤར་ལྷོར་བདུག་སྤོས་མ། ལྷོ་ནུབ་ཏུ་མེ་ཏོག་མ། ནུབ་བྱང་དུ་མར་མེ་མ། བྱང་ཤར་དུ་དྲི་ཆབ་མ། ནང་གི་ཤར་ལྷོར་སྒེག་མོ། ལྷོ་ནུབ་ཏུ་ཕྲེང་བ་མ། ནུབ་བྱང་དུ་གླུ་མ། བྱང་ཤར་དུ་གར་མ། ཤར་གྱི་རྩིབས་དང་པོ་ལ་རྡོ་རྗེ་སེམས་དཔའ། གཉིས་པ་ལ་རྡོ་རྗེ་རྒྱལ་པོ། གསུམ་པ་ལ་རྡོ་རྗེ་ཆགས་པ། བཞི་པ་ལ་རྡོ་རྗེ་ལེགས་པ། ལྷོའི་རྩིབས་དང་པོ་ལ་རྡོ་རྗེ་རིན་ཆེན། གཉིས་པ་ལ་རྡོ་རྗེ་གཟི་བརྗིད། གསུམ་པ་ལ་རྡོ་རྗེ་རྒྱལ་མཚན། བཞི་པ་ལ་རྡོ་རྗེ་བཞད་པ། ནུབ་ཀྱི་རྩིབས་དང་པོ་ལ་རྡོ་རྗེ་ཆོས། གཉིས་པ་ལ་རྡོ་རྗེ་རྣོན་པོ། གསུམ་པ་ལ་རྡོ་རྗེ་རྒྱུ། བཞི་པ་ལ་རྡོ་རྗེ་སྨྲ་བ། བྱང་གི་རྩིབས་དང་པོ་ལ་རྡོ་རྗེ་ལས། གཉིས་པ་ལ་རྡོ་རྗེ་བསྲུང་བ། གསུམ་པ་ལ་རྡོ་རྗེ་གནོད་སྦྱིན། བཞི་པ་ལ་རྡོ་རྗེ་ཁུ་ཚུར། ནང་གི་ཤར་ལྷོར་སྤྱན་མ། ལྷོ་ནུབ་ཏུ་མཱ་མ་ཀཱི། ནུབ་བྱང་དུ་གོས་དཀར་མོ། བྱང་ཤར་དུ་སྒྲོལ་མ། ཤར་དུ་ངན་སོང་སྦྱོང་བའི་རྒྱལ་པོ། ལྷོར་རྒྱལ་མཆོག་རིན་ཆེན། ནུབ་ཏུ་ཤཱཀྱ་རིག་དབང༌། བྱང་དུ་མེ་ཏོག་ཆེར་རྒྱས། དེ་དག་ཐམས་ཅད་ཀྱི་དབུས་སུ་རྟེན་

― GTD007_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བརྟེན་པ་མཐའ་དག་སྤྲོ་ཞིང་སྡུད་པའི་དཀྱིལ་འཁོར་གྱི་བདག་པོ་བཅོམ་ལྡན་འདས་ངན་སོང་ཐམས་ཅད་ཡོངས་སུ་སྦྱོང་བ་གཟི་བརྗིད་ཀྱི་རྒྱལ་པོ་ཀུན་རིག་རྣམ་པར་སྣང་མཛད་ཆེན་པོ༌སྟེ་ལྷ་སོ་བདུན་གྱི་རྟེན་དང་བརྟེན་པར་བཅས་པའི་དཀྱིལ་འཁོར་གྱི་འཁོར་ལོ་མངོན་སུམ་དུ་མཐོང་བའི་མོས་པ་མཛོད་ཅིག །ཅེས་བརྡ་སྤྲད་པར་བྱའོ།། སྨྲས་པ། རྣམ་དཔྱོད་འོ་མའི་རྒྱ་མཚོ་བསྲུབས་ལས་སྐྱེས། །སྔོན་མེད་ལེགས་པར་བཤད་པའི་དགའ་སྟོན་འདི། །འཛམ་གླིང་མཁས་པ་བདེ་འབྱུང་མ་ལུས་པའ། །གཙུག་རྒྱན་གསར་ཚེས་ཟླ་བའི་མྱུ་གུ་ཡིན། །བཤད་པར་འདོད་པས་མགྲིན་པ་བསྲང་ན་ཡང༌། །རྨོངས་པའི་ལྕགས་ཀྱུས་རོ་འཛིན་ཕྱིར་དྲངས་ཏེ། །ལྐོག་མར་སྙིང་དང་སྦྱར་བ་དེ་དག་ལ། །དབུགས་འབྱུང་བདུད་རྩིའི་ཆུ་རྒྱུན་འདི་སྦྲེངས་སོ། །དགེ་བས་མི་བཟད་ངན་སོང་གསུམ་གྱི་རྒྱུད། །ཡོངས་སུ་སྦྱངས་ཏེ་ལམ་བཟང་འདི་ཉིད་ལ། །བརྟེན་ནས་མཁའ་མཉམ་འགྲོ་བ་མ་ལུས་པ། །རྣམ་སྣང་ཆེན་པོའི་ས་ལ་འགོད་པར་ཤོག །ཅེས་ངན་སོང་ཐམས་ཅད་སྦྱོང་བའི་དཀྱིལ་འཁོར་ཞལ་སྟོན་གྱི་བཤད་པ་ཆོས་དུང་དཀར་པོའི་སྒྲ་དབྱངས་ཞེས་བྱ་བ་འདི་ནི་དབང་གི་སྐབས་སུ་ཉེ་བར་མཁོ་ཞིང༌། སྤྱིར་ཡང་རང་དང་སྐལ་མཉམ་རྣམས་འདིའི་རྒྱུད་དོན་རགས་རིམ་ཙམ་ལ་བློ་ཁ་ཕྱོགས་པའི་ཐབས་སུ་ཕན་དུ་རེ་ནས། ྋབཙུན་པ་དཀོན་མཆོག་བསྟན་པའི་སྒྲོན་མེས་མཁན་ཆེན་ངག་དབང་གྲགས་པའི་གདན་ས་ད་ཚང་ལྷུན་གྲུབ་གླིང་དུ་བྲིས་པ་འདིས་ཀྱང་ཡོ་གའི་ལུགས་སྲོལ་དྲི་མ་མེད་པ་ཕྱོགས་དུས་ཀུན་ཏུ་རྒྱས་པར་གྱུར་ཅིག། །། སརྦ་མངྒ་ལཾ།།

ཀུན་མཁྱེན་བླ་མས་མཛད་པའི་རྡོར་ཕྲེང་གི་དབང་གི་ཁ་སྐོང་།

― GTD007_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་མཁྱེན་བླ་མས་མཛད་པའི་རྡོར་ཕྲེང་གི་དབང་གི་ཁ་སྐོང་ཀྲྀ་ཡའི་ཕྱག་ལེན་དང་བཅས་པ་བཞུགས་སོ།།

― GTD007_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དང་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འདིར་རྡོ་རྗེ་འཕྲེང་བའི་དབང་གི་ཆོ་ག་སྤྱིའི་ཁོགས་བླ་མེད་དང་སྦྱར་ཏེ་ངག་འདོན་མཐར་ཆགས་ཀྱི་རིམ་པ་སྐྱབས་མགོན་རྡོ་རྗེ་འཆང་ཆེན་པོའི་བཀའ་འབུམ་དུ་བཞུགས་པ་ལྟར་ལ། དེར་མི་གསལ་བ་རྒྱུད་སྡེ་འོག་མའི་དབང་བསྐུར་ཚུལ་སོགས་སྐྱབས་མགོན་འདི་ཉིད་ཀྱི་གསུང་རྒྱུན་དང་ཕྱག་བཞེས་བཞིན་ཁ་འགེང་བ་ནི། རྣལ་འབྱོར་རྒྱུད་ཀྱི་དབང་བསྐུར་ཚུལ་ལ་དཀྱིལ་འཁོར་དུ་གཞུག་པའི་སྐོར་རྣམས་བླ་མེད་དང་འདྲ་ཞིང༌། འོན་ཀྱང༌། ད་ནི་དད་པའི་ཞེས་སོགས་ཀྱི་མཇུག་ཏུ། དམ་ཚིག་མཆོག་ཏུ་ཁྱོད་འགྱུར་རོ། །ཞེས་བརྗོད་དེ། རྡོ་རྗེ་པདྨ་རྩེ་རོལ་བས། །ཞེས་སོགས་རྐང་པ་གཉིས་དོར། དབང་དངོས་གཞིའི་སྐབས་སློབ་མ་དང་དབང་རྫས་མཉམ་དུ་བསངས་ཏེ། ཤཱུ་ནྱ་ཏས་སྦྱངས། སློབ་མ་རྣམས་དང་དབང་རྫས་བུམ་ཆུ་སྟོང་པ་ཉིད་དུ་གྱུར། སྟོང་པའི་ངང་ལས་ཧཱུཾ་ལས་རྡོ་རྗེ་ཧཱུཾ་གིས་མཚན་པ་ཡོངས་སུ་གྱུར་པ་ལས། མི་བསྐྱོད་པ་སྔོན་པོ་ཞལ་གཅིག་ཕྱག་གཉིས་རྡོ་རྗེ་དང་དྲིལ་བུ་འཛིན་པ། བླ་མ་དང་གཙོ་བོ་ཐ་མི་དད་པའི་ཐུགས་ཀའི་ཧཱུཾ་གི་འོད་ཟེར་གྱིས་རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་དང་དབང་གི་ལྷ་རྣམས་སྤྱན་དྲངས། གཉིས་སུ་མེད་པར་གྱུར། དབང་གི་ལྷ་རྣམས་ཀྱིས་དབང་རྫས་ཀྱི་ལྷ་ལ་དབང་བསྐུར།

― GTD007_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

མི་བསྐྱོད་པས་དབུ་བརྒྱན་པར་གྱུར། ཨོཾ་ཨརྒྷཾནས། ཤཔྟའི་བར་གྱིས་མཆོད། མི་བསྐྱོད་པ་ཞུ་བ་ལས་བྱུང་བའི་དབང་རྫས་བུམ་ཆུར་གྱུར། བླ་མ་དང་གཙོ་བོ་ཐ་མི་དད་པའི་ཐུགས་ཀའི་ཧཱུཾ་གི་འོད་ཟེར་གྱིས་ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་སློབ་མ་རྣམས་ལ་དབང་བསྐུར་བའི་ཕྱིར། ཞེས་པ་མན་ཆད་འདྲ་ལ། འོན་ཀྱང་རྒྱུད་སྡེ་འོག་མའི་དབང་ཆོག་ཁུངས་ཐུབ་མང་པོར། བུམ་པ་དཀར་པོ་བྱང་ཆུབ་ཀྱི་སེམས་ཀྱི་བདུད་རྩིས་གང་བ། ཞེས་ཚིག་མ་བསྒྱུར་བར་བཞག་པ་མང་བས་དེ་ལྟར་བྱས་ཀྱང་འགལ་བ་མེད་ལ། བླ་མེད་དང་ཁྱད་པར་དབྱེ་བའི་ཕྱིར། བུམ་པ་དཀར་པོ་ཡེ་ཤེས་ཀྱི་བདུད་རྩིས་གང་བ། ཞེས་ཚིག་བསྒྱུར་ཀྱང་རུང་ངོ༌། །མཆོད་པའི་མཇུག་ཏུ། དག་པ་བརྗོད་པ་དོར་ཏེ། ཅོད་པན་གྱི་དབང་གི་གསོལ་གདབ་བྱེད་ཅིང༌། སློབ་མ་དང་དབང་རྫས་ཅོད་པན་གཉིས་ཀ་རིན་འབྱུང་ཡབ་རྐྱང་དུ་བསྐྱེད་པ་སོགས་གོང་དང་འདྲའོ། །རྡོར་དྲིལ་གཉིས་ཀྱང་དེ་དང་མཚུངས་ཤིང༌། མིང་དབང་གི་ཚེ་སློབ་མ་རྣམ་སྣང་དུ་བསྐྱེད་དེ་ཡེ་ཤེས་པ་སྤྱན་དྲངས་ཏེ། གཉིས་སུ་མེད་པར་གྱུར། ཅེས་པའི་མཇུག་ཏུ། བླ་མ་དང་གཙོ་བོ་ཐ་མི་དད་པའི་ཐུགས་ཀའི་ཧཱུཾ་གི་འོད་ཟེར་གྱིས་ཕྱོགས་བཅུའི་རྒྱལ་བ་སྲས་བཅས་ཐམས་ཅད། ཅེས་སོགས་སྦྱོར་བ་མ་གཏོགས་གཞན་ཐམས་ཅད་འདྲའོ།། ༈ སློབ་དཔོན་གྱི་དབང་

― GTD007_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཚེ་སློབ་མ་བསངས་སྦྱངས། སྟོང་པའི་ངང་ལས་དབང་སྟེགས་ཁྲུས་དཀྱིལ་ལ་གནས་པའི་སེངྒེའི་ཁྲིའི་སྟེང་དུ་ཧཱུཾ་ལས་རྡོ་རྗེ་ཧཱུཾ་གིས་མཚན་པ་ཡོངས་སུ་གྱུར་པ་ལས། རྡོ་རྗེ་འཆང་དཀར་པོ་ཞལ་གཅིག་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པ། བླ་མ་དང་གཙོ་བོ་ཐ་མི་དད་པའི་ཐུགས་ཀའི་ཧཱུཾ་གི་འོད་ཟེར་གྱིས་རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་སྤྱན་དྲངས། གཉིས་སུ་མེད་པར་གྱུར། དེ་ནས་རྡོར་དྲིལ་གྱི་དམ་ཚིག་སྦྱིན་ཚུལ་འདྲ་ཞིང༌། ཕྱག་རྒྱའི་དམ་ཚིག་ལ། ཡིད་ཀྱི་ལུས་ནི། ཞེས་སོགས་ཤོ་ལོ་ཀ་དང་པོས་ཆོག་པར་བྱས་ཏེ། སློབ་མ་རྡོ་རྗེ་འཆང་ཞལ་གཅིག་ཕྱག་གཉིས་པ་རྡོ་རྗེ་དང་དྲིལ་བུ་འཛིན་པར་གསལ་བར་དམིགས་པ་ལ་བརྟེན་ནས་ཟབ་གསལ་གཉིས་སུ་མེད་པའི་ཡེ་ཤེས་རྡོ་རྗེ་སློབ་དཔོན་གྱི་དབང་གི་ངོ་བོ་རྒྱུད་ལ་སྐྱེ་བར་གྱུར། ཅེས་དབང་གི་ངོ་བོ་ངོས་སྤྲད། རྟེན་བྱེད་ཆུ་དབང་སོགས་དཀྱུས་དང་འདྲ་ཞིང༌། སློབ་མ་ལ་མཆོད་པའི་མཇུག་ཏུ། དེ་ཁོ་ན་ཉིད་དང་ལས་ཀྱི་རིམ་པ་བཟླས་ལུང༌། མིག་སྨན་མེ་ལོང༌། མདའ་གཞུ། རྡོ་རྗེའི་བརྟུལ་ཞུགས། ལུང་བསྟན། འཁོར་ལོ། དུང༌། པོ་ཏི། དྲིལ་བུ། རིགས་ལྔའི་ཕྱག་མཚན་རྣམས་དཀྱུས་ལྟར་སྦྱིན་པར་སྐོར་བ་དང༌། ལྷ་ལ་འབུལ་བ། དབུགས་དབྱུང་རྣམས་ཀྱང་གཞུང་བཞིན་བྱས་ཤིང༌། དབུགས་དབྱུང་གི་ནང་ནས། ཤ་ལྔ་བདུད་རྩི་ལྔ་བཟའ་ཞིང༌། །ཞེས་པ་ནས། བུད་མེད་རིན་ཆེན་སྤངས་མི་བྱ། །ཞེས་པའི་བར་ཚིགས་བཅད་གཅིག་དོར་བར་གསུངས། སྤྱོད་རྒྱུད་འབྱུང་འདུལ་དང༌། བྱ་རྒྱུད་འོད་ཟེར་ཅན་

― GTD007_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སོར་འབྲང་གཉིས་ཏེ་གསུམ་གའི་དབང་འདྲེས་མར་བསྐུར་བའི་ཚེ། གསོལ་གདབ་ནས་ཐུན་མོང་གི་སྡོམ་བཟུང་གི་བར་དཀྱུས་དང་འདྲ་ཞིང༌། སྔགས་སྡོམ་འཛིན་པ་དེའི་གསོལ་འདེབས་དང་བཅས་པ་དོར། ཕྱག་ཀྱང༌། ཨོཾ་ན་མཿ ཏེ་ཧཱུཾ། ཞེས་སོགས་ཀྱིས་ཆོག་པར་བྱེད་ཅིང༌། དམ་བཞག་གཉིས་མི་དགོས། གཞན་རིགས་པའི་དབང་ལྔ་ཡན་ཆད་རྣལ་འབྱོར་རྒྱུད་དང་འདྲ་ཞིང༌། མིང་དབང་གི་སློབ་མ་ལ་མཆོད་པའི་མཇུག་ཏུ། དེ་ལྟར་རིག་པའི་དབང་ལྔ་ཐོབ་པ་ལ་བརྟེན་ནས་བྱ་སྤྱོད་ཀྱི་རྒྱུད་ཉན་པ་དང་བཤད་པ་དང་སྔགས་སྒྲུབ་པ་སོགས་ལ་དབང་བར་བྱས། ཞེས་བརྡ་སྤྲད། མཐའ་རྟེན་དུ་འཁོར་ལོ་དུང་དྲིལ་བུ་པོ་ཏི་རྣམས་དང༌། དུས་གསུམ་རྒྱལ་བ་ཀུན་གྱིས་བསྔགས་པ་ཡི། །ཐེག་མཆོག་ཆོས་ཀྱི་སྲིད་ལ་དབང་བསྒྱུར་བའི། །རྒྱལ་སྲིད་རིན་ཆེན་བདུན་གྱི་དབང་བསྐུར་བས། །བདུད་བཞིའི་གཡུལ་ལས་རྣམ་པར་རྒྱལ་གྱུར་ཅིག །ཨོཾ་སཔྟ་རཏྣ་ཨ་བྷི་ཥིཉྩ་མི། ཞེས་བརྗོད་དེ་རྒྱལ་སྲིད་སྣ་བདུན་དང། གང་ཞིག་རེག་ཅིང་མཐོང་ཐོས་དྲན་པས་ཀྱང། །མི་ཤེས་མུན་སེལ་ཕུན་ཚོགས་མཆོག་སྩོལ་བར། །རྒྱལ་བས་བྱིན་གྱིས་བརླབས་པའི་བཀྲ་ཤིས་རྫས། །དམ་པས་དབང་བསྐུར་དགེ་ལེགས་འབར་གྱུར་ཅིག །ཨོཾ་ཨཥྚ་བ་ཏྲ་བེ་མངྒ་ལམ་ཨ་བྷི་ཥིཉྩ་མི། ཞེས་བརྗོད་དེ་བཀྲ་ཤིས་རྫས་བརྒྱད་སྦྱིན། དེ་ནས་སྐོར་བ་དང་ལྷ་དབུལ་བྱས་ལ། དེ་ནི་ཁྱེད་རྣམས་དཀྱིལ་འཁོར་གྱི། །ཞེས་པ་ནས། སྒྲུབ་པ་པོ་རྣམས་རྒྱུད་ལ་སྦྱོར། །ཞེས་པའི་བར་ཤོ་ལོ་ཀ་

― GTD007_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀྱིས་དབུགས་དབྱུང༌། དགེ་ལེགས་སུ་བྱེད་པའི་དཀྱིལ་འཁོར་གསུམ་གྱི་ཚེ། དཀྱིལ་འཁོར་དུ་འཇུག་པའི་སྐོར་མཐའ་དག་འབྱུང་འདུལ་སོགས་དང་འདྲ་ཞིང༌། དབང་དངོས་གཞིའི་ཚེ་ཆུ་དབང་གི་གསོལ་གདབ་ཀྱི་མཇུག་ཏུ། སློབ་མ་སྐད་ཅིག་གིས་དཀྱིལ་འཁོར་གྱི་གཙོ་བོར་བསྐྱེད། དབང་རྫས་བུམ་ཆུ་བསངས་སྦྱངས། སྟོང་པའི་ངང་ལས་ཨོཾ་ཧཱུཾ་ཏྲཱཾ་ཧྲཱིཿ ཨཱཿ རྣམས་ཡོངས་སུ་གྱུར་པ་ལས། ཡེ་ཤེས་ལྔའི་རང་བཞིན་གྱི་བུམ་ཆུར་གྱུར། ཅེས་བསྐྱེད་ཅིང༌། དབང་གི་ལྷ་རྣམས་སྤྱན་དྲངས་ཏེ། དབང་བསྐུར། ཆུའི་ལྷག་མ་སྤྱི་གཙུག་ཏུ་གནས་པ་ཡོངས་སུ་གྱུར་པ་ལས་རིགས་ལྔས་དབུ་བརྒྱན་ཅིང༌། དབང་གི་ལྷ་རྣམས་སློབ་མ་ལ་ཐིམ་པར་གྱུར། སློབ་མ་མཆོད། དེ་ལྟར་ཆུའི་དབང་ཐོབ། ཉོན་མོངས་པ་ལྔའི་དྲི་མ་སྦྱངས། རྣམ་པར་ཤེས་པ་ལྔ་གནས་བསྒྱུར། ལམ་མཚན་མ་མེད་པའི་རྣལ་འབྱོར་སྒོམ་པ་ལ་དབང༌། འབྲས་བུ་ཆོས་ཀྱི་སྐུ་མངོན་དུ་འགྱུར་བའི་ནུས་པ་ཁྱད་པར་ཅན་འཇོག །ཅེས་པ་བརྡ་སྤྲད། གཉིས་པ་ལ་སློབ་མ་གཙོ་བོར་བསྐྱེད། དབང་རྫས་ཅོད་པན་བསངས་སྦྱངས། སྟོང་པའི་ངང་ལས་ཨོཾ་ཧཱུཾ་ཏྲཱཾ་ཧྲཱིཿ ཨཱཿ རྣམས་ཡོངས་སུ་གྱུར་པ་ལས། དེ་བཞིན་གཤེགས་པ་རིགས་ལྔའི་རང་བཞིན་ཅོད་པན་དུ་གྱུར། དབང་ལྷ་སྤྱན་འདྲེན་པ་སོགས་ནས་སློབ་མ་མཆོད་པའི་བར་སྔ་མ་དང་འདྲ། དེ་ལྟར་ཅོད་པན་གྱི་དབང་ཐོབ། དྲི་མ་ལྔ་སྦྱངས། ཕུང་པོ་ལྔ་གནས་བསྒྱུར། ལམ་མཚན་མ་དང་བཅས་པའི་རྣལ་འབྱོར་སྒོམ་པ་ལ་དབང༌། འབྲས་བུ་གཟུགས་སྐུ་འགྲུབ་པའི་ནུས་པ་ཁྱད་པར་ཅན་

― GTD007_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

འཇོག །ཅེས་བརྡ་སྤྲད། འཁོར་ལོ། དུང༌། དྲིལ་བུ། པོ་ཏི། རྒྱལ་སྲིད་སྣ་བདུན། བཀྲ་ཤིས་རྫས་བརྒྱད་རྣམས་སྔར་ལྟར་བྱིན་པའི་རྗེས་སུ། དེ་ལྟར་ཆོས་སྟོན་པ་སོགས་ཀྱི་སློབ་དཔོན་དུ་བྱ་བའི་ཆེད་དུ་ཆོས་བཤད་པའི་རྗེས་སུ་གནང་བ་བྱིན་པས། བྱ་རྒྱུད་ཀྱི་དཀྱིལ་འཁོར་བྲི་སྒྲུབ་དང༌། ཆོས་ཉན་བཤད་སོགས་ལ་དབང་བར་བྱས། འཕྲིན་ལས་བཞིའི་སྒོ་ནས་འགྲོ་བའི་དོན་སྒྲུབ་པའི་ནུས་པ་བཞག །འབྲས་བུ་ཆོས་ཀྱི་འཁོར་ལོ་བསྒྱུར་བའི་གོ་འཕང་མྱུར་དུ་འཐོབ་པའི་སྐལ་བ་ཅན་དུ་བྱས་པ་ཡིན་ནོ། །ཞེས་བརྡ་སྤྲད་ལ། སྐོར་བ་མན་ཆད་འབྱུང་འདུལ་སོགས་དང་འདྲ། དེ་ཡང་ཕྱག་བཞེས་ཀྱི་རྒྱུན་ལ། འཁོར་ལོས་བསྒྱུར་དྲུག་གི་དབང་གི་ཚེ། རྡོར་འཕྲེང་དུ་མི་གསལ་བ་ཀྲྀ་ཡའི་སྒོས་ཆོས་རྣམས་དེ་ཉིད་ཀྱིས་ཁ་བསྐང་སྟེ་ཕྱག་ལེན་རྒྱས་པར་མཛད་སྣང་བས། དེས་ཁ་འགེངས་ཚུལ་ནི། གསོལ་གདབ་ནས། འཕྲེང་བའི་གཞུང་ལྟར་གྱི་ཡེ་ཤེས་འབེབས་ཆོག་གི་མཇུག་གི །ཧཱུཾ་ཧཿ ཨཛྷེ། ཞེས་པའི་སྔགས་ཀྱི་བར་དཀྱུས་བཞིན་བྱས་ལ། དེ་ནས། སླར་ཡང་བླ་མ་ལ་དཀྱིལ་འཁོར་གྱི་གཙོ་བོ་དངོས་ཡིན་སྙམ་པའི་མོས་གུས་དྲག་པོ་བྱས་པའི་རྐྱེན་གྱིས་བླ་མའི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དཀྱིལ་འཁོར་བའི་རྣམ་པར་སྤྱན་དྲངས་སློབ་མར་ཐིམ་པར་གྱུར། ཅེས་དང༌། དྲིལ་བུ་དཀྲོལ་བཞིན་དུ། འདི་དེ་དམ་ཚིག་རྡོ་རྗེ་སྟེ། །རྡོ་རྗེ་སེམས་དཔའ་ཞེས་སུ་བརྗོད། །རྡོ་རྗེ་ཡེ་ཤེས་བླ་མེད་འདི། །དེ་རིང་ཉིད་དུ་

― GTD007_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

འབབ་པར་ཤོག །ཨོཾ་བཛྲ་ཨ་བེ་ཤ་ཡ་ཨ་ཨ་ཨ། ཞེས་བརྗོད། མེ་ཏོག་འདོར་བའི་སྔགས་ལ། ཀྲྀ་ཡའི་གཞུང་རང་དུ། མེ་པྲ་ཡཙྪ་ཧཱུཾ། ཞེས་པ་དང༌། ཨཱ་ཁཾ་བཱི་རའི་བར་དུ་ཀླུ་བྱང་གི་ལུགས་ལྟར། ཧ་ཧ་ཧ་ཧ་ཧོཿ ཞེས་པ་བཅུག་ནས་འབྱུང་བས་བཞག་ཀྱང་རུང་བར་སེམས་སོ།། གཞུག་པའི་སྐོར་ལྷག་མ་འདྲ་ཞིང༌། དབང་དངོས་གཞིའི་ཐོག་མར་སྦྱངས་པ་ཉིན་འདིར་ཡང་བྱེད་དགོས། ཤིས་བརྗོད་ཀྱི་ཚེ། བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་གྱི་བདག་ཉིད་རིགས་ཀུན་གྱི་ནི་བདག་པོ་མཆོག །སེམས་ཅན་མ་ལུས་སྐྱེད་མཛད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་ཞི་བྱེད་ཤོག །བཀྲ་ཤིས་གང་ཞིག་མཐའ་དག་རྡོ་རྗེའི་རིགས་དང་ལྡན། །ཞེ་སྡང་ཟིལ་གནོན་སྐྱེ་བོ་ཡོངས་སུ་སྦྱོང་བ་པོ། །དེས་ནི་མི་བསྐྱོད་མགོན་པོ་ཞེས་བྱའི་མཚན་འཆང་བ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །བཀྲ་ཤིས་གང་ཞིག་མཐའ་དག་གཏི་མུག་རིགས་དང་ལྡན། །རྣམ་པར་སྣང་མཛད་རྟག་ཏུ་སྲིད་པའི་སྡུག་བསྔལ་འཕྲོག །གཏི་མུག་ཟིལ་གནོན་སྐྱེ་བོ་ཡོངས་སུ་སྦྱོང་བ་པོ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །བཀྲ་ཤིས་གང་ཞིག་མཐའ་དག་རིན་ཆེན་རིགས་དང་ལྡན། །དབུལ་བའི་སྡུག་བསྔལ་ཡོངས་སུ་གྲོལ་བའི་ཆེད་དུ་བརྩོན། །ང་རྒྱལ་ཟིལ་གནོན་སྐྱེ་བོ་ཡོངས་སུ་སྦྱོང་བ་པོ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །བཀྲ་ཤིས་གང་ཞིག་མཐའ་དག་ལས་ཀྱི་རིགས་དང་ལྡན། །བརྫུན་སྨྲར་དགའ་བ་རྣམས་ལ་སྙིང་རྗེའི་བདག་ཉིད་ཅན། །དེ་རྣམས་ཕྲག་

― GTD007_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

དོག་སྡིག་ལས་གྲོལ་བའི་གཉེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །བཀྲ་ཤིས་གང་ཞིག་མཐའ་དག་པདྨའི་རིགས་དང་ལྡན། །འཇིག་རྟེན་དབང་ཕྱུག་སྲིད་པའི་དྲ་བ་འཇོམས་པ་པོ། །ཆགས་པ་ཟིལ་གནོན་སྐྱེ་བོ་ཡོངས་སུ་སྦྱོང་བ་པོ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །ཅེས་རིགས་ལྔའི་ཤིས་བརྗོད་ཡོངས་རྫོགས་དང༌། ཕུན་སུམ་ཚོགས་པ་མངའ་བ་ཞེས་སོགས་ཀྱིས་ཤིས་པ་བརྗོད་དེ་སློབ་མ་ལ་མེ་ཏོག་གཏོར། དབང་བསྐུར་རྡོ་རྗེ་ཞེས་པ་མན་ཆད་དཀྱུས་ལྟར་དང༌། ཆུ་དབང་གི་དབང་ལྷ་བསྟིམ་པའི་རྗེས་སུ། བདེ་བ་ཆེན་པོ་ཆགས་པ་ཆེ། །རྡོ་རྗེ་ཆེན་པོ་ནོར་ཆེན་པོ། །ཤེས་རབ་ཆེན་པོ་ཡེ་ཤེས་ཆེ། །རྡོ་རྗེ་སེམས་དཔའ་དེང་བདག་སྒྲུབ། །སངས་རྒྱས་ཀུན་གྱི་རྡོ་རྗེ་ཆེ། །རྡོ་རྗེའི་དབང་ཕྱུག་བླ་ན་མེད། །དབང་བསྐུར་ཐམས་ཅད་ཀུན་དོན་དུ། །དངོས་གྲུབ་ཐམས་ཅད་བདེ་བར་སྩོལ། །ཇི་བཞིན་དང་པོའི་སངས་རྒྱས་དོན་དམ་བདེ་བ་སྟེར་བ་པོ། །ཇི་བཞིན་འདོད་པ་ཐར་པ་ནོར་དང་ཆོས་རྣམས་སྟེར་བ་པོ། །ཇི་བཞིན་ཡེ་ཤེས་ལྔ་དང་ཤིན་ཏུ་དགའ་བའི་གྲོགས་བྱེད་པ། །ཇི་བཞིན་ཕྱག་ན་རྡོ་རྗེ་བདེ་བ་ཆེན་པོའི་མགོན་པོ་ཉིད། །ཛ་ཨ་ཨཱ་ཨི་བུདྡྷ་པ་ར་མ་ཐེ་དེ་ཧ་ཨོ། །ཛ་ཨ་ཀཱ་མོ་མོཀྵ་དྷ་ཎ་དྷརྨཱ་ད་ཨ་ཨོ། །ཛ་ཨ་པཉྫ་ཛྙཱ་ན་སུ་ར་ཨ་ས་ཧཱ་ཨ་ཨོ། །ཛ་ཨ་བཛྲ་པཱ་ཎི་མཧཱ་སུ་ཁ་ཧ་ན་ཨོ། །ཞེས་པ་རྡོ་རྗེའི་གླུའི་ཚིག་འདི་རྣམས་ཀྱི་རྗེས་ཟློས་བྱེད་དུ་གཞུག །ཆུ་དབང་གི་དག་པ་མན་ཆད་རིག་པའི་དབང་ལྷག་མ་རྣམས་དཀྱུས་དང་འདྲ། སློབ་དཔོན་གྱི་དབང་གི་བརྟན་བྱེད་ཆུ་

― GTD007_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་རྫོགས་ནས་སློབ་མ་ལ་མཆོད་པའི་མཇུག་ཏུ། སླར་ཡང་སློབ་མ་རྣམས་རྡོ་རྗེ་སེམས་དཔར་གྱུར། བཛྲ་སཏྭ་པུཥྤེ་ནས། ཤཔྟའི་བར་གྱིས་མཆོད། སློབ་མ་ལ་མེ་ཏོག་གཏོར་ཞིང་སྒེག་པའི་རྣམ་པ་དང་བཅས་པའི་སྒོ་ནས། དེང་ནས་བརྩམས་ཏེ་རྫོགས་སངས་རྒྱས། །སྲས་དང་བཅས་པ་རྣམ་རོལ་ཕྱིར། །རྡོ་རྗེ་བསྙེམས་མའི་རྣལ་འབྱོར་གྱིས། །དགའ་མཆོག་བདེ་བའི་མཆོད་པ་གྱིས། །ཨཿ ཞེས་བརྗོད་ཅིང་སྒེག་མོའི་ཚུལ་གྱིས་མཆོད་པའི་རྗེས་སུ་གནང་བ་སྦྱིན། དེ་བཞིན་དུ། སྒེག་དང་བཅས་པས་ཕྲེང་བ་འཕངས། །སངས་རྒྱས་ཐམས་ཅད་མཆོད་པར་གྱིས། །འདི་རྣམས་འབྲལ་བར་མི་འགྱུར་ཏེ། །ཕྲེང་བ་འདི་ནི་རྒྱན་ཡིན་ནོ། །ཨོཾ་ཞེས་ཕྲེང་བ་མ་དང༌། ལུས་ཅན་ཀུན་ལ་དམ་ཆོས་ཀྱི། །གླུ་ནི་ཁྱོད་ཀྱིས་བླང་བར་གྱིས། །དེ་ཡིས་བདེ་གཤེགས་དངོས་གྲུབ་ན། །ཤིན་ཏུ་བདེ་བ་ཐོབ་པར་འགྱུར། །གྲི་ཞེས་གླུ་མ་དང༌། དེ་ཉིད་ཐལ་མོའི་གར་གྱིས་ན། །རྫོགས་སངས་རྒྱས་ལ་རྗེས་ཆགས་པའ། །སངས་རྒྱས་འདུལ་བའི་འཕྲིན་ལས་ཀྱིས། །གར་མཁན་ཚུལ་དུ་འགྱུར་བར་གྱིས། །ཧོ་ཞེས་གར་མ་དང༌། རྫོགས་སངས་རྒྱས་ལ་སྤོས་ཕུལ་བས། །དམ་ཚིག་བརྟུལ་ཞུགས་ལེགས་བསྒོམ་པས། །ལུས་ཅན་བདེ་གཤེགས་ཆ་ལུགས་སུ། །ཡེ་ཤེས་ཀྱི་ནི་ཚུལ་དུ་གྱིས། །ཨཿ ཞེས་བདུག་སྤོས་མ་དང༌། སངས་རྒྱས་རྣམས་ལ་མེ་ཏོག་དོར། །བྱང་ཆུབ་ཡན་ལག་ཚོགས་གྱུར་པས། །མཚན་དང་དཔེ་བྱད་ལྡན་པ་ཡི། །བདེ་གཤེགས་སྐུ་ནི་ཐོབ་པར་གྱིས། །བྷྲུཾ་ཞེས་མེ་ཏོག་མ་དང༌། ཆོས་ཀྱི་མེ་ནི་ལེགས་སྦར་

― GTD007_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

བས། །རྡོ་རྗེ་ཆོས་དང་འདྲ་བར་རང༌། །སེམས་ཅན་མ་རིག་ལྡོང་རྣམས་ལ། །ཡེ་ཤེས་སྣང་བས་གསལ་བར་གྱིས། །པྲ་ཞེས་མར་མེ་མ་དང༌། རྒྱལ་བ་རྣམས་ལ་དྲི་ཕུལ་བས། །ཚུལ་ཁྲིམས་ཏིང་འཛིན་ཤེས་རབ་དང༌། །རྣམ་གྲོལ་ཡེ་ཤེས་གཟིགས་པ་ཡི། །བྱང་ཆུབ་ལུས་ཅན་རྣམས་ལ་བསྐོར། །གཿ ཞེས་དྲི་ཆབ་མ་སྟེ་སྒེག་སོགས་བརྒྱད་ཀྱིས་མཆོད་པའི་རྗེས་སུ་གནང་བ་སྦྱིན། དེ་ཁོ་ན་ཉིད་དང་ལས་ཀྱི་རིམ་པ་བརྗོད་པ་འདྲ་ཞིང༌། སྔགས་དབང་སྐབས་དྲུག་ཀའི་སྔགས་གཏད། མིག་སྨན། མེ་ལོང༌། མདའ་འཕང་བ། དབང་གི་དག་པ་རྣམས་དཀྱུས་ལྟར་རོ། །གསང་དབང་གི །སློབ་མ་འོད་དཔག་མེད་དུ་གྱུར། ཞེས་པ་ཡན་ཆད་དཀྱུས་ལྟར་དང༌། དེ་ནས་བཅོམ་ལྡན་ཞི་བ་ཆེན་པོ་ཀྱཻ། །རྡོ་རྗེ་རྣལ་འབྱོར་གཅིག་བཞེད་པ། །མི་ཕྱེད་ཕྱག་རྒྱ་སྒྲུབ་པ་པོ། །རྡོ་རྗེའི་སྦྱོར་ལས་ཡང་དག་བྱུང༌། །ཇི་ལྟར་ཁྱོད་ནི་བདག་ཉིད་ཚེ། །ཁྱབ་བདག་བདག་ཀྱང་དེ་འདྲར་མཛོད། །འཁོར་བ་འདམ་གྱི་ཚོགས་ནང་དུ། །བྱིང་བ་སྐྱབས་མེད་བདག་ལ་སྐྱོབ། །ཅེས་བླ་མ་ལ་བསྟོད་པའི་རྗེས་ཟློས་བྱེད་དུ་གཞུག །འདས་པའི་རྡོ་རྗེ་འཆང་སོགས་ཀྱིས། །ཞེས་པ་མན་ཆད་དཀྱུས་ལྟར་རོ། །ཤེས་རབ་ཡེ་ཤེས་ཀྱི་དབང་ལ། །ཁྱོད་ཀྱི་ཞབས་ཀྱི་བཀའ་དྲིན་གྱིས། །གསང་བའི་དབང་བསྐུར་བླ་མེད་ཐོབ། །ཤེས་རབ་ཡེ་ཤེས་དབང་བསྐུར་གྱིས། །མགོན་པོ་རྗེས་སུ་བཟུང་བར་མཛོད།། ཅེས་པའི་ཚིགས་བཅད་ཀྱི་སྒོ་ནས་གསོལ་བ་འདེབས་ཤིང༌། རིག་མ་གཏོད་པའི་ཚིགས་བཅད་ཀྱི།

― GTD007_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་བུའི་ནང་དུ་ཆུད་པར་བལྟ། །ཞེས་པའི་མཇུག་ཏུ། དགའ་སྦྱིན་གནས་སྦྱིན་ལྷ་མོ་འདི། །སྣ་ཚོགས་གཟུགས་ཅན་ཡིད་འོང་མ། །ཟུངས་ཤིག་ཟུངས་ཤིག་སེམས་དཔའ་ཆེ། །ཁྱེར་ལ་མཆོད་པ་རྟག་ཏུ་གྱིས། །ཞེས་པའི་ཚིགས་བཅད་བསྣན་ནས་བརྗོད་ལ། རིག་མ་དེས་ཀྱང་གུར་ཀུམ་ལ་སོགས་པས། ཞེས་པ་མན་ཆད་དང༌། དབང་བཞི་པ། རིག་པའི་བརྟུལ་ཞུགས། རྡོ་རྗེའི་བརྟུལ་ཞུགས། སྤྱོད་པའི་བརྟུལ་ཞུགས་གསུམ། ལུང་བསྟན། སྤྱིའི་ཆོས་བཤད་ཀྱི་རྗེས་གནང༌། འཁོར་ལོ། དུང༌། པོ་ཏི། དྲིལ་བུ་བཞི་དང༌། སོ་སོའི་ཆོས་བཤད་ཀྱི་རྗེས་སུ་གནང་བ། རིགས་ལྔའི་ཕྱག་མཚན་གཏོད་པ་རྣམས་དཀྱུས་བཞིན་བྱས་ནས། སླར་ཡང་ཀྲྀ་ཡ་ལས། རྣམ་པ་སྣ་ཚོགས་ལས་བྱས་པའ། །རིན་ཆེན་བདུན་ཡང་གཏད་པར་བྱ། །གྲི་གུག་དང་ནི་ཁ་ཊྭཱཾ་ག །བགྲང་ཕྲེང་གླེགས་བམ་སམ་འབོ་ར། །གྱོ་མོ་རྣལ་འབྱོར་དབྱུག་པ་ཡང༌། །པདྨའི་ལག་པའི་ལྷམ་དང་ན། །རྣལ་འབྱོར་པ་ཡི་སྒོམ་ཐག་རྣམས། །ལེགས་པར་དགའ་བའི་བསམ་པ་ཡིས། །སྔགས་ཆེན་དེ་ཡིས་སྦྱིན་པར་བྱ། །ཞེས་གསུངས་པ་ལྟར། རིན་ཆེན་སྣ་བདུན་བཟུང་ལ། མ་འོངས་པ་ན་ཐུབ་པའི་དབང་པོ་ཡི། །གོ་འཕང་ཐོབ་ཅིང་འཇིག་རྟེན་འཇིག་རྟེན་ལས། །འདས་པའི་དབང་ཕྱུག་བླ་མེད་ཐོབ་ཕྱིར་དུ། །རིན་ཆེན་སྣ་བདུན་རྗེས་གནང་སྦྱིན་པར་བྱ། །ཨོཾ་སཔྟ་རཏྣ་ཨ་བྷི་ཥིཉྩ་མཾ། ཞེས་བརྗོད་ལ་སྦྱིན། གྲི་གུག །ཁ་ཊྭཱཾ་ག །བགྲང་ཕྲེང་རྣམས་བཟུང་ལ། མ་རིག་གཟུང་འཛིན་རྣམ་རྟོག་བཅད་པའི་ཕྱིར། །གྲི་གུག་རྗེས་གནང་རབ་ཏུ་

― GTD007_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་བྱ་ཞིང༌། །ཞི་རྒྱས་དབང་དང་མངོན་སྤྱོད་ལ་སོགས་པའ། །འཕྲིན་ལས་གྲུབ་ཕྱིར་ཁ་ཊྭཱཾ་བགྲང་ཕྲེང་སྦྱིན། །ཨོཾ་གརྟི་ཀ་ཁ་ཊྭཱཾ་ཀ་མཱ་ལ་ཨ་བྷི་ཥིཉྩ་མཾ། ཞེས་བརྗོད་ལ་སྦྱིན། གླེགས་བམ་ཐོད་ལེ་ཀོར། སམ་འབོ་ར་རྣམས་བཟུང་ལ། ཕྱི་ནང་གསང་བ་དེ་ཁོ་ན་ཡི་ཆོས། །བསམ་པ་ཇི་བཞིན་གཞན་ལ་བསྟན་པའི་ཕྱིར། །རང་རང་རྒྱུད་ཀྱི་གླེགས་བམ་དག་དང་ན། །ཐོད་ལེ་ཀོར་དང་སམ་འབོ་ར་རྣམས་སྦྱིན། །ཨོཾ་པུསྟི་ཀ་སཾ་པུ་ཊི་ཀ་ཨ་བྷི་ཥིཉྩ་མཾ། ཞེས་བརྗོད་ལ་སྦྱིན། དེ་ནས་རྫ་སྣོད་དང༌། རྣལ་འབྱོར་དབྱུག་པ་དང༌། ལྷམ་དང༌། སྒོམ་ཐག་རྣམས་བཟུང་ལ། རྒྱལ་སྲིད་ལ་སོགས་སྲིད་པའི་བདེ་བ་ལ། །ཆགས་པ་སྤངས་ནས་བསོད་སྙོམས་འཚོ་བ་ལ། །བརྟེན་ནས་མི་ཆོད་བསམ་གཏན་བྱ་ཕྱིར་དུ། །གྱོ་མོའི་སྣོད་དང་རྣལ་འབྱོར་དབྱུག་པ་དང༌། །ལྷམ་དང་སྒོམ་ཐག་རྣམས་ཀྱང་སྦྱིན་པར་བྱ། །ཨོཾ་ཀ་ར་བ་ར་ཡོ་ག་དཎྜ་ཡ་ཊ་ཀཾ་ཨ་བྷི་ཥིཉྩ་མཾ། ཞེས་བརྗོད་ལ་སྦྱིན། དེ་ནས། ཐེ་ཚོམ་མེད་པའི་བསམ་པ་ཡིས། །ཁྱོད་འདིར་བློ་གྲོས་ངན་མི་བྱ། །གསང་སྔགས་སྤྱོད་པའི་ཚུལ་མཆོག་ན། །མཉམ་མེད་རང་གིས་རབ་གསལ་བྱ། །དེ་ལྟར་བྱས་ནས་སངས་རྒྱས་ལ། །ཕན་བཏགས་བྱས་པ་གཟོ་བ་ཡིན། །རྡོ་རྗེ་འཛིན་པ་དེ་ཀུན་ཡང༌། །ཁྱེད་ལ་རྟག་ཏུ་ཀུན་བསྲུང་མཛད། །ཤེས་རབ་ཐབས་ཀྱི་རང་བཞིན་དག །ཡིད་བཞིན་ནོར་བུ་ལྟར་མཐོ་བས། །སྐྱོ་མེད་དོགས་དང་བྲལ་བ་ཡིས། །དེ་ལྟར་སེམས་ཅན་དོན་གྱིས་ཤིག །ཅེས་བརྗོད། དེ་ནས་སྐོར་བ་དང༌། ལྷ་ལ་དབུལ་བ། དབུགས་དབྱུང།

― GTD007_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

དེང་བདག་སྐྱེ་བ་ཞེས་སོགས་ཆེད་དུ་བརྗོད་པའི་རྗེས་ཟློས་བྱ་བ་རྣམས་སྤྱི་དང་འདྲ་ཡང༌། ཉིན་འདིར་དཀྱིལ་འཁོར་ལ་བསྐོར་བ། ལྷ་དབུལ་སོགས་ཀྱང་དམིགས་པ་ཙམ་མ་ཡིན་པར་དངོས་སུ་བྱེད་པ་ཕྱག་ལེན་ཡིན་པས། བསྟན་པའི་རྒྱུན་ལ་དགོངས་ཏེ་དམ་པ་གོང་མ་རྣམས་ཀྱི་ཕྱག་བཞེས་མཐའ་དག་ཆ་ཕྲ་མོ་ནས་ཉམས་པ་མེད་པ་གལ་ཆེའོ།། ཞེས་པ་འདི་ནི་དགེ་བའི་བཤེས་གཉེན་དམ་པ་དུས་འཁོར་སློབ་ཟུར་ངག་དབང་ཕུན་ཚོགས་ནས་བསྐུལ་ཏེ། ཆུ་མོ་ཕག་གི་ལོ་རྒྱལ་བའི་ལུང་གིས་ཟིན་པའི་ཆོས་གྲྭ་ཆེན་པོ་དཔལ་ལྡན་བཀྲ་ཤིས་འཁྱིལ་གྱི་ཚོགས་ཡོངས་ལ་རྡོ་རྗེ་ཕྲེང་བའི་དབང་རྫོགས་པར་ཕུལ་སྐབས། ྋསྐྱབས་མགོན་རྡོ་རྗེ་འཆང་ཆེན་པོ་རྗེ་བཙུན་དཀོན་མཆོག་འཇིགས་མེད་དབང་པོའི་ཞལ་སྔ་ནས་ཀྱིས་མཛད་པའི་འཕྲེང་བའི་དབང་ཆོག་གི་ཁ་སྐོང་འདི་འདྲ་ཞིག་དགོས་ཚུལ་བྱུང་བ་ལྟར་ྋབཙུན་པ་དཀོན་མཆོག་བསྟན་པའི་སྒྲོན་མེས་འཕྲེང་བའི་དབང་ཆོག་རྣམས་དང༌། ཀྲྀ་ཡའི་རྒྱ་གཞུང་ལ་གཞིག་སྟེ་བཀོད་པའོ།། །།

རབ་གནས་དགེ་ལེགས་ཆར་འབེབས་ཀྱི་ཕྱག་ལེན།

― GTD007_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་གནས་དགེ་ལེགས་ཆར་འབེབས་ཀྱི་ཕྱག་ལེན་མཐའ་དག་གསལ་བར་བཤད་པ་ལེགས་བྱས་སྤྲིན་གྱི་སྒྲ་དབྱངས་ཞེས་བྱ་བ་བཞུགས་སོ།།

― GTD007_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་སྐུ་ཡི་བཀོད་པའི་ཆུ་འཛིན་ཕྲེང༌། །ཡེ་ཤེས་བདེ་བ་ཆེན་པོའི་མཁར་འཕགས་ཏེ། །འགྲོ་ལ་དགེ་ལེགས་རྒྱ་མཚོའི་ཆར་འབེབས་པའ། །སྒྲིག་རིམ་མ་འཆོལ་དབྱར་རྔའི་དབྱངས་སུ་སྒྲོགས།། དེ་ཡང་པཎ་ཆེན་ཐམས་ཅད་མཁྱེན་པས་མཛད་པའི་རབ་གནས་རྒྱས་པ་དགེ་ལེགས་རྒྱ་མཚོའི་ཆར་འབེབས་ཀྱི་ཟུར་འདེབས་འགོད་པ་ལ། ཉེ་བར་མཁོ་བའི་ཡོ་བྱད་འདུ་བྱ་བ་དང༌། ཇི་ལྟར་ལག་ཏུ་ལེན་པའི་ཚུལ་གཉིས། དང་པོ་ནི། བླ་མའི་ཁྲིའི་མདུན་ནམ་གཡས་སུ་ཁྲུས་སྟེགས་གྲུ་བཞི། ཕྱོགས་རེར་ཁྲུ་བཞི་རེ། དཔངས་སུ་ཁྲུ་དོ་ཡོད་པ་དང༌། དེའི་སྟེང་དུ་ཁྲུས་དཀྱིལ་ཕྱི་ནས་རིམ་པ་བཞིན་དཀར་དམར་ནག་པའི་རྩིག་པ་རིམ་པ་གསུམ་གྲུ་བཞི་སྒོ་བཞི། དབུས་སུ་སྣ་ཚོགས་པདྨ་འདབ་བརྒྱད། དེའི་ཕྱིར་སྣམ་བུ་གྲུ་བཞི། དེ་ལ་

― GTD007_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་བཞིའི་འདབ་མར་ཤར་ནས་གཡས་སྐོར་དུ་འཁོར་ལོ། རིན་པོ་ཆེ། པདྨ། རལ་གྲི་དཀར་སེར་དམར་ལྗང༌། མཚམས་བཞིར་ཤར་ལྷོ་ནས་གཡས་སྐོར་དུ། འཁོར་ལོ། རྡོ་རྗེ། པདྨ། རལ་གྲི་དཀར་སྔོ་དམར་ལྗང་རྣམས་ཀྱིས་མཚན་པ་རྡུལ་ཚོན་གྱིས་བྲི་བའམ། རས་བྲིས་སུ་བྱས་པའི་ཤར་གྱི་མཚན་མ་སློབ་དཔོན་ལ་བསྟན་ནས་དགབ། དེའི་དབུས་སུ་མེ་ཏོག་དང་ཀུ་ཤའི་གདན་ལ་གས་ཆག་སོགས་ཀྱི་སྐྱོན་མེད་པའི་ལྷ་བུམ་ལྷ་གྲངས་སམ། དེ་མ་འབྱོར་ན་མཚན་ཉིད་ཚང་བའི་རྣམ་རྒྱལ་བུམ་པ་དུང་ཆོས་གཟུངས་རྡོར་ཅན། དེའི་གཡོན་དུ་ལས་བུམ་སྟེ་གཉིས་ཀར་ཆུ་གཙང་དུ་བླ་མེད་ནས་བཤད་པའི་བུམ་རྫས་ཉེར་ལྔ་འདེབས་ཤིང་སོ་སོའི་བུམ་མཚན་གདགས། བུམ་པ་རྣམས་ཁ་དོག་རང་བཞིན་གྱིས་དཀར་བའམ། དཀར་རྩིས་བྱུགས་པ་དང༌།

― GTD007_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

པྲོག་གསུམ་འདང་ངེས་པའི་རས་སམ་གོས་དར་ཟུང་རེའི་མགུལ་ཆིངས་ཐོར་ཅོག་གསུམ་པའི་ཚུལ་དུ་བྱས་ལ། ཨོཾ་བཛྲ་ཤི་ཥ་ར་རུ་ཊ་མ་ཊ་ད་ཤཾ་བནྡྷ་ཧཱུཾ། ཞེས་བཟླ་ཞིང་སྲད་བུ་དཀར་པོ་བདུན་གྱིས་དཀྲིས། འོ་མ་ཅན་གྱི་ཤིང་གི་ཡལ་ག་འབྲས་བུ་དང་བཅས་པས་ཁ་རྒྱན་བྱ། ཤར་དང་ཤར་ལྷོ། ལྷོ་དང་ལྷོ་ནུབ་སོགས་ནས་གཡས་སྐོར་དུ་པད་འདབ་བརྒྱད་ལ་ཁྲུས་བུམ་བརྒྱད་ཀྱི་དང་པོར་ཀ་ར་བུ་རམ་སྦྲང་རྩི་སྟེ་མངར་གསུམ། གཉིས་པར་ཞོ། གསུམ་པར་ཁམ་སྟར་རྒུན་འབྲུམ་སོགས་འབྲས་བུའི་རིགས། བཞི་པར་ནས་འབྲས་གྲོ་སྲན་ཏིལ་ཏེ་འབྲུ་ལྔ། ལྔ་པར་ཙན་དན་དཀར་དམར་ག་པུར་གུར་ཀུམ་གླ་རྩིའམ་ཛ་ཏི་གང་རིགས་ཏེ་དྲི་ལྔ། དྲུག་པར་འབྲས་ཡོས། བདུན་པར་སླེ་ཏྲེས། ཀཎྜ་ཀཱ་རི། དབང་ལག །རྒྱ་མཚོའི་ལྦུ་བ། ཤུ་དག་སྟེ་བྱ་རྒྱུད་ནས་བཤད་པའི་སྨན་ལྔའམ། སྟག་ཚེར་བ། ཀཎྜ་ཀཱ་རི། གཞན་གྱིས་མི་ཐུབ་པ་དཀར་པོ། དབྱུག་པའི་ཨུཏྤལ། དབང་ལག་སྟེ་བླ་མེད་ནས་བཤད་པའི་སྨན་ལྔ་གང་རིགས། བརྒྱད་པར་གསེར་དངུལ་བྱི་རུ་མུ་ཏིག་མུ་མེན་ཏེ་རིན་པོ་ཆེ་ལྔ་རྣམས་ཆུ་གཙང་དང་སྦྱར་བ་སོ་སོར་བླུག །ཕལ་ཁྲུས་ཀྱི་འདག་རྫས་དང་པོ་སྦྲང༌། ཀ་ར། ཞོ། འོ་མ། མར་ཏེ་ཕྱིའི་བདུད་རྩི་ལྔའི་འདག་ཆལ། གཉིས་པ་དྲི་ཞིམ་པོའི་འབྲུ་མར་ཏེ། དེ་ཡང་འབྱོར་ན་སུག་སྨེལ།

― GTD007_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་ཚ། སྤང་སྤོས། བ་ལེ་ཀ །ཙན་དན་དཀར་པོ་རྣམས་ཞོ་དོ་རེ་རས་དཀར་གཙང་མར་སོ་སོར་བཏུམ་སྟེ། ཏིལ་མར་བྲེ་བརྒྱད་ཀྱི་ནང་དུ་བཅུག་ནས་བསྐོལ་བ་བྲེ་དྲུག་ཙམ་བསྐམས་ནས་བྲེ་དོ་ལུས་པ་ལྟ་བུའམ། མ་འབྱོར་ན་ཏིལ་མར་ལ་དྲི་བཟང་བཏབ་པ་དང་སྤོས་ཀྱིས་བསྒོས་པའི་རྩི་མར་གཉིས། གསུམ་པ་ཤིང་ཤུན་གྱི་ཕྱེ་མ་ནི་གཞུང་ལས་ནྱ་ཀྲོ་དྷ་དང་ཨུ་དུམ་ཝ་ར་སོགས་ལྔ་གསུངས་ཀྱང་རྙེད་དཀའ་བས། དེའི་དོད་དུ་འོམ་བུ་སོགས་འོ་མ་ཅན་གྱི་ཤིང་གི་ཤུན་པའི་ཕྱེ་མ་སྐམ་པོ། འདི་ལ་བཀྲ་ཤིས་སྙེ་མར་ལུགས་འགའ་གསུངས། བཞི་པ་བའི་ཞོ། འོ་མ། མར། ལྕི་བ། ཆུ་སྟེ་བ་བྱུང་ལྔའི་འདག་ཆལ། ལྔ་པ་སྤོས་ཀྱིས་བསྒོས་པའི་མར། དྲུག་པ་སྐྱུ་རུ་རའི་ཕྱེ་མ་དང་སྲན་དཀར་གྱི་ཕྱེ་མ་སྐམ་པོ། བདུན་པ་གོང་གི་དྲི་བཟང་ལྔའི་འདག་ཆལ། བརྒྱད་པ་ཡུང་བ་སྟེ་སྒ་སེར་གྱི་ཕྱེ་མ་སྐམ་པོ་རྣམས་ཀྱི་དང་པོ་བདུད་རྩི་ལྔ་ཟངས་སྣོད་དང༌། གཞན་རྣམས་འཁར་བའི་སྣོད་དུ་བླུག །གཞུང་ལས་ཁྲུས་ཀྱི་སྐབས་འདག་རྫས་དང་པོ་དྲི་བཟང་གི་ལྡེ་གུ་དང༌། རྗེས་མ་དྲི་བཟང་གི་ཕྱེ་མ་ལ་བྱེད་པ་ལྟ་བུ་ཞིག་གསུངས་ཀྱང༌། གོང་དུ་རྫས་བཤམ་ཚུལ་གྱི་སྐབས་གསུངས་པ་དང༌། ལྕང་སྐྱ་གོང་མའི་ཟུར་འདེབས་ལས་བྱུང་བ་གཉིས་མཐུན་པར་འདི་བཞིན་ཡིན། མཆོག་ཁྲུས་

― GTD007_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་འདག་རྫས་ལ། དྲི་བཟང་ལྔའི་འདག་ཆལ། དྲི་ཞིམ་པོའི་འབྲུ་མར། དྲི་བཟང་ལྔའི་ཕྱེ་མ་སྐམ་པོ་རྣམས་རིན་པོ་ཆེའི་སྣོད་དུ་བླུག་པ། དུར་སྔོན་གྱི་པིར་སྣོད་བཅས། ཁྲུས་རས་འབྱོར་ན་རས་དཀར་བཟང་པོ་ཁ་ཚར་དང་ཕུན་ཚར་མ་ཉམས་པའམ། མ་འབྱོར་ན་ཁ་བཏགས་སམ། གོས་དར་དཀར་པོ་སོགས་གཙང་མ་གང་འབྱོར་ལ་གུར་ཀུམ་གྷི་ཝཾ་ཙན་དན་སོགས་སྦྱར་བས་པདྨ་འདབ་བཞི། ལྟེ་བར་ཨོཾ། འདབ་མར་མདུན་ནས་གཡས་སྐོར་དུ་ཕྱོགས་བཞིར་ཧཱུཾ་ཏྲཱཾ་ཧྲཱིཿ ཨཱཿ རྣམས་དབུ་ཕྱིར་བསྟན་ཏེ་བྲི། འོན་ཀྱང་རྗེས་སུ་སྐུ་དབྱི་བའི་ཚེ། དེའི་རིམ་པ་དང་བསྟུན་པ་མ་ཡིན་པར་དབུ་དང་ཐུགས་ཀ་ལྟེ་བ། ཕྲག་པ་གཡས་གཡོན་རྣམས་རིམ་པས་ཕྱི་བའི་ཚུལ་གྱིས་བྱབས་པར་གསུངས། ཁྲུས་ཀྱི་མེ་ལོང་ཆེ་ལེགས་ལ་དབུས་སུ་ཧཱུཾ། མཐར་མདུན་ནས་གཡས་སྐོར་དུ་ཡེ་དྷརྨཱ་སྦྲུལ་འཁྱིལ་བ་ལྟར་རབ་ཚར་བདུན། ཐ་མ་ཚར་གཅིག་གུར་ཀུམ་སོགས་ཀྱིས་བྲིས་པ། བཀྲ་ཤིས་ཀྱི་འཐོར་འབྲུ་འབྲས་དཀར་སོགས་འབྲུ་གཙང་མ་དགེ་འདུན་ཚོགས་པ་མང་ཉུང་དང་བསྟུན་པའི་མི་ཉུང་བ་སྣོད་གཙང་མར་བླུག་བའི་སྟེང་དུ་བཞག །སྦྱང་ཆས་བགེགས་གཏོར་གཏོར་ཅོག་གསུམ་ཏིང་ལོ་ཆང་བུ་མཐེབ་ཀྱུ་རྣམས་གསུམ་རེ་སྣོད་བཅས། གུ་གུལ་གྱི་བདུག་པ། ཡུངས་ཀར་དང་ཆུ་གཙང་སྣོད་བཅས། ཁམ་ཕོར་དཀར་པོ། དུར་བའི་མྱུ་གུ་དང་བཅས་པའི་བ་ལྕིའི་ཆང་བུ། ཟན་ཆང༌། སེང་རས་རྣམས་བཞི་རེ་ཐུན་མོང་དུ་སྣོད་བཅས། ཉེ་རེག་གི་ཆུ་གཙང་དང་མེ་ལོང༌། སྟེགས་གཅིག་ལ་དྲི་ཆབ། མེ་ཏོག །མཆོད་

― GTD007_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན། མར་མེ་སྟེ་མཆོད་པ་བཞི་སོ་སོར་སྣོད་བཅས། སྤོས་དཀར་མར་དང་སྦྱར་བའི་རིལ་བུ། སྤོས་ཕོར། ཁྲུས་གཞོང༌། གསོལ་གདབ་ཀྱི་ཚེ་བདུག་རྒྱུའི་དྲི་བཟང༌། ཚོགས་སུ་སྔ་ཕྱིར་འགྲེམ་རྒྱུའི་སྤོས་རེང༌། གོས་དར་བཟང་པོའི་ན་བཟའ་དམར་སེར་ཟུང༌། རྟེན་ལ་འགེབ་རྒྱུའི་ན་བཟའ་སེར་པོ། ཆུ་བཞིའི་གདན་སེར་པོ། ཆུ་བཞིའི་རྫས་ཞི་བའི་སྐབས་སུ་ནས། འོ་མ། མེ་ཏོག་དཀར་པོ། ཏིལ། ཀུ་ཤ། །འབྲས་ཡོས། ག་བུར། བདུད་རྩི་ལྔ་སོགས་གསུངས་ཀྱང༌། འདིར་རྒྱས་པའི་ལས་གཙོ་ཆེ་བས། ཏིལ། ཀུ་ཤ། །གུར་ཀུམ། མེ་ཏོག་སེར་པོ། བདུད་རྩི་ལྔ། ཞོ་རྣམས་དང༌། སྣོད་ཀྱང་འབྱོར་ན་གསེར་དང༌། མ་འབྱོར་ན་དུང་དང་ཉ་ཕྱིས་སོགས་མདོག་སེར་པོར་བསྒྱུར་བ་གསུམ་གྱི་ནང་དུ་བླུག་པ་དང༌། དེ་གསུམ་འབུལ་བའི་སྣོད་བཟེད་ཞལ་གསུམ་མཉྫི་དང་བཅས། གསེར་གྱི་མིག་ཐུར། གུར་ཀུམ་སོགས་མར་དང་སྦྲང་རྩིར་སྦྱར་བའི་མིག་སྨན་དངུལ་གྱི་རྐོང་བུར་བཞག་པ། སྙན་འབྲུ། རྨང་འཚེར། ཚེམས་ཤིང༌། ཞལ་ཐུར་རྣམས་འབྱོར་ན་རིན་པོ་ཆེ་ལས་བཟོས་པའམ་བྲིས་པའི་ཙ་ཀ་ལི། ཙ་རུའི་བཟའ་བར་གྲགས་པའི་ཟླུམ་གཏོར་ཆེ་བ་དཀར་པོ་རྒྱན་སྣ་ཚོགས་ཀྱིས་བརྒྱན་པའི་མཐར་ཤ་ཆང་སྒོག་རིགས་མ་གཏོགས་པའི་ཟས་སྣས་བསྐོར་བ་དང༌། རྡོ་ཇ་གོ་ཡུ་གོ་ལའི་ཕྱེ་མ་དང་སྦྱར་བའི་སོ་རྩི་ཡང་བཤམ། རིན་པོ་ཆེའི་མཎྜལ། བཀྲ་ཤིས་རྟགས་བརྒྱད་སོགས་མངའ་དབུལ་གྱི་རྫས་རིན་པོ་ཆེ་སོགས་ལ་བཟོས་པའི་དངོས་སམ་བྲིས་པའི་ཙཀླི། སྔ་ཕྱི་ཅི་

― GTD007_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་པར་འབུལ་རྒྱུའི་ཉེར་སྤྱོད་ཀྱི་མཆོད་པ་སྟ་གོན་སྐབས་ཚར་བཅུ་དགུ་དང༌། དངོས་གཞིའི་སྐབས་ཉེར་གཉིས་ལས་མི་ཉུང་བ་སྣོད་བཅས། མེ་ཏོག་སྒྲུབ་པའི་ཚེ་མེ་ལོང་གི་ཡེ་དྷརྨཱ་བཀྲུ་བ་དང་དྲི་ཆབ་ལ་ལྡུག་རྒྱུའི་དྲི་བཟང་གི་ཆུ་བུམ་པའི་ནང་དུ་སྦྱར་བ། སྔོན་འགྲོའི་གཏོར་མ། ཡི་དམ་ལ་འབུལ་རྒྱུའི་གཏོར་མ། ཆོས་སྐྱོང་གི་གཏོར་མ། ཕྱོགས་སྐྱོང་གི་གཏོར་མ། དཀར་གཏོར། གཏོར་མ་སོགས་ལ་བྲན་རྒྱུའི་ཆུ་གཙང་དང༌། དེ་དྲན་བྱེད་ནང་མཆོད་ཐོད་པའི་སྣོད་བཅས། ཁྲུས་བུམ་འཛིན་མཁན་གྱི་གྲངས་དང་མཉམ་པའི་རྟེན་ཁེབས། རྡོར་དྲིལ་ཚོགས་པའི་གྲངས་མཉམ་དང༌། ཁྲུས་ཀྱི་ཚེ་རོལ་ཆེན་བྱེད་ན་སྦུབ་སིལ་རྔ་དུང་སོགས་ཀྱང་དགོས་ལ། མེ་ལོང༌། གྷི་ཝཾ། ཞོ། དུར་བ། བིལ་བ། དུང་དཀར། ལི་ཁྲི། ཡུངས་ཀར་ཏེ་བཀྲ་ཤིས་རྫས་བརྒྱད་ཀྱི་ཙཀླིའམ། རྫས་དངོས་ཡིན་ན་སྣོད་གཙང་མ་སོ་སོར་བཞག །རྒྱས་པའི་སྦྱིན་སྲེག་ལ་༸རྒྱལ་དབང་གིས་ཡམ་ཤིང་སྦོམ་ཕྲ་མཐེ་བོང་གི་ཚད། བཟོ་དབྱིབས་གྲུ་བཞིར་བྱེད་པར་གསུངས་ཀྱང༌། ད་ལྟ་ཕྱག་ལེན་ལ་ཤས་ཆེར་འོ་མ་ཅན་གྱི་ཤིང་གི་རྐེད་པའི་ཆ་ནས་བླངས་པའི་ཡམ་ཤིང་སྲིད་དུ་ཁྲུ་གང༌། སྦོམ་ཆང་པའི་ཚད་བཞི་རེ་ལྷན་དུ་བསྡམས་པ་དང༌། ལྷག་མ། མར་ཁུ་ཏིལ་དུར་བ་འབྲས་ཞོ་ཟན་ཀུ་ཤ་ཡུངས་ཀར་སོ་བ་ནས་སྲན་མ་གྲོ་རྣམས་ཞི་རྒྱས་གཉིས་ཀར་འདྲ་ཞིང༌། ཁྱད་པར་བའི་རྫས་ཞི་བ་ལ་འབྲུ་མར་གྱིས་བྱུགས་པའི་ཀུ་ཤ །ནས། ཏིལ། ཞོ། འོ་མ། འབྲས་ཟན། དུར་བ། ཙན་དན། པྲི་ཡང་ཀུ། ཐང་

― GTD007_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ། དྲི་ཞིམ་པོའི་མེ་ཏོག །འབྲས་ཡོས་རྣམས་སྦྲང་རྩི་སོགས་སུ་བསྙུགས་པ་དང་ནང་གི་བདུད་རྩི་ལྔ། རྒྱས་པ་ལ་འབྲས་ཆན་ཞོ་དང་བསྲེས་པ་ལ་མངར་གསུམ་གྱིས་སྦགས་པའི་ཟས་མཆོག་དང༌། ཞོ། སྦྲང་རྩི། ཏིལ་ནག །ཞོ་ཟན། ཞུན་མར་དང་བཅས་པའི་འབྲས། པདྨ་གེ་སར། ནཱ་ག་གེ་སར་དང་འབྲས་བུ་རྣམས་སྦྱར་བ། ཞི་བ་ལ་སྟོད་གོས་སྨད་གོས་དཀར་པོ་ཟུང༌། རྫས་གདན་དང་ཆུ་བཞིའི་གདན། གོས་ཟུང༌། རྫས་ཀྱི་སྣོད་སོགས་དཀར་པོ་དང༌། རྒྱས་པ་ལ་ཐམས་ཅད་སེར་པོ་དགོས། རྫས་དང་ཡོ་བྱད་སྒྲིག་དགོས་ཐམས་ཅད་སྟ་གོན་གྱི་སྔར་ཉིན་ནས་ཚགས་སུ་ཚུད་པ་བྱ། གང་དུ་བྱ་བའི་གནས་དེ་ས་ཆོག་སོགས་སྔོན་སོང་ཡིན་ན་དེས་འཐུས་ཤིང༌། མིན་ཚེ་ས་ཆོག་རྒྱས་བསྡུས་གང་རིགས་དང༌། མ་མཐའ་འང་ལས་མ་བརྩམ་པའི་གོང་ནས་ཡུལ་གྱི་གཞི་བདག་སོགས་ལ་མཆོད་གཏོར་སྔོན་དུ་བཏང་སྟེ་ལས་ཀྱི་སྦྱོར་བ་རྩོམ་དགོས་སོ།། ༈ གཉིས་པ་ཇི་ལྟར་ལག་ཏུ་ལེན་པའི་ཚུལ་ལ། སྟ་གོན། དངོས་གཞི། རྗེས་ཀྱི་རིམ་པ་གསུམ། དང་པོ་ནི། ནངས་སྔ་བར་འཚོགས་ཏེ་སྒྲུབ་པ་པོ་རྣམས་ཆོས་གོས་གྱོན། རྡོར་དྲིལ་བསྣམས་ནས་གྲལ་ལ་འཁོད། སྐྱབས་འགྲོ། ལྟུང་བཤགས། ཆོས་སྤྱོད་ཅི་རིགས་སོགས་སྐབས་དང་སྦྱར། དེ་ནས་སྐད་ཅིག་དཀྲོང་བསྐྱེད་བྱས་ལ། རྡོར་དྲིལ་བྱིན་རླབས་ནས་བདག་བསྐྱེད་མཆོད་པའི་བར་དཀྱུས་བཞིན་བྱ། ནང་མཆོད་བྱིན་རླབས་གསུང་བཞིན་པའི་སྐབས་

― GTD007_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

དེར་སྔོན་འགྲོའི་མཆོད་གཏོར་བཤམས་ཤིང༌། བསྔོས་ཟིན་པའི་མཚམས་སུ་མཆོད་གཏོར་གཤེགས། བདག་བསྐྱེད་མཆོད་པ་བྱིན་རླབས་ཀྱི་ཚེ་དེའི་མཆོད་མེ་དང་བདུག་སྦོས་སྤར་བ་སོགས་སྐབས་སོ་སོའི་མཆོད་པ་རྣམས་མཆོད་དཔོན་གྱིས་བློ་ལ་ངེས་པར་བྱས་ཏེ་དེ་དང་དེའི་བྱིན་རླབས་ཀྱི་ཚེ། དེའི་སྤོས་དང་མར་མེ་སོགས་སྦར་ན། དགེ་འདུན་རྣམས་ནས་ཀྱང་དམིགས་པ་གཏོད་སླ་བའི་ཁྱད་ཡོད་པས་ལག་ལེན་གང་ཞིབ་བྱ། བདག་བསྐྱེད་མཆོད་པའི་རྗེས་སུ་རྡོར་སེམས་བསྒོམ་བཟླས་དང༌། ཁཌྒ་དྷྲིཀ་གིས་བསངས་ནས་བུམ་ཆོག་རྒྱས་པ་གདངས་དང་བཅས་ཏེ་འདོན། དེའི་བཟླས་པའི་སྐབས་གཟུངས་ཐག་བླ་མའི་ཕྱག་ལ་འཇོག །བླ་མས་དབུ་བསྐུལ་ཏེ་གཙོ་བོའི་སྔགས་གསུམ་བརྒྱ་རྩ་རེ། ཡུམ་དང་འཁོར་གྱི་སྔགས་སོགས་བརྒྱ་རྩའམ་ཉེར་གཅིག་བདུན་སོགས་སྐབས་དང་བསྟུན། དེའི་རྗེས་སུ་ལས་བུམ་གྱི་ཁར་གཟུངས་རྡོར་སྤོས་ལ་ཁཌྒ་དྷྲིཀ་བརྒྱ་རྩ་བཟླ། དེ་རྗེས་གཟུངས་རྡོར་རྣམ་བུམ་གྱི་ཁར་སྤོས་ལ་ཐུན་མོང་དུ་བཛྲ་ཨུ་ད་ཀ་བརྒྱ་རྩ་དང༌། ཨོཾ་ཨཱ་ཧཱུཾ་བརྒྱ་རྩ་བཟླ། ཡིག་བརྒྱ་ལན་གསུམ་བརྗོད་ཅིང༌། དང་པོ་གཉིས་ཀྱི་སྐབས་སུ་གཟུངས་ཐག་དྲིལ། གསུམ་པའི་སྐབས་སུ་དྲིལ་བུ་དཀྲོལ་ཏེ། མཐར་མཆོད་ཡོན་གྱི་ཕྱག་རྒྱ་དང་བཅས་པས། ཧྲཱི་ཥྚྲཱིཿ དང༌། ཧཱུཾ་བདུན་བརྗོད་ཅིང་དུང་ཆོས་ཀྱི་ཆུས་བུམ་པ་གཉིས་ཀྱི་ལྷ་ལ་མཆོད་ཡོན་དབུལ། ལས་སྔགས་བརྗོད་ཅིང་མེ་ཏོག་གསུམ་གསུམ་དབུལ། གནྡྷེ་ནས་རོལ་མོའི་བར་གྱིས་མཆོད། ཁཌྒ་དྷྲིཀ་གིས་བསངས་

― GTD007_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། ཇི་སྲིད་སོགས་ཀྱིས་འཕྲིན་ལས་བཅོལ་ཏེ་བུམ་ལྷ་འོད་ཞུ་བྱེད། དེ་ནས་ཚོགས་ཞིང་དང༌། འདིར་བདག་མདུན་འཇུག་པ་གཅིག་ཏུ་བྱེད་དགོས་པས། རང་ཉིད་རས་བྲིས་ཀྱི་དཀྱིལ་འཁོར་དེའི་དབུས་སུ་འཁོད་པར་མོས་ལ། ཁཌྒ་དྷྲིཀ་གིས་བསངས་ནས་སྔགས་གཉིས་བརྗོད་པ་མན་ཆད་འདྲ། མངལ་འབྱིན་གྱི་སྐབས་འཁོར་གྱི་ལྷ་སྤྲོ་ཚེ། ཤར་གྱི་མཚན་མ་དང་ངོ་བོ་དབྱེར་མེད་དུ་གྱུར། ཅེས་སོགས་བརྗོད། རྒྱས་གདབ་ཀྱི་མཇུག་ཏུ། རང་ཉིད་གཙོ་བོ་ལས་མར་མེ་གཅིག་ལས་གཉིས་ཆད་ཀྱི་ཚུལ་དུ་ཕྱེ་ནས་དཀྱིལ་འཁོར་གྱི་ཤར་སྒོའི་ཐད་ཀྱི་ཕྱི་རོལ་ཏུ་མཆོད་པའི་ལས་ལ་གནས་པར་གྱུར། དེ་ནས་མཆོད་པ་བྱིན་གྱིས་བརླབས་ལ། རྒྱལ་བ་རྣམ་གཙང་མ། རིན་ཆེན་དབང་རྒྱལ་མ། འཛམ་བུ་ཆུ་གསེར་མ་རྣམས་ཕྱག་རྒྱ་གདངས་བཅས་ཏེ་འདོན། ནང་མཆོད་ཀྱི་མཇུག་ཏུ། རང་ཉིད་དཀྱིལ་འཁོར་གྱི་ནང་དུ་ཞུགས། གཙོ་བོ་དང་ཐ་མི་དད་པར་གྱུར། ཡབ་ཀྱི་གསང་གནས། ཞེས་པ༌ནས། སྙོམས་པར་ཞུགས་པས་གསང་བ་དང་དེ་ཁོ་ན་ཉིད་ཀྱི་མཆོད་པས་དགྱེས་པར་གྱུར། འཇམ་དཔལ་གསེར་མདོག་མས་བསྟོད། དག་པ་དྲན་པ། ཕྲེང་ཆོག །བླ་མས་དབུ་བསྐུལ་ཏེ་བཟླས་པ་གང་འཚམ། གཏོར་མ་ཆང་ཆུ་ནང་མཆོད་གསུམ་གྱིས་བྲན་ནས་བྱིན་གྱིས་བརླབས་ཤིང་དཀྱུས་ལྟར་དབུལ། གཞི་བདག་གཏོར་མ་བསྔོས་ལ་དཀྱིལ་འཁོར་ཤུགས་འཇུག་བྱས་ཏེ་བདག་འཇུག་ལེན། དེ་ནས་འདག་རྫས་དང་ཁྲུས་བུམ་

― GTD007_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལས་སྔགས་ཀྱིས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་བྷྲུཾ་ལས་འཁར་བ་དང་ཞེས་སོགས་ཀྱིས་གཞུང་བཞིན་བསྒྲུབ། བུམ་པ་རང་རང་གི་སྔགས་བརྗོད་ཚེ་གཟུངས་རྡོར་ཤར་ནས་བརྩམས་ཏེ་རང་རང་གི་བུམ་པའི་ཁར་སྤོ། ཐུན་མོང་དུ་ཨོཾ་སརྦ་ཏ་ཐཱ་ག་ཏ་སོགས་བརྗོད་ཚེ་གཟུངས་རྡོར་ཤར་བུམ་གྱི་ཁར་སྤོས་ལ་ཡེ་དྷརྨཱ་ཡང་བཟླ། འབྲས་ཀྱི་སྟེང་དུ་མེ་ལོང་དབུས་སུ་གཟུངས་རྡོར་དང་བཅས་ཏེ་བླ་མའི་མདུན་དུ་བཞག །ལས་སྔགས་ཀྱིས་བསངས་ལ། ཡི་གེ་རྣམས་གྱེན་དུ་འགྲེང་ཞིང་ཞེས་སོགས་དང་ཡེ་དྷརྨཱ་ཅི་མང་བཟླས་ནས་མེ་ཏོག་གཞུང་བཞིན་བསྒྲུབ། བཟླས་པ་ཚར་བ་དང་དྲི་བཟང་གི་ཆུས་མེ་ལོང་སྟེང་གི་ཡེ་དྷརྨཱ་བཀྲུས་ནས་དེའི་ཆུས་མེ་ཏོག་ལ་ཁྱབ་པར་བྱ། དེ་ནས་ཡུངས་ཀར་དང་གུ་གུལ་བཤམས་ཏེ། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས། ཁྲོ་བོའི་ཚོགས་དཔག་ཏུ་མེད་པ་མདུན་གྱི་ནམ་མཁར་སྤྱན་དྲངས། ཨོཾ་བཛྲ་མཧཱ་ཀྲོ་དྷ་རཱ་ཛཱ་ས་པ་རི་ཝཱ་ར་ཨརྒྷཾ་ནས་ཤཔྟའི་བར་གྱིས་མཆོད། ཁྲོ་བོ་རྣམས་ཀྱི་ཐུགས་ཀ་ནས་རང་རང་གི་མཐུ་སྟོབས་དང་ནུས་པ་ཐམས་ཅད་རང་རང་གི་སྙིང་པོ་དང་ཧཱུཾ་ཡིག་དང་མེ་འོད་ལ་སོགས་པའི་རྣམ་པར་གྱུར་ནས་གུ་གུལ་ལ་ཐིམ་ཞིང༌། སླར་ཡང་ཁྲོ་བོ་རྣམས་ཀྱི་སྐུ་ལས་རང་དང་འདྲ་བའི་ཁྲོ་བོའི་ཚོགས་བསམ་གྱིས་མི་ཁྱབ་པ་སྐུ་རྔམས་བརྗིད་དང་ལྡན་པ། ཞལ་ནས་ཧཱུཾ་ཧཱུཾ་དང་ཕཊ་ཕཊ་ཀྱི་སྒྲ་སྒྲོགས་པ། ནམ་མཁའ་ནས་གློག་འཁྱུག་པ་ལྟར་བྱོན་ཏེ་ཡུངས་ཀར་ལ་ཐིམ་པར་གྱུར་པར་བསམས་ལ། ལས་སྔགས་བཟླས་ནས་ཡུངས་

― GTD007_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

ཀར་དང་གུ་གུལ་བསྒྲུབ། བསྒྲུབས་པའི་མེ་ཏོག་ནས་སློབ་དཔོན་ལ་སྣོད་ཀྱི་ནང་དང༌། ཚོགས་པར་ཕྱག་ཏུ་མེ་ཏོག་འཚམ་པ་རེ་བཀྱེ། ཐམས་ཅད་བཞེངས་ཏེ་དབུ་ནབ་བཞེས་ནས། གང་འདིར་བཅོམ་ལྡན་འདས་སོགས་གསོལ་འདེབས་བཞི་དལ་བུས་གསུངས་ཤིང༌། དེ་རེ་རེའི་མཇུག་ཏུ་མེ་ཏོག་འཐོར་ཞིང་དྲིལ་བུ་དཀྲོལ་བཞིན་དུ། ཨོཾ་ན་མོ་བྷ་ག་ཝ་ཏེ་ཤཱཀྱ་མུ་ན་ཡེ་སོགས་དང༌། ཡ་མཱནྟ་ཀ།།ཡང་རབ་ཏུ་གནས་བྱ་དེ་མགོན་པོའི་སྐུ་ལྟ་བུ་ཡིན་ན། ཨོཾ་བཛྲ་མཧཱ་ཀཱ་ལ་སོགས་སྐབས་གང་བབ་ཀྱི་སྔགས་བཅུག་པ་དང༌། ཨོཾ་བཛྲ་སཏྭ་ཧཱུཾ་ཞེས་པ་བརྗོད་ལ། དེའི་ཚེ་མཆོད་དཔོན་གྱིས་བདུག་པ་བྱ། དེ་ནས་ས་ལ་བཞུགས་ཏེ་ཐལ་མོ་སྦྱར་ནས། ངོ་མཚར་ཆེན་པོ་ཞེས་སོགས་བརྗོད་ཅིང་མེ་ཏོག་འཐོར་ཏེ་སེམས་བསྐྱེད། རབ་ཏུ་གནས་བྱའི་རྟེན་རྣམས་ལ་ལས་བུམ་གྱི་ཆུ་གཏོར་ཏེ་ཁཌྒ་དྷྲིག་གིས་བསངས། ཤཱུ་ནྱ་ཏས་སྟོང་པར་སྦྱངས། སྟོང་པའི་ངང་ལས་སྣ་ཚོགས་པདྨ་དང་ཉི་མའི་སྟེང་དུ་ཧཱུཾ་ལས་རྡོ་རྗེ། ཞེས་པ་ནས། གཡོན་པས་ཡབ་ལ་འཁྱུད་པ། ཞེས་པའི་བར་གྱི་མངོན་རྟོགས་བཞིན་བསྐྱེད། དགེ་ལེགས་ཆར་འབེབས་ཀྱི་དཔེ་རྣམས་སུ་ཀློང་དཀྱིལ་ན་བཞུགས་པ། དེའི་པང་ན་ཞེས་སྦྲེལ་འདུག་ཀྱང༌། ཕྱག་ལེན་ལ་དམ་ཚིག་སེམས་དཔའི་ཞེས་སོགས་བར་དུ་བཅུག་སྟེ། དཀྱིལ་ཆོག་རྡོ་རྗེ་འཕྲེང་བར་གསུངས་པ་བཞིན་སེམས་དཔའ་སུམ་བརྩེགས་ཅན་དུ་བྱེད་དགོས། རྟེན་བསྐྱེད་ཟིན་པ་དང་མཆོད་གཡོག་པས་མེ་ལོང་བཟུང་སྟེ་རབ་ཏུ་

― GTD007_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་བྱའི་རྟེན་གར་ཡོད་ཐམས་ཅད་ལ་སོ་སོར་བསྟན་ནས་ཕྱིར་ཁྱེར་འོངས་ཏེ་མགོ་མཇུག་མ་ལོག་པ་བྱས་ལ། ད་དུང་དཀྱིལ་འཁོར་དུ་གཞུག་པའི་སྐོར་རྣམས་བྱ་དགོས་པས་ཁྲུས་དཀྱིལ་དུ་མི་འགོད་པར་བླ་མའི་མདུན་ནམ་ཁྲུས་དཀྱིལ་གྱི་མདུན་ངོས་གང་བདེ་ཞིག་ཏུ་འཇོག །དེ་ནས་སློབ་མའི་བྱ་བ་རྣམས་རབ་ཏུ་གནས་བྱའི་ལྷ་རྣམས་ཀྱིས་བྱས་ཏེ། གསོལ་འདེབས་ཀྱི་ཚིག་ཀྱང་གཙོ་བོར་དེ་རྣམས་ཀྱིས་བརྗོད་པ་ལ་རང་གིས་རྗེས་ཟློས་བྱས་པའི་ཚུལ་དུ་མོས་པ་སོགས་དམིགས་པའི་ཁ་བསྒྱུར་ཤེས་པར་བྱས་ན། བདག་སྒྲ་གང་ཡོད་ལ་མཐའ་གཅིག་ཏུ་རབ་ཏུ་གནས་བྱ་ཞེས་མ་བསྒྱུར་ཀྱང་སྐྱོན་མེད། སྒྱུར་བདེ་བ་རྣམས་ལ་རབ་ཏུ་གནས་བྱ་ཞེས་སྦྱར་ན་བློ་ལ་འཆར་བདེ་བས། འདོར་ལེན་ཤེས་པར་བྱས་ཏེ། བླ་མ་དང་གཙོ་བོ་ཐ་མི་དད་པའི་ཞབས་དྲུང་དུ་དཔལ་རྡོ་རྗེ་འཇིགས་བྱེད་ཆེན་པོའི་དཀྱིལ་འཁོར་དུ་འཇུག་པར་ཞུ་བའི་ཡོན་དུ་མཎྜལ་འབུལ་བར་ཞུ། ཞེས་སོགས་མཎྜལ་རྒྱས་པ་ཕུལ། རོ་ལངས་མ་དང་ཞེས་སོགས་ཀྱི་གསོལ་འདེབས་ལན་གསུམ། རབ་ཏུ་གནས་བྱའི་ལྷ་རྣམས་གཏི་མུག་གཤིན་རྗེའི་གཤེད་དཀར་པོ། ཞེས་པ་ནས། ནོར་བུ་དང་པདྨ་འཛིན་པར་གྱུར། ཨཱཿ ཁཾ་བི་ར་ཧཱུཾ་ཞེས་བརྗོད་པ་ན། སྟབས་འགྲིག་ཚེ་རྟེན་གྱི་ཕྱག་མཐིལ་དང༌། དེ་མིན་ན་རྟེན་ནམ་མེ་ལོང་གི་མདུན་དུ་འབྲུའི་ཚོམ་བུ་རེ་བཞག །ཨོཾ་ཙཀྵུ་བནྡྷ་ཞེས་སོགས་ཀྱི་སྐབས་སུ་རྟེན་ནམ་མེ་ལོང་ན་བཟའ་དམར་པོས་གཡོགས། ཁཌྒ་དྷྲིཀ་གིས་བསངས། དེ་ནས་སྡོམ་པ་འཛིན་པའི་

― GTD007_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོར་སོགས་བཞག་ལ། རབ་ཏུ་གནས་བྱའི་ལྷ་རྣམས་རྡོ་རྗེ་འཇིགས་བྱེད་དུ་གྱུར། ཅེས་པ་ནས། གུ་རུ་ཙ་ར་ཎའི་སྔགས་བརྗོད་པའི་བར་དང༌། དེ་ནས། ཡང་དག་པ་ཡི་དཀྱིལ་འཁོར་འདིར། །རབ་ཏུ་གནས་བྱ་བཅུག་པ་འདིའ། །ཞེས་སོགས་བདེན་སྟོབས་བརྗོད་པ་ལན་གསུམ་དང༌། ཨོཾ་ཏིཥྛ་བཛྲ་ཧོཿ རབ་ཏུ་གནས་བྱའི་ལྷ་རྣམས་དཀྱིལ་འཁོར་གྱི་ནང་དུ་ཞུགས། གཙོ་བོ་འཁོར་བཅས་ཀྱི་མདུན་ན་གནས་པར་གྱུར། ཨོཾ་སྥ་ར་ཎ་བཛྲ་ཧོཿ རབ་ཏུ་གནས་བྱའི་ལྷ་རྣམས་ཀྱིས་དཀྱིལ་འཁོར་པ་ལ་མེ་ཏོག་གཏོར་བར་བསམས་ལ་དངོས་སུ་བླ་མས་དོར། དེ་ནས། རབ་ཏུ་གནས་བྱའི་ལྷ་རྣམས་ཀྱི་སྙིང་གར་ཟླ་བ་ལ་ཧཱུཾ། ཞེས་པ་ནས། རྡོ་རྗེའི་མིག་ནི་བླ་ན་མེད། །ཅེས་པའི་སྐབས་སུ་སྔར་གཡོགས་པའི་གོས་དམར་པོ་དང་མེ་ཏོག་རྣམས་བསྡུས་ལ། ད་ནི་དད་པའི། ཞེས་པ་ནས། ས་མ་ཡ་ཧོ་ཧོ་ཧོ་ཞེས་པའི་བར་བརྗོད་པ་ནི་དཀྱིལ་འཁོར་དུ་འཇུག་ཚུལ་རྒྱས་པའི་དབང་དུ་བྱས་པ་ཡིན་ནོ།། ༈ ལྷ་དབང་བསྐུར་ཚུལ་རྒྱས་པ་མི་བྱེད་པའི་སྐབས་སུ། རྟེན་བསྐྱེད་ཚར་ནས་མེ་ལོང་བསྟན་ཟིན་ཏེ་ཕྱིར་འོངས་ནས་བཞག་པ་ན། གདོང་གཡོགས་ཀྱི་དོད་དུ་ན་བཟའ་དམར་པོས་གཡོགས་ཤིང་འབྲུའི་ཚོམ་བུ་དགོད། བར་འདིར་མཆོད་གཡོག་གཉིས་ཀྱིས་དར་དམར་པོ་སོགས་རྟེན་གྱི་མདུན་ནས་ཕན་ཚུན་དུ་འཐེན་ཏེ་བསྒྲིབ་པའི་ཚུལ་བྱས་ནས་སྡོད་པའི་ཕྱག་ལེན་ཡང་ཡོད་པར་སྣང༌། ཏིཥྛ་བཛྲ་ཞེས་བརྗོད་ལ་རབ་ཏུ་གནས་བྱ་རྣམས་དཀྱིལ་འཁོར་དུ་བཅུག་

― GTD007_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

པར་མོས། ཨོཾ་སྥ་ར་ཎ་བཛྲ་ཧོཿ ཞེས་དེ་དག་གིས་དཀྱིལ་འཁོར་ལ་མེ་ཏོག་དོར་བར་བསམས་ཏེ། དངོས་སུ་བླ་མས་མེ་ཏོག་གཏོར། གདོང་གཡོགས་ཕྱེས་ནས་དཀྱིལ་འཁོར་གྱི་ལྷ་ཚོགས་བསྟན་པར་མོས་ཏེ་གོས་དམར་པོས་གཡོགས་པ་བསལ། ༈ དེ་ནས་གདན་ལ་རྟེན་བཞག་པ་ནི། རྟེན་རྣམས་ཁྲུས་དཀྱིལ་གྱི་སྟེང་དུ་བཞག་གཏུབ་ན་འདག་རྫས་རྣམས་དང་ཁྲུས་བུམ་རྣམས་ཕྱིར་བཀྱེད། རྣམ་བུམ་ཤར་གྱི་འདག་རྫས་ཀྱི་མདུན་དུ་བཞག །རྟེན་ཁྲུས་དཀྱིལ་གྱི་དབུས་ཀྱི་སྟེགས་ལ་བཞག །མི་བདེ་ན་མེ་ལོང་ཁྲུས་དཀྱིལ་གྱི་དབུས་སུ་འཇོག །ཨོཾ་ཨཱཿ ཧཱུཾ་དང་ཧྲཱིཿ ཥྚྲཱིཿ འཁྱིལ་བའི་སྔགས་རྣམས་ལན་བདུན་བདུན་བཟླས་ཏེ་ཆུ་བཞི་བྱིན་གྱིས་བརླབས། དག་ཅིང་དྲི་མེད་མ་དང༌། ཨོཾ་སརྦ་ཏ་ཐཱ་ག་ཏ་ཞེས་སོགས་ཀྱིས་གཞུང་བཞིན་དབུལ། ཁྲོ་བོའི་མཆོད་པ་འཇིགས་བྱེད་ལྟར་བྱིན་གྱིས་བརླབས། དེའི་ཚེ་ཚོགས་པར་ཡུངས་ཀར་བཀྲམ། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས། ཁྲོ་བོའི་ཚོགས། ཞེས་པ་ནས། དྲག་པོའི་སྦྱང་བའི་བར་གཞུང་བཞིན་ལ། སུམ་བྷ་ནི་དང་ཧྲཱིཿ ཥྚྲཱིཿ བརྗོད་པའི་སྐབས་སུ་རོལ་མོའི་ཚམ་རྔམ་དང༌། གུ་གུལ་གྱིས་བདུག །ཡུངས་ཀར་གྱིས་བྲབ་སྟེ། བགེགས་གཏོར་སྐྱེལ་མཁན་ལ་གཏད་ནས་རྟེན་ལ་གཡོན་སྐོར་བྱས་ཏེ་འདོར་དུ་གཞུག །དེ་ནས་སྦྱང་ཆས་རྣམས་བླ་མའི་མདུན་དུ་རིམ་པ་བཞིན་བཤམ། ལས་སྔགས་དང་ཧཱུཾ་བདུན་བརྗོད་ཅིང་བྱིན་གྱིས་བརླབས་ལ། རྡོ་རྗེ་ཁུ་ཚུར་གཉིས་བཀན་ལ་ཡུངས་ཀར་བཟུང་ནས། ཨོཾ་སརྦ་པཱ་པཾ་སོགས་བརྗོད་ཅིང༌། གཡོན་

― GTD007_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ལན་གཉིས་བསྐོར་ཞིང་བྱབས་ནས་མེར་དོར། ཡང་སྔ་མ་ལྟར་བཟུང་ནས་སྔགས་བརྗོད་ཅིང་གཡས་སུ་ལན་གཉིས་བསྐོར་ཞིང་བྱབས་ནས་མེར་དོར། དེ་བཞིན་དུ་ཆུ་ནས་སེང་རས་ཀྱི་བར་གཡོན་དང་གཡས་སུ་གཉིས་གཉིས་བསྐོར་ཞིང་བྱབས་ནས་དོར། ཁམ་ཕོར་མན་ཆད་སྣོད་ནང་དུ་དོར་ཞིང༌། ཟན་ཆང་དང་བ་ལྕིའི་ཆང་བུའི་མཐེབ་རྗེས་རང་ལ་བསྟན། དུར་བའི་མྱུ་གུ་ཕྱིར་བསྟན་ཏེ་བཟུང་ནས་སྐོར་དགོས། དེ་ནས། ཆུ་གཙང་ཁ་རྣ་མིག་སྣ་ཁ། །ལག་ལྟེ་མགོ་ལ་ཉེ་རེག་བྱ། །དྲི་མེད་མཆོད་མར་བཞི་ཡིས་མཆོད། །ཅེས་པའི་ཚུལ་གྱིས་རྟེན་ནམ་མེ་ལོང་ལ་ཉེ་རེག་བྱ་ཞིང་མཆོད་པ་བཞི་དབུལ། སྤོས་དཀར་མར་དང་སྦྱར་བ་འཁྱིལ་བའི་སྔགས་དང་ཧཱུཾ་ལན་བདུན་བཟླས་ཏེ་བྱིན་གྱིས་བརླབས་ནས་བདུག །དེ་ནས་ཕལ་ཁྲུས་བྱེད་པ་ལ། མཆོད་དཔོན་གྱིས་ཕྲག་པ་གཡོན་པར་རྟེན་ཁེབ་དང༌། དེའི་སྟེང་དུ་ཁྲུས་རས་དགབ། གཞན་ཞིག་གིས་ཁྲུས་གཞོང་བཟུང་སྟེ་གཉིས་ཀ་བླ་མའི་གཡས་ཕྱོགས་དང༌། གཅིག་གིས་མེ་ལོང་བཟུང་ནས་གཡོན་ཕྱོགས་སུ་འགྲེང་སྟེ་འཁོད། ཁྲུས་བུམ་འཛིན་མཁན་བརྒྱད་ཀྱིས་སྣམ་སྦྱར་དང་ཞྭ་མོ་གྱོན་ཏེ་ཁྲུས་དཀྱིལ་གྱི་མཐའ་བསྐོར་ནས་སྡོད་པའམ། ཁྲུས་དཀྱིལ་དང་བླ་མའི་བར་དུ་གཡས་གཡོན་ལ་བཞི་རེ་གྲལ་བྱས་ནས་འགྲེང་སྟེ་འཁོད། གཡས་མ་བཞི་ལ་མངར་གསུམ་དང་ཞོ་འབྲས་བུ་འབྲུའི་བུམ་པ་བཞི་དང༌། གཡོན་མ་བཞིའི་གྲལ་མཇུག་ནས་ཡར་དྲི་བཟང་འབྲས་ཡོས་སྨན་རིན་པོ་ཆེའི་བུམ་པ་རྣམས་

― GTD007_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་དུ་གཞུག །ཕལ་ཁྲུས་ཚན་པ་གསུམ་གའི་སྔ་ཕྱིར་དགོས་པའི་འདག་རྫས། བྱུག་པ། དྲིལ་ཕྱིས་ཀྱི་རྫས་རྣམས་རིམ་པ་ལྟར་སྡེ་ཚན་དུ་བྱས་ཏེ་བླ་མའི་མདུན་ངོས་སུ་བསྒྲིག་ནས་བཞག །ཁྲུས་བུམ་འཛིན་མཁན་ཟུར་དུ་མེད་ན་གདོང་གྲལ་གཡས་ཀྱི་མགོ་ནས་བུམ་པ་བརྒྱད་ཀ་མཐར་ཆགས་སུ་བཀྲམ་སྟེ་འཛིན་དུ་གཞུག་པའམ། ཡང་ན་འདག་རྫས་དང་པོ། བུམ་པ་དང་པོ་དང་གཉིས་པ། དེའི་བྱུག་པ་གཉིས་དང་དྲིལ་ཕྱིས་ཀྱི་རྫས་དང་པོ། ཡང་འདག་རྫས་གཉིས་པ་དང༌། ཁྲུས་བུམ་གསུམ་པ། བཞི་པ། ལྔ་པ། བྱུག་པ་གཉིས་པ་དང་དྲིལ་ཕྱིས་ཀྱི་རྫས་གཉིས་པ། འདག་རྫས་གསུམ་པ་དང་ཁྲུས་བུམ་ཕྱི་མ་གསུམ། བྱུག་པ་དང་དྲིལ་ཕྱིས་གསུམ་པ་རྣམས་སྤེལ་ནས་ཚོགས་སུ་བཀྲམ་སྟེ་འཛིན་པའི་ཕྱག་ལེན་ཡང་ཡོད་པས་གང་བདེ་བྱ། གང་འདིར་ཞེས་སོགས་དང༌། རི་བོ་ལྟར་ནི་ཞེས་སོགས་གསུང་ཞིང༌། དེའི་ཚིག་བཞི་རེའི་མཚམས་སུ་མང་མས་དྲིལ་གསིལ་དང༌། ཁྲུས་བུམ་འཛིན་མཁན་རྣམས་ཀྱིས་བུམ་པ་ཡོ་བ་རེ་བྱ། དེ་ཡང་འཇིག་རྟེན་ན་ཁྲུས་བྱེད་པའི་ཚེ། དྲི་མ་འདག་སླ་བའི་ཕྱིར་དང་པོར་བུལ་ཏོག་ལྟ་བུས་ལུས་ལ་བྱུགས། དེ་ནས་བཀྲུ་ཁྲུས་བྱས་ཏེ་ལུས་ཀྱི་དྲི་མ་དག་པ་ན། བ་སྤུའི་སྒོ་ནས་རླུང་འཇུག་པ་འགོག་པའི་ཕྱིར་རྐང་མར་ལྟ་བུས་བྱུགས་ཏེ་བསྐུ་མཉེ་བྱེད། དེ་ནས་དེའི་སྣུམ་འདོན་པའི་ཕྱིར་སྲན་ཕྱེ་སོགས་ཀྱིས་དྲིལ་ཕྱིས་བྱེད་པ་དང་སྒོ་བསྟུན་པ་ཡིན་པས། རགས་བཤད་ལ་བརྒྱད་ཀར་འདག་རྫས་ཞེས་གསུངས་ཀྱང༌། ཞིབ་ཏུ་བྱས་ན། ཕྱིའི་བདུད་རྩི་ལྔ། བ་བྱུང་ལྔ། དྲི་ལྔ་སྟེ་འདག་ཆལ་

― GTD007_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་རིམ་བཞིན་ཕལ་ཁྲུས་ཚན་པ་གསུམ་གའི་སྔོན་དུ་བསྐུ་རྒྱུའི་འདག་རྫས་དངོས་ཡིན་ལ། འབྲུ་མར་དང་རྩི་མར་ནི་ཁྲུས་རེའི་རྗེས་སུ་བྱུག་རྒྱུའི་བྱུག་པའི་རྫས་དང༌། ཤིང་ཤུན་ཕྱེ་མ། སྐྱུ་རུ་ར་དང་སྲན་མའི་ཕྱེ་མ། ཡུང་བའི་ཕྱེ་མ་གསུམ་མཇུག་ཏུ་འདེབས་རྒྱུའི་དྲིལ་ཕྱིས་ཀྱི་རྫས་ཡིན་ནོ། །དེས་ན། བདུད་རྩི་ལྔ་སྐུས་མངར་གསུམ་ཞོ་ཡིས་བཀྲུ། །མར་གཉིས་བྱུགས་ཤིང་ཤིང་ཤུན་ཕྱེ་མས་ཕྱ། །བ་བྱུང་ལྔ་སྐུས་འབྲས་འབྲུ་དྲི་ཡིས་བཀྲུ། །མར་བྱུགས་སྐྱུ་རུ་ར་དང་སྲན་ཕྱེས་ཕྱ། །དྲི་བཟང་ལྔ་སྐུས་ཡོས་སྨན་རིན་ཆེན་ཆུས། །བཀྲུ་ཞིང་མར་བྱུགས་ཡུང་བའི་ཕྱེ་མས་ཕྱ། །ཞེས་སྡོམ་ཚིག་དང༌། ཚན་པ་སོ་སོའི་འདག་རྫས་རྣམས་གཙང་ཞིང་མ་དང༌། ཁྲུས་བརྒྱད་ཀ་རྒྱལ་བ་རྣམས་གཙང་མ། བསྐུ་མཉེ་རྣམས་མི་ཕྱེད་མ། དྲིལ་ཕྱིས་རྣམས་རང་བཞིན་དག་པ་མ་སྟེ་སོ་སོའི་སྔགས་དང་བཅས་པའི་སྒོ་ནས་བྱེད་དགོས་པ་ངེས་པར་བྱས་ལ། དང་པོ། གཙང་ཞིང་དྲི་མ་མི་མངའ་ཡང༌། །ཞེས་སོགས་ཀྱི་མཇུག་ཏུ་སྔགས་བརྗོད་ཚེ་མེ་ལོང་ངོས་ཀྱི་གཟུགས་བརྙན་ཤར་བ་ལ་འདག་རྫས་དང་པོ་བདུད་རྩི་ལྔའི་འདག་ཆལ་དུར་བའི་པིར་གྱི་རྩེ་ལ་བླངས་ནས་བྱུགས། ཀཱ་ཡ་བི་ཤོ་དྷ་ཞེས་སོགས་ཀྱི་སྐབས་སུ་པིར་གྱིས་དྲུད་དེ་མཉེད་པའི་ཚུལ་བྱ། དེ་ནས་ཁྲུས་བུམ་དང་པོ་བླ་མའི་ཕྱག་ཏུ་ཕུལ་ཏེ། རྒྱལ་བ་རྣམས་ནི་ཞེས་སོགས་ཀྱིས་ཁྲུས་བྱ། ཁྲུས་ཟིན་པ་དང་གཡོན་གྱི་གྲལ་མགོ་མར་གཏད་དེ། རིམ་པ་བཞིན་གཡས་གྲལ་པ་རྣམས་ཀྱིས་རང་རང་གི་ལག་གི་བུམ་པ་གོང་མ་གོང་མར་བརྒྱུད་

― GTD007_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བླ་མའི་ཕྱག་ཏུ་འབུལ་ཞིང༌། གཡོན་གྲལ་གྱིས་བླ་མའི་ཕྱག་ནས་བྱུང་རིམ་བཞིན་མར་བརྒྱུད་ལ། དེ་ཕྱོགས་ཀྱི་བུམ་པ་རྣམས་གཡས་གྲལ་མཇུག་ནས་ཡར་གཏོང༌། ཁྲུས་བུམ་དང་པོ་གཡོན་གྱི་གྲལ་མཇུག་ཏུ་སླེབ་པ་ན་དེའི་ཤར་གྱི་པད་འདབ་ལ་འགོད་པ་སོགས་ཚར་རིམ་བཞིན་ཁྲུས་བུམ་བརྒྱད་ཀ་རང་རང་གནས་སུ་འགོད་དགོས། བུམ་པ་དང་པོ་གཉིས་ཀྱི་ཁྲུས་ཟིན་པ་ན། མི་ཕྱེད་རྡོ་རྗེ་མའི་མཇུག་ཏུ་དྲི་ཞིམ་པོའི་འབྲུ་མར་དང་རྩི་མར་གྱིས་བྱུགས་ལ་དུར་བའི་པིར་གྱིས་མཉེ། རང་བཞིན་མའི་མཇུག་ཏུ་ཤིང་ཤུན་གྱི་ཕྱེ་མ་བཏབ་ནས་དུར་བས་དྲུད། ཡང་གཙང་ཞིང་མའི་མཇུག་ཏུ་བ་བྱུང་ལྔའི་འདག་པ་བསྐུས། འབྲས་བུའི་བུམ་པ། འབྲུའི་བུམ་པ། དྲིའི་བུམ་པ་རྣམས་ཀྱིས་ཁྲུས་དང༌། སྤོས་མར་གྱིས་བྱུགས་པ། སྐྱུ་རུ་ར་དང་སྲན་ཕྱེས་དྲིལ་ཕྱིས་བྱ། དེ་ནས་དྲི་བཟང་ལྔའི་འདག་ཆལ་བསྐུས་ལ། འབྲས་ཡོས་ཀྱི་བུམ་པ། སྨན་གྱི་བུམ་པ། རིན་པོ་ཆེའི་བུམ་པ་རྣམས་ཀྱིས་ཁྲུས་དང༌། འབྲུ་མར་གྱིས་བྱུགས་པ། ཡུང་བའི་ཕྱེ་མ་བཏབ་སྟེ་དྲིལ་ཕྱིས་བྱེད་པའི་ཚེ་དུར་བའི་པིར་གྱིས་དྲུད་ཚུལ་སོགས་སྔར་བཞིན་བྱ། ཕལ་ཁྲུས་རྫོགས་པ་དང་མེ་ལོང་ཁྲུས་དཀྱིལ་གྱི་དབུས་སུ་ཕྱིར་བཞག །དེ་ནས་མཆོག་ཁྲུས་བྱ་བ་ལ། དབང་ལྷའི་མཆོད་པ་བྱིན་གྱིས་བརླབས། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས། གཤེགས་པ་དང་གཤེགས་མ་ཞེས་སོགས་དང༌། རྡ་ོརྗེ་ཅན་གྱིས་ཞེས་སོགས་གཞུང་བཞིན་དང༌། མཆོད་དཔོན་གྱིས་རྣམ་རྒྱལ་བུམ་པ་བཏེག་ལ། བཀྲ་ཤིས་གང་ཞིག་ཅེས་སོགས་ཚིག་བཞི་རེ་རེའི་མཐའ་དྲིལ་

― GTD007_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་གསིལ་ཞིང་མེ་ཏོག་འཐོར། ཁྲུས་ཀྱི་ཁང་པ་ཞེས་སོགས་ཀྱིས་ཁྲུས་ཁང་བསྐྱེད། ཁྲུས་དཀྱིལ་གྱི་དབུས་ནས་མེ་ལོང་བླངས་ཏེ་གཅིག་གིས་བླ་མའི་གཡོན་ཕྱོགས་སུ་བཟུང༌། མཆོག་ཁྲུས་ཀྱི་འདག་རྫས། སྤོས་མར་གྱི་བྱུགས་པ། དྲི་བཟང་གི་ཕྱེ་མ་རྣམས་རིན་པོ་ཆེའི་སྣོད་དུ་བཞག་པ་དུར་བའི་པིར་རེ་དང་བཅས་པ་དང༌། ཁྲུས་གཞོང༌། ཁྲུས་རས་རྣམས་བླ་མའི་མདུན་དུ་སྒྲིག །སྟོང་གསུམ་ཀུན་ཏུ་ཞེས་སོགས་ཀྱི་མཇུག་ཏུ་དྲི་བཟང་ལྔའི་འདག་ཆལ་དུར་བའི་པིར་གྱིས་བླངས་ནས་བྱུགས་ཤིང་དྲུད། རྣམ་བུམ་གྱི་ཆུ། ལས་བུམ་མམ། བུམ་པ་གཞན་ཞིག་ཏུ་བླུག་པ་བླ་མའི་ཕྱག་ཏུ་བསྣམས་ཏེ། ཇི་ལྟར་བལྟམས་པ་སོགས་ཀྱིས་ཁྲུས་བྱ་ཞིང༌། སྐབས་འདིའི་ཁྲུས་རྣམས་ལ་རྔ་སྦུབ་སོགས་རོལ་ཆེན་ཡང་བྱས་ན་ལེགས། མི་ཕྱེད་རྡོ་རྗེ་སོགས་ཀྱིས་དྲི་ཞིམ་པོའི་འབྲུ་མར་བྱུགས། རང་བཞིན་དག་པ་ཞེས་སོགས་ཀྱིས་དྲི་བཟང་གི་ཕྱེ་མ་འདེབས། དེ་དག་སྐུ་ལ་སོགས་ཀྱི་མཐར་རིགས་ལྔའི་ས་བོན་བཀོད་པའི་རས་ཀྱིས་དབྱི། ཡང་སྟོང་གསུམ་ཀུན་ཏུ་མས་འདག་ཆལ་བྱུགས་ལ། ཕྱིན་དྲུག་གི་ཚིགས་བཅད་རེ་རེའམ། གཉིས་གསུམ་རེས་ཁྲུས་གསོལ་བའི་མཚམས་སུ། མི་ཕྱེད་མས་བྱུག་པ་དང༌། རང་བཞིན་མས་དྲིལ་ཕྱིས། དེ་དག་སྐུ་ལ་མས་སྐུ་དབྱི་བ་གསུམ་པོ་བཅུག་ནས་བྱེད་པ་རྒྱས་པའི་ཕྱག་ལེན་ཡིན་ལ། འོན་ཀྱང་ལན་རྗེས་མའི་སྐབས་སུ། རང་བཞིན་དག་པ་མ་དང༌། དེ་དག་སྐུ་ལ་མའི་བར་དུ། སྐུ་མཆོག་རྣམ་དག་ནས། དམ་པའི་སྐུ་

― GTD007_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་བདག་གིས་ཐོབ་པར་ཤོག །ཅེས་ཁྲུས་གསོལ་བའི་དགེ་བ་བསྔོ་བ་དང༌། དེ་དག་སྐུ་ལ་མའི་མཇུག་ཏུ། བདེ་གཤེགས་སྐུ་གསུམ་ཞེས་སོགས་ཀྱིས་ཕྱིས་པའི་དགེ་བ་བསྔོ། བསྔོ་བ་འདི་གཉིས་ཁྲུས་རྗེས་མའི་སྐབས་མ་གཏོགས་མི་དགོས་ཀྱང༌། སྟོང་གསུམ་ཀུན་ཏུ་མ་དང༌། བྱུག་པ། དྲིལ་ཕྱིས། སྐུ་དབྱེའི་ཚིགས་བཅད་རྣམས་སྔ་ཕྱི་ཀུན་གྱི་འགོ་མཇུག་ཏུ་སྦྱོར་དགོས། ༈ འབྲིང་དུ་བྱེད་ན། དང་པོར་སྟོང་གསུམ་ཀུན་ཏུ་མས་འདག་ཆལ་བྱུགས། ཇི་ལྟར་བལྟམས་པ་དང་སྔགས་གཉིས་ཀྱིས་ཁྲུས། དེ་བཞིན་དུ། ཁྱོད་ནི་སྦྱིན་པའི་ནས། སྔགས་གཉིས། ཁྱོད་ནི་ཚུལ་ཁྲིམས། སྔགས་གཉིས་སོགས་རིམ་པར་སྦྱར་ལ། གང་ལ་ཉེས་པ་ཞེས་སོགས་སྔགས་གཉིས་དང་བཅས་པའི་བར་མཐར་ཆགས་སུ་བརྗོད་དེ། མཇུག་ཏུ། མི་ཕྱེད་མ། རང་བཞིན་མ། སྐུ་མཆོག་མ། དེ་དག་སྐུ་ལ་མ། བདེ་གཤེགས་སྐུ་གསུམ་མ་རྣམས་ཚར་གཅིག་བརྗོད་པ་ཡིན་ཞིང༌། ༈ བསྡུས་པ་ལ། ཁྲུས་དངོས་གཞི་ཇི་ལྟར་བལྟམས་པ་གཅིག་པུས་ཆོག་པས། ཁྱོད་ནི་སྦྱིན་པའི་ཞེས་སོགས་ནས། གང་ལ་ཉེས་པ་ཞེས་པའི་བར་མི་དགོས་ཤིང༌། དེ་དག་སྐུ་ལ་མའི་སྔ་ཕྱིར་བསྔོ་བ་གཉིས་འཇུག་དགོས། ༈ དེ་ནས་དྲི་དང་གོས་རྒྱན་རྣམས་འབུལ་བ་ནི་མཆོད་གཡོག་པས་མེ་ལོང་བླ་མའི་ཕྱག་ཏུ་ཕུལ། དྲི་བཟང་གི་ཆུ་བཏེག་ནས་བཟུང་ལ། སྟོང་གསུམ་ཀུན་ཏུ་ཞེས་སོགས་ཀྱིས་བླ་མས་ཕྱག་གིས་མེ་ལོང་བྱུགས། རྟེན་ཁེབ་ཕྱག་ཏུ་བསྣམས་ནས། སྣ་ཚོགས་དབང་པོའི་ཞེས་སོགས་ཀྱིས་གོས།

― GTD007_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་པོ་ཆེའི་རྒྱན་ཕྲེང་ངམ། རྒྱན་གྱི་ཙ་ཀ་ལི་ཕྱག་ཏུ་བསྣམས་ཏེ། བདེ་གཤེགས་སྐུ་མཆོག་ཅེས་སོགས་ཀྱིས་རྒྱན་དབུལ། དེ་ནས། རང་རྡོ་རྗེ་འཇིགས་བྱེད་དུ་གསལ་བའི་ཐུགས་ཀའི་ཧཱུཾ་ལས་འོད་ཟེར་འཕྲོས་ཞེས་སོགས་ཀྱིས་ཡེ་ཤེས་པ་སྤྱན་འདྲེན། མཆོད་པ་བྱིན་གྱིས་བརླབས། དྲི་མེད་ཡིད་དུ་སོགས་ཀྱིས་ཆུ་གསུམ། ལྷ་ཡི་མེ་ཏོག་སོགས་ཀྱིས་ཉེར་སྤྱོད་རོལ་མོ་དང་བཅས་པའི་བར་གཞུང་བཞིན་བྱ། དེ་ནས་མཆོད་དཔོན་གྱིས་སྤོས་བཀྲམ། བདག་ཉིད་ཀྱི་ལྕེ་ཧཱུཾ་ལས་སྐྱེས་པའི་རྡོ་རྗེར་གྱུར། ཅེས་བརྗོད་ཅིང་དབུ་ཞྭ་བཞེས་ལ། པུས་མོ་གཡས་པ་བཙུགས། སྤོས་ཐོགས་ཏེ། ཐུགས་རྗེ་ཡིས་ནི་ཞེས་སོགས་ལན་གསུམ་གདོན་ཞིང༌། སང་ནི་རབ་གནས་ཞེས་དང༌། སང་ནི་ཡང་དག་བགྱིད་པར་གྱུར། །ཞེས་པ་དང༌། བྱིན་གྱིས་བརླབ་པར་མཛད་དུ་གསོལ། །ཞེས་པ་རྣམས་ཀྱི་སྐབས་སུ་དྲིལ་བུ་དཀྲོལ། དེ་ནས་སྤོས་ཕྱིར་བསྡུས་ལ། ལྷ་རྣམས་ཀྱི་ཞེས་སོགས་དང༌། མཆོད་པ་བྱིན་གྱིས་བརླབས། ཆུ་གསུམ་ཉེར་སྤྱོད་རོལ་མོའི་བར་སྔགས་ཀྱིས་དབུལ། སརྦ་ཏ་ཐཱ་ག་ཏ་པཱ་ད་བནྡ་སོགས་ཀྱི་སྐབས་སུ་ཐལ་མོ་སྦྱར་ཏེ་ཕྱག་བྱ། གཉིས་མེད་ཐུན་མོང་མ་ཡིན། ཞེས་པ་ནས། འཇིགས་བྱེད་གཤིན་རྗེའི་གཤེད་ལ་ཕྱག་འཚལ་ལོ། །ཞེས་པའི་བར་གྱིས་བསྟོད་པ་གཤེགས་གསོལ་དང་བཅས་པ་གཞུང་བཞིན་བྱ། རྟེན་དངོས་ལ་དྲི་བཟང་བྱུགས་པ་མི་བདེ་ན། མེ་ལོང་དང་དྲི་བཟང་བླ་མའི་ཕྱག་ཏུ་ཕུལ་ཏེ། ཐུགས་ཀ། །མགྲིན་པ། དཔྲལ་བ།

― GTD007_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་གཉིས། སྤྱི་གཙུག་རྣམས་སུ་དྲི་བཟང་བྱུགས། ཡང་ན་རྟེན་དངོས་ལ་དེ་ལྟར་བྱུགས་པའི་སྟངས་ཀ་བྱས་ཀྱང་རུང་ངོ༌། །ཡང་མཆོད་པ་བྱིན་གྱིས་བརླབས་ལ། རྟེན་ཅིང་འབྲེལ་པར་ཞེས་སོགས་དང༌། ཨོཾ་སརྦ་ཏ་ཐཱ་ག་ཏ་པཱངྱཾ་སོགས་ཀྱིས་ཆུ་གསུམ་ཉེར་སྤྱོད་རོལ་མོ་དང་བཅས་པ་དབུལ། ཧྲཱིཿ ཥྚྲཱིཿ དང་འཁྱིལ་བའི་སྔགས་བཟླ་བཞིན་དུ་རྟེན་དམ་ཚིག་པའི་ཐུགས་ཀ།།མགྲིན་པ། སྤྱི་བོ་རྣམས་སུ་རྡོ་རྗེས་རེག་སྟེ་བགེགས་མི་འཇུག་པའི་ཕྱིར་རྟེན་དང་བདག་ཉིད་བསྲུང་བའི་དམིགས་པ་བྱ། ཁྲུས་སྟེགས་ཀྱི་མདུན་དུ་སྟེགས་དམའ་བ་ཞིག་གི་ཁར་ཕྱོགས་སྐྱོང་གི་མཆོད་གཏོར་བཤམ། མཆོད་པ་བྱིན་རླབས་དང༌། གཏོར་མ་ནང་མཆོད་ལྟར་བྱིན་གྱིས་བརླབས། རང་གི་ཐུགས་ཀ་ནས་ཁྲོ་བོ་གཤིན་རྗེའི་གཤེད་ཕྱག་ན་ལྕགས་ཀྱུ་དང་ཞགས་པ་ཐོགས་པ། ཞེས་པ་ནས། ཞགས་པས་བཅིངས་ཏེ་བཀུག་ནས་རབ་ཏུ་གནས་བྱའི་ལྷ་རྣམས་ཀྱི་སྟེང་འོག་ཕྱོགས་མཚམས་རྣམས་སུ་འཁོད་པ་ནི། ཤར་དུ་དབང་པོ། ཞེས་པ་ནས། སྲིད་པ་གསུམ་གྱི་འབྱུང་པོའི་ཚོགས་དང་བཅས་པར་གྱུར། རང་གི་སྙིང་ག་ནས་ཁྲོ་བོ་གཤིན་རྗེའི་གཤེད་ཕྱག་ན་ཕུར་བུ་ཐོགས་པ། ཞེས་པ་ནས། ཡུམ་དང་བཅས་པའི་སྐུར་བཞེངས་པའི་མགྲོན་རྣམས་ཀྱི་ལྗགས་ཧཱུཾ་ལས་ཞེས་སོགས་སྔོན་འགྲོའི་སྐབས་བཞིན་བྱས་ལ། བདག་ནི་རེ་བའི་སེམས་ཀྱིས་འདུད་ཅིང་མཆིས། །ཕྱོགས་སྐྱོང་འཁོར་དང་བཅས་པ་རྣམས་ཀྱིས་ཇི་སྲིད་རབ་ཏུ་གནས་པའི་བྱ་བ་མ་རྫོགས་པ་དེ་སྲིད་དུ་རབ་ཏུ་གནས་བྱའི་ལྷ་རྣམས་ཀྱི་སྟེང་འོག་ཕྱོགས་མཚམས་རྣམས་སུ་འཁོད་ནས་བགེགས་རྣམ་

― GTD007_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བཟློག་པའི་འཕྲིན་ལས་མཛོད་ཅིག །ཅེས་ཕྱོགས་གཏོར་ཕུལ་ལ། རྟེན་རྣམས་ན་བཟའ་སེར་པོས་བཀབ་ནས་འཇོག །གཏང་རག་གི་མཆོད་པ་བྱིན་གྱིས་བརླབས་ཏེ། མཆོད་བསྟོད། བཟོད་གསོལ། ཤིས་བརྗོད་རྣམས་དཀྱུས་ལྟར་བྱ་སྟེ་སྟ་གོན་གྱི་རིམ་པའོ།། ༈ གཉིས་པ་དངོས་གཞི་ལ། སྐད་ཅིག་དཀྲོང་བསྐྱེད། རྡོར་དྲིལ་བྱིན་རླབས་ནས། རྡོར་སེམས་བསྒོམ་བཟླས། བུམ་ཆོག །ཚོགས་ཞིང་ནས་ཕྱོགས་སྐྱོང་གཏོར་མའི་བར་དང༌། གཞི་བདག་གཏོར་མ་བསྔོས། དཀྱིལ་འཁོར་ཤུགས་འཇུག །གྲུབ་ན་བདག་འཇུག་ཀྱང་ལེན། དེ་ནས་ཁྲུས་བུམ་དང་མེ་ཏོག །ཡུངས་ཀར། གུ་གུལ་རྣམས་སྔར་ཉིན་ལྟར་བསྒྲུབ། གསོལ་གདབ་སེམས་བསྐྱེད་གཉིས་བཞག་སྟེ། རྟེན་སེམས་དཔའ་སུམ་བརྩེགས་ཡུམ་བཅས་སུ་བསྐྱེད། ཡབ་ལ་འཁྱུད་པ་ཞེས་པའི་འཕྲོར། དཀྱིལ་འཁོར་དུ་འཇུག་པའི་སྐོར་རྣམས་དོར་ལ། ཆུ་བཞི་བསྒྲུབས་ཏེ་འབུལ་བ། སྦྱང་བའི་སྐོར་དང༌། ཕལ་ཁྲུས། མཆོག་ཁྲུས། དྲི་དང་གོས་རྒྱན་འབུལ་བའི་བར་སྟ་གོན་གྱི་སྐབས་བཞིན་བྱ། དེ་རྗེས་བཞེངས་ཏེ་གསོལ་འདེབས་དང༌། བཞུགས་ནས་སེམས་བསྐྱེད་པ་སྔར་དང་འདྲ། དེ་ནས། ལྷ་ཐམས་ཅད་ཀྱི་མིག་གཉིས་སུ་ཀྵིཾ་ཀྵིཾ་དང་འཁོར་ལོ་ལས། ཞེས་པ་ནས། ནོར་བུ་དང་པདྨ་འཛིན་པ་ཞེས་པའི་བར་གྱིས་སྐྱེ་མཆེད་སྐུ་གསུང་ཐུགས་བྱིན་གྱིས་བརླབས། བསྡུ་ན། ལྷ་རྣམས་ཀྱི་སྤྱི་བོར་ཨོཾ་ལས་ཞེས་སོགས་གཞུང་བཞིན་བྱ། རྟེན་སྔ་མ་ཨར་ཆོག་བྱས་པའི་མེ་ལོང་ཡོད་ན་སྐབས་འདིར་སྤྱན་འདྲེན་

― GTD007_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་པས། ལས་ཀྱི་རྡོ་རྗེས་ཨར་ཆོག་གི་མེ་ལོང་གང་ན་ཡོད་པ་དེར་ཕྱིན་ནས་ཕྱག་གསུམ་བཙལ། སྤོས་རོལ་མཆོད་རྫས་ཐོགས་པ་དུ་མས་མདུན་བསུས་ཏེ་སྤྱན་དྲངས་ནས་སློབ་དཔོན་གྱི་མདུན་དུ་སྟེགས་ཀྱི་སྟེང་དུ་བཞུགས་སུ་གསོལ། དེའི་མདུན་དུ་མཆོད་པ་ཚར་གཅིག་བཤམས་ལ་བྱིན་གྱིས་བརླབས། ཨོཾ་སརྦ་ཏ་ཐཱ་ག་ཏ་ཨརྒྷཾ་སོགས་ཀྱིས་མཆོད། ཛཿ ཧཱུཾ་བཾ་ཧོཿ རྟེན་རྙིང་པའི་དམ་ཚིག་པ་དང་ཡེ་ཤེས་པ་རྣམས་རྟེན་གསར་པ་དང་གཉིས་སུ་མེད་པར་གྱུར། མཆོད་གཡོག་པས་སྤོས་བཀྲམ་སྟེ། ཐམས་ཅད་ཀྱིས་སྤོས་དང་རྡོར་དྲིལ་བསྣམས་ནས། མ་ལུས་སེམས་ཅན་སོགས་ཀྱིས་ཡེ་ཤེས་པ་སྤྱན་དྲངས། མཆོད་པ་བྱིན་གྱིས་བརླབས་ཏེ་ཕུལ་ལ། བདག་ཉིད་ཀྱི་ལྕེ་ཧཱུཾ་ལས་ཞེས་སོགས་དང༌། སྤོས་ཐོགས་ཏེ་གསོལ་བ་ལན་གསུམ་འདེབས་པ་སོགས་སྔར་ཉིན་དང་འདྲ་ཡང༌། སང་ནི་ཞེས་པ་རྣམས་ད་ལྟ་ཞེས་པར་བསྒྱུར་དགོས། ཡེ་ཤེས་པ་བསྟིམ་ནས་དབང་བསྐུར་བ་ལ། ༈ བསྡུ་ན། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས་གཤེགས་པ་དང་གཤེགས་མ་ཞེས་སོགས་གཞུང་བཞིན་དང༌། ༈ རྒྱས་པར་བྱེད་ན་མཎྜལ་ཕུལ་ལ། སངས་རྒྱས་ཤེས་རབ་ཆེན་པོ་ཡིས། །ཞེས་སོགས་ཀྱིས་གསོལ་བ་གདབ། ཨོཾཁཌྒ་དྷྲིཀ་ཧཱུཾ་ཕཊ། བླ་མ་དང་གཙོ་བོ་ཐ་མི་དད་པའི་ཐུགས་ཀའི་ཧཱུཾ་གི་འོད་ཟེར་གྱིས་རབ་ཏུ་གནས་བྱའི་ལྷ་རྣམས་དྲངས་པ་ཞལ་ནས་ཞུགས། ཞེས་པ་ནས། སྟོང་པའི་ངང་ལས་རབ་ཏུ་གནས་བྱའི་ལྷ་རྣམས་ཧཱུཾ་དང་རྡོ་རྗེ་ལས། ཞེས་པ་ནས། བྱང་ཆུབ་ཀྱི་སེམས་ཀྱིས་རབ་ཏུ་གནས་བྱའི་ལྷ་རྣམས་མི་བསྐྱོད་པར་བྱས་པ་ལ་དབང་བསྐུར། ཞེས་པ་ནས།

― GTD007_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་འཁོར་བཅས་ཐམས་ཅད་རབ་ཏུ་གནས་བྱའི་ལྷ་རྣམས་ལ་དབང་བསྐུར་བའི་ཕྱིར་དུ། ཞེས་པ་ནས། གདུགས་དང་རྒྱལ་མཚན་ལ་སོགས་པ་རྣམས་རབ་ཏུ་གནས་བྱའི་ལྷ་རྣམས་ཀྱི་སྟེང་ཕྱོགས་སུ་འཛིན། ཞེས་པ་ནས། ཛཿ ཧཱུཾ་བཾ་ཧོཿ རབ་ཏུ་གནས་བྱའི་ལྷ་རྣམས་ཀྱི་བ་སྤུའི་སྒོ་ནས་ཐིམ་པར་གྱུར། ཨོཾ་སརྦ་ཏ་ཐཱ་ག་ཏ་ཨརྒྷཾ་ནས། ཤཔྟའི་བར་དང༌། དེ་ནས་རིག་པའི་དབང་ཕྱི་མ་ལའང་འདི་བཞིན་བྱ། དེ་ནས་མཎྜལ་ཕུལ་ཏེ། གང་གིས་བདག་ནི་ཁྱོད་དྲིན་ལས། །ཞེས་སོགས་གསོལ་འདེབས། ཨོཾ་ཁཌྒ་དྷྲིཀ་ཧཱུཾ་ཕཊ། བླ་མ་དང་གཙོ་བོ་ཐ་མི་དད་པའི། ཞེས་པ་ནས། རབ་ཏུ་གནས་བྱའི་ལྷ་རྣམས་རྡོ་རྗེ་འཆང་དུ་གསལ་བས་ཡེ་ཤེས་ཀྱི་ཕྱག་རྒྱ་འདུ་བྱས་ནས། ཞེས་པ་ནས། རབ་ཏུ་གནས་བྱའི་ལྷ་རྣམས་ཀྱི་ལུས་ཀྱི་བ་སྤུའི་སྒོ་ནས་ཐིམ་པར་གྱུར། ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། ཨོཾ་སརྦ་ཏ་ཐཱ་ག་ཏ་ཨརྒྷཾ་ནས། ཤཔྟའི་བར་གྱིས་མཆོད། དེ་ནས་གསང་དབང་གི་དོན་དུ་མཎྜལ་ཕུལ་ལ། བྱང་ཆུབ་རྡོ་རྗེས་སོགས་གསོལ་འདེབས་དང༌། རབ་ཏུ་གནས་བྱའི་ལྷ་རྣམས་གཏི་མུག་གཤིན་རྗེའི་གཤེད་དང༌། བླ་མ་དང་གཙོ་བོ་ཐ་མི་དད་པ་དཔལ་རྡོ་རྗེ་འཇིགས་བྱེད། ཅེས་པ་ནས། བདེ་སྟོང་དབྱེར་མེད་དེ་ཉིད་གསང་དབང་གི་དངོས་གཞི་ཡིན་ནོ།། དབང་གསུམ་པའི་དོན་དུ་མཎྜལ་ཕུལ་ལ། གསོལ་གདབ་ནས། རབ་ཏུ་གནས་བྱའི་ལྷ་རྣམས་ཧཱུཾ་ལས་རྡོ་རྗེ་ཧཱུཾ་གིས་མཚན་པ་ཡོངས་སུ་གྱུར་པ་ལས་དཔལ་རྡོ་རྗེ་འཇིགས་བྱེད། ཅེས་པ་ནས། ལྷན་སྐྱེས་ཀྱི་དགའ་བ་ནི་དབང་གསུམ་པའི་ངོ་བོ་ཡིན་ནོ། །

― GTD007_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་བཞི་པའི་དོན་དུ་མཎྜལ་ཕུལ་ལ། ཁྱོད་ཞབས་པདྨའི་བཀའ་དྲིན་སོགས་གསོལ་འདེབས་དང༌། རབ་ཏུ་གནས་བྱའི་ལྷ་ཚོགས་ཁྱེད་རྣམས་ཀྱིས་དབང་གསུམ་པ་ཐོབ་པའི་སྐབས་སུ་རང་དང་རིག་མ་གཉིས་ཀྱི་ལུས་འདོད་ལྷ་ཡབ་ཡུམ་དུ་སྣང་བཞིན་པའི་དུས་ན། ཞེས་པ་ནས། དེ་ནི་ཐོབ་བྱ་དོན་གྱི་དབང་བཞི་པ་ཡིན་ནོ། །དེ་ནས་གཏང་རག་གི་མཎྜལ་དབུལ། གོང་དུ་གདོང་གཡོགས་འཆིང་བ་སོགས་ཀྱི་རིགས་པ་སྦྱར་ན་དབང་རྫས་གཞན་རྣམས་ཀྱང་གཏད་དུ་རུང་བ་ཙམ་སྣང་ཡང༌། ལག་ལེན་ཆ་མཚུངས་སྟབས་བདེ་བ་ཞིག་མི་འོང་བས། དེ་ལས་དཀྱིལ་འཁོར་གྱི་ལྷ་དང༌། རབ་ཏུ་གནས་བྱའི་ལྷས་ཕན་ཚུན་བླ་མ་དང་སློབ་མའི་ཚུལ་དུ་བྱས་པའི་དམིགས་པ་གསལ་འདེབས་པའི་ཕྱིར། དེ་གཉིས་ཀའི་རྗེས་སུ་ཟློས་པའི་ཚུལ་གྱིས་དབང་ཆོག་གི་ཚིག་མ་ཆད་པར་བརྗོད་དེ། དབང་རྫས་འདེག་རྒྱུ་དང་ཕྱག་རྒྱ་སོགས་ཀྱི་རིགས་ཐམས་ཅད་བཞག་ན་འབྲེལ་ཆགས་པར་འོང་ངོ༌། །དེ་ལྟར་དབང་བསྐུར་རྒྱས་བསྡུས་གང་རུང་བྱས་ཟིན་པ་དང་མཆོད་པ་བྱིན་གྱིས་བརླབས་ལ། ཆུ་བཞི་ཉེར་སྤྱོད་རོལ་མོའི་བར་གཞུང་བཞིན་དབུལ། བསྟོད་པ་འཇམ་དཔལ་གསེར་མདོག་མའམ། ཡང་ན། གཉིས་མེད་ཐུན་མོང་ནས་འཇིགས་བྱེད་གཤིན་རྗེའི་གཤེད་ལ་ཕྱག་འཚལ་ལོ། །སངས་རྒྱས་ཀུན་གྱི་དངོས་པོ་ཁྱོད། །ཅེས་པ་ནས། དཀྱིལ་འཁོར་གཙོ་ལ་ཕྱག་འཚལ་བསྟོད། །ཅེས་པའི་བར་གྱིས་བསྟོད། བླ་མས་རྟེན་ཁེབ་བཏེག་སྟེ། སྲབ་འཇམ་ཡང་པ་ཞེས་སོགས་དང༌། རྒྱན་གྱི་ཙ་ཀ་ལི་བཏེག་ལ། རྒྱལ་བ་མཚན་དཔེའི་ཞེས་སོགས་དང༌། མེ་ལོང་བཏེག་ནས། ཨ་

― GTD007_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་སྐྱེས་པའི་མེ་ལོང་ཞེས་སོགས་ཀྱིས་མེ་ལོང་ལྷ་ལ་ཕུལ་བ་ཡིན་གྱི། གོང་དུ་རྟེན་རྣམས་ལ་བསྟན་ནས་ཚུར་གདན་དྲངས་པའི་མེ་ལོང་དེ་ཉིད་བསྟན་པ་མིན་ནོ། །དེ་ནས་རྒྱས་པའི་སྦྱིན་སྲེག་བྱ་བ་ལ། ཁ་བྱང་དུ་ཕྱོགས་པར་ཐབ་ཀྱི་དབྱིབས་གྲུ་བཞི། རྒྱར་ཁྲུ་དོ། དེའི་ཕྱིར་མུ་རན་སོར་བརྒྱད། དེའི་ཕྱི་རོལ་ཏུ་ཁ་ཁྱེར་སོར་བརྒྱད་པ་རིན་པོ་ཆེའི་ཕྲེང་བས་བསྐོར་བ། ཐབ་ཀྱི་དབུས་སུ་འཁོར་ལོ་སེར་པོ་རྩིབས་བརྒྱད་པའི་ལྟེ་བ་རིན་པོ་ཆེ་ཆ་དགུ་པ་སོར་དྲུག་ཅན་རྡོ་རྗེས་མཚན་པའམ། ཡང་ན་རིན་པོ་ཆེ་རྐྱང་པ། གྲྭ་བཞིར་ཟླ་ཕྱེད་རྡོ་རྗེས་མཚན་པ། ཐབ་ལ་ས་སེར་དང་དྲི་སེར་པོས་བྱུགས་ཤིང་མེ་ཏོག་སེར་པོ་གཅལ་དུ་དགྲམ། རྡོ་རྗེ་མཁའ་འགྲོར། གཡོན་དུ་ཆུ་ཡི་སྣོད་བཞག་སྟེ། །སྦྱིན་སྲེག་ཡོ་བྱད་གཡས་སུ་འོ། །ཞེས་པ་ལྟར། གོང་དུ་བཤད་པ་བཞིན་གྱི་རྫས་དང་མཆོད་པ་གཡས་ཕྱོགས་དང༌། ཆུ་བཞི་གཡོན་གྲལ་དུ་བཤམས་པ་སོགས་ཕྱག་ལེན་ལྟར་བྱས་ལ། སྟན་མཐོན་པོར་བཟང་པོའི་འདུག་སྟངས་ཀྱིས་འཁོད་པའམ་དེར་མོས། ངག་འདོན་ཕལ་ཆེར་འདྲ་ཡང༌། སཾ་དང་རྡོ་རྗེ་ལས་རྡོ་རྗེ་འཛིན་པ་སེར་པོ་སེར་མཐིང་དཀར་བའི་ཞལ་གསུམ་ཞེས་དང༌། ཡེ་ཤེས་ཀྱི་ཐབ་ཁ་དོག་སེར་ཞིང་དབྱིབས་གྲུ་བཞི་པ། མུ་རན་ཁ་ཁྱེར་དང་བཅས་པ། ཁ་ཁྱེར་ལ་རིན་པོ་ཆེའི་ཕྲེང་བས་བསྐོར་བ་ཞེས་སོགས་དང༌། མེ་ལྷ་སྐུ་མདོག་སེར་པོ་སེར་མཐིང་དཀར་བའི་ཞལ་གསུམ་ཞེས་སོགས་དང༌། མེ་ལྷའི་ལྗགས་རྡོ་རྗེའི་རྣམ་པ་ཅན་སེར་པོ་ལ་རཾ་ཡིག་ཅེས་སོགས་

― GTD007_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་ཅིང༌། དེའི་ཚེ་ལག་པ་གཉིས་ཁུ་ཚུར་བཅིངས་པའི་མཐེབ་མཛུབ་གཉིས་རྩེ་སྤྲད་པ་རིན་པོ་ཆེའི་ཁུ་ཚུར་གྱིས་དགང་བླུགས་འཛིན། སྤེལ་ཚིག་ནི། བདག་ཅག་དཔོན་སློབ་ཡོན་མཆོད་འཁོར་དང་བཅས་པའི་ཚེ་དང་བསོད་ནམས་དཔལ་འབྱོར་གཟི་བརྗིད་དང༌། སྡེ་སྣོད་གསུམ་དང་རྒྱུད་སྡེ་བཞིའི་བཤད་སྒྲུབ་ཀྱི་བྱ་བ་དང༌། ཁྱད་པར་དུ་ཡང་རབ་ཏུ་གནས་བྱའི་ལྷ་རྣམས་ཀྱི་སྐུ་གསུང་ཐུགས་ཀྱི་མཛད་པ་འཕྲིན་ལས་མཆོད་པའི་སྤྲིན་ཚོགས་ཐམས་ཅད་པུཥྚིཾ་ཀུ་རུ་ཨོཾ། ཞེས་བརྗོད་དེ་རྫས་སོ་སོ་ལ་ཁ་བསྒྱུར་མི་དགོས། འདས་ལྷའི་སྐབས་སུ། རླུང་གི་དཀྱིལ་འཁོར་ནག་ལ་ཅུང་ཟད་དམར་བའི་མདོག་ཅན་གྱི་སྟེང་དུ་སྣ་ཚོགས་པདྨ་དང་ཉི་མའི་གདན། ཞེས་པའི་མཚམས་སུ། མང་མས་ལྷ་སྤྱན་འདྲེན་གྱི་དམིགས་པ་དང་བཅས་དྲིལ་བུ་དཀྲོལ་བཞིན་པར་བཞུགས། ལས་ཀྱི་སློབ་མ་གཅིག་གིས་སྣམ་སྦྱར་དང་ཞྭ་གྱོན་ནས་སོང་སྟེ་རྟེན་གྱི་དྲུང་དུ་ཕྱག་གསུམ་བཙལ། བདག་ཅག་དཔོན་སློབ་ཡོན་བདག་དང་བཅས་པ་ལ་མཆོག་ཐུན་གྱི་དངོས་གྲུབ་སྩོལ་བའི་སླད་དུ་སྦྱིན་སྲེག་འབུལ་བས། ཐབ་ཀྱི་གཞལ་ཡས་ཁང་གི་ནང་དུ་གཤེགས་པར་ཞུ། ཞེས་བརྗོད་དེ་ལག་པ་གཡོན་པས་སྤོས་འཛིན། གཙོ་བོ་ཡབ་ཡུམ་གྱི་སྔགས་བརྗོད་ཅིང་རྟེན་གྱི་དྲུང་ནས་མེ་ཏོག་རེ་བླངས་ལ་རྟེན་ཁེབ་སོགས་ཀྱི་ཁུད་དུ་བཟུང༌། རབ་ཏུ་གནས་བྱའི་ལྷ་ལས་རང་འདྲ་གཉིས་པ་ཞིག་བྱོན་པར་མོས་ནས་མཆོད་རོལ་དང་བཅས་ཐབ་ལ་གཡས་སྐོར་བྱས་ནས་གདན་དྲངས་ཏེ་བླ་མའི་ཕྱག་ཏུ་ཕུལ་བ་ན། མང་མས་དྲིལ་བུ་དཀྲོལ་བ་མཚམས་བྱེད། བླ་མས་གཙོ་བོ་ཡབ་

― GTD007_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུམ་གྱི་སྔགས་བརྗོད་དེ་མེ་ཏོག་ཐབ་ཏུ་དོར་བ་དང༌། གཞལ་ཡས་ཁང་གི་དབུས་སུ་རྡོ་རྗེ་འཇིགས་བྱེད་ཡབ་ཡུམ། དེ་གཉིས་ཀྱི་སྐུ་ལས་འོད་ཟེར་སེར་པོའི་ཚོགས་འཕྲོ་བར་གྱུར། ཅེས་དང༌། ལྷའི་ལྗགས་རྡོ་རྗེའི་རྣམ་པ་ཅན་སེར་པོ་ཞེས་དང༌། ལྷ་རྣམས་ཀྱི་ཐུགས་ཀ་ནས་སྤྲོས་པས་སངས་རྒྱས་ཀྱིས་བུམ་པ་སེར་པོ་བདུད་རྩི་སེར་པོས་གང་བ་ཐོགས་ནས་བསྒྲུབ་བྱ་ཟླ་བ་སེར་པོ་ལ་གནས་པ་ལ་དབང་བསྐུར་བས། ཚེ་དཔལ་སྟོབས་འབྱོར་ལུང་རྟོགས་ཀྱི་ཡོན་ཏན་རྣམས་རྒྱས་ཤིང་རིན་པོ་ཆེའི་ཆར་བབས་པས་ཕུན་སུམ་ཚོགས་པའི་དཔལ་དང༌། གཟི་བརྗིད་འབར་བར་གྱུར། ཅེས་བརྗོད། སླར་ཡང་འབྱོན་པར་མཛད་དུ་གསོལ། །ཞེས་པའི་འཕྲོར། བླ་མས་གཙོ་བོ་ཡབ་ཡུམ་གྱི་སྔགས་དང༌། ཨོཾ་ཨཱཿ ཧཱུཾ་བཛྲ་མུཿ ལྷ་རྣམས་མེ་ལྷའི་ཐུགས་ཀ་ནས་གཤེགས་ཏེ། རབ་ཏུ་གནས་བྱའི་ལྷ་སོ་སོ་དང་གཉིས་སུ་མེད་པར་གྱུར། ཅེས་བརྗོད་ལ་ལས་ཀྱི་རྡོ་རྗེའི་ལག་ཏུ་གཏད། དེས་ཀྱང་སྔར་བཞིན་སྤྱན་དྲངས་ཏེ་རྟེན་ལ་གཏོར། ཕྱིར་འོང་གི་བར་དུ་མང་མས་དྲིལ་བུ་དཀྲོལ་ཞིང་གཞན་རྣམས་དཀྱུས་དང་འདྲ། དེ་ནས་ནང་དུ་ཕེབས་ཏེ་བླ་མས་མིག་སྨན་མིག་ཐུར་བཏེག་ནས་འབྱེད་པའི་སྟངས་ཀ་དང་བཅས་སྤྱན་དབྱེ་ཞིང༌། སྙན་དབྱེ། ཤངས་དབྱེ། ཞལ་དབྱེའི་ཐུར་མ་རྣམས་ཀྱང་དངོས་སུ་བཟོས་པ་ཡོད་ན་སོ་སོར་དབྱེ་བའི་སྟངས་ཀ་བྱ་ལ། མེད་ན་རང་རང་གི་ཙ་ཀ་ལི་བཏེག་སྟེ་ཚིགས་བཅད་རྣམས་བརྗོད། ཙ་རུ་ནང་མཆོད་ལྟར་བྱིན་གྱིས་བརླབས་ལ་གཞུང་བཞིན་དབུལ། དེ་ནས་ཞལ་

― GTD007_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

བསིལ་དང་མཆོད་ཡོན་དབུལ། མཆོད་གཡོག་པས་སོ་རྩི་བཏེག་སྟེ། ཨོཾ་བཛྲ་ཏམྦུ་ལ་ཡེ་སྭཱཧཱ། ཞེས་སྔགས་ཀྱིས་དབུལ། དེ་ནས་གཟུགས་བསྒྱུར་ནི། བླ་མས་རྡོ་རྗེ་དང་བཅས་པའི་ཕྱག་གིས་རྟེན་སོ་སོའི་གནས་རྣམས་སུ་རེག་ལ། ཨོཾ་ཧཱུཾ་ཏྲཾ་ཧྲཱིཿ ཨཱཿ དང༌། རྡོ་རྗེ་འདི་ནི་རྡོ་རྗེ་ཆེ། །ཞེས་སོགས་ཀྱི་ཚིགས་བཅད་བརྗོད་ལ། ཧྲཱིཿ ཥྚྲཱིཿ དང་ཡ་མཱནྟ་ཀ །ཨོཾ་ཨཱ་ཧཱུཾ་རྣམས་ཅི་མང་བཟླ། འོན་ཀྱང་ཚིགས་བཅད་བརྗོད་རྒྱུ་འཇོག་པའི་ཕྱག་ལེན་ཡང་ཡོད་ལ། སྔ་མ་འགའ་ཞིག་གིས་ཆོས་སྐྱོང་བསྒོ་བའི་སྐབས་སུ་འདོན་པར་ཡང་བཤད་དོ།། སྔར་བསྟན་ནས་ཁྲུས་དཀྱིལ་དུ་གདན་དྲངས་པའི་མེ་ལོང་ཡང་སྐབས་འདིར་རྟེན་ལ་ཕྱིར་བསྟན་ཏེ། དམ་ཡེ་མཐའ་དག་སྐུ་གསུང་ཐུགས་རྟེན་སོ་སོའི་རྣམ་པར་གྱུར་པར་བསམས་ལ། རྡོ་རྗེ་འཇིགས་བྱེད་ཡབ་ཡུམ་ཞུ་བ་ལས་བྲིས་འབུར་གྱི་སྐུ་དང༌། གསུང་རབ་ཀྱི་ཡིག་འབྲུ་སོ་སོ། མཆོད་རྟེན་དང་གཙུག་ལག་ཁང་སོགས་ཀྱི་རྣམ་པ་ཅན་དུ་གྱུར། ཅེས་བརྗོད། སྐུ་གསུང་ཐུགས་རྟེན་གང་རུང་རེ་ཙམ་ཡིན་ན་སྐབས་དང་སྦྱར་བའི་འདོར་ལེན་ཤེས་པར་བྱ། དེ་ནས་མངའ་དབུལ་གྱི་མཆོད་པ་ཆུ་བཞི། ཉེར་སྤྱོད་རོལ་མོ། འདོད་ཡོན་ལྔ་རྣམས་གཞུང་ལྟར་བྱིན་གྱིས་བརླབས་ལ། དག་ཅིང་དྲི་མེད། བསོད་ནམས་ཞིང་དུ། ཁ་དོག་དབྱིབས་ལེགས་སོགས་ཀྱི་ཚིགས་བཅད་དང༌། ཨོཾ་སརྦ་ཏ་ཐཱ་ག་ཏ་ཨརྒྷཾ་ཞེས་སོགས་སྦྱར་ཏེ་འབུལ། སརྦ་ཏ་ཐཱ་ག་ཏ་གུ་རུ་བུདྡྷ་སོགས་ཀྱིས་ནང་མཆོད། མི་བསྐྱོད་རྡོ་རྗེ་སོགས་ཀྱིས་བསྟོད་པ་རྣམས་གཞུང་བཞིན་བྱ། མཎྜལ་རྒྱས་

― GTD007_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་གང་རིགས། རྟགས་བརྒྱད་ཀྱི་ཙ་ཀ་ལི་བཏེག་སྟེ་སོ་སོའི་ཚིགས་བཅད་རྣམས་རིམ་པར་བརྗོད་ཅིང༌། དེ་བཞིན་གཤེགས་དང་ཞེས་སོགས་ཀྱི་སྐབས་སུ་རྣམ་བུམ་གྱིས་ཁྲུས་གསོལ། དེ་ནས་གོས། རྒྱན། འདོད་ཡོན་ལྔ། རྒྱལ་སྲིད་སྣ་བདུན་རྣམས་གཞུང་བཞིན་ཕུལ་ལ། རྒྱལ་བ་མགོན་པོ་ཞེས་སོགས་ཀྱི་ཚེ་རྣམ་བུམ་མམ། བུམ་རྫས་ཉེར་ལྔས་བཀང་བའི་བུམ་པ་ལོགས་སུ་ཡོད་ན་དེ་བཏེག་ལ་ཕུལ། གདུགས། འབྲུ། རིན་ཆེན་བདུན། སྨན་རྣམས་རིམ་པར་བཏེག་ཅིང་ཤིས་པ་བརྗོད་པའི་བར་སྤྱིའི་མངའ་དབུལ་ཆ་ཚང་བར་བྱ་ཞིང༌། བྱེ་བྲག་གི་མངའ་དབུལ་གང་དགོས་རབ་ཏུ་གནས་བྱའི་རྟེན་གྱི་གཙོ་བོ་ལོངས་སྤྲུལ་གང་གི་རྣམ་པ་ཅན་དང༌། གསུང་རབ་སོགས་གང་ཡིན་པ་དེ་དང་བསྟུན་ནས་འདོར་ལེན་གཞུང་བཞིན་དུ་བྱ། དེ་ནས་སྔར་བསྒྲུབས་པའི་མེ་ཏོག་གི་ལྷག་མ་ཚོགས་སུ་དགྲམ། གཟུངས་རྡོར་རྟེན་གཙོའི་ཐུགས་ཀའམ་ཕྱག་མཐིལ་ལྟ་བུ་གང་བདེ་དང༌། གླེགས་བམ་སོགས་ཀྱི་སྟེང་དུ་བཞག །རྟེན་གཞན་མང་པོ་ཡོད་ན་མཆོད་གཡོག་པས་གཟུངས་ཐག་རྡོ་རྗེ་བཟུང་སྟེ་རྟེན་སོ་སོའི་ཐུགས་ཀར་བཞག་པའི་ཚུལ་བྱ་ལ། སློབ་དཔོན་གྱིས་གཟུངས་ཐག་གི་སྣེ་ནས་བཟུང་སྟེ་ཡེ་དྷརྨཱ་ཅི་མང་བཟླ། འཇིགས་བྱེད་ཀྱི་ཤིས་བརྗོད་བྱ་ཞིང་མེ་ཏོག་གི་ཆར་དབབ། མེ་ཏོག་འཐོར་བཞིན་པར་ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། གང་མང་བརྗོད་ཅིང་བརྟན་བཞུགས་བྱ། མེ་ཏོག་དང་བཅས་ཐལ་མོ་སྦྱར་ལ། ཇི་ལྟར་སངས་རྒྱས་ཐམས་ཅད་ན། །ཞེས་པ་ནས། མི་བསྐྱོད་རྡོ་རྗེ་མས་བསྟོད་པའི་བར་གཞུང་

― GTD007_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་བྱ། ཉིན་རེ་གཉིས་ལ་གཏང་རག་གི་མཆོད་པ་མདོར་བསྡུས་རེ་དང་། འཇིགས་བྱེད་ཀྱི་ཤིས་བརྗོད་དང༌། རབ་རྫོགས་མས་ཤིས་བརྗོད་གཉིས་གང་རུང་རེ་བྱ། ༈ ཉིན་གསུམ་པ་ལ་ཡི་དམ་ཆོས་སྐྱོང་གི་མཆོད་གཏོར་རྒྱས་པར་བཤམ། རྡོར་སེམས་བསྒོམ་བཟླས་དང་བུམ་ཆོག་བཞག་ལ། ཚོགས་ཞིང་གི་མགོར་བསང་བ་དང༌། མངལ་འབྱིན། གསང་མཆོད་སོགས་བདག་མདུན་འཇུག་པ་གཅིག་པའི་སྒྲུབ་ཚུལ་སྔར་ཉིན་བཞིན་བྱ་ལ། སྦྱིན་སྲེག་གི་ཆོ་ག་དཀྱུས་དང་འདྲ་ཞིང༌། སྤེལ་ཚིག་ལ། རྒྱས་པར་ན། ཀུན་རིག་ཊཱིཀ་ཆེན་གྱི་འཕྲིན་ལས་སྐབས་སུ་འབྱུང་བ་ལྟ་བུའམ། བསྡུ་ན། རབ་ཏུ་གནས་བྱའི་རྟེན་རྣམས་ཀྱི་ཐུགས་རྗེ་བྱིན་རླབས་དང་མཛད་པ་འཕྲིན་ལས་ལ་བརྟེན་ནས་བསྟན་འགྲོའི་ཕན་བདེ་རྒྱས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་སྭཱཧཱ། ཞེས་བརྗོད། འདས་ལྷ་བསྐྱེད་སྐབས། ཟླ་བའི་གདན་ཟུང་རེ་རེ། ཞེས་པའི་བར་གཞལ་ཡས་ཁང་གདན་བཅས་སྒྲུབ་ཐབས་བཞིན་བསྒོམ། དེ་ནས་ལས་ཀྱི་རྡོ་རྗེས་དཀྱིལ་འཁོར་གྱི་དྲུང་ནས་མེ་ཏོག་གདན་འདྲེན་ཚུལ་སོགས་སྔར་ཉིན་དང་འདྲ། བླ་མས་གཙོ་འཁོར་ཐམས་ཅད་ཀྱི་སྔགས་བརྗོད་དེ་མེ་ཏོག་ཐབ་ཏུ་དོར། དབུས་ཀྱི་གདན་ལ་དཔལ་རྡོ་རྗེ་འཇིགས་བྱེད་ཡབ་ཡུམ། ཞེས་པ་ནས། མིའི་ཐོད་པ་བདུད་རྩིས་གང་བ་བཞི། ལྷ་ཐམས་ཅད་ཀྱི་སྐུ་ལས་འོད་ཟེར་དཀར་པོའི་ཚོགས་འཕྲོ་བར་གྱུར། ཅེས་གསལ་འདེབས་ཤིང༌། མེ་ཏོག་ཕྱིར་སྤྱན་འདྲེན་པའི་ཚེ་གཙོ་འཁོར་ཚང་མའི་སྔགས་དང༌། ཨོཾ་ཨཱཿ ཧཱུཾ་བཛྲ་མུཿ ལྷ་རྣམས་མེ་ལྷའི་ཐུགས་ཀ་ནས་

― GTD007_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་ཏེ་དཀྱིལ་འཁོར་གྱི་ལྷ་སོ་སོ་དང་གཉིས་སུ་མེད་པར་གྱུར། ཅེས་ལས་ཀྱི་རྡོ་རྗེ་ལ་མེ་ཏོག་གཏད་ཅིང་ལྷག་མ་དཀྱུས་དང་འདྲ། ༈ འོ་ཐུག་སྒྲུབ་ན་མེ་ལྷ་གཤེགས་གསོལ་གྱི་རྗེས་སུ། ཐབ་ཀྱི་མེ་ལ་མཉྫིའི་སྟེང་དུ་སྣོད་ནག་པོ་མ་ཡིན་པ་དྲི་དཀར་པོས་བྱུགས་ཤིང་མེ་ཏོག་གི་ཕྲེང་བ་བཅིངས་ཏེ། ཧཱུཾ་ཞེས་བརྗོད་ཞིང༌། སྣོད་དེ་ཉིད་ཧཱུཾ་ལས་བྱུང་བར་མོས་ནས་བཞག །ཧྲཱིཿ ཥྚྲཱིཿ བཟླ་བཞིན་དུ། འོ་མ། འབྲས་མ་གྲུག་པ། མར། སྦྲང་རྩི། ཀ་ར་སྟེ་རྫས་ལྔ་གཟར་བུ་གཉིས་གང་རུང་གིས་བླུགས་ལ་བསྐོལ་ཏེ་བདུད་རྩིའི་རང་བཞིན་དུ་གྱུར་པར་བསམས། དཀྱིལ་འཁོར་པའི་ལྷ་དང་ཆོས་སྐྱོང་ཕྱོགས་སྐྱོང་གཞི་བདག་རྣམས་ལ་འབུལ་རྒྱུ་སྣོད་གཙང་མ་སོ་སོར་བླུག །ཨོཾ་དཱི་བྱ་ཨགྣེ་ས་མ་དྷི་དྷྱ་ན་པྲཱྀཎ་ནེ་སྭཱཧཱ། ཞེས་པས་བསྔགས་ཏེ་དབུལ། དེ་ནས་སློབ་དཔོན་སྒྲུབ་གྲོགས་དང་བཅས་པར་བྲིམས་ཏེ། དེ་བཞིན་གཤེགས་པའི་ལྷག་མ་འདི། །སྡིག་པ་རྣམ་པར་ཉམས་བྱེད་གསོལ། །ཞེས་བརྗོད་ནས་ལོངས་སྤྱོད་ཅིང༌། ཡོན་བདག་སོགས་དེར་འཁོད་ཐམས་ཅད་ལ་སྦྱིན་ཞིང་ཤིས་བརྗོད་བྱ། ༈ སྦྱིན་སྲེག་མི་བྱེད་ཚེ་ཡིག་བརྒྱ་ལན་གསུམ་བཟླས་ལ། གང་ཡང་བདག་བློ་ཞེས་སོགས་དང༌། མ་རྙེད་ཡོངས་སུ་ཞེས་སོགས་ཀྱིས་ལྷག་ཆད་བསྐང༌། ༈ ཆོས་སྐྱོང་བསྒོ་བ་ནི། མགོན་ཆོས་སོགས་ཀྱི་བསྐང་གསོ་རྒྱས་པ་དབྱངས་རོལ་དང་བཅས་པ། མ་མཐའ་འང་སྤྱི་སྒོས་ཀྱི་ཆོས་སྐྱོང་སོ་སོའི་གཏོར་འབུལ་ལེགས་པར་བྱས་ལ། མཇུག་ཏུ། མེ་དང་ས་ཆུ་རླུང་རྣམས་ལས། །

― GTD007_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་སོགས་ཀྱིས་འཕྲིན་བཅོལ་གཞུང་བཞིན་བྱ། ༈ ཡོན་བདག་བསྒོ་བ་ནི། ཡོན་བདག་རྣམས་གོས་གསར་པ་གྱོན། རྟེན་ལ་ཕྱག་དང་སྐོར་བ་བྱེད་དུ་བཅུག་སྟེ། གདན་ལེགས་པ་འབྲུ་དཀར་གྱི་གཡུང་དྲུང་བྲིས་པའི་སྟེང་དུ་སྡོད་བཅུག་ལ། མེ་ཏོག་གི་ཕྲེང་བ་ལག་ཏུ་གཏད། མདུན་དུ་ཆུ་བཞི། ཉེར་སྤྱོད་རོལ་མོ། འདོད་ཡོན་ལྔ་དང་བཅས་པ་བཤམ། བླ་མས་དབུ་ཞྭ་བཞེས་ཏེ། རྟེན་བཞེངས་པའི་ཕན་ཡོན། རབ་གནས་ཀྱི་རྒྱུ་མཚན། མཆོད་པ་གལ་ཆེ་ཚུལ་སོགས་སྐབས་དོན་དང་འབྲེལ་བའི་བཤད་པ་རྒྱས་བསྡུས་གང་འཚམ་གནང༌། ཁྱེད་ཀྱིས་ངེད་ལ་གང་གསོལ་བའི། །ཞེས་སོགས་གཞུང་བཞིན་བརྗོད། དེ་ནས་ཡོན་བདག་བསང་སྦྱངས། སྟོང་པའི་ངང་ལས་པདྨ་དང་ཟླ་བའི་གདན་གྱི་སྟེང་དུ་སྦྱིན་པའི་བདག་པོ་རྣམས་རྒྱལ་བ་ཚེ་དང་ཡེ་ཤེས་དཔག་ཏུ་མེད་པ་སྐུ་མདོག་དཀར་པོ་ཞལ་གཅིག་ཕྱག་གཉིས་མཉམ་གཞག་གི་ཕྱག་རྒྱའི་སྟེང་ན་འཆི་མེད་ཚེའི་བདུད་རྩིས་གང་བའི་བུམ་པ་བསྣམས་པ། ཞབས་རྡོ་རྗེ་སྐྱིལ་མོ་ཀྲུང་གིས་བཞུགས་པ། དར་དང་རིན་པོ་ཆེའི་རྒྱན་གྱིས་བརྒྱན་པ། དེའི་སྤྱི་བོར་ཨོཾ་དཀར་པོ། མགྲིན་པར་ཨཱཿ དམར་པོ། ཐུགས་ཀར་ཧཱུཾ་སྔོན་པོ། ཐུགས་ཀའི་ཧཱུཾ་ལས་འོད་ཟེར་འཕྲོས། རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་དང་དབང་གི་ལྷ་རྣམས་སྤྱན་དྲངས། ཛཿ ཧཱུཾཿ བཾ་ཧོཿ གཉིས་སུ་མེད་པར་གྱུར། དབང་གི་ལྷས་དབང་བསྐུར། འོད་དཔག་མེད་ཀྱིས་དབུ་བརྒྱན་པར་གྱུར། ཨོཾ་ཨ་པ་རི་མི་ཏ་ཨ་ཡུརྫྙཱ་ན་ས་པ་རི་ཝཱ་ར་ཨརྒྷཾ་ནས། ཤཔྟའི་བར་གྱིས་མཆོད།

― GTD007_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་འདྲེན་པའི་ཞེས་སོགས་ཀྱིས་བསྟོད། དེ་ནས་མཆོད་པ་བྱིན་གྱིས་བརླབས་ལ། དག་ཅིང་དྲི་མེད་སོགས་ཀྱིས་ཆུ་བཞི། ལྷ་ཡི་མེ་ཏོག་སོགས་ཀྱིས་ཉེར་སྤྱོད་རོལ་མོའི་བར། ཨེ་མའོ་མཆོད་པ་སོགས་ཀྱིས་འདོད་ཡོན་ལྔ་རྣམས་དབུལ་བ་ན། མཆོད་གཡོག་པས་མཆོད་པ་རེ་རེ་ནས་བླངས་ཏེ་ཚིག་དང་བསྟུན་ནས་ཡོན་བདག་ལ་གཏད་པས། ཡོན་བདག་རྣམས་ཀྱིས་རེག་སྟེ་ལག་བརྒྱུད་བྱས་ནས་རྟེན་གྱི་དྲུང་དུ་དབུལ། དེ་ནས་བཀྲ་ཤིས་ཀྱི་རྫས་རྣམས་བླ་མའི་མདུན་དུ་བཞག །བསངས་སྦྱངས། སྟོང་པའི་ངང་ལས་རང་རང་གི་མིང་ཡིག་དང་པོ་ཞེས་སོགས་ཀྱིས་གཞུང་ལྟར་བྱིན་གྱིས་བརླབས། བླ་མས་རྫས་དང་པོ་ཕྱག་ཏུ་བསྣམས་ཏེ། སྔོན་བཅོམ་ལྡན་འདས། ཞེས་པ་ནས། མེ་ལོང་གི་རྫས་ལ་བརྟེན་ནས། ཞེས་གསུངས་པ་ན་ཚོགས་པས། བཀྲ་ཤིས་པར་གྱུར་ཅིག །ཅེས་མཐུན་འགྱུར་བྱ། དེའི་མཇུག་འཐུད་དེ་དབུ་མཛད་ཀྱིས། མེ་ལོང་ཡེ་ཤེས་རྒྱ་མཚོ་ཞེས་སོགས་ཀྱི་དབུ་བསྐུལ་ཞིང༌། རྫས་ཡོན་བདག་ནས་བཟུང་སྟེ་ཚོགས་པ་ཀུན་ལ་གཡས་སྐོར་གྱི་ཚུལ་དུ་བརྒྱུད་ནས་མཐར་རྟེན་གྱི་དྲུང་དུ་འཇོག་པའམ་ཡོན་བདག་རང་ལ་ཕྱིར་གཏད། བཀྲ་ཤིས་ཀྱི་རྫས་ལྷག་མ་རྣམས་ཀྱང་དེས་རིགས་འདྲ། དེ་ནས་གཏང་རག་གི་མཆོད་པ་ཁ་གསོས་ཏེ་བྱིན་གྱིས་བརླབས། དག་ཅིང་དྲི་མེད། ལྷ་ཡི་མེ་ཏོག །ཨེ་མའོ་མཆོད་པ་སོགས་ཀྱིས་ཆུ་བཞི་ཉེར་སྤྱོད་རོལ་མོ་འདོད་ཡོན་ལྔ་རྣམས་དབུལ། གཙོ་འཁོར་ཐམས་ཅད་ལ་ནང་མཆོད་དབུལ། གཉིས་མེད་མས་བསྟོད། དེ་

― GTD007_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་ཁྲོ་བོ་སོགས་ཀྱིས་སྨོན་ལམ་བཏབ། ཡིག་བརྒྱ་བཟླས་ལ་ནོངས་པ་བཟོད་པར་གསོལ། བདག་མདུན་འཇུག་པ་གཅིག་པའི་སྐབས་འདིར་ཉེར་བསྡུ་བྱེད་ཚུལ་ལ་དམ་པའི་གསུང་རྒྱུན་མི་འདྲ་བ་ཅི་རིགས་ཀྱང༌། ངག་འདོན་སྨད་རྒྱུད་ཀྱི་ཕྱག་བཞེས་བཞིན་བྱེད་ཚེ། ཐོག་མར་རྟེན་དང་བརྟེན་པའི་ཆ་གཅིག་རས་བྲིས་ཀྱི་རྣམ་པར་གྱུར་པའི་མོས་པ་བྱས་ལ། དུར་ཁྲོད་སྲུང་འཁོར་དང་བཅས་པ་ཞེས་སོགས་དཀྱུས་ལྟར་འདོན། གསང་འདུས་ཀྱི་རབ་ཡངས་མ་གསུངས་ནས་བཀྲ་ཤིས་ཀྱི་མེ་ཏོག་ཆར་དུ་དབབ་བོ། །རྟེན་བཞེངས་མིང་ཙམ་འདོད་པའི་སྦྱིན་བདག་དང༌། །སྤྱན་དབྱེའི་ཡོན་ཙམ་རེ་བའི་བླ་མཆོད་ལ། །འ་འུར་ཟང་ཟིང་ཙམ་ལས་ཕྲ་ཞིབ་ཀྱི། །ཕྱག་ལེན་ཚད་དང་ལྡན་པ་མི་དགོས་ཀྱང༌། །ལུས་ཅན་ཕན་བདེའི་རྩ་བ་བསྟན་པ་དང༌། །བྱ་བའི་འཁོར་ལོ་བསྟན་པའི་གཞིར་མཐོང་བའི། །ལྷག་བསམ་ཅན་རྣམས་སྔོན་རབས་དམ་པའི་སྲོལ། །བསྐྱངས་ཏེ་ཕན་བདེའི་རྩ་བ་ཚུགས་པར་མཛོད། །རྨོངས་པའི་མོས་མནོ་ཙམ་དང་རྟོག་གེ་ཡི། །རང་བཟོས་མ་བསླད་ཕྲ་ཞིབ་ལག་ལེན་ཀུན། །མ་ནོར་གསལ་བར་བཀོད་པའི་དགེ་བ་ཡིས། །དགེ་ལེགས་རྒྱ་མཚོའི་ཆར་ཆེན་འབེབས་གྱུར་ཅིག །ཅེས་རབ་གནས་དགེ་ལེགས་ཆར་འབེབས་ཀྱི་ཕྱག་ལེན་མཐའ་དག་གསལ་བར་བཤད་པ་ལེགས་བྱས་སྤྲིན་གྱི་སྒྲ་དབྱངས་ཞེས་བྱ་བ་འདི་ནི། ༈ སྐྱབས་མགོན་མཆོག་སྤྲུལ་རིན་པོ་ཆེ་བློ་བཟང་ཐུབ་བསྟན་འཇིགས་མེད་རྒྱ་མཚོས་དབུ་མཛད་དེ་གསེར་ཁང་ཆེན་མོར་ཉེ་སྲས་རྣམས་རབ་གནས་མཛད་སྐབས་ལག་ལེན་ཞིབ་

― GTD007_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

ཐིགས་སུ་བགྱིས་པ་དེ་བཞིན་ཡི་གེར་འཁོད་པ་ཞིག་དགོས་ཚུལ་ཚོགས་ཆེན་དབུ་མཛད་སྔགས་རམས་པ་བློ་བཟང་དཀོན་མཆོག་སོགས་ཀྱིས་བསྐུལ་ངོར། ྋབཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་དགེ་སློང་དཀོན་མཆོག་ཀུན་དགས་བགྱིས་པ་འདི་ཡང་བསྟན་འགྲོ་ཡོངས་ལ་ཕན་བདེའི་དགེ་མཚན་བླ་ནས་བླར་སྤེལ་བའི་རྒྱུར་གྱུར་ཅིག། །། བཀྲ་ཤིས།།

རབ་གནས་ཀྱི་ལོ་རྒྱུས་གཙོ་བོར་གྱུར་པའི་བཤད་པ།

― GTD007_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་གནས་ཀྱི་ལོ་རྒྱུས་གཙོ་བོར་གྱུར་པའི་བཤད་པ་བཞུགས་སོ།།

― GTD007_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་གནས་ཀྱི་ལོ་རྒྱུས་གཙོ་བོར་གྱུར་པའི་བཤད་པ་རྒྱས་བསྡུས་འཚམ་པར་བྱེད་ཚུལ་ནི། དེ་ཡང་རབ་ཏུ་གནས་པའི་བྱ་བ་ཕལ་ཆེར་གྲུབ་སྟེ་ཡོན་བདག་བསྐོ་བའི་མཚམས་འདིར་བཤད་པ་རེ་བྱེད་དགོས་པ་ན། སྔོན་མཁན་ཆེན་ཞི་བ་འཚོ་དང༌། སློབ་དཔོན་པདྨ་སོགས་ཀྱིས་རྡོ་རྗེ་དབྱིངས་ཀྱི་དཀྱིལ་འཁོར་ལ་བརྟེན་ནས། ཟན་ཡང་ངམ་ལུགས་གསུམ་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་རབ་གནས་མཛད་སྐབས་ཡིག་རྙིང་ལས། སློབ་དཔོན་པདྨས་གཏམ་ལན་མདོ་བསྔོ་གསུངས། །ཡས་གཏམ་མས་གཏམ་གཉིས་ཀ་དེ་ནས་དར། །ཞེས་འབྱུང་བ་བཞིན་ཡོན་བདག་བསྐོ་བའི་བཤད་པ་གནང་བ་དེ་ནས་སྲོལ་ཚུགས་ཏེ་ད་ལྟའི་བར་དུ་གནས་པ་བཞིན་རྒྱུ་མཚན་མདོར་བསྡུས་ཙམ་ཞུ་བ་ལ། སྤྱིར་ན་དཔལ་མགོན་ཀླུ་སྒྲུབ་ཀྱིས། ཇི་ལྟར་བདེ་གཤེགས་སྐུ་གཟུགས་ཤིང་ལས་བྱས། །བགྱི་བ་ཅི་འདྲའང་རུང་སྟེ་མཁས་པས་མཆོད། །ཅེས་གསུངས་པ་ལྟར། རབ་གནས་མ་བྱས་ཀྱང་སྐུ་གསུང་ཐུགས་ཀྱི་རྟེན་རྣམས་གྲུབ་ཙམ་ནས་འགྲོ་བའི་བསོད་ནམས་ཀྱི་ཞིང་ཡིན་ལ། དེའི་རྒྱུ་མཚན་གྱིས་མཉམ་མེད་ཇོ་བོ་ཆེན་པོའི་རབ་གནས་ཀྱི་གཞུང་ལས། མཆོད་རྟེན་སྐུ་གཟུགས་གླེགས་བམ་སོགས། །སངས་རྒྱས་རྣམ་སྤྲུལ་བྱིན་རླབས་ལས། །བྱུང་བ་མིན་ན་མི་འབྱུང་བར། །རྟོགས་ཏེ་ཤིན་ཏུ་དད་ལྡན་ན། །རབ་ཏུ་གནས་པ་མི་དགོས་སོ། །ཞེས་གསུངས་སོ། །དེའི་

― GTD007_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་གཞི་ནི་རབ་གནས་ཀྱི་རྒྱུད་ལས། འཇིག་རྟེན་ཀུན་རྫོབ་ལ་བརྟེན་ནས། །རབ་ཏུ་གནས་པར་རབ་ཏུ་བརྟག །དང་པོའི་ལས་ཅན་སེམས་ཅན་གྱིས། །རྟོགས་པའི་རྒྱུ་རུ་བཤད་པར་ཟད། །ཅེས་དགོས་པའི་གཙོ་བོ་འཇིག་རྟེན་པ་རྣམས་ཀྱིས་དེ་ལ་ཐ་མལ་དུ་སྣང་ཞིང་ཞེན་པའི་དྲི་མ་སྦྱོང་བའི་ཆེད་ཡིན་ཞིང༌། མདོ་སྡེ་རྒྱན་ལས། ལུང་དང་རྟོགས་དང་དབང་འབྱོར་ལས། །ཞེས་སོགས་ལྟར་ས་ཐོབ་ཀྱི་གང་ཟག་རྣམས་ལ་སངས་རྒྱས་ཀྱི་སྐུ་བརྙན་མཐའ་དག་གིས་ཆོས་སྟོན་པ་སོགས་རྒྱལ་བའི་མཛད་པ་དངོས་སུ་བསྟན་ཏེ་ཐ་མལ་གྱི་འདུ་ཤེས་སྐྱེ་བའི་སྐབས་མེད་པས། གང་ཟག་ཁྱད་པར་ཅན་དེ་འདྲ་ལ་ལྟོས་ཏེ་རབ་གནས་མ་བྱས་ཀྱང་འགལ་བ་མེད་པའི་དོན་ཡིན་གྱི། སྤྱིར་རབ་གནས་བྱེད་པ་མེད་མ་རུང་དུ་གལ་ཆེ་སྟེ། སྡོམ་འབྱུང་ལས། ཇི་ལྟར་རབ་ཏུ་མི་གནས་ལྷ། །རབ་ཏུ་གནས་པར་བྱ་བར་ནུས། །སློབ་མ་དད་པས་གསོལ་འདེབས་པའ། །བསོད་ནམས་ཕྱིར་ནི་བྱ་བ་སྟེ། །ཞེས་དང༌། ཀྲྀ་ཡས་མུ་ཙྪ་ལས། འདི་ཡི་སངས་རྒྱས་བཞུགས་གསོལ་བས། །གང་དུ་ཞི་དང་བཟླས་འཕེལ་ཞིང༌། །ནད་མེད་ཆོས་ཀྱང་འཕེལ་བར་འགྱུར། །ནོར་དང་ཚེ་དང་བདེ་བ་སྟེར། །ཞེས་སོགས་ཕན་ཡོན་རྣམ་གྲངས་དུ་མ་གསུངས་ལ། སློབ་དཔོན་དམ་ཚིག་རྡོ་རྗེས་ཀྱང༌། སྔགས་པས་ནོར་ནི་རྙེད་པ་དང༌། །སྐྱེ་བོ་རབ་ཏུ་དད་པ་ཡི། །བྱེད་པོ་དགེ་

― GTD007_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

བ་རབ་འཕེལ་བའི། །རབ་གནས་བསྟན་བཅོས་ལས་གསུངས་སོ།། ཞེས་སོགས་ལྟར་གནས་སྐབས་སུ་བསོད་ནམས་རླབས་པོ་ཆེ་ཐོབ་པ་དང༌། མཁའ་འགྲོ་རྒྱ་མཚོ་ལས། གཉིས་སུ་མེད་པའི་ཡེ་ཤེས་ལས། །འཁོར་བ་པ་ཡིས་རབ་གནས་བྱ། །ཐར་བདེ་མངོན་པར་འདོད་རྣམས་ཀྱིས། །འདི་ལ་བདེ་བའི་བདེ་བ་ཆེ། །ཞེས་མཐར་ཐུག་བདེ་ཆེན་ཐར་པའི་གོ་འཕང་མངོན་དུ་འགྱུར་བར་གསུངས། རབ་གནས་མ་བྱས་པའི་ཉེས་དམིགས་ནི། རབ་གནས་ཀྱི་རྒྱུད་ལས། གང་དུ་སྐུ་གཟུགས་རྫོགས་པ་ལ། །བྱིན་མ་བརླབས་པར་རིང་གནས་ན། །དེ་ལ་བཀྲ་མི་ཤིས་འགྱུར་ཞིང༌། །དེ་སྲིད་མཆོད་པར་དེ་མི་འོས། །ཞེས་སོགས་དང༌། རབ་གནས་མ་བྱས་པར་ཕྱག་མཆོད་སོགས་བྱས་ན་དམ་ཚིག་ལས་འདས་པར་འགྱུར་བ་སོགས་ཉེས་དམིགས་དུ་མ་གསུངས་པས། ཅིས་ཀྱང་རབ་ཏུ་གནས་པར་བྱེད་དགོས། གང་རབ་ཏུ་གནས་པར་བྱ་བ་སྐུ་གསུང་ཐུགས་ཀྱི་རྟེན་བྱུང་ཚུལ་ནི། རྒྱལ་བ་བྱམས་པས། གང་དང་གང་ལ་གང་དུ་ན། །གང་ཚེ་བྱ་བ་ཕན་གྱུར་པ། །དེ་དང་དེ་ལ་དེར་སྣང་ངོ༌། །ཞེས་གསུངས་པ་ལྟར། སངས་རྒྱས་རྣམས་ཀྱིས་བསྐལ་པ་ཆེན་པོ་གྲངས་མེད་པ་དུ་མར་ཚོགས་གཉིས་གོམས་པ་ཡོངས་སུ་རྫོགས་པའི་ལག་རྗེས་ལྷུན་གྱིས་གྲུབ་པའི་ཕྲིན་ལས་དང་གདུལ་བྱའི་སྐལ་བ་ཚོགས་པ་ན། གང་འདུལ་གྱི་སྣང་བ་དུ་མར་འཆར་བའི་བཀོད་པའི་ཕ་མཐའ་བསམ་གྱིས་མི་ཁྱབ་ཅིང༌། ཡོངས་སུ་གྲགས་པའི་ལོ་རྒྱུས་ལ་མཚོན་ན། བསྟན་པ་འདི་ལ་ཐོག་མར་ཐུབ་པའི་དབང་པོ་ཞལ་

― GTD007_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་པའི་ཚེ་ལྷ་ཆེན་པོ་རྣམས་ཀྱིས་ཇོ་ཤཱཀ་སོགས་སྐུ་ཆེ་ཆུང་དུ་མ་བཞེངས་པ་ལྟ་བུ་འབུར་སྐུ་དང༌། འོད་ཟེར་མ་དང་ཆུ་ལོན་མར་གྲགས་པ་སོགས་བྲིས་སྐུ་བྱུང་ཚུལ། ལྷའི་དབང་པོས་གསེར་གྱི་གླེགས་བུ་ལ་ཤེར་མདོ་བྲིས་པ་སོགས་གསུང་རྟེན་བྱུང་ཚུལ། དེའི་སྔོན་ནས་སྐུ་བལྟམས་པ་དང༌། གཙུག་ཕུད་བྲེག་པ་སོགས་ཀྱི་སར་མཆོད་རྟེན་བརྩིགས་པར་འདུལ་བ་ལུང་ལས་བཤད་པ་ལྟ་བུ་ཐུགས་རྟེན་བྱུང་ཚུལ་སོགས་ཀྱི་ལོ་རྒྱུས་དུ་མ་ཡོད་ལ། དེ་ལྟར་བཞེངས་པའི་དགོས་པའི་གཙོ་བོ་ནི། བཞེངས་མཁན་དེ་ཉིད་ཀྱིས་ཚོགས་རྫོགས་པ་ཙམ་དུ་མ་ཟད། སངས་རྒྱས་དངོས་སུ་མཇལ་བ་དང་བསྙེན་བཀུར་བར་མ་ནུས་པ་རྣམས་ཀྱིས་ཀྱང་སྐུ་བརྙན་ལ་སོགས་པ་དེ་དག་མཆོད་ན་སངས་རྒྱས་དངོས་ལ་མཆོད་པ་དང་ཁྱད་མེད་པའི་བསོད་ནམས་ཐོབ་ཅིང་འབྲེལ་ཐོགས་པའི་དགོས་པ་ཤིན་ཏུ་ཆེ་སྟེ། དཀོན་མཆོག་བརྩེགས་པ་ལས། གང་ལ་ལ་ཞིག་བཅོམ་ལྡན་འདས་ཡོངས་སུ་མྱ་ངན་ལས་འདས་པ་དང་ད་ལྟར་བཞུགས་པ་ལ་མཆོད་པ་བྱེད་པ་དེའི་ཕན་ཡོན་རྣམས་ནི་མཚུངས། མཉམ་ཞིང་འདྲའོ་ཞེས་ང་འཆད་དོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་རྣམས་ནི་ཆོས་ཀྱི་སྐུས་རབ་ཏུ་ཕྱེ་བ་ཡིན་གྱི། གཟུགས་ཀྱི་སྐུས་རབ་ཏུ་ཕྱེ་བ་མ་ཡིན་པའི་ཕྱིར་རོ། །ཞེས་དང༌། ཐུབ་པ་དགོངས་རྒྱན་ལས། འདིར་སངས་རྒྱས་ནི་གཉིས་ཏེ། དོན་དམ་པ་ནི་སྐུ་གསུམ་གྱིས་ཡང་དག་པར་བསྡུས་པའོ། །ཐ་སྙད་པ་ནི་སྐུ་གདུང་གི་མཆོད་རྟེན་དང་སྐུ་གཟུགས་དང༌།

― GTD007_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་ནས། མཉམ་པར་སེམས་རབ་ཏུ་དྭངས་པའི་རྣམ་པར་སྨིན་པ་མཉམ་པར་གསུངས་སོ། །ཞེས་གསུངས་ལ། དེ་བཞིན་དུ་ཞི་བ་ལྷའི་སྤྱོད་འཇུག་ཏུ་ཡང༌། བྱང་ཆུབ་སྤྱོད་དང་རྗེས་མཐུན་པས། །རྒྱལ་བའི་མཆོད་སྡོང་སྒྲུབ་པ་ཡང༌། །བྱང་ཆུབ་སེམས་དཔའ་མྱ་ངན་ལས། །འདས་ཀྱང་དོན་རྣམས་ཐམས་ཅད་མཛད། །སེམས་མེད་པ་ལ་མཆོད་བྱས་པས། །ཇི་ལྟར་འབྲས་བུ་ལྡན་པར་འགྱུར། །གང་ཕྱིར་བཞུགས་པའང་མྱ་ངན་འདས། །མཚུངས་པ་ཉིད་དུ་བཤད་ཕྱིར་རོ། །ཞེས་གསུངས་པ་ལྟར་ཡིན། ཁྱད་པར་དུ་ཀུན་མཁྱེན་འཇམ་དབྱངས་བཞད་པའི་རྡོ་རྗེ་དང༌། སྐྱབས་མགོན་རྡོ་རྗེ་འཆང་ཆེན་པོ་དེ་ཉིད་སོགས་དམ་པ་གོང་མ་ཕལ་ཆེར་བྱ་བ་ལས་ཀྱི་འཁོར་ལོའི་གཙོ་བོ་བྱམས་ཆེན་གྱི་སྐུ་རེ་བཞེངས་པའི་ཐུགས་ཀྱི་དགོངས་གཏད་ནི། དཔེར་ན་ཀུན་ཤེས་ཀོའུ་ཏྱ་ན་ཡ་སོགས་བདག་ཅག་གི་སྟོན་པའི་འཁོར་དུ་སྐྱེས་ནས་དཀའ་ཚེགས་མེད་པར་གསུང་གི་བདུད་རྩིས་སྨིན་ཅིང་གྲོལ་བ་ཕལ་མོ་ཆེ་ཞིག་སངས་རྒྱས་འོད་སྲུང་གི་བསྟན་པའི་སྒོར་ཞུགས་ཏེ་ལེགས་སྨོན་གྱིས་མཚམས་སྦྱར་བའི་སྟོབས་ཡིན་པར་འདུལ་བ་ལུང་དང་མདོ་སྡེ་མཛངས་བླུན། ལས་བརྒྱ་པ་སོགས་སུ་འབྱུང་བ་བཞིན། བསྟན་པ་འདི་ལ་ཞུགས་ནས་བསླབ་པ་སྣ་རེ་བསྲུང་བ་དང༌། སྐུ་གསུང་ཐུགས་རྟེན་སྐྱུ་རུ་ར་ཙམ་ཞིག་བཞེངས་པ། མཆོད་པ་ཅུང་ཟད་དེ་ཕུལ་བ་ཚུན་ཆད་ཀྱང་རྗེས་སོར་མ་ཕམ་རྒྱལ་བའི་ཉི་མ་འཇིག་རྟེན་དུ་ཤར་བའི་ཚེ། དེའི་བསྟན་པ་དང་མཇལ་ཞིང༌། ཡང་དག་པའི་ལམ་བཟང་མངོན་དུ་འགྱུར་སླ་བའི་རྟེན་འབྲེལ་གྱི་སྒོ་ཁྱད་པར་ཅན་ཡོད་ཚུལ། བྱམས་པ་

― GTD007_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་བསྟན་པའི་མདོ་དང་བྱམས་པ་འཇུག་པའི་མདོ། བྱམས་པས་ཞུས་པའི་མདོ་གཉིས། བྱམས་པ་སེང་གེའི་སྒྲའི་མདོ་ལ་སོགས་པ་དུ་མར་གསུངས་པའི་དོན་ཐུགས་ལ་བཅངས་ཏེ། རང་ཅག་རྗེས་འཇུག་རྣམས་སྐལ་བ་བཟང་པོ་དེ་ལ་སྦྱོར་བའི་ཕྱིར་དུ་བཞེངས་པར་མཛད་པ་ཡིན་པར་འདུག །དམ་པ་གོང་མ་དེ་དག་གི་རྣམ་ཐར་བཟང་པོའི་རྗེས་སུ་ཞུགས་ཏེ། རྟེན་བཞེངས་ཁྱད་པར་ཅན་འདི་ཉིད་ལེགས་པར་གྲུབ་ནས་རིང་བསྲེལ་རྣམ་བཞིས་བསྡུས་པའི་གཟུངས་གཞུག་སོགས་ཚད་དང་ལྡན་པར་བྱས་ཏེ་རབ་གནས་ཀྱི་སྐབས་སུ་སླེབས་པ་ཡིན། འདི་འདྲ་དང་ཁོག་གཅིག་པར་རྟེན་རྙིང་པ་རྣམས་ལའང་རབ་གནས་བསྐྱར་མ་བྱས་པ་ཕན་ཡོན་དང་དགོས་པ་ཆེན་པོ་ཡོད་དེ། རྡོ་རྗེ་གུར་གྱི་རྒྱུད་ལས། རྟག་ཏུ་དཀྱིལ་འཁོར་བྲི་བར་བྱ། །རྟག་ཏུ་སངས་རྒྱས་རབ་གནས་བྱ། །ཟིན་པའི་དེ་མ་ཐག་པ་རུ། །རབ་ཏུ་གནས་པ་མཆོག་ཏུ་འགྱུར། །ཞེས་རྟེན་གསར་པ་བཞེངས་མ་ཐག་རབ་གནས་བྱེད་དགོས་པ་དང༌། རྙིང་པ་ལའང་ཡང་རབ་གནས་བྱས་ན་ལེགས་པར་གསུངས་པས། སྔོན་གྱི་རྟེན་འགའ་ཞིག་ལ་རབ་གནས་བརྒྱ་རྩ་མར་གྲགས་པའི་རྒྱུ་མཚན་ཡང་དེ་ཡིན་པར་སྣང༌། རབ་ཏུ་གནས་པའི་ངོ་བོ་ནི། སྐུ་གསུང་ཐུགས་ཀྱི་རྟེན་སོ་སོ་ལ་ཡེ་ཤེས་པ་རྣམས་བརྟན་པར་གནས་པར་བྱེད་པ་དང༌། པྲཱ་རིང་པོར་བྱས་ན་ཨ་དྷི་ཥྛ་ཞེས་བྱིན་གྱིས་རློབས་པ་དང༌། ཡང་རབ་གནས་ཀྱི་རྒྱུད་ལས། དེ་ནས་གསེར་གྱི་རང་བཞིན་གྱི། །ཐུར་མས་སྤྱན་ནི་དབྱེ་བར་བགྱི། །ཞེས་རབ་གནས་ཀྱི་བྱ་

― GTD007_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

བའམ་དགོས་པའི་གཙོ་བོ་དམ་ཡེ་དབྱེར་མེད་དུ་བྱས་ཏེ། འཁོར་བའི་ཕྱི་མཐའ་བར་དུ་གདུལ་བྱ་རྣམས་ལ་ཐུགས་རྗེའི་སྤྱན་གྱིས་གཟིགས་པ་ལྷུར་བྱེད་པའི་དོན་ཡིན་པའི་རྒྱུ་མཚན་གྱིས་སྤྱན་དབྱེའི་ཆོ་གར་ཡང་བཏགས་པ་ཡིན། དེ་ལྟ་བུའི་རབ་གནས་ཀྱི་རྣམ་གཞག་འདི་མདོ་དང་རྒྱུད་སྡེ་གང་ལས་གསུངས་པ་ཡིན་སྙམ་ན། ཀརྨ་རང་བྱུང་རྡོ་རྗེས་མདོ་ལུགས་ལ་བརྟེན་པའི་རབ་གནས་ཀྱི་ཆོ་ག་བུམ་གཉིས་མར་གྲགས་པ་མཛད་ཅིང༌། ཀརྨ་ཕྲིན་ལས་པས་དེ་ལ་ལྷན་ཐབས་སོགས་སྦྱར་འདུག་ནའང༌། འཇམ་མགོན་ས་པཎ་གྱིས། མདོ་ལས་རབ་གནས་བཤད་པ་མེད། །འོན་ཀྱང་མཆོག་བསྟོད་བཀྲ་ཤིས་སོགས། །རྒྱལ་པོའི་མངའ་དབུལ་ལྟ་བུ་ལ། །རབ་གནས་ཡིན་ཞེས་སྨྲ་ན་སྨྲོས། །གསུངས་པ་ལྟར། ཆོས་རྣམས་ཐམས་ཅད་རྒྱུ་ལས་བྱུང༌། །ཞེས་སོགས་ཀྱིས་བསྔགས་པའི་མེ་ཏོག་འཐོར་ཏེ་ཤིས་པ་བརྗོད་པ་ཙམ་དང༌། གཎྜིའི་རབ་གནས་ཞེས་པ་ལྟ་བུའི་ཐ་སྙད་ཙམ་རེ་ཡོད་ཀྱང་རབ་གནས་མཚན་ཉིད་པ་ཞིག་མ་བཤད། བྱ་སྤྱོད་ཀྱི་སྐོར་ལ་པཎ་ཆེན་སུ་མ་ཏི་ཀིརྟིས་མཛད་པའི་གཟུངས་གྲྭ་ལྔ་ལ་བརྟེན་པའི་རབ་གནས་ལྟ་བུ་མ་གཏོགས་མང་པོ་བོད་དུ་མ་འགྱུར་ཞིང༌། ཀུན་སྙིང༌། ཤཱཀྱ་བཤེས་གཉེན། ཤྲདྡྷ་ཀ་ར་ཝརྨ་སོགས་ཀྱིས་མཛད་པའི་རྣལ་འབྱོར་རྒྱུད་ཀྱི་རབ་གནས་མང་དུ་འགྱུར་བས། བསམ་ཡས་དང༌། ལོ་ཆེན་རིན་ཆེན་བཟང་པོའི་མཐོ་ལྡིང་གི་གཙུག་ལག་ཁང་སོགས་སྔ་མ་ཕལ་ཆེར་རྣལ་འབྱོར་རྒྱུད་ཀྱི་སྒོ་ནས་རབ་གནས་བྱས་པ་མང་དུ་བྱུང༌། ཨ་བྷྱཱ་ཀ་ར་དང་དརྦན། ནག་པོ་དམ་ཚིག་རྡོ་རྗེ། མི་ཐུབ་ཟླ་བ། སཱ་དྷུ་པུ་ཏྲ་སོགས་ཀྱིས་བླ་མེད་ལ་བརྟེན་

― GTD007_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རབ་གནས་མང་དུ་འགྱུར་ཞིང༌། སཱ་དྷུ་པུ་ཏྲའི་རྗེས་སུ་འབྲངས་ཏེ་བུ་སྟོན་གྱིས་དུས་འཁོར་ལ་བརྟེན་པའི་རབ་གནས་བཀྲ་ཤིས་དཔལ་འབར་མཛད། དེའི་སྔོན་དུ་སློབ་དཔོན་བསོད་ནམས་རྩེ་མོས། ཀྱཻ་རྡོར་གྱི་རྒྱུད་ལས། རབ་གནས་མཚན་ཉིད་བཟང་པོ་ཉིད། །ཅེས་པ་ལ་བརྟེན་ནས། གང་ལ་བྱ་བའི་རྟེན་བཟང་པོ། གང་དུ་བྱ་བའི་གནས་བཟང་པོ། གང་ཚེ་བྱ་བའི་དུས་བཟང་པོ། གང་གིས་བྱེད་པའི་སློབ་དཔོན་བཟང་པོ། ཇི་ལྟར་བྱ་བའི་ཆོ་ག་བཟང་པོ། བྱ་བའི་ཆ་རྐྱེན་གྱི་ཡོ་བྱད་བཟང་པོ་སྟེ། ས་བཅད་དྲུག་ཏུ་བྱས་པའི་རབ་གནས་བཟང་དྲུག་ཏུ་གྲགས་པ་དང༌། རྗེ་བཙུན་གྲགས་པ་རྒྱལ་མཚན་གྱིས་ལོ་ཆེན་རིན་ཆེན་བཟང་པོའི་སྡོམ་ཚིག་སྟེང་ནས་མཛད་པའི་རབ་གནས་དོན་གསལ་དང༌། འགྲོ་མགོན་འཕགས་པས་མཛད་པའི་རབ་གནས་སྐུལ་བ་པོའི་མིང་གིས་སངྒྷ་མི་ཏྲར་གྲགས་པ་བྱུང༌། སྟག་ལོའི་རབ་གནས་བཀྲ་ཤིས་རྒྱ་མཚོ། སྦྱིན་སྲེག་དངོས་གྲུབ་རྒྱ་མཚོ། རྟེན་བཞེངས་ཚུལ་དཔལ་འབྱོར་རྒྱ་མཚོ་སྟེ། རྒྱ་མཚོ་རྣམ་གསུམ་དུ་གྲགས་པ་དང༌། དྭགས་པོ་བཀྲ་ཤིས་རྣམ་རྒྱལ་གྱི་རབ་གནས་བཀྲ་ཤིས་གཏེར་མཛོད་དང༌། བཀྲ་ཤིས་དགའ་སྟོན་སོགས་མཁས་པ་སོ་སོའི་ལེགས་བཤད་དང་ཕྱག་བཞེས་ཀྱི་ཚུལ་ཐ་དད་པ་མང་དུ་བྱུང༌། རང་ཅག་རི་བོ་དགེ་ལྡན་པའི་བཀའ་སྲོལ་འདིའི་དབང་དུ་བྱས་ན་འཇམ་མགོན་བླ་མའི་གསུང་རྒྱུན་གྱི་རབ་གནས་རྒྱས་བསྡུས་གཉིས་དང༌། པཎ་ཆེན་དགེ་འདུན་གྲུབ་ཀྱི་གསང་བ་འདུས་པའི་རབ་གནས་དང་རབ་གནས་རྟ་ཐོག་མ། རྒྱལ་བ་དགེ་འདུན་རྒྱ་མཚོའི་བཀྲ་ཤིས་སྙེ་མ།

― GTD007_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

པཎ་ཆེན་བློ་བཟང་ཆོས་རྒྱན་གྱི་དགེ་ལེགས་ཆར་འབེབས། ཀུན་གཟིགས་ལྔ་པའི་རབ་གནས་བཀྲ་ཤིས་འབུམ་ཕྲག་གསར་ངོམས། ཀུན་མཁྱེན་འཇམ་དབྱངས་བཞད་པའི་རབ་གནས་བཀྲ་ཤིས་རབ་རྒྱས་སོགས་དང༌། དེ་དག་གི་ལྷན་ཐབས་ཟུར་འདེབས་རིམ་པ་མང་དུ་བྱུང་བ་རྣམས་ཀྱི་ནང་ནས། འདིར་རབ་གནས་རྒྱས་པ་དགེ་ལེགས་རྒྱ་མཚོའི་ཆར་འབེབས་ཀྱིསྟེང་ནས་བགྱིས་པ་ཡིན། གང་གིས་བྱེད་པའི་སློབ་དཔོན་ནི་རབ་གནས་ཀྱི་རྒྱུད་ལས། སློབ་དཔོན་དེ་ཉིད་བཅུ་ཤེས་ཤིང༌། །མཚན་ཉིད་ཀུན་དང་ཡང་དག་ལྡན། །ཞེས་སོགས་དང༌། གཞན་ཡང་བཤད་རྒྱུད་རྡོ་རྗེ་ཕྲེང་བ། རྡོ་རྗེ་སྙིང་པོ་རྒྱན། སྒྱུ་འཕྲུལ་དྲ་བ་སོགས་ལས་རྡོ་རྗེ་སློབ་དཔོན་གྱི་མཚན་ཉིད་མང་དུ་གསུངས་པ་རྣམས་ཇི་ལྟ་བ་བཞིན་ཚང་བ་དཀའ་ཡང༌། དུས་འཁོར་རྩ་རྒྱུད་ལས། ལྷ་ཁང་སོགས་ཀྱི་རབ་གནས་སོགས། །རྟགས་ཅན་གྱིས་ནི་རྟག་ཏུ་བྱ། །ཞེས་གསུངས་པ་ལྟར་བསྟན་པའི་གཞི་མ་སོ་ཐར་གྱི་བསླབ་ཁྲིམས་ལ་གནས་པའི་སྟེང་ནས་དབང་ལེགས་པར་ཐོབ་ཅིང་དམ་ཚིག་ཅི་ནུས་སུ་བསྲུང་བ་དང༌། བསྙེན་པ་གྲངས་སུ་འཁྱོལ་བས་ཆ་མཐུན་ཙམ་འགྲུབ་རུང་དུ་ཡོད་པར་མ་ཟད། ཆོ་ག་གྲོགས་མཛད་པའི་བླ་སློབ་དགེ་འདུན་རྣམས་ཀྱང་ཀུན་གཟིགས་ལྔ་པ་ཆེན་པོས། ལུས་ནི་རྣམ་འགྱུར་ལྷ་ཡི་རོལ་གར་བསྒྱུར། །ངག་ནི་གསང་སྔགས་དབྱར་རྔ་ལྟ་བུར་སྒྲོག །ཡིད་ནི་བསྐྱེད་རྫོགས་ཟུང་འཇུག་ཏིང་འཛིན་ཅན། །ཚད་ལྡན་རིག་སྔགས་འཆང་བ་དེ་རྨད་བྱུང༌། །ཞེས་པ་ལྟར་སྒོ་ཐམས་ཅད་ནས་རིག་པ་འཛིན་པའི་དོན་དང་མཐུན་པས་བྱེད་པ་པོའི་མཚན་

― GTD007_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ལེགས་པར་ཚང༌། བྱ་བའི་དུས་རབ་གནས་ཀྱི་རྒྱུད། ཇོ་བོ་ཆེན་པོ་དང་མི་ཐུབ་ཟླ་བའི་རབ་གནས་སོགས་ལས་བྱང་བགྲོད་ཀྱི་ཟླ་བ་དྲུག་གི་ཡར་ངོ་ལ་བྱེད་པ་སྤྱིར་བཏང་དང༌། གཟའ་སྐར་འཛོམ་ན་དེ་ལས་བཟློག་པ་ལའང་ཉེས་པ་མེད་པ་དམིགས་བསལ་དུ་གསུངས་པས་གཟའ་སྐར་གཙོ་ཆེ་ལ། ད་ལན་སྦྱོར་དངོས་རྗེས་ཀྱི་རིམ་པ་རྣམས་ཤས་ཆེར་རབ་གནས་ཀྱི་རྒྱུད་རང་ལས་ཆེད་དུ་བསྔགས་པའི་གཟའ་བཞི་དང་སྐར་མ་བཅུ་བཞི་གང་ཡང་རུང་བར་འགྲིགས་པས་དུས་ཚེས་ཀྱང་ཤིན་ཏུ་ལེགས། རབ་གནས་དངོས་གཞི་དམ་པ་གོང་མའི་ཕྱག་བཞེས་མ་ནོར་བར་གཟབ་རྒྱས་ཀྱི་ལུགས་སུ་བྱས་པ་ཡིན་པས། དེ་ལ་སྦྱིན་སྲེག་ཀྱང་ངེས་པར་གལ་ཆེ་སྟེ། འཇམ་དཔལ་རྩ་རྒྱུད་ལས། དེ་བཞིན་རྟག་ཏུ་ལས་ཀུན་ལ། །སྦྱིན་སྲེག་གིས་ནི་ཀུན་ཏུ་བྱ། །ཞེས་དང༌། སངས་རྒྱས་མཉམ་སྦྱོར་ལས། ལས་རྣམས་ཐམས་ཅད་རབ་བསྒྲུབ་ཕྱིར། །སྦྱིན་སྲེག་ལས་རྣམས་བརྩམ་པར་བྱ། །ཞེས་སྤྱིར་ལས་ཚོགས་རབ་འབྱམས་དང༌། ཁྱད་པར་དུ་རབ་གནས་ཀྱི་ཡན་ལག་ལ་སྦྱིན་སྲེག་གལ་ཆེ་བར་གསུངས་པས། རྗེ་དྲུང་སྔགས་རམས་པ་དགེ་འདུན་བཀྲ་ཤིས་སོགས་ཀྱི་ཕྱག་ལེན་ལ། བགེགས་བསྐྲད་པའི་སྐབས་སུ་དྲག་པོའི་སྦྱིན་སྲེག །སྤྱན་དབྱེའི་གོང་དུ་ལྷ་དབང་དུ་བྱེད་པའི་དབང་གི་སྦྱིན་སྲེག །སྤྱན་དབྱེ་སོགས་གྲུབ་སྟེ་ལེགས་ཚོགས་ཐམས་ཅད་སྤེལ་བའི་རྒྱས་པའི་སྦྱིན་སྲེག །མཇུག་ཏུ་ལྷག་ཆད་སྐོང་བའི་ཞི་བའི་སྦྱིན་སྲེག་དང་བཅས་བཞི་ག་མཛད། ལུགས་འགའ་ཞིག་ལ་དྲག་པོའི་སྦྱིན་སྲེག་གི་ཐད་དེར། སྨད་ལས་གདུག་ཅན་སྒྲོལ་བའི་བྲུབ་འཆམ་ཀྱང་བྱེད་པའི་སྲོལ་བྱུང༌། འོན་ཀྱང་རབ་གནས་ཀྱི་རྒྱུད་

― GTD007_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གི་དངོས་ཟིན་ལ། འོ་མ་ཅན་གྱི་བུད་ཤིང་ལ། །སྲེག་ཁང་གྲུ་བཞིར་སྲེག་བླུགས་བྱ། །བདག་དང་སློབ་མ་ཐམས་ཅད་ན། །ཞི་དང་རྒྱས་པ་འཕེལ་བར་བྱ། །ཞེས་གསུངས་པ་དང་མཐུན་པར་ཇོ་བོ་ཆེན་པོའི་རབ་གནས་དང༌། སློབ་དཔོན་ཟླ་འོད་ཀྱི་རབ་གནས་སོགས་སུ་ཡང། ཞི་རྒྱས་ཆོ་ག་ལས་གསུངས་བཞིན། །ཆོ་ག་ཤེས་པས་མེ་བཅུག་སྟེ། །ཞེས་དང༌། ལྷོ་ཕྱོགས་རྒྱས་པའི་ཐབ་བྱས་ལ། །ཞེས་པ་ལ་སོགས་པ་ཞི་རྒྱས་གཉིས་གཙོ་བོར་གསུངས་ཤིང༌། རབ་གནས་ཀྱི་དངོས་གཞི་ཡང་ཞི་རྒྱས་ཀྱི་ལས་དང་ཕྱོགས་མཐུན་ཤས་ཆེ་བས། སྦྱིན་སྲེག་དེ་གཉིས་ཀྱིས་འཐུས་པ་བྱས་པ་ཡིན། དེ་ལྟར་སྦྱོར་དངོས་རྗེས་ཀྱི་རིམ་པ་ཆ་ཚང་བའི་སྒོ་ནས་སྤྱན་དབྱེའི་ཆོ་ག་ལེགས་པར་གྲུབ་སྟེ། རང་རང་གི་དམ་ཚིག་པ་ལ་ཡེ་ཤེས་པ་དབྱེར་མེད་དུ་བརྟན་པར་བྱས་ནས། སྐུ་བཞི་ཡེ་ཤེས་ལྔའི་བདག་ཉིད་ཀྱི་ལྷའི་འཁོར་ལོ་དངོས་སུ་གྲུབ་པ་ཡིན་པས། རབ་གནས་ཀྱི་རྒྱུད་འདི་ཉིད་ལས། ཁྱེད་ཀྱིས་ངེད་ལ་གང་གསོལ་བའི། །སྐུ་གཟུགས་དག་ནི་ཁྱད་པར་དུ། །ཇི་ལྟར་གསུངས་པ་རབ་གནས་པ། །དེ་དག་དོན་ནི་ངས་བྱས་པས། །དེ་རྣམས་དོན་ནི་གྲུབ་ཟིན་གྱི། །ཅི་བདེ་བར་ནི་མཆོད་པར་བྱོས། །ཁྱེད་ཀྱིས་གསོལ་བ་བཏབ་པ་བཞིན། །རབ་ཏུ་གནས་པ་བྱས་ཟིན་གྱི། །མཆོད་པ་རྒྱུན་མི་འཆད་པ་དང༌། །ཞག་བདུན་བར་དུ་མཆོད་པར་བྱོས། །ཞེས་གསུངས་པ་བཞིན་མཆོད་པའི་ལས་ལ་བརྩོན་པར་བྱེད་དགོས། མཆོད་པའི་ཕན་ཡོན་གསལ་རྒྱལ་གྱི་མདོ་དང༌། པད་དཀར་གསུམ། སྤྱན་རས་གཟིགས་ཀྱི་མདོ་སོགས་མདོ་དང་རྒྱུད་སྡེ་དུ་མ་ལས་གསུངས་ཚུལ་བརྗོད་ཀྱིས་མི་ལང་ཞིང༌། གནད་མདོར་བསྡུས་ན་ཆོས་ཐམས་ཅད་ཀྱི་རྒྱལ་པོའི་མདོ་ལས། ལྷ་དང་བཅས་པའི་འཇིག་རྟེན་ན། །དཀོན་མཆོག་གསུམ་པོ་མ་གཏོགས་

― GTD007_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །ཡོན་གྱི་གནས་འགའ་ཡོད་མ་ཡིན། །ཞེས་དང༌། དཔལ་ལྡན་ཟླ་བའི་སྐྱབས་འགྲོ་བདུན་ཅུ་པར། སངས་རྒྱས་ཆོས་དང་དགེ་འདུན་ན། །ཐར་པ་འདོད་པ་རྣམས་ཀྱི་སྐྱབས། །ཞེས་གསུངས་པ་ལྟར། སྤྱིར་འགྲོ་བ་ཡོངས་ཀྱི་ཕན་བདེ་མ་ལུས་པའི་འབྱུང་གནས་དང༌། ཁྱད་པར་རང་ཅག་ཐར་པ་དོན་དུ་གཉེར་པ་རྣམས་ཀྱི་མགོན་དང་གླིང་དང་དཔུང་གཉེན་གཅིག་པུར་གྱུར་པ་ནི་དཀོན་མཆོག་རིན་པོ་ཆེ་རྣམ་པ་གསུམ་ལས་གཞན་ན་མེད་པས་འབྲལ་བ་མེད་པར་གཙུག་གི་རྒྱན་དུ་བཀུར་ཏེ། སྒོ་གསུམ་ནུས་པ་ཅི་ཡོད་ཀྱི་སྒོ་ནས་དེ་ལ་མཆོད་ཅིང་བསྙེན་བཀུར་བ་སོགས་རྗེས་སུ་འཛིན་པའི་ཐབས་ལ་འབད་པ་ལྷུར་བྱ་བ་ནི་གཏན་གྱི་འདུན་མའི་རྩ་བ་ཡིན་པས་འཁོར་གསུམ་རྣམ་པར་དག་པའི་མཆོད་པ་རྒྱུན་མི་འཆད་པ་དང༌། ཁྱད་པར་དུ་རབ་གནས་གྲུབ་ནས་ཉིན་བདུན་ལ་སོགས་པའི་བར་དུ་གཙང་ཞིང་གྱ་ནོམ་པའི་མཆོད་པའི་སྤྲིན་ཕུང་གྲོགས་ཀྱི་བློས་མི་འཁྱུད་པ་ལྟ་བུ་འབུལ་བ་ལ་དགོས་པ་དང་རྟེན་འབྲེལ་གྱི་གནད་ཁྱད་པར་ཅན་ཡོད་པས་ཅི་ནས་ཀྱང་ནན་ཏན་དུ་བྱ་བ་དང༌། དེ་ནས་བླ་མ་གོང་མའི་ཕྱག་བཞེས་བཞིན་སྦྱིན་པའི་བདག་པོ་རྒྱལ་བ་ཚེ་མཐའ་ཡས་པའི་ངོ་བོར་བསྐྱེད་དེ་མཆོད་པ་ཕུལ་བ་ན་བདག་གིར་བཞེས་ནས། ཚོགས་གོང་འཕེལ་དུ་འགྱུར་བའི་ཕྱིར་ལྷག་པའི་ལྷ་ཚོགས་རྣམས་ལ་འབུལ་བའི་སྤྱན་དམིགས་མཛད་པ་དང༌། དེ་ནས་བཀྲ་ཤིས་ཀྱི་རྫས་རྣམས་འགྲེམ་པར་བྱེད་པ་ལ། སྤྱིར་འཇིག་རྟེན་པའི་དྲང་སྲོང་བདེན་ཚིག་གྲུབ་པ་རྣམས་ཀྱིས་ཀྱང་བདེན་སྟོབས་བརྗོད་པས་སྣོད་བཅུད་གང་ཡང་བཟང་ངན་སྣ་

― GTD007_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་སུ་བསྒྱུར་བའི་ལོ་རྒྱུས་ཤིན་ཏུ་མང་ལ། སངས་རྒྱས་བཅོམ་ལྡན་འདས་ནི་བསྐལ་པ་ཆེན་པོ་གྲངས་མེད་པ་དུ་མར་བདེན་ཚིག་གོམས་པ་མཐར་ཕྱིན་པའི་དབང་གིས་པདྨའི་འདབ་མ་ལྟར་ཡངས་པའི་ལྗགས་དང༌། གསུང་ཆོས་ཀྱི་དུང་ལ་སོགས་པ་གྲུབ་སྟེ། བཀའ་བདེན་པས་བྱིན་གྱིས་བརླབས་པ་དེ་ཉིད་ལས་ཅུང་ཟད་ཀྱང་གཞན་དུ་འདའ་བ་མི་སྲིད་ལ། དེའི་ཕྱིར་དགེ་ལེགས་ཀྱི་བྱ་བ་རླབས་པོ་ཆེས་མཐའ་བརྒྱན་པའི་ཕྱིར་དུ་བཀྲ་ཤིས་པའི་རྫས་འདི་རྣམས་འགྲེམ་པར་བྱས་པ་ཡིན། འདི་དག་དུས་དང་གནས་སྐབས་གང་གི་ཚེ་བཀྲ་ཤིས་པའི་རྫས་སུ་བྱིན་གྱིས་བརླབས་ཚུལ་ནི། སའི་ལྷ་མོས་མེ་ལོང༌། རྒྱལ་པོའི་ཁབ་ཏུ་ཁྱིམ་བདག་བཟང་སྐྱོང་གིས་ཞོ། ཤིང་གི་ལྷ་མོས་བིལ་བ། བྲམ་ཟེ་སྐར་མ་ལ་དགའ་བའི་བུས་ལི་ཁྲི་ཕུལ་བ་སོགས་ལོ་རྒྱུས་འདྲ་མིན་ཅུང་ཟད་ཡོད་ཀྱང༌། གྲགས་ཆེ་བ་གཞུང་གི་དངོས་ཟིན་འདི་ལྟར་ཡིན། རྫས་སོ་སོའི་བྱེད་ལས་ཀྱང་ཉེས་པ་ཀུན་གྱི་རྩ་བ་མ་རིག་པའི་མུན་པ་དྲུངས་འབྱིན་ཞིང༌། མཐོང་བ་དང་མ་མཐོང་བའི་ཡོན་ཏན་ཐམས་ཅད་ཀྱི་འབྱུང་གནས་ཆོས་རབ་ཏུ་རྣམ་འབྱེད་ཀྱི་ཤེས་རབ་བསྐྱེད་དེ་སྒྲིབ་གཉིས་ཟད་པར་སྤངས་པས་རང་དོན་ཆོས་སྐུ་མངོན་དུ་བྱེད་པའི་རྟེན་འབྲེལ་མེ་ལོང་དང༌། དེ་ནས་གདུལ་བྱའི་དོན་སྒྲུབ་པ་ལ་ཕ་རོལ་ཏུ་ཕྱིན་པའི་ཐེག་པར་འཕྲིན་ལས་ཉེར་བདུན་སོགས་གསུངས་ཀྱང༌། རྡོ་རྗེ་ཐེག་པའི་སྐབས་འདིར་ཕྲིན་ལས་རྣམ་པ་བཞིའི་ནང་དུ་འདུ་བས། ཐོག་མར་ཞི་བའི་ལས་ལ་ལུས་ཀྱི་ནད་གདོན་སོགས་ཀྱི་སྡུག་བསྔལ་ཞི་བར་བྱེད་པའི་རྫས་གྷི་ཝཾ་དང༌། དེའི་རྒྱུ་ནང་གི་དུག་གསུམ་སོགས་ཞི་བར་བྱེད་པའི་ཞོ། རྒྱས་པའི་ལས་ལ་ཚེ་སྤེལ་

― GTD007_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་རྫས་དུར་བ་དང༌། འདོད་དོན་མཁོ་དགུའི་འབྱོར་བ་རྣམས་ལྷུན་གྱིས་གྲུབ་པར་བྱེད་པ་བིལ་བ། ཐོས་བསམ་སྒོམ་གསུམ་གྱི་ཤེས་རབ་དང་བཤད་སྒྲུབ་ཀྱི་བྱ་བ་རྣམས་རྒྱས་པར་བྱེད་པ་དུང་དཀར་ཏེ་གསུམ། དབང་གི་ལས་ལ་སྐྱེ་འགྲོ་དབང་དུ་སྡུད་པའི་རྫས་སིནྡྷུ་རའམ་ལི་ཁྲི། དྲག་པོའི་ལས་འགྲུབ་ཕྱིར་གྲུབ་པའི་རྫས་ཡུངས་ཀར་ཏེ་བཀྲ་ཤིས་ཀྱི་གྲངས་དང་ལྡན་པའི་རྫས་འདི་རྣམས་བླ་སློབ་ཡོན་མཆོད་ཐམས་ཅད་ཀྱི་ཕྱག་ཏུ་བཀྲམ་པའི་ཚེ། སངས་རྒྱས་བཅོམ་ལྡན་འདས་བདེན་པའི་ཚིག་ལ་དབང་འབྱོར་བའི་གསུང་གི་ནུས་པས་བྱིན་གྱིས་བརླབས་པ་ལྟར། རྫས་དེ་དག་མཐོང་ཐོས་དྲན་རེག་ཙམ་གྱིས་ཀྱང་མི་ཤིས་པའི་རྒུད་པ་མཐའ་དག་བསལ་ཏེ། ཕུན་སུམ་ཚོགས་པའི་དགེ་མཚན་གྱི་དཔལ་ཡོན་རྒྱ་ཆེན་པོས་ས་ཕྱོགས་ཡུལ་འཁོར་དང་བཅས་པ་ཐམས་ཅད་ཁྱབ་བྱུང་སྙམ་པའི་སྤྱན་དམིགས་མཛད་དགོས་པ་ཐུགས་ལ་འདོགས་པར་ཞུ། འདི་ནི་རབ་གནས་ཀྱི་ལོ་རྒྱུས་གཙོ་བོར་བཏོན་པའི་བཤད་པ་བྱེད་ཚུལ་གྱི་དབང་དུ་བྱས་པ་ཡིན་ལ། རྟེན་བཞེངས་པའི་ཕན་ཡོན་སོགས་ལས་གཙོ་བོར་བརྩམས་ཏེ་བཤད་པ་བྱེད་པར་འདོད་ན་ཁོ་བོས་བྲིས་པའི་རྟེན་བཞེངས་མཆོད་སོགས་ཀྱི་ཕན་ཡོན་བསྟན་པ་དཀར་ཆག་ལྷའི་རྔ་ཆེན་ལས་ཤེས་པར་བྱའོ། །ཞེས་པ་འདི་ཡང་བཙུན་པ་ྋདཀོན་མཆོག་བསྟན་པའི་སྒྲོན་མེས་བསྒྲིགས་པའོ།། །།

བཀྲ་ཤིས་རྫས་བརྒྱད་ཀྱི་རྣམ་བཤད།

― GTD007_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་ཤིས་རྫས་བརྒྱད་ཀྱི་རྣམ་བཤད་བཀྲ་ཤིས་དགའ་སྟོན་ཞེས་བྱ་བ་བཞུགས་སོ།།

― GTD007_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་གར་སྐད་དུ། ཨཥྚ་མངྒ་ལོ་བྷཱ་བ་བི་བྷཱ་ཥི་ཏོ་ལཀྵྨཱི་ཀྵ་ཎ་ན་མ། བོད་སྐད་དུ། བཀྲ་ཤིས་པའི་རྫས་བརྒྱད་རྣམ་པར་བཤད་པ་བཀྲ་ཤིས་དགའ་སྟོན་ཞེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །ཡེ་ཤེས་མེ་ལོང་རྡུལ་བྲལ་དོན་ཀུན་སྣང་བས་བཀྲཾ་བ་རྫོགས་སངས་རྒྱས། །སྡུག་བསྔལ་ནད་སེལ་སྨན་མཆོག་ལས་ཉོན་རྨོངས་པའི་གཉིད་སློང་ཆོས་ཀྱི་དུང༌། །དམར་སེར་ལི་ཁྲིའི་གོས་འཆང་རྣམ་དག་བསླབ་གསུམ་འཛིན་པའི་དགེ་འདུན་ཏེ། །ཤིཾས་པའི་མཆོག་སྦྱིན་སྐྱབས་གསུམ་ཐུགས་རྗེས་འབྲལ་མེད་བྱང་ཆུབ་བར་དུ་སྐྱོངས། །བདེ་གཤེགས་བདེན་པའི་ལྗགས་ཡངས་པདྨོ་ལ། །ཆགས་པའི་བྱིན་རླབས་སྦྲང་རྩིའི་ཐིགས་པ་ཡིས། །གང་ལ་རེག་པར་ཕན་བདེའི་ཟིལ་མངར་གྱི། །རོ་བདའ་ཤིས་པའི་རྫས་ཀྱིས་དགེ་ལེགས་སྤེལ། །གླེང་བར་འོས་པ་དེ་ཡི་ངོ་མཚར་གཏམ། །

― GTD007_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

རིང་ནས་བློ་གྲོས་རལ་པར་འཁྱིལ་པའི་བཅུད། །ས་གསུམ་འཇིག་རྟེན་དྲི་མ་དག་བྱེད་དུ། །ཕབ་འདི་སྐལ་ལྡན་ཤིང་རྟའི་དགའ་སྟོན་མཛོད།། དེའང་བཀྲ་ཤིས་པའི་རྫས་ཀྱི་རྣམ་པར་གཞག་པ་ལ། ཐོག་མར་བཀྲ་ཤིས་རང་གི་ངོ་བོ་ནི། བཀྲ་ཤིས་ཆེན་པོའི་མདོ་ལས། སྔར་བྱས་པ་ཡི་བསོད་ནམས་ཀྱིས། །མཐུན་པའི་ཡུལ་དུ་གནས་པ་དང༌། །བདག་ཉིད་མཆོག་གི་སྨོན་ལམ་བྱ། །འདི་ནི་མཆོག་གི་བཀྲ་ཤིས་སོ། །ཞེས་གསུངས་ཏེ། དེའི་དོན་ཡང་བཤེས་སྤྲིང་ལས། མཐུན་པར་གྱུར་པའི་ཡུལ་ན་གནས་པ་དང༌། །སྐྱེས་བུ་དམ་པ་ལ་ནི་བརྟེན་པ་དང༌། །རང་གི་ལེགས་སྨོན་སྔོན་བསགས་བསོད་ནམས་ཏེ། །འཁོར་ལོ་ཆེན་པོ་བཞི་ནི་ཁྱོད་ལ་མངའ། །ཞེས་གསུངས་པ་ལྟར། ལེགས་བྱས་རྟེན་འབྲེལ་ཕུན་སུམ་ཚོགས་པའི་འཁོར་ལོ་བཞི་ལྡན་ཐེག་པ་མཆོག་གི་ཤིང་རྟས་དོན་

― GTD007_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཕུན་ཚོགས་རྣམ་གྲོལ་ནོར་བུའི་གླིང་དུ་ཕྱིན་པར་བྱེད་པ་ནི་བཀྲ་ཤིས་ཀུན་གྱི་མཆོག་དང་གཙོ་བོར་གསུངས་སོ། །དེར་བགྲོད་པའི་རིམ་པའང་མདོ་དེ་ཉིད་ལས། དཀའ་ཐུབ་དང་ནི་ཚངས་སྤྱོད་བྱ། །འཕགས་པའི་བདེན་པ་མཐོང་བར་བྱ། །མྱ་ངན་འདས་པ་མངོན་སུམ་བྱ། །འདི་ནི་མཆོག་གི་བཀྲ་ཤིས་སོ། །ཞེས་གནས་སྐབས་མངོན་མཐོའི་ཚངས་སྤྱོད་སོགས་ཀྱི་ཚུལ་ཁྲིམས་རྣམ་པར་དག་པ་ལ་གནས་པ་དང༌། འཕགས་པའི་ལམ་བདེན་པ་བཞིའི་འཇུག་ལྡོག་གི་སྒོ་ནས་མཐར་ཐུག་ངེས་ལེགས་ཀྱི་གོ་འཕང་སྒྲུབ་པ་སྟེ། མདོར་ན་སྐྱེས་བུ་གསུམ་གྱི་ལམ་གྱི་རིམ་པ་སྐས་ཀྱི་གདང་བུ་བཞིན་དུ་བགྲོད་ནས་མི་གནས་པའི་མྱང་འདས་མངོན་དུ་བྱ་བ་ནི་གནས་སྐབས་མཐར་ཐུག་ཀུན་ཏུ་དགེ་བའི་བཀྲ་ཤིས་ཀྱི་མཆོག་ཏུ་གསུངས་སོ། །མཚན་ཡང་དག་པར་བརྗོད་པ་ལས་ཀྱང༌། ཆོས་ཤིས་བཀྲ་ཤིས་བཀྲ་ཤིས་འབྱུང༌། །བཀྲ་ཤིས་ཀུན་གྱིས་བཀྲ་ཤིས་པ། །གྲགས་པའི་བཀྲ་ཤིས་སྙན་གྲགས་དགེ །ཞེས་ཆོས་ཀྱི་བླང་དོར་ཤེས་ཤིང་ལག་ཏུ་བླངས་པ་ལ་བརྟེན་ནས་ཚེ་འདིར་བཀྲ་ཤིས་ཤིང་ཚེ་རབས་ཕྱི་མ་རྣམས་སུའང་བཀྲ་ཤིས་དང་བདེ་སྐྱིད་འབྱུང་ལ། དེའང་ཕྱོགས་རེ་བ་ཙམ་མ་ཡིན་པར་ཚེ་དང་བསོད་ནམས་ཆོས་སྲིད། གནས་སྐབས་མཐར་ཐུག་གི་བཀྲ་ཤིས་ཀུན་གྱིས་ཤིས་པ་དང་བདེ་ལེགས་སུ་འགྱུར་ཞིང་ཕུན་སུམ་ཚོགས་པའི་སྒོ་མ་ཚང་བ་མེད་པའི་དབང་གིས་གྲགས་པ་ཕྱོགས་ཀུན་ཏུ་ཁྱབ་

― GTD007_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་སུས་ཀྱང་སྨད་དུ་མེད་པས་བཀྲ་ཤིས་པ་དང༌། དེ་ལྟ་བུའི་སྙན་གྲགས་ཀྱིས་ཡིད་འཕྲོག་པའི་སྐྱེ་བོ་བློ་ལྡན་ཀུན་ཀྱང་དེའི་རྗེས་སུ་ཞུགས་ཏེ་ཆོས་ཀྱི་ལམ་ལ་གཞོལ་བས་རང་གཞན་ཀུན་ལ་དགེ་བར་འགྱུར་བ་སོགས་མདོར་ན་ལེགས་བྱས་ཀྱི་རྟེན་འབྲེལ་གཅིག་ལས་གཅིག་འབྱུང་གིས་ལུ་གུ་རྒྱུད་དུ་འབྲེལ་བས་ནམ་ཡང་ཉམས་པ་མེད་པར་གོང་ནས་གོང་འཕེལ་དུ་འགྱུར་རོ།། དེ་ལྟ་བུའི་ལེགས་བྱས་རྟེན་འབྲེལ་ཕུན་སུམ་ཚོགས་པ་དེ་ཉིད་གང་གི་ཐུགས་རྗེ་ལ་བརྟེན་ནས་འབྱུང་བའི་རྩ་བ། ཆོས་ཤེས་བཀྲ་ཤིས་ཞེས་པ་འདིས་བསྟན་པར་སློབ་དཔོན་འཇམ་དཔལ་བཤེས་གཉེན་གྱིས་གསུངས་པ་ལྟར་ན། ཆོས་ཀྱི་གནས་ལུགས་ཇི་ལྟ་བ་བཞིན་ཤེས་པའི་ཡེ་ཤེས་ཀྱི་ཚོགས་དང༌། བཀྲ་ཤིས་པའི་དགེ་མཚན་རླབས་པོ་ཆེའི་བསོད་ནམས་ཀྱི་ཚོགས་ཡོངས་སུ་རྫོགས་པའི་རྒྱལ་བ་རྣམས་ཀྱིས་ཐུགས་རྗེ་བདེན་པས་བྱིན་གྱིས་བརླབས་པ་ཁོ་ན་ལ་བརྟེན་ནས་འཇིག་རྟེན་གསུམ་དུ་བཀྲ་ཤིས་པའི་ཚོགས་སྔར་བཤད་པ་བཞིན་དུ་འབྱུང་བ་ཡིན་ནོ། །དེའི་ཐུགས་རྗེ་བདེན་སྟོབས་ཀྱིས་དེ་ལྟར་འགྲུབ་པའི་རྒྱུ་མཚན་ཡང་ལེགས་བཤད་གསེར་འཕྲེང་ལས། ཇི་ལྟར་མོས་པ་བཞིན་འགྲུབ་པས་བསྡུས་པའི་སྨོན་ལམ་ལ་དབང་བ་ནི་བརྩོན་འབྲས་ཏེ། སྔོན་སེམས་ཅན་གྱི་དོན་དུ་བརྩོན་པ་མ་བཏང་བས་སོ། །ཞེས་སྔོན་བསྐལ་པ་དཔག་ཏུ་མེད་པར་རང་དོན་

― GTD007_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་བྱེད་དང་མ་འདྲེས་པའི་གཞན་དོན་ལ་གཅིག་ཏུ་བརྩོན་པར་མཛད་པའི་སྟོབས་ཀྱིས། གཞན་ལ་ཕན་པའི་ཐབས་འདི་ལྟ་བུར་གྱུར་ཅིག་ཅེས་སྨོན་པ་མཛད་པའི་རིགས་མི་འགྲུབ་པ་ནམ་ཡང་མི་སྲིད་པ་ནི་དབང་བཅུའི་ནང་གི་སྨོན་ལམ་དང་ལས་ལ་དབང་བའི་དོན་ཡིན་ནོ། །ཚུལ་འདི་རིགས་པས་ཀྱང་འགྲུབ་སྟེ། དཔག་བསམ་འཁྲི་ཤིང་ལས། གསུང་གི་ཀྱལ་ཀ་ཁོ་ནས་ཀྱང༌། །འབིགས་བྱེད་ས་དང་མཉམ་པར་གྱུར། །ཅེས་པ་ལྟ་བུ་འཇིག་རྟེན་པའི་དྲང་སྲོང་བདེན་ཚིག་གྲུབ་པ་རྣམས་ཀྱིས་བདེན་སྟོབས་བརྗོད་པས་སྣོད་བཅུད་ཀྱི་འཇིག་རྟེན་སྣ་ཚོགས་སུ་བསྒྱུར་ཚུལ་རིག་བྱེད་ནས་འབྱུང་བ་སོགས་ཕྱི་ནང་ཐུན་མོང་དུ་གྲགས་པའི་གཏམ་རྒྱུད་ཀྱང་མང་དུ་ཡོད་ན། བཅོམ་ལྡན་འདས་ཀྱིས་བསྐལ་ཆེན་གྲངས་མེད་གསུམ་དུ་བདེན་ཚིག་བསྲུང་བའི་ནུས་པ་ལ་ཐེ་ཚོམ་ག་ལ་དགོས། རྒྱལ་བ་རང་ཉིད་ཀྱིས་ཀྱང་ལྗགས་ཀྱི་དབང་པོ་བཀྲམ་པས་ཞལ་གྱི་དཀྱིལ་འཁོར་ཁེབས་པར་མཛད་དེ། ལྕེ་འདི་ལྟ་བུས་རྫུན་སྨྲ་བ་སྲིད་དམ་ཞེས་བདེན་ཚིག་གྲུབ་པའི་འབྲས་རྟགས་བསྟན་ཚུལ་འདུལ་བ་ལུང་ལས་གསུངས་ཤིང༌། ཁྱད་པར་དུ་ལུང་ཕྲན་ཚེགས་ལས། ཟླ་བ་སྐར་མར་བཅས་པ་ས་ལ་ལྷུང་ཡང་སྲིད། །ས་འདི་རི་དང་ནགས་ཚལ་མཁའ་ལ་འགྲོ་ཡང་སྲིད། །རྒྱ་མཚོ་ཆེན་པོའི་ཆུ་ནི་སྐམ་པར་འགྱུར་སྲིད་ཀྱི། །དྲང་སྲོང་ཆེན་པོའི་རྫུན་གསུང་འགྱུར་བ་སྲིད་པ་མིན། །ཞེས་གསུངས་སོ། །དེ་བཞིན་དུ་ཏིང་ངེ་འཛིན་རྒྱལ་པོ་ལས་ཀྱང༌། རི་དང་ནགས་བཅས་ས་འདི་གས་འགྱུར་ཞིང༌། །རྒྱ་མཚོའི་ཆུ་དག་དེ་བཞིན་འཕོ་འགྱུར་ལ། །ཉི་མ་ཟླ་བ་ས་ལ་ལྷུང་གྱུར་ཀྱང༌། །རྒྱལ་བས་བཤད་

― GTD007_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྣམ་པ་གཞན་མི་འགྱུར། །ཞེས་གང་གསུང་བ་དེའི་ཐོག་ཏུ་མི་འབབ་པ་མི་སྲིད་པར་གསུངས་སོ། །དེ་ལྟར་བདེན་ཚིག་གིས་བྱིན་གྱིས་བརླབས་ན་འགྲུབ་པར་མ་ཟད། འདི་དང་འདི་ལྟར་གྱུར་ན་སྙམ་དུ་བཞེད་པ་ཙམ་ལའང་མི་འགྲུབ་མི་སྲིད་པས། འགྲེལ་པ་དོན་གསལ་ལས་འཕྲིན་ལས་བཤད་པའི་མཇུག་ཏུ་བཞེད་པར་མཛད་པ་ཡིན་ནོ། །ཞེས་གསུངས་པ་དེ་རྒྱལ་བའི་མཛད་པ་རྣམས་བཞེད་ཙམ་གྱིས་ལྷུན་གྲུབ་ཏུ་འབྱུང་བའི་དོན་ཡིན་པར་སློབ་དཔོན་ཆོས་ཤེས་ཀྱི་འགྲེལ་བཤད་ཚིག་གསལ་དུ་གསུངས་སོ། །ཚུལ་འདི་ནི་དཔལ་ལྡན་ཟླ་བས་ཀྱང༌། དག་པ་འདི་ནི་བཞེད་པ་འཇུག་པ་ཡིས། །རྡུལ་གཅིག་ཡུལ་ལ་མཁའ་གཏུགས་འཇིག་རྟེན་དང༌། །འཇིག་རྟེན་མཐའ་ཡས་ཕྱོགས་ཁྱབ་རྡུལ་སྟོན་མོད། །རྡུལ་རགས་མི་འགྱུར་འཇིག་རྟེན་ཕྲར་མི་འགྱུར། །ཞེས་གསུངས་ཏེ། ཐུགས་ལ་བཞེད་པ་ཙམ་གྱིས་མི་སྲིད་པ་ཅི་ཡང་སྲིད་ཆོག་པའི་ངོ་མཚར་བསམ་ལས་འདས་པ་འདི་ལྟ་བུ་ལས་ལྷག་པའི་གསང་བའི་གནས་སྔགས་ལའང་སྟོན་རྒྱུ་མེད་པས། རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །ཞེས་སོགས་འདི་འདྲ་བ་མདོ་སྡེ་ལས་འབྱུང་བ་རྣམས་ཀྱང་ཚུལ་བཞིའི་ནང་གི་མཐར་ཐུག་གི་བཤད་པར་སྒྲོན་གསལ་དང་ཡེ་ཤེས་རྡོ་རྗེ་ཀུན་ལས་བཏུས་ཀྱི་ཊཱིཀྐར་བཤད་ཅིང༌། གསང་བ་བསམ་མི་ཁྱབ་ཀྱི་ཡོན་ཏན་འདིའི་མིང་ལའང་བཞེད་པ་འཇུག་པའི་ཡོན་ཏན་ཞེས་རྣམ་བཤད་དགོངས་པ་རབ་གསལ་དུ་གསུངས་སོ། །དེ་ལྟར་གདུལ་བྱ་རྣམས་ལ་ཕན་པའི་བཞེད་དགོངས་ཁྱད་པར་ཅན་གྱི་སྒོ་ནས་བདེན་ཚིག་གིས་བཀྲ་ཤིས་

― GTD007_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྫས་སུ་བྱིན་གྱིས་བརླབས་པ་བཀྲ་ཤིས་རྫས་བརྒྱད་དུ་གྲགས་པ་འདི་རྣམས་ནི་དབང་བསྐུར་རབ་གནས་སོགས་ལས་དུ་མའི་མཐའ་རྟེན་དུ་དགེ་ལེགས་སྤེལ་བའི་རྟེན་འབྲེལ་ལ་འཕགས་བོད་ཀྱི་མཁས་གྲུབ་གོང་མ་རྣམས་ཀྱིས་འགྲེམ་པར་མཛད་པའི་ཕྱག་བཞེས་མ་ཉམས་པར་གནས་པ་འདི་ཡིན་ལ། དེའང་གནད་གང་ཡིན་གོ་དོན་ལེགས་པར་ཆགས་པའི་སྟེང་ནས་ལག་ལེན་དུ་བསྟར་ན་དེའི་ཚོད་ཀྱིས་ཕན་པ་རླབས་ཆེ་བས་རྒྱུ་མཚན་ལེགས་པར་ཤེས་དགོས། དེའང་བློ་གྲོས་དང་སྐལ་བ་ཕུན་སུམ་ཚོགས་པའི་སྐྱེས་བུ་མཆོག་གི་འདོད་བྱའི་འབྲས་བུ་མཐར་ཐུག་པ་ནི་སངས་རྒྱས་ཀྱི་གོ་འཕང་ཁོ་ན་ཡིན། སངས་རྒྱས་ཀྱི་གོ་འཕང་ཞེས་པའང་གསེར་སྐུ་མཆོད་གྲལ་དུ་བཤམས་པ་ལྟ་བུ་ཞིག་ལ་ཟེར་བ་མིན་གྱི། དོན་གཉིས་ལྷུན་གྱིས་གྲུབ་པའི་གོ་འཕང་ཞིག་ལ་འཇོག་དགོས། དེ་ནི་རྒྱུད་བླ་མ་ལས། རང་དོན་གཞན་དོན་དོན་དམ་སྐུ་དང་ན། །དེ་ལ་བརྟེན་པ་ཀུན་རྫོབ་སྐུ་ཉིད་དོ། །བདག་ཉིད་ཀྱི་ནི་འབྱོར་པའི་གནས། །དམ་པའི་དོན་གྱི་སྐུ་ཡིན་ཏེ། །དྲང་སྲོང་རྣམས་ཀྱི་བརྡ་ཡི་སྐུ། །ཕ་རོལ་ཕུན་སུམ་ཚོགས་པའི་གནས། །ཞེས་རང་དོན་ཕུན་ཚོགས་དོན་དམ་པའི་སྐུ་དང༌། གཞན་དོན་ཕུན་ཚོགས་ཀུན་རྫོབ་པའི་སྐུར་གསུངས་ལ། དོན་དམ་པའི་སྐུ་དེར་ངོ་བོ་ཉིད་ཀྱི་སྐུ་དང༌། ཡེ་ཤེས་ཆོས་ཀྱི་སྐུ་གཉིས་ཡོད་ཀྱང་རང་དོན་ཆོས་ཀྱི་སྐུ་ཞེས་གཅིག་ཏུ་བསྡོམས་ནས་སྐུ་གསུམ་དུ་བྱེད་ཚུལ། མདོ་སྡེ་རྒྱན་ལས། སྐུ་གསུམ་དག་གིས་སངས་རྒྱས་ཀྱི། །སྐུ་བསྡུས་པར་ནི་ཤེས་པར་བྱ། །ཞེས་དང༌། རྒྱུད་བླར། འདིར་ནི་དང་པོ་ཆོས་སྐུ་སྟེ། །ཞེས་པ་ལྟར་རོ།། དེ་ལྟར་བྱེད་པའི་

― GTD007_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་མཚན་ཡང༌། ཐེག་ཆེན་པ་རྣམས་ཀྱི་འདོད་བྱ་དང་དགོས་པའི་གཙོ་བོ་གཞན་དོན་ཡིན་པས། གདུལ་བྱ་མཆོག་དམན་སོ་སོའི་དོན་སྒྲུབ་ཚུལ་གྱི་སྒོ་ནས་ལོངས་སྤྲུལ་གཉིས་སོ་སོར་བགྲང༌། གཟུགས་སྐུ་ཀུན་ཏུ་བཟང་པོའི་འཕྲིན་ལས་ཀྱི་འོད་ཟེར་དེ་གཉིས་གང་ལས་འབྱུང་བའི་རྟེན་ཉི་མའི་དཀྱིལ་འཁོར་ལྟ་བུ་སྤངས་པ་དང་རྟོགས་པའི་བདག་ཉིད་ཆོས་ཀྱི་སྐུ་དེ་ཁོ་ན་ཡིན་པས་གཅིག་ཏུ་བགྲང་བ་ཡིན་ཏེ། མདོ་སྡེ་རྒྱན་ལས། རང་བཞིན་ལོངས་སྤྱོད་རྫོགས་པ་དང༌། །གཞན་ནི་སྤྲུལ་བའི་སྐུ་ཡིན་ཏེ། །དང་པོ་གཉིས་པོའི་རྟེན་ཡིན་ནོ། །ཞེས་གསུངས་པ་བཞིན་ནོ། །མངོན་པར་རྟོགས་པའི་རྒྱན་གྱི་དོན་ཡང་སློབ་དཔོན་སེང་གེ་བཟང་པོས་སྐུ་བཞིར་བྱེད་ཚུལ་འགྲེལ་པའི་རྩོད་ལན་ལྟར་ཡིན་ཀྱང༌། འཕགས་པ་གྲོལ་སྡེས་འདི་དང་མཐུན་པར་སྐུ་གསུམ་དུ་མཛད་དེ། ཟག་པ་མེད་པའི་ཆོས་གང་དག །ཐོབ་གྱུར་རྣམ་ཀུན་རྣམ་དག་པ། །ཞེས་པའི་དོན། ཆོས་ཅན་ཟག་མེད་ཡེ་ཤེས་ཀྱི་སྣང་བ་དང༌། ཆོས་ཉིད་དག་པ་གཉིས་ལྡན་གྱི་དབྱིངས་ངོ་བོ་ཐ་མི་དད་ཀྱི་ཚུལ་དུ་མདོར་བསྟན་ཏེ། བྱང་ཆུབ་ཕྱོགས་མཐུན་ཚད་མེད་དང༌། །ཞེས་སོགས་ཀྱིས་སྟོང་གཞིའི་སྒོ་ནས་རྒྱས་པར་བཤད་པའི་དབང་དུ་མཛད་ནས་གསུངས་སོ། །སྐབས་འདིར་ཡང་མེ་ལོང་གིས་རང་དོན་ཕུན་སུམ་ཚོགས་པའི་རྟེན་འབྲེལ་བསྒྲིགས། ལྷག་མ་རྣམས་ཀྱིས་གཞན་དོན་ཕུན་སུམ་ཚོགས་པའི་རྟེན་འབྲེལ་བསྒྲིགས་པ་བྱས་ན་སྔར་བཤད་པ་དེ་དག་དང་ཤིན་ཏུ་འགྲིག་སྟེ། མེ་ལོང་ལ་གཡའ་དག་པ་དང་གཟུགས་བརྙན་སྣ་ཚོགས་

― GTD007_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

འཆར་བའི་ཁྱད་ཆོས་གཉིས་ཚང་བ་བཞིན། སེམས་ཉིད་རང་བཞིན་གྱིས་འོད་གསལ་བའི་སྟེང་དུ། གློ་བུར་གྱི་དྲི་མ་མ་ལུས་པ་རྣམ་པར་དག་སྟེ་དག་པ་གཉིས་ལྡན་དུ་སོང་བའི་སྤངས་པ་ཕུན་ཚོགས་ངོ་བོ་ཉིད་སྐུ་དང༌། ཟག་མེད་ཡེ་ཤེས་སྡེ་ཚན་ཉེར་གཅིག་སོགས་ཀྱིས་ཆོས་ཐམས་ཅད་རྣམ་པ་ཐམས་ཅད་དུ་མངོན་པར་རྫོགས་པར་བྱང་ཆུབ་པས་སྐད་ཅིག་མ་གཅིག་ལ་ཇི་ལྟ་ཇི་སྙེད་ཀྱི་རྣམ་པ་མཐའ་དག་ཅིག་ཅར་མངོན་སུམ་དུ་གཟིགས་པའི་རྟོགས་པ་ཕུན་ཚོགས་ཡེ་ཤེས་ཆོས་སྐུ་གཉི་ག་འགྲུབ་པའི་རྟེན་འབྲེལ་གྱི་གནད་ཚང་ངོ༌། །ཚུལ་འདི་ནི་རྣམ་སྣང་མངོན་བྱང་ལས། རྡོ་རྗེ་སེམས་དཔའ་མེ་ལོང་བཞིན། །དེར་ནི་གསལ་དག་རྙོག་པ་མེད། །ཅེས་དང༌། རང་བཞིན་མེད་ཅིང་གནས་མེད་པར། །ཆོས་རྣམས་དེ་ལྟར་ཤེས་གྱིས་ལ། །ཞེས་མེ་ལོང་གི་དབང་དུ་གསུངས་པ་དང་འདྲ་སྟེ། འདིའི་ཚིགས་བཅད་ཛེ་ཏ་རིའི་གཞུང་དུ་འབྱུང་བ་ལས་ཀྱང༌། ཡེ་ཤེས་རྒྱ་མཚོ་མཆོག་ཏུ་དག་གྱུར་ཏེ། །རྣམ་དག་ཆོས་ལ་ཐོགས་མེད་ལོངས་སྤྱོད་པ། །ཞེས་རྣམ་པར་དག་པའི་ཆ་དང་ཆོས་ཐམས་ཅད་ལ་དབང་འབྱོར་པའི་ཁྱད་པར་གཉིས་སུ་བྱེད་པ་སྔ་ཕྱི་ཐམས་ཅད་དགོངས་པ་མཐུན་ནོ། །སྔགས་ཀྱི་ཐུན་མོང་མ་ཡིན་པ་དང་སྦྱར་ན། དག་པའི་རྟེན་དང་བརྟེན་པའི་གཟུགས་ཕུང་གི་ཆ་ཐམས་ཅད་རྣམ་སྣང་རྣམ་པར་དག་པའི་བདག་ཉིད་ཡིན་ལ། དེ་ཉིད་མེ་ལོང་ཡེ་ཤེས་ཀྱི་རང་མདངས་ཡིན་པའི་ཆ་ནས་ཀྱང་འདིས་གཞན་དོན་ཕུན་ཚོགས་ཀྱི་རྩ་བ་ཚུགས་ཚུལ་ཞིག་ཡོད་པ་ཤེས་དགོས་ལ། ཡེ་ཤེས་གཞན་རྣམས་དེ་ལ་བརྟེན་པས་མེ་ལོང་ལྟ་བུ་དང་ཡེ་ཤེས་ཀུན་གྱི་འབྱུང་གནས་སུ་གྱུར་ཚུལ་མདོ་སྡེ་རྒྱན་རྩ་འགྲེལ་སོགས་སུ་མང་

― GTD007_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་མ་སྤྲོས་སོ།། གཉིས་པ་གཞན་དོན་ཕུན་ཚོགས་འགྲུབ་པའི་རྟེན་འབྲེལ་རྫས་ཕྱི་མ་བདུན་གྱི་སྒྲིག་ཚུལ་ནི། སངས་རྒྱས་ཀྱི་འཕྲིན་ལས་མཐའ་ཡས་པ་གསང་བ་བསམ་གྱིས་མི་ཁྱབ་པ་སོགས་མདོ་སྡེ་དུ་མར་གསུངས་ཤིང་རྒྱན་ལས་འཕྲིན་ལས་ཉེར་བདུན་དུ་བསྡུས་པ་དང༌། དེའི་རྒྱུ་མཐུན་སེམས་ཅན་དོན་བྱེད་བཅུ་གཅིག་སོགས་རྒྱལ་སྲས་ཀྱི་སྤྱོད་པ་གཞན་ལ་ཕན་པའི་སྒོ་ཚད་མེད་པ་ཞིག་བྱང་ས་དང་དེའི་རྩ་བར་གྱུར་པའི་བྱང་སེམས་ཀྱི་སྡེ་སྣོད་རྣམས་ལས་གསུངས་མོད་ཀྱང༌། འཕྲིན་ལས་རྣམ་བཞིའི་སྒོ་ནས་སེམས་ཅན་གྱི་དོན་བྱེད་པ་ནི་སྔགས་ཀྱི་ཐུན་མོང་མ་ཡིན་པའི་ཁྱད་ཆོས་ཡིན་པས་འདིར་དེ་དང་སྦྱར་ནས་བཤད་དགོས་སོ། །འདི་ལ་དོགས་པའི་གནས་འདི་ཡོད་དེ། ཕར་ཕྱིན་ཐེག་པ་ལས་ཀྱང་སེམས་ཅན་ཐམས་ཅད་ཀྱི་དོན་ཆ་ཚང་བར་སྒྲུབ་ཚུལ་མ་གསུངས་ན། བློ་གྲོས་མི་ཟད་པ་སོགས་སུ་ཆེད་དུ་བྱ་བ་སེམས་ཅན་ཐམས་ཅད་ཀྱི་དོན་དང༌། འབྲས་བུ་སྐྱོན་ཀུན་ཟད་པ་ཡོན་ཏན་ཀུན་རྫོགས་པ་ལ་དམིགས་པས་རྒྱལ་སྲས་ཀྱི་ལམ་ཐམས་ཅད་མི་ཟད་པར་གསུངས་པའི་དོན་མི་ཚང་ལ། རྒྱན་གྱི་ལྡོག་པ་གཟུང་རྟོག་སྐབས་ཉི་ཚེ་བ་སོགས་གསུངས་པ་དེར་འགྱུར་བས་འཕྲིན་ལས་བཞི་མདོ་ལའང་ཚང་དགོས་སོ་སྙམ་ན། ཆེད་དུ་བྱ་བ་དང་འབྲས་བུ་ལ་རྒྱ་ཆེ་ཆུང་བྱུང་ན་སྐྱོན་དེ་འཇུག་ཀྱང༌། སྒྲུབ་བྱེད་ཀྱི་ཐབས་མཁས་མི་མཁས་བྱུང་བ་ལ་སྐྱོན་མེད་དེ། དེ་འདྲ་ཞིག་མེད་ན་མདོ་སྔགས་གཉིས་ཐེག་པ་མཆོག་དམན་གྱི་ཁྱད་འབྱེད་མི་ནུས་སོ། །ཁྱད་པར་འདི་འབྱུང་བའི་རྩ་བ་ནི་ཕར་ཕྱིན་ཐེག་པར་ཉོན་མོངས་གང་ཡང་ལམ་དུ་བྱེད་པ་མེད་ལ།

― GTD007_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

འོན་ཀྱང་འོད་སྲུང་གི་ལེའུར། དེ་བཞིན་བྱང་ཆུབ་སེམས་དཔའི་ཉོན་མོངས་ལུད། །དེ་ཡང་སངས་རྒྱས་ཆོས་རྣམས་སྐྱེད་ལ་ཕན། །ཞེས་དང༌། རྒྱན་ལས། འདོད་ལ་སྤྱོད་ལ་ཐབས་མཁས་དང༌། །ཞེས་གསུངས་ཤིང༌། ལམ་ཤེས་ཀྱི་ཡན་ལག་སྐབས་ཀྱི་རྒྱན་སྣང་ལས། ལམ་ཤེས་པ་ཉིད་ཀྱིས་ཉོན་མོངས་པ་རྣམ་པ་ཐམས་ཅད་དུ་སྤོང་བར་མི་བྱེད་པ་འདིའི་རང་བཞིན་ཡིན་པས། ཞེས་པ་ལྟར་གསེར་འཕྲེང་ལས་ཀྱང༌། དེ་ལྟ་བུའི་རང་བཞིན་གྱི་ཉོན་མོངས་པ་དེ་དག་གིས་བྱང་སེམས་ཁམས་གསུམ་དུ་ཀུན་ཏུ་སྦྱོར་ལ། ཞེས་སོགས་དང༌། ཁྱེའུ་སྐར་མའི་ལོ་རྒྱུས་ལྟ་བུ་མདོ་དུ་མར་འབྱུང་བས་འདོད་ཆགས་ལམ་གྱི་གྲོགས་སུ་བྱེད་པ་ཙམ་ཞིག་མདོ་ལའང་ཡོད་མོད། ཞེ་སྡང་ནི་སྙིང་རྗེའི་དངོས་ཀྱི་འགལ་ཟླ་ཡིན་པས་ལམ་གྱི་གྲོགས་སུ་འགྲོ་བ་ནམ་ཡང་མི་སྲིད་པར་ཐེག་བསྡུས་ལས་གསུངས་སོ། །ཉེ་བར་འཁོར་གྱིས་ཞུས་པ་ལས། ཞེ་སྡང་ནི་སེམས་ཅན་ཡོངས་སུ་གཏོང་བར་བྱེད་ལ། འདོད་ཆགས་ནི་སེམས་ཅན་སྡུད་པར་བྱེད་པར་གསུངས་པ་དང༌། ཐབས་ལ་མཁས་པའི་མདོར། ཞེ་སྡང་གིས་སྙིང་རྗེ་དང་བྲལ་བར་བྱས་ན་ཐབས་མཁས་ཀྱང་མེད་པར་འགྲོ་བས་སེམས་ཅན་སྤྱིའི་དོན་ལས་ཉམས་ཚུལ་སོགས་བསླབ་བཏུས་ལས་ལྟུང་བའི་ལྕི་ཡང་གི་སྐབས་སུ་རྒྱས་པར་དྲངས་ནས་གསུངས་པ་ཐེག་བསྡུས་དང་མཐུན་ནོ། །དེ་ལྟར་ན་ཞི་རྒྱས་དབང་དྲག་གི་ལས་བཞིའི་ནང་ནས་སྔ་མ་གཉིས་མདོ་ལ་ཡོད་ཀྱང་མངོན་སྤྱོད་དྲག་པོའི་ལས་ཀྱིས་གཞན་དོན་སྒྲུབ་ཚུལ་མདོ་ལ་མེད། དབང་ལའང་ཞི་དྲག་གི་ཆ་གཉིས་ཡོད་པས་ཕྱི་མ་མེད་དེ། འདི་དག་གི་རྒྱུའི་ཀུན་སློང་སྙིང་རྗེ་ཤུགས་

― GTD007_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

དྲག་པོ་ཕར་ཕྱིན་གྱི་གདུལ་བྱའི་དེ་ལས་ལྷག་པ་ཞིག་ཡོད་ཀྱང་དུས་ཀྱི་ཀུན་སློང་ཁྲོ་སེམས་ཤིག་བྱེད་དགོས་པས། གསང་སྔགས་ཀྱི་གདུལ་བྱ་མཆོག་གིས་དུག་སྨན་དུ་བསྒྱུར་བ་བཞིན་དེའང་ལམ་གྱི་གྲོགས་སུ་བྱེད་ནུས་ལ་མདོའི་གདུལ་བྱས་དེ་མི་ནུས་པས་ལས་དེ་གཉིས་མ་གསུངས་པ་ཡིན་ནོ། །དུས་ཀྱི་ཀུན་སློང་དེ་ལྟར་དགོས་པ་ལས་དེ་དག་བྱེད་པའི་དུས་འབྱུང་བཞིའི་རླུང་དང་སྦྱོར་ཚུལ་གསུངས་པ་སོགས་ཀྱིས་ཤེས་ཏེ་གཤེད་སྐོར་གྱི་རྒྱུད་དང་རྒྱུད་འགྲེལ་རྣམས་སུ་བལྟས་ན་གསལ་ལོ། །དེས་ན་འདིར་འཕྲིན་ལས་བཞི་དང་སྦྱོར་བ་ལ། ཐོག་མར་ཞི་བའི་ལས་ཀྱིས་ཞི་བར་བྱ་རྒྱུ་ནི། རྒྱུད་བླ་མ་ལས། ནད་ནི་ཤེས་བྱ་ནད་ཀྱི་རྒྱུ་ནི་སྤང་བྱ་ལ། །ཞེས་སོགས་ལྟར་ནད་ལྟ་བུའི་འབྲས་བུ་སྡུག་བསྔལ་དང༌། ནད་ཀྱི་རྒྱུ་ལྟ་བུའི་ལས་ཉོན་གྱི་ཀུན་འབྱུང་གཉིས་ལས་མ་འདས་པས་དང་པོ་སྡུག་བསྔལ་ཞི་བར་བྱེད་པའི་རྫས་ནི་གྷི་ཝཾ་སྟེ། རང་གི་ངོ་བོའི་སྒོ་ནས་ཀྱང་ནད་སེལ་བའི་སྨན་མཆོག་ཏུ་གྱུར་པ་ཞིག་ཡིན་ལ། སངས་རྒྱས་ཀྱི་གསུང་གིས་བདེན་པ་བདར་བའི་སྒོ་ནས་སྡུག་བསྔལ་མཐའ་དག་སེལ་བའི་སྨན་མཆོག་ཏུ་འགྱུར་རོ། །ནད་རིགས་བཞི་བརྒྱ་རྩ་བཞི་ཡོད་ཀྱང་བསྡུ་ན་རླུང་མཁྲིས་བད་ཀན་གསུམ་དུ་འདུ་ལ། དེ་གསུམ་དུག་གསུམ་སོ་སོས་སྐྱེད་ཚུལ་སྨན་གྱི་གཞུང་ལས་ནད་སོ་སོའི་རྒྱུ་དང་རྐྱེན་བཤད་པའི་སྐབས་སུའང་འབྱུང་བས་དུག་གསུམ་ཞི་ན་ནད་ཀུན་ཞི་བར་འགྱུར་རོ།། དུག་གསུམ་རང་རང་གི་གཉེན་པོ་འདོད་ཆགས་ལ་མི་སྡུག་པ། ཞེ་སྡང་ལ་བྱམས་པ་ལྟ་བུ་གསུངས་ཀྱང༌། རྣམ་འགྲེལ་ལས། བྱམས་

― GTD007_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་རྨོངས་དང་འགལ་མེད་ཕྱིར། །ཤིན་ཏུ་ཉེས་པ་ཚར་གཅོད་མིན། །གསུངས་པ་ལྟར་དེ་དག་གིས་ཉོན་མོངས་པའི་ས་བོན་དྲུངས་འབྱིན་པར་མི་ནུས། དེ་དྲུངས་འབྱིན་བྱེད་ཀྱི་སྨན་ནི། རྗེ་བླ་མས། སྲིད་པའི་རྩ་བ་དྲུངས་ནས་འབྱིན་པའི་ལམ། །ཞེས་བསྔགས་པ་བཞིན་ཆོས་ཉིད་སྤྲོས་བྲལ་གྱི་དེ་ཁོ་ན་ཉིད་རྟོགས་པའི་ཤེས་རབ་འབའ་ཞིག་གཙོ་བས་འདིའི་ཚིགས་བཅད་དུའང༌། སྨན་མཆོག་ཆོས་ཉིད་རབ་ཏུ་རྟོགས་གྱུར་ཏེ། །ཞེས་གསུངས་པ་ཡིན་ནོ། །འབྲུག་པ་སངས་རྒྱས་རྡོ་རྗེའི་འཇིག་རྟེན་དགའ་བའི་ཟློས་གར་ལས་གྷི་ཝཾ་འབུལ་མཁན་གླང་པོ་ཆེ་ས་སྲུང་གི་བུ་ཡིན་པས་གླང་པོ་ཆེ་ནོར་སྐྱོང་ཞེས་པ་ནོར་བར་བཤད་ཀྱང༌། ནོར་སྐྱོང་ཞེས་པ་ཙམ་གྱིས་མ་སྐྱེས་དགྲས་བཅོམ་ལྡན་འདས་ལ་རྦད་པའི་གླང་པོ་དེ་ཉིད་ཡིན་དགོས་པའི་ངེས་པ་མེད། གལ་ཏེ་ཡིན་ནའང་དེ་མི་ཡུལ་གྱི་གླང་པོ་ཆེ་གཞན་ལས་སྟོབས་ཤིན་ཏུ་ཆེ་བ་ལྷ་ཀླུའི་ཡུལ་གྱི་གླང་པོ་ཆེའི་རྒྱུད་ཅིག་ཡིན་པར་བཤད་པས་ས་སྲུང་གི་བུ་མ་ཡིན་པར་ཡང་ཁ་ཚོན་མི་ཆོད་དོ། །གཉིས་པ་ལས་ཉོན་ཞི་བར་བྱེད་པའི་རྟེན་འབྲེལ་གྱི་རྫས་ནི་ཞོ་སྟེ། རྩི་ཐོག་གི་བཅུད་བསྡུས་པའི་སྙིང་པོ་འོ་མ་དང༌། དེ་བསྐོལ་ཞིང་བསྙལ་བ་སོགས་ཀྱི་ལས་སུ་བྱ་བའི་རིམ་པས་ཞོར་འགྱུར་བ་བཞིན། འཁོར་འདས་ཀུན་གྱི་གཞིར་གྱུར་པ་སེམས་ཀྱི་རང་བཞིན་འོད་གསལ་བ་དེ་ལམ་བསྒོམ་པའི་བྱ་བས་རིམ་གྱིས་སྦྱངས་པས་གོང་ནས་གོང་དུ་འཕོས་ཏེ་རྒྱལ་བའི་གོ་འཕང་འགྲུབ་པའི་ཚུལ་རྣམ་གཞག་རྣམ་པ་བཅུས་གཏན་ལ་ཕབ་པ་བཞིན་ཡིན་པས་རྒྱལ་བའི་སྙིང་པོ་ཞེས་བཤད་པ་ཡིན་ཏེ། རྒྱུད་བླ་མ་ལས། དེ་ལྟར་

― GTD007_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བའི་སྙིང་པོ་ན། །རྣམ་གཞག་རྣམ་པ་བཅུ་ཞེས་བརྗོད། །ཅེས་གསུངས་ལ། རྒྱན་སྟུག་པོ་བཀོད་པར། སྙིང་པོ་དེ་ལ་ཀུན་གཞིའི་སྒྲས། །དེ་བཞིན་གཤེགས་རྣམས་སྟོན་པར་མཛད། །ཅེས་དང༌། ལང་གཤེགས་ལས། དེ་བཞིན་གཤེགས་པའི་སྙིང་པོ་ཀུན་གཞིའི་རྣམ་པར་ཤེས་པར་བསྒྲགས་པ་ཞེས་སོགས་ཀྱང་སེམས་ཀྱི་ཆོས་དབྱིངས་རང་བཞིན་གནས་རིགས་དེ་ཉིད་འཁོར་འདས་ཀུན་གྱི་གཞིར་གྱུར་པ་ལ་དགོངས་ནས་སྙིང་པོ་དང་ཀུན་གཞི་རྣམ་གྲངས་སུ་གསུངས་པ་ཡིན་ནོ། །འདིའི་ཚིགས་བཅད་དུ། ཡོན་ཏན་ཀུན་གྱི་དབྱིངས་སུ་གྱུར་པ་ཡི། །ཞེས་པའང༌། རིགས་ཀྱི་སྐད་དོད་གོ་ཏྲ་ཞེས་པའི་གོ་གུ་ཎ། ཏྲ་ཏ་ར་བྱས་པས་ཡོན་ཏན་གྱིས་སྒྲོལ་བ་སྟེ་དེ་ཉིད་སྦྱངས་པ་ལས་སྤྲིན་ནམ་མཁར་ཡལ་བ་བཞིན། ལས་ཉོན་གྱི་དྲི་མ་མཐའ་དག་དེའི་ངང་དུ་ཟད་པའི་འགོག་པ་རང་སྟེང་དུ་མཐོང་བ་ནི་གྲོལ་བ་ཐོབ་པ་ཡིན་པས། ཆོས་དབྱིངས་བསྟོད་པ་ལས། ཇི་ལྟར་ཚེས་པའི་ཟླ་བ་ལ། །ཞེས་པ་ནས། དེ་བཞིན་ས་ཡི་མཐར་ཐུག་ན། །ཆོས་ཀྱི་སྐུ་ཡང་རྫོགས་པར་གསལ། །ཞེས་དང་པོ་མཐོང་སྤངས་ཙམ་སྤངས་པ་ནས་མཐར་སྒྲིབ་གཉིས་བག་ཆགས་དང་བཅས་པ་ཟད་པར་སྤངས་པའི་བར་ལ་ཆོས་སྐུ་རིམ་གྱིས་མཐོང་བར་གསུངས་སོ། །སྙིང་པོ་ཞེས་པ་ཆོས་ཉིད་ཙམ་ལ་བྱེད་མི་རིགས་ཏེ། སྙིང་པོ་རྣམ་དག་ཡེ་ཤེས་མཆོག་རྟོགས་ནས། །ཞེས་དེ་རྣམ་དག་ཡེ་ཤེས་སུ་བཤད་པས་སོ་སྙམ་ན། འདི་ནི་རྒྱུད་བླ་མར། ལུས་ཅན་ལ་ཡོད་ཟག་པ་མེད་པའི་ཤེས་པ་སྦྲང་མའི་རྩི་དང་འདྲ། །གསུངས་པ་བཞིན་ཟག་མེད་ཡེ་ཤེས་འབྱུང་

― GTD007_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

རུང་གི་ནུས་པ་གནས་པ་ཙམ་ལ་དགོངས་ཀྱི། ཐོས་བསམ་གང་ཡང་མ་བྱས་པའི་དུས་ནས་ཟད་མེད་ཡེ་ཤེས་རང་བྱུང་དུ་ཡོད་པར་འདོད་པ་ཇོ་ནང་པའི་ལུགས་ལྟ་བུ་མིན་ནོ། །འདི་ལའང་སངས་རྡོར་གྱིས། ཞོ་འབུལ་མཁན་ཁྱིམ་བདག་བཟང་སྐྱོང་དང་ལེགས་སྐྱེས་མས་འོ་མ་ཕུལ་བ་ཡིན་པས། བླ་མ་སྔ་མ་རྣམས་ལེགས་སྐྱེས་མས་ཞོ་ཕུལ་ཞེས་པ་དེ་འབུལ་མཁན་དང་འབུལ་རྒྱུའི་རྫས་གཉི་ག་ནོར་བ་ཡིན་ཞེས་བཤད་མོད་ཀྱང༌། འབུལ་མཁན་གཉི་ག་ལུང་ལས་འབྱུང་བས་གཅིག་ཁོ་ནར་ངེས་མི་དགོས་ཤིང༌། དེའི་ནང་ནས་ལེགས་སྐྱེས་མས་བསྙེན་བཀུར་བ་དེས་གསེར་མདོག་ལང་ཚོ་དར་བ་སོགས་དགེ་མཚན་ཆེ་བར་བྱུང་བ་ཀུན་ལ་གྲགས་ཆེ་བས་དེ་སྨོས་པ་དགོས་དབང་ཡིན། རྫས་ཀྱང་བ་སྟོང་གི་འོ་མ་ཉིང་ཁུར་བྱས་ཏེ་སྦྲང་རྩི་བཏབ་ནས་ཕུལ་བར་གསུངས་ཀྱང་དེས་འོ་མ་ཡིན་པར་མི་འགྲུབ་སྟེ། ཉིང་ཁུར་བྱས་ཞེས་པ་སྙིང་པོ་བླངས་པའི་དོན་ཡིན་པས་མར་དང་ཞོ་སོགས་འོ་མའི་སྙིང་པོ་ཡིན་ལ། དེར་མ་ཟད་འོ་མའང་རྩི་ཐོག་གི་བཅུད་ཡིན་པས། ཡེ་ཤེས་རྡོ་རྗེའི་རྣམ་འཇོམས་ཀྱི་འགྲེལ་པར། རྩི་ཐོག་གི་སྙིང་པོ་མར་དང་ཆུའི་སྙིང་པོ་ལན་ཚྭར་གསུངས་པ་བཞིན་ནོ།། མདོར་ན་སེམས་ཀྱི་ཆོས་ཉིད་ཁམས་བདེ་བར་གཤེགས་པའི་སྙིང་པོ་དེ་ཉིད་དུག་གསུམ་གྱི་དྲི་མ་དང་བྲལ་བར་གྱུར་པ་ལ་གྲོལ་བ་དང་ཐར་པ་ཞེས་པ་ཡིན་པས་དེའི་རྟེན་འབྲེལ་རྫས་འདིའི་སྟེང་ནས་བསྒྲིགས་པ་ཡིན་ནོ། །རྒྱས་པའི་ལས་ལ་ཚེ་དང་བསོད་ནམས་ལུང་རྟོགས་ཀྱི་ཡོན་ཏན་ཏེ་ཆོས་སྲིད་ཀྱི་ཆ་གཉིས་སུ་ཡོད་པས། དང་པོ་ཚེའི་རྟེན་འབྲེལ་ནི་དུརྦའི་སྒོ་ནས་བྱེད་པ་ཡིན་ཏེ་འདི་ཉིད་ཚེ་

― GTD007_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

སྤེལ་བའི་རྫས་སུ་རྒྱུད་དུ་མ་དང་འོད་སྙེ་སོགས་སྦྱིན་སྲེག་གི་གཞུང་ཀུན་མཐུན། འདི་ལ་མིང་གི་སྟེང་ནས་ཀྱང་རྟེན་འབྲེལ་ཁྱད་པར་ཅན་ཞིག་ཡོད་དེ། འདིའི་སྐད་དོད་དུ་རྨ་རཱ་ཞེས་པ་འཆི་དཀའ་བའམ་འཆི་བས་མི་ཐུབ་པ་ལ་འཇུག །ས་ཧ་མྲ་བིརྻྻཱ་ཞེས་པའང་གཞན་གྱིས་མི་ཐུབ་པའི་སྟོབས་སམ་ནུས་པ་སྟོང་དང་ལྡན་པ་ལ་འཇུག་པའི་ཕྱིར་ཏེ། འདོད་འཇོར་རྒྱུད་གཞན་དྲངས་པ་ལས། ནུས་པ་སྟོང་ལྡན་མཐའ་ཡས་དང༌། །འཆི་དཀའ་ངན་སྤོང་བུ་སྐྱེ་ལྡན། །ཞེས་འབྱུང་བས་སོ། །རྩྭ་འདིའི་ངོས་འཛིན་མི་མཐུན་པ་སྣ་ཚོགས་ཡོད་ཀྱང་རམ་པའམ་འཇག་མར་གྲགས་པ་འདི་ཡིན་ཏེ། སངས་རྒྱས་གསང་བའི་རྣམ་འཇོམས་འགྲེལ་པ་ལས། དུརྦ་ནི་རམ་པ་སྟེ། ཞེས་སོ། །འདིའི་རྩ་བ་ལ་ཚིགས་ཤིན་ཏུ་མང་བས་ཤ་ཏ་སརྦྦི་ཀཱ་ཞེས་ཚིགས་བརྒྱ་པར་ཡང་གྲགས་པའི་ཕྱིར། འཆི་མེད་མཛོད་ལས། དུརྦ་དང་ནི་ཚིགས་བརྒྱ་པ། །ཞེས་སོ། །དེར་མ་ཟད་ཚིགས་རེ་རེའི་མཚམས་ནས་མྱུ་གུ་སྐྱེ་བས་བརྫིས་པ་དང་བཅད་པ་སོགས་ཀྱིས་སྐམ་མི་ནུས་པས་འཆི་དཀར་བཏགས་པ་ཡིན་ལ། དེའི་ཆ་ནས་ཀྱང་ཚེའི་རྟེན་འབྲེལ་དུ་འགྱུར་ལུགས་ཤིག་ཡོད་དེ། དཔེར་ན་སྨན་གྱི་གཞུང་ལས། ཤུག་པ་བ་ལུ་མཚེ་དང་མཁན་པ་བཞ། །དགུན་མི་སྐམ་པ་ཚེ་ཡི་གསོས་སུ་འགྱུར། །ཞེས་ཤིང་རང་ཉིད་མི་སྐམ་པ་དེ་ཚེའི་རྟེན་འབྲེལ་ལ་ཕན་པར་བཤད་པ་བཞིན་ནོ། །འདིའི་ཚིགས་བཅད་དུ། རྡོ་རྗེ་སེམས་དཔའི་ཚེ་ནི་རབ་བསྒྲུབས་ཏེ། །ཞེས་པ་ཡོངས་གྲགས་ཀྱི་རྡོར་སེམས་ཙམ་ལ་བྱེད་མི་དགོས། དཀྱིལ་

― GTD007_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་གང་དང་འབྲེལ་བར་ལས་བྱེད་པའི་དཀྱིལ་འཁོར་དེའི་གཙོ་བོ་ནི་སྐབས་དེའི་རྡོ་རྗེ་འཆང་ངམ་རྡོ་རྗེ་སེམས་དཔར་འཇོག་པས་བརྟག་གཉིས་ལས། རྡོ་རྗེ་མི་ཕྱེད་ཅེས་བྱ་སྟེ། །སེམས་དཔའ་སྲིད་པ་གསུམ་གཅིག་པ། །ཞེས་གསུངས་སོ། །ཚེའི་དངོས་གྲུབ་བསྒྲུབ་པའང་རང་གིས་ལེགས་པར་བསྒྲུབས་ཐུབ་ན་ཚེ་ལྷར་གྲགས་པ་ཞིག་མི་དགོས་པར་དཀྱིལ་འཁོར་གང་གི་སྒོ་ནས་ཀྱང་ཚེའི་དངོས་གྲུབ་བདེ་བླག་ཏུ་འགྲུབ་ནུས་པའི་ཚུལ་སྔགས་རིམ་ལས། དཀྱིལ་འཁོར་གྱི་འཁོར་ལོ་གཅིག་ལ་བཟླས་པ་དང་བསྒོམ་པ་ཚད་དུ་སོང་ན། དེ་ནས་ལྷའི་རྣལ་འབྱོར་དེ་ཉིད་ལ་ཁ་སྒྱུར་ལུགས་རེ་བྱས་པས། ཞེས་པ་ནས། གང་ཡང་བྱས་པས་ཆོག་པས་ཚེ་སྒྲུབ་དང་བློ་འཕེལ་སོགས་ཀྱི་གདམས་པ་རྣམས་ཟུར་ནས་བཙལ་མི་དགོས་སོ། །ཞེས་གསུངས་སོ། །འདི་ལའང་སངས་རྒྱས་རྡོ་རྗེས། དུརྦ་འབུལ་མཁན་བྲམ་ཟེ་ཀུནྡྷ་ལི་ཡིན། རྩྭ་འཚོང་ཁྱེའུ་བཀྲ་ཤིས་ཀྱིས་ཀུ་ཤ་ཕུལ་བ་ཡིན་ཞེས་བཤད་ཀྱང༌། ཁྱེད་ཅག་ཚད་མར་བྱེད་པའི་མཚམས་ཁྲིད་ཀྱི་ཡི་གེ་མང་པོར་དུརྦ་གདན་དུ་བྱེད་ཚུལ་འབྱུང་བ་འདི་སྟོན་པས་རྩྭ་འཚོང་གི་ཁྱེའུ་ལས་བླངས་པའི་རྩྭའི་གདན་ལ་བྱང་ཆུབ་མངོན་དུ་མཛད་པ་དེ་དང་རྟེན་འབྲེལ་སྒོ་བསྟུན་པ་མིན་ན་དེའི་རྒྱུ་མཚན་སྨྲ་དགོས་སོ། །གཉིས་པ་བསོད་ནམས་རྒྱས་པར་བྱེད་པའི་རྫས་བིལ་པ་སྟེ། འདིའི་ཚིགས་བཅད་ཀྱི་དངོས་ཟིན་ལ་བསམ་པའི་དོན་འགྲུབ་པ་གཙོ་བོར་སྨོས་ཀྱང༌། རྒྱ་ཆེར་རོལ་པ་ལས། བསོད་ནམས་རྣམ་སྨིན་བདེ་སྟེར་སྡུག་བསྔལ་ཐམས་ཅད་སེལ། །བསོད་ནམས་ལྡན་པའི་མི་ཡིས་བསམ་པ་རྣམས་ཀྱང་འགྲུབ། །ཅེས་པ་ལྟར་བསམ་དོན་འགྲུབ་པ་བསོད་

― GTD007_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

ནམས་ལ་རག་ལས་པས། འབྲས་བུ་དེ་དོན་དུ་གཉེར་ན་རྒྱུ་བསོད་ནམས་འཕེལ་བའི་ཐབས་གཙོ་བོར་བྱེད་དགོས་ཏེ། བསྟོད་པ་བརྒྱ་ལྔ་བཅུ་པ་ལས། ཁྱོད་ནི་ཡོན་ཏན་རྒྱུ་རྣམས་ལ། །མངོན་དགྱེས་འབྲས་བུ་རྣམས་ལ་མིན། །སྒྲུབ་པ་བཟང་པོ་འདི་ཉིད་ཀྱིས། །ཁྱོད་ཀྱི་ཡོན་ཏན་ཕུན་སུམ་ཚོགས། །ཞེས་གསུངས་པ་ལྟར་རོ། །འདི་ལའང་མིང་གི་སྟེང་ནས་རྟེན་འབྲེལ་འགྲིག་རྒྱུ་ཞིག་ཡོད་དེ། དཔལ་ཞེས་པ་བསོད་ནམས་ཀྱི་མིང་གི་རྣམ་གྲངས་ཡིན་པས། ཨ་མ་ར་ཀོ་ཥར་དཔལ་འབྲས་ཞེས་གསུངས། ཀ་མ་དྷེ་ནུས། འདིའི་འབྲས་བུས་དགའ་བས་ཤྲཱི་ཕ་ལཿ དགའ་བའི་འབྲས་བུའོ། །ཞེས་གསུངས་སོ། །འདིའི་ཚིགས་བཅད་དུ། བིལ་བ་རྒྱུ་རྐྱེན་འབྲས་བུར་བཅས་པའི་ཆོས། །ཞེས་གསུངས་པ་གནད་ཤིན་ཏུ་ཟབ་སྟེ། གོ་ཆའི་བཀོད་པ་བསྟན་པའི་མདོ་ལས། རྒྱུ་དང་རྐྱེན་ནི་མང་པོ་དག །ལྷན་ཅིག་འདུས་ལས་བྱུང་བ་ཡིན། །རྐྱེན་ནི་མང་པོ་འདུས་པའི་ཕྱིར། །རང་བཞིན་གྱིས་ནི་མེད་པ་ཡིན། །ཞེས་རྒྱུ་རྐྱེན་ཚོགས་པ་ལ་ལྟོས་པའི་གཏན་ཚིགས་ཀྱིས་རང་བཞིན་མེད་པར་སྒྲུབ་པས་རིགས་པ་དྲུག་ཅུ་པར། གང་གིས་སྟོང་དང་རྟེན་འབྱུང་དང༌། །དབུ་མའི་ལམ་དུ་དོན་གཅིག་པར། །ཞེས་སྟོང་པ་དང་རྟེན་འབྱུང་དོན་གཅིག་པར་གསུངས་ཏེ། བདེན་པར་གྲུབ་ན་རྒྱུ་རྐྱེན་གྱིས་བཅོས་སུ་མི་རུང་ལ། བདེན་གྲུབ་ཀྱིས་སྟོང་པའི་གནད་ཀྱིས་གནས་སྐབས་མཐར་ཐུག་གི་དགོས་དོན་ཐམས་ཅད་འགྲུབ་རུང་བ་འདི་ལ་དགོངས་ཏེ། རྩ་ཤེ་ལས། གང་ལ་སྟོང་པ་ཉིད་རུང་བ། །དེ་ལ་ཐམས་ཅད་རུང་བར་འགྱུར། །

― GTD007_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུངས་པ་ཡིན་ནོ།། དེ་ལྟར་རྐང་པ་དང་པོས་རྟེན་འབྱུང་གི་རྣམ་གཞག་གསུངས་པའི་འཕྲོར། འཇིག་རྟེན་འཇིག་རྟེན་འདས་པའི་སྤྱོད་པ་ཀུན། །བྱང་ཆུབ་སྙིང་པོ་མཆོག་ཏུ་དག །ཅེས་གསུངས་པ་ནི་སྔ་མའི་རྟེན་འབྱུང་གི་རྣམ་གཞག་དེ་ལ་ཕྲ་རགས་གཉིས་ཡོད་པས། རགས་པ་རྒྱུ་དགེ་སྡིག་ལས་འབྲས་བུ་བདེ་སྡུག་འབྱུང་བར་ཡིད་ཆེས་པ་དེ་འཇིག་རྟེན་པའི་ཡང་དག་པའི་ལྟ་བ་ཡིན་ཞིང༌། དེའི་སྒོ་ནས་བླང་དོར་གོ་མ་ལོག་པར་བྱེད་པ་དེ་འཇིག་རྟེན་པའི་ཡང་དག་པའི་སྤྱོད་པ་ཡིན། རྟེན་འབྱུང་ཕྲ་མོ་མིང་རྐྱང་བཏགས་ཡོད་ཙམ་ལས་རང་གི་ངོ་བོས་གྲུབ་པ་རྡུལ་ཙམ་མེད་པར་རྟོགས་པ་ནི་འཇིག་རྟེན་ལས་འདས་པའི་ཡང་དག་པའི་ལྟ་བ་དང༌། དེས་ཟིན་པའི་ཐབས་ཤེས་ཟུང་འབྲེལ་གྱི་ཉམས་ལེན་རྣམས་འཇིག་རྟེན་ལས་འདས་པའི་ཡང་དག་པའི་སྤྱོད་པ་ཡིན། ལྟ་སྤྱོད་སྔ་མས་མཐོ་རིས་དང༌། ཕྱི་མས་ཐར་པ་འགྲུབ་པས་བཤེས་སྤྲིང་ལས། གལ་ཏེ་མཐོ་རིས་ཐར་པ་མངོན་བཞེད་ན། །ཡང་དག་ལྟ་ལ་གོམས་པ་ཉིད་དུ་མཛོད། །ཅེས་གསུངས་སོ། །གདུལ་བྱ་འཁྲིད་པའི་རིམ་པ་དེའི་སྒོ་ནས་བྱང་ཆུབ་སྙིང་པོ་མཆོག་ཏུ་དག་ཚུལ་ཡང་རིན་ཆེན་ཕྲེང་བ་ལས། དང་པོ་མངོན་པར་མཐོ་བའི་ཆོས། །ཕྱིས་ནི་ངེས་པར་ལེགས་འབྱུང་བའོ། །གང་ཕྱིར་མངོན་པར་མཐོ་ཐོབ་པས། །རིམ་གྱིས་ངེས་པར་ལེགས་པ་འབྱུང༌། །ཞེས་པའི་དགོངས་པ་ཡིན་ཞིང༌། རྩ་ཤེ་ལས། དམ་པ་མིན་ལ་བདག་འཛིན་མཆོག །ཅེས་སོགས་དང༌། བཞི་བརྒྱ་པར། བསོད་ནམས་མིན་པ་དང་པོར་བཟློག །ཅེས་སོགས་དང་གནད་

― GTD007_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ལ། ཁྱོད་ཀྱིས་ཇི་སྙེད་བཀའ་སྩལ་པ། །རྟེན་འབྲེལ་ཉིད་ལས་བརྩམས་ཏེ་འཇུག་ཚུལ་ཡང་འདི་ཡིན་ནོ། །དེང་སང་བླུན་པོ་ཕལ་ཆེར་ལས་འབྲས་ཁྱད་དུ་བསད་དེ་ཁྲེལ་མེད་ཀྱི་ངན་སྤྱོད་འདི་ཕྱི་ཐམས་ཅད་ཕུང་ལ་འདེབས་པ་རེ་བྱས་ནས། དེ་འཇིག་རྟེན་གྱི་བྱ་བ་ཤེས་པ་དང་འགྲུབ་པ་ཡིན་སྙམ་པ་ནི་གོ་ལོག་ཡིན་ཏེ། ཡ་རབས་མ་རབས་སྤྱོད་པས་ཕྱེད། །ཅེས་དེ་འདྲ་འཇིག་རྟེན་ནའང་མ་རབས་ཁྲེལ་མེད་ཅེས་ཀུན་གྱིས་སྨད་པའི་གནས་སུ་འགྱུར་ལ། སུས་ཀྱང་དེར་ཡིད་མི་ཆེས་ཤིང་ནམ་ཕུགས་ཀུན་གྱིས་འཕྱ་བ་ཞིག་འབྱུང་བ་ནི་ཤེས་རབ་སྡོང་བུ་ལས། དམ་པའི་བུ་ལ་གདོང་ན་པདྨ་མེད། །སྨད་འཚོང་བུ་ལ་ཀླད་ནས་རྭ་མ་སྐྱེས། །ཇི་ལྟ་ཇི་ལྟར་ལོག་པར་ཕྱེད་གྱུར་པ། །དེ་ལྟ་དེ་ལྟར་ནལ་བུའི་མཚན་ཉིད་བརྗོད། །ཅེས་དང༌། སྐྱེས་རབས་ལས། འཇིག་རྟེན་སྨོད་པས་འཛེམ་པ་མེད་པ་དང༌། །ཆོས་དང་ཕྱི་མའི་འབྲས་བུར་མི་ལྟ་བ། །གང་ཡིན་དེ་ལ་སྐྱེ་བོ་ཡིད་མི་ཆེས། །ལྷ་དང་དཔལ་གྱིས་རབ་ཏུ་སྤངས་པར་འགྱུར། །ཞེས་དང༌། གཡོ་སྒྱུ་ཧ་ཅང་ཆེས་ན་རང་གི་ནང་མི་རྣམས་ཀྱང་ཞེ་ཁྲེལ་ནས་འགྲོ་བས་དེ་ཉིད་ལས། སྐྱོན་དང་ཡོན་ཏན་རྣམ་བརྟག་ན། །ནང་མིའམ་ཡང་ན་ཕྱི་མིའང་རུང༌། །འཇིག་རྟེན་ན་ནི་བཀུར་སྟི་དང༌། །སྨད་པར་བྱ་བའི་གནས་སུ་འགྱུར། །ཞེས་གསུངས་སོ། །དེས་ན་འཇིག་རྟེན་ཡང་ཡ་རབས་ཀྱི་ལུགས་བཞིན་དྲང་པོར་བྱེད་ཤེས་ན་ཆོས་སུ་འགྲོ་བས། ཤེས་རབ་བརྒྱ་པ་ལས། མི་ཡི་ཆོས་ལུགས་ལེགས་སྤྱད་ན། །ལྷ་ཡུལ་བགྲོད་པ་ཐག་མི་རིང། །ལྷ་དང་

― GTD007_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཡི་ཐེམ་སྐས་ལ། །འཛེག་ན་ཐར་པ་དྲུང་ན་འདུག །ཅེས་དང༌། སྐྱེས་རབས་ལས། ཆོས་དང་མི་འགལ་བར་འཇིག་རྟེན་གྱི་ཚུལ་ལ་མཁས་པ། ཞེས་གསུངས་ཤིང༌། ས་སྐྱ་པཎྚི་ཏས་ཀྱང༌། རིགས་པས་དཔྱད་ན་ཆོས་ལུགས་མི་འགལ་ཞིང༌། །འཇིག་རྟེན་བྱ་བ་ཀུན་ནས་ལེགས་བསྒྲུབ་པ། །ཞེས་གསུངས་ཏེ། སངས་རྒྱས་བཅོམ་ལྡན་འདས་ཀྱིས་འཇིག་རྟེན་ཡ་རབས་ཀྱི་ལུགས་དེ་གཞིར་བཞག་པའི་ཚུལ་ལུང་སྡེ་བཞི་ན་ཤིན་ཏུ་མང་ཞིང༌། འོད་ལྡན་ལས་ཀྱང༌། སྐྱེ་བོ་ཡ་རབས་རྣམས་ཀྱིས་སྨད་པ་ཁོ་ན་དག་ལ་བཅོམ་ལྡན་འདས་ཀྱིས་བཀག་པའི་ཕྱིར། ཞེས་གསུངས་སོ། །བྱེད་ཤེས་ན་འཇིག་རྟེན་ཡང་ཆོས་སུ་འགྲོ། བྱེད་མ་ཤེས་ན་ཆོས་ཀྱང་སྡིག་ཏུ་འགྲོ་བས་འདིར། འཇིག་རྟེན་འཇིག་རྟེན་འདས་པའི་སྤྱོད་པ་ཀུན། །བྱང་ཆུབ་སྙིང་པོ་མཆོག་ཏུ་དག་ཅེས་པ་ལས་བརྩམས་ཏེ་ཅུང་ཟད་བཤད་པ་ཡིན་གྱི། བྱང་སར་བྱང་ཆུབ་སེམས་དཔས་འཇིག་རྟེན་ཤེས་པར་བྱེད་ཚུལ་དང༌། བསླབ་བཏུས་ལས་འཇིག་རྟེན་མ་དད་པ་བཀག་ནས་སེམས་འཛིན་དགོས་པར་མདོ་དུ་མ་དྲངས་ཏེ་གསུངས་ཚུལ། འཇིག་རྟེན་གྱི་དཔལ་འབྱོར་དུ་གྲགས་པ་དེའང་དཔལ་དུ་འགྲོ་མི་འགྲོ་བསོད་ནམས་ཡིན་མིན་སྐྱེས་རབས་དང་ཇོ་བོ་ཡབ་སྲས་ཀྱི་གསུང་སྒྲོས། བེའུ་བུམ་སྔོན་མོ་སོགས་སུ་འབྱུང་བ་མཐའ་ཡས་ཀྱང་མ་སྤྲོས་སོ།། བིལ་བ་འབུལ་མཁན་ཤིང་གི་ལྷ་མོ་ཡིན་ཞེས་ཚངས་པས་ཕུལ་བ་བཀག་ཀྱང༌། དེ་གཉིས་ཕན་ཚུན་སྤངས་ཏེ་འགལ་བ་མ་ཡིན་པས། ཚངས་པས་ཕུལ་བ་རྣམ་གཅད་ལ་ཁེགས་དོན་མེད་ཅིང༌། སྟོན་པས་ཆོས་འཁོར་བསྐོར་བ་ལ་ཚངས་པས་བསྐུལ་དགོས་པའི་རྒྱུ་མཚན་དེ་

― GTD007_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་རྟེན་ཐམས་ཅད་ཀྱི་བྱེད་པ་པོར་གྲགས་པས་ཀུན་ཡིད་ཆེས་པའི་ཐབས་སུ་ལུང་ལས་གསུངས་པ་བཞིན་འདིའང་དོན་ཐམས་ཅད་འགྲུབ་པ་ལ་འབུལ་བ་པོའི་ཆ་ནས་ཀྱང་རྟེན་འབྲེལ་གྱི་སྒོ་ཞིག་ཡོད་དོ། །གསུམ་པ་ཆོས་ཀྱི་དཔལ་འབྱོར་ལུང་རྟོགས་ཀྱི་ཡོན་ཏན་རྒྱས་པར་བྱེད་པའི་རྟེན་འབྲེལ་གྱི་རྫས་དུང་གཡས་འཁྱིལ་ཏེ། འདིའི་ཚིགས་བཅད་ཀྱི་རྐང་པ་དང་པོས་ཐོས་པའི་རྟེན་འབྲེལ་དང༌། གཉིས་པས་ཐོས་དོན་བསམ་པས་སྒྲོ་འདོགས་བཅད་དེ་སྒོམ་བྱུང་གི་ཡེ་ཤེས་མངོན་དུ་བྱེད་ཚུལ། གསུམ་པས་རང་གིས་ངེས་ནས་གཞན་ལ་སྟོན་ཚུལ། བཞི་པས་སྨྲ་བ་བླ་ན་མེད་པ་སངས་རྒྱས་ཀྱི་གོ་འཕང་འགྲུབ་ཚུལ་ཏེ་བཤད་སྒྲུབ་ཀྱི་བྱ་བ་ལམ་འབྲས་བུ་དང་བཅས་ཏེ་ཆ་ཚང་བར་སྟོན་པ་ཡིན་ནོ། །འོན་ཀྱང་དངོས་སུ་མཚོན་རྒྱུ། དུང་གི་ཆོས་ཀྱི་སྒྲ་རྣམས་སྒྲོགས་པའི་ཚུལ། །ཞེས་ཆོས་ཉན་བཤད་ཀྱི་ཐོས་པ་གཙོ་བོར་མཛད་པ་ནི་ལམ་བགྲོད་པའི་མགོ་རྩོམ་བྱེད་ཀྱི་གཞི་རྩ་དེ་ལ་རག་ལས་པའི་གནད་ཀྱིས་ཡིན་ཏེ། མདོ་སྡེ་རྒྱན་ལས། འདི་ན་དང་པོར་ཐོས་ལ་བརྟེན་ནས་ཚུལ་བཞིན་ཡིད་ལ་བྱེད་པ་འབྱུང༌། །ཚུལ་བཞིན་ཡིད་ལ་བྱེད་ལས་ཡང་དག་དོན་ཡུལ་ཡེ་ཤེས་འབྱུང༌། །ཞེས་སོགས་དང༌། རྒྱུད་བླ་མ་ལས། ཤེས་རབ་ཉོན་མོངས་ཤེས་བྱ་ཀུན་སྤོང་དེ་ཡི་ཕྱིར། །འདི་མཆོག་ཉིད་དེ་དེ་ཡི་རྒྱུ་ནི་འདི་ཐོས་ཡིན། །ཞེས་དང༌། ཤེས་རབ་མཆོག་ཡིན་དེ་གཞི་ན། །ཐོས་པ་དེ་ཕྱིར་ཐོས་པ་མཆོག །ཅེས་གསུངས་སོ། །བཞི་བརྒྱ་བར་ཡང༌། མཉན་པ་པོ་དང་མཉན་བྱ་དང༌། །སྨྲ་བོ་འབྱུང་བ་ཤིན་ཏུ་དཀོན། །དེ་ཕྱིར་མདོར་ན་

― GTD007_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བ་ན། །མཐའ་ཡོད་མ་ཡིན་མཐའ་མེད་མིན། །ཞེས་མགོ་ཆོས་ཉན་བཤད་ཀྱི་རྟེན་འབྲེལ་འདི་དཔྱིས་ཕྱིན་པ་ཞིག་དཀའ་བས་འཁོར་མཐའ་མངོན་དཀའ་བར་གསུངས་ཏེ། རྣམ་གྲོལ་སྒྲུབ་པ་ལ་འདི་ལས་གལ་ཆེ་བ་མེད་ཚུལ་བྱང་ཆུབ་ལམ་གྱི་རིམ་པར་གསུངས་པ་བཞིན་ནོ། །དུང་གཡས་འཁྱིལ་ལམ་སྐྱེ་བ་ལྔ་པར་གྲགས་པ་འདི་བུས་པས་རིམས་ནད་ཞི་བ་སོགས་བཀྲ་ཤིས་པར་འགྱུར་ལ། ཁྱད་པར་དུ་དུང་གི་སྒྲས་རོལ་མོ་གཞན་ཐམས་ཅད་ཟིལ་གྱིས་གནོན་པར་ཤེར་མདོ་ལས་གསུངས་པས། ཆོས་ཀྱི་སྒྲས་ཆོས་མིན་གྱི་སྨྲ་བ་ངན་པ་ཐམས་ཅད་ཟིལ་གྱིས་གནོན་པའི་རྟེན་འབྲེལ་གྱི་སྒོ་ཞིག་ཀྱང་ཡོད་དོ། །ཁ་ཅིག་དུང་འབུལ་མཁན་ཀླུའི་རྒྱལ་པོ་མ་དྲོས་པ་ཟེར་ཡང༌། དེས་དུང་ཕུལ་ཚུལ་ལང་གཤེགས་རྒྱ་ནག་གི་འགྱུར་ལས་འབྱུང་བའི་དུང་ནི་རྗེ་རིན་པོ་ཆེས་གཏེར་ནས་བཞེས་པ་ད་ལྟ་འབྲས་སྤུངས་ཀྱི་ཚོགས་དུང་འདི་ཡིན་པས་བྱིན་རླབས་ཆེའང་གཡས་འཁྱིལ་མིན་ནོ། །གསུམ་པ་དབང་གི་འཕྲིན་ལས་སྒྲུབ་པའི་རྟེན་འབྲེལ་གྱི་རྫས་ལི་ཁྲི་སྟེ་ད་ལྟ་སིནྡྷུ་ར་དང་འདི་གཉིས་སོ་སོར་བྱེད་ཀྱང་འདིའི་རྒྱ་སྐད་སིནྡྷུ་རཾ་ཡིན་པས་དེ་ཟུར་ཆག་ནས་སིན་དུར་ར་སོང་བ་ཡིན། དབང་སྡུད་ཀྱི་མཁའ་འགྲོ་མ་རྣམས་ཀྱང་འདིའི་ཐིག་ལེ་ལས་བསྐྱེད་པ་སོགས་དབང་གི་ལས་སྦྱོར་ཐམས་ཅད་ལ་ཉེ་བར་མཁོ་བ་གྲགས་ཆེ། དེའི་རྒྱུ་མཚན་གྱིས་འདོད་འཇོར། པ་སནྟོ་ཏྶཔ་ཞེས་དཔྱིད་ཀྱི་དགའ་སྟོན་དུ་བཤད་ལ། རཀྟ་པཱ་ལུ་ཀཾ་ཞེས་བྱེ་མ་དམར་པོར་གྲགས་ཤིང༌། དམར་པོ་ལས་བཞིའི་ནང་ནས་དབང་གི་མདོག་ཡིན་པས་མིང་དང་ཁ་དོག་གཉི་གའི་རྟེན་འབྲེལ་རེ་ཡོད་དོ། །

― GTD007_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་རིས་གཞན་རྣམས་གོ་སླ་ལ། ཆོས་རྣམས་མ་ནོར་དབང་དུ་བསྡུས་ནས་ཀྱང༌། །ཞེས་པ་འདིར་དཔྱད་གཞི་ཞིག་ཡོད། རྒྱལ་པོ་དབང་དུ་བསྡུ་བར་འདོད་ནས་བློན་པོ་དབང་དུ་བསྡུས་པ་ལྟ་བུ་ཡུལ་ནོར་བའི་དོན་མིན། དབང་དུ་བྱེད་དོན་གྱི་ཀུན་སློང་མ་ནོར་བ་ཞིག་དགོས། རྒྱལ་བ་རྡོ་རྗེ་འཆང་གིས་གསུངས་པའི་དབང་གི་ལས་རྣམ་དག་ཏུ་འགྲོ་བ་ལ། འདུས་པ་ཕྱི་མ་ལས། དབང་ལ་ཆགས་པའི་ཡིད་དུ་བྱ། །ཁྲོ་ལ་གཏུམ་པས་རབ་ཏུ་སྒྲུབ། །ཅེས་དུས་ཀྱི་ཀུན་སློང་དགོས་དབང་གིས་དེ་འདྲ་རེ་དགོས་ཀྱང༌། ཕུགས་ཀྱི་ཞེ་འདོད་ཕ་རོལ་པོ་དེ་རང་གིས་དབང་དུ་མ་བྱས་ན་ལྕགས་ཀྱུ་མེད་པའི་གླང་པོ་བཞིན་དོན་ཆེན་པོ་ལས་ཉམས་པར་མཐོང་སྟེ། རང་དོན་ཡིད་བྱེད་དང་མ་འདྲེས་པར་སྙིང་རྗེ་ཁོ་ནའི་དབང་དུ་གྱུར་པ་ཞིག་དགོས། རང་མཐོ་བཙན་ཕྱུགས་པ་ཞིག་འདོད་དེ་འཇིག་རྟེན་ཁམས་ཀྱི་དཔལ་འབྱོར་ཐམས་ཅད་འུབ་ཀྱིས་འདུས་པར་བསམ་པ་ནི་རླབས་པོ་ཆེའི་བརྣབ་སེམས་བསྒོམ་པ་ཡིན་པས་མི་དགེ་བའི་ཕུང་པོ་འབའ་ཞིག་ལས་ཆོས་ཀྱི་དྲི་ཙམ་ཡང་མི་བྲོ་ན། གསང་སྔགས་ཀྱི་ཐེག་པའི་ལམ་དང་ལས་རྒྱལ་མཆོག་གི་རྣལ་འབྱོར་དུ་འགྲོ་བའི་རེ་བ་ག་ལ་ཡོད། ནོར་ས་འདི་འདྲ་ཡོད་པ་ལ་དགོངས་ནས་རྗེ་བླ་མས། བྱང་ཆུབ་སྒྲུབ་པའི་རྗེས་སུ་རབ་གཞོལ་བའི། །བདེ་གཤེགས་དགྱེས་པའི་རབ་འབྱམས་དབང་གི་ལས། །གསུངས་པ་ཡིན། སྔ་མའི་བརྣབ་སེམས་དེ་འདྲ་བསྒོམ་ན་ཆོས་སུ་རློམ་ཡང་དོན་འཁོར་བའི་གཏིང་རྡོར་འགྱུར་གྱི། བྱང་ཆུབ་སྒྲུབ་པའི་རྗེས་སུ་གཞོལ་བའི་རེ་བ་མེད། ཆོས་སུ་སོང་ན་བདེ་གཤེགས་

― GTD007_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

དགྱེས་པ་གཞིར་བཅས་ཀྱང༌། དེ་འདྲ་དེ་བདེ་གཤེགས་སྲས་དང་བཅས་ཐུགས་ཁྲེལ་བའི་རྒྱུ་ལས་མ་འདས་པས་ཞིབ་ཆ་ཕྱེ་ནས་གསུངས་པ་ཡིན། དེ་འདྲ་ཚོ་སྔོན་བསགས་རེ་དང་སྟབས་འགྲིགས་ནས་ཕན་ཕན་འདྲ་བ་འབྱུང་སྲིད་ཀྱང༌། དངོས་གནས་ལ་རིན་ཆེན་འཕྲེང་བར། བརྣབ་སེམས་ཡིད་ལ་རེ་བ་འཇོམས། །གསུང་བ་བཞིན་ཕུན་ཚོགས་ཐམས་ཅད་ཐན་སྤྲིན་རླུང་གིས་གཏོར་བ་དང༌། སྦྲུལ་གྱིས་གླ་རྩིའི་དྲི་ཚོར་བ་བཞིན་རིང་དུ་བྱེད་པའི་རྒྱུ་ལས་མ་འདས་པས། དབང་དྲག་གི་ལས་བྱེད་པར་འདོད་པ་རྣམས་བརྣབ་སེམས་གནོད་སེམས་ལ་ཉམས་ལེན་སྙིང་པོར་བྱས་པས་དམྱལ་བ་དང་ཡི་དྭགས་ཀྱི་སྒྲུབ་ཐབས་སུ་མ་སོང་བ་རེ་མཛད་ན་རང་ལ་ལེགས་སོ། །རྗེ་ཡབ་སྲས་ཀྱི་གསུང་སོགས་ཚད་ལྡན་དུ་མར་འདི་བཞིན་འབྱུང་བ་ལ། འབྲུག་པ་སངས་རྒྱས་རྡོ་རྗེས་དག་བཏོན་ཏེ། ཆོས་རྣམས་མ་ལུས་དབང་དུ་བསྡུས་ནས་ཀྱང༌། །ཞེས་བཅོས་པ་ནི་མུན་པས་སྣང་བ་ལ་གསལ་འདེབས་སུ་སྣང༌། ཁ་ཅིག་འདི་ཉིད་འབུལ་མཁན་སྐར་མ་ལ་དགའ་བའི་བུར་བཤད་ཅེས་དོགས་པ་བྱེད་ཀྱང་མི་གཅིག་ལ་མིང་དུ་མ་དང་མིང་གཅིག་ཀྱང་འགྱུར་ཁྱད་ཀྱིས་སྣ་ཚོགས་སུ་སོང་བ་མང་བས་གུ་དོག་མི་དགོས་སོ། །བཞི་པ་དྲག་པོའི་འཕྲིན་ལས་སྒྲུབ་པའི་རྟེན་འབྲེལ་གྱི་རྫས་ཡུངས་ཀར་ཏེ། འདིར། ཡུངས་ཀར་རྡོ་རྗེའི་རིགས་ཏེ་ཐམས་ཅད་དུ། །བགེགས་རྣམས་མ་ལུས་ཞི་བར་བྱེད་པ་སྟེ། །ཞེས་རྡོ་རྗེའི་རིགས་སུ་བཤད་པ་ནི་འདུས་པའི་ལེའུ་བཅུ་གསུམ་པར། ཁྲོ་བོ་ཞེ་སྡང་གནས་ལས་སྐྱེས། །ཞེས་པའི་འགྲེལ་པ་མཆན་སྦྲགས་ལས། ཞེ་སྡང་ནི་མི་བསྐྱོད་པ་ཡིན་ལ་དེའི་གནས་ཏེ་ས་བོན་ནི་ཡི་གེ་ཧཱུཾ་

― GTD007_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

སྟེ། ཞེས་སོགས་ཀྱིས་ཁྲོ་བོ་བཅུ་ཧཱུཾ་ལས་བསྐྱེད་པ་ནི། སྤྱིར་རྟ་མགྲིན་འོད་དཔག་མེད་ཀྱི་རིགས་ཡིན་པས་ཧྲཱིཿ ལས་བསྐྱེད་དགོས་པ་ལྟ་བུ་ཡོད་ཀྱང༌། འདིར་དྲག་པོའི་ལས་སྒྲུབ་པ་ལ་དེའི་རིགས་ཀྱི་ལྷ་མི་བསྐྱོད་པ་ཡིན་པས་ཁྲོ་བོ་བཅུ་ག་ཧཱུཾ་ལས་བསྐྱེད་པ་དང༌། སྤྲོ་བའི་ཚེའང་རྡོ་རྗེ་འཆང་ཞི་བ་དེ་ཉིད་མི་བསྐྱོད་པ་དྲག་པོར་བསྒྱུར་ནས་བྱེད་དགོས་པའི་ཕྱིར། དངོས་གྲུབ་རྒྱ་མཚོ་ལས། ཞེ་སྡང་རྡོ་རྗེར་བསྒྱུར་བའི་དགོས་པ་ནི་ཁྲོ་བོ་ལ་བཀའ་བསྒོ་བའི་ཕྱིར་ཡིན་ལ། མི་བསྐྱོད་པ་བཅུག་པའི་སྒོ་ནས་བསྒྱུར་བ་ནི་མི་བསྐྱོད་པ་ཞེ་སྡང་གི་རིགས་ཡིན་པས་སོ། །ཞེས་གསུངས་སོ།། དེས་ན་ཡུངས་ཀར་དྲག་ལས་ལ་མཆོག་ཏུ་གྱུར་པའི་རྩ་བ་ཐུགས་རྡོ་རྗེ་མི་བསྐྱོད་པའི་རིགས་ཀྱི་རྫས་ཡིན་པ་ལ་ཐུག་ཅིང༌། དེའང་རྩ་བའང་མཐར་གཏུགས་ན་ཕུང་བྱེད་གདོན་བགེགས་ཉེར་འཚེ་ཐམས་ཅད་ཀྱི་རྩ་བ་བདེན་འཛིན་གྱི་མ་རིག་པ་དང༌། དེ་འཇོམས་བྱེད་ཀྱི་གཉེན་པོ་མཐར་ཐུག་པ་བདེ་སྟོང་གི་ཡེ་ཤེས་ཡིན་ཞིང༌། བདེ་སྟོང་གཉིས་སུ་མེད་པ་ཆོས་ཀྱི་དབྱིངས་ཀྱི་ཡེ་ཤེས་དེ་ཉིད་མི་བསྐྱོད་པའི་རང་བཞིན་ཡིན་པས་སོ། །འདི་ལའང་སྤྱོད་འཇུག་དང་བློ་སྦྱོང་མཚོན་ཆ་འཁོར་ལོ། མི་ལའི་མགུར། ལབ་སྒྲོན་གྱི་གསུང་སོགས་གཞུང་མཐའ་ཡས་པ་དྲང་དུ་ཡོད་ལ། ཡོངས་སུ་གྲགས་པ། ཡེ་ཤེས་བསྐལ་པའི་མེ་ལྟར་ཞེས་སོགས་ཀྱི་སྟེང་ནས་ཀྱང་དཔྱད་ཤེས་ན་དེས་ཆོག་པར་ཡོད་དོ། །འདིར་བགེགས་རྣམས་མ་ལུས་ཞེས་པའང་སྟེང་འོག་བར་གསུམ་གྱི་གདོན་བགེགས་ཐམས་ཅད་ཅེས་པའི་དོན་མིན་གྱི།

― GTD007_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིའི་བགེགས་རང་ལས་རྒྱུད་ཐ་དད་པའི་གནོད་བྱེད་ཐམས་ཅད་དང༌། དེའི་རྩ་བ་ནང་གི་བགེགས་དུག་གསུམ་བག་ཆགས་དང་བཅས་པ་འཇོམས་པའི་དོན་ཡིན་ཏེ། ཕྱི་ནང་གསང་བའི་གཤིན་རྗེའི་གཤེད་དུ་འགྱུར་ཚུལ་དང་གནད་གཅིག་ལ། རྒྱུད་བླ་མར། འཇིགས་དང་བཅས་པའི་ཕྱིར། ཞེས་དང༌། སྤྱོད་འཇུག་ཏུ་སེམས་ལས་གཞན་པའི་འཇིགས་ཆེན་མེད་པར་གསུང་བ་རྣམས་འདྲའོ། །དཔལ་ལྡན་ཐལ་འགྱུར་བའི་ལུགས་འདིར་ཆོས་ཐམས་ཅད་མིང་གིས་བཏགས་པ་ལ་ལྟོས་པས། འདི་ལའང་མིང་གི་རྟེན་འབྲེལ་འགྲིག་ཚུལ་ནི། འཆི་མེད་མཛོད་ལས། དཔལ་ཁ་དང་ནི་གནོད་འཇོམ་གཉིས། །དེ་དཀར་པོ་ནི་དོན་གྲུབ་སྟེ། །ཞེས་ཡུངས་དཀར་ནག་གཉི་གའི་སྤྱི་མིང་སརྵ་བ་དཔལ་ཁ། ཀ་དམྦ་ཀཿ གནོད་འཇོམས་ཡིན་པས་ཕ་རོལ་གྱི་གནོད་བྱེད་འཇོམས་པ་ལ་བསྔགས་ཏེ་ཐུན་རྫས་སོགས་དྲག་ལས་ལ་མཁོ་ཆེ་བ་ཡོངས་སུ་གྲགས་པ་ལྟར་རོ། །དེར་མ་ཟད་ཡུངས་ཀར་རྫས་བརྒྱད་ཀའི་མཇུག་ཏུ་བཞག་པའང་རྟེན་འབྲེལ་གྱི་ཁྱད་པར་ཞིག་ཡིན་ཏེ། མཛོད་སྔར་དྲངས་པ་ལྟར་ཡུངས་ཀར་གྱི་སྒེར་མིང༌། སིདྡྷརྠཿ སྟེ་དོན་ཐམས་ཅད་གྲུབ་པ་ཞེས་ཟས་གཙང་སྲས་ཀྱི་མཚན་དང་མཐུན་པས། རྫས་སྔ་མ་རྣམས་ཀྱིས་བསྒྲིགས་པའི་དོན་གཉིས་ཀྱི་རྟེན་འབྲེལ་ཐམས་ཅད་བདེ་བླག་ཏུ་འགྲུབ་པའི་བྱིན་རླབས་ཀྱི་སྒོ་ཡོད་པའི་ཕྱིར། ར་བྷ་སས། སིདྡྷརྠཿ ཕོ་ཟས་གཙང་གི །སྲས་དང་ཡུངས་ཀར་ལ་ཡང་ངོ༌། །ཞེས་བཤད་པ་བཞིན་ནོ། །བློ་ཆུང་ཁ་ཅིག །རང་གི་སྔོན་བསགས་ཀྱི་ལས་ལ་རག་ལས་པ་མ་གཏོགས་ཕྱིའི་རྫས་ལ་ལྟོས་པ་ཅི་ཡོད་སྙམ་པ་ནི་ལས་འབྲས་

― GTD007_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཡིད་ཆེས་པའི་ཁུལ་གྱིས་ལས་འབྲས་བསམ་མི་ཁྱབ་ལ་སྐུར་བ་བཏབ་པ་ཡིན་ཏེ། དེ་དག་ནི་ཚོར་བ་བདེ་སྡུག་མྱོང་བ་འདི་ཙམ་ཞིག་ལས་ཀྱི་འབྲས་བུ་ཡིན་པ་མ་གཏོགས། དུས་བཞིའི་འགྱུར་བ། རྩི་ཤིང་ལོ་འབྲས་ས་རྡོ་རི་བྲག་ཚུན་ཆད་མི་འདྲ་བ་སྣ་ཚོགས་པ། ཁབ་ལེན་གྱིས་ལྕགས་དང་སྦུར་ལེན་གྱིས་རྡུལ་ལེན་པ་ལྟ་བུ་རྫས་ཀྱི་རྟེན་འབྲེལ། ཐ་ན་རྨ་བྱའི་མདོངས་ཀྱི་ཉག་མ་རེ་རེ་ལའང་མདངས་མི་འདྲ་བ་སྣ་ཚོགས་འཆར་བ་ཐམས་ཅད་ལས་ཀྱིས་མ་འདྲེས་པར་སྒྲུབ་ཚུལ་སངས་རྒྱས་ཁོ་ནའི་མངོན་སུམ་གྱི་ཡུལ་དུ་གྱུར་པ། ཀུན་བཏུས་ལས་བསམ་གྱིས་མི་ཁྱབ་པ་བཞིའི་ནང་དུ་གསུངས་པ་ལྟ་བུ་མ་ཤེས་པ་ཡིན་པས། རྫས་ཀྱི་ནུས་པས་དེ་ལྟར་བྱེད་པ་དེའང་ལས་ཀྱི་མཐུ་ཡིན་པར་ཤེས་ན་ལས་འབྲས་ལ་དད་པ་རྐྱེན་གང་གིས་ཀྱང་མི་འཕྲོག་པ་ཞིག་འབྱུང་ངོ༌། །ཡང་བཀྲ་ཤིས་པའི་རྫས་བརྒྱད་པོ་དེ་ལ་ལམ་སོ་སོ་དང་སྦྱར་བའི་མཚོན་དོན་ནམ་རྟེན་འབྲེལ་རེའང་ཡོད་པར་མངོན་ཏེ། འཕགས་ལམ་ཡན་ལག་བརྒྱད་དང་སྦྱར་ན། མེ་ལོང་གིས་ཡང་དག་པའི་རྟོགས་པ་མཚོན་ཏེ། དེར་གཟུགས་བརྙན་སྣ་ཚོགས་འཆར་བ་བཞིན་དྲང་ངེས་ཀྱི་མདོ་སྣ་ཚོགས་པའི་དོན་མ་འདྲེས་པར་ཤར་ནས་གཞན་ལ་སྟོན་པའི་ཀུན་སློང་གི་རྒྱུ་བྱེད་པའི་ཕྱིར། གཙུག་ན་རིན་ཆེན་གྱི་མདོ་ལས། ཆོས་དེ་དག་ལ་རྣམ་པར་བལྟའོ། །རྣམ་པར་རྟོག་གོ །མ་འདྲེས་པར་རབ་ཏུ་ཤེས་ཏེ། ཞེས་དང༌། དབུས་མཐར་གོ་བྱེད་དང་ཞེས་པའི་ཐད་ཀྱི་བློ་གྲོས་བརྟན་པའི་འགྲེལ་བཤད་ལས། ཡང་དག་པའི་རྟོགས་

― GTD007_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི་ངག་ཀུན་ནས་སློང་སྟེ་མ་བརྟག་མ་དཔྱད་པར་ཚིག་མི་སྨྲའོ། །ཞེས་གསུངས་པའི་ཕྱིར། གྷི་ཝཾ་གིས་དྲན་པ་མཚོན་ཏེ། དེས་ནད་སེལ་བ་བཞིན་དྲན་པས་རྟག་ཏུ་བསྲུང་སྟེ་ཉོན་མོངས་པ་དང་མི་དགེ་བའི་ཕྱོགས་བྱུང་ཚད་སེལ་བའི་ཕྱིར་གཙུག་ན་རིན་ཆེན་གྱི་མདོ་ལས། དྲན་པ་གང་གིས་ཉོན་མོངས་པ་ཐམས་ཅད་ཀྱི་སྐབས་མི་འབྱེད། ཅེས་པ་ནས། མི་དགེ་བ་ཐམས་ཅད་ཀྱི་སྐབས་མི་འབྱེད་པ་ནི་ཡང་དག་པའི་དྲན་པ་ཞེས་བྱའོ། །ཞེས་དང༌། སྤྱོད་འཇུག་ལས། གང་ཡང་དྲན་པའི་ཡིད་སྒོ་ནས། །བསྲུང་བའི་དོན་དུ་གནས་གྱུར་པ། །ཞེས་གསུངས་པའི་ཕྱིར། ཞོས་ཡང་དག་པའི་འཚོ་བ་མཚོན་ཏེ། སྡིག་དང་མ་འདྲེས་པའི་ཟས་གོས་གང་བྱུང་གིས་ཆོག་ཤེས་པའི་ཕྱིར། དབུས་མཐར། ཡོ་བྱད་བསྙུང་ཞེས་གསུངས་པའི་ཕྱིར། དུརྦས་ཡང་དག་པའི་རྩོལ་བ་མཚོན་ཏེ་སྐྱོ་ངལ་མེད་པར་ཚེ་རིང་དུ་གནས་ནས་ལམ་ལ་བསླབ་སྟེ་ཤེས་སྒྲིབ་སོགས་སྤོང་བར་བྱེད་པའི་ཕྱིར། རྒྱན་གྱི་དབྱིག་འགྲེལ་ལས། ཡང་དག་པའི་རྩོལ་བ་ལ་སོགས་པས་ནི་ཡུན་རིང་པོར་མི་སྐྱོ་བར་ཤེས་བྱའི་སྒྲིབ་པའི་གཉེན་པོ་སྒོམ་པར་བྱེད་དོ། །ཞེས་གསུངས་པའི་ཕྱིར། བིལ་བས་ཡང་དག་པའི་ལས་ཀྱི་མཐའ་མཚོན་ཏེ། དེ་དོན་འགྲུབ་པའི་རྫས་ཡིན་པས་སྡིག་པ་སྤོང་ཞིང་དགེ་བའི་ལས་ཐམས་ཅད་འདོད་པ་བཞིན་བྱེད་པའི་ཕྱིར། གཙུག་ན་རིན་ཆེན་གྱི་མདོ་ལས། ཡང་དག་པའི་ལས་ཀྱི་མཐའ་ནི་དགེ་བའི་མངོན་པར་འདུ་བྱ་བ་ཐམས་ཅད་མངོན་པར་འདུ་བྱེད་དེ། ཞེས་གསུངས་པའི་ཕྱིར། དུང་གིས་ཡང་དག་པའི་ངག་མཚོན་ཏེ།

― GTD007_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་སྒྲ་སྙན་སྒྲོགས་པ་ལྟར་ངག་གི་ཉེས་པ་དང་བྲལ་བར་ཆོས་སྟོན་པའི་ཕྱིར། འདིས་ལྟ་བ་རྣམ་དག་དང༌། ལས་མཐས་ཚུལ་ཁྲིམས་རྣམ་དག །ཡང་དག་པའི་འཚོ་བས་འཚོ་བ་རྣམ་དག་ཏུ་ཡིད་ཆེས་པར་བྱེད་པའི་ཕྱིར། དབུས་མཐའ་ལས། རྣམ་གསུམ་གཞན་ཡིད་ཆེས་པར་བྱེད། །ཅེས་དང༌། ལྟ་དང་ཚུལ་ཁྲིམས་ཡོ་བྱད་བསྙུང༌། །ཞེས་གསུངས་པའི་ཕྱིར། ལི་ཁྲིས་ཏིང་ངེ་འཛིན་མཚོན་ཏེ། ཏིང་ངེ་འཛིན་གྱིས་མངོན་ཤེས་སོགས་བསྒྲུབས་ནས་ཀུན་ལ་དབང་འབྱོར་པར་བྱེད་པའི་ཕྱིར། གསེར་ཕྲེང་ལས། ཏིང་ངེ་འཛིན་གྱིས་མངོན་ཤེས་སོགས་ཡོན་ཏན་ཁྱད་པར་ཅན་སྒྲུབ་པའི་དབང་གིས་མི་མཐུན་ཕྱོགས་ཀྱི་གཉེན་པོ་བྱེད་དེ་ཞེས་གསུངས་པའི་ཕྱིར། ཡུངས་ཀར་གྱིས་བགེགས་འཇོམས་པས་ཡང་དག་པའི་ལྟ་བ་མཚོན་ཏེ། རྣམ་གཞག་ཇི་བཞིན་རྟོགས་པ་དང༌། །ཞེས་རྒྱན་ལས་འབྱུང་བས་འགྲེལ་པ་རྣམས་སུ་རྗེས་ཀྱི་ཤེས་པས་མཐོང་ལམ་སྐབས་དེར་གཟིགས་ཚུལ་ཤེས་པ་ལའང་གསུངས་ཀྱང༌། དེ་ཙམ་མ་ཡིན་པར་མཐོང་ལམ་ལྟར་ཆོས་མཉམ་པ་ཉིད་གཟིགས་པ་ལ་བྱེད་དགོས་ཤིང༌། དེ་ལྟར་ན་ཉེས་པའི་རྩ་བ་བདག་ཏུ་འཛིན་པའི་དགྲ་བོ་གཞོམ་ཚུལ་སྔར་བཤད་པ་ལྟར་ཡིན་པའི་ཕྱིར། གཙུག་ན་རིན་ཆེན་གྱི་མདོ་ལས། གང་ཆོས་ཐམས་ཅད་མཉམ་པ་ཉིད་ནི་ཡང་དག་པའི་ལྟ་བ་ཞེས་བྱ་སྟེ། ཞེས་གསུངས་པའི་ཕྱིར། ཞིབ་པར་ནི་མདོ་སྡེ་རྒྱན་དང་དབུས་མཐའ་རྩ་འགྲེལ་ལས་ཤེས་དགོས། རྫས་འདི་དག་ལུང་ལས་གསུངས་པའི་ཚེ་སོ་སོའི་དགོས་དོན་རེ་མ་གཏོགས་ལམ་དང་སྦྱར་བ་མེད་པས་རང་བཟོར་འགྱུར་

― GTD007_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

རོ་སྙམ་ན་མི་འགྱུར་ཏེ། དཔེར་ན་རྒྱལ་སྲིད་སྣ་མདུན་ཡང་དྲན་པ་ཉེར་བཞག་ལས་གསུངས་པ་རྗེ་རིན་པོ་ཆེས་མཆོད་ཕྲེང་ཚིགས་བཅད་དུ་བསྡེབས་པ་ལྟར་ཡིན་ཞིང༌། མངོན་འབྱུང་གི་མདོ་ལས་རྐང་པ་ཐ་མར་དེ་ནི་དེ་ཡིས་འཐོབ། ཅེས་པ་ཙམ་མ་གཏོགས། ལྷ་རྫས་ལས་བྱས་ཞེས་སོགས་ཡོངས་གྲགས་ཀྱི་འདི་ཡིན། ང་ལས་ནུའི་ཡལ་འདབ་ཀྱི་གཞན་འདྲ་ལ། ཁྱིམ་བདག་དམག་དཔོན་སྔོན་འགྲོ་བའོ། །ཞེས་བློན་པོ་མ་བགྲང་ཡང་དམག་དཔོན་བློན་པོ་གཉིས་འཐུས་སུ་བྱས་པ་ཡིན། མངོན་འབྱུང་གི་འདི་ཁྱིམ་བདག་དང་བློན་པོ་གཉིས་བསྡོམས་པ་ཡིན་པས། ཀུན་མཁྱེན་བླ་མའི་འཕྲིན་ཡིག་རྣམ་གཞག་ཏུ་ཁྱིམ་བདག་མ་དྲངས་པར་དམག་དཔོན་དང་བློན་པོ་གྲངས་རེར་བྱས་ན་རིན་ཆེན་གཅིག་ཆད་པའི་སྐྱོན་འབྱུང་གསུངས་པའང༌། དེ་གང་རུང་ལ་ཁྱིམ་བདག་གི་མཁོ་དགུ་སྦྱིན་པའི་དོན་ཚང་དགོས་པ་མ་ཤེས་པར་ཁྱིམ་བདག་གྲངས་ནས་དོར་ན་གནད་མི་ཚང་བའི་སྐྱོན་དུ་འགྱུར་བ་ལ་དགོངས་པ་ཡིན་ཏེ། སྲིད་མཐར་ཁྱིམ་བདག་དེ་བློན་པོར་བཞག་པ་ཡོད་པར་གསུངས་སོ།། དེ་བཞིན་དུ་འདུལ་བ་ལུང༌། རྒྱ་ཆེར་རོལ་པ་རྣམས་ལས་ཀྱང་རྒྱལ་སྲིད་སྣ་བདུན་རང་རང་གི་ཁྱད་པར་མ་གཏོགས་ལམ་དང་སྦྱར་བ་མེད་ཀྱང༌། དེའི་དགོངས་པ་བྱམས་མགོན་གྱིས་འགྲེལ་པའི་ཚེ་རྒྱལ་སྲིད་སྣ་བདུན་དངོས་ནི་འཁོར་སྒྱུར་གྱི་སྐྱེ་བ་ནམ་བླངས་པའི་ཚེ་འབྱུང་བ་འཁོར་བས་བསྡུས་པས་སྙིང་པོ་མེད་ལ། འོན་ཀྱང་འཁོར་ལོས་སྒྱུར་རྒྱལ་གྱིས་དེ་བདུན་ལ་བརྟེན་ནས་འཇིག་རྟེན་ལ་དབང་སྒྱུར་ཚུལ་ཤེས་ན་དེས་མཚོན་ཏེ། བྱང་ཆུབ་ཡན་ལག་བདུན་གྱི་སྒོ་ནས་ཆོས་ཀྱི་རྒྱལ་སྲིད་ལ་དབང་སྒྱུར་ཚུལ་ཤེས་ཤིང་སྤྲོ་བ་

― GTD007_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་བས། མདོ་སྡེ་རྒྱན་ལས། ཤེས་བྱ་མ་རྒྱལ་རྒྱལ་བའི་ཕྱིར། །དྲན་པ་དག་ནི་ཀུན་ཏུ་སྤྱོད། །ཅེས་སོགས་ཀྱིས་བྱང་ཆུབ་ཡན་ལག་བདུན་ལ་སྦྱར་བ་དང༌། ཀ་མ་དྷེ་ནུས་སྡོང་པོ་བཀོད་པའི་མདོ་དྲངས་པ་ལས་ཀྱང༌། ཕ་རོལ་ཕྱིན་པ་རྟག་འབྱུང་འཁོར་ལོ་ཡིན་ཏེ་གླང་པོ་མངོན་པར་ཤེས་པ་མཆོག །ཡེ་ཤེས་རྫུ་འཕྲུལ་རྟ་སྟེ་ཆགས་པ་མེད་འགྲོ་ནོར་བུ་དམ་པ་ཡིན། །སྤྱོད་པ་བཙུན་མོ་བསྡུ་བ་རྣམ་པ་བཞི་པོ་ཁྱིམ་བདག་དམ་པ་འོ། །ཐབས་ལ་ཤིན་ཏུ་མཁས་པ་བློན་པོ་ཡིན་ཏེ་འཁོར་ལོས་བསྒྱུར། །ཞེས་རྒྱལ་སྲས་ཀྱི་ལམ་སྤྱི་ལ་སྦྱར་ཞིང༌། ཇོ་བོའི་ཆོས་ཆུང་བརྒྱ་རྩར་འཕགས་པའི་ནོར་བདུན་ལ་སྦྱར་བ་ཞིག་ཀྱང་འབྱུང་བ་རྣམས་མདོའི་དོན་འགྲེལ་ཚུལ་གྱི་མན་ངག་ཡིན་པས། འདིར་ཡང་དེའི་རུང་མཐུན་སྦྱར་ཏེ་འཕགས་ལམ་ཡན་ལག་བརྒྱད་དང་སྦྱར་བ་ངེས་པ་བསྐྱེད་ལུགས་དང་བག་ཆགས་འཇོག་ཚུལ་གྱི་གནད་མང་པོ་ཡོད་པས་ཤིན་ཏུ་ཕུན་སུམ་ཚོགས་པའི་ཡན་ལག་ཏུ་འགྱུར་རོ།། སྨྲས་པ། དགེ་བའི་ས་བོན་ལེགས་སྨོན་རླན་གྱིས་བསྒོས། །རྒྱལ་བ་ཉི་མའི་དྲོད་ཀྱིས་སྨིན་པ་ལས། །བདེ་སྐྱིད་སྙེ་མ་མངོན་པར་མཐོ་བའི་རྩེར། །ངེས་ལེགས་འབྲས་བུ་སྨིན་པའི་སོ་ནམ་རྨད། །གསེར་ལྡན་ཡངས་པའི་ཁོར་ཡུག་མཐའ་ཀླས་ཀྱང༌། །ལེགས་བཤད་གསར་པའི་མེ་ཏོག་རྙེད་མིན་དུས། །རྨད་བྱུང་གཏམ་གྱི་ཨུཏྤལ་བཞད་པ་འདི། །སྙན་གོང་མཛེས་པའི་རྒྱན་དུ་འབྲལ་མེད་མཛོད། །ཆེས་ཕྲའི་ནམ་མཇུག་པདྨའི་བསུང་ཟེར་ཙམ། །ཕོག་ཚེ་དབུགས་མཐར་སོན་པའི་སྦྲང་བུ་ཡང༌། །ཕྱོགས་དེར་དལ་གྱིས་འདབ་མ་སྐྱོང་བྱེད་ན། །སྙིགས་དུས་ལྷག་པར་ཆོས་ལ་

― GTD007_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩོན་པར་རིགས། །གང་ལས་བརྩམས་ཀྱང་གཞུང་ལུགས་རྒྱ་མཚོའི་དོན། །མི་ཟད་འདོད་པ་འཇོ་བའི་བུམ་པ་བཟང༌། །སྩོལ་མཛད་ཛྙཱ་ནའི་མཚན་དང་ཨ་བྷྱེནྡྲས། །བྱང་ཆུབ་བར་དུ་འབྲལ་མེད་སྐྱོང་གྱུར་ཅིག །དགེ་ཚོགས་ཆུ་འཛིན་ཕུང་པོ་འཁྲིགས་པ་ལས། །དགེ་ལེགས་དབྱར་རྔ་བཞད་པའི་གདངས་དང་བཅས། །དགེ་མཚན་བྱེ་བའི་གྲུ་ཆར་བསྙིལ་བ་ཡིས། །དགེ་ལྡན་བསྟན་པའི་ཆུ་མཚོ་རྒྱས་གྱུར་ཅིག །ཅེས་བཀྲ་ཤིས་རྫས་བརྒྱད་ཀྱི་རྣམ་པར་བཤད་པ་བཀྲ་ཤིས་དགའ་སྟོན་ཞེས་བྱ་བ་འདི་ནི་གཞུང་བརྒྱ་སྨྲ་བ་དམུ་དགེ་དཔོན་སློབ་ཟུང་ཆུའི་ལྷ་རམས་པ་ངག་དབང་རྒྱལ་མཚན་གྱིས་སྔར་ནས་བསྐུལ་བའི་ཐོག །ཉེ་ཆར་མཁྱེན་རབ་ཀྱི་དབང་ཕྱུག་བསྟན་པའི་གསལ་བྱེད་སྤྲུལ་བའི་སྐུ་དཀོན་མཆོག་དམ་ཆོས་ཡར་འཕེལ་ནས་ནན་གྱིས་བསྐུལ་བའི་ངོར། ྋབཙུན་པ་དཀོན་མཆོག་བསྟན་པའི་སྒྲོན་མེས་འཕྲལ་ལ་སུག་བྲིས་སུ་བགྱིས་པ་ལས་ཤོག་བུར་འབེབས་པ་པོ་ནི་སྔགས་རམས་པ་དཀོན་མཆོག་ཀུན་དགའོ།། །།

རྣམ་རྒྱལ་སྟོང་མཆོད་ཀྱི་ཆོ་གའི་ཟུར་འདེབས།

― GTD007_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་རྒྱལ་སྟོང་མཆོད་ཀྱི་ཆོ་གའི་ཟུར་འདེབས་བདུད་རྩིའི་ཟིལ་མངར་ཞེས་བྱ་བ་བཞུགས་སོ།།

― GTD007_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཨུཥྞཱི་ཥ་བི་ཛ་ཡ་ཡེ། འདིར་གཙུག་ཏོར་རྣམ་པར་རྒྱལ་མའི་སྟོང་མཆོད་བྱེད་ཚུལ་གྱི་ཆོ་གའི་གཞུང་རྗེ་བཙུན་བློ་བཟང་ཆོས་ཀྱི་ཉི་མའི་ཞལ་སྔ་ནས་ཀྱིས་མཛད་པ་དེ་ཉིད་ཤིན་ཏུ་གསལ་ཞིང་ཕུན་སུམ་ཚོགས་པར་འདུག་པས། ཅུང་ཟད་ཁ་བསྐངས་ཏེ་ལག་ཏུ་ལེན་ཚུལ་གྱི་ཟུར་འདེབས་མདོ་ཙམ་བརྗོད་པ་ལ། ཉིན་སྔ་མར་རྟེན་དགྲམ་ཞིང་མཆོད་གཏོར་འཕན་གདུགས་དར་གྱི་ལྡ་ལྡི་སོགས་བཀོད་པ་མཛེས་པར་བཤམས། ནངས་པར་ལག་རིས་མཐོང་ཙམ་ལ་སྒྲུབ་པ་པོ་རྣམས་འཚོགས་ཏེ་ཆོས་གོས་གྱོན་ཞིང་གདིང་བའི་སྟེང་ནས་ཕྱག་གསུམ་བཙལ་ཏེ་བཞུགས། དབུ་མཛད་ཀྱིས་མགོ་བསྐུལ་ནས་སངས་རྒྱས་ཆོས་ཚོགས་མས་སྐྱབས་འགྲོ་དང༌། ཚད་མེད་བཞི་བསྒོམ་པ་སྔོན་ཏུ་བཏང་སྟེ་མཎྜལ་དབུལ། བླ་མ་རང་གིས་སྔར་རྟེན་གྱི་དྲུང་དུ་གསོ་སྦྱོང་བླངས་ཡོད་པས་སྒྲུབ་པ་པོ་རྣམས་ལ་ཀུན་སློང་འཆོས་ཚུལ་དང་བཅས་ཐེག་ཆེན་གསོ་སྦྱོང་གི་སྡོམ་པ་ཕོག །སློབ་མ་ལ་འབོག་ཚེ། ཇི་ལྟར་སྔོན་གྱི་ཞེས་པའི་གོང་དེར། སློབ་དཔོན་བདག་ལ་དགོངས་སུ་གསོལ་ཞེས་པ་དང༌། འབོག་ཆོག་ལན་གསུམ་གྱི་མཇུག་ཏུ་ཐབས་ལེགས་བྱ་དགོས། དེ་ནས་བསླབ་པ་བརྗོད་པའི་ཚིག་ལ་རྗེས་ཟློས་ལན་གཅིག་བྱ། ཚུལ་ཁྲིམས་རྣམ་དག་གི་གཟུངས་ལན་གསུམ་རྗེས་ཟློས་དང་ལྷག་མ་མཉམ་འདོན་བྱས་ཏེ་ཉེར་གཅིག་བཟླ། ཁྲིམས་ཀྱི་ཚུལ་ཁྲིམས་ཞེས་སོགས་ཀྱིས་སྨོན་ལམ་བྱ། དེ་ནས་གྲལ་ལ་འཁོད། ༈ བདག་དང་འགྲོ་བ་ཞེས་སོགས་ཀྱིས་སྐྱབས་འགྲོ་སེམས་བསྐྱེད་གཞུང་བཞིན་བྱ། ལོང་སྐབས་དལ་བའི་ཚེ་དཀྱུས་ཀྱི་སྐྱབས་འགྲོའི་གོང་དེར་སྐྱབས་འགྲོ་རྒྱས་པ་དང་སངས་རྒྱས་བྱང་སེམས་ཀྱི་བསྟོད་ཚོགས། བླ་མའི་ཞབས་བརྟན་སོགས་སྔོན་དུ་གཏོང༌། དེ་ནས། ཁྱབ་བདག་རྡོ་རྗེ་འཆང་དབང་རྣལ་འབྱོར་མ། །ཨ་བྷ་ཡ་དང་དར་པན་མི་ཏྲ་སོགས། །སྤྱི་ཡི་སྨིན་གྲོལ་གདམས་པའི་བཀའ་བབ་ཀྱི། །བརྒྱུད་པའི་བླ་མ་རྣམས་ལ་གསོལ་བ་འདེབས། །དཔལ་ལྡན་བླ་མའི་སྐུ་

― GTD007_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་བརྟན་པ་དང༌། །བསྟན་འཛིན་སྐྱེས་བུ་བསྟན་པའི་སྦྱིན་བདག་རྣམས། །དཔག་ཡས་ཚེ་དང་ཡེ་ཤེས་མཆོག་ཐོབ་སྟེ། །དོན་གཉིས་ལྷུན་གྱིས་གྲུབ་པར་བྱིན་གྱིས་རློབས། །ཛེ་ཏཱ་རི་དང་རྡོ་རྗེ་གདན་པ་གཉིས། །བ་རི་པ་དང་ས་ཆེན་ཡབ་སྲས་སོགས། །སྒོས་ཀྱི་སྨིན་གྲོལ་གདམས་པའི་བཀའ་བབ་ཀྱི། །བརྒྱུད་པའི་བླ་མ་རྣམས་ལ་གསོལ་བ་འདེབས། །དཔལ་ལྡན་བླ་མའི་སྐུ་ཚེ་བརྟན་པ་དང༌། །བསྟན་འཛིན་སྐྱེས་བུ་བསྟན་པའི་སྦྱིན་བདག་རྣམས། །དཔག་ཡས་ཚེ་དང་ཡེ་ཤེས་མཆོག་ཐོབ་སྟེ། །དོན་གཉིས་ལྷུན་གྱིས་གྲུབ་པར་བྱིན་གྱིས་རློབས། །བློ་བཟང་རྒྱལ་བའི་དབང་པོ་ཡབ་སྲས་དང༌། །རིགས་ཀུན་ཁྱབ་བདག་འཇིགས་མེད་དབང་པོ་སོགས། །གདམས་པའི་ཆུ་རྒྱུན་གཅིག་ཏུ་འདྲེས་པ་ཡི། །དྲིན་ཅན་བླ་མ་རྣམས་ལ་གསོལ་བ་འདེབས། །དཔལ་ལྡན་བླ་མའི་སྐུ་ཚེ་བརྟན་པ་དང༌། །བསྟན་འཛིན་སྐྱེས་བུ་བསྟན་པའི་སྦྱིན་བདག་རྣམས། །དཔག་ཡས་ཚེ་དང་ཡེ་ཤེས་མཆོག་ཐོབ་སྟེ། །དོན་གཉིས་ལྷུན་གྱིས་གྲུབ་པར་བྱིན་གྱིས་རློབས། །གང་གི་མཚན་ཙམ་ཡིད་ལ་དྲན་པས་ཀྱང༌། །མཐར་བྱེད་འཚེ་བའི་གཡུལ་ངོ་ལས་རྒྱལ་ཏེ། །མཆོག་དང་ཐུན་མོང་དངོས་གྲུབ་ཀུན་སྩོལ་བ། །རྣམ་རྒྱལ་ལྷ་ཚོགས་རྣམས་ལ་གསོལ་བ་འདེབས། །དཔལ་ལྡན་བླ་མའི་སྐུ་ཚེ་བརྟན་པ་དང༌། །བསྟན་འཛིན་སྐྱེས་བུ་བསྟན་པའི་སྦྱིན་བདག་རྣམས། །དཔག་ཡས་ཚེ་དང་ཡེ་ཤེས་མཆོག་ཐོབ་སྟེ། །དོན་གཉིས་ལྷུན་གྱིས་གྲུབ་པར་བྱིན་གྱིས་རློབས། །བླ་མ་

― GTD007_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷག་པའི་ལྷ་ཚོགས་དབྱེར་མེད་པའ། །ཐུགས་རྗེའི་འོད་ཀྱིས་རྒུད་མུན་དྲུངས་ཕྱུང་སྟེ། །ཕན་བདེ་པདྨ་དཀར་པོའི་ཚལ་ཕྱེ་ནས། །ངེས་ལེགས་སྦྲང་རྩིའི་དགའ་སྟོན་རྒྱས་གྱུར་ཅིག །ཅེས་བརྒྱུད་འདེབས་སྔོན་དུ་བཏང་སྟེ་སྐད་ཅིག་དཀྲོང་བསྐྱེད་ནས་བཟུང་བདག་བསྐྱེད་ཆོ་གའི་དཀྱུས་བཞིན་བྱ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །ཅེས་སོགས་ཀྱི་འཕྲོར། བཛྲ་མུཿ ཡེ་ཤེས་པ་རང་བཞིན་གྱི་གནས་སུ་གཤེགས། རང་ཉིད་དམ་ཚིག་པ་ཞལ་གཅིག་ཕྱག་གཉིས་པའི་རྣམ་པ་ཅན་དུ་གནས་པར་གྱུར། ཅེས་བརྗོད། དེ་ནས་ཆོ་གའི་གཞུང་ལྟར་ཆུ་གཉིས་ཉེར་སྤྱོད་རོལ་མོ་འཕན་གདུགས་ལྡ་ལྡི་སོགས་བསངས་སྦྱངས་བྱིན་གྱིས་བརླབ། མདུན་བསྐྱེད་བསྒྲུབས་ཏེ་བཟླས་མཚམས་ཀྱི། བདུད་རྩིའི་རྒྱུན་བབ་པས་བུམ་པ་ཡོངས་སུ་གང་བར་གྱུར། ཅེས་བརྗོད་པའི་མཐར་སྒྲུབ་པ་པོ་རྣམས་བཞེངས་ཏེ་རྟེན་གྱི་དྲུང་དུ་ཐལ་མོ་སྦྱར་ནས་དབུ་འདུད་པ་དང་བཅས། ཨོཾ་ན་མོ་བྷ་ག་ཝ་ཏེ་ཞེས་སོགས་གཟུངས་རིང་གི་དབུ་བསྐུལ་ཏེ་གཟུངས་རིང་ཚར་རེ་སྐོར་བ་རེ་དང་སྦྲགས་མ་བྱས་པའི་མཇུག་ཏུ་མཆོད་བསྟོད་བསྡུས་པ་རེ་བྱ། དེ་བཞིན་དུ་སྔགས་དང་སྐོར་བ་གསུམ་པའི་མཇུག་ཏུ་ཕྱག་གསུམ་རེ་བཙལ་ཏེ་ཐམས་ཅད་ས་ལ་བཞུགས་ནས་མཆོད་བསྟོད་བསྡུས་པ་བྱ། དེ་ལྟར་སུམ་ཚན་ཇི་ཙམ་རེ་དགོས་པ་གྲུབ་ནས་སྐོར་བ་རྗེས་མའི་མཇུག་ཏུ་ཕྱག་གསུམ་བཙལ་ཏེ་ཐམས་ཅད་གྲལ་ལ་འཁོད་ནས་མཆོད་བསྟོད་བྱ། ཐུན་རྗེས་མ་རྣམས་ཀྱི་ཚེ་ས་བོན་ལས་བསྐྱེད་མི་དགོས་པས། དེ་དག་གི་ཚེ་སྐད་ཅིག་དཀྲོང་བསྐྱེད་དང་སྟོང་སྦྱང་བྱས་ལ། སྟོང་པའི་ངང་ལས་པདྨ་དང་ཟླ་བའི་དཀྱིལ་འཁོར་གྱི་སྟེང་དུ་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བ། ལྟོ་བ་ལྡིར་བ། ཞབས་ཞུམ་པ། མགྲིན་པ་ཕྲ་བ། ཁ་གཡེལ་བ། མཆུ་འཕྱང་བ། ལྷ་རྫས་ཀྱི་གོས་ཀྱིས་མགུལ་པ་བཅིངས་པ། དཔག་བསམ་གྱི་ཤིང་གིས་ཁ་བརྒྱན་པ། ནང་ཆུ་དང་བཅུད་སྣ་ཚོགས་ཀྱིས་ཡོངས་སུ་གང་བའི་སྟེང་དུ་པདྨ་དང་ཟླ་བའི་དཀྱིལ་འཁོར། དེའི་སྟེང་དུ་རིན་པོ་ཆེ་ལས་གྲུབ་པའི་ས་

― GTD007_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་གྱི་སྟེང་དུ་ཐེམ་སྐས་དང་བཅས་པའི་ཁྲི་ལ་སྣ་ཚོགས་པདྨ། དེའི་སྟེང་དུ་རིན་པོ་ཆེ་ལས་གྲུབ་པའི་མཆོད་རྟེན་བང་རིམ་ཟླུམ་པོ་གསུམ་པ། དེའི་སྟེང་དུ་ཟླ་བའི་དཀྱིལ་འཁོར་ལ་བུམ་རྟེན་དང་བཅས་པའི་བུམ་པ་ཟླུམ་པོ་སྒོ་དང་ལྡན་པ། དེའི་སྟེང་དུ་བྲེ་གདུགས་རིམ་པ་བཅུ་གསུམ་ཆར་ཁེབ་ཏོག་རྣམས་བརྩེགས་ཤིང་མེ་ཏོག་གི་ཕྲེང་བ་དང་དར་གྱི་ལྡ་ལྡིས་མཛེས་པར་བྱས་པ། དེ་ལྟ་བུའི་བུམ་པའི་ནང་དུ་སྣ་ཚོགས་པདྨ་འདབ་མ་བརྒྱད་པའི་ལྟེ་བར་ཟླ་བའི་དཀྱིལ་འཁོར་གྱི་སྟེང་དུ་གཙུག་ཏོར་རྣམ་པར་རྒྱལ་མ། ཞེས་སྦྲེལ་ཞིང་གཞན་རྣམས་དཀྱུས་བཞིན་བྱ། ཐུན་རྗེས་མའི་དབང་བསྐུར་རྒྱས་གདབ་ཀྱི་མཇུག་ཏུ། སྐུ་ཁྲུས་གསོལ་བར་ཞུ། ཞེས་པ་ནས། སྟོབས་བཅུ་མངའ་བའི་གོ་འཕང་ཐོབ་པར་ཤོག །ཅེས་པའི་བར་དང༌། དེ་ནས་མཆོད་པ་བྱིན་གྱིས་བརླབས་ཏེ་མཆོད་འཕྲེང་ཆོ་གའི་དཀྱུས་བཞིན་བྱ། མཇུག་ཏུ། དེ་ལས་གཞན་ཡང་མཆོད་པའི་ཚོགས། །ཞེས་སོགས་བྱ་ཞིང་མཎྜལ་སོ་བདུན་མ་དབུལ། བསྟོད་པ་མན་ཆད་སྔར་བཞིན་ནོ།། ༈ གཏོར་སྣོད་བཅུའི་ནང་དུ་གཏོར་རིལ་བཅུ་བཅུ་ཆུ་དང་སྦྱར་ནས་བཤམས་ཐེབས་རེ་ལ་བྱིན་རླབས་བྱས་ཏེ། དང་པོའི་ཚེ་གཏོར་མགྲོན་སྤྱན་འདྲེན་དང་ཕྱི་མ་རྣམས་ལ་མགྲོན་སྤྱན་འདྲེན་མི་དགོས། ཕྱག་བྱར་འོས་པ་ཞེས་སོགས་མན་ཆད་དཀྱུས་བཞིན་ལ་བསྔོ་ཚུལ་སྒྲུབ་པ་པོའི་གྲངས་ཀྱིས་ཚར་སྟོང་འགྲོ་ངེས་བྱེད། ཆ་གསུམ་གྱི་སྐབས། ཁྱད་པར་དུའང་བཅོམ་ལྡན་འདས་མ་གཙུག་ཏོར་རྣམ་པར་རྒྱལ་མའི་ལྷ་ཚོགས་འཁོར་དང་བཅས་པ་རྣམས་ཀྱི་བདེན་པ་དང༌། བདེན་པ་ཆེན་པོས་བྱིན་གྱིས་བརླབས་པ་ལ་བརྟེན་ནས་རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་ལ་གནོད་ཅིང་འཚེ་བར་བྱེད་པའི་བགེགས་ཀྱི་ཚོགས་ཐམས་

― GTD007_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་མཆོད་སྦྱིན་གཏོར་མའི་མགྲོན་དུ་མཆིས་པར་གྱུར། ཅེས་ཚིག་སྒྱུར། ཕྱོགས་སྐྱོང་འཁོར་བཅས་རང་གནས་སུ་གཤེགས་པར་གྱུར། ཅེས་པའི་མཚམས་སུ་བཞག་སྟེ་ཡི་དྭགས་གཏོར་མ་མི་དགོས། ལོང་སྐབས་ཤིན་ཏུ་དལ་བའི་ཚེ་ཞོགས་ཀ་བདག་བསྐྱེད་སྐབས་བཟླས་པ་གང་མང་བྱས་ཏེ་བདག་མདུན་གྱི་མཚམས་སུ་གྲོལ་ཆུང་དང༌། ཐུན་དང་པོའི་མདུན་བསྐྱེད་འཕྲོར་ཡང་སྤྱན་འདྲེན་ཁྲུས་གསོལ་རྒྱས་བསྡུས་ཅི་རིགས་དང༌། ཐུན་གང་རིགས་ལ་བསྟོད་པ་རྒྱས་པ་བྱེད་པ་སོགས་ལོང་སྐབས་དང་སྦྱར། གཏང་རག་གི་མཆོད་བསྟོད་འདོད་གསོལ་རྣམས་གྲུབ་རྗེས་སྨོན་ལམ་བྱ་བ་ན།། ༈ བཅོམ་ལྡན་རྣམ་པར་རྒྱལ་མའི་ལྷ་ཚོགས་ལ། །མཆོད་བསྟོད་བཟླས་པ་ཕྱག་དང་བསྐོར་བ་སོགས། །རྒྱུད་དོན་ཇི་བཞིན་བགྱིས་པའི་དགེ་ཚོགས་རྣམས། །འགྲོ་ཀུན་འཕགས་མས་རྗེས་འཛིན་རྒྱུ་རུ་བསྔོ། །སྔོན་ཚེ་ཤིན་ཏུ་བརྟན་པ་ཞེས་བྱའི་ལྷ། །གང་གི་ཐུགས་རྗེས་འཆི་བདག་ལས་གྲོལ་བཞིན། །བདག་ཅག་དཔོན་སློབ་ཡོན་མཆོད་མཐའ་དག་ཀྱང༌། །དུས་མིན་འཆི་བའི་གཡུལ་ལས་རྒྱལ་གྱུར་ཅིང༌། །ནད་རིམས་གདོན་བགེགས་ཉེར་འཚེ་ཀུན་ཞི་ཞིང༌། །ཚེ་དཔལ་བསོད་ནམས་ལེགས་ཚོགས་རྒྱས་པ་དང༌། །དམུ་རྒོད་དབང་དྲག་ཐབས་ཀྱིས་འདུལ་བ་སོགས། །ལས་བཞིའི་འཕྲིན་ལས་ལྷུན་གྱིས་གྲུབ་པར་ཤོག །ཐུབ་པའི་སྤྱན་སྔར་གཡར་དམ་བཅས་པ་བཞིན། །ལྷ་ཡི་དབང་པོ་འཇིག་རྟེན་སྐྱོང་བ་བཞ། །ཁྱད་པར་ལྷ་ཆེན་ཆོས་ཀྱི་རྒྱལ་པོ་ཡིས། །གཡེལ་བ་མེད་པར་རྟག་ཏུ་གྲོགས་བྱེད་ཤོག །མདོར་ན་བླ་མ་ལྷ་ཚོགས་དབྱེར་མེད་པས། །ཐུགས་རྗེའི་ཕྱག་གིས་ནམ་ཡང་མི་གཏོང་ཞིང༌། །མཚན་བཅས་མཚན་མེད་ལམ་བཟང་ཉེར་བགྲོད་ནས། །རྣམ་པར་རྒྱལ་མའི་གོ་འཕང་མྱུར་ཐོབ་ཤོག །ཡིག་བརྒྱས་ལྷག་ཆད་བསྐངས་ཤིང་རྟེན་ལ་བརྟན་བཞུགས་སོགས་

― GTD007_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱུས་བཞིན་བྱས་ཏེ་ཤིས་པ་བརྗོད་པ་ནི། ཁྱབ་བདག་རྡོ་རྗེ་འཆང་དབང་རྣལ་འབྱོར་མ། །ཨ་བྷ་ཡ་དང་དར་པན་མི་ཏྲ་སོགས། །སྤྱི་ཡི་སྨིན་གྲོལ་གདམས་པའི་བཀའ་བབ་ཀྱི། །བརྒྱུད་པའི་བླ་མ་རྣམས་ཀྱི་བཀྲ་ཤིས་ཤོག །ཛེ་ཏཱ་རི་དང་རྡོ་རྗེ་གདན་པ་གཉིས། །བ་རི་པ་དང་ས་ཆེན་ཡབ་སྲས་སོགས། །སྒོས་ཀྱི་སྨིན་གྲོལ་གདམས་པའི་བཀའ་བབ་ཀྱི། །བརྒྱུད་པའི་བླ་མ་རྣམས་ཀྱི་བཀྲ་ཤིས་ཤོག །བློ་བཟང་རྒྱལ་བའི་དབང་པོ་ཡབ་སྲས་དང༌། །རིགས་ཀུན་ཁྱབ་བདག་འཇིགས་མེད་དབང་པོ་སོགས། །གདམས་པའི་ཆུ་རྒྱུན་གཅིག་ཏུ་འདྲེས་པ་ཡི། །དྲིན་ཅན་བླ་མ་རྣམས་ཀྱི་བཀྲ་ཤིས་ཤོག །རྣམ་རྒྱལ་འཇིག་རྟེན་དབང་ཕྱུག་གསང་བའི་བདག །མི་གཡོ་འདོད་རྒྱལ་དབྱུག་སྔོན་སྟོབས་པོ་ཆེ། །གནས་གཙང་ལྷ་ཡི་བུ་དང་བཅས་པ་ཡི། །རྣམ་རྒྱལ་ལྷ་ཚོགས་རྣམས་ཀྱི་བཀྲ་ཤིས་ཤོག །རྒྱུད་འདི་གང་གིས་འཛིན་པར་བྱེད་པ་རྣམས། །སྐྱོང་བར་ཞལ་བཞེས་ལྷ་དབང་རྒྱལ་ཆེན་བཞ། །ཁྱད་པར་ལྷ་ཆེན་ཆོས་ཀྱི་རྒྱལ་པོ་སོགས། །དམ་ཅན་སྲུང་མ་རྣམས་ཀྱི་བཀྲ་ཤིས་ཤོག །དཔལ་ལྡན་བླ་མའི་སྐུ་ཚེ་བརྟན་པ་དང༌། །བསྟན་འཛིན་སྐྱེས་བུ་བསྟན་པའི་སྦྱིན་བདག་རྣམས། །དཔག་ཡས་ཚེ་དང་ཡེ་ཤེས་མཆོག་ཐོབ་སྟེ། །དོན་གཉིས་ལྷུན་གྱིས་གྲུབ་པའི་བཀྲ་ཤིས་ཤོག །བསོད་ནམས་དར་རྒྱས་རི་རྒྱལ་ལྷུན་པོ་བཞིན། །སྙན་གྲགས་ཆེན་པོས་ནམ་མཁའ་བཞིན་དུ་ཁྱབ། །ཚེ་རིང་ནད་མེད་གཞན་དོན་ལྷུན་གྱིས་གྲུབ། །ཡོན་ཏན་རྒྱ་མཚོ་མཆོག་གི་བཀྲ་ཤིས་ཤོག །ཅེས་བརྗོད་ཅིང་མེ་ཏོག་གི་ཆར་དབབ་བོ། །ཞེས་པ་འདི་ནི་ལྷག་བསམ་རྣམ་དཔྱོད་མཆོག་ཏུ་དགེ་བ་ཆོས་རྗེ་

― GTD007_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་དར་རྒྱས་ཀྱིས་བསྐུལ་ངོར། ྋབཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ། །། །བཀྲ་ཤིས་ཤོག །

ཚེ་ལྷ་རྣམ་གསུམ་གྱི་མངོན་རྟོགས།

― GTD007_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་ལྷ་རྣམ་གསུམ་གྱི་མངོན་རྟོགས་བཞུགས་སོ།།

― GTD007_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་སྦྱིན་ལྷག་པའི་ལྷ་མཆོག་རྣམ་གསུམ་ལ། །སྒོ་གསུམ་མི་ཕྱེད་དད་པས་ཕྱག་བགྱིད་དོ། །དུས་མིན་འཆི་བའི་གཡུལ་ལས་རྣམ་རྒྱལ་བའི། །དགེ་མཚན་ཤིས་པ་མཆོག་གིས་དེང་འདིར་སྐྱོངས། །འདིར་ཚེ་ལྷ་གསུམ་གྱི་སྒོ་ནས་ཚེ་སྒྲུབ་བྱ་བར་འདོད་པས་རྟེན་དང་མཆོད་པ་བཤམས། སྐྱབས་སེམས་སྔོན་དུ་བཏང༌། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པད་ཟླའི་གདན་ལ་རང་སེམས་ཧྲཱིཿ ཡིག་དམར་པོ། དེ་ལས་འོད་འཕྲོས། དོན་གཉིས་བྱས་འདུས་ཡོངས་སུ་གྱུར་པ་ལས་མགོན་པོ་ཚེ་དཔག་ཏུ་མེད་པ་མཉམ་གཞག་གི་ཕྱག་རྒྱས་བདུད་རྩིས་གང་བའི་བུམ་པ་བསྣམས་ཤིང་མཚན་དཔེས་སྤྲས་པ། རྡོ་རྗེ་སྐྱིལ་མོ་ཀྲུང་གིས་བཞུགས་པའི་ཐུགས་ཀ་ནས་བྷྲུཾ་ཡིག་ཅིག་ཆད་དེ་གཡས་ཕྱོགས་སུ་པད་ཟླའི་གདན་ལ་བབས་པ་ལས་གཙུག་ཏོར་རྣམ་པར་རྒྱལ་མ་ཞལ་གསུམ་ཕྱག་བརྒྱད་མ། དང་པོ་གཉིས་སྣ་ཚོགས་རྡོ་རྗེ་དང་ཞགས་པ། གཉིས་པ་གཉིས་འོད་དཔག་མེད་དང་སྐྱབས་སྦྱིན། གསུམ་པ་གཉིས་མདའ་གཞུ། བཞི་པ་གཉིས་མཆོག་སྦྱིན་དང་བུམ་པ་བསྣམས་པ། ཐུགས་ཀ་ནས་ཏཱཾ་ཡིག་ཅིག་ཆད་དེ་གཡོན་ཕྱོགས་སུ་པད་ཟླའི་གདན་ལ་བབས་པ་ལས་འཕགས་མ་ཡིད་བཞིན་འཁོར་ལོ་སྐུ་མདོག་དཀར་མོ། གཡས་མཆོག་སྦྱིན་དང་གཡོན་ཨུཏྤལ་བསྣམས་པ། གཉི་གའང་གཞོན་ནུ་མ་ལོ་བཅུ་དྲུག་ལོན་པའི་རྣམ་པ་ཅན་

― GTD007_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་པོ་ཆེའི་རྒྱན་གྱིས་སྤྲས་ཤིང་སྐྱིལ་མོ་ཀྲུང་གིས་བཞུགས་པ། རང་གི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ཧཱུཾ་ལས་འོད་ཟེར་འཕྲོས། ནུབ་ཕྱོགས་བདེ་ལྡན་ཞིང་གི་མགོན་པོ་ཚེ་དཔག་ཏུ་མེད་པའི་ཐུགས་ཀ་ནས་ཚེ་ལྷ་གསུམ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་དབང་ལྷ་དང་བཅས་པ་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། དབང་ལྷས་དབང་བསྐུར། རིགས་ཀྱི་བདག་པོས་དབུ་བརྒྱན་པར་གྱུར། མཆོད་པ་བསངས་སྦྱངས། བྱིན་གྱིས་བརླབས་ལ། ཨོཾ་སརྦ་ཏ་ཐཱ་ག་ཏ་ཨརྒྷཾ་སོགས་ཀྱིས་མཆོད། མེ་ལོང་གཅིག་ལ་རབ་འབྱམས་གཟུགས་སྣང་བཞིན། །རྒྱལ་ཀུན་ཐུགས་རྗེ་བྱིན་རླབས་གཅིག་བསྡུས་ནས། །ཚེ་ཡི་ལྷ་མཆོག་གསུམ་གྱི་རྣམ་རོལ་པའ། །ཞབས་ཀྱི་པདྨར་གུས་པས་ཕྱག་འཚལ་ལོ། །རང་གི་ཐུགས་ཀར་ས་བོན་ལ་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོས། རྒྱལ་བ་སྲས་བཅས། འཆི་མེད་ཚེའི་རིག་འཛིན་བརྙེས་པའི་ལྷ་དང་དྲང་སྲོང་རྣམས་ཀྱི་ཐུགས་ཀ་ནས་འཆི་མེད་ཚེའི་དངོས་གྲུབ་དང༌། འཇིག་རྟེན་ཁམས་ཀྱི་རྩི་བཅུད་བཀྲག་མདངས་མཐའ་དག་བསྡུས་པ་སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་བབས། ལུས་ཀྱི་ནང་ཐམས་ཅད་གང་བས་རྒྱལ་བ་སྲས་བཅས་ཀྱི་བྱིན་རླབས་དང་འཆི་མེད་ཚེའི་དངོས་གྲུབ་ཐོབ་པར་

― GTD007_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

བསམས་ལ་གསུམ་གའི་སྔགས་རིམ་པར་བཟླ། རང་གི་ཚེ་སྒྲུབ་ལ་འདི་ཙམ་གྱིས་ཆོག་ཅིང༌། གཞན་དོན་དུ་བུམ་སྒྲུབ་སོགས་བྱེད་ན་བུམ་པ་གཙང་མར་བྱ་རྒྱུད་ཀྱི་བུམ་རྫས་དང་ཚེ་སྒྲུབ་ཀྱི་རིལ་རྒྱུན་སོགས་བཏབ་པའི་ཆུའམ་རིལ་བུ་བླུགས་ཏེ་བུམ་པ་བསངས་སྦྱངས། སྟོང་པའི་ངང་ལས་བཾ་ལས་བྱུང་བའི་རིན་པོ་ཆེའི་བུམ་པ་དཀར་པོ་ཚད་དང་ལྡན་པ་ཡངས་ཤིང་རྒྱ་ཆེ་བའི་ནང་དུ་པད་ཟླའི་གདན་ལ་ཧྲཱིཿ ཡིག་དམར་པོ་ཞེས་སོགས་རང་སྒྲ་དོར་ཏེ་བདག་བསྐྱེད་ཀྱི་སྐབས་བཞིན་བྱ། མཆོད་ཕྲེང་རྒྱལ་བ་རྒྱ་མཚོ་མ་སོགས་ཚིགས་བཅད་བྱས་ཀྱང་རུང༌། བཟླས་པའི་སྐབས། འོད་ཟེར་འཕྲོས་དཔལ་ལྡན་བླ་མ་དམ་པའི་སྐུ་ཚེའམ། སྦྱིན་པའི་བདག་པོའི་ཚེ་ལ་བར་དུ་གཅོད་པའི་ཉེས་པ་ཐམས་ཅད་སྦྱངས། རྒྱལ་བ་སྲས་བཅས་ཞེས་པ་མན་ཆད་འདྲ། བཟླས་པའི་མཇུག་ཏུ་ཡིག་བརྒྱས་ལྷག་ཆད་བསྐང༌། གཏོར་མ་བྱ་རྒྱུད་ལྟར་བྱིན་གྱིས་བརླབས་ལ་མཆོད་སྔགས་ལ་བ་ལིཾ་ཏ་བཏགས་པའམ། ཨཱ་ཀཱ་རོ་གསུམ་སོགས་ཀྱིས་བསྔོ། མཆོད་བསྟོད་བྱས་ལ། བུམ་པའི་ལྷ་ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་བུམ་པའི་ཆུའམ་རིལ་བུའི་རྣམ་པར་གྱུར། ཅེས་བརྗོད་ཅིང་བསྔོ་སྨོན་བཀྲ་ཤིས་ཀྱིས་མཐའ་བརྒྱན་པར་བྱའོ།། ཞེས་པ་འདི་ནི་ཚེ་ལྷ་གསུམ་ཆར་སྒྲུབ་པར་འདོད་ཀྱང་སོ་སོར་མི་ལྕོགས་པ་རྣམས་ལ་འཇུག་པ་བདེ་བའི་ཕྱིར་འདི་འདྲ་ཞིག་དགོས་ཞེས་དད་བརྩོན་ལྡན་པ་དགེ་སློང་དཀོན་མཆོག་ཟླ་བས་བསྐུལ་ངོར། ྋབཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། །།

གྲུབ་ཆེན་བརྒྱད་ཅུའི་རྗེས་གནས་བྱ་ཚུལ།

― GTD007_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་ཆེན་བརྒྱད་ཅུའི་རྗེས་གནང་བྱ་ཚུལ་བཞུགས་སོ།།

― GTD007_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་བཛྲ་དྷ་རཱ་ཡ། འདིར་གྲུབ་ཆེན་བརྒྱད་ཅུའི་རྗེས་གནང་བྱ་ཚུལ་ནི། ཐུན་རེ་ལ་རྗེས་གནང་ཇི་ཙམ་བྱེད་པའི་གྲངས་ཀྱི་མཎྜལ་ཚོམ་བུ་དང་བཅས་པ་མཆོད་པ་རྣམས་བཤམས། སྐྱབས་སེམས་སྔོན་དུ་བཏང་སྟེ། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པད་ཟླ་ཉི་མའི་གདན་ལ་ཨོཾ་ཨཱཿ ཧཱུཾ་ཡོངས་སུ་གྱུར་པ་ལས་རང་ཉིད་རྡོ་རྗེ་འཆང་སྐུ་མདོག་སྔོན་པོ་ཞལ་གཅིག་ཕྱག་གཉིས་རྡོར་དྲིལ་བསྣོལ་ཐབས་སུ་འཛིན་པ། རིན་པོ་ཆེའི་རྒྱན་དང་དར་གྱི་ན་བཟའ་ཅན། མཚན་དཔེས་སྤྲས་ཤིང་རྡོ་རྗེ་སྐྱིལ་མོ་ཀྲུང་གིས་བཞུགས་པའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ཧཱུཾ་ལས་འོད་ཟེར་འཕྲོས། བསྒོམས་པ་དང་འདྲ་བའི་ཡེ་ཤེས་པ་དང་དབང་གི་ལྷ་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། དབང་གི་ལྷས་དབང་བསྐུར། མི་བསྐྱོད་པ་སྤྲུལ་སྐུའི་ཆ་ལུགས་ཅན་གྱིས་དབུ་བརྒྱན་པར་གྱུར། ནང་མཆོད་དང༌། མཆོད་པ་བླ་མེད་ལྟར་བྱིན་གྱིས་བརླབས་ལ། བཛྲ་ཨརྒྷཾ་པྲ་ཏཱིཙྪ་ཡེ་སྭཱཧཱ་ནས། ཤཔྟའི་བར་གྱིས་མཆོད། པཉྩ་ཨ་མྲྀ་ཏ་ཨོཾ་ཨཱཿ ཧཱུཾ་གིས་ནང་མཆོད་འབུལ། གང་གི་དྲིན་གྱིས་བདེ་ཆེན་སོགས་ཀྱིས་བསྟོད། ཨོཾ་ཨཱཿ བཛྲ་དྷཱ་ར་ཡ་ཧཱུཾ། ཞེས་བཟླ་ཞིང༌། མདུན་བསྐྱེད་ཀྱི་ཚོམ་བུ་དང་པོའང་གོང་བཞིན་སྒྲུབ་ནས་མཆོད་བསྟོད་བཟླས་པའི་བར་བྱ། གཏོར་མ་ནང་མཆོད་ལྟར་བྱིན་གྱིས་བརླབས་ལ། ཨོཾ་བཛྲ་དྷཱ་ར་ཡའི་མཇུག་ཏུ། ཨ་ཀཱ་རོ་བཏགས་ཏེ་འབུལ། ཕྱོགས་སྐྱོང་རྣམས་སྐད་ཅིག་གིས་སྤྱན་དྲངས་ལ། ཨོཾ་ད་

― GTD007_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

ཤ་དིཀ་ལོ་ཀ་པཱ་ལ་ས་པ་རི་ཝཱ་ར་ཨ་ཀཱ་རོ་སོགས་ཀྱི་གཏོར་མ་དང་མཆོད་པ་འབུལ། མཁའ་འགྲོ་སྤྱི་གཏོར་ཡང་དཀྱུས་བཞིན་གཏོང༌། ཐུན་རེར་རྗེས་གནང་དུ་མ་བྱེད་ཚེ། ཐ་མའི་འདས་གཏོར་གྱི་མཇུག་ཏུ་ཕྱོགས་སྐྱོང་གི་གཏོར་མ་དང་མཁའ་འགྲོ་སྤྱི་གཏོར་བཏང་ཡང་རུང་ངོ༌། །དེ་བཞིན་དུ་མཎྜལ་གཉིས་པའི་ཚོམ་བུ་བསང་སྦྱངས། སྟོང་པའི་ངང་ལས་པད་ཟླ་ཉི་མའི་གདན་ལ་ཨོཾ་ཨཱ་ཧཱུཾ་ཡོངས་སུ་གྱུར་པ་ལས་གྲུབ་པའི་དབང་ཕྱུག་ཆེན་པོ་ལཱུ་ཨཱི་པ་སྐུ་མདོག་དུ་བའི་མདོག་ཅན། སྐུ་གཟི་བྱིན་དང་ལྡན་ཞིང༌། རྣལ་འབྱོར་བའི་ཆ་བྱད་ཅན། རུས་པའི་རྒྱན་གྱིས་སྤྲས་པ། སྐྱེས་པ་དང་ལྷན་ཅིག་པ། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ཧཱུཾ་ལས་འོད་ཟེར་འཕྲོས། ཡེ་ཤེས་པ་རྡོ་རྗེ་འཆང་གི་རྣམ་པར་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། དབང་གི་ལྷས་དབང་བསྐུར། རྡོ་རྗེ་སེམས་དཔས་དབུ་བརྒྱན་པར་གྱུར། མཆོད་བསྟོད་གོང་བཞིན་བྱས་ལ། ཨོཾ་ཨཱ་ལཱུ་ཨཱི་པ་ཡ་ཧཱུཾ། ཞེས་པ་བཟླ། གཏོར་འབུལ་གྱི་ཚེ། ཨོཾ་ཨཱཿ ལཱུ་ཨཱི་པཱ་ཡ་ཨ་ཀཱ་རོ་མུ་ཁཾ་ཞེས་སྦྱར་བ་སོགས་འོག་མ་ཀུན་ལ་འདྲ། དེ་བཞིན་དུ། གྲུབ་པའི་དབང་ཕྱུག་ཆེན་པོ་ལི་ལ་པ་སྐུ་མདོག་སེར་པོ་རྣལ་འབྱོར་པའི་ཆ་བྱད་ཅན། སྐུ་གཟི་བྱིན་དང་ལྡན་ཞིང༌། རུས་པའི་རྒྱན་གྱིས་སྤྲས་པ། འཁོར་བུད་མེད་དང་ལྷན་ཅིག་པ། དེའི་སྤྱི་བོར་སོགས་མན་ཆད་འདྲ། སྔགས་ནི། ཨོཾ་ཨཱཿ ལཱི་ལ་པཱ་ཡ་ཧཱུཾ། ཞེས་པའོ། །དེ་ནས་གྲུབ་པའི་དབང་

― GTD007_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུག་ཆེན་པོ་ཀུ་སི་རི་པ་སྐུ་མདོག་དཀར་པོ་རྣལ་འབྱོར་པའི་ཆ་བྱད་ཅན། སྐུ་གཟི་བྱིན་དང་ལྡན་ཞིང༌། རུས་པའི་རྒྱན་གྱིས་སྤྲས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཀུ་སི་རི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཌོམ་ཀི་པ་སྐུ་མདོག་སེར་པོ་རྣལ་འབྱོར་པའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཌོཾ་ཀི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་དཔལ་མགོན་འཕགས་པ་ཀླུ་སྒྲུབ་དགེ་སློང་གི་ཆ་བྱད་ཅན། འཁོར་དགེ་སློང་དང་ལྷན་ཅིག་པ། སྔགས་ནི། ཨོཾ་ཨཱཿ ནཱ་གཱ་རྫུ་ནཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཀཾ་ཁ་ལ་པ་སྐུ་མདོག་དཀར་པོ་རྣལ་འབྱོར་བའི་ཆ་བྱད་ཅན། སྐུ་གཟི་བྱིན་དང་ལྡན་ཞིང༌། རུས་པའི་རྒྱན་གྱིས་སྤྲས་པ། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཀཾ་ཁ་ལ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་མཚོ་སྐྱེས་རྡོ་རྗེ་སྐུ་མདོག་སེར་པོ་ཞབས་སྐྱིལ་ཀྲུང་གི་གར་ཅན། སྐུ་གཟི་བྱིན་དང་ལྡན་ཞིང༌། རུས་པའི་རྒྱན་གྱིས་སྤྲས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ས་རོ་རུ་ཧཱ་བཛྲ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཟ་ཉལ་འཆག་སྐུ་མདོག་སྔོ་ལྗང་དགེ་སློང་གི་ཆ་བྱད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ བུ་སུ་ཀུ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ས་ར་ཧ་སྐུ་མདོག་སེར་པོ་བསམ་གཏན་གྱི་ཕྱག་རྒྱ་ཅན། སྐུ་གཟི་བྱིན་དང་ལྡན་ཞིང༌། རུས་པའི་རྒྱན་གྱིས་སྤྲས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཤ་ར་ཧ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་རི་ཁྲོད་

― GTD007_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྐུ་མདོག་དུ་བའི་མདོག་ཅན་རྣལ་འབྱོར་པའི་ཆ་བྱད་ཅན། སྐུ་གཟི་བྱིན་དང་ལྡན་ཞིང༌། རུས་པའི་རྒྱན་གྱིས་སྤྲས་པ། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཤ་པ་རི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་སྒེག་པའི་རྡོ་རྗེ་སྐུ་མདོག་སེར་པོ་རྡོ་རྗེ་དྲིལ་བུའི་ཕྱག་རྒྱ་ཅན། སྐུ་གཟི་བྱིན་དང་ལྡན་ཞིང༌། རུས་པའི་རྒྱན་གྱིས་སྤྲས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ བི་ལ་ས་བཛྲ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་དྷ་རི་ཀ་བ་སྐུ་མདོག་སེར་པོ་རྣལ་འབྱོར་པའི་ཆ་བྱད་ཅན། སྐུ་གཟི་བྱིན་དང་ལྡན་ཞིང༌། རུས་པའི་རྒྱན་གྱིས་སྤྲས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ དྷ་རི་ཀ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཡེ་ཤེས་ཞབས་དགེ་སློང་གི་ཆ་བྱད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཛྙཱ་ན་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཨུ་ཏྟ་ཏ་པ་སྐུ་མདོག་ནག་པོ་རྣལ་འབྱོར་པའི་ཆ་བྱད་ཅན། སྐུ་གཟི་བྱིན་དང་ལྡན་ཞིང༌། རུས་པའི་རྒྱན་གྱིས་སྤྲས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཨུ་ན་མརྡ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཐ་ག་པ་སྐུ་མདོག་སེར་པོ་རྣལ་འབྱོར་པའི་ཆ་བྱད་ཅན། སྐུ་གཟི་བྱིན་དང་ལྡན་ཞིང༌། རུས་པའི་རྒྱན་གྱིས་སྤྲས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཏཱིནྠ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་པདྨ་རྡོ་རྗེ་སྐུ་མདོག་དཀར་ཤམ་ཞབས་གཡས་བརྐྱང༌། གཡོན་ཕྱེད་

― GTD007_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱིལ་ཀྲུང་གར་གྱིས་བཞུགས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ པདྨ་བཛྲཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་དབྱིག་གི་གཉེན་པོ་སྐུ་མདོག་སེར་པོ་དགེ་སློང་གི་ཆ་བྱད་ཅན། ཆོས་ཀྱི་འཁོར་ལོའི་ཕྱག་རྒྱ་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ བ་སུ་བན་དྷུ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཛ་ལན་དྷ་ར་པ་རོ་གཉེར་པ་དང་མཚུངས་པ་གར་ཞབས་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཛ་ལཾ་དྷ་ར་པྲ་པ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཆོས་ཀྱི་གྲགས་པ་སྐུ་མདོག་དམར་སེར་དགེ་སློང་གི་ཆ་བྱད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ དྷརྨཱ་ཀཱིརྟི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་བྷུ་བ་པ་སྐུ་མདོག་སེར་པོ་རྣལ་འབྱོར་པའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ བྷུ་བ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཀ་ཤི་རི་པ་བཞེངས་པ་གུར་ཀུམ་གྱི་མདོག་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཀ་ན་རི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཏོག་རྩེ་པ་སྐུ་མདོག་ལྗང་གུ་རྣལ་འབྱོར་པའི་ཆ་བྱད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ གྷོ་དྷ་ལི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཨིནྡྲ་བོ་དྷི་སྐུ་

― GTD007_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

མདོག་སྔོ་ལྗང་རྒྱལ་པོའི་འགྱིང་བག་གིས་བཞུགས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཨིཾ་དྲ་བྷཱུ་ཏ་ཡེ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་བྷུར་བ་པ་སྐུ་མདོག་དམར་སྨུག་ཉི་མ་སྟོང་ལ་མནན་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ བི་རུ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཀླུའི་བྱང་ཆུབ་སྐུ་མདོག་ནག་པོ་སྤྱི་བོར་ཕྱེད་སྐྲའི་ཕྱག་རྒྱ་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ནཱ་ག་བོ་དྷ་ཡེ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་འོད་མཛད་ཞབས་སྐུ་མདོག་རྫ་གསར་གྱི་མདོག་ཅན་རལ་གྲི་བསྣམས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ པྲ་བྷཱ་ཀ་རཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཡ་ཀ་པ་དྲི་པ་སྐུ་མདོག་སྔོ་ལྗང་རྣལ་འབྱོར་བའི་ཆ་བྱད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ མ་མ་ཀཎྱཱ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཌོམྦྷི་པ་སྐུ་མདོག་དཀར་ཤམ་སྟག་གི་སྨད་སྟེང་ན་གནས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཌོཾ་བྷི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཐོད་པ་ཅན་སྐུ་མདོག་དཀར་ཤམ་རྣལ་འབྱོར་པའི་ཆ་བྱད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཀ་པཱ་ལི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ལྭ་བ་པ་ལྭ་བ་བསྣམས་པ་སྐུ་མདོག་རྫ་གསར་གྱི་མདོག་ལྟ་བུ་རྣལ་འབྱོར་པའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཀམྦ་ལི་པཱ་ཡ་ཧཱུཾ། ཞེས་པའོ། །

― GTD007_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་པའི་དབང་ཕྱུག་ཆེན་པོ་ཏཻ་ལོ་པ་སྐུ་མདོག་ནག་པོ་རྣལ་འབྱོར་བའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཏཻ་ལོ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་མར་མེ་མཛད་སྐུ་མདོག་དཀར་ཤམ་གཞོན་ནུའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ དཱི་པཾ་ཀ་རཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་དགེ་བསྙེན་ཟླ་བ་སྐུ་མདོག་སྔོ་ལྗང་པོ་ཏིའི་ཕྱག་རྒྱ་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཙནྡྲ་གོ་མ་ཡེ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ར་བུ་ཏ་སྐུ་མདོག་ནག་པོ་རྣལ་འབྱོར་པའི་ཆ་བྱད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ བུ་རུ་ཏཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་དགའ་བའི་རྡོ་རྗེ་རྣལ་འབྱོར་པའི་ཆ་བྱད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ར་ཏི་བཛྲ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཀ་དོ་ལ་པ་ཕྱག་སློང་བའི་སྣོད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཀ་ཏོ་ལ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ལྕགས་ལྷམ་མཁན་སྐུ་མདོག་དཀར་པོ་རྣལ་འབྱོར་པའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ བན་དྷི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་པཱ་ག་ལ་པ་སྐུ་མདོག་ནག་པོ་བཞེངས་པ་ཕྱག་ན་བུམ་པ་བསྣམས་པ། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ པཱ་ཀ་ལ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་བ་སུ་བ་དྷ་པ་སྐུ་མདོག་རྫ་གསར་གྱི་མདོག་ཅན་གཡས་པས་རླུང་གཡབ་དང་གཡོན་པས་བུམ་པ་

― GTD007_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣམས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ བ་སུ་བནྔྷ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཙ་བི་ཏྲི་པ་སྐུ་མདོག་གུར་ཀུམ་གྱི་མདོག་ཅན་སྤྱན་འབྱར་ཁྱོམ་དང་རས་བསྣམས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཙ་ར་པ་ཏྲི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་དམ་ཚིག་རྡོ་རྗེ་སྐུ་མདོག་སྔོ་ལྗང་བདུད་རྩི་ཐོད་པ་བསྣམས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ས་མ་ཡ་བཛྲཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཅེ་སྤྱང་ཞབས་སྐུ་མདོག་སེར་པོ་རྣལ་འབྱོར་པའི་ཆ་བྱད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཤྲཱི་གཱ་ལེ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཀརྣ་པ་སྐུ་མདོག་སྔོ་ལྗང་རྣལ་འབྱོར་པའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཀརྞ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་དྷ་མུ་པ་སྐུ་མདོག་ནག་པོ་ཕྱག་ན་རྔ་བསྣམས་པ། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ དྷ་མུ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་དྷཱུ་མ་པ་སྐུ་མདོག་སེར་པོ་བཞེངས་པ་འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ དྷཱུ་མ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཀུ་མ་རི་པ་གཞོན་ནུའི་མདོག་དང་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཀུ་མཱ་ར་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་བཎྡེ་རུས་པའི་རྒྱན་ཅན་ཕྱག་ན་གྲི་

― GTD007_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

གུག་དང་ཐོད་པ་བསྣམས་པ། གར་གྱི་ཞབས་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ བྷ་དེ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཀུ་པ་ཛི་པ་སྐུ་མདོག་གུར་ཀུམ་གྱི་མདོག་ཅན་ཐོད་པ་འཛིན་པ། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཀུ་མཱ་རཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་རིན་ཆེན་མྱུ་གུ་རིན་པོ་ཆེའི་ཕུར་པ་སྔོ་ལྗང༌། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ རཏྣ་ཀུ་ར་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་རལ་གྲི་གྲུབ་པ་སྐུ་མདོག་ནག་པོ་རལ་གྲི་དང་ལྷུང་བཟེད་ཀྱི་ཕྱག་རྒྱ་ཅན། འགྲེང་འདུག །འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཁཌྒ་སིདྡྷ་ཡེ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཌྷ་ས་ཀི་པ་སྐུ་མདོག་རྫ་གསར་གྱི་མདོག་ཅན་རྫ་རྔ་བསྣམས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཌྷ་ས་ཀཱི་པ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཀ་མ་རུ་པཱ་སྐུ་མདོག་དཀར་པོ་གར་གྱི་ཞབས་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཀཱ་མ་རུ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཌན་ཌ་པ་སྐུ་མདོག་སེར་པོ་རྩ་ཕད་བཟུང་བ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཌེན་ཌ་ནཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་སྤྱོད་པ་པ་སྐུ་མདོག་གུར་ཀུམ་གྱི་མདོག་ཅན་འགྲེང་བ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཙཱ་རྱ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཀོ་ལས་མཁན་ལག་ཤ་བཟུང་བ། འཁོར་སྐྱེས་པ་

― GTD007_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ལྷན་ཅིག་པ། སྔགས་ནི། ཨོཾ་ཨཱཿ ཙཱ་མ་ར་ཡེ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཀུན་བཟང་ཞབས་སྐུ་མདོག་གུམ་ཀུམ་གྱི་མདོག་ལྟ་བུ་རྣལ་འབྱོར་པའི་ཆ་བྱད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ སརྦྦཱ་དྷ་ཀཱ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་དྷི་ཀ་པ་རི་སྐུ་མདོག་སེར་པོ་ཐལ་མོ་སྦྱར་བ། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ དི་བར་ཀཱིརྟ་ཡེ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་གཞི་གཏུམ་སྐུ་མདོག་ནག་པོ་རྣལ་འབྱོར་པའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཙ་ར་ཀ་ཡེ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་དགེ་སློང་མདུན་ཕྱོགས་སྐུ་མདོག་རྫ་གསར་གྱི་མདོག་ལྟ་བུ་རྣལ་འབྱོར་པའི་ཆ་བྱད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ སཾ་གྷ་རཀྵི་ཏཱི་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཁྲུས་མཁན་སྐུ་མདོག་གུར་ཀུམ་གྱི་མདོག་ལྟ་བུ་རྣལ་འབྱོར་པའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ དྷོ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་དྷོ་ཀི་དི་པ་སྐུ་མདོག་སེར་པོ་རྣལ་འབྱོར་པའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ དྷ་ཀ་ཧཱི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་བེ་སྣ་པ་སྐུ་མདོག་སྔོ་ལྗང་རྣལ་འབྱོར་པའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ བི་ན་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་

― GTD007_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་དབྱུག་པ་སྐུ་མདོག་སེར་པོ་རྣལ་འབྱོར་པའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ལ་པ་ཧི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཡན་ལག་མེད་པའི་རྡོ་རྗེ་སྐུ་མདོག་སེར་པོ་ཁྲོ་བོའི་ཞབས་མཚན་མ་གྱེན་དུ་འགྲེང་བ་རྡོར་དྲིལ་འཛིན་པ། སྔགས་ནི། ཨོཾ་ཨཱཿ ཨ་ནཾ་ག་བཛྲ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་འཕགས་པ་ལྷ་འགྲེང་བ་དགེ་སློང་གི་ཆ་བྱད་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཨཱརྱ་དེ་བཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ལ་བ་པ་སྐུ་མདོག་གུར་ཀུམ་གྱི་མདོག་ཅན་མཉམ་གཞག་མཛད་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཀམྤ་ལཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཐ་ག་མཁན་སྐུ་མདོག་དཀར་ཤམ་འཁྲིལ་བ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཛ་བ་རི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཤ་རི་པ་སྐུ་མདོག་ནག་པོ་འགྲེང་བ་མདའ་གཞུ་འཛིན་པ། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཤ་ར་ཧ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་དཔལ་འཛིན་ཆོས་ཀྱི་འཁོར་ལོའི་ཕྱག་རྒྱ་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཤྲཱི་དྷཱ་རཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཙ་ར་ལི་པ་སྐུ་མདོག་གུར་ཀུམ་གྱི་མདོག་ཅན་བཞེངས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཙསྟྲ་ལ་ཡེ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཀོ་ཀི་ལི་པ་སྐུ་མདོག་རྫ་གསར་གྱི་མདོག་ཅན་བཞེངས་པ། འཁོར་བུད་མེད་དང་ལྷན་ཅིག་པ། སྔགས་ནི།

― GTD007_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་ཨཱཿ ཀོ་ཀི་ལཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་དྲིལ་བུ་པ་སྐུ་མདོག་གུར་ཀུམ་གྱི་མདོག་ཅན་རྡོར་དྲིལ་འཛིན་པ། ཞབས་གཡས་བརྐྱངས་གཡོན་བསྐུམ་བཞེངས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ གྷཎྜ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ནཱ་རོ་པ་སྐུ་མདོག་སྔོ་ལྗང་རྣལ་འབྱོར་པའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ནཱ་རོ་བཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཁྱི་མོ་ཅན་མི་གཡོ་མདོག་ཅན་བཞེངས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཀུཀྐུ་རི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་རིན་འབྱུང་ཞི་བ་སྐུ་མདོག་སེར་པོ་དགེ་སློང་གི་ཆ་བྱད་ཅན། པོ་ཏི་འཛིན་པ། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ རཏྣ་ཀ་ར་ཤཱནྟ་ཡེ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་སྐ་ར་ལི་པ་སྐུ་མདོག་སེར་པོ་བུམ་པ་འཛིན་པ་གར་གྱི་ཞབས་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཀ་ར་བྷ་ལ་ཡེ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཁ་མཁན་སྐུ་མདོག་སེར་པོ་རྡོར་དྲིལ་འཛིན་པ། གློག་ལ་སྡིགས་མཛུབ་བྱེད་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཏེ་ལོ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཁབ་ཏ་རི་པ་སྐུ་མདོག་མེ་ཏོག་ཀུ་སུ་མའི་མདོག་ཅན་བྱའི་ཚོགས་སྤྲོ་བ། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཁཎྜཱ་རི་བཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་གཡུང་པོ་སྐུ་མདོག་མེའི་མདོག་ཅན་གཡས་

― GTD007_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཐོ་བ་འབར་བ་ཐོགས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ མ་ཏཾ་ག་ཡེ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་བྱི་བ་ཅན་སྐུ་མདོག་མེ་ལོའི་མདོག་ལྟ་བུ་རྣལ་འབྱོར་པའི་ཆ་བྱད་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ བིར་ལི་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཀ་ན་པ་རྣལ་འབྱོར་མ་སྐུ་མདོག་སེར་པོ་ཀར་ཆག་དང་ཐོད་པ་འཛིན་པ། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ཀ་ལ་བ་ན་ཛོ་ཡེ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་རྣལ་འབྱོར་མ་མེ་ཁ་ལ་སྐུ་མདོག་མེའི་མདོག་ཅན་རྡོར་དྲིལ་འཛིན་པས་ཕྱག་སྐེད་པར་གནས་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ མེ་ཁ་ལ་ཛོ་ཡི་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་རྣལ་འབྱོར་མ་གྲུབ་པ་ཅན་དཔལ་མོ་སྐུ་མདོག་སྔོ་སངས་ཞབས་གཡས་བསྐུམ་གཡོན་བརྐྱངས་པ་མེ་རོ་ལ་གནས་པ་རྡོར་དྲིལ་འཛིན་པ། རིག་མ་ལ་འཁྱུད་པ། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ལཀྵ་མཱི་སིདྡྷི་ཛོ་ཡི་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ནི་ལོ་པ་སྐུ་མདོག་སྔོན་པོ་རོལ་པའི་ཕྱག་རྒྱ་ཅན། འཁོར་སྐྱེས་པ་དང་ལྷན་ཅིག་པ། སྔགས་ནི། ཨོཾ་ཨཱཿ ནི་ལོ་པཱ་ཡ་ཧཱུཾ། ཞེས་པའོ། །གྲུབ་པའི་དབང་ཕྱུག་ཆེན་པོ་ཡེ་ཤེས་མྱུ་གུ་སྐུ་མདོག་དཀར་པོ་མི་འཇིགས་པའི་ཕྱག་རྒྱ་ཅན། འཁོར་བུད་མེད་དང་ལྷན་ཅིག་པ། སྔགས་ནི། ཨོཾ་ཨཱཿ ཛྙཱ་ནྱཱ་ཀུར་བཱ་ཡ་ཧཱུཾ། ཞེས་པའོ། །བདག་བསྐྱེད་གྲུབ་ཐོབ་སོ་སོར་བྱས་ཀྱང་རུང་ལ། བདག་བསྐྱེད་རྡོ་རྗེ་འཆང་གཅིག་པུར་བྱས་ཏེ། དེའི་སྒོ་ནས་མདུན་བསྐྱེད་སོ་སོར་བསྒྲུབས་ཀྱང་རུང་ངོ༌། །རྗེས་གནང་དངོས་གཞི་ནི། སློབ་

― GTD007_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

མས་མཎྜལ་ཕུལ། གང་གི་དྲིན་གྱིས་ཞེས་སོགས་དང༌། བླ་མ་རིན་པོ་ཆེ་བདག་ལ་གྲུབ་ཆེན་རྣམས་ཀྱི་དབང་བཞིའི་བྱིན་རླབས་སྩལ་ཏུ་གསོལ། ཞེས་པ་ལན་གསུམ་གྱིས་གསོལ་བ་གདབ། སྡོམ་བཟུང་གི་དམིགས་རྣམས་བརྡ་སྤྲད་དེ། དཀོན་མཆོག་གསུམ་ལ་བདག་སྐྱབས་མཆི། །ཞེས་སོགས་ཀྱིས་བྱང་སྡོམ་དང༌། སངས་རྒྱས་བྱང་ཆུབ་སེམས་དཔའ་ཀུན། །ཞེས་སོགས་ཀྱིས་རིགས་ལྔའི་སྡོམ་པ་བཟུང༌། མདུན་བསྐྱེད་བསྒྲུབས་ཟིན་པ་དེ་ཉིད་ཡང་བསྐྱར་གྱིས་གསལ་འདེབས་པར་གསུངས་པས། མདུན་གྱི་ནམ་མཁར་པད་ཟླ་ཉི་མའི་གདན་ལ་ཨོཾ་ཨཱཿ ཧཱུཾ་ཡོངས་སུ་གྱུར་པ་ལས། རྡོ་རྗེ་འཆང་སྐུ་མདོག་སྔོན་པོ་ཞེས་པ་ནས། ཐུགས་ཀར་ཧཱུཾ། ཐུགས་ཀའི་ཧཱུཾ་གི་འོད་ཟེར་གྱིས་རང་འདྲའི་ཡེ་ཤེས་པ་སྤྱན་དྲངས། གཉིས་སུ་མེད་པར་གྱུར། མཆོད་པ་དང་ནང་མཆོད་གོང་བཞིན་འབུལ། མདུན་བསྐྱེད་ཀྱི་ལྷ་ལ་གདུང་ཤུགས་དྲག་པོས་གསོལ་བ་བཏབ་པས། དེའི་སྨིན་མཚམས་ནས་ཨོཾ་ཡིག་དཀར་པོ་ཞིག་བྱུང༌། སློབ་མ་རྣམས་ཀྱི་སྨིན་མཚམས་ནས་ཕར་ཐིམ་པས། ལུས་ཐམས་ཅད་ཨོཾ་ཡིག་དཀར་པོ་སྐྱ་མེར་གྱིས་གང་ཞིང་བུམ་པའི་དབང་ཐོབ། ལུས་ཀྱི་དྲི་མ་དག །སྐུའི་བྱིན་རླབས་ཞུགས། སྐུ་རྡོ་རྗེ་འཆང་གི་གོ་འཕང་ལ་བཀོད་བྱུང་སྙམ་པའི་མོས་པ་མཛོད་ལ་མཚན་སྔགས་བཟླ། གསུང་དང་ཐུགས་ཀྱི་རྗེས་གནང་སོ་སོར་ཡང་མཆོད་པ་འབུལ་བར་བཤད་ཀྱང༌། འཇུག་པ་བདེ་བའི་ཕྱིར་མཆོད་པ་དང་པོས་ཆོག་པ་བྱས་ལ། གསུང་གི་རྗེས་གནང་གི་དོན་དུ་གུས་འདུད་བྱས་ལ། ཨཱཿ ཡིག་དམར་པོ་ཞིག་བྱུང༌། སློབ་མ་རྣམས་ཀྱི་མགྲིན་པ་ནས་ཕར་ཐིམ་པས་ལུས་ཐམས་ཅད་ཨཱཿ དམར་པོས་མེར་གྱིས་གང༌། གསང་བའི་དབང་ཐོབ་ཅིང་ངག་གི་དྲི་

― GTD007_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

མ་དག །གསུང་གི་བྱིན་རླབས་ཞུགས། གསུང་རྡོ་རྗེ་འཆང་གི་གོ་འཕང་ལ་བཀོད། དེ་བཞིན་དུ། ཐུགས་ཀ་ནས་ཧཱུཾ་ཡིག་སྔོན་པོ་ཞིག་བྱུང༌། སློབ་མའི་སྙིང་ག་ནས་ཕར་ཐིམ་པས། སློབ་མའི་ལུས་ཐམས་ཅད་ཧཱུཾ་ཡིག་སྔོན་པོས་མེར་གྱིས་གང༌། ཤེས་རབ་ཡེ་ཤེས་ཀྱི་དབང་ཐོབ་ཅིང་ཡིད་ཀྱི་དྲི་མ་དག །ཐུགས་ཀྱི་བྱིན་རླབས་ཞུགས། ཐུགས་རྡོ་རྗེ་འཆང་གི་གོ་འཕང་ལ་བཀོད། དཔྲལ་མགྲིན་ཐུགས་ཀ་ནས་ཨོཾ་ཨཱཿ ཧཱུཾ་གི་ཡི་གེ་གསུམ་བྱུང༌། སློབ་མའི་གནས་གསུམ་ནས་ཕར་ཐིམ་པས། ལུས་ཐམས་ཅད་འབྲུ་གསུམ་འོད་ཟེར་སྣ་ལྔ་དང་བཅས་པས་མེར་གྱིས་གང༌། དབང་བཞི་པ་ཐོབ་ཅིང༌། སྒོ་གསུམ་གྱི་དྲི་མ་བག་ཆགས་དང་བཅས་པ་དག །སྐུ་གསུང་ཐུགས་གསུམ་ཆར་གྱི་བྱིན་རླབས་ཐམས་ཅད་ཞུགས། ཟུང་འཇུག་རྡོ་རྗེ་འཆང་གི་གོ་འཕང་ལ་བཀོད་བྱུང་སྙམ་པའི་མོས་པ་བྱེད་དུ་གཞུག །དེ་ནས། བླ་མའི་ཐུགས་ཀའི་སྔགས་ཕྲེང་ལས་སྔགས་ཕྲེང་གཉིས་པ་ཞིག་བྱུང་སྟེ་ཞལ་ནས་ཐོན། སློབ་མའི་ཁ་ནས་ཞུགས། སྙིང་གར་འཁོད་པའི་དམིགས་པ་དང་བཅས་ཨོཾ་ཨཱཿ བཛྲ་དྷཱ་རཱ་ཡ་ཧཱུཾ་ཞེས་པས་མཚོན། དེ་དང་དེའི་སྔགས་ཀྱི་རྗེས་ཟློས་ལན་གསུམ་དང༌། བཅོམ་ལྡན་བདག་ལ་སྩལ་ལགས་ཀྱི། །བདག་ལ་འགོ་བར་མཛད་དུ་གསོལ། །ཞེས་པའང་ལན་གསུམ་རྗེས་ཟློས་བྱ། བླ་མས་མེ་ཏོག་འཐོར་ཞིང། བཅོམ་ལྡན་འདི་ལ་སྩལ་ལགས་ཀྱི། །འདི་ལ་འགོ་བར་མཛད་དུ་གསོལ། །ཞེས་བརྗོད། སློབ་མས་གཏང་རག་གི་མཎྜལ་ཕུལ་ཞིང༌། བླ་མས་མཆོད་བསྟོད་ཉེར་བསྡུ་སོགས་དཀྱུས་བཞིན་བྱ། རྗེས་གནང་རྫོགས་པར་གྲུབ་པའི་མཇུག་ཏུ་ཚོགས་འཁོར་ཡང་བྱས་ན་ལེགས་སོ། །ཞེས་པ་འདི་ནི་མདོ་སྔགས་

― GTD007_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་འབྱམས་ཀྱི་དགོངས་དོན་དཔྱིས་ཕྱིན་པར་ཐུགས་སུ་ཆུད་པའི་ཐེག་པ་མཆོག་གི་དགེ་བའི་བཤེས་གཉེན་ཆེན་པོ་ཨེ་ཝཾ་ཆོས་འཁོར་གླིང་གི་སློབ་ཟུར་དཀོན་མཆོག་དར་རྒྱས་པའི་ཞལ་སྔ་ནས་ཀྱིས་འདི་ལྟ་བུའི་ལག་ཏུ་བླང་བདེ་བ་ཞིག་དགོས་ཞེས་གསོལ་བ་ཡང་ཡང་བཏབ་པའི་ངོར། གྲུབ་ཆེན་དེ་དག་དང་མི་གཉིས་པའི་རྗེ་བཙུན་བླ་མ་རྡོ་རྗེ་འཆང་དཀོན་མཆོག་བསྟན་པའི་སྒྲོན་མེ་དཔལ་བཟང་པོའི་ཞལ་སྔ་ནས་ཀྱིས་བཀའ་སྩལ་པའི་ཡི་གེ་པའང་དེ་དག་སོ་སོའི་བྱིན་རླབས་རྗེས་གནང་གི་རིམ་པ་ལེགས་པར་མནོས་པ་བྷུ་སུ་ཀུ་རཏྣ་ཨཱ་ནནྟས་བགྱིས་པའོ།། །།

སེང་ལྡེང་ནགས་སྒྲོལ་གྱི་སྒྲུབ་ཐབས་བྱིན་རླབས་དགའ་སྟོན།

― GTD007_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

སེང་ལྡེང་ནགས་སྒྲོལ་གྱི་སྒྲུབ་ཐབས་བྱིན་རླབས་དགའ་སྟོན་ཞེས་བྱ་བ་བཞུགས་སོ།།

― GTD007_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

བདེར་གཤེགས་བྱ་གྲུབ་ཡེ་ཤེས་འཕྲིན་ལས་ཀྱི། །གདུགས་དཀར་འཇིགས་པ་བརྒྱད་སོགས་གདུང་སྐྱོབ་པར། །འཕགས་མ་ཏཱ་རེའི་མཚན་གསོལ་རྒྱལ་བའི་ཡུམ། །བཅོམ་ལྡན་འདས་མ་ཐུགས་རྗེའི་གཏེར་ལ་འདུད། །གང་གི་སྒྲུབ་ཐབས་མཁའ་ལ་འཕུར་འགྲོའི་གྲངས། །མ་ལུས་གཞན་ཕན་དཀར་བའི་འོད་ལྡན་ཡང༌། །དེང་འདིར་ཐུགས་རྗེ་བསྐུལ་བའི་མན་ངག་གནད། །རབ་གསལ་པ་སངས་སྣང་བ་འགོད་ལ་སྤྲོ།། དེ་ཡང་རྗེ་བཙུན་མ་སྒྲོལ་མའི་ལྷ་ཚོགས་ཇི་སྙེད་པ་ཀུན་གྱི་རྩ་བ་ལྟ་བུ་སེང་ལྡེང་ནགས་ཀྱི་སྒྲོལ་མའི་བསྒོམ་བཟླས་ཉམས་སུ་ལེན་པར་འདོད་པའི་གང་ཟག་གིས། ཡིད་དང་མཐུན་པའི་གནས་སུ་སྒྲོལ་མ་ཉེར་གཅིག་གམ་གཙོ་འཁོར་གསུམ་པའམ་གཙོ་རྐྱང་གི་སྐུ་དང༌། གཞན་ཡང་འོད་དཔག་མེད་སྤྱན་རས་གཟིགས་སོགས་ཀྱི་སྐུ་བྲིས་འབུར་ཅི་རིགས་ཀྱི་མཚོན་པའི་སྐུ་གསུང་ཐུགས་ཀྱི་རྟེན་བཀྲམ། གཙང་ཞིང་གྱ་ནོམ་པའི་མཆོད་པ་ལེགས་པར་བཤམས་ཏེ། སྤྱོད་ལམ་ཚུལ་དང་མཐུན་པར་འཁོད། སེམས་རྣལ་དུ་ཕབ་ནས་རང་གི་མདུན་དུ་དཀོན་མཆོག་རིན་པོ་ཆེ་རྣམ་པ་གསུམ་གྱིས་བསྡུས་པའི་སྐྱབས་ཡུལ་ནམ་མཁའ་གང་བ་དང༌། མཐའ་སྐོར་དུ་ཕ་མ་རིགས་དྲུག་གི་སེམས་ཅན་ཐམས་ཅད་སྨུག་ཤིག་གེ་འཁོད་པར་བསམ་ལ། སྐྱབས་འགྲོ་བཞི་སྐོར། མཇུག་ཏུ། བཅོམ་ལྡན་འདས་མ་འཕགས་མ་སྒྲོལ་མའི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་མཆིའོ། །ཞེས་སྦྱར་བའི་སྐྱབས་འགྲོ་སངས་རྒྱས་ཆོས་ཚོགས་མ་ལན་གསུམ་གྱིས་སེམས་བསྐྱེད། ཁྱད་པར་མ་སེམས་ཅན་ཐམས་ཅད་འཁོར་བ་སྤྱི་དང་བྱེ་བྲག་གི་སྡུག་

― GTD007_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔལ་དང་འཇིགས་པ་མ་ལུས་པ་ལས་སྐྱོབ་བའི་ཕྱིར་དུ་འཕགས་མ་སྒྲོལ་མའི་གོ་འཕང་མྱུར་བ་མྱུར་བར་མངོན་དུ་བྱ། དེའི་ཕྱིར་དུ་འཕགས་མའི་བསྒོམ་བཟླས་ཉམས་སུ་བླང་བར་བྱའོ་ཞེས་ཁྱད་པར་གྱིས་སེམས་བསྐྱེད་བྱ། སྐྱབས་ཡུལ་མཐའ་དག་རིམ་གྱིས་བསྡུས་ཏེ་བླ་མ་དང་དབྱེར་མེད་པའི་མགོན་པོ་ཚེ་དཔག་མེད་རིགས་ཀྱི་བདག་པོར་བཞུགས་པའི་རྗེ་བཙུན་མ་སེང་ལྡེང་ནགས་ཀྱི་སྒྲོལ་མ་སྒྲོལ་མ་ཉེར་གཅིག་གིས་བསྐོར་བའི་ལྷ་ཚོགས་ཀྱི་རྣམ་པ་གསལ་བར་གྱུར། གང་གི་ཞབས་སེན་སྙིང་ལ་འགྲོགས་པ་ཡིས། །འཆི་མེད་ཚེ་དང་མཆོག་གི་དཔལ་སྟེར་བ། །བླ་མ་རྒྱལ་བ་ཚེ་དཔག་མེད་མགོན་ལ། །སྒོ་གསུམ་གུས་པ་ཆེན་པོས་ཕྱག་འཚལ་ལོ། །སྣང་བ་མཐའ་ཡས་ཐུགས་རྗེའི་གངས་རི་ལས། །ལེགས་འོང་འཕྲིན་ལས་རྣམ་བཞིའི་རླབས་ཕྲེང་གཡོ། །མ་ལུས་འགྲོ་བའི་གདུང་སེལ་བཅོམ་ལྡན་མ། །འཕགས་མ་སྒྲོལ་མའི་ཞབས་ལ་ཕྱག་འཚལ་ལོ། །སྟོང་གསུམ་ཀུན་ཁྱབ་ཡིད་འོང་མཆོད་པའི་ཚོགས། །མ་ལུས་ཞུམ་མེད་བློ་ཡིས་བླངས་ཏེ་འབུལ། །བཟོད་དཀའ་སྡུག་བསྔལ་བསྐྱེད་པའི་སྡིག་ལྟུང་ཚོགས། །སྙིང་ལ་གནས་ཀུན་འགྱོད་པ་དྲག་པོས་བཤགས། །དམ་པའི་མཛད་པ་ཀུན་ལ་རྗེས་ཡི་རང༌། །ད་དུང་བདག་སོགས་མགོན་དུ་རྟག་བཞུགས་ནས། །ཆོས་འཁོར་རྒྱ་ཆེར་བསྐོར་ཕྱིར་གསོལ་བ་འདེབས། །དགེ་ཚོགས་

― GTD007_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཀྱང་བྱང་ཆུབ་ཆེན་པོར་བསྔོ། །ཞེས་ཡན་ལག་བདུན་པ་དང༌། ས་གཞི་སྤོས་བྱུགས་མས་མཎྜལ་དབུལ། སེམས་ཅན་ཐམས་ཅད་བདེ་བ་དང་ཞེས་སོགས་ཀྱིས་ཚད་མེད་བཞི་བསྒོམ། ཚོགས་ཞིང་རྣམས་ཀྱི་སྐུ་ལས་འོད་ཟེར་འཕྲོས། རང་དང་སྣོད་བཅུད་ཐམས་ཅད་ལ་ཕོག་པས། མ་དག་པའི་ཉེས་པ་སྦྱང༌། འོད་གསལ་སྟོང་པ་ཉིད་དུ་གྱུར། སྟོང་པའི་ངང་ལས་པཾ་ལས་པདྨ་དང༌། ཨ་ལས་ཟླ་བའི་དཀྱིལ་འཁོར་ཉ་ཡོངས་སུ་གང་བ། དེའི་སྟེང་དུ་རང་གི་སེམས་ཉིད་ཏཱཾ་ཡིག་སྔོན་པོ། དེ་ཡོངས་སུ་གྱུར་པ་ལས་ཨུཏྤལ་ལ་སྔོན་པོ་ལྟེ་བར་ཏཱཾ་ཡིག་གིས་མཚན་པ། དེ་ལས་འོད་ཟེར་འཕྲོས། སེམས་ཅན་ཐམས་ཅད་འཇིགས་པ་ཆེན་པོ་བརྒྱད་ལ་སོགས་པའི་སྡུག་བསྔལ་མཐའ་དག་ལས་སྐྱབས། ལས་ཉོན་སྡིག་སྒྲིབ་བག་ཆགས་དང་བཅས་པ་སྦྱང་སྟེ་འཕགས་མའི་གོ་འཕང་ལ་བཀོད། རྒྱལ་བ་སྲས་བཅས་ལ་མཉེས་པའི་མཆོད་པ་ཕུལ། དེ་ཐམས་ཅད་ཀྱི་སྐུ་གསུང་ཐུགས་ཀྱི་འཕྲིན་ལས་དང་བྱིན་རླབས་ནུས་མཐུ་མཐའ་དག་བསྡུས་ཏེ་ཕྱག་མཚན་ས་བོན་དང་བཅས་པ་ལ་ཐིམ། དེ་རྣམས་ཡོངས་སུ་གྱུར་པ་ལས་རང་ཉིད་བཅོམ་ལྡན་འདས་མ་སེང་ལྡེང་ནགས་ཀྱི་སྒྲོལ་མ་སྐུ་མདོག་ལྗང་སྔོན་མརྒད་གཞོན་ནུའི་མདོག་ཅན་ཞལ་གཅིག་ཕྱག་གཉིས་མ། ཞལ་གྱི་དཀྱིལ་འཁོར་རབ་ཏུ་རྒྱས་ཤིང་འོད་ཟེར་འཕྲོ་བ། གནག་ལ་སྣུམ་པའི་སྨིན་ཚུགས་རིང་པོ་ཅན། ཨུཏྤལ་མཐིང་གའི་འདབ་མ་ལྟ་བུ་རབ་ཏུ་རྒྱས་པའི་སྤྱན་ཟུང་འཛུམ་པའི་ཉམས་ཀྱིས་གཟིགས་ཤིང༌། མཆུ་སྒྲོས་བིམ་པའི་མདོག་ལྟར་དམར་བ། སྐུའི་ཡན་ལག་ཐམས་

― GTD007_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་རབ་ཏུ་རྒྱས་ལ་འཇམ་ཞིང་གཞོན་ཤ་ཅན། རྐེད་སྐབས་ཕྲ་ཞིང་ཟག་མེད་ཀྱི་བདེ་བ་སྟེར་བའི་ནུ་འབུར་ཟུང་གིས་མཛེས་པ། ལྕུག་ཕྲག་གསར་པའི་ཡལ་ག་བཞིན་དུ་འགྲིལ་ཞིང་མཉེན་པའི་ཕྱག་གཡས་པུས་མོས་སྟེང་དུ་བརྐྱངས་ཏེ་མཆོག་སྦྱིན་དང། གཡོན་དཀོན་མཆོག་གསུམ་མཚོན་གྱི་ཕྱག་རྒྱ་མཛད་དེ། ཕྱག་གཉིས་ཀས་ཨུཏྤལ་སྔོན་པོ་རེ་རེ་བཟུང་བའི་འདབ་མ་སྙན་གྱི་ཐད་ཀར་ཁ་ཕྱེ་བ། སྐུ་སྟོད་ལ་སྲབ་འཇམ་རེག་ན་བདེ་བའི་ལྷའི་གོས་ཀྱི་སྟོད་གཡོགས་དང༌། སྐུ་སྨད་ལ་འཇའ་ཚོན་ལྟར་བཀྲ་བའི་དར་སྣ་ཚོགས་ཀྱི་སྨད་གཡོགས་ཅན། ཞབས་གཡས་ཅུང་ཟད་བརྐྱང་ཞིང་གཡོན་བསྐུམ་པ་སྐྱིལ་ཀྲུང་ཕྱེད་པའི་སྟབས་ཀྱིས་བཞུགས་པ། རིན་པོ་ཆེའི་དབུ་རྒྱན། སྙན་རྒྱན། མགུལ་རྒྱན། ཕྱག་གདུབ། ཞབས་གདུབ། དོ་ཤལ་ལ་སོགས་པའི་རྒྱན་སྣ་ཚོགས་ཀྱིས་མཛེས་པར་བྱས་པ། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀ་ཧཱུཾ། ཐུགས་ཀའི་ཧཱུཾ་ལས་འོད་ཟེར་འཕྲོས། གཡུ་ལོ་བཀོད་པའི་ཞིང་ཁམས་ནས་རྗེ་བཙུན་མ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུཾ་ལས་འོད་ཟེར་འཕྲོས། དབང་གི་ལྷ་རྣམས་སྤྱན་དྲངས། ཁྱེད་རྣམས་ཀྱིས་བདག་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། ཡེ་ཤེས་ཀྱི་བདུད་རྩིའི་ཆུས་དབང་བསྐུར། ལུས་གང༌། དྲི་མ་དག་ཆུའི་ལྷག་མ་ཡར་ལུད་པ་ལས་བླ་མ་དང་གཉིས་སུ་མེད་པའི་མགོན་པོ་ཚེ་དཔག་

― GTD007_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཀྱིས་དབུ་བརྒྱན་པར་གྱུར། མཆོད་པ་བྱ་རྒྱུད་ལྟར་བྱིན་གྱིས་བརླབས་ལ། རྒྱལ་བ་རྒྱ་མཚོའི་༝གསོལ། ཨོཾ་ཨཱརྱ་ཏཱ་རེ་ཨརྒྷཾ་པྲ་ཏཱིཙྪ་སྭཱཧཱ། ནས་ཤཔྟའི་བར་གྱིས་མཆོད། ནམ་མཁའི་མཐས་གཏུག་རྒྱལ་བ་ཀུན་གྱི་ཡུམ། །ནམ་མཁའི་མཐས་གཏུག་འགྲོ་བ་ཀུན་གྱི་སྐྱབས། །ནམ་མཁའི་མཐས་གཏུག་འཕྲིན་ལས་རྒྱུན་མི་འཆད། །དཔག་ཡས་ཡོན་ཏན་ཕུང་པོ་ཁྱོད་ལ་འདུད། །དངོས་ཀུན་མངོན་པར་འདུ་བྱེད་མ་དམིགས་པས། །འབད་དང་རྩོལ་བའི་མཚན་མ་དང་བྲལ་ཡང༌། །དཔག་བསམ་ཤིང་བཞིན་འདོད་པ་ཀུན་འཇོ་བ། །རྒྱལ་ཀུན་འཕྲིན་ལས་ལྷ་མོ་ཁྱོད་ལ་འདུད། །རིང་ནས་འགྲོ་ལ་ཕན་དགོངས་བྱ་བའི་ཁུར། །ཡོངས་སུ་གྲུབ་པའི་ཡེ་ཤེས་ངོ་བོ་ཉིད། །བདེ་གཤེགས་དོན་ཡོད་གྲུབ་པའི་རིགས་ཀྱི་ཡུམ། །རྗེ་བཙུན་སྒྲོལ་མའི་ཞབས་ལ་ཕྱག་འཚལ་ལོ། །འཁོར་འདས་ཀུན་བྱེད་སེམས་རྟ་རླུང་གི་ཁམས། །ཡོངས་དག་བཏང་སྙོམས་ཆེན་པོར་རྣལ་གནས་པས། །ཆགས་སྡང་གཡོ་བའི་སྐྱོན་ལས་རིང་དུ་འདས། །བཅོམ་ལྡན་འདས་མའི་ཞབས་ལ་ཕྱག་འཚལ་ལོ། །ཕྲ་རགས་ཉེས་པའི་ཚང་ཚིང་ལས་བརྒལ་ཏེ། །སྐལ་བཟང་སྐྱེ་བོ་སྲིད་ཞིའི་འཇིགས་ལས་བསྒྲལ། །ཕྱི་མའི་མཐར་ཡང་མཁའ་མཉམ་ལུས་ཅན་ཀུན། །སྒྲོལ་མཛད་སྒྲོལ་མ་ཡུམ་ལ་ཕྱག་འཚལ་ལོ། །དུག་གསུམ་ཀུན་སྦྱོར་འཆིང་བའི་འཇིགས་པ་དང༌། །མི་དང་མི་མིན་འབྱུང་བའི་འཇིགས་པ་སོགས། །ཕྱི་ནང་ཉེར་འཚེ་ཀུན་ལས་སྐྱོབ་མཛད་པས། །སྐྱབས་ཀྱི་མཆོག་གྱུར་ཁྱོད་ལ་ཕྱག་འཚལ་ལོ། །ཚེ་ཡི་མཆོག་སྦྱིན་བླ་མ་འོད་དཔག་མེད། །སྙིང་

― GTD007_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའི་གཏེར་ཆེན་མགོན་པོ་སྤྱན་རས་གཟིགས། །འཇིགས་པ་མཐའ་དག་སེལ་མཛད་བཅོམ་ལྡན་མ། །རྣམ་གསུམ་དབྱེར་མེད་ཞབས་ལ་ཕྱག་འཚལ་ལོ། །དུས་མིན་འཆི་བའི་འཇིགས་པ་ཀུན་བསལ་ཏེ། །ཕུལ་བྱུང་ཚེ་ཡི་དངོས་གྲུབ་སྩལ་དུ་གསོལ། །འདི་ནས་འཕོས་ཚེ་བདེ་ལྡན་ཞིང་མཆོག་ཏུ། །འོད་དཔག་མེད་པས་རྗེས་སུ་འཛིན་པར་ཤོག །ཤིན་ཏུ་གདུལ་དཀའ་མི་བསྲུན་གདུག་པའི་སེམས། །ཐུགས་རྗེ་བྱིན་རླབས་ཆུ་ཡིས་བརླན་པར་མཛོད། །ཚེ་རབས་ཕྲེང་བར་མ་ཞུམ་སྙིང་སྟོབས་ཀྱིས། །རྒྱལ་སྲས་སྤྱོད་ལ་ཚུལ་བཞིན་སློབ་པར་ཤོག །དམ་ཆོས་བསྒྲུབ་ལ་བར་དུ་གཅོད་པ་ཡི། །ཕྱི་ནང་ཉེར་འཚེ་ཀུན་ལས་བསྐྱབ་ཏུ་གསོལ། །ནམ་མཁའ་ཇི་སྲིད་ཐབས་མཁས་སྤྱོད་པ་ཡིས། །འགྲོ་བའི་དབུགས་འབྱིན་ཆེན་པོར་བདག་གྱུར་ཅིག །ཅེས་པས་བསྟོད། རིགས་བདག་དང་མདུན་གྱི་ཚེ་དཔག་མེད་གཉིས་ཀའི་ཐུགས་ཀའི་ས་བོན་སྔགས་ཕྲེང་དང་བཅས་པ་ལས་འོད་ཟེར་འཕྲོས། འཁོར་འདས་ཀྱི་ཚེ་བཅུད་ཐམས་ཅད་བསྡུས། རིགས་བདག་ཚེ་དཔག་མེད་ཀྱི་ཕྱག་གི་བུམ་པར་ཐིམ། དེ་ལས་བདུད་རྩིའི་རྒྱུན་བབ། སྤྱི་བོ་ནས་ཞུགས། འཆི་མེད་ཚེའི་དངོས་གྲུབ་ཐོབ་པར་བསམ་ལ། ཚེ་གཟུངས་བཟླ། དེ་ནས་རང་གི་སྙིང་གར་ཟླ་བ་ལ་ཏཱཾ་ཡིག་གི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོས། རྒྱལ་བ་སྲས་བཅས་ཀྱི་བྱིན་རླབས་ཐམས་ཅད་བསྡུས་ཏེ་ཐིམ་པར་བསམ་ཞིང༌། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱཧཱ། ཞེས་ཡི་གེ་བཅུ་པ་ཅི་འགྲུབ་བཟླ། གཏོར་མ་བྱ་རྒྱུད་ལྟར་བྱིན་གྱིས་བརླབས་ཏེ། མདུན་གྱི་

― GTD007_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་ཚོགས་ལ་དབུལ། བདག་བསྐྱེད་ཀྱི་ཡེ་ཤེས་པ་མདུན་བསྐྱེད་ལ་བསྟིམ། རང་ཐ་མལ་གྱི་རྣམ་པར་གནས་ཤིང༌། མདུན་གྱི་གཙོ་མོའི་ཕྱག་གཡས་མཆོག་སྦྱིན་དུ་གནས་པ་དེ་ཉིད་སྐྱབས་སྦྱིན་དུ་བསྒྱུར་བའི་འོག་ཏུ་ཆུད་པར་བསམ་ལ། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །ཁྱོད་མིན་སྐྱབས་གཞན་མེད་དོ་བརྩེ་བས་དགོངས། །ནད་རིམས་གདོན་བགེགས་བྱད་ཕུར་ཁ་སྨྲས་དང༌། །དབུལ་ཕོངས་རྨི་ལམ་མཚན་ལྟས་ངན་པ་སོགས། །ཕྱི་དང་ནང་གི་ཉེར་འཚེ་རྒུད་པའི་རིགས། །མ་ལུས་མྱུར་དུ་ཞི་བར་བྱིན་གྱིས་རློབས། །བསླབ་གསུམ་ཉམས་ལེན་རྣམ་དག་ཤེས་རབ་དང༌། །མཚན་ལྡན་བཤེས་གཉེན་དམ་ཆོས་སྒྲུབ་པའི་གྲོགས། །ཚེ་དང་བསོད་ནམས་སྙན་པའི་གྲགས་པ་སོགས། །མཐུན་རྐྱེན་ཡིད་བཞིན་འགྲུབ་པར་བྱིན་གྱིས་རློབས། །ཞེས་གསོལ་བ་འདེབས། སྒྲོལ་མ་ཉེར་གཅིག་པོ་སོ་སོའི་ཞབས་ལ་འཇུས་ཏེ་གསོལ་བ་བཏབ་པས། རང་རང་གི་ཕྱག་གཡས་པའི་མཐིལ་གྱི་བུམ་པ་ལས་བདུད་རྩིའི་རྒྱུན་བབ། དེ་དང་དེའི་ཐུན་མོང་མ་ཡིན་པའི་དངོས་གྲུབ་རྣམས་ཐོབ་པར་བསམ་ལ། སྒྲོལ་བསྟོད་ཅི་འགྲུབ་འདོན། མཇུག་ཏུ། རྗེ་བཙུན་འཕགས་མ་སྒྲོལ་མ་དང༌། །ནས་དཔལ་དུ་བདག་གྱུར་ཅིག །ཅེས་ཡན་ལག་བདུན་པ་དབུལ། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །བདག་དང་མཐའ་ཡས་སེམས་ཅན་ཐམས་ཅད་ཀྱི། །ཞེས་སོགས་ཀྱིས་སླར་ཡང་གསོལ་བ་བཏབ་པས་མདུན་གྱི་རྗེ་བཙུན་མའི་ལྷ་ཚོགས་རང་ལ་ཐིམ་ཞིང་བྱིན་གྱིས་བརླབས་པར་བསམ། བསྔོ་སྨོན་དང་བཀྲ་ཤིས་ཀྱིས་མཐའ་བརྒྱན་པར་བྱའོ། །འཕགས་མའི་ཐུགས་

― GTD007_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བ་ཀུ་ལ། །སྒྲུབ་ཐབས་གཟེགས་མའི་འགྲམ་ཆང་གིས། །ཕྱེ་བས་དངོས་གྲུབ་སྦྲང་རྩི་ཡིས། །སྐལ་བཟང་རྐང་དྲུག་ཚིམ་གྱུར་ཅིག །ཅེས་པ་འདི་ནི་དད་བརྩོན་བློ་དང་ལྡན་པ་དཀོན་མཆོག་རབ་རྒྱས་ཀྱིས་ནན་ཏན་ཆེན་པོས་ཡང་ཡང་བསྐུལ་བའི་ངོར་བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ། །། །སརྦ་མངྒ་ལཾ།།

རྟ་མགྲིན་ཕྱག་གཉིས་པའི་སྒྲུབ་ཐབས་དངོས་གྲུབ་གཏེར་མཛོད།

― GTD007_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་མགྲིན་ཕྱག་གཉིས་པའི་སྒྲུབ་ཐབས་དངོས་གྲུབ་གཏེར་མཛོད་ཅེས་བྱ་བ་བཞུགས་སོ།།

― GTD007_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུ་སྟོབས་ཉི་མ་འབར་བའི་གཟིས། །ནག་པོའི་རྩ་ལག་མཐར་བྱེད་པ། །ཁྲོ་རྒྱལ་རྟ་མགྲིན་ལ་བཏུད་ནས། །དེ་ཡི་བསྐང་འཕྲིན་མདོ་ཙམ་བྲ། །དེའང་རྟེན་གྱི་མདུན་དུ་མཆོད་གཏོར་དམ་རྫས་ཚོགས་པར་བྱས་ལ། སྐྱབས་སེམས་སྔོན་དུ་བཏང། རང་ཉིད་སྐད་ཅིག་གིས་དཔལ་རྟ་མགྲིན་སྐུ་མདོག་དམར་པོ་ཞལ་གཅིག་ཕྱག་གཉིས་པ་ཡེ་ཤེས་ཀྱི་མེ་དཔུང་རབ་ཏུ་འབར་བའི་དབུས་ན་བཞུགས་པར་གྱུར། ཅེས་སྐད་ཅིག་དཀྲོང་བསྐྱེད་དམ། རྒྱས་པར་བྱེད་ན་ཚོགས་འཁོར་སྐབས་ཀྱི་བདག་བསྐྱེད་བཞིན་བྱ། ནང་མཆོད་ཨ་མྲི་ཏས་བསངས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་ཡཾ་ལས་རླུང་རཾ་ལས་མེ། ཨཱཿ ལས་མི་མགོའི་སྒྱེད་བུ་གསུམ་གྱི་སྟེང་དུ་ཨཱཿ ལས་བྱུང་བའི་ཐོད་པ་དུམ་བུ་གཅིག་པ་དེའི་ནང་གི་ཕྱོགས་བཞི་དང་དབུས་སུ་བྷྲུཾ་ཨཾ་ཛིཾ་ཁཾ་ཧཱུཾ་ལས་ཤ་ལྔ། མཚམས་བཞི་དང་དབུས་སུ་ལཾ་མཾ་པཾ་ཏཱཾ་བཾ་ལས་བདུད་རྩི་ལྔ། དེའི་སྟེང་དུ་ཨོཾ་ཨཱཿ ཧཱུཾ་གི་ཡི་གེ་གསུམ་བརྩེགས་ཏེ་གནས་པར་གྱུར། རང་གི་ཐུགས་ཀའི་ཧཱུཾ་གི་འོད་ཟེར་གྱིས་རླུང་གཡོས། མེ་སྦར། ཐོད་པའི་ནང་གི་རྫས་རྣམས་ཞུ་ཞིང་ཁོལ་བ་དང༌། ཡི་གེ་གསུམ་གྱི་འོད་ཟེར་གྱིས་སྐུ་གསུང་ཐུགས་རྡོ་རྗེ་གསུམ་བསྡུས་ཏེ་སོ་སོ་ལ་ཐིམ་པ་རྣམས་ཐོད་པར་ལྷུང་ནས་ཞུ་བས། མ་དག་པའི་དྲི་མ་རྣམས་སྦྱངས་ནས། ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུཾ། ལན་གསུམ།

― GTD007_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་པ་བསངས་སྦྱངས། སྟོང་པའི་ངང་ལས་ཨཱཿ ལས་བྱུང་བའི་ཐོད་པ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུཾ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་རང་བཞིན་སྟོང་པ། རྣམ་པ་མཆོད་རྫས་སོ་སོའི་རྣམ་པ་ཅན། བྱེད་ལས་དབང་པོ་དྲུག་གི་སྤྱོད་ཡུལ་དུ་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པར་གྱུར། ཨོཾ་ཨརྒྷཾ་ཨཱཿ ཧཱུཾ་ནས་ཤཔྟ་ཨཱཿ ཧཱུཾ། ཨོཾ་རཱུ་པ་ཨཱཿ ཧཱུཾ་ནས། ཨོཾ་སྤརྴ་ཨཱཿ ཧཱུཾ་གི་བར་གྱིས་བྱིན་གྱིས་བརླབས། དེ་ནས། ཨོཾ་བཛྲ་ཨ་མྲི་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཨོཾ་སྭ་བྷཱ་ཝ་ཤུདྡྷ་སརྦ་དྷརྨཱཿ སྭ་བྷཱ་ཝ་ཤུདྡྷོ྅ཧཾ། ཆོས་ཐམས་ཅད་རང་བཞིན་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་པཾ་ལས་པདྨ་དང་རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧྲཱིཿ ཡིག་དམར་པོ་དེ་ལས་འོད་ཟེར་འཕྲོས། དོན་གཉིས་བྱས། ཚུར་འདུས་ཡོངས་སུ་གྱུར་པ་ལས་བཅོམ་ལྡན་འདས་དཔལ་རྟ་མགྲིན་པདྨ་དབང་ཆེན་སྐུ་མདོག་དམར་པོ་ཞལ་གཅིག་ཕྱག་གཉིས་པ། དམར་ལ་ཟླུམ་པའི་སྤྱན་གསུམ་སྡང་མིག་གློག་ལྟར་གཡོ་ཞིང༌། མཆེ་བ་རྣོན་པོ་བཞི་གཙིགས་པ། དབུ་སྐྲ་དང་སྨ་ར་སྨིན་མ་དམར་སེར་དུས་མཐའི་མེ་ལྟར་འབར་ཞིང༌། དབུའི་གཙུག་ན་རྟ་མགོ་ལྗང་ནག་རྟ་སྐད་འཚེར་བ། རྔོག་མའི་གསེབ་ནས་མེ་སྟག་འཕྲོས་པས་སྟོང་གསུམ་མེའི་ར་གུར་གྱིས་འགེངས་ཤིང་བདུད་ཀྱི་དཀྱིལ་འཁོར་སྲེག་

― GTD007_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱེད་པ། གཡས་དབྱུག་ཏོ་འཕྱར་ཞིང༌། གཡོན་སྡིགས་མཛུབ་མཛད་པ། སྦྲུལ་དང་རུས་པའི་རྒྱན་སྣ་ཚོགས་ཀྱིས་བརྒྱན་པ། གར་དགུའི་ཉམས་དང་ལྡན་ཞིང་སྟག་གི་པགས་པ་རློན་པའི་ཤམ་ཐབས་ཅན། གཡས་བསྐུམ་ཞིང་གཡོན་བརྐྱང་བའི་སྟབས་ཀྱིས་ཡེ་ཤེས་ཀྱི་མེ་དཔུང་རབ་ཏུ་འབར་བའི་དབུས་ན་བཞུགས་པའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧྲཱིཿ ལ་ཧཱུཾ་གིས་མཚན་པར་གྱུར། ཐུགས་ཀའི་ཧྲཱིཿ ལས་འོད་ཟེར་འཕྲོས་རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་སྤྱན་དྲངས། ཛཿ ཧཱུཾ་བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར། སླར་ཡང་ཐུགས་ཀའི་ཧྲཱིཿ ལས་འོད་ཟེར་འཕྲོས་ཏེ་དབང་གི་ལྷ་ཐམས་ཅད་སྤྱན་དྲངས། བདུད་རྩིའི་ཆུས་དབང་བསྐུར་ཞིང་སྣང་བ་མཐའ་ཡས་ཀྱིས་དབུ་བརྒྱན་པར་གྱུར། བདེ་སྟོང་ཏིང་འཛིན་མཆོག་གི་རོལ་པ་ཡིས། །བརྟན་གཡོ་ཀུན་ཁྱབ་མཆོད་པའི་སྤྲིན་ཕུང་ལས། །ཟག་མེད་དགའ་བའི་མཆོག་སྦྱིན་མཆོད་ཡོན་འདིས། །རབ་དགྱེས་མཆོག་ཐུན་དངོས་གྲུབ་སྩལ་ཏུ་གསོལ། ཨོཾ་ཧ་ཡ་གྲི་ཝ་ཨརྒྷཾ་པྲ་ཏཱིཙྪ་ཧཱུཾ་སྭཱཧཱ། མཆོད་ཡོན་གྱི་གནས་སུ། ཞབས་བསིལ་ནས། རོལ་མོའི་བར་དང༌། གཟུགས་མཆོག །སྒྲ་སྙན། དྲི་མཆོག །རོ་མཆོག །རེག་མཆོག་རྣམས་དང༌། ཨརྒྷཾ་གྱི་གནས་སུ་པཱཏྱཾ་ནས་སྤར་ཤའི་བར་བཅུག་ལ་དབུལ། ཨོཾ་ཧ་ཡ་གྲཱི་ཝ་ཨོཾ་ཨཱཿ ཧཱུཾ་གིས་ནང་མཆོད་དབུལ། རབ་འབྱམས་རྒྱལ་བའི་སོར་རྟོག་ཡེ་ཤེས་དངོས། །ལོངས་སྤྱོད་རྫོགས་ལ་གསུང་གི་རང་གདངས་ལྷ། །གདུག་པ་འདུལ་བྱེད་གཏུམ་ཆེན་ཁྲོ་བོའི་རྒྱལ། །པདྨ་དབང་ཆེན་ཞབས་ལ་ཕྱག་འཚལ་བསྟོད། །རང་གི་ཐུགས་ཀའི་ཧྲཱིཿ ཡིག་གི་འོད་ཟེར་གྱིས་རྡོ་རྗེ་གསུམ་

― GTD007_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ལྷ་ཚོགས་སྤྱན་དྲངས། ཡིག་བརྒྱ་ཉེར་གཅིག་བཟླས་ལ། བླ་མ་མཆོག་གསུམ་དཀྱིལ་འཁོར་ལྷ་ཚོགས་དང༌། །ཁྲོ་ཆེན་ཧ་ཡ་གྲཱི་ཝ་འཁོར་དང་བཅས། །དམིགས་མེད་སྙིང་རྗེའི་ཐུགས་ཀྱིས་ཉེར་དགོངས་ཏེ། །བདག་གི་ཉེས་པ་དབྱིངས་སུ་སྦྱོང་བར་མཛོད། །རྨོངས་ཤིང་མ་དད་ལོག་ལྟའི་དབང་གྱུར་པས། །དམ་ཚིག་ལས་འགལ་བསྙེན་ཅིང་བསྒྲུབ་ལ་གཡེལ། །མི་གཙང་གྲིབ་ཕོག་མཆོད་གཏོར་ཆག་པ་སོགས། །ནོངས་པ་གང་བགྱིས་འགྱོད་པས་མཐོལ་ལོ་བཤགས། །ཐོག་མེད་ནས་བསགས་མི་བཟད་སྡིག་ལྟུང་ཚོགས། །རྩ་བ་ཡན་ལག་དམ་ཚིག་ཉམས་ཆག་བཅས། །ཐུགས་རྗེ་ཆེ་ལྡན་རྣམས་ཀྱི་བྱིན་རླབས་མཐུས། །མ་ལུས་ལྷག་མེད་བྱང་ཞིང་དག་གྱུར་ཅིག །བསྐང་རྫས་བསང་སྦྱངས། སྟོང་པའི་ངང་ལས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ཞུ་བ་ལས། བླ་མ་ཡི་དམ་ཆོས་སྐྱོང་འཁོར་བཅས་མཉེས་པར་བྱེད་པའི་དམ་རྫས་སྤྱན་གཟིགས་བསམ་གྱིས་མི་ཁྱབ་པ་ཞིག །བླ་མ་ཡི་དམ་ཆོས་སྐྱོང་འཁོར་དང་བཅས་པའི་སྤྱན་ལམ་དུ་འབྱུང་ཞིང་རྒྱས་པར་གྱུར། ཨོཾ་སརྦ་བིད། པཱུ་ར་པཱུ་ར། སུ་ར་སུ་ར། ཨཱ་ཝ་རྟ་ཡ་ཨཱ་ཝ་རྟ་ཡ་ཧོཿ བཛྲ་སྥ་ར་ཎ་ཁཾ། ལན་གསུམ། ཧྲཱིཿ ཀུན་བཟང་སྨོན་པའི་མཐུ་དང་ཏིང་འཛིན་གྱིས། །ལེགས་བྲིས་ངོ་མཚར་བཀོད་པ་མཐའ་ཡས་པས། །བླ་མ་ཡི་དམ་རྟ་མགྲིན་ལྷ་ཚོགས་ཀུན། །ཟག་མེད་བདེ་དགའ་མཆོག་གིས་སིམ་གྱུར་ཅིག །རཀྟའི་མཆོད་ཡོན་མེ་ཏོག་སྣ་ཚོགས་དང༌། །སྤོས་ཀྱི་དུད་སྤྲིན་རབ་གསལ་སྒྲོན་མེའི་ཚོགས། །བཟང་པོའི་

― GTD007_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་ཆབ་རོ་བརྒྱའི་ཞལ་ཟས་དང༌། །སྙན་ཞིང་བརྗིད་ཆགས་སྣ་ཚོགས་རོལ་མོ་འདིས། །རྩ་བརྒྱུད་བླ་མ་རྣམས་ཀྱི་ཐུགས་དམ་བསྐང༌། །ཡི་དམ་དཀྱིལ་འཁོར་རྒྱ་མཚོའི་ཐུགས་དམ་བསྐང༌། །ཁྱད་པར་ཁྲོ་བོའི་རྒྱལ་པོ་གསུང་གི་ལྷ། །པདྨ་དབང་ཆེན་འཁོར་བཅས་ཐུགས་དམ་བསྐང༌། །བཅོམ་ལྡན་ཁྲོ་བོའི་དབང་ཕྱུག་བཀའ་ཉན་པ། །ཆོས་སྲུང་དམ་ཅན་རྒྱ་མཚོའི་ཐུགས་དམ་བསྐང༌། །ཐུགས་དམ་གཉན་པོ་དབྱིངས་སུ་སྐོང་གྱུར་ནས། །རྣལ་འབྱོར་དཔོན་སློབ་ཉམས་ཆག་སོས་གྱུར་ཅིག །མི་མཐུན་རྐྱེན་དང་བར་ཆད་ཟློག་པ་དང༌། །མཐུན་པའི་དངོས་གྲུབ་མ་ལུས་སྩལ་ཏུ་གསོལ། །ཐོད་པ་སྐམ་རློན་ཞིང་ཆེན་གླང་ལྤགས་དང༌། །འཁོར་ལོ་རྣ་ཆ་ལ་སོགས་རུས་པའི་རྒྱན། །སྟག་ལྤགས་ཤམ་ཐབས་སྣ་ཚོགས་གདུག་པའི་སྦྲུལ། །རིན་ཆེན་ཕྲ་ཚོམ་མཛེས་པའི་རྒྱན་རྣམས་ཀྱིས། །རྩ་བརྒྱུད་བླ་མ། སོགས་འདྲ། བདུད་སྡེ་མཐར་བྱེད་སེང་ལྡེང་དབྱུག་ཏོ་སོགས། །རྣོ་ངར་མཚོན་ཆའི་བྱེ་བྲག་སྣ་ཚོགས་དང༌། །མི་མཐུན་གཡུལ་གྱིས་བརྫི་བར་མི་ནུས་པའ། །སྲ་མཁྲེགས་རྡོ་རྗེ་གོ་ཆ་འབར་བ་ཡིས། །རྩ་བརྒྱུད༌༝། །སྣ་ཚོགས་བླ་བྲེ་གདུགས་དང་རྒྱལ་མཚན་དང༌། །ལྷ་ཀླུ་མི་ཡི་ནོར་བུ་རིན་པོ་ཆེ། །བཟང་པོའི་སྨན་དང་འབྲུ་སྣ་སྣ་ཚོགས་བཅས། །མཁོ་དགུའི་ཡོ་བྱད་ཟད་པ་མེད་པ་ཡིས། །རྩ་བརྒྱུད༌༝། །སྟག་སེང་ཁྱུང་འབྲུག་འབྲོང་གཡག་གླང་པོ་ཆེ། །རྔམས་ཤིང་འཇིགས་པའི་གཅན་གཟན་སྣ་ཚོགས་དང༌། །ཅང་ཤེས་རྟ་དང་ར་ལུག་རྐང་འགྲོའི་རིགས། །མཛེས་སྡུག་སྐད་སྙན་འདབ་ཆགས་ཚོགས་རྣམས་ཀྱིས། །རྩ་བརྒྱུད༌༝། །རི་རབ་གླིང་བཞི་ཉི་ཟླ་རིན་ཆེན་

― GTD007_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན། །བཀྲ་ཤིས་རྟགས་རྫས་འདོད་ཡོན་རྣམ་ལྔ་དང༌། །བྲིས་སྐུ་གླེགས་བམ་རྡོར་དྲིལ་བགྲང་འཕྲེང་སོགས། །བསྟེན་པའི་དམ་རྫས་མ་ཚང་མེད་པ་ཡིས། རྩ་བརྒྱུད༌༝། །རྣམ་དག་དམ་ཚིག་སྡོམ་པས་ལེགས་བསྡམས་ཤིང༌། །ལྟ་སྒོམ་སྤྱོད་པ་གཙང་མའི་ཉམས་ལེན་དང༌། །ཁྱད་པར་སྒྲིབ་བྲལ་ཆོས་སྐུའི་བདག་ཉིད་དུ། །རྩེ་གཅིག་མོས་པའི་དད་གུས་དྲག་པོ་ཡིས། །རྩ་བརྒྱུད་བླ་མ་རྣམས་ཀྱི་ཐུགས་དམ་བསྐང༌། །ཞེས་པ་ནས། མཐུན་པའི་དངོས་གྲུབ་མ་ལུས་སྩལ་ཏུ་གསོལ། །ཧྲཱིཿ ཆོས་སྐུ་ཡངས་པའི་ཕོ་བྲང་ནས། །པདྨ་དབང་ཆེན་འཁོར་བཅས་ཀྱིས། །མཐུན་པའི་དམ་རྫས་འདི་བཞེས་ལ། །ཞེས་པ་ནས། རྒྱས་པར་མཛོད་ཅིག་ཁྲོ་བོའི་རྒྱལ། །ཨོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ། ཅེས་བཟླས་པ་ཅི་འགྲུབ་དང༌། ཡིག་བརྒྱས་ལྷག་ཆད་བསྐང༌། གཏོར་མ་ནང་མཆོད་ལྟར་བྱིན་གྱིས་བརླབས། ལྷའི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་གྱུར། ཨོཾ་ཧ་ཡ་གྲཱི་ཝ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་གསུམ་མམ་བདུན་གྱིས་འབུལ། ཨོཾ་ཧ་ཡ་གྲཱི་ཝ་ཨརྒྷཾ་སོགས་ཀྱིས་མཆོད་པ་དང༌། འབྲུ་གསུམ་བཏགས་པས་ནང་མཆོད་དབུལ། བཅོམ་ལྡན་ཁྲོ་བོའི་རྒྱལ་པོ་ཡིས། །མཆོད་གཏོར་རྒྱ་མཚོ་འདི་བཞེས་ལ། །སངས་རྒྱས་བསྟན་པ་དར་བ་དང༌། །འཇིག་རྟེན་བདེ་འབྱོར་ཕུན་སུམ་ཚོགས། །རྣལ་འབྱོར་དཔོན་སློབ་འཁོར་བཅས་ཀྱི། །ཕྱི་ནང་ཉེར་འཚེའི་ཚོགས་ཞི་ཞིང༌། །མཐུན་རྐྱེན་ལེགས་ཚོགས་མ་ལུས་པ། །ལྷུན་གྱིས་གྲུབ་པའི་སྡོངས་གྲོགས་མཛོད། །ཅེས་འཕྲིན་ལས་བཅོལ། མཁའ་འགྲོའི་སྤྱི་གཏོར་

― GTD007_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གཞི་བདག་གཏོར་མ་བསྔོ། བསྟོད་པ་ནི། ཧྲཱི་བདེ་གཤེགས་སྣང་བ་མཐའ་ཡས་ཐུགས་རྗེའི་གར། །སྤྱན་རས་གཟིགས་དབང་ཁྲོས་པའི་རྣམ་རོལ་པ། །བདུད་སྡེ་མཐར་བྱེད་ཁྲོ་རྒྱལ་བཅོམ་ལྡན་འདས། །རྟ་མགྲིན་པདྨ་དབང་ཆེན་ཞབས་ལ་བསྟོད། །བྱུ་རུའི་ལྷུན་པོ་རབ་འབར་བསྐལ་པའི་མེས། །འཁྱུད་པ་ལྟ་བུ་བཟོད་དཀའི་གཟི་བརྗིད་ཅན། །དབང་གི་མདོག་འཆང་ཁྲོ་རྒྱལ་བཅོམ་ལྡན་འདས། །རྟ་མགྲིན་པདྨ༌༝། །གཡས་པས་སེང་ལྡེང་དབྱུག་པ་མཁའ་ལ་འཕྱར། །གཡོན་པ་སྡིགས་མཛུབ་རབ་ཏུ་བསྒྲེངས་པ་ཡིས། །བསྟན་དགྲ་ཚར་གཅོད་ཁྲོ་རྒྱལ༌༝། །རྟ་མགྲིན༌༝། །རྟ་སྐད་བཞད་པས་ཁམས་གསུམ་གཡོ་བྱེད་ཅིང༌། །མེ་ཡི་ཚ་ཚ་འཕྲོས་པས་གདོན་གསུམ་བསྲེགས། །སྣང་སྲིད་དབང་བསྒྱུར་ཁྲོ་རྒྱལ༌༝། །རྟ་མགྲིན༌༝། །སྡེར་ཕྲེང་གཡོ་བའི་སྟག་ལྤགས་ཤམ་ཐབས་གསོལ། །སྣ་ཚོགས་སྦྲུལ་དང་རུས་པའི་རྒྱན་གྱིས་སྤྲས། །བརྐྱངས་བསྐུམ་གར་མཛད་ཁྲོ་རྒྱལ༌༝། །རྟ་མགྲིན༌༝། །དྲག་སྔགས་ང་རོ་འབྲུག་ལྟར་སྒྲོགས་པ་ཡིས། །ནག་ཕྱོགས་འབྱུང་པོའི་ཚོགས་རྣམས་སྐྲག་བྱེད་ཅིང༌། །སྐལ་ལྡན་དབུགས་འབྱིན་ཁྲོ་རྒྱལ༌༝། །རྟ་མགྲིན༌༝། །སྒྲིབ་བྲལ་མཁྱེན་པས་ཆོས་ཀུན་མངོན་སུམ་གཟིགས། །དམིགས་མེད་སྙིང་རྗེས་འགྲོ་བ་ཀུན་སྐྱོང་ཞིང༌། །མཐུ་སྟོབས་ཐོགས་མེད་ཁྲོ་རྒྱལ་བཅོམ་ལྡན་འདས། །རྟ་མགྲིན་པདྨ་དབང་ཆེན་ཞབས་ལ་བསྟོད། །ཁྲོ་རྒྱལ་ཁྱོད་ལ་བསྟོད་ཅིང་གསོལ་བཏབ་མཐུས། །རྒྱལ་བསྟན་དར་ཞིང་དཔོན་སློབ་ཡོན་མཆོད་ཀུན། །ཕྱི་ནང་ཉེར་འཚེ་ཀུན་ལས་རྣམ་རྒྱལ་ཏེ། །ལེགས་ཚོགས་དོན་གཉིས་ལྷུན་གྱིས་གྲུབ་གྱུར་ཅིག །ཅེས་

― GTD007_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟོད། གཏང་རག་གི་མཆོད་པ་བྱིན་གྱིས་བརླབ། མཆོད་པ་དང་ནང་མཆོད་དབུལ་ཞིང༌། རབ་འབྱམས་རྒྱལ་བའི་སོར་རྟོག་ཡེ་ཤེས་དངོས། །ཞེས་སོགས་ཀྱིས་བསྟོད། དགེ་བ་འདི་ཡིས་མྱུར་དུ་བདག །ཁྲོ་རྒྱལ་རྟ་མགྲིན་འགྲུབ་གྱུར་ནས། །འགྲོ་བ་གཅིག་ཀྱང་མ་ལུས་པ། །དེ་ཡི་ས་ལ་འགོད་པར་ཤོག །ཡིག་བརྒྱ་དང༌། གང་ཡང་བདག་བློ་ཞེས་སོགས་ཀྱི་མཐར། སྤྱན་དྲངས་པའི་ཡེ་ཤེས་པ་རྣམས་རྟེན་དང་དབྱེར་མེད་དུ་གྱུར། ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། ཞེས་བརྟན་བཞུགས་བྱ། རྟེན་གྱི་དྲུང་མ་ཡིན་པ་ཕྱོགས་གཞན་དུ་བྱེད་ན། ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་བདག་ཉིད་ལ་ཐིམ་པར་གྱུར། ཅེས་གཤེགས་གསོལ་བྱེད། ཆེ་བའི་ཆེ་མཆོག་ཅེས་སོགས་བཀྲ་ཤིས་ཀྱིས་མཐའ་བརྒྱན་པར་བྱའོ།། ཞེས་པ་འདི་ནི་ཨ་འགང་དགོན་པའི་ཚོགས་འདོན་དུ་དགོས་ཚུལ་དད་བརྩོན་ལྡན་པ་ཧོ་ཀྱཱ་རབ་འབྱམས་པ་བློ་བཟང་དཀོན་མཆོག །ལུ་ཀྱཱ་རབ་འབྱམས་པ་དཀོན་མཆོག་རྒྱ་མཚོ། ལུ་ཀྱཱ་དགེ་སློང་དར་རྒྱས་ཉི་མ་རྣམས་ཀྱིས་བསྐུལ་ངོར་ྋབཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཚོགས་འཁོར་བྱ་ཚུལ་ནི། ཚོགས་རྫས་དང་གཏོར་མ་ཕྱག་ལེན་བཞིན་བཤམས། སྐྱབས་སེམས་སྔོན་དུ་བཏང༌། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཨོཾ་སྭ་བྷཱ་ཝ་ཤུདྡྷ་སརྦ་དྷརྨཱཿ སྭ་བྷཱ་ཝ་ཤུདྡྷོ྅ཧཾ། ཆོས་ཐམས་ཅད་རང་བཞིན་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་པཾ་ལས་པདྨ་དང་རཾ་ལས་ཉི་མའི་དཀྱིལ་འཁོར་གྱི་སྟེང་དུ་རང་སེམས་ཧྲཱིཿ ཡིག་དམར་པོ། དེ་ལས་འོད་ཟེར་འཕྲོས། དོན་གཉིས་བྱས། ཚུལ་འདུས་ཡོངས་སུ་གྱུར་པ་ལས་

― GTD007_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཉིད་བཅོམ་ལྡན་འདས་དཔལ་རྟ་མགྲིན་པངྨ་དབང་ཆེན་སྐུ་མདོག་དམར་པོ་ཞལ་གཅིག་ཕྱག་གཉིས་པ། དམར་ལ་ཟླུམ་པའི་སྤྱན་གསུམ་སྡང་མིག་གློག་ལྟར་གཡོ་ཞིང༌། མཆེ་བ་རྣོན་པོ་བཞི་གཙིགས་པ། དབུ་སྐྲ་དང་སྨ་ར་སྨིན་མ་དམར་སེར་དུས་མཐའི་མེ་ལྟར་འབར་ཞིང༌། དབུའི་གཙུག་ན་རྟ་མགོ་ལྗང་ནག་རྟ་སྐད་འཚེར་བ། རྔོག་མའི་གསེབ་ནས་མེ་སྟག་འཕྲོས་པས་སྟོང་གསུམ་མེའི་རྭ་གུར་གྱིས་འགེངས་ཤིང་བདུད་ཀྱི་དཀྱིལ་འཁོར་སྲེག་པར་བྱེད་པ། གཡས་དབྱུག་ཏོ་འཕྱར་ཞིང། གཡོན་སྡིགས་མཛུབ་མཛད་པ། སྦྲུལ་དང་རུས་པའི་རྒྱན་སྣ་ཚོགས་ཀྱིས་བརྒྱན་པ། གར་དགུའི་ཉམས་དང་ལྡན་ཞིང་སྟག་གི་པགས་པ་རློན་པའི་ཤམ་ཐབས་ཅན། གཡས་བསྐུམ་ཞིང་གཡོན་བརྐྱང་བའི་སྟབས་ཀྱིས་ཡེ་ཤེས་ཀྱི་མེ་དཔུང་རབ་ཏུ་འབར་བའི་དབུས་ན་བཞུགས་པའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧྲཱིཿ ལ་ཧཱུཾ་གིས་མཚན་པར་གྱུར། རང་གི་ཐུགས་ཀའི་ཧྲཱིཿ ལས་འོད་ཟེར་འཕྲོས། རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་སྤྱན་དྲངས། ཛཿ ཧཱུཾཿ བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར། སླར་ཡང་ཐུགས་ཀའི་ཧྲཱིཿ ལས་འོད་ཟེར་འཕྲོས་ཏེ་དབང་གི་ལྷ་ཐམས་ཅད་སྤྱན་དྲངས། བདུད་རྩིའི་ཆུས་དབང་བསྐུར་ཞིང་སྣང་བ་མཐའ་ཡས་ཀྱིས་དབུ་བརྒྱན་པར་གྱུར། མཆོད་པ་ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཨཱཿ ལས་བྱུང་བའི་ཐོད་པ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུཾ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ།

― GTD007_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

དྲི་ཆབ། ཞལ་ཟས་རོལ་མོ་རྣམས་རང་བཞིན་སྟོང་པ། རྣམ་པ་མཆོད་རྫས་སོ་སོའི་རྣམ་པ་ཅན་བྱེད་ལས་དབང་པོ་དྲུག་གི་སྤྱོད་ཡུལ་དུ་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པར་གྱུར། ཨོཾ་ཨརྒྷཾ་ཨཱཿ ཧཱུཾ་ནས། ཤཔྟ་ཨཱཿ ཧཱུཾ་གི་བར་གྱིས་བྱིན་གྱིས་བརླབ། ནང་མཆོད་དང་ཚོགས་གཏོར་ཨ་མྲྀ་ཏས་བསངས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་ཡཾ་ལས་རླུང༌། རཾ་ལས་མེ། ཨཱཿ ལས་མི་མགོའི་སྒྱེད་བུ་གསུམ་གྱི་སྟེང་དུ། ཨཱཿ ལས་བྱུང་བའི་ཐོད་པ་དུམ་བུ་གཅིག་པ་དེའི་ནང་གི་ཕྱོགས་བཞི་དང་དབུས་སུ་བྷྲུཾ་ཨཾ་ཛིཾ་ཁཾ་ཧཱུཾ་ལས་ཤ་ལྔ། མཚམས་བཞི་དང་དབུས་སུ་ལཾ་མཾ་པཾ་ཏཱཾ་བཾ་ལས་བདུད་རྩི་ལྔ། དེའི་སྟེང་དུ་ཨོཾ་ཨཱཿ ཧཱུཾ་གི་ཡི་གེ་གསུམ་བརྩེགས་ཏེ་གནས་པར་གྱུར། རང་གི་ཐུགས་ཀའི་ཧཱུཾ་གི་འོད་ཟེར་གྱིས་རླུང་གཡོས། མེ་སྦར། ཐོད་པའི་ནང་གི་རྫས་རྣམས་ཞུ་ཞིང་ཁོལ་བ་དང༌། ཡི་གེ་གསུམ་གྱི་འོད་ཟེར་གྱིས་སྐུ་གསུང་ཐུགས་རྡོ་རྗེ་གསུམ་བསྡུས་ཏེ་སོ་སོ་ལ་ཐིམ་པ་རྣམས་ཐོད་པར་ལྷུང་ནས་ཞུ་བས། མ་དག་པའི་དྲི་མ་རྣམས་སྦྱངས་ནས་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿ ཧཱུཾ། ལན་གསུམ་གྱིས་བྱིན་གྱིས་བརླབ། ཨོཾ་ཧ་ཡ་གྲཱི་ཝ་ཨརྒྷཾ་ནས་ཤཔྟ་པྲ་ཏཱིཙྪ་ཧཱུཾ་སྭཱཧཱའི་བར་གྱིས་མཆོད། འབྲུ་གསུམ་བཏགས་ལ་ནང་མཆོད་དབུལ། རབ་འབྱམས་རྒྱལ་བའི་སོར་རྟོག་ཡེ་ཤེས་དངོས། །ལོངས་སྤྱོད་རྫོགས་པ་གསུང་གི་རང་གདངས་ལྷ། །གདུག་པ་འདུལ་བྱེད་གཏུམ་ཆེན་ཁྲོ་བོའི་རྒྱལ། །པངྨ་དབང་ཆེན་ཞབས་ལ་ཕྱག་འཚལ་བསྟོད། །ཅེས་པས་བསྟོད། རང་གི་ཐུགས་

― GTD007_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ཀར་ཧྲཱིཿ ཡིག་གི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོས་པས་གདོན་གསུམ་གྱི་ཉེར་འཚེ་ཐམས་ཅད་བཅོམ་ཞིང༌། རྒྱལ་བ་སྲས་བཅས་ཀྱི་བྱིན་རླབས་མ་ལུས་པ་བསྡུས་ཏེ་ཐིམ་པར་བསམས་ལ། ཨོཾ་བཛྲ་ཀྲོ་དྷ་ཧ་ཡ་གྲཱི་ཝ་ཧུ་ལུ་ཧུ་ལུ་ཧཱུཾ་ཕཊ། ཅེས་བཟླས་པ་ཅི་འགྲུབ་དང༌། མཆོད་བསྟོད་གོང་བཞིན་བྱ། ཚོགས་འཁོར་དངོས་གཞི་ནི། ཨེ་མ་ཧོ་ལྷན་སྐྱེས་བདེ་བ་ཆེའ། །སྒྱུ་འཕྲུལ་སྣོད་བཅུད་དག་པའི་དངོས། །གང་སྣང་སྟོང་པའི་ཡེ་ཤེས་ཀྱིས། །རྒྱས་བཏབ་ཟུང་འཇུག་རོལ་པར་གྱུར། །ཧྲཱིཿ འོག་མིན་བདེ་ལྡན་ལ་སོགས་ཞིང་མཆོག་ནས། །དམིགས་མེད་ཐུགས་རྗེ་ཆེན་པོས་ཉེར་དགོངས་ཏེ། །རྩ་བརྒྱུད་བླ་མའི་ཚོགས་རྣམས་གཤེགས་སུ་གསོལ། །ཡི་དམ་དཀྱིལ་འཁོར་རྒྱ་མཚོ་གཤེགས་སུ་གསོལ། །ཁྱད་པར་ཁྲོ་བོའི་རྒྱལ་པོ་གསུང་གི་ལྷ། །པདྨ་དབང་ཆེན་འཁོར་བཅས་གཤེགས་སུ་གསོལ། །བཅོམ་ལྡན་ཁྲོ་བོའི་དབང་ཕྱུག་བཀའ་ཉན་པ། །ཆོས་སྲུང་དམ་ཅན་རྒྱ་མཚོ་གཤེགས་སུ་གསོལ། །ཕྱོགས་སྐྱོང་ཞིང་སྐྱོང་ལྷ་ཀླུ་གཞི་བདག་དང༌། །རིགས་དྲུག་ལ་སོགས་མགྲོན་རྣམས་གཤེགས་སུ་གསོལ། །མདུན་གྱི་ནམ་མཁར་ཀུན་བཟང་མཆོད་སྤྲིན་དབུས། །རང་རང་དགྱེས་པའི་ཕུན་ཚོགས་གདན་ཁྲི་ལ། །བརྟན་པར་བཞུགས་ཏེ་ཚོགས་མཆོད་རྒྱ་མཚོ་ལ། །དགའ་མགུར་རོལ་པའི་བདེ་བས་ཚིམ་གྱུར་ཅིག །ཧོ་ལྷན་སྐྱེས་བདེ་བ་མཆོག་གི་ཏིང་ངེ་འཛིན། །ཟབ་མོ་གསང་སྔགས་རིག་སྔགས་གཟུགས་སྔགས་དང༌། །རྒྱ་ཆེན་ཕྱག་རྒྱ་གྲུབ་པའི་བདེན་ཚིག་མཐུས། །བྱིན་བརླབས་ཟག་མེད་ཚོགས་མཆོད་རྒྱ་

― GTD007_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོ་འདི། །མཚོ་སྐྱེས་རྡོ་རྗེ་རྒྱལ་བ་གཉིས་པ་སོགས། །རྩ་བརྒྱུད་བླ་མའི་ཚོགས་རྣམས་ཀུན་ལ་འབུལ། །ཨོཾ་ཨཱཿ ཧཱུཾ། འདོད་དགུའི་དཔལ་ལ་རོལ་པས་ཚིམ་མཛད་ནས། །ཨེ་མ་ཧོ་བྱིན་རླབས་ཆར་ཆེན་དབབ་ཏུ་གསོལ། །ཧོ་ལྷན་སྐྱེས་བདེ་བ་མཆོག་གི་ཏིང་ངེ་འཛིན། །ཟབ་མོ་ནས། ཚོགས་མཆོད་རྒྱ་མཚོ་འདི། །ཁྲོ་རྒྱལ་རྟ་མགྲིན་པདྨ་དབང་ཆེན་སོགས། །ཡི་དམ་ལྷ་དང་མཁའ་འགྲོའི་ཚོགས་ལ་འབུལ། །ཨོཾ་ཨཱཿ ཧཱུཾ། འདོད་དགུའི་༝། །ཨེ་མ་ཧོ་དངོས་གྲུབ་ཆར་ཆེན་དབབ་ཏུ་གསོལ། །ཧོ་ལྷན་སྐྱེས་བདེ་བ་ནས། རྒྱ་མཚོ་འདི། །བཅོམ་ལྡན་ཁྲོ་བོའི་དབང་ཕྱུག་བཀའ་ཉན་པ། །ཆོས་སྲུང་དམ་ཅན་རྒྱ་མཚོའི་ཚོགས་ལ་འབུལ། །ཨོཾ་ཨཱཿ ཧཱུཾ། འདོད་དགུའི༌༝། །ཨེ་མ་ཧོ་འཕྲིན་ལས་ཆར་ཆེན་དབབ་ཏུ་གསོལ། །ཧོ་ལྷན་སྐྱེས་ནས། རྒྱ་མཚོ་འདི། །ཕྱོགས་སྐྱོང་ཞིང་སྐྱོང་ལྷ་ཀླུ་གཞི་བདག་སོགས། །དྲེགས་པ་སྡེ་བརྒྱད་ཚོགས་རྣམས་ཀུན་ལ་འབུལ། །ཨོཾ་ཨཱཿ ཧཱུཾ། འདོད་དགུའི༌༝། །ཨེ་མ་ཧོ་མཐུན་རྐྱེན་སྡོངས་གྲོགས་མཛད་དུ་གསོལ། །ཧོ་ལྷན་སྐྱེས་ནས། རྒྱ་མཚོ་འདི། །རིགས་དྲུག་སེམས་ཅན་གནོད་བྱེད་གདོན་བགེགས་སོགས། །ལན་ཆགས་ཤ་འཁོན་གཉེར་པ་ཀུན་ལ་འབུལ། །ཨོཾ་ཨཱཿ ཧཱུཾ། འདོད་དགུའི་དཔལ་ལ་རོལ་པས་ཚིམ་མཛད་ནས། །ཨེ་མ་ཧོ་ལས་ཉོན་སྒྲིབ་པ་དག་གྱུར་ཅིག །དེ་ནས་ཚོགས་ཕུད་བཏེག་སྟེ། ཨེ་མ་ཧོ་ཚོགས་ཀྱི་འཁོར་ལོ་ཆེ། །དུས་གསུམ་བདེ་གཤེགས་གཤེགས་བཤུལ་ཏེ། །དངོས་གྲུབ་མ་ལུས་འབྱུང་བའི་གནས། །དེ་ལྟར་ཤེས་ནས་དཔའ་

― GTD007_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་ཆེ། །རྣམ་པར་རྟོག་པའི་སེམས་བོར་ལ། །ཚོགས་ཀྱི་འཁོར་ལོར་རྒྱུན་དུ་རོལ། །ཅེས་དབུལ་ཞིང༌། དེ་ནས་ཚོགས་མང་ལ་བྲིམས་ནས་བཞེས་ཏེ། ཨ་ཧོ་མཧཱ་སུ་ཁ། ཞེས་བརྗོད། ཚོགས་ལྷག་སྣོད་གཅིག་ཏུ་བསྡུས་པར་སློབ་དཔོན་གྱིས་ཁ་བཀྲུས་བཏབ་ལ། ཨོཾ་ཨཱཿ ཧཱུཾ། ལན་གསུམ་གྱིས་བྱིན་གྱིས་བརླབས། ཧོ་ལྷན་སྐྱེས་བདེ་བ་ནས། ཚོགས་ལྷག་རྒྱ་མཚོ་འདི། །པངྨ་དབང་ཆེན་བཀའ་ཉན་ལྷག་སྡུད་པ། །ཕྱོགས་བཅུར་རྒྱུ་བའི་ལས་བྱེད་ཚོགས་ལ་འབུལ། །ཨོཾ་ཨཱཿ ཧཱུཾ། འདོད་དགུའི་དཔལ་ལ་རོལ་པས་ཚིམ་མཛད་ནས། །ཨེ་མ་ཧོ་འཕྲིན་ལས་མ་ལུས་སྒྲུབ་ཏུ་གསོལ། །ཞེས་བརྗོད་དེ་ཕྱི་རོལ་ཏུ་དོར། མ་རྙེད་ཡོངས་སུ་མ་ཤེས་དང༌། །ཞེས་སོགས་ཀྱིས་ནོངས་པ་བཟོད་པར་གསོལ། འཇིག་རྟེན་པའི་མགྲོན་རྣམས་རང་གནས་སུ་གཤེགས། ཡེ་ཤེས་པ་རྣམས་རང་ཉིད་ལ་ཐིམ་པར་གྱུར། ཅེས་ཚོགས་ཞིང་བསྡུ། བཀྲ་ཤིས་ཀྱིས་མཐའ་བརྒྱན་པར་བྱའོ། །འདི་ནི་ཚོགས་འཁོར་རྐྱང་པའི་དབང་དུ་བྱས་པ་ཡིན་ལ། བསྐང་གསོ་སོགས་ཀྱི་མཇུག་ཏུ་བྱེད་ན། བདག་མདུན་གྱི་མངོན་རྟོགས་བསྐང་བཤགས་བསྟོད་པའི་བར་དཀྱུས་བཞིན་བཏང་ལ། དེ་ནས་ཚོགས་འཁོར་མཆོད་གཏོར་བྱིན་རླབས་བྱས་ཏེ། ཨེ་མ་ཧོ་ལྷན་སྐྱེས་བདེ་བ་ཆེའ། །སྒྱུ་འཕྲུལ་སྣོད་བཅུད་དག་པའི་དངོས། །ཞེས་པ་མན་ཆད་འདི་བཞིན་བྱའོ།། ཞེས་པ་འདིའང་ཨ་འགང་དགོན་པའི་ཚོགས་འདོན་དུ་དགོས་ཚུལ་དད་བརྩོན་ལྡན་པ་ཧོ་ཀྱཱ་རབ་འབྱམས་པ་བློ་བཟང་དཀོན་མཆོག །ལུ་ཀྱཱ་རབ་འབྱམས་པ་དཀོན་མཆོག་རྒྱ་མཚོ། ལུ་ཀྱཱ་དགེ་སློང་དར་རྒྱས་ཉི་མ་རྣམས་ཀྱིས་བསྐུལ་ངོརྋབཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། །།

སྨན་ཆོག་མདོར་བསྡུས།

― GTD007_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་ཆོག་མདོར་བསྡུས་བཞུགས་སོ།། སྙིགས་དུས་ཉམ་ཐག་མགོན་མེད་འགྲོ་བ་ལ། །ལྷག་པར་བརྩེ་བའི་སྟོན་པ་ཐུགས་རྗེ་ཅན། །བདེ་གཤེགས་མཆེད་བདུན་ཐུབ་དབང་འཁོར་དང་བཅས། །འདིར་བྱོན་བདག་སོགས་མགོན་དུ་བཞུགས་སུ་གསོལ། །གུས་པས་ཕྱག་འཚལ་མཆོད་ཚོགས་མ་ལུས་འབུལ། །སྡིག་ལྟུང་ཀུན་བཤགས་དགེ་ལ་རྗེས་ཡི་རང༌། །བསྐལ་བརྒྱར་བཞུགས་ཏེ་ཆོས་འཁོར་བསྐོར་བར་བསྐུལ། །དགེ་ཚོགས་ཀུན་ཀྱང་བྱང་ཆུབ་ཆེན་པོར་བསྔོ། །ས་གཞི་སྤོས་ཀྱིས་ནས། སྤྱོད་པར་ཤོག །སྙིགས་དུས་ཉམ་ཐག་མགོན་མེད་འགྲོ་བ་ལ། །ལྷག་པར་བརྩེ་བའི་སྟོན་པ་ཐུགས་རྗེ་ཅན། །མཚན་ལེགས་ཡོངས་བསྒྲགས་དཔལ་ལ་ཕྱག་འཚལ་ལོ། །གདུང་བས་འོ་དོད་འབོད་དོ་བརྩེ་བས་དགོངས། །ཐུགས་བསྐྱེད་བདེན་པའི་དུས་ལ་བབ་ལགས་ན། །མགོན་པོ་ཁྱོད་ཀྱི་རླབས་ཆེན་སྨོན་ལམ་འབྲས། །དེང་འདིར་བདག་ལ་མངོན་དུ་གྱུར་པ་ཡིས། །སྲིད་ཞིའི་རྒུད་པ་ཀུན་ལས་བསྐྱབ་ཏུ་གསོལ། །སྙིགས་དུས་ཉམ་ཐག་མགོན་མེད་འགྲོ་བ་ལ། །ལྷག་པར་བརྩེ་བའི་སྟོན་པ་ཐུགས་རྗེ་ཅན། །ཞེས་པའི་རྐང་པ་གཉིས་ཀྱི་འཕྲོར། སྒྲ་དབྱངས་རྒྱལ་པོའི་ཞབས་ལ་ཕྱག་འཚལ་ལོ། །གསེར་བཟང་དྲི་མེད་སྣང་ལ་ཕྱག་འཚལ་ལོ། །མྱ་ངན་མེད་མཆོག་དཔལ་ལ་ཕྱག་འཚལ་ལོ། །ཆོས་བསྒྲགས་རྒྱ་མཚོའི་དབྱངས་ལ་ཕྱག་འཚལ་ལོ། །མངོན་མཁྱེན་རྒྱལ་པོའི་ཞབས་ལ་ཕྱག་འཚལ་ལོ། །བཅོམ་ལྡན་སྨན་གྱི་བླ་ལ་ཕྱག་འཚལ་ལོ། །

― GTD007_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་འདྲེན་ཤཱཀྱའི་གཙོ་ལ་ཕྱག་འཚལ་ལོ། །ཞེས་པ་རེ་རེའི་མཐར། གདུང་བས་འོ་དོད། ཅེས་སོགས་ཚིག་རྐང་ལྷག་མ་ལྔ་སྦྱོར། མཇུག་ཏུའང༌། སྙིགས་དུས་ཉམ་ཐག་མགོན་མེད་འགྲོ་བ་ལ། །ལྷག་པར་བརྩེ་བའི་སྟོན་པ་ཐུགས་རྗེ་ཅན། །བདེ་གཤེགས་མཆེད་བདུན་ཐུབ་དབང་འཁོར་བཅས་ཀྱིས། །རྗེས་བཟུང་ས་ལམ་བགྲོད་པ་མཐར་ཕྱིན་ཤོག །ཅེས་བསྔོ་བས་མཚམས་སྦྱར་ལ། རྐང་པ་ཐ་མའི་དོད་དུ་ལེགས་ཚོགས་མ་ལུས་སྩོལ་བའི་བཀྲ་ཤིས་ཤོག །ཅེས་ཤིས་པ་བརྗོད་པས་ཀྱང་མཐའ་བརྒྱན་པར་བྱའོ།། ཞེས་པ་འདི་ནི་དུར་བེད་ཏྭ་ཝང་གི་ཤོག་ནས་ལྷག་བསམ་དང་མཁྱེན་དཔྱོད་རྨད་དུ་བྱུང་བ་རྡོ་རམས་པ་བསོད་ནམས་གྲགས་པས། ད་ལྟའི་སྐྱེ་བོ་བློ་ཤིན་ཏུ་རྟུལ་ཞིང་གཡེང་བས་ཁྱེར་བ་རྣམས་ལ་ཕན་པའི་ཐབས་སུ་གདུང་དབྱངས་ཀྱིས་གསོལ་བ་འདེབས་ཚུལ་ཤིན་ཏུ་གཟུང་སླ་བ་ཞིག་དགོས་ཞེས་བསྐུལ་བ་དང༌། རང་གིས་ཀྱང་དེ་རིགས་ལ་ཕན་ནམ་སྙམ་པའི་བློས། ྋབཙུན་པ་དཀོན་མཆོག་བསྟན་པའི་སྒྲོན་མེས་འཕྲལ་དུ་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། །།

སངས་རྒྱས་སོ་ལྔའི་སྒྲུབ་ཐབས་ཀྱི་ཆོ་ག་ལྟུང་བའི་མུན་སེལ།

― GTD007_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་སུམ་ཅུ་སོ་ལྔའི་སྒྲུབ་ཐབས་ཀྱི་ཆོ་ག་ལྟུང་བའི་མུན་སེལ་ཞེས་བྱ་བ་བཞུགས་སོ།།

― GTD007_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ཐུབ་པའི་དབང་པོ་སངས་རྒྱས་སོ་ལྔའི་ལྷ་ཚོགས་དང་བཅས་པ་ལ་ཕྱག་འཚལ་ལོ། །གདུང་བྱེད་སྡུག་བསྔལ་རྦ་ཀློང་འཁྲུགས་པའི་མཚོར། །འདྲེན་བྱེད་མི་དགེའི་ལས་ཀྱི་ཆུ་བོའི་རྒྱུན། །ཟློག་བྱེད་སྟོབས་བཞིའི་བཤགས་པའི་ཆོ་ག་ཡི། །གསལ་བྱེད་ལག་ལེན་རིམ་པ་འདིར་བཤད་བྱ། །དེའང་རྗེ་བདག་ཉིད་ཆེན་པོས། སྒོ་གསུམ་སྡིག་ལྟུང་དྲི་མས་སྦགས་པ་འདི། །ལྷག་པར་ལས་སྒྲིབ་སྦྱོང་བ་གནད་ཆེ་བས། །རྒྱུན་དུ་སྟོབས་བཞི་ཚང་བར་བསྟེན་པ་གཅེས། །ཞེས་གསུངས་པ་ལྟར། རང་ཅག་རྣམས་དགེ་བ་གང་བྱས་ཕ་བོང་གྱེན་དུ་བསྒྲིལ་བ་ལྟར་ཤུགས་ཆུང་ལ། སྡིག་པ་བྱེད་ཚེ་ཆུ་ཀླུང་དྲག་པོ་ཐུར་དུ་བབས་པ་བཞིན་སྟོབས་ཆེ་ཞིང་གྲངས་མང་བ་དང༌། དགེ་བར་རློམ་པ་རྣམས་ཀྱང་དུག་གསུམ་གྱི་རྟོག་པ་འོག་འགྱུའི་དབང་གིས་སྡིག་དང་འདྲེས་པ་ཤིན་ཏུ་མང་སྟེ། མདོར་ན་རང་གི་སྒོ་གསུམ་གྱི་སྤྱོད་པ་མཐའ་དག་རྒྱལ་བའི་བཀའ་དང་བསྡུར་ཚེ་མི་དགེ་བའི་ཕུང་པོ་འབའ་ཞིག་ཏུ་སོང་བ་ཤས་ཆེ་བས། བློ་དང་བརྩོན་པའི་ཤུགས་ཅི་ཡོད་ཀྱིས་དུས་རྒྱུན་དུ་བཤགས་བསྡམས་ལ་འབད་དགོས། བཤགས་པའང་ཕྱོགས་རེ་རེ་ཙམ་གྱིས་མི་ཆོག་པས། སྟོབས་བཞི་ཚང་བ་དགོས་ཏེ། ཆོས་བཞི་བསྟན་པའི་མདོ་ལས། བྱམས་པ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་སྡིག་པ་བྱས་ཤིང་བསགས་པ་ཟིལ་གྱིས་གནོན་པར་འགྱུར་རོ། །བཞི་གང་ཞེ་ན་འདི་ལྟ་སྟེ། རྣམ་པར་སུན་འབྱིན་པ་ཀུན་ཏུ་སྤྱོད་པ་དང༌། གཉེན་

― GTD007_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཀུན་ཏུ་སྤྱོད་པ་དང༌། ཉེས་པ་ལས་ལྡོག་པ་དང༌། རྟེན་གྱི་སྟོབས་སོ། །ཞེས་གསུངས་པ་བཞིན། དཔེར་ན་ནད་པ་ཞིག་འཆི་ནད་ཀྱིས་ཐེབས་པའི་ཚེ་རྐྱེན་དེའི་དབང་གིས་རང་ཉིད་འཆི་བར་ཤེས་ན་དེ་ལས་ཐར་པའི་ཐབས་ཚོལ་བ་བཞིན་དང་པོར་ལས་ཀྱི་རྣམ་སྨིན་མཐོང་ནས་སྐྱོན་དུ་ལྟ་དགོས་པས་རྣམ་པར་སུན་འབྱིན་པའི་སྟོབས་དང༌། ནད་དེ་སེལ་བའི་ཐབས་དངོས་གཞི་སྨན་དཔྱད་བྱེད་པ་དང་འདྲ་བར་གཉེན་པོ་ཀུན་ཏུ་སྤྱོད་པའི་སྟོབས་དང༌། ནད་སླར་མི་ལྡང་བའི་ཐབས་དང་སྤྱོད་ལམ་གཟབ་དགོས་པ་བཞིན་ཉེས་པ་ལས་སླར་ལྡོག་པའི་སྟོབས་དང༌། དེ་ཐམས་ཅད་ལ་སྨན་པ་མཁས་པ་ནད་གཡོག་དང་བཅས་མེད་མི་རུང་དུ་ཚོལ་དགོས་པ་ལྟར་རྟེན་གྱི་སྟོབས་གལ་ཆེའོ།། དེས་ན་ལྟུང་བཤགས་ཀྱི་ཆོ་ག་འདིར་ནི་སྟོབས་བཞིའི་གནད་མ་ཚང་བ་མེད་པར་འདུས་པ་ཡིན་ཏེ། དེའང་བདག་གི་སྐྱེ་བ་འདི་དང༌། ཞེས་པ་ནས། མི་སྦེད་དོ་ཞེས་པའི་བར་གྱིས་རྣམ་པར་སུན་འབྱིན་པའི་སྟོབས་དང༌། སླན་ཆད་ཀྱང་གཅོད་ཅིང་སྡོམ་པར་བགྱིད་ལགས་སོ་ཞེས་པས་ཉེས་པ་ལས་སླར་ལྡོག་པའི་སྟོབས་དང༌། དེ་བཞིན་གཤེགས་པ་སོ་ལྔའི་མཚན་བརྗོད་ཅིང་ཕྱག་འཚལ་བ་གཉེན་པོ་ཀུན་ཏུ་སྤྱོད་པའི་སྟོབས་དང༌། ཐོག་མའི་སྐྱབས་འགྲོ་དང་འོག་གི་སེམས་བསྐྱེད་རྣམས་ནི་རྟེན་གྱི་སྟོབས་ཡིན་ལ་དེའང་ཕུང་པོ་གསུམ་པ་ཞེས་བཤད་པས། ཕུང་པོ་གསུམ་དུ་བསྡུ་ཚུལ་ནི། དཔོན་སློབ་བློ་གྲོས་རྒྱ་མཚོའི་ལྟུང་བཤགས་ཀྱི་ཊཱིཀྐ་སོགས་སུ་མི་འདྲ་བ་མང་དུ་གསུངས་ཀྱང༌། གཙོ་བོར་གྱུར་པ་ནི་སྡིག་པ་བཤགས་པ་དང༌། རྗེས་སུ་ཡི་རང་སོགས་ཐབས་མཁས་ཀྱི་སྤྱོད་

― GTD007_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཚོགས་རྒྱ་ཆེན་པོ་གསོག་པ་དང༌། བསྔོ་བའི་སྒོ་ནས་དགེ་རྩ་རྣམས་གོང་དུ་སྤེལ་བ་གསུམ་ཡིན་ནོ། །བསྔོ་བའང་སྦྱིན་པ་ཐ་ན་ཞེས་སོགས་ཕར་ཕྱིན་དང་པོ། ཚུལ་ཁྲིམས་ཞེས་སོགས་ཕར་ཕྱིན་གཉིས་པ། ཚངས་པར་སྤྱོད་པ་ཞེས་སོགས་ཚངས་པའི་གནས་པ་བྱམས་སོགས་ཚད་མེད་བཞི་ལ་སློབ་པའི་ཕར་ཕྱིན་གསུམ་པ། སེམས་ཅན་ཞེས་སོགས་གཞན་དོན་ལ་སྤྲོ་བའི་བརྩོན་འགྲུས། བྱང་ཆུབ་མཆོག་ཏུ་ཞེས་སོགས་རྫོགས་བྱང་དུ་སེམས་རྩེ་གཅིག་པའི་བསམ་གཏན། བླ་ན་མེད་པའི་ཞེས་སོགས་ཡེ་ཤེས་ཆོས་ཀྱི་སྐུའི་རྒྱུ་མཐུན་པའི་ཤེས་རབ་ཀྱི་ཕར་ཕྱིན་ཏེ་ཕྱིན་དྲུག་གིས་བསྡུས་པའི་རྒྱལ་སྲས་ཀྱི་སྤྱོད་པ་མཐའ་དག་ལ་སློབ་ཅིང་དེ་ཐམས་ཅད་རྫོགས་བྱང་གི་རྒྱུར་བསྔོ་བ་སྨོན་འཇུག་གི་ཉམས་ལེན་ཆ་ཚང་བའི་གནད་དམ་པ་ཡིན་ནོ། །དེས་ན་ཚུལ་དེ་ཉིད་ཇི་ལྟར་ཉམས་སུ་ལེན་པའི་རིམ་པ་ལ། ཐོག་མར་གནས་ཁང་བྱི་དོར་བྱས་ཤིང་སངས་རྒྱས་སོ་ལྔའི་སྐུ་བྲིས་འབུར་ཅི་རིགས་ཀྱིས་གཙོས་པའི་སྐུ་གསུང་ཐུགས་ཀྱི་རྟེན་ལེགས་པར་བཀྲམ། དེའི་མདུན་དུ་ཅི་འབྱོར་བའི་མཆོད་པ་གཙང་ཞིང་གྱ་ནོམ་པ་བཤམ། རང་ཉིད་ཐོག་མེད་ནས་འཁོར་བར་འཁྱམས་ཚུལ་དང༌། ད་དུང་ཡང་དབུགས་ཀྱི་འགྱུ་བ་ཕྲ་མོ་འདི་རྐྱེན་གློ་བུར་བ་ཞིག་གིས་ཡུད་ཀྱིས་འགགས་པ་ན། རྣམ་པར་ཤེས་པ་བྱ་སྤུ་རླུང་གིས་ཁྱེར་བ་བཞིན་དུ་རང་དབང་མེད་པར་འགྲོ་དགོས་ལ། ལྷག་པར་ད་ལྟ་རང་གི་སྤྱོད་པ་བག་མེད་པས་བཅས་རང་གི་ཉེས་ལྟུང་ཆར་བཞིན་དུ་འབབ་པ་འདི་ལ་དཔག་ན་ཕྱི་མར་འགྲོ་ས་ངན་སོང་ལས་མ་འདས་ཤིང༌། དེར་སྐྱེ་ན་སྡུག་བསྔལ་བཟོད་གླགས་མེད་པའི་ཚུལ། དེ་ལས་སྐྱོབ་པའི་ནུས་པ་སྐྱབས་དཀོན་མཆོག་གསུམ་ལ་ཡོད་ཚུལ་དང༌། ཁྱད་པར་དུའང་སངས་རྒྱས་སོ་ལྔའི་མཚན་རེ་རེ་བརྗོད་པ་ཙམ་གྱིས་ཀྱང་མཚམས་མེད་ལྔ་དང་མི་དགེ་བཅུ་ལ་སོགས་པ་བསྐལ་པ་དུ་མར་བསགས་པའི་སྡིག་ལྟུང་སྦྱོང་ཚུལ་མཉམ་མེད་ཇོ་བོ་ཆེན་པོའི་བཞེད་པ་ལྟར་

― GTD007_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་ཚབ་ཀྱི་གསུང་ལས་འབྱུང་བ་ལྟར་གྱི་ཕན་ཡོན་ཐུན་མོང་མ་ཡིན་པ་རྣམས་དང༌། རྗེ་བདག་ཉིད་ཆེན་པོས་ཀྱང་འོལ་ཁ་ཆོས་ལུང་དུ་འདི་ཉིད་ལ་ཐུགས་དམ་གྱི་མཐིལ་དུ་མཛད་པའི་ཚུལ་སོགས་སྒོ་དུ་མ་ནས་བསམས་ཏེ་ཀུན་སློང་ལེགས་པར་བཅོས་ལ། སྐྱབས་སེམས་སྔོན་དུ་བཏང༌། ཐམས་ཅད་དུ་ནི་ས་གཞི་དག །གསེག་མ་ལ་སོགས་མེད་པ་དང༌། །ལག་མཐིལ་ལྟར་མཉམ་བཻ་ཌཱུརྱའ། །རང་བཞིན་འཇམ་པོར་གནས་གྱུར་ཅིག །ཅེས་ས་གཞི་བྱིན་གྱིས་བརླབས། དཀོན་མཆོག་གསུམ་གྱི་བདེན་པ་དང༌། ཚོགས་གཉིས་ཡོངས་སུ་རྫོགས་པའི་མངའ་ཐང་ཆེན་པོ་དང༌། ཆོས་ཀྱི་དབྱིངས་རྣམ་པར་དག་ཅིང་བསམ་གྱིས་མི་ཁྱབ་པའི་བདེན་པའི་སྟོབས་ཀྱིས་མཆོད་པའི་ཡོ་བྱད་ཐམས་ཅད་ཀྱང་ཀུན་ཏུ་བཟང་པོའི་སྨོན་པའི་མཐུ་ལས་བྱུང་བ། སྐྱབས་ཡུལ་རྣམས་ལ་ཟག་པ་མེད་པའི་དགྱེས་པ་སྐྱེད་པར་བྱེད་པའི་ཀུན་ཏུ་བཟང་པོའི་མཆོད་པའི་སྤྲིན་གྱིས་ས་དང་བར་སྣང་ནམ་མཁའི་ཁྱོན་ཐམས་ཅད་ཡོངས་སུ་གང་བར་གྱུར། ཨོཾ་ན་མཿ སརྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཨོཾ་སཾ་བྷ་ར་སཾ་བྷ་ར་ཧཱུཾ། ཞེས་བདུན་ནམ་ཉེར་གཅིག་སོགས་བརྗོད་དེ་མཆོད་རྫས་བྱིན་གྱིས་བརླབ། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་རང་གི་མདུན་དུ་སེང་གེ་ཆེན་པོ་བརྒྱད་ཀྱིས་བཏེགས་པའི་རིན་པོ་ཆེའི་ཁྲི་ལྷ་གྲངས་དང་མཉམ་པ་དབུས་དང་སྟེང་འོག་ཕྱོགས་མཚམས་སོ་སོར་གནས་པའི་དབུས་མའི་སྟེང་དུ་པདྨ་དང་ཟླ་བའི་གདན་ལ་བཅོམ་ལྡན་འདས་ཤཱཀྱ་ཐུབ་པ་སྐུ་མདོག་གསེར་བཙོ་མ་ལྟ་བུ་ཞལ་གཅིག་ཕྱག་གཉིས་གཡས་ས་གནོན་དང༌། གཡོན་མཉམ་གཞག་གི་སྟེང་ན་བདུད་རྩིས་གང་བའི་ལྷུང་བཟེད་བསྣམས་པ། སྐུ་ལ་ཆོས་

― GTD007_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

གོས་ངུར་སྨྲིག་གི་མདོག་ཅན་གསུམ་མཛེས་པར་གསོལ་བ། མཚན་དཔེས་བརྒྱན་པ། དྭངས་གསལ་འོད་ཀྱི་རང་བཞིན་ཅན། སྐུ་ལས་སྐྱེས་པའི་འོད་ཀྱི་ཕུང་པོའི་དཀྱིལ་ན་ཞབས་རྡོ་རྗེའི་སྐྱིལ་ཀྲུང་གིས་བཞུགས་པ། སྟེང་དུ་དེ་བཞིན་གཤེགས་པ་རྡོ་རྗེ་སྙིང་པོས་རབ་ཏུ་འཇོམས་པ་སེར་པོ་ཕྱག་གཉིས་ཆོས་འཆད། ཤར་དུ་དེ་བཞིན་གཤེགས་པ་རིན་ཆེན་འོད་འཕྲོ་དམར་པོ་ཕྱག་གཉིས་མཉམ་གཞག །ཤར་ལྷོར་དེ་བཞིན་གཤེགས་པ་ཀླུ་དབང་གི་རྒྱལ་པོ་ཞལ་དང་མགྲིན་པ་དཀར་ཞིང་ལྷག་མ་སྔོ་བ་ཀླུའི་རྒྱབ་ཡོལ་ཅན་ཕྱག་གཉིས་ཆོས་འཆད། ལྷོར་དེ་བཞིན་གཤེགས་པ་དཔའ་བོའི་སྡེ་སེར་པོ་ཕྱག་གཡས་ཅུང་ཟད་བརྐྱངས་ནས་སྐྱབས་སྦྱིན་དང༌། གཡོན་ཆོས་འཆད་མཛད་པ། ལྷོ་ནུབ་ཏུ་དེ་བཞིན་གཤེས་པ་དཔལ་དགྱེས་སེར་པོ་ཕྱག་གཉིས་ཆོས་འཆད། ནུབ་ཏུ་དེ་བཞིན་གཤེགས་པ་རིན་ཆེན་མེ་དམར་པོ། ནུབ་བྱང་དུ་དེ་བཞིན་གཤེགས་པ་རིན་ཆེན་ཟླ་འོད་དཀར་པོ། གཉིས་ཀ་ཕྱག་གཡས་ས་གནོན་དང༌། གཡོན་མཉམ་གཞག །བྱང་དུ་དེ་བཞིན་གཤེགས་པ་མཐོང་བ་དོན་ཡོད་ལྗང་གུ་ཕྱག་གཡས་ཐུགས་ཀར་སྐྱབས་སྦྱིན་དང༌། གཡོན་མཉམ་གཞག །བྱང་ཤར་དུ་དེ་བཞིན་གཤེགས་པ་རིན་ཆེན་ཟླ་བ་དཀར་པོ་བྱང་ཆུབ་མཆོག་གི་ཕྱག་རྒྱ་ཅན། འོག་ཏུ་དེ་བཞིན་གཤེགས་པ་དྲི་མ་མེད་པ་སྔོན་པོ་ཕྱག་གཉིས་མཉམ་གཞག་མཛད་པ། དེ་དག་གི་ཕྱི་རོལ་གྱི་སྟེང་དུ་དེ་བཞིན་གཤེགས་པ་དཔལ་སྦྱིན་སེར་པོ་ཕྱག་གཉིས་ཆོས་འཆད་སྟེང་འོག་ཏུ་མཛད་པ། ཤར་དུ་དེ་བཞིན་གཤེགས་པ་ཚངས་པ་སེར་པོ་ཕྱག་གཡས་ས་གནོན་དང༌། གཡོན་

― GTD007_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

མཉམ་གཞག་མཛད་པ། ཤར་ལྷོར་དེ་བཞིན་གཤེགས་པ་ཚངས་པས་བྱིན་དམར་སེར་ཕྱག་གཉིས་ཆོས་འཆད། ལྷོར་དེ་བཞིན་གཤེགས་པ་ཆུ་ལྷ་དཀར་པོ་ཕྱག་གཉིས་མཉམ་གཞག །ལྷོ་ནུབ་ཏུ་དེ་བཞིན་གཤེགས་པ་ཆུ་ལྷའི་ལྷ་དཀར་པོ་ཕྱག་གཉིས་ཆོས་འཆད། ནུབ་ཏུ་དེ་བཞིན་གཤེགས་པ་དཔལ་བཟང་སེར་པོ་ཕྱག་གཡས་ཅུང་ཟད་བརྐྱངས་ནས་སྐྱབས་སྦྱིན་དང༌། གཡོན་ཆོས་འཆད། ནུབ་བྱང་དུ་དེ་བཞིན་གཤེགས་པ་ཙན་དན་དཔལ་སྔོན་པོ་ཕྱག་གཡས་ས་གནོན་དང༌། གཡོན་མཉམ་གཞག །བྱང་དུ་དེ་བཞིན་གཤེགས་པ་གཟི་བརྗིད་མཐའ་ཡས་དམར་པོ་ཕྱག་གཉིས་ཆོས་འཆད། བྱང་ཤར་དུ་དེ་བཞིན་གཤེགས་པ་འོད་དཔལ་སྔོན་པོ་ཕྱག་གཡས་བྱང་ཆུབ་མཆོག་གི་ཕྱག་རྒྱ་ཅན། འོག་ཏུ་དེ་བཞིན་གཤེགས་པ་མྱ་ངན་མེད་མཆོག་དཔལ་སྐུ་མདོག་དམར་སྐྱ་ཕྱག་གཉིས་མཉམ་གཞག་མཛད་པའོ། །དེ་དག་གི་ཕྱི་རོལ་གྱི་སྟེང་དུ་དེ་བཞིན་གཤེགས་པ་སྲེད་མེད་ཀྱི་བུ་སེར་པོ་ཕྱག་གཉིས་སྟེང་འོག་ཏུ་ཆོས་འཆད་མཛད་པ། ཤར་དུ་དེ་བཞིན་གཤེགས་པ་མེ་ཏོག་དཔལ་སེར་པོ་ཕྱག་གཡས་བརྐྱངས་པའི་མཐེབ་མཛུབ་སྦྱར་བ་དང་གཡོན་ཆོས་འཆད། ཤར་ལྷོར་དེ་བཞིན་གཤེགས་པ་ཚངས་པའི་འོད་ཟེར་རྣམ་པར་རོལ་པས་མངོན་པར་མཁྱེན་པ་སྐུ་མདོག་སེར་པོ་དང༌། ལྷོར་དེ་བཞིན་གཤེགས་པ་པདྨའི་འོད་ཟེར་རྣམ་པར་རོལ་པས་མངོན་པར་མཁྱེན་པ་སྐུ་མདོག་དམར་པོ། གཉིས་ཀ་ཕྱག་གཡས་ས་གནོན་དང༌། གཡོན་མཉམ་གཞག །ལྷོ་ནུབ་ཏུ་དེ་བཞིན་གཤེགས་པ་ནོར་དཔལ་སྔོན་པོ་དང༌། ནུབ་ཏུ་དེ་བཞིན་

― GTD007_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་པ་དྲན་པའི་དཔལ་སེར་པོ། གཉིས་ཀ་ཕྱག་གཉིས་མཉམ་གཞག །ནུབ་བྱང་དུ་དེ་བཞིན་གཤེགས་པ་མཚན་དཔལ་ཤིན་ཏུ་ཡོངས་གྲགས་དཀར་པོ་ཕྱག་གཡས་ཆོས་འཆད། གཡོན་མཉམ་གཞག །བྱང་དུ་དེ་བཞིན་གཤེགས་པ་དབང་པོའི་ཏོག་གི་རྒྱལ་མཚན་གྱི་རྒྱལ་པོ་སྔོན་པོ་ཕྱག་གཡས་རྒྱལ་མཚན་ཕྲག་པ་གཡོན་པར་བཟུང་ཞིང༌། གཡོན་མཉམ་བཞག །བྱང་ཤར་དུ་དེ་བཞིན་གཤེགས་པ་ཤིན་ཏུ་རྣམ་པར་གནོན་པ་སྔོན་པོ་ཕྱག་གཡས་རལ་གྲི། གཡོན་མཉམ་གཞག །འོག་ཏུ་དེ་བཞིན་གཤེགས་པ་གཡུལ་ལས་ཤིན་ཏུ་རྣམ་པར་རྒྱལ་བ་སྔོན་པོ་ཁྲབ་འཛིན་པའོ། །དེ་དག་གི་ཕྱི་རོལ་གྱི་ཤར་དུ་དེ་བཞིན་གཤེགས་པ་རྣམ་པར་གནོན་པས་གཤེགས་པའི་དཔལ་སྔོན་པོ་ཕྱག་གཡས་ས་གནོན་དང༌། གཡོན་མཉམ་གཞག །ལྷོར་དེ་བཞིན་གཤེགས་པ་ཀུན་ནས་སྣང་བ་བཀོད་པའི་དཔལ་དང༌། ནུབ་ཏུ་དེ་བཞིན་གཤེགས་པ་རིན་ཆེན་པདྨས་རྣམ་པར་གནོན་པ། དེ་གཉིས་ཀ་སྐུ་མདོག་དམར་སེར་ཕྱག་གཡས་ཅུང་ཟད་བརྐྱངས་ནས་སྐྱབས་སྦྱིན་དང༌། གཡོན་ཆོས་འཆད་མཛད་པ། བྱང་དུ་དེ་བཞིན་གཤེགས་པ་རི་དབང་གི་རྒྱལ་པོ་སྐུ་མདོག་སེར་པོ་ཕྱག་གཉིས་ཀྱིས་རི་རབ་འཛིན་པ། དེ་བཞིན་གཤེགས་པ་ཐམས་ཅད་ཀྱང་མཚན་དང་དཔེ་བྱད་དང་ལྡན་ཞིང༌། རབ་ཏུ་བྱུང་བ་སྤྲུལ་བའི་སྐུའི་ཆ་ལུགས་ཀྱིས་པདྨ་ཟླ་བ་རིན་པོ་ཆེ་སེང་གེའི་ཁྲི་སྟེང་ན། ཞབས་རྡོ་རྗེའི་སྐྱིལ་ཀྲུང་གིས་བཞུགས་པ་གཙོ་འཁོར་ཐམས་ཅད་ཀྱི་དཔྲལ་བར་ཨོཾ་དཀར་པོ། མགྲིན་པ་ཨཱཿ དམར་པོ། ཐུགས་ཀར་ཧཱུཾ་སྔོན་པོ། ཐུགས་ཀའི་ཧཱུཾ་ལས་འོད་ཟེར་འཕྲོས། རང་བཞིན་གྱི་གནས་ནས་དེ་

― GTD007_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་གཤེགས་པ་སུམ་ཅུ་སོ་ལྔ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས། མ་ལུས་སེམས་ཅན་ཀུན་གྱི་མགོན་གྱུར་ཅིང༌། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཡང་དག་མཁྱེན་གྱུར་པའ། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཛྲ་ས་མ་ཡ་ཛཿ ཛཿ ཧཱུཾ་བཾ་ཧོཿ དམ་ཚིག་པ་སོ་སོ་དང་གཉིས་སུ་མེད་པར་གྱུར། ཨོཾ་སརྦ་ཏ་ཐཱ་ག་ཏ་ཨརྒྷཾ་པཱུ་ཛ་མེ་གྷ་ས་མུ་ཏྲ་སྥ་ར་ཎ་ས་མ་ཡེ་ཧཱུཾ། ཨརྒྷཾ་གྱི་གནས་སུ། པཱདྱཾ། པུཥྤེ། དྷུ་པེ། ཨཱ་ལོ་ཀེ། གནྔྷེ། ནཻ་ཝིངྱ། ཤཔྟ་རྣམས་བཅུག་ལ་མཆོད། མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པའི་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང༌། །དེ་བཞིན་གཤེགས་ལ་ཕྱག་འཚལ་བསྟོད། །གང་གི་ཐུགས་རྗེའི་ཉི་འོད་རེག་པ་ཡིས། །ཉེས་ལྟུང་སྡིག་པའི་གྲང་རེག་སེལ་བྱེད་ཅིང༌། །མངོན་མཐོ་ངེས་ལེགས་ལམ་བཟང་གསལ་མཛད་པ། །བདེ་གཤེགས་སོ་ལྔའི་ལྷ་ཚོགས་རྣམས་ལ་བསྟོད། །བདག་དང་མཁའ་མཉམ་འགྲོ་བ་མ་ལུས་པས། །ཐོག་མེད་ནས་བསགས་ཉེས་བརྒྱའི་ཕུང་པོ་ཀུན། །ཐུགས་རྗེའི་བདུད་རྩིའི་ཆབ་ཀྱིས་བྱང་གྱུར་ཏེ། །ཡང་དག་ལམ་བཟང་རྟོགས་པར་བྱིན་གྱིས་རློབས། །ས་གཞི་སྤོས་ཀྱིས་བྱུགས་ཤིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་ལ་སྤྱོད་པར་ཤོག །ཅེས་མཎྜལ་གྲངས་བསགས་ཏེ་དབུལ། དེ་ནས་རང་གི་གཡས་སུ་ཕ། གཡོན་དུ་མ། མཐའ་སྐོར་དུ་རིགས་དྲུག་གི་སེམས་ཅན་སའི་

― GTD007_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

དྲེག་པ་ལྟར་བགྲངས་ཀྱིས་མི་ལང་བས་བསྐོར་ཏེ་གནས་པའི་མོས་པ་དང༌། མདུན་དུ་སྐྱབས་ཡུལ་རྣམས་རང་ཅག་ལ་ཐུགས་བརྩེ་བའི་ཚུལ་གྱིས་བཞུགས་པའི་དམིགས་པ་ལེགས་པར་གསལ་བཏབ་ལ། བདག་དང་མ་སེམས་ཅན་ཐམས་ཅད་གནས་སྐབས་སུའང་སྡུག་བསྔལ་གྱིས་མནར་ཚུལ་དང༌། སླད་ཀྱང་སྡུག་བསྔལ་གྱི་རྒྱུ་འབའ་ཞིག་བསྒྲུབ་པས་ངན་སོང་གསུམ་གྱི་གཡང་ཁར་ཉེ་བའི་ཚུལ་བསམ་ནས། ཤས་མི་བཟོད་པའི་འཇིགས་སྐྲག་དང༌། དེ་ལས་སྐྱོབ་པའི་ནུས་པ་མདུན་གྱི་སྐྱབས་ཡུལ་རྣམས་ཁོ་ན་ལ་ཡོད་པར་ཡིད་ཆེས་པའི་ངེས་ཤེས་ཤུགས་དྲག་པོ་བསྐྱེད་དེ་བློ་ལིངས་ཀྱིས་བཀལ་བའི་སྒོ་ནས་སེམས་ཅན་ཐམས་ཅད་ཀྱིས་མགྲིན་གཅིག་ཏུ་བརྗོད་པར་བསམ་ལ། ངག་ཏུའང༌། བདག་དང་འགྲོ་བ་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དུས་རྟག་པར་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །ཞེས་པའི་བར་ལན་མང་དུ་བརྗོད་དེ་དཀོན་མཆོག་གསུམ་གྱི་སྐྱབས་འོག་ཏུ་ཆུད་པར་བསམ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སྡུག་བསྔལ་མེད་པའི་བདེ་བ་དང་མི་འབྲལ་བར་གྱུར་ཅིག །ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ལ་གནས་པར་གྱུར་ཅིག །ཁྱད་པར་བདག་གིས་མ་སེམས་ཅན་ཐམས་ཅད་ཀྱི་དོན་དུ་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་མྱུར་བ་ཉིད་དུ་ཐོབ་པར་བྱ། དེའི་ཕྱིར་དུ་སངས་རྒྱས་སུམ་ཅུ་སོ་ལྔའི་སྒྲུབ་པ་ལ་འཇུག་པར་བྱའོ། །སྙམ་དུ་སེམས་བསྐྱེད། སྐྱབས་འགྲོ་སེམས་བསྐྱེད་འདི་རྣམས་འོག་གི་སྟོབས་ལྷག་མ་རྣམས་ལ་ནུས་པ་འདོན་བྱེད་ཀྱི་གཙོ་བོ་ཡིན་པས། གནད་དུ་འགྲོ་ངེས་

― GTD007_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གལ་ཆེའོ། །དེ་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་རྒྱལ་མཚན་ལ་ཕྱག་འཚལ་ལོ། །ཨོཾ་ན་མོ་བྷ་ག་ཝ་ཏེ། རཏྣ་ཀེ་ཏུ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ། སམྱཀྶཾ་བུདྡྷཱ་ཡ། ཏངྱ་ཐཱ། ཨོཾ་རཏྣེ་རཏྣེ་མཧཱ་རཏྣེ་རཏྣ་བི་ཛ་ཡེ་སྭཱཧཱ། སྔགས་འདི་བརྗོད་ནས་ཕྱག་ལན་གཅིག་བྱས་པའང་བྱེ་བ་ཕྲག་གཅིག་ཏུ་འགྱུར་བར་གསུངས་པས། ལན་གསུམ་མམ་བདུན་སོགས་ངེས་ཅན་དུ་བརྗོད། དེ་ནས་ལངས་ཏེ་ལུས་ཐམས་ཅད་ས་ལ་ཕབ་པའི་བརྐྱངས་ཕྱག་ཏུ་གྲགས་པའམ། ལག་པའི་མཐིལ་གཉིས། པུས་མོའི་ལྷ་ང་གཉིས། དཔྲལ་བ་སྟེ་ཡན་ལག་ལྔ་ས་ལ་རེག་པའི་ཕྱག་ཚུལ་དང་མཐུན་པར་བཙལ་ལ། པདྨོ་ཁ་འབུས་ལྟ་བུ་ཡི། །ལག་གཉིས་སྤྱི་བོར་ཐལ་སྦྱར་ཏེ། །ལུས་དཔག་མེད་པའི་ངག་ཡིད་ཀྱིས། །མཆོད་འོས་ཀུན་ལ་ཕྱག་འདི་བགྱིད། །སངས་རྒྱས་ཀུན་གྱི་རང་བཞིན་སྐུ། །སློབ་དཔོན་ལ་ནི་བདག་སྐྱབས་མཆི། །དང་པོ་མེ་ཏོག་ཕོག་པ་ཡི། །དཀྱིལ་འཁོར་ལྷ་ཚོགས་རྣམས་ལ་འདུད། །སྟོན་པ་བླ་མེད་སངས་རྒྱས་རིན་པོ་ཆེ། །སྐྱོབ་པ་བླ་མེད་དམ་ཆོས་རིན་པོ་ཆེ། །འདྲེན་པ་བླ་མེད་དགེ་འདུན་རིན་པོ་ཆེ། །བླ་མེད་དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། །ཞེས་པ་ནས། རི་དབང་གི་རྒྱལ་པོ་ལ་ཕྱག་འཚལ་ལོ། །ཞེས་པའི་བར་མཚན་རེ་རེའང་ལན་གསུམ་གསུམ་གྱི་བར་དུ་བརྗོད་ཅིང༌། དང་པོའི་ཚེ་དེ་བཞིན་གཤེགས་པ་དེའི་སྐུའི་རྣམ་པ་གསལ་བཏབ། གཉིས་པའི་ཚེ་རང་གི་ཐོག་མེད་ནས་བསགས་པའི་

― GTD007_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

སྡིག་པ་ཐམས་ཅད་ལྕེའི་སྟེང་དུ་པཾ་ཡིག་ནག་པོའི་རྣམ་པར་ནག་ཕུང་ངེ་ཡོད་པའི་མོས་པ་དང༌། དེ་བཞིན་གཤེགས་པ་དེའི་སྐུ་ལས་བདུད་རྩིའི་རྒྱུན་བབས་པས་དེ་ཉིད་བཀྲུས་ཏེ་ས་ལ་ཐིམ་པའམ་སངས་ཀྱིས་དག་པའི་དམིགས་པ་བྱ། གསུམ་པའི་ཚེ་ཡར་ལངས་པ་ན་དེ་བཞིན་གཤེགས་པ་དེའི་སྐུ་ལས་རང་འདྲ་གཉིས་པ་ཞིག་ཆད་དེ་རང་ལ་ཐིམ་པས་རྒྱུད་བྱིན་གྱིས་བརླབས་པར་བསམ། དེ་ནས་ཡང་དེ་བཞིན་གཤེགས་པ་རྗེས་མ་དེའི་མཚན་བརྗོད་ཅིང་སྐུའི་རྣམ་པ་གསལ་འདེབས་པ་སོགས་དལ་བུའི་སྒོ་ནས་རྒྱུད་ཤིན་ཏུ་འཁུལ་ངེས་པ་གནད་ཆེའོ། །རྒྱས་པར་སྤྲོ་ན། མཚན་རྣམས་རྫོགས་པའི་རྗེས་སུ། སངས་རྒྱས་ཀུན་གྱིས་འདུལ་དཀའ་བ། །ཞེས་སོགས་དེ་བཞིན་གཤེགས་པ་སོ་སོའི་ཕྱག་འཚལ་གྱི་ཚིགས་བཅད་ལྷོ་བྲག་བཀའ་འབུམ་སོགས་ལས་འབྱུང་བ་བཞིན་བྱ། དེ་ནས། དེ་དག་ལ་སོགས་པ་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། ཞེས་པ་ནས། ཐལ་མོ་སྦྱར་བ་བགྱིས་ཏེ་སྐྱབས་སུ་ཉེ་བར་མཆིའོ། །ཞེས་པའི་བར་ཁ་ཙམ་ཚིག་ཙམ་མ་ཡིན་པར་སྙིང་ཐག་པ་ནས་རེ་ལྟོས་འཆའ་བའི་ཚིག་དོན་དྲན་བཞིན་པར་གདོན། དེའང་འདི་ཉིད་ལ་ཉམས་ལེན་གྱི་སྙིང་པོ་ཆིག་དྲིལ་དུ་བྱེད་ན་སླར་ཡང་སྐྱབས་འགྲོ་ནས་བརྩམས་ཏེ་སྔར་བཞིན་བྱས་ལ་ལན་བཅུ་གཅིག་གམ། ཉེར་གཅིག་གམ། སོ་ལྔ་ལ་ཐུན་རེ་རེ་བྱས་པའི་ཐུན་གསུམ་མམ། བཞིར་བྱས་ན་ཤིན་ཏུ་ལེགས་སོ། །ཐུན་གྱི་མཐར་དེ་བཞིན་གཤེགས་པ་སྤྱིའི་སྙིང་པོ་འདི་ཉིད་ལན་གཅིག་བརྗོད་ནའང་བསྐལ་པ་འབུམ་ཕྲག་བརྒྱའི་སྡིག་པ་འདག་པར་གསུངས་པས། ན་མཿ སརྦ་ཏ་ཐཱ་ག་ཏ་ཧྲྀ་ད་ཡ། ཨ་ནུ་ག་ཏེ། ཨོཾ་ཀུ་རུཾ་གི་ནི་སྭཱཧཱ། ཞེས་བརྒྱ་རྩ་རེའམ། མ་མཐའ་ཉེར་གཅིག་བཟླ། མཇུག་ཏུ་ཡི་གེ་བརྒྱ་པས་ལྷག་ཆད་བསྐང༌། གཏོར་མ་ཆ་བཞི་བཤམས་ལ། སཾ་བྷ་རའི་སྔགས་ལན་གསུམ་གྱིས་བྱིན་གྱིས་བརླབས། གཏོར་མ་དང་པོ་སངས་རྒྱས་སོ་ལྔ་གཙོ་བོར་གྱུར་པའི་དཀོན་མཆོག་གསུམ་ལ་

― GTD007_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་ཏེ། བདུད་རྩི་རྒྱ་མཚོའི་གཏོར་མ་འདི། །བླ་མ་དཀོན་མཆོག་གསུམ་ལ་འབུལ། །བཞེས་ནས་མཆོག་དང་ཐུན་མོང་གི །དངོས་གྲུབ་མ་ལུས་སྩལ་ཏུ་གསོལ། །གཉིས་པ་རྒྱལ་ཆེན་སྡེ་བཞི་སོགས་ཆོས་སྐྱོང་རྣམས་ལ་དམིགས་ཏེ། བདུད་རྩི་རྒྱ་མཚོའི་གཏོར་མ་འདི། །ཆོས་སྐྱོང་སྲུང་མ་རྣམས་ལ་འབུལ། །བཞེས་ནས་ཞི་རྒྱས་དབང་དྲག་གི། འཕྲིན་ལས་མ་ལུས་བསྒྲུབ་ཏུ་གསོལ། །གསུམ་པ། བདུད་རྩི་རྒྱ་མཚོའི་གཏོར་མ་འདི། །ཡུལ་ལྷ་གཞི་བདག་རྣམས་ལ་འབུལ། །བཞེས་ནས་རུ་ང་མ་མཛད་པར། །སྡོངས་གྲོགས་གནས་པོ་བཟང་པོ་མཛོད། །བཞི་པ། བདུད་རྩི་རྒྱ་མཚོའི་གཏོར་མ་འདི། །རིགས་དྲུག་སེམས་ཅན་རྣམས་ལ་འབུལ། །བཞེས་ནས་སྡུག་བསྔལ་ལས་གྲོལ་ཏེ། །མྱུར་དུ་སངས་རྒྱས་ཐོབ་པར་ཤོག །བདག་གི་བསམ་པའི་སྟོབས་དང་ན། །དེ་བཞིན་གཤེགས་པའི་བྱིན་སྟོབས་དང༌། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །དོན་རྣམས་གང་དག་བསམས་པ་ཀུན། །དེ་དག་ཐམས་ཅད་ཅི་རིགས་པ། །ཐོགས་པ་མེད་པར་འབྱུང་གྱུར་ཅིག །ཨོཾ་སརྦ་ཏ་ཐཱ་ག་ཏ་ཨརྒྷཾ་སོགས་ཀྱིས་མཆོད། མགོན་པོ་ཐུགས་རྗེ་ཞེས་སོགས་ཀྱིས་གོང་བཞིན་བསྟོད། བཅོམ་ལྡན་འདས་དེ་བཞིན་གཤེགས་པ་སུམ་ཅུ་སོ་ལྔའི་ལྷ་ཚོགས་ཁྱེད་རྣམས་ལ་མཁྱེན་པའི་ཡེ་ཤེས། བརྩེ་བའི་ཐུགས་རྗེ། མཛད་པའི་འཕྲིན་ལས། སྐྱོབ་པའི་ནུས་མཐུ་བསམ་གྱིས་མི་ཁྱབ་པ་མངའ་བ་ལགས་པས་ཕན་བདེའི་འབྱུང་གནས་རྒྱལ་བའི་བསྟན་པ་དར་ཞིང༌། བསྟན་འཛིན་གྱི་སྐྱེས་བུ་རྣམས་ཞབས་པད་བརྟན་པ་དང༌། དགེ་འདུན་གྱི་སྡེ་རྣམས་བཤད་སྒྲུབ་

― GTD007_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་བྱ་བ་གོང་དུ་འཕེལ་ཞིང༌། འཇིག་རྟེན་མཐའ་དག་ཆོས་འབྱོར་བདེ་སྐྱིད་ཀྱིས་འཚོ་བ་དང༌། བདག་དང་ཕ་མ་རིགས་དྲུག་གི་སེམས་ཅན་ཐམས་ཅད་ཀྱི་སྒྲིབ་གཉིས་བག་ཆགས་དང་བཅས་པ་བྱང་ཞིང་དག་ནས་བླ་ན་མེད་པའི་བྱང་ཆུབ་ཀྱི་གོ་འཕང་མྱུར་དུ་ཐོབ་པར་བྱིན་གྱིས་བརླབ་ཏུ་གསོལ། ཞེས་འདོད་དོན་ལ་གསོལ་བ་གདབ། སྐྱབས་ཡུལ་རྣམས་འོད་དུ་ཞུ་བ་རང་གི་སྨིན་མཚམས་ནས་ཐིམ་པས་བྱིན་གྱིས་བརླབས་པར་བསམས། མཇུག་ཏུ་བཟང་པོ་སྤྱོད་པ་དང༌། བདེ་བ་ཅན་གྱི་སྨོན་ལམ་སོགས་བསྔོ་སྨོན་རྣམ་པར་དག་པས་རྒྱས་གདབ་བོ། །དེའང་ཐོག་མེད་ནས་སྡིག་པ་མི་དགེ་བའི་ལས་སྣ་རེ་རེ་ཙམ་མ་ཡིན་པར་སྒོ་མཐའ་དག་ནས་བསགས་པའི་དབང་གིས་གཉེན་པོ་ཡང་ཕྱོགས་རེ་ཙམ་གྱིས་ཆོག་ཤེས་མི་བྱ་བར་ཆ་མཐའ་དག་ནས་འབད་དགོས། དེའང་བསླབ་བཏུས་སུ། ཤེར་མདོ་ལྟ་བུ་བྲི་ཀློག་སོགས་མདོ་སྡེ་ཟབ་མོ་ལ་བརྟེན་པ་དང༌། སྟོང་པ་ཉིད་ལ་མོས་པ་དང༌། རྡོར་སེམས་བསྒོམ་བཟླས་ལྟ་བུ་བཟླས་པ་ལ་བརྟེན་པ་དང༌། བྲིས་འབུར་གྱི་སྐུ་དང་སཙྪ་འདེབས་པ་སོགས་སྐུ་གཟུགས་ལ་བརྟེན་པ་དང༌། མཆོད་པ་ལ་བརྟེན་པ། མཚན་ལ་བརྟེན་པ་སྟེ་དྲུག་གསུངས་པས། ཐ་མ་ནི་འདིའི་དངོས་གཞི་གཙོ་བོ་ཡིན་ལ། གཞན་རྣམས་ཕལ་ཆེར་ཐུན་མཚམས་ཀྱི་སྐབས་སུ་ལག་ལེན་ལ་འདེབས་ཅི་ཐུབ་བྱས་ཏེ། ཤེས་རྒྱུད་ཉེས་ལྟུང་གིས་མ་གོས་པའི་ཉམས་ལེན་རྣམ་པར་དག་པ་ལ་སྐུལ་བྱེད་ཀྱི་གཟུངས་ལས་གསུངས་པའི་སྡིག་པ་དག་པའི་ལྟས་རྣམས་བྱུང་བྱུང་གི་བར་དུ་འབད་དེ་དལ་འབྱོར་ཐོབ་པ་དོན་དང་ལྡན་པར་བྱའོ།། སྨྲས་པ། གང་ཞིག་རང་ལ་བརྩེ་བ་མི་དམན་ཞིང༌། །ལེགས་ཉེས་འབྱེད་པའི་བློ་དང་ལྡན་རྣམས་ལ། །དགོས་དོན་ཀུན་གྱི་ནང་ན་གལ་ཆེ་བའི། །འདུན་མའི་རྩ་བ་ཉེས་ལྟུང་སྦྱོང་འདི་ཡིན། །དེ་ཕྱིར་རྙེད་དཀའ་མི་ཡི་ལུས་ཐོབ་ཅིང༌། །དམྱལ་མེ་བཟོད་དཀའི་སྒོ་འཕར་གཅོད་

― GTD007_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

ནུས་ཆེ། །དོན་མེད་གཡེང་བ་བོར་ནས་འདི་འདྲ་བའི། །ཉམས་ལེན་སྙིང་པོར་མཛོད་ཅིག་གྲོགས་པོ་དག །འདིས་མཚོན་རང་གཞན་དགེ་ཚོགས་གངྒཱའི་ཀླུང༌། །སྡིག་ལྟུང་དྲི་མ་སྦྱོང་བྱེད་ལྷ་ཡི་ཆུས། །མཁའ་མཉམ་འགྲོ་བའི་ཡིད་ཀྱི་ཉེས་པའི་ཚོགས། །སྦྱངས་ཏེ་འཆི་མེད་ཐར་པའི་གནས་ཐོབ་ཤོག །ཅེས་སངས་རྒྱས་སུམ་ཅུ་སོ་ལྔའི་སྒྲུབ་ཐབས་ཀྱི་ཆོ་ག་ལྟུང་བའི་མུན་སེལ་ཞེས་བྱ་བ་འདི་ནི་དད་བརྩོན་ལྡན་པ་དཀོན་མཆོག་འབྱུང་གནས་ཀྱིས་བསྐུལ་བའི་ངོར། གྲུབ་ཆེན་ལས་ཀྱི་རྡོ་རྗེའི་གསུང་ལ་གཞི་བྱས། ཁ་འགེངས་འོས་ཅུང་ཟད་རྣམས་གཞན་ནས་ཀྱང་བསྣན་ཏེ། བཙུན་པ་དཀོན་མཆོག་བསྟན་པའི་སྒྲོན་མེས་རང་དང་སྐལ་མཉམ་རྣམས་ལ་ཕན་དུ་རེ་བས། ཆོས་གྲྭ་ཆེན་པོ་བཀྲ་ཤིས་འཁྱིལ་དུ་སྦྱར་བའི་ཡི་གེ་པ་ནི་དད་བརྩོན་ལྡན་པ་དགེ་སློང་དཀོན་མཆོག་ཀུན་དགའོ།། དངོས་བརྒྱུད་བླ་མ་ཡི་དམ་བསྐལ་བཟང་གི །རྣམ་འདྲེན་རྒྱལ་བ་སྟོང་དང་བདེ་གཤེགས་བརྒྱད། །སངས་རྒྱས་སོ་ལྔ་ཉེ་སྲས་བརྒྱད་ལ་སོགས། །རྒྱལ་བ་སྲས་བཅས་ཐུགས་བསྐྱེད་བདེན་པའི་མཐུས། །བདག་གིས་དུས་གསུམ་དགེ་བ་ཅི་བགྱིས་པ། །མི་མཐུན་རྐྱེན་གྱིས་ནམ་ཡང་མི་གཞོམ་ཞིང༌། །དུས་གསུམ་རྒྱལ་བ་ཀུན་གྱིས་བསྔགས་པ་ཡི། །འབྲས་བཟང་མཐའ་དག་འགྲུབ་པའི་རྒྱུར་གྱུར་ཅིག །གཡེང་ཞིང་བསམ་སྦྱོར་དམན་པས་བགྱིས་རྣམས་ཀྱང༌། །ཕུལ་བྱུང་དགེ་བའི་དངོས་པོར་བསྒྱུར་བྱས་ཏེ། །དེ་ཡི་མཐུ་ལས་སྔོན་བསགས་སྡིག་ལྟུང་ཀུན། །ལྷག་མེད་བྱང་ཞིང་དག་པར་བྱིན་གྱིས་རློབས། །འདི་སྣང་འགག་ཚེ་ཉེ་བའི་སྲས་རྣམས་ཀྱིས། །དབུགས་དབྱུང་བདེ་བ་ཅན་དུ་འཁྲིད་པ་དང༌། །དེར་ནི་འོད་དཔག་མེད་པའི་ཞལ་མཐོང་སྟེ། །གསུང་གི་བདུད་རྩིའི་

― GTD007_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་སྟོན་མྱོང་བར་ཤོག །སྐྱེ་ཞིང་སྐྱེ་བར་བཤེས་གཉེན་དམ་པ་ཡིས། །འབྲལ་མེད་རྗེས་གཟུང་བཀའ་བཞིན་སྒྲུབ་པ་དང༌། །ཕྱི་ནང་ཉེར་འཚེའི་རྐྱེན་གྱིས་མི་གཡོ་བར། །ས་ལམ་བགྲོད་པ་མྱུར་དུ་མཐར་ཕྱིན་ཤོག །ཅེས་པ་འདི་ནི་དད་བརྩོན་བློ་དང་ལྡན་པ་རབ་འབྱམས་པ་འཇིགས་མེད་ཡར་འཕེལ་གྱིས་བསྐུལ་ངོར་ྋབཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། །།

ཡོན་སྦྱོང་གི་ཆོ་ག་སྒྲིབ་པའི་མུན་སེལ།

― GTD007_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་སྦྱོང་གི་ཆོ་ག་སྒྲིབ་པའི་མུན་སེལ་ཞེས་བྱ་བ་བཞུགས་སོ།།

― GTD007_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་རྗེ་བྱིན་རླབས་འབར་བའི་མེ་འོད་ཀྱིས། །དཀོར་སྒྲིབ་ཉེས་པའི་ཚང་ཚིང་སྲེག་བྱེད་ཅིང༌། །མངོན་མཐོ་ངེས་ལེགས་ལམ་བཟང་གསལ་མཛད་པ། །བཅོམ་ལྡན་ཐུགས་རྗེའི་གཏེར་ཆེན་དེ་ཡིས་སྐྱོངས། །ལྡན་གྲོལ་ཡོན་ཏན་གདེང་ཚད་མི་ལྡན་པར། །འཇུ་དཀའི་དཀོར་ལ་བག་མེད་སྤྱོད་པ་ཡིས། །གཏན་བདེའི་སྲོག་འཕྲོག་ནད་ཀྱིས་ཟིན་པ་རྣམས། །སྐྱོབ་བྱེད་སྨན་གྱི་སྦྱོར་བ་མདོ་ཙམ་སྤེལ། །དེ་ཡང་གཞན་གྱིས་དད་པས་སྦྱིན་པ་ལོངས་སྤྱོད་པའི་ཚུལ་ལ། བདག་པོའི་ཚུལ་གྱིས་སྤྱོད་པ་དང༌། བྱིན་པའི་ཚུལ་དུ་སྤྱོད་པ། བུ་ལོན་གྱི་ཚུལ་དུ་སྤྱོད་པ། ལྕགས་གོང་མེ་ལྕེ་འབར་བའི་ཚུལ་དུ་སྤྱོད་པ་དང་བཞི་མདོ་སྡེ་ལས་གསུངས་པའི་ཕྱི་མ་ནི། ལྕགས་གོང་མེ་ལྕེ་འབར་འདྲ་བ། །ཟོས་པར་གྱུར་པ་ཆེས་སླ་ཡི། །ཚུལ་འཆལ་ཡང་དག་མི་སྡོམ་པས། །ཡུལ་འཁོར་བསོད་སྙོམས་ཟ་བ་མིན། །ཞེས་པ་སྟེ། ད་ལྟ་རང་ཅག་སྡོམ་པ་གསུམ་གྱི་ཁས་ལེན་ཤིན་ཏུ་རྒྱ་ཆེ་ཡང༌། དེའི་བཅས་མཚམས་རྣམ་པར་དག་པ་སྣ་རེ་ཙམ་ཡང་བསྲུང་བ་སེམས་ལ་འཛིན་རྒྱུ་མེད་པར་གསོན་གཤིན་གྱི་དད་ཟས་ལ་བག་མེད་དུ་ལོངས་སྤྱོད་ཅིང༌། ད་དུང་ཡང་ལན་ཚྭའི་ཆུ་བཞིན་ངོམས་པ་མེད་པར་སྲེད་པ་ལྷག་པར་འཕེལ་ཏེ། ཁ་གསག་གཞོག་སློང་སོགས་ཐབས་སྣ་ཚོགས་ཀྱི་སྒོ་ནས་ལོག་པའི་འཚོ་བ་འབའ་ཞིག་བསྒྲུབས་པ་ནི། ཚེ་ཐུང་དགུན་ཉི་ལྟ་བུ་འདི་ཡུད་ཀྱིས་ཟད་དེ། འབད་པས་བསྒྲུབས་པའི་དཀོར་ཟས་ཐམས་ཅད་རྨི་ལམ་གྱི་དགའ་སྟོན་ལྟར་དྲན་པའི་ཡུལ་དུ་བཞག །དེའི་སྒྲིབ་པ་ཐམས་ཅད་སེམས་སྟེང་དུ་ཁུར་ཏེ་དམྱལ་བའི་གཏིང་དུ་ཕྱིན་ནས་ལོ་གྲངས་བྱེ་བ་ཕྲག་ཁྲིག་མང་པོར་ཁྲོ་ཆུ་ཁོལ་མའི་བཏུང་བ་དང༌། ལྕགས་ཀྱི་ཐུ་ལུམ་འབར་བ་ཟས་སུ་

― GTD007_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

ཟ་དགོས་པས། རང་ལ་རང་གཅེས་པར་འཛིན་པ་རྣམས་ཀྱིས་རབ་དཀོར་སྒྲིབ་ཚན་པོ་ཆེས་མ་གོས་པ་དང༌། མ་མཐའ་ཡང་དཀོར་སྒྲིབ་སྦྱོང་བའི་ཐབས་མ་ནོར་བ་རེ་ལ་འབད་པར་བྱེད་དགོས་སོ། །དེ་ཡང་སྤྱིར་སྟོན་པ་ཐུགས་རྗེ་ཅན་གྱིས་དཀོར་སྦྱོང་བའི་རིམ་པ་དུ་མ་ཞིག་གསུངས་ལ། ཁྱད་པར་དུ་བྱ་སླ་ཞིང་དོན་ཆེ་བར་གཟིགས་ཏེ་དེ་བཞིན་གཤེགས་པ་རིན་ཆེན་འོད་ཀྱི་རྒྱལ་པོ་མེ་འོད་རབ་ཏུ་གསལ་བའི་མཚན། ན་མཿ ས་མནྟ་པྲ་བྷ་རཱ་ཛཱ་ཡ་ཞེས་སོགས་ཡོན་སྦྱོང་གི་གཟུངས་དང་བཅས་པ་གསུངས་ལ། ན་མོ་བྷ་ག་ཝ་ཏེ། སུ་མེ་རུ་ཀལྤ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀ་སཾ་བུདྡྷཱ་ཡ། ཏངྱ་ཐཱ། ཨོཾ་ཀལྤེ་ཀལྤེ། མཧཱ་ཀལྤེ། ཀལྤེ་པ་རི་ཤོ་དྷ་ནི་སྭཱཧཱ། ཞེས་གཟུངས་རྐྱང་པ་གཅིག་ཀྱང་གསུངས་སོ། །འགྱུར་ཕལ་ཆེར་དུ་ཀུན་ནས་འོད་ཀྱི་རྒྱལ་པོ་ཞེས་པ་ཙམ་ལས་མི་འབྱུང་ཡང༌། ལྟུང་བཤགས་ཀྱི་ལྷ་སོ་ལྔའི་ནང་གི་རིན་ཆེན་མེ་ཡིན་པར་མངོན་ཏེ། རྒྱལ་ཚབ་རྗེས་ཇོ་བོའི་གསུང་རྒྱུན་ལྟར་མཚན་གྱི་ཕན་ཡོན་བཀོད་པ་ལས། རིན་ཆེན་མེས་དགེ་འདུན་གྱི་དཀོར་ལ་འབག་པའི་སྡིག་པ་འདག་གོ །ཞེས་གསུངས་པ་དང༌། མདོ་འདིའི་ཕན་ཡོན་དུ།ཡོན་མང་པོ་ལ་སྤྱད་པ་ཡང་བྱང་བར་འགྱུར་རོ། །ཡོན་བདག་དེའི་ཡོན་ཡོངས་སུ་འཕེལ་བར་འགྱུར་ཞིང་ཚོགས་ཐམས་ཅད་ཡོངས་སུ་རྫོགས་པར་འགྱུར་རོ། །ཞེས་གསུངས་པ་གཉིས་དོན་འདྲ་བར་སྣང་ངོ༌། །དེ་ལྟར་ན་ཀུན་ནས་འོད་ཀྱི་རྒྱལ་པོ་ཞེས་པ་ཞིང་གི་སྒོ་ནས་བཏགས་པ་ཡིན་ལ། རིན་ཆེན་མེའམ། མེ་འོད་རབ་ཏུ་གསལ་བ་ཞེས་པ་མཚན་དངོས་ཡིན་ཏེ། མེ་ཏོག་གི་ཚོགས་ཀྱི་མདོ་ལས། བྱང་ཕྱོགས་སུ་སངས་རྒྱས་ཀྱི་ཞིང་བྱེ་བ་བརྒྱ་སྟོང་གི་ཐ་མ་ན་འཇིག་རྟེན་གྱི་ཁམས་ནོར་བུ་སྣང་བ་ཅན་ཞེས་བྱ་བ་ན། དེ་བཞིན་གཤེགས་པ་

― GTD007_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་མེ་ཞེས་བྱ་བ་བཞུགས་ཏེ། ཞེས་གསུངས་པས། འོད་དང་སྣང་བ་རྣམ་གྲངས་སུ་བྱས་པར་མངོན། སྟོན་ཚུལ་དེ་འདྲ་བ་མང་སྟེ། མདོ་དེར་རྡོ་རྗེ་སྙིང་པོས་རབ་ཏུ་འཇོམས་པའི་མཇུག་ཐོགས་སུ། རིན་ཆེན་མེ་དང་རིན་ཆེན་ཟླ་འོད་གཉིས་གསུངས་པ་ལྟ་བུ་ལྟུང་བཤགས་ཀྱི་ལྷ་ཚོགས་རགས་རིམ་ཞིག་ཐོར་བུ་ཐོར་བུར་གསུངས་ལ། དང་པོ་ཡང་རྡོ་རྗེའི་སྙིང་པོ་ཅན་ཞེས་པ་ཞིང་དང་། རྡོ་རྗེ་རབ་ཏུ་འཇོམས་པ་ཞེས་པ་མཚན་དངོས་ཡིན་པར་གསུངས་ཀྱང། ཕུང་པོ་གསུམ་པའི་མདོར་རྡོ་རྗེའི་སྙིང་པོས་རབ་ཏུ་འཇོམས་པ་ཞེས་བསྡུས་ནས་གསུངས་པ་བཞིན་ནོ། །དེས་ན་མགོན་པོ་འདི་ཉིད་ལ་བརྟེན་ནས་དཀོར་གྱི་སྒྲིབ་པ་སྦྱོང་བའི་ཐབས་ཟབ་མོ་ཉམས་སུ་ལེན་པ་ལ། ཐོག་མར་འདི་ཉིད་ཀྱི་སྐུ་བརྙན་ཟུར་པའམ། ལྟུང་བཤགས་ཀྱི་བྲིས་ཐང་ལྟ་བུའི་མདུན་དུ་མཆོད་པ་ལེགས་པར་བཤམ། སྐྱབས་སེམས་སྔོན་དུ་བཏང་ལ། ༈ རང་གི་མདུན་དུ་སེང་གེ་ཆེན་པོ་བརྒྱད་ཀྱིས་བཏེག་པའི་རིན་པོ་ཆེའི་ཁྲི་མཐོ་ཞིང་ཡངས་པའི་སྟེང་དུ་པདྨ་དང་ཟླ་བའི་གདན་ལ་བཅོམ་ལྡན་འདས་དེ་བཞིན་གཤེགས་པ་རིན་ཆེན་འོད་ཀྱི་རྒྱལ་པོ་མེ་འོད་རབ་ཏུ་གསལ་བ་སྐུ་མདོག་དམར་པོ་ཞལ་གཅིག །ཕྱག་གཉིས་གཡས་ས་གནོན་དང་གཡོན་མཉམ་གཞག་གི་ཕྱག་རྒྱ་མཛད་པ། སྐུ་ལ་ཆོས་གོས་ངུར་སྨྲིག་གི་མདོག་ཅན་གསུམ་མཛེས་པར་གསོལ་བ། མཚན་དཔེས་བརྒྱན་པ་དྭངས་གསལ་འོད་ཀྱི་རང་བཞིན་ཅན། སྐུ་ལས་སྐྱེས་པའི་འོད་ཀྱི་ཕུང་པོའི་དཀྱིལ་ན་ཞབས་རྡོ་རྗེའི་སྐྱིལ་ཀྲུང་གིས་བཞུགས་པ། དེའི་སྤྱི་བོར་ཨོཾ་དཀར་པོ། མགྲིན་པར་ཨཱཿ དམར་པོ། ཐུགས་ཀར་ཧཱུཾ་སྔོན་པོ། ཐུགས་ཀའི་ཧཱུཾ་ལས་འོད་ཟེར་འཕྲོས་པས། བྱང་ཕྱོགས་ནོར་བུ་སྣང་བ་ཅན་གྱི་ཞིང་ཁམས་ནས་

― GTD007_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་གཤེགས་པ་རིན་ཆེན་མེ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས། མ་ལུས་སེམས་ཅན་ཀུན་གྱི་མགོན་གྱུར་ཅིང༌། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཡང་དག་མཁྱེན་གྱུར་པའ། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། དཀོར་སྒྲིབ་ཉེས་ལྟུང་ཁུར་གྱིས་ནོན་པ་ཡིས། །སྲིད་མཚོའི་གཏིང་དུ་བྱིང་བའི་ཉམ་ཐག་རྣམས། །བྱིན་རླབས་གྲུ་གཟིངས་མཆོག་གིས་སྒྲོལ་བའི་གཉེན། །བདེ་གཤེགས་རིན་ཆེན་མེ་ལ་ཕྱག་འཚལ་ལོ། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །དུས་གསུམ་གཤེགས་པ་མི་ཡི་སེང་གེ་ཀུན། །བདག་གིས་མ་ལུས་དེ་དག་ཐམས་ཅད་ལ། །ལུས་དང་ངག་ཡིད་དང་བས་ཕྱག་བགྱི་འོ། །བཟང་པོ་སྤྱོད་པའི་སྨོན་ལམ་སྟོབས་དག་གིས། །རྒྱལ་བ་ཐམས་ཅད་ཡིད་ཀྱིས་མངོན་སུམ་དུ། །ཞིང་གི་རྡུལ་སྙེད་ལུས་རབ་བཏུད་པ་ཡིས། །རྒྱལ་བ་ཀུན་ལ་རབ་ཏུ་ཕྱག་འཚལ་ལོ། །རྡུལ་གཅིག་སྟེང་ན་རྡུལ་སྙེད་སངས་རྒྱས་རྣམས། །སངས་རྒྱས་སྲས་ཀྱི་དབུས་ན་བཞུགས་པ་དག །དེ་ལྟར་ཆོས་ཀྱི་དབྱིངས་རྣམས་མ་ལུས་པ། །ཐམས་ཅད་རྒྱལ་བ་དག་གིས་གང་བར་མོས། །དེ་དག་བསྔགས་པ་མི་ཟད་རྒྱ་མཚོ་རྣམས། །དབྱངས་ཀྱི་ཡན་ལག་རྒྱ་མཚོའི་སྒྲ་ཀུན་གྱིས། །རྒྱལ་བ་ཀུན་གྱི་ཡོན་ཏན་རབ་བརྗོད་ཅིང༌། །བདེ་བར་གཤེགས་པ་ཐམས་ཅད་བདག་གིས་བསྟོད། །མེ་ཏོག་དམ་པ་ཕྲེང་བ་

― GTD007_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་པ་དང༌། །སིལ་སྙན་རྣམས་དང་བྱུག་པ་གདུགས་མཆོག་དང༌། །མར་མེ་མཆོག་དང་བདུག་སྤོས་དམ་པ་ཡིས། །རྒྱལ་བ་དེ་དག་ལ་ནི་མཆོད་པར་བགྱི། །ན་བཟའ་དམ་པ་རྣམས་དང་དྲི་མཆོག་དང༌། །ཕྱེ་མ་ཕུར་མ་རི་རབ་མཉམ་པ་དང༌། །བཀོད་པ་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། །མཆོད་པ་གང་རྣམས་བླ་མེད་རྒྱ་ཆེ་བ། །དེ་དག་རྒྱལ་བ་ཐམས་ཅད་ལ་ཡང་མོས། །བཟང་པོ་སྤྱོད་ལ་དད་པའི་སྟོབས་དག་གིས། །རྒྱལ་བ་ཀུན་ལ་ཕྱག་འཚལ་མཆོད་པར་བགྱི། །འདོད་ཆགས་ཞེ་སྡང་གཏི་མུག་དབང་གིས་ན། །ལུས་དང་ངག་དང་དེ་བཞིན་ཡིད་ཀྱིས་ཀྱང༌། །སྡིག་པ་བདག་གིས་བགྱིས་པ་ཅི་མཆིས་པ། །དེ་དག་ཐམས་ཅད་བདག་གིས་སོ་སོར་བཤགས། །ཁྱད་པར་འདོད་ལ་སྲེད་པའི་དབང་གྱུར་ཏེ། །མཆོག་གསུམ་དཀོར་དང་དད་པས་བྱིན་པའི་རྫས། །བག་མེད་སྤྱད་པས་བུ་ལོན་ཆགས་པ་ཀུན། །གདུངས་པས་འགྱོད་པ་དྲག་པོས་མཐོལ་ཞིང་བཤགས། །ཕྱོགས་བཅུའི་རྒྱལ་བ་ཀུན་དང་སངས་རྒྱས་སྲས། །རང་རྒྱལ་རྣམས་དང་སློབ་དང་མི་སློབ་དང༌། །འགྲོ་བ་ཀུན་གྱི་བསོད་ནམས་གང་ལ་ཡང༌། །དེ་དག་ཀུན་གྱི་རྗེས་སུ་བདག་ཡི་རང༌། །གང་རྣམས་ཕྱོགས་བཅུའི་འཇིག་རྟེན་སྒྲོན་མ་རྣམས། །བྱང་ཆུབ་རིམ་པར་སངས་རྒྱས་མ་ཆགས་བརྙེས། །མགོན་པོ་དེ་དག་བདག་གིས་ཐམས་ཅད་ལ། །འཁོར་ལོ་བླ་ན་མེད་པ་བསྐོར་བར་བསྐུལ། །མྱ་ངན་འདའ་སྟོན་གང་བཞེད་དེ་དག་ལ། །འགྲོ་བ་ཀུན་ལ་ཕན་ཞིང་བདེ་བའི་ཕྱིར། །བསྐལ་པ་ཞིང་གི་རྡུལ་སྙེད་

― GTD007_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་པར་ཡང༌། །བདག་གིས་ཐལ་མོ་རབ་སྦྱར་གསོལ་བར་བགྱི། །ཕྱག་འཚལ་བ་དང་མཆོད་ཅིང་བཤགས་པ་དང༌། །རྗེས་སུ་ཡི་རང་བསྐུལ་ཞིང་གསོལ་བ་ཡི། །དགེ་བ་ཅུང་ཟད་བདག་གིས་ཅི་བསགས་པ། །ཐམས་ཅད་རྫོགས་པའི་བྱང་ཆུབ་ཆེན་པོར་བསྔོ། །ས་གཞི་སྤོས་ཀྱིས་བྱུགས་ཤིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་ལ་སྤྱོད་པར་ཤོག །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་འོད་ཀྱི་རྒྱལ་པོ་མེ་འོད་རབ་ཏུ་གསལ་བ་ལ་ཕྱག་འཚལ་ལོ། །ལན་གང་མང༌། དེ་ནས། སྟོན་པ་ཐུགས་རྗེ་ཆེན་པོ་དང་ལྡན་པ་བདག་ལ་དགོངས་སུ་གསོལ། བདག་གིས་ཐོག་མེད་ནས་བསགས་པའི་སྡིག་ལྟུང་ཐམས་ཅད་དང༌། ཁྱད་པར་དུ་མཆོད་རྟེན་གྱི་དཀོར་རམ་དགེ་འདུན་གྱི་དཀོར་དང༌། གསོན་གཤིན་གྱི་དད་རྫས་སོགས་ལ་བག་མེད་པར་ལོངས་སྤྱད་པའི་ཉེས་པ་དཔག་ཏུ་མེད་པ་རྣམས། སངས་རྒྱས་བཅོམ་ལྡན་འདས་ཡེ་ཤེས་སུ་གྱུར་པ། སྤྱན་དུ་གྱུར་པ། དཔང་དུ་གྱུར་པ། ཚད་མར་གྱུར་པ། མཁྱེན་པས་གཟིགས་པ་ཁྱེད་ཀྱི་སྤྱན་སྔར་མཐོལ་ལོ། །མི་འཆབ་བོ། །འཆགས་སོ། །སླན་ཆད་ཀྱང་གཅོད་ཅིང་སྡོམ་པར་བགྱིད་ལགས་སོ། །མགོན་པོ་ཁྱོད་ཀྱི་ཐུགས་རྗེ་བྱིན་རླབས་བསམ་གྱིས་མི་ཁྱབ་པའི་སྟོབས་ཀྱིས་བྱང་ཞིང་དག་པར་བྱིན་གྱིས་བརླབ་ཏུ་གསོལ། ཞེས་གསོལ་བ་བཏབ་

― GTD007_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

པས། དེའི་ཐུགས་ཀར་ཟླ་བ་ལ་གནས་པའི་ཧཱུཾ་ཡིག་གི་མཐར་སྔགས་ཀྱི་ཕྲེང་བས་བསྐོར་བ་ལས་བདུད་རྩི་སྣ་ལྔ་འོད་ཟེར་དང་བཅས་པའི་རྒྱུན་བབས། རང་གི་སྤྱི་བོ་ནས་ཞུགས། ལུས་ཀྱི་ནང་ཐམས་ཅད་གང་བས་ཐོག་མེད་ནས་བསགས་པའི་དཀོར་སྒྲིབ་ཉེས་ལྟུང་ཐམས་ཅད་བྱང་ཞིང་དག །རྒྱལ་བ་སྲས་བཅས་ཀྱི་བྱིན་རླབས་མ་ལུས་པ་ཐོབ་པར་གྱུར་པར་བསམས་ལ། ན་མཿ ས་མནྟ་པྲ་བྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྱཀ་སཾ་བུདྡྷཱ་ཡ། ན་མོ་མཉྫུ་ཤྲི་ཡེ། ཀུ་མཱ་ར་བྷཱུ་ཏཱ་ཡ། བོ་དྷི་སཏྭཱ་ཡ། མཧཱ་སཏྭཱ་ཡ། མཧཱ་ཀཱ་རུ་ཎི་ཀཱ་ཡ། ཏངྱ་ཐཱ། ཨོཾ་ནི་རཱ་ལམྦེ་ནི་རཱ་བྷཱ་སེ། ཛ་ཡེ་ཛ་ཡེ་ལབ་དྷེ། མཧཱ་མ་ཏེ་དཀྵེ་དཀྵི་ཎཱཾ་མེ་པ་རི་ཤོདྷཱ་ཡ་སྭཱཧཱ། ཞེས་བཟླས་པ་ཅི་འགྲུབ་བྱ། མཇུག་ཏུ་ཡི་གེ་བརྒྱ་པས་ལྷག་ཆད་བསྐང༌། དཀོར་སྒྲིབ་ཉེས་ལྟུང་ཁུར་གྱིས་ནོན་པ་ཡིས། །སྲིད་མཚོའི་གཏིང་དུ་བྱིང་བའི་ཉམ་ཐག་རྣམས། །བྱིན་རླབས་གྲུ་གཟིངས་མཆོག་གིས་སྒྲོལ་བའི་གཉེན། །བདེ་གཤེགས་རིན་ཆེན་མེ་ལ་ཕྱག་འཚལ་ལོ། །དངོས་བཤམས་ཡིད་སྤྲུལ་མཆོད་པ་མ་ལུས་འབུལ། །ཐོག་མེད་ནས་བསགས་སྡིག་ལྟུང་ཐམས་ཅད་བཤགས། །སྐྱེ་འཕགས་དགེ་བ་རྣམས་ལ་རྗེས་ཡི་རང༌། །འཁོར་བ་མ་སྟོངས་བར་དུ་ལེགས་བཞུགས་ནས། །འགྲོ་ལ་ཆོས་ཀྱི་འཁོར་ལོ་བསྐོར་བར་བསྐུལ། །འདིས་མཚོན་དགེ་བ་བྱང་ཆུབ་ཆེན་པོར་བསྔོ། །དེང་ནས་ཇི་སྲིད་བྱང་ཆུབ་སྙིང་པོའི་བར། །འདྲེན་པ་མཆོག་གིས་འབྲལ་མེད་རྗེས་བཟུང་ནས། །ལས་ཉོན་སྒྲིབ་པའི་དྲི་མ་དྲུངས་ཕྱུང་སྟེ། །ཡང་དག་ལམ་བཟང་སྐྱེ་བར་བྱིན་གྱིས་རློབས། །

― GTD007_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསོལ་བ་བཏབ་པས་འོད་ཀྱི་རྣམ་པར་ཞུ་སྟེ་རང་གི་སྨིན་མཚམས་ནས་ཐིམ་པར་གྱུར་པར་བསམས་ལ་བསྔོ་སྨོན་གྱིས་མཐའ་བརྒྱན་པར་བྱའོ། །འདིའི་ཕྱག་མཚན་ཀླུ་སྒྲུབ་ཀྱིས་མཛད་པར་གྲགས་པའི་ལྟུང་བཤགས་ཀྱི་འགྲེལ་པ་ལས། རིན་པོ་ཆེ་དང་མེའི་དཀྱིལ་འཁོར་བསྣམས་པ་ནི་རིན་ཆེན་མེ་སྟེ་ཞེས་འབྱུང་ཡང༌། ཛེ་ཏཱ་རིའི་ལྟུང་བཤགས་ཀྱི་ཊཱིཀྐ་དང༌། ནག་པོ་པའི་ཕུང་པོ་གསུམ་པའི་སྒྲུབ་ཐབས་སོགས་སུ་དེ་དང་སྒོ་བསྟུན་པའི་ཟུར་ཙམ་ཡང་མ་བྱུང་ལ། ས་པཎ་གྱིས་སྡོམ་གསུམ་རབ་དབྱེར་བཀག་ཅིང༌། རྗེ་བླ་མས་ཀྱང་དེ་ལ་ཚད་མར་མ་མཛད་པར་རང་གི་གཟིགས་སྣང་དང་བསྟུན་ནས་བཟང་སྐྱོང་བ་སོགས་ལ་གསུངས་པ་བཞིན། ལྷོ་བྲག་གྲུབ་ཆེན་གྱི་ལྟུང་བཤགས་ཆོ་གར་ཡང་བཀོད་སྣང་བས་སོ། །འགྲེལ་པ་དེ་ནི་༸རྒྱལ་དབང་བསྐལ་བཟང་རྒྱ་མཚོས་ཀླུ་སྒྲུབ་ལ་ཁ་གཡར་བའི་བོད་གཞུང་ཞིག་ཡིན་པར་གསུངས་པ་ལྟར་འཐད་དེ། འགྲེལ་པ་དེ་ཉིད་དུ། ཤར་ལྷོ་ཀླུ་ཡིས་ཁྱབ་པའི་ཞིང་ན་ཀླུ་དབང་གི་རྒྱལ་པོ་སྟེ་སྔོན་པོ་ཀླུ་ཤིང་དང་སྦྲུལ་སྔོན་པོ་བསྣམས་པའོ། །ཞེས་བཤད་པ་ཀླུ་སྒྲུབ་ཀྱི་གསུང་གཞན་དང་མི་མཐུན་ཞིང༌། ཀླུ་དབང་རྒྱལ་པོའི་ཞིང་ཡང་སྦྲང་རྩི་ཅན་དུ་མེ་ཏོག་གི་ཚོགས་ཀྱི་མདོ་ལས་གསུངས་པ་བཞིན་དམ་པ་གོང་མ་རྣམས་ཀྱང་དགོངས་པ་མཐུན་པས་ཤེས་པར་ནུས་སོ།། ཕྱི་དུས་མུ་མཐའ་ཡས་པའི་བསྐལ་པ་རུ། །བཟོད་དཀའི་རྣམ་སྨིན་ཁུར་ཆེན་འཁྱེར་དཀའ་བས། །དེང་དུས་དལ་འབྱོར་ཚང་བའི་གནས་སྐབས་འདིར། །གཏན་གྱི་བདེ་བ་སྒྲུབ་ལ་འབད་པར་རིགས། །དེ་ཕྱིར་སྒྲིབ་པ་སྦྱོང་བའི་ཐབས་ཀྱི་མཆོག །གཟུངས་མདོའི་ཆོ་ག་ལག་ཏུ་བླང་བའི་ཚུལ། །བཀོད་པའི་དགེ་བས་ངན་སོང་སྒོ་བཀག་སྟེ། །བདེ་ཆེན་ཐར་པའི་ས་ལ་རེག་གྱུར་ཅིག །

― GTD007_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་ཡོན་སྦྱོང་གི་ཆོ་ག་སྒྲིབ་པའི་མུན་སེལ་ཞེས་བྱ་བ་འདི་ནི་ཨོར་ཏུ་སུའི་ཤོག་ནས་ལྷག་བསམ་རྣམ་དཔྱོད་མཆོག་ཏུ་ཡངས་པ་སྨན་པ་བླ་ཟུར་བློ་བཟང་ཡོན་ཏན་གྱིས་བསྐུལ་ངོར་ྋབཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་དགེ་སློང་དཀོན་མཆོག་ཀུན་དགའོ།། །།

ཚེ་དཔག་མེད་ལ་བརྟེན་པའི་ཚེ་སྒྲུབ།

― GTD007_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་དཔག་མེད་ལ་བརྟེན་པའི་ཚེ་སྒྲུབ་བཞུགས་སོ།།

― GTD007_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་གཤེགས་ཀུན་གྱི་ཐུགས་རྗེའི་ངོ་བོ་ཉིད། །བདེ་ལེགས་རྩ་བ་དྲིན་ཅན་བླ་མ་དང༌། །བདེ་ལྡན་ཞིང་མགོན་སྣང་བ་མཐའ་ཡས་ཀྱིས། །བདེ་ཆེན་བདུད་རྩིའི་འཆི་མེད་མཆོག་སྦྱིན་མཛོད། །དེའང་དཔལ་ལྡན་བླ་མ་རྣམས་དང་བསྟན་འཛིན་གྱི་སྐྱེས་བུ་བསྟན་པའི་སྦྱིན་བདག་སོགས་རང་གཞན་གྱི་དོན་དུ་ཚེ་སྒྲུབ་བྱ་བར་འདོད་པས་རྟེན་དང་མཆོད་གཏོར་བཤམས། སྐྱབས་སེམས་སྔོན་དུ་བཏང་ལ་ཨ་མྲྀ་ཏས་བསངས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་རྨ་བྱས་བཏེག་པའི་རིན་པོ་ཆེའི་ཁྲིའི་སྟེང་དུ་པད་ཟླའི་གདན་ལ་ཧྲཱིཿ ཡིག་དམར་པོ་རིང་ཆ་ཚེག་དྲག་དང་བཅས་པ། དེ་ལས་འོད་ཟེར་འཕྲོས། སེམས་ཅན་གྱི་དོན་བྱས། རྒྱལ་བ་སྲས་བཅས་ལ་མཉེས་པའི་མཆོད་པ་ཕུལ། དེ་རྣམས་ཀྱི་བྱིན་རླབས་མཐའ་དག་བསྡུས་ཏེ་ཐིམ་པ་ཡོངས་སུ་གྱུར་པ་ལས་རང་ཉིད་མགོན་པོ་ཚེ་དང་ཡེ་ཤེས་དཔག་ཏུ་མེད་པ་པདྨ་རཱ་གའི་ལྷུན་པོ་བཞིན་དུ་སྐུ་མདོག་དམར་ཞིང་གསལ་བ་འོད་ཟེར་མཁའ་ཁྱབ་ཏུ་འཕྲོ་བ། ཤིན་ཏུ་འཛུམ་ཞིང་ཞི་བའི་ཉམས་ཅན། མཉམ་གཞག་གི་ཕྱག་རྒྱས་འཆི་མེད་ཚེའི་བདུད་རྩིས་ཡོངས་སུ་གང་བའི་རིན་པོ་ཆེའི་བུམ་པ་ཁ་རྒྱན་མགུལ་ཆིངས་དང་བཅས་པ་བསྣམས་པ། མཚན་དཔེའི་དཀྱིལ་འཁོར་ཡོངས་སུ་རྫོགས་ཤིང་རྡོ་རྗེ་སྐྱིལ་མོ་ཀྲུང་གིས་བཞུགས་པ་ལ་རིན་པོ་ཆེ་སྣ་ཚོགས་པའི་རྒྱན་དང་ལྷའི་གོས་ཀྱིས་འཇའ་ཚོན་ཀླུབས་པ་བཞིན་དུ་མངོན་པར་བཀྲ་

― GTD007_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ཧཱུཾ་ལས་འོད་ཟེར་འཕྲོས་བསྒོམས་པ་དང་འདྲ་བའི་ཡེ་ཤེས་པ་དང་དབང་ལྷ་སྤྱན་དྲངས། ཛཿ ཧཱུཾ་བཾ་ཧོཿ དམ་ཚིག་པ་དང་གཉིས་སུ་མེད་པར་ཐིམ། དབང་ལྷས་དབང་བསྐུར། སྤྲུལ་སྐུ་འོད་དཔག་མེད་ཀྱིས་དབུ་བརྒྱན་པར་གྱུར། མཆོད་པ་བསངས་སྦྱངས། སྟོང་པའི་ངང་ལས་ཨོཾ་ལས་བྱུང་བའི་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་མཆོད་པ་རྣམས་ཕུལ་དུ་བྱུང་བའི་ལྷ་རྫས་སུ་གྱུར། ཨོཾ་ཨརྒྷཾ་ཨཱཿ ཧཱུཾ་ནས། ཤཔྟ་ཨཱཿ ཧཱུཾ་གི་བར་གྱིས་བྱིན་གྱིས་བརླབས། ཨོཾ་ཨ་པ་རི་མི་ཏ་ཨཱ་ཡུར་ཛྙཱ་ན་ཨརྒྷཾ། ནས། ཤཔྟ་པྲ་ཏཱིཙྪ་སྭཱཧཱའི་བར་གྱིས་མཆོད། དགྱེས་འཛུམ་འོད་ཀྱིས་ཚེ་དཔལ་པདྨ་འགྱེད། །སྙན་འཇེབས་གསུང་གིས་ཉམ་ཐག་དབུགས་དབྱུང་མཛད། །མཁྱེན་བརྩེའི་ཐུགས་ཀྱིས་འགྲོ་ལ་བུ་བཞིན་དགོངས། །བཅོམ་ལྡན་ཚེ་དཔག་མེད་ལ་ཕྱག་འཚལ་ལོ། །རང་གི་ཐུགས་ཀར་ཟླ་བ་ལ་ཧྲཱིཿའི་མཐར་སྔགས་ཀྱིས་བསྐོར་བ་ལས་འོད་ཟེར་འཕྲོས། འབྱུང་བ་ཆེན་པོ་ལྔའི་ནུས་པ་སོགས་སྲིད་ཞིའི་ཁམས་ཀྱི་ཚེ་བཅུད། གྲུབ་པའི་བཅུད་ལེན་གྱི་རྫས། དྲེགས་ལྡན་ཡོངས་ཀྱི་ཚེ་དཔལ་བསོད་ནམས། རྒྱལ་བ་སྲས་བཅས་ཀྱི་བྱིན་རླབས་ཐམས་ཅད་བསྡུས་ཏེ་སྔགས་འཕྲེང་ལ་ཐིམ། དེ་ལས་བདུད་རྩིའི་རྒྱུན་བབས། ལུས་ཀྱི་ནང་ཐམས་ཅད་གང་བས་ཚེ་ཡར་བ་ཉམས་པ་ཐམས་ཅད་སོར་ཆུད་དེ། ལུས་ཀྱི་ཟུངས་

― GTD007_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྲོག་གི་རྟེན་དུ་གྱུར་པས་འཆི་མེད་ཚེ་ཡི་དངོས་གྲུབ་ཐོབ་པར་གྱུར་པར་བསམས་ལ། ཨོཾ་ན་མོ་༝སྭཱཧཱ། ཞེས་གཟུངས་རིང་དང༌། ཨོཾ་ན་མོ་བྷྲུཾ་ཨཱ་ཡུརྫྙཱ་ན་ཧྲཱིཿ ཨཱ་རོ་ལིཀ་ཧཱུཾ་ཧྲཱིཿ། ཞེས་དང༌། ཏངྱ་ཐཱ། ཨ་པ་རི་མི་ཏ་ཨཱ་ཡུརྫྙཱ་ན་ཧྲཱིཿ ཧཱུཾ་བྷྲུཾ་སྭཱཧཱ། ཞེས་དང༌། ཨོཾ་ཨ་མ་ར་ཎི་ཛི་ཝཱནྟེ་སྭཱཧཱ། ཞེས་པའི་གཟུངས་ཐུང་རྣམས་ཀྱང་ཅི་འགྲུབ་བཟླ། ཡིག་བརྒྱས་ལྷག་ཆད་བསྐང་སྟེ། མཆོད་བསྟོད་སྔར་བཞིན་བྱའོ། ༈ །བུམ་ཆུའམ་རིལ་སྒྲུབ་བྱེད་ན། བུམ་པ་བསངས་སྦྱངས། སྟོང་པའི་ངང་ལས་བཾ་ལས་བྱུང་བའི་རིན་པོ་ཆེའི་བུམ་པ་ཡངས་ཤིང་རྒྱ་ཆེ་བ། མཚན་ཉིད་ཐམས་ཅད་དང་ལྡན་པའི་ནང་དུ་རྨ་བྱས་བཏེག་པའི་རིན་པོ་ཆེའི་ཁྲིའི་སྟེང་དུ་པད་ཟླའི་གདན་ལ་ཧྲཱིཿ ཡིག་དམར་པོ་རིང་ཆ་ཚེག་དྲག་དང་བཅས་པ། ཞེས་སོགས་རང་སྒྲ་དོར་བ་མ་གཏོགས། མཆོད་པ་བྱིན་རླབས་ཀྱི་བར་བདག་བསྐྱེད་བཞིན་བྱ། རབ་འབྱམས་རྒྱ་མཚོའི་ཞིང་ཁམས་མཐའ་ཡས་པ། །ཡིད་འོང་མཆོད་ཡོན་མཐའ་ཡས་ཀྱིས་བཀང་སྟེ། །བཅོམ་ལྡན་མགོན་པོ་སྣང་མཐའ་ཡས་པ་ལ། །འབུལ་ལོ་ཚེ་མཐའ་ཡས་པའི་དངོས་གྲུབ་སྩོལ། །ཞེས་མཆོད་ཡོན་གྱི་གནས་སུ་ཞབས་བསིལ་སོགས་སྦྱར་ཞིང༌། སོ་སོའི་མཐར་གོང་གི་མཆོད་སྔགས་རྣམས་བཏགས་ལ་དབུལ། བསྟོད་པའི་ཚིགས་བཅད་ཀྱི་འཕྲོར། མཁྱེན་དང་བརྩེ་དང་ནུས་པ་མཐར་སོན་པའ། །མ་ལུས་འགྲོ་བའི་མགོན་དང་སྐྱབས་ཁྱོད་ལ། །རྩེ་གཅིག་གུས་པའི་ཡིད་ཀྱིས་གསོལ་འདེབས་ན། །བརྩེ་བས་དགོངས་ཏེ་ཚེ་ཡི་མཆོག་སྦྱིན་མཛོད། །ཐུགས་རྗེའི་བྱིན་རླབས་འོད་སྟོང་འབར་བ་ཡིས། །དུས་མིན་འཆི་བ་བརྒྱད་སོགས་རྒུད་པའི་སྨག །བསལ་ནས་འཆི་མེད་རིག་འཛིན་མཆོག་ཐོབ་སྟེ། །ལམ་བཟང་གེགས་མེད་འགྲུབ་པར་བྱིན་གྱིས་རློབས། །ཞེས་འདོད་དོན་ལ་གསོལ་བ་

― GTD007_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

གདབ། མདུན་བསྐྱེད་ཀྱི་ཐུགས་ཀའི་ས་བོན་སྔགས་ཕྲེང་དང་བཅས་པ་ལས་འོད་ཟེར་འཕྲོས། རྒྱལ་བ་སྲས་བཅས་ཀྱི་བྱིན་རླབས་འཇིག་རྟེན་ཁམས་ཀྱི་ཚེ་བཅུད་བཀྲག་མདངས་ཕུན་ཚོགས་ཐམས་ཅད་བསྡུས་ཏེ་སྔགས་ཕྲེང་ལ་ཐིམ། དེ་ལས་བདུད་རྩིའི་རྒྱུན་བབས་པས་བུམ་པ་གང་བར་གྱུར་པར་བསམས་ལ་གོང་གི་སྔགས་རྣམས་བཟླ། ཡིག་བརྒྱས་ལྷག་ཆད་བསྐང༌། གཏོར་མ་བསངས་སྦྱངས། སྟོང་པའི་ངང་ལས་ཨོཾ་འོད་དུ་ཞུ་བས་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོར་གྱུར་པར་བསམས་ཏེ་མཚན་སྔགས་པ་ལིཾ་ཏ་བཏགས་པ་གསུམ་སོགས་ཀྱིས་དབུལ་མཆོད་བསྟོད་གོང་བཞིན་བྱ། བུམ་པའི་ལྷ་ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་བུམ་ཆུའམ་རིལ་བུའི་རྣམ་པར་གྱུར་པར་བསམས་ལ། བསྔོ་བ་དང་བཀྲ་ཤིས་ཀྱིས་མཐའ་བརྒྱན་པར་བྱའོ། །ཞེས་པ་འདི་ནི་དད་བརྩོན་ལྡན་པ་རི་ཁྲོད་པ་དོན་གྲུབ་རྒྱ་མཚོ་དང་དགེ་སློང་འཇིགས་མེད་བློ་གྲོས་གཉིས་ཀྱིས་བསྐུལ་ངོར། ྋབཙུན་པ་དཀོན་མཆོག་བསྟན་པའི་སྒྲོན་མེས་དགོན་གསར་དགའ་ལྡན་རབ་རྒྱས་གླིང་དུ་བྲིས་པའོ།། །།

མི་འཁྲུགས་པའི་གོས་སྐུ་བཀྲམ་སྐབས་ཀྱི་འདོན་ཆའི་གོ་རིམ།

― GTD007_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འཁྲུགས་པའི་གོས་སྐུ་བཀྲམ་སྐབས་ཀྱི་འདོན་ཆའི་གོ་རིམ་བཞུགས་སོ།།

― GTD007_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་མཉྫུ་ནཱ་ཐཱ་ཡ། སངས་རྒྱས་ཆོས་ཚོགས་མ་ལན་གསུམ། སྤྱན་འདྲེན་ཁྲུས་གསོལ། དེ་ནས། སྟོན་པ་བླ་མེད་སངས་རྒྱས་རིན་པོ་ཆེ། །སྐྱོབ་པ་བླ་མེད་དམ་ཆོས་རིན་པོ་ཆེ། །འདྲེན་པ་བླ་མེད་དགེ་འདུན་རིན་པོ་ཆེ། །སྐྱབས་གནས་ཀུན་འདུས་དེ་ལ་ཕྱག་འཚལ་ལོ། །མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པའི་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང༌། །དེ་བཞིན་གཤེགས་ལ་ཕྱག་འཚལ་ལོ། །དག་པས་འདོད་ཆགས་བྲལ་བར་གྱུར། །དགེ་བས་ངན་སོང་ལས་གྲོལ་བ། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ལྡན། །དགེ་འདུན་ལའང་གུས་ཕྱག་འཚལ། །གཞོན་ནུའི་ཆ་ལུགས་འཆང་བ་པོ། །ཤེས་རབ་སྒྲོན་མེས་རབ་ཏུ་བརྒྱན། །འཇིག་རྟེན་གསུམ་གྱི་མུན་སེལ་བ། །འཇམ་དཔལ་ལའང་ཕྱག་འཚལ་ལོ། །སངས་རྒྱས་ཀུན་གྱིས་རབ་ཏུ་བསྔགས། །ཡོན་ཏན་དམ་པ་ཀུན་བསགས་པ། །སྤྱན་རས་གཟིགས་ཞེས་མཚན་གསོལ་བ། །རྟག་པར་བརྩེ་ལ་ཕྱག་འཚལ་ལོ། །སྟོབས་པོ་ཆེ་ལ་དྲག་ཤུལ་ཆེ། །རིགས་སྔགས་རྒྱལ་པོ་དགེ་བ་ཅན། །གདུལ་དཀའ་པོ་དག་འདུལ་བ་པོ། །རྡོ་རྗེ་འཛིན་ལ་ཕྱག་འཚལ་ལོ། །ཆོས་དབྱིངས་

― GTD007_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་ཨིནྡྲ་ནཱི་ལའི་མདོག །ཞལ་གཅིག་ཕྱག་གཉིས་ས་གནོན་མཉམ་གཞག་བཞུགས། །ལྷ་ཡི་གོས་དང་རིན་ཆེན་རྒྱན་མང་མཛེས། །བཅོམ་ལྡན་མི་འཁྲུགས་པ་ལ་ཕྱག་འཚལ་ལོ། །ཨོཾ་ཀཱི་ལི་ཀཱི་ལི་བཛྲ་ཧཱུཾ་ཕཊ། བཛྲ་དྷྲིཀ །ཨོཾ་ཛྭ་ལ་ཛྭ་ལཱ་ཡ་བན་དྷཱ་རི་ཧཱུཾ་ཕཊ། ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་བྱུང་བའི་མཆོད་པ་རྣམས་ཕུལ་ཏུ་བྱུང་བའི་ལྷ་རྫས་སུ་གྱུར། བདེ་བར་གཤེགས་སོ་བཅོམ་ལྡན་འདས། །ཚུར་གཤེགས་འདིར་ནི་བཞུགས་སུ་གསོལ། །བདག་གི་མཆོད་ཡོན་བཞེས་ནས་ཀྱང༌། །ཐུགས་ཀྱིས་ཐུགས་དཔག་མཛད་དུ་གསོལ། །བདག་ནི་ཁྱེད་ལ་གུས་དང་ལྡན། །ཨོཾ་སརྦྦ་ཏ་ཐཱ་ག་ཏ་ཨཀྵོ་བྷྱཿ མཎྜ་ལ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་ཧཱུཾ་སྭཱཧཱ། བདེ་བར་གཤེགས་སོ་བཅོམ་ལྡན་འདས། །ཚུར་གཤེགས་འདིར་ནི་བཞུགས་སུ་གསོལ། །བདག་གི་ཞབས་བསིལ་བཞེས་ནས་ཀྱང༌། །ཐུགས་ཀྱིས་ཐུགས་དཔག་མཛད་དུ་གསོལ། །བདག་ནི་ཁྱེད་ལ་གུས་དང་ལྡན། །ཨོཾ་པྲ་ཝ་ར་སད་ཀ་རཾ་པཱངྱཾ་པྲ་ཏཱིཙྪ་ཧཱུཾ་སྭཱཧཱ། དེ་བཞིན་གཤེགས་དང་དེ་ཡི་སྲས་རྣམས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བ་གླུ་དང་ན། །རོལ་མོར་བཅས་པ་དུ་མས་སྐུ་བསིལ་ལོ། །ཨོཾ་སརྦྦ་དེ་ཝ་ཏ་ཨ་ཙནྟི་ཨ་མྲྀ་ཏ་སྭཱཧཱ། སྣ་ཚོགས་

― GTD007_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་པོའི་གཞུ་བཞིན་རབ་བཀྲ་ཞིང༌། །གང་ལ་རེག་ན་བདེ་བའི་རྒྱུར་འགྱུར་བ། །གོས་བཟང་རིན་ཆེན་བདག་བློ་སྦྱང་ཕྱིར་འབུལ། །བཟོད་པ་དམ་པའི་གོས་ཀྱིས་བརྒྱན་པར་ཤོག །ཨོཾ་བཛྲ་ཝསྟྲ་ཨཱཿ ཧཱུཾ་སྭཱཧཱ། རྒྱལ་བ་མཚན་དཔེའི་རང་བཞིན་རྒྱན་ལྡན་ཕྱིར། །རྒྱན་གཞན་དག་གིས་བརྒྱན་པར་མི་འཚལ་ཡང༌། །རིན་ཆེན་རྒྱན་མཆོག་ཕུལ་བས་འགྲོ་ཀུན་གྱིས། །མཚན་དཔེས་བརྒྱན་པའི་སྐུ་ལུས་ཐོབ་པར་ཤོག །ཨོཾ་བཛྲ་ཨཱ་ལཾ་ཀཱ་ར་ཝ་པུ་ཥ་ནི་སྭཱཧཱ། གཙང་ཞིང་གཙང་མ་ལས་བྱུང་བའི། །ལྷ་རྫས་བཟང་པོའི་དྲི་འདི་དག །བདག་གིས་དད་པས་འབུལ་ལགས་ཀྱི། །བཞེས་ནས་བདག་ལ་དགྱེས་པར་མཛོད། །ཨཱ་ཧ་ར་ཨཱ་ཧ་ར་སརྦྦ་བཱིངྱ་དྷཱ་རི་པཱུ་ཛི་ཏེ་སྭཱཧཱ། གཙང་ཞིང་གཙང་མ་ལས་སྐྱེས་པའ། །ལྷ་རྫས་བཟང་པོའི་མེ་ཏོག་འདི། །བདག་གིས་དད་པས་འབུལ་ལགས་ཀྱི། །བཞེས་ནས་བདག་ལ་དགྱེས་པར་མཛོད། །ཨཱ་ཧ་ར་ཨཱ་ཧ་ར་སརྦྦ་བཱིངྱ་དྷཱ་རི་པུ་ཛི་ཏེ་སྭཱཧཱ། ནགས་ཚལ་བཅུད་ནི་ཡིད་དུ་འོང༌། །དྲི་ཡི་སྦྱར་བ་ལྷ་ཡི་རྫས། །བདག་གིས་དད་པས་འབུལ་ལགས་ཀྱི། །བཞེས་ནས་བདག་ལ་དགྱེས་པར་མཛོད། །ཨཱ་ཧ་ར་ཨཱ་ཧ་ར་སརྦྦ་བཱིངྱ་དྷཱ་རི་པཱུ་ཛི་ཏེ་སྭཱཧཱ། སྨན་རྣམས་བཅུད་ནི་ཡིད་དུ་འོང༌། །སྔགས་ཀྱི་ཞལ་ཟས་བཤོས་འདི་དག །བདག་གིས་དད་པས་འབུལ་ལགས་ཀྱི། །བཞེས་ནས་བདག་ལ་དགྱེས་པར་མཛོད། །ཨཱ་ཧ་ར་ཨཱ་ཧ་ར་སརྦྦ་བཱིངྱ་དྷཱ་རི་པཱུ་ཛི་ཏེ་སྭཱཧཱ། གནོད་རྣམས་འཇོམས་ཤིང་བཀྲ་ཤིས་པ། །དགེ་ཞིང་མུན་པ་རྣམ་སེལ་འདི། །བདག་གིས་དད་པས་འབུལ་ལགས་ཀྱི། །མར་མེ་འདི་དག་བཞེས་སུ་གསོལ། །

― GTD007_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱ་ལོ་ཀ་ཡ་ཨཱ་ལོ་ཀ་ཡ་བཱིངྱ་དྷཱ་རི་པཱུ་ཛི་ཏེ་སྭཱཧཱ། དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སེལ་མཛད་པའ། །སྤྲིན་རྣམས་སོ་སོར་གནས་གྱུར་ཅིག །ཨོཾ་སརྦྦ་ཏ་ཐཱ་ག་ཏ་ཨཀྵོ་བྷྱཿ ས་པ་རི་ཝཱ་ར་ཤཔྟ་པྲ་ཏཱིཙྪ་སྭཱཧཱ། ཨུ་ཧུ་ལགས་བླ་མ་རྡོ་རྗེ་འཛིན་པ་ཆེན་པོ་ཞེས་སོགས་ལན་གསུམ། འདོད་ཆགས་ཞེ་སྡང་གཏི་མུག་དབང་གིས་ན། །ཞེས་པ་ནས། ཐམས་ཅད་བདག་གིས་བྱང་ཆུབ་ཕྱིར་བསྔོ་འོ། །ཞིང་ཁམས་འབུལ་བར་ཞུ་ནས། ཞིང་ཁམས་རྣམ་པར་དག་པ་འདི་ཉིད་བླ་མ་རྡོ་རྗེ་མི་འཁྲུགས་པའི་ལྷ་ཚོགས་འཁོར་དང་བཅས་པ་རྣམས་ལ་དབུལ་བར་བགྱིའོ། །ཐུགས་རྗེས་འགྲོ་བའི་དོན་དུ་བཞེས་སུ་གསོལ། བཞེས་ནས་བདག་སོགས་སེམས་ཅན་ཐམས་ཅད་ལ་མཆོག་དང་ཐུན་མོང་གི་དངོས་གྲུབ་མ་ལུས་པ་སྩལ་ཏུ་གསོལ། ས་གཞི་སྤོས་ཀྱིས་ཞེས་སོགས། ཀཾ་ཀ་ནི་བཟླ། དུས་གསུམ་སྐྱབས་གནས་ཀུན་འདུས་ཀྱི་ངོ་བོ་བླ་མ་རྡོ་རྗེ་མི་འཁྲུགས་པ་ལ་གསོལ་བ་འདེབས་སོ། །བཤེས་གཉེན་ལ་མ་གུས་པ་ནས་བདག་གཉིས་སུ་མཚན་མར་འཛིན་པའི་བར་གྱི་ཕྱིན་ཅི་ལོག་གི་བློ་སྣ་མཐའ་དག་མྱུར་དུ་འགག་པར་བྱིན་གྱིས་བརླབ་ཏུ་གསོལ། བཤེས་གཉེན་ལ་གུས་པ་ནས་བདག་མེད་པའི་དེ་ཁོ་ན་ཉིད་རྟོགས་པའི་བར་གྱི་ཕྱིན་ཅི་མ་ལོག་པའི་བློ་སྣ་མཐའ་དག་བདེ་བླག་ཏུ་སྐྱེ་བར་བྱིན་གྱིས་བརླབ་ཏུ་གསོལ། ཕྱི་དང་ནང་གི་བར་གཅོད་ཐམས་ཅད་ཉེ་བར་ཞི་བར་བྱིན་གྱིས་བརླབ་ཏུ་གསོལ། ལན་གསུམ། སངས་རྒྱས་ཆོས་དང་ཚོགས་ཀྱི་ཞེས་

― GTD007_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ལན་གསུམ། བྱང་ཆུབ་སེམས་མཆོག་རིན་པོ་ཆེ། །མ་སྐྱེས་པ་རྣམས་སྐྱེས་གྱུར་ཅིག །སྐྱེས་པ་ཉམས་པ་མེད་པར་ཡང༌། །གོང་ནས་གོང་དུ་འཕེལ་བར་ཤོག །ཡང་དག་ལྟ་བ་རིན་པོ་ཆེ། །མ་སྐྱེས་པ་རྣམས་ཞེས་སོགས། ཕ་མ་སེམས་ཅན་ཐམས་ཅད་བདེ་དང་ལྡན་གྱུར་ཅིག །ངན་འགྲོ་ཐམས་ཅད་རྟག་ཏུ་སྟོངས་པ་དང༌། །བྱང་ཆུབ་སེམས་དཔའ་གང་ན་སུ་བཞུགས་པ། །དེ་དག་ཀུན་གྱི་སྨོན་ལམ་འགྲུབ་གྱུར་ཅིག །དཔལ་ལྡན་བླ་མའི་སྐུ་ཚེ་བརྟན་པ་དང༌། །མཁའ་མཉམ་འགྲོ་ལ་བདེ་སྐྱིད་འབྱུང་བ་དང༌། །བདག་གཞན་མ་ལུས་ཚོགས་རྫོགས་སྒྲིབ་སྦྱངས་ནས། །མྱུར་དུ་སངས་རྒྱས་ཐོབ་པར་བྱིན་གྱིས་རློབས། །སྔོན་ཚེ་བདེ་བར་གཤེགས་པ་སྤྱན་ཆེན་པོའ། །སྤྱན་སྔར་ཐུགས་བསྐྱེད་མཛད་པ་ནས་བཟུང་སྟེ། །ཕྱི་ནང་རྐྱེན་གྱིས་ནམ་ཡང་མི་འཁྲུགས་པ། །མི་བསྐྱོད་རྒྱལ་པོའི་ཞབས་ལ་ཕྱག་འཚལ་ལོ། །ཁྱེད་ཀྱི་ཐུགས་བསྐྱེད་བསླུ་མེད་བདེན་པའི་མཐུས། །འདིས་མཚོན་བདག་གི་དུས་གསུམ་དགེ་ཚོགས་ཀུན། །ཉིད་ཀྱིས་བདག་སོགས་དོན་དུ་གང་བཏབ་པའ། །སྨོན་པའི་གནས་ཀུན་འགྲུབ་པའི་རྒྱུར་གྱུར་ཅིག །ཡིད་སྲུབ་དཔུང་དང་དེ་ཡི་བྱེད་པའི་ལས། །མི་བཟད་དམ་ཚིག་ཉམས་ཆག་ཉེས་ལྟུང་སོགས། །ལས་ཉོན་སྒྲིབ་པས་ནམ་ཡང་མི་བརྫི་བར། །ཡང་དག་ལམ་བཟང་བདེ་བླག་བགྲོད་གྱུར་ཅིག །ཞིང་མཆོག་མངོན་པ་དགའ་བ་དེར་སྐྱེས་ནས། །བསྐལ་བཟང་རྣམ་འདྲེན་ཀུན་གྱི་ཞབས་བསྟེན་ཅིང༌། །སོ་ཐར་བྱང་སེམས་རིག་པ་འཛིན་པ་ཡི། །ཚུལ་ཁྲིམས་ཕུང་པོ་ཡོངས་སུ་རྫོགས་གྱུར་ཅིག །རྣམ་དག་ཚུལ་ཁྲིམས་ཐེམ་

― GTD007_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

སྐས་ལ་བརྟེན་ནས། །མདོ་སྔགས་ལམ་གྱི་ཁང་བཟང་རྩེར་འཛེགས་ཏེ། །མི་འཇིགས་སྐུ་བཞིའི་ཁྲི་ལ་དབང་བསྒྱུར་ཞིང༌། །མ་ལུས་འགྲོ་བའི་མགོན་དུ་འགྱུར་བར་ཤོག །བླ་མས། བདག་སོགས་རྣམས་ཀྱིས་བཅོམ་ལྡན་འདས་རྡོ་རྗེ་མི་འཁྲུགས་པའི་སྐུ་གཟུགས་བཞེངས་ཤིང་བསྙེན་སྒྲུབ་ཕྱག་མཆོད་ལ་སོགས་པ་བགྱིས་པ་འདིས་མཚོན་དུས་གསུམ་བསགས་པའི་དགེ་ཚོགས་གཅིག་ཏུ་བསྡོམས་པའི་མཐུ་ལ་བརྟེན་ནས་རིང་པོར་མི་ཐོགས་པར་སྒྲིབ་གཉིས་བྱང་ཞིང་ཚོགས་གཉིས་རྫོགས་ཏེ། གང་གི་མཚན་ཙམ་ཐོས་པས་ཀྱང༌། བདུད་ཀྱི་ཉེར་འཚེ་མཐའ་དག་ཞི་ཞིང་ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་པར་འགྱུར་བ་བཅོམ་ལྡན་འདས་རྡོ་རྗེ་མི་འཁྲུགས་པའི་གོ་འཕང་བདེ་བླག་ཏུ་༸འཐོབ་པར་གྱུར་ཅིག །དེ་ལྟ་བུའི་གོ་འཕང་མཆོག་མ་ཐོབ་པའི་སྐྱེ་བ་ཐམས་ཅད་དུའང་རྒྱལ་བའི་བསྟན་པ་ལུང་དང་རྟོགས་པ་ལ་ཐོབ་པ་དང་བསམ་པ་དང་སྒོམ་པ་རྣམ་པར་དག་པ་སྒྲུབ་པའི་རྟེན་ཤ་སྟག་༸ཐོབ་པར་གྱུར་ཅིག །རྟེན་དེ་ཡང་མཐོ་རིས་ཀྱི་ཡོན་ཏན་བདུན་གྱི་རྒྱན་དང་༸མི་འབྲལ་བར་གྱུར་ཅིག །བདག་ནི་སྐྱེ་ཞིང་སྐྱེ་བ་ཐམས་ཅད་དུ། །ངན་སོང་ངན་འགྲོ་ལོག་པར་ལྟུང་བ་ཡི། །སྐྱེ་གནས་རྣམས་སུ་ནམ་ཡང་མི་སྐྱེ་ཞིང༌། །དལ་འབྱོར་ཚང་བའི་མི་ལུས་ཐོབ་པར་ཤོག །དེ་ལྟ་བུའི་གནས་སྐབས་ཐམས་ཅད་དུའང་སྔོན་གྱི་གནས་ཇི་ལྟ་བ་བཞིན་དུ་དྲན་པའི་ཚེ་རབས་དྲན་པ་༸ཐོབ་པར་གྱུར་ཅིག །སྐྱེ་བ་ཐམས་ཅད་དུ་སྲིད་པ་མཐའ་དག་ལ་སྙིང་པོ་མེད་པར་མཐོང་ཞིང་ཐར་པའི་ཡོན་ཏན་གྱིས་ཡིད་འཕྲོགས་པའི་བསམ་

― GTD007_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཀུན་ནས་བསླང་སྟེ། བཅོམ་ལྡན་འདས་ཀྱིས་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་༸བྱེད་པར་གྱུར་ཅིག །སྐྱེས་མ་ཐག་ནས་སྲིད་པའི་བདེ་བ་ལ། །ནམ་ཡང་མ་ཆགས་ཐར་པ་ཐོབ་བྱའི་ཕྱིར། །ངེས་འབྱུང་བསམ་པས་ཚངས་སྤྱོད་ཚོལ་བ་ལ། །བརྩོན་འགྲུས་ལྷོད་པ་མེད་པར་འཇུག་པར་ཤོག །བདག་ནི་རབ་ཏུ་འབྱུང་བར་བྱེད་པ་ལ། །འཁོར་དང་ཉེ་དུ་ལོངས་སྤྱོད་གང་གིས་ཀྱང༌། །གེགས་བྱེད་མེད་པར་མཐུན་པའི་རྐྱེན་རྣམས་ཀུན། །ཇི་ལྟར་བསམས་པ་ཇི་བཞིན་འགྲུབ་པར་ཤོག །རབ་ཏུ་བྱུང་བའི་ཚེ་ན་ཡང་ཉེས་ལྟུང་ཕྲ་མོས་ཀྱང་མ་གོས་པར་ཚུལ་ཁྲིམས་ཀྱི་ཕུང་པོ་མཐར་ཕྱིན་པར་མཛད་པའི་སྒོ་ནས་བྱང་ཆུབ་ཆེན་པོ་བརྙེས་པ་དགེ་སློང་མི་འཁྲུགས་པ་༸ལྟ་བུར་གྱུར་ཅིག །རབ་ཏུ་བྱུང་ནས་ཇི་སྲིད་འཚོ་ཡི་བར། །མཁན་སློབ་སྤྱན་སྔར་ཇི་ལྟར་ཁས་བླངས་བཞིན། །བཅས་དང་རང་བཞིན་ཁ་ན་མ་ཐོ་བའི། །ཉེས་པས་ནམ་ཡང་གོས་པར་མ་གྱུར་ཅིག །ཚངས་སྤྱོད་རྟེན་ལ་ཐེག་པ་ཆེན་པོ་ཡི། །ཟབ་ཅིང་རྒྱ་ཆེའི་ཆོས་རྣམས་ཇི་སྙེད་པ། །མ་རྣམས་དོན་དུ་དཀའ་བ་དུ་མ་ཡིས། །བསྐལ་པ་དཔག་ཏུ་མེད་པར་བསྒྲུབ་པར་ཤོག །འཇམ་དཔལ་དཔའ་བོས་ཇི་ལྟར་མཁྱེན་པ་དང༌། །ཀུན་ཏུ་བཟང་པོ་དེ་ཡང་དེ་བཞིན་ཏེ། །དེ་དག་ཀུན་གྱི་རྗེས་སུ་བདག་སློབ་ཕྱིར། །དགེ་བ་འདི་དག་ཐམས་ཅད་རབ་ཏུ་བསྔོ། །དུས་གསུམ་གཤེགས་པའི་རྒྱལ་བ་ཐམས་ཅད་ཀྱིས། །བསྔོ་བ་གང་ལ་མཆོག་ཏུ་བསྔགས་པ་དེས། །བདག་གི་དགེ་བའི་རྩ་བ་འདི་ཀུན་ཀྱང༌། །བཟང་པོ་སྤྱོད་ཕྱིར་རབ་ཏུ་བསྔོ་བར་བགྱི། །མི་འཁྲུགས་མགོན་དང་ཐུབ་དབང་འོད་

― GTD007_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

དཔག་མེད། །མི་ཕམ་འཇམ་དབྱངས་གསང་བདག་སྤྱན་རས་གཟིགས། །བདེ་གཤེགས་འཁོར་བཅས་རྟེན་འབྲེལ་མི་སླུ་བའི། །བདེན་པས་སྨོན་ལམ་ཇི་བཏབ་མྱུར་འགྲུབ་ཤོག །སངས་རྒྱས་རྣམ་གཟིགས་གཙུག་ཏོར་ཐམས་ཅད་སྐྱོབ། །ཅེས་པ་ནས། བསྟན་པ་ཡུན་རིང་འབར་གྱུར་ཅིག །འདི་ནི་དབེན་གནས་ཡིད་དགའ་ཆོས་འཛིན་ནས་ལོ་སྟར་ཆགས་ཀྱི་ལྔ་པའི་གདུང་མཆོད་ལ་བཅུ་གཉིས་སོགས་ཉིན་གསུམ་གྱི་རིང་མི་འཁྲུགས་པའི་དུས་བཟང་གི་ཐོག །བཅུ་གསུམ་ལ་མི་འཁྲུགས་པའི་གོས་སྐུ་ཆེན་མོ་བཟོ་བཀོད་ཁྱད་མཚར་ཅན་བཀྲམ་པའི་སྐབས་ཀྱི་འདོན་པའི་གོ་རིམ་སོགས་ཀྱི་འདོན་སྒྲིག་ལྗགས་བཀོད་གནང་བ་ཇི་ལྟ་བ་བཞིན་བཀོད་པའོ།། །།

འཕགས་མཆོག་འཇམ་དཔལ་ནག་པོ་ལ་བརྟེན་པའི་སྦྱིན་སྲེག་སོགས།

― GTD007_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་མཆོག་འཇམ་དཔལ་ནག་པོ་ལ་བརྟེན་པའི་སྦྱིན་སྲེག་གི་ཆོ་ག་ཉེས་པ་ཀུན་སེལ། རི་ཁྲོད་ལྷ་མོ། ཆོས་རྒྱལ་གསང་སྒྲུབ། འཇིགས་བྱེད་ཆོས་རྒྱལ་སྦྲགས་པ། སེང་གདོང་མ། ལྷ་མོ་བཅས་ཀྱི་བསྙེན་པ་བྱེད་ཚུལ་བཅས་བཞུགས་སོ། །

― GTD007_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་འབྱམས་རྒྱལ་བའི་ཡེ་ཤེས་འབར་བའི་འོད། །སྤྲོས་བྲལ་དབྱིངས་དང་རོ་གཅིག་ཞུགས་པ་ཡི། །རང་མདངས་བཻ་ཌཱུརྱ་སྣང་གཟུགས་ཀྱི་སྐུའ། །རྣམ་རོལ་འཇམ་དཔལ་དཔའ་བོས་དགེ་ལེགས་སྩོལ། །ཕྱི་ནང་བླ་མེད་སྦྱིན་སྲེག་ཆོ་ག་ཡི། །ལས་ཉོན་སྒྲིབ་པའི་དུག་ཚེར་ཀུན་གཞོམ་ཞིང༌། །དངོས་གྲུབ་རིན་ཆེན་གཏེར་གྱི་སྒོ་འབྱེད་པར། །གསུང་ཕྱིར་དམ་པའི་གསུང་བཞིན་སྤེལ་བར་བྱ།། དེ་ཡང་དཔལ་ལྡན་ས་སྐྱ་པ་རྣམས་ཀྱི་ཐུགས་དམ་ཟབ་མོ་ཤིན་ཏུ་གསང་ཞིང་ཐུགས་གཙིགས་ཆེ་བའི་གསེར་ཆོས་བླ་ན་མེད་པ་མཛད་པ་བཅོམ་ལྡན་འདས་འཇམ་དཔལ་ནག་པོའི་སྦྱིན་སྲེག་ཇི་ལྟར་བྱ་བའི་ཚུལ་འཆད་པ་ལ། ཐོག་མར་ལྷ་འདི་ལ་གཙོ་བོར་བརྟེན་ནས་དངོས་གྲུབ་སྒྲུབ་པར་འདོད་པ་རྣམས་ཀྱིས་འདིའི་སྦྱིན་སྲེག་སོགས་ལའང་ནན་ཏན་བྱེད་དགོས་ཏེ། སམ་བྷུ་ཊ་ལས། སྦྱིན་སྲེག་ལྷ་རྣམས་ཚིམ་པར་བྱེད། །ཚིམ་པ་ལས་ནི་དངོས་གྲུབ་སྩོལ། །སྔགས་ནི་ལྷག་གམ་མ་ཚང་ན། །ཐམས་

― GTD007_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་སྦྱིན་སྲེག་དག་གིས་སྐོང༌། །ཞེས་དང༌། སྡོམ་འབྱུང་ལས། མེ་ལྷའི་ཁར་ནི་ངེས་པར་ལྷ། །སྦྱིན་སྲེག་དངོས་གྲུབ་རབ་ཏུ་སྟེར། །ཞེས་གསུངས་ཤིང༌། ཁ་སྦྱོར་སོགས་དུ་མར། ལྷ་ཡི་ཁ་ནི་མེ་རུ་གསུངས། །ཞེས་སོགས་ཀྱིས་སྦྱིན་སྲེག་ནི་ལྷ་རྣམས་མཆོད་པའི་སྒོ་མཆོག་ཏུ་གྱུར་པ་དང་དངོས་གྲུབ་སྒྲུབ་པའི་ཐབས་ཕུལ་ཏུ་ཕྱིན་པར་གསུངས་ལ། དེར་མ་ཟད་ལྷག་པའི་ལྷ་གང་ཡིན་ཀྱང༌། དེའི་བྱིན་རླབས་རང་རྒྱུད་ལ་ཉེ་བར་བྱེད་པའི་བསྙེན་པ་གལ་ཆེ་བར་དམ་པ་ཐམས་ཅད་དགོངས་པ་མཐུན་ཞིང༌། དེ་ལྟར་ཡིན་ན་བསྙེན་པ་དེའི་ཆད་ལྷག་སོགས་ཀྱི་ཉེས་པ་སྦྱོང་ཞིང༌། ནུས་པ་བསྐྱེད་པའི་སྦྱིན་སྲེག་ཀྱང་དགོས་པར་མཚུངས་སོ། །དེས་ན་ཀུན་གཟིགས་ལྔ་པ་ཆེན་པོས་འདི་ལ་མཆོད་བསྟོད་དབང་བསྐུར་རྒྱས་གདབ་སོགས་ཀྱི་སྤྲོས་པ་བྱས་པར་དགག་བཞག་གནང་བ་ཡང༌། དམ་པའི་མན་ངག་མི་ཤེས་པ་ཁ་ཅིག་གིས་དེ་འདྲ་མེད་པའི་ཡིག་རྙིང་སོགས་མ་དག་པའི་གྲངས་སུ་བཅུག་སྟེ། མཐའ་གཅིག་ཏུ་དེ་ཐམས་ཅད་བྱེད་དགོས་པར་བཤད་པ་བཀག་པ་ཡིན་གྱི། དེ་འདྲ་

― GTD007_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

མི་རུང་བ་མིན་ཏེ། དཔེར་ན་ཡིག་དྲུག་ལྟ་བུ་སྤྱོད་ལམ་གང་གི་སྐབས་སུ་ཡང་བཟླས་ཆོག་པར་གསུངས་ན་ཡང༌། ཁྲུས་དང་གཙང་སྦྲ་སྨྱུང་བར་གནས་པ་སོགས་ཀྱི་སྒོ་ནས་བཟླས་ན་ལྷག་པར་ནུས་པ་ཆེ་བ་བཞིན་ནོ། །དེ་ནས་ཐོག་མར་བདག་བསྐྱེད་ནི། སྐྱབས་སེམས་སྔོན་དུ་བཏང་ལ། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པཾ་ལས་སྣ་ཚོགས་པངྨའི་ལྟེ་བར་ཨ་ལས་ཟླ་བའི་དཀྱིལ་འཁོར། དེའི་སྟེང་དུ་རང་གི་སེམས་ཉིད་དྷཱིཿ མཐིང་ནག་ལས་རལ་གྲི་འབར་བ་དྷཱིཿ ས་མཚན་པ། དེ་ལས་འོད་ཟེར་འཕྲོས། དོན་གཉིས་བྱས། ཚུར་འདུས་ཡོངས་སུ་གྱུར་པ་ལས། རང་ཉིད་རྗེ་བཙུན་འཇམ་དཔལ་སྐུ་མདོག་མཐིང་ག །ཞལ་གཅིག །ཕྱག་གཉིས། གཡས་རལ་གྲི་འབར་བ་ནམ་མཁའ་ལ་འཕྱར་ཞིང༌། གཡོན་མཐེབ་སྲིན་གྱིས་ཐུགས་ཀར་ཨུཏྤ་ལའི་ཡུ་བ་བསྣམས་པའི་འདབ་མ་སྙན་གྱི་ཐད་ཀར་ཁ་ཕྱེ་བའི་སྟེང་ན་ཤེར་ཕྱིན་གྱི་པོ་ཏི་འཛིན་པ། རིན་པོ་ཆེ་དང་རུས་པའི་རྒྱན་གྱིས་བརྒྱན་ཅིང༌། དར་སྣ་ཚོགས་ཀྱི་ན་བཟའ་གསོལ་བ། སྐུ་རྔམ་བརྗིད་དང་ལྡན་ཞིང༌། ཡེ་ཤེས་ཀྱི་མེ་དཔུང་རབ་ཏུ་འབར་བའི་དབུས་ན། ཞབས་གཉིས་རྡོ་རྗེ་སྐྱིལ་ཀྲུང་གིས་བཞུགས་པའི་སྤྱི་བོར་ཨོཾ་དཀར་པོ། མགྲིན་པར་ཨཱཿ དམར་པོ། ཐུགས་ཀར་ཧཱུཾ་སྔོན་པོ། ཐུགས་ཀའི་ཧཱུཾ་ལས་འོད་ཟེར་འཕྲོས། རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་དང་དབང་གི་ལྷ་རྣམས་སྤྱན་དྲངས། ཡེ་ཤེས་པ་ཛཿ ཧཱུཾ་བཾ་ཧོཿ གཉིས་སུ་མེད་པར་

― GTD007_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར། དབང་གི་ལྷ་རྣམས་ཀྱིས་བདག་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས་དབང་གི་ཆུས་སྤྱི་བོ་ནས་དབང་བསྐུར་སྐུ་གང༌། དྲི་མ་དག །ཆུའི་ལྷག་མ་སྤྱི་གཙུག་ཏུ་གནས་པ་ཡོངས་སུ་གྱུར་པ་ལས། མི་བསྐྱོད་པས་དབུ་བརྒྱན་པར་གྱུར། མཆོད་པ་རྣམས་བསང་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས་རོལ་མོ་རྣམས་དྭངས་ཤིང་ཐོགས་པ་མེད་པ་ནམ་མཁའ་དང་མཉམ་པར་གྱུར། ཨོཾ་ཨརྒྷཾ་ཨཱཿ ཧཱུཾ། ནས། ཤཔྟ་ཨཱཿ ཧཱུཾ། གི་བར་གྱི་བྱིན་གྱིས་བརླབས། ཨོཾ་མཉྫུ་ཤྲཱི་ཀཱ་ལ་ཡ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱཧཱ། ནས། ཤཔྟ་པྲ་ཏཱིཙྪ་སྭཱཧཱའི་བར་གྱིས་མཆོད། དུས་གསུམ་རྒྱལ་བའི་གསང་གསུམ་གཅིག་བསྡུས་པ། །མིག་སྨན་མདངས་ཅན་མཁྱེན་བརྩེ་ནུས་པའི་གཏེར། །བྱིན་རླབས་དངོས་གྲུབ་མཆོག་སྩོལ་ལྷག་པའི་ལྷ། །འཇམ་དཔལ་ཁྱོད་ཀྱི་སྐུ་གསུང་ཐུགས་ལ་བསྟོད། །གང་གི་ཞབས་རྡུལ་གུས་པས་བསྟེན་པ་རྣམས། །གདོན་གསུམ་གནོད་པའི་དཔུང་གིས་མི་བརྫི་ཞིང༌། །ཉམས་གྲིབ་དྲི་མ་མཐའ་དག་བྱང་བྱེད་པའ། །བྱིན་རླབས་གཏེར་ཆེན་ཁྱེད་ལ་གསོལ་བ་འདེབས། །རྩེ་གཅིག་ཡིད་ཀྱིས་ལྷག་པའི་ལྷར་བསྟེན་ན། །དམིགས་མེད་ཐུགས་རྗེ་

― GTD007_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་གིས་ཉེར་དགོངས་ཏེ། །ཕྱི་དང་ནང་གི་ཉེར་འཚེ་ཀུན་ཞི་ཞིང༌། །མཆོག་ཐུན་དངོས་གྲུབ་མ་ལུས་གྲུབ་པར་མཛོད། །རང་གི་ཐུགས་ཀར་ཉི་གདན་ལ་དྷཱིཿ ཡིག་མཐིང་ནག་གི་མཐར་སྔགས་ཀྱི་ཕྲེང་བ་ཁ་དོག་ནག་པོས་བསྐོར་བ་ལས་འོད་ཟེར་དམར་པོ་མེ་འོད་ལྟ་བུ་འཕྲོས། མི་དང་མི་མ་ཡིན་པའི་གནོད་འཚེ་བསམ་ངན་སྦྱོར་རྩུབ་གྲིབ་དང་མི་གཙང་བ་ཐམས་ཅད་བྱང་ཞིང་དག་པར་གྱུར་པར་བསམས་ལ། ཨོཾ་པྲ་སོད། ཆུ་སོད། དུར་ཏ་སོད། སྙིང་མགོ་ལ་ཆོད། ཁ་ལ་ཛཿ ཀཾ་ཤཾ་ཏྲི་རྦད་ཕཊ་སྭཱཧཱ། ཞེས་པ་འདི་རྩ་སྔགས་ཡིན་པས་ཅི་རིགས་པར་སྐབས་སུ་བབས་པའི་སྤྲོ་བསྡུའི་དམིགས་པ་དང་བཅས་ཏེ་བཟླའོ། །འདི་ལ་སྔགས་གསུམ་ཡོད་པ་ལས། ཛ་ཡན་ཆད་འདྲ་བ་ལ། ཤ་ཀཾ་ཤཾ་ཊཾ་ཊ་ཊཾ་རྦད་སྭཱཧཱ། ཞེས་པ་དང༌། ཡང་ན། ཤཾ་ཀཾ་སྭཱཧཱ། ཞེས་པ་སྟེ་འོན་ཀྱང་དམ་པ་གོང་མ་རྣམས་སྔགས་དང་པོ་གཙོ་བོར་མཛད། རོ་ལངས་ཀྱི་གནོད་པ་ཟློག་བྱེད། དུར་མི་སོད། ཞེས་པ། དུར་ཏ་སོད། ཅེས་པའི་མཇུག་ཏུ་སྦྱར་ཀྱང་རུང་ལ་མ་བཞག་ཀྱང་ཆད་པའི་ཉེས་པར་མི་འགྱུར་ཞེས་པཎ་ཆེན་ཐམས་ཅད་མཁྱེན་པ་དཔལ་ལྡན་ཡེ་ཤེས་གསུངས། བཟླས་པའི་མཇུག་ཏུ་ཡིག་བརྒྱས་ལྷག་ཆད་ཁ་བསྐང་ཞིང་མཆོད་བསྟོད་བྱ། གཏོར་མ་འབུལ་བར་འདོད་ན་གཏོར་མ་བསང་སྦྱངས་བདུད་རྩིར་བྱིན་གྱིས་བརླབས་ལ། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས། འཇམ་དཔལ་ནག་པོའི་ལྷ་ཚོགས་མདུན་གྱི་ནམ་མཁར་སྤྱན་དྲངས། ལྗགས་འོད་ཟེར་གྱི་སྦུ་གུས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་གྱུར། མཚན་སྔགས་ལ། ཨ་ཀཱ་རོ་བཏགས་པ་ལན་གསུམ་གྱིས་གཏོར་མ་འབུལ། བསྟོད་པའི་མཇུག་གི་ཚིགས་བཅད་ཕྱི་མས་འདོད་དོན་ལ་གསོལ་བ་གདབ། དེ་ནས་སྦྱིན་

― GTD007_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

སྲེག་བྱ་བ་ལ། ཆོ་ག་སྦྱོར་དངོས་རྗེས་གསུམ་ལས། དང་པོ་ནི། སྟེགས་བུ་གྲུ་བཞི་པ་ལ་དཀར་རྩི་བཏབ། ཐོག་མར་ཚངས་ཟུར་གྱི་ཐིག་བཏབ། ཐིག་སྐུད་ཁྲུ་ཕྱེད་པ་གཅིག་གིས་དབུས་ནས་ཟླུམ་པོར་བསྐོར། དེ་ལ་སོར་བཞི་བསྣན་ནས་ཟླུམ་སྐོར་དང༌། སླར་ཡང་སོར་བཞི་བསྣན་ནས་ཟླུམ་པོར་བསྐོར་བར་བྱའོ། །དེ་ནས་ཚངས་ཐིག་གི་སྟེང་ནས་སོར་གཉིས་ཕྱིར་གཞལ་བའི་མཚམས་སུ་བྱ་རྗེས་བཙལ་ཏེ་ཟུར་ཐིག་ནས་ཟུར་ཐིག་གི་བར་ལ་ཐིག་སྐུད་བརྐྱངས་ནས་གྲུ་བཞིར་གདབ། ཟུར་བཞིར་ཟླ་ཕྱེད་རྡོ་རྗེ། ཕྱིའི་ཁ་ཁྱེར་ལ་རྡོ་རྗེའི་ཕྲེང་བ། ཐབ་ཀྱི་དབུས་སུ་པདྨ་དཀར་པོ་འདབ་མ་བརྒྱད་པའི་ལྟེ་བར་རལ་གྲི། ཟླུམ་ཐིག་ནང་མའི་སྟེང་ནས་བུད་ཤིང་སྐམ་པོའམ། དགོན་པའི་བ་ལང་གི་ལྕི་བ་སྲོག་ཆགས་མེད་པ་ཟླུམ་པོར་བརྩིགས། གཡས་ཕྱོགས་སུ་འཇིག་རྟེན་པའི་ལྷ་ལ་འབུལ་རྒྱུའི་མཆོད་གཏོར་དང༌། ཡམ་ཤིང་སོགས་རྫས་ཆེན་བཅུ་གཉིས་དང་ཁྱད་པར་གྱི་རྫས་གང་འབྱོར་དང༌། དེའི་ཕྱི་རོལ་ཏུ་འཇིག་རྟེན་པའི་མཆོད་གཏོར་བསྲེགས་རྫས་རྣམས་བཀོད། གཡོན་ཕྱོགས་སུ་པདྨ་འདབ་བརྒྱད་དཀར་པོ་བྲིས་པ་ཆུ་བཞི་དང་བཟེད་ཞལ་བསང་གཏོར་གྱི་ཀུ་ཤའི་ཆུན་པོ་བཅས་དགོད། གཡས་ཕྱོགས་སུ་རྡོར་དྲིལ་དགང་གཟར་བླུགས་ཁ་སྦྱར་ལས་བུམ་སོ་རྩི་གོས་ཟུང་དཔལ་འབར་རླུང་གཡབ་ཀུ་ཤ་འཐོར་ནས་སོགས་ཉེ་བར་མཁོ་བའི་ཡོ་བྱད་ཚོགས་པར་བྱས་ཏེ། རང་ཉིད་ཁ་ཤར་དུ་ཕྱོགས་པས་སྟན་བདེ་བ་ལ་པདྨའི་འདུག་སྟངས་ཀྱིས་འཁོད་ནས་བསང་ཆུ་ལ་དམིགས་ཏེ། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ལན་བདུན་དང་མཆོད་རྫས་རྣམས་ལ་གཡས་སྐོར་གྱིས་ལན་གསུམ་བསངས། མཆོད་པ་རྣམས། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཨོཾ་ལས་རིན་

― GTD007_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ། ཨོཾ་ཞུ་བ་ལས་བྱུང་བའི་མཆོད་ཡོན། ཞབས་བསིལ། ཞལ་བསིལ། བསང་གཏོར། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ། གཞན་ཡང་འཕན་གདུགས་རྒྱལ་མཚན་ལ་སོགས་པ་བསམ་གྱིས་མི་ཁྱབ་པ་དཔལ་ཀུན་ཏུ་བཟང་པོའི་མཆོད་སྤྲིན་ལྟ་བུ་དྭངས་ཤིང་ཐོགས་པ་མེད་པ་ནམ་མཁའི་ཁམས་གང་བ་འདི་ཉིད་བཅོམ་ལྡན་འདས་རྗེ་བཙུན་འཇམ་དཔལ་དབྱངས་ཀྱི་ལྷ་ཚོགས་འཁོར་དང་བཅས་པ་རྣམས་ཀྱི་སྤྱན་ལམ་དུ་འབྱུང་ཞིང་རྒྱས་པར་གྱུར་ཅིག །ཨོཾ་ཨརྒྷཾ་ཨཱཿ ཧཱུཾ། ནས། ཤཔྟ་ཨཱཿ ཧཱུཾ། གི་བར་བརྗོད། ནམ་མཁའ་མཛོད་ཀྱི་ཕྱག་རྒྱ་བྱས་ལ། ན་མཿ སརྦ་བུདྡྷ་བོ་དྷི་སཏྭཱ་ནཾ། ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨ་ཝ་རྟ་ཡ་ཨ་ཝ་རྟ་ཡ་ཧོཿ བཛྲ་སྥ་ར་ཎ་ཁཾ། མཐར་སེ་གོལ་དང་བཅས་དགྲོལ་བ་གསུམ། ལག་པ་རྡོ་རྗེ་ཁུ་ཚུར་ལས་གུང་མོ་གཉིས་རྩེ་སྤྲད་པའི་ཕྱག་རྒྱས་བསྲེག་རྫས་རྣམས་ལ་སྟོན་ཅིང༌། ཨོཾ་སྭཱཧཱ། ཞེས་པས་བསྲེག་རྫས་རྣམས་སྤྱིར་བཀྲུས་པར་བསམ། ཨོཾ་ཨཱཿ སྭཱཧཱས་ཡཾ་ཤིང་དང༌། ཨོཾ་ཤྲཱི་སྭཱཧཱས་ཞུན་མར་དང༌། ཨོཾ་ཛྲིཾ་སྭཱཧཱས་འབྲུ་དང༌། ཨོཾ་ཀུ་རུ་སྭཱཧཱས་གཞན་པའི་རྫས་རྣམས་སྦྱངས་པར་བསམས། རྫས་རྣམས་ཀྱི་མཚན་ཉིད་དང་མི་ལྡན་པའི་ཉེས་སྐྱོན་ཐམས་ཅད་སྦྱངས་ཤིང་དག་ནས་ཕྱིའི་བདུད་རྩི་ལྔའི་ངོ་བོར་གྱུར། མེ་གང་ཡང་རུང་བ། ཨོཾ་ཨཱཿ ཧཱུཾ། ལན་གསུམ་བརྗོད་དེ་སྣོད་དུ་བཞག་ལ། ལས་སྔགས་བརྗོད་པ་དང་བཅས་པས་བསང་ཆུས་གཡས་སྐོར་དུ་ལན་གསུམ་བསངས། རྩྭའི་ཆུན་པོ་དང་བཅས་ཐབ་ཀྱི་ནང་དུ་བཅུག་ལ། ཨོཾ་བཛྲ་ཛྭ་ལ་རཾ། ཞེས་གཟི་བྱིན་བསྐྱེད། ཧཱུཾ། ཞེས་བརྗོད་དེ་རླུང་གཡབ་ཀྱིས་མེ་སྦར། རྩ་སྔགས་ལན་བདུན་བརྗོད་ལ་མར་ཁུ་བླུགས་གཟར་བདུན་གྱིས་

― GTD007_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་གསོ་ཀུ་ཤ་ལག་ཏུ་བཟུང་ལ། ཨོཾ་བཛྲ་སཏྭ་ཨཱཿ ལན་གསུམ་གྱིས་བྱིན་གྱིས་བརླབས། ཨོཾ་ཀུ་ཤ་འདི་ནི་གཙང་ཞིང་དགེ །ཚངས་པའི་ལྷ་རྣམས་དག་བྱེད་ཅིང༌། །དཀོན་མཆོག་གསུམ་པོ་མཉེས་བྱེད་པ། །ས་ལས་སྐྱེས་པའི་འདབ་མའི་སྙིང༌། །བདག་གི་བགེགས་རྣམས་ཐམས་ཅད་ན། །ཞི་དང་བཀྲ་ཤིས་མཛད་དུ་གསོལ། །ཞེས་བརྗོད་ནས་ཀུ་ཤ་གཉིས་གཉིས་རྩེ་མོ་གཤིབས་པ་རང་གི་གཡོན་ངོས་ནས་བརྩམས་ཏེ་ཁ་ཁྱེར་ལ་རྩེ་མོ་ཤར་དང༌། ལྷོ་དང༌། ནུབ་དང༌། བྱང་དུ་བསྟན་ལ་སྔ་མའི་རྩེ་མོས་ཕྱི་མའི་རྩ་བ་ནོན་པར་བཀྲམ་ཞིང༌། ཐབ་ཁུང་དུ་རྩེ་མོ་ཤར་དུ་བསྟན་པའི་ཀུ་ཤ་བ་ལང་གི་རྣ་བ་ལྟ་བུ་ཧ་ཅང་ཡང་མི་རིང་བས་གཡོག །ཀུ་ཤ་བཀྲམ་ཟིན་པ་དང་ཐལ་མོ་སྦྱར་ཏེ། བཅོམ་ལྡན་འདས་རྡོ་རྗེ་སེམས་དཔའ་བདག་གི་བགེགས་ཐམས་ཅད་ཞི་བ་དང་བཀྲ་ཤིས་པར་མཛད་དུ་གསོལ། ཞེས་གསོལ་བ་བཏབ་བོ། གཉིས་པ་དངོས་གཞི་ལ་གསུམ། ཐོག་མར་འཇིག་རྟེན་པའི་མེ་ལྷ་མཆོད་པ། བར་དུ་འཇིག་རྟེན་ལས་འདས་པའི་མེ་ལྷ་མཆོད་པ། མཐར་འཇིག་རྟེན་པའི་མེ་ལྷ་མཆོད་པའོ། །དང་པོ་ནི། ཐབ་སྔར་བཞིན་བསང་སྦྱངས། སྟོང་པའི་ངང་ལས་ཧཱུཾ་དཀར་པོ་ཞུ་བ་ལས་བྱུང་བའི་ཞི་བའི་ཐབ་ཁ་དོག་དཀར་ཞིང་དབྱིབས་ཟླུམ་པ་རྒྱར་ཁྲུ་གང་བ། ཟབས་སུ་ཁྲུ་ཕྱེད་པ། མུ་རན་ཁ་ཁྱེར་དང་བཅས་པའི་ཁ་ཁྱེར་ལ་རྡོ་རྗེ་ཕྲེང་བས་བསྐོར་བ། གྲྭ་བཞིར་ཟླ་ཕྱེད་རྡོ་རྗེས་མཚན་པ་དྭངས་ཤིང་ཐོགས་པ་མེད་པ་ཡེ་ཤེས་ཀྱི་རང་བཞིན་དུ་གྱུར། ཐབ་ཀྱི་ནང་གི་དབུས་སུ་སྣ་ཚོགས་པདྨའི་ལྟེ་བར་རཾ་ལས་བགྲང་ཕྲེང་རཾ་གྱིས་མཚན་པ། དེ་ཡོངས་སུ་གྱུར་པ་ལས་ཞི་བའི་མེ་ལྷ་འཛིན་བྱེད་སྐུ་མདོག་དམར་པོ་འོད་ཟེར་འཕྲོ་ཞིང་འདུ་བ། རྭ་སྐྱེས་ལ་ཞོན་པ། ཞལ་

― GTD007_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ཕྱག་གཉིས་པ། གཡས་བགྲང་ཕྲེང་དང་གཡོན་སྤྱི་བླུགས་འཛིན་པ། རྣམ་སྣང་གི་དབུ་རྒྱན་ཅན། སྨིན་མ་དང་རལ་པའི་ཐོད་དང་སྨ་ར་འབར་ཞིང་འཁྲུགས་པ་གསུས་ཁྱིམ་ཆེ་ཞིང་གཟི་བརྗིད་དང་ལྡན་པ། གཡོན་བརྐྱང་གི་སྟབས་ཀྱིས་བཞུགས་པའི་ཐུགས་ཀར་མེ་གྲུ་གསུམ་པ་རཾ་གྱིས་མཚན་པ། དྲང་སྲོང་གི་ཚོགས་དཔག་ཏུ་མེད་པས་བསྐོར་བའི་གཙོ་འཁོར་ཐམས་ཅད་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཿ དམར་པོ། ཐུགས་ཀར་ཧཱུཾ་སྔོན་པོས་མཚན་པར་གྱུར། རང་གི་ཐུགས་ཀའི་ས་བོན་ལས་འོད་ཟེར་འཕྲོས། ཤར་ལྷོ་ནས་མེ་ལྷ་དྲང་སྲོང་གི་ཚོགས་ཀྱིས་བསྐོར་བ་སྤྱན་དྲངས། ལག་པ་གཡས་མི་འཇིགས་པ་སྦྱིན་པའི་ཕྱག་རྒྱས་མཐེ་བོང་གཡབ་ཅིང༌། ཨོཾ་ཚུར་བྱོན་ཚུར་བྱོན་འབྱུང་པོ་ཆེ། །མེ་ལྷའི་རྒྱལ་པོ་དྲང་སྲོང་མཆོག །བསྲེགས་བླུགས་ཞལ་ཟས་བཞེས་སླད་དུ། །འདིར་ནི་ཡང་དག་བསྙེན་པར་མཛོད། །གཟི་བརྗིད་ཆེན་པོ་མེ་ཡི་ལྷ། །འདོད་པ་ཐམས་ཅད་སྒྲུབ་པ་པོ། །ཐུགས་རྗེས་སེམས་ཅན་དོན་མཛད་པ། །འདི་ཉིད་དུ་ནི་བཞུགས་སུ་གསོལ། །ཊཀྐི་ཧཱུཾ་ཛཿ ཐབ་ཀྱི་ཁ་ཁྱེར་གྱི་ཀུ་ཤའི་གདན་ལ་བཞུགས་པར་གྱུར། པདྨ་ཀ་མ་ལ་ཡེ་སྟྭཾ། ཨ་མྲྀ་ཏས་སྔགས་ཀྱིས་བསངས་ཆུ་འཐོར་ཞིང་ཕྱི་འབྲང་གི་བགེགས་བསྐྲད། ཨོཾ་བཛྲ་ཨཾ་ཀུ་ཤ་ཛཿ ཨོཾ་བཛྲ་པ་ཤ་ཧཱུཾ། ཨོཾ་བཛྲ་སྥོ་ཊ་བཾ། ཨོཾ་བཛྲ་གཎྜེ་ཧོཿ དམ་ཚིག་པ་དང་གཉིས་སུ་མེད་པར་གྱུར། ཨོཾ་ཨཱཿ ཧྲཱིཿ པྲ་ཝ་ར་སད་ཀ་རཾ་པྲོཀྵ་ནཾ་པྲ་ཏཱིཙྪ་སྭཱཧཱ། ཞེས་བསང་གཏོར་དང༌། པྲོཀྵ་ནཾ་གྱི་གནས་སུ། ཨཉྩ་མ་ཎཾ། ཨརྒྷཾ། པཱངྱཾ་རྣམས་སྦྱར་ཏེ་ཆུ་བཞི་ཕྱག་ལེན་ལྟར་འབུལ། ཨོཾ་ཨགྣ་ཡེ་ས་པ་རི་ཝཱ་ར་པུཥྤེ་པྲ་ཏཱིཙྪ་སྭཱཧཱ། དེ་བཞིན་དུ། དྷཱུ་པེ། ཨཱ་ལོ་ཀེ གནྡྷེ།

― GTD007_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

ནཻ་ཝིངྱེ། ཤཔྟ་རྣམས་སྦྱར་བས་མཆོད། དྲིལ་སྟབས་དང་བཅས། འཇིག་རྟེན་དབང་ཕྱུག་ཚངས་པ་མགོན་གྱི་སྲས། །མེ་ལྷའི་རྒྱལ་པོ་ཊཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་བསྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། །ཚངས་པ་འཇིག་རྟེན་མགོན་གྱི་སྲས། །མེ་ལྷའི་རྒྱལ་པོ་དྲང་སྲོང་མཆོག །ཐུགས་རྗེའི་དབང་གིས་སྐུ་སྤྲུལ་བ། །རིགས་སྔགས་གྲུབ་པའི་དྲང་སྲོང་ཚུལ། །ཉོན་མོངས་བསྲེག་པའི་ཤེས་རབ་འོད། །བསྐལ་པའི་མེ་བཞིན་གཟི་བརྗིད་འབར། །མངོན་ཤེས་རྫུ་འཕྲུལ་ཞབས་དང་ལྡན། །ཐབས་ཀྱིས་སྤྲུལ་བའི་ཐེག་པ་བཅིབས། །རིགས་སྔགས་གསུང་ཞིང་བགྲང་ཕྲེང་འཛིན། །བདུད་རྩིའི་བཅུད་ལྡན་གྷུཎྜེ་བསྣམས། །ཆོས་ཀྱི་བདུད་རྩི་ཡོངས་ལ་བསིལ། །ཉེས་པའི་སྐྱོན་བྲལ་ཚངས་པར་སྤྱོད། །འཇིག་རྟེན་གནས་ཀྱང་མྱ་ངན་འདས། །ཞི་བ་བརྙེས་ཀྱང་ཐུགས་རྗེ་ཆེ། །དེ་བས་བསྟོད་དེ་ཕྱག་ཀྱང་འཚལ། །ཞེས་ཡོངས་རྫོགས་སམ་ཚིགས་བཅད་དང་པོ་ཅི་རིགས་ཀྱིས་བསྟོད། ཨོཾ་བཛྲ་ཨ་ན་ལ་མཧཱ་བྷུ་ཏ་ཛྭ་ལཱ་ཛྭ་ལཱ་ཡ་སརྦ་བྷསྨི་ཀུ་རུ་སརྦ་དུཥྚཾ་ཧཱུཾ་ཕཊ་ཏྲི་ཤྱ་ཛཿ ཧཱུཾ་བཾ་ཧོཿ ས་མ་ཡ་སྟྭཾ། ས་མཱ་ཡ་ཧཾ། ཞེས་དམ་ཚིག་ལན་གསུམ་བརྗོད་པས་ལས་བཅོལ་བ་ཞལ་གྱིས་བཞེས་པར་བསམ་མོ། །མེ་ལྷའི་ལྗགས་རྡོ་རྗེའི་རྣམ་པ་ཅན་དཀར་པོ་ལ་རཾ་ཡིག་དང༌། དགང་བླུགས་ཀྱི་ཁ་ལ་དྷཱིཿ ཡིག་འོད་ཟེར་དང་བཅས་པས་མཚན་པར་གྱུར། འདིར་དགང་བླུགས་ཀྱི་ཁ་ལ་སྐབས་ཐོབ་ཀྱི་ལྷག་པའི་ལྷ་དེའི་ས་བོན་བྱེད་པ་འཐད་པ་ཡིན་ཏེ། འོད་སྙེ་ལས། དགང་གཟར་དང་བླུགས་གཟར་གྱི་ཁ་ལ་རང་གི་ལྷའི་ས་བོན་ཡི་གེ་གསུམ་གྱིས་སྤེལ་བའི་འོད་ཟེར་དང་བཅས་པ་དང༌། མེ་ལྷའི་ཞལ་དུ་རཾ་

― GTD007_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པར་བཀོད་ལ། ཞེས་དང༌། སྤྱན་སྔ་བློ་གྲོས་རྒྱལ་མཚན་གྱིས་དེའི་མཆན་འགྲེལ་དུ། རང་གི་ལྷའི་ས་བོན་ཧཱུཾ་དང་ཨ་སོགས་ཨོཾ་ཨཱཿ ཧཱུཾ་གི་ཡི་གེ་གསུམ་གྱིས་སྤེལ་བའི་འོད་ཟེར་དང་བཅས་པ་ཞེས་གསུངས་པའི་ཕྱིར། དེས་ན་ཁ་ཅིག་སྐྱབས་མགོན་མཆོག་གི་འཇམ་དཀར་གྱི་སྦྱིན་སྲེག་ཏུ་ཨ་ཡིག་གསུང་བ་ཡི་གེ་མ་དག་པར་བྱེད་པ་མི་འཐད་པར་མངོན་ནོ། །དེ་ནས། བྱང་ཆུབ་མཆོག་གི་ཕྱག་རྒྱས་བླུགས་གཟར་གྱི་མར་ཁུས་དགང་གཟར་བཀང་བ་བཟུང་སྟེ། ཨོཾ་ཨགྣ་ཡེ་ཨ་དི་བྱཱ་ཨ་དི་བྱཱ་ཨ་བི་ཤ་ཨ་བི་ཤ་མཧཱ་ཤྲཱི་ཡེ་ཧ་བྱཱ་ཀ་བྱཱ་བ་ཧ་ནཱ་ཡ། བདག་ཅག་གི་ཏིང་ངེ་འཛིན་མི་གསལ་ཞིང་སྔགས་ཆད་ལྷག་གི་ཉེས་པ་དང༌། ནད་གདོན་སྡིག་སྒྲིབ་བར་ཆད་མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། འདི་བསྙེན་པའི་ཁ་སྐོང་གི་དབང་དུ་བྱས་ཤིང༌། གང་འདོད་པའི་སྤེལ་ཚིག་སྦྱོར་བའི་ཁྱད་པར་ཤེས་དགོས་སོ། །ལག་པ་གཡས་མཆོག་སྦྱིན་གྱི་ཕྱག་རྒྱའི་མཐེབ་སྲིན་གྱིས་ཡམ་ཤིང་གཉིས་གཉིས་རྩེ་མོ་ལྷ་ལ་བསྟན་ནས་འབུལ། ཡམ་ཤིང་རྣམས་བྱང་ཆུབ་ཀྱི་ཤིང་གི་རང་བཞིན་དུ་གྱུར། ཨོཾ་ཨགྣ་ཡེ་ཨ་དི་བྱཱ་ནས་བ་ཧ་ནཱ་ཡ། ཨོཾ་བོ་དྷི་པྲིཀྵ་ཡ། བདག་ཅག་གི་ནས་བར་ཆད་མི་མཐུན་པའི་ཕྱོགས་ཐམས་ཅད་དང༌། ཁྱད་པར་དུ་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། མར་ཁུ། ཨོཾ་ཨགྣེ་ཡེ་ཞེས་པ་ནས། བ་ཧ་ནཱ་ཡ། ཨོཾ་ཨགྣ་ཡེ། བདག་ཅག་ནས། ཐམས་ཅད་དང༌། ཁྱད་པར་དུ་འབྱོར་པ་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཏིལ་ལ། ཨོཾ་ཨགྣ་ཡེ་ཞེས་པ་ནས། སརྦ་པཱ་པཾ་ད་ཧ་ན་བཛྲ་ཡ། བདག་ཅག་ནས། ཐམས་ཅད་དང༌། ཁྱད་པར་དུ་སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། དུར་བ་ལ། ཨོཾ་བཛྲ་ཨཱ་

― GTD007_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུ་ཥེ། ཚེ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། འབྲས་ལ། ཨོཾ་བཛྲ་པུཥྚ་ཡ། བསོད་ནམས་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཞོ་ཟན་ལ། ཨོཾ་སརྦ་སཾ་པ་དེ། བདེ་བ་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཀུ་ཤ་ལ། ཨོཾ་ཨ་པྲ་ཏི་ཧ་ཏ་བཛྲ་ཡེ། གྲིབ་དང་མི་གཙང་བ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཡུངས་ཀར་ལ། ཨོཾ་སརྦ་ཨརྠ་སིད་དྷ་ཡེ། བགེགས་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། སོ་བ་ལ། ཨོཾ་བཛྲ་བི་ཛཱ་ཡ། ནོར་དང་འབྲུ་རྒྱས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ནས་ལ། ཨོཾ་མཧཱ་བེ་གཱ་ཡ། མྱུར་བའི་ཤུགས་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། སྲན་མ་ལ། ཨོཾ་མཧཱ་བཱ་ལཱ་ཡ། སྟོབས་རྒྱས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། གྲོ་ལ། ཨོཾ་བཛྲ་གྷསྨ་རི་༝ནད་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཁྱད་པར་གྱི་རྫས་ལ། ཨོཾ་ཨགྣ་ཡེ་ཞེས་པ་ནས། བདག་ཅག་ནས། མཆོག་དང་ཐུན་མོང་གི་དངོས་གྲུབ་སྒྲུབ་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། སྔར་བཞིན་ཞལ་བསིལ་དང་བསང་གཏོར་དབུལ། མར་ཁུ་བླུགས་གཟར་གང་ཐབ་ཏུ་ཕུལ་ནས། ཨོཾ་བཛྲ་ཛྭ་ལ་རཾ། མེ་ལྷ་མེ་འབར་བའི་རྣམ་པར་གྱུར། གཉིས་པ་འཇིག་རྟེན་ལས་འདས་པའི་མེ་ལྷ་མཆོད་པ་ནི། ཐབ་ཀྱི་མེ་སྔར་བཞིན་བསང་སྦྱངས། སྟོང་པའི་ངང་ལས་སྣ་ཚོགས་པདྨའི་ལྟེ་བར་ཨ་ལས་ཟླ་བའི་དཀྱིལ་འཁོར། དེའི་སྟེང་དུ་དྷཱིཿ ཡིག་མཐིང་ནག་ལས་རལ་གྲི་འབར་བ་དྷཱིཿས་མཚན་པ། དེ་ལས་འོད་ཟེར་འཕྲོས། དོན་གཉིས་བྱས། ཚུར་འདུས་

― GTD007_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་སུ་གྱུར་པ་ལས་རྗེ་བཙུན་འཇམ་དཔལ་ཞེས་པ་ནས། སྐྱིལ་ཀྲུང་གིས་བཞུགས་པ། ལྷའི་སྐུ་ལས་འོད་ཟེར་དཀར་པོའི་ཚོགས་འཕྲོ་བར་གྱུར། དེའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀར་ཉི་གདན་ལ་གནས་པའི་དྷཱིཿ ཡིག་ལས་འོད་ཟེར་འཕྲོས་པས་རང་བཞིན་གྱི་གནས་ནས་རྗེ་བཙུན་འཇམ་པའི་དབྱངས་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་ཨོཾ་བཛྲ་ས་མ་ཛཿ། མ་ལུས་སེམས་ཅན་ཀུན་གྱི་མགོན་གྱུར་ཅིང༌། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཡང་དག་མཁྱེན་གྱུར་པའ། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེ་རྣམ་སྦྱངས་ཤིང༌། །སྨོན་ལམ་རྒྱ་ཆེན་དགོངས་པ་ཡོངས་རྫོགས་པ། །ཁྱེད་བཞེད་འགྲོ་དོན་མཛད་དུས་འདིར་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་ཅིང༌། །མཐའ་ཡས་སེམས་ཅན་ཚོགས་རྣམས་བསྒྲལ་བའི་ཕྱིར། །ཡོངས་དག་འཁོར་དང་བཅས་ཏེ་གཤེགས་སུ་གསོལ། །འདིར་ནི་གཟུགས་དང་ལྷན་ཅིག་ཏུ། །འགྲོ་བའི་དོན་དུ་བཞུགས་ནས་ཀྱང༌། །ནད་མེད་ཚེ་དང་དབང་ཕྱུག་དང༌། །མཆོག་རྣམས་ལེགས་པར་སྩལ་དུ་གསོལ། །བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་ནས་ཀྱང༌། །འདི་ཉིད་དུ་ནི་བཞུགས་སུ་གསོལ། །བདག་དང་འགྲོ་ལ་ཐུགས་བརྩེའི་ཕྱིར། །ཉིད་ཀྱི་རྫུ་འཕྲུལ་མཐུ་ཡིས་ན། །ཇི་སྲིད་མཆོད་པ་བདག་བགྱིད་ན། །དེ་སྲིད་བཅོམ་

― GTD007_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་བཞུགས་སུ་གསོལ། །ཛཿ ཧཱུཾ་བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས། དབང་གི་ལྷ་རིགས་ལྔ་འཁོར་དང་བཅས་པ་སྤྱན་དྲངས། དེ་བཞིན་གཤེགས་པ་ཐམས་ཅད་ཀྱིས་འདི་ལ་མངོན་པར་དབང་བསྐུར་དུ་གསོལ།ཞེས་གསོལ་བ་བཏབ་པས། དེ་རྣམས་ཀྱིས་ཡེ་ཤེས་ཀྱི་བདུད་རྩིས་གང་བའི་བུམ་པ་ཐོགས་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཨཱཿ ཧཱུཾ། ཞེས་དབང་བསྐུར། ལུས་གང༌། དྲི་མ་དག་ཆུའི་ལྷག་མ་སྤྱི་གཙུག་ཏུ་གནས་པ་ཡོངས་སུ་གྱུར་པ་ལས་མི་བསྐྱོད་པས་དབུ་བརྒྱན་པར་གྱུར། རབ་འབྱམས་རྒྱ་མཚོ་དཔག་མེད་ན། །བསང་གཏོར་ཇི་སྙེད་ཡོད་པ་དང༌། །བདག་གིས་ཕུལ་བའི་བསང་གཏོར་འདི། །བཞེས་ནས་བདག་ལ་དངོས་གྲུབ་སྩོལ། །ཨོཾ་ཨཱཿ ཧྲཱིཿ པྲ་ཝ་ར་སད་ཀ་རཾ་པྲོཀྵ་ནཾ་པྲ་ཏཱིཙྪ་སྭཱཧཱ། ཞེས་པས་བསང་གཏོར་དང༌། དེ་བཞིན་དུ་བསང་གཏོར་གྱི་གནས་སུ། ཞལ་བསིལ། མཆོད་ཡོན། ཞབས་བསིལ་རྣམས་དང༌། པྲོཀྵ་ཎཾ་གྱི་གནས་སུ། ཨཉྩ་མ་ཎཾ། ཨརྒྷཾ། པཱདྱཾ་རྣམས་སྦྱར་ཏེ་ཆུ་བཞིའི་སྔགས་དང་ཕྱག་རྒྱས་དབུལ་ལོ། །རབ་འབྱམས་རྒྱ་མཚོ་དཔག་མེད་ན། །མེ་ཏོག་ཇི་སྙེད་ཡོད་པ་དང༌། །བདག་གིས་ཕུལ་བའི་མེ་ཏོག་འདི། །བཞེས་ནས་བདག་ལ་དངོས་གྲུབ་སྩོལ། །ཨོཾ་མཉྫུ་ཤྲི་ཀཱ་ལ་ས་པ་རི་ཝཱ་ར་པུཥྤེ་པྲ་ཏཱིཙྪ་སྭཱཧཱ། དེ་བཞིན་དུ། ཤཔྟའི་བར་སྦྱར་ལ་མཆོད། དུས་གསུམ་རྒྱལ་བའི་ཞེས་སོགས་ཤོ་ལོ་ཀ་གཅིག་གིས་བསྟོད། ལྷའི་ཞལ་འཛུམ་ཞིང་ཅུང་ཟད་གདངས་པའི་རྣམ་པ་ཅན་དུ་གྱུར། སྔགས་ཀྱི་མཇུག་ཏུ། ཨོཾ་ཨགྣེ་ཡེ་སྭཱཧཱ། བདག་གི་ཏིང་ངེ་འཛིན་ཞེས་པ་ནས་ཤཱནྟིཾ་ཀུ་རུ་སྭཱཧཱ།

― GTD007_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་མར་ཁུ་དགང་བླུགས་བདུན་ཕུལ། ཡཾ་ཤིང་རྩ་སྔགས་དང༌། ཨོཾ་བོ་དྷི་པྲིཀྵཱ་ཡ། བདག་ཅག་ཅེས་པ་ནས། ཤཱནྟིཾ་ཀུ་རུ་ཡེ་སྭཱཧཱ། དེ་བཞིན་དུ་བསྲེག་རྫས་ལྷག་མ་རྣམས་ལ་སྔགས་དང་སྤེལ་ཚིག་གོང་བཞིན་སྦྱར་ཏེ་གསུམ་མམ་བདུན་ནམ་ཉེར་གཅིག་སོགས་མང་ཉུང་རིགས་པས་དཔྱད་ཅིང་ཡཾ་ཤིང་དང་མར་ཁུ་གཙོ་བོ་ཡིན་པས་གང་མང་དང༌། འདི་བརྩོག་གྲིབ་སོགས་ལ་ཆེད་དུ་བསྔགས་པས་ཀུ་ཤ་ཡང་གཙོ་བོར་བྱེད་ཅིང༌། ལྷག་ཆད་ཀྱི་ཉེས་པ་སྦྱོང་བ་དགོས་པའི་གཙོ་བོ་ཡིན་པས་ཁ་སྐོང་ལ་ཏིལ་གྱི་གྲངས་གསོག་དགོས། དེ་བཞིན་དུ་ཁྱད་པར་གྱི་རྫས་ཡང་མང་ཙམ་དབུལ། རྩ་སྔགས་བརྗོད་ཅིང༌། མར་ཁུ་དགང་བླུགས་བདུན་དང༌། མཆོད་ཡོན། བསང་གཏོར། ཞལ་བསིལ་གསུམ་སྔར་བཞིན་སྔགས་རྒྱས་དབུལ། སྲབ་འཇམ་ཡང་པ་ལྷ་ཡི་གོས། །མགོན་པོ་འཇམ་དབྱངས་སྐུ་ལ་གསོལ། །མི་ཕྱེད་དད་པས་བདག་འབུལ་ན། །བདག་ཀྱང་རྡོ་རྗེའི་སྐུ་ཐོབ་ཤོག །ཨོཾ་བཛྲ་ཝ་ས་སྱ་སྭཱཧཱ། ཞེས་པས་གོས་ཟུང་དང༌། ཨོཾ་བཛྲ་ཏཾ་བུ་ལ་ཡེ་སྭཱཧཱ། ཞེས་པས་སོ་རྩི་དབུལ། ཉེར་སྤྱོད་རོལ་མོ་དང་བཅས་པས་མཆོད། གཏོར་མ་བསངས་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་ཨཱཿ ཧཱུཾ་འོད་དུ་ཞུ་བ་ལས་བྱུང་བའི་གཏོར་མ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོར་གྱུར། ཨོཾ་ཨཱཿ ཧཱུཾ། ལན་གསུམ་གྱིས་བྱིན་གྱིས་བརླབས། ལྷའི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་གྱུར། རྩ་སྔགས་ཀྱི་མཇུག་ཏུ། ཨོཾ་ཨཱ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨངྱ་ནུཏྤནྣ་ཏྭ་ཏ་བ་ལིངྟ་ཁ་ཁ་ཁཱ་ཧི་ཁཱ་ཧི། ལན་གསུམ་མམ་བདུན་གྱིས་མེ་ནང་དུ་བླུགས་གཟར་གྱིས་ཕུལ། གོང་གི་བསྟོད་པ་ཤོ་ལོ་ཀ་གསུམ་གྱིས་བསྟོད། བཅོམ་ལྡན་འདས་འཇམ་

― GTD007_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་དབྱངས་ཀྱིས་བདག་ཅག་གི་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཉེས་ལྟུང་ཐམས་ཅད་ཞི་བར་མཛད་དུ་གསོལ། ཕ་རོལ་གྱི་བྱད་མ་རྦད་འདྲེ་རྦོད་གཏོང་དང་བཅས་པའི་བསམ་སྦྱོར་ངན་པ་མཐའ་དག་དང༌། ས་བདག་དང་ཀླུ་གཉན་སོགས་མི་དང་མི་མ་ཡིན་པའི་ཉེར་འཚེ་ནད་རིམས་གདོན་བགེགས་རྨི་ལམ་མཚན་ལྟས་ངན་པ། གྲིབ་དང་མི་གཙང་བ་ལ་སོགས་པ་ཐམས་ཅད་བྱང་ཞིང་དག་པར་མཛད་དུ་གསོལ། མདོར་ན་ཕྱི་ནང་གི་མི་མཐུན་པའི་ཉེར་འཚེ་ཐམས་ཅད་ཞི་ཞིང་མཐུན་རྐྱེན་ལེགས་ཚོགས་ཐམས་ཅད་ཡིད་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། ཞེས་འདོད་དོན་ལ་གསོལ་བ་ལན་གསུམ་གདབ། ཨོཾ་ཨཱཿ ཧྲཱིཿ པྲ་ཝ་ར་སད་ཀ་རཾ་ཨརྒྷཾ་པྲ་ཏཱིཙྪ་སྭཱཧཱ། ཞེས་མཆོད་ཡོན་ཕུལ། མེ་ཏོག་དང་བཅས་ཐལ་མོ་སྦྱར་ནས། གང་ཡང་བདག་བློ་རྨོངས་པ་ཡིས། །ཉེས་བྱས་ཅུང་ཟད་གང་བགྱིས་པ། །གང་ཕྱིར་ལུས་ཅན་སྐྱབས་ཡིན་ཕྱིར། །མགོན་པོས་དེ་ཀུན་བཟོད་པར་གསོལ། །ཞེས་ནོངས་པ་བཟོད་པར་གསོལ། ཡིག་བརྒྱ་བཟླས་ཏེ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །རང་གི་ཡུལ་དུ་གཤེགས་ནས་ཀྱང༌། །སླར་ཡང་འབྱོན་པར་མཛད་དུ་གསོལ། །བཛྲ་མུཿ ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་རང་ཉིད་ལ་ཐིམ་པར་གྱུར། གསུམ་པ་མཐར་འཇིག་རྟེན་པའི་མེ་ལྷ་མཆོད་པ་ནི། ཨོཾ་བཛྲ་ཛྭ་ལ་རཾ། ཞེས་བརྗོད་དེ། མར་ཁུ་དགང་བླུགས་གསུམ་ཕུལ་བར། ཐབ་ཀྱི་མེ་དེ་ཉིད་སླར་ཡང་མེ་ལྷའི་སྐུར་བཞེངས་པར་གྱུར། ཨོཾ་ཨགྣ་ཡེ་ཞེས་པ་ནས། བ་ཧ་

― GTD007_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

ནཱ་ཡ་པུཥྤེ་པྲ་ཏཱིཙྪ་སྭཱཧཱ། དེ་བཞིན་དུ། ཤཔྟའི་བར་སྦྱར་ཏེ་མཆོད། བསང་གཏོར་དང༌། ཞལ་བསིལ་ཀྱང་ཕུལ། ཨོཾ་བཛྲ་ཏཾ་བུ་ལ་ཡེ་སྭཱཧཱ། ཞེས་པས་སོ་རྩི་དང༌། སྣ་ཚོགས་དབང་པོའི་ནས། གོས་ཀྱིས་བརྒྱན་པར་ཤོག །ཨོཾ་བཛྲ་ཝ་ས་སྱ་སྭཱཧཱ། ཞེས་པས་གོས་ཟུང་ཕུལ། རྫས་ལྷག་མེ་ལྷ་ལ་སྔར་བཞིན་ཕུལ། འཇིག་རྟེན་དབང་ཕྱུག །ཅེས་སོགས་ཀྱིས་བསྟོད། ཞལ་བསིལ་དང་བསང་གཏོར་ཀྱང་ཕུལ། གཏོར་མ་བསང་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་བྱུང་བའི་གཏོར་མ་ཟག་པ་མེད་པ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿ ཧཱུཾ། ལན་གསུམ། ཨོཾ་ཨགྣ་ཡེ་སོགས་ཀྱི་མཐར་ཨ་ཀཱ་རོ་བཏགས་པ་ལན་གསུམ་གྱིས་ཕུལ། ཉེར་སྤྱོད་རོལ་མོ་དང་བཅས་པས་མཆོད། མེ་སྟེ་བསྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག །ཤར་ལྷོ་མེ་ལྷའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང༌། །དཔལ་དང་གྲགས་དང་སྐལ་བ་བཟང༌། །ལོངས་སྤྱོད་རྒྱ་ཆེན་ཀུན་ཐོབ་ཅིང༌། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྟོང་གྲོགས་མཛོད། །དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང༌། །འབྲུ་རྣམས་རྒྱས་ཤིང་ཆོས་འཕེལ་དང༌། །བདེ་ལེགས་ཐམས་ཅད་འབྱུང་བ་ཡི། །ཡིད་ལ་འདོད་པ་ཀུན་འགྲུབ་ཤོག །ཨོཾ་ཨཱཿ ཧྲཱིཿ

― GTD007_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

པྲ་ཝཱ་ར་སད་ཀ་རཾ་ཨརྒྷཾ་པྲ་ཏཱིཙྪ་སྭཱཧཱ། མ་རྙེད་ཡོངས་སུ་མ་ཤེས་དང༌། །གང་ཡང་ནུས་པ་མ་མཆིས་པས། །འདིར་ནི་བྱ་བ་གང་བགྱིས་པ། །དེ་ཀུན་ཁྱེད་ཀྱིས་བཟོད་མཛད་རིགས། །ཨོཾ་བཛྲ་སཏྭ་ཨཱཿ། ཨོཾ་རང་གི་དོན་དང་གཞན་གྱི་དོན། །སྒྲུབ་མཛད་བསྲེག་བྱ་ཟ་བ་གཤེགས། །ཇི་བཞིན་དུས་སུ་སླར་བྱོན་ཞིང༌། །བདག་གི་དངོས་གྲུབ་ཐམས་ཅད་སྒྲུབས། །ཨོཾ་ཨཱཿ བཛྲ་མུཿ མེ་ལྷ་ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་མེ་འབར་བའི་རྣམ་པར་གྱུར། གསུམ་པ་རྗེས་ཀྱི་རིམ་པ། བདག་བསྐྱེད་ཀྱི་མཇུག་བསྡུ། བསྔོ་བ་སྨོན་ལམ་ཤིས་བརྗོད་སོགས་རྒྱས་པར་བྱ། མེ་མ་ཤི་བར་དུ་འཇོག་ལོང་མེད་ན་གཞིལ་ཐབས་དང་ལས་ཀྱི་རྗེས་མི་མངོན་པ་སོགས་ཕྱག་ལེན་ལྟར་བྱའོ།། སྨྲས་པ། སྙན་སྙན་ཚིག་གི་སྦྱོར་བ་སྤེལ་ལེགས་ཤིང༌། །འགྲིག་འགྲིག་དོན་གྱི་རིམ་པ་བློས་བྱས་རྣམས། །བློ་ཆུང་བྱིས་པའི་སྙིང་ལ་དགའ་བསྐྱེད་ཀྱང༌། །གསང་སྔགས་ཟབ་མོའི་ཆོས་ལ་སྤང་བྱ་ཡིན། །དེ་ཕྱིར་དམ་པའི་མན་ངག་ཇི་ལྟ་བར། །ལེགས་སྦྱར་དགེ་བས་མཁའ་མཉམ་འགྲོ་ཀུན་གྱི། །མི་བཟད་ཉེས་པའི་རྒུད་པ་ཀུན་སེལ་ཞིང༌། །རིང་མིན་འཇམ་དཔལ་དཔའ་བོའི་གནས་ཐོབ་ཤོག །ཅེས་འཇམ་དཔལ་ནག་པོ་ལ་བརྟེན་པའི་སྦྱིན་སྲེག་གི་ཆོ་ག་ཉེས་པ་ཀུན་སེལ་ཞེས་བྱ་བ་འདི་ནི། དགེ་སྦྱོར་ལ་གཅིག་ཏུ་གཞོལ་ཞིང༌། ཁྱད་པར་ལྷ་མཆོག་འདིའི་བསྙེན་བསྒྲུབ་ལ་བརྩོན་པ་ལྷུར་བྱེད་པ་དཀའ་བཅུ་ནོར་བུ་རྒྱལ་མཚན་གྱིས་བསྐུལ་ངོར་ྋབཙུན་པ་དཀོན་མཆོག་བསྟན་པའི་སྒྲོན་མེས་ཡིག་རྙིང་དང༌། ལྷ་བཙུན་རྡོ་རྗེ་རྒྱལ་མཚན་གྱིས་མཛད་པའི་མངོན་རྟོགས། བླ་མ་དམ་པའི་གསུང་སྒྲོས་སོགས་ལ་གཞི་བྱས་ཏེ་ཆོས་གྲྭ་ཆེན་པོ་བཀྲ་ཤིས་
འཁྱིལ་དུ་སྦྱར་བ་འདིས་ཀྱང་སྐྱེ་འགྲོ་ལ་ཕན་ཐོགས་པར་གྱུར་ཅིག །

རི་ཁྲོད་ལྷ་མོའི་སྦྱིན་སྲེག་བྱེད་ཚུལ་ཐོ་ཙམ་དུ་བཀོད་པ།

― GTD007_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

རི་ཁྲོད་ལྷ་མོའི་སྦྱིན་སྲེག་བྱེད་ཚུལ་ཐོ་ཙམ་དུ་བཀོད་པ་བཞུགས་སོ།། ༈ ན་མོ་རཏྣ་ཏྲ་ཡཱ་ཡ། འདིར་གྲིབ་དང་མི་གཙང་བ་ལ་སོགས་པའི་ཉེས་པ་ཐམས་ཅད་བསྲུང་ཞིང༌། ཁྱད་པར་སྙིགས་མའི་བརླང་སྤྱོད་ཀྱིས་མ་མོ་འཁྲུགས་པའི་ཁ་རླངས་རིམས་ནད་ལ་སོགས་པ་ཞི་བར་བྱེད་པ་ལ་བྱིན་རླབས་ཤིན་ཏུ་མྱུར་བ་རི་ཁྲོད་ལོ་མ་གྱོན་མའི་བསྙེན་པ་སྔོན་དུ་བཏང་སྟེ་སྦྱིན་སྲེག་བྱ་བར་འདོད་པས་ཐབ་ཐིག་སོགས་སྤྱི་ལྟར་ལ། དབུས་སུ་རྡོ་རྗེ་སེར་པོ་རྩེ་ལྔ་པའི་ལྟེ་བར་པཾ་ཡིག་གིས་མཚན་པ་བྲི། མཆོད་གཏོར་རྫས་རྣམས་དཀྱུས་དང་འདྲ། ཨ་མྲྀ་ཏ་ལན་བདུན་གྱིས་བསང་ཆུ་སྒྲུབ། མཆོད་རྫས་བསངས་སྦྱངས་བྱ་རྒྱུད་ལྟར་བྱིན་གྱིས་བརླབས། ཨོཾ་སྭཱཧཱ། ཞེས་སོགས་ཀྱིས་རྫས་ཀྱི་ཉེས་པ་སྦྱངས། ཨོཾ་ཨཱཿ ཧཱུཾ། ཞེས་དཔལ་འབར་སྦར་ཏེ་ལས་སྔགས་ཀྱིས་ལན་གསུམ་བསངས། ཐབ་ཏུ་བཅུག་སྟེ་བཛྲ་ཛྭ་ལས་གཟི་བྱིན་བསྐྱེད་ཅིང་ཧཱུཾ་ཞེས་རླུང་གཡབ་གཡོབ། རི་ཁྲོད་མའི་སྔགས་ལན་བདུན་བརྗོད་དེ་མར་ཁུ་བླུགས་གཟར་བདུན་གྱིས་མེ་གསོ། ཀུ་ཤ་བྱིན་རླབས་ཚིགས་བཅད་བཀྲམ་ཚུལ་སོགས་སྤྱི་དང་འདྲ། ཐབ་བསངས་སྦྱངས། སྟོང་པའི་ངང་ལས་བྷྲུཾ་ལས་ཐབ་ཁུང་མེ་འབར་བའི་གཞལ་ཡས་ཁང་དུ་གྱུར། དེའི་དབུས་སུ་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རཾ་ཡིག་དམར་པོ་དེ་ལས་འོད་ཟེར་ཁ་དོག་སྣ་ཚོགས་པ་འཕྲོས། འདུས་ཡོངས་སུ་གྱུར་པ་ལས་ཞི་བའི་མེ་ལྷ་སྐུ་མདོག་དཀར་པོ་ཞལ་གཅིག་ཕྱག་བཞི་པ། ཨག་ཚོམ་སེར་ལ་འཁྱིལ་བ། གསུས་པ་ཆེ་ལ་འབུར་བ་གཟི་བརྗིད་ཅན། ཕྱག་གཡས་གཉིས་རྡོ་རྗེ་དང་བགྲང་འཕྲེང༌། གཡོན་གཉིས་སྐྱབས་སྦྱིན་དང་གུནྜེ་བསྣམས་པ། ཐུགས་ཀར་མེ་གྲུ་

― GTD007_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་རཾ་གྱིས་མཚན་པ། དེ་ལས་འོད་ཟེར་འཕྲོས་ཤར་ལྷོ་ནས་བསྒོམས་པ་དང་འདྲ་བའི་མེ་ལྷ་དྲང་སྲོང་གི་ཚོགས་ཀྱིས་བསྐོར་བ་སྤྱན་དྲངས་པར་བསམས་ལ་ཕྱག་རྒྱ་བཅའ་ཞིང༌། ཨོཾ་ཚུར་གཤེགས་ཚུར་གཤེགས་འབྱུང་པོ་ཆེ། །ལྷ་ཡི་རྒྱལ་པོ་དྲང་སྲོང་མཆོག །བསྲེག་བླུགས་ཞལ་ཟས་བཞེས་སླད་དུ། །འབར་བའི་ནང་དུ་གཤེགས་སུ་གསོལ། །ཨོཾ་ཨེ་ཧྱེ་ཧི་ཨགྣ་ཡེ་མཧཱ་རཱ་ཛ་ག་ཛ་ཧཱུཾ། འབྱུང་བ་ཆེན་པོ་ལྷ་ཡི་ལྷ། །ལྷ་རྒྱལ་དྲང་སྲོང་བདེ་བའི་མཆོག །བསྲེག་བླུགས་ཞལ་ཟས་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །ཨོཾ་བཛྲ་ཨངྐུ་ཤ་ཛཿ ཨོཾ་བཛྲ་པཱ་ཤ་ཧཱུཾ། ཨོཾ་བཛྲ་སྥོ་ཊ་བཾ། ཨོཾ་བཛྲ་གྷཎྜ་ཧོཿ ཞེས་པས་དགུག་གཞུག་བཅིངས་དབང་དུ་བྱ། དམ་ཚིག་པ་དང་གཉིས་སུ་མེད་པར་གྱུར། ཨོཾ་བཛྲ་ཨགྣེ་ས་པ་རི་ཝཱ་ར་པྲོཀྵ་ཎཱཾ་པྲ་ཏཱིཙྪ་ཡེ་སྭཱཧཱ། ཞེས་པས་བསང་གཏོར་དང་ཆུ་ལྷག་མ་གསུམ་དབུལ། པུཥྤེ་སོགས་སྦྱར་ཏེ་ཉེར་སྤྱོད་རོལ་མོ་དང་བཅས་པས་མཆོད། འཇིག་རྟེན་དབང་ཕྱུག་ཅེས་སོགས་ཀྱི་བསྟོད་པ་དང༌། ཨོཾ་བཛྲ་ཨཱ་ན་ལ་ཞེས་སོགས་ཀྱིས་དམ་ཚིག་བསྒྲགས་པ་རྣམས་སྤྱི་དང་འདྲ། མེ་ལྷའི་ལྗགས་རྡོ་རྗེའི་རྣམ་པ་ཅན་དཀར་པོ་ལ་རཾ་ཡིག་དང་དགང་བླུགས་ཀྱི་ཁ་ལ་པཾ་ཡིག་འོད་ཟེར་དང་བཅས་པས་མཚན་པར་གྱུར། མེ་ལྷའི་སྔགས་ཀྱི་མཇུག་ཏུ་བསྙེན་པའི་ཁ་སྐོང་ཡིན་ན། བདག་ཅག་གི་ཏིང་ངེ་འཛིན་མི་གསལ་ཞིང་སྔགས་ཆད་ལྷག་གི་ཉེས་པ་དང༌། ནད་གདོན་སྡིག་སྒྲིབ་བར་ཆད་མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཞེས་པ་དང༌། རིམ་གྲོ་ལྟ་བུར། བདག་ཅག་དཔོན་སློབ་སྦྱིན་པའི་བདག་

― GTD007_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་འཁོར་དང་བཅས་པའི་ཕྱི་ནང་གི་ཉེར་འཚེ་ནད་གདོན་སྡིག་སྒྲིབ་ཐམས་ཅད་དང༌། ཁྱད་པར་དུ་གག་ལྷོག་རྒྱུ་གཟེར་ཡམས་ནད་རིམས་ནད་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཞེས་པ་ལྟ་བུ་སྐབས་སུ་གང་བབ་སྦྱར་ཏེ་ལན་བདུན་དབུལ། རྫས་ལྷག་མ་རྣམས་ཀྱང་དེའི་རིག་པ་སྦྱར་ཏེ་སྤྱི་ལྟར་བྱ་ལ། ཁྱད་པར་དུ་ཀུ་ཤ་ཡུངས་ཀར་གྲོ་རྣམས་གཙོ་བོར་བྱས་ན་ལེགས་སམ་སྙམ། རྫས་རྣམས་གྲུབ་ནས་ཆུ་གཉིས་དབུལ། མེ་ལྷའི་ཐུགས་ཀར་མེ་གྲུ་གསུམ་རབ་ཏུ་འབར་བའི་དབུས་སུ་པཾ་ལས་པདྨ་དང་རཾ་ལས་ཉི་མའི་དཀྱིལ་འཁོར་གྱི་སྟེང་དུ་པཾ་ཡིག་གསེར་གྱི་མདོག་ཅན། དེ་ལས་འོད་འཕྲོས་འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་ཡོངས་སུ་གྱུར་པ་ལས་རྗེ་བཙུན་མ་རི་ཁྲོད་ལོ་མ་གྱོན་མ་སྐུ་མདོག་གསེར་བཙོ་མ་ལྟ་བུ་ཞལ་གསུམ་ཕྱག་དྲུག་པ། རྩ་ཞལ་གསེར་གྱི་མདོག་ཅན། གཡས་ཞལ་དཀར་པོ་ཞི་བ། གཡོན་ཞལ་དམར་པོ་ཆགས་པའི་ཉམས་ཅན། ཞལ་རེ་རེ་ལ་དམར་ལ་ཟླུམ་པའི་སྤྱན་གསུམ་གསུམ་དང་ལྡན་པ། དབུ་སྐྲ་དམར་སེར་གྱེན་དུ་བརྫེས་པ་ལ་སྦྲུལ་དཀར་པོས་དཀྲིས་པ། ཕྱག་གཡས་ཀྱི་དང་པོས་རྡོ་རྗེ་རྩེ་ལྔ་པ། གཉིས་པས་དགྲ་སྟ་ འདེགས་པའི་ཚུལ་དུ་མཛད་པ། གསུམ་པས་མདའ་གསོར་ཞིང་འཛིན་པ། གཡོན་གྱི་དང་པོས་རྡོ་རྗེའི་ཞགས་པ་དང་བཅས་པའི་སྡིགས་མཛུབ་ཐུགས་ཀར་མཛད་པ། གཉིས་པས་ཤིང་ལོ་གསར་པའི་སྦྲང་གཡབ་གཡོབ་པ། གསུམ་པས་གཞུ་བསྣམས་པ། ཞབས་གཡས་ཀྱི་རྟིང་པས་འོག་ཕྱོགས་བརྟེན་ཅིང་པུས་མོ་གདན་དུ་བཙུགས་པ། གཡོན་བཞེངས་སྟབས་སུ་བཞུགས་པ། དར་དཀར་པོའི་སྟོད་གཡོགས་དང་ཤིང་ལོ་གསར་བའི་སྨད་

― GTD007_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོགས་ཅན། སྦྲུལ་དཀར་པོའི་ཕྲེང་བས་སེ་རལ་ཁ་བྱས་པ། དེའི་ཐུགས་ཀར་སྣ་ཚོགས་པངྨ་དང་ཉི་མའི་སྟེང་དུ་རྗེ་བཙུན་མ་ནག་མོ། མགྲིན་པར་སྣ་ཚོགས་པངྨ་དང་ཉི་མའི་སྟེང་དུ་རྗེ་བཙུན་མ་དམར་མོ་སྐུ་མདོག་ཕྱག་མཚན་རྒྱན་ལ་སོགས་པ་མཚན་ཉིད་ཐམས་ཅད་ཡོངས་སུ་རྫོགས་པ། ནག་མོ་དང་དམར་མོ་གཉི་གའི་ཕྱག་གི་གྲངས་དང་ཕྱག་མཚན་གཙོ་བོ་ལྟར་བྱེད་པའམ་ཡང་ན་ཕྱག་གཉིས་པ་རྩ་བའི་ཕྱག་མཚན་གཉིས་འཛིན་པ་གང་རུང་བྱེད་པར་གསུངས་ལ། འགྲོ་མགོན་འཕགས་པས་སྔོན་མོ་ཕྱག་བཞི་པ་དང༌། དམར་མོ་ཕྱག་གཉིས་པར་གསུངས་ཤིང་ཕྱག་མཚན་ཡང་ཅུང་མི་འདྲ། གཙོ་འཁོར་ཐམས་ཅད་ཀྱི་སྐུ་ལས་འོད་ཟེར་དཀར་པོའི་ཚོགས་འཕྲོ་བར་གྱུར། དེ་རྣམས་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཿ དམར་པོ། ཐུགས་ཀར་ཧཱུཾ་སྔོན་པོ། ཐུགས་ཀའི་ཧཱུཾ་ལས་འོད་ཟེར་འཕྲོས་པས་རང་བཞིན་གྱི་གནས་ནས་རི་ཁྲོད་ལོ་མ་གྱོན་མའི་ལྷ་ཚོགས་འཁོར་དང་བཅས་པ་མདུན་གྱི་ནམ་མཁར་སྤྱན་དྲངས། མ་ལུས་སེམས་ཅན་ཀུན་གྱི་མགོན་གྱུར་ཅིང༌། །ཞེས་སོགས་ཤོ་ལོ་ཀ་གཅིག་དང༌། བདེ་བར་གཤེགས་སོ་བཅོམ་ལྡན་འདས། །ཚུར་གཤེགས་འདིར་ནི་བཞུགས་སུ་གསོལ། །བདག་གི་མཆོད་ཡོན་བཞེས་ནས་ཀྱང༌། །ཐུགས་ཀྱི་ཐུགས་དཔག་མཛད་དུ་གསོལ། །བདག་ནི་ཁྱེད་ལ་གུས་དང་ལྡན། །ཨོཾ་པརྞྞ་ཤ་ཝ་རཱི་ས་པ་རི་ཝཱ་ར་ཨརྒྷཾ་པྲ་ཏཱིཙྪས་མཆོད་ཡོན་དང༌། བཛྲ་ཨཾ་ཀུ་ཤ་ཛཿ ཞེས་སོགས་ཀྱིས་དགུག་གཞུག་དབང་བསྐུར་མི་བསྐྱོད་པས་རྒྱས་གདབ། འཇིག་རྟེན་ཁམས་ནི་དཔག་མེད་ན། །མཆོད་ཡོན་ཇི་སྙེད་ཡོད་པ་དང༌། །

― GTD007_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གིས་གུས་པར་བཤམས་པ་འདི། །རི་ཁྲོད་ལོ་མ་གྱོན་མ་དང༌། །རྒྱལ་བ་འཁོར་དང་བཅས་ལ་འབུལ། །བདག་ཅག་འཁོར་དང་བཅས་རྣམས་ཀྱི། །ནད་དང་བགེགས་རྣམས་ཞི་བ་དང༌། །དངོས་གྲུབ་མ་ལུས་སྩལ་དུ་གསོལ། །ཨོཾ་སརྦ་ཏ་ཐཱ་ག་ཏ་པརྞ་ཤ་ཝ་རཱི་ས་པ་རི་ཝཱ་ར་ཨརྒྷཾ་པྲ་ཏཱིཙྪ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡ་ཧཱུཾ། ཞེས་སོགས་ཀྱིས་ཆུ་བཞི་ཉེར་སྤྱོད་རོལ་མོ་རྣམས་དབུལ། རྒྱལ་བ་ཀུན་གྱི་ཡེ་ཤེས་སྒྱུ་མ་ཞེས་སོགས་ཤོ་ལོ་ཀ་གཅིག་གིས་བསྟོད། ཨོཾ་པི་ཤཱ་ཙི་པརྞ་ཤ་ཝ་རཱི་སརྦ་ཛྭ་ར་པྲ་ཤ་མ་ཎཱ་ཡ་སྭཱཧཱ། ཞེས་སྙིང་པོའམ། ཨོཾ་པི་ཤཱ་ཙི་པརྞ་ཤ་ཝ་རི་ཧྲཱིཿ ཧ་ཧཱུཾ་ཕཊ་སྭཱཧཱ། ཞེས་ཉེ་སྙིང་གང་རུང་གིས་མར་ཁུ་དགང་བླུགས་བདུན་དབུལ། དེ་རྗེས་ཡམ་ཤིང་ནས་བརྩམས་ཏེ་རྫས་རྣམས་སྔར་བཞིན་དབུལ། གཏོར་མ་བྱ་རྒྱུད་ལྟར་བྱིན་གྱིས་བརླབས་ཏེ་མཚན་སྔགས་ལ་བ་ལིཾ་ཏ་བཏགས་པས་དབུལ། སླར་དགང་བླུགས་ལན་གསུམ་དང༌། མཆོད་ཡོན་དང་བསང་གཏོར་ཞལ་བསིལ་གསུམ་ཕུལ། ཨོཾ་བཛྲ་ཝ་ས་སྱ་སྭཱཧཱས་གོས་ཟུང་དང༌། ཨོཾ་བཛྲ་ཏམྦུ་ལ་ཡེ་སྭཱཧཱས་སོ་རྩི་དབུལ། ཉེར་སྤྱོད་རོལ་མོ་དང་བཅས་པས་མཆོད་ཅིང༌། བསྟོད་པ་ནི། རྒྱལ་བ་ཀུན་གྱི་ཡེ་ཤེས་སྒྱུ་མ་ཡིས། །ཆོ་འཕྲུལ་རྣམ་པར་འཕྲུལ་བ་ལས་བྱུང་བའི། །ལྷ་མོ་གང་གིས་སྒྲུབ་པའི་ནད་གདོན་བགེགས། །ཀུན་ནས་ཞི་མཛད་ཁྱོད་ལ་ཕྱག་འཚལ་ལོ། །ཞིང་དང་ཡུལ་རྣམས་ཀུན་ཏུ་རྣམ་འཕྲུལ་ཞིང༌། །ཁྱད་པར་རི་ཁྲོད་གནས་སུ་རྣམ་གྲོལ་ནས། །སྒྲུབ་པ་པོ་ལ་དངོས་གྲུབ་ཀུན་སྩོལ་བ། །རི་ཁྲོད་དབང་ཕྱུག་མ་ལ་ཕྱག་འཚལ་ལོ། །སྣ་ཚོགས་ཞལ་དང་ཕྱག་ཞབས་སྣ་ཚོགས་དང༌། །སྣ་ཚོགས་མདོག་དང་སྣ་ཚོགས་ཆ་ལུགས་དང༌། །སྣ་ཚོགས་རྒྱན་དང་སྣ་ཚོགས་ཕྱག་མཚན་གྱིས། །རྣམ་པར་

― GTD007_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

སྒེག་པ་ཁྱོད་ལ་ཕྱག་འཚལ་ལོ། །ཁྱད་པར་གང་གིས་འདུལ་བའི་དུས་མཁྱེན་ནས། །མེ་ཏོག་འབྲས་བུ་དུ་མས་རྣམ་སྤུད་པའ། །ཤིང་ལོ་གསར་བའི་ན་བཟས་རབ་ཀླུབས་པ། །ལོ་མ་གྱོན་མ་ཁྱོད་ལ་ཕྱག་འཚལ་ལོ། །གསུང་གི་རིག་སྔགས་ཞི་བའི་ང་རོ་ཡིས། །འགྲོ་བའི་རིམས་དང་སྡུག་བསྔལ་ཞི་མཛད་ཅིང༌། །དྲག་པོའི་གསང་སྔགས་འབྲུག་ལྟར་ཆེར་བསྒྲགས་པས། །གདུག་པ་འཇོམས་མཛད་དེ་ལ་ཕྱག་འཚལ་ལོ། །ཉིད་ཐུགས་ཞི་བས་འགྲོ་བ་ཞི་མཛད་ཅིང༌། །བརྩེ་བས་རྗེས་ཆགས་དགོས་པ་ཆེན་པོ་ཡིས། །ཚེ་དང་དཔལ་འབྱོར་རྣམ་ཐར་རྒྱས་མཛད་མ། །རྣམ་གྲོལ་ཡངས་པའི་ཐུགས་མངའ་ཁྱོད་ལ་འདུད། །སྒྲུབ་དང་བཟླས་བརྗོད་བརྩོན་པས་ཁྱོད་ཀྱི་ཐུགས། །བསྐུལ་བས་བདག་ལ་བརྩེ་བས་ཉེར་དགོངས་ནས། །བགེགས་དང་ནད་སོགས་སྡུག་བསྔལ་ཞི་བ་དང༌། །ཚེ་དང་དཔལ་འབྱོར་རྒྱས་པར་མཛད་དུ་གསོལ། །སྐྱེ་བ་ཀུན་ཏུ་བདག་གི་མགོན་མཛད་དེ། །ཉམ་ངའི་འཇིགས་པ་ཀུན་ལས་བསྐྱབ་པ་དང༌། །སྲིད་ཞིའི་བདེ་དགའ་རྒྱ་མཚོས་རབ་འབྱོར་ཅིང༌། །རྫོགས་སངས་ཡོན་ཏན་རྒྱ་མཚོར་འགྱུར་བར་མཛོད། །ཅེས་འགྲོ་མགོན་འཕགས་པས་མཛད་པའི་བསྟོད་པ་འདི་ཉིད་ཀྱིས་བསྟོད་ལ། མཇུག་ཏུ། བཅོམ་ལྡན་འདས་མ་རི་ཁྲོད་ལོ་མ་གྱོན་པའི་ལྷ་ཚོགས་འཁོར་དང་བཅས་པ་ལ་སྦྱིན་སྲེག་གི་མཆོད་པ་ཕུལ་བའི་མཐུ་ལ་བརྟེན་ནས་བདག་གིས་ཚེ་འཁོར་བ་ཐོག་མ་མེད་པ་ནས་བསགས་པའི་ལས་ཉོན་སྡིག་སྒྲིབ་ཐམས་ཅད་བྱང་ཞིང་དག་སྟེ་ཚོགས་གཉིས་མྱུར་དུ་རྫོགས་ནས་བླ་ན་མེད་པའི་བྱང་ཆུབ་ཐོབ་པར་གྱུར་ཅིག །ཁྱད་པར་དུའང་

― GTD007_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་དང་ཡོན་གྱི་བདག་པོ་ལ་ནད་ཀྱི་རིགས་སུ་གྱུར་པ་རླུང་དང༌། མཁྲིས་པ་དང༌། བད་ཀན་དང༌། འདུས་པ་ལས་གྱུར་པ་དང༌། གག་ལྷོག་རྒྱུ་གཟེར་ཡམས་དང་རིམས་ནད་ཐམས་ཅད་ཞི་བར་མཛོད་ཅིག །གདོན་གྱི་རིགས་སུ་གྱུར་པ་གདོན་སྟོང་ཕྲག་བརྒྱད་ཅུ་ལས་ཐར་བར་མཛོད་ཅིག །འཕྲལ་གྱི་རྐྱེན་ལས་གྱུར་པའི་ནད་ཐམས་ཅད་ཞི་བར་མཛད་དུ་གསོལ། ཞེས་མེ་ཏོག་འཐོར་བ་དང་བཅས་ལན་གསུམ་གསོལ་བ་བཏབ་པས། མདུན་བསྐྱེད་ཀྱི་ཐུགས་ག་ནས་རང་འདྲའི་ལྷ་མོ་བདུད་རྩིས་གང་བའི་བུམ་པ་འཛིན་པ་དང་དཔག་ཏུ་མེད་པ་སྤྲོས་ཏེ་རང་ཉིད་དམ་བསྒྲུབ་བྱ་ཟླ་བའི་དཀྱིལ་འཁོར་ལ་གནས་པ་ལ་ཁྲུས་བྱས་པས་སྡིག་སྒྲིབ་ནད་གདོན་སོགས་མི་མཐུན་པའི་ཕྱོགས་ཐམས་ཅད་དག་ནས་ལུས་ཤེལ་ལྟར་གྱུར་པར་བསམས། བདག་ཅག་སྙིགས་མ་ལྔའི་དུས་ཀྱི་སེམས་ཅན་དུ་གྱུར་པས་ཡོ་བྱད་མ་ཚོགས་པ་དང༌། བདག་ཅག་ལས་དང་པོ་པར་གྱུར་པས་སེམས་ལ་དབང་མ་ཐོབ་སྟེ་བྱིང་བ་དང་རྒོད་པའི་དབང་གིས་ཏིང་ངེ་འཛིན་མི་གསལ་བ་དང༌། ཆོ་ག་ཉམས་ཏེ་ཆད་ལྷག་ཏུ་གྱུར་པ་ཐམས་ཅད་ལ་བཟོད་པ་ཆེན་པོ་མཛད་དུ་གསོལ། རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་ནས་ཀྱང༌། །གཏན་དུ་གཤེགས་པ་མ་ལགས་པས། །སླར་ཡང་འབྱོན་པར་མཛད་དུ་གསོལ། །མུཿ གཙྪ། ཡེ་ཤེས་པ་རང་བཞིན་གྱི་གནས་སུ་གཤེགས་ཤིང༌། དམ་ཚིག་པ་རང་ཉིད་ལ་ཐིམ་པར་གྱུར་པར་བསམ་མོ། །སླར་མེ་ལྷ་ལ་ཉེར་སྤྱོད་རོལ་མོ། བསང་གཏོར་ཞལ་བསིལ་རྣམས་ཀྱིས་མཆོད། སོ་རྩི་དང་གོས་ཟུང་ཕུལ། གོང་བཞིན་བསྟོད། བསྲེག་རྫས་ལྷག་མ་སྔར་ལྟར་དུ་དབུལ།

― GTD007_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་མ་ཨ་ཀཱ་རོའི་སྔགས་ཀྱིས་བྱིན་གྱིས་བརླབས་ནས་མེ་ལྷའི་སྔགས་ལ་བ་ལིཾ་ཏ་བཏགས་པ་གསུམ་མམ་བདུན་གྱིས་ཕུལ་ལ་མཆོད། མེ་སྟེ་བསྲེག་བྱ་ཟ་བའི་ལྷ། །ཞེས་སོགས་ཀྱིས་བསྟོད། མཆོད་སྦྱིན་གཏོར་མ་འདི་སྣོམས་ལ། །ཞེས་པ་ནས། ཡིད་ལ་འདོད་པ་ཀུན་འགྲུབ་ཤོག །ཅེས་པའི་བར་གྱིས་འཕྲིན་ལས་བཅོལ། གང་ཡང་བདག་བློ་སོགས་ཀྱིས་བཟོད་པར་གསོལ། རང་གི་དོན་དང་གཞན་གྱི་དོན། །སྒྲུབ་བྱེད་བསྲེག་བྱ་ཟ་བ་གཤེགས། །ཇི་བཞིན་དུས་སུ་ཚུར་སྤྱོན་ཅིང༌། །བདག་གི་དངོས་གྲུབ་ཐམས་ཅད་སྒྲུབས། །ཨོཾ་བཛྲ་མུཿ མེ་ལྷ་ཡེ་ཤེས་པ་རང་གནས་སུ་གཤེགས། དམ་ཚིག་པ་མེ་འབར་བའི་རྣམ་པར་གྱུར་པར་བསམས་ལ་ཤིས་པ་བརྗོད་པས་མཐའ་བརྒྱན་པར་བྱའོ། །རི་ཁྲོད་ལྷ་མོའི་མཐུ་སྟོབས་ཀྱི། །མེ་དཔུང་གཟི་བྱིན་འབར་བ་ཡིས། །ཉེས་པའི་ཚང་ཚིང་ཀུན་བསྲེགས་ཏེ། །ཕན་བདེའི་དཔལ་ལ་རོལ་གྱུར་ཅིག །ཅེས་རི་ཁྲོད་ལྷ་མོའི་སྦྱིན་སྲེག་བྱེད་ཚུལ་ཐོ་ཙམ་དུ་བཀོད་པ་འདི་ནི་ཨོར་དུ་སུ་ཤོག་ནས་ལྷག་བསམ་རྣམ་དཔྱོད་མཆོག་ཏུ་ཡངས་པ་སྨན་པ་དགེ་སློང་བརྩོན་འགྲུས་དཔལ་ལྡན་གྱིས་བསྐུལ་ངོར་ྋབཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། ༈ ན་མོ་གུ་རུ་མཉྫུ་ཤྲཱི་བཛྲ་བྷཻ་ར་ཝ་ཡ། འདིར་ཆོས་རྒྱལ་གསང་སྒྲུབ་ཀྱི་སྦྱིན་སྲེག་བྱེད་པ་ལ་རྒྱས་པ་ཡོངས་གྲགས་འོད་སྙེའི་དགོངས་པ་ལྟར་རུང་ལ། བསྡུས་པ་འཇིག་རྟེན་པའི་མེ་ལྷ་མ་བསྐྱེད་པར་ཡུལ་དེ་གཅིག་པུ་ལ་ཐབ་དང་རྫས་ཀྱང་གང་འབྱོར་གྱིས་སྦྱིན་སྲེག་འབུལ་ཚུལ་མ་མགོན་སོགས་ལ་མེ་མཆོད་ཅེས་གཞན་དུ་འབྱུང་བ་དང་འདྲ་བར། འདིར་ཡང་འཇམ་དབྱངས་ཆོས་སྐོར་ལས་ས་བོན་ཙམ་གསུངས་པ་གཞིར་བྱས་ཅུང་ཟད་ཁ་བསྐང་སྟེ་འཇུག་པ་

― GTD007_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བའི་ཕྱིར་མདོར་བསྡུས་པའི་ཚུལ་གྱིས་འགོད་པ་ལ། སྟེགས་བུ་ཟླ་གམ་ལ་ཐབ་ཀྱང་ཟླ་གམ་དམར་པོ་བཅད་ཁ་རང་ལ་བསྟན་པའི་དབུས་སུ་པདྨ་འདབ་བརྒྱད་ལ་ནོར་བུའམ་ཡཾ་དམར་པོ་བྲིས་པ་དང༌། མ་འབྱོར་ན་མེ་སླང་ངམ་ཐབ་སོགས་སུ་བུད་ཤིང་བརྩེགས་ཏེ་བྱས་ཀྱང་རུང་ངོ༌། །རྫས་ཀྱང་མར་ཁུ་ཡམ་ཤིང་སོ་སོར་བྱ་ལ། གཞན་རྣམས་སོ་སོར་བྱེད་པའམ་མཉམ་དུ་བསྲེས་པ་དང༌། རྒྱུན་འཁྱེར་ལ་རྫས་རྣམས་ཞིབ་བཏགས་རིལ་བུར་བྱས་ནའང་རུང་ངོ༌། །མཆོད་གཏོར་ཡོ་བྱད་སོགས་ལེགས་པར་བསྒྲིགས་ལ་ཡི་དམ་གྱི་བདག་བསྐྱེད་རྒྱས་པའམ་དཀྲོང་བསྐྱེད་སྔོན་དུ་བཏང༌། མཆོད་པ་དང་རྫས་རྣམས་བསངས་སྦྱངས་འཇིགས་བྱེད་ལྟར་བྱིན་གྱིས་བརླབས། དེ་ནས་ཐབ་བསངས་སྦྱངས། སྟོང་པའི་ངང་ལས་དབང་གི་ཐབ་དམར་པོ་ཟླ་གམ་གྱི་དབྱིབས་ཅན། མདུན་རང་ལ་བསྟན་པའི་མུ་རན་ཁ་ཁྱེར་དང་བཅས་པ་འོད་ཟེར་དམར་པོ་འཕྲོ་བར་གྱུར། ཨོཾ་ཨགྣ་ཡེ་ཛྭ་ལ་རཾ། ཞེས་མེ་སྦར། ཐབ་ཀྱི་མེའི་ཀློང་དུ་པངྨ་དང་ཉི་མའི་སྟེང་དུ་མ་ཧེ་དམར་པོའི་གདན་ལ་ཡཾ་དམར་པོ་ལས་འོད་འཕྲོས། སེམས་ཅན་རྣམས་ཀྱི་དབུལ་ཕོངས་ཀྱི་སྡུག་བསྔལ་བསལ། ཚུར་འདུས་ཡོངས་སུ་གྱུར་པ་ལས་དམ་ཅན་གཤིན་རྗེའི་རྒྱལ་པོ་སྐུ་མདོག་དམར་པོ་མ་ཧེའི་གདོང་པ་ཅན་ཞལ་གཅིག་ཕྱག་གཉིས་པ། ཕྱག་གཡས་ཡིད་བཞིན་གྱི་ནོར་བུ་དང༌། གཡོན་ཐོད་པ་བདུད་རྩིས་གང་བ་འཛིན་པ། ཞབས་གཡས་བསྐུམ་ཞིང་གཡོན་བརྐྱང་བས་གནས་པ། དབུ་སྐྲ་སེར་པོ་གྱེན་དུ་བརྫེས་པ། སྤྱན་གསུམ་དང་ལྡན་པ། མཆེ་བ་བཞི་གཙིགས་པ། ཐོད་སྐམ་ལྔའི་དབུ་རྒྱན་དང་རློན་པ་ལྔ་བཅུས་དོ་ཤལ་བྱས་པ། རུས་པའི་རྒྱན་གྱིས་བརྒྱན་པ། དེའི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ་གིས་མཚན་པར་

― GTD007_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར། བདག་ཉིད་ཀྱི་ཐུགས་ཀའི་ཧཱུཾ་ལས་འོད་ཟེར་འཕྲོས་པས་ཆོས་ཀྱི་རྒྱལ་པོའི་ལྷ་ཚོགས་སྤྱན་དྲངས་གཉིས་སུ་མེད་པར་གྱུར། སླར་ཡང་འོད་ཟེར་འཕྲོས་པས་གཤིན་རྗེའི་གཤེད་རིགས་ལྔ་འཁོར་བཅས་སྤྱན་དྲངས། འདི་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས་བུམ་པའི་ཆུས་དབང་བསྐུར། རྡོ་རྗེ་ནག་པོ་རྩེ་ལྔ་པས་དབུ་བརྒྱན་པར་གྱུར། ཨོཾ་ཡ་མ་རཱ་ཛ་སརྦ་སིདྡྷི་ཨརྒྷཾ་ནས། ཤཔྟ་པྲ་ཏཱིཙྪ་ཧཱུཾ་སྭཱཧཱ། འཇམ་དཔལ་གཤིན་རྗེའི་གཤེད་ཀྱི་བཀའ་སྡོད་མཆོག །མི་བསྲུན་བསྟན་པའི་དགྲ་རྣམས་ཚར་གཅོད་ཅིང༌། །སྒྲུབ་པ་པོ་ལ་དངོས་གྲུབ་ཆར་འབེབས་པ། །ཆོས་རྒྱལ་ཡིད་བཞིན་ནོར་བུ་ལ་ཕྱག་འཚལ། །ལྷའི་ལྗགས་རྡོ་རྗེའི་རྣམ་པ་ཅན་དམར་པོ་ལ་རཾ་ཡིག་དང༌། དགང་བླུགས་ཀྱི་ཁ་ལ་ཡཾ་ཡིག་གིས་མཚན་པར་གྱུར། ཨོཾ་ཡ་མ་རཱ་ཛ་སརྦ་སིདྡྷི་ཧཱུཾ། ལན་བདུན་གྱི་མཐར། ཨོཾ་ཨགྣེ་ཡེ་སྭཱཧཱ། སྲིད་ཞིའི་དཔལ་འབྱོར་ལེགས་ཚོགས་གང་ལ་དམིགས་པ་ཐམས་ཅད་ཝ་ཤཾ་ཀུ་རུ་ཧོཿ རྫས་གཞན་གང་ཡོད་ལ་རང་རང་གི་སྔགས་དང་སྦྲགས་ནས་དབུལ། བསྲེས་ནས་འབུལ་ན་དེའི་གྲངས་ཀྱི་ལྷའི་སྔགས་བརྗོད་ལ་དེའི་མཇུག་ཏུ་རྫས་སྔགས་མེད་པར་སྤེལ་ཚིག་གཅིག་པུ་བྱས་པས་འཐུས། གཏོར་མ་འབུལ་ན་ནང་མཆོད་ལྟར་བྱིན་གྱིས་བརླབས་ནས་མཆོད་སྔགས་ལ་ཨི་དཾ་བ་ལིཾ་ཏ་བཏགས་པ་གསུམ་མམ་བདུན་སོགས་ཀྱིས་དབུལ། མཆོད་བསྟོད་སྔར་བཞིན་བྱ། དམ་ཅན་གཤིན་རྗེའི་རྒྱལ་པོ་འཁོར་བཅས་ཀྱིས། །ས་གསུམ་དྲེགས་ལྡན་སྐྱེ་དགུ་མ་ལུས་པ། །བློ་བཟང་རྒྱལ་བའི་བསྟན་ལ་གུས་པ་དང༌། །རྣལ་འབྱོར་བདག་གི་དབང་དུ་འདུ་བར་མཛོད། །ཕྱི་ནང་བར་ཆད་བགེགས་
རིགས་ཀུན་ཞི་ཞིང༌། །ཚེ་དཔལ་བསོད་ནམས་འཁོར་འབངས་སྙན་གྲགས་དང༌། །བཤད་སྒྲུབ་བསྟན་པའི་བྱ་བ་མ་ལུས་པ། །ཡར་ངོའི་ཟླ་ལྟར་རྒྱས་པའི་སྡོངས་གྲོགས་མཛོད། །ཅེས་འཕྲིན་ལས་བཅོལ་བས་ཆོས་ཀྱི་རྒྱལ་པོའི་སྐུ་ལས་འོད་ཟེར་ཉི་འོད་ལྟ་བུ་འཕྲོས་པས་སྲིད་ཞིའི་དཔལ་འབྱོར་ཐམས་ཅད་དབང་དུ་བསྡུས། ཆོས་དང་སྲིད་ཀྱི་ལེགས་ཚོགས་ཐམས་ཅད་རྒྱས་པར་གྱུར། ཡིག་བརྒྱས་ལྷག་ཆད་བསྐང༌། གང་ཡང་བདག་བློ་ཞེས་སོགས་ཀྱིས་ནོངས་པ་བཟོད་པར་གསོལ། བཛྲ་མུཿ ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་མེ་འབར་བའི་རྣམ་པར་གྱུར་པར་བསམས་ལ་ཤིས་པ་བརྗོད་པས་མཐའ་བརྒྱན་པར་བྱའོ། །ཞེས་པ་འདི་ནི་བསྟན་པའི་གསལ་བྱེད་ལྷ་ཞིས་སྤྲུལ་བའི་སྐུ་ངག་དབང་འཇམ་དཔལ་བསྟན་འཛིན་གྱིས་བསྐུལ་ངོར་བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། །།

འཇིགས་བྱེད་དང་ཆོས་རྒྱལ་སྦྲགས་པའི་སྦྱིན་སྲེག་བྱ་ཚུལ་ཐོ་ཙམ།

― GTD007_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

༈ འཇིགས་བྱེད་དང་ཆོས་རྒྱལ་སྦྲགས་པའི་སྦྱིན་སྲེག་བྱ་ཚུལ་ཐོ་ཙམ་བཞུགས་སོ།། འཇིགས་བྱེད་དང་ཆོས་རྒྱལ་སྦྲགས་པའི་སྦྱིན་སྲེག་བྱ་ཚུལ་ནི། མེ་ལྷའི་ཐུགས་ཀར་མེ་གྲུ་གསུམ་རབ་ཏུ་འབར་བའི་དབུས་སུ་གཞལ་ཡས་ཁང་གྲུ་བཞི། ཞེས་པ་ནས། ཡཾ་ལས་རླུང་གི་དཀྱིལ་འཁོར་ནག་ལ་ཅུང་ཟད་དམར་བའི་མདོག་ཅན་གྱི་སྟེང་དུ་སྣ་ཚོགས་པངྨ་དང་ཟླ་བ་དང་ཉི་མའི་གདན་གྱི་སྟེང་དུ་ཧཱུཾ་ལས་རྡོ་རྗེ་ཧཱུཾ་གིས་མཚན་པ་དེ་ཡོངས་སུ་གྱུར་པ་ལས་དཔལ་རྡོ་རྗེ་འཇིགས་བྱེད་ཆེན་པོ། ཞེས་སོགས། མེ་དཔུང་རབ་ཏུ་འབར་བའི་ཀློང་དཀྱིལ་ན་བཞུགས་པ། ཞེས་པའི་བར་དང༌། དམ་ཚིག་སེམས་དཔའི་ཐུགས་ཀར་ཟླ་གདན་ལ་ནས། འོད་ཟེར་ལྔ་འཕྲོ་བ། དེའི་གཡོན་དུ་པདྨ་དང་ཉི་མ་དང་དགྲ་བགེགས་རྣམས་

― GTD007_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ནས། རྩེ་གསུམ་དང་ཐོད་པ་འཛིན་པ་ནས། འཁོར་བསྐྱེད་འདོད་ན། ཡབ་ཡུམ་གཉིས་ཀྱི་འཁོར་དུ་གཤིན་རྗེ་ཡ་བ་ཏི་ནས། མོ་རྒྱུད་ཀྱི་ཚོགས་དཔག་ཏུ་མེད་པས་བསྐོར་བ། ལྷ་ཐམས་ཅད་ཀྱི་སྐུ་ལས་འོད་ཟེར་དཀར་པོའི་ཚོགས་འཕྲོ་བར་གྱུར། གཙོ་འཁོར་ཐམས་ཅད་ཀྱི་མིག་གཉིས་སུ་ཀྵིཾ་ནས། ཧཱུཾ་སྔོན་པོས་མཚན་པར་གྱུར། ཨོཾ་ཧྲཱི་ཧ་བྷོ་ནས་ཀུ་རུ་སྭཱཧཱ། རང་གི་ཐུགས་ཀའི་ཧཱུཾ་ལས་ཞེས་པ་ནས། བརྟེན་པར་བཅས་པ་དང་བཀའ་སྡོད་ལས་ཀྱི་གཤིན་རྗེ་ཡབ་ཡུམ་མམ། ཡབ་ཡུམ་འཁོར་དང་བཅས་པ་སྤྱན་དྲངས། ཕྱི་འབྲང་གི་བགེགས་བསྐྲད་པ་སོགས་དཀྱུས་ལྟར་ལ། རྩ་ཞལ་གྱི་དབུ་ལ་མི་བསྐྱོད་པས་དབུ་བརྒྱན་ཅིང༌། ཆོས་རྒྱལ་འཁོར་དང་བཅས་པ་ལ་རྡོ་རྗེ་འཇིགས་བྱེད་ཀྱི་ངོ་བོ་རྡོ་རྗེ་རྩེ་ལྔ་པས་དབུ་བརྒྱན་པར་གྱུར། ཀཱ་ལ་རཱུ་པ་ས་པ་རི་ཝཱ་ར་ས་མ་ཡ་སྟྭཾ། མཆོད་ཕྲེང་འཇིགས་བྱེད་ལ་དཀྱུས་ལྟར། ཆོས་རྒྱལ་ལ། གཤིན་རྗེ་རྒྱལ་པོའམ། སྟོང་གསུམ་ཁྱོན་ལྟར་མ་ལྟ་བུ་དང༌། ནང་མཆོད། ཧྲཱིཿ ཥྚྲཱིཿས་འཇིགས་བྱེད་དང༌། ཡ་མནྟ་ཀས་ཆོས་རྒྱལ་འཁོར་བཅས་ལ་འབུལ་བའམ། ཡང་ན། ཧྲཱིཿ ཥྚྲཱི་དང༌། ཀཱ་ལ་རཱུ་པ་ཙ་མུཎྚི་གསུམ་གྱི་མཐར་འབྲུ་གསུམ་བཏགས་པ་དང༌། ཡ་བ་ཏི་ལ་སོགས་པའི་གཤིན་རྗེ་ཕོ་མོའི་ཚོགས་འཁོར་དང་བཅས་པ་རྣམས་ཀྱི་ཞལ་དུ་ཨོཾ་ཨཱཿ ཧཱུཾ། ཞེས་སྦྱར། བསྟོད་པ། གཉིས་མེད་མའི་མཇུག་ཏུ་ཕྱི་སྒྲུབ་ཀྱི་བསྟོད་པ་རྒྱས་བསྡུས་ཅི་རིགས་སྦྱར། ལྗགས་བྱིན་རླབས་སོགས་དཀྱུས་ལྟར་དང༌། རྫས་འབུལ་བ་ནི། ཧྲཱིཿཥྚྲཱིཿས་འཇིགས་བྱེད་དང༌། ཆོས་རྒྱལ་ཡབ་ཡུམ་གཉིས་ལ་རང་སྔགས་དང༌། ཆོས་རྒྱལ་གྱི་འཁོར་རྣམས་ལ། ཨོཾ་ཨཱཿཧཱུཾ་

― GTD007_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

གིས་འབུལ་བར་གསུངས་སོ། །ཆོས་རྒྱལ་རྐྱང་བའི་སྦྱིན་སྲེག་བྱེད་ན། མེ་ལྷའི་ཐུགས་ཀར་མེ་གྲུ་གསུམ་རབ་ཏུ་འབར་བའི་དབུས་སུ་པདྨ་དང་ཉི་མ་དང༌། ཞེས་སོགས་གོང་གི་འཇིགས་སྐོར་རྣམས་དོར་བས་འགྲུབ་བོ། །ཞེས་པ་འདིའང་ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེའི་གསུང་རྒྱུན་གྱི་མན་ངག་ལྟར་བཀོད་པའོ།། ༈ བླ་མ་གཤིན་རྗེ་གཤེད་ལ་ཕྱག་འཚལ་ལོ། །འདིར་འཇིགས་བྱེད་དཔའ་བོ་གཅིག་པ་དང་ཆོས་རྒྱལ་གྱི་བསྙེན་པ་བཏང་སྟེ། དེའི་ཁ་སྐོང་གི་སྦྱིན་སྲེག་སྦྲགས་པར་བྱ་བར་འདོད་པས་ངག་འདོན་གྱི་རིམ་པ་འབྱིན་འཇུག་བྱ་ཚུལ་ཐོ་ཙམ་ནི་གཞན་རྣམས་དཀྱུས་ལྟར་ལ། ཏིང་ངེ་འཛིན་སེམས་དཔའ་ཧཱུཾ་ཡིག་མཐིང་ག་འོད་ཟེར་ལྔ་འཕྲོ་བ། དེའི་མདུན་དུ་པདྨ་ཉི་མ་མ་ཧེའི་སྟེང་དུ་ཡ་ལས་ཐོད་དབྱུག་ཡས་མཚན་པ། དེ་ཡོངས་སུ་གྱུར་པ་ལས་གཤིན་རྗེ་ཆོས་ཀྱི་རྒྱལ་པོ། ཞེས་པ་ནས། གཡོན་ཐོད་ཁྲག་འཛིན་པ། ལྷའི་སྐུ་ལས་འོད་ཟེར་དཀར་པོའི་ཚོགས་འཕྲོ་བ། ཡབ་ཡུམ་གཉི་གའི་སྤྱི་བོར་ཨོཾ། མགྲིན་པ་ཨཱཿ ཐུགས་ཀར་ཧཱུཾ་གིས་མཚན་པར་གྱུར། ཨོཾ་ཧྲཱིཿ ཧ་བྷོཿ མཧཱ་ཀྲོ་དྷ་ཨཱ་གཙྪ་ནས། རང་བཞིན་གྱི་གནས་ནས་དཔལ་རྡོ་རྗེ་འཇིགས་བྱེད་དཔའ་བོ་གཅིག་པའི་ཡེ་ཤེས་པའི་དཀྱིལ་འཁོར་ལས་ཀྱི་གཤིན་རྗེ་ཡབ་ཡུམ་དང་བཅས་པ་སྤྱན་དྲངས། ཨོཾ་ཧྲཱིཿ ཥྚྲཱིཿ སོགས་ཀྱིས་ཕྱི་འབྲང་གི་བགེགས་བསྐྲད། ཨོཾ་མུངྒ་རཱ་ཛཿ ནས། གཙོ་བོ་ལ་མི་བསྐྱོད་པ། ལས་ཀྱི་གཤིན་རྗེའི་དབུ་ལ་རྡོ་རྗེ་ནག་པོ་རྩེ་ལྔ་པས་དབུ་བརྒྱན་པར་གྱུར། མཆོད་ཕྲེང་གཞུང་ལྟར་ལ། ཨོཾ་ཡ་མཱནྟཱ་ཀ་ས་པ་རི་ཝཱ་ར་པྲོཀྵ་ཎཾ་ཞེས་སོགས་སྦྱོར། ནང་མཆོད་ཀྱི་སྐབས། ཨོཾ་ཧྲཱིཿ ཥྚྲཱིཿ ནས། ཨོཾ་ཨཱཿ ཧཱུཾ། ཀཱ་ལ་རཱུ་པའི་ཞལ་དུ་ཨོཾ་ཨཱཿ ཧཱུཾ། ཙ་མུཎྚིའི་ཞལ་དུ་ཨོཾ་ཨཱཿ ཧཱུཾ།

― GTD007_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟོད་པ། གཉིས་མེད་ཐུན་མོང་ནས། འཇིགས་བྱེད་གཤིན་རྗེའི་གཤེད་ལ་ཕྱག་འཚལ་ལོ། །འཇམ་དཔལ་བཀའ་ཉན་བསྟན་སྲུང་ན། །ཞེས་པ་ནས། མགོན་པོ་ཁྱོད་ལ་བདག་བསྟོད་དོ། །ལྷའི་ལྗགས་རྡོ་རྗེའི་རྣམ་པ་ཅན་དཀར་པོ་ལ་རཾ་ཡིག་དང་དགང་བླུགས་ཀྱི་ཁ་ལ་ཧཱུཾ་ཡིག་འོད་ཟེར་འབར་བ་དང་བཅས་པས་མཚན་པར་གྱུར། མར་ཁུ་དང་ཡམ་ཤིང་ནས་ཁྱད་པར་བའི་རྫས་ཀྱི་བར་འདྲ། ཨོཾ་ཧྲཱིཿ ཥྚྲཱི་ཝི་ཀྲི་ཏཱ་ན་ན་ཧཱུཾ་ཕཊ་ཨོཾ་བོ་དྷི་པྲྀཀྵ་ཡེ་བདག་ཅག་དཔོན་སློབ་ནས། བཀྲ་མི་ཤིས་པ་དང་ཏིང་ངེ་འཛིན་མི་གསལ་ཞིང་ཆོ་ག་དང་སྔགས་ཀྱི་ཆད་ལྷག་གི་ཉེས་པ་ཐམས་ཅད་དང་ཁྱད་པར་དུ་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། མང་ཉུང་ཇི་ཙམ་འབུལ་བ་སྐབས་དང་བསྟུན་ལ། ཨོཾ་ཀཱ་ལ་རཱུ་པ་ཧཱུཾ་ཕཊ་ཨོཾ་བོ་དྷི་པྲྀཀྵ་ཡེ་བདག་ཅག་ནས། ཤཱནྟིཾ་ཀུ་རུ་ཡེ་སྭཱཧཱ། ཨོཾ་ཙ་མུནྜི་ཧཱུཾ་ཕཊ་ཨོཾ་བོ་དྷི་པྲིཀྵ་ཞེས་སོགས་རང་རང་གྲངས་ཅི་ཙམ་ཕུལ་གྲུབ་པའི་རྗེས་སུ་མར་ཁུའང་དེ་བཞིན་དང་ཏིལ་ནས་ཁྱད་པར་བའི་བར་འདྲ། གཞན་ཐམས་ཅད་གཞུང་བཞིན་ལ། མཆོད་བསྟོད་ནང་མཆོད་གོང་དང་འདྲ། ༈ སེང་གདོང་མའི་བསྙེན་པའི་ཁ་སྐོང་སྦྱིན་སྲེག་གི་སྐབས། མེ་ལྷའི་ཐུགས་ཀར་མེ་གྲུ་གསུམ་རབ་ཏུ་འབར་བའི་དབུས་སུ་ཨེ་ལས་ཆོས་འབྱུང་གྲུ་གསུམ་མཐིང་ནག་ཡངས་ཤིང་རྒྱ་ཆེ་བའི་ཞེས་པ་ནས། ལྷའི་སྐུ་ལས་འོད་ཟེར་དཀར་པོའི་ཚོགས་འཕྲོ་བར་གྱུར། ནས། མི་བསྐྱོད་པས་དབུ་བརྒྱན་པར་གྱུར། མཆོད་སྔགས། ཨོཾ་བཛྲ་ཌཱ་ཀཱི་ནི་སིདྷ་མུ་ཁ་ས་པ་རི་ཝཱ་ར་པྲོཀྵ་ཎཾ་ནས། ཤཔྟའི་བར་དང་། ནང་མཆོད་དབུལ། བསྟོད་པ་ནི། དཔལ་ལྡན་རྡོ་རྗེ་མཁའ་འགྲོ་མ། །ནས། འགྲོ་བ་སྐྱོབ་ལ་ཕྱག་

― GTD007_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

འཚལ་ལོ། །ལྷའི་ལྗགས་རྡོ་རྗེའི་རྣམ་པ་ཅན་དཀར་པོ་ལ་རཾ་ཡིག་དང་དགང་བླུགས་ཀྱི་ཁ་ལ་ཧཱུཾ་ཡིག་སོགས་འདྲ། ཡི་གེ་བཅུ་བཞི་པའི་སྔགས་ཀྱི་མཐར་སྔགས་དང་སྤེལ་ཚིག་སྦྱོར་བ་གཞན་དང་འདྲ། མཆོད་བསྟོད་ཆུ་བཞི་སོ་རྩི་སོགས་གཞུང་བཞིན་ནོ།། ༈ ལྷ་མོའི་བསྙེན་པ་བྱེད་ཚེ་ཐུན་དང་པོར་འཇིགས་བྱེད་ཀྱི་ཆོ་ག་གཏོར་འབུལ་དང་བཅས་པ་གྲུབ་རྗེས། ནང་མཆོད་དང་མཆོད་པ་བྱིན་རླབས། དེ་ནས་རྟེན་བསྐྱེད་བྷྱོཿ རཀྨོ་ཞེས་པ་ནས། སྤྱན་དྲངས། བྷྱོཿ དཔལ་ལྡན་གཉན་གྱི་རེ་མ་ཏི། །སོགས། རྡོར་འཆང་མཚན་བཏགས་མ། རྒྱ་གར་ཡུལ་བཞུགས་མ། ལྷ་གཙོ་མ་གསུམ་རེས་མོས་བྱས་ཀྱང་ཆོག །ཐུན་རྗེས་མ་གསུམ་ལ་སྐད་ཅིག་དཀྲོང་བསྐྱེད་བྱས་རྗེས། བྷྱོཿ རཀྨོ་སོགས་སྔར་བཞིན། ཐུན་ཐ་མ་ལ་གཏོར་མ་མེད་མི་རུང་དུ་འབུལ་དགོས། བསྟོད་པའི་སྐབས། ས་བཅུ་མ་སོགས་གཙོ་མོའི་བསྟོད་པ་གང་རིགས། འདོད་ཁམས་དབང་ཕྱུག་མ་སོགས་འཁོར་གྱི་བསྟོད་པ་མན་འདྲ། ༈ བསྙེན་པའི་ཁ་སྐོང་སྦྱིན་སྲེག་གི་སྐབས། མེ་ལྷ་མེ་འབར་བའི་རྣམ་པར་གྱུར། ཐབ་ཀྱི་དབུས་སུ་རླུང་ནག་འཚུབ་མའི་གུར་གྱི་ནང་དུ་དྲེའུ་རྐྱང་སེར་ག་པ། ཞེས་པ་ནས། གཡོན་ཐམས་ཅད་ཐོད་པ་གདུག་པའི་ཁྲག་གིས་བཀང་བ་འཛིན་པ། ལྷའི་སྐུ་ལས་འོད་ཟེར་དཀར་པོའི་ཚོགས་འཕྲོ་བ། གཙོ་འཁོར་ཐམས་ཅད་ཀྱི་མིག་གཉིས་སུ་ཀྵིཾ་ཞེས་པ་ནས། སྤྱན་དྲངས། བྷྱོཿ དཔལ་ལྡན་གཉན་གྱི་རེ་མ་ཏི། །སོགས་དང་། བྷྱོཿ སྔོན་གྱི་གནས་མཆོག་དམ་པ་ནས། །ཞེས་པ་ནས། དམ་ཉམས་དགྲ་བགེགས་བསྒྲལ་དུ་གསོལ། །ཞེས་པའི་འཕྲོར། བྷྱོཿ མིང་བརྒྱ་མ་ལ་མཚན་སྟོང་མ། །ནས། རྡོ་རྗེ་འཇིགས་བྱེད་ཡུམ་དང་བཅས་པས་དབུ་བརྒྱན་པར་གྱུར། བྷྱོཿ བདག་གི་དངོས་བཤམས་ཡིད་ཀྱིས་སྤྲུལ་བ་

― GTD007_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། །ཞེས་སོགས་ཆུ་བཞི་ཉེར་སྤྱོད་རོལ་མོ་འདོད་ཡོན་རྣམས་གཞུང་བཞིན་དང་། ནང་མཆོད་སྔགས་ཀྱིས་དབུལ། བསྟོད་པ། སྐུ་གསུམ་ལྷུན་གྲུབ་ཤོ་ལོ་ཀ་གཅིག་པུས་ཀྱང་ཆོག །ལྷའི་ལྗགས་རྡོ་རྗེའི་རྣམ་པ་ཅན་དཀར་པོ་ལ་རཾ་ཡིག་དང་དགང་བླུགས་ཀྱི་ཁ་ལ་བྷྱོཿ ཡིག་འོད་ཟེར་འབར་བ་དང་བཅས་པས་མཚན་པར་གྱུར། མར་ཁུ་དང་། ཡམ་ཤིང་ནས། ཁྱད་པར་བའི་རྫས་ཀྱི་བར་ལྷ་མོའི་སྔགས་ལ་སྔགས་དང་སྤེལ་ཚིག་སྦྱར་བ་མ་གཏོགས། ཆོ་ག་གཞན་ཐམས་ཅད་སྦྱིན་སྲེག་གི་གཞུང་སྤྱི་དང་འདྲ། ཞེས་པ་འདི་རྣམས་ཤིས་ཚང་དགེ་སློང་ཁྱ་དགེ་འཇམ་དབྱངས་བསོད་ནམས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་ཨ་མཆོག་དགོན་ནས་འཕྲལ་དུ་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ། །། །སརྦ་མངྒ་ལཾ།།

བཅོམ་ལྡན་འདས་ཀླུའི་དབང་ཕྱུག་རྒྱལ་པོའི་སྒོ་ནས་བུམ་ཆུ་སྒྲུབ་ཚུལ།

― GTD007_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ལྡན་འདས་ཀླུའི་དབང་ཕྱུག་རྒྱལ་པོའི་སྒོ་ནས་བུམ་ཆུ་སྒྲུབ་ཚུལ་གྱི་ཆོ་ག་གདུང་སེལ་ཟླ་བའི་འཁྲི་ཤིང་ཞེས་བྱ་བ་བཞུགས་སོ།།

― GTD007_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ནཱ་ག་རཱ་ཛེ་ཤྭ་རཱ་ཡ། གང་གི་ཐུགས་རྗེ་ཟླ་བའི་འཁྲི་ཤིང་བྱིན། །རབ་རྒྱས་ཀཏྤུ་ར་ཡི་འདབ་འཕྲེང་གིས། །ལུས་ཅན་གདུང་བ་བསིལ་བའི་མཆོད་སྦྱིན་མཁན། །ཀླུ་ཡི་དབང་ཕྱུག་རྒྱལ་པོས་དགེ་ལེགས་སྩོལ། །ངེས་གསང་རྒྱུད་སྡེའི་དགོངས་དོན་བ་ཀུ་ལ། །ལེགས་གསུང་བདུད་རྩིའི་རྒྱུན་གྱིས་རབ་ཕྱེ་ནས། །སྩོལ་མཛད་འཇིགས་མེད་དབང་པོའི་ཞབས་པད་ལ། །གུས་པས་འདུད་དོ་བྱང་ཆུབ་བར་དུ་སྐྱོངས། །བསྐྱེད་བསྟིམ་མཆོད་བསྟོད་བཟླས་པའི་འགྲོས་ཙམ་ལ། །ཆོག་བསྒྲིགས་མཁན་པོར་རློམ་མིན་མདོ་དང་སྔགས། །དྲང་ངེས་དེ་ཉིད་རིག་པས་ལེགས་བཤད་ཀྱི། །མཆོད་ཡོན་སྦྲེང་ངོ་མཁས་རྣམས་དགྱེས་པར་མཛོད།། དེ་ལ་འདིར་བཅོམ་ལྡན་འདས་ཀླུའི་དབང་ཕྱུག་རྒྱལ་པོའི་བསྒོམ་སྒྲུབ་ཉམས་སུ་ལེན་པར་བྱེད་པ་ལ། མངོན་རྟོགས་རྐྱང་པ་དང་། བུམ་གཏེར་སྒྲུབ་ཚུལ་སོགས་དང་འབྲེལ་བའི་ཡི་གེ་དམ་པ་གོང་མས་མཛད་པ་ཤིན་ཏུ་མང་ནའང་བུམ་ཆུ་སྒྲུབ་ཚུལ་འདི་ཉིད་གསལ་བར་བཤད་པ་ཉུང་ཞིང། འདི་ལ་བརྟེན་ནས་ཁྲུས་དང་བུམ་ཆུའི་རྒྱུན་སོགས་ཀྱི་སྒོ་ནས་གཞན་ལ་ཕན་པའི་འཕྲིན་ལས་ཀྱི་དགོས་པ་ཆེ་བར་སྣང་བས། འདིར་བརྒྱུད་ལྡན་དམ་པའི་མན་ངག་བཞིན་དུ་བུམ་ཆུ་སྒྲུབ་ཚུལ་གྱི་ལྷན་ཐབས་ཅུང་ཟད་ཕྱེ་སྟེ་འགོད་པ་ལ། ཐོག་མར་བཅོམ་ལྡན་འདས་འདི་ཉིད་ཀླུ་དང་ས་བདག་གི་གནོད་པ་ཐམས་ཅད་སེལ་བའི་སྐྱབས་མཆོག་ཏུ་གྱུར་པའི་རྒྱུ་མཚན་ནི། སྤྱིར་སངས་རྒྱས་ཐམས་ཅད་མཉམ་པ་ཉིད་གསུམ་

― GTD007_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་སྒོ་ནས་མཉམ་པར་གསུངས་ཀྱང་རང་རང་གི་ཐུན་མོང་མ་ཡིན་པའི་སྨོན་ལམ་མི་འདྲ་བའི་ཁྱད་པར་ཡོད་པ་དུ་མ་འབྱུང་ཞིང་། ལྷག་པར་ཡང་མགོན་པོ་འདི་ནི་སྔོན་བྱང་ཆུབ་སེམས་དཔའི་སྤྱད་པ་སྤྱོད་པ་ན། ཀླུའི་སྐྱེ་བ་བཞེས་པའི་སྐབས་ཤིག་ཀླུ་བརྒྱ་སྟོང་མང་པོ་རྣམས་སྡུག་བསྔལ་ལས་བསྐྱབ་པར་མཛད་དེ། དགེ་བའི་རྩ་བ་འདིས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས་གནས་པའམ་ཡོངས་སུ་མྱ་ངན་ལས་འདས་ཀྱང་རུང་སྟེ། འཇིག་རྟེན་གྱི་ཁམས་གཞན་དང་གཞན་དག་ཏུའང་ཀླུ་གང་དང་གང་དག་གིས་ལྕེ་འབབས་པའམ། གནོད་པའི་སེར་བ་འབེབས་པར་འགྱུར་བའམ། འཇིགས་པའམ། ནད་དམ། གནོད་པའམ། ནད་འགོ་བ་གཏོང་བ་དེར་བདག་གི་མིང་བརྗོད་ན་གནོད་པ་དེ་དག་མེད་པར་གྱུར་ཅིག །བདེན་པའི་ཚིག་འདིས་བདེ་བར་གྱུར་ཅིག །ཅེས་སྨོན་ལམ་གནང་བའི་སྟོབས་ཀྱིས་ཡིན་ནོ། །འདི་ལ་སྦྱོར་དངོས་རྗེས་ཀྱི་རིམ་པ་གསུམ་ལས། དང་པོ་ནི། ཡིད་དང་མཐུན་པའི་གནས་སུ་སྟེགས་བུ་ཇི་ལྟར་འཚམ་པའི་ཁར་འབྲུ་དཀར་གྱིས་པདྨ་འདབ་བརྒྱད་བྲིས་པ་ལ་ཀུ་ཤའི་གདན་དགྲམ། དེའི་སྟེང་དུ་བུམ་པ་གས་ཆག་མེད་པ་མགུལ་ཆིངས་ཅན་ཆུ་མིག་གཙང་མ་ལྟ་བུ་ནས་བླངས་པའི་ཆུ་ཕུད་མ་ཉམས་པས་སུམ་གཉིས་གང་བའི་ནང་དུ། གསེར་དངུལ་མུ་ཏིག་བྱུ་རུ་མུ་མེན་ཏེ་རིན་པོ་ཆེ་ལྔ། ནས་འབྲས་གྲོ་སྲན་ཏིལ་ཏེ་འབྲུ་ལྔ། སླེ་ཏྲེས་ཀཎྜ་ཀ་རི་དབང་ལག་རྒྱ་མཚོའི་ལྦུ་བ་ཤུ་དག་སྟེ་སྨན་ལྔ། ཙན་དན་དཀར་དམར་ཛ་ཏི་ག་བུར་གུར་ཀུམ་སྟེ་དྲི་ལྔ་དང་། སྦྲང་ཀ་ར་ཞོ་འོ་མ་མར་ཏེ་ཕྱིའི་བདུད་རྩི་ལྔ་སྦྱར་བའི་བྱ་རྒྱུད་ཀྱི་བུམ་རྫས་ཉེར་ལྔ་བཏབ། འོ་མ་ཅན་གྱི་ཤིང་གིས་ཁ་བརྒྱན་ཅིང་བུམ་པའི་སྟེང་དུ་དུང་ཆོས་དྲི་བཟང་གིས་བཀང་བའི་ཁར་གཟུངས་རྡོར་བཞག །མདུན་དུ་བཅོམ་ལྡན་འདས་ལ་འབུལ་རྒྱུའི་ཟླུམ་

― GTD007_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་གཅིག་དང་ཕྱོགས་སྐྱོང་ལ་འབུལ་རྒྱུའི་གཏོར་མ་གཅིག །ཀླུ་ལ་འབུལ་རྒྱུའི་གཏོར་མ་ཀླུ་སྨན་དང་སྦྱར་བ་གཅིག །གཞན་ཡང་བདག་བསྐྱེད་དང་བུམ་བསྐྱེད་ཀྱི་ལྷ་ལ་འབུལ་རྒྱུའི་མཆོད་པ་ཆུ་གཉིས་ཉེར་སྤྱོད་དང་བཅས་པ་ཚར་གཉིས་ལ་སོགས་པ་བཤམས། མཆོད་པ་ཐམས་ཅད་ལ་ཤ་ཆང་སྒོག་ཙོང་སོགས་ཀྱི་དྲི་ཙམ་ཡང་མ་འདྲེས་པའི་གཙང་སྦྲ་ཐོན་པ་ཤིན་ཏུ་གལ་ཆེའོ། །དངོས་གཞི་ལ་སྐྱབས་འགྲོ་སེམས་བསྐྱེད་ཚད་མེད་བཞི་བསྒོམ་པ་སྔོན་དུ་བཏང་། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པད་ཟླའི་སྟེང་དུ་ཧཱུཾ་ལས་རང་ཉིད་དེ་བཞིན་གཤེགས་པ་ཀླུའི་དབང་ཕྱུག་རྒྱལ་པོ་སྐུ་མདོག་ནོར་བུ་རིན་པོ་ཆེ་མི་དཔོག་པའི་མདོག་ལྟ་བུ། ཞལ་དཀྱིལ་ཟླ་བ་ལྟར་དཀར་བ། མཚན་སོ་གཉིས་དང་དཔེ་བྱད་བརྒྱད་ཅུས་སྤྲས་པ། ཆོས་གོས་ངུར་སྨྲིག་གསོལ་བ། ཀླུ་ཐམས་ཅད་ཀླུའི་སྐྱེ་གནས་ལས་ཐར་བར་བྱེད་པའི་ཕྱག་རྒྱ་ཅན། བཞིན་འཛུམ་པ་འོད་ཟེར་མཐའ་ཡས་པ་འཕྲོ་བ། སྦྲུལ་མགོ་བདུན་གྱི་གདེངས་ཀའི་རྒྱབ་ཡོལ་ཅན། དེའི་མདུན་དུ་པད་ཟླ་ལ་སྒྲིབ་སེལ་སྐུ་མདོག་དཀར་པོ། གཡས་རིན་པོ་ཆེའི་མྱུ་གུ་དང་གཡོན་བུམ་པ་བསྣམས་པ། གཡས་སུ་པད་ཟླ་ལ་བྱམས་པ་དམར་སེར། གཡས་ཀླུ་ཤིང་གི་མེ་ཏོག་དང་གཡོན་རིལ་བ་སྤྱི་བླུགས་བསྣམས་པ། རྒྱབ་ཏུ་པད་ཟླ་ལ་འཇམ་དཔལ་གཞོན་ནུར་གྱུར་པ་སེར་པོ། གཡས་རལ་གྲིས་མཚན་པའི་ཨུཏྤ་ལ་དང་གཡོན་གླེགས་བམ་བསྣམས་པ། གཡོན་དུ་པད་ཟླ་ལ་སྤྱན་རས་གཟིགས་དམར་པོ། གཡས་ཤེལ་འཕྲེང་དང་གཡོན་པད་དཀར་འཛིན་པ། བཞི་གའང་བཅོམ་ལྡན་འདས་ལ་བལྟ་བ། གཡས་ཕྱོགས་སུ་བྱང་སེམས་དཔག་མེད། གཡོན་ཕྱོགས་སུ་དགྲ་བཅོམ་པ་དཔག་མེད། འོག་ཕྱོགས་སུ་ཀླུའི་ཚོགས་དཔག་

― GTD007_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཀྱིས་རིན་པོ་ཆེ་ཐོགས་ཏེ་ཐལ་མོ་སྦྱར་ནས་བཅོམ་ལྡན་འདས་ལ་བལྟ་བ། གཙོ་འཁོར་ཐམས་ཅད་ཀྱི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ཧཱུཾ་ལས་འོད་འཕྲོས། ཡེ་ཤེས་པ་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། རང་གི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་ཡིག་གི་མཐར་སྔགས་ཀྱི་ཕྲེང་བས་བསྐོར་པ་ལས་འོད་ཟེར་འཕྲོས། འཕགས་པ་མཆོད། སེམས་ཅན་ཐམས་ཅད་ཀྱི་ལས་ཉོན་དང་སྡུག་བསྔལ་སྦྱངས། ཁྱད་པར་ཀླུ་རྣམས་མཁའ་ལྡིང་དང་བྱེ་ཚན་སོགས་ཀྱི་གནོད་པ་དང་ཀླུའི་སྐྱེ་གནས་ལས་ཐར་བར་བྱས། དེའི་མཐུས་ཀླུའི་གདོན་དང་དུག་ནད་ཀྱིས་ཟིན་པའི་སེམས་ཅན་མཐའ་དག་སྡུག་བསྔལ་དེ་ལས་རྣམ་པར་གྲོལ་ཏེ་བདེ་བ་དང་ལྡན་པར་གྱུར་པར་བསམས་ལ། ཏངྱ་ཐཱ། ཨོཾ་ཏ་ཐཱ་ག་ཏ་བྷ་ག་ཝན་ནཱ་ག་རཱ་ཛེ་ཤྭ་ར་ཨ་དྷི་ཥྛཱི་ན་ཨ་དྷི་ཥྛཱི་ཏེ་སྭཱཧཱ། ཞེས་ཅི་འགྲུབ་བཟླས་ལ་ཡི་གེ་བརྒྱ་པས་ལྷག་ཆད་བསྐང་། བདག་བསྐྱེད་ཀྱི་མཆོད་པ་ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་བྷྲུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་དྭངས་ཤིང་ཐོགས་པ་མེད་པ་ཟག་པ་མེད་པའི་བདེ་བ་ཁྱད་པར་ཅན་སྟེར་བར་ནུས་པ་ཕུལ་དུ་བྱུང་བའི་ལྷ་རྫས་སུ་གྱུར། ན་མོ་རཏྣ་ཏྲ་ཡཱ་ཡ། ན་མཿ ཙཎྜ་བཛྲ་པཱ་ཎི་ཡེ། མཧཱ་ཡཀྵ་སེ་ན་པ་ཏ་ཡེ། ན་མོ་བཛྲ་ཀྲོ་དྷ་ཡ། ཏངྱ་ཐཱ། ཧུ་ལུ་ཧུ་ལུ། ཏིཥྛ་ཏིཥྛ། བནྔྷ་བནྔྷ། ཧ་ན་ཧ་ན།

― GTD007_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་མྲྀ་ཏེ་ཧཱུཾ་ཕཊ། ཨོཾ་ཨརྒྷཾ་ཨཱཿ ཧཱུཾ། ནས། ཤཔྟ་ཨཱཿ ཧཱུཾ། གི་བར་གྱིས་བྱིན་གྱིས་བརླབས་ལ། ཨོཾ་སརྦ་ཏ་ཐཱ་ག་ཏ་ན་གེནྡྲ་རཱ་ཛ་ས་པ་རི་ཝཱ་ར་ཨརྒྷཾ་སོགས་ཀྱིས་མཆོད། རྒྱས་པར་བྱེད་ན། རྒྱལ་བ་རྒྱ་མཚོ་སོགས་ཀྱི་ཚིགས་བཅད་དང་སྦྱར་ཏེ་འབུལ། གང་གི་མཚན་ཙམ་དྲན་པས་སྲིད་ཞི་ཡི། །མི་བཟད་སྡུག་བསྔལ་མཐའ་དག་སེལ་མཛད་པའ། །ཀླུ་ཡི་དབང་ཕྱུག་རྒྱལ་པོ་གཙོ་འཁོར་ལྔར། །ལུས་ངག་ཡིད་གསུམ་གུས་པས་ཕྱག་འཚལ་ལོ། །ཞེས་པས་བསྟོད། དེ་ནས་བུམ་པ་སྒྲུབ་པ་ནི། ཨ་མྲྀ་ཏས་བསངས། སྭ་བྷཱ་ཝས་སྦྱངས། བུམ་པ་སྟོང་པ་ཉིད་དུ་གྱུར། སྟོང་པའི་ངང་ལས་བྷྲུཾ་ལས་བྱུང་བའི་རིན་པོ་ཆེའི་བུམ་པ་དཀར་པོ་ལྟོ་བ་ཆེ་བ། མགྲིན་པ་རིང་བ། མཆུ་འཕྱང་བ་ལ་སོགས་པ་མཚན་ཉིད་ཐམས་ཅད་དང་ལྡན་པར་གྱུར། ཨོཾ་ཏ་བྷེ་ཏ་བྷེ་མཧཱ་ཏ་བྷེ་སྭཱཧཱ། ལྷའི་ཆུ་བོ་གངྒཱ་དང་བུམ་པའི་ཆུ་དབྱེར་མི་ཕྱེད་པར་གྱུར། བུམ་པ་ཕྱི་བུམ་པའི་རྣམ་པ་ལ་ནང་ལྷའི་གཞལ་ཡས་ཁང་མཚན་ཉིད་ཐམས་ཅད་ཡོངས་སུ་རྫོགས་པ་ཡངས་ཤིང་རྒྱ་ཆེ་བའི་ནང་གི་དབུས་སུ་པད་ཟླའི་སྟེང་དུ་ཧཱུཾ་ལས་དེ་བཞིན་གཤེགས་པ་ཀླུའི་དབང་ཕྱུག་རྒྱལ་པོ། ཞེས་པ་ནས། གཉིས་སུ་མེད་པར་གྱུར། ཅེས་པའི་བར་བདག་བསྐྱེད་ལྟར་ལ། དེ་ནས་བུམ་ལྷའི་མཆོད་པ་གོང་བཞིན་བྱིན་གྱིས་བརླབས་ཏེ། ཨེ་མ་ཧོ་ཆོས་ཀྱི་དབྱིངས་ཀྱི་རོལ་བ་ལས། །འཇའ་ཚོན་ལྟར་སྣང་ཀུན་བཟང་མཆོད་པའི་སྤྲིན། །ཡིད་འོང་མཆོད་ཡོན་བཀོད་པ་སྣ་ཚོགས་ཀྱིས། །རབ་འབྱམས་རྒྱ་མཚོའི་ཞིང་ཁམས་ཀུན་བཀང་སྟེ། །བཅོམ་ལྡན་ཀླུ་ཡི་དབང་ཕྱུག་རྒྱལ་པོ་ལ། །གུས་པས་འབུལ་ལོ་བརྩེ་བས་བཞེས་སུ་གསོལ། །ཨོཾ་སརྦ་ཏཱ་ཐཱ་ག་ཏ་ནཱ་གེནྡྲ་རཱ་ཛ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་ཡེ་སྭཱཧཱ། དེ་བཞིན་

― GTD007_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཐོག་མཐའ་འདྲ་བ་ལ་མཆོད་ཡོན་གྱི་གནས་སུ། ཞབས་བསིལ། མེ་ཏོག །བདུག་སྤོས། སྣང་གསལ། དྲི་ཆབ། ཞལ་ཟས། སྒྲ་སྙན་ཞེས་དང་། ཨརྒྷཾ་གྱི་གནས་སུ་པཱངྱཾ། པུཥྤེ། དྡྷུ་པེ། ཨཱ་ལོ་ཀེ། གནྔྷེ། ནཻ་ཝིངྱ། ཤཔྟ་རྣམས་བཅུག་ལ་བྱ་རྒྱུད་རང་གཞུང་ལྟར་གྱི་ཕྱག་རྒྱ་དང་བཅས་ཏེ་དབུལ། རྒྱལ་བའི་ཞིང་ཁམས་བཅོ་བརྒྱད་འདས་པ་ན། །སྦྲང་རྩི་ཅན་ཞེས་བྱ་བའི་ཞིང་གི་གཙོ། །མ་ལུས་འགྲོ་བའི་གདུང་བ་སེལ་མཛད་པ། །ཀླུ་ཡི་དབང་ཕྱུག་རྒྱལ་པོར་ཕྱག་འཚལ་ལོ། །རྩེ་ན་ཟླ་བའི་དཀྱིལ་འཁོར་རྫོགས་པ་ཡི། །བརྟན་བརྗིད་བཻ་ཌཱུརྻ་ཡི་ལྷུན་པོ་ལ། །མཚམས་སྤྲིན་གསར་པས་འཁྱུད་འདྲ་མཛེས་པའི་སྐུ། །བཅོམ་ལྡན་ཀླུ་ཡི་དབང་པོ་ལ་ཕྱག་འཚལ། །གང་གི་མཚན་ཙམ་ཡིད་ལ་བྱེད་པ་ཡི། །ཉིན་བྱེད་ཟེར་གྱི་སྣང་བ་ཕྲ་མོས་ཀྱང་། །ཀླུ་གཉན་འཚེ་བའི་མུན་པ་མཐར་བྱེད་པ། །བདག་གི་སྐྱབས་གཅིག་བཅོམ་ལྡན་ཁྱོད་ལ་བསྟོད། །གང་གི་སྲས་ཀྱི་ཐུ་བོའི་ཚུལ་འཛིན་པ། །སྒྲིབ་སེལ་བྱམས་མགོན་འཇམ་དབྱངས་སྤྱན་རས་གཟིགས། །གཞན་ཡང་བྱང་སེམས་ཉན་ཐོས་རང་རྒྱལ་དང་། །གདེངས་ཅན་བདག་པོའི་ཚོགས་ལའང་བསྟོད་པར་བགྱི། །བཅོམ་ལྡན་འཁོར་དང་བཅས་པ་ཁྱེད་རྣམས་ཀྱིས། །བདག་ཅག་ལུས་སེམས་གདུང་བ་ཀུན་ཞི་ཞིང་། །འཇིག་རྟེན་བདེ་ཞིང་ལོ་ལེགས་ཆོས་འཕེལ་བའི། །བཀྲ་ཤིས་དགེ་མཚན་དངོས་གྲུབ་ཀུན་སྩོལ་ཞིག །ཅེས་པས་བསྟོད། བྱ་རྒྱུད་ཀྱི་སྐབས་འདིར་ལྷ་བསྐྱེད་ཚུལ་འདི་ལྟར་དམ་ཡེ་སོ་སོར་བྱེད་པ་དང། དེ་ལྟ་མ་ཡིན་པར་གདན་གསལ་བཏབ་ནས་ལྷ་རྣམས་མགྲོན་གྱི་ཚུལ་དུ་སྤྱན་དྲངས་ཏེ་གདན་འབུལ་བའི་ཚུལ་མདོ་ལུགས་དང་ཕྱོགས་མཐུན་པ་གཉིས་ཀ་རུང་བར་གསུངས་

― GTD007_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་། འདིར་ཡོངས་སུ་གྲགས་པའི་འཇུག་པ་བདེ་བ་དང་། མཐར་དམ་ཚིག་པ་བུམ་པའི་ཆུ་ལ་བསྟིམ་པའི་བྱིན་རླབས་ཀྱི་ཁྱད་པར་ཡང་ཡོད་པའི་གནད་ཀྱིས་སྔ་མའི་དབང་དུ་བྱས་སོ། །དེ་ནས་གཟུངས་ཐག་སྙིང་གར་བཟུང་ལ། ཨོཾ་བཛྲ་ཨ་མྲྀ་ཏ་ཨུ་ད་ཀ་ཋ་ཧཱུཾ། དུང་ཆོས་ཀྱི་ཆུ་ཡེ་ཤེས་ཀྱི་བདུད་རྩིར་བྱས་པས་རྡོ་རྗེའི་རྡུལ་ཕྲ་རབ་ཀྱི་རང་བཞིན་དུ་གྱུར། རང་གི་ཐུགས་ཀ་ནས་སྔགས་ཀྱི་འཕྲེང་བ་གཟུངས་ཐག་ལ་འཁྲིལ་ཏེ་སོང་བས་བུམ་པའི་ལྷའི་ཐུགས་ཀར་ཕོག་པས་ཐུགས་རྒྱུད་བསྐུལ། དེའི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་ཡིག་གི་མཐར་སྔགས་ཀྱི་འཕྲེང་བས་བསྐོར་བ་ལས་འོད་ཟེར་འཕྲོས། སངས་རྒྱས་སྲས་བཅས་ལ་མཉེས་པའི་མཆོད་པ་ཕུལ། དེ་རྣམས་ཀྱི་སྐུ་གསུང་ཐུགས་ཀྱི་ཡོན་ཏན་དང་བྱིན་རླབས་ནུས་མཐུ་མ་ལུས་པ་འོད་དང་བདུད་རྩིའི་རྣམ་པར་སྤྱན་དྲངས་ཏེ་བུམ་པའི་ལྷའི་ཐུགས་ཀའི་སྔགས་འཕྲེང་ལས་བྱུང་བའི་བདུད་རྩིའི་ཆུ་དང་ལྷན་ཅིག་ཏུ་བུམ་པའི་ཆུ་ལ་ཐིམ། སླར་ཡང་མདུན་གྱི་ལྷའི་ཐུགས་ཀ་ནས་འོད་ཟེར་དཔག་མེད་འཕྲོས་པས། སེམས་ཅན་ཐམས་ཅད་ཀྱི་ལས་དང་ཉོན་མོངས་པའི་སྡུག་བསྔལ་སྦྱངས། ཁྱད་པར་དུ་ཀླུ་རྣམས་མཁའ་ལྡིང་དང་བྱེ་ཚན་སོགས་ཀྱི་གནོད་པ་དང་ཀླུའི་སྐྱེ་གནས་ལས་ཐར་བར་བྱས། དེའི་མཐུས་ཀླུའི་གདོན་དང་དུག་ནད་ཀྱིས་ཟིན་པའི་སེམས་ཅན་མཐའ་དག་སྡུག་བསྔལ་དེ་ལས་རྣམ་པར་གྲོལ་ཏེ་བདེ་བ་དང་ལྡན་པར་བྱས། སྲིད་ཞིའི་དཔལ་འབྱོར་ཕུན་སུམ་ཚོགས་པ་ཐམས་ཅད་འོད་ཟེར་དང་ལྷན་ཅིག་ཏུ་ཚུར་བསྡུས་ཏེ་བུམ་པའི་ཆུ་ལ་ཐིམ་པར་གྱུར་པར་བསམ། དམིགས་བསལ་དགེ་འདུན་གྱི་སྡེ་ལྟ་བུའི་རིམ་གྲོར་དམིགས་པ་ཡིན་ན། ཉོན་མོངས་པའི་སྡུག་བསྔལ་སྦྱངས་ཞེས་པ་དང་། ཁྱད་པར་ཞེས་པའི་མཚམས་

― GTD007_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་དགེ་འདུན་གྱི་སྡེ་འདིར་དད་ཅིང་གུས་པའི་སྒོ་ནས་སྐལ་ལྡན་གྱི་གདུལ་བྱ་སོགས་མི་ནོར་ཟས་གསུམ་མཁོ་དགུའི་དཔལ་འབྱོར་ཐམས་ཅད་དབང་དུ་འདུ་ཞིང་། ཕ་རོལ་གྱི་བསམ་ངན་སྦྱོར་རྩུབ་མཐའ་དག་ཉེ་བར་ཞི་ཞིང་། མདོ་སྔགས་བཤད་སྒྲུབ་ཀྱི་བྱ་བ་རྣམས་དབྱར་མཚོ་བཞིན་དུ་འཕེལ་ཞིང་རྒྱས་པར་གྱུར་ཅེས་པ་འཇུག །སྦྱིན་བདག་གི་ཆེད་ཡིན་ན་དེའི་མཚམས་སུ། སྦྱིན་པའི་བདག་པོ་འཁོར་དང་བཅས་པའི་མི་ནོར་ཕྱུགས་གསུམ་གྱི་འགལ་རྐྱེན་བར་ཆད་ཐམས་ཅད་ཉེ་བར་ཞི་ཞིང་། མཐུན་རྐྱེན་ཚེ་བསོད་སྟོབས་འབྱོར་རིགས་རྒྱུད་མངའ་ཐང་རྣམས་དབྱར་མཚོ་བཞིན་དུ་འཕེལ་ཞིང་རྒྱས་པར་གྱུར། ཅེས་དང་ཆར་ཆུ་སོགས་ཀྱི་ཆེད་ཡིན་ན། འཇིག་རྟེན་གྱི་ཁམས་སྤྱི་དང་ཁྱད་པར་ཡུལ་ཕྱོགས་འདིར་སད་སེར་ཐན་པ་སོགས་མི་དང་མི་མ་ཡིན་གྱིས་བསྐྱེད་པའི་བསམ་ངན་སྦྱོར་རྩུབ་ཐམས་ཅད་མྱུར་དུ་ཞི་ནས། ཆར་ཆུ་དུས་སུ་འབེབས་པས་རྩི་བཅུད་དང་ལོ་ཏོག་ལ་སོགས་པ་ཐམས་ཅད་འཕེལ་ཞིང་རྒྱས་ཏེ་སྐྱེ་འགྲོ་ཀུན་གྱི་རེ་བ་ཚིམ་པར་བྱས། ཞེས་པ་བཅུག་པས་མཚོན་སྐབས་དང་འབྲེལ་བའི་ཁ་བསྒྱུར་ཚུལ་ཤེས་པར་བྱ། བཟླས་པ་ཅི་འགྲུབ་བྱས་པའི་མཐར་ཡིག་བརྒྱས་བརྟན་པར་བྱ། དེའང་ཀླུ་སྒྲུབ་ཀྱིས་མཛད་པའི་སྒྲུབ་ཐབས་ལས། ཞག་བདུན་དུ་སྙིང་པོ་རྒྱུན་མ་ཆད་པར་བཟླས་ན་དབུལ་བ་ཐམས་ཅད་དང་བྲལ་བར་འགྱུར་རོ། །ཞེས་གསུངས་པ་ལྟར་བདུན་ཕྲག་གཅིག་ཏུ་སྒྲུབ་རྒྱུ་བྱུང་ན་ཤིན་ཏུ་ལེགས་པས་ཉིན་དུ་མར་སྦྲེལ་ཏེ་བྱེད་ན་ཐུན་སྔ་མ་རྣམས་ལ་མཚམས་འདིར་མཆོད་བསྟོད་མདོར་བསྡུས་བྱས་ནས་འོད་ཞུ་མི་བྱེད་པར། ཐུན་རྗེས་མ་ལ་འཇུག་པའི་ཚེ་སྔར་ཡོད་གསལ་འདེབས་པའི་ཚུལ་དུ། སྟོང་པའི་ངང་ལས་རིན་

― GTD007_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཆེའི་བུམ་པ་དཀར་པོ་ཞེས་པ་ནས་པད་ཟླའི་སྟེང་དུ་དེ་བཞིན་གཤེགས་པ་ཀླུའི་དབང་ཕྱུག་རྒྱལ་པོ་ཞེས་འདོན་པ་བསྒྱུར། དགུང་ཐུན་ཐ་མ་ལ་གཏོར་མ་ངེས་ཅན་དུ་འབུལ་དགོས་པས་དེའི་ཚུལ་ནི། གཏོར་མ་རྣམས་ཨ་མྲྀ་ཏས་བསངས་སྭ་བྷཱ་ཝས་སྦྱངས། སྟོང་པའི་ངང་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་ཨཱཿ ཧཱུཾ་འོད་དུ་ཞུ་བ་ལས་བྱུང་བའི་གཏོར་མ་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿ ཧཱུཾ། ལན་གསུམ་གྱིས་བྱིན་གྱིས་བརླབས། གཏོར་མ་དང་པོ་ལ་དམིགས་ཏེ། བུམ་པའི་ལྷ་རྣམས་ཀྱི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་གྱུར། ཨོཾ་སརྦ་ཏ་ཐཱ་ག་ཏ་ནཱ་གེནྡྲ་རཱ་ཛ་ས་པ་རི་ཝཱ་ར་ཨི་དཾ་བ་ལིངྟ་ཁ་ཁ་ཁཱ་ཧི་ཁཱ་ཧི། ལན་བདུན་གྱིས་གཏོར་མ་དབུལ། སྙིང་པོ་ཚར་གཅིག་དང་ཧཱུཾ་བདུན་བརྗོད་ལ་དུང་ཆོས་ཀྱི་མཆོད་ཡོན་བུམ་ནང་དུ་དབུལ། ཨ་མྲྀ་ཏའི་སྔགས་བརྗོད་ལ་མེ་ཏོག་དཀར་པོ་གསུམ་བུམ་པར་གཞུག །མཚན་སྔགས་ལ་པུཥྤེ་སོགས་བཏགས་པས་མཆོད་ཅིང། གང་གི་མཚན་ཙམ་ཞེས་སོགས་ཀྱིས་བསྟོད། བཅོམ་ལྡན་འདས་ཐུགས་རྗེ་ཆེན་པོ་དང་ལྡན་པ་ཀླུའི་དབང་ཕྱུག་རྒྱལ་པོ་འཁོར་དང་བཅས་པས་བདག་ཅག་དཔོན་སློབ་ཡོན་མཆོད་རྣམས་ཀྱི་ཚེ་བསོད་དཔལ་འབྱོར་རྒྱས་ཤིང་། མི་ནད་ཕྱུགས་ནད་སོགས་ཀླུ་དང་ས་བདག་གི་གནོད་འཚེ་ཐམས་ཅད་མྱུར་དུ་ཞི་བར་བྱིན་གྱིས་བརླབ་ཏུ་གསོལ། བཛྲ་མུཿ བུམ་པའི་ལྷ་ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་འོད་དུ་ཞུ་ནས་བུམ་པའི་ཆུ་ལ་ཐིམ་པས་བདུད་རྩིའི་རང་བཞིན་དུ་གྱུར་པར་བསམ། དེའང་ཀུན་རིག་ཊཱིཀ་ཆེན་ལས། རྣལ་འབྱོར་རྒྱུད་མན་ཆད་ལ་བུམ་ལྷ་མི་བཞུ་བར་བཤད་པ་ནི་སྐབས་གཞན་ལ་དགོངས་པ་ཡིན་གྱི་གཅིག་ཏུ་ངེས་བཟུང་མིན་ཏེ། ཀུན་སྙིང་གིས་ཀུན་རིག་དཀྱིལ་ཆོག་ཏུ་བུམ་ལྷར་ཞུ་

― GTD007_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བཤད་ཅིང་། སློབ་དཔོན་བྱང་ཆུབ་སྙིང་པོས་འཇམ་དཔལ་གསང་ལྡན་གྱི་དཀྱིལ་ཆོག་ལས་ཀྱང་གཙོ་བོའི་བུམ་པར་སྐད་ཅིག་གིས་ལྷ་ཚང་བར་བསྐྱེད་ལ་དགུག་གཞུག་དང་མཆོད་བསྟོད་དང་བཟླས་པ་བྱའོ། །ཞེས་པ་ནས། རྣམ་པར་རྒྱལ་བའི་བུམ་པ་བཞུ་བར་བྱའོ། །ཞེས་གསུངས་པའི་ཕྱིར་རོ། །དེ་ནས་གཏོར་མ་གཉིས་པ་བསྔོ་ཞིང་། གྲོལ་བའི་ཐུན་ཐ་མ་མ་ཡིན་པའི་དགུང་ཐུན་གཞན་ལ་བུམ་ལྷའི་གཏོར་མ་ཕུལ་ཟིན་པའི་རྗེས་སུ་མཚན་སྔགས་ལ་ཨརྒྷཾ་སོགས་བཏགས་པའི་མཆོད་པ་དང་བསྟོད་པ་མདོར་བསྡུས་བྱ། གཏོར་མ་གཉིས་པ། མགོན་པོ་ཀུན་གཤེགས་གདན་ལ་བཞུགས། །ཞེས་པ་ནས། ཡིད་ལ་འདོད་པ་ཀུན་འགྲུབ་ཤོག །ཅེས་པའི་བར་ཆ་གསུམ་གྱི་གཞུང་ལྟར་ཕྱོགས་སྐྱོང་ལ་བསྔོས། ཨོཾ་ད་ཤ་དིཀ་ལོ་ཀ་པཱ་ལ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱཧཱ། གཙྪ། ཕྱོགས་སྐྱོང་འཁོར་བཅས་རང་གནས་སུ་གཤེགས་པར་གྱུར། ཅེས་བརྗོད། གཏོར་མ་གསུམ་པ་ནི། རང་གི་ཐུགས་ཀ་ནས་འོད་ཟེར་འཕྲོས། ཀླུའི་རྒྱལ་པོ་འཁོར་དང་བཅས་པ་དང་། ཁྱད་པར་དུ་བདག་ཅག་དཔོན་སློབ་སྦྱིན་བདག་འཁོར་དང་བཅས་པ་ལ་གནོད་པར་བྱེད་པའི་ཀླུའི་རིགས་ཐམས་ཅད་སྤྱན་དྲངས། བཛྲ་ས་མཱ་ཛཿ ཨོཾ་ཀླུ་རྒྱལ་མཐའ་ཡས་ནོར་རྒྱས་བུ། །འཇོག་པོ་དང་ནི་སྟོབས་ཀྱི་རྒྱུ། །པདྨ་པདྨ་ཆེན་པོ་དང། །དུང་སྐྱོང་དང་ནི་རིགས་ལྡན་ནོ། །ལྷ་མོ་ལྷ་མོ་ཆེན་པོ་དང་། །ཟླ་བའི་སྤྱི་གཙུག་སྤྱི་གཙུག་ཆེ། །དབྱུག་འཛིན་དབྱུག་འཛིན་ཆེན་པོ་དང་། །སོག་མ་མེད་དང་ཧུ་ལུནྟ། །དགའ་བོ་དང་ནི་ཉེ་དགའ་བོ། །རྒྱ་མཚོ་རྒྱ་མཚོ་ཆེན་པོ་དང་། །ཚ་བ་ཚ་བ་ཆེན་པོ་དང་། །དཔལ་གྱི་འོད་དང་འོད་པོ་ཆེ། །རིན་ཆེན་འོད་དང་གཟུགས་མཛེས་དང། །གཟུགས་མཛེས་ཆེན་པོ་སྦྲུལ་བཟང་དང་། །ལྟོ་འཕྱེ་ཆེན་པོ་ཚི་

― GTD007_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

ལི་དང་། །ཚི་ལི་ཆེན་པོ་རྣམས་དག་ན། །མཆོད་པའི་གནས་འདིར་གཤེགས་སུ་གསོལ། །ཨོཾ་ཨཱ་གཙྪ་ཨཱ་གཙྪ་མཧཱ་ན་ག་ཨ་དྷི་པ་ཏ་ཡེ་སརྦ་བྷུར་བྷུ་བ་ཕྲུཾ་ཕུ་སྭཱཧཱ། པདྨ་ཀ་མ་ལ་ཡེ་སྟྭཾ། ཨོཾ་མཧཱ་ནཱ་ག་ཨ་དྷི་པ་ཏ་ཡེ་གྲྀཧྣ་དཾ་ཨརྒྷཾ། ནས། ཤཔྟའི་བར་གྱིས་མཆོད། ཨོཾ་ཧི་ལི་ཧི་ལི་མཧཱ་ཧི་ལི་ཕྲུཾ་ཕུ་སྭཱཧཱ། ལན་གསུམ་དང་། ཨོཾ་བྷཀྵ་ཡ་བྷཀྵ་ཡ་ས་མ་ཡ་ཏིཥྛ་ཕྲུཾ་ཕུ་སྭཱཧཱ། ལན་གསུམ་གྱིས་གཏོར་མ་ཕུལ། སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པ་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །ཞེས་བརྗོད་དེ་ཆོས་ཀྱི་སྦྱིན་པ་བྱ། ཀླུ་ཆེན་བརྒྱད་པོ་འཁོར་བཅས་ཀྱིས། །མཆོད་སྦྱིན་གཏོར་མ་འདི་སྣོམས་ལ། །ཞེས་པ་ནས། ཡིད་ལ་འདོད་པ་ཀུན་འགྲུབ་ཤོག །ཅེས་འཕྲིན་ལས་བཅོལ། ཨོཾ་ནཱ་ག་ཨ་དྷི་པ་ཏ་ཡེ་གཙྪ། ཀླུ་རྣམས་དགྱེས་བཞིན་རང་གནས་སུ་གཤེགས་པར་གྱུར། མ་རུངས་པའི་ཀླུ་ལྷག་མ་རྣམས་ཚམ་རྔམས་ཀྱིས་བསྐྲད་པར་བསམ་ལ། ཨོཾ་ག་རུ་ཊ་ཧཾ་ས་ཧེ་ཙ་ལེ་ཙ་ལེ་སྭཱཧཱ། ཞེས་ལན་གཅིག་དང་། བདག་གི་བསམ་པའི་སྟོབས་དང་ན། །ཞེས་སོགས་ཀྱིས་བདེན་སྟོབས་བརྗོད། སྨོན་ལམ་ནི། བཅོམ་ལྡན་ཀླུ་ཡི་དབང་ཕྱུག་ཐུགས་རྗེའི་མཚོར། །བསྒོམ་བསྒྲུབ་བཟླས་པའི་གྲུ་གཟིངས་ལེགས་སྦྱར་ཏེ། །སྨོན་པའི་བ་དན་དཀར་པོས་བསྐྱོད་པ་ཡིས། །བྱིན་རླབས་ནོར་བུའི་དགའ་སྟོན་ཐོབ་པར་ཤོག །རྨོངས་དང་སྡང་བའི་ལྕེ་གཉིས་གཡོ་བ་ཅན། །ལས་ཀྱིས་འཁོན་གྱུར་གདུག་པའི་གདེངས་ཅན་རྣམས། །བཟོད་དཀའི་ལུས་སེམས་གདུང་བ་རབ་ཞི་ནས། །བྱམས་ལྡན་བདེ་བའི་དགའ་སྟོན་མྱོང་བར་ཤོག །སྟོན་པའི་ཞལ་མཐོང་བསྟན་ལ་དགའ་བའི་ཀླུ། །དགའ་བོ་ཉེ་དགའ་ལ་སོགས་འཁོར་དང་བཅས། །དཔལ་འབྱོར་རྒྱས་

― GTD007_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་ཆོས་ཀྱི་ལམ་གནས་ཏེ། །འཇིག་རྟེན་མཐའ་དག་ཆོས་བཞིན་སྐྱོང་བར་ཤོག །དེ་ཡི་མཐུ་ལས་ནོར་འཛིན་ཡངས་པའི་ཁྱོན། །སྤྱི་དང་ཁྱད་པར་ཡུལ་ཕྱོགས་འདི་རྣམས་སུ། །སད་སེར་ཐན་པ་འབྱུང་འཁྲུག་ནད་ཡམས་སོགས། །ཞི་ཞིང་ཆོས་འབྱོར་དགའ་སྟོན་རྒྱས་པར་ཤོག །ནམ་ཞིག་འདི་སྣང་འགགས་ཚེ་མགོན་ཁྱོད་ཀྱི། །ཞིང་མཆོག་སྦྲང་རྩི་ཅན་དུ་པདྨོ་ལས། །རྫུས་ཏེ་སྐྱེས་ནས་བཅོམ་ལྡན་འཁོར་བཅས་ཀྱི། །ཞལ་བཟང་མིག་གི་བདུད་རྩིར་འགྱུར་བར་ཤོག །དེ་ནས་ཁྱོད་གསུང་བདུད་རྩིའི་བཅུད་མྱང་སྟེ། །ཐུན་མོང་ལམ་གྱི་རིམ་པས་རྒྱུད་སྦྱངས་ནས། །མཚན་བཅས་མཚན་མེད་ལམ་བཟང་རིམ་བགྲོད་དེ། །རིང་པོར་མི་ཐོགས་བྱང་ཆུབ་མཆོག་ཐོབ་ཤོག །བདག་ནི་མངོན་པར་སངས་རྒྱས་ཞིང་དེར་ཡང། །ཕྱི་ནང་ཉེར་འཚེའི་རིགས་རྣམས་མི་འབྱུང་ཞིང། །བདག་གི་མིང་ཙམ་ཡིད་ལ་བྱས་པས་ཀྱང། །མ་ལུས་འགྲོ་བའི་གདུང་བ་སེལ་གྱུར་ཅིག །ཡིག་བརྒྱས་ལྷག་ཆད་བསྐང། གང་ཡང་བདག་བློ་རྨོངས་པ་ཡིས། །ཉེས་བྱས་ཅུང་ཟད་གང་བགྱིས་པ། །གང་ཕྱིར་ལུས་ཅན་སྐྱབས་ཡིན་ཕྱིར། །མགོན་ཁྱོད་དེ་ཀུན་བཟོད་མཛད་རིགས། །མ་རྙེད་ཡོངས་སུ་མ་ཤེས་དང། །གང་ཡང་ནུས་པ་མ་མཆིས་པས། །འདིར་ནི་བྱ་བ་གང་བགྱིས་པ། །དེ་ཀུན་ཁྱེད་ཀྱིས་བཟོད་མཛད་རིགས། །ཨོཾ་ཨཱཿ བཛྲ་མུཿ བདག་བསྐྱེད་ཀྱི་ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་བདག་ཉིད་ལ་ཐིམ་པར་གྱུར། ཕུན་སུམ་ཚོགས་པ་མངའ་བ་གསེར་གྱི་རི་བོ་ཞེས་སོགས་དཀོན་མཆོག་གསུམ་གྱི་ཤིས་བརྗོད་དང་། ཀླུ་རྒྱལ་དགའ་བོ་ཉེ་དགའ་

― GTD007_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

བོ། །ཞེས་སོགས་དང་། འཇིག་རྟེན་བདེ་ཞིང་ལོ་ལེགས་ཞེས་སོགས་བཀྲ་ཤིས་ཀྱིས་མཐའ་བརྒྱན་པར་བྱའོ།། སྨྲས་པ། བསྐུལ་ཚིག་ནོར་རྒྱས་ཀྱིས་བཟུང་བ། །བརྩོན་པའི་རི་བོ་མནྡ་རས། །རྣམ་དཔྱོད་ཆུ་གཏེར་བསྲུབས་པ་ལས། །ལེགས་བཤད་གསར་པའི་ཟླ་བ་ཤར། །མདོ་སྔགས་ཉི་ཟླའི་རྣ་ཆ་དང་། །རིག་གནས་རྒྱུ་སྐར་དོ་ཤལ་ཅན། །སྔོ་བསང་བུ་མོའི་འགྲམ་པ་ལ། །གསར་བཤད་དབང་པོའི་གཞུ་རིས་བཞིན། །རྟོག་གེའི་བློས་བྱས་མ་ཡིན་རྒྱུད་དང་མཐུན། །འོལ་ཚོད་རང་བཟོ་མ་ཡིན་མན་ངག་བཙལ། །ཧ་ཅང་རྒྱས་བསྡུས་མ་ཡིན་འཚམ་པ་ཡི། །སྒྲུབ་ཐབས་འདི་ཀོ་ཀུན་གྱིས་དགའ་སྟོན་མཛོད། །འདིར་འབད་ལས་བྱུང་ལེགས་བྱས་ཀླུང་ཕྲན་ཡང་། །དུས་གསུམ་སྐྱེ་འཕགས་དགེ་བའི་གངྒཱ་དང་། །གཅིག་ཏུ་འདྲེས་ཏེ་ནམ་ཡང་མི་ཟད་པ། །བྱང་ཆུབ་མཆོག་གི་རྒྱ་མཚོར་འཇུག་གྱུར་ཅིག །ཅེས་པ་འདི་ནི་གསོ་བ་རིག་པའི་གནས་ལ་རྣམ་དཔྱོད་མཆོག་ཏུ་ཡངས་པ་དཀོན་མཆོག་བསྟན་དར་གྱིས་གཙོས་བྲག་ལུང་རི་ཁྲོད་པ་སྤྱི་ཚོགས་ནས་བསྐུལ་བ་ལྟར། ༸བཙུན་པ་དཀོན་མཆོག་བསྟན་པའི་སྒྲོན་མེས་དགའ་ལྡན་བཤད་སྒྲུབ་དར་རྒྱས་བཀྲ་ཤིས་ཀུན་ནས་འཁྱིལ་བའི་གླིང་གི་འདུ་ཁང་ཆེན་མོའི་ཡང་རྩེར་བྲིས་པ་འདིས་ཀྱང་སྐྱེ་འགྲོ་ལ་ཕན་ཐོགས་པར་གྱུར་ཅིག། །། སརྦ་མངྒ་ལཾ།།

བཅོམ་ལྡན་འདས་ཀླུའི་དབང་ཕྱུག་རྒྱལ་པོའི་སྒོ་ནས་ཡུལ་ཁྲུས་བྱ་ཚུལ།

― GTD007_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ལྡན་འདས་ཀླུའི་དབང་ཕྱུག་རྒྱལ་པོའི་སྒོ་ནས་ཡུལ་ཁྲུས་བྱ་ཚུལ་ཀླུ་བསང་བཅས་བཞུགས་སོ།།

― GTD007_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་བསྐྱེད་སྤྲིན་གྱི་གདེངས་ཀ་ལས། །བྱིན་རླབས་ཆར་གྱི་རྒྱུན་འབེབས་པས། །ཕན་བདེའི་ལོ་ཏོག་རྒྱས་མཛད་པ། །ཀླུ་ཡི་དབང་ཕྱུག་རྒྱལ་པོར་འདུད། །དེ་ཡང་ཀླུ་དང་ས་བདག་གི་ཉེར་འཚེ་ཞི་བའི་ཕྱིར་བཅོམ་ལྡན་འདས་ཀླུའི་དབང་ཕྱུག་རྒྱལ་པོའི་སྒོ་ནས་ཡུལ་ཁྲུས་བྱ་བར་འདོད་པའི་གང་ཟག་གིས་ཐོག་མར་བདག་བསྐྱེད་དང། འདིའི་སྒོ་ནས་བུམ་ཆུ་སྒྲུབ་ཚུལ་གྱི་ཆོ་ག་སོགས་ལོགས་སུ་བཀོད་ཡོད་པ་བཞིན་ཚད་དང་ལྡན་པར་བྱས་ལ། གཞི་བདག་གཙོ་ཆེ་བ་རྣམས་ཀྱི་གནས་རི་སོགས་མཐོང་བའི་ཕྱོགས་སུ་ཕྱིན་པའམ། ཡང་ན་དེ་དག་གི་མིང་དང་དབྱིབས་གཟུགས་སོགས་རི་མོར་བྲིས་པ་མེ་ལོང་ལ་འཆར་དུ་བཅུག །དེ་དག་གི་ནམ་མཁར་སྤྲིན་གྱི་ཕུང་པོ་ཁ་དོག་སྣ་ལྔ་པ་འཁྲིགས་པ་ལས། ཀླུའི་དབང་ཕྱུག་རྒྱལ་པོའི་ཐུགས་རྗེ་བྱིན་རླབས་ཀྱི་ངོ་བོ་ཆར་གྱི་རྒྱུན་དཔག་ཏུ་མེད་པ་བབས་པས། སྣོད་བཅུད་མཐའ་དག་གི་ཉེར་འཚེའི་རྒུད་པའི་རིགས་མ་ལུས་པ་ལྷག་མེད་དུ་བཀྲུས་པར་བསམས་ལ། ཐོག་མར་བཅོམ་ལྡན་འདས་ཀྱི་གཟུངས་ལན་མང་དུ་བརྗོད། དེ་ནས། བཅོམ་ལྡན་འདས་ཀླུའི་དབང་ཕྱུག་རྒྱལ་པོའི་ཐུགས་རྗེའི་མཐུ་དང་བདེན་པ་ཆེན་པོས་བྱིན་གྱིས་བརླབས་པ་ལ་བརྟེན་ནས། ཡུལ་ཕྱོགས་འདི་ན་གནས་པའི་ལྷ་ཀླུ་གཞི་བདག་ཐམས་ཅད་ཀྱི་ལུས་སེམས་ལ་གནོད་པའི་ཕྱི་ནང་གི་ཉེ་བར་འཚེ་བ་ཐམས་ཅད་ཤཱནྟིཾ་ཀུ་རུ་སྭཱཧཱ། ས་གཉན་བརྐོས་པ། རི་གཉན་རློག་པ། ཤིང་གཉན་བཅད་པ། ཆུ་གཉན་དཀྲུགས་པ་སོགས་ལ་བརྟེན་ནས་བྱུང་བའི་གནོད་པ་དང་འཁོན་ཐམས་ཅད་ཤཱནྟིཾ་ཀུ་རུ་

― GTD007_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

སྭཱཧཱ། མཛེ་གྲིབ་ཡུག་གྲིབ་དམེ་གྲིབ་རོ་གྲིབ་སོགས་གྲིབ་དང་མི་གཙང་བའི་གནོད་པ་ཐམས་ཅད་༝། མཛེ་དང་ཕོལ་མིག །དྲེག་གྲུམ། སྐྱ་རྦབ། གཞོག་སྐམ། ཞྭ་འཐེང་། ཤ་བཀྲ་སོགས་ཤ་རུས་པགས་པར་གནས་པའི་ནད་ཀྱི་རིགས་ཐམས་ཅད་༝། བྱེ་ཚན་དང་མཁའ་ལྡིང་གི་འཇིགས་པ་དྲག་སྔགས་མནན་གཏད་སོགས་ཀྱིས་གདུངས་པ་ཐམས་ཅད་༝། ཡུལ་ལྷ་རྣམས་ལ་གནོད་པའི་རྐྱེན་ལས་བྱུང་བའི་མི་ཕྱུགས་ཀྱི་ནད་ཡམས་མཐའ་དག་ཤཱནྟིཾ་༝། སད་སེར་ཐན་པ་དུས་མ་ཡིན་པའི་རླུང་དང་ཁ་ཆར་ས་གཡོས་སོགས་འབྱུང་བའི་ཁམས་ཀྱི་གནོད་པ་ཐམས་ཅད་༝། གཟའ་དང་རྒྱུ་སྐར་གྱི་གནོད་པ་དང་། རྒྱལ་པོ་དང་ཆོམ་རྐུན་གྱི་གནོད་པ་སོགས་མི་དང་མི་མ་ཡིན་པའི་ཉེ་བར་འཚེ་བ་ཐམས་ཅད་༝། ཕ་རོལ་གྱི་བྱད་ཁ་ཕུར་ཁ་དང་རྨི་ལམ་མཚན་ལྟས་ངན་པ་ཐམས་ཅད་༝། མདོར་ན་ཕྱི་ནང་སྣོད་བཅུད་མཐའ་དག་གི་ཉེ་བར་འཚེ་བ་དང་བཀྲ་མི་ཤིས་པའི་རིགས་ཐམས་ཅད་ཤཱནྟིཾཀུ་རུ་སྭཱཧཱ། ཞེས་ཁྲུས་བྱ། དེ་ནས་སྣོད་གཅིག་ཏུ་ཆུ་ཅུང་ཟད་བླུགས་ལ། རྨ་བྱའི་སྒྲོའི་ཆུན་པོའི་སྟེང་དུ་ཟླ་བ་རྡོ་རྗེ་དང་བཅས་པས་མཚན་པ་ལས་འོད་ཟེར་འཕྲོས། བཀྲུས་པས་མ་དག་པའི་དྲི་མ་ལྷག་མ་རྣམས་བྱབས་ཏེ་མདུན་གྱི་ཆུ་ལ་ཐིམ་པར་བསམས་ཤིང། ཤཱནྟིཾཀུ་རུ་ཞེས་པའི་ཚབ་ཏུ། ཨ་པ་ན་ཡ་ཞེས་པ་སྦྱོར། སངས་རྒྱས་ཀྱི་བདེན་པ་དང། ཆོས་ཀྱི་༝། དགེ་

― GTD007_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

འདུན་གྱི་༝། ཁྱད་པར་དུ་བཅོམ་ལྡན་འདས་ཀླུའི་དབང་ཕྱུག་རྒྱལ་པོའི་ཐུགས་རྗེ་བདེན་པའི་སྟོབས་ཀྱིས་ཡུལ་ཕྱོགས་འདི་ཉིད་ལ་གནོད་ཅིང་འཚེ་བར་བྱེད་པའི་གདོན་བགེགས་ཐམས་ཅད་ཁྲུས་ཆུ་འདིས་ཚིམ་པར་བྱས་ཏེ། གནོད་པ་དང་གདུག་པའི་སེམས་ཞི་ཞིང་། ཕན་པ་དང་ཞི་བའི་སེམས་དང་ལྡན་པས་རང་རང་སོ་སོའི་གནས་སུ་སོངས་ཤིག །སུམ་བྷ་ནིའི་སྔགས་བརྗོད་ཅིང་ཡུངས་ཀར་གྱིས་བྲབ་སྟེ་ཁྲུས་ཆུ་རྒྱང་རིང་དུ་དོར། སངས་རྒྱས་རྣམས་ནི་བདུད་ལས་རྒྱལ། །ཞེས་པ་ནས། བདེན་པ་རྒྱལ་གྱུར་རྫུན་མ་ལགས། །བདེན་པ་དང་བདེན་པ་ཆེན་པོའི་ཚིག་འདི་དག་གིས་ས་ཕྱོགས་ཡུལ་ཁམས་དཀར་ཕྱོགས་སྐྱོང་བའི་ལྷ་ཀླུ་ཐམས་ཅད་ཕྱི་ནང་གི་ཉེར་འཚེའི་གཡུལ་ལས་རྒྱལ་ཏེ། མཐུ་སྟོབས་གཟི་བྱིན་རྒྱས་ཤིང་དེའི་སྟོབས་ཀྱིས་མི་ནོར་ལོངས་སྤྱོད་ཆོས་སྲིད་ཀྱི་དཔལ་འབྱོར་མཐའ་དག་འཕེལ་ཞིང་རྒྱས་ནས་བཀྲ་ཤིས་པར་གྱུར་ཅིག །ཛ་ཡ་ཛ་ཡ་སིདྡྷི་སིདྡྷི། དེ་ནས་གནས་ཐམས་ཅད་དུ་རྡོ་རྗེ་རྒྱ་གྲམ་གྱི་ཚུལ་དུ་རེག་པའི་སྟངས་ཀ་དང་བཅས་གཟུངས་བརྗོད་ཅིང། ཤཱནྟིཾ་ཀུ་རུའི་ཚབ་ཏུ། རཀྵ་རཀྵ་ཞེས་བརྗོད་པས། ཡུལ་ཕྱོགས་མཐའ་དག་སྲུང་བ་རྡོ་རྗེའི་གུར་ཁང་གི་ནང་དུ་ཚུད་པའི་དམིགས་པ་བྱེད། རྒྱལ་བ་སྲས་བཅས་བདེན་པའི་བྱིན་རླབས་དང་། །ཀླུ་ཡི་དབང་ཕྱུག་རྒྱལ་པོའི་མཐུ་སྟོབས་ཀྱིས། །ཡུལ་ཕྱོགས་འདི་ལ་བདག་གིས་བསྲུངས་ཟིན་གྱི། །འདི་ལ་སུས་ཀྱང་གནོད་པ་མ་བྱེད་ཅིག །ཅེས་བརྗོད་ཅིང་། ཆེ་བའི་ཆེ་མཆོག་མ་སོགས་དཀོན་མཆོག་གསུམ་གྱི་ཤིས་པ་བརྗོད་པས་མཐའ་བརྒྱན་པར་བྱའོ། །ཞེས་པ་འདི་ནི་མིར་གན་ཤོག་ནས་དད་བརྩོན་ལྡན་པ་དགེ་སློང་བློ་བཟང་ལྷུན་གྲུབ་ཀྱིས་བསྐུལ་ངོར།

― GTD007_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པ་དགེ་ལེགས་འཕེལ།། །། ༈ མཚན་ཙམ་དྲན་པའི་ག་བུར་གྱིས། །ཀླུ་གདོན་ཚ་བའི་གདུང་སེལ་བ། །ཀླུ་དབང་རྒྱལ་དང་སེང་གེའི་སྒྲར། །བཏུད་ནས་ཀླུ་བསང་ཆོ་ག་བྲ། །དེའང་ཐོག་མ་ཀླུ་སྨན་སྣ་ཚོགས། དུག་རིགས་མ་ཡིན་པའི་ཤིང་སྣ་དུ་མ། དཀར་གསུམ་མངར་གསུམ་སོགས་བསང་དང་གཏོར་མའི་རྫས་གཙང་ཞིང་གྱ་ནོམ་པ་ཤ་ཁྲག་དང་གླ་རྩི་སོགས་ཀྱི་དྲི་མས་མ་སྦགས་པ་ལེགས་པར་བཤམ། སྐྱབས་སེམས་སྔོན་དུ་བཏང་། རང་ཉིད་སྐད་ཅིག་གིས་པད་ཟླ་དང་སེང་གེའི་གདན་གྱི་སྟེང་དུ་འཕགས་མཆོག་སེང་གེའི་སྒྲ་སྐུ་མདོག་དཀར་པོ་ཞལ་གཅིག་ཕྱག་གཉིས། གཡས་པ་པུས་མོའི་སྟེང་དུ་བཙུགས་ཤིང་། གཡོན་པ་གདན་ལ་བརྟེན་པས་སྦྲུལ་གྱིས་དཀྲིས་པའི་ཏྲི་ཤུ་ལ་དང་སྨན་གྱིས་བཀང་བའི་ཐོད་པས་མཚན་པའི་པངྨ་བསྣམས་པ། དཀའ་ཐུབ་ཀྱི་ཆ་ལུགས་ཅན་རྒྱལ་པོ་རོལ་བའི་སྟབས་ཀྱིས་བཞུགས་པར་གྱུར། ཨོཾ་བཛྲ་ཨ་མྲྀ་ཏས་བསངས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ཡོངས་སུ་གྱུར་པ་ལས་མཆོད་གཏོར་དང་བསང་རྫས་རྣམས་མཆོད་ཡུལ་སྤྱི་དང་ཁྱད་པར་ཀླུ་རིགས་འཁོར་བཅས་དགྱེས་པ་སྐྱེད་པའི་མཐུ་དང་ལྡན་པར་གྱུར། ཨོཾ་སརྦ་བིད་པཱུ་ར་པཱུ་ར། སུ་ར་སུ་ར། ཨཱ་ཝ་རྟ་ཡ་ཨཱ་ཝ་རྟ་ཡ། ཧོ་བཛྲ་སྥ་ར་ཎ་ཁཾ། ལན་གསུམ། ཨོཾ་སྭ་བྷཱ་ཝ་བི་ཤུདྡྷེ་དྷརྨཱ་ཏེ་བཛྲ་སིདྡྷི་ཧཱུཾ། ཞེས་པ་ནས། ཨརྠ་སཱ་དྷ་ནེ་སྭཱཧཱ། དེ་བཞིན་གཤེགས་པ་རྒྱལ་བ་རིན་ཆེན་མང་སོགས་བཞིའི་མཚན་བརྗོད། དེ་བཞིན་

― GTD007_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་པ་རྣམས་ཀྱི་ཐུགས་རྗེ་དང་ཆོས་ཀྱི་དབྱིངས་ཀྱི་བདེན་པའི་སྟོབས་ཀྱིས་ཀླུ་རྣམས་མཆོད་སྤྲིན་རྒྱ་མཚོ་འདིས་ཚིམ་ཞིང་དགྱེས་ནས་ཤ་འཁོན་གནོད་པ་ཐམས་ཅད་ཞི་སྟེ་བྱམས་པའི་སེམས་ཀྱིས་ཆོས་དང་ལྡན་པའི་འཕྲིན་ལས་ཚུལ་བཞིན་དུ་སྒྲུབ་པར་གྱུར་ཅིག །བདག་གི་བསམ་པའི་སྟོབས་དང་ན། །ཞེས་པ་ནས། ཐོགས་པ་མེད་པར་འབྱུང་གྱུར་ཅིག །ལྷུན་པོ་རོལ་མཚོ་བདུན་དང་བཅས་པ་ལ། །གནས་བཅས་ཆུ་ཡི་བདག་པོ་ཝ་རུ་ཎ། །དགའ་བོ་ཉེ་དགའ་ཀླུ་ཆེན་བརྒྱད་ལ་སོགས། །འཇིག་རྟེན་སྐྱོང་བའི་ཀླུ་རིགས་ཐམས་ཅད་དང་། །འཛམ་གླིང་གདེངས་ཅན་བདག་པོ་མ་དྲོས་པ། །བྱེ་བྲག་བོད་ཁམས་འདིར་གནས་ཀླུ་ཡི་ཚོགས། །ཁྱད་པར་བདག་ཅག་གནས་ཀྱི་ཡུལ་ཕྱོགས་འདིའ། །མཚོ་དང་ཆུ་ཀླུང་ཆུ་མིག་ལྟེང་ཀ་དང་། །རི་བྲག་ལྗོན་ཤིང་སོགས་ལ་གནས་པ་ཡི། །རིགས་བཞིར་གཏོགས་པའི་ཀླུ་གཉན་མ་ལུས་པ། །ཐོགས་མེད་རྫུ་འཕྲུལ་ཤུགས་ཀྱིས་འདིར་གཤེགས་ཤིག །དཀར་གསུམ་མངར་གསུམ་བཟའ་བཅའ་བཏུང་བ་དང་། །རིན་ཆེན་རྣམ་མང་མཁོ་དགུའི་ཡོ་བྱད་སོགས། །དངོས་བཤམས་ཡིད་སྤྲུལ་མཆོད་པའི་སྤྲིན་ཕུང་འདིས། ཀླུ་རྒྱལ་འཁོར་བཅས་དགྱེས་པ་བསྐྱེད་གྱུར་ཅིག །ཁྱད་པར་བཟང་པོའི་སྨན་སྦྱོར་བརྒྱ་ཕྲག་དང་། །དྲི་ཞིམ་བསུང་ཤིང་སྣ་ཚོགས་དུད་པའི་སྤྲིན། །འཆི་མེད་ལམ་ཀུན་ཡོངས་སུ་ཁྱབ་པ་འདིས། །ཀླུ་དང་ས་བདག་གཉན་པོ་མ་ལུས་བསང། །རྐོ་རློག་ཐབ་གཞོབ་ཤིང་བཅད་ཆུ་བོ་དཀྲུགས། །མཁར་ལས་ཞིང་ས་མཚེར་མལ་ཉེས་པ་དང་། །གཞན་གྱི་མནན་གཏད་ཁྲམ་ལ་བཏབ་པ་སོགས། །གནོད་

― GTD007_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཅི་མཆིས་བསང་གིས་དག་གྱུར་ཅིག །དམེ་འཁོན་ཡུག་གྲིབ་དམར་དང་རོ་གྲིབ་ཀྱིས། །བསྐྱེད་པའི་དོན་སྣོད་ཡན་ལག་པགས་པའི་ནད། །གག་ལྷོག་མཛེ་དང་ཕོལ་མིག་དྲེག་གྲུམ་སོགས། །ཀླུ་ཡི་ནད་ཀུན་བསང་གིས་དག་གྱུར་ཅིག །སྔོན་ཆད་འཁྲུལ་བའི་ནོངས་པ་ཅི་མཆིས་པ། །བསང་མཆོད་དམ་པ་འདི་ཡིས་བྱང་གྱུར་ཏེ། །དེང་ནས་ཀོ་ལོང་ཕྲག་དོག་མ་མཛད་པར། །རྣལ་འབྱོར་ཡོན་མཆོད་ཀུན་གྱི་གྲོགས་མཛོད་ཅིག །མི་དང་ཕྱུགས་ཀྱི་ནད་ཡམས་གོད་ཁ་ཆོད། །སད་སེར་ཐན་པ་འགོང་པོའི་གནོད་པ་བསྲུང་། །སྔགས་ནག་གདུག་པས་རྦད་པའི་གཏད་རྒྱ་ཁྲོལ། །མདོར་ན་ཕྱི་ནང་ཉེར་འཚེ་ཀུན་ལས་སྲུངས། །ཉེས་སྤྱོད་ལྔ་སྤོང་གཏན་གྱི་ཁྲིམས་མནོས་ཏེ། །རྩ་བརྒྱུད་བླ་མའི་སྤྱན་སྔར་ཁས་བླངས་ཤིང་། །ཡི་དམ་དཀྱིལ་འཁོར་གཉན་པོར་དམ་བཅས་བཞིན། །ཆོས་ལྡན་འཕྲིན་ལས་སྒྲུབ་ལ་མ་གཡེལ་ཅིག །མི་ཕྱུགས་ཟས་ནོར་གཡང་གི་མཚོ་བསྐྱིལ་ཏེ། །བདེ་སྐྱིད་དགའ་བའི་པད་ཚལ་བཞད་པའི་དབུས། །ཆོས་འབྱོར་སྦྲང་རྩིས་མྱོས་པའི་རྐང་དྲུག་པ། །གྲགས་སྙན་གླུ་དབྱངས་ལེན་པའི་བཀྲ་ཤིས་སྩོལ། །ཨོཾ་མུཿ ཀླུ་རྣམས་དགྱེས་བཞིན་རང་གནས་སུ་གཤེགས་པར་གྱུར། ཅེས་བརྗོད་ཅིང་བཀྲ་ཤིས་ཀྱིས་མཐའ་བརྒྱན་པར་བྱའོ། །དེ་ནས་གཏོར་མ་དང་འོ་མའི་ཕུད་སོགས་ཆུ་མིག་གམ་ཆུ་ཀླུང་དུ་དོར་བར་བྱ་ཞིང་། སེང་གེའི་སྒྲའི་གཟུངས་སྒྲོགས་པ་དང་། ཀླུ་རྒྱལ་དགའ་བོ་ཉེ་དགའ་བོ། །ཞེས་པ་ནས། གཏན་དུ་བདེ་བ་ཐོབ་པར་ཤོག །ཅེས་སོགས་ཀླུ་རྣམས་དང་རང་གཞན་ལ་ཕན་པའི་དོན་དུ་བསྔོ་སྨོན་གྱིས་རྒྱས་གདབ་

― GTD007_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

བོ། །ཞེས་ཀླུ་བསང་གཏོང་ཚུལ་མདོར་བསྡུས་འདི་ནི་དད་བརྩོན་ལྡན་པ་དཀོན་མཆོག་སྙན་གྲགས་ཀྱིས་བསྐུལ་ངོར༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའ་འོ།། །།

འཕགས་མཆོག་སེང་གེའི་སྒྲའི་མངོན་རྟོགས་བུམ་སྒྲུབ་དང་བཅས་པ།

― GTD007_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་མཆོག་སེང་གེའི་སྒྲའི་མངོན་རྟོགས་བུམ་སྒྲུབ་དང་བཅས་པ་བཞུགས་སོ།།

― GTD007_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱན་རས་གཟིགས་དབང་སེང་གེའི་སྒྲས། །ལག་ལྡན་གདུག་པའི་གདེངས་ཅན་ཚོགས། །བཅོམ་ནས་ལུས་ཅན་ཕན་བདེ་ཡི། །གངས་ཀྱི་རི་བོ་སྐྱོང་བར་མཛོད། །འཕགས་མཆོག་སེང་གེའི་སྒྲའི་སྒོ་ནས་བུམ་སྒྲུབ་བྱ་བར་འདོད་པས་རྟེན་དང་མཆོད་གཏོར་བཤམས། སྐྱབས་སེམས་སྔོན་དུ་བཏང་ལ། ཨ་མྲྀ་ཏས་བསངས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པདྨ་ལ་གནས་པའི་སེང་གེའི་སྟེང་དུ་ཟླ་བའི་དཀྱིལ་འཁོར་དེའི་སྟེང་དུ་རང་གི་སེམས་ཉིད་ཧྲཱིཿ ཡིག་དཀར་པོ། དེ་ལས་འོད་འཕྲོས། དོན་གཉིས་བྱས་འདུས་ཡོངས་སུ་གྱུར་པ་ལས། རང་ཉིད་རྗེ་བཙུན་སེང་གེའི་སྒྲ་སྐུ་མདོག་དཀར་པོ་ཞལ་གཅིག་ཕྱག་གཉིས་པ། གཡས་པའི་སོར་མོ་ལྔ་ཕྲལ་ཏེ་པུས་མོ་གཡས་པ་དཀྲོང་ངེ་བའི་སྟེང་ནས་ཁ་སྦུབ་པའི་ཕྱག་གི་ནང་དུ་གཟིགས་ཤིང་། ཕྱག་གཡོན་པ་གདན་ལ་བརྟེན་པའི་མཐེབ་མཛུབ་ཀྱི་ཞགས་མིག་ནས་པདྨའི་ལྕུག་མ་སྐྱེས་ཏེ་གཉིས་སུ་གྱེས་པའི་རིང་བའི་ངོས་ཀྱི་པངྨའི་སྟེང་དུ་རལ་གྲི་དང་། ཉེ་བའི་ངོས་ཀྱི་པདྨའི་སྟེང་ལ་མེ་ཏོག་དྲི་ཞིམ་པོས་བཀང་བའི་ཐོད་པ་དཀར་པོས་མཚན་པ་བསྣམས་པ། གཡས་ལོགས་སུ་ཟླ་གདན་ལ་བཙུགས་པའི་ཏྲི་ཤུ་ལ་སྦྲུལ་དཀར་པོ་ཁ་ནས་ཁྲག་འཛགས་པས་དཀྲིས་པ། རལ་བའི་ཅོད་པན་དང་རས་སྐུད་དམར་པོའི་ཚངས་སྐུད་དང་། པུས་མོ་གཡོན་པ་ཟླ་བ་ལ་ཅུང་ཟད་མ་འབྱར་བའི་བར་ནས་བཟུང། གཡས་པ་དཀྲོང་ངེ་བའི་

― GTD007_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

ངོས་སུ་དར་དམར་པོའི་སྐུད་པས་པུས་དཀྲིས་བྱས་པའི་སྣེ་གཉིས་གཡས་ངོས་ནས་འཕྱང་བ། སྐུ་ཤ་སྐེམ་པ། གཞོན་ནུ་དཀའ་ཐུབ་བའི་ཆ་ལུགས་ཅན། རྒྱལ་པོ་རོལ་པའི་སྟབས་ཀྱིས་བཞུགས་པ། ཐུགས་ཀར་ཟླ་གདན་ལ་ཧྲཱིཿ ཡིག་གིས་མཚན་པ། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ས་བོན་ལས་འོད་ཟེར་འཕྲོས། བསྒོམས་པ་དང་འདྲ་བའི་ཡེ་ཤེས་པ་དང་དབང་གི་ལྷ་རྣམས་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། དབང་ལྷས་དབང་བསྐུར། འོད་དཔག་མེད་ཀྱིས་དབུ་བརྒྱན་པར་གྱུར། མཆོད་པ། ཨ་མྲྀ་ཏས་བསང་ཞིང་བྱ་རྒྱུད་ལྟར་བྱིན་གྱིས་བརླབས། ཨོཾ་སིདྷ་ནཱ་ད་ཨརྒྷཾ་པྲ་ཏཱིཙྪ་ཡེ་སྭཱཧཱ། ཞེས་སོགས་ཀྱིས་མཆོད། སངས་རྒྱས་ཀུན་གྱིས་རབ་ཏུ་བསྔགས། །ཡོན་ཏན་དམ་པ་ཀུན་བསགས་པ། །སྤྱན་རས་གཟིགས་ཞེས་མཚན་གསོལ་བ། །རྟག་པར་བརྩེ་ལ་ཕྱག་འཚལ་ལོ། །ཞེས་པས་བསྟོད། ཐུགས་ཀར་ས་བོན་གྱི་མཐར་སྔགས་ཕྲེང་གིས་མཚན་པར་བསམ་ནས། ཨོཾ་ཨཱཿ ཧྲཱིཿ སིདྷ་ནཱ་ད་ཧཱུཾ་ཕཊ། ཅེས་ཅི་འགྲུབ་བཟླ། ཡིག་བརྒྱས་ལྷག་ཆད་བསྐང། མཆོད་བསྟོད་སྔར་བཞིན་བྱ། བདག་བསྐྱེད་ཀྱི་ཡེ་ཤེས་པ་རང་བཞིན་གྱི་གནས་སུ་གཤེགས་པར་གྱུར། ༈ བུམ་པ་ཆུ་གཙང་གིས་སུམ་གཉིས་བཀང་བར་བྱ་རྒྱུད་ཀྱི་བུམ་རྫས་བཏབ་ལ་སྟེགས་ལ་བཀོད་དེ་བསངས་སྦྱངས། སྟོང་པའི་ངང་ལས་བཾ་ལས་

― GTD007_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བའི་རིན་པོ་ཆེའི་བུམ་པ་དཀར་པོ་ལྟོ་བ་ཆེ་བ། མགྲིན་པ་ཕྲ་བ། ཁ་གཡེལ་བ། མཆུ་འཕྱང་བ་ལ་སོགས་པའི་མཚན་ཉིད་ཐམས་ཅད་དང་ལྡན་པར་གྱུར། ཨོཾ་ཏཔྟེ་ཏཔྟེ་མཧཱ་ཏཔྟེ་སྭཱཧཱ། ལྷའི་ཆུ་བོ་གངྒཱ་དང་བུམ་པའི་ཆུ་དབྱེར་མི་ཕྱེད་པར་གྱུར། བུམ་པའི་ནང་དུ་པདྨ་ལ་གནས་པའི་སེང་གེའི་སྟེང་དུ་ཟླ་བའི་དཀྱིལ་འཁོར། དེའི་སྟེང་དུ་ཧྲཱིཿ ཡིག་དཀར་པོ། དེ་ལས་འོད་འཕྲོས། དོན་གཉིས་བྱས། འདུས་ཡོངས་སུ་གྱུར་པ་ལས་རྗེ་བཙུན་སེང་གེའི་སྒྲ་སྐུ་མདོག་དཀར་པོ། ཞེས་པ་ནས། མཆོད་པ་བྱིན་རླབས་ཀྱི་བར་གོང་བཞིན་ལ། རྒྱལ་བ་རྒྱ་མཚོ་མ་དང་གོང་གི་མཆོད་སྔགས་སྦྲེལ་ནས་མཆོད་པ་འབུལ། སངས་རྒྱས་ཀུན་གྱིས་༝ཕྱག་འཚལ་ལོ། །སྔོན་དུས་འཇམ་དཔལ་མཆེད་གྱུར་ཚེ། །ཐུགས་བསྐྱེད་སྨོན་ལམ་མཛད་པ་བཞིན། །ནག་ཕྱོགས་ཀླུ་རྣམས་འདུལ་མཛད་པ། །སེང་གེའི་སྒྲ་ལ་ཕྱག་འཚལ་ལོ། །གདུག་པའི་ཀླུ་དང་ས་བདག་གི །ཉེར་འཚེ་ནད་རིམས་སད་སེར་སོགས། །མི་འདོད་རྒུད་པ་ཀུན་ཞི་ཞིང་། །ཆོས་འབྱོར་བདེ་སྐྱིད་འཕེལ་བར་མཛོད། །ཅེས་གསོལ་བ་བཏབ་པས་མདུན་བསྐྱེད་ཀྱི་ཐུགས་ཀའི་སྔགས་ཕྲེང་ལས་འོད་ཟེར་འཕྲོས། ཀླུ་དཀར་ཕྱོགས་པ་རྣམས་ཀྱི་གཟི་བྱིན་ལང་ཚོ་རྒྱས་ཤིང་ནག་པོའི་ཕྱོགས་ཀྱི་བསམ་སྦྱོར་ངན་པ་ཐམས་ཅད་ཞི་བར་བྱས། དེའི་མཐུས་བདག་ཅག་དཔོན་སློབ་བམ། སྦྱིན་པའི་བདག་པོ་རྣམས་ཀྱི་ཕྱི་ནང་གི་ཉེར་འཚེ་ཀླུ་དང་ས་བདག་གི་ནད་རིམས་ལ་སོགས་པ་ཐམས་ཅད་སངས་ཀྱིས་དག །རྒྱལ་བ་སྲས་བཅས་ཀྱི་བྱིན་རླབས་མཐའ་དག་བསྡུས་ཏེ་ཐིམ་པ་ལས་བདུད་རྩིའི་

― GTD007_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་བབས་པས་བུམ་པ་གང་བར་གྱུར་པར་བསམ་ལ་སྔགས་བཟླ་ཞིང་ཡིག་བརྒྱས་ལྷག་ཆད་བསྐང་། གཏོར་མ་བྱིན་གྱིས་བརླབས་ཏེ་མཚན་སྔགས་ལ་བ་ལིང་ཏ་བཏགས་པས་དབུལ། མཆོད་བསྟོད་མདོར་བསྡུས་བྱས་ཏེ། བུམ་པའི་ལྷ་ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་འོད་དུ་ཞུ་ནས་བུམ་པའི་ཆུ་དང་དབྱེར་མི་ཕྱེད་པར་གྱུར། བཀྲུ་བྱབས་བྱེད་ན་སྔགས་དང་ལྷའི་མཚན་བརྗེ་བ་མ་གཏོགས་རྣམ་འཇོམས་བཞིན་བྱས་པས་འཐུས། མཇུག་ཏུ་བསྔོ་སྨོན་དང་བཀྲ་ཤིས་ཀྱིས་བརྒྱན་པར་བྱའོ།། ཞེས་པ་འདི་ནི་དད་བརྩོན་བློ་དང་ལྡན་པ་དགེ་སློང་དཀོན་མཆོག་སྦྱིན་པས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་དགོན་གསར་དགའ་ལྡན་རབ་རྒྱས་གླིང་དུ་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། །།

ཡེ་ཤེས་ཁྱུང་ཁྲའི་སྒྲུབ་ཐབས་ལས་ཚོགས་སོགས།

― GTD007_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་ཁྱུང་ཁྲའི་སྒྲུབ་ཐབས་ལས་ཚོགས་དང་བཅས་པ་བྱིན་རླབས་དགའ་སྟོན་ཞེས་བྱ་བ་དང་། འཇམ་དཔལ་ནཱ་ག་རཀྴའི་བཀྲུ་བྱབས་སྲུང་བ་བཅས་བཞུགས་སོ།།

― GTD007_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་ལྔའི་དུག་ལྔ་དག་པའི་ཁ་དོག་ལྔ། །རླུང་ལྔ་རིགས་ལྔར་འཆར་བའི་ཡི་གེ་ལྔ། །འགྲོ་ལྔ་སྐུ་ལྔར་བསྒྱུར་བའི་ཡེ་ཤེས་ལྔ། །ལྔ་ཕྲག་ལྔ་ལྡན་ལྔ་བདོའི་མགོན་དེར་འདུད། །ཐབས་ཤེས་གཤོག་ཡངས་རྡོ་རྗེའི་ཟློས་གར་གྱིས། །གདོན་གསུམ་མཐར་བྱེད་དཔའ་བོ་ག་རུ་ཊ། །བསྙེན་ཅིང་སྒྲུབ་དང་ལས་སྦྱོར་མདོར་བསྡུས་བཅས། །དམ་པའི་མན་ངག་ཇི་བཞིན་འདིར་འགོད་བྱ། །དེ་ཡང་དུས་ཀྱི་འཁོར་ལོའི་རྒྱུད་ལས། མཁའ་ལྡིང་རྐང་པ་ནས་ནི་སྐེད་མཐར་སེར་པོ་ཡིན་ཏེ་དེ་བཞིན་ལྟེ་བའི་མཚམས་སུ་གངས་དང་མཚུངས། མགྲིན་པའི་བར་དུ་དམར་པོའི་མདོག་དང་འཁྲི་ཤིང་ལྟ་བུའི་སྨིན་མའི་བར་ཉིད་སྤྲིན་ནག་དང་མཚུངས་སོ། །དེ་ནི་ངེས་པར་སྣ་ཚོགས་མདོག་སྟེ་གདེངས་ཀའི་རིགས་དང་ལྡན་པ་དེ་ཉིད་ལྔ་ཡིས་རྒྱས་བཏབ་པ། ཕྱག་རྒྱ་དེ་ཉིད་བསྒོམས་པས་གདེངས་ཀའི་དུག་དང་འབྱུང་པོའི་ནད་ལ་སོགས་པ་ངེས་པར་འཇོམས་པར་བྱེད། ཅེས་སོགས་ཀྱིས་ལྷའི་རྣལ་འབྱོར་བསྒོམ་བཟླས་ཕན་ཡོན་དང་བཅས་པ་གསལ་བར་བསྟན་པའི་ཡེ་ཤེས་ཁྱུང་ཁྲ་སྒྲུབ་པར་འདོད་པའི་གང་ཟག་གིས་སྐྱབས་སེམས་སྔོན་དུ་བཏང་། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པད་ཉི་ཟླ་སྒྲ་གཅན་དང་བཅས་པའི་སྟེང་དུ་ཀླུ་རྒྱལ་སོག་མ་མེད་པ་གན་རྒྱལ་དུ་བསྒྱེལ་བའི་གདན་ལ་རང་སེམས་ཡི་གེ་ཁྲོཾ་ལྗང་གུ་དེ་ལས་འོད་འཕྲོས། འཕགས་པ་མཆོད། སེམས་ཅན་རྣམས་ཀྱི་བརྟན་གཡོའི་དུག་གི་གནོད་པ་སྦྱངས་ཏེ་དུས་ཀྱི་འཁོར་

― GTD007_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

ལོའི་གོ་འཕང་ལ་བཀོད། ཚུར་འདུས་ཡོངས་སུ་གྱུར་པ་ལས་རང་ཉིད་ཡེ་ཤེས་ཀྱི་ཁྱུང་ཁྲ་བོ་མགྲིན་པ་ནས་པུས་མོའི་བར་མིའི་རྣམ་པ་ལ་རྐང་པ་བྱའི་སྡེར་མོ་ཅན། ཞབས་གཉིས་ཙོག་པུའི་འདུག་སྟངས་ཀྱིས་བཞུགས་པ། བརླ་མན་ཆད་སའི་རང་བཞིན་སེར་པོ་གསེར་བཙོ་མ་ལྟ་བུ། ལྟོ་བ་ཆུའི་རང་བཞིན་གངས་རི་ལྟར་དཀར་བ། སྟོད་མེའི་རང་བཞིན་དམར་པོ། མགོ་བོ་རླུང་གི་རང་བཞིན་སོལ་མདོག་ལྟར་ཤིན་ཏུ་གནག་པ། གཤོག་པ་དང་སྤྱི་བོ་ནམ་མཁའི་རང་བཞིན་ཁ་དོག་སྣ་ཚོགས་པ། རྭ་གཉིས་ཀྱི་དབུས་ན་ཀླུའི་རྒྱལ་པོ་ལས་ཕྲོགས་པའི་ཡིད་བཞིན་གྱི་ནོར་བུས་བརྒྱན་པ། ཕྱག་གཡས་སྐྱབས་སྦྱིན་གྱི་ཕྱག་རྒྱས་ཀླུ་དཀར་ཕྱོགས་ལ་དགའ་བ་རྣམས་རྗེས་སུ་འཛིན་ཅིང། གཡོན་ཁྲོ་བོའི་སྡིགས་མཛུབ་ཀྱིས་ནག་ཕྱོགས་ལ་དགའ་བ་རྣམས་ཚར་གཅོད་པ། གནམ་ལྕགས་ཀྱི་མཆུ་སྡེར་ཤིན་ཏུ་རྣོ་ཞིང་མི་བཟད་པའི་ངར་དང་ལྡན་པ། ཕྲག་གོང་གཡས་གཡོན་ན་ཉི་མ་དང་ཟླ་བའི་དཀྱིལ་འཁོར་འཆར་བ། སྐུ་ལས་སྤྲུལ་བའི་ཁྱུང་དུ་མ་ཕྱོགས་བཅུར་སྤྲོས་པས་ས་བདག་ཀླུ་གཉན་ཐམས་ཅད་བརྒྱལ་ཞིང་སྔངས་པར་བྱེད་པ། སྤྲིན་སྣ་ཚོགས་ཀྱི་ཕུང་པོ་ལ་རྒྱབ་བརྟེན་པ། དེའི་མགྲིན་པར་པདྨ་འདབ་མ་བཞི་པའི་དབུས་སུ་སངས་རྒྱས་རིགས་ཀྱི་ཁྱུང་དཀར་པོ་གཡས་འཁོར་ལོ། ཤར་དུ་རྡོ་རྗེའི་རིགས་ཀྱི་ཁྱུང་སྔོན་པོ་གཡས་

― GTD007_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ། ལྷོར་རིན་པོ་ཆེའི་རིགས་ཀྱི་ཁྱུང་སེར་པོ་གཡས་རིན་པོ་ཆེ། ནུབ་ཏུ་པདྨའི་རིགས་ཀྱི་ཁྱུང་དམར་པོ་གཡས་པདྨ། བྱང་དུ་ལས་ཀྱི་རིགས་ཀྱི་ཁྱུང་ལྗང་གུ་གཡས་རལ་གྲི་འཛིན་ཅིང། གཡོན་ཐམས་ཅད་རང་རང་གི་སྐུ་མདོག་དང་མཚུངས་པའི་གདུག་པའི་སྦྲུལ་དུ་མ་བཟུང་ནས་ཁྱུར་མིད་བྱེད་པ། ཐུགས་ཀར་པདྨ་འདབ་མ་བཞི་པའི་དབུས་སུ་ཨོཾ་དཀར་པོ། ཤར་དུ་བ་སྔོན་པོ། ལྷོར་ཀྵིཾ་སེར་པོ། ནུབ་ཏུ་སྭཱ་དམར་པོ། བྱང་དུ་ཧཱ་ལྗང་གུ། རང་གི་སྤྱི་བོར་ཨོཾ་དཀར་པོ། མགྲིན་པར་ཨཱཿ དམར་པོ། ཐུགས་ཀར་ཧཱུཾ་སྔོན་པོ། ཐུགས་ཀའི་ཧཱུཾ་ལས་འོད་ཟེར་འཕྲོས། བསྒོམས་པ་དང་འདྲ་བའི་ཡེ་ཤེས་པ་དབང་ལྷ་དང་བཅས་པ་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། དབང་ལྷས་དབང་བསྐུར། རྡོ་རྗེ་སེམས་དཔས་དབུ་བརྒྱན་པར་གྱུར། མཆོད་པ་ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་མཆོད་རྫས་རྣམས་དྭངས་ཤིང་ཐོགས་པ་མེད་པ་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པར་གྱུར། ཨོཾ་ཨཱཿ ཧཱུཾ། ལན་གསུམ། ཨོཾ་བཛྲ་ག་རུ་ཊ་ཨརྒྷཾ་པྲ་ཏཱིཙྪ་ཧཱུཾ་སྭཱཧཱ། དེ་བཞིན་དུ་ཤཔྟའི་བར་གྱིས་མཆོད། བསྟོད་པ་ནི། དཔལ་ལྡན་དང་པོའི་སངས་རྒྱས་སྒྱུ་འཕྲུལ་གར། །བརྟན་གཡོའི་བི་ཥ་མ་ལུས་འཇོམས་མཛད་ཅིང་། །སྒྲུབ་པ་པོ་ལ་མཆོག་ཐུན་དངོས་གྲུབ་སྩོལ། །རྡོ་རྗེ་མཁའ་ལྡིང་དབང་པོར་ཕྱག་འཚལ་ལོ། །ཞེས་པའམ། ཡང་ན། འབྱུང་བ་ལྔ་ཡི་ཁ་དོག་སྣ་ཚོགས་འབར། །ཉོན་མོངས་དུག་ལྔ་འཇོམས་པའི་སྒྲ་ཆེན་སྒྲོགས། །ཡེ་ཤེས་ལྔ་ལྡན་མཁའ་ལྡིང་དབང་པོ་ལ། །

― GTD007_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

ཡན་ལག་ལྔ་ཡིས་བཏུད་དེ་ཕྱག་འཚལ་ལོ། །ཡེ་ཤེས་ཁྱུང་ལྔའི་མཆུ་སྡེར་འཇིགས་རུང་དང་། །ཡི་གེ་ལྔ་ཡི་འོད་ཟེར་སྤྲོ་བསྡུ་ཡིས། །འབྱུང་བ་ལྔ་ལས་གྱུར་པའི་དུག་རྣམས་དང་། །ཀླུ་རིགས་ལྔ་ཡི་དུག་རྣམས་ཞི་བར་མཛོད། །ཅེས་བསྟོད། དེ་ནས་བཟླས་པ་བྱ་བ་ནི། མགྲིན་པའི་ཁྱུང་ལྔ་ལས་རང་འདྲ་ཁ་བ་བུ་ཡུག་འཚུབ་པ་ལྟ་བུ་དཔག་ཏུ་མེད་པ་དང། སྙིང་གའི་ཡི་གེ་ལྔ་ལས་འོད་ཟེར་སྣ་ལྔའི་ཚོགས་དཔག་ཏུ་མེད་པ་འཕྲོས། རྒྱུ་བ་དང་མི་རྒྱུ་བའི་དུག་ཐམས་ཅད་དང་། ཀླུ་དང་ས་བདག་གི་གནོད་པ་ཐམས་ཅད་བཅོམ། རྒྱལ་བ་སྲས་དང་བཅས་པའི་མཐུ་སྟོབས་ནུས་པ་ཐམས་ཅད་བསྡུས་ཏེ་ཐིམ་པར་བསམས་ལ། ཨོཾ་པ་ཀྵིཾ་སྭཱཧཱ། ཞེས་དཔའ་བོ་འབྲུ་ལྔའི་བསྙེན་པ་བྱ། ཡིག་བརྒྱས་ལྷག་ཆད་བསྐང། གཏོར་མ་བསངས་སྦྱངས། སྟོང་པའི་ངང་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་བྱུང་བའི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿ ཧཱུཾ། ལན་གསུམ། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས། ཡེ་ཤེས་པ་སྤྱན་དྲངས་ཏེ་མདུན་གྱི་ནམ་མཁར་བཞུགས་པར་བསམ། མཆོད་པས་མཆོད། ལྷའི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་དྲངས་ཏེ་གསོལ་བར་གྱུར། ཨོཾ་ག་རུ་ཊ་ས་པ་རི་ཝཱ་ར་ཨི་དཾ་བ་ལིཾ་ཏ་པྲ་ཏཱིཙྪ་ཧཱུཾ་སྭཱཧཱ། ཞེས་ཕུལ། གོང་བཞིན་མཆོད་བསྟོད་བྱ། སྐབས་འདིར་གཞི་བདག་ལ་གཏོར་མ་བསྔོ་བར་འདོད་ན། ཨ་ཀཱ་རོས་བསྔོ། རྒྱུན་དུ་ངག་འདོན་བྱས་ཚེ་གཏོར་མ་འབུལ་བ་སོགས་མ་བྱས་ནའང་ཆོག་མོད་ཀྱི། འདི་ནི་བསྙེན་པའི་དབང་དུ་བྱས་སོ། །འདིའི་སྒོ་ནས་

― GTD007_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲུས་སོགས་བྱེད་ན། བུམ་པ་བསངས་སྦྱངས། སྟོང་པའི་ངང་ལས་བཾ་ལས་རིན་པོ་ཆེའི་བུམ་པ། ཞེས་པ་ནས། དབྱེར་མི་ཕྱེད་པར་གྱུར། བུམ་པའི་ནང་དུ་པད་ཉི་ཟླ་བ་སྒྲ་གཅན་དང་བཅས་པའི་སྟེང་དུ་ཀླུ་རྒྱལ་སོག་མ་མེད་པ་གན་རྒྱལ་དུ་བསྒྱེལ་བའི་གདན་ལ་ཡི་གེ་ཁྲོཾ་ལྗང་གུ། ཞེས་པ་ནས། རྡོ་རྗེ་སེམས་དཔས་དབུ་བརྒྱན་པར་གྱུར། ཅེས་པའི་བར་རང་སྒྲ་དོར་བ་མ་གཏོགས་གོང་བཞིན་བྱ། བུམ་པའི་མཆོད་པ་བྱིན་གྱིས་བརླབས་ཤིང་འབུལ་ཏེ་བསྟོད་པས་བསྟོད། བུམ་པའི་ལྷའི་ཐུགས་ཀའི་སྔགས་ཕྲེང་ལས་འོད་ཟེར་འཕྲོས། བདག་ཅག་དཔོན་སློབ་ཡོན་མཆོད་དང་བཅས་པ་ལ་གནོད་པའི་བརྟན་གཡོའི་དུག་གི་འཚེ་བ་ཐམས་ཅད་དང། དཀར་ཕྱོགས་ལ་དགའ་བའི་ཀླུ་རྣམས་ཀྱི་གདུང་བ་མཐའ་དག་སྦྱངས། ནག་པོའི་ཕྱོགས་སུ་གྱུར་པའི་ཀླུ་རིགས་ཐམས་ཅད་ཚར་བཅད། རྒྱལ་བ་སྲས་བཅས་ཀྱི་བྱིན་རླབས་མ་ལུས་པ་བསྡུས་ཏེ་སྔགས་ཕྲེང་ལ་ཐིམ། སྐུའི་ཆ་དང་ཐུགས་ཀའི་སྔགས་ཕྲེང་ལས་བདུད་རྩིའི་རྒྱུན་བབས་པས་བུམ་པ་གང་བར་བསམས་ལ་བཟླས་པ་བྱ། ཡིག་བརྒྱ་བཟླས་ཏེ་མཆོད་བསྟོད་མདོར་བསྡུས་བྱས་ལ། བུམ་པའི་ལྷ་ཡེ་ཤེས་པ་རང་བཞིན་གྱི་གནས་སུ་གཤེགས་དམ་ཚིག་པ་འོད་དུ་ཞུ་ནས་བུམ་པའི་ཆུ་དང་དབྱེར་མི་ཕྱེད་པར་གྱུར། གཞན་ལ་ཁྲུས་བྱེད་ན། ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡི། །དེ་བཞིན་བདག་གིས་ཁྲུས་བགྱིའོ། །སྔགས་ལན་བདུན་བཟླས་ལ། བཅོམ་ལྡན་འདས་ཡེ་ཤེས་ཁྱུང་ཁྲའི་ལྷ་ཚོགས་འཁོར་དང་བཅས་པའི་ཐུགས་རྗེའི་བདེན་པ་ཆེན་པོའི་མཐུ་ལ་བརྟེན་ནས་རྡོ་རྗེ་

― GTD007_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

སློབ་མ་འདི་རྣམས་ཀྱི་ལུས་ངག་ཡིད་གསུམ་ལ་གནོད་ཅིང་འཚེ་བར་བྱེད་པའི་ནད་ཐམས་ཅད་ཤཱནྟིཾ་ཀུ་རུ་སྭཱཧཱ། རིམས་ཐམས་ཅད་ཤཱནྟིཾ་༝། གདོན་ཐམས་ཅད་༝། བགེགས་ཐམས་ཅད་༝། གྲིབ་ཐམས་ཅད་༝། བྱད་ཐམས་ཅད་༝། བྱུར་ཐམས་ཅད་༝། སྐལ་བ་ངན་པ་ཐམས་ཅད་༝། ལྟས་ངན་པ་ཐམས་ཅད་༝། རྨི་ལམ་ངན་པ་ཐམས་ཅད་༝། མཚན་མ་ངན་པ་ཐམས་ཅད་༝། བཀྲ་མི་ཤིས་པ་ཐམས་ཅད་༝། བརྟན་པ་དང་གཡོ་བའི་དུག་ཐམས་ཅད་༝། གདུག་པའི་ས་བདག་གི་གནོད་པ་ཐམས་ཅད་༝། མ་རུང་བའི་ཀླུ་གཉན་གྱི་འཚེ་བ་ཐམས་ཅད་༝། གཟའ་དང་རྒྱུ་སྐར་གྱི་གནོད་པ་ཐམས་ཅད་༝། མདོར་ན་ལུས་ངག་ཡིད་གསུམ་ལ་གནོད་པའི་ཕྱི་ནང་གི་འགལ་རྐྱེན་བར་ཆད་ཐམས་ཅད་ཤཱནྟིཾ་ཀུ་རུ་སྭཱཧཱ། ཞེས་ཁྲུས་བྱེད། ཡང་སྔགས་བཟླས་ལ་ཤཱནྟིཾ་ཀུ་རུའི་ཚབ་ཏུ། ཨ་པ་ན་ཡ་སྭཱཧཱ། ཞེས་པ་བཏགས་ལ་ཀུ་ཤས་བྱབས། སངས་རྒྱས་ཀྱི་བདེན་པ་དང་། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། ཁྱད་པར་དུ་བཅོམ་ལྡན་འདས་ཡེ་ཤེས་ཁྱུང་ཁྲའི་ལྷ་ཚོགས་འཁོར་དང་བཅས་པ་རྣམས་ཀྱི་བདེན་པ་དང། བདེན་པའི་བྱིན་རླབས་ཀྱིས་ཆེ་གེ་མོ་ལ་གནོད་ཅིང་འཚེ་བར་བྱེད་པའི་གདོན་བགེགས་ཐམས་ཅད་ཁྲུས་ཆུ་འདིས་ཚིམ་པར་གྱིས་ལ། གནོད་པ་དང་གདུག་པའི་སེམས་ཞི་ཞིང་། ཕན་པ་དང་ཞི་བའི་སེམས་དང་ལྡན་པས་རང་རང་སོ་སོའི་གནས་སུ་སོངས་ཤིག །སུམྦྷ་ནིའི་སྔགས་བརྗོད་ཅིང་ཁྲུས་ཆུ་རྒྱང་དུ་དོར། སངས་རྒྱས་རྣམས་ནི་

― GTD007_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་ལས་རྒྱལ། །ཞེས་པ་ནས། སིདྡྷི་སིདྡྷི། གོང་གི་ཤཱནྟིཾ་ཀུ་རུའི་ཚབ་ཏུ། རཀྵ་རཀྵ་བཅུག་པས་སྲུང་བ་བྱ། རྒྱལ་བ་སྲས་བཅས་བདེན་པའི་བྱིན་རླབས་དང། །རྡོ་རྗེ་མཁའ་ལྡིང་དབང་པོའི་མཐུ་སྟོབས་ཀྱིས། །འགྲོ་བ་འདི་ཀུན་བདག་གིས་བསྲུངས་ཟིན་གྱི། །འདི་ལ་སུས་ཀྱང་གནོད་པ་མ་བྱེད་ཅིག །ཅེས་བརྗོད། ༈ ཡང་གག་ལྷོག་རྨ་དང་སྐྲང་བ་སོགས་ལ་སྔགས་ཆུ་གདབ་དགོས་པ་བྱུང་ན། ཐོག་མར་བུམ་པ་ལེགས་པར་བསྒྲུབས་ཏེ། རང་ཁྱུང་དུ་གསལ་བའི་སྡེར་མོས་བྲུས། ལྕགས་ཀྱི་མཆུས་ཏོག་ཏོག་བླངས་ནས་ཟོས་པར་བསྒོམས་ལ། སྔགས་བཏབ་པས་སྐྲང་བ་སོགས་མར་ལ་ཆུ་སྐོལ་བཏབ་པ་བཞིན་བསམས་ལ། ནད་དམིགས་གང་ཡོད་སར་མཆིལ་མ་གདབ་ཅིང། སྔགས་ཆུ་འཐུང་དུ་གཞུག །༈ ཡང་ཐོག་མར་བསྙེན་པ་འབུམ་ཕྲག་ལྔ་ལ་སོགས་པ་སྔོན་དུ་བཏང་སྟེ། ལས་སྦྱོར་གྱི་ཚེ་རང་གི་ལག་པའི་མཐིལ་དུ་བོང་ང་བཞག་ལ། ལག་པ་གཡས་ཀྱི་མཐེ་བོང་ལ་ཨོཾ། མཛུབ་མོ་ལ་པ། གུང་མོལ་ཀྵིཾ། སྲིན་མཛུབ་ལ་སྭཱ། མཐེའུ་ཆུང་ལ་ཧཱ། དེ་རྣམས་ཁ་དོག་དཀར་པོ་ལས་བདུད་རྩི་དཀར་པོ་བྱུང་ནས་བོང་ང་ལ་ཐིམ་པས། བོང་ང་བདུད་རྩིར་གྱུར་པར་བསམ་ཤིང་། སྔགས་སྟོང་ལ་སོགས་པ་བཟླས་ཏེ། ཐོག་མར་ནས་ཙམ་ནས་རིམ་གྱིས་ཇེ་ཆེར་བཏང་སྟེ་རྟག་ཏུ་ཟོས་པས་བཅུད་ལེན་དུ་འགྱུར་ཞིང་། གཞན་ལ་བྱིན་ནའང་གྲང་བ་དང་། སྙིང་རླུང་དང་། ཚད་པ་ལ་སོགས་པའི་ནད་ཞི་བར་འགྱུར་རོ། །གཞན་ཡང་ལྷོག་པ། སྦྲུལ། སྡིག་པ། སྲེ་མོང་ཁྱི་སྨྱོན་ལ་སོགས་པ་དུག་ཅན་རྣམས་ཀྱིས་སོ་

― GTD007_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

བཏབ་པ་རྣམས་ཀྱང་དུག་གི་རིགས་ཡིན་ཏེ། དེ་རྣམས་ལ་ཡི་གེ་བཀོད་པའི་ལག་པས་བྱབས་པ་དང། སྔགས་བཟླས་པའི་མཆིལ་མ་གདབ་པ་དང་། སྔགས་ཆུ་བླུད་ན་དེ་དག་གི་དུག་ནད་ཐམས་ཅད་ཞི་བར་འགྱུར་རོ། ༈ །ཡང་བོང་ང་ཆ་གཅིག །གུ་གུལ་ཆ་གཉིས། ཨ་རུ་གསེར་མདོག་ཆ་གསུམ་རྣམས་སྦྱར་བས་རིལ་བུ་ཡུངས་འབྲུ་ཙམ་བྱས་ཏེ། གསུམ། བདུན། བཅུ་གཅིག་རྣམས་བཏང་ན་གཉན་ཚད་ཀྱི་ནད་ལས་གྲོལ་བར་འགྱུར་རོ། ༈ །ཡང་རང་གི་ལག་པའི་སོར་མོ་ལྔ་ལ་ཁྱུང་ལྔ་དང་ཡི་གེ་ལྔ་བསམས་ཏེ། རང་ངམ་གཞན་གྱི་ན་བའི་སར་བྱབས་ནས་ཁྱུང་རྣམས་ཀྱིས་འདྲེ་གདོན་ཐམས་ཅད་ཟོས། སྔགས་ཀྱི་ནུས་པས་ནད་ལ་སོགས་པ་བསྲེགས། ཡིག་འབྲུ་རྣམས་ལས་བདུད་རྩིའི་རྒྱུན་བབས་པས་ནད་པའི་ལུས་བཀྲུས་པར་བསམ་ལ་སྔགས་བཟླས་ཏེ་སྔགས་ཆུ་ཁོང་དུ་བཏང་བར་བྱའོ། ༈ །ཡང་རང་ཉིད་ཁྱུང་དུ་གསལ་བའི་སོར་མོ་ལྔ་ཁྱུང་ལྔར་བསམས་ལ། ཟས་གང་ཡིན་དེར་རེག་པས་བདུད་རྩིར་གྱུར་པར་མོས་ན་ཟས་དུག་སོགས་སུ་མི་འགྱུར་བས་ཕན་ཡོན་ཤིན་ཏུ་ཆེ། ༈ ཡང་སྨན་ཆེན༡། ཨ་རུ༣་ར། ཤུ་དག་ནག༢་པོ། རུ་རྟ། གླ་རྩི་རྣམས་དྲི་ཐོན་ཙམ་ཞིབ་པར་བཏགས། དགེ་སློང་ངམ། བྱིས་པ་ལོ་བརྒྱད་པའམ། ཡང་ན་གུ་གུལ་གྱི་ཆུས་སྦྱར། འདམ་འཐག་ཡུན་རིང་དུ་བྱས་པའི་རིལ་བུ་གང་འགྲུབ་བྱས་ཏེ་ཐོད་པ་ལ་སོགས་པའི་སྣོད་དུ་བཅུག་ན་བཟའ་གསོལ་ཏེ་རང་གི་མདུན་དུ་

― GTD007_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་ལ། རང་དང་སྨན་རྣམས་ཀྵིཾ་ལས་ཁྱུང་དམ་ཚིག་པར་བསྐྱེད། ཡེ་ཤེས་པ་བསྟིམ། པཱུ་ཛས་མཆོད། བསྟོད་པས་བསྟོད། སྔགས་བཟླས་པའི་འོད་ཟེར་གྱིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་དང་། བརྟན་གཡོའི་བཅུད་ཐམས་ཅད་བསྡུས་ནས་ཡེ་ཤེས་པ་ལ་ཐིམ་པར་བསམ་མོ། །བཟླས་པའི་མཐར་ཁྱུང་འོད་དུ་ཞུ་ནས་རིལ་བུ་ལ་ཐིམ་པས། རིལ་བུ་རྣམས་ནུས་མཐུ་ཕུན་སུམ་ཚོགས་པར་གྱུར་པར་བསམས། དེ་ལྟ་བུ་ཞག་བདུན་ལ་སོགས་པར་བསྒྲུབས་ནས། རིལ་བུ་སེར་བུས་མ་ཁྱེར་བ་བྱས་ཏེ། ནད་གདོན་སོགས་གང་ལའང་ཕྱོགས་མེད་དུ་བཏང་བས་སྤྱི་འཇོམས་ཀྱི་གཉེན་པོ་མཆོག་ཏུ་འགྱུར་རོ། །རིལ་བུའི་སྦྱོར་སྡེབ་རྒྱས་པར་བྱེད་ན་རྒྱལ་པོ་ཁྱུང་ལྔ། བློན་པོ་གྲོས་བྱེད་ལྔ། འཁོར་གོ་ཆ་ལྔ། འབངས་མཚོན་ཐོགས་ལྔ་རྣམས་མན་ངག་བཞིན་སྦྱར་ཏེ། ན་ཚོད་དང་བསྟུན་པའི་གཏོང་ཚུལ་སོགས་གཞན་དུ་ཤེས་པར་བྱའོ། ༈ །སྲུང་སྐུད་སོགས་འདོགས་ན། སྲུང་སྐུད་ཁ་དོག་སྣ་ལྔ་པ་ལ་མདུད་པ་ལྔ་བྱས། ནང་དུ་ཁྱུང་རིགས་ལྔ་གསལ་བཏབ་སྟེ། སྔགས་བཟླས་ནས་བྱིན་པས་ཕན་ནོ། ༈ །ཡང་སེར་བ་བཟློག་ན། བདག་བསྐྱེད་བཟླས་པ་དང་བཅས་པ་གནད་དུ་འགྲོ་ངེས་བྱས་ཏེ། རང་གི་སྙིང་ག་ནས་ཁྱུང་གི་ཚོགས་ནམ་མཁའ་གང་བ་སྤྲོས། སེར་བ་གཞན་དུ་བདས་ཤིང། ཁྱུང་རྣམས་ལས་མེ་འབར་བས་སེར་བ་ལྷག་མེད་དུ་ཆུར་ཞུ་བར་བསམས་ནས་ཕུས་བཏབ་པས་ཕན་ནོ། ༈ །འདི་དག་ནི་ཉེ་བར་མཁོ་བའི་མན་ངག་ལག་

― GTD007_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་བླངས་བདེ་བ་ཐོར་བུ་ཙམ་བཀོད་པ་ཡིན་གྱི། ལས་སྦྱོར་རྒྱས་པ་བྱ་ཁྱི་གནམ་གསུམ་གྱི་བཅོས་པ་ཞེས། བྱ་མིག་ཏུ་གྲགས་པ་སོགས་བྱིས་པའི་གདོན་བཅོས་པ་དང་། ཁྱི་དུག་གིས་མཚོན་པའི་དུག་ནད་གསོ་བ། སྟེང་གདོན་སྲུང་བ་གསུམ་གྱི་ལག་ལེན་རྒྱ་ཆེ་བ་རྣམས་ནི་སྔགས་འཆང་གཟུངས་ཀྱི་དཔལ་བས་བསྒྲིགས་པ་དང་། དེའི་གསལ་བྱེད་ཕ་ལའི་མིང་ཅན་གྱིས་སྦྱར་བ། ཤར་འབུན་ཅུ་པ་དཔལ་ལྡན་གྲགས་པས་བཀོད་པ་སོགས་ལས་ཤེས་པར་བྱའོ། །སྐུ་མདོག་ཀྱང་སྔོན་གྱི་ཡིག་རྙིང་འགའ་ཞིག་ཏུ། སུམ་མདོ་དམར་པོ། ལྟོ་བ་དཀར་པོ། སྙིང་ག་སེར་པོར་བཤད་པ་དང་། ཡང་ཁ་ཅིག་པུས་མོ་མན་ཆད་སེར་པོ། བརླ་གཉིས་དཀར་པོ། ལྟེ་བ་དམར་པོར་བཤད་ལ། ལ་ལས་མགྲིན་པ་རླུང་གི་རང་བཞིན་ལྗང་གུ །སྤྱི་བོ་ནམ་མཁའི་རང་བཞིན་སྔོན་པོར་བཤད་པ་སོགས་མི་འདྲ་བ་མང་དུ་སྣང་ན་ཡང་། ཀུན་མཁྱེན་བླ་མའི་གསུང་ཉིད་རྒྱུད་དང་མཐུན་པར་སྣང་བས། དེ་ཉིད་གཞིར་བཞག་ཅིང། ལས་ཚོགས་རྣམས་ནི་ཡིག་རྙིང་དུ་མ་ལས་བཏུས་པ་ཡིན་ནོ།། སྨྲས་པ། དཀར་པོའི་ཀླུ་རྣམས་སྐྱོབ་བྱེད་བསིལ་བའི་གདུགས། །ནག་ཕྱོགས་གདེངས་ཅན་གཞོམ་པ་རྡོ་རྗེའི་ཐོག །ཡེ་ཤེས་ལྔ་ལྡན་མཁའ་ལྡིང་དབང་པོ་ཡི། །བསྙེན་སྒྲུབ་མདོར་བསྡུས་བརྗོད་པའི་དགེ་བ་འདིས། །ནམ་མཁའི་མཐས་གཏུགས་འགྲོ་བ་མ་ལུས་པ། །བརྟན་གཡོའི་དུག་གི་གནོད་པ་ལས་གྲོལ་ཏེ། །བདེ་ཆེན་ཡེ་ཤེས་ལྔ་ཡི་
བདག་ཉིད་ཅན། །དུས་ཀྱི་འཁོར་ལོའི་གོ་འཕང་མྱུར་ཐོབ་ཤོག །ཅེས་ཡེ་ཤེས་ཁྱུང་ཁྲའི་སྒྲུབ་ཐབས་ལས་ཚོགས་དང་བཅས་པ་བྱིན་རླབས་དགའ་སྟོན་ཞེས་བྱ་བ་འདི་ནི། ཨ་བ་ག་ཧོ་ཤུའུ་ནས་དད་བརྩོན་ལྡན་པ་དཀའ་བཅུ་དཀོན་མཆོག་བསམ་གཏན་གྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་དགེ་སློང་དཀོན་མཆོག་ཀུན་དགའ་འོ།།

འཇམ་དཔལ་ནཱ་ག་རཀྴའི་སྒོ་ནས་བཀྲུ་བྱབས་སྲུང་གསུམ་བྱ་ཚུལ།

― GTD007_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དཔལ་ནཱ་ག་རཀྴའི་སྒོ་ནས་བཀྲུ་བྱབས་སྲུང་གསུམ་བྱ་ཚུལ་བཞུགས་སོ།། འཇམ་དཔལ་རྒྱལ་བའི་ཡེ་ཤེས་ཆུ་གཏེར་ལས། །སྙིང་རྗེའི་ན་བུན་འཁྲིགས་པ་ཀླུའི་སྲིན་པོ། །འཇིགས་པའི་སྤྲིན་ནག་ཨིག་ཤའི་སྒྲ་བརྒྱ་པ། །བྱིན་རླབས་གྲུ་ཆར་གཡོ་བ་དེ་ཡིས་སྐྱོངས། །དེ་ཡང་འཇམ་དཔལ་ནཱ་ག་རཀྴའི་སྒོ་ནས་བཀྲུ་བྱབས་བྱ་བར་འདོད་པའི་གང་ཟག་གིས་སྐྱབས་སེམས་སྔོན་དུ་བཏང། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་སྦྲུལ་མཐའ་ཡས་པའི་ཚོགས་ལས་གྲུབ་པའི་ཕོ་བྲང་ཆེན་པོ་རིན་པོ་ཆེ་སྣ་ཚོགས་གཅལ་དུ་བཀྲམ་པའི་དབུས་སུ་ས་བདག་ཀླུ་གཉན་ཐམས་ཅད་གན་རྒྱལ་དུ་བསྒྱེལ་བའི་གདན་ལ་ཕཻ་ཡིག་ནག་པོ་ཡོངས་སུ་གྱུར་པ་ལས། རང་ཉིད་བཅོམ་ལྡན་འདས་རིག་པའི་རྒྱལ་པོ་ནཱ་ག་རཀྴ་སྐུ་མདོག་ཧ་ལའི་དུག་ལྟར་གནག་པ་ཞལ་དགུ། ཕྱག་བཅུ་དྲུག་པ། རྩ་ཞལ་སྲིན་པོའི་གདོང་ཅན་ཤིན་ཏུ་ཁྲོས་པ། ཞལ་གདངས་ཤིང་མཆེ་བ་གཙིགས་པ། འཇིགས་སུ་རུང་བའི་སྦྲུལ་མགོ་དགུ་བར་སྣང་ཁམས་སུ་འཕྱོ་བ། སྦྲུལ་མགོ་དབུས་མའི་སྤྱི་བོར་རིན་པོ་ཆེའི་པྲོག་ཞུའི་ནང་དུ་རྒྱལ་བ་མི་བསྐྱོད་པ་བཞུགས་པ། ཕྱག་གཡས་བརྒྱད་ཀྱིས་གྲི་གུག །གཡོན་བརྒྱད་ཀྱིས་སྦྲུལ་ཞགས་འཛིན་པའི་དང་པོ་གཉིས་ཐུགས་ཀར་འཛིངས་སྟབས་སུ་

― GTD007_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

བསྣོལ་བ། སྐུ་སྟོད་སྲིན་པོའི་གཟུགས་ཅན། སྐུ་རྒྱབ་རི་རབ་ལ་བརྟེན་པ། སྐུ་སྨད་སྦྲུལ་མཇུག་རྒྱ་མཚོའི་གཏིང་དུ་འཁྱིལ་བ། ཞལ་ཐམས་ཅད་ནས་ཨིག་ཤའི་སྒྲ་ཆེན་པོ་སྒྲོགས་པས་ས་བདག་ཀླུ་གཉན་ཐམས་ཅད་བརྒྱལ་ཞིང་སྔངས་པར་བྱེད་པ། སྦྲུལ་ནག་པོ་སྟོང་གི་རལ་བ་བསིགས་པ་ལ་སྡོམ་དང་སྡིག་པའི་ཚ་ཚ་འཕྲོ་བ། ཀླུ་ཆེན་པོ་བརྒྱད་ཀྱིས་སྐུ་ལ་བརྒྱན་པ། ཀླུ་རིགས་ཐམས་ཅད་ཟས་སུ་ཟ་བ། ཡེ་ཤེས་ཀྱི་མེ་དཔུང་རབ་ཏུ་འབར་བའི་ཀློང་དཀྱིལ་ན་བཞུགས་པ། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ཧཱུཾ་དེ་དང་ཕཻ་ལས་འོད་ཟེར་འཕྲོས། ཡེ་ཤེས་པ་དང་དབང་ལྷ་འཁོར་བཅས་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། དབང་གི་ལྷས་དབང་བསྐུར། མི་བསྐྱོད་པས་དབུ་བརྒྱན་པར་གྱུར། ཨོཾ་ནཱ་ག་རཀྴ་ས་པ་རི་ཝ་ར་ཨརྒྷཾ་ནས། ཤཔྟའི་བར་གྱིས་མཆོད། མིག་སྨན་ལྷུན་པོ་ལྟ་བུ་བརྗིད་པའི་སྐུ། །གདེངས་ཅན་མཐར་བྱེད་དྲག་སྔགས་བཞད་པའི་གསུང། །མཁྱེན་བརྩེའི་གཏིང་མཐའ་དཔག་པར་དཀའ་བའི་ཐུགས། །འཇམ་དཔལ་ཀླུ་ཡི་སྲིན་པོ་ལ་ཕྱག་འཚལ། །རང་གི་སྙིང་གར་ཕཻ་ཡིག་ནག་པོའི་མཐར་སྔགས་ཕྲེང་གིས་བསྐོར་བ་ལས་འོད་ཟེར་དང་མེའི་ཚ་ཚ་དྲག་པོ་འཕྲོས་པས་གནོད་བྱེད་གདོན་བགེགས་ཐམས་ཅད་ཚར་བཅད་པར་གྱུར་པར་བསམས་ལ། ཨོཾ་ཕཻ་ལཾ་ཧཱུཾ། ཞེས་ཡིག་འབྲུ་བཞི་པ་ཅི་མང་བཟླ་ཞིང་། ནག་པོ་ཏི་པ་ཙ་ནཱ་ག་རཀྴ་ཨོཾ་ཕཻ་ལཾ་ཧཱུཾ། ཞེས་དྲག་སྔགས་ཀྱང་ཅུང་ཟད་བཟླ། མཐར་གོང་བཞིན་མཆོད་བསྟོད་བྱ། དེ་ནས་

― GTD007_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

བུམ་པ་བསངས་སྦྱངས། སྟོང་པའི་ངང་ལས་བཾ་ལས་བྱུང་བའི་རིན་པོ་ཆེའི་བུམ་པ། ཞེས་པ་ནས། དབྱེར་མི་ཕྱེད་པར་གྱུར། བུམ་པའི་ནང་དུ་ས་བདག་ཀླུ་གཉན་ཐམས་ཅད་བསྒྱེལ་བའི་གདན་ལ་ཕཻ་ཡིག་ནག་པོ་ཡོངས་སུ་གྱུར་པ་ལས། བཅོམ་ལྡན་འདས་རིག་པའི་རྒྱལ་པོ་ནཱ་ག་རཀྴ། ཞེས་པ་ནས། སྲིན་པོ་ལ་ཕྱག་འཚལ། །ཞེས་པའི་བར་བདག་བསྐྱེད་བཞིན་ལ། བུམ་པའི་ལྷའི་ཐུགས་ཀར་ཕཻ་ཡིག་ནག་པོའི་མཐར་སྔགས་ཕྲེང་གསལ་བཏབ་སྟེ་བཟླས་པ་བྱ་བ་སོགས་གོང་དང་འདྲ་ལ། མཐར་མཆོད་བསྟོད་བྱས་པའི་མཇུག་ཏུ། བུམ་པའི་ལྷ་ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་འོད་དུ་ཞུ་ནས་བུམ་པའི་ཆུ་དང་དབྱེར་མི་ཕྱེད་པར་གྱུར་པར་བསམས། ཁྲུས་བྱ་བ་ལ་བསྒྲུབ་བྱ་མདུན་དུ་བཞག་སྟེ། ཇི་ལྟར་བལྟམས་པ་ནས་ཁྲུས་བགྱིའོ། །ཡིག་འབྲུ་བཞི་པ་ལན་བདུན་བཟླས་ལ། བཅོམ་ལྡན་འདས་རིག་པའི་རྒྱལ་པོ་ནཱ་ག་རཀྴའི་ཐུགས་རྗེའི་མཐུ་དང་བདེན་པ་ཆེན་པོའི་བྱིན་རླབས་ལ་བརྟེན་ནས་རྡོ་རྗེ་སློབ་མ་འདིས་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་པ་དང་སྒྲིབ་པ་ཐམས་ཅད་ཤཱནྟིཾ་ཀུ་རུ་སྭཱཧཱ། དམེ་གྲིབ་ཡུག་གྲིབ་སོགས་གྲིབ་དང་མི་གཙང་བའི་གནོད་པ་ཐམས་ཅད་ཤཱནྟིཾ་ཀུ་རུ་སྭཱཧཱ། སྟེང་གདོན་གཟའ་དང་རྒྱུ་སྐར་གྱི་གནོད་པ་ཐམས་ཅད་༝། བར་གདོན་བཙན་དང་རྒྱལ་པོའི་གནོད་པ་ཐམས་ཅད་༝། འོག་གདོན་ཀླུ་དང་ས་བདག་གི་གནོད་པ་ཐམས་ཅད་༝། གག་ལྷོག་ཚད་རིམས་སོགས་ཀྱི་ནད་ཐམས་ཅད་༝། ཕ་རོལ་གྱི་བྱད་ཁ་ཕུར་ཁ་ཐམས་ཅད་༝། རྨི་ལམ་མཚན་ལྟས་ངན་པ་ཐམས་ཅད་༝།

― GTD007_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་ཀྱི་ཞགས་པ་ཐམས་ཅད་༝། གཤིན་རྗེའི་ཕོ་ཉ་ཐམས་ཅད་༝། བཀྲ་མི་ཤིས་པ་ཐམས་ཅད་༝། མདོར་ན་ལུས་ངག་ཡིད་གསུམ་ལ་གནོད་པའི་ཕྱི་ནང་གི་ཉེ་བར་འཚེ་བ་ཐམས་ཅད་ཤཱནྟིཾ་ཀུ་རུ་སྭཱཧཱ། དེ་ནས་བུམ་ཆུ་ཁར་འཛིན་དུ་བཅུག་སྟེ། སྔགས་ལན་བདུན་བརྗོད་ལ། ཤཱནྟིཾ་ཀུ་རུའི་ཚབ་ཏུ། ཨ་པ་ན་ཡེ་སྭཱཧཱ། ཞེས་པ་སྦྱར་ཏེ་རྨ་བྱའི་སྒྲོས་བྱབས། ཁ་ནང་གི་ཆུ་སྣོད་དུ་འདོར་བཅུག་ལ། སངས་རྒྱས་ཀྱི་བདེན་པ་དང། ཆོས་ཀྱི་བདེན་པ་དང་། དགེ་འདུན་གྱི་བདེན་པ་དང་། ཁྱད་པར་དུ་བཅོམ་ལྡན་འདས་རིག་པའི་རྒྱལ་པོ་ནཱ་ག་རཀྴའི་ཐུགས་རྗེ་བདེན་པའི་སྟོབས་ཀྱིས་རྡོ་རྗེ་སློབ་མ་འདི་ལ་གནོད་ཅིང་འཚེ་བར་བྱེད་པའི་གདོན་བགེགས་ཐམས་ཅད་ཁྲུས་ཆུ་འདིས་ཚིམ་པར་གྱིས་ལ། གནོད་པ་དང་གདུག་པའི་སེམས་ཞི་ཞིང་། ཕན་པ་དང་ཞི་བའི་སེམས་དང་ལྡན་པས་རང་རང་སོ་སོའི་གནས་སུ་སོངས་ཤིག །སུམ་བྷ་ནིའི་སྔགས་བརྗོད་ཅིང་། ཡུངས་ཀར་གྱིས་བྲབ་སྟེ་ཁྲུས་ཆུ་རྒྱང་རིང་དུ་དོར། སངས་རྒྱས་རྣམས་ནི་བདུད་ལས་རྒྱལ། །ཞེས་པ་ནས། བདེན་པ་རྒྱལ་གྱུར་རྫུན་མ་གྱུར། །བདེན་པ་དང་བདེན་པ་ཆེན་པོའི་ཚིག་འདི་དག་གིས་རྡོ་རྗེ་སློབ་མ་བདུད་དང་མི་མཐུན་པའི་ཕྱོགས་ཐམས་ཅད་ལས་རྒྱལ་ནས་བཀྲ་ཤིས་པར་གྱུར་ཅིག །ཛ་ཡ་ཛ་ཡ། སིདྡྷི་སིདྡྷི། ཕ་ལ་ཕ་ལ་ཧོ། གནས་བདུན་དུ་རྡོ་རྗེ་རྒྱ་གྲམ་གྱི་ཚུལ་དུ་རེག་ལ། ཤཱནྟིཾ་ཀུ་རུའི་ཚབ་ཏུ། རཀྵ་རཀྵ་ཞེས་བརྗོད། རྒྱལ་བ་སྲས་བཅས་བདེན་པའི་བྱིན་རླབས་དང་། །ཁྲོ་རྒྱལ་ནཱ་ག་རཀྴའི་མཐུ་སྟོབས་ཀྱིས། །སློབ་མ་འདི་

― GTD007_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བདག་གིས་བསྲུངས་ཟིན་གྱི། །འདི་ལ་སུས་ཀྱང་གནོད་པ་མ་བྱེད་ཅིག །ཅེས་བརྗོད་ཅིང་། ཆེ་བའི་ཆེ་མཆོག་མ་སོགས་དཀོན་མཆོག་གསུམ་གྱི་ཤིས་པ་བརྗོད་པས་མཐའ་བརྒྱན་པར་བྱའོ།། ཞེས་པ་འདི་ནི་དད་བརྩོན་བློ་དང་ལྡན་པ་རབ་འབྱམས་པ་རྣམ་རྒྱལ་མཁས་མཆོག་གིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ། །། །པྲྀཙྪ།།

བཅོམ་ལྡན་འདས་འོད་ཟེར་ཅན་མའི་བསྙེན་སྒྲུབ་ཁ་སྐོང་ལས་ཚོགས་དང་བཅས་པ།

― GTD007_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ལྡན་འདས་མ་འོད་ཟེར་ཅན་མའི་བསྙེན་སྒྲུབ་ཁ་སྐོང་ལས་ཚོགས་དང་བཅས་པ་བཞུགས་སོ།།

― GTD007_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་ཀུན་རྣམ་པར་སྣང་མཛད་འོད་བརྒྱ་པ། །མི་བཟད་རིམས་ནད་ཉེར་འཚེའི་མུན་འཕྲོག་ཅིང་། །ཆོམ་པོའི་སྲིན་བྱ་ལོང་བར་སྒྲུབ་བྱེད་པའ། །འོད་ཟེར་ཅན་མ་དད་པའི་དབྱིངས་སུ་རོལ། །དམིགས་མེད་ཐུགས་རྗེའི་རོལ་བ་དུས་ཀྱི་ཁམས། །འགོག་མེད་ཞི་ཁྲོ་རབ་འབྱམས་སྤྲུལ་བའི་གར། །སྲིད་པ་ཀུན་ཏུ་རྩེན་མཛད་ལྷག་པའི་ལྷ། །བྱིན་རླབས་མི་ཟད་གཏེར་འདི་བསྒྲུབ་པར་འོས། །དེ་ཕྱིར་བྱིན་རླབས་དབང་གི་བརྒྱུད་ལྡན་ཞིང་། །སྤྱི་དང་བྱེ་བྲག་གདམས་པའི་གནད་མཐོང་སྟེ། །ཉུང་ངུའི་ཚིག་གིས་ལྷ་མཆོག་སྒྲུབ་པའི་ཐབས། །ཚང་ལ་མ་ནོར་དགའ་སྟོན་དེང་འདིར་སྤྲོ།། དེའང་རྣམ་པར་སྣང་མཛད་ཆེན་པོའི་ཡེ་ཤེས་སྒྱུ་མའི་རོལ་བ་ལྷའི་འཁོར་ལོ་སྣ་ཚོགས་སུ་ཤར་བ་ལས། འདིར་ནད་རིམས་གདོན་བགེགས་སོགས་ཀྱི་ཉེར་འཚེ་ཐམས་ཅད་དང་། ཁྱད་པར་དུ་དམག་ཇག་རྐུན་པོ་སོགས་ཀྱི་འཇིགས་པ་མཐའ་དག་སེལ་བ་ལ་བྱིན་རླབས་ཀྱི་ཚན་ཁ་བླ་ལྷག་ཏུ་ཆེ་བ་བཅོམ་ལྡན་འདས་མ་ལྷ་མོ་འོད་ཟེར་ཅན་མའི་བསྒོམ་བཟླས་ཉམས་སུ་ལེན་པར་བྱེད་པ་ལ། འདི་ཉིད་རྒྱུད་སྡེ་གང་གི་ཁོངས་སུ་གཏོགས་པ་ནི། སྤྱིར་རྡོ་རྗེ་དབྱངས་ཅན་མ་ལྟ་བུ་དགྲ་ནག་དང། ཁྱུང་ཁྲ་དུས་འཁོར་གྱི་རྒྱུད་ནས་ཕྱུང་ཡང་བྱ་རྒྱུད་དུ་གཏོགས་པ་སོགས་རྒྱུད་དེ་དང་དེའི་ནང་དུ་ཡོད་པ་ཙམ་གྱིས་དེར་གཏོགས་མི་གཏོགས་པས། འདིའང་རྒྱུད་གཞན་གྱི་ཁོངས་ནས་བསྟན་པ་རེ་གཉིས་ཙམ་འབྱུང་ཡང། འདིའི་རྩ་བའི་རྟོག་པ་སོགས་ནི་འགྲོ་མགོན་འཕགས་པས་རྒྱུད་སྡེའི་ངོས་འཛིན་གྱི་སྐབས་བྱ་རྒྱུད་ལ་ཚན་གསུམ་དུ་

― GTD007_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱེ་ནས་རིགས་ཀྱི་ལྷ་མོའི་གྲངས་སུ་གསུངས། རྒྱུད་སྡེ་སྤྱི་རྣམ་ལས་འདི་དེ་བཞིན་གཤེགས་པའི་རིགས་ཀྱི་ཡུམ་དང་མི་རྒོད་རྣམ་པར་འཇོམས་པ་དེ་བཞིན་གཤེགས་པའི་རིགས་ཀྱི་ཕོ་ཉ་མོར་གསུངས་པ་དེར་ལྷའི་རྣམ་པ་དངོས་སུ་མ་བསྟན་ལ། ཇག་ཆིངས་བྱེད་ལུགས་སོགས་འདི་དང་ཆ་མཚུངས་པས་ཕྱོགས་གཅིག་ཏུ་སྡུད་དགོས་པ་འདྲ་ཞིང་། རྡོར་ཕྲེང་མི་ཏྲ་སོགས་སུའང་འདི་ཉིད་བྱ་བའི་རྒྱུད་དུ་མཛད་དོ། །ལྷ་མཆོག་འདི་ཉིད་ལ་ནང་གསེས་ཀྱི་སྐུའི་རྣམ་པ་དང་སྒྲུབ་ཚུལ་ཐ་དད་པ་མང་དུ་ཡོད་དེ། འོད་ཟེར་ཅན་གྱི་རྟོག་པ་བརྒྱ་ཕྲག་བདུན་པ་ལས། ཡང་ན་བཅོམ་ལྡན་འདས་མ་ནི་ལས་ཀྱི་རྗེས་སུ་འབྲང་བའི་མདོག་ཡིན་ཏེ། ཞེས་སོགས་ཞི་རྒྱས་དབང་དྲག །བསྐྲད་དགུག་དབྱེ་རེངས་སོགས་ལ་ལས་མཐུན་གྱི་ཁ་དོག་སྣ་ཚོགས་དང་། ཕྱག་གཉིས། བཞི། དྲུག །བརྒྱད། བཅུ། བཅུ་གཉིས་མ་སོགས་གོང་འོག་ཏུ་རིགས་སྣ་ཚོགས་པ་ཞིག་འབྱུང། དེ་དག་གི་རྗེས་སུ་འབྲང་སྟེ་སྒྲུབ་ཐབས་བརྒྱ་རྒྱམ་གཉིས་དང་། པ་ཚབ་བརྒྱ་རྩ་རྣམས་སུ་རྗེས་གནང་མི་འདྲ་བའང་དུ་མ་མཛད་དོ། །འོན་ཀྱང་མྱ་ངན་མེད་པའི་ཤིང་གི་འོད་ཟེར་ཅན་མའམ། མྱ་ངན་མེད་པ་ལ་དགའ་བའི་འོད་ཟེར་ཅན་མ་སེར་མོ་ཕྱག་གཉིས་མ་འདི་ནི་དགྲ་བོ་འཆིང་བ་སོགས་ལ་གཙོ་བོར་བསྔགས་ཏེ། སྒྱུ་མའི་འོད་ཟེར་ཅན་འབྱུང་བའི་རྒྱུད་ལས། དེ་ནས་སྦྱོར་བ་གཞན་ནི་འདི་ཡིན་ཏེ། གསེར་མདོག་ཅན་གྱི་ཕག་པ་བསྒོམས་ལ། དེའི་སྟེང་དུ་འོད་ཟེར་ཅན་གོས་དཀར་པོའི་ཤམ་ཐབས་ཅན་བསྒོམ་པར་བྱའོ། །དེའི་སྤྱི་བོར་མཆོད་རྟེན་དང་། གཡོན་པའི་ཕྱག་གིས་མྱ་ངན་མེད་པའི་ཡལ་ག་མེ་ཏོག་དང་བཅས་པའི་ཕྱག་ཅན་ནོ། །འཇིགས་པ་ཆེན་པོའི་

― GTD007_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་སུ་བདག་ཉིད་ཕག་པའི་ཚོགས་ཀྱིས་ཡོངས་སུ་བསྐོར་བ་བསྒོམ་པར་བྱའོ། །སྙིང་གར་ཆོས་གོས་ཀྱི་སྣེ་བཟུང་སྟེ་ལན་བདུན་དུ་བསྔགས་མདུད་པ་བྱས་ན་ལམ་དུ་རྐུན་མ་ལ་སོགས་པས་ཆོམ་པར་མི་འགྱུར་རོ། །ཞེས་དང་། རྟོག་པ་བརྒྱ་ཕྲག་བདུན་པ་ལས་ཀྱང་། འདི་ནི་སྦྱོར་བ་གཞན་ཡིན་ཏེ། །ཞེས་སོགས་ཚིག་ཟུར་ཙམ་མ་གཏོགས་དེ་བཞིན་དུ་གསུངས། འོད་ཟེར་ཅན་གྱི་གཟུངས་གདོན་པའི་མན་ངག་པ་ཚབ་ཀྱི་འགྱུར་ལས་ཀྱང། མྱ་ངན་མེད་ཤིང་ལྗོན་པ་ཡི། །ཕྱག་གཡོན་ཡལ་གའི་རྩེ་ནས་འཛིན། །མཆོག་སྦྱིན་ཕྱག་ནི་བསྣམས་གྱུར་པ། །གཡས་པའི་ཕྱག་ནི་བསྐྱོད་པར་མཛད། །ཅེས་མྱ་ངན་མེད་པའི་འོད་ཟེར་ཅན་ཕྱག་གཉིས་མ་འདི་ཉིད་གསུངས་ཏེ། རྗེའི་གསུང་དང་འགྲོ་མགོན་འཕགས་པ་སོགས་ཀྱང་སྦྱིན་སྲེག་ལས་ཚོགས་ཕལ་ཆེར་མྱ་ངན་མེད་པའི་འོད་ཟེར་ཅན་སེར་མོ་ཕྱག་གཉིས་མ་འདི་ལ་སྦྱར་ནས་གསུངས་སོ། །དེ་ལྟར་ཚད་མར་གྱུར་པའི་རྒྱུད་དང་དགོངས་འགྲེལ་རྣམས་ཀྱི་བཞེད་པ་བཞིན་འདིའི་མན་ངག་འགོད་པ་ལ། སྔོན་དུ་བསྙེན་པ་བྱ་ཚུལ། དེའི་ཁ་སྐོང་གི་སྦྱིན་སྲེག །ལས་སྦྱོར་གྱི་རིམ་པ་དང་གསུམ། དང་པོ་ནི། གནས་ཡིད་དུ་འོང་བར་ལྷ་མོའི་སྐུ་དང་། གཟུངས་ཆོག་ལ་སོགས་པའི་རྟེན་དགྲམ། མཆོད་གཏོར་ལེགས་པར་བཤམས། ཁྲུས་དང་གཙང་སྦྲ་བྱས་ཏེ་སྟན་བདེ་བ་ལ་འཁོད་ནས། སྐྱབས་འགྲོ་སེམས་བསྐྱེད་ཚད་མེད་བཞི་བསྒོམ་པ་རྣམས་སྔོན་དུ་བཏང། འདིར་སྔགས་སྡོམ་འཛིན་པ་རྒྱུད་སྡེའི་སྐབས་དང་མི་འབྲེལ་ལ། ཡིག་ཆ་སྔ་མ་འགའ་ཞིག་ཏུ་བཤད་ཀྱང་ཁུངས་མི་ཐུབ་སྟེ། དཔེར་ན་གདུགས་དཀར་གྱི་དཀྱིལ་ཆོག་རྒྱ་གཞུང་གཉིས་སུ་སྔགས་སྡོམ་འཛིན་པ་བཤད་ཀྱང། རྗེ་ཡབ་སྲས་ཀྱི་གསུང་ལས་བཀག་པ་བཞིན་ནོ། །དེ་ནས། ཨོཾ་སྭ་བྷཱ་ཝ་ཤུདྡྷ་སརྦ་དྷརྨཱཿ སྭ་བྷཱ་ཝ་ཤུདྡྷོ྅ཧཾ། བདག་དང་སྣང་བ་ཐམས་ཅད་སྟོང་པ་ཉིད་དུ་གྱུར། སྟོང་པའི་ངང་ལས་

― GTD007_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

པད་ཟླའི་གདན་ལ་བྷྲུཾ་ལས་རིན་པོ་ཆེ་སྣ་ཚོགས་པའི་རང་བཞིན་ཅན་གྱི་བྱང་ཆུབ་ཆེན་པོའི་མཆོད་རྟེན་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ་པཾ་ལས་པདྨ་དང་ཨ་ལས་ཟླ་བའི་དཀྱིལ་འཁོར། དེའི་དབུས་སུ་བྷྲུཾ་ལས་འཁོར་ལོ་བྷྲུཾ་གྱིས་མཚན་པ། དེ་ཡོངས་སུ་གྱུར་པ་ལས་རྣམ་པར་སྣང་མཛད་དཀར་པོ་ཞལ་གཅིག་ཕྱག་གཉིས། བྱང་ཆུབ་མཆོག་གི་ཕྱག་རྒྱ་མཛད་ཅིང། རྡོ་རྗེ་སྐྱིལ་ཀྲུང་གིས་བཞུགས་པ། རལ་པའི་ཐོར་ཚུགས་ཅན། མཚན་དཔེས་སྤྲས་ཤིང་དར་དང་རིན་པོ་ཆེའི་རྒྱན་གྱིས་ཀླུབས་པའི་ཐུགས་ཀར་རང་གི་སེམས་ཉིད་མཾ་ལས་མྱ་ངན་མེད་པའི་ཤིང་མཾ་གྱིས་མཚན་པ། དེ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས། སླར་འདུས་པ་ལས་རང་ཉིད་ལྷ་མོ་འོད་ཟེར་ཅན་མ་སྐུ་མདོག་གསེར་བཙོ་མ་ལྟ་བུ། ཞལ་གཅིག་ཕྱག་གཉིས་མ། གཡས་མཆོག་སྦྱིན་དང་གཡོན་མྱ་ངན་མེད་པའི་ཤིང་གི་ཡལ་ག་ཐུགས་ཀར་འཛིན་པ། རིན་པོ་ཆེའི་རྒྱན་ཐམས་ཅད་ཀྱིས་བརྒྱན་ཅིང། དར་དཀར་པོའི་སྟོད་གཡོགས་དང་སྨད་གཡོགས་ཅན། ཤིན་ཏུ་མཛེས་ཤིང་སྒེག་པའི་ཉམས་དང་ལྡན་པ། ཕག་བདུན་གྱིས་དྲངས་པའི་གསེར་གྱི་ཤིང་རྟ་ལ་གནས་པའི་པད་ཟླའི་སྟེང་དུ་ཞབས་གཡས་ཅུང་ཟད་བརྐྱངས་པའི་ཚུལ་གྱིས་བཞུགས་ཤིང། སྐུའི་ཆ་ཐམས་ཅད་ནས་ཉི་མ་འབུམ་གྱི་འོད་ཟེར་ལྟ་བུ་ཕྱོགས་བཅུའི་འཇིག་རྟེན་ཀུན་ཏུ་ཁྱབ་པར་སྤྲོ་བ། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ་དང་། དེའི་ནང་ལོགས་སུ་མཾ་ཡིག་སེར་པོ། དེ་ལས་འོད་ཟེར་འཕྲོས། རང་བཞིན་གྱི་གནས་ནས་འོད་ཟེར་

― GTD007_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་མ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས། མི་འགྱུར་ཆོས་དབྱིངས་རང་བཞིན་ཕོ་བྲང་ནས། །མེ་ལོང་ཡེ་ཤེས་སྒྱུ་འཕྲུལ་གཟུགས་ཀྱི་སྐུ། །མུ་མཐའ་ཡས་པའི་འཕྲིན་ལས་འོད་ཟེར་ཅན། །མ་ལུས་འགྲོ་བའི་དོན་ཕྱིར་གཤེགས་སུ་གསོལ། །ཨོཾ་མཱ་རཱི་ཙྱཻ་ས་མཱ་ཛཿ ཛཿ ཧཱུཾ་བཾ་ཧོ། གཉིས་སུ་མེད་པར་གྱུར། སླར་ཡང་ཐུགས་ཀའི་ས་བོན་ལས་འོད་ཟེར་འཕྲོས། དབང་གི་ལྷ་རྣམས་སྤྱན་དྲངས། ཁྱེད་རྣམས་ཀྱིས་བདག་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས་ཡེ་ཤེས་ཀྱི་བདུད་རྩིའི་ཆུས་སྤྱི་བོ་ནས་དབང་བསྐུར། སྐུ་གང་། དྲི་མ་དག །ཆུའི་ལྷག་མ་སྤྱི་གཙུག་ཏུ་གནས་པ་ལས་རྣམ་པར་སྣང་མཛད་ཀྱིས་དབུ་བརྒྱན་པར་གྱུར། འདིའི་སྐོར་གྱི་རྒྱ་གཞུང་རྣམས་སུ་མཆོད་པ་ཡེ་ཤེས་པ་གཞུག་པའི་སྔོན་དང་། རྒྱས་གདབ་ཀྱི་རྗེས་སུ་བྱེད་པ་ཅི་རིགས་ཡོད་ཀྱང་། འཕགས་པས་ཡེ་ཤེས་པ་གཞུག་པའི་སྔོན་དང་། མཇུག་གི་མཆོད་བསྟོད་བཟླས་པ་གྲུབ་སྟེ། དམ་ཚིག་པ་ལས་ཡེ་ཤེས་པ་ལོགས་སུ་ཕྱེ་ནས་འབུལ་བར་གསུངས་པ། བྱ་རྒྱུད་སྤྱི་ལ་སྲོལ་དེ་གཙོ་ཆེ་བ་དང་སྒོ་བསྟུན་པར་སྣང་ལ། ཡོངས་གྲགས་ལྟར་འཇུག་པ་བདེ་བའི་ཆེད་སྐབས་འདིར་བྱས་ཀྱང་འགལ་བ་མེད་པས་མཆོད་པ་རྣམས། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས། མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི། ཞལ་ཟས། རོལ་མོ་རྣམས་དྭངས་ཤིང་ཐོགས་པ་མེད་པར་གྱུར། ཨོཾ་ཨརྒྷཾ་ཨཱཿ ཧཱུཾ། ནས། ཤཔྟ་ཨཱཿ ཧཱུཾ་གི་བར་གྱིས་བྱིན་གྱིས་བརླབས། ཨོཾ་མཱ་རཱི་ཙྱཻ་

― GTD007_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

ས་པ་རི་ཝཱ་ར་ཨརྒྷཾ་པྲ་ཏཱི་ཙྪ་སྭཱཧཱ། མཆོད་ཡོན་གྱི་གནས་སུ། ཞབས་བསིལ། མེ་ཏོག །བདུག་སྤོས། མར་མེ། དྲི། ཞལ་ཟས། སྒྲ་སྙན་རྣམས་དང་། ཨརྒྷཾ་གྱི་གནས་སུ། པཱདྱཾ། པུཥྤེ། དྷུ་པེ། ཨཱ་ལོ་ཀེ། གནྔྷེ། ནཻ་ཝིངྱ། ཤཔྟ་རྣམས་བཅུག་ལ་དབུལ། གང་གི་མཚན་ཙམ་འཛིན་ཅིང་དྲན་པས་ཀྱང་། །འཇིགས་པ་ཀུན་ལས་རབ་ཏུ་སྐྱོབ་བྱེད་ཅིང། །དྲི་མེད་བདེ་ཆེན་ཉེ་བར་སྩོལ་མཛད་པ། །ལྷ་མོ་འོད་ཟེར་ཅན་ལ་ཕྱག་འཚལ་ལོ། །ཕག་བདུན་གྱིས་དྲངས་རིན་ཆེན་ཤིང་རྟའི་ཁྲིར། །པདྨ་ཟླ་བའི་གདན་ལ་བདེར་བཞུགས་ཤིང་། །ཞལ་གཅིག་ཕྱག་གཉིས་གསེར་བཟང་མདོག་མཚུངས་པ། །བཅོམ་ལྡན་འོད་ཟེར་ཅན་ལ་ཕྱག་འཚལ་ལོ། །ཕྱག་གཡས་གདུལ་བྱ་རྣམས་ལ་མཆོག་སྩོལ་ཞིང་། །གཡོན་པས་མྱ་ངན་མེད་པའི་ཤིང་འཛིན་པ། །སྣ་ཚོགས་རྒྱན་གྱིས་བརྒྱན་ཞིང་དགྱེས་དགུར་སྤྱོད། །བཅོམ་ལྡན་འོད་ཟེར་ཅན་ལ་ཕྱག་འཚལ་ལོ། །ཁྱོད་ཀྱི་གསུང་དབྱངས་ཡན་ལག་དྲུག་ཅུ་ཡིས། །རྣམ་པར་བརྒྱན་པས་ཆོས་ཚུལ་ཀུན་སྒྲོགས་ཤིང་། །སྔགས་ཚུལ་དུ་མས་དངོས་གྲུབ་ཀུན་སྩོལ་བ། །ཆོས་སྔགས་ཡི་གེར་འཕྲུལ་ལ་ཕྱག་འཚལ་ལོ། །གདོད་ནས་རྣམ་དག་སྤྲོས་པ་ཉེར་ཞི་ཡང་། །མཁྱེན་དང་བརྩེ་བས་ཀུན་ནས་རབ་རྩེན་ཞིང་། །གདུལ་བྱའི་ཡིད་ལ་སྣ་ཚོགས་ཀུན་འཇུག་པའ། །ཡེ་ཤེས་ལྔ་ཡི་ཐུགས་ལ་ཕྱག་འཚལ་ལོ། །བདག་གིས་ཁྱོད་སྐུ་དྲན་ཞིང་སྔགས་བཟླས་ཏེ། །རྩེ་གཅིག་གུས་པའི་ཡིད་ཀྱིས་གསོལ་འདེབས་ཀྱིས། །བར་དུ་གཅོད་པ་ཐམས་ཅད་ཞི་བ་དང་། །སྲིད་ཞིའི་དངོས་གྲུབ་མ་ལུས་

― GTD007_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

སྩལ་དུ་གསོལ། །ཞེས་པའམ། ཡང་ན། རང་བཞིན་རྣམ་དག་ཆོས་དབྱིངས་ནམ་མཁའ་ལ། །ལྷུན་གྲུབ་སྐུ་གསུམ་དཀྱིལ་འཁོར་རབ་རྒྱས་ཤིང་། །གཞན་ཕན་འཕྲིན་ལས་འབུམ་གྱི་འོད་ཟེར་ཅན། །བཅོམ་ལྡན་འདས་མའི་ཞབས་ལ་ཕྱག་འཚལ་ལོ། །དམིགས་མེད་ཐུགས་རྗེ་རྟ་མཆོག་བདུན་གྱིས་དྲངས། །གཉིས་མེད་ཡེ་ཤེས་མེ་ཤེལ་ཁམས་ལས་གྲུབ། །མཐའ་ཡས་གཟུགས་སྐུའི་སྣང་བའི་འོད་ཟེར་ཅན། །བཅོམ་ལྡན་འདས་མའི་ཞབས་ལ་ཕྱག་འཚལ་ལོ། །མཛད་བཟང་གསེར་གྱི་ཐུར་མ་བརྒྱ་ཕྲག་གིས། །སྐལ་བ་ཇི་བཞིན་ལུས་ཅན་ཕན་བདེ་ཡི། །འདབ་སྟོང་ཅིག་ཅར་འབྱེད་པའི་འོད་ཟེར་ཅན། །བཅོམ་ལྡན་འདས་མའི་ཞབས་ལ་ཕྱག་འཚལ་ལོ། །ཀུན་རྨོངས་སྡིག་པའི་འབྲས་བུ་ནད་རིམས་སོགས། །ཆེར་སྙིགས་ཐུན་གསུམ་དུས་ཀྱི་ཉེར་འཚེའི་རིགས། །མ་ལུས་དྲུངས་ནས་འབྱིན་པའི་འོད་ཟེར་ཅན། །བཅོམ་ལྡན་འདས་མའི་ཞབས་ལ་ཕྱག་འཚལ་ལོ། །བརླང་སྤྱོད་རི་བོའི་ཟོམ་ལ་གནས་བཅས་ཤིང་། །གདུག་པའི་ཐན་སྐད་སྒྲོགས་པའི་ཆོམ་རྐུན་གྱི། །སྲིན་བྱའི་དགའ་བ་ཕྲོག་པའི་འོད་ཟེར་ཅན། །བཅོམ་ལྡན་འདས་མའི་ཞབས་ལ་ཕྱག་འཚལ་ལོ། །མཐའ་ཡས་བསྟན་དང་འགྲོ་བའི་ནོར་འཛིན་གྱི། །ཁོར་ཡུག་ཡངས་པའི་ཁྱོན་ཀུན་ཅིག་ཅར་དུ། །དགེ་ལེགས་སྣང་བའི་ཁྱབ་བྱེད་འོད་ཟེར་ཅན། །བཅོམ་ལྡན་འདས་མའི་ཞབས་ལ་ཕྱག་འཚལ་ལོ། །ཁྱོད་ཞབས་གུས་པས་བསྟེན་ཅིང་གསོལ་བཏབ་མཐུས། །མི་ཤེས་རྒུད་པའི་མུན་པ་ཉེར་ཞི་ཞིང་། །བྱིན་རླབས་གསེར་ཞུན་འོད་ཀྱིས་འཁྱུད་པ་ཡིས། །དོན་གཉིས་དགེ་བའི་པད་ཚལ་རྒྱས་གྱུར་ཅིག །

― GTD007_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་པས་བསྟོད། དེ་ནས། རང་གི་སྙིང་གར་ཟླ་བ་ལ་གནས་པའི་མཾ་ཡིག་གི་མཐར་སྔགས་ཀྱི་འཕྲེང་བས་བསྐོར་བ་ལས་འོད་ཟེར་འཕྲོས། རྒྱལ་བ་སྲས་བཅས་ཀྱི་བྱིན་རླབས་ནུས་མཐུ་ཐམས་ཅད་བསྡུས་ཏེ་ཐིམ་པར་བསམས་ལ། ཨོཾ་མཱ་རཱི་ཙྱཻ་མཾ་སྭཱཧཱ། ཞེས་ཅི་འགྲུབ་བཟླས། རྒྱུད་ལས་ཉིན་མོ་ཉི་མ་དང་མཚན་མོ་ཟླ་བ་ལ་འགོད་པར་གསུངས་པ་ལས་སྦྱོར་གྱི་ཚེ་སྔགས་འཁོར་ལས་ལྷ་མོ་སྤྲུལ་བའི་གདན་ཡིན་གྱི། སྔགས་འཁོར་གྱི་གདན་མིན་ཏེ། འདི་ནི་རྒྱུད་ལས། ཟླ་བའི་དཀྱིལ་འཁོར་དམིགས་བྱས་ལ། །དེ་སྟེང་གནས་པའི་ས་བོན་འདི། །ཞེས་ཟླ་གདན་དུ་གསུངས་སོ། །སྔགས་ཀྱང་རྗེའི་གསུང་གི་མངོན་རྟོགས་སོགས་སུ་ཉེ་སྙིང་མ་གཏོགས་མ་བཀོད་པས་དེ་ཉིད་གཅིག་པུ་བཟླས་པས་ཆོག་ལ། གཞན་རྣམས་བཟླ་འདོད་ཚེ། ས་བོན་གྱི་མཐར་སྔགས་འཕྲེང་བཞི་སྐོར་དུ་གནས་པར་མོས་ཏེ། ཏངྱ་ཐཱ། ཨོཾ་པ་ཏཱ་ཀྲ་མ་སི། པ་ར་ཀྲ་མ་སི། ཨུ་ད་ཡ་མ་སི། ནི་ར་མ་སི། ཨརྐྐ་མ་སི། མརྐྐ་མ་སི། ཨུ་ར་མ་མ་སི། པ་ན་མ་སི། གུ་ལ་མ་མ་སི། ཙི་བ་ར་མ་སི། མཧཱ་ཙཱི་བ་ར་མ་སི། ཨནྟ་ར་དྷ་ན་མ་སི་སྭཱཧཱ། ཞེས་རྩ་སྔགས་དང་། ཏངྱ་ཐཱ། ཨོཾ་བ་དཱ་ལི། བ་ཏཱ་ལི། པར་ལེ། བ་ར་ཧ་མུ་ཁི། སརྦ་དུཥྚཱ། པྲ་དུཥྚཱ་ནཾ། ཙཀྵུ་ར་མུ་ཁཾ་བྷན་དྷ་བྷན་དྷ། བྷན་དྷ། མུ་ཁི། ཛམྦྷཱ་ཡ་སྟམྦྷཱ་ཡ། མོ་ཧ་ཡ་སྭཱཧཱ། ཨོཾ་མ་རཱི་ཙྱཻ་སྭཱཧཱ། ཨོཾ་པ་ར་ལེ། བ་དཱ་ལེ། བ་ཏྟཱ་ལེ། པ་ར་ཧ་མུ་ཁི། སརྦ་དུཥྚཱ་ནཾ། པྲ་དུཥྚཱ་ནཾ། ཙཀྵུར་མུ་ཁཾ་བན་དྷ་བན་དྷ་སྭཱཧཱ། ཞེས་སྙིང་པོ་དང་། ན་མོ་རཏྣ་ཏྲ་ཡཱ་ཡ། ཏངྱ་ཐཱ། ཨོཾ་ཨཱ་ལོ། ཏ་ལོ་ཀ་སིད་ཙྪེ་ལོ་ཀ་ས་མ་ཡ་མུར་དྷ་ཊི་རཀྵ་རཀྵ་མཾ། བདག་དང་སེམས་ཅན་ཐམས་ཅད་ལ་འཚེ་བ་དང་འཇིགས་པ་དང་། ནད་ཐམས་ཅད་ལས་སྲུངས་ཤིག་སྭཱཧཱ།

― GTD007_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་ལས་སྔགས་རྣམས་བཟླས་ཏེ། དེ་ནས་གཙོ་བོར་ཉེ་སྙིང་ལ་འབད། བསྙེན་པའི་གྲངས་འབྲུ་འབུམ་དགོསཔར་འདིའི་རྒྱུད་ལས་གསུངས་ཤིང། ལྷག་པར་ལས་སྦྱོར་བྱེད་པ་ལ་འབུམ་ཕྲག་བདུན་ཅུ་དགོས་པར་འགྲོ་མགོན་འཕགས་པས་གསུངས་སོ། །དེ་ནས་ཡི་གེ་བརྒྱ་པས་ལྷག་ཆད་བསྐང་ལ། མཆོད་བསྟོད་གོང་བཞིན་བྱ། གཏོར་མ་འབུལ་བར་འདོད་ན་བསངས་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་ཨཱཿཧཱུཾ་འོད་དུ་ཞུ་བ་ལས་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿཧཱུཾ། ལན་གསུམ་གྱིས་བྱིན་གྱིས་བརླབས། རང་གི་ཐུགས་ཀའི་ས་བོན་གྱི་འོད་ཟེར་གྱིས་བཅོམ་ལྡན་འདས་མ་འཁོར་བཅས་སྤྱན་དྲངས། ཨོཾ་མཱ་རཱི་ཙྱཻ་ས་པ་རི་ཝཱ་ར་ཨི་དམ་བ་ལིདྒྲྀཧྞཱ་པ་ཡ་གྲྀཧྞཱ་པ་ཡ་སྭཱཧཱ། ཞེས་ལན་བདུན་གྱིས་གཏོར་མ་དབུལ། མཆོད་བསྟོད་གོང་བཞིན་བྱས་ལ། ཨོཾ་བཛྲ་མུཿས་བདག་བསྐྱེད་ཀྱི་ཡེ་ཤེས་པ་དང་གཏོར་མགྲོན་རང་གནས་སུ་གཤེགས། རང་དམ་ཚིག་པའི་ང་རྒྱལ་གྱིས་གནས་པར་བྱའོ། །བསྙེན་པའི་ཚེ་བདག་བསྐྱེད་རྐྱང་པས་ཆོག་ཅིང་། བུམ་པའམ་ཚོམ་བུ་སོགས་སྒྲུབ་གཞི་ལ་བརྟེན་ནས་མདུན་བསྐྱེད་བྱ་བར་འདོད་ན་བདག་སྒྲ་དོར་ཏེ་ཚིག་ཕྲད་ཙམ་བསྒྱུར་བ་མ་གཏོགས་འདྲའོ། །གཉིས་པ་སྦྱིན་སྲེག་བྱ་བ་ལ། ཐབ་ཀྱི་རྒྱ་དཔངས་ཁ་ཁྱེར་སོགས་ཀྱི་ཚད་དཀྱུས་དང་འདྲ། ཁ་ཁྱེར་ལ་རྡོ་རྗེའི་ཕྲེང་བ་བྱ་ཞིང་། དབུས་སུ་པདྨ་འདབ་མ་བརྒྱད་པའི་ལྟེ་བ་ལ་རྡོ་རྗེ་བྲི་བར་འདིའི་རྒྱུད་ལས་གསུངས་ཀྱང་། སྐབས་འདིར་མྱ་ངན་མེད་པའི་ཤིང་བྲི་བར་འཕགས་པས་གསུངས་པ་ནི་རྒྱུད་དོན་མན་ངག་གིས་འགྲེལ་ཚུལ་ཞིག་ཡིན་པར་མངོན། རྫས་དང་ཡོ་བྱད་བཤམ་ཚུལ་སོགས་དཀྱུས་བཞིན་བྱས། ཨ་མྲྀ་ཏ་ལན་བདུན་བཟླས་པས་བསང་ཆུ་སྒྲུབ། མཆོད་པ་ལ་ཞལ་བསིལ་དང་བསང་གཏོར་དེའི་སྔགས་གཉིས་བཅས་བསྣན་ནས་གོང་ལྟར་བྱིན་

― GTD007_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་བརླབས། ལག་པ་རྡོ་རྗེ་ཁུ་ཚུར་ལས་གུང་མོ་གཉིས་རྩེ་སྤྲད་དེ་བསྲེག་རྫས་རྣམས་ལ་བསྟན་ཅིང། ཨོཾ་སྭཱཧཱ། ཨོཾ་ཨཱཿ སྭཱཧཱ། ཨོཾ་ཤྲཱི་སྭཱཧཱ། ཨོཾ་ཛྲིཾ་སྭཱཧཱ། ཨོཾ་ཀུ་རུ་ཀུ་རུ་སྭཱཧཱ། དེ་དག་ལས་གཞན་པའི་རྫས་རྣམས་ཀྱི་མཚན་ཉིད་དང་མི་ལྡན་པའི་ཉེས་སྐྱོན་ཐམས་ཅད་སྦྱངས་ནས་བཅུད་ཕུན་སུམ་ཚོགས་པའི་ཡོན་ཏན་དང་ལྡན་པར་གྱུར། ཨོཾ་ཨཱཿ ཧཱུཾ་བརྗོད་བཞིན་པའི་ངང་ནས་དཔལ་འབར་ལག་པ་གཡས་པས་བླངས་ཤིང་། གཡོན་པས་བསངས་ཏེ། ཨོཾ་ཛྭ་ལ་ཛྭ་ལ་ཧཱུཾ། ཞེས་བརྗོད་པས་ཐབ་ནང་དུ་བཅུག་ལ་ཧཱུཾ་ཞེས་བརྗོད་དེ་རླུང་གཡབ་ཀྱིས་མེ་སྦར། འཁྱིལ་པའི་སྔགས་ལན་བདུན་བརྗོད་ལ་མར་ཁུ་བླུགས་གཟར་བདུན་གྱིས་མེ་གསོ། དེ་ནས་ཁ་ཁྱེར་ལ་འགོད་རྒྱུའི་ཀུ་ཤ་བླངས་ལ། བཛྲ་སཏྭ་ཨཱཿ ལན་གསུམ་གྱིས་བྱིན་གྱིས་བརླབས། ཨོཾ་ཀུ་ཤ་འདི་ནི་གཙང་ཞིང་དགེ །ཚངས་པའི་ལྷ་རྣམས་དག་བྱེད་ཅིང་། །དཀོན་མཆོག་གསུམ་པོ་མཉེས་བྱེད་པ། །ས་ལས་སྐྱེས་པའི་འདབ་མའི་སྙིང་། །བདག་གི་བགེགས་རྣམས་ཐམས་ཅད་ན། །ཞི་དང་བཀྲ་ཤིས་མཛད་དུ་གསོལ། །ཨོཾ་བཛྲ་སཏྭ་ཨཱཿ ཞེས་བརྗོད་ཅིང་ཀུ་ཤ་ཕྱག་ལེན་ལྟར་དགྲམ། ཐལ་མོ་སྦྱར་ཏེ། བཅོམ་ལྡན་འདས་རྡོ་རྗེ་སེམས་དཔའ་བདག་གི་བགེགས་ཐམས་ཅད་ཞི་བ་དང་བཀྲ་ཤིས་པར་མཛད་དུ་གསོལ། ཞེས་གསོལ་བ་གདབ། དེ་ནས་ཐབ་སྔར་བཞིན་བསངས་སྦྱངས། སྟོང་པའི་ངང་ལས་ཧཱུཾ་དཀར་པོ་ཞུ་བ་ལས་བྱུང་བའི་ཞི་བའི་ཐབ་ཁ་དོག་དཀར་ཞིང་དབྱིབས་ཟླུམ་པ། རྒྱར་ཁྲུ་གང་བ། ཟབས་སུ་ཁྲུ་ཕྱེད་པ། མུ་རན་ཁ་ཁྱེར་དང་བཅས་པའི་ཁ་ཁྱེར་ལ་རྡོ་རྗེའི་ཕྲེང་བས་བསྐོར་བ། གྲྭ་བཞིར་ཟླ་ཕྱེད་རྡོ་རྗེས་མཚན་པ། དྭངས་ཤིང་ཐོགས་པ་མེད་པ་ཡེ་ཤེས་ཀྱི་རང་བཞིན་དུ་གྱུར། ཐབ་ཀྱི་ནང་གི་དབུས་སུ་སྣ་ཚོགས་པདྨའི་ལྟེ་

― GTD007_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

བར་རཾ་ལས་བགྲང་ཕྲེང་རཾ་གྱིས་མཚན་པ། དེ་ཡོངས་སུ་གྱུར་པ་ལས་ཞི་བའི་མེ་ལྷ་འཛིན་བྱེད་སྐུ་མདོག་དམར་པོ་འོད་ཟེར་དཀར་པོ་འཕྲོ་ཞིང་། ར་སྐྱེས་ལ་ཞོན་པ། ཞལ་གཅིག་ཕྱག་གཉིས་པ། གཡས་བགྲང་ཕྲེང་དང་གཡོན་སྤྱི་བླུགས་འཛིན་པ། རྣམ་སྣང་གི་དབུ་རྒྱན་ཅན། སྨིན་མ་དང་རལ་པའི་ཐོད་དང་སྨ་ར་འབར་ཞིང་འཁྲིགས་པ། གསུས་ཁྱིམ་ཆེ་ཞིང་གཟི་བརྗིད་དང་ལྡན་པ། གཡོན་བརྐྱང་གི་སྟབས་ཀྱིས་བཞུགས་པའི་ཐུགས་ཀར་མེ་གྲུ་གསུམ་པ་རཾ་གྱིས་མཚན་པ། རང་གི་ཐུགས་ཀའི་ས་བོན་ལས་སྤྲོས་པའི་ཁྲོ་བོ་འདོད་རྒྱལ་གྱིས་ཤར་ལྷོ་ནས་བསྒོམས་པ་དང་འདྲ་བའི་མེ་ལྷ་དྲང་སྲོང་གི་ཚོགས་ཀྱིས་བསྐོར་བ་མདུན་གྱི་ནམ་མཁར་སྤྱན་དྲངས། དེའང་འགྲོ་མགོན་འཕགས་པས་མཛད་པའི་འདིའི་སྦྱིན་སྲེག་ཏུ། གཡས་དབྱུ་གུ་གསུམ་པ་དང་གཡོན་བགྲང་ཕྲེང་འཛིན་པར་བཤད། འོད་ཟེར་ཅན་འབྱུང་བའི་རྒྱུད་ལས། ཟླ་གདན་ལ་མེ་ལྷ་དཀར་པོ་ཕྱག་བཞི་པ། དབྱུ་གུ། རིལ་བ་སྤྱི་བླུགས། ཕྲེང་བ། མཆོད་སྦྱིན་འཆང་བར་གསུངས། རྟོག་པ་བརྒྱ་ཕྲག་བདུན་པ་ལས། ཉི་གདན་ལ་བཞུགས་པ། ཕྱག་བཞིས་མཆོག་སྦྱིན་དང་རིལ་བ། པདྨའི་ཕྲེང་བ། དབྱུག་པ། བགྲང་ཕྲེང་རྣམས་འཛིན་པར་གསུངས་པ་སོགས་མི་འདྲ་བ་མང་ཡང་། འདིར་སྤྱི་འགྲོ་དང་བསྟུན་པ་ཡིན་ནོ། །དེ་ནས་སྤོས་འཛིན་ཅིང་མི་འཇིགས་པའི་ཕྱག་རྒྱས་མཐེ་བོང་གཡབ་པ་དང་བཅས་ཏེ། ཨོཾ་ཚུར་སྤྱོན་ཚུར་སྤྱོན་འབྱུང་པོ་ཆེ། །མེ་ལྷའི་རྒྱལ་པོ་དྲང་སྲོང་མཆོག །སྲེག་བླུགས་ཞལ་ཟས་བཞེས་སླད་དུ། །འདིར་ནི་ཡང་དག་བསྙེན་པར་མཛོད། །གཟི་བརྗིད་ཆེན་པོ་མེ་ཡི་ལྷ། །འདོད་པ་ཐམས་ཅད་སྒྲུབ་པ་པོ། །ཐུགས་རྗེས་སེམས་ཅན་དོན་མཛད་པ། །འདི་ཉིད་དུ་ནི་བཞུགས་སུ་གསོལ། །ཊཀྐི་ཧཱུཾ་ཛཿ ཐབ་ཀྱི་མེ་མཚམས་ཀྱི་ཁ་

― GTD007_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེར་གྱི་ཀུ་ཤའི་གདན་ལ་བཞུགས་པར་གྱུར། ལས་སྔགས་བརྗོད་ཅིང་བསང་ཆུ་གཏོར་ནས་ཕྱི་འབྲང་གི་བགེགས་བསྐྲད། ཛཿ ཧཱུཾ་བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར། ཨོཾ་ཨཱཿ ཧྲཱིཿ པྲ་ཝ་ར་སད་ཀ་རཾ་པྲོཀྵ་ཎཾ་པྲ་ཏཱིཙྪ་སྭཱཧཱ། ཞེས་བསང་གཏོར་དང་། པྲོཀྵ་ཎཾ་གྱི་གནས་སུ། ཨཉྩ་མ་ཎཾ། ཨརྒྷཾ། པཱངྱཾ་རྣམས་སྦྱར་ཏེ་ཆུ་བཞི་ཕྱག་ལེན་ལྟར་དབུལ། ཨོཾ་ཨགྣ་ཡེ་ས་པ་རི་ཝཱ་ར་པུཥྤེ་པྲ་ཏཱིཙྪ་སྭཱཧཱ། དེ་བཞིན་དུ། དྷུ་པེ། ཨཱ་ལོ་ཀེ། གནྡྷེ། ནཻ་ཝིདྱ། ཤཔྟ་རྣམས་སྦྱར་བས་མཆོད། དྲིལ་སྟབས་དང་བཅས། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱལ་པོ་ཊཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་བསྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། །ཚངས་པ་འཇིག་རྟེན་མགོན་གྱི་སྲས། །མེ་ལྷའི་རྒྱལ་པོ་དྲང་སྲོང་མཆོག །འབྱུང་པོ་ཡོངས་སུ་བསྐྱབ་པའི་ཕྱིར། །ཐུགས་རྗེའི་དབང་གིས་སྐུ་སྤྲུལ་བ། །རིག་སྔགས་གྲུབ་པའི་དྲང་སྲོང་ཚུལ། །ཉོན་མོངས་སྲེག་པའི་ཤེས་རབ་འོད། །བསྐལ་པའི་མེ་བཞིན་གཟི་བརྗིད་འབར། །མངོན་ཤེས་རྫུ་འཕྲུལ་ཞབས་དང་ལྡན། །ཐབས་ཀྱིས་སྤྲུལ་བའི་ཐེག་པ་བཅིབས། །རིག་སྔགས་གསུང་ཞིང་བགྲང་ཕྲེང་འཛིན། །བདུད་རྩིའི་བཅུད་ལྡན་གུཎྜེ་བསྣམས། །ཆོས་ཀྱི་བདུད་རྩི་ཡོངས་ལ་བསིལ། །ཉེས་པའི་སྐྱོན་བྲལ་ཚངས་པར་སྤྱོད། །འཇིག་རྟེན་གནས་ཀྱང་མྱ་ངན་འདས། །ཞི་བ་བརྙེས་ཀྱང་ཐུགས་རྗེ་ཆེ། །དེ་བས་བསྟོད་དེ་ཕྱག་ཀྱང་འཚལ། །ཞེས་ཡོངས་རྫོགས་སམ། ཚིགས་བཅད་དང་པོ་གང་རིགས་ཀྱིས་བསྟོད། ཨོཾ་བཛྲ་ཨ་ན་ལ་མཧཱ་བྷུ་ཏ་ཛྭ་ལ་ཛྭ་ལ་ཡ་

― GTD007_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

སརྦ་བྷསྨི་ཀུ་རུ་སརྦ་དུཥྞན་ཧཱུཾ་ཕཊ། ཏྲི་ཤྱ་ཛཿ ཧཱུཾ་བཾ་ཧོཿ ས་མ་ཡ་སྟྭཾ། ས་མ་ཡ་ཧཾ། ཞེས་པ་ལན་གསུམ་གྱིས་དམ་ཚིག་བསྒྲགས། མེ་ལྷའི་ལྗགས་རྡོ་རྗེའི་རྣམ་པ་ཅན་དཀར་པོ་ལ་རཾ་ཡིག་དང་། དགང་བླུགས་ཀྱི་ཁ་ལ་མཾ་ཡིག་འོད་ཟེར་འབར་བ་དང་བཅས་པས་མཚན་པར་གྱུར། བྱང་ཆུབ་མཆོག་གི་ཕྱག་རྒྱས་དགང་བླུགས་བཟུང་སྟེ། ཨོཾ་ཨགྣེ་ཡེ་ཨཱ་དི་བྱཱ་ཨཱ་དི་བྱཱ་ཨཱ་བི་ཤཱ་ཨཱ་བི་ཤ་མཧཱ་ཤྲཱི་ཡེ་ཧ་བྱ་ཀ་བྱ་བཱ་ཧཱ་ན་ཡ། བསྙེན་པའི་ཁ་སྐོང་ལྟ་བུ་ཡིན་ན། བདག་ཅག་གི་ཏིང་ངེ་འཛིན་མི་གསལ་ཞིང་ལྷག་ཆད་ཀྱི་ཉེས་པ་སོགས་སྡིག་སྒྲིབ་བར་ཆད་མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཞེས་པ་དང་། བར་ཆད་སོགས་ཞི་བའི་ཆེད་དུ་ཡིན་ན། བདག་ཅག་གམ་སྦྱིན་པའི་བདག་པོ་འཁོར་དང་བཅས་པ་རྣམས་ཀྱི་ཕྱི་ནང་གི་ནད་གདོན་འགལ་རྐྱེན་བར་ཆད་ནད་རིམས་དགྲ་རྐུན་སོགས་མི་མཐུན་པའི་ཕྱོགས་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཞེས་པ་སྦྱར་རོ། །འདི་ལ་དཔག་སྟེ་ལས་སོ་སོ་བའི་སྐབས་ཀྱི་སྤེལ་ཚིག་སྦྱོར་ཚུལ་ཤེས་དགོས། དགང་བླུགས་མར་གྱིས་བཀང་བ་གཡས་སུ་བསྐོར་ཏེ་ལན་གསུམ་མམ། བདུན་གྱིས་ཞོ་ཟན་དབུལ་ཞིང་། དགང་བླུགས་ཀྱི་ཡུ་བ་པུས་མོའི་ལྷ་ང་ལས་མ་འདས་པར་བྱའོ། །དེ་ནས་ལག་པ་གཡས་མཆོག་སྦྱིན་གྱི་ཕྱག་རྒྱའི་མཐེབ་སྲིན་གྱིས་ཡམ་ཤིང་གཉིས་གཉིས་རྩེ་མོ་ལྷ་ལ་བསྟན་ནས་འབུལ། ཡམ་ཤིང་རྣམས་བྱང་ཆུབ་ཀྱི་ཤིང་གི་རང་བཞིན་དུ་གྱུར། ཨོཾ་ཨགྣ་ཡེ་ཨཱ་དི་བྱཱ་ཨཱ་དི་བྱཱ་ཨཱ་བི་ཤ་ཨཱ་བི་ཤ་མཧཱ་ཤྲཱི་ཡེ་ཧ་བྱ་ཀ་བྱ་བཱ་ཧཱ་ན་ཡ། ཨོཾ་བོ་དྷི་པྲིཀྵཱ་ཡ། བདག་ཅག་ཅེས་པ་ནས། ཐམས་ཅད་དང་ཁྱད་པར་དུ་གཟི་བརྗིད་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། མར་ཁུ་ལ། ཨོཾ་ཨགྣ་ཡེ་

― GTD007_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བཱ་ཧཱ་ན་ཡེའི་མཐར། ཨོཾ་ཨགྣ་ཡེ། བདག་ཅག་སོགས་ཀྱི་མཐར། འབྱོར་བ་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། དེ་བཞིན་དུ་ཏིལ་ལ། ཨོཾ་ཨགྣ་ཡེ་ནས། ཨོཾ་སརྦ་པཱ་པཾ་ད་ཧ་ན་བཛྲ་ཡེ། བདག་ཅག་ཅེས་པ་ནས། སྡིག་སྒྲིབ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། དུར་བ་ལ། ཨོཾ་ཨགྣ་ཡེ་ནས། ཨོཾ་བཛྲ་ཨ་ཡུ་ཥེ། བདག་ཅག་ཅེས་པ་ནས། ཚེ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། འབྲས་ལ། ཨོཾ་ཨགྣ་ཡེ་ནས། ཨོཾ་བཛྲ་པུཥྚ་ཡ། བདག་ཅག་ཅེས་པ་ནས། བསོད་ནམས་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཞོ་ཟན་ལ། ཨོཾ་ཨགྣ་ཡེ་ནས། ཨོཾ་སརྦ་སཾ་བཱ་དེ། བདག་ཅག་ཅེས་པ་ནས། བདེ་བ་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཀུ་ཤ་ལ། ཨོཾ་ཨགྣ་ཡེ་ནས། ཨོཾ་ཨ་པྲ་ཏི་ཧ་ཏ་བཛྲ་ཡེ། བདག་ཅག་ཅེས་པ་ནས། གྲིབ་དང་མི་གཙང་བ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཡུངས་ཀར་ལ། ཨོཾ་ཨགྣ་ཡེ་ནས། ཨོཾ་སརྦ་ཨརྠ་སིདྡྷ་ཡེ། བདག་ཅག་ཅེས་པ་ནས། བགེགས་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། སོ་བ་ལ། ཨོཾ་ཨགྣ་ཡེ་ནས། ཨོཾ་བཛྲ་བི་ཛ་ཡ། བདག་ཅག་ཅེས་པ་ནས། ནོར་དང་འབྲུ་རྒྱས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ནས་ལ། ཨོཾ་ཨགྣ་ཡེ་ནས། ཨོཾ་མཧཱ་བེ་ག་ཡ། བདག་ཅག་ཅེས་པ་ནས། མྱུར་བའི་ཤུགས་ཕུན་སུམ་ཚོགས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། སྲན་མ་ལ། ཨོཾ་ཨགྣ་ཡེ་ནས། ཨོཾ་མཧཱ་བཱ་ལ་ཡ། བདག་ཅག་ཅེས་པ་ནས། སྟོབས་རྒྱས་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། གྲོ་ལ། ཨོཾ་ཨགྣ་ཡེ་ནས། ཨོཾ་བཛྲ་གྷསྨ་རི།

― GTD007_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ཅག་ཅེས་པ་ནས། ནད་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། ཁྱད་པར་གྱི་རྫས་ལ། ཨོཾ་ཨགྣ་ཡེ་ནས། བཱ་ཧཱ་ན་ཡ། བདག་ཅག་ཅེས་པ་ནས། མཆོག་ཐུན་གྱི་དངོས་གྲུབ་སྒྲུབ་པ་ལ་བར་དུ་གཅོད་པ་ཐམས་ཅད་ཤཱནྟིཾ་ཀུ་རུ་ཡེ་སྭཱཧཱ། དེ་ལྟར་བསྲེག་རྫས་རྣམས་ཕུལ་ནས། ཞལ་བསིལ་དང་བསང་གཏོར་སྔགས་དང་ཕྱག་རྒྱས་དབུལ་ལོ། །མར་ཁུ་བླུགས་གཟར་གང་ཐབ་ཏུ་ཕུལ། ཨོཾ་བཛྲ་ཛྭ་ལ་རཾ། མེ་ལྷ་མེ་འབར་བའི་རྣམ་པར་གྱུར། འཇིག་རྟེན་ལས་འདས་པའི་མེ་ལྷ་མཆོད་པ་ནི་འཁྱིལ་བའི་སྔགས་ཀྱིས་མེ་ལ་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཐབ་ཀྱི་དབུས་སུ་པད་ཟླའི་གདན་ལ་བྷྲུཾ་ལས། ཞེས་པ་ནས། རྒྱན་གྱིས་ཀླུབས་པའི་ཐུགས་ཀར་མཾ་ལས་མྱ་ངན་མེད་པའི་ཤིང་། ཞེས་སོགས་རང་སྒྲ་དོར་བ་མ་གཏོགས་བདག་བསྐྱེད་ལྟར་དབང་བསྐུར་རྒྱས་གདབ་བར་དུ་བྱ། དག་ཅིང་དྲི་མེད་མས་ཆུ་བཞི། ལྷ་ཡི་མེ་ཏོག་མ་སོགས་ཀྱིས་ཉེར་སྤྱོད་རོལ་མོ་རྣམས་དབུལ། གང་གི་མཚན་ཙམ་ཞེས་སོགས་ཤོ་ལོ་ཀ་གཅིག་གིས་བསྟོད། ལྷའི་ལྗགས་མཾ་ཡིག་ལས་སྐྱེས་པའི་འོད་ཀྱི་སྦུ་གུ་ཅན་དུ་གྱུར། ཨོཾ་མཱ་རཱི་ཙྱཻ་མ་སྭཱཧཱ། བདག་ཅག་ཅེས་སོགས་སྤེལ་ཚིག་གོང་བཞིན་སྦྱར་བའི་མར་ཁུ་དགང་བླུགས་བདུན་དབུལ། ཡམ་ཤིང་སོགས་ལ་རང་རང་གི་སྔགས་དང་སྤེལ་ཚིག་རྣམས་གོང་གི་མེ་ལྷའི་སྐབས་བཞིན་སྦྱར་ཏེ་བརྒྱ་དང་ཁྲི་འབུམ་ལ་སོགས་པ་ཇི་ལྟར་རིགས་པ་འབུལ། རྗེ་བཙུན་མའི་ཐུགས་ཀ་ནས་རང་འདྲས་ཡེ་ཤེས་ཀྱི་བདུད་རྩིས་གང་བའི་བུམ་པ་ཐོགས་པ་དཔག་ཏུ་མེད་པ་སྤྲོས་ཏེ། བསྒྲུབ་བྱ་ཟླ་བའི་དཀྱིལ་འཁོར་ལ་གནས་པ་ལ་ཁྲུས་བྱས་པས་སྡིག་སྒྲིབ་དང་ནད་གདོན་ལ་སོགས་པ་བར་ཆད་མི་མཐུན་པའི་ཕྱོགས་ཐམས་ཅད་སྦྱངས་ནས་ལུས་ཤེལ་ལྟར་དག་པར་གྱུར། ཅེས་བརྗོད། ཨོཾ་མཱ་རཱི་

― GTD007_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

ཙྱཻ་མཾ་སྭཱཧཱ། ཞེས་པས་མར་ཁུ་དགང་བླུགས་བདུན་ཕུལ། མཆོད་ཡོན། བསང་གཏོར། ཞལ་བསིལ་རྣམས་སྔར་གྱི་སྔགས་དང་ཕྱག་རྒྱས་དབུལ། དེ་ནས་དབྱངས་དང་བཅས་པའམ། མེད་ཀྱང་རུང་སྟེ། སྲབ་འཇམ་ཡངས་པ་ལྷ་ཡི་གོས། །འོད་ཟེར་ཅན་མའི་ལྷ་ཚོགས་ལ། །མི་ཕྱེད་དད་པས་བདག་འབུལ་ན། །བདག་ཀྱང་རྡོ་རྗེའི་སྐུ་ཐོབ་ཤོག །ཨོཾ་བཛྲ་ཝ་ས་སྱ་སྭཱཧཱ། ཞེས་པས་གོས་ཟུང་ཕུལ། ཨོཾ་བཛྲ་ཏཾ་བུ་ལ་ཡེ་སྭཱཧཱས་སོ་རྩི་དབུལ། དེ་ནས་ཉེར་སྤྱོད་འདོད་ཡོན་ལྔ་ལ་སོགས་པ་སྔགས་ཙམ་མམ་ཚིགས་བཅད་ཅི་རིགས་ཀྱིས་དབུལ། དེ་ནས་གཏོར་མ་བསངས་སྦྱངས་ཏེ། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་ཨཱཿ ཧཱུཾ་འོད་དུ་ཞུ་བ་ལས་བྱུང་བའི་གཏོར་མ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོར་གྱུར། ཨོཾ་ཨཱཿ ཧཱུཾ། ལན་གསུམ་བརྗོད་དེ་བྱིན་གྱིས་བརླབས། ལྷའི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་གྱུར་པར་བསམས་ལ། ཨོཾ་མཱ་རཱི་ཙྱཻ་ས་པ་རི་ཝཱ་ར་ཨི་དཾ་བ་ལིདྒྲིཧྞ་པ་ཡ་གྲྀཧྞ་པ་ཡ་སྭཱཧཱ། ལན་གསུམ་གྱིས་གཏོར་མ་དབུལ། རང་བཞིན་རྣམ་དག །ཅེས་སོགས་སམ། ཡིག་རྙིང་གི་བསྟོད་པས་བསྟོད། ཨོཾ་ཨཱཿ ཧྲཱིཿ པྲ་ཝཱ་ར་སད་ཀ་རཾ་ཨརྒྷཾ་པྲ་ཏཱིཙྪ་སྭཱཧཱ། ཞེས་པས་མཆོད་ཡོན་ཕུལ། མེ་ཏོག་དང་བཅས་ཐལ་མོ་སྦྱར་ནས། གང་ཡང་བདག་བློ་རྨོངས་པ་ཡིས། །ཉེས་བྱས་ཅུང་ཟད་གང་བགྱིས་པ། །གང་ཕྱིར་ལུས་ཅན་སྐྱབས་ཡིན་ཕྱིར། །འཕགས་མས་དེ་ཀུན་བཟོད་པར་མཛོད། །ཅེས་བརྗོད་ཅིང་བཟོད་པར་གསོལ་ནས་འདོད་དོན་ལ་གསོལ་བ་གདབ་པ་ནི། བཅོམ་ལྡན་འདས་འཕགས་མ་འོད་ཟེར་ཅན་མའི་ལྷ་ཚོགས་འཁོར་དང་བཅས་པ་ཁྱེད་རྣམས་ལ། མཁྱེན་པའི་ཡེ་ཤེས། བརྩེ་བའི་ཐུགས་

― GTD007_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ། མཛད་པའི་འཕྲིན་ལས། སྐྱོབ་པའི་ནུས་མཐུ་བསམ་གྱིས་མི་ཁྱབ་པ་མངའ་བ་ལགས་པས། ཕན་བདེའི་འབྱུང་གནས་སངས་རྒྱས་ཀྱི་བསྟན་པ་དར་བ་དང་། སེམས་ཅན་ཐམས་ཅད་བདེ་ཞིང་སྐྱིད་པ་དང་། ཁྱད་པར་དུ་བདག་ཅག་གམ་སྦྱིན་པའི་བདག་པོ་འཁོར་དང་བཅས་པ་ཐམས་ཅད་ཀྱི་འགལ་རྐྱེན་བར་ཆད་ནད་གདོན་བགེགས་རིགས། དུས་མ་ཡིན་པའི་འཆི་བ། ཕ་ཪོལ་གྱི་བསམ་སྦྱོར་ངན་པ་དགྲ་ཇག་ཆོམ་རྐུན་སོགས་མི་མཐུན་པའི་ཕྱོགས་ཐམས་ཅད་ཞི་བར་མཛད་དུ་གསོལ། ཞེས་ལན་གསུམ་བརྗོད། ཡིག་བརྒྱ་བཟླས་ཏེ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །རང་གི་གནས་སུ་གཤེགས་ནས་ཀྱང་། །སླར་ཡང་འབྱོན་པར་མཛད་དུ་གསོལ། །བཛྲ་མུཿ ཡེ་ཤེས་པ་རང་བཞིན་གྱི་གནས་སུ་གཤེགས་ཤིང་། དམ་ཚིག་པ་རང་ལ་དབྱེར་མེད་དུ་ཐིམ་པར་གྱུར། ཅེས་བརྗོད། དེ་ནས་ཛྭ་ལའི་སྔགས་ཀྱིས་ཐབ་ཏུ་མར་ཁུ་དགང་བླུགས་གསུམ་ཕུལ་བས། ཐབ་ཀྱི་མེ་འབར་བའི་རྣམ་པ་དེ་ཉིད་སླར་ཡང་འཇིག་རྟེན་པའི་མེ་ལྷའི་སྐུར་བཞེངས་པར་གྱུར། ཞེས་བརྗོད་དེ། ཐབ་ཀྱི་མེ་ལྷ་ལ། ཨོཾ་ཨགྣ་ཡེ། ཞེས་པ་ནས། བཱ་ཧཱ་ན་ཡ་པུཥྤེ་པྲ་ཏཱིཙྪ་སྭཱཧཱ། ཞེས་པ་ནས། ཤཔྟ་པྲ་ཏཱིཙྪ་སྭཱཧཱའི་བར་དང་། སྔར་བཞིན་བསང་གཏོར་དང་ཞལ་བསིལ་དབུལ། ཨོཾ་བཛྲ་ཏཾ་བུ་ལ་ཡེ་སྭཱཧཱ། ཞེས་པས་སོ་རྩི་དང་། སྣ་ཚོགས་དབང་པོའི་གཞུ་ལྟར་རབ་བཀྲ་ཞིང་། །གང་ལ་རེག་ན་བདེ་བའི་རྒྱུར་འགྱུར་བའི། །གོས་བཟང་རིན་ཆེན་བདག་བློ་སྦྱངས་ཕྱིར་འབུལ། །བཟོད་པ་དམ་པའི་གོས་ཀྱིས་བརྒྱན་པར་ཤོག །ཨོཾ་བཛྲ་ཝ་ས་སྱ་སྭཱཧཱ། ཞེས་པས་གོས་ཟུང་ཕུལ། དེ་ནས་བསྲེག་

― GTD007_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

རྫས་ལྷག་མ་རྣམས་འཇིག་རྟེན་པའི་མེ་ལྷ་ལ་སྔར་བཞིན་འབུལ། དེ་ནས་དྲིལ་སྟབས་དང་བཅས་ཏེ། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །ཞེས་སོགས་ཀྱིས་བསྟོད། ཞལ་བསིལ་དང་། བསང་གཏོར་སྔར་བཞིན་འབུལ། གཏོར་མ་བསངས་སྦྱང་། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་འོད་དུ་ཞུ་བ་ལས་བྱུང་བའི་གཏོར་མ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿ ཧཱུཾ། ལན་གསུམ་གྱིས་བྱིན་གྱིས་བརླབས། ཨོཾ་ཨགྣ་ཡེ། ཞེས་པ་ནས། བཱ་ཧཱ་ན་ཡ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨངྱ་ནུཏྤནྣ་ཏྭད་ཨོཾ་ཨཱཿ ཧཱུཾ། གསུམ་གྱིས་འབུལ། མེ་ལྷའི་སྔགས་ཀྱི་མཐར་པུཥྤེ་སོགས་བཏགས་ལ་ཉེར་སྤྱོད་རོལ་མོ་དང་བཅས་པས་མཆོད། མེ་སྟེ་བསྲེག་བྱ་ཟ་བའི་ལྷ། །དྲང་སྲོང་རྒྱལ་པོ་གདོན་གྱི་བདག །ཤར་ལྷོ་མེ་ལྷའི་ཚོགས་བཅས་ལ། །མཆོད་ཅིང་བསྟོད་དེ་ཕྱག་ཀྱང་འཚལ། །མཆོད་སྦྱིན་གཏོར་མ་འདི་སྣོམས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང་། །དཔལ་དང་གྲགས་དང་སྐལ་བ་བཟང་། །ལོངས་སྤྱོད་རྒྱ་ཆེན་ཀུན་ཐོབ་ཅིང། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོངས་གྲོགས་མཛོད། །དུས་མིན་འཆི་དང་ནད་རྣམས་དང་། །གདོན་དང་བགེགས་རྣམས་ཞི་བར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང་། །འབྲུ་རྣམས་འཕེལ་ཞིང་ཆོས་འཕེལ་དང་། །བདེ་

― GTD007_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་ཕུན་སུམ་ཚོགས་པ་དང་། །ཡིད་ལ་འདོད་པ་ཀུན་འགྲུབ་ཤོག །ཨོཾ་ཨཱཿ ཧྲཱིཿ པྲ་ཝཱ་ར་སད་ཀ་རཾ་ཨརྒྷཾ་པྲ་ཏཱིཙྪ་སྭཱཧཱ། མ་རྙེད་ཡོངས་སུ་མ་ཤེས་དང་། །གང་ཡང་ནུས་པ་མ་མཆིས་པས། །འདིར་ནི་བྱ་བ་གང་བགྱིས་པ། །དེ་ཀུན་ཁྱེད་ཀྱིས་བཟོད་མཛད་རིགས། །མེ་ལྷའི་རྒྱལ་པོ་འཁོར་དང་བཅས་པ་ཁྱེད་ཀྱིས་ཕན་བདེའི་འབྱུང་གནས། ཞེས་སོགས་སྔར་ལྟར་གསོལ་བ་གདབ། ཨོཾ་བཛྲ་སཏྭ་ཨཿ ཨོཾ་རང་གི་དོན་དང་གཞན་གྱི་དོན། །སྒྲུབ་མཛད་བསྲེག་བྱ་ཟ་བ་གཤེགས། །ཇི་བཞིན་དུས་སུ་སླར་སྤྱོན་ཞིང་། །བདག་གི་དངོས་གྲུབ་ཐམས་ཅད་སྒྲུབས། །ཨོཾ་ཨཱཿ བཛྲ་མུཿ མེ་ལྷ་ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་མེ་འབར་བའི་རྣམ་པར་གྱུར། དེ་ནས་བསྔོ་བ་ཤིས་བརྗོད་སོགས་རྒྱས་པར་བྱའོ། །མེ་མ་ཤི་བར་དུ་འཇོག་པའི་ལོང་མེད་ན་གཞིལ་བའི་ཐབས་དང་། ལས་ཀྱི་རྗེས་མི་མངོན་པར་བྱ་བ་སོགས་སློབ་དཔོན་མཁས་པའི་ཕྱག་ལེན་ལྟར་ཉམས་སུ་བླང་ངོ་།། ༈ གསུམ་པ་ལས་སྦྱོར་ནི། སྦྱིན་སྲེག་ལའང་རྫས་ཀྱི་བྱེ་བྲག་གིས་ནད་སེལ་བ། རྒྱལ་པོ་དང་གནོད་སྦྱིན་མོ་སོགས་དབང་དུ་བྱེད་པ། དུག་ནད་སེལ་བ། དགྲ་བོ་འཆི་བ་སོགས་དང། རྫས་སོགས་སོ་སོ་ལ་བརྟེན་ནས་ཆར་འབེབས་པ། བསད་བསྐྲད་དབྱེ་རེངས་ཀྱི་ལས་ཚོགས་དུ་མ་དང་། འཁོར་ལོའི་སྒོ་ནས་དགྲའི་དཔུང་ལས་རྒྱལ་བར་བྱེད་པ་དང་། མཚོན་བསྲུང་བ་སོགས་ལས་རབ་འབྱམས་ཤིག་རྒྱུད་སྡེ་ནས་གསུངས་ཀྱང་། ད་ལྟ་ཕྱག་ལེན་རིམ་པར་བརྒྱུད་པའི་མྱོང་ཁྲིད་དང་ཡིག་ཆ་སོགས་མི་སྣང་བས་བྲི་བར་མ་སྤོབས་ཀྱང་། ཐོག་མར་དབང་དང་རྗེས་གནང་ཐོབ། བསྙེན་པ་ཚད་དུ་འཁྱོལ་ན་ལས་སྦྱོར་རྒྱུད་ཀྱི་དངོས་ཟིན་ཙམ་དང་བསྟུན་ཏེ་བྱས་ཀྱང་ཕན་ཡོན་འབྱུང་བར་གདོན་མི་ཟའོ། །ཆོམ་རྐུན་བསྲུང་བ་འདིའི་སྒོས་ཆོས་

― GTD007_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

གཙོ་བོར་བརྒྱ་རྒྱམ་སོགས་ཀྱི་རྒྱ་གཞུང་དང་། རྗེའི་གསུང་དུའང་འབྱུང་བས། དེའི་ཚུལ་ནི་ཐོག་མར་སྐྱབས་སེམས་ནས་བཟུང་དབང་བསྐུར་རྒྱས་གདབ་མཆོད་བསྟོད་དང་བཅས་པའི་བར་བདག་བསྐྱེད་ཀྱི་གཞུང་བཞིན་བྱས་ལ། བསྟོད་པའི་མཇུག་ཏུ། བདག་དང་བདག་གི་བཤེས་གཉེན་ཀུན། །ལམ་དང་དེ་བཞིན་ལམ་ལོག་དང། །སྐྱེ་བོའི་འཇིགས་དང་རྒྱལ་རིགས་ཀྱི། །འཇིགས་པ་ཀུན་ལས་བསྐྱབ་ཏུ་གསོལ། །དེ་བཞིན་གླང་ཆེན་ཆོམ་རྐུན་དང་། །སེང་གེ་སྟག་དང་མེ་དང་ཆུ། །སྦྲུལ་དང་དུག་དང་ཕྱིར་རྒོལ་དང་། །དགྲ་ཡི་འཇིགས་པ་ཀུན་ལས་སྐྱོབ། །བདག་ནི་གནས་སྐབས་ཐམས་ཅད་དུ། །ཇི་ལྟའི་ཚུལ་གྱིས་གནས་ཀྱང་རུང་། །གདོན་རིམས་འཁྲུགས་པ་ཐམས་ཅད་ལས། །ཀུན་ནས་ཡོངས་སུ་བསྲུང་དུ་གསོལ། །ཞེས་འདོད་དོན་ལ་གསོལ་བ་འདེབས། བཟླས་པའི་དམིགས་པ་སྔ་མའི་མཇུག་ཏུ། སླར་ཡང་འོད་ཟེར་དཔག་ཏུ་མེད་པ་འཕྲོས་པའི་སྣེ་མོར་སྣང་བྱེད་ཀྱི་དཀྱིལ་འཁོར་ལ་གནས་པའི་ལྷ་མོ་འོད་ཟེར་ཅན་ཞལ་གཅིག་ཕྱག་གཉིས་ཁབ་སྐུད་ཐོགས་པ་དཔག་ཏུ་མེད་པ་འཕྲོས། གནོད་བྱེད་ཀྱི་ཁ་མིག་ཐམས་ཅད་བཙེམ། ལུས་རེངས་ཤིང་དྲན་པ་ཉམས་པར་བྱས་ཏེ་འོད་ཀྱི་དྲ་བས་བཅིངས་པར་གྱུར་པར་བསམས་ལ། སྔགས་བཟླ། སྣང་བྱེད་ཀྱི་དཀྱིལ་འཁོར་ནི། ཉིན་དུས་ཡིན་ན་ཉི་མའི་དཀྱིལ་འཁོར་དང་། མཚན་དུས་ཟླ་དཀྱིལ་དུ་གསལ་འདེབས་པར་གསུངས་སོ། །ཕྱོགས་སུ་འགྲོ་བའི་ནང་དུས་ཉི་མ་ཤར་བ་ན་ལྷ་མོ་འོད་ཟེར་ཅན་བྱོན་བྱུང་སྙམ་པ་བྱས་ལ། ཤར་རོ་ཤར་རོ་དཔལ་ཤར་རོ། །ལྷ་ཤར་རོ། །དཔལ་གྱི་འོད་ཟེར་ཤར་རོ། །ལྷ་མོ་འོད་ཟེར་ཅན་མ་ཤར་རོ། །བདག་དེ་རིང་གི་དུས་སུ་དགྲ་ཇག་ཆོམ་རྐུན་གཅན་

― GTD007_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

གཟན་འབྱུང་བ་སོགས་ཀྱི་འཇིགས་པ་ལས་སྲུངས་ཤིག །ཅི་འདོད་པའི་དོན་ཐམས་ཅད་འགྲུབ་པའི་དངོས་གྲུབ་སྩོལ་ཅིག །ཅེས་བརྗོད་ལ་སྔགས་ཉེར་གཅིག་བཟླ། ལམ་དུའང་སྔགས་བགྲང་བཞིན་པར་སོང་ན་བསྲུང་བའི་མཆོག་ཏུ་འགྱུར་བར་གསུངས། ཡང་བདག་བསྐྱེད་དཀྱུས་ལྟར་བྱས་ལ་ཆོམ་རྐུན་རྣམས་ཀྱི་དབང་པོ་དང་ཡན་ལག་ཐམས་ཅད་བཅིངས་པར་མོས་ཏེ་གོས་ཀྱི་སྣེ་མོ་མདུད་པ་བྱས་པ་ལ་བར་བར་དུ་སྔགས་འདེབ་ཅིང་སོང་སྟེ་གནས་སུ་ཕྱིན་པ་ན་བཅིངས་པ་ལས་གྲོལ་བའི་དམིགས་པ་བྱས་ཏེ་མདུད་པ་བཤིག་པར་གསུངས། གཞན་ལ་སྲུང་བ་བྱེད་ནའང། དམིགས་པ་དེ་ཉིད་ཀྱིས་སྐུད་པ་ལ་མདུད་པ་བདུན་བྱས་ཏེ་སྔགས་བཏབ་ནས་སྦྱིན་པར་བཤད། རིམས་ནད་བསྲུང་བ་ལ། གདན་གྱི་ཕག་རྣམས་དྲག་ཏུ་གཟིར་བས། དེ་དག་ལས་རང་འདྲ་དཔག་ཏུ་མེད་པ་སྤྲོས། ནད་བདག་རྣམས་ཀྱི་ཤ་ཁྲག་ཟོས་ཤིང་རུས་པ་མུར་ཏེ། ལྷག་མ་རྣམས་རྨིག་པས་བརྫིས་ནས་དབང་ཆེན་གསེར་གྱི་ས་གཞི་ལ་ཐུག་པར་བརྡས་པའི་དམིགས་པ་བྱ། ཡང་འོད་ཟེར་ཅན་མ་མདུན་དུ་སྐད་ཅིག་གིས་བྱོན་པར་བསམ་ལ། གང་གི་མཚན་ཙམ། ཞེས་སོགས་ཚིགས་བཅད་གཅིག་གིས་བསྟོད། དེའི་ཞབས་ལ་འཇུས་ཏེ་ཐུགས་རྗེ་བསྐུལ་བའི་མོས་གུས་དང་བཅས་ཏེ་འོད་ཟེར་ཅན་གྱི་གཟུངས་ཆོག་ཚར་གསུམ་བཀླགས་ཏེ་ཕྱོགས་གང་དུ་སོང་ཡང་ཉེར་འཚེའི་རིགས་ཀྱིས་མི་ཚུགས་པར་གསུངས་སོ།། སྨྲས་པ། རིས་མེད་འཇིག་རྟེན་ཁྱོན་ལ་སྲིད་ཞི་ཡི། །གདུང་སེལ་བསིལ་བའི་གྲིབ་མ་རྟག་འབབ་ཅིང་། །འདོད་དགུའི་མཆོག་སྦྱིན་དུས་ལས་མི་ཡོལ་བ། །སྔོན་མེད་ཡོངས་འདུའི་དབང་པོ་བཅོམ་ལྡན་མའ། །བསྙེན་སྒྲུབ་རྣམ་པར་རྒྱལ་བའི་ཁང་བཟང་མཆོག །ཁ་སྐོང་བྱེད་པའི་ཁ་པད་མངོན་མཐོ་ཞིང་། །ལས་ཚོགས་གསེར་སྦྱངས་ལས་གྲུབ་རྒྱལ་མཚན་གྱིས། །རབ་

― GTD007_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

མཛེས་སྐལ་བཟང་ལྷ་བརྒྱའི་འཇུག་ངོགས་འདི། །བསྐྲུན་པ་ལས་འོངས་རྣམ་དཀར་དགེ་བའི་མཐུས། །ནམ་མཁའི་ཁམས་ཀྱི་མཐས་གཏུགས་འགྲོ་བ་ཀུན། །མི་བཟད་རྒུད་པའི་ཆུ་བོ་ལས་བསྒྲལ་ཏེ། །དངོས་གྲུབ་ནོར་བུའི་གླིང་དུ་ཕྱིན་གྱུར་ཅིག །ཅེས་བཅོམ་ལྡན་འདས་མ་འོད་ཟེར་ཅན་མའི་བསྙེན་སྒྲུབ་ཁ་སྐོང་ལས་ཚོགས་དང་བཅས་པ་འདི་ནི། དད་བརྩོན་མཆོག་ཏུ་དགེ་ཞིང་ལྷ་མཆོག་འདི་ལ་ལྷག་པར་མོས་པ་ཁ་ཀྱའི་རབ་འབྱམས་པ་ངག་དབང་ཆོས་འཛིན་གྱིས་བསྐུལ་བའི་ངོར་འདིའི་དབང་རྡོར་ཕྲེང་དུ་བཞུགས་པ་དང་། བརྒྱ་རྒྱམ་གྱི་རྗེས་གནང་སོགས་སྨིན་བྱེད་རྣམས་ལེགས་པར་ཐོབ་པའི་ ༸བཙུན་པ་དཀོན་མཆོག་བསྟན་པའི་སྒྲོན་མེས་འདི་ཉིད་ཀྱི་རྒྱུད་དང་། འཕགས་བོད་ཀྱི་གཞུང་རྣམས་ལ་ཞིབ་པར་དཔྱད་དེ་བཀོད་པའི་ཡི་གེ་པ་ནི་བློ་དང་ལྡན་པ་དཀོན་མཆོག་ཀུན་དགའོ།། །།

སྨན་བྱིན་རླབས་བྱ་ཚུལ་བདུད་རྩིའི་ཐིགས་པ།

― GTD007_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་བྱིན་རླབས་བྱ་ཚུལ་བདུད་རྩིའི་ཐིགས་པ་ཞེས་བྱ་བ་བཞུགས་སོ།།

― GTD007_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

བདུད་རྩིའི་ཟེར་གྱི་སྣང་བ་འབུམ་འགྱེད་པས། །ལས་ཉོན་སྡུག་བསྔལ་ཚ་གདུང་འཕྲོག་བྱེད་ཅིང། །ཕན་བདེའི་ཀུ་མུད་རྒྱས་མཛད་བླ་མ་དང་། །དབྱེར་མེད་སྨན་གྱི་བླ་ལ་ཕྱག་བགྱིས་ཏེ། །བཟང་པོའི་སྨན་སྦྱོར་བདེ་འབྱུང་རལ་པའི་བཅུད། །མཆོག་གསུམ་བྱིན་རླབས་ཛ་ཧཱུའི་ཞལ་སྒོ་ལས། །ཉེ་བར་དྲངས་ཏེ་ལུས་ཅན་བྲོ་ནད་ཀྱི། །དྲི་མ་འཁྲུད་པའི་ཆོ་ག་དེང་འདིར་སྤེལ། །དེའང་སྨན་བྱིན་རླབས་ཇི་ལྟར་བྱ་བའི་ཚུལ་ནི། བཤད་རྒྱུད་ཀྱི་ལེའུ་སོ་གཅིག་པ་གསོ་བ་པོ་སྨན་པའི་ལེའུར་རྒྱུ་དང་ངོ་བོ་སོགས་དོན་ཚན་དྲུག་དང་རྒྱུ་ལའང་ནང་གསེས་ཀྱི་ཁྱད་པར་དྲུག་ཏུ་བྱས་པའི་གསུམ་པ་དམ་ཚིག་དང་ལྡན་པའི་དོན་ལ་བློ་བཞག་དྲུག །བཟུང་བྱ་གཉིས། ཤེས་བྱ་གསུམ་ཞེས་འབྱུང་བའི་ཕྱི་མ་གསུམ་གྱིས་སྨན་བྱིན་རླབས་བྱེད་ཚུལ་གསུངས་པ་ཡིན་ཏེ། རྒྱུད་ལས། གསུམ་པ་སྨན་རྣམས་ནོར་བུ་བདུད་རྩི་དང་། །མཆོད་རྫས་ཤེས་པར་བྱ་བ་གསུམ་ཡིན་ཏེ། །ཞེས་སྨན་ནོར་བུར་ཤེས་པར་བྱ་བ། སྨན་བདུད་རྩིར་ཤེས་པར་བྱ་བ། སྨན་མཆོད་རྫས་སུ་ཤེས་པར་བྱ་བ་གསུམ་དུ་བྱས་ནས་གསུངས་སོ། །དེ་གསུམ་གྱི་ནང་ནས་ཀྱང་བྱིན་རླབས་དངོས་གཞི་ནི་སྨན་བདུད་རྩིར་ཤེས་པར་བྱ་བ་དེ་ཡིན་ཀྱང་བདུད་རྩིར་བྱིན་གྱིས་བརླབས་པའི་ཆོ་ག་ཙམ་གྱིས་གོ་མི་ཆོད་པར་སྨན་སྦྱོར་ཆ་ཚང་བ་ནན་ཏན་ཆེན་པོས་རྩོལ་སྒྲུབ་ཀྱིས་གཞུང་ནས་བཤད་པ་བཞིན་འཛོམ་ངེས་སུ་བྱ་དགོས་པས། དང་པོར་སྨན་ནོར་བུར་ཤེས་པར་བྱ་བ་འདིས་སྦྱོར་བ་བསྟན་པ་ཡིན་ཏེ། དང་པོ་རིན་པོ་ཆེ་དེ་བཙལ་ལ་བཅངས། ཞེས་རྒྱ་མཚོ་ནས་

― GTD007_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་བུ་ལེན་པའི་ཚེ་རྒྱུ་དང་ཚེགས་ལ་མི་བལྟ་བར་བརྩོན་པ་བཞིན་སྨན་སྡེ་ཚན་ཐམས་ཅད་ཚང་ངེས་སུ་བཙལ་བ་གལ་ཆེ་ཡི། རིན་ཐང་གང་ཆུང་བའི་སྨན་སྣ་ཁ་ཤས་རེ་ཙམ་བཙལ་ནས་ཚ་བསིལ་ཕྱོགས་ཕྱེད་ཙམ་གྱི་སྦྱོར་བ་བྱེད་པ་ནི་རང་གཞན་གཉི་ག་སླུ་བྱེད་ཡིན་པས། སྨན་མཐའ་དག་རོ་ནུས་ཞུ་རྗེས་ཀྱི་ཁྱད་པར། བྱང་ཟུར་གྱི་ལུགས་སོ་སོའི་ངོས་འཛིན་མ་འདྲེས་པ་རྣམས་སློབ་དཔོན་མཁས་པའི་ངག་རྒྱུན། སྨན་གྱི་འདྲ་དཔེ་ཁྱད་པར་མཐོང་བ་བརྒྱུད་པའི་ཕྱག་ལེན་ལ་བརྟེན་ནས་སོམ་ཉིའི་དྲ་བ་ཆོད་ངེས་སུ་གཏན་ལ་དབབ། སྔོ་སྨན་རྣམས་ཀྱང་སྐྱེ་གནས་མ་ཡིན་པ་དང་། དུས་ལས་ཡོལ་བ། རླན་དང་ཉི་ལྷགས་ཀྱིས་གདུངས་པས་རྩྭ་སྐྱ་ལྟ་བུར་གྱུར་པ་ནི་སྨན་དེའི་རྫས་ཙམ་ཡིན་ཀྱང་ནུས་པ་ཅི་ཡང་མེད་པས། གཞུང་ནས་བཤད་པ་ལྟར་གྱི་རང་རང་གི་སྐྱེ་གནས་དང་། རྩ་བ་དང་མེ་ཏོག་འབྲས་བུ་སོགས་གང་དགོས་ཀྱི་དུས་ཚོད་མ་འཛོལ་བ། སྔོ་ཆོལ་དང་གྲིབ་སྐམ་སོགས་ལག་ལེན་དུ་ཐེབས་ངེས་པ་དགོས་པས་ཡིད་བཞིན་གྱི་ནོར་བུ་ལྟར་གཅེས་སྤྲས་སུ་བྱ་བར་གསུངས་པ་ཡིན་ནོ། །༈ དངོས་གཞི་བདུད་རྩིར་བྱིན་གྱིས་བརླབ་པ་ནི། བཅོམ་ལྡན་འདས་སྨན་བླའི་སྐུ་སོགས་སྐུ་གསུང་ཐུགས་ཀྱི་རྟེན་དང་སངས་རྒྱས་ཀྱི་རིང་བསྲེལ་སོགས་རྟེན་འགང་ཆེ་བ་རྣམས་ལེགས་པར་བཀྲམ་པའི་མདུན་དུ་མཆོད་པ་གཙང་མ་བཤམ། སྟེངས་བུ་མཐོན་པོ་རྟེན་ཁེབས་ཀྱིས་གཡོགས་པར་འབྲུ་དཀར་ལ་ལྷུང་བཟེད་དམ་རིན་པོ་ཆེ་སོགས་ཀྱི་སྣོད་གཙང་མར་དམན་ལྷག་ལོག་པའི་སྐྱོན་དང་བྲལ་བར་ཚུལ་བཞིན་དུ་སྦྱར་བའི་སྨན་

― GTD007_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་བཞག །སྐྱབས་སེམས་སྔོན་དུ་བཏང་ལ། རང་ཉིད་སྐད་ཅིག་གིས་བཅོམ་ལྡན་འདས་སྨན་གྱི་བླ་བཻ་ཌཱུརྱའི་འོད་ཀྱི་རྒྱལ་པོ་སྐུ་མདོག་སྔོན་པོ་ཞལ་གཅིག་ཕྱག་གཉིས་པ་ཕྱག་གཡས་པ་མཆོག་སྦྱིན་གྱི་ཕྱག་རྒྱས་ཨ་རུ་ར་རྣམ་པར་རྒྱལ་བ་འཛིན་ཞིང་། གཡོན་མཉམ་གཞག་གི་སྟེང་ན་བདུད་རྩིས་གང་བའི་ལྷུང་བཟེད་བསྣམས་པ། མཚན་དཔེས་སྤྲས་ཤིང་འོད་ཀྱི་དཀྱིལ་འཁོར་གྱི་དབུས་ན་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་སྤྱི་བོ་ཨོཾ། མགྲིན་པར་ཨཱཿ ཐུགས་ཀར་ཧཱུཾ་གིས་མཚན་པར་གྱུར། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པས་རང་བཞིན་གྱི་གནས་ནས་བཅོམ་ལྡན་འདས་སྨན་གྱི་བླ་ལ་སངས་རྒྱས་དང་བྱང་ཆུབ་སེམས་དཔའ་སྡེ་བཞིའི་དྲང་སྲོང་རིག་པ་འཛིན་པ་རྣམས་དང་། བཀའ་སྲུང་གནོད་སྦྱིན་གྱི་སྡེ་དཔོན་ཞང་བློན་འཁོར་དང་བཅས་པ་སྤྱན་དྲངས། སྨན་རྣམས་བྱིན་གྱིས་རློབས་པའི་ཕྱིར་མཆོད་པའི་གནས་སུ་དགྱེས་བཞིན་བཞུགས་པར་གྱུར། མཆོད་པ་ཨ་མྲྀ་ཏས་བསངས། མཆོད་པ་རྣམས་ཕུལ་དུ་བྱུང་བའི་ལྷ་རྫས་སུ་གྱུར། ཨོཾ་ཨཱཿ ཧཱུཾ། ལན་གསུམ་གྱིས་བྱིན་གྱིས་བརླབ། གང་ལ་བརྟེན་ན་སྲིད་ཞིའི་གདུང་སེལ་བ། །བཅོམ་ལྡན་སྨན་པའི་རྒྱལ་པོ་འཁོར་བཅས་ལ། །ལྷ་རྫས་བཟང་པོའི་མཆོད་ཡོན་འདི་འབུལ་བས། །སྟོད་ཀྱི་ནད་རིགས་དག་པའི་མཆོག་སྦྱིན་མཛོད། །ཨོཾ་སརྦ་ཏ་ཐཱ་ག་ཏ་ཨརྒྷཾ་པྲ་ཏཱིཙྪ་སྭཱཧཱ། གང་ལ་བརྟེན་ན་ནས། ཞབས་བསིལ་འདི་འབུལ་བས། །སྨད་ཀྱི་ནད་རིགས་དག་པའི་མཆོག་སྦྱིན་མཛོད། །པཱཏྱཾ་སོགས། གང་ལ་བརྟེན་ན་ནས། མེ་ཏོག་འདི་འབུལ་བས། །མགོ་དང་

― GTD007_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

ཡན་ལག་ནད་སེལ་མཆོག་སྦྱིན་མཛོད། །པུཥྤེ་སོགས། གང་ལ་ནས། བདུག་སྤོས་འདི་འབུལ་བས། །སྣ་དང་མཚེར་བའི་ནད་སེལ་མཆོག་སྦྱིན་མཛོད། །དྷཱུ་པཾ་སོགས་གང་ལ་ནས། སྣང་གསལ་འདི་འབུལ་བས། །མིག་དང་མཆིན་པའི་ནད་སེལ་མཆོག་སྦྱིན་མཛོད། །ཨཱ་ལོ་ཀེ་སོགས། གང་ལ་ནས། དྲི་ཆབ་འདི་འབུལ་བས། །སྙིང་དང་ཡིད་ཀྱི་ནད་སེལ་མཆོག་སྦྱིན་མཛོད། །གནྔྷེ་སོགས། གང་ལ་ནས། ཞལ་ཟས་འདི་འབུལ་བས། །ལྕེ་དང་ལྟོ་བའི་ནད་སེལ་མཆོག་སྦྱིན་མཛོད། །ནཻ་ཝི་ཏྱ་སོགས། གང་ལ་ནས། སྒྲ་སྙན་འདི་འབུལ་བས། །སྐད་དང་མཁལ་མ་རྣ་བའི་ནད་སེལ་མཛོད། །ཨོཾ་སརྦ་ཏ་ཐཱ་ག་ཏ་ཤཔྟ་པྲ་ཏཱིཙྪ་སྭཱཧཱ། འཚོ་མཛད་སྨན་པའི་རྒྱལ་པོ་བཅོམ་ལྡན་འདས། །དུག་གསུམ་ནད་སེལ་སངས་རྒྱས་སྨན་གྱི་བླ། །སྐུ་མདོག་མཐིང་ག་བཻ་ཌཱུརྻྻ་ཡི་འོད། །སྤྲུལ་བའི་སྐུ་ལ་མཚན་དང་དཔེ་བྱད་ལྡན། །རླུང་མཁྲིས་བད་ཀན་ནད་ཀྱིས་གདུངས་པ་ལ། །ནད་ཀྱི་གཉེན་པོ་ཕྱག་གཡས་ཨ་རུ་ར། །ཕྱག་གཡོན་བདུད་རྩིའི་ལྷུང་བཟེད་པར་བུ་བསྣམས། །བཻ་ཌཱུརྻྻ་ཡི་འོད་ལ་ཕྱག་འཚལ་ལོ། །རིག་པའི་གནས་མཆོག་བཅོ་བརྒྱད་ཐུགས་སུ་བཅུད། །ཚེ་ལ་དབང་བའི་བཅུད་ལེན་དངོས་གྲུབ་བརྙེས། །མངོན་ཤེས་སྙིང་རྗེས་འགྲོ་མཆོག་འདུ་བ་སྙོམས། །དྲང་སྲོང་རིག་འཛིན་རྣམས་ལ་ཕྱག་འཚལ་ལོ། །སྔོན་ཚེ་སྟོན་པའི་སྤྱན་སྔར་ཞལ་བཞེས་བཞིན། །འཚོ་བྱེད་རྣམས་ཀྱི་མགོན་དང་གྲོགས་མཛད་ཅིང། །ནད་རིམས་གདོན་བགེགས་ཉེར་འཚེ་ཀུན་སེལ་བ། །

― GTD007_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་གྱི་བཀའ་སྲུང་རྣམས་ལ་ཕྱག་འཚལ་ལོ། །རླུང་མཁྲིས་བད་ཀན་བཞི་བརྒྱ་རྩ་བཞིའི་ནད། །ཚེ་ལ་བར་དུ་གཅོད་པ་ཞི་བ་དང་། །གནོད་པའི་བགེགས་རིགས་སྟོང་ཕྲག་བརྒྱད་ཅུ་དང་། །ཡེ་འབྲོག་སུམ་བརྒྱ་དྲུག་ཅུ་ལ་སོགས་པ། །བསམ་པའི་བར་དུ་གཅོད་པ་ཞི་བར་མཛོད།། ཅེས་གསོལ་བ་བཏབ་པས་སྐྱབས་ཡུལ་རྣམས་ཀྱི་ཐུགས་ཀ་ནས་འོད་ཟེར་འཕྲོས། རྒྱལ་བ་སྲས་བཅས་ཀྱི་བྱིན་རླབས་དང་འཇིག་རྟེན་དང་འཇིག་རྟེན་ལས་འདས་པའི་སྣོད་བཅུད་ཀྱི་བཀྲག་མདངས། ལྷ་ཡུལ་དང་རྒྱ་མཚོ་ན་གནས་པའི་བདུད་རྩི། བཅུད་ལེན་གྱི་རྫས་ལ་སོགས་པ་ཐམས་ཅད་བསྡུས་ཏེ་ཐུགས་ཀའི་ས་བོན་སྔགས་འཕྲེང་དང་བཅས་པ་ལ་ཐིམ། དེ་ལས་འོད་དང་བདུད་རྩིའི་ཚོགས་དཔག་ཏུ་མེད་པ་བྱུང་སྟེ་ཐིམ་པས་སྨན་གྱི་སྣོད་རིན་པོ་ཆེ་ལས་གྲུབ་པ་ཡངས་ཤིང་རྒྱ་ཆེ་བའི་ནང་དུ་སྨན་རྣམས་ནད་རིགས་མཐའ་དག་སེལ་བར་ནུས་པའི་འཆི་མེད་ཚེའི་བདུད་རྩིའི་རང་བཞིན་དུ་གྱུར་པར་བསམས་ལ། ཨོཾ་ན་མོ་བྷ་ག་ཝ་ཏེ། བྷཻ་ཥ་ཛྱེ་གུ་རུ་བཻ་ཌཱུརྻྻ་པྲ་བྷ་རཱ་ཛཱ་ཡ་ཏ་ཐཱ་ག་ཏཱ་ཡ་ཨརྷ་ཏེ་སཾ་མྱཀ་སཾ་བུདྡྷ་ཡ། ཏངྱ་ཐཱ། ཨོཾ་བྷཻ་ཥ་ཛྱེ་བྷཻ་ཥ་ཛྱེ། མཧཱ་བྷཻ་ཥ་ཛྱེ་བྷཻ་ཥ་ཛྱེ་རཱ་ཛ་ས་མུངྒ་ཏེ་སྭཱཧཱ། ཞེས་གཟུངས་རིང་བདུན་དང་། ཏངྱ་ཐཱ། མན་ཆད་སྙིང་པོ་ཅི་མང་བཟླ། མཇུག་ཏུ་ཡིག་བརྒྱས་ལྷག་ཆད་བསྐང། དེ་ནས། བཅོམ་ལྡན་འདས་སྨན་པའི་རྒྱལ་པོ་དྲང་སྲོང་གི་འཁོར་དང་བཅས་པ་རྣམས་ཀྱིས་མགྲིན་གཅིག་ཏུ་ཤིས་པ་བརྗོད་པར་བསམས་ལ། ལྷ་རྣམས་ཀྱི་ནི་བདུད་རྩི་ལྟ་བུ་དང་། །ཀླུ་རྣམས་ཀྱི་ནི་གཙུག་ནོར་ལྟ་བུ་དང་། །དྲང་སྲོང་རྣམས་ཀྱི་བཅུད་ལེན་ལྟ་བུར་ན། །ཁྱོད་ལ་སྨན་

― GTD007_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ཉེ་བར་གནས་གྱུར་ཅིག །ཅེས་རྒྱུད་རང་ལས་འབྱུང་བ་དང་། སྟོང་ཆེན་རབ་འཇོམས་ནས་གསུངས་པ། རྫོགས་སངས་རྣམ་པར་སངས་རྒྱས་ཚེ། །འཇིག་རྟེན་སྐྱོང་བས་ཕྱོགས་བཞི་ནས། །སྣོད་བཞི་དག་ནི་བླངས་ནས་སུ། །བདེ་བར་གཤེགས་ལ་ཕུལ་བ་དང་། །མཐུ་ཡིས་གཅིག་ཏུ་སྤྲུལ་མཛད་པ། །ལྷ་ཡི་སྣོད་མཆོག་དེ་དང་ན། །བདུད་རྩི་འདྲ་བའི་སྨན་གྱི་མཆོག །སྟོན་པའི་ཕྱག་ན་བསྣམས་གྱུར་པ། །བདེན་པའི་ཚིག་ནི་དེ་དག་གིས། །སྨན་རྣམས་བདུད་རྩིར་འགྱུར་བར་ཤོག །དེ་བཞིན་ལྷ་མོ་འཕྲོག་མ་ཡིས། །ལྷ་རྫས་དགེ་བ་ཨ་རུ་ར། །བླངས་ནས་སྟོན་པར་རབ་ཕུལ་བ། །བདུད་རྩི་འདྲ་བའི་སྨན་གྱི་མཆོག །བདེན་པའི་ཚིག་ནི་དེ་དག་གིས། །ནད་པ་རྣམས་ཀྱི་ནད་སེལ་ཞིང། །ཉེས་པ་ཐམས་ཅད་འཕྲོག་བྱེད་པའ། །སྨན་རྣམས་བདུད་རྩིར་འགྱུར་བར་ཤོག །སངས་རྒྱས་རྣམ་གཟིགས་གཟི་བརྗིད་དང་། །གཙུག་ཏོར་ཅན་གྱི་སྟོབས་རྣམས་དང་། །ཐམས་ཅད་སྐྱོབ་ཀྱི་བདེན་ཚིག་དང་། །ལོག་དད་སེལ་གྱི་ཏིང་འཛིན་དང་། །གསེར་ཞེས་བྱ་བའི་ཡེ་ཤེས་དང་། །འོད་སྲུངས་ཀྱི་ནི་རྫུ་འཕྲུལ་དང་། །ཤཱཀྱ་སེང་གེའི་མཐུ་རྣམས་ཀྱིས། །སྨན་རྣམས་བདུད་རྩིར་འགྱུར་བར་ཤོག །ཅེས་ཤིས་པ་བརྗོད་དེ་བྱིན་གྱིས་བརླབ་ཅིང་། ཐུགས་ཀའི་ས་བོན་སྔགས་འཕྲེང་དང་བཅས་པའང་འོད་དང་བདུད་རྩིའི་རང་བཞིན་དུ་ཞུ་ནས་སྨན་རྣམས་ལ་ཐིམ་པར་གྱུར་པར་བསམས་ལ་ཕུད་ལན་གསུམ་ནམ་མཁའ་ལ་གཏོར་ཏེ། བླ་མ་ཡི་དམ་རྒྱལ་བ་སྲས་བཅས་མཆོད། །དཔའ་བོ་མཁའ་འགྲོ་རིག་འཛིན་ཚོགས་རྣམས་མཆོད། །

― GTD007_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་སྲུང་ཞང་བློན་སྡེ་དང་བཅས་པ་མཆོད། །དོན་གཉིས་ལྷུན་གྱིས་གྲུབ་པའི་བྱིན་ཕོབ་ཅིག །ཅེས་བརྗོད་ཅིང་རང་གི་ལྕེ་ཐོག་ཏུ་བཞག་ཅིང་དངོས་གྲུབ་བླངས་པས་རང་གི་ནད་གདོན་བར་ཆད་ཐམས་ཅད་བསལ་ཞིང་འཆི་མེད་ཚེའི་དངོས་གྲུབ་ཐོབ་པར་བསམས། འདི་ནི་རྒྱུད་ལས། བདུན་བཟླས་བདུད་རྩིར་བསམ་སྟེ་རིག་འཛིན་མཆོད། །དངོས་གྲུབ་བླངས་པས་རང་གི་ནད་གདོན་བསལ། །ཞེས་གོང་དུ་ཤེས་པར་བྱ་བ་གསུམ་དུ་གསུངས་པའི་ཕྱི་མ་མཆོད་རྫས་སུ་ཤེས་པར་བྱ་ཚུལ་ཡིན་ལ། འདི་ནི་དངོས་གཞི་བདུད་རྩིར་བྱིན་གྱིས་བརླབས་པ་དེ་ཉིད་བོགས་དབྱུང་བའི་རྗེས་ཀྱི་བྱ་བ་ཁྱད་པར་ཅན་ཡིན་ཏེ། རྫས་དེ་དཀོན་མཆོག་གི་མཆོད་པར་བྱས་པ་ན། འདི་ལ་རོ་མི་ཞིམ་པ་རོ་མཆོག་སྣང་། །ཞེས་རྒྱན་ལས་གསུངས་པ་ལྟར་དེ་དག་གི་ཚོགས་གཉིས་རླབས་པོ་ཆེའི་མཐུས་དངོས་པོ་ལའང་བདུད་རྩིར་འགྱུར་བ་དང་། ཐོག་མར་དཀོན་མཆོག་མཆོད་པས་བསོད་ནམས་འཕེལ་ཞིང་རང་གཞན་གྱི་ནད་གདོན་བར་ཆད་ཐམས་ཅད་མྱུར་དུ་ཞི་ནས་བདེ་སྐྱིད་ཕུན་སུམ་ཚོགས་པར་འགྱུར་བ་སའི་སྙིང་པོ་འཁོར་ལོ་བཅུ་པའི་མདོ་ལས། འཇིག་རྟེན་དག་ན་བདེ་ཞིང་སྐྱིད་པ། །དེ་ཀུན་དཀོན་མཆོག་མཆོད་ལས་བྱུང་བས། །ཞེས་གསུངས་པ་ལྟར་ཡིན། དེར་མ་ཟད་དཀོན་མཆོག་ལ་ཕུལ་བའི་ལྷག་མར་བྱས་པ་ན་དེའི་བྱིན་རླབས་ཀྱི་སྟོབས་ཀྱིས་སྡིག་པ་ཚན་པོ་ཆེའང་མྱུར་དུ་བྱང་ནུས་ན། ནད་གདོན་ཕྲ་མོ་ལྟ་སྨོས་ཀྱང་ཅི་དགོས་ཏེ། དེ་བཞིན་གཤེགས་པའི་ལྷག་མ་འདི། །སྡིག་པ་རྣམ་པར་ཟད་བྱེད་ཡིན། །ཞེས་རྒྱུད་སྡེ་ལས་གསུངས་པ་བཞིན་ནོ། །དེ་ལྟར་ལྷན་ཅིག་བྱེད་པའི་རྐྱེན་མཆོག་གསུམ་ཐུགས་རྗེས་བྱིན་གྱིས་རློབས་པ་དང་། ནང་གི་ཉེར་ལེན་གོང་དུ། རྒྱུ་ནི་བློ་ལྡན་བསམ་པ་དཀར་བ་དང་། །ཞེས་སོགས་ལྟར་གསོ་བ་རིག་པའི་གནས་ཆ་ལག་དང་བཅས་པར་ཐོས་བསམ་གྱིས་སྒྲོ་འདོགས་བཅད་

― GTD007_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་གོམས་འདྲིས་ཀྱིས་མྱོང་བྱང་ཆུབ་པར་བྱས་ལ། གཞན་ཕན་གྱི་ལྷག་བསམ་རྣམ་པར་དག་པས་ལག་ལེན་དུ་བཏབ་ན་དོན་གཉིས་ལྷུན་གྱིས་གྲུབ་པའི་དགའ་སྟོན་ལ་སྤྱོད་པར་འགྱུར་རོ། །འཚོ་མཛད་སྨན་པའི་རྒྱལ་པོའི་བྱིན་རླབས་དང་། །འཚོ་བྱེད་དྲང་སྲོང་ཚོགས་ཀྱི་བདེན་པའི་མཐུས། །རྣམ་མང་འགྲོ་བའི་ཉེར་འཚེ་ཀུན་ཞི་ཞིང་། །རྣམ་ཀུན་མཁྱེན་པའི་ས་ལ་འགོད་གྱུར་ཅིག །ཅེས་སྨན་བྱིན་རླབས་བྱ་ཚུལ་བདུད་རྩིའི་ཐིགས་པ་ཞེས་བྱ་བ་འདི་ནི་གསོ་རིག་སྨྲ་བ་དཀོན་མཆོག་ཡར་འཕེལ་གྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་འཕྲལ་དུ་སྦྱར་བའི་ཡི་གེ་པ་ནི་སྔགས་རམས་པ་རཏྣ་ཨཱ་ནནྟ་འོ།། །།

གཟུངས་སྔགས་ཟབ་མོ་དུ་མ་ཁ་ཏོན་བྱ་ཚུལ།

― GTD007_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུངས་སྔགས་ཟབ་མོ་དུ་མ་ཁ་ཏོན་དུ་བྱ་བའི་ཚུལ་དགེ་བའི་འཕྲུལ་འདེགས་ཞེས་བྱ་བ་བཞུགས་སོ།།

― GTD007_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་ཧཱུཾ་འགྲོ་འོང་རྒྱུ་བས་ལམ་གསུམ་དུ། །འཕྱན་པས་དུབ་པ་ཡིད་ཀྱི་ཁྱེ་འུ་ཆུང། །སྤྲོས་བྲལ་ཨཱཿ ཡི་གདངས་སུ་ངལ་སོས་པའ། །བདེ་ཆེན་ལ་སྦྱོར་གསང་སྔགས་ཐབས་ཀྱི་ལམ། །གང་ལ་བརྟེན་ན་འབད་པ་ཆུང་ངུས་ཀྱང་། །སྡུག་བསྔལ་རྒྱུ་བཅས་མུན་པའི་དཔུང་བཅོམ་སྟེ། །ལེགས་བྱས་སྣང་བའི་མཆོག་སྦྱིན་སྐལ་བཟང་ལ། །འགོད་མཛད་བཤེས་གཉེན་རྣམས་ཀྱིས་རྟག་ཏུ་སྐྱོངས།། དེ་ཡང་སྙིགས་མའི་སྐྱེ་བོ་བློ་དང་རྩོལ་བ་ཞན་ཅིང་གཡེང་བས་ཁྱེར་བ་རྣམས་ཀྱིས་ཀྱང་བསྒྲུབ་པར་སླ་ལ་དོན་ཆེ་བ་ཤིན་ཏུ་ཉེ་བར་མཁོ་བའི་གཟུངས་སྔགས་ཟབ་མོ་འགའ་ཞིག་ཁ་ཏོན་དུ་བྱ་བའི་ཚུལ་འགོད་པ་ལ། ནངས་སྔ་བར་ཁྲུས་བྱས་ཏེ་རང་གི་ལྕེའི་སྟེང་དུ་ཟླ་བ་ལ་སྔགས་ཕྲེང་གིས་བསྐོར་བ་ལས་འོད་ཟེར་འཕྲོས། རྒྱལ་བ་སྲས་བཅས་ཀྱི་གསུང་གི་བྱིན་རླབས་ཐམས་ཅད་དབྱངས་གསལ་གྱི་རྣམ་པར་བསྡུས་ཏེ་སྔགས་ཕྲེང་ལ་ཐིམ་པར་བསམ་ཞིང་། ཨོཾ་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཨཿ ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ཀྵཿ ཡེ་དྷརྨཱ་ཧེ་ཏུ་པྲ་བྷཱ་ཝ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་ད་ཏ། ཏེ་ཥཱཉྩ་ཡོ་ནི་རོ་དྷ་ཨེ་བཾ་བཱ་དཱི་མཧཱ་ཤྲ་མ་ཎཿ སྭཱཧཱ། ལན་གསུམ། སྔགས་ཕྲེང་འོད་དུ་ཞུ་ནས་ལྕེ་ལ་ཐིམ་པས། ལྕེ་རྡོ་རྗེའི་རང་བཞིན་དུ་གྱུར་པར་བསམ། ཨོཾ་སམྦྷ་ར་སམྦྷ་ར། བི་མ་ན་ས་ར་མཧཱ་ཛ་བ་ཧཱུཾ། ཞེས་དང་། ཨོཾ་སྨ་

― GTD007_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

ར་སྨ་ར་བི་མ་ན་སྐ་ར་མཧཱ་ཛ་བ་ཧཱུཾ། ཞེས་འགྱུར་སྔགས་ལན་བདུན་བརྗོད། བཀའ་གདམས་གླེགས་བམ་དུ་སྔགས་སྔ་མ་ལས་མི་འབྱུང་བས། དེ་གཅིག་པུས་ཀྱང་ཆོག་པར་མངོན། ཨོཾ་རུ་ཙི་ར་མ་ཎི་པྲ་ཝ་རྟ་ཡ་ཧཱུཾ། ཞེས་ལན་བདུན་བཟླས་ཏེ་ཕྲེང་བ་ལ་བཏབ། དེ་ཡང་སྤྱིར་བཟླས་བརྗོད་ཙམ་དུ་མ་ཟད། གཞུང་ཀློག་པ་སོགས་ལའང་ལུང་མནོས་པ་གལ་ཆེ་བས། སངས་རྒྱས་བྱང་སེམས་དཔག་ཏུ་མེད་པ་མདུན་གྱི་ནམ་མཁར་བཞུགས་པར་མོས་ལ། དེ་དག་གིས་གསུང་ལྷང་ལྷང་ཆོས་དེ་ཉིད་ཀྱི་ལུང་སྩལ་པ་ན་རྗེས་སུ་ཟློས་པའི་ཚུལ་གྱིས་རང་གིས་བརྗོད་པར་མོས་ཏེ་བཏོན་ན་ཆོས་ལ་དབང་ཟ་བའི་ཉེས་པ་མི་འབྱུང་ཞིང་བྱིན་རླབས་འཇུག་སླ་བ་དང་། རིང་བོར་མི་ཐོགས་པར་ཆོས་ཀྱི་རྒྱུན་གྱི་ཏིང་ངེ་འཛིན་ཐོབ་ནས་སངས་རྒྱས་རྣམས་ལས་གདམས་པ་དངོས་སུ་ནོད་པའི་སྐལ་བ་ཅན་དུ་བྱེད་པ་སོགས་དགོས་པ་དུ་མ་ཡོད་པས། དེ་ལྟར་བྱེད་པ་ལ་ཆོས་སྤྱིའི་ལུང་ནོད་པའི་ཆོ་ག་ཞེས་གྲགས་ཤིང་། ཚུལ་དེ་ཉིད་ཇོ་བོ་ཡབ་སྲས་ཀྱི་གསུང་རྒྱུན་དང་ཕྱག་བཞེས་ཡིན་པར་གཙང་ནག་པ་བརྩོན་འགྲུས་སེང་གེས་བཤད་དོ། །ཡང་མདུན་གྱི་ནམ་མཁར་སངས་རྒྱས་བྱང་སེམས་ཐམས་ཅད་བཞུགས་པར་བསམས་ལ་མོས་གུས་དྲག་པོའི་ངང་ནས་འདོན་པའམ། ཐུབ་པའི་དབང་པོ་ལྟ་བུ་གཅིག་གསལ་བཏབ་སྟེ། གཞན་ཐམས་ཅད་དེའི་རང་བཞིན་དུ་བཞུགས་པར་མོས་ནས་འདོན་པ་

― GTD007_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་བའི་བདག་ཉིད་དུ་འདོན་པ་དང་། རང་བཞིན་མེད་ཀྱང་སྣང་བ་བྲག་ཆའི་སྒྲ་ལྟར་མདོ་དང་སྔགས་དེ་དང་དེའི་སྒྲ་ལྷང་ལྷང་གྲགས་པར་མོས་ནས་འདོན་པ་སྟོང་ཉིད་ཀྱི་ངང་དུ་འདོན་པ་སྟེ། དེ་གཉིས་ནི་མདོ་སྔགས་ཐུན་མོང་གི་འདོན་ཚུལ་ཡིན་པར་རྗེ་བཙུན་གྲགས་པ་རྒྱལ་མཚན་གྱིས་ཆོས་སྤྱོད་རིན་ཆེན་འཕྲེང་བར་གསུངས་ལ། རིམ་པ་བཞིན། ཐམས་ཅད་ཐམས་ཅད་ཁྱོད་ལ་འདུད། །ཡེ་ཤེས་སྐུ་ཉིད་ཁྱོད་ལ་འདུད། །ཅེས་དང། སྟོང་ཉིད་སྨྲ་བའི་ཁྱུ་མཆོག་སྟེ། །ཟབ་ཅིང་རྒྱ་ཆེའི་སྒྲ་སྒྲོགས་པ། །ཞེས་པའི་མན་ངག་གི་འདོན་ཚུལ་ཡིན་པར་ཡང་དེ་ཉིད་ཀྱིས་གསུངས་སོ། །སྔགས་ལུགས་ཐུན་མོང་མ་ཡིན་པ་ནི། མགྲིན་པ་ལོངས་སྤྱོད་ཀྱི་འཁོར་ལོའི་དབུས་སུ་སངས་རྒྱས་ཐམས་ཅད་ཀྱི་གསུང་རྡོ་རྗེ་འོད་དཔག་མེད་ཀྱི་ངོ་བོ་ཤེས་རབ་ཀྱི་ཕ་རོལ་ཏུ་ཕྱིན་མའི་བདག་ཉིད་ཨ་ཡིག་གིས་མཚན་པ་དེ་ལས་གཟུངས་སྔགས་ཐམས་ཅད་མར་མེའི་འཕྲེང་བ་བཞིན་སྤྲོས་ནས་སེམས་ཅན་ཐམས་ཅད་སྨིན་ཅིང་གྲོལ་བར་བྱས། རྒྱལ་བ་སྲས་བཅས་ཀྱི་བྱིན་རླབས་མཐའ་དག་བསྡུས་ཏེ་ཨ་ཡིག་ལ་བསྟིམ་ཞིང་། སླར་ཡང་སྔགས་ཕྲེང་སྤྲོ་བ་སོགས་མགལ་མེའི་འཁོར་ལོ་བཞིན་དུ་འཁོར་བར་བསམ་ནས་བཟླ་བ་ནི། ཨ་ནི་ཡིག་འབྲུ་ཀུན་གྱི་མཆོག །དོན་ཆེན་ཡི་གེ་དམ་པ་ཡིན། །ཁོང་ནས་འབྱུང་བ་སྐྱེ་བ་མེད། །ཅེས་པའི་མན་ངག་གི་འདོན་ཚུལ་དང་། ཡང་ན་རང་ལྷའི་ང་རྒྱལ་ལ་གནས་ཏེ། ཞི་བ་ཡིན་ན་སྙིང་གར་ཟླ་གདན་ལ་རང་རང་གི་ས་བོན་ནམ་སྔགས་ཐམས་ཅད་ཀྱི་རྩ་བ་ཨ་ཡིག་ལ་སྔགས་ཕྲེང་གིས་བསྐོར་བ་ལས་འོད་ཟེར་འཇམ་ཞིང་བསིལ་བ་འཕྲོས། རང་གཞན་གྱི་ལས་ཉོན་སྡིག་སྒྲིབ་འགལ་རྐྱེན་

― GTD007_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་སྦྱངས། རྒྱལ་བ་སྲས་བཅས་ཀྱི་བྱིན་རླབས་བསྡུས་ཏེ་ཐིམ་པས་ལེགས་ཚོགས་ཀྱི་ཡོན་ཏན་ཐམས་ཅད་རྒྱས་པར་བསམས་ལ་བཟླ། ཁྲོ་བོ་ཡིན་ན་ཉི་གདན་ལ་འཁོད་པའི་སྔགས་ཕྲེང་ལས་འོད་ཟེར་ཚ་ཞིང་རྩུབ་པ་མེ་འོད་ལྟ་བུ་སྤྲོས། གནོད་བྱེད་གདོན་བགེགས་ཐམས་ཅད་བསྲེག་ཅིང་ཚར་བཅད་པར་བསམས་ལ་བཟླ་སྟེ། འདི་གཉིས་ནི། རྡོ་རྗེ་ཉི་མ་སྣང་བ་ཆེ། །རྡོ་རྗེ་ཟླ་བ་དྲི་མེད་འོད། །ཅེས་པའི་གདམས་ངག་ཡིན་པར་གསུངས་སོ།། གཞན་ཡང་གཟུགས་སུ་སྣང་བ་ཐམས་ཅད་ལྷ་དེ་དང་དེའི་རྣམ་པ། སྒྲ་ཐམས་ཅད་དེའི་སྔགས་ཀྱི་རང་གདངས། དྲན་རྟོག་ཐམས་ཅད་དེ་དག་གི་ཐུགས་གཉིས་སུ་མེད་པའི་ཡེ་ཤེས་དང་དབྱེར་མེད་དུ་ལྟ་བ་འཁྱེར་སོ་གསུམ་གྱི་རྣལ་འབྱོར་ཡང་བཟླས་པ་གང་བྱེད་ཐམས་ཅད་ཀྱི་སྐབས་སུ་སྦྱར་ན་ཕུན་སུམ་ཚོགས་པར་འགྱུར་རོ། །འདོན་ཚུལ་དེ་དག་གི་སྒོ་ནས་གདོན་པར་བྱ་རྒྱུའི་སྔགས་ནི། སྤྱིར་ཚད་མར་གྱུར་པའི་རྒྱུད་སྡེ་ལས་གསུངས་པའི་སྔགས་ཐམས་ཅད་རྒྱལ་བའི་ཐུགས་བདེ་སྟོང་གི་ཡེ་ཤེས་ཉིད་སྔགས་ཀྱི་རྣམ་པར་ཤར་བ་ཆོས་སྐུའི་རིང་བསྲེལ་ཡིན་པས་མཆོག་དམན་གྱི་དབྱེ་བ་མེད་ཀྱང་། གནས་སྐབས་གདུལ་བྱའི་ལས་འབྲེལ་གྱི་དབང་གིས་དམ་པ་གོང་མ་རྣམས་གཙོར་འདོན་མཛད་པ་ནི། དཔེར་ན། འཁོར་ལོ་སྡོམ་པ་དང་རྡོ་རྗེ་རྣལ་འབྱོར་མ་སོགས་ཀྱི་སྔགས་རྣམས་ཆེས་སྙིགས་མ་བདོ་བའི་ཚེ་འགྲུབ་སླ་ཞིང་སྡིག་སྒྲིབ་འཇོམས་པ་ལ་བསྐལ་པའི་མེ་ལྟ་བུར་གསུངས་པ་དང་། དཔལ་ལྡན་འདུས་པའི་སྔགས་རྣམས་སངས་རྒྱས་ཐམས་ཅད་ཀྱི་སྙིང་པོ་བསྡུས་པ་ཡིན་པས་རྒྱལ་བ་ཀུན་གྱི་བྱིན་རླབས་ཅིག་ཅར་དུ་འདྲེན་པར་གསུངས།

― GTD007_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་འཇིགས་བྱེད་ནི་རང་རེ་རྗེ་བླ་མའི་རྗེས་འཇུག་རྣམས་ཀྱི་ལྷ་སྐལ་ལྟ་བུ་ཡིན་པས་སྒྲུབ་སླ་ཞིང། ཞི་ཁྲོ་སྦྲགས་སྒྲུབ་ཀྱི་གནད་ཚང་བས་འདིའི་བཟླས་བརྗོད་ཅུང་ཟད་རེ་བྱས་པས་ཀྱང་བགེགས་ཐམས་ཅད་ཞི་ཞིང་རྣམ་འབྱེད་ཀྱི་ཤེས་རབ་ཤིན་ཏུ་འཕེལ་བར་གསུངས། དེ་བཞིན་དུ་ལས་སྒྲིབ་སྦྱོང་བ་ལ་མི་འཁྲུགས་པ་དང་སྨན་བླའི་གཟུངས་ལ་སོགས་པ་མཆོག་ཏུ་བསྔགས་ཤིང། ཕྱི་མར་དགའ་ལྡན་དུ་སྐྱེ་བ་དང་། མ་འོངས་པ་ན་རྗེ་བཙུན་བྱམས་མགོན་གྱིས་རྗེས་སུ་འཛིན་པའི་རྒྱུར་བྱམས་པས་དམ་བཅའི་གཟུངས་ལ་ཆེད་དུ་བསྔགས་པ་མཛད། ཡང་ཡིག་དྲུག་ལན་རེ་བཟླས་པས་ཀྱང་བསྐལ་པ་དཔག་མེད་ཀྱི་སྡིག་པ་འདག་ཅིང་བསོད་ནམས་ཚད་མེད་པ་འཐོབ་པས་གཟུངས་གཅིག་ལ་འདི་ལས་ཕན་ཡོན་ཆེ་བ་མེད་པར་ཡང་གསུངས་པ་སོགས་བརྗོད་ཀྱིས་མི་ལང་བས། རང་རང་གི་མོས་པ་དང་བསྟུན་ཏེ་སྔགས་རེ་རེ་ལ་རྩལ་འདོན་པའམ། ཐམས་ཅད་ལ་བག་ཆགས་ཅི་ཐེབས་རེ་བགྱིད་པ་སོགས་གང་བྱས་ཀྱང་ལེགས་སོ། །འདིར་རྒྱུན་གྱི་སྤྱོད་ལམ་དང་བསྟུན་ཏེ་འདོན་རྒྱུའི་སྔགས་ཐོར་བུ་འགའ་ཟུང་ཞིག་འགོད་པ་ལ། ཐོ་རངས་སྐྱ་རེངས་འཆར་བའི་ཚེ་ཤར་ཕྱོགས་སུ་བལྟས་ཏེ་བྱང་ཆུབ་སེམས་དཔའ་ནམ་མཁའི་སྙིང་པོ་ཡིད་ལ་བྱས་ནས། ཏདྱ་ཐཱ། སུ་མྲྀ་ཤ་སུ་མྲྀ་ཤ་སུ་མྲྀ་ཤ་ཀཱ་རུ་ཎི་ཀ།།ཙ་ར་ཙ་ར་བི་ཙ་ར་ས་ཙ་ར། ཀཱ་རུ་ཎི་ཀ་མུ་ར་མུ་ར། བེ་ག་དྷ་རི་མ་ཙ་མེ། བྷཱུ་ཛ་བཱ་ད་ཀཱ་རུ་ཎི་ཀ།།ཙིནྡྷ་མ་ཎི་པཱུ་ར་ཡ་ཀཱ་རུ་ཎི་ཀ། །སརྦ་ཤ་མེསྠཱ་པཱ་ཡ་ཨཛྙཱ་དྷ་རི། སྥུ་གུང་སྥུ་གུང། རུ་ཏི་བི་བེ་ཀ་གུང་དྲྀཥྚི་བི་བེ་ཀ་གུང། པཱུ་ར་ཡ་ཀཱ་རུ་ཎི་ཀ་བཱུ་ར་ཡནྟུ་མ་མ་ཨ་ཤ། །སརྦ་པནྠ་ཙ་ཨ་ཤོ་ཀ་ག་ཏི་སྭཱཧཱ། ཞེས་

― GTD007_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་ཅིང་གསོལ་བ་བཏབ་ན་སྔ་མའི་ཉེས་ལྟུང་འདག་ཅིང་ཉེར་འཚེ་ཐམས་ཅད་སེལ་བར་བསླབ་བཏུས་ལས་གསུངས་སོ། །མཚན་མོ་རྨི་ལམ་ངན་པ་བྱུང་ན་ཡང་ཐོ་རངས་ཡར་ལངས་མ་ཐག །ན་མོ་རཏྣ་ཏྲ་ཡཱ་ཡ། ན་མཿ སརྦ་བུདྡྷ་ཨ་པྲ་ཏི་ཧ་ཏ་ཤཱ་ས་ནཱ་ནཾ། ཏངྱ་ཐཱ། ཨོཾ་ཁ་ཁ་ཁཱ་ཧི་ཁཱ་ཧི། ཧཱུཾ་ཧཱུཾ། ཛྭ་ལ་ཛྭ་ལ། པྲ་ཛྭ་ལ་པྲ་ཛྭ་ལ། ཏིཥྛ་ཏིཥྛ་ཕཊ་ཕཊ་སྭཱཧཱ། ཞེས་ལན་གཅིག་བཟླས་པས་མཚན་ལྟས་ངན་པ་ཐམས་ཅད་བཟློག་པར་འཇམ་དཔལ་རྩ་རྒྱུད་ལས་གསུངས། རྟེན་གྱི་དྲུང་དུ་ཕྱག་འཚལ་བའི་ཚེ་ཐོག་མར། ན་མོ་མཉྫུ་ཤྲི་ཡེ། ན་མ་སྶུ་ཤྲི་ཡེ། ན་མོ་ཨུཏྟ་མ་ཤྲི་ཡེ་སྭཱཧཱ། ཞེས་ལན་གསུམ་བརྗོད་པས་ཕྱག་སྟོང་འགྱུར་དུ་འགྲོ་བར་གསུངས། མཆོད་པ་འབུལ་བའི་ཚེ། ན་མོ་རཏྣ་ཏྲ་ཡཱ་ཡ། ཨོཾ་ན་མོ་བྷ་ག་ཝ་ཏེ། བཛྲ་སཱ་ར་པྲ་མརྡ་ནེ། ཏ་ཐཱ་ག་ཏཱ་ཡ། ཨརྷ་ཏེ་སམྨྱཀྶཾ་བུདྡྷཱ་ཡ། ཏངྱ་ཐཱ། ཨོཾ་བཛྲེ་བཛྲེ། མཧཱ་བཛྲེ། མཧཱ་ཏེ་ཛ་བཛྲེ། མཧཱ་བིདྱཱ་བཛྲེ། མཧཱ་བོ་དྷི་ཙིཏྟ་བཛྲེ། མཧཱ་བོ་དྷི་མཎྜོ་པ་སཾ་ཀྲ་མ་ཎ་བཛྲེ། སརྦ་ཀརྨ་ཨཱ་ཝ་ར་ཎ་བི་ཤོ་དྷ་ན་བཛྲེ་སྭཱཧཱ། ཞེས་མཆོད་པའི་སྤྲིན་གྱི་གཟུངས་བརྗོད་བཞིན་དུ་ཕུལ་བས་མཆོད་པ་ནམ་མཁའ་དང་མཉམ་པར་འགྱུར་ལ། མེ་ཏོག་འབུལ་བའམ་མཎྜལ་གྱི་འབྲུ་སོགས་ལ། ཨོཾ་ན་མོ་བྷ་ག་ཝ་ཏེ། པུཥྤ་ཀེཏུ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྨྱཀྶཾ་བུདྡྷ་ཡ། ཏངྱ་ཐཱ། ཨོཾ་པུཥྤ་པུཥྤ་སྭཱཧཱ། པུཥྤ་སུ་པུཥྤ། པུཥྤོ་དྡྷ་ཝེ། པཤྤཱ་སཾ་བྷ་ལྦེ། པུཥྤ་ཨ་པ་ཀ་རི་ཎེ་སྭཱཧཱ། ཞེས་ལན་བདུན་བཟླས་ཏེ་བཏབ་པས་བྱེ་བར་འགྱུར་རོ། །ཉིན་དེར་བྱེས་སུ་འགྲོ་དགོས་པ་ལྟ་བུ་ཡོད་ན་ཉི་མ་ཤར་

― GTD007_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཚེ་དེའི་ཟེར་ལ་ལྷ་མོ་འོད་ཟེར་ཅན་མ་བྱོན་པར་བསམས་ཏེ། ཨོཾ་མ་རཱི་ཙྱེ་མཱཾ་སྭཱཧཱ། ཞེས་ལན་བདུན་བཟླས་ན་དགྲ་ཇག་སོགས་ཀྱི་ཉེར་འཚེ་ཐམས་ཅད་ཟློག་པའི་སྲུང་བ་ཆེན་པོར་འགྱུར་རོ། །སྐོར་བ་བྱེད་ན། ཨོཾ་ན་མོ་བྷ་ག་ཝ་ཏེ། རཏྣ་ཀེ་ཏུ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྨྱཀྶཾ་བུདྡྷ་ཡ། ཏངྱ་ཐཱ། ཨོཾ་རཏྣེ་རཏྣེ་མཧཱ་རཏྣེ་རཏྣེ་བི་ཛཱ་ཡ་སྭཱཧཱ། ཞེས་ལན་བདུན་སོགས་བརྗོད་པས་བྱེ་བ་ཕྲག་གཅིག་ཏུ་འགྱུར་ལ། འདིའི་སྒོ་ནས་ཕྱག་བྱས་ན་ཡང་བྱེ་བའི་འགྱུར་དུ་གསུངས་སོ། །ཟས་ལ་ལོངས་སྤྱོད་པའི་ཚེ་ཨོཾ་ཨཱཿ ཧཱུཾ་གིས་བྱིན་གྱིས་བརླབས་ཤིང་འབུལ་ཚུལ་སོགས་རྒྱས་པར་ཆོས་སྤྱོད་གསལ་སྒྲོན་དུ་བཤད་པ་ལྟར་རམ། བསྡུ་ན། ཨོཾ་གུ་རུ་བུདྡྷ་བོ་དྷི་སཏྭ་སརྦ་དྷརྨཱ་པཱ་ལ་ས་པ་རི་ཝཱ་ར་བཛྲ་ནཻ་ཝི་ངྱ་ཨཱཿ ཧཱུཾ་གིས་མགྲོན་ཐམས་ཅད་ལ་དབུལ། ཟས་ཀྱི་མཇུག་ཏུ། ན་མཿ ས་མནྟ་པྲ་བྷ་རཱ་ཛཱ་ཡ། ཏ་ཐཱ་ག་ཏཱ་ཡ། ཨརྷ་ཏེ་སམྨྱཀྶཾ་བུདྡྷ་ཡ། ཏངྱ་ཐཱ། ན་མོ་མཉྫུ་ཤྲཱི་ཀུ་མཱ་ར་བྷཱུ་ཏཱ་ཡ། བོ་དྷི་སཏྭ་ཡ། མཧཱ་སཏྭ་ཡ། མཧཱ་ཀཱ་རུ་ཎི་ཀཱ་ཡ། ཏངྱ་ཐཱ། ཨོཾ་ནི་རཱ་ལམྦྷེ། ནི་རཱ་བྷཱ་སེ། ཛ་ཡེ་ཛཱ་ཡེ་ལ་བྡྷེ། མ་ཏེ་མཧཱ་མ་ཏེ། དཀྵེ་དཀྵི་ཎཱཾ་མེ་པ་རི་ཤོ་དྷ་ཡ་སྭཱཧཱ། ཞེས་བརྗོད་ན་དཀོར་སྒྲིབ་སྦྱོང་བ་ལ་ཆེས་མཆོག་ཏུ་བསྔགས་སོ། །ཐ་ན་ཟག་པ་འདོར་བའི་ཚེ་ཡང་། མཆིལ་མ་ལ། ཨོཾ་ཨཱཿ ཤླེཥྨ་ཨཱ་ཧ་རེ་བྷྱཿ སྭཱཧཱ། ལུད་པ་ལ། ཨོཾ་ཨཱཿ ཁྲེ་ཏ་ཨཱ་ཧ་རེ་བྷྱཿ སྭཱཧཱ། སྣབས་ལ། ཨོཾ་ཨཱཿ བི་གྷ་ན་ཨཱ་ཧ་རེ་བྷྱཿ སྭཱཧཱ། ལུས་ཀྱི་དྲི་མ་ལ། ཨོཾ་ཨཱཿ མ་ལ་ཨཱ་ཧ་རེ་བྷྱཿ སྭཱཧཱ། དྲི་ཆེན་ལ། ཨོཾ་ཨཱཿ བི་ཊ་ཨཱ་ཧ་རེ་བྷྱཿ སྭཱཧཱ། དྲི་ཆུ་ལ། ཨོཾ་ཨཱཿ མཱུ་ཏྲ་ཨཱ་ཧ་རེ་བྷྱཿ སྭཱཧཱ། ཞེས་བསྔོས་པས་ཚོགས་ཆེན་པོ་ཞར་བྱུང་དུ་རྫོགས་པས་དགོས་པ་ཤིན་ཏུ་ཆེའོ།།

― GTD007_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་དུ་འགྲོ་བའི་ལམ་དུ་སྲོག་ཆགས་འཆི་ཁ་མ་ལྟ་བུའམ། ཕྱུགས་ལ་སོག་པའི་རྣ་ལམ་དུ་ཡང། ན་མོ་རཏྣ་ཤི་ཁེ་ནེ་ཏ་ཐཱ་ག་ཏཱ་ཡ། ཨརྷ་ཏེ་སཾམྱཀྶཾ་བུདྡྷཱ་ཡ། ཏངྱ་ཐཱ། ཨོཾ་རཏྣེ་རཏྣེ་རཏྣ་ཤི་ཁེ་ནེ་སྭཱཧཱ། ཞེས་རིན་ཆེན་གཙུག་ཏོར་ཅན་གྱི་གཟུངས་འདི་བསྒྲགས་པས་དེ་དག་གི་འཁོར་བ་མཐའ་ཅན་བྱེད་ཅིང་རང་ལའང་ཕན་ཡོན་ཚད་མེད་པ་འབྱུང་ངོ་། །ཡང་རང་གི་རྐང་མཐིལ་དུ། ཨོཾ་ཁྲི་ཙ་ར་གན་ཧཱུཾ་ཧྲི་སྭཱཧཱ། ཞེས་བཟླས་ནས་བསྔགས་ཏེ་སོང་ན་རྐང་འོག་ཏུ་ཤི་བའི་སྲོག་ཆགས་རྣམས་ཀྱང་ངན་འགྲོ་ལས་ཐར་ཞིང་། རྒྱུད་ལ་ཐར་པའི་ས་བོན་འཇོག་པས་ཕན་ཡོན་ཤིན་ཏུ་ཆེ། ལམ་དུ་བླ་མའམ་སྐུ་གསུང་ཐུགས་རྟེན་སོགས་ཀྱི་གྲིབ་མ་འགོམ་དགོས་པ་བྱུང་བའི་ཚེ་སྟེང་དུ་བཏེག་པར་བསམས་ལ། ཨོཾ་བཛྲ་བེ་གཱ་ཀྲ་མ་ཧཱུཾ། ཞེས་བརྗོད་ནས་འགོམ་ཡང་ཉེས་པས་གོས་པར་མི་འགྱུར་རོ། །ཤ་ལ་ལོངས་སྤྱོད་པའི་ཚེ། ཨོཾ་ཨཱཿ བཻ་ར་ཧཱུཾ་ཁེ་ཙ་ར། ཞེས་ལན་བདུན་བཟླས་ནས་བཏབ་ན་སྲོག་ཆགས་དེ་ཉིད་མཐོ་རིས་སུ་སྐྱེ་ཞིང་རང་ལའང་ཉེས་པ་མི་འབྱུང་བར་གསུངས་སོ། །སཙྪ་འདེབས་པའི་སྔགས་སོགས་ནི་དེའི་ཆོ་ག་རྣམས་སུ་ཤེས་པར་བྱ་ལ། མདོ་སྡེ་ཀློག་པ་མ་ནུས་ན། དེའི་དོད་དུ་ཡང་གཟུངས་འདི་རྣམས་བཀླག་པར་གསུངས་ཏེ། སྟོང་ཕྲག་བརྒྱ་པ་གཟུང་བར་འགྱུར་བའི་སྔགས་ནི། ཏངྱ་ཐཱ། ཨོཾ་མུ་ནི་དྷརྨེ་སཾ་གྲ་ཧ་དྷརྨེ་ཨ་ནུ་གྲ་ཧ་དྷརྨེ་བི་མུཀྟི་དྷརྨེ་ས་དཱ་ཨ་ནུ་གྲ་ཧ་དྷརྨེ་བཻ་ཤྲ་བ་ཎ་པ་རི་བརྟི་ཏ་དྷརྨེ་སརྦ་ཀཱརྻ་པ་རེ་བྲ་མ་ཎ་དྷརྨེ་ས་མནྟ་བ་རི་བརྟ་ན་དྷརྨེ་སྭཱཧཱ། ཨོཾ་པྲཛྙཱ་ཤྲུ་ཏི་སྨྲྀ་ཏི་བི་ཛ་ཡེ་དྷཱི་དྷ་ར་ཎཱི་ཡེ་སྭཱཧཱ། ཞེས་དང་།

― GTD007_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

ཕལ་པོ་ཆེ་གཟུང་བར་འགྱུར་བའི་སྔགས་ནི། ཨོཾ་ནྠཱི། ན་མསྶརྦྦ་བུདྡྷཱ་ནཱཾ། ཨོཾ་མཱཾ་བྷཱུཾ་མཱུཾ། ཏངྱ་ཐཱ། ཨོཾ་བྷྲཱུཾ། ན་མསྶ་མནྟ་བུདྡྷ་ནཾ། ཨ་པྲ་ཏི་ཧ་ཏ་ཤཱ་སནཱ་ནཱཾ། ཨོཾ་ཀི་ཎི་ཀི་ཎི། ཏ་ཐཱ་ག་ཏ་ཨུདྦྷ་བ་ཤཱནྟེ་བ་ར་ཏེ་ཨུཏྟ་མཏ་ཐཱ་ག་ཏ་ཨུདྦྷ་བ་ཧཱུཾ་ཕཊ། སྡོང་པོ་བཀོད་པའི་མདོ་གཟུང་བར་འགྱུར་བའི་སྔགས་ནི། ན་མཿ ས་མནྟ་བུདྡྷ་ནཱཾ། ཨ་པྲ་ཏི་ཧ་ཏ་ཤཱ་སནཱ་ནཱཾ། ཨོཾ་ཀི་ཎི་ཀི་ཎི། ཏ་ཐཱ་ག་ཏ་ཨུདྦྷ་བ་ཤཱནྟེ་པ་ར་ཏེ་ཨུཏྟ་མ་ཨུཏྟ་མ། ཏ་ཐཱ་ག་ཏ་ཨུདྦྷ་བ་ཧཱུཾ་ཕཊ་སྭཱཧཱ། ཏིང་ངེ་འཛིན་རྒྱལ་པོ་གཟུང་བར་འགྱུར་བའི་སྔགས་ནི། ན་མཿ ས་མནྟཱ་བུདྡྷཱ་ནཱཾ། ཨ་པྲ་ཏི་ཧ་ཏ་ཤཱ་སནཱ་ནཱཾ། ཨོཾ་དྷུ་ན་དྷུ་ན་ཧཱུཾ་ཧཱུཾ་ཕཊ་ཕཊ་སྭཱཧཱ། འདི་དག་ནི་མཚོན་པ་ཙམ་སྟེ། གཞན་ཡང་དེ་འདྲ་བ་ཤིན་ཏུ་མང་ངོ་། །ཉལ་བའི་ཚེ་ཉིན་དེར་ལྟུང་བ་བྱུང་མ་བྱུང་བསྔོ་བགྲང་བྱས་ལ་ཕྱིར་བཅོས་དང། མ་མཐའ་ཡང་སྔགས་བྱང་སེམས་ཀྱི་ཉེས་པ་སྦྱོང་བའི་ཕྱིར། ཨོཾ་ཨ་མོ་གྷ་ཤཱི་ལ་སཾ་བྷ་ར། བྷ་ར་བྷ་ར། མཧཱ་ཤུདྡྷ་སཏྭ་པདྨ་བི་བྷཱུ་ཥི་ཏ་བྷུ་ཛ། དྷ་ར་དྷ་ར། ས་མནྟ་ཨ་བ་ལོ་ཀི་ཏེ་ཧཱུཾ་ཕཊ་སྭཱཧཱ། ཞེས་ཚུལ་ཁྲིམས་རྣམ་དག་གི་གཟུངས་དང། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་ཏྲཱ་པྲ་ཏི་ཧ་ཏཱ་པཱ་བྟ་དྷརྨཱ་ཏཱ་པ་ལི་ནཱཾ། ཨོཾ་ཨ་ས་མ་ས་མ་ས་མནྟོ྅་ནནྟཱ་པཱ་བྟི་ཤཱ་ས་ནི། ཧ་ར་ཧ་ར། སྨ་ར་སྨ་ར་ཎ་བི་ག་ཏ་རཱ་ག་བུདྡྷ་དྷརྨཱ་ཏེ། ས་ར་ས་ར་ས་མ་བ་ལ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན། མཧཱ་བ་ར་ལཀྵ་ཎེ། ཛྭ་ལ་ཛྭ་ལ་ན་སཱ་ག་རེ་སྭཱཧཱ། ཞེས་དེ་བཞིན་གཤེགས་པའི་ཡིག་བརྒྱ་དང་། སྔགས་སྡོམ་གྱི་ཉེས་པ་འདག་ཕྱིར་རྡོ་རྗེ་སེམས་དཔའི་ཡིག་བརྒྱ་རྣམས་ཅི་འགྲུབ་བཟླ། དགེ་རྩ་གང་བྱས་མཐའ་དག་གོང་དུ་སྤེལ་བའི་སླད་དེ་བཞིན་གཤེགས་

― GTD007_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཐམས་ཅད་ཀྱི་ཐུགས་རྗེ་བསྐུལ་བའི་ཕྱིར། ན་མཿ སརྦ་ཏ་ཐཱ་ག་ཏ་ཧྲི་ད་ཡ་ཨ་ནུ་ག་ཏེ་ཨོཾ་ཀུ་རུཾ་གི་ནི་སྭཱཧཱ། ཞེས་དེ་བཞིན་གཤེགས་པ་སྤྱིའི་སྙིང་པོ་ཅི་འགྲུབ་བཟླ། ཉལ་བའི་ཚེ། ཨོཾ་སིདྡྷི་སིདྡྷི་བུདྡྷ་བུདྡྷ་བོ་དྷ་ཡ་བོ་དྷ་ཡ་བ་ལ་བ་ལ་ཏིཥྛ་ཏིཥྛ་ཧྲཱིཿ ཀཾ་བ་ཀཾ་བ་པ་ར་གཙྪ་གཙྪ་བྷ་ཝ་ཏི་མ་བི་ལཾ་བ་ཨ་ལེ་སྭཱཧཱ། ཞེས་པའི་སྔགས་འདི་ལག་མཐིལ་གཡས་པར་བཏབ་སྟེ་འགྲམ་པར་སྦྱར་ནས་སེངྒེའི་ཉལ་སྟབས་སུ་གཉིད་ལོག་པས་གཉིད་ཀྱི་འོད་གསལ་ཟིན་ཅིང། ཤེར་ཕྱིན་གྱི་དོན་མྱུར་དུ་རྟོགས་པར་གསུངས། ཡང་དེའི་ཚེ་མགོན་པོ་འོད་དཔག་མེད་ཀྱི་སྐུའི་རྣམ་པ་གསལ་བཏབ་ནས་དེའི་པང་དུ་མགོ་གཞག་པར་མོས་ཏེ་ཚེ་གཟུངས་རིང་ཐུང་ཅི་རིགས་བཟླ་བཞིན་པར་གཉིད་ལོག་ན་དུས་མཐའི་སྐབས་སུ་ཡང་ཕན་ཆེ་བས། ཕྱི་མར་བདེ་བ་ཅན་དུ་སྐྱེ་བ་སོགས་ཀྱི་དགོས་པ་ཆེན་པོ་ཡོད་པར་བསམ་གཏན་ཉལ་སྒོམ་གྱི་མན་ངག་ལས་གསུངས་སོ། །འདིར་ཉེར་མཁོ་མདོར་བསྡུས་ཙམ་བཀོད་པ་ཡིན་གྱི། དེ་འདྲ་བའི་རིགས་ཉམས་སུ་ལེན་པར་འདོད་ན་རྒྱུད་འབུམ་སོགས་སུ་བཙལ་བར་བྱའོ། །གསང་སྔགས་ཟབ་མོའི་འཕྲུལ་འདེགས་ཀྱིས། །དཀའ་བ་མེད་པར་ཚོགས་ཆེན་པོ། །རྫོགས་པའི་ཐབས་མཁས་རྨད་བྱུང་འདི། །སྐལ་བཟང་སྐྱེ་བོའི་འཇུག་ངོགས་ཡིན། །སྔགས་དང་ཏིང་འཛིན་ཟུང་འཇུག་འདབ་ཡངས་ཀྱིས། །ཚོགས་གཉིས་ལྷ་ལམ་གཞལ་བའི་མཐུ་རྫོགས་ནས། །མི་བཟད་སྲིད་པའི་གཅོང་རོང་ལས་བརྒལ་ཏེ། །ངེས་ལེགས་རི་དབང་སྤོ་མཐོར་ཕྱིན་གྱུར་ཅིག །ཅེས་གཟུངས་སྔགས་ཟབ་མོ་དུ་

― GTD007_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཁ་ཏོན་དུ་བྱ་བའི་ཚུལ་དགེ་བའི་འཕྲུལ་འདེགས་ཞེས་བྱ་བ་འདི་ནི་ཨ་བ་ག་བཻ་ལིའི་ཤོག་ནས་ཆོས་དོན་རྣམ་པར་འབྱེད་པའི་བློ་མིག་ཅན་རབ་འབྱམས་པ་འཇམ་དབྱངས་མཐུ་སྟོབས་ཀྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པ་སྐྱེ་བོ་ཀུན་ལ་ཕན་ཐོགས་པར་གྱུར་ཅིག། །།བཀྲ་ཤིས།།

མདོ་སྡེ་ཐར་པ་ཆེན་པོའི་འདོན་ཐབས།

― GTD007_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་སྡེ་ཐར་པ་ཆེན་པོའི་འདོན་ཐབས་མདོ་ཉིད་ཀྱི་དགོངས་པ་ཇི་ལྟ་བ་བཞིན་དུ་རྒྱས་པར་བཀོད་པ་བཞུགས་སོ།།

― GTD007_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་རཏྣ་ཏྲ་ཡཱ་ཡ། ཐུགས་བསྐྱེད་རྨད་བྱུང་སྟོན་པ་རྫོགས་སངས་རྒྱས། །ཐུགས་བཅུད་གདམས་པའི་ཉིང་ཁུ་དམ་པའི་ཆོས། །ཐུགས་དམ་མཛད་པ་འཕགས་པའི་དགེ་འདུན་བཅས། །ཐུགས་རྗེ་བདེན་པས་བྱང་ཆུབ་བར་དུ་སྐྱོངས། །ཐུབ་པའི་དབང་པོའི་མགུར་ནས་གསུང་བ་ཡི། །ཐེག་པ་ཆེན་པོའི་ཆོས་ཀྱི་སྙིང་པོ་མཆོག །ཐར་པ་ཆེན་པོའི་མདོ་སྡེ་ཀློག་པ་ཡི། །ཐབས་མཁས་ཆེན་པོས་གཏན་འདུན་སྒྲུབ་པར་རིགས། །མཚན་གཅིག་བརྗོད་ཀྱང་ཕན་པ་མཐའ་ཡས་ན། །ཆོ་ག་ཇི་བཞིན་རྒྱ་ཆེར་བཀླག་པ་ཡིས། །མི་བཟད་སྡིག་ལྟུང་ལྷག་མེད་བྱང་བ་སོགས། །ཕན་ཡོན་བསམ་ལས་འདས་ཕྱིར་འདིར་ཞུགས་ཤིག །དེའང་ཐར་པ་ཆེན་པོའི་མདོ་སྡེ་འདི་ཉིད་གདོན་པ་ལ། མདོ་སྡེ་ཉིད་ལས། ཚིགས་བཅད་གཅིག་འཆང་ངམ་ཀློག་ན་བསོད་ནམས་འདི་ལྟ་བུ་དང་ལྡན་པར་འགྱུར་རོ། །འདི་ལྟ་སྟེ། གང་གིས་མདོ་སྡེ་འདི་འཛིན་ཡང་། །སྡུག་བསྔལ་ཀུན་དང་ཡོངས་འབྲལ་ལོ། །ནམ་དུའང་ངན་འགྲོར་མི་ལྟུང་སྟེ། །བདེ་བའི་གནས་སུ་ཕྱིན་པར་འགྱུར། །ཞེས་མདོ་ཆ་ཚང་ཀློག་པ་ལྟ་ཞོག །ནང་གི་ཚིགས་བཅད་རེ་རེ་དང་མཚན་རེ་རེ་བཀླག་པ་ཙམ་ལའང་ཕན་ཡོན་ཚད་མེད་པས། ཉིན་གྲངས་དང་གདོན་ཐབས་ཀྱི་ལག་ལེན་རྒྱས་བསྡུས་གང་བྱས་ཀྱང་རུང་ངོ་། །འོན་ཀྱང་འདིར་མདོ་རང་ལས་འབྱུང་བའི་ཆོ་གའི་ཡན་ལག་ཐམས་ཅད་ཚང་བར་བྱས་ཏེ་ལག་ལེན་རྒྱས་པའི་དབང་དུ་བྱས་ནས་འགོད་པ་ལ། མདོར། དབེན་པའི་གནས་ཁང་པ་གཅིག་

― GTD007_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ནང་དུ་དཀྱིལ་འཁོར་བྱས་ལ། དྲིའི་ཆུས་ཆག་ཆག་གདབ། འཕན་གདུགས་བཟང་པོས་བརྒྱན་ཅིང་སྤོས་ཞིམ་པོ་བསྲེགས་ཞེས་དང་། ཁང་པ་དབེན་པ་གཙང་མའི་ནང་བ་དན་དང་རྒྱལ་མཚན་དང་གདུགས་ཀྱིས་བརྒྱན་ནས། ཞེས་པ་ལྟར་ཉིན་སྔ་མ་ནས་གནས་བྱི་དོར་བྱས་ལ་མཆོད་རྫས་དུ་མ་བཀོད་པ་མཛེས་པར་བསྟར། རིགས་ལྔ་དུས་གསུམ་སངས་རྒྱས་སོགས་སངས་རྒྱས་བྱང་སེམས་ཀྱི་སྐུ་གཟུགས་བྲིས་འབུར་གང་མང། སྨན་མདོ་བརྒྱད་བརྒྱ་པ་སོགས་བཀའི་གླེགས་བམ། ས་ཚྭ་ཡན་ཆོད་ཐུགས་རྟེན་ཅི་འབྱོར་པ་རྣམས་ལེགས་པར་དགྲམ་པ་སོགས་ཚགས་སུ་ཚུད་པར་བྱས་ལ། དངོས་གཞིའི་ཉིན་ཐེག་པ་ཆེན་པོའི་གསོ་སྦྱོང་གི་སྡོམ་པ་ལེན་པ་གལ་ཆེ་སྟེ། མདོར། ཤ་དང་ཆང་མི་འཚལ་བར་སྡོམ་པ་ལ་གནས་ཤིང། བདག་ཉིད་རྩེད་འཇོ་ལ་སོགས་པ་སྤངས་ཏེ། ཞེས་དང། ཆོ་ག་ཉིན་ཞག་བདུན་གྱི་བར་དུ་ཉིན་གཅིག་བཟའ་གཅིག་ཏུ་བྱས་ལ། ཞེས་ཆང་དང་རྒྱན་གླུ་གར་དུས་མ་ཡིན་པའི་ཁ་ཟས་སོགས་སྤངས་ཏེ་དཀར་ཆོག་སྟན་གཅིག་ཏུ་བྱ་བའི་ཚུལ་གྱིས་ཡན་ལག་བཞི་དངོས་སུ་བསྟན་པས་རྩ་བ་བཞི་དོན་གྱིས་འགྲུབ་བོ། །དེ་ལྟར་ན་ཞག་གྲངས་ཀྱང་མཐའ་གཅིག་ཏུ་ངེས་གཟུང་མིན་ཡང་ཞག་བདུན་དུ་བྱས་ན་ཤིན་ཏུ་ལེགས་ཏེ། མདོར། ཉིན་ཞག་བདུན་གྱི་བར་དུ་ཉིན་རེ་རེ་ཞིང་མདོ་སྡེ་འདི་བཀླག་སྟེ། ཞེས་དང། གདུགས་བདུན་གྱི་བར་དུ་མདོ་སྡེ་གཞན་མི་བསམ་པར། ཞེས་སོགས་གདུགས་བདུན་བྱ་བར་ཡང་ཡང་གསུངས་སོ། །སྡོམ་པ་བཟུང་བའི་ཐོག་མར་ཡང་འཁོར་བ་མི་རྟག་པའི་ངང་ཚུལ་བསམ་ནས་འཇིགས་པས་སྐྱབས་སུ་འགྲོ་བ་དང་། བྱམས་

― GTD007_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་རྗེའི་དམིགས་རྣམ་གསལ་བཏབ་སྟེ་སེམས་བསྐྱེད་ཚད་མེད་བཞི་དང་བཅས་པ་བསྒོམ་དགོས་པའང། མདོར། མི་རྟག་པ་ལ་རྣམ་པར་རྟོག་པར་བྱ་ན་ཉོན་མོངས་པ་རྣམ་པར་སྤངས་ཏེ། ཡང་དག་པའི་དྲན་པ་མངོན་དུ་བཞག་ལ་བྱམས་པ་དང་སྙིང་རྗེ་ཐོག་མར་འགྲོ་བར་བྱ་སྟེ། ཞེས་སོ། །དེར་མ་ཟད་ཐེག་པ་ཆེན་པོའི་ལམ་ཐབས་ཤེས་ཟུང་དུ་འཇུག་པ་མེད་མི་རུང་ཡིན་པས། སྟོང་ཉིད་ཀྱི་ལྟ་བས་རྒྱས་འདེབས་པའང་གལ་ཆེ་སྟེ། མདོར། ཆོས་ཀྱི་རྣམ་གྲངས་འདི་ཡུན་རིང་དུ་བསྒོམས་ལ། ཆོས་ཀྱི་མཚན་ཉིད་ལ་བདག་དང་། གང་ཟག་དང་། སེམས་ཅན་ལ་སོགས་པའི་ལྟ་བ་མེད་པར་མངོན་པར་བྱ་སྟེ། ཞེས་གསུངས་སོ། །ཚུལ་དེ་ལྟར་ཐབས་ཤེས་ཟུང་འབྲེལ་དུ་ཉམས་སུ་བླངས་ན་རྒྱ་མཚོ་དང་རྨིག་རྗེས་བཞིན་དམན་པའི་དགེ་ཚོགས་མཐའ་དག་ཟིལ་གྱིས་གནོན་པ་ལ་དགོངས་ནས། འོག་ཏུ། ཐེག་ཆེན་དཔེ་ཚད་རྒྱ་མཚོ་བཞིན། །ཐེག་པ་ཆུང་ངུ་བ་རྗེས་ཆུ། །ཐེག་ཆེན་དཔེ་ཚད་རི་རབ་ལྷུན། །ཐེག་པ་ཆུང་ངུ་གྲོག་མའི་མཁར། །ཞེས་སོགས་གསུངས་པ་ཡིན་ནོ། །དེས་ན་ཐོ་རངས་ལག་རིས་མཐོང་བའི་ཚོད་ཙམ་ལ་ཕྱག་བཙལ་ཅིང་སྐྱབས་སེམས་སྔོན་དུ་བཏང་སྟེ། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། སློབ་དཔོན་དགོངས་སུ་གསོལ། ཇི་ལྟར་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྟ་ཅང་ཤེས་ལྟ་བུ། གླང་པོ་ཆེན་པོ། བྱ་བ་བྱས་ཤིང་བྱེད་པ་བྱས་པ། ཁུར་བོར་བ། རང་གི་དོན་རྗེས་སུ་ཐོབ་པ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་བཀའ། ལེགས་པར་རྣམ་པར་གྲོལ་བའི་ཐུགས། ལེགས་པར་རྣམ་པར་གྲོལ་བའི་ཤེས་རབ་ཅན་དེ་དག་གིས། སེམས་ཅན་ཐམས་ཅད་ཀྱི་དོན་གྱི་ཕྱིར་

― GTD007_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། ཕན་པར་བྱ་བའི་ཕྱིར་དང། གྲོལ་བར་བྱ་བའི་ཕྱིར་དང། མུ་གེ་མེད་པར་བྱ་བའི་ཕྱིར་དང། ནད་མེད་པར་བྱ་བའི་ཕྱིར་དང་། བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡོངས་སུ་རྫོགས་པར་བྱ་བའི་ཕྱིར་དང། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ངེས་པར་རྟོགས་པར་བྱ་བའི་ཕྱིར་གསོ་སྦྱོང་ཡང་དག་པར་མཛད་པ་དེ་བཞིན་དུ། བདག་མིང་འདི་ཞེས་བགྱི་བས་ཀྱང། དུས་འདི་ནས་བཟུང་སྟེ། ཇི་སྲིད་སང་ཉི་མ་མ་ཤར་གྱི་བར་དུ། སེམས་ཅན་ཐམས་ཅད་ཀྱི་དོན་གྱི་ཕྱིར་དང། ཕན་པར་བྱ་བའི་ཕྱིར་དང། གྲོལ་བར་བྱ་བའི་ཕྱིར་དང། མུ་གེ་མེད་པར་བྱ་བའི་ཕྱིར་དང། ནད་མེད་པར་བྱ་བའི་ཕྱིར་དང། བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡོངས་སུ་རྫོགས་པར་བྱ་བའི་ཕྱིར་དང། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ངེས་པར་རྟོགས་པར་བྱ་བའི་ཕྱིར་གསོ་སྦྱོང་ཡང་དག་པར་བླང་བར་བགྱིའོ། །ཞེས་ལན་གསུམ་གྱིས་སྡོམ་པ་གཟུང་། ཐབས་ལེགས་བྱས་ལ། དེང་ནས་སྲོག་གཅོད་མི་བྱ་ཞིང་། །གཞན་གྱི་ནོར་ཡང་བླང་མི་བྱ། །འཁྲིག་པའི་ཆོས་ཀྱང་མི་སྤྱོད་ཅིང། །རྫུན་གྱི་ཚིག་ཀྱང་མི་སྨྲ་འོ། །སྐྱོན་ནི་མང་པོ་ཉེར་བརྟེན་པའ། །ཆང་ནི་ཡོངས་སུ་སྤང་བར་བྱ། །ཁྲི་སྟན་ཆེ་མཐོ་མི་བྱ་ཞིང། །དེ་བཞིན་དུས་མ་ཡིན་པའི་ཟས། །དྲི་དང་ཕྲེང་བ་རྒྱན་དང་ན། །གར་དང་གླུ་སོགས་སྤང་བར་བྱ། །ཇི་ལྟར་དགྲ་བཅོམ་རྟག་ཏུ་ན། །སྲོག་གཅོད་ལ་སོགས་མི་བྱེད་ལྟར། །དེ་བཞིན་སྲོག་གཅོད་ལ་སོགས་སྤང། །བླ་མེད་བྱང་ཆུབ་མྱུར་ཐོབ་ཤོག །

― GTD007_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་མང་འཁྲུགས་འཇིག་རྟེན་འདི། །སྲིད་པའི་མཚོ་ལས་སྒྲོལ་བར་ཤོག །ལན་གཅིག་རྗེས་ཟློས་བྱས་ནས་བསླབ་པ་བསྲུང་བར་དམ་བཅའ། རྟེན་གྱི་དྲུང་ཡིན་ན། སློབ་དཔོན་དགོངས་སུ་གསོལ་ཞེས་པ་དང་ཐབས་ལེགས་མི་དགོས། གཞན་རྣམས་རང་གིས་བརྗོད། མཇུག་ཏུ། ཨོཾ་ཨ་མོ་གྷ་ཤཱི་ལ་སཾ་བྷ་ར། བྷ་ར་བྷ་ར། མཧཱ་ཤུདྡྷ་སཏྭ་པདྨ་བི་བྷཱུ་ཥི་ཏ་བྷུ་ཛ། དྷ་ར་དྷ་ར། ས་མནྟ། ཨ་ཝ་ལོ་ཀི་ཏེ་ཧཱུཾ་ཕཊ་སྭཱཧཱ། ཞེས་ཚུལ་ཁྲིམས་རྣམ་དག་གི་གཟུངས་ཉེར་གཅིག་བརྗོད། ཁྲིམས་ཀྱི་ཚུལ་ཁྲིམས་ཞེས་སོགས་ཀྱིས་སྨོན་ལམ་གདབ་བོ།། དངོས་གཞི་ལ་རྒྱུད་ཆགས་གསུམ་གྱི་ཐོག་མ་ཕྱག་འཚལ་དགོས་པར་འདུལ་བ་སོགས་ནས་གསུང་བར་མ་ཟད་མདོ་འདིར། དུས་གསུམ་ཕྱོགས་བཅུའི་སངས་རྒྱས་དང་། ཆོས་གསུང་རབ་ཡན་ལག་བཅུ་གཉིས། བྱང་སེམས་དུ་མ་དང་བཅས་པར་ཕྱག་འཚལ་བའི་ཚུལ་ནན་ཏན་དུ་གསུངས་པས། འགྲེང་སྟེ་དད་པ་ཤུགས་དྲག་པོ་དང་བཅས་ཡན་ལག་ལྔས་ཕྱག་ཚུལ་དང་མཐུན་པར་བཙལ་ལ། སངས་རྒྱས་རིན་ཆེན་གཙུག་ཏོར་འོད་མི་འགྱུར། །ཉི་ཟླ་མར་མེ་གསལ་བ་ཉི་ཁྲི་སོགས། །འདས་པའི་སངས་རྒྱས་གཅིག་བཅུ་བརྒྱ་སྟོང་ཁྲ། །སོགས་ཀྱིས་མཚོན་ཏེ་གངྒཱའི་བྱེ་མའི་རྡུལ། །བྱེ་བ་བརྒྱ་སྟོང་སྙེད་ལས་འདས་པ་ལ། །སྒོ་གསུམ་མི་ཕྱེད་དད་པས་ཕྱག་འཚལ་ལོ། །ཕྱོགས་བཅུའི་ཞིང་ན་འཚོ་གཞེས་རྒྱལ་རྣམས་དང། །ཤཱཀ་ཐུབ་གསལ་རྒྱལ་འབུམ་ཕྲག་བཅུ་ལ་སོགས། །ད་ལྟའི་སངས་རྒྱས་གཅིག་བཅུ་བརྒྱ་སྟོང་ཁྲ། །སོགས་ཀྱིས་མཚོན་ཏེ་གངྒཱའི་བྱེ་མའི་རྡུལ། །བྱེ་བ་བརྒྱ་སྟོང་སྙེད་ལས་འདས་པ་ལ། །སྒོ་གསུམ་མི་ཕྱེད་དད་པས་ཕྱག་འཚལ་ལོ། །ཕྱི་མའི་དུས་སུ་འབྱོན་པར་འགྱུར་བ་ཡི། །རྒྱལ་བ་བྱམས་མགོན་རྣམ་དག་སྐུ་ལ་སོགས། །མ་

― GTD007_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

འོངས་སངས་རྒྱས་གཅིག་བཅུ་བརྒྱ་སྟོང་ཁྲ། །སོགས་ཀྱིས་མཚོན་ཏེ་གངྒཱའི་བྱེ་མའི་རྡུལ། །བྱེ་བ་བརྒྱ་སྟོང་སྙེད་ལས་འདས་པ་ལ། །སྒོ་གསུམ་མི་ཕྱེད་དད་པས་ཕྱག་འཚལ་ལོ། །མདོ་སྡེ་དབྱངས་བསྙད་ལུང་དུ་བསྟན་པ་སོགས། །ཡན་ལག་བཅུ་གཉིས་ལུང་རྟོགས་དམ་པའི་ཆོས། །ཕྱོགས་བཅུའི་ཞིང་ཁམས་གཅིག་བཅུ་བརྒྱ་སྟོང་ཁྲ། །སོགས་ཀྱིས་མཚོན་ཏེ་གངྒཱའི་བྱེ་མའི་རྡུལ། །བྱེ་བ་བརྒྱ་སྟོང་སྙེད་དུ་བཞུགས་པ་ལ། །སྒོ་གསུམ་མི་ཕྱེད་དད་པས་ཕྱག་འཚལ་ལོ། །འཇམ་དབྱངས་སྤྱན་རས་གཟིགས་དབང་མཐུ་ཆེན་ཐོབ། །བརྩོན་འགྲུས་རྟག་དང་རྒྱུན་མི་གཏོང་བ་སོགས། །སེམས་དཔའ་ཆེན་པོ་གཅིག་བཅུ་བརྒྱ་སྟོང་ཁྲ། །སོགས་ཀྱིས་མཚོན་ཏེ་གངྒཱའི་བྱེ་མའི་རྡུལ། །བྱེ་བ་བརྒྱ་སྟོང་སྙེད་ལས་འདས་པ་ལ། །སྒོ་གསུམ་མི་ཕྱེད་དད་པས་ཕྱག་འཚལ་ལོ། །ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །ནས། ཐམས་ཅད་བདག་གིས་བསྟོད། །ཅེས་པའི་བར་ཕྱག་དང་སྦྲགས་ཏེ་བྱ། ཐོག་མའི་ཕྱག་འདི་ནི་ཤིན་ཏུ་གལ་ཆེ་བས། མདོར། དད་སྐྱེས་བརྩོན་འགྲུས་ཕྱག་འཚལ་ན། །ཚད་མེད་སངས་རྒྱས་མཐོང་བར་འགྱུར། །དེ་བས་རྩེ་གཅིག་ཕྱག་ཚོལ་ཅིག །ཅེས་གསུངས་སོ། །སངས་རྒྱས་བྱང་སེམས་གྲངས་མེད་པ་དེ་སྙེད་ཡིད་ཡུལ་དུ་བྱས་ནས་ཕྱག་འཚལ་བ་ལྟ་ཞོག །དེའི་ནང་གི་བྱང་སེམས་རེ་རེའི་མཚན་འཛིན་པའང་དོན་ཤིན་ཏུ་ཆེ་བ་ནི། མདོར། ཆོས་ཀྱི་རྣམ་གྲངས་འདིའི་ནང་གི་སངས་རྒྱས་ཀྱི་མཚན་གཅིག་གམ། བྱང་ཆུབ་སེམས་དཔའི་མཚན་གཅིག་བརྗོད་ན་གང་ཟག་དེ་ཚེ་འདི་ཉིད་ལ་བདེ་བ་ཐོབ་སྟེ་སྡིག་པ་རྣམས་མི་མཐོང་ཞིང་། ཚེ་ཟད་དེ་འཆི་འཕོས་ནའང་བྱང་ཆུབ་སེམས་དཔའ་བདག་ཅག་རྣམས་ཀྱིས་སྔོན་དུ་ལམ་དྲངས་ཏེ། བདག་ཅག་གིས་འཇིག་རྟེན་གྱི་ཁམས་རྣམ་པར་དག་

― GTD007_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གནས་གཅིག་ཏུ་སྐྱེ་བར་བགྱིའོ། །ཞེས་འདི་ཕྱི་གཉི་གར་དོན་ཤིན་ཏུ་ཆེ་ཚུལ་གསལ་བར་བསྟན་པ་བཞིན་ནོ། །སངས་རྒྱས་རྣམས་ནི་སྒྲིབ་པ་མེད་པའི་ཡེ་ཤེས་ཀྱི་གཟིགས་པ་མངའ་ཞིང་ཆོས་ཀྱི་དབྱིངས་ཀྱི་རང་བཞིན་ཀུན་ཏུ་ཁྱབ་པས་མདུན་ན་མངོན་སུམ་དུ་བཞུགས་ཡོད་པར་དམིགས་ཤིང། དེ་ལྟར་བློ་ཐག་ཆོད་པ་བྱུང་ན་ས་ཆོད་ཤིན་ཏུ་ཆེ་བས། མདོར། སངས་རྒྱས་གྲངས་མེད་པའི་འདུ་ཤེས་བསྐྱེད་དེ་མཐོང་བ་དང་འདྲ་བར་དམིགས་ལ། ཞེས་སོ། །ཕྱག་གྲུབ་ནས་སྟན་ལ་འཁོད་དེ། རྒྱལ་བ་རྒྱ་མཚོ་ཞེས་སོགས་མཆོད་འཕྲེང་རྒྱས་པའམ། བསྡུ་ན། མེ་ཏོག་དམ་པ་ནས་ཕྱག་འཚལ་མཆོད་པར་བགྱི། །ཞེས་མཆོད་པ་དབུལ། བསླབ་བཏུས་སུ་སྡིག་པ་སྦྱོང་བའི་ཐབས་དྲུག་གསུངས་པ་ལས། འདིར་མདོ་སྡེ་ཟབ་མོ་ལ་བརྟེན་པ་གཙོ་བོ་ཡིན་ཞིང་། མཚན་ལ་བརྟེན་པ་དང། བཟླས་པ་ལ་བརྟེན་པ་གཉིས་ཀྱང་ནང་དུ་གསལ་ལ། འོག་ཏུ། ཤེས་རབ་སྟོང་པ་ཉིད་ཀྱི་ཕྱིར་སྡིག་པའི་རང་བཞིན་སྟོང་པ་ཉིད་དོ། །ཞེས་སྟོང་པ་ཉིད་ལ་བརྟེན་པར་གསུངས་པ་སོགས་དོན་གྱི་གནད་ཐམས་ཅད་ཚང་ངོ་། །དེས་ན་དངོས་གཞིའི་གཙོ་བོ་འགྱོད་ཚང་གིས་སྡིག་པ་སྦྱོང་བ་ཡིན་པས་བཤགས་པའི་མཚམས་འདིར་མདོ་སྡེ་བཀླག་པར་བྱའོ། །ཀློག་པའི་ཚེ་འགའ་ཞིག་གིས་ཆོས་ལ་དབང་བ་པོ་ལྟ་བུར་བྱས་ཏེ་གུས་པ་མེད་པར་གར་བབ་ཏུ་འཇོག་པ་དང་ལག་པ་སྣུམ་དང་དྲི་མས་སྦགས་པས་བཟུང་སྟེ་ནོག་པོར་བྱེད་པ་དང། སེམས་གཡེང་བས་ཆད་ལྷག་དང་སྒྲ་ལོག་ཏུ་འདོན་པ་སོགས་ནི་ཕན་ཡོན་ལས་ཉེས་དམིགས་ཆེ་བས་ཤིན་ཏུ་མི་རུང་སྟེ། མདོར། སུག་པ་མི་གཙང་བས་མདོ་སྡེ་འདི་བཟུང་ངམ། མ་གུས་པར་བཀླགས་སམ། ཁ་ཏོན་དུ་བགྱིས་ན། བདག་ཅག་གིས་གང་ཟག་དེ་འགྲོ་སྡོད་འདུག་ཉལ་གྱི་སྤྱོད་ལམ་རྣམ་བཞིར་ལུས་དང་སེམས་མི་བདེ་བར་བགྱིའོ། །ཞེས་མ་གུས་པར་བྱས་ན་དཀར་ཕྱོགས་སྐྱོང་བ་རྣམས་ཀྱིས་གནོད་པ་བྱེད་ཚུལ་དང་། ལག་པ་གཙང་མས་བླངས་ཤིང་འཆང་ངམ། ཁྲུས་བགྱིས་ཏེ་བདུག་སྤོས་ཀྱིས་བདུག་ཅིང་བླང་ངམ། ཞེས་སོགས་ནས།

― GTD007_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

བསྲུང་བར་བགྱིའོ། །ཞེས་གུས་པ་ལ་གྲོགས་བྱེད་ཚུལ་གསུངས་པས། གལ་ཏེ་བདུག་སྤོས་ཀྱིས་བདུག་པ་མ་བྱུང་ཡང་། སྒོག་བཙོང་ཐ་མ་ཁ་སོགས་དྲི་ངན་གྱིས་མ་བདུགས་པ་ཞིག་གལ་ཆེའོ།། གཙོ་བོ་བསམ་པའི་ཁྱད་པར་ཇི་ལྟ་བུས་ཀློག་པའང་མདོར། སེམས་ཐག་པ་ནས་མི་འཁྲུགས་པ་དང། སེམས་ཐག་པ་ནས་མི་ནོར་བ་དང། སེམས་ཐག་པ་ནས་མི་གཡེང་བ་དང། སེམས་ཐག་པ་ནས་དུས་ཀྱིས་འགྲུས་པ་དང། སེམས་ཐག་པ་ནས་དད་པ་བསྐྱེད་པ་དང། སེམས་ཐག་པ་ནས་དགའ་བ་བསྐྱེད་པ་དང། ཞེས་སོགས་དང། གོང་དུ་ཐབས་ཤེས་ཁྱད་པར་ཅན་གྱི་ཀུན་སློང་གསལ་འདེབས་ཚུལ་གསུངས་པ་དེ་ལྟ་བུའི་བསམ་སྦྱོར་རྣམ་དག་ཡ་མ་བྲལ་བའི་སྒོ་ནས་གདོན་དགོས་སོ། །མདོ་བཀླགས་པའི་འཕྲོར། འདོད་ཆགས་ཞེ་སྡང་གཏི་མུག་དབང་གིས་ན། །ཞེས་པ་ནས། སོ་སོར་བཤགས། །རྒྱལ་བུ་དགེ་མཐོང་སྐྱེ་བོ་སུམ་སྟོང་བཅས། །མི་བཟད་སྡིག་ལྟུང་དཔག་མེད་བྱས་ན་ཡང། །མདོ་སྡེ་འདིར་བརྟེན་འགྱོད་ཚང་བགྱིས་པ་ཡིས། །ཉེས་པའི་དྲི་མ་ལྷག་མེད་བྱང་བ་བཞིན། །དུས་གསུམ་ཕྱོགས་བཅུར་བཞུགས་པའི་རྒྱལ་རྣམས་དང། །མདོ་སྡེ་བཅུ་གཉིས་རྒྱལ་སྲས་ཚོགས་ཀྱི་མཐུས། །བདག་སོགས་འབྲེལ་ཐོགས་འགྲོ་བ་མ་ལུས་པའ། །སྒོ་གསུམ་ཉེས་ཚོགས་བྱང་ཞིང་དག་གྱུར་ཅིག །ཁྱད་པར་ཚེ་འདས་ལྟ་བུའི་དོན་ཡིན་ན་རྐང་པ་གསུམ་པར། དམིགས་ཡུལ་ཚེ་ལས་འདས་པ་འདི་ཉིད་ཀྱི། །ཞེས་སམ། ཚེ་འདས་རབ་བརྟན་བཟང་པོ་ཞེས་བྱ་འདིའ། །ཞེས་པ་ལྟ་བུར་བསྒྱུར་ཀྱང་རུང། དེ་ནས། ཕྱོགས་བཅུའི་རྒྱལ་བ་ཀུན་དང་ཞེས་སོགས་ཀྱི་ཡན་ལག་ལྷག་མ་རྣམས་བྱའོ། །དེ་ནས་བཟང་སྤྱོད་ཀྱི་འཕྲོ་དང། བདེ་བ་ཅན་གྱི་སྨོན་ལམ། བྱམས་པའི་སྨོན་ལམ་སོགས་རང་གི་མོས་པ་དང་བསྟུན་པའི་བསྔོ་སྨོན་རྣམ་དག་གིས་མཚམས་སྦྱར་བར་བྱའོ། །ཐུན་མཚམས་སུ།

― GTD007_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་བུདྡྷ་ཡ། ན་མོ་དྷརྨཱ་ཡ། ན་མཿ སངྒྷ་ཡ། ཨ་དནྡྷི་དྷ་ར་ཎི། ཏངྱ་ཐཱ། ཧ་ཨཱ་ཀ་ཤ་ནི་བ་བཱི། སརྦ་དྷརྨཱ་བ་བཱི། ཨ་ཤ་མ་དྷི། བི་པ་ཤ་ན། བི་མ་ལ་སུ་པ་རི་དརྨ་ཎི་ཁ་ན། བ་རུ་ཎི་ཙ་ཡ་ཏ་མ་ལེ་ཙ་ལེ། ཧུ་ལུ་ཧུ་ལུ། ཤི་བི་དེ་མནྟྲ་མནྟྲ་སྭཱཧཱ། ཞེས་པའི་སྔགས་འདི་བཟླ་ཞིང་བསྐོར་བ་བྱ། ཡང་མདོར། ཐོག་མའི་ཉིན་པར་ནས་ཞག་དྲུག་ཏུ་ལོན་པའི་ནང་བར་ལུས་ལ་སྤོས་ཆུས་བཀྲུ་བར་བྱའོ། །གསུངས་པ་བཞིན། ཐོག་མ་ནས་ཆུ་གཙང་བཞག་སྟེ་སངས་རྒྱས་བྱང་སེམས་ཀྱི་སྐུ་ལས་བདུད་རྩིའི་རྒྱུན་བབ་པའི་དམིགས་པ་དང་བཅས་མདོ་དང་གཟུངས་བཟླས་པའི་མཐར་ཕུ་གདབ་ཅིང། སྒྲུབ་པ་ཐོན་པའི་ཉིན་རང་དང་ཡོན་བདག་སོགས་ལ་ཁྲུས་བྱ་ཞིང། གཤིན་བུ་རུས་བུ་སོགས་ལ་བཏབ་ནའང་ཕན་ཡོན་ཤིན་ཏུ་ཆེའོ། །དེ་ལྟར་བསམ་པ་ཐག་པས་མདོ་སྡེ་འདི་ཉིད་ལ་བརྟེན་ནས་མཐོལ་ཚང་ཚུལ་བཞིན་དུ་བྱས་ན་ཇི་ལྟ་བུའི་སྡིག་པ་སྟོབས་པོ་ཆེའང་ལྷག་མེད་དུ་བྱང་ཞིང་དག་པར་འགྱུར་བར་སྟོན་པ་ཐུབ་པའི་དབང་པོས་བསླུ་བ་མེད་པའི་བདེན་ཚིག་གིས་ཞལ་གྱིས་བཞེས་པ་ཡིན་ཏེ། མདོར། དེ་བཞིན་མཐོལ་ཚང་བྱེད་ནུས་ན། །རྩ་བ་བཞི་དང་མཚམས་མེད་ལྔ། །ལོག་སྤྱོད་བར་དུ་སྡིག་བྱང་སྟེ། །སངས་རྒྱས་འགྲུབ་པར་གདོན་མི་ཟ། །ཞེས་གསུངས་པ་སྙིང་ལ་བཅང་བར་བྱའོ། །ཐར་དཀའ་སྲིད་པའི་བཙོན་རར་ཆུད་པ་ལས། །ཐར་པར་འདོད་པའི་བློ་ལྡན་སྐྱེ་བོ་རྣམས། །ཐར་པ་ཆེན་པོའི་ཐེམ་སྐས་འདིར་བརྟེན་ནས། །ཐར་པའི་གྲོང་ཁྱེར་མཆོག་ཏུ་འཇུག་གྱུར་ཅིག །ཅེས་མདོ་སྡེ་ཐར་པ་ཆེན་པོ་འདོན་ཐབས་མདོ་ཉིད་ཀྱི་དགོངས་པ་ཇི་ལྟ་བ་བཞིན་དུ་རྒྱས་པར་བཀོད་པ་འདི་ནི། མིང་གན་ཤོག་ནས་དད་ལྡན་དགེ་སློང་ངག་དབང་བཀྲ་ཤིས་དང་སྨན་པ་རབ་འབྱོར་གཉིས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་ཀུན་དགའོ།། ༈ གང་གི་ཐུགས་རྗེ་ཉིན་

― GTD007_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་གདེངས་ཀ་ལས། །འགྲོ་བའི་ཉེས་ལྟུང་གྲང་རེག་ཁ་བའི་ར། །འཇོམས་བྱེད་གསུང་གི་ཚ་ཟེར་འབུམ་འཕྲོ་བ། །ཐུབ་དབང་ཆོས་དང་དགེ་འདུན་བཅས་ལ་འདུད། །ཡན་ལག་དྲུག་ཅུའི་རྒྱུད་དུ་གང་འཁྲོལ་བ། །མཐའ་དག་འཆོས་སྐྱོབ་ཡོན་ཏན་དཔལ་འཛིན་ཡང། །ཁྱད་པར་སྡིག་ལྟུང་སྦྱངས་ཏེ་ངན་སོང་སྒོ། །གཅོད་བྱེད་ཐར་པ་ཆེན་པོའི་མདོ་འདི་བསྔགས། །དེ་ཕྱིར་ཐོག་མེད་དུས་ནས་འཁྱམས་པ་ཡི། །སྲིད་འདིར་ཕྱི་མ་མེད་པའི་ཕྱག་བགྱིས་ཏེ། །རྣམ་གྲོལ་གླིང་དུ་འཇུག་འདོད་དོན་མཐུན་རྣམས། །ཡང་དག་ཐབས་ཀྱི་གྲུ་གཟིངས་འདིར་ཞུགས་ཤིག །དེ་ཡང་མདོ་སྡེ་ཟབ་མོ་རྣམས་རང་གིས་ཀློག་པའམ། གཞན་ལ་འཆད་པ་སོགས་ཀྱི་ཚེ་ཇི་ལྟར་གདོན་པའི་ཚུལ་ནི་ཐུབ་པའི་དབང་པོ་ཉིད་ཀྱིས་གསལ་བར་གསུངས་ཏེ། འདུལ་བ་ལུང་ལས། རྒྱུད་ཆགས་གསུམ་པ་བྱའོ། །ཞེས་གསུངས་པ་ལ། དེ་ཇི་ལྟར་བྱ་བ་མ་ཤེས་ནས་སླར་ཡང་ཞུས་པས། དང་པོར་ཕྱག་འཚལ་བ་དང། བར་དུ་མདོ་འདོན་པ་དང། མཐར་བསྔོ་བ་བྱ་བའོ། །ཞེས་སྦྱོར་དངོས་རྗེས་ཀྱི་རིམ་པ་གསུམ་དུ་བསྡུས་ནས་གསུངས་སོ། །དང་པོ་ཕྱག་འཚལ་བ་ཡང་བསྟན་པའི་བདག་པོ་ཐུབ་པ་བཅོམ་ལྡན་འདས་གཙོ་བོར་བྱས་པས་སྐྱབས་ཡུལ་རྣམས་གསལ་བཏབ་སྟེ། དེ་དག་གི་སྐུ་གསུང་ཐུགས་ཀྱི་ཡོན་ཏན་ལ་མི་ཕྱེད་པའི་དད་པ་དང། རང་ཉིད་འཁོར་བ་སྤྱི་དང་ངན་སོང་གི་སྡུག་བསྔལ་ལ་འཇིགས་ཤིང་སྐྲག་པ་སོགས་སྐྱེས་བུ་ཆུང་འབྲིང་ཐུན་མོང་གི་བསམ་པའི་སྒོ་ནས་ཕྱག་འཚལ་ཞིང་སྐྱབས་སུ་འགྲོ་ཚུལ་ཙམ་ཞིག་དངོས་ཟིན་ལ་སྨོས་པ་ནི་རིགས་ཅན་གསུམ་གས་ཐེག་པ་ཆེ་ཆུང་གི་སྡེ་སྣོད་གང་ལའང་ཐོས་བསམ་བྱེད་ཚུལ་སྤྱི་ཙམ་གྱི་དབང་དུ་བྱས་པ་ཡིན་ལ། ཁྱད་པར་དུ་ཐེག་པ་ཆེན་པོའི་རིགས་ཅན་རྣམས་ཀྱི་དབང་དུ་བྱས་ན་དེ་ཙམ་གྱིས་

― GTD007_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཆོག་པར་སྐྱབས་ཡུལ་རྣམས་ཀྱི་ཡོན་ཏན་མཐོང་བའི་དད་པས་ཡིད་དྲངས་ཏེ། རང་ཉིད་ཀྱང་དེ་ལྟ་བུའི་གོ་འཕང་བླ་ན་མེད་པ་མངོན་དུ་བྱ་བར་འདོད་པའི་བསམ་པ་སེམས་བསྐྱེད་ཀྱི་རྩིས་ཟིན་པ་དགོས་པས། དེ་ལྟར་ན་རྒྱུད་ཆགས་དང་པོའི་ཁོངས་སུ་སྦྱོར་བའི་རིམ་པར་ཚང་བར་བསྟན་པ་ཡིན་ནོ། །བར་དུ་མདོ་གདོན་པའི་ཚེ་ཡང་སྔ་མའི་ཀུན་སློང་དེ་ཉིད་མ་བརྗེད་པའི་དྲན་འདུན་དུར་རེ་བ་དང། རྒྱལ་བ་སྲས་བཅས་རྣམས་ཀྱིས་རང་ཉིད་ལ་ལུང་འབོགས་པའི་རྗེས་སུ་ཟློས་པའམ། དཀར་ཕྱོགས་ལ་དགའ་བའི་ལྷ་ལ་སོགས་པ་མི་དང་མི་མ་ཡིན་རྣམས་ལ་ཆོས་ཀྱི་སྦྱིན་པ་བྱས་པའི་མོས་པ་དང། མདོ་སྡེ་རང་རང་གི་བརྗོད་བྱའི་དོན་ལ་དཔྱད་སྒོམ་བྱེད་པ་རྣམས་ཡ་མ་བྲལ་བའི་ངང་ནས་འདོན་དགོས་ཤིང་། མཇུག་ཏུ་དགེ་བའི་རྩ་བ་དེ་དག་ཆུད་མི་ཟ་བར་བྱ་བའི་ཕྱིར་བསྟན་འགྲོའི་དོན་དང་བྱང་ཆུབ་མཆོག་གི་རྒྱུར་བསྔོས་ཏེ་སྨོན་ལམ་རྣམ་པར་དག་པར་རྒྱས་འདེབས་པ་གསུམ་ཆར་ཚང་བའི་སྟོབས་ཀྱིས་ཐོག་མེད་ནས་བསགས་པའི་སྡིག་ལྟུང་མ་ལུས་པའི་སྦྱོར་དངོས་རྗེས་ཀྱི་འབྲས་བུ་མཐའ་དག་སྦྱོར་ཞིང་། རྣམ་པར་བྱང་བའི་ཕྱོགས་ཀྱི་བདག་འབྲས་རྣམ་སྨིན་རྒྱུ་མཐུན་གྱི་འབྲས་བུ་མཐའ་དག་ལྷུན་གྱིས་གྲུབ་པར་འབྱུང་ངོ་། །དེར་མ་ཟད་ཚུལ་འདི་ནི་ཤེར་ཕྱིན་གྱི་མདོའི་དགོངས་པ་བླ་ན་མེད་པ་དང་རྒྱལ་བའི་སྲས་ཀྱི་སྤྱོད་པ་ལ་སློབ་ཚུལ་མཐར་ཐུག་པའང་ཡིན་ཏེ། ཤེར་མདོ་ལས། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པས་མི་དམིགས་པའི་ཚུལ་གྱིས་སྦྱིན་སོགས་ལ་སློབ་ཅིང། དགེ་བའི་རྩ་བ་དེ་ཡང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པ། ཉན་ཐོས་དང་རང་སངས་རྒྱས་ཀྱི་སར་བསྔོར་མི་གཞུག་གོ །ཞེས་སྤྱོད་པ་གང་ལ་སློབ་པའི་ཚེ་དང་པོར་སེམས་བསྐྱེད་དང་མཇུག་བསྔོ་བས་རྒྱས་འདེབས་པར་གསུངས་པ། འདིར་རྒྱུད་ཆགས་གསུམ་དུ་བྱེད་ཚུལ་དང་དགོངས་པ་གཅིག་ཏུ་འབབ་བོ། །དེ་ལྟར་ངེས་པ་བརྟན་པོ་བསྐྱེད་དེ། དངོས་གཞི་ངག་འདོན་གྱི་རིམ་པ་ཇི་ལྟར་བྱ་བའི་ཚུལ་ནི། །ཐབས་མཁས་ཐུགས་རྗེའི་སྤྱོད་པ་རྨད་བྱུང་

― GTD007_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

བས། །ཆེར་སྙིགས་གདུལ་དཀའི་འདྲེན་པ་ཐུབ་པའི་དབང་། །སངས་རྒྱས་སོ་ལྔ་བདེ་གཤེགས་བདུན་ལ་སོགས། །རབ་འབྱམས་ཡི་དམ་རྒྱལ་བའི་དཀྱིལ་འཁོར་དང། །སྒྲིབ་སེལ་ཀུན་བཟང་ནམ་སྙིང་བྱམས་འཇམ་དབྱངས། །སྤྱན་རས་གཟིགས་དང་གསང་བདག་ས་སྙིང་སོགས། །བྱང་སེམས་ཉན་རང་མཁའ་འགྲོ་ཆོས་སྲུང་བཅས། །བསླུ་མེད་སྐྱབས་ཀྱི་དམ་པ་མ་ལུས་པ། །བདག་སོགས་ཉམ་ཐག་འགྲོ་ལ་རྗེས་བརྩེ་བས། །རབ་འབྱམས་ཞིང་ནས་ཐོགས་མེད་རྫུ་འཕྲུལ་གྱིས། །འདིར་བྱོན་སྤྲིན་གྱི་ཕུང་པོ་འཁྲིགས་པ་བཞིན། །མཁའ་དབྱིངས་ཁྱབ་པར་དགྱེས་བཞིན་བཞུགས་སུ་གསོལ། །གང་ལ་བརྟེན་ན་ངན་འགྲོའི་འཇིགས་འཕྲོག་ཅིང། །ཐར་འདོད་ཐར་པར་འཁྲིད་པའི་ས་མཁན་མཆོག །ཐམས་ཅད་མཁྱེན་པའི་ཡོན་ཏན་མཛོད་འཛིན་པ། །སྐྱབས་མཆོག་མཚུངས་མེད་ཀུན་ལ་ཕྱག་འཚལ་ལོ། །བདག་ལུས་ལོངས་སྤྱོད་རྣམ་དཀར་དགེ་ཚོགས་བཅས། །ཡིད་འོང་མཆོད་པའི་སྤྲིན་དུ་ལེགས་ཤར་ཏེ། །ཀུན་བཟང་བདེན་པའི་སྟོབས་ཀྱིས་འབུལ་ལགས་ན། །བརྩེ་ལྡན་ཉིད་ཀྱི་མཐུ་ཡིས་བཞེས་སུ་གསོལ། །སྔོན་མཐའ་མི་མངོན་སྲིད་པའི་གྲོང་ཁྱེར་དུ། །དུག་གསུམ་དབང་གྱུར་སྡིག་ལྟུང་གང་བསགས་པ། །རྒྱལ་ཀུན་མཐུ་དང་མདོ་སྡེའི་བྱིན་རླབས་ཀྱི། །བདུད་རྩིའི་ཆུ་ཡིས་ལྷག་མེད་སྦྱང་དུ་གསོལ། །གང་ཞིག་རྣམ་དག་ལྷག་བསམ་མོས་གུས་ཀྱིས། །ཐུབ་དབང་གསུང་གི་སྙིང་པོ་དམ་པ་འདི། །འཛིན་ཅིང་ཀློག་དང་ཚུལ་བཞིན་སེམས་པ་སོགས། །

― GTD007_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་སྤྱོད་ལྷུར་ལེན་ཀུན་ལ་རྗེས་ཡི་རང། །སྲིད་པའི་གཡང་སར་འཁྱམས་པའི་དམུས་ལོང་ཀུན། །འཁྲིད་པའི་ས་མཁན་ཐུགས་རྗེ་མངའ་བ་རྣམས། །རྟག་ཏུ་བཞུགས་ནས་ཟབ་རྒྱས་དམ་ཆོས་ཀྱི། །ཡང་དག་ལམ་བཟང་ཇི་བཞིན་བསྟན་དུ་གསོལ། །འདིས་མཚོན་རང་གཞན་དགེ་ཚོགས་ཅི་མཆིས་པ། །དོན་མེད་འཁོར་བའི་རྒྱུ་རུ་མི་སྨིན་ཞིང་། །མི་མཐུན་རྐྱེན་གྱིས་ནམ་ཡང་མི་གཞོམ་པར། །རྒྱལ་ཀུན་སྨོན་པའི་ཀློང་དུ་སིམ་གྱུར་ཅིག །ས་གཞི་སྤོས་ཀྱིས་བྱུགས་ཤིང་མེ་ཏོག་བཀྲམ། །མི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་ལ་སྤྱོད་པར་ཤོག །རྣམ་འདྲེན་ཐུབ་པའི་དབང་པོ་འཁོར་བཅས་ཀྱིས། །བདག་བློ་ལོག་པའི་ལམ་ལས་བཟློག་པ་དང། །ཡང་དག་ལམ་གྱི་རྟོགས་པ་མ་ལུས་པ། །གེགས་མེད་མྱུར་དུ་སྐྱེ་བར་བྱིན་གྱིས་རློབས། །ལན་གསུམ། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པ་འདི་དག་གིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ། དེ་ནས་མདོ་སྡེ་ཇི་ཙམ་ཀློག་པར་འདོད་པ་རྣམས་སྒྲ་དག་ཅིང་གསལ་ལ་ཆད་ལྷག་མེད་པར་བཏོན་ཏེ། མཇུག་ཏུ། འབྱུང་པོ་གང་དག་ཕྱོགས་འདིར་ལྷགས་གྱུར་ཏེ། །ས་འམ་འོན་ཏེ་བར་སྣང་འཁོད་ཀྱང་རུང་། །སྐྱེ་དགུ་རྣམས་ལ་རྟག་ཏུ་བྱམས་བྱེད་ཅིང། །ཉིན་དང་མཚན་དུ་ཆོས་ལ་སྤྱོད་པར་ཤོག །བདག་སོགས་དེང་ནས་ཚེ་རབས་ཐམས་ཅད་དུ། །མི་ཁོམ་བརྒྱད་སྤངས་དལ་བའི་རྟེན་

― GTD007_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་ཅིང། །བཤེས་གཉེན་དམ་པས་དགྱེས་བཞིན་རྗེས་བཟུང་སྟེ། །རྣམ་འདྲེན་རྒྱལ་བའི་བསྟན་ལ་འཇུག་གྱུར་ཅིག །ཁྱད་པར་ཚུལ་ཁྲིམས་དག་པའི་དགའ་ཚལ་དུ། །རྒྱ་ཆེན་ཐོས་པའི་མྱུ་གུ་གཡུར་ཟ་ཞིང། །ཕུལ་བྱུང་ཉམས་རྟོགས་འབྲས་བཟང་སྨིན་པ་ཡིས། །རྣམ་གྲོལ་བདེ་བའི་དུས་སྟོན་རྒྱས་གྱུར་ཅིག །བསོད་ནམས་འདི་ཡིས་ཐམས་ཅད་གཟིགས་པ་ཡི། །གོ་འཕང་ཐོབ་ནས་སྐྱོན་གྱི་དགྲ་བཏུལ་ཏེ། །རྒ་དང་ན་དང་འཆི་བའི་རླབས་འཁྲུགས་པའ། །སྲིད་པའི་མཚོ་ལས་འགྲོ་བ་སྒྲོལ་བར་ཤོག །རྒྱལ་སྲས་སྨོན་ལམ་གངྒཱའི་ཀླུང་རྣམས་ན། །དམ་ཆོས་འཛིན་པའི་སྨོན་ལམ་ནང་འདུས་པར། །གསུངས་ཕྱིར་དགེ་ཚོགས་ཇི་སྙེད་བསགས་པ་ན། །ཀུན་ཀྱང་ཐུབ་བསྟན་རྒྱས་པའི་རྒྱུ་རུ་བསྔོ། །ཞེས་སོགས་དང། གཞན་ཡང་བདེ་བ་ཅན་དང་དགའ་ལྡན་ལྟ་བུར་སྐྱེས་པའི་རྒྱུར་ཆེད་དུ་དམིགས་པ་ཡིན་ན། དེ་དང་འབྲེལ་བའི་སྨོན་ལམ་གྱིས་ཁ་བསྒྱུར་བ་སོགས་རང་གི་མོས་པ་དང་སྦྱར་ཏེ་བྱའོ། །མདོ་སྡེ་ཀློག་འདོན་རྒྱལ་བའི་དགོངས་པ་བཞིན། །རྒྱུད་ཆགས་གསུམ་དུ་བསྡུས་ཏེ་བྱ་བའི་ཚུལ། །བཀོད་པའི་དགེ་བས་འགྲོ་བ་མ་ལུས་པ། །ཐར་པའི་གོ་འཕང་མཆོག་ལ་གཞོལ་གྱུར་ཅིག །ཅེས་ཐར་པ་ཆེན་པོའི་མདོ་སྡེ་ཁ་ཏོན་དུ་བྱ་བའི་ཚུལ་འདི་ནི་དད་བརྩོན་བློ་དང་ལྡན་པ་དཀོན་མཆོག་བློ་གྲོས་ཀྱིས་འདིའི་འདོན་ཐབས་གསལ་བར་བཀོད་པ་ཞིག་དགོས་ཞེས་ནན་ཆེར་བསྐུལ་བའི་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ན་མོ་གུ་རུ་མུ་ནཱི་ནྡྲཱ་ཡ། དེའང་མདོ་སྡེ་ཐར་པ་ཆེན་པོའི་འདོན་ཐབས་པཎ་ཆེན་ཐམས་ཅད་མཁྱེན་པའི་གསུང་གཞིར་བཞག་སྟེ་ཅུང་ཟད་ཁ་སྐོང་

― GTD007_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུར་འདེབས་ཀྱི་ཚུལ་དུ་འགོད་པ་ལ། རྟེན་དགྲམ་ཞིང་མཆོད་པ་བཤམས། ཁྲུས་དང་གཙང་སྦྲ་ལ་གནས་པས་ས་གཞི་བྱིན་གྱིས་བརླབ་ཅིང་སྐྱབས་སེམས་ཚད་མེད་བཞི་བསྒོམ་པ་སྔོན་དུ་བཏང། བདུད་ཚར་གཅོད་པའི་སྔགས་སམ་ཤེར་སྙིང་གདོན་ཚུལ། སྐྱབས་ཡུལ་སྤྱན་འདྲེན་པ་རྣམས་གཞུང་བཞིན་བྱས་ལ། འདིར་གོང་དུ་ཕྱག་ལན་གསུམ་བཙལ་ཏེ་ཞེས་གསུངས་པའི་དགོངས་པ་ནི་འདུལ་བའི་སྡེ་སྣོད་ལས། མདོ་གདོན་པའི་ཚེ་དང་པོར་ཕྱག་འཚལ་བ། བར་དུ་མདོ་གདོན་པ། ཐ་མར་བསྔོ་བ་བྱེད་པ་དང་བཅས་རྒྱུད་ཆགས་གསུམ་དུ་གསུངས་པ་ལ་དགོངས་པར་འདུག་པས། དངོས་སུ་ཕྱག་འཚལ་བ་དང་སྦྲགས་བཞིན་པས་ཚིགས་བཅད་འདི་དག་གདོན་པར་བྱ་སྟེ། བདེ་གཤེགས་གཞན་གྱིས་གདུལ་བར་མ་ནུས་པ། །ཆེར་སྙིགས་ལྔ་བདོའི་དུས་ཀྱི་འགྲོ་བ་ལ། །ལྷག་པར་བརྩེ་བའི་སྟོན་པ་ཐུགས་རྗེ་ཅན། །འཁོར་དང་བཅས་ལ་ཕྱག་འཚལ་སྐྱབས་སུ་མཆི། །མི་བཟད་ངན་སོང་གསུམ་གྱི་གཡང་ས་འགྲིམ། །རྒྱུས་མེད་བར་དོའི་འཕྲང་དུ་བགྲོད་རྣམས་ལ། །ལྷག་པར་བརྩེ་བའི་སྟོན་པ་ཐུགས་རྗེ་ཅན། །འཁོར་དང་བཅས་ལ་ཕྱག་འཚལ་སྐྱབས་སུ་མཆི། །ཐོག་མེད་དུས་ནས་མི་དགེ་བསགས་པའི་སྟེང། །སྒོ་གསུམ་བག་མེད་དམ་ཚིག་ཉམས་པ་ལ། །ལྷག་པར་བརྩེ་བའི་སྟོན་པ་ཐུགས་རྗེ་ཅན། །འཁོར་དང་བཅས་ལ་ཕྱག་འཚལ་སྐྱབས་སུ་མཆི། །གཉེན་བཤེས་འཁོར་དང་ལོངས་སྤྱོད་ཀུན་བོར་ཏེ། །ཕྱི་མར་ལས་ཀྱི་སྐྱེས་ཆེན་འདེགས་རྣམས་ལ། །ལྷག་པར་བརྩེ་བའི་སྟོན་པ་ཐུགས་རྗེ་ཅན། །འཁོར་དང་བཅས་ལ་ཕྱག་འཚལ་སྐྱབས་སུ་མཆི། །བདེན་གསུང་ཐུབ་པའི་དབང་པོའི་བདེན་ཚིག་གིས། །ཉེས་ཀུན་བྱང་ཞིང་མཐོ་རིས་ཐར་པའི་ལམ། །

― GTD007_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་བཞིན་བགྲོད་པར་ཞལ་གྱིས་བཞེས་པ་ཡི། །བདེན་པ་དེང་འདིར་མངོན་དུ་འགྱུར་བར་མཛོད། །ཅེས་ཕྱག་བྱ་བ་སྔོན་དུ་བཏང་ནས་དངོས་གཞི་མདོ་འདོན་ཚུལ་གཞུང་ལྟར་ལ། ཚིག་དོན་ཡིད་ལ་བྱེད་པའི་དམིགས་རྣམ་དང། ཆོས་སྤྱིའི་ལུང་ནོད་པའི་ཆོ་ག་ཇོ་བོའི་མན་ངག་ཏུ་གྲགས་པ་ལྟར་ཐུབ་པའི་དབང་པོའི་གསུང་ལྷང་ལྷང་རང་ལ་འདོམས་པར་མོས་པ་དང། ཆོས་བསྒྲགས་པའི་མདོ་བཞིན་དཀར་ཕྱོགས་སྐྱོང་བའི་ལྷ་ཀླུ་སོགས་ལ་ཆོས་ཀྱི་སྦྱིན་པ་བྱས་པར་དམིགས་ན་དགོས་དོན་ཁྱད་པར་ཅན་དུ་མ་དཀྱུས་གཅིག་ལ་འགྲུབ་པར་འགྱུར་རོ།། མཇུག་ཏུ་བཟང་པོ་སྤྱོད་པ་སོགས་ཀྱིས་བསྔོ་བ་བྱ། ཁྱད་པར་གཤིན་པོ་ལྟ་བུའི་དོན་དུ་ཡིན་ན། འདི་ལྟར་འབད་པའི་དགེ་ཚོགས་ཐམས་ཅད་ཀྱང་། །དམིགས་ཡུལ་ཚེ་འདས་དེ་ཡི་རྗེས་ཞུགས་ཏེ། །ངན་སོང་བར་དོའི་འཇིགས་སྐྲག་ཀུན་ཞི་ནས། །རྒྱལ་བའི་གསུང་གིས་དབུགས་འབྱིན་ཐོབ་པར་ཤོག །རྟག་ཏུ་དལ་འབྱོར་ཚང་བའི་རྟེན་ཐོབ་ཅིང། །བཤེས་གཉེན་དམ་པས་འབྲལ་མེད་རྗེས་སུ་བཟུང་། །ས་དང་ལམ་གྱི་བགྲོད་པ་མཐར་ཕྱིན་ནས། །ཐར་པའི་གོ་འཕང་བདེ་བླག་ཐོབ་གྱུར་ཅིག །རང་གི་སྒྲིབ་སྦྱོང་ལྟ་བུར་ཆེད་དུ་དམིགས་པ་ཡིན་ན། ཐོག་མ་མེད་ནས་དུག་གསུམ་དབང་གྱུར་ཏེ། །བླ་མ་མཆོག་གསུམ་དྲིན་ཅན་ཕ་མ་དང་། །ཉམ་ཐག་འགྲོ་ལ་གནོད་འཚེ་བགྱིས་པ་སོགས། །མི་ཟད་སྡིག་པའི་ཚོགས་རྣམས་བྱང་གྱུར་ཅིག །སྡོམ་གསུམ་བཅས་པའི་མཚམས་ལས་འདས་ཤིང་འགལ། །དད་ཟས་གཤིན་ཟས་བག་མེད་སྤྱད་པ་སོགས། །ཉེས་ལྟུང་དྲི་མ་མ་ལུས་བྱང་གྱུར་ཏེ། །མཐོ་རིས་ཐར་པའི་

― GTD007_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེམ་སྐས་བགྲོད་གྱུར་ཅིག །དུས་གསུམ་གཤེགས་པའི་རྒྱལ་བ་སོགས་དང། ཤཱཀྱའི་དབང་པོ་ཞེས་སོགས་བྱ། ཞེས་པ་འདི་ནི་ཨོར་ཏུ་སུའི་ཤོག་ནས་དད་བརྩོན་ལྡན་པ་གཉེར་པ་དམ་ཆོས་དཔལ་བཟང་གིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ། །། །དགེ་ལེགས་འཕེལ།།

འཇམ་དཔལ་མཚན་བརྗོད་ཀྱི་འདོན་ཐབས་ཁག་གཉིས།

― GTD007_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དཔལ་མཚན་བརྗོད་ཀྱི་འདོན་ཐབས་ཁག་གཉིས་བཞུགས་སོ།།

― GTD007_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མཉྫུ་གྷ་ོཥཱ་ཡ། རྣམ་ཀུན་མཆོག་ལྡན་ཆོས་དབྱིངས་དང་། །དབྱེར་མེད་སྒྲིབ་བྲལ་རྒྱལ་བའི་ཐུགས། །དམ་པའི་དོན་གྱི་འཇམ་དཔལ་ལ། །མཆོག་ཏུ་དད་པས་ཕྱག་བགྱི་འོ།། འདིར་འཇམ་དཔལ་མཚན་བརྗོད་ཉམས་སུ་ལེན་པར་འདོད་པའི་གང་ཟག་གིས་ཐོག་མར་སྐྱབས་འགྲོ་ལན་གསུམ། སེམས་ཅན་ཐམས་ཅད་ཀྱི་དོན་དུ་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་བྱ། དེའི་ཕྱིར་དུ་འཇམ་དཔལ་གྱི་མཚན་ཡང་དག་པར་བརྗོད་པ་ཉམས་སུ་བླང་བར་བགྱིའོ། །ཞེས་པ་ལན་གསུམ་གྱིས་སེམས་བསྐྱེད། རང་ཉིད་འཕགས་པ་འཇམ་དཔལ་དུ་གྱུར། རང་གི་ཐུགས་ཀ་ནས་འོད་ཟེར་འཕྲོས། བཅོམ་ལྡན་འདས་འཇམ་དཔལ་ལ་དངོས་དང་བརྒྱུད་པའི་བླ་མ་ཡི་དམ་སངས་རྒྱས་བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས། འཇམ་དཔལ་འཇིག་རྟེན་དབང་ཕྱུག་གསང་བདག་དང། །སངས་རྒྱས་གསང་བ་སྒེག་པའི་རྡོ་རྗེ་སོགས། །གསང་དོན་རྒྱུད་སྡེ་སོ་སོར་འགྲེལ་མཛད་པའ། །དངོས་བརྒྱུད་བླ་མ་རྣམས་ལ་ཕྱག་འཚལ་ལོ། །གཞོན་ནུའི་སྐུ་ལུས་འཆང་པ་པོ། །ཡེ་ཤེས་སྒྲོན་མེས་རབ་བརྒྱན་ཅིང། །འཇིག་རྟེན་གསུམ་གྱི་མུན་སེལ་བ། །འཇམ་པའི་དབྱངས་ལ་ཕྱག་འཚལ་ལོ། །བདག་ལུས་ལོངས་སྤྱོད་རྣམ་དཀར་དགེ་ཚོགས་བཅས། །ཡིད་འོང་མཆོད་པའི་སྤྲིན་དུ་ལེགས་ཤར་ཏེ། །ཀུན་བཟང་བདེན་པའི་སྟོབས་ཀྱིས་འབུལ་ལགས་ན། །བརྩེ་ལྡན་ཉིད་ཀྱི་མཐུ་ཡིས་བཞེས་སུ་གསོལ། །སྔོན་མཐའ་མི་མངོན་སྲིད་པའི་གྲོང་ཁྱེར་དུ། །དུག་གསུམ་དབང་གྱུར་

― GTD007_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

སྡིག་ལྟུང་གང་བསགས་པ། །རྒྱལ་ཀུན་མཐུ་དང་རྒྱུད་སྡེའི་བྱིན་རླབས་ཀྱི། །བདུད་རྩིའི་ཆུ་ཡིས་ལྷག་མེད་སྦྱང་དུ་གསོལ། །སྐྱེ་འཕགས་ཀུན་གྱི་དགེ་ཚོགས་མཐའ་དག་དང། །ཁྱད་པར་ཟབ་ཅིང་རྒྱ་ཆེའི་སྡེ་སྣོད་འདིར། །ཚུལ་བཞིན་ཐོས་བསམ་སྒོམ་པས་རང་གཞན་གྱི། །དོན་མཆོག་བསྒྲུབས་པ་རྣམས་ལ་རྗེས་ཡི་རང། །སྲིད་པའི་གཡང་སར་འཁྱམས་པའི་དམུས་ལོང་ཀུན། །འཁྲིད་པའི་ས་མཁན་ཐུགས་རྗེ་མངའ་བ་རྣམས། །རྟག་ཏུ་བཞུགས་ནས་ཟབ་རྒྱས་དམ་ཆོས་ཀྱི། །ཡང་དག་ལམ་བཟང་ཇི་བཞིན་བསྟན་དུ་གསོལ། །འདིས་མཚོན་རང་གཞན་དགེ་ཚོགས་ཅི་མཆིས་པ། །དོན་མེད་འཁོར་བའི་རྒྱུ་རུ་མི་སྨིན་ཞིང་། །མི་མཐུན་རྐྱེན་གྱིས་ནམ་ཡང་མི་གཞོམ་པར། །རྒྱལ་ཀུན་སྨོན་པའི་ཀློང་དུ་སིམ་གྱུར་ཅིག །ས་གཞི་སྤོས་ཀྱིས་བྱུགས་ཤིང་མེ་ཏོག་བཀྲམ། །རི་རབ་གླིང་བཞི་ཉི་ཟླས་བརྒྱན་པ་འདི། །སངས་རྒྱས་ཞིང་དུ་དམིགས་ཏེ་ཕུལ་བ་ཡིས། །འགྲོ་ཀུན་རྣམ་དག་ཞིང་ལ་སྤྱོད་པར་ཤོག །སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །ཅེས་པ་ནས། བཏང་སྙོམས་ལ་གནས་པར་གྱུར་ཅིག །ཚོགས་ཞིང་རྣམས་འོད་དུ་ཞུ་བ་རང་གི་སྨིན་མཚམས་ནས་ཐིམ་པར་གྱུར། ཨོཾ་སྭ་བྷཱ་ཝ་ཤུདྡྷ་སརྦ་དྷརྨཱཿ སྭ་བྷཱ་ཝ་ཤུདྡྷོ྅ཧཾ། སྟོང་པ་ཉིད་དུ་གྱུར། སྟོང་པའི་ངང་ལས་པད་ཟླའི་སྟེང་དུ་རང་གི་སེམས་ཀྱི་ངོ་བོ་དྷཱིཿ ཡིག་དམར་སེར་ཡོངས་སུ་གྱུར་པ་ལས། རང་ཉིད་འཕགས་པ་འཇམ་དཔལ་

― GTD007_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་མདོག་དམར་སེར་ཞལ་གཅིག་ཕྱག་བཞི་པ། ཕྱག་གཡས་དང་པོས་རལ་གྲི། གཉིས་པས་མདའ། གཡོན་དང་པོས་པོ་ཏི་དང། གཉིས་པས་གཞུ་འཛིན་པ། རལ་པའི་ཟུར་ཕུད་ལྔ་དང་ལྡན་པ། དར་དང་རིན་པོ་ཆེའི་རྒྱན་གྱིས་བརྒྱན་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། དེའི་སྤྱི་བོར་ཨོཾ་དཀར་པོ། མགྲིན་པར་ཨཱཿ དམར་པོ། ཐུགས་ཀར་ཧཱུཾ་སྔོན་པོ། ཐུགས་ཀའི་ཧཱུཾ་ལས་འོད་ཟེར་འཕྲོས། རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་དང་དབང་གི་ལྷ་རྣམས་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། དབང་གི་ལྷས་དབང་བསྐུར། མི་བསྐྱོད་པས་དབུ་བརྒྱན་པར་གྱུར། ཨོཾ་ཨཱརྱ་མཉྫུ་ཤྲཱི་ཨརྒྷཾ་པྲ་ཏཱིཙྪ་ཧཱུཾ་སྭཱཧཱ། དེ་བཞིན་དུ་སྦྱར་ཏེ། པཱངྱཾ་ནས། ཤཔྟ་པྲ་ཏཱིཙྪ་ཧཱུཾ་སྭཱཧཱ། ཞེས་མཆོད། རྣམ་དག་ཆོས་ཀྱི་དབྱིངས་དང་དབྱེར་མེད་པའི། །ཡེ་ཤེས་སྒྱུ་འཕྲུལ་གཞོན་ནུའི་རྣམ་རོལ་བ། །དུས་གསུམ་རྒྱལ་བ་ཀུན་གྱི་ཡབ་གཅིག་པུ། །རྗེ་བཙུན་མཁྱེན་པའི་གཏེར་ལ་ཕྱག་འཚལ་ལོ། །རྨད་བྱུང་མཁྱེན་རབ་འོད་བརྒྱའི་སྣང་བ་ཡིས། །མི་ཤེས་རྨོངས་པའི་མུན་པ་དྲུངས་ཕྱུང་སྟེ། །མདོ་རྒྱུད་དཀའ་གནད་འདབ་བརྒྱ་འབྱེད་པ་ཡི། །ཟབ་གསལ་བློ་གྲོས་སྣང་བ་སྩལ་ཏུ་གསོལ། །ཞེས་བསྟོད། རང་གི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཨ་ཡིག་ལ་སྔགས་ཀྱི་ཕྲེང་བས་བསྐོར་བ་ལས་འོད་ཟེར་འཕྲོས། རྒྱལ་བ་སྲས་བཅས་ཀྱི་གསུང་གསང་སྔགས་ཀྱི་བྱིན་རླབས་དང་ནུས་པ་མ་ལུས་པ་བསྡུས་ཏེ་ས་བོན་སྔགས་ཕྲེང་དང་བཅས་པ་ལ་ཐིམ་པར་བསམས་ལ། ཨོཾ་སརྦ་དྷརྨཱ་བྷཱ་ཝ་སྭ་བྷཱ་ཝ་བི་ཤུདྡྷ་བཛྲ་ཙཀྵུ་ཨ་ཨཱ་ཨཾ་ཨཿ པྲ་ཀྲྀ་ཏི་པ་རི་ཤུདྡྷཿ སརྦ་དྷརྨཱཿ ཡ་དུ་ཏ་སརྦ་ཏ་ཐཱ་ག་ཏ། ཛྙཱ་

― GTD007_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ཀཱ་ཡ་མཉྫུ་ཤྲཱི་བ་རི་ཤུདྡྷི་ཏཱ་མུ་པ་དཱ་ཡེ་ཏི་ཨཾ་ཨཿ སརྦ་ཏ་ཐཱ་ག་ཏ་ཧྲི་ད་ཡཾ་ཧ་ར་ཧ་ར་ཨོཾ་ཧཱུཾ་ཧྲཱིཿ བྷ་ག་བཱན། ཛྙཱ་ན་མཱུ་རྟྟི་ཝཱ་གཱི་ཤྭ་ར་མཧཱ་པཱ་ཙ་སརྦ་དྷརྨ། ག་ག་ནཱ་མ་ལ་སུ་པ་རི་ཤུདྡྷ་དྷརྨཱ་དྷཱ་ཏུ་ཛྙཱ་ན་གརྦྷ་ཨཱཿ ཞེས་བཟླས་པ་ཅི་འགྲུབ་བྱ། དེ་ནས་དབུས་ཀྱི་ས་བོན་ལས་མཚན་ཡང་དག་པར་བརྗོད་པའི་ཚིག་རྣམས་གསེར་གྱི་ཡི་གེ་ལྟ་བུ་མར་མེའི་ཕྲེང་བ་བཞིན་དུ་རིམ་གྱིས་བྱུང་ནས་ཟླ་གདན་ལ་འཁོད་པར་གྱུར་པར་བསམས་ཏེ། མཚན་བརྗོད་རྫོགས་པར་འདོན། མཐར་མཆོད་བསྟོད་བྱ། གང་ཚེ་བལྟ་བར་འདོད་པའམ། །ཅུང་ཟད་འདྲི་བར་འདོད་ན་ཡང། །མགོན་པོ་འཇམ་དབྱངས་དེ་ཉིད་ན། །གེགས་མེད་པར་ཡང་མཐོང་བར་ཤོག །འདི་བཏོན་པ་ལས་བྱུང་བ་ཡི། །དགེ་བའི་རྩ་བ་ཅི་མཆིས་པ། །དེས་ནི་སེམས་ཅན་མ་ལུས་པས། །འཇམ་དབྱངས་གོ་འཕང་ཐོབ་པར་ཤོག །བཛྲ་མུཿ ཡེ་ཤེས་པ་རང་བཞིན་གྱི་གནས་སུ་གཤེགས། རང་ཉིད་དམ་ཚིག་པར་གསལ་བའི་སྤྱི་བོར་ཨོཾ་དཀར་པོ། མགྲིན་པར་ཨཱཿ དམར་པོ། ཐུགས་ཀར་ཧཱུཾ་སྔོན་པོས་མཚན་པར་གྱུར། ཕུན་སུམ་ཚོགས་པ་མངའ་བ་ཞེས་སོགས་དཀོན་མཆོག་གསུམ་གྱི་ཤིས་པ་བརྗོད་པས་མཐའ་བརྒྱན་པར་བྱའོ། །དེ་ཡང་མདོ་ལུགས་ཀྱི་མདོ་འདོན་ཚུལ་ནི། འདུལ་བ་ལུང་ལས། སྦྱོར་བ་ཕྱག་བྱ་བ་དང། དངོས་གཞི་མདོ་འདོན་པ། མཇུག་བསྔོ་བ་སྟེ་རྒྱུད་ཆགས་གསུམ་དུ་བསྡུས་ཤིང། མདོ་གདོན་པའི་ཚེ་དེའི་བརྗོད་དོན་ཡིད་ལ་བྱེད་པ་དང། རྒྱལ་བ་རྣམས་ཀྱིས་རང་ལ་ལུང་འབོགས་པའི་རྗེས་སུ་ཟློས་པ་དང། དཀར་ཕྱོགས་ཀྱི་ལྷ་སོགས་ལ་ཆོས་སྦྱིན་གྱི་ཚུལ་དུ་བྱས་པའི་དམིགས་པ་སྐྱོང་བ་ཙམ་ལས་མེད་ཀྱང། རྒྱུད་ཀྱི་གཞུང་འདོན་པ་ལ། དེ་དག་གི་སྟེང་དུ་ལྷའི་རྣལ་འབྱོར་དང་ཡང་སྦྲགས་ན་བྱིན་རླབས་ཀྱི་ཚན་ཁ་ཆེ་བར་བླ་མ་དམ་པ་རྣམས་ཀྱིས་

― GTD007_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་སོ། །ཐུབ་པའི་གསུང་གི་སྙིང་པོ་མཆོག །གདོན་པའི་ཆོ་ག་འདི་བྲིས་པའ། །དགེ་བས་འགྲོ་བ་མ་ལུས་པས། །རྣམ་དག་ཡེ་ཤེས་མཆོག་ཐོབ་ཤོག །ཅེས་འཇམ་དཔལ་མཚན་བརྗོད་ཀྱི་འདོན་ཐབས་འདི་ནི་ཨུ་རད་ཤོག་ནས་དད་བརྩོན་ལྡན་པ་རབ་འབྱམས་པ་དཀོན་མཆོག་འོད་ཟེར་གྱིས་བསྐུལ་ངོར། ༸སྐྱབས་མགོན་རྡོ་རྗེ་འཆང་རྗེ་བཙུན་འཇིགས་མེད་དབང་པོའི་གསུང་ལ་གཞི་བྱས། ཡན་ལག་བདུན་པ་སོགས་ཅུང་ཟད་ཁ་བསྐང་སྟེ། ༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་བྷིཀྵུ་རཏྣ་ཨཱ་ནནྟའོ།། ༈ རྒྱལ་བའི་དངོས་ཀུན་ལ་ཞུགས་དུས་ཀྱི་དབྱིངས། །སྤྲོས་བྲལ་ཡེ་ཤེས་འཇམ་དཔལ་དོན་དམ་པའ། །མཚན་ཡང་དག་པར་བརྗོད་ཕྱིར་འདུད་པ་ལ། །ཡེ་ཤེས་ལུས་སུ་གྲུབ་པའི་མཆོག་སྦྱིན་མཛོད། །དེའང་བླ་མེད་ཀྱི་རྒྱུད་སྤྱི་དང། བྱེ་བྲག་དུས་ཀྱི་འཁོར་ལོ། རྡོ་རྗེ་འཇིགས་བྱེད། གསང་ལྡན་སོགས་རྣལ་འབྱོར་གྱི་རྒྱུད་གང་དུའང་གཞོལ་ཞིང་འབབ་པ། འཕགས་བོད་ཀྱི་གྲུབ་པའི་དབང་པོ་མ་ལུས་པའི་ཐུགས་དམ་གྱི་སྙིང་པོ་འཇམ་དཔལ་ཡེ་ཤེས་སེམས་དཔའི་དོན་དམ་པའི་མཚན་ཡང་དག་པར་བརྗོད་པ་ཁ་ཏོན་དུ་བྱ་བ་ལ་འདོན་ཐབས་ཀྱི་རིམ་པ་འདི་ཉིད་ལས་འབྱུང་བ་ནི། ཐམས་ཅད་ཐམས་ཅད་ཁྱོད་ལ་འདུད། །ཅེས་རྒྱལ་བ་སྲས་བཅས་ཀྱིས་རང་ལ་མགྲིན་གཅིག་ཏུ་གསུང་བར་མོས་པ་དང། ཡེ་ཤེས་སྐུ་ཉིད་ཁྱོད་ལ་འདུད། །ཅེས་ཐུབ་དབང་ལྟ་བུ་གཅིག་གསལ་བཏབ་ཀྱང་གཞན་ཀུན་དེ་དང་ཡེ་ཤེས་ཆོས་སྐུའི་བདག་ཉིད་དུ་དབྱེར་མེད་པས་གོ་ཆོད་པར་བསམ་པ་དང། སྟོང་ཉིད་སྨྲ་བའི་ཁྱུ་མཆོག་སྟེ། །ཟབ་ཅིང་རྒྱ་ཆེའི་སྒྲ་སྒྲོགས་པ། །ཞེས་བརྗོད་བྱ་རྗོད་བྱེད་འཁོར་གསུམ་མི་དམིགས་ཀྱང་སྣང་སྟོང་བྲག་ཆ་ལྟ་བུར་ཉན་པ་དང། ཨ་ནི་ཡིག་འབྲུ་ཀུན་གྱི་མཆོག །དོན་ཆེན་ཡི་གེ་དམ་པ་ཡིན། །ཁོང་ནས་འབྱུང་བ་སྐྱེ་བ་མེད། །ཅེས་མགྲིན་པའི་རྩ་འཁོར་དབུས་ཀྱི་གསུང་རྡོ་རྗེའི་ངོ་བོ་ཨ་ཡིག་ལས་སྔགས་འཕྲེང་སྤྲོ་བ་སོགས་སུ་སེམས་པ་དང། རྡོ་རྗེ་ཉི་མ་སྣང་བ་ཆེ། །རྡོ་རྗེ་ཟླ་བ་དྲི་མེད་

― GTD007_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

འོད། །ཅེས་གདན་ཡང་ཞི་ཁྲོའི་དབྱེ་བས་ཟླ་གདན་དང་ཉི་གདན་ལ་འགོད་པ་སོགས་འདིའི་འདོན་ཐབས་ཀྱི་མན་ངག་ཡིན་པར་རྗེ་བཙུན་གྲགས་པ་རྒྱལ་མཚན་གྱིས་གསུངས་སོ། །འདིར་དེ་དག་གི་གནད་ཚང་བར་བྱས་ཏེ་ངག་འདོན་ཉུང་བསྡུས་སུ་འགོད་པ་ལ། སྐྱབས་སེམས་སྔོན་དུ་བཏང་། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པད་ཟླའི་སྟེང་དུ་རང་གི་སེམས་ཀྱི་ངོ་བོ་དྷཱིཿ ཡིག་དམར་སེར་ཡོངས་སུ་གྱུར་པ་ལས། རང་ཉིད་འཕགས་པ་འཇམ་དཔལ་སྐུ་མདོག་དམར་སེར་ཞལ་གཅིག་ཕྱག་གཉིས། གཡས་ཤེས་རབ་ཀྱི་རལ་གྲི་འཕྱར་ཞིང། གཡོན་ཨུཏྤལ་ལ་གནས་པའི་ཤེར་ཕྱིན་གྱི་གླེགས་བམ་བསྣམས་པ། གཞོན་ནུའི་ཆ་ལུགས་ཅན་རིན་པོ་ཆེའི་རྒྱན་གྱིས་སྤྲས་ཤིང་རྡོ་རྗེ་སྐྱིལ་མོ་ཀྲུང་གིས་བཞུགས་པ། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ་གིས་མཚན་པར་གྱུར། ཐུགས་ཀའི་ཧཱུཾ་ལས་འོད་ཟེར་འཕྲོས་པས་འཇམ་དཔལ་གཞོན་ནུར་གྱུར་པ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས། མདུན་གྱི་ནམ་མཁར་བཞུགས་པར་གྱུར། གཞོན་ནུའི་སྐུ་ལུས་འཆང་བ་པོ། །ཡེ་ཤེས་སྒྲོན་མེས་རབ་བརྒྱན་ཅིང། །འཇིག་རྟེན་གསུམ་གྱི་མུན་སེལ་བ། །འཇམ་པའི་དབྱངས་ལ་ཕྱག་འཚལ་ལོ། །གང་གི་ཡེ་ཤེས་སྒྱུ་འཕྲུལ་ལས། །མ་ལུས་འགྲོ་བ་བསྐྱབ་པའི་ཕྱིར། །སྲས་བཅས་རྒྱལ་བའི་རྣམ་རོལ་པ། །ཀུན་ལ་དང་བས་ཕྱག་འཚལ་ལོ། །རབ་འབྱམས་མཆོད་པའི་སྤྲིན་གྱིས་མཆོད། །སྡིག་ལྟུང་མ་ལུས་སྙིང་ནས་བཤགས། །ངོ་མཚར་སྤྱོད་ལ་རྗེས་ཡི་རང། །ཟབ་རྒྱས་ཆོས་འཁོར་བསྐོར་བར་བསྐུལ། །མྱ་ངན་མི་འདར་གསོལ་བ་འདེབས། །

― GTD007_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་ཚོགས་བྱང་ཆུབ་མཆོག་ཏུ་བསྔོ། །རྒྱུད་དོན་ཡང་དག་ལམ་བཟང་ཀུན། །མངོན་དུ་འགྱུར་བར་བྱིན་གྱིས་རློབས། །ཞེས་གསོལ་བ་བཏབ་པས་སྐྱབས་ཡུལ་རྣམས་ཀྱིས་དགྱེས་བཞིན་དུ་ལྷང་ལྷང་གདམས་ཤིང། ཐུགས་ཀ་ནས་མཚན་ཡང་དག་པར་བརྗོད་པའི་ཚིག་རྣམས་གསེར་གྱི་ཡི་གེ་ལྟ་བུ་མར་མེའི་འཕྲེང་བ་བཞིན་རིམ་པར་བྱུང་སྟེ། རང་གི་སྙིང་གར་ཟླ་བ་ལ་དྷཱིཿ ཡིག་གི་མཐར་འཁོད། དེ་དང་མཉམ་དུ་རང་གི་མགྲིན་པའི་ཨཱཿ ཡིག་ལས་ཀྱང་ཚིགས་བཅད་རྣམས་རང་སྒྲ་དང་བཅས་པ་གྲག་སྟོང་བྲག་ཆ་ལྟ་བུ་མཁའ་ཁྱབ་ཏུ་བསྒྲགས་པས་སེམས་ཅན་ཀུན་གྱི་རྒྱུད་ལ་ཐར་པའི་ས་བོན་ཁྱད་པར་ཅན་བསྐྲུན་པར་བསམས་ཏེ། ཚིག་དོན་དྲན་བཞིན་པར་དལ་བུས་གདོན་ཞིང་། མཇུག་ཏུ། གང་ཚེ་བལྟ་བར་འདོད་པ་ཞེས་སོགས་བསྔོ་སྨོན་གྱིས་རྒྱས་གདབ་པར་བྱའོ། །འདི་བཏོན་པ་ལས་བྱུང་བ་ཡི། །དགེ་བའི་རྩ་བ་ཅི་མཆིས་པ། །དེས་ནི་འགྲོ་བ་མ་ལུས་པས། །འཇམ་དབྱངས་གོ་འཕང་ཐོབ་པར་ཤོག །ཅེས་པ་འདི་ནི་ཧལ་ཧའི་ཤོག་གི་དཔྱོད་ལྡན་དཀའ་བཅུ་སྐལ་བཟང་བསམ་གཏན་གྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའ་འོ།། །།

བདེ་བར་གཤེགས་པའི་ཐུགས་ཀྱི་རྟེན་སཱཙྪ་འདེབས་ཆོག་དང་རབ་གནས་མདོར་བསྡུས་ཀྱི་སྐོར།

― GTD007_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

བདེ་བར་གཤེགས་པའི་ཐུགས་ཀྱི་རྟེན་སཱཙྪ་འདེབས་ཆོག་དང་རབ་གནས་མདོར་བསྡུས་ཀྱི་སྐོར་བཞུགས་སོ།།

― GTD007_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་དྷརྨཱ་ཀཱ་ཡ་བི་ཤུདྡྷ་ཡེ། ལས་དང་ཉོན་མོངས་ཉེས་པའི་རྡུལ་དང་བྲལ། །མཁྱེན་དང་བརྩེ་བའི་བང་རིམ་མངོན་པར་མཐོ། །མཆོག་དང་ཐུན་མོང་དངོས་གྲུབ་ཆར་འབེབས་པའ། །མཆོད་སྡོང་བདེ་གཤེགས་ཆོས་ཀྱི་སྐུ་ལ་འདུད། །བསོད་ནམས་ཡེ་ཤེས་ཚོགས་གཉིས་རྩ་བརྟན་རྒྱལ་དབང་དཔག་བསམ་གསར་པའི་ལྗོན། །བསོད་ནམས་རྣམ་འཕྲུལ་ངོ་མཚར་མཛད་བཟང་ཡལ་གའི་ཁྱོན་ཡངས་རྒྱས་པའི་རྩེར། །བསོད་ནམས་འབྲས་བུ་གཟུགས་སུ་ཤར་བ་བདེ་བར་གཤེགས་པའི་མཆོད་རྟེན་བརྒྱད། །བསོད་ནམས་ཞིང་སར་གཅིག་ཏུ་སྡུད་པའི་རྨད་བྱུང་ཐབས་མཁས་བླ་ན་མེད། །བསྒྲུབ་པར་སླ་ཞིང་ཤིན་ཏུ་དོན་ཆེ་བ། །སྔོན་རབས་དམ་པ་མང་པོའི་ཐུགས་དམ་མཐིལ། །སཱཙྪའི་གདམས་པ་ཉམས་སུ་ལེན་པའི་ཚུལ། །ལེགས་པར་བཤད་པའི་དགའ་སྟོན་སྤྲོ་བར་བྱ།། དེའང་ཇོ་བོ་རྗེ་ལྷ་གཅིག་དཱི་པཾ་ཀཱ་ར་དང་། འཇམ་མགོན་བླ་མ་ཙོང་ཁ་པ་ཆེན་པོ། འཇམ་དབྱངས་ཆོས་ཀྱི་རྗེ་སོགས་དམ་པ་གོང་མ་མང་པོའི་ཕྱག་བཞེས་སུ་བསྟར་ཞིང། བསགས་སྦྱང་གི་གནད་ལ་ཆེས་མཆོག་ཏུ་བསྔགས་པ་སཱཙྪའི་གདམས་པ་ཉམས་སུ་ལེན་པའི་ཚུལ་འཕྲོས་དོན་དང་བཅས་ཅུང་ཟད་ཕྱེ་སྟེ་འཆད་པ་ལ། ཐོག་མར་ས་བླང་བའི་གནས་ནི་ཇོ་བོའི་ཚ་དགུ་མར། ས་ཆུ་སྲོག་ཆགས་མེད་པ་ལ། །ཞེས་གསུངས་པའི་རགས་པ་རྟོགས་སླའང་གཙོ་བོར་གྱུར་པ་ནི། འདུལ་བའི་མདོར། སྐྱེ་བ་པོ་ཕྲ་མོའི་གནས་དང་ལྡན་པ་ཉིད། ཞེས་གསུངས་པས་འབུ་སྲིན་ཕྲ་མོ་སོགས་ཀྱི་རིགས་ཡོད་མེད་ལེགས་པར་བརྟགས་ཏེ་གཞན་ནས་འབྱུང་བ་ལྟར་གྱི་ས་ཆོག་རྒྱས་པ་གྲུབ་ན་

― GTD007_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་ཤིང་མ་མཐའང་མཆོད་རྟེན་གྱི་གཟུངས་ལས། གཏོར་མ་ལ་སོགས་པ་རྣམས་ཀྱིས་ཀྱང་ས་ཕྱོགས་དེ་ན་གནས་པའི་ལྷ་དང་ཀླུ་དང་ལྷ་མ་ཡིན་ལ་སོགས་པ་རྣམས་ལ་མཆོད་ཅིང་བསྔོས་ཏེ། ཞེས་པ་ལྟར་དཀར་གཏོར་སྔོན་དུ་བཏང། ཨོཾ་བཛྲ་ཁ་ན་ཁ་ན་ཧཱུཾ། ས་གཞི་རིན་ཆེན་བདུན་གྱི་རང་བཞིན་དུ་གྱུར། ཅེས་ས་གཞི་བྱིན་གྱིས་བརླབ། བརྐོ་བའི་སྔགས་ནི་འདུལ་འཛིན་གྱིས་ཡེ་དྷརྨཱ་དང། ༸རྒྱལ་དབང་གིས་འོག་ནས་འབྱུང་བའི་བརྡུང་སྔགས་ལ་བྱ་བར་གསུངས་ཤིང་། གཟུངས་རང་ལས། བྱིན་རླབས་ཀྱི་སྔགས་དེ་ཉིད་ཀྱིས་བརྐོ་བ་དང། འཇིམ་པ་བརྫི་བའི་ཚེ་བརྡུང་སྔགས་བཟླས་ཤིང་ས་བཏུལ་ཏེ། ཨོཾ་ཨ་མྲྀ་ཏེ་ཧཱུཾ་ཕཊ། ཅེས་བརྫི་ཆུ་བྱིན་གྱིས་རློབ་པར་གསུངས་སོ། །དེ་ནས་གཡོན་པའི་མཐེ་བོས་མཐེབ་ཆུང་མནན་པ་རྡོ་རྗེ་རྩེ་གསུམ་པའི་ཕྱག་རྒྱ་ཁ་ཡར་བསྟན། གཡས་པ་དེ་བཞིན་བྱས་ལ་ཁ་སྦུབ་པ་བདུད་རྩི་ཐབ་སྦྱོར་གྱི་ཕྱག་རྒྱའི་བར་དུ་འཇིམ་པ་བཟུང་སྟེ། རང་ཉིད་སྐད་ཅིག་གིས་དཔལ་རྡོ་རྗེ་འཇིགས་བྱེད་ཞལ་གཅིག་ཕྱག་གཉིས་ཀྱིས་གྲི་གུག་དང་ཐོད་པ་འཛིན་པའི་སྐུར་བཞེངས་པར་གྱུར། ཅེས་སམ། གཞན་གྱི་ལྷ་གང་ཡང་རུང་བའི་ང་རྒྱལ་ལ་གནས་ཏེ། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པད་ཟླའི་སྟེང་དུ་བྷྲུཾ་ལས་འཇིམ་པ་རིན་པོ་ཆེའི་ཕུང་པོར་གྱུར། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་རྒྱུད་བསྐུལ་བས། དེའི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས་ཏེ་སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས། ཚུར་

― GTD007_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་འཇིམ་པ་ལ་ཐིམ་པས་དེ་ཉིད་སངས་རྒྱས་སྲས་དང་བཅས་པའི་ཡེ་ཤེས་ཀྱི་རང་བཞིན་དུ་གྱུར། ཨོཾ་ན་མོ་ཕྱག་འཚལ་ལོ་བྷ་ག་ཝ་བཅོམ་ལྡན་འདས་ཏེ་བཻ་རོ་ཙ་ནཱ་ཡ། རྣམ་པར་སྣང་མཛད་ལ། པྲ་བྷ་རཱ་ཛཱ་ཡ། འོད་ཀྱི་རྒྱལ་པོ་ལ། ཏ་ཐཱ་ག་ཏཱ་ཡ། དེ་བཞིན་གཤེགས་པ། ཨརྷ་ཏེ། དགྲ་བཅོམ་པ། སམྱཀྶཾ་བུད་དྷཱ་ཡ། ཡང་དག་པར་རྫོགས་པའི་སངས་རྒྱས་ལ། ཏངྱ་ཐཱ། འདི་ལྟ་སྟེ། ཨོཾ་སཱུཀྵྨེ། ཕྲ་མོ། སཱུཀྵྨེ། ཕྲ་མོ མཉམ་པ། .....ས་མེ་ས་མ་ཡེ།.....དམ་ཚིག །ཞི་བ།..... ཤཱནྟེ་དཱནྟ། དུལ་བ། ཨ་སམ་རོ། པེ་མཉམ་པ་མེད་པའི་རང་བཞིན། ཨ་ན་ལམྦྷེ། ཀུན་ནས་དམིགས་པ་མེད་པ། ཏ་རམ་བྷེ་སྒྲོལ་བ། ཡ་ཤོ་ཝ་ཏེ། གྲགས་པ་དང་ལྡན་པ། གཟི་བརྗིད་ཆེན་པོ།..... མཧཱ་ཏེ་ཛོ་ནི་ར་ཀཱུ་ལེ། ཀུན་ནས་རིགས་མེད་པ། ནི་རྦ་ཎི། མྱ་ངན་ལས་འདས་པ། སརྦ་བུདྡྷ། སངས་རྒྱས་ཐམས་ཅད་ཀྱི། ཨ་དྷི་ཥྛ་ན་བྱིན་གྱིས་རླབས་ཀྱིས། ཨ་དྷི་ཥྛི་བྱིན་གྱིས་རློབས་ཤིག །ཏེ་སྭཱཧཱ། ཞེས་ཉེར་གཅིག་བཟླས་ཏེ་བྱིན་གྱིས་བརླབ་ཅིང། བསྡུ་ན། ཨོཾ་ཧཱུཾ་ཏྲཾ་ཧྲཱིཿ ཨཿ ཞེས་བཟླས་ཏེ་བྱིན་གྱིས་བརླབ། དེ་ནས་འཇིམ་གོང་ལས་དུམ་བུ་སོ་སོར་བཅད་དེ། ན་མཿ ས་མནྟ་བུད་དྷཱ་ནཱན། ཀུན་ནས་སངས་རྒྱས་ལ་ཕྱག་འཚལ་ལོ། །ཨོཾ་བཛྲ་ཨཱ་ཡུ་ཥེ་སྭཱཧཱ། རྡོ་རྗེའི་ཚེ། ཨོཾ་བ་སུ་དེ་སྭཱཧཱ། ནོར་སྩོལ། ཞེས་བརྗོད། འབི་འབི་བྱ་བའི་སྔགས་ནི། ཨོཾ་བཛྲ་ཨུད་བྷ་ཝཱ་ཡེ་སྭཱཧཱ། རྡོ་རྗེ་ལས་ཡང་དག་པར་འབྱུང་བ། ཞེས་གདོན་ཅིང། ཡེ་ཤེས་ལྔའི་རང་བཞིན་རྒྱས་པར་མོས། འབྲུ་མར་བྱུག་པའི་སྔགས་ནི། རྡུལ་མེད་པ། .....ཨོཾ་ཨ་ར་ཛེ་བི་ར་ཛེ་སྭཱཧཱ།..... རྡུལ་དང་བྲལ་བ། ཞེས་བརྗོད་ལ་ཤེས་རྒྱུད་ཀྱི་སྡིག་ལྟུང་སྒྲིབ་པའི་དྲི་མ་ཕྱིས་ཏེ་བྱང་ཆུབ་ཀྱི་སེམས་ཀྱིས་བརླན་པར་བསམ། རྒྱར་གཞུག་པའི་སྔགས་ནི། རྡོ་རྗེ་དབྱིངས་ཀྱི་སྙིང་པོ།..... ཨོཾ་བཛྲ་དྷཱ་ཏུ། གརྦྷེ་སྭཱཧཱ། ཆོས་ཀྱི་དབྱིངས་ཀྱི་སྙིང་པོ།..... ཨོཾ་དྷརྨཿ དྷཱ་ཏུ་གརྦྷེ་

― GTD007_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

སྭཱཧཱ། ཞེས་བརྗོད་དེ་བར་དུ་བཅུག་པ་དང་ཐབས་ཤེས་དབྱེར་མེད་དུ་བསྒོམ། བརྡུང་སྔགས་ནི། ཨོཾ་བཛྲ་མུདྒ་ར་ཨ་ཀོ་ཊ་ཡ་ཧཱུཾ་ཕཊ་སྭཱཧཱ། རྡོ་རྗེ་ཐོ་བས་ཀུན་ནས་བརྡུངས་ཤིག །ཞེས་གདོན། ཐམས་ཅད་རིག་པ། ..... ཨོཾ་སརྦ་བཱིངྱ་སྭཱཧཱ། ཞེས་པས་མེ་ཏོག་འབུལ། ཨོཾ་དྷརྨཱ་ར་ཏེ་སྭཱཧཱ། ཆོས་ཀྱི་དགའ་བ། ཞེས་སྐོལ་ཕོར་ནས་དབྱུང་། ཨོཾ་སུ་པྲ་ཏིཥྛ་བཛྲེ་སྭཱཧཱ། ཤིན་ཏུ་རབ་ཏུ་གནས་པའི་རྡོ་རྗེ། ཞེས་པས་བཞུགས་སུ་གསོལ། བུ་སྟོན་ཐམས་ཅད་མཁྱེན་པས་མཚམས་འདིར་གོང་གི་སྣུམ་བྱུགས་པའི་སྔགས་དང་དམིགས་པས་སྐུ་དཀར་གསོལ་བར་གསུངས་པ། གྲུབ་ན་ལེགས་ལ་མེད་ཀྱང་ཆད་པའི་ཉེས་པར་མི་འགྱུར་རོ། །དེ་ནས། ཨ་མྲྀ་ཏས་བགེགས་བསངས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པདྨ་དང་ཟླ་བའི་སྟེང་དུ་ཨོཾ་ལས་རྣམ་པར་སྣང་མཛད་སྐུ་མདོག་དཀར་པོ་ཞལ་གཅིག་ཕྱག་གཉིས་པ། བྱང་ཆུབ་མཆོག་གི་ཕྱག་རྒྱ་ཅན། རྡོ་རྗེ་སྐྱིལ་མོ་ཀྲུང་གིས་བཞུགས་པའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ཧཱུཾ་ལས་འོད་ཟེར་འཕྲོས། རྒྱལ་བ་རྣམ་པར་སྣང་མཛད་ཀྱི་ལྷ་ཚོགས་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། སླར་ཡང་འོད་ཟེར་འཕྲོས། དབང་གི་ལྷ་རྣམས་སྤྱན་དྲངས། དབང་ལྷས་དབང་བསྐུར། ཆུའི་ལྷག་མ་ཡར་ལུད་པ་ལས་སྤྱི་བོར་འཁོར་ལོས་དབུ་བརྒྱན་པར་གྱུར། ཨོཾ་སརྦ་ཏ་ཐཱ་ག་ཏ་ཨརྒྷཾ་ནས། ཤཔྟའི་བར་གྱིས་མཆོད། ཕྱག་བྱར་འོས་པ་སོགས་ཀྱིས་བསྟོད། སུ་པྲ་ཏིཥྛའི་སྔགས་ཀྱིས་བརྟན་པར་བཞུགས་སུ་གསོལ་ཞིང་། ལྷ་རྣམས་འོད་དུ་ཞུ་ནས་མཆོད་རྟེན་གྱི་རྣམ་པར་གྱུར་པར་བསམས་ལ་བཀྲ་ཤིས་བརྗོད། དེ་ལས་ཀྱང་བསྡུས་

― GTD007_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱེད་ན། ཨོཾ་སརྦ་ཏ་ཐཱ་ག་ཏ་དེ་བཞིན་གཤེགས་པ་ཐམས་ཅད་ཀྱི། མཎི་ནོར་བུ། ཤ་ཏ་དཱི་པ་ཏེ་བརྒྱ་སྣང་བ། ཛྭ་ལ་ཛྭ་ལ་འབར་བ་འབར་བ། དྷརྨཱ་དྷཱ་ཏུ་གརྦྷེ་སྭཱཧཱ་ཆོས་ཀྱི་དབྱིངས་ཀྱི་སྙིང་པོ། ཞེས་པའི་སྔགས་འདི་བརྗོད་པས་རབ་གནས་ཀྱི་གོ་ཆོད་པར་གསུངས། དེ་ནས། ཨོཾ་སྭ་བྷཱ་ཝ་བི་ཤུད་དྷེ་རང་བཞིན་རྣམ་པ་དག་པ། ཨཱ་ཧ་ར་ཀུན་ནས་བཏུས། ཨཱ་ཧ་ར་ཀུན་ནས་བཏུས། ཨཱ་གཙྪ་ཀུན་ནས་བྱོན། ཨཱ་གཙྪ་ཀུན་ནས་བྱོན། དྷརྨཱ་དྷཱ་ཏུ་གརྦྷེ་སྭཱཧཱ། ཆོས་ཀྱི་དབྱིངས་ཀྱི་སྙིང་པོ། ཞེས་བརྗོད་ཅིང། གནས་གཞན་དུ་གདན་འདྲེན་པར་བཤད་ལ། གང་དུ་སྤྱན་འདྲེན་པའི་ཡུལ་ནི་དྲི་གཙང་ཁང་སོགས་འོ་མི་བརྒྱལ་བའི་གནས་དང། དེར་མ་ཟད་ལས་ཀྱི་སྒྲིབ་པ་རྣམ་པར་སྦྱོང་བའི་གཟུངས་ལས། མཆོད་རྟེན་འབུམ་བྱས་ལ་གདུགས་དང་རྒྱལ་མཚན་དང་བ་དན་ལ་སོགས་པས་ལེགས་པར་མཆོད་ནས་རྒྱ་མཚོ་ཆེན་པོའམ། ཡང་ན་ཆུ་ཀླུང་དུ་བཏང་ན་དེས་ཐམས་ཅད་དམྱལ་བ་ལ་སོགས་པ་ནས་ཐར་པར་འགྱུར་རོ། །ཞེས་གསུངས་པའི་དགོངས་པ་བཞིན་བུ་སྟོན་གྱི་གཤིན་པོ་རྗེས་འཛིན་དུའང་རབ་གནས་བྱས་ཏེ་སྡིག་པ་སྦྱངས་པའི་ཕྱིར་ཆུ་ཀླུང་དུ་བཏང་བའམ། ལམ་གྱི་བཞི་མདོར་མཆོད་རྟེན་བྱ་བ་གཉིས་བཤད། ཅེས་རང་ལུགས་མཛད་པའི་ཕྱོགས་དམ་པ་གོང་མ་མང་པོས་ཀྱང་བཞེད་ལ། བཀའ་གདམས་ཀྱི་བསྟན་རིམ་ལས། ཡང་ཁ་ཅིག་གིས་ཚ་ཚ་ཆུར་བསྐྱུར་བའམ། ཆུར་མ་བསྐྱུར་ཡང་ཆུའི་ཁྱེར་ལ་ཁད་ཆུ་འགྲམ་དུ་འཇོག་པ་ཡོད། དེ་ཆུང་བ་ལ་ཚ་ཚ། ཆེ་བ་ལ་མཆོད་རྟེན་ཟེར་བ་ཡིན་པས་དེ་མཆོད་རྟེན་འཇིག་པ་ཉེ་བའི་མཚམས་མེད་ཡིན་གསུངས། ཞེས་པུ་ཏོ་བའི་གསུང་སྒྲོས་སུ་བཀོད་སྣང་བ་ཇི་ལྟར་ཡིན་སྙམ་ན་སྔ་མ་རྒྱུད་ལས་དངོས་སུ་གསུངས་པས་དེ་མི་འཐད་པར་བཞེད་པ་ག་ལ་ཡིན་ཀྱང། འདིའི་དགོངས་པ་ནི་འདུལ་འཛིན་གྱི་རབ་གནས་བསྡུས་པར། རང་གི་འདོད་པའི་ས་ཆ་དེར་མི་མཁོ་བར་ཤེས་ནས་སྤོང་བ་ཡིན་ན་རྣམ་པ་ཐམས་ཅད་དུ་མི་རུང་ངོ་། །ཞེས་གསུངས་པ་

― GTD007_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་རང་གི་གནས་དེར་ས་གཅོད་དོགས་པའམ། རང་ལ་མི་འཕྲོད་པར་དོགས་པ་སོགས་རང་དོན་གཙོ་བོར་བྱས་ཏེ་རྟེན་ལ་རྩིས་མེད་ཀྱིས་ཆུར་བསྐྱུར་ན་ཉེ་བའི་མཚམས་མེད་དུ་འགྱུར་བའི་དོན་ཡིན་ཞིང་། གཅིག་ཤོས་ཆུའི་སྲོག་ཆགས་སོགས་ལ་ཕན་སེམས་ཁོ་ནའི་དབང་དུ་བྱས་པ་ཡིན་ནོ། །འོན་ཀྱང་དེང་སང་དཀོན་མཆོག་ལ་གུས་ཞེན་མེད་ཅིང། འདྲེས་བརླམ་དང་མོ་མའི་ཁ་ལ་ཚད་མར་བྱེད་པའི་དབང་གིས་སྡིག་པོ་ཆེ་གསོག་ཉེན་འདུག་པས་ལུང་སྟོན་པ་པོ་དང་ཞུ་བ་པོ་ཐམས་ཅད་ཀྱིས་བག་ཟོན་བྱ་དགོས་པར་སྣང་ངོ་། །འབྱུང་བ་གཞན་ཆུ་དང་རླུང་སོགས་ལ་འདེབས་པའི་བྱ་བ་མ་གཏོགས་གཞན་རྣམས་བྱར་མེད་པས་དེ་དག་གི་སྔགས་དང་དམིགས་པ་སོགས་མི་དགོས་ལ། འདེབས་པའི་སྔགས་ནི། ཆུ་ལ། ཨོཾ་སྟྲཻ་ཡ་དྷཱེ་སརྦ་ཏ་ཐཱ་ག་ཏ་ཧྲི་ད་ཡ་གརྦྷེ། ཛྭ་ལ་དྷརྨཱ་དྷཱ་ཏུ་གརྦྷེ། སཾ་ཧ་ར་ཎ་ཨཱ་ཡུ་སཾ་ཤོ་དྷ་ཡ། པཱ་བཾ་སརྦ་ཏ་ཐཱ་ག་ཏཱ་ས་མནྟ། བི་མ་ལ་ཨུཥྞཱི་ཥ་བི་ཤུདྡྷེ། མཧཱ་བི་ར་ཛེ་ར་གམྦྷི་ར་སི་དྷརྨཱ་དྷཱ་ཏུ་བི་བི་ས་ར་ཨ་ཨ་མ་མ་ཀི་སྭཱཧཱ། ཞེས་བརྗོད་ཅིང་ཆུ་དེ་ཐམས་ཅད་ཐབས་ཤེས་ཟུང་དུ་འཇུག་པའི་ཡེ་ཤེས་ཀྱི་རང་བཞིན་གྱི་མཆོད་རྟེན་དུ་གྱུར་པར་བསམ། རླུང་དང་བར་སྣང་སྐྱ་སེང་སོགས་ལ། ཨོཾ་སྟྲཻ་ཡ་དྷཱེ་ཞེས་པ་ནས། བ་བི་ས་ར་ཨ་ཨ་ཨེ་ཁཾ་ཡ་སྭཱཧཱ། ཞེས་གདོན། དེ་ལྟར་བཏབ་པའི་རྗེས་སུ་དགེ་བ་སྤེལ་བའི་ཐབས་མཆོག་ཏུ་གྱུར་པ་ནི། ཏདྱ་ཐཱ། སུཀྵྨེ་སུཀྵྨེ། ཤནྟེ་ཤནྟེ། དནྟེ་དནྟེ། ནི་ར་ཀུ་ལེ། ཡ་ཤོ་ཏེ་ཛོ། སརྦ་བུདྡྷ། ཨ་དྷི་ཥྛཱ་ན། ཨ་དྷི་ཥྛི་ཏེ། ཨ་ནུ་མི་རི་ཏེ་སྭཱཧཱ། ཞེས་པའི་སྔགས་འདི་ལན་གཅིག་བརྗོད་ནས་མཆོད་རྟེན་གཅིག་བཏབ་པའང་བྱེ་བ་བཏབ་པའི་དགེ་རྩར་འཕེལ་བ་གཟུངས་ཉིད་ལས་གསུངས་པས་ཤིན་ཏུ་གནད་ཆེའོ། །མཇུག་གི་བསྔོ་བ་སོགས་ནི་ཐུན་མོང་དུ་བྱ་བའམ།

― GTD007_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

ཇོ་བོའི་ཚ་དགུ་མར་དགེ་བ་སོ་སོར་བསྔོ་ཚུལ་གསུངས་པ་གང་མོས་བྱ། དེ་འདམ་ལ་བཏབ་ན་ཕྱག་མཆོད་སྐོར་བ་སོགས་ཀྱི་རྟེན་དུ་བཞུགས་པས་བསོད་ནམས་ཡུན་དུ་འཕེལ་བ་དང། ཆུ་དང་རླུང་ལ་བཏབ་ན་རྒྱུན་དང་རྫི་ཕྱོགས་ཀྱི་སྲོག་ཆགས་ཐམས་ཅད་ལ་ཕན་པས་དགོས་པ་ཆེ་ཞིང་། མེ་ལ་དེ་གཉིས་ཀ་མ་ཚང་བས་འདེབས་བྱེད་ཀྱི་སྔགས་སོགས་མ་གསུང་ངོ་། །འདི་ལ་ཁ་ཅིག་འདི་སྙམ་དུ། ཆུ་དང་རླུང་ལ་སྔགས་འདེབས་པར་གསུངས་པ་ཡིན་གྱི། ཚ་ཚ་འདེབས་པའི་དོན་མ་ཡིན་པས་ཆུ་འབུམ་རླུང་འབུམ་སོགས་ལ་ཤེས་བྱེད་མེད་དོ་སྙམ་ན། ཤེས་པ་ཐམས་ཅད་མཐར་ཕྱིན་པར་གྲུབ་པ་མཆོད་རྟེན་གྱི་གཟུངས་ལས། འབྱུང་བ་ཆེན་པོ་གང་ལ་མཆོད་རྟེན་བཏབ་ཀྱང་བསྐལ་པ་དཔག་ཏུ་མེད་པ་ཐམས་ཅད་ཀྱི་སྒྲིབ་པའི་དྲི་མ་དག་ནས། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུར་སྐྱེས་ནས་ཕྱིར་མི་ལྡོག་པའི་ས་ཐོབ་པར་འགྱུར་རོ། །ཞེས་སའི་འབྱུང་བ་གཅིག་པུ་ཙམ་ཞིག་མ་ཡིན་པར་ཆུ་སོགས་འབྱུང་བ་གང་དང་གང་ལ་བཏབ་ཀྱང་ཕན་ཡོན་དཔག་ཏུ་མེད་པ་འབྱུང་བར་གསུངས་པའི་ཕྱིར། དོན་འདི་ནི་རིགས་པས་ཀྱང་གྲུབ་སྟེ། འོད་ཟེར་དྲི་མེད་ལས། མཆོད་རྟེན་འདི་ལྟ་བུ་རྨི་ལམ་དུ་རྨིས་སམ། རྒྱང་ནས་མཐོང་ངམ། དྲིལ་བུའི་སྒྲ་ཐོས་སམ། མཆོད་རྟེན་བཞེངས་པ་རྣ་བར་གཏམ་ཐོས་པ་དེ་དག་ཀྱང་མཚམས་མེད་པ་ལྔ་ལ་སོགས་ཏེ་སྡིག་པ་དང་སྒྲིབ་པ་ཐམས་ཅད་བྱང་སྟེ། ཞེས་དེ་ལ་བཏགས་པའི་དྲིལ་བུ་རླུང་གིས་བསྐྱོད་པའི་སྒྲ་ཐོས་པ་ཙམ་གྱིས་ཀྱང་སྡིག་སྒྲིབ་འདག་པར་གསུངས་ན། མཆོད་རྟེན་གྱི་རྣམ་པར་བཞེངས་པའི་ཆུ་སོགས་ཀྱིས་རེག་པས་སྡིག་སྒྲིབ་པ་དག་པ་སྨོས་ཅི་དགོས་པའི་ཕྱིར་ཏེ། གཙུག་ཏོར་དྲི་མེད་ཀྱི་གཟུངས་ལས། ཐ་ན་གྲིབ་མ་ཕོག་ནའང་ཡོངས་སུ་གྲོལ་བར་འགྱུར་ན། བྱ་བ་མང་དུ་བྱེད་པ་ལྟ་སྨོས་ཀྱང་ཅི་དགོས་ཞེས་གསུངས་པའི་ཕྱིར། དེ་ལྟར་མཐོང་ཐོས་དྲན་རེག་ཙམ་ལ་བསོད་ནམས་དཔག་ཏུ་མེད་པ་འབྱུང་བའི་མཆོད་རྟེན་དེ་

― GTD007_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བུ་གསར་དུ་བཞེངས་པས་བསོད་ནམས་ཇི་སྙེད་ཅིག་ཐོབ་ཅེ་ན། ལས་དང་ཕན་ཡོན་བསྟན་པའི་ཆོས་ཀྱི་རྣམ་གྲངས་ལས། ཕན་ཡོན་བཅོ་བརྒྱད་གསུངས་ཤིང་། ཁྱད་པར་དུ་ཀྲྀ་ཡ་དཔུང་བཟང་ལས། གཙང་ཞིང་རབ་ཏུ་དབེན་པའི་ས་ཕྱོགས་སུ། །འཇིམ་པའམ་ནི་བྱེ་མ་ལས་བྱས་པའ། །བདེ་གཤེགས་མཆོད་རྟེན་རྟེན་འབྲེལ་སྙིང་པོ་ཅན། །སྡིག་པ་སྦྱངས་པའི་ཕྱིར་ནི་རྟག་ཏུ་གདབ། །ཅེས་སྒྲིབ་སྦྱོང་གི་མཆོག་ཏུ་གསུངས་པ་དང། ཁང་བུ་བརྩེགས་པའི་མདོ་ལས། འཛམ་བུའི་གླིང་འདི་རིགས་ཀྱི་བུའམ་རིགས་ཀྱི་བུ་མོ་དད་པ་ཅན་ལ་ལས་རིན་ཆེན་སྣ་བདུན་གྱིས་བཀང་སྟེ། རྒྱུན་དུ་ཞུགས་པ་རྣམས་དང། ལན་གཅིག་ཕྱིར་འོང་བ་རྣམས་དང་། ཕྱིར་མི་འོང་བ་རྣམས་དང། དགྲ་བཅོམ་པ་རྣམས་དང་། རང་སངས་རྒྱས་རྣམས་དང། ཕྱོགས་བཞིའི་དགེ་འདུན་ལ་ཕུལ་བ་བས། གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདས་པའི་མཆོད་རྟེན་འཇིམ་པ་ལས་སྐྱུ་རུ་ར་ཙམ་བྱེད་དུ་འཇུག །སྲོག་ཤིང་ནི་ཁབ་ཙམ་འཛུགས་སུ་འཇུག །གདུགས་ནི་རྒྱ་ཤུག་གི་ལོ་མ་ཙམ་འགེབས་སུ་འཇུག་ཅིང། སྐུ་གཟུགས་ནས་འབྲུ་ཙམ་བྱེད་དུ་འཇུག་ལ། སྐུ་གདུང་ཡུངས་ཀར་གྱི་འབྲུ་ཙམ་འཇུག་པར་བྱེད་ན། ཀུན་དགའ་བོ་འདི་ཉིད་དེ་བས་བསོད་ནམས་ཤིན་ཏུ་མང་བར་ང་སྨྲའོ། །ཞེས་པ་ནས་སྟོང་གསུམ་གྱི་བར་དུ་སྦྱར་ཏེ། རིན་ཆེན་བདུན་གྱིས་བཀང་ནས་དེ་དག་ལ་ཕུལ་བ་ལས་ཚ་ཚ་སྐྱུ་རུ་ར་ཙམ་ཞིག་བཞེངས་པ་བསོད་ནམས་ཆེ་བར་གསུངས་ཤིང་། བྱང་སའི་འགྲེལ་པ་རྒྱ་མཚོ་སྤྲིན་གྱིས་མཛད་པ་ལས་ཀྱང་མཆོད་རྟེན་གཅིག་བཞེངས་པའི་བསོད་ནམས་ཡོངས་སུ་བཟུང་བའང་ཚངས་པའི་བསོད་ནམས་བཟུང་བར་འགྱུར་ན། དུ་མ་ཉིད་བཞེངས་པས་ནི་ཚངས་པ་དུ་མ་ཉིད་ཀྱི་བསོད་ནམས་ཡོངས་སུ་བཟུང་བར་འགྱུར་རོ། །ཞེས་སོགས་
མཐའ་ཡས་ཀྱང་འདིར་ནི་སྤྲོ་བ་བསྐྱེད་པའི་ཕྱིར་ཟུར་ཙམ་སྨོས་པ་ཡིན་གྱི། རྒྱས་པར་ནི་རྒྱུད་དང་མདོ་མང་སོགས་ལས་ཤེས་པར་བྱའོ།། སྨྲས་པ། འདི་ལྟའི་རྣམ་དཀར་ལས་ལ་བརྩོན་རྣམས་ཀྱི། །ལག་པའི་ཡལ་འདབ་དགེ་བའི་འཁྲི་ཤིང་སྟེ། །གཞན་དུ་བཟའ་བཏུང་ཁོ་ནར་སྦྱོར་བ་དེའ། །མཉེན་ལྕུག་སོར་མོ་རིང་ཡང་སྡེར་ཕྲེང་ཡིན། །ཉམ་ཆུང་སྒྱུ་མའི་ལུས་ཀྱི་འཇིམ་གོང་ཡང་། །ཡོན་ཏན་ཀུན་ལྡན་རྒྱལ་བའི་མཆོད་རྟེན་དུ། །སྒྱུར་བྱེད་ཐབས་ཀྱི་ཡང་རྩེ་བརྐོས་ཕོར་འདི། །མདོ་རྒྱུད་དགོངས་དོན་བཞུ་བླུག་འཕྲུལ་ལས་བྱུང།། འདིར་འབད་ལས་བྱུང་མཆོག་གི་རྒྱས། །མཁའ་མཉམ་འགྲོ་བའི་འཛིན་མར་བཏབ་པ་ལས། །སྤངས་རྟོགས་ཡོན་ཏན་གྲྭ་ཟུར་རྫོགས་པ་ཡི། །མཆོད་སྡོང་འཕྲེང་བ་ཚར་དུ་དངར་བར་ཤོག །ཅེས་སཱཙྪ་གདབ་པའི་ཚུལ་ཆུ་དང་རླུང་སོགས་ལའང་འདེབས་པའི་ཤེས་བྱེད་ཕན་ཡོན་མདོར་བསྡུས་པ་དང་བཅས་པ་འདི་ནི་ཐུ་མེད་པེའི་སིའི་ཤོག་གཞུང་དོན་འབྱེད་པའི་རྣམ་དཔྱོད་མཆོག་ཏུ་ཡངས་པ་རྡོ་རམས་པ་འཇིགས་མེད་རྒྱལ་མཚན་གྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས། ཆོས་གྲྭ་ཆེན་པོ་བཀྲ་ཤིས་འཁྱིལ་དུ་བྲིས་པའོ།། བླ་པར། འདིར་འབད་ལས་བྱུང་ལེགས་བྱས་མཆོག་གི་རྒྱས།།

སྐུ་པར་དང་སཙྪ་བཏབ་པ་སོགས་ལ་མེ་ཏོག་འཐོར་འབུལ་བགྱིད་ཚུལ།

― GTD007_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་པར་དང་སཱཙྪ་བཏབ་པ་སོགས་ལ་མེ་ཏོག་འཐོར་འབུལ་བགྱིད་ཚུལ་བཞུགས་སོ།། ན་མོ་རཏྣ་ཏྲ་ཡཱ་ཡ། དེའང་རྟེན་ལ་རབ་གནས་དངོས་གཞི་བྱེད་ན་རྒྱས་བསྡུས་གང་དགོས་ཀྱང་དམ་པ་གོང་མས་མཛད་པ་མང་ལ། འདིར་ཉིན་རེ་བཞིན་སྐུ་པར་དང་སཱཙྪ་བཏབ་པ་ལྟ་བུར་མེ་ཏོག་འཐོར་འབུལ་བགྱིད་ཚུལ་ནི། ན་མོ་རྩ་བརྒྱུད་བླ་མ་ཡི་དམ་སངས་རྒྱས་བྱང་སེམས་ཉན་རང་ཆོས་སྲུང་དང་བཅས་པ་རྣམས་དང། ཁྱད་པར་དུ་དཔལ་རྡོ་རྗེ་འཇིགས་བྱེད་ཆེན་པོའི་བདེན་པའི་སྟོབས་ཀྱིས་

― GTD007_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འདི་ཉིད་འགྲོ་བའི་བསོད་ནམས་ཀྱི་ཞིང་དུ་གནས་པ་ལ་བར་ཆད་རྩོམ་པར་བྱེད་པའི་བགེགས་ཀྱི་ཚོགས་རྣམས་རང་གནས་སུ་སོངས་ཤིག །སུམྦྷ་ནི་སོགས་བརྗོད་དེ་བགེགས་བསྐྲད། ཡེ་དྷརྨཱ་ལན་གསུམ་བཟླས་ལ། ཡེ་དྷརྨཱ་འོད་དུ་ཞུ་ནས་མེ་ཏོག་ལ་ཐིམ་པར་གྱུར། ཅེས་འཐོར་འབྲུ་བྱིན་གྱིས་བརླབས། རྟེན་རྣམས་ཧྲཱིཿ ཥྚྲཱིཿ འམ། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་པད་ཉི་ལ་ཧཱུཾ་ལས་རྡོ་རྗེ་ཧཱུཾ་གིས་མཚན་པ་ཡོངས་སུ་གྱུར་པ་ལས། དཔལ་རྡོ་རྗེ་འཇིགས་བྱེད་ཆེན་པོ་སྐུ་མདོག་མཐིང་ནག་ཞལ་དགུ་ཕྱག་སོ་བཞི་ཞབས་བཅུ་དྲུག་པ་ཡེ་ཤེས་ཀྱི་མེ་རབ་ཏུ་འབར་བའི་ཀློང་དཀྱིལ་ན་བཞུགས་པའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ཧཱུཾ་ལས་འོད་འཕྲོས། རབ་ཏུ་གནས་བྱའི་ལྷ་སོ་སོའི་ཡེ་ཤེས་པ་གཤིན་རྗེའི་གཤེད་པོའི་ལྷ་ཚོགས་ཀྱི་རྣམ་པ་ཅན་དབང་ལྷ་དང་བཅས་པ་སྤྱན་དྲངས། དམ་ཡེ་དབྱེར་མེད་དུ་གྱུར་ཅིང་དབང་ལྷས་དབང་བསྐུར། མི་བསྐྱོད་པས་དབུ་བརྒྱན་པར་གྱུར། ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་རབ་རིབ་བསལ་བ་ལྟར། །རྒྱལ་བ་རྣམས་ཀྱིས་ཁྱོད་ཀྱི་ན། །མི་ཤེས་པ་ཡི་རབ་རིབ་བསལ། །ཨོཾ་ཙཀྵུ་ཙཀྵུ་ས་མནྟ་ཙཀྵུ་བི་ཤོ་དྷ་ན་ཡེ་སྭཱཧཱ། ཞེས་སྤྱན་དབྱེ། མཆོད་པ་སོ་སོར་བྱིན་གྱིས་བརླབས་པར་མོས་ལ། ཨོཾ་ཨཱཿ ཧཱུཾ། ལན་གསུམ་བརྗོད། ཨོཾ་ཡ་མནྟ་ཀ་ཨརྒྷཾ་སོགས་ཀྱིས་མཆོད། གཟུགས་མཆོག་མཆོག་ཏུ་དྲག་པོ་ཆེ། །ཞེས་སོགས་ཀྱིས་བསྟོད། ཧྲཱིཿ ཥྚྲཱིཿདང། ཡ་མཱནྟ་ཀ།།ཨོཾ་ཨཱཿ ཧཱུཾ། རྣམས་ལན་བདུན་རེ་བཟླས་ལ། དཔལ་རྡོ་རྗེ་
འཇིགས་བྱེད་འོད་དུ་ཞུ་ནས་རྟེན་སོ་སོའི་རྣམ་པར་གྱུར། ཅེས་གཟུགས་བསྒྱུར། འགྲོ་བའི་དོན་གཟིགས་བརྩེ་ཆེན་མཐུ་ལྡན་རྣམས། །སེམས་ཅན་དོན་ཕྱིར་རྟག་ཏུ་འདིར་བཞུགས་ནས། །ཐུབ་བསྟན་དར་ཞིང་བདག་སོགས་མ་ལུས་པའ། །སྒྲིབ་བྱང་དོན་གཉིས་འགྲུབ་པར་བྱིན་གྱིས་རློབས། །ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། ལན་གསུམ། བླ་མ་ཡི་དམ་རྣམས་ཀྱི་བཀྲ་ཤིས་ཤོག །བསླུ་མེད་དཀོན་མཆོག་གསུམ་གྱི་བཀྲ་ཤིས་ཤོག །མ་དང་མཁའ་འགྲོ་རྣམས་ཀྱི་བཀྲ་ཤིས་ཤོག །དམ་ཅན་ཆོས་སྲུང་རྣམས་ཀྱི་བཀྲ་ཤིས་ཤོག །གནས་སྐབས་ཚེ་རིང་ནད་མེད་བཀྲ་ཤིས་ཤོག །མཐར་ཐུག་བྱང་ཆེན་འགྲུབ་པའི་བཀྲ་ཤིས་ཤོག །ཡངས་པའི་འཇིག་རྟེན་བདེ་འབྱོར་བཀྲ་ཤིས་ཤོག །ཐུབ་བསྟན་ཕྱོགས་བཅུར་རྒྱས་པའི་བཀྲ་ཤིས་ཤོག །ཅེས་མེ་ཏོག་འཐོར། འོན་ཀྱང་སཱཙྪ་ལ་དེའི་ཆོ་ག་བསྡུས་པ་ཟུར་དུ་ཡོད་པས། དེ་བཞིན་བྱས་ཀྱང་ལེགས་སོ། །ཞེས་པ་འདི་ནི་དད་ལྡན་སྦྱིན་པའི་བདག་པོ་ཐུ་ས་ལག་ཆི་རྣམ་རྒྱལ་རྡོ་རྗེས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།།

སྤྱན་དབྱེའི་ཆོ་ག་ལག་ཏུ་བླང་བདེ་བ།

― GTD007_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱན་དབྱེའི་ཆོ་ག་ལག་ཏུ་བླང་བདེ་བ་བཞུགས་སོ།། ན་མོ་གུ་རུ་བྷྱེ། བདག་བསྐྱེད་གྲུབ་ནས་དཀར་གཏོར་བསྔོ། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས། ཁྲོ་བོའི་ཚོགས་ཐམས་ཅད་མདུན་གྱི་ནམ་མཁར་སྤྱན་དྲངས། ཞེས་པ་ནས། ཐུགས་ཀའི་ཧཱུཾ་ལས་འོད་ཟེར་འཕྲོས་པས་རབ་ཏུ་གནས་པ་ལ་བར་ཆད་རྩོམ་པར་བྱེད་པའི་བགེགས་ཀྱི་ཚོགས་ཐམས་ཅད་སྐད་ཅིག་གིས་འདིར་བཀུག་པར་གྱུར། ཅེས་སོགས་ནས། ང་ཡིས་གནས་འདིར་རབ་གནས་ཆོ་ག་བྱེད། །ཅེས་ཚིག་སྒྱུར། བགེགས་གཏོར་གྲུབ་རྗེས། ཧྲཱིཿ ཥྚཱིས་བསངས། སྭ་

― GTD007_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

བྷཱ་ཝས་སྦྱངས། རབ་ཏུ་གནས་བྱའི་རྟེན་རྣམས་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་སྣ་ཚོགས་པདྨ་དང་ཉི་མའི་སྟེང་དུ་ཧཱུཾ་ལས་རྡོ་རྗེ་ཧཱུཾ་གིས་མཚན་པ། དེ་ཡོངས་སུ་གྱུར་པ་ལས་དཔལ་རྡོ་རྗེ་འཇིགས་བྱེད་ཆེན་པོ་སྐུ་མདོག་མཐིང་ནག །ཅེས་པ་ནས། གཡོན་པས་ཡབ་ལ་འཁྱུད་པ། ཞེས་པའི་བར་སེམས་དཔའ་སུམ་བརྩེགས་ཅན་དུ་བསྐྱེད། དེའི་མིག་གཉིས་སུ་ཀྵིཾ། རྣ་བ་གཉིས་སུ་ཛྲིཾ། ཞེས་པ་ནས། ཐུགས་ཀར་ཧཱུཾ་གིས་མཚན་པར་གྱུར། ཨོཾ་ཧྲཱིཿ ཧ་བྷོ་མཧཱ་ཀྲོ་དྷ། ཞེས་པ་ནས། ཀུ་རུ་སྭཱཧཱ། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས་པས། དཔལ་རྡོ་རྗེ་འཇིགས་བྱེད་ཀྱི་རྟེན་དང་བརྟེན་པར་བཅས་པའི་དཀྱིལ་འཁོར་མདུན་གྱི་ནམ་མཁར་སྤྱན་དྲངས། ཨོཾ་ཧྲཱིཿ ཥྚྲཱིཿཝི་ཀྲི་ཏཱ་ན་ན་ཧཱུཾ་ཕཊ། ཨོཾ་ཧྲཱིཿ ཥྚྲཱིཿ ཧཿ། ཞེས་པ་ནས། གཙོ་བོའི་རྩ་ཞལ་གྱི་དབུ་ལ་མི་བསྐྱོད་པས་དབུ་བརྒྱན་ཅིང་དབང་གི་ལྷ་རྣམས་ཀྱང་དེ་ཉིད་ལ་ཐིམ་པར་གྱུར། ཇི་ལྟར་མིག་མཁན་རྒྱལ་པོ་ཡིས། །འཇིག་རྟེན་རབ་རིབ་བསལ་བ་ལྟར། །རྒྱལ་བ་རྣམས་ཀྱིས་ཁྱོད་ཀྱི་ན། །མི་ཤེས་པ་ཡི་རབ་རིབ་བསལ། །ཨོཾ་ཙཀྵུ་ཙཀྵུ་ས་མནྟ་ཙཀྵུ་བི་ཤོ་དྷ་ན་ཡེ་སྭཱཧཱ། ཀུན་མཁྱེན་ཡེ་ཤེས་སྤྱན་ལྡན་སྐྱོན་བྲལ་ཡང། །གུས་པས་འཕགས་པའི་སྤྱན་ནི་དབྱེ་བགྱིས་པས། །ནམ་མཁའི་མཐས་གཏུགས་གྱུར་པའི་སེམས་ཅན་རྣམས། །སངས་རྒྱས་ཡེ་ཤེས་སྤྱན་ནི་ཐོབ་པར་ཤོག །ཞི་བ་ལ་སོགས་པའི་ལས་རྣམས་བསྒྲུབ་པའི་དོན་དུ་སྦྱིན་བདག་ལ་སོགས་པ་ལ་ཡེ་ཤེས་ཀྱི་གཟིགས་པ་ལྷུར་མཛད་པར་གྱུར། མཆོད་པ་བྱིན་གྱིས་བརླབ། དག་ཅིང་དྲི་མེད་མས་ཆུ་བཞི། རྒྱལ་བ་རྣམས་ནི་ཡོན་

― GTD007_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

ཏན་མཆོག་གི་སྐུ། །སོགས་ཀྱིས་ཉེར་སྤྱོད་རོལ་མོ། རིན་ཆེན་དབང་རྒྱལ་མས་འདོད་ཡོན་ལྔ། ཛམ་བུ་ཆུ་གསེར་མས་རྒྱལ་སྲིད་སྣ་བདུན་རྣམས་དབུལ། ཡབ་ཡུམ་གཉིས་ཀའི་སྔགས་གཤམ་དུ་འབྲུ་གསུམ་བཏགས་པས་ནང་མཆོད་དབུལ། འཇམ་དཔལ་གསེར་མདོག་མས་བསྟོད། ཨོཾ་ཧྲཱིཿ ཥྚྲཱིཿ ཝི་ཀྲི་ཏཱ་ན་ན་ཧཱུཾ་ཕཊ། ཨོཾ་ཡ་མཱནྟ་ཀ་ཧཱུཾ་ཕཊ། ཨོཾ་ཧཱུཾ་ཏྲཱཾ་ཧྲཱིཿ ཨཱཿ རྣམས་འཚམ་པ་རེ་བཟླས་ལ། དཔལ་རྡོ་རྗེ་འཇིགས་བྱེད་ཡབ་ཡུམ་འོད་དུ་ཞུ་ནས་གཙུག་ལག་ཁང་རྟེན་དང་བརྟེན་པར་བཅས་པའི་རྣམ་པར་གྱུར། གསུང་རབ་སོགས་ལའང་ཚིག་སྒྱུར་སྐབས་བསྟུན་བྱ། ཡེ་དྷརྨཱ་ཅི་མང་བཟླས་ལ། ཡེ་དྷརྨཱ་འོད་དུ་ཞུ་ནས་མེ་ཏོག་གི་ཚོམ་བུ་རེ་རེ་ལ་གནས་པར་གྱུར། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་གྱི་ཁམས་རྣམས་མི་གནས་པའི་མྱ་ངན་ལས་འདས་པའི་ས་ལ་མ་བཞག་གི་བར་དུ་མྱ་ངན་ལས་མི་འདའ་བར་བརྟན་པར་བཞུགས་སུ་གསོལ། བྱེ་བྲག་ཏུའང་སྐུ་གསུང་ཐུགས་ཀྱི་རྟེན་འདི་དག་ལ་ས་དང་ཆུ་དང་མེ་དང་རླུང་གི་གནོད་པས་མ་ཞིག་གི་བར་དེ་སྲིད་དུ་སེམས་ཅན་གྱི་དོན་དཔག་ཏུ་མེད་པ་མཛད་ཅིང་བརྟན་པར་བཞུགས་སུ་གསོལ། ལན་གསུམ་བརྗོད། ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། ཕུན་སུམ་ཚོགས་པ་མས་ཤིས་བརྗོད་བྱ་གཏོར་མ་ནང་མཆོད་ལྟར་བྱིན་གྱིས་བརླབ། རབ་འབྱམས་རྒྱལ་བ་མ་དང། རྒྱལ་ཡུམ་འདོད་པ་ཁམས་ཀྱི་དབང་ཕྱུག་ཁྱོད། །སྒྲུབ་སྡེ་འདི་ཡི་སྲུང་མར་མངའ་གསོལ་ལོ། །ཕྱི་དང་ནང་གི་འགལ་རྐྱེན་ཀུན་ཞི་ཞིང། །མཐུན་རྐྱེན་མ་ལུས་འགྲུབ་པའི་སྡོངས་གྲོགས་མཛོད། །མཐུ་སྟོབས་ནུས་པ་མ་དང། སྔགས་

― GTD007_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

འཆང་བཀའ་སྲུང་ཆེན་པོ་ཁྱོད་ཉིད་ཀྱིས། །སྡེ་འདིར་འཚེ་བའི་དགྲ་རྣམས་གཞོམ་པ་དང། །ཆུ་བདག་གདེངས་ཅན་འདི་ཡི་མགོན་མཛད་ཅིང། །ཆོས་དང་མཐུན་པའི་ལོངས་སྤྱོད་རྒྱས་པར་མཛོད། །གསང་འདུས་ཀྱི་རབ་ཡངས་མས་ཤིས་བརྗོད་བྱའོ། །ཤིན་ཏུ་བསྡུས་པ་བྱེད་ན། ཧྲཱིཿ ཥྚྲཱིཿས་བསངས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པདྨ་དང་ཉི་མའི་སྟེང་དུ་ཧཱུཾ་ལས་རྡོ་རྗེ་ཧཱུཾ་གིས་མཚན་པ་ཡོངས་སུ་གྱུར་པ་ལས་དཔལ་རྡོ་རྗེ་འཇིགས་བྱེད་ཆེན་པོ་སྐུ་མདོག་མཐིང་ནག་ཞལ་དགུ། ཕྱག་སོ་བཞི། ཞབས་བཅུ་དྲུག་པ། གཡས་བསྐུམས་ཤིང་གཡོན་བརྐྱང་བའི་སྟབས་ཀྱི་ཡེ་ཤེས་ཀྱི་མེ་རབ་ཏུ་འབར་བའི་ཀློང་དཀྱིལ་ན་བཞུགས་པ། དེའི་སྤྱི་བོར་ཨོཾ། མགྲིན་པ་ཨཱཿ ཐུགས་ཀར་ཧཱུཾ། ཐུགས་ཀའི་ཧཱུཾ་ལས་འོད་ཟེར་འཕྲོས་བསྒོམས་པ་དང་འདྲ་བའི་ཡེ་ཤེས་པ་དང་དབང་ལྷ་དང་བཅས་པ་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། དབང་གི་ལྷས་དབང་བསྐུར། མི་བསྐྱོད་པས་དབུ་བརྒྱན་པར་གྱུར། མཆོད་པ་དང་ནང་མཆོད་སྔགས་ཀྱིས་དབུལ། གཟུགས་མཆོག་མས་བསྟོད། ཡ་མཱནྟ་ཀ་དང། ཨོཾ་ཧཱུཾ་ཏྲཱཾ་ཧྲཱིཿ ཨཱཿ ཞེས་པ་ལན་གསུམ་རེར་བཟླས་ལ། རྡོ་རྗེ་འཇིགས་བྱེད་འོད་དུ་ཞུ་ནས་གཙུག་ལག་ཁང་རྟེན་དང་བརྟེན་པར་བཅས་པའི་རྣམ་པར་གྱུར། ཡེ་དྷརྨཱ་ནས། སུ་པྲ་ཏིཥྛའི་བར་དང། ཆེ་བའི་ཆེ་མཆོག་མས་ཤིས་བརྗོད་བྱའོ། །ཞེས་པ་འདི་དག་ནི་རི་ཁྲོད་ཡིད་དགའ་ཆོས་འཛིན་གྱི་འདུ་ཁང་རྟེན་དང་བརྟེན་པར་བཅས་པར་རབ་གནས་བརྒྱ་རྩ་བྱེད་སྐབས་ལག་ཏུ་བླང་བདེ་བར། ༸བཙུན་པ་དཀོན་མཆོག་བསྟན་པའི་སྒྲོན་མེས་བསྒྲིགས་པའོ།། །།

སུ་རཱུ་པའི་གཏོར་མ་གཏོང་ཚུལ་གྱི་རྣམ་གཞག

― GTD007_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་རཱུ་པའི་གཏོར་མ་གཏོང་ཚུལ་གྱི་རྣམ་གཞག་བཞུགས་སོ།།

― GTD007_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དང་འཕགས་མཆོག་སྤྱན་རས་གཟིགས་ངོ་བོ་དབྱེར་མི་ཕྱེད་པ་ལ་ཕྱག་འཚལ་ལོ། །གང་གི་ཐུགས་རྗེ་བདུད་རྩིའི་ཆུ་རྒྱུན་གྱིས། །ལས་ཉོན་སྡུག་བསྔལ་གདུང་བ་ཀུན་སེལ་ཞིང། །ཟག་མེད་བདེ་བའི་དཔལ་ལ་སྦྱོར་མཛད་པ། །ཐུགས་རྗེའི་གཏེར་ཆེན་དེ་ཡིས་རིང་དུ་སྐྱོངས།། དེ་ཡང་སྒྲུབ་པར་སླ་ལ་དོན་ཤིན་ཏུ་ཆེ་བ་སུ་རཱུ་པར་གྲགས་པའི་གཏོར་མ་གཏོང་བར་འདོད་པའི་གང་ཟག་གིས་དུས་ནམ་གྱི་ཚེ་གཏོང་བ་ནི། དེ་ཉིད་ཀྱི་གཟུངས་ལས། ཟས་མ་ཟོས་པའི་སྔོན་རོལ་ཉིད་དུ་སྦྱིན་པར་བྱའོ། །ཞེས་དང་། ཀུན་གཟིགས་ལྔ་པས། གཏོར་མ་གོང་མ་གསུམ་པོའི་དུས་ལ་ངེས་པ་མེད་ཅིང་སུ་རཱུ་པ་ནི་ངེས་པར་བཟའ་བཏུང་གང་ཡང་མ་བྱས་པའི་སྔོན་དུ་གཏོང་དགོས་ལ། དེང་སང་ཕྱག་ལེན་ལྷན་ཅིག་ཏུ་མཛད་པའི་དབང་གིས་ཐོ་རངས་ཀྱི་ཆའམ་འཕྱི་ཡང་ཟས་སྐོམ་ལ་ལོངས་མ་སྤྱད་པའི་གོང་དུ། ཞེས་གསུངས་པ་ལྟར་ལ། དེ་ཡང་འགྲོ་མགོན་ཆོས་རྒྱལ་འཕགས་པ་ཡན་ཆད་དུ་གཏོར་མ་ཆ་བཞིའི་གྲངས་སུ་འབྱུང་བ་ལས་ཟུར་དུ་མི་མཛད་ཀྱང། ཕྱིས་སུ་དམ་པ་འགའ་ཞིག་གིས་འཕགས་པས་མཛད་པའི་རྒྱུན་གཏོར་གྱི་ནང་ནས་ཡི་དྭགས་ལ་གཏོར་མ་གཏོང་ཚུལ་དེ་ཉིད་ལོགས་སུ་བཀོལ་བར་སྔགས་ཀྱི་སྒོ་ནས་མིང་ཡང་སུ་རཱུ་པ་ཞེས་གྲགས་སོ། །དེ་ལ་སུ་ནི་ཉེར་བསྒྱུར་ཉི་ཤུའི་ནང་གི་མཛེས་པ་དང་ལེགས་པ་སོགས་ལ་འཇུག་ཅིང། རཱུ་པ་

― GTD007_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་ཀྱི་སྐད་དོད་ཡིན་པས་དེ་བཞིན་གཤེགས་པ་གཟུགས་མཛེས་ཀྱི་སྔགས་ཀྱི་སྒོ་ནས་གཏོར་མ་སྦྱིན་པ་ཡིན་ཏེ། འདིའི་གཟུངས་ཀྱི་མཇུག་ཏུ་ཡང་། གཟུགས་ལེགས་པ་ཞེས་བྱ་བའི་གཟུངས་རྫོགས་སོ། །ཞེས་པ་ལྟར་རོ། །ཁ་ཅིག་དེ་ལྟར་མ་གོ་བར་སུ་རཱུ་པ་ཞེས་པ་བོད་སྐད་དུ་འཁྲུལ་ནས་ཚ་གསུར་གྲང་གསུར་དང། མེ་གསུར་ཆུ་གསུར་སོགས་ཀྱི་ཐ་སྙད་བྱེད་པ་དོན་མ་ཡིན་ཏེ། ཀུན་གཟིགས་ལྔ་པས། དེང་སང་མེ་གསུར་ཆུ་གསུར་ཞེས་མཆོག་དམན་ཀུན་ལ་གྲགས་ཤིང། ཡི་གེ་མང་པོར་ཡང་ཕྱོགས་མཐུན་དུ་བཀོད་པར་སྣང་མོད། མེ་གསུར་ལ་མདོ་སོགས་ཀྱི་ཟིན་སོ་མེད་ཅིང། གསང་སྔགས་གསར་མའི་ཕྱོགས་སུ་མ་གྲགས་པས་སྔོན་རབས་ཁུངས་བཙུན་གྱི་ཡི་གེར་ཡང་མ་འཁོད། དེའི་ཁུངས་ནི་གསང་སྔགས་རྙིང་མ་ཕྱོགས་ལ་བརྟེན་དགོས་ཤིང་། རྫས་མེ་ལ་བཏབ་པའི་གསུར་མིང་དང་དོན་མཐུན་པ་ཡིན། ཞེས་པ་ནས། ཆུས་གསུར་མི་ཡོང་བ་གནག་རྫི་རྒན་པོས་ཀྱང་ཤེས་པ་དེའོ། །ཞེས་གསུངས་སོ།། འདིར་གང་གི་ལྷའི་རྣལ་འབྱོར་དང་སྔགས་ཀྱི་སྒོ་ནས་གཏོར་མ་གཏོང་བའི་དེ་བཞིན་གཤེགས་པ་གཟུགས་མཛེས་ནི། པཎ་ཆེན་དགེ་འདུན་གྲུབ་ཀྱི་གཏོར་མའི་རྣམ་བཤད་ལས། འདི་དག་གི་ངོས་འཛིན་ལ་ཁ་ཅིག་རིན་ཆེན་མང་རིན་འབྱུང་། གཟུགས་མཛེས་དམ་པ་སུ་རཱུ་པའི་

― GTD007_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ཀྱི་གཟུགས་མཛེས། སྐུ་འབྱམས་ཀླས་རྣམ་སྣང་གངས་ཆེན་མཚོ། འཇིགས་བྲལ་དོན་གྲུབ་ཏུ་འདོད། ས་སྐྱ་པ་ནི་བཞི་པོ་དེ་སྔོན་བྱུང་འདས་པའི་དུས་སངས་རྒྱས་པའི་མཚན་བཞི་པོ་སངས་རྒྱས་དབང་ཕྱུག་ཡོན་ཏན་དང་སྤྱན་རས་གཟིགས་ཀྱི་གཟུངས་ནས་ཤཱཀྱ་ཐུབ་པ་ལ་གསུངས་པར་བཞེད་ལ་ཞེས་སོགས་གསུངས་པ་ལྟར་ལུགས་སྣ་ཚོགས་ཡོད་ཀྱང་། ཇོ་བོ་ཡབ་སྲས་ཀྱིས། རིན་ཆེན་མང་ཤཱཀྱ་ཐུབ། གཟུགས་མཛེས་སྤྱན་རས་གཟིགས། སྐུ་འབྱམས་ཀླས་འཇམ་དབྱངས། འཇིགས་བྲལ་ཕྱག་རྡོར་དུ་བཞེད་ཅིང། རྒྱུ་མཚན་ནི། སྤྱན་རས་གཟིགས་ཀྱི་མཚན་བརྒྱ་རྩ་བརྒྱད་པར། གཟུགས་མང་མངའ་ཞིང་བདེ་སྐྱིད་རབ་སྦྱིན་པ། །ཞེས་དང། མཚན་བརྒྱ་རྩ་བརྒྱད་པ་ཚིག་ལྷུག་ཏུ། ཡིད་དུ་མཆི་བ། སྡུག་པ། བལྟ་ན་སྡུག་པ། ཉམས་དགའ་བར་བགྱིད་པ་ཞེས་འབྱུང་ལ། འཇམ་དབྱངས་ཀྱི་མཚན་བརྒྱ་རྩ་བརྒྱད་པར། སེམས་ཅན་རྣམས་ཀྱི་བསོད་ནམས་ཚོགས། །ཤིན་ཏུ་རྒྱས་པ་འབྱུང་བར་འགྱུར། །ཞེས་མཚན་གྱི་ཕན་ཡོན་སྦྱིན་པའི་ངོ་བོ་སོགས་ཇེ་རྒྱས་སུ་འགྱུར་བར་གསུངས་པ་དང། ཕྱག་རྡོར་གྱི་མཚན་བརྒྱ་རྩ་བརྒྱད་པར། འཇིགས་ལས་གྲོལ་བ་རབ་འཇིགས་པ། །ཞེས་སོགས་གསུངས་པ་ལ་བརྟེན་ནམ་སྙམ། འོན་ཀྱང་ཀུན་མཁྱེན་བླ་མའི་ཆུ་གཏོར་རྣམ་བཤད་ལས་མེ་ཏོག་གི་ཚོགས་ཞེས་བྱ་བའི་མདོར། གཟུགས་སྣང་བ་དང་ལྡན་པའི་ཞིང་གི་དེ་བཞིན་གཤེགས་པ་རྣམ་པར་རྒྱལ་བའི་དབྱངས་ཞེས་པ་དེ་གཟུགས་མཛེས་ཡིན་ལ། རིན་ཆེན་མང་ཡང་། སངས་རྒྱས་ཀྱི་ཞིང་

― GTD007_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་ཕྲག་སུམ་ཅུ་ན་འཇིག་རྟེན་གྱི་ཁམས་མཐུ་བོ་ཆེ་དང་ལྡན་པར་སངས་རྒྱས་རིན་ཆེན་མང་ཞེས་པ་ཞིག་བཞུགས་པར་འོག་ནས་འབྱུང་བ་དེ་ཉིད་ཡིན་པར་གསུངས་ཏེ། གཞན་གཉིས་ངོས་འཛིན་གསལ་ཁ་མ་མཛད་ཀྱང་། མདོ་འདིའི་བམ་པོ་གསུམ་པོ་རིལ་གྱིས་དེ་བཞིན་གཤེགས་པའི་མཚན་འབའ་ཞིག་གསུངས་པས། དེའི་གྲངས་ཤིག་ཡིན་པར་མངོན། གང་ལྟར་ཡང་། གཟུགས་མཛེས་ཀྱི་མཚན་བརྗོད་པས་ཡི་དྭགས་རྣམས་ཀྱི་ལུས་དང། སྦྱིན་རྒྱུའི་གཏོར་མ་སོགས་ཀྱི་ཡིད་དུ་མི་འོང་བའི་ཆ་ཐམས་ཅད་སྦྱངས་ནས་དགའ་བདེ་ཕུན་སུམ་ཚོགས་པ་སྐྱེད་པར་གསུངས་པས། འདིར་ཡང་དེའི་སྒོ་ནས་གཙོ་བོར་བྱེད་པ་ཡིན་ནོ།། དེ་ལ་ཐོག་མར་སྐྱབས་འགྲོ་སེམས་བསྐྱེད་ཚད་མེད་བཞི་བསྒོམ་པ་སྔོན་དུ་བཏང་། རང་ཉིད་སྐད་ཅིག་གིས་དེ་བཞིན་གཤེགས་པ་གཟུགས་མཛེས་སུ་གྱུར། ཨོཾ་བཛྲ་ཨ་མྲི་ཏ་ཀུནྜ་ལི་ཧ་ན་ཧ་ན་ཧཱུཾ་ཕཊ། ཨོཾ་སྭ་བྷཱ་ཝ་ཤུདྡྷ་སརྦ་དྷརྨཿ སྭ་བྷཱ་ཝ་ཤུདྡྷོ྅ཧཾ། སྟོང་པ་ཉིད་དུ་གྱུར། སྟོང་པའི་ངང་ལས་བྷྲུཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་ལས་གཏོར་མ་དྭངས་ཤིང་ཐོགས་པ་མེད་པ་ཟག་པ་མེད་པའི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿ ཧཱུཾ། ལན་གསུམ་བརྗོད། མཆོག་སྦྱིན་གྱི་ཕྱག་རྒྱ་བཅས་ལ། རང་གི་ཐུགས་ཀའི་ཧཱུཾ་གི་འོད་ཟེར་གྱིས་ཡི་དྭགས་ཐམས་ཅད་བཀུག་སྟེ་བདུད་རྩིའི་རྒྱ་མཚོ་ཆེན་པོ་ལ་ལོངས་སྤྱོད་པས་ཚིམ་ཞིང་བདེ་བས་རྒྱུད་གང་བར་གྱུར། གཡོན་པས་སེ་གོལ་གཏོག་ཅིང། ན་མཿ སུ་རཱུ་པཱ་ཡ་ཏ་ཐཱ་ག་ཏཱ་ཡ་ཨརྷ་ཏེ་སམྱཀ་སཾ་བུདྡྷཱ་ཡ། ཏདྱ་ཐཱ། ཨོཾ་སུ་རུ་སུ་རུ།

― GTD007_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

པྲ་སུ་རུ་པྲ་སུ་རུ། ཏ་ར་ཏ་ར། བྷ་ར་བྷ་ར། སམྦྷ་ར་སམྦྷ་ར། སྨ་ར་སྨ་ར། སནྟརྦཱ་ཡ། སནྟརྦཱ་ཡ་སརྦཱ་པྲེ་ཏཱ་ནཱ་ནཱཾ་སྭཱཧཱ། ཞེས་ལན་གསུམ་མམ་བདུན་དང། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །ཞེས་བརྗོད་པས་ཡི་དྭགས་རྣམས་ཀྱི་མདུན་དུ་ཟད་མི་ཤེས་པའི་བདུད་རྩི་དང་འདོད་ཡོན་ལྔ་ལ་སོགས་པ་བྱུང་བར་བསམ། ཨ་པ་ས་རནྟུ། ཨ་པ་ཏཱ་ར། པྲེཀྵི་ཎོདྡཱ་མེ་ཧཾ། སརྦ་ལོ་ཀ་དྷ་ཏུ་བྷ་བཱི་ནཾ། སརྦ་པྲེ་ཏཱ་ནཱ་མ་ཧ་རམ། ཞེས་པའམ། ཡང་ན་དེ་ཉིད་བོད་སྐད་དུ་བསྒྱུར་ཏེ། འཇིག་རྟེན་གྱི་ཁམས་ཐམས་ཅད་ན་གནས་པའི་ཡི་དྭགས་རྣམས་ལ་བདག་བཟའ་བ་འདི་སྟེར་གྱི། གླགས་ལྟ་བ་རྣམས་ཕྱིར་དེངས་ཤིག །ཅེས་བརྗོད། ཡེ་དྷརྨའི་སྔགས་སམ། ཆོས་རྣམས་ཐམས་ཅད་རྒྱུ་ལས་བྱུང་། །དེ་རྒྱུ་དེ་བཞིན་གཤེགས་པས་གསུངས། །རྒྱུ་ལས་འགོག་པ་གང་ཡིན་པ། །དགེ་སྦྱོང་ཆེན་པོས་དེ་སྐད་གསུངས། །ཞེས་པའི་ཚིགས་བཅད་བརྗོད་དེ་ཆོས་ཀྱི་སྦྱིན་པ་བྱ། ཕན་ཚུན་འཛེར་དང་འཐབ་རྩོད་མེད་པ་རུ། །བདེ་བར་ཟས་ཐོབ་ལོངས་སྤྱོད་དབང་པོ་ཚིམ། །བཀྲེས་སྐོམ་ཕོངས་པའི་སྡུག་བསྔལ་ལས་གྲོལ་ནས། །མཐོ་རིས་ཐར་པའི་བདེ་བ་ཐོབ་པར་ཤོག །ཅེས་སྨོན་ལམ་གདབ། འདི་ལ་༸རྒྱལ་དབང་གི་གསུང་པར་མར། ཕན་ཚུན་བྱེར་དང་ཞེས་འབྱུང་ཡང། འགྲོ་མགོན་འཕགས་པས་མཛད་པའི་རྒྱུན་གཏོར་ལས། ཕན་ཚུན་འཛེར་བ་དང། འཐབ་རྩོད་ལ་སོགས་པ་མེད་

― GTD007_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཅི་བདེ་བར་མཉམ་པོར་ཐོབ་ཅིང། ཞེས་འབྱུང་བ་དེ་ཉིད་ཚིགས་བཅད་དུ་བསྡེབས་པར་སྣང་བས་སྔ་མ་ཡི་གེ་མ་དག་པར་མངོན། ཡང་ན་པཎ་ཆེན་ཆོས་རྒྱན་གྱི་གསུང་ལས་འབྱུང་བ་ལྟར། ཡི་དྭགས་ཐམས་ཅད་བཟའ་བ་དང་བཏུང་བ་ལ་སོགས་པའི་འབྱོར་པ་ཕུན་སུམ་ཚོགས་པ་ལ་ལོངས་སྤྱོད་པར་གྱུར་ཅིག །བཀྲེས་པ་དང་སྐོམ་པ་དང་ཕོངས་པ་ལ་སོགས་པའི་སྡུག་བསྔལ་མཐའ་དག་ལས་གྲོལ་བར་གྱུར་ཅིག །མཐོ་རིས་དང་ཐར་པའི་བདེ་བ་རྣམ་པར་དག་པ་དང་མི་འབྲལ་བར་གྱུར་ཅིག །སྦྱིན་པ་འདི་ཡི་བསོད་ནམས་གང། །དེ་དག་ཡི་དྭགས་རྗེས་འགྲོ་ཞིང་། །ཡི་དྭགས་འཇིག་རྟེན་རབ་འཇིག་ནས། །དེ་ཀུན་གནས་ནས་ཐར་བར་ཤོག །ཅེས་སོགས་ཀྱི་བསྔོ་བས་རྒྱས་འདེབས། སརྦ་བྷུ་ཏ་གཙྪ། ཞེས་བརྗོད་པས་ཡི་དྭགས་རྣམས་རང་གནས་སུ་སོང་བར་བསམ་མོ།། དེ་ལྟར་བསྔོས་པས་ཡི་དྭགས་རྣམས་ཀྱིས་ཐོབ་ཚུལ་ནི། སུ་རཱུ་པའི་གཟུངས་མདོ་ལས། གཟུངས་འདིས་ཆུ་དང་བཅས་པའི་ཟན་ལ་ལན་བདུན་ཡོངས་སུ་བཟླས་ཏེ། ལག་པ་གཡོན་པས་སེ་གོལ་གྱི་སྒྲ་ལན་གསུམ་དུ་བྱས་ནས་ཡི་དྭགས་ཐམས་ཅད་ལ་དབེན་པའི་ས་ཕྱོགས་སུ་སྦྱིན་པར་བྱ་ཞིང་། ཞེས་པ་ནས། ཡི་དྭགས་ཐམས་ཅད་ལ་འབྲས་བྲེ་བོ་ཆེ་རེ་རེའི་བཟའ་བ་སོ་སོར་སྦྱིན་པར་འགྱུར་རོ། །ཞེས་གསུངས་ཤིང་། པཎ་ཆེན་དགེ་འདུན་གྲུབ་ཀྱི་གཏོར་མའི་རྣམ་བཤད་ལས། ཡི་དྭགས་རེ་རེས་ཀྱང་འབྲས་ཆན་དང་བདུད་རྩི་ཡུལ་མ་ག་དྷའི་བྲེ་ཚད་བདུན་བདུན་ཐོབ་པར་བཤད། བྲེ་ཚད་རེ་རེ་ལ་ཚོང་འདུས་མགུར་མོའི་གསེར་བྲེའི་ཁལ་བཞི་དང།

― GTD007_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

བྲེ་བཞི་འགྲོ་བ་འདུག་པས། དེ་ལ་རྩིས་པས་འོ་སྐོལ་གྱི་ཁལ་བརྒྱད་བྲེ་བརྒྱད་འཐོབ་པ་འདུག་གསུངས། ཞེས་པ་ལྟར་ན་མདོ་རྒྱུད་ཀྱི་བཤད་ཚུལ་གཞན་ཡང་མང་དུ་ཡོད་པར་མངོན། དེ་ལྟར་བཏང་བའི་ཕན་ཡོན་ཡང་འདི་ཉིད་ཀྱི་གཟུངས་མདོ་ལས། དེ་ལྟར་བྱས་ན་སྐྱེ་བ་ནས་སྐྱེ་བར་ཡང་ཉམ་ཆུང་བར་མི་འགྱུར་རོ། །དབུལ་པོར་མི་འགྱུར་རོ། །སྟོབས་ཆེ་བ་དང། མཛེས་པ་དང། མཐོང་ན་དགའ་བ་དང། ཕྱུག་ཅིང་ལོངས་སྤྱོད་ཆེ་བར་འགྱུར་རོ། །ཚེ་རིང་ཞིང་ནད་མེད་པ་དང། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བར་འགྱུར་རོ། །ཤི་འཕོས་ནས་ཀྱང་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །ཞེས་གསུངས་པ་ལྟར་གནས་སྐབས་དང་མཐར་ཐུག་གི་ཕན་ཡོན་དཔག་ཏུ་མེད་པ་འབྱུང་བའི་ཚུལ་ལ་ཚད་མའི་ལུང་གི་རྗེས་སུ་འབྲང་བས་ཡིད་ཆེས་ཀྱི་དད་པ་བརྟན་པོ་བསྐྱེད་དེ་འབད་པ་ལྷུར་བླང་བར་བྱའོ།། འདིར་འབད་དགེ་བའི་སྤྲིན་སྔོན་ཕུང་པོ་ལས། །རླབས་ཆེན་བསོད་ནམས་གྲུ་ཆར་འབེབས་པ་ཡིས། །མངོན་མཐོའི་དཔལ་གྱི་སྙེ་མ་གཡུར་ཟ་ཞིང་། །ངེས་ལེགས་འབྲས་བུའི་དགའ་སྟོན་རྒྱས་གྱུར་ཅིག །ཅེས་པ་འདི་ནི་སྔ་སོར་དད་བརྩོན་བློ་དང་ལྡན་པ་ར་ཁོ་ཡེ་ཤེས་ཀྱིས་འདིའི་ཆོ་ག་ཤེས་བྱེད་ཀྱི་ཁུངས་དང་བཅས་པ་ཞིག་དགོས་ཚུལ་གྱི་བསྐུལ་མ་བྱས་ཡོད་པའི་ཐོག །ཉེ་ཆར་རབ་འབྱམས་པ་དཀོན་མཆོག་ལྷུན་གྲུབ་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པ་ཛ་ཡནྟུ།། །།

བཟང་སྤྱོད་ལ་བརྟེན་པའི་འཆི་བླུའི་ཆོ་ག་སྐྱེ་འགྲོའི་དབུགས་འབྱིན།

― GTD007_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་སྤྱོད་ལ་བརྟེན་པའི་འཆི་བླུའི་ཆོ་ག་སྐྱེ་འགྲོའི་དབུགས་འབྱིན་ཞེས་བྱ་བ་བཞུགས་སོ།།

― GTD007_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དང་དཀོན་མཆོག་གསུམ་ལ་ཕྱག་འཚལ་ལོ། །རྙེད་དཀའི་དལ་འབྱོར་རྟེན་བཟང་ཡིད་བཞིན་ནོར། །རིང་དུ་གནས་པ་ཤིན་ཏུ་དོན་ཆེ་བས། །འཚོ་བ་བརྟན་བྱེད་འཆི་བླུའི་ཆོ་ག་ན། །རྒྱུད་དང་དམ་པའི་མན་ངག་བཞིན་བཤད་བྱ།། དེའང་འཆི་བླུའི་གདམས་པ་ངག་གི་དབང་ཕྱུག་གྲགས་པས་དམ་ཚིག་གསུམ་བཀོད། སྒྲོལ་དཀར། སོར་འབྲང་སོགས་ལ་བརྟེན་པ་དང། ཛེ་ཏཱ་རིས་ཚེ་དཔག་མེད་ལ་བརྟེན་པ་སོགས་གསུངས་པ་ལས། དམ་ཚིག་གསུམ་བཀོད་ལ་བརྟེན་པ་བཟང་སྤྱོད་འཆི་བླུར་གྲགས་པ་འདི་ནི་དོན་ཤིན་ཏུ་ཆེ་སྟེ། ངག་གི་དབང་ཕྱུག་གྲགས་པའི་འཆི་བླུའི་གཞུང་ལས། བཟང་སྤྱོད་ཡི་དམ་བཅས་པ་ཡི། །ཆོ་ག་ཡིས་ནི་འབུམ་བཟླས་ན། །ཐར་པ་ངེས་པར་སྐྱེད་བྱེད་ན། །འཆི་བ་བླུ་བ་སྨོས་ཅི་དགོས། །ཞེས་གསུངས་པ་ལྟར་རོ། །དེའང་བཟང་སྤྱོད་ཡི་དམ་བཅས་ཞེས་པ་ནི་གཙོ་བོར་བཟང་པོ་སྤྱོད་པ་སྟེ་སེམས་ཅན་ལ་ཕན་པའི་ལྷག་བསམ་གྱིས་ཟིན་

― GTD007_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་པའི་དོན་ཡིན་པ་ནི་དམ་ཚིག་གསུམ་བཀོད་པའི་རྒྱལ་པོ་ལས། ཇི་ལྟར་སེམས་ཅན་རྣམས་འཚང་རྒྱ་བར་གྱུར་ཅིག །ཅེས་རྣམ་པར་བསམ་ལ་བཟླས་པ་བྱའོ། །དེ་བཞིན་དུ་སེམས་ཅན་ཐམས་ཅད་ཀྱི་ནད་རྣམས་རབ་ཏུ་ཞི་བ་དང། ཞེས་པ་ནས། སྟོབས་བཅུ་མཁྱེན་པའི་ས་ལ་སེམས་ཅན་སོ་སོར་གནས་པར་གྱུར་ཅིག་ཅེས་བྱ་བ་ལ་སོགས་པ་དང། གཞན་ཡང་སེམས་ཅན་ལ་ཕན་པའི་རྒྱུར་དམིགས་ཏེ་སྔགས་བཟླ་བར་བྱའོ། །ཞེས་དང་། སྒྲུབ་པ་འདིས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་རབ་ཏུ་དད་པ་བསྐྱེད་ནས་བྱང་ཆུབ་ཀྱི་སེམས་ཀྱིས་ཡོངས་སུ་བཟུང་བ་དེ་ཡིས་ངེས་པར་འགྲུབ་པར་འགྱུར་རོ། །ཞེས་གསུངས་སོ། །འོན་ཀྱང་དེ་གསལ་འདེབས་པའི་ཕྱིར་བཟང་སྤྱོད་སོགས་གདོན་པའང་བསྟན་པ་ཡིན་ཏེ། དེ་ཉིད་ལས། ཐབས་ལ་མཁས་པ་འདིས་ཀྱང་ཡོངས་སུ་ཟིན་པར་བྱ་སྟེ། སྨོན་ལམ་རྒྱ་ཆེན་པོ་བྱ་བ་དང། ཞེས་པ་ནས། སྡོང་པོ་བཀོད་པ་ལ་སོགས་པ་ཤིན་ཏུ་རྒྱ་ཆེན་པོའི་མདོ་དང། བྱང་ཆུབ་སེམས་དཔའི་སྤྱོད་པའི་རྒྱུ་ལ་རབ་ཏུ་འཇུག་པ་

― GTD007_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

ཀློག་པ་ཉིད་དང། ཞེས་གསུངས་པའི་ཕྱིར། ཆོ་ག་ཞེས་པ་སྒྲུབ་ཚུལ་ཡིན་ལ། དེའང་གཙོ་བོར་ཡན་ལག་བདུན་པའི་སྒོ་ནས་བྱེད་ཚུལ་རྒྱུད་འདིའི་གོང་འོག་ཀུན་ཏུ་གསུངས་པ་དང། མཆོད་བསྟོད་སྨོན་པ་སོགས་ཀྱི་མཐུ་བསྐྱེད་པའི་ཐབས་མཁས་ཀྱི་སྔགས་ཀྱང་ལན་དུ་མར་གསུངས་པ་རྣམས་ཡིན་ནོ། །དཔེ་ལ་ལར། ཆོ་ག་ཡིས་ནི་འདི་བཟླས་ན། །ཞེས་འབྱུང་ཡང། འབུམ་བཟླས་ན་ཞེས་པ་དག་སྟེ། དེར་སྒྲོལ་དཀར་སོགས་ལ་འབུམ་ཕྲག་བཅུ་དགོས་པར་གསུངས་པ་བཞིན། འདིར་དེ་བཞིན་གཤེགས་པའི་ཡིག་བརྒྱ་འབུམ་བཟླ་དགོས་པའི་དོན་ཡིན་གྱི་བཟང་སྤྱོད་ཀྱི་གྲངས་མིན་ནོ། །འབུམ་གསུངས་པ་ཕུན་སུམ་ཚོགས་པའི་དབང་དུ་བྱས་ཀྱི་ངེས་གཟུང་མིན་ཏེ། ཉིན་ཞག་གཅིག་གིས་ཀྱང་འགྲུབ་པར་གསུངས་པས་སོ། །ཐར་པ་ངེས་པར་སྐྱེད་བྱེད་ན། །འཆི་བ་བླུ་བ་སྨོས་ཅི་དགོས། །ཞེས་པ་ནི་རྒྱུད་དེ་ཉིད་ལས་ཚིག་ཟིན་ལ་འཆི་བ་བླུ་བར་བསྟན་པ་མེད་ཀྱང་གནས་སྐབས་མཐར་ཐུག་གི་ཕན་ཡོན་མང་དུ་གསུངས་པའི་མཐར། མདོར་ན་མཐར་གྱིས་བྱང་ཆུབ་ལ་གཞོལ་ཞིང་སོ་སོར་འགོད་པ་དེ། ཞེས་བྱང་ཆུབ་ཐར་པའི་གོ་འཕང་ལའང་འགོད་ནུས་ན་ཚེ་བསྲིང་ནུས་པ་སྨོས་ཅི་དགོས་ཞེས་དོན་གྱིས་འཕང་བས་ཕན་ཡོན་བསྟན་པ་ཡིན་ནོ། །འདི་ཉིད་ལག་ཏུ་ལེན་པར་འདོད་པའི་གང་ཟག་གིས་ཡིད་དང་མཐུན་པའི་གནས་སུ་བྱི་དོར་བྱས་ལ་དཀོན་མཆོག་གི་རྟེན་མང་དུ་དཀྲམ། མཆོད་པ་སྣ་ལྔ་ཉུང་མཐའ་ཉེར་གཅིག་ཙམ་གྱིས་མཐའ་བསྐོར། གཙོ་བོ་ལ་ཟླུམ་གཏོར་རྒྱན་ལྡན་གཅིག་དང་གཞན་དཀར་གཏོར་བཞི་བཅས་བཤམ། འདིར་བཤམ་རྒྱུའི་རྟེན་ཡང་རྒྱུད་དེ་ཉིད་ལས་གོང་འོག་ཏུ་བྲིས་སྐུ་བྱེད་ཚུལ་རིམ་པ་དུ་མ་ཞིག་གསུངས་ནའང། སྐབས་འདི་དང་འབྲེལ་བ་ལ་གཙོ་བོ་དམ་

― GTD007_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་གསུམ་བཀོད་སྐུ་མདོག་གསེར་མདོག་ཆོས་འཁོར་གྱི་ཕྱག་རྒྱ་ཅན་སྤྲུལ་སྐུའི་རྣམ་པ་དང། གཡས་སུ་ཀུན་ཏུ་བཟང་པོ་སྐུ་མདོག་སེར་པོ་རལ་གྲིའམ་རིན་པོ་ཆེ་འཛིན་པ། གཡོན་དུ་རྟ་མཆོག་གི་ཤུགས་ཅན་མ་སྐུ་མདོག་ལྗང་གུ་ཕྱག་ཐལ་མོ་སྦྱར་བ་དང། ཕྱག་ན་རྡོ་རྗེ་སྐུ་མདོག་སྔོན་པོ་ཕྱག་གཡས་རྡོ་རྗེ་འཛིན་ཅིང་གཡོན་ཐལ་མོ་སྦྱར་བ། དེ་གསུམ་སེམས་དཔའི་ཆ་ལུགས་ཅན། ཀུན་ཏུ་བཟང་པོའི་འོག་ཏུ་སྒྲུབ་པ་པོ་རང་ཉིད་གཙོ་བོ་ལ་མངོན་དུ་ཕྱོགས་ནས་ཡོད་པ་འབྲི་བར་གསུངས་པ་ལྟ་བུའམ། ཡང་ན་པཎ་ཆེན་གསུང་གི་ཨེ་ཝཾ་ལས་དམ་ཚིག་གསུམ་བཀོད་ཀྱི་མངོན་རྟོགས་སུ་བཀོད་པ་ལྟར་བྲིས་པ་བྱུང་ན་ལེགས་ལ། དེ་མིན་ཡང་དམ་ཚིག་གསུམ་བཀོད་ཀྱི་སྐུ་དང། དེ་མ་བྱུང་ཚེ་ཐུབ་པའི་སྐུ་ཞིག་མེད་མི་རུང་དུ་དགོས་སོ། །སྒྲུབ་པ་པོའང་དགེ་སློང་ཚུལ་ཁྲིམས་རྣམ་པར་དག་པ་བཞི་ཙམ་མ་མཐའ་དགོས་པས། དེ་དག་ཚོགས་ནས་ཐོག་མར་སྡོམ་གསུམ་སོ་སོའི་ཕྱིར་བཅོས་གཞུང་བཞིན་བྱ། གལ་ཏེ་མ་འཛོམ་ནའང་སྤྱི་བཤགས་ལན་གསུམ་མཐོང་སྡོམ་དྲི་བ་ཐབས་ལེགས་དང་བཅས་པ་རྒྱུད་དག་ངེས་པར་བྱ། དེ་ནས་རྒྱུད་ལས། སེམས་ཅན་སྡུག་བསྔལ་བ་རྣམས་ཀྱི་དོན་ཡོངས་སུ་མི་ཉམས་པར་བྱ་བའི་ཆོ་ག་བཤད་པར་བྱ་སྟེ། ཞེས་པ་ནས། སྔ་དྲོ་དང་པོ་ལ་སངས་རྒྱས་དང་བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་བདག་ཉིད་དབུལ་བར་བྱ་སྟེ། ཞེས་བདག་འབུལ་བའི་སྒོ་ནས་བྱང་སྡོམ་གསོ་དགོས་པར་གསུངས་པས། བྱམས་སྙིང་རྗེ་བྱང་ཆུབ་ཀྱི་སེམས་ཀྱི་དམིགས་རྣམ་ལེགས་པར་གསལ་བཏབ་ལ། ཨོཾ་སརྦ་ཏ་ཐཱ་ག་ཏ་པཱ་ད་བནྡྷ་ནཱཾ་ཀ་རོ་མི། ཕྱོགས་བཅུ་ན་

― GTD007_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བྱང་ཆུབ་སྙིང་པོ་ལ་མཆིས་ཀྱི་བར་དུ་བདག་ཉིད་དུས་ཐམས་ཅད་དུ་ཡོང་ཡེ་འབུལ་ན་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་བདག་བཞེས་སུ་གསོལ། བདག་ལ་དངོས་གྲུབ་བླ་ན་མེད་པ་སྩལ་ཏུ་གསོལ། ཞེས་བདག་འབུལ། ཐལ་མོ་བཀན་པ་ལས་མཛུབ་མོ་བཀུག་པ་དེ་བཞིན་གཤེགས་པའི་རིགས་ཀྱི་དམ་རྒྱ་བཅས་ལ། ཨོཾ་སརྦ་ཏ་ཐཱ་ག་ཏ་ཨུདྦྷ་ཝ་ཡེ་སྭཱཧཱ། ཞེས་ཕྱག་རྒྱ་མགོ་བོར་བཞག །དེ་ནས་མདུན་གྱི་ནམ་མཁར་སྐྱབས་ཡུལ་གསལ་བཏབ་ལ། སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་བདག་སྐྱབས་མཆི། །རང་གཞན་དོན་ནི་རབ་བསྒྲུབ་ཕྱིར། །བདག་གིས་བྱང་ཆུབ་སེམས་བསྐྱེད་དོ། །ཞེས་ལན་གསུམ་གྱིས་སྐྱབས་འགྲོ་སེམས་བསྐྱེད་བྱ། དེ་ནས། མར་གྱུར་སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །ཅེས་སོགས་ཀྱིས་ཚད་མེད་བཞི་བསྒོམ། དེ་ནས། དེ་ལྟར་བདག་གི་དེ་ཁོ་ན་ཉིད་དོན་དམ་པར་སྤྲོས་པ་ཐམས་ཅད་དང་བྲལ་བ་ཇི་ལྟར་ཡིན་པ་དེ་བཞིན་དུ་ལྷའི་དེ་ཁོ་ན་ཉིད་ཀྱང་དེ་ལྟར་ཡིན་པས། དེ་གཉིས་ཆུ་དང་འོ་མ་འདྲེས་པ་བཞིན་དུ་རྣམ་པར་མི་རྟོག་པའི་སྣང་བའི་སྒོ་དེ་ཉིད་དུ་བདག་དང་ལྷའི་དེ་ཁོ་ན་ཉིད་དབྱེར་མི་ཕྱེད་པར་གྱུར། སྟོང་པའི་ངང་ལས་ན་མ་སྟྲཻ་ཡ་དྷྭི་ཀཱ་ནཱཾ་ཏ་ཐཱ་ག་ཏཱ་ནཱཾ། སརྦ་ཏྲཱ་པྲ་ཏི་ཧ་ཏཱ་བཱབྟི་དྷརྨཱ་ཏཱ་བཱ་ལི་ནཱཾ། ཨ་ས་མ་ས་མ་ས་མནྟོ྅ནནྟཱ་བཱ་བྟི་ཤཱ་ས་ནི། ཧ་ར་ཧ་ར། སྨ་ར་སྨ་ར་ཎ། བི་ག་ཏ་རཱ་ག་བུདྡྷ་དྷརྨཱ་ཏེ། ས་ར་ས་ར། ས་མ་བཱ་ལ། ཧ་ས་ཧ་ས། ཏྲ་ཡ་ཏྲ་ཡ། བྷ་ག་བཱན་མཧཱ་བ་ར་ལཀྵ་ཎེ། ཛྭ་ལ་ཛྭ་ལ་ན་སཱ་ག་

― GTD007_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་སྭཱཧཱ། ཞེས་པའི་སྔགས་ཀྱི་གདངས་ཀྱི་རྣམ་པ་ནམ་མཁའ་ལ་གྲགས་པར་གྱུར། བདག་དང་ལྷའི་དེ་ཁོ་ན་ཉིད་དབྱེར་མི་ཕྱེད་པའི་རྣམ་པ་ཅན་གྱི་རང་གི་སེམས་ཟླ་བའི་དཀྱིལ་འཁོར་གྱི་སྟེང་དུ་སྔགས་ཀྱི་གདངས་ཀྱི་རྣམ་པ་ནམ་མཁའ་ལ་གྲགས་པ་དེ་ཉིད་ཤིན་ཏུ་དག་པའི་དངུལ་ཆུ་གསེར་གྱི་བྱེ་མ་ལ་ཞེན་པ་ལྟར་ཡིག་འབྲུ་བྲིས་པའི་རྣམ་པ་ཅན་དུ་འཁོད་པ་ཡོངས་སུ་གྱུར་པ་ལས་བདུད་རྩིས་གང་བའི་ལྷུང་བཟེད་ཀྱི་མཐར་ན་མ་སྟྲཻ་ཡ། ཞེས་པ་ནས། ན་སཱ་ག་རེ་སྭཱཧཱ། ཞེས་པའི་སྔགས་ཀྱིས་མཚན་པར་གྱུར། ཟླ་བ་ཕྱག་མཚན་སྔགས་དང་བཅས་པ་ལས་འོད་ཟེར་སྣ་ཚོགས་འཕྲོས་པའི་རྩེ་མོ་ལས་བཅོམ་ལྡན་འདས་དམ་ཚིག་གསུམ་བཀོད་པའི་རྒྱལ་པོའི་ལྷའི་གཟུགས་དཔག་ཏུ་མེད་པ་བྱུང་བས་ནམ་མཁའི་དབྱིངས་ཐམས་ཅད་ཁྱབ་པར་བྱས། རྒྱལ་བ་ཐམས་ཅད་ལ་མཆོད་པའི་སྤྲིན་ཆེན་པོ་སྤྲུལ་བས་ལེགས་པར་མཆོད། གཞན་ཡང་སྤྲིན་ཆེན་པོ་སྤྲུལ་བ་ལས་བདུད་རྩིའི་ཆར་རྒྱུན་བབས་པས་དམྱལ་བ་ལ་སོགས་པའི་འགྲོ་བ་ཐམས་ཅད་ཀྱི་སྡུག་བསྔལ་གྱི་མེ་རྣམས་ཞི་ཞིང་བདེ་བས་ཚིམ་པར་བྱས་ནས་ལྷའི་སྐུ་དང་བཅས་པའི་འོད་ཟེར་སླར་ལོག །རང་གི་སེམས་ཟླ་བའི་དཀྱིལ་འཁོར་དང་ཕྱག་མཚན་སྔགས་དང་བཅས་པ་ལ་ཐིམ་པ་ཡོངས་སུ་གྱུར་པ་ལས་རང་ཉིད་བཅོམ་ལྡན་འདས་དམ་ཚིག་བཀོད་པའི་རྒྱལ་པོ་སྐུ་མདོག་གསེར་བཙོ་མ་ལྟ་བུ་དར་གྱི་ཆོས་གོས་དང་མཚན་དཔེའི་རྒྱན་གྱིས་སྤྲས་པ། ཕྱག་གཉིས་ཆོས་འཁོར་གྱི་ཕྱག་རྒྱས་འགྲོ་བ་ཐམས་ཅད་ཀྱི་སྡུག་བསྔལ་སེལ་བར་གྱུར་

― GTD007_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྤྱི་བོར་ཨོཾ་ལས་འཁོར་ལོ་དཀར་པོའི་ལྟེ་བར་ཨོཾ་གྱིས་མཚན་པ། མགྲིན་པར་ཨཱཿ ལས་པདྨ་དམར་པོའི་ལྟེ་བར་ཨཱཿས་མཚན་པ། ཐུགས་ཀར་ཧཱུཾ་ལས་རྡོ་རྗེ་སྔོན་པོའི་ལྟེ་བར་ཧཱུཾ་གིས་མཚན་པར་གྱུར། སྔར་གྱི་དམ་རྒྱ་སྤྱི་བོ། སྙིང་ག །སྨིན་མཚམས། མགྲིན་པ། དཔུང་མགོ་གཉིས་ཏེ་གནས་དྲུག་ཏུ་རེག་ཅིང། ཨོཾ་སརྦ་ཏ་ཐཱ་ག་ཏ་ཨུདྦྷ་ཝ་ཡེ་སྭཱཧཱ། ཞེས་བརྗོད། ཐུགས་ཀའི་ས་བོན་ལས་འོད་ཟེར་འཕྲོས། རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་སྤྱན་དྲངས། ན་མཿ སརྦ་བུདྡྷ་བོ་དྷི་སཏྭ་ནཱཾ། སརྦ་ཐཱ་ཨུདྒ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭཱཧཱ། ཞེས་མཆོད་པ་འབྱུང་བའི་སྔགས་བརྗོད་ལ། ཨོཾ་སརྦ་ཏ་ཐཱ་ག་ཏཱ་ཨརྒྷཾ་ནས། ཤཔྟའི་བར་གྱིས་མཆོད། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། ཨོཾ་སྭ་བྷཱ་ཝ་ཤུདྡྷཿ སརྦ་དྷརྨཿ སྭ་བྷཱ་ཝ་ཤུདྡྷོ྅ཧཾ། སྟོང་པ་ཉིད་དུ་གྱུར། སྟོང་པའི་ངང་ལས་ཨོཾ་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་རང་བཞིན་སྟོང་པ་རྣམ་པ་མཆོད་རྫས་བྱེད་ལས་དབང་པོ་དྲུག་གི་སྤྱོད་ཡུལ་དུ་ཟག་པ་མེད་པའི་བདེ་བ་ཁྱད་པར་ཅན་སྐྱེད་པར་གྱུར། ན་མཿ སརྦ་བུདྡྷ་བོ་དྷི་སཏྭཱ་ནཱཾ། སརྦ་ཐཱ་ཨུདྒ་ཏེ་སྥ་ར་ཎ་ཧི་མཾ་ག་ག་ན་ཁཾ་སྭཱཧཱ། ཨོཾ་ཨརྒྷཾ་ཨཱཿ ཧཱུཾ་ནས། ཨོཾ་ཤཔྟ་ཨཱཿ ཧཱུཾ་གི་བར་གྱིས་བྱིན་གྱིས་བརླབ། ཨོཾ་སརྦ་ཏ་ཐཱ་ག་ཏ་ཨརྒྷཾ་ནས། ཤཔྟའི་བར་གྱིས་མཆོད། ན་མཿ སརྦ་བུདྡྷ་བོ་དྷི་སཏྭཱ་ནཾ། སརྦ་ཏྲ་སཾ་ཀུ་སུ་མི་ཏ་ཨ་བྷི་

― GTD007_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

ཛྙཱ་རཱ་ཤི་ནི་ན་མཿ སྟུ་ཏེ་སྭཱཧཱ། ཞེས་བསྟོད་པ་འབྱུང་བའི་སྔགས་ཀྱིས་ཐོག་དྲངས། གང་ཚེ་རྐང་གཉིས་གཙོ་བོ་ཁྱོད་བལྟམས་ཚེ། །ས་ཆེན་འདི་ལ་གོམ་པ་བདུན་བོར་ནས། །ང་ནི་འཇིག་རྟེན་འདི་ན་མཆོག་ཅེས་གསུངས། །དེ་ཚེ་མཁས་པ་ཁྱོད་ལ་ཕྱག་འཚལ་ལོ། །རྣམ་དག་སྐུ་མངའ་མཆོག་ཏུ་གཟུགས་བཟང་བ། །ཡེ་ཤེས་རྒྱ་མཚོ་གསེར་གྱི་ལྷུན་པོ་འདྲ། །གྲགས་པ་འཇིག་རྟེན་གསུམ་ན་ལྷམ་མེ་བ། །མགོན་པོ་མཆོག་བརྙེས་ཁྱོད་ལ་ཕྱག་འཚལ་ལོ། །མཚན་མཆོག་ལྡན་པ་དྲི་མེད་ཟླ་བའི་ཞལ། །གསེར་མཆོག་འདྲ་བ་ཁྱོད་ལ་ཕྱག་འཚལ་ལོ། །རྡུལ་བྲལ་ཁྱོད་འདྲ་སྲིད་པ་གསུམ་མ་མཆིས། །མཉམ་མེད་མཁྱེན་ཅན་ཁྱོད་ལ་ཕྱག་འཚལ་ལོ། །མགོན་པོ་ཐུགས་རྗེ་ཆེ་ལྡན་པ། །ཐམས་ཅད་མཁྱེན་པའི་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང་། །དེ་བཞིན་གཤེགས་ལ་ཕྱག་འཚལ་ལོ། །དག་པས་འདོད་ཆགས་བྲལ་བར་གྱུར། །དགེ་བས་ངན་སོང་ལས་གྲོལ་ཅིང། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གནས། །ཞིང་གི་དམ་པ་ཡོན་ཏན་ལྡན། །དགེ་འདུན་ལའང་ཕྱག་འཚལ་ལོ། །སངས་རྒྱས་གཙོ་ལ་ཕྱག་འཚལ་ལོ། །སྐྱོབ་པ་ཆོས་ལ་ཕྱག་འཚལ་ལོ། །དགེ་འདུན་ཆེ་ལ་ཕྱག་འཚལ་ལོ། །གསུམ་ལ་རྟག་ཏུ་གུས་ཕྱག་འཚལ། །ཞེས་ཕྱག་བྱ། དེ་ནས། རང་གི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཏྲཻཾ་ཡིག་དྲི་མ་མེད་པ་གསེར་བཙོ་མ་ལྟ་བུའི་མཐའ་སྐོར་དུ་ན་མ་སྟྲཻ་

― GTD007_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

ཡ་དྷྭི་ཀཱ་ནཱཾ་ཏ་ཐཱ་ག་ཏཱ་ནཱཾ། སརྦ་ཏྲཱ་པྲ་ཏི་ཧ་ཏཱ་བཱ་པྟི་དྷརྨཱ་ཏཱ་པཱ་ལི་ནཱཾ། ཨ་ས་མ་ས་མ་ས་མནྟོ྅ནྟཱ་བཱཔྟི་ཤཱ་ས་ནི། ཧ་ར་ཧ་ར་སྨ་ར་སྨ་ར་ཎ། བི་ག་ཏ་རཱ་ག་བུདྡྷ་དྷརྨཱ་ཏེ། ས་ར་ས་ར། ས་མ་བཱ་ལ། ཧ་ས་ཧ་ས། ཏྲ་ཡ་ཏྲ་ཡ། བྷ་ག་ཝཱན་མཧཱ་བ་ར་ལཀྵ་ཎེ། ཛྭ་ལ་ཛྭ་ལ་ན་སཱ་ག་རེ་སྭཱཧཱ། ཞེས་པས་བསྐོར་བ་ལས་འོད་ཟེར་འཕྲོས། དམྱལ་བ་ལ་སོགས་པའི་སྡུག་བསྔལ་རྣམས་ཞི་བར་བྱས། སངས་རྒྱས་སྲས་བཅས་ལ་མཆོད་པ་ཕུལ། སྐུ་གསུང་ཐུགས་ཀྱི་བྱིན་རླབས་ཐམས་ཅད་བསྡུས་ཏེ་རང་ཉིད་ལ་ཐིམ་པར་བསམས་ལ། དེ་བཞིན་གཤེགས་པའི་ཡི་གེ་བརྒྱ་པའི་སྔགས་དེ་ཉིད་གང་མང་བཟླ། གཙོ་བོ་ལ་འབུལ་རྒྱུའི་གཏོར་མ་ཨ་མྲྀ་ཏས་བསངས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་བྷྲུཾ་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བའི་ནང་དུ་ཨོཾ་འོད་དུ་ཞུ་བ་ལས་བྱུང་བའི་གཏོར་མ་ཟག་པ་མེད་པའི་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར། ཨོཾ་ཨཱཿ ཧཱུཾ། ལན་གསུམ་གྱིས་བྱིན་གྱིས་བརླབས་ལ། བཅོམ་ལྡན་འདས་དམ་ཚིག་གསུམ་བཀོད་པའི་རྒྱལ་པོའི་ལྷ་ཚོགས་སྤྱན་དྲངས། ལྗགས་འོད་ཟེར་གྱི་སྦུ་གུས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་གྱུར་པར་བསམས་ལ། ཨོཾ་སརྦ་ཏ་ཐཱ་ག་ཏ་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་པ་གསུམ་མམ་བདུན་གྱིས་གཏོར་མ་དབུལ། ཨརྒྷཾ་སོགས་ཀྱིས་མཆོད། བཅོམ་ལྡན་ཐུགས་རྗེ་མངའ་བ་ཡིས། །བདག་ཅག་ཡོན་མཆོད་འཁོར་དང་བཅས། །དུས་མིན་འཆི་བ་ལས་བསྐྱབ་སྟེ། །མཆོག་ཐུན་དངོས་གྲུབ་མ་ལུས་སྩོལ། །ཅེས་འདོད་དོན་ལ་གསོལ་བ་གདབ། དཀར་

― GTD007_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་བཞི་སྔར་བཞིན་བྱིན་གྱིས་བརླབས་ལ། ཙ་ཏུར་མཧཱ་རཱ་ཛ་ས་པ་རི་ཝཱ་ར་ཨེ་ཧྱེ་ཧི། ཞེས་རྒྱལ་ཆེན་བཞི་སྤྱན་དྲངས། དཀར་གཏོར་དང་པོར་དམིགས་ཏེ། རྒྱལ་པོ་ཆེན་པོ་བཞིའི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་དྲངས་ཏེ་གསོལ་བར་གྱུར། ཙ་ཏུར་མཧཱ་རཱ་ཛ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། གསུམ་སོགས་ཀྱིས་དབུལ། ཙ་ཏུར་མཧཱ་རཱ་ཛཱ་ས་པ་རི་ཝཱ་ར་ཨརྒྷཾ་སོགས་ཀྱིས་མཆོད། དུས་འདི་ནས་བཟུང་ཚེ་རབས་ཐམས་ཅད་དུ། །ཆོས་སྐྱོང་སྲུང་མ་ཁྱེད་རྣམས་དང་འགྲོགས་ནས། །བར་ཆད་སྤྱི་དང་ཁྱད་པར་འཆི་བ་ཀུན། །མྱུར་དུ་བཟློག་པའི་འཕྲིན་ལས་དམ་པ་མཛོད། །ཅེས་འཕྲིན་ལས་བཅོལ། དཀར་གཏོར་གཉིས་པ། ན་མཿ སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཨོཾ་སམྦྷ་ར་སམྦྷ་ར་ཧཱུཾ། ཞེས་པ་ལན་གསུམ་གྱིས་འབྱུང་བོ་ལ། དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་ཕྱག་འཚལ་ལོ། །ཕུན་ཚོགས་འདོད་ཡོན་ལྔ་ལྡན་པའ། །བདུད་རྩི་རྒྱ་མཚོའི་གཏོར་མ་འདི། །ཚེ་དང་སྲོག་རྣམས་འཕྲོག་པ་ཡི། །འབྱུང་པོའི་གདོན་རྣམས་ཀུན་ལ་བསྔོ། །བཞེས་ནས་ཚེ་ཡི་བར་ཆད་ཀུན། །མྱུར་དུ་བཟློག་པར་བྱས་ནས་ཀྱང་། །བྱམས་པའི་སེམས་དང་ལྡན་པ་དང། །རྟག་ཏུ་སྡོངས་གྲོགས་གཉན་པོ་མཛོད། །ཅེས་འཕྲིན་ལས་བཅོལ། དཀར་གཏོར་གཞན་གཉིས་སླར་འཆི་བ་ཟློག་པའི་འཕྲིན་ལས་མཛད་པ་ན་གཏང་རག་ལ་དབུལ་སྙམ་དུ་

― GTD007_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

གཏའ་གཏོར་གྱི་ཚུལ་དུ་འཇོག །དེ་ནས་དཀོན་མཆོག་སྤྱི་ལ་བཤམས་པའི་མཆོད་པ། ཨ་མྲྀ་ཏས་བསངས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེ་ལས་གྲུབ་པའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཨོཾ་འོད་དུ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག །བདུག་སྤོས། མར་མེ། དྲི་ཆབ། ཞལ་ཟས། རོལ་མོ་རྣམས་རང་བཞིན་སྟོང་པ་རྣམ་པ་མཆོད་རྫས་བྱེད་ལས་དབང་པོ་དྲུག་གི་སྤྱོད་ཡུལ་དུ་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པར་གྱུར། ཨོཾ་ཨརྒྷཾ་ཨཱཿ ཧཱུཾ་ནས། ཨོཾ་ཤཔྟ་ཨཱཿ ཧཱུཾ་གི་བར་དང་མཆོད་པ་འབྱུང་བའི་སྔགས་ཀྱིས་བྱིན་གྱིས་བརླབ། དེ་ནས་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་དམིགས་ནས་སྤྱན་འདྲེན་པ་འདི་ལྟར་བརྗོད་དེ། དེ་བཞིན་གཤེགས་པ་བྱང་ཆུབ་སེམས་དཔའ་དང། །ཡི་དམ་དཔའ་བོ་མཁའ་འགྲོའི་ཚོགས་རྣམས་དང། །ཉན་ཐོས་རང་རྒྱལ་འཁོར་ཚོགས་རྒྱ་མཚོར་བཅས། །ཁྱེད་རྣམས་འཆི་བདག་བདུད་ཀྱི་སྡེ་བཅོམ་པའ། །བདེན་པ་དེ་ཡིས་དེང་འདིར་འཆི་བདག་དཔུང་། །འཇོམས་ཕྱིར་འཁོར་དང་བཅས་པ་རྫུ་འཕྲུལ་གྱིས། །ཐོགས་པ་མེད་པར་མདུན་གྱི་ནམ་མཁར་གཤེགས། །བདག་དང་སྦྱིན་བདག་རྣམས་ལ་དགྱེས་བཞིན་བཞུགས། །ཞེས་སྤྱན་དྲངས་པས། མདུན་གྱི་ནམ་མཁར་སེང་གེས་བཏེག་པའི་རིན་པོ་ཆེའི་ཁྲི་དཔངས་མཐོ་ཞིང་ཡངས་པའི་སྟེང་དུ་སྐྱབས་ཡུལ་རྣམས་བདག་དང་སྦྱིན་བདག་ལ་དགྱེས་བཞིན་དུ་བཞུགས་པར་བསམས་ཤིང་བྱིན་གྱིས་བརླབས་པའི་མཆོད་པ་རྣམས་ཀུན་ཏུ་བཟང་པོའི་མཆོད་སྤྲིན་དུ་དམིགས་ནས་ཕུལ་བར་མོས་ལ། བདག་དང་མ་དག་

― GTD007_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་ཁམས་ཇི་སྙེད་པ། །དེ་སྙེད་ཀུན་བཟང་མཆོད་པའི་སྤྲིན་གྱིས་གང། །དེ་ཀུན་མཆོད་ཡོན་ཞབས་བསིལ་མེ་ཏོག་དང། །བདུག་སྤོས་མར་མེ་དྲི་རོ་རོལ་མོར་བསྒྱུར། །དེ་ཡིས་བླ་མ་རྒྱལ་བ་སྲས་བཅས་མཆོད། །བདག་དང་འདི་ལ་ཐུགས་བརྩེས་བཞེས་ནས་ཀྱང་། །འཆི་བའི་དགྲ་ལས་རྣམ་པར་རྒྱལ་བ་དང། །ཐར་པའི་གོ་འཕང་སྟེར་བའི་དངོས་གྲུབ་སྩོལ། །ཨོཾ་སརྦ་ཏ་ཐཱ་ག་ཏ་ཨརྒྷཾ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿ ཧཱུཾ། དེ་བཞིན་དུ་པཱངྱཾ་ནས། ཤཔྟའི་བར་གྱིས་མཆོད། དེ་བཞིན་གཟུགས་སྒྲ་དྲི་རོ་རེག་བྱ་དང། །གླིང་བཞི་རི་རབ་ཉི་ཟླ་རྫས་རྟགས་གཉིས། །རྒྱལ་སྲིད་བདུན་དང་ཉེ་བའི་རིན་ཆེན་བདུན། །མཆོད་པའི་སྤྲིན་ཕུང་མ་ཚང་མེད་པ་ཡིས། །བཅོམ་ལྡན་ཐུགས་རྗེའི་གཏེར་གྱུར་ཤཱཀྱའི་རྒྱལ། །ལ་སོགས་དཀོན་མཆོག་རིན་ཆེན་རྣམ་པ་གསུམ། །མཉེས་ཕྱིར་འབུལ་གྱི་དགྱེས་བཞིན་ལེགས་བཞེས་ནས། །འཆི་བ་བླུ་བའི་དངོས་གྲུབ་སྩལ་ཏུ་གསོལ། །ཨོཾ་སརྦ་ཏ་ཐཱ་ག་ཏ་རཱུ་པ་ནས། སྤརྴའི་བར་དང། ཨཥྚ་མངྒ་ལ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿ ཧཱུཾ། ཞེས་པ་དང་། ཨོཾ་སརྦ་ཏ་ཐཱ་ག་ཏ་སརྦ་པཱུ་ཛ་མེ་གྷ་ས་མུ་དྲ་སྥ་ར་ཎ་ས་མ་ཡེ་ཨཱཿ ཧཱུཾ། ཞེས་པ་རྣམས་ཀྱིས་མཆོད། སྐབས་འདིར་ཁྲུས་གསོལ་བྱ། དེ་ནས་མཎྜལ་ཕུལ་ཞིང་མེ་ཏོག་གཏོར་ལ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་

― GTD007_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཁ་ལོ་བསྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཤཱཀྱ་སེང་གེ་དམ་ཚིག་གསུམ་བཀོད་པའི་རྒྱལ་པོ་ལ་སོགས་པ་ཕྱོགས་བཅུའི་འཇིག་རྟེན་གྱི་ཁམས་མུ་མཐའ་གྲངས་མེད་པ་ན་འཚོ་ཞིང་གཞེས་པའི་སངས་རྒྱས་བཅོམ་ལྡན་འདས་རྣམས་དང་རྒྱལ་བའི་སྲས་པོ་རྣམས་དང་ཉན་ཐོས་ཆེན་པོ་རྣམས་དང་དཀར་ཕྱོགས་སྐྱོང་བའི་ལྷ་རྣམས་བདག་ལ་དགོངས་སུ་གསོལ། བདག་དང་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་དང། ཁྱད་པར་དུ་སྦྱིན་པའི་བདག་པོ་ཆེ་གེ་མོ་འཁོར་གཡོག་ལྟོས་བཅས་ཐམས་ཅད་དུས་མ་ཡིན་པའི་འཆི་བ་ལས་ལྡོག་པ་དང། ཚེ་ཟད་པ་ལས་རིང་དུ་སྤེལ་བའི་དངོས་གྲུབ་དམ་པ་སྩལ་ཏུ་གསོལ། ཁྱད་པར་དུ་ཀུན་ཏུ་བཟང་པོའི་སྨོན་ལམ་གྱི་མཐུ་དང་བདེན་པའི་བྱིན་གྱིས་བརླབ་ཀྱི་མཐུ་ཟབ་མོ་མངོན་སུམ་དུ་བསྟན་དུ་གསོལ། ཞེས་ལན་གསུམ་མམ་བདུན་སོགས་ཀྱིས་གསོལ་བ་གདབ། ན་མ་སྟྲཻ་ཡ་དྷཱི་ཀཱ་ནཱཾ། ཏ་ཐཱ་ག་ཏཱ་ནཱཾ། ས་མནྟ་གཱ་མེ་ནཱཾ། ཨུ་ཛྭཱ་ལ་ཡ་སྭཱཧཱ། ཞེས་བརྗོད་ན་ཀུན་ཏུ་བཟང་པོས་ཞལ་སྟོན་པར་གསུངས་ལ། ན་མ་སྟྲཻ་ཡ་དྷཱི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་ཨསྟ་བ་ར་བྷོ་གི་སྭཱཧཱ། ཞེས་བརྗོད་ན་ཀུན་ཏུ་བཟང་པོའི་སྨོན་པ་ལྟར་གྱི་སྤྱོད་པ་ལས་ཕྱིར་མི་ལྡོག་པར་བྱིན་གྱིས་བརླབས་ཏེ་སྨོན་ལམ་འགྲུབ་པར་གསུངས་པས་སྔགས་དེ་གཉིས་ཀྱང་ལན་ཁ་ཤས་རེ་སྔོན་དུ་བཏང་ལ། སྒྲ་དག་ཅིང་བར་མ་ཆད་པར་བྱས་ནས། བཟང་སྤྱོད་ལན་ཉེར་གཅིག་སོགས་ཅི་འགྲུབ་རེ་འདོན། དེ་བཞིན་གཤེགས་དང་དེ་ཡི་སྲས་རྣམས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་

― GTD007_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

བཀང་བ་གླུ་དང་ན། །རོལ་མོར་བཅས་པ་དུ་མས་སྐུ་ཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུཾ། ཞེས་ཁྲུས་གསོལ་བས་ཆོ་ག་ཆད་ལྷག་གི་ཉེས་པ་སོགས་ཀྱང་དག་པར་བསམ། ཐུན་རྗེས་མའི་ཚེ། དེ་བཞིན་གཤེགས་པ་བྱང་ཆུབ་སེམས་དཔའ་དང། ཞེས་སོགས་ཀྱིས་སྤྱན་དྲངས་ཏེ་མཆོད་པ་འབུལ་བ་སོགས་སྔར་བཞིན་བྱ། བཟང་སྤྱོད་ཚར་དང་པོའི་མགོར་ཡན་ལག་བདུན་པའི་སྐབས་སློབ་དཔོན་གྱིས་མཎྜལ་ལག་ཏུ་ཐོགས་ཏེ་གདངས་དང་བཅས་དལ་བུས་གསུངས་ཤིང་། ཐམས་ཅད་བདག་གིས་བྱང་ཆུབ་ཕྱིར་བསྔོ་འོ། །ཞེས་པའི་མཚམས་སུ་མཎྜལ་དབུལ། ཚར་ཕྱི་མ་རྣམས་སྐབས་དང་བསྟུན་པར་བྱ། དེ་ལྟར་ཐུན་བཞི་བྱས་ནས་ཐུན་རྗེས་མའི་མཇུག་ཏུ་སྔར་མ་ཕུལ་བའི་དཀར་གཏོར་གཉིས་སླར་ཡང་བྱིན་གྱིས་བརླབ་ལ། དང་པོ་འདི་ཉིད་ཀྱི་སྒོས་ཀྱི་ཆོས་སྐྱོང་རྒྱལ་པོ་ཆེན་པོ་བཞི་ལ་དབུལ་ཏེ། དེའང། ཙ་ཏུར་མཧཱ་རཱ་ཛ་ཨེ་ཧྱེ་ཧི། ཨོཾ་ཌྷྲྀ་ཏ་རཱཥྚཱ་ཡ། ཨོཾ་བི་རཱུ་ཌྷ་ཀཱ་ཡ། ཨོཾ་བི་རཱུ་བཱ་ཀྵཱ་ཡ། ཨོཾ་བཻ་ཤྲ་མ་ཎཱ་ཡ་ས་པ་རི་ཝཱ་ར་ཨརྒྷཾ་ནས། ཤཔྟའི་བར་གྱིས་མཆོད་ལ། རྒྱལ་པོ་ཆེན་པོ་དཔལ་ལྡན་པ། །མ་རྒད་མདོག་མཚུངས་པི་ཝཾ་འཛིན། །དྲི་ཟའི་ཚོགས་ལ་དབང་བསྒྱུར་བའི། །ཡུལ་འཁོར་སྲུང་ལ་ཕྱག་འཚལ་ལོ། །དཔའ་བོ་ཆེན་པོ་སྟོབས་པོ་ཆེ། །ཁ་དོག་སྔོན་པོ་རལ་གྲི་འཛིན། །གྲུལ་བུམ་ཚོགས་ལ་དབང་བསྒྱུར་བའི། །འཕགས་སྐྱེས་པོ་ལ་ཕྱག་འཚལ་ལོ། །མངའ་བདག་ཆེན་པོ་མཐུ་བོ་ཆེ། །ཁ་དོག་དམར་སེར་སྦྲུལ་ཞགས་འཛིན། །ཀླུ་ཡི་ཚོགས་ལ་མངའ་མཛད་པའ། །མིག་མི་བཟང་ལ་ཕྱག་འཚལ་ལོ། །དེད་དཔོན་ཆེན་པོ་གསེར་མདོག་ཅན། །

― GTD007_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

བེ་ཅོན་དང་ནི་ནེའུ་ལེ་འཛིན། །གནོད་སྦྱིན་ཚོགས་ལ་དབང་བསྒྱུར་བའི། །རྣམ་ཐོས་སྲས་ལ་ཕྱག་འཚལ་ལོ། །ཞེས་བསྟོད། རྒྱལ་པོ་ཆེན་པོ་བཞིའི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་གྱུར། ཨོཾ་ཙ་ཏུར་མཧཱ་རཱ་ཛ་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་ལན་བདུན་གྱིས་གཏོར་མ་ཕུལ། ཡང་སྔར་བཞིན་ཨརྒྷཾ་སོགས་ཀྱིས་མཆོད། རྒྱལ་པོ་ཆེན་པོ་འཁོར་བཅས་ཀྱིས། །མཆོད་སྦྱིན་གཏོར་མ་འདི་སྣོམས་ལ། །བདག་དང་རྒྱུ་སྦྱོར་ཡོན་བདག་གི །བར་གཅོད་མ་ལུས་ཟློག་པར་མཛོད། །ཅེས་འཕྲིན་ལས་བཅོལ། གཏོར་མ་གཉིས་པ་འབྱུང་པོ་སྤྱི་ལ་སྔར་བཞིན་བསྔོ། ཡང་ན་རྒྱལ་པོ་ཆེན་པོ་བཞིའི་གཏོར་མ་འབུལ་ཚུལ་ཚེ་ཆོག་ལས་འབྱུང་བ་བཞིན་བྱ། དེ་ནས། གང་ཡང་བཟང་པོ་སྤྱོད་པའི་སྨོན་ལམ་འདི། །འཆང་བ་དང་ནི་སྟོན་ཏམ་ཀློག་པ་ཡི། །དེ་ཡི་རྣམ་པར་སྨིན་པས་འཆི་བ་དག །བླུ་བ་ལ་ནི་སོམ་ཉི་མ་བྱེད་ཅིག །ཅེས་ལན་བདུན་གྱིས་བདེན་ཚིག་བརྗོད། འཆི་བའི་དགྲ་ལས་ངེས་པར་ཐར་བར་འགྱུར་རོ་སྙམ་དུ་ཡིད་ཆེས་ཀྱི་དད་པ་བསྐྱེད་པ་ཤིན་ཏུ་གལ་ཆེ་སྟེ། ངག་གི་དབང་ཕྱུག་གྲགས་པས། འཆི་བདག་བླུ་བ་འབད་པ་ན། །དད་པ་ཡིས་ནི་བྱེད་པར་ནུས། །དེ་བས་དད་པ་བརྟན་པར་བྱ། །ཞེས་གསུངས་པ་ལྟར་རོ།། དེ་ནས། འཇམ་དཔལ་དཔའ་བོས་ཇི་ལྟར་མཁྱེན་པ་དང། །ཞེས་སོགས་ཀྱི་བསྔོ་བས་རྒྱས་འདེབས་ཤིང་། ཡིག་བརྒྱས་ལྷག་ཆད་བསྐང། མ་རྙེད་ཡོངས་སུ་ཞེས་སོགས་ཀྱིས་ནོངས་པ་བཟོད་པར་གསོལ། སྤྱན་དྲངས་པའི་ཡེ་ཤེས་པ་རྣམས་རང་བཞིན་གྱི་གནས་སུ་གཤེགས། དམ་ཚིག་པ་རྣམས་རྟེན་དང་དབྱེར་མི་ཕྱེད་པར་གྱུར། མགྲོན་གཞན་རྣམས་རང་

― GTD007_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་སུ་གཤེགས། རྟེན་མེད་ན། དམ་ཚིག་པ་རྣམས་བདག་ཉིད་ལ་བསྟིམ། ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །ཞེས་སོགས་བཀྲ་ཤིས་ཀྱིས་མཐའ་བརྒྱན་པར་བྱའོ།། ཚུལ་འདིར་འབད་པའི་དགེ་བ་ཡིས། །བསྟན་འཛིན་མཆོག་རྣམས་ཞབས་བརྟན་ཅིང་། །བསྟན་པའི་སྦྱིན་བདག་ཚེ་དཔལ་རྒྱས། །བསྟན་འགྲོའི་དགེ་ལེགས་འཕེལ་གྱུར་ཅིག །ཅེས་པ་འདི་ནི་བསྟན་པའི་རྩ་ལག་དམ་པ་རྒྱལ་མཁན་པོ་རིན་པོ་ཆེ་གྲགས་པ་རྒྱལ་མཚན་པའི་གསུང་གིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་འདོན་ཆ་དངོས་གཞི་བྱིན་རླབས་ཀྱི་ཁྱད་ནས་པཎ་ཆེན་ཐམས་ཅད་མཁྱེན་པའི་གསུང་སོར་བཞག་ལ། ཅུང་ཟད་རྒྱུད་སོགས་ནས་ཁ་བསྐངས་ཏེ་བསྒྲིགས་པ་འདིས་ཀྱང་སྐྱེ་བོ་རྣམས་དུས་མ་ཡིན་པར་འཆི་བའི་འཇིགས་པ་ལས་རྒྱལ་བར་གྱུར་ཅིག། །། དགེ་ལེགས་འཕེལ།།

ཚེ་བདག་མགོན་པོ་ལ་བརྟེན་ནས་འཆི་བླུ་བྱ་ཚུལ་ཚེ་ཉམས་གསོ་བྱེད།

― GTD007_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་བདག་མགོན་པོ་ལ་བརྟེན་ནས་འཆི་བླུ་བྱ་ཚུལ་ཚེ་ཉམས་གསོ་བྱེད་བདུད་རྩིའི་ཐིགས་པ་ཞེས་བྱ་བ་བཞུགས་སོ།།

― GTD007_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་ཀུན་ཐུགས་རྗེའི་བདག་ཉིད་སྤྱན་རས་གཟིགས། །ཁྲོས་པའི་ཟློས་གར་མྱུར་མཛད་མགོན་པོ་ན། །ཚེ་ཡི་ལྷར་བཞེངས་ཚེ་བདག་མགོན་པོ་ལ། །བཏུད་ནས་འཆི་བ་བླུ་བའི་ཆོ་ག་བྲ།། དེའང་མྱུར་མཛད་མགོན་པོ་ལ་བརྟེན་ནས་འཆི་བླུ་བྱ་བར་འདོད་ན། ཚེ་བདག་མགོན་པོ་ནི་ངོ་བོ་དེ་ཉིད་ཡིན་ཀྱང་ཚེའི་དངོས་གྲུབ་སྩོལ་བ་ལ་ཆེད་དུ་བསྟན་པ་ཡིན་པས། དེའི་སྒོ་ནས་བྱས་ན་འབྲེལ་ཆགས་པས་དེ་ལྟར་བྱེད་པ་ལ། མགོན་པོའི་མཆོད་གཏོར་ནང་མཆོད། བུམ་པ་བཅུད་ཀྱིས་བཀང་བ་མགུལ་ཆིངས་ཅན་དང། ཐོད་པ་ཆང་གིས་བཀང་བར་བདུད་རྩི་རིལ་བུ་བཏབ། ཌཱ་མ་རུ་དང་དྲིལ་བུ་འཐོར་ནས་སོགས་འདུ་བྱ། ཐོག་མར་བདུད་རྩི་འཁྱིལ་བ་བཟླས་པའི་ཆུས་བསྒྲུབ་བྱའི་ཡན་ལག་ལྔ་བཀྲུས་ཏེ་ཁྲུས་ཆུ་ཕྱེད་ཁམ་ཕོར་གསར་བའི་ནང་དུ་བླུགས་ནས་ཤར་དུ་བཞག །ཕྱེད་ལ་ཤཱ་ས་ན་བཟླས་ཏེ་བསྔགས། མཆོད་རྟེན་ཞིག་པའི་ས་དང་རོ་སོལ་ས་ནག་སོགས་བསྲེས་ཏེ་གཤིན་རྗེའི་གཟུགས་འཇིགས་སུ་རུང་བ་དབྱུག་པ་དང་ཞགས་པ་འཛིན་པ་མདོག་ནག་པོ་ཅན་བྱས་ལ་སླ་ངའི་ནང་དུ་སྦུབས་ནས་བཞག །གདན་ནག་གི་སྟེང་དུ་རས་སོགས་ཀྱི་གོས་ནག་པོ་བཀབ། དཀྱིལ་འཁོར་གྱི་ལྷོ་ཕྱོགས་སུ་མགོ་ལྷོར་བསྟན་པ་བཞག །དེའི་མདུན་དུ་ཁམ་ཕོར་འོ་མས་གང་བ་དང། ཉ་ཤའི་བདུག་སྤོས་ཀྱི་སྣོད། ཉེར་སྤྱོད་ལྔ། འབྲུ་ནག་སྣ་ཚོགས། མེ་ཏོག་ནག་པོ། ཤ་མར། ཚྭ། བུ་རམ། གསེར། དངུལ། གཡུ། གོས་དར་སྣ་ཚོགས། རྨ་བྱའི་མདོངས། དུར་བ། ངར་གླུད་གང་མང། སྲོག་ཆགས་སྣ་ཚོགས་ཀྱི་གཟུགས་སོགས་གཤིན་རྗེའི་རྫོངས་རྣམས་དང་། དེ་རྣམས་འཇལ་བའི་བྲེ་ལ་ལྷ་འདྲེའི་མིག་བསྒྱུར་བའི་སྔགས། ཨོཾ་ཨརྨ་སརྦ་ས་ཙི་མུར་ཏི་ཐིབས་སྭཱཧཱ། ཉེར་གཅིག་འདེབས། ཨོཾ་ཐིབ་ཏ་མཐོང་བའི་རྒྱལ་པོ་སྭཱཧཱ། ཞེས་པ་ཇ་སོགས་འདེགས་པའི་སྲང་ལ་འདེབས། ཨོཾ་མ་ཏི་ཏྲ་མོ་ཏ་ན་ཐིབས་སྭཱཧཱ། ཞེས་

― GTD007_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གསེར་དངུལ་སོགས་འཇལ་བའི་ཞོ་ཆ་དང་སྲང་གཉིས་ཀ་ལ་ཉེར་གཅིག་རེ་གདབ། འབྲང་རྒྱས་ཕྱེད་དཀར་པོ་བིལ་བའི་དབྱིབས་ཅན་ལ་མར་གྱི་ལྷ་བཤོས་ལྔ། རྩ་བ་ནག་པོ་ལ་སྣུམ་གྱི་སྡོང་བུ་བཙུགས་པ་ཤར་དུ་དང་། དཀྱིལ་འཁོར་གྱི་བྱང་དུ་ཀུ་ཤའི་གདན་ལ་བསྒྲུབ་བྱའི་གླུད་གོས་ཚོན་སྐུད་སྣ་ལྔས་རྒྱ་གྲམ་དུ་བཅིངས་པ་བཞག །དུག་སྣ་བཏབ་པ་འོ་ཆུ་འདྲེས་པས་གང་བའི་ཁམ་ཕོར་ཡང་གླུད་ཀྱི་མདུན་དུ་བཞག །སྟན་དཀར་པོ་གོས་དཀར་མེ་ཏོག་དཀར་པོ་སོགས་ཀྱང་ཅི་རིགས་སུ་སྟ་གོན་བྱ། དེ་ནས་སྐྱབས་སེམས་སྔོན་དུ་བཏང་ལ། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པད་ཉི་ཚོགས་ཀྱི་བདག་པོའི་གདན་ལ་རང་གི་སེམས་ཉིད་ཧཱུཾ་ལས་གྲི་གུག་ཧཱུཾ་གིས་མཚན་པ་ལས་འོད་ཟེར་འཕྲོས་འཕགས་པ་མཆོད། སེམས་ཅན་གྱི་དོན་བྱས། ཚུར་འདུས་ཡོངས་སུ་གྱུར་པ་ལས་རང་ཉིད་མྱུར་མཛད་ཡེ་ཤེས་ཀྱི་མགོན་པོ་སྐུ་མདོག་ལྗང་གུ་ཞལ་གཅིག་ཕྱག་དྲུག་པ། ཕྱག་དང་པོ་གཉིས་ཀྱིས་གྲི་གུག་དང་ཐོད་པ་འཛིན་པས་ཡུམ་ལ་འཁྱུད་པ། བར་པ་གཉིས་ཀྱིས་ཌཱ་མ་རུ་དང་རྩེ་གསུམ། ཐ་མ་གཉིས་ཀྱིས་བགྲང་ཕྲེང་དང་ཞགས་པ་བསྣམས་པ། སྨིན་མ་དང་སྨ་ར་རབ་ཏུ་འབར་བ་དབུ་སྐྲ་ཁམ་སེར་གྱེན་དུ་བརྫེས་པ། ཐོད་སྐམ་ལྔའི་དབུ་རྒྱན་དང་རློན་པ་ལྔ་བཅུའི་དོ་ཤལ་འཕྱང་བ། སྟག་གི་པགས་པའི་ཤམ་ཐབས་གསོལ་ཞིང་རུས་པའི་རྒྱན་དྲུག་དང་སྦྲུལ་སྣ་ཚོགས་ཀྱིས་བརྒྱན་པ། དྲིལ་བུ་གཡེར་ཁའི་ཕྲེང་བ་སོགས་རྒྱན་དང་ཆ་ལུགས་ཐམས་ཅད་ཡོངས་སུ་རྫོགས་པ། ཡེ་ཤེས་ཀྱི་མེ་རབ་ཏུ་འབར་བའི་དབུས་ན་བཞུགས་པ། དེའི་པང་ན་ཡུམ་རྡོ་རྗེ་མཁའ་འགྲོ་མ་སྐུ་

― GTD007_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

མདོག་སྔོན་མོ་གཡས་གྲི་གུག་དང་གཡོན་ཐོད་པ་འཛིན་པས་ཡབ་ལ་འཁྱུད་པ། མདུན་དུ་སངས་རྒྱས་མཁའ་འགྲོ་སྐུ་མདོག་དཀར་མོ་འཁོར་ལོ་དང་ཐོད་ཁྲག །ལྷོར་རིན་ཆེན་མཁའ་འགྲོ་སེར་མོ་རིན་པོ་ཆེ་དང་ཐོད་ཁྲག །ནུབ་ཏུ་པདྨ་མཁའ་འགྲོ་དམར་མོ་པདྨ་དང་ཐོད་ཁྲག །བྱང་དུ་ལས་ཀྱི་མཁའ་འགྲོ་ལྗང་གུ་རལ་གྲི་དང་ཐོད་ཁྲག་འཛིན་པ། མཁའ་འགྲོ་ལྔ་པོའང་ཐོད་སྐམ་ལྔས་དབུ་ལ་བརྒྱན་ཅིང་སྐམ་པོ་ལྔ་བཅུའི་དོ་ཤལ་ཅན། རུས་པའི་རྒྱན་དྲུག་དང་ལྡན་པ། སྒེག་ཅིང་ཆགས་པའི་ཉམས་ཅན། གཡོན་བརྐྱང་གི་སྟབས་ཀྱིས་བཞུགས་པའོ། །དེའི་ཕྱི་རོལ་ཏུ་མཁའ་འགྲོ་འབུམ་སྡེ་དམ་ཅན་རྒྱ་མཚོའི་ཚོགས་དང་བཅས་པ་འཁོད་པར་གྱུར། དེ་ཐམས་ཅད་ཀྱི་སྤྱི་བོར་ཨོཾ་དཀར་པོ། མགྲིན་པར་ཨཱཿ དམར་པོ། ཐུགས་ཀར་ཧཱུཾ་སྔོན་པོ། ལྟེ་བར་སྭཱ་སེར་པོ། གསང་གནས་སུ་ཧཱ་ལྗང་གུས་མཚན་པ། རང་གི་ཐུགས་ཀའི་ཧཱུཾ་ལས་འོད་འཕྲོས་པས་དུར་ཁྲོད་ཆེན་པོ་བསིལ་བའི་ཚལ་ནས་ཚེ་བདག་མགོན་པོ་ལ་མཁའ་འགྲོའི་ཚོགས་ཀྱིས་བསྐོར་བ་སྐད་ཅིག་གིས་སྤྱན་དྲངས། ཨོཾ་ཤྲཱི་མཧཱ་ཀཱ་ལ་ས་པ་རི་ཝཱ་ར་ཨེ་ཧྱ་ཧི། ཁྲིཾ་རིང་པོ་ཉེར་གཅིག་བརྗོད། ཛཿ ཧཱུཾ་བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུཾ་ལས་འོད་ཟེར་འཕྲོས། དབང་གི་ལྷ་རིགས་ལྔ་མདུན་གྱི་ནམ་མཁར་སྤྱན་དྲངས། ཨོཾ་པཉྩ་ཀུ་ལ་ས་པ་རི་ཝཱ་ར་ཨརྒྷཾ་སོགས་ཀྱིས་མཆོད། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། ཨོཾ་བཛྲ་བྷ་ཝ་ཨ་བྷི་ཥཱིཉྩ་ཧཱུཾ། ཞེས་དབང་བསྐུར་སྐུ་གང། དྲི་མ་དག །ཆུའི་ལྷག་མ་ཡར་ལུད་པ་ལས་གཙོ་བོ་ལ་མི་བསྐྱོད་པ། སངས་རྒྱས་མཁའ་འགྲོ་མ་ལ་རྣམ་སྣང་། རིན་ཆེན་མཁའ་འགྲོ་མ་ལ་རིན་འབྱུང་། པདྨ་

― GTD007_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་འགྲོ་མ་ལ་སྣང་མཐའ། ལས་ཀྱི་མཁའ་འགྲོ་མ་ལ་དོན་གྲུབ་ཀྱིས་དབུ་བརྒྱན་པར་གྱུར། མཆོད་པ་དང་ནང་མཆོད་ཨ་མྲྀ་ཏས་བསངས། བྱིན་གྱིས་བརླབ། ཨོཾ་ཤྲཱི་མཧཱ་ཀཱ་ལ་པཉྩ་ཌཱ་ཀཱི་ནཱི་ས་པ་རི་ཝཱ་ར་ཨརྒྷཾ་ནས། ཤཔྟའི་བར་གྱིས་མཆོད། ཨོཾ་ཨཱཿ ཧཱུཾ་བཏགས་ལ་ནང་མཆོད་དབུལ། མ་རྒད་ལྷུན་པོའི་དཔལ་ལྟར་བརྗིད་པའི་སྐུ། །མི་བཟད་ང་རོ་འབྲུག་ལྟར་སྒྲོགས་པའི་གསུང། །བརྩེ་ཆེན་འཇིག་རྟེན་ཀུན་ལ་བརྩེ་བའི་ཐུགས། །ཚེ་བདག་མགོན་པོའི་ཞབས་ལ་ཕྱག་འཚལ་ལོ། །ཞེས་པས་བསྟོད། མགོན་པོ་ཡབ་ཡུམ་གྱི་ཐུགས་ཀར་ཉི་མའི་དཀྱིལ་འཁོར་རེ་རེ། དེའི་ཐུགས་ཀར་ཡབ་ཀྱི་ཐུགས་ཀར་ཧཱུཾ་དང་ཡུམ་གྱི་ཐུགས་ཀར་ཨཱཿ། དེ་གཉིས་ཀྱི་མཐར་སྔགས་ཕྲེང་གིས་བསྐོར་བ་ལས་བདུད་རྩིའི་རྒྱུན་བབས། ལུས་ཀྱི་ནང་ཐམས་ཅད་གང་བས་ཚེ་ཐོག་མ་མེད་པ་ནས་བསགས་པའི་ཚེ་ཐུང་འགྱུར་གྱི་སྡིག་སྒྲིབ་བག་ཆགས་ཐམས་ཅད་བྱང་ཞིང་དག །སླར་ཡང་སྔགས་ཕྲེང་ལས་འོད་འཕྲོས་པས་རྒྱལ་བ་སྲས་བཅས་ཀྱི་བྱིན་རླབས་ནུས་མཐུ་ཐམས་ཅད་དང་། འཇིག་རྟེན་ཁམས་ཀྱི་ཚེ་བསོད་དཔལ་འབྱོར་ཕུན་སུམ་ཚོགས་པ་ཐམས་ཅད་འོད་ཟེར་གྱི་རྣམ་པར་བསྡུས་ནས་ས་བོན་སྔགས་ཕྲེང་དང་བཅས་པ་ལ་ཐིམ་པས་འཆི་མེད་ཚེའི་དངོས་གྲུབ་ཐོབ་པར་གྱུར་པར་བསམས་ལ། ཨོཾ་བཛྲ་མཧཱ་ཀཱ་ལ་ཧ་རི་ནི་ས་སརྦ་ཨཱ་ཡུར་ཛྙཱ་ན་སིདྡྷི་ཛ། ཞེས་ཅི་འགྲུབ་བཟླ། ཡིག་བརྒྱས་ལྷག་ཆད་བསྐང་ལ་མཆོད་བསྟོད་མདོར་བསྡུས་བྱ། གཏོར་མ་ནང་མཆོད་ལྟར་བྱིན་གྱིས་བརླབ་ཅིང། རང་གི་ཐུགས་ཀའི་ཧཱུཾ་ལས་འོད་འཕྲོས་པས་ཤར་ལྷོ་བསིལ་བ་ཚལ་གྱི་དུར་ཁྲོད་ནས་མྱུར་མཛད་ཡེ་ཤེས་ཀྱི་མགོན་པོ་མཁའ་འགྲོའི་ཚོགས་དང་བཅས་པ་སྤྱན་དྲངས། ལྗགས་ཧཱུཾ་ལས་

― GTD007_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་པའི་རྡོ་རྗེ་རྩེ་གཅིག་པ་དཀར་པོ་འོད་ཀྱི་སྦུ་གུ་ཅན་གྱིས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་གྱུར། ཨོཾ་གུ་རུ་མཧཱ་ཀཱ་ལ་པཉྩ་ཌཱ་ཀི་ནཱི་ས་པ་རི་ཝཱ་ར་ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ལན་བདུན་གྱིས་གཏོར་མ་དབུལ། མཆོད་བསྟོད་མདོར་བསྡུས་བྱ། དེ་ནས་རྫས་རྣམས་བསངས་སྦྱངས། སྟོང་པའི་ངང་ལས་རྫས་རྣམས་ཀྱི་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ཞུ་བ་ལས་བྱུང་བའི་འཆི་བདག་གཤིན་རྗེ་འཁོར་བཅས་དགྱེས་པ་བསྐྱེད་པར་ནུས་པའི་མཆོད་རྫས་མཁོ་དགུ་མ་ཚང་བ་མེད་པ་ནམ་མཁའི་མཐའ་ཀླས་པར་གྱུར། སྔགས་དྲུག་ཕྱག་རྒྱ་དྲུག་གིས་བྱིན་གྱིས་བརླབ། བདག་གི་བསམ་པའི་སྟོབས་དང་ན། །ཞེས་པ་ནས། ཐོགས་པ་མེད་པར་འབྱུང་གྱུར་ཅིག །རང་ཉིད་སྤྱན་རས་གཟིགས་མགོན་ཚེ་བདག་ཏུ། །གསལ་བའི་ཐུགས་ཀའི་ཧཱུཾ་གི་འོད་ཟེར་གྱིས། །འཆི་བདག་གཤིན་རྗེ་འཁོར་བཅས་སྤྱན་དྲངས་ཏེ། །མདུན་གྱི་གཟུགས་ལ་དབྱེར་མེད་ཐིམ་པར་གྱུར། །ཧོཿ ཆོས་དབྱིངས་བདེན་པ་བསམ་མི་ཁྱབ། །རྟེན་འབྲེལ་སྣང་བ་ཅིར་ཡང་འཆར། །སྔགས་དང་ཕྱག་རྒྱ་ཏིང་འཛིན་གྱི། །བདེན་པའི་བྱིན་རླབས་ལས་བྱུང་བ། །དར་ཚོན་སྣ་ལྔ་རྣམ་ཤེས་གླུད། །རྨ་བྱའི་མདོངས་བཀྲ་དབང་པོའི་གླུད། །ངར་གླུད་འབྱུང་བཞི་ལུས་ཀྱི་གླུད། །དུར་བ་རིན་ཆེན་ཚེ་ཡི་གླུད། །རིན་ཆེན་སྣ་ལྔ་བསོད་ནམས་གླུད། །སྲོག་ཆགས་སྣ་ཚོགས་ཕྱུགས་ཀྱི་གླུད། །འབྲས་བུ་སྣ་ཚོགས་དཔལ་འབྱོར་གླུད། །གླིང་བཞི་གླིང་ཕྲན་དབང་ཐང་གླུད། །བྲེ་དང་སྲང་ལ་འཇལ་རུང་རྣམས། །གཅིག་བཅུ་བརྒྱ་སྟོང་ཁྲི་འབུམ་སོགས། །གཞལ་ཏེ་འཆི་བདག་འཁོར་བཅས་ལ། །ཡོན་གྱི་བདག་པོ་འདི་ཉིད་ཀྱི། །ཚེ་དང་སྲོག་གི་གླུད་དུ་འབུལ། །མཆོད་ཡོན་འབྲུ་སྣ་སྣ་ཚོགས་དང། །འདོད་

― GTD007_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་རིན་ཆེན་སྣ་ལྔ་དང། །ཞལ་ཟས་མེ་ཏོག་ནག་པོས་མཆོད། །འདི་དག་ལོངས་ལ་ཚེ་སྲོག་བྱིན། །བཟུང་བ་ཐོངས་ལ་བཅིང་བ་ཁྲོལ། །ཡར་བ་སྡུད་ཅིང་ཉམས་པ་གསོས། །བླ་ཚེ་བརྐུས་པ་ཕྱིར་གཏད་དེ། །བཀའ་དང་དམ་ལས་མ་འདའ་ཞིག །ཁྲུས་ཆུ་ཕོར་པ་དང་ལྷན་ཅིག་གཤིན་རྗེའི་མདུན་དུ་བཞག །འབྲང་རྒྱས་ཕྱེད་མར་བཅད་ལ་ནག་པོའི་མར་མེ་སྦར། ཨ་ཀཱ་རོས་བྱིན་གྱིས་བརླབ། སརྦ་བིགྷན། ན་མཿ སརྦ་ཏ་ཐཱ་ག་ཏ་བྷྱོ་ཞེས་སོགས་ཀྱིས་མདུན་གྱི་གཤིན་རྗེ་འཁོར་བཅས་ལ་ལམ་རྒྱག་གི་ཚུལ་དུ་བསྔོ། ཨརྒྷཾ་ནས། ཤཔྟའི་བར་གྱིས་མཆོད། དེ་ནས་རང་ཉིད་ལྷའི་ང་རྒྱལ་བརྟན་པོ་ལ་གནས་པས་རོལ་མོ་གདངས་དང་བཅས་ཏེ། འདི་ནས་ལྷོ་ཡི་ཕྱོགས་རོལ་ན། །དཔག་ཚད་བརྒྱད་ཁྲིའི་ཕ་རོལ་ན། །ཐོད་པ་ལྕགས་ཀྱི་གྲོང་ཁྱེར་ན། །ཡི་དྭགས་ཀུན་གྱི་དེད་དཔོན་པོ། །མ་མོ་ཀུན་གྱི་ཚོགས་རྗེ་བོ། །གསོན་གཤིན་ཀུན་གྱི་ཟམ་ཁ་པ། །གསོན་པོ་བསྐོས་ལ་འདེབས་པ་པོ། །ཤི་བ་ཀུན་གྱི་གཤིན་བུ་རྗེ། །དགེ་བ་ཅན་གྱི་སྟངས་འཛིན་པ། །སྡིག་པ་ཅན་གྱི་ཆད་པ་མཁན། །ཉེས་ལེགས་ཆོས་བཞིན་སྤྱོད་པ་པོ། །ཆོས་རྒྱལ་གཤིན་རྗེ་ཞེས་བྱ་བ། །མངོན་ཤེས་རྫུ་འཕྲུལ་མཐུ་སྟོབས་ཅན། །འཁོར་བཅས་འདིར་ནི་བདག་ལ་ཉོན། །ཁྱོད་ཀྱི་འཁོར་གྱི་ཡི་དྭགས་ལ། །བཟའ་བ་བཟང་པོ་འདི་འབུལ་གྱི། །འདི་ཟོ་འཁོར་གྱི་ཡི་དྭགས་རྣམས། །མ་འཚེ་བར་ནི་གཞན་དུ་དེངས། །དྲག་སྔགས་བརྗོད། རོལ་མོ་དྲག་ཏུ་བྱ། གཤིན་རྗེའི་གཟུགས་རྫོངས་ཆས་ཉེར་སྤྱོད་གཏོར་མ་ཁྲུས་ཁུ་གདན་ཞལ་ཁེབས་སོགས་མ་ལུས་པ་ལྷོའི་གྲོང་ཟད་མཐར་རྡེབ་པའི་ཚུལ་མི་བྱེད་པར་དལ་བུས་མགོ་ལྷོར་བསྟན་ནས་འཇོག་ཅིང་རྫོངས་ཆས་རྣམས་དེའི་མདུན་དུ་བཞག་ལ། སྐྱེལ་མཁན་རྣམས་ཕྱི་མིག་མི་བལྟ་བ་གནད་དོ། །དེ་ནས་གླུད་གོས་ཀྱི་ཚོན་སྐུད་བཀྲོལ་ལ་དེས་བསྒྲུབ་བྱའི་ཡན་ལག་ལྔ་བཅིང། ན་མོ་རྗེ་

― GTD007_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

བཙུན་རྩ་བ་དང་བརྒྱུད་པར་བཅས་པའི། ཞེས་པ་ནས། ཁྱད་པར་དུའང་ཡེ་ཤེས་ཀྱི་མགོན་པོ་ཚེ་ཡི་བདག་པོའི་ལྷ་ཚོགས་འཁོར་དང་བཅས་པ་རྣམས་ཀྱི་བདེན་པ་དང། བདེན་པ་ཆེན་པོའི་བྱིན་གྱིས་བརླབ་ཀྱིས་ཆེ་གེ་མོའི་སྡིག་སྒྲིབ་ནད་གདོན་ཆགས་ཆེ་ཉམ་ང། བཙོག་གྲིབ་མི་གཙང་བ། ལོ་ཟླ་ཞག་སྐེག །མཐུ་གཏད་བྱད་ཕུར། དུས་ཀྱི་ཞགས་པ། གཤིན་རྗེའི་ཕོ་ཉ་བཀྱེ་བ་ལ་སོགས་པ་བར་ཆད་མི་མཐུན་པའི་ཕྱོགས་གང་ཡིན་པ་ཐམས་ཅད་ཚོན་སྐུད་འདི་ཉིད་ལ་མཆིས་ཤིང་ཐིམ་པར་གྱུར་ཅིག །ལན་གསུམ་གྱི་མཐར་ཕྱག་གཡས་ཀྱི་དང་པོའི་གྲི་གུག་གིས་རྦད་རྦད་གཏུབ་པར་བསམས་ལ་ཤཱ་ས་ན་བཟླ་བཞིན་དུ་ཚོན་སྐུད་གཅོད། བསླུ་མེད་མཆོག་གསུམ་བདེན་པ་དང། །འཇིག་རྟེན་སྐྱོང་བ་ཆེ་རྣམས་ཀྱི། །བདེན་སྟོབས་མཐུ་དང་གཟི་བྱིན་གྱིས། །བྱད་སྟེམས་ལས་རྣམས་ཆད་གྱུར་ཅིག །ཨོཾ་སརྦ་བནྡྷ་ཀཱ་ཁོ་རྡ་ཙྪེ་ད་ནཱ་ཡ་སྭཱཧཱ། ཞེས་བརྗོད་ཅིང་ཐུང་ངུ་ཐུང་ངུར་གཏུབས། ཁམ་ཕོར་སོ་མའི་ནང་གི་འོ་ཆབ་དུག་ཆུ་བསྲེས་པའི་ནང་དུ་དུམ་བུ་རེ་དང། ལས་བུམ་གྱི་ཆུ་ཐིགས་པ་རེ་བསྒྲུབ་བྱའི་ལུས་ལ་བསྐོར་ཏེ་བླུགས་ལ། འདོད་ཆགས་ཞེ་སྡང་གཏི་མུག་གསུམ། །འདི་དག་འཇིག་རྟེན་དུག་གསུམ་སྟེ། །བཅོམ་ལྡན་སངས་རྒྱས་དུག་མི་མངའ། །སངས་རྒྱས་གཟི་ཡིས་དུག་བཅོམ་མོ། །དེ་བཞིན་དུ་ཆོས་དང་དགེ་འདུན་ལའང་སྦྱར། གླུད་གོས་སོགས་བྱང་གི་གྲོང་ཟད་མཐར་བསྐྱལ་ལ་ཕྱི་མིག་མི་བལྟའོ། །དེ་ནས་བསྒྲུབ་བྱ་སྟན་དཀར་པོའི་སྟེང་དུ་བཞག་ལ། སངས་རྒྱས་རྣམས་ནི་བདུད་ལས་རྒྱལ། །ཆོས་ནི་ཆོས་མ་ཡིན་ལས་སོ། །དགེ་འདུན་མུ་སྟེགས་རྣམས་ལས་རྒྱལ། །དབང་པོ་ལྷ་མིན་རྣམས་ལས་རྒྱལ། །ཆུ་ནི་མེ་ལས་རྒྱལ་བར་འགྱུར། །རླུང་ནི་སྤྲིན་ལས་རྒྱལ་བར་འགྱུར། །རྡོ་རྗེ་ཡིས་ནི་རིན་ཆེན་ཕུག །ལྷ་རྣམས་བདེན་པར་རབ་ཏུ་གནས། །ས་ཡང་བདེན་པར་གནས་པ་ལ། །སངས་རྒྱས་དང་ནི་ཆོས་ཀྱང་བདེན། །

― GTD007_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་པ་རྒྱལ་གྱུར་བརྫུན་མ་ལགས། །བདེན་པ་དང་བདེན་པའི་ཚིག་དེ་དག་གིས་ཆེ་གེ་མོ་མི་མཐུན་པའི་ཕྱོགས་ཐམས་ཅད་ལས་རྒྱལ་བར་གྱུར་ཅིག །ཛ་ཡ་ཛ་ཡ། སིདྡྷི་སིདྡྷི། ཕ་ལ་ཕ་ལ་ཧོཿ དེ་ནས་འབྲང་རྒྱས་ཀྱི་ཕྱེད་དཀར་པོ་དེ་བསྒྲུབ་བྱའི་ལག་ཏུ་གཏད་དེ། བཀྲ་ཤིས་ཚེ་བརྟན་དཔལ་གྱི་ཟས། །སྙིང་པོ་བསྡུས་པའི་བཅུད་འདི་ན། །དེ་རིང་བུ་ཡིས་ཟ་བར་གྱིས། །འདི་ཟོས་ཚེ་ཡི་བདག་པོ་ཡི། །ཞལ་ཟས་བསྟེན་པས་ནད་ཀུན་ལས། །གྲོལ་འགྱུར་ཐེ་ཚོམ་བྱ་མི་དགོས། །སྙིང་པོ་ལན་གསུམ་བཟླས་ལ་ཅུང་ཟད་ཟ་རུ་འཇུག །ཤིས་བརྗོད་རོལ་མོ་དང་བཅས་མེ་ཏོག་གི་ཆར་དབབ་པའི་དགེ་མཚན་གྱིས་མཐའ་བརྒྱན་པར་བྱའོ།། ཚེ་ཡི་མཆོག་སྦྱིན་ལྷ་ཚོགས་རྣམ་མང་ལས། །ཚེ་བདག་མགོན་པོར་གྲགས་པ་ལ་བརྟེན་ནས། །ཚེ་ཉམས་གསོ་བ་འཆི་བླུའི་ཆོ་ག་ཡིས། །ཚེ་དཔལ་མི་ཟད་སྦྱིན་པའི་ཡིད་བཞིན་ནོར། །འདི་བྲིས་དགེ་བས་བསྟན་འཛིན་ཡོན་མཆོད་ཀུན། །ཚེ་དང་བསོད་ནམས་ཆོས་ཀྱི་དགའ་སྟོན་ལ། །འགྲན་པ་ཇི་བཞིན་རྟག་ཏུ་སྤྱོད་པ་ཡིས། །རྫོགས་ལྡན་གསར་བའི་དཔལ་ལ་རོལ་གྱུར་ཅིག །ཅེས་ཚེ་བདག་མགོན་པོ་ལ་བརྟེན་ནས་འཆི་བླུ་བྱ་ཚུལ་ཚེ་ཉམས་གསོ་བྱེད་བདུད་རྩིའི་ཐིགས་པ་ཞེས་བྱ་བ་འདི་ནི་ཧལ་ཧའི་ཤོག་ནས་བསྟན་པའི་གསལ་བྱེད་ཆེན་པོ་ཆིང་སུ་ཙུག་ཐུ་ནོ་མོན་ཧན་བློ་བཟང་བསྟན་དར་དབང་ཕྱུག་གི་གསུང་གིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་འཕྲལ་དུ་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། །།

ཛཾ་དཀར་ལྷ་ལྔའི་ནོར་སྒྲུབ་བྱ་ཚུལ་གྱི་ཟུར་འདེབས་དང་ཛཾ་དམར་སྒྲུབ་ཐབས།

― GTD007_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

ཛཾ་དཀར་ལྷ་ལྔའི་ནོར་སྒྲུབ་བྱ་ཚུལ་གྱི་ཟུར་འདེབས་གསེར་གྱི་ལྡེ་མིག་དང་ཛཾ་དམར་སྒྲུབ་ཐབས་འདོད་དགུའི་མཆོག་སྦྱིན་སོགས་བཞུགས་སོ།།

― GTD007_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱརྱ་ཛམ་བྷ་ལ་ལ་ཕྱག་འཚལ་ལོ། །དེའང་རྗེ་བཙུན་ཆོས་ཀྱི་ཉི་མའི་ཞལ་སྔ་ནས་ཀྱིས་མཛད་པའི་ཛཾ་དཀར་གྱི་ནོར་སྒྲུབ་ལ་ཅུང་ཟད་ཁ་འགེངས་འོས་རྣམས་བསྣན་ཏེ་ཟུར་འདེབས་ཀྱི་ཚུལ་དུ་འགོད་པ་ནི། གསང་སྒྲུབ་དང་ཡང་གསང་གི་སྒྲུབ་ཚུལ་གང་གི་སྐབས་སུའང་མདུན་བསྐྱེད་ཀྱི་བཟླས་པ་མཆོད་བསྟོད་མདོར་བསྡུས་དང་བཅས་པ་གྲུབ་པའི་མཚམས་དེར་གཡང་འབོད་བྱས་ན་ལེགས་ཤིང། དེའང་རྒྱས་པར་བྱེད་ན་གཡང་རྟེན་གྱི་གཏོར་མ་དང་གཡང་རྫས་བཤམས་པ་སོགས་ཡོངས་གྲགས་ལྟར་བྱ་ལ། དངོས་སུ་བཤམས་པ་མེད་ཀྱང་མོས་པ་བརྟན་པོས་ཚིག་ཏུ་བརྗོད་ནའང་རུང་བས། གཙོ་འཁོར་ལྔའི་ཐུགས་ཀའི་འོད་ཟེར་ལྕགས་ཀྱུ་ལྟ་བུས་སྲིད་ཞིའི་དཔལ་འབྱོར་མཐའ་དག་རྡོ་ཁབ་ལེན་གྱིས་ལྕགས་ཕྱེ་འདྲེན་པ་བཞིན་བསྡུས་ཏེ་རང་དང་བསྒྲུབ་བྱ་ལ་བསྟིམ་ཞིང། གནས་ཁང་ཡུལ་ཕྱོགས་ཐམས་ཅད་ཀྱང་དཔལ་འབྱོར་རྒྱ་ཆེན་པོས་གང་བར་བསམས་ལ། ཐུགས་རྗེ་ཆེན་པོ་ཨཱརྱ་ཛམྦྷ་ལ། །སྣང་སྲིད་དབང་སྡུད་མཁའ་འགྲོ་བཞི་

― GTD007_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅས། །བརྩེ་བས་དགོངས་ཏེ་གནས་འདིར་བྱིན་ཕོབ་ལ། །བསམ་དོན་ལྷུན་གྱིས་གྲུབ་པའི་དཔལ་སྩོལ་ཅིག །དགེ་བའི་ཉེར་ལེན་རང་ལ་གནས་པའི་གཞིར། །བདེ་བའི་རྐྱེན་བཟང་འདོད་དགུའི་ལེགས་ཚོགས་ཀུན། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །དལ་འབྱོར་རྟེན་གྱི་རིན་ཆེན་བུམ་བཟང་ལ། །འཆི་བ་མེད་པའི་ཚེ་དཔལ་བདུད་རྩིའི་རྒྱུན། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །སྔོན་བསགས་བསོད་ནམས་ལྷུན་སྟུག་རི་བོའི་རྩེར། །ཟས་ནོར་ལོངས་སྤྱོད་དབྱར་གྱི་ན་བུན་བཞིན། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །བཀྲ་ཤིས་གཡང་ཆགས་ཁྱིམ་དང་བང་མཛོད་ལ། །གསེར་དངུལ་

― GTD007_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

གོས་དར་ནོར་དང་འབྲུ་ཡི་ཚོགས། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །བཙན་ཞིང་ཡངས་པའི་ཕྱུགས་ལྷས་ར་བ་རུ། །གནག་ལུག་རྟ་མཛོ་ས་ཡི་དྲེག་པ་བཞིན། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །ཞི་དུལ་བཟང་པོའི་རང་བཞིན་འོ་མའི་མཚོར། །མཐུན་པའི་གཉེན་བཤེས་གཡོག་འཁོར་ངང་པའི་ཁྱུ། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །ཆོ་རིགས་གཙང་མའི་དཔག་བསམ་སྡོང་པོ་ལ། །ཡ་རབས་མཛངས་པའི་རིགས་རྒྱུད་མེ་ཏོག་འཕྲེང། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །སྒོ་གསུམ་ལེགས་བྱས་རྣམ་དཀར་སྤྲིན་གྱི་ཀློང། །མ་སྨད་གྲགས་སྙན་གཡུ་འབྲུག་སྒྲ་བརྒྱ་པ། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །མཆོད་སྦྱིན་དགེ་ཚོགས་གཞོན་ནུའི་ལང་ཚོ་ལ། །འདོད་པའི་ཡོན་ཏན་རྣམ་ལྔའི་རྒྱན་འཕྲེང་ཚོགས། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །ལྷ་ཡི་བདེ་སྐྱིད་ཚེ་དང་ཀླུའི་འབྱོར་བ། །མི་ཡི་ཆོས་དང་སྲིད་ཀྱི་ཕུན་ཚོགས་ཀུན། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན།།

― GTD007_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །མོས་གུས་བརྟན་པོའི་ཡིད་ཀྱི་གཤོང་བུ་ལ། །མཆོག་གསུམ་ཐུགས་རྗེ་བྱིན་རླབས་ཆར་གྱི་རྒྱུན། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །དད་བརྩོན་བློ་གྲོས་རྒྱལ་མཚན་རྩེ་མོ་ལ། །རིགས་གསུམ་མཁྱེན་བརྩེ་ནུས་པའི་བསམ་འཕེལ་ནོར། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །བདེན་ཚིག་གྲུབ་པའི་ལེགས་བྱས་ནོར་འཛིན་གཞིར། །བཀྲ་ཤིས་རྟགས་རྫས་རྟེན་འབྲེལ་མེ་ཏོག་ཆར། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །ཚུལ་ཁྲིམས་རྣམ་པར་དག་པའི་ཞིང་ས་ལ། །ཐོས་བསམ་སྒོམ་གསུམ་ལེགས་སྨིན་སྙེ་མའི་ཚོགས། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །རྩེ་གཅིག་ཏིང་འཛིན་བསྒོམ་པའི་ནམ་མཁའ་ལ། །ཉམས་དང་རྟོགས་པའི་ཉི་ཟླ་སྐར་མའི་ཚོགས། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །དྲི་མེད་ཤེས་རབ་ནོར་བུའི་མེ་ལོང་ངོས། །ཆོས་ཚུལ་རབ་འབྱམས་དགོངས་དོན་སྣང་བརྙན་འབུམ། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་

― GTD007_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་རྒྱས་པར་མཛོད། །མང་ཐོས་ཚུལ་བཞིན་སྒྲུབ་པའི་གངས་རི་ལ། །མཁས་དང་གྲུབ་པའི་རྩལ་རྫོགས་གདོང་ལྔ་པ། །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །ལུང་རྟོགས་བསྟན་པ་ནོར་བུའི་བ་གམ་རྩེར། །དོན་གཉིས་ལྷུན་གྲུབ་ཐར་པའི་རྒྱལ་མཚན་མཆོག །ཕྱོགས་དུས་ཀུན་ནས་ཕྱྭ་དང་གཡང་དུ་བྱོན། །བཀྲ་ཤིས་དཔལ་འབར་དགེ་མཚན་རྒྱས་པར་མཛོད། །མདོར་ན་ནོར་བདག་མཁའ་འགྲོའི་ཚོགས་བཅས་ཀྱིས། །སྲིད་ཞིའི་ཁམས་ན་ཇི་སྙེད་མཆིས་པ་ཡི། །རྒྱུ་ཡི་དགེ་ཚོགས་མཐའ་དག་དཔལ་དུ་ཁུགས། །འབྲས་བུ་བདེ་འབྱོར་ཐམས་ཅད་གཡང་དུ་ལོངས། །ས་ལ་གཡང་ཆགས་རྩི་བཅུད་ལོ་འབྲས་སྨིན། །ཡུལ་ལ་གཡང་ཆགས་ནད་མུག་འཁྲུག་རྩོད་ཞ། །མི་ལ་གཡང་ཆགས་ཚེ་བསོད་ཆོས་འབྱོར་རྒྱས། །ཕུན་ཚོགས་བཀྲ་ཤིས་རྒྱ་མཚོས་གང་གྱུར་ཅིག །ཅེས་གཡང་འབོད་བྱའོ། །ཡང་གསང་མཁའ་འགྲོ་མ་བཞིའི་གཏེར་སྦ་ཚུལ་ནི། བདག་བསྐྱེད་སྔོན་དུ་བཏང་ལ་བསངས་སྦྱངས། གའུ་འམ་བུམ་པ་རིན་པོ་ཆེ་སྣ་ལྔ་ལས་གྲུབ་པའི་གཞལ་ཡས་ཁང་དགོས་འདོད་ཐམས་ཅད་འབྱུང་བའི་ཡིད་བཞིན་གྱི་ནོར་བུའི་གཏེར་ཆེན་པོས་ཡོངས་སུ་གང་བ་ལྔའི་ནང་དུ་བཾ་ལས་པདྨ་དང་ཨ་ལས་ཟླ་བའི་དཀྱིལ་འཁོར་རེ་རེ། དབུས་མའི་སྟེང་དུ་ཛཾ་ཡིག་དཀར་པོ། ཞེས་པ་ནས། ཕྱེད་སྐྱིལ་གྱི་ཚུལ་གྱིས་བཞུགས་པ། ཤར་གྱི་གའུ་འམ་བུམ་པའི་ནང་གི་གདན་ལ་ཧཱུཾ་ལས་རྡོ་རྗེ་ཧཱུཾ་གིས་མཚན་པ། ལྷོའི་གའུ་འམ་བུམ་པའི་ནང་གི་གདན་ལ་ཏྲཱཾ་ལས་རིན་པོ་ཆེ་ཏྲཱཾ་གིས་མཚན་པ། ཞེས་སོགས་བསྒྱུར་བ་མ་གཏོགས་གསང་སྒྲུབ་ཀྱི་སྐབས་ལྟར་བྱ། གང་དུ་སྦ་བའི་གནས་ནི་སའི་གནད་བཞི་ཚང་ཞིང། རྒྱབ་རི་མཐོ་ལ་དགྱེ་བ། མདུན་རི་དམའ་ཞིང་སྒུ་བ་གཡས་གཡོན་གྱི་རི་རྣམས་ཀྱང་ཚུར་འདུད་པའི་

― GTD007_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པ་ཅན། ཆུ་བོའང་མདུན་དུ་ཚུར་འབབ་པ་སོགས་ས་དཔྱད་ལེགས་ཤིང་མིང་བཀྲ་བཟང་པོ་ཅན། གཞི་བདག་དཀར་ཕྱོགས་པ་གནས་པའི་ས་དེ་ལྟ་བུར་སྦ་དགོས་ལ། དེའང་ཐོག་མར་བསྒྲུབ་ཟིན་ནས་དེར་གདན་འདྲེན་པའི་ཚེ་སྟབས་བདེ་ན་སྤོས་རོལ་སོགས་རྒྱས་པར་བྱ་ཞིང། མ་མཐའང་དར་ཚོན་སོགས་ཀྱིས་བརྒྱན་ཏེ་སྤོས་འགྲིམ་སྔོན་དུ་འགྲོ་བས་བཀུར་སྟི་དང་བཅས་གདན་འདྲེན། དེའང་ཀརྨྨ་ཌཱ་ཀཱིའི་གའུ་རི་ཐང་མཚམས་དང། པདྨ་ཌཱ་ཀཱིའི་གའུ་ཡུལ་གྱི་ཆུའི་མགོ བཛྲ་ཌཱ་ཀཱིའི་གའུ་རིའི་རྩེ་མཐོ་སར་སྦ་བར་གསུངས་ཀྱང། རྩེ་མོ་ནས་ཅུང་ཟད་མར་བབ་པའི་རྩེ་ལྐོག་ཙམ་དུ་བྱས་ན་ལེགས་པར་བཤད། ཆུ་མིག་ཀྱང་རྒྱུན་འགྲོ་རྒྱུ་མེད་པའི་ལྐུག་པ་དང། མཚམས་མཚམས་སུ་སྐམ་པའི་དར་རྒུད་ཅན་མ་ཡིན་པར་རྟག་ཏུ་འགྲོ་ཞིང་ཆུ་ཀླུང་ཆེན་པོར་འདྲེ་བ་དགོས། གང་དུ་སྦ་བའི་གནས་དེར་ས་བྲུས་ནས་རྡོའི་ཁང་བུ་ཆེ་ཆུང་ཇི་ལྟར་འཚམ་པ་བྱས་ཏེ། དང་པོར་བསྒྲུབ་དུས་གཙོ་བོ་ལ་ཕྱོགས་པའི་ངོས་དེ་མ་ནོར་བར་བྱས་ཏེ་དེ་མདུན་དུ་བསྟན་ནས་གཞུག །མདུན་ངོས་དེར་ས་རལ་དང་འོབས་སོགས་དཔྱད་མི་ལེགས་པའི་རིགས་མེད་པ་ལྷག་པར་ཡང་གལ་ཆེའོ། །རིན་ཆེན་མཁའ་འགྲོའི་གའུ་ཐབ་ཚང་གི་རྒྱབ་གང་འོས་ཤིག་ཏུ་སྦ་བར་གསུངས་པས་ས་དཔྱད་སོགས་ཇི་བཞིན་མི་འོངས་ཀྱང་འཇོག་ཚུལ་སོགས་གོང་དང་འདྲ། གཙོ་བོའི་གའུ་མཛོད་ཕུགས་སུ་སྦ་བར་གསུངས་ཀྱང། མཛོད་ཁང་དུ་གཞན་གྱིས་མ་མཐོང་བར་བྱས་ནས་བཞག་ནས་བྲུས་ནས་སྦ་མི་དགོས་སོ། དེར་བཞག་ནས་ཀྱང་སོ་སོར་རང་རང་གི་བསྐྱེད་ཆོག་བཟླས་པ་མཇུག་གི་མཆོད་བསྟོད་ཀྱི་བར་གོང་བཞིན་བྱས་ལ། མེ་ཏོག་དང་བཅས་པས་ཐལ་མོ་སྦྱར་ཏེ། ཇི་ལྟར་སངས་རྒྱས་ཐམས་ཅད་ན། །དགའ་ལྡན་དུ་ནི་གནས་པ་ལས། །ལྷ་མོ་སྒྱུ་འཕྲུལ་ལྷུམས་ཞུགས་ལྟར། །དེ་བཞིན་གཟུགས་དང་ལྷན་ཅིག་ཏུ། །འདི་རུ་མགོན་པོ་རྟག་བཞུགས་ནས། །བྱང་ཆུབ་སེམས་ནི་བསྐྱེད་པ་དང། །ཡོན་གྱི་བདག་པོའི་དོན་སླད་དུ། །བདག་གི་འབྱོར་པ་ཉིད་ཀྱིས་ན། །ཅི་འབྱོར་པ་ཡི་མཆོད་པ་དང། །

― GTD007_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ཏོག་ལ་སོགས་འདི་བཞེས་ཤིག །བདག་དང་སློབ་མར་བཅས་རྣམས་ལ། །རྗེས་སུ་བརྩེ་བས་ཉེར་དགོངས་ནས། །ཀུན་གྱིས་འདི་ལ་བྱིན་རློབས་ཤིང། །འདི་ཉིད་དུ་ནི་བཞུགས་པར་རིགས། །ཞེས་དང། མགོན་པོ་ནམ་མཁའ་མཛོད་ལ་མངའ་བརྙེས་པའི་བཅོམ་ལྡན་འདས་གཏེར་གྱི་དབང་ཕྱུག་ཐུགས་རྗེ་ཆེན་པོ་དང་ལྡན་པ་ཁྱེད་སྔགས་དང་ཏིང་ངེ་འཛིན་གྱིས་བྱིན་གྱིས་བརླབས་ཏེ་འདོད་དགུའི་འབྱོར་པ་ཟད་མི་ཤེས་པས་ཡོངས་སུ་གང་བའི་གཏེར་མཛོད་འདི་རྣམས་སུ་ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་གྱི་ཁམས་རྣམས་ཟག་པ་མེད་པའི་ཡེ་ཤེས་ཀྱི་གཏེར་ཆེན་པོའི་ལོངས་སྤྱོད་ལ་དབང་འབྱོར་པར་མ་གྱུར་གྱི་བར་དེ་སྲིད་དུ་བརྟན་པར་བཞུགས་ནས་དབུལ་ཞིང་ཕོངས་པའི་སེམས་ཅན་རྣམས་ལ་ཐུགས་བརྩེ་བ་ཆེན་པོས་ཉེ་བར་དགོངས་ཏེ་བྱིན་གྱིས་རློབས་ལ་ཟས་ནོར་ལོངས་སྤྱོད་ཟད་མི་ཤེས་པ་འབྱུང་བ་དང། མཆོག་དང་ཐུན་མོང་གི་དངོས་གྲུབ་མ་ལུས་པ་སྩོལ་བར་མཛད་ཅིང་བརྟན་པར་བཞུགས་སུ་གསོལ། ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། ཞེས་པའི་བར་ལན་གསུམ་དང། བདེ་གཤེགས་ཀུན་བཟང་མཐོང་བའི་བཀྲ་ཤིས་ལྟར། །རྒྱལ་བ་སྲས་བཅས་དེང་འདིར་བདེ་ལེགས་ཤོག །ངན་སྡིག་ལོག་པའི་ཚོགས་རྣམས་བཅོམ་གྱུར་ནས། །རྒྱལ་སྲས་རིག་འཛིན་ཚོགས་རྣམས་འཕེལ་དར་ཞིང་། །ཞལ་མཐོང་ཙམ་གྱིས་བདེ་བའི་མཆོག་བརྙེས་ནས། །ཉི་ལྟར་ཞལ་དྲོ་ཟླ་ལྟར་འོད་གསལ་ཞིང་། །བདག་དང་འགྲོ་ལ་ཞལ་དྲོ་བྱིན་ཆེ་བས། །བསྐལ་པའི་མཐར་ཐུག་བར་དུ་བཞུགས་སུ་གསོལ། །ཇི་སྲིད་མེ་དང་ཆུ་དང་ན། །རླུང་གིས་བསྐལ་པ་འཇིག་བར་དུ། །སེམས་ཅན་ཀུན་གྱི་དོན་གྱི་ཕྱིར། །

― GTD007_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ལྡན་ཁྱོད་ནི་བཞུགས་པར་མཛོད། །མགོན་པོ་བསྐལ་པ་ཇི་བཞིན་དུ། །སྣ་ཚོགས་གཟུགས་ནི་བཟུང་ནས་ཀྱང་། །ཕྱོགས་བཅུའི་འཇིག་རྟེན་ཁམས་རྣམས་སུ། །དེས་ནི་འགྲོ་བའི་དོན་ཀུན་མཛོད། །ཅེས་བརྗོད་དེ་བརྟན་བཞུགས་བྱ། ཁྱད་པར་ནི། ཀརྨྨ་ཌཱ་ཀཱི་ལ། ནམ་མཁའ་མཛོད་ལ་མངའ་བརྙེས་ཤིང་ཐུགས་རྗེ་ཆེན་པོ་དང་ལྡན་པ་ཀརྨྨ་ཌཱ་ཀི་མ་ཁྱེད་སྔགས་དང་ཏིང་ངེ་འཛིན་གྱིས། ཞེས་པ་ནས། དངོས་གྲུབ་མ་ལུས་པ་སྩོལ་ཞིང། ཁྱད་པར་དུ་ཡུལ་མི་ཐམས་ཅད་དབང་དུ་འདུས་ཏེ་ཟས་ནོར་མཐའ་དག་ཆར་བཞིན་དུ་འབེབས་པར་མཛད་ཅིང་བརྟན་པར་བཞུགས་སུ་གསོལ། ཞེས་སྦྱོར། པདྨ་ཌཱ་ཀཱི་ལ། ནམ་མཁའ་མཛོད་ལ་མངའ་བརྙེས་ཤིང་ཐུགས་རྗེ་ཆེན་པོ་དང་ལྡན་པ་པདྨ་ཌཱ་ཀི་མ་ཁྱེད་སྔགས་དང། ཞེས་པ་ནས། མ་ལུས་པ་སྩོལ་ཞིང། ཁྱད་པར་དུ་རོལ་མཚོ་བདུན་སོགས་ལ་གནས་པའི་ཀླུ་རྒྱལ་རྣམས་དང་ཡུལ་ཕྱོགས་འདིའི་ཀླུ་རྣམས་ཀྱིས་མཚོན་འོག་ཀླུའི་འཇིག་རྟེན་ཐམས་ཅད་དབང་དུ་འདུས་ཏེ་དངོས་གྲུབ་སྟེར་དུ་གཞུག་པར་མཛད་ཅིང་བརྟན་པར་བཞུགས་སུ་གསོལ། ཞེས་པ་དང། རྡོ་རྗེ་མཁའ་འགྲོ་མ་ལ། བཛྲ་ཌཱ་ཀི་མ་ཁྱེད། ཅེས་དང། མ་ལུས་པ་སྩོལ་ཞིང། ཁྱད་པར་དུ་སྟེང་ལྷའི་འཇིག་རྟེན་དང་གནས་འདི་མཐོང་ཚད་ཐམས་ཅད་དབང་དུ་འདུ་བར་མཛད་ཅིང། ཞེས་དང། རིན་ཆེན་མཁའ་འགྲོ་ལ། རཏྣ་ཌཱ་ཀི་མ་ཁྱེད། ཅེས་དང། ཁྱད་པར་དུ་རོ་བཅུད་ཕུན་སུམ་ཚོགས་པའི་ཟས་ཀྱི་འབྱོར་པ་རྒྱུན་མི་འཆད་པར་མཛད་ཅིང། ཞེས་བསྒྱུར་བ་མ་གཏོགས་གཞན་འདྲའོ། །དེ་ནས་རྡོ་ཁང་གི་ཁ་ལེགས་པར་བཅད་དེ་མི་མངོན་པར་བྱ། མཇུག་ཏུ་ཡེ་དྷརྨྨ་བདུན་ལ་སོགས་པ་བརྗོད་དེ་མེ་ཏོག་བྱིན་གྱིས་བརླབས་ནས་མདོ་ལས་བྱུང་བའི་དཀོན་མཆོག་གསུམ་གྱི་

― GTD007_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

བཀྲ་ཤིས་སོགས་ཤིས་པ་བརྗོད་པའི་ཚིག་ཅི་རིགས་པའི་སྒོ་ནས་མེ་ཏོག་གི་ཆར་ཆེན་པོ་དབབ་པར་བྱའོ། །ཞེས་ཛཾ་དཀར་ལྷ་ལྔའི་ནོར་སྒྲུབ་བྱ་ཚུལ་ནོར་བུའི་བང་མཛོད་ཀྱི་ཟུར་འདེབས་གསེར་གྱི་ལྡེ་མིག་ཅེས་བྱ་བ་འདི་ནི་རྣམ་དཔྱོད་མཆོག་ཏུ་ཡངས་པ་སྔགས་རམས་པ་འཇམ་དབྱངས་བདེ་ཆེན་གྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཡིད་བཞིན་ནོར་དང་དཔག་བསམ་ཤིང་ལྟ་བུར། །དངོས་གྲུབ་འདོད་པ་འཇོ་བའི་གཏེར་གྱི་བདག །ནོར་གྱི་དབང་ཕྱུག་ཨཱརྻྻ་ཛམྦྷ་ལར། །གུས་པས་འདུད་དོ་བྱིན་རླབས་ཆར་དུ་སྙིལ། །འཇུངས་མེད་གཏོང་པ་ཡངས་པའི་ས་བོན་ན། །ཡི་དམ་ལྷ་ཡི་བྱིན་རླབས་ཆུས་བྲན་པས། །སྦྱིན་པའི་ཕ་རོལ་ཕྱིན་རྫོགས་ཡོངས་འདུའི་ལྗོན། །རྣམ་གྲོལ་འབྲས་བུས་དཔའ་བའི་ཐབས་འདི་རྨད། །འདིར་གཏེར་སྟོན་གྲྭ་པ་མངོན་ཤེས་ཀྱི་ལུགས་ཀྱི་ཛམྦྷ་ལ་དམར་པོ་ཞལ་གསུམ་ཕྱག་དྲུག་པའི་སྒོ་ནས་རང་གཞན་གྱི་དོན་སྒྲུབ་པ་ལ། བདག་བསྐྱེད་ཀྱི་སྒོ་ནས་བསྙེན་པ་བྱ་ཚུལ་དང། མདུན་བསྐྱེད་ལ་བརྟེན་ནས་དངོས་གྲུབ་བླང་བའི་ཚུལ་གཉིས། དང་པོ་ནི། སྐྱབས་སེམས་སྔོན་དུ་བཏང་ལ། རང་ཛམྦྷ་ལར་གསལ་བའི་ཐུགས་ཀའི་ཧཱུཾ་ལས་འོད་ཟེར་འཕྲོས། རང་བཞིན་གྱི་གནས་ནས་ཨཱརྻྻ་ཛམྦྷ་ལ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས། ཨོཾ་ཨཱརྻྻ་ཛམྦྷ་ལ་ས་པ་རི་ཝཱ་ར་ཨརྒྷཾ་ནས། ཤཔྟ་པྲ་ཏཱིཙྪ་སྭཱཧཱའི་བར་གྱིས་མཆོད། དཀོན་མཆོག་གསུམ་ལ་བདག་སྐྱབས་མཆི། །ཞེས་སོགས་རྒྱུན་བཤགས་ལན་གསུམ་དང། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །ཅེས་སོགས་ཀྱིས་ཚད་མེད་བཞི་བསྒོམ། ཚོགས་ཞིང་རྣམས་རང་ལ་ཐིམ་པར་གྱུར་པར་བསམས་ལ། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པཾ་ལས་པདྨ། ཨ་ལས་ཟླ་བ། རཾ་ལས་

― GTD007_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

ཉི་མའི་སྟེང་དུ་རང་གི་སེམས་ཉིད་ཛཾ་ཡིག་དམར་པོ། དེ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་དབུལ་ཕོངས་ཀྱི་སྡུག་བསྔལ་བསལ། རྒྱལ་བ་སྲས་བཅས་ལ་མཉེས་པའི་མཆོད་པ་ཕུལ། དེ་རྣམས་ཀྱི་བྱིན་རླབས་དང་སྲིད་ཞིའི་དཔལ་འབྱོར་ཐམས་ཅད་བསྡུས་ཏེ་ཐིམ་པ་ཡོངས་སུ་གྱུར་པ་ལས་རང་ཉིད་ཛམྦྷ་ལ་སྐུ་མདོག་པདྨ་རཱ་གའི་ལྷུན་པོ་ལྟར་དམར་ཞིང་འོད་ཟེར་འཕྲོ་བ། ཞལ་གསུམ་ཕྱག་དྲུག་པ། ཤིན་ཏུ་སྒེག་ཅིང་ཆགས་པའི་ཉམས་དང་ལྡན་པ། ཀླུ་ཆེན་པོ་བརྒྱད་སྦྲུལ་གྱི་གཟུགས་ཅན་དང་རིན་པོ་ཆེའི་རྒྱན་དུ་མས་ཀུན་ནས་སྤྲས་པ། རྩ་ཞལ་དམར་ཞིང་གཡས་དཀར་གཡོན་སྔོ་བ། ཕྱག་གཡས་ཀྱི་དང་པོ་ན་ཡིད་བཞིན་གྱི་ནོར་བུ། བར་པ་ན་ལྕགས་ཀྱུ། གཡོན་དང་པོ་ན་ཐོད་པ་རིན་པོ་ཆེས་གང་བ། བར་པ་ན་ཞགས་པ། ཐ་མ་གཉིས་ཀྱིས་གཏེར་གྱི་ནེའུ་ལེ་རེ་རེ་བསྣམས་ནས་འཆིར་བས་ནོར་བུ་སྐྱུག་པ། ཞབས་བཞིས་ཉི་མའི་སྟེང་དུ་གནོད་སྦྱིན་ནོར་བུ་སྐྱུག་པ་གཉིས་མནན་ཏེ་བཞུགས་པ། དེའི་ཐུགས་ཀར་སྦས་པའི་ཡུམ་ཀུ་རུ་ཀུལླེ་དམར་མོ་ཞལ་གཅིག་ཕྱག་བཞི་མ། ཕྱག་དང་པོ་གཉིས་ཀྱིས་མདའ་གཞུ་འགེངས་པ། གཡས་འོག་མས་ལྕགས་ཀྱུ་དང། གཡོན་འོག་མས་ཞགས་པ་བསྣམས་པའི་ཐུགས་ཀར་ཧྲཱིཿ ཡིག་དམར་པོས་མཚན་པའི་སེམས་དཔའ་གསུམ་གྱི་བདག་ཉིད་ཅན། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ་ལས་འོད་ཟེར་འཕྲོས། རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས། གོང་ལྟར་

― GTD007_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་ལ། ཛཿ ཧཱུཾ་བཾ་ཧོཿས་གཉིས་སུ་མེད་པར་བསྟིམ། སླར་ཡང་ཐུགས་ཀའི་ཧཱུཾ་ལས་འོད་ཟེར་འཕྲོས། དབང་གི་ལྷ་རིགས་ལྔ་འཁོར་བཅས་སྤྱན་དྲངས། ཨོཾ་པཉྩ་ཀུ་ལ་ས་པ་རི་ཝཱ་ར་ཨརྒྷཾ་ནས། ཤཔྟའི་བར་གྱིས་མཆོད། ཨོཾ་སརྦ་ཏ་ཐཱ་ག་ཏ་ཨ་བྷི་ཥཱིཉྩ་ཏུ་མཾ། ཞེས་གསོལ་བ་བཏབ་པས། ཨོཾ་བཛྲི་བྷ་ཝ་ཨ་བྷི་ཥཱིཉྩ་ཧཱུཾ། ཞེས་གསུངས་ཤིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང། དྲི་མ་དག །ཆུའི་ལྷག་མ་ཡར་ལུད་པ་ལས་རིན་ཆེན་འབྱུང་ལྡན་གྱིས་དབུ་བརྒྱན་པར་གྱུར། མཆོད་པ་ཨ་མྲྀ་ཏས་བསངས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་མཆོད་རྫས་རྣམས་ཕུལ་དུ་བྱུང་བའི་ལྷ་རྫས་སུ་གྱུར། ཨོཾ་ཨརྒྷཾ་ཨཱཿ ཧཱུཾ་ནས། ཨོཾ་ཤཔྟ་ཨཱཿ ཧཱུཾ་གི་བར་གྱིས་བྱིན་གྱིས་བརླབ། ཨོཾ་ཨཱརྻྻ་ཛམྦྷ་ལ་ཨརྒྷཾ་པྲ་ཏཱིཙྪ་སྭཱཧཱ། སོགས་ཀྱིས་མཆོད། བདེ་གཤེགས་ཀུན་གྱི་གསུང་ལས་རབ་སྤྲུལ་ཅིང། །ཐུགས་རྗེ་ཆགས་པས་སྐུ་མདོག་དམར་པོར་བཞུགས། །དབང་གི་འཕྲིན་ལས་རྫོགས་མཛད་ཛམྦྷ་ལ། །མ་ལུས་འགྲོ་བའི་རེ་སྐོང་ལ་ཕྱག་འཚལ། །ཞེས་པས་བསྟོད། རང་གི་ཐུགས་ཀར་ཉི་མའི་སྟེང་དུ་ཧྲཱིཿ ཡིག་གི་མཐར་སྔགས་ཀྱི་ཕྲེང་བས་བསྐོར་བ་ལས་འོད་ཟེར་ལྕགས་ཀྱུ་ལྟ་བུ་འཕྲོས། འཇིག་རྟེན་ཁམས་ཀྱི་ནོར་ལོངས་སྤྱོད་འབྲུ་བང་མཛོད། རྐང་འགྲོ་རིན་པོ་ཆེ་ལ་སོགས་པ་མདོར་ན་འཇིག་རྟེན་དང་འཇིག་རྟེན་ལས་འདས་པའི་དགོས་འདོད་ཐམས་ཅད་བསྡུས་ནས་རང་གི་ཡུལ་ཁམས་རྣམས་གང། ཁྱད་པར་དུ་ཧྲཱིཿ ཡིག་ལས་མཁའ་འགྲོ་མ་དམར་མོ་ལྕགས་ཀྱུ་དང་ཞགས་པ་ཐོགས་པ་དཔག་ཏུ་མེད་པ་སྤྲོས་ཏེ་འཇིག་རྟེན་ཁམས་ཀྱི་དཔལ་འབྱོར་ལོངས་སྤྱོད་ཐམས་ཅད་དང་། བྱེ་

― GTD007_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

བྲག་ཏུ་གང་ཞིག་དབང་དུ་སྡུད་པར་འདོད་པ་ཐམས་ཅད་ལྕགས་ཀྱུས་བཟུང་ཞིང་ཞགས་པས་བཅིངས་ཏེ་བཀུག་ནས་རང་གི་དབང་དུ་འདུས་པར་གྱུར་པར་བསམས་ལ། ཨོཾ་ཛམྦྷ་ལ་ཛ་ལེནྡྲ་ཡ་དྷ་ན་མེ་དྷི་ཧྲཱིཿ སྭཱཧཱ། ཞེས་ཡིད་གཞན་དུ་མ་ཡེངས་པར་བཟླས་པ་ཅི་འགྲུབ་བྱ། ཡིག་བརྒྱས་ལྷག་ཆད་བསྐང། བཅོམ་ལྡན་འདས་མགོན་པོ་ཛམྦྷ་ལ་འཁོར་དང་བཅས་པས་བདག་ཅག་དཔོན་སློབ་ཡོན་མཆོད་ཀུན་གྱི་དབུལ་བའི་སྡུག་བསྔལ་མ་ལུས་པ་བསལ་ནས་མཆོག་དང་ཐུན་མོང་གི་དངོས་གྲུབ་མཐའ་དག་བདེ་བླག་ཏུ་སྩོལ་བར་མཛད་དུ་གསོལ། ཞེས་འདོད་དོན་ལ་གསོལ་བ་གདབ། བསྙེན་པའི་སྐབས་བདག་བསྐྱེད་གཅིག་པུས་ཆོག་ལ། དེའི་ཚེ་ཐུན་སོ་སོའམ་དགོང་ཐུན་ལ་གཏོར་འབུལ་ངེས་ཅན་དུ་དགོས་པས་འོག་ནས་འབྱུང་བ་ལྟར་དབུལ། མཇུག་ཏུ་མཆོད་བསྟོད་བྱ། ཚུལ་དེ་ལྟ་བུའི་སྒོ་ནས་ཐུན་གསུམ་ལ་སོགས་པར་བྱས་ཏེ་བཟླས་སྒོམ་ལ་འབད་པས། གྲུབ་པའི་རྟགས་ནི། རབ་སེར་སྣ་སོགས་ཀྱི་ཀུན་འཛིན་ཞི་ཞིང་ཡི་དམ་ལྷས་ཞལ་དངོས་སུ་བསྟན་པ་དང། འབྲིང་ཉམས་སྣང་ལ་ལྷའི་ཞལ་མཐོང་བ་དང། ཐ་མ་རྨི་ལམ་དུ་སྐྱེ་བོ་མང་པོས་རང་ལ་འདུད་པ་དང། རིན་པོ་ཆེའི་ཁྲི་ལ་འཛེག་ཅིང་གདན་འདིང་བ། ཉི་ཟླ་འཆར་བ། ཆར་ཆེན་པོ་འབབ་པ། ཆུ་མིག་རྡོལ་བ། གཏེར་རྙེད་པ། གོས་དམར་པོ་ཁྱད་པར་ཅན་གྱོན་པ། རོལ་མོ་སྣ་ཚོགས་འཁྲོལ་བ་སོགས་ཡང་ཡང་རྨིས་ན་གྲུབ་པའི་མཚན་མར་བཤད་དོ། །བཟླས་པའི་གྲངས་རབ་ཡིག་འབྲུའི་གྲངས་ཀྱིས་འབུམ་ཕྲག་བཅོ་ལྔ་དང། མ་མཐའང་འབུམ་ཕྲག་གཅིག་ཚད་དང་ལྡན་པར་འགྲོ་ངེས་པ་དགོས་སོ།། ༈ གཉིས་པ་མདུན་བསྐྱེད་ལ་བརྟེན་ནས་དངོས་གྲུབ་བླང་བའི་ཚུལ་ལ་གཉིས། ཆུ་སྦྱིན་ལ་བརྟེན་ནས་རྒྱུན་འཁྱེར་བྱ་བའི་ཚུལ་དང། གསང་རྟེན་བྱས་ཏེ་འཆང་ཚུལ་ལོ། །དང་པོ་ནི། རིན་པོ་ཆེའམ་ཟངས་གཞོང་

― GTD007_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

གཙང་མའི་ནང་དུ་ཛམྦྷ་ལའི་སྐུ་རྒྱུ་རིན་པོ་ཆེ་སོགས་ལས་བསྒྲུབས་པ་གཟུངས་གཞུག་དང་རབ་གནས་ཅན་ཞབས་ཁག་ལེགས་པར་བསྡམས་ཏེ་རླན་གཤེར་གྱི་སྐྱོན་མི་འཇུག་པར་བྱས་པ་བཞུགས་སུ་བཅུག་ལ། རང་ཉིད་སྐད་ཅིག་གིས་འཕགས་པ་འཇིག་རྟེན་དབང་ཕྱུག་ཁ་སར་པཱ་ཎིའི་སྐུར་གྱུར། མདུན་དུ་པད་ཟླ་ཉི་མའི་དཀྱིལ་འཁོར་གྱི་གདན་ལ་ཛཾ་ཡིག་དམར་པོ། དེ་ཡོངས་སུ་གྱུར་པ་ལས་ཛམྦྷ་ལ་སྐུ་མདོག་པདྨ་རཱ་གའི་ལྷུན་པོ་ལྟར། ཞེས་པ་ནས། གཉིས་མནན་ཏེ་བཞུགས་པ། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ཧཱུཾ་ལས་འོད་ཟེར་འཕྲོས། བསྒོམས་པ་དང་འདྲ་བའི་ཡེ་ཤེས་པ་དང་དབང་གི་ལྷ་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། དབང་ལྷས་དབང་བསྐུར། རིན་ཆེན་འབྱུང་ལྡན་གྱིས་དབུ་བརྒྱན་པར་གྱུར། དེའི་ཐུགས་ཀར་རཾ་ཡིག་གིས་མཚན་པ་ལས་མེ་འོད་གྱེན་དུ་འཕྲོས་པས་སྐོམ་པས་གདུངས་ཤིང་བདུད་རྩིའི་ཆུ་རྒྱུན་ཕུལ་བས་སྐུ་ལུས་ཐམས་ཅད་གང་ནས་གདུང་བ་ཐམས་ཅད་ཞི་སྟེ་བདེ་བ་ཆེན་པོས་རབ་ཏུ་དགྱེས། བདུད་རྩིའི་རྡུལ་ཕྲ་རབ་རྣམས་མུ་ཏིག་གི་ཕྲེང་བར་གྱུར་པས་སྐུ་ལུས་ཀྱི་ནང་ཐམས་ཅད་ཡོངས་སུ་གཏམས་ཤིང་ཞལ་ནས་མུ་ཏིག་གི་ཆར་བབས། ཕྱག་གི་ནེའུ་ལེ་དང་ཞབས་འོག་གི་གནོད་སྦྱིན་གཉིས་གཉིས་ཀྱི་ཞལ་ནས་ཀྱང་ནོར་བུ་དཔག་ཏུ་མེད་པ་སྐྱུག་པས་ས་ཕྱོགས་དང་གནས་ཁང་ཐམས་ཅད་ཕྱུར་བུར་གང་བར་གྱུར་པར་བསམ་ལ། ཆུ་གཙང་ཟངས་གཞོང་དུ་སྦྲེངས་ཤིང་། ཨོཾ་ཛམྦྷ་ལ་ཛ་ལེནྡྲ་ཡ་དྷ་ན་མེ་དྷི་ཧྲཱིཿ སྭཱཧཱ། ཞེས་པའི་སྔགས་བརྒྱ་རྩ་བཟླ། གཏོར་མ་གཏོང་བར་འདོད་ན། གཏོར་མ་ནོར་བུ་འབར་བའི་དབྱིབས་ཅན་བུ་རམ་སོགས་ཀྱིས་བརྒྱན་པ་བཤམ་སྟེ། བསངས་སྦྱངས། སྟོང་པའི་ངང་ལས་གཏོར་མ་འདོད་དགུ་འབྱུང་བའི་བདུད་རྩིའི་

― GTD007_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་མཚོར་གྱུར་པར་བསམས་ལ། ཨོཾ་ཨཱཿ ཧཱུཾ། ལན་གསུམ་བརྗོད་དེ་བྱིན་གྱིས་བརླབ། སྔགས་གཤམ་དུ། ཨི་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་བཏགས་པ་ལྔའམ་བདུན་གྱིས་དབུལ། ཨོཾ་ཨཱརྻྻ་ཛམྦྷ་ལ་ཨརྒྷཾ་སོགས་ཀྱིས་མཆོད། ཉི་མ་སྟོང་ཕྲག་འོད་ཀྱིས་འཁྱུད་པ་ཡི། །བྱི་རུའི་རི་བོ་ལྟ་བུར་བརྗིད་པའི་སྐུ། །ཞལ་གསུམ་ཕྱག་དྲུག་འདོད་དགུའི་ཆར་འབེབས་པ། །མགོན་པོ་ཛམྦྷ་ལ་ལ་ཕྱག་འཚལ་ལོ། །གང་སྐུ་ཡིད་ལ་རི་མོར་བྲིས་པ་འམ། །མཚན་སྙན་རྣ་བའི་བདུད་རྩིར་གྱུར་པས་ཀྱང་། །དབུལ་བའི་གདུང་བ་མིང་གི་མཐར་བྱེད་པ། །སྐྱོབ་པ་མཚུངས་མེད་ཁྱོད་ལ་ཕྱག་འཚལ་ལོ། །ཁྱོད་ཞབས་གུས་པས་མཆོད་པ་ལྷུར་ལེན་ན། །མཐའ་དག་རྒུད་པའི་ཚོགས་ལས་སྐྱོབ་པ་དང། །དམ་ཆོས་སྒྲུབ་པའི་མཐུན་རྐྱེན་མ་ལུས་པ། །འབད་མེད་ལྷུན་གྱིས་གྲུབ་པའི་དངོས་གྲུབ་སྩོལ། །ཅེས་བསྟོད་ཅིང་གསོལ་བ་གདབ། འདིར་ནི་གཟུགས་དང་ཞེས་སོགས་ཀྱིས་རྟེན་ལ་བརྟན་བཞུགས་བྱ། རྟེན་མེད་པར་མོས་པ་ཙམ་གྱིས་བྱས་པ་ཡིན་ན། ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་བདག་ཉིད་ལ་ཐིམ་པར་བསམ། ཆུའི་རྡུལ་ཕྲ་རབ་རྣམས་དང་མཉམ་པའི་དངོས་གྲུབ་བྱིན་པར་བསམ་ལ་འབྲུ་གསུམ་བརྗོད་ཅིང་མཐེབ་སྲིན་གྱིས་ཆུ་བླངས་ཏེ་རང་གི་ལྕེ་ཐོག་ཏུ་སྦྱིན། ཆུ་ཅུང་ཟད་ཕྱོགས་བཞིར་གཏོར་ཞིང་ཡིག་བརྒྱ་བཟླ། ཆུ་ལྷག་གཞན་དུ་མ་འཁྱར་བར་ལོངས་སྤྱོད། ཡང་ཆུ་སྦྱིན་ཤིན་ཏུ་བསྡུས་པ་ལ་མོས་ན། རང་ཉིད་ཁ་སར་པཱ་ཎིར་གསལ་བའི་མདུན། །པད་ཟླ་ཉི་མའི་གདན་ལ་ཛམྦྷ་ལ། །སྐུ་མདོག་དམར་པོ་ཞལ་གསུམ་ཕྱག་དྲུག་པར། །ཆུ་རྒྱུན་དབུལ་ལོ་བཞེས་ནས་དངོས་གྲུབ་སྩོལ། །ཅེས་ཆུ་རྒྱུན་སྦྲེངས་ཤིང་སྔགས་བརྒྱ་རྩ་དང་། མཆོད་

― GTD007_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟོད་སོགས་གོང་བཞིན་བྱེད། ༈ གཉིས་པ་གསང་རྟེན་བྱས་ཏེ་འཆང་ཚུལ་ནི། བྲིས་སྐུ་བྱེད་ན་བཟོ་བོ་མཚན་ཉིད་དང་ལྡན་པས། སྐར་མ་རྒྱལ་དང་ས་རི་ས་ག་གང་རུང་གཟའ་སྤེན་པ་སོགས་དང་འཛོམ་པའི་དུས་ཚེས་བཟང་པོ་ལ་འདྲི་གཞི་དར་དམར་པོ་དྲི་བཟང་གིས་བསྒོས་པའམ། ཤོག་བུ་རྒྱ་ཚོས་ཀྱིས་ཁ་བསྒྱུར་བ་ལ་གསེར་རམ་གྷི་ཝང་གིས་བཅད་བྱས་ཏེ་ཛམྦྷ་ལའི་སྐུ་ཚད་དང་ལྡན་པ་བྲི། སྐུའི་རྒྱབ་ཏུ་སྔགས་ཚར་གསུམ་ཙམ་ལ། ཁམས་གསུམ་གྱི་སྣོད་བཅུད་ལེགས་ཚོགས་ཐམས་ཅད་ཝ་ཤཾ་ཀུ་རུ་ཧོཿ ཞེས་སྤེལ་ཚིག་བཏགས་པ་དང་རྟེན་འབྲེལ་སྙིང་པོ་བྲི། རབ་གནས་བྱས་ལ། རིན་པོ་ཆེ་ལྔ། འབྲུ་ལྔ། སྨན་ལྔ། དར་སྣ་ལྔ། ཁྱི་ཕག་བོང་བུ་མ་གཏོགས་པའི་རྟ་ནོར་ལུག་གསུམ་སོགས་ཀྱི་སྤུ་རིགས་ཟས་སྣ་སོགས་དང་ལྷན་ཅིག་ཏུ་གོས་དར་སོགས་ཀྱིས་ལེགས་པར་དྲིལ། ཚོན་སྐུད་སྣ་ལྔས་བཅིངས་ཏེ་མཆན་ཁུང་གཡོན་དུ་གདགས་ཤིང་གཞན་གྱིས་མ་མཐོང་བ་དང་འགོམ་ཡུག་མ་ཤོར་བ་བྱས་ན་དངོས་གྲུབ་ཤིན་ཏུ་མྱུར་བར་གསུངས་སོ། །མཛོད་ཁང་སོགས་སུ་བཞུགས་པར་འདོད་ན་སྐུ་དང་རྫས་རྣམས་གོང་བཞིན་དུ་འདུ་བྱས་ལ། རྫའི་གའུ་འམ། ཙནྡན་དང་ཤུག་པ་སོགས་ཤིང་བཟང་པོའི་སྒྲོམ་བུར་བཞུགས་སུ་བཅུག་སྟེ་བདག་བསྐྱེད་སྔོན་དུ་བཏང་། མདུན་གྱི་བསྒྲུབ་གཞི་བསངས་སྦྱངས། སྟོང་པའི་ངང་ལས་གའུ་འམ་སྒྲོམ་བུ་རིན་པོ་ཆེ་སྣ་ལྔ་ལས་གྲུབ་པའི་གཞལ་ཡས་ཁང་དགོས་འདོད་ཐམས་ཅད་འབྱུང་བའི་ཡིད་བཞིན་གྱི་ནོར་བུའི་གཏེར་ཆེན་པོས་ཡོངས་སུ་གང་བའི་དབུས་སུ་པཾ་ལས་པདྨ། ཨ་ལས་ཟླ་བ། རཾ་ལས་ཉི་མའི་སྟེང་དུ་ཛཾ་ཡིག་དམར་པོ། དེ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་དབུལ་ཕོངས་ཀྱི་སྡུག་བསྔལ་བསལ། རྒྱལ་བ་སྲས་བཅས་ལ་མཉེས་པའི་མཆོད་པ་ཕུལ། དེ་རྣམས་ཀྱི་བྱིན་རླབས་དང་སྲིད་ཞིའི་དཔལ་འབྱོར་ཐམས་ཅད་བསྡུས་ཏེ་ཐིམ་པ་ཡོངས་སུ་གྱུར་པ་ལས་ཛམྦྷ་ལ་སྐུ་མདོག་

― GTD007_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

པདྨ་རཱ་གའི་ལྷུན་པོ་ལྟར་དམར་ཞིང་། ཞེས་པ་ནས། དབང་བསྐུར་རྒྱས་གདབ་མཆོད་པ་བྱིན་རླབས་ཡན་ཆད་བདག་བསྐྱེད་ཀྱི་སྐབས་བཞིན་བྱས་ལ། ཀུན་བཟང་བདེ་ཆེན་རོལ་བ་ལས་བྱུང་བའི། །ཡིད་འོང་མཆོད་ཡོན་བཀོད་པ་མཐའ་ཀླས་པ། །བཅོམ་ལྡན་མགོན་པོ་ཛམྦྷ་ལ་ལ་འབུལ། །དགྱེས་བཞིན་བཞེས་ནས་དངོས་གྲུབ་སྩལ་ཏུ་གསོལ། ཨོཾ་ཨཱརྻྻ་ཛམྦྷ་ལ་ཨརྒྷཾ་པཱུ་ཛ་མེ་གྷ་ས་མུ་ཏྲ་སྥ་ར་ཎ་ས་མ་ཡེ་ཧཱུཾ། མཆོད་ཡོན་གྱི་གནས་སུ། ཞབས་བསིལ། མེ་ཏོག །བདུག་སྤོས། སྣང་གསལ། དྲི་ཆབ། ཞལ་ཟས། རོལ་མོ་དང། ཨརྒྷཾ་གྱི་གནས་སུ། པཱངྱཾ་སོགས་བཏགས་པས་མཆོད། ཉི་མ་སྟོང་ཕྲག་ཅེས་སོགས་ཀྱིས་བསྟོད། མདུན་བསྐྱེད་ཀྱི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧྲཱིཿའི་མཐར་སྔགས་ཀྱི་འཕྲེང་བས་བསྐོར་བ་ལས་འོད་ཟེར་ལྕགས་ཀྱུ་ལྟ་བུ་འཕྲོས། འཇིག་རྟེན་ཁམས་ཀྱི་ནོར་ལོངས་སྤྱོད་འབྲུ་བང་མཛོད། རྐང་འགྲོ་རིན་པོ་ཆེ་ལ་སོགས་པ་མདོར་ན་འཇིག་རྟེན་དང་འཇིག་རྟེན་ལས་འདས་པའི་དགོས་འདོད་ཐམས་ཅད་བསྡུས་ནས་རང་གི་ཡུལ་ཁམས་རྣམས་གང། ཁྱད་པར་དུ་ཧྲཱིཿ ཡིག་ལས་མཁའ་འགྲོ་མ་དམར་མོ་ལྕགས་ཀྱུ་དང་ཞགས་པ་ཐོགས་པ་དཔག་ཏུ་མེད་པ་སྤྲོས་ཏེ་འཇིག་རྟེན་ཁམས་ཀྱི་དཔལ་འབྱོར་ལོངས་སྤྱོད་ཐམས་ཅད་དང། བྱེ་བྲག་ཏུ་གང་ཞིག་དབང་དུ་སྡུད་པར་འདོད་པ་ཐམས་ཅད་ལྕགས་ཀྱུས་བཟུང་ཞིང་ཞགས་པས་བཅིངས་ཏེ་བཀུག་ནས་རང་གི་དབང་དུ་འདུས་པར་གྱུར་པར་བསམས་ལ། བཟླས་པ་ཅི་འགྲུབ་དང། ཡིག་བརྒྱས་ལྷག་ཆད་བསྐང་ཞིང། གཏོར་མ་གོང་བཞིན་དབུལ། མཆོད་བསྟོད་མདོར་བསྡུས་བྱ། ཐུན་

― GTD007_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་མ་རྣམས་སུ་ས་བོན་ལས་མི་བསྐྱེད་པར། གཏེར་ཆེན་པོས་ཡོངས་སུ་གང་བའི་དབུས་སུ་པདྨ་དང་ཟླ་བ་དང་ཉི་མའི་དཀྱིལ་འཁོར་གྱི་སྟེང་དུ་ཛམྦྷ་ལ། ཞེས་སྦྱོར། བསྒྲུབ་གཞི་འབུར་སྐུ་བྱེད་ན་རྒྱུ་རིན་པོ་ཆེ་སོགས་ལས་བསྒྲུབ་པ་སོར་བཞི་ལས་མི་ཆུང་བ་བྱ་ཞིང་། འདྲི་གཞི་གོང་ལྟར་ལ་གསེར་རམ་གྷི་ཝང་གིས་སྔགས་སྤེལ་ཚིག་དང་བཅས་པ་རྟེན་འབྲེལ་སྙིང་པོ་སོགས་བྲིས་པ་གཟུངས་གཞུག་ཏུ་དབུལ་ཞིང། ཡང་ན་རིན་པོ་ཆེའི་ཕྱེ་མ། གནས་ཆེན་གྱི་ས་སྣ། དགོན་སྡེ་ཆེན་པོ་དང་རྒྱལ་པོའི་ཕོ་བྲང། ཡུལ་མི་ཕྱུག་པོ་སོགས་ཀྱི་ཁང་ས་རྣམས་བསྲེས་པ་ལ་འབྲང་རྒྱས་མཐེབ་རྩེ་ཙམ་བྱས་ཏེ་དེ་སྐུ་གཟུགས་ཀྱི་ནང་དུ་བཅུག་ནའང་ལེགས་པར་གསུངས་སོ། །དེ་ནས་སྐུ་བརྙན་དེ་ཉིད་གའུ་འམ་སྒྲོམ་བུ་རིན་པོ་ཆེ་སྣ་ལྔ་སོགས་ཀྱིས་བཀང་བའི་དབུས་སྟོད་ཀྱི་ཆར་བཞུགས་སུ་བཅུག་ལ་རས་བྲིས་ཀྱི་སྐབས་ལྟར་སྒྲུབ། དེ་ལྟར་ཞག་གྲངས་ཅི་ཙམ་བྱེད་པའི་མཐར་མཛོད་ཁང་དུ་གདན་འདྲེན་པ་ན་སྤོས་དང་རོལ་མོ་སོགས་ཀྱི་མཆོད་པས་སྔོན་བསུས་ཏེ་ཇི་ལྟར་འོས་པའི་གདན་ཁྲི་ཕུན་སུམ་ཚོགས་པར་བཀོད། མཆོད་བསྟོད་ཚར་གཅིག་བྱས་ལ་མེ་ཏོག་དང་བཅས་པའི་ཐལ་མོ་སྦྱར་ཏེ། ཇི་ལྟར་སངས་རྒྱས་ཐམས་ཅད་ན། །དགའ་ལྡན་དུ་ནི་གནས་པ་ལས། །ལྷ་མོ་སྒྱུ་འཕྲུལ་ལྷུམས་ཞུགས་ལྟར། །དེ་བཞིན་གཟུགས་དང་ལྷན་ཅིག་ཏུ། །འདི་རུ་མགོན་པོ་རྟག་བཞུགས་ནས། །བྱང་ཆུབ་སེམས་ནི་བསྐྱེད་པ་དང། །ཡོན་གྱི་བདག་པོའི་དོན་སླད་དུ། །བདག་གི་འབྱོར་པ་ཉིད་ཀྱིས་ན། །ཅི་འབྱོར་པ་ཡི་མཆོད་པ་དང། །མེ་ཏོག་ལ་སོགས་འདི་བཞེས་ཤིག །བདག་དང་སློབ་མར་བཅས་རྣམས་ལ། །རྗེས་སུ་བརྩེ་བས་ཉེར་དགོངས་ནས། །ཀུན་གྱིས་འདི་ལ་བྱིན་རློབས་ཤིང། །འདི་ཉིད་དུ་ནི་བཞུགས་པར་རིགས། །ཞེས་དང། མགོན་པོ་ནམ་མཁའ་མཛོད་ལ་མངའ་

― GTD007_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

བརྙེས་པའི་བཅོམ་ལྡན་འདས་གཏེར་གྱི་དབང་ཕྱུག་ཐུགས་རྗེ་ཆེན་པོ་དང་ལྡན་པ་ཁྱེད་སྔགས་དང་ཏིང་ངེ་འཛིན་གྱིས་བྱིན་གྱིས་བརླབས་ཏེ་འདོད་དགུའི་འབྱོར་པ་ཟད་མི་ཤེས་པས་ཡོངས་སུ་གང་བའི་གཏེར་མཛོད་འདི་རྣམས་སུ་ཇི་སྲིད་ནམ་མཁའི་མཐའ་དང་མཉམ་པའི་སེམས་ཅན་གྱི་ཁམས་རྣམས་ཟག་པ་མེད་པའི་ཡེ་ཤེས་ཀྱི་གཏེར་ཆེན་པོའི་ལོངས་སྤྱོད་ལ་དབང་འབྱོར་པར་མ་གྱུར་གྱི་བར་དེ་སྲིད་དུ་བརྟན་པར་བཞུགས་ནས་དབུལ་ཞིང་ཕོངས་པའི་སེམས་ཅན་རྣམས་ལ་ཐུགས་བརྩེ་བ་ཆེན་པོས་ཉེ་བར་དགོངས་ཏེ་བྱིན་གྱིས་རློབས་ལ་ཟས་ནོར་ལོངས་སྤྱོད་ཟད་མི་ཤེས་པ་འབྱུང་བ་དང། མཆོག་དང་ཐུན་མོང་གི་དངོས་གྲུབ་མ་ལུས་པ་སྩོལ་བར་མཛད་ཅིང་བརྟན་པར་བཞུགས་སུ་གསོལ། ཨོཾ་སུ་པྲ་ཏིཥྛ་བཛྲ་ཡེ་སྭཱཧཱ། ཞེས་པའི་བར་ལན་གསུམ་དང་། བདེ་གཤེགས་ཀུན་བཟང་མཐོང་བའི་བཀྲ་ཤིས་ལྟར། །རྒྱལ་བ་སྲས་བཅས་དེང་འདིར་བདེ་ལེགས་ཤོག །ངན་སྡིག་ལོག་པའི་ཚོགས་རྣམས་བཅོམ་གྱུར་ནས། །རྒྱལ་སྲས་རིག་འཛིན་ཚོགས་རྣམས་འཕེལ་དར་ཞིང། །ཞལ་མཐོང་ཙམ་གྱིས་བདེ་བའི་མཆོག་བརྙེས་ནས། །ཉི་ལྟར་ཞལ་དྲོ་ཟླ་ལྟར་འོད་གསལ་ཞིང། །བདག་དང་འགྲོ་ལ་ཞལ་དྲོ་བྱིན་ཆེ་བས། །བསྐལ་པའི་མཐར་ཐུག་བར་དུ་བཞུགས་སུ་གསོལ། །ཇི་སྲིད་མེ་དང་ཆུ་དང་ན། །རླུང་གིས་བསྐལ་པ་འཇིག་བར་དུ། །སེམས་ཅན་ཀུན་གྱི་དོན་གྱི་ཕྱིར། །བཅོམ་ལྡན་ཁྱོད་ནི་བཞུགས་པར་མཛོད། །མགོན་པོ་བསྐལ་པ་ཇི་བཞིན་དུ། །སྣ་ཚོགས་གཟུགས་ནི་བཟུང་ནས་ཀྱང་། །ཕྱོགས་བཅུའི་འཇིག་རྟེན་ཁམས་རྣམས་སུ། །དེས་ནི་འགྲོ་བའི་དོན་ཀུན་
མཛོད། །ཅེས་བརྗོད་དེ་བརྟན་བཞུགས་བྱ། ཡེ་དྷརྨཱ་བདུན་ལ་སོགས་པ་བརྗོད་དེ་མེ་ཏོག་བྱིན་གྱིས་བརླབས་ནས་མདོ་ལས་བྱུང་བའི་དཀོན་མཆོག་གསུམ་གྱི་བཀྲ་ཤིས་སོགས་ཤིས་པ་བརྗོད་པའི་ཚིག་ཅི་རིགས་པའི་སྒོ་ནས་མེ་ཏོག་གི་ཆར་ཆེན་པོ་དབབ་པར་བྱའོ།། སྨྲས་པ། གང་གི་ཐུགས་རྗེའི་འོད་སྟོང་རྩེ་དགའ་ཡིས། །ལེགས་བྱས་དཔལ་གྱི་འདབ་བརྒྱ་རྒྱས་བྱེད་པ། །ཛམ་ལྷ་དམར་པོའི་སྒྲུབ་ཐབས་བཀོད་པའི་དགེས། །འགྲོ་ཀུན་ཕན་བདེའི་དཔལ་ལ་སྤྱོད་གྱུར་ཅིག །ཅེས་གྲྭ་པ་མངོན་ཤེས་ཀྱི་ལུགས་ཀྱི་ཛམ་ལྷ་དམར་པོའི་སྒྲུབ་ཐབས་ལས་ཚོགས་དང་བཅས་པ་འདོད་དགུའི་མཆོག་སྦྱིན་ཞེས་བྱ་བ་འདི་ནི། ཨ་ལག་ཤཱ་ཤོག་ནས་དད་བརྩོན་བློ་དང་ལྡན་པ་མགྲོན་གཉེར་ཡེ་ཤེས་དོན་གྲུབ་ཀྱིས་བསྐུལ་ངོར་༸ བཙུན་པ་དཀོན་མཆོག་བསྟན་པའི་སྒྲོན་མེས་དབེན་གནས་ཡིད་དགའ་ཆོས་འཛིན་དུ་སྦྱར་པའི་ཡི་གེ་པ་ནི་དགེ་སློང་དཀོན་མཆོག་ཀུན་དགའོ།།

ཛཾ་ལྷ་དམར་པོའི་མངོན་རྟོགས།

― GTD007_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

ཛམ་ལྷ་དམར་པོའི་མངོན་རྟོགས་བཞུགས་སོ།། ཉིན་བྱེད་བརྒྱ་ཡིས་མི་དཔོག་འཕྲིན་ལས་ཀྱི། །གཟི་འོད་འབར་བས་ལོངས་སྤྱོད་པདྨོའི་ཚལ། །རྒྱས་མཛད་མགོན་པོ་ཨཱརྻྻ་ཛམྦྷ་ལར། །གུས་པས་འདུད་དོ་དངོས་གྲུབ་ཆར་དུ་སྙིལ། །དེའང་དཔལ་ལྡན་ས་སྐྱ་པའི་ལྕགས་རི་མི་འདའ་བའི་གསེར་ཆོས་བཅུ་གསུམ་མམ་བཅུ་བཞིར་གྲགས་པའི་ཡ་གྱལ། ཛམ་དམར་སྲོག་སྒྲུབ་ཀྱི་བསྒོམ་བཟླས་ཉམས་སུ་ལེན་པར་འདོད་པས། སྐྱབས་སེམས་སྔོན་དུ་བཏང་ནས། སྭ་བྷཱ་ཝས་སྟོང་པར་སྦྱངས། སྟོང་པའི་ངང་ལས་པཾ་ལས་པདྨ་དམར་སེར་འདབ་མ་བརྒྱད་པའི་ལྟེ་བར་ཨ་ལས་ཟླ་བའི་དཀྱིལ་འཁོར་ལ་བྷྲུཾ་ལས་གསེར་གྱི་བུམ་པ་རིན་པོ་ཆེ་སྣ་ཚོགས་པས་གང་བ་ཁ་གཡས་གཡོན་དུ་ལྟ་བ་གཉིས་ཀྱི་སྟེང་དུ་རཾ་ལས་ཉི་མའི་དཀྱིལ་འཁོར། དེའི་དབུས་སུ་རང་གི་སེམས་ཉིད་ཛཾ་དང་པཾ་དམར་པོ་ལས་ཡིད་བཞིན་གྱི་ནོར་བུ་ཛཾ་དང་པཾ་གྱིས་མཚན་པ་གཉིས། དེ་ལས་འོད་འཕྲོས་འཕགས་པ་མཆོད།

― GTD007_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཅན་རྣམས་ཀྱི་དབུལ་ཕོངས་ཀྱི་སྡུག་བསྔལ་བསལ། ཚུར་འདུས་ཡོངས་སུ་གྱུར་པ་ལས། རང་ཉིད་ཨཱརྻྻ་ཛམྦྷ་ལ་སྐུ་མདོག་པདྨ་རཱ་གའི་རི་བོ་ལྟར་དམར་ཞིང་གསལ་ལ་རབ་ཏུ་བརྗིད་པ། ཞལ་གཅིག་ཕྱག་གཉིས་སྤྱན་གསུམ་པ། དབུའི་སྟེང་དུ་ཡིད་བཞིན་གྱི་ནོར་བུ་ཉི་མ་ལྟར་འཚེར་ཞིང་འོད་ཟེར་འབར་བས་བརྒྱན་པ། ཕྱག་གཡས་དགོས་འདོད་ཐམས་ཅད་འབྱུང་བའི་ནོར་བུ་རིན་པོ་ཆེ་དབང་གི་རྒྱལ་པོ་དང། གཡོན་གཏེར་གྱི་ནེའུ་ལེ་ཁ་ནས་རིན་པོ་ཆེ་སྐྱུགས་པ་འཛིན་པས་ཡུམ་ལ་འཁྱུད་པ། ཞབས་གཡས་བརྐྱང་ཞིང་གཡོན་ཅུང་ཟད་བསྐུམ་པ་རྒྱལ་པོ་རོལ་པའི་སྟངས་སྟབས་ཅན། དེའི་པང་ན་ཡུམ་རྒྱས་བྱེད་མ་སྐུ་མདོག་དམར་མོ། ཞལ་གཅིག་ཕྱག་གཉིས་མ། གཡས་ནོར་བུ་འབར་བ་བསྣམས་ནས་སྒྲུབ་པ་པོ་ལ་དངོས་གྲུབ་ཀྱི་ཆར་འབེབས་ཤིང་། གཡོན་ཐོད་པ་བདུད་རྩིས་གང་བ་བཟུང་ནས་ཡབ་ལ་སྟོབ་པའི་ཚུལ་གྱིས་འཁྱུད་པ། ཞབས་གཡས་བརྐྱང་ཞིང་གཡོན་པས་ཡབ་ཀྱི་སྐེད་ནས་འཁྲིལ་བ། ཡབ་ཡུམ་མཉམ་པར་སྦྱོར་བའི་རྗེས་ཆགས་ཀྱི་བདེ་བ་ཆེན་པོས་མྱོས་ཤིང་། ཁྲོ་འཛུམ་སྒེག་པའི་ཉམས་དང་ལྡན་པ། དར་སྣ་ཚོགས་ཀྱི་ན་བཟས་ཀླུབས་ཤིང་། རིན་པོ་ཆེའི་རྒྱན་དཔག་ཏུ་མེད་པས་སྤྲས་པ། སྐུའི་ཆ་ལས་འོད་ཟེར་དཔག་མེད་འཕྲོས་པས་འདོད་དགུའི་དཔལ་འབྱོར་རྒྱས་པར་བྱེད་པ། དེའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། ཐུགས་ཀའི་ཧཱུཾ་ལས་འོད་ཟེར་འཕྲོས། རང་འདྲའི་ཡེ་ཤེས་པ་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། སླར་ཡང་ཐུགས་ཀའི་

― GTD007_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུཾ་ལས་འོད་ཟེར་འཕྲོས་པས་དེ་བཞིན་གཤེགས་པ་རིགས་ལྔ་སྤྱན་དྲངས། དེ་རྣམས་ཀྱིས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུཾ། ཞེས་གསུང་ཞིང་བདུད་རྩིའི་ཆུས་དབང་བསྐུར། ཆུའི་ལྷག་མ་ཡར་ལུད་པ་ལས་རྡོ་རྗེ་སེམས་དཔས་དབུ་བརྒྱན་པར་གྱུར། མཆོད་པ་རྣམས། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཨཱཿ ལས་བྱུང་བའི་ཐོད་པའི་ནང་དུ་ཧཱུཾ་ལས་བྱུང་བའི་མཆོད་རྫས་རྣམས། ངོ་བོ་སྟོང་པ། རྣམ་པ་མཆོད་རྫས། བྱེད་ལས་ཟག་མེད་ཀྱི་བདེ་ཆེན་འདྲེན་པའི་མཐུ་དང་ལྡན་པར་གྱུར། ཨོཾ་ཨརྒྷཾ་ཨཱཿ ཧཱུཾ། ནས། ཤཔྟ་ཨཱཿ ཧཱུཾ་གི་བར་གྱིས་བྱིན་གྱིས་བརླབ། ཨཱརྻྻ་ཛམྦྷ་ལ་ས་པ་རི་ཝཱ་ར་ཨརྒྷཾ་ནས། ཤཔྟ་པྲ་ཏཱིཙྪ་ཧཱུཾ་སྭཱཧཱའི་བར་གྱིས་མཆོད། ཨཱརྻྻ་ཛམྦྷ་ལ་ས་པ་རི་ཝཱ་ར་ཨོཾ་ཨཱཿ ཧཱུཾ་གིས་ནང་མཆོད་འབུལ། མཉམ་ཉིད་ཡེ་ཤེས་ཡོན་ཏན་ཡོངས་རྫོགས་ནས། །ནོར་གྱི་དཔལ་སྟེར་རྨུགས་འཛིན་རྣམ་འཕྲུལ་གྱིས། །ཐར་འདོད་སྐྱེ་བོའི་དབུལ་བ་སེལ་མཛད་པ། །ཨཱརྻྻ་ཛམྦྷ་ལ་ལ་ཕྱག་འཚལ་བསྟོད། །རང་གི་སྙིང་གར་ཉི་མའི་སྟེང་དུ་ཛཾ་དང་བཾ་གྱི་མཐར་སྔགས་ཀྱི་ཕྲེང་བ་ཁ་དོག་དམར་པོས་བསྐོར་བ་ལས་འོད་ཟེར་འཕྲོས། འཇིག་རྟེན་ཁམས་ཀྱི་ཟས་ནོར་ལོངས་སྤྱོད་སོགས་དཔལ་འབྱོར་ཕུན་སུམ་ཚོགས་པ་ཐམས་ཅད་བསྡུས་ཏེ་སྔགས་ཕྲེང་ལ་ཐིམ་པར་བསམ་ཞིང། ཨོཾ་ཛམྦྷ་ལ་ཛ་ལེནྡྲཱ་ཡ་དྷ་ནཾ་མེ་དྷི་ཧྲཱིཿ ཌཱ་ཀི་ནི་ཛཱ་ལ་སམྦྷ་རཾ་སྭཱཧཱ། ཞེས་ཅི་མང་བཟླ། ཡིག་བརྒྱས་ལྷག་ཆད་བསྐང། མཆོད་བསྟོད་སྔར་བཞིན་བྱས་ལ། ནོར་གྱི་དབང་ཕྱུག་ལྷ་ཡི་ལྷ། །ཐུགས་རྗེ་ཆེ་ལ་གསོལ་འདེབས་ཀྱི། །དབུལ་བའི་སྡུག་བསྔལ་ཀུན་བསལ་ནས། །མཆོག་དང་ཐུན་མོང་དངོས་གྲུབ་སྩོལ། །ཞེས་འདོད་དོན་ལ་གསོལ་བ་གདབ། ཨོཾ་

― GTD007_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

ཨཱཿ བཛྲ་མུཿ བདག་བསྐྱེད་ཀྱི་ཡེ་ཤེས་པ་རང་བཞིན་གྱི་གནས་སུ་གཤེགས། དམ་ཚིག་པ་བདག་ཉིད་ལ་བསྟིམ་པ་སོགས་བྱ། མདུན་བསྐྱེད་གྲུབ་ན། བསྒྲུབ་གཞི་རྡུལ་ཚོན་དམར་པོས་བྲིས་པའི་པདྨ་འདབ་བརྒྱད་ཀྱི་ལྟེ་བར་མནྫིའི་སྟེང་དུ་མེ་ལོང་ལ་སིནྡྷུ་ར་བྱུགས་པའི་དབུས་སུ་ཛཾ་བཾ་དང། མཐར་གཡས་སྐོར་དུ་སྔར་གྱི་བཟླས་སྔགས་དེ་ཉིད་དབུ་ཅན་དུ་བྲིས་པ་བཞག །གཏོར་མ་ནོར་བུའི་དབྱིབས་ཅན་སོགས་མཆོད་གཏོར་རྒྱས་པར་བཤམས། ངག་འདོན་ལ་རང་ཉིད་ཅེས་པའི་ཚིག་ཕྲད་བསྒྱུར་བ་མ་གཏོགས་བདག་བསྐྱེད་ཀྱི་སྐབས་བཞིན་ལ། བཟླས་པའི་མཇུག་ཏུ་གཏོར་མ་ནང་མཆོད་ལྟར་བྱིན་གྱིས་བརླབས་ནས་གོང་གི་མཚན་སྔགས་ལ་བ་ལིང་ཏ་བཏགས་པས་འབུལ་ཞིང་། དེ་ནས་མཆོད་བསྟོད་གཤེགས་གསོལ་བཀྲ་ཤིས་ཀྱིས་མཐའ་བརྒྱན་པ་སོགས་དཀྱུས་བཞིན་བྱའོ།། སྨྲས་པ། རྨུགས་འཛིན་དངོས་གྲུབ་གཏེར་གྱི་སྒོ། །འབྱེད་བྱེད་འཕྲུལ་གྱི་ལྡེ་མིག་འདི། །ལེགས་སྦྱར་དགེ་བས་འགྲོ་བ་ཀུན། །ཕོངས་པའི་སྡུག་བསྔལ་ལས་གྲོལ་ཤོག །ཅེས་ཛམྦྷ་ལ་དམར་པོ་སྲོག་སྒྲུབ་ཀྱི་མངོན་རྟོགས་ཁྲིགས་ཆགས་སུ་བཀོད་པ་འདི་ནི། དད་བརྩོན་ལྡན་པ་བཀྲ་ཤིས་མཁྱེན་རབ་ཀྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་དགའ་ལྡན་བཤད་སྒྲུབ་དར་རྒྱས་བཀྲ་ཤིས་གཡས་སུ་འཁྱིལ་བའི་གླིང་གི་འདུ་ཁང་ཆེན་མོའི་ཡང་རྩེར་སྦྱར་བའོ།། །།

དུས་ཀྱི་འཁོར་ལོའི་ལམ་ལ་སློབ་ཚུལ་གྱི་སྨོན་ལམ་ཚིག་ལྷུག་ཏུ་བྱས་པ།

― GTD007_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ཀྱི་འཁོར་ལོའི་ལམ་ལ་སློབ་ཚུལ་གྱི་སྨོན་ལམ་ཚིག་ལྷུག་ཏུ་བྱས་པ་བཞུགས་སོ།།

― GTD007_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

ཀཱ་ལ་ཙཀྲ་མི་འགྱུར་བདེ་བའི་མཁར། །ཁ་དོག་རྣམ་བཀྲ་སྟོང་གཟུགས་དབང་གཞུས་འཁྱུད། །ག་བུར་ཙནྡན་སྦྱར་བ་བདུད་རྩིའི་ཆུས། །ང་ཡི་སྙིང་གི་ཟེའུ་འབྲུ་སྨིན་པར་མཛོད། །ང་རོ་དྲག་པོས་རྩེ་གཅིག་གསོལ་འདེབས་ན། །ག་ཤེད་སྐྱེས་ཆེན་འདེགས་ཚེ་སེམས་ཀྱི་རྟ། །ཁ་ལོ་བསྒྱུར་ཏེ་གཞན་དུ་མི་གོལ་བར། །ཀ་ལཱ་པ་ཡི་གྲོང་དུ་འཁྲིད་པར་མཛོད།། བདག་སོགས་འགྲོ་བ་ཡོངས་ཀྱིས་དུས་གསུམ་དུ་བསགས་པའི་དགེ་ཚོགས་མཐའ་དག་གཅིག་ཏུ་བསྡོམས་ཏེ་གྲུབ་པའི་གནས་མཆོག་བྱང་ཤམྦྷ་ལ་ཞེས་གྲོང་བྱེ་བ་དགུ་བཅུ་གོ་དྲུག་གི་བདག་ཉིད། ལོངས་སྤྱོད་ལྷ་དང་མཉམ་ཞིང་ས་པདྨ་འདབ་བརྒྱད་ཀྱི་རྣམ་པར་གནས་པའི་ལྟེ་བར་མ་ལ་ཡའི་སྐྱེད་མོས་ཚལ་དང་། པདྨ་དཀར་པོའི་མཚོ་དང་ཡིད་ཀྱི་མཚོ་ལ་སོགས་པས་བསྐོར་བའི་ཕོ་བྲང་ཆེན་པོ་ཀ་ལཱ་པ་རྒྱུ་རིན་པོ་ཆེ་སྣ་ལྔ་ལས་གྲུབ་ཅིང། དཔག་ཚད་བཅུ་གཉིས་ཀྱི་ཁྱོན་དང་ལྡན་པར་རིགས་ལྡན་འཁོར་བཅས་བཞུགས་ཏེ་མདོ་སྔགས་ཀྱི་ལམ་བཟང་མཐའ་དག་འདོམས་པར་མཛད་པས་མངའ་འབངས་ཐམས་ཅད་ཉིན་མཚན་ཀུན་ཏུ་ཆོས་ཀྱི་དགའ་བདེས་རོལ་པ་དེ་ཉིད་དུ་སྐྱེ་བའི་རྒྱུར་གྱུར་ཅིག །འདི་ནས་འཕོས་མ་ཐག་སྲིད་པ་གཞན་གྱིས་བར་མ་ཆོད་པའམ་རེ་ལྟར་ཐོགས་ཀྱང་འཇམ་མགོན་བླ་མའི་ཐུགས་རྗེའི་སྒྱུ་

― GTD007_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུལ་དྲག་པོ་འཁོར་ལོ་ཅན་གྱིས་འཛམ་གླིང་ཆེན་པོའི་ས་དུམ་བུ་བཅུ་གཉིས་ལ་བསྟན་པའི་དུས་བཞི་ཕྱི་མ་གསར་དུ་འཛུག་པའི་ཐོག་མ་ཁོ་ནར་དེའི་འཁོར་དུ་སྐྱེ་བར་གྱུར་ཅིག །སྐྱེས་མ་ཐག་ནས་རིགས་ལྡན་རྒྱལ་པོས་དགྱེས་བཞིན་རྗེས་སུ་བཟུང་སྟེ་ཐེག་པ་གསུམ་གྱི་ཆོས་མ་ལུས་པར་བསྡུས་པ་རྩ་བ་གསུམ་དང་ཕ་རོལ་ཏུ་ཕྱིན་པ་དྲུག་ལ་སོགས་པ་ལམ་ཐུན་མོང་བས་རྒྱུད་སྦྱངས་ནས་དཔལ་དུས་ཀྱི་འཁོར་ལོའི་དཀྱིལ་འཁོར་དུ་རིམ་པ་དང་པོའི་སྣོད་རུང་དུ་བྱེད་པ་བྱིས་པ་ལྟར་འཇུག་པའི་དབང་བདུན་བསྐུར་ཏེ་ཁམས་ལྔ་སོགས་ཀྱི་དྲི་མ་བདུན་སྦྱངས་ནས་ས་བདུན་འགྲུབ་པའི་ནུས་པ་བཞག །རིམ་པ་གཉིས་པའི་བསྙེན་སྒྲུབ་ཡན་ལག་བཞིའི་སྣོད་རུང་དུ་བྱེད་པའི་དབང་གོང་མ་ཀུན་རྫོབ་འཇིག་རྟེན་པའི་དབང་བཞི་དང། གོང་མའི་གོང་མ་ངེས་དོན་འཇིག་རྟེན་ལས་འདས་པའི་དབང་བཞི། རྡོ་རྗེ་སློབ་དཔོན་བདག་པོ་ཆེན་པོའི་དབང་དང་བཅས་པ་མནོས་ཏེ་སྐུ་བཞི་དང་རྡོ་རྗེ་བཞི་འགྲུབ་པའི་ས་བོན་ཁྱད་པར་ཅན་ཐེབས་པར་གྱུར་ཅིག །དབང་དུས་སུ་ཁས་བླངས་པའི་དམ་ཚིག་རྩ་བའི་ལྟུང་བ་ཐུན་མོང་མ་ཡིན་པ་དང་བཅས་པ་བདུན་དང། ཐུན་མོང་བ་བདུན་ཏེ་བཅུ་བཞི་བསྲུང་བ་དང། སྡིག་པ་ལྔ་དང་ཉེ་བའི་སྡིག་པ་ལྔ་སོགས་སྤོང་བའི་བརྟུལ་ཞུགས་ཉི་ཤུ་རྩ་ལྔ་ལ་སོགས་པ་རྩ་

― GTD007_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་ཡན་ལག་གི་དམ་ཚིག་མཐའ་དག་ཚུལ་བཞིན་དུ་བསྲུང་བར་གྱུར་ཅིག །དེ་ནས་ཉི་ཟླའི་ཆོས་ལྷོ་བྱང་གི་བགྲོད་པ་གཉིས་དང། དཀར་ནག་གི་ཕྱོགས་གཉིས་ཚེས་སུམ་བརྒྱ་དྲུག་ཅུ་སོགས་ཞིབ་པར་རྩིས་ཀྱིས་ཕྱེ་བས་ཕྱི་དུས་ཀྱི་འཁོར་ལོ་སྣོད་ཀྱི་རྣམ་གཞག་རྒྱུད་གཞན་ལས་གསལ་བར་རྟོགས་ཤིང་། དེ་ཙམ་དུ་ནང་དུས་ཀྱི་འཁོར་ལོ་རྩ་རླུང་ཐིག་ལེའི་གནད་ཕྲ་མོ་རྣམས་ཁོང་དུ་ཆུད་པ་བཞིན། དེ་སྦྱོང་བར་བྱེད་པ་གཞན་དུས་ཀྱི་འཁོར་ལོ་རིམ་པ་གཉིས་ཀྱི་ལམ་ལ་རྒྱ་ཆེར་སློབ་པར་གྱུར་ཅིག །སྦྱོར་བའི་རིམ་པ་སྲུང་བའི་འཁོར་ལོ་དང་བཅས་པ་སྔོན་དུ་བཏང་སྟེ། རྣམ་ཐར་སྒོ་བཞིའི་ཏིང་ངེ་འཛིན་གྱིས་སྐད་ཅིག་མ་གཅིག་གིས་མངོན་པར་བྱང་ཆུབ་པའི་ངང་ལས་ཕྱི་ནང་གསང་བའི་གཞལ་ཡས་ཁང་དུ་རྣམ་པ་ལྔས་མངོན་པར་བྱང་ཆུབ་པ་དཀྱིལ་འཁོར་རྒྱལ་མཆོག་བསྙེན་པའི་ཡན་ལག །རྣམ་པ་ཉི་ཤུས་མངོན་པར་བྱང་ཆུབ་པ་ལས་རྒྱལ་མཆོག་ཉེར་སྒྲུབ་ཀྱི་ཡན་ལག་ཡས་བབ་ཀྱི་དགའ་བ་བཞི་མཚོན་པ་ཐིག་ལེའི་རྣལ་འབྱོར་སྒྲུབ་པའི་ཡན་ལག །མས་བརྟན་གྱི་དགའ་བཞི་མཚོན་པ་ཕྲ་མོའི་རྣལ་འབྱོར་སྒྱུ་འཕྲུལ་དྲ་བས་མངོན་པར་བྱང་ཆུབ་པ་སྒྲུབ་ཆེན་གྱི་ཡན་ལག་སྟེ། བྱང་ཆུབ་པ་བཞིས་ཐ་མལ་གྱི་སྣང་ཞེན་སྦྱངས་ཏེ་རྫོགས་རིམ་གྱི་རྟོགས་པ་མཐའ་དག་སྐྱེ་བའི་སྣོད་དུ་སྨིན་པར་གྱུར་ཅིག །དེ་ནས་སྟོང་གཟུགས་ཀྱི་སྐུ་གང་ལས་སྒྲུབ་པའི་གཞིར་གྱུར་པའི་གཟུགས་སྔར་མེད་གསར་དུ་སྒྲུབ་པ་དང། གྲུབ་ཟིན་བརྟན་པར་བྱེད་པ་ཐོག་

― GTD007_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

མར་དགེ་བའི་རྣལ་འབྱོར་སོར་བསམ་གཉིས། གཟུགས་དེ་ཉིད་གྲུབ་ནས་དབང་དུ་བྱེད་པ་དང་གོང་ནས་གོང་དུ་གནས་གྱུར་བྱེད་བར་དུ་དགེ་བའི་རྣལ་འབྱོར་སྲོག་འཛིན་གཉིས། ཐ་མར་དགེ་བ་རྟེན་སྟོང་གཟུགས་ཀྱི་སྐུ་དངོས་གྲུབ་པ་རྗེས་དྲན་དང། བརྟེན་པ་མི་འགྱུར་བའི་བདེ་བ་གྲུབ་པ་ཏིང་འཛིན་གྱི་ཡན་ལག་སྟེ་སྦྱོར་བ་ཡན་ལག་དྲུག་གི་རྟོགས་པ་རྣལ་མ་རྒྱུད་ལ་སྐྱེ་བར་གྱུར་ཅིག །དེ་ལྟ་བུའི་སྟོང་གཟུགས་དང་བདེ་བ་ཆེན་པོ་ཟུང་དུ་འཇུག་པའི་ལམ་གྱི་དྷཱུ་ཏཱིའི་ནང་དུ་ཁམས་དཀར་དམར་ཉི་ཁྲི་ཆིག་སྟོང་དྲུག་བརྒྱ་སྟེང་འོག་ཏུ་བརྩེགས་པས་དངུལ་ཆུས་ལྕགས་ཟ་བ་བཞིན་བེམ་པོའི་ཁམས་ཟད་ཅིང། མི་འགྱུར་བའི་བདེ་བ་ཉི་ཁྲི་ཆིག་སྟོང་དྲུག་བརྒྱས་དེ་སྟེང་གི་ལས་རླུང་བཀག་སྟེ། རླུང་གི་འཕོ་བ་བཅུ་གཉིས་འགག་པས་ས་བཅུ་གཉིས་རིམ་གྱིས་བགྲོད་པར་གྱུར་ཅིག །དེ་ནས་འབྲས་བུ་དུས་ཀྱི་འཁོར་ལོ་མཆོག་མི་འགྱུར་བའི་བདེ་ཆེན་གྱི་ཐུགས་དང། སྟོང་གཟུགས་ཡབ་ཡུམ་ཁ་སྦྱོར་གྱི་སྐུ་དབྱེར་མི་ཕྱེད་པ་རྡུལ་ཕྲ་རབ་ཀྱི་ཆོས་ཀྱི་ཕུང་སོགས་ཟད་ཅིང་། གནས་སྐབས་བཞིའི་སྒྲིབ་པ་སྤངས་པ་བདེན་དོན་བཅུ་གཉིས་དང། དེ་ཉིད་བཅུ་དྲུག་གི་བདག་ཉིད་དང་པོའི་སངས་རྒྱས་རིས་མེད་པ་དུས་ཀྱི་འཁོར་ལོའི་གོ་འཕང་མངོན་དུ་བྱེད་པར་གྱུར་ཅིག །རིགས་ལྡན་མགོན་གྱིས་བརྩེ་བས་རྗེས་བཟུང་སྟེ། །སྦྱང་གཞི་ཕྱི་ཡིས་མཚོན་པ་ནང་གི་ལུས། །སྦྱོང་བྱེད་བྱང་ཆུབ་བཞི་བཞིའི་བདག་ཉིད་གཞན། །རིམ་གཉིས་ལམ་གྱིས་སྨིན་

― GTD007_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་གྲོལ་གྱུར་ཅིག །དུམ་བུ་བཅུ་གཉིས་ཀླ་ཀློ་དྲུངས་ཕྱུང་བཞིན། །འཕོ་བ་བཅུ་གཉིས་རླུང་གི་རྒྱུ་བ་འགགས། །ས་རྣམས་བཅུ་གཉིས་རིམ་གྱིས་བགྲོད་པ་ཡིས། །བདེན་དོན་བཅུ་གཉིས་མངོན་དུ་འགྱུར་བར་ཤོག །ཅེས་བྱང་ཕྱོགས་ཤམྦྷ་ལར་སྐྱེ་ཞིང་དུས་ཀྱི་འཁོར་ལོའི་ལམ་ལ་སློབ་ཚུལ་གྱི་སྨོན་ལམ་ལྷུག་པར་བྱས་པ་འདི་ལྟ་བུ་ཞིག་དགོས་ཞེས་ཧལ་ཧ་ཇ་སག་ཐུ་རྒྱལ་པོའི་ཤོག་ནས་ལྷག་བསམ་རྣམ་དཔྱོད་ཡངས་པ་རབ་འབྱམས་པ་དཀོན་མཆོག་སྨོན་ལམ་གྱིས་བསྐུལ་ངོར་ ༸ བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། དམིགས་མེད་བདེ་བ་མཆོག་གི་དུས་འཁོར་ལོ། །སྟོང་གཟུགས་ཕྱག་རྒྱ་ཆེ་དང་དབྱེར་མེད་པ། །གསུམ་ལྡན་ངུར་སྨྲིག་འཆང་བའི་རོལ་གར་མཁན། །བླ་མ་དང་པོའི་མགོན་པོར་གུས་ཕྱག་འཚལ། །མ་འོངས་བསྟན་པའི་ཐ་མར་གྱུར་པ་ན། །ཀླ་ཀློ་མཐར་བྱེད་དྲག་པོ་འཁོར་ལོ་ཅན། །དཔུང་ཚོགས་དང་བཅས་ས་ལ་དབང་བསྒྱུར་ཚེ། །བཀའ་བཞིན་སྒྲུབ་པའི་འཁོར་དུ་སྐྱེ་བར་ཤོག །དཔལ་ལྡན་དུས་ཀྱི་འཁོར་ལོའི་དཀྱིལ་འཁོར་དུ། །དབང་ཐོབ་དམ་ཚིག་སྡོམ་པ་ཚུལ་བཞིན་བསྲུང་། །ཡན་ལག་དྲུག་གི་ལམ་བཟང་རིམ་བགྲོད་དེ། །རིང་མིན་འཁོར་ལོའི་མགོན་པོའི་གནས་ཐོབ་ཤོག །མདོར་ན་དུས་གསུམ་དགེ་བ་ཅི་བགྱིས་པ། །དེ་དག་ཐམས་ཅད་གཅིག་ཏུ་བསྡོམས་བྱས་ནས། །སྐྱེ་ཞིང་སྐྱེ་བར་དཔལ་ལྡན་དུས་འཁོར་གྱི། །ལམ་བཟང་མཆོག་ལ་སློབ་པའི་རྒྱུར་གྱུར་ཅིག །བསླུ་མེད་བླ་མ་མཆོག་གསུམ་བྱིན་རླབས་དང་། །

― GTD007_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་གི་རྩེ་གཅིག་མོས་པའི་བདེན་སྟོབས་ཀྱིས། །ཇི་ལྟར་སྨོན་པ་བཞིན་དུ་མྱུར་འགྲུབ་སྟེ། །འགྲོ་བ་ཀུན་ཀྱང་སྲིད་ལས་སྒྲོལ་བར་ཤོག །ཅེས་པ་འདི་ནི་དད་བརྩོན་ལྡན་པ་རབ་འབྱམས་པ་ངག་དབང་བསྟན་འཛིན་དང་ཨུ་ཅུ་མུ་ཆིན་ཇ་ལང་གཟུངས་བསྡུས་དོན་གྲུབ་གཉིས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ། །དགེ་ལེགས་འཕེལ།།

ཚེ་དཔག་མེད་ཀྱི་བླ་བརྒྱུད་སྨོན་ཤིས་སོགས་སྨོན་ཤིས་ལེ་ཚན།

― GTD007_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ་དཔག་མེད་ཀྱི་བླ་བརྒྱུད་སྨོན་ཤིས་སོགས་སྨོན་ཤིས་ལེ་ཚན་བཞུགས་སོ།།

― GTD007_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷ་མིའི་སྟོན་པ་ཚེ་དཔག་མེད་མགོན་གྱི། །དཀྱིལ་འཁོར་ལེགས་བསྒོམས་མཆོད་བསྟོད་བཟླས་པ་སོགས། །འབད་པའི་དགེ་བས་བདག་སོགས་འགྲོ་བ་ཀུན། །སྣང་བ་མཐའ་ཡས་གོ་འཕང་མྱུར་ཐོབ་ཤོག །རྟག་ཏུ་དལ་འབྱོར་ཚང་བའི་རྟེན་ཐོབ་ཅིང་། །ཚེ་རབས་ཀུན་ཏུ་ཚེ་དཔག་མེད་མགོན་གྱིས། །འབྲལ་བ་མེད་པར་དགེ་བའི་བཤེས་མཛད་དེ། །རྒྱལ་བས་བསྔགས་པའི་ལམ་ལ་སློབ་གྱུར་ཅིག །སྲིད་པའི་བདེ་ལ་ཞེན་ལོག་ངེས་འབྱུང་དང། །འགྲོ་དྲུག་ཕ་མར་ཤེས་པའི་བྱང་ཆུབ་སེམས། །སྲིད་རྩ་གཅོད་བྱེད་ཡང་དག་ལྟ་བ་སོགས། །ཐུན་མོང་ལམ་གྱིས་ཤེས་རྒྱུད་སྦྱོང་གྱུར་ཅིག །དེ་ནས་ཚེ་མཐའ་ཡས་པའི་དཀྱིལ་འཁོར་དུ། །ལེགས་ཞུགས་ཆུ་དང་ཅོད་པན་དབང་བསྐུར་གྱིས། །མཚན་བཅས་མཚན་མེད་ལམ་གྱི་སྣོད་གྱུར་ཏེ། །དམ་ཚིག་མཐའ་དག་ཚུལ་བཞིན་སྲུང་གྱུར་ཅིག །སྔགས་དང་ཕྱག་རྒྱས་བདག་དང་གནས་བསྲུང་བས། །རྣལ་འབྱོར་བསྒོམ་པའི་འགལ་རྐྱེན་ཀུན་བཟློག་ཅིང་། །མཆོག་གསུམ་ཞིང་ལ་སྦྱོར་བ་ཚོགས་བསགས་སོགས། །མཐུན་པའི་རྐྱེན་རྣམས་ཡོངས་སུ་རྫོགས་གྱུར་ཅིག །སྟོང་སྒྲ་ཡིག་གཟུགས་ཕྱག་རྒྱ་མཚན་མའི་ལྷ། །དྲུག་གིས་ལྷ་སྐུར་བསྒོམས་ཤིང་སྲོག་རྩོལ་ཀུན། །བསྡམས་ཏེ་བཟླས་བརྗོད་བསམ་གཏན་ཡན་ལག་བཞིས། །ཐ་མལ་སྣང་ཞེན་དྲི་མ་འཁྲུད་པར་ཤོག །དེ་ནས་བཟླས་བརྗོད་སོགས་ལ་མི་ལྟོས་པ། །མེ་དང་

― GTD007_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲ་ལ་གནས་པའི་བསམ་གཏན་གྱིས། །རྒྱལ་གསུང་གསང་སྔགས་ནུས་པ་སྨིན་བྱེད་པའ། །མཚན་མ་དང་བཅས་རྣལ་འབྱོར་མཐར་ཕྱིན་ཤོག །སྒྲ་མཐར་ཆོས་རྣམས་ཀུན་གྱི་དེ་བཞིན་ཉིད། །མངོན་གྱུར་ཐར་པ་སྟེར་བའི་བསམ་གཏན་གྱིས། །ཆོས་སྐུ་སྒྲིབ་པ་མེད་པ་རྒྱལ་བའི་ཐུགས། །སྒྲུབ་པའི་མཚན་མེད་རྣལ་འབྱོར་མཐར་ཕྱིན་ཤོག །བྱིན་རླབས་བདུད་རྩིའི་བགོ་སྐལ་ལ་བརྟེན་ནས། །དུས་མིན་འཆི་བའི་འཇིགས་ལས་སྐྱོབ་པ་སོགས། །གང་ལ་གང་འདུལ་རབ་འབྱམས་འཕྲིན་ལས་ཀྱིས། །སྲས་བཅས་རྒྱལ་བའི་མཛད་པ་སྒྲུབ་གྱུར་ཅིག །ནམ་ཞིག་འདི་སྣང་འགག་པར་རྩོམ་པ་ན། །འོད་དཔག་མེད་མགོན་ཉེ་བའི་སྲས་དང་བཅས། །དགྱེས་པའི་འཛུམ་ཞལ་མངོན་གྱུར་དགའ་དད་ཀྱིས། །འཇིགས་སྐྲག་གདུང་བའི་མུན་པ་སེལ་གྱུར་ཅིག །དེ་ནས་བླ་མ་ལྷ་ཡིས་ལམ་བསྟན་ཏེ། །ངོ་མཚར་དཔག་ཡས་བདེ་ལྡན་ཞིང་མཆོག་ཏུ། །འདབ་སྟོང་པདྨའི་སྙིང་པོ་ལས་སྐྱེས་ནས། །རྒྱལ་བ་འཁོར་བཅས་མཆོད་པས་མཉེས་བྱེད་ཤོག །དེ་ཡིས་ལེགས་གསུངས་གདམས་པའི་བཅུད་མྱང་ཞིང། །རླབས་ཆེན་རྒྱལ་སྲས་སྤྱོད་པ་མཐར་ཕྱིན་ནས། །རྣམ་ཀུན་གཟིགས་པའི་གོ་འཕང་མཆོག་བརྙེས་ཏེ། །འགྲོ་ཀུན་ཕན་བདེའི་དཔལ་ལ་འགོད་གྱུར་ཅིག །༈ དགེ་ལེགས་འོད་མཚན་སྣང་བ་མཐའ་ཡས་པས། །འཇིག་རྟེན་ཀུན་ཁྱབ་བཅོམ་ལྡན་འཁོར་བཅས་ཀྱི། །བྱིན་

― GTD007_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

རླབས་ཟད་མི་ཤེས་པའི་སྤྲིན་ཕུང་ལས། །མཆོག་ཐུན་དངོས་གྲུབ་མེ་ཏོག་ཆར་དུ་བསྙིལ། །སྤྱན་སོགས་ཤིས་བརྗོད་སྒྲ་བརྒྱའི་གླུ་དབྱངས་ལེན། །ཁྲོ་རྒྱལ་བགེགས་འཇོམས་རྡོ་རྗེའི་ཟེར་མ་འཕྲོ། །ཕུན་ཚོགས་མ་ཚང་མེད་པའི་དཔལ་ཡོན་གྱིས། །མཆོག་ཏུ་ཤིས་པར་སྒྲུབ་ལ་རབ་དགའ་སྐྱེད། །ལྷ་མིའི་སྟོན་པ་བཅོམ་ལྡན་ཚེ་དཔག་མེད། །འཆི་མེད་རིག་འཛིན་གྲུབ་པའི་རྒྱལ་མོ་དང། །བློ་བཟང་རྒྱལ་བའི་དབང་པོ་སྲས་དང་བཅས། །སྣང་བ་མཐའ་ཡས་དཔལ་ལྡན་ཡེ་ཤེས་ཞབས། །རིགས་ཀུན་ཁྱབ་བདག་འཇིགས་མེད་དབང་པོ་སོགས། །དངོས་དང་བརྒྱུད་པར་བཅས་པའི་བླ་མ་ལ། །ལེགས་ཚོགས་ཇི་སྙེད་མཆིས་པའི་བཀྲ་ཤིས་དེས། །ཁྱེད་ཀྱི་མི་མཐུན་རྒུད་པ་ཀུན་ཟད་ཅིང། །བདེ་ལེགས་ཡར་ངོའི་ཟླ་བཞིན་འཕེལ་གྱུར་ནས། །ཕུན་ཚོགས་དཔལ་ལ་རོལ་པའི་བཀྲ་ཤིས་ཤོག །ལྷ་དང་མི་རྣམས་ཀྱི་སྟོན་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚེ་དང་ཡེ་ཤེས་དཔག་ཏུ་མེད་པ་ཤིན་ཏུ་རྣམ་པར་ངེས་པ་གཟི་བརྗིད་ཀྱི་རྒྱལ་པོའི་དཀྱིལ་འཁོར་གྱི་ལྷ་ཚོགས་རྣམས་ལ་ལེགས་པའི་ཚོགས་ཇི་སྙེད་མཆིས་པའི་བཀྲ་ཤིས་པའི་དམ་པ་དེས་སྐལ་བ་དང་ལྡན་པའི་གང་ཟག་ཁྱེད་ཅག་འདིར་འཁོད་པ་རྣམས་ལ་དུས་ཐམས་ཅད་དུ་ཕུན་སུམ་ཚོགས་པའི་དགའ་སྟོན་གྱི་དཔལ་ལ་རྟག་ཏུ་རོལ་བའི་ཤིས་པ་ལྷག་པར་སྐྱོང་བར་གྱུར་ཅིག །འཁོར་ལོའི་མགོན་པོ་རྣམ་སྣང་ཚེ་དཔག་མེད། །རྡོ་རྗེ་རིན་ཆེན་པདྨ་ལས་ཀྱི་རིགས། །ཀུན་གཟིགས་ཡེ་ཤེས་ཡོན་ཏན་མི་གཡོ་སྟེ། །ཚེ་དཔག་མེད་མགོན་ལྷ་དགུའི་ཚོགས་རྣམས་ལ། །ལེགས་ཚོགས་ཇི་སྙེད་ཅེས་པ་ནས། བྱ་

― GTD007_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་པདྨའི་རིགས་ཀྱི་གཙོ་བོར་གྱུར་པ་སྟེང་ཕྱོགས་ཀྱི་ཚེ་དཔག་མེད་ཀྱི་མཚན་བརྒྱ་རྩ་བརྒྱད་པ་དང། བདེ་བ་ཅན་གྱི་ཚེ་དཔག་མེད་ཀྱི་མཚན་བརྒྱ་རྩ་བརྒྱད་པ་འཆི་མེད་རྔ་སྒྲའི་གཟུངས་ཞེས་བྱ་བ་ལ་སོགས་པ་འདི་ཉིད་ཀྱི་རྒྱུད་དང་གཟུངས་ཀྱི་སྐོར་རྣམས་དང། རྒྱུད་དོན་ཉམས་སུ་ལེན་པའི་འཇུག་སྒོ་ཆུ་དང་ཅོད་པན་གཉིས་ཀྱི་དབང་དང་དམ་ཚིག །སྐུ་རྡོ་རྗེ་འགྲུབ་བྱེད་ལྷ་དྲུག་གི་བསྐྱེད་ཆོག་དང་བསམ་གཏན་ཡན་ལག་བཞི། གསུང་རྡོ་རྗེ་འགྲུབ་བྱེད་མེ་གནས་དང་སྒྲ་གནས་ཀྱི་བསམ་གཏན། ཐུགས་རྡོ་རྗེ་འགྲུབ་བྱེད་སྒྲ་མཐར་ཐར་པ་སྟེར་བའི་བསམ་གཏན་ཏེ་མཚན་བཅས་མཚན་མེད་ཀྱི་ལམ་ལ་སོགས་པ་ལུང་དང་རྟོགས་པའི་འཁོར་ལོ་གཉིས་ཀྱིས་བསྡུས་པའི་དམ་པའི་ཆོས་རྣམས་ལ་ལེགས་པའི་ཚོགས་ཞེས་སོགས་དང། དུས་མིན་འཆི་བའི་རིམས་ནད་ཀུན་སེལ་བ། །རྡོ་རྗེ་འཆང་དབང་ཞལ་གྱི་བདུད་རྩིའི་བཅུད། །མཚན་བརྒྱ་བརྒྱད་དང་འཆི་མེད་རྔ་སྒྲའི་གཟུངས། །ཆུ་དང་ཅོད་པན་དབང་བསྐུར་དམ་ཚིག་དང། །མཚན་བཅས་མཚན་མ་མེད་པའི་རྣལ་འབྱོར་སོགས། །ལུང་རྟོགས་བདག་ཉིད་དམ་པའི་ཆོས་རྣམས་ལ། །ལེགས་ཚོགས་ཞེས་པ་ནས། སྟོན་པ་དང་དེའི་གསུང་ལ་ཡིད་ཆེས་ཀྱི་དད་པ་བརྟན་པོ་རྙེད་ནས་སྔགས་ཀྱི་སྒོར་ཞུགས་ཏེ། དངོས་གྲུབ་ཀྱི་རྩ་བ་དམ་ཚིག་ཚུལ་བཞིན་དུ་བསྲུང་ཞིང་ཡང་དག་པའི་ལམ་ལ་སྒྲུབ་པ་ལྷུར་བྱེད་པ་དང་། གཞན་ལ་འདོམས་པ་སོགས་ཀྱི་སྒོ་ནས་ཟབ་ལམ་རྡོ་རྗེ་ཐེག་པའི་བསྟན་པ་རང་གཞན་གྱི་རྒྱུད་ལ་སྤེལ་བར་བྱེད་པའི་དགེ་འདུན་དམ་པ་རྣམས་ལ་ལེགས་པའི་ཚོགས་ཞེས་སོགས་དང། རྩེ་གཅིག་དད་པའི་ཤུགས་

― GTD007_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་ཡིད་དྲངས་ཏེ། །ཡང་དག་ལམ་བཟང་སྒྲུབ་པ་ལྷུར་བྱེད་ཅིང་། །ལེགས་པར་འདོམས་པས་གཞན་ལ་སྤེལ་མཛད་པ། །རིག་གྲོལ་འཕགས་པའི་དགེ་འདུན་ཚོགས་རྣམས་ལ། །ལེགས་ཚོགས་ཇི་སྙེད་མཆིས་པའི་ཞེས་པ་ནས། རྒྱལ་བ་ཚེ་དཔག་ཏུ་མེད་པའི་ཡེ་ཤེས་ལྔའི་རང་མདངས། མཚན་ཉིད་ཡོངས་སུ་རྫོགས་པའི་གཞལ་ཡས་ཁང་ཆེན་པོ། ནམ་མཁའི་ཁམས་ཀྱི་མཐའ་ཀླས་པར་ཐ་གྲུ་ཡངས་པ། ཉི་མ་འབུམ་གྱི་འོད་ལས་རྒྱལ་བའི་གཟི་བྱིན་འབར་ཞིང། རིན་ཐང་མེད་པའི་ནོར་བུ་རིན་པོ་ཆེ་དུ་མའི་རྒྱན་གྱིས་སྤྲས་པ། ཐར་པ་ཆེན་པོའི་ཕོ་བྲང་མཆོག་ལ་ལེགས་པའི་ཚོགས་ཞེས་སོགས་དང། ནམ་མཁའི་ཁྱོན་ལྟར་ཡངས་པའི་ཕོ་བྲང་མཆོག །ཉི་ཟླའི་འོད་དང་མཉམ་པའི་འོད་འཕྲོ་ཞིང། །གྲངས་མེད་རིན་ཆེན་རྒྱན་གྱིས་མཛེས་པ་ལ། །དགེ་མཚན་ཇི་སྙེད་མཆིས་པའི་བཀྲ་ཤིས་དེས། །ཁྱེད་ཅག་གང་དང་གང་དུ་གནས་པ་དེར། །མི་ཤིས་མཚན་མ་འགའ་ཡང་མི་འབྱུང་ཞིང། །ཞིང་གི་འབྱོར་པ་ཕུལ་དུ་བྱུང་བ་ཡིས། །བདེ་ལེགས་རྒྱུན་མི་འཆད་པའི་བཀྲ་ཤིས་ཤོག །ཅེས་པ་འདི་ནི་ཁྱ་དགེ་ལེགས་བཤད་གླིང་དུ་སྔར་ནས་རྗེ་བླ་མའི་དངོས་སློབ་ལྷ་གཟིགས་གྲགས་པ་རྒྱ་མཚོའི་ཚེ་དཔག་གི་ཆོ་ག་འདོན་རྒྱུན་བཞིན། དེའི་ཁ་སྐོང་བླ་བརྒྱུད་སྨོན་ཤིས་དང་བཅས་པ་ཞིག་དགོས་ཚུལ་ནང་འོག་མའི་བླ་མ་རབ་འབྱམས་པ་འཇམ་དབྱངས་མཁས་གྲུབ་རྒྱ་མཚོ་དང། དགེ་སློང་བློ་བཟང་དར་རྒྱས་བཅས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཚེ་དཔལ་མཆོག་སྦྱིན་མགོན་པོ་སྣང་མཐའ་ཡས། །སྙིང་པོའི་ཞབས་དང་པཎ་ཆེན་ཛེ་ཏཱ་ར། །བོ་དྷི་བྷ་དྲ་ཏིང་འཛིན་བཟང་པོ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་

― GTD007_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

སྩོལ། །རྡོ་རྗེ་གདན་པ་གཉིས་དང་བ་རི་པ། །བརྩོན་འགྲུས་སེང་གེ་རྒྱ་ཞང་ཕུགས་པ་དང། །ཤེས་རབ་རིན་ཆེན་དཔལ་འབྱོར་ལྷུན་གྲུབ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །ཤར་པ་འཇམ་པའི་དབྱངས་དང་བཞི་ཐོག་པ། །བྱང་སེམས་རྒྱལ་བ་ཡེ་ཤེས་གྲགས་པ་དཔལ། །ཆོས་འཕགས་རྒྱལ་མཚན་ཞབས་དང་ཡང་རྩེ་བར། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །ཐམས་ཅད་མཁྱེན་པ་བུ་སྟོན་ཡབ་སྲས་དང། །ནམ་མཁའ་རྒྱལ་མཚན་རིན་ཆེན་དཔལ་གྲུབ་ཞབས། །མཁྱེན་རབ་ཆོས་རྗེ་བསོད་ནམས་མཆོག་གྲུབ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །བཀྲ་ཤིས་རྒྱལ་མཚན་རཏྣ་ས་མུ་ཏྲ། །ཞྭ་ལུ་མཁན་ཆེན་བསོད་ནམས་མཆོག་གྲུབ་དང། །ཀུན་གཟིགས་༸རྒྱལ་དབང་བློ་བཟང་རྒྱ་མཚོ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །བློ་བཟང་སྦྱིན་དང་བློ་བཟང་རིན་ཆེན་ཞབས། །རྣལ་འབྱོར་དབང་ཕྱུག་ངག་དབང་མཆོག་ལྡན་དང། །རྒྱལ་བའི་དབང་པོ་བསྐལ་བཟང་རྒྱ་མཚོ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །སྣང་བ་མཐའ་ཡས་མི་ཡི་ཟློས་གར་མཁན། །ཐམས་ཅད་མཁྱེན་པ་དཔལ་ལྡན་ཡེ་ཤེས་དང། །བཀའ་དྲིན་མཉམ་མེད་བསྟན་པའི་སྒྲོན་མེ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །དུས་མིན་འཆི་བའི་གཡུལ་ངོ་ལས་རྒྱལ་ཞིང། །ཚེ་རབས་ཀུན་ཏུ་ཚེ་དཔག་མེད་མགོན་གྱིས། །རྗེས་བཟུང་ས་ལམ་རྟོགས་པ་མྱུར་བགྲོད་ནས། །སྣང་བ་མཐའ་ཡས་གོ་འཕང་མྱུར་ཐོབ་ཤོག །ཅེས་པ་འདིའང་ཁྱ་དགེ་དགོན་གྱི་ནང་འོག་མའི་

― GTD007_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་འཇམ་དབྱངས་མཁས་གྲུབ་དང། དད་ལྡན་དགེ་སློང་བློ་བཟང་དར་རྒྱས་གཉིས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ན་མོ་གུ་རུ་མཉྫུ་ཤྲཱི་ཛྙཱ་ན་སཏྭ་སྱ་མཎྜལ་བྷྱཿ བསྟན་པའི་བདག་པོ་ཐུབ་དབང་རྡོ་རྗེ་འཆང་། །རྒྱལ་ཀུན་ཡེ་ཤེས་གཅིག་བསྡུས་འཇམ་པའི་དབྱངས། །ཆོས་འདིའི་བཀའ་བབས་འཇམ་དཔལ་གྲགས་པ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །སྒེག་རྡོར་ཉི་མའི་སྙིང་པོ་པུཎྱ་དྡྷ། །དྷརྨཱ་རཱ་ཛ་སྦུ་དྲ་སིདྡྷི་དང། །དེ་བེ་ཤྭ་ར་ཤཱནྟིཾ་གརྦྷ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཚངས་སྡེ་བྱེ་མ་ལུང་བ་ཆོས་རྡོར་དང། །དར་མ་རྒྱལ་པོ་མཚུར་དུམ་བཟང་མོ་པ། །རིན་བཟང་ཆོས་རྒྱལ་དོན་གྲུབ་དཔལ་བ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །སངས་རྒྱས་ཡོན་ཏན་རྡོག་སྟོན་བྱང་ཆུབ་གྲགས། །ཀརྨྨ་འཕྲིན་ལས་བསོད་ནམས་ལྷུན་གྲུབ་དང། །བསོད་ནམས་བསྟན་འཛིན་འཇམ་དབྱངས་འོད་ཟེར་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །བསོད་ནམས་མཆོག་ལྡན་རིན་ཆེན་རྒྱ་མཚོའི་ཞབས། །མང་ཐོས་རྒྱ་མཚོ་ཆོས་ཀྱི་རྡོ་རྗེ་དང། །བྱམས་པ་རྒྱལ་པོ་བློ་གསལ་ཆོས་རྒྱན་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །རྒྱལ་བ་ཀུན་དངོས་འཇིགས་མེད་དབང་པོའི་སྡེ། །རྒྱལ་སྲས་བསྐལ་བཟང་ཐུབ་བསྟན་རྒྱ་མཚོའི་ཞབས། །རྒྱལ་བསྟན་གསལ་མཛད་དགེ་ལེགས་བསྟན་འཛིན་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །དུས་མཐར་ཆེས་དཀོན་གསང་ཆེན་གདམས་པ་མཆོག །གསལ་མཛད་སྨྲ་བའི་སེང་གེ་ཟླ་མེད་པ། །བཀའ་

― GTD007_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

དྲིན་མཚུངས་བྲལ་རྩ་བའི་བླ་མ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཐུགས་རྗེའི་གཏེར་ཆེན་རྩ་བརྒྱུད་བླ་མ་ཡི། །བྱིན་རླབས་ལམ་གསུམ་འབབ་པའི་མཆོད་ཡོན་གྱིས། །ལས་ཉོན་དུག་ཅན་དྲི་མ་ཀུན་བྱུང་སྟེ། །ལམ་བཟང་མངོན་དུ་འགྱུར་བར་བྱིན་གྱིས་རློབས།། ༈ དེ་ལྟར་དཔལ་ལྡན་སྐུ་གསུམ་འཆང་བའི་ལྷ། །ཡེ་ཤེས་ལྔ་བདག་དཀྱིལ་འཁོར་འཁོར་ལོ་ཡི། །རྣལ་འབྱོར་ཚུལ་བཞིན་བསྒྲུབས་པའི་དགེ་ཚོགས་ཀུན། །ཡེ་ཤེས་སྐུ་མཆོག་འགྲུབ་པའི་རྒྱུ་རུ་བསྔོ། །དེ་ཡི་མཐུ་ལས་བདག་སོགས་ལུས་ཅན་ཀུན། །བཅོ་བརྒྱད་ཆོས་ལྡན་དལ་བའི་རྟེན་ཐོབ་ཅིང། །མཚན་ལྡན་དགེ་བའི་བཤེས་ཀྱིས་རྗེས་བཟུང་སྟེ། །ཐུན་མོང་ལམ་གྱིས་ཤེས་རྒྱུད་སྦྱོང་བར་ཤོག །དེ་ནས་རྣམ་དག་དབང་གི་གྲུ་གཟིངས་ཆེར། །རྡོ་རྗེ་འཛིན་པའི་དེད་དཔོན་གྱིས་ཁྲིད་དེ། །ཆེས་ཟབ་གསང་ཆེན་རྒྱ་མཚོའི་འཇིངས་ཞུགས་ནས། །དམ་ཚིག་ནོར་བུ་ཚུལ་བཞིན་བསྲུང་བར་ཤོག །རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བའི་དོན། །གྲུབ་མཆོག་འཇམ་དཔལ་གྲགས་པས་བཀྲལ་བ་བཞིན། །རྣལ་འབྱོར་རྒྱུད་ལྟར་ཉམས་སུ་བླང་བའི་ཚུལ། །ལེགས་པར་རྟོགས་ནས་ཇི་བཞིན་སྒྲུབ་པར་ཤོག །ཕྱི་ནང་ཁྲུས་ཀྱིས་ཉེས་སྐྱོན་དྲི་མ་སྦྱངས། །བཅོམ་ལྡན་གཤིན་རྗེའི་གཤེད་ཀྱི་སྐུར་བཞེངས་ཏེ། །བགེགས་རིགས་ཚར་བཅད་སྲུང་བའི་འཁོར་ལོ་ཡིས། །མི་མཐུན་བར་ཆད་གཡུལ་ལས་རྒྱལ་བར་ཤོག །ལྕེ་ལག་ཡིད་དང་མཆོད་སོགས་བྱིན་བརླབས་ནས། །རླབས་ཆེན་བསོད་ནམས་ཕུང་པོ་རྫོགས་བྱེད་ཅིང། །སྙིང་རྗེས་བརྒྱན་པའི་ཡེ་ཤེས་རྣམ་པ་ལྔའ། །མངོན་བྱང་རིམ་པས་ཚོགས་

― GTD007_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་རྫོགས་པར་ཤོག །ཆོས་ཀྱི་དབྱིངས་ལས་སྟོང་གསུམ་འཇིག་རྟེན་དང། །མཉམ་པའི་མཆོད་རྟེན་ཕྱི་ནང་གཞལ་ཡས་སོགས། །བསྒོམས་པས་གང་དུ་མངོན་པར་འཚང་རྒྱའི་ཞིང། །འགྲུབ་བྱེད་དགེ་བའི་རྩ་བ་སྨིན་པར་ཤོག །དང་པོར་དཀྱིལ་འཁོར་བདག་པོའི་སྐུར་བཞེངས་ཤིང་། །དེ་ནས་དཀྱིལ་འཁོར་འཁོར་ལོ་རྫོགས་པ་དང། །ཕྱག་རྒྱ་བཞིས་བཏབ་མཆོད་བསྟོད་བཟླས་པ་སོགས། །ཏིང་འཛིན་གསུམ་གྱི་རྣལ་འབྱོར་རྫོགས་པར་ཤོག །མཚན་བཅས་ཕྲ་རགས་ཏིང་འཛིན་མཐར་ཕྱིན་ནས། །མཚན་མེད་སྤྲོས་དང་བྲལ་བའི་ཤེས་རབ་ཀྱིས། །ལྷ་དང་སྔགས་ཀྱི་དེ་ཉིད་ལ་དམིགས་པས། །མ་རིག་འཁྲུལ་པའི་དྲ་བ་གཅོད་པར་ཤོག །ཁྱད་པར་རྨོངས་པའི་མུན་པ་མཐར་བྱེད་པ། །རྒྱལ་ཀུན་ཡེ་ཤེས་སྒྱུ་འཕྲུལ་ཉིན་མོར་བྱེད། །སྙིང་དབུས་ཤར་བས་ཆོས་ཚུལ་རབ་འབྱམས་ལ། །ཐོགས་མེད་བློ་གྲོས་སྣང་བ་རྒྱས་པར་ཤོག །འཁྲུལ་བྲལ་དགེ་ལྡན་ལུགས་བཟང་གཡས་འཁྱིལ་དུང། །ལྷག་བསམ་རྣམ་དཔྱོད་དབུགས་ཀྱིས་བསྐུལ་བ་ལས། །འཆད་རྩོད་རྩོམ་པའི་སྒྲ་དབྱངས་ས་གསུམ་དུ། །ཁྱབ་པས་སྲིད་ཞིའི་རིམས་ནད་སེལ་བར་ཤོག །མདོར་ན་ཚེ་རབས་ཀུན་ཏུ་ལྷག་པའི་ལྷས། །རྗེས་བཟུང་རྒྱལ་ཀུན་ཆོས་ཀྱི་མཛོད་བཟུང་སྟེ། །རིང་མིན་འཇམ་དཔལ་དཔའ་བོའི་གནས་ཐོབ་ནས། །མཁའ་མཉམ་འགྲོ་བ་སྲིད་ལས་སྒྲོལ་གྱུར་ཅིག །༈ རྣམ་ཀུན་མཆོག་ལྡན་ཆོས་དབྱིངས་ལྷ་ཡི་ལམ། །ཡེ་ཤེས་ལྔ་ཡི་འཇའ་སྤྲིན་འཁྲིགས་པ་ལས། །དགེ་ལེགས་བྱེ་བའི་མེ་ཏོག་ཆར་འབེབས་པས། །དེང་འདིར་ཤིས་པ་ལྷག་པར་སྐྱོང་གྱུར་ཅིག །འགྲོ་བའི་བླ་མ་ཤཱཀྱའི་རྒྱལ་པོ་དང། །རང་བྱུང་ཡེ་ཤེས་སྐུ་

― GTD007_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

མངའ་འཇམ་པའི་དབྱངས། །དེ་ཡིས་རྗེས་བཟུང་གྲུབ་པའི་དབང་པོ་སོགས། །དངོས་དང་བརྒྱུད་པའི་བླ་མ་མཆོག་རྣམས་ལ། །ལེགས་ཚོགས་ཇི་སྙེད་མཆིས་པའི་བཀྲ་ཤིས་དེས། །ཁྱེད་ཀྱི་མི་མཐུན་རྒུད་པ་ཀུན་ཟད་ཅིང། །བདེ་ལེགས་ཡར་ངོའི་ཟླ་ལྟར་འཕེལ་གྱུར་ནས། །ཕུན་ཚོགས་དཔལ་ལ་རོལ་པའི་བཀྲ་ཤིས་ཤོག །དེ་བཞིན་གཤེགས་པ་ལྔ་དང་སེམས་མ་བཞ། །ཕྱི་ནང་སེམས་དཔའ་བཅུ་དྲུག་ཕྲག་གཉིས་དང། །སྒེག་སོགས་ལྷ་མོ་བརྒྱད་དང་སྒོ་སྲུང་བཅས། །དཀྱིལ་འཁོར་འཁོར་ལོའི་ལྷ་ཡི་ཚོགས་རྣམས་ལ། །ལེགས་ཚོགས་ཇི་སྙེད་ཅེས་སོགས། ཐུབ་པའི་ལྗགས་ཡངས་པདྨོ་ལས་འོངས་པ། །དཔལ་ལྡན་སྒྱུ་འཕྲུལ་དྲ་བའི་རྒྱུད་ལ་སོགས། །རྗོད་བྱེད་ལུང་དང་བརྗོད་དོན་ལམ་འབྲས་ཀྱི། །མངོན་པར་རྟོགས་པའི་རིམ་པ་མཐའ་དག་ལ། །ལེགས་ཚོགས་ཞེས་སོགས། འཇམ་མགོན་ཐུགས་རྗེའི་འོད་ཟེར་ཞུགས་པ་ཡིས། །བློ་གྲོས་འདབ་སྟོང་གྲོལ་བའི་སྙིང་པོ་རུ། །རྒྱུད་དོན་སྦྲང་རྩིའི་བཅུད་ཀྱིས་གཏམས་པ་ཡི། །རབ་འབྱམས་ཞིང་གི་དགེ་འདུན་འདུས་ཚོགས་ལ། །ལེགས་ཚོགས་ཇི་སྙེད་མཆིས་པའི་བཀྲ་ཤིས་དེས། །ཞེས་པ་ནས། ཕུན་ཚོགས་དཔལ་ལ་རོལ་བའི་བཀྲ་ཤིས་ཤོག །ནམ་མཁའི་ཁྱོན་ལྟར་ཡངས་པའི་ཕོ་བྲང་མཆོག །ཅེས་སོགས་བྱ། ཞེས་པ་འདི་འང་ཨ་མཆོག་བདེ་མོ་ཐང་དགའ་ལྡན་ཆོས་འཁོར་གླིང་འདི་ཉིད་༸སྐྱབས་མགོན་རྡོ་རྗེ་འཆང་ཆེན་པོ་རྗེ་བཙུན་འཇིགས་མེད་དབང་པོའི་ཕྱག་འདེབས་ཀྱི་དགོན་ལག་གཙོ་བོ་ཡིན་པས་སྐུ་འཕྲེང་རིམ་པའི་འཕྲིན་ལས་སུ་དགོངས་ཏེ་ཚོགས་ཆེན་ཁྲི་ཪིན་པོ་ཆེ་དཀོན་མཆོག་སེང་གེ་ནས་དེ་གའི་ལམ་རིམ་གྲྭ་ཚང་དུ་འཇམ་དཔལ་གསང་ལྡན་གྱི་ཆོ་ག་སྒྲུབ་མཆོད་དང་བཅས་གསར་འཛུག་
གི་བཀོད་ཁྱབ་དང་ཐེབས་སྩལ་ཅིང། གྲྭ་ཚང་དཔོན་སློབ་འཇམ་དབྱངས་ཕུན་ཚོགས་སོགས་ཀྱིས་ཁུར་དུ་བླངས་ཏེ་གསར་དུ་བཙུག་སྐབས་ཆོ་གའི་ཆ་ལག་ཏུ་བླ་བརྒྱུད་སྨོན་ལམ་ཤིས་བརྗོད་སོགས་ཆ་ཚང་བ་ཞིག་དགོས་ཚུལ་གྱི་བསྐུལ་མ་བྱུང་བ་ལྟར། ༸བཙུན་པ་དཀོན་མཆོག་བསྟན་པའི་སྒྲོན་མེས་འཕྲལ་དུ་བྲིས་པའོ།། །།

གྲུབ་ཆེན་མི་ཏྲ་ཛོ་ཀིའི་ལུགས་ཀྱི་ཐུགས་རྗེ་ཆེན་པོའི་བརྒྱུད་འདེབས་སྨོན་ཤིས།

― GTD007_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་ཆེན་མི་ཏྲ་ཛོ་ཀིའི་ལུགས་ཀྱི་ཐུགས་རྗེ་ཆེན་པོའི་བརྒྱུད་འདེབས་སྨོན་ཤིས་བཞུགས་སོ།། དཔལ་ལྡན་རིགས་བརྒྱའི་བདག་པོ་རྡོ་རྗེ་འཆང། །སྙིང་རྗེའི་གཏེར་ཆེན་མགོན་པོ་སྤྱན་རས་གཟིགས། །བྱང་ཆུབ་སེམས་དཔའ་བློ་གྲོས་རིན་ཆེན་ཏེ། །རྒྱལ་དང་རྒྱལ་བའི་སྲས་པོ་རྣམ་གསུམ་ལ། །གསོལ་བ་འདེབས་སོ་བདག་སོགས་འགྲོ་བ་ཀུན། །ལམ་གྱི་གཙོ་བོ་གསུམ་གྱིས་རྒྱུད་སྦྱངས་ཏེ། །ཟབ་གསལ་གཉིས་མེད་རྣལ་འབྱོར་ལ་བརྟེན་ནས། །མྱུར་དུ་སྨིན་ཅིང་གྲོལ་བར་བྱིན་གྱིས་རློབས། །དངོས་གྲུབ་མཆོག་བརྙེས་ཏཻ་ལོ་ཤེར་བཟང་དང། །རྣལ་འབྱོར་དབང་ཕྱུག་རོལ་བའི་རྡོ་རྗེའི་ཞབས། །འཕགས་པས་རྗེས་བཟུང་མི་ཏྲ་ཛོ་ཀི་སྟེ། །གྲུབ་པའི་དབང་ཕྱུག་ཆེན་པོ་རྣམ་གསུམ་ལ། །གསོལ་བ། ཞེས་པ་ནས། འཇིག་རྟེན་མིག་གཅིག་ལོ་ཆེན་བྱམས་པ་དཔལ། །མཁས་ཤིང་གྲུབ་པ་བསོད་ནམས་དབང་ཕྱུག་དང། །ཉམས་རྟོགས་མཐར་སོན་བསོད་ནམས་སེང་གེའི་ཞབས། །རྗེ་བཙུན་རིན་ཆེན་སེང་གེ་རྣམ་བཞི་ལ། །གསོལ་བ། ཞེས་པ་ནས། ཐམས་ཅད་མཁྱེན་དངོས་བུ་སྟོན་རིན་ཆེན་གྲུབ། །ཁྱུང་པོ་ལྷས་པ་གཞོན་ནུ་བསོད་ནམས་དང། །རྒྱལ་བ་གཉིས་པ་བློ་བཟང་གྲགས་པའི་དཔལ། །ཐུབ་བསྟན་ཡོངས་ཀྱི་མངའ་བདག་རྣམ་གསུམ་ལ། །གསོལ་བ། ཞེས་པ་ནས། སྨྲ་བའི་ཉི་མ་མཁས་གྲུབ་དགེ་ལེགས་དཔལ། །སྙན་བརྒྱུད་བཀའ་བབས་ཆོས་ཀྱི་རྒྱལ་མཚན་དང། །

― GTD007_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

འཇའ་ལུས་རྡོ་རྗེའི་སྐུ་བརྙེས་ཆོས་རྡོ་རྗེ། །དགེ་ལྡན་བསྟན་པའི་རྩ་ལག་རྣམ་གསུམ་ལ། །གསོལ་བ། ཞེས་པ་ནས། ཟབ་ལམ་མངོན་གྱུར་རྒྱལ་བ་དབེན་ས་པ། །མཁས་གྲུབ་ཆེན་པོ་སངས་རྒྱས་ཡེ་ཤེས་དང། །བློ་བཟང་ཆོས་ཀྱི་རྒྱལ་མཚན་འཛིན་པའི་རྗེ། །མཚུངས་མེད་བསྟན་འགྲོའི་དཔུང་གཉེན་རྣམ་གསུམ་ལ། །གསོལ་བ། ཞེས་པ་ནས། སྔགས་འཆང་ཆེན་པོ་དགེ་འདུན་དོན་གྲུབ་དང། །ལུང་རྟོགས་མངའ་བདག་ངག་དབང་བསྟན་འཛིན་ཞབས། །འདུལ་འཛིན་དམ་པ་བློ་བཟང་མཁས་བཙུན་ཏེ། །གསང་ཆེན་གདམས་པའི་གཏེར་མཛོད་རྣམ་གསུམ་ལ། །གསོལ་བ། ཞེས་པ་ནས། ཀུན་མཁྱེན་ཆེན་པོ་འཇམ་དབྱངས་བཞད་པའི་སྡེ། །རྗེ་བཙུན་བློ་བཟང་བསྟན་པའི་ཉི་མའི་ཞབས། །སྨྲ་བའི་དབང་ཕྱུག་བློ་བཟང་དར་རྒྱས་ཏེ། །བྱང་ཕྱོགས་སྐྱེ་རྒུའི་འདྲེན་མཆོག་རྣམ་གསུམ་ལ། །གསོལ་བ་ཞེས་སོགས། རིགས་ཀུན་ཁྱབ་བདག་འཇིགས་མེད་དབང་པོའི་སྡེ། །ཐར་ལམ་གསལ་མཛད་བསྟན་པའི་སྒྲོན་མེ་མཆོག །སྙིགས་དུས་ཉམ་ཐག་འགྲོ་བའི་སྐྱབས་ཀྱི་ཕུལ། །བཀའ་དྲིན་མཉམ་མེད་རྩ་བའི་བླ་མ་ལ། །གསོལ་བ་འདེབས་སོ་བདག་སོགས་འགྲོ་བ་ཀུན། །ལམ་གྱི་གཙོ་བོ་གསུམ་གྱིས་རྒྱུད་སྦྱངས་ཏེ། །ཟབ་གསལ་གཉིས་མེད་རྣལ་འབྱོར་ལ་བརྟེན་ནས། །མྱུར་དུ་སྨིན་ཅིང་གྲོལ་བར་བྱིན་གྱིས་རློབས། །མདོར་ན་སྙིང་རྗེའི་གཏེར་ཆེན་བླ་མ་ལྷ། །དབྱེར་མེད་ཐུགས་རྗེ་བདེན་པའི་ཟིལ་མངར་གྱིས། །བསྐྱངས་པས་ཡང་དག་ལམ་གྱི་རྩལ་རྫོགས་ཤིང། །དོན་གཉིས་དགའ་བའི་ཚལ་ལ་རོལ་གྱུར་ཅིག །༈ ཐུགས་རྗེའི་གཏེར་ཆེན་

― GTD007_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

ངུར་སྨྲིག་འཆང་བའི་གར། །གྲུབ་མཆོག་མི་ཏྲ་ཛོ་ཀིའི་བཀའ་སྲོལ་བཞིན། །སྤྱན་རས་གཟིགས་དབང་བསྒོམ་བཟླས་མཆོད་བསྟོད་སོགས། །བགྱིས་པ་འདིས་མཚོན་དུས་གསུམ་དགེ་ཚོགས་ཀུན། །དྲིན་ཅན་ཕ་མ་གཉེན་བཤེས་རྩ་ལག་དང། །བཀོལ་སྤྱད་བཟང་ངན་འབྲེལ་ཐོགས་རྣམས་ཀྱིས་མཚོན། །ནམ་མཁའི་མཐའ་ཁྱབ་རིགས་དྲུག་སེམས་ཅན་རྣམས། །ཕྱག་ན་པདྨས་རྗེས་འཛིན་རྒྱུ་རུ་བསྔོ། །དལ་འབྱོར་ཚང་བའི་རྟེན་བཟང་བརྒྱུད་མར་ཐོབ། །ཐེག་མཆོག་དགེ་བའི་བཤེས་ཀྱིས་རྗེས་སུ་བཟུང། །ངེས་འབྱུང་བྱང་སེམས་ཡང་དག་ལྟ་བ་སོགས། །ཐུན་མོང་ལམ་གྱིས་ཤེས་རྒྱུད་སྦྱོང་གྱུར་ཅིག །འཕགས་མཆོག་སྤྱན་རས་གཟིགས་དབང་དཀྱིལ་འཁོར་དུ། །ཞུགས་ནས་དངོས་གྲུབ་ཀུན་གྱི་གཞི་དང་རྟེན། །རྩ་བ་ཡན་ལག་དམ་ཚིག་སྡོམ་པ་ཀུན། །སྲོག་དང་བསྡོས་ཏེ་ཚུལ་བཞིན་བསྲུང་གྱུར་ཅིག །ཕྱག་རྒྱ་བཞི་ཡི་ཐབས་མཁས་སྒྱུ་འཕྲུལ་གྱིས། །ཐ་མལ་ལུས་ངག་ཡིད་དང་བྱ་བ་བཞ། །སྦྱངས་ནས་སྐུ་གསུང་ཐུགས་དང་མཛད་པ་བཞ། །བསྒྲུབས་པས་ཡང་དག་ལམ་བཟང་མཐར་ཕྱིན་ཤོག །ཤིན་ཏུ་སྙིགས་མ་བདོ་བའི་དུས་མཐའ་འདིར། །རྒྱལ་བ་ཀུན་ལས་བྱིན་རླབས་ཆེས་མྱུར་བ། །ཁྱོད་ཀྱི་མཁྱེན་བརྩེ་ནུས་པའི་འོད་སྟོང་གིས། །ནད་མུག་འཁྲུགས་པའི་མུན་པ་སངས་གྱུར་ཅིག །ཁྱོད་ཀྱི་ཐུགས་རྗེ་བདུད་རྩིས་འགྲོ་བའི་རྒྱུད། །བརླན་པས་དགེ་བཅུའི་ལས་ཀྱི་འབྲས་བཟང་སྨིན། །དེ་ཡི་མཐུ་ལས་རྩི་བཅུད་ལོ་འབྲས་སོགས། །སྣོད་ཀྱི་འཇིག་རྟེན་དཔལ་འབྱོར་རྒྱས་གྱུར་ཅིག །ཁྱད་པར་ཚེ་འདིའི་སྣང་བ་འགགས་མ་ཐག །མཚུངས་མེད་སྙིང་རྗེའི་གཏེར་ཆེན་ས་མཁན་གྱིས། །ཞིང་མཆོག་བདེ་བ་ཅན་དང་པོ་

― GTD007_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

ཊ་ལར། །ཁྲིད་ནས་སྲས་ཀྱི་ཐུ་བོར་འགྱུར་བར་ཤོག །མདོར་ན་མདོ་སྔགས་ཟུང་དུ་འཇུག་པ་ཡི། །ཡང་དག་ལམ་བཟང་གེགས་མེད་མྱུར་བགྲོད་ནས། །མངོན་བྱང་ལྔ་ཡིས་སྤྱན་རས་གཟིགས་མགོན་གྱི། །གོ་འཕང་ཐོབ་སྟེ་འགྲོ་ཀུན་སྒྲོལ་གྱུར་ཅིག །༈ མཁའ་དབྱིངས་ཀུན་ཁྱབ་སྤྱན་རས་གཟིགས་མགོན་གྱི། །ལྷ་ཚོགས་ཤིས་བརྗོད་སྙན་པའི་གདངས་དང་བཅས། །དགེ་ལེགས་མེ་ཏོག་ཆར་དུ་བསྙིལ་བ་ཡིས། །ཕུལ་བྱུང་ལེགས་བྱས་དགའ་སྟོན་རྒྱས་པར་མཛོད། །ཁྱབ་བདག་རྡོ་རྗེ་འཆང་དབང་སྤྱན་རས་གཟིགས། །མི་ཏྲ་ཛོ་ཀི་རྒྱལ་བ་གཉིས་པའི་ཞབས། །རིགས་ཀུན་ཁྱབ་བདག་འཇིགས་མེད་དབང་པོ་སོགས། །དངོས་དང་བརྒྱུད་པར་བཅས་པའི་བླ་མ་ལ། །ལེགས་ཚོགས་ཇི་སྙེད་མཆིས་པའི་བཀྲ་ཤིས་དེས། །ཁྱེད་ཀྱི་མི་མཐུན་རྒུད་པ་ཀུན་ཟད་ཅིང། །བདེ་ལེགས་ཡར་ངོའི་ཟླ་ལྟར་འཕེལ་གྱུར་ནས། །ཕུན་ཚོགས་དཔལ་ལ་རོལ་བའི་བཀྲ་ཤིས་ཤོག །དཀྱིལ་འཁོར་འཁོར་ལོའི་བདག་པོ་པད་དཀར་འཆང། །ནོར་བུ་འཛིན་དང་མུ་ཏིག་འཛིན་པ་སོགས། །སེམས་དཔའ་བཞི་དང་སྒོ་མཚམས་ལྷ་མོ་བརྒྱད། །རབ་འབྱམས་ལྷ་ཡི་འཁོར་ལོ་མཐའ་དག་ལ། །ལེགས་ཚོགས་ཞེས་པ་ནས། གདུལ་བྱའི་བློ་དང་སྐལ་བ་ཇི་བཞིན་དུ། །རྒྱུད་སྡེ་བཞི་དང་འབྲེལ་བར་སྒྲུབ་ཚུལ་གྱིས། །ཡོ་གའི་རྒྱུད་དང་རྒྱུད་འགྲེལ་མན་ངག་སོགས། །བསྟན་དོན་ལམ་གྱི་རིམ་པར་བཅས་པ་ལ། །ལེགས་ཚོགས་ཞེས་པ་ནས། བསིལ་ལྡན་ར་བས་མཚན་པའི་ལྗོངས་འདི་སོགས། །མཐའ་དག་ཞིང་ན་ལྷ་མཆོག་འདི་ཉིད་ལ། །གཅིག་ཏུ་གུས་ཤིང་སྒྲུབ་པ་ལྷུར་ལེན་

― GTD007_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

པའི། །སྐྱེ་འཕགས་འདུས་པ་ཇི་སྙེད་མཆིས་པ་ལ། །ལེགས་ཚོགས་ཞེས་པ་ནས། ནམ་མཁའི་ཁྱོན་ལྟར་ཡངས་པའི་ཕོ་བྲང་མཆོག །ཅེས་པ་ནས། བདེ་ལེགས་རྒྱུན་མི་འཆད་བའི་བཀྲ་ཤིས་ཤོག །ཅེས་པ་འདི་ནི་རེབ་ཚ་རྒྱལ་མོ་ནས་མི་ཏྲ་ཛོ་ཀིའི་ལུགས་ཀྱི་ཐུགས་རྗེ་ཆེན་པོ་ལྷ་བཅུ་གསུམ་མའི་སྒོ་ནས་མ་ཎི་སྒྲུབ་ཚུལ་ཀུན་མཁྱེན་འཇམ་དབྱངས་བཞད་པའི་གསུང་གི་སྟེང་ནས་བྱེད་ཀྱིན་ཡོད་འདུག་པ་དེར་ཁ་སྐོང་གི་ཚུལ་དུ་བརྒྱུད་འདེབས་སྨོན་ལམ་ཤིས་བརྗོད་དང་བཅས་པ་ཞིག་དགོས་ཚུལ་ལྷག་བསམ་རྣམ་དཔྱོད་ཡངས་པ་སྨན་པ་དཀོན་མཆོག་བསྟན་དར་གྱིས་བསྐུལ་བ་བཞིན། ༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། གདུགས་དཀར་ལྷ་བཅུ་བདུན་མའི་བརྒྱུད་འདེབས་ནི། མཁྱེན་བརྩེ་ནུས་པའི་རྩིབས་སྟོང་རྫོགས་པ་ཡིས། །སྲིད་ཞིའི་གདུང་བ་ཀུན་སྐྱོབ་སྐྱབས་ཀྱི་ཕུལ། །མཆོག་གསུམ་འདུས་པ་བླ་མའི་ངོ་བོ་ཉིད། །བཅོམ་ལྡན་འདས་མ་འཕགས་མ་གདུགས་དཀར་ལ། །གསོལ་བ་འདེབས་སོ་ཉེར་འཚེ་ཀུན་ཞི་ཞིང། །དོན་གཉིས་ལྷུན་གྱིས་གྲུབ་པར་བྱིན་གྱིས་རློབས། །གསང་བའི་མཛོད་འཛིན་ཕྱག་ན་རྡོ་རྗེ་དང། །བསམ་གཏན་བཅུ་བ་ཙནྡྲ་གཽ་མིའི་ཞབས། །གྷི་ར་བ་ཏི་རྡོ་རྗེ་རྣོན་པོ་དང། །པདྨ་ལྕགས་ཀྱུ་རིན་ཆེན་རྡོ་རྗེ་ལ། །གསོལ་བ་འདེབས་སོ་ཉེར་འཚེ་ཀུན་ཞེས་སོགས། ཛེ་ཏ་རི་དང་རྡོ་རྗེ་གདན་པ་གཉིས། །བ་རི་བ་དང་སྐྱུ་ར་ཨ་སྐྱབས་དང། །ས་ཆེན་ཀུན་སྙིང་གྲགས་པ་རྒྱལ་མཚན་ཞབས། །ག་སེར་བ་དང་བྱང་ཆུབ་དཔལ་བ་ལ། །གསོལ་བ་ཞེས་སོགས། འཇམ་དབྱངས་བཞི་ཐོག་པ་དང་ཨ་ཀ་ར། །དཀོན་མཆོག་ཚུལ་ཁྲིམས་གཞོན་ནུ་ཚུལ་ཁྲིམས་དང། །ཚུལ་རྒྱལ་བ་དང་བླ་མ་ངག་དབང་ལ། །ཡོན་ཏན་འོད་དང་སེངྒེ་རྒྱལ་མཚན་

― GTD007_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །གསོལ་བ་ཞེས་སོགས། བསོད་ནམས་བཟང་པོ་ནམ་མཁའ་རྒྱལ་མཚན་དང། །མཁྱེན་རབ་རྡོ་རྗེ་ཤཱཀྱ་དོན་གྲུབ་དཔལ། །ཀུན་དགའ་ལེགས་གྲུབ་ཀུན་དགའ་ཆོས་གྲགས་དང། །མཆོག་ལེགས་རྡོ་རྗེ་མཁྱེན་རབ་བསྟན་འཛིན་ལ། །གསོལ་བ་ཞེས་སོགས། ངག་དབང་ལྷུན་གྲུབ་དམ་ཚིག་རྡོ་རྗེའི་ཞབས། །སྣང་བ་མཐའ་ཡས་བློ་བཟང་ཡེ་ཤེས་དང། །བློ་བཟང་རིག་གྲོལ་བློ་བཟང་ཆོས་འཕེལ་བ། །རྣལ་འབྱོར་དབང་ཕྱུག་བློ་བཟང་མཐའ་ཡས་ལ། །གསོལ་བ་ཞེས་སོགས། དཀོན་མཆོག་རྣམ་གསུམ་ཐུགས་རྗེ་གཅིག་བསྡུས་ནས། །འགྲོ་བའི་མགོན་མཛད་འཇིགས་མེད་དབང་པོ་དང། །དེ་ཡི་ལུང་རྟོགས་བསྟན་པའི་རྒྱལ་མཚན་འཛིན། །བཀའ་དྲིན་མཉམ་མེད་རྩ་བའི་བླ་མ་ལ། །གསོལ་བ་ཞེས་སོགས། བློ་ལྡན་ཚོགས་ལ་ཆོས་བཟང་ལྷའི་མདུན་སར། །ཐུབ་པས་ལེགས་བསྟན་རིག་སྔགས་བདེན་པའི་མཐུས། །ནད་རིམས་གདོན་སོགས་འཇིགས་པ་རྨེག་མེད་དུ། །ཞི་ནས་དགེ་ལེགས་རྒྱ་མཚོས་ཁྱབ་གྱུར་ཅིག །འདིའང་རྗེ་བཙུན་བླ་མ་འཇམ་པའི་དབྱངས་ཀྱི་གསུང་ངོ་།། སྨོན་ལམ་ནི། སྟོབས་བཅུ་མངའ་བ་ཐུབ་པའི་དབང་པོ་ཡིས། །མཐོན་མཐིང་གཙུག་ཏོར་བལྟར་མི་མངོན་པ་ལས། །ཉེ་བར་འཁྲུངས་པ་རྒྱལ་ཡུམ་གདུགས་དཀར་མོའ། །རྣལ་འབྱོར་ཚུལ་བཞིན་བསྒྲུབས་པའི་དགེ་ཚོགས་མཐུས། །དེང་ནས་བརྩམས་ཏེ་སྐྱེ་བའི་ཕྲེང་བ་རུ། །བར་མ་ཆད་པར་དལ་འབྱོར་རྟེན་བཟང་བརྒྱུད། །ཐེག་མཆོག་དགེ་བའི་བཤེས་ཀྱིས་རྗེས་བཟུང་སྟེ། །སྐྱེས་བུ་གསུམ་གྱི་ལམ་ལ་སློབ་གྱུར་ཅིག །དགེ་ལེགས་འཕེལ།། །།

འཕགས་མཆོག་འཇམ་དཔལ་དཀར་པོ་ལ་བསྟོད་པ།

― GTD007_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་མཆོག་འཇམ་དཔལ་དཀར་པོ་ལ་བསྟོད་པ་འཇམ་མགོན་དགྱེས་པ་སྐྱེད་བྱེད་བསྟོད་སྤྲིན་རྒྱ་མཚོ་ཞེས་བྱ་བ་བཞུགས་སོ།།

― GTD007_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་བྲལ་ཤེས་རབ་འོད་དཀར་སྣང་བས་མཐའ་འཛིན་མུན་པ་དྲུངས་ནས་ཕྱུང། །སྙིང་རྗེའི་རང་བཞིན་བསིལ་བའི་ཟེར་གྱིས་རང་ཉིད་གཅེས་འཛིན་ཚ་གདུང་བཅོམ། །ལུས་ཅན་ཕན་བདེའི་ལམ་བཟང་མ་ལུས་གསལ་བར་བྱེད་པས་མི་ངལ་བ། །སྨྲ་བའི་ཟླ་བ་འཇམ་དཔལ་དཔའ་བོ་དད་པའི་ཟུར་ཕུད་རྒྱན་དུ་རོལ།། དགའ་ཚལ་ཡིད་འོང་མཆོག་ཏུ་མཛེས་ཀྱང་དམུས་ལོང་སྐྱེ་བོས་མཐོང་མིན་ལྟར། །ཁྱོད་ཀྱི་གསང་གསུམ་ངོ་མཚར་རྨད་བྱུང་བདག་བློའི་སྤྱོད་ཡུལ་ག་ལ་ཞིག །འོན་ཀྱང་འཇམ་དབྱངས་བླ་མའི་ལེགས་གསུང་རྒྱུད་མངས་སྒྲ་ཡི་རྗེས་འབྲང་ནས། །བསྟོད་ཚིག་སྙན་པའི་གླུ་དབྱངས་ལེན་ལ་ཐུགས་རྗེ་ལྡན་ཁྱོད་ཡུད་ཙམ་དགོངས། །ཡོན་ཏན་མ་ལུས་རྩ་བ་ཤེས་རབ་དང། །ཤེས་རབ་མཆོག་སྦྱིན་ལྷ་མཆོག་ཁྱོད་ལས་ལྷག །མེད་ཅེས་ཚད་མའི་ལུང་གི་ལྕགས་ཀྱུ་ཡིས། །བདག་ཡིད་དབང་མེད་ཁྱོད་ཀྱི་ཕྱོགས་སུ་དྲངས། །ཡོན་ཏན་རིན་ཆེན་འབྱུང་གནས་གྲགས་པའི་དབྱངས། །ངང་པའི་རྒྱལ་པོ་ཀུན་གྱིས་སྙན་སྒྲོགས་ཀྱང་། །རང་དོན་ལ་གུས་ཆུ་སྐྱར་ཕྲུ་གུ་བདག །རེ་བའི་མགྲིན་པ་ཅུང་ཟད་འདེགས་ལ་སྤྲོ། །བསམ་སྦྱོར་དངོས་པོ་ཕུན་ཚོགས་ཚོགས་གཉིས་རྒྱ་མཚོའི་མཐར་སོན་པ། །ཐུགས་གསུང་སྐུ་དང་མཚན་དཔེ་དཔེ་ཟླ་མེད་པའི་ཞིང་ཁམས་སོགས། །ཡོན་ཏན་མ་ལུས་ལྷུན་རྫོགས་རྫོགས་སངས་རྒྱས་ལ་བསྔགས་པ་ཡིས། །རྙེད་དཀའ་དལ་བའི་

― GTD007_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འདི་འདི་དང་ཕྱི་མར་དོན་ཆེན་འགྱུར། །ཀེ་ལ་ཤ་ཡི་རི་བོ་ཁ་བའི་མདངས། །མ་དོར་ལྟེམ་གྱིས་ཞུ་བ་འཁྱིལ་བ་ལྟར། །དཀར་ཞིང་དྭངས་ལ་མཆོག་ཏུ་གསལ་བ་ཡི། །འོ་མའི་ཆུ་གཏེར་ཕ་མཐའ་ཡངས་པའི་ངོགས། །ལྷག་མར་ལུས་པའི་གངས་རིའི་དུམ་བུ་བཞིན། །གཉིས་འཐུང་དབང་པོའི་ཁྱུ་ཚོགས་དལ་གྱིས་རྒྱུ། །མཁའ་འགྲོའི་ཚོགས་ཀྱང་མགྲིན་རྔ་བརྡུང་བཞིན་དུ། །འཕུར་ལྡིང་རོལ་བའི་གར་གྱིས་ཀུན་དགའ་སྐྱོད། །མནྡ་ར་དང་ཀུ་མུ་ད་ལ་སོགས། །མདོག་ལེགས་འོད་འབར་དྲི་བཟང་རྫོགས་པ་ཡི། །མེ་ཏོག་རབ་རྒྱས་ཚལ་ན་བུང་བའི་འཕྲེང། །མྱོས་པའི་གླུ་དབྱངས་དྲི་ཟའི་འཇིག་རྟེན་མཚུངས། །བསུང་ཞིམ་གསེར་བུས་བསྐྱོད་པའི་རླབས་ཀྱི་འཕྲེང། །ཟླ་ཤེལ་མྱུ་གུ་གསར་བའི་སྤུ་ལོང་གཡོ། །ལྦུ་བ་རབ་དཀར་མུ་ཏིག་འཕྲེང་འཐོར་པ། །སྐར་ཚོགས་ཁྲུས་ཀྱི་རྫིང་བུར་རྩེན་པ་བཞིན། །མུ་མཐའ་ཡས་པའི་ཞིང་ཁམས་རབ་འབྱམས་ཀྱི། །མི་ཟད་སྣོད་བཅུད་འབྱོར་པའི་དཔལ་བསྡུས་ཏེ། །མེ་ལོང་དག་པའི་ངོས་ལ་འཇའ་ཚོན་བཞིན། །མ་འདྲེས་གསལ་བར་སྣང་བའི་ཡིད་བཞིན་མཚོར། །ཡིད་འོང་འདབ་སྟོང་བཞད་པའི་པདྨ་དཀར། །གསེར་མདོག་གེ་སར་འཕྲེང་བ་ལྡེམ་པའི་རྩེར། །ཉ་གང་ཟླ་བ་རྒྱས་པའི་མཎྜ་ལར། །སྐྱིལ་ཀྲུང་ཚུལ་གྱིས་བཞུགས་པའི་བཅོམ་ལྡན་འདས། །མཚུངས་པ་མེད་པ་ལྷག་པའི་ལྷ་མཆོག་མཆོག་ཏུ་ཞི་བའི་ཉམས་ལྡན་ཞིང། །ཞིང་ཁམས་

― GTD007_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཁྱབ་སྐུ་ཡི་འོད་སྣང་སྣང་བྱེད་བདག་པོའི་དཀྱིལ་འཁོར་བཞིན། །བཞིན་བཟང་སྨིན་པའི་འཁྲི་ཤིང་གིས་མཛེས་མཛེས་སྡུག་ལང་ཚོའི་དཔལ་གྱིས་སྒེག །སྒེག་ཅིང་འཛུམ་ལ་དུལ་བའི་དཔལ་མངའ་མངའ་བདག་མཁྱེན་པའི་གཏེར་ལ་འདུད། །ཆུ་མཚམས་ལས་བརྒལ་ལྷུན་པོའི་ཤར་གྱི་ཕྱོགས། །ཆུ་ཤེལ་དྲི་མེད་རང་བཞིན་ངོས་ཡངས་ལྟར། །ཆེ་ཞིང་དྲང་ལ་ཆུ་ཞེང་གབ་པའི་སྐུ། །བྲང་ཡངས་ཐལ་གོང་རྒྱས་ཤིང་ཕྲག་པ་མཐོ། །འཇམ་མཉེན་གཞོན་ཤ་ཆགས་པའི་ཕྱག་ཞབས་ཀྱི། །སོར་མོ་ཟླུམ་རྒྱས་རིང་ཞིང་དྲ་བས་འབྲེལ། །གསལ་རྫོགས་འཁོར་ལོའི་རི་མོས་མཐིལ་མཛེས་ཤིང། །མ་བཏུད་པར་ཡང་ཕྱག་གིས་པུས་མོར་སླེབ། །གཡས་པ་མཆོག་སྦྱིན་བརྐྱངས་པས་རལ་གྲི་དང། །གཡོན་པ་ཆོས་འཆད་ཕྱག་རྒྱས་པུ་སྟ་ཀས། །མཚན་པའི་ཨུཏྤལ་སྡོང་བུ་ལེགས་བཟུང་ནས། །འགྲོ་ལ་ཡང་དག་ལམ་བཟང་མཚོན་པར་བྱེད། །ཕྱག་ཞབས་མཁྲིག་མའི་འབུར་དང་རྩ་མི་མངོན། །ལྟག་པའི་ཕྱོགས་སོགས་མ་རྙོང་ཀུན་ནས་མཉམ། །སྨེ་བ་གནག་བག་མེད་པ་པགས་པའི་མདོག །བཙོ་མའི་གསེར་བཞིན་གསལ་ལ་སྲབ་ཅིང་འཇམ། །ཉ་གང་ཟླ་ལྟར་རྒྱས་པ་དཔྲལ་བའི་དབྱིངས། །གནག་སྣུམ་སྤུ་མཉམ་སྨིན་ཚུགས་རིང་པོའི་དབུས། །ཐིག་ལེའི་གནས་ན་སྐྱུ་རུ་ར་ཡི་ཚད། །པ་སངས་ལྟར་དཀར་གཡས་འཁྱིལ་མཛོད་སྤུས་མཛེས། །སྙན་ཤལ་རིང་དུ་འཕྱང་ཞིང་མཉམ་པའི་རྩེར། །དྲི་བྲལ་ནོར་བུའི་རྣ་ལུང་འཁྲོལ་བའི་གཟ། །མཆོག་ཏུ་རྒྱས་པ་འགྲམ་པའི་མེ་ལོང་གི །ངོས་སུ་འཁྱུད་པའི་འོད་ཀྱི་རྩེ་དགའ་འཛིན། །གཟེངས་མཐོ་ཤངས་ཀྱི་རྒྱུད་ནི་

― GTD007_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་འོང་ཞིང་། །མཆུ་སྒྲོས་བིམྤའི་དགའ་ཚལ་ལྟ་ན་སྡུག །ཐགས་བཟང་བཞི་བཅུའི་ཚེམས་ཕྲེང་དཀར་ཞིང་མཉམ། །རོ་མཆོག་མྱོང་བའི་ལྗགས་མཉེན་སྲབ་ཅིང་རིང། །ནོར་བུ་མཐོན་མཐིང་བཞིན་དུ་དཀར་ནག་ཆ། །མ་འདྲེས་དམར་བའི་ར་རིས་དང་བྲལ་ཞིང། །ཨུཏྤལ་འདབ་ལྟར་ཡངས་པའི་དཀྱུས་རིང་སྤྱན། །ཕྱེད་དུ་ཟུམ་པ་ཞི་བའི་ལྟ་སྟངས་ཅན། །གདུགས་ལྟར་རྒྱས་པའི་དབུ་ལ་ཅོད་པན་དང། །རལ་པའི་ཐོར་ཅོག་རྩེ་ན་ནོར་བུའི་ཏོག །ཡིད་འོང་མགྲིན་པར་འཕྱང་བའི་དོ་ཤལ་སོགས། །རྒྱན་གྱི་བཀོད་པ་མཛེས་སྡུག་འགྲན་པ་བཞིན། །བྱིན་པ་ཟླུམ་ཞིང་ཞབས་མཉམ་རྟིང་པ་ཡངས། །གསང་གནས་རྟ་མཆོག་བཞིན་དུ་ནུབ་པ་སོགས། །མཛེས་པ་དམན་པའི་སྐྱོན་དང་ཀུན་བྲལ་ཡང། །རྣམ་བཀྲ་དར་གྱི་སྨད་གཡོགས་ཚུལ་བཞིན་འགོས། །མདོར་ན་བ་སྤུའི་ཁུང་བུ་རེ་རེ་ཞིང། །ལེགས་འཁྲུངས་གཡས་སུ་འཁྱིལ་ནས་གྱེན་ཕྱོགས་པའ། །སྐུ་ཡི་བ་སྤུ་གཅིག་གི་མཛེས་པའི་དཔལ། །སྲིད་གསུམ་མཚར་སྡུག་ཡོངས་ཀྱིས་མཚོན་མ་ཡིན། །ཚོགས་གཉིས་སྒྱུ་འཕྲུལ་འཕྲུལ་གྱི་བཟོ་བོས་ལེགས་བསྐྲུན་བསྐྲུན་ཟླ་མེད་པའི་སྐུ། །མཐོང་ཙམ་ཉིད་ལས་ལས་ཉོན་གདུང་སེལ་འགྲོ་ཀུན་ཀུན་དགའི་དཔལ་ལ་སྦྱོར། །དགེ་ལེགས་བརྒྱས་མཚན་མཚན་དཔེའི་དཔལ་འབར་འཇམ་དབྱངས་དབྱངས་ཅན་དགའ་མར་བཅས། །བདག་གི་སྙིང་ལ་ལ་འུར་བྱོན་ཏེ་བདག་བློ་བློ་གྲོས་གཏེར་དུ་མཛོད། །ཡོངས་སུ་དག་པའི་སེམས་ཉིད་མེ་ལོང་ངོས། །ཡིད་བྱེད་དད་པའི་པིར་གྱིས་བྲིས་པའི་གཟུགས། །ཡབ་གཅིག་མཁྱེན་གཏེར་དངོས་སུ་བཞེངས་པ་

― GTD007_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས། །ཡང་དག་ལམ་གྱི་སྣང་བ་རྟག་སྩོལ་ཅིག །ཚེ་རབས་ཀུན་ཏུ་འཇམ་མགོན་ལྷག་པའི་ལྷས། །ཚད་མེད་ཐུགས་རྗེའི་ཕྱག་གིས་ཡོངས་བཟུང་སྟེ། །ཚང་ལ་མ་ནོར་རྒྱལ་བའི་བསྟན་པ་ལ། །ཚུལ་བཞིན་སློབ་པའི་དགའ་སྟོན་མྱོང་གྱུར་ཅིག །དག་དང་མ་དག་ཞིང་ཁམས་རབ་འབྱམས་སུ། །གང་ལ་གང་འདུལ་སྤྲུལ་བའི་ཟློས་གར་གྱིས། །སྲིད་པ་ཇི་སྲིད་འགྲོ་བའི་དོན་མཛད་པ། །རྗེ་བཙུན་ཐུགས་རྗེ་ཆེ་ལྡན་སྐུ་ཐོབ་ཤོག །འཕགས་མཆོག་འཇམ་དཔལ་དཀར་པོ་ལ་བསྟོད་པ་འཇམ་མགོན་དགྱེས་པ་སྐྱེད་བྱེད་བསྟོད་སྤྲིན་རྒྱ་མཚོ་ལས་སྐུ་ལ་བསྟོད་པའི་སྐབས་ཏེ་དང་པོའོ།། །།འཇམ་ཞིང་དུལ་བ་རྟེན་ཅིང་འབྲེལ་འབྱུང་གཏམ། །དབྱངས་སྙན་ཆོས་ཀྱི་དྲིལ་ཆེན་འཁྲོལ་བའི་སྒྲས། །འགྲོ་བ་གཏི་མུག་གཉིད་ལས་སློང་མཛད་པ། །ངག་གི་དབང་ཕྱུག་འཇམ་པའི་དབྱངས་ལ་འདུད། །ཟབ་མོའི་དེ་ཉིད་ཉིད་ཀྱིས་གཟིགས་པ་ཇི་བཞིན་ལེགས་གསུང་གསུང་གི་འོད་ཟེར་གྱིས། །རྒྱལ་བའི་གསུང་རབ་རབ་འབྱམས་དགོངས་དོན་ཇི་བཞིན་གསལ་མཛད་མཛད་པ་ཀུན་གྱི་མཆོག །གདུལ་བྱའི་ལས་དབང་དབང་པོའི་རིམ་པ་ཇི་བཞིན་ཆོས་སྟོན་སྟོན་པ་བླ་ན་མེད། །བཀའ་དྲིན་ཆེས་ལྷག་ལྷག་པའི་ལྷ་ཁྱོད་ཇི་བཞིན་གདམས་ངག་ངག་ལ་དབང་འབྱོར་མཛོད། །ཁྱོད་གསུང་ཀུན་གྱི་ཁམས་བཞིན་འཇུག་པས་མཉེན། །ཐོས་པའི་མོད་ལ་ཡིད་བདེ་སྐྱེད་པས་འཇམ། །བརྗོད་དོན་རྨད་བྱུང་སྟོན་པས་ཡིད་དུ་འོང། །རྗོད་བྱེད་ཕུན་སུམ་ཚོགས་པས་ཡིད་དུ་འཐད། །ཇི་བཞིན་གཟིགས་ཏེ་གསུང་བས་རྣམ་པར་དང། །སྒྲིབ་པ་མེད་པར་གསུང་བས་དྲི་མ་མེད། །གོ་སླའི་ངག་གིས་འདོམས་

― GTD007_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་འོད་གསལ་ཞིང། །ལྟ་ངན་འཇོམས་པའི་སྟོབས་ལྡན་སྙན་ལ་འཇེབས། །བཀའ་བསྒྲུབས་ངེས་པར་ཐར་བྱེད་མཉན་པར་འོས། །ཕ་རོལ་རྒོལ་པས་གླན་ཀ་མི་ཚུགས་ཤིང། །གནས་སྐབས་སུ་ཡང་དགའ་བ་སྐྱེད་པས་སྙན། །ཉོན་མོངས་གདུལ་ཕྱིར་གཏན་དུ་ཕན་པས་དུལ། །སྦྱོར་བ་འཇམ་པོས་དགྲོལ་བས་མི་རྩུབ་ཅིང། །ཕྱིར་འཆོས་ཐབས་སོགས་སྟོན་པས་མི་བརླང་ལ། །རིགས་ཅན་གསུམ་ཆར་འདྲེན་པས་རབ་ཏུ་དུལ། །གཞན་ཡིད་འཕྲོག་པར་བྱེད་པས་རྣ་བར་སྙན། །ཤིན་སྦྱང་བདེ་བ་འདྲེན་པས་ལུས་ཚིམ་ལ། །ལྷག་མཐོང་ཤེས་རབ་སྐྱེད་པས་སེམས་ཚིམ་ཞིང། །ཐེ་ཚོམ་ཟུག་རྔུ་འབྱིན་པས་སྙིང་ཚིམ་སྟེ། །མ་རྟོགས་ལོག་རྟོག་སེལ་བས་བདེ་དགའ་བསྐྱེད། །གདམས་དོན་འབྲས་བུས་མི་བསླུ་གདུང་བ་མེད། །ཐོས་བྱུང་བློ་རྒྱས་ཀུན་ཏུ་ཤེས་པར་བྱ། །བསམ་པས་སྒྲོ་འདོགས་གཅོད་ཕྱིར་རྣམ་རིག་བྱ། །དཔེ་མཁྱུད་མེད་པར་སྟོན་པས་རྣམ་པར་གསལ། །ཐེག་གསུམ་འབྲས་བུ་འགྲུབ་མཐོང་དགའ་བྱེད་ལ། །བྱིས་པ་རྣམས་ཀྱང་ཚུལ་དེས་མངོན་དགར་བྱེད། །བསམ་གྱིས་མི་ཁྱབ་གནས་ཀུན་ཤེས་བྱེད་ཅིང། །ཕུང་སོགས་བསམ་བྱའི་ཆོས་ཀུན་རྣམ་རིག་བྱེད། །རྣམ་གསུམ་ཚད་མས་གནོད་བྲལ་རིགས་ཤིང་འཐད། །སྣོད་དང་འཚམ་པར་སྟོན་ཕྱིར་སྐབས་དང་འབྲེལ། །རྣམ་གྲངས་དོན་ལྡན་ཟློས་པའི་སྐྱོན་དང་བྲལ། །མུ་སྟེགས་ཀླད་འགེམས་སེང་གེའི་སྒྲ་དང་མཚུངས། །ཡངས་ཤིང་འཛེར་བ་མེད་པ་གླང་པོའི་སྐད། །བརྗིད་ཅིང་ཆེ་ལ་ཀུན་ཁྱབ་འབྲུག་གི་སྒྲ། །འཇེབས་ཤིང་བཙུན་པ་གདེངས་ཅན་བདག་པོའི་

― GTD007_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག །སྒྲ་སྐད་ཀུན་ལས་སྙན་པ་དྲི་ཟའི་གླུ། །རྒྱུན་ཆགས་སྙན་འགྱུར་ཀ་ལ་པིངྒའི་གདངས། །རྒྱུན་མི་འཆད་པར་གྲགས་པ་ཚངས་པའི་དབྱངས། །ཤིས་པའི་དཔལ་སྟེར་ཤང་ཤང་ཏེ་འུའི་དངགས། །གཞན་གྱིས་འདའ་བར་མི་ནུས་དབང་པོའི་བཀའ། །ཀུན་ལས་རྣམ་པར་རྒྱལ་བས་རྔ་སྒྲ་སྟེ། །གཞན་གྱིས་བསྟོད་ཀྱང་རློམ་པས་ཁེངས་པ་མེད། །སྨན་པ་ཡིས་ཀྱང་དམན་ཞིང་ཞུམ་མི་འགྱུར། །ཇི་བཞིན་ལུང་སྟོན་སྒྲ་ཀུན་རྗེས་སུ་འཇུག །བསྙེལ་བ་མེད་པས་ཚིག་གི་ཟུར་ཕྱིན་ཅིང། །གཞན་ཕན་ཐབས་ཀྱི་རྣམ་པ་མ་ཚང་མེད། །མི་འཇིགས་བཞི་དང་ལྡན་པས་མི་ཞུམ་ཞིང། །རྙེད་དང་བཀུར་སྟིའི་རོ་ལ་ཞེན་པ་སྤངས། །འཆད་ལ་སྐྱོ་ངལ་མེད་པས་རབ་ཏུ་དགའ། །རིག་ནས་མ་ལུས་སྟོན་པས་ཀུན་ཏུ་ཁྱབ། །གཞན་ཕན་དོན་ཀུན་ཚགས་སུ་ཚུད་ཅིང་ཆུབ། །བར་མ་ཆད་དུ་གསུང་བས་རྒྱུན་ཆགས་འབྱུང། །མིང་ཚིག་རྣམ་པ་དུ་མ་སྟོན་པས་འབྲེལ། །འགྲོ་ཀུན་སོ་སོར་གོ་བས་སྒྲ་ཀུན་རྫོགས། །ཁམས་བཞིན་དད་སོགས་དབང་པོ་ཀུན་ཚིམ་བྱེད། །གསུང་བཞིན་འགྲུབ་པར་འགྱུར་བས་སྨད་པ་མེད། །འདུལ་བའི་དུས་ལས་གཞན་དུ་མི་འགྱུར་ཞིང། །མཆོག་ཏུ་བརྟན་པས་རིངས་ཤིང་བརྟབས་པ་མེད། །གདུལ་འོས་འཁོར་ཚོགས་ཉེ་རིང་མེད་པར་ཐོས། །སྲིད་པའི་འཆིང་བ་འདོད་ཆགས་ཞི་བར་བྱེད། །ལེགས་ཚོགས་འཇོམས་པའི་ཞེ་སྡང་དགྲ་བོ་འདུལ། །ཀུན་ཏུ་རྨོངས་པའི་གཏི་མུག་མུན་པ་སེལ། །བདུད་ཀྱི་དཔུང་ཚོགས་མཐའ་དག་ཕམ་པར་བྱེད། །རྣམ་མང་དཔེས་མཚོན་རྣམ་ཀུན་མཆོག་དང་ལྡན། །མདོར་ན་དབྱངས་ཀྱི་ཡན་ལག་ཀུན་ཚངས་ཚངས་པའི་དབྱངས་ལྟར་སྙན་པའི་གསུང། །གསུང་གཅིག་གིས་ཀྱང་གདུལ་

― GTD007_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་ཐ་དད་དད་བརྩོན་བློ་ཡི་རིམ་པ་ལྟར། །ལྟར་སྣང་ལམ་ལས་བཟློག་ནས་ཆོས་གང་གང་ལ་འཚམ་ཞིང་ཕན་བྱེད་དེ། །དེ་དང་དེ་ལ་ཉེ་བར་སྟོན་ཡང་ཡང་དག་མཐའ་ལས་ལྡང་བ་མེད། །རྣམ་འདྲེན་སྐུ་ཡི་ཆ་ཤས་ཀུན་ནས་འབྱུང་། །རྣམ་མང་འགྲོ་བས་རང་རང་སྐད་དུ་ཐོས། །རྣམ་ཀུན་ཆད་མེད་སྒྲོགས་ཀྱང་འབད་རྩོལ་གྱི། །རྣམ་རྟོག་མི་མངའ་ལྷ་ཡི་རྔ་བཞིན་གྲགས། །རྟག་ཏུ་ངུ་ཡིས་ཆོས་འཕགས་བསྟེན་པ་ལྟར། །རྟག་པར་ཁྱོད་གསུང་བདུད་རྩིའི་བཅུད་མྱང་སྟེ། །རྟག་ཆད་ལྟ་བའི་གཡང་ས་ཀུན་སྤངས་ནས། །རྟག་བརྟན་ཐར་པའི་གྲོང་དུ་འཇུག་གྱུར་ཅིག །འཆད་རྩོད་རྩོམ་ལ་མི་འཇིགས་སེང་གེའི་སྒྲས། །སྨྲ་ངན་གླང་པོ་སྟོང་གི་ཀླད་འགེམས་ཤིང། །ཐུབ་བསྟན་གངས་ཀྱི་རི་སུལ་སྐྱོང་ནུས་པ། །མཁས་མཆོག་གདོང་ལྔའི་དབང་པོར་བདག་གྱུར་ཅིག །ཇི་སྲིད་སྲིད་པའི་འཁོར་ལོ་སྟོངས་མིན་པར། །དེ་སྲིད་སྲིད་གསུམ་བླ་མ་ཁྱོད་བཞིན་དུ། །སྣང་སྲིད་སྲིད་པ་བདེན་སྟོང་སྒྱུ་མའི་གླུས། །སྲིད་འགྲོ་དབུགས་འབྱིན་གསུང་གི་དཔལ་ཐོབ་ཤོག །འཕགས་མཆོག་འཇམ་དཔལ་དཀར་པོ་ལ་བསྟོད་པ་འཇམ་མགོན་དགྱེས་པ་སྐྱེད་བྱེད་བསྟོད་སྤྲིན་རྒྱ་མཚོ་ལས་གསུང་ལ་བསྟོད་པའི་སྐབས་ཏེ་གཉིས་པའོ།། །།ཟླ་འོད་འབུམ་གྱིས་བྱུགས་པའི་གངས་ཀྱི་ར། །འོ་མའི་ཆུ་གཏེར་དབུས་ན་གསལ་བ་བཞིན། །ཡིད་འོང་སྐུ་ཡི་རྣམ་པ་དྲན་པས་ཀྱང། །ཡིད་ཀྱི་གདུང་སེལ་ལྷག་པའི་ལྷ་དེས་སྐྱོངས། །གཏིང་ཟབ་འཁོར་བའི་རྒྱ་མཚོ་སྡུག་བསྔལ་མི་བཟད་རྦ་ཀློང་འཁྲུགས་པའི་གཏིང། །མཚུངས་མེད་བླ་མ་ཁྱོད་དང་བདག་ཅག་སྔོན་ཚེ་ལྷན་ཅིག་འཁྱམས་པར་མཚུངས། །དེ་ནས་

― GTD007_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱོད་ནི་སྙིང་རྗེའི་མཐུ་བརྟས་རང་དོན་འཁྲི་བ་ཀུན་བཅད་དེ། །རྫོགས་བྱང་སྒྲུབ་ལ་གཅིག་ཏུ་གཞོལ་བས་རྒྱལ་སྲས་སྤྱོད་པ་ཡོངས་སུ་རྫོགས། །བདག་ཅག་འདི་ན་ད་དུང་རྨི་ལམ་ཚུན། །རང་བདེ་འདོད་པས་དེ་ཕྱིར་ཆེས་ངལ་ཡང། །སྡུག་བསྔལ་གཡང་ས་བརྒྱུད་མར་ལྷུང་བ་ཡིས། །འཁོར་བའི་གཏིང་རྡོར་གྱུར་འདི་རྨོངས་པས་བསླུས། །རང་གི་བདེ་ལ་ཞེན་པའི་ཉན་རང་རྣམས། །བདག་མེད་གཉིས་ཀྱི་དོན་ཙམ་མཐོང་ན་ཡང། །རླབས་ཆེན་སྤྱོད་དང་རྗེས་སུ་མ་འབྲེལ་བས། །འབྲས་བུ་སྤངས་རྟོགས་ཉི་ཚེ་ཙམ་དུ་གྱུར། །ཐབས་མཆོག་སྙིང་རྗེའི་ཆབ་དང་མ་བྲལ་བར། །ཐོས་བསམ་སྒོམ་པའི་གདར་གྱིས་བརྡར་བ་ཡིས། །སྒྲིབ་གཉིས་འཆིང་བ་གཅོད་པའི་རྣོ་རྒྱུན་ཅན། །ཤེས་རབ་རལ་གྲིའི་ཕྱག་མཚན་ཁྱོད་ཀྱིས་བརྙེས། །འཁྲུལ་སྣང་སྲིན་པོའི་འབག་གིས་བྱིས་པ་རྣམས། །འཇིགས་སྐྲག་སྐྱེད་པའི་ཀུན་རྟོག་ཐོ་ཅོ་མཁན། །རྡོ་རྗེ་ལྟ་བུའི་ཏིང་འཛིན་མཚོན་རྣོན་གྱིས། །བསྒྲལ་ཏེ་སྐུ་བཞིའི་རྒྱལ་སྲིད་ཁྱོད་ཀྱིས་བཟུང། །ཁྱོད་ཐུགས་དབྱིངས་ཀྱི་མཁའ་ལས་མི་གཡོ་བས། །ཇི་སྙེད་འཛིན་མའི་ཁྱོན་གསལ་ཉི་མ་བཞིན། །མཉམ་རྗེས་རེས་འཇོག་གྱུར་ན་སྒྲོན་མ་ལྟར། །ཕྱོགས་རེ་ཙམ་ལས་ཀུན་མཁྱེན་ག་ལ་སྲིད། །སྲིད་དང་ཞི་བར་ཀུན་ཏུ་རོ་མཉམ་མཉམ་རྗེས་དབྱེར་མེད་མ་འདྲེས་ཆོས། །ཆོས་ཉིད་དོན་གཟིགས་སྒྲིབ་བྲལ་ཡེ་ཤེས་ཤེས་བྱའི་དཀྱིལ་འཁོར་ཀུན་ཏུ་ཁྱབ། །ཁྱབ་བདག་དཔལ་ལྡན་བདུད་བཞི་ལས་རྒྱལ་རྒྱལ་སྲས་ཚུལ་འཛིན་འགྲོ་བའི་མགོན། །མགོན་ཁྱོད་སྲིད་ཞིའི་མཐའ་ལ་མི་གནས་གནས་མེད་གནས་དེ་གནས་པའི་མཆོག །རང་བཞིན་སྟོང་པ་ཁོ་ནའི་རྒྱུ་མཚན་གྱིས། །མཐུན་པའི་རྒྱུ་ལས་འབྲས་འབྱུང་

― GTD007_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཉིད་དང། །བཟློག་པ་གནས་མིན་རྟེན་འབྱུང་མི་བསླུའི་དོན། །གཟིགས་འདི་མཁྱེན་པ་རྨད་བྱུང་ཀུན་གྱི་གཞ། །དཀར་ནག་ལས་ཀྱི་རྣམ་སྨིན་མ་འདྲེས་ཤིང། །ཆུད་མི་ཟ་བར་གཟིགས་ནས་འགྲོ་བ་རྣམས། །དགེ་བཅུའི་ཁྲིམས་ཀྱིས་ངན་འགྲོའི་གཡང་ས་ལས། །སྒྲོལ་མཛད་ལོང་བའི་ཚོགས་ཀྱི་ས་མཁན་བཞིན། །བསམ་གཏན་གཟུགས་མེད་སོགས་ཀྱི་སྙོམས་འཇུག་ལ། །བཀོད་ནས་འདོད་པ་ལས་འདས་ཆགས་བྲལ་གྱི། །ཏིང་འཛིན་བདེ་བས་གནས་སྐབས་ཚིམ་མཛད་པ། །དབུལ་པོའི་རེ་སྐོང་གཏོང་བའི་མངའ་བདག་བཞིན། །ཐར་འདོད་དབང་པོ་རྣོ་རྟུལ་རིམ་པ་བཞིན། །བརྗོད་བྱ་ཕྲ་རགས་རྗོད་བྱེད་རྒྱས་བསྡུས་སུ། །སྟོན་པས་ཡོངས་སུ་འཛིན་མཁས་དགེ་བའི་བཤེས། །མཛངས་པའི་མ་ཡིས་བུ་གཅེས་སྐྱོང་བ་བཞིན། །འཕྲལ་ལ་མངོན་གྱུར་སྤྱོད་པ་ཙམ་མིན་པར། །གང་ལ་མོས་པའི་ཤུགས་ལྡན་དེར་གཟིགས་ནས། །འདོམས་ཕྱིར་ཆེས་ཆེར་ཕན་པའི་དོན་འགྱུར་བ། །གབ་ཚད་སེལ་བའི་འཚོ་བྱེད་མཁས་པ་བཞིན། །ཉན་རང་སོགས་ཀྱིས་མཐོང་མིན་ཆེས་ཕྲ་བ། །མཐའ་ཡས་འགྲོ་བའི་ཁམས་རྣམས་མངོན་སུམ་དུ། །གཟིགས་ཕྱིར་སྐྱོབ་པའི་དུས་ལས་མི་འདའ་བ། །ས་འོག་གཏེར་མཐོང་ལྷ་ཡི་མིག་ལྡན་བཞིན། །ལམ་ངན་གོལ་བ་མཐའ་དག་རིང་སྤངས་ཏེ། །ཐེག་གསུམ་ཐར་པར་འཇུག་དང་བགྲོད་པའི་ལམ། །ཇི་བཞིན་སྟོན་མཛད་རིགས་ཅན་གསུམ་གྱི་མགོན། །ནོར་བུའི་གླིང་དུ་འཁྲིད་པའི་དེད་དཔོན་བཞིན། །སྔོན་ཚེ་མུ་མེད་སྐྱེ་བའི་འཕྲེང་བ་རུ། །གནས་ལུས་ལོངས་སྤྱོད་མཐོ་དམན་ཇི་སྙེད་

― GTD007_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག །བླངས་ཤིང་དོར་ཏེ་ཡིད་བརྟན་མེད་པ་ཡི། །རྣམ་པས་སྐྱོ་བྱེད་ལས་ཀྱི་མེ་ལོང་བཞིན། །སྲིད་པ་ཡ་ངའི་འབྲོག་ཏུ་བག་མེད་པར། །འཁྱམས་རྣམས་རྨོངས་པའི་གདོན་དང་དབྱེ་བྱས་ཏེ། །ཕྱི་མའི་རྣམ་སྨིན་དྲག་པོའི་འཇིགས་བསྟན་ནས། །ཟློག་བྱེད་སྨྱོ་འབོག་སེལ་བའི་སྔགས་མཁན་བཞིན། །ལས་ཉོན་ཟག་པས་བཅིངས་པའི་ཉམ་ཐག་འགྲོར། །གདམས་དང་རྗེས་བསྟན་གསུང་གིས་རེག་པ་ཡིས། །ཟག་ཟད་སྲིད་གསུམ་བླ་མ་ལྷ་ཡི་སྐུར། །སྒྱུར་བར་བྱེད་པ་བརྒྱ་བྱིན་གཙུག་ཏོར་བཞིན། །དེ་ལྟར་གནས་དང་གནས་མིན་ལས་རྣམ་སྨིན་དང་སྙོམས་འཇུག་མཁྱེན་སྟོབས་གསུམ། །དབང་མོས་ཁམས་དང་ཀུན་འགྲོ་སྔོན་དང་ཕྱི་མཐའ་ཟག་ཟད་མཁྱེན་སྟོབས་བདུན། །རིམ་བཞིན་མངོན་མཐོ་ངེས་ལེགས་སྟེར་བས་ཁྱོད་བཞེད་འགྲོ་དོན་དེར་ངེས་ཤིང། །དེ་ཉིད་གེགས་མེད་ངེས་པར་སྒྲུབ་ནུས་དེ་ཕྱིར་སྟོབས་ཞེས་གཙོ་བོར་བསྔགས། །ཐབས་དང་སྐྱབས་དང་དག་པ་ཐེག་མཆོག་ལས། །སླུ་བར་བྱེད་པའི་བདུད་རྣམས་འཇོམས་པ་ཡི། །སྐྱེས་བུ་གསུམ་གྱི་དོན་བྱེད་སྟོབས་ཡིན་ཞིང། །སྒྲིབ་གསུམ་འཇོམས་པའི་རྡོ་རྗེའང་སྟོབས་ཡིན་ནོ། །དེ་བཞིན་འཆད་བྱ་འཆད་བྱེད་སོ་སོ་རིག །སྤངས་རྟོགས་ཀུན་ལ་བསྙེང་བྲལ་མི་འཇིགས་བཞ། །སྤྱོད་དང་རྟོགས་དང་ཡེ་ཤེས་འཕྲིན་ལས་ཏེ། །བཅོ་བརྒྱད་ཐུབ་པ་ཁོ་ནའི་མ་འདྲེས་ཆོས། །སྲུང་མེད་གསུམ་དང་དྲན་པ་ཉེར་བཞག་གསུམ། །གཞན་ཕན་དུས་ལས་མི་གཡེལ་ཐུགས་རྗེ་ཆེ། །རྟག་ཅིག་ལྷུན་གྲུབ་སྨོན་གནས་མཁྱེན་པ་དང་། །འགྲོ་བའི་འཆིང་གཅོད་ཉོན་མོངས་མེད་པ་སོགས། །ཤེས་བྱ་ཀུན་ལ་ཁྱབ་པའི་མཁྱེན་པ་དང། །ལུས་ཅན་ཡོངས་ལ་རྗེས་བརྩེའི་སྙིང་རྗེའི་སེམས། །དེ་ཡི་རྒྱུ་

― GTD007_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་མཁའ་ཁྱབ་འཕྲིན་ལས་བཅས། །ཆོས་ཀྱི་དབྱིངས་ཀྱི་རང་བཞིན་བསམ་མི་ཁྱབ། །འོད་གསལ་ཡེ་ཤེས་ཤེས་རབ་རལ་གྲི་བདེན་སྟོང་སྟོང་པའི་དབྱིངས་སུ་གདེངས། །འགྲོ་ལ་རྗེས་ཆགས་ཆགས་པ་ཆེན་པོའི་རང་བཞིན་བཞིན་ལག་གར་གྱིས་རྩེན། །བརྟན་གཡོ་མཐའ་དག་དག་པའི་འཁོར་ལོར་སྡོམ་མཛད་མཛད་པ་མཐའ་ཡས་ཏེ། །བདེ་ཆེན་ཉག་གཅིག་གཅིག་ལས་དུ་མའི་གར་རོལ་རོལ་རྩེད་སུ་ཡིས་དཔོག །ཀུན་མཁྱེན་མཁྱེན་རབ་རབ་གསལ་ཉི་མའི་འོད། །གང་ཐུགས་ཐུགས་རྗེས་རྗེས་ཆགས་ཟླ་བའི་ཟེར། །བསྟོད་དབྱངས་དབྱངས་སྙན་སྙན་དགུར་འཁྲོལ་བ་ཡིས། །འགྲོ་ཀུན་ཀུན་མཁྱེན་མཁྱེན་བརྩེའི་དཔལ་ཐོབ་ཤོག །མཐའ་ཡས་ཞིང་དུ་བཞུགས་པའི་རྒྱལ་རྣམས་ལས། །མཐའ་བྲལ་དེ་ཉིད་གདམས་པའི་བཅུད་མྱང་སྟེ། །མཐུ་ཆེན་རྒྱལ་སྲས་ཚོགས་ཀྱི་རྣམ་ཐར་དང། །མཐུན་པར་ཚོགས་གཉིས་སྤྱོད་པ་མཐར་ཕྱིན་ཤོག །གཟུངས་སྤོབས་ཏིང་འཛིན་མངོན་པར་ཤེས་པ་སོགས། །ཡོན་ཏན་དཀྱིལ་འཁོར་ཡོངས་སུ་རྫོགས་གྱུར་ཏེ། །ཟད་མེད་ལེགས་བཤད་བདུད་རྩིའི་འོད་སྣང་གིས། །ལུས་ཅན་སྙིང་གི་གདུང་བ་སེལ་གྱུར་ཅིག །འཇིགས་མེད་ཟླ་དང་བྲལ་བའི་རྣམ་དཔྱོད་ཀྱི། །དཔུང་པ་སྙིང་སྟོབས་བཙན་པོའི་ཤུགས་འཆང་བས། །འཁྲུལ་བྲལ་བློ་བཟང་རྒྱལ་བའི་མདོ་སྔགས་ཀྱི། །བསྟན་པའི་རྒྱལ་མཚན་རྟག་ཏུ་བསྒྲེང་གྱུར་ཅིག །འཕགས་མཆོག་འཇམ་དཔལ་དཀར་པོ་ལ་བསྟོད་པ་འཇམ་མགོན་དགྱེས་པ་སྐྱེད་བྱེད་བསྟོད་སྤྲིན་རྒྱ་མཚོ་ལས་ཐུགས་ལ་བསྟོད་པའི་སྐབས་ཏེ་གསུམ་པའོ།། །།ཕྱོགས་བཅུའི་ཞིང་ན་མཐའ་

― GTD007_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

ཡས་རྒྱལ་བས་རྒྱུན་ཆད་མེད་པར་རབ་བསྔགས་པ། །གང་གི་སྙན་པས་འཇིག་རྟེན་གསུམ་བཀང་འཇམ་པའི་དབྱངས་ཞེས་རབ་ཏུ་གྲགས། །གང་དེའི་ཡོན་ཏན་ཅུང་ཟད་གུས་པས་བརྗོད་པའི་བསྟོད་སྤྲིན་རྒྱ་མཚོ་འདི། །གང་ཞིག་འཛིན་ཅིང་ཀློག་པ་དེ་ཡི་ཡིད་ལ་འཇམ་དབྱངས་མྱུར་འཇུག་ཤོག །ཅེས་པ་འདི་ནི་དད་བརྩོན་བློ་གྲོས་དང་ལྡན་པ་བསོད་ནམས་བཟང་པོས་ལྷ་མཆོག་འདི་ལ་བསྟོད་པ་རྒྱས་པ་རྗེ་བླ་མའི་གསུང་གི་བསྟོད་སྤྲིན་རྒྱ་མཚོ་ལྟ་བུ་ཞིག་དགོས་ཞེས་ནན་གྱིས་བསྐུལ་བར་བརྟེན། ཚིག་དོན་གང་ཐད་ནས་དེའི་ཕྱོགས་སུ་འགྲོ་བ་ཙམ་འོང་བའི་རེ་བ་ག་ལ་ཡོད་ཀྱང་། མཁའ་ལྡིང་དབང་པོས་བགྲོད་པའི་ཤུལ་དུ་བྱེའུས་རྩོལ་བ་ལྟར་དམ་པའི་རྗེས་སུ་ཁ་མིག་ཡར་བལྟས་པ་ལ་གཞན་གྱིས་འཕྱས་གདགས་པའི་དོན་མེད་ཅིང་རང་ཉིད་སྐལ་བ་བཟང་པོའི་རྟེན་འབྲེལ་དུ་བསམས་ཏེ། ༸བཙུན་པ་དཀོན་མཆོག་བསྟན་པའི་སྒྲོན་མེས་རྒྱལ་བའི་ལུང་གིས་ཟིན་པའི་ཆོས་གྲྭ་ཆེན་པོ་བཀྲ་ཤིས་འཁྱིལ་གྱི་ཉེ་འདབས་དབེན་གནས་ཡིད་དགའ་ཆོས་འཛིན་དུ་སུག་བྲིས་བགྱིས་པ་ལས་ཤོག་བུར་འབེབས་པ་བོ་ནི་བི་ཀྵུ་རཏྣ་ཨཱ་ནནྟའོ། །འདིའང་རང་གཞན་ཀུན་གྱི་རྒྱུད་ལ་གནས་ལུགས་རྟོགས་པའི་ཤེས་རབ་ཁྱད་པར་ཅན་སྐྱེ་བའི་རྒྱུར་གྱུར་ཅིག། །།

མདོ་སྔགས་ཀྱི་ལམ་ཡོངས་རྫོགས་ཟུང་ལྡན་གྱི་སྒོ་ནས་བསྟན་པ།

― GTD007_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་སྔགས་ཀྱི་ལམ་ཡོངས་རྫོགས་ཟུང་ལྡན་གྱི་སྒོ་ནས་བསྟན་པ་རྒྱལ་བ་དགྱེས་པའི་དབྱངས་སྙན་ཞེས་བྱ་བ་བཞུགས་སོ།།

― GTD007_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དབྱངས་དབྱངས་ཅན་བཅས་ལ་གུས་བཏུད་ནས། །གསུང་རབ་རབ་འབྱམས་ཀུན་གྱི་དགོངས་པའི་དོན། །སྙན་ཚིག་ཚིག་འཕྲེང་ཉུང་ངུར་སྤེལ་བ་ཡིས། །མདོ་རྒྱུད་རྒྱུད་མངས་འཁྲོལ་བའི་དབྱངས་སུ་ལེན། །ལེགས་ཚོགས་ཚོགས་གཉིས་འབྲས་བུར་བཅས་པ་ཡི། །འབྱུང་གནས་གནས་སྐབས་མཐར་ཐུག་དུས་ཀུན་གྱི། །སྐྱབས་མཆོག་མཆོག་གསུམ་འདུས་པའི་ངོ་བོ་ཉིད། །བླ་མ་མ་བཅོས་དད་པས་ཚུལ་བཞིན་བསྟེན། །འདོད་གཟུགས་གཟུགས་མེད་ཀུན་ཏུ་འཁྱམས་ན་ཡང། །ཆོས་ཚུལ་ཚུལ་བཞིན་སྒྲུབ་པའི་དལ་འབྱོར་རྟེན། །རྙེད་དཀའ་དཀའ་བ་བརྒྱ་ཡིས་བསྒྲུབས་ན་ཡང། །མྱུར་དུ་དུ་མའི་རྐྱེན་གྱིས་འཇིག་པར་ངེས། །ངན་སོང་སོང་ཚེ་འགྱོད་ཀྱང་བྱར་མེད་པས། །དེ་ལས་ལས་འབྲས་བླང་དོར་ཤེས་དུས་འདིར། །བདག་བདེ་བདེ་འགྲོའི་གོ་འཕང་དོན་གཉེར་གྱིས། །སྐྱབས་འགྲོ་འགྲོ་བ་བཞི་བྲལ་ལ་འབད་དེ། །ཕྱི་མ་མ་གིར་མི་འགྲོའི་གདེང་ཚད་ཅིག །གང་སྐྱེས་སྐྱེས་བུ་ཆུང་ངུའི་ཡང་རྩེ་ཡིན། །ཇི་སྲིད་སྲིད་པའི་རྩ་བ་མ་ཆོད་པ། །དེ་སྲིད་སྲིད་འདིར་བདེ་བའི་སྐབས་མེད་པས། །སྲིད་ལ་ལ་འུར་འཇིགས་ཤིང་སྐྲག་པ་ཡིས། །དེ་སྤོང་སྤོང་བདུན་ཁྲིམས་ལ་ལེགས་གནས་ཏེ། །ཉེར་ཞི་ཞི་བདེ་གཙོ་བོར་སྒྲུབ་འདོད་ཀྱི། །བློ་སྐྱེས་སྐྱེས་བུ་འབྲིང་གི་ལམ་དུ་བཤད། །སྲིད་འདི་འདི་ལྟར་ཐོག་མ་མེད་ནས་མྱུལ། །ཕ་མ་

― GTD007_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བྱས་སེམས་ཅན་འགའ་ཡང་མེད། །དེས་ན་ན་འཆི་སྲིད་པའི་རྒྱ་མཚོ་ལས། །འགྲོ་ཀུན་ཀུན་མཁྱེན་ཐར་པའི་གྲོང་མཆོག་ཏུ། །འཁྲིད་ཕྱིར་ཕྱིར་མི་ལྡོག་པའི་སེམས་བསྐྱེད་མཆོག །ནམ་སྐྱེས་སྐྱེས་བུ་ཆེན་པོའི་གྲངས་སུ་ཚུད། །གཞན་ཕན་ཕན་སེམས་ཙམ་གྱིས་མི་འགྲུབ་པས། །བྱ་དཀའ་དཀའ་བ་བརྒྱ་ཕྲག་སྤྱོད་དགོས་ལ། །དེ་ཡང་ཡང་དག་ལམ་གྱི་སྤྱི་སྡོམ་ན། །བདོག་ཀུན་ཀུན་འཛིན་མེད་པ་སྦྱིན་པའི་མཆོག །ངང་ཚུལ་ཚུལ་དང་མཐུན་པ་ཁྲིམས་ཀྱི་མཆོག །དགྲ་གཉེན་གཉེན་དུ་སྙོམས་པ་བཟོད་པའི་མཆོག །བྱ་བར་བར་གཅོད་མི་ཚུགས་བརྩོན་པའི་མཆོག །ཏིང་འཛིན་འཛིན་མེད་གསལ་སྟོང་བསམ་གཏན་མཆོག །བདེན་ཞེན་ཞེན་ཡུལ་དྲུངས་ཕྱུང་ཤེས་རབ་མཆོག །སྙིང་རྗེས་རྗེས་སུ་ཆགས་པ་ཐབས་མཆོག་བཅས། །ཐེག་ཆེན་ཆེན་པོ་བདུན་ལྡན་ལམ་བཟང་ལ། །འབད་དེ་དེ་ནི་རྒྱལ་བའི་གཞུང་ལམ་ཡིན། །དེ་ཚེ་ཚེ་གཅིག་ཉིད་ལ་རྫོགས་སངས་རྒྱས། །སྒྲུབ་རྣམས་རྣམ་དག་དབང་ཐོབ་དམ་ཚིག་བསྲུང། །ཟབ་ལམ་ལམ་བཟང་བསྐྱེད་རྫོགས་གཉིས་སོགས་ལ། །གོ་རིམ་རིམ་པ་བཞིན་དུ་སློབ་པ་གཅེས། །འོད་གསལ་གསལ་བར་འཆར་བའི་ལུས་ཀྱི་གནད། །མཐར་ཐུག་ཐུགས་ཀའི་རྩ་མདུད་རྫོགས་པར་གྲོལ། །སྤྲོས་ཀུན་ཀུན་གསལ་དབྱིངས་སུ་ཞི་བ་ན། །ངེས་དོན་དོན་དམ་བདེན་

― GTD007_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རིམ་པ་ཡིན། །ལུས་ཀུན་ཀུན་ད་ཞུ་བའི་བདེ་ཆེན་གྱིས། །ཁྱབ་ལས་ལས་རླུང་རྒྱུ་བ་ཀུན་འགགས་ཏེ། །གང་སྣང་སྣང་སྟོང་ལྷ་མི་འཁོར་ལོ་རུ། །ཤར་ཀུན་ཀུན་རྫོབ་བདེན་པའི་རིམ་པ་ཡིན། །བདེན་གཉིས་གཉིས་སུ་མི་ཕྱེད་སྒྱུ་ལུས་དང། །འོད་ཟུང་ཟུང་དུ་འཇུག་པའི་སྒྱུ་འཕྲུལ་གྱིས། །ཀུན་ཁྱབ་ཁྱབ་བདག་དཔལ་ལྡན་རྡོ་རྗེ་འཆང། །ལེགས་ཐོབ་ཐོབ་བྱའི་འབྲས་བུ་མཐར་ཐུག་ཡིན། །སྒྲ་རྒྱན་རྒྱན་གྱི་ལུགས་དང་མི་འགལ་ཞིང། །བརྗོད་དོན་དོན་གྱི་སྙིང་པོ་ཀུན་འདུས་པའ། །གཏམ་འདི་འདི་འདྲའི་ཚུལ་ལ་མོས་རྣམས་ཀྱིས། །གསན་ཏེ་ཏེ་བོར་ལག་ཏུ་ལེན་པར་མཛོད། །དགེ་བས་བས་མཐར་སྒྲུབ་པའི་བཅུད་མྱོང་ཞིང། །སྙན་ངག་ངག་གི་ལོངས་སྤྱོད་མགྲིན་གླུ་ལེན། །མང་ཐོས་ཐོས་དོན་སྒྲུབ་ལ་གཞོལ་རྣམས་ཀྱིས། །ཚུལ་འདི་འདི་བཞིན་གེགས་མེད་སྤྱོད་གྱུར་ཅིག །དེའང་ཟུང་ལྡན་གྱི་སྦྱོར་ཚུལ་ནི་རྗེ་བླ་མའི་གསུང་རབ་རྣམས་ལས་མང་དུ་འབྱུང་བ་བཞིན། སྔ་ཕྱི་མི་ཟློས་ཤིང་དོན་དང་འབྲེལ་བ་ཞིག་དགོས་ནའང། ད་ལྟ་འགའ་ཞིག་གིས་དཀར་དཀར་མང་མང་བཟང་བཟང་ཟེར་བ་ལྟ་བུ་བསྒྲིགས་འདུག་པ་ནི་དགོས་ནུས་ཆུང་བར་སྣང་བས། མདོ་སྔགས་ཀྱི་ལམ་ཡོངས་རྫོགས་ཟུང་ལྡན་གྱི་སྒོ་ནས་བསྟན་པ་རྒྱལ་བ་དགྱེས་པའི་དབྱངས་སྙན་ཞེས་བྱ་བ་འདིའང་རྗེའི་གསུང་གི་རྗེས་སུ་འབྲངས་ཏེ། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ དལ་འབྱོར་དོན་ཆེ་དང་རྙེད་དཀའ་བསམ་ན། །དོན་མེད་བྱ་བ་ལ་བཀོལ་བ་འཕང་ངོ་། །ནམ་འཆི་ངེས་མེད་དང་བཟློག་མེད་བསམ་ན། །བག་མེད་སོས་དལ་དུ་སྡོད་པ་འཁྲུལ་ལོ། །བཟོད་དཀའ་ཐར་མེད་ཀྱི་

― GTD007_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

ངན་སོང་བསམ་ན། །སྐྱབས་ཤིག་དེ་རིང་རང་མི་བཙལ་ཐབས་མེད། །ལས་འབྲས་ངེས་པ་དང་འཕེལ་ཚུལ་བསམ་ན། །དགེ་སྡིག་ཕྲ་མོར་ཡང་བག་ཟོན་བྱེད་དགོས། །འཁོར་བ་མཐའ་ངན་གྱི་ངང་ཚུལ་བསམ་ནས། །ངེས་འབྱུང་ཚུལ་ཁྲིམས་ལ་སློབ་པར་བྱེད་དགོས། །དྲིན་ལན་འཁོར་མེད་ཀྱི་མ་རྣམས་དོན་དུ། །སེམས་བསྐྱེད་ཕྱིན་དྲུག་གི་སྤྱོད་ལ་སློབ་དགོས། །ཁྱད་པར་མཐའ་བྲལ་གྱི་ལྟ་བས་རྒྱས་བཏབ། །ཟབ་ལམ་གསང་སྔགས་ཀྱི་སྣོན་པ་འདེབས་དགོས། །དེ་དག་ཐམས་ཅད་ཀྱི་རྩ་བ་བཤེས་གཉེན། །བསྟེན་ཚུལ་རྟེན་འབྲེལ་གྱི་མགོ་ནས་འགྲིག་དགོས། །ཞེས་པའང་རྗེ་ཉིད་ཀྱི་གསུང་ཡིན་ནོ།། །།

འཇམ་མགོན་བླ་མ་བསྟོད་པའི་རབ་ཏུ་བྱེད་པ་ཀ་ལ་པིངྐའི་གླུ་དབྱངས།

― GTD007_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་མགོན་བླ་མ་ལ་བསྟོད་པའི་རབ་ཏུ་བྱེད་པ་ཀ་ལ་པིངྐའི་གླུ་དབྱངས་དང་། ཀུན་མཁྱེན་འཇིགས་མེད་དབང་པོ་ལ་བསྟོད་པ་བཞུགས་སོ།།

― GTD007_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

བློ་བཟང་དབྱངས་ཅན་ངག་གི་དཔལ་མངའ་བ། །གྲགས་པའི་རྫ་རྔ་ཕྱོགས་ཀྱི་མཛེས་མས་བརྡུང། །དཔལ་ལྡན་མཁས་པ་ཀུན་གྱི་མགོས་གཏུགས་པ། །ཁྱོད་ཀྱི་ཞབས་ལ་བདག་ཀྱང་ཕྱག་བགྱིད་དོ། །ངོ་མཚར་ཟད་མི་ཤེས་པ་ལུང་རྟོགས་ཀྱི། །ཡོན་ཏན་རིན་ཆེན་འབྱུང་གནས་གཏིང་དང་མཐའ། །རྒྱལ་ཀུན་མཁྱེན་པའི་དཔལ་དང་ནམ་མཁའི་ཁྱོན། །ལྷན་ཅིག་མཉམ་པ་ཉིད་དུ་བརྗོད་ལས་འདས། །བརྗོད་བྲལ་བརྗོད་པར་རྩོམ་པའི་ངལ་ཁུར་གྱིས། །དབྱངས་ལྡན་དབྱངས་ཀྱི་ང་རོ་འདར་དང་བཅས། །ཕང་འགྲོ་ཕང་བར་ཉལ་བའི་ཟོལ་བརྟེན་ན། །ཕལ་པས་ཕུལ་དུ་ཕྱིན་པར་ག་ལ་ཞིག །འོན་ཏང་ཁུང་བུ་མ་ཡིན་ཁ་སྒོ་ལས། །སྔགས་ཀྱིས་རེངས་པར་མ་བྱས་རོ་འཛིན་གྱིས། །ཚེ་རབས་འདི་དང་གཞན་དུ་འདོད་པའི་དོན། །སྒྲུབ་ཕྱིར་ཆ་ཙམ་སྤེལ་ལ་ཆེས་ཆེར་སྤྲོ། །ཡ་རབས་རིགས་མཐོ་སྐྱེས་རི་མཐོན་པོའི་རྒྱུད། །འཕྲིན་ལས་རྒྱུན་མི་འཆད་པའི་རྒྱུན་གྱི་ངོགས། །ཙོང་ཁ་ཞེས་གྲགས་འཛིན་མའི་ཐིག་ལེ་རུ། །གཟིགས་པ་རྣམ་ལྔའི་དགེ་མཚན་སྐྱ་རེངས་ཤར། །སྙིགས་མའི་གཤིན་རྗེར་ཁྲོས་པ་འཇམ་པའི་དབྱངས། །རལ་པ་ར་ཡི་གདེངས་ཀར་བསྒྱུར་བས་ཀྱང། །མ་ངོམས་གསེར་གྱི་ཅོད་པན་རྩེ་གཅིག་ཏུ། །བསྒྲིལ་ཏེ་སྲིད་པའི་ལྟོ་བ་འདྲལ་བར་ཆས། །རིགས་གསུམ་རྣམ་པར་འཕྲུལ་བའི་ལྟས་ཀྱི་གཏམ། །དཔྱད་གསུམ་དག་པའི་གཏན་ཚིགས་ཆེ་ན་ཡང་། །

― GTD007_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གསུམ་རྒྱལ་བ་ཡོངས་ཀྱི་མཁྱེན་བརྩེ་དང། །ནུས་གསུམ་འབྲལ་བའི་དོགས་པ་གང་ན་མཆིས། །དོན་ཀུན་གྲུབ་པ་གཉིས་པའི་གཞོན་ནུ་དེ། །དོན་གྲུབ་རིན་ཆེན་བཤེས་ཀྱིས་ཡོངས་གཟུང་བས། །དོན་དམ་བློ་གྲོས་བཟང་པོར་གྲགས་པའི་མཚན། །དོན་དང་མཐུན་པ་རྣ་བའི་བཅུད་ལེན་གྱུར། །མ་ལ་ཡར་སྐྱེས་ལྕུག་ཕྲན་མངར་བའི་གསུང། །ལྷན་སྐྱེས་གདུང་སེལ་ཆོ་ག་རྫོགས་པ་དེས། །འདི་ན་དྲི་བཟང་བྱུགས་པའི་གོར་མ་ལ། །སྣོམས་པའི་ཚོགས་ལ་འཕྱ་བ་གོར་མ་ཆག །མཁྱེན་རབ་སྣང་བའི་མཆོག་སྦྱིན་མཁྱེན་གཏེར་གྱིས། །རྗེས་སུ་བརྩེ་བས་འབྲལ་མེད་རྗེས་བཟུང་ཞེས། །བསྔགས་པ་གཞན་སེམས་འབྲིད་པའི་བསྔགས་བརྗོད་དེ། །རང་གི་བྱེད་པ་ཇི་ལྟར་རང་ལ་འཇུག །དེ་ནས་དྲན་དབང་གསེར་རིའི་འཕྲེང་བསྟར་བའི། །དབུས་འགྱུར་ཆོས་ཀྱི་རྒྱ་མཚོ་མངོན་ཕྱོགས་པ། །གདོས་པ་ཟུང་གིས་བསྐྱོད་པའི་གཟིངས་བཞིན་ཏེ། །ཐུགས་ཀྱང་བློ་དང་བརྩོན་འགྲུས་འཁར་བས་བརྟེན། །དེར་ཡང་མཁས་དགུའི་ཐུགས་བཅུད་ཕོན་པོའི་ཚོགས། །རེ་རེའི་ཁམ་གྱིས་ལྷག་མར་མ་ལུས་ཚེ། །རེ་བའི་ཕྱོགས་སུ་སྣོམས་པའི་གཉིས་འཐུང་དབང། །རང་གི་གཙུག་སྐྱེས་འགྲམ་ཆང་ཁོ་ནས་མྱོས། །དེ་ལྟ་ན་ཡང་གཞོན་ནུའི་བློ་གྲོས་མཚོ། །མཁས་པའི་དབང་པོ་གཞོན་ནུ་བློ་གྲོས་ཀྱི། །ལེགས་བཤད་ཀླུང་བརྒྱས་ཆ་ཙམ་

― GTD007_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ན་ཡང། །ལྟ་བ་འཚོལ་བའི་རྟ་གདོང་ངོམས་མ་གྱུར། །ཀླུ་སྒྲུབ་ཀླུ་ཡི་དབང་པོའི་རོལ་གནས་ལས། །ཟླ་བྲལ་ཟླ་བའི་ལེགས་བཤད་བདུད་རྩིའི་ཆུས། །གཉིས་མེད་གཉིས་སུ་སྣང་བའི་བདེན་དོན་ཟུང་། །མ་ནོར་མ་འདྲེས་འབྱེད་པའི་སྤོབས་པ་བརྙེས། །རང་བཞིན་སྟོང་པའི་མཁའ་ལས་མི་འདའ་ཡང། །ལྟ་ལ་ཆགས་པའི་གནས་མེད་སྤྲོས་དང་བྲལ། །ཇི་སྙེད་འཛིན་མའི་དཀྱིལ་འཁོར་ཀུན་གསལ་ཡང། །འགར་ཡང་མངོན་ཞེན་དམིགས་གཏད་རེག་པ་མེད། །སྣང་བ་ཙམ་གྱི་ཐ་སྙད་མེ་ལོང་ལ། །གཞི་ལམ་འབྲས་བུའི་བྱི་དོར་བྱ་བྱེད་ཀུན། །བསྙོན་མེད་འཆར་བའི་ངོ་མཚར་གཟིགས་མོ་ཡིས། །བློ་ལྡན་སྒེག་མོའི་དགོས་དོན་ཅི་ཡང་འགྲུབ། །རྟེན་འབྱུང་འདོམས་པ་རྒྱལ་བའི་ངོ་མཚར་སྐུ། །དྭངས་པའི་ཐུགས་ཀྱི་མེ་ལོང་ལ་འཕོས་ཚེ། །བར་པ་མཚན་མེད་གཏན་གྱི་བྲག་ཆའི་དབྱངས། །དེ་ཡིས་ཁྱོད་ཀྱི་མགུར་ནས་བསྒྲགས་པ་བཞིན། །རྟག་ཆད་འཕྲང་སྐྱ་ཐགས་སུ་འཁྲུལ་བ་ཡིས། །དགག་སྒྲུབ་རྐང་སྟབས་འཆའ་བའི་རབ་རིབ་ཅན། །ཀུན་ཀྱང་བློ་མིག་གསེར་གྱི་ཐུར་མ་ཡིས། །ཕྱེ་ཚེ་དགའ་དང་སྐྲག་པས་འདར་བ་བསྟེན། །ཀ་རཱི་ཀ་ཡི་རུང་ཆུ་འདེབས་པ་ནས། །ས་མ་ཛ་ཡི་བདེན་གཉིས་དབྱེར་མེད་བར། །མདོ་སྔགས་བཅུ་དྲུག་ཆ་ཤས་ལམ་གྱི་ལུས། །དཀྱིལ་འཁོར་གཅིག་ཏུ་རྫོགས་ཏེ་ཐུགས་མཁར་གསལ། །དྲང་ངེས་རི་ཀླུང་བཀོད་པ་མཐའ་ཡས་ཀྱང་། །རྟོན་པ་རྣམ་བཞིའི་མཁའ་ལ་ལྡིང་བ་ཡི། །རྣམ་དཔྱོད་གྲིབ་མ་མཐུན་པར་འཇུག་པ་ན། །འགལ་བའི་གཅོང་རོང་བརྒྱ་ཡིས་དགག་ཏུ་མེད། །བརྡ་སྤྲོད་ལས་

― GTD007_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་བྱ་བའི་འཁོར་ལོ་སོགས། །བསྟན་པའི་གདུགས་དཀར་རྩིབས་མ་རེ་རེ་སྟེ། །རྫོགས་པར་འདེགས་ལ་མདོ་སྔགས་ལམ་རིམ་ཉིད། །ཡུ་བར་ཕུལ་བྱུང་ཞབས་དང་ཁྱོད་ཀྱིས་གཟིགས། །རབ་དཀར་གངས་རིས་བསྐོར་ཡང་མུན་ནག་གཏིབས། །ཀུན་ཀྱང་དབུ་མར་བསྙེམས་བཞིན་མཐའ་ལ་ལྷུང། །རིག་འཛིན་ཕལ་ཆེར་སྔགས་ལ་མ་ཕྱོགས་པས། །རྒྱལ་བསྟན་མིང་གི་ལྷག་མར་གྱུར་པ་ན། །ཐུབ་པས་ཁྱོད་ལ་དབང་པོའི་ཏོག་གི་དྲུང། །དམ་བཅས་བུ་ལོན་བཞིན་དུ་བསྙགས་པའི་ལན། །ཆོས་ཚུལ་རབ་འབྱམས་ནོར་བུའི་ཟོང་བཀྲམ་པས། །ཐར་འདོད་ཡོངས་ཀྱི་རེ་བ་ཅིག་ཅར་བསྐངས། །སྒྱུ་ལུས་སྒྱུ་མའི་གླང་པོ་བཞིན་གྱུར་ཅིང། །འོད་གསལ་འོད་སྣང་ཡལ་བར་རྩོམ་པ་ན། །ཟུང་དུ་སྦྲེལ་ཏེ་ཟུང་འཇུག་གནད་དང་བཅས། །རྡོ་རྗེ་འཆང་དབང་རྡོ་རྗེའི་ཚིག་གིས་བཀྲལ། །རྩིང་སྤྱོད་རྦ་ཀློང་འཁྲུགས་པ་སྙིགས་མའི་མཚོར། །བྱིང་བ་རྒྱུད་སྡེ་རྣམ་བཞིའི་རིག་བྱེད་གཞུང། །བཤད་སྒྲུབ་རུས་སྦལ་ཟོལ་གྱིས་བཏེག་པ་ན། །འཕྲོག་བྱེད་རང་གི་སྙེམས་པའང་གཏིང་དུ་བྱིངས། །གསུང་རབ་ཀུན་ལ་རྒྱས་བཏབ་ཕྱག་རྒྱ་སྟེ། །མཁས་པ་ཀུན་གྱི་གཙུག་ན་ནོར་བུའི་ཏོག །སྨྲ་ངན་ཀུན་ལ་དུས་ཀྱི་ཆད་པ་བཞིན། །གྱུར་པ་ཁྱོད་གསུང་རྣམ་པ་ཀུན་དང་ལྡན། །དེ་ཡི་བྲག་ཆ་ཕྱོགས་ཀྱི་རི་བོའི་མགུལ། །ཀུན་ནས་བསྒྲགས་པ་མ་སྨད་རི་བོའི་དབྱངས། །རྒྱ་མཚོའི་སྐ་རགས་འཆང་བའི་འཛིན་མ་འདིར། །མཐའ་དབུས་མེད་པ་ལྷ་ཡི་རྔ་བཞིན་ཁྱབ། །མངོན་པར་འཕེལ་ལོ་ཟླ་བས་རྒྱ་མཚོ་དང། །འོད་སྟོང་

― GTD007_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

འབར་བའི་ཟེར་གྱིས་པདྨའི་ཚལ། །ཁྱོད་ཀྱི་མཛད་པས་ཐུབ་བསྟན་མཐའ་དག་དང། །གཟུར་གནས་དད་པས་ཁྱོད་ཀྱི་གྲགས་པའི་འཕྲེང། །ཆོས་དོན་པདྨའི་ཚལ་ལ་འཕུར་ལྡིང་གིས། །རྩེན་པའི་རྐང་དྲུག་ཉེར་ཞིའི་དྲི་བསུང་དང། །ད་ལྟ་རྙེད་བཀུར་ཟང་ཟིང་ཤ་རུལ་ལ། །འཁོར་བའི་སྦྲང་བུ་འདི་སྣང་དྲི་ང་མཚོན། །ཆོས་དང་ཆོས་མིན་མི་ཕྱེད་སྐྱེ་བོ་ལ། །གྲགས་པར་གྲགས་པ་ཕལ་ཆེར་ལོག་པ་སྟེ། །མཁས་པའི་མཁས་པ་ཀུན་གྱི་མགོས་གཏུགས་པའ། །མགོན་ཁྱོད་མགོན་དུ་བསྟེན་རྣམས་སྐལ་བ་བཟང། །ལེགས་བཤད་མཛེས་དགའ་མ་ཡི་ལང་ཚོ་ལ། །རྗེས་སུ་ཆགས་པའི་དྲན་དབང་གཞོན་ནུའི་ཚོགས། །ཁྱོད་ཞབས་པདྨའི་དྲུང་དུ་བསྙེགས་པ་ན། །སོ་གའི་གླང་ཆེན་མཚོ་ལ་འདུ་བ་བཞིན། །གང་གི་ཡོན་ཏན་རྨད་བྱུང་སྦྲང་རྩིའི་ཆང། །ཆ་ཙམ་མྱང་ཚེ་ཕྱི་ཕྱིར་འཕེལ་བ་ཡིས། །ཤུགས་དྲག་འདུན་པ་བཟློག་ཏུ་མ་མཆིས་པས། །གཞན་གྱི་ལྟ་སྒོམ་སྤྱོད་པས་དྲངས་སུ་མེད། །སྲིད་པ་གསུམ་ན་ཆེར་འཕགས་ཡོངས་འདུའི་ལྗོན། །གང་གསུང་ལས་སྐྱེས་མེ་ཏོག་རེ་རེའི་བསུང། །ཕྱོགས་ཀྱི་འཁོར་ལོའི་མཐའ་ལ་འཁྱུད་པ་ན། །བདག་ཉིད་ཆེན་པོའི་རང་བཞིན་སུ་ཡིས་དཔོག །ཡབ་གཅིག་ཁྱོད་ཀྱི་ཐུགས་རྗེས་ཡོངས་བཟུང་བའི། །སྐལ་ལྡན་དུས་ཀྱི་མཐར་ཡང་མི་འཆར་ཕྱིར། །དཔྱད་གསུམ་དག་པའི་བཤད་སྒྲུབ་འཕྲིན་ལས་རྒྱུན། །བསྐལ་པ་ཕྱི་མཐས་གཏུགས་པར་ཆད་པ་མེད། །འཛིན་མ་འཛིན་བཟོད་མི་དབང་བློན་འབངས་སོགས། །འབྱོར་ལྡན་འབྱོར་བའི་སྙིང་པོ་ཀུན་བསྟབས་པ། །རྒྱལ་དང་རྒྱལ་སྲས་རྣམས་ལ་མཆོད་

― GTD007_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲིན་དང། །དགེ་ལྡན་དགེ་འདུན་འདུས་པའི་ཆས་སུ་བསྒྲུབས། །གཞན་དུ་འདོད་ཡོན་འདོད་ལྷའི་དགའ་མའི་འཛུམ། །ཐར་པའི་སྲོག་འཕྲོག་སྲིན་མོའི་ཁྲོ་གཉེར་དུ། །གཟིགས་ནས་སྲེད་བྲལ་སྲིད་གསུམ་བླ་མ་ཁྱོད། །ལོངས་སྤྱོད་གདུག་སྦྲུལ་གདེངས་ཀ་རྡོག་པས་མནན། །མཐའ་གཉིས་སྤངས་པའི་སྤྱོད་པ་རྣམ་པར་དག །མཐའ་གཉིས་སྤངས་པའི་སྒོམ་པ་མཉམ་པར་འཇུག །མཐའ་གཉིས་སྤངས་པའི་ལྟ་བ་སྤྲོས་དང་བྲལ། །དེ་ཕྱིར་ཀུན་ཏུ་དབུ་མ་ཆེན་པོར་གནས། །ཐུབ་བསྟན་རིན་ཆེན་འཛིན་སྐྱོང་སྤེལ་བའི་ཐབས། །རྒྱལ་སྲས་རྣམས་ཀྱིས་བསྐལ་པར་དགོངས་པའི་དོན། །མཐའ་དག་མ་ཚང་མེད་པར་བསྒྲུབས་པ་ཡིས། །གངས་ཅན་བསྟན་འཛིན་ཀུན་གྱི་རྩེ་མོར་སོན། །རྒྱན་དྲུག་མཆོག་གཉིས་གྲུབ་ཆེན་བརྒྱད་ཅུ་སོགས། །འདུས་ཞལ་གཅིག་པུར་གྱུར་པ་ཁྱོད་ཀྱི་ཞབས། །བསྙེན་པས་ཀུན་གྱི་གསང་མཛོད་འཐོབ་ནུས་ན། །བཟང་པོའི་སྐལ་བར་མི་སྤྱོད་ཤེས་ལྡན་གང། །དེ་ཕྱིར་བདག་ཀྱང་བདེ་གཤེགས་སྙིང་པོའི་འབྲས། །བྱང་ཆུབ་གསེར་སྦྱང་ཁམས་སུ་སྨིན་པའི་བར། །ཁྱོད་ཀྱི་ཐུགས་རྗེ་བྱིན་རླབས་མ་དྲོས་མཚོར། །འབྲལ་མེད་བསྟེན་པ་སྨོན་པའི་སྙིང་པོར་བགྱིད། །དེ་ཉིད་ཁོ་ན་ཡིད་ལ་བརྣག་པ་ཡིས། །བསྟོད་ཚིག་ཀ་ལ་པིང་ཀའི་གླུར་བླངས་ཏེ། །མཁས་དབང་མཁའ་འགྲོའི་ཚོགས་ཀྱི་མགྲིན་པའི་རྔ། །ཕྱོགས་བརྒྱར་འཁྲོལ་བ་ཡིས་ཀྱང་སྤྲོ་བ་སྐྱེས། །རབ་འབྱམས་རྒྱལ་བའི་གདུང་འཚོབ་གཅིག་པུ་སྟེ། །ཐུབ་བསྟན་ཡོངས་ཀྱི་མངའ་བདག་གཅིག་པུ་དང། །མ་ལུས་འགྲོ་བའི་མགོན་སྐྱབས་གཅིག་པུ་

― GTD007_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

པ། །ཁྱོད་ཀྱི་ཞབས་ལ་སྙིང་ནས་ཕྱག་བགྱིད་དོ། །འདིས་མཚོན་དགེ་ཚོགས་ཟླ་བའི་འཁྲི་ཤིང་ན། །དལ་འབྱོར་ཚེས་ཀྱི་འཕེལ་བ་མི་ཉམས་ཤིང་། །རྣམ་དག་བསླབ་གསུམ་ཆ་ཤས་ཡོངས་གང་ལས། །ལེགས་བཤད་བསིལ་བའི་ཟེར་བརྒྱ་སྤྲོ་བར་ཤོག །ཡབ་རྗེས་ཇི་ལྟར་གདམས་པའི་བཀའ་སྲོལ་མཆོག །ཚང་ལ་མ་ནོར་མདོ་སྔགས་ལམ་བཟང་ལ། །གོལ་བ་མེད་པའི་བགྲོད་པ་མཐར་ཕྱིན་ཏེ། །ངེས་ལེགས་ཁང་བཟང་རྩེ་མོར་འཇུག་གྱུར་ཅིག །མ་ལུས་རྒྱལ་བའི་ཆོས་ཀྱི་མཛོད་འཛིན་པ། །ཁྱོད་བཞིན་ཁྱོད་ཀྱི་གསང་བའི་མཛོད་བཟུང་སྟེ། །ཐར་འདོད་ཡོངས་ལ་མཆོད་སྦྱིན་འགྱེད་པ་ཡི། །འགྲོ་ཀུན་སྲིད་ཞིའི་དབུལ་བ་སེལ་གྱུར་ཅིག །གངས་རིའི་ཐོར་ཅོག་ཞུ་བ་གངྒཱའི་རྒྱུན། །ཟབ་ཡངས་རྒྱ་མཚོའི་ཀློང་དུ་སིམ་པ་བཞིན། །རྣམ་དཀར་དགེ་ཚོགས་མགོན་ཁྱོད་ཐུགས་བསྐྱེད་ཀྱི། །རྒྱ་མཚོར་རོ་གཅིག་མི་ཟད་གནས་ཐོབ་ཤོག །མདོར་ན་ཀུན་ཏུ་བཟང་དང་འཇམ་དཔལ་སོགས། །རྒྱལ་སྲས་ཀུན་གྱི་རླབས་ཆེན་སྨོན་ལམ་དང། །སྤྱོད་པ་ཀུན་ལ་ཞུམ་མེད་སློབ་པ་ཡིས། །རིང་མིན་ཀུན་མཁྱེན་རྒྱལ་བའི་གནས་ཐོབ་ཤོག །ཅེས་འཇམ་མགོན་བླ་མ་ལ་བསྟོད་པའི་རབ་ཏུ་བྱེད་པ་ཀ་ལ་པིདྐའི་གླུ་དབྱངས་ཞེས་བྱ་བ་འདི་ནི་ཨ་མཆོག་དགེ་བཤེས་ཀྱི་སྤྲུལ་སྐུ་མཁྱེན་རབ་ཀྱི་དབང་ཕྱུག་རཏྣ་ཤཱ་ས་ན་དྷྭ་ཛས་རྗེའི་རྟོགས་བརྗོད་སྙན་ཚིག་གི་ལམ་ནས་དྲངས་པ་ཞིག་དགོས་ཞེས་བསྐུལ་བ་ལྟར། མཁས་གྲུབ་ཐམས་ཅད་མཁྱེན་པའི་གསུང་གི་ཚིགས་བཅད་འདིའི་རྒྱས་བཤད་ཀྱི་ཚུལ་དུ། ༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། །།

ཀུན་མཁྱེན་འཇིགས་མེད་དབང་པོ་ལ་ཐོག་མའི་ཟུང་ལྡན་གྱི་སྒོ་ནས་བསྟོད་པ།

― GTD007_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་བདག་རྡོ་རྗེ་འཆང་ཀུན་མཁྱེན་འཇིགས་མེད་དབང་པོ་ལ་ཐོག་མའི་ཟུང་ལྡན་གྱི་སྒོ་ནས་བསྟོད་པ་དགེ་ལེགས་དཔལ་མཆོག་ཅེས་བྱ་བ་བཞུགས་སོ།། ༈ དགེ་ལེགས་ཆུ་གཏེར་གཏིང་མཐའ་མི་མངོན་ཞིང། །དགེ་ཚོགས་རིན་ཆེན་རྡུལ་བརྩེགས་ལྷུན་པོའི་སྤོར། །དགེ་འདུན་འདུས་པ་ལྷ་བརྒྱའི་གཙུག་གི་རྒྱན། །དགེ་ལྡན་བསྟན་པའི་གཉེན་གཅིག་རྒྱལ་གྱུར་ཅིག །ལེགས་བྱས་བྱེ་བ་བརྒྱ་ཡིས་བསྐྲུན་པའི་སྐུ། །ལེགས་བཤད་ཟབ་མོའི་དབྱངས་སྙན་སྒྲོགས་པའི་གསུང་། །ལེགས་ཉེས་བླང་དོར་མ་ལུས་གཟིགས་པའི་ཐུགས། །ལེགས་པའི་ལམ་སྟོན་འདྲེན་པ་གཙུག་གིས་མཆོད། །དཔལ་མཆོག་བདེ་བ་ཆེན་པོའི་སྒྱུ་འཕྲུལ་གར། །དཔལ་སྟུག་དག་པའི་བརྟན་གཡོ་རབ་འབྱམས་ཀྱི། །དཔལ་དུ་ཤར་བ་དཀྱིལ་འཁོར་འཁོར་ལོའི་མགོན། །དཔལ་ལྡན་བླ་མ་སྙིང་གི་ཟེའུ་འབྲུར་བཞུགས། །མཆོག་ཏུ་མི་འགྱུར་ཆོས་སྐུའི་མཁའ་དབྱིངས་ལས། །མཆོག་ཐུན་དངོས་གྲུབ་གྲུ་ཆར་འཇོ་བ་ཡིས། །མཆོག་དམན་སྐྱེ་རྒུའི་རེ་བ་རྫོགས་མཛད་པ། །མཆོག་གི་དང་པོའི་མགོན་པོ་དེར་ཕྱག་འཚལ། །རབ་འབྱམས་རྒྱལ་བའི་ཡེ་ཤེས་མེ་ཤེལ་ཁམས། །རབ་ཡངས་བསྟན་འགྲོའི་ཕན་བདེའི་ནམ་མཁའ་ལ། །རབ་གསལ་འཕྲིན་ལས་འོད་ཀྱི་སྣང་བ་འབུམ། །རབ་ཏུ་སྤྲོ་མཛད་ས་གསུམ་འགྲོ་བའི་མིག །སྐྱབས་གནས་དཀོན་མཆོག་རྣམ་གསུམ་གཅིག་བསྡུས་ཏེ། །སྐྱབས་ཀྱི་མཆོག་གྱུར་བཤེས་གཉེན་ཚུལ་བཟུང་བ། །སྐྱབས་གཅིག་འཇིགས་མེད་དབང་པོའི་ཞབས་པད་ལ། །སྐྱབས་སུ་མཆི་འོ་བྱང་ཆུབ་བར་དུ་སྐྱོངས། །ཀུན་བཟང་སྤྱོད་ཚུལ་

― GTD007_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

དཔག་ཡས་རྣམ་པར་ཐར། །ཀུན་གསལ་མཐའ་དང་མཉམ་པའི་ཆ་ཙམ་ཞིག །ཀུན་ནས་དང་བའི་ཡིད་ཀྱིས་སྤེལ་བ་འདི། །ཀུན་མཁྱེན་བླ་མ་དགྱེས་པའི་མཆོད་པར་འབུལ། །རྒྱལ་བསྟན་ཀུན་ལ་མང་ཐོས་མཐར་སོན་ཅིང། །རྒྱལ་གསུང་དྲང་ངེས་མ་ལུས་གདམས་པར་ཤར། །རྒྱལ་བའི་དགོངས་པ་ཇི་བཞིན་སྒྲུབ་པ་ཡིས། །རྒྱལ་བ་གཉིས་པའི་རྣམ་ཐར་རང་གིར་མཛད། །རྣམ་འདྲེན་ཡོངས་འཛིན་དུ་མའི་ཞབས་ཀྱི་རྡུལ། །རྣམ་པ་ཀུན་ཏུ་གུས་པས་ལེགས་བསྙེན་ཏེ། །རྣམ་མང་ཆོས་ཀྱི་མཛོད་ལ་མངའ་བརྙེས་པས། །རྣམ་ཐར་དང་པོའི་རྟེན་འབྲེལ་སྒོ་འཕར་ཕྱེས། །གནས་གསུམ་གཞལ་བྱའི་ཁྱོན་ཡངས་ཇི་སྙེད་དང་། །གནས་ལུགས་ཇི་ལྟ་བ་ཡི་དོན་གཟིགས་ཤིང། །གནས་ལྔ་རིག་པའི་ཕ་རོལ་སོན་པ་ཡིས། །གནས་སྐབས་ཀུན་ཏུ་འཁྲུལ་པའི་དྲི་མ་བྲལ། །སྨྲ་ངན་སྤོབས་པ་འཕྲོག་བྱེད་སྒྲ་ཚད་དང། །སྨྲ་བསམ་ལུས་བཟོ་གསོ་བ་རིག་པའི་གཞུང། །སྨྲ་དབང་ཐུབ་བསྟན་སྙིང་པོ་ནང་དོན་ཀུན། །སྨྲ་ལ་ཟླ་མེད་མཧཱ་པཎྚི་ཏ། །ས་སྟེང་མཁས་པ་ཀུན་གྱི་གཙུག་གི་རྒྱན། །ས་གསུམ་ཐར་འདོད་ཡོངས་ཀྱི་མིག་གཅིག་པུ། །ས་བཅུའི་དབང་ཕྱུག་རྒྱལ་སྲས་ཚོགས་ཀྱི་རྗེ། །ས་འདིར་ཀུན་མཁྱེན་འཇིགས་མེད་དབང་པོར་གྲགས། །ཆོས་མཛོད་ཟད་མི་ཤེས་པའི་གཏེར་གྲོལ་ཏེ། །ཆོས་འདོད་སྐལ་ལྡན་ཡོངས་ཀྱི་མོས་པ་བཞིན། །ཆོས་སྦྱིན་མི་ཟད་འདོད་དགུའི་མཆོག་སྦྱིན་པ། །ཆོས་ཀྱི་རྒྱལ་པོ་ཁམས་གསུམ་འགྲོ་བའི་མགོན། །རྒྱ་ཆེན་འཁོར་དབུས་ལེགས་བཤད་འདོམས་པ་ན། །རྒྱ་མཚོ་

― GTD007_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོར་གྲུ་གཟིངས་བཏང་བ་བཞིན། །རྒྱ་བོད་མཁས་མང་གཞུང་བརྒྱའི་ཁོག་ཕུབ་སྟེ། །རྒྱ་ཆེར་བཤད་པས་བློ་གྲོས་རྒྱས་པར་བྱེད། །འཇམ་མཉེན་ལྗགས་ཀྱི་དབང་པོ་ཉེར་བཀྲམ་སྟེ། །འཇམ་དབྱངས་བླ་མའི་ལེགས་བཤད་སྙན་དགུའི་ཚོགས། །འཇམ་ཞིང་སྙན་པའི་གདངས་སུ་བསྒྲགས་པ་ན། །འཇམ་དཔལ་གཞོན་ནུ་ཉིད་དང་དབྱེར་མ་མཆིས། །མ་དག་སྲིད་པའི་བཙོན་རར་ཆུད་པ་ཡི། །མ་རྣམས་བདེ་ཆེན་ཐར་པར་འཁྲིད་པའི་ཕྱིར། །མ་ལུས་དབང་ཁྲིད་ལུང་དང་མན་ངག་ཀུན། །མ་ལྟར་བརྩེ་བའི་ཐུགས་ཀྱིས་འདོམས་པར་མཛད། །དུས་ཀྱི་དབང་གིས་ཆོས་རྒྱུན་ཉམས་པ་རྣམས། །དུས་མཐར་དམ་ཆོས་འཛིན་པའི་ཐུགས་བསྐྱེད་མཐུས། །དུས་འདིར་ས་སྟེང་ཀུན་ཏུ་རྒྱས་མཛད་པས། །དུས་གསུམ་རྒྱལ་ཀུན་བཞེད་པ་ཡོངས་སུ་བསྐངས། །ཕྱོགས་གླང་གྲགས་པའི་རིགས་ལམ་ཟབ་མོ་ཡིས། །ཕྱོགས་ལས་རྣམ་རྒྱལ་རྔ་གསང་ལྡིར་བ་ན། །ཕྱོགས་འཛིན་རྨོངས་པས་མངོན་རློམ་གྱིས་མཐོ་བའི། །ཕྱོགས་སྔ་ཀུན་གྱི་སྙིང་རྩ་ལྐོག་མར་བྲོས། །སྨྲ་བ་ངག་གི་དཔལ་ལ་དབང་འབྱོར་བའི། །སྨྲ་བའི་སེང་གེའི་རྩོད་ངག་གད་རྒྱངས་ཀྱིས། །སྨྲ་བ་ངན་པའི་ཝ་སྐྱེས་ཚོགས་རྣམས་ཀུན། །སྨྲ་བཅད་དགུན་གྱི་ཁུ་བྱུག་བཞིན་དུ་བྱས། །ལེགས་སྦྱར་སྒྲ་དོན་རྒྱན་གྱི་འཁོར་ལོ་ཡིས། །ལེགས་གསུང་སྡེ་སྣོད་ནོར་བུའི་མཛོད་འདྲེན་པ། །ལེགས་བཤད་དྲི་མེད་རྩོམ་པའི་དགའ་སྟོན་མཆོག །ལེགས་པར་སྤེལ་བས་མཁས་ཀུན་ཡིད་རབ་ཕྲོགས། །སོ་ཐར་སོགས་ཀྱི་ཚུལ་ཁྲིམས་རྣམ་

― GTD007_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

པར་དག །སོ་ན་གནས་པའི་རྩེ་གཅིག་ཏིང་འཛིན་བརྟན། །སོ་སོར་རྟོགས་པའི་ཤེས་རབ་ཆེར་རྒྱས་པས། །སོ་སོར་རང་རིག་ཡེ་ཤེས་མངོན་དུ་མཛད། །བདག་གཞན་བརྗེ་བའི་བྱང་ཆུབ་སེམས་གོམས་པས། །བདག་བདེ་གཞན་ལ་གཏོང་ཞིང་སྡིག་སྡུག་ཀུན། །བདག་གི་སྟེང་དུ་ལེན་ལ་མི་ཞུམ་པ། །བདག་ཉིད་ཆེན་པོའི་ངང་ཚུལ་ཨེ་མ་རྨད། །རྣམ་དག་ཁྲིམས་ཀྱིས་ཉེས་སྤྱོད་ཀུན་སྡོམ་ཞིང། །རྣམ་ཀུན་དགེ་བའི་ཆོས་ཚུལ་ཡོངས་སུ་སྡུད། །རྣམ་མང་སེམས་ཅན་ཀུན་གྱི་དོན་སྒྲུབ་པས། །རྣམ་གསུམ་ཚུལ་ཁྲིམས་སྤྱོད་པ་ཡོངས་སུ་རྫོགས། །ཕ་མ་རིགས་དྲུག་འགྲོ་ལ་རྗེས་བརྩེ་བས། །ཕ་རོལ་ཕྱིན་དྲུག་སྤྱོད་པའི་གཟིངས་སྦྱར་ཏེ། །ཕ་མཐའ་མི་མངོན་སྲིད་པའི་ཆུ་གཏེར་གྱི། །ཕ་རོལ་སྒྲོལ་བའི་དེད་དཔོན་བླ་ན་མེད། །ཤིན་སྦྱངས་མཆོག་གིས་ཟིན་པའི་ཏིང་ངེ་འཛིན། །ཤིན་ཏུ་གསལ་བའི་མངོན་ཤེས་མེ་ལོང་ངོས། །ཤིན་ལྐོག་བསྐལ་པའི་གནས་རྣམས་མཐའ་དག་ཀྱང་། །ཤིན་ཏུ་གསལ་ཞིང་མ་འདྲེས་འཇའ་ཚོན་བཞིན། །མཐའ་བྲལ་ལྟ་བའི་སྒྲོན་མེས་རྟག་ཆད་ཀྱི། །མཐའ་ལ་ཞེན་པའི་མུན་པ་རབ་བསལ་ཏེ། །མཐའ་སྤངས་དབུ་མའི་ལམ་བཟང་གསལ་མཛད་པས། །མཐའ་དག་ཐར་འདོད་གདུལ་བྱའི་བློ་མིག་ཕྱེས། །སྣང་བ་ཇི་བཞིན་བདེན་པར་མི་དམིགས་ཀྱང། །སྣང་ཙམ་ཉིད་ལ་བྱ་བྱེད་འཐད་པ་སོགས། །སྣང་སྟོང་ཟུང་འཇུག་ཀླུ་སྒྲུབ་དགོངས་པའི་གནད། །སྣང་བྱེད་སྨྲ་བའི་ཟླ་བ་ཁྱོད་མིན་སུ། །རྒྱུད་སྡེ་རྣམ་བཞིའི་དབང་གིས་རྒྱུད་སྨིན་ཅིང། །རྒྱུད་འབྲེལ་མན་ངག་གདམས་པའི་མཛོད་བཟུང་སྟེ། །རྒྱུད་དོན་ཇི་བཞིན་མངོན་དུ་གྱུར་པ་ཡིས། །རྒྱུད་སྡེ་རྒྱ་

― GTD007_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོའི་ཁྱོན་ལ་དབང་བསྒྱུར་ཏེ། །རྡོ་རྗེ་འཆང་དབང་ཐུགས་ཀྱི་དགོངས་པ་བཞིན། །རྡོ་རྗེ་ཐེག་པའི་གནད་རྣམས་འདོམས་མཛད་ཅིང། །རྡོ་རྗེའི་རྣལ་འབྱོར་ཟབ་མོར་གཞོལ་བ་ཡིས། །རྡོ་རྗེ་འཛིན་པའི་ཚོགས་ཀྱི་གཙོ་བོར་གྱུར། །རབ་ཏུ་བརྟན་པའི་རིམ་གཉིས་ལམ་བཟང་གིས། །རབ་རྨོངས་ཀུན་རྟོག་སྤྲོས་པ་སྡེར་བཅས་བཅོམ། །རབ་ཞིའི་དབྱིངས་ལས་སྒྱུ་འཕྲུལ་དྲ་བའི་གར། །རབ་འབྱམས་དཀྱིལ་འཁོར་འཁོར་ལོའི་བདག་པོར་བཞེངས། །མི་བཟད་སྲིད་པའི་སྡུག་བསྔལ་ལས་འདས་པ། །མི་འགྱུར་བདེ་ཆེན་ཐུགས་དང་རོ་གཅིག་པའ། །མི་ཤིགས་རླུང་གི་རང་འོད་ཟུང་འཇུག་སྐུ། །མི་ཟད་རྒྱན་གྱི་འཁོར་ལོ་ཡོངས་སུ་རྫོགས། །བསྟན་པ་ཁོ་ན་ལུས་ཅན་ཕན་བདེའི་གཞིར། །བསྟན་བཞིན་ཚད་མའི་ངེས་པ་ལེགས་འཁྲུངས་པས། །བསྟན་པའི་བྱ་བར་གཅིག་ཏུ་གཞོལ་བ་ལ། །བསྟན་འཛིན་ཀུན་གྱི་ཁྲོད་ན་ཟླ་དང་བྲལ། །ཆོས་གཞི་གསར་བསྐྲུན་གསོ་དང་རྟེན་བཞེངས་སོགས། །ཆོས་སྤྱོད་རྣམ་བཅུ་རིས་སུ་མ་ཆད་པ། །ཆོས་ལྡན་བྱ་བའི་འཁོར་ལོ་རྩིབས་སྟོང་གིས། །ཆོས་ཀྱི་རྒྱལ་སྲིད་འཇིག་རྟེན་ཀུན་ཏུ་བསྐྱངས། །ནམ་མཁའི་མཐས་གཏུགས་ཞིང་ཁམས་རབ་འབྱམས་སུ། །ནམ་མཁའ་ཇི་སྲིད་འགྲོ་རྣམས་སྐྱོབ་པ་ལ། །ནམ་ཡང་བསྙེལ་བ་མེད་པའི་ཐུགས་རྗེ་ཅན། །ནམ་མཁའི་རྡོ་རྗེ་ལྷག་པའི་ལྷ་ཡི་མཆོག །གདམས་དང་རྗེས་སུ་བསྟན་པའི་མཛོད་གྱུར་ཀྱང། །གདམས་ཡུལ་དབྱེ་བ་མེད་པར་མི་སྟོན་པར། །གདམས་པའི་བཀའ་བབ་སོ་སོར་འདོམས་པ་

― GTD007_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས། །གདམས་དོན་ཇི་བཞིན་ནམ་ཡང་བསླུ་བ་མེད། །རྣམ་གྲོལ་དོན་གཉེར་གདུལ་བྱ་མཆོག་རྣམས་ལ། །རྣམ་ཀུན་མཆོག་ལྡན་སྟོང་དང་རྟེན་འབྱུང་སོགས། །རྣམ་མང་མདོ་རྒྱུད་རྒྱ་མཚོའི་བཅུད་བསྡུས་ནས། །རྣམ་པར་བསྟན་ཏེ་བྱང་ཆུབ་གསུམ་ལ་སྦྱོར། །ཐ་མལ་རྣམས་ཀྱང་ཡལ་བར་མི་འདོར་བར། །ཐ་སྙད་རིགས་ལམ་ཕྲ་མོ་ནས་བཟུང་སྟེ། །ཐ་ན་ཡི་གེ་འདྲི་རྐོས་ཚུན་ཆད་ལ། །ཐ་དད་བློ་དང་འཚམ་པར་སྦྱོར་མཛད་པས། །གང་ཞིག་ཁྱོད་ཞབས་པདྨོ་བསྟེན་པ་རྣམས། །གང་ལས་མ་དྲངས་སྲིད་ཞིའི་རྒུད་པ་དང། །གང་ལ་མ་བཀོད་ཕུན་ཚོགས་ལེགས་བྱས་དཔལ། །གང་དེ་ཀུན་མཁྱེན་གྱིས་ཀྱང་དམིགས་སུ་མེད། །མི་བསྲུན་བདུད་ཀྱི་གཉེན་གྱུར་དུ་མ་ཡིས། །མི་བཟད་གཤེ་སྐུར་གནོད་པའི་ཚོགས་བགྱིས་ཀྱང་། །མི་འཁྲུགས་གནོད་ལན་ཕན་པ་སྒྲུབ་མཛད་ཕྱིར། །མི་མཆོག་སྐྱེས་བུ་འདུལ་བ་བླ་ན་མེད། །དམ་ཚིག་རྡོ་རྗེའི་གདེངས་ཀ་འཕྱར་བ་ཡིས། །དམ་ཅན་ཆོས་སྲུང་རྒྱ་མཚོ་བྲན་དུ་འཁོལ། །དམ་ཉམས་ཚར་གཅོད་སྐལ་ལྡན་རྗེས་འཛིན་སོགས། །དམ་པའི་རྨད་བྱུང་ཐབས་མཁས་བསམ་མི་ཁྱབ། །ཡིད་སྲུབ་སྡེ་དང་བཅས་པའི་དཔུང་འཇོམས་ཤིང། །ཡིད་བཞིན་ནོར་ལྟར་འགྲོ་བའི་རེ་བ་སྐོང། །ཡིད་ལ་དྲན་པས་སྲིད་ཞིའི་གདུང་སེལ་བ། །ཡིད་ཅན་ཀུན་གྱི་མགོན་དང་སྐྱབས་ཀྱི་ཕུལ། །ཁྱོད་ནི་བླ་མ་ཁྱོད་ནི་ཡི་དམ་དང། །ཁྱོད་ནི་མཁའ་འགྲོ་ཆོས་སྐྱོང་ཀུན་དངོས་ཏེ། །ཁྱོད་མིན་སྐྱབས་གཞན་འགའ་ཡང་མི་འཚོལ་བས། །ཁྱོད་ཀྱིས་ཐུགས་རྗེས་ནམ་ཡང་མ་གཏོང་ཞིག །

― GTD007_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ཆེ་རྙེད་དཀའ་དལ་བའི་རྟེན་བཟང་འདི། །དོན་མེད་བྱ་བའི་ངང་དུ་མི་གཏོང་བར། །དོན་ལྡན་ཆོས་ལ་གཅིག་ཏུ་བརྩོན་པ་ཡིས། །དོན་གཉིས་དགའ་སྟོན་འགྲུབ་པར་བྱིན་གྱིས་རློབས། །སྲིད་གསུམ་འཁོར་བ་མེ་འོབས་ལྟར་མཐོང་སྟེ། །སྲིད་པའི་ཕུན་ཚོགས་ཀུན་ལ་ཞེན་ལོག་ནས། །སྲིད་བྲལ་ཞི་བའི་གོ་འཕང་དོན་གཉེར་གྱིས། །སྲིད་ལས་ངེས་པར་འབྱུང་བར་བྱིན་གྱིས་རློབས། །མ་ལུས་རྒྱལ་སྲས་སྤྱོད་པའི་གཞི་དང་རྟེན། །མ་ལྟར་བརྩེ་བ་ཆེན་པོའི་དབང་གྱུར་ཏེ། །མ་རྣམས་སྒྲོལ་འདོད་རིན་ཆེན་བྱང་ཆུབ་སེམས། །མ་བཅོས་རྣལ་མ་སྐྱེ་བར་བྱིན་གྱིས་རློབས། །མཚན་ལྡན་བཤེས་གཉེན་གདམས་པའི་མིག་སྨན་གྱིས། །མཚན་མར་འཛིན་པའི་རབ་རིབ་ཀུན་བསལ་ཏེ། །མཚན་མེད་སྤྲོས་བྲལ་ལྟ་བས་གནས་ལུགས་ཀྱི། །མཚན་ཉིད་མངོན་སུམ་མཐོང་བར་བྱིན་གྱིས་རློབས། །རིམ་པར་རྒྱུད་སྦྱངས་གསང་སྔགས་སྒོར་ཞུགས་ཏེ། །རིམ་པ་དང་པོའི་ཕྲ་རགས་རྣལ་འབྱོར་དང། །རིམ་ལྔས་བསྡུས་པའི་སྦྱོར་བ་ཡན་ལག་དྲུག །རིམ་བཞིན་རྒྱུད་ལ་སྐྱེ་བར་བྱིན་གྱིས་རློབས། །སྲིད་པར་འཆིང་བའི་ཉེས་པ་ཀུན་སྤངས་ཀྱང་། །སྲིད་འདིར་བསམ་བཞིན་སྐྱེ་བའི་གར་མཛད་པ། །སྲིད་གསུམ་བླ་མ་ཐུགས་རྗེའི་བདག་ཉིད་དེས། །སྲིད་པ་ཇི་སྲིད་རྗེས་སུ་འཛིན་གྱུར་ཅིག །ས་མཁན་བཤེས་གཉེན་དམ་པའི་རྗེས་ཞུགས་ཏེ། །ས་དང་ལམ་གྱི་རྟོགས་པ་རིམ་བགྲོད་ནས། །ས་བཅུའི་མཐར་སོན་སྤངས་རྟོགས་ཀུན་རྫོགས་ཏེ། །ས་གསུམ་འགྲོ་བའི་མགོན་དུ་

― GTD007_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བར་ཤོག །བསྟན་པའི་རྩ་ལག་མཆོག་རྣམས་ཞབས་བརྟན་ཅིང། །བསྟན་སྲུང་རྒྱ་མཚོས་འཕྲིན་ལས་ཚུལ་བཞིན་སྒྲུབས། །བསྟན་ལ་གུས་མཆོད་བགྱིད་རྣམས་མངའ་ཐང་རྒྱས། །བསྟན་པའི་རྒྱལ་མཚན་ཕྱོགས་བཅུར་བསྒྲེང་གྱུར་ཅིག །ཅེས་བཀའ་དྲིན་འཁོར་མེད་ཁྱབ་བདག་རྡོ་རྗེ་འཆང་རྗེ་བཙུན་དཀོན་མཆོག་འཇིགས་མེད་དབང་པོའི་ཞལ་སྔ་ནས་ལ་ཐོག་མའི་ཟུང་ལྡན་གྱི་སྒོ་ནས་བསྟོད་པ་དགེ་ལེགས་དཔལ་མཆོག་ཅེས་བྱ་བ་འདི་ནི། ཨ་མཆོག་ལམ་རིམ་གྲྭ་ཚང་གི་སློབ་ཟུར་ལྷག་བསམ་རྣམ་དཔྱོད་ཕུལ་དུ་བྱུང་བ་འཇམ་དབྱངས་ཕུན་ཚོགས་ཀྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་ཐུན་མོང་སྣང་ཚོད་ཀྱི་རྣམ་ཐར་རགས་པ་ཙམ་ཞིག་སྒྲོ་སྐུར་སྤངས་ཏེ་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགས་བགྱིས་པ་འདིའང་ཚེ་རབས་ཀུན་ཏུ་བླ་མ་མཆོག་གིས་རྗེས་སུ་འཛིན་པའི་རྒྱུར་གྱུར་ཅིག། །།

འཁྲུངས་རབས་གསོལ་འདེབས་ནོར་བུའི་ཕྲེང་བ།

― GTD007_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུངས་རབས་གསོལ་འདེབས་ནོར་བུའི་ཕྲེང་བ་བཞུགས་སོ།།

― GTD007_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

བློ་བཟང་རྒྱལ་བ་གཉིས་པའི་ཐུགས་ཀྱི་བཅུད། །གསང་ཆེན་རྒྱུད་སྡེ་རྒྱ་མཚོའི་མཛོད་འཛིན་ཅིང། །གྲུབ་རིགས་བྱེ་བའི་གཙུག་གི་རྒྱན་གྱུར་པ། །ཤེས་རབ་སེངྒེའི་ཞབས་ལ་གསོལ་བ་འདེབས། །སྡེ་སྣོད་གསུམ་གྱི་རྒྱ་མཚོའི་འཇིངས་ལ་གནས། །རྣམ་དག་བསླབ་གསུམ་ནོར་བུའི་བང་མཛོད་འཛིན། །འཁོར་ལོ་གསུམ་གྱི་མཛད་བཟང་གྲུ་ཆར་འབེབས། །དགེ་འདུན་ཕུན་ཚོགས་ཞབས་ལ་གསོལ་བ་འདེབས། །མང་དུ་ཐོས་པས་ལེགས་བཤད་དགའ་སྟོན་འགྱེད། །ཚུལ་བཞིན་སྒྲུབ་པས་རྟོགས་པ་མངོན་དུ་གྱུར། །འཕྲིན་ལས་བཟང་པོས་རྒྱལ་བསྟན་ཕྱོགས་མཐར་སྤེལ། །བསྟན་པའི་རྒྱལ་མཚན་ཞབས་ལ་གསོལ་བ་འདེབས། །འཁྲུལ་བྲལ་ལྷ་དང་བླ་མའི་བཀའ་ལུང་གིས། །ཉེར་དྲངས་སྐལ་བཟང་དད་པའི་མཁའ་དབྱིངས་སུ། །ལུང་རིགས་འོད་སྟོང་སྤྲོ་མཛད་ཆོས་ཀྱི་རྗེ། །དཀོན་མཆོག་བསྟན་པའི་སྒྲོན་མེར་གསོལ་བ་འདེབས། །ཁེ་གྲགས་དོར་ཏེ་བཤེས་གཉེན་མང་དུ་བསྟེན། །སྐྱོ་ངལ་སྤངས་ཏེ་གཞུང་ལུགས་རྒྱ་མཚོར་སྦྱངས། །འཆད་རྩོད་རྩོམ་པས་སྐལ་ལྡན་རྗེས་སུ་འཛིན། །བསྟན་པའི་རྩ་ལག་དམ་པར་གསོལ་བ་འདེབས། །ཚུལ་ཁྲིམས་རྣམ་པར་དག་པའི་ཀ་ལཱ་ཤ། ། མན་ངག་བདུད་རྩིས་གཏམས་པའི་ཆུ་རྒྱུན་གྱིས། །དུག་གསུམ་ནད་ཀྱི་གདུང་སེལ་འགྲོ་བའི་མགོན། །མཚུངས་མེད་བཤེས་གཉེན་དམ་པར་གསོལ་བ་
འདེབས། །སྐྱེ་ཞིང་སྐྱེ་བར་རྗེ་བཙུན་བླ་མ་ཡིས། །འབྲལ་བ་མེད་པར་དགྱེས་བཞིན་རྗེས་འཛིན་ཅིང། །གསུང་གི་བདུད་རྩི་ཉམས་སུ་མྱོང་བ་ཡིས། །རྣམ་འདྲེན་རྒྱལ་བའི་གོ་འཕང་མྱུར་ཐོབ་ཤོག །ཅེས་པ་འདི་ནི་དད་གཏོང་ལྷག་བསམ་དང་བླང་དོར་འབྱེད་པའི་བློ་གྲོས་སོགས་དཔལ་འཕྲེང་དང་ཆོས་མཚུངས་པ་རྫོང་འགག་རྒྱལ་མོ་བསོད་ནམས་སྒྲོལ་མའི་གསུང་གིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་དཱ་ཚང་དགོན་གྱི་བླ་བྲང་བཀྲ་ཤིས་རབ་བརྟན་དུ་བྲིས་པའོ།། ༈ སྐྱབས་གསུམ་ཀུན་འདུས་འཇིགས་མེད་དབང་པོའི་སྡེ། །རིགས་ཀུན་ཁྱབ་བདག་ཆོས་ཀྱི་རྡོ་རྗེའི་ཞབས། །ཐར་ལམ་གསལ་མཛད་བསྟན་པའི་སྒྲོན་མེ་སྟེ། །དཔལ་ལྡན་བླ་མ་གསུམ་ལ་གསོལ་བ་འདེབས། །རྗེ་བཙུན་བླ་མ་རྣམས་ཀྱི་ཐུགས་རྗེའི་མཐུས། །སྒོ་གསུམ་ཆོས་ལྡན་བགྱིས་པ་མ་ལུས་པ། །ཕྱི་ནང་ཉེར་འཚེའི་དབང་དུ་མི་འགྱུར་བར། །ཇི་ལྟར་སྨོན་བཞིན་ལྷུན་གྱིས་འགྲུབ་པར་ཤོག །

ཧལ་ཧ་རྗེ་བཙུན་དམ་པའི་འཁྲུངས་རབས་གསོལ་འདེབས།

― GTD007_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

ཧལ་ཧ་རྗེ་བཙུན་དམ་པའི་འཁྲུངས་རབས་གསོལ་འདེབས་བཞུགས་སོ།། ཡེ་ཤེས་ལྔ་ཡི་དཀྱིལ་འཁོར་རབ་རྫོགས་པ། །རྒྱལ་བའི་ཉི་མ་རྣམ་གཟིགས་སྤྱན་སྔ་རུ། །གྱད་ཀྱི་གཙོ་བོ་མཐའ་མེད་སྟོབས་གྱུར་ཏེ། །དང་པོར་བྱང་ཆུབ་མཆོག་ཏུ་ཐུགས་བསྐྱེད་ཚེ། །ལྷག་བསམ་དག་པའི་རང་མདངས་ཇི་བཞིན་དུ། །མཆོད་ཚོགས་གསལ་ཞིང་ཉམས་པ་མེད་པར་གྱུར། །རྗེ་བཙུན་བླ་མའི་ཞབས་ལ་གསོལ་བ་འདེབས། །འགྲོ་ཀུན་སྨིན་ཅིང་གྲོལ་བར་བྱིན་གྱིས་

― GTD007_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

རློབས། །དེ་ནས་བརྩམས་ཏེ་མོས་པ་སྤྱོད་པ་དང། །ལྷག་བསམ་རྣམ་དག་རྣམ་པར་སྨིན་པ་ཡི། །གནས་སྐབས་ཀུན་ཏུ་རྫོགས་སྨིན་སྦྱང་བྱས་ཕྱིར། །བར་གྱི་བསྐལ་པ་གྲངས་མེད་གསུམ་གྱི་རིང། །དག་དང་མ་དག་སྐྱེ་བའི་རྣམ་རོལ་གྱིས། །བསོད་ནམས་ཡེ་ཤེས་ཚོགས་གཉིས་རྫོགས་པར་མཛད། །རྗེ་བཙུན་བླ་མའི་ཞབས་ལ་གསོལ་བ་འདེབས། །འགྲོ་ཀུན་སྨིན་ཅིང་གྲོལ་བར་བྱིན་གྱིས་རློབས། །དངོས་འཛིན་བག་ཆགས་དང་བཅས་སྒྲིབ་པ་ཀུན། །རྡོ་རྗེ་ལྟ་བུའི་ཏིང་འཛིན་གྱིས་བཅོམ་སྟེ། །ཉི་ཟླ་སྐར་མའི་འོད་སྐོར་ཞིང་ཁམས་སུ། །ཐ་མར་མངོན་པར་རྫོགས་པར་སངས་རྒྱས་ཏེ། །དེ་བཞིན་གཤེགས་པ་ནམ་མཁའི་ཐིག་ལེ་ཞེས། །མཁའ་མཉམ་ལུས་ཅན་ཀུན་གྱི་མགོན་དུ་གྱུར། །རྗེ་བཙུན་བླ་མའི་ཞབས་ལ་གསོལ་བ་འདེབས། །འགྲོ་ཀུན་སྨིན་ཅིང་གྲོལ་བར་བྱིན་གྱིས་རློབས། །གསང་གསུམ་སྒྱུ་འཕྲུལ་ཕ་མཐའ་གཞལ་མེད་ཀྱང། །བདེན་ཚིག་རྡོ་རྗེའི་ལུང་གིས་ཟིན་པ་བཞིན། །འབར་བའི་གཙོ་དང་སྤྱོད་འཆང་དབང་པོའི་ཞབས། །ར་ཏན་ཆེན་པོ་བཻ་ཥྗ་རཱ་ཛ་སོགས། །རྒྱ་གར་ཤར་ནུབ་ཨུ་རྒྱན་མི་ཡི་ཡུལ། །ཀུན་ཏུ་མཁས་གྲུབ་རྒྱལ་བློན་རྣམ་པར་བསྟན། །རྗེ་བཙུན་བླ་མའི་ཞབས་ལ་གསོལ་བ་འདེབས། །འགྲོ་ཀུན་སྨིན་ཅིང་གྲོལ་བར་བྱིན་གྱིས་རློབས། །བསིལ་ལྡན་ར་བས་བསྐོར་བའི་ལྗོངས་སུ་ཡང། །རོང་ཟོམ་ཆོས་བཟང་རྒྱལ་བ་ཀརྨ་པ། །འབྲུག་སྒྲ་རྒྱལ་མཚན་སངས་རྒྱས་རས་ཆེན་དང། །ཨུ་རྒྱན་པ་སོགས་རིམ་དང་དུས་མཉམ་དུ། །བྱོན་པའི་སྐྱེས་མཆོག་གྲུབ་མཐའ་རིས་མེད་དང། །ཀུན་དགའི་མཚན་གྱི་སྙིང་པོ་གསལ་བྱེད་པ། །རྗེ་བཙུན་བླ་མའི་ཞབས་ལ་གསོལ་བ་འདེབས། །འགྲོ་ཀུན་སྨིན་ཅིང་གྲོལ་བར་བྱིན་གྱིས་རློབས། །བྱེ་བྲག་བློ་བཟང་རྒྱལ་བའི་

― GTD007_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ་ལ། །འཕྲིན་ལས་རྨད་བྱུང་བཀྲ་ཤིས་དཔལ་དང་ལྡན། །ལུང་རྟོགས་ཆོས་ཀྱི་རྒྱལ་མཚན་སྒྲེང་བྱེད་ཅིང། །འགྲོ་བའི་ཡིད་ཀྱི་མུན་སེལ་སྒྲོན་མེ་མཆོག །ཐུབ་བསྟན་དབང་ཕྱུག་འཇིགས་མེད་རྒྱ་མཚོ་ཞེས། །བྱང་ཕྱོགས་སྐྱེ་དགུའི་འདྲེན་པ་གཅིག་པུར་གྱུར། །རྗེ་བཙུན་བླ་མའི་ཞབས་ལ་གསོལ་བ་འདེབས། །འགྲོ་ཀུན་སྨིན་ཅིང་གྲོལ་བར་བྱིན་གྱིས་རློབས། །ནམ་མཁའི་མཐས་གཏུགས་བསྟན་དང་འགྲོ་བའི་དོན། །མ་ལུས་བདག་གིར་བཞེས་པའི་ཐུགས་བསྐྱེད་བཞིན། །སླར་ཡང་སྤྲུལ་བའི་གར་གྱིས་རྣམ་རོལ་ཞིང། །འཁོར་ལོ་གསུམ་གྱི་མཛད་བཟང་ལྷུན་གྲུབ་སྟེ། །ཟབ་དང་རྒྱ་ཆེའི་ཆོས་ཀྱི་དགའ་སྟོན་ལ། །འདོད་དགུར་སྤྱོད་པའི་སྐལ་བཟང་མྱོང་བ་དང། །རྗེ་བཙུན་བླ་མའི་ཞབས་ལ་གསོལ་བ་འདེབས། །འགྲོ་ཀུན་བདེ་བླག་སྨིན་ཅིང་གྲོལ་གྱུར་ཅིག །ཅེས་པ་འདི་ནི་དད་ལྡན་དཀོན་མཆོག་སྐྱབས་ཀྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་འཕྲལ་དུ་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། །།

སྟོན་པ་ཐུབ་པའི་དབང་པོ་ལ་མ་བརྗོད་པར་བསྟོད་པ་སོགས།

― GTD007_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་པ་ཐུབ་པའི་དབང་པོ་ལ་མ་བརྗོད་པར་བསྟོད་པ་སྒོ་མཐའ་ཡས་སོགས་བསྟོད་ཚོགས་གསོལ་འདེབས་ཀྱི་སྐོར་བྱིན་རླབས་གཏེར་གྱི་སྒོ་འབྱེད་ཅེས་བྱ་བ་བཞུགས་སོ།།

― GTD007_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མུ་ནི་དྷརྨཱ་ཀཱ་ཡཱ་ཡ། སྣང་དང་གནས་ཚུལ་བདེན་པའི་དྲི་བཞོན་གྱི། །རྗེས་འགྲོ་ཚོགས་གཉིས་སྤྲིན་ཆེན་སྣང་སྟོང་ལས། །ལྷུན་གྲུབ་འཇོ་བ་འཕྲིན་ལས་གྲུ་ཆར་གྱིས། །འཇིག་རྟེན་ཀུན་ཁྱབ་རྒྱལ་བའི་ཡོན་ཏན་ན། །སྲིད་པ་ཡང་འབྱུང་མེད་པར་བཅོམ་པའི་རྒྱུད། །སྤྲོས་བྲལ་ཟག་མེད་བདེ་དང་སྐྱ་བསྒྲིལ་བ། །གསུང་ལས་སྐྱེས་དང་རྐྱེན་རྟོགས་གསུམ་རིག་ཚོགས། །སྤོབས་པའི་ཁྱམས་ལས་རིང་དུ་འདས་གྱུར་ན། །ཀུན་སྦྱོར་འཆིང་བ་མ་གྲོལ་ཟག་བཅས་ཀྱི། །བསོད་ནམས་རྣམ་སྨིན་སྐད་ཅིག་གཟི་ལྡན་པ། །རང་བྱུང་བདེ་འབྱུང་བདག་པོ་འདོད་པ་སོགས། །ཆ་ཙམ་དཔོག་པའི་གོ་སྐབས་ག་ལ་ཞིག །རྒྱལ་བ་སྲས་ཀྱི་ཐུ་བོར་བཅས་རྣམས་ཀྱིས། །མཁྱེན་པས་ཁྱབ་ཀྱང་འཁོར་བའི་མཐའི་བར་དུ། །བརྗོད་པས་རྫོགས་མིན་མཐའ་བྲལ་རང་གི་གཤིས། །མཐའ་ལྡན་བགྱི་བ་བདེན་གཉིས་ཚུལ་ལས་

― GTD007_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

འདས། །དེ་ཕྱིར་ཚིག་གི་ལམ་དུ་མཚོན་མིན་པར། །བསམ་ཡས་མཁའ་མཐའ་མཉམ་པར་ཡིད་ཆེས་པས། །ཐལ་སྦྱར་གུས་པས་བཏུད་པའི་དགེ་བ་འདིས། །ཀུན་ལ་གསང་མཛོད་མངོན་དུ་འགྱུར་བར་ཤོག །ཅེས་སྟོན་པ་ཐུབ་པའི་དབང་པོ་ལ་མ་བརྗོད་པར་བསྟོད་པ་སྒོ་མཐའ་ཡས་ཞེས་བྱ་བ་འདི་ནི། བསྟན་པའི་རྗེས་སུ་སློབ་པ་དཀོན་མཆོག་བསྟན་པའི་སྒྲོན་མེས་ཕུལ་བའོ།། ༈ གང་ཚེ་རྐང་གཉིས་གཙོ་བོ་ཁྱོད་བལྟམས་ཚེ། །ས་ཆེན་འདི་ལ་གོམ་པ་བདུན་བོར་ནས། །ང་ནི་འཇིག་རྟེན་འདི་ན་མཆོག་ཅེས་གསུངས། །དེ་ཚེ་མཁས་པ་ཁྱོད་ལ་ཕྱག་འཚལ་ལོ། །རྣམ་དག་སྐུ་མངའ་མཆོག་ཏུ་གཟུགས་བཟང་བ། །ཡེ་ཤེས་རྒྱ་མཚོ་གསེར་གྱི་ལྷུན་པོ་འདྲ། །གྲགས་པ་འཇིག་རྟེན་གསུམ་ན་ལྷམ་མེ་བ། །མགོན་པོ་མཆོག་བརྙེས་ཁྱོད་ལ་ཕྱག་འཚལ་ལོ། །མཚན་མཆོག་ལྡན་པ་དྲི་མེད་ཟླ་བའི་ཞལ། །གསེར་མདོག་འདྲ་བ་ཁྱོད་ལ་ཕྱག་

― GTD007_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

འཚལ་ལོ། །རྡུལ་བྲལ་ཁྱོད་འདྲ་སྲིད་པ་གསུམ་མ་མཆིས། །མཉམ་མེད་མཁྱེན་ཅན་ཁྱོད་ལ་ཕྱག་འཚལ་ལོ། །ཉི་མའི་འོད་ཟེར་དག་གིས་པདྨ་ཁ་འབྱེད་ལྟར། །གསུང་གི་འོད་ཟེར་དག་གིས་འཇིག་རྟེན་སད་པར་མཛད། །སྟོན་པ་ཤཱཀྱ་ཐུབ་པ་སྒྲོན་མེ་ཐུགས་རྗེ་ཅན། །མྱ་ངན་འདའ་སྟོན་གང་ཡིན་དེ་ལ་ཕྱག་འཚལ་ལོ། །མགོན་པོ་ཁྱོད་ཀྱི་ཐུགས་རྗེའི་འོད་སྟོང་གིས། །མི་ཤེས་རྨོངས་པའི་མུན་པ་བསལ་དུ་གསོལ། །ཐོག་མེད་ནས་བསགས་ལས་ཉོན་སྡིག་སྒྲིབ་ཀུན། །ཐུགས་རྗེ་བདུད་རྩིའི་ཆབ་ཀྱིས་སྦྱང་དུ་གསོལ། །གསུང་རབ་རྒྱ་མཚོའི་དགོངས་དོན་ཁོང་དུ་ཆུད། །ཐོས་དོན་ཇི་བཞིན་སྒྲུབ་པས་ཉམས་སུ་ལོན། །བློ་བཟང་རྒྱལ་བསྟན་ཕྱོགས་མཐར་སྤེལ་བ་ཡི། །སྨོན་པ་གེགས་མེད་འགྲུབ་པར་བྱིན་གྱིས་རློབས། །མདོར་ན་བདག་སོགས་ལྟོས་བཅས་འབྲེལ་ཐོགས་ཀུན། །སྟོན་པ་མཆོག་དེས་འབྲལ་མེད་རྗེས་གཟུང་སྟེ། །བསྟན་ལ་གེགས་མེད་ཚུལ་བཞིན་བསླབ་པ་ཡི། །སྐུ་གསུམ་གོ་འཕང་བདེ་བླག་ཐོབ་གྱུར་ཅིག །ཅེས་པ་འདི་ནི་བསྟན་པའི་གསལ་བྱེད་ཆས་པ་རྒྱ་མཁར་སྤྲུལ་སྐུ་དཀོན་མཆོག་བསྟན་པའི་རྒྱལ་མཚན་ནས་ཇོ་ཤཱཀ་སོགས་མཇལ་སྐབས་འདོན་རྒྱུའི་གསོལ་འདེབས་སྨོན་ཚིག་ཅིག་དགོས་ཚུལ་བསྐུལ་མ་བྱུང་བ་ལྟར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ རྒྱལ་བའི་གསུང་གི་གསང་མཛོད་མཐའ་དག་དང། །ཁྱད་པར་རྒྱ་ཆེན་སྤྱོད་པའི་སྲོལ་བཟུང་སྟེ། །སྦས་དོན་མངོན་རྟོགས་རིམ་པ་གསལ་མཛད་པ། །རྒྱལ་ཚབ་

― GTD007_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

བྱམས་པ་མགོན་ལ་ཕྱག་འཚལ་ལོ། །ལམ་གྱི་རིམ་པ་ཀུན་ལ་ངེས་རྙེད་ཅིང། །བྱང་ཆུབ་སེམས་མཆོག་མྱོང་བ་མཐར་སོན་ཏེ། །གཞན་ཕན་གཟུགས་སྐུ་འགྲུབ་པའི་ཐབས་ཀྱི་མཆོག །བསོད་ནམས་ཚོགས་ཆེན་རྫོགས་པར་བྱིན་གྱིས་རློབས། །རྒྱལ་བའི་གསུང་གི་གསང་མཛོད་མཐའ་དག་དང། །ཁྱད་པར་ཟབ་མོ་ལྟ་བའི་སྲོལ་བཟུང་སྟེ། །དངོས་བསྟན་སྟོང་ཉིད་རིམ་པ་གསལ་མཛད་པ། །མགོན་པོ་འཇམ་པའི་དབྱངས་ལ་ཕྱག་འཚལ་ལོ། །ཟབ་མོ་རྟེན་འབྱུང་དོན་ལ་ངེས་རྙེད་ཅིང། །ཡང་དག་ལྟ་བའི་མྱོང་བ་མཐར་སོན་ཏེ། །སྒྲིབ་བྲལ་ཆོས་སྐུ་འགྲུབ་པའི་ཐབས་ཀྱི་མཆོག །ཡེ་ཤེས་ཚོགས་ཆེན་རྫོགས་པར་བྱིན་གྱིས་རློབས། །རྗེ་བཙུན་ཨཱརྱ་མཻ་ཏྲི་མཉྫུ་ཤྲཱ། །དབྱེར་མེད་ཐུགས་རྗེ་བདེན་པའི་བྱིན་རླབས་མཐུས། །ཟབ་རྒྱས་ལམ་གྱི་ཉམས་ལེན་མཐར་སོན་ཏེ། །དོན་གཉིས་མཐར་ཕྱིན་སངས་རྒྱས་མྱུར་ཐོབ་ཤོག །ཅེས་པ་འདི་ནི་དཀོན་མཆོག་ཡེ་ཤེས་ཀྱིས་བསྐུལ་ངོར་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ འཆི་མེད་ཚེ་དང་ཡེ་ཤེས་དཔལ་སྟེར་ཞིང། །མི་བཟད་དུས་ཀྱི་རྒུད་པ་མཐར་མཛད་པ། །འགྲོ་བའི་མགོན་པོ་འཇིག་རྟེན་མཐའ་དག་ལས། །རྣམ་པར་རྒྱལ་མའི་ཞབས་ལ་ཕྱག་འཚལ་ལོ། །ཡིད་འོང་འཇའ་ཚོན་བཀྲ་བའི་གུར་ཁང་དབུས། །པད་ཟླའི་གདན་ལ་སྒེག་པའི་ཉམས་ལྡན་པ། །དཀར་སེར་སྔོ་བའི་ཞལ་དཀྱིལ་རབ་རྒྱས་ཤིང་། །

― GTD007_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

སྣ་ཚོགས་ཉམས་ཀྱིས་རོལ་པ་དེ་ལ་འདུད། །རལ་པའི་ཐོར་ཅོག་རིན་ཆེན་རྒྱན་གྱིས་སྤུད། །སྤྱན་མཛེས་ཤངས་ཀྱི་རྒྱུད་ནི་ཡིད་དུ་འོང། །མཆུ་སྒྲོས་འཛུམ་ལྡན་ནོར་བུའི་རྣ་ལུང་གཡོ། །ཡིད་འཕྲོག་བལྟ་བས་མི་ངོམས་ཁྱོད་ལ་འདུད། །རྡོ་རྗེ་སྣང་མཐའ་མདའ་དང་མཆོག་སྦྱིན་གཡས། །གཡོན་བཞིའི་ཞགས་པ་མི་འཇིགས་ཕྱག་རྒྱ་དང། །གཞུ་དང་འཆི་མེད་བདུད་རྩིའི་བུམ་བཟང་གིས། །མི་ཟད་ཚེ་ཡི་དགའ་སྟོན་སྤེལ་ལ་འདུད། །བརྒྱད་གཉིས་ལང་ཚོའི་དཔལ་མངའ་མཛེས་པའི་སྐུ། །དྲི་མེད་ཤེལ་གྱི་འཁྲི་ཤིང་གཞོན་ནུའི་དངོས། །རྣམ་བཀྲའི་གོས་དང་དོ་ཤལ་རྩེ་དགའ་འཛིན། །གདུལ་བྱའི་ཁམས་བཞིན་སྟོན་པར་མཛད་ལ་འདུད། །རྨོངས་པ་ཀུན་བཅད་བདེན་གཉིས་མངོན་སུམ་གཟིགས། །ཀུན་ལ་སྙོམས་པའི་ཐུགས་རྗེ་རྒྱུན་ཆད་མེད། །འཇིགས་པ་ཀུན་སྐྱོབ་ཕན་དང་བདེ་སྟེར་བ། །མ་ལུས་འགྲོ་བའི་སྐྱབས་མཆོག་ཁྱོད་ལ་འདུད། །རྒྱལ་སྲས་ཕྱག་ན་པདྨ་རྡོ་རྗེ་འཛིན། །མི་གཡོ་འདོད་རྒྱལ་དབྱུག་སྔོན་སྟོབས་པོ་ཆེ། །གཙང་མའི་གནས་ཀྱི་གཞོན་ནུ་གཉིས་ལ་སོགས། །དག་པའི་འཁོར་གྱིས་བསྐོར་ལ་ཕྱག་འཚལ་ལོ། །རིང་ནས་བདག་ཅག་དོན་དུ་ཐུགས་བསྐྱེད་ཅིང། །འཕྲིན་ལས་དུས་ལས་ཡོལ་བ་མི་མངའ་ན། །ཇི་སྐད་གསུངས་པའི་གཟུངས་ཀྱི་ཕན་ཡོན་རྣམས། །དེང་འདིར་བདག་ལ་མངོན་དུ་འགྱུར་བར་མཛོད། །ཕྱི་ནང་འགལ་རྐྱེན་ཉེས་ལྟུང་ཀུན་ཞི་ཞིང། །ཚེ་དཔལ་ལུང་རྟོགས་ཡོན་ཏན་རྒྱས་པ་དང། །བྱང་ཆུབ་སྒྲུབ་པའི་ཐབས་ལ་དབང་འབྱོར་ཏེ། །བདུད་དཔུང་འཇོམས་ལ་མཐུ་དང་ལྡན་པར་ཤོག །མདོར་ན་བཤེས་གཉེན་དམ་པ་མཉེས་བྱས་ནས། །

― GTD007_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུབ་པའི་དགོངས་པ་རྙེད་པའི་མང་ཐོས་ཀྱིས། །བསྒྲུབ་པའི་བྱ་བ་ལེགས་པར་མཐར་ཕྱིན་ནས། །རྒྱལ་བའི་བསྟན་པ་ཕྱོགས་བཅུར་རྒྱས་བྱེད་ཤོག །ཅེས་གཙུག་ཏོར་རྣམ་པར་རྒྱལ་མ་ལ་བསྟོད་པ་འདི་ནི་དད་བརྩོན་ལྡན་པ་དཀོན་མཆོག་དམ་ཆོས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྱིན་རླབས་ཀྱི་ཁྱད་ནས་རྗེ་བླ་མའི་གསུང་གི་ཚིག་སྣ་བསྡུས་ཏེ་བསྡེབས་པའོ།། ༈ བླ་མ་གཤིན་རྗེའི་གཤེད་ལ་ཕྱག་འཚལ་ལོ། །ཡེ་ཤེས་ལྔ་ལྡན་ཟུར་ཕུད་འབར་བའི་ཀློང། །བདེན་གཉིས་རྭ་གདེངས་སྣང་སྟོང་སྲིན་པོའི་གར། །རྣམ་གསུམ་གཤིན་རྗེའི་གཤེད་དུ་བསྒྱུར་བའི་ལྷ། །ཁྲོ་རྒྱལ་རྡོ་རྗེ་འཇིགས་མཛད་ལ་ཕྱག་འཚལ། །གང་ཐུགས་བདེ་སྟོང་སྒྱུ་མའི་རོལ་བ་ལས། །མི་འགྱུར་ལྷན་ཅིག་སྐྱེས་དགའི་མཆོག་སྦྱིན་ཕྱིར། །བསྐལ་པའི་མཐར་ཡང་སྦྱོར་བའི་ཡུམ་གཅིག་མ། །རྡོ་རྗེ་རོ་ལངས་མ་ལ་ཕྱག་འཚལ་ལོ། །གདུལ་བྱའི་ཁམས་བཞིན་ཞི་ཁྲོའི་རོལ་གར་བརྒྱ། །བསྒྱུར་མཛད་འཇམ་དཔལ་དཔའ་བོའི་བཀོད་པ་བཞིན། །མཛེས་སྡུག་རྒྱ་མཚོའི་ཟླ་རིས་དབྱངས་ལྡན་མ། །དྲག་མོའི་སྐུར་བསྟན་ཁྱོད་ལ་ཕྱག་འཚལ་ལོ། །སྟོན་མཚན་མཁའ་ལ་གཡོ་བའི་སྤྲིན་སྔོན་གྱི། །ཁོངས་ལས་རྒྱུ་སྐར་ཚོམ་བུ་རྒོད་པ་བཞིན། །གཤིན་རྗེའི་གཤེད་དང་མཉམ་སྦྱོར་གཅེར་མོའི་ལུས། །རུས་པའི་རྒྱན་ཕྲེང་བཀྲ་བ་ཁྱོད་ལ་འདུད། །མེ་ལོང་གཅིག་ལ་རབ་འབྱམས་གཟུགས་སྣང་བཞིན། །དག་པའི་རྟེན་དང་བརྟེན་པ་ལྷའི་འཁོར་ལོ། །མཐའ་ཡས་ཀུན་ཏུ་སྤྲོ་ཞིང་འཛིན་མཛད་པ། །དུས་གསུམ་རྒྱལ་བའི་

― GTD007_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུམ་ལ་ཕྱག་འཚལ་ལོ། །བཀའ་ཡི་འཁོར་ལོས་གནས་གསུམ་ཌཱ་ཀིའི་ཚོགས། །ཀུན་ལ་མངའ་བསྒྱུར་ཡེ་ཤེས་མཁའ་འགྲོ་མ། །ཁྱོད་ཞབས་གུས་བསྟེན་དམ་ཚིག་ལྡན་པའི་བུར། །མ་དང་སྲིང་ལྟར་བརྩེ་བས་ཉེར་དགོངས་ཤིག །དེང་ནས་ཇི་སྲིད་འཇམ་དཔལ་གནས་ཐོབ་པ། །དེ་སྲིད་ཁྱོད་ཀྱིས་འབྲལ་མེད་རྗེས་བཟུང་སྟེ། །དངོས་གྲུབ་བདུད་རྩིའི་བཅུད་ཀྱིས་རབ་བསྐྱངས་ནས། །ཟག་མེད་དགའ་བའི་ལང་ཚོ་རྒྱས་གྱུར་ཅིག །ཅེས་བཅོམ་ལྡན་འདས་མ་རྡོ་རྗེ་རོ་ལངས་མ་ལ་བསྟོད་པ་འདི་ནི་དགེ་བའི་བཤེས་གཉེན་རྡོ་རམས་པ་འཇིགས་མེད་རྒྱལ་མཚན་གྱིས་བསྐུལ་བ་ལྟར་༸དཀོན་མཆོག་བསྟན་པའི་སྒྲོན་མེས་བཀྲ་ཤིས་འཁྱིལ་དུ་བྲིས་པའོ།། ༈ ན་མོ་བཛྲ་དྷཱ་རཱ་ཡ། གསང་ཆེན་སྒྱུ་འཕྲུལ་གར་གྱི་རི་མོ་འབུམ། །ཅིར་ཡང་འཆར་བའི་ངོ་མཚར་ཐབས་མཁས་ཀྱིས། །ཐར་འདོད་ཐར་པར་འཁྲིད་པའི་ས་མཁན་མཆོག །བཞད་པའི་རྡོ་རྗེ་སྲིད་པ་གསུམ་ན་རྒྱལ། །ཀུན་གསལ་མཐའ་ལས་འགོངས་པའི་ཡོན་ཏན་གྱི། །རིན་ཆེན་སྙེ་མ་གཡུར་དུ་ཟ་བ་ལས། །རང་བློར་དཔག་པའི་རྣམ་ཐར་མུཀྟི་ཀའ། །ཕྲེང་བ་རྣམ་དཔྱོད་སོར་མོས་བསྟར་བར་བྱ། །མི་ལའི་རིགས་འཁྲུངས་མིང་ཐོས་དགའ་བ་ཁྱོད། །ཞི་བའི་མགྲོན་སླད་སྲིད་པའི་རྒུད་པ་བརྒྱས། །སྐྱབས་མེད་དམ་དང་ལྷན་ཅིག་མནར་བྱས་ཀྱང། །ད་དུང་གདངས་སྙན་གླུ་རུ་ལེན་དེ་མཚར། །དེ་ཚེ་ཞེ་སྡང་བདག་མེའི་འཐོར་རླུང་གིས། །ཁྱོད་མཐུ་གསར་པའི་མེ་ཆེན་སྦར་བ་ཡིས། །གཉེན་མི་དགྲ་སྡེ་ཐལ་བར་བརླག་པ་ན། །ཡིད་སྲུབ་རང་གནས་བསྲེག་པའི་ལྟས་ཀྱིས་འཇིགས། །སྒྱུ་མའི་སྡིག་ཆེན་སྤྱོད་པའི་མིག་འཕྲུལ་དུ། །དེད་དཔོན་མང་བཀུར་མཐོ་རིས་རྟེན་ལ་ཡང། །དམྱལ་བའི་སྡུག་བསྔལ་བཟོད་པའི་དཀའ་ཐུབ་ཀྱིས། །མཁར་

― GTD007_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

ལན་ལ་སོགས་ལྟས་མོ་ཅི་ཡང་བསྟན། །དེ་ནས་མར་པ་ལོ་ཙཱ་ཧེ་བཛྲ། །གཉིས་མེད་ཡེ་ཤེས་རང་བཞིན་དཀྱིལ་འཁོར་དུ། །སྐུ་བཞིའི་ས་བོན་འགྲུབ་པའི་དབང་བསྐུར་གྱིས། །སྨིན་ཚེ་གྲོལ་བྱེད་ལམ་ལ་རིངས་པར་ཆས། །ཀུན་རྟོག་ཚེར་མ་གཟིར་བའི་སེམས་ཀྱི་ཟྭ། །བཅུད་དུ་བསྒྱུར་བའི་ཐབས་མཁས་རྣལ་འབྱོར་ཆེ། །ཁྱོད་ཐུགས་སྟོང་པའི་དབྱིངས་སུ་ཞུགས་པ་ན། །སྐུ་ཡང་ནམ་མཁའི་མདངས་བཟང་སྟོན་པ་བཞིན། །འཆི་མེད་ལམ་ལས་བརྒལ་ནས་ཞི་བའི་གྲོང། །བསྙེགས་འདྲ་གཡའ་རི་གངས་ཀྱི་རི་སུལ་ནས། །རས་གོས་རྐྱང་བས་གྲང་རེག་གཞོམ་པ་དེ། །གཏུམ་མོའི་ཚ་ཟེར་ཁོང་ནས་བཞད་མིན་ནམ། །དེ་ཚེ་བཞི་རལ་བརྒྱད་གྱེས་ཁང་པ་དང། །ལྷུ་ཚིགས་ཀུན་ནས་རྒོད་པ་ཨ་མའི་གདུང། །གཏོལ་མེད་ཕྱོགས་མཐར་འཁྱམས་པ་སྲིང་མོས་ཀྱང། །འཁོར་བའི་ངང་ཚུལ་བསྟན་ནས་ཆོས་ལ་བསྐུལ། །བརྩོན་པ་བརྩོན་པའི་བསྐུལ་མ་རྗེས་འགྲོ་ཅན། །དྲག་འཕྱུར་ཁམ་ནག་དབྱར་གྱི་ཆུ་ཀླུང་བཞིན། །ལས་ཉོན་སྒྲིབ་པའི་ལྗན་ལྗིན་མ་ལུས་པ། །ལྷག་མེད་བྱང་ཚེ་རྟོགས་པ་ཀློང་ནས་རྡོལ། །རིམ་གཉིས་གོམ་སྟབས་བསྒྱུར་ལ་སྙིགས་མའི་ཚེ། །ཐུང་ཡང་མི་འུ་ཐུང་གི་གོམ་གཅིག་གིས། །བསྐལ་མང་བགྲོད་དཀའི་སྒྲ་ཆེན་སངས་རྒྱས་ས། །མནན་ཚེ་རྒྱལ་རྣམས་སྟོབས་ལྡན་རྫུ་ལ་བརྟེན། །འོད་གསལ་སྒྱུ་མའི་རས་དཀར་འདབ་མ་ཟུང། །བསྐྱོད་པའི་གཉིས་སྐྱེས་ཀ་ལ་པིང་ག་ཁྱོད། །མགྲིན་པའི་འཁོར་ལོ་གྲོལ་ལས་གསང་ཆེན་གླུ། །ལྷང་ལྷང་བསྒྲགས་ཚེ་ཌཱ་ཀིའི་སྙིང་རྩ་འདར། །ལུང་བསྟན་བུ་སློབ་རྒྱལ་ཕྲན་
སྟོང་གི་དབུས། །ཟུང་འཇུག་འཁོར་ལོས་བསྒྱུར་བའི་རྒྱལ་ཐབས་མཁན། །འཁོར་བའི་དགྲ་སྡེ་ཀུན་ལས་རྒྱལ་ཁྱོད་ལ། །མི་མིན་འགའ་ཡིས་མ་ཚུགས་མཚར་སྐད་མཚར། །རྫུ་ཞིང་འཕྲུལ་བའི་རྣམ་རོལ་ཕྲ་མོ་ཡིས། །ཁྱོད་ལ་བསྔགས་པའང་བྱིས་པའི་བློ་གྲོས་ཏེ། །སྔོན་ནས་ངོ་མཚར་མ་ལ་ཡ་རླུང་གིས། །འཕགས་ཡུལ་བརྟན་གཡོའི་འདབ་མ་བསྙིལ་མིན་ནམ། །ཨེ་མ་གྲགས་པའི་གཞིར་གྱུར་ཁྱོད་ཀྱི་མཐུ། །ལྕེ་རྩེའི་མཚོ་ལ་དབྱངས་ཅན་ངང་མོ་འབུམ། །ཅིག་ཅར་འཁྱུད་ཀྱང་བསྐལ་བརྒྱར་རྫོགས་མིན་ན། །རྨོངས་པས་རྨོངས་པ་བདག་འདྲས་ཇི་ལྟར་བརྗོད། །འོན་ཀྱང་ཆ་ཙམ་སྤེལ་བའི་དགེ་བ་འདིས། །ཆོས་བརྒྱད་འགོང་པོ་རྡོག་པས་བརྫི་བྱས་ཏེ། །རིམ་གཉིས་ལམ་བཟང་གོམ་པའི་གར་སྟབས་ཀྱིས། །མི་བསྐྱོད་རྒྱལ་བའི་གནས་སུ་བགྲོད་པར་ཤོག །ཅེས་བསིལ་ལྗོངས་གྲུབ་རིགས་ཡོངས་ཀྱི་འཁོར་ལོས་བསྒྱུར་བ་ཆེན་པོ་མི་ལ་བཞད་པའི་རྡོ་རྗེ་ལ་བསྟོད་པ་གྲུབ་དབང་དགྱེས་པའི་འཛུམ་ཟེར་ཞེས་བྱ་བ་འདི་ནི། ཁྱབ་བདག་ཆེན་པོ་དེ་ཉིད་ཀྱི་རྣམ་ཐར་ལ་ཡིད་མོས་ཀྱང་རྐྱེན་དབང་དུ་ཤོར་བའི་སྙོམས་ལས་པ་དཀོན་མཆོག་བསྟན་པའི་སྒྲོན་མེས་རང་ལོ་ཉེར་བདུན་པ་ལ་དབེན་གནས་ཡིད་དགའ་ཆོས་འཛིན་དུ་མཚམས་ལ་སྡོད་སྐབས་ཤིག་མཚན་མོ་གཉིད་ཀྱི་བར་སྐབས་སུ་གང་དྲན་ཡིད་ཀྱི་མེ་ལོང་ལ་བྲིས་པའོ།།

མཁན་ཆེན་ངག་དབང་གྲགས་པ་ལ་བསྟོད་པའི་རབ་བྱེད།

― GTD007_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

མཁན་ཆེན་ངག་དབང་གྲགས་པ་ལ་བསྟོད་པའི་རབ་བྱེད་དོན་གསལ་ཞེས་བྱ་བ་བཞུགས་སོ།། རྒྱལ་ཀུན་ཡབ་གཅིག་འཇམ་མགོན་མཁྱེན་པའི་གཏེར། །རབ་ཁྲོས་ཕྱི་ནང་གསང་བའི་གཤིན་རྗེའི་གཤེད། །ངུར་སྨྲིག་འཆང་བའི་གར་རོལ་ཙོང་ཁ་པའི། །དབྱེར་མེད་ཐུགས་རྗེས་བྱང་ཆུབ་བར་དུ་སྐྱོངས། །ཡབ་རྗེ་ཆོས་ཀྱི་ལྷུན་པོའི་མདུན་ས་རུ། །རྣམ་དཔྱོད་ཟླ་བྲལ་གསེར་གྱི་རི་བོ་བཞིན། །ལུང་

― GTD007_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས་ཡོན་ཏན་ཉི་ཟླའི་ཅོད་པན་མཛེས། །ངག་དབང་གྲགས་པའི་ཞབས་ལ་གསོལ་བ་འདེབས། །རྩེ་གཅིག་མོས་གུས་གདུང་ཤུགས་དྲག་པོ་ཡིས། །འཇམ་དབྱངས་བླ་མ་རིང་དུ་མཉེས་བྱས་ཚེ། །བྱང་ཆུབ་བར་དུ་སྐྱོང་བའི་ཞལ་བཞེས་མཛད། །ངག་དབང་གྲགས་པའི་ཞབས་ལ་གསོལ་བ་འདེབས། །དེ་ཡི་གསུང་གསང་ཟབ་རྒྱས་ཨ་མྲྀ་ཏས། །འདི་ཕྱིའི་སྣང་ཤས་མི་བཟད་སྲིད་པའི་ནད། །དྲུངས་ཕྱུང་འཆི་མེད་ཐར་པའི་སྲོག་ཐོབ་པ། །ངག་དབང་གྲགས་པའི་ཞབས་ལ་གསོལ་བ་འདེབས། །མཁའ་མཉམ་འགྲོ་ལ་རྗེས་ཆགས་དྲི་བཞོན་གྱིས། །དྲངས་པའི་བྱང་ཆུབ་ཐུགས་ཀྱི་སྤྲིན་ཆེན་ལས། །རླབས་ཆེན་རྒྱལ་སྲས་སྤྱོད་པའི་གྲུ་ཆར་འབེབས། །ངག་དབང་གྲགས་པའི་༝ སྤྲོས་བྲལ་དབྱིངས་ཀྱི་མཁའ་ལ་རྣམ་རོལ་ཡང། །ཀུན་བྱང་བླང་དོར་རྟེན་འབྱུང་འཛིན་མའི་ཁྱོན། །གསལ་བས་རྟག་ཆད་མུན་པའི་གོ་སྐབས་འཕྲོག །ངག་དབང་གྲགས་པའི་༝ དེ་ནས་གསང་ཆེན་རྡོ་རྗེ་ཐེག་པའི་སྒོར། །འཇིགས་མཛད་ཁྲོ་བོ་ཆེན་པོ་རང་ཉིད་ཀྱིས། །དངོས་སུ་བཅུག་སྟེ་དབང་བཞིའི་དགའ་སྟོན་སྩལ། །ངག་དབང་གྲགས་པའི་༝ རིམ་གཉིས་ལམ་གྱི་སྐུ་གསུམ་གསེར་འགྱུར་རྩིས། །གཞི་ཡི་སྐུ་གསུམ་ལྕགས་ཀྱི་ཁམས་སྦྱངས་ཏེ། །སྔགས་དང་ཡེ་ཤེས་ལྷ་ཡི་རྣམ་རོལ་བ། །ངག་དབང་གྲགས་པའི་༝ མི་འགྱུར་བདེ་བ་མཆོག་གི་ཏིང་འཛིན་ལས། །རབ་འབྱམས་དཀྱིལ་འཁོར་འཁོར་ལོ་སྤྲོ་བསྡུའི་གར། །འབུམ་དུ་རྩེན་པའི་སྣོད་བཅུད་སྦྱོང་མཛད་པ། །ངག་དབང་གྲགས་

― GTD007_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་༝ ཁྱད་པར་མཐུ་སྟོབས་ཞོ་འཐུང་རུས་པའི་མཚོན། །རིག་སྔགས་རྩེ་བརྒྱ་འབར་བའི་གདེངས་ཀ་ཡིས། །རྒོལ་ངན་ས་འཛིན་ཡོངས་ཀྱི་བགྲོད་པ་བཅོམ། །ངག་དབང་གྲགས་པའི་༝ དམ་ཆོས་འཛིན་པའི་སྨོན་ལམ་གྲུབ་པའི་མཐུས། །ཚང་ལ་མ་ནོར་མདོ་སྔགས་ལམ་གྱི་སྲོལ། །ཕྱོགས་མཐར་གསལ་མཛད་ཐུབ་བསྟན་ཡོངས་ཀྱི་བདག །ངག་དབང་གྲགས་པའི་༝ མཐའ་འཁོབ་མགོན་མེད་འདུལ་དཀའི་འགྲོ་བ་ལ། །རབ་འབྱམས་རྒྱལ་བ་ལས་ལྷག་བཀའ་དྲིན་ཅན། །ཁམས་གསུམ་སྐྱེ་དགུའི་འདྲེན་པ་བླ་ན་མེད། །ངག་དབང་གྲགས་པའི་༝ སྔོན་དང་ཕྱི་མའི་སྐྱེས་རབས་ཀུན་ཏུ་ཡང། །མཁའ་ཁྱབ་བསྟན་དང་འགྲོ་བའི་མགོན་མཛད་ཅིང། །ཆོས་སྐྱོང་བྲན་འཁོལ་སྣང་སྲིད་ཟིལ་གྱིས་གནོན། །ངག་དབང་གྲགས་པའི་ཞབས་ལ་གསོལ་བ་འདེབས། །དེ་ལྟར་ཁྱོད་ཀྱི་ཡོན་ཏན་ཆུ་གཏེར་ལས། །ཆ་ཤས་ཙམ་ཞིག་བརྗོད་པའི་བསོད་ནམས་མཐུས། །ཚེ་རབས་ཀུན་ཏུ་འཇམ་མགོན་ཡབ་སྲས་ཀྱིས། །འབྲལ་མེད་དགྱེས་བཞིན་རྗེས་སུ་འཛིན་པར་ཤོག །འདྲེན་པ་མཆོག་གི་རྣམ་པར་ཐར་པ་བཞིན། །ལམ་གྱི་གཙོ་བོ་གསུམ་གྱིས་རྒྱུད་སྦྱངས་ཏེ། །རྣམ་དག་དབང་ཐོབ་དམ་ཚིག་ཚུལ་བཞིན་བསྲུང། །བསྐྱེད་རིམ་མཐར་ཕྱིན་ལས་བཞི་ལྷུན་འགྲུབ་ཤོག །ལྷན་སྐྱེས་བདེ་ཆེན་བདག་ཉིད་རྣལ་འབྱོར་བཞིས། །ཀུན་རྟོག་བཞོན་པར་བཅས་པའི་དཔུང་བཅོམ་སྟེ། །དཔལ་ལྡན་དུས་དགྲའི་དབང་པོའི་སྐུར་བཞེངས་ནས། །མ་ལུས་འགྲོ་བ་སྲིད་ལས་སྒྲོལ་གྱུར་ཅིག །ལྗོངས་འདིར་ཐུབ་བསྟན་སྙིང་པོའི་བཤད་སྒྲུབ་

― GTD007_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས། །རྒྱལ་བློན་སྡེར་བཅས་ཆབ་སྲིད་ཡུན་དུ་འཕེལ། །འགྲོ་ལ་རྫོགས་ལྡན་གསར་པའི་ཆོས་སྲིད་ཀྱི། །བཀྲ་ཤིས་དགེ་མཚན་ཀུན་ཏུ་རྒྱས་གྱུར་ཅིག །ཅེས་མཐའ་འཁོབ་འདུལ་བའི་མཆོག་འཕགས་པ་ཀ་ཏ་ཡ་ན་དང་ཆོས་མཚུངས་པ་རྗེ་བླ་མའི་ནང་ཐུགས་ཀྱི་སྲས་པོ་མཁན་ཆེན་ངག་དབང་གྲགས་པ་ལ་བསྟོད་པའི་རབ་ཏུ་བྱེད་པ་འདི་ནི། སྔར་དོན་གཉེར་ཅན་དུ་མས་རྣམ་ཐར་གསོལ་འདེབས་ཤིག་དགོས་ཞེས་བསྐུལ་ཡང། ས་བོན་མེད་སྟབས་རིམ་འགྱངས་སུ་སོང་བ་ལས། ཉེ་ཆར་མཁན་ཆེན་གྱི་སྐུ་གདུང་མཇལ་སྐབས་རང་རྒྱུད་དད་པས་ཉེ་བར་བསྐུལ་ཞིང། རྣམ་ཐར་ཡང་ཞིབ་ཏུ་བརྟག་ཚེ་རྗེ་བླ་མའི་དགྱེས་པའི་ཞལ་བཞེས་དང། ཐུན་མོང་བ་ལམ་གཙོ་རྣམ་གསུམ་ཐུན་མོང་མ་ཡིན་པ་འཇིགས་བྱེད་ཀྱི་རིམ་གཉིས་གདམས་པའི་ཡིག་ཆུང་དུ་མ་བཅས་སྩལ་བ་རྣམས་གུང་བསྒྲིག་ན། དེང་དུས་བླ་མས་བཤད་ལོ་དང། སློབ་མས་ཐོས་ལོའི་རྣམ་གྲངས་གང་ཁོམ་དུ་བྱས་པ་ལྟ་བུ་མ་ཡིན་པར། རྒྱ་གར་གྲུབ་ཆེན་རྣམས་ལ་ལྷ་དང་བླ་མས་ཉམས་རྟོགས་ཀྱི་རིམ་པ་དང་བསྟུན་ནས་གདམས་ངག་འབོག་པའི་རིམ་པ་ཇི་ལྟ་བ་བཞིན་ཡིན་འདུག་པས་དེ་ཉིད་གཞིར་བྱས་ཏེ། ༸བཙུན་པ་དཀོན་མཆོག་བསྟན་པའི་སྒྲོན་མེས་མཆོད་སྡོང་རིན་པོ་ཆེའི་མདུན་ནས་འཕྲལ་དུ་སུག་བྲིས་བགྱིས་པ་འདིས་ཀྱང་བསྟན་པ་དང་སེམས་ཅན་ལ་ཕན་པ་རྒྱ་ཆེན་པོ་འབྱུང་བར་གྱུར་ཅིག །༈ བགྲང་ཡས་རྒྱལ་བའི་འཁོར་ལོ་བསྡུས་པའི་གར། །བློ་བཟང་འཇམ་དཔལ་སྙིང་པོའི་ཞལ་སྐྱིན་དུ། །ལེགས་བསྒྱུར་ལྷ་དང་མིར་བཅས་འགྲོ་བའི་མགོན། །རྗེ་བཙུན་བླ་མ་ལུས་ཅན་གཙུག་ན་རྒྱལ། །ཡེ་ཤེས་རྟ་གདོང་མེ་རི་སྟོང་པའི་མཚོར། །ཞུགས་ལས་བདེ་བ་ཆེན་པོར་ཁོལ་བའི་རླབས། །ཅིར་ཡང་འཆར་བའི་ལྦུ་འཕྲེང་གཟུགས་ཀྱི་སྐུའི། །བཀོད་

― GTD007_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མི་ཟད་གསང་བ་གསུམ་གྱི་མཛོད། །སྨྲ་བར་བསྐུལ་ཚེ་དབྱངས་ཀྱི་རྒྱལ་མོ་ཡང། །ཟོལ་སྐྱེས་ཕང་འགྲོའི་རྒྱུད་ལ་སྤྱན་གཏོད་ན། །བྱིས་པའི་ཧུབ་ཀྱིས་གངྒཱ་གཞལ་མིན་ཡང། །ཅི་ཙམ་བཏུང་བས་རང་གི་གདུང་བ་སེལ། །གསེར་ཐུབ་རྒྱལ་བའི་ཉི་མ་འཛུམ་རླབས་ཀྱིས། །ཐེག་མཆོག་རིགས་ཀྱི་ས་བོན་སྨིན་པ་ལས། །དམིགས་མེད་སྙིང་རྗེའི་སྡོང་བུ་མངོན་དགའི་རྩེར། །རིན་ཆེན་བྱང་ཆུབ་སེམས་ཀྱི་འདབ་བརྒྱ་གྲོལ། །ལེགས་པར་བསྡམས་པའི་ཤེས་རབ་གྲུ་བོ་ཆེ། །བརྟན་ཞིང་རྐྱེན་བཟོད་མཁོ་དགུ་སྦྱིན་པའི་གཏེར། །བསྡུ་བཞིའི་བ་དན་བརྩོན་པའི་དྲི་བཞོན་གྱིས། །བསྐྱོད་ཚེ་འཁོར་བ་རྒྱ་མཚོའི་མཐའ་ཡང་ཐུང། །ཁྱད་པར་ཚེ་གཅིག་འཚང་རྒྱ་མྱུར་བའི་ལམ། །མཐའ་བྲལ་ལྟ་བའི་བཅུད་ལྡན་རྡོ་རྗེའི་ཐེག །ཀླུ་སྒྲུབ་ལུགས་བཟང་གསལ་བའི་ལེགས་བཤད་ཀྱི། །འོད་དཀར་འབུམ་འགྱེད་ཟླ་བ་གྲུབ་པའི་གཙོ། །སླར་ཡང་དུས་མཐར་འཇམ་མགོན་བསྟན་པའི་གདུགས། །མདོ་སྔགས་ཟབ་གནད་རྩིབས་སྟོང་རྫོགས་པ་འདི། །བསྒྲེངས་ཕྱིར་ངུར་སྨྲིག་གར་གྱིས་རྣམ་རོལ་པའ། །ཁྱབ་བདག་རྡོ་རྗེ་སེམས་དཔའ་དེ་ལ་འདུད། །མགོན་ཁྱོད་གཟིགས་པ་ལྔ་ཡི་ཉི་གཞོན་ཟེར། །སྐྱེ་དགུའི་ལེགས་བྱས་མཁའ་ལ་འཕོས་པ་ཡིས། །རྒུད་པའི་མུན་པ་དུམ་བུར་བཅད་པའི་ཁྲག །ངོ་མཚར་ལྟས་བཟང་འཆར་ཁའི་སྤྲིན་དུ་འཁྲིགས། །སྔོན་གོམས་འཕགས་ཆེན་སྤྱོད་པའི་བག་ཆགས་ཀྱིས། །བྱིས་པའི་རོལ་གར་ཆོས་སུ་རྩེན་པས་ཀྱང། །སྡེ་དང་བཅས་པའི་བདུད་རྣམས་གདུང་བྱེད་ཅིང། །སྐལ་ལྡན་འགྲོ་ལ་ཐར་པའི་ལམ་བཟང་མཚོན། །དེ་ཚེ་སྲིད་འབྱོར་སྦྲུལ་གདུག་ལྕེ་རྩེ་

― GTD007_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར། །འཇིགས་བཅས་གཡོ་བའི་ངང་ཚུལ་གཟིགས་པ་ཡིས། །ངེས་འབྱུང་མེ་ཆེན་འབར་ལ་འདི་སྣང་གི །བསླུ་བྲིད་མཐའ་དག་བུད་ཤིང་གཞན་བཞིན་གྱུར། །དེ་ནས་དབུས་འགྱུར་ཞེས་གྲགས་བསིལ་ལྗོངས་ཀྱི། །བྱང་ཆུབ་སྙིང་པོར་གཤེགས་ཚེ་བླ་མ་ལྷའ། །ལུང་བསྟན་དབུགས་དབྱུང་དབྱར་རྔ་དང་འགྲོགས་པའ། །གནས་བདག་སྲུང་མའི་བསུ་སྐྱེལ་ན་བུན་གཏིབས། །བཤེས་གཉེན་མང་བཀུར་གཞོན་ནུ་ནོར་བཟང་བཞིན། །བརྣག་དཀའི་དཀའ་སྤྱད་བཟོད་ལ་རྟག་ཏུ་ངུ། །གཞུང་ལུགས་འབུམ་སྡེའི་མཛོད་འཛིན་དབྱིག་གི་གཉེན། །གཉིས་པ་གཞན་ཞིག་གངས་རིའི་ཁྲོད་འདིར་བྱུང། །བསྐལ་པར་གོམས་པའི་རྣམ་དཔྱོད་གསེར་མིག་ཏུ། །འཁྱིལ་བའི་མཁའ་ལྡིང་ན་ཚོད་ཕྲ་ན་ཡང། །ཁེངས་མཁས་ལྡན་རློམ་འདབ་ཆགས་རྒན་པོའི་ཁྱུ། །ཅིག་ཅར་ནོན་པའི་རིགས་ཀྱི་མཐུ་དེ་རྨད། །གཞི་ལྔའི་རང་བཞིན་ཕྱོགས་ཀྱི་འཁོར་ལོའི་ཁྱོན། །མ་ལུས་ཇི་བཞིན་གཟིགས་པའི་དཔའ་བོ་ཁྱོད། །མ་ཕམ་ཐུགས་བཅུད་བདུད་རྩིའི་སྟོབས་རྒྱས་ཤིང་། །ཡོན་ཤཱཀ་གདམས་པའི་དོན་གྱི་གོ་བགོས་ཏེ། །རྟོག་གེའི་ཚིག་དོན་གྲགས་པའི་གནམ་རུ་ལས། །ཉེར་དྲངས་མཐའ་བྲལ་དབུ་མའི་རིགས་པའི་མཚོན། །དངོས་འཛིན་འབོད་སྒྲོག་གནད་དུ་བསྣུན་པའི་ཁྲག །བདེ་བ་ཆེན་པོར་བཏུང་བའི་དགའ་བས་མྱོས། །སྡེ་སྣོད་འཛིན་མའི་མཐར་འཁྱུད་འདུས་པའི་མཁའ། །འདབ་ཡངས་མཁྱེན་པས་སྐད་ཅིག་གིས་གཞལ་ཚེ། །སྒྲ་དང་བཟོ་གསོ་སྙན་དངགས་སྡེབ་སྦྱོར་སོགས། །རི་བོ་སྟོང་ཕྲག་བགོམ་ལ་མཚར་དུ་ཅ། །དཔལ་ལྡན་མཁས་པ་མ་ལུས་

― GTD007_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་གྱི་སྣོད། །ནོར་བུའི་ཁྲི་ལ་རྣམ་དཔྱོད་སྟངས་སྟབས་ཅན། །ཁྱོད་ཀྱི་བློ་གྲོས་ར་བ་ལས་འགོངས་པའ། །ཆོས་དེ་མཁའ་ཡི་འདབ་སྟོང་རྩེ་ན་མཛེས། །རིས་སུ་མ་ཆད་བསྟན་པ་རྒྱ་མཚོའི་གནད། །ཕྲ་ཞིང་ཕྲ་བ་ཀུན་ཀྱང་མ་འདྲེས་པར། །ཇི་བཞིན་འབྱེད་ལ་འཇམ་མགོན་བླ་མ་དང། །མགོན་ཁྱོད་ཐ་དད་དབྱེ་བ་གང་ལས་ཤེས། །དེ་ལྟར་ཐོས་པའི་མཐར་སོན་གནད་རྣམས་ཀུན། །གཅིག་ཏུ་བསྒྲུབ་པ་སྙིང་པོར་མཛད་པ་ཁྱོད། །མི་མངོན་དབེན་པའི་ནགས་སུ་གཞོལ་ན་ཡང། །གྲགས་པའི་ཕོ་ཉ་ཕྱོགས་ཀྱི་ཕ་མཐར་སྤྲོས། །དེ་ཚེ་ལེགས་སྨོན་དྲི་བཞོན་གྱིས་དྲངས་ཤིང། །ལེགས་བཤད་སྦྲང་རྩིའི་དོག་པ་ལ་ཆགས་པའ། །སྐལ་བཟང་རྐང་དྲུག་བྱེ་བའི་དགའ་སྟོན་དུ། །འཁོར་ལོ་གསུམ་གྱི་འདབ་བརྒྱ་ཅིག་ཅར་བཞད། །ཁྱད་པར་ཤེར་ཕྱོགས་བྱང་དུ་དར་རོ་ཞེས། །ལུང་བསྟན་རྦ་རླབས་འཁྲི་ཤིང་གཡོ་བའི་རྩེར། །བཀྲ་ཤིས་རི་མོ་གཡས་སུ་འཁྱིལ་བའི་དུང། །ཐོན་པའི་དགེ་མཚན་སྒྲ་ཡིས་ས་གསུམ་ཁྱབ། །སྒྲུབ་དང་སུན་འབྱིན་མི་བཟད་མཆུ་སྡེར་ཅན། །རྩོད་ངག་རྩལ་རྫོགས་གདོང་ལྔའི་དབང་པོ་ཁྱོད། །ལུང་རིགས་རལ་ཁུར་ཅུང་ཟད་གསིག་པས་ཀྱང། །རྒོལ་ངན་གླང་མོ་ལོག་ལྟའི་མངལ་ཁུར་འཕེན། །འཕགས་བོད་གཞུང་བརྒྱའི་ཆུ་གཏེར་ལས་ཐོན་ཞིང། །སྙན་བརྒྱུད་མན་ངག་རི་དྭགས་མཚན་མ་ཅན། །བློ་གསལ་བློ་ཡི་ཀུནྡ་རྒྱས་བྱེད་པའ། །གསར་བཤད་ཟླ་རིས་ཐུབ་བསྟན་མཁའ་ལ་མཛེས། །ཉུང་ངུའི་གཏམ་གྱི་སྦྱོར་བ་རེ་རེར་ཡང། །མདོ་དང་རྒྱུད་སྡེའི་དཀའ་གནད་མ་ལུས་པ། །གསལ་འཆར་རྩོམ་པའི་དྭངས་ཤེལ་འདི་མཐོང་

― GTD007_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེ། །གཞན་ཟེར་འགྲིག་འགྲིག་རྡོ་བའི་མེ་ལོང་བཞིན། །སྣང་ཞེན་དྲི་བྲལ་ཡེ་ཤེས་ཨ་དརྴ། །གང་འདུལ་མོས་པའི་ཚོན་བརྒྱར་འགྲོགས་པ་ལས། །ཞི་ཁྲོ་རབ་འབྱམས་རྟེན་དང་བརྟེན་པ་ཡི། །དཀྱིལ་འཁོར་འཁོར་ལོའི་རོལ་བ་ཅིར་ཡང་འཆར། །ལས་ཀྱི་རྒྱལ་མཆོག་སྒྱུ་འཕྲུལ་དྲ་བའི་གར། །འབུམ་དུ་བསྒྱུར་བས་འགྲོ་ཀུན་རྗེས་འཛིན་ཅིང། །བློ་མཆོག་གདུལ་བྱ་དབང་བཞིས་སྨིན་མཛད་ནས། །ཉམས་ཁྲིད་ཟབ་མོས་གྲོལ་བྱེད་ལམ་ལ་སྦྱོར། །ཁྱོད་གསུང་དྲི་མེད་ནོར་བུའི་ཅོད་པན་གྱིས། །ཟུར་ཕུད་མཛེས་བྱས་རྒྱལ་ཕྲན་བྱེ་བ་བརྒྱས། །རྒྱ་མཚོའི་གོས་ཅན་ཁྱོན་ཀུན་བཟུང་བ་ཡིས། །སྙན་བརྒྱུད་ཟབ་གསང་གནས་ལ་ཤིད་ཟན་བཏང་། །མདོར་ན་དགེ་ལྡན་བསྟན་པའི་གསེར་ལྡན་མ། །ཆེར་སྙིགས་དུས་ཀྱི་ཆུ་མཚོར་བྱིངས་པ་ན། །རུས་སྦལ་ཟོལ་གྱིས་འདེགས་པའི་ཐ་གུའི་ལྟོ། །སྙིང་སྟོབས་གཏེར་ཆེན་ཁྱོད་མཚུངས་གཞན་ཡོད་མིན། །དེ་ཕྱིར་ཁྱོད་ཀྱི་ཡོན་ཏན་ཆུ་གཏེར་ལས། །དང་སེམས་ཀུ་ཤའི་རྩེ་མོ་ལ་ཆགས་པའ། །བསྟོད་བསྔགས་མུ་ཏིག་ཟེགས་མ་འཐོར་བ་ཡི། །རྣམ་དཀར་ལྷན་སྐྱེས་བསིལ་བའི་རང་བཞིན་དེས། །དེང་ནས་བཟུང་སྟེ་སྐྱེ་ཞིང་སྐྱེ་བ་རུ། །མི་ཁོམ་བརྒྱད་ཀྱི་གདུང་བ་རབ་ཞི་ཞིང། །མཐོ་རིས་ཡོན་ཏན་བདུན་ལྡན་རྟེན་ཐོབ་ནས། །ཁྱོད་ཞབས་པདྨོ་འབྲལ་མེད་རྟེན་གྱུར་ཅིག །དེ་ཚེ་ཁྱོད་མཉེས་འབའ་ཞིག་སྒྲུབ་བྱེད་ཅིང། །གསུང་གི་བདུད་རྩི་ངོམས་མེད་བཏུང་བ་ཡིས། །བཤེས་ལ་མི་གུས་དལ་འབྱོར་ཆུད་གཟོན་སོགས། །ལོག་པའི་བློ་སྣ་མཐའ་དག་འགག་པར་ཤོག །

― GTD007_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

བཤེས་གཉེན་སངས་རྒྱས་དངོས་སུ་མཐོང་བ་སོགས། །ཐུན་མོང་ལམ་གྱི་རིམ་པས་རྒྱུད་སྦྱངས་ཏེ། །སྨིན་བྱེད་གསང་ཆེན་ལམ་གྱི་སྒོར་ཞུགས་ནས། །དམ་ཚིག་སྡོམ་པ་ཚུལ་བཞིན་བསྲུང་བར་ཤོག །ཐ་མལ་སྐྱེ་ཤི་བར་དོའི་ལྕགས་ཀྱི་ཁམས། །སྐུ་གསུམ་གསེར་དུ་བསྒྱུར་བའི་ཐབས་མཁས་རྩ། །རིམ་གཉིས་ལམ་བཟང་སྐས་ཀྱི་གདང་བུ་ལ། །བརྟེན་ནས་ཟུང་འཇུག་རྒྱལ་བའི་སར་བགྲོད་ཤོག །ཅེས་ཁམས་གསུམ་ཆོས་ཀྱི་རྒྱལ་པོ་ཀུན་མཁྱེན་འཇམ་དབྱངས་བཞད་པའི་རྡོ་རྗེ་ལ་བསྟོད་པའི་རབ་ཏུ་བྱེད་པ་ཉིན་བྱེད་སྣང་བ་ཞེས་བྱ་བ་འདི་ནི། མདོ་སྔགས་རིག་གནས་མཐའ་དག་ལ་རྣམ་དཔྱོད་ཀྱི་འཇུག་པ་པདྨའི་འདབ་མ་ལྟར་ཡངས་པའི་དགེ་བཤེས་བློ་བཟང་འཇིགས་མེད་ཀྱིས་བསྐུལ་བ་ལ་བརྟེན་ནས། ༸བཙུན་པ་དཀོན་མཆོག་བསྟན་པའི་སྒྲོན་མེས་དབེན་གནས་ཡིད་དགའ་ཆོས་འཛིན་དུ་བྲིས་པའོ།། ༈ འཇམ་དཔལ་དབྱངས་བསྟན་པདྨ་དཀར་པོའི་ཚལ། །བཞད་པའི་རྣམ་དཔྱོད་ཉིན་བྱེད་རྩེ་དགའ་ཡིས། །སྐལ་བཟང་རྐང་དྲུག་བྱེ་བའི་གཉེན་གྱུར་པ། །མི་བསྐྱོད་དགྱེས་བཞད་རྡོ་རྗེ་གཙུག་ན་རྒྱལ། །བསྐལ་པ་བརྒྱར་གོམས་ཐུགས་བསྐྱེད་གྲུབ་པའི་མཐུས། །འཕགས་བོད་མཁས་གྲུབ་སྐྱེ་ཕྲེང་རོལ་པའི་གར། །འབུམ་དུ་བསྒྱུར་བས་རྒྱལ་བསྟན་རིན་ཆེན་གདུང། །འདོད་དགུར་སྤེལ་བའི་རང་བཞིན་བརྗོད་ལས་འདས། །ཁྱད་པར་ཆེར་སྙིགས་གདུལ་དཀའི་འགྲོ་བ་རྣམས། །ཐབས་མཁས་ཐུགས་རྗེའི་སྤྱོད་པ་བརྒྱ་ཕྲག་གིས། །ཐར་པའི་ལམ་དུ་བཀྲི་བའི་མིག་གཅིག་པུ། །འཇིགས་མེད་དབང་པོའི་ཞབས་ལ་སྙིང་ནས་འདུད། །གང་ཐུགས་བདེན་གཉིས་ཟུང་འཇུག་ལྟེ་བ་རུ། །གསང་གསུམ་སྒྱུ་འཕྲུལ་རྩིབས་སྟོང་རྫོགས་པ་ཡི། །ངོ་མཚར་ཚུར་མཐོང་

― GTD007_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

བློ་ཡི་ཡུལ་མིན་ཀྱང། །ཆ་ཙམ་དྲན་པས་དད་པའི་སྤུ་ལོང་གཡོ། །མགོན་ཁྱོད་སྲིད་ཞིའི་ཡོན་ཏན་རིན་ཆེན་ཚོགས། །གང་ལས་འབྱུང་བའི་རྩ་བ་བཤེས་གཉེན་དུ། །གཟིགས་ནས་སྔོན་རབས་དམ་པའི་ལམ་བསྟེན་པས། །མཚུངས་མེད་དགེ་མཚན་སྐྱ་རེངས་དང་པོ་ཤར། །དེ་དག་ཐུགས་བཅུད་ཡན་ལག་བརྒྱད་ལྡན་ཆབ། །ལུང་རིགས་རླབས་ཀྱི་ཕྲེང་བས་མངོན་དགའ་ཞིང། །མན་ངག་མུ་ཏིག་ལྦུ་བའི་འཛུམ་དཀར་ཅན། །མཐའ་དག་ཁྱོད་ཐུགས་ཆུ་བོའི་གཏེར་དུ་འཁྱིལ། །དེ་ཕྱིར་མདོ་འདུལ་མ་མོ་རྡོ་རྗེ་ཐེག །སྒྲ་ཚད་བཟོ་གསོ་ཡན་ལག་ཀུན་དང་བཅས། །རིས་མེད་བསྟན་པ་རྒྱ་མཚོའི་མཐར་སོན་ནས། །ངེས་དོན་ཆོས་ཀྱི་རྒྱལ་ས་རང་གིར་མཛད། །གདུལ་བྱའི་མོས་པར་གཟིགས་པའི་ལེགས་བཤད་གཏམ། །ཐར་འདོད་སྙིང་གི་གདུང་སེལ་བདུད་རྩི་སྟེ། །རྒོལ་ངན་ལྟ་བའི་ཚང་ཚིང་མ་ལུས་པ། །སྲེག་བྱེད་བསྐལ་པའི་མེ་ཡང་གཞན་ཡོད་མིན། །རྩོམ་པའི་ཟླ་རིས་ཉམས་འགྱུར་འབུམ་རྫོགས་ཤིང། །ཟབ་རྒྱས་དོན་བཟང་རི་དྭགས་མཚན་མ་ཅན། །ཀུན་གྱིས་ཡིད་དང་འཚམ་པར་འཆར་བ་ཡི། །ངོ་མཚར་གྲགས་སྙན་སྲིད་པའི་ཁོངས་ལས་བརྒལ། །གཞན་ཕན་ཁོ་ནར་རྗེས་ཆགས་ཁྱོད་ཀྱི་ཐུགས། །ཀུན་སྦྱོར་བག་ཆགས་བཅས་པ་ལས་འདས་ཕྱིར། །བསྲུང་མེད་གསུམ་གྱི་རང་བཞིན་འདི་མཐོང་ཚེ། །བཙུན་པར་སྣང་བ་ཕལ་ཆེར་འཇའ་ཚོན་བཞིན། །ལྷ་མཐོང་ལུང་བསྟན་མནོས་པའི་སྒྲ་བོ་ཆེ། །མི་སྤྱོམ་ཐུབ་པའི་རང་ལུགས་ལ་གནས་ཀྱང། །དོན་གཉིས་དགའ་སྟོན་འདོད་དགུར་དཔྱིད་འཇོ་བའི། །

― GTD007_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུའི་མཚན་མ་འདི་ལས་ཅིས་མི་དཔོག །ཨེ་མ་གང་གི་མཛད་པའི་ཕྱོགས་རེར་ཡང་། །རྒྱལ་ཀུན་གསང་གསུམ་སྒེག་མོས་གར་བསྒྱུར་ན། །བློ་དམན་བྱིས་པའི་བློ་དང་འཚམ་པ་རུ། །བསྟོད་འདིས་བདག་ལ་ནོངས་པར་མི་འགྱུར་གྲང། །མདོར་ན་གཟིགས་པ་སྒྲིབ་མེད་མཁྱེན་པ་དང། །མཁའ་མཉམ་འགྲོ་ལ་རྗེས་ཆགས་བརྩེ་བ་ཆེ། །མི་མཐུན་ཚོགས་ལས་རྒྱལ་བའི་མཐུ་ནུས་གསུམ། །མཐར་ཕྱིན་ཁྱོད་ནི་སྐྱབས་ཀྱི་དམ་པ་ལགས། །རྒྱལ་ཀུན་མཁྱེན་པའི་རང་གཟུགས་འཇམ་པའི་དབྱངས། །བརྩེ་བའི་འདབ་སྟོང་བཞད་པའི་པད་དཀར་འཆང། །བདུད་དཔུང་ཐལ་བར་བརླག་མཛད་རྡོ་རྗེ་ཅན། །དཀོན་མཆོག་འཇིགས་མེད་དབང་པོར་གསོལ་བ་འདེབས། །དོན་དམ་དཀོན་མཆོག་རང་བཞིན་རྫོགས་པའི་ཐུགས། །འཇིགས་མེད་ཆོས་ཀྱི་སྒྲ་དབྱངས་སྒྲོགས་པའི་གསུང། །ས་འཛིན་དབང་པོ་ལྟ་བུར་བརྗིད་པའི་སྐུ། །དཔལ་ལྡན་བླ་མའི་ཞབས་ལ་གསོལ་བ་འདེབས། །བླ་མེད་ཡེ་ཤེས་དཀྱིལ་འཁོར་རབ་རྒྱས་ཤིང། །བརྩོན་འགྲུས་ལྷོད་མེད་ཐུགས་བསྐྱེད་རི་མོ་ཅན། །གྲགས་པ་མི་མཉམ་བསིལ་ཟེར་སྤྲོ་བའི་ཟླ། །མི་བསྐྱོད་དགྱེས་བཞད་རྡོ་རྗེར་གསོལ་བ་འདེབས། །གང་གི་ཞབས་རྡུལ་ནོར་བུས་གཙུག་མཛེས་ཤིང་། །གཞུང་བརྒྱ་འབྱེད་པའི་བློ་གྲོས་ལུས་སྟོབས་རྒྱས། །ཚུལ་ཁྲིམས་ཆུ་གཏེར་ལ་གནས་གདེངས་ཅན་གཙོ། །དཀོན་མཆོག་བསྟན་པའི་སྒྲོན་མེར་གསོལ་བ་འདེབས། །དེང་ནས་བཟུང་སྟེ་ཚེ་རབས་ཕྲེང་བ་རུ། །བཤེས་གཉེན་དམ་པས་འབྲལ་མེད་རྗེས་བཟུང་སྟེ། །ཟབ་ཅིང་རྒྱ་ཆེ་གསུང་གི་ཨ་མྲྀ་ཏས། །ལས་
ཉོན་སྒྲིབ་པའི་དུག་དབལ་གཞོམ་པར་ཤོག །འཁོར་ལོ་བཞི་ལྡན་དལ་འབྱོར་ཤིང་རྟ་ཆེ། །ངེས་འབྱུང་བྱང་སེམས་ལྟ་དང་རིམ་གཉིས་སོགས། །ཡོན་ཏན་རིན་ཆེན་བྱེ་བས་ལེགས་གཏམས་ཏེ། །བྱང་ཆེན་ཐར་པའི་གྲོང་དུ་འཇུག་གྱུར་ཅིག །ཅེས་རྒྱལ་བ་ཐམས་ཅད་ཀྱི་མཁྱེན་བརྩེ་ནུས་པའི་རང་གཟུགས་༸རྗེ་བཙུན་དཀོན་མཆོག་འཇིགས་མེད་དབང་པོའི་ཞབས་ལ་བསྟོད་པ་རྣམ་ཐར་དང་འབྲེལ་བ་འདི་ནི་རྣམ་དཔྱོད་མཆོག་ཏུ་ཡངས་པ་དཀའ་བཅུ་དཀོན་མཆོག་བསམ་འགྲུབ་ཀྱིས་སྦྱོར་ཚུལ་འདི་ལྟ་བུ་ལ་ཞར་བྱུང་ངོས་ཀྱང་ཚང་བ་ཞིག་དགོས་ཚུལ་གྱི་བསྐུལ་མ་བྱུང་བར་བརྟེན་གང་གི་སློབ་མའི་ཐ་ཤལ་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།།

ཁྱབ་བདག་ལྕང་སྐྱ་རོལ་པའི་རྡོ་རྗེའི་གསང་བའི་རྣམ་ཐར།

― GTD007_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་བདག་ལྕང་སྐྱ་རོལ་པའི་རྡོ་རྗེའི་གསང་བའི་རྣམ་པར་ཐར་པ་ཡོན་ཏན་རིན་ཆེན་གསལ་བའི་སྒྲོན་མེ་ཞེས་བྱ་བ་བཞུགས་སོ།། དཔལ་ལྡན་ཚོགས་གཉིས་བྱེད་པོའི་མཐར་སོན་པས། །སྐུ་དང་ཡེ་ཤེས་དབྱེར་མེད་རྫོགས་བྱང་ཆུབ། །རྟག་པའི་འཕྲིན་ལས་འགྲོ་བའི་དཔལ་གྱུར་པ། །བླ་མ་དང་པོའི་མགོན་པོ་རྒྱལ་གྱུར་ཅིག །དངོས་ཀུན་སྟོང་པར་ཞུ་བའི་བདེ་བ་ཆེ། །ངེས་པ་ལྔ་ལྡན་གཟུགས་སྐུའི་རོལ་བ་ལས། །སླར་ཡང་བྱེ་བ་ཕྲག་བརྒྱའི་སྒྱུ་འཕྲུལ་གར། །བརྟན་གཡོ་ཀུན་ཁྱབ་འཇུག་པ་བླ་ན་མེད། །ཡེ་ཤེས་མཁའ་ལྡིང་དབང་པོར་གྲུབ་པའི་བྱིན། །བསྟན་པའི་མཁའ་མཐར་རོལ་པའི་ཤུགས་འཆང་ཞིང། །བརྩེ་ཆེན་མིག་དམར་སྒྲོན་མེའི་གཟི་འབར་བ། །སྲིད་པ་རླུང་གི་ཟས་ཅན་ཟས་སུ་བྱེད། །བསྟན་པ་རྫོགས་ལྡན་སྤྲིན་གྱི་གདེངས་ཀ་ལ། །རྣམ་འབྱེད་བདེ་འཐུང་དྲ་བས་འཁྱུད་པའི་གར། །སྙན་པར་གྲགས་པའི་རྔ་གསང་ཕྱོགས་བྲལ་དུ། །རྒོད་

― GTD007_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ང་རོ་འོག་མིན་གནས་སུ་ལྡིར། །འཇིག་རྟེན་མཁྱེན་པ་ཉིན་མོར་བྱེད་པ་ཡིས། །མ་བཟུང་ཆེར་སྙིགས་ཐུན་གསུམ་མཚན་མོའི་སྨག །ཐུགས་རྗེའི་སྣང་བ་རལ་གྲིའི་རྣོ་རྒྱུན་གྱིས། །གཅོད་ལ་མཉམ་མེད་ཟླ་བ་རྒྱལ་བའི་སྲས། །ཐུགས་བསྐྱེད་དཔྱིད་ཀྱི་དཔལ་མོས་རྣམ་པ་བརྒྱར། །བསྐྱེད་བསྲིང་དབྱར་གྱི་ལང་ཚོ་མངོན་དགའི་དཔལ། །བསྟན་དང་འགྲོ་ལ་སྨན་དགུའི་མཛད་བཟང་གི །རྩི་སྨན་རིགས་ཀྱི་དབྱེ་བ་བསམ་ལས་འདས། །གང་གི་གསང་གསུམ་འཁོར་ལོ་ནམ་མཁའི་ཚད། །འཇིག་རྟེན་འཛིན་མའི་མཐའ་དང་དམིགས་མེད་དུ། །མཉམ་ཕྱིར་སྨྲ་བའི་རྒྱལ་པོ་མཐའ་དག་ཀྱང། །དུམ་བུར་བསྔགས་པའི་མེ་ཏོག་སིལ་མ་འཐོར། །ན་ཚོད་སྤྲིན་གྱི་རྒྱ་ལས་སྔོན་གནས་ཀུན། །ཐུན་ཚོད་གཞན་བཞིན་རྗེས་དྲན་དབྱངས་སྒྲོགས་པ། །དེ་ཚེ་མངོན་མཁྱེན་མདོངས་མཐས་རོལ་པ་ཀུན། །རྗེས་མཐུན་ལུང་གི་གྲེ་འགྱུར་ཀུན་ནས་འཚེར། །དགོན་གནས་རྟེན་དང་བརྟེན་པའི་ཁྱད་པར་སོགས། །མཐོང་བའི་ཆོས་ལས་མ་གཡོས་དུ་མས་ཀྱང། །བརྗེད་ངས་ལམ་དུ་སྟོར་རྣམས་ལེགས་གསུངས་ཚེ། །ངོ་མཚར་དད་པའི་པདྨ་འབུམ་དུ་བཞད། །འཇིགས་རུང་གཡུལ་གྱི་ཀླུང་ཆེན་བྲུབས་པ་ན། །ཁྱོད་ཀྱི་ཐུགས་རྗེའི་བྲག་རིར་འཆེལ་བ་ཡི། །བགྲང་ལས་སྐྱེ་བོར་སྲོག་གི་མཆོག་སྦྱིན་གྱིས། །གཞན་ཕན་ཐུགས་བསྐྱེད་འབྲས་བཟང་ངང་གིས་སྨིན། །ཡེ་ཤེས་ཟུར་ཕུད་ལྔ་པ་མི་ཡི་ལྷས། །ལང་ཚོ་ཁ་འབུས་མེ་ཏོག་གཞོན་ནུའི་རྒྱན། །ཐོད་བཅིངས་དགའ་བ་བརྒྱ་བའི་དཔལ་ཐོབ་ཚེ། །དྲེགས་ལྡན་ཉེ་དབང་བྱེ་བས་ཅིག་ཅར་བཏུད། །གཞོན་ནུའི་ལུས་ཅན་རྒྱལ་ཀུན་མེས་པོའི་བློ། །གང་ཞིག་རིགས་

― GTD007_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རལ་གྲི་གདེངས་པ་ན། །རིང་དུ་སྦྱངས་པའི་ཡུས་ཀྱིས་རྟོག་གེའི་ཚོགས། །སྙིང་དང་ལྷན་ཅིག་ལྕེ་རྩེ་ལྐོག་མར་བྲོས། །ཟབ་ཅིང་རྒྱ་ཆེ་ཤིང་རྟ་ཆེན་པོའི་གཞུང། །རང་རྒྱུད་ཤར་གསུམ་སྡེ་བདུན་མདོ་དང་བཅས། །ཐོགས་མེད་གཟིགས་པའི་མཁྱེན་རབ་རྩེ་བརྒྱ་ཡིས། །སྨྲ་ངན་སྦྱིན་སྐྱེས་རྒོལ་བའི་སྤོབས་པ་བཅོམ། །རྨི་ལམ་ཟོལ་བརྟེན་ཡབ་གཅིག་ངག་གི་ལྷ། །ཡེ་ཤེས་མགོན་དང་སིང་ཧ་མུ་ཁ་སོགས། །གེགས་མེད་འཕྲིན་ལས་སྣང་བས་ས་གསུམ་དུ། །དགེ་ལེགས་སྦྱིན་པའི་སྐལ་བཟང་ཉེ་བར་མཚོན། །ཁྱད་པར་འདོད་པའི་གྲངས་ཀྱི་བགྲང་བྱའི་ཚེ། །འཇམ་དཔལ་སྙིང་པོས་རྟེན་འབྱུང་སེང་གེའི་རྒྱུད། །རྣམ་པར་འཁྲོལ་བས་དངོས་འཛིན་གཟིངས་བཅོམ་སྟེ། །མཐའ་བྲལ་ལྟ་བའི་གནས་ལུགས་རྗེན་པར་གཟིགས། །དབུ་ཚད་སེང་གེ་མཇིང་བསྣོལ་རིགས་གཞུང་གིས། །རིང་ནས་དངོས་པོར་ཞེན་པ་བག་ཆགས་བཅས། །སྦྱོང་བྱེད་རྒྱལ་བ་དགྱེས་པའི་ལམ་གཅིག་པུར། །མཐོང་བ་ཐ་མའི་དུས་འདིར་ཁྱོད་གཅིག་པུ། །འཁོར་ལོའི་མགོན་པོ་ཆོས་ཀྱི་རྒྱ་མཚོ་ལས། །དུས་དགྲའི་སྨིན་བྱེད་ནོར་བུའི་མཛོད་བླངས་ཚེ། །ལྟ་བའི་རྟ་གདོང་མེ་དང་བདེ་བ་ཆེ། །ཕྲད་པས་དགའ་བ་མཚོན་བྱེད་བདུད་རྩིར་འཕྱུར། །དངོས་གྲུབ་རྩ་བར་བྱང་ཆུབ་རྡོ་རྗེ་ཡིས། །བསྔགས་པ་གང་ལས་ནམ་ཡང་མི་གཡོ་བར། །ངེས་དོན་ལྷ་བརྒྱའི་སྣང་བ་འགོག་མེད་ལ། །ཕྱི་རོལ་གཟིགས་སྣང་ངོ་མཚར་སྙིང་པོ་མིན། །དགེ་ལྡན་བསྟན་པའི་སྲུང་མ་ཉི་མའི་བུས། །བགེགས་དཔུང་གཞོམ་སོགས་འབྱུང་འགྱུར་གཟིགས་པ་ཀུན། །མ་འཁྲུལ་རྨི་ལམ་སྣང་བར་

― GTD007_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

བཏགས་པ་ཡིས། །ཏིང་འཛིན་སྒྱུ་མའི་རོལ་པར་འཇུག་ཅིང་ལྡང། །བློ་བཟང་བསྟན་པ་ཉི་མའི་འོད་རླབས་ཀྱིས། །ཤེས་རབ་དར་དྲགས་འདབ་མ་རྒྱས་པའི་རྩེར། །བློ་བཟང་ཆོས་ཚུལ་སྦྲང་རྩིའི་བཅུད་འཛིན་ཡང། །ད་དུང་བཤེས་གཉེན་ཚོལ་ལ་ནོར་བཟང་བཞིན། །དེ་ཚེ་འཇམ་དབྱངས་བླ་མས་རྟེན་འབྲེལ་སྒོ། །ཕྱེ་སྟེ་རྒྱལ་བའི་དབང་པོ་ཡོངས་འཛིན་བཅས། །ཞལ་སྐྱིན་ཕོ་ཉར་མངགས་ནས་མགོན་ཁྱོད་ལ། །མདོ་སྔགས་ཆོས་ཀྱི་རྒྱལ་སྲིད་རྫོགས་པར་གཏད། །ཀ་མ་རཱུ་པར་བླ་མ་ཧེ་རུ་ཀ། །དཔའ་བོ་མཁའ་འགྲོའི་ཚོགས་བཅས་མངོན་སུམ་དུ། །ཚིམ་པ་དྲུག་ལྡན་དགའ་བས་རོལ་མཛད་ཀྱང་། །ཕྱི་རོལ་འཇའ་ཚོན་སྣང་བས་བྱིས་པ་བྲིད། །དྲང་ངེས་རྒྱུ་འབྲས་ཐེག་པའི་ཆུ་ཀླུང་འབུམ། །སྐྱེས་སྦྱངས་རྣམ་དཔྱོད་ཧུབ་ཀྱིས་དྲངས་པའི་བཅུད། །དགེ་ལྡན་རང་ལུགས་འཆད་རྩོད་རྩོམ་གསུམ་གྱི། །བདུད་རྩིར་འབེབས་པ་ས་གསུམ་སྐྱེ་དགུའི་གསོས། །ལྷ་ཆོས་བདུན་ལྡན་བཀའ་གདམས་གཙང་མའི་སྲོལ། །དུས་མཐར་འགག་མེད་སྲོག་ཏུ་ཁྱོད་གཟིགས་ནས། །རྒྱལ་བའི་འབྱུང་གནས་གསང་བ་ཌཱ་ཀིའི་ཚོགས། །འཛུམ་ཞལ་མངོན་གྱུར་དགྱེས་པའི་བརྡ་ཐབས་བསྟན། །ལྟ་བས་རྒྱས་བཏབ་རིམ་གཉིས་གསང་བའི་མཛོད། །མ་ཚང་མེད་པར་འཛིན་ཅིང་སྤེལ་བ་ཡིས། །དབང་པོའི་ཏོག་ལས་གཡར་དམ་ཐོད་བཅིངས་པ། །སྙིང་སྟོབས་ཆེན་པོའི་མཆེད་ཟླ་ཁྱོད་མིན་སུ། །སོར་རྟོག་རང་མདངས་མ་རུ་ཙེ་ཡི་བདག །ཙི་ནའི་ཡུལ་སྐྱོང་སྤྲིན་རིང་རྒྱལ་པོ་ཡང། །སྣང་བ་མཐའ་ཡས་བཀའ་རྟགས་ཕྱག་རྒྱ་ཡིས། །ནམ་ཡང་མི་འབྲལ་ལས་བཞིའི་བྲན་དུ་བཀོལ། །སོ་སོ་རིག་བཞིའི་རྩལ་

― GTD007_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་ཏམྦུ་ར། །ཧོར་དང་མན་ཇུས་སྐད་ཀྱིས་བཀའ་བསྟན་ཀུན། །ཚིག་དོན་འཁྲུལ་མེད་རྒྱུད་དུ་འཁྲོལ་བ་ཡིས། །སྔོན་བྱོན་ལོ་པཎ་ཀུན་གྱི་སྙེམས་པ་ཕྲོགས། །ཐུགས་བསྐྱེད་གུར་ཀུམ་པིར་གྱི་བཀོད་པ་ཡིས། །ཁྲིམས་ལྡན་ངུར་སྨྲིག་འཆང་བ་འདུས་སྡེའི་ཕྲེང། །དབང་ཕྱོགས་ཀ་ཤིའི་རས་བཟང་ཁྱོན་འགེངས་པའ། །དགེ་ལེགས་མི་ཟད་བསྟན་ལ་རི་མོར་བྱས། །དབྱངས་ལྡན་ཁྲོས་པ་འདོད་ཁམས་དབང་ཕྱུག་མས། །ཕ་རོལ་བྱད་ཕུར་འབར་བའི་བྱིན་ཟ་སོགས། །ཉེར་འཚེ་བཟློག་ཅིང་གནོད་བྱེད་དྲུངས་ཕྱུང་སྟེ། །མ་དང་སྲིང་བཞིན་འདུ་འབྲལ་མེད་པར་བསྐྱངས། །སྡེ་བཞིའི་དཔལ་མངའ་ས་ཡི་ཚངས་པ་ཆེ། །ཐུན་མོང་ལམ་གྱིས་རྒྱུད་སྦྱངས་ཧེ་རུ་ཀའ། །དཀྱིལ་འཁོར་མཆོག་ཏུ་རྫོགས་པར་སྨིན་མཛད་དེ། །ངེས་དོན་རྡོ་རྗེའི་རིགས་ཀྱི་སྲས་སུ་བསྐྲུན། །དོན་དམ་གསང་བའི་གཏིང་མཐའ་མཚོན་མིན་ལ། །ཐུན་མོང་སྐྱེ་བའི་ཕྲེང་བ་དུ་མར་ཡང། །འཛིན་མ་འཛིན་བྱེད་གང་དང་འདབ་མ་ཟུང། །ཐུབ་བསྟན་ལུས་འདེགས་སྤྱོད་པ་གཅིག་ཏུ་གྱུར། །སད་རྨི་མཉམ་པར་རྒྱལ་དང་རྒྱལ་སྲས་ཀུན། །གདམས་ཤིང་རྗེས་བསྟན་བདུད་རྩིའི་ཆར་འབེབས་པས། །རིན་ཆེན་སེམས་ཀྱི་ཆུ་གཏེར་འཕྱུར་བ་ལས། །ཕྱིན་དྲུག་སྤྱོད་པའི་རླབས་ཀྱི་འཁྲི་ཤིང་གཡོ། །མན་ཇུས་རིགས་ཀྱི་པདྨ་ཁ་འབུས་ཀྱང། །ཚངས་སྤྱོད་གེ་སར་བཅུད་ཀྱིས་མ་བཟུང་བ། །ཁྱོད་ཀྱི་ཐུགས་རྗེ་ཉི་འོད་དང་འགྲོགས་པས། །བསླབ་གསུམ་སྦྲང་རྩིའི་སྙིང་པོ་ཅི་ཡང་རྒྱས། །ས་ཡི་འབྱེར་འཇིག་དཔལ་གྱི་དགྲ་ཟླ་ཀུན། །ཆོས་སྐྱོང་

― GTD007_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

བྲན་ཁོལ་དྲག་པོའི་ལས་སྦྱོར་གྱི། །མཐུ་སྟོབས་གོམ་པ་གཅིག་གིས་རྣམ་གནོན་ཁྱོད། །ཆོས་ལྡན་རྒྱལ་ཐབས་སྲུང་བའི་ཁོར་ཡུག་བཞིན། །ལྔ་ཕྲག་སྙིགས་མ་བདོ་བའི་ཆུ་གཏེར་ནང། །བསྟན་འགྲོའི་ཕན་བདེའི་ནོར་འཛིན་བྱིང་རྩོམ་པ། །དེ་ཚེ་ཐུགས་བསྐྱེད་རུས་སྦལ་གྱིས་བཀུར་ཡང། །བཀའ་དྲིན་བསྟན་འཛིན་ཡོངས་ལ་ཁུར་དུ་ལྕ། །མི་མཐུན་ཕྱོགས་གྱུར་བདུད་ལས་མཚན་མོའི་སྨག །མཛད་བཟང་ཐུན་མཚམས་འོད་ཀྱིས་ཉེར་བཅད་དེ། །གངས་ཅན་ལྷ་གཅིག་༸རྒྱལ་དབང་ཉིན་མོར་བྱེད། །སྔ་ཕྱིར་འདྲེན་པའི་ཁྱུང་སྔོན་སྐྱེས་དེ་གང། །འཇམ་མགོན་ཐུགས་བཅུད་ཁྲིད་ཆེན་བརྒྱད་དང་དྲུག །འདུས་པ་ལཱུ་དྲིལ་འཁོར་ཆེན་དབང་སོགས་ཀྱིས། །ས་ཡི་ཉི་ཟླ་རིག་འཛིན་སྡེ་གཉིས་སོགས། །མཁས་དགུ་ངེས་དོན་ཡབ་རྗེའི་སྲོལ་དུ་བཙུད། །ཁྱད་པར་རྣམ་སྣང་མངོན་པར་བྱང་ཆུབ་པའ། །བཀའ་སྲོལ་རིང་ནས་ནུབ་པ་སླར་གསོས་ཏེ། །བསྟན་པའི་འབྱུང་གནས་དབུས་འགྱུར་སྒྲ་བོ་ཆེར། །རྒྱུད་བཞི་ད་གཟོད་ཚང་བ་ཁྱོད་ཀྱི་དྲིན།། །།གཞན་ཡང་དབང་བཀའ་མན་ངག་བཤད་པའི་རྒྱུན། །ཡོངས་སུ་འཛིན་མེད་ཆེས་ཕྲར་གྱུར་པ་ཀུན། །བསྟན་པའི་ཁུར་ཆེན་འཁྱེར་བའི་མགོན་ཁྱོད་ཀྱིས། །རྨང་ནས་གསོས་ཕྱིར་རྒྱལ་བ་གཉིས་པ་བཞིན། །དེ་སླད་འབྲོག་རི་ཆེན་པོར་ཙོང་ཁ་པའི། །མངོན་སུམ་གཟིགས་ཤིང་གཞན་ཚེ་བདུད་རྩིའི་ཆུས། །སྒོ་གསུམ་སྒྲིབ་བྲལ་རྡོ་རྗེ་གསུམ་བདག་ཏུ། །བྱིན་རླབས་ཉེ་བརྒྱུད་སྲས་ཀྱི་ཐུ་བོར་གྱུར། །འཇམ་དཔལ་ཞིང་མཆོག་རྩེ་ལྔ་ལ་སོགས་སུ། །རྐྱེན་སེལ་ནོར་སྒྲུབ་ཆ་དང་མ་འདྲེས་པའི། །

― GTD007_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་ལམ་རྡོ་རྗེའི་རྣལ་འབྱོར་ལྷུར་མཛད་དེ། །གསང་ཆེན་ནོར་བུའི་ཐེམ་སྐས་མཆོག་ཏུ་འཛེགས། །བརྟན་གཡོའི་དངོས་ཀུན་ལྷན་སྐྱེས་བདེ་བ་ཆེར། །སྡོམ་མཛད་བཅོམ་ལྡན་དཔའ་བོའི་དབང་ཕྱུག་གིས། །མཆོད་ཆེན་མངོན་སུམ་ཉིད་དུ་སྩལ་བ་ཡི། །བྱིན་རླབས་བདེ་ཆེན་བདུད་རྩིའི་ཆང་གིས་མྱོས། །གཤིན་རྗེའི་གཤེད་པོའི་རིམ་གཉིས་མཐར་སོན་ཚེ། །སྟོན་པ་ཕུན་ཚོགས་འཁོར་ལོའི་མགོན་ཁྱོད་ལས། །བཀའ་སྲུང་མཆོག་གིས་གཡར་དམ་ཉེར་བླངས་ཤིང། །བསྙེན་སྒྲུབ་གསང་བའི་མན་ངག་རྩོམ་པར་བསྐུལ། །ཐར་ལམ་དངོས་སྟོབས་གཏན་ཚིགས་ཀྱིས་བསྒྲུབས་ཏེ། །མངོན་དུ་གྱུར་ནས་གཞན་ལ་འདོམས་པའི་ཚུལ། །འཇམ་དབྱངས་དངོས་ཀྱིས་གདམས་པ་འདི་འདྲ་བ། །ཁྱོད་དང་ཐོགས་མེད་ཞབས་ཀྱི་མ་འདྲེས་ཆོས། །རྣམ་གསུམ་རིགས་དབྱེའི་གཏན་ཚིགས་མཆོག་གྱུར་འདིས། །རྟག་ཏུ་ཤར་བའི་བླ་མ་ཡི་དམ་ལྷ། །མ་མགོན་སྲུང་མའི་ཚོགས་ཀྱི་སྣང་བ་ཀུན། །རང་མཚན་ཉིད་དེ་ཉམས་ཀྱི་དོ་ཟླ་མིན། །མདོར་ན་ཀུན་རྟོག་སྤྲོས་པ་ལས་རླུང་བཅས། །ཡོངས་དག་འོད་གསལ་ཐུགས་ཀྱི་མེ་ལོང་ངོས། །བདེ་ཆེན་རང་མདངས་རྒྱུ་འབྲས་སྐྱབས་ཀྱི་ལྷ། །འཕྲིན་ལས་རྣམ་བཞིའི་གར་གྱིས་འགྲན་པ་བཞིན། །གདུལ་བྱའི་སྐལ་བ་འབྱུང་འགྱུར་འཕོ་འཇིག་སོགས། །གནས་གསུམ་ཤེས་བྱའི་དཀྱིལ་འཁོར་མཐའ་དག་ལ། །གཟིགས་པ་ཚད་མར་གྱུར་བཞིན་འདོམས་མཛད་པ། །ཁྱོད་ནི་སྟོན་པ་བདེ་གཤེགས་སྐྱོབ་པ་ཉིད། །ཐུགས་རྗེ་ག་བུར་འོད་ཀྱིས་ཐུབ་པའི་བསྟན། །རིས་མེད་ཀུན་ལ་སྣང་བའི་མཆོག་སྦྱིན་ཞིང་། །སྙིང་པོ་ཀུནྡའི་དགའ་ཚལ་

― GTD007_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

བཞད་པ་ན། །ཡིད་མཚོ་དད་པའི་རླབས་ཀྱི་འཇོ་སྒེག་འཛིན། །དེ་ཕྱིར་གསང་གསུམ་རིན་ཆེན་འབྱུང་གནས་ལས། །དེད་དཔོན་བཤེས་གཉེན་དམ་པའི་བཀའ་དྲིན་གྱིས། །ཆ་ཙམ་བསོད་ནམས་སྐལ་བར་རྙེད་པ་འདི། །ཐར་འདོད་དོན་མཐུན་ཡོངས་ལ་མགྲོན་དུ་བཀྱེ། །དགེ་བས་མ་འོངས་ཚེ་རབས་པདྨོའི་འཕྲེང། །འདྲེན་མཆོག་ཉིན་བྱེད་འོད་ཀྱིས་མི་གཏོང་ཞིང། །ཐུན་མོང་ལམ་གྱི་འདབ་སྟོང་བཞད་པའི་དབུས། །རིམ་གཉིས་བདུད་རྩིའི་བཅུད་ཀྱིས་བསྟེན་པར་ཤོག །གྲངས་རིང་བསྐལ་པར་བརྣག་པའི་དགོངས་པ་བཞིན། །ཐུབ་བསྟན་ཡང་སྙིང་ཕྱོགས་མཐར་རྒྱས་པ་དང། །དེ་འཛིན་མཐའ་དག་དྲང་སྲོང་ཆེན་པོའི་ལམ། །ཁྱོད་ཀྱིས་གདམས་པའི་རྗེས་སུ་སློབ་གྱུར་ཅིག །མདོར་ན་སྟོབས་བཅུའི་དཔལ་མངའ་བླ་མ་ལྷའ། །གོ་འཕང་རྣམ་པར་རྒྱལ་བའི་གནས་ཐོབ་སྟེ། །སྲིད་མཚོ་ཉམ་ངར་བྱིང་བའི་འགྲོ་བ་ཀུན། །བདེ་ཆེན་ཐར་པའི་ལམ་ལ་འགོད་གྱུར་ཅིག །ཅེས་ངེས་པ་དོན་གྱི་བསྟན་པའི་སྲོག་ཤིང་རིགས་དང་དཀྱིལ་འཁོར་རྒྱ་མཚོའི་མངའ་བདག་ལྕང་སྐྱ་རོལ་པའི་རྡོ་རྗེ་ཡེ་ཤེས་བསྟན་པའི་སྒྲོན་མེ་དཔལ་བཟང་པོའི་ཞལ་སྔ་ནས་ཀྱི་གསང་བའི་རྣམ་པར་ཐར་པ་ཡོན་ཏན་རིན་ཆེན་གསལ་བའི་སྒྲོན་མེ་ཞེས་བྱ་བ་འདི་ནི། བསྟན་པའི་རྩ་ལག་དམ་པ་མཁྱེན་རབ་ཀྱི་དབང་ཕྱུག་ལྕང་ལུང་པཎྚི་ཏ་མཁན་པོ་ངག་དབང་བློ་བཟང་བསྟན་པའི་རྒྱལ་མཚན་གྱིས་གསུང་ནན་ཆེན་པོས་བསྐུལ་བ་ལྟར་༸བཙུན་པ་དཀོན་མཆོག་བསྟན་པའི་སྒྲོན་མེས་རྒྱལ་བའི་ལུང་གིས་ཟིན་པའི་ཆོས་གྲྭ་ཆེན་པོ་བཀྲ་ཤིས་འཁྱིལ་དུ་སྦྱར་བའི་ཡི་གེ་པ་ནི་བློ་དང་ལྡན་པ་དཀོན་མཆོག་ཀུན་དགའ་འོ།། ༈ རྨད་བྱུང་གསང་གསུམ་སྣང་བ་དམ་པའི་མཛོད། །སྒྱུ་འཕྲུལ་དྲ་བའི་འོད་ཟེར་ཕྱོགས་ཀྱི་གོས། །བློ༷་བཟ༷ང་ལེགས་བཤད་འདབ་བརྒྱའི་དཔལ་འབར་བ། །ཆོ༷ས་ཀྱི༷་ཉི༷་མ༷་སྲིད་

― GTD007_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིའི་གཙུག་ན་རྒྱལ། །མཁྱེན་རབ་གཏིང་མཐའ་བྲལ་བའི་ཆུ་གཏེར་ཆེ། །དམིགས་མེད་སྙིང་རྗེའི་རླབས་ཕྲེང་རོལ་པ་ལས། །སྤྲུལ་བའི་ཟློས་གར་གཡས་འཁྱིལ་དུང་གི་སྒྲས། །ས་གསུམ་ཁྱབ་པའི་ངོ་མཚར་བརྗོད་ལས་འདས། །ཁྱད་པར་ཐུན་གསུམ་ཀློང་དུ་འཁྱམས་པའི་འགྲོར། །སྣང་བའི་མཆོག་སྦྱིན་ཟླ་ཤེལ་དྲི་མ་མེད། །ངར་འཛིན་སྨག་ཆེན་གཅོད་ལ་དཔའ་བ་ཡི། །ལྷན་སྐྱེས་འོད་དཀར་འཇིག་རྟེན་མཚན་མོའི་མགོན། །དཔལ་ལྡན་འཕྲིན་ལས་བཟང་པོའི་ག་བུར་རྒྱུན། །ཀླུ་སྒྲུབ་ལུགས་བཟང་རྒྱ་མཚོའི་བཅུད་དུ་འབེབས། །ནོར་འཛིན་ཁྱོན་ཡངས་སྐྱོང་བའི་ལེགས་བྱས་ཀྱི། །རི་མོའི་གཙུག་ལག་ཀུནྡའི་རྩེ་དགའ་འཛིན། །དེ་ནས་སྙིང་སྟོབས་རབ་བརྟན་མན་དྷ་རས། །ཟབ་ཡངས་ཆོས་ཀྱི་རྒྱ་མཚོ་བསྲུབས་པ་ལས། །བློ༷་བཟ༷ང་ཆོ༷ས་ཚུལ་ཕྱོགས་ཀྱི༷་འཁོར་ལོའི་ཁྱོན། །གསལ་བྱེད་བསྟན་པའི་ཉི༷་མ༷་དེང་འདིར་ཤར། །ཐུགས་བསྐྱེད་མ་ལ་ཡར་སྐྱེས་ཙན་དན་ལྗོན། །ལྷན་སྐྱེས་དམ་པའི་རང་བཞིན་མངར་བའི་བསུང། །བཀའ་ལུང་འཁྲུལ་བྲལ་དྲི་ཡི་བཞོན་པར་བཅས། །གདུང་སེལ་བདུད་རྩིའི་ཆོ་ག་དང་པོར་གྲུབ། །བཤེས་གཉེན་ལྷུན་པོའི་གདེངས་ཀ་མངོན་མཐོ་ཞིང། །མདོ་རྒྱུད་མན་ངག་ནོར་བུའི་ཚོགས་ཀྱིས་གཏམས། །འཕྲིན་ལས་རླབས་ཀྱི་ཞགས་པས་ནོར་འཛིན་བཅིངས། །དཔལ་ལྡན་བླ་མའི་ཞབས་ལ་གསོལ་བ་འདེབས། །བསླབ་གསུམ་རྣམ་པར་དག་པའི་དགའ་ཚལ་དུ། །མང་ཐོས་གར་གྱིས་རོལ་པའི་མེ་ན་ཀ། །མཁས་དབང་གཞོན་ནུའི་བརྟན་པ་འཕྲོག་བྱེད་པའ། །མཚུངས་མེད་བཤེས་གཉེན་དམ་པར་གསོལ་བ་འདེབས། །འཆད་པའི་རོལ་མོ་

― GTD007_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

སྐལ་བཟང་རྣ་བའི་རྒྱན། །རྩོད་ངག་རིགས་ལམ་རྡོ་རྗེའི་མེ་ཆར་སྤྲོ། །སྡེབ་ལེགས་རྩོམ་པའི་དབྱངས་ཀྱི་དཀྱིལ་འཁོར་རྫོགས། །སྨྲ་བའི་དབང་ཕྱུག་མཆོག་ལ་གསོལ་བ་འདེབས། །ཤེས་རབ་རལ་གྲིས་སྲིད་པའི་དགྲ་སྡེ་འཇོམས། །སྙིང་རྗེའི་འཛུམ་གྱིས་འགྲོ་ཀུན་ཐཪ་པར་འཁྲིད། །ཡང་དག་ལྟ་བས་འཁོར་འདས་མཉམ་པར་གཟིགས། །རྒྱལ་སྲས་དཔའ་བོ་མཆོག་ལ་གསོལ་བ་འདེབས། །དག་པའི་འཁོར་ལོ་འདབ་བརྒྱར་གྲོལ་བའི་དཔྱིད། །དངོས་ཀུན་བདེ་ཆེན་སྦྲང་རྩིའི་རོ་གཅིག་ཏུ། །མྱོང་བའི་ལྷན་སྐྱེས་དགའ་བས་རབ་མྱོས་པ། །རྡོ་རྗེ་འཛིན་པའི་གཙོ་ལ་གསོལ་བ་འདེབས། །རྣལ་འབྱོར་མ་དཔལ་ཐུགས་རྗེའི་གློག་ཕྲེང་ཅན། །ལེགས་བཤད་སྤྲིན་སྔོན་རོལ་བའི་གདེངས་ཀ་ལས། །གཞན་ཕན་འཕྲིན་ལས་འདོད་དགུའི་ཆར་དུ་བསྙིལ། །མཚུངས་མེད་བླ་མ་མཆོག་ལ་གསོལ་བ་འདེབས། །བློ༷་བཟ༷ང་ཡེ་ཤེས་ལྔ་ཡི་དཀྱིལ་འཁོར་རྫོགས། །ཟབ་རྒྱས་ཆོ༷ས་ཀྱི༷་འོད་ཟེར་འབུམ་ཕྲག་འགྱེད། །སྨྲ་བའི་ཉི༷་མ༷་ཐེག་གསུམ་པདྨོའི་གཉེན། །སྐྱབས་གསུམ་ཀུན་འདུས་ངོ་བོར་གསོལ་བ་འདེབས། །གང་གི་ཐུགས་རྗེའི་ཉི་འོད་རེག་པ་ཡིས། །མཐར་བྱེད་ཀུནྡའི་གདེངས་ཀ་ཟུམ་བྱེད་པ། །འཆི་མེད་ཚེ་ལ་དབང་བའི་ལྷ་ཚོགས་མཐུས། །དཔལ་ལྡན་བླ་མ་བསྐལ་བརྒྱར་ཞབས་བརྟན་ཤོག །བཤེས་གཉེན་རི་ཡི་དབང་པོ་རབ་བརྟན་ཅིང། །འཕྲིན་ལས་ཉི་ཟླའི་འོད་ཀྱིས་ས་གསུམ་ཁྱབ། །བསྟན་འཛིན་གསེར་རིའི་ཕྲེང་བས་ཡོངས་བསྐོར་ཏེ། །ཐུབ་བསྟན་ས་ཆེན་རྟག་ཏུ་མཛེས་གྱུར་ཅིག །ཚེ་རབས་ཕྲེང་བར་ཁྱོད་ཞབས་པདྨོའི་རྡུལ། །སྤྱི་བོར་རེག་པའི་སྐལ་

― GTD007_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་མི་ཉམས་ཤིང་། །སྲིད་དང་ཞི་བའི་མཐའ་ལས་ཡོངས་བཟུང་སྟེ། །རྣམ་དག་ལམ་བཟང་མངོན་དུ་འགྱུར་བར་ཤོག །བདག་གཞན་འགྲོ་ལ་ལེགས་པའི་དཔྱིད་འཇོ་བའི། །རྣམ་དཀར་ལེགས་བྱས་སྨོན་པའི་དངོས་པོ་ཀུན། །བླ་མ་མཆོག་གསུམ་ཐུགས་རྗེ་བདེན་པའི་མཐུས། །གེགས་མེད་ལྷུན་གྱིས་གྲུབ་པའི་བཀྲ་ཤིས་ཤོག །ཅེས་ཡོངས་རྫོགས་བསྟན་པའི་མངའ་བདག་དཀྱིལ་འཁོར་འཁོར་ལོའི་མགོན་པོ་ཁྱབ་བདག་རྡོ་རྗེ་འཆང་༸བློ་བཟང་ཆོས་ཀྱི་ཉི་མའི་ཞལ་སྔ་ནས་ཀྱི་ཞབས་བརྟན་གསོལ་འདེབས་འདི་ནི། བསྟན་པའི་གསལ་བྱེད་སྤྲུལ་བའི་སྐུ་བློ་བཟང་བསྟན་འཛིན་དར་རྒྱས་དང། རིགས་ལམ་སྨྲ་བ་དཀོན་མཆོག་རྒྱ་མཚོ་བཅས་ཀྱིས་བསྐུལ་ཞིང། རང་ཉིད་ཀྱང་དད་པའི་ཡིད་ཀྱིས་མཚམས་སྦྱར་བ་ལ་བརྟེན་ནས་བཙུན་པ་དཀོན་མཆོག་བསྟན་པའི་སྒྲོན་མེས་ཆོས་གྲྭ་ཆེན་པོ་བཀྲ་ཤིས་འཁྱིལ་དུ་བྲིས་པའོ།། ༈ ཕུན་ཚོགས་དགེ་ལེགས་བྱེ་བའི་གཟི་འོད་ཀྱིས། །སྲིད་ཞིའི་དཀྱིལ་འཁོར་རྒྱས་པར་འགེངས་མཛད་པ། །བླ་མ་མཆོག་གསུམ་ཡི་དམ་རྒྱ་མཚོ་ཡིས། །ཕན་བདེའི་སྣང་བ་དམ་པའི་མཆོག་སྦྱིན་མཛོད། །བློ༷་བཟ༷ང་རྒྱལ་བ་གཉིས་པའི་ཐུགས་ཀྱི་བཅུད། །ཐུ༷བ་བསྟ༷ན་ཡང་སྙིང་མདོ་སྔགས་དམ་ཆོ༷ས་ཀྱི༷། །རྒྱ༷ལ་མཚ༷ན་བསྒྲེང་ཕྱིར་སྐྱེ་བའི་གར་མཛད་པ། །འདྲེན་མཆོག་སྤྲུལ་བའི་སྐུ་ལ་གསོལ་བ་འདེབས། །བློ༷་གྲོས་དྲི་མེད་གསེར་བཟ༷ང་འཁོར་ལོ་ཡིས། །ཐུ༷བ་བསྟ༷ན་ཡོངས་ལ་མངའ་བསྒྱུར་ཆོ༷ས་ཀྱི༷་རྗེ། །རྒྱ༷ལ་ཀུན་སྤྱི་གཟུགས་རྗེ་བཙུན་བླ་མ་ཡི། །མཚ༷ན་དཔེའི་སྣང་བརྙན་བསྐལ་བརྒྱར་རྟག་བརྟན་ཤོག །མཆོག་སྤྲུལ་དམ་པའི་སྐུ་ཚེ་མཛད་འཕྲིན་དང། །

― GTD007_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པའི་བྱ་བ་དབྱར་མཚོ་ལྟར་རྒྱས་ཤིང་། །བསྟན་འཛིན་བུ་སློབ་ས་སྟེང་གང་བ་ཡིས། །བསྟན་འགྲོའི་དོན་ཆེན་ལྷུན་གྱིས་གྲུབ་གྱུར་ཅིག །བྱིན་རླབས་འོད་སྟོང་འབར་བའི་གདེངས་ཀ་ཡིས། །དུས་ཀྱི་མུན་པ་མཐར་བྱེད་ཚེ་ཡི་ལྷ། །རྣམ་གསུམ་ཐུགས་རྗེའི་བདེན་པ་ཆེན་པོའི་མཐུས། །མཆོག་སྤྲུལ་དམ་པའི་སྐུ་ཚེ་བསྐལ་བརྒྱར་སྤེལ། །ཕྱག་དྲུག་མགོན་པོ་ལས་གཤིན་དཔལ་མགོན་དང། །མ་ཅིག་དཔལ་ལྡན་ལྷ་མོ་འཁོར་བཅས་ཀྱིས། །མི་ཕྱེད་རྡོ་རྗེའི་གཡར་དམ་ཉེར་དགོངས་ཏེ། །འགལ་རྐྱེན་སེལ་ཞིང་མཐུན་རྐྱེན་མ་ལུས་སྒྲུབས། །བླ་མ་མཆོག་གསུམ་ཐུགས་རྗེ་བྱིན་རླབས་དང། །ཡི་དམ་ཆོས་སྲུང་རྒྱ་མཚོའི་བདེན་སྟོབས་ཀྱིས། །སྨོན་པ་ཇི་བཞིན་ལྷུན་གྱིས་གྲུབ་པ་ཡི། །དགེ་མཚན་ནོར་འཛིན་ཀུན་ཏུ་ཁྱབ་གྱུར་ཅིག །ཅེས་བསྟན་འགྲོའི་དཔུང་གཉེན་དམ་པ་མཚུངས་བྲལ་མཆོག་གི་སྤྲུལ་བའི་སྐུ་རིན་པོ་ཆེ་བློ་བཟང་ཐུབ་བསྟན་ཆོས་ཀྱི་རྒྱལ་མཚན་དཔལ་བཟང་པོའི་ཞབས་བརྟན་གསོལ་འདེབས་འདི་ནི། མཁས་བཙུན་བཟང་པོའི་བདག་ཉིད་དགོན་ལུང་ཁྲི་པ་འདན་མ་ཞབས་དྲུང་རིན་པོ་ཆེས་གཙོས་ལས་སྣེ་མོ་གྲྭ་རྒན་འདུས་སྤྱི་ནས་བསྐུལ་བ་ལྟར་༸བཙུན་པ་དཀོན་མཆོག་བསྟན་པའི་སྒྲོན་མེས་དགོན་ལུང་བྱམས་པ་གླིང་དུ་བྲིས་པའོ།། ༈ བློ༷་ལྡན་སྐལ་བཟ༷ང་གདུལ་བྱའི་ཚོགས་རྣམས་ལ། །ཐུ༷བ་བསྟ༷ན་ནོར་བུའི་དགའ་སྟོན་འགྱེད་པའི་ཕྱིར། །བསམ་བཞིན་སྐྱེ་བའི་ཟློས་གར་ལྷུར་མཛད་པ། །ཆོ༷ས་ཀྱི༷་རྒྱ༷ལ་མཚ༷ན་ཞབས་ལ་གསོལ་བ་འདེབས། །འདིའང་འཁྲུངས་རབས་གསོལ་འདེབས་ཀྱི་ཁ་སྐོང་དུ་འདི་ལྟ་བུ་ཞིག་དགོས་ཞེས་ཞུས་ཏེ་དེ་སྐབས་གནང་བ་ཡིན། ༈ དགེ་ལེགས་འདབ་སྟོང་བཞད་པའི་པདྨ་དཀར། །འདུན་ལྡན་ཐུགས་བསྐྱེད་སྨིན་པའི་གེ་སར་ལས། །ཕུན་ཚོགས་འཕྲིན་ལས་མངར་བའི་བསུང་འཕྲོ་

― GTD007_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

བ། །དཔལ་ལྡན་བླ་མའི་ཞབས་ལ་གསོལ་བ་འདེབས། །ངག་དབང་དབྱངས་ཅན་མགྲིན་མཚོར་རྟག་རོལ་ཅིང། །བསྟན་པའི་གནད་རྫོགས་བདུད་རྩིས་ཐུགས་ཀ་གཏམས། །སྒྲུབ་པའི་རྒྱལ་མཚན་འཛིན་ལ་ཟླ་བྲལ་བ། །མཚུངས་མེད་བཤེས་གཉེན་དམ་པར་གསོལ་བ་འདེབས། །གང་གི་ཐུགས་རྗེ་ཟླ་བའི་མ་མ་ལས། །གསར་དུ་ཚེས་པའི་ཡང་སྲིད་བདུད་རྩིའི་འོད། །ཐུབ་བསྟན་ཀུ་མུད་བཞད་པའི་དཔལ་ཡོན་ཅན། །མཆོག་སྤྲུལ་དམ་པའི་ཞབས་ལ་གསོལ་བ་འདེབས། །བློ་བཟང་རྒྱལ་བསྟན་དབྱར་སྐྱེས་ལྡིང་ཁང་རྩེར། །ལུང་རིགས་སྒྲ་བརྒྱ་རྒོད་པའི་དུན་དུ་བྷ། །བརྡུངས་པས་ཕྱོགས་ཀྱི་འཁོར་ལོ་འགེངས་མཛད་པ། །དཀོན་མཆོག་བསྟན་པའི་སྒྲོན་མེར་གསོལ་བ་འདེབས། །དུས་ཀྱི་མཐར་ཡང་བུ་རམ་ཤིང་པའི་བསྟན། །རྣམ་དཔྱོད་དཔུང་པས་འཛིན་ལ་སྙིང་སྟོབས་མཐུ། །ཟླ་བྲལ་འཇིགས་མེད་སྨྲ་བའི་སེང་གེ་ཁྱོད། །བགྲང་ཡས་བསྐལ་པ་རྒྱ་མཚོར་ཞབས་བརྟན་ཤོག །བསླུ་མེད་རིན་ཆེན་གསུམ་གྱི་བདེན་པའི་མཐུ། །ཡི་དམ་ཆོས་སྲུང་རྒྱ་མཚོའི་ནུས་མཐུ་དང། །དཔོན་སློབ་མི་ཕྱེད་དམ་ཚིག་རྡོ་རྗེའི་མཐུས། །སྨོན་པའི་རེ་འབྲས་གཡུར་དུ་ཟ་བར་ཤོག །ཚེ་རབས་ཕྲེང་བར་ཁྱོད་ཀྱིས་རྗེས་འཛིན་ཞིང། །མཉེས་པ་གསུམ་གྱིས་མཉེས་པར་བསྒྲུབས་པ་ལས། །གསུང་གི་བདུད་རྩིས་ཐར་པའི་སྲོག་བཟུང་སྟེ། །འགྲོ་བ་ཀུན་ཀྱང་སྲིད་ལས་སྒྲོལ་བར་ཤོག །ཅེས་པ་འདི་ནི་རང་གི་གམ་བཅར་རྣམས་ཀྱིས་བསྐུལ་ངོར་༸དཀོན་མཆོག་བསྟན་པའི་སྒྲོན་མེས་ཐེ་བོ་ཆུ་ཚན་ཁར་བྲིས། ༈ མཁའ་མཉམ་འགྲོ་ལ་

― GTD007_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

ཕན་བདེའི་ལྷག་བསམ་གྱིས། །ཐུབ་དབང་བསྟན་པའི་སྒྲོན་མེ་ས་གསུམ་དུ། །གསལ་བར་མཛད་པའི་ཐུགས་བསྐྱེད་ལྷུན་གྱིས་གྲུབ། །རྗེ་བཙུན་བླ་མའི་ཞབས་ལ་གསོལ་བ་འདེབས། །སྔོན་ཚེ་བློ་བཟང་རྒྱལ་བ་གཉིས་པ་ཡི། །ཐུགས་བཅུད་སྙིང་པོ་དཔལ་ལྡན་འདུས་པ་སོགས། །གསང་ཆེན་གདམས་པའི་བཀའ་བབས་ཆོས་ཀྱི་རྗེ། །ཤེས་རབ་སེང་གེའི་ཞབས་ལ་གསོལ་བ་འདེབས། །སླར་ཡང་དགེ་ལྡན་བསྟན་པ་མཐའ་དག་དང། །ཁྱད་པར་དཔལ་ལྡན་རིག་པ་འཛིན་པའི་སྡེ། །འཛིན་སྐྱོང་སྤེལ་བའི་འཕྲིན་ལས་ཟླ་མེད་པ། །དགེ་འདུན་ཕུན་ཚོགས་ཞབས་ལ་གསོལ་བ་འདེབས། །མདོ་སྨད་ནོར་འཛིན་ཡངས་པའི་ཐིག་ལེ་རུ། །བློ་བཟང་འཇམ་དཔལ་སྙིང་པོའི་ལུང་རྟོགས་བསྟན། །བཤད་དང་སྒྲུབ་པས་གསལ་མཛད་ངག་གི་དབང། །བསྟན་པའི་རྒྱལ་མཚན་ཞབས་ལ་གསོལ་བ་འདེབས། །སྔོན་རབས་དམ་པའི་རྣམ་ཐར་གཙང་མའི་སྲོལ། །ཇི་བཞིན་ཐུབ་བསྟན་སྤེལ་བའི་ཁུར་བཞེས་ཏེ། །འཆད་རྩོད་རྩོམ་པའི་འོད་སྣང་འབུམ་འགྱེད་པ། །དཀོན་མཆོག་བསྟན་པའི་སྒྲོན་མེར་གསོལ་བ་འདེབས། །མི་ཤིགས་རྡོ་རྗེའི་ཚེ་ཡི་མཆོག་སྦྱིན་པ། །སྣང་བ་མཐའ་ཡས་རྣམ་རྒྱལ་སྒྲོལ་མ་སོགས། །ཡི་དམ་ལྷ་དང་ཆོས་སྐྱོང་སྲུང་མའི་མཐུས། །དཔལ་ལྡན་བླ་མ་བསྐལ་བརྒྱར་ཞབས་བརྟན་ཤོག །སྐྱེ་དང་སྐྱེ་བར་རྗེ་བཙུན་བླ་མ་ཡི། །ཞབས་སེན་འབྲལ་མེད་གཙུག་གིས་བསྟེན་པ་དང། །ཚང་ལ་མ་ནོར་གདམས་པའི་བདུད་རྩིའི་བཅུད། །རྫོགས་པར་མྱོང་བའི་སྐལ་བཟང་ཐོབ་པར་ཤོག །འདི་སྣང་ཞེན་ལོག་སྲིད་ལས་ངེས་འབྱུང་

― GTD007_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

དང། །གཞན་ཕན་བྱང་སེམས་ཕྱིན་དྲུག་བསྡུ་བཞིའི་སྤྱོད། །རྟག་ཆད་མཐའ་བྲལ་དབུ་མའི་ལྟ་བ་སོགས། །ཟབ་རྒྱས་ལམ་གྱི་བགྲོད་པ་མཐར་ཕྱིན་ཤོག །ཐུན་མོང་ལམ་སྦྱང་གསང་ཆེན་སྒོར་ཞུགས་ཏེ། །དམ་ཚིག་ལ་གནས་རིམ་གཉིས་རྣལ་འབྱོར་གྱིས། །བདེ་ཆེན་ཟུང་འཇུག་གོ་འཕང་མྱུར་ཐོབ་ནས། །མ་ལུས་འགྲོ་བ་སྲིད་ལས་སྒྲོལ་གྱུར་ཅིག །ཅེས་པ་འདི་ནི་སྤོང་བ་བསམ་གཏན་གྱི་འཁོར་ལོ་ལ་གཅིག་ཏུ་གཞོལ་བའི་རི་ཁྲོད་པ་དཀོན་མཆོག་རྒྱལ་མཚན་གྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཕུལ་བྱུང་ཟབ་རྒྱས་གདམས་པའི་དགའ་སྟོན་གྱིས། །སྐལ་བ་ཇི་བཞིན་སྨིན་ཅིང་གྲོལ་མཛད་པ། །བཀའ་དྲིན་མཚུངས་མེད་སྐྱབས་གསུམ་ངོ་བོ་ཉིད། །དཀོན་མཆོག་བསྟན་པའི་སྒྲོན་མེར་གསོལ་བ་འདེབས། །ཞེས་པ་འདི་ནི་མཚུངས་བྲལ་བསྟན་པའི་རྩ་ལག་དམ་པ་ཀིརྟི་སྤྲུལ་བའི་སྐུ་རིན་པོ་ཆེ་ནས་དབང་སོ་སོའི་བརྒྱུད་འདེབས་ཀྱི་མཇུག་ཏུ་སྦྱོར་རྒྱུ་ཞིག་དགོས་ཞེས་བཀས་བསྐུལ་བ་ལྟར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཡོན་ཏན་འབྱུང་གནས་མཚན་ལྡན་དགེ་བའི་བཤེས། །རྣམ་མང་བསམ་དང་སྦྱོར་བས་གུས་བསྟེན་པས། །ཚང་ལ་མ་ནོར་གདམས་པའི་མཛོད་བརྙེས་པ། །རྗེ་བཙུན་བླ་མའི་ཞབས་ལ་གསོལ་བ་འདེབས། །མང་ཐོས་རལ་པ་གསིག་པའི་གདོང་ལྔ་པ། །འཇིགས་མེད་རྣམ་པར་དཔྱོད་པའི་གད་རྒྱངས་ཀྱི། །སྨྲ་ངན་སྤོབས་པ་འཕྲོག་པའི་དཔལ་ཡོན་ཅན། །ཐུབ་བསྟན་གངས་རི་སྐྱོང་ལ་གསོལ་བ་འདེབས། །སངས་རྒྱས་ལས་ཀྱང་དཀོ༷ན་པའི་ཐེག་མཆོ༷ག་ཆོས། །ཟབ་ཅིང་རྒྱ་ཆེའི་

― GTD007_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟ༷ན་པ༷འི་སྙིང་པོ་ཀུན། །ལེགས་བཤད་སྒྲོ༷ན་མེ༷འི་འོད་ཀྱིས་གསལ་མཛད་པ། །བཀའ་དྲིན་མཚུངས་མེད་ཞབས་ལ་གསོལ་བ་འདེབས། །མིང་ཙམ་ལྷག་མར་གྱུར་པའི་བསྟན་པ་འདི། །ཆ་ཤས་ཙམ་ཡང་མཁའ་མཉམ་ལུས་ཅན་གྱི། །ཕན་བདེའི་སྲོག་ཏུ་ངེས་ཕྱིར་མགོན་པོ་ཁྱོད། །ཞབས་པད་བསྐལ་པ་རྒྱ་མཚོར་རྟག་བརྟན་ཤོག །བསྟ༷ན་སྲུང་རྒྱ་མཚོའི་མཐུ་དང་བདེན་སྟོབས་ཀྱིས། །བསྟ༷ན་པའི་དཔལ་གྱུར་བླ་མའི་ཞབས་བརྟན་ཅིང། །བསྟ༷ན་འཛིན་ཐུགས་མཐུན་བཤད་སྒྲུབ་འཕེལ་བ་ཡིས། །བསྟ༷ན་པ་རིན་ཆེན་ཕྱོགས་བཅུར་རྒྱས་གྱུར་ཅིག །ཅེས་པ་འདི་ནི་མགྲོན་གཉེར་དཀའ་བཅུ་ངག་དབང་དཔལ་བཟང་དང་མཆོད་དཔོན་ངག་དབང་ཆོས་ལྡན་གཉིས་ཀྱིས་སྔར་ནས་བསྐུལ་བའི་ཐོག །༸རྗེ་བཙུན་སྤྲུལ་བའི་སྐུ་རིན་པོ་ཆེ་ནས་བཀའ་གནང་ཞིང་ཕྱག་མཛོད་ཆོས་རྗེ་དང་དགེ་རྒན་སོགས་ཀྱིས་ཀྱང་བསྐུལ་མ་བྱུང་བར་བརྟེན་༸བཙུན་པ་དཀོན་མཆོག་བསྟན་པའི་སྒྲོན་མེས་ཐུའུ་བཀྭན་བླ་བྲང་བཀྲ་ཤིས་འོད་འབར་དུ་བྲིས་པའོ།། ༈ བསླུ་མེད་དཀོ༷ན་མཆོ༷ག་ཐུགས་རྗེའི་མཁའ་དབྱིངས་ལས། །བློ་བཟང་བསྟ༷ན་པ༷འི་འོད་སྣང་འབུམ་ཕྲག་གིས། །སྙིང་གི་མུན་པ་སེལ་བའི་སྒྲོ༷ན་མེ༷་མཆོག །རྗེ་བཙུན་བླ་མའི་ཞབས་ལ་གསོལ་བ་འདེབས། །དུས་འདི་ནས་བཟུང་སྐྱེ་བའི་ཕྲེང་བ་རུ། །ཁྱོད་ཞབས་པདྨོ་འབྲལ་མེད་གུས་བསྟེན་ཅིང། །ལེགས་གསུང་ཟབ་དང་རྒྱ་ཆེའི་བདུད་རྩིའི་བཅུད། །ངོམས་པ་མེད་པར་རྟག་ཏུ་མྱོང་གྱུར་ཅིག །དེ་ཡི་མཐུ་ལས་རྒྱུ་འབྲས་ཐེག་པའི་ལམ། །འཁྲུལ་བྲལ་ཚང་ལ་མ་ནོར་བསྟན་པའི་གནད། །མཐའ་དག་ཇི་བཞིན་ཉམས་སུ་བླངས་པ་ཡིས། །ཟུང་འཇུག་གོ་འཕང་བདེ་བླག་ཐོབ་གྱུར་ཅིག །ཅེས་པ་འདི་ནི་མཁས་བཙུན་བཟང་པོའི་བདག་ཉིད་ཀ་རིང་སྤྲུལ་བའི་སྐུ་དཀོན་

― GTD007_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་བསྟན་འཛིན་རྒྱལ་མཚན་གྱིས་བསྐུལ་བའི་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་གྲོ་ཚང་དགོན་དུ་བྲིས་པའོ།། ༈ འཇིག་རྟེན་གསུམ་ན་དཀོ༷ན་པའི་རིན་ཆེན་མཆོ༷ག །འཁྲུལ་བྲལ་བསྟ༷ན་པ༷འི་སྙིང་པོ་མདོ་སྔགས་ཀྱི། །ལེགས་བཤད་སྒྲོ༷ན་མེ༷ས་ཐར་ལམ་གསལ་མཛད་པ། །དཔལ་ལྡན་བླ་མའི་ཞབས་ལ་གསོལ་བ་འདེབས། །བླ་མ་ལྷག་པའི་ལྷ་ཡི་བྱིན་རླབས་མཐུས། །རྣམ་དག་ཐོས་བསམ་སྒོམ་པ་མཐར་ཕྱིན་ཅིང། །གེགས་མེད་བཤད་སྒྲུབ་བྱ་བའི་དཔུང་པ་ཡིས། །ཐུབ་བསྟན་རྒྱལ་མཚན་རིང་དུ་འཛིན་གྱུར་ཅིག །ཚེ་རབས་ཕྲེང་བར་ཁྱོད་ཀྱིས་རྗེས་བཟུང་མཐུས། །ཐུན་མོང་ལམ་གྱི་གཙོ་བོ་རྣམ་གསུམ་དང། །གསང་ཆེན་ཐེག་པའི་ལམ་བཟང་རིམ་བགྲོད་ནས། །མཐར་ཐུག་སྐུ་བཞིའི་གོ་འཕང་ཐོབ་པར་ཤོག །ཅེས་པ་འདི་ནི་རྨད་དུ་བྱུང་བའི་མཁྱེན་རབ་ཀྱི་དབང་ཕྱུག་སྐྱེས་མཆོག་དམ་པ་གྲོ་ཚང་ཁྲི་རྒན་སྤྲུལ་སྐུ་བློ་བཟང་དཀོན་མཆོག་ཉི་མས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་རྡོ་རྗེ་འཆང་གི་ལྷ་ཁང་ཉེ་འདབས་སུ་བྲིས་པའོ།། ༈ བླ་མ་ཡི་དམ་དཀོ༷ན་མཆོ༷ག་རིན་ཆེན་གསུམ། །སྤྱི་དང་ཁྱད་པར་ཁྱབ་བདག་འཁོར་ལོའི་མགོན། །བཀའ་དྲིན་མཉམ་མེད་བསྟ༷ན་པ༷འི་སྒྲོ༷ན་མེ༷་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །སྐྱབས་གནས་མ་ལུས་འདུས་པའི་ངོ་བོ་རུ། །རྩེ་གཅིག་གུས་པའི་ཡིད་ཀྱིས་ཁྱོད་བསྟེན་ན། །འདི་ཕྱི་བར་དོའི་འཇིགས་པ་ཀུན་སེལ་ཞིང། །རྣམ་དཀར་འདོད་དོན་འགྲུབ་པར་བྱིན་གྱིས་རློབས། །ཇི་སྲིད་བྱང་ཆུབ་རྡོ་རྗེའི་གནས་ཐོབ་པ། །དེ་སྲིད་འདྲེན་པ་ཁྱོད་ཀྱིས་རྗེས་འཛིན་ཞིང། །གདམས་དང་རྗེས་སུ་བསྟན་པའི་བདུད་རྩི་ཡིས། །

― GTD007_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་དག་ལམ་གྱི་ལུས་སྟོབས་རྒྱས་གྱུར་ཅིག །མི་ཁོམ་ངན་སོང་སྐྱེ་བའི་རྒྱུན་བཅད་དེ། །རྟག་ཏུ་འཁོར་ལོ་བཞི་ལྡན་རྟེན་ཐོབ་ནས། །ཚང་ལ་མ་ནོར་མདོ་སྔགས་ལམ་བཟང་ལ། །རྒྱལ་བའི་དགོངས་པ་ཇི་བཞིན་སློབ་གྱུར་ཅིག །བསླུ་མེད་བླ་མ་ལྷ་ཡི་ཐུགས་རྗེའི་མཐུས། །གནས་སྐབས་མཐར་ཐུག་དོན་ཀུན་ལྷུན་གྲུབ་ཅིང། །རིང་མིན་སྟོབས་བཅུ་མངའ་བའི་དཔལ་ཐོབ་ནས། །མཁའ་མཉམ་ལུས་ཅན་སྲིད་ལས་སྒྲོལ་གྱུར་ཅིག །ཅེས་པ་འདི་ནི་རྣམ་དཔྱོད་མཆོག་ཏུ་ཡངས་པ་གྲོ་ཚང་ཆོས་རྗེ་དགེ་ལེགས་དབང་རྒྱལ་གྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་མཛོ་མོ་མཁར་དུ་བྲིས་པའོ།། ༈ ཟབ་ཅིང་རྒྱ་ཆེའི་ལེགས་བཤད་གདོང་ལྔའི་རྒྱུད། །སྲིད་པའི་ཀུན་སྦྱོར་གྲུ་གཟིངས་མཐར་བྱེད་ཀྱང་། །སྐལ་བཟང་རྣ་བར་བདུད་རྩིའི་དཔྱིད་འཇོ་བ། །ཟླ་མེད་བཤེས་གཉེན་དམ་པར་གསོལ་བ་འདེབས། །བདེ་ཆེན་ཐུགས་རྗེའི་བདག་ཉིད་ཀ་ལཱ་ཤས། །རྨད་བྱུང་འཆི་མེད་བདུད་རྩིའི་དབང་སྦྱིན་པ། །ཡི་དམ་རྒྱལ་བ་རྒྱ་མཚོ་བཅས་པའི་མཐུས། །རྗེ་བཙུན་བླ་མ་བསྐལ་བརྒྱར་ཞབས་བརྟན་ཤོག །མ་འོངས་ཚེ་རབས་པདྨ་དཀར་པོའི་འཕྲེང། །བཤེས་གཉེན་ཉིན་བྱེད་བདག་པོས་ཡོངས་བཟུང་སྟེ། །གསུང་གསང་འོད་བརྒྱའི་སྣང་བ་དང་འགྲོགས་པས། །ཐོས་བསམ་སྒོམ་པའི་སྦྲང་རྩི་སྨིན་གྱུར་ཅིག །རྣམ་དག་ཆོས་འདུལ་སྤྱོད་པ་ལ་གནས་ཏེ། །ངེས་འབྱུང་བྱང་སེམས་ཡང་དག་ལྟ་བ་སོགས། །ཚང་ལ་མ་ནོར་རྒྱུ་འབྲས་ཐེག་པ་ཡིས། །ཡང་དག་ལམ་གྱི་བགྲོད་པ་མཐར་ཕྱིན་ཤོག །བསླུ་མེད་དཀོན་མཆོག་རྣམ་གསུམ་བདེན་པའི་མཐུས། །བསྟན་པའི་སྒྲོན་མེ་ཡུན་དུ་གནས་པ་དང། །བཤད་སྒྲུབ་ཟུང་

― GTD007_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་བསྟན་པའི་བྱ་བ་ཀུན། །དབྱར་གྱི་ཆུ་གཏེར་ཇི་བཞིན་རྒྱས་གྱུར་ཅིག །ཅེས་པ་འདི་ནི་དད་བརྩོན་བློ་དང་ལྡན་པ་རབ་འབྱམས་པ་ཡེ་ཤེས་ཤེས་རབ་ཀྱིས་ལི་ཏིང་ཆེ་ལེགས་ལྷ་དར་བཅས་ནན་ཆེར་བསྐུལ་བའི་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ དཀོ༷ན་མཆོ༷ག་རྒྱལ་བའི་ཐུགས་རྗེ་མེ་ཤེལ་ཁམས། །འཁྲུལ་བྲལ་མདོ་སྔགས་བསྟ༷ན་པ༷འི་འོད་བརྒྱ་པ། །འགྲོ་བློའི་རྨོངས་མུན་སེལ་བའི་སྒྲོ༷ན་མེ༷་མཆོག །རྗེ་བཙུན་བླ་མའི་ཞབས་ལ་གསོལ་བ་འདེབས། །མཆོག་གསུམ་མཐུ་དང་ཆོས་དབྱིངས་བདེན་པའི་མཐུས། །འདྲེན་མཆོག་དམ་པའི་སྐུ་ཚེ་རབ་བརྟན་ཅིང། །དུས་འདི་ནས་བཟུང་བྱང་ཆུབ་སྙིང་པོའི་བར། །འབྲལ་མེད་དགྱེས་བཞིན་རྗེས་སུ་འཛིན་པར་ཤོག །སྒོ་གསུམ་དགེ་བ་ཇི་སྙེད་བསགས་པ་ཀུན། །ཡང་དག་ལམ་གྱི་རིམ་པ་མྱུར་བགྲོད་དེ། །བླ་མེད་བྱང་ཆུབ་གོ་འཕང་མཆོག་ཐོབ་ནས། །མཁའ་མཉམ་འགྲོ་ཀུན་འདྲེན་པའི་རྒྱུར་གྱུར་ཅིག །ཅེས་པ་འདི་ནི་རི་ཁྲོད་པ་དགེ་སློང་བློ་བཟང་འཇམ་དབྱངས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ དཀོན་མཆོག་གསུམ་འདུས་ངོ་བོ་དྲིན་ཅན་རྗེ། །ལུང་རྟོགས་བསྟན་པའི་འདབ་བརྒྱ་བཞད་པའི་གཉེན། །འགྲོ་བློའི་མ་རིག་མུན་སེལ་སྒྲོན་མེ་མཆོག །རྗེ་བཙུན་བླ་མའི་ཞབས་ལ་གསོལ་བ་འདེབས། །ཞེས་པ་འདི་ནི་དད་ལྡན་དགེ་སློང་ངག་དབང་ལྷུན་གྲུབ་ཀྱིས་བསྐུལ་ངོར༌༸བཙུན་པ་དཀོན་མཆོག་བསྟན་པའི་སྒྲོན་མེས་ད་ཚང་དགོན་དུ་བྲིས།། ༈ བསླུ་མེད་དཀོན་མཆོག་ཐུགས་རྗེའི་མཁའ་དབྱིངས་ངོས། །བློ་བཟང་བསྟན་པའི་སྒྲོན་མེ་ལེགས་བཟུང་སྟེ། །བགྲང་ཡས་འགྲོ་ལ་ཐར་

― GTD007_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལམ་སྟོན་པ། །མཚུངས་མེད་བཤེས་གཉེན་དམ་པར་གསོལ་བ་འདེབས། །ཞེས་པ་འདི་ནི་ཐུགས་དམ་ལ་བརྩོན་པ་དགེ་སློང་བློ་བཟང་དཔལ་འབྱོར་གྱིས་ལམ་རིམ་བརྒྱུད་འདེབས་སུ་དེ་ལྟ་བུ་ཞིག་དགོས་ཚུལ་ལྟར་བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ བླ་མ་ཡི་དམ་དཀོན་མཆོག་རིན་ཆེན་གསུམ། །དམ་ཅན་ཆོས་སྐྱོང་རྒྱ་མཚོའི་ཚོགས་དང་བཅས། །དུས་འདི་ནས་བཟུང་བྱང་ཆུབ་སྙིང་པོའི་བར། །ནམ་ཡང་མི་འབྲལ་བདག་གི་སྐྱབས་མཛོད་ཅིག །དཀོན་མཆོག་ཐུགས་རྗེའི་བདག་ཉིད་ཟླ་ཤེལ་ཁམས། །མདོ་སྔགས་བསྟན་པའི་ཀུནྡ་བཞད་པའི་གཉེན། །ཀུན་རྨོངས་མུན་པ་སེལ་བའི་སྒྲོན་མེ་མཆོག །དཀོན་མཆོག་བསྟན་པའི་སྒྲོན་མེར་གསོལ་བ་འདེབས། །རབ་འབྱམས་ཞིང་གི་རྒྱལ་བ་མ་ལུས་པའ། །ཐུགས་བཅུད་ཟབ་དང་རྒྱ་ཆེ་ཨ་མྲྀ་ཏས། །སྲིད་དང་ཞི་བའི་གདུང་བ་ཀུན་སེལ་བ། །ཐེག་མཆོག་དགེ་བའི་བཤེས་ལ་གསོལ་བ་འདེབས། །བསླབ་གསུམ་རྣམ་པར་དག་པའི་ཆུ་གཏེར་ཆེ། །མདོ་རྒྱུད་མན་ངག་ཡིད་བཞིན་ནོར་གྱིས་གཏམས། །འཆད་རྩོད་རྩོམ་པའི་རླབས་ཕྲེང་རོལ་པ་ཅན། །བཤེས་གཉེན་གདེངས་ཅན་དབང་པོར་གསོལ་བ་འདེབས། །བསླུ་མེད་མཆོག་གསུམ་སྤྱི་དང་བླ་མ་ལྷའ། །ཐུགས་རྗེའི་བདེན་པ་ཆེན་པོའི་བྱིན་རླབས་ཀྱིས། །མི་འདོད་ཉེ་བར་འཚེ་བ་ཀུན་ཞི་ནས། །ཆོས་ལྡན་སྨོན་པ་ཡིད་བཞིན་འགྲུབ་པར་ཤོག །རྩ་བརྒྱུད་བླ་མའི་བཀའ་ལས་མི་འདའ་བར། །རྡོ་རྗེ་གཡར་དམ་ལྷུར་མཛད་སྲུང་ཚོགས་ཀྱིས། །ནམ་ཡང་མི་གཡེལ་མགོན་དང་སྐྱབས་མཛད་དེ། །ཆོས་སྲིད་དཔལ་འབྱོར་རྒྱས་པའི་དངོས་གྲུབ་སྩོལ། །དུས་འདི་ནས་བཟུང་ཚེ་རབས་

― GTD007_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཏུ་ཡང། །ལེགས་ཚོགས་རྩ་བ་བླ་མ་དཀོན་མཆོག་གསུམ། །རྩེ་གཅིག་གུས་པའི་ཡིད་ཀྱིས་གཙུག་བསྟེན་ནས། །བྱིན་རླབས་བདུད་རྩིས་རྟག་ཏུ་ཚིམ་གྱུར་ཅིག །སྐྱེ་ཞིང་སྐྱེ་བར་དལ་བའི་རྟེན་ཐོབ་ཅིང། །ཡང་དག་ལམ་བཟང་གེགས་མེད་མཐར་ཕྱིན་ནས། །ཕྲ་རགས་འཁོར་བའི་རྒྱ་མཚོ་ལས་བརྒལ་ཏེ། །ཐར་པའི་གྲོང་ཁྱེར་མཆོག་ཏུ་འཇུག་གྱུར་ཅིག །མདོར་ན་དགེ་བཅུའི་ཁྲིམས་ཀྱི་རྩ་བརྟན་ཅིང། །ཚེ་དཔལ་བསོད་ནམས་ཡལ་ག་འབུམ་ལྡན་པ། །ཆབ་སྲིད་དཔག་བསམ་ལྗོན་པ་རྒྱས་པའི་རྩེར། །བྱང་ཆུབ་མཆོག་གི་འབྲས་བཟང་སྨིན་གྱུར་ཅིག །ཅེས་པ་འདི་ནི་ཡངས་པའི་མངའ་འབངས་མཐའ་དག་ཆོས་བཞིན་དུ་སྐྱོང་བ་ལ་མ་ཞུམ་ཞིང་བླང་དོར་འབྱེད་པའི་སྤོབས་པ་དང། གཟུ་བོར་གནས་པའི་རང་བཞིན་ཅན། དད་པ་དང་གཏོང་བའི་རྒྱན་གྱིས་མཛེས་པ་སོ་མོའི་རྒྱལ་མོ་བསོད་ནམས་སྒྲོལ་མས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་སོ་མོ་མཁར་ནོར་བུའི་གླིང་དུ་བྲིས་པའོ།། ༈ རྒྱུ་འབྲས་ཐེག་པའི་ཆོས་ཀུན་བྱང་ཆུབ་པའ། །སྙིང་པོ་ཟབ་རྒྱས་མན་ངག་བདུད་རྩིའི་ཆབ། །ཐར་འདོད་ཡོངས་ལ་འབབ་པའི་ཨ་གསྟཿ །མཚུངས་མེད་བཤེས་གཉེན་རྣམས་ལ་གསོལ་བ་འདེབས། །ཁྱད་པར་ལྟ་སྒོམ་སྤྱོད་དང་གཞི་ལམ་འབྲས། །ཀུན་ལ་འཁྲུལ་བྲལ་འཇམ་དཔལ་སྙིང་པོའི་བསྟན། །འཆད་རྩོད་རྩོམ་པས་སྤེལ་མཛད་འགྲོ་བའི་མིག །ཐར་འདོད་དེད་དཔོན་རྣམས་ལ་གསོལ་བ་འདེབས། །སོ་ཐར་བྱང་སེམས་སྡོམ་པས་རྒྱུད་སྦྱངས་ཤིང། །གསང་ཆེན་རྡོ་རྗེ་ཐེག་པའི་སྒོར་བཙུད་དེ། །མན་ངག་ནོར་བུའི་དགའ་སྟོན་མཆོག་སྦྱིན་པ། །དྲིན་ཅན་བླ་མ་རྣམས་ལ་གསོལ་བ་འདེབས། །ཁྱད་པར་དཀོན་མཆོག་

― GTD007_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་འདུས་ངོ་བོ་ཉིད། །ཐུབ་དབང་བསྟན་པའི་སྒྲོན་མེ་ལེགས་བཟུང་ནས། །མངོན་མཐོ་ངེས་ལེགས་ལམ་བཟང་གསལ་མཛད་པ། །བཀའ་དྲིན་གསུམ་ལྡན་བླ་མར་གསོལ་བ་འདེབས། །འདིས་མཚོན་ལེགས་བྱས་ས་བོན་ཛམྦུའི་འབྲས། །བསོད་ནམས་ཞིང་མཆོག་མ་དྲོས་མཚོར་བརྟེན་པས། །གནས་སྐབས་མཐར་ཐུག་དགེ་མཚན་གཟི་འབར་བ། །གསེར་བཟང་སྙིང་པོ་མཆོག་ཏུ་གྲུབ་གྱུར་ཅིག །ནད་རིམས་ཉེར་འཚེ་ལ་སོགས་ལུས་སེམས་ཀྱི། །གདུང་བ་མ་ལུས་དྲུངས་ནས་ཞི་བ་དང་། །མཐུན་རྐྱེན་ཚེ་དཔལ་མངའ་ཐང་ལོངས་སྤྱོད་རྣམས། །དགེ་བཅུའི་ཁྲིམས་དང་ལྷན་ཅིག་རྒྱས་གྱུར་ཅིག །ཚེ་རབས་ཕྲེང་བར་དམ་པའི་མགོན་གྱིས་བཟུང། །རྣམ་དག་བསྟན་ལ་ཚུལ་བཞིན་སློབ་པ་སོགས། །དོན་གཉིས་དགེ་བའི་ལེགས་སྨོན་མ་ལུས་པ། །མཆོག་གསུམ་བདེན་པའི་མཐུ་ཡིས་འགྲུབ་གྱུར་ཅིག །ཅེས་པ་འདི་ནི་ལྕོག་རྩེ་རྒྱལ་པོའི་སྲས་མོ་དད་མོས་དང་ལྷག་བསམ་མཆོག་ཏུ་དགེ་བ་བསོད་ནམས་མཚོ་རྒྱལ་གྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ དཀོ༷ན་མཆོ༷ག་རྒྱལ་བའི་དབང་པོ་རྫོགས་སངས་རྒྱས། །ལུང་རྟོགས་བསྟ༷ན་པ༷འི་བདག་ཉིད་དམ་པའི་ཆོས། །འགྲོ་བའི་སྒྲོ༷ན་མེ༷་རིག་གྲོལ་དགེ་འདུན་ཏེ། །སྐྱབས་གསུམ་ངོ་བོ་བླ་མར་གསོལ་བ་འདེབས། །རླབས་ཆེན་ཐུགས་བསྐྱེད་མཆོག་གི་སྤྲིན་སྔོན་ལས། །ཕུལ་བྱུང་ལེགས་བཤད་ཆོས་ཀྱི་ཆར་འབེབས་པས། །རྣམ་གྲོལ་ཐར་པའི་མྱུ་གུ་བསྐྲུན་མཛད་པ། །རྗེ་བཙུན་བསྟན་པའི་སྒྲོན་མེར་གསོལ་བ་འདེབས། །སྲས་བཅས་རྒྱལ་བའི་ཞལ་སྐྱིན་བླ་མ་དང། །རྒྱལ་ཀུན་འཕྲིན་ལས་རང་གཟུགས་

― GTD007_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ལྡན་མ། །དབྱེར་མེད་བླ་མ་ལྷ་ཡི་ཞབས་པད་ལ། །སྙིང་ནས་འདུད་དོ་ཐུགས་རྗེས་བྱིན་གྱིས་རློབས། །རྩེ་གཅིག་གུས་པའི་ཡིད་ཀྱིས་གསོལ་བཏབ་མཐུས། །ཉེར་འཚེའི་འཇིགས་པ་ཀུན་ལས་རྣམ་རྒྱལ་ཞིང། །སྡེ་བཞིའི་དཔལ་གྱི་དགེ་མཚན་དར་བ་ཡིས། །གནས་སྐབས་མཐར་ཐུག་དོན་གཉིས་ལྷུན་གྲུབ་ཤོག །དེང་ནས་བརྩམས་ཏེ་བྱང་ཆུབ་སྙིང་པོའི་བར། །རྟག་ཏུ་དམ་པའི་མགོན་གྱིས་རྗེས་འཛིན་ཅིང། །མཆོག་གསུམ་བྱིན་རླབས་སྙིང་ལ་འགྲོགས་པ་ཡིས། །ལེགས་ཚོགས་དབྱར་མཚོ་ཇི་བཞིན་རྒྱས་གྱུར་ཅིག །ཅེས་པ་འདི་ནི་དཀོན་མཆོག་གསུམ་ལ་དད་པའི་བག་ཆགས་ཀྱི་མཐུ་བརྟས་པ་སོ་མངས་རྒྱལ་པོའི་སྲས་མོ་བསོད་ནམས་དབང་མོས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཡིད་བཞིན་ནོར་ལས་དཀོན་པའི་གདམས་པ་མཆོག །འཁྲུལ་བྲལ་མདོ་སྔགས་བསྟན་པའི་སྙིང་པོ་ཀུན། །དྲི་མེད་ལུང་རིགས་སྒྲོན་མེས་གསལ་མཛད་པ། །དྲིན་ཅན་བླ་མའི་ཞབས་ལ་གསོལ་བ་འདེབས། །དེང་ནས་ཚེ་རབས་ཀུན་ཏུ་མགོན་ཁྱོད་ཀྱིས། །ནམ་ཡང་འབྲལ་མེད་དགྱེས་བཞིན་རྗེས་འཛིན་ཅིང། །ཟབ་རྒྱས་གསུང་གི་གསང་བ་ཀུན་འཛིན་པའ། །སྲས་ཀྱི་ཐུ་བོ་མཆོག་ཏུ་འགྱུར་བར་ཤོག །ཇི་ལྟར་གདམས་ཤིང་རྗེས་སུ་བསྟན་པ་བཞིན། །ཐུན་མོང་ལམ་གྱིས་རིམ་པས་རྒྱུད་སྦྱངས་ཏེ། །གསང་སྔགས་སྒོར་ཞུགས་དམ་ཚིག་ཚུལ་བཞིན་བསྲུང། །རིམ་གཉིས་ལམ་གྱི་བགྲོད་པ་མཐར་ཕྱིན་ཤོག །དཔལ་ལྡན་བླ་མའི་རྣམ་པར་ཐར་པ་ལ། །ཞེས་སོགས་དང། སྐྱེ་བ་ཀུན་ཏུ་ཞེས་སོགས་བྱ། ཞེས་པ་འདི་ནི་དད་བརྩོན་ལྡན་པ་དགེ་སློང་དཀོན་མཆོག་འཇམ་

― GTD007_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ དཀོན་མཆོག་ཀུན་འདུས་འཇིགས་མེད་དབང་པོ་ཡི། །བཞེད་དགོངས་བཤད་སྒྲུབ་བསྟན་པའི་ཁང་བཟང་གི །ཁྱོན་ཡངས་གསལ་བར་བྱེད་པའི་སྒྲོན་མེ་མཆོག །མཚུངས་མེད་བཤེས་གཉེན་དམ་པར་གསོལ་བ་འདེབས། །རབ་འབྱམས་གསུང་རབ་ཀུན་ལ་བློ་གྲོས་ཀྱི། །སྣང་བ་རབ་རྒྱས་འཆད་རྩོད་རྩོམ་པ་ཡིས། །ཐར་འདོད་རེ་བ་ཡོངས་སུ་ཚིམ་མཛད་པ། །མཚུངས་མེད་བཤེས་གཉེན་དམ་པ་ཞབས་བརྟན་ཤོག །དགེ་འདིས་མཚོན་པའི་དུས་གསུམ་ལེགས་བྱས་ཀུན། །གཅིག་གྱུར་མཐུ་ལས་མཁའ་མཉམ་འགྲོ་བ་རྣམས། །དེང་ནས་བཟུང་སྟེ་ཚེ་རབས་ཐམས་ཅད་དུ། །མཚུངས་མེད་བཤེས་གཉེན་དམ་པས་རྗེས་འཛིན་ཤོག །ཅེས་པ་འདིའང་དད་བརྩོན་ལྡན་པ་རབ་འབྱམས་པ་ཤེས་རབ་རྒྱ་མཚོས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས།། ༈ ཟླ་བྲལ་འཇིགས་མེད་རྣམ་དཔྱོད་གངས་རིའི་སྤོར། །ཡང་དག་རིགས་པའི་གད་རྒྱངས་ཆེར་སྒྲོགས་པ། །སྨྲ་བའི་སེང་གེ་ཁམས་གསུམ་སྐྱེ་རྒུའི་གཉེན། །དགེ་ལྡན་བསྟན་པའི་མངའ་བདག་རྒྱལ་གྱུར་ཅིག །རླབས་ཆེན་ཐུགས་བསྐྱེད་རི་བོ་མནྡ་རས། །ཚོགས་གཉིས་འོ་མའི་ཆུ་གཏེར་བསྲུབས་པ་ལས། །འཁྲུངས་པའི་རྒྱལ་སྲས་སྙིང་རྗེའི་ཟླ་བ་མཆོག །ལུས་ཅན་ཀུནྡའི་གཉེན་གཅིག་ཁྱོད་ལ་འདུད། །སྟོབས་བཅུའི་དཔལ་ལྡན་རྒྱལ་དབང་གྲགས་པའི་བསྟན། །རྒྱ་མཚོའི་གོས་ཅན་ཡངས་པའི་ཁོར་ཡུག་ཏུ། །སྤེལ་མཛད་བཀའ་དྲིན་མཚུངས་མེད་ཐུགས་རྗེའི་གཏེར། །གང་གི་ཞབས་ལ་གུས་པས་ཕྱག་འཚལ་ལོ། །རིམ་གཉིས་རྡོ་རྗེའི་རྣལ་འབྱོར་མཐར་

― GTD007_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

སོན་ཅིང། །ཡི་དམ་ཆོས་སྲུང་རྒྱ་མཚོས་འཕྲིན་ལས་བསྒྲུབ། །ཟབ་རྒྱས་མན་ངག་གདམས་པའི་མཛོད་འཛིན་པ། །གསང་ཆེན་བསྟན་པའི་མངའ་བདག་ཁྱོད་ལ་འདུད། །གནས་གསུམ་སྒྲིབ་མེད་གཟིགས་པའི་ཡེ་ཤེས་ཀྱིས། །བླང་དོར་མ་ལུས་ཇི་བཞིན་འདོམས་པ་ཡི། །ལུས་ཅན་ཡོངས་ཀྱི་འདྲེན་པ་བླ་ན་མེད། །རྗེ་བཙུན་བླ་མ་བསྐལ་བརྒྱར་ཞབས་བརྟན་ཤོག །རྒྱལ་ཀུན་སོར་རྟོག་ཡེ་ཤེས་ངོ་བོ་ཉིད། །ཚེ་མཐའ་ཡས་དང་རྣམ་རྒྱལ་སྒྲོལ་མ་སོགས། །ལྷག་པའི་ལྷ་ཚོགས་ཐུགས་རྗེ་བདེན་པ་ཡིས། །འདྲེན་མཆོག་དམ་པའི་སྐུ་ཚེ་བསྐལ་བརྒྱར་སྲིངས། །མཐུ་ལྡན་རྒྱལ་བའི་བསྟན་སྲུང་ཐམས་ཅད་དང། །ཁྱད་པར་རྒྱལ་ཀུན་ཡུམ་གཅིག་དབྱངས་ཅན་མ། །དྲག་མོའི་སྐུར་བསྟན་འདོད་ཁམས་དབང་ཕྱུག་མས། །དཔལ་ལྡན་བླ་མའི་འཕྲིན་ལས་གཡེལ་མེད་སྒྲུབས། །བདག་སོགས་ཀུན་ཀྱང་སྐྱེ་ཞིང་སྐྱེ་བ་རུ། །ཁྱོད་ཞབས་གུས་པས་མཆོད་པ་མི་གཏོང་ཞིང། །ཟབ་ཅིང་རྒྱ་ཆེའི་གསུང་གི་གསང་བའི་མཛོད། །འཛིན་པའི་སྲས་ཀྱི་ཐུ་བོར་འགྱུར་བར་ཤོག །མདོར་ན་དཔལ་ལྡན་བླ་མའི་ཞབས་བརྟན་ཅིང། །རྣམ་དཀར་མཛད་འཕྲིན་སྣང་བ་ཕྱོགས་བཅུར་རྒྱས། །ལུས་ཅན་ཀུན་ཀྱང་ཆོས་འབྱོར་དགའ་སྟོན་ལ། །ལོངས་སུ་སྤྱོད་པའི་དགེ་མཚན་རྒྱས་གྱུར་ཅིག །ཅེས་དགེ་ལྡན་བསྟན་པའི་སྲོག་ཤིང་མཚུངས་ཟླ་མེད་པ་ཁྲི་ཆེན་དཔལ་ལྡན་གྲགས་པའི་མཆོག་གི་སྤྲུལ་བའི་སྐུ་རིན་པོ་ཆེ་འཇིགས་མེད་རིགས་པའི་སེང་གེའི་ཞལ་སྔ་ནས་ཀྱི་ཞབས་བརྟན་གསོལ་འདེབས་འདི་ནི་རབ་འབྱམས་པ་གྲགས་པ་དར་རྒྱས་ཀྱིས་བསྐུལ་ངོར་བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ འཇི༷གས་

― GTD007_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

མེ༷ད་སྟོབས་བཅུའི་ལང་ཚོ་རབ་རྒྱས་ཤིང། །ལུ༷ང་རི༷གས་གད་རྒྱངས་མཐོན་པོས་ས་གསུམ་འགེངས། །དཔལ་ལྡན་མཚུངས་བྲལ་སྨྲ༷་བ༷འི་སེ༷ང་གེ༷་མཆོག །རྗེ་བཙུན་བླ་མའི་ཞབས་ལ་གསོལ་བ་འདེབས། །རིང་ནས་གོམས་པའི་ཐུགས་བསྐྱེད་དཔུང་པ་ཡིས། །ཐུབ་བསྟན་རྣམ་པར་རྒྱལ་བའི་ལྡིང་ཁང་རྩེར། །བཤད་སྒྲུབ་གསེར་གྱི་རྒྱལ་མཚན་བསྒྲེང་མཛད་པ། །རྗེ་བཙུན་བླ་མའི་ཞབས་ལ་གསོལ་བ་འདེབས། །མཁས་ཤིང་གྲུབ་བརྙེས་ཡོངས་འཛིན་དུ་མ་ལས། །ཟབ་དང་རྒྱ་ཆེའི་གདམས་པའི་མཛོད་མནོས་ཏེ། །ཐར་འདོད་ཡོངས་ཀྱི་རེ་བ་སྐོང་བའི་གཉེན། །རྗེ་བཙུན་བླ་མའི་ཞབས་ལ་གསོལ་བ་འདེབས། །ཚོགས་གཉིས་ལང་ཚོ་རྒྱས་པའི་གཟི་བྱིན་གྱིས། །སྒྲིབ་པའི་དཔུང་ཚོགས་རྨེག་མེད་བཅོམ་བྱས་ཏེ། །རྣམ་གྲོལ་བདེ་བའི་དཔལ་ལ་དབང་འབྱོར་བ། །རྗེ་བཙུན་བླ་མའི་ཞབས་ལ་གསོལ་བ་འདེབས། །བསླབ་གསུམ་དག་པའི་ཆ་ཤས་ཡོངས་གང་ཞིང། །འཆད་རྩོད་རྩོམ་པས་འོད་དཀར་དྲ་བ་འགྱེད། །བློ་བཟང་རྒྱལ་བསྟན་ཀུ་མུད་བཞད་པའི་གཉེན། །རྗེ་བཙུན་བླ་མའི་ཞབས་ལ་གསོལ་བ་འདེབས། །མཐར་བྱེད་དཔུང་འཇོམས་ཚེ་ཡི་ལྷ་ཚོགས་དང། །ཡི་དམ་ཆོས་སྲུང་རྒྱ་མཚོའི་ཐུགས་རྗེ་མཐུས། །རྗེ་བཙུན་བླ་མ་མཆོག་གི་ཞབས་བརྟན་ཅིང། །འཕྲིན་ལས་འོད་སྣང་འགོག་མེད་འཕྲོ་གྱུར་ཅིག །བདག་སོགས་ཀུན་ཀྱང་སྐྱེ་བའི་ཕྲེང་བ་རུ། །ཁྱོད་གསུང་བདུད་རྩིའི་བཅུད་ཀྱིས་བསྐྱང་བ་ཡིས། །ཡང་དག་ལམ་བཟང་བགྲོད་པ་མཐར་ཕྱིན་ནས། །སྐུ་གསུམ་གོ་འཕང་བདེ་བླག་འགྲུབ་གྱུར་ཅིག །ཅེས་དགེ་ལྡན་བསྟན་པའི་ཉི་མ་ཆེན་པོ་ཁྲི་ཆེན་སྤྲུལ་བའི་

― GTD007_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་འཇིགས་མེད་རིགས་པའི་སེང་གེའི་ཞལ་སྔ་ནས་ཀྱི་ཞབས་བརྟན་གསོལ་འདེབས་འདི་ནི་སུ་ཉིད་ཤོག་རབ་འབྱམས་པ་དཀོན་མཆོག་རྒྱལ་མཚན་གྱིས་བསྐུལ་ངོར་བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ མདོ་རྒྱུད་མན་ངག་གདམས་པ་བདུད་རྩིའི་ཆུས། །དབང་བསྐུར་ཆོས་ཀྱི་སྲིད་ལ་མངའ་བསྒྱུར་བའི། །བཀྲ་ཤིས་དགེ་མཚན་ནོར་འཛིན་ཀུན་ཏུ་ཁྱབ། །ཆོས་ཀྱི་རྒྱལ་པོ་བླ་མའི་ཞབས་ལ་འདུད། །མི་ཟད་ངག་གི་དབང་ཕྱུག་མཆོག་བརྙེས་ཏེ། །དཔལ་ལྡན་བཀྲ་ཤིས་གཡས་སུ་འཁྱིལ་བའི་མཚོར། །ལེགས་བཤད་མགྲིན་པའི་རྫ་རྔ་རྟག་འཁྲོལ་བ། །བཀའ་དྲིན་མཚུངས་མེད་དམ་པར་གསོལ་བ་འདེབས། །ལེགས་བཤད་ཡལ་གའི་ཁྱོན་ཡངས་ངག་གི་དབང། །སྤོང་བ་བསམ་གཏན་མེ་ཏོག་རྣམ་པར་བཀྲ། །བྱ་བ་ལས་ཀྱི་དགའ་ཚལ་ཤིས་པར་བསྒྲུབས། །འཁོར་ལོ་གསུམ་གྱི་དཔལ་མངའ་ཁྱོད་ལ་འདུད། །ངག་རིག་གྲུབ་པའི་གཉིས་སྐྱེས་ཀུན་གྱི་གཙོ། །ཐུབ་དབང་བསྟན་པའི་ཀུནྡ་བཞད་པའི་གཉེན། །བཀྲ་ཤིས་འོད་སྣང་བདུད་རྩིའི་ཟེར་འཕྲོ་བ། །སྨྲ་བའི་ཟླ་བ་མཆོག་ལ་གསོལ་བ་འདེབས། །དབྱངས་ཅན་ངག་གི་རོལ་མཚོ་ལས་འོངས་པའ། །ལེགས་བཤད་དབང་གི་རྒྱལ་པོའི་ཟ་མ་ཏོག །བཀྲ་ཤིས་གཏེར་གྱི་བུམ་བཟང་དང་མཚུངས་པ། །རྗེ་བཙུན་བླ་མའི་ཞབས་ལ་གསོལ་བ་འདེབས། །ཡབ་གཅིག་ངག་གི་དབང་པོའི་བྱིན་རླབས་ཀྱི། །གློག་ཕྲེང་བཀྲ་བའི་ཐུགས་ཀྱི་སྤྲིན་སྔོན་ལས། །ལེགས་བཤད་གྲུ་ཆར་བསྙིལ་བས་འཇིག་རྟེན་ཀུན། །ཕུལ་བྱུང་ཤིས་པར་བསྒྲུབས་ལ་གསོལ་བ་འདེབས། །ཁྱོད་གསུང་ལེགས་བཤད་བདུད་རྩིའི་བཅུད་

― GTD007_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

མྱང་བས། །སྲིད་པའི་ནད་བརྒྱ་སེལ་བའི་སྨན་གཅིག་པུ། །མཐའ་བྲལ་ལྟ་བའི་གནད་ཀུན་འབྱེད་པ་ལ། །རྗེ་བཙུན་མཁྱེན་པའི་གཏེར་དང་མཚུངས་པར་ཤོག །༈ བློ་ཆེན་རྒྱལ་ཀུན་ཐུགས་རྗེ་ཟླ་ཤེལ་ཁམས། །མཁས་བཙུན་བཟང་པོའི་དཀྱིལ་འཁོར་རབ་རྒྱས་ཤིང། །དོན་གཉིས་ཀུནྡའི་དགའ་ཚལ་རྒྱས་མཛད་པ། །གྲུབ་དབང་སྨྲ་བའི་ཟླ་བ་གཙུག་ན་མཛེས། །བློ་གཏེར་འཇམ་མགོན་དགྱེས་བཞད་རྡོ་རྗེ་ཡི། །མཛད་བཟང་གདུགས་དཀར་སྲིད་པའི་རྩེར་བསྒྲེང་བའི། །བཞེད་དོན་གེགས་མེད་སྨོན་པའི་མཐུ་གྲུབ་པ། །བཀའ་དྲིན་མཚུངས་མེད་དམ་པར་གསོལ་བ་འདེབས། །བློ་ལྡན་སྐལ་བཟང་གདུལ་བྱའི་འཛིན་མ་ལ། །དོན་ཟབ་གདམས་པ་བདུད་རྩིའི་ཆར་འབེབས་པས། །གཞན་ཕན་ཐུགས་བསྐྱེད་འབྲས་བཟང་ལྷུན་གྱིས་གྲུབ། །ཐེག་མཆོག་དགེ་བའི་བཤེས་ལ་གསོལ་བ་འདེབས། །བདེ་སྟོང་དབྱེར་མེད་བློ་གྲོས་ལུས་སྟོབས་རྒྱས། །རིམ་གཉིས་ལམ་བཟང་རལ་པའི་ཁུར་གྱིས་བརྗིད། །རྒྱུད་དོན་ལེགས་པར་བཤད་པའི་གད་རྒྱངས་སྒྲོགས། །གྲུབ་མཆོག་གདོང་ལྔའི་དབང་པོར་གསོལ་བ་འདེབས། །གདུལ་བྱ་རང་རང་བློ་དང་འཚམ་པ་ཡི། །ལམ་བཟང་སྤེལ་བས་འགྲོ་བའི་དོན་སྤྱོད་ཅིང། །རིགས་སྔགས་གྲུབ་པའི་དཔུང་གིས་བདུད་སྡེ་གཞོམ། །རྡོ་རྗེ་འཛིན་པའི་གཙོ་ལ་གསོལ་བ་འདེབས། །རྒྱལ་གསུང་གསང་བའི་མཛོད་འཛིན་རྡོ་རྗེ་ཅན། །ངུར་སྨྲིག་གར་རོལ་རྗེ་བཙུན་བླ་མ་ཡིས། །ཚེ་རབས་ཀུན་ཏུ་འབྲལ་མེད་རྗེས་བཟུང་སྟེ། །རིམ་གཉིས་ལམ་བཟང་མངོན་དུ་འགྱུར་བར་ཤོག །དཔལ་ལྡན་གསང་བའི་བདག་པོ་ཁྱོད་ཀྱི་མཐུས། །བདུད་བཞིའི་

― GTD007_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

གཡུལ་ལས་ངེས་པར་འབྱུང་བ་ལ། །ཕྱི་ནང་གནོད་པས་ནམ་ཡང་མི་བརྫི་བའི། །མཐུ་སྟོབས་ནུས་པའི་ཕ་རོལ་སོན་པར་ཤོག །༈ ཡེ་ཤེས་སྒྱུ་འཕྲུལ་དྲ་བ་འཇམ་པའི་དབྱངས། །དམིགས་མེད་སྙིང་རྗེའི་པད་དཀར་བཞད་པའི་ལྷ། །བདུད་བཞིའི་དགྲ་ལས་རྣམ་རྒྱལ་རྡོ་རྗེ་འཛིན། །འཇམ་དབྱངས་བཞད་པའི་རྡོ་རྗེར་གསོལ་བ་འདེབས། །གང་གསུང་ལེགས་བཤད་དགའ་ཚལ་ལས་འཁྲུངས་པའ། །བགྲང་ཡས་དགེ་འདུན་རྐང་འཐུང་ཚོགས་ཀྱི་དབུས། །ཕུན་ཚོགས་འཁོར་ལོ་གསུམ་གྱི་འབྲས་སྨིན་པ། །ཡབ་རྗེའི་སྲས་མཆོག་ཞབས་ལ་གསོལ་བ་འདེབས། །དེ་ཡི་ཐུགས་བསྐྱེད་སྨིན་པའི་ཟློས་གར་ལས། །ངག་གི་དབང་ཕྱུག་བཞད་པའི་རྡོ་རྗེ་ཡི། །བཤད་སྒྲུབ་བསྟན་པའི་རྒྱལ་མཚན་བསྒྲེང་བའི་ཕྱིར། །ལེགས་བྱོན་མཆོག་སྤྲུལ་དམ་པར་གསོལ་བ་འདེབས། །བྱམས་དང་སྙིང་རྗེའི་རྩ་བ་རབ་བརྟན་ཅིང། །གཞན་ཕན་འཕྲིན་ལས་ཡལ་ག་ཁྱོན་ཡངས་པོས། །ཐར་འདོད་སྙིང་གི་གདུང་བ་སེལ་མཛད་པ། །འགྲོ་བའི་འདྲེན་མཆོག་དམ་པར་གསོལ་བ་འདེབས། །གཞུང་དང་གདམས་ངག་ཀུན་ལ་དབང་འབྱོར་ཏེ། །བསྟན་པའི་གནད་ཀུན་ཉམས་སུ་བསྟར་བ་ཡིས། །སྒྲུབ་པའི་རྒྱལ་མཚན་འཛིན་ལ་ཟླ་བྲལ་བ། །མཚུངས་མེད་བཤེས་གཉེན་དམ་པར་གསོལ་བ་འདེབས། །ཟབ་ལམ་མན་ངག་གདུལ་བྱའི་དབང་པོ་དང། །འཚམ་པར་བསྟན་པའི་ལེགས་བཤད་དགའ་སྟོན་གྱིས། །རྒྱལ་བའི་དགོངས་པ་ཇི་བཞིན་བསྒྲུབ་མཛད་པ། །མཚན་ཉིད་ཀུན་ལྡན་བླ་མར་གསོལ་བ་འདེབས། །ཁྱོད་ཀྱི་ཐུགས་རྗེ་བདུད་རྩིའི་ཆུ་རྒྱུན་

― GTD007_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས། །ཡིད་ཀྱི་ཉེས་ལྟུང་དྲི་མ་ཀུན་བྱང་སྟེ། །བརྩེ་ཆེན་ལྷག་བསམ་ལུས་སྟོབས་རྫོགས་པ་ཡིས། །རྒྱལ་སྲས་སྤྱོད་པ་རྒྱ་མཚོའི་མཐར་སོན་ཤོག །ཅེས་མཁས་པའི་གཙུག་རྒྱན་དམ་པ་ཁྲི་ངག་དབང་བཀྲ་ཤིས། གྲུབ་པའི་དབང་ཕྱུག་བློ་བཟང་དོན་གྲུབ། ཁྲི་ཆེན་སྤྲུལ་བའི་སྐུ་ངག་དབང་བསྟན་པའི་རྒྱལ་མཚན་རྣམས་ཆོས་སྡེ་འདི་གར་བཀའ་དྲིན་ལྷག་པར་ཆེ་བས་གསོལ་འདེབས་འདོན་སྲོལ་ཚུགས་ཀྱང། ཡང་སྲིད་མྱུར་འབྱོན་ལ་ཁ་བསྒྱུར་བྱས་པས་འབྲེལ་མ་ཆགས་ཤིང་མཛེས་ལམ་ཆུང་བར་བརྟེན། གསོལ་འདེབས་མདོར་བསྡུས་པ་རེ་དགོས་ཚུལ་མཁྱེན་རབ་ཀྱི་མངའ་བདག་རྒྱུད་པ་དཔོན་སློབ་འཇིགས་མེད་རྒྱལ་མཚན་པའི་གསུང་གིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ དགེ་ལེགས་འབུམ་ཕྲག་པདྨ་དཀར་པོའི་ཚལ། །ལྷག་བསམ་ཉིན་བྱེད་སྣང་བ་དང་འགྲོགས་པས། །དལ་འབྱོར་ཟིལ་དངར་རྫོགས་པ་སྦྲང་རྩིའི་བཅུད། །ཐར་འདོད་བུང་བའི་ཉེར་འཚོ་རྒྱལ་གྱུར་ཅིག །འཇིག་རྟེན་ཆེ་དགུའི་རྗེས་སུ་མི་འབྲང་བར། །ཁེངས་དྲེགས་སྤངས་ཏེ་དམ་པའི་མགོན་ལ་བརྟེན། །མོས་གུས་ཉམས་མེད་དམ་ཚིག་ཚུལ་བཞིན་བསྲུངས། །བཤེས་གཉེན་ཐུགས་ཀྱི་སྲས་པོ་ཁྱོད་ལ་འདུད། །ཐ་སྙད་སྦུན་པའི་རྗེས་སུ་མི་འབྲང་བར། །ནང་དོན་འཕགས་བོད་མཁས་པའི་གཞུང་ལུགས་ལ། །སྦྱངས་པས་དྲི་མེད་རིགས་པའི་དགའ་སྟོན་མྱོང། །སྨྲ་བའི་དབང་པོ་མཆོག་ལ་གསོལ་བ་འདེབས། །ཟབ་གནད་ཐང་མར་བརྡལ་བའི་བཤད་པ་དང། །གྲུབ་མཐའི་དེ་ཉིད་འབྱེད་པའི་རྩོད་པ་དང། །ཚིག་དོན་ཕུན་ཚོགས་རྩོམ་པའི་དགའ་སྟོན་ལ། །དབང་བསྒྱུར་བཤེས་གཉེན་དམ་པར་གསོལ་བ་འདེབས། །ལས་འབྲས་བླང་དོར་ཚུལ་ལ་ངེས་རྙེད་པས། །མངོན་ལྐོག་མེད་པར་དྲན་

― GTD007_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་བག་ཡོད་ཀྱིས། །བསླབ་ཁྲིམས་དག་པ་ཉམས་ལེན་མཐིལ་དུ་མཛད། །གནས་བརྟན་འདུལ་བ་འཛིན་ལ་གསོལ་བ་འདེབས། །མཐའ་ཡས་འགྲོ་ལ་ཕན་པའི་ལྷག་བསམ་གྱི། །འབྲས་བུ་རྒྱལ་བསྟན་ཁོ་ནར་རག་ལས་པའ། །དེ་ཉིད་བཤད་དང་སྒྲུབ་པས་སྤེལ་མཛད་པ། །རྒྱལ་བའི་གདུང་འཚོབ་དམ་པར་གསོལ་བ་འདེབས། །རྡོ་རྗེ་འཆང་དངོས་བཤེས་གཉེན་དམ་པ་དག །བསྟེན་ནས་རྡོ་རྗེའི་དམ་ཚིག་ལེགས་བསྲུངས་ཤིང། །རྒྱུད་སྡེ་རྒྱ་མཚོའི་དགོངས་དོན་ཐུགས་སུ་ཆུད། །དཔལ་ལྡན་རིག་པ་འཛིན་ལ་གསོལ་བ་འདེབས། །རྙེད་བཀུར་ཟང་ཟིང་འབྱོར་བའི་ཡོ་ལང་རྣམས། །རྣམ་སྨིན་ཁུར་ཆེན་འགེལ་བའི་དགྲར་གཟིགས་ནས། །མཆོག་གསུམ་ཞིང་དུ་བསྔོས་ཏེ་དོན་ལྡན་མཛད། །དད་ལྡན་སྐྱེ་བོའི་མགོན་ལ་གསོལ་བ་འདེབས། །ཐུབ་བསྟན་རིན་ཆེན་རིང་དུ་གནས་འདོད་པའ། །ཐུགས་བསྐྱེད་ཤུགས་དྲག་དྲི་ཡི་བཞོན་པ་ཅན། །འཁོར་ལོ་གསུམ་གྱིས་མཛད་པའི་དྲི་བཟང་འཕྲོ། །བཤེས་གཉེན་དཔག་བསམ་ལྗོན་པ་རྟག་བརྟན་ཤོག །ནམ་ཡང་མི་བསླུ་དཀོན་མཆོག་བདེན་པའི་མཐུས། །བསྟན་པའི་སྒྲོན་མེ་བསྐལ་བརྒྱར་ཞབས་བརྟན་ཅིང། །བདག་ཀྱང་དེང་ནས་བྱང་ཆུབ་སྙིང་པོའི་བར། །དགྱེས་བཞིན་འབྲལ་མེད་རྗེས་སུ་འཛིན་པར་ཤོག །ཟབ་རྒྱས་གདམས་པ་བདུད་རྩིའི་དགའ་སྟོན་གྱིས། །ཡང་དག་ལམ་བཟང་ལུས་སྟོབས་རབ་རྒྱས་ནས། །བླ་མ་ལྷ་ཡི་གོ་འཕང་མྱུར་ཐོབ་སྟེ། །མ་ལུས་འགྲོ་བ་སྲིད་ལས་སྒྲོལ་གྱུར་ཅིག །ཅེས་པ་འདི་ནི་རང་གི་གམ་བཅར་དད་བརྩོན་ཚུལ་ཁྲིམས་ལྡན་པ་རབ་འབྱམས་པ་དཀོན་མཆོག་བསྟན་འཛིན་གྱིས་བསྐུལ་

― GTD007_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

ངོར་༸དཀོན་མཆོག་བསྟན་པའི་སྒྲོན་མེས་བྲིས།། ༈ རྒྱལ་བ་གཉིས་པ་འཇམ་དབྱངས་ཙོང་ཁ་པའ། །མདོ་སྔགས་གཞུང་ལུགས་མཐའ་དག་སྤེལ་སླད་དུ། །རླབས་ཆེན་སྨོན་ལམ་མཆོག་གིས་བསྐྲུན་པའི་སྐུ། །དཀོན་མཆོག་བསྟན་པའི་སྒྲོན་མེར་གསོལ་བ་འདེབས། །དེ་ལྟར་རྩེ་གཅིག་གུས་པས་གསོལ་བཏབ་མཐུས། །མགོན་ཁྱོད་ཞབས་ཟུང་སྲིད་མཐར་བརྟན་པ་དང། །བདག་ཀྱང་དེང་ནས་ཚེ་རབས་ཐམས་ཅད་དུ། །རྗེས་བཟུང་ལེགས་བཤད་དགའ་སྟོན་མྱོང་བར་ཤོག །འདིས་མཚོན་དགེ་བས་མར་གྱུར་འགྲོ་བ་རྣམས། །ཐེག་མཆོག་དགེ་བའི་བཤེས་དང་མི་འབྲལ་ཞིང། །རབ་འབྱམས་རྒྱལ་བའི་ཆོས་ཚུལ་ཀུན་བཟུང་ནས། །ས་ལམ་བགྲོད་པ་མྱུར་དུ་མཐར་ཕྱིན་ཤོག །ཅེས་པ་འདི་ནི་དད་ལྡན་སློབ་མ་བློ་བཟང་དཀའ་བཅུས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་སྨྲས་པའོ།། ༈ རྣམ་དག་ངེས་འབྱུང་ཁྲིམས་ཀྱི་རྩ་བརྟན་ཅིང། །གཞན་ཕན་རྒྱལ་སྲས་སྤྱོད་པའི་གོས་བཟང་གཡོ། །བདེ་སྟོང་ཡེ་ཤེས་ནོར་བུས་མཛེས་པ་ཡི། །བསྟན་པའི་རྒྱལ་མཚན་འཛིན་ལ་གསོལ་བ་འདེབས། །ངག་ལ་དབང་བསྒྱུར་བློ་བཟང་རྒྱལ་བའི་བསྟན། །བཤད་སྒྲུབ་དཔུང་པས་གྱེན་དུ་འདེགས་པ་ལ། །ས་ཆེན་འདི་ན་སྙིང་སྟོབས་ཟླ་བྲལ་བ། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཚེ་རབས་འཕྲེང་བར་ཁྱོད་ཀྱིས་རྗེས་འཛིན་ཞིང། །མོས་གུས་རྩོལ་མེད་ངང་གིས་སྐྱེ་བ་དང། །བཀུར་སྟི་རྙེད་དང་རིམ་གྲོ་སྒྲུབ་པའི་སྒོས། །གཅིག་ཏུ་མཉེས་པ་འབའ་ཞིག་སྒྲུབ་པར་ཤོག །དེའི་གསུང་ཆོས་ཀྱི་བདུད་རྩིར་ཆེད་བརྟེན་པས། །མངོན་རྟོགས་ཚོགས་ཀྱི་ལམ་ལ་རབ་ཞུགས་ཏེ། །སྨོན་འཇུག་

― GTD007_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་བསྐྱེད་གྲངས་མེད་ཚོགས་བརྩམས་ནས། །ཆོས་རྒྱུན་ཏིང་ངེ་འཛིན་ལ་རེག་པར་ཤོག །ཆོས་ཉིད་དོན་སྤྱིས་མངོན་མཐོང་སྦྱོར་བའི་ལམ། །འཇིག་རྟེན་སྒོམ་བྱུང་དྲོད་རྩེ་བཟོད་མཆོག་གི །རིམ་པས་གཟུང་འཛིན་རྟོག་པ་ཟིལ་མནན་ཏེ། །མོས་སྤྱོད་ས་ཡི་ཚོགས་གཉིས་རྫོགས་པར་ཤོག །བདེན་པ་གསར་མཐོང་གཙོར་གྱུར་རབ་དགའི་སར། །བརྒྱ་ཕྲག་བཅུ་གཉིས་ཡོན་ཏན་གཏེར་ཐོབ་ཅིང། །ཀུན་བཟང་སྨོན་གྲུབ་ཆོས་དབྱིངས་ཀུན་འགྲོ་རུ། །མཐོང་བས་སྦྱིན་པའི་ཕར་ཕྱིན་ལྷག་ཐོབ་ཤོག །དེ་ཚེ་སོམ་ཉི་སྤངས་ཤིང་དེ་ཡི་རྗེས། །མཆོག་གི་དོན་དུ་གོམས་ལས་འཆལ་བའི་ཁྲིམས། །ཀུན་ཏུ་མི་འབྱུང་དྲི་མ་མེད་པའི་སར། །ཚུལ་ཁྲིམས་ལྷག་ཅིང་བཅུ་འགྱུར་དཔལ་ཐོབ་ཤོག །རྒྱུ་མཐུན་མཐོང་ལས་ཆོས་ཚོལ་བཟོད་པ་ཡི། །སྣང་བ་བྱེད་པ་འོད་བྱེད་ས་ནས་ན། །སྔ་མའི་ཡོན་ཏན་བརྒྱ་ཡིས་བསྒྱུར་ཐོབ་ཅིང། །ལྷག་པའི་སེམས་སྦྱངས་མངོན་ཤེས་སོགས་ཐོབ་ཤོག །འཛིན་མེད་མཐོང་བས་བྱང་ཆུབ་ཕྱོགས་ལ་ཡང། །སྲེད་ལྟ་སྲེག་བྱེད་བརྩོན་འགྲུས་འབར་བ་ཡི། །འོད་འཕྲོས་ས་ལ་ལྷ་དབང་རྣམ་རོལ་ཞིང། །ལྷག་པའི་ཤེས་རབ་དང་པོ་སྤྱོད་པར་ཤོག །མཉམ་ཉིད་བཅུ་ཡི་སྐྱེ་འཕགས་དུས་གསུམ་རྒྱུད། །ཐ་དད་བཀག་ཕྱིར་བདུད་སོགས་རྐྱེན་ངན་གྱིས། །མི་འཕྲོག་ལུས་ཅན་སྨིན་བྱེད་སྦྱངས་དཀའི་སར། །བདེན་ལ་མཁས་པའི་བསམ་གཏན་ལྷག་ཐོབ་ཤོག །ཤེས་རབ་ཕུང་པོའམ་བསླབ་པ་རབ་སྦྱངས་ལས། །ཀུན་ཉོན་རྣམ་བྱང་དམ་པའི་དོན་དུ་ན། །མིན་པར་མངོན་མཐོང་མངོན་དུ་གྱུར་པའི་སར། །ཤེས་རབ་ལྷག་པས་ལུས་

― GTD007_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་གྲོལ་བྱེད་ཤོག །མཚན་མ་ཐ་དད་མེད་པ་རིང་སོང་སར། །བཅུ་གཉིས་ཐབས་མཁས་ལྷག་ཐོབ་འགོག་པ་ལ། །སྐད་ཅིག་འཇུག་ཅིང་བསླབ་པའི་འབྲས་ལ་རེག །གྲུབ་ལ་མ་གྲུབ་ཚོགས་གཉིས་རྫོགས་པར་ཤོག །དག་པའི་ས་ལ་བྲི་འཕེལ་མེད་མཐོང་བས། །སྲིད་ཞིར་མཉམ་ཞིང་མི་རྟོག་ཞིང་ལ་དབང། །མཚན་མ་རྩོལ་བས་མི་གཡོ་སྨོན་ལམ་གྲུབ། །སྟོང་གསུམ་འབུམ་གྱི་རྡུལ་སྙེད་དཔལ་ཐོབ་ཤོག །སོ་སོ་རིག་ལྡན་ལེགས་པའི་བློ་གྲོས་ཏེ། །འབྲས་བུའི་ཆ་ལས་ཡེ་ཤེས་གནས་སུ་མཐོང་། །བསམ་པའི་སྟོབས་སོགས་རབ་རྫོགས་སྔ་མ་ཡི། །ཡོན་ཏན་གྲངས་མེད་བསྒྱུར་བ་ཐོབ་པར་ཤོག །ཆོས་ཀྱི་སྤྲིན་ཚེ་འོད་ཀྱི་དབང་བསྐུར་ལས། །ཡེ་ཤེས་ལྷག་པར་ཐོབ་ཅིང་རྒྱལ་བ་ཡི། །ལས་ལ་དབང་བསྒྱུར་བརྗོད་མེད་ཡོན་ཏན་ཐོབ། །ཚོགས་གཉིས་ལེགས་གྲུབ་རྫོགས་སྨིན་སྦྱོང་བྱེད་ཤོག །དེ་ནས་ཆེས་ཕྲ་དྲི་མའི་ལྷག་མ་རྣམས། །རྡོ་རྗེ་ཐེག་པའི་ལམ་གྱིས་རབ་སྦྱངས་ཏེ། །ཡན་ལག་བདུན་ལྡན་རྡོ་རྗེ་འཆང་དབང་གི །གོ་འཕང་ཐོབ་ནས་འགྲོ་ཀུན་སྒྲོལ་བར་ཤོག །ཅེས་སྐྱེ་བ་ཀུན་ཏུ་ཡང་དག་བླ་མ་དང་༝། །ཞེས་སོགས་ཀྱི་ཚིག་དོན་ཕྱེ་སྟེ་ས་ལམ་གྱི་རིམ་པ་དང་སྦྱར་བའི་སྨོན་ཚིག་སྦྱོར་ཚུལ་འདི་ལྟ་བུ་ཞིག་དགོས་ཞེས། ཐུགས་དམ་དགེ་སྦྱོར་ལ་མཆོག་ཏུ་བརྩོན་པའི་རབ་འབྱམས་པ་དཀོན་མཆོག་ཆོས་བཟང་གིས་བསྐུལ་ངོར་ཆོས་སྨྲ་བ་དཀོན་མཆོག་བསྟན་པའི་སྒྲོན་མེས་དབེན་གནས་ཡིད་དགའ་ཆོས་འཛིན་དུ་བྲིས།། ༈ རབ་འབྱམས་རྒྱལ་བའི་གསང་གསུམ་འཕྲིན་ལས་ཀྱི། །ཆོས་མཛོད་སྙིང་པོ་ཟབ་ལམ་རྡོ་རྗེ་ཐེག །འཛིན་སྐྱོང་སྤེལ་བའི་ཐུགས་བསྐྱེད་མཐུ་གྲུབ་པ། །རྡོ་རྗེ་འཛིན་པའི་གཙོ་ལ་གསོལ་བ་འདེབས། །བློ་བཟང་རྒྱལ་བསྟན་སྤྱི་དང་ཁྱད་པར་དུ། །འཇམ་

― GTD007_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་དབྱངས་དངོས་བཞད་པའི་རྡོ་རྗེ་ཡི། །བཞེད་དོན་མ་ལུས་ལྷུན་གྱིས་གྲུབ་མཛད་པ། །ཡབ་རྗེའི་སྲས་མཆོག་དམ་པར་གསོལ་བ་འདེབས། །འཇིགས་མེད་སྤོབས་པའི་རླབས་ཕྲེང་ཆེར་གཡོ་ཞིང། །ཕུལ་བྱུང་ལུང་རིགས་ནོར་བུའི་ཚོགས་ཀྱིས་གཏམས། །མཁྱེན་བརྩེའི་རྒྱ་མཚོ་གཏིང་མཐའ་མི་མངོན་པ། །རྗེ་བཙུན་བླ་མའི་ཞབས་ལ་གསོལ་བ་འདེབས། །འཇམ་དབྱངས་བླ་མའི་ལེགས་བཤད་ས་འཛིན་གྱིས། །ཐུབ་དབང་བསྟན་པའི་ཆུ་གཏེར་བསྲུབས་པ་ལས། །ལམ་བཟང་གསལ་བྱེད་ཉི་མའི་འོད་འབར་བ། །མཚུངས་མེད་འདྲེན་མཆོག་དམ་པར་གསོལ་བ་འདེབས། །དྲི་མེད་བསླབ་གསུམ་ནོར་བུས་རྒྱུད་གཏམས་ཤིང། །འཆད་རྩོད་རྩོམ་པས་སྐལ་ལྡན་རྗེས་སུ་འཛིན། །མཁའ་ཁྱབ་བསྟན་དང་འགྲོ་བའི་དཔུང་གཉེན་མཆོག །བགྲང་ཡས་བསྐལ་པ་རྒྱ་མཚོར་ཞབས་བརྟན་ཤོག །མ་འོངས་ཚེ་རབས་ཕྲེང་བ་ཀུན་ཏུ་ཡང། །བཤེས་གཉེན་དམ་པས་འབྲལ་མེད་རྗེས་འཛིན་ཅིང། །ཟབ་རྒྱས་གསུང་གི་བདུད་རྩིའི་བཅུད་མྱང་སྟེ། །ཡང་དག་ལམ་བཟང་ལུས་སྟོབས་རྒྱས་གྱུར་ཅིག །བློ་བཟང་རྒྱལ་བསྟན་ཕྱོགས་མཐར་རྒྱས་པ་དང། །དེ་འཛིན་སྐྱེས་བུས་ས་སྟེང་ཀུན་ཁྱབ་ཅིང། །བསྟན་པའི་སྦྱིན་བདག་མངའ་ཐང་དར་བ་ཡིས། །ལེགས་ཚོགས་ལྷུན་གྱིས་གྲུབ་པའི་བཀྲ་ཤིས་ཤོག །ཅེས་པ་འདི་ནི་ཨ་རོ་ཧོར་ཆེན་ཤོག་ནས་དད་བརྩོན་ལྡན་པ་སློབ་མ་འགའ་ཞིག་གིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ རྒྱལ་ཀུ༷ན་ཐུགས་རྗེའི་དག༷འ་ཚལ་ལས་འཁྲུངས་ཤིང། །ཆོ༷ས་ཚུལ་འདབ་ཡངས་

― GTD007_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

འཕ༷གས་ཚོགས་ཡོངས་འདུའི་གཙོ། །བསྟ༷ན་འཛིན་དམ་པ༷འི་ཁྲོད་ན་ཉི༷་ཟླ་ལྟར། །མཚུངས་མེད་རྗེ་བཙུན་བླ་མ༷ར་གསོལ་བ་འདེབས། །ཀུ༷ན་བཟང་སྤྱོད་པའི་འོད་སྟོང་རྩེ་དག༷འ་ཡིས། །ལུང་རྟོགས་ཆོ༷ས་ཀྱི་འདབ་བརྒྱ་བཞད་པའི་གཉེན། །སྐལ་བཟང་གདུལ་བྱའི་བསོད་ནམས་མཁར་འཕ༷གས་པ། །མཆོག་སྤྲུལ་བསྟན༷་པ༷འི་ཉི༷་མ༷ར་གསོལ་བ་འདེབས། །རྣམ་ཀུ༷ན་སྲིད་ན་མངོན་དག༷འ་སྙིང་རྗེ་དང། །ཆོ༷ས་ཀུན་དོན་གཟིགས་འཕ༷གས་པའི་ཡེ་ཤེས་ཀྱིས། །བསྟ༷ན་དང་འགྲོ་ལ་ཕན་པ༷འི་དཔལ་སྟེར་བ། །སྨྲ་བའི་ཉི༷་མ༷་མཆོག་ལ་གསོལ་བ་འདེབས། །ལུས་ཅན་ཀུ༷ན་ལ་བདེ་དག༷འ་མཆོག་སྦྱིན་པ། །སངས་རྒྱས་ཆོ༷ས་དང་འཕ༷གས་ཚོགས་དགེ་འདུན་མཐུས། །བསྟ༷ན་པ༷འི་ཉི༷་མ༷་བསྐལ་བརྒྱར་ཞབས་བརྟན་ཅིང། །རྣམ་དཀར་མཛད་འཕྲིན་གེགས་མེད་རྒྱས་གྱུར་ཅིག །འགྲོ་ཀུ༷ན་གནས་སྐབས་མཐར་ཐུག་དག༷འ་བདེས་འཚོ། །ཆོ༷ས་སྲིད་འབྱོར་པ་ལྷུན་པོའི་སྤོ་ལྟར་འཕ༷གས། །བསྟ༷ན་པ༷འི་ཉི༷་མ༷་ཕྱོགས་བརྒྱར་གསལ་བ་ཡིས། །དགེ་ལེགས་རྒྱ་མཚོའི་དཔལ་ཡོན་རྒྱས་གྱུར་ཅིག །ཅེས་སྐུ་འཕྲེང་དུ་མར་དགེ་ལྡན་བསྟན་པའི་རྩ་ལག་དམ་པར་གྱུར་པ་ཀིརྟི་སྤྲུལ་བའི་སྐུ་རིན་པོ་ཆེ་ཀུན་དགའ་ཆོས་འཕགས་བསྟན་པའི་ཉི་མ་དཔལ་བཟང་པོའི་ཞབས་བརྟན་སྨོན་ཚིག་འདི་ནི། བླ་མ་དབུ་མཛད་བློ་བཟང་བསྟན་པ་སོགས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ རྒྱལ་བའི་སྲས་པོ་དྲི་མེད་གྲགས་པ་དང། །དཔལ་ལྡན་ཟླ་བའི་ཞབས་དང་དབུ་མ་པ། །རྒྱུད་ཆེན་གཉིས་སོགས་འཁྲུངས་རབས་ཚར་དུ་དངར། །ཀུན་མཁྱེན་འཇམ་དབྱངས་བཞད་པར་གསོལ་བ་འདེབས། །རྒྱ་མཚོའི་གོས་ཅན་ཀུན་ཏུ་རྒྱལ་བའི་བསྟན། །འཁོར་ལོ་གསུམ་གྱིས་སྤེལ་བའི་ཐུགས་

― GTD007_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་མཐུ། །ཟླ་བྲལ་རྗེ་བཙུན་འཇིགས་མེད་དབང་པོ་དང། །བློ་བཟང་འཇིགས་མེད་རྒྱ་མཚོར་གསོལ་བ་འདེབས། །མཐའ་ཀླས་འགྲོ་བའི་མགོན་དང་དཔུང་གཉེན་དུ། །ཞབས་ཟུང་རྡོ་རྗེའི་རེ་ཁ་ཉེར་བརྟན་ཅིང། །འཕྲིན་ལས་གསེར་བཟང་འོད་ཀྱི་སྣང་བ་ཡིས། །བློ་བཟང་བསྟན་པའི་པད་ཚལ་རྒྱས་གྱུར་ཅིག །བདག་ཀྱང་དེང་ནས་སྐྱེ་ཞིང་སྐྱེ་བ་རུ། །བཤེས་གཉེན་དམ་པས་དགྱེས་བཞིན་རྗེས་འཛིན་ཞིང། །མདོ་སྔགས་ལམ་བཟང་ཇི་ལྟར་གདམས་པ་བཞིན། །ཡང་དག་སྒྲུབ་པས་ཉམས་སུ་ལེན་པར་ཤོག །མཐའ་བྲལ་ལྟ་བ་སྙིང་རྗེའི་སྙིང་པོ་ཅན། །གསང་ཆེན་ཟབ་མོའི་ལམ་གྱིས་རྒྱས་བཏབ་པའ། །མྱུར་ལམ་མཆོག་གི་བགྲོད་པ་ལ་བརྟེན་ནས། །ཟུང་འཇུག་དང་པོའི་མགོན་པོ་ཉིད་གྱུར་ཅིག །ཅེས་པ་འདི་ནི་མཁྱེན་རབ་ཀྱི་དབང་ཕྱུག་དམ་པ་བིས་མདོའི་ཁྲི་པ་ལྷ་ཞིས་སྤྲུལ་བའི་སྐུ་ངག་དབང་འཇམ་དཔལ་བསྟན་འཛིན་གྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ དཀོན་མཆོག་ཀུན་འདུས་བློ་བཟང་རྒྱལ་བའི་བསྟན། །ལུང་དང་རིགས་པའི་སྒྲོན་མེས་གསལ་མཛད་པ། །སྐལ་བཟང་ཐར་འདོད་ཡོངས་ཀྱི་མིག་གཅིག་པུ། །རྗེ་བཙུན་བླ་མའི་ཞབས་ལ་གསོལ་བ་འདེབས། །འདི་ཕྱི་བར་དོའི་གནས་སྐབས་གང་དུ་ཡང། །འདྲེན་པ་ཁྱོད་མིན་སྐྱབས་གཞན་མ་མཆིས་པས། །བླ་མགོན་དབྱེར་མེད་བརྩེ་བས་ཕྱག་བརྐྱངས་ཏེ། །མི་ཁོམ་ངན་སོང་གཡང་ལས་བསྒྲལ་དུ་གསོལ། །ཇི་སྲིད་བྱང་ཆུབ་སྙིང་པོར་མཆིས་ཀྱི་བར། །དལ་བའི་རྟེན་ཐོབ་ཁྱོད་ཞབས་གུས་པས་མཆོད། །ཁྱོད་གསུང་ཇི་བཞིན་བསླབ་གསུམ་ཉམས་ལེན་གྱིས། །ཐར་པའི་རྒྱལ་མཚན་ཚུགས་པར་བྱིན་གྱིས་

― GTD007_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

རློབས། །སྟོང་ཉིད་སྙིང་རྗེ་ཟུང་འཇུག་ལམ་བཟང་གིས། །རྒྱལ་སྲས་སྤྱོད་པ་རྒྱ་མཚོའི་མཐར་སོན་ཅིང། །ཁྱད་པར་བདེ་ཆེན་གསང་སྔགས་མྱུར་ལམ་གྱིས། །ཟུང་འཇུག་གོ་འཕང་བདེ་བླག་ཐོབ་གྱུར་ཅིག །ལྷུན་གྲུབ་འཕྲིན་ལས་གྲུ་གཟིངས་འབུམ་སྦྱར་ཏེ། །སྲིད་མཚོ་ཉམ་ངར་བྱིང་བའི་འགྲོ་བ་ཀུན། །བདེ་ཆེན་ཐར་པའི་ཞིང་དུ་འཁྲིད་པ་ཡིས། །མ་ལུས་རྒྱལ་བའི་མཛད་པ་སྒྲུབ་གྱུར་ཅིག །ཅེས་པ་འདི་ནི་ཨ་བ་ཀ་ཏཱ་པཻ་ལི་མཧཱ་པཱ་ལིའི་དགོན་ཕུན་དཔལ་གླིང་གི་དགེ་བསྐོས་བློ་བཟང་རབ་བརྟན་གྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ སངས་རྒྱས་ཀུན་གྱི་ཡེ་ཤེས་གཅིག་བསྡུས་པ། །རྡོ་རྗེ་རྣོན་པོའི་གསང་གསུམ་སྒྱུ་འཕྲུལ་གར། །འཇམ་མགོན་བློ་བཟང་གྲགས་པའི་མདོ་སྔགས་ཀྱི། །བསྟན་པའི་རྒྱལ་མཚན་འཛིན་ལ་གསོལ་བ་འདེབས། །ངེས་པར་འབྱུང་བའི་ཚུལ་ཁྲིམས་དྲི་བཟང་དང། །འགྲོགས་པའི་གྲགས་སྙན་མ་ལ་ཡ་རླུང་གིས། །སྲིད་པའི་གདུང་སེལ་ཐར་པའི་རྒྱལ་མཚན་འཛིན། །གནས་བརྟན་འདུལ་འཛིན་ཆེན་པོར་གསོལ་བ་འདེབས། །མ་སྨད་གྲགས་པའི་གཞིར་གྱུར་རྒྱལ་སྲས་ཀྱི། །སྤྱོད་མཆོག་ཐབས་ཤེས་ཟུང་འཇུག་གར་གྱིས་རྩེན། །མཚན་ཉིད་བཅུ་ལྡན་ཐེག་མཆོག་དགེ་བའི་བཤེས། །མཚུངས་མེད་འགྲོ་བའི་འདྲེན་པར་གསོལ་བ་འདེབས། །གྲགས་པ་མཐའ་ཡས་གསང་ཆེན་རྡོ་རྗེ་ཐེག །རྒྱལ་བའི་ཐུགས་བཅུད་ཟབ་ལམ་རིམ་གཉིས་དང། །མཚན་བཅས་མཚན་མེད་རྣལ་འབྱོར་ལ་གནས་པ། །རྡོ་རྗེ་འཛིན་པའི་གཙོ་ལ་གསོལ་བ་འདེབས། །བླ་མ་ཡི་དམ་ཆོས་སྲུང་རྒྱ་མཚོའི་མཐུས། །འདྲེན་མཆོག་དམ་པའི་རྣམ་དཀར་མཛད་འཕྲིན་དང། །སྙན་པའི་གྲགས་པ་ས་སྟེང་ཀུན་ཁྱབ་ཅིང། །སྐུ་ཚེ་རྒྱལ་

― GTD007_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་བསྐལ་བརྒྱར་བརྟན་གྱུར་ཅིག །བདག་སོགས་ཀུན་ཀྱང་སྐྱེ་བའི་ཕྲེང་བ་རུ། །བླ་མ་མཆོག་གིས་དགྱེས་བཞིན་རྗེས་འཛིན་ཅིང། །རྒྱལ་དབང་གྲགས་པའི་བསྟན་ལ་རབ་ཞུགས་ཏེ། །བཤད་དང་སྒྲུབ་པའི་རྒྱལ་མཚན་འཛིན་གྱུར་ཅིག །མདོར་ན་བསྟན་དང་འགྲོ་བའི་ཕན་བདེ་ཀུན། །སྤེལ་བའི་གྲགས་སྙན་དབྱར་རྔ་བཞད་པ་དང། །ལྷན་ཅིག་བདུད་སྡེའི་གཡུལ་ལས་རྣམ་རྒྱལ་བའི། །དགེ་མཚན་ཡངས་པའི་ནོར་འཛིན་ཁྱབ་གྱུར་ཅིག །ཅེས་འཇམ་མགོན་བསྟན་པའི་གསལ་བྱེད་དམ་པ་སྒོ་མང་མཁན་པོ་སངས་རྒྱས་རྡོ་རྗེའི་སྤྲུལ་བའི་སྐུ་གྲགས་པ་རྒྱལ་མཚན་པའི་ཞབས་བརྟན་གསོལ་འདེབས་འདི་ནི་སྤོང་བ་བསམ་གཏན་ལ་གཅིག་ཏུ་གཞོལ་བའི་དགེ་བའི་བཤེས་གཉེན་བློ་བཟང་དཀོན་མཆོག་གིས་བསྐུལ་ཏེ་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཕུལ་བྱུང་མཁྱེན་པའི་གྲགས་པ་ལྷ་ཡི་རྔ། །ཟབ་རྒྱས་ཆོས་ཀྱི་གདངས་སྙན་ང་རོ་ཡིས། །སྲིད་ཞིའི་རྒུད་པའི་གཡུལ་ལས་རྣམ་རྒྱལ་བ། །མཚན་ལྡན་བཤེས་གཉེན་དམ་པར་གསོལ་བ་འདེབས། །དཔལ་ལྡན་མཁས་མང་གཙུག་གི་རྒྱན་གྱུར་ཀྱང་། །སྙེམས་བྲལ་ཞི་དུལ་བག་ཡོད་ཁྲིམས་ཀྱིས་བསྡམས། །ཐུབ་བསྟན་སྤེལ་བའི་ཁུར་གྱིས་མི་ངལ་བ། །རྗེ་བཙུན་བླ་མའི་ཞབས་ལ་གསོལ་བ་འདེབས། །ཐུགས་ཀྱི་བུམ་བཟང་བསླབ་གསུམ་བདུད་རྩིས་གཏམས། །སྡེ་སྣོད་གསུམ་གྱི་ལེགས་བཤད་དགའ་སྟོན་སྤེལ། །བགྲང་ཡས་འགྲོ་ལ་ཐར་ལམ་མཚོན་པའི་མིག །འདྲེན་མཆོག་དམ་པ་བསྐལ་བརྒྱར་ཞབས་བརྟན་ཤོག །བདག་ཀྱང་བཤེས་གཉེན་དམ་པས་རྗེས་འཛིན་ཅིང། །བཤད་སྒྲུབ་ནོར་བུའི་ཐེམ་སྐས་རིམ་བགྲོད་ནས། །ཡང་དག་ལམ་
གྱི་རི་དབང་རྩེར་སོན་ཏེ། །སྐུ་གསུམ་འཆི་མེད་དབང་པོའི་གནས་ཐོབ་ཤོག །བླ་མ་ཡི་དམ་རིན་ཆེན་རྣམ་པ་གསུམ། །ཐུགས་བསྐྱེད་རྒྱ་མཚོའི་རླབས་བཞིན་མི་ཡོལ་བའི། །བདེན་མཐུས་ཇི་ལྟར་སྨོན་པའི་འབྲས་བུ་ཀུན། །གེགས་མེད་ལྷུན་གྱིས་གྲུབ་པའི་བཀྲ་ཤིས་ཤོག །ཅེས་དགེ་ལྡན་བསྟན་པའི་སྣང་བྱེད་དམ་པ་རྒྱལ་མཁན་པོ་གྲགས་པ་རྒྱལ་མཚན་པའི་ཞབས་བརྟན་གསོལ་འདེབས་འདི་ནི་དད་བརྩོན་ལྡན་པ་རབ་འབྱམས་པ་འཇིགས་མེད་སྙན་གྲགས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ དཀོན་མཆོག་གསུམ་འདུས་འཇིགས་མེད་སྟོབས་བཅུའི་བདག །ཐུབ་དབང་བསྟན་པའི་སྙིང་པོ་ལུང་རིགས་ཀྱི། །སྒྲོན་མེ་གསལ་བྱེད་སྨྲ་བའི་སེང་གེ་མཆོག །ཁྱབ་བདག་འཁོར་ལོའི་མགོན་པོར་གསོལ་བ་འདེབས། །འདིའང་རབ་འབྱམས་པ་ཡོན་ཏན་རྒྱ་མཚོའི་འདུན་མོས་ལྟར་གནང་བའོ།།

དབྱངས་ཅན་མ་དམར་མོའི་བསྟོད་པ་ལྷ་མོ་དགྱེས་པའི་གླུ་དབྱངས།

― GTD007_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱངས་ཅན་མ་དམར་མོའི་བསྟོད་པ་ལྷ་མོ་དགྱེས་པའི་གླུ་དབྱངས་ཞེས་བྱ་བ་བཞུགས་སོ།། མཉམ་གཞག་མི་གཡོ་སྟོང་པའི་མེ་ལོང་ངོས། །བརྩེ་བའི་འཇའ་ཚོན་སྣང་བའི་རི་མོ་འབུམ། །རྣམ་པར་བཀྲ་བ་དབྱངས་ཅན་ངག་གི་ལྷ། །ཟླ་བྲལ་སྤོབས་པ་བདག་ལ་གྲུབ་པར་མཛོད། །ཁྱོད་སྐུ་བྱུ་རུའི་འཁྲི་ཤིང་ལང་ཚོའི་དཔལ། །སྙེ་མའི་ནུ་འབུར་གཡོ་བས་མངོན་དགའ་ཞིང། །མུ་ཏིག་དོ་ཤལ་གསར་པའི་འོད་ཆགས་དེས། །དང་བའི་སེམས་ཀྱི་དོ་ར་མཛེས་གྱུར་ཅིག །ཞལ་ཁྱིམ་ལི་ཁྲིས་རབ་རྒྱས་པདྨའི་མཚོར། །སྨིན་ལེགས་རྩེད་འཇོའི་གར་རོལ་བུང་བའི་མིག །རྣ་རྒྱན་སྦྲང་རྩིའི་དོག་པར་རྗེས་ཆགས་བཞིན། །བརྩེ་བའི་ཟུར་མིག་གཡོ་བས་རྟག་སྐྱོངས་ཤིག །འཁྲིལ་ལྡེམ་སྐེད་སྐབས་ས་ཧ་ཀ་རའི་ལྗོན། །མཛེས་བྱེད་འོག་པག་གཞོན་ནུའི་འཁྲི་ཤིང་ངོས། །གདངས་སྙན་
སྒྲ་སྒྲོགས་དྲིལ་ཆུང་བུང་བའི་ཁྱུ། །རྟག་པར་རྩེན་པ་སོ་གའི་དུས་སྟོན་བཞིན། །གང་གི་ཞབས་སྐྱེས་ཟླ་ཤེལ་མྱུ་གུའི་ཆ། །རེག་པས་ཀུན་རྨོངས་གདུང་བ་མཐར་མཛད་ན། །རྩེ་གཅིག་གུས་བསྟེན་བདག་གི་ཡིད་མཁའ་ལ། །རྟག་པར་རོལ་ཅིག་དབྱངས་ཅན་ཀུནྡའི་གཉེན། །ཁྱོད་གསུང་དྲི་ཟའི་འཇིག་རྟེན་རྫོགས་པའི་དཔྱིད། །བུང་བའི་ཕྲེང་བ་མྱོས་པའི་གདངས་མཚུངས་པར། །ག་མ་ཀས་བཅིངས་སྙན་འགྱུར་དྲུག་ཅུའི་དབྱངས། །ནམ་ཡང་མི་ཟད་རྣ་བའི་བདུད་རྩིར་མཛོད། །ཆོས་ཚུལ་མཐའ་བྲལ་སྙེམས་པའི་ནོར་འཛིན་ཁྱོན། །ཅིག་ཅར་འཁྱུད་པའི་བློ་གྲོས་སྔོ་བསངས་མ། །ཏིང་འཛིན་རྒྱུ་སྐར་བྱེ་བའི་རོལ་པ་ཅན། །ཡིད་རབ་དང་བའི་ཆུ་མཚོར་འཕོ་གྱུར་ཅིག །གྲངས་རིང་སྐྱེ་བར་སྒྲ་དབྱངས་ལྷ་མོ་ཡི། །ཞབས་སྐྱེས་བསྣུན་པའི་བདག་བློ་པཉྫུ་ལ། །ཐར་འདོད་རྐང་དྲུག་དཔྱིད་གྱུར་འཆད་རྩོད་རྩོམ། །ལོ་འབྲས་གཡུར་དུ་ཟ་བའི་དཔལ་ཐོབ་ཤོག །མདོར་ན་སྨག་ཆེན་སྲིད་པའི་འབྲོག་དགོན་འདིར། །འཁྱམས་པའི་འགྲོ་ལ་མཐའ་སྤངས་ཞི་བའི་ལམ། །སྣང་བའི་བྱེད་པོ་ཚོགས་གཉིས་སྐྱ་རེངས་ཀྱིས། །དྲངས་པའི་ཉི་མ་ཆེན་པོར་བདག་གྱུར་ཅིག །ཅེས་སྒྲ་དབྱངས་ལྷ་མོ་ལ་བསྟོད་པ་འདོད་གསོལ་དང་བཅས་པ་འདི་ནི། དད་བརྩོན་ལྡན་པ་དགེ་སློང་ཉི་མ་གྲགས་པས་བསྐུལ་ངོར་རིགས་པ་སྨྲ་བའི་༸བཙུན་པ་དཀོན་མཆོག་བསྟན་པའི་སྒྲོན་མེས་དཔལ་ལྡན་འབྲས་སྤུངས་སུ་བྲིས་པའོ།།

དཔལ་མགོན་ཀླུ་སྒྲུབ་ཞབས་ལ་བསྟོད་པ་དབུ་མའི་སྣང་བ།

― GTD007_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་མགོན་ཀླུ་སྒྲུབ་ཞབས་ལ་བསྟོད་པ་དབུ་མའི་སྣང་བ་ཞེས་བྱ་བ་བཞུགས་སོ།། རྒྱལ་བས་ཆོས་ཚུལ་གང་བསྟན་པ། །འགྲོ་བ་མུན་པས་ཁེབས་པ་ལ། །འོད་གསལ་བ་ཡི་ཕྱིར་ཡིན་པས། །སྒྲོན་མ་ཀླུ་སྒྲུབ་རྒྱལ་གྱུར་ཅིག །དམིགས་ལས་དམིགས་པ་རྣམ་མང་བས། །འགྲོ་བ་དུབ་པར་

― GTD007_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་པ་རྣམས། །དམིགས་པ་མེད་པ་ཞི་བའི་བདེར། །འཁྲིད་པ་ཁྱོད་ནི་དེད་དཔོན་ལགས། །ཤེས་རབ་ཕར་ཕྱིན་ཤེས་རབ་བསླབ། །ཤེས་རབ་མདོ་སྡེའི་མཆོག་གྱུར་ཕྱིར། །ཤེས་རབ་གཞུང་མཆོག་མཛད་པ་ཁྱོད། །བསྟན་འཛིན་ཀུན་ལས་བླ་མར་གྱུར། །རིག་གནས་ཤེས་བྱར་སྲིད་ཀུན་ལ། །མུན་སངས་བློ་གྲོས་རབ་རྒྱས་པས། །སངས་རྒྱས་གཉིས་པ་ཀླུ་སྒྲུབ་ཅེས། །དངོས་པོར་སྨྲ་བ་རྣམས་ཀྱང་འདུད། །མ་རིག་འགག་པས་ཡན་ལག་ཀུན། །འགག་པར་མདོ་སྡེ་ཀུན་གསུངས་ཀྱང། །གབ་པ་སྲིད་པའི་སྲོག་རྩ་ན། །གསལ་བར་གཅོད་པའི་རིགས་པ་བྱིན། །གཞན་དག་སྟོང་ཞེས་བཀག་པར་དང། །བརྟེན་ཞེས་སྒྲུབ་པ་ཉིད་གོ་བས། །ཐག་མཁན་སྟབས་བཞིན་ཕྱོགས་སུ་ལྷུང། །ཁྱོད་ཀྱིས་བཟློག་སྟེ་བདེ་བར་བཞུགས། །རྒྱུ་རྐྱེན་ཡན་ལག་དུ་མ་ཞིག །ཚོགས་ནས་ཕར་ལ་འཇོག་དགོས་པ། །ཚུགས་ཐུབ་རང་དབང་བྲལ་བའི་རྟགས། །དེས་ནི་རྟེན་འབྱུང་སྟོང་པར་བཤད། །རང་དབང་ངོ་བོས་མ་དམིགས་ཀྱང། །སྣ་ཚོགས་སྣང་བ་མི་འགག་པས། །རྐྱེན་ཚོགས་འཇའ་ཚོན་སྣང་ཙམ་དང། །འདྲ་བར་སྟོང་པས་རྟེན་འབྱུང་གསུངས། །མ་ཚོགས་པ་ལ་གནས་མེད་ཅིང། །བརྒྱ་སྟོང་ཚོགས་ལ་གཅིག་པ་མེད། །གཅིག་མེད་པ་ལ་དུ་མ་མེད། །གཅིག་དང་གཞན་མིན་ཅི་ཡང་མེད། །དངོས་པོ་རྫས་དང་ལྡོག་པ་ལས། །གཅིག་དང་ཐ་དད་རྣམ་འབྱེད་པ། །གཉིས་ལ་ལྕེ་གཉིས་སྨྲ་བའི་ཚིག །ཇི་བཞིན་བདེན་པར་ག་ལ་འགྱུར། །དེ་བཞིན་ལ་ལར་སྐྱེ་དང་ཡོད། །གཞན་འགར་འགག་དང་མེད་པ་སོགས། །རེས་འགའ་བ་ཀུན་རྫུན་པ་སྟེ། །བདེན་པ་གཅིག་ལས་འགྱུར་བ་མེད། །ཡོད་ན་རྟག་ཏུ་ཡོད་པ་ལ། །རྐྱེན་གྱིས་ཅི་བྱ་གཉིས་ཀ་མཉམ། །མེད་པར་བདེན་པ་

― GTD007_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་མི་སྲིད། །ཤི་བ་པོས་ཀྱང་མགྲོན་དུ་མིན། །རྒྱུ་ལ་རྒྱུ་ཡི་དངོས་གནས་ཚེ། །འབྲས་བུར་དེ་འཆར་མྱུག་བཞིན་ན། །སྟོང་ཕྱིར་སྟོང་ཙམ་དེར་འཆར་དེ། །མཁའ་ཉིད་སྣང་དང་མུན་པ་བཞིན། །ཐ་དད་ལྟོས་མེད་རྒྱུ་འབྲས་མིན། །ཡང་ན་ཀུན་ཀྱང་དེར་བརྗོད་རུང། །ཐེར་ཟུག་རྒྱུ་ནི་འབྲས་བུའི་གེགས། །དེ་ཡིས་གྲོལ་བའི་སྐབས་ཀྱང་ཅ། །དབང་བསྒྱུར་བདེན་པ་བཅོས་མེད་ལ། །བདེན་མིན་བཅིངས་ཀྱང་ཐབས་གཞན་ལྡན། །གྲོལ་སོགས་རུང་ཞེས་བདེན་གཉིས་ཀྱི། །སྒྲུབ་པས་ཐར་འདོད་དབུགས་དབྱུང་མཛད། །ལྟ་ངན་ཀུན་གཙོ་འཇིག་ཚོགས་ལ། །ལྟ་བ་སྲིད་པའི་རྩ་བ་ན། །ལྟ་ཀུན་མཆོག་གྱུར་མཐའ་བྲལ་གྱི། །ལྟ་བས་བཅད་ཉིད་ཐར་པར་བཞེད། །དེ་ཕྱིར་བགྲོད་གཅིག་ཤེས་རབ་རྨད། །འོན་ཀྱང་ཐེག་ཆེན་ནམ་མཁའ་ལྟར། །བྱེད་པོ་ཐབས་ནི་དེ་བས་རྨད། །དེས་ན་ཟབ་རྒྱས་ཟུང་དུ་མཛད། །སྟོང་ཡང་སྣང་ངོ་ཞེས་བྱ་འདིས། །བདེན་པའི་བྱ་བྱེད་རང་རོང་གི །འགལ་འདུའི་མི་བདེ་ཀུན་བསྙལ་བས། །ཀླན་ཀའི་གོ་སྐབས་ཡོངས་ལས་འདས། །ཡོད་མེད་མཐའ་བྲལ་དབུ་མའི་ལམ། །ཡོད་མེད་མཐའ་སྤངས་ཟུང་འཇུག་དོན། །གསལ་བར་ལུང་བསྟན་གསལ་བ་གཉིས། །རྒྱལ་བའི་དགོངས་པ་ཚད་མར་གནས། །མར་མེ་མཛད་ཀྱང་བྱོན་པའི་སྔར། །ལུང་བསྟན་བརྙེས་པས་དཔག་དཀའ་ཡང། །ཕལ་པ་ལྟ་བུར་བྱིན་རློབས་པ། །རྒྱལ་བའི་རྣམ་འཕྲུལ་བསམ་མི་ཁྱབ། །རུང་མིན་དོན་མིན་ཀུན་བསལ་ཏེ། །ཆོས་འདུལ་ལྟ་དང་འདུས་པའི་གནད། །གསལ་མཛད་སངས་རྒྱས་གཉིས་པ་དང། །རྒྱལ་བ་གཉིས་པ་མཚན་དོན་གཅིག །དེ་དག་གཤེགས་བཤུལ་ནང་གནས་ཀྱང། །འཕྱེ་བོ་

― GTD007_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ཅག་བགྲོད་ནུས་མིན། །རྗེས་སུ་འོ་དོད་འབོད་པ་བཞིན། །གདུང་བའི་དབྱངས་ཀྱིས་གསོལ་བ་འདེབས། །གུས་པས་གསོལ་བཏབ་དགེ་སྨིན་པས། །རྒྱ་ཆེན་ཐབས་ཀྱི་གཤོག་རླབས་ཅན། །ཟབ་མོའི་དེ་ཉིད་རིགས་པ་ཡིས། །དོན་གཉིས་མཁའ་ལ་བགྲོད་གྱུར་ཅིག །ཅེས་དཔལ་མགོན་ཀླུ་སྒྲུབ་ཞབས་ལ་བསྟོད་པ་དབུ་མའི་སྣང་བ་ཞེས་བྱ་བ་འདི་ནི་ཚུལ་འདིར་མོས་པའི་བློ་ཅན་ཧལ་ཧ་རབ་འབྱམས་པ་སངས་རྒྱས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། ༈ བློ་གྲོས་བུམ་བཟ༷ང་ཚུ༷ལ་ཁྲི༷མས་བདུད་རྩིས་གཏམས། །འཇི༷གས་མེ༷ད་སྤོབས་པས་བསྟ༷ན་པ༷འི་རྒྱ༷ལ་མཚ༷ན་བསྒྲེངས། །རྨད་བྱུང་མཛད་པས་འགྲོ་ཀུན་སྐྱོབ་མཛད་པ། །མཆོག་སྤྲུལ་དམ་པའི་ཞབས་ལ་གསོལ་བ་འདེབས། །བློ༷་གཏེར་ཀུན་བཟ༷ང་སྤྱོད་ཚུ༷ལ་འདབ་བརྒྱ་བཞད། །བསླབ་ཁྲི༷མས་རྣམ་པར་དག་པའི་དྲི་བཟང་འཕྲོ། །འཇི༷གས་མེ༷ད་རྣམ་དཔྱོད་བསྟ༷ན་པ༷འི་དགའ་ཚལ་གྱི། །རྒྱན་གྱུར་སྦྲང་རྩིའི་རྒྱ༷ལ་མཚ༷ན་རྟག་བརྟན་ཤོག །བློ༷་བཟ༷ང་རྒྱལ་བའི་ཆོས་ཚུ༷ལ་སྤེལ་བའི་ཕྱིར། །ཁྲི༷མས་ལྡན་དགེ་འདུན་འདུས་པའི་གཙུག་རྒྱན་དུ། །འཇི༷གས་མེ༷ད་གདོང་ལྔའི་ཁྲི་ལ་རྟག་བཞུགས་ནས། །བཤད་སྒྲུབ་བསྟ༷ན་པ༷འི་རྒྱ༷ལ་མཚ༷ན་བསྒྲེང་གྱུར་ཅིག །བདག་ཀྱང་བློ༷་གསལ་རིག་བཟ༷ང་ཚུ༷ལ་ཁྲི༷མས་དག །སྲིད་ལ་འཇི༷གས་ཤིང་བདག་མེ༷ད་གནས་ལུགས་མཐོང་། །བསྟ༷ན་པ༷འི་ཡང་སྙིང་རྒྱ༷ལ་བའི་བཀའ་བཞིན་བསྒྲུབས། །མཚ༷ན་ལྡན་བཤེས་གཉེན་རྗེས་སུ་སློབ་གྱུར་ཅིག །བློ༷་ལྡན་སྐལ་བཟ༷ང་གདུལ་བྱའི་མོས་གུས་དང། །ཚུ༷ལ་ཁྲི༷མས་རྣམ་དག་སྨོན་པའི་བདེན་ཚིག་མཐུས། །འཇི༷གས་མེ༷ད་བསྟ༷ན་པ༷འི་རྒྱ༷ལ་མཚ༷ན་དཔལ་བཟང་པོ། །སྲིད་ཞིའི་

― GTD007_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

གཙུག་ཏོར་རྩེ་མོར་མཛེས་གྱུར་ཅིག །ཅེས་འཇམ་མགོན་བསྟན་པའི་ཉིན་བྱེད་རྗེ་བཙུན་དམ་པའི་མཆོག་གི་སྤྲུལ་བའི་སྐུ་རིན་པོ་ཆེ་བློ་བཟང་ཚུལ་ཁྲིམས་འཇིགས་མེད་བསྟན་པའི་རྒྱལ་མཚན་ཞབས་པད་བརྟན་ཅིང་མཛད་འཕྲིན་རྒྱས་པའི་དོན་གྱི་སྨོན་ཚིག་འདི་ནི་ཧལ་ཧ་ཁུ་རེ་ཆེན་མོའི་གྲྭ་རིགས་བློ་བཟང་ཚེ་རིང་གིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ རྒྱལ་ཀུན་ཐུགས་རྗེའི་སྒྱུ་འཕྲུལ་དྲ་བའི་གར། །ནམ་མཁའ་ཞིང་ཁམས་རབ་འབྱམས་ཀུན་ཁྱབ་པས། །མཐའ་ཀླས་བསྟན་དང་འགྲོ་བའི་མགོན་གྱུར་པ། །ཁྱབ་བདག་འཁོར་ལོའི་མགོན་ལ་གསོལ་བ་འདེབས། །ཁྱད་པར་རྗེ་བཙུན་འཇམ་དཔལ་སྙིང་པོ་ཡི། །ལུང་རྟོགས་ཆོས་ཀྱི་བསྟན་པའི་སྲོག་འཛིན་ཅིང། །གཞན་ཕན་འཕྲིན་ལས་ས་གསུམ་ཀུན་ཏུ་ཁྱབ། །མཚུངས་མེད་འདྲེན་མཆོག་དམ་པར་གསོལ་བ་འདེབས། །རིང་ནས་གོམས་པའི་ཐུགས་བསྐྱེད་རྟ་ལྗང་གིས། །ཉེར་དྲངས་མཚུངས་མེད་མཆོག་སྤྲུལ་ནམ་མཁའི་ནོར། །དགེ་ལྡན་ལུགས་བཟང་འདབ་བརྒྱ་བཞད་པའི་གཉེན། །འགྲོ་བའི་སྒྲོན་མེ་བསྐལ་བརྒྱར་ཞབས་བརྟན་ཤོག །འཇམ་དཔལ་བཀའ་ཉན་ཆོས་ཀྱི་རྒྱལ་པོ་སོགས། །བསྟན་འཛིན་སྲུང་མ་དམ་ཅན་རྒྱ་མཚོའི་མཐུས། །རྗེ་བཙུན་བླ་མ་བསྐལ་བརྒྱར་ཞབས་བརྟན་ཅིང། །འཕྲིན་ལས་རྒྱ་མཚོའི་གོས་ཅན་ཁྱབ་གྱུར་ཅིག །ཁྱོད་ཞབས་གུས་པས་བསྟེན་པ་བདག་ཅག་ཀྱང། །ཇི་སྲིད་བྱང་ཆུབ་རྡོ་རྗེའི་གནས་ཐོབ་པ། །དེ་སྲིད་འབྲལ་མེད་དགྱེས་བཞིན་རྗེས་འཛིན་ཅིང། །མཉེས་པ་གསུམ་གྱིས་མཉེས་པ་སྒྲུབ་པར་ཤོག །གང་གི་ཐུགས་རྗེའི་གྲུ་གཟིངས་ལ་བརྟེན་ནས། །མདོ་སྔགས་ལམ་བཟང་རྒྱ་མཚོའི་འཇིང་བརྒལ་ཏེ། །མཆོག་ཐུན་དངོས་གྲུབ་ནོར་བུའི་དགའ་སྟོན་ལ། །
འདོད་དགུར་སྤྱོད་པའི་སྐལ་བཟང་ཐོབ་པར་ཤོག །མདོར་ན་མགོན་ཁྱོད་ཞབས་པད་རྟག་བརྟན་ཅིང། །སྡེ་འདིར་མདོ་སྔགས་བཤད་སྒྲུབ་བསྟན་པ་རྒྱས། །ཡངས་པའི་འཇིག་རྟེན་བདེ་འབྱོར་གྱིས་འཚོ་བའི། །བཀྲ་ཤིས་རྒྱ་མཚོས་ཕྱོགས་ཀུན་ཁྱབ་གྱུར་ཅིག །ཅེས་སྐྱེ་དགུའི་འདྲེན་མཆོག་དམ་པ་འཇམ་མགོན་བསྟན་པའི་རྩ་ལག་བཙན་པོ་ནོ་མིན་ཧན་མཆོག་གི་སྤྲུལ་བའི་སྐུ་རིན་པོ་ཆེ་རྗེ་བཙུན་འཇམ་དཔལ་ཆོས་ཀྱི་བསྟན་འཛིན་འཕྲིན་ལས་དཔལ་བཟང་པོའི་ཞབས་བརྟན་གསོལ་འདེབས་འདི་ནི། དཔའ་རི་འབྲི་གུ་དགོན་ཁྲི་པ་མཁས་བཙུན་བཟང་པོའི་བདག་ཉིད་བློ་བཟང་བསྟན་འཛིན་འཕྲིན་ལས། ཁྲི་ཟུར་སྐལ་བཟང་མཆོག་གྲུབ། ཁྲི་ཟུར་ངག་དབང་ཆོས་རྒྱ་མཚོ། ཁྲི་ཟུར་སྐལ་བཟང་དངོས་གྲུབ་སོགས་ཐུན་མོང་ནས་བསྐུལ་མ་བྱུང་བ་ལྟར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།།

ཚ་གན་ཏི་ཡཱན་ཆི་ངག་དབང་བསྟན་འཛིན་རྒྱ་མཚོའི་ཞབས་བརྟན་གསོལ་འདེབས།

― GTD007_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཕྱོགས་བསྟན་པའི་དཔུང་གཉེན་ཚ་གན་ཏི་ཡཱན་ཆི་ངག་དབང་བསྟན་འཛིན་རྒྱ་མཚོའི་ཞབས་བརྟན་གསོལ་འདེབས་བཞུགས་སོ།། ཟླ་མེད་སྟོན་པ་སྨྲ་བའི་ཟླ་བ་མཆོག །སྒྲིབ་མེད་ཡོངས་སུ་དག་པའི་ཡེ་ཤེས་ཀྱིས། །ཇི་བཞིན་ཀུན་ཏུ་གཟིགས་པའི་བདེན་གསུང་དོན། །མངོན་གྱུར་རྒྱལ་བའི་སྲས་པོ་རྒྱལ་གྱུར་ཅིག །རང་བཞིན་དག་པའི་ཟླ་ཤེལ་དྲི་མའི་སྤྲིན། །རྒྱང་བསྲིངས་ཀུན་ཏུ་བཟང་པོའི་བསིལ་ཟེར་འབུམ། །སྲིད་པ་སྲིད་དུ་སྤྲོ་བའི་དཔལ་ཡོན་ཅན། །འགྲོ་བའི་འདྲེན་པ་མཆོག་ལ་གསོལ་བ་འདེབས། །སྤངས་དང་རྟོགས་པ་མངོན་པར་བྱང་ཆུབ་ཀྱང། །གང་འདུལ་བཀོད་པའི་ཟླ་སྣང་སྤྲུལ་བའི་གར། །སྐལ་བཟང་མོས་པའི་རྫིང་བུར་རྟག་འཆར་བ། །བསམ་གཏན་དཀར་པོའི་ཞབས་ལ་གསོལ་བ་འདེབས། །ཐོས་བསམ་སྒོམ་པའི་ཆ་ཤས་ཡོངས་གང་ཞིང། །གཏན་བདེ་ཀུནྡའི་དགའ་ཚལ་རྒྱས་བྱའི་ཕྱིར། །སྡེ་སྣོད་གསུམ་གྱི་འོད་དཀར་སྤྲོ་བ་པོ། །སྨྲ་བའི་དབང་ཕྱུག་མཆོག་ལ་གསོལ་བ་

― GTD007_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས། །ཚུལ་ཁྲིམས་དག་པའི་མཁའ་ལ་རྣམ་རོལ་ཞིང། །ཕུལ་བྱུང་བསམ་གཏན་རི་དྭགས་མཚན་མས་མཛེས། །ཤེས་རབ་འོད་དཀར་དྲ་བ་འབུམ་འགྱེད་པ། །གྲུབ་པའི་དབང་པོ་མཆོག་ལ་གསོལ་བ་འདེབས། །ལྷག་བསམ་མཆོག་གིས་བྱང་ཆུབ་སེམས་གཉིས་ལ། །གཏན་དུ་གོམས་བྱས་བཅུ་དྲུག་ཆ་རྫོགས་པས། །དཀར་པོའི་ཆོས་ཀྱི་ཆུ་གཏེར་ཀུན་ཏུ་རྒྱས། །ཐེག་མཆོག་བཤེས་གཉེན་དམ་པར་གསོལ་བ་འདེབས། །སྐྱེ་བའི་ལྗོན་པ་སྡུག་བསྔལ་གཞིར་མཐོང་བའི། །ངེས་འབྱུང་འགྲོ་ལ་རྗེས་མཚོན་སྙིང་རྗེའི་སེམས། །ཐེག་གསུམ་ཆོས་ཀུན་གཅིག་གྱུར་དགོངས་པ་བརྙེས། །སེམས་དཔའ་ཆེན་པོའི་ཞབས་ལ་གསོལ་བ་འདེབས། །དགག་སྒྲུབ་གནང་བཀག་ཕྲ་བའི་ཆ་ལ་ཡང། །དྲན་ཤེས་བག་ཡོད་ངེས་པའི་བརྟུལ་ཞུགས་ཀྱིས། །འདར་མེད་དམ་ཚིག་ཕྱག་རྒྱའི་རེ་ཁ་འཆང། །འདུལ་འཛིན་ཆེན་པོའི་ཞབས་ལ་གསོལ་བ་འདེབས། །མ་ཞུམ་སྙིང་སྟོབས་གོ་ཆའི་སྒྲུབ་པ་ཡིས། །ཉོན་མོངས་དགྲ་སྡེའི་གཡུལ་ངོ་གཞོམ་པ་ལ། །བརྣག་དཀའི་བྱང་ཆུབ་སྤྱོད་པ་ཀུན་བཟོད་པ། །དཀའ་ཐུབ་ཆེན་པོའི་ཞབས་ལ་གསོལ་བ་འདེབས། །གྲངས་རིང་བསྐལ་པར་ཕྱིན་དྲུག་བསྡུ་བཞི་སོགས། །སྤྱོད་པ་རྣམ་བཅུའི་ཆོས་ཀྱི་ངང་ཚུལ་ལས། །མི་གཡོ་རང་གཞན་སྨིན་ཅིང་གྲོལ་བྱེད་པ། །དགེ་སྦྱོང་ཆེན་པོའི་ཞབས་ལ་གསོལ་བ་འདེབས། །མདོར་ན་སྐུ་གཉིས་འགྲུབ་བྱེད་སེམས་མཆོག་གཉིས། །ཡན་ལག་བཅས་ལ་རྟག་གུས་སྦྱོར་བ་ཡི། །ཉམས་ལེན་ཟབ་མོའི་རྟོག་པ་མཐར་སོན་པ། །རྣལ་འབྱོར་ཆེན་པོའི་ཞབས་ལ་གསོལ་བ་འདེབས། །ཐུན་མོང་ལམ་བཟང་གོམས་པའི་

― GTD007_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

རྩལ་རྫོགས་ཀྱང། །སྐུ་གསུམ་ཚེ་འདིར་སྒྲུབ་པ་རྡོ་རྗེའི་ཐེག །ཁོ་ནར་གཟིགས་པས་རིམ་གཉིས་རྣལ་འབྱོར་ལས། །གཡོ་མེད་རིག་འཛིན་མཆོག་ལ་གསོལ་བ་འདེབས། །ལས་ཉོན་འཆི་བ་ཆོས་སྐུར་སྦྱངས་པ་ལས། །ལོངས་སྤྱོད་རྫོགས་དང་རགས་པ་སྤྲུལ་བའི་སྐུར། །ཡིད་ངོར་ལྡང་བྱེད་རིམ་པ་དང་པོའི་ལམ། །མཐར་ཕྱིན་སྔགས་འཆང་ཆེན་པོར་གསོལ་བ་འདེབས། །སྐུ་ཡི་རྡོ་རྗེའི་གཞི་ལ་སྔགས་ཀྱི་གདངས། །གསུང་གི་རྡོ་རྗེས་ཟླ་ཉིའི་རྒྱུ་བ་བཅད། །དྷུ་ཏཱིར་ལྷན་ཅིག་སྐྱེས་དགའ་རྡོ་རྗེའི་ཐུགས། །མངོན་གྱུར་རྡོ་རྗེ་འཛིན་པར་གསོལ་བ་འདེབས། །སྒྲིབ་མེད་འོད་གསལ་གཉིད་དུ་གཡུར་བ་ལས། །སྒྱུ་འཕྲུལ་དྲ་བ་བཞེངས་པས་སྣང་སྟོང་ཆོས། །རིས་མེད་རྒྱན་གྱི་འཁོར་ལོ་མི་ཟད་པར། །དབང་བསྒྱུར་གྲུབ་པ་མཆོག་ལ་གསོལ་བ་འདེབས། །རང་དོན་རྟོག་པ་མཆོག་གི་རྒྱལ་ཐབས་ལ། །དབང་བསྒྱུར་འགྲོ་ལ་བརྩེ་བའི་གཞན་དབང་གིས། །མཛད་བཟང་ཐུབ་དབང་བསྟན་པའི་དཔལ་གྱུར་པ། །བསྟན་པའི་རྩ་ལག་དམ་པར་གསོལ་བ་འདེབས། །ཁྱད་པར་རྒྱལ་ཀུན་དགོངས་པའི་བཅུད་བསྡུས་པ། །མདོ་སྔགས་ཟུང་འཇུག་འཁྲུལ་བྲལ་དགེ་ལྡན་བསྟན། །འཁོར་ལོ་གསུམ་གྱིས་ཕྱོགས་མཐར་སྤེལ་བ་ཡི། །ཐུགས་བསྐྱེད་ལྷུན་གྱིས་གྲུབ་ལ་གསོལ་བ་འདེབས། །མདོར་ན་མང་ཐོས་མཁས་པ་ཀུན་གྱི་གཙོ། །མདོ་སྔགས་ལམ་གྱིས་རྒྱུད་སྦྱངས་གྲུབ་པའི་རྗེ། །བསྟན་འགྲོར་ཕན་དགོངས་བཟང་པོའི་མཐུ་ལྡན་པ། །བསླུ་མེད་སྐྱབས་ཀྱི་དམ་པར་གསོལ་བ་འདེབས། །དེ་ལྟར་ཡོན་ཏན་ཕུང་པོ་ཆུ་ཡི་ཁུར། །ལྷུན་སྟུག་གྲགས་པའི་སྒྲ་བརྒྱ་རྒོད་པ་དེར། །དང་བའི་མདོངས་མཐའ་དགའ་བས་རོལ་པ་ཡིས། །བསྟོད་པའི་ཚིག་

― GTD007_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

གི་མགྲིན་གླུ་སྙན་པར་འཁྲོལ། །དགེ་བ་ཟླ་བའི་ཞུན་པར་འབེབས་པ་དེས། །བདག་སོགས་དེང་ནས་སྐྱེ་བའི་ཕྲེང་བ་རུ། །བཤེས་གཉེན་དམ་པའི་མགོན་དང་མི་འབྲལ་ཞིང། །ལེགས་གསུང་བདུད་རྩིའི་བཅུད་ཀྱིས་འཚོ་བར་ཤོག །བྱང་ཕྱོགས་འཛིན་མའི་རྒྱན་གྱུར་ཆོས་ཀྱི་གྲྭར། །རྒྱལ་ཡུམ་དངོས་ཤུགས་དགོངས་པའི་ཟབ་རྒྱས་ཆོས། །གཞི་རྟེན་ཆོས་འདུལ་ལུང་རིགས་མངོན་པར་བཅས། །ལེགས་བཤད་མི་ནུབ་རྒྱལ་མཚན་ཚུགས་གྱུར་ཅིག །དབང་གིས་སྨིན་བྱས་དམ་ཚིག་ཞིང་ས་ལ། །གསང་ཆེན་གདམས་པའི་ལོ་འདབ་གཡུར་ཟ་ཞིང། །ཟབ་གསལ་རིམ་གཉིས་རྣལ་འབྱོར་འབྲས་སྨིན་པས། །དོན་གཉིས་དགེ་མཚན་ལྷུན་གྱིས་གྲུབ་གྱུར་ཅིག །སྐྱེ་དགུའི་ཕན་བདེའི་འབྱུང་གནས་ཐུབ་པའི་བསྟན། །ཆ་ཤས་ཀུན་ནས་མི་ཉམས་འཕེལ་རྒྱས་ཤིང། །དེ་འཛིན་དམ་པ་མཆོད་ཡོན་དང་བཅས་པ། །དབྱར་མཚོ་ཇི་བཞིན་རྒྱས་པའི་བཀྲ་ཤིས་ཤོག །ཅེས་པ་འདི་ནི་དད་བརྩོན་བློ་དང་ལྡན་པ་དགེ་སློང་འཇིགས་མེད་རབ་བརྟན་གྱིས་ནན་ཏན་ཆེན་པོས་ཡང་ཡང་བསྐུལ་བ་ལྟར་༸བཙུན་པ་དཀོན་མཆོག་བསྟན་པའི་སྒྲོན་མེས་དབེན་གནས་ཡིད་དགའ་ཆོས་འཛིན་དུ་བྲིས་པའོ།། ༈ བློ༷་གྲོས་དྲི་མ་མེད་པའི་ལྷ་ལམ་ངོས། །ཀུན་བཟ༷ང་སྤྱོད་ཚུལ་ཡིད་འོང་བདུད་རྩིའི་གཏེར། །ཟབ་རྒྱས་ཆོ༷ས་ཀྱི་ཆུ་མཚོ་ད༷ར་རྒྱས་སུ། །སྤེལ་མཛད་སྨྲ་བའི་ཟླ་བ་རྒྱལ་གྱུར་ཅིག །བློ༷་བཟ༷ང་གྲགས་བསྟན་བདུད་རྩིའི་བཅུད་མྱང་སྟེ། །ཆོ༷ས་ཀུན་གཟིགས་པའི་ལང་ཚོ་ད༷ར་ལ་བབ། །དཔལ་ལྡན་མཁས་པ་ཀུན་གྱིས་གུས་བསྟེན་པ། །རྗེ་བཙུན་བླ་མའི་ཞབས་ལ་གསོལ་བ་འདེབས། །བློ༷་ལྡན་སྐལ་བཟ༷ང་རྐང་པ་དྲུག་པའི་ཚོགས། །དམ་ཆོ༷ས་

― GTD007_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྲང་རྩིའི་བཅུད་ཀྱིས་ཚིམ་མཛད་པའ། །གྲགས་སྙན་ད༷ར་དིར་དབྱངས་ཀྱིས་ནོར་འཛིན་ཁྱབ། །བཤེས་གཉེན་དམ་པའི་ཞབས་ལ་གསོལ་བ་འདེབས། །བློ༷་གྲོས་རྣམ་པར་རྒྱལ་བའི་ཁང་བཟ༷ང་རྩེར། །ལུང་རྟོགས་ཆོ༷ས་ཀྱི་རྒྱལ་མཚན་མངོན་མཐོ་ཞིང་། །གཞན་ཕན་འཕྲིན་ལས་ད༷ར་གྱི་ཤམ་བུ་གཡོ། །དཔལ་ལྡན་བླ་མའི་ཞབས་ལ་གསོལ་བ་འདེབས། །སྐྱབས་གསུམ་ཐུགས་རྗེ་བདེན་མཐུས་བླ་མ་མཆོག །བློ༷་བཟ༷ང་བསྟན་པའི་དཔལ་དུ་ཞབས་བརྟན་ཅིང། །ཆོ༷ས་སྲིད་མཛད་འཕྲིན་ད༷ར་ཞིང་རྒྱས་གྱུར་ཏེ། །འགྲོ་ཀུན་གཏན་བདེའི་དཔལ་ལ་འགོད་གྱུར་ཅིག །ཅེས་བསྟན་པའི་འབྱུང་ཁུངས་དཔལ་ལྡན་འབྲས་སྤུངས་བཀྲ་ཤིས་སྒོ་མང་གི་ཆོས་ཀྱི་ཁྲི་ལ་མངའ་གསོལ་བ་འཇམ་མགོན་བསྟན་པའི་གསལ་བྱེད་ཆེན་པོ་བློ་བཟང་ཆོས་དར་བའི་ཞལ་སྔ་ནས་ཀྱི་ཞབས་བརྟན་གསོལ་འདེབས་འདི་ནི་རྣམ་དཔྱོད་ཡངས་པ་འཇིགས་མེད་དམ་ཆོས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་ཆོས་གྲྭ་ཆེན་པོ་བཀྲ་ཤིས་འཁྱིལ་དུ་བྲིས་པའོ།། ༈ ངག་དབང་མཁྱེན་གཏེར་འཇམ་དཔལ་སྙིང་པོའི་བསྟན། །དགེ་ལྡན་ལུགས་བཟང་མདོ་སྔགས་ཟུང་འབྲེལ་གྱི། །ལེགས་བཤད་དགའ་སྟོན་འགྱེད་པའི་དཔལ་ཡོན་ཅན། །བཤེས་གཉེན་དམ་པའི་ཞབས་ལ་གསོལ་བ་འདེབས། །དེ་ཉིད་སླར་ཡང་སྐ༷ལ་བཟ༷ང་གདུལ་བྱ་ལ། །དགེ༷་ལེ༷གས་རྒྱ༷་མཚོ༷འི་མཆོག་སྦྱིན་སྤེལ་བའི་ཕྱིར། །ཡང་སྲིད་གཞོན་ནུའི་སྐུ་ཡི་རྣམ་རོལ་པ། །མཆོག་སྤྲུལ་དམ་པའི་ཞབས་ལ་གསོལ་བ་འདེབས། །རྡོ་རྗེ་འཆང་དངོས་འཇིགས་མེད་དབང་པོ་སོགས། །བཤེས་གཉེན་དམ་པ་དུ་མས་རྗེས་བཟུང་བས། །མཁས་བཙུན་བཟང་པོའི་ཡོན་ཏན་ལྷུན་རྫོགས་པ། །སྐལ་བཟང་དགེ་ལེགས་རྒྱ་མཚོར་གསོལ་བ་འདེབས། །བླ་མ་

― GTD007_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་དམ་མཆོག་གསུམ་རྒྱ་མཚོ་དང། །ཚེ་ཡི་མཆོག་སྦྱིན་ལྷག་པའི་ལྷ་ཚོགས་མཐུས། །རྗེ་བཙུན་བླ་མའི་སྐུ་ཚེ་རབ་བརྟན་ཅིང། །ཕྲིན་ལས་སྣང་བ་ཕྱོགས་མཐར་རྒྱས་གྱུར་ཅིག །ཡངས་པའི་ལྗོངས་འདིར་ཆོས་སྲིད་འབྱོར་བ་རྒྱས། །མདོ་སྔགས་ཟུང་འབྲེལ་བཤད་སྒྲུབ་བསྟན་པ་དར། །དགེ་བཅུའི་དཔལ་གྱི་འདབ་བརྒྱ་བཞད་པ་ཡིས། །ངེས་ལེགས་སྦྲང་རྩིའི་དགའ་སྟོན་རྒྱས་གྱུར་ཅིག །ཅེས་བསྟན་པའི་རྩ་ལག་སྐལ་བཟང་དགེ་ལེགས་རྒྱ་མཚོའི་ཞབས་བརྟན་སྨོན་ཚིག་འདི་ནི་དད་བརྩོན་ལྡན་པ་དགེ་སློང་དཀོན་མཆོག་ཉི་མས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཕུལ་བྱུང་དགེ་མཚན་སྣང་བ་འབུམ་ཕྲག་གིས། །སྲིད་ཞིའི་རྒུད་པའི་མུན་པ་དྲུངས་འབྱིན་ཅིང། །ཕན་དང་བདེ་བའི་ལམ་བཟང་གསལ་མཛད་པ། །མཆོག་གསུམ་ཐུགས་རྗེའི་ཤིས་པས་རིང་དུ་སྐྱོངས། །བློ༷་བཟ༷ང་རྒྱལ་བསྟ༷ན་སྤེལ་བའི་ཐུགས་བསྐྱེད་ཀྱི། །ཆུ་འཛི༷ན་ཀློང་ལས་མདོ་སྔགས་ཆོ༷ས་ཀྱི་ཆར། །འཇོ་བས་གཏན་བདེའི་མྱུ་གུ་འཕེ༷ལ་མཛད་པ། །མཚུངས་མེད་མཆོག་སྤྲུལ་དམ་པར་གསོལ་བ་འདེབས། །རིང་ནས་གོམས་པའི་ལྷག་བསམ་གྲུ་གཟིངས་མཆོག །མདོ་སྔགས་ཆོས་ཚུལ་ནོར་བུས་ཡོངས་བཀང་སྟེ། །སྐལ་བཟང་གདུལ་བྱའི་ཚོགས་ཀྱི་རེ་སྐོང་བའི། །བཞེད་དོན་གེགས་མེད་ལྷུན་གྱིས་གྲུབ་གྱུར་ཅིག །ཚེ་སྦྱིན་ལྷག་པའི་ལྷ་ཚོགས་བདེན་པའི་མཐུས། །འདྲེན་མཆོག་དམ་པའི་སྐུ་ཚེ་རབ་བརྟན་ཅིང། །མཁས་བཙུན་བཟང་པོའི་མཛད་བཟང་ལྷུན་རྫོགས་པས། །བློ་བཟང་རྒྱལ་བསྟན་ཕྱོགས་མཐར་སྤེལ་གྱུར་ཅིག །སྤྱན་རས་གཟིགས་དབང་མྱུར་མཛད་མགོན་པོ་དང། །མ་

― GTD007_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་འདོད་ཁམས་དབང་མོའི་མཐུ་སྟོབས་ཀྱིས། །ཕྱི་ནང་ཉེར་འཚེའི་ཚོགས་རྣམས་ཀུན་བཅོམ་སྟེ། །སྨོན་པའི་འབྲས་བཟང་ལྷུན་གྱིས་གྲུབ་གྱུར་ཅིག །ཅེས་བསྟན་པའི་གསལ་བྱེད་བུར་ཧན་བླ་མའི་སྤྲུལ་བའི་སྐུ་བློ་བཟང་བསྟན་འཛིན་ཆོས་འཕེལ་གྱི་ཞབས་བརྟན་གསོལ་འདེབས་འདི་ནི་ཏཱ་བླ་མ་རབ་འབྱམས་པ་ཀུན་དགའ་རྣམ་རྒྱལ། དགེ་བསྐོས་རབ་འབྱམས་པ་བཀྲ་ཤིས་རྣམ་རྒྱལ་སོགས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ དཔ༷ལ་ལྡ༷ན་ཡོན་ཏན་དཀྱིལ་འཁོར་ཡོངས་རྫོགས་ཤིང། །ཐུ༷བ་བསྟ༷ན་བཤད་སྒྲུབ་བདུད་རྩིའི་འོད་སྣང་གིས། །རྒྱ༷་མཚོ༷འི་གོས་ཅན་ཀུན་ཏུ་གསལ་མཛད་པ། །རྗེ་བཙུན་བླ་མའི་ཞབས་ལ་གསོལ་བ་འདེབས། །ཚངས་སྤྱོད་བརྟུལ་ཞུགས་མཆོག་གི་དཔ༷ལ་དང་ལྡ༷ན། །ཐུ༷བ་པའི་སྲས་མཆོག་བསྟ༷ན་པའི་ཁུར་འཛིན་ཞིང། །གསང་ཆེན་རྒྱུད་སྡེ་རྒྱ༷་མཚོ༷འི་ཕ་རོལ་སོན། །མཚུངས་མེད་བཤེས་གཉེན་དམ་པ་ཞབས་བརྟན་ཤོག །འཆི་མེད་དཔལ་སྟེར་ལྷ་ཚོགས་ཐུགས་རྗེའི་མཐུས། །དཔ༷ལ་ལྡ༷ན་བླ་མ་བསྐལ་བརྒྱར་ཞབས་བརྟན་ཞིང། །ཐུ༷བ་པའི་བསྟ༷ན་སྲུང་རྒྱ༷་མཚོ༷འི་མཐུ་སྟོབས་ཀྱིས། །རྣམ་དཀར་འཕྲིན་ལས་གེགས་མེད་རྒྱས་གྱུར་ཅིག །མཁའ་མཉམ་ལུས་ཅན་ཕན་བདེའི་སྒོ་གཅིག་པུ། །དགེ་ལྡན་རིང་ལུགས་ཕྱོགས་མཐར་འཕེལ་རྒྱས་ཤིང། །དེ་འཛིན་ངུར་སྨྲིག་འཆང་བའི་འདུས་སྡེ་ཡི། །བཤད་སྒྲུབ་བྱ་བ་དབྱར་མཚོ་ལྟར་རྒྱས་ཤོག །མདོར་ན་བསྟན་དང་བསྟན་འཛིན་སྐྱེས་བུ་དང། །བསྟན་པའི་སྦྱིན་བདག་ཆོས་སྲིད་དཔལ་འབྱོར་ཀུན། །ཕན་ཚུན་འགྲན་པ་བཞིན་དུ་འཕེལ་བ་ཡིས། །རྫོགས་ལྡན་གསར་པའི་ཀུན་དགའ་རྒྱས་གྱུར་ཅིག །ཅེས་འདན་མ་སྤྲུལ་བའི་སྐུ་རིན་པོ་ཆེ་

― GTD007_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ལྡན་ཐུབ་བསྟན་རྒྱ་མཚོའི་ཞབས་བརྟན་སྨོན་ཚིག་འདི་ནི་ཕྱག་མཛོད་བློ་བཟང་བཟོད་པ་དང་དཀའ་བཅུ་ངག་དབང་འབྱུང་གནས་གཉིས་ཀྱི་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ བློ༷་བཟ༷ང་རྒྱལ་བའི་བསྟ༷༷ན་པ་འཛི༷ན་པ་ཡི། །རླབས་ཆེན་ཐུགས་བསྐྱེད་ས་བོན་སྨིན་པ་ལས། །རྨད་བྱུང་འཕྲི༷ན་ལ༷ས་ཡལ་གའི་ཕྱོགས་རྫོགས་པ། །མཚུངས་མེད་བཤེས་གཉེན་དམ་པར་གསོལ་བ་འདེབས། །ཚུལ་ཁྲིམས་བདུད་རྩིས་བློ༷་ཡི་བུམ་བཟ༷ང་གཏམས། །བསྟ༷ན་འགྲོར་སྨན་པའི་ལྷག་བསམ་ཁུར་འཛི༷ན་ཞིང་། །གསང་ཆེན་འཕྲི༷ན་ལ༷ས་རྣམ་བཞིའི་མཐུ་ལྡན་པ། །གསུམ་ལྡན་རྡོ་རྗེ་འཛིན་ཁྱོད་ཞབས་བརྟན་ཤོག །དུས་གསུམ་རྒྱལ་བ་རྒྱལ་སྲས་ཐུགས་རྗེ་ཡི། །བྱིན་རླབས་ཟད་མི་ཤེས་པའི་སྤྲིན་ཕུང་ལས། །དངོས་གྲུབ་རྣམ་གཉིས་གྲུ་ཆར་འཇོ་བ་ཡིས། །རྣམ་དཀར་བཞེད་དོན་ལྷུན་གྱིས་གྲུབ་གྱུར་ཅིག །བདག་སོགས་ཀུན་ཀྱང་སྐྱེ་བའི་ཕྲེང་བ་རུ། །ཡོངས་འཛིན་དམ་པས་འབྲལ་མེད་རྗེས་འཛིན་ཞིང། །རྒྱུ་འབྲས་ཐེག་པའི་ལམ་བཟང་རིམ་བགྲོད་དེ། །བླ་མེད་བྱང་ཆུབ་གོ་འཕང་མྱུར་ཐོབ་ཤོག །བླ་མ་ཡི་དམ་མཆོག་གསུམ་བྱིན་རླབས་དང། །བདག་སོགས་རྩེ་གཅིག་མོས་པའི་བདེན་སྟོབས་ཀྱིས། །ཇི་ལྟར་སྨོན་བཞིན་ལྷུན་གྱིས་གྲུབ་པ་ཡིས། །བསྟན་འགྲོའི་ཕན་བདེའི་དགེ་མཚན་རྒྱས་གྱུར་ཅིག །ཅེས་པ་འདི་ནི་འབྲི་གུ་དགོན་པའི་སློབ་ཟུར་སྐལ་བཟང་མཆོག་གྲུབ་དང་ཞབས་དྲུང་ངག་དབང་ཆོས་རྒྱ་མཚོ་གཉིས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ སྲིད་གསུམ་བསོད་ནམས་ཕུང་པོ་ལས་རྒྱལ་བ། །དཔལ་སྟུག་སྤྲོས་བྲལ་བདེ་བ་མཆོག་གི་ཚོགས། །ལྷུན་གྲུབ་

― GTD007_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་གཉིས་རི་མོར་ཡོངས་སྨིན་པ། །དཔལ་ལྡན་བླ་མའི་ཞབས་ལ་གསོལ་བ་འདེབས། །རྒྱུ་མེད་འགྲོ་ལ་མཉེས་གཤིན་བདེ་འཐུང་གི །རྩེ་དགའ་རྒྱས་པ་ལྷག་བསམ་ཆུ་ལྡན་ཕྲེང། །ཀུན་རྟོག་རྒྱུ་བ་སད་པའི་སྔོ་བསངས་སྡེར། །རོལ་པ་གྲུབ་པའི་དབང་པོར་གསོལ་བ་འདེབས། །ཐ་དད་ཁམས་ཀྱི་རྫིང་བུ་རབ་འབྱམས་སུ། །གང་འདུལ་བཀོད་པར་འཆར་བའི་གཞན་ཕན་སྟོབས། །ལྷུན་རྫོགས་སྐལ་བ་བཟང་པོའི་འཇིག་རྟེན་མིག །རྗེ་བཙུན་བསྟན་པའི་སྒྲོན་མེར་གསོལ་བ་འདེབས། །དེ་ཉིད་སླར་ཡང་ཐུགས་བསྐྱེད་བརྩོན་པོའི་མཐུ། །ཡིད་སྲུབ་དཔུང་པ་མཐར་བྱེད་རྡོ་རྗེ་ཡི། །གདེངས་ཀ་སྟོང་ཕྲག་ཉི་མའི་གཟི་འབར་བ། །མཆོག་སྤྲུལ་དམ་པའི་ཞབས་ལ་གསོལ་བ་འདེབས། །དཀོ༷ན་མཆོ༷ག་ཐུགས་རྗེ་ཟླ་བ་ནོར་བུའི་འོད། །དགེ༷་ལེ༷གས་ག་བུར་གཟེགས་མ་འབུམ་འགྱེད་པས། །ཕན་བདེའི་རླབས་ཕྲེང་རོལ་བ་ཐུབ་བསྟན་གྱི། །རྒྱ༷་མཚོ༷འི་གཉེན་གཅིག་དམ་པར་གསོལ་བ་འདེབས། །ངེས་འབྱུང་རི་ཥིས་སྦྱངས་པ་ཡིད་བཞིན་མཚོ། །སྐྱོན་བྲལ་བཤད་སྒྲུབ་ནོར་བུས་ཡོངས་གཏམས་པ། །ཐར་འདོད་མངོན་དགའི་པད་ཚལ་རྒྱས་པའི་དཔྱིད། །མཚུངས་བྲལ་འགྲོ་བའི་མགོན་པོར་གསོལ་བ་འདེབས། །ཡོངས་སྨིན་བསྟན་པའི་ཉིན་བྱེད་དམར་བའི་འོད། །དབང་ཕྱོགས་ལྷུན་པོའི་རྩེ་མོར་ཆགས་པའི་ངོགས། །ཐབས་མཁས་འཇུག་པས་མ་རྣམས་སྐྱོང་མཛད་པ། །ཐུགས་རྗེའི་བདག་ཉིད་མཆོག་ལ་གསོལ་བ་འདེབས། །ལུང་རིགས་འདབ་མ་གཡོ་བའི་འཐོར་རླུང་གིས། །སྨྲ་ངན་སྤོབས་པའི་རི་བོ་རལ་བྱེད་ཅིང། །རྒྱལ་བསྟན་ལྷ་ལམ་གཅོད་པའི་གཟི་བྱིན་འབར། །བཤེས་གཉེན་མཁའ་ལྡིང་དབང་པོར་གསོལ་བ་འདེབས། །དཀོ༷ན་མཆོ༷ག་ཀུན་འདུས་བླ་མ་ཡི་

― GTD007_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ལྷ། །བསྟན་སྲུང་སྡེར་བཅས་མཐུ་ཡིས་འདྲེན་པ་མཆོག །དགེ༷་ལྡན་བསྟན་པའི་དཔལ་དུ་ལེ༷གས་བཞུགས་ཏེ། །ཕྲིན་ལས་རྒྱ༷་མཚོ༷འི་གོས་ཅན་ཁྱབ་གྱུར་ཅིག །མཁས་བཙུན་བཟང་པོའི་ལྟེ་བ་ལས་ཐོན་ཅིང། །རིས་མེད་སྙིང་རྗེའི་མུ་ཁྱུད་ཀྱིས་བསྡམས་པ། །གཞན་ཕན་རྩིབས་སྟོང་རབ་རྫོགས་གསེར་སྦྱང་གི །འཁོར་ལོ་སྲིད་གསུམ་བླ་ན་རྩེན་གྱུར་ཅིག །བདག་སོགས་གྲོལ་བའི་རོ་བདའ་མོས་གུས་ཀྱི། །བདུད་རྩིས་ཡིད་ལ་གཏམས་པའི་རྗེས་འཇུག་ཀུན། །སྐྱེ་བའི་ཕྲེང་བར་རྗེས་བཟུང་བྱང་ཆེན་གྱི། །ནོར་བུའི་ཁྲི་འཕང་མཆོག་ལ་འགོད་གྱུར་ཅིག །ལེགས་སྨོན་དུས་སུ་འཇོ་བའི་གྲུ་ཆར་གྱིས། །དགེ་འདུན་ཆོས་འབྱོར་དཔལ་གྱི་འདབ་རྒྱས་ཤིང། །ས་དབང་སྡེ་བཞིའི་ཕུན་ཚོགས་རླབས་ཕྲེང་འཕྱུར། །སྙན་པ་མཁའ་འགྲོའི་རྫ་རྔ་འཁྲོལ་གྱུར་ཅིག །མི་འགྱུར་གདོད་མའི་རང་བཞིན་ཨ་དར་ཤ །བསླུ་མེད་རྟེན་འབྱུང་སྣང་བ་མི་འགོག་པས། །རྣམ་སྨིན་དཀར་པོར་འཛག་པ་སྨོན་པའི་དངོས། །མ་ལུས་གེགས་མེད་འབྲས་བུར་སྨིན་གྱུར་ཅིག །ཅེས་བྱང་ཕྱོགས་ཆེན་པོ་ཧོར་གྱི་ཡུལ་དུ་བསྟན་པའི་རྩ་ལག་དམ་པར་གྱུར་པ་ཐུ་མེད་ལོ་ཙཱ་བ་བླ་མའི་སྤྲུལ་སྐུ་དཀོན་མཆོག་དགེ་ལེགས་རྒྱ་མཚོའི་ཞབས་བརྟན་གསོལ་འདེབས་འདི་ནི་དད་བརྩོན་ལྡན་པ་གཉེར་པ་ཚེ་འཕེལ། གཞན་ཡང་མང་ཐོས་སྒྲུབ་ལ་གཞོལ་བ་ཡོན་ཏན་རྒྱ་མཚོ་སོགས་ཐུ་མེད་ཤོག་གི་གྲྭ་རིགས་སྤྱི་ནས་བསྐུལ་བ་ལྟར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ རྒྱལ་དབང་གྲགས་བསྟན་ཆོས་ཀྱི་གདུགས་དཀར་པོ། །ལུས་ཅན་ཡོངས་ལ་ཕན་བདེའི་གྲིབ་བསིལ་ཅན། །སྤེལ་ཕྱིར་སྐྱེ་བའི་ཟློས་གར་ལྷུར་མཛད་པ། །རྗེ་བཙུན་བླ་མའི་ཞབས་ལ་གསོལ་བ་འདེབས། །འཇི༷གས་མེ༷ད་སྙིང་སྟོབས་ལྷག་

― GTD007_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་ཡུ་བ་བརྟན། །གཞུང་ལུགས་མང་ཐོས་དར་གྱི་ཤམ་བུ་བཀྲ། །རྣམ་དག་བསླབ་གསུམ་ནོར་བུའི་ཏོག་གིས་མཛེས། །བསྟན་པའི་རྒྱ༷ལ་མཚ༷ན་འཛིན་ལ་གསོལ་བ་འདེབས། །སྲིད་དང་ཞི་བའི་དགེ་ལེགས་མ་ལུས་པའ། །འབྱུང་གནས་མཆོག་གསུམ་སྤྱི་དང་ཁྱད་པར་དུ། །གཡུང་དྲུང་ཚེ་ཡི་མཆོག་སྦྱིན་ལྷ་ཚོགས་མཐུས། །རྗེ་བཙུན་དམ་པ་བསྐལ་བརྒྱར་ཞབས་བརྟན་ཤོག །ཡི་དམ་ཆོས་སྲུང་རྒྱ་མཚོའི་མཐུ་སྟོབས་ཀྱི། །དཔུང་བས་ནག་ཕྱོགས་བདུད་སྡེའི་གཡུལ་བཅོམ་སྟེ། །བསྟན་དང་འགྲོ་ལ་སྨན་པའི་འཕྲིན་ལས་ཀྱི། །རུ་མཚོན་ཕྱོགས་ཀྱི་འཁོར་ལོར་སྒྲེང་བར་མཛོད། །སྐྱེ་ཞིང་སྐྱེ་བར་བདག་སོགས་ལུས་ཅན་ཀུན། །མཚན་ལྡན་དགེ་བའི་བཤེས་ཀྱིས་རྗེས་འཛིན་ཞིང། །ཡང་དག་ལམ་གྱི་གྲུ་གཟིངས་ལ་བརྟེན་ནས། །སྲིད་པའི་མཚོ་ལས་མྱུར་དུ་སྒྲོལ་གྱུར་ཅིག །ཅེས་བསྟན་པའི་གསལ་བྱེད་དམ་པ་འགྱང་རོ་སྤྲུལ་བའི་སྐུ་རིན་པོ་ཆེ་འཇིགས་མེད་རྒྱལ་མཚན་པའི་ཞབས་བརྟན་སྨོན་ཚིག་འདི་ནི་ཁ་ཀྱའི་རབ་འབྱམས་པ་ངག་དབང་བསམ་གཏན་གྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ རབ་འབྱམས་རྒྱལ་ཀུན་རྟག་པ་དམ་པའི་རྒྱུ། །ཟླ་བ་བདུད་རྩིའི་རང་བཞིན་བྱང་ཆུབ་སེམས། །འཇིག་རྟེན་དབང་ཕྱུག་ཉིད་སྤྲུལ་ཟློས་པའི་གར། །མཚུངས་མེད་བླ་མ་མཆོག་ལ་གསོལ་བ་འདེབས། །དགེ༷་མཚན་སྐལ་བཟང་གདུལ་བྱའི་འདུ༷ན་མོས་མཁར། །དཀོ༷ན་མཆོ༷ག་རིན་ཆེན་གསུམ་འདུས་ཉིན་མོར་བྱེད། །བློ༷་བཟ༷ང་རྒྱལ་བསྟ༷ན་འཛི༷ན་མའི་ཁོར་ཡུག་ཁྱོན། །གསལ་མཛད་མཆོག་སྤྲུལ་དམ་པར་གསོལ་བ་འདེབས། །མཐའ་བརྒྱད་སྤྲོས་བྲལ་ཆོས་ཀྱི་ཕྱག་རྒྱ་ཆེས། །གསང་ཆེན་ཐེག་པར་རྒྱས་བཏབ་བསྟན་པའི་གནད། །ཀུན་རྫོགས་སྙིང་

― GTD007_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབས་ཆེན་པོའི་དགོངས་པ་བཞིན། །སྤེལ་ཕྱིར་རྡོ་རྗེའི་ཁམས་སུ་ཞབས་བརྟན་ཤོག །ཆོས་འདུལ་སྤྱོད་པ་རྣམ་དག་འདབ་མས་མཛེས། །གཞན་ཕན་ལྷག་བསམ་མཆོག་གི་དྲི་བཟང་འཐུལ། །རིམ་གཉིས་རྟོགས་པའི་འབྲས་བུ་གཡུར་ཟ་བ། །འདྲེན་མཆོག་སྦྲང་རྩིའི་རྒྱལ་མཚན་རྟག་བརྟན་ཤོག །ཐུགས་བསྐྱེད་ཀཻ་ལ་ཤ་རིའི་རྒྱུན་བཟང་པོ། །བསྟན་འགྲོའི་དཔྱིད་དུ་འབབ་པ་ལྷ་ཡི་ཆབ། །གྲགས་སྙན་རླབས་ཀྱི་འཁྲི་ཤིང་རལ་པར་བཅས། །ནོར་འཛིན་ཁོར་ཡུག་ཤིས་པས་སྐྱོང་གྱུར་ཅིག །ཅེས་དགེ་ལྡན་བསྟན་པའི་རྩ་ལག་རྫོང་དཀར་ཆེ་ཚང་སྤྲུལ་བའི་སྐུ་དགེ་འདུན་དཀོན་མཆོག་བློ་བཟང་བསྟན་འཛིན་པའི་ཞབས་བརྟན་གསོལ་འདེབས་འདི་ནི་ལྷག་བསམ་རྨད་དུ་བྱུང་བ་སྐུ་སྐྱེ་བློ་བཟང་ཤེས་རབ་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ བསོད་ནམས་ཡེ་ཤེས་ཡང་དག་གྲུབ་པའི་དངོས། །ཟུང་དུ་འཇུག་པ་རྣལ་འབྱོར་དགའ་ཚལ་དུ། །དོན་གཉིས་འབྲས་བཟང་སྨིན་པས་སྤ་བ་ཡི། །རྣམ་འདྲེན་དཔག་བསམ་ལྗོན་པ་རྒྱལ་གྱུར་ཅིག །འཇི༷གས་མེ༷ད་རྣམ་པར་དཔྱོད་པའི་གསེར་ལྡན་མར། །བཤད་སྒྲུབ་ལུ༷ང་རི༷གས་ཆུ་བོ་འབུམ་འདུས་པ། །ཕན་བདེའི་འབྱུང་གནས་ཐུབ་བསྟན་རྒྱ་མཚོ་ཆེ། །མཆོག་སྤྲུལ་དམ་པའི་ཞབས་ལ་གསོལ་བ་འདེབས། །བརྩེ་ཆེན་གོམས་པས་ཞི་བའི་མཐའ་ལས་གྲོལ། །རྣམ་འབྱེད་རལ་གྲིས་སྲིད་པའི་དྲ་བ་བཅད། །མཁྱེན་བརྩེའི་བདག་ཉིད་སྐལ་ལྡན་ཡོངས་ཀྱི་མགོན། །རྗེ་བཙུན་དམ་པ་བསྐལ་བརྒྱར་ཞབས་བརྟན་ཤོག །བྱིན་རླབས་བདུད་རྩིའི་སྣང་བ་མི་ཟད་པས། །ཚེ་དཔལ་ཀུནྡ་རྒྱས་བྱེད་སྣང་མཐའ་ཡས། །ཡིད་བཞིན་འཁོར་ལོའི་ལྷ་ཚོགས་དང་བཅས་པས། །སྐུ་ཚེ་བསྐལ་བརྒྱར་

― GTD007_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པའི་བྱིན་སྩོལ་ཅིག །ཡི་དམ་ཆོས་སྲུང་རྒྱ་མཚོའི་ཐུགས་རྗེ་དང། །མི་བསླུ་འགྱུར་བ་མེད་པའི་རྟེན་འབྲེལ་གཤིས། །སྐལ་བཟང་མོས་གུས་ཚོགས་པའི་ལེགས་བྱས་ཀྱིས། །སྨོན་པའི་འབྲས་ཀུན་འགྲུབ་པའི་བཀྲ་ཤིས་ཤོག །ཅེས་དགེ་ལྡན་བསྟན་པའི་རྩ་ལག་རྫོང་དཀར་ཆུང་བ་ཚང་སྤྲུལ་བའི་སྐུ་འཇིགས་མེད་ལུང་རིགས་རྒྱ་མཚོའི་ཞབས་བརྟན་སྨོན་ཚིག་འདི་ནི་དད་བརྩོན་ཕུལ་དུ་བྱུང་བ་སྐུ་སྐྱེ་བློ་བཟང་ཤེས་རབ་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཇི་སྙེད་སྤྲོས་པའི་དྲ་བ་ཆོས་དབྱིངས་སུ། །ཞི་བ་འོད་གསལ་མཆོག་གི་རང་གདངས་ལས། །གང་འདུལ་སྒྱུ་འཕྲུལ་དྲ་བར་འཆར་བཟོད་པ། །དཔལ་ལྡན་རྡོ་རྗེ་འཛིན་པའི་གཙོ་ལ་འདུད། །ང༷ག་རིག་གྲུབ་པའི་དབ༷ང་པོ་ཡོངས་ཀྱི་རྗེ། །བསྟ༷ན་འཛི༷ན་མཁས་པ་ཀུན་ལ་གཙུག་གི་རྒྱན། །ལྷུན་གྲུབ་འཕྲི༷ན་ལ༷ས་བསྟན་འགྲོའི་དཔལ་དུ་གྱུར། །ཟླ་བྲལ་བཤེས་གཉེན་དམ་པར་གསོལ་བ་འདེབས། །བློ༷་ཆེན་རྒྱལ་ཀུན་བཟ༷ང་པོའི་འཕྲིན་ལས་ཀྱི། །བསྟ༷ན་དང་འགྲོ་བ༷འི་ཕན་བདེ་པདྨའི་ཚལ། །རྒྱས་བྱེད་ཉི༷་གཞོན་འོད་སྟོང་དྲ་བ་ཅན། །དཔལ་ལྡན་བླ་མ༷འི་ཞབས་ལ་གསོལ་བ་འདེབས། །འཇི༷གས་མེ༷ད་སྤོབས་པ་གངས་ཀྱི་རི་བོའི་སྤོར། །ལུ༷ང་རི༷གས་རལ་པ་གསིག་པའི་གདོང་ལྔ་པ། །རི་སྐྱེས་སྐལ་ལྡན་གདུལ་བྱ་རྒྱ༷་མཚོ༷འི་མགོན། །མཆོག་སྤྲུལ་དམ་པའི་ཞབས་ལ་གསོལ་བ་འདེབས། །མཁས་བཙུན་བཟང་པོའི་རྣམ་ཐར་མངར་པོའི་བསུང། །ཕྱོགས་ཀྱི་འཁོར་ལོ་འགེངས་པའི་ས་མཆོག་ལྗོན། །འཕྲིན་ལས་ཡལ་ག་འབུམ་དུ་བྲིས་པ་ཡི། །གྲིབ་བསིལ་དམ་པས་འགྲོ་ཀུན་སྐྱོང་གྱུར་ཅིག །ཐུགས་རྗེ་ཟླ་བའི་འཕེལ་བ་རྩོམ་པ་ཡིས། །མི་ཟད་ཚེ་ཡི་ཆུ་གཏེར་རྒྱས་བྱེད་པ། །ཚེ་སྦྱིན་ལྷ་ཚོགས་

― GTD007_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་རྗེ་བདེན་པའི་མཐུས། །སྐྱབས་གཅིག་དམ་པ་བསྐལ་བརྒྱར་ཞབས་བརྟན་ཤོག །ཡེ་ཤེས་སྤྱན་ལྡན་སྲུང་མའི་ཚོགས་རྣམས་ཀྱང། །མི་ཤིགས་རྡོ་རྗེའི་གཡར་དམ་ཉེར་དགོངས་ཏེ། །སྐུ་ཚེ་མཛད་འཕྲིན་རྒྱས་པའི་འཕྲིན་ལས་ཀྱི། །བཀྲ་ཤིས་རྒྱ་མཚོས་ཕྱོགས་ཀུན་ཁྱབ་པར་མཛོད། །ཅེས་དགེ་ལྡན་བསྟན་པའི་རྩ་ལག་དམ་པ་རྫོང་དཀར་ཆུང་བ་ཚང་སྤྲུལ་བའི་སྐུ་འཇིགས་མེད་ལུང་རིགས་རྒྱ་མཚོའི་འཁྲུངས་རབས་གསོལ་འདེབས་འདི་ནི་ལྷག་བསམ་རྨད་དུ་བྱུང་བ་སྐུ་སྐྱེ་བློ་བཟང་ཤེས་རབ་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ན་མོ་ཨཱརྱ་ལོ་ཀེ་ཤྭ་རཱ་ཡ། རྨད་བྱུང་ཐུགས་རྗེའི་ནོར་བུ་ཆུ་ཤེལ་ཁམས། །མཐའ་ཡས་གཅིག་བསྡུས་བདག་ཉིད་དཀྱིལ་འཁོར་ལས། །རྣམ་དཀར་འཕྲིན་ལས་སྣང་བའི་མཆོག་སྦྱིན་པ། །མགོན་པོ་སྤྱན་རས་གཟིགས་ལ་གསོལ་བ་འདེབས། །གང་ལ་གང་འཚམ་ཐབས་ཀྱིས་འགྲོ་བ་ཀུན། །སྲིད་ཞིའི་འཇིགས་པ་ལས་སྒྲོལ་སྐྱབས་ཀྱི་ཕུལ། །དུག་གསུམ་ནད་གསོ་མཛད་པ་སྨན་པའི་མཆོག །མཉམ་ཉིད་རྡོ་རྗེའི་ཞབས་ལ་གསོལ་བ་འདེབས། །བརྟན་པའི་འཁོར་ལོ་རྒྱལ་དབང་གྲགས་པ་ཡི། །བཀའ་སྲོལ་བསྒྲུབ་རྒྱུད་བསྟན་པ་འཛིན་པའི་གཙོ། །ཟབ་ལམ་རྡོ་རྗེའི་རྣལ་འབྱོར་མཐར་ཕྱིན་པ། །འཇམ་དཔལ་རྒྱ་མཚོའི་ཞབས་ལ་གསོལ་བ་འདེབས། །ཐུན་མོང་ལམ་དང་མཚན་བཅས་མཚན་མེད་སོགས། །ཏིང་འཛིན་སྒྱུ་འཕྲུལ་བྱེ་བའི་འཇུག་ལྡང་གིས། །ཟག་མེད་བདེ་བའི་དགའ་སྟོན་མངོན་གྱུར་པ། །ངག་གི་དབང་པོའི་ཞབས་ལ་གསོལ་བ་འདེབས། །ཟབ་རྒྱས་ལམ་གྱི་རྟོགས་པ་མཐར་ཕྱིན་ཀྱང། །སྦས་པའི་ཚུལ་གྱིས་སྐལ་ལྡན་གདུལ་

― GTD007_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་རྣམས། །སྨིན་ཅིང་གྲོལ་མཛད་ཐེག་མཆོག་དགེ་བའི་བཤེས། །ཤེས་རབ་ཉི་མའི་ཞབས་ལ་གསོལ་བ་འདེབས། །ཁྱད་པར་སྤྱན་རས་གཟིགས་དབང་རྣལ་འབྱོར་གྱིས། །འགྲོ་ཀུན་བདེ་ལྡན་ཞིང་དུ་འཁྲིད་པ་ཡི། །བཀའ་བབས་འཕྲིན་ལས་ཟླ་མེད་མ་ཎི་པ། །ཤེས་རབ་བཀྲ་ཤིས་ཞབས་ལ་གསོལ་བ་འདེབས། །བསླབ་གསུམ་རྣམ་པར་དག་པས་ཐུགས་རྒྱུད་དུལ། །སྡེ་སྣོད་མང་ཐོས་གཞུང་ལུགས་གདམས་པར་ཤར། །འཁོར་ལོ་གསུམ་གྱིས་རྒྱལ་བསྟན་སྤེལ་མཛད་པ། །བློ་བཟང་མཁས་མཆོག་ཞབས་ལ་གསོལ་བ་འདེབས། །དགེ་འདུན་དཀོན་མཆོག་འདུས་པའི་དགའ་ཚལ་དུ། །བློ་བཟང་བསྟན་པའི་འདབ་བརྒྱ་རྒྱས་བྱེད་པའ། །ཉི་མ་གཞོན་ནུ་འཕྲིན་ལས་འོད་སྟོང་ཅན། །མཆོག་སྤྲུལ་དམ་པའི་ཞབས་ལ་གསོལ་བ་འདེབས། །ཚེ་ཡི་མཆོག་སྦྱིན་ལྷག་པའི་ལྷ་རྣམས་དང། །ཡི་དམ་ཆོས་སྲུང་རྒྱ་མཚོའི་མཐུ་སྟོབས་ཀྱིས། །རྗེ་བཙུན་བླ་མ་བསྐལ་བརྒྱར་ཞབས་བརྟན་ཅིང། །འཕྲིན་ལས་སྣང་བ་ཕྱོགས་བཅུར་རྒྱས་གྱུར་ཅིག །བདག་སོགས་ཀུན་ཀྱང་སྐྱེ་བའི་ཕྲེང་བ་རུ། །དམ་པའི་ཞབས་རྡུལ་མཆོད་པ་མི་གཏོང་ཞིང། །བཀའ་བཞིན་སྒྲུབ་པ་སྙིང་པོར་བྱས་པ་ཡིས། །ཡང་དག་ལམ་བཟང་མངོན་དུ་འགྱུར་བར་ཤོག །ཁྱད་པར་འདིར་སྣང་འགགས་ཚེ་བླ་མ་དང། །སྤྱན་རས་གཟིགས་དབང་དབྱེར་མེད་ཐུགས་རྗེའི་མཐུས། །ཞིང་མཆོག་བདེ་བ་ཅན་དང་པོ་ཏ་ལར། །དྲངས་ཏེ་སྲས་ཀྱི་ཐུ་བོར་འགྱུར་བར་ཤོག །ཅེས་པ་འདི་ནི་དད་ལྡན་སློབ་མ་དོན་གཉེར་ཅན་དུ་མས་བསྐུལ་ངོར། མཁས་གྲུབ་ཆེན་པོ་ཤེས་རབ་བཀྲ་ཤིས་ཉིད་ཀྱི་གསུང་ལ་གཞི་བྱས་ཏེ། ༸བཙུན་པ་དཀོན་མཆོག་བསྟན་པའི་སྒྲོན་མེས་རྒྱལ་བའི་ལུང་གིས་ཟིན་པའི་

― GTD007_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་གྲྭ་ཆེན་པོ་བཀྲ་ཤིས་འཁྱིལ་དུ་སྦྱར་བའི་ཡི་གེ་པ་ནི་དགེ་སློང་བརྩོན་འགྲུས་བདེ་ཆེན་ནོ།། ༈ རྣམ་འདྲེན་ཀུན་གྱི་ཡེ་ཤེས་སྒྱུ་འཕྲུལ་གར། །རྒྱལ་བ་གཉིས་པའི་ལུགས་བཟང་ཕྱོགས་ཀུན་ཏུ། །དར་ཞིང་རྒྱས་མཛད་འགྲོ་བའི་འདྲེན་པ་མཆོག །རྗེ་བཙུན་བླ་མའི་ཞབས་ལ་གསོལ་བ་འདེབས། །རྙོག་བྲལ་ཚུལ་ཁྲིམས་གཙང་མའི་ཀཱ་ལ་ཤ། །མང་ཐོས་མཐར་སོན་བདུད་རྩིའི་བཅུད་ཀྱིས་གཏམས། །རྨད་བྱུང་འཕྲིན་ལས་དཔག་བསམ་ཡལ་འདབ་གཡོ། །ཐེག་མཆོག་དགེ་བའི་བཤེས་ལ་གསོལ་བ་འདེབས། །སྐལ་བར་འཚམ་པའི་ལེགས་བཤད་སྤྲིན་ཕུང་འཁྲིགས། །སྨྲ་ངན་ཟིལ་གནོན་རིགས་པའི་བདེ་འཐུང་གཡོ། །དོན་བཟང་སྙན་ཚིག་དབྱར་རྔ་དལ་གྱིས་བཞད། །ཟླ་མེད་བཤེས་གཉེན་དམ་པར་གསོལ་བ་འདེབས། །ཐུབ་བསྟན་སྤེལ་བའི་སྨོན་ལམ་གྲུབ་པའི་མཐུས། །བྱང་ཕྱོགས་འཛམ་གླིང་འཛིན་མའི་ཁོར་ཡུག་ཀུན། །བློ་བཟང་རྒྱལ་བསྟན་སྙིང་པོས་ཁྱབ་མཛད་པ། །བསྟན་པའི་རྩ་ལག་དམ་པར་གསོལ་བ་འདེབས། །ཐབས་མཁས་སྤྱོད་པས་རང་རང་མོས་པ་བཞིན། །ཆོས་སྤྱོད་རྣམ་བཅུའི་སྲོལ་བཟང་ལ་བཀོད་དེ། །མཆོག་དམན་སྐྱེ་བོ་ཡོངས་ལ་ཕན་མཛད་པ། །འགྲོ་བའི་དེད་དཔོན་ཆེན་པོར་གསོལ་བ་འདེབས། །མཚན་ཙམ་དྲན་པའི་ག་བུར་གཟེགས་མ་ཡིས། །དུས་ཀྱི་རྒུད་པའི་ཚ་གདུངས་མཐར་བྱེད་པ། །ཚེ་ཡི་ལྷ་ཚོགས་དཀྱིལ་འཁོར་འཁོར་ལོའི་མཐུས། །དཔལ་ལྡན་བླ་མ་བསྐལ་བརྒྱར་ཞབས་བརྟན་ཤོག །བདག་ཀྱང་དེང་ནས་བྱང་ཆུབ་སྙིང་པོའི་བར། །མགོན་པོ་ཁྱོད་ཀྱིས་རྟག་ཏུ་རྗེས་འཛིན་ཞིང། །ཚང་ལ་མ་ནོར་གདམས་པའི་བཅུད་མྱངས་ཏེ། །རྣམ་དག་ལམ་གྱི་

― GTD007_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲོད་པ་མཐར་ཕྱིན་ཤོག །ཅེས་ལུང་དང་རྟོགས་པའི་ཡོན་ཏན་རྒྱ་མཚོས་མངོན་པར་མཐོ་ཞིང་བྱང་ཕྱོགས་སྐྱེ་འགྲོའི་དཔུང་གཉེན་དམ་པར་གྱུར་པ་ཝང་ཧུ་ཐོག་ཐུ་སྐལ་བཟང་ཡེ་ཤེས་དར་རྒྱས་ཀྱི་ཞབས་བརྟན་གསོལ་འདེབས་འདི་ལྟ་བུ་ཞིག་དགོས་ཞེས་ཨོའུ་ཏན་ཞབས་དྲུང་ཡོན་ཏན་དར་རྒྱས་དང་། དཀའ་བཅུ་ཡོན་ཏན་དཔལ་བཟང་གཉིས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ བློ་ལྡན་ཀུན་བཟང་རྒྱལ་བའི་སྲས་པོ་མཆོག །མཁས་དང་གྲུབ་པའི་ཡོན་ཏན་ཉི་གཞོན་ཟེར། །འབུམ་འགྱེད་ཐུབ་བསྟན་པདྨ་རྒྱས་པའི་གཉེན། །མཚུངས་མེད་བཤེས་གཉེན་དམ་པར་གསོལ་བ་འདེབས། །བློ་གྲོས་ལང་ཚོ་དར་བའི་རྣམ་དཔྱོད་ལུས། །བཤེས་གཉེན་པྲོག་ཞུ་གདམས་པའི་དོ་ཤལ་སོགས། །ཐུབ་བསྟན་མཛེས་པའི་རྒྱན་གྱིས་རབ་བཀྲ་བ། །སྨྲ་བའི་དབང་ཕྱུག་མཆོག་ལ་གསོལ་བ་འདེབས། །ལྟ་བས་རྒྱས་བཏབ་གསང་ཆེན་རྡོ་རྗེ་ཐེག །བློ་བཟང་འཇམ་དཔལ་སྙིང་པོའི་དགོངས་པའི་གནད། །ཉམས་སུ་མྱོང་བའི་སྤངས་རྟོགས་རྩལ་ལྡན་པ། །ཕུལ་བྱུང་དགེ་བའི་བཤེས་ལ་གསོལ་བ་འདེབས། །ཟབ་དང་རྒྱ་ཆེའི་གདམས་པའི་བདུད་རྩིའི་ཆུས། །ཡོངས་གང་ཐུགས་བསྐྱེད་རིན་ཆེན་བུམ་བཟང་གིས། །འགྲོ་བའི་གདུང་སེལ་མཆོད་ཡོན་བསྒྲེང་མཛད་པ། །བསླུ་མེད་འདྲེན་མཆོག་དམ་པར་གསོལ་འདེབས། །བླ་མ་ལྷག་པའི་ལྷ་ཡི་ཐུགས་རྗེའི་མཐུས། །རྗེ་བཙུན་བླ་མའི་ཞབས་པད་བརྟན་པ་དང། །བསྟན་དང་འགྲོ་ལ་སྨན་པའི་མཛད་བཟང་ཀུན། །ལྷག་བསམ་དགོངས་པ་ཇི་བཞིན་འགྲུབ་གྱུར་ཅིག །ཕན་བདེའི་འབྱུང་གནས་བསྟན་པ་རིན་ཆེན་སྒྲོན། །ཡངས་པའི་འཇིག་རྟེན་ཀུན་ཏུ་རབ་གསལ་ཞིང་། །ལེགས་བྱས་སྣང་བས་འཚོ་བའི་ལུས་ཅན་ཀུན། །གཏན་བདེའི་འཇུག་

― GTD007_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

ངོགས་དམ་པར་གཞོལ་གྱུར་ཅིག །དེ་ཚེ་དམ་པའི་མགོན་གྱིས་མི་གཏོང་ཞིང། །ཡང་དག་ལམ་གྱིས་མཐུན་རྐྱེན་ཀུན་ཚོགས་པས། །ས་ལམ་བགྲོད་པ་མྱུར་དུ་མཐར་ཕྱིན་ཏེ། །སྐུ་གསུམ་གོ་འཕང་བདེ་བླག་ཐོབ་གྱུར་ཅིག །ཅེས་བསྟན་པའི་གསལ་བྱེད་སེམས་ཉིད་ཞབས་དྲུང་བློ་བཟང་མཆོག་གྲུབ་ཉི་མའི་ཞབས་བརྟན་གསོལ་འདེབས་འདི་ལྟ་བུ་ཞིག་དགོས་ཚུལ། དད་བརྩོན་ལྡན་པ་བློ་བཟང་ལྷུན་གྲུབ་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཨོཾ་བདེ་ལེགས་སུ་གྱུར་ཅིག །སྐུ་དང་ཡེ༷་ཤེ༷ས་དབྱེར་མེད་རྫོགས་སངས་རྒྱས། །རྒྱལ་བའི་འཕྲི༷ན་ལ༷ས་ལུང་རྟོགས་དམ་པའི་ཆོས། །དེ་ཉིད་ར༷བ་ཏུ་རྒྱ༷ས་བྱེད་དགེ་འདུན་ཏེ། །མཆོག་གསུམ་ཐུགས་རྗེས་བྱང་ཆུབ་བར་དུ་སྐྱོངས། །ཕུལ་བྱུང་མཁྱེན་བརྩེའི་ཡེ༷་ཤེ༷ས་ཉིན་མོར་བྱེད། །འཕྲི༷ན་ལ༷ས་འོད་སྟོང་འབར་བའི་རྩེ་དགའ་ཡིས། །ཐུབ་བསྟན་པདྨོའི་ཚལ་ར༷བ་རྒྱ༷ས་མཛད་པ། །དགེ་ལེགས་སྣང་བའི་གཏེར་ཆེན་རྒྱལ་གྱུར་ཅིག །ལྷན་སྐྱེས་ཡེ༷་ཤེ༷ས་མངོན་གྱུར་གྲུབ་པའི་གཙོ། །གཞན་ཕན་འཕྲིན༷་ལས༷་སྤྱོད་པའི་སྐྱེད་ཚལ་ལས། །ངོ་མཚར་དྲི་བསུང་ར༷བ་རྒྱ༷ས་ཡོན་ཏན་གྱི། །མེ་ཏོག་ཕྲེང་མཛེས་མདོ་ཙམ་སྤེལ་བར་བྱ། །མཁའ་མཉམ་འགྲོ་བ་སྲིད་ལས་སྒྲོལ་བྱའི་ཕྱིར། །ཡེ༷་ཤེ༷ས་སྐུ་མངའ་རྒྱལ་བའི་འཕྲི༷ན་ལ༷ས་ཀྱིས། །ཞིང་ཁམས་ར༷བ་འབྱམས་རྒྱ༷ས་པར་འགེངས་པའི་སླད། །སྣ་ཚོགས་སྤྲུལ་བའི་ཟློས་གར་ཅིར་ཡང་བསྒྱུར། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཡེ༷་ཤེ༷ས་མཚོན་གྱིས་སྲིད་རྩ་དྲུངས་ཕྱུང་ཡང། །སྙིང་རྗེའི་དབང་གིས་ཞི་བའི་མཐའ་སྤངས་ཏེ། །ཡང་སྲིད་ཉེར་བཟུང་དགེ་མཚན་ལྟས་ཀྱི་འཕྲི༷ན། །གཞན་ལ༷ས་

― GTD007_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་པའི་སྒྲ་སྙན་ར༷བ་ཏུ་རྒྱ༷ས། །དཔལ་ལྡན་བླ་མའི་ཞབས་ལ་གསོལ་བ་འདེབས། །རྗེ་བཙུན་ཡེ༷་ཤེ༷ས་བསྟན་པའི་སྒྲོན་མེ་ཡི། །འཕྲི༷ན་ལ༷ས་ཉིན་བྱེད་འོད་ཀྱིས་ར༷བ་ཕྱེ་སྟེ། །ཐོས་བསམ་འདབ་ཕྲེང་རྒྱ༷ས་པའི་ཀེ་ས་ར། །རྣམ་དག་བསླབ་གསུམ་སྦྲང་རྩིའི་ཁུར་གྱིས་དུད། །དཔལ་ལྡན་བླ་མའི་ཞབས་ལ་གསོལ་བ་འདེབས། །སྣང་བ་མཐའ་ཡས་དཔལ་ལྡན་ཡེ༷་ཤེས༷་སོགས། །དམ་པས་རྗེས་བཟུང་ཆོས་སྲུང་རྒྱ་མཚོས་ཀྱང། །གཡེལ་མེད་འཕྲི༷ན་ལ༷ས་བསྒྲུབས་པས་ཆོས་ལྡན་གྱི། །བཞེད་དོན་གེགས་མེད་ར༷བ་རྒྱ༷ས་ལྷུན་གྱིས་གྲུབ། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཡེ༷་ཤེ༷ས་ལྔ་བདག་དགྱེས་པ་རྡོ་རྗེ་ཡི། །དབང་བསྐུར་མཆོག་ཐོབ་བསྙེན་སྒྲུབ་མཐར་སོན་ནས། །འཕྲི༷ན་ལ༷ས་རྣམ་བཞིས་ར༷བ་མང་འགྲོ་བ་ལ། །ཕན་དང་བདེ་བའི་དགའ་སྟོན་རྒྱ༷ས་པར་སྩལ། །དཔལ་ལྡན་བླ་མའི་ཞབས་ལ་གསོལ་བ་འདེབས། །རྒྱལ་ཀུན་ཡེ༷་ཤེ༷ས་གཅིག་བསྡུས་ཙོང་ཁ་པའ། །ལུགས་བཟང་འཕྲི༷ན་ལ༷ས་ར༷བ་ཏུ་རྒྱ༷ས་བྱའི་ཕྱིར། །དགེ་འདུན་སྡུད་ཅིང་བཤད་ཉན་རྟེན་བཞེངས་སོགས། །འཁོར་ལོ་གསུམ་གྱི་རོལ་པ་ཅི་ཡང་སྟོན། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཡེ༷་ནས་ཕུལ་བྱུང་ལྷན་སྐྱེས་ཤེ༷ས་རབ་མཐུས། །ཟབ་རྒྱས་མན་ངག་ཀུན་ལ་དབང་འབྱོར་ཏེ། །འཆད་རྩོད་རྩོམ་པའི་འཕྲི༷ན་ལ༷ས་རྣམ་དཔྱོད་ཀྱིས། །ར༷བ་མང་གདུལ་བྱའི་བློ་གྲོས་རྒྱ༷ས་པར་མཛད། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཐར་འདོད་རྣམས་ལ་ཐར་པའི་ལམ་ཕྱེ་སྟེ། །བསོད་ནམས་ཡེ༷་ཤེ༷ས་ཚོགས་གཉིས་རྫོགས་མཛད་ཅིང། །གྲགས་པའི་འཕྲི༷ན་ཡིག་སྲིད་རྩེ་ལ༷ས་བརྒལ་ཚེ། །ར༷བ་དགའ་རྒྱ༷ས་པའི་སྐྱེ་བོ་

― GTD007_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་ཀྱིས་བཀུར། །དཔལ་ལྡན་བླ་མའི་ཞབས་ལ་གསོལ་བ་འདེབས། །འདི་སྣང་ཞེན་པ་ཡོང་ཡེ༷་མི་མངའ་བར། །ཐབས་ཤེ༷ས་ཟུང་འབྲེལ་ཀུན་བཟང་འཕྲི༷ན་ལ༷ས་ཀྱིས། །བགྲང་ཡས་གདུལ་བྱ་སྨིན་ཅིང་གྲོལ་མཛད་པས། །དགེ་ལྡན་ལུགས་བཟང་ཕྱོགས་བཅུར་ར༷བ་ཏུ་རྒྱ༷ས། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཨེ་མ་གང་ཚེ་རགས་པའི་གཟུགས་ཀྱི་སྐུ། །འོད་གསལ་ཡེ༷་ཤེ༷ས་ཀློང་དུ་ཐིམ་པ་ན། །ངོ་མཚར་ལྟས་མང་གཡོ་བའི་འཕྲིན༷་ལ༷ས་ཀྱིས། །ར༷བ་དྭངས་དགེ་བའི་ས་བོན་ལྷག་པར་རྒྱ༷ས། །དཔལ་ལྡན་བླ་མའི་ཞབས་ལ་གསོལ་བ་འདེབས། །འོན་ཀྱང་འགྲོ་སྒྲོལ་དམ་བཅའ་མ་རྫོགས་པས། །ཡེ༷་ཤེ༷ས་དབྱིངས་ལས་སྤྲུལ་བའི་སྐུར་བཞེངས་ཏེ། །བཤད་སྒྲུབ་འཕྲི༷ན་ལ༷ས་དབྱར་གྱི་ཆུ་མཚོ་ལྟར། །ར༷བ་ཏུ་རྒྱ༷ས་པའི་དགེ་མཚན་དར་བར་ཤོག །འདིས་མཚོན་དགེ་བས་རིང་པོར་མ་ཐོགས་པར། །རྣམ་ཀུན་མཁྱེན་པའི་ཡེ༷་ཤེ༷ས་མངོན་གྱུར་ཏེ། །ལྷུན་གྲུབ་འཕྲི༷ན་ལ༷ས་ར༷བ་ཏུ་རྒྱ༷ས་པ་ཡིས། །མ་ལུས་འགྲོ་བ་སྲིད་ལས་སྒྲོལ་གྱུར་ཅིག །ཅེས་ཨ་རོ་ཧོར་ཆིན་ཤོག་གི་བསྟན་པའི་གསལ་བྱེད་བླ་མ་ཞབས་དྲུང་ཡེ་ཤེས་འཕྲིན་ལས་རབ་རྒྱས་ཀྱི་རྣམ་ཐར་གསོལ་འདེབས་འདི་ནི་དེ་གའི་གྲྭ་རིགས་རྣམས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ བགྲང་ཡས་རྒྱལ་བའི་ཡབ་གཅིག་འཇམ་པའི་དབྱངས། །ངུར་སྨྲིག་གར་བསྒྱུར་རྒྱལ་བ་གཉིས་པ་ཡི། །མདོ་སྔགས་བཤད་སྒྲུབ་བསྟན་པའི་སྒྲོན་མེ་མཆོག །དཔལ་ལྡན་བླ་མའི་ཞབས་ལ་གསོལ་བ་འདེབས། །བློ་གྲོས་རྣམ་པར་རྒྱལ་བའི་ཁང་བཟང་རྩེར། །ལུང་རྟོགས་བསྟན་པ་ཡིད་བཞིན་

― GTD007_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་གི་རྒྱལ། །ཆོས་ལྡན་རེ་འབྲས་འདོད་དགུའི་ཆར་འབེབས་པ། །མཚུངས་མེད་བཤེས་གཉེན་དམ་པར་གསོལ་བ་འདེབས། །ཞེས་གོ་ཡུ་ནང་སྤྲུལ་བའི་སྐུ་རིན་པོ་ཆེ་རྣམ་གཉིས་ཀྱི་གསོལ་འདེབས་མཚན་སྒྲ་དང་བཅས་པ་ཞིག་དགོས་ཞེས་དད་བརྩོན་ལྡན་པ་ཆས་པའི་གྲྭ་པ་འགའ་ཞིག་གིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ བློ་བཟང་རྒྱལ་བའི་རིང་ལུགས་དགེ་ལྡན་གྱི། །ལེགས་བཤད་རྩིབས་སྟོང་རྫོགས་པའི་འཁོར་ལོ་ཡིས། །ཐུབ་བསྟན་ནོར་འཛིན་ཡོངས་ལ་མངའ་བསྒྱུར་བ། །ཟླ་མེད་སྨྲ་བའི་དབང་པོར་གསོལ་བ་འདེབས། །རབ་ཡངས་བློ་གྲོས་རིན་ཆེན་བུམ་པ་བཟང། །དགེ་ལེགས་མཆོག་སྦྱིན་བཤད་སྒྲུབ་བདུད་རྩིས་གཏམས། །བསྟན་དང་འགྲོ་བའི་ཕན་བདེའི་སྲོག་འཛིན་པ། །ཕུལ་བྱུང་བཤེས་གཉེན་དམ་པར་གསོལ་བ་འདེབས། །མང་ཐོས་མཐར་སོན་བློ་བཟང་མཁས་པའི་གཙོ། །བདེ་དགེ་ལེགས་ཚོགས་རྩ་བསྟན་བཙུན་པའི་མཆོག །རྒྱལ་བསྟན་འཛིན་སྐྱོང་སྤེལ་བའི་ལྷག་བསམ་ཅན། །འགྲོ་བའི་འདྲེན་མཆོག་དམ་པར་གསོལ་བ་འདེབས། །བསླུ་མེད་བླ་མ་ལྷ་ཡི་བྱིན་རླབས་དང། །ཡི་དམ་ཆོས་སྲུང་རྒྱ་མཚོའི་ནུས་པའི་མཐུ། །བདག་སོགས་དད་མོས་ཚོགས་པའི་རྟེན་འབྲེལ་མཐུས། །དཔལ་ལྡན་བླ་མ་བསྐལ་བརྒྱར་ཞབས་བརྟན་ཤོག །རླབས་ཆེན་ཐུགས་བསྐྱེད་ལྟ་བ་ལས་ཐོན་ཅིང། །བཤད་དང་སྒྲུབ་པའི་རྩིབས་སྟོང་འབར་བ་ཡི། །འཕྲིན་ལས་གསེར་སྦྱང་འཁོར་ལོས་དབང་བསྐུར་བས། །བསྟན་ལ་རྫོགས་ལྡན་དཔལ་ཡོན་སྦྱིན་གྱུར་ཅིག །བདག་སོགས་ཀུན་ཀྱང་ཚེ་རབས་འཕྲེང་བ་རུ། །དལ་འབྱོར་མཚན་ཉིད་ཚང་བའི་རྟེན་ཐོབ་ཅིང། །བཤེས་གཉེན་དམ་པས་འབྲལ་མེད་རྗེས་བཟུང་སྟེ། །མདོ་སྔགས་ལམ་གྱི་

― GTD007_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲོད་པ་མཐར་ཕྱིན་ཤོག །མདོར་ན་རྗེ་བཙུན་བླ་མའི་ཞབས་བརྟན་ཅིང། །འཁྲུལ་བྲལ་བློ་བཟང་རྒྱལ་བསྟན་ཕྱོགས་མཐར་རྒྱས། །བསྟན་པའི་སྦྱིན་བདག་ཆབ་སྲིད་དར་བ་ཡིས། །དགེ་བཅུའི་དཔལ་ལ་རྟག་ཏུ་སྤྱོད་གྱུར་ཅིག །ཅེས་མཁས་བཙུན་བཟང་གསུམ་གྱི་ཡོན་ཏན་སྔོན་བྱོན་དམ་པ་རྣམས་ཀྱི་རྣམ་ཐར་དང་རྗེས་སུ་མཐུན་པ་ལྷ་བཙུན་སྤྲུལ་བའི་སྐུ་སུ་དྷཱི་ཀལྱཱཎ་ཤཱིཥྚ་དྷཱ་རའི་ཞབས་བརྟན་གསོལ་འདེབས་འདི་ནི་དད་བརྩོན་བློ་དང་ལྡན་པ་དཀོན་མཆོག་ཡེ་ཤེས་སོགས་གྲྭ་རིགས་རྣམས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ བློ༷་བཟ༷ང་རྒྱལ་བའི་དམ་ཆོས་འཛིན་པའི་ཕྱིར། །ཚེ༷་རབས་མང་པོར་གོམས་པའི་ལེགས་སྨོན་མཐུ། །འཕེ༷ལ་བས་བཤད་སྒྲུབ་འཕྲིན་ལས་ལྷུན་གྱིས་གྲུབ། །མཚན་ལྡན་བཤེས་གཉེན་དམ་པར་གསོལ་བ་འདེབས། །བློ༷་ལྡན་སྐལ་བཟ༷ང་གདུལ་བྱའི་ཚོགས་རྣམས་ལ། །ཚེ༷་གཅིག་སངས་རྒྱས་སྒྲུབ་པའི་མྱུར་ལམ་ཀུན། །ཇི་བཞིན་འདོམས་པས་ཐུབ་བསྟན་འཕེ༷ལ་མཛད་པ། །ཐར་པའི་ས་མཁན་མཆོག་ལ་གསོལ་བ་འདེབས། །བློ༷་ཆེན་རྒྱལ་ཀུན་བཟ༷ང་པོའི་ཐུགས་བསྐྱེད་དང། །ཚེ༷་ཡི་དཔལ་སྟེར་ལྷ་ཚོགས་བདེན་པའི་མཐུས། །མཚུངས་མེད་བཤེས་གཉེན་དམ་པ་ཞབས་བརྟན་ཅིང། །རྣམ་དཀར་མཛད་འཕྲིན་གོང་དུ་འཕེ༷ལ་གྱུར་ཅིག །ཕན་བདེའི་འབྱུང་གནས་རྒྱལ་བསྟན་ཡོངས་འདུའི་ལྗོན། །འཕེལ་བའི་རྩ་བ་རིག་གྲོལ་འདུས་པའི་སྡེ། །བཤད་སྒྲུབ་བྱ་བ་ལས་ཀྱི་འཁོར་ལོར་བཅས། །དབྱར་གྱི་ཆུ་གཏེར་ཇི་བཞིན་རྒྱས་གྱུར་ཅིག །བདག་སོགས་ཀུན་ཀྱང་ཚེ་རབས་ཕྲེང་བ་རུ། །ཡང་དག་དགེ་བའི་བཤེས་ཀྱིས་རྗེས་འཛིན་ཅིང། །ས་དང་ལམ་གྱི་རྟོགས་པ་མྱུར་

― GTD007_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲོད་ནས། །ཟུང་འཇུག་གོ་འཕང་བདེ་བླག་ཐོབ་གྱུར་ཅིག །ཅེས་བཤད་པ་དང་སྒྲུབ་པའི་རྒྱལ་མཚན་འཛིན་པའི་བཤེས་གཉེན་དམ་པ་གུ་ཤྲཱི་བློ་བཟང་ཚེ་འཕེལ་བའི་ཞབས་བརྟན་གསོལ་འདེབས་འདི་ལྟ་བུ་ཞིག་དགོས་ཞེས་དབོན་པོ་ཆོས་རྗེ་བློ་བཟང་བསྟན་འཛིན། དཀའ་བཅུ་དཀོན་མཆོག་དཔལ་ལྡན། དཀའ་བཅུ་དཀོན་མཆོག་དབང་རྒྱལ་རྣམས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ བརྩེ་ཆེན་དབྱིངས་སུ༷་དྷཱི༷་ཡིག་ས་བོན་ལས། །ཉེར་འཁྲུངས་རཏྣ༷་ཨ་བྷེ༷ནྡྲ་ལ་སོགས། །བཤེས་གཉེན་མང་བསྟེན་ལེགས་གསུང་མཛོད་འཛིན་པ། །ཆོས་ཀྱི་དབང་ཕྱུག་དམ་པར་གསོལ་བ་འདེབས། །གང་གི་བློ༷་གྲོས་ཡིད་བཟ༷ང་རོལ་བའི་ལམ། །མི་འཇི༷གས་སྤོབས་པའི་ཉིན་བྱེད་འབར་བའི་གཟིས། །ཐུབ་བསྟན་དྲི་མེད༷་འདབ་བརྒྱའི་ཚལ་འབྱེད་པ། །བསྟན་པའི་རྩ་ལག་དམ་པར་གསོལ་བ་འདེབས། །བློ༷་ལྡན་སྐལ་བཟ༷ང་གདུལ་བྱའི་མོས་པ་བཞིན། །སྒྲ་ཚད་སྙན་ངག་ཀུན་དང་ཁྱད་པར་དུ། །མདོ་སྔགས་བསྟན་པའི་གནད་ཀུན་འདོམས་མཛད་པ། །འཇི༷གས་མེ༷ད་སྨྲ་བའི་དབང་པོར་གསོལ་བ་འདེབས། །འཆད་པའི་བློ༷་གྲོས་ནམ་མཁའི་མཐའ་ལྟར་ཡངས། །དོན་བཟ༷ང་སྡེབ་ལེགས་རྩོམ་པའི་རྒྱན་འཕྲེང་འཛིན། །རྩོད་ངག་ང་རོས་རྒོལ་ངན་འཇི༷གས་མཛད་པ། །བཤེས་གཉེན་མཚུངས་མེ༷ད་དམ་པར་གསོལ་བ་འདེབས། །བློ༷་ཆེན་རྒྱལ་བ་ཀུན་གྱི་ཐུགས་རྗེ་དང། །བཟ༷ང་པོའི་ཐུགས་བསྐྱེད་ལྷག་བསམ་བདེན་པའི་མཐུས། །འཇི༷གས་བྲལ་རྡོ་རྗེའི་ཁམས་སུ་ཞབས་བརྟན་ཅིང། །བཤད་སྒྲུབ་མཛད་བཟང་གེགས་མེ༷ད་མཐར་ཕྱིན་ཤོག །བློ༷་བཟ༷ང་རྒྱལ་བསྟན་སྲུང་མའི་ཚོགས་ཀྱིས་ཀྱང། །མི་འཇི༷གས་བཞི་ལྡན་ཚེ་དཔག་མེ༷ད་མགོན་བཞིན། །རྗེ་བཙུན་བླ་མ་

― GTD007_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐལ་བརྒྱར་ཞབས་བརྟན་པའ། །འཕྲིན་ལས་སྡོངས་གྲོགས་ལྷུན་གྱིས་གྲུབ་པར་མཛོད། །བདག་ཀྱང་བཤེས་གཉེན་དམ་པས་རྗེས་འཛིན་ཅིང། །བློ༷་གཏེར་འཇམ་པའི་དབྱངས་དང་ཀུན་བཟ༷ང་ལྟར། །རྒྱལ་སྲས་སྤྱོད་པ་རྒྱ་མཚོའི་མཐར་སོན་ནས། །འཇི༷གས་མེ༷ད་སྟོབས་བཅུ་མངའ་བའི་གནས་ཐོབ་ཤོག །ཅེས་ཆོས་གྲྭ་ཆེན་པོ་བཀྲ་ཤིས་འཁྱིལ་གྱི་དུས་འཁོར་གྲྭ་ཚང་གི་སློབ་ཟུར་ངེས་པ་དོན་གྱི་བཤེས་གཉེན་ཆེན་པོ་བློ་བཟང་འཇིགས་མེད་པའི་ཞབས་བརྟན་སྨོན་ཚིག་འདི་ནི། བཟང་པོའི་བག་ཆགས་ཡོངས་སུ་སྨིན་པས་སྔོན་བྱོན་དམ་པའི་རྣམ་ཐར་གྱི་རྗེས་སུ་གཞོལ་བ་ལྷ་བཙུན་སྤྲུལ་བའི་སྐུ་སུ་དྷཱིཿ ཀལྱཎ་ཤྲཱིཥྚ་དྷ་རས་བསྐུལ་བའི་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ལྷན་སྐྱེས་ཡེ་ཤེས་མངོན་གྱུར་པདྨ་འབྱུང་། །འཁྲུལ་ཞིག་གྲུབ་དབང་འགྱུར་མེད་རྡོ་རྗེའི་ཞབས། །ཆོས་ཀྱི་རྒྱལ་པོ་འཇིགས་མེད་དབང་པོའི་སྡེ། །མཚུངས་མེད་འདྲེན་པ་གསུམ་ལ་གསོལ་བ་འདེབས། །ཡི་དམ་ལྷག་པའི་ལྷ་ཡིས་རྗེས་བཟུང་ཞིང། །རིམ་གཉིས་ཟབ་མོའི་རྟོགས་པ་མངོན་དུ་གྱུར། །རྒྱལ་བསྟན་སྤེལ་བའི་ལེགས་སྨོན་མཐུ་གྲུབ་པ། །དཀོན་མཆོག་འབྱུང་གནས་ཞབས་ལ་གསོལ་བ་འདེབས། །དམ་པའི་མགོན་ལས་ཟབ་རྒྱས་གདམས་པ་མནོས། །ཚུལ་བཞིན་སྒྲུབ་པས་གོ་འཕང་མཆོག་བརྙེས་ཏེ། །མཐའ་ཡས་གདུལ་བྱ་སྨིན་ཅིང་གྲོལ་མཛད་པ། །འཕྲིན་ལས་རབ་བརྟན་ཞབས་ལ་གསོལ་བ་འདེབས། །བསྟན་དང་འགྲོ་ལ་སྨན་པའི་ཐུགས་བསྐྱེད་ཀྱི། །འབྲས་བུ་ཡོངས་སྨིན་ཕུལ་བྱུང་མཛད་བཟང་གིས། །ལུས་ཅན་ཐར་པར་འཁྲིད་པའི་ས་མཁན་མཆོག །ངག་དབང་བསྟན་འཛིན་ཞབས་ལ་གསོལ་བ་འདེབས། །

― GTD007_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་འཁོར་ལོ་སྤྲོ་ཞིང་སྡུད་པ་ཡིས། །ངོ་མཚར་འཕྲིན་ལས་རྣམ་བཞིའི་ཟློས་གར་གྱིས། །གསང་ཆེན་བསྟན་ལ་མངའ་བསྒྱུར་གྲུབ་པའི་རྗེ། །དཔལ་ལྡན་བླ་མ་བསྐལ་བརྒྱར་ཞབས་བརྟན་ཤོག །ནམ་མཁའི་མཐས་གཏུགས་འགྲོ་ལ་རྗེས་ཆགས་པས། །རྣམ་ཀུན་མཆོག་ལྡན་ཡེ་ཤེས་གཟུགས་ཀྱི་སྐུར། །བཞེངས་པ་མཚུངས་མེད་བཤེས་གཉེན་དམ་པ་ཁྱོད། །བདག་སོགས་གདུལ་བྱའི་མགོན་དུ་བརྟན་གྱུར་ཅིག །ཚེ་རབས་ཕྲེང་བར་དམ་པས་རྗེས་བཟུང་སྟེ། །ཐུན་མོང་ཐུན་མོང་མིན་པའི་ལམ་བཟང་ལ། །ངེས་པ་རྙེད་ནས་རྩེ་གཅིག་སྒྲུབ་པ་ཡིས། །ཟུང་འཇུག་གོ་འཕང་མྱུར་དུ་ཐོབ་པར་ཤོག །ཅེས་བསྟན་པའི་གསལ་བྱེད་ཙར་ཡུ་ཨ་ལག་ངག་དབང་བསྟན་འཛིན་པའི་ཞབས་བརྟན་སྨོན་ཚིག་འདི་ནི། ཐང་ལུང་གཅོད་པ་སྤུན་དང། དཔའ་ཆུང་དགོན་བཅས་ཀྱིས་བསྐུལ་ངོར་རཏྣའི་མིང་གིས་བྲིས། ༈ ཚེ་དང་ཡེ་ཤེས་འོད་སྟོང་འབར་བ་ཡིས། །འཆི་བདག་མུན་པའི་སྨག་རུམ་མཐར་མཛད་པ། །བཅོམ་ལྡན་ཚེ་མཐའ་ཡས་པའི་གཟི་བྱིན་གྱིས། །མཚུངས་བྲལ་བཤེས་གཉེན་དམ་པ་ཞབས་བརྟན་ཤོག །མཁྱེན་གཏེར་ང༷ག་གི་དབ༷ང་ཕྱུག་ཀུནྡའི་གཉེན། །རྣམ་འབྱེད་ཤེ༷ས་ར༷བ་ལྷ་ཡི་ལམ་ཡངས་པོར། །རོལ་པའི་ལེགས་བཤད་འོད་དཀར་དྲ་བ་ཅན། །སྨྲ་བའི་དབང་ཕྱུག་མཆོག་ལ་གསོལ་བ་འདེབས། །ང༷ག་ལ་དབ༷ང་བསྒྱུར་མཁས་མཆོག་པདྨ་དཀར། །རྣམ་དག་ཚུལ་ཁྲིམས་སྦྲང་རྩིའི་བཅུད་ལྡན་ཞིང། །ཤེ༷ས་དང་ཏིང་འཛིན་འདབ་སྟོང་ར༷བ་ཏུ་རྒྱས། །བསྟན་པའི་རྩ་ལག་མཆོག་ལ་གསོལ་བ་འདེབས། །མདོ་རྒྱུད་མན་ང༷ག་ཀུན་ལ་དབ༷ང་བསྒྱུར་ཞིང། །ཇི་ལྟར་ཤེ༷ས་པའི་གནད་རྣམས་ཚུལ་བཞིན་དུ། །ཉམས་སུ་བཞེས་

― GTD007_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

པས་གྲུབ་མཆོག་ར༷བ་བརྙེས་པ། །ཐེག་མཆོག་དགེ་བའི་བཤེས་ལ་གསོལ་བ་འདེབས། །མཆོག་གསུམ་བྱིན་རླབས་བདག་ཅག་དད་མོས་མཐུས། །དཔལ་ལྡན་བླ་མ་བསྐལ་བརྒྱར་ཞབས་བརྟན་ཅིང། །མཛད་འཕྲིན་འོད་སྣང་ཕྱོགས་བརྒྱར་སྤྲོ་བ་ཡིས། །བསྟན་འགྲོའི་ཕན་བདེའི་པད་ཚལ་རྒྱས་གྱུར་ཅིག །གང་གི་འཕྲིན་ལས་མ་ལ་ཡར་སྐྱེས་དྲ། །ཕྱོགས་བརྒྱར་འདྲེན་བྱེད་བསྟན་པའི་སྦྱིན་བདག་ཆེ། །མི་ཡི་དབང་ཕྱུག་སྡེར་བཅས་དཔལ་འབྱོར་ཀུན། །དབྱར་གྱི་ཆུ་མཚོ་བཞིན་དུ་འཕེལ་རྒྱས་ཤོག །སྐྱེ་བ་ཀུན་ཏུ་ཡང་དག་བླ་མ་དང་། །འབྲལ་མེད་ཆོས་ཀྱི་དཔལ་ལ་ལོངས་སྤྱོད་ཅིང། །ས་དང་ལམ་གྱི་ཡོན་ཏན་རབ་རྫོགས་ནས། །རྡོ་རྗེ་འཆང་གི་གོ་འཕང་མྱུར་ཐོབ་ཤོག །ཅེས་མདོ་སྔགས་ཡོངས་སུ་རྫོགས་པའི་བཤེས་གཉེན་ཆེན་པོ་ཇ་ཧཱུ་བླ་མ་ངག་དབང་ཤེས་རབ་ཀྱི་ཞབས་བརྟན་སྨོན་ཚིག་འདི་ནི་དཀའ་བཅུ་ངག་དབང་ཆོས་གྲགས་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས། ༈ བསྐལ་བཟང་རྣམ་འདྲེན་ཀུན་ལས་ཁྱད་པར་དུ། །པད་དཀར་ལྟ་བུར་བསྔགས་པའི་ཐུགས་རྗེ་ཅན། །རྒྱུ་འབྲས་ཐེག་པ་མ་ལུས་སྟོན་མཛད་པ། །ཐུབ་དབང་རྡོ་རྗེ་འཆང་ལ་གསོལ་བ་འདེབས། །མཐའ་བྲལ་ལྟ་བས་རྒྱས་བཏབ་རྡོ་རྗེ་ཐེག །ཐུབ་བསྟན་སྙིང་པོ་ཡོངས་སུ་རྫོགས་པའི་གནད། །ཉི་ལྟར་གསལ་མཛད་ས་གསུམ་འགྲོ་བའི་མིག །འཇམ་མགོན་བླ་མའི་ཞབས་ལ་གསོལ་བ་འདེབས། །བློ་བཟང་ཐུབ་བསྟན་ཕྱོགས་བཅུར་སྤེལ་སླད་དུ། །ཀུན་མཁྱེན་འཇིགས་མེད་དབང་པོའི་གསང་གསུམ་གྱི། །རྒྱ་མཚོའི་ཀློང་ལས་སླར་ཡང་ཉེར་འཁྲུངས་པ། །མཚུངས་མེད་མཆོག་སྤྲུལ་དམ་

― GTD007_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གསོལ་བ་འདེབས། །རིགས་ཀུན་ཁྱབ་བདག་ཆོས་ཀྱི་ཉི་མའི་ཞབས། །སླར་ཡང་ས་གསུམ་འགྲོ་བའི་དཔུང་གཉེན་དུ། །སྤྲུལ་བའི་གར་གྱིས་རྣམ་རོལ་ལྷུར་མཛད་པ། །འདྲེན་མཆོག་སྤྲུལ་བའི་སྐུ་ལ་གསོལ་བ་འདེབས། །དཀོ༷ན་མཆོ༷ག་ཀུན་འདུས་དམ་པའི་མགོན་ལ་བརྟེན། །བསྟ༷ན་པ༷འི་གནད་རྣམས་ཇི་བཞིན་གཏན་ལ་ཕབ། །ལེགས་བཤད་སྒྲོ༷ན་མེ༷ས་འགྲོ་ལ་ཐར་ལམ་སྟོན། །ཐེག་མཆོག་བཤེས་གཉེན་དམ་པར་གསོལ་བ་འདེབས། །བསླབ་པའི་སྒོར་བཅུག་གཙུག་ལག་ལམ་སྟོན་ཅིང། །དབང་ཁྲིད་མན་ངག་གདམས་པའི་བདུད་རྩིའི་ཆུས། །སྒྲིབ་སྦྱངས་ཐར་པའི་ས་བོན་སྨིན་མཛད་པའ། །བླ་མ་བརྒྱུད་པར་བཅས་ལ་གསོལ་བ་འདེབས། །ནམ་ཡང་མི་ཁོམ་གནས་སུ་མི་ལྟུང་ཞིང། །རྣམ་སྨིན་ཡོན་ཏན་ཚང་བའི་དལ་འབྱོར་རྟེན། །རིམ་བརྒྱུད་བཤེས་གཉེན་དམ་པས་རྗེས་འཛིན་ཞིང། །བསམ་སྦྱོར་གཉིས་ཀྱིས་ཚུལ་བཞིན་བསྟེན་པར་ཤོག །དེ་ཡི་ལེགས་གསུང་གདམས་པའི་བཅུད་མྱང་སྟེ། །མཐའ་དག་སྲིད་པའི་གནས་ལ་ཡིད་འབྱུང་ཞིང། །འགྲོ་དྲུག་ཕ་མར་ཤེས་པའི་བྱང་ཆུབ་སེམས། །བསྐྱེད་ནས་རྒྱལ་སྲས་སྤྱོད་ལ་སློབ་པར་ཤོག །སྔགས་ཀྱི་སྒོར་ཞུགས་དམ་ཚིག་ཚུལ་བཞིན་བསྲུང། །མཚན་འཛིན་དམིགས་མེད་ལྷ་ཡི་རྣལ་འབྱོར་གྱིས། །བདེན་གཉིས་ཟུང་འཇུག་གོ་འཕང་མྱུར་ཐོབ་སྟེ། །མཁའ་མཉམ་འགྲོ་ཀུན་སྲིད་ལས་སྒྲོལ་གྱུར་ཅིག །ཅེས་པ་འདི་ནི་སུ་ཉིད་ཤོག་ནས་དད་བརྩོན་ལྡན་པ་དགེ་སློང་ངག་དབང་ཆོས་གྲགས་ཀྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ རྣམ་འདྲེན་རྒྱལ་བ་

― GTD007_Page_0614 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་སྲས་ཚོགས་རྣམས་དང། །ཡི་དམ་ཆོས་སྲུང་རྒྱ་མཚོར་བཅས་པ་ཡིས། །དགེ་ལེགས་མེ་ཏོག་བྱེ་བའི་གྲུ་ཆར་གྱིས། །བསྟན་དང་འགྲོ་ལ་ཕན་བདེའི་མཆོག་སྦྱིན་མཛོད། །རིང་ནས་གོམས་པའི་ཐུགས་བསྐྱེད་རྟ་ལྗང་གིས། །ཉེར་དྲངས་བཀྲ༷་ཤི༷ས་དགེ་མཚན་འོད་སྟོང་གིས། །ཐུབ་བསྟན་པད་ཚལ་འབྱེད་པའི་ཉི༷་མ༷་མཆོག །མཚུངས་མེད་མཆོག་སྤྲུལ་དམ་པར་གསོལ་བ་འདེབས། །ལེགས་བཤད་དར་གྱི་ཤམ་བུ་རྣམ་བཀྲ༷་ཞིང། །ཤི༷ས་པའི་གདངས་སྙན་གཡེར་ཁའི་སྒྲ་བརྒྱ་འཁྲོལ། །བསླབ་གསུམ་ནོར་བུའི་ཏོག་མཛེས་ཉི༷་ལྟར་གསལ། །རྗེ་བཙུན་བླ་མ༷འི་ཞབས་ལ་གསོལ་བ་འདེབས། །བྱང་ཕྱོགས་ནོར་འཛིན་ཡངས་པའི་ཁོར་ཡུག་ཏུ། །འཇམ་དཔལ་སྙིང་པོའི་རིང་ལུགས་དྲི་མ་མེད། །སྐྱེ་བའི་འཕྲེང་བར་སྤེལ་བའི་ཐུགས་བསྐྱེད་བཞིན། །བཤད་སྒྲུབ་བསྟན་པའི་དཔལ་དུ་ཞབས་བརྟན་ཤོག །ཐུགས་རྗེ་བྱིན་རླབས་འོད་རྣོན་འབུམ་ཕྲག་གིས། །འཆི་བདག་མུན་པའི་སྨག་རུམ་མཐར་བྱེད་པ། །རྣམ་པར་རྒྱལ་མ་ལ་སོགས་ཚེ་ལྷ་རྣམས། །མཆོག་སྤྲུལ་དམ་པའི་སྐུ་ཚེ་བསྐལ་བརྒྱར་སྤེལ། །རིང་ནས་བསྟེན་པའི་ཆོས་སྲུང་རྒྱ་མཚོས་ཀྱང། །ཕྱི་ནང་འགལ་རྐྱེན་ཉེར་འཚེའི་གཡུལ་བཅོམ་སྟེ། །ཆོས་དང་སྲིད་ཀྱི་དཔལ་འབྱོར་མ་ལུས་པ། །ཡར་ངོའི་ཟླ་བཞིན་རྒྱས་པའི་འཕྲིན་ལས་མཛོད། །ཡངས་པའི་ལྗོངས་འདིར་ནད་མུག་འཁྲུག་རྩོད་ཞ། །རྒྱལ་བློན་སྡེར་བཅས་མངའ་ཐང་དཔལ་འབྱོར་རྒྱས། །ཀུན་ཀྱང་དགེ་བཅུའི་དཔལ་ལ་སྤྱོད་པ་ཡིས། །གནས་སྐབས་མཐར་ཐུག་དོན་གཉིས་ལྷུན་གྲུབ་ཤོག །ཅེས་འཇམ་དབྱངས་གོང་མའི་ལུང་གིས་ཧམ་ཤིག་པོ་ཡན་ཐུ་སུ་མའི་མཁན་པོ་

― GTD007_Page_0615 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེང་རི་ཐོ་ཡན་བླ་མའི་སྤྲུལ་སྐུ་གུ་ཤྲི་ཕུན་ཚོགས་རྣམ་རྒྱལ་གྱི་ཡང་སྤྲུལ་བཀྲ་ཤིས་ཉི་མའི་ཞབས་བརྟན་གསོལ་འདེབས་འདི་ནི་དད་གཏོང་རྒྱན་གྱིས་མཛེས་པ་མིའི་དབང་ཕྱུག་ཨུ་རད་གུང་རཏྣ་པཱ་ལས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ དགེ་ལེགས་ཡོངས་འདུའི་ས་བོན་སྨིན་པ་ལས། །ཚོགས་གཉིས་སྤྱོད་པ་ཡལ་གའི་ཕྱོགས་རྫོགས་ཤིང། །རྨད་བྱུང་དོན་གཉིས་འབྲས་བུའི་ཁུར་གྱིས་བརྗིད། །འདྲེན་མཆོག་དཔག་བསམ་ལྗོན་པ་རྒྱལ་གྱུར་ཅིག །བློ་བཟང་འཇམ་དཔལ་སྙིང་པོའི་ལུང་རྟོགས་བསྟན། །སྤེལ་བའི་ཐུགས་བསྐྱེད་སྨོན་ལམ་མཐུ་གྲུབ་པས། །ཐར་འདོད་ཡོངས་ཀྱི་ས་མཁན་གཅིག་པུར་གྱུར། །རྗེ་བཙུན་བླ་མའི་ཞབས་ལ་གསོལ་བ་འདེབས། །མདོ་རྒྱུད་མན་ངག་ཀུན་ལ་དབང་འབྱོར་ཅིང། །འཆད་རྩོད་རྩོམ་པའི་ག་བུར་གཟེགས་མ་ཡིས། །རྒྱལ་བསྟན་ཕྱོགས་མཐར་དར་ཞིང་རྒྱས་མཛད་པ། །འགྲོ་བའི་འདྲེན་མཆོག་དམ་པར་གསོལ་བ་འདེབས། །བློ་ལྡན་སྐལ་བཟང་དད་པའི་མཁའ་དབྱིངས་སུ། །དཀོན་མཆོག་ཐུགས་རྗེའི་རྟ་བདུན་གྱིས་དྲངས་པ། །བསྟན་པའི་གཉེན་གཅིག་མཚུངས་བྲལ་རྒྱལ་བའི་སྲས། །མཚན་ལྡན་བཤེས་གཉེན་དམ་པར་གསོལ་བ་འདེབས། །བློ་བཟང་རྒྱལ་བའི་ཡི་དམ་ཆོས་སྲུང་དང། །དཀོན་མཆོག་རྣམ་གསུམ་བདེན་པ་ཆེན་པོའི་མཐུས། །མཆོག་སྤྲུལ་དམ་པ་བསྐལ་བརྒྱར་ཞབས་བརྟན་ཅིང། །བཤད་སྒྲུབ་བསྟན་པའི་རྒྱལ་མཚན་ཚུགས་གྱུར་ཅིག །ཕུལ་བྱུང་མཁྱེན་བརྩེའི་ཆུ་འཛིན་ཕུང་པོ་ལས། །ཟབ་རྒྱས་ཆོས་ཀྱི་གྲུ་ཆར་འཇོ་བ་ཡིས། །ཐར་འདོད་ཞིང་པའི་ཚོགས་ཀྱི་རེ་སྐོང་ཞིང། །སྲིད་ཞིའི་དགེ་མཚན་ཆུ་གཏེར་རྒྱས་གྱུར་ཅིག །སྐྱེ་བའི་འཕྲེང་བར་བཤེས་གཉེན་དམ་པ་ཡིས། །རྗེས་བཟུང་གདམས་

― GTD007_Page_0616 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བདུད་རྩིའི་བཅུད་མྱང་སྟེ། །ཡང་དག་ལམ་གྱི་བགྲོད་པ་མཐར་ཕྱིན་ནས། །མཁའ་མཉམ་ལུས་ཅན་ཀུན་གྱི་མགོན་གྱུར་ཅིག །ཅེས་པ་འདི་ནི་བསྟན་པའི་གསལ་བྱེད་ཆས་པ་རྒྱ་མཁར་སྤྲུལ་བའི་སྐུ་སོགས་ཀྱིས་བསྐུལ་བ་ལྟར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཕུན་ཚོགས་དགེ་ལེགས་ལུང་རྟོགས་ནོར་བུའི་མཛོད། །བགྲང་ཡས་ཐར་འདོད་ཐར་པར་འཁྲིད་པའི་གཉེན། །བློ༷་བཟ༷ང་བསྟན་པའི་པད་ཚལ་རྒྱས་མཛད་པ། །སྨྲ་བའི་ཉི༷་མ༷་ལུས་ཅན་གཙུག་ན་རྒྱལ། །དག་པའི་སར་གནས་སྲིད་ཞི་མཉམ་ཉིད་དུ། །གཟིགས་ཤིང་སྨོན་ལམ་ཕ་རོལ་ཕྱིན་རྫོགས་པས། །གང་འདུལ་སྤྲུལ་བའི་བཀོད་པ་ཆུ་ཟླ་བཞིན། །སྟོན་མཛད་རྒྱལ་སྲས་ཆེན་པོར་གསོལ་བ་འདེབས། །དུས་མཐར་ཐུབ་བསྟན་ཡང་སྙིང་ཕྱོགས་ཀྱི་མཐར། །སྤེལ་བའི་ཐུགས་བསྐྱེད་བཟང་པོའི་རྩལ་རྫོགས་པས། །རྨད་བྱུང་དོན་གཉིས་དགའ་སྟོན་ལྷུན་གྱིས་གྲུབ། །བཟང་པོ་དོན་གྲུབ་ཞབས་ལ་གསོལ་བ་འདེབས། །བཀྲ་ཤིས་དགེ་མཚན་ཆ་ཤས་ཡོངས་གང་ཞིང། །ལྷུན་གྲུབ་འཕྲིན་ལས་འོད་དཀར་དྲ་བ་ཡིས། །ཆོས་སྲིད་ཀུན་དའི་དགའ་ཚལ་རྒྱས་མཛད་པ། །བཀྲ་ཤིས་ལྷུན་གྲུབ་ཞབས་ལ་གསོལ་བ་འདེབས། །སྤོང་བ་བསམ་གཏན་འཁོར་ལོ་ལ་གནས་ཤིང། །ཁྱད་པར་ཟབ་ལམ་རྡོ་རྗེའི་རྣལ་འབྱོར་གྱིས། །གྲུབ་པ་མཆོག་བརྙེས་རྟོགས་པ་ཀློང་དུ་གྱུར། །ཟ༷་ཁུ༷་སྒོམ༷་ཆེན༷་ཞབས་ལ་གསོལ་བ་འདེབས། །བློ་གཏེར་འཇམ་མགོན་ལུགས་བཟང་མདོ་སྔགས་ཀྱི། །བསྟན༷་པ༷འི་རྒྱལ༷་མཚ༷ན་བསྒྲེངས་ཤིང་ལུས་ཅན་རྣམས། །ཕན་བདེའི་དགའ་སྟོན་དཔལ་ལ་སྦྱོར་མཛད་པ། །བསྟན་པའི་རྒྱལ་མཚན་ཞབས་

― GTD007_Page_0617 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གསོལ་བ་འདེབས། །རྣམ་དག་བསླབ་གསུམ་བདུད་རྩིའི་རྒྱུད་གཏམས་ཤིང། །སྡེ་སྣོད་གསུམ་གྱི་ལེགས་བཤད་དགའ་སྟོན་སྤེལ། །འཇམ་དཔལ་གཞོན་ནུས་རྗེས་བཟུང་ང༷ག་གི་དབ༷ང། །ཕྲིན༷་ལས༷་རྣམ༷་རྒྱལ༷་ཞབས་ལ་གསོལ་བ་འདེབས། །ང༷ག་གི་དབ༷ང་ཕྱུག་བློ༷་བཟ༷ང་རྒྱལ་བའི་བསྟན། །སྤེལ་ཕྱིར་འཕྲིན༷་ལས༷་རྣམ་བཞིའི་གྲུ་གཟིངས་ཀྱིས། །རྒྱལ་སྲས་སྤྱོད་པ་རྒྱ་མཚོའི་མཐར་སོན་པ། །བློ་བཟང་འཕྲིན་ལས་ཞབས་ལ་གསོལ་བ་འདེབས། །སླར་ཡང་ངེས་ལེགས་སྦྲང་རྩིའི་སྙིང་པོ་ཅན། །བསྟན་འགྲོའི་ཕན་བདེའི་འདབ་བརྒྱ་བཞད་པའི་ཕྱིར། །མཁས་བཙུན་བཟང་པོའི་རྣམ་རོལ་སྤྲུལ་བའི་སྐུ། །བློ༷་བཟ༷ང་ཉི༷་མ༷འི་ཞབས་ལ་གསོལ་བ་འདེབས། །དབང་ཕྱོགས་སྐལ་ལྡན་གདུལ་བྱའི་ཚོགས་རྣམས་ལ། །ཟབ་རྒྱས་གདམས་པའི་དགའ་སྟོན་མཆོག་སྦྱིན་ཞིང། །ཐུབ་བསྟན་མི་ནུབ་རྒྱལ་མཚན་བསྒྲེང་མཛད་པ། །རྗེ་བཙུན་བླ་མ་བསྐལ་བརྒྱར་ཞབས་བརྟན་ཤོག །བླ་མ་ཡི་དམ་མཆོག་གསུམ་མཐའ་དག་དང། །རིང་ནས་བསྟེན་པའི་ཆོས་སྲུང་རྒྱ་མཚོའི་མཐུས། །འདྲེན་མཆོག་དམ་པ་བསྐལ་བརྒྱར་ཞབས་བརྟན་ཅིང། །འཕྲིན་ལས་ནོར་འཛིན་ཀུན་ཏུ་རྒྱས་གྱུར་ཅིག །རྣམ་དག་ཁྲིམས་ལྡན་མདོ་སྔགས་ལུང་རིགས་ཀྱི། །དབྱངས་སྙན་སྒྲོགས་པའི་མཁས་པའི་སྐྱེ་བོ་ཡིས། །སྡེ་འདི་ཡོངས་གང་བསྟན་པའི་བྱ་བ་ཀུན། །མི་ཉམས་སྲིད་མཐའི་བར་དུ་རྒྱས་གྱུར་ཅིག །མདོར་ན་རྗེ་བཙུན་བླ་མའི་ཞབས་བརྟན་ཅིང། །དགེ་འདུན་ཐུགས་མཐུན་བཤད་སྒྲུབ་གོང་དུ་འཕེལ། །ཡུལ་ལྗོངས་དགེ་མཚན་དཔལ་གྱིས་ཕྱུག་པ་ཡི། །བཀྲ་ཤིས་དབྱངས་སྙན་ས་གསུམ་ཁྱབ་གྱུར་ཅིག །ཅེས་འཇམ་མགོན་

― GTD007_Page_0618 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་གཉིས་པའི་བསྟན་པའི་རྩ་ལག་དམ་པ་སྟག་ལུང་སྤྲུལ་བའི་སྐུ་བློ་བཟང་ཉི་མའི་འཁྲུངས་རབས་གསོལ་འདེབས་འདི་ནི། བསྟན་པའི་གསལ་བྱེད་སེ་ར་པཎྚི་ཏའི་སྤྲུལ་བའི་སྐུ་ཡེ་ཤེས་ཆོས་བཟང་གྲགས་པ། ཐོའུ་ཟི་དོན་གྲུབ་སེང་གེ། ནང་སོ་དོན་འགྲུབ་རབ་བརྟན། ཆོས་རྗེ་བློ་བཟང་སྙན་གྲགས། དགོན་པའི་ལས་སྣེ་གྲྭ་བགྲེས་རྣམས་དང་བཅས་སྤྱི་ཚོགས་ནས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཀུན་བཟང་རྒྱལ་སྲས་སྤྱོད་པའི་ཟློས་གར་འབུམ། །དགེ་ལྡན་བསྟན་པའི་རྒྱན་དུ་ལེགས་སྒྱུར་བ། །ཐར་འདོད་སྐྱེ་དགུའི་འདྲེན་པ་བླ་ན་མེད། །རྗེ་བཙུན་བླ་མའི་ཞབས་ལ་གསོལ་བ་འདེབས། །དགེ་ལྡན་ལུགས་བཟང་བྱང་ནས་བྱང་གི་མཐར། །སྤེལ་བའི་ཐུགས་བསྐྱེད་ཡང་ནས་ཡང་གོམས་པས། །དམ་པའི་འཁྲུངས་རབས་གཅིག་ནས་གཅིག་བརྒྱུད་དེ། །འགྲོ་བའི་དེད་དཔོན་མཛད་ལ་གསོལ་བ་འདེབས། །བློ་གྲོས་རབ་ཡངས་ཀུན་ཏུ་དགའ་བའི་ཚལ། །བཤད་སྒྲུབ་འཕྲིན་ལས་པདྨ་འབུམ་བཞད་ཅིང། །ཐུབ་བསྟན་སྙིང་པོའི་འབྲས་བཟང་གཡུར་དུ་ཟ། །རྡོ་རྗེ་འཛིན་པའི་གཙོ་ལ་གསོལ་བ་འདེབས། །གང་གི་རྨད་བྱུང་ཐུགས་བསྐྱེད་མེ་ཤེལ་ཁམས། །དཀོན་མཆོག་ཐུགས་རྗེའི་མཁའ་ལ་རྣམ་རོལ་བས། །ཐུབ་བསྟན་སྦྲང་རྩིའི་རྒྱལ་མཚན་རྒྱས་མཛད་པ། །མཚུངས་མེད་མཆོག་སྤྲུལ་དམ་པར་གསོལ་བ་འདེབས། །རྨད་བྱུང་འཕྲིན་ལས་འོད་རྣོན་འབུམ་ཕྲག་གིས། །དགེ་ལེགས་འཛིན་མའི་ཁོར་ཡུག་གསལ་བྱེད་ཅིང། །བསླབ་གསུམ་རྩལ་ལྡན་ལུང་རིགས་དབྱངས་སྒྲོགས་པའ། །རྐང་དྲུག་འདུས་པའི་སྡེ་ཆེན་གང་གྱུར་ཅིག །གང་གི་ཞབས་རྡུལ་མཆོད་པ་ལྷུར་ལེན་པའ། །འཁོར་སློབ་སྦྱིན་པའི་

― GTD007_Page_0619 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་པོ་མཐའ་དག་ཀྱང་། །ཕྱི་ནང་ཉེར་འཚེའི་གཡུལ་ལས་རྣམ་རྒྱལ་ཏེ། །ཆོས་དང་སྲིད་ཀྱི་དཔལ་འབྱོར་རྒྱས་གྱུར་ཅིག །ལྗོངས་འདིར་ནད་མུག་འཁྲུག་རྩོད་ཀུན་ཞི་ཞིང། །ས་དབང་འཁོར་བཅས་ཚེ་དཔལ་མངའ་ཐང་རྒྱས། །ཀུན་ཀྱང་དགེ་བཅུའི་དཔལ་ལ་སྤྱོད་པ་ཡིས། །བཀྲ་ཤིས་དགེ་མཚན་རྟག་ཏུ་རྒྱས་གྱུར་ཅིག །ཅེས་བྱང་ཕྱོགས་བསྟན་འགྲོའི་དཔུང་གཉེན་ཉིད་ཚེང་ཨེར་ཏི་ནི་མེ་རྒན་ཧུ་ཐོག་ཐུ་དཀོན་མཆོག་ཐུབ་བསྟན་རྒྱལ་མཚན་གྱི་ཞབས་བརྟན་སྨོན་ཚིག་འདི་ནི་བློ་གྲོས་དང་ལྷག་བསམ་ཕུལ་དུ་བྱུང་བ་ཞབས་དྲུང་ངག་དབང་གྲགས་པས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ དངོས་གྲུབ་ཀུན་འབྱུང་ཐུབ་དབང་རྡོ་རྗེ་འཆང་། །དམིགས་མེད་བརྩེ་བའི་གཏེར་ཆེན་སྤྱན་རས་གཟིགས། །དྲི་མེད་མཁྱེན་པའི་དབང་པོ་འཇམ་པའི་དབྱངས། །བདུད་དཔུང་མ་ལུས་འཇོམས་མཛད་གསང་བའི་བདག །རྨོངས་པའི་འཇིགས་འཕྲོག་ཁྲོ་རྒྱལ་མི་གཡོ་མགོན། །རྒྱལ་ཀུན་འཕྲིན་ལས་སྒྲུབ་མཛད་སྒྲོལ་མ་ཡུམ། །གངས་ཅན་མཁས་པའི་གཙུག་རྒྱན་ཙོང་ཁ་པའི། །བློ་བཟང་གྲགས་པའི་ཞབས་ལ་གསོལ་བ་འདེབས། །གུང་ཐང་འཇམ་པའི་དབྱངས་དཀོན་མཆོག་བསྟན་པའི་སྒྲོན་མེའི་ཞལ་སྔ་ནས་གསུངས་སོ།། ༈ བསླུ་མེད་དཀོན་མཆོག་ཐུགས་རྗེ་གཅིག་བསྡུས་ནས། །མཁས་ཤིང་གྲུབ་པའི་བཤེས་གཉེན་རྣམ་རོལ་ཏེ། །བསྟན་པའི་སྒྲོན་མེ་འཛིན་ལ་ཟླ་མེད་པ། །དྲིན་ཅན་རྩ་བའི་བླ་མར་གསོལ་བ་འདེབས། །ཡི་དམ་རྒྱལ་བ་རྒྱ་མཚོ་སྤྲོ་བསྡུའི་བདག །བླ་མ་ལྷ་ཡིས་འབྲལ་མེད་རྗེས་གཟུང་སྟེ། །མདོ་དང་སྔགས་ཀྱི་ལམ་བཟང་རིམ་བགྲོད་ནས། །བདེ་ཆེན་སྐུ་བཞིའི་གོ་འཕང་མྱུར་ཐོབ་ཤོག །ཅེས་པ་འདི་ནི་དགེ་སློང་དཀོན་

― GTD007_Page_0620 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་དར་རྒྱས་ཀྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ རྒྱལ་ཀུན་ཡེ་ཤེས་སྒྱུ་འཕྲུལ་དྲ་བ་ཡིས། །ཕྱི་ནང་གསང་བའི་གཤིན་རྗེ་མཐར་བྱེད་པ། །འཇམ་དཔལ་རྡོ་རྗེ་མི་ཡི་ཟློས་གར་མཁན། །བློ་བཟང་རྒྱལ་བའི་དབང་པོར་གསོལ་བ་འདེབས། །དགེ་ལྡན་མདོ་སྔགས་བསྟན་པའི་གནད་ཀུན་ལ། །འཇམ་མགོན་བླ་མ་ཉིད་དང་དབྱེར་མེད་པ། །འཛམ་གླིང་མཁས་གྲུབ་བྱེ་བའི་གཙུག་གི་རྒྱན། །འཇམ་དབྱངས་བཞད་པའི་རྡོ་རྗེར་གསོལ་བ་འདེབས། །རྣམ་དག་བསླབ་གསུམ་ནོར་བུས་ཡོངས་སུ་གཏམས། །འཁོར་ལོ་གསུམ་གྱི་རླབས་ཕྲེང་ཆེས་ཆེར་གཡོ། །ཐར་འདོད་ཀླུ་དབང་ཚོགས་ཀྱི་ཉེར་འཚོའི་གཞ། །བློ་གྲོས་རྒྱ་མཚོའི་ཞབས་ལ་གསོལ་བ་འདེབས། །མདོ་རྒྱུད་མན་ངག་གདམས་པའི་བདུད་རྩི་ཡིས། །ཟླ་བྲལ་གྲུབ་པའི་གོ་འཕང་མཆོག་བརྙེས་ནས། །བགྲང་ཡས་གདུལ་བྱ་སྨིན་ཅིང་གྲོལ་མཛད་པ། །བློ་བཟང་བཀྲ་ཤིས་ཞབས་ལ་གསོལ་བ་འདེབས། །དམིགས་མེད་སྙིང་རྗེའི་རྩ་བ་ལས་ཐོན་པའ། །བཤད་སྒྲུབ་རྩིབས་སྟོང་རྫོགས་པའི་འཁོར་ལོ་ཡིས། །ཐུབ་བསྟན་ནོར་འཛིན་ཁྱོན་ལ་མངའ་བསྒྱུར་བ། །འཇིགས་མེད་དབང་པོའི་ཞབས་ལ་གསོལ་བ་འདེབས། །ཟླ་བྲལ་བཤེས་གཉེན་དམ་པའི་མགོན་གྱིས་བཟུང། །རྒྱ་ཆེན་གཞུང་མང་ཐོས་པའི་ཕ་རོལ་སོན། །ལེགས་བཤད་བདུད་རྩིའི་དགའ་སྟོན་འགྱེད་ལ་མཁས། །དཀོན་མཆོག་བསྟན་པའི་སྒྲོན་མེར་གསོལ་བ་འདེབས། །དེང་ནས་བརྩམས་ཏེ་སྐྱེ་ཞིང་སྐྱེ་བ་རུ། །དམ་པ་རྣམས་ཀྱིས་འབྲལ་མེད་རྗེས་འཛིན་ཞིང། །བཀའ་བཞིན་སྒྲུབ་པ་སྙིང་པོར་བྱེད་པ་

― GTD007_Page_0621 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས། །མཐའ་ཡས་ལེགས་ཚོགས་རྩ་བ་ཚུགས་པར་ཤོག །ཐུན་མོང་ལམ་གྱིས་རྒྱུད་སྦྱངས་སྔོན་འགྲོ་བས། །གསང་བ་མཆོག་གི་ལམ་དུ་སྨིན་བྱས་ནས། །སྐུ་གསུམ་གོ་འཕང་བདེ་བླག་མངོན་གྱུར་ཏེ། །མཁའ་མཉམ་འགྲོ་བ་སྲིད་ལས་སྒྲོལ་བར་ཤོག །མདོར་ན་མཆོག་གསུམ་བདག་ཉིད་བླ་མ་དང། །ཡི་དམ་ཆོས་སྲུང་རྒྱ་མཚོའི་ཐུགས་རྗེའི་མཐུས། །ཇི་ལྟར་སྨོན་པའི་རྣམ་དཀར་འབྲས་བུ་ཀུན། །གེགས་མེད་ལྷུན་གྱིས་འགྲུབ་པའི་བཀྲ་ཤིས་ཤོག །ཅེས་པ་འདི་ནི་ཁྱ་དགེ་ལེགས་བཤད་གླིང་ནས་རྣམ་དཔྱོད་ཡངས་པའི་དགེ་བསྐོས་ཕུན་ཚོགས་རྒྱ་མཚོ་དང་དབུ་མཛད་ངག་དབང་བསམ་གཏན་གཉིས་ཀྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའོ།། ༈ དཀོན་མཆོག་རིན་ཆེན་ཐུགས་རྗེའི་མཁའ་དབྱིངས་ངོས། །ལུང་རིགས་འོད་བརྒྱ་འབར་བའི་གཟི་བྱིན་གྱིས། །ཐུབ་བསྟན་པད་ཚལ་བཞད་པའི་དཔལ་ཡོན་ཅན། །འགྲོ་བའི་སྒྲོན་མེ་མཆོག་ལ་གསོལ་བ་འདེབས། །འདི་ཡང་རྗེ་ཉིད་ཀྱི་གསུང་ངོ་།། ༈ བློ་བཟང་ཐུབ་བསྟན་པདྨ་དཀར་པོའི་ཚལ། །འཇིགས་མེད་རྣམ་དཔྱོད་ཉི་མའི་འོད་སྣང་གིས། །རྒྱ་མཚོའི་གོས་ཅན་ཀུན་ཏུ་རྒྱས་མཛད་པ། །རྗེ་བཙུན་བླ་མ་བསྐལ་བརྒྱར་ཞབས་བརྟན་ཤོག །ཕུལ་བྱུང་མཁྱེན་རབ་གསེར་གྱི་ཤིང་རྟ་ཡིས། །མདོ་སྔགས་ཐུབ་བསྟན་ཡོངས་རྫོགས་ནོར་བུའི་དཔྱ། །དྲངས་ཏེ་ཐར་འདོད་ཡོངས་ཀྱི་རེ་སྐོང་བའི། །རྣམ་དཀར་བཞེད་དོན་ལྷུན་གྱིས་འགྲུབ་པར་ཤོག །གང་གི་མཛད་བཟང་སྤྲིན་གྱི་སྒྲ་དབྱངས་དང། །ལྷན་ཅིག་འདུས་པའི་སྡེ་ཆེན་མདོངས་མཐའི་ཚོགས། །བཤད་སྒྲུབ་གཏོས་བཟང་འཛིན་པའི་འཇོ་སྒེག་གིས། །དགེ་ལྡན་བསྟན་པའི་

― GTD007_Page_0622 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་ཚལ་མཛེས་གྱུར་ཅིག །ཅེས་པ་འདི་ནི་༸སྐྱབས་མགོན་མཆོག་ནས་དབུས་སུ་གསན་སྦྱོང་གི་བཞེད་དོན་འགྲུབ་པའི་སྨོན་ཚིག་ཅིག་དགོས་ཞེས་ལྷག་བསམ་རྣམ་དཔྱོད་ཡངས་པ་ཇ་རོད་ཐོ་ཡོན་འཇིགས་མེད་འཇམ་དབྱངས་ཀྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ན་མོ་གུ་རུ་ཤྲཱི་མཧཱ་ཀ་ལཱ་ཡ། ཤེས་བྱ་ཀུན་ལ་ཁྱབ་པའི་མཁྱེན་པ། །ལུས་ཅན་ཡོངས་ལ་བརྩེབའི་སྙིང་རྗེ། །ཟུང་དུ་འཇུག་པ་བསླུ་མེད་སྐྱབས་མཆོག །བླ་མགོན་དབྱེར་མེད་ཐུགས་རྗེས་གཟིགས་ཤིག །བདག་དང་ཕ་མ་རིགས་དྲུག་འགྲོ་ཀུན། །འདི་ཕྱི་བར་དོའི་འཇིགས་ལས་སྒྲོལ་བའི། །མགོན་སྐྱབས་རེ་ས་གཞན་ན་མ་མཆིས། །བླ་མགོན་དབྱེར་མེད་ཐུགས་རྗེས་གཟིགས་ཤིག །རྙེད་དཀའ་ལན་ཅིག་ཐོབ་པའི་དལ་འབྱོར། །དེ་རིང་ཕན་ཆད་སྟོང་པར་ཟད་དོ། །ཚེ་ལྷག་ཆོས་ཀྱིས་དོན་ལྡན་ནུས་པར། །བླ་མགོན་དབྱེར་མེད་ཐུགས་རྗེས་གཟིགས་ཤིག །ལོངས་སྤྱོད་གཉེན་འབངས་ཐམས་ཅད་བསྐྱུར་ཀྱང། །དེ་དང་འབྲེལ་བའི་སྡིག་ལྟུང་ཁུར་ནས། །རང་ཉིད་གཅིག་པུ་ཕྱི་མར་འགྲོ་ཚེ། །བླ་མགོན་དབྱེར་མེད་ཐུགས་རྗེས་གཟིགས་ཤིག །ཡུན་རིང་འགྲོགས་པའི་ལུས་སེམས་གཉིས་ཀྱང། །འཆི་བདག་བདུད་ཀྱིས་སོ་སོར་ཕྲལ་ཏེ། །རྟེན་མེད་རྣམ་ཤེས་རླུང་གིས་ཁྱེར་ཚེ། །བླ་མགོན་དབྱེར་མེད་ཐུགས་རྗེས་གཟིགས་ཤིག །རྒྱུས་མེད་བར་དོའི་སྲིད་པར་འཁྱམས་ཤིང། །འཁྲུལ་སྣང་གཤིན་རྗེའི་འཇིགས་པས་བདས་ཏེ། །རང་ཉིད་ཅི་བྱ་གཏོལ་མེད་གྱུར་ཚེ། །བླ་མགོན་དབྱེར་མེད་ཐུགས་རྗེས་གཟིགས་ཤིག །སྐྱེ་ཤིའི་འཁྲུལ་འཁོར་སྲིད་པའི་འཕྲང་རིང། །ཐར་མེད་ངན་སོང་གསུམ་གྱི་གཡང་སར། །

― GTD007_Page_0623 ―

^{[མ་དཔེ་གཟིགས་ན་འདིར་གནོན།]}

[Full Size]

མི་དགེའི་ལས་ཀྱི་གོམ་སྟབས་འཁྱོར་ཚེ། །བླ་མགོན་དབྱེར་མེད་ཐུགས་རྗེས་གཟིགས་ཤིག །སྒོ་གསུམ་བག་མེད་སྤྱོད་ཚུལ་འདི་ཡིས། །སྐྱེ་གནས་ངན་སོང་གསུམ་ལས་མ་འདས། །དེ་ཡི་སྡུག་བསྔལ་བཟོད་གླགས་མེད་པས། །བླ་མགོན་དབྱེར་མེད་ཐུགས་རྗེས་གཟིགས་ཤིག །མཐའ་ཀླས་རྒྱལ་པོའི་གན་མཛོད་བཞིན་དུ། །ཤེས་རྒྱུད་གང་བ་སྡིག་པའི་ཕུང་པོ། །བྱིན་རླབས་བདུད་རྩིའི་ཆབ་ཀྱིས་བྱང་བར། །བླ་མགོན་དབྱེར་མེད་ཐུགས་རྗེས་གཟིགས་ཤིག །བློ་སྙིང་དཀོན་མཆོག་གསུམ་ལ་གཏད་དེ། །ལས་འབྲས་བླང་དོར་ཚུལ་བཞིན་སྒྲུབ་པས། །ངན་སོང་ངན་འགྲོའི་སྐྱེ་སྒོ་ཁེགས་པར། །བླ་མགོན་དབྱེར་མེད་ཐུགས་རྗེས་གཟིགས་ཤིག །འཁོར་བའི་བདེ་འབྲས་ཅི་ཙམ་ཐོབ་ཀྱང། །མ་ངོམས་བཞིན་དུ་དབང་མེད་འདོར་དགོས། །བསླུ་བྲིད་བཙོན་ར་འདི་ལས་ཐར་བར། །བླ་མགོན་དབྱེར་མེད་ཐུགས་རྗེས་གཟིགས་ཤིག །ཡང་ཡང་དྲིན་གྱིས་བསྐྱངས་པའི་མ་རྣམས། །སྡུག་བསྔལ་གསུམ་གྱིས་མནར་བའི་ཚུལ་ལ། །བཅོས་མིན་སྙིང་རྗེས་ཕན་པ་བསྒྲུབ་པར། །བླ་མགོན་དབྱེར་མེད་ཐུགས་རྗེས་གཟིགས་ཤིག །རྒྱལ་སྲས་སྤྱོད་ལ་དཔའ་བའི་སྙིང་སྟོབས། །སྲིད་པའི་རྩ་བ་འབྱིན་པའི་ཤེས་རབ། །ཟུང་འབྲེལ་ལམ་བཟང་མངོན་དུ་འགྱུར་བར། །བླ་མགོན་དབྱེར་མེད་ཐུགས་རྗེས་གཟིགས་ཤིག །སྙིང་གའི་འདབ་བརྒྱད་དྷུ་ཏིའི་དབུས་སུ། །གང་གི་ཐུགས་རྗེའི་ཉི་འོད་ལྷུང་བས། །ཐ་མལ་ཀུན་རྟོག་མུན་པ་སངས་པར། །བླ་མགོན་དབྱེར་མེད་ཐུགས་རྗེས་གཟིགས་ཤིག །སྤྱན་རས་གཟིགས་དབང་ཞི་ཁྲོའི་གོ་འཕང། །མངོན་དུ་བྱས་ནས་མཁའ་མཉམ་འགྲོ་ཀུན། །གཏན་བདེར་འགོད་པའི་ནུས་པ་རྙེད་པར། །བླ་མགོན་དབྱེར་མེད་ཐུགས་

― GTD007_Page_0624 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་གཟིགས་ཤིག །བླ་མ་ཡི་དམ་མཁའ་འགྲོ་ཆོས་སྲུང། །སྐྱབས་གསུམ་ཀུན་འདུས་ངོ་བོར་བལྟས་ཏེ། །གདུང་ཤུགས་དྲག་པོས་གསོལ་བ་འདེབས་སོ། །བླ་མགོན་དབྱེར་མེད་ཐུགས་རྗེས་གཟིགས་ཤིག །མདོར་ན་སྐྱིད་སྡུག་ལེགས་ཉེས་ཀུན་ལ། །ཁྱོད་མིན་རེ་ས་གཞན་ན་མེད་དོ། །བླ་མགོན་དབྱེར་མེད་ཐུགས་རྗེས་གཟིགས་ཤིག །བླ་མགོན་དབྱེར་མེད་ཐུགས་རྗེས་གཟིགས་ཤིག །ཅེས་བླ་མ་མགོན་པོ་དབྱེར་མེད་ལ་འདི་ཕྱི་བར་དོའི་འཇིགས་ལས་སྒྲོལ་བའི་ཕྱིར་དུ་གདུང་དབྱངས་ཀྱིས་གསོལ་བ་འདེབབས་པ་ལམ་གྱི་ལུས་དང་འབྲེལ་བ་འདི་ནི་དད་བརྩོན་རྣམ་དཔྱོད་ཡངས་པ་འཇམ་དབྱངས་ཕུན་ཚོགས་ཀྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་སེར་ལུང་ལ་རྩར་བྲིས་པའོ།། ༈ ཕུལ་བྱུང་ལེགས་བཤད་ཟབ་མོའི་སྒྲ་དབྱངས་ཀྱིས། །ས་གསུམ་དཀྱིལ་འཁོར་ཀུན་ཁྱབ་བག་ཡོད་པའ། །སྤྱོད་ཚུལ་མ་སྨད་གཡས་སུ་འཁྱིལ་བའི་དུང། །དགེ་ལེགས་ཆུ་གཏེར་སྙིང་པོ་རྒྱལ་གྱུར་ཅིག །བྱིན་རླབས་ཉི་མའི་གདེངས་ཀ་མཐོ། །མན་ངག་རྒྱ་མཚོའི་འཇིང་ལ་གནས། །ལྷག་བསམ་གསེར་གྱི་རང་བཞིན་ཅན། །བཤེས་གཉེན་ལྷུན་པོའི་དྲུང་ན་མཛེས། །ཆེར་རློམ་རི་བོའི་ཕྲེང་བ་ཡིས། །མ་བཟུང་མང་དུ་ཐོས་པའི་ཆབ། །འདུན་ལྡན་ཐུགས་ཀྱི་གཤོང་བུ་རུ། །ལུང་རིགས་ལྦུ་བ་འཛུམ་ཞིང་འཁྱིལ། །ཚུལ་བཞིན་དཔྱོད་པའི་རལ་གྲི་ཡིས། །ཐེ་ཚོམ་དྲ་བ་མ་ལུས་པ། །ཅིག་ཅར་བཅད་པའི་རྣོ་རྒྱུན་གྱིས། །སྲིད་པའི་བཙོན་ར་ཤིག་ཤིག་འདར། །ལས་འབྲས་མ་འཆོལ་གོམ་སྟབས་ཅན། །ངེས་འབྱུང་ཤུགས་ཀྱིས་བགྲོད་བྱེད་ཅིང། །རྒྱལ་སྲས་སྤྱོད་པའི་ཁུར་འཛིན་པའ། །གླང་པོ་ལམ་གྱི་རིམ་པར་འགྲོ། །དོན་དང་མ་འབྲེལ་

― GTD007_Page_0625 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱམ་བཤད་དང། །གཞུང་དང་མ་འབྲེལ་སྙན་ཚིག་ཀུན། །བརྒལ་བརྟག་མེ་ལྷའི་ཞལ་ཟས་སུ། །སྟོབ་པའི་བློ་གྲོས་རྣམ་པར་དག །དཔལ་འབྱོར་ཁུར་གྱིས་དུབ་རྣམས་ཀྱིས། །རིང་དུ་དོར་བྱའི་དབང་ཁྲིད་ལུང། །ནོར་བུའི་དོ་ཤལ་མ་ལུས་པ། །ཁྱོད་ཀྱི་མགྲིན་པར་ལྷན་ཅིག་འདྲིལ། །དབྱངས་ཅན་ངག་གི་ལོངས་སྤྱོད་ལ། །དབང་མཛད་དེ་ཡི་ཞལ་གྱི་སྒོར། །བློ་གསལ་ཚོགས་ཀྱི་རེ་བའི་མིག །བུ་ལོན་ཆགས་པ་བཞིན་དུ་གཏོང། །གསང་ཆེན་ཆོས་ཀྱི་ཆུ་ཀླུང་བརྒྱ། །འདུས་པ་འདུས་པའི་རྒྱ་མཚོ་ཆེར། །དམ་ཚིག་རྒྱ་བ་འཛིན་མཁས་དེར། །རིམ་གཉིས་ནོར་བུ་ལག་རྩེར་གནས། །ཇི་ལྟར་བསྟན་པ་འཛིན་བྱེད་པའ། །ཡན་ལག་ཀུན་རྫོགས་ཁྱོད་ལྟ་བུ། །གང་ལས་འབྱུང་དེ་དབུས་འགྱུར་དུ། །མཚོན་བྱེད་གྲགས་པའི་མཚན་མ་ཡིན། །དེ་སླད་སྨྲ་བའི་སེངྒེ་ཁྱོད། །ཐར་འདོད་མགོན་དུ་རྟག་བརྟན་ཅིང། །རྒྱལ་བའི་བསྟན་དང་ཆབས་ཅིག་པར། །བཟང་པོའི་འཕྲིན་ལས་རྒྱས་གྱུར་ཅིག །ཅེས་མདོ་སྨད་བསྟན་པའི་འབྱུང་གནས་དཔལ་ལྡན་བཀྲ་ཤིས་འཁྱིལ་གྱི་རྒྱུད་པ་སློབ་ཟུར་དཀོན་མཆོག་རྒྱལ་མཚན་པ་ལ་བསྟོད་པའི་རབ་ཏུ་བྱེད་པ་འདི་ནི། དད་བརྩོན་བློ་དང་ལྡན་པ་དཀོན་མཆོག་མཁྱེན་རབ་ཀྱིས་བསྐུལ་བར་བརྟེན། དེང་དུས་ཆེ་མཐོའི་རིགས་ལ་འུད་ཀྱིས་བསྟོད་པ་ལྟ་བུ་མ་ཡིན་པར། མཁས་པའི་ཡོན་ཏན་མཐོང་སྟེ་རང་བཞིན་བརྗོད་པའི་ཚིག་གིས་གཟེངས་བསྟོད་པ་སྔོན་བྱོན་དམ་པའི་ལུགས་སྲོལ་བཞིན་དུ་མི་འཇིགས་པའི་སྤོབས་པ་དགེ་བ་ཅན་བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པ་འདིའང་བློ་དང་ལྡན་པ་རྣམས་ཆོས་ཀྱི་རྗེས་སུ་འབྲང་བའི་རྒྱུར་གྱུར་ཅིག །༈ སྟོབས་བཅུའི་དཀྱིལ་འཁོར་རྫོགས་པའི་ཉིན་མོར་བྱེད། །ལུང་རྟོགས་འོད་ཀྱི་དྲ་བ་འབུམ་འགྱེད་པས། །རིག་གྲོལ་འདབ་འཕྲེང་བཞད་པའི་པད་ཚལ་བཅས། །

― GTD007_Page_0626 ―

^{[མ་དཔེ་གཟིགས་ན་འདིར་གནོན།]}

[Full Size]

ས་གསུམ་དགེ་ལེགས་སྣང་བས་ཁྱབ་གྱུར་ཅིག །རིང་ནས་ཐུགས་བསྐྱེད་བཙན་པོའི་གོ་བགོས་ཏེ། །འཕགས་བོད་ཀུན་ཏུ་སྐྱེ་བའི་རྣམ་རོལ་གྱིས། །རླབས་ཆེན་རྒྱལ་སྲས་སྤྱོད་པ་རྒྱ་མཚོ་ལ། །བསླབ་པའི་ངོ་མཚར་བཀོད་པ་བསམ་མི་ཁྱབ། །ཁྱད་པར་བློ་བཟང་རྒྱལ་བའི་ཆོས་ཚུལ་ཀུན། །ཐོས་བསམ་སྒོམ་པས་ཇི་བཞིན་ལེགས་རྟོགས་ནས། །རྩེ་གཅིག་སྒྲུབ་པས་གཏན་བདེའི་མཆོག་བརྙེས་པ། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཟབ་རྒྱས་མན་ངག་སྤྱན་སྟོང་ལྷ་ཡི་དབང། །ཐུབ་བསྟན་རིན་ཆེན་ས་འཛིན་རྩེར་འགྱིང་ཞིང། །སྐལ་བཟང་ལྷ་བརྒྱའི་ཚོགས་ཀྱི་གཉེན་གྱུར་པ། །དཀྱིལ་འཁོར་རྒྱ་མཚོའི་མགོན་ལ་གསོལ་བ་འདེབས། །དཀོན་མཆོག་རྒྱལ་བའི་ཆོས་མཛོད་མདོ་སྔགས་བསྟན། །འཛིན་ཕྱིར་སླར་ཡང་ཐུགས་རྗེའི་སྒྱུ་འཕྲུལ་གྱིས། །འགྲོ་ལ་དགེ་ལེགས་རྒྱ་མཚོའི་ཆར་འབེབས་པ། །མཚུངས་མེད་མཆོག་སྤྲུལ་དམ་པར་གསོལ་བ་འདེབས། །ཡི་དམ་མཆོག་གསུམ་རྒྱ་མཚོའི་ཐུགས་རྗེའི་དཔུང། །རླབས་ཆེན་ཐུགས་བསྐྱེད་མཐུ་དང་བསྒྲིལ་བ་ཡིས། །འདྲེན་མཆོག་དམ་པའི་སྐུ་ཚེ་བརྟན་པ་དང། །དོན་གཉིས་མཛད་བཟང་ལྷུན་གྱིས་གྲུབ་གྱུར་ཅིག །ཚུལ་ཁྲིམས་རྣམ་པར་དག་པའི་ཚངས་སྐུད་ཐོགས། །ཟབ་གསང་ཏིང་འཛིན་བདུད་རྩིའི་རིལ་བ་སྦྲེངས། །ཤེས་རབ་འོད་འབར་སྦྱིན་སྲེག་ལ་བརྩོན་པའ། །དྲང་སྲོང་ཚོགས་ཀྱིས་སྡེ་འདི་ཡོངས་གང་ཤོག །རིང་ནས་རྩ་བརྒྱུད་བླ་མས་བཀའ་བསྒོས་པའ། །རྡོ་རྗེ་གཡར་དམ་ལྷུར་མཛད་སྲུང་ཚོགས་ཀྱིས། །བདག་ཅག་དཔོན་སློབ་ཡོན་མཆོད་སྡེ་དང་

― GTD007_Page_0627 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས། །རྟག་ཏུ་སྲུང་སྐྱོབ་འཕྲིན་ལས་གཡེལ་མེད་མཛོད། །མདོར་ན་དེང་ནས་བྱང་ཆུབ་གནས་ཐོབ་པར། །འདྲེན་པ་མཆོག་གིས་དགྱེས་བཞིན་རྗེས་འཛིན་ཞིང། །ཡང་དག་ལམ་གྱི་བགྲོད་པ་མཐར་ཕྱིན་ནས། །མཐའ་ཡས་འགྲོ་ཀུན་འདྲེན་པའི་དཔལ་གྱུར་ཅིག །ཅེས་བསྟན་པའི་གསལ་བྱེད་ལུང་བཟང་ནང་སྤྲུལ་སྐུ་རིན་པོ་ཆེའི་འཁྲུངས་རབས་གསོལ་འདེབས་འདི་ནི་མང་ཐོས་སྒྲུབ་པའི་རྒྱལ་མཚན་འཛིན་པ་བློ་བཟང་དཀོན་མཆོག་གིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ བློ༷་ཆེན་ཀུན་བཟ༷ང་ཐུགས་བསྐྱེད་དཔ༷ལ་དང་ལྡ༷ན། །བསོད་ནམས་ཡེ༷་ཤེ༷ས་ཚོགས་གཉིས་དཀྱིལ་འཁོར་རྒྱས། །ཐུབ་དབང་བསྟ༷ན་པ༷འི་པད་ཚལ་བཞད་པའི་གཉེན། །མཚུངས་མེད་འགྲོ་བའི་མགོ༷ན་པོ༷ར་གསོལ་བ་འདེབས། །མངོན་མཐོ་ཆོ་རིགས་གཙང་མའི་མ་ལ་ཡར། །ལེགས་འཁྲུངས་དཔལ་འབྱོར་ཡལ་གའི་ཕྱོགས་རྫོགས་ཀྱང། །ངེས་འབྱུང་དྲི་བཞོན་གཡོ་བའི་ཚུལ་ཁྲིམས་ཀྱི། །ངད་ལྡང་འདུལ་འཛིན་ཆེན་པོར་གསོལ་བ་འདེབས། །མར་གྱུར་འགྲོ་བའི་ངང་ཚུལ་ཟླ་སྣང་འབུམ། །གསལ་འཆར་སྙིང་རྗེ་མ་དྲོས་མཚོར་སྨིན་པའ། །རིན་ཆེན་སེམས་མཆོག་གསེར་བཟང་འོད་འབར་བ། །རྒྱལ་སྲས་དཔའ་བོ་མཆོག་ལ་གསོལ་བ་འདེབས། །རབ་འབྱམས་དཀྱིལ་འཁོར་རྒྱ་མཚོའི་སྒོར་ཞུགས་ཏེ། །དངོས་གྲུབ་རྩ་བ་དམ་ཚིག་ཚུལ་བཞིན་བསྲུང་། །རིམ་གཉིས་བདེ་སྟོང་ཏིང་འཛིན་མཆོག་ལ་གཞོལ། །རྣལ་འབྱོར་དབང་ཕྱུག་ཞབས་ལ་གསོལ་བ་འདེབས། །ཟབ་ཡངས་མཁྱེན་རབ་གཏིང་མཐའ་བྲལ་བའི་ངོགས། །ལུང་རིགས་རླབས་ཀྱི་ཕྲེང་བ་འབུམ་འགྱེད་ཀྱང། །མང་ཐོས་ཆུ་ཀླུང་བྱེ་བས་མི་ངོམས་པ། །སྨྲ་བའི་དབང་ཕྱུག་མཆོག་

― GTD007_Page_0628 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གསོལ་བ་འདེབས། །བཤད་སྒྲུབ་ཉི་ཟླའི་འོད་ཀྱིས་འཁྱུད་པ་ཡི། །རྣམ་དག་ཚུལ་ཁྲིམས་ཀུན་གསལ་མེ་ལོང་ངོས། །ཉེས་ལྟུང་རྙོག་པའི་སྤྲིན་གྱིས་མ་གོས་པ། །བསྟན་པའི་རྩ་ལག་དམ་པར་གསོལ་བ་འདེབས། །ཡུལ་དུས་ཐ་མར་བསྟན་པའི་ཁུར་བཟུང་ནས། །དགེ་འདུན་སྤེལ་ཞིང་ཆོས་སྤྱོད་རྣམ་པ་བཅུའ། །འཁོར་ལོ་གསུམ་གྱི་མཛད་བཟང་ལྷུན་གྱིས་གྲུབ། །འགྲོ་བའི་འདྲེན་མཆོག་དམ་པར་གསོལ་བ་འདེབས། །བླ་མ་ཡི་དམ་དམ་ཅན་རྒྱ་མཚོའི་ཚོགས། །སྤྱི་དང་ཚེ་ཡི་མཆོག་སྦྱིན་ལྷ་རྣམས་མཐུས། །བཀའ་དྲིན་མཉམ་མེད་རྩ་བའི་བླ་མ་ཡི། །ཞབས་ཟུང་གཡོ་མེད་རྡོ་རྗེ་ལྟར་བརྟན་ཤོག །གང་གི་འཕྲིན་ལས་རྩིབས་སྟོང་འཁོར་ལོ་ཡིས། །ཐུབ་བསྟན་འཛིན་མའི་གཞི་ལ་མངའ་བསྒྱུར་བའི། །དགེ་མཚན་འགོག་པ་མེད་པའི་གཟི་བྱིན་གྱིས། །ཆོས་སྲིད་རྫོགས་ལྡན་དགའ་སྟོན་རྒྱས་གྱུར་ཅིག །བདག་སོགས་ཀུན་ཀྱང་མཐོ་རིས་ཡོན་ཏན་གྱིས། །དཔལ་ཡོན་རྫོགས་པའི་རྟེན་བཟང་རིམ་བརྒྱུད་དེ། །འབྲལ་མེད་བཤེས་གཉེན་དམ་པས་རྗེས་འཛིན་ཅིང། །ཡང་དག་ལམ་བཟང་གེགས་མེད་བགྲོད་གྱུར་ཅིག །བླ་མ་མཆོག་གི་ཞབས་པད་རྟག་བརྟན་ཅིང། །སྡེ་འདིར་བཤད་སྒྲུབ་བསྟན་པ་རྒྱས་པ་དང། །མི་དབང་སྡེར་བཅས་མངའ་ཐང་དར་བ་ཡི། །ཕུན་ཚོགས་དགེ་མཚན་རྒྱས་པའི་བཀྲ་ཤིས་ཤོག །ཅེས་བསྟན་འགྲོའི་ཕན་བདེའི་རྩ་ལག་དམ་པར་གྱུར་པ་བློ་བཟང་དཔལ་ལྡན་ཡེ་ཤེས་བསྟན་པའི་མགོན་པོའི་ཞབས་བརྟན་སྨོན་ཚིག་དང་བཅས་པ་འདི་ནི། མི་ཕམ་ཆོས་གླིང་གི་དགེ་བསྐོས་གུ་ཤྲི་གྲགས་པ་བཟང་པོ། བླ་བྲང་ཕྱག་མཛོད་ཆོས་རྗེ་ངག་དབང་ཤེས་རབ། སྤྱི་སོའི་སྡེ་པ་ནང་སོ་ངག་དབང་བསྟན་འཛིན་སོགས་འདུས་སྤྱི་ནས་དངུལ་གྱི་མཎྜལ། གོས་

― GTD007_Page_0629 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུག་ལྷ་དར་བཅས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ བདེ་མཆོག་བླ་བརྒྱུད་ཀྱི་ཁ་སྐོང་ནི། བློ་བཟང་རྒྱལ་བ་གཉིས་པ་དང། །དབྱེར་མེད་ཆོས་ཀྱི་རྒྱལ་མཚན་ཞབས། །ཀུན་མཁྱེན་སངས་རྒྱས་བཀྲ་ཤིས་ལ། །གསོལ་བ་འདེབས་སོ་བྱིན་གྱིས་རློབས། །ཟབ་རྒྱས་མན་ངག་མཛོད་འཛིན་པ། །བློ་བཟང་ངག་གི་དབང་པོ་དང། །སྨིན་གྲོལ་ཆོས་ཀྱི་རྒྱལ་པོ་ལ། །གསོལ་བ་འདེབས་སོ་བྱིན་གྱིས་རློབས། །བགྲང་ཡས་སྐལ་ལྡན་གདུལ་བྱའི་ཚོགས། །སྨིན་མཛད་ངག་དབང་བསྟན་འཛིན་དང། །གྲུབ་མཆོག་དངོས་གྲུབ་རྒྱ་མཚོ་ལ། །གསོལ་བ་འདེབས་སོ་བྱིན་གྱིས་རློབས། །ཉམས་རྟོགས་ཡོན་ཏན་མཐར་སོན་པ། །འཇམ་དབྱངས་བདེ་བའི་རྡོ་རྗེ་དང། །གནུབ་སྟོན་བཞད་པའི་རྡོ་རྗེ་ལ། །གསོལ་བ་འདེབས་སོ་བྱིན་གྱིས་རློབས། །དགེ་ལྡན་བསྟན་པའི་གཉེན་གཅིག་པུ། །ཀུན་མཁྱེན་འཇིགས་མེད་དབང་པོ་དང། །རྗེ་བཙུན་བསྟན་པའི་སྒྲོན་མེ་ལ། །གསོལ་བ་འདེབས་སོ་བྱིན་གྱིས་རློབས། །ངེད་ལས་དངོས་སུ་ཐོབ་པ་རྣམས་ནི་རྩ་བའི་བླ་མའི་གསོལ་འདེབས། ཧེ་རུ་ཀ་དཔལ་ཞེས་སོགས་ཀྱིས་འཐུས་ཤིང། ས་ལུགས་མ་གཏོགས་པའི་བཀའ་བབ་གཞན་ལྔ་ཡོད་པ་དང། སྐྱབས་མགོན་དེ་ཉིད་ནས་གཞན་འགའ་ལས་ཀྱང་གསན་འདུག་ཅིང། ངེད་ཀྱིས་ཡོངས་འཛིན་རིན་པོ་ཆེའི་མདུན་ནས་ཀྱང་ཐོབ་པ་སོགས་འདིར་མ་ཐེབས་པའི་བརྒྱུད་པའང་མང་སྟབས། ཀུན་མཁྱེན་འཇིགས་མེད་དབང་པོ་སོགས། བརྒྱུད་པའི་བླ་མ་མཆོག་རྣམས་ལ། ཞེས་བསྒྱུར་ན་བདེའོ།། ༈ ནཱ་རོ་མཁའ་སྤྱོད་མའི་བརྒྱུད་འདེབས་ཁ་སྐོང་ནི། ཐུབ་བསྟན་སྲོག་ཤིང་འཇིགས་མེད་དབང་པོའི་སྡེ། །ལམ་འདིའི་བཀའ་བབ་ཆོས་ཀྱི་རྡོ་རྗེའི་ཞབས། །ཐར་ལམ་གསལ་མཛད་བསྟན་པའི་སྒྲོན་མེ་ལ། །གསོལ་བ་འདེབས་སོ་ལྷན་སྐྱེས་ཡེ་ཤེས་སྩོལ། །ཞེས་པའོ།། ༈ འཇིགས་

― GTD007_Page_0630 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་བླ་བརྒྱུད་གསོལ་འདེབས་ཀྱི་ཁ་སྐོང་ནི། སྐུ་གསུམ་མངོན་གྱུར་རྒྱལ་བ་དབེན་ས་པ། །ལུང་རྟོགས་མངའ་བདག་སངས་རྒྱས་ཡེ་ཤེས་ཞབས། །རྗེ་བཙུན་བློ་བཟང་ཆོས་ཀྱི་རྒྱལ་མཚན་ལ། །གསོལ་བ་འདེབས་སོ་དངོས་གྲུབ་རྣམ་གཉིས་སྩོལ། །རྡོ་རྗེ་འཛིན་པ་དཀོན་མཆོག་རྒྱལ་མཚན་དང། །བསྟན་པའི་རྩ་ལག་བསྟན་འཛིན་འཕྲིན་ལས་ཞབས། །རིག་འཛིན་ཆེན་པོ་འཇམ་དབྱངས་གྲགས་པ་ལ། །གསོལ་བ་འདེབས་སོ་དངོས་གྲུབ་རྣམ་གཉིས་སྩོལ། །ཀུན་མཁྱེན་ཆེན་པོ་འཇམ་དབྱངས་བཞད་པའི་སྡེ། །འཇིགས་མཛད་མངོན་གྱུར་བློ་བཟང་ཤེས་རབ་དང། །གྲུབ་པའི་དབང་ཕྱུག་བདེ་བའི་རྡོ་རྗེ་ལ། །གསོལ་བ་འདེབས་སོ་དངོས་གྲུབ་རྣམ་གཉིས་སྩོལ། །ལུང་རྟོགས་མངའ་བདག་དགེ་འདུན་རྒྱ་མཚོ་དང། །རིགས་ཀུན་ཁྱབ་བདག་འཇིགས་མེད་དབང་པོའི་སྡེ། །བཀའ་དྲིན་མཚུངས་བྲལ་བསྟན་པའི་སྒྲོན་མེ་ལ། །གསོལ་བ་འདེབས་སོ་དངོས་གྲུབ་རྣམ་གཉིས་སྩོལ། །ཞེས་སོ།། ༈ ལྷུན་གྲུབ་འཕྲིན་ལས་འོད་ཟུང་གསུམ་གྱི་གུར། །ཚེ་དང་ཡེ་ཤེས་ཨུཏྤལ་གྱིས་གཏམས་པར། །སྐལ་བཟང་སྐྱེ་བོ་བུ་བཞིན་སྐྱོང་མཛད་པ། །བཅོམ་ལྡན་ཡིད་བཞིན་འཁོར་ལོར་གསོལ་བ་འདེབས། །ངག་གི་དབང་ཕྱུག་ནས་བརྒྱུད་ཇོ་བོ་ལུགས། །ས་ལུགས་རྡོ་རྗེ་གདན་པའི་བརྒྱུད་པ་དང། །བཀའ་བབ་གསུམ་པ་ཁ་ཆེ་པཎ་ཆེན་བརྒྱུད། །བཞི་པ་ཨ་བྷྱཱ་ཀཱ་རའི་བརྒྱུད་པ་དང། །པཎ་ཆེན་མ་ཏི་བརྒྱུད་པ་གཉན་ལོའི་ལུགས། །ནི་སྐ་ལཾ་ག་ནས་བརྒྱུད་དཔྱལ་ལུགས་དང། །བདུན་པ་རྔོག་ལུགས་མར་པ་ལོ་ཙཱའི་བརྒྱུད། །རོལ་པའི་རྡོ་རྗེ་ཉེ་བརྒྱུད་སྒར་ལུགས་དང། །དགུ་པ་པཎ་ཆེན་ནགས་

― GTD007_Page_0631 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་བརྒྱུད་པ་སྟེ། །བཀའ་བབ་དགུ་ཡི་བརྒྱུད་པ་རིམ་བྱོན་ནས། །ངག་གི་དབང་ཕྱུག་བློ་བཟང་རྒྱ་མཚོའི་བར། །གདམས་པའི་སྲོལ་འཛིན་རྣམས་ལ་གསོལ་བ་འདེབས། །ཆོས་ཀྱི་རྒྱལ་པོ་ངག་དབང་ལྷུན་གྲུབ་ཞབས། །ཀུན་མཁྱེན་ཆེན་པོ་འཇམ་དབྱངས་བཞད་པའི་སྡེ། །མང་ཐོས་མཐར་སོན་དགེ་འདུན་རྒྱ་མཚོ་སྟེ། །མཁས་གྲུབ་ཆེན་པོ་གསུམ་ལ་གསོལ་བ་འདེབས། །རིགས་ཀུན་ཁྱབ་བདག་འཇིགས་མེད་དབང་པོ་དང། །སྤངས་རྟོགས་མཐར་སོན་ཆོས་ཀྱི་ཉི་མའི་ཞབས། །ཐུབ་བསྟན་གསལ་མཛད་བསྟན་པའི་སྒྲོན་མེ་སྟེ། །བཀའ་དྲིན་མཚུངས་མེད་གསུམ་ལ་གསོལ་བ་འདེབས། །བླ་མ་ཡི་དམ་དབྱེར་མེད་ཐུགས་རྗེའི་སྤྲིན། །མཁྱེན་བརྩེའི་གདེངས་ཀ་འབུམ་དུ་དར་བ་ལས། །བྱིན་རླབས་ཆར་རྒྱུན་འཛད་མེད་འཇོ་བ་ཡིས། །རེ་བའི་ཞིང་ས་ཡོངས་སུ་སྨིན་པར་མཛོད། །དུས་མིན་འཆི་བའི་གཡུལ་ལས་རྣམ་རྒྱལ་ཏེ། །ཐོས་བསམ་སྒོམ་པའི་བྱ་བ་མཐར་ཕྱིན་ཅིང། །ལྟོས་བཅས་སྐལ་བཟང་སྐྱེ་བོ་མཐའ་དག་ཀྱང། །འཆི་མེད་དགའ་སྟོན་དཔལ་ལ་སྦྱོར་གྱུར་ཅིག །ཅེས་པ་འདི་ནི་བཟང་པོའི་བག་ཆགས་ཀྱི་མཐུ་བརྟས་པ་ཏ་ལེའི་ཆོས་རྗེ་ཞབས་དྲུང་དཀོན་མཆོག་རྣམ་རྒྱལ་གྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ གསང་ཆེན་བསྟན་པའི་མངའ་བདག་ཤེར་སེང་དང། །འདུལ་འཛིན་ཆེན་པོ་བློ་གྲོས་སྦས་པའི་ཞབས། །སྡེ་སྣོད་གསུམ་འཛིན་ཡེ་ཤེས་རྩེ་མོ་སྟེ། །ཐུབ་བསྟན་རྩ་ལག་གསུམ་ལ་གསོལ་བ་འདེབས། །ཟབ་ལམ་མངོན་གྱུར་སྐྱབས་མཆོག་དཔལ་བཟང་དང། །ཟུང་འཇུག་སར་གཤེགས་རྒྱལ་བ་དབེན་ས་པ། །མཁས་ཤིང་གྲུབ་བརྙེས་སངས་རྒྱས་ཡེ་ཤེས་ཏེ། །ཐར་པའི་ས་མཁན་གསུམ་ལ་གསོལ་བ་

― GTD007_Page_0632 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས། །བློ་བཟང་རྒྱལ་བ་གཉིས་པ་ཆོས་རྒྱན་ཞབས། །དེ་སྲས་ཐུ་བོ་བརྩོན་འགྲུས་རྒྱལ་མཚན་དང། །སེམས་དཔའ་ཆེན་པོ་ངག་དབང་བློ་གྲོས་ཏེ། །སྐྱེ་དགུའི་འདྲེན་མཆོག་གསུམ་ལ་གསོལ་བ་འདེབས། །སྨྲ་བའི་ཁྱུ་མཆོག་བློ་བཟང་ཤེས་རབ་དང། །རྣལ་འབྱོར་དབང་ཕྱུག་དགེ་འདུན་བཀྲ་ཤིས་ཞབས། །སྤངས་རྟོགས་མཐར་སོན་ངག་དབང་བློ་བཟང་སྟེ། །བཀའ་དྲིན་ཟླ་མེད་གསུམ་ལ་གསོལ་བ་འདེབས། །དུས་མཐར་མདོ་སྔགས་ཡོངས་སུ་རྫོགས་པ་ཡི། །ཐུབ་བསྟན་མི་ནུབ་རྒྱལ་མཚན་བསྒྲེངས་པ་ལ། །ཐུགས་བསྐྱེད་ཟླ་བྲལ་འཇིགས་མེད་དབང་པོའི་སྡེ། །དྲིན་ཅན་རྩ་བའི་བླ་མར་གསོལ་བ་འདེབས། །ཞེས་ལམ་རིམ་ཆུང་ངུའི་བཤད་ལུང་གི་བརྒྱུད་འདེབས་ཁ་སྐོང་འདི་ནི། བསྟན་པ་ཡོངས་རྫོགས་ཀྱི་དགེ་བའི་བཤེས་གཉེན་ཆེན་པོ་དུས་འཁོར་སློབ་ཟུར་དཀོན་མཆོག་དར་རྒྱས་པའི་གསུང་གིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ སྐྱབས་གསུམ་ཀུན་འདུས་འཇིགས་མེད་དབང་པོའི་ཞབས། །སླར་ཡང་ཐུགས་རྗེས་སྤྲུལ་བའི་གར་མཛད་པ། །རྗེ་བཙུན་བློ་བཟང་འཇིགས་མེད་རྒྱ་མཚོའི་སྡེ། །གདུང་འཚོབ་དམ་པ་ཁྲི་ཆེན་རྣམ་གཉིས་བཅས། །མཚུངས་མེད་ཡབ་སྲས་རྣམས་ལ་ཕྱག་འཚལ་ལོ། །ལུས་དང་ལོངས་སྤྱོད་དུས་གསུམ་དགེ་ཚོགས་བཅས། །ཀུན་བཟང་མཆོད་པའི་སྤྲིན་འདི་ལེགས་འབུལ་ཞིང། །སྡིག་ལྟུང་ཀུན་བཤགས་དགེ་ལ་རྗེས་ཡི་རང། །བདག་སོགས་མགོན་དུ་བསྐལ་བརྒྱར་རྟག་བཞུགས་ནས། །ཟབ་རྒྱས་ཆོས་ཀྱི་འཁོར་ལོ་ལེགས་བསྐོར་ཏེ། །ཕྱིན་ཅི་ལོག་གི་བློ་སྣ་ཀུན་གཞོམ་ཞིང། །ཡང་དག་ལམ་བཟང་བགྲོད་པར་བྱིན་གྱིས་

― GTD007_Page_0633 ―

^{[མ་དཔེ་གཟིགས་ན་འདིར་གནོན།]}

[Full Size]

རློབས། །བླ་མ་ཡི་དམ་མཆོག་གསུམ་འདུས་པའི་དངོས། །སྐྱབས་ཀྱི་དམ་པ་ཁྱོད་མིན་གཞན་མེད་པས། །བྱང་ཆུབ་བར་དུ་དགྱེས་བཞིན་རྗེས་འཛིན་ཅིང། །རྟག་ཏུ་ཁྱོད་མཉེས་འབའ་ཞིག་སྒྲུབ་པར་ཤོག །སྐྱེ་བ་ཀུན་ཏུ་ཞེས་སོགས་བྱ། ཞེས་པ་འདི་ནི་ཉམས་ལེན་ལ་མཆོག་ཏུ་བརྩོན་པའི་རི་ཁྲོད་པ་ངག་དབང་དཀོན་མཆོག་གིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། །།

དཔལ་ལྡན་སྨད་རྒྱུད་གྲྭ་ཚང་གི་དེབ་ཡིག་མགོ་རྒྱན་སོགས་དེབ་རྒྱན་སྣ་ཚོགས།

― GTD007_Page_0635 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ལྡན་སྨད་རྒྱུད་གྲྭ་ཚང་གི་དེབ་ཡིག་མགོ་རྒྱན་ཕུན་ཚོགས་འདོད་དགུའི་རོལ་མཚོ་སོགས་དེབ་རྒྱན་སྣ་ཚོགས་བཞུགས་སོ།།

― GTD007_Page_0636 ―

^{[མ་དཔེ་གཟིགས་ན་འདིར་གནོན།]}

[Full Size]

སྡེབ་སྦྱོར་རབ་དགའ་ཞེས་བྱ་བའི་པྲསྟཱ་རས་མངོན་པར་མཛེས་པའོ། །
ཨོད ཡྱཱ སུ ཤུ བྷ ཙ ཤཱ ནྟ བྷཱ བདྷཱ ཏོ། སརྦེ བྷི རྦྷ བ པ རི ཎ མྱ ཙ སྠ ཙ ཨཱ། མཱ རཱ དྫི དྡ ཤ བ ལ ཙ པ རཱ ཀ མཱ ནཱ། ཐཱ ཤྲཱི མ ནྶུ ཤུ བྷ ཀུ ལཱ པ ཏཱི ན ཡ ཙྪ།
དགེ་ལེགས་དངོས་པོ་སྲིད་དང་ཞི་བ་ཡི། ། རྒྱུད་དུ་དར་བ་ཡོངས་ཀྱིས་གུས་བསྟེན་གནས། །སྟོབས་བཅུའི་ཤུགས་ཀྱིས་ཡིད་སྲུབ་ལས་རྒྱལ་མགོན། །དཔལ་ལྡན་རིགས་ཀུན་བདག་པོའི་དགེ་ལེགས་སྩོལ།།

― GTD007_Page_0637 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་བསྐྱེད་སྔོ་བསངས་སྡེ་ལ་གསང་ཆེན་གྱི། །སྤྲིན་འཕྲེང་ལྟ་བའི་བདེ་འཐུང་རྒྱས་པ་ཅན། །རྒྱལ་བ་གཉིས་པའི་ཞབས་དང་ཤེར་སེང་སོགས། །འཁོར་ལོའི་མགོན་པོ་རིམ་བྱོན་ཕྱག་གི་ཡུལ། །ཁྱད་པར་འཇམ་དབྱངས་བླ་མའི་མདོ་སྔགས་ཀྱི། །པད་ཚལ་བཞད་པའི་གཉེན་གཅིག་རྡོ་རྗེ་འཆང། །འཇིགས་མེད་དབང་པོར་མཚན་གསོལ་རྒྱལ་ཀུན་གྱི། །འདུས་ཞལ་ཐུགས་རྗེའི་བདག་ཉིད་གཙུག་ན་མཛེས། །བློ་བཟང་ཆོས་ཀྱི་གསང་མཛོད་འཛིན་པ་ཡི། །གྲགས་པ་དོན་མཐུན་གྲུབ་པའི་དཔའ་བོ་སོགས། །སྡེ་འདི་འཁོར་ལོ་གསུམ་གྱིས་སྐྱོང་མཛད་པའ། །བཤེས་གཉེན་རིམ་བྱོན་བཀའ་དྲིན་རྗེས་སུ་དྲན། །སླར་ཡང་བློ་བཟང་མཁྱེན་པའི་ཟླ་ཤེལ་ཐུགས་བསྐྱེད་ཆ་ཤས་ཡོངས་གང་ཞིང། །ཐུབ་བསྟན་ཀུན་དའི་གཉེན་གྱུར་འཇིགས་མེད་རྣམ་དཔྱོད་བསིལ་ཟེར་དྲ་བ་ཅན། །སྐྱབས་

― GTD007_Page_0638 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་དམ་པའི་འཕྲིན་ལས་འདུས་སྡེའི་བཤད་སྒྲུབ་སྲིད་ཞིའི་ཕུན་ཚོགས་ཀུན། །ཆབས་ཅིག་རྒྱ་མཚོའི་གོས་ཅན་ཀུན་ཏུ་རྒྱས་པའི་དགེ་ལེགས་མཆོག་སྦྱིན་མཛོད། །སྐལ་བཟང་བསོད་ནམས་ཀ་ཤིའི་རས་བཟང་ངོས། །ཡབ་རྗེའི་ཐུགས་བསྐྱེད་པིར་གྱིས་བྲིས་པ་ལས། །མ་ཚང་མེད་པའི་དགེ་མཚན་མཐའ་དག་ཏུ། །འཆར་བཟོད་བྱེད་པོའི་རི་མོ་ཡོངས་སུ་སྨིན། །མཐའ་དྲུག་ཚུལ་བཞིས་རྒྱས་བཏབ་རྡོ་རྗེ་ཐེག །བཤད་སྒྲུབ་དཔུང་བས་འཛིན་ལ་མཐུན་པའི་རྐྱེན། །ཇི་སྙེད་མཁོ་དགུས་བསྐྱངས་པའི་དྲིན་གྱི་ཁུར། །རྗེས་འཇུག་ཕྲག་པར་ལྕི་ཡང་བཀུར་བའི་འོས། །རིག་འཛིན་རྩ་བརྒྱུད་བླ་མའི་དམ་ཚིག་གི །རེ་ཁ་ཐོད་དུ་བཅིངས་པའི་སྲུང་མའི་ཚོགས། །སྤྱི་དང་ཁྱད་པར་སྔགས་འཆང་བཀའ་སྲུང་གཙོ། །དམ་ཅན་སྐྱེས་བུ་ཆེན་པོ་འཁོར་བཅས་ལ། །སྡེ་འདིའི་ཆོས་སྲིད་ལོངས་སྤྱོད་བྱ་བ་ཀུན། །སྙིང་ནས་བཅོལ་ལོ་གཉེར་རོ་བདག་མཛད་དེ། །བསམ་སྦྱོར་ལོག་པའི་དགྲ་སྡེ་གཞོམ་པ་དང། །མཐུན་རྐྱེན་འདོད་དགུའི་ལེགས་ཚོགས་ཆར་དུ་བསྙིལ།། ཅེས་དགེ་ལེགས་སུ་བྱེད་པའི་གཏམ་གྱིས་ཐོག་དྲངས་ཏེ་གླེང་བར་བྱ་བ་ནི། ཀུན་མཁྱེན་ཆེན་པོ་འཇམ་དབྱངས་བཞད་པའི་རྡོ་རྗེ་ཞེས་གྲགས་པའི་གདུགས་དཀར་སྲིད་ཞིའི་བླ་ན་འཁོར་བ་དེ་ཉིད་ཀྱིས་ཡི་དམ་ལྷའི་ལུང་བསྟན་བཞིན་མདོ་སྨད་ཀྱི་ལྗོངས་འདིར་རིག་པ་འཛིན་པའི་སྡེ་འདི་ཉིད་དང་དགོན་ལུང་གི་རྒྱུད་གྲྭ་

― GTD007_Page_0639 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་བཏབ་སྟེ་གསང་ཆེན་བསྟན་པ་དར་བའི་བྱིན་རླབས་དང་རྟེན་འབྲེལ་གྱི་སྒོ་ཕྱེས། གྲུབ་དབང་སྡེ་ཁྲི་རིན་པོ་ཆེའི་བཀའ་དྲིན་ལ་བརྟེན་ནས་འདིར་ཆོས་སྲིད་ཀྱི་རྐང་ཚུགས་ཤིང། དེ་ནས་སྐྱབས་མགོན་ཐམས་ཅད་མཁྱེན་ཅིང་གཟིགས་པ་ཆེན་པོ་རྗེ་བཙུན་དཀོན་མཆོག་འཇིགས་མེད་དབང་པོས་འཁོར་ལོ་གསུམ་མ་ཚང་བ་མེད་པའི་སྒོ་ནས་ཡུན་དུ་བསྐྱངས་ཏེ། ད་ལྟ་སྤྱིར་རྒྱུད་སྡེ་རབ་འབྱམས་དང། སྒོས་སུ་གསང་བདེ་འཇིགས་གསུམ་ཡ་མ་བྲལ་བའི་འཆད་ཉན་ལད་མོ་ཙམ་མ་ཡིན་པར་རྒྱུད་དོན་མན་ངག་གིས་ཕྱེ་བས་མཐའ་ཆོད་པ་དང། དཔལ་ལྡན་སྨད་རྒྱུད་ལྟར་གྱི་བསྒྲིག་ལམ་ཕྲ་ཞིབ། ཆོ་ག་ཕྱག་ལེན། འདོན་རྟ་དབྱངས་སོགས་སྒོ་གང་ཐད་ནས་བསྟན་པའི་མཛེས་རྒྱན་དུ་འགྱུར་ངེས་པ། དེ་དང་རྗེས་སུ་མཐུན་པའི་སྐུ་གསུང་ཐུགས་ཀྱི་རྟེན་མཆོད་རྫས་རོལ་ཆ་དབང་ཆས་སོགས་ཀྱི་སྐོར་དང། ཉེ་བར་མཁོ་བའི་ཕྱི་ནང་གི་ཡོ་བྱད། གདན་ཆ། ཐབ་ཆ་སོགས་ཀྱི་སྐོར། ཕོག་ཇ་ཚུལ་ཐེབས་ཀྱི་སྤྱི་རྫས། སུ་རུག་ཞིང་ས་དང་བཅས་པ་གང་ས་ནས་གཞན་ལ་འགྲམ་ཆུ་ལྡང་མི་དགོས་པར་ཕུན་སུམ་ཚོགས་པ་འདི་བཞིན་ལ། སླན་ཆད་ཀྱང་སྔ་མས་བསྒྲིགས་བཞག་པ་འདི་ཆུད་མ་ཟོས་པའི་སྟེང་ནས་ཡར་ཚེས་ཀྱི་ཟླ་བ་བཞིན་གོང་འཕེལ་དུ་གཏོང་དགོས། འོན་ཀྱང་དེབ་སྔ་མ་གོང་འོག་འཛོལ་ཆ་དང་འབྱིན་འཇུག་ཧ་ཅང་མང་

― GTD007_Page_0640 ―

^{[མ་དཔེ་གཟིགས་ན་འདིར་གནོན།]}

[Full Size]

བས་རྫོབ་བོར་སོང་སྐྱོན་གྱིས་དེབ་རང་ལ་ཆ་བཞག་མི་ཆོག་པར་སོ་སོའི་ཁ་ལ་ལྟོས་དགོས་སྟབས། ལ་ལས་སྤྱི་དོན་ཁུར་ལེན་གྱི་ལྷག་བསམ་གཙང་མས་ཞིབ་ཐིགས་སུ་བྱེད་ནའང། འགའ་ཞིག་རིག་པ་རྩད་པས་ཆལ་ཆོལ་དུ་འགྲོ་བ་དང། འགའ་ཞིག་ལས་འབྲས་གོ་ལོག་གིས་གཞུང་དོན་སྟེང་ནས་མི་བཟང་བྱེད་པ་དང། འགའ་ཞིག་རང་འདོད་ཕྱོགས་ལྷུང་གི་རྫུན་འཕོང་འགེབས་པ་སོགས་འཐེན་ཁྱེར་སྣ་ཚོགས་པས་མཐོ་དམན་ཧང་སོང་ཆེ་བ་ཡོང་གིན་འདུག་གཤིས། རབ་བྱུང་བཅུ་བཞི་པའི་བགྲང་བྱ་གསུམ་པ་དཀར་པོ་ཞེས་པ་ས་མོ་སྦྲུལ་གྱི་ལོ་དཔོན་སློབ་ཁྲི་ཐོག་པ་མཐའ་ཡས་རྒྱ་མཚོ། བླ་མ་དབུ་མཛད་དཀོན་མཆོག་དབང་ཕྱུག །བླ་བྲང་སྐུ་ཚབ། གྲྭ་ཚང་གི་ལས་སྣེ། དགེ་རྒན་བཞི་བཅས་འཛོམ་ཐོག་ནས་ཞིབ་དཔྱོད་ཀྱིས་དེབ་གསར་བསྒྲིག་འདི་བཞིན་བགྱིས་པ་ཡིན། འཕྲལ་དུ་བཀོལ་དགོས་རྣམས་དང་པོ་ནས་མདོ་ཕུགས་འབྱེད་པ་མ་གཏོགས། དེབ་ཆེན་དུ་ཐེབས་ཕྱིན་དེ་ལ་གྲས་རྒྱག་པ་གྲྭ་ས་ཆེན་པོའི་ལུགས་སྲོལ་ལ་མེད་པས་ཕྱིན་ཆད་རྩིས་སྤྲོད་ཐམས་ཅད་འདི་ག་སོར་བཞག་བྱེད་དགོས། རྩིས་སྤྲོད་སྐབས་དེབ་ཀྱི་ས་ཁུངས་མ་སྟོངས་པ་ཁོ་ནས་མི་ཆོག་པར། རྒྱུན་དུའང་རང་རང་ལ་གང་བབ་ཀྱི་དོ་དམ་ལེ་ཤོར་མེད་པ་གལ་ཆེ་བས། སྐུ་གསུང་ཐུགས་རྟེན་རྣམས་ལ་སྣད་མ་ཞུགས་པའི་རྡུལ་ཕྱིས། ཕན་ཚུན་ཀུན་ཏུ་མཆོད་པ། སྒྲུབ་མཆོད་སོགས་སྐབས་སོ་སོར་གལ་ཆེ་ཆུང་དང་བསྟུན་ནས་མཆོད་རྫས་རབ་འབྲིང་ཐ་མའི་རིམ་པས་བཤམ་ཚུལ། རྔ་རོལ་སོགས་བཀྲམ་སྡུད་སྐབས་སྐྱོན་ཡོད་མེད་ལྟ་བ། ཚེ་འབར་རྐང་དུ་ཡོད་

― GTD007_Page_0641 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་མ་ཆད་པ་དགོས་པས་མཚན་མོ་མེ་ཟོན་གཟབ་པ། ཕན་ཚུན་གང་དུའང་སྡོད་མཁན་མེད་སྐབས་སྒོ་ཕྱེས་ནས་མི་འཇོག་པར་སྒོ་ལྕགས་རྒྱག་རྒྱུ། འདུ་ཁང་གི་ཕྱི་ནང་ཐམས་ཅད་ལ་གད་དར། སྟེང་གི་ཝ་ཁ་ཐིགས་ཚགས་གདན་ཆ་ཡོལ་བ་ཐུག་སོགས་ཀྱི་བཟོ་བཙེམ། ས་རྩི་དཀར་དམར་ནག་གསུམ། རྡོ་ཡབ་དང་པུ་ཤུའི་ཁ་སོགས་གསོ་བ། བཙན་ཁང་དུ་གང་བྱུང་མི་གཏོང་ཞིང་མཆོད་པ་བསང་རྫས་སོགས་གཙང་སྦྲ་ཐོན་ངེས། རུང་ཁང་དུ་ཡང་གཙང་སྦྲ་དང་ཚ་གྲང་ཆུ་ཚོད་ཤིན་ཏུ་ཐིག་པས་དད་རྫས་དགེ་འདུན་གྱི་ཐེབས་སུ་འགྲོ་ངེས་པ། སྤྱི་བས་ཀྱང་གཏོང་སྒོ་གང་དགོས་སྔར་རྒྱུན་མ་ཉམས་པ་དང། ལྷག་པར་རྒྱུན་ཇ་གྲྭ་པའི་རྐྱེན་ཐེག་ངེས་གལ་ཆེ་བས་རྣམ་པ་ཀུན་ཏུ་སོ་སོ་ནས་ཐེག་པ་ཁུར་བླང་དང། ལས་སྣེ་མོས་ངོ་དགའ་ཟོལ་འཇོག་ཏུ་མ་སོང་བར་ལེགས་ཉེས་ཀྱི་སྟངས་འཛིན་མ་ལྷོད་པ་ཉི་མ་གཅིག་ལ་ཆ་བཞག་པ་ལྟ་བུ་ཞིག་བྱེད་དགོས། དེ་ལ་དཀོན་གཉེར་རྩིས་སྤྲོད་སྐུ་གསུང་ཐུགས་རྟེན་དང་མཆོད་རྫས་ཀྱི་སྐོར། ཇ་མའི་རྩིས་སྤྲོད་བཙན་ཁང་དང་རུང་ཁང་གི་སྐོར། གཉེར་པའི་རྩིས་སྤྲོད་ཀྱི་སྤྱི་རྫས་ཀྱི་སྐོར་དང་གསུམ། ༈ ཡེ་ཤེས་སྒྱུ་འཕྲུལ་དྲ་བ་སྣང་བའི་མཛོད། །ཉོན་མོངས་འཆིང་བརྒྱ་གཅོད་པའི་འོད་རྣོན་ཟེར། །ཐེག་གསུམ་རྣམ་གྲོལ་འདབ་བརྒྱ་བཞད་པའི་གཉེན། །བུ་རམ་ཤིང་པས་དུས་ཀུན་དགེ་ལེགས་སྩོལ། །བློ་བཟང་དཀྱིལ་འཁོར་མཁྱེན་བརྩེའི་རི་དྭགས་གཟུགས། །གྲགས་པ་བསིལ་ཟེར་བྱེད་པའི་ཕྲེང་བ་ཡིས། །ཐུབ་བསྟན་ཆུ་གཏེར་མདོ་སྔགས་རླབས་ཕྲེང་གི །རོལ་པས་ནོར་འཛིན་ཁྱོན་ཡངས་ཤིས་པས་སྐྱོངས། །འཇམ་དབྱངས་གཞོན་ནུའི་རོལ་པའི་ལྡིང་ཁང་

― GTD007_Page_0642 ―

^{[མ་དཔེ་གཟིགས་ན་འདིར་གནོན།]}

[Full Size]

ན། །བློ་གྲོས་ལང་ཚོ་བཞད་པའི་འཛུམ་དཀར་གྱིས། །རྡོ་རྗེ་དབྱིངས་ཀྱི་དཔལ་མོར་རྗེས་ཆགས་པ། །ཀུན་མཁྱེན་བླ་མའི་ཞབས་པད་གཙུག་གིས་མཆོད། །ངོ་མཚར་ལེགས་བྱས་ཁྱོན་ཡངས་དབྱིག་ལྡན་དུ་ཀཱུ་ལ་ཡི་རས་བཟང་ངོས། །ཐུགས་བསྐྱེད་སྤྲིན་སྔོན་པིར་གྱིས་བྲིས་པའི་དགེ་མཚན་གར་གྱི་རི་མོ་ན། །བཤད་སྒྲུབ་བྱ་བ་རྒྱ་ཆེན་བཻ་ཌཱུར་དག་པའི་ཁམས་སུ་འཕོས་པ་ཡི། །ཐུབ་བསྟན་དབྱར་གྱི་ལང་ཚོ་མི་ཉམས་འཇིགས་མེད་དབང་པོའི་ཞབས་ལ་འདུད། །རྣམ་འདྲེན་ཉིན་མོར་བྱེད་པ་གང་གི་མཐུ། །གསེར་བཟང་འོད་ཀྱིས་བཀྲ་བ་པདྨོའི་ཕྲེང་། །དགེ་ལེགས་འདབ་བརྒྱའི་སྙིང་པོ་མཆོག་གསུམ་རྟེན། །མཆོད་པའི་རྫས་བཅས་སྦྲང་རྩིའི་ཁུར་གྱིས་མཛེས། །བདེ་ཆེན་ཡེ་ཤེས་རང་མདངས་སྐུ་ལྔ་ལས། །གསུང་གི་རྒྱལ་པོ་གནས་ཆུང་པེ་ཧ་ར། །ལ་སོགས་མཐུ་ལྡན་སྲུང་མའི་ཚོགས་རྣམས་ཀྱིས། །དུས་ཀུན་གཡེལ་མེད་སྟངས་འཛིན་བྱ་ར་མཛོད། །ཁྱད་པར་ཀུན་གཟིགས་ཡེ་ཤེས་དྲི་མེད་ཀྱི། །རང་བཞིན་མཆོག་སྤྲུལ་དམ་པའི་འཕྲིན་ལས་དང། །ཆབས་ཅིག་ཆོས་སྲིད་འབྱོར་བ་མི་ཟད་པའ། །དགེ་མཚན་ཡངས་པ་རྟག་ཏུ་བརྟན་གྱུར་ཅིག །ཅེས་ཤིས་པ་བརྗོད་པའི་ཚིག་གིས་སྔོན་བསུས་ཏེ་གླེང་བ་སྐབས་ཀྱི་དོན་ནི། འགྲོ་བའི་ཕན་བདེ་མཐའ་དག་གི་གཞི་རྟེན་རྒྱལ་བའི་བསྟན་པ་ཉག་གཅིག་ཡིན་ཅིང། དེའི་རྩ་བར་གྱུར་པ་ནི་ཆོས་འདུལ་བ་ཡིན་ལ། དེའང་ཚུལ་བཞིན་འཛིན་པའི་དགེ་འདུན་གྱི་སྡེ་དང། ལས་ཐམས་ཅད་ཀྱི་རྟེན་གནས་མལ་གྱི་གཞི་སོགས་ལ་རག་ལས་པའི་དབང་གིས་བླ་མ་གོང་མ་རྣམས་ཀྱིས་ཀྱང་དགེ་འདུན་གྱི་སྡེ། གཙང་ཁང། སྐུ་གསུང་ཐུགས་ཀྱི་རྟེན་དང་བཅས་པ་

― GTD007_Page_0643 ―

^{[མ་དཔེ་གཟིགས་ན་འདིར་གནོན།]}

[Full Size]

གསར་བསྐྲུན་ཉམས་གསོས་སོགས་ཀྱི་སྒོ་ནས་བསྟན་པའི་རྨང་གཞི་འཛིན་པར་མཛད་ཅིང། ཁྱད་པར་དུ་སྐྱབས་མགོན་ཐུགས་རྗེའི་བདག་ཉིད་མཚན་བརྗོད་པར་དཀའ་བ་ཀུན་མཁྱེན་འཇིགས་མེད་དབང་པོའི་བཀའ་དྲིན་ཁོ་ན་ལ་བརྟེན་ནས། ཆོས་སྡེ་ཆེན་པོ་འདིར་འཛམ་གླིང་གི་དཔལ་འབྱོར་ཐམས་ཅད་གཅིག་ཏུ་འདུས་པ་ལྟར། ལྷ་རྟེན། མཆོད་རྫས། ཉེར་སྤྱད་སོགས། འདུ་ཁང་ཆེན་མོ་རྟེན་དང་བརྟེན་པ་ཆ་ལག་དང་བཅས་གཞན་འགྲན་མེད་པ་འདི་ལྟ་བུ་བྱུང་ཡང་སླར་ཉམས་ཆག་ཏུ་མི་འགྱུར་བ་ཤིན་ཏུ་གལ་ཆེ་ལ། སྔ་སོར་གྱི་དེབ་རྙིང་རྣམས་འཛོལ་ཆ་ཆེ་བར་འདུག་སྟབས། ས་རྟའི་ཟླ་ཚེས་ལ་རབ་འབྱམས་པ་ཤེས་རབ་རྒྱ་མཚོས་ཁུར་བླངས་ཐོག་ཚོགས་འདུ་ལྷན་རྒྱས་ཀྱིས་དེབ་གསར་དུ་བསྒྲིགས་ཏེ། མཆོད་རྫས་གསར་རྙིང་ཐམས་ཅད་ལྷག་ལུས་སུ་མི་འགྱུར་ཞིང་མཛེས་པའི་ཆེད་དུ། བཟང་གྲས། འབྲིང་གྲས། ཞེར་བའི་གྲས། གསར་རྙིང་སོགས་ཚན་ཚན་དུ་བསྒྲིགས་ཏེ་ཐོ་བཀོད་པ་འདི་དོན་ལྟར་གནས་ཤིང་ཝ་ཁ་ཐིགས་ཚགས་སྟེང་འོག་ཀུན་ཏུ་རེས་མོས་ཀྱིས་མཆོད་འབུལ་མ་ཆག་པ། ཕྱི་ནང་ཐམས་ཅད་དུ་གད་དར། དུས་ཚིགས་སོ་སོར་བབ་འོས་ཀྱི་མཆོད་རྫས་བཀྲམ་སྡུད། ཐ་ན་གྲལ་གདན་དང་སྟེང་འོག་གི་ཡོལ་བའི་བཟོ་བཙེམ་ཚུན་ཆོད་ཧོར་ཁུངས་སུ་མ་ལུས་པ་དགོས་པའི་རྟིང་གནོན་ཀུན་གྱིས་འགན་ཁུར་བཞེས་དགོས་ལ། དངོས་གཞི་སྐུ་གསུང་ཐུགས་རྟེན། མཆོད་ཆ་སོགས་ཀྱི་རིམ་པ་ནི། ཞེས་དཀྱུས་དང་སྦྲེལ་ལོ། །དགེ་ལྡན་བཀྲ་ཤིས་འཁྱིལ་གྱི་འདུ་ཁང་ཆེན་མོ་རྟེན་དང་བརྟེན་པར་བཅས་པའི་དེབ་

― GTD007_Page_0644 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིག་ཕུན་ཚོགས་བྱེ་བའི་གན་མཛོད་ཀྱི་མགོ་རྒྱན་དུ་སྩལ་བའོ།། ༈ སྟོབས་བཅུའི་དཔལ་མངའ་རྒྱལ་བའི་ཉིན་མོར་བྱེད། །སྲིད་པའི་མུན་འཕྲོག་ཆོས་ཀྱི་འོད་བརྒྱའི་རླབས། །རེག་པས་ལྡན་གྲོལ་འདབ་ཡངས་འཕགས་ཚོགས་བཅས། །མཆོག་གསུམ་ཤིས་པའི་མེ་ཏོག་ཆར་དུ་སྙིལ། །ཕུལ་བྱུང་སྨོན་ལམ་བདུད་རྩིའི་ཆུ་རྒྱུན་གྱིས། །ནད་རིམས་གདོན་སོགས་སྙིགས་མའི་གདུང་བ་ཀུན། །བཅིལ་ནས་འཆི་མེད་ཐར་པའི་སྲོག་སྦྱིན་པ། །བདེ་གཤེགས་བདུན་གྱི་བདེན་པས་དེང་འདིར་སྐྱོངས། །གང་གི་ཐུགས་བསྐྱེད་གོ་ལའི་ལམ་ཡངས་པོར། །མདོ་སྔགས་རིག་གནས་སྣང་བྱེད་འཕྲེང་བ་ཀུན། །ཐུབ་བསྟན་ནམ་མཁའི་རྒྱན་དུ་རྟག་འཆར་བ། །ཡབ་རྗེ་འཇིགས་མེད་དབང་པོའི་ཞབས་ལ་འདུད། །བློ་བཟང་ཐུབ་བསྟན་ཡང་སྙིང་གསེར་གྱི་རི་བོའི་སྤོར། །འཇིགས་མེད་རྣམ་དཔྱོད་གཟིམས་པར་མཆོག་སྤྲུལ་ཉི་མའི་འོད། །འདུས་སྡེ་པདྨའི་དགའ་ཚལ་བཤད་སྒྲུབ་སྦྲང་རྩིའི་བཅུད། །འགྲན་པ་ཇི་བཞིན་དར་བའི་དགེ་མཚན་རྒྱས་གྱུར་ཅིག །སྔགས་འཆང་བཀའ་སྲུང་ཟངས་ཀྱི་བེག་ཙེ་ཅན། །མཧཱ་ཙི་ནའི་ཡུལ་སྐྱོང་བཀྭན་ཡུན་ཆིང། །གསོ་རིག་སྐྱོང་མཛད་ཞང་བློན་དབྱེར་མེད་པས། །དུས་རྣམས་ཀུན་ཏུ་སྲུང་སྐྱོབ་བྱ་ར་མཛོད། །ལེགས་བྱས་དཔལ་ཡོན་དར་བའི་དགའ་ཚལ་དུ། །འདྲེན་མཆོག་ཐུགས་རྗེའི་ཉི་འོད་འཁྱིལ་པ་ཡིས། །འཁོར་ལོ་གསུམ་གྱི་པད་དཀར་བཞད་པའི་བསུང། །སྐལ་བཟང་རྐང་དྲུག་ཡོངས་ཀྱི་གསོས་སུ་གྱུར། །ཁྱད་པར་མི་འཇིགས་སྐྱབས་ཀྱི་སྦྱིན་པའི་ཕུལ། །སྲོག་ཟུངས་རྡོ་རྗེའི་ཁམས་སུ་སྒྲུབ་པ་པོ། །གསོ་རིག་གཞན་ཕན་གླིང་གི་

― GTD007_Page_0645 ―

^{[མ་དཔེ་གཟིགས་ན་འདིར་གནོན།]}

[Full Size]

གཙུག་ལག་ཁང། །བརྟེན་པར་བཅས་པའི་དཀར་ཆག་འདིར་བརྗོད་བྱ།། དེའང་ལུས་ཅན་ཡོངས་ཀྱི་ཕན་བདེ་མ་ལུས་པ་འབྱུང་བའི་གནས་གཅིག་པུ་ནི་རྒྱལ་བའི་བསྟན་པ་རིན་པོ་ཆེ་ཡིན་ལ། དེ་འཛིན་པའི་ཚུལ་བཤད་པ་དང་སྒྲུབ་པ་ཟུང་ལས་མ་འདས་ཀྱང། བཤད་སྒྲུབ་གཉི་གའང་བྱ་བ་ལས་ཀྱི་འཁོར་ལོ་ལ་བརྟེན་དགོས་པ་དམ་པའི་ཆོས་འདུལ་བར་ཡང་གཞི་བཅུ་དྲུག་གི་རྗེས་སུ་དེ་དག་རྣམས་ཀྱི་རྟེན་གནས་མལ་གྱི་གཞི་ཞེས་གསུངས་ཤིང། དོན་འདི་ལ་དགོངས་ཏེ་བླ་མ་གོང་མ་རྣམས་ཀྱིས་ཀྱང་དགེ་འདུན་གྱི་སྡེ་ཕྱག་འདེབས་དང། དེའི་གཙུག་ལག་ཁང་སྐུ་གསུང་ཐུགས་རྟེན་དང་བཅས་པ་གསར་བཞེངས་སོགས་བྱ་བའི་འཁོར་ལོ་འདི་ལ་ནན་ཏན་ཆེ་བར་མཛད་དོ། །ཁྱད་པར་དུ་སྐྱབས་མགོན་ཐུགས་རྗེའི་བདག་ཉིད་རྗེ་བཙུན་འཇིགས་མེད་དབང་པོ་དེ་ཉིད་ཀྱིས་བསྟན་འགྲོའི་དོན་འབའ་ཞིག་ཐུགས་ལ་བརྣག་པས་གྲྭ་ཚང་འདི་ཉིད་ཀྱང་གསར་དུ་བཏབ་སྟེ་རིག་གནས་ཆེན་པོ་ལྔའི་ཡ་གྱལ་གཞན་རྗེས་སུ་འཛིན་པ་གསོ་བ་རིག་པའི་ལག་ལེན་གཙོར་གྱུར་གྱི་འཆད་ཉན་དང་བསྒྲིག་ལམ་ལ་སོགས་པའི་སྲོལ་གསར་དུ་བཙུགས། དགེ་བའི་བཤེས་གཉེན་ཆེན་པོ་དུས་འཁོར་དཔོན་སློབ་ངག་དབང་དོན་གྲུབ་ལ་བཀའ་གནང་སྟེ་ཁོང་གིས་གྲྭ་ཁང་གསར་རྒྱག་བྱས་ཤིང། དད་པ་དང་གཏོང་བའི་རྒྱན་གྱིས་སྤ་བ་ཐོ་ཡོན་རབ་རྒྱས་ཀྱིས་ཀྱང་རྟེན་བཞེངས་སྤྱི་རྫས་སོགས་གང་ཅིའི་སྦྱིན་བདག་གི་མཐིལ་བྱས། གཞན་ཡང་སྐྱབས་མགོན་མཆོག་གི་ཐུགས་རྗེ་ལ་བརྟེན་ནས་ཕྱོགས་རིས་མེད་ཀྱི་གྲྭ་རིགས་སྦྱིན་བདག་དུ་མས་གུས་མཆོད་དང་

― GTD007_Page_0646 ―

^{[མ་དཔེ་གཟིགས་ན་འདིར་གནོན།]}

[Full Size]

བླང་གིས་ལྷ་རྟེན་མཆོད་རྫས་སོགས་གང་ཐད་ནས་ཕུན་སུམ་ཚོགས་པར་ཡོད་པ་འདི་བཞིན་སླད་ཀྱང་ཉམས་ཆག་ཏུ་མི་འགྱུར་བ་ཤིན་ཏུ་གལ་ཆེ་བས། ལས་བྱེད་ཚང་མས་ཁུར་དུ་བླངས་ཏེ་འདུ་ཁང་གི་ཝ་ཁ་ཐིགས་ཚགས། ཕྱི་ནང་གི་གད་དར་རྒྱུན་གྱི་མཆོད་འབུལ་དང། སྐབས་སྐབས་ཀྱི་མཆོད་རྫས་བཀྲམ་སྡུད་སོགས་གང་ལའང་ཁྲལ་ཆོས་དང་སླ་ཆོས་སུ་མ་སོང་བར་གྲྭ་ཚང་གི་ཞབས་འདེགས་སུ་བསམ་སྟེ་ཚགས་སུ་ཐོན་ངེས་པ་བྱེད་དགོས། དེ་ལ་ཐོག་མར་སྐུ་གསུང་ཐུགས་རྟེན་གྱི་རིམ་པ་ནི། ༈ བླ་མ་དང་དཀོན་མཆོག་གསུམ་ལ་ཕྱག་འཚལ་ལོ། །དམ་ཅན་རྡོ་རྗེ་ལེགས་པའི་སྒོ་ནས་ཤོ་མོ་བརྟག་པར་འདོད་པའི་གང་ཟག་གིས་ཤོ་རྡེལ་གསུམ་རྒྱུ་དང་རི་མོ་འགོད་ཚུལ་སོགས་ལག་ལེན་བཞིན་བྱས་ལ། ཆེད་དམིགས་ཀྱི་སྒྲུབ་པའང་སྔོན་དུ་བཏང་ན་ལེགས་པས་རྟེན་དང་མཆོད་གཏོར་སོགས་འདུ་བྱས་ཏེ། རྟེན་གྱི་དྲུང་དུ་འབྲུ་དཀར་གྱི་སྟེང་དུ་དར་དཀར་པོའི་གདན་ལ་ཤོ་རྡེལ་རྣམས་བཞག །རང་ཡི་དམ་དུ་གསལ་བས་དམ་ཅན་གྱི་མངོན་རྟོགས་རྒྱས་བསྡུས་ཅི་རིགས་པའི་སྒོ་ནས་བསྙེན་པ་གྲངས་གསོག་དང། ཐུན་གྱི་མཐར་སྔགས་ཀྱི་མཇུག་ཏུ། ལེགས་ཉེས་ཀྱི་བླང་དོར་མ་ལུས་པ་གསལ་བར་སྟོན་ཅིག །ཅེས་སྤེལ་ཚིག་བཏགས་པ་དང་ཡེ་དྷརྨྨ་ཅི་འགྲུབ་བཟླ། སྲུང་མའི་ཐུགས་ཀ་ནས་འོད་ཟེར་འཕྲོས་ཏེ་ཤོ་རྡེལ་ལ་ཐིམ་པས་བླང་དོར་འཁྲུལ་མེད་དུ་སྟོན་པའི་ནུས་པ་དང་ལྡན་པར་བྱིན་གྱིས་བརླབས་པའི་དམིགས་པ་བྱ། གཏོར་འབུལ་སོགས་དཀྱུས་བཞིན་བྱས་ལ་ཚུལ་དེ་ལྟ་བུའི་སྒོ་ནས་རབ་རྟགས་ཐོན་གྱི་བར་དང། དེ་མིན་ཡང་ཞག་གྲངས་ཅི་ནུས་སུ་བསྒྲུབས་ཏེ་གདུང་ཤུགས་དྲག་པོས་གསོལ་འདེབས་དང་ཡིད་ཆེས་ཀྱིས་བློ་འགེལ་ཐུབ་པ་བྱ། དེ་རྗེས་ལག་ལེན་ལ་འདེབས་པའི་ཚེ། ༈ ནུབ་ཕྱོགས་ཕ་ཝང་ལོང་

― GTD007_Page_0647 ―

^{[མ་དཔེ་གཟིགས་ན་འདིར་གནོན།]}

[Full Size]

བུའི་སྐུ་མཁར་ནས། །དམ་ཅན་རྡོ་རྗེ་ལེགས་པ་འཁོར་དང་བཅས། །ལེགས་ཉེས་བླང་དོར་ཇི་བཞིན་སྟོན་པའི་ཕྱིར། །ཐོགས་མེད་རྫུ་འཕྲུལ་ཤུགས་ཀྱིས་འདིར་གཤེགས་ཤིག །རིང་ནས་རྩེ་གཅིག་གུས་པས་ཁྱོད་བསྟེན་ཅིང། །བསྙེན་སྒྲུབ་མཆོད་གཏོར་འབད་པ་ལྷུར་བླངས་ཏེ། །ཡིད་ཆེས་བརྟན་པོས་རེ་ལྟོས་འཆའ་བ་ལ། །ནམ་ཡང་བསླུ་བ་མེད་པའི་སྡོང་གྲོགས་མཛོད། །བདག་ཅག་རྣམས་ནི་མ་རིག་མུན་པས་བསྒྲིབས། །ལྷ་ཁྱོད་དུས་གསུམ་གཟིགས་པའི་སྤྱན་དང་ལྡན། །དེ་ཕྱིར་ལྐོག་ཏུ་གྱུར་པའི་བླང་དོར་གནས། །འཁྲུལ་མེད་གསལ་བར་སྟོན་ཅིག་ས་མ་ཡི། །ན་མོ་དྲིན་ཅན་རྩ་བརྒྱུད་ཀྱི་བླ་མ་རྣམས་ཀྱི་བཀའ་བདེན་པ་དང། ཡི་དམ་རྒྱལ་བ་རྒྱ་མཚོའི་ཚོགས་ཀྱི་བཀའ་བདེན་པ་དང། ཆོས་སྐྱོང་སྲུང་མ་རྣམས་ཀྱི་བཀའ་བདེན་པ་དང། ཁྱད་པར་དུ་རྣལ་འབྱོར་ཡོངས་ཀྱི་དགྲ་ལྷ། གསང་བ་སྔགས་ཀྱི་བཀའ་སྲུང། དམ་ཅན་སྐྱེས་བུ་ཆེན་པོ་རྡོ་རྗེ་ལེགས་པ། ཐུགས་ཀྱི་དགྱེས་སྡེ་བསྟན་མ་བཅུ་གཉིས། འཁོར་གྱི་གཙོ་བོ་གིང་ཆེན་སྡེ་བཞི། བཙན་འཁོར་དགེ་བསྙེན་སུམ་བརྒྱ་དྲུག་ཅུ། གཡས་ཀྱི་རུ་འདྲེན་མ་སངས་སྤུན་དགུ། གཡོན་གྱི་རུ་འདྲེན་ཟུར་ར་སྐྱེས་དྲུག །གཞན་ཡང་བཀའ་ཉན་ལས་བྱེད། སྤྲུལ་བ་ཡང་སྤྲུལ། སྣང་ཞིང་སྲིད་པའི་ལྷ་མ་སྲིན་སྡེ་བརྒྱད་ཀྱི་ཚོགས་དང་བཅས་པ་ཁྱེད་རྣམས་ཀྱིས་སྔོན་ནས་ཞལ་གྱིས་བཞེས་པའི་རྡོ་རྗེའི་གཡར་དམ་དང། བདག་གིས་མཆོད་ཅིང་གསོལ་བ་བཏབ་པའི་དོན་ལ་དགོངས་ཏེ་བླང་དོར་གྱི་གནས་བདག་གིས་མ་ཤེས་པར་ཁྱེད་རྣམས་ལ་གསོལ་བ་

― GTD007_Page_0648 ―

^{[མ་དཔེ་གཟིགས་ན་འདིར་གནོན།]}

[Full Size]

བཏབ་སྟེ་བདེན་པ་བདར་ནས་དྲིས་པ་ཡིན་པས་ཇི་ལྟ་བ་བཞིན་དུ་ལུང་སྟོན་ཅིག །བཟང་པོ་ངན་དུ་མ་སྟོན། ངན་པ་བཟང་དུ་མ་སྟོན། ལེགས་ཉེས་ཀྱི་གོ་མ་འཛོལ། ཉེ་རིང་གི་དུས་མ་བསྣོར། གསང་ཞིང་གབ་སྦས་མ་མཛད་པར་ཇི་ལྟ་བ་བཞིན་དུ་བསྟན་ནས་རྨོངས་པའི་མུན་པ་སོལ་ཅིག །ཐེ་ཚོམ་གྱི་འཆིང་བ་ཆོད་ཅིག །བློ་སྙིང་བཀལ་བའི་རེ་བ་དོན་དང་ལྡན་པར་མཛོད་ཅིག །ཅེས་གདུང་ཤུགས་དྲག་པོས་བདེན་པ་བདར་ཏེ། ཨོཾ་བཛྲ་སཱ་དྷུ་ས་མ་ཡ་བྷག་ཏྲཾ་ཤེ་ནི་ཀྲ་མ་ཎི་ས་མ་ཡ་ས་དྷུ་ཏྲི་ཛཿ ཛཿ ཧཱུཾ་བཾ་ཧོཿ ཞེས་དང། ཨོཾ་བཛྲ་སཱ་དྷུ་ཛཿ ཞེས་ཅི་འགྲུབ་བཟླས་ལ་ཕུ་བཏབ། སྐབས་དོན་གྱི་མིང་སྨོས་ནས་མ་སྦས་པར་གསལ་བར་ལུང་སྟོན་ཅིག་ཅེས་བརྗོད་དེ་ལྟོས་པ་མེད་པར་འཕེན་ནོ། །ཤོ་མིག་གསུམ་པར་བབ་ན། ཞེས་པ་ནས། ལག་ཏུ་འབྱོར་པར་ངེས་སོ། །ཞེས་པའི་བར་གྱི་ཤོ་བརྟག་ཚུལ་དངོས་ནི་ལྕགས་ར་སྤྲུལ་སྐུའི་གསུང་བཞིན་བྱས་པས་འཐུས། དེའང་སྤྱིར་ཤོ་མོ་བརྟག་ཚུལ་དམ་པ་གོང་མས་མཛད་པ་མང་དུ་འདུག་ཀྱང་ལྕགས་ར་སྤྲུལ་སྐུས་མཛད་པ་འདི་ལག་ཏུ་བླང་བདེ་ཞིང་དགོས་དོན་ཐམས་ཅད་ཚང་བས་འདུ་ཆེ་བར་བརྟེན་མདོ་དབུས་ཀུན་ཏུ་དར་སོ་ཆེ་བར་སྣང། དེར་ལྷ་མོའི་སྒོ་ནས་བཏག་རྒྱུ་བྱས་འདུག་ཀྱང་དཔྱད་ཚུལ་དེ་ཉིད་གཞིར་བཞག་ལ་གསོལ་འདེབས་བདེན་བརྗོད་སོགས་རང་གིས་གཙོ་བོར་བསྟེན་པའི་ཡི་དམ་ཆོས་སྲུང་གང་གི་སྒོ་ནས་བྱས་ཀྱང་དོན་འདྲ་བར་མ་ཟད། འབྲེལ་དང་ཡིད་ཆེས་ཀྱི་སྟོབས་ཀྱིས་བྱིན་རླབས་མྱུར་ཁྱད་ལྷག་པར་ཆེ་བས། དམ་ཅན་རྡོ་རྗེ་ལེགས་པ་སྲུང་མའི་གཙོ་བོར་བྱེད་པ་རྣམས་ནི་དེའི་སྒོ་ནས་བརྟག་ཚུལ་འདི་བཞིན་བྱས་ན་ལེགས་སོ། །ཞེས་པ་འདིའང་དད་སྟོབས་ཀྱི་རྒྱན་དང་ལྡན་པ་ཨུ་རད་གུང་རཏྣ་པཱ་ལས་དམ་ཅན་ལ་བརྟེན་པའི་ཤོ་བརྟག་ཚུལ་ཞིག་དགོས་ཚུལ་བྱུང་བར་བརྟེན། ༸བཙུན་པ་དཀོན་མཆོག་བསྟན་པའི་སྒྲོན་

― GTD007_Page_0649 ―

^{[མ་དཔེ་གཟིགས་ན་འདིར་གནོན།]}

[Full Size]

མེས་བྲིས་པ་འདིས་ཀྱང་ཀུན་ལ་ཕན་ཐོགས་པར་གྱུར་ཅིག ། ༈ འགྲོ་བའི་བླ་མར་གྱུར་པ་སངས་རྒྱས་དང། །དེ་ཡི་བསྟན་པ་དམ་པའི་ཆོས་ཡིན་ལ། །དེ་ཉིད་འཛིན་བྱེད་དགེ་འདུན་ཚོགས་ཡིན་པས། །མཆོག་གསུམ་ཕན་བདེའི་རྩ་བར་མཐོང་བས་འདུད། །བློ་བཟང་རྒྱལ་བའི་བསྟན་པ་ཕྱོགས་མཐར་རྒྱས། །རྒྱལ་བློན་སྡེར་བཅས་ཆོས་སྲིད་དཔལ་འབྱོར་འཕེལ། །དགེ་འདུན་ཐུགས་མཐུན་འདུས་ཚོགས་བཤད་སྒྲུབ་བཅས། །དབྱར་མཚོ་ལྟ་བུར་རྒྱས་པའི་བྱིན་སྩོལ་ཅིག །དེའང་རྒྱལ་བའི་བསྟན་པ་ལུང་རྟོགས་གཉིས་སུ་ངེས་པས། དེ་འཛིན་པའི་སྡེའང་མཚན་ཉིད་པོ་ཏི་ལྔ་དང་རིག་གནས་གཙོར་གྱུར་གྱི་བཤད་གྲྭ་དང། རྒྱུད་སྡེ་བཞི་དང་ལམ་རིམ་སོགས་གཙོར་གྱུར་གྱི་སྒྲུབ་གྲྭ་གཉིས་སུ་ཡོད་པ་ལས་འདིར་ཕྱི་མའི་དབང་དུ་བྱས་ཏེ་འགོད་པ་ལ། འཇུག་པ་པོ་རྟེན་གྱི་གང་ཟག་དགེ་ཚུལ་སློང་གི་སྡོམ་ལྡན། རྩ་བ་བཞི་དང་ཆང་སོགས་ཀྱི་སྐྱོན་མེད་ངོས་རབ་བྱུང་གི་རྟགས་ཆ་ལུགས་ཚང་ཞིང་ཚོགས་འདོན་རགས་རིམ་བློ་འཛིན་དང་ཡི་གེ་བྱང་ཞིང་སྡེ་འདིར་ཞུགས་ནས་ཡུན་རིང་སྡོད་འདུན་ཅན་དང་ཆོས་ལ་དོན་གཉེར་ཅན་ཞིག་དགོས། འདོན་པ་སྐྱབས་འགྲོ་ལྟུང་བཤགས། མདོ་སྒྲོལ་གདུགས་དཀར། སྨོན་ལམ་ཆོས་སྤྱོད། སྲུང་མའི་གཏོར་ཆོག་སོགས་དགོན་སྡེ་ཀུན་ཏུ་དར་ཆེ་བ་རྣམས་མེད་མི་རུང་ཡིན་ལ། དེའི་སྟེང་དུ་ལམ་རིམ་ཞིག་ཚོགས་འདོན་དུ་བྱེད་རྒྱུ་བྱུང་ན་ཉིན་རེ་བཞིན་རྒྱལ་བའི་བསྟན་པ་ཡོངས་སུ་རྫོགས་པ་ལ་བག་ཆགས་འཇོག་པའི་དགོས་པ་ཤིན་ཏུ་ཆེ་བས་ཅི་ནས་ཀྱང་གཙོ་

― GTD007_Page_0650 ―

^{[མ་དཔེ་གཟིགས་ན་འདིར་གནོན།]}

[Full Size]

བོར་བྱེད་དགོས། དེའང་ལེགས་ཚོགས་ཀྱི་རྩ་བ་བླ་མ་མཁས་བཙུན་ཟུང་དུ་འབྲེལ་བ་ཞིག་བླ་མར་བཀུར་ལ། དེ་ཉིད་ཀྱིས་སོ་སོའི་བློ་ཚོད་དང་མཐུན་པར་ལམ་རིམ་གྱི་དོན་ཞིབ་ཏུ་འཁྲིད་ཅིང་བརྩི་བཞག་ཀྱང་གཏོང། ཚོགས་འདོན་དུ་བྱེད་ཚེ་ཡན་ལག་བདུན་པ་མཎྜལ་དང་བཅས་པ། བླ་བརྒྱུད་གསོལ་འདེབས། བྱིན་རླབས་སྤུངས་ཞུས་སོགས་སྦྱོར་ཆོས་རྒྱས་བསྡུས་ཅི་རིགས་སྔོན་དུ་འགྲོ་བས་གཞུང་དངོས་གཞི་ངེད་ཀྱིས་བྲིས་པ་དེ་ཉིད་གསུང་བས་འཐུས། ཞལ་འདོན་གྱི་རིགས་དལ་བྲེལ་སྙོམས་ཤིང་འདོན་རྟ་དབྱངས་གང་གི་ཚེའང་དབུ་མཛད་དང་མགྲིན་གཅིག་པས་དང་བ་འདྲེན་པ་བྱེད། ཚོགས་ཀྱི་བཞུགས་ལུགས་ཀྱང་ཡོ་ཡོ་མེད་པ་ཚུལ་མཐུན་མ་གཏོགས་ཡར་ལྟ་མར་ལྟ་ཁ་བཏུམ་གཞོག་གཅུས་ཧུ་ཅག་གི་སྒྲ་ལོང་གཏམ་སོགས་མི་བྱེད། དགེ་ཚུལ་སློང་གང་ཡིན་ཀྱང་རང་རང་གི་བསླབ་བྱ་ཁྲིད་དེ་འགྲོ་འདུག་སྤྱོད་ལམ་ཀུན་ཏུ་ཆོས་འདུལ་བ་དང་མཐུན་པ་ཉམས་ལེན་གྱི་སྙིང་པོར་བྱེད། ཁ་འཐབ་ལག་འཛིང་ཁེ་ལོག་སོགས་ཁྱིམ་པ་སུན་འབྱིན་གྱི་རིགས་བྱེད་མཁན་ལྟ་བུ་སྒྲིག་འགལ་ཆེ་ཆུང་ལ་ལྟོས་པའི་རྩད་གཅོད་ལས་བྱེད་རྣམས་ནས་བཏང་སྙོམས་སུ་མ་ལུས་པ་བྱེད། བླ་མ་ལས་སྣེ་བསླབ་པ་རྒན་པ་ཡོན་ཏན་ཅན་ལ་བཀུར་གཟོས་སོགས་ཡ་རབས་ཀྱི་ཚུལ་དང་མཐུན་པ་བྱེད། རང་གི་འདི་ཕྱིའི་ལེགས་ཚོགས་ལ་བསམ་སྟེ་ཚོགས་ཆོས་གྲྭར་ཕེབས་ལུགས་སོགས་ལས་སྣའི་ངག་བཀོད་དང་ལེན་བྱ། མདོར་ན་བྱ་བ་ཐམས་ཅད་ལས་འབྲས་དང་སྡོམ་གསུམ་བཅས་མཚམས་གཞིར་བཞག་པས་ཚེ་རབས་གཏན་གྱི་མདུན་མ་མི་འཆུག་

― GTD007_Page_0651 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་། ཡུལ་ཕྱོགས་ཀྱི་བསྟན་འགྲོའི་ཕན་བདེའི་གྲོགས་སུ་འགྱུར་བ་ཞིག་ཅི་ནས་ཀྱང་མཛོད་མཛོད། འདི་དོན་བཞིན་བྱེད་པ་རྣམས་ལ་ངེད་ཀྱིས་ཀྱང་ཡི་དམ་ཆོས་སྲུང་རྒྱ་མཚོར་རྣམ་དཀར་སྨོན་པ་བཞིན་འགྲུབ་པའི་སྡོངས་གྲོགས་ཀྱི་འཕྲིན་ལས་བཅོལ་བ་བྱེད། ཅེས་པ་འདི་ནི་སོ་ལོན་ཀུ་ལུ་ཁུ་ཁུའི་ཤོག་གི་དགོན་པ་བཀྲ་ཤིས་ཆོས་གླིང་དུ་བསྒྲིག་ལམ་སྔར་རྒྱུན་གྱི་ཐོག་ལམ་རིམ་གསར་ཚུགས་དང་བཅས་པའི་བཅའ་ཁྲིམས་ཡི་གེར་འཁོད་པ་ཞིག་དགོས་ཞེས་གུ་ཤྲཱི་ཏཱ་བླ་མ་དཀོན་མཆོག་ཡེ་ཤེས་ཀྱིས་ལྷག་བསམ་དག་པས་བསྐུལ་བ་བཞིན། ༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགས་བགྱིས་པ་ཀུན་ལ་དགེ་བར་གྱུར་ཅིག། །། སརྦ་མངྒ་ལཾ།།

དབེན་གནས་ཡིད་དགའ་ཆོས་འཛིན་གྱི་བཅའ་ཡིག

― GTD007_Page_0652 ―

^{[མ་དཔེ་གཟིགས་ན་འདིར་གནོན།]}

[Full Size]

དབེན་གནས་ཡིད་དགའ་ཆོས་འཛིན་གྱི་བཅའ་ཡིག་ཡང་དག་སྒྲུབ་པའི་འཇུག་ངོགས་ཞེས་བྱ་བ་དང། དེའི་ཟུར་འདེབས། ཨ་རུ་ཧོར་ཆེན་དགོན་བཀྲ་ཤིས་བསམ་འགྲུབ་གླིང་གི་བཅའ་ཡིག་བཅས་བཞུགས་སོ།།

― GTD007_Page_0653 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་མུ་ནཱིནྡྲཱ་ཡ། གང་ལ་བརྟེན་ན་སྲིད་དང་ཞི་བའི་འཇིགས་པ་ཀུན་འཕྲོག་ཅིང། །ཏིང་འཛིན་ཤེས་རབ་འབྲས་བཅས་ཡོན་ཏན་མ་ལུས་འབྱུང་བའི་གནས། །ཚུལ་ཁྲིམས་ཕུང་པོ་ཡོངས་སུ་རྫོགས་པ་མཉམ་མེད་དགེ་སྦྱོང་ཆེ། །ཐུབ་པའི་དབང་པོའི་ཞབས་སེན་བདུད་རྩིའི་འོད་ཀྱིས་ཤིས་པས་སྐྱོངས། །ཟབ་རྒྱས་མདོ་དང་མངོན་པའི་བཀའ་བབས་མ་ཕམ་འཇམ་པའི་དབྱངས། །ཆོས་འདུལ་བསྟན་པའི་རིན་ཆེན་མཛོད་འཛིན་འཕགས་པའི་གནས་བརྟན་ཚོགས། །བཤད་སྒྲུབ་སྣང་བས་ས་གསུམ་ཁྱབ་མཛད་རྒྱན་དྲུག་མཆོག་གཉིས་སོགས། །འཕགས་ཡུལ་མཁས་དང་གྲུབ་པའི་ཚོགས་རྣམས་ཀུན་ལ་གུས་པས་འདུད། །ཚུལ་གཉིས་གདམས་པའི་མཛོད་འཛིན་ལྔ་བརྒྱའི་གཙུག་རྒྱན་ཕུལ་བྱུང་ཞབས། །སྟོན་པ་ཆེན་པོ་ཐུགས་སྲས་སྐུ་མཆེད་གསུམ་དང་གླང་ཤར་

― GTD007_Page_0654 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། །ལྷ་ཆོས་བདུན་ལྡན་རྣམ་ཐར་ལ་གནས་བཀའ་གདམས་གོང་མ་སོགས། །གངས་ཅན་ལྗོངས་འདིར་སྔོན་བྱོན་སྐྱེས་མཆོག་དེ་ཀུན་དང་བས་མཆོད། །ཁྱད་པར་རྒྱལ་བསྟན་མིང་གི་ལྷག་མ་ཙམ་དུ་གྱུར་པ་ན། །སྙིང་སྟོབས་ཆེན་པོས་ཉི་ལྟར་གསལ་མཛད་རྒྱལ་བ་གཉིས་པའི་ཞབས། །སྲས་མཆོག་རྣམས་དང་དེ་ཡི་སྐུ་འཕྲེང་གདན་རབས་རིམ་བྱོན་སོགས། །གསེར་མདོག་ཅོད་པན་འཆང་བའི་བསྟན་འཛིན་མ་ལུས་ཕྱག་གི་ཡུལ། །འཇ༷མ་དབྱ༷ངས་དགྱེས་བཞ༷ད་བློ་བཟང་འོད་འབར་ཐུབ་བསྟན་ཡངས་པ༷འི་མཁར། །འཇི༷གས་མེ༷ད་སྤོབས་པའི་དབ༷ང་སྒྱུར་རྒྱལ་པོ༷་རྡོ༷་རྗེ༷་ཉི་མའི་འོད། །ང+ག་དབ+ང་བཤད་སྒྲུབ་བསྟན+་པ+་སྦྲང་རྩིའི+་རྒྱ+ལ་མཚ+ན་རྒྱས་བྱེད་པའ། །འདྲེན་པ་མཚུངས་མེད་རྣམས་ཀྱིས་ད་དུང་བྱང་ཆུབ་བར་དུ་སྐྱོངས། །རང་ལ་བརྩེ་བ་མི་དམན་ལེགས་ཉེས་བླང་

― GTD007_Page_0655 ―

^{[མ་དཔེ་གཟིགས་ན་འདིར་གནོན།]}

[Full Size]

དོར་ཤེས་འདོད་ཅིང། །ཐོས་རྗེས་སྒྲུབ་ལ་གཞོལ་བའི་དལ་འབྱོར་དོན་ལྡན་བྱེད་པ་རྣམས། །སྔོན་རབས་དམ་པའི་གསུང་གི་རྗེས་སུ་ཟློས་པ་འདི་མཉན་ཏེ། །སྒོ་གསུམ་བག་ཡོད་ལ་གནས་ཐུབ་པའི་བརྟུལ་ཞུགས་འདི་ལོངས་ཤིག །ཡེ་ཤེས་སྤྱན་ལྡན་སྲུང་མའི་ཚོགས་རྣམས་དང། །ཁྱད་པར་མ་གཅིག་འདོད་ཁམས་དབང་ཕྱུག་མས། །ལྷག་བསམ་དག་པས་ཁྲིམས་སུ་བཅས་པ་ཀུན། །ཡིད་ལ་སྨོན་བཞིན་འགྲུབ་པའི་འཕྲིན་ལས་མཛོད། །དེའང་རྒྱལ་བའི་སྲས་པོ་ཞི་བ་ལྷས། འགྲོ་བའི་སྡུག་བསྔལ་སྨན་གཅིག་པུ། །བདེ་བ་ཐམས་ཅད་འབྱུང་བའི་གནས། །བསྟན་པ་རྙེད་དང་བཀུར་སྟི་དང། །བཅས་ཏེ་ཡུན་རིང་གནས་གྱུར་ཅིག །ཅེས་གསུངས་པ་ལྟར། ལུས་ཅན་ཡོངས་ཀྱི་སྡུག་བསྔལ་མ་ལུས་པ་སེལ་བའི་སྨན་དང། བདེ་ལེགས་ཐམས་ཅད་འབྱུང་བའི་གནས་ནི་སངས་རྒྱས་ཀྱི་བསྟན་པ་རིན་པོ་ཆེ་ཁོ་ན་ཡིན་ལ། བསྟན་པའི་ངོ་བོ་ནི་མཛོད་ལས། སྟོན་པའི་དམ་ཆོས་རྣམ་གཉིས་ཏེ། །ལུང་དང་རྟོགས་པའི་བདག་ཉིད་དོ། །དེ་འཛིན་བྱེད་པ་སྨྲ་བྱེད་དང། །སྒྲུབ་པར་བྱེད་པ་ཁོ་ན་ཡིན། །ཞེས་གསུངས་པ་ལྟར། བརྗོད་བྱ་བསླབ་པ་གསུམ་དུ་ངེས་པས་རྗོད་བྱེད་སྡེ་སྣོད་གསུམ་དུ་ངེས་པ་དང། དེའི་རྒྱུ་མཚན་གྱིས་བསྟན་པ་འཛིན་ཚུལ་ཡང། སྡེ་སྣོད་གསུམ་གྱི་འཆད་ཉན་དང། བསླབ་པ་གསུམ་གྱི་ཉམས་ལེན་ལས་གཞན་མེད་དོ། །དེ་ལྟར་ན་བསྟན་པ་རིན་པོ་ཆེ་ཡུན་དུ་གནས་པ་

― GTD007_Page_0656 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་དེ་བཤད་སྒྲུབ་གཉིས་ཀྱི་སྒོ་ནས་འཛིན་པའི་དགེ་འདུན་གྱི་སྡེ་ལ་རག་ལས་པའི་ཚུལ། མཁས་གྲུབ་སྨྲ་བའི་ཉི་མས། སྐྱེ་དགུ་རྣམས་ཀྱི་ཕན་བདེ་ན། །མ་ལུས་རྒྱལ་བའི་བསྟན་ལས་བྱུང། །བསྟན་པའི་ཆུ་བོ་འཕེལ་བའི་གཞ། །དགེ་འདུན་ཆུ་གཏེར་ཆེན་པོ་སྟེ། །ཞེས་གསུངས་པ་ལྟར་ཡིན། དགེ་འདུན་ཡང་གྲངས་ཀྱི་མང་ཉུང་དང། འབྱོར་པའི་ཆེ་ཆུང་ལ་མི་ལྟོས་ཀྱི། ཆོས་འདུལ་བ་དང་མཐུན་པའི་བཅའ་ཁྲིམས་རྣམ་པར་དག་པ་དང་ལྡན་པ་གལ་ཆེ་སྟེ། གྲུབ་ཆེན་སྐལ་ལྡན་རྒྱ་མཚོས། སྤྱིར་བསྟན་དང་འགྲོ་ལ་ཕན་པའི་ཐབས། །ཞིང་དག་པ་དགེ་འདུན་སྡེ་ལ་རག །དོན་དེ་ཕྱིར་དགེ་འདུན་སྤྱི་ཁྲིམས་ལ། །ཐབས་མཁས་པའི་སྒོ་ནས་ཕན་བཏགས་ན། །ཆོས་འདུལ་བའི་ཕྱག་སྲོལ་ཡུན་རིང་གནས། །ཞེས་གསུངས་སོ། །དེས་ན་བསྟན་པའི་གཞི་མ་ཆོས་འདུལ་བའི་ཀུན་སྤྱོད་གཞིར་བྱས་ཤིང། མདོར་བསྡུས་རུང་མཐུན་དུ་གྲགས་པའི་དོན་བཞིན་བླ་མ་གོང་མ་རྣམས་ཀྱིས་ཡུལ་དུས་དང་བསྟུན་པའི་དགག་སྒྲུབ་ཀྱི་བསླབ་བྱ་འགའ་ཞིག་དང་བཅས་དགེ་འདུན་གྱི་སྤྱི་ཁྲིམས་སུ་མཛད་པའི་དོན་བཞིན་བརྗོད་པ་ལ། ཐོག་མར་འཇུག་པ་པོ་རྟེན་གྱི་གང་ཟག །ཞུགས་ནས་བླང་དོར་ཇི་ལྟར་བྱེད་ཚུལ། དེའི་ཡན་ལག་བསྒྲིག་ལམ་ཐོར་བུའི་སྐོར་དང་གསུམ། དང་པོ་ནི། མཁན་སློབ་ཚད་ལྡན་ལས་དགེ་ཚུལ་སློང་གི་སྡོམ་པ་མནོས་ཤིང། གཞན་ནས་གནས་དབྱུང་བྱས་པ་

― GTD007_Page_0657 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཁ་སྨྲས་ངན་པས་ཕོག་པ་མ་ཡིན་པ། རྩ་བཞི་ཆང་སོགས་ཀྱི་མཐོང་ཐོས་དོགས་གསུམ་མེད་པས་ཚུལ་ཁྲིམས་རྣམ་པར་དག་པ་གཙོ་བོ་ཡིན་ཏེ། བཤེས་སྤྲིང་ལས། ཁྲིམས་ནི་རྒྱུ་དང་མི་རྒྱུའི་ས་བཞིན་དུ། །ཡོན་ཏན་ཀུན་གྱི་གཞི་རྟེན་ལེགས་པར་གསུངས། །ཞེས་པ་ལྟར་ཚུལ་ཁྲིམས་ནི་བདེ་ལེགས་ཐམས་ཅད་ཀྱི་གཞི་རྩ་ཡིན་ཞིང། ཚུལ་ཁྲིམས་འཆལ་བས་དགེ་འདུན་གྱི་རྫས་ཏིལ་འབྲུ་ཙམ་ཡང་ལོངས་སྤྱོད་མི་རུང་བའི་ཚུལ། མདོ་ལས། ལྕགས་གོང་མེ་ལྕེ་འབར་འདྲ་བ། །ཟོས་པར་གྱུར་པ་ཆེས་སླ་ཡི། །ཚུལ་འཆལ་ཡང་དག་མི་སྡོམ་པས། །ཡུལ་འཁོར་བསོད་སྙོམས་ཟ་བ་མིན། །ཞེས་དང། བུ་སྟོན་ཐམས་ཅད་མཁྱེན་པས། །ཚུལ་འཆལ་ཡུལ་འཁོར་བསོད་སྙོམས་སྤྱོད་པ་ན། །ལྕགས་གོང་མེ་ལྕེ་འབར་བ་ཟ་བར་སྐྱེ། །ཚུལ་འཆལ་དགེ་འདུན་བཏུང་བ་འཐུང་བ་ན། །ཟངས་ཞུན་འབར་བ་འཐུང་བར་སྐྱེ་བར་འགྱུར། །ཤེས་ལྡན་ཁྱེད་ལ་མང་དུ་སྨོས་ཅི་དགོས། །ཚུལ་ཁྲིམས་འཆལ་བས་ས་ནི་གོམ་གང་དང། །ཟས་ནི་ཁམ་གཅིག་བཏུང་བ་ཆུ་ཕོར་གང། །ཙམ་ཞིག་དགེ་འདུན་རྫས་ལ་ལོངས་སྤྱད་ན། །ལོག་འཚོ་ཡིན་ཏེ་དམྱལ་བར་སྐྱེ་བར་གསུངས། །ཞེས་སོགས་ལྟར་ཉེས་དམིགས་ཤིན་ཏུ་ཆེ་བས། ཚུལ་འཆལ་གྱི་དོགས་གནས་ཙམ་ཡོད་ནའང་སྡེ་འདིར་ཞུགས་མི་ཆོག །ལོའང་བསྒྲིག་ལམ་འཁུར་མི་ནུས་པའི་ཧ་ཅང་རྒས་ཆེས་པ་དང་གཞོན་ཆེས་པ་མ་ཡིན་པ། ཞར་འཐེང་སྒུར་པོ་སོགས་མཛེས་པའི་བར་ཆད་དང་བྲལ་ཞིང། གཏད་པ་གསུམ་མམ་བཞིའི་སྒོ་ནས་སྡེ་འདིར་ཚེ་དང་སྒྲུབ་པ་མཉམ་སྟེ་སྡོད་པའི་འདུན་པ་ཅན་ཚོགས་འདོན་གྱི་སྐོར་ཕལ་ཆེར་ཚགས་སུ་ཚུད་པ་དགོས། དགེ་

― GTD007_Page_0658 ―

^{[མ་དཔེ་གཟིགས་ན་འདིར་གནོན།]}

[Full Size]

སློང་ཡིན་ན་ཆོས་གོས་རྣམ་གསུམ་དང། དགེ་ཚུལའང་བླ་གོས་མཐང་གོས་གདིང་བ་ལྷུང་བཟེད་སོགས་ཚད་དང་ལྡན་པ། ལིའམ་ཟངས་སེར་སོགས་ཀྱི་མཎྜལ། སྒོམ་ཞྭ། ཟླ་གམ། གཟན་སོགས་ཀྱི་མཐའ་གཉིས་སུ་མ་ལྷུང་བ། ཕྲེང་སེར་རམ་བོ་ཏི་ཙེ། ཆབ་རིལ་གཡོགས་མ་ཆབ་ཐུར་ཅན་སོགས་མདོར་ན་འཇུག་པའི་རྟེན་དང་ཡོ་བྱད་ཚུལ་དང་མཐུན་པ་དགོས། དགེ་འདུན་གྱི་ཞལ་གྲངས་ཧ་ཅང་མང་ན་འུར་དང་གཡེང་བ་ཆེ་བས་དབེན་པ་ཚད་ལྡན་ཞིག་མི་ཡོང་ཞིང་། ཧ་ཅང་ཉུང་ན་ཚོགས་འདོན་སོགས་མི་འཆུན་པས་གྲངས་སོ་གཉིས་ཀྱི་བཅད་པ་བྱས་ཡོད་སྟབས་སྔར་ནས་སྙན་གསན་ཕུལ་ཏེ་ཞལ་གྲངས་དང་བསྟུན་ནས་འཇུག་མཚམས་དོད་པ་ན་བླ་མ་དང་གནས་བརྟན་ལ་མཇལ་ཏེ་ཚོགས་སུ་འཇུག་ཅིང་བགྲེས་པ་ཚད་ལྡན་རེ་བརྟེན་ནས་བསྒྲིག་ལམ་ཕྲ་ཞིབ་ངེས་པ་བྱེད་དགོས།གཉིས་པ་ཞུགས་ནས་བླང་དོར་བྱེད་ཚུལ་ལ། རྒྱུན་གྱི་སྤང་བླང་དང་དགེ་སྦྱོར་བྱ་ཚུལ་སྤྱིར་བསྟན་པ་དང། ཚོགས་ཀྱི་བསྒྲིག་ལམ་བྱེ་བྲག་ཏུ་བཤད་པ་གཉིས། དང་པོ་ནི། བླང་དོར་ཚུལ་བཞིན་བྱེད་པ་ལ་ཐོག་མར་ཐོས་པའི་སྒོ་ནས་མི་ཤེས་པ་ལྟུང་བ་འབྱུང་བའི་སྒོ་ཁེགས་པ་ཞིག་གལ་ཆེ་བས། སྤྱིར་ཐོས་པ་གང་བྱས་ཁ་ཕྱིར་བལྟས་སུ་མ་སོང་བར་ཆོས་ཀྱི་མདེའུ་སྣེ་ནང་དུ་བསྐོར་ཏེ་ཉམས་སུ་ལེན་ཤེས་པ་དང། ཁྱད་པར་དུ་སྡོམ་གསུམ་སོ་སོའི་བསླབ་བྱ། ལམ་རིམ་རྒྱས་བསྡུས་ཅི་རིགས་སོགས་མཉན་ཏེ་གཅིག་ཤེས་གཉིས་ཤེས་ལག་ལེན་དུ་ཐེབས་པ་དགོས། མཉན་པའི་ཡུལ་ཡང་རང་གི་ཉེ་

― GTD007_Page_0659 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་ཙམ་ལ་མ་ཡིན་པར་བླ་མ་མཚན་ཉིད་དང་ལྡན་ངེས་ཤིག་ལེགས་པར་བརྟག་ནས་བཙལ་དགོས་ཏེ། མཁས་གྲུབ་ཐམས་ཅད་མཁྱེན་པས། ཉིན་ཞག་གཅིག་གི་ལམ་གྱི་སྐྱེལ་མ་ལའང། བློ་གཏད་ཐུབ་མི་ཐུབ་སྣ་ཚོགས་པ་ཡོད་ན། སྐྱེ་བ་གཏན་གྱི་འདུན་མ་རྩ་བའི་བླ་མ་འཚོལ་བའི་ཚེ་མཚན་ཉིད་ཚང་མ་ཚང་ཐེ་ཚོམ་མི་སྐྱེ་ཞིང། རང་བཟའ་བཏུང་དང་གཅམ་བུའི་ངག་གིས་བཀྲིས་པ་ཙམ་རྒྱུ་མཚན་དུ་བྱས་ནས། ཁྱི་དང་གློ་བ་ཕྲད་པ་ལྟར་འཇུག་ག་ལ་རིགས། ཞེས་གསུངས་པ་ལྟར་རོ། །དུས་དབང་གིས་བླ་མ་མཚན་ཉིད་ཐམས་ཅད་དང་ལྡན་པ་ཞིག་མ་རྙེད་ནའང། དོན་དམ་སྙེ་མ་ལས། རྩོད་ལྡན་དབང་གིས་བླ་མ་སྐྱོན་དང་ཡོན་ཏན་འདྲེས། །རྣམ་པ་ཀུན་ཏུ་སྡིག་པ་མེད་པ་ཡོད་མ་ཡིན། །གང་ཞིག་ཡོན་ཏན་ལྷག་པ་ཡང་ནི་ལེགས་དཔྱད་ནས། །བུ་རྣམས་ཀྱིས་ནི་དེ་ལ་བརྟེན་པར་འགྱུར་བ་འོ། །ཞེས་གསུངས་པ་ལྟར། སྐྱོན་ཡོན་གཉིས་ལས་ཡོན་ཏན་ལྷག་པ་དང། དེའི་ནང་ནས་ཀྱང་སྙིང་པོར་གྱུར་པ་ཡུན་དུ་འགྲོགས་པ་ན་ཚེ་འདི་ཕྱི་གཉིས་ལས་ཕྱི་མའི་དོན་དང། ཆོས་འཇིག་རྟེན་གཉིས་ལས་ཆོས་ཀྱི་ཕྱོགས་སུ་བློ་སྣ་འཁྲིད་ཅིང་ཚུལ་ཁྲིམས་གཙང་མ་ལ་སྦྱོར་བ་ཞིག་མེད་མི་རུང་དུ་བསྟེན་དགོས། བླ་མར་མ་བསྟེན་པའི་གོང་དུ་མཚན་ཉིད་དང་ལྡན་མི་ལྡན་ལྟ་བ་མ་གཏོགས། ཆོས་འབྲེལ་བཞག་ཟིན་ནས་མཛད་པ་ཅི་སྣང་ཡང་རང་སྣང་བ་མ་དག་པ་ཡིན་སྙམ་ནས་སྐྱོན་རྟོག་འགོག་དགོས་ཏེ། རང་ངོས་ནས་དད་པ་སྦྱོང་ནུས་ན་བླ་མའི་ངོས་ནས་ཇི་ལྟར་ཡིན་ཀྱང་སངས་རྒྱས་ཐམས་ཅད་དེར་འདུས་ཏེ་བྱིན་གྱིས་རློབས་པའི་ཚུལ། པོ་ཏོ་བས། བླ་མ་ཡོན་

― GTD007_Page_0660 ―

^{[མ་དཔེ་གཟིགས་ན་འདིར་གནོན།]}

[Full Size]

ཏན་ཆེ་དང་ཆུང་མིན། །གང་ལ་དད་པ་དེ་ཡིས་དེ་འདུལ། །ཞེས་གསུངས་པ་ལྟར་ཡིན། དེང་སང་ཆོས་ཤེས་པར་རློམ་པ་མང་པོ་ཞིག་རང་གི་བླ་མ་ལ་སྨད་ར་རེ་བཏང་ནས་ང་ལ་ཆོས་འབྲེལ་ཞིག་ཀྱང་ཡོད། དེ་ཡིན་ནའང་ངས་དྲང་པོ་བཤད་པ་ཡིན་ཟེར་བ་ནི་རང་གི་དོན་སྙིང་རུལ་བ་ཕྱིར་ངོམ་པ་ཡིན་པས་བདུད་ཀྱི་ཚིག་ཏུ་ཤེས་པར་བྱོས་ལ་དུག་བཞིན་སྤོངས། རང་གིས་དེ་འདྲ་མི་གླེང་བར་མ་ཟད་དྲུང་དུ་བླ་མའི་སྐྱོན་བརྗོད་མཁན་བྱུང་ན་རང་གི་ཚིག་འགྲོ་ཚེ་ངའི་བླ་མ་ཡིན་པས་དེ་འདྲ་མ་ཟེར་ཞེས་འགོག་དགོས་ལ། དེ་མི་ནུས་ན་ཐབས་ཀྱིས་གཞན་དུ་བཤོལ་ནས་འགྲོ་ཞིང་ཕྱིས་དེ་འདྲ་ལ་འདྲིས་འགྲོགས་མི་བྱེད། དེས་མཚོན་ཏེ་དམ་ཚིག་ཉམས་པའི་མི་དང་འགྲོགས་ཤིང་དེའི་རྫས་ལ་སྤྱད་ན་དངོས་གྲུབ་ཀྱི་སྒོ་འགག་པར་འགྱུར་བས་འགོ་བའི་ནད་བཞིན་ཤིན་ཏུ་འཛེམ་དགོས། ཉམས་ལེན་བྱེད་པ་ལ་ཉམས་སུ་ལེན་རྒྱུ་དང་འདོར་རྒྱུའི་བྱེ་བྲག །དེའི་ཕན་ཡོན་དང་ཉེས་དམིགས་ཀྱི་ཁྱད་པར་ཕྱོགས་ཙམ་ཞིག་མ་གོ་བར་སྔགས་ཀྱི་གྲངས་བསགས་པ་ཙམ་གྱིས་བོགས་མི་ཐོན་པ་ནི། མི་ལ་བཞད་པའི་རྡོ་རྗེས། ཐོས་པ་མེད་པའི་སྒོམ་པ་དེ། །ལག་རྡུམ་བྲག་ལ་འཇུས་པ་འདྲ། །ཞེས་དང། རྗེ་བླ་མས། བླང་དོར་གནས་ལ་ཀུན་ནས་འཐོམ་པའི་མུན། །ཡང་དག་ཐོས་པའི་སྒྲོན་མེས་མ་བསལ་བར། །ལམ་མི་ཤེས་ན་ཐར་པའི་གྲོང་མཆོག་ཏུ། །འཇུག་པར་འགྱུར་བ་སྨོས་ཀྱང་ཅི་ཞིག་དགོས། །ཞེས་གསུངས་པ་ལྟར་ཡིན་པས་ཐོས་པ་གལ་ཆེ་ལ། ཐོས་པ་དེའང་ཐོས་ལོ་ཙམ་གྱི་གྲངས་གསོག་པ་དང། ཚེ་འདིའི་རྙེད་འཚོལ་སོགས་

― GTD007_Page_0661 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ལག་ཆར་མ་སོང་བར་སྒོམ་སྒྲུབ་ཀྱི་ཡན་ལག་ཏུ་འགྱུར་ངེས་པའི་ཐོས་པ་བྱེད་ཚུལ་དང་ཉན་པའི་ཡུལ་སོགས་ཚུལ་དང་མཐུན་པ་དགོས། བསླབ་བྱ་སོགས་ཉན་ཡང་དེ་འཕྲལ་ནས་ལག་ལེན་དུ་མ་བཏབ་ན་རྒྱུད་དྲེད་ནས་སླར་ཅི་བྱས་ཀྱང་མི་ཕན་པ་ཞིག་འབྱུང་བས་བསླབ་བྱ་རྒྱས་བསྡུས་གང་འཚམ་རེ་བྱང་བར་བཟུང་ནས་བླ་མའི་གསུང་དང་གཉིས་ཀ་སྦྱར་ཏེ་ལག་ཏུ་ལོན་ངེས་ཀྱིས་ཉན་པའི་དགོས་དོན་མ་འཆུག་པ་བྱ། དེའང་ཐུན་དྲུག་གི་རྣལ་འབྱོར་མ་ཆག་པར་བྱ་བའི་ཞར་ལ་ལྟུང་བ་བསྔོ་བགྲང་བྱས་ཏེ་སྔགས་བྱང་སེམས་ཀྱི་བཅས་འགལ་རྣམས་ཉིན་ཞག་གི་དྲུག་ཆའི་ནང་དུ་བཤགས་པ་དང། སོ་ཐར་གྱི་ཉེས་པ་རྣམས་ཀྱང་ཉལ་ཁ་ཚུན་ལ་བཤགས་ཏེ་ལྟུང་བ་དང་ཞག་ཏུ་མི་འགྲོགས་པ་བྱེད། འགྲོ་འདུག་སྤྱོད་ལམ་གང་གི་སྐབས་སུའང་ཤེས་པ་རྒྱ་ཡན་ལ་མ་བཏང་བ་དབང་པོའི་སྒོ་བསྡམས་ཏེ་དྲན་ཤེས་རྒྱུན་ཆགས་སུ་བསྟེན་ནས་ལྟུང་བས་མ་གོས་པ་ལ་འབད། ཁྱད་པར་བྱང་སེམས་ལ་དམིགས་པའི་ཁོང་ཁྲོ་སྐད་ཅིག་མ་གཅིག་སྐྱེས་ནའང་བསྐལ་པ་སྟོང་དུ་བསགས་པའི་དགེ་རྩ་འཇོམས་པར་སྤྱོད་འཇུག་ལས་གསུངས་ཤིང། བྱང་སེམས་གར་ཡོད་མི་ཤེས་པ་དང། གྲོགས་ཚངས་པ་མཚུངས་པར་སྤྱོད་པ་ལ་ཁྲོས་ན་འཁོར་སྒྱུར་གྱི་སྐྱེ་བ་གྲངས་མེད་པ་འགྲུབ་པའི་རྒྱུའི་བསོད་ནམས་ཉམས་པར་མདོ་ལས་གསུངས་ལ། བླ་མ་གཅིག་གི་དྲུང་ནས་དབང་ཉན་པའི་གྲོགས་རྡོ་རྗེ་སྤུན་ལ་ཁྲོས་ན་རྩ་ལྟུང་དུ་འགྱུར་བས་རྡོ་རྗེ་དམྱལ་བར་སྐྱེ་བ་སོགས་ཉེས་དམིགས་བསམ་གྱིས་མི་ཁྱབ་ཅིང། དུས་དབང་གིས་འབྱུང་ཉེ་བས་ཤིན་ཏུ་བསྒྲིམས་ཏེ་འགོག་དགོས། མཚང་ནས་རྒོལ་བའི་ཁ་འཛིང་བྱས་ན་བརྒྱ་ཕྱག་

― GTD007_Page_0662 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་མེ་སྙན་དར་བཅས་དང། ལག་འདྲེས་པ་བྱུང་ན་གནས་ནས་དབྱུང། མ་བྱིན་ལེན་དུ་འགྲོ་བ་ལ་མཐའ་གཅིག་ཏུ་གཞན་གྱི་རྫས་རྐུ་མི་དགོས་པར། ཕ་རོལ་ལ་སྟེར་དགོས་པའི་གླ་རྔན་རིན་ཐང་ཚང་བ་ལྟ་བུ་ཐབས་ཅི་རིགས་ཀྱིས་མ་བྱིན་ནའང་ཕམ་པར་འགྲོ་བས། བློ་རྒོད་མདོག་ཁ་པོའི་རིགས་ལ་འདི་འདྲ་འབྱུང་ཉེ་ཞིང། དེ་བྱུང་ན་རྒྱལ་ཁ་ལོན་པ་མ་ཡིན་གྱི། རང་གི་འདི་ཕྱིའི་ལེགས་ཚོགས་ཀྱི་རྩ་བ་ཆད་པའི་ཕམ་ཚབས་དེ་ལས་ཆེ་བ་མེད། དེར་མ་ཟད་རྫས་ཕྲན་ཚེགས་ཙམ་བརྐུས་ནའང་བློ་ལང་ལ་ཤོར་ཏེ་རྫས་ཆེན་པོ་རྐུ་བ་ལའང་ཅི་མི་སྙམ་པ་འབྱུང་བས། རྐུས་ཀྱི་རིགས་ཆེ་ཆུང་གང་བྱས་ཀྱང་གནས་ནས་དབྱུང། བྲེ་ལོག་སྲང་ལོག་བུན་སྐྱེད་བྱས་པ་སོགས་ཀྱང་རྐུས་དང་ཁྱད་པར་མེད། དེ་བཞིན་དུ་མྱོས་འགྱུར་གྱི་རིགས་འཐུང་བ་དང། ཁྲིམས་གྲོགས་མེད་པར་ཉེ་དུ་མ་ཡིན་པའི་བུད་མེད་དང་གནས་གཅིག་ཏུ་ཉལ་བ་ལ་ཕམ་པ་དང་པོར་མི་འགྲོ་བའི་རྒྱུ་མཚན་ཡང་དག་མི་འདུག་པ་དང། ལག་བསྟར་ཏེ་སོ་ནམ་བྱས་པ་དང་མཚོན་ཆ་ཐོགས་པ་དང། གྲོང་གི་ཁ་མཆུ་སོགས་ཀྱི་གསེབ་ཏུ་ཐེ་གཏོགས་བྱས་པ་དང། བསྒྲིག་འགལ་གྱི་ཆད་ལས་བཞག་པ་ངོས་མི་ལེན་ཞིང་ལན་སློག་པ་སོགས་ཀྱང་གནས་ནས་ཕྱུང་སྟེ་སླར་མི་བསྙེན། ཐ་མ་ཁ་འཐེན་པ། ཁྱིམ་པ་ཕོ་མོའི་གོས་དང་མཚོན་ཆ་སོགས་ནང་དུ་བཞག་པ། ཁྱིམ་པ་སུན་འབྱིན་དུ་འགྲོ་བའི་གཏམ་འཛེམ་མེད་དུ་སྨྲ་བ། གོང་དུ་བཀག་པའི་གོས་ཀྱི་རིགས་གྱོན་པ། གཟན་ཤམ་མེད་པར་སྲང་དུ་འགྲོ་བ། རླུང་ནད་ཅན་ལྟ་བུ་མ་ཡིན་པར་ཕྱི་དྲོའི་ཁ་ཟས་དང་སྒོག་བཙོང་འཛེམ་མེད་དུ་ཟ་བ། མིང་

― GTD007_Page_0663 ―

^{[མ་དཔེ་གཟིགས་ན་འདིར་གནོན།]}

[Full Size]

ངན་འདོགས་པ། གཞན་ལ་ཉེས་མེད་ཀྱི་སྐུར་བ་འདེབས་པ་སོགས་བྱས་ནའང་ལྟུང་བཤགས་དང་ཕྱག་སྦྲགས་ནས་བཤགས་པ་བྱེད་དུ་འཇུག །ལོང་གཏམ་མང་ན་ཆགས་སྡང་སྣ་ཚོགས་དྲངས་ཏེ་དོན་མེད་དུ་ཉེས་པ་ཆེན་པོ་གསོག་པས་སྨྲ་བ་ཉུང་བར་བྱ། གཞན་གྱིས་ངན་སྨྲས་བྱས་པ་སོགས་ཕ་རོལ་པོ་ལ་བཤད་དེསེམས་མི་མཐུན་པར་སོང་ན་བདེན་རྫུན་ལ་མ་ལྟོས་པར་དབྱེན་གྱི་ཉེས་པ་འབྱུང་ཞིང་དགེ་འདུན་ཐུགས་མི་མཐུན་པ་སོགས་ཀྱི་དགག་བྱ་ཆེ་བས་དེ་འདྲའི་རིགས་མི་གླེང། ལྷག་པར་ངག་འཆལ་སྣ་ཚོགས་སྨྲས་ཏེ་གཞན་གྱི་དགེ་སྦྱོར་ལ་བར་ཆད་བྱས་ན་ཉེས་པ་ལྕི་བའི་ཚུལ། དེ་བཞིན་གཤེགས་པའི་ཡེ་ཤེས་མཛོད་ཀྱི་མདོ་ཀླུ་སྒྲུབ་ཀྱི་མདོ་ཀུན་བཏུས་སུ་དྲངས་པ་ལས། ཆོས་འདོད་པ་རྣམས་ལ་རྣམ་པར་གཡེང་བར་བྱེད་པ་ནི་ཚིག་ཀྱལ་པ་རྣམས་ཀྱི་ནང་ན་ཆེན་པོ་ཡིན་ནོ། །ཞེས་གསུངས་པ་ལྟར་ཡིན་པས། ཕན་ཚུན་གྱི་ཤག་དང་སྐོར་ལམ་སོགས་སུ་འཚོགས་ནས་ལོང་གཏམ་མི་བྱ་ཞིང། ལྷག་པར་མཚམས་དང་སྔ་དགུང་གི་ཐུན་གྱི་སྐབས་ཕན་ཚུན་གྱི་ནང་དུ་མི་འགྲོ། ཞོགས་ཀ་བརྡ་གཏོང་བའི་བར་ཐུན་གཉིས་དང། དགུང་མོ་ཐུན་བརྡ་བཏང་ནས་ཐུན་གཉིས་ཏེ་ཐུན་བཞི་མ་ཆག་པར་བྱེད་པ་འདི་རྒྱུན་གྱི་དགེ་སྦྱོར་གྱི་གཞུང་ལྟ་བུ་ཡིན་པས། ཞོགས་ཀ་ནམ་གྱི་སུམ་ཆ་ལུས་པ་ཙམ་ན་བཞེངས་པའི་རྣལ་འབྱོར་ཞུ་བ་གླུས་བསྐུལ་ལྟ་བུའི་དམིགས་པ་དང། མ་མཐའ་འང་ཉིན་དེར་དགེ་སྦྱོར་ལ་འབད་ནས་ཆུད་ཟོས་སུ་མི་གཏོང་སྙམ་པའི་འདུན་པ་ཤུགས་དྲག་བཏང་ལ། ངག་བྱིན་རླབས་འགྱུར་སྔགས་ཕྲེང་སྔགས་སོགས་དང། དུས་དྲན་བསྟེན་པ། བླ་མའི་རྣལ་འབྱོར། རྡོར་སེམས་བསྒོམ་བཟླས་རྣམས་སྔོན་དུ་

― GTD007_Page_0664 ―

^{[མ་དཔེ་གཟིགས་ན་འདིར་གནོན།]}

[Full Size]

བཏང་ནས་ལམ་ཐུན་མོང་དང་ཐུན་མོང་མ་ཡིན་པའི་ཉམས་ལེན་ཆ་ཚང་བའི་ཐུན་གཉིས། དགུང་མོའང་བློ་ནུས་དང་བསྟུན་པའི་མདོ་སྔགས་ཀྱི་ཉམས་ལེན་སྔར་བཞིན་ལ། ཁྱད་པར་ལྟུང་བའི་བསྔོ་བགྲང་གཙོ་བོར་བྱས་ལ་ཉིན་དེར་ལྟུང་བ་བྱུང་མ་བྱུང་བརྟགས་ནས་གཤགས་བསྡམས་དང། ཆོས་སྐྱོང་ལ་གཏོར་མ་ཕུལ་ཏེ་དགེ་སྦྱོར་མཐར་ཕྱིན་པའི་འཕྲིན་ལས་བཅོལ་བ་བཅས་ཐུན་གཉིས་བྱས་ལ་སང་སྔ་བར་བཞེངས་རྒྱུའི་འཕེན་པ་བཏང་སྟེ་ཉལ་བའི་རྣལ་འབྱོར་གྱི་སྒོ་ནས་སེང་གེའི་ཉལ་སྟབས་སུ་གཟིམ། དེ་སྐད་དུ་བཤེས་སྤྲིང་ལས། རིགས་པའི་བདག་ཉིད་ཉིན་པར་མཐའ་དག་དང། །མཚན་མོའང་ཐུན་གྱི་སྟོད་སྨད་འདས་ནས་ན། །མནལ་ཚེའང་འབྲས་བུ་མེད་པར་མི་འགྱུར་བར། །དྲན་དང་ལྡན་པར་དེ་དག་བར་དུ་མནོལ། །ཞེས་གསུངས་པ་བཞིན་ནོ། །ལྷག་པར་དགུང་རེ་བཞིན་ཉིན་མོ་དེ་ལ་དགེ་སྦྱོར་ཚད་ལྡན་བྱུང་འདུག་གམ་མི་འདུག་བརྟགས་ཏེ་བྱུང་འདུག་ན་དགའ་བ་སྐྱེད། སྡིག་ལྟུང་དུ་མས་གོས་པའམ་ལེ་ལོ་དང་སྙོམ་ལས་སོགས་ཀྱིས་དོན་མེད་དུ་འདས་འདུག་ན། ཀྱེ་མ་བདག་ཕ་ཡུལ་གཉེན་བཤེས་ཐམས་ཅད་བསྐྱུར་ནས་དབེན་གནས་འདིར་འོངས་པ་ཡིན་ཀྱང། དགེ་སྦྱོར་ལ་མི་འབད་པར་ཚེ་སྟོང་ཟད་དུ་བཏང་ན་དབེན་པར་སྡོད་པའི་གཅན་གཟན་རི་དྭགས་སོགས་དང་ཁྱད་ཅི་ཡོད། རང་གིས་རང་བསླུས་པར་འདུག་སྙམ་དུ་བསམ་དགོས་ཏེ། མཁས་གྲུབ་ཐམས་ཅད་མཁྱེན་པས། ཕ་ཡུལ་ཉེ་དུ་ལོངས་སྤྱོད་ཀུན་བོར་ནས། །རྩེ་གཅིག་དམ་ཆོས་སྒྲུབ་པར་དམ་བཅས་ཏེ། །གཞན་གྱི་ཡུལ་དུ་རྣམ་གཡེང་འདུ་འཛི་ཡིས། །དལ་འབྱོར་དོན་མེད་

― GTD007_Page_0665 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པ་སྨྱོན་པ་ཡིན། །ཞེས་གསུངས་པ་ལྟར་རོ། །དེས་མཚོན་ཏེ་སྡོད་ས་རི་ཁྲོད་དུ་བསྡད་ཀྱང་བསམ་རྒྱུ་རྙེད་བཀུར་སྙན་གྲགས་ཁོ་ན་བསམ་པ་དང་སྒོམ་ལྟར་སྣང་ལ་མགོ་འཁོར་བ་ནི་དོན་མེད་ཁོ་ན་ཡིན་པས། འཇམ་མགོན་ས་པཎ་གྱིས། དམ་པའི་གདམས་པས་སྤྲོས་པ་མ་ཆོད་པར། །ཞི་གནས་བྱིང་པོ་ཞིག་ལ་སེམས་བཟུང་ནས། །གཏི་མུག་མུན་པ་ཡང་ཡང་སྤེལ་བྱེད་པ།། ཕྱི་བ་ཚང་དུ་ཉལ་བའི་སྒོམ་ཆེན་ཡིན། །དད་དང་འདུན་པས་སེམས་རྒྱུད་མ་ཐུལ་བར། །འགྲན་འདོད་དབེན་པའི་རི་ལ་གནས་བཅས་ཏེ། །འདོད་ཡོན་དགོས་དགུ་རྟག་ཏུ་ཡིད་བྱེད་པ། །གཅན་གཟན་རི་ལ་ཉལ་བའི་སྒོམ་ཆེན་ཡིན། །ཐར་པའི་ལམ་སྟོར་ཉེས་པ་ཀུན་སྤེལ་ནས། །བཟང་འདོད་རི་བྲག་གནས་པས་དུས་འདས་ཏེ། །དེ་རྗེས་ཡོན་བདག་ཕོ་མོའི་གྲོང་ཆོག་མཁན། །ཝ་འདྲ་ལུང་སྟོང་འགྲིམ་པའི་སྒོམ་ཆེན་ཡིན། །ཆོས་བརྒྱད་འདོད་པ་རྩྭ་ཡི་མེ་བཞིན་འབར། །ཁ་ཕྱིར་ཀུན་ཏུ་རྒྱུ་བའི་བརྩོན་འགྲུས་ཅན། །ལོག་པའི་འཚོ་བས་རྟག་ཏུ་འཚོ་བྱེད་པ། །ཁྱི་རྐུན་གྲོང་མཐའ་ཉུལ་བའི་སྒོམ་ཆེན་ཡིན། །རྒྱལ་པོ་ངན་པའི་ཚུལ་འཛིན་ངུར་སྨྲིག་ཅན། །ཆགས་སྡང་མཚོན་སྦྱོར་དུ་མའི་འཁོར་གྱིས་བསྐོར། །མི་དགེའི་ཕྲིན་ལས་ཕྱོགས་བཅུར་རྒྱས་བྱེད་པ། །ངན་སོང་གནས་གསུམ་སྤེལ་བའི་སྒོམ་ཆེན་ཡིན། །ཞེས་གསུངས་པ་རྣམས་ཀྱི་དོན་ལ་བསམས་ཏེ་རང་སེམས་ལ་ཞུ་དག་བཏང་ནས། སྒོམ་ཆེན་ཐ་མའི་མཚན་ཉིད་དེ་ལྟ་བུར་མ་སོང་བར། རབ་བྱུང་ན། ལྟ་བ་སྤྲོས་བྲལ་རྣམ་དག་ཤུགས་འཆང་ཞིང། །གཡེང་མེད་སྒོམ་པ་རྣམ་དག་ཡན་ལག་ལྡན། །སྤྱོད་པ་རྣམ་དག་གཡུ་ཡི་རལ་

― GTD007_Page_0666 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཅན། །སེང་གེ་གངས་ལ་གནས་པའི་སྒོམ་ཆེན་ཡིན། །ཞེས་པ་ལྟ་བུ་ལྟ་སྒོམ་སྤྱོད་གསུམ་གྱི་ཡང་རྩེར་སོན་ཞིང་དོན་གཉིས་ཕུན་སུམ་ཚོགས་པ་སྒྲུབ་ནུས་པ་ཞིག་བྱུང་ན་ལེགས་ལ། མ་མཐའ་འང་། ཐེག་མཆོག་སྒྲུབ་པ་ཚུལ་བཞིན་མ་ནུས་ཀྱང། །དབང་བཞིའི་དམ་ཚིག་མེ་ཏོག་ཆུན་པོ་ན། །མགོ་ཡི་ཐོད་བཞིན་རབ་ཏུ་སྲུང་བྱེད་ན། །སྲིད་པ་མྱུར་དུ་སྒྲོལ་བའི་སྒོམ་ཆེན་ཡིན། །ཞེས་པ་ལྟ་བུ་ས་ལམ་གྱི་ཉམས་ལེན་རྒྱ་ཆེན་པོ་མ་ལྕོགས་ཀྱང་ཁས་བླངས་པའི་དམ་སྡོམ་ཚུལ་བཞིན་དུ་བསྲུང། ཕྱི་མ་ཕན་ཆད་ཀྱི་བསམ་བློ་རྒྱུན་དུ་བཏང་སྟེ་འཁོར་བ་སྤྱི་དང་ཁྱད་པར་ངན་སོང་གི་སྒོ་ཁེགས་པ་ཞིག་ཅི་ནས་ཀྱང་བྱ་དགོས། དེ་ལྟར་ཉིན་མཚན་དུས་ཀུན་དོན་མེད་དུ་མ་སོང་བ་དང། དགུང་ཞོགས་ཀྱི་ཐུན་རྣམས་གཟུགས་བརྙན་དུ་མ་སོང་བར་ཚུལ་དང་མཐུན་པ་སེམས་ལ་འཛིན་རྒྱུ་ཡོད་པ་བྱ། དགེ་སྦྱོར་གནད་དུ་འགྲོ་བ་ཨུ་ཚུགས་ཁོ་ནའི་ཁ་ན་མེད་པར་བྱེད་ཚུལ་མཁས་དགོས་པས། ཐུན་གྱི་བར་མཚམས་སུ་ལམ་རིམ་བློ་སྦྱོང་། དམ་པ་གོང་མའི་རྣམ་ཐར། ལས་འབྲས་ཀྱི་རྣམ་གཞག་གཙོ་བོར་སྟོན་པ་མཛངས་བླུན་དང་ལས་བརྒྱ་པ་འདུལ་བ་ལུང་ལྟ་བུ། རིམ་གཉིས་ཀྱི་ཁྲིད་ཡིག་སོགས་མདོ་སྔགས་ཀྱི་གཞུང་ཆེ་བ་རྣམས་ལ་དཔེ་ཀློག་རྒྱུད་དང་འདྲེས་ངེས་པ། སྦྱོར་བའི་ཆོས་དྲུག་ལྟར་གནས་ཁང་གི་ཕྱི་ནང་དུ་གད་དར་གཙང་སང་ངེ་བ་དང། མཆོད་པ་གཙང་མ་གང་འབྱོར་ཆག་མེད་དུ་འབུལ་བ། ཕྱག་དང་སྐོར་བ་བྱེད་པ། སཱཙྪ་འདེབས་པ་སོགས་སྒོ་མཐའ་དག་ནས་ཚོགས་གསོག་སྒྲིབ་སྦྱོང་གི་ཐབས་ལ་འབད། ཆོས་

― GTD007_Page_0667 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་གྱི་ཡོ་བྱད་ཕྲན་ཚེགས་སྒྲུབ་དགོས་པ་རྣམས་ཀྱང་ཞར་ལ་ཚགས་སུ་ཚུད་པར་བྱ། ནོར་རྫས་ཡོ་བྱད་ཀྱང་ཆོག་ཤེས་ཀྱིས་ཚོད་མ་བཟུང་བར་མཁོ་བའི་བསམ་མནོ་ཁོ་ན་བཏང་ན་སྲེད་པ་ཇེ་ཆེར་སོང་ནས་མི་དགོས་དགུ་དགོས་ཤིང། ཇི་ཙམ་ཡོད་ཀྱང་ཆོག་རྒྱུ་མེད་པ་ཞིག་འབྱུང་སྟེ། ཚོམས་ལས། གངས་ཅན་དང་ནི་མཉམ་པ་ཡི། །གསེར་གྱི་རི་བོ་ཡོད་གྱུར་ཀྱང། །ནོར་དེས་གཅིག་ཀྱང་མི་ཚིམ་པ། །ཤེས་པར་གྱིས་ལ་འདོད་འདུན་སྐྱུངས། །ཞེས་དང་། འབའ་ར་བས། གླིང་བཞིའི་ནོར་ལ་དབང་བསྒྱུར་ཀྱང། །མེད་ཀྱིན་ཆད་པ་མ་གཏོགས་པ། །འདང་ཞིང་ལྷག་པ་ཡོང་དུས་མེད། །ཅེས་གསུངས་པ་ཡིན་ལ། རང་གིས་ཆོག་ཤེས་བསྟེན་ཐུབ་ན་ཡོ་བྱད་ཀྱིས་གང་དུ་མི་ཕོངས་ཏེ། ཤེས་རབ་སྡོང་བུ་ལས། ཆོག་ཤེས་[7]དེས་པའི་བདག་ཉིད་ཅན། །འཚོ་བ་གང་ནའང་བཙལ་མི་དཀའ། །རྩྭ་དང་ལོ་མ་ཆུ་ཡི་གནས། །གང་ནའང་མེད་པ་མ་ཡིན་ནོ། །ཞེས་གསུངས་སོ། །ཁྱད་པར་དུ་རབ་ཏུ་བྱུང་ནས་ཚུལ་ཁྲིམས་རྣམ་དག་ཅིག་བསྲུང་ན་བཅོམ་ལྡན་འདས་ཀྱི་ཐུགས་རྗེས་འཚོ་བས་དབུལ་བ་ཞིག་མི་འོང་སྟེ། མདོ་ལས། ཁྱིམ་པའི་སྐྱེ་བོ་ཐམས་ཅད་ཀྱིས། །སེན་མོའི་སྟེང་དུ་ཞིང་རྨོས་ཀྱང། །ང་ཡི་རབ་ཏུ་བྱུང་བ་རྣམས། །འཚོ་བས་ཕོངས་པར་མི་འགྱུར་རོ། །ཞེས་གསུངས་པས། རྡོ་རྗེའི་ཚིག་གིས་ནམ་ཡང་བསླུ་མི་སྲིད་དོ། །ལྷག་པར་སྒོམ་ཆེན་ཐུར་དུ་མ་འདྲིལ་ན། ཟན་གོང་གྱེན་དུ་འདྲིལ་བའི་དཔེ་ལྟ་བའི་སྒོམ་སྒྲུབ་རྣམ་དག་ཅིག་མ་བྱུང་དོགས་པའི་སེམས་ཁྲལ་མ་གཏོགས། ལོ་ཟླ་མང་པོའི་ལྟོ་གོས་ཀྱི་སེམས་ཁྲལ་རྒྱབ་ཏུ་བསྐྱུར་ཏེ་འཕྲལ་གྱི་རྙེད་པ་འཕྲལ་དུ་ཟ་ཞིང་རྒྱུ་ནོར་མང་པོ་མེད་པས་གཞན་ཞིག་ཏུ་འགྲོ་ནའང། ལྷམ་སྣ་བསྒྱུར་བས་བན་གཞིས་རྫོགས་

― GTD007_Page_0668 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བཀའ་གདམས་གླེགས་བམ་ལས། འཕྲལ་ལ་ཟས་འཚོ་བྱ་དང་འདྲ། །ཀག་སྟེ་ལང་བས་གཞིས་རྫོགས་པ། །གསུངས་པ་དེ་བཞིན་ཞིག་བྱུང་ན་བཀའ་གདམས་གོང་མའི་གསུང་སྒྲོས་ལས། སྔར་ངའི་ཁས་ཟས་མི་རྙེད་པ་ལ། ད་ཟས་ཀྱིས་ངའི་ཁ་མི་རྙེད་པར་འདུག་གསུངས་པ་ལྟར་འགྲོ་བ་ཀུན་གྱི་མཆོད་པའི་གནས་སུ་འགྱུར་བ་མ་གཏོགས་ཡོ་བྱད་ཀྱིས་བྲེལ་མི་སྲིད་པས་ཁ་རག་སྒོམ་ཆུང་གིས། སོ་ནམ་མ་བྱས་ཡོ་བྱད་མ་བསགས་ཀྱང། །སྒོམ་ཆེན་འཁྱག་གམ་ལྟོག་ནས་ཤི་བ་གང། །སྔོན་ཆད་མཐོང་ཞིང་ཐོས་པ་མ་བྱུང་སྟེ། །མ་འོངས་པ་ནའང་འབྱུང་བར་མི་འགྱུར་རོ། །ཞེས་གསུངས་སོ། །དེས་ན་ཉམས་ལེན་གནད་དུ་མི་འགྲོ་བའི་རྐྱེན་སྡུག་ཤོས་ལྟོ་རྒྱབ་ཀྱི་དོན་དུ་ནོར་རྫས་ལ་སྲེད་པ་ཆེ་ཞིང་ཆོག་མི་ཤེས་པ་འདིར་སྣང་བས། ལྟོ་གོས་གང་བྱུང་གིས་ཆོག་ཤེས་པ་འཕགས་པའི་རིགས་བཞི་ལ་གནས་པ་ངེས་པ་དོན་གྱི་དགེ་སྦྱོང་གི་ཚུལ་དང་མཐུན་པར་བྱེད། གཉིས་པ་ཚོགས་ཀྱི་བསྒྲིག་ལམ་བྱེ་བྲག་ཏུ་བཤད་པ་ལ། ཚོགས་བརྡ་བཏང་བ་དང་མ་འགྱང་བར་སྤྱོད་ལམ་མཛེས་པས་འདུ་ཞིང་སྒོ་འབྱོར་དུ་བཞུགས་ནས་དུང་བཏང་བ་དང་དམིགས་བརྩེ་མ་གསུང་བཞིན་པར་ནང་དུ་ཕེབས། གྲིབ་མ་སོར་གཅིག་ཡན་ཆད་ཀྱི་བསླབ་པའི་རྒན་གཞོན་བརྩིས་ཏེ་ཆོས་འདུལ་བ་ཇི་ལྟ་བ་བྱུང་ན་ཤིན་ཏུ་ལེགས་ལ། འོན་ཀྱང་འདུལ་བ་མདོར་བསྡུས་ཀྱི་དོན་བཞིན་ཡུལ་དུས་དང་བསྟུན་དགོས་པས། དགག་བྱ་དང་དགོས་པ་ཡོད་ཚེ་དགོན་པའི་གྲལ་རིམ་དང་མཐུན་པར་བྱེད། གྲལ་དུ་བཞུགས་ཚུལ་ཧ་ཅང་དགྱེ་བ་དང་སྒུར་བ་མ་ཡིན་ཞིང་ཡ་ཡོ་འཁྱག་འཁྱོག་ཏུ་མ་སོང་བ་དགོས།

― GTD007_Page_0669 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་དྲང་པོར་བསྲང་ཞིང་དབུ་ཅུང་ཟད་སྒུར་ཏེ་ལོ་ཡག་གི་སྙེ་མ་ལྟར་བཞུགས་པ་ལས། ཁ་བཏུམ་གཞོག་གཅུས། གཡས་ལྟ་གཡོན་ལྟ། ཀ་བ་དང་རྩིག་པ་ལ་བསྙེ་བ། ལོང་གཏམ་སྨྲ་བ། གཞན་ལ་མིག་བརྡ་དང་མཆུ་ཚུགས་བྱེད་པ། ཟླ་གམ་གྱི་མདུན་ཕྱེ་ནས་སྡོད་པ་སོགས་སྤྱོད་ལམ་མི་མཛེས་པའི་རིགས་སྤངས་ཏེ་ཚུལ་དང་མཐུན་པར་བཞུགས། ཚོགས་འདོན་གྱི་རིམ་པ་རྒྱུན་ཆགས་སུ་སྐྱབས་འགྲོ་སྔོན་དུ་འགྲོ་བའི་བླ་མའི་རྣལ་འབྱོར་དང་འབྲེལ་བར་དམིགས་བརྩེ་མ་གང་འགྲོ་རེ། ཡན་ལག་བདུན་པ་མཎྜལ་དང་བཅས་པ། བྱིན་རླབས་སྤུངས་ཞུས། སངས་རྒྱས་ཆོས་ཚོགས་མ་ཚར་གསུམ་གྱིས་སེམས་བསྐྱེད་པ་རྣམས་ངེས་ཅན་ལ་སྔོན་དུ་གཏོང་ཞིང། གནས་བཅུའི་ཕྱག་མཆོད། ཤེར་སྙིང་བདུད་ཟློག་དང་བཅས་པ། སྒྲོལ་མ། ཚེ་གཟུངས། སེང་གདོང་མ་སོགས་དང་གཏོར་འབུལ། གཏོར་མ་བརྒྱ་རྩ་ཆུ་སྦྱིན་བཅས་མ་ཆག་པར་བྱེད། ཞལ་འདོན་དལ་བྲེལ་འཚམ་ཞིང་རྟ་འདུར་གང་ཡིན་སྔར་རྒྱུན་མ་ཉམས་པ་དང། གཡས་འཐེན་གཡོན་འཐེན་དུ་མ་སོང་བར་དབུ་མཛད་དང་བསྟུན་ནས་མགྲིན་གཅིག་ཏུ་འུར་ཆེམ་གྱིས་གསུངས། ཌཱ་དྲིལ་རོལ་མོ་སོགས་ཀྱང་སྔ་ཕྱི་མ་ཤོར་བར་འགྲིག་པ་བྱེད། བཞི་པའི་ནང་དུ་བདག་འཇུག་རྣམས་དང། བཅུ་གཉིས་པར་ཚེས་གཏོར་གྱི་འདོན་པ་རྟ་དབྱངས་རོལ་ཆ་དང་བཅས་གཤར་སྦྱང་བྱེད། གསར་ཞུགས་རྣམས་ཀྱིས་དེའི་སྔོན་ནས་དབྱངས་སོགས་ངེས་མཁན་རེའི་རྩར་སློབ་དགོས། ཧོར་ཟླ་ལྔ་པའི་ཚེས་གཅིག་ནས་བཟུང་ཟླ་བ་བཞིའི་རིང་། ཚེས་ལྔ་ལ་འཇིགས་བྱེད་ཀྱི་བདག་འཇུག །ཚེས་བརྒྱད་ལ་བླ་མཆོད། སྨན་བླ།

― GTD007_Page_0670 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིགས་བྱེད། ཚེས་བཅུ་ལ་བདེ་མཆོག །ཚེས་བཅུ་གསུམ་ལ་བདེ་ལམ། ཚེས་བཅོ་ལྔ་ལ་གསང་འདུས། ཉི་ཤུ་ཐམ་པ་ལ་མི་འཁྲུགས་པ། ཉི་ཤུ་ལྔ་ལ་བདེ་མཆོག་གི་བདག་འཇུག །ཉི་ཤུ་བརྒྱད་ལ་བླ་མཆོད་དང་ཕྱག་ཆེན། ཉི་ཤུ་དགུ་ལ་མགོན་ཆོས་ལྷ་མོ་གསུམ་གྱི་བསྐང་གསོ་བཅས་དུས་བཟང་དགུ་རེ་དང། རྒྱུན་པར་ཚེས་ལྔ། ཚེས་བཅུ། ཉི་ཤུ། ཉེར་ལྔ་མ་གཏོགས་པའི་དུས་བཟང་ལྔ་རེ་བྱེད། ཟླ་བ་དེ་བཞི་དང་གསུམ་པ་བཞི་པ་སྟེ་ཟླ་བ་དྲུག་གི་རིང་གསོ་སྦྱོང་ལ་སྔགས་བྱང་སེམས་སོ་ཐར་གསུམ་གའི་ཕྱིར་བཅོས་དང། རྒྱུན་པར་སོ་ཐར་གྱི་ཕྱིར་བཅོས་སྔོན་དུ་གཏོང་། བསྟན་པའི་གཞི་མ་ཆོས་འདུལ་བ་ཡིན་ཞིང། དེ་ལ་ལས་བརྒྱ་རྩ་ཞིག་ཡོད་ནའང། ད་ལྟ་དུས་དབང་གིས་ཕལ་ཆེར་འགྲིབ་སྟེ་ཤུལ་ན་མ་ཉམས་པར་ཡོད་པ་གཞི་གསུམ་གྱི་ཕྱག་ལེན་ཙམ་དུ་སྣང་བས་འདི་ལ་རྩིས་པོ་ཆེར་བྱ། གསོ་སྦྱོང་གི་སྐབས་ནད་པ་ཐུ་མོ་དང་བསྙེན་མཚམས་ལྟ་བུ་མ་ཡིན་པའི་མཚམས་པ་དཀྱུས་མ་སོགས་སུ་ཡང་མ་ལུས་པ་ཕེབས། མ་ཕེབས་པ་རྣམས་ཀྱང་འདུན་པ་དང་ཡོངས་དག་ཕུལ་བ་སོགས་གཞི་གསུམ་གྱི་ཕྱག་བཞེས་ཕྲ་ཞིབ་ཚུལ་དང་མཐུན་པར་བྱེད། མདོར་ན་བསྟན་པའི་གཞི་མ་ཆོས་འདུལ་བའི་ཀུན་སྤྱོད་ལ་རག་ལས་པས་ནང་རེ་བཞིན་འབྲལ་སྤང་ཐུབ་དབང་གི་སྐུའི་མདུན་དུ་དུས་དྲན་བསྟེན་ནས་མེ་ལ་རེག་པ་སོགས་ཀྱི་ཚེ་དེ་དྲན་པར་བྱེད་པ། རུང་ཁང་བྱིན་རླབས། དགུང་རེ་བཞིན་ཡོ་བྱད་གང་བྱུང་བརྟག་སྟེ་བྱིན་རླབས་བྱེད་པ། ནུབ་ལྷག་བསྲུང་བ། བཟའ་བཏུང་དང་ཟགས་པ་དོར་རྗེས་ཆབ་ལེན་པ། རུང་ཆུ་འདེབས་པ། བཟའ་བཏུང་གི་དུས་དང་གཙུག་ལག་ཁང་དུ་

― GTD007_Page_0671 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་བའི་ཚེ་མཆིལ་ལྷམ་མི་བགོ་བ། འགྲོ་བའི་ཚེ་གཟན་སྐྱོར་བྱས་ནས་ཟླུམ་པོར་བགོ་བ་སོགས་སྤྱོད་ལམ་གང་གི་ཚེའང་སྟོན་པའི་བཅས་པ་རྗེས་སུ་དྲན་པའི་ཤེས་བཞིན་གྱིས་ཟིན་པ་བྱས་ན་ཚོགས་གསོག་སྒྲིབ་སྦྱོང་རླབས་པོ་ཆེ་ཞོར་ལ་འགྲུབ་པས་དོན་ཆེ་བ་ཡིན་གྱི། རྒྱུན་པར་སྒོ་གསུམ་བག་མེད་རྒྱ་ཡན་དུ་བཏང་ནས་ཆོས་བྱེད་དུས་ཤིག་ཟུར་ན་ཡོད་པ་བཞིན་བྱས་པས་གོ་མི་ཆོད་དེ། འབྲི་གུང་འཇིག་རྟེན་མགོན་པོས། དྲན་པ་གཡེངས་མེད་ཅིག་མ་ཤེས་ན། །ལུས་ངག་ཏབ་ཏབ་ཀྱི་ཁ་ན་མེད། །ཅེས་གསུངས་པ་བཞིན་ནོ།། གསུམ་པ་དེའི་ཡན་ལག་བསྒྲིག་ལམ་ཐོར་བུའི་སྐོར་ནི། བསླབ་པ་བགྲེས་པ་དང་སྐུ་ཡོན་ཅན་རང་ལས་བློ་ཁ་མཐོ་བའི་རིགས་ལ་ཞྭ་ཕུད་གཟན་འབེབ་ཞེ་ས་སོགས་བཀུར་གཟོས་བྱེད། ནད་པ་ལ་མང་མས་ཁུར་ལེན་གྱིས་དོ་དམ་བྱེད་ཅིང་ཁོ་རང་ལ་ཆ་རྐྱེན་མེད་ན་སྤྱི་རྫས་སྟེང་ནས་སྨན་རིམ་གྲོ་དང་། སྐམ་ཚོགས་ཀྱིས་སྐུ་རིམ་ནན་ཏན་བྱེད། ནད་སོས་ནས་འབྱོར་ན་རང་དྲན་གྱིས་སྤྱི་རྫས་སོགས་བསབ་ན་ལེགས། དེ་འདྲའི་སྐབས་སྤྱི་པའི་གདན་ཆ་མཆོད་ཆ་སོགས་གཡར་ཀྱང་ཕངས་མེད་མི་བྱེད་པར་དོ་དམ་པ་རྣམས་ཀྱིས་ཕྱིར་རྩིས་སྤྲོད་ཅིང་ཕྱོགས་གཞན་དུ་སྤྱི་རྫས་གཡར་པོ་མི་བྱེད། གྲྭ་པ་གཤེགས་སྐབས་ཆ་རྐྱེན་གང་ཡོད་ཚོགས་ཆེ་ཆུང་ལ་ཞལ་འདེབས་འགྲོ་ངེས་བྱེད། སྤྱིལ་བུ་རི་ཁྲོད་དུ་གསར་ཞུགས་ལ་འཚོང་བ་ལས་གཞན་ལ་བཙོང་མི་ཆོག་ཅིང། སྤྱིལ་བུ་བཤིག་པ་དང་སྤྱིལ་བུ་གཉིས་གཅིག་ཏུ་འདྲིལ་བ་སོགས་ཀྱང་མི་བྱེད། དེ་འདྲའི་འཚོང་ཡུལ་མ་འགྲིག་ན་བླ་མའམ་སྤྱི་ལ་འབུལ་ཞིང་དེས་དགེ་ཐེབས་སྤྲོད་པ་དང། སླར་རི་ཁྲོད་པ་གསར་ཞུགས་ལ་གཏོད་པ་བྱེད། སྤྱིལ་བུ་གཅིག་ཏུ་

― GTD007_Page_0672 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་པ་གཉིས་ལྷན་དུ་སྡོད་པ་མི་བྱེད་ཅིང། བདུན་ཅུ་བརྒལ་བས་གང་ཡང་མི་འཛོམ་པ་མ་གཏོགས་གྲྭ་པ་བསྟེན་མི་ཆོག །གྲྭ་པ་གཤེགས་པའི་ཆས་སོགས་ཉོ་ཚོང་གང་ལའང་ཡུལ་དུས་ཀྱི་རིན་ཐང་ཚད་མ་མ་གཏོགས་གཅིག་གིས་གཅིག་ལ་བཙོང་ཕྱོགས་མི་བྱ། གཞན་གྱིས་ཉོ་བའི་བར་དུ་མི་འཚང་ཞིང་རིན་ཐང་འོས་ངེས་བཅད་པ་ལས་ཆད་ལྷག་ཏུ་མི་འཇལ། འདི་ནས་ཕྱོགས་གཞན་ལ་གྲོང་ཆོག་ཏུ་སོང་མི་ཆོག་པར་མ་ཟད་གཞན་དུ་ཆུ་སྤོས་པའི་སྐབས་དེ་ནས་ཀྱང་གྲོང་ཆོག་ལ་མི་འགྲོ། སྤྱིར་གནས་སྐོར་དང་གཉན་ཁྲོད་འགྲིམ་པ་སོགས་ཀྱང་དོན་ཆེའང་སྡེ་འདིར་ཞུགས་ཟིན་ནས་དྲན་རྒྱུ་མང་ན་དགེ་སྦྱོར་མཐར་མི་ཐོན་ཅིང་མིག་ལྟོས་ལ་གནོད་པས། རྒྱལ་དབང་ཀུན་དགའ་དཔལ་འབྱོར་གྱིས། ཁྱོད་ཡང་ན་ཚེ་དང་སྒྲུབ་པ་སྙོམས། །ཡང་ན་ཕྱོགས་མེད་ཀྱི་ལྡུམ་བུ་གྱིས། །ཟླ་འགའ་ཟས་འཚོལ་གྱི་གནས་སྐོར་དེ། །འགྲོ་མིན་སྡོད་མིན་ཅིག་མ་ལགས་སམ། །གསུངས་པའི་དཔེ་ལྟར་ངོས་བཟུང་མེད་པ་ཞིག་འབྱུང་བས། ཇོ་བོ་ཆེན་པོས། ཕན་ཚུན་འགྲོ་བའི་དུས་མ་ཡིན། ས་གཅིག་ཏུ་སྡོད་པའི་དུས་ཡིན། གསུངས་པ་དང་། པཎ་ཆེན་ཐམས་ཅད་མཁྱེན་པས་ཀྱང། རི་ཁྲོད་མཐུན་པའི་གྲོགས་དང་བཅས་པའི་གནས་དེར་དགེ་སྦྱོར་འཕེལ་ན། འཕོ་སྐྱེས་མང་པོ་དགེ་སྦྱོར་གྱི་སད་ཡིན་པས་གཞི་བཟུང་། གསུངས་པ་བཞིན་སྡོད་ཚུགས་པ་བྱེད། དང་པོ་རི་ཁྲོད་དུ་འཇུག་པའི་ཚེའང། རྗེ་མི་ལ་རས་པས། ང་སྐྱིད་པ་གཉེན་གྱིས་མ་ཚོར་ཞིང། །སྡུག་པ་དགྲ་ཡིས་མ་ཚོར་བར། །རི་ཁྲོད་འདི་རུ་འཆི་ནུས་ན། །རྣལ་འབྱོར་བསམ་པ་རྫོགས་པ་ཡིན། །གསུངས་

― GTD007_Page_0673 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟ་བུ་བསམ་བློ་ཞིབ་ཏུ་བཏང་ནས་ཚེ་མཇུག་རི་ཁྲོད་འདིར་སྐྱེལ་ཐུབ་པ་ཞིག་བྱེད་དགོས་སྙམ་ནས་ཡོང་བ་ཡིན་སྟབས། རྒྱལ་སྲས་ཞི་བ་ལྷས། དང་པོར་འབྱོར་པ་བརྟག་ནས་ན། །བརྩམ་མམ་ཡང་ན་མི་བརྩམ་བྱ། །བརྩམས་ནས་ལྡོག་པར་མི་བྱ་འོ། །ཞེས་གསུངས་པ་བཞིན་དམ་བཅའ་མཐར་ཐོན་པ་ཞིག་བྱེད་པ་མ་གཏོགས་གཡས་འགྲོ་གཡོན་འགྲོ་མང་པོའི་འགོ་མི་རྩོམ། ལོ་རེ་བཞིན་ལོ་མཚམས་པ་གཉིས་གསུམ་རེ་བྱུང་ན་ལེགས་ཤིང། ཞལ་གྲངས་ཉུང་སྟབས་ཚོགས་ལ་གནོད་ན་མི་ལེགས་པས་བཞི་ལས་ལྷག་པ་མི་བྱེད། ལས་རུང་མ་སོང་བ་རྣམས་སྟོན་དཔྱིད་ལ་གསང་བདེ་འཇིགས་གསུམ་སོགས་ཀྱི་ལས་རུང་ལྟ་བུར་ཟླ་མཚམས་རེ་བྱེད་པར་དམིགས་བསལ་གཏོང་ཞིང་། དེ་མིན་ཚོགས་འདོན་མ་ཉམས་པ་གཙོ་བོར་བྱེད་དགོས་པའི་སྟབས་ནམ་འགྲིག་ཏུ་མཚམས་བྱེད་ཟེར་བ་ལ་གནང་བ་མི་སྦྱིན། ལོ་མཚམས་པ་དང་འགྲོ་འདུག་མི་ཐུབ་ངེས་པས་ནད་པ་ཐབས་སྡུག་ཡུན་རིང་ཅན་མ་གཏོགས་པ་ཚོགས་སུ་མ་འོངས་པ་ལ་ཇ་ཐུག་དང་མར་གྱི་སྐལ་བ་མི་གཏོང་། ཧམ་པ་གང་ཆེའི་དབང་དུ་མ་བཏང་བར་ཇ་སྐལ་སོགས་ཆ་སྙོམས་པར་བགོ་ལུགས་ཚུལ་དང་མཐུན་པར་བྱེད། འགྱེད་ཕོགས་ཚ་ར་གང་ལའང་སྐུ་སྐལ་མན་ཆད་སུ་ལའང་སྐལ་འཕར་མི་གཏོང། གནས་བརྟན་ལ་བསྔོ་རྟེན། སྤྱི་འཇོག་རྣམ་གཞག་སོགས་ཀྱང་སྦྱིན་བདག་གི་འབྱོར་བསྟུན་ལས་ཚད་བཟུང་གིས་ཞེ་སུན་མི་སྐུར། འབྲུག་པ་སངས་རྒྱས་རྡོ་རྗེས། རྒྱུ་འབྲས་ཞིབ་ཏིག་ངང་ནས། །དགོན་པའི་ཞབས་ཏོག་རེམ་ན། །དེ་ཀ་ཆོས་རང་ཡིན་པས། །འབད་ན་ལེགས་སོ་དྲུང་ཆེན། །ཞེས་པ་ལྟར་སྤྱི་དོན་དུ་བསམ་པ་རྣམ་དག་གིས་ཚོང་

― GTD007_Page_0674 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྱུར་བྱེད་དགོས་བྱུང་ནའང། བྲེ་དང་སྲང་གཡོ་སྒྱུས་མགོ་སྐོར་སོགས་དགེ་འདུན་ལོག་འཚོ་ལ་སྦྱོར་བའི་ཞབས་འདྲེན་བྱེད་མི་རུང་སྟེ། ཟླ་བ་སྒྲོན་མའི་མདོ་ལས། ལས་གང་སངས་རྒྱས་ཀྱིས་ནི་རྟག་སྨད་པ། །སྲང་དང་ཚད་ལ་གཡོ་སྒྱུ་བྱེད་པར་ཞུགས། །དེ་འདྲ་སྡིག་པ་ཉོན་མོངས་ལས་བྱས་པ། །ལས་ངན་བྱེད་པ་དེ་དག་ངན་སོང་འགྲོ། །ཞེས་གསུངས་སོ། །མདོར་ན་བེའུ་བུམ་སྔོན་པོ་ལས། སྙིང་ནས་ཐར་པ་འདོད་པ་རྣམས་ཀྱིས། །སྐྱེས་པའི་ཡུལ་སྤངས་ཉེ་དུ་ཐག་བསྲིངས། །མཐུན་པའི་ཡུལ་འདུག་བཤེས་གཉེན་རྟག་བསྟེན། །འདུ་འཛི་ཀུན་སྤངས་ཚུལ་བཞིན་ཡིད་བྱེད། །དེ་ལ་ཐར་པ་རིང་བ་མ་ཡིན། །ཞེས་གསུངས་པ་ལྟར། རང་ཡུལ་གྱི་འཁྲི་བ་ཆོད་ཅིང་གྲོང་པའི་སྐྱེ་བོ་སོགས་མང་པོ་དང་འདྲིས་པའི་གྲོགས་མི་བྱེད། ཆེན་པོའི་ངོ་འཛིན་སོགས་ཀྱིས་སྣ་ཐག་མི་ལ་མི་གཏོད། མང་པོའི་འདུ་འཚོགས་དང་དོན་མེད་ཀྱི་འཆལ་གཏམ། འགྲོ་འདུག་ཉོ་ཚོང་སོགས་བྱ་བྱེད་མང་པོ་མི་རྩོམ་པར། ད་རེས་ཚེ་ལྷག་འདིའི་སྟེང་ནས་མདོ་སྔགས་ཆ་ཚང་བའི་བསྟན་པ་ཡོངས་རྫོགས་འདི་འདྲ་དང་མཇལ་བའི་ཚོད་ཀྱི་ཉམས་ལེན་རྨད་དུ་བྱུང་བས་ཟུང་འཇུག་གི་གོ་འཕང་བསྒྲུབས་ཏེ་མ་རྒན་སེམས་ཅན་ཐམས་ཅད་ཀྱི་མགོན་བྱེད་ཐུབ་པ་ཞིག་དང། མ་མཐའ་འང་ཐོག་མར་རང་ཉིད་ཕྱི་མ་ངན་སོང་དུ་མི་ལྟུང་བའི་བློ་རྩེ་ཡོད་པ་ཞིག་མི་བྱེད་པའི་ཐབས་ག་ལ་ཡོད་སྙམ་དུ་རང་སེམས་ནང་དུ་བསྐོར་ནས། སྡོམ་པ་གསུམ་གྱི་བཅས་མཚམས་ལ་གནས་མི་གནས། ཆོས་དང་མཐུན་མི་མཐུན་དྲན་ཤེས་རྒྱུན་དུ་བསྟེན་ཏེ་ཉི་མ་གཅིག་དང། ཇ་བར་གཅིག་ཀྱང་

― GTD007_Page_0675 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུད་ཟོས་སུ་མ་སོང་བ་ཞིག་མཛད་ན་ངེས་པར་གཏན་གྱི་བདེ་སྐྱིད་འགོ་ཚུགས་པ་ཞིག་འོང་སྟེ། མཉམ་མེད་ཇོ་བོ་ཆེན་པོས། རང་གི་སེམས་ལ་ཆོངས་དང་ཁ་ཚིག་མིན་གྱི་གྲོས་ལ་གསན་པར་རིགས། །དེ་ལྟར་མཛད་ན་བདག་ཀྱང་དགའ་ལ་རང་གཞན་ཀུན་ཡང་སྐྱིད་པར་མཆིས། །ཞེས་དང། ཀུན་མཁྱེན་འཇམ་དབྱངས་བཞད་པའི་ཞལ་ནས། ཆོས་བྱེད་ན་དེ་བཞིན་མཛད་ན་དགའ། །དེ་སུས་བྱས་སྐྱིད་པའི་རྒྱ་མཚོར་གནས། །ཞེས་གསུངས་པ་ལྟར་ཡིན་པས། དེ་ལྟར་ཅི་ནས་ཀྱང་ལག་ལེན་དུ་ཐེབས་པ་ཞིག་མཛོད་མཛོད། དུས་ལས་མི་ཡོལ་ཐུགས་བསྐྱེད་རྒྱ་མཚོའི་མཐུས། །མཐའ་ཡས་འགྲོ་བའི་མགོན་དང་སྐྱབས་གྱུར་པ། །བླ་མ་ཡི་དམ་དཀོན་མཆོག་རྣམ་གསུམ་མཐུས། །སྨོན་པའི་རེ་འབྲས་ལྷུན་གྱིས་གྲུབ་པར་མཛོད། །བསྟན་སྲུང་དམ་ཅན་རྒྱ་མཚོའི་ཚོགས་རྣམས་དང། །ཁྱད་པར་མ་གཅིག་འདོད་ཁམས་དབང་ཕྱུག་མས། །སྡེ་འདིར་ཆོས་སྲིད་དགེ་མཚན་འཕེལ་བ་དང། །བཅའ་ཁྲིམས་ཉམས་པ་མེད་པའི་སྡོངས་གྲོགས་མཛོད། །རྣམ་དག་ཁྲིམས་ལྡན་དགེ་འདུན་འདུས་པའི་སྡེ། །ཐུགས་མཐུན་བཤད་སྒྲུབ་དབྱར་མཚོ་བཞིན་དུ་རྒྱས། །མཐོང་ཐོས་དྲན་རེག་སྐྱེ་བོ་ཐམས་ཅད་ཀྱང་། །བླ་མེད་བྱང་ཆུབ་དཔལ་ལ་སྦྱོར་གྱུར་ཅིག །ཅེས་དབེན་གནས་ཡིད་དགའ་ཆོས་འཛིན་གྱི་བཅའ་ཡིག་ཡང་དག་སྒྲུབ་པའི་འཇུག་ངོགས་ཞེས་བྱ་བ་འདི་ནི། མང་ཐོས་སྒྲུབ་ལ་གཞོལ་བའི་གནས་བརྟན་རྡོ་རམས་པ་དཀོན་མཆོག་དགེ་འདུན་གྱིས་ནན་ཆེར་བསྐུལ་ཞིང། རང་གིས་ཀྱང་འདི་འདྲ་བ་ཞིག་གལ་ཆེ་བར་མཐོང་སྟེ། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པ་འདི་དོན་བཞིན་དགེ་འདུན་རྣམས་ནས་ཕྱག་ལེན་དུ་
ཐེབས་པ་དང། དམ་ཅན་སྲུང་མ་རྣམས་ཀྱིས་འཕྲིན་ལས་གཡེལ་བ་མེད་པར་མཛོད་མཛོད།། མཉམ་མེད་དྲང་སྲོང་ཆེན་པོའི་རྗེས་ཞུགས་ཏེ། །ཐོས་དོན་ཡང་དག་སྒྲུབ་ལ་གཞོལ་རྣམས་ཀྱི། །ཁྲིམས་སུ་བྱ་བ་ཐར་པའི་གཞུང་ལམ་མཆོག །པར་དུ་བསྐྲུན་པའི་ལེགས་བྱས་དགེ་ཚོགས་མཐུས། །གསུང་རབ་གདམས་པར་ཤར་བའི་ཉམས་ལེན་གྱིས། །སྒྲུབ་བརྒྱུད་བསྟན་པའི་རྒྱལ་མཚན་ཚུགས་པ་དང། །དེ་ཡི་མཐུ་ལས་མཁའ་མཉམ་ལུས་ཅན་ཀུན། །ཡང་དག་ལམ་གྱི་དགའ་སྟོན་མྱོང་གྱུར་ཅིག །ཅེས་པ་འདི་ནི་མཁྱེན་དཔྱོད་ཡངས་པ་ཀྱཱ་ཧུ་ཏཱ་བླ་མ་འཇིགས་མེད་དགེ་འཕེལ་དང་སྔགས་རམས་པ་མཁས་གྲུབ་རྒྱ་མཚོ་གཉིས་ཀྱིས་ལྷག་བསམ་དག་པས་རྒྱུ་ཡོན་སྦྱར་ཏེ་འདི་ཉིད་པར་དུ་བསྒྲུབས་པའི་པར་བྱང་དུ། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།།

ཡིད་དགའ་ཆོས་འཛིན་གྱི་བཅའ་ཡིག་ཟུར་འདེབས།

― GTD007_Page_0676 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་དགའ་ཆོས་འཛིན་གྱི་བཅའ་ཡིག་ཟུར་འདེབས་བཞུགས་སོ།། ཨོཾ་བདེ་ལེགས་སུ་གྱུར་ཅིག །དེའང་ཁྲི་ཐོག་ལྔ་བཅུ་པ་ཞལ་སྔ་ནས་དགེ་འདུན་ཕུན་ཚོགས་ལ། ཀུན་མཁྱེན་འཇམ་དབྱངས་བཞད་པའི་རྡོ་རྗེ་མདོ་སྨད་དུ་ཕེབས་ཀར། ངེད་ཀྱིས་དགོན་པ་བཏབ་འཇོག་རྒྱུ་ཡིན་པས་སླར་ཁྱེད་རང་ཚོས་སྐྱོང་དགོས་ཞེས་དགོངས་གཞི་ཅན་གྱི་བཀའ་གནང་བ་ལྟར། སྐུ་ཚེ་དེར་དགའ་ལྡན་ཁྲིར་ཕེབས་རྒྱུ་དང་རྗེའི་གསེར་གདུང་བཞེངས་པ་སོགས་སྐུ་དོན་རྒྱ་ཆེ་བས་མདོ་སྨད་དུ་ཕེབས་པ་མ་ཤར་ཡང། སྐུ་ཚེ་རྗེས་མ་ངག་དབང་བསྟན་པའི་རྒྱལ་མཚན་དཔལ་བཟང་པོ་སྐུ་ན་ཤིན་ཏུ་ཕྲ་མོའི་དུས་སྔོན་གྱི་ཐུགས་བསྐྱེད་དང་དཔོན་མོ་རྣམ་རྒྱལ་སྒྲོལ་མས་གདན་དྲངས་པའི་མཚམས་སྦྱོར་བ་བརྟེན་ནས་བཀྲ་ཤིས་འཁྱིལ་དུ་ཕེབས། གསན་སྦྱོང་མཐའ་

― GTD007_Page_0677 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོད་པ་དང་དགོན་པའི་འཛིན་སྐྱོང་ཡང་དག་གནང། དེ་སྐབས་དགོན་འདིར་འཆད་ཉན་ལེགས་ཀྱང་ཉེ་སྐོར་དུ་སྒྲུབ་གྲྭ་མེད་པས་བཤད་སྒྲུབ་གཉིས་ལྡན་དུ་བྱ་བར་དགོངས་ཤིང། དགོན་པའི་བྱང་སྐྱོར་ལྟ་བུར་ཕན་པའི་རྟེན་འབྲེལ་ལའང་དགོངས་ཏེ་སྒྲུབ་སྡེ་འདི་བཏབ། ཆོས་འདུལ་བའི་ཀུན་སྤྱོད་གཙང་མ་གཞིར་བྱས་ཏེ་བསྟན་པ་ཡོངས་རྫོགས་ཀྱི་ཉམས་ལེན་ཚང་བའི་སྒོམ་སྒྲུབ་ཀྱི་སྲོལ་བཙུགས་ནས་དེ་དོན་ལྟར་གྱི་བཅའ་ཡིག་ཀྱང་བཞག་འདུག་ནའང། གཙོ་བོར་སེམས་རྒྱུད་འདུལ་བའི་ཐབས་རྩལ་འདོན་བྱས་ཏེ་གསུངས་པ་ལས། འཕྲལ་གྱི་བྱ་བྱེད་སྐོར་ཞིབ་ཆ་མ་གནང་འདུག་པས། བསྒྲིག་ལམ་གནོན་མཁན་དང་འཁུར་མཁན་ཀུན་ལ་དེ་རིགས་གསལ་ཆ་གལ་ཆེ་བར་མཐོང་ནས་བཅའ་ཡིག་རྒྱས་པ་ཟུར་དུ་བཞག་ཡོད་པས་དེ་གཞིར་བྱ། ༼ཀང༽ དེ་ལ་ཉེ་བར་མཁོ་བའི་ཞིབ་ཆ་ཐུན་མོང་མ་ཡིན་པའི་སྐོར་ཟུར་འདེབས་ཀྱི་ཚུལ་དུ་འགོད་པ་ལ། འཇུག་པ་པོ་རྟེན་གྱི་གང་ཟག་ཚུལ་དང་མཐུན་པ་ནི། སྔོན་གྱི་བག་ཆགས་ཅན་གང་ཟག་ཁྱད་པར་བ་རེ་གཉིས་མ་གཏོགས་ཉི་ཤུ་མ་ལོན་བར་དུ་བརྟན་ཆ་མི་འོང་བས་ཉི་ཤུ་ཡན་ཆད་ལོན་པ་དང། དྲུག་ཅུ་རྩ་ལྔ་དྲུག་ཡན་ལོན་ཚེ་སྔར་མ་ལོབ་པའི་བསྒྲིག་ལམ་ཇི་བཞིན་འཁུར་མི་ཐུབ་སྟབས་དེ་ཡན་ཆད་དུ་མ་བརྒལ་བ་དགོས། གཞན་ནས་འོངས་པའི་རིགས་ལ་སྐྱོན་ཅན་སོགས་ཡིན་མིན་ཐོག་མར་སྣེ་སྦྱོར་མཁན་དང། ཡུལ་ཕྱོགས་དེའི་གྲྭ་པ་སོགས་ལ་དྲིས་ཏེ་སྒྲོ་འདོགས་གཅོད་པའི་ཁུར་ལེན་གནས་བརྟན་གྱིས་བྱེད། རབ་ཀྱིས་གྲྭ་ས་ཆེན་པོར་ཐོས་པ་མཐར་ཕྱིན་པ་དང། དེ་མིན་ཡང་གྲྭ་ས་འགྲིམ་

― GTD007_Page_0678 ―

^{[མ་དཔེ་གཟིགས་ན་འདིར་གནོན།]}

[Full Size]

མྱོང་བ་གལ་ཆེ། སྡེ་འདིར་འོངས་པའི་དགོས་དོན་ཚོགས་གསོག་སྒྲིབ་སྦྱོང་གི་ཆེད་ཡིན་ལ། ཞལ་འདོན་གྱི་རིམ་པ་འདི་སྐྱེས་བུ་དམ་པ་གོང་མ་རྣམས་ཀྱིས་གནད་གང་ཆེ་ཐམས་ཅད་ཕྱོགས་གཅིག་ཏུ་བསྒྲིགས་ནས་བཞག་པ་ཡིན་པས། འདི་ཇི་ལྟ་བ་ཞིག་བྱུང་ན་དེ་ལས་ལྷག་པ་རང་གི་ཤག་ཏུའང་བྱེད་རྒྱུ་མེད་པར་མ་ཟད་དགེ་འདུན་མི་ཕྱེད་འདུན་པའི་སྟོབས་ཀྱིས་ཚོགས་སུ་བྱས་པ་ལྷག་པར་སྟོབས་ཆེ་བ་དང། འཚོ་བ་ཐམས་ཅད་སྦྱིན་བདག་གི་དད་ཟས་ཡིན་སྟབས་མ་མཐའ་ཞལ་འདོན་གཙང་མ་ཆ་ཚང་རེ་མེད་ན་ལས་སྒྲིབ་སྔ་མ་སྦྱོང་རྒྱུ་ལས་གསར་དུ་དཀོར་སྒྲིབ་ཇེ་ལྕིར་འགྲོ་བས། སྒྲུབ་གྲྭར་མ་ཞུགས་གོང་ནས་འདོན་ཆ་ཡོངས་རྫོགས་བཟུང་ཚར་བའམ། མ་མཐའ་འང་བདེ་ལམ་གྱིས་གཙོས་འདོན་ཆ་ཕྱེད་ལྷག་ཙམ་བཟུང་ཚར་བ་དགོས་པས་དེ་ཡོད་མེད་གནས་བརྟན་གྱིས་ལྟ་ཞིང། རྗེས་མའི་རིམ་པའང་ལོ་ཕྱེད་གཉིས་ཚུན་ལ་རྫོགས་ཐུབ་པ་དགོས་ཚུལ་བཀོད་པས་ཁྱབ་པ་དང་དེ་མཐུན་གྱི་རྟིང་སྐུལ་བྱེད། ཡོ་བྱད་ཚུལ་དང་མཐུན་པ་ནི་ཆོས་གོས་རྣམ་གསུམ་སོགས་ཧ་ཅང་ཧྲུལ་བས་དུག་པོར་མ་སོང་བ་དང། ལྷུང་བཟེད་དང་གདིང་བ་ཧ་ཅང་ཆུང་དྲགས་པ་མ་ཡིན་པ་དགོས། སྣམ་སྦྱར་དང་ལྷུང་བཟེད་གསར་ཞུགས་དུས་བརྙན་པོ་ལས་མ་འབྱོར་ནའང་ཟླ་བ་བཞི་ལྔ་ཚུན་ལ་འཛོམ་དགོས་པའི་བཀོད་ཁྱབ་བྱེད། པགས་ཐུལ་གཡོགས་མེད་པ། རྩག་འགག་དྲག་ལྷན་མེད་པ། གོང་འདབས་ཀྱི་སྤུ་ཕྱི་རོལ་ཏུ་མངོན་པ། ལྷམ་ལྕགས་འཛེར་མ་དང་རོང་ལྷམ། ཕུ་ཐུང་མའི་རིགས་སོགས་གྱོན་མི་ཆོག །

― GTD007_Page_0679 ―

^{[མ་དཔེ་གཟིགས་ན་འདིར་གནོན།]}

[Full Size]

ལྗོངས་རྒྱུ་སོགས་ཀྱི་སྐབས་སུ་སྦ་འཁར་བསྣམས་སྲོལ་ཡོད་པ་བཞིན་རབ་འཁར་གསིལ་དང། དེ་མིན་ཡང་སྦ་དང་སྨྱུག་མ་གདོང་དྲུག་གི་དབྱུག་པ་ཅོད་པན་དང་དྲིལ་ཆུང་སོགས་གྲ་འགྲིགས་པ་དགོས་ཀྱི། ལྕང་དབྱུག་རེའི་རྩེར་རས་ཤུར་བཏགས་པ་ལྟ་བུ་བཟུང་མི་ཆོག །གྲྭ་ཅན་པག་ཁུག་སོགས་ཀྱང་དགོན་དང་མཐུན་པ་བྱེད། ༼ཅཉ༽ཆོས་ཉན་ཚུལ་དང་ཉན་པའི་ཡུལ་ཚུལ་དང་མཐུན་པ་ནི། ལམ་རིམ་བློ་སྦྱོང་བླ་མའི་རྣལ་འབྱོར་སོགས་ཀྱི་ཁྲིད། གསང་བདེ་འཇིགས་གསུམ་སོགས་ཀྱི་དབང་བཀའ། བཀའ་བསྟན་བཅོས་ཚད་ལྡན་གྱི་ལུང་ལྟ་བུ་རང་བསྟན་ལ་མཐུན་སྒྲུབ་ཀྱི་ཆོས་རྒྱུན་ཚད་ལྡན་མ་གཏོགས། གྲུབ་མཐའ་མི་མཐུན་པའི་ཆོས་རྒྱུན་སྣ་ཚོགས་ཉན་མི་ཆོག་ཅིང། སྡེ་འདིར་ཞུགས་ནས་སྐར་རྩིས་སྨན་སོགས་སློབ་པ་དང། སྔར་བསླབ་ཡོད་ཀྱང་མངོན་ཚན་ཆེ་བ་མི་བྱེད། མཉན་པའི་ཡུལ་ལྟ་སྤྱོད་རྣམ་པར་དག་པ། རང་གི་བླ་མ་ཆོས་སྐྱོང་སོགས་ལ་འགྲས་མེད་པ་མ་གཏོགས་གྲུབ་ཐོབ་དང་སྐྱེ་རྒྱུད་ཡིན་ཟེར་ཚད་ལ་འུར་ཞོག་གིས་སྣ་ཤ་མི་སྦྱིན། གནས་བརྟན་ལས་ཐོག་པའམ་ཟུར་པ་རྒྱུད་སྦྱངས་ཤིང་སྐུ་ཡོན་ཅན་རེའི་མདུན་ནས་སྔགས་བྱང་སེམས་སོ་ཐར་རྣམས་ཀྱི་བསླབ་བྱ་རྩ་ཚིག་རེའི་སྟེང་ནས་འཁྲིད་ཅིང་ལག་ལེན་དུ་བཏབ་རིམ་བཞིན་དོགས་པ་གང་བྱུང་འཕྲལ་འཕྲལ་ཞུས་ཏེ་ངོ་འཕྲོད་ངེས་བྱེད། ལོ་རེ་བཞིན་སྟོན་དཔྱིད་གང་རིགས་ལ་སྒྲུབ་སྡེ་འདིར་ལམ་རིམ་གྱི་བཀའ་ཆོས་རེའང་མ་ཆག་པ་བྱུང་ན་ལེགས། ༼ཏན༽ཐུན་གྱི་སྐོར་ཚུལ་དང་མཐུན་པ་ནི། ཞོགས་ཀ་ནམ་མ་ལང་གོང་དུ་ཐུན་གཅིག་དང། ཉི་དྲོས་ཀྱི་བརྡ་གཏོང་བའི་བར་དུ་ཐུན་

― GTD007_Page_0680 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག །དགུང་མོ་བརྡ་བཏང་ནས་མུན་སྲོས་ཀྱི་བར་དུ་ཐུན་གཅིག་དང། དེ་ནས་སྲོད་ཡོལ་གྱི་བར་ཐུན་གཅིག་བྱེད། ཐུན་བརྡ་སྔ་འཕྱི་དུས་དུས་ཀྱི་ཉི་ཚོད་ལ་ཆ་བཞག་སྟེ་ཆ་མཉམ་པའི་ཁུར་ལེན་གཉེར་པས་བྱེད་ཅིང། གནས་བརྟན་གྱིས་ཀྱང་བཀོད་པས་ཁྱབ་པར་བྱ། ཇ་བཞེས་ནའང་ཞོགས་ཀ་ནམ་མ་ལང་གོང་དང། དགུང་མོ་མུན་སྲོས་ཙམ་མ་གཏོགས་མེ་བཏང་མི་ཆོག །ཐུན་གྱི་སྐབས་གླིང་ནས་སུས་ཀྱང་ཀུ་ཅོ་དང་རྡིག་སྒྲ་ཆོབ་སྒྲ་མི་བྱེད། སྤྱི་དོན་མ་གཏོགས་པར་ཡས་མས་སུ་འགྲོ་དགོས་ན་ཐུན་གྱི་བརྡ་མ་བཏང་གོང་དུ་ཕྱིར་འབྱོར་ངེས་བྱེད། གལ་ཏེ་མ་སླེབ་ན་ཕྱི་ཉིན་ཞོགས་ཀ་ཚོགས་ཀྱི་སྐབས་ཕྱག་གསུམ་བྱས་ཏེ་གནས་བརྟན་ལ་ཐུན་མ་ཟིན་པའི་རྒྱུ་མཚན་ཞུ། ཆོས་ཉན་ལྟ་བུའི་དོ་གལ་ཆེན་པོ་ལ་དགུང་ཐུན་མི་ཟིན་པར་ངེས་ན་འགྲོ་ཚེ་དེ་ལུགས་ཀྱི་དགོངས་པ་ཞུ། ཐུན་མ་ཟིན་ཀྱང་སྔ་ཕྱིར་མ་ཞུས་ན་གནས་བརྟན་གྱིས་ཉེས་པ་བསྒྲགས་ཏེ་ཕྱག་འཚལ་དུ་གཞུག །ཞོགས་ཐུན་གྱི་གྲོལ་བརྡ་མ་བྱུང་གོང་དུ་ཐབས་མེད་ཀྱིས་འགྲོ་དགོས་པའི་རྐྱེན་གློ་བུར་བ་བྱུང་ན་གཉེར་པ་བརྒྱུད་དེ་གནས་བརྟན་ལ་དགོངས་པ་ཞུ། ཐུན་གྱི་སྐབས་དྲོ་སྐྱེལ་ལྟ་བུ་མེད་མི་རུང་དུ་ཡོང་དགོས་བྱུང་ཡང་འཕྲལ་དུ་ཕྱིར་མངགས། གལ་ཏེ་ཞག་སྡོད་དགོས་ན་གནས་བརྟན་ལ་དགོངས་པ་ཞུ། ཁང་ལས་ལྟ་བུས་ཐུན་ནང་དུ་མེ་གཏོང་དགོས་ལའང་དགོངས་པ་ཞུ། འོན་ཀྱང་མཛོ་རྟ་སོགས་ཐབས་མེད་མིན་ན་ཞག་ཏུ་བཟུང་མི་ཆོག །སྤྲང་པོ་གླིང་གསེབ་ཏུ་མི་གཏོང་ཞིང་ཁྱི་དང་བྱི་ལ་ཁར་མི་བསྐྱིལ། ༼པམ༽ ལྟོ་གོས་སོགས་ལ་འདོད་ཆུང་ཆོག་ཤེས་ཚུལ་དང་མཐུན་པ་ནི། མགོན་པོ་

― GTD007_Page_0681 ―

^{[མ་དཔེ་གཟིགས་ན་འདིར་གནོན།]}

[Full Size]

ཀླུ་སྒྲུབ་ཀྱིས། ནོར་རྣམས་ཀུན་གྱི་ནང་ན་ཆོག་ཤེས་པ། །རབ་མཆོག་ལགས་པར་ལྷ་མིའི་སྟོན་པས་གསུངས། །ཀུན་ཏུ་ཆོག་ཤེས་མཛོད་ཅིག་ཆོག་མཁྱེན་ན། །ནོར་མི་བདོག་ཀྱང་ཡང་དག་འབྱོར་པ་ལགས། །གསུངས་པ་ལྟར་ཆོག་ཤེས་ན་ཡོ་བྱད་མི་མང་ཡང་དཔལ་ཕུན་སུམ་ཚོགས་པའི་དགའ་བ་ཉམས་སུ་མྱོང་ལ། ཆོག་མ་ཤེས་ན་ནོར་ཇི་ཙམ་མང་བ་བཞིན་གསོག་བསྲུང་གི་སྡུག་བསྔལ་མྱོང་བ་མ་གཏོགས་ལོངས་སྤྱོད་པའི་བདེ་བ་མི་མྱོང་སྟེ། ཤེས་རབ་སྡོང་བུ་ལས། འབད་པས་བསགས་པའི་ནོར་ལ་ན། །ཡང་དང་ཡང་དུ་ཉུག་བྱེད་པ། །བཀྲེན་པས་བྱི་བ་ཇི་བཞིན་དུ། །ནོར་རྣམས་སྡུག་བསྔལ་ཁོ་ནར་ཟད། །ཅེས་དང། རྩི་ཤིང་ཇི་ཙམ་མང་བ་ན་མེ་འཆོར་བའི་ཉེན་ཆེ་བ་ལྟར་ནོར་མང་ན་དགྲ་ཀུན་ནས་སྡང་ཞིང་སྲོག་ལ་རྒོལ་བའི་བར་དུ་འགྱུར་བའི་ཚུལ། ཤེས་རབ་བརྒྱ་པ་ལས། བདོག་པ་ཧ་ཅང་སྤེལ་བ་ཡང། །མཇུག་ཏུ་རྒུད་པས་གདུངས་པར་འགྱུར། །ཚང་ཚིང་མང་དང་ལྡན་པ་ཡི། །ས་ཕྱོགས་ཚིག་པར་གྱུར་པ་བཞིན། །ཞེས་གསུངས་པ་ལྟར་རོ།། ལྷག་པར་བཟའ་བཏུང་གི་དོན་མ་གཏོགས་བསམ་རྒྱུ་དང་བཤད་རྒྱུ་མེད་པ་ནི་རི་ཁྲོད་པའི་རྐང་དྲངས་པ་ཡིན་ཏེ། ཙ་ན་ཀའི་བསྟན་བཅོས་ལས། ལྟོ་བ་འགེངས་པ་འབའ་ཞིག་འདོད་གྱུར་པ། །དེ་ཡི་བསམ་པ་ཕྱུགས་དང་ཁྱད་པར་ཅ། །ཞེས་དང་། པོ་ཏོ་བས། ལྟོ་ཕྱིར་གནམ་ལྡིབ་པ་ལ་ཆོས་མི་འོང་གསུངས་ཤིང། ཡང་དེ་ཉིད་ཀྱིས། ལྟོགས་ཀྱིས་དོགས་པ་ལས་ཤི་ཡིས་དོགས་པ་མི་འདུག་ཨང། གསུངས་ཏེ། དཔྱིད་ཀ་ལྟོགས་ཀྱིས་དོགས་ནས་སྟོན་འཚོ་བ་བཙལ་བའི་

― GTD007_Page_0682 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོད་ལ་བལྟས་ན། དེ་ཚུན་ལ་འཆི་བདག་སླེབ་ཉེན་ཡོད་པས་ཕྱི་མར་ཕན་ངེས་ཀྱི་ཆོས་ཤིག་སྒྲུབ་དགོས་རྒྱུ་ཡིན་ཞིང། ད་ལྟ་ཆོམ་རྐུན་སོགས་ཀྱིས་རྒྱུ་ནོར་སྣ་རེ་ཕྲོགས་ཀྱིས་དོགས་ནས་སྐྲག་ཅིང་གཉིད་མི་འོང་པ་ལ་བལྟས་ནའང། འཆི་བདག་སླེབ་དུས་ཟས་གོས་དང་ཕྲལ་བས་མི་ཆོག །ནོར་རྫས་དང་ཕྲལ་བས་མི་ཆོག །ཁང་ཁྱིམ་ཡུལ་འཁོར་དང་ཕྲལ་བས་མི་ཆོག །གཉེན་མཛའ་བཤེས་དང་ཕྲལ་བས་མི་ཆོག །ལུས་ལོངས་སྤྱོད་ཐམས་ཅད་དང་ཉིན་གཅིག་ལ་འབྲེལ་ཐག་ཆད་དེ་སླར་ལྡོག་པ་ལྟ་ཞོག །མིག་གིས་མཐོང་རྒྱུ་ཙམ་ཡང་ཡོད་མི་སྲིད་པར་འགྲོ་བས། དེ་ལྟ་བུའི་དགྲ་སྟོབས་པོ་ཆེ་དེ་དོ་ནུབ་སླེབ་བམ་སང་སླེབ་ཆ་མེད་པ་མངོན་སུམ་དུ་གྲུབ་བཞིན་དུ་འཇིགས་སྐྲག་ཅུང་ཟད་ཀྱང་མི་སྐྱེ་བ་འདི་ལས་ལྷག་པའི་གླེན་ཚུལ་མེད་ཅིང་ངེས་པར་གདོན་གྱིས་བརླམ་པས་དྲན་རིག་ངོས་མ་ཟིན་པ་ཡིན་ཏེ། སྐྱེ་བོ་གསོ་ཐིགས་ལས། ཤིན་ཏུ་བླུན་པ་ལ་ལ་དག །འཆི་བའི་རྣམ་པ་རབ་བརྗེད་ནས། །བྱ་བ་མང་པོ་རྩོམ་བྱེད་དེ། །བདུད་ཀྱིས་བསླུས་པར་རིག་པར་བྱ། །ཞེས་གསུངས་སོ། །ཟས་གོས་ཡོ་བྱད་ཀྱིས་འཕོང་མི་འཕོང་རྩོལ་སྒྲུབ་བྱས་མ་བྱས་དང། སེར་སྣས་བསྡམས་མ་བསྡམས་ཀྱི་དབང་ན་མེད་པར་བསོད་ནམས་ཀྱི་སྐལ་བ་ཡོད་མེད་ལ་ཐུག་སྟེ། ཙ་ན་ཀའི་བསྟན་བཅོས་ལས། འབྱོར་པ་སྤྱད་པས་མི་ཟད་ཅིང། །སྐལ་བ་ཟད་པས་ཟད་པར་འགྱུར། །སྦྱིན་པས་ཟད་པར་མི་འགྱུར་ཞིང། །མ་སྤྱད་པ་ཡིས་འཕེལ་མི་འགྱུར། །ཞེས་ལས་དབང་གིས་ལག་ཏུ་འོང་དགོས་ཀྱི་དེ་མེད་ན། ཁོ་ལ་རྒྱུ་ནོར་མང་པོ་ཞིག་བྱུང་ན་རང་བསམ་

― GTD007_Page_0683 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དེ་བརྣབ་སེམས་ཡིན་པས་རྙེད་པའི་སྒོ་འགོག་པ་མ་གཏོགས་ཕན་ཐོགས་རྒྱུ་ཅིའང་མེད་པ་ནི། རིན་ཆེན་ཕྲེང་བ་ལས། བརྣབ་སེམས་ཡིད་ལ་རེ་བ་འཇོམས། །ཞེས་གསུངས་པ་བཞིན་ནོ། །དེས་ན་སྦྱིན་བདག་གི་བཟང་ངན་དང་གཉེར་པའི་གཏོང་སྒོ་ཕྲ་སྦོམ་གྱི་གླེང་མོ་མངོན་ཚན་ཆེ་བ་རྒྱུན་པར་མི་བྱེད། འོན་ཀྱང་གཉེར་པ་ཁོ་རང་ཡང་ཕྱི་མའི་དོན་བསམ་ནས་འོང་མཁན་ཡིན་ཞིང་། སླར་རང་གིས་ཀྱང་དགེ་འདུན་དང་ལྷན་དུ་ཆོས་དང་ཟང་ཟིང་ལ་ལོངས་སྤྱོད་དགོས་པ་གང་ཐད་ནས་བསམ་སྟེ་སྦྱིན་བདག་གི་དད་ཟས་ཆུད་མ་ཟོས་པར་དགེ་འདུན་པའི་ཉམས་སུ་ཕན་ངེས་བྱས་ཏེ་གཏོང་དགོས། གལ་ཏེ་ཚུལ་བཞིན་མ་བྱུང་ན་བླ་མ་དང་གནས་བརྟན་གྱི་རྩད་གཅོད་ངོ་དགའ་ཟོལ་འཇོག་ཏུ་མ་སོང་བ་བྱེད། གཉེར་པས་དགེ་འདུན་གྱི་དོན་དུ་ཕྱོགས་ཀྱི་སྦྱིན་བདག་སོགས་ལ་སློང་མོ་དང་དུས་བཟང་སོགས་ཀྱི་རྟིང་སྐུལ་བྱེད་སྲོལ་སྔར་རྒྱུན་ལྟར་བྱས་ཆོག་ཀྱང། ཧ་ཅང་སྡུག་ཐུག་མདོག་དང། ཞལ་འདེབས་ཆེ་ཆུང་ལ་འཁང་བ་སོགས་གཞན་མ་དད་པའི་རྒྱུར་འགྲོ་བ་མི་བྱེད། དཀོན་མཆོག་གསུམ་གྱི་ནང་ནས་ཀྱང་དགེ་འདུན་གྱི་དཀོར་ནི་ཤིན་ཏུ་གཉན་པས་རང་སྐལ་ལས་ལྷག་པ་ཇ་ཕོར་གང་ལའང་མ་འབག་པ་གལ་ཆེ། སྔར་རྒྱུན་གྱི་གཏོང་སྒོ་མ་ཆག་པ་ཐུབ་ན་གཉེར་ལ་བསྙད་པའི་རྙེད་འཚོལ་སྣ་ཚོགས་མི་བྱེད་ཅིང། དེ་འདྲའི་སྒོ་ནས་གྲགས་འདོད་ཀྱི་གཏོང་སྒོ་འཕར་མ་བྱས་པའང་དགེ་མཚན་མི་ཆེ་བས་དཔེ་ལམ་གཅིག་ལ་ཆ་བཞག་ཡོད་པ་བྱ། དགེ་འདུན་གྱི་བཞེད་པ་དང་མི་མཐུན་བཞིན་དུ་རྙེད་པ་ཕྱིར་བསྒྱུར་ན་ཉེས་པ་ཆེ་བ་འདུལ་བ་ལུང་ལས་གསུངས་པ་ལྟར་ཡིན་ཀྱང། གཉེར་པ་ཁ་ཐབས་ཞན་

― GTD007_Page_0684 ―

^{[མ་དཔེ་གཟིགས་ན་འདིར་གནོན།]}

[Full Size]

པའམ་ནམ་དུས་ངན་པས་སྦྱིན་བདག་རྙེད་དཀའ་བ་བྱུང་སྟེ། ཐབས་མེད་པར་དུས་བཟང་གི་སྔ་ཕྱིར་སྦྱིན་བདག་བྱུང་བ་དུས་བཟང་དང་གསེག་སྤྲོད་དགོས་ཤར་ཚེ་དགེ་འདུན་རྣམས་ནས་ཀྱང་གནས་ཚུལ་གཟིགས་ཏེ་ཐུགས་ཀྱི་དགོངས་པ་ཁྲོལ་བ་བྱེད། མདོར་ན་བསམ་རྒྱུའི་གཙོ་བོ་ལྟོ་གོས་སུ་མ་སོང་བར་བློ་ཁ་ཆོས་ཕྱོགས་སུ་འཁོར་བའི་གཏན་གྱི་དགོས་དོན་མ་འཆུག་པ་བྱེད། ཚོགས་འཚོགས་ཚུལ་དང་བཞུགས་ལུགས་ཚུལ་དང་མཐུན་པ་ནི། ཐུན་བརྡ་མང་ཇ་ཡོད་ཚེ་ཅོང་ཉིས་རྡུང་དང། ཇ་འགྱེད་ཚྭ་ར་སོགས་ལ་སུམ་རྡུང་བྱེད་པས་དེར་བསྟུན་པའི་ཡོ་བྱད་མ་ལུས་པ་བྱས་ལ་རྗེས་ལུས་སུ་མ་སོང་བར་ཚོགས་མཉམ་དུ་འཛོམ་པ་བྱེད། གྲལ་གཡས་སྤུངས་གཡོན་སྤུངས་སུ་མ་སོང་བས་ཆ་མཉམ་པ་དང། ཚོགས་ཉུང་ཚེ་མཐའ་ནས་གདོང་གྲལ་དུ་བསྣན་ཏེ་སྡོད་ཚུལ་གནས་བརྟན་གྱིས་བཀོད་པ་བཞིན་བྱེད། མིང་བཏགས་ཆེ་བ་དང་གནས་བརྟན་ཟུར་པ་རྣམས་གྲལ་མགོར་བྱེད་ཅིང། མིང་བཏགས་དཀྱུས་མ་རྣམས་མིང་བཏགས་ཀྱི་སྔ་ཕྱི་ལྟར་བྱེད། དགོན་པ་ནས་འོངས་པ་རྣམས་གྲྭ་སར་ཚོགས་ཆོས་ལོ་ཇི་ཙམ་འགྲིམ་པ་བརྩིས་ཏེ་དེའི་རྩིས་ཀྱི་གྲལ་མཚམས་སུ་གཞུག །གྲལ་གདན་སོགས་ལ་ཕངས་མེད་དང། གྲལ་བར་དུ་ཇ་འཕོ་བ། ཐུག་པའི་ནང་གི་ཤ་འཕེན་པ། ལག་པ་ཕྱིར་ཕྱུང་སྟེ་རྩམ་པ་བརྫི་བ། ཁམ་ཧ་ཅང་ཆེ་བ། ཁམ་སྔ་མ་མ་ཟོས་པར་ཁར་བཅུག་པ། ཇ་སོགས་རང་ཐད་དུ་མ་སླེབ་གོང་ནས་ཕོར་པ་འཛེད་པ། ཕུ་ཅག་གི་སྒྲ་ཆེར་བྱེད་པ། ཟས་ཀྱི་དུས་མཆིལ་སྣབས་མངོན་དུ་འདོར་བ་སོགས་མི་བྱེད། ལྷོ་

― GTD007_Page_0685 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་སོགས་ཀྱི་དུས་སྦྱིན་བདག་གི་ནང་དུ་བལྟས་ཏེ་གར་འགྲོ་མི་འཚོ་བར་མདུན་དུ་བལྟས་ནས་བཞུགས་ཚུགས་པ་བྱེད། སྐུ་གཟུགས་མ་བདེ་བ་ལྟ་བུའི་རྐྱེན་ཐབས་མེད་བྱུང་ན་མ་གཏོགས། བསྔོ་བ་མ་ཚར་གོང་དུ་མི་འགྲོ། ཚོགས་གྲོལ་ཁར་དགེ་རྩ་བསྔོ་བས་ཁ་བསྒྱུར་བྱས་ཏེ་གྲོལ། ཚོགས་བར་དུ་གྲོལ་ཆུང་བྱེད་ཚེ་ན་བཟའ་བསུམ་ནས་འཇོག་པ་ལས་པགས་ཐུལ་གྱི་སྤུ་ཕྱིར་བསྟན་པ་དང་གཡས་འཕེན་གཡོན་འཕེན་དུ་བྱས་ཏེ་མི་འཇོག །གུང་ཚིགས་ཀྱི་སྐབས་རྩ་བའི་བླ་མ་ལ་བཤོས་བུ་དང་བརྒྱུད་པའི་བླ་མ་ལ་གཅིག །སངས་རྒྱས་བྱང་སེམས་ལ་གཅིག །ཡི་དམ་མཁའ་འགྲོ་ཆོས་སྐྱོང་ལ་གཅིག་སྟེ། མཐེབ་ཀྱུ་གསུམ་ཕུད་ལ་དབང་བའི་འབྱུང་པོ་དང། འཕྲོག་མ་དང་དེའི་བུ་རྣམས་ལ་ཆངས་བུ་གསུམ་ལྷག་མའི་ཆངས་བུ་རྣམས་ཕྱག་ལེན་ལྟར་བཤམས་ཤིང་ཧ་ཅང་ཆུང་བ་མི་བྱ། ཕུད་མཆོད་བདུད་རྩིའི་རྒྱ་མཚོར་བསམ་སྟེ་ཟས་བསྔོ་ཡོན་སྦྱོང་སོགས་དལ་བུས་གསུང། རང་རང་གི་ཤག་ཏུ་གུང་ཚིགས་བྱེད་སྐབས་ཀྱང་ཕུད་མཆོད་སོགས་ཚོགས་ལྟར་བྱས་ན་ལེགས། ཚོགས་ནས་འགྲོ་དགོས་པ་སོགས་ཀྱི་ཚེ་གནས་བརྟན་གྱི་མདུན་དུ་འོངས་ཏེ་གུས་པའི་སྤྱོད་ལམ་གྱིས་རྒྱུ་མཚན་དང་བཅས་གནང་བ་ཞུ་ཚུལ་མིག་ལྟོས་དང་མཐུན་པ་བྱེད། གཞི་གསུམ་གྱི་ཕྱག་བཞེས་ཚུལ་དང་མཐུན་པ་ནི། གཉེར་པས་གཎྜི་བརྡུང་སྟེ་གསོ་སྦྱོང་ལ་ཡར་འཚོགས་མ་ཐག་འཕགས་པའི་གནས་བརྟན་རྣམས་ལྟུང་བ་ཕྱིར་བཅོས་པའི་ཡུལ་དང་དཔུང་གཉེན་དུ་བསམ་སྟེ་སྤྱན་འདྲེན་ཅིང་ཕྱག་མཆོད་ཡན་ལག་བདུན་པ་དང་བཅས་པ་སྔོན་དུ་བཏང། དེ་རྗེས་དགེ་ཚུལ་ཡོད་ན་བཀར་ཏེ་དགེ་སློང་གི་ཕྱིར་བཅོས་བྱ།

― GTD007_Page_0686 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་དགེ་ཚུལ་རྣམས་ནང་དུ་འོངས་ནས་ཕྱིར་བཅོས་བྱས་ལ་སྐབས་གསུམ་པ་དང་ཟླ་མེད་སྟོན་པ་མ་ལྷན་དུ་གསུང། དགེ་ཚུལ་དབང་ཐོབ་མཁན་ཡིན་ན་ཕྱིར་བཅོས་རྒྱས་པའི་ཚེ་དེའི་སྔོན་ལ་འོང་དུ་འཇུག །གསོ་སྦྱོང་གྲུབ་ནས། སངས་རྒྱས་སྤྲུལ་བ་ཞེས་སོགས་གནས་བཅུའི་འཕྲོ་གསུང། གསོ་སྦྱོང་ལ་དགེ་སློང་ཐམས་ཅད་ཀྱིས་སྣམ་སྦྱར་དང་དགེ་ཚུལ་རྣམས་ཆོས་གོས་ངེས་ཅན་དུ་བཞེས་དགོས། ལས་ཀྱི་སྐབས་དཔུང་པ་བཏུམ་ནས་སྡོད་པ་ཡར་ལྟ་མར་ལྟ་བྱེད་པ་སོགས་སྤྱོད་ལམ་མི་མཐུན་པའི་རིགས་མི་བྱེད། གསོ་སྦྱོང་གི་ཉིན་སྔ་མར་རང་རང་གི་ཐད་ཀྱི་སྲང་བར་སོགས་གད་དར་བྱ། ཐབས་མེད་ཀྱིས་ཆུ་སྤོར་དགོས་པ་དང་གཉེར་པ་མ་གཏོགས་ཚང་མས་དབྱར་ཁས་ལེན་དགོས། དགོས་པ་གལ་ཆེན་མ་གཏོགས་རྒྱུན་དུ་དབྱར་བྱིན་རླབས་བྱས་ཏེ་དགོན་པ་སོགས་སུ་སོང་ནས་དབྱར་ཁས་བླང་ཡོད་མེད་མི་ཤེས་པ་ལྟ་བུ་མི་བྱེད། དབྱར་གྱི་དུས་གནས་རལ་པ་དང་གྲུམ་པ་བཅོས་དགོས་པར་གསུངས་པ་ལྟར་ཡིན་ལ། རྒྱུན་པར་ཡང་གནས་ཁང་བྱི་དོར་བྱ་བ་སྦྱོར་བའི་ཆོས་དང་པོ་ཡིན་པས། དགེ་སྦྱོར་གྱི་དུས་ཁམས་དྭངས་པའི་ཐབས་དང། བསོད་ནམས་ཀྱི་ཞིང་རྣམས་སྤྱན་འདྲེན་པའི་ཡུལ་དུ་དམིགས་ཏེ་ནང་དུ་གད་དར་ལེགས་པར་བྱ། དེས་མཚོན་ཏེ་ཕྱིའི་ས་རྩི་པུ་ཤུའི་ཁ་དང་རྡོ་ཡབ་གསོ་བ། སྟེང་གི་ཐིགས་ཚགས་དང་སྔོ་འབལ་བ་སོགས་དོ་དམ་གང་དྲག་བྱེད་པ་མ་གཏོགས། ནོམ་རྫས་ཕུགས་སུ་བཅུག་སྟེ་མིང་ཚེ་བློས་བཏང་ལ་སྙད་བཏགས་ནས་ཁང་པ་འཐོར་ཞིག་ཏུ་བཏང་སྟེ་གཞན་

― GTD007_Page_0687 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་མིག་སྔར་མི་མཛེས་པ་མི་བྱེད། འདུ་ཁང་ལའང་ལོ་རེ་བཞིན་ཐིགས་ཚགས་དང་དབྱར་དུས་ཉིན་ཁ་ཤས་རེའི་མཚམས་ནས་ཝ་ཁ་བསལ་བ། དགུན་དཔྱིད་ཁ་བ་འཕྱག་རྒྱུ་སོགས་དང། རྒྱུན་པར་འདུ་ཁང་དང་རུང་ཁང་གི་ཕྱི་ནང་ཀུན་ཏུ་གད་དར་སོགས་གཉེར་པས་དོ་དམ་མ་ལྷོད་པ་དགོས་ལ། ཉིན་ལྟར་གྱི་མཆོད་པ་བརྗེ་བ། རྒྱུན་གྱི་ཚེ་འབར། གཏོར་ཁ་གསོ་བ། དུས་བཟང་དང་ལྷོ་སྒོ་སོགས་ཀྱི་སྐབས་ཆོ་ག་རང་རང་དང་མཐུན་པའི་མཆོད་པ་བཤམ་པ། མཚན་མོ་སྒོ་ཆ་སྡོམ་པ། སྐབས་སྐབས་སུ་གྲལ་གདན་སྐམ་སྤྲུག །ཆུ་མགོའི་རིགས་གསོ་ཤིང་སྙིགས་མ་གསོལ་རྒྱུ་སོགས་ལས་ཀ་གང་བབ་སྙོམ་ལས་སུ་མ་སོང་བ་བྱེད། གལ་ཏེ་ལེ་ཤོར་བྱུང་ན་སྐབས་སྐབས་སུ་གནས་བརྟན་གྱིས་སོ་སོར་ཚིག་བརྡ་འཕྲོད་པ་བྱེད། མང་མས་ཀྱང་འདུ་ཁང་ཉེ་སྐོར་དང་ཆུ་འགྲམ་དུ་མཆིལ་སྣབས་དང་ཕྱག་དར་སོགས་མི་འདོར། འདི་དག་དབྱར་གྱི་དམ་ཚིག་ཏུ་བྱེད་དགོས་པར་མ་ཟད་རྒྱུན་དུའང་ལག་ལེན་འདེབས་དགོས། དབྱར་གྲོལ་ནས་ལྗོངས་རྒྱུའི་སྐབས་ཆོས་གོས་དང་སྒོམ་ཞྭ་བཞེས་ཏེ་སྦ་འཁར་བསྣམས་ནས་འཕགས་པའི་མི་སྨྲ་བའི་བརྟུལ་ཞུགས་སེར་འཕྲེང་བྱས་ཏེ་དལ་བུས་ཕེབས། ངལ་གསོ་བའི་སྐབས་སུ་དབུ་ཞྭ་ཕུད་དེ། བྱང་ཆུབ་སེམས་དཔའི་སྦྱིན་པས་ཡི་དྭགས་འགྲོ་བ་གཅོད། །ཅེས་སོགས་དང། སྐར་མ་རབ་རིབ་ཅེས་སོགས་ཀྱི་ཚིགས་བཅད་གདངས་དང་བཅས་པས་གསུངས་ཏེ་ཡུལ་གྱི་ལྷ་ཀླུ་སོགས་ལ་ཆོས་སྦྱིན་བྱ། མདོར་ན་ཆོས་འདུལ་བ་ནས་ལམ་དུ་འགྲོ་ཚུལ་གྱི་སྤྱོད་ལམ་དང། དམག་གི་ནང་། ཆང་འཚོང་དང་བཤན་པའི་ཁྱིམ་

― GTD007_Page_0688 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སོགས་པ་འགྲོར་མི་ཉན་པའི་ཡུལ་དུ་མ་གསུངས་པ་ལྟར། ཕྱོགས་གང་དུ་འགྲོ་ནའང་དྲན་ཤེས་བསྟེན་ཏེ་གཞན་གྱི་མིག་སྔར་མི་མཛེས་པ་དང། རང་གི་དགེ་སྦྱོར་ཉམས་པའམ། ཉོན་མོངས་སྐྱེ་བའི་རྐྱེན་དང་སྐུར་འདེབས་ཀྱི་དོགས་པ་ཡོད་པའི་རིགས་ལ་ཤིན་ཏུ་འཛེམ་དགོས། ཇ་སྐལ་སོགས་བགོ་ལུགས་ཚུལ་དང་མཐུན་པ་ནི། སྣོད་གང་ཆེ་བྱས་ཏེ་དགེ་འདུན་མང་ལས་ལྷག་ན་ཇ་ཕོར་གང་བླངས་ཀྱང་ཁེ་ཆུང་ལ་དཀོར་སྒྲིབ་ལྕི་བས་འདོད་དབང་དུ་མི་གཏོང་བར་སྐུ་སྐལ་མན་ཆད་ཐོམ་ཚད་གཅིག་ལ་ཆ་བཞག་པས་མཉམ་པོ་འོང་བ་དང་ལོ་མཚམས་པ་རྣམས་ལའང་སྐལ་བ་མ་འགྱང་བར་སྐྱེལ་བ་སོགས་གཉེར་པས་ཁུར་ལེན་བྱེད། ལོ་མཚམས་པ་ལ་ཆུའང་ཇ་མ་ཆུ་ལེན་གཉིས་ཀྱིས་བགོས་ཏེ་སྐྱེལ། ཆུ་དགོས་པའི་ཞོགས་ཀ་ཆུ་རྟགས་འཇོག་ཅིང། དེ་ཞག་ཏུ་འགྱང་སོང་ན་གཙོ་བོར་གཉེར་པས་དོ་དམ་དང་རི་ཁྲོད་པ་གང་མཐོང་གིས་ཀྱང་བརྡ་སྦྱོར། ཇ་སྐལ་སྐྱེལ་ཐེངས་མང་ན་ཚོགས་ཉུང་ལ་ཇ་འདེབས་ཚོད་མང་བས་སྦྱིན་བདག་གི་བསམ་པ་མི་རྫོགས་པའམ། ཇ་གཤེར་འགྲོ་བ་མང་ཇ་གསུམ་མན་ལ་ཇ་སྐལ་ཐེངས་གཅིག་དང། ལྔ་དྲུག་རེ་ཡོད་ཀྱང་ཐེངས་གཉིས་ལས་ལྷག་མི་བྱེད། འཇིགས་བྱེད་བདག་འཇུག་ལ་མང་ཇ་ལྔ། ཚེས་བརྒྱད་ལ་མང་ཇ་བཞི། བདེ་མཆོག་ཆོག་རྐྱང་ལ་མང་ཇ་ལྔ། བདེ་ལམ་ལ་མང་ཇ་ལྔ། ལྷོ་སྒོ་ཡོད་ཚེ་དྲུག །གསང་འདུས་དང་སྦྱོར་ལ་བཞི། རྒྱས་པ་ལ་ལྔ། མི་འཁྲུགས་པ་མང་ཇ་གསུམ། བདེ་མཆོག་བདག་འཇུག་ལ་མང་ཇ་དྲུག །ཕྱག་ཆེན་ལ་མང་ཇ་གསུམ་ལྷོ་སྒོ་ཡོད་ཚེ་
བཞི། མགོན་ཆོས་ལ་མང་ཇ་བཞི། ལྷོ་སྒོ་ཡོད་ཚེ་ལྔ། འདི་འདྲ་ཀུན་དཔེ་གཅིག་ལ་ཆ་བཞག་པ་མ་གཏོགས་སོ་སོའི་འདོད་དབང་དུ་བཏང་མི་ཆོག །མདོར་ན་སྒྲིག་ལམ་གྱི་ཁོག་བཅའ་ཡིག་དཀྱུས་ལྟར་ཡིན་ཀྱང། ཞིབ་ཆའི་རིགས་ཟུར་འདེབས་འདི་དང་སྦྱར་ནས་བྱེད་དགོས་པས། ཡི་གེ་གནས་བརྟན་གྱིས་བཟུང་སྟེ་མཚམས་མཚམས་སུ་ཚོགས་པར་སྙན་སྒྲོན་དང་རྟིང་གནོན་མི་གཡེལ་བ་བྱེད་དགོས། །༼ཙ༽

ཨ་རུ་ཧོར་ཆེན་དགོན་བཀྲ་ཤིས་བསམ་འགྲུབ་གླིང་གི་བཅའ་ཡིག

― GTD007_Page_0689 ―

^{[མ་དཔེ་གཟིགས་ན་འདིར་གནོན།]}

[Full Size]

ཨ་རུ་ཧོར་ཆེན་དགོན་པ་བཀྲ་ཤིས་བསམ་འགྲུབ་གླིང་གི་བཅའ་ཡིག་ཆོས་ཀྱི་སྣང་བ་ཞེས་བྱ་བ་བཞུགས་སོ།། ཨོཾ་བདེ་ལེགས་སུ་གྱུར་ཅིག །དགེ་མཚན་བཀྲ་ཤིས་གཡས་སུ་འཁྱིལ་བའི་དུང། །ལེགས་བྱས་འདོད་པ་འཇོ་བའི་དཔག་བསམས་ཤིང། །ཡང་དག་ཐར་ལམ་གསལ་བའི་སྒྲོན་མེ་མཆོག །རྒྱལ་བའི་བསྟན་པ་རིང་དུ་གནས་གྱུར་ཅིག །གང་གི་བཀའ་བཞིན་བསྒྲུབ་པ་ལྷུར་བླང་ན། །ནམ་ཡང་མི་བསླུ་གཏན་བདེའི་སྲོག་སྟེར་བ། །ལྷ་མིའི་སྟོན་པ་རྣམ་འདྲེན་ཤཱཀྱའི་ཏོག །སྲས་དང་སློབ་མར་བཅས་ལ་གུས་ཕྱག་འཚལ། །ཁྱད་པར་རྒྱལ་བའི་དབང་པོ་ཙོང་ཁ་པའི། །ཀུན་མཁྱེན་ཆེན་པོ་འཇམ་དབྱངས་བཞད་པའི་སྡེ། །བཀའ་དྲིན་མཉམ་མེད་རྩ་བའི་བླ་མ་རྣམས། །དབྱེར་མེད་ཐུགས་རྗེས་བྱང་ཆུབ་བར་དུ་སྐྱོངས། །དགེ་ལྡན་བསྟན་པའི་སྲུང་མ་ཀུན་གྱི་གཙོ། །འཇམ་དཔལ་བཀའ་སྡོད་ལས་ཀྱི་གཤིན་རྗེ་དང། །མ་གཅིག་འདོད་པ་ཁམས་ཀྱི་དབང་ཕྱུག་མས། །སྡེ་འདིར་སྲུང་སྐྱོབ་གཡེལ་མེད་འཕྲིན་ལས་མཛོད། །རྣམ་གྲོལ་དོན་གཉེར་དོན་མཐུན་འདུས་པའི་སྡེའ། །ཁྲིམས་སུ་བཅས་པའི་བཅའ་ཡིག་གྲུ་གཟིངས་ཆེ། །བཤད་སྒྲུབ་བ་དན་

― GTD007_Page_0690 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་པོས་མཛེས་པ་འདིར། །ཞུགས་ནས་བསླབ་གསུམ་ནོར་བུའི་དགའ་སྟོན་མཛོད།། དེའང་ཕན་བདེའི་འབྱུང་གནས་ཐུབ་བསྟན་རིན་པོ་ཆེ་ཡུན་དུ་གནས་པ་ནི། དེ་ཉིད་འཛིན་ཅིང་སྤེལ་བའི་དགེ་འདུན་གྱི་སྡེ་ཞིག་ལ་རག་ལས་པས། འཕགས་པའི་ཡུལ་དུ་པཎ་གྲུབ་རྣམས་ཀྱིས་དཔལ་ན་ལེནྡྲ་སོགས་ཆོས་གཞི་དུ་མ་བཙུགས་ཤིང། གངས་ཅན་གྱི་ལྗོངས་འདིར་འཇམ་མགོན་བླ་མ་ཡབ་སྲས་ཀྱིས་གདན་ས་ཆེན་པོ་གསུམ་སོགས་ཕྱག་འདེབས་མཛད། དེ་ནས་ལྔ་བརྒྱ་ཐ་མའི་སྐབས་སུ་བསྟན་པ་བྱང་ནས་བྱང་དུ་དར་བའི་ལུང་བསྟན་དུས་ལ་བབ་པ་ན། ཀུན་མཁྱེན་འཇམ་དབྱངས་བཞད་པའི་རྡོ་རྗེས་མདོ་སྨད་བསྟན་པའི་འབྱུང་ཁུངས་དཔལ་ལྡན་བཀྲ་ཤིས་འཁྱིལ་བཏབ། དེ་དག་གི་ཐུགས་རྗེའི་འོད་ཟེར་རིམ་པར་འཕྲོས་པ་ལས་ཆོས་སྡེ་འདིས་མཚོན་ཕྱོགས་འདིར་ཆོས་གྲྭ་ཆེ་ཆུང་མང་དུ་ཆགས་པ་ཡིན་ལ། དགེ་འདུན་གྱི་སྡེ་ཡང་བསྟན་འགྲོའི་རྩ་ལག་ཏུ་འགྱུར་ངེས་ཤིག་འབྱུང་བ་ཆོས་ཁྲིམས་རྣམ་པར་དག་པས་གཞི་བཟུང། བཤད་སྒྲུབ་ཀྱི་འཁོར་ལོ་ཟུང་དུ་འབྲེལ་བ་ཞིག་ལ་རག་ལས་པས་སྡེ་འདིར་ཁྲིམས་སུ་བྱ་བའི་རིམ་པའང། ཐོག་མར་འཇུག་པ་པོ་རྟེན་གྱི་གང་ཟག་རབ་བྱུང་དང་དགེ་ཚུལ་གྱི་སྡོམ་ལྡན། ནག་ཆང་རྐུས་སོགས་ཀྱི་མཐོང་ཐོས་དོགས་གསུམ་མེད་ཅིང། གྲྭ་ཚང་གཞན་ནས་གནས་དབྱུང་བྱས་པ་མ་ཡིན་པ། ལྟ་གྲུབ་གཙང་ཞིང་སྐྱབས་འགྲོ་ལྟུང་བཤགས་སྒྲོལ་ཤེར་སོགས་བློ་འདོན་དང་ཡི་གེའི་རྒྱུགས་འཕྲོད་པའི་ཐོག་ནས་གྲྭ་ཚང་དུ་འཇུག །དེ་ནས་གསར་བུ་རྣམས་ཆུད་ཟོས་སུ་མི་འགྲོ་བའི་ཕྱིར་ཆོས་མཐུན་གྱི་

― GTD007_Page_0691 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་རྒན་རེ་བསྟེན་དགོས། དེས་ཀྱང་འདུལ་བའི་ཀུན་སྤྱོད་དང་འཛིན་སྐྱོར་བྱེད་ལུགས་སོགས་གནས་ཀྱི་བླ་མའི་མིང་དོན་མཐུན་པར་བྱེད། ལས་སྣེ་མོ་རྣམས་ཀྱིས་ཕ་རོལ་པོའི་བློ་འཛིན་གྱི་ཚོད་དང་བསྟུན་ནས་ཟླ་བ་རེ་རེའི་མཚམས་སུ་རྒྱུགས་བཞག་སྟེ། གྲྭ་ཚང་རང་གི་འདོན་ཆ་མ་རྫོགས་བར་དུ་ཐོ་ཡིག་སྟེང་ནས་ཆད་ལུས་མེད་པར་ལེན། གཞུང་ཆེན་མོའི་བློ་འཛིན་སོགས་ཡོན་ཏན་སློབ་མཁན་རྣམས་ལ་ལེགས་སོས་གཟེངས་བསྟོད། སྤྱིར་ཡང་ཡོན་ཏན་ཅན་དང་གྲྭ་པ་བགྲེས་པ་རྣམས་ལ་ཞྭ་ཕུད་གཟན་འབེབས་ཀྱིས་མཚོན་པའི་བརྩི་འཇོག་གོ་མ་ལོག་པར་བྱ། དགོན་ནང་དུ་བུད་མེད་ཞག་ཏུ་མི་སྡོད་ཅིང་ཉིན་སྐོར་འོང་བ་རྣམས་ཀྱང་དགེ་བསྐོས་ལ་དགོངས་པ་ཞུ། ཤོ་མིག་མང་སོགས་བག་མེད་ཀྱི་རྩེད་མོའི་རིགས་དང་། རྒྱང་སྐད་ཀུ་ཅོ་ཙབ་ཧྲལ་གྱི་མཆོངས་རྒྱུགས་སོགས་ཁྱིམ་པ་སུན་འབྱིན་དུ་འགྲོ་བའི་བྱ་བ་བྱས་མི་ཆོག །མི་དཔུང་གྲ་སྡེབ་ལས་སྣེ་མོར་ལན་སློག་པ་རྣམས་གནས་ནས་དབྱུང་ཞིང། གཞན་མའི་འཁོན་འཛིང་རྣམས་ལ་བབ་འོས་ཀྱི་ཆད་པ་འགེལ། ལས་སྣེ་མོ་རྣམས་ཀྱིས་ཀྱང་ཉེ་རིང་དུ་མ་སོང་བའི་བསྒྲིག་ལམ་གྱི་རྟིང་གནོན་ལས་འབྲས་དང་མཐུན་པར་བྱེད། སྟོན་དཔྱིད་གཉིས་སུ་ལོང་སྐབས་དང་བསྟུན་ནས་ཆོ་ག་ཆོས་སྤྱོད་རྣམས་ཀྱི་འདོན་རྟ་དབྱངས་གར་ཐིག་སོགས་ཕྱག་ལེན་ཕྲ་ཞིབ་གྲྭ་བ་སྐོར་རེ་ལ་སློབ་ཏུ་བཅུག །ཡར་ངོ་མར་ངོའི་གསོ་སྦྱོང་ཆག་མེད་དུ་བྱས་ཏེ། རྒྱུད་ཉེས་ལྟུང་གིས་མ་གོས་པའི་ཐབས་ལ་འབད། གསོ་སྦྱོང་ནམ་ཡིན་གྱི་ཞོགས་ཀའི་ཚོགས་ལ་འདུལ་བ་རྒྱ་མཚོའི་སྙིང་པོ་གསུང་ཞིང། རྒྱུན་གྱི་ཞོགས་ཚོགས་ལ་བླ་མཆོད། འཇིགས་བྱེད་བདུད་ལས་རྣམ་

― GTD007_Page_0692 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ། གདུགས་ཤེར་སྒྲོལ་གསུམ། སྐབས་སུ་གང་གཙོ་ཆེ་བའི་ཚེ་གཟུངས། སེང་གདོང་མ། ལོ་གྱོན་མ། རྣམ་འཇོམས། ཡིག་དྲུག་སོགས་ཅི་རིགས་བབ་བསྟུན། ལྷུན་གྲུབ་བདེ་སྟོང་མ། རབ་འབྱམས་རྒྱལ་བ་མ། རྣམ་དག་སྨོན་ལམ་མ་རྣམས་གསུངས། ཚོགས་འཚོགས་སྐབས་ཚོགས་བརྡ་བཏང་ནས་མ་འགྱང་བར་ཕེབས་ཤིང་འདུ་ཁང་མཐའ་སྐོར་ནས་ཕྱག་སྐོར་སོགས་ཞལ་འདོན་དང་སྦྲགས་ནས་བྱེད། ནང་དུ་ཕེབས་ནས་ཡ་ཡོར་མ་སོང་བའི་གྲལ་གྱི་བཞུགས་ལུགས། དབུ་མཛད་ཀྱིས་འདོན་པ་གང་བསྐུལ་མགྲིན་གཅིག་དབྱངས་གཅིག་གི་སྒོ་ནས་ཚང་མས་ཁུར་དུ་བཞེས་ཏེ་གསུང་ཚུལ། བཞེས་པ་སོགས་ལ་ཕུ་ཅགས་ཀྱི་སྒྲ་མེད་པར་འདུལ་བ་ལྟར་གྱི་བཞེས་ལུགས་སོགས་སྒོ་ཐམས་ཅད་ནས་དང་བ་འདྲེན་ངེས་པ་བྱེད། ཕར་ཕེབས་ཚུར་ཕེབས་ཀྱི་ཚེའང་ན་བཟའ་མནབ་ལུགས་དང་ཕེབས་ཚུལ་སོགས་སྤྱོད་ལམ་བག་དང་ལྡན་པར་བྱ། རྒྱུན་དུའང་བསྟན་པའི་གཞི་མ་ཆོས་འདུལ་བ་ཁོ་ན་ལ་རག་ལས་པས། ཕྱི་ནང་ཀུན་ཏུ་བསླབ་པའི་བསྲུང་མཚམས་ངོ་ལྐོག་མེད་པ་ལ་འབད་པ་ཉམས་ལེན་གྱི་མཐིལ་དུ་བྱེད། ཚེས་བརྒྱད་བཅོ་ལྔ་གཉིས་ཀྱི་དུས་བཟང་ལ་ཆོས་སྤྱོད་སྨོན་ལམ་འགྲོ་གང་ཆེ་དང། ཉི་ཤུ་དགུ་ལ་བསྐང་གསོ་རྩལ་དུ་འདོན། བཅུ་པའི་ཉི་ཤུ་ལྔ། གཉིས་པའི་ཚེས་ལྔ། བཅུ་པའི་ཉེར་བདུན། དང་པོའི་ཉེར་བདུན་རྣམས་ལ་རྗེ་བདག་ཉིད་ཆེན་པོ། ཀུན་མཁྱེན་འཇམ་དབྱངས་བཞད་པ་སྐུ་སྔ་ཕྱི། འདི་ཀའི་བླ་མ་གོང་མ་རྣམས་ཀྱི་དུས་མཆོད་སྔར་རྒྱུན་ལྟར་མ་ཆག་པ་བྱེད། ཟླ་བ་དང་པོའི་སྨོན་

― GTD007_Page_0693 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་དང། བདུན་པའི་སྨོན་ལམ་གྱི་ཞོགས་ཚོགས་ལ་འཇིགས་བྱེད་བཅུ་གསུམ་མ། ཚ་རྟིང་མར་བརྒྱད་སྟོང་པ་གྲངས་གསོག་དང། བཀའ་འགྱུར་ཀློག་འདོན། གུང་ཚིགས་དང་དགུང་ཇར་ཆོས་སྤྱོད་སྨོན་ལམ་གཙོ་བོར་འདོན། བཞི་པའི་བཅོ་ལྔར་སྨན་བླ་རྒྱས་པའི་དུས་བཟང་གཏོང་ཞིང། དེས་མཚོན་ཏེ་དྲུག་པའི་དྲུག །དགུ་པའི་ཉེར་གཉིས། ཆོ་འཕྲུལ་སོགས་ཀྱི་དུས་ཆེན་རྣམས་སུ་སྨྱུང་གནས། ཕྱག་སྐོར། སཱཙྪ་འདེབས་པ། རྟེན་ལ་མཆོད་འབུལ་སོགས་དགེ་སྒྲུབ་ལ་འབད། བཅུ་གཉིས་པའི་མར་ངོ་ཆོས་སྐྱོང་ཐམས་ཅད་ཀྱི་བསྐང་གསོ་གཟབ་རྒྱས་གཏོང་ཞིང། ལྷག་པར་ཆོས་རྒྱལ་ལ་རྩལ་དུ་བཏོན་ཏེ། གྲུབ་ན་གཏོར་རྒྱག་རྒྱས་པ་དང། དེ་མ་གྲུབ་ཀྱང་ལོའི་དབྱུ་གུ་ཚང་བར་བྱས་ཏེ་དྲུག་ཅུ་པ་གང་མང་བསྟན་པ་སྤྱི་སྒོས་ཀྱི་རིམ་གྲོར་དམིགས་ནས་བསྔོ། སྦྱིན་བདག་གི་མང་འགྱེད་སོགས་ཀྱང་དགེ་འདུན་གྱི་ཕྱོགས་སུ་འགྲོ་ངེས་པའི་དོ་དམ་ལས་བྱེད་རྣམས་ཀྱིས་ཁུར་དུ་ལེན། ནད་པ་ལྟ་བུ་མ་ཡིན་པས་ཚོགས་ལ་མ་ཆག་པར་ཕེབས་ཤིང། ཕེབས་མི་ཐུབ་པའི་དགོས་པ་བྱུང་ཚེ་དགེ་བསྐོས་ལ་དགོངས་པ་ཞུ། ཞག་བཅུ་གྲངས་ལྷག་ཚེ་བླ་མར་ཡང་དགོངས་པ་ཞུ་དགོས་ལ། དགོངས་པ་ཞུས་ཀྱང་གྲོང་ནང་དུ་ཡུན་རིང་མི་སྡོད། མདོར་ན་རྣམ་པ་ཀུན་ཏུ་རང་གིས་ཁས་བླངས་པའི་བཅས་ཁྲིམས་དང། དགེ་འདུན་གྱི་ནང་ཁྲིམས་སྤང་བླང་འཛོལ་མེད་དུ་བྱས་ན་རང་གི་འདི་ཕྱིའི་ལེགས་ཚོགས་ཀྱི་འདུན་མ་ཐམས་ཅད་བདེ་བླག་ཏུ་འགྲུབ་ཅིང། དེ་དག་ལ་ཡི་དམ་ཆོས་སྲུང་རྣམས་ཀྱིས་ཀྱང་མགོན་སྐྱབས་གཡེལ་བ་མེད་པར་མཛོད་ཅིག །ཅེས་ཐུགས་རྗེ་བསྐུལ་བའི་མཚམས་སྦྱོར་ནན་

― GTD007_Page_0694 ―

^{[མ་དཔེ་གཟིགས་ན་འདིར་གནོན།]}

[Full Size]

ཏན་བགྱིད་ཅེས་གོ་བར་བྱ་བའི་ཡི་གེ་ལྕགས་བྱའི་ཟླ་ཚེས་དགེ་བར་ཆོས་གྲྭ་ཆེན་པོ་བཀྲ་ཤིས་འཁྱིལ་ནས་བྲིས་པ་དགེ་ལེགས་འཕེལ། །། །བཀྲ་ཤིས།།

མདོའི་ཚིགས་བཅད་གསུམ་གྱི་དོན་ཅུང་ཟད་བཀྲལ་བ་སོགས་ལེའུ་ཚན་ཐོར་བུ་སྣ་ཚོགས།

― GTD007_Page_0695 ―

^{[མ་དཔེ་གཟིགས་ན་འདིར་གནོན།]}

[Full Size]

མདོའི་ཚིགས་བཅད་གསུམ་གྱི་དོན་ཅུང་ཟད་བཀྲལ་བ་སོགས་ལེའུ་ཚན་ཐོར་བུ་སྣ་ཚོགས་བཞུགས་སོ།།

― GTD007_Page_0696 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་མུ་ནཱིནྡྲཱ་ཡ། གསོ་སྦྱོང་སོགས་ཀྱི་སྐབས་སུ་གདོན་པ། སྐར་མ་རབ་རིབ་ཅེས་སོགས་དང། བརྩམ་པར་བྱ་ཞིང་ཞེས་སོགས་ཚིགས་བཅད་གསུམ་གྱི་དོན་ཅུང་ཟད་དགྲོལ་བ་ལ། དང་པོ་ནི་རྡོ་རྗེ་གཅོད་པ་ལས། སྐར་མ་རབ་རིབ་མར་མེ་དང། །སྒྱུ་མ་ཟིལ་པ་ཆུ་བུར་དང། །རྨི་ལམ་གློག་དང་སྤྲིན་ལྟ་བུར། །འདུས་བྱས་ཆོས་རྣམས་དེ་ལྟར་བལྟ། །ཞེས་གསུངས་པ་འདིས་ཁྱད་པར་བཞིའི་སྒོ་ནས་འདུས་བྱས་ཐམས་ཅད་དོན་དམ་པར་མེད་པའི་ཚུལ་ལ་འཇུག་པར་གསུངས་ཏེ། རང་བཞིན་གྱི་མཚན་ཉིད། རོ་མྱང་བའི་མཚན་ཉིད། ཉེས་དམིགས་ཀྱི་མཚན་ཉིད། ངེས་པར་འབྱུང་བའི་མཚན་ཉིད་དོ། །དེ་ལ་རང་བཞིན་གྱི་མཚན་ཉིད་ནི་སྐར་མ་དང། རབ་རིབ་དང། མཪ་མེའི་དཔེ་གསུམ་གྱིས་གཏན་ལ་ཕབ་སྟེ། སྐར་མས་སྣང་སྟོང་གཉིས་ཚོགས་ཀྱི་རང་བཞིན། རབ་རིབ་ཀྱིས་སྟོང་པའི་

― GTD007_Page_0697 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན། མར་མེས་སྣང་བའི་རང་བཞིན་མཚོན་པ་ཡིན། དང་པོ་ནི། འཇུག་པ་ལས། དངོས་ཀུན་ཡང་དག་བརྫུན་པ་མཐོང་བ་ཡིས། །དངོས་རྙེད་ངོ་བོ་གཉིས་ནི་འཛིན་པར་འགྱུར། །གསུངས་པ་ལྟར། དངོས་པོ་ཐམས་ཅད་ཀྱི་སྟེང་ན་མི་རྟོག་ཡེ་ཤེས་ལ་སྣང་ཚུལ་དང། ཐ་སྙད་པའི་རྣམ་རྟོག་ལ་སྣང་ཚུལ་གྱི་རང་བཞིན་གཉིས་རེ་ཡོད་པའི་སྔ་མ་ནི་གནས་ལུགས་མཐར་ཐུག་དོན་དམ་པ་དང། ཕྱི་མ་ཀུན་རྫོབ་པའི་གནས་ལུགས་ཡིན། ཁྱད་པར་དེ་གཉི་ག་སྐར་མའི་དཔེ་གཅིག་པུས་མཚོན་ནུས་ཏེ། ཉིན་མོ་སྐར་མ་མི་མཐོང་བར་ནམ་མཁའ་གཡའ་དག་སྣང་བ་བཞིན། འཕགས་པའི་མཉམ་གཞག་ཡེ་ཤེས་ཀྱིས་ཀུན་རྫོབ་པའི་སྤྲོས་པ་ཅི་ཡང་མ་གཟིགས་པར་དགག་བྱ་རྣམ་པར་བཅད་པའི་སྟོང་པ་ཁོ་ན་གཟིགས། མཚན་མོ་མུན་པ་འཐིབས་པ་ན་

― GTD007_Page_0698 ―

^{[མ་དཔེ་གཟིགས་ན་འདིར་གནོན།]}

[Full Size]

སྐར་མའི་ཚོགས་ཆེས་གསལ་བར་འཆར་བ་བཞིན། ཐ་སྙད་པའི་ཤེས་པའི་ངོ་བོར་ཀུན་རྫོབ་ཀྱི་ཆོས་སྣ་ཚོགས་སུ་འཆར་ཞིང། ཁྱད་པར་དུ་མ་རིག་པའི་སྒྲིབ་གཡོགས་དང་བཅས་པ་ལ་མ་དག་པའི་འཁྲུལ་སྣང་སྣ་ཚོགས་སུ་འཆར་བ་ཡིན་ཏེ། ཟུར་ཕྱི་མ་འདི་ལ་ཐ་སྙད་པའི་ཚད་མའི་ངོ་བོར་འཇོག་ཚུལ་དོན་མཐུན་གཅིག་དང་། ཕྱིན་ཅི་ལོག་གི་འཁྲུལ་སྣང་དོན་མི་མཐུན་གྱི་ཆ་གཉིས་སུ་འབྱེད་དགོས། མ་རིག་པའི་བག་ཆགས་ཀྱི་དབང་གིས་ཡུལ་རང་ངོས་ནས་བདེན་གྲུབ་ཏུ་ཤར་བའི་སྣང་བ་དེ་ནི་བློ་འཁྲུལ་བ་དེའི་ངོ་ཁོ་ནར་ཡོད་ཀྱི། དོན་ལ་མེད་པས་རབ་རིབ་ཀྱི་དཔེས་སྣང་ཚུལ་དེ་ལྟར་དུ་གྲུབ་པས་སྟོང་པ་གཙོ་བོར་མཚོན་པ་ཡིན་ཏེ། འཇུག་པ་ལས། རབ་རིབ་མེད་ལའང་སྐྲ་ཤད་བློར་འགྱུར་ན། །དེ་ལྟ་མ་ཡིན་དེ་ཕྱིར་དེ་ཡོད་མིན། །ཞེས་པ་ལྟར། དོན་དམ་པར་གྲུབ་ན་དེ་ཉིད་དེའི་གནས་ལུགས་མཐར་ཐུག་ཏུ་འགྱུར་དགོས་ཤིང། དེ་ལྟར་ན་གནས་ལུགས་ཚོལ་བའི་རིགས་ཤེས་ཀྱིས་དཔྱད་མཐར་རྙེད་དགོས་རྒྱུ་ལ། དེའི་ངོ་བོར་མ་གྲུབ་པའི་ཕྱིར་ཏེ། དཔེར་ན་རབ་རིབ་ཅན་གྱིས་མཐོང་བའི་སྐྲ་ཤད་དེ་ངེས་པར་ཡོད་ན་མིག་ལ་སྐྱོན་མེད་པའི་གང་ཟག་གིས་ལྷག་ཏུ་གསལ་བར་མཐོང་དགོས་རྒྱུ་ལ་དེས་མ་མཐོང་བ་དེ་དོན་ལ་མ་གྲུབ་པའི་དབང་གིས་ཡིན་པ་དང་འདྲ་བའི་ཕྱིར་རོ། །ཡུལ་རང་གི་ངོ་བོས་མ་གྲུབ་ཀྱང་སྣང་ཕྱོགས་ཀྱི་ཆ་རྣམས་བསྙོན་མེད་དུ་འཇོག་

― GTD007_Page_0699 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་པ་ནི། ཀོང་བུ་ལ་མར་མེ་ངོ་བོ་ཉིད་ཀྱིས་མི་གནས་ཀྱང། མར་དང་སྡོང་བུ་སོགས་དུ་མ་འདུས་པ་ན་མར་མེ་འབྱུང་བ་བསྙོན་མེད་པ་བཞིན། ལས་དང་ཉོན་མོངས་སོགས་རྒྱུ་རྐྱེན་སྣ་ཚོགས་འདུས་པའི་དབང་གིས་སྲིད་པའི་སྐྱེ་བ་སོགས་འཁོར་འདས་ཐམས་ཅད་འབྱུང་བ་ཡིན་ནོ། །དངོས་སྨྲ་བ་རྣམས། དོན་བྱེད་ནུས་པ་གང་ཡིན་པ། །དེ་འདིར་དོན་དམ་ཡོད་པ་སྟེ། །ཞེས་སོགས་ཀྱིས་རྒྱུ་རྐྱེན་དུ་མ་འདུས་ནས་འབྲས་བུ་སྐྱེད་པ་དེ་དོན་དམ་པར་གྲུབ་པའི་རྒྱུ་མཚན་དུ་བཤད་ཀྱང། དབུ་མ་པའི་ལུགས་འདིར་རྒྱུ་རྐྱེན་དུ་མ་འདུས་ནས་བཙུན་པ་དེ་ཉིད་རང་བཞིན་གྱིས་མེད་པའི་རྒྱུ་མཚན་མཐར་ཐུག་པ་ཡིན་ཏེ། གོ་ཆའི་བཀོད་པ་བསྟན་པའི་མདོ་ལས། ཆོས་རྣམས་རྐྱེན་ནི་མང་པོ་དག །ལྷན་ཅིག་འདུས་ལས་བྱུང་བ་ཡིན། །རྐྱེན་ནི་མང་པོ་འདུས་པའི་ཕྱིར། །རང་བཞིན་གྱིས་ནི་མེད་པ་ཡིན། །ཞེས་གསུངས་པ་ལྟར་རོ།། གཉིས་པ་རོ་མྱང་བའི་མཚན་ཉིད་ནི་སྒྱུ་མའི་དཔེས་བསྟན་ཏེ། དཔེར་ན་སྤྲུལ་གཞི་རྡེའུ་ཤིང་ཙམ་ལ་སྒྱུ་མ་མཁན་གྱིས་ཡིད་དུ་འོང་མི་འོང་གི་དངོས་པོ་སྣ་ཚོགས་སུ་སྤྲུལ་བ་ན་དེ་ལ་བརྟེན་ནས་ཆགས་ཞེན་དང། འཇིགས་སྐྲག་སོགས་སྣ་ཚོགས་སྐྱེའང་དོན་དངོས་གནས་ལ་ཕན་གནོད་ཅི་ཡང་འབྱུང་དུ་མེད་པ་ལྟར། སེམས་ཅན་འཁོར་བའི་སྡུག་བསྔལ་གྱིས་མནར་བའང་དོན་རང་གི་ངོ་བོས་གྲུབ་པ་མེད་བཞིན་དུ་བདེན་འཛིན་གྱི་

― GTD007_Page_0700 ―

^{[མ་དཔེ་གཟིགས་ན་འདིར་གནོན།]}

[Full Size]

མ་རིག་པས་བསླད་པའི་དབང་གིས་ཆགས་སྡང་སྣ་ཚོགས་སྐྱེས་ཏེ་སྡུག་བསྔལ་ཉམས་སུ་མྱོང་བར་བྱེད་པ་ཡིན་པས། བཞི་བརྒྱ་པའི་འགྲེལ་པ་ལས། སྒྱུ་མ་ལྟ་བུ་ཡིན་པ་དེ་ནི་མི་བསླུ་བ་མ་ཡིན་ཏེ་རྣམ་པ་གཞན་དུ་གནས་པའི་དངོས་པོ་ལ་རྣམ་པ་གཞན་དུ་སྣང་བའི་ཕྱིར་རོ། །ཞེས་པ་ལྟར། ཁྱི་རྡོ་ཕྱིར་འབྲང་བའམ། བྱིས་པ་ལ་སྦར་མོ་སྟོང་པ་བཅང་སྟེ་བསྟན་པ་བཞིན་ཁ་ཁྲིད་ནས་རེ་དོགས་སྣ་ཚོགས་ལ་སྦྱོར་བ་དཔེར་བྱས་ཏེ། དོན་ལ་དེའི་རྗེས་སུ་འབྲང་ནས་རོ་མ་མྱང་བར་ཞེན་པ་ལོག་དགོས་ཞེས་པ་ཡིན་ནོ།། གསུམ་པ་ཉེས་དམིགས་ཀྱི་མཚན་ཉིད་ལ། མི་རྟག་པའི་ཚུལ་གྱིས་ཉེས་དམིགས་སུ་ལྟ་ཚུལ་དང། སྡུག་བསྔལ་བའི་ཚུལ་གྱིས་ཉེས་དམིགས་སུ་ལྟ་ཚུལ་གཉིས། སྔ་མ་ཟིལ་བའི་དཔེས་བསྟན་ཏེ། རྩྭ་རྩེའི་ཟིལ་པ་ཕྲ་མོ་དེ་ཉིད་འོད་ཕོག་པ་སོགས་རྐྱེན་ཅུང་ཟད་ཙམ་གྱི་མོད་ལ་སྐམ་པར་འགྱུར་བ་ཤིན་ཏུ་མི་བརྟན་པའི་རང་བཞིན་ཅན་ཡིན་པ་བཞིན། འདུས་བྱས་ཐམས་ཅད་རང་གྲུབ་ཙམ་ནས་ཕྱིས་འབྱུང་གི་རྒྱུ་ལ་མི་ལྟོས་པར་འཇིག་པའི་ངང་ཚུལ་ཅན་ཡིན་པས་ཡིད་བརྟན་ཅུང་ཟད་ཀྱང་མེད་དེ། འདི་ལ་དགོངས་ནས་མདོ་དང་རྒྱན་དུ་མི་རྟག་པ་ལ་མ་མཆིས་པའི་རྣམ་པ་དང་མེད་པའི་རྣམ་པ་ཞེས་གསུངས་ཤིང། དབུས་མཐར་ཡང། མི་རྟག་དོན་ནི་མེད་དོན་དང་། །ཞེས་སོགས་གསུངས་པ་ཡིན་ནོ། །ཆུ་བུར་གྱི་དཔེས་སྡུག་བསྔལ་བའི་ཚུལ་གྱི་ཉེས་དམིགས་བསྟན་ཏེ། ཆུ་བུར་ནི་རྡོལ་བ་ནའང་ཆུའི་རང་བཞིན། ཡལ་བ་ནའང་ཆུའི་རང་བཞིན་དུ་འགྲོ་བ་ལྟར། ཟག་བཅས་ཀྱི་ཚོར་བ་ནི་མདོ་ལས། གང་ཅུང་ཟད་ཚོར་བ་འདི་ནི་འདིར་

― GTD007_Page_0701 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་ལོ། །ཞེས་པ་ལྟར། ཚོར་བ་སྡུག་བསྔལ་སྐྱེས་ཙམ་ནས་སྡུག་བསྔལ་གྱི་རྣམ་པར་འབྱུང་། ཟག་བཅས་ཀྱི་བདེ་བ་རྣམས་འགགས་པ་ན་སྡུག་བསྔལ་གྱི་རྣམ་པར་འགྲོ་བས་འགྱུར་བའི་སྡུག་བསྔལ་དུ་བཤད། བཏང་སྙོམས་ནི་སྡུག་བསྔལ་ཀུན་གྱི་གཞི་བྱེད་པས་ཁྱབ་པ་འདུ་བྱེད་ཀྱི་སྡུག་བསྔལ་ཞེས་བཤད་དེ། དེ་གསུམ་ག་བྱིས་པ་རྣམས་ཀྱི་བསམ་ངོར་བདེ་སྡུག་དང་མཆོག་དམན་གྱི་ཁྱད་པར་ཡོད་ཀྱང། འཕགས་པའི་གང་ཟག་རྣམས་ཀྱི་གཟིགས་ངོར། འཁོར་བ་ཁབ་ཀྱི་རྩེ་མོ་ན། །བདེ་བ་ནམ་ཡང་ཡོད་མ་ཡིན། །གསུངས་པ་བཞིན་བདེ་བའི་རང་བཞིན་ཅུང་ཟད་ཀྱང་མེད་པར་སྡུག་བསྔལ་ལས་མ་འདས་པས། སྡུག་བསྔལ་འཕགས་པའི་བདེན་པ་ཞེས་གསུངས་པ་ཡིན་ནོ།། བཞི་པ་ངེས་པར་འབྱུང་བའི་མཚན་ཉིད་ནི་སྟོང་ཉིད་སྒོམ་ཚུལ་དངོས་ཡིན་ཏེ། ཐལ་འགྱུར་བའི་ལུགས་འདིར་འཁོར་བའི་རྩ་བ་མཐར་ཐུག་བདེན་འཛིན་ཁོ་ན་དང། ཞི་སྒོ་གཉིས་པ་མེད་པ་སྟོང་ཉིད་རྟོགས་པའི་ཡེ་ཤེས་ཁོ་ན་ཡིན་པས་འཁོར་བ་ལས་ངེས་པར་འབྱུང་བའི་ཐར་པ་ཐོབ་པ་ལ་མེད་མི་རུང་དུ་དེ་ཁོ་ན་དགོས་ཀྱི། མི་རྟག་སྡུག་བསྔལ་སོགས་སུ་བསྒོམས་པས་གནས་སྐབས་འཁོར་བ་ལས་ཡིད་འབྱུང་བ་ཙམ་འོང་ཡང། སྲིད་པའི་རྩ་བ་མཐར་ཐུག་དྲུངས་ཕྱུང་སྟེ་སེམས་ཀྱི་དྲི་མ་མ་ལུས་པར་སྦྱོང་མི་ནུས་པའི་ཕྱིར། བྱང་ཆུབ་སེམས་འགྲེལ་ལས། མི་རྟག་སྡུག་བསྔལ་སྟོང་པ་ཞེས། །བྱ་བ་གསུམ་པོ་སེམས་སྦྱོང་བྱེད། །མཆོག་ཏུ་སེམས་ནི་སྦྱོང་བྱེད་པའ། །ཆོས་ནི་རང་

― GTD007_Page_0702 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་མེད་པ་ཡིན། །ཞེས་སོ། །འདིའི་ཐད་ཀྱི་ཀ་མ་ལ་ཤཱི་ལའི་རྡོར་གཅོད་འགྲེལ་པར། ཏིང་ངེ་འཛིན་རྒྱལ་པོ་ལས། གལ་ཏེ་ཆོས་ལ་བདག་མེད་སོ་སོར་རྟོག །དེ་ལྟར་བརྟག་ནས་གལ་ཏེ་སྒོམ་བྱེད་པ། །དེ་ནི་མྱ་ངན་འདས་ཐོབ་འབྲས་བུའི་རྒྱུ། །རྒྱུ་གཞན་གང་ཡིན་དེས་ནི་ཞི་མི་འགྱུར། །ཞེས་སོགས་དྲངས་ཏེ་ཐར་པ་ཐོབ་པ་ལ་ངེས་པར་རྟོགས་དགོས་པར་གསུངས་པ་ནི་བདག་མེད་ཙམ་ལ་བྱ་ཡི། བདེན་སྟོང་ཁོ་ནར་མི་རུང་སྟེ་ཐེག་གསུམ་རྟོགས་རིགས་མི་འདྲ་བའི་ཕྱིར་དང། འགྲེལ་པ་དེ་ཉིད་དུ། འདུས་བྱས་ཐམས་ཅད་ནི་བདག་མེད་པ་རྣམ་པ་གཉིས་དང་ལྡན་ཏེ། ཞེས་གསུངས། བདག་མེད་གཉིས་སྟོང་གཞིའི་སྒོ་ནས་བཞག་པ་མིན་པས་ཐལ་འགྱུར་བའི་དེ་དང་མི་འདྲ་བ་འདུས་བྱས་ཐམས་ཅད་ཅེས་པས་ཤེས་སོ། །དབྱིག་གཉེན་གྱི་འགྲེལ་པར་ཡང། གང་ཟག་དང་ཆོས་ཀྱི་བདག་མེད་པ་དང་རྗེས་སུ་འབྲེལ་བ་ལ་དམིགས་པས་ངེས་པར་འབྱུང་བའི་ཕྱིར། ཞེས་གསུངས་ཏེ་ཕྱོགས་མཐུན་ནོ། །དེས་ན་འདི་ལ་འདས་པའི་དངོས་པོ། ད་ལྟར་བའི་དངོས་པོ། མ་འོངས་པའི་དངོས་པོ་རང་བཞིན་མེད་པར་སྒོམ་ཚུལ་གསུམ་ཡོད་པས། དང་པོ་ནི་རྨི་ལམ་གྱི་དཔེས་མཚོན་པ་ཡིན་ཏེ། འཇུག་པ་ལས། རྨི་ལམ་དམིགས་པའི་ཡུལ་དག་མཐོང་ནས་ན། །ཞེས་སོགས་ལྟར། རྨི་ལམ་དུ་རྨིས་པའི་དངོས་པོ་དྲན་པ་ལས་འདོད་ཆགས་སོགས་སྐྱེའང། དེའི་ཚེ་རྨི་ལམ་གྱི་དངོས་པོ་དེ་ཉིད་མེད་པར་མངོན་སུམ་དུ་གྲུབ་པ་བཞིན། འདས་པའི་ལས་ཀྱི་འབྲས་བུ་མྱོང་དུ་ཡོད་ཀྱང་ལས་དེ་ངོ་བོ་ཉིད་ཀྱིས་གྲུབ་མི་དགོས་སོ། །རྩ་ཤེ་རབ་བྱེད་

― GTD007_Page_0703 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་པར་ཡང། རྨི་ལམ་ཇི་བཞིན་སྒྱུ་མ་བཞིན། །དྲི་ཟའི་གྲོང་ཁྱེར་ཇི་བཞིན་དུ། །དེ་བཞིན་སྐྱེ་དང་དེ་བཞིན་གནས། །དེ་བཞིན་དུ་ནི་འཇིག་པ་གསུངས། །ཞེས་དཔེ་གསུམ་གསུངས་པའི་རྨི་ལམ་གྱི་དཔེ་དེས་འདས་པ་མཚོན་པར་ཤེས་རབ་སྒྲོན་མེར་བཤད་པའང་འདི་དང་འདྲའོ། །ད་ལྟར་བའི་དངོས་པོ་རྣམས་གློག་གི་དཔེས་གསུངས་ཏེ། དེ་ནི་ཐོག་མར་འདི་ནས་བྱུང། བར་དུ་འདི་ལ་བརྟེན་ཏེ་གནས། ཐ་མར་འདིར་འགྲོ་ཞེས་ངོས་གཟུང་རྒྱུ་མེད་པར་ཡུད་ཙམ་ཞིག་དཀར་ལམ་གྱིས་སྣང་ནས་དེ་མ་ཐག་མེད་འགྲོ་བ་བཞིན། ད་ལྟར་བའི་དངོས་པོ་རྣམས་ཀྱང་སེམས་ཀྱི་སྣང་ཆ་ཙམ་ལས་བྱ་བྱེད་ལས་གསུམ་དང། རྒྱུ་འབྲས་ངོ་བོ་གསུམ་སོགས་སྒོ་གང་ནས་བཙལ་ཀྱང་མི་རྙེད་པ་རིགས་ཤེས་ཀྱིས་བཏགས་དོན་བཙལ་བ་ཙམ་ནས་དམིགས་པའི་གཏད་སོ་ཞིག་སྟེ་ཡལ་འགྲོ་བ་གློག་མི་བརྟན་པ་དང་དཔེ་སྦྱར་བ་ཡིན་ནོ། །མ་འོངས་པའི་དངོས་པོ་རྣམས་སྤྲིན་དང་དཔེ་སྦྱར་ཚུལ་ནི། ནམ་མཁའ་སྟོང་སང་ཙམ་ལ་ཆར་འབེབས་པ་སོགས་ཀྱི་ནུས་པ་མེད་ཀྱང་དེར་སྤྲིན་ཚོགས་པ་ལས་ཆར་འབེབས་པ་དང། དེས་ལོ་ཏོག་སྨིན་པ་སོགས་འབྲས་བུ་བརྒྱུད་མར་འབྱིན་ཐུབ་པ་བཞིན། སེམས་རང་བཞིན་གྱིས་འོད་གསལ་བ་དེར་ཡང་ལས་ཉོན་དང་གནས་ངན་ལེན་གྱི་བག་ཆགས་སོགས་དུ་མ་ཚོགས་པ་ལས་མ་འོངས་པ་ན་རྣམ་སྨིན་གྱི་འབྲས་བུ་སྣ་ཚོགས་པ་འབྱུང་རུང་ལ། དེའང་རྟོག་པས་བཏགས་པ་ཙམ་ཡིན་གྱི། མ་འོངས་པའི་དངོས་པོ་དེ་དག་དོན་དམ་པར་གྲུབ་ན་གྲངས་ཅན་གྱི་མངོན་

― GTD007_Page_0704 ―

^{[མ་དཔེ་གཟིགས་ན་འདིར་གནོན།]}

[Full Size]

པར་མི་གསལ་བའི་མྱུ་གུ་བཞིན་རྒྱུ་དེ་ལ་འབྲས་བུ་ཐམས་ཅད་གནས་དགོས་པས། སྤྲིན་ལའང་ལོ་ཏོག་དང་ཟན་ལ་སོགས་པ་དེ་ལ་བརྟེན་པའི་འབྲས་བུ་ཐམས་ཅད་ཡོད་པར་ཐལ་བའི་སྐྱོན་དུ་འགྱུར་རོ། །རྒྱུ་འབྲས་ཐ་སྙད་པ་ལ་ཕན་ཚུན་ཕྲད་པ་མི་དགོས་ཀྱང་། དོན་དམ་པར་རྒྱུ་འབྲས་སུ་འགྲོ་བ་ལ་བྱ་བྱེད་ཕྲད་པ་དགོས་པས་འདིར་སྤྲིན་གྱིས་འབྲས་བུ་མ་འོངས་བསྐྱེད་པར་གསུངས་པ་འདིས་མ་འོངས་པའི་དངོས་པོ་དེ་དག་དོན་དམ་པར་མ་གྲུབ་པ་གོ་དགོས་སོ།། ༈ བརྩམ་པར་བྱ་ཞིང་དབྱུང་བར་བྱ། །སངས་རྒྱས་བསྟན་ལ་འཇུག་པར་བྱ། །འདམ་བུའི་ཁྱིམ་ལ་གླང་ཆེན་བཞིན། །འཆི་བདག་སྡེ་ནི་གཞོམ་པར་བྱ། །ཞེས་པའི་དོན་ནི་བམ་ལྔ་ལས། བརྩམ་པར་བྱ་ཞིང་ཞེས་བྱ་བ་ནི་བརྩོན་པར་གྱིས་ཤིག་པའོ། །དབྱུང་བར་བྱ་ཞེས་བྱ་བ་ནི་འཁོར་བ་ལས་ངེས་པར་འབྱུང་བའི་ཕྱིར་དགོན་པ་ལ་སོགས་པ་དབེན་པར་སོངས་ཤིག་ཅེས་བྱ་བའི་ཐ་ཚིག་གོ །སངས་རྒྱས་བསྟན་པ་ཞེས་བྱ་བ་ནི་བདེན་པ་བཞི་བསྟན་པ་ལའོ། །འཇུག་པར་བྱ་ཞེས་བྱ་བ་ནི་མགོ་བོ་དང་གོས་ལ་མེ་འབར་བ་ལྟར་བརྩོན་པར་གྱིས་ཤིག་པའོ། །ཞེས་གསུངས་ལ། སོ་ཐར་བརྗེད་བྱང་དང་སོ་ཐར་གཞུང་འགྲེལ་གཉིས་སུའང་ཚིག་རིས་དེ་ཇི་ལྟ་བ་བཞིན་འབྱུང། ཁྱད་པར་བཤེས་གཉེན་གྱི་འདུལ་བ་བསྡུས་པ་ལས། བརྩམ་ཞེས་བྱ་བ་ནི་རབ་ཏུ་བྱུང་བའི་སྦྱོར་བའོ། །འབྱུང་བར་བྱ་ཞེས་བྱ་བ་ནི་རབ་ཏུ་འབྱུང་བའོ། །ཞེས་སྦྱོར་བ་དང་དངོས་གཞི་ལྟ་བུར་གསུངས་ཏེ། སྔ་ཕྱི་གུང་བསྒྲིགས་ན་འདུལ་བའི་མདོར། ངེས་པར་འབྱུང་བ་ཚུལ་ཁྲིམས་ཀྱི་དབང་དུ་བྱས་ཏེ།

― GTD007_Page_0705 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་གསུངས་པ་བཞིན་ཁམས་གསུམ་འཁོར་བ་མཐའ་དག་མེ་འབར་བའི་འོབས་དང་བཙོན་དོང་ལྟར་མཐོང་བའི་ངེས་འབྱུང་གི་བསམ་པ་བཅོས་མ་མ་ཡིན་པ་ནི་སོ་ཐར་གྱི་ཚུལ་ཁྲིམས་རྣམ་པར་དག་པའི་རྨང་གཞི་ཡིན་པས་བློ་འབྱོངས་ངེས་སུ་བསྐྱེད་པ་ཟུར་སྔ་མའི་དོན་དང། དེ་ནས་འདོད་ཆུང་ཆོག་ཤེས་ཀྱིས་འཕགས་པའི་རིགས་བཞི་ལ་གནས་ཏེ་ཚུལ་ཁྲིམས་མིག་གི་འབྲས་བུ་ལྟར་སྲུང་བར་བྱེད་པ་གཉིས་པའི་དོན་ནོ། །འདིས་ཚོགས་སྦྱོར་གྱི་ལམ་གཉིས་ཀྱང་བསྡུས་པར་བྱ་དགོས་ཏེ། སོ་སོར་ཐར་པའི་སྐད་དོད་པྲ་ཏི་མོཀྵ་ཞེས་པའི་པྲ་ཏི་དང་པོར་བྱས་ན་དང་པོར་ཐར་པ་ཞེས་ཐར་པའི་མགོ་རྩོམ་པའི་དོན་དུ་གསུངས་པ་དང། ཚོགས་ལམ་ལ་ཐར་པ་ཆ་མཐུན་ཞེས་པའང་གོ་དོན་མཚུངས་ཤིང། མངོན་པ་ཀུན་བཏུས་སུ་ཚོགས་ལམ་གྱི་མཚན་གཞི་སྨོས་པ་ན་འདོད་ཆུང་ཆོག་ཤེས་དབང་པོའི་སྒོ་སྡོམ་པ་སོགས་ལ་གཙོ་བོར་གསུངས་པ་གནད་གཅིག་གོ །དེས་ཚོགས་སྦྱོར་སྡུད་དགོས་པ་འོག་གི་ཚིག་ལྷག་མས་ཀྱང་ཤེས་ཏེ། འདུལ་བ་བསྡུས་པ་ལས། འཇུག་པར་བྱ་ཞེས་བྱ་བ་ནི་མཐོང་བའི་ལམ་སྐྱེད་པའོ། །འཆི་བདག་སྡེ་ནི་གཞོམ་པར་བྱ་ཞེས་བྱ་བ་ནི་སྒོམ་པའི་ལམ་མོ། །ཞེས་ཕྱི་མ་གཉིས་མཐོང་སྒོམ་གྱི་ལམ་ལ་སྦྱར་བ་ན་སྔ་མས་ཚོགས་སྦྱོར་སྡུད་དགོས་པ་འོས་མེད་ཀྱི་རིགས་པས་འགྲུབ་བོ། །བམ་ལྔའི། སངས་རྒྱས་བསྟན་པ་ཞེས་བྱ་བ་ནི་བདེན་པ་བཞི་བསྟན་པ་ལའོ། །ཞེས་བདེན་བཞི་ལ་སྦྱར་བའང་འདིར་མཐོང་ལམ་དུ་གསུངས་པ་དང་དགོངས་

― GTD007_Page_0706 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གཅིག་སྟེ། རྒྱན་ལས། བདེན་དང་བདེན་ལ་བཟོད་པ་དང། །ཤེས་པའི་སྐད་ཅིག་རྣམ་བཞི་ཡིས། །ལམ་ཤེས་ཉིད་ལ་མཐོང་བའི་ལམ། །ཞེས་དང། སྡུག་བསྔལ་ལ་སོགས་བདེན་པ་ལ། །ཆོས་ཤེས་རྗེས་སུ་ཤེས་པ་དང། །བཟོད་ཤེས་སྐད་ཅིག་བདག་ཉིད་འདི། །ཀུན་ཤེས་ཚུལ་ལ་མཐོང་བའི་ལམ། །ཞེས་པ་ལྟར་མདོ་སྡེ་རྣམས་སུ་མཐོང་ལམ་གང་སྟོན་པ་ན་བདེན་པ་བཞི་མཐོང་ཚུལ་གྱི་སྒོ་ནས་གསུངས་ཤིང། མཐོང་ལམ་གྱི་མིང་ལའང་བདེན་པ་མངོན་རྟོགས་ཞེས་ཟེར་བའི་ཕྱིར། དེ་བཞིན་དུ་བམ་ལྔར། འཆི་བདག་ཅེས་བྱ་བ་ནི་འཆི་བའོ། །སྡེ་ཞེས་བྱ་བ་ནི་སྲེད་པ་ལ་སོགས་པའི་འཁོར་རོ། །ཞེས་པ་དང། ཁྱད་པར་བཤེས་གཉེན་གྱིས་སྒོམ་ལམ་ལ་སྦྱར་བ་གཉིས་ཀྱང་གནད་གཅིག་ཏུ་འབབ་སྟེ། སྲེད་སོགས་ཀྱི་ཉོན་མོངས་ས་བོན་དང་བཅས་པ་གཞོམ་བྱེད་སྒོམ་ལམ་ལས་མ་འདས་པའི་ཕྱིར་རོ། །མཛད་བྱང་འགྱུར་བྱང་མེད་པ་རྒྱ་ཆེར་འགྲེལ་ཟེར་བ་ལས། བརྩམ་པར་བྱ་བ་ནི་རབ་ཏུ་འབྱུང་བར་བརྩམ་པར་བྱའོ། །དབྱུང་བར་བྱ་བ་ནི་གདོན་མི་ཟ་བར་རབ་ཏུ་འབྱུང་བར་བྱའོ། །སངས་རྒྱས་བསྟན་ལ་འཇུག་པ་ནི་རབ་ཏུ་བྱུང་བ་ཙམ་གྱིས་ཆོག་པ་མ་ཡིན་པས་བསྟན་པའི་སྡེ་སྣོད་གསུམ་བསྒྲུབ་པར་བྱའོ། །འཆི་བདག་གི་སྡེ་འཇོམས་པ་ནི་སྡེ་སྣོད་གསུམ་སྦྱངས་པའི་འབྲས་བུ་ཡོད་པར་བྱ་བའི་ཕྱིར་རྒ་ཤིའི་སྡུག་བསྔལ་གཞོམ་ཞིང། ཞེས་གསུངས་པ་འདིའང་སྔ་ཕྱིའི་གོ་རིམ་སོགས་འབྲེལ་ཆགས་པ་ཞིག་སྣང་བས་དེ་བཞིན་བཤད་ན། མཛོད་ལས། ཚུལ་གནས་ཐོས་དང་བསམ་ལྡན་པས། །

― GTD007_Page_0707 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་པ་ལ་ནི་རབ་ཏུ་སྦྱོར། །ཞེས་པ་ལྟར། ངེས་འབྱུང་གི་བསམ་པ་ཤུགས་དྲག་པོས་བསྐུལ་ཏེ་རབ་ཏུ་བྱུང་བའི་ཚུལ་ཁྲིམས་རྣམ་པར་དག་པ་བླངས་ལ་བསླབ་བྱ་རྣམས་མིག་གི་འབྲས་བུ་བཞིན་དུ་སྲུང་བར་བྱེད་དགོས་པ་རྐང་པ་དང་པོའི་དོན། དེའི་སྟེང་དུ་རྒྱལ་བའི་གསུང་རབ་ལ་ཐོས་བསམ་གྱིས་སྒྲོ་འདོགས་བཅད། སྒོམ་པས་ཉམས་སུ་ལེན་དགོས་པ་རྐང་པ་གཉིས་པའི་དོན། མཐར་སྒོམ་བྱུང་རྣམ་པར་མི་རྟོག་པའི་ཡེ་ཤེས་ཀྱིས་ཉོན་མོངས་པ་ས་བོན་དང་བཅས་པ་གླང་ཆེན་གྱིས་འདམ་བུའི་ཚལ་བཅོམ་པ་བཞིན་རྨེག་མེད་དུ་བྱས་ནས་དྲུངས་འབྱིན་དགོས་པ་རྐང་པ་ཕྱི་མ་གཉིས་ཀྱི་དོན་ནོ། །ཁྱད་པར་དེ་གསུམ་པོ་ལྷག་པའི་བསླབ་པ་གསུམ་ལ་སྦྱར་དུའང་རུང་སྟེ། ཐོག་མཐའ་གཉིས་ཚུལ་ཁྲིམས་དང་ཤེས་རབ་ལ་སྦྱོར་ཚུལ་གོ་སླ་ལ། རྐང་པ་གཉིས་པའི་དོན་ལྷག་པ་ཏིང་ངེ་འཛིན་གྱི་བསླབ་པ་ལ་སྦྱོར་ཚུལ་ནི། ཐེག་ཆེན་ཐུན་མོང་མ་ཡིན་པའི་བསམ་གཏན་གྱི་སྐབས་སུ་འགྲེལ་པ་དོན་གསལ་ལས། ཐེག་པ་གཞན་དང་མ་འདྲེས་པའི་སེམས་རྩེ་གཅིག་པ་དང་ཞེས་གསུངས་པ་ལྟར། གཞན་གྱི་ལྟ་བ་ངན་པ་སོགས་ཀྱིས་མི་འཕྲོག་པར་རྒྱལ་བའི་བསྟན་པ་ལ་གཞན་དྲིང་མི་འཇོག་པའི་རྩེ་གཅིག་ཏུ་གྱུར་ཏེ། ཚ་བས་གདུངས་པའི་གླང་ཆེན་མཚོ་ལ་བསྙེགས་པ་བཞིན་རྒྱལ་བའི་བསྟན་པ་ལ་འཇུག་པའི་དོན་ནོ། །གང་ཞིག་རབ་ཏུ་བག་ཡོད་པས། །ཆོས་འདུལ་འདི་ལ་སྤྱོད་གྱུར་པས། །སྐྱེ་བའི་འཁོར་བ་རབ་སྤངས་ཏེ། །སྡུག་བསྔལ་ཐ་མར་བྱེད་པར་འགྱུར། །ཞེས་

― GTD007_Page_0708 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྐང་པ་དང་པོ་གཉིས་ཀྱིས་བསླབ་པ་བསྲུང་བའི་ཐབས་དང། ཕྱི་མ་གཉིས་ཀྱིས་བསྲུང་བའི་ཕན་ཡོན་བསྟན་པ་ཡིན། བསླབ་པ་བསྲུང་བའི་ཐབས་དུ་མ་ཡོད་ཀྱང་གནད་གཅིག་ཏུ་བསྡུས་པ་ནི་བག་ཡོད་པ་ཡིན་པས། མདོ་རྩ་བར་ཡང་གདམས་ངག་བཅུ་གཅིག་གསུངས་པའི་མཇུག་ཏུ། བསྒྲུབ་པར་བྱ་བ་ཐབས་བརྗོད་པ་དང་བཅས་པ་ཡང་ངོ་། །ཞེས་བསླབ་བྱ་སྲུང་བྱེད་ཀྱི་ཐབས་བག་ཡོད་གཙོ་བོར་གསུངས་སོ། །དེའི་རྒྱུ་མཚན་ནི་སོ་སོར་ཐར་པའི་མདོ་འདི་ཉིད་ལས་ཀྱང། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་བྱང་ཆུབ་དང། གཞན་ཡང་གང་དག་དེ་ལྟ་བུ་དང་མཐུན་པ། དགེ་བའི་ཆོས་བྱང་ཆུབ་ཀྱི་ཕྱོགས་རྣམས་ཀྱང་བག་ཡོད་པས་འཐོབ་བོ། །ཞེས་གསུངས་སོ། །བམ་ལྔ་ལས། ཆོས་ཞེས་བྱ་བ་ནི་འཕགས་པའི་ལམ་ཡན་ལག་བརྒྱད་པའོ། །འདུལ་བ་ཞེས་བྱ་བ་ནི་ཡང་དག་པར་སྒྲུབ་པའི་མཚན་ཉིད་དོ། །ཞེས་གསུངས་ལ། རྒྱ་ཆེར་འགྲེལ་གཞན་དེ་ལས། ཆོས་ནི་ཡང་དག་པའི་ལྟ་བ་དང། རྟོག་པ་དང་། རྩོལ་བ་དང། དྲན་པ་དང། ཏིང་ངེ་འཛིན་རྣམས་སོ། །འདུལ་བ་ནི། ཡང་དག་པའི་ངག་དང། ལས་ཀྱི་མཐའ་དང། འཚོ་བ་གསུམ་མོ། །ཞེས་སྦྱོར་ཚུལ་ཅུང་ཟད་མི་འདྲ་ཞིང། སྤྱིར་འདུལ་བའི་དོན་ས་སྡེ་ལས། ལྟུང་བ་འདུལ་བ་དང། ཉོན་མོངས་པ་འདུལ་བའོ། །ཞེས་གཉིས་གསུངས་པས། ཕྱི་མའི་དབང་དུ་བཏང་ན་སྡེ་སྣོད་གསུམ་ག་ལ་འདུལ་བའི་སྒྲ་འཇུག་གོ །བསྲུང་བའི་ཕན་ཡོན་ནི་འཁོར་བའི་སྡུག་བསྔལ་གྱི་རྒྱ་མཚོ་ལས་བརྒལ་བའི་ཐར་པའི་གོ་འཕང་ཐོབ་

― GTD007_Page_0709 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གསུངས་ཏེ། ལམ་ལྔའི་ཐ་མ་མི་སློབ་པའི་ལམ་ཡང་འདིས་བསྟན་པ་ཡིན་ནོ། །སྐྱེ་བའི་འཁོར་བ་ཞེས་པའི་རྒྱུ་མཚན་ནི་སྲིད་པའི་སྡུག་བསྔལ་ཐམས་ཅད་ཀྱི་གཞི་ཤིང་ལྗོན་པའི་རྩ་བ་ལྟ་བུ་ནི་ལས་ཉོན་གྱི་དབང་གིས་འཁོར་བར་ཉིང་མཚམས་སྦྱར་བའི་སྐྱེ་བ་འདི་ཉིད་ཡིན་པས། རྣམ་འགྲེལ་ལས། སྡུག་བསྔལ་འཁོར་བ་ཅན་ཕུང་པོ། །ཞེས་གསུངས་ཤིང། སྐྱེས་རབས་ལས་ཀྱང། སྐྱེ་བའི་རྫོང་ལས་ཚེགས་ཆུང་ཐར་བར་འགྱུར། །ཞེས་འཁོར་བ་ལས་ཐར་པ་ལ་སྐྱེ་བ་ལས་ཐར་པ་ཞེས་གསུངས་པ་ཡིན་ནོ།། སྡུག་བསྔལ་ཐ་མར་བྱེད་པ་ཞེས་པའང་ཐར་པ་མངོན་དུ་བྱས་པའི་མིང་གི་རྣམ་གྲངས་ཡིན་ཏེ། མདོ་ལས། གང་སྡུག་བསྔལ་འདི་མ་ལུས་པར་སྤངས་པ། ངེས་པར་སྤངས་པ། བྱང་བར་གྱུར་པ། ཟད་པ། འདོད་ཆགས་དང་བྲལ་བ། འགོག་པ། ཉེ་བར་ཞི་བ། ནུབ་པ། སྡུག་བསྔལ་གཞན་གྱི་མཚམས་མི་སྦྱོར་ཞིང་མི་འབྱུང་མི་སྐྱེ་བ་འདི་ནི་ཞི་བ། འདི་ནི་གྱ་ནོམ་པ་སྟེ། འདི་ལྟ་སྟེ་ཕུང་པོ་ཐམས་ཅད་ངེས་པར་སྤངས། སྲིད་པ་ཟད་པ། འདོད་ཆགས་དང་བྲལ་བ། འགོག་པ། མྱ་ངན་ལས་འདས་པའོ། །ཞེས་གསུངས་པའི་ཕྱིར། ཚིགས་བཅད་འདི་གཉིས་ནི་རྣམ་གྲོལ་དོན་དུ་གཉེར་པ་རྣམས་ཀྱིས་ཉམས་སུ་བླང་བྱའི་གནད་མ་ཚང་བ་མེད་པར་སྟོན་པའི་གདམས་པའི་མཆོག་སངས་རྒྱས་ཀྱི་བསྟན་པའི་ཉིང་ཁུ་ཡིན་པས། སྲིད་པ་འཁོར་ལོར་ཡང་ལམ་བདེན་མཚོན་བྱེད་ལ་ཚིགས་བཅད་འདི་

― GTD007_Page_0710 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་བྲི་བར་གསུངས་ཤིང། རྒྱལ་པོ་ཨུ་དྲ་ཡཱ་ནས་ཀྱང་སྟོན་པའི་སྐུ་གཟུགས་རྟེན་འབྲེལ་ཡན་ལག་བཅུ་གཉིས་ཀྱི་རི་མོ་དང་བཅས་པའི་མཐར་ཚིགས་སུ་བཅད་པ་འདི་གཉིས་བྲིས་ཏེ་བསྐུར་བ་མཐོང་བས་སྲིད་པའི་འཆིང་བ་བཅད་དེ་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་ཐོབ་ནས། རིང་ན་གནས་པའི་ཐུབ་དབང་གིས། །ཤེས་རབ་མིག་ནི་རྣམ་སྦྱོང་མཛད། །གང་ལ་དེ་འདྲའི་གསོས་མངའ་བའི། །སྨན་པའི་མཆོག་ལ་ཕྱག་འཚལ་ལོ། །ཞེས་ཆེད་དུ་བརྗོད་པར་བྱས་པ་ཡིན་ནོ། །ཞེས་མདོའི་ཚིགས་བཅད་གསུམ་གྱི་དོན་ཅུང་ཟད་བཀྲོལ་བ་འདི་ནི་ཧལ་ཧ་ཇ་སག་ཐུ་རྒྱལ་པོའི་ཤོག་ནས་ལྷག་བསམ་དང་རྣམ་དཔྱོད་ཕུལ་དུ་བྱུང་བ་རབ་འབྱམས་པ་དཀོན་མཆོག་སྨོན་ལམ་གྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། ༈ ཆོས་བརྒྱད་འཆིང་བ་དྲུངས་ནས་ཕྱུང་། །ཆོས་ཀུན་དེ་ཉིད་ཐུགས་སུ་ཆུད། །བཞད་པའི་རྡོ་རྗེ་ལ་བཏུད་ནས། །རྡོ་རྗེའི་ཚིག་གི་མདུད་དགྲོལ་བྱ། །དེའང། ལྟ་བའི་ཟུང་འཇུག་མ་ཤེས་ན། །སྣང་སྲིད་ཆོས་སྐུར་ག་ལ་ཤེས། །སྒོམ་པའི་ཟུང་འཇུག་མ་ཤེས་ན། །སྡུག་བསྔལ་རྒྱན་དུ་ག་ལ་ཤེས། །སྤྱོད་པའི་ཟུང་འཇུག་མ་ཤེས་ན། །ཞེན་པ་རང་ལོག་ག་ལ་འོང། །ཞེས་བྱ་བ་ནི་གང་བཤད་པར་བྱ་བའི་ཆོས་སོ། །དེ་ལ་ལྟ་བའི་ཟུང་འཇུག་ནི་ཀུན་བྱང་གི་ཆོས་རྣམས་དོན་དམ་པར་མེད་མཉམ་ཡིན་ཀྱང་ཐ་སྙད་ཙམ་དུ་བླང་དོར་རྒྱུ་འབྲས་ཀྱི་རྣམ་གཞག་

― GTD007_Page_0711 ―

^{[མ་དཔེ་གཟིགས་ན་འདིར་གནོན།]}

[Full Size]

བསྙོན་མེད་དུ་འཇོག་དགོས་པས་སྣང་སྟོང་གཉིས་འགལ་མེད་ཟུང་དུ་འཇུག་པའི་དོན་ཡིན་ཏེ། དེ་ལྟར་ན་འཁོར་འདས་གཉི་ག་ཐ་སྙད་ཙམ་དུ་མཆོག་དམན་དང། ཀུན་རྫོབ་པའི་དངོས་པོ་ལ་དྲི་མ་དག་མ་དག་གི་དབྱེ་བ་སོ་སོར་འབྱེད་རྒྱུ་ཡོད་ཀྱང། རང་བཞིན་ལ་དྲི་མའི་སླད་པ་མ་ཞུགས་པར་ཡོངས་སུ་དག་པ་ཁྱད་མེད་པས། ཆོས་ཐམས་ཅད་གཟོད་མ་ནས་ཞི་བ་དང་རང་བཞིན་གྱིས་ཡོངས་སུ་དག་པ་ཞེས་གསུངས་ཏེ། ཆོས་ཅན་གྱི་སྟེང་ནས་ཁྱད་འབྱེད་པ་མ་གཏོགས། འཁོར་བ་དང་མྱང་འདས་གཉི་གའི་སྟེང་གི་ཆོས་ཉིད་ཀྱི་ངོ་བོ་ལ་མི་འདྲ་བའི་དབྱེ་བ་འབྱེད་རྒྱུ་མེད་དོ། །དེའི་རྒྱུ་མཚན་གྱིས་ཤེར་མདོ་ལས། གཟུགས་རྣམ་པར་དག་པས་རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་ཞེས་སོགས་དང། རྒྱན་ལས། འབྲས་བུ་དག་པ་གཟུགས་ལ་སོགས། །དག་པ་ཉིད་དེ། ཞེས་གསུངས་ཤིང། དབུ་མ་རྩ་བར་ཡང། མྱ་ངན་འདས་མཐའ་གང་ཡིན་པ། །དེ་ནི་འཁོར་བའི་མཐའ་ཡིན་ནོ། །ཞེས་གསུངས། འདི་ལ་གཞུང་ཆེན་མོ་རྣམས་སུ་སྲིད་ཞི་མཉམ་ཉིད་ཀྱི་ཐ་སྙད་མཛད་ཅིང། ས་སྐྱ་པ་དང་བཀའ་བརྒྱུད་པ་རྣམས་ལ་ལྟ་བ་འཁོར་འདས་དབྱེར་མེད་ཅེས་གྲགས་སོ། །སྒོམ་པའི་ཟུང་འཇུག་ནི་སྡུག་བསྔལ་ཅན་གྱི་སེམས་ཅན་རྣམས་ལ་བརྩེ་བའི་གཞན་དབང་དུ་གྱུར་ཏེ་སངས་རྒྱས་ཐོབ་པར་འདོད་པས་བྱང་ཆུབ་ཀྱི་སེམས་བསྒོམ་པ་ཡིན། འདིའི་ཟུང་དུ་འཇུག་ལུགས་ནི་སེམས་ཅན་གཞན་གྱི་སྡུག་བསྔལ་མཐོང་བའི་ཚེ་གཞན་ལ་སྡུག་བསྔལ་ཕྲ་མོ་ཙམ་

― GTD007_Page_0712 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་བར་མཐོང་ནའང་ཤའུ་ལ་མེ་ཕོག་པ་ལྟར་མི་བཟོད་པའི་བརྩེ་བ་དང། རང་ཐོག་ཏུ་དཀའ་སྤྱད་དང་སྡུག་བསྔལ་ཅི་ཙམ་བྱུང་ཡང་མི་སྐྱོ་བར་བྱང་ཆུབ་ཀྱི་ལམ་དུ་བསྒྱུར་ནས་དང་དུ་ལེན་ནུས་པའི་བཟོད་པའི་གོ་ཆ་གཉིས་ཟུང་དུ་འཇུག་དགོས་པ་ཡིན། དེའི་སྟོབས་ཀྱིས་སྡུག་བསྔལ་རྒྱན་དུ་ཤེས་ཚུལ་ནི་སྤྱོད་འཇུག་ལས། གཞན་ཡང་སྡུག་བསྔལ་ཡོན་ཏན་ན། །སྐྱོ་བས་དྲེགས་པ་སེལ་བར་བྱེད། །འཁོར་བ་པ་ལ་སྙིང་རྗེ་སྐྱེས། །སྡིག་ལ་འཛེམ་ཞིང་དགེ་ལ་དགའ། །ཞེས་སོགས་སྡུག་བསྔལ་རྒྱན་དུ་ལྟ་ཚུལ་མང་དུ་གསུངས་ཏེ། དེ་དག་གི་དོན་བསྡུས་ཏེ་པཎ་ཆེན་ཐམས་ཅད་མཁྱེན་པས། སྣོད་བཅུད་སྡིག་པའི་འབྲས་བུས་ཡོངས་གང་སྟེ། །མི་འདོད་སྡུག་བསྔལ་ཆར་ལྟར་བབ་གྱུར་ཀྱང། །ལས་ངན་འབྲས་བུ་འཛད་པའི་རྒྱུར་མཐོང་ནས། །རྐྱེན་ངན་ལམ་དུ་ལོངས་པར་བྱིན་གྱིས་རློབས། །ཞེས་གསུངས་ཏེ། དེ་ལྟར་བྱས་ན་རྐྱེན་ཅི་བྱུང་ཡང་རྒྱན་དང་དགེ་བའི་གྲོགས་སུ་འཆར་བས། བློ་སྦྱོང་རྩ་ཚིག་ལས། ཡིད་བདེ་འབའ་ཞིག་རྒྱུན་དུ་བསྒོམ། །ཞེས་གསུངས་པ་ཡིན་ཞིང། མདོ་ལས་ཆོས་ཐམས་ཅད་བདེ་བར་གནས་པ་ཞེས་བྱ་བའི་ཏིང་ངེ་འཛིན་ཐོབ་པར་གསུངས་པ་བསླབ་བཏུས་སུ་དྲངས་པ་ལྟར་རོ། །བཀའ་བརྒྱུད་གོང་མ་རྣམས། རྐྱེན་ངན་དགེ་བའི་བསྐུལ་མ་ཡིན། །སྡུག་བསྔལ་སྡིག་པའི་ཕྱགས་མ་ཡིན། །གསུངས་པ་སོགས་ཤིན་ཏུ་མང་ལ། ཟུང་དུ་འཇུག་རྒྱུའི་ཡ་ཅིག་ཤོས་གཞན་སྟེང་དུ་སྡུག་བསྔལ་བསྒོམ་པས་སྙིང་རྗེ་བསྐྱེད་དགོས་ཚུལ་ནི་ཤིན་ཏུ་གྲགས་ཆེ་བས་མ་སྤྲོས་སོ། །བོད་

― GTD007_Page_0713 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་ལྟ་སྒོམ་སྤྱོད་གསུམ་དུ་གྲགས་ཀྱང་གཞུང་ཆེན་མོར་ལྷག་པའི་བསླབ་པ་གསུམ་དུ་གསུངས་པ་དེའི་ནང་གི་ཏིང་ངེ་འཛིན་གྱི་བསླབ་པ་དང། ཕར་ཕྱིན་དྲུག་ལས་བསམ་གཏན་གྱི་ཕར་ཕྱིན་ལ་བྱེད་པས་དེ་གཙོ་བོར་བྱང་ཆུབ་ཀྱི་སེམས་ལ་ངོས་འཛིན་དགོས་པ་རྒྱན་རྩ་འགྲེལ་དང་སྤྱོད་འཇུག་གིས་ཤེས་སོ། །སྤྱོད་པའི་ཟུང་འཇུག་ནི། རྙེད་སོགས་བཞི་ལ་དགའ་བ་དང། མ་རྙེད་པ་སོགས་བཞི་ལ་མི་དགའ་བ་མེད་པ་གཉིས་ཟུང་དུ་འཇུག་པ་སྟེ། མདོར་ན་འཇིག་རྟེན་ཆོས་བརྒྱད་ཀྱི་འཆིང་བ་བཙན་ཆོད་དུ་བྱས་ནས་མགོ་སྙོམས་པ་ཡིན་པས། འདི་ལ་ནང་གསེས་ཀྱིས་ཕྱེ་ན་དཔལ་ནཱ་རོ་པ་ཆེན་པོའི་མན་ངག་འགྲོ་མགོན་གཙང་པ་རྒྱ་རས་ཀྱིས་གསལ་བར་མཛད་པ་སྐྱིད་སྡུག་ལམ་འཁྱེར། ལྷ་འདྲེ་ལམ་འཁྱེར་སོགས་རོ་སྙོམས་སྐོར་དྲུག་འབྱུང། མདོར་ན་སེམས་ཆགས་སྡང་གི་དབང་གིས་ཕྱོགས་རིས་སུ་གྱུར་པ་འགོག་པའི་ཐབས་རྒྱལ་བས་ཆོས་ཚུལ་ཇི་སྙེད་ཅིག་གསུངས་པ་ཐམས་ཅད་ཆོས་བརྒྱད་མགོ་མནན་ནས་བློ་སྦྱོང་བའི་ཐབས་ཤ་སྟག་ཡིན་ལ། དེའི་རྩ་བ་མཐར་གཏུགས་ན་ལྟ་བའི་གོ་བ་ཕུ་ཐག་ཆོད་པ་ལ་རག་ལས་ཏེ། བྱང་ཆུབ་སེམས་འགྲེལ་ལས། མི་རྟག་སྡུག་བསྔལ་སྟོང་པ་ཞེས། །བྱ་བ་གསུམ་པོ་སེམས་སྦྱོང་བྱེད། །མཆོག་ཏུ་སེམས་ནི་སྦྱོང་བྱེད་པའ། །ཆོས་ནི་རང་བཞིན་མེད་པ་ཡིན། །ཞེས་གསུངས་པ་ལྟར་རོ། །དེ་ལྟར་ཆོས་བརྒྱད་མགོ་སྙོམས་པ་ན་རྙེད་པ་དང་གྲགས་པ་སོགས་ཅི་ཙམ་བྱུང་ཡང་སྐྱུག་ནད་
ཅན་གྱིས་ཟས་མཐོང་བ་བཞིན་ཞེན་པ་གཏིང་ནས་ལོག་པ་ཞིག་འབྱུང་བ་ནི་སྤྱོད་པའི་ཟུང་འཇུག་ཤེས་པས་ཞེན་པ་རང་ལོག་འབྱུང་ཚུལ་ཡིན་ལ། རྒྱུ་མཚན་མཐའ་ཆོད་པ་དབུ་མ་རྩ་བ་དང་རྒྱལ་སྲས་ཞི་བ་ལྷས་རྙེད་བཀུར་ལོངས་སྤྱོད་སོགས་ཅི་ཙམ་བྱུང་ཡང་དེ་དག་དང་བཅས་ཏེ་གང་དུ་འདོད་པའི་གཏོལ་མེད་ཚུལ་གསུངས་པ་སོགས་ཀྱི་སྟེང་ནས་ཤེས་དགོས་སོ། །བསྟན་པའི་སྙིང་པོ་བསླབ་གསུམ་གྱི། །གནད་དོན་གདམས་པར་འཁྱེར་བའི་ཚུལ། །ཅུང་ཟད་བཀྲལ་བའི་དགེ་བའི་མཐུས། །བསྟན་པའི་སྙིང་པོ་རྒྱས་གྱུར་ཅིག །ཅེས་པ་འདི་ནི་དད་བརྩོན་ལྡན་པ་ཝང་ཀྱཱ་རབ་འབྱམས་པ་གྲགས་པ་རབ་བརྟན་གྱིས་བསྐུལ་བའི་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་འཕྲལ་དུ་ཡིད་ལ་ཤར་ཚོད་ཀྱི་ཐོ་ཙམ་ཞིག་སྐུ་འབུམ་བྱམས་པ་གླིང་དུ་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།།

འཁོར་ལོའི་རྣམ་གཞག་མདོར་བསྡུས།

― GTD007_Page_0714 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོའི་རྣམ་གཞག་མདོར་བསྡུས་བཞུགས་སོ།། དཀོན་མཆོག་གསུམ་ལ་ཕྱག་འཚལ་ལོ། །འཁོར་ལོའི་ཁུངས་དང་དམིགས་པ་ཕན་ཡོན་སོགས་མདོ་ཙམ་བརྗོད་ན། སྲུང་བའི་མཆོག་ཏུ་འགྱུར་བ་དང། རིགས་དྲུག་གི་སྐྱེ་སྒོ་འགོག་པ། བར་དོ་གསུམ་སྦྱོང་ཞིང་བཏོན་པ་ལས་ཀྱང་བསྐོར་བ་དག་པས་ཕན་ཡོན་ལྷག་པར་ཆེ་བ་སོགས་སྔ་འགྱུར་ལ་བཤད་པ་ཤིན་ཏུ་མང། གསར་མའི་རྒྱུད་ཀྱི་ཚིག་ཟིན་ལ་ལག་འཁོར་དུ་བྱེད་རྒྱུའི་བཤད་པ་མེད་ཀྱང་ཚད་ལྡན་གྱི་སྐྱེས་ཆེན་དུ་མས་ཕྱག་བཞེས་སུ་བསྟར་ཞིང། མདོ་དབུས་ཀྱི་དགོན་གནས་ཀུན་ཏུ་དར་རྒྱས་སུ་

― GTD007_Page_0715 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པས་ཡིད་ཆེས་ཀྱི་གནས་སུ་གྲུབ་པར་མ་ཟད། མྱུར་བར་འཁོར་བ་རང་ལྷའི་སྔགས། །ཞེས་དང། ཁྱོགས་དང་ཁྲོ་བོའི་བཟླས་པའི་འཁོར་ཚུལ་གཞན་ཡང་ཡོད་ལ། སྔགས་ཀྱི་ཡི་གེ་མར་མེའི་འཕྲེང་བ་བཞིན་དུ་འཁོར་ཚུལ་སོགས་མང་དུ་གསུངས་པ་དང། རྡོ་རྗེའི་ཚིག་སྦྲམ་ལས། མྱུར་མགྱོགས་འཁོར་ལོ་བསྐོར་ན་ཆེ། །ཞེས་སྙིང་གའི་སྔགས་འཕྲེང་འཁོར་བའི་དགོས་པ་བཤད་པ་རྣམས་ཕྱིའི་འཁོར་ལོ་བྲིས་ཏེ་བསྐོར་བའི་ཁུངས་སུ་འགྱུར་ཏེ། ལྷག་པའི་ལྷ་དང་ཆོས་སྐྱོང་མང་པོའི་སྒྲུབ་ཐབས་བེའུ་བུམ་སོགས་སུ་ལས་བཞི་སྒྲུབ་བྱེད་དང། སྲོག་འཁོར་བྲི་ཚུལ་སོགས་བཤད་པ་རྣམས་ནང་དུ་སྒོམ་དོན་གྱི་འགྲོས་དང་བསྟུན་པ་ཡིན་ལ། འདུས་པར། ཨོཾ་ནི་རི་ལུ་ཙ་ན་ཀའ། །ཞེས་སོགས་ནང་གི་རྫས་ཀྱི་ཐིག་ལེ་སྒོམ་ཚུལ་བཤད་པའང་ཐ་སྙད་ཀྱི་སྒོ་ནས་ཕྱིའི་རིལ་སྒྲུབ་ཀྱི་ཁུངས་སུ་ཚད་ལྡན་མང་པོས་གསུངས་པ་དང། ཀུན་གཟིགས་ལྔ་པས་གཟུངས་གཞུག་དབུ་ནས་དྲིལ་བའི་ཁུངས་སྔགས་འཁོར་གྱི་མགོ་ནང་ནས་རྩོམ་པ་ལ་གཏུགས་པ་སོགས་ནང་གི་སྔགས་འཁོར་བསྒོམ་པ་ཕྱིའི་འཁོར་ལོ་བྲི་བའི་ཁུངས་སུ་འགྲོ་ན། སྔགས་འཕྲེང་འཁོར་བར་བཤད་པ་ཕྱིའི་འཁོར་ལོ་བསྐོར་བའི་ཁུངས་སུ་འགྲོ་བ་གདོན་མི་ཟ་བའི་ཕྱིར་རོ། །དམིགས་རིམ་ནི་དེའི་ནང་དུ་ཡོད་པའི་མདོ་དང་གཟུངས་རྣམས་ལས་འོད་ཟེར་སྤྲོས་ཏེ་སངས་རྒྱས་ཀྱི་ཞིང་ཀུན་ཏུ་མཆོད་པ་ཕུལ། དེ་དག་གི་བྱིན་རླབས་བསྡུས་ཏེ་ཐིམ་ཞིང། ཡང་འོད་ཟེར་

― GTD007_Page_0716 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲོས་ནས་རང་ལུས་ལ་ཕོག་པས་སྡིག་སྒྲིབ་ཐམས་ཅད་བྱང་སྟེ་རྒྱལ་བ་སྲས་བཅས་ཀྱི་བྱིན་རླབས་ཞུགས། ཡང་ཕྱོགས་བཅུར་འཕྲོས་ཏེ་སྣོད་བཅུད་ཐམས་ཅད་ཀྱི་མ་དག་པ་སྦྱངས་ནས་དག་པའི་རྟེན་དང་བརྟེན་པར་གྱུར། ཐམས་ཅད་ཀྱིས་མགྲིན་གཅིག་ཏུ་མདོ་དང་གཟུངས་རྣམས་འུར་འུར་གསུང་ཞིང་ཐུགས་དེ་བཞིན་ཉིད་ཀྱི་ངང་དུ་གྱུར་པར་བསམས་པ་འཁྱེར་སོ་གསུམ་གྱི་རྣལ་འབྱོར་དང། ཡིག་འབྲུ་རྣམས་ལས་རང་སྒྲ་བསྒྲགས་ཏེ་གདུལ་བྱ་རྣམས་སྨིན་གྲོལ་ལ་བཀོད་པའི་དམིགས་པ་བྱས་ན་ཆོས་འཁོར་བསྐོར་བའི་རྟེན་འབྲེལ་དུའང་འགྱུར་རོ། །ཕན་ཡོན་ནི་དེ་དག་རང་རང་བཀླགས་པ་ལ་ཕན་ཡོན་ཇི་སྙེད་ཅིག་གསུངས་པ་ཐམས་ཅད་འབྱུང་སྟེ། སྔགས་རེ་གཉིས་ཤིང་བྱང་ལ་བྲིས་ནས་ཐང་འགའ་བསྐོར་བས་ནད་རིམས་སད་སེར་སོགས་ཞི་བ་མངོན་སུམ་དུ་གྲུབ་ན། བསམ་པ་རྣམ་པར་དག་པས་གཟུངས་ཁྱད་པར་ཅན་དུ་མ་བསྐོར་བ་ལ་ཕན་ཡོན་བསམ་གྱིས་མི་ཁྱབ་སྟེ། དེ་འདྲ་ལ་རེག་པའི་རླུང་གིས་ཕོག་པ་ཙམ་གྱིས་ཀྱང་སྡིག་སྒྲིབ་ཚན་པོ་ཆེ་བྱང་ཞིང་ཐར་པའི་ས་བོན་བསྐྲུན་པར་གསུངས་པའི་ཕྱིར་རོ། །ཞེས་པ་འདི་ནི་ཧལ་ཧ་ཁུ་རེ་ཆེན་མོའི་གྲྭ་རིགས་དད་ལྡན་དགེ་སློང་བློ་བཟང་བསམ་གཏན་གྱིས་སྐོར་བ་དང་འཁོར་ལོའི་རྒྱུ་མཚན་ཕན་ཡོན་དང་བཅས་པ་ཞིག་དགོས་ཚུལ་ཟེར་ཡང། སྔ་མ་མཆོད་རྟེན་མཐོང་གྲོལ་ཆེན་མོའི་དཀར་ཆག་ཏུ་བཤད་ཟིན་པས། འཁོར་ལོའི་རྣམ་གཞག་ཐོ་ཙམ་ཞིག་༸བཙུན་པ་དཀོན་མཆོག་བསྟན་པའི་སྒྲོན་མེས་འཕྲལ་དུ་བྲིས་པའོ།། ༈ བཤེས་གཉེན་བསྟེན་ཚུལ་རིགས་

― GTD007_Page_0717 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བཞིའི་སྒོ་ནས་གཏན་ལ་འབེབས་ཚུལ་ནི། དེ་ལ་ཐར་པའི་གོ་འཕང་ནི་འཁྲུལ་པ་ཟད་པ་ཡིན་ཞིང། འཁྲུལ་པ་ཟད་པའི་ངེས་ཤེས་རྙེད་པ་རིགས་པ་བཞིས་གཏན་ལ་འབེབས་པ་དགོས་ཀྱི། མོས་མནོའི་ངེས་པ་ཙམ་ནི་འདམ་ལ་བཏབ་པའི་ཕུར་པ་བཞིན་སོ་མི་ཐུབ་པར་གསུངས་སོ། །དེས་ན་ལམ་གྱི་ལུས་ཐམས་ཅད་དེ་བཞིས་གཏན་ལ་འབེབས་དགོས་པས། ཐོག་མར་བཤེས་གཉེན་བསྟེན་ཚུལ་ལ་མཚོན་ན། ལྟོས་པའི་རིགས་པ་ནི། བཀའ་གདམས་གོང་མ་རྣམས་མིག་གིས་བལྟས་པས་སོང་ན་ཆོག་པ་ལའང་ལམ་མཁན་དགོས་ན། ཐར་པར་བགྲོད་པ་ལ་བླ་མ་མེད་ཐབས་མེད་པས་རྣམ་གྲོལ་སྒྲུབ་པ་ལ་བླ་མ་ལས་གལ་ཆེ་བ་མེད་གསུངས་པ་བཞིན། ལོང་བ་ལམ་མཁན་ལ་ལྟོས་པ་ལྟར་ཐར་པར་བགྲོད་པ་བླ་མ་ལ་ལྟོས་པར་བསྒྲུབས་པ་ཡིན། བྱ་བ་བྱེད་པའི་རིགས་པ་ནི། རྣམ་འགྲེལ་ལས། སྐྱོབ་པ་ཉིད་གཟིགས་ལམ་གསུང་བ། །འབྲས་མེད་ཕྱིར་ན་རྫུན་མི་གསུང། །ཞེས་པ་ལྟར་སྟོན་པ་སངས་རྒྱས་ནས་བཟུང་བླ་མ་རྣམས་གཞན་དོན་ཁོ་ནར་ལམ་ལ་གོམས་པས་འཇིགས་པ་ཐམས་ཅད་དང་བྲལ་ཞིང་འབྲས་བུ་མངོན་དུ་བྱས་པ་ན་དོན་དེ་གདུལ་བྱ་ལ་གདམས་པ་ཡིན་པས་བཀའ་བཞིན་བསྒྲུབས་ན་དོན་གཉིས་ཀྱི་བྱ་བ་ཐམས་ཅད་ལྷུན་གྱིས་གྲུབ་པར་གདོན་མི་ཟ་བ་ཡིན། འཐད་པས་སྒྲུབ་པའི་རིགས་པ་ནི། རྟེན་འདིར་ཟས་ཁམ་གཅིག་ལ་སྤྱོད་པའང་རྒྱུ་མེད་དང་མི་མཐུན་པའི་རྒྱུ་ལས་མི་འབྱུང་བས། རིན་ཆེན་འཕྲེང་བར། སྦྱིན་པས་ལོངས་སྤྱོད་ཁྲིམས་ཀྱིས་བདེ། །

― GTD007_Page_0718 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་སོགས་ལྟར་ཟས་སྦྱིན་འབྲས། སྤྱོད་པའི་རྟེན་ཚུལ་ཁྲིམས། འཚེ་བ་མེད་པ་བཟོད་པ་སོགས་ཀྱིས་ཡིན་ལ། དེ་དག་ཤེས་པའི་ཤེས་རབ་ལྷན་སྐྱེས་སུ་མི་འབྱུང་བས་སྟོན་མཁན་ཞིག་དགོས་པས། བླང་དོར་སྟོན་མཁན་དེ་ཉིད་བླ་མ་ཡིན་པས། བླ་མ་ལེགས་ཚོགས་ཀུན་གྱི་རྩ་བར་རྒྱུ་སྔོན་སོང་སྒྲུབ་ཀྱི་འབྲས་རྟགས་ཀྱིས་བསྒྲུབས་པ་ཡིན། ཆོས་ཉིད་ཀྱི་རིགས་པ་ཞེས་པ་སྟོང་ཉིད་ཁོ་ན་ལ་བྱེད་མི་དགོས་པར། མེ་གྱེན་དུ་འབར་བ་དང། ཆུ་ཐུར་དུ་འབབ་པ་ཆོས་ཉིད་དུ་གྲགས་པ་ལྟར་འཆོལ་བ་མེད་པ་ཡིན་ཞིང། དེའང་ལུང་ལས། ཅི་འདྲ་བ་ཡི་ལས་བྱས་པ། །འབྲས་བུ་དེ་འདྲ་འབྱུང་བར་འགྱུར། །གསུངས་པ་བཞིན་རང་གི་བླ་མ་ཚུལ་བཞིན་དུ་བཀུར་ན་རང་ཉིད་འགྲོ་བ་ཀུན་གྱི་མགོན་དང་གཙུག་རྒྱན་དུ་འགྱུར་བ་རྒྱུ་འབྲས་རྟེན་འབྱུང་མི་བསླུ་བའི་ཆོས་ཉིད་ཡིན་ཞིང། འདིའང་མཐར་གཏུགས་ན་རྩ་ཤེ་ལས། གང་ལ་སྟོང་པ་ཉིད་རུང་བ། །དེ་ལ་ཐམས་ཅད་རུང་བར་འགྱུར། །ཞེས་པ་ལྟར་ཆོས་ཉིད་སྟོང་པ་ཉིད་དངོས་ལའང་ཐུག་ཡོད་པས། འདི་ལེགས་པར་གོ་ན་བསྟན་པ་མཐའ་དག་གི་གནད་ལ་ངེས་པ་སྐྱེའོ། །ཞེས་པ་འདི་ནི་བྱང་ཕྱོགས་ཐོར་གོད་ཀྱི་ཡུལ་ནས་འོངས་པ་དད་བརྩོན་བློ་དང་ལྡན་པའི་དགེ་སློང་བློ་བཟང་ཆོས་འཕེལ་གྱིས། ཇི་ལྟར་ཐོས་པའི་དོན་ལ་རིགས་པ་བཞིས། །ཞེས་སོགས་ལྟར་ལམ་གྱི་ལུས་ཡོངས་རྫོགས་རིགས་པ་བཞིས་གཏན་ལ་འབེབ་ཚུལ་གྱི་དཔྱད་པའི་སྒོ་འབྱེད་བྱེད་ལྟ་བུ་བཤེས་གཉེན་བསྟེན་ཚུལ་ལ་སྦྱར་བ་ཞིག་དགོས་ཟེར་བ་བཞིན། ༸བཙུན་པ་

― GTD007_Page_0719 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་མཆོག་བསྟན་པའི་སྒྲོན་མེས་འཕྲལ་དུ་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། ༈ དད་པ་གསུམ་སྒོམ་ཚུལ་མདོར་བསྡུས་ཏེ། སྲས་བཅས་རྒྱལ་ཀུན་འདུས་པའི་ངོ་བོ་ཉིད། །འདི་ཕྱིའི་ལེགས་ཚོགས་མ་ལུས་འབྱུང་བའི་གནས། །བཀའ་བཞིན་བསྒྲུབས་ན་འདོད་དགུའི་མཆོག་སྦྱིན་པ། །བསླུ་མེད་སྐྱབས་ཀྱི་དམ་པར་གསོལ་བ་འདེབས། །ཞེས་རྩ་ཚིག་གི་སྟེང་ནས་གཤར་སྒོམ་དང་སྦྲགས་ཏེ་བྱ། ཟས་གོས་གནས་མལ་ནོར་ལོངས་སྤྱོད། ཐ་ན་མེ་ཏོག་གི་ཚལ་ཆུ་གཙང་ཚུན་ཆད་མཐོང་ཚེ། ལུས་དང་ལོངས་སྤྱོད་དུས་གསུམ་དགེ་བའི་ཚོགས། །ཡིད་འོང་མཆོད་པའི་འོས་སུ་གྱུར་པ་ཀུན། །བསོད་ནམས་ཞིང་མཆོག་བླ་མ་ལྷ་ལ་དབུལ། །བརྩེ་བས་བཞེས་ནས་བྱིན་གྱིས་བརླབ་ཏུ་གསོལ། །ཞེས་བླ་མ་ལ་མཆོད་པར་འབུལ། ཆགས་སྡང་གི་རྟོག་པ་ངན་པ་དང་ནད་གདོན་གྱི་ཉེར་འཚེ་སོགས་བྱུང་བའི་ཚེ། ཀྱེ་མ་ཀྱེ་མ་མགོན་པོ་ཐུགས་རྗེ་ཅན། །ཁྱོད་མིན་སྐྱབས་གཞན་ནམ་ཡང་མི་འཚལ་བས། །མྱུར་བ་མྱུར་བར་ཐུགས་རྗེས་བརྩེར་དགོངས་ཏེ། །སྲིད་ཞིའི་འཇིགས་པ་ཀུན་ལས་བསྐྱབ་ཏུ་གསོལ། །ཞེས་གསོལ་བ་གདབ། སྙིང་གའི་པདྨར་གཉུག་མའི་རླུང་སེམས་དང། །དབྱེར་མེད་ཞུགས་པ་བླ་མའི་བྱིན་རླབས་ཀྱིས། །ཕྱིན་ཅི་ལོག་གི་རྟོག་པ་ཀུན་ཞི་ཞིང། །ཟབ་རྒྱས་ལམ་བཟང་མངོན་དུ་འགྱུར་བར་ཤོག །ཅེས་པའི་སྟེང་ནས་རྒྱུན་དུ་བླ་མའི་སྣང་བ་དང་མི་

― GTD007_Page_0720 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲལ་ཞིང་། འོག་ནས་འབྱུང་བའི་མདོ་སྔགས་ཀྱི་ལམ་ཀུན་ལ་རྩ་འགྲེལ་གུང་བསྒྲིགས་ཏེ་བག་ཆགས་ཅི་ཐེབས་བྱ། དེའི་ངང་ནས་གཞན་ལ་ཆོས་བཤད་དང་བྱིན་རླབས་སོགས་བྱེད་པའི་ཚེ། ཀྱི་ཧུད་ལོང་བས་ལོང་ཁྲིད་མི་ནུས་པས། །བདག་ལ་རེ་ལྟོས་འཆའ་བ་འདི་དག་ཀུན། །འདྲེན་པ་ཁྱོད་ཀྱིས་ཐུགས་རྗེའི་ཕྱག་བརྐྱང་སྟེ། །བདེ་ཆེན་ཐར་པའི་ས་ལ་དྲང་དུ་གསོལ། །ཞེས་སྙིང་གར་བཞུགས་པའི་བླ་མ་ལ་གསོལ་བ་འདེབས་ཤིང་དེས་བྱིན་གྱིས་བརླབས་པར་བསམས། ཞེས་བླ་མའི་རྣལ་འབྱོར་གྱི་མན་ངག་སྙིང་པོའི་རྩ་ཚིག་གི་དགོངས་དོན་ལག་ལེན་དུ་འདེབས་ཚུལ་ཤིན་ཏུ་མདོར་བསྡུས་པ་ཞིག་དགོས་ཞེས་གཡིའི་སྨད་ཀྱི་བླ་མ་ལྷག་བསམ་རྣམ་དཔྱོད་ཡངས་པ་ངག་དབང་རྣམ་རྒྱལ་གྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་ཐེ་བོའི་ཆུ་ཚན་ཁར་བྲིས་པའོ།། ༈ འདུན་སྟོབས་དང་རླུང་སྟོབས་ཞེས་པ་རླུང་གི་རྣལ་འབྱོར་གོམས་ཏེ་ཞུགས་གནས་ཐིམ་གསུམ་ཇི་བཞིན་བྱུང་བའི་ཚེ་གཉིད་དུ་འགྲོ་ཁ་ལྟ་བུར་སྡུད་རིམ་གྱི་དམིགས་པས་སྟོང་བཞི་རིམ་གྱིས་དྲངས་ནས་མཐར་ཐམས་ཅད་སྟོང་པ་འོད་གསལ་གྱི་ཚེ་ཆོས་སྐུ་ལ་ང་རྒྱལ་འཇོག་ཅིང། དེ་ལས་ལུགས་ཟློག་ཏུ་ལངས་ཏེ་རྨི་ལམ་གྱི་སྣང་བ་ཤར་བ་ན་ལོངས་སྐུའི་ལམ་འཁྱེར་དང། སད་པར་རྩོམ་པ་ན་སྤྲུལ་སྐུའི་ལམ་འཁྱེར་ཏེ་གཉིད་དུས་ཀྱི་བསྲེ་བ་སྐོར་གསུམ་གསུངས་པ་དང། དུས་ཀྱི་འཁོར་ལོར་སད་རྨི་གཉིད་མཐུག་གི་ཐིག་ལེ་སོ་སོར་སེམས་གཏད་དེ་དེར་རླུང་བསྡུས་པ་

― GTD007_Page_0721 ―

^{[མ་དཔེ་གཟིགས་ན་འདིར་གནོན།]}

[Full Size]

ན་གཉིད་ཆོས་སྐུ། རྨི་ལམ་ལོངས་སྐུ། སད་པ་སྤྲུལ་སྐུའི་ལམ་འཁྱེར་གསུམ་གྱི་དགེ་སྦྱོང་རྣལ་མ་བྱུང་ཚུལ་བཤད་པ་རྣམས་ནི་རླུང་སྟོབས་ཀྱིས་ཡིན་ལ། རླུང་སྡུད་རིམ་སོགས་ཇི་བཞིན་བྱེད་མི་ཐུབ་ནའང། དཔེར་ན་ད་ལྟ་རང་རེས་ནངས་པར་སྔ་བར་ལྡང་སྙམ་དུ་འཕེན་པ་བཏང་བའི་སྟོབས་ཀྱིས་དུས་ཚོད་དེར་སད་པ་བཞིན། ཉིན་པར་ནས་གཉིད་དུས་ཀྱི་དགེ་སྦྱོར་དེ་དག་སྐྱོང་རྒྱུའི་འདུན་པ་ཡང་ཡང་གཏོང་ཞིང། སྣང་བ་མཐའ་དག་ལ་རྨི་ལམ་དང་བར་དོའི་སྣང་བའོ་སྙམ་དུ་བལྟས་ན་སྐབས་དེ་དག་ཏུ་དེ་ལྟར་ཤར་ནས་དགེ་སྦྱོར་གྱི་འཕྲོ་སྐྱོང་ཐུབ་པ་འབྱུང་བ་ནི་འདུན་སྟོབས་ཡིན། འཕོ་བའང་སྒོ་གཞན་རྣམས་ཡི་གེ་སོགས་ཀྱིས་བཀག་སྟེ་འོག་རླུང་གྱེན་དུ་བཟློག་པའི་ཤུགས་ཀྱིས་རྣམ་པར་ཤེས་པ་སྤྱི་གཙུག་གསེར་གྱི་སྒོ་ནས་ལྷག་པའི་ལྷའི་ཐུགས་ཀར་དངོས་སུ་འཕེན་པ་རླུང་སྟོབས་དང་། རླུང་གི་ནུས་པ་དེ་ལྟར་དངོས་སུ་མ་ཐོན་ཡང་དེ་ལྟར་འཕོ་འདོད་ཀྱི་འདུན་པ་ཡང་ཡང་སྦྱངས། དེའི་དོན་དུ་ཚོགས་བསགས་ཤིང་གསོལ་བ་ཡང་ཡང་བཏབ་སྟེ་དེའི་ཐུགས་ཀར་འཕོས་པའི་མོས་པ་རྒྱུན་ཆགས་སུ་བྱས་པའི་མཐུས་འཕོ་བ་འབྱོངས་པ་ནི་འདུན་སྟོབས་ཡིན་ཏེ། མཐའ་ཆོད་པར་རྫོགས་རིམ་གྱི་ཡི་གེ་ཆེན་མོ་རྣམས་དང་དམ་པའི་གསུང་བགྲོས་ལས་ཤེས་པར་བྱའོ། །ཞེས་པ་འདིའང་ཅཱུན་གར་ཤོག་གི་དགེ་སློང་དཀོན་མཆོག་དཔལ་བཟང་གི་མོས་འདུན་བཞིན་སྩལ་བའོ།། ༈ བདེ་གསང་འཇིགས་གསུམ་ཡ་མ་བྲལ་ཞེས་པ་ཇི་ལྟར་ཡིན་དྲིས་པའི་ལན་ནི།

― GTD007_Page_0722 ―

^{[མ་དཔེ་གཟིགས་ན་འདིར་གནོན།]}

[Full Size]

དེའང་བདེ་གསང་འཇིགས་གསུམ་ཡ་མ་བྲལ་ཞེས་པ་ནི་ཆ་ཐམས་ཅད་ནས་སྦྱར་བ་མིན་གྱི། སྤྱིའི་འགང་བསྒྲིག་པའམ་དོད་ཐུབ་བརྩིས་ན་ལེགས་པར་རིམ་ལྔ་གསལ་སྒྲོན་ལས་གསུངས་པ་བཞིན་ཏེ། རྣམ་པ་ཐམས་ཅད་མཚུངས་དགོས་ན་ཆེད་དུ་བྱ་བའི་གདུལ་བྱ་ཁམས་ཐ་དད་པ་ལ་སོ་སོར་གསུངས་པ་དོན་མེད་དུ་འགྱུར་བའི་ཕྱིར། འོན་ཀྱང་འཇིགས་བྱེད་ལྟ་བུའི་ཉམས་ལེན་ལ་མཚོན་ན་མཐར་ཐུག་ཟུང་འཇུག་གི་གོ་འཕང་སྒྲུབ་པའི་ཐབས་སུ་འགྲོ་དགོས་ཤིང། ཟུང་དུ་འཇུག་རྒྱུའི་སྒྱུ་མའི་སྐུ་དང་འོད་གསལ་གྱི་ཐུགས་གཉིས་ལས། སྔ་མའི་སྒྲུབ་གཞི་ལུས་ངག་ཡིད་གསུམ་རགས་ཕྲ་ཤིན་ཏུ་ཕྲ་བ་འབྱེད་ཚུལ། དེ་ལས་སྒྱུ་མའི་སྐུར་ལྡང་ལུགས། མ་དག་པའི་སྒྱུ་མ་འོད་གསལ་གྱིས་སྦྱངས་ཏེ་དག་པའི་སྒྱུ་མའི་སྐུ་འགྲུབ་ཚུལ་སོགས་མཐའ་ཆོད་པ་འདུས་པ་ལ་མ་བརྟེན་པར་ཤེས་མི་ནུས། འོད་གསལ་གྱི་ཐུགས་འགྲུབ་བྱེད་ཕྱི་ནང་གི་ཕྱག་རྒྱའི་མཚན་ཉིད། རིགས་སོ་སོའི་བརྟག་ཚུལ་དང་བསྟེན་ཐབས། དགའ་བཞི་དང་སྟོང་བཞི་སྤྲོད་ལུགས་སོགས་ཕྱག་རྒྱ་སྲོག་རྩོལ་དུ་འགྲོ་བའི་གནད་ཆ་ཚང་བ་འཁོར་ལོ་སྡོམ་པ་ལ་མ་བརྟེན་པར་རྟོགས་ཐབས་མེད་པས་དེ་གཉིས་ཀྱི་མན་ངག་ཚུར་བླངས། རང་གི་སྒོས་ཆོས་འཁྲུལ་འཁོར་སོགས་ཀྱིས་སྡིག་པོ་ཆེ་བཙན་ཐབས་སུ་སྐྱོབ་པ་དང། བར་ཆད་སེལ་ཞིང་མཐུན་རྐྱེན་རྣམ་འབྱེད་ཀྱི་ཤེས་རབ་སྒྲུབ་པ་ཞི་ཁྲོ་སྦྲགས་སྒྲུབ་སོགས་སུམ་དྲིལ་དུ་བྱེད་པ་ཡིན་པས། སྔ་མ་གཉིས་གཙོ་བོ་རྫོགས་རིམ་གྱི་དུས་ཡིན་ཀྱང་སྒྱུ་མའི་སྐུ་བསྒྲུབ་

― GTD007_Page_0723 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གནད་ཐམས་ཅད་ཀྱི་གཞི་རེ་བསྐྱེད་རིམ་སྐབས་བར་དོ་ལོངས་སྐུའི་ལམ་ཁྱེར་དུ་ཚང་དགོས་པ་དང། འོད་གསལ་བསྒྲུབ་པའི་གནད་རྣམས་འཆི་བ་ཆོས་སྐུའི་ལམ་ཁྱེར་དུ་གཞི་ཐེངས་དགོས། དེ་བཞིན་དུ་ཟུང་འཇུག་གི་གནད་ཀྱང་ཕྱག་རྒྱ་འདུ་བྱ་བ་སོགས་ཅི་རིགས་ཀྱི་ཁོངས་ནས་འབྱུང་དགོས་པ་བསམ་མི་ཁྱབ་ཀྱི་རིམ་པ་བསྐྱེད་རིམ་གྱི་མན་ངག་ལས་ཤེས་དགོས་པར་དྲིལ་བུ་ཞབས་ཀྱིས་གསུངས་པ་ལྟ་བུ་ཡིན། འདུས་པའི་ལྷག་མོས་འོད་གསལ་དུ་སྡུད་ལུགས་ནི་དེའི་ཆེད་དུ་བྱ་བའི་གདུལ་བྱ་ལ་འཆར་སླ་ཞིང་བྱིན་རླབས་མྱུར་བའི་བོགས་འབྱིན་པ་ཡིན་ཀྱང། དགོས་པ་སྣོད་བཅུད་འོད་གསལ་དུ་སྡུད་པ་རང་ཡིན་པས། འདིས་གདུལ་བྱས་ལྷའི་རྣམ་པར་མ་བྱས་ཀྱང་སྡུད་རིམ་གྱི་དམིགས་པས་འོད་གསལ་འདྲེན་ཐུབ་པས་དགོས་པ་གྲུབ་པ་དེ་ཉིད་ཀྱིས་ཆོག །འབྱུང་བཞིའི་ཐིམ་རིམ་འདིར་ཡང་གསལ་བས་དེའི་ཚེ་རགས་པ་ཉེར་ལྔ་ཚན་ཚན་དུ་བསྡེབས་པའི་ཐིམ་ལུགས་དོན་གྱིས་འགྲུབ། ལུས་དཀྱིལ་ཡོད་མེད་དང་ཡོད་ཀྱང་ཁམས་ཕྲ་རགས་ལས་སྒྲུབ་ཚུལ་མི་འདྲ་བ་རང་རང་གི་སྒོས་ཆོས་ཡིན་པས་ཕན་ཚུན་སྦྱར་མི་དགོས། ཕུང་ཁམས་རྣམས་སྐབས་འདིའི་གཤེགས་པ་དང་གཤེགས་མར་མོས་དགོས་པ་དག་པའི་སྐབས་དང་ལས་རྒྱལ་མཆོག་གི་སྤྲོས་བསྡུས་ཀྱང་ཤེས། དཔའ་གཅིག་ལའང་སྐབས་ཐོབ་ཏུ་ཡུམ་གསལ་བཏབ་པས་གསང་མཆོད་སོགས་བྱེད་དགོས་པར་ཀུན་མཁྱེན་འཇམ་དབྱངས་བཞད་པས་གསུངས། ལིདྒ་ལི་ཡ་ཏེ་ཞེས་པ་ཐིམ་

― GTD007_Page_0724 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་འཇུག་པས་ཡུམ་གསལ་མ་བཏབ་ཀྱང་མཚན་མ་གྱེན་འགྲེང་གི་དམིགས་པས་བདེ་ཆེན་འདྲེན་པ་ཞིག་ཀྱང་ཡོད་པར་སྣང། རྒྱུད་སྡེ་བཞི་གདུལ་བྱའི་རིམ་པས་ཉམས་སུ་ལེན་ཚུལ་གྱིས་ཕྱེ་བ་ལས། ལྷ་ངོ་བོ་ཐ་དད་པ་དང་མཆོག་དམན་དུ་མི་རུང་བ་དཔེར་ན་ཐུགས་རྗེ་ཆེན་པོ་ཕྱག་བཞི་པ་འཇམ་དཔལ་གསང་ལྡན་སོགས་ལྷ་གཅིག་རྒྱུད་སོ་སོ་ལྟར་དུ་ཉམས་སུ་ལེན་ཚུལ་འབྱུང་བས་ཤེས་དགོས། བླ་མེད་ཀྱི་བདེ་སྟོང་དབྱེར་མེད་པའི་ཡེ་ཤེས་དེ་བརྟན་གཡོ་རབ་འབྱམས་ཀྱི་རྣམ་པར་འཆར་ན་བྱ་རྒྱུད་ཀྱི་ལྷའི་རྣམ་པར་ཅི་ལ་མི་འཆར། སྨྱུང་གནས་སོགས་ཀྱི་དུས་བླ་མེད་ཀྱི་ལྷ་ལྟ་བུ་མི་སྒོམ་ཞེས་པ་ལས་དང་པོ་པ་ལ་སྐབས་དེར་ལྷ་གཅིག་ཆོས་གཅིག་ཏུ་དྲིལ་ན་ཅུང་ཟད་ཕན་ཐོགས་པ་ཡིན་གྱི། རྣམ་པ་ཐམས་ཅད་དུ་མི་རུང་བ་མིན། འདི་འདྲའི་ལྷའི་རྣལ་འབྱོར་དང་དེའི་ནང་ནས་ཀྱང་གཙོ་འཁོར་མཆོག་དམན་ཕྱི་ནང་གི་རྣམ་པ་སོགས་མཐའ་དག་ཆོས་དབྱིངས་སུ་རོ་གཅིག་པའི་སྟོང་ཉིད་ཀྱི་གོ་བ་གཏིང་ཚུགས་པ་ལ་རག་ལས་པར་སྔགས་རིམ་གྱི་བཟླས་པའི་ཐད་དུ་གསུངས་པ་ལྟ་བུ་ཡིན། བླ་མེད་ཀྱི་སྐབས་ཆོས་གཟུགས་ཀྱི་སྐུའི་བསྒྲུབ་གཞི་ཐུན་མོང་མ་ཡིན་པ་རང་ཆས་སུ་ཡོད་གསུངས་པ་གཉུག་མའི་རླུང་དང་སེམས་ལ་བྱེད་དགོས་ཀྱི། རང་བཞིན་གནས་རིགས་ནི་དེ་སྒྲུབ་པའི་རྟེན་བྱེད་པ་ཙམ་ཡིན་ཀྱང་ཕར་ཕྱིན་ཐེག་པ་དང་ཐུན་མོང་བ་ཡིན་ལ། སྔ་མ་ནི་མདོར་མ་ཟད་རྒྱུད་སྡེ་འོག་མ་གསུམ་ལས་ཀྱང་གསལ་བར་མི་འབྱུང་བར་སྤྱོད་བསྡུས་སུ་གསུངས། རླུང་དང་

― GTD007_Page_0725 ―

^{[མ་དཔེ་གཟིགས་ན་འདིར་གནོན།]}

[Full Size]

གཏུམ་མོའི་རྣལ་འབྱོར་སྒོམ་ཚུལ་ཚིག་ཉུང་ངུས་མི་རྫོགས་ཤིང་རྒྱས་པ་བྲི་མ་ཁོམ་པས། དེའི་ཁྲིད་ཡིག་རྣམས་སུ་གཟིགས་ན་ལེགས། ༈ ཡང་དྲིས་ལན་ཞིག་ནི། བསྐྱེད་རིམ་མཚན་ཉིད་པར་འགྲོ་བ་ལ་གཞིའི་སྐུ་གསུམ་དང་རྣམ་པ་མཐུན་ཞིང། ལམ་དང་འབྲས་བུའི་དེ་དང་དེའི་སྨིན་བྱེད་དུ་འགྲོ་བ་ཞིག་ངེས་པར་དགོས་པས། འདུལ་འཛིན་གྱི་འཁོར་ཆེན་སྒྲུབ་ཐབས་སུ་ལོངས་སྐུའི་ལམ་འཁྱེར་མ་གསུངས་པ་ལ་ཤེར་འབྱུང་པ་དང་རོང་སྟོན། ཡེ་ཤེས་རྩེ་མོ། ལྕང་སྐྱ་གོང་མ་སོགས་མང་པོས་དགག་གཞག་དང་ཁ་སྐོང་མཛད་དེ། དེ་གསུམ་ཚང་བ་མེད་མི་རུང་ཡིན་པར་གསུངས། འོན་ཀྱང་ཚེམ་བུ་དམར་ཁྲིད་འདི་ལ་རིམ་གཉིས་ཀྱི་གནད་ཚང་ངོ་ཞེས་གསུང་བཞིན་དུ་སྐུ་གསུམ་ལམ་འཁྱེར་གྱི་རྣམ་གཞག་ཚད་མའི་སྐྱེས་བུ་གོང་མ་སུས་ཀྱང་ཁ་མ་བསྐང་འདུག་པས། དགོངས་པ་བརྟགས་ན་འཕགས་མཆོག་ཐུགས་རྗེ་ཆེན་པོ་སྙིགས་དུས་ལྷག་པར་འགྲུབ་སླ་བའི་སྙིང་རྗེའི་ལྷ་ཡིན་གཤིས། བློ་དམན་པ་རྣམས་ཀྱིས་ཀྱང་དེའི་སྒོ་ནས་རིམ་གཉིས་ལ་མོས་བློ་རེ་ཙམ་བྱེད་པའི་ཐབས་སུ་བླ་མེད་ཀྱི་ལམ་གྱི་འགྲོ་ལུགས་ཕྱོགས་ཙམ་དང་སྦྱར་ནས་གསུངས་པ་ཡིན་འདུག་པས། ལས་དང་པོ་པས་རེ་ཞིག་འདི་ཙམ་ལ་རིམ་གཉིས་ཀྱི་གནད་ཚང་ངོ་སྙམ་དུ་ཡིད་ཆེས་ཀྱིས་སྒོམ་སོང་ན་མཚམས་ཤིག་ཏུ་ལྷའི་བྱིན་རླབས་ཞུགས་པས་ཉམས་རྟོགས་འཕེལ་ཏེ། དེ་བཞིན་ཉིད་ལས་བྱང་ཆུབ་པ་དེའང་འཆི་དུས་ཀྱི་སྡུད་རིམ་ལྟ་བུས་སྟོང་པ་

― GTD007_Page_0726 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེན་ཚབས་ཆེ་བས་ཆོས་སྐུའི་ལམ་འཁྱེར་རྣལ་མར་འོང་ལ། དེ་བྱུང་ན་ས་བོན་ལས་བྱང་ཆུབ་བར་ལོངས་སྐུའི་ལམ་འཁྱེར་མཚན་ཉིད་པ་སོགས་ལྷག་མ་རྣམས་ཀྱང་ངེས་པར་འབྱུང་སྟེ། དཔེར་ན་ཤཱནྟི་པ་སོགས་སེམས་ཙམ་པའི་རྡོ་རྗེ་སློབ་དཔོན་ཆེན་པོ་རྣམས་ལྷན་སྐྱེས་ཀྱི་བདེ་བ་དང་རྣམ་རིག་ལུགས་ཀྱི་སྟོང་པ་སྦྱར་ནས་བསྒོམས་ནའང་རྟོགས་པ་ཇེ་མཐོར་སོང་ཚེ་འཛིན་སྟངས་འགྱུར་ནས་དབུ་མའི་ལྟ་བར་འགྲོ་ཚུལ་གསུངས་པ་བཞིན་ནོ། །དེས་ན་དམ་པ་གོང་མ་རྣམས་བློ་མཆོག་དམན་ཀུན་ལ་ཕན་གདགས་པའི་ཐབས་མཁས་སུ་འདི་བཞིན་མཛད་པ་ཡིན་པས། སྐུ་གསུམ་ལམ་འཁྱེར་གསལ་བར་མ་ཐོན་ཕྱིན་བསྐྱེད་རིམ་གྱི་གནད་ཚང་བར་མི་འགྲོ་སྙམ་དུ་ཡིད་མི་ཆེས་པའང་མི་རུང་ལ། སྐུ་གསུམ་ལམ་འཁྱེར་གཏན་མི་དགོས་སྙམ་དུ་རྒྱང་བསྐྱུར་ཡང་མི་བྱེད་པར། མདོ་སྡེ་རྒྱན་ལས་སྒོམ་ཚུལ་དྲུག་གི་ནང་གི་སྨོན་པའི་རྣམ་པས་བསྒོམ་ལུགས་གསུངས་པ་བཞིན་ཐོག་མར་དངོས་ཟིན་གྱི་སྒོམ་ཚུལ་འདི་བཞིན་བྱས་ལ། རིམ་གྱིས་བསྐྱེད་རིམ་མཚན་ཉིད་ཚང་བའི་རྟོགས་པ་སྐྱེ་བར་ཤོག་ཅིག་སྙམ་དུ་དམིགས་འོག་ཏུ་བཅུག་སྟེ་བསྒོམ་དགོས་པ་ཡིན་ནོ།། ༈ ཚེམ་བུ་བའི་རྫོགས་རིམ་སྒོམ་ཚུལ་སྤྲོས་བྲལ་གྱི་རྣལ་འབྱོར་སྐྱོང་བ་ཙམ་ལས་མ་མཐོང་ལ། ཕྱོགས་མཐུན་རྒྱལ་བ་རྒྱ་མཚོའི་རྫོགས་རིམ་བདེ་སྟོང་གི་ཡེ་ཤེས་སྒོམ་ཚུལ་ཡང་མི་ཏྲའི་རྒྱ་གཞུང་དོན་ཡོད་རྡོ་རྗེས་བསྒྱུར་བ་གོང་འོག་ཕལ་ཆེར་གྱི་སྒྲ་འགྲོས་བོད་སྔ་མའི་ལྟ་བ་སྐྱོང་ཚུལ་དང་འདྲ་བ་ཞིག་འདུག་པས་དགོངས་གཞི་རྟོགས་དཀའ་ལ། འོན་ཀྱང་སྒྱུ་འོད་ཟུང་

― GTD007_Page_0727 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་སྒྲུབ་པའི་དབང་གོང་མ་གསུམ་སྤྱི་དང་མཐུན་པའི་གཏན་ཚིགས་ཀྱིས་དེའི་བསྒྲུབ་གཞིའི་བདེན་པ་གཉིས་ཀྱི་རྫོགས་རིམ་སོགས་ཀྱང་སྤྱི་དང་མཐུན་དགོས་པར་འགྲུབ་བོ། །དེས་ན་ཁ་སྐོང་ཚུལ་ཡང་མ་རྒྱུད་སྒྱུ་ལུས་སྒྲུབ་ཚུལ་མི་གསལ་བ་རྣམས་ལ་འདུས་པའི་རྒྱུད་ཀྱིས་ཁ་འགེངས་དགོས་པ་དང། ཕ་རྒྱུད་ཕྱི་ནང་གི་རྐྱེན་གྱིས་འོད་གསལ་སྒྲུབ་ཚུལ་མི་གསལ་བ་རྣམས་ལ་འཁོར་ལོ་སྡོམ་པ་སོགས་ཀྱིས་ཁ་འགེངས་དགོས་པར་གསུངས་པས། འདིར་ཕྱོགས་གཉི་ག་ནས་ཅི་རིགས་པར་ཁ་འགེངས་དགོས་ཤིན་ཏུ་མང་ངོ་། །དེའི་རྒྱུ་མཚན་གྱིས་རྫོགས་རིམ་སྒོམ་ཚུལ་ཡང་རེ་ཞིག་དམ་པ་གོང་མས་ཐབས་མཁས་ཀྱིས་བཀྲི་ཚུལ་མདོར་བསྡུས་མཛད་པ་འདི་བཞིན་བསྐྱངས་ན་ལེགས་ཀྱི། གསང་བདེ་འཇིགས་གསུམ་སོགས་རྗེ་ཡབ་སྲས་ཀྱིས་གབ་དཀྲུགས་མེད་པར་ལེགས་བཤད་ཐང་མར་བརྡལ་ཡོད་པ་རྣམས་ཀྱང་བློས་འཆུན་དཀའ་ན། ས་འོག་གི་གཏེར་ལྟ་བུར་སྦས་ནས་ཡོད་པ་རྣམས་ཆ་ཚང་བར་བྱས་ཏེ་ལག་ཏུ་ལོན་པ་དཀའ། དེའི་གནད་ཀྱིས་རྫོགས་རིམ་བསྒོམ་ཚུལ་ས་བོན་ཙམ་འདི་རེ་ཞིག་བསྐྱངས་ཏེ་ཚོགས་གསོག་སྒྲིབ་སྦྱང་ཡ་མ་བྲལ་བ་བྱས་ལ། རིམ་པ་གོང་མ་གོང་མའི་རྟོགས་པ་ཇི་ལྟ་བ་རྒྱུད་ལ་སྐྱེ་བའི་གསོལ་འདེབས་དང་སྨོན་ལམ་གྱི་རྣམ་པས་བསྒོམ་པར་བྱས་ཚེ་ཉམས་རྟོགས་རྣལ་མ་སྐྱེ་ལུགས་དཔེ་དང་བཅས་གོང་དུ་བཤད་པ་བཞིན་ནོ། །འདིར་བྲོ་འཚལ་བ་དང་ཐུག་པས་དཔྱོད་པའི་སྒོ་མདོར་བསྡུས་ཙམ་བྲིས་པ་ཡིན་གྱི། སོ་སོའི་རྒྱུ་མཚན་མཐའ་ཆོད་པར་ཤེས་འདོད་ན་རྗེ་བླ་མའི་

― GTD007_Page_0728 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་བཤད་རྒྱ་མཚོ་ལྟ་བུ་ལས་བཙལ་བར་བྱའོ། །འདི་ནི་ཚེམ་བུ་དམར་ཁྲིད་འདི་ལ་རིམ་གཉིས་ཚང་བར་གྲགས་ཀྱང་སྐུ་གསུམ་ལམ་འཁྱེར་སོགས་ཇི་བཞིན་མི་འདུག་པས། རིམ་པ་གཉི་གའི་གནད་ཚང་ངེས་པར་བྱས་ཏེ་ལག་ཏུ་ལེན་ཚུལ་ཞིག་དགོས་ཞེས་ཞུས་པའི་ལན་དུ་སྩལ་བའོ།། ༈ ཀན་ཀོའི་དགོན་གྱི་ལོ་རྒྱུས་མདོར་བསྡུས་ནི། དགེ་ལེགས་འོད་ཀྱིས་ས་གསུམ་པདྨོའི་ཚལ། །ཤིས་པར་བསྒྲུབས་པ་སྐྱབས་གསུམ་ནམ་མཁའི་ནོར། །སྐྱེ་དགུའི་ལེགས་བྱས་ཡངས་པའི་ལྷ་ལམ་དུ། །རོལ་པའི་དགེ་མཚན་གཡོ་བ་མེད་གྱུར་ཅིག །དཀོན་མཆོག་རྟེན་གྱི་འབྲས་བུས་སྤ་བ་ཡི། །ལྷ་ཡི་ཁང་བཟང་ཡངས་པའི་དཔག་བསམ་ལྗོན། །བསོད་ནམས་གྲིབ་བསིལ་སྣུམ་པོ་ཁོར་ཡུག་ཏུ། །འབེབས་པའི་སྐལ་བཟང་བསོད་ནམས་ཟོང་གིས་བསྐྲུན། །དད་པས་ཕྱེ་བའི་འདྲེན་བྱེད་གསེར་གྱི་སྐྱོག །བྱིན་རྟེན་རྒྱ་མཚོར་བཅུག་སྟེ་བྱིན་རླབས་ཀྱི། །ཆབ་རྒྱུན་རང་རྒྱུད་དད་པའི་ཞིང་ས་ལ། །འགྲེམ་པའི་སྐྱེ་བོ་དེ་དག་སྐལ་བ་བཟང། །དེ་ཡང་ཀན་ཀོའུ་དགོན་ཞེས་གྲགས་པ་གནས་རི་རིན་ཆེན་སྤུངས་པ་ལྟ་བུ་བྲག་རྩེ་མོ་མཐོ་ཞིང་ཨ་ཀ་རུའི་ནགས་ཚལ་དང་དྲི་ཞིམ་པའི་མེ་ཏོག་སྣ་ཚོགས་པ་དང། དྭངས་ཤིང་བསིལ་བའི་ཆུ་མིག་དུ་མ་སོགས་ཀྱིས་བརྒྱན་པ། དམ་པ་མང་པོས་ཞབས་ཀྱིས་བཅགས་པའི་གནས་ཆེན་ཁྱད་པར་དུ་འཕགས་པ་འདི་ཉིད་ཀྱི་ནང་རྟེན་གྱི་ལོ་རྒྱུས་ནི། སྔོན་ཡུང་ལོ་རྒྱལ་པོའི་དུས་ཟུན་གྱི་མི་གཅིག་ཕྱུགས་འཚོར་ཕྱིན་པས། བྲག་ཁ་བྱང་བསྟན་ཞིག་གི་ངོས་ན་རི་བོང་གཉིས་འགྲོ་འོང་བྱེད་ཅིང་སྲོག་ཆགས་གཞན་མེད་པ་ལ། བྲག་ནང་ནས་སྒོ་འབྱེད་རྒྱུ་ཡིན་ནམ་ཞེས་པའི་སྒྲ་ལན་གསུམ་གྲགས་པར་ཕྱུགས་རྫི་ངོ་མཚར་སྐྱེས་ཤིང། སླར་གཞན་

― GTD007_Page_0729 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་གྲོས་བཏབ་པ་བཞིན་སྒོ་ཕྱེ་ཞེས་སྨྲས་མ་ཐག་བྲག་ལ་སྒོ་དོད་པའི་ནང་དུ་ཕྱིན་པར་ཡུའུ་ཤེ་ལས་གྲུབ་པའི་སྤྱན་རས་གཟིགས་ཀྱི་སྐུ་བརྙན་ཞིག་འདུག་པ་རང་གི་ཁྱིམ་དུ་གདན་དྲངས་ཀྱང་ཕྱི་ཉིན་བྲག་ཕུགས་སུ་ཕེབས་སོང་བའི་རྐྱེན་གྱིས་དེར་ལྷ་ཁང་བརྩེགས་ཏེ་རིམ་གྱིས་དགོན་སྡེ་འདི་ཉིད་ཆགས། ཕྱིས་སུ་སྐུ་སྔ་མ་དེ་ཉིད་ནང་རྟེན་དུ་བྱས་ཏེ་འཇིག་རྟེན་གསུམ་ལྷག་པར་དབང་དུ་བྱེད་པའི་སྤྱན་རས་གཟིགས་ཀྱི་སྣང་བརྙན་མཐོང་བ་དོན་ལྡན་འདི་ཉིད་བཞེངས་པ་ཡིན་ལ། གཞན་ཡང་རྗེ་བཙུན་བྱམས་པ། འཇིགས་བྱེད་མགོན་ཆོས། ལྷ་མོ། རྣམ་སྲས། ཐ་འོག་ཆོས་རྒྱལ་རྣམས་དང། ཐུབ་པའི་དབང་པོ། བདེ་གཤེགས་བརྒྱད། རྒྱལ་ཆེན་བཞི་སོགས་ཀྱི་སྣང་བརྙན་དུ་མ། རྒྱལ་བའི་བཀའ་འགྱུར་རོ་ཅོག་སོགས་སྐུ་གསུང་ཐུགས་རྟེན་ཆེས་མང་པོ་རྣམས་འགྲོ་བའི་བསོད་ནམས་ཀྱི་ཞིང་དུ་བཞུགས་པ་འདི་ལགས་སོ།། སྨྲས་པ། སྡེ་འདིར་མཆོད་བཀུར་ལྷུར་ལེན་སྐྱེ་བོ་རྣམས། །གནས་སྐབས་ཆོས་འབྱོར་བདེ་དགས་འཚོ་བ་དང། །མཐར་ཐུག་སྲིད་པའི་རྒྱ་མཚོ་ལས་བརྒལ་ཏེ། །སྐུ་གསུམ་ནོར་བུའི་གླིང་དུ་ཕྱིན་པར་ཤོག །ཅེས་ཀན་ཀོའུ་དགོན་གྱི་ལོ་རྒྱུས་མདོ་ཙམ་བརྗོད་པ་འདི་ནི་བསྔགས་འོས་ཡོན་ཏན་དུ་མས་མངོན་པར་མཐོ་བ་ཡང་ཀྱཱ་ཧུ་ཐོག་ཐུ་སྤྲུལ་སྐུ་འཇམ་དབྱངས་ཀླུ་སྒྲུབ་དང། རབ་འབྱམས་པ་འཇམ་དབྱངས་འཕྲིན་ལས་བཅས་ཀྱིས་བསྐུལ་ངོར། གུང་ཐང་པ་ཤེ་རེ་གེ་ཐུ་ནོ་མོན་ཧཱན་༸དཀོན་མཆོག་བསྟན་པའི་སྒྲོན་མེས་ཤིང་ཡོས་ཟླ་ཚེས་དགེ་བར་བྲིས། ༈ བདེ་མཆོག་རང་བྱོན་གྱི་མདུན་

― GTD007_Page_0730 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་གནང་བའི་སྨོན་ཚིག་ནི། ན་མོ་གུ་རུ་ཤྲཱི་ཧེ་རུ་ཀཱ་ཡ། བརྟན་གཡོའི་དངོས་ཀུན་ལྷན་སྐྱེས་བདེ་བ་ཆེའ། །སྒྱུ་འཕྱུལ་དྲ་བར་སྡོམ་མཛད་ཧེ་རུ་ཀ། །སྟོང་ཉིད་བྷ་ག་བཟང་མོ་རྡོ་རྗེ་ཡུམ། །མཉམ་སྦྱོར་བླ་མ་དང་པོའི་མགོན་པོས་སྐྱོངས། །ཟུང་འཇུག་སར་གཤེགས་གྲུབ་མཆོག་ཕམ་མཐིང་པ། །རགས་པའི་ཟ་མ་ཏོག་གི་བཀོད་པའི་ལུས། །དཔའ་བོ་རྣལ་འབྱོར་མར་བཅས་སྐུར་བཞེངས་ཏེ། །སྐྱེ་དགུའི་མགོན་པོར་སྒྱུ་མའི་གར་གྱིས་རྩེན། །འདི་ཉིད་མཐོང་ཐོས་དྲན་རེག་དགེ་བ་ཡིས། །ས་བོན་ཉུངས་འབྲུའི་ཚད་ཀྱང་བླ་མ་ལྷའ། །ཐུགས་རྗེས་ཡོངས་བཟུང་ཡལ་གའི་ཕྱོགས་རྫོགས་པ། །ས་གསུམ་ཁྱབ་པའི་བསོད་ནམས་དཔྱིད་དུ་འབར། །དེ་སླད་བདག་སོགས་མཁའ་མཉམ་འགྲོ་བ་ཀུན། །ཇི་སྲིད་བྱང་ཆུབ་རྡོ་རྗེའི་གནས་ཐོབ་བར། །ཐུགས་རྗེ་ཀྱོ་བས་ནམ་ཡང་མི་གཏོང་ཞིང། །མཆོག་ཐུན་དངོས་གྲུབ་བྱེ་བའི་དགའ་སྟོན་སྩོལ། །ཁྱད་པར་མཐའ་བྲལ་ལྟ་བས་རྒྱས་བཏབ་པ། །ཟབ་གསང་རྡོ་རྗེ་ཐེག་པའི་ལམ་བགྲོད་ནས། །རིང་མིན་ཧེ་རུ་ཀ་ཡི་གནས་ཐོབ་སྟེ། །འགྲོ་ཀུན་བདེ་ཆེན་ས་ལ་འགོད་གྱུར་ཅིག །དེ་ཡང་རྟེན་མཆོག་འདི་ལ་ལོ་རྒྱུས་ཅི་རིགས་འདུག་ཀྱང། ཕམ་མཐིང་པ་རྒྱ་ནག་ཏུ་བྱོན་ཚུལ་རྗེའི་གསུང་དུའང་འབྱུང་བ་དང། དམ་པ་དུ་མའི་གསུང་གུང་འགྲིགས་པས་ལོ་རྒྱུས་ཡོངས་གྲགས་ལྟར་འཐད་དམ་སྙམ། དེ་ཉིད་སོར་བཞག་ལ་སྨོན་ཚིག་དང་བཅས་པ་འདི་ནི། ༸གུང་ཐང་པ་དཀོན་མཆོག་བསྟན་པའི་སྒྲོན་མེས་བདེ་མཆོག་རང་བྱོན་ཉིད་ཀྱི་མདུན་དུ་བྲིས་པའོ།། ༈ འཕགས་མཆོག་ཐུགས་རྗེ་ཆེན་པོ་ལ་གསོལ་བ་འདེབས་ཚུལ། སྟོབས་བཅུ་མངའ་བ་ཀུན་

― GTD007_Page_0731 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ཐུགས་རྗེ་ན། །གཅིག་བསྡུས་ལྷག་པའི་ལྷ་ཡི་རྣམ་རོལ་བ། །སྲིད་དང་ཞི་བའི་འཇིགས་ལས་སྒྲོལ་བའི་གཉེན། །མགོན་པོ་སྤྱན་རས་གཟིགས་ལ་གསོལ་བ་འདེབས། །རྣམ་འདྲེན་ཀུན་གྱིས་གདུལ་བར་མ་ནུས་པ། །མཐའ་འཁོབ་སྲིན་པོ་གདོང་དམར་བོད་ཡུལ་གྱི། །འགྲོ་ལ་ལྷག་པར་བརྩེ་བའི་སྙིང་སྟོབས་ཅན། །ཐུགས་རྗེའི་གཏེར་ཁྱོད་བརྩེ་བའི་སྤྱན་གྱིས་གཟིགས། །མཐའ་དབུས་ཀུན་ན་བསྟན་པ་གཟུགས་བརྙན་ཙམ། །བསྟན་འཛིན་ཕལ་ཆེར་བསྟན་པའི་དབུ་འཕང་སྨོད། །བསྟན་སྲུང་གཡེལ་བས་བདུད་ཀྱི་དཔུང་ཚོགས་དར། །དུས་ངན་སྙིགས་མའི་རྒུད་པ་བསལ་དུ་གསོལ། །མཁས་རློམ་གཞུང་ལུགས་དོན་ལ་མ་རེག་ཅིང། །བཙུན་པར་བཅོས་རྣམས་བླང་དོར་ངོ་ལྐོག་འཛོལ། །གྲུབ་པར་ཁས་འཆེ་ཁྲེལ་མེད་སྨྱོན་པ་མང། །དུས་ངན་སྙིགས་མའི་རྒུད་པ་བསལ་དུ་གསོལ། །སྡེ་དཔོན་ཁེངས་དྲེགས་སྤྱོད་པ་ལོག་པར་ཞུགས། །ཡུལ་ཁམས་ནད་དང་འཁྲུག་པ་མུ་གེས་མནར། །ཉམ་ཆུང་སྐྱེ་བོ་མགོན་མེད་སྡུག་གྲིར་འཆ། །དུས་ངན་སྙིགས་མའི་རྒུད་པ་བསལ་དུ་གསོལ། །ལོ་འབྲས་མི་སྨིན་སད་སེར་ཐན་པས་འཇོམས། །རྐང་བཞི་མི་འཕེལ་ནད་སྣ་དུ་མས་གཙེས། །ཟས་ནོར་བཅུད་ཉམས་ཉིན་རེ་བཞིན་དུ་འགྲིབ། །དུས་ངན་སྙིགས་མའི་རྒུད་པ་བསལ་དུ་གསོལ། །མདོར་ན་རང་རང་དཀོན་མཆོག་བཀའ་ལས་འདས། །ལས་འབྲས་བླང་དོར་ལོག་པར་བསྒྲུབས་པ་ཡིས། །སྣོད་བཅུད་མཐའ་དག་སྡིག་པའི་འབྲས་བུས་གང། །དུས་ངན་སྙིགས་

― GTD007_Page_0732 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་རྒུད་པ་བསལ་དུ་གསོལ། །བག་མེད་བྱིས་པ་རང་ཉིད་བརྡེག་འཆོས་ཏེ། །བརྩེ་བའི་མ་ལ་ཡུས་སུ་བྱེད་པ་བཞིན། །རང་ལས་སྨིན་པའི་ཉམ་ཐག་འགྲོ་རྣམས་ཀྱིས། །གདུང་བའི་སྨྲེ་སྔགས་ཁྱོད་མིན་སུ་ལ་གསོལ། །རང་གི་ལས་སུ་དགོངས་པས་མི་སྐྱོབ་ན། །གཞན་གྱིས་བསགས་པ་སྨིན་པའི་དོགས་མ་མཆིས། །དེ་ཕྱིར་བརྩེ་ལྡན་བརྩེ་བས་ཉེར་དགོངས་ཏེ། །སྲིད་དང་ཞི་བའི་འཇིགས་ལས་བསྐྱབ་ཏུ་གསོལ། །ངན་སོང་ངན་འགྲོའི་གཡང་ལས་བསྒྲལ་དུ་གསོལ། །ལས་དང་ཉོན་མོངས་འཆིང་བ་གཅད་དུ་གསོལ། །ཡང་དག་ལམ་བཟང་བགྲོད་པར་བྱིན་གྱིས་རློབས། །མ་ལུས་འགྲོ་བའི་མགོན་དུ་འགྱུར་བར་ཤོག །ཅེས་པ་འདི་ནི་རབ་འབྱམས་པ་ཚུལ་ཁྲིམས་རིན་ཆེན་དང་ཨར་དགེ་བསམ་འགྲུབ་གཉིས་ཀྱིས་འཕགས་མཆོག་ཐུགས་རྗེ་ཆེན་པོ་ལ་སྙིགས་མའི་རྒུད་པ་ཞི་བའི་ཕྱིར་གསོལ་བ་འདེབས་ཚུལ་ཞིག་དགོས་ཞེས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ཐུགས་རྗེ་ཆེན་པོ་རང་བྱུང་ལྔ་ལྡན་གྱི་དཀར་ཆག་ནི། མི་མཇེད་ཞིང་གི་རྣམ་འདྲེན་ཤཱཀྱའི་ཏོག །ཁ་བ་ཅན་གྱི་མགོན་པོ་སྤྱན་རས་གཟིགས། །ལྗོངས་འདིའི་སྐྱབས་གཅིག་འཇམ་དབྱངས་བཞད་པའི་སྡེ། །དབྱེར་མེད་ཐུགས་རྗེ་བདེན་པས་དེང་འདིར་སྐྱོངས། །གནས་འདི་མགོན་པོ་ཁྱོད་ཀྱི་ཞིང་ཁམས་ཡིན། །འདི་ན་ཁྱོད་ཀྱི་གདུལ་བྱ་ཡོད་དོ་ཞེས། །མཁའ་འགྲོས་ལུང་བསྟན་ཉིད་ཀྱིས་ཞལ་བཞེས་བཞིན། །ཐུགས་རྗེ་མཐུ་དཔུང་སྐྱེད་པའི་དུས་ལ་བབས། །བླ་མ་སྤྱན་རས་གཟིགས་དབང་མྱུར་མཛད་མགོན། །དབྱེར་མེད་ཞབས་ཀྱི་པདྨོར་གསོལ་འདེབས་ན། །བདག་སོགས་ཕ་མ་རིགས་དྲུག་འགྲོ་

― GTD007_Page_0733 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་གྱི། །ལས་ཉོན་བར་ཆད་ཞི་བར་བྱིན་གྱིས་རློབས།། དེའང་རྒྱ་གར་རྡོ་རྗེ་གདན་གྱི་བྱང་ཕྱོགས་ཁ་བ་ཅན་གྱི་རྒྱལ་ཁམས་པུར་རྒྱལ་བོད་ཅེས་བྱ་བ་འདི་ལ་ནང་གསེས་ཀྱིས་བོད་དང་བོད་ཆེན་གཉིས་སུ་ཡོད་པ་རྣམས་མཉམ་མེད་ཐུབ་པའི་དབང་པོས་འཕགས་མཆོག་སྤྱན་རས་གཟིགས་ཀྱི་འདུལ་ཞིང་དུ་གཏད་ཅིང་འཕགས་པ་ཉིད་ཀྱིས་བདག་གིར་མཛད་པ་བཞིན་ཐབས་དུ་མས་ཆོས་ཀྱི་སྣོད་དུ་སྒྲུབ་པར་མཛད་ལ། ཁྱད་པར་སྤྲུལ་བའི་ཆོས་རྒྱལ་སྲོང་བཙན་སྒམ་པོའི་སྐུར་བཞེངས་ཏེ་ཆོས་ཀྱི་སྲོལ་ཕྱེ་ནས་བསྟན་པའི་སྒྲོན་མེ་སྦར་བ་ན། ཐོག་མར་གཙང་མའི་རིས་ཀྱི་ལྷ་དུ་མས་རྒྱལ་པོ་ཉིད་ཀྱི་སྐུ་ཚད་དང་མཉམ་པའི་ཐུགས་རྗེ་ཆེན་པོའི་སྐུ་ཞིག་བཞེངས་ན་ལེགས་པར་ལུང་བསྟན་པ་བཞིན་ཆོས་འཁོར་ལྷ་སའི་རྟེན་གྱི་གཙོ་བོ་རང་བྱོན་ལྔ་ལྡན་གྱི་སྐུ་བཞེངས་ཏེ་ལེགས་ཚོགས་རྟེན་འབྲེལ་གྱི་སྒོ་བརྒྱ་ཕྱེ་བ་ཡིན་ནོ། །དེའང་རང་བྱོན་ལྔ་ནི་གནས་ཆེན་བརྒྱད་ཀྱི་ས་སྣ། ཙན་དན་གྱི་ཕྱེ་མ་སོགས་སྐུ་རྒྱུ་རྣམས་སྤུངས་ནས་བཞག་པར་བཅུ་གཅིག་ཞལ་རྩ་ཕྱག་བཅུ་པའི་སྐུ་རང་བྱོན་དུ་ཕེབས་པ་དང་གཅིག །སྤྲུལ་བའི་དགེ་སློང་ཨཱ་ཀ་ར་མ་ཏི་ཤཱི་ལས་ལྷོ་ཕྱོགས་སིངྒ་ལའི་གླིང་ནས་ཙན་དན་སྦྲུལ་གྱི་སྙིང་པོ་ལས་རང་བྱོན་གྱི་ཐུགས་རྗེ་ཆེན་པོའི་སྐུ་སྤྱན་དྲངས་པ་སྔ་མའི་ཐུགས་ཀར་ཡེ་ཤེས་སེམས་དཔའི་ཚུལ་དུ་བཞུགས་པ་དང་གཉིས། ཕྱིས་རྒྱལ་པོ་ཡབ་ཡུམ་གསུམ་ག་འཕགས་པའི་དྲུང་དུ་བྱོན་ཏེ། ཆོས་སྐུ་སྟོང་པའི་ངང་ཉིད་ལས། །འགྲོ་བའི་དོན་དུ་བཞེངས་པའི་སྐུ། །ཞེས་སོགས་ཀྱིས་གསོལ་འདེབས་མཛད་པའི་མཐར་རྒྱལ་པོ་ཐུགས་

― GTD007_Page_0734 ―

^{[མ་དཔེ་གཟིགས་ན་འདིར་གནོན།]}

[Full Size]

ཀ་དང། རྒྱ་བཟའ་ནུ་མ་གཡས། བལ་བཟའ་ནུ་མ་གཡོན་དུ་ཐིམ་ཞིང། སླར་ཡང་གནས་དེ་དང་དེ་ནས་ཞལ་བསྟན་ཏེ་ཆོས་གསུངས་པས་དེ་གསུམ་སོ་སོར་བགྲང་ནས་རང་བྱོན་ལྔར་བྱས་པ་ཡིན་ནོ། །དེ་དང་ཆ་མཐུན་པར་འདིར་ཡང་སྐུ་རྒྱུ་ལ་རྒྱ་གར་རྡོ་རྗེ་གདན། རི་བོ་གྲུ་འཛིན། རི་བོ་རྩེ་ལྔ། ཙ་རི། བྲག་དཀར་དབུ་མ་རྟ་སོ་སོགས་མི་ལའི་སྒྲུབ་ཕུག་ཕལ་ཆེར། ལོ་ཀྱཱ་ཏུན་སོགས་ཀྱི་གནས་ས། མཆོད་རྟེན་བྱ་རུང་ཁ་ཤོར་དང་གཽ་མ་སཱ་ལ་གནྡྷའི་སྐུ་དཀར། མཚོ་མ་ཕམ་དང་ཆུ་བོ་གངྒཱའི་བྱེ་མ་སོགས་གནས་ཆེན་དུ་མའི་ས་སྣ། བཟང་དྲུག་སོགས་སྨན་དང་སྤོས་སྣ་ཚོགས་སྦྱར་ཏེ་ལེགས་པར་བསྒྲུབས་པས་རང་བྱོན་དང་པོའི་དོན་ཚང། སྤྱན་རས་གཟིགས་ཀྱི་ཞིང་ཁམས་རི་བོ་གྲུ་འཛིན་གྱི་ཙན་དན་དཀར་པོ་ལས་གྲུབ་པའི་སྤྱན་རས་གཟིགས་སེམས་ཉིད་ངལ་གསོའི་སྐུ་ཐུགས་ཀར་ཡེ་ཤེས་སེམས་དཔའི་ཚུལ་དུ་བཞུགས་པས་གཉིས་པའི་དོན་ཚང། ཐལ་སྦྱར་ཅུང་ཟད་ཕྱེ་ཞིང་གནས་སོ་སོར་རྒྱལ་པོ་ཡབ་ཡུམ་གསུམ་གྱི་སྐུ་བཀོད་པས་ཕྱི་མ་གསུམ་ཚང་ལ། སྐུའི་རྣམ་པའང་དོན་ལ་ཁྱད་པར་མེད་ནའང་བསྟན་པའི་རྨང་འཛུག་པར་ཞི་རྒྱས་དབང་དྲག་བཞི་ག་གཙོ་ཆེ་བས་ལས་བཞིའི་ཞལ་ཅན་རྒྱལ་པོ་ལུགས་སུ་གྲགས་པ་ལྷ་སའི་ཐུགས་རྗེ་ཆེན་པོ་ལྟར་བྱས་པ་ཡིན་ནོ། །ནང་རྟེན་གྱི་རིམ་པའང་རིང་བསྲེལ་རྣམ་པ་བཞི་ལས་ཆོས་སྐུའི་རིང་བསྲེལ་གཟུངས་གཞུག་རྒྱས་བསྡུས་ཆ་ཚང་བ་ཚར་ཉེར་གཅིག །ཐུགས་རྗེ་ཆེན་པོའི་གཟུངས་རིང་སྟོང་ཕྲག་ལྷག །ཡིག་དྲུག་ཁྲི་ཚོ་བཞི། ཡིག་བརྒྱ་ཉིས་སྟོང་སྐོར། ཚུལ་ཁྲིམས་རྣམ་དག་གི་གཟུངས།

― GTD007_Page_0735 ―

^{[མ་དཔེ་གཟིགས་ན་འདིར་གནོན།]}

[Full Size]

བྱམས་པས་དམ་བཅའི་གཟུངས། ཚེ་གཟུངས། སྒྲོལ་དཀར་སོགས་གཟུངས་དུ་མ། དམིགས་བརྩེ་མ་བརྒྱ་ཕྲག་ལྷག་བཅས་བཞུགས་སོ། །སྐུ་གདུང་དང་སྐུ་བལ་གྱི་རིང་བསྲེལ་ཡང་སངས་རྒྱས་ཀྱི་འཕེལ་གདུང། ཤཱ་རིའི་བུའི་ཚེམས་ལས་གྲུབ་པའི་རིལ་བུ། ནག་པོ་སྤྱོད་པའི་རུས་རྒྱན་རྡོག་གཅིག །སྲོང་བཙན་སྒམ་པོའི་ཞབས་ཆགས་ཀྱི་དུམ་བུ། ཇོ་བོ་རྗེའི་སྣམ་སྦྱར་རྡོ་ཚོས་མའི་ཆ་ཤས། མི་ལ་རས་པའི་སྒོམ་ཐག །དྭགས་པོ་ལྷ་རྗེ། ཕག་མོ་གྲུ་པ། པོ་ཏོ་བ། ས་སྐྱ་པཎྚི་ཏ། འགྲོ་མགོན་འཕགས་པ་རྣམས་ཀྱི་ན་བཟའ། རྗེ་རིན་པོ་ཆེའི་ན་བཟའ་ཕྱག་ཕྲེང་རྡོག་གཅིག །བྱ་བཏང་དུས་ཀྱི་དྲྭ་ཕད། སྐུ་འབུམ་ཙནྡན་ཡི་གེ་རང་བྱོན་ཅན། རྒྱལ་ཚབ་རྗེའི་ཚེམས་འབྲས། མཁས་གྲུབ་རྗེའི་བཞུགས་གདན་ནང་འཚང། པཎ་ཆེན་བསོད་ནམས་གྲགས་པའི་ན་བཟའ། རྒྱལ་བ་བསོད་ནམས་རྒྱ་མཚོ། རྒྱལ་བ་ཡོན་ཏན་རྒྱ་མཚོ། ༸རྒྱལ་དབང་ལྔ་པ། ༸རྒྱལ་བ་བསྐལ་བཟང་རྒྱ་མཚོ། རྒྱལ་བ་འཇམ་དཔལ་རྒྱ་མཚོ་རྣམས་ཀྱི་ན་བཟའ། པཎ་ཆེན་བློ་བཟང་ཆོས་རྒྱན་སོགས་སྐུ་ཕྲེང་བཞིའི་ན་བཟའ། ཀུན་མཁྱེན་འཇམ་དབྱངས་བཞད་པའི་ན་བཟའ་གདུང་རུས། སྐྱབས་མཆོག་འཇིགས་མེད་དབང་པོའི་དབུ་སྐྲ། ཞབས་སེན། གདུང་རུས། ན་བཟའ། འཕགས་པ་ལྷ་རྒྱལ་བ་རྒྱ་མཚོ་སྐུ་ཕྲེང་བཞིའི་ན་བཟའ། རྒྱལ་སྲས་ཡེ་ཤེས་གྲགས་པ། ཁྲི་ཆེན་དགེ་འདུན་ཕུན་ཚོགས། ཁྱ་དགེ་བློ་གྲོས་རྒྱ་མཚོ། ཡོངས་འཛིན་ཡེ་ཤེས་རྒྱལ་མཚན། ཀློང་རྡོལ་གྲུབ་པའི་དབང་

― GTD007_Page_0736 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུག །སྐྱབས་མཆོག་བློ་བཟང་འཇིགས་མེད་རྒྱ་མཚོ་རྣམས་ཀྱི་ན་བཟའ། གཙང་དབུས་ཀྱི་རྟེན་བསྡུས་རིལ་བུ། བདུད་རྩི་རིལ་བུ། རྣམ་འཇོམས་ཁྲུས་རིལ། གཙང་ཆབ་རིལ་བུ། མ་ཎི་རིལ་བུ་སོགས་འཁྲུལ་མེད་ཀྱི་རྟེན་སྣ་མཐའ་ཡས་པ་བཞུགས་སོ།། དེའང་རང་ཅག་རྣམས་ཀྱི་ལྷ་སྐལ་སྙིང་རྗེའི་ལྷ་མཆོག་འདི་ཉིད་ཀྱི་རྟེན་བཞེངས་མཆོད་སོགས་ཀྱི་ཕན་ཡོན་ནི་སྤྱན་རས་གཟིགས་ཀྱི་མདོ་ལས་གསུངས་པ་ལྟར་བསམ་གྱིས་མི་ཁྱབ་ཅིང། ཐ་ན་མཚན་ཙམ་ཐོས་པ་ལའང་ཕན་ཡོན་མཐའ་ཀླས་པའི་ཚུལ་ཆོས་ཐམས་ཅད་ཀྱི་ཡོན་ཏན་བཀོད་པའི་མདོ་ལས། སྤྱན་རས་གཟིགས་དབང་ཕྱུག་གི་མིང་ཙམ་ལ་རྟོགས་པ་གང་ལགས་པ་དེའང་བསམ་པ་ཐམས་ཅད་ཡོངས་སུ་རྫོགས་པར་འགྱུར་ན། ཡི་གེར་འདྲི་བ་དང། གོས་དང་རྒྱན་གྱི་མཆོད་པ་ཆེན་པོ་དག་གིས་མཆོད་པ་བགྱིད་པ་དང། ཡི་གེར་འདྲིར་རྩོལ་པ་ལྟ་ཅི་སྨོས་ཞེས་གསུངས་པ་ལྟར་སྲིད་ཞིའི་རྒུད་པ་མཐའ་དག་སེལ་ཞིང་མཆོག་ཐུན་གྱི་དངོས་གྲུབ་མ་ལུས་པ་ལྷུན་གྱིས་གྲུབ་པར་འགྱུར་རོ།། སྨྲས་པ། སྔོན་ཚེ་རང་བྱོན་ལྔ་ལྡན་འཕྲིན་ལས་བཞིས། །གངས་ཅན་བསྟན་པའི་རྨང་གཞི་བཙུགས་པ་ལྟར། །དུས་མཐའ་འདིར་ཡང་རྣམ་བཞིའི་འཕྲིན་ལས་ཀྱིས། །བསྟན་འགྲོའི་ཕན་བདེ་ཡུན་དུ་སྤེལ་གྱུར་ཅིག །༈ ལྷ་བབས་དུས་ཆེན་དང་འབྲེལ་བའི་སྟོན་པའི་རྣམ་ཐར་ནི། ལྷ་ཡི་ལམ་ནས་རྫུ་འཕྲུལ་གྱིས་བབ་སྟེ། །ལྷ་དང་བཅས་པའི་འགྲོ་ཀུན་འདུལ་མཛད་པ། །ལྷ་མིའི་སྟོན་པ་ཤཱཀྱའི་རྒྱལ་པོ་ཡིས། །ལྷ་བཅས་སྐྱེ་དགུ་ཡོངས་ལ་ཤིས་པ་སྩོལ། །ཞེས་དགེ་ལེགས་

― GTD007_Page_0737 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་བྱེད་པའི་ཚིག་གིས་སྔོན་བསུས་ཏེ་གང་ཞུ་ན། དེའང་པཎ་ཆེན་ཤཱཀྱ་ཤྲཱིས། བཞི་པའི་བཅོ་ལྔར་རྫོགས་སངས་རྒྱས། །དྲུག་པའི་དྲུག་ལ་ཆོས་འཁོར་བསྐོར། །དགུ་པའི་ཉེར་གཉིས་ལྷ་ལས་བབས། །གསུངས་པ་བཞིན་ཐ་སྐར་རམ་དབྱུ་གུའི་ཟླ་བའི་ཚེར་ཉེར་གཉིས་འདི་ནི་ལྷ་བབ་ཀྱི་དུས་ཆེན་ཡིན་ལ། དེའང་དབུ་མ་རིན་ཆེན་ཕྲེང་བ་ལས། ཆོས་ཀྱི་འཁོར་ལོ་བསྐོར་བ་དང། །ལྷ་རྣམས་ཀུན་ལས་བབས་པ་དང། །དེ་བཞིན་དུ་ནི་མྱ་ངན་ལས། །འདས་པ་སྟོན་པའི་མཛད་པ་ཡིན། །ཞེས་ལྷ་ལས་བབས་པ་དེ་མཛད་པ་བཅུ་གཉིས་ཀྱི་གཅིག་ཏུ་གསུངས་པ་དང། ཐེག་བསྡུས་ལས་མཛད་པ་བཅུ་གཉིས་ཀྱི་གྲངས་ལ་མུ་སྟེགས་ཅན་གྱི་གནས་སུ་གཤེགས་པ་ཞེས་མུ་སྟེགས་ཀྱི་སྟོན་པ་རིང་འཕུར་དང་ལྷག་སྤྱོད་ཀྱི་དྲུང་དུ་ཐོག་མར་ཕེབས་ནས་ཐར་ལམ་ཚོལ་བའི་ཚུལ་བསྟན་ཏེ་སྲིད་རྩེའི་སྙོམས་འཇུག་གི་བར་མངོན་དུ་མཛད་ཀྱང་དེ་དག་འཁོར་བའི་རྒྱུ་ལས་མ་འདས་པར་གཟིགས་ནས་མཆིལ་མའི་ཐལ་བ་བཞིན་བོར་ཏེ་གཟོད་ཐར་ལམ་ཚོལ་བར་མཛད་པ་དེ་ཉིད་གཅིག་ཏུ་བགྲང་བ་གཉི་གའི་དགོངས་གཞི་ནི་ཟླ་བ་སྙིང་པོའི་མདོ་ལས། བདག་གིས་མུ་སྟེགས་ཅན་གཞན་དག །ཅེས་སོགས་གསུངས་པ་ལྟར་མུ་སྟེགས་ཀྱི་སྟོན་པ་དང་ལྟ་སྒོམ་སྤྱོད་པའི་སྐྱོན་མ་མཐོང་ན་ཐར་འདོད་རྣམས་ནང་པའི་བསྟན་པ་ལ་རྩེ་གཅིག་ཏུ་གཞོལ་བར་མི་འགྱུར་བས་མུ་སྟེགས་ཅན་ཕམ་པར་མཛད་པ་དེ་སྟོན་པའི་མཛད་ཆེན་གཙོ་བོ་ཞིག་ཏུ་མཛད་པ་ཡིན་ལ། དེའང་ཡོངས་སུ་གྲགས་པའི་ཆོ་འཕྲུལ་མུ་སྟེགས་སྟོན་

― GTD007_Page_0738 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དྲུག་དང་རྫུ་འཕྲུལ་འགྲན་ནས་ཕམ་པར་མཛད་པ་ནི་ཆོ་འཕྲུལ་ཆེན་པོ་དང། ལྷ་ལས་བབ་པ་ལ་ཆོ་འཕྲུལ་ཆུང་ངུའམ་ཆོ་འཕྲུལ་ཕྱི་མར་གྲགས་པ་ཡིན། མཛད་པ་འདི་ཉིད་བསྟན་པའི་དུས་ནི་ལྕང་སྐྱ་གོང་མས་མཛད་པའི་དུས་ཆེན་གྱི་བཤད་པར་ལྕགས་བྱི་ཞེས་འབྱུང་ཡང། ལོ་འདི་སྟོན་པའི་དབྱར་གནས་བཅུ་བདུན་པར་གསུངས་པས་སྟོན་པ་དྲག་པོ་ལྕགས་སྤྲེལ་ལ་སྐུ་བལྟམས་ཤིང། ཤིང་རྟ་ལ་སངས་རྒྱས་པའི་དབང་དུ་བཏང་ན་དབྱར་གནས་བཅུ་བདུན་པ་ལྕགས་ཁྱི་དང་འགྲིགས་པས་སྔ་མ་ཡིག་སྐྱོན་ཞུགས་པ་ཡིན། མཛད་པ་བསྟན་ཚུལ་ནི་མུ་སྟེགས་སྟོན་པ་དྲུག་སོགས་བཏུལ་ཏེ་སྐྱེ་བོ་ཐམས་ཅད་སྟོན་པ་ཉན་ཐོས་དང་བཅས་པ་ལ་ཧ་ཅང་གུས་པས་དགེ་འདུན་ལ་བསྙེན་བཀུར་འདུ་འཛི་སོགས་ཆེས་མང་བ་དེ་ཆོས་ཀྱི་བར་ཆད་དུ་གཟིགས་ནས་རྒྱུན་བཅད་པ་དང། ཡུམ་སྒྱུ་མ་ལྷ་མཛེས་མ་སུམ་ཅུ་རྩ་གསུམ་དུ་སྐྱེས་ཡོད་པ་དེ་རྗེས་སུ་བཟུང་བ་སོགས་ཀྱི་ཆེད་དུ་སུམ་ཅུ་རྩ་གསུམ་དུ་བྱོན་ནས་ཤིང་ཡོངས་འདུ་ས་བརྟོལ་གྱི་དྲུང་ཨར་མོ་ནི་གའི་སྟེང་དུ་ཤཱ་རིའི་བུ་དང་འོད་སྲུང་ཆེན་པོ་སོགས་དགྲ་བཅོམ་པ་བརྒྱད་སྟོང་དང་ལྷན་དུ་དབྱར་ཞལ་གྱིས་བཞེས། ཆོས་བཟང་ལྷའི་མདུན་སར་གཙུག་ཏོར་གདུགས་དཀར་མོའི་མདོ་དང། ལྷའི་དགའ་ཚལ་དུ་ཕེབས་ནས་འོད་ཟེར་སྤྲོ་བསྡུའི་རོལ་པས་ངན་སོང་དགུག་དྲལ་སོགས་མཛད་པའི་རྐྱེན་གྱིས་ལྷའི་དབང་པོས་ནོར་བུ་དྲི་མ་མེད་པ་བྱ་བ་ལྷའི་བུ་ཞིག་ཤི་འཕོས་ཏེ་ཞག་བདུན་ལོན་པ་དེ་གང་དུ་སྐྱེ་ཞེས་ཞུས་པས་མནར་མེད་དུ་སྐྱེས་ཡོད་ཚུལ་གསུངས་པ་ན་དེ་སྐྱོབ་པའི་ཕྱིར་

― GTD007_Page_0739 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་གསོལ་བ་བཏབ་པས་ངན་སོང་སྦྱོང་རྒྱུད་ཀྱི་རྩ་བའི་དཀྱིལ་འཁོར་སྤྲུལ་ནས་བརྟག་པ་དང་པོ་གསུང། ཕྱག་ན་རྡོ་རྗེས་བརྟག་པ་ཕྱི་མ་གསུང་སྟེ་སྦྱོང་རྒྱུད་དཀྱིལ་འཁོར་བཅུ་གཉིས་ཀྱི་རྣམ་གཞག་སོགས་དེ་ནས་བྱུང་བ་ཡིན། སྔ་མའི་ཡུམ་གྱི་སྐྱེ་བ་དེ་ཉིད་ལ་དབྱིག་ལྡན་གྱི་གཟུངས་བཀའ་སྩལ་ཏེ་སྨིན་ཅིང་གྲོལ་བར་མཛད། སྐབས་དེར་ལྷ་དང་ལྷ་མིན་འཐབ་པའི་རྐྱེན་གྱིས་ལྷའི་དབང་པོས་ཞུས་ནས་རྒྱལ་མཚན་རྩེ་མོའི་དཔུང་རྒྱན་གསུང་། དེ་བཞིན་དུ་ལྷའི་བུ་ཤིན་ཏུ་བརྟན་པ་སྐྱོབ་པའི་ཕྱིར་གཙུག་ཏོར་རྣམ་རྒྱལ་གྱི་གཟུངས་མདོ་དང། ལྷ་རྣམས་ལ་མཆོད་རྟེན་བགྱིད་པའི་ཐབས་རྟེན་འབྲེལ་སྙིང་པོ། བྱམས་པས་ཞུས་ཏེ་འཛམ་བུའི་གླིང་པ་རྣམས་ཀྱི་ཉེར་འཚེ་བཟློག་པའི་ཐབས་ལ་མི་གཡོ་བའི་རྒྱུད་སོགས་གསུངས། དེའི་ཚེ་ཝ་རཱ་ཎཱ་སིའི་རྒྱལ་པོ་ཨུ་དྲ་ཡ་ནས་སྟོན་པ་རྗེས་སུ་དྲན་ནས་ཙན་དན་གོརྴི་ཤ་ལས་སྟོན་པའི་སྐུ་ཞིག་བཞེངས་པ་སྟོན་པ་ལྷ་ཡུལ་ནས་ཕེབས་པའི་ཚེ་བསུ་བ་མཛད་པ་དེ་ད་ལྟ་རྒྱ་ནག་ཏུ་བཞུགས་པའི་ཙན་དན་ཇོ་བོ་འདི་ཉིད་ཡིན་པར་གྲགས། དེའི་ཚེ་སྟོན་པ་ཡུན་རིང་པོར་དངོས་སུ་མ་མཇལ་བའི་དགེ་སློང་རྣམས་དང་རྒྱལ་པོ་ཨུ་དྲ་ཡ་ན་སོགས་ཡིད་གདུངས་ཏེ་མོའུ་འགལ་གྱི་བུ་ལ་སྟོན་པ་གང་དུ་བཞུགས་ཡོད་ཅེས་དྲིས་པས་སུམ་ཅུ་རྩ་གསུམ་ན་དབྱར་ཞལ་གྱིས་བཞེས་ཡོད་ཚུལ་གསུངས། འབྲུག་པ་པད་དཀར་གྱི་ཆོས་འབྱུང་དུ་ཨུ་དྲ་ཡ་ནས་མུ་སྟེགས་སྟོན་པ་དྲུག་ལ་དྲིས་ཚུལ་བཤད་ཀྱང་ཆོ་འཕྲུལ་སྔ་མ་བསྟན་པའི་སྐབས་ནས་སྟོན་པ་

― GTD007_Page_0740 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ལྔ་ཡུལ་དབུས་སུ་སྡོད་མ་ཚུགས་པར་མཐའ་འཁོབ་ཏུ་བྲོས། རྫོགས་བྱེད་བུམ་པ་བྱེ་མས་བཀང་བ་མགུལ་དུ་བཏགས་ཏེ་ཆུར་ལྕེབས་པས་ཁོ་རང་གི་སློབ་མ་རྣམས་བཙལ་དུ་སོང་བ་ན་བུ་མོ་ཞིག་གིས། ངན་སོང་སེམས་ཅན་དམྱལ་བ་ལ། །ལག་པ་བརྐྱངས་ནས་འགྲོ་བ་ཡི། །རྫོགས་བྱེད་དེ་ནི་ཆུས་གཡེང་སྟེ། །རྐང་ལག་སྐྱ་བོར་གྱུར་ཅིང་འདུག །ཅེས་སྨྲས་པས་རོ་རྫིང་བུར་ཡོད་པ་མཐོང་སྟེ་སློབ་དཔོན་གྱིས་དགོངས་པའི་ཐར་ལམ་མཐར་ཐུག་པ་འདི་ཉིད་ཡིན་པར་འདུག་སྙམ་ནས་ཁོ་རང་རྣམས་ཀྱང་ཆུར་ལྕེབས་པར་གསུངས་པས་དེ་དུས་སྟོན་པ་དྲུག་ངོ་མ་མི་ཚང་ཞིང་ཡུལ་དབུས་སུ་བསྡད་མེད་པས་ལོ་རྒྱུས་དེ་མ་དག་པ་ཡིན། དགུ་པའི་བཅོ་ལྔ་དབྱར་གནས་རྫོགས་མཚམས་ལ་དགེ་སློང་རྣམས་ཀྱིས་ཞུས་ཏེ་མོའུ་འགལ་གྱི་བུ་སུམ་ཅུ་རྩ་གསུམ་དུ་ཕེབས་ནས་སངས་རྒྱས་འཛམ་བུའི་གླིང་དུ་འབྱོན་པར་གསོལ་བ་བཏབ་པས་ད་སྟེ་ཞག་བདུན་ན་གྲོང་ཁྱེར་གསལ་ལྡན་ནམ་སཾ་ག་ཞེས་ཨ་བ་ཛ་རའི་ནགས་ཨུ་དུམ་ཝ་རའི་ཤིང་དྲུང་དུ་འབྱོན་པར་འགྱུར་རོ་ཞེས་བསྒོས་ཤིག་གསུང་བས། མོའུ་འགལ་གྱི་བུ་སྐད་ཅིག་དེ་ཉིད་ལ་ཕྱིར་ཕེབས་ཏེ་རྒྱལ་པོ་སོགས་ལ་སྦྲན་པས་ཐམས་ཅད་ཀྱིས་ཕྱོགས་དེ་བྱི་བདར་དང་ཆག་ཆག་བྱས། དེ་རྗེས་སྟོན་པ་ལྷ་གནས་གོང་མ་གོང་མ་རྣམས་སུ་རིམ་པ་བཞིན་ཕེབས་ཏེ་དགའ་ལྡན་དུ་སྒྲོལ་མ་སྣ་ཚོགས་འབྱུང་བ་དང་སྒྲིབ་པ་རྣམ་སེལ་གྱི་རྒྱུད། གཞན་འཕྲུལ་དབང་བྱེད་དུ་ཤེར་ཕྱིན་བརྒྱ་ལྔ་བཅུ་དང་རྟོགས་པ་བསྡུས་པ། འོག་མིན་དུ་དམ་ཚིག་གསུམ་བཀོད་ཀྱི་རྒྱུད་དང་

― GTD007_Page_0741 ―

^{[མ་དཔེ་གཟིགས་ན་འདིར་གནོན།]}

[Full Size]

འདའ་ཀ་ཡེ་ཤེས་སོགས་གསུངས། སླར་སུམ་ཅུ་རྩ་གསུམ་དུ་ཕེབས་ནས་ལྷའི་བུ་ཟླ་བས་ཞུས་ཏེ་སུམ་ཅུ་རྩ་གསུམ་པའི་ལེའུ་གསུངས་ཤིང་ཟླ་བ་བྱང་ཆུབ་ཏུ་ལུང་བསྟན། སུམ་ཅུ་རྩ་གསུམ་གྱི་ལྷའི་བུ་ནོར་བུ་དྲི་མ་མེད་པ་འཆི་བའི་འཇིགས་པ་ལས་སྐྱོབ་པའི་ཕྱིར་གཙུག་ཏོར་དྲི་མེད་ཀྱི་གཟུངས་བཀའ་སྩལ། དེའི་ཚེ་ལྷའི་དབང་པོ་བརྒྱ་བྱིན་གྱིས་བཟོ་བོ་བི་ཤྭ་ཀརྨ་ལ་བཀའ་བསྒོས་ཏེ་སྟོན་པ་འཛམ་བུའི་གླིང་དུ་འབྱོན་པའི་ལམ་ལྷ་ཡུལ་ནས་གྲོང་ཁྱེར་གསལ་ལྡན་གྱི་བར་ལ་དབུས་སུ་བཻ་ཌཱུརྻའི་ཐེམ་སྐས། གཡས་སུ་གསེར་གྱི་ཐེམ་སྐས། གཡོན་དུ་ཤེལ་གྱི་ཐེམ་སྐས་སུམ་རིམ་དུ་བྱས། དེ་ནས་ཉི་ཤུ་གཉིས་ཀྱི་ཉིན་ཐེམ་སྐས་དབུས་མ་ལ་བཅོམ་ལྡན་འདས། གཡས་མ་ལ་ཚངས་པས་རྔ་ཡབ་ཐོགས་ཤིང་གཟུགས་ཁམས་ཀྱི་ལྷས་བསྐོར་བ། གཡོན་དུ་བརྒྱ་བྱིན་གདུགས་ཐོགས་ཤིང་འདོད་ཁམས་ཀྱི་ལྷས་བསྐོར་ཏེ་བྱོན། དེའི་ཚེ་ཞབས་ཁོ་ནས་བྱོན་ན་མུ་སྟེགས་ཅན་རྣམས་ཀྱིས་ལྷ་ཡུལ་དུ་འདོད་ཡོན་གྱི་གཡེང་བས་རྫུ་འཕྲུལ་ཉམས་སོ་ཞེས་འཕྱ་བ་དང། རྫུ་འཕྲུལ་ཁོ་ནས་བྱོན་ན་ལྷ་རྣམས་ཀྱིས་ཐེམ་སྐས་བྱས་པ་དོན་མེད་པར་འགྱུར་བས་རེས་འགའ་ཞབས་དང་རེས་འགའ་རྫུ་འཕྲུལ་གྱིས་གཤེགས་ཏེ་སྐྱེ་བོ་ཀུན་གྱི་མིག་དང་ཡིད་ལ་ཀུན་དགའི་དཔལ་སྟེར་ཞིང་ཐར་པའི་ས་བོན་བསྐྲུན་པར་མཛད། དེའི་ཚེ་སངས་རྒྱས་ཀྱི་བྱིན་རླབས་ལ་བརྟེན་ནས་མི་ཐམས་ཅད་ཀྱིས་ཀྱང་འདོད་གཟུགས་ཀྱི་ལྷའི་ལུས་ཕུན་སུམ་

― GTD007_Page_0742 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་པ་དེ་མངོན་སུམ་དུ་མཐོང་ནས་འགའ་ཞིག་གིས་ལྷར་སྨོན་པ་བྱེད། དེའི་སྐབས་སུ་དགེ་སློང་མ་ཨུཏྤ་ལའི་མདོག་འཁོར་ལོས་བསྒྱུར་བའི་ཆ་ལུགས་སུ་སྤྲུལ་ཏེ་སྟོན་པར་མཇལ་དུ་འོངས་པས་འགའ་ཞིག་གིས་འཁོར་སྒྱུར་ལ་སྨོན་པ་བྱེད། རབ་འབྱོར་ཆུང་བས་ལྷ་མིའི་ཚོགས་ཆེན་པོ་འདིའང་མྱུར་དུ་འབྲལ་ལོ་སྙམ་དུ་མི་རྟག་པ་ཡིད་ལ་བྱས་པས་དགྲ་བཅོམ་ཐོབ། འདི་ཏཱ་ར་ནཱ་ཐས་གནས་བརྟན་རབ་འབྱོར་ཡིན་པ་ལྟ་བུ་ཞིག་བྱས་འདུག་ཀྱང་ཤེར་མདོའི་གླིང་གཞི་སོགས་དང་མི་འགྲིག་པས་མཁས་པ་གཞན་གྱིས་བཤད་པ་ལྟར་རབ་འབྱོར་ཆུང་བ་ཡིན། དེའི་ཚེ་སེམས་ཅན་སོ་སོའི་བསམ་ཚུལ་མི་འདྲ་བ་དེ་དག་བཅོམ་ལྡན་འདས་ཀྱིས་ཡེ་ཤེས་ཀྱི་སྤྱན་གྱིས་གཟིགས་ནས་བཀའ་སྩལ་པ་ནི། ས་རྣམས་གཅིག་གིས་ཐོབ་པ་དང། །ལྷ་རྣམས་སུ་ཡང་འགྲོ་བ་དང། །ཡང་ན་ཏིང་འཛིན་ཐོབ་པ་བས། །རྒྱུན་དུ་ཞུགས་པའི་འབྲས་བུ་མཆོག །ཅེས་ས་ཐམས་ཅད་ལ་དབང་བའི་འཁོར་སྒྱུར་དང། འདོད་ལྷ་རིགས་དྲུག །ཁམས་གོང་མར་སྐྱེས་པའི་རྒྱུ་བསམ་གཟུགས་བརྒྱད་ལ་སོགས་པའི་ཏིང་ངེ་འཛིན་གང་ཐོབ་ཀྱང་འཁོར་བ་ལས་མ་འདས་པས་སྙིང་པོ་མེད་ལ། ཐར་པའི་ལམ་སྣ་ཟིན་པ་ཞིག་གལ་ཆེ་ཚུལ་གསུངས་ཏེ། གདུལ་བྱ་བགྲང་ལས་འདས་པ་ལ་ཐེག་གསུམ་ཐར་པའི་སྒོ་ལམ་ཡངས་པོར་ཕྱེས། དེ་ནས་བཟུང་སྟེ་དགུ་པའི་ཉེར་གཉིས་ལ་ལྷ་བབ་ཀྱི་དུས་ཆེན་དུ་གྲགས་ཤིང། མཆོད་རྟེན་ཕྱོགས་བཞིར་ཐེམ་སྐས་ཀྱིས་མཚན་པའི་ལྷ་བབ་མཆོད་རྟེན་དུ་གྲགས་པ་བརྩིགས། འདུལ་བ་མདོ་རྩ་བར། རབ་ཏུ་བྱུང་བའི་གནས་སུ་དུས་སྟོན་བྱ་

― GTD007_Page_0743 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཆོས་དང་མཐུན་ནོ། །གསུངས་པ་ལྟར་དུས་ཆེན་དེ་འདྲ་ལ་དགེ་འདུན་རྣམས་ཀྱིས་ཆོས་སྟོན་བྱེད་པའི་སྲོལ་སྟོན་པ་ཞལ་བཞུགས་དུས་ནས་བཟུང་རྒྱ་གར་ཚུན་ཆད་དུ་དར་བ་བཞིན། ཕར་ཕྱིན་སྟོན་མོ་པ་རྣམས་ཀྱིས་ལྷ་བབ་དུས་བཟང་བྱེད་པ་འདི་དཔལ་ལྡན་བཀྲ་ཤིས་སྒོ་མང་གི་ཕྱག་སྲོལ་མ་ཉམས་པ་སྐྱབས་མགོན་ཐམས་ཅད་མཁྱེན་པ་གོང་མ་དེ་ཉིད་ནས་འཛུག་པར་མཛད་པ་བཞིན་རང་ཅག་རྣམས་ཀྱིས་ཀྱང་བྱེད་རྒྱུ་བྱུང་བ་འདི་སྐལ་བ་བཟང་པོ་ཡིན་པས་དོན་དང་ལྡན་པར་འགྲོ་ངེས་པ་ཞིག་བྱེད་དགོས། མཚམས་འདིར་དུས་བཟང་གི་བསྒྲིག་ལམ་སོགས་སྐབས་སུ་གང་བབ་པའི་ཚོགས་གཏམ་བྱེད། ཅེས་པ་འདི་ནི་དཔལ་ལྡན་བཀྲ་ཤིས་འཁྱིལ་གྱི་ས་མོ་ཡོས་ལོའི་ཕར་ཕྱིན་སྟོན་མོའི་སྐྱོར་དཔོན་དཀོན་མཆོག་བཟོད་པས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ ན་མོ་རཏྣ་ཏྲ་ཡཱ་ཡ། གང་གི་ཐུགས་རྗེ་ཨ་མྲྀ་ཏས། །ལས་ཉོན་གཤིན་རྗེའི་འཇིགས་འཕྲོག་ཅིང། །འཆི་མེད་ཐར་བའི་སྲོག་སྦྱིན་པ། །དཀོན་མཆོག་རིན་ཆེན་གསུམ་གྱིས་སྐྱོངས། །དེའང་འགྲོ་བ་ཀུན་ལ་ཕན་བདེ་མ་ལུས་པ་འབྱུང་བའི་གནས་གཅིག་པུར་གྱུར་པ་ནི་དཀོན་མཆོག་གསུམ་པོ་ཁོ་ན་ཡིན་ལ། དེ་ཡང་ཞིང་ས་བཟང་བས་མི་ཆོག་པར་དེར་ས་བོན་རང་གིས་འདེབས་དགོས་པ་བཞིན། འབྲས་བུ་ཕན་པ་དང་བདེ་བ་འདོད་པ་རྣམས་ཀྱིས་མཆོག་གསུམ་བསླུ་བ་མེད་པའི་ཞིང་ལ་མཆོད་ཅིང་བསྙེན་བཀུར་བས་བསོད་ནས་ཀྱི་ཚོགས་ཀྱི་ས་བོན་འདེབས་དགོས་ཏེ། སའི་སྙིང་པོ་འཁོར་ལོ་བཅུ་པའི་མདོ་ལས། འཇིག་

― GTD007_Page_0744 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་དག་ན་བདེ་ཞིང་སྐྱིད་པ། །དེ་ཀུན་དཀོན་མཆོག་མཆོད་ལས་འབྱུང་བས། །དེ་བས་བདེ་ཞིང་སྐྱིད་པ་འདོད་པས། །དཀོན་མཆོག་མཆོད་ལ་རྟག་ཏུ་བརྩོན་བྱ། །ཞེས་གསུངས་སོ། །མཆོད་པའི་རྣམ་གྲངས་བླ་ན་ཡོད་མེད་དང། ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་སོགས་མཐའ་ཡས་པ་ཞིག་ཡོད་ཀྱང་། མཆོག་དམན་ཐམས་ཅད་ལ་ལག་ལེན་འཕྲལ་དུ་མཁོ་ཆེ་བ་ནི་ཡོན་ཆབ་དང་མར་མེ་ལྷ་བཤོས་སོགས་ཡིན། དེ་དག་འབུལ་བའི་སྣོད་འབྱོར་བསྟུན་གྱིས་རིན་པོ་ཆེ་ལས་གྲུབ་པ་སོགས་བྱུང་ན་བཟང་ལ། མ་བྱུང་ཡང་བྱི་དོར་དང་གཙང་སྦྲ་ཐོན་པ་ཤིན་ཏུ་གལ་ཆེ་སྟེ། པཎ་ཆེན་ཐམས་ཅད་མཁྱེན་པ་བློ་བཟང་ཡེ་ཤེས་ཀྱིས་ཏིང་ལ་མཛུབ་རྗེས་བབས་ནའང་དེ་མ་ཐག་ཕྱིས་ནས་བསང་དུད་མཛད་པ་སོགས་དམ་པ་གོང་མའི་རྣམ་ཐར་བཞིན་བྱ། མཆོད་ཆུ་ཧ་ཅང་ཁ་མཐོས་པས་རིག་པ་མི་བརྟན་པ་དང། ཕྱིར་བོ་བས་ཚུལ་ཁྲིམས་འཆལ་ཞིང་འཁོར་མི་འདུ་བ་དང། ཁ་ཧ་ཅང་དམས་པས་ལོངས་སྤྱོད་ཀྱིས་དབུལ་བ། ཏིང་ཡ་ཡོ་ཅན་དུ་བསྒྲིགས་པས་དགེ་སྦྱོར་ཁྲིགས་སུ་མི་འོང་བ་སོགས་ཉེན་ཤིན་ཏུ་ཆེ་བས་དེ་ལྟར་མ་གྱུར་པར་བཀོད་པས་མཛེས་པ། འབུལ་ཚུལ་ཐོག་མཐའ་གཉིས་ཕྲ་ལ་བར་དུ་སྦོམ་པ་ནས་འབྲུ་མའི་ཚུལ་དུ་བྱ་བར་གསུངས། འབུལ་བའི་ཚེ་རང་རང་གི་ཐུན་མོང་མ་ཡིན་པའི་སྔགས་སམ། ཡང་ན་ཐུན་མོང་དུ་མཆོད་པའི་སྤྲིན་གྱི་གཟུངས་བརྗོད་བཞིན་དུ་ཕུལ་ན་ཕན་ཡོན་ཤིན་ཏུ་ཆེ། མཆོད་ཆུ་ལན་ཅི་ཙམ་ཕུལ་ཡང་སེར་སྣ་སོགས་ཀྱི་སྐྱོན་འཇུག་ཉེན་མེད་པ་དང། ལས་ཉོན་དཀོར་སྒྲིབ་སོགས་འདག་

― GTD007_Page_0745 ―

^{[མ་དཔེ་གཟིགས་ན་འདིར་གནོན།]}

[Full Size]

ཚབས་ཆེ་ཞིང་། བྱམས་སྙིང་རྗེ་བྱང་ཆུབ་ཀྱི་སེམས་ཀྱི་རྟོགས་པས་རྒྱུད་བརླན་པ་སོགས་རྟེན་འབྲེལ་གྱི་སྒོ་ཁྱད་པར་ཅན་ཡོད་པས། བཀའ་གདམས་གསར་རྙིང་གི་དམ་པ་གོང་མ་རྣམས་འདི་ལ་གཙོ་བོར་མཛད་དོ། །མར་མེ་གཙོ་བོར་འོད་ཕུལ་བ་ཡིན་ཀྱང་རྒྱུའི་ཞུན་མར་དང་འབྲུ་མར་ཡང་ཁ་དོག་ལེགས་པ་དྲི་རོ་ཕུན་སུམ་ཚོགས་པ་དེ་ལྟ་བུ་བྱུང་ན་བསོད་ནམས་རྫོགས་ཚབས་ལྷག་པར་ཆེའོ། །མར་མེའི་སྡོང་བུའང་གསེར་དངུལ་སོགས་ལས་བྱས་པའམ། སྔ་མ་འགའ་ཞིག་ཤེས་རབ་ཕུན་སུམ་ཚོགས་པའི་ཕྱིར་རྒྱ་ཁབ་ཀྱི་སྟེང་དུ་རས་བལ་གྱིས་དཀྲི་བའང་ཡོད་ལ། མ་མཐའ་འང་དྲི་བཟང་པོའི་ཤིང་ཧ་ཅང་སྦོམ་པ་མ་ཡིན་པ་དྲང་ཞིང་རླན་མེད་པའི་སྟེང་དུ་རས་བལ་གྱིས་དམ་ལྷོད་སྙོམས་པར་དྲིལ་ཏེ་རིང་ཐུང་རྐོང་བུའི་ཚད་ལ་དཔག་པས་ཇི་ལྟར་འཚམ་པ་བྱ། མར་མེའི་སྡོང་བུ་ལ་སྲོག་ཤིང་དགོས་མི་དགོས་ཀྱི་དོགས་པ་བྱེད་ཀྱང། དེ་མེད་པར་རས་བལ་གྱིས་ཚོ་མི་ཟིན་པས་འོས་མེད་ཀྱིས་འགྲུབ་ལ། ལུང་འགའ་ཞིག་ཏུ་མར་མེའི་སྡོང་བུ་ལ་ཤིང་བལ་གྱི་འདབ་མས་དཀྲི་བར་གསུངས་པ་སྡོང་བུ་སྤྱི་ཙམ་ལ་མི་འགྲིག་པས་ནང་གི་སྲོག་ཤིང་ལ་བྱེད་དགོས་པ་དང། མགོན་པོའི་གཏོར་ཆོག་ཏུ་ཡི་དྭགས་ཀྱི་ཕུང་པོ་སྲོག་ཤིང་གི་ཚུལ་དུ་བྱས་ནས་སྐྲའི་རས་ཀྱིས་དཀྲི་བར་གསུངས་པའི་རིགས་འགྲོས་ཀྱིས་ཀྱང་ཤེས་སོ། །ལ་ལ་འོད་མེད་པར་མེ་མ་ཤི་ཙམ་གྱིས་རྒྱུན་གང་རིང་བྱེད་པ་མི་ལེགས་ལ། སྡོང་བུ་ཧ་ཅང་སྦོམ་པས་མྱུར་དུ་འབར་བའང་མི་བྱེད་པར། འོད་གསལ་

― GTD007_Page_0746 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་སྟེང་ནས་དལ་འབར་བྱས་ན་ལེགས་པར་བཀའ་གདམས་ཀྱི་བསྟན་རིམ་ལས་གསུངས། མར་མེ་ཕུལ་བས་མངོན་ཤེས་འགྲུབ་པ་དང། ཆོས་ཀྱི་མིག་རྣམ་པར་དག་པ་སོགས་ཕན་ཡོན་དུ་མ་འབྱུང་བར་ལས་རྣམ་པར་འབྱེད་པའི་མདོ་དང་རིན་པོ་ཆེའི་ཕྲེང་བ་སོགས་སུ་གསུངས་ལ། ཁྱད་པར་དུ་མ་རྒྱུད་ཀྱི་སྐབས་གཏུམ་མོའི་རྣལ་འབྱོར་ལ་བརྟེན་ནས་བདེ་ཆེན་འོད་གསལ་གྱི་ཡེ་ཤེས་འདྲེན་པ་ལ་མར་མེ་ཕུལ་བ་རྟེན་འབྲེལ་གྱི་སྒོ་ལྷག་པར་ཆེ་བའི་ཚུལ་བདེ་མཆོག་རྩ་རྒྱུད་ལེའུ་གཉིས་པ་རྩ་འགྲེལ་རྣམས་ཀྱིས་འགྲུབ་བོ། །ཞལ་ཟས་ནི་ཟན་གཙང་མ་གང་ལེགས་ལས་བཟོས་པ་མར་གསར་པའི་རྒྱན་གྱིས་སྤྲས་པའི་དབྱིབས་ཕུན་སུམ་ཚོགས་པ་ཕྱག་ལེན་བཞིན་བྱ་དགོས་ཀྱི། ཤ་ར་བའི་གསུང་སྒྲོས་ལས་ཐུད་ཀྱི་སྔོ་ས་དང་ལོ་མའི་སེར་ས་ལྟ་བུ་ནས་མ་ཡིན་གྱི་གང་བཟང་བ་ནས་བྱ་དགོས་གསུངས་པ་བཞིན། རང་གིས་གང་ལོངས་སྤྱོད་རྒྱུ་དེ་ལས་བཟང་བ་ཞིག་དགོས་ལ། མ་མཐའ་འང་དེ་ལས་མི་ཞན་པ་ཞིག་བྱེད་དགོས་ཏེ། བཟང་པོ་རང་གིས་ལོངས་སྤྱད་ནས་ངན་པ་དཀོན་མཆོག་ལ་འབུལ་བ་ནི་ཕན་ཡོན་ལས་ཀྱང་ཉེས་དམིགས་ཆེ་བས་ཤིན་ཏུ་མི་རུང་ངོ་།། དེར་མ་ཟད་སྨན་ལྔ་དང་སྙིང་པོ་ལྔ་ལ་སོགས་པའང་ནང་དུ་བསྲེས་ན་གནས་སྐབས་སུ་ནད་མུག་དབུལ་བ་སོགས་ཀྱི་གདུང་བ་སེལ་ཞིང་ནད་ཀྱི་བསྐལ་པ་སོགས་སུ་མི་སྐྱེ་བ་དང། མཐར་ཐུག་དབང་སྟོབས་སོགས་ཀྱི་ཡོན་ཏན་ཕུན་སུམ་ཚོགས་པ་ཐོབ་པར་འགྱུར་རོ། །མདོར་ན་རྗེ་བདག་ཉིད་ཆེན་པོས། འདི་ཕྱིའི་བདེ་ལེགས་ཐམས་ཅད་འབྱུང་བའི་ཞིང་ས་དམ་པ་དུས་བཞི་ཐམས་ཅད་དུ་

― GTD007_Page_0747 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་ཆད་མེད་པར་བདེ་ལེགས་ཀྱི་ས་བོན་བཏབ་པས་ཆོག་པ་འདི་ལ་དད་པའི་གཤོལ་གྱིས་བསོད་ནམས་ཀྱི་ཞིང་རྨེད་པར་གྱུར་ཅིག །ཅེས་མདོ་ལས་གསུངས་པ་ལྟར་བྱ་རྒྱུ་མ་བྱུང་ན་ཆེས་ཤིན་ཏུ་ཕངས་པ་ཡིན་ནོ། །ཞེས་གསུངས་པ་བཞིན་བསོད་ནམས་ཀྱི་ཞིང་ཁྱད་པར་ཅན་ལ་ཚོགས་གང་འདོད་བསག་ཏུ་ཡོད་པའི་སྐབས་འདིར་རང་གིས་རང་མ་བསླུས་པ་བྱས་ཏེ་ནུས་པ་ཅི་ཡོད་ཀྱིས་དཀོན་མཆོག་ལ་མཆོད་པ་རྒྱ་གང་ཆེ་དང། ཐ་ན་ཟས་ཁམ་གཅིག་ཟ་ནའང་དེའི་ཕུད་དཀོན་མཆོག་ལ་བསྔོས་ཏེ་ཚོགས་རླབས་པོ་ཆེའི་སྦྱོར་བ་ཆུ་བོའི་རྒྱུན་བཞིན་བསྐྱང་བར་བྱའོ། །མཆོག་གསུམ་བྱིན་རླབས་སྤྲིན་ཕུང་ལས། །དངོས་གྲུབ་རྣམ་གཉིས་ཆར་འབེབས་པས། །མཁའ་མཉམ་ལུས་ཅན་འཛིན་མ་ལ། །དགེ་ལེགས་ལོ་ཏོག་རྒྱས་གྱུར་ཅིག །ཅེས་པ་འདི་ནི་ཐུ་མེད་ཤོག་ནས་རྣམ་དཔྱོད་ཡངས་པ་རབ་འབྱམས་པ་ངག་དབང་རབ་རྒྱས་ཀྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ བྱམས་མགོན་ཐུགས་རྗེ་བདུད་རྩིའི་འོད་དཀར་གྱིས། །བཀྲ་ཤིས་དགེ་མཚན་ཆུ་གཏེར་རྒྱས་བྱེད་ཅིང་། །རྣམ་གྲོལ་ཀུན་དའི་ས་བོན་སྨིན་པ་ཡིས། །ཆོས་སྲིད་རྫོགས་ལྡན་དཔལ་གྱི་སྒོ་བརྒྱ་ཕྱེས། །ཞེས་དགེ་ལེགས་སུ་བྱེད་པའི་ཚིག་གིས་ཐོག་དྲངས་ཏེ་བྱམས་པ་གླིང་སྐོར་གྱི་ལོ་རྒྱུས་དང་ཕན་ཡོན་ཅུང་ཟད་བརྗོད་ན། སྐྱབས་མགོན་རྡོ་རྗེ་འཆང་ཀུན་མཁྱེན་འཇིགས་མེད་དབང་པོའི་གསུང་གི་དགེ་ལྡན་ཆོས་འབྱུང་ལས། སྐྱེ་དགུ་རྣམས་མ་འོངས་པ་

― GTD007_Page_0748 ―

^{[མ་དཔེ་གཟིགས་ན་འདིར་གནོན།]}

[Full Size]

ན་རྒྱལ་བ་བྱམས་པ་འཇིག་རྟེན་དུ་བྱོན་པའི་ཚེ་འདུས་པ་དང་པོར་སྐྱེ་བའི་རྟེན་འབྲེལ་དུ་རྒྱལ་བ་བྱམས་པའི་སྣང་བརྙན་མཆོད་པའི་ཚོགས་དུ་མ་དང། ཚེ་ལོ་བརྒྱད་ཁྲི་པའི་ལུས་ཚད་ཕོ་མོ་སྟག་སེང་གེ་གཡག་ལ་སོགས་པ་དང་བཅས་ཏེ་ཕྱིར་སྐོར་ལ་གདན་འདྲེན་པའི་ཕྱག་ལེན་འཛུག་པར་མཛད། ཅེས་གསུངས་པ་ལྟར་རྗེ་བླ་མའི་མཛད་ཆེན་བཞིའི་ཡ་གྱལ་ཆོ་འཕྲུལ་སྨོན་ལམ་གྱི་མཆོད་པའི་མཇུག་ཏུ་དགོས་དབང་དེ་ལྟ་བུ་ལ་དགོངས་ནས་བྱམས་པ་གླིང་སྐོར་བྱེད་པའི་སྲོལ་ཐོག་མར་ཕྱེ་བ་ཡིན་ལ། སྤྱིར་འདུལ་བའི་མདོ་ལས། སངས་རྒྱས་ཀྱི་སྐུ་གཟུགས་བྱའོ། །དེ་ལ་དུས་སྟོན་བྱའོ། །བལྟམས་པ་དང་གཙུག་ཕུད་དང་དབུ་སྐྲ་དང་བྱང་ཆུབ་པའི་དུས་སྟོན་དག་ཀྱང་ངོ་། །དེ་གྲོང་ཁྱེར་དུ་གཤེགས་པར་བྱའོ། །ཞེས་དང། ཁྱོགས་ཀྱིས་བཀུར་རོ། །ཤིང་རྟས་ཀྱང་ངོ་། །དེ་ལ་གདུགས་དང་རྒྱལ་མཚན་དང་བ་དན་བསྒྲེང་ངོ་། །རོལ་མོ་བྱ་བ་དང་བཀུར་སྟི་ཆེན་པོ་གཞན་ཡང་བཟང་ངོ་། །ཞེས་དུས་ཆེན་སོ་སོ་ལ་བདེ་བར་གཤེགས་པའི་སྐུ་གཟུགས་ཁྱོགས་དང་ཤིང་རྟ་སོགས་ཀྱིས་བཏེག་སྟེ་མཆོད་པའི་བྱེ་བྲག་དུ་མ་དང་བཅས་དགོན་སྡེའམ་གྲོང་ཁྱེར་གྱི་མཐའ་སྐོར་སྐོར་བ་བྱེད་པའི་སྲོལ་སྟོན་པ་ཞལ་བཞུགས་པའི་དུས་ནས་བཟུང་རྒྱ་གར་འཕགས་པའི་ཡུལ་སོགས་སུ་རིམ་པ་བཞིན་དར་བ་ཡིན་པས། དགོན་སྡེ་འདིར་ཡང་ཆོས་འཁོར་བསྐོར་བའི་དུས་ཆེན་གྱི་དུས་སྟོན་དང་འབྲེལ་བར་འདི་བཞིན་བྱེད་པ་སྐབས་དང་འབྲེལ་ཞིང་དགོས་པ་ཤིན་ཏུ་ཆེ་སྟེ། གསལ་རྒྱལ་ལ་གདམས་

― GTD007_Page_0749 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མདོ་ལས། སྐུ་གཟུགས་དག་ལ་སྐོར་བ་བྱེད་པ་དེ། །ཕྱི་མའི་ཚེ་ན་དགྲ་ཆེན་རྣམས་ཀྱིས་བཏུད། །བཟང་པོའི་སྣོད་གྱུར་ཡོན་ཏན་རྣམས་དང་ལྡན། །ཞེས་སྤྱིར་སྐོར་བ་ཙམ་ལ་མངོན་མཐོ་ངེས་ལེགས་ཀྱི་ཕན་ཡོན་ཚད་མེད་པ་འབྱུང་བར་གསུངས་ལ། ཁྱད་པར་དུ་འདི་ལྟ་བུའི་དུས་སྟོན་དང་འབྲེལ་བར་བྱམས་པའི་སྐུ་བརྙན་གདན་དྲངས་ནས་བྱམས་མགོན་འཇིག་རྟེན་དུ་བྱོན་པའི་རྟེན་འབྲེལ་བསྒྲིགས་ཏེ་དགའ་བའི་སེམས་ཀྱིས་ཕྱག་དང་མཆོད་པ་སོགས་བྱས་ན་ངེས་པར་རྟེན་འབྲེལ་གྱི་སྒོ་ཁྱད་པར་ཅན་འགྲིག་སྟེ་མ་འོངས་པ་ན་སྐྱེ་རྒུ་ཚེ་ལོ་བརྒྱད་ཁྲིའི་ཚེ་འཁོར་སྒྱུར་དུང་གི་མདུན་ན་འདོན་བྲམ་ཟེ་ཚངས་རབ་ཀྱི་སྲས་སུ་བལྟམས་ཤིང་བླ་ན་མེད་པའི་བྱང་ཆུབ་མངོན་དུ་མཛད་དེ་ཆོས་ཀྱི་བདུད་རྩིའི་སྒོ་མོ་ཕྱེ་བ་ན་འཁོར་གྱི་ཐོག་མར་འགྱུར་བའི་ཚུལ་ནི་འཕགས་པ་བྱམས་པའི་མདོ་ལས། མེ་ཏོག་སྙིམ་པ་གང་ཙམ་མམ། མར་མེ་གཅིག་ཙམ་འབུལ་བའམ། གཞན་དག་བསོད་ནམས་བྱེད་པ་ལ་རྗེས་སུ་ཡི་རང་བ་སྟེ་དགེ་བ་འདི་དག་བྱེད་པའི་ལྷ་དང་མི་རྣམས་ཀྱིས་ཡང་དག་པར་རྫོགས་པའི་སངས་རྒྱས་བྱམས་པ་མཐོང་བར་འགྱུར་རོ། །ཞེས་དང། དེ་དག་ནི་བྱམས་པ་སངས་རྒྱས་པ་དེའི་ཚེ་དེའི་དྲུང་དུ་སྐྱེ་ཞིང་དང་པོའི་ཆོས་ཐོབ་པར་འགྱུར་རོ། །ཞེས་གསུངས་ལ། གཞན་ཡང་བྱམས་པ་འབྱུང་བའི་མདོ་དང་བྱམས་པ་སེང་གེ་སྒྲའི་མདོ་སོགས་དུ་མ་ལས་ཀྱང་སྟོན་པ་ཐུབ་པའི་དབང་པོ་དང་བྱམས་མགོན་རྣམ་གཉིས་ཀྱི་ཐུགས་བསྐྱེད་འབྲེལ་བའི་སྟོབས་

― GTD007_Page_0750 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་བསྟན་པ་འདིར་དགེ་རྩ་ཕྲ་མོ་རེ་བསྒྲུབ་ཚུན་ཆད་ཀྱང་མ་འོངས་པ་ན་བྱམས་པས་རྗེས་སུ་འཛིན་པའི་རྒྱུར་བསྔོས་ན་འགྲུབ་སླ་བར་གསུངས་སོ། །དེར་མ་ཟད་སྙིགས་མའི་རྒུད་པ་སྣ་ཚོགས་ཀྱིས་སྐྱེ་རྒུ་རྣམས་ཤིན་ཏུ་གཟིར་བའི་དུས་འདིར་མགོན་པོ་འདི་ཉིད་ཀྱི་མཚན་ཙམ་ལ་བརྟེན་ནས་ཀྱང་འཇིག་རྟེན་མཐའ་དག་བདེ་ཞིང་སྐྱིད་པར་འགྱུར་བའི་དགོས་པ་ཁྱད་པར་ཅན་ཡང་ཡོད་དེ། མགོན་པོ་འདི་ལ་རྗེ་བཙུན་བྱམས་པ་ཞེས་མཚན་འདོགས་པའི་རྒྱུ་མཚན་ཕལ་པོ་ཆེའི་མདོ་ལས་ཐོག་མ་ཁོ་ནར་བྱམས་པའི་སེམས་ཀྱི་ཏིང་ངེ་འཛིན་ཐོབ་པའི་རྒྱུ་མཚན་གྱིས་ཡིན་པར་གསུངས་ལ། ཡེ་ཤེས་ཐམས་ཅད་ཀྱི་འོད་ཅེས་བྱ་བའི་མདོ་ལས་སློབ་ལམ་དུ་བྱམས་པ་བསྒོམས་ཤིང་སྨོན་ལམ་གནང་བ་ནས་བཟུང་སྟེ་བྱམས་པའི་མཚན་ཅན་དུ་གྱུར་པར་གསུངས་པ་དང་། ཡུམ་བྱམས་མའི་སྲས་སུ་འཁྲུངས་པས་བྱམས་པ་ཞེས་མཚན་བཏགས་པར་རྒྱ་ནག་འགྲེལ་ཆེན་ལས་འབྱུང་བ་ལྟ་བུ་ཅི་རིགས་ཡོད་ཀྱང་གཙོ་བོར་གྱུར་པ་ནི་ཟབ་རྒྱས་གཉིས་ཀྱི་ནང་ནས་རྒྱ་ཆེ་བའི་ལམ་གྱི་བཀའ་བབ་དང། དེ་ལ་རིགས་མང་དུ་ཡོད་པ་ལས་ཀྱང་རྒྱལ་བ་སྲས་བཅས་མ་ལུས་པའི་ཐུགས་རྒྱུད་ཀྱི་འགྲོ་ཀུན་བདེ་བ་ལ་འགོད་པར་འདོད་པའི་བྱམས་པ་ཆེན་པོ་དེ་ཉིད་བཞིན་ལག་གི་རྣམ་པར་ཤར་བ་ནི་རྗེ་བཙུན་འདི་ཉིད་ཡིན་པས་དེ་འཇིག་རྟེན་དུ་བྱོན་པའི་རྣམ་པ་བྱས་པ་ཙམ་གྱིས་ཀྱང་འགྲོ་བ་རྣམས་བྱམས་པའི་སེམས་དང་ལྡན་ཞིང་བདེ་བ་ཕུན་སུམ་ཚོགས་པ་ཐོབ་པར་འགྱུར་ཏེ། དམ་པ་གོང་མ་རྣམས་ཀྱི་གསུང་ལས་འདིའི་ཚེ་

― GTD007_Page_0751 ―

^{[མ་དཔེ་གཟིགས་ན་འདིར་གནོན།]}

[Full Size]

སྟག་འབྲོང་སོགས་རྩེད་མོ་བྱེད་པའང་སྤྱིར་དེ་གཉིས་འཇིག་རྟེན་ན་མི་མཐུན་པའི་དཔེར་བྱེད་པ་ཡིན་ཀྱང་། བྱམས་མགོན་འཇིག་རྟེན་དུ་བྱོན་པའི་ཚེ་དེའི་ཐུགས་རྗེ་ལ་བརྟེན་ནས་ཡུལ་གྱི་གཅན་གཟན་རྣམས་ཀྱང་མ་དང་བུ་ལྟར་གཅིག་ལ་གཅིག་བྱམས་སེམས་དང་ལྡན་པར་འགྱུར་བས་དེ་མཚོན་བྱེད་ཡིན་པར་གསུངས་སོ། །མདོར་ན་དམ་པ་གོང་མ་རྣམས་ཀྱིས་བསྟན་འགྲོར་ཕན་པའི་དགོངས་པ་རླབས་པོ་ཆེའི་སྒོ་ནས་འཛུག་པར་མཛད་པ་འདི་དག་མཛེས་ཆོས་དང་ལྟད་མོ་ཙམ་དུ་མ་གོ་བར་འདི་ཕྱིར་དགེ་བའི་ཕན་ཡོན་ལ་བསམ་སྟེ་ཕྱག་བཞེས་ཅུང་ཟད་ཀྱང་མ་འཆོལ་བར་ལག་ཏུ་ལོན་པ་ཤིན་ཏུ་གལ་ཆེ་བས་འབད་པ་བྱ་དགོས་སོ། །མ་ཕམ་རྒྱལ་བའི་ཉི་མ་འཇིག་རྟེན་དུ། །འབྱོན་པའི་རྟེན་འབྲེལ་ཐོག་མའི་སྒོ་ཕྱེ་བའི། །དགེ་འདིས་འཇིག་རྟེན་བདེ་ཞིང་སྐྱིད་པ་དང། །མ་འོངས་བྱམས་པ་མགོན་པོས་རྗེས་འཛིན་ཤོག །ཅེས་པ་འདི་ནི་བསྟན་པའི་གསལ་བྱེད་སུ་ཉིད་ཐོ་ཡོན་ཆོས་རྗེའི་སྤྲུལ་སྐུ་བློ་བཟང་བསྟན་འཛིན་ཆོས་འཕེལ་བས་རང་དགོན་དུ་བྱམས་པ་གླིང་སྐོར་གྱི་སྲོལ་གསར་དུ་འཛུག་སྐབས་དེའི་རྒྱུ་མཚན་ཕན་ཡོན་དང་བཅས་པ་ཞིག་དགོས་ཚུལ་བྱུང་བ་ལྟར། ༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ སྔོན་ཚོང་པ་མང་པོ་ཞིག་རྒྱ་མཚོར་ཡང་ཡང་ཕྱིན་ཀྱང་འདོད་པའི་དོན་མ་གྲུབ་པས་བཅོམ་ལྡན་འདས་ཀྱི་སྐུའི་སྐྱེ་བ་དེད་དཔོན་ལེགས་པར་ཕ་རོལ་ཏུ་ཕྱིན་པ་ཞེས་བྱ་བ་ཞིག་བཞུགས་པ་དེའི་

― GTD007_Page_0752 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུང་དུ་སོང་ནས་གསོལ་བ་བཏབ་པས་ཁོང་ཧ་ཅང་བགྲེས་པ་དང་སྔར་རྒྱ་མཚོར་ལན་དྲུག་ཕེབས་པའི་ཚེ་དགོས་དོན་ལེགས་པར་གྲུབ་ཅིང་ལན་བདུན་འགྲོ་བའི་སྲོལ་མེད་གསུངས་ཏེ་རེ་ཞིག་ཞལ་གྱིས་མ་བཞེས་ཀྱང་ཚོང་པ་རྣམས་ཀྱིས་ཁྱེད་ཀྱི་ཐུགས་རྗེ་ལ་བརྟེན་ནས་ངེད་ཅག་གི་འདོད་དོན་ཞིག་མ་གྲུབ་ན་རང་སྟོབས་ཀྱིས་འོང་ས་མི་འདུག་པས་ཅིས་ཀྱང་ཐུགས་རྗེས་གཟིགས་དགོས་ཞེས་ཡང་ཡང་གསོལ་བའི་ངོ་མ་བཟློག་པར་རྒྱ་མཚོར་ལྷན་དུ་འཇུག་པར་མཛད། འོན་ཀྱང་དེ་དག་གི་ལས་དབང་བཙན་པས་མི་མཐུན་པའི་རླུང་དྲག་པོ་ལངས་ཏེ་རང་དབང་མེད་པར་གྲུ་བདས་ནས་འོ་འཕྲེང་ཅན་ཞེས་བྱ་བའི་རྒྱ་མཚོ་དང། མེ་ལྕེའི་འཕྲེང་བ་ཅན་ཞེས་བྱ་བའི་རྒྱ་མཚོ་དང། ཀུ་ཤའི་འཕྲེང་བ་ཅན་ཞེས་བྱ་བའི་རྒྱ་མཚོ་དང། འདམ་བུའི་འཕྲེང་བ་ཅན་ཞེས་བྱ་བའི་རྒྱ་མཚོ་སོགས་རིམ་བཞིན་བརྒལ་བ་ན་སྟེང་ནས་དྲག་པོའི་རྡོ་ཆར་བབས་ཤིང། རྒྱ་མཚོའི་རྦ་ཀློང་རི་བོ་བླ་འོག་བརྗེ་བ་ལྟ་བུ། ཉི་མའི་དཀྱིལ་འཁོར་ཡང་དེའི་ནང་དུ་ནུབ་པ་ལྟ་བུ་ཤིན་ཏུ་འཇིགས་སུ་རུང་བ་དེ་ལྟ་བུར་ཚུད་པར་ཉེ་བ་ན་ཚོང་པ་ཐམས་ཅད་སྙིང་སྟོར་ཏེ་འགྱེལ་ཞིང། བློ་བརྟན་པ་འགའ་ཞིག་གིས་དེད་དཔོན་ཉིད་ལ་གསོལ་བ་བཏབ་སྟེ་ངེད་ཅག་ཐམས་ཅད་རྒྱ་མཚོའི་རྦ་ཀློང་གིས་རིལ་གྱིས་མིད་པ་འདི་ལ་ཁྱེད་ཀྱིས་ཐུགས་རྗེས་གཟིགས་ཞེས་གདུང་བས་འོ་དོད་བོས་པ་ན་བརྩེ་བ་དྲག་པོ་སྐྱེས་ཏེ་དེ་མ་ཐག་པུས་མོའི་ལྷ་ང་ས་ལ་བཙུགས་ནས་སྤྱི་བོར་ཐལ་མོ་སྦྱར་ཏེ་འཇིག་རྟེན་དང་འཇིག་རྟེན་ལས་འདས་པ་ཐམས་ཅད་དཔང་པོར་བཞག་ནས། ངེད་

― GTD007_Page_0753 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་ཤེད་ཕྱེ་བ་ཚུན་ཆད་སེམས་ཅན་གཅིག་གིའང་སྲོག་ལ་གནོད་པ་བྱས་པ་མེད་པས། དེའི་སྟོབས་ཀྱིས་གྲུ་འདི་ཕྱིར་ལྡོག་པར་གྱུར་ཅིག་ཅེས་བདེན་སྟོབས་བརྗོད་མ་ཐག་མཐུན་པའི་རླུང་གིས་གྲུ་ཕྱིར་བསྒྱུར། ལས་བྱེད་རྣམས་ཀྱིས་ཀྱང་བ་དན་ལ་སོགས་པ་བསྒྲེངས་ཏེ་ཕྱིར་འཁོར་བས། མཚན་མོ་དེར་དེད་དཔོན་གྱིས་རྒྱ་མཚོའི་ནང་གི་ས་རྡོ་འདི་དག་བཀྲ་ཤིས་པའི་རྫས་ཡིན་པས་ཐུབ་ཚོད་རེ་བླངས་ནས་གྲུ་ནང་དུ་བླུགས་ན་གྲུའང་ཕྱིར་ལྡོག་པའི་ཁྱད་ཡོད་གསུངས་པ་ན་ས་རྡོ་ཡིན་པའི་བློས་རིན་པོ་ཆེའི་རིགས་ཀྱིས་གྲུ་བཀང། ཕྱི་ཉིན་ནམ་ལངས་པའི་ཚེ་རང་ཡུལ་དང་ཉེ་བའི་རྒྱ་མཚོའི་འགྲམ་ཞིག་ཏུ་སླེབས་ཤིང། གྲུའང་རིན་པོ་ཆེས་གང་བར་མཐོང་ནས་ཐམས་ཅད་ཤིན་ཏུ་དགའ་སྟེ་དེད་དཔོན་ལ་ཕྱག་དང་བསྙེན་བཀུར་རྒྱ་ཆེན་པོ་བྱས་སོ།། ༈ བོད་ཀྱི་བླ་མ་ཁ་ཅིག་དཀྱིལ་འཁོར་གྱི་ཐིག་འདེབས་པ་སོགས་ལ་ཐོག་མར་བླ་མ་དབང་ལྡན་དུ་གནས་ནས་བྱེད་པའི་རྒྱུ་མཚན། དཀྱིལ་འཁོར་བྲི་སྒྲུབ་སོགས་ཞི་རྒྱས་ཀྱི་ལས་གཙོ་བོར་གྱུར་པའི་ཕྱིར་དང། རྒྱུད་ལས་ཞི་བ་ལ་ཤར་དང། རྒྱས་པ་ལ་བྱང་གཙོ་བོར་གསུངས་པའི་ཕྱིར་ཅེས་བཞེད་དོ། །དེའང་འཐད་པར་མ་མཐོང་སྟེ། དཀྱིལ་འཁོར་བྲི་སྒྲུབ་སོགས་ཞི་རྒྱས་གཙོ་བོར་གྱུར་པ་མ་ཡིན་པའི་ཕྱིར་དང། དེ་གཉིས་གཙོ་ན་ཕྱོགས་དེ་གཉི་གར་སྡོད་པ་ལྷག་པར་མི་རུང་བའི་ཕྱིར་དང། དབང་ལྡན་དེ་གཉི་གར་མི་གཏོགས་པས་རང་གི་ཞེ་འདོད་དང་མ་མཐུན་

― GTD007_Page_0754 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱིར་རོ། །དང་པོ་གྲུབ་སྟེ། ཐུན་མོང་བའི་དངོས་གྲུབ་ལས་བཞི་སོགས་གཙོ་བོར་སྒྲུབ་ན་དཔའ་བོ་གཅིག་པ་ལྟ་བུས་ཀྱང་ཆོག་པས། དཀྱིལ་འཁོར་རྫོགས་པར་བྲིས་ཏེ་སྦྱང་གཞི་སྦྱོང་བྱེད་ཚང་བའི་རྣལ་འབྱོར་བསྒོམ་པ་ནི་མཆོག་སྒྲུབ་པ་གཙོ་བོར་བྱེད་དགོས་པའི་ཕྱིར། འོན་ཏེ་མཆོག་སྒྲུབ་པ་ལའང་སྡིག་ལྟུང་ཞི་བ་དང་ས་ལམ་གྱི་ཡོན་ཏན་རྒྱས་པ་དགོས་པའི་གཙོ་བོ་ཡིན་པས་མི་འགལ་སྙམ་ན། སྐབས་དེའི་འགལ་རྐྱེན་སེལ་བ་དང་ལེགས་ཚོགས་སྒྲུབ་པ་ཐམས་ཅད་ལ་དགོས་པས། དེ་ལྟར་བྱས་ཚེ་རྣམ་དཀར་གྱི་ལས་ལ་ཞི་རྒྱས་གཙོ་བོར་གྱུར་པའི་ཁྱབ་པ་ཁས་བླངས་དགོས་པར་འགྱུར་རོ། །རྒྱུད་ལས་རྒྱས་པ་ལ་བྱང་གཙོ་བོར་བསྔགས་ན་ཐིག་འདེབས་པའི་ཚེ་དེར་འཁོད་ནས་ཐིག་འདེབས་པ་རྒྱས་པར་ལྷག་པར་མི་རུང་སྟེ་ཁ་ལྷོར་བལྟས་ནས་ཐིག་འདེབས་དགོས་པའི་ཕྱིར། ཁྱབ་སྟེ། དྲག་པོའི་སྦྱིན་སྲེག་ལ་བྱང་ནས་ལྷོར་བལྟས་ཏེ་འབུལ་བ་དང། རྒྱས་པའི་སྦྱིན་སྲེག་ལྷོ་ནས་བྱང་དུ་བལྟས་ཏེ་དབུལ་བར་གསུངས་ལ། འདི་དེ་ལས་གོ་བཟློག་པའི་ཕྱིར། རིགས་པས་ཀྱང་མི་འགྲུབ་སྟེ། བྱང་རྣམ་སྲས་དང་ཛཾ་བྷ་ལ་སོགས་དངོས་གྲུབ་སྟེར་བའི་ལྷ་རྣམས་གནས་པའི་ཕྱོགས་ཡིན་པས་དེར་ཁ་བལྟས་ནས་དངོས་གྲུབ་ལེན་དགོས་རྒྱུ་ལ་རྒྱབ་སྟོན་པ་མི་རིགས་པའི་ཕྱིར་དེ་བཞིན་དུ་ཞི་བ་ལ་ནུབ་ཏུ་བལྟ་དགོས་པར་རྒྱུད་ནས་གསུངས་པ་ཤར་ནས་ནུབ་ཏུ་བལྟ་བའི་ཁུངས་སུ་བྱེད་པའང་གནོད་བྱེད་ལ་སྒྲུབ་བྱེད་དུ་འཁྲུལ་པའི་ནོར་བ་ཆེན་པོའོ། །ཤར་བྱང་གཉིས་ཞི་རྒྱས་ལ་གཙོ་ཆེ་ནའང་དེ་དབང་ལྡན་ནས་

― GTD007_Page_0755 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པའི་རྒྱུ་མཚན་དུ་འབྲེལ་ཅི་ཡང་མེད། དེ་གསུམ་གའི་ཕྱོགས་སྐྱོང་བའི་བདག་པོ་སོ་སོར་ཡོད་པས་ཕན་གནོད་ཀྱི་སྒོ་གང་ཡང་མི་གཅིག་པའི་ཕྱིར། ཕྱོགས་གཉི་གར་མི་གཏོགས་པའི་མཚམས་སུ་འཇོག་དགོས་རྒྱུ་ལ་ཕྱོགས་གཉི་གར་གཏོགས་པའི་ཁུངས་སུ་བྱེད་ན། མཐའ་གཉིས་དང་བྲལ་བའི་དབུས་དེ་མཐའ་གཉིས་ཀར་གཏོགས་པ་དང། སྲིད་པ་བར་མ་འགྲོ་མི་གཏོགས། །ཞེས་པ་དེ་སྔ་ཕྱིའི་འགྲོ་བ་གཉིས་ཀར་གཏོགས་པ་སོགས་མི་གཏོགས་པའི་བཤད་པ་ཐམས་ཅད་གཏོགས་པའི་ཁུངས་སུ་སྦྱོར་དགོས་པར་འགྱུར་རོ། །དབང་ལྡན་ཤར་དུ་མི་གཏོགས་ཀྱང་བྱང་དུ་གཏོགས་ཏེ་དེ་གཉིས་ལ་དོན་གྲུབ་ཀྱིས་རྒྱས་འདེབས་པའི་ཕྱིར་རོ་སྙམ་ན། འོ་ན་ཞི་བ་དང་འབྲེལ་བའི་རྒྱུ་མཚན་སྟོར་བ་ཡིན་པས་བྱང་དུ་གཏོགས་མི་གཏོགས་བྱེད་མི་དགོས་ཀྱི་བྱང་རང་དུ་གནས་ན་ཆོག་པར་འགྱུར་རོ། །འོ་ན་དབང་ལྡན་ནས་འདེབས་པའི་རྒྱུ་མཚན་གང་ཡིན་སྙམ་ན། སྤྱིར་ཕྱོགས་སྐྱོང་བཅུ་ཀ་ལ་འདས་མ་འདས་གཉིས་དང། མ་འདས་པ་ལ་དཀར་ཕྱོགས་པ་ནག་ཕྱོགས་པ་གཉིས་རེ་ཡོད་ཀྱང། བྱང་ཤར་གྱི་བདག་པོ་ཕལ་པ་དེ་ནི་གཞན་འཕྲུལ་དབང་བྱེད་ཀྱི་བདག་པོའི་ལུས་ཀྱི་བཀོད་པ་གཅིག་ཡིན་ཞིང་ཆོས་སྒྲུབ་པ་ལ་བརྣག་པའི་བདུད་དུ་གྲགས་པ་ཡིན། འཁོར་ཡང་ནག་ཕྱོགས་ཀྱི་འབྱུང་པོ་གདུག་པ་ཅན་ཆེས་མང་བས་འབྱུང་པོའི་རྒྱལ་པོ་ཞེས་གསུངས་ཏེ། ཐོག་མར་ཁྲོ་བོའི་ང་རྒྱལ་གྱིས་དེ་ཟིལ་གྱིས་མནན་ནས་དཀྱིལ་འཁོར་བྲིས་ཏེ་སྐུ་གསུམ་གྱི་རྣལ་འབྱོར་སྒྲུབ་པ་ནི། སྟོན་པས་ཀྱང་ཐོག་
མར་བདུད་བཅོམ་སྟེ་བྱང་ཆུབ་མངོན་དུ་མཛད་པའི་རྣམ་ཐར་དང་རྟེན་འབྲེལ་སྒོ་བསྟུན་པ་ཡིན་ནོ།།

སྐུ་སྐྱེ་མྱུར་འབྱོན་གྱི་དེ་ཉིད་གསལ་བྱེད།

― GTD007_Page_0756 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་སྐྱེ་མྱུར་འབྱོན་གྱི་དེ་ཉིད་གསལ་བྱེད་ཅེས་བྱ་བ་བཞུགས་སོ།། ར༷ང་རིག་ཆོས་ཀྱི་སྐུ་ལ་ཕྱག་འཚལ་ཏེ། །ར༷ང་གཞན་བསླུ་བའི་རྫུན་ཕུགས་བརྟོལ་བའི་ཕྱིར། །ར༷ང་བཞིན་གསོང་པོར་སྨྲ་བའི་རྟོགས་བརྗོད་འདི། །ར༷ང་ལ་གཅེས་པ་རྣམས་ཀྱིས་གསན་པར་མཛོད། །དེའང་རོ་དངོས་གྲུབ་ཅན་གྱི་གཏམ་རྒྱུད་ལས་ཤིང་བཟོ་ཀུན་དགའི་ལོ་རྒྱུས་ནི། སྔོན་རྒྱལ་པོ་ཀུན་སྣང་གི་བུ་ཀུན་སྐྱོང་བྱ་བའི་ཡུལ་ན་ཤིང་བཟོ་ཀུན་དགའ་དང་ལྷ་བཟོ་ཀུན་དགའ་ཟེར་བ་གཉིས་ཡོད་པ་ནང་མི་མཐུན་པས། ལྷ་བཟོ་ཀུན་དགས་གཅིག་ཤོས་གསོད་འདོད་ནས་ཉིན་གཅིག་ཡི་གེ་རྫུས་མ་ཞིག་ཡབ་རྒྱལ་པོས་བསྐུར་བའི་ཁུལ་བྱས་ཏེ་རྒྱལ་པོ་ཀུན་སྐྱོང་ལ་ཕུལ་བ་ཁ་ཕྱེས་པར། ཀུན་སྣང་གི་ཡི་གེ། བུ་ཀུན་སྐྱོང་ལ་བསྐུར་དོན། ཁྱེད་རང་ཁམས་བདེ་ཞིང་རྒྱལ་སྲིད་ཆོས་དང་མཐུན་པར་སྐྱོང་བཞིན་དུ་ཡོད་པ་གཞིར་བཅས། ངེད་ལྷ་ཡུལ་ན་བདེ་སྐྱིད་ཕུན་སུམ་ཚོགས་པར་ཡོད། འདིར་ལྷ་ཁང་ཞིག་བཞེངས་རྒྱུར་ཤིང་བཟོ་ཞིག་དགོས་འདུག་པས་ཤིང་བཟོ་ཀུན་དགའ་ཡར་ཐོངས། གཏོང་ལུགས་ལྷ་བཟོའི་ངག་བཞིན་བྱས་པས་ཆོག་ཟེར་འདུག་པར། རྒྱལ་པོ་ཀུན་སྐྱོང་གིས་འོ་ན་ཇི་ལྟར་གཏོང་དགོས་བྱས་པ་ལ། ཡུལ་མི་ཐམས་ཅད་ལ་ཤིང་ཁུར་རེ་དང་སྣུམ་ཕོར་རེ་ཁྱེར་ཤོག་བྱས་ཏེ་ཤིང་བརྩེགས་ནས་སྟེང་དུ་སྣུམ་བྱུགས། དབུས་སུ་ཤིང་བཟོ་ལག་ཆ་དང་བཅས་བཞག་སྟེ་མེ་བཏང་ནས་རོལ་མོ་མང་པོ་བར་མ་ཆད་པར་དྲག་ཏུ་བརྡུངས་

― GTD007_Page_0757 ―

^{[མ་དཔེ་གཟིགས་ན་འདིར་གནོན།]}

[Full Size]

ན་དུ་བའི་རྟ་ལ་ཞོན་ནས་འགྲོ་བ་ཡིན་ཞུས་པས། རྒྱལ་པོས་ཤིང་བཟོ་བོས་ནས་དེའི་རྒྱུ་མཚན་གསུངས་པར། ཁོའི་སེམས་ལ་དེ་འདྲ་མི་སྲིད། འདི་ལྷ་བཟོ་ཀུན་དགས་གཡོ་སྒྱུ་བྱས་པར་འདུག་པས། ད་ང་རང་གིས་ཀྱང་ཐབས་བྱེད་དགོས་པར་འདུག་སྙམ་སྟེ། རྒྱལ་པོ་ལ་བཀའ་བཞིན་ཞུ་ལགས། ཡིན་ཀྱང་ང་ལ་བྱ་བྱེད་ཀྱི་འཕྲོ་འགའ་ཞིག་ཡོད་པས་ཉི་མ་བདུན་ལ་བསྲིང་ཆོག་པ་དང། འགྲོ་བའི་ཚེ་ང་རང་གི་ཞིང་དཀྱིལ་ནས་སོང་ཆོག་པ་དགོས་ཞུས་པར་དེ་ཡོང་གསུང། ཕྱིར་འོངས་ནས་ཆུང་མ་ལ་རྒྱུ་མཚན་བཤད་དེ་བཟའ་མི་གཉི་གས་ཉིན་མཚན་མེད་པར་ས་བརྐོས་ཏེ་ཁང་པའི་ནང་ནས་ཞིང་གི་འོག་བར་དུ་ས་འོག་བརྒྱུད་དེ་སོང་ཆོག་པ་བྱས། ཞིང་དཀྱིལ་ནས་ཡར་བརྟོལ་བའི་ཁ་རྡོ་ལེབ་ཆེན་པོ་ཞིག་གིས་བཀབ། སྟེང་དུ་ས་བླུག་ནས་མི་མངོན་པར་བྱས་སོ། །འགྲོ་བའི་ཉིན་རྒྱལ་པོ་དང་མི་ཐམས་ཅད་འདུས་ཏེ་ཤིང་བརྩེགས་པ་ན། ཁོས་རྡོའི་ཟུར་མི་གནོན་པ་དང་ནང་ནས་ཅི་བྱས་ཀྱང་གཞན་གྱིས་མི་མཐོང་བའི་ཐབས་སུ། ཁྱེད་ཚོས་བརྩེགས་མི་ཤེས་པར་འདུག །ཁ་ཡངས་ན་དུ་བ་བཀྲམ་ནས་སོང་སྟེ་ཤུགས་མེད་པས་འགྲོ་མི་ཐུབ། གཏིང་ཡངས་ལ་ཁ་རུབ་པ་བྱས་ན་དུ་བ་འདྲིལ་ནས་ཐོགས་པ་མེད་པར་ལྷ་ཡུལ་དུ་འགྲོ་བ་ཡིན། ཤིང་བརྩེགས་ཚུལ་ངེད་རང་ཤིང་བཟོ་ཡིན་པས་མཁས་ཟེར་འདོད་པ་བཞིན་བྱས་སོ། །དེ་ནས་དུ་བ་ཕྱུར་གྱིས་སོང་སྟེ་རོལ་མོ་བརྡུང་བ་དང་ཁོ་རང་དོང་ནང་དུ་བབས། ཁ་རྡོས་བཅད་དེ་ཁྱིམ་དུ་འོངས་སོ། །ལྷ་བཟོ་ཀུན་དགས་ཁོ་ཚིགས་ཡོད་སྙམ་དགའ་ནས་རྫུན་

― GTD007_Page_0758 ―

^{[མ་དཔེ་གཟིགས་ན་འདིར་གནོན།]}

[Full Size]

འགེབས་སུ་གནམ་ལ་མཛུབ་མོ་བསྒྲེངས་ཏེ་མགོ་ཡུག་ཡུག་བྱེད་ཅིང་ཤིང་བཟོ་ཡ་གི་ན་ཡ་གི་ན་བྱས་མི་རྣམས་ཀྱིས་བལྟས་པས་ཅང་མ་མཐོང། ལ་ལས་དུ་བ་དུམ་བུ་དུམ་བུར་ལྷོག་ལྷོག་འགྲོ་བའི་དབྱིབས་ལ་འཁྲུལ་ཏེ་འདུག་འདུག་བྱས་པས་ཐམས་ཅད་ཀྱིས་བདེན་པར་བཟུང་ནས་ཡ་མཚན་དུ་གླེང་ངོ་། །ཤིང་བཟོ་ཁྱིམ་དུ་སྦས་ནས་བསྡད་དེ་ལུས་ལ་ཉི་མ་དང་བསེར་བུས་མ་ཕོག་པ་བྱས། ཆུ་དྲོན་དང་འོ་མས་ཡང་ཡང་བཀྲུས་པས་ལུས་ཤིན་ཏུ་དཀར་པོར་སོང། ཟླ་བ་གཅིག་ཙམ་འདས་པ་དང་དར་དཀར་གྱི་ལྭ་བ་ཞིག་བཟོས་ནས་གྱོན། ཡི་གེ་རྫུས་མ་ཞིག་བཟུང་ནས་རྒྱལ་པོའི་དྲུང་དུ་སོང་སྟེ་ཡི་གེ་ཕུལ་བའི་ནང་དུ། ཤིང་བཟོ་འདིས་ལྷ་ཁང་གི་ལས་ཀ་ལ་ཤིན་ཏུ་གོ་ཆོད་པས་ཕན་ཐོགས་ཆེན་པོ་བྱུང། འདིར་སྐྱིད་པོ་བྱས་ནས་བསྡད་ཆོག་བྱས་ཀྱང་ཁོས་བུ་སྨད་གསོ་དགོས་པ་དང་རྒྱལ་པོའི་ཕྱག་གཡོག་སྒྲུབ་དགོས་ཟེར་ནས་ཕྱིར་སོང་ཡོད་པས། ངེད་ཀྱི་དྲིན་ལ་བསམ་སྟེ་འདིར་བདག་རྐྱེན་གང་གཟབ་ཅིག་གྱིས། ད་ཚོན་ཞིག་གཏོང་རྒྱུར་ལྷ་བཟོ་ཀུན་དགའ་ཡོང་དགོས་ཤིང་ཡོང་ལུགས་སྔར་བཞིན་བྱས་པས་འཐུས་བྱས་འདུག་པས། རྒྱལ་པོ་ཤིན་ཏུ་དགའ་ནས་གསེར་དངུལ། གོས་དར། རྟ། གླང་པོ་ཆེ། མ་ཧེ། ར་ལུག་སོགས་བདག་རྐྱེན་ཚད་མེད་པ་བྱས་སོ། །དེ་ནས་ལྷ་བཟོ་བོས་ཏེ་རྒྱུ་མཚན་གསུང་བར། ཤིང་བཟོ་མངོན་སུམ་དུ་ཕྱིར་འོངས་པ་མཐོང་ནས་འགྲོ་ལུགས་ཤིག་ཡོད་དམ་སྙམ་དུ་འཁྲུལ་བ་དང། ཤིང་བཟོ་ཕྱུག་པོར་སོང་བ་མཐོང་ནས་ནོར་ལ་

― GTD007_Page_0759 ―

^{[མ་དཔེ་གཟིགས་ན་འདིར་གནོན།]}

[Full Size]

རྔམ་པས་ཁས་བླངས་སོ། །དེ་ནས་སྔར་ལྟར་བསྲེག་པ་དང་འགྲོ་ཐབས་ནི་མེད། ཕྱིར་འབུད་འདོད་ཀྱང་ཤིང་བརྩེགས་ཆེ་བ་དང་མེས་གདུངས་ནས་འབུད་མི་ཐུབ། འོ་དོད་བོས་ཀྱང་རོལ་མོའི་སྒྲས་བཀབ་ནས་སུས་ཀྱང་མ་ཚོར་བར་གསོན་པོར་བསྲེགས་སོ། །དཔེ་དེ་དང་ཅི་ཞིག་འདྲ་ན། ད་ལྟ་བླ་མ་དང་སྐྱེས་བུ་དམ་པའི་མིང་རེ་བཟུང་སྟེ་གདེང་ཅིའང་མེད་པར་དཀོར་རྫས་འབའ་ཞིག་བསགས་ནས་ཕྱིར་སྐྱེས་ཏེ་ལོངས་སྤྱོད་རྒྱུའི་འདིང་བྱེད་པ་རྣམས་དེ་དང་འདྲའོ། །ཇི་ལྟར་འདྲ་ན་ལྷ་བཟོ་ཀུན་དགས་ཀྱང་ད་ལྟ་སོས་བདེ་མོར་ཡོད་དུས་མཐོ་གང་ནམ་མཁའ་ལ་འཕུར་མི་ཐུབ་ན། མེས་སྟོང་འོག་ཀུན་ནས་བསྲེག་དུས་ལྷ་ཡུལ་དུ་འགྲོ་བའི་ནུས་པ་མེད་པ་ཤེས་བཞིན་དུ་རང་གིས་གཡོ་སྒྱུ་བྱས་པ་དེ་རང་བློ་རང་ལ་ལྐོག་ཏུ་མ་གྱུར་པ་ཡིན་མོད། དེ་བཞིན་དུ་ད་ལྟ་མི་ལུས་ཐོབ། ཕྱི་ནང་གི་མཐུན་རྐྱེན་ཚང། བློ་རིག་ཐབས་གསུམ་འཛོམ་པའི་དུས་སུའང་ཚེ་འདིར་ཇི་ཙམ་སྡོད་རྒྱུ་དང་ཕྱི་མར་འགྲོ་རྒྱུའི་དབང་དང་ནུས་པ་ཅི་ཡང་མེད་པ་རང་གིས་མངོན་སུམ་དུ་གྲུབ་པ་འདི་ཡིན་ན། ལས་ཀྱི་རླུང་གིས་བདས། བར་དོའི་འཁྲུལ་སྣང་གིས་གཡེང་སྟེ་བྱ་སྤུ་རླུང་གིས་ཁྱེར་བ་ལྟ་བུའི་དུས་སུ་ཕྱི་མའི་སྐྱེ་བ་གང་འདོད་དུ་ལེན་རྒྱུའི་དབང་མེད་པ་རང་གི་མྱོང་བས་འགྲུབ་བོ། །འོན་ཀྱང་ཤིང་བཟོ་རང་གི་ཞིང་ནང་ནས་ཕྱིར་ཁྱིམ་དུ་འོངས་ཏེ་ལྷ་ཡུལ་ནས་འོང་རྫུ་བྱས་ཁ་དོག་ཇེ་དཀར་དུ་སོང་ཡོད་པ་མཐོང་བས་ངེས་པར་འོང་ལུགས་ཤིག་ཡོད་དམ་སྙམ་

― GTD007_Page_0760 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་འཁྲུལ་བ་དང། ནོར་རྫས་ལ་སྲེད་པས་ཡིད་བསླད་དེ་ལྷ་བཟོ་ཁོ་རང་ཡང་ལྷ་ཡུལ་དུ་འགྲོ་བར་ཁས་བླངས་པའི་དཔེ་དེ་བཞིན་དུ། ད་ལྟ་འབྱོར་པ་དང་གྲྭ་རིགས་ཅུང་ཟད་ཡོད་པའི་བླ་མར་མིང་བཏགས་ཚད་འདས་པ་ན། རང་གི་ཉེ་དུའམ། སྦྱིན་བདག་ལྟ་བུ་རེ་ལྟོས་བྱེད་ས་རེ་ནས་འཁྲུངས་སོ་ཞེས་བྱིས་པ་རེ་གོས་དར་གྱིས་བཏུམ་སྟེ་ལྡེར་སྐུ་བཞིན་དུ་བཞག །ཚང་མས་བླུན་དད་ཀྱིས་ནོར་རྫས་མང་པོ་འབུལ་བ་མཐོང་བ་ན། ངེས་པར་ཕར་ནང་ཞིག་ནས་རང་གིས་གང་འདོད་དུ་ཕྱིར་འོང་ལུགས་ཤིག་ཡོད་རྒྱུ་ཡིན་ནམ་སྙམ་དུ་འཁྲུལ་ཞིང། སྔ་མའི་ནོར་རྫས་བློས་མ་ཐོངས་པའི་སྟེང་དུ་ད་དུང་སྐྱེ་བ་བརྒྱུད་ནས་གསོག་འདོད་ཀྱི་སྲེད་པས་ཅུང་ཟད་ཀྱང་བཀོལ་མི་ཐུབ་པར་རང་ཉིད་སྐུ་སྐྱེ་རྒྱུའི་རྩིས་བྱེད་དོ། །ཡང་ལྷ་བཟོ་ཁོ་རང་གལ་ལ་ཐུག་པ་ན་གནམ་ལ་འཕུར་བ་ལྟ་ཅི། ཤིང་བརྩེགས་ཆེ་བ་དང་མེས་གདུངས་པས་ཕྱིར་ཡང་འབུད་མི་ཐུབ། ཐ་ན་ངན་སྐད་བཏོན་པའང་རོལ་མོའི་སྒྲས་བཀབ་ནས་སུས་ཀྱང་མི་ཚོར་བར་གསོན་པོར་བསྲེགས་ཏེ་གཞན་ལ་གཡོ་སྒྱུ་བྱས་པའི་ལ་ཡོག་རང་ལ་མཐོང་ཆོས་སུ་སྨིན་ནོ། །དཔེ་དེ་བཞིན་དུ་སྐྱེ་ཤིའི་འཕྲང་ལ་སླེབས་པ་ན་བསམ་བཞིན་དུ་དག་པའི་སྐྱེ་བ་འཛིན་པ་ལྟ་ཞོག །དཀོར་གྱི་བུད་ཤིང་བརྩེགས་ཆེ་བ་དང་སྡིག་ལྟུང་གི་མེས་གདུངས་པས་བདེ་འགྲོ་ཙམ་དུའང་ཐོན་མི་ནུས་ལ། སྔར་གསོན་གཤིན་ཀུན་གྱི་མགོ་བསྐོར་བའི་ལ་ཡོག་གིས་རང་ལ་དགེ་རྩ་བྱས་པ་དེའང་གནད་དུ་མི་འགྲོ་སྟེ། མཆོག་ཁྲུས་བྱེད་ཁུལ་དང། གདུང་མཇལ་ཕྱག་མཆོད་བྱེད་ཁུལ་སོགས་རང་ངན་སོང་ན་སྡུག་སྐད་ལྷང་ལྷང་བྱེད་ཀྱིན་

― GTD007_Page_0761 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པའི་ཐོག་ཏུ་ཕན་རྒྱུ་མེད་ལ་གནོད་ཚབས་ཆེ་བའི་གདུང་རྫོགས་ཀྱི་ཆོབ་ཆོབ་མང་པོ་ནི་ལྷ་བཟོ་བསྲེག་དུས་ཀྱི་རོལ་མོ་བརྡུངས་པ་ལྟ་བུ་ཞིག་འབྱུང་ངོ་། །གལ་ཏེ་རང་དབང་དུ་སྐྱེ་བ་ལེན་པའི་ནུས་པ་ཡོད་ནའང། སྐྱེས་ནས་བསྟན་པ་ལ་ཕན་པ་ཅུང་ཟད་ཅིག་བྱ་དགོས་ཀྱི། དེ་འདྲའི་དགོས་པ་ཅི་ཡང་མེད་ཚེ་དག་པའི་ཞིང་དུ་མ་བཞུགས་པར་མ་དག་པའི་ཞིང་འདིར་བྱོན་ནས་གཉེན་བཤེས་གཡོག་འཁོར་སྐྱོང་བ་ཙམ་ཞིག་ཡིན་ན། ཤིང་བཟོ་ཀུན་དགས་ཁོ་ལྷ་ཡུལ་དུ་སྡོད་མི་ཁོམ། མི་ཡུལ་དུ་སོང་ནས་བུ་སྨད་གསོ་དགོས་ཞེས་པ་དང་ཁྱད་མེད་ལ། མི་ཚེ་སྡིག་ལ་བསྐྱལ་ན་འཆི་དུས་དག་ཞིང་དུ་འགྲོ་འདོད་ཀྱང་མགོ་ཐུར་དུ་བསྟན་ནས་མར་ངན་སོང་དུ་འགྲོ་དགོས་པ། ཤིང་བཟོ་ཀུན་དགའ་ལྷ་ཡུལ་དུ་འགྲོ་ཁ་ས་འོག་ཏུ་འཛུལ་བ་ལྟ་བུ་ཞིག་འབྱུང། ད་ལྟ་ཕལ་མོ་ཆེར་འདས་རྟགས་དང་འཁྲུངས་རྟགས་འགྲིག་འགྲིག་མང་པོ་བཤད་ནས་བླུན་པོའི་མགོ་བསྐོར་བའམ། དུད་པའི་ནང་ན་ཡ་གི་ཡ་གི་བྱས་པས་གཞན་རྣམས་ཀྱིས་བདེན་པ་བཟུང་བ་དང་འདྲའོ།། མདོར་ན་རང་ལ་འབྲེལ་ཅི་ཡང་མེད་པའི་བུ་ཆུང་ཞིག་ལ་རང་གི་མིང་བཏགས་དུས་དེར་ཆ་རྐྱེན་མ་འཛོམ་གྱི་དོགས་པས་སྡུག་གསོག་བྱེད། རང་གི་རྣམ་ཤེས་ངོ་མ་དེ་གར་འགྲོ་དང། དེའི་སྟེང་ལ་སྐྱིད་སྡུག་ཅི་ཡོང་གི་བསམ་བློ་ཙམ་ཡང་མེད་པ་ནི་ངེས་པར་སྨྱོས་པ་ཡིན་ཏེ། སྨྱོན་པའི་སྨྱོ་སྤྱོད་ཀྱང་ཕན་པ་ལ་གནོད་པར་བཟུང། གནོད་པ་ལ་ཕན་པར་བཟུང། དོན་མེད་པ་ལ་འབད། དོན་ཡོད་པ་རྣམས་འབོར་བ་ལས་ཐུ་བ་ཞིག་བྱེད་རྒྱུ་

― GTD007_Page_0762 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་དོ། །དེས་ན་དབུ་མ་བཞི་བརྒྱ་པ་ལས། རྣམ་ཤེས་གནས་པ་མེད་པ་ལས། །གལ་ཏེ་སྨྱོན་པར་འགྱུར་ན་ན། །སྲིད་གནས་སྨྱོན་པ་མ་ཡིན་ཞེས། །མཁས་པ་སུ་ཞིག་སྨྲ་བར་འགྱུར། །ཞེས་པ་ལྟར་རང་ལ་ནུས་པ་མེད་པར་ཤེས་བཞིན་དུ་གཞན་གྱི་གཡོ་སྒྱུ་ལ་འཁྲུལ་བའི་ཞོར་གྱིས་རང་ཡང་དེའི་གྲངས་སུ་འཚང་བ་ནི་རྣམ་ཤེས་རྣལ་དུ་མ་གནས་པ་ཡིན་ལ། རྣམ་ཤེས་རྣལ་དུ་མ་གནས་པ་དེར་སྨྱོན་པ་ཟེར་བ་ཡིན་ནོ། །འོན་ཀྱང་རྒྱུ་འབྲས་ཆ་མི་མཚུངས་པའི་སྤྱོད་ཚུལ་སྨྱོན་པའི་ཟློས་གར་འདི་ལ་བླུན་པོ་ཀུན་དགའ་བར་འདུག་པས། དེའི་མིང་ལ་སྨྱོན་པ་ཀུན་དགའ་འམ་བླུན་པོ་ཀུན་དགའ་ཞེས་ཐོགས་ཤིག །ཀྱེ་མ་མི་ཤེས་པའི་གདོན་གྱིས་བརླམས་པའི་སྤྱོད་ཚུལ་འདི་ལ་མི་སྲིད་པ་ཅི་ཡང་སྲིད་པར་སྣང་སྟེ། རང་ལ་འབྲེལ་ཅི་ཡང་མེད་པའི་བྱིས་པ་མ་འོངས་པ་ཞིག་གི་དོན་དུ་ད་ལྟ་ནས་སེམས་ཁྲལ་བྱེད་ཅིང་འབད་པས་བསགས་པའི་ནོར་རྫས་ཐམས་ཅད་དེའི་དོན་དུ་འཇོག །དེའི་ཆེད་དུ་བསགས་པའི་སྡིག་ལྟུང་ཐམས་ཅད་རང་ཐོག་ཏུ་ཁུར་ནས་འགྲོ་བའི་ཕྱིན་ཅི་ལོག་གི་བདག་གཞན་མཉམ་བརྗེ་ཇི་ཙམ་ཉམས་སུ་བླངས་ཀྱིན་རང་གཞན་གཉི་ག་ཕུང་ལ་སྦྱོར་བ་འདི་འདྲ་བྱེད་པ་ལས། ངེས་པར་བདག་གཞན་མཉམ་བརྗེ་བྱེད་ན་རྒྱལ་བའི་གསུང་རབ་ལས་འབྱུང་བ་བཞིན་མཁའ་མཉམ་སེམས་ཅན་ཐམས་ཅད་ཐོག་མཐའ་བར་གསུམ་དུ་དྲིན་ཆེ་ཚུལ་བསམས་ཏེ་དེ་དག་གི་སྡིག་སྡུག་ཐམས་ཅད་རང་སྟེང་དུ་བླངས། རང་གི་བདེ་དགེ་ཐམས་ཅད་དེ་རྣམས་ལ་ཉེ་རིང་མེད་པར་བཏང་ན་དོན་
གཉིས་ལྷུན་གྱིས་གྲུབ་པ་ཞིག་འབྱུང་ངོ་། །ཆོས་བསྒྲུབས་པའི་འབྲས་བུར་བླ་གཟུགས་བྱས། །དུས་ཉིན་མཚན་མེད་པར་དཀོར་རྫས་བསགས། །དེ་སྤྱོད་པའི་བདག་པོ་ཐང་ནས་འཚོལ། །རང་ལག་སྟོང་དུ་འགྲོ་བ་ཨ་ཙ་མ། །རོ་དངོས་གྲུབ་ཅན་གྱི་གཏམ་བཀླགས་ཚེ། །དོན་འཆར་ཚུལ་གྱི་གོ་བ་འདི་སྐྱེས་ནས། །རང་སྐལ་མཉམ་བཅས་ལ་ཕན་ཕྱིར་བྲིས། །ཆོས་སྒྲུབ་འབྲས་འཛོལ་བ་མེད་པར་ཤོག །འདི་ནི་ཤིང་ཁྱིའི་ལོར་དབེན་གནས་ཡིད་དགའ་ཆོས་འཛིན་ནས་དབྱར་ཞལ་བཞེས་གནང་སྟེ། དབྱར་ལྗོངས་ཀྱི་ཉིན་སྐྱོ་བསངས་ལ་ཕེབས་ས་ནས་རོ་སྒྲུང་འདོན་བཅུག་སྟེ་གསན། དགུང་མོ་ཕྱིར་ཕེབས་ཕྲལ་དེའི་ནང་གི་ལོ་རྒྱུས་ལེ་ཚན་ལ་འཁྲིས་ཏེ་འདི་སམ་ཊའི་ངོས་ལ་ཕྱག་བྲིས་གནང་འདུག་པ། མཚང་ལ་རྒོལ་བའི་གདམས་པ་ཁྱད་འཕགས་ཤིག་ཏུ་སྣང་བས། བདག་རཏྣ་ཨཱ་ནན་ཏས་ཡི་གེར་བཀོད་པའོ།།

ཐར་འདོད་སྐྱེས་བུ་བག་ཡོད་ལ་སྦྱོར་བའི་གཏམ།

― GTD007_Page_0763 ―

^{[མ་དཔེ་གཟིགས་ན་འདིར་གནོན།]}

[Full Size]

ཐར་འདོད་སྐྱེས་བུ་བག་ཡོད་ལ་སྦྱོར་བའི་གཏམ་ཉེས་པའི་སྒོ་འགོག་ཅེས་བྱ་བ་བཞུགས་སོ།། བླ་མ་ཐུབ་པའི་དབང་པོ་ཐུགས་རྗེའི་བདག་ཉིད་ཆེན་པོ་དང་ལྡན་པ་དེ་ལ་ཕྱག་འཚལ་ལོ། །བརྩེ་བས་ཉེ་བར་དགོངས་ཏེ་ལུས་ཅན་མཐའ་དག་བག་མེད་པའི་གནས་ལས་བསྐྱབ་ཏུ་གསོལ། དེའང་ཆེད་དུ་བརྗོད་པའི་ཚོམས་ལས། བག་ཡོད་འཆི་བའི་འཇིགས་མེད་དེ། །བག་མེད་པ་ནི་ཀུན་ཏུ་འཆ། །ཞེས་རྒྱུན་དུ་དྲན་ཤེས་བསྟེན་ཏེ་སྒོ་གསུམ་བག་ཡོད་པར་གནས་ན་ཉེས་སྤྱོད་མཐའ་དག་རང་འགགས་སུ་སོང་སྟེ་སྲིད་ཞིའི་འཇིགས་

― GTD007_Page_0764 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཐམས་ཅད་ལས་ཐར་བར་འགྱུར་ཞིང། བག་མེད་པའི་དབང་དུ་སོང་ན་དད་བརྩོན་ཤེས་རབ་སོགས་ཡོད་ཀྱང་སྒོ་དུ་མ་ནས་ཉེས་པའི་གཡང་དུ་ལྟུང་སྟེ་ཕུང་བར་འགྱུར་བར་གསུངས། དེའི་རྒྱུ་མཚན་གྱིས་འདུལ་བའི་མདོ་ལས་ཀྱང་བསླབ་པ་བརྗོད་པའི་མཇུག་ཏུ་དོན་བསྡུས་ནས། བག་ཡོད་པར་སྒྲུབས་ཤིག་ཅེས་གདམས་པ་ཡིན་ནོ། །བག་མེད་ཀྱི་སྤྱོད་པ་སྣ་ཚོགས་ཡོད་ཀྱང་ཤིན་ཏུ་སྨད་པ་ནི་ཆང་དང་ཐ་མ་ཁ་རྒྱན་པོ་སོགས་ཁྱིམ་པ་ཡ་རབས་རྣམས་ཀྱང་འཛེམ་པའི་གནས་སུ་བྱེད་པས་རབ་བྱུང་གིས་གཏན་ནས་བྱར་མི་རུང་ལ། དེ་བཞིན་དུ་རབ་ཏུ་བྱུང་བའི་རྟགས་ཆ་ལུགས་དོར་ཏེ་ཁྱིམ་པའི་ཆས་སྤྲོད་ཅིང། འགྲོ་འདུག་སྤྱོད་ལམ་མཐའ་དག་ཁྱིམ་པ་ལྟར་བྱེད་པ་ནི་རང་གིས་ཁས་བླངས་པའི་སྡོམ་ཁྲིམས་དང་འགལ་བའི་ཉེས་པ་ཆེ་བར་མ་ཟད་བསྟན་པའི་དབུ་འཕང་སྨོད་པའི་བདུད་ལས་སུ་ཤེས་པར་བྱས་ཏེ་སྤོང་དགོས་སོ། །ཆང་གི་ཉེས་པ་ནི། མདོ་སྡེ་དྲན་པ་ཉེར་བཞག །འདུལ་བ་ལུང། སྐྱེས་རབས་སོགས་སུ་རྒྱ་ཆེར་གསུངས་པས་འདིར་མི་སྤྲོ་ཞིང། ཐ་མ་ཁ་ནི་རྒྱ་གར་ན་མེད་པའི་དབང་གིས་མདོ་སྡེ་ལས་ཉེས་དམིགས་དངོས་ཟིན་ལ་གསལ་བར་གསུངས་པ་མེད་ཀྱང། གཞན་ལ་ཉེས་དམིགས་གསུངས་པའི་རྒྱུ་མཐུན་རིགས་པས་སྦྱར་ནས་ཤེས་ཤིང་འཛེམ་དགོས་པ་ནི་རྒྱལ་བ་ཉིད་ཀྱི་དགོངས་པ་ཡིན་ནོ། །པཎ་ཆེན་བློ་བཟང་ཆོས་རྒྱན་གྱིས་ཀྱང། འདི་སྟོན་པས་བཅས་པ་མཛད་པའི་དུས་སུ་བྱུང་ན་ཆང་དང་ཁྱད་མེད་དུ་འགོག་རྒྱུའི་ཚོད་ཡིན། གསུངས་ཚུལ་དམ་པ་

― GTD007_Page_0765 ―

^{[མ་དཔེ་གཟིགས་ན་འདིར་གནོན།]}

[Full Size]

གོང་མའི་གསུང་རྒྱུན་ལས་འབྱུང་སྟེ། དེའི་རྒྱུ་མཚན་ནི་འདིས་སེམས་མྱོས་པར་བྱེད་ཅིང་མང་དུ་བསྟེན་གྱིན་སྤྱོད་པ་ཇེ་རྩིང་དུ་སོང་སྟེ་འཕྱར་གཡེང་སོགས་བག་མེད་པའི་སྤྱོད་པ་སྣ་ཚོགས་ལ་འཇུག་པར་འགྱུར་བ་དང། ལྷག་པར་ཡང་འདི་ནི་ཐོག་མ་བདུད་རིགས་ཀྱི་བུད་མེད་ཅིག་གིས་སྨོན་ལམ་ལོག་པར་བཏབ་པའི་ཟླ་མཚན་གྱི་ས་བོན་ལས་བྱུང་བའི་རྫས་ངན་ཡིན་པས། དེའི་དུད་པ་ཕོག་ན་སྔགས་ཀྱི་ནུས་པ་ཉམས་ཤིང་ཡི་དམ་ཆོས་སྲུང་རྣམས་གཡེལ་བར་འགྱུར། དཀར་ཕྱོགས་ཀྱི་ལྷ་ཀླུ་རྣམས་དང་འགོ་བའི་ལྷ་ལྔ་སོགས་ཀྱང་དབྱེ་བར་བྱེད། བདུད་རིགས་སོགས་ནག་པོའི་ཕྱོགས་རྣམས་ཤ་རུལ་ལ་སྦྲང་བུ་འཁོར་བ་བཞིན་ཉེ་བར་འདུ་ཞིང། དེ་དག་ཇི་ཙམ་འདུས་པ་བཞིན་དུ་ལུས་ངག་ཡིད་གསུམ་མི་དགེ་བའི་ཕྱོགས་སུ་འཁོར་བ་དང། ཆོས་ལྡན་གྱི་བྱ་བ་ལམ་དུ་མི་འགྲོ་བས་ཅི་བྱས་ཐམས་ཅད་ལོག་པར་སོང་སྟེ་ཚེ་དང་བསོད་ནམས་འགྲིབ་ཅིང་ངན་སོང་གི་གཏིང་རྡོར་འགྱུར་རོ།། དེར་མ་ཟད་སྒོག་སྐྱ་དང། ཀུན་དོང་ཟོས་ནས་ཞག་བདུན་དང་གསུམ་དུ་གཙུག་ལག་ཁང་ལ་སོགས་པར་འཇུག་མི་རུང་བར་གསུངས་ན། སྨོན་ལམ་ལོག་པའི་རྫས་ངན་འདི་ལྟ་བུའི་དྲི་མ་ཁར་ཞེན་བཞིན་པར་གཙུག་ལག་ཁང་སོགས་སུ་སོང་ན་རྟེན་རྣམས་གྲིབ་ཀྱིས་མནོལ་ཞིང་རང་ལ་རྣམ་སྨིན་ལྕིའོ། །ལྷག་པར་དུ་བ་མང་དུ་འཐེན་ན་དེས་རྩ་ལམ་རྣམས་འགགས་ཏེ་འཕོ་བ་སོགས་སྦྱངས་ཀྱང་མི་ཐེབས་ལ། འཆི་ཁའི་དུས་སྐྱེས་བུ་དམ་པ་གཞན་གྱིས་འཕོ་བ་སོགས་བཏབ་ཀྱང་ཕན་མི་ཐོགས་

― GTD007_Page_0766 ―

^{[མ་དཔེ་གཟིགས་ན་འདིར་གནོན།]}

[Full Size]

པས་གལ་ཆེ་དུས་དེར་གནོད་ཚབས་ཤིན་ཏུ་ཆེ་བས་འགྱོད་ཀྱང་འཕྱིས་པ་ཡིན་ནོ། །མདོར་ན་ཡི་དམ་ཆོས་སྲུང་སོགས་མི་དགྱེས་ཤིང་དམ་པ་རྣམས་ཐུགས་ཁྲེལ་བ་དང། གློ་ནད་གྲིབ་དང་ཆམ་པ་གདོན་བགེགས་སོགས་ཀྱི་སྣ་འདྲེན། ཕྱི་མར་རྣམ་སྨིན་མི་བཟད་པ་སོགས་ཉེས་དམིགས་ཆེ་ལ། བཀྲེས་སྐོམ་ཚ་གྲང་གང་གི་ཉམས་ལའང་ཕན་རྒྱུ་མེད་པ་སྨྱོན་པའི་སྤྱོད་པ་ལྟ་བུ་འདིར་བློ་ལྡན་རྟོག་དཔྱོད་ཅན་ཞིག་གཏན་ནས་འཇུག་ཚུལ་མེད་དོ། །དེ་བཞིན་དུ་ཁྱིམ་པའི་ཆ་ལུགས་གོས་དཀར་པོ་སོགས་གྱོན་པ། མཚོན་ཆ་ཐོགས་པ། གླུ་གར་བྱེད་པ་སོགས་ཁྱིམ་པའི་བྱ་སྤྱོད་ལྟར་བྱེད་ཅིང། བསམ་བཞིན་དུ་རང་རང་ཁྱིམ་པའི་གྲངས་དེར་ཕར་ཇི་འདྲེ་བྱེད་པ་ནི་ལག་ན་ཡོད་པའི་ཡིད་བཞིན་གྱི་ནོར་བུ་མི་གཙང་བའི་དོང་དུ་འཕང་བའམ། གསེར་ལས་དཀོན་པའི་ཙན་དན་ས་མཆོག་ཐལ་བར་བྱས་པ་དང་འདྲ་བས། རང་གིས་རང་བསླུ་ཚུལ་དང་གྱོང་དེ་ལས་ཆེ་བ་མེད། ཁྱིམ་པ་རྣམས་ཀྱིས་ཀྱང་ངེད་ཚོ་ལ་ཁྱད་ཅི་ཡོད་ཅེས་བརྙས་ཤིང། དེའི་ཤན་གྱིས་རབ་བྱུང་སྤྱི་ལའང་མི་གུས་པར་འགྲོ་བས་དེ་དག་གི་བསོད་ནམས་འཛད་ཅིང་བསྟན་པའི་ཞབས་འདྲེན་དུ་འགྲོ་སྟེ་འདི་འདྲ་བ་ནི་རང་གཞན་གཉི་ག་ཕུང་བར་བྱེད་པས། འདུལ་བའི་སྡེ་སྣོད་ལས་ཁྱིམ་སུན་འབྱིན་པ་ཞེས་ཤིན་ཏུ་སྨད་དོ། །དེར་མ་ཟད་བག་མེད་ཀྱི་ཆ་ལུགས་སྣ་ཚོགས་བྱས་ན་ཆོས་སྲུང་དང་དཀར་ཕྱོགས་སྐྱོང་བ་མཐའ་དག་མི་དགྱེས་པས་རང་རང་ལ་བཀྲ་མི་ཤིས་པ་འབྱུང་བར་མ་ཟད། ཡུལ་ཕྱོགས་སུའང་མཐའ་དམག་གི་གནོད་པ། རྗེ་འབངས་གྱེན་ལོག་སོགས་འཐབ་རྩོད་འཁྲུག་

― GTD007_Page_0767 ―

^{[མ་དཔེ་གཟིགས་ན་འདིར་གནོན།]}

[Full Size]

ལོང་དང། འགོ་བའི་ནད་རིམས། སད་སེར་ཐན་པ་སོགས་སྒོ་ཐམས་ཅད་ནས་མི་འདོད་པ་སྣ་དགུ་འབྱུང་ཚུལ་ཟླ་བ་སྙིང་པོ་སོགས་ཀྱི་མདོ་དང། རྒྱལ་པོ་བཀའ་འབུམ་སོགས་ཚད་ལྡན་དུ་མས་ལུང་བསྟན་འདུག་ཀྱང་། ལུང་ཁུངས་རྣམས་འདིར་མ་དྲངས་ཀྱང་ལྟ་འདོད་ན་དེ་དག་ཏུ་གསལ་བས། དོན་གྱི་སྙིང་པོ་ལོང་བས་གླང་རྔ་བཞིན་དུ་བསྟན་པའི་མཇུག་ཙམ་ཟིན་པའི་དུས་འདིར་དྲན་ཤེས་བཞིན་བསྟེན་ནས་སྒོ་གསུམ་བག་ཡོད་པར་བྱས་ཏེ་རང་གིས་རང་མ་བསླུས་པ་དང་། སངས་རྒྱས་ཀྱི་བསྟན་པ་རིན་པོ་ཆེ་ལོ་ཟླ་རེ་རེ་ཙམ་ཡིན་ཀྱང་གནས་པའི་ཐབས་ལ་ཅི་ནུས་སུ་འབད་དགོས་སོ། །ཞེས་པ་འདི་ནི་དད་ལྡན་དགེ་སློང་འཇམ་དབྱངས་དོན་གྲུབ་ཀྱིས་བསྐུལ་ཞིང། རང་གིས་ཀྱང་འདི་རིགས་དགག་བྱ་ཆེ་བར་མཐོང་སྟེ་ཕན་སེམས་ཀྱི་ཁུལ་དུ། ༸བཙུན་པ་དཀོན་མཆོག་བསྟན་པའི་སྒྲོན་མེས་སྐྱེ་བོ་རྣམས་ལ་འཕྲིན་དུ་གསོལ་བ་ཡིན་ནོ།། ༈ ཀོ་ཏམ་བསྟན་པའི་ཞབས་འདྲེན་ཐ་མ་ཁ། །ཁོ་ཐག་ཆོས་ལ་གཅོད་བྱེད་ཐ་མ་ཁ། །གོ་རིག་དྲན་པ་སླད་བྱེད་ཐ་མ་ཁ། །ངོ་ཚ་ཁྲེལ་འཛེམ་འདོར་བྱེད་ཐ་མ་ཁ། །ཅོ་འདྲི་བསླུ་བྲིད་སྣ་འདྲེན་ཐ་མ་ཁ། །ཆོ་རིགས་བཟང་པོ་སླད་བྱེད་ཐ་མ་ཁ། །ཇོ་བཟང་མིན་པའི་དན་རྟགས་ཐ་མ་ཁ། །ཉོ་ལེ་དགེ་སྦྱོར་འཆག་བྱེད་ཐ་མ་ཁ། །ཏོ་གེར་ཚུན་ཆད་དྲི་མནམ་ཐ་མ་ཁ། །ཐོ་ཅོའི་སྤྱོད་པའི་མཐར་ཟད་ཐ་མ་ཁ། །དོ་གལ་ཅི་ཡང་མེད་བཞིན་འདི་ལ་སྤྱོད། །ནོ་བསམ་ཅི་ཡང་མ་ཐོངས་འདི་ལ་དགའ། །པོ་ཏི་ལྔ་ལ་མཁས་པའང་འདི་ཡིས་བསླད། །ཕོ་རབས་སྙིང་སྟོབས་ཅན་ཡང་འདི་ཡིས་
བསླད། །བོ་བྷི་སྒྲུབ་བརྩོན་འགའ་ཡང་འདི་ཡིས་བསླད། །མོ་བཙུན་གཙང་སྦྲ་ཅན་ཡང་འདི་ཡིས་བསླད། །ཙོ་རས་ཙམ་ཡང་ཚ་གྲང་སྐྱོབ་མི་ནུས། །ཚོ་སྣུམ་ཟས་བཞིན་ལུས་ཟུངས་སྐྱེད་མི་ནུས། །ཛོ་ཀིའི་སྤྱོད་བཞིན་གྲོགས་སུ་འཁྱེར་མི་ནུས། །ཝོ་བརྒྱལ་དོན་མེད་མིག་ཆུ་འཛག་པར་ཟད། །ཞོ་སོགས་ཞིམ་དགུ་བསྟེན་ཀྱང་བྲོ་བ་བསླད། །ཟོ་མདོག་མི་བདེ་གདོན་དང་ནད་རིམས་སློང། །འོ་དོད་བོས་ཀྱང་ལྷ་སྲུང་འཁོར་མི་ནུས། །ཡོ་དོང་གཡང་ས་ལྟ་བུ་འདི་སྤོངས་ཤིག །རོ་ལངས་གདོན་གྱི་སྣ་འདྲེན་འདི་སྤོངས་ཤིག །ལོ་ཐོག་ས་བཅུད་ཉམས་བྱེད་འདི་སྤོངས་ཤིག །ཤོ་དང་ཁྲམ་ལ་འདེབ་བྱེད་འདི་སྤོངས་ཤིག །སོ་དང་སེམས་རྒྱུད་ནག་བྱེད་འདི་སྤོངས་ཤིག །ཧོ་ཧོ་བསམ་ཞིང་བསམ་ཞིང་འགྱོད་དགོས་པ། །ཨཽ་ཏཽ་བླ་མའི་ཙར་ལིག་ཁེ་ཚེའི་ཨང་།།

བླ་མཆོད་ཀྱི་ཆོ་ག་འཇིགས་བྱེད་ཀྱི་རྣལ་འབྱོར་གཙོ་བོར་གྱུར་པའི་སྒོ་ནས་ཉམས་སུ་ལེན་ཚུལ།

― GTD007_Page_0768 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མཆོད་ཀྱི་ཆོ་ག་འཇིགས་བྱེད་ཀྱི་རྣལ་འབྱོར་གཙོ་བོར་གྱུར་པའི་སྒོ་ནས་ཉམས་སུ་ལེན་ཚུལ་བཞུགས་སོ།། དེའང་བླ་མ་མཆོད་པའི་ཆོ་ག་རྡོ་རྗེ་འཇིགས་བྱེད་ཀྱི་རྣལ་འབྱོར་གཙོ་བོར་གྱུར་པའི་སྒོ་ནས་ཉམས་སུ་ལེན་པར་འདོད་པས་ཚོགས་ཞིང་གི་གཙོ་བོ་རྗེ་རིན་པོ་ཆེར་བྱེད་པ་སོགས་གཞུང་གི་དཀྱུས་ལྟར་བྱས་ན་ཤིན་ཏུ་འགྲེལ་ཆེ་སྟེ། སྤྱིར་འཇམ་དཔལ་ཞི་ཁྲོ་མཐའ་དག་ངོ་བོ་གཅིག་ཀྱང། སྒོས་སུ་རྗེ་བླ་མ་ནི་དཔལ་རྡོ་རྗེ་འཇིགས་བྱེད་མིའི་གཟུགས་སུ་ཤར་བའི་ཚུལ་རྗེ་དགེ་འདུན་རྒྱ་མཚོས། མ་རུང་གདུག་པ་འདུལ་མཛད་གཤིན་རྗེའི་གཤེད། །མི་ཡི་གཟུགས་ཀྱི་རྣམ་རོལ་ཙོང་ཁ་པའི། །ཞེས་གསུངས་པ་ལྟར་རོ། །དེའི་རྒྱུ་མཚན་ཡང་ཆོས་རྗེ་དོན་གྲུབ་རིན་ཆེན་ལ་མཆིམས་བློ་བཟང་གྲགས་པས་མདོ་སྨད་དུ་སྒྲུབ་པ་ནན་ཏན་བྱས་ན་རྡོ་རྗེ་འཇིགས་བྱེད་དང་

― GTD007_Page_0769 ―

^{[མ་དཔེ་གཟིགས་ན་འདིར་གནོན།]}

[Full Size]

མཇལ་བར་ལུང་བསྟན་པ། དོན་གྲུབ་རིན་ཆེན་རང་ཉིད་ཆུ་དཀར་རི་ཁྲོད་དུ་བཞུགས་པའི་ཚེ་མནལ་ལམ་དུ་རྡོ་རྗེ་འཇིགས་བྱེད་ཀྱིས་སང་ཕོད་ད་ཙམ་ངེད་ལུང་པ་འདིའི་མདར་འོང་རྒྱུ་ཡིན་པས་དེའི་བར་དུ་བདེ་བར་གྱིས་ཞེས་གསུངས་པའི་ཕྱི་ལོ་དུས་ཚོད་དེར་རྗེ་བླ་མ་སྐུ་འཁྲུངས་ཤིང། རྗེ་རང་གིས་མཁས་གྲུབ་ཐམས་ཅད་མཁྱེན་པ་ལ། ངེད་ཀྱི་རྗེས་འཇུག་རྣམས་ཡི་དམ་རྡོ་རྗེ་འཇིགས་བྱེད་ལ་བྱས་ན་རྟེན་འབྲེལ་གྱི་སྒོ་ཞིག་ཡོད་པ་ཡིན་གསུངས་པའི་དགོངས་པའང་དེ་ཡིན་ནོ། །རྗེ་འདི་ཉིད་རྡོ་རྗེ་འཇིགས་བྱེད་དངོས་ཡིན་པའི་རྒྱུ་མཚན་གྱིས་རྗེའི་བསྟན་པ་འདི་ལའང་རྡོ་རྗེ་འཇིགས་བྱེད་ཀྱིས་ངའི་བསྟན་པ་ཞེས་ཐུན་མོང་མ་ཡིན་པར་བདག་གིར་མཛད་པ་ཡིན་ཏེ། གཏམ་རྒྱུད་ཀྱི་རྟོག་པ་ལས། ལྔ་བརྒྱ་དུས་ཀྱི་ཐ་མ་ལ། །ང་ཡི་བསྟན་པ་བྱུང་བའི་ཚེ། །རྣལ་འབྱོར་དམ་ཚིག་ལྡན་པ་ལ། །བཀའ་བསྒོས་ལས་རྣམས་ཚུལ་བཞིན་གྱིས། །ཞེས་ཆོས་རྒྱལ་ལ་བཀའ་བསྒོས་པ་དང། ཁྲོ་བོ་རྣམ་པར་རྒྱལ་བའི་རྟོག་པ་གསང་བའི་རྒྱུད་ལས་ཀྱང་། ད་ནི་ལྔ་བརྒྱ་ཐ་མའི་ཚེ། །ང་ཡི་བསྟན་པ་འབྱུང་བར་བྱེད། །བསྟན་པ་ཐམས་ཅད་ནུབ་པའི་ཚེ། །ང་ཡི་བསྟན་པ་འབྱུང་བར་བྱེད། །ཅེས་གསུངས་སོ།། འོ་ན་དེའི་ཚོགས་ཞིང་གི་གཙོ་བོ་རྗེ་བླ་མར་བྱས་པ་ཡིན་ན་ཕྱག་སྟབས་ཡོངས་གྲགས་དང་མི་མཐུན་པ་ཅི་ཡིན་སྙམ་ན། དེ་ནི་རྗེ་བླ་མ་ངོ་མཚར་རྨད་བྱུང་བཀོད་པའི་ཞིང་དུ་རྒྱལ་བ་སེང་གེའི་ང་རོར་སངས་རྒྱས་པའི་ཕྱག་སྟབས་སུ་བྱས་པ་སླར་ཞིང་མཆོག་དེ་ཉིད་དུ་སྐྱེས་ནས་བསྟན་པའི་སྙིང་པོ་མཐར་ཐུག་པ་ཟབ་མོ་དབུ་མའི་ལྟ་བ་དང་

― GTD007_Page_0770 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་ཆེན་རྡོ་རྗེ་ཐེག་པ་ཟུང་དུ་འཇུག་པའི་ལམ་བཟང་ཁྱད་པར་ཅན་མངོན་དུ་བྱེད་ནུས་ཀྱི་གདུལ་བྱ་སྐལ་བ་མཆོག་ཏུ་འགྱུར་བའི་རྟེན་འབྲེལ་ཁྱད་པར་ཅན་ཡིན་པར་རྗེ་བཙུན་ཡེ་ཤེས་རྒྱལ་མཚན་དཔལ་བཟང་པོ་དང། སྐྱབས་མགོན་འཇིགས་མེད་དབང་པོ་སོགས་ཞལ་མཐུན་ནོ། །ཆོ་གའི་ཚིག་རིས་ཀྱང་དམིགས་བསལ་རེ་གཉིས་མ་གཏོགས་རང་སོར་བཞག་པ་ལེགས་ཏེ། རྒྱུད་བརྟག་པ་གཉིས་པར། འཆད་པ་པོ་ང་ཆོས་ཀྱང་ང། །རང་གི་ཚོགས་ལྡན་ཉན་པོ་ང་། །གསུངས་པ་བཞིན་དོན་ལ་དབྱེར་མེད་ཀྱང་གདུལ་བྱའི་སྣང་ངོར་མགོན་པོ་འཇམ་པའི་དབྱངས་ཀྱིས་རྗེ་བླ་མ་ལ་ཟབ་རྒྱས་ཀྱི་གདམས་པ་མང་དུ་སྩལ་བའི་སྙིང་པོ་སྤྲུལ་བའི་གླེགས་བམ་ལས་ཇི་ལྟར་འབྱུང་བ་བཞིན་པཎ་ཆེན་ཐམས་ཅད་མཁྱེན་པས་བཀོད་པ་ཡིན་པས་སྒོ་མཐའ་དག་ནས་རྟེན་འབྲེལ་གྱི་གནད་གཅིག་ཏུ་འབབ་པས་དགོས་པ་ཤིན་ཏུ་ཆེའོ། །དེས་ན་སྐད་ཅིག་དཀྲོང་སྐྱེད། སྣོད་བཅུད་དང་མཆོད་རྫས་བྱིན་གྱིས་བརླབ་པ། བདེ་སྟོང་དབྱེར་མེད་ཅེས་སོགས་ཀྱིས་ཚོགས་ཞིང་གསལ་འདེབས་པའི་བར་དཀྱུས་བཞིན་བྱས་ལ། པཎ་ཞྭས་དབུ་ལ་མཛེས། ཞེས་པའི་འཕྲོར་ཐུགས་ཀར་འཇིགས་བྱེད་སྐྱེད་ཚུལ་ཞིག་བླ་མཆོད་ཀྱི་ཁྲིད་ཡིག་ཆེན་མོར་གསུངས་པ་བཞིན་བྱས་ཀྱང་ཆོག་མོད། ལྷ་བཅུ་གསུམ་ཚང་བར་བྱེད་ན། ཕུང་པོ་རྣམ་དག་བདེ་གཤེགས་ལྔ། །ཞེས་སོགས་ཀྱང་འདིའི་ལུགས་ལྟར་གྱིས་འཐུས་པར་བྱས་ཆོག་སྟེ། སྤྱིར་བླ་མའི་སྐུ་ལ་སྐྱབས་གནས་ཐམས་ཅད་འདུས་པར་བསམ་དགོས་ཤིང། མེད་དུ་མི་རུང་བ་ནི། གཤེགས་པ་དང་གཤེགས་མ། སེམས་

― GTD007_Page_0771 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའ་དང་སེམས་མ། ཁྲོ་བོ་དང་ཁྲོ་མོ་སྟེ་རིགས་འདི་གསུམ་གའི་གནད་མ་ཚང་ན་དཀྱིལ་འཁོར་གྱི་འཁོར་ལོའི་བདག་པོར་མཐོང་བ་དང། དབང་བསྐུར་བ་སོགས་གནད་ཚང་བ་ཞིག་མི་འབྱུང་བས། ས་སྐྱ་པ་རྣམས་བླ་མ་ལ་གདན་གསུམ་ཚང་བ་ཞེས་ཟེར་བ་དང། བཀའ་གདམས་པ་རྣམས་ལྷ་བཞིར་བྱེད་པའི་རྒྱུ་མཚན་ཡང་དེ་ཡིན་ནོ།། དེས་ན་སྔ་མའི་ཚིག་མཚམས་ནས་འདི་ལྟར་བྱ་སྟེ། སྐྱིལ་ཀྲུང་གིས་བཞུགས་ཐུགས་ཀར་རྣམ་ཤེས་རྣམ་དག་གཤིན་རྗེའི་གཤེད། །སྐུ་མདོག་མཐིང་ནག་ཞལ་དགུ་ཕྱག་ནི་སོ་བཞི་བཅུ་དྲུག་ཞབས་ལྡན་ཞིང། །རྡོ་རྗེ་རོ་ལངས་མ་དང་མཉམ་སྦྱོར་ཆོས་དབྱིངས་ཡེ་ཤེས་ངོ་བོ་ཉིད། །སྤྱི་བོ་ལྟེ་བ་མགྲིན་དང་གསང་བར་མེ་ལོང་ཡེ་ཤེས་སོགས་ཀྱི་དངོས། །ཕུང་པོ་གཞན་བཞི་རྣམ་དག་གཏི་མུག་གཤིན་རྗེའི་གཤེད་སོགས་གཤེགས་པ་བཞ། །ལྟེ་བ་སྙིང་མགྲིན་དཔྲལ་བར་ཁམས་བཞི་དག་པའི་ཚད་མེད་ཡུམ་ཆེན་བཞ། །ཕྱག་ཞབས་མཐིལ་ལ་བདུད་བཞི་འཇོམས་མཛད་སྟོབས་ཆེན་ཁྲོ་བོ་སྒོ་སྲུང་བཞ། །ཡུལ་དབང་སྐྱེ་མཆེད་སེམས་དཔའ་སེམས་མའི་བདག་ཉིད་བདེ་སྐྱོང་རྣམ་པར་བཅས། །མཐའ་སྐོར་རིམ་བཞིན་དངོས་བརྒྱུད་བླ་མ་ཞེས་སོགས་མན་ཆད་ཀྱང་དཀྱུས་ལྟར་ལ། སྐྱབས་མགོན་དམ་པའི་ཞབས་ལ་ཕྱག་འཚལ་ལོ། །ཞེས་པའི་འཕྲོར། ཆེར་སྙིགས་དུས་མཐའི་འགྲོ་ལ་བརྩེར་དགོངས་ནས། །ཁམས་གསུམ་ཟ་བྱེད་ཁྲོ་བོའི་རྒྱལ་པོ་དང། །གསུམ་ལྡན་རྡོ་རྗེ་འཛིན་པའི་རྣམ་རོལ་པ། །བླ་མ་གཤིན་རྗེ་གཤེད་ལ་ཕྱག་འཚལ་ལོ། །ཞི་བའི་ཚུལ་གྱིས་བློ་གྲོས་མཆོག་སྟེར་ཞིང། །ཁྲོ་བོའི་

― GTD007_Page_0772 ―

^{[མ་དཔེ་གཟིགས་ན་འདིར་གནོན།]}

[Full Size]

གར་གྱིས་གནོད་བྱེད་གདོན་བགེགས་འཇོམས། །འགལ་རྐྱེན་སེལ་ཞིང་མཐུན་རྐྱེན་ཀུན་སྩོལ་བའི། །བླ་མ་གཤིན་རྗེ་གཤེད་ལ་ཕྱག་འཚལ་ལོ། །སྐྱེ་འགྲོའི་སྲོག་འཕྲོག་ལས་ཉོན་རླུང་ཤུགས་བཅས། །ཕྱི་ནང་གསང་བའི་གཤིན་རྗེ་མ་ལུས་པ། །འཇོམས་མཛད་སྲིད་ཞིའི་འཇིགས་སྒྲོལ་དེད་དཔོན་མཆོག །བླ་མ་གཤིན་རྗེ་གཤེད་ལ་ཕྱག་འཚལ་ལོ། །ཉེས་ཀུན་བག་ཆགས་ཞེས་པ་མན་ཆད་གཞུང་བཞིན། བཟླས་པའི་སྐབས་ཐུགས་ཀར་ཧཱུཾ་ཡིག་གི་ཐིག་ལེའི་ནང་དུ་མཾ་ཡིག་གིས་མཚན་པའི་མཐར་འཇིགས་བྱེད་ཀྱི་སྔགས་གསུམ་དང་དམིགས་བརྩེ་མས་བསྐོར་བར་བསམ་སྟེ་བཟླ་བའམ། ཞི་ཁྲོ་སྦྲགས་སྒྲུབ་བྱེད་འདོད་ན་དེའི་ཐུགས་ཀར་འཇམ་དབྱངས་གསལ་བཏབ་སྟེ་ཨ་ར་པ་ཙ་ན་བཟླ་ཚུལ་གཞན་ནས་འབྱུང་བ་ལྟར་བྱ་ལ། རང་རང་གི་ཐུགས་ཀར་ས་བོན་ལ་སྔགས་ཕྲེང་གིས་བསྐོར་བར་བསམས་ནས་འཁོར་རྣམས་ཀྱི་སྔགས་ཀྱང་བཟླས་ན་ལེགས་སོ། །ཡོན་ཏན་འབྱུང་གནས་ཞེས་པ་མན་ཆད་དཀྱུས་ལྟར་བྱའོ། །སྨོན་ལམ་གྱི་མཇུག་གི། ཐོབ་ཕྱིར་བསྔོ། །ཞེས་པའི་འཕྲོར། ཁྱད་པར་བཅོམ་ལྡན་འཇམ་དཔལ་ཞི་ཁྲོ་ཡིས། །ནམ་ཡང་འབྲལ་མེད་དགེ་བའི་བཤེས་མཛད་དེ། །ཟུང་འཇུག་ནོར་བུའི་གླིང་དུ་ཕྱིན་གྱུར་ནས། །འགྲོ་བ་ཀུན་ཀྱང་སྲིད་ལས་སྒྲོལ་བར་ཤོག །ཅེས་སོགས་གཤིན་རྗེའི་གཤེད་ཀྱི་བསྔོ་སྨོན་རྒྱས་བསྡུས་ཅི་རིགས་པས་ཀྱང་མཐའ་བརྒྱན་པར་བྱའོ། །ཞེས་པ་འདི་ནི་ཧལ་ཧ་ཁུ་རེ་ཆེན་མོའི་གྲྭ་རིགས་དགེ་སློང་དཀོན་མཆོག་མཁས་གྲུབ་ཀྱིས་བསྐུལ་ངོར་༸བཙུན་པ་དཀོན་མཆོག་བསྟན་པའི་སྒྲོན་མེས་བྲིས་པའོ།། ༈ རྗེ་བཙུན་

― GTD007_Page_0773 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་རྣམས་ལ་ཕྱག་འཚལ་ལོ། །མཚན་ལྡན་བཤེས་གཉེན་དམ་པ་གུས་བསྟེན་ནས། །དལ་འབྱོར་རྙེད་དཀའ་ཚེ་ལ་ལོང་མེད་དང། །སྤྱི་དང་བྱེ་བྲག་འཁོར་བའི་སྡུག་བསྔལ་གྱིས། །གཏིང་ནས་ཡིད་འབྱུང་སྔོན་འགྲོའི་ཆོས་རྣམས་སྒྲུབ། །རྒྱུ་འབྲས་མན་ངག་བདུན་དང་མཉམ་བརྗེ་ཡིས། །ཐབས་མཆོག་ཀུན་རྫོབ་བྱང་ཆུབ་སེམས་བསྐྱེད་དང། །རྟེན་འབྲེལ་ཟབ་མོའི་དེ་ཉིད་རིག་པ་ཡི། །ཤེས་རབ་དོན་དམ་བྱང་ཆུབ་སེམས་མཆོག་བསྐྱེད། །ཆེར་སྙིགས་དུས་འདིར་ཕྱི་ནང༤་རྐྱེན་ངན་ཚོགས། །སྤྲིན༤་ལྟར་ལྡང་བ་བཅོས་ཀྱིས༤་མི་ལང་བས། །དེ་ཀུན་ཐབས་དང་ཤེས་རབ་སྒྱུ་འཕྲུལ་གྱིས། །བྱང་ཆུབ་སྒྲུབ་པའི་ལམ་གྱི་གྲོགས་སུ་སྒྱུར། །ཉིན་བཞིན་སེམས་གཉིས་སྦྱོང་བའི་འཕེན་པ༡་བཞིན། །གོ༢མས་བྱེད་མཐུན་རྐྱེན་གསོ༣ག་ཅིང་འགལ་རྐྱེན་༤སྦྱོང། །ཀུན་ཀྱང་རྫོགས་བྱ༥ང་རྒྱུ་རུ་བསྔོ་བ་སྟེ། །སྟོབས་ལྔའི་ཉམས་ལེན་མི་ཚེ་ཧྲིལ་གྱིས་སྐྱོངས། །གློ་བུར་རྐྱེན་ངན་གང་གིས་མི་འཕྲོག་པར། །ཅི་བྱས་ང་བདག་གཅེས་འཛིན་གཉེན་པོ་རུ། །འགྲོ་བ་ར༦ང་སེམས་དབང་པོ་ཐུབ་པ་ཡིས། །རྟག་ཏུ་དགའ་སྤྲོའི་གདེང་དང་ལྡན་པར་བྱས། །དངོས་དང་བརྒྱུད་པའི་གཞན་གནོད་བསམ་སྦྱོར་དང་། །བག་མེད་ཐོ་ཅོའི་སྤྱོད་པ་ཀུ༧ན་སྤོང་ཞིང་། །སྡོམ་གསུམ་སྤྱི་དང་ཁྱད་པར་བློ་སྦྱོང་གི །དམ་ཚིག་ཀུན་ལས་འདའ་བ་མེད་པར་བྱ། །རྟག་ཏུ་དྲན་ཤེས་བག་ཡོད་བྱ་ར་ཡིས། །སྒོ་གསུམ་ཉེས་སྤོང་ཅི་བྱས་གཞན་དོན་དང། །བྱང་ཆུབ་རྒྱུ་རུ་འགྱུར་ལ་བསླབ་བྱས་ན། །གཏན་

― GTD007_Page_0774 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་འདུན་མ་བདེ་བླག་འགྲུབ་པར་འགྱུར།། ཅེས་བློ་སྦྱོང་གི་དོན་ཚན་བདུན་ཐོ་ཙམ་དུ་བཀོད་པ་འདི་ནི་ཨུ་རད་དམ་ཆོས་དགའ་སྟོན་གླིང་གི་ཁྲི་པ་ཆོས་ཀྱི་སྤྱན་ལྡན་བློ་བཟང་ཆོས་འཕེལ་གྱིས་བསྐུལ་ངོར། ༸བཙུན་པ་དཀོན་མཆོག་བསྟན་པའི་སྒྲོན་མེས་འཕྲལ་དུ་སྨྲས་པའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགའོ།། །།དགེ་ལེགས་འཕེལ།།

ལེགས་པར་བཤད་པ་ཤིང་གི་བསྟན་བཅོས།

― GTD007_Page_0775 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་པར་བཤད་པ་ཤིང་གི་བསྟན་བཅོས་ལུགས་གཉིས་ཡལ་འདབ་བརྒྱ་ལྡན་ཞེས་བྱ་བ་བཞུགས་སོ།།

― GTD007_Page_0776 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་བདེ་ལེགས་སུ་གྱུར་ཅིག །རིན་ཆེན་སེམས་ཀྱི་རྩ་བ་བརྟན། །རླབས་ཆེན་ཚོགས་གཉིས་ཡལ་ག་རྒྱས། །སྐུ་གསུམ་འབྲས་བཟང་སྙེ་མས་དུད། །སངས་རྒྱས་ལྗོན་པ་དེ་ལ་འདུད། །སྣང་བ་དཔེ་རུ་ཤར་བ་ཡི། །རྣལ་འབྱོར་དེ་ལ་གདམས་ངག་མང། །ནགས་ཀླུང་སྟུག་པོའི་དོ་ར་རུ། །ཤིང་ལོའི་ཕུང་པོ་ཟད་པ་མེད། ༈ །དཔག་བསམ་ཤིང་ལ་བརྟེན་བྱས་ན། །དགོས་འདོད་ཐམས་ཅད་ཆར་དུ་བསྙིལ། །དེ་བཞིན་བཤེས་གཉེན་དམ་པ་ལ། །བརྟེན་ན་ལེགས་ཚོགས་ལྷུན་གྱིས་འགྲུབ། །བཤེས་ལ་མི་གུས་སྐྱེ་བོ་དེས། །གཞུང་བརྒྱ་ཤེས་ཀྱང་དོན་མི་འགྱུར། །ཤིང་སྐམ་ལོ་བརྒྱ་ཆུར་འཕང་ཡང། །ལོ་འདབ་སྐྱེ་བ་སྲིད་ན་མེད། །དད་ལྡན་རང་བཞིན་བཟང་པོ་དེར། །ཚིགས་བཅད་གཅིག་ཙམ་གྱིས་ཀྱང་ཕན། །རྐང་འཐུང་གསར་པའི་མྱུ་གུ་དེ། །ཆུ་ཆར་གཟེགས་མ་ཡིས་ཀྱང་འཕེལ། ༈ །ཚེར་མ་ཅན་དང་དུག་ཤིང་གིས། །མི་དགོས་བཞིན་དུ་ས་འདི་གང། །མི་ཁོམ་ངན་སོང་སྐྱེ་བ་ན། །ས་ཡི་རྡུལ་བཞིན་བགྲང་ལས་འདས། །ཙན་དན་ས་མཆོག་ལྗོན་པ་དེ། །འཇིག་རྟེན་འདི་ན་སྲིད་པ་ཙམ། །དལ་འབྱོར་ཚང་བའི་རྟེན་བཟང་ཡང། །བརྒྱ་ལམ་ཐོབ་པ་མ་བཀག་ཙམ། །དལ་འབྱོར་སྙིང་པོ་མ་བླངས་ན། །དུད་འགྲོའི་རྟེན་དང་གཉིས་སུ་མེད། །ཨ་མྲའི་འབྲས་བུ་མི་སྤྱོད་ན། །ཨེ་རན་ད་དང་ཁྱད་པར་ཅ། ༈ །མདངས་དང་ལོ་འབྲས་མེ་ཏོག་སོགས། །ལྗོན་པ་གཅིག་ཀྱང་དུས་ཀྱི་

― GTD007_Page_0777 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར། །སྐྱེ་རྒ་ན་དང་འཆི་བ་ཡི། །ཟློས་གར་སྐད་ཅིག་སྐད་ཅིག་བསྒྱུར། །རིང་དུ་འབྲེལ་བའི་ཤིང་ལོ་དེ། །ལན་གཅིག་བྲུལ་བ་སླར་མི་འབྱོར། །མཛའ་བ་ཡུན་རིང་འཁོད་འཁོད་ནས། །ནམ་ཞིག་གཏན་དུ་འབྲལ་བར་འགྱུར། ༈ །སྡོང་པོ་གཤགས་གཏུབ་དྲས་པ་ཡིས། །ཤིང་མཁན་མྱུར་དུ་ངལ་བར་འགྱུར། །བསྐལ་པར་དེ་འདྲའི་ལས་བསྒྲུབ་ཀྱང། །དམྱལ་སྲུང་རྣམས་ནི་ངལ་བ་མེད། །ཇི་སྲིད་མི་དགེ་མ་ཟད་པ། །དེ་སྲིད་སྡུག་བསྔལ་འཁོར་མོར་མྱོང། །དུག་གི་ས་བོན་གནས་ཀྱི་བར། །དུག་ལོ་སྐྱེ་བ་ཆོས་ཉིད་ཡིན། ༈ །གང་ཞིག་གསུམ་ལ་སྐྱབས་སོང་བ། །དེ་ལ་སྲིད་ཞིའི་རྒུད་པ་མེད། །ལྗོན་པ་ཆེ་ལ་བསྟེན་པ་དེ། །གཅན་གཟན་གདུག་པས་གཙེ་མི་ནུས། །རྩ་བ་རུལ་བའི་ལྗོན་པ་ལ། །བརྟེན་པར་བྱེད་པ་བླུན་པོའི་རྟགས། །རང་ཡང་འཁོར་བར་བྱིང་བ་ལ། །སྐྱབས་སུ་འཛིན་རྣམས་ཀྱེ་མ་འཁྲུལ། ༈ །དུག་དང་སྨན་གྱི་མྱུ་གུ་ལས། །འབྲས་བུ་འཆོལ་བ་འགར་ཡང་མེད། །དགེ་དང་མི་དགེའི་ལས་ལས་ཀྱང། །འབྲས་བུ་གཞན་འབྱུང་གནས་མ་ཡིན། །ཐོག་མེད་དུས་ནས་བསགས་པའི་ལས། །བསྐལ་པ་བརྒྱར་ཡང་ཆུད་མི་ཟ། །ཏ་ལའི་ཤིང་འབྲས་སྟོང་ཕྲག་ལོར། །སྐམ་ཡང་རླན་དང་འཕྲད་ན་སྐྱེ། །ས་བོན་ཆུང་སྨིན་ནྱ་གྲོ་ཏའ། །ཡལ་འདབ་རྒྱས་པས་རྒྱང་གྲགས་ཁེབས། །ཁམ་གཅིག་ཟས་ཀྱི་སྦྱིན་པས་ཀྱང། །འབྲས་བུ་འཁོར་ལོས་བསྒྱུར་བ་འཐོབ། ༈ །རྣམ་བཀྲ་

― GTD007_Page_0778 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་པའི་འཁོར་ལོ་འདིར། །དོན་ལྡན་སྙིང་པོ་འགའ་མ་མཆིས། །ཆུ་ཤིང་རློན་པའི་སྡོང་པོ་ལ། །རྩེ་རྟིང་ཀུན་ན་སྙིང་པོ་མེད། །ལྗོན་ཤིང་ལོ་བརྒྱར་སྐྱེས་པ་ཡང། །ནམ་ཞིག་ཚེ་ན་འགྱེལ་བར་འགྱུར། །སྲིད་པའི་རྩེ་མོར་ཕྱིན་ནས་ན། །སླར་ཡང་མི་བཟད་ངན་འགྲོར་འགྲོ། ༈ །བུར་ཤིང་ཁུ་བས་རབ་བགོས་ན། །ཏིག་ཏའི་ཁ་བ་སེལ་བར་ནུས། །ལམ་གྱི་བདེན་པ་རབ་གོམས་པས། །སྡུག་བསྔལ་རྩ་བ་ཀུན་འབྱུང་སྤོང། །ཀ་གདུང་ལྕམ་དང་དྲལ་མ་རྣམས། །ཚོགས་པས་ཡིད་འོང་ལྡིང་ཁང་སྟེ། །ལྷག་པའི་བསླབ་པ་གསུམ་ཚོགས་པས། །ཐར་པ་དམ་པའི་ཁང་བཟང་འགྲུབ། ༈ །ཛན་དུའི་ས་བོན་དེའི་ས་བོན། །གཞན་ལས་སྐྱེ་ཕྱིར་ཐོག་མ་མེད། །མཐའ་མེད་འཁོར་བར་སྐྱེས་པ་ན། །ཕ་མར་མ་གྱུར་སུ་ཞིག་ཡོད། །རྟ་གླང་བརྒྱ་ཡི་ཁུར་ལྕི་བ། །ཤིང་རྟ་ཆེན་པོ་གཅིག་གིས་འདྲེན། །ཉན་རང་ཀུན་གྱིས་མ་ལོང་བའི། །ཁུར་ཏེ་རྒྱལ་སྲས་ཕྲག་ན་མཛེས། །ཤིང་གཞན་འབྲས་བུ་བླངས་པས་འཛད། །དཔག་བསམ་ཤིང་འབྲས་ཟད་པ་མེད། །དགེ་བ་གཞན་འབྲས་སྤྱད་པས་འཛད། །བྱང་ཆུབ་སེམས་དགེ་ཕྱིར་ཞིང་འཕེལ། ༈ །ཡོངས་སྨིན་འབྲས་བུས་སྤ་བ་ཡི། །རྐང་འཐུང་དེ་ལ་སྐྱེ་བོ་འདུ། །འཇུངས་མེད་གཏོང་བའི་དཔལ་ཡོན་ཅན། །དེ་ཡིས་སྐྱེ་དགུའི་རེ་བ་བསྐོང་། ༈ །མངོན་པར་མཐོ་དང་ངེས་ལེགས་ཀྱི། །རྩ་བ་ཚུལ་ཁྲིམས་ལས་གཞན་མེད། །ཡལ་འདབ་གཡུར་དུ་ཟ་བ་ཡི། །རྩ་བ་སྡོང་བུ་ཉག་གཅིག་ཡིན། ༈ །ཚེར་མ་ཟུག་པའི་ལན་དུ་སླར། །ཁུ་ཚུར་བརྡེག་པ་བཞད་གད་རྒྱུ། །གནོད་བྱེད་ལ་ཡང་སླར་ཁྲོ་བ། །རང་ཉིད་ཉམས་པའི་རྒྱུ་རུ་ཟད། །རྒྱུ་དུས་བརྩོན་པ་མ་བཏང་

― GTD007_Page_0779 ―

^{[མ་དཔེ་གཟིགས་ན་འདིར་གནོན།]}

[Full Size]

ན། །འབྲས་དུས་ཡོན་ཏན་ཐམས་ཅད་སྐྱེ། །རྩ་བ་རླན་དང་མ་བྲལ་ན། །རྩེ་མོར་ལོ་འབྲས་སྨིན་པར་འགྱུར། ༈ །སྡོང་པོ་རླུང་གིས་ཆེར་བསྐྱོད་ན། །འབྲས་བུ་ས་ལ་འབྲུལ་བ་ལྟར། །བྱིང་རྒོད་གཡེང་བས་རབ་གཡོས་པས། །ཏིང་འཛིན་དམིགས་པ་སྟོར་བར་བྱེད། །བསམ་གཏན་རྣམ་པར་དག་པ་ལས། །མངོན་ཤེས་ལ་སོགས་ཡོན་ཏན་འབྱུང། །སྡོང་བུ་ཉམས་པ་མེད་གྱུར་ན། །མེ་ཏོག་གེ་སར་མགོ་ལྕོག་ལྡེམ། ༈ །ཤིང་གི་རལ་གྲི་གཡུལ་གྱི་ངོར། །འཕྱར་བ་དགྲ་ཡི་དགའ་སྟོན་ཡིན། །ལྟར་སྣང་ཉི་ཚེའི་ལྟ་བ་ཡིས། །སྲིད་རྩ་གཅོད་འདོད་ཀྱི་ཧུད་མཚར། །ཧ་རི་ཙནྡན་བཟང་པོ་ཡིས། །ལུས་ཀྱི་ཚ་གདུང་སེལ་བར་བྱེད། །སྙིང་རྗེའི་བཅུད་ལྡན་ལྟ་བ་ཡིས། །དུག་གསུམ་ནད་བརྒྱ་དྲུངས་ནས་འབྱིན། ༈ །ཤིང་ལས་སྐྱེས་པའི་སྲིན་བུ་ཡིས། །ཤིང་དེ་ཟད་པར་བྱེད་པ་བཞིན། །འདོད་ཆགས་ལས་སྐྱེས་ཡེ་ཤེས་ཀྱིས། །འདོད་ཆགས་ཉེས་པ་ཞི་བར་བྱེད། ༈ །ཤིང་སྐྱ་རླན་གྱིས་ཟིན་པ་ལས། །བཻ་ཌཱུར་མདངས་སུ་འཕོ་བ་ལྟར། །ཐ་མལ་སྣང་བ་འོད་གསལ་གྱིས། །སྦྱང་སྟེ་དག་པའི་ལྷ་སྐུར་ལྡང། ༈ །ཡལ་འདབ་ཡོངས་སུ་རྫོགས་པ་ཡི། །ལྗོན་པའི་གྲིབ་མ་ཀུན་ཏུ་བསིལ། །ཡོན་ཏན་མ་ལུས་རྫོགས་པ་ཡི། །རྒྱལ་བ་སྐྱེ་དགུའི་མགོན་དུ་གྱུར། ༈ །དེ་ལྟར་ཤིང་གི་བསྟན་ཆོས་ལས། །ཆོས་ཀྱི་ལམ་བསྟན་སརྒ་སྟེ། ༈ །ད་ནི་འཇིག་རྟེན་ཚུལ་ལུགས་འགའ། །བཤད་དོ་རྣ་བ་བརླག་སྟེ་ཉོན། ༈ །ཆོས་ལྡན་རྒྱལ་པོའི་གཟི་བྱིན་གྱིས། །དགྲ་སྡེ་རྣམས་ཀྱང་དབང་དུ་འདུ། །མ་ལ་ཡར་སྐྱེས་དྲི་བསུང་དེ། །བུང་བ་འགུག་པའི་ཕོ་ཉ་ཡིན། །

― GTD007_Page_0780 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་ངན་ཆབ་འབངས་གཟིར་བ་དེར། །ནམ་ཞིག་གཡོག་ཀྱང་འཁོར་མི་འགྱུར། །སྲན་ཕུང་དབྱུག་པས་གཏོར་ན་ཡང། །དབྱུག་པའི་ངོས་ལ་འབྱར་མི་སྲིད། །བློན་དང་འབངས་ཀྱིས་མ་བཀུར་ན། །རྒྱལ་པོ་ཆེན་པོ་ཇི་ལྟར་གནས། །གདུང་མ་ཀ་བས་མ་བཏེག་ན། །རྒྱལ་པོའི་ཕོ་བྲང་གང་ལས་འབྱུང། །རྗེ་དཔོན་བཟང་པོའི་བཀའ་དྲིན་གྱིས། །གཡོག་འཁོར་མངའ་ཐང་དར་བར་འགྱུར། །ལྗོན་པ་ཆེ་ལ་བརྟེན་པ་ཡི། །འཁྲི་ཤིང་རྩེ་མོ་དགུང་ལ་བསྙེགས། །ཚེར་མའི་ཤིང་ལ་བརྟེན་བྱས་ན། །གནད་དུ་ཟུག་པའི་སྡུག་བསྔལ་སྐྱེ། །སྐྱེ་བོ་ངན་ལ་བརྟེན་བྱས་ཀྱང། །ཕྱི་ཕྱིར་སྡུག་བསྔལ་འབའ་ཞིག་བསྐྱེད། །ཆབ་འབངས་བདེ་སྐྱིད་རྒྱས་པ་དེ། །རྗེ་དཔོན་ཉིད་ཀྱི་ཆེ་བའི་རྟགས། །རབ་རྒྱས་ཡལ་གའི་ཁྱོན་ཡངས་པ། །སྡོང་པོ་རྩ་བའི་མཛེས་རྒྱན་ཡིན། །གཡོག་འཁོར་རྒུད་པའི་སྡེ་དཔོན་དེ། །རང་ཉིད་འབྱོར་ཡང་ངོ་ཚའི་རྒྱུ། །སྡོང་པོ་ཅི་ཙམ་སྦོམ་ན་ཡང། །ཡལ་འདབ་མེད་ན་གཅེར་བུ་ཡིན། །སྡོང་རུལ་རྩ་བར་གནས་པའི་མ། །ཉིན་མཚན་ཀུན་ཏུ་བག་ཕེབས་བྲལ། །གཙོ་བོ་ངན་པའི་གཡོག་འཁོར་ཡང། །རྟག་ཏུ་སེམས་ཁྲལ་གདུང་བས་གཟིར། །དཔོན་ངན་གཡོག་འཁོར་འབྲོས་ན་ཡང། །སྡེ་དཔོན་བཟང་པོས་བསྐྲད་ཀྱང་འདུ། །ཚེར་ཤིང་འབོར་བའི་བྷྲ་མ་ར། །ཙུ་ཏའི་ཤིང་ལས་བསྐྲད་ཀྱང་འཁོར། །རྗེ་དཔོན་གསར་ཚེ་བྱམས་བྱེད་ཀྱང། །ཕྱི་ནས་བསྒྲུབ་དཀའི་དཔྱ་ཁྲལ་འབེབ། །ཤིང་ལ་ཆར་སྐྱོབས་བྱེད་མོད་ཀྱང། །རྗེས་སུ་ཐིགས་ཕྲེང་ལྕི་བར་འབབ། །ལྗོན་པའི་གྲིབ་བསིལ་ཀུན་ལ་སྙོམས། །ཉི་ཟླའི་སྣང་བ་ཀུན་ལ་སྙོམས། །སྤྲིན་གྱི་ཆུ་ཆར་ཀུན་

― GTD007_Page_0781 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སྙོམས། །རྒྱལ་པོའི་བཀའ་ཁྲིམས་ཀུན་ལ་སྙོམས། །གཙོ་བོ་བཟང་ཡང་འཁོར་ངན་ན། །དེ་ཡི་དྲུང་དུ་བསྙེན་པར་དཀའ། །གདུག་པའི་སྦྲུལ་གྱིས་དཀྲིས་པ་ཡི། །ཙནྡན་ལྗོན་པ་སུ་ཡིས་བསྟེན། ༈ །ཕྱི་ནང་སྨིན་དང་མ་སྨིན་པའ། །ཨ་མྲའི་འབྲས་བུ་རིགས་བཞིར་གསུངས། །མི་ཡང་སེམས་དང་སྤྱོད་པ་གཉིས། །དག་དང་མ་དག་དབྱེ་བ་མང། ༈ །མཁས་པ་ཡོན་ཏན་ཀུན་ལྡན་དེ། །རློམ་སེམས་མེད་པར་ཞི་ཞིང་དུལ། །སྙེ་མའི་ཁུར་གྱིས་བརྗིད་པ་ཡི། །ལྗོན་ཤིང་རྩེ་མོ་དུད་དེ་གནས། །ཡོན་ཏན་མེད་པའི་སྐྱེ་བོ་དེ། །ང་རྒྱལ་མགོ་འཕང་ཅི་ལས་མཐོ། །འབྲས་བུའི་བཅུད་ཀྱིས་མ་བཟུང་བའི། །ལྗོན་པ་རེངས་པ་ཆོས་ཉིད་ཡིན། །ལྷན་སྐྱེས་ཡོན་ཏན་མེད་གྱུར་ན། །ཕྱི་ཚུལ་བཅོས་པས་ཅི་ལ་ཕན། །ཡལ་འདབ་མེད་པའི་ཤིང་སྐམ་དེར། །ཅོད་པན་བཏགས་ཀྱང་ག་ལ་མཛེས། །བསླབ་སྦྱང་དུས་ན་གཡེལ་བ་དེས། །མཁས་འདོད་རེ་བ་འབྲས་མེད་ཡིན། །མེ་ཏོག་སད་ཀྱིས་ཁྱེར་བ་ཡི། །ཤིང་ལ་འབྲས་བུའི་རེ་བ་མེད། །བློ་གྲོས་རྩལ་དང་མི་ལྡན་ན། །གོ་ས་མཐོ་ཡང་ཁྲེལ་བའི་གཞ། །ཤིང་ལས་བྱས་པའི་སེངྒེ་དེ། །འཇིགས་འཇིགས་འདྲ་ཡང་སྙིང་པོ་མེད། །དྲི་ཞིམ་བསུང་དང་མི་ལྡན་ན། །ཙནྡན་ཡིན་ཞེས་སྨྲས་ཀྱང་རྫུན། །དམ་པའི་ཚུལ་དང་མི་མཐུན་ན། །དམ་པར་ཁས་འཆེ་དོན་དང་བྲལ། །དམན་པ་རྒྱལ་སར་བཏོན་ན་ཡང། །མ་རབས་སྤྱོད་པའི་རྗེས་སུ་འཇུག །ཆུ་ཤིང་གྱེན་དུ་སྐྱེས་ན་ཡང། །འདབ་མ་ཐུར་དུ་འཕྱང་བར་འགྱུར། །ཨ་གར་དུམ་བུ་བརྒྱར་གཏུབས་ཀྱང། །ལྷན་སྐྱེས་དྲི་བཟང་མི་གཏོང་ལྟར། །དམ་པ་ཅི་ཙམ་

― GTD007_Page_0782 ―

^{[མ་དཔེ་གཟིགས་ན་འདིར་གནོན།]}

[Full Size]

རྒུད་ན་ཡང། །བཟང་པོའི་རང་བཞིན་ག་ལ་འདོར། །ཤུག་པའི་ལོ་མ་མེར་བཅུག་ན། །ལྷག་པར་དྲི་བཟང་རྒྱས་པ་བཞིན། །དམ་པ་རྣམས་ལ་གནོད་བྱས་པས། །ཕྱིར་ཞིང་དེ་ཡི་ཆེ་བ་འདོན། །དམ་པ་དབེན་པར་གནས་ན་ཡང། །གྲགས་སྙན་ལྷ་ཡིས་སྒྲོག་པར་བྱེད། །ལྷོ་ཡི་རི་ལས་སྐྱེས་པ་ཡི། །ཙནྡན་དྲི་བསུང་རླུང་གིས་འགྱེད། །འཁྱོག་པའི་ཤིང་དེ་བསྲང་ན་ཡང། །རླན་དང་འཕྲད་ཚེ་ཡ་ཡོར་འགྱུར། །རང་བཞིན་ངན་པ་བཅོས་ན་ཡང། །རྐྱེན་དང་འཕྲད་ཚེ་རང་མཚང་སྟོན། །ཀླད་ཆུང་རང་བཞིན་ངན་པ་ལ། །ཡོན་ཏན་ཡོད་ཀྱང་ཕན་མི་ཐོགས། །རྩ་བ་དུག་ཏུ་གནས་པ་ཡི། །མེ་ཏོག་མཛེས་ཀྱང་སུ་ལ་མཁོ། །ཙནྡན་ཤུག་པའི་ཀ་བ་གཉིས། །གདུང་མ་འདེགས་པའི་ནུས་པ་མཚུངས། །སྙིང་སྟོབས་ལྡན་ན་དབུལ་ཕྱུག་གཉིས། །བྱ་བ་བྱེད་པའི་དུས་སུ་འདྲ། །ལོངས་སྤྱོད་མངའ་ཐང་མཉམ་ན་ཡང། །བཟང་ངན་ལས་ལ་སྦྱར་ན་ཤེས། །ཕྲ་སྦོམ་མཉམ་ཡང་ཆུར་ལ་འདོན། །ཤིང་གི་མགོ་མཇུག་ཤེས་པར་ནུས། །མཁས་པའི་སྐྱེ་བོ་ཡུལ་གཞན་དུ། །བྲིན་ཞིང་ཀུན་གྱིས་བཀུར་བར་འགྱུར། །ནགས་སུ་སྐྱེས་པའི་ཤིང་གིས་ན། །གཞན་དུ་ཤིང་གི་བྱ་བ་བྱེད། །ཤིང་བལ་རླུང་གིས་བདས་པ་དེ། །རི་རྩེར་མི་སྡོད་གཤོང་དུ་ཆགས། །བློ་ཆུང་ཕྱོགས་མཐར་འཁྱམས་འཁྱམས་ནས། །མཐའ་མར་རྒུད་པའི་གནས་སུ་ལྟུང་། །སྐྱོན་གྱིས་གོས་པ་ཆེས་སླ་སྟེ། །ཡོན་ཏན་སློབ་པ་དེ་ལྟ་མིན། །ཤིང་ལ་མེ་ལྕེ་མཆེད་སླ་ཡང། །ཆུ་བོ་སོ་སོར་འགྱེད་པར་དཀའ། ༈ །མ་རབས་སྐྱེ་བོ་གཉིས་འགྲོགས་ན། །ཕུགས་སུ་རང་གཞན་གཉིས་ཀ་འཕོངས། །གཙུབ་ཤིང་ཟུང་དུ་བརྡར་བ་ཡིས། །མཇུག་ཏུ་

― GTD007_Page_0783 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀ་སྲེག་པར་བྱེད། །ཕུན་སུམ་ཚོགས་པའི་ལྗོན་པ་ཡང། །ཆུ་དང་འགྲོགས་ན་རྩ་བ་འབྱིན། །ཡ་རབས་ཡོན་ཏན་ལྡན་པ་ཡང། །གྲོགས་པོ་ངན་པས་ཉམས་པར་བྱེད། །འབྲས་ལྡན་ཤིང་གཉིས་སྦྱར་བ་ལས། །འབྲས་བུ་ཕུང་གསུམ་འབྱུང་བ་ལྟར། །བློ་དང་ལྡན་པ་གཉིས་འགྲོགས་ན། །སྔོན་མེད་ལེགས་པའི་བློ་གྲོས་སྐྱེ། །ལྗོན་པའི་གྲིབ་བསིལ་བསྟེན་པ་ཡི། །གླང་པོས་ཤིང་གི་རྩ་བ་འབྱིན། །གཡོག་འཁོར་ངན་པ་བསྟེན་པ་ཡིས། །ལེགས་བྱས་རྩ་བ་ཉམས་པར་བྱེད། །ཤིང་སྡོང་གཙུག་གིས་བཀུར་བ་ཡིས། །འདབ་ཆགས་འགྲོ་ཚེ་བྱ་ཐལ་གཏོང། །ཟླ་གྲོགས་ངན་པ་བརྟེན་ན་ཡང། །ནམ་ཞིག་རྗེས་ངན་བཞག་ནས་འགྲོ། །ངན་པར་ཅི་ཙམ་ཕན་བཏགས་ཀྱང། །ལན་དུ་ཕན་པའི་རེ་བ་མེད། །ཤིང་གིས་རྟག་ཏུ་མེ་གསོས་ཀྱང། །མེ་ཡིས་དེ་ཉིད་ཐལ་བར་བྱེད། །བློ་དང་མཐུ་ལྡན་རེ་རེས་ཀྱང། །མཆོག་དམན་ཀུན་གྱིས་དགོས་པ་བསྒྲུབ། །འོད་མའི་གནམ་རུ་གཅིག་གིས་ཀྱང། །ཉག་ཕྲན་སྟོང་གི་བྱ་བ་བྱེད། ༈ །ལོངས་སྤྱོད་དཔལ་དང་མི་ལྡན་ན། །རིགས་རུས་མཐོ་ཡང་དགོས་པ་ཆུང། །དགོས་པའི་གྲིབ་བསིལ་མེད་གྱུར་ཚེ། །རྩེ་མོ་མཐོ་བས་ཅི་ལ་ཕན། །རྩ་བ་བསོད་ནམས་མེད་གྱུར་ན། །བསགས་པས་དབུལ་བ་མི་སེལ་དེ། །སྡོང་པོ་བརླན་དང་བྲལ་བ་ལ། །ཡལ་གར་ཆུ་བོས་བྱུག་ཀྱང་ཅ། །བུན་དང་སྐྱེད་ཀྱིས་ནོར་སྤེལ་བར། །འདོད་ཀྱང་རྩ་བ་སྟོར་བ་མང། །ཤིང་སྐྱེས་བཅད་ནས་ས་གཞན་དུ། །བཙུགས་པ་ཕལ་ཆེར་སྐམ་པར་འགྱུར། །གཡང་ས་མཐོན་པོར་སྐྱེས་པ་ཡི། །ས་ཧ་ཀ་རའི་འབྲས་བུ་

― GTD007_Page_0784 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན། །རང་གཞན་གང་ལའང་མི་ཕན་པའ། །ལོངས་སྤྱོད་ཆེ་དེ་ལྦ་བ་ཡིན། །ལོངས་སྤྱོད་སྤེལ་བར་འདོད་པ་ཡིས། །ཆ་ཤས་གཏོང་བ་མན་ངག་སྟེ། །ལྗོན་ཤིང་ཡལ་ག་རྒྱས་འདོད་ན། །རྩེ་མོ་འབྲེག་པ་ཐབས་སུ་བཟང། །དམན་པས་བསགས་ཀྱང་མི་འགྲུབ་ལ། །བསོད་ནམས་ལྡན་པས་བཏང་ཡང་འབྱོར། །བརླན་སར་བཅད་ཀྱང་སྐྱེ་བའི་ཤིང། །སྐམ་སར་བཙུགས་ཀྱང་ག་ལ་སྐྱེ། །ལམ་ཁའི་ཤིང་གི་འབྲས་བུ་དེ། །བྱིས་པའི་རྡོ་ཆར་འབེབས་པའི་རྒྱུ། །བདག་པོ་ངན་པའི་ལོངས་སྤྱོད་ཀྱང། །ཕལ་ཆེར་དགྲ་ཡི་གཡབ་མོ་ཡིན། །བསོད་ནམས་དམན་པའི་སྐྱེས་བུ་དེར། །དཔལ་འབྱོར་བྱུང་ན་སྲོག་ཀྱང་བརླག །སྨྱིག་མའི་ཤིང་གི་རྩེ་མོ་ལ། །འབྲས་བུ་ཆགས་པ་ཉམས་པའི་ལྟས། །བུར་ཤིང་གཅོད་པ་རོ་ཡི་ཕྱིར། །ཝ་སྐྱེས་གསོད་པ་པགས་པའི་སླད། །དོན་མཐུན་འཛོམས་པ་ནོར་གྱི་དོན། །རྒྱལ་པོར་རྒོལ་བ་འབངས་ཀྱི་ཆེད། ༈ །ཤིང་ལ་ཐོག་མར་ཐིག་འདེབས་ཀྱི། །དྲས་ཤིང་གཏུབས་ནས་བསྒྱུར་དུ་མེད། །བྱ་བའི་ཐོག་མར་བསམ་དགོས་ཀྱི། །རྗེས་ནས་གྱོད་བརྡལ་བླུན་པོའི་རྟགས། །སྟབས་ལེགས་ཙམ་གྱིས་དོན་གྲུབ་ཀྱང། །བློ་དང་ལྡན་པར་སུ་ཞིག་རློམ། །ལོ་མ་འཁུམ་ནས་ཉལ་བས་ཤིང། །སེམས་ལྡན་བསྒྲུབ་པ་མུ་སྟེགས་ལུགས། ༈ །སྲང་མདོར་ལོ་འདབ་ཉལ་ཉིལ་དུ། །གནས་པས་ཤིང་དེ་ཀུན་གྱིས་བརྫ། །དོན་མེད་འཆོལ་བའི་གཏམ་མང་བའི། །མི་དེ་ཀུན་ལ་ངོ་ཐང་ཆུང། །མི་ངན་བྱས་པ་ཆུང་ན་ཡང། །དྲིན་ཆེའི་ཡུས་ཀྱིས་རྣ་བ་འགེམས། །བུད་ཤིང་རློན་པ་མེ་ཆུང་ཡང། །དུད་པ་ནག་པོས་ཚང་མང་འགེངས། །ཤིང་ལ་ལན་ཅིག་

― GTD007_Page_0785 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྲུལ་གནས་དེ། །ཕྱིས་ཀྱང་མཐོང་ཚེ་འཇིགས་པ་ལྟར། །རྐུ་དང་རྫུན་ལ་གཅིག་ཞུགས་པའ། །མི་དེར་རྟག་ཏུ་དོགས་པ་སྐྱེ། ༈ །ཚེར་མ་རྣོ་ཡང་བྲག་རི་ལ། །བསྣུན་ན་རྩེ་མོ་འཇིལ་བར་བྱེད། །སྐྱེས་བུ་དམ་པར་ཕྲག་དོག་གིས། །སྨོད་པ་རང་གི་དམའ་འབེབས་ཡིན། །གནས་མིན་ལ་ཡང་དུལ་ཆེས་ན། །སྙིགས་མའི་དུས་འདིར་ཀུན་གྱིས་བརྙས། །ཤིང་བལ་འཇམ་མོ་འཇམ་མོ་ཞེས། །ཀུན་གྱི་གདན་དུ་མི་བྱེད་དམ། །ཤིང་སྐྱེས་དྲང་པོ་མཛེས་ན་ཡང། །སྒ་ཤིང་འཁྱོག་པོ་ཅི་ལས་བཟང། །རང་བཞིན་དྲང་ན་བཟང་མོད་ཀྱང། །རེས་འགའ་ལྡེམ་པོ་རྒྱལ་བས་གསུངས། །མདེ་འུ་མེད་པའི་མདའ་འཕེན་པ། །དགྲ་བོ་སྤྱན་འདྲེན་ཕོ་ཉ་ཡིན། །དགྲ་བོ་འཇོམས་པའི་མཐུ་མེད་ན། །དོན་མེད་དཔའ་སྐད་ཅི་ལ་སྨྲ། །གཉེན་ལ་ཧ་ཅང་བྱམས་པ་ཡང། །འཁོན་གྱི་རྒྱུ་རུ་འགྲོ་བ་མང། །བུར་ཤིང་མངར་པོ་སྤྱོད་ཆེས་ན། །མ་ཞུས་སྒྲེགས་པ་སྐྱུར་མོ་འབྱུང། །ཤིང་དགྲ་སྟ་རེ་ཡིན་མོད་ཀྱང། །དེ་ཡི་ཡུ་བ་ཤིང་གིས་བྱེད། །དགྲ་ཡིས་བརྩམས་པའི་ཕུང་ཁྲོལ་ཀྱང། །ཕལ་ཆེར་རྩ་བ་གཉེན་གྱིས་བྱས། །སྡོང་པོ་གཅོད་པའི་ཐབས་ཉེས་ན། །རང་གི་སྟེང་དུ་ལྟུང་བར་འགྱུར། །དགྲ་ལ་ཧ་ཅང་སྡང་བ་ཡང། །རང་གི་གཤེད་དུ་འགྲོ་བ་མང་། ༈ །ཤིང་སྐམ་དགུག་པར་མི་ནུས་དེ། །རླན་གྱིས་བགོས་ན་ལས་སུ་རུང། །དགྲ་བོ་མི་བསྲུན་སེམས་ལྡན་ཡང། །ཐབས་ལ་མཁས་ན་འདུལ་བར་ནུས། །ཉི་ཟླས་མི་ཕྱེད་མྱ་ངན་མེད། །ན་ཆུང་རྐང་གདུབ་རེག་པས་འབྱེད། །ལེགས་པར་བཤད་ཀྱང་མི་གོ་བའི། །མ་རབས་ལ་ལ་སྨད་པས་ཐུལ། ༈ །ནགས་ན་གནས་

― GTD007_Page_0786 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཁང་བཟང་དང། །དེར་གནས་སྐྱེད་མོའི་ཚལ་ལ་དགའ། །འཚོ་བས་དབུལ་བ་རབ་བྱུང་དང། །རྒྱག་པས་མྱོས་པ་ཁྱིམ་ལ་ཕྱོགས། །ནགས་དེར་སྐྱེས་པའི་སྤྲེ་འུ་ཡང། །འབྲས་བུ་ཟད་ན་གཞན་དུ་འགྲོ། །རྒུད་ཚེ་སྙིང་དུ་སྡུག་པ་ཡི། །བུ་ཡང་གཞན་གྱི་ཕྱོགས་སུ་འབྲོས། །ནགས་ཚལ་ཕུན་སུམ་ཚོགས་པ་དེར། །དོན་མེད་ནམ་མཁའི་བྱ་ཡང་འཁོར། །གང་ན་བདེ་སྐྱིད་འཛོམ་པ་དེས། །མ་བསྡུས་པར་ཡང་སྐྱེ་བོ་འདུ། ༈ །ཤིང་གི་འབྲས་བུ་ལེགས་བསྐྱངས་ན། །ལོ་འདབ་ལ་སོགས་ཞར་ལ་འབྱུང། །དམ་པའི་ཆོས་ལ་བརྩོན་བྱས་ན། །སྲིད་ཀྱི་དཔལ་ཡང་དེ་ཡིས་འགྲུབ། ༈ །དེ་ལྟར་ལུགས་གཉིས་བླང་དོར་ཀུན། །ཤིང་གི་ཁྱད་པར་ཁོ་ན་ཡིས། །མཚོན་བྱེད་གཏམ་གྱི་སྦྱོར་བ་འདི། །སྔོན་མེད་མཁས་པའི་དགའ་སྟོན་ཡིན། །གང་མགྲིན་འོ་མའི་རྒྱ་མཚོ་རུ། །དབྱངས་ལྡན་ངང་མོ་རྣམ་རོལ་པ། །དེ་ཡི་ཁ་ལས་ལེགས་བཤད་ཀྱི། །རྦ་རླབས་འཁྲི་ཤིང་ཅི་ཡང་གཡོ། །གྲགས་སྙན་ནོར་བུའི་ཞགས་པ་ཡིས། །རྒྱ་བོད་འཛིན་མའི་མཐའ་བཅིང་བ། །དཔལ་ལྡན་ས་སྐྱ་པཎྚི་ཏའ། །ལེགས་བཤད་ལམ་ལ་བརྟེན་པ་ཡིན། །དོན་གྱི་སྒོ་ལྕགས་མཁྱིད་གང་ལ། །དཔེ་ཡི་ལྡེ་མིག་ཁྲུ་གང་བ། །དེ་ལྟའི་གཞུང་ཡང་སྣང་མོད་དེ། །མཁས་བླུན་སུ་ཡི་དབང་དུ་བྱས། །ལུགས་གཉིས་བླང་དོར་ཤེས་འདོད་རྣམས། །དཔེ་ཡི་སོར་མོ་ཙམ་མིན་པར། །དོན་གྱི་ཟླ་ཤེལ་ལྟོས་ཤིག་དང། །ངོ་མཚར་རི་དྭགས་མཚན་མ་ཡོད། །འདིར་འབད་ལེགས་བྱས་ནྱ་གྲོ་ཏའ། །ས་བོན་སྨིན་པའི་དགེ་མཚན་གྱི། །ཡལ་ག་ཕྱོགས་བཅུར་རྒྱས་པ་ཡིས། །འགྲོ་བ་ཀུན་གྱི་དོན་བྱེད་ཤོག །

― GTD007_Page_0787 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་ལེགས་པར་བཤད་པ་ཤིང་གི་བསྟན་བཅོས་ལུགས་གཉིས་ཡལ་འདབ་བརྒྱ་ལྡན་ཞེས་བྱ་བ་འདི་ནི་མཐོང་སྣང་སྣ་ཚོགས་ཀྱིས་རྐྱེན་བྱས་ཏེ་བཙུན་པ་དཀོན་མཆོག་བསྟན་པའི་སྒྲོན་མེས་ཚྭ་རྒན་སྨན་ཆུར་ཕྱིན་པའི་ལམ་ཁར་གང་དྲན་སུག་བྲིས་སུ་བགྱིས་པའོ།། །།

ལེགས་པར་བཤད་པ་ཆུའི་བསྟན་བཅོས།

― GTD007_Page_0788 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་པར་བཤད་པ་ཆུའི་བསྟན་བཅོས་ལུགས་གཉིས་རླབས་འཕྲེང་བརྒྱ་ལྡན་ཞེས་བྱ་བ་བཞུགས་སོ།།

― GTD007_Page_0789 ―

^{[མ་དཔེ་གཟིགས་ན་འདིར་གནོན།]}

[Full Size]

མཁྱེན་པའི་གཏིང་མཐའ་མི་མངོན་ཞིང། །ཐུགས་རྗེའི་ཡིད་བཞིན་ནོར་གྱིས་གཏམས། །མཛད་པའི་རླབས་ཕྲེང་གཡོ་བ་ཅན། །ཐུབ་དབང་ཆོས་ཀྱི་རྒྱ་མཚོ་རྒྱལ། །རྙོག་བྲལ་དྭངས་པའི་ཆུ་རྒྱུན་གྱིས། །ལུས་ཅན་གདུང་བ་ཞི་བྱེད་ལྟར། །ལེགས་བཤད་གསར་པའི་བདུད་རྩི་ཡིས། །བློ་ལྡན་སྐྱེ་བོར་དབུགས་དབྱུང་བྱ། །དྲི་བཟང་བསྒོས་པའི་ཆུ་གཙང་དེ། །མཆོད་ཡོན་ཞབས་བསིལ་བསང་གཏོར་སོགས། །གང་དུ་བྱས་ཀྱང་ལེགས་པ་ལྟར། །ལེགས་བཤད་གཏམ་ནི་ཀུན་ལ་མཛེས། །ལུགས་གཉིས་བླང་དོར་ཤེས་པ་ཡི། །གནས་སྐབས་མཐར་ཐུག་དོན་འགྲུབ་སྟེ། །བརྟག་པ་ཀུན་ལ་མཁས་པ་ཡི། །དེད་དཔོན་རྒྱ་མཚོར་ཞུགས་པ་བཞིན། །ཆུ་ཕྲན་བརྒལ་བར་མི་ནུས་དེས། །རྒྱ་མཚོ་རྐྱལ་གྱིས་ག་ལ་ཆོད། །ཡ་རབས་ལུགས་ཀྱང་མི་ཤེས་ན། །ཆོས་ཀྱི་དེ་ཉིད་ཇི་ལྟར་རྟོགས། །གཟུར་གནས་རིག་པར་ལྡན་པ་དེས། །གཞན་གྱི་ཡོན་ཏན་ལེན་པར་བྱེད། །སྤང་ལྗོངས་གཙང་མའི་དལ་འགྲོ་མ། །ལྷུང་ལྷུང་ཟེར་ཞིང་མེ་ཏོག་འཐུ། །ངན་པས་ཕྱོགས་མཐའ་བསྐོར་ན་ཡང། །སྐྱོན་གྱི་རིགས་རྣམས་སྡུད་པར་བྱེད། །ངམ་གྲོག་ས་རལ་ཅན་གྱི་ཆུས། །འདམ་གྱི་སྙིགས་མ་འདྲེན་དང་མཚུངས། །ཡོན་ཏན་དང་པོར་སློབ་དཀའ་ལ། །ཤེས་བཞིན་མེད་ན་ཉམས་པ་སླ། །ཆུ་ཐིགས་བསགས་པས་འགེངས་དཀའ་ཡང། །བོ་ན་ཅིག་ཅར་ཉིད་དུ་འཛད། །དཀའ་སྤྱད་ཁུར་དུ་འཁྱེར་ནུས་

― GTD007_Page_0790 ―

^{[མ་དཔེ་གཟིགས་ན་འདིར་གནོན།]}

[Full Size]

ན། །བྱ་བ་གང་ཡང་དཀའ་བ་མེད། །ཆུ་ཡི་ནང་དུ་ཞུགས་པ་དེར། །ཆར་གྱིས་ལྷག་པར་གནོད་མི་འགྱུར། །རྒྱུན་ཆགས་བརྩོན་པ་མ་བཏང་བར། །བགས་ཀྱིས་བསྒྲུབ་ན་ཅི་ཡང་འགྲུབ། །ཆུ་བོ་དལ་གྱིས་འབབ་པ་ཡིས། །ཡངས་པའི་ས་ཆེན་བསྐོར་ནས་འགྲོ། །བྱ་བ་ཆེན་པོ་ཡུན་གྱིས་སྒྲུབ། །ངང་ཐུང་འབད་པས་མཐར་མི་ཕྱིན། །ཀླུང་ཆེན་དལ་ཡང་རིང་འགྲོ་ལ། །རྦ་རླབས་དྲག་ཀྱང་ཆེར་མི་འགྲོ། །བྱ་བ་ཉམས་ཀྱིས་མི་ལྕོགས་ན། །གཞན་གྱིས་རྦད་ཀྱང་བྱར་མི་རུང། །རྐྱལ་མི་ཤེས་ན་གཞན་དག་གིས། །བསྐུལ་ཡང་ཆུ་ནང་ཅི་ཕྱིར་མཆོང། །ཆུ་བོ་ཐུན་མོང་མཆོད་ཡོན་ཏེ། །ཉི་ཟླ་ཐུན་མོང་སྒྲོན་མེ་གསལ། །དམ་པ་ཐུན་མོང་གཙུག་རྒྱན་དང། །དམ་ཆོས་ཐུན་མོང་བདུད་རྩི་ཡིན། །དར་ཆེན་གྲུ་གཟིངས་རྒྱ་མཚོའི་རྒྱན། །སྤྲིན་བྲལ་ཟླ་བ་ནམ་མཁའི་རྒྱན། །མཁས་པའི་སྐྱེ་བོ་བསྟན་པའི་རྒྱན། །རུ་འདྲེན་དཔའ་བོ་དཔུང་གི་རྒྱན། །ཡ་རབས་མཛངས་སྤྱོད་དཔོན་དང་འབངས། །ཕན་ཚུན་ལེགས་ཚོགས་གོང་དུ་སྤེལ། །རྒྱ་མཚོ་ཆེ་དང་ཆུ་བོ་རྣམས། །རེས་མོས་ཚུལ་གྱིས་གྲོགས་སུ་འགྱུར། །རྗེ་བོ་ངན་དང་གཡོག་ངན་པ། །གཉིས་ཀས་གཉི་ག་རྒུད་བྱེད་དེ། །རྫ་གསར་ནང་དུ་ཆུ་བླུགས་ན། །གཉིས་ཀ་ཆུད་ཟོས་བརླག་པར་འགྱུར། །ཤེས་རློམ་དབང་ཅན་མང་བ་ཡི། །ཡུལ་ཁམས་མདུན་གྲོས་འཇིག་འགྱུར་ཏེ། །གཡས་གཡོན་ཀུན་ནས་ཆུ་འབུར་

― GTD007_Page_0791 ―

^{[མ་དཔེ་གཟིགས་ན་འདིར་གནོན།]}

[Full Size]

བའི། །ས་ལ་མཁར་ཁྱིམ་བརྟན་མི་སྲིད། །རྗེ་འབངས་མཐུན་ན་དགྲ་སྡེ་ཡིས། །ཐུབ་དཀའ་སོ་སོར་གྱེས་ན་མིན། །རྟ་ཡིས་བརྒལ་དཀའི་ཆུ་བོ་ཡང། །མང་དུ་གྱེས་ན་ལུག་ཀྱང་བགྲོད། །ཆོས་ལྡན་རྒྱལ་པོས་ཁྲལ་བསྡུས་ཀྱང། །དེ་ཉིད་ཀྱིས་ནི་འབངས་རྣམས་སྐྱོང། །སྤྲིན་ཆེན་རྒྱ་མཚོའི་ཆུ་དྲངས་ཏེ། །དལ་གྱིས་འབེབས་པས་འཛིན་མ་སྐྱོང། །རྒྱལ་ངན་འབངས་ཀྱི་ཟས་ནོར་ཀུན། །ཕྲོགས་ཀྱང་ད་དུང་ལྟོག་ཅིང་བཀྲེན། །རྒོད་མ་ཁ་ཡིས་རྒྱ་མཚོའི་ཆུ། །འཐུངས་ཀྱིན་རྟག་ཏུ་འབར་དང་མཚུངས། །གཙོ་བོ་ངན་པ་རྟག་བཀུར་ཡང། །གསུག་དང་བྲལ་བ་ཙམ་གྱིས་སྡང། །ཆུ་བོ་ཉིན་ཞག་མང་བསྐོལ་ཀྱང། །མེ་དང་བྲལ་བའི་མོད་ལ་གྲང། །ཁེངས་དྲེགས་གདུག་རྩུབ་ཆེ་བ་ཡི། །དཔོན་ལ་སུ་ཡང་བརྟེན་མི་སྤྲོ། །ཤིན་ཏུ་འཁྲུགས་པའི་རྦ་ཀློང་དུ། །ཉ་ལ་སོགས་ཀྱང་སྡོད་མི་བྱེད། །བརྩེ་ཞིང་ཕན་གདགས་ནུས་པ་དེར། །སྐྱེ་བོ་ཐམས་ཅད་ངང་གིས་འདུ། །ཡིད་བཞིན་གྱི་ནི་རྒྱ་མཚོའི་ངོགས། །འགྲོ་བ་ཀུན་གྱིས་སྟེན་པར་བྱེད། །ཆེ་མཐོ་བསྟེན་པས་དཔལ་འཐོབ་ཀྱང། །དེ་ལས་ལྷག་པའི་འཇིགས་པ་འབྱུང་། །རྒྱ་མཚོ་རིན་ཆེན་འབྱུང་གནས་དེ། །གདུག་ཅན་ན་ཀྲའི་གྲོང་ཡང་ཡིན། །རྒྱུས་མེད་མི་ལ་གསར་འགྲོགས་ཀྱིས། །ཡིད་བརྟན་བྱེད་པ་ཉམས་པའི་རྒྱུ། །རྒྱལ་སྲས་ངང་པའི་སྡེ་དཔོན་ཡང། །མཚོ་གསར་བསྟེན་པས་རྙི་ཡིས་ཟིན། །རྣ་བ་སྲབ་པའི་མཛའ་གཅུགས་དེ། །རིང་མིན་དབྱེན་གྱིས་སོ་སོར་གཏོང། །ཆུ་དང་འོ་མ་རོ་གཅིག་ཏུ། །འདྲེས་པ་ངང་པའི་མཆུ་ཡིས་འབྱེད། །མཁས་པས་བདེན་རྫུན་བརྟགས་ནས་བྱེད། །བླུན་པོ་གྲགས་པའི་རྗེས་སུ་རྒྱུག །ཆུ་ནང་ཅལ་གྱི་སྒྲ་བསྒྲགས་པས། །གཅན་

― GTD007_Page_0792 ―

^{[མ་དཔེ་གཟིགས་ན་འདིར་གནོན།]}

[Full Size]

གཟན་རི་དྭགས་ཕལ་ཆེར་བྲོས། །འགྲོགས་ན་ལེགས་སྤྱོད་འཕེལ་འགྲིབ་ལས། །དགེ་དང་སྡིག་པའི་གྲོགས་འགྱུར་ཏེ། །དྭངས་བསིལ་འདྲ་ཡང་ཕན་གནོད་ལས། །སྨན་གྱི་ཆུ་དང་དུག་ཆུར་འཇོག །སྡིག་གྲོགས་གཡེམ་མའི་འཛུམ་དཀར་ལས། །ཤ་ཚའི་གདུག་རྩུབ་ཁྲོ་གཉེར་བཟང། །ཐན་ཁྱེར་སྤྲིན་གྱི་མདོག་དཀར་ཡང། །ཆུ་ལྡན་སྤྲིན་ནག་ཞིང་པའི་གསོས། །བློ་ལྡན་རང་བཞིན་བཟང་པོ་དེ། །མཆོག་དམན་བར་མ་ཀུན་གྱིས་བསྟེན། །འཇུག་ངོགས་བདེ་བའི་རྫིང་བུ་ལ། །སྐྱེ་བོ་ཐམས་ཅད་དགའ་བཞིན་འཇུག །ཁེངས་དྲེགས་སྤྱོད་པ་རྩིང་བ་ལ། །དོན་མེད་རྣམས་ཀྱང་དགྲ་རུ་ལྡང། །རྒྱག་ཅིང་འཕྱར་བའི་གངྒཱ་མ། །ཛ་ཧཱུ་ཁྲོས་པས་ཧུབ་ཀྱིས་བཏུང། །ཉམ་ཆུང་སྟེང་དུ་དཔའ་ཐལ་ན། །ཉམ་ངའི་གཡང་དུ་ལྟུང་འགྱུར་ཏེ། །ཆུ་ལ་རྐྱལ་གྱིས་དྲེགས་པའི་ཉ། །སྐམ་ལ་ཡར་ན་འཆི་བར་འགྱུར། །རིགས་ངན་ཅུང་ཟད་འབྱོར་ན་ཡང། །རྒྱལ་པོ་ལྟ་བུའི་ཁེངས་དྲེགས་འཛིན། །གཅོང་རོང་དོག་མོའི་ཆུ་ཕྲན་དེ། །འུར་སྒྲ་རྒྱ་མཚོའི་རྦ་ཀློང་འདྲ། །ཡངས་པའི་རྒྱལ་ཁམས་མ་མཐོང་བ། །ས་མཐའི་བླུན་པོ་རང་མཐོང་ཆེ། །ཁྲོན་པའི་ཆུ་ལ་འགྱིང་བ་ཡི། །རུས་སྦལ་རྒྱ་མཚོའི་གཏམ་གྱིས་ཤི །ཐ་ཤལ་རྣམས་ནི་མགུ་སླ་ཞིང། །མགུ་བའི་མོད་ལ་ཁྲེལ་ཡང་སླ། །ཕུ་ཐག་ཐུང་བའི་ཆུ་བྲན་དེ། །བྲུབས་དང་བྲི་བ་ཡུད་ཙམ་ཡིན། །མ་རབས་གཅེས་པར་བསྐྱངས་ན་ཡང། །དྲིན་དུ་མི་ཚོར་འཁྲུག་པར་བྱེད། །བསིལ་བའི་ཆུ་ཡིས་བྲན་ན་ཡང། །རྡོ་ཞུན་ལྷག་པར་ཁོལ་ཞིང་ཚ། །དམ་པ་རྣམས་ལ་གནོད་བྱས་ཀྱང་། །ཁྲོ་མེད་

― GTD007_Page_0793 ―

^{[མ་དཔེ་གཟིགས་ན་འདིར་གནོན།]}

[Full Size]

བཟོད་པས་བདེ་བར་གནས། །བཙོ་ཡི་སྔགས་ཀྱིས་བཏབ་པའི་ཆུ། །ཁོལ་བཞིན་པ་ཡིས་བྲན་ཀྱང་བསིལ། །ཁྲེལ་མེད་རྣམས་ལ་ཕན་བཏགས་ཀྱང། །བྱ་བ་ཟིན་ན་བརྗེད་པར་འགྱུར། །ཆུ་བོའི་ཕ་རོལ་བརྒལ་བ་ན། །གྲུ་གཟིངས་ལྟོས་པ་མེད་པར་འདོར། །མི་ངན་རེ་རེའི་བྱེད་པས་ཀྱང། །ཡུལ་ཁམས་ཆེན་པོ་ཕུང་བར་བྱེད། །དྲང་སྲོང་གདུག་པ་མཆོངས་པ་ཡིས། །སི་ཏ་ཚལ་བརྒྱར་གྱེས་ཞེས་གྲགས། །དམུ་རྒོད་སྐྱེ་བོས་སུན་ཕྱུངས་རྣམས། །དམ་པ་ལ་ཡང་ཡིད་མི་ཆེས། །ཆུ་ཟླས་བསླུས་བྱས་ངང་པ་ཡིས། །ཉིན་མོའང་པད་རྩ་ཟ་མི་བྱེད། །སྐྱེ་བོ་ངན་པ་བཅོས་ན་ཡང། །རྐྱེན་དང་ཕྲད་ཚེ་རང་མཚང་སྟོན། །ཆུ་ཀླུང་འོལ་ཁ་བསྒྱུར་བ་དེ། །བྲུབས་ཚེ་སྔར་གྱི་ལམ་དུ་འགྲོ། །དམ་པ་མཐོ་དམན་འབྱོར་རྒུད་སོགས། །ཅིས་ཀྱང་རང་བཞིན་མི་འགྱུར་ཏེ། །ཆུ་བོ་བསིལ་ལམ་ཚ་ན་ཡང། །རླན་གྱིས་རང་བཞིན་ག་ལ་འདོར། །མི་བསྲུན་སྐྱེ་བོ་གདམས་པ་ལས། །ནན་ཏུར་ལས་ཀྱིས་གདུལ་བར་སླ། །གོས་ཀྱི་དྲི་མ་འཁྲུད་པ་ལ། །གཙང་མའི་ཆུ་ལས་འགྱུར་བྱེད་བཟང། །ལུས་ཅན་ནང་གི་སྐྱོན་ཡོན་རྣམས། །ཕྱི་རོལ་སྤྱོད་པས་མཚོན་ནུས་ཏེ། །ཆུ་སྐྱར་ལྡང་བས་ཆུ་བོ་དང། །དུ་བ་ལས་ནི་མེར་ཤེས་བཞིན། །གཞན་གྱི་སྐྱོན་ཡོན་མཐོང་སླ་ཡང། །རང་གི་སྤྱོད་ཚུལ་མཐོང་བར་དཀའ། །མཚོ་ནང་ནམ་མཁའི་ཟླ་སྐར་ཀུན། །གསལ་ཡང་རང་གི་གཏིང་མི་མཐོང། །བསམ་ངན་གཡོ་སྒྱུའི་བྱ་བ་ན། །ལམ་རྒྱུག་འདྲ་ཡང་ཕུགས་སུ་འཕུང། །ཆུ་ཀླུང་གྱ་གྱུར་བགྲོད་པ་ཡང། །བབ་ཀྱིས་ཐུར་ནས་ཐུར་དུ་འགྲོ། །རིགས་རྒྱུད་ཟད་འདོད་བུ་ངན་སྐྱེ། །བསོད་ནམས་ཟད་འདོད་བསམ་ངན་འཆར། །རང་ཉིད་བརླག་

― GTD007_Page_0794 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་རིག་པ་རྒོད། །ཆུ་མིག་སྐམ་འདོད་སྙིགས་མ་མང། །བླུན་པོས་ངལ་བརྒྱས་བསྒྲུབས་ན་ཡང། །གྲགས་པ་བློ་ལྡན་གཞན་གྱིས་འཁྱེར། །རི་ལས་སྐྱེས་པའི་པདྨ་ཡང། །བསྐྱེད་པའི་གྲགས་པ་ཆུ་ཡིས་འཐོབ། །ལུང་རྟོགས་ཡོན་ཏན་མི་ལྡན་ཡང། །དམ་པར་སྒྲོགས་པས་སྐྱེ་བོ་བསླུ། །སྦྲང་ཆར་བཅུད་དང་བྲལ་བ་ཡི། །ཐན་ཁྱེར་སྤྲིན་གྱི་འབྲུག་སྒྲ་བཞིན། །སྙིགས་དུས་རང་བྱུང་ཀུན་མཁྱེན་རྣམས། །སྦྱངས་ཚེ་ཕལ་པ་ལས་ཀྱང་རྟུལ། །རང་བྱུང་ཆུ་ཚན་སྔར་ཚ་ཡང། །བསྐོལ་ན་ཆུ་གྲང་རྗེས་སུ་ཁོལ། །དྲེད་པོ་ཁ་ཡིས་ཆོས་བཤད་མཁན། །ཤེས་རྒྱུད་གདོལ་པ་ལས་ཀྱང་ཐུ། །དགུན་དུས་རླངས་པ་ན་བུན་བཞིན། །འཐིབས་པའི་ཀློང་དེ་ལྷག་པར་གྲང། །དམ་པའི་སྐྱེ་བོ་ཉམ་ཐག་ཀྱང། །ཆོས་དང་འགལ་བའི་ལས་མི་བྱེད། །ཆར་སྡོད་བྱི་འུ་སྐོམ་ན་ཡང། །ས་ལ་འབབ་པའི་ཆུ་མི་འཐུང་། །དགེ་སྦྱོར་བརྩོན་པར་འདོད་པ་དང། །ལོག་པའི་འཚོ་བ་སྒྲུབ་པ་འགལ། །མེ་ཏོག་སྐྱེད་པར་འདོད་པ་ཡིས། །ཆུ་ཚན་བླུགས་ན་ཕན་འགྱུར་རམ། །ཆེན་པོ་རེ་ཞིག་རྒུད་ན་ཡང། །སླད་ནས་གཟི་བྱིན་རྒྱས་པར་འགྱུར། །འཁྱག་པའི་སྦུབས་སུ་ཆུད་པའི་མཚོ། །སོ་ག་རིམ་གྱིས་འཕྱུར་ནས་འོང། །བློ་དང་རྩོལ་བ་ཞན་པའི་མིས། །ཕུན་ཚོགས་ཐོབ་ཀྱང་མོད་ལ་འགྲིབ། །རྫིང་ཆུང་ལྟག་ཆུ་ཆད་པ་དེ། །སླར་ཡང་མྱུར་དུ་སྐམ་པར་འགྱུར། །ནོར་མེད་འཕྱོར་དང་ཁ་ཞིམ་འདོད། །གཞུང་ལུགས་མ་སྦྱངས་མཁས་ཁུར་འཛིན། །ཆུ་རྐྱལ་མི་ཤེས་མཚོ་བརྒལ་བ། །བསམ་བཞིན་རང་སྡུག་ཉོས་པ་ཡིན། །མངའ་ཐང་བློ་རྒྱ་བསྐྱེད་

― GTD007_Page_0795 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེས་པས། །བསོད་ནམས་ཚད་ལས་འགོང་མི་རུང། །མཚོ་ཆུང་རང་གི་ཁྲོན་པ་ཡི། །ཚད་ལས་རྒྱས་ན་བོ་བར་འགྱུར། །དོན་ཆེན་ཐོག་ཏུ་མ་བབས་པའ། །དུས་ནས་ཐབས་དང་རིམ་གྲོ་བྱ། །ཆུ་ལོན་སྔར་ནས་མ་བརྩིགས་ན། །བྲུབས་ནས་འོལ་ཁ་བསྒྱུར་བ་དཀའ། །དོན་མེད་ལས་ལ་ཕོད་བཙུགས་ནས། །རང་ཉིད་ཉམས་བྱེད་དཔའ་བོ་མིན། །ཆུ་ཡི་ནང་གི་གཟུགས་བརྙན་ལ། །མཆོངས་པས་སེང་གེ་ཤི་དང་འདྲ། །དགྲ་བོ་འདུལ་བར་འདོད་ན་ཡང་། །སྐྱོང་ཚུལ་དལ་ཞིང་འཇམ་པར་བྱ། །ཆུ་སྐྱར་འཇབ་ཅིང་འགྲོ་བ་ཡིས། །ཉ་ལ་སོགས་པ་འཛིན་ལ་ལྟོས། །གཞན་ཕྱོགས་འབྱོར་པ་ལ་སྡང་བས། །རང་གི་བསོད་ནམས་ཉམས་པར་ཟད། །ཆུ་ཀླུང་དྲག་པོར་མཆོངས་པ་ན། །བདག་ཉིད་འཆི་ཡི་དེར་མི་གནོད། །དེ་བས་དགྲ་ལས་རྒྱལ་འདོད་ན། །ཡོན་ཏན་སྒྲུབ་ལ་འབད་པར་བྱ། །ཆུ་བོ་ཆེ་ལ་བརྒལ་བའི་ཐབས། །ཐང་ནས་གྲུ་གཟིངས་འཆོས་པ་ཡིན། །རང་ལས་བསོད་ནམས་མ་ཉམས་ན། །དགྲ་བོ་ཁོ་ནས་མི་ཐུབ་སྟེ། །ཆུ་མིག་རང་ཉིད་མ་སྐམ་པར། །ས་ཡིས་མནན་ཀྱང་འགོག་མི་ནུས། །དབུལ་ཕྱུག་དར་རྒུད་མཐོ་དམན་ཀུན། །སྔོན་སྤྱད་ལས་ཀྱི་གོ་རིམ་སྟེ། །ཆུ་ཡི་དཀྱིལ་འཁོར་བསྲུབས་པ་ལས། །རི་གླིང་ཁོར་ཡུག་རིམ་པར་ཆགས། །མཁས་པ་ཕལ་ཆེར་དབུལ་འགྱུར་ལ། །བླུན་པོའི་སྐྱེ་བོ་ནོར་གྱིས་ཕྱུག །རྙོག་མ་ཅན་གྱི་ཆུ་བོ་ལ། །སྦལ་ལྕོང་འབུ་སྲིན་ལྷག་པར་མང། །བརྒྱ་ཡི་ནང་ནས་དཔའ་བོ་དང། །སྟོང་གི་ནང་ནས་མཁས་པ་སྟེ། །མ་དྲོས་མཚོ་ལས་ཆུ་གསེར་དང། །རྒྱ་མཚོ་ཆེ་ལས་ནོར་བུ་འབྱུང། །བློ་དང་མི་ལྡན་སྐྱེ་བོ་ཡིས། །འབྱོར་པ་རྙེད་ཀྱང་སྤྱོད་མི་

― GTD007_Page_0796 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས། །ཁྱི་ནི་སྐོམ་ཡང་ཆུ་ཀླུང་ལ། །ཧུབ་ཀྱིས་མི་འཐུང་ལྡག་པར་བྱེད། །རང་གཞན་སུ་ལ་མི་ཕན་པའ། །ནོར་དེ་མེད་པ་ཉིད་དང་མཚུངས། །ཆུ་མེད་ས་གཞི་རྒྱ་ཆེ་ཡང། །མྱ་ངམ་ཐང་ཞེས་ཀུན་གྱིས་འདོར།། །།ལོངས་སྤྱོད་སྤེལ་བར་འདོད་པས་ཀྱང་། །ཅུང་ཟད་གཏོང་ཚུལ་ཤེས་དགོས་ཏེ། །ཁྲོན་ཆུ་བཅུས་ན་འཕེལ་འགྱུར་ཞིང། །བཞག་ན་སྙིགས་མས་སྐམ་པར་འགྱུར། །བླུན་རྨོངས་འབྱོར་པ་རྒྱ་ཆེ་ཡང། །སྡུག་བསྔལ་རྒྱུ་ལས་མ་འདས་ཏེ། །གསེར་རིའི་བར་གྱི་རོལ་མཚོ་རྣམས། །རྟག་ཏུ་མུན་པའི་སྨག་གིས་ནོན། །འབྱོར་ལྡན་བསོད་ནམས་གསོག་དགོས་ཏེ། །བསོད་ནམས་ཉམས་ན་རྒུད་པ་སླ། །ལྗོན་ཤིང་ཡལ་ག་རྒྱ་ཆེ་ཡང། །ཆུ་དང་བྲལ་ན་སྐམ་པར་འགྱུར། །བསོད་ནམས་མཐུ་དང་དགེ་བའི་བློ། །ཕན་ཚུན་རྒྱུར་གྱུར་སྐལ་བ་བཟང། །ཆུ་ཡིས་ཆར་དང་ཆར་གྱིས་ཆུ། །རྒྱས་བྱེད་རེས་མོས་གྲོགས་སུ་འགྱུར། །ཁ་བཤད་མང་ངམ་ཉུང་ཡང་རུང། །དགོས་དོན་ལག་ཏུ་བླངས་ན་གོ །ཆུ་ཞེང་ཆེ་ཆུང་ཅི་འདྲ་ཡང། །ཟབ་དང་མི་ཟབ་བརྒལ་ན་ཤེས། །ལེགས་བྱས་སྲོལ་འབྱེད་མཁས་པ་སྟེ། །དེ་ཡི་རྗེས་སུ་འཇུག་པ་སླ། །ཅང་ཤེས་རྟ་ཡིས་རབ་བཙལ་བའི། །ཕྱི་བཞིན་ཁྱི་ཡང་འབྲང་བར་བྱེད། །མཁས་པ་ཀུན་ལ་སྙོམས་ལྡན་ཞིང། །ཕྱོགས་རེའི་མིག་ཅན་ཆགས་སྡང་ཆེ། །བུམ་པ་གང་བ་བཀུར་བར་སླ། །ཕྱེད་ཙམ་གང་བ་ཡོ་འཁྱོལ་མང། །བསམ་ཚད་ཁ་རུ་འདོན་པ་དེར། །གཏད་སོ་མེད་ཅེས་ཀུན་གྱིས་བརྙས། །ཤག་ཤག་འབབ་པའི་ཆུ་བོ་ལ། །བྱིས་པ་རྣམས་ཀྱང་རྒལ་བར་བྱེད། །ཁ་ཉུང་བཞིན་འཛུམ་གནད་ཕིག་པ། །དེ་ལ་ཀུན་གྱིས་བག་ཟོན་བྱེད། །སྒྲ་མེད་མེར་

― GTD007_Page_0797 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་འགྲོ་བ་ཡི། །ཆུ་ཀླུང་གཏིང་མཐའ་དཔོག་པར་དཀའ། །ཆུ་ལ་རི་མོར་བྲིས་པ་བཞིན། །སྡིག་སེམས་མོད་ལ་འདོར་བྱ་ཞིང། །དགེ་བའི་དམ་བཅའ་རྡོ་བ་ཡི། །རི་མོ་བཞིན་དུ་བརྟན་པར་བྱ། །བསམ་པ་བཟང་ན་འཇིག་རྟེན་གྱི། །བྱ་བ་ཀུན་ཀྱང་ཆོས་སུ་འགྲོ། །ཟོ་ཆུན་ལ་བརྟེན་འོབས་ཀྱི་ཆུ། །ཤིན་ཏུ་མཐོ་བའི་རི་རྩེར་འགྲོ། །གཙོ་བོར་ལས་འབྲས་དཀོན་མཆོག་ལ། །བློ་ཕུགས་གཏད་ན་ཅི་བསམ་འགྲུབ། །ལྷ་ཡི་རྒྱལ་པོས་ཆར་ཕབ་ན། །ལོ་ཏོག་ཕུན་སུམ་ཚོགས་པར་འགྱུར། ༈ །འཇིག་རྟེན་ཚངས་པའི་རལ་ཀློང་དུ། །འཁྱམས་པའི་སརྒ་མཐར་སོན་ཏེ། །སྒྲིབ་གཉིས་དྲི་མ་འཁྲུད་པའི་ཕྱིར། །དམ་པའི་ཆོས་ཀྱི་ལམ་དུ་འདྲེན།། །།༈ ཆུ་རིགས་བདུན་ལས་མཆོག་གྱུར་པའ། །ཆུ་མགོ་གངས་ལ་ཐུག་པ་བཞིན། །ཆོས་ཀྱང་འཁྲུལ་བྲལ་མ་ནོར་བ། །རྒྱལ་བའི་བཀའ་ལས་འབྱུང་བ་དགོས། །དེ་ནས་ཟབ་རྒྱས་ཉམས་ལེན་གྱི། །ལམ་གསུམ་རིམ་པར་འབབ་པ་ཡི། །གདམས་ངག་ཚང་ལ་མ་ནོར་བ། །སྐལ་བཟང་རྣམ་སད་མཆོད་ཡོན་ཡིན། །འོན་ཀྱང་དུས་ཀྱིས་ཆེར་སྙིགས་ཚེ། །འཇམ་དབྱངས་བླ་མས་གསལ་མཛད་དེ། །རྒྱ་མཚོར་བྱིངས་པའི་རིག་བྱེད་བཞ། །ཉ་ཡི་གཟུགས་ཀྱིས་བཏོན་པ་བཞིན། །འདི་འདྲའི་བསྟན་དང་མཇལ་བཞིན་དུ། །ལྟར་སྣང་ལམ་ལ་སུ་ཞིག་འཇུག །ལྷ་ཡི་ཆུ་བོ་གངྒཱའི་རྩར། །བ་ཚའི་ཁྲོན་པ་སུ་ཞིག་བརྐོ། །བློ་ཆུང་སྐལ་དམན་ཟབ་ཟབ་ཀྱི། །གྲགས་པས་བསླུས་ནས་ལོག་པར་འགྲོ། །སྨིག་རྒྱུ་ཆུ་རུ་འཁྲུལ་པ་ཡི། །རི་དྭགས་དོན་མེད་སྡུག་བསྔལ་མྱོང་། །ཆོས་ཀྱི་ལམ་དུ་འཇུག་པ་ལ། །དང་པོར་དགེ་བའི་བཤེས་གཉེན་བསྟེན། །རྒྱ་མཚོར་

― GTD007_Page_0798 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲོད་འདོད་བྱ་བའི་མགོ །དེད་དཔོན་མཁས་པ་ཚོལ་བ་ཡིན། །འཇིག་རྟེན་འཇིག་རྟེན་འདས་པ་ཡི། །དགེ་ལེགས་རྩ་བ་བླ་མ་སྟེ། །འཛམ་གླིང་རྩི་ཤིང་ལོ་འབྲས་ཀུན། །མ་དྲོས་མཚོར་གནས་ཀླུ་ཡི་དྲིན། །ང་རྒྱལ་སྤངས་ཏེ་ཞི་དུལ་གྱིས། །དམ་ཆོས་སྣོད་དུ་རུང་བར་བྱ། །ཆུ་བོ་སྒང་དུ་མི་གནས་པར། །དམའ་བའི་གཤོང་དུ་འཁྱིལ་བར་འགྱུར། །ཆོས་ཀུན་ཅིག་ཅར་མི་ཤེས་ཀྱང། །ཅི་ཙམ་ཤེས་བཞིན་དོན་དུ་འགྱུར། །ཆུ་ཀླུང་རྫོགས་པར་མ་འཐུངས་ཀྱང། །ཅི་ཙམ་བཏུང་བས་སྐོམ་པ་སེལ། །ཐོས་མང་ཉམས་སུ་མ་བླངས་ན། །རང་གི་རྒྱུད་ལ་མི་ཕན་ཏེ། །ཆུ་ནང་ལོ་བརྒྱར་གནས་པ་ཡི། །རྡོ་བའི་རང་བཞིན་སྐམ་པོར་གནས། །སྟོང་རྐྱལ་གོམས་པའི་རིམ་པ་ཡིས། །རྟག་འཇུ་རེས་འཇུ་མི་འཇུ་ལྟར། །ཐོས་བསམ་སྒོམ་པ་སྒྲ་སྤྱི་ལ། །བརྟེན་པའི་ཚུལ་ཡང་གསུམ་དུ་གསུངས། །མི་ཡི་གྲུ་གཟིངས་རྙེད་དུས་འདིར། །ཐོས་བསམ་སྒོམ་པའི་བ་དན་ལ། །བརྟེན་ནས་སྲིད་མཚོ་བརྒལ་བྱ་ཡི། །གྲུ་འདི་ཕྱི་ནས་རྙེད་པར་དཀའ། །རིགས་དྲུག་སྐྱེ་སྒོ་མཐའ་ཡས་ཀྱང། །དལ་བརྒྱད་ཚང་བ་ཤིན་ཏུ་དཀོན། །ཆུ་བོ་གྲངས་མེད་འབབ་ན་ཡང། །ཡན་ལག་བརྒྱད་ལྡན་རེ་རེ་ཙམ། །སྐྱེས་པའི་སྐད་ཅིག་དེ་ཉིད་ནས། །མི་སྡོད་འཆི་བདག་ཁར་ཕྱོགས་ཏེ། །ཆུ་ཀླུང་སྐད་ཅིག་རེ་རེ་ཞིང། །ཕྱིར་མི་ལྡོག་པར་རྒྱ་མཚོར་འགྲོ། །མི་རྟག་སྲིན་པོས་བཟུང་བཞིན་དུ། །སོས་བདེར་སྡོད་པ་ག་ལ་རིགས། །ཆུ་སྲིན་མཆེ་བའི་ཕྲག་གནས་ལ། །བདེ་བའི་གོ་སྐབས་ནམ་ཡང་མེད། །བསྒྲུབ་ཀྱང་ཕ་མཐར་ཕྱིན་མེད་པའ། །འཇིག་རྟེན་བྱ་བ་བཙན་ཆོད་བྱ། །ཆུ་གཏེར་གཅིག་

― GTD007_Page_0799 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་གཅིག་གནོན་དེ། །ཅི་ཙམ་འདས་ཀྱང་ཟིན་དུས་མེད། །བློ་རིག་སྟོབས་དང་རྩལ་ཆེ་ཡང། །དུས་ཀྱི་ཕོ་ཉས་དབང་མེད་འཆིང། །ཆུ་ཆེན་རླབས་ཀྱི་གར་མཁན་མ། །དགུན་དུས་འཁྱག་པའི་སྦུབས་སུ་ཚུད། །སྒོ་གསུམ་མི་དགེའི་སྤྱོད་ཚུལ་འདིས། །ཕྱི་མའི་སྐྱེ་བ་ངན་འགྲོར་ངེས། །རི་བོའི་ཟོམ་ནས་འབབ་པའི་ཆུ། །གཡང་ས་བརྒྱུད་མར་བརྡབ་ཅིང་འཕྱོ། །དེ་ནས་ལོ་གྲངས་བྱེ་བ་བརྒྱར། །བསྲེགས་ཤིང་འཚེད་ཀྱང་འཆི་མི་ནུས། །རྡོ་སོལ་རི་ལ་ཆར་གྱི་རྒྱུན། །བབས་པ་བསྐལ་པའི་བར་དུ་ཁོལ། །འཇིགས་ཆེན་དེ་ལས་སྐྱོབ་པའི་སྐྱབས། །བསླུ་མེད་དཀོན་མཆོག་གསུམ་ལས་མེད། །ཆུ་བོའི་རྒྱུན་གྱིས་ཁྱེར་བ་དེ། །སྒྲོལ་བྱེད་མཉན་པ་ཁོ་ནར་ངེས། །མཆོག་གསུམ་བྱིན་རླབས་མཐའ་ཡས་ཀྱང། །དད་པ་མེད་ན་ཇི་ལྟར་སྐྱོབ། །རྒྱ་མཚོ་ཆེ་ཡང་ཆར་སྡོད་ཀྱི། །བྱིའུའི་སྐོམ་པ་སེལ་མི་ནུས། །འཁོར་བའི་འདམ་ལས་མ་བརྒལ་བའི། །འཇིག་རྟེན་པ་ལ་བརྟེན་མི་བྱ། །ཆུས་ཁྱེར་ཆུ་ཡིས་ཁྱེར་བ་ལ། །འཇུས་ན་གཉིས་ཀ་བྱིང་བར་འགྱུར། །མཆོག་གསུམ་བསྟེན་ན་དེ་ཡི་ཁྲིམས། །ལས་འབྲས་བླང་དོར་འབད་པ་གཅེས། །དེད་དཔོན་བསྟེན་ཀྱང་གྲུ་གཟིངས་སུ། །མི་སྡོད་དེ་ཉིད་ཇི་ལྟར་སྒྲོལ། །སྣོད་བཅུད་བདེ་སྡུག་སྣང་བ་ཀུན། །འཁྲུལ་མེད་སྔོན་བསགས་ལས་ལས་འབྱུང། །ཆུ་ཕོར་གང་ཡང་འགྲོ་བ་བཞིར། །སྣང་ཚུལ་ཐ་དད་འབྱུང་བར་གསུངས། །དགེ་དང་མི་དགེ་ཆུང་ངུ་ནས། །བསགས་པས་ཤེས་རྒྱུད་གང་འགྱུར་ཏེ། །ཆར་གྱི་ཐིགས་པ་བསགས་པས་ཀྱང། །མཐའ་ཀླས་ཆུ་ཡི་དཀྱིལ་འཁོར་ཆགས། །གནས་སྐབས་དགེ་བ་ལྟར་སྣང་ཡང། །བསྔོ་དང་འདུན་པས་བསླད་

― GTD007_Page_0800 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མང། །མཆོག་ཏུ་མངར་བ་གངྒཱའི་ཆུ། །རྒྱ་མཚོར་འདྲེས་ན་ཁ་བར་འགྱུར། །རྨོངས་པའི་མུན་ནག་གིས་ལྡོངས་ཤིང། །ལས་ཀྱི་ཞགས་པས་བཅིངས་པ་རྣམས། །སྲེད་པའི་ཀླུང་གིས་རབ་དྲངས་ཏེ། །མི་བཟད་སྐྱེ་བའི་རྒྱ་མཚོར་འགྲོ།། །།འདོད་པ་ལན་ཚྭའི་ཆུ་བོ་ན། །ཅི་ཙམ་སྤྱད་ཀྱང་མི་ངོམས་པས། །ཆུ་མཚོ་འཁྱག་པའི་ངང་པ་ལྟར། །སྲིད་ལས་ངེས་འབྱུང་སྐྱོ་ཤས་སྐྱེད། །ལས་ཉོན་ན་ཀྲས་ཡོངས་གང་བ། །སྡུག་བསྔལ་འཁོར་བ་རྒྱ་མཚོ་ལས། །སྒྲོལ་བྱེད་བསླབ་གསུམ་གྲུ་བོ་ཆེ། །བཟུང་ནས་ཐར་པའི་གླིང་དུ་གཤེགས། །ཁྱད་པར་ཁས་བླངས་ཚུལ་ཁྲིམས་ན། །ཉེས་ལྟུང་དྲི་མས་མ་སྦགས་པ། །རྒྱ་མཚོ་རོ་དང་མི་འགྲོགས་ལྟར། །རྟག་ཏུ་དྲན་ཤེས་བརྟན་པོས་སྲུངས། །འོན་ཀྱང་མ་རྒན་སེམས་ཅན་རྣམས། །དོར་ནས་རང་དོན་བྱར་མི་འོས། །རྒྱ་མཚོའི་གླིང་དུ་གཉེན་བཤེས་ཀུན། །འབོར་བ་དེད་དཔོན་སྤྱོད་ཚུལ་མིན། །མཚོར་གནས་གཡོ་དང་མི་བདེན་པའ། །ཁྱད་པར་གསུམ་ལྡན་ཆུ་ཟླ་ལྟའ། །འགྲོ་ལ་སྙིང་རྗེ་རྣམ་གསུམ་གྱིས། །ཐེག་ཆེན་ལམ་གྱི་སྲོག་རྩ་ཚུགས། །བྱང་ཆུབ་སེམས་ཀྱིས་ཟིན་པའི་དགེ །མི་ཟད་བྱང་ཆེན་རྒྱུར་འགྲོ་སྟེ། །འཛམ་བུའི་འབྲས་བུ་མ་དྲོས་མཚོར། །ལྷུང་བས་གསེར་སྦྱངས་ཁམས་སུ་འགྱུར། །རྒྱལ་སྲས་སྤྱོད་པ་མཐའ་ཀླས་ཀྱང། །ཕ་རོལ་ཕྱིན་པ་དྲུག་ཏུ་འདུ། །རི་སུལ་ལ་ལུང་ཆུ་བོ་བརྒྱ། །ཟམ་འོག་གཅིག་ཏུ་འདྲིལ་བ་བཞིན། །རྒྱལ་སྲས་རྣམས་ནི་བདོག་པ་ཀུན། །འབྲས་བཅས་གཏོང་སྟེ་སྦྱིན་པའི་མཆོག །ཆར་གྱིས་རྩི་བཅུད་ལོ་ཏོག་ཀུན། །བསྐྱངས་ཀྱང་ལན་དང་རེ་བ་མེད། །རྣམ་དག་ཁྲིམས་ཀྱིས་ཉེས་ལྟུང་གི །

― GTD007_Page_0801 ―

^{[མ་དཔེ་གཟིགས་ན་འདིར་གནོན།]}

[Full Size]

རྙོག་པ་མ་ལུས་དྲུངས་འབྱིན་ཏེ། །ཀེ་ཏ་ཀ་འབྲས་བྱེ་མ་ཡིས། །ཆུ་བོ་རྙོག་མ་དྭངས་པར་བྱེད། །དགེ་ཚོགས་མ་ལུས་སྲེག་བྱེད་པའ། །ཁོང་ཁྲོའི་དགྲ་འཇོམས་བཟོད་པ་སྟེ། །ཀུན་ཟ་འབར་བའི་མེ་ལྕེ་ན། །གསོད་བྱེད་གཉེན་པོ་ཆུ་ཡིན་ནོ། །རྟག་གུས་བརྩོན་པ་མ་བཏང་ན། །མི་འགྲུབ་བྱ་བ་ཅི་ཡང་མེད། །ཆུ་ཐིགས་རྟག་ཏུ་འབབ་པ་ཡིས། །བྲག་གི་རི་བོ་འབིགས་ལ་ལྟོས། །བྱིང་རྒོད་སྐྱོན་བྲལ་ཏིང་ངེ་འཛིན། །གསལ་བར་ཡོན་ཏན་ཐམས་ཅད་འཆར། །བཻ་ཌཱུར་མེ་ལོང་ཕྱིས་འདྲ་བའི། །དྭངས་མཚོར་གཟུགས་བརྙན་ཅི་ཡང་གསལ། །དངོས་ཀུན་སྟོང་པར་དམིགས་པ་ཡིས། །འཁོར་བའི་གདུང་བ་ཀུན་སེལ་ཏེ། །ཆུ་ཀླུང་མཐའ་དག་ཨ་གསྟྱས། །ཧུབ་ཀྱིས་གཞལ་བས་བདུད་རྩིར་འགྱུར། །ཀླུ་སྒྲུབ་བློ་མཚོ་རྒྱ་ཆེ་བས། །དངོས་པོར་སྨྲ་རྣམས་སྤོབས་པ་ཕྲོགས། །རྔམ་གནག་གཏིང་མཐའ་མི་མངོན་པའ། །རྒྱ་མཚོས་བྱིས་པ་སྐྲག་པར་བྱེད། །ཟབ་མོའི་དེ་ཉིད་འབྱེད་པ་ལ། །ཐོག་མར་དགག་བྱ་ངེས་དགོས་ཏེ། །རྒྱ་མཚོར་ནོར་བུ་ལེན་པ་ལ། །འཇིགས་པ་གར་ཡོད་ཤེས་པ་གཅེས། །གདགས་གཞི་ཕུང་སོགས་འདུས་པ་ལ། །ང་འོ་སྙམ་དུ་འཁྲུལ་པ་སྟེ། །ཀླུང་ཆེན་གདོད་ནས་བྲུབས་འདྲ་ཡང། །ཆུ་བྲན་དུ་མ་འདུས་པ་ཡིན། །བཏགས་དོན་རིགས་པས་དཔྱད་པ་ན། །ངོ་བོས་གྲུབ་པ་འགའ་མེད་དེ། །ཆུ་ཀླུང་ཡུར་བ་བརྒྱར་དྲངས་པའ། །ཤུལ་ན་ཟིལ་བ་ཙམ་ཡང་མེད། །སྟོན་པས་ཇི་སྙེད་བཀའ་སྩལ་པ། །སྟོང་དང་རྟེན་འབྱུང་འདིར་འཇུག་སྟེ། །ས་སྟེང་ཆུ་བོ་མ་ལུས་པ། །རྒྱ་མཚོ་ཆེན་པོར་གཞོལ་ཞིང་འབབ། །རང་རྒྱུད་སྨིན་པའི་རྒྱལ་སྲས་ཀྱིས། །བསྡུ་བ་རྣམ་བཞིས་གདུལ་བྱ་

― GTD007_Page_0802 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང། །རྒྱ་མཚོར་འཇུག་མྱོང་དེད་དཔོན་གྱིས། །གཞན་ཡང་ཁྲིད་ནས་ནོར་ལ་སྦྱོར། །རྒྱུ་ཡི་ཐེག་པའི་ལམ་རིང་ཡང། །གསང་སྔགས་ཐབས་ཀྱིས་མྱུར་དུ་བགྲོད། །ཐང་དུ་འདྲེན་དཀའི་གྲུ་བོ་ཆེ། །རྒྱ་མཚོར་ཞུགས་ན་ཡུད་ཀྱིས་འགྲོ། །རྡོ་རྗེ་ཅན་གྱིས་ལེགས་གསུངས་པའ། །གསང་སྔགས་ནུས་པ་བསམ་མི་ཁྱབ། །གདུང་བ་མ་ཞེས་བོས་པས་ཀྱང། །ལྷ་ཡི་ཆུ་བོ་འགུག་པར་བྱེད། །ཟུང་འཇུག་གདེངས་ཅན་བདག་པོའི་གནས། །རྡོ་རྗེ་ཐེག་པ་རྒྱ་མཚོ་ཆེའ། །འཇུག་ངོགས་བདེ་བའི་འབབ་སྟེགས་ན། །དབང་བཞིའི་རིན་ཆེན་ཐེམ་སྐས་ཡིན། །འོན་ཀྱང་དངོས་གྲུབ་རྣམ་གཉིས་ཀྱི། །གཞི་རྟེན་དམ་ཚིག་སྡོམ་པ་སྟེ། །རྩ་བ་ཆུ་མཚོ་སྐམ་གྱུར་ན། །རླབས་ཀྱི་འཕྲེང་བ་གང་ལས་འབྱུང། །དེ་ཉིད་རིག་པའི་རྣལ་འབྱོར་བ། །འདོད་ལ་སྤྱོད་ཀྱང་ཞེན་པ་མེད། །ཉ་ནི་ཆུ་གཏིང་ཟབ་མོ་ན། །འགྱུ་ཡང་ཆུ་ཡིས་འཚུབ་མི་འགྱུར། །ཆགས་སོགས་ཉོན་མོངས་ཉེས་པ་རྣམས། །ཉོན་མོངས་ལམ་བྱེད་ཉིད་ཀྱིས་འཇོམས། །རྣ་བར་ཆུ་སོན་ཆུས་འབྱིན་ཞིང། །མེས་ཚིགས་མེ་ཡིས་གདུངས་པས་ཞ། །བསྐྱེད་རིམ་ཕྲ་རགས་རྣལ་འབྱོར་གྱིས། །སྐྱེ་ཤི་བར་དོ་གསུམ་སྦྱོང་སྟེ། །སྐལ་ལྡན་ཤིང་རྟའི་མཆོད་ཡོན་གྱིས། །དུག་ཅན་དྲི་མ་འཁྲུད་པ་བཞིན། །དགའ་བཞིའི་ལྷན་སྐྱེས་བདེ་བ་ཆེས། །སྟོང་བཞིའི་ཡེ་ཤེས་རྒྱས་འགྱུར་ཏེ། །ཆུ་བོ་རྣམ་བཞིའི་རྒྱུན་འབབ་པས། །རྟ་གདོང་མེ་ཆེན་འབར་བར་འགྱུར། །ཕྲ་བ་གཉུག་མའི་རླུང་སེམས་ལས། །སྒྱུ་མ་ལྟ་བུའི་སྐུར་བཞེངས་པ། །དྭངས་པའི་ཆུ་ལས་ཆུ་བུར་དང། །དག་པའི་མཁའ་ལས་ཆུ་འཛིན་བཞིན། །རྩྭ་རྩེའི་ཟིལ་པ་རེ་རེར་ཡང། །

― GTD007_Page_0803 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླ་བའི་གཟུགས་བརྙན་སྣང་བ་བཞིན། །དཔེ་ཡི་རིམ་པ་རེ་རེས་ཀྱང། །འཁོར་འདས་ཆོས་ཀུན་མཚོན་པར་ནུས། །འཇིག་རྟེན་ཡ་རབས་སྤྱོད་པ་ནས། །མདོ་སྔགས་ལམ་གྱི་རིམ་པའི་བར། །དཔེར་བྱ་གཅིག་གིས་མཚོན་པ་འདི། །ལེགས་བཤད་འཕྲུལ་གྱི་རྒྱ་མཚོ་ཡིན། །ལོངས་སྤྱོད་འཁོར་ལོའི་ཆུ་གཏེར་ན། །དབྱངས་ལྡན་ངང་མོ་རྣམ་རོལ་པ། །དེ་ཡི་ཁ་ལས་ལེགས་བཤད་ཀྱི། །རྦ་རླབས་འཁྲི་ཤིང་ཅི་ཡང་གཡོ། །གང་ཡང་བདག་བློའི་ཆུ་གཏེར་ལས་འཁྲུངས་ལེགས་བཤད་གསར་པའི་ཟླ་བ་ན། །འཇིག་རྟེན་རྨོངས་པའི་མུན་འཕྲོག་སྙིང་གི་གདུང་སེལ་བསིལ་བའི་རེག་པ་ཅན། །དེ་ཡི་དགེ་བ་ས་གསུམ་རྣམ་དཀར་འོད་ཀྱི་གོས་བཟང་འཛིན་པ་དེས། །སྐྱེ་དགུའི་ལེགས་བྱས་བློ་དང་ལྷན་ཅིག་བསྟན་པའི་ཆུ་གཏེར་རྒྱས་གྱུར་ཅིག །ཅེས་ལེགས་པར་བཤད་པ་ཆུའི་བསྟན་བཅོས་ལུགས་གཉིས་རླབས་ཕྲེང་བརྒྱ་ལྡན་ཞེས་བྱ་བ་འདི་ནི། སྔར་རང་གི་རྒྱུད་ལ་བག་ཆགས་འཇོག་པའི་ཕྱིར་དུ་རྩོམ་པའི་ཁུལ། དུས་ཚོད་ལ་དཔག་པའི་མདོ་སྔགས་ཀྱི་གཞུང་དུ་བགྲང་རུང་ཙམ་ཁ་ཤས་བྲིས་ཡོད་ནའང་། ཤིང་གི་བསྟན་བཅོས་དེ་དར་སོ་ཆེ་ཞིང་། མཐོང་བྱེད་མཁན་མང་དུ་འོང་བར་སྣང་བས་དེ་ལ་འགྲེལ་པ་ཞིག་ཀྱང་བྱུང་ན་ལེགས་ཞེས། བ་རོན་སུ་ཉིད་ཤོག་ནས་བསྔགས་འོས་ཡོན་ཏན་དུ་མའི་རྒྱན་འཕྲེང་འཛིན་པ་ནོམ་ཆི་ཞབས་དྲུང་སྐལ་བཟང་དར་རྒྱས་ཀྱིས་ཡང་ཡང་ནན་གྱིས་བསྐུལ་ཏེ་བྲི་བར་བརྩམ་ཡང། དེའི་ཆོས་ཀྱི་སརྒ་ལམ་རིམ་ལས་ལོགས་སུ་མི་དགོས་ལ། གཞན་རྣམས་གོ་སླ་བ་འབའ་ཞིག་གཙོར་འདོན་དང། དཔེའང་ཡོངས་གྲགས་མཁས་བླུན་ཐམས་ཅད་ལ་འཆར་བདེ་བ་ཁོ་ནར་སྦྱར་སྟབས་དེ་ལས་

― GTD007_Page_0804 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་དུ་གཏོང་རྒྱུ་མེད་པ་ལྟ་བུར་སྣང་ཞིང། ཕྱོགས་མཐུན་གྱི་ཁུངས་དཔལ་མགོན་ཀླུ་སྒྲུབ་ཀྱི་ཤེས་རབ་བརྒྱ་པ། ཤེས་རབ་སྡོང་བུ། སྐྱེ་བོ་གསོ་ཐིགས་གསུམ་དང། ཙ་ན་ཀ་རྒྱལ་པོའི་ལུགས་ཀྱི་བསྟན་བཅོས་མ་སུ་རཀྵས་བྱས་པའི་ལུགས་ཀྱི་བསྟན་བཅོས། ཉི་མ་སྦས་པས་མཛད་པ་ཚིགས་སུ་བཅད་པའི་མཛོད། མཆོག་སྲེད་ཀྱི་ཚིགས་བཅད་བརྒྱ་པ། དྲི་མ་མེད་པའི་དྲིས་ལན་རིན་པོ་ཆེའི་ཕྲེང་བ། ས་སྐྱའི་ལེགས་བཤད་རྣམས་དང། གཞན་ཡང་འཕྲིན་ཡིག་བསླབ་བྱ་སོགས་དེ་མཐུན་རྣམས་དྲངས་ཏེ་བཤད་ན་ཚིག་ཚོགས་ཆེས་ལྕི་བར་འགྱུར་བས། འདིར་ལྗོན་ཤིང་ཆུའི་ཁམས་ཀྱིས་རྒྱས་པར་བྱེད་པའི་དཔེ་དང་མཐུན་པར། དེ་ཉིད་དུ་མ་ཚང་བ་འགའ་ཞིག་ཁ་བསྐངས་ནས་ཅུང་ཟད་རྒྱས་སུ་བཏང། དེར་མཆོག་དམན་དང་གཙོ་ཕལ་གྱི་རིམ་པས་ཆོས་ཀྱི་སརྒ་སྔོན་དུ་བྱས་ཀྱང། འདིར་གོང་ནས་གོང་དུ་བགྲོད་པའི་རིམ་པས་མཇུག་ཏུ་བྱས་ཏེ་གོ་རིམ་བསྡེབས་པ་སོགས་དོན་འགྲེལ་གྱི་ཚུལ་དུ་བྱས་ནས། ༸བཙུན་པ་དཀོན་མཆོག་བསྟན་པའི་སྒྲོན་མེས་དབེན་གནས་ཡིད་དགའ་ཆོས་འཛིན་དུ་སྦྱར་བའི་ཡི་གེ་པ་ནི་གཙུག་ལག་ལྟ་བའི་བློ་མིག་ཅན་བྷི་ཀྵུ་རཏྣ་ཨཱ་ནནྟས་བགྱིས་པ་འདིའང། སྐྱེ་བོ་རྣམས་ལ་དགེ་བའི་འཇུག་ངོགས་གསལ་བའི་རྒྱུར་གྱུར་ཅིག། །། སརྦ་ཀཱལེ་ཤྲེཡོ་བྷ་བ་ཏུ།།

ཟློས་གར་གྱི་བསྟན་བཅོས་ཡང་དག་ལམ་དུ་བཀྲི་བའི་རོལ་རྩེད།

― GTD007_Page_0805 ―

^{[མ་དཔེ་གཟིགས་ན་འདིར་གནོན།]}

[Full Size]

ས མྱ གྨ རྒེ ནེ ཡ སྱ ལི ལ ར མ ནཱ མ ནཱ ཊ ཀ ཤཱ སྟ བི ཛཱ ཧ ར མ྄།།
།ཟློས་གར་གྱི་བསྟན་བཅོས་ཡང་དག་ལམ་དུ་བཀྲི་བའི་རོལ་རྩེད་ཅེས་བྱ་བ་བཞུགས་སོ།།

― GTD007_Page_0806 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་དོན་སྤོབས་པ་ངེས་པའི་ཚིག །སོ་སོ་རིག་པས་འགྲོ་དོན་མཛད། །ཐུབ་པའི་དབང་པོ་ལ་བཏུད་ནས། །རྗེས་མཐུན་རྒྱུ་ལ་འཇུག་པར་འོས།། དེའང་རྒྱ་གར་གྱི་སློབ་དཔོན་པྲཛྙཱ། བོད་ཀྱི་བཙུན་པ་ཤེས་རབ། སོག་པོའི་བཙུན་པ་བི་ལིག །རྒྱའི་བཙུན་པ་ཚཻ་དཔཱེ་རྣམས་ལྷན་ཅིག་ཏུ་ཚོགས་སོ། །དེ་ནས་ཚཻ་དཔཱེ་ན་རེ། ཀྱིང་ཏ་ཡན་ཀྲི་ཡུ་ཝན་ཁྲུ་ཙི་ཡིན་ཏུ།.....རྒྱ་གར་ཆོས་ཀྱི་འབྱུང་ཁུངས་ཡིན། ཞིང་ཡུས་ཤི་ཧཱན་ཀྱི་ཧུ་མོང་གུ །.....དེང་སང་ཆོས་དར་ས་བོད་དང་སོག་པོ་གཉིས་བཟང་བས། ཡིན་ཏུ་ཏཱ་ཤི་ཡུས་ཚཱི་ཨཱེ་ལ་གྲེ་ཏང་ཝུན་ཅིང་གྲེ་ཤུ་ཝུས་ཧེ་གྲེ་ཤི་གྲེ་ཡུས་ཤིན།.....རྒྱ་གར་བླ་མས་འདི་གཉིས་ལ་ཆོས་ཀྱི་དྲི་བ་གནང་སྟེ་ཐུགས་ལ་གང་འབབ་བལྟ་དགོས། ༈ པྲཛྙཱ་ན་རེ། དམ་པའི་ཆོས་ནི་ཐོག་མཐའ་བར།.....སདྡྷརྨྨཿ པྲཏྱནྟརནྟ། གསུམ་དུ་དགེ་བ་ཞིག་ཡིན་པས།.....ཏྲིཥུཤུབྷསྶྱ་ཏིན། འཇུག་ཚུལ་ཡང་དེ་དང་མཐུན་པ་ཞིག་དགོས།.....ཨབཏརོགུམྥཤྩསཿ ཙསཱརྡྷཔྲེཡོཛན། ༈ ཤེས་རབ་ན་རེ། དམ་

― GTD007_Page_0807 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཆོས་ནི་ཐོག་མཐའ་བར་གསུམ་དུ་དགེ་བ་ཞིག་ཡིན་པས་འཇུག་ཚུལ་ཡང་དེ་དང་མཐུན་པ་ཞིག་དགོས་གསུངས་པ་ཤིན་ཏུ་ཐུགས་བདེན། ༈ བི་ལིག་ན་རེ། ཏེ་གེ་ཏུ་ནོམ་ཨནུ་ཐེ་གཱུནསེ་ཀུལ་ཏོ་མ་ཏ་གོར་བ་ཏུར་སའི་ན་མུན་ནུ་ཐུ་ལ།.....དམ་པའི་ཆོས་ནི་ཐོག་མཐའ་བར་གསུམ་དུ་དགེ་བ་ཞིག་ཡིན་པས། འོ་རོ་ཧུ་ཡོ་སོ་ཆཱུ་ཐེ་ཀུ་ན་ལུ་ཀེ་ཙོ་ཧི་ལ་ཏུ་ཧུ་ཁེ་རིག་ཐེ་ཀི་པི་ཆཱུ་མེ་ཏེ་ནེམ།.....འཇུག་ཚུལ་ཡང་དེ་དང་མཐུན་པ་ཞིག་དགོས་པ་ངས་ཀྱང་གོ་ལགས། ༈ ཚཻ་དཔཱེ་ན་རེ། ཤཱན་སཱས། ཤཱན་སསཱ།.....བཟང་བཟང། ཆོས་ཀྱི་འགོ་ནས་ཁྱེད་རྣམས་ཐུགས་མཐུན་བྱུང་བ་རྟེན་འབྲེལ་བཟང།.....ཁའི་ཅིང་ཀྱི་ཆུ་ཨཱེ་ལ་ཅུང་ཤིན་ཧེ་ཅི་ཝུས་ཅི་ཀྱོ། ཡཱན་ཏང་ཚེ་ཀྱིས་པི་ཤུས་ཤྱང་འུན་ཨཱི་མཱིང་ཧུ་ལྤ་ཙཽ།.....ཡིན་ཀྱང་ད་དུང་དྲི་བ་ཞིབ་མོ་མང་པོ་གནང་སྟེ་སངས་རྒྱས་ཀྱི་བསྟན་པའི་དག་ཐེར་བྱེད་དགོས། ༈ པྲཛྙཱ་ན་རེ། བྷོཊཤྩམཽངྒོལསྱབནྡེ་དྭིསུཤྲིཎུཿ།.....བོད་དང་སོག་པོའི་བཙུན་པ་གཉིས་ལེགས་པར་ཉོན། མམཔྲཤྣེདམིཀྲྀཏྭསུཔྲཤྣོཏྟརཔྲེཡོཛཱནཾ།.....ངའི་དྲི་བ་འདི་ལ་ལན་ལེགས་

― GTD007_Page_0808 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འདེབས་དགོས། ཨཱདིསྱདྷརྨྨམཱུལཡསྶྱཏྲ།.....ཐོག་མར་ཆོས་ཀྱི་རྩ་བ་གང་ཡིན། ༈ ཤེས་རབ་ན་རེ། ཆོས་ཀྱི་རྩ་བ་སེམས་ཡིན། ཆོས་ཡང་དག་པར་སྡུད་པའི་མདོ་ལས། བྱང་ཆུབ་ནི་ཆོས་ལ་རག་ལས། ཆོས་ནི་སེམས་ལ་རག་ལས་ཞེས་གསུངས་པ་ལྟར་ཡིན། ༈ བི་ལིག་ན་རེ། སེད་ཁེལ་ནོ་མོན་ཨུན་ཏུ་སུན་ཏུར་འོད་ཏུ་ཨུ་ལུ་འོད་ཧུ་ཨེལ་ཏེ་པ་པོའི་ཐུ་ལ།.....སེམས་ལ་ཆོས་ཀྱི་རྩ་བར་འགྲོ་མི་འགྲོ་སྣ་ཚོགས་ཡོད་པས། ཆི་ནུ་ཐེ་རེ་ཁེ་ལེ་ཁུ་ནིག་ཐ་པོ་ལག་སན་འུ་ཀེའི།.....ཁྱོད་ཀྱིས་དེ་བཤད་པ་ཞིབ་ཆ་མ་ཐོན་པར་འདུག །དཀོན་མཆོག་ཏ་ལ་ལས།.....ཨེར་ཏེ་ནི་ཛྭ་ལ་འ་ཆ། དད་པ་སྔོན་འགྲོ་མ་ལྟར་སྐྱེད་པ་སྟེ།.....སུ་ཙུག་འུ་རི་ཏ་ཡ་བུ་ཧུ་འེ་ཁེ་མེ་ཐུ་འེ་གུས་ཁེ་ཁུའི་པུ་ཀེད། ཁེ་མེ་ཁུ་ཐེ་རི་གུ་ཐེ་ན་ཁི་གཱེད།.....ཞེས་སོགས་དང། ཏུ་ར་ཤི་ལུན་འུན་ཏུ་སུན་ཏུར་སའི་ཐུར་འོ་རོ་ཤི་མུའི།.....འདུན་པའི་རྩ་བ་རབ་ཏུ་གནས། ཁེ་མེན་ནོམ་ལག་སན་མེ་ཐུ་ནོ་མོན་འུན་ཏུ་སུ་སུ་ཙུག་མུན།.....ཞེས་གསུངས་པ་ལྟར་ཆོས་ཀྱི་རྩ་བ་དད་པ་ཡིན། ༈ ཤེས་རབ་ན་རེ། ཁྱོད་ཀྱིས་ཞིབ་ཆ་ཐོན་པ་བྱས་ཏེ། ནས་ལའང་ས་བོན་རུང་མི་རུང་སྣ་ཚོགས་ཡོད་པས་ནས་མྱུག་གི་ས་བོན་ལ་ནས་མི་འཇོག་པར། ནས་ལས་གཞན་ཞིག་འཇོག་རྒྱུ་ཡིན་ནམ། ༈ བི་ལིག་ན་རེ། འར་པའི་ན་ཁུ་རུང་གེན་ཏུར་འར་པའི་འ་ཆ་པུ་སུ་ནི་གེ་ནི་ཐལ་པི་ཧུ་ཡུ་མ་འུ་ཀེ་པོ་ལ་བ་ཆཱུ།.....ནས་ཀྱི་ས་བོན་ལ་ནས་ལས་གཞན་ཞིག་འཇོག་རྒྱུ་མེད་ཀྱང། འར་པའི་མུན་པུ་ཁུ་ནི་ཁུ་རུང་གེན་ཏུར་ཐལ་བི་ཧུ་ཁེ་རེག་འུ་ཀེའི་འ་མུའི།.....ནས་ཡིན་ཚད་ས་བོན་དུ་འཇོག་མི་དགོས་མོད། ༈ ཚེ་དཔཱེ་ན་རེ། ཧུ་ཕཱུ་ཧཱ་ས་ཀྱི་ཏཱཽ་བུ་ཁེ་སུ་ལྭ་ཅུང།.....ནས་རུལ་བ་དང་ཚིག་པས་ས་བོན་

― GTD007_Page_0809 ―

^{[མ་དཔེ་གཟིགས་ན་འདིར་གནོན།]}

[Full Size]

མི་རུང་བ་ངས་ཀྱང་ཤེས། འུ་ལྭ་ཡི་ཇི་ཇཱི་སཱུས་ཟེ་ཡཱུན།.....ཡིན་ནའང་ནས་སྐྱེ་བ་ལ། ཡཱན།.....ནས་འདེབས་དགོས། མཱས།.....གྲོ། སྲན་མ།.....ཏུའུ། ཀུ།.....ཁྲེ། ཏོཨ་.....སོ་བ་སོགས་འབྲུ་གང་འདེབས་འདོད་ནའང་ས་བོན་ལ་འབྲུ་རང་རང་འདེབས་དགོས། ཡུས་ཏེ་ཧེ་ཅཻ་ཤུས་ཀེ་ཤི་ཅཱུང། ༈ ཤེས་རབ་ན་རེ། ངས་ཀྱང་སེམས་ཡིན་ཚད་ཆོས་ཀྱི་རྩ་བར་བཞག་པ་མིན། འགྲོ་བ་བཞིའི་ཆོས་ལས་མི་འདའ་བའི་སེམས་ཤིག་འཇོག་རྒྱུ་ཡིན། ཁྱོད་ཀྱིས་ཟེར་བའི་དད་པ་ཅན་གྱི་མཚམས་ཀྱང་དེ་འདྲ་ཞིག་དགོས་པར་རིན་ཆེན་འཕྲེང་བ་ལས་གསུངས་ཡོད། ༈ པྲཛྙཱ་ན་རེ། ཡཱུཡཾཔཱཏསྱཔྲཧཱུརྒུམྦཱབཱམཱཏྲཱཔརིགྲཧཱརྠསཱརྡྷཾདྲིཥྚཿ.....ཁྱོད་གཉིས་ཚིག་གི་ཟེར་ལུགས་མ་འདྲ་བ་ཙམ་མ་གཏོགས་དོན་ལ་མཐུན་པར་སྣང། མམཙམནཡོཔ་པཏྟིབྷབཏ།.....ངའི་ཡིད་ལའང་འཐད་པ་བྱུང། ༈ བི་ལིག་ན་རེ། ཏུར་པེན་འོང་ཧུའི་ནོམ་འ་ཆ་འུ་ལུ་ཏ་པ་ཧུ་ཡོ་སུ་ཐེར་གུ་ནི་འསུ་འུ་ཧུ་པུ་ཀེད།.....འགྲོ་བ་བཞིའི་ཆོས་ལས་མི་འདའ་ཚུལ་སོགས་དྲི་རྒྱུ་འདུག་སྟེ། ཁེ་རེག་ཀུ་འུན་ཏུ་སུ་འོ་ཡོ་ནུ་འུ་ཙུ་འུར་ཙོ་ཧིལ་ཏུ་བ་སུ་ཐེ་གུ་པཱེར་པོ་ལོ་མུའི།.....དོན་གྱི་རྩ་བ་བློ་རྩེ་མཐུན་ཡོད་ན་དེས་ཆོག །འུ་གེ་སཱུན་ས་ཚུ་རལ་འཡཱེར་སེ་གུ་ལའི་ཀི་འུ་ལུ་ཐ་སུ་ལ་མུའི།.....ཚིག་གི་སྤྲོས་པའི་མཐའ་མི་ཆོད། ༈ ཚེ་དཔཱེ་ན་རེ།...ཅིང་ཀྱཱི་ཀྱི་...ཆོས་ཀྱི་རྩ་བ་གང་ཡིན་ལ། ཏཱོ་ཏཱ་ཞི་སེད་ཅུད་མཱི་ཡ་པཱུ་ཧེ་ཧེ་ཁི་ལཱི་ཤིན་ཤཱ་ན།.....ཁྱོད་བླ་མ་དང་བཙུན་པ་རྣམས་མི་མཐུན་པ་མེད་པ་དེ་ཤིན་ཏུ་ལེགས། ད་དུང་ཡང་ཆོས་འདི་རྒྱ་ཆེ་གཏིང་ཟབ་པས་འཕྲོས་པ་དོན་ཅན་མང་དུ་གནང་དགོས།..... ཅི་ན་ཟེ་ཅིད་ཀྱཱི་ཀུལྭང་ཏཱ་ཤིན་ཨོ་ཤིན་ཨཱུན་མཱི་ཀྱཱི་ཡཱུ་ལྭན་དེ་ཕིན་ཤུལྭ། ༈ པྲཛྙཱ་ན་རེ། དྷརྨྨསྱཱཔཏཱ རམུཁཡསྶྱཏ།.....ཆོས་ཀྱི་འཇུག་

― GTD007_Page_0810 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་གང་ཡིན། ༈ ཤེས་རབ་ན་རེ། ཆོས་ཀྱི་འཇུག་སྒོ་སྐྱབས་འགྲོ་ཡིན་ཏེ། ཕྱི་ནང་གི་ཁྱད་པར་ཡང་སྐྱབས་འགྲོའི་སྟེང་ནས་འཇོག་པ་མཉམ་མེད་ཇོ་བོ་ཆེན་པོའི་དགོངས་པ་ཡིན། ༈ བི་ལིག་ན་རེ། ནོམ་བོ་ཡུ་ཤ་ཅིན་ནེའི་ཐེའི་ན་འོ་རོ་ཧུ་འི་གཱུ་ཏེའི་ཐེ་གེ་ལ་ཡ་པུ་འུ་ལ་ཧུ།.....ཆོས་སམ་བསྟན་པ་སྤྱིའི་འཇུག་སྒོ་སྐྱབས་འགྲོ། ཡེ་ཁེ་ཁུ་ལེ་གེ་ནུ་འོ་རོ་ཧུ་འེ་གུ་འུ་ཏེ།.....ཐེག་ཆེན་གྱི་འཇུག་སྒོ། བོ་དྷི་སེད་ཁེལ་འེ་གུ་སེ་ཁེ་ཁུ།.....སེམས་བསྐྱེད། ཐར་ནི་འིན་འོ་རོ་ཧུ་འེ་གུའུ་ཏེ་ཨ་བྷི་ཤིག་མུ་ན་ཁེ་མེ་ན་པུ་ཀུ་ཏེ་ཏུར་འལ་ཏར་ཤིགས་ན་འ་མཱུ་ཙ།.....སྔགས་ཀྱི་འཇུག་སྒོ་དབང་ཡིན་པར་ཡོངས་སུ་གྲགས་མོད། འེ་གུན་ཏུར་ཆུ་ཤིན་ཅི་ལེ་ཁུ་ནེ་གེ་ན་པུའི་པུ་ལེ་གེ །.....འདི་ལའང་དཔྱད་རྒྱུ་ཞིག་ཡོད་དེ། འི་ཐེ་གེལ་ཡ་བུའུལ་ཧུ་འ་ཆ་ཨང་ཁི་ཏ་པོ་ལོགས་ན་ཤ་ཅིན་ནི་གེའུ་ཀེའི་པོ་ལ་པ་སུ་ཐེ་གུ་ནུ་འེ་གཱུན་ཏེན་ཏུར་ཐལ་པི་ཧུ་ཡོ་སུ་འུ་གེའི།.....སྐྱབས་འགྲོ་ལས་ལོགས་སུ་གྱུར་པའི་བསྟན་པ་ཞིག་མེད་ན་འདི་དེའི་སྐོར་འཇོག་ལུགས་མེད། འི་ཐེ་གེ་ལ་ཡ་བུལ་ཧུའ་ཆ་ཐུ་སཱ་ར་ནི་གེ་ན་མུན་པོ་ལ་པ་སུ་ཐེ་རེ་ཐོ་ཐོ་གོའོ་ཐུའི་ན་ནོམ་པུ་སུའི་ན་ཀེམ་པོ་ལ་ཧུ་འུ་གེའི་པོ་ཡུ།.....སྐྱབས་འགྲོ་ལས་ལོགས་སུ་གྱུར་པ་ཞིག་ཡིན་ན་དེ་ནང་པའི་ཆོས་མ་ཡིན་པའི་སྐྱོན་དུ་མི་འགྱུར་རམ། ༈ ཚེ་དཔཱེ་ན་རེ། མོང་ཀུ་ཏཱ་ཤཱིས་ཤུ་ལྭ་ཤུ་ལྭ་ཟེ་ཤཱིས།.....སོག་པོའི་བཙུན་པས་ཟེར་བ་འདི་བདེན་པ་འདྲ་མོ་ཞིག་འདུག །ཆེད་མཱིན་ཡུས་ཆད་པཱཻ་ཟེ་ཡུ་ཡི་ཅིང་ཡུས།.....མཁར་གྱི་སྒོ་དང་མཁར་གཉི་ག་མི་གཅིག་པ་བཞིན་ཆོས་ཀྱི་སྒོ་དང་ཆོས་གཉི་གའང་སོ་སོར་དགོས་རྒྱུ་ཨེ་ཡིན།.....ཅིང་མཱིན་ཨི་ཏང་ཀེ་པཻ་ཡ་ཆི་ཤིན་ཡཱན་ཡུས། ༈ ཤེས་རབ་ན་རེ། དེ་ཁྱེད་གཉིས་ཀས་མ་གོ་བར་སྣང། སྒོའང་ཕོ་བྲང་གི་ཁོངས་སུ་འདུ་དགོས་པ་མ་གཏོགས། དེ་ཕོ་བྲང་ལས་ལོགས་སུ་ཡོད། ཕོ་བྲང་གི་རྩིག་པའང་ཕོ་བྲང་ལས་ལོགས་སུ་ཡོད། ཀ་བ་གདུང་མ་སོགས་ཀྱང་ཕོ་བྲང་ལས་ལོགས་སུ་ཡོད་ན་དེ་ཚོ་བསལ་ཤུལ་ནས་

― GTD007_Page_0811 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོ་བྲང་ཞིག་སྟོན་རྒྱུ་ཡོད་དགོས་ཀྱང་དེ་སྟོན་རྒྱུ་མི་རྙེད། དེ་ཐམས་ཅད་ཚོགས་ཙམ་ལ་ཕོ་བྲང་ཞེས་ཕར་བཏགས་པ་ཙམ་ཞིག་ཡིན། དེ་བཞིན་དུ་སྐྱབས་འགྲོའང་བསྟན་པ་ལ་སློབ་པའི་ཐོག་མ་ནས་འཇུག་པ་ཡིན་པས་ན་སྒོ་དང། ཞུགས་ནས་ཉམས་སུ་ལེན་རྒྱུའི་གཙོ་བོ་ཡིན་པས་ན་གཞུང་ཤིང་སོགས་སུ་བཏགས་པ་མ་གཏོགས། བསྟན་པ་ལས་ལོགས་སུ་གྱུར་པའི་དེའི་འཇུག་སྒོ་ཞིག་འཇོག་མི་དགོས། ༈ པྲཛྙཱ་ན་རེ། ཏདཏིསུཙིཏྟོཏྭཱདོམཧཱཡཱནསྱབརྔྡྷམུཁེབྷཱཥིཏཤྩ།.....དེ་ཤིན་ཏུ་ལེགས་སེམས་བསྐྱེད་ཐེག་ཆེན་གྱི་འཇུག་སྒོར་བཤད་ཀྱང་། མཧཱཡཱནསྱསརྦྦཾཔནྠཤྩཏྟོཏྤཱདསྱཔརཀརེསཾམབཱཡཔྲེཡོཛནཾ།.....ཐེག་ཆེན་གྱི་ལམ་ཐམས་ཅད་སེམས་བསྐྱེད་ཀྱི་ཡན་ལག་ཏུ་འདུ་དགོས། མནྟྲགུཧྱསྱབརྔྡྷམུཁཱབྷིཥཱིཥཱིཉྩཏིབྷཥིཏཥྩཏྱབཏརསྱཀརཎཔཱུརྦེགམཎཀརྻྻཎེཀཱནྟཾ།.....གསང་སྔགས་ཀྱི་འཇུག་སྒོ་དབང་ཞེས་བཤད་པའང་དང་པོར་འཇུག་པའི་ཚེ་སྔོན་འགྲོར་བྱས་པ་གཅིག་པུ་མ་ཡིན་པར། བིཔཱཙསྱཀརཀྲནྠཿ། ཀྲྀཏེམུཀྟསྱམཱརྒ།.....སྨིན་བྱེད་ཀྱི་རྒྱུ་གྲོལ་བྱེད་ཀྱི་ལམ། གྲོལ་བ་འབྲས་བུ་སྟེ་སྔགས་ཀྱི་ལམ་འབྲས་ཐམས་ཅད་དབང་གི་ཁོངས་སུ་འདུས་པ་ཡིན།.....མོཙནབྲིཧིཏམནྟྲསྱསརྦྦམཱརྒདྷམྱཤྩཥེཀསྱབྲགྦྷརཎསམཱཛན། ༈ བི་ལིག་ན་རེ། ཤ་ཅིན་ནུ་འོ་རོ་ཧུ་འི་གུའུ་ཏེ་འི་ཐེ་གེལ་ཡ་པཱུ་ལ་ཧུ་མུན་ནེ་ཆི་འུ་ནེན་པོལ་གོང་འུའི་ལེད་པཻ་ཆུ་ཐེ་རེ་ཐེ་ཏུའི་ཁེ་ནེར་ཐོ་འོ་ཚ་ཅུ་འུ་ལུ་བོ་ལོ་མུའི།...༈...བསྟན་པའི་འཇུག་སྒོ་སྐྱབས་འགྲོ་ཡིན་པ་ཁྱོད་བདེན་པའི་དབང་དུ་བྱས་ཀྱང་དེ་ཙམ་གྱིས་གོ་མི་ཆོད། སྐྱབས་སུ་འགྲོ་བའི་རྒྱུ་.....འི་ཐེ་གེ་ལ་ཡ་པཱུ་འུལ་ཧུ་ཤིལ་ཐ་གཱན་འི་ཐེ་གེ་ལ་ཡ་པུའུ་ལ་སན་ཁེམ་ཅི་ཡེ།.....སྐྱབས་སུ་སོང་བའི་ཚད། འི་ཐེ་གེ་ལ་ཡ་པཱུ་ལ་ཧུའི་མུན་ཆི་ནར།.....སྐྱབས་འགྲོའི་ངོ་བོ། ཐེ་རེ་ཆུ་ཡེ་རུང་ཁེའི་ན་འེརཁེ་པཱེར་འུའི་ལེད་པཱེ་སུ་འེར་ཏེ་མི་

― GTD007_Page_0812 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ཏུ་ཁུ།.....དེའང་ཐུན་མོང་བའི་དབང་དུ་བྱས་ན་ཡོན་ཏན་ཤེས་པ། འི་ལ་ག་ལི་མེ་ཏུ་ཁུ།.....ཁྱད་པར་ཤེས་པ། ཁས་ལེན་པ།.....འ་མན་འབ་ཧུ། གཞན་དུ་མི་སྨྲ་བ་བཞི་དང་།.....པུ་སུད་ཐུར་འུ་ལུ་འུ་གུ་ལེ་ཁུ་ཏུར་པེ་ཁི་གཱེད། ཐུན་མོང་མ་ཡིན་པ་ཀུན་ཏུ་འགྲོ་བའི་ཁྱད་པར།.....ཡེ་རུང་ཁིའི་པུ་སུ་ཧོ་ཐོ་ལ་ཏུར་འོད་ཧུའི་ན་འི་ལ་གཱ་ལ། ཁས་ལེན་པའི་ཁྱད་པར།.....འ་མན་འབ་ཧཱུའི་ནའི་ལ་གཱ་ལ། རྟོགས་པའི་ཁྱད་པར།.....འོ་ནོ་ལུནའི་ལ་གཱ་ལ། ཟིལ་གནོན་གྱི་ཁྱད་པར་བཞི།.....སུར་འེ་ཡཱེར་ཏ་རུ་ཧུའི་འི་ལཱ་ལ་གཱལ་ཏུར་པེ། འི་ཐེ་གེལ་ཡ་པུ་གླུ་ལུག་སན་ཐུ་ས་འ་ེར་ཏེམ་ཐི་རི་གུ་ཐེ་ནི་སའི་ཐུར་ནོམ་ལ་ཏུ་ཁེ་རེག་ཐེའི།.....སྐྱབས་སུ་སོང་བའི་ཕན་ཡོན་སོགས་ལེགས་པར་བཤད་དགོས། ༈ ཤེས་རབ་ན་རེ། ཁྱོད་ཀྱིས་སྐྱབས་སུ་འགྲོ་བའི་རྒྱུ། སྐྱབས་སུ་སོང་བའི་ཚད། སྐྱབས་འགྲོའི་ངོ་བོ་དེའང་ཐུན་མོང་བའི་དབང་དུ་བྱས་ན་ཡོན་ཏན་ཤེས་པ། ཁྱད་པར་ཤེས་པ། ཁས་ལེན་པ། གཞན་དུ་མི་སྨྲ་བ་བཞི་དང། ཐུན་མོང་མ་ཡིན་པ་ཀུན་ཏུ་འགྲོ་བའི་ཁྱད་པར། ཁས་ལེན་པའི་ཁྱད་པར། རྟོགས་པའི་ཁྱད་པར། ཟིལ་གནོན་གྱི་ཁྱད་པར་བཞི། སྐྱབས་སུ་སོང་བའི་ཕན་ཡོན་སོགས་གང་ཡིན་ཞེས་དྲིས་པ་དེ་རྒྱ་ཆེ་མདོག་ཁ་པོ་འདུག །ཡིན་ཀྱང་དྲི་རྒྱུའི་གཙོ་བོ་ལུས་སྣང། རང་ཅག་ཐམས་ཅད་སྐྱབས་འགྲོའི་སྡོམ་པ་ཡང་ཡང་ཁས་བླངས་ཡོད་པ་ཤ་སྟག་ཡིན་དུས། ངེས་པར་རྩད་གཅོད་རྒྱུ་ཡིན་ན་ཁ་ནང་དུ་བསྐོར་ཏེ་སྐྱབས་འགྲོའི་བསླབ་བྱ་གཙོ་བོར་འདྲི་དགོས། སྐྱབས་འགྲོའི་ཁོངས་འདིར་གསུང་རབ་ཐམས་ཅད་འདུ་བས། སླར་འཕྲོས་པ་རིམ་པ་བཞིན་བྱས་ཆོག ། ༈ པྲཛྙཱ་ན་རེ། དྷརྨསྱཔྲཀྲྀཏེཡདྡྷབཏབཏྱཤོཤིཏེནཔརཱིཀྵཎཔརིཧཱརཔྲཱཔྟ།.....ཆོས་ཀྱི་གནས་ལུགས་གང་ཡིན་རིག་པ་ཕྲ་མོས་དཔྱོད་ལ་ལན་ཐོབ། ༈ བི་ལིག་ན་རེ། ནོ་མོན་ཨ་ཧུ་ཡོ་སུ་འ་

― GTD007_Page_0813 ―

^{[མ་དཔེ་གཟིགས་ན་འདིར་གནོན།]}

[Full Size]

ནུ་ཀུན་ཧོ་གཱོསོན་ཆི་ནར་མུན།.....ཆོས་ཀྱི་གནས་ལུགས་ནི་ཟབ་མོ་སྟོང་པ་ཉིད་ཡིན། ཐེ་གུ་ནཱེ་ཆེ་པུ་སུད་ཐུར་ཏ་པ་ཧུ་འོ་རོན་འུ་ཀཱེ་ཐུ་ལ་ནོ་མོན་མུ་ཏྲཱ་ཁེ་མེ་ཁུ་མུན་པུ་ལུ་གེ །.....དེ་ལས་གཞན་དུ་འདའ་ས་མེད་པས་ཆོས་ཀྱི་ཕྱག་རྒྱ་ཟེར་བ་ཡིན་ལགས། ༈ ཤེས་རབ་ན་རེ། གནས་ལུགས་སྟོང་པ་ཉིད་ཅེས་ཐེག་ཆེན་གྱི་གྲུབ་མཐའ་སྨྲ་བ་ཐམས་ཅད་ཟེར་ཡང་སྟོང་ཉིད་ཀྱི་འཇོག་མཚམས་མི་འདྲ། ཁྱོད་ཀྱིས་ཅི་འདྲ་ཞིག་ལ་བསམ་ནས་སྨྲས་པ་ཡིན། ༈ པྲཛྙཱ་ན་རེ། སུཛྙེཤཱུནྱཏཾརུནྡྷྱཏཏཊིཔྲེཡོཛཱན།.....སྟོང་ཉིད་ལེགས་པར་གོ་བ་ལ་དགག་བྱ་ངོས་ཟིན་དགོས། ཏཛྙཱཡེནཏཱརུཎཏྲསྱསུཀརཤཱུནྱཛྙཱ།.....དེ་ཤེས་ན་དེ་བཀག་པའི་སྟོང་པ་ཤེས་སླ། ཡཱུཡཾརུནྡྷྱཏཀིམྨིཐསནཥེདྷཔྲེཡོཛཱཾཀཱམབན།.....ཁྱེད་གཉིས་དགག་བྱ་ཇི་ལྟ་བུ་ཞིག་འགོག་དགོས་པར་འདོད་པ་ཡིན། ༈ བི་ལིག་ན་རེ། ཧ་གཱ་ག་ཏ་ཧུན་ག་ཏ་གཱ་ཏུ་འུད་ཧ་ཐུ་རིད།.....དགག་བྱ་ཕྱི་དོན་བཀག་པའི། ཁེག་སེན་ཧོ་གཱོ་སོན་ཆི་ནར་སེད་ཧེ་ལུན་ཐེ་ཏུའི་ཁེན་ཐུ་པཱེར་ཐ་གཱ་ལག་སེ་ན་མེ་ཐུ་བཱོར་འུ་ལུ་ཐོ་གཱ་ཆ་མུའི།.....སྟོང་ཉིད་སེམས་ཙམ་པས་འདོད་པ་ལྟ་བུས་གོ་མི་ཆོད། ཐུབ་འུ་ཅེལ་ཐེན་ནུ་འེ་ནེ་ཡོ་སོན་ཏུར་ཧ་གཱ་ག་ཏ་ཧུན་འུ་ནེན་ཤིག་པུ་ཐུག་སེན་ནེ་ཧ་གཱ་ཧུ་ཁེ་རེག་ཐེའི།.....དབུ་མ་པའི་ལུགས་འདིར་དགག་བྱ་བདེན་གྲུབ་འགོག་དགོས། ཐོ་བ་ཆིལ་ན་ཧུ་རི་ཡ་པ་སུ་ནོམ་འ་ལིན་ཏུར་ཆུ་ཐཱེ་ན་འད་ཧག་འེ་ཡཱེར་ཆི་ནག་ཤི་ནེ་རེའི་ཏུག་སེན་ཐེ་ཏུའི་ནི་གེ་ནཱེ་ཆི་པུ་སུ་ཐེ་རེའུ་བུ་རུན་ཐ་ལྔ་ཆ་པུ་ཐུག་སེན་འུ་ཀཱེ་མུན།.....མདོར་བསྡུས་ན་ཆོས་གང་ལའང་རྣམ་རྟོག་གིས་ཕར་བཏགས་པ་ཙམ་ཞིག་མིན་པ་ཁོ་རང་གི་ངོས་ནས་གྲུབ་རྒྱུ་མེད་པ་ཡིན། ༈ ཤེས་རབ་ན་རེ། ཐག་རིང་ནས་མི་ཞིག་དང་ཐོ་ཡོར་ཞིག་གཤིབས་ཡོད་པ་ལ་མི་གཉིས་འདུག་བསམ་པའི་ཚེ། ཐོ་ཡོར་གྱི་ངོས་ནས་མི་མ་གྲུབ་པས་རྣམ་རྟོག་གིས་

― GTD007_Page_0814 ―

^{[མ་དཔེ་གཟིགས་ན་འདིར་གནོན།]}

[Full Size]

ཕར་བཏགས་པ་ཙམ་ཡིན་མོད། མི་དེའི་ངོས་ནས་ཀྱང་མིར་གྲུབ་པ་མེད་པས་ཕར་བཏགས་ཙམ་ཡིན་ནམ། ༈ བི་ལིག་ན་རེ། ཧོ་ལོ་ག་ཅར་འི་ཆེ་ནེ་གེ་ན་ཁུ་མུན་ཀི་གད་ནི་གེ་ན་མ་ནཱུར་ལུ་གེ་ཧམ་ཐུ་བོའི་ཏུར་ཧོ་ཡར་ཁུ་མུན་པོའི་ཁེ་མཱེན་ས་ནག་སན་ཆག་ཐ།.....ཐག་རིང་ནས་མི་ཞིག་དང་ཐོ་ཡོར་ཞིག་གཤིབས་ཡོད་པ་ལ་མི་གཉིས་འདུག་བསམ་པའི་ཚེ། མ་ནཱུ་ར་རུའི་ན་ཅུག་འེ་ཆེ་ཁུ་མུན་འེ་སེ་པུ་ཐུག་སེན་ཐུ་ལ་ཐིའི་འད་ཧག་ཡཱེར་ཆི་ནག་ཤི་ནེ་རེད་ཏུག་སེན་ཐེ་དུས་མུན་འ་མོའི།.....ཐོ་ཡོར་གྱི་ངོས་ནས་མི་མ་གྲུབ་པས་རྣམ་རྟོག་གིས་ཕར་བཏགས་པ་ཙམ་ཡིན་མོད། ཁུ་མུན་ཐེ་གུ་ནི་ཅུག་འེ་ཆི་ཆཱུ་ཁུ་མུན་ཏུར་པུ་ཐུག་སེན་འུ་གཱེ་ཐུ་ལ་ཆི་ནག་ཤི་ནེ་རེད་ཏུག་སེན་ཐེ་དུས་མུན།.....མི་དེའི་ངོས་ནས་ཀྱང་མིར་གྲུབ་པ་མེད་པས་ཕར་བཏགས་ཙམ་ཡིན། ཐེ་རེ་ཧོ་ཡར་འུ་པེ་རཱུན་ཅུག་འེ་ཆེ་ཁུ་མུན་ཏུར་པུ་ཐུག་སེན་འེ་སེ་པུ་ཐུན་ནུ་ཡི་ལ་གལ་པོའི་པུ་གེ་སུ་ཧོ་ཐོ་ལུ་འུ་གེ་ལི་ཆེ་ཐེའི་ཡི་ལ་ག་ལ་ཡ་གཱུ་པུའི།.....དེ་གཉིས་རང་ངོས་ནས་མིར་གྲུབ་མ་གྲུབ་ཀྱི་ཁྱད་བྱུང་ན་དངོས་སྨྲ་བ་དང་ཁྱད་ཅི་ཡོད། ༈ པྲཛྙཱ་ན་རེ། སདཱིཔརམརྠཱཧསྭཱབྷབེནསཱདྷནསཱདྷསྱནབྷེདཤྩ།.....དེ་གཉིས་དོན་དམ་པར་རང་རང་གི་ངོ་བོས་གྲུབ་མ་གྲུབ་ཀྱི་ཁྱད་པར་མེད་ཀྱང་། བྱཱབཱཧརཎརཾསཱདྷནསཱདྷནརསྱཀརྟཀརཤཀཱེནཤཀླསྱབྷཀྟབྷབེནབྱཱབཱཧརསམཧིཏསཱཡམིདེཛྙཱཔརྻྻསྟ།.....ཐ་སྙད་དུ་མིར་གྲུབ་མ་གྲུབ་མིའི་བྱ་བ་བྱེད་ནུས་མི་ནུས་ཀྱི་ཁྱད་ཡོད་པས་ཐ་སྙད་ཀྱི་འཇོག་མཚམས་འདི་གོ་དཀའ། སདྭིཏམན་ཏཊིནབིརུདྡྷསཾསྟུཏ།.....དེ་གཉིས་ཀ་ཡིད་ངོར་འགལ་མེད་གྲོགས་སུ་སོང་བ་ཞིག་བྱུང་ན་རྒྱལ་བའི་དགོངས་པ་མཐར་ཐུག་རྙེད་པ་ཡིན་པས་ངོ་མཚར་ཆེ།.....ཀཾགཏསཧབྷབེཛཡསྱབྷིཔྲཡཔརྻཱནྟལབྡྷེནམཧཱཤརྨྨཎཾ། ༈ ཚེ་དཔཱེ་ན་རེ། ཚེ་ཟུས་ནན་མིང།.....དེ་གོ་བ་དཀའ་མོ་འདུག །ཨཱེ་ལ་ཨུན་ཆི་ཡཱན་ཤིང་ཧུལྭ་ལྭན་གྱིན་ཀུང་ཏེ་ཞིན་ཏཱ།.....ཡིན་ཀྱང་ཚིག་ཙམ་རྣ་བས་ཐོས་ནའང་གསེར་དངུལ་སྲང་ཁྲི་ཚོ་རྙེད་པ་ལས་དོན་ཆེན་པོ་ཡོད་པས་བཀའ་དྲིན་ཆེ།

― GTD007_Page_0815 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཤེས་རབ་ན་རེ། འདི་གོ་དཀའ་བས་མིང་སྣ་ཚོགས་བཏགས་ཀྱང་དོན་ཐོག་ཏུ་འབབ་དཀའ་མཁས་གྲུབ་ཐམས་ཅད་མཁྱེན་པའི་ཞལ་ནས། ཇི་སྲིད་མིག་ལྡན་སྐྱེ་བོས་མ་དཔྱད་པ། །དེ་སྲིད་དམུས་ལོང་བརྒྱ་ཡིས་རབ་དཔྱད་ཀྱང། །གླང་ཆེན་གཟུགས་ལ་ལོག་པའི་ཐ་སྙད་བརྒྱ། །ཀུན་ནས་འདོགས་པའི་མུ་ཅོར་འཕེལ་བ་ཙམ། །ཞེས་གསུངས་ལ། དེ་ཉིད་ཀྱིས་སྟོང་ཐུན་སྐལ་བཟང་མིག་འབྱེད་ནའང་དེ་འདྲ་ཞིག་གསུངས་ཡོད། ལྕང་སྐྱ་ཐམས་ཅད་མཁྱེན་པས། ཨ་མ་ཐལ་དཀར་གྱི་གླང་ཆེན་གཟུགས་ལ། །གསུངས་པའང་འདི་ཚོ་དང་སྒོ་བསྟུན་ནས་གསུངས་པ་རེད། སྤྱན་སྔ་བློ་གྲོས་རྒྱལ་མཚན་གྱིས་ཀྱང། དམུས་ལོང་གླང་ཆེན་ཞིབ་ཕྱགས་བཞིན། །ཞེས་སོགས་རྩ་འགྲེལ་ཐམས་ཅད་ན་དཔེ་འདི་ཡང་ཡང་གསུངས་འདུག །༈ བི་ལིག་ན་རེ། འེ་ནེ་འུ་ལེ་གེ་རཱིན་འོག་ཏེལ་གེ་རེང་གུའི་འ་ནཱུ་ཧུ་རི་ཡང་གུའི་ཁུ་ལེ་གེན་ཏུར་བུའི།.....དཔེ་འདིའི་ཁུངས་རྒྱས་པ་ཐེག་བསྡུས་ན་ཡོད། འེ་གུ་ནི་ཙ་གཱ་ནུ་ཡེ་ཁེ་ཁུ་ཚུ་ནུ་འུ་ལེ་གེར་ལེན་འུའི་ལེ་ཏུག་སེན་ཏུར་པ་རིལ་ཏུ་ལ་གཱ་ཡུ་འུཆི་འུ་གེ །.....འདི་གླང་པོ་ཆེ་ཤེད་ཆེ་བ་དཔེར་བྱས་པ་ལ་འབྲེལ་ཅི་ཡང་མེད། ཏུར་སུ་ཡེ་ཁོ་ཐུལ་ནི་ཏུ་ཐེན་པཱེར་འུ་ཙེག་སེན་ཐེ་ཏུའི་འེ་ཆེ་ཐོ་ལོ་གོའི་སེ་གུ་ལི་པུ་རིན་འུ་ཙེ་ན་ཆི་ཏ་པ་ཆུ།.....གཟུགས་ཆེ་སོང་བ་མིག་ཅན་གྱིས་བལྟས་ཙམ་ནས་མགོ་མཇུག་ཚང་མ་མཐོང་ཐུབ་ཀྱང་། པ་ལའི་སོ་ཧོར་པཱེར་གཱརའི་ཡཱེར་ཐེམ་ཐུར་ཁེ་ལེན་འུའི་ལེད་པཱེསུ་ཁིརླིགི་མི་ཏེལ་འུ་ཀེའི་འེལ་ཏེ་བ་ནེ་རེ་ཧ་ཏ་མུའི།.....དམུས་ལོང་གིས་ལག་མྱོང་བྱས་ན་ཚོད་མི་ཟིན་པས་མིང་སྣ་ཚོགས་འདོགས་པ་རེད། ཡེ་ཁེ་ཐེར་ཀེ་ནུ་ཇི་རིམ་ནེ་ཀེག་ཆེད་དཔེར་འུ་ལེ་གེར་པ་རི་ཏུ་འུལ་སན་ཡོ་སུ་འེ་ནེ་ཐེ་ཏུའི་གི་མེ་ཏེ་ཁུའི་ཏུར་ཆུ་ཡེ་ཁེ་གཽལ་ནོ་གཽ་ཏི་སུ་ཏུ་ལུན་ཏ་ས་ཧུ་ཁེ་རེག་ཐའི།.....ཤིང་

― GTD007_Page_0816 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་ཆེན་པོ་ཚོས་དཔེ་སྦྱོར་ཚུལ་འདི་ཙམ་གོ་བའང་གཞུང་ཆེན་མོ་རྣམས་ཀྱི་རྒྱུས་ཡོད་དགོས། འེར་ཐེ་ཐུ་བེད་ཤ་ཅི་ནུ་གར་ཧུའི་ན་འོག་ཁེ་མེ་བ་ཆུ།.....སྔོན་བོད་བསྟན་པའི་འབྱུང་ཁུངས་ཟེར་ཡང། འེ་ཏུ་གེ་མ་ན་གཱར་གཽ་ལ་ཡོ་སུ་པུ་གུ་ཏེ་ཏུར་ཏ་སུག་སན་ཁི་གེད།.....དེང་སང་གཞུང་ལུགས་ཐམས་ཅད་ལ་རྒྱུས་ཡོད་པ། ཨ་བྷི་ཤིག་འེ་ཤི་ཨུ་པ་དེ་ཤ་ནུ་འུར་གུལ་ཅི་ལེལ་བུའི་འ་ནུ་མ་ནའི་མོདྒོལ་སའི་ན་པོའི་ནམ།.....དབང་ལུང་མན་ངག་གི་རྒྱུན་ཡོད་པ་ང་ཚོ་སོག་པོ་བཟང་བར་འདུག ། ༈ པྲཛྙཱ་ན་རེ། ཤཱསནསྱབྷུཏབསྟཤྩཛནབདམདྷྱཙཱརྦུཏམསྨཏཱརྻྻབརྟསྱཛནབདཡ་ཏེ།.....བསྟན་པའི་འབྱུང་ཁུངས་དང་ཡུལ་དབུས་ཟེར་བ་དེ་ངེད་རྒྱ་གར་འཕགས་པའི་ཡུལ་ཡིན། ཡུསྨཀཾཔྲཏྱཱནྟརྦུཏབཱཡཏེཤྩ།.....ཁྱེད་ཚོ་ལ་མཐའ་འཁོབ་ཟེར་བ་ཡིན་ཡང། ཨདྷུནཱཀིམཽཔྲཏྱཱནྟཱརྦུཏཾཔྲཡོཛཱནནོཛྙཱནིཥཎྞ།.....ད་སུ་ལ་མཐའ་འཁོབ་ཟེར་དགོས་མི་ཤེས་པར་འདུག །ཛཱནབདམདྷྱཤྩཔྲཏྱཱནྟཱཙསྭབྷཱབེནམཱསཱདྷེནཤཱསནཔིསྟཱརཱབཙཡཱནམདྷཱིནཔཱརཱབྷྱཱཁྱནཾབྷཱུཡཏེ།.....ཡུལ་དབུས་དང་མཐའ་འཁོབ་ཀྱང་རང་བཞིན་གྱིས་གྲུབ་པ་མེད་པར་བསྟན་པ་འཕེལ་འགྲིབ་ལ་ལྟོས་ཏེ་ཕར་བཏགས་པ་ཙམ་ཡིན། ༈ ཤེས་རབ་ན་རེ། དོན་དམ་རྟོགས་པ་ལ་སྔོན་དུ་ཀུན་རྫོབ་པའི་རྣམ་གཞག་གཏན་ལ་ཕབ་སྟེ་ཐ་སྙད་ཚད་གྲུབ་ལ་མཁས་དགོས། རེ་ཞིག་ཀུན་རྫོབ་ཀྱི་རྣམ་གཞག་ཅིག་ཁྱོད་ལ་དྲི་དགོས། བདེན་པ་བཞི་ལ་གང་འདྲེན། ༈ བི་ལིག་ན་རེ། ཏུར་བེན་འུ་ནེ་ན་འིནུ།.....བདེན་པ་བཞི་ནི། ཙོ་པ་ལང་དུན་འུ་ནེན།.....སྡུག་བསྔལ་བདེན་པ། པུ་ཁུ་ནི་གར་གག་ཆིའི་ན་འུ་ནེན།.....ཀུན་འབྱུང་བདེན་པ། ཐུ་རེད་ཁུའི་ན་འུ་ནེན།.....འགོག་བདེན། མུ་རཱུན་འུ་ནེན་ལུ་ཀེ་ཏུ་ར་པེ་མུན།.....ལམ་བདེན་དང་བཞི་ཡིན། ༈ ཤེས་རབ་ན་རེ། ཕུང་པོ་ལྔ་ལ་གང་འདྲེན། ༈ བི་ལིག་ན་རེ། ཏུ་ར་སའི་ན་ཚོག་ཆ།.....གཟུགས་ཀྱི་ཕུང་པོ། ཚོར་བའི་ཕུང་པོ།.....མེ་

― GTD007_Page_0817 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེར་ཁུའི་ན་ཚོག་ཆ། ཧུ་རན་མེ་ཏེ་ཁུའི་ན་ཚོག་ཆ།.....འདུ་ཤེས་ཀྱི་ཕུང་པོ། ཧུ་རི་ཡཱན་འུའིལེད་ཁུའི་ན་ཚོག་ཆ།.....འདུ་བྱེད་ཀྱི་ཕུང་པོ། ཐེའིན་མེ་ཏེཁུའི་ན་ཚོག་ཆ་ལུ་གཱ་ཐ་བུ་མུན།.....རྣམ་པར་ཤེས་པའི་ཕུང་པོ་དང་ལྔ་ཡིན། ༈ ཤེས་རབ་ན་རེ། རྟེན་འབྲེལ་ཡན་ལག་བཅུ་གཉིས་ལ་གང་འདྲེན། ༈ བི་ལིག་ན་རེ། ཨང་ཧན་ཀེ་ཤི་གུན་མོང་ཧག །.....ཡན་ལག་དང་པོ་མ་རིག་པ། ཧོཡ་ཏུ་གཱར་ཧུ་རི་ཡཱན་འུའི་ལེད་ཁཱུ།.....གཉིས་པ་འདུ་བྱེད། གུ་ཐ་གཱར་ཐེའི་ན་མེ་ཏེ་ཁཱུ།.....གསུམ་པ་རྣམ་ཤེས། ཏུ་ཐུ་གཱེར་ནེ་རིན་ཏུར་ས་སུ།.....བཞི་པ་མིང་གཟུགས། ཐབ་ཐ་གཱང་ཐུ་རིན་ཐུ་གེ་ཁུ།.....ལྔ་པ་སྐྱེ་མཆེད། ཅིར་གྭ་ཏུ་གཱར་ཁུ་རེལ་ཆེ་ཁཱུ།.....དྲུག་པ་རེག་པ། ཏོ་ལོ་ཏུ་གཱར་མེ་ཧེར་ཁཱུ།.....བདུན་པ་ཚོར་བ། ནའིམ་ཏུ་གར་ཧུ་རི་ཡ་ཧུའི།.....བརྒྱད་པ་སྲེད་པ། ཡེ་སུ་ཏུ་གཱར་ཨབ་ཧུའི།.....དགུ་པ་ལེན་པ། ཨར་པ་ཏུ་གཱར་སནྶ་ར།.....བཅུ་པ་སྲིད་པ། ཨར་པན་ནི་གེ་ཏུ་གཱར་ཐུ་རུ་ཁཱུ།.....བཅུ་གཅིག་པ་སྐྱེ་བ། ཨར་པན་ཧོ་ཡ་ཏུ་གཱར་འུ་ཐུ་ལོ་ཁུ་འུ་ཁུ་ཁུའི་ན་ཤི་ཐུན་པ་རིལ་ཏུ་ཧུའི་ནོ་གཽ་ཏ་མུན།.....བཅུ་གཉིས་པ་རྒ་ཤིའི་རྟེན་འབྲེལ་རྣམས་ཡིན། ༈ ཤེས་རབ་ན་རེ། ཁམས་བཅོ་བརྒྱད་ལ་གང་འདྲེན། ༈ བི་ལིག་ན་རེ། ཏུར་སུ་ཏ་གཱན་འུ་ནུར་འམ་ཐན་ཁུར་ཐེ་ཁཱུ་ནོམ་ལཽ་གཱ་འོ་རོན་ནུ་ཅིར་གྭ་གཱན་ཨི་ཙ་གཽ་ར།.....གཟུགས་སྒྲ་དྲི་རོ་རེག་བྱ་ཆོས་ཏེ་ཡུལ་གྱི་ཁམས་དྲུག །ནི་ཏུ་ཆི་ཁེཧ་པར་ཁེ་ལེ་པེ་ཡེ་སེད་ཁེ་ལ་ལུ་གེ་འེར་ཁེ་ཐེན་ནུ་ཅིར་གྭ་འན་ཨི་ཙ་གཽ་ར།.....མིག་རྣ་བ་སྣ་ལྕེ་ལུས་ཡིད་དེ་དབང་པོའི་ཁམས་དྲུག །ནི་ཏུ་ནུ་ཐེའི་ན་མེ་ཏེ་ཁུའི་འེ་ཆེ་སེད་ཁུ་ལཱུན་ཐེའི་ན་མེ་ཏེ་ཁུའི་ཁུར་ཐེ་ལེ་ཡྤེ་འིན་མེ་ཏེ་ཁུའི་ན་ཅིར་གཱའན་ཨི་ཙ་གཽར་ལཽ་གཱ་འར་པན་ནའི་མ་པུའི།.....མིག་གི་རྣམ་ཤེས་ནས་ཡིད་ཀྱི་རྣམ་ཤེས་ཀྱི་བར་རྣམ་ཤེས་ཀྱི་

― GTD007_Page_0818 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་དྲུག་སྟེ་བཅོ་བརྒྱད་ཡོད། འེ་ནེ་ཐོ་གཽ་ཐོ་གོ་ལ་ཧུའི་ན་ཐེ་ཏུའི་མུན།.....འདི་གྲངས་འདྲེན་ཙམ་ཡིན། ཐེ་ཏེ་གཱེར་ཐུས་ཐུ་སུན་མུན་ཆི་ནར།.....དེ་དག་སོ་སོའི་ངོ་བོ། ཨུའི་ལེད་པུ་རི།.....བྱེད་ལས། པེལ་ཀེ་ཆི་ནར།.....མཚན་ཉིད། ཨི་ལ་གལ།.....དབྱེ་བ། ཧུ་རི་ཡལ་ག །.....བསྡུ་བ། མ་གད་ཐོ་གོ །.....གྲངས་ངེས། ཨུ་ཡེ་ཙེར་ཀེ་.....གོ་རིམ་སོགས་དཔྱིས་ཕྱིན་པར་ཤེས་པ་ལ་.....ཐེ་རི་གུ་ཐེན་ནི་ཐུའི་ལ་ཏུར་ཁུར་ཐེ་ལེ་མེ་ཏེ་ཁུའི་ཏུར་ཧོ་ཐ་ལ་ཐེ་གུའུ་མེལ་ཨ་བྷི་དྷརྨཱ་.....མངོན་པ་ཀུན་བཏུས་ལྟར་གཏན་ལ་འབེབས་དགོས།.....མེ་ཐུའི་གི་ནུ་ཐ་ཏ་པ་གཽལ་ག་ཧུ་ཁེ་རེག་ཐའི། ༈ ཚེ་དཔཱེ་ན་རེ། ཕཱི་ཏིང་ཀཽར་ཤྱན་ཤུས་ཛཱེ་ཆི་ས་ཤྱ་ཤྱུས་ཤྱུས་ཨཱེལ་ཤང་ཡུས་ཏེད་ལཱུ་ཀྱཱེ་བི་ཡཱུ་ཐིས་ཤྱ་ཡས་སཻ་ཨཱེལ་ཤིང།.....རི་མཐོན་པོའི་རྩེར་འགྲོ་བ་ལའང་རྩ་བ་ནས་ཡར་ག་ལེ་ག་ལེར་འགྲོ་དགོས། ཁང་སྟེང་དུ་འགྲོ་བ་ལའང་སྐས་ཚིགས་འོག་མ་ནས་རིམ་གྱིས་འགྲོ་དགོས་པ་བཞིན་ཆོས་ཀྱང་གོ་དཀའ་བ་རྣམས་ཤེས་པ་ལ་གང་སླ་བ་དེ་སྔོན་དུ་བསླབ་ནས་རིམ་པ་བཞིན་བྱེད་དགོས་པ་དེ་ངའི་བློ་ལའང་ཤིན་ཏུ་འབབ་པ་བྱུང།.....ཤྱེ་ཡུས་མི་ཧྭ་ཡུས་ཏེ་ཆི་ཇི་ཤྱིན་ཤི་ཆི་ཨཱིས་སཻ་ཏི་ཨཱེལ་ཅིན་ལུལ་ཤིན་ཅི་མིང། ༈ པྲཛྙཱ་ན་རེ། དྷརྨྨསྱཧྲྀདཡཡབྷུཡཏེ།.....ཆོས་ཀྱི་སྙིང་པོ་གང་ཡིན། ༈ ཤེས་རབ་ན་རེ། ཆོས་ཀྱི་སྙིང་པོ་སྟོང་ཉིད་སྙིང་རྗེའི་སྙིང་པོ་ཅན་ཡིན་ལགས། ༈ བི་ལིག་ན་རེ། ནོ་མོན་འུ་གེ་ཡེ་རུང་ཁེ་ན་ཐེ་ཏུའི་ཏུར་ཐེ་རེ་བོལ་བ་ཆུ།.....ཆོས་སྐད་ཐུན་མོང་བ་ཙམ་ལ་དེ་བྱས་ཆོག་ཀྱང། ཀུན་ཨོ་ནི་སུ་ནི་ཐུའི་ན་འེར་ཁེ་ཏུར་འུའི་ཡེད་པེ་སུ་ཐེ་གུ་པཱེར་འུ་ལུ་ཐོ་གོ་ཆ་མུའི།.....ཟབ་གནད་མཐར་ཐུག་གི་དབང་དུ་བྱས་ན་དེས་གོ་མི་ཆོད། ༈ ཨ་མོ་གོ་ལང་ཧོ་གོ་སན་འི་ལ་གལ་འུ་གེའི་བེལ་གེ་བི་ལེག་ཐུར་འུའི་ལེད་ཁུ་ཁེ་རེག་ཐེའི།...༈...བདེ་སྟོང་དབྱེར་མེད་ཀྱི་ཡེ་ཤེས་ལ་བྱེད་དགོས། ༈ ཤེས་རབ་ན་རེ། ཁྱོད་ཀྱི་གཏམ་དེ་ངའི་ཕ་མི་མིན་སོག་པོ་ཡིན་

― GTD007_Page_0819 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་ལྟར་འབྲེལ་མེད་ཀྱི་ཅལ་ཅོལ་དུ་སྣང། སྟོང་ཉིད་སྙིང་རྗེའི་སྙིང་པོ་ཅན་ཞེས་པ་སངས་རྒྱས་ཀྱི་གོ་འཕང་སྒྲུབ་པའི་རྒྱུ་ཐབས་ཤེས་ཡ་མ་བྲལ་བ་དེའི་མིང་རེད། བདེ་སྟོང་དབྱེར་མེད་ཀྱི་ཡེ་ཤེས་ཀྱང་དེའི་ཁོངས་སུ་འདུ་བ་མ་གཏོགས་དེ་ལས་གཞན་དུ་གོ་ན་སངས་རྒྱས་ཀྱི་རྒྱུར་མི་འགྲོ་བའི་སྐྱོན་ཡོད། ལར་ཁྱེད་རྣམས་ཆོས་ལ་དོན་གཉེར་ཆེ་བ་རྗེས་སུ་ཡི་རང་ལགས་ཀྱང་། དང་པོ་ནས་ཟབ་ཟབ་མོ་དང། གང་མཐོ་གང་མྱུར་གྱི་མན་ངག་ཁོ་ན་ཞིག་དགོས་པ་འདིས་ཁ་གང་ལ་འཁོར་འགྲོ་མི་ཤེས་པ་འདུག །ད་ལྟ་རྙིང་ཆོས་ཕལ་ཆེར་ཡང་སོག་ཡུལ་དུ་སླེབ་འདུག་མོད། ༸རྒྱལ་དབང་ལྔ་པ་ཆེན་པོས་ཀྱང་བོད་ཀྱི་སྲིད་སྐྱོང་གི་དོན་དུ་གཏེར་ཁ་བརྒྱ་ལྷག་གི་ཆོས་གསན་ནས་རྙིང་ཆོས་ས་སྤེལ་རྡོ་སྤེལ་གནང་འདུག་ནའང། སོག་པོའི་ཕྱོགས་སུ་རྙིང་མ་བཀྲ་མི་ཤིས་གསུངས་ནས་བཀག་ཆ་ཁོ་ན་མཛད་པ་རྣམ་ཐར་དང་ཁོང་གིས་གསུངས་པའི་བསླབ་བྱ་རྣམས་སུ་བལྟས་པས་གསལ། དེའི་རྒྱུ་མཚན་ཡང་སྔོན་སོག་པོའི་དམག་ཡང་ཡང་སོང་སྟེ་རྙིང་མ་ལ་གནོད་འཚེ་བྱས་པས། རྙིང་མའི་བླ་མ་ཆོས་སྐྱོང་ཐམས་ཅད་དང་ཁོན་ཞུགས་ཏེ་ཧ་ཅང་དམ་སེལ་ཆེ་བ་དེའི་སྟོབས་ཀྱིས་ཡིན་པར་འདུག །༈ བི་ལིག་ན་རེ། ཀུན་ཐུབ་འུ་ཙེལ་ཐེ་རེ་གཱུ་ཐེན་བོ་དྷི་གི་བུ་ཐུ་གེ་ཁུའི་མུ་རིན་འོ་ནི་སུ་ཐུའི་ལ་པ།.....ཟབ་མོ་དབུ་མའི་ལྟ་བ་སོགས་བྱང་ཆུབ་སྒྲུབ་པའི་ལམ་གྱི་གནད་མཐར་ཐུག་དང། བུར་ཧ་ནུ་ཤ་ཅིན་ནུ་ཡེ་ཁེ་ནི་རོ་གུ་གཽ་ལ་ནོ་གཽ་ཏི་ཛུ་ཀེ་ལེན་ཨི་ཐེ་གེལ་པོག་ཏོ་ཙོང་ཁ་པའི་ན་ཐ་གཱ་ལ་ལུན་ཇི་རུམ་རི་བོ་དགེ་ལྡན་པའི་ན་ཡོ་སུ་འེ་ནི་ཆི་ལེན་འུའི་ལེད་ཁུ་ཁེ་རེག་ཐེའི་འ་མུའི།.....སངས་རྒྱས་ཀྱི་བསྟན་

― GTD007_Page_0820 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་འགང་ཆེས་རྣམས་འཇམ་མགོན་ཙོང་ཁ་པའི་བཞེད་སྲོལ་རི་བོ་དགེ་ལྡན་པའི་ལུགས་འདི་བཞིན་བྱེད་དགོས་མོད། འ་ཧུ་འུ་ཡེ་སུན་གར་ཤི་ནུ་གུ་ཆེ་ལ་འ་རིལ་ག་ཧུ་བ།.....གནས་སྐབས་ཀྱི་འགལ་རྐྱེན་སེལ་བ་དང། ཨི་ཏེ་གེ་མལ་འེད་ལེ་ལ་འར་བིད་ག་ཧུ།.....ཟས་ནོར་ལོངས་སྤྱོད་སྤེལ་བ། འེར་ཁེ་ཏུར་ཧུ་རི་ཡཱ་ཧུ།.....དབང་སྡུད་གཏོང་བ། འ་ཏག་ལ་བསུ་ཐུན་རྭ་ཐོ་ཁི་ཧུ་ཙེར་ཀེའི་ན་ཐེ་ཏུའི་ཏུར་ཆུ་རྙིང་མ་འེ་ནེ་ཆི་ཧུལ་ཁེ་རེག་ཐུ་པོ་ལོ་གཱེད་ཐེམ་ཐིག་གར་ཧུ་ཁིལེ་བར་ནི་གེ་ནེ་བུའི་ཐུ་ལ་ཐེ་རི་མེ་ཐུའི་ན།.....མ་མཐའ་ཐུན་རྭ་རེ་གཡུག་རྒྱུ་ལའང་རྙིང་མ། ཁེ་རེག་ཐུར་པ་ག་ས་ག་འང་ཧ་རུན་འབ་བ་ཆུ་ཀར་ཤི་ལ་ཧུ་ཡ་གྭན་བུའི།.....འདི་ཉེ་བར་མཁོ་ཞིང་རྟགས་ཐོན་སླ་བ་ཞིག་འདུག་པས་དེ་འདྲའི་དོན་དུ་ཅུང་ཟད་རེ་ཉམས་སུ་བླངས་ཀྱང་འགལ་བ་ཅི་ཡོད། ༈ ཤེས་རབ་ན་རེ། དེ་འདྲ་ཟེར་བ་དེ་ཆོས་ལུགས་གཉི་ག་ལ་བློ་མ་ཁེལ་བའི་སྐྱོན་ཡིན། སྔོན་ཡང་གཅིག་གིས་ཕུགས་དཀོན་མཆོག་ལ་རེ། འཕྲལ་པེ་དཀར་ལ་རེ་ཞེས་ཕྱོགས་གཉིས་ཀ་གནོན་རྒྱུའི་ཁུལ་བྱས་ཀྱང་བློ་རྩེ་གཅིག་དྲིལ་གྱིས་སུ་ལའང་གཏོད་མ་ཐུབ་པས་སྲུང་བ་བྱས་ཚད་གནད་དུ་མ་སོང་བ་དང་འདྲ། ༈ ཚེ་དཔཱེའི་ན་རེ། ཤུལྭ་ཤུལྭ་ཤིན་ཞིས།.....དེ་བདེན་པར་འདུག །ལཱུ་ལཱུན་ཧེ་ལཱུས་པི་ཏཱེ་ཅུལྭ་ན་ཤིན།.....བྱ་བ་གང་བྱེད་ཀྱང་སེམས་ལ་འཛིན་རྒྱུ་གཅིག་ཡོད་པ་དགོས། ཕི་ཡཱུ་ཤེད་ཏྭོ་ཀྱི་ཆིད་ཡཱི་ས་མཱ། རུལ་ཁྭུལྭ་ཤྭད་མཱ་པི་ཅྱུས་ཅཱུང་ཀྱཱན།.....གཞན་དུ་འགྲོ་ནའང་རྟ་གཅིག་ཞོན་པ་མ་གཏོགས་གཉིས་ཞོན་རྒྱུ་ཡིན་བྱས་ན་བར་དུ་ལྷུང་ཡོང་། ཕི་ཡུ་ཧུ་ལཱེང་འུ་ཡུང་འི་ཡཱ་ན་ཀྱཱེན་ཡུལྭ་ཡཱུང་ཤྭང་ཡཱེན་ཀྱི་པུ་ཁེ་ཤིང།.....བཟོ་བྱེད་ནའང་ཁབ་རྩེ་གཅིག་གིས་བཟོ་བ་མ་གཏོགས་རྩེ་གཉིས་ཀྱིས་བཟོ་ལུགས་མེད། ཧྭན་ཤི་ཀྱཱཻ་ཡཱན། ཅིང་ཡཱི་ཡུ་ཅཱིས།.....བྱ་བ་ཐམས་ཅད་དེ་འདྲ་ཡིན་དུས་ཆོས་ཀྱང་དེ་དང་འདྲ་མོད། ༈ ཤེས་རབ་ན་རེ། མངོན་ཤེས་རྫུ་འཕྲུལ་ཕྲན་ཚེགས་དང་ཉམས་སྣང་བན་

― GTD007_Page_0821 ―

^{[མ་དཔེ་གཟིགས་ན་འདིར་གནོན།]}

[Full Size]

བུན་འབྱུང་སླ་བས། དེ་འདྲ་ལ་མགོ་འཁོར་ནས་བསྟན་པའི་གནད་མ་ནོར་བ་བསྐྱུར་ཏེ་སོང་ན་ཕན་ཆུང་ལ་གནོད་པ་ཤིན་ཏུ་ཆེན་པོ་འབྱུང་སྟེ། སྡོམ་གསུམ་རབ་དབྱེ་ལས། ལ་ལ་ལུས་དང་སེམས་ལ་ན། །ཏིང་འཛིན་ཅུང་ཟད་བསྐྱེད་ནས་ཀྱང། །དེ་ལ་ཡིད་ཆེས་སྐྱེས་པ་དང། །ལོག་པའི་ཆོས་རྣམས་བསྟེན་ནས་སླུ། །ལ་ལ་མངོན་པར་ཤེས་པ་དང། །རྫུ་འཕྲུལ་ཅུང་ཟད་བསྟན་ནས་ཀྱང། །བླུན་པོ་ཡིད་ཆེས་བསྐྱེད་ནས་ན། །ཕྱི་ནས་ཆོས་ལོག་སྟོན་པར་བྱེད། །ཆོས་གཞན་ལེགས་པར་སྟོན་ན་ཡང། །ཆོས་ཀྱི་གནས་རྣམས་བཅོས་པ་ན། །ཤིན་ཏུ་འཇིགས་པ་ཆེན་པོར་འགྲོ། །དེ་འདྲ་བ་ལས་སྐྱོན་བྱུང་མང། །དཔེར་ན་ཁ་ཟས་བཟང་པོ་ལ། །སྦྱར་བའི་དུག་གིས་ཕལ་ཆེར་གསོད། །དུག་རྐྱང་ཡིན་པར་ཤེས་ན་ན། །འགའ་ཡང་གསད་པར་ནུས་མ་ཡིན། །དེ་བཞིན་ཆོས་བཟང་འགའ་ཞིག་ལ། །ཆོས་ལོག་བསླད་པས་ཕ་རོལ་སླུ། །ཞེས་གསུངས། གཏན་གྱི་མདུན་མའི་རྩ་བ་ཡིན་པས་ཁེ་ཉེན་ལ་རྟོག་དཔྱོད་ཞིབ་མོ་བྱེད་དགོས་སོ། ༈ །བི་ལིག་ན་རེ། སྡོམ་གསུམ་རབ་དབྱེའི་ལུང་ཆི་པཱེར་ཐ་ཐ་ཧུ་ཁེ་རེག་འུ་ཀེའི།.....སྡོམ་གསུམ་རབ་དབྱེའི་ལུང་ཁྱོད་ཀྱིས་འདྲེན་མི་དགོས། ཆི་ནུ་ཐ་ཐག་སན་ཐེ་གུ་ནེ་ཆེ་ཆུ་ཐོ་ཏོར་ཧའི་ལེ་གེར་ལུ་གེ་སེལ་ཐེ་ནོམ་ལག་སན་བུའི་གི་པི་པཱེར་ཆུ་བུ་ཙེག་སེན་པུ་ལུ་གེ །.....ཁྱོད་ཀྱིས་དྲངས་པ་དེ་ལས་ཀྱང་གསལ་པོ་དཔེ་དང་བཅས་ནས་གསུངས་ཡོད་པ་ངེད་ཀྱིས་མཐོང་སྟེ། མུན་ཁུ་ཐེ་གུ་ནེ་ཆེ།.....དེ་ཉིད་ལས། ཐོབ་ཆི་ལ་པ་སུ་པུར་ཧ་ནུ་སའི་ན་ཙར་ལིག་ལུ་གའ།.....མདོར་ན་སངས་རྒྱས་གསུང་རབ་དང་། །

― GTD007_Page_0822 ―

^{[མ་དཔེ་གཟིགས་ན་འདིར་གནོན།]}

[Full Size]

འོ་ལང་ཁི་ཀི་ཙོ་ཧིལ་ཏུགྭ་ལུན་འུ་ཅོ་གུ་ལེ་གེད།.....ཕལ་ཆེར་མཐུན་པར་སྟོན་བྱེད་ཅིང་། །འོ་ནི་སུ་ཧུ་ནོ་གཽ་ཏི་པུ་རུ་གུ་འུ་ཚེ་གུ་ལུག་ཆེ་ནོ་མ།.....གནད་རྣམས་ལོག་པར་སྟོན་པའི་ཆོས། །ས་འི་ནས་འིན་མེ་ཐུ་འུ་ཙེ་གུ་ལེབ་ཆུ།.....ལེགས་ལེགས་འདྲ་བར་སྟོན་ན་ཡང་། །ཤི་མ་ནུ་པཱེར་ཨ་དྷི་སྭ་ལ་ག་སན་མུན་ཁེ་མེན།.....བདུད་ཀྱི་བྱིན་རླབས་ཡིན་ནོ་ཞེས། །སུ་ཏུར་ཏནྡྲ་བུ་ཁུ་ནེ་ཆེ་ཐོ་ཏོར་ཧའི་ནོམ་ལ་པའི།.....མདོ་རྒྱུད་ཀུན་ལས་གསལ་བར་གསུང་། །འེ་ཏེ་གཱེ་སར་མ་པར་མེ་ཐུ་ག་རུག་སན་ཡོ་སུ་ནི།.....འདི་དག་ཇི་ལྟར་བྱུང་བའི་ཚུལ། །ཐོབ་ཆིའི་ན་ཐེ་ཏུའི་པི་པེར་འུ་གུ་ལེ་མུའི་སོ་ནོ་སོག་ཐུ་ན།.....མདོ་ཙམ་ང་ཡིས་བཤད་ཀྱིས་ཉོན། །རིན་ཆེན་བཟང་པོ་ཁེལ་མེར་ཆི་པའི་ཧུའི་ན་འུ་ཡེ་ཏུར།.....རིན་ཆེན་བཟང་པོ་བཞུགས་པའི་ཚེ། །སངས་རྒྱས་སྐར་རྒྱལ་ཁེ་མེག་ཏེ་ཁུ་པཱེ་ར།.....སངས་རྒྱས་སྐར་རྒྱལ་ཞེས་བྱ་བ། །མང་ལའི་འ་ཆའན་ཀེ་རེལ་གར་གཱ་གད།.....དཔྲལ་བ་ནས་ནི་འོད་འབྱིན་ཞིང། །ཀེ་གེན་ཙབ་སར་ཐུར་ཙ་པི་ལ་ཅུ།.....བར་སྣང་ལ་ནི་སྐྱིལ་ཀྲུང་འཆའ། །ཙ་རིམ་ཏགའང་ཏེ་རེ་སུ་ནུ་ཤི་རེ་གེན་ཏུར་ས་གྭན།.....རེ་འགའ་འཇག་མའི་ཁྲི་ལ་སྡོད། །ཧོ་གོ་སོན་ཆི་ན་རུ་ན་ནོ་མོ་ཏིའུ་ཙེ་གུ་ལུན།.....སྟོང་པ་ཉིད་ཀྱི་ཆོས་རྣམས་སྟོན། །ཡེ་ཁེ་ཏེ་འ་ས་རན་ནི་ལུ་ལེ་སེ་ཁཱུ་ཏུ་རི་བེར་འུ་ཙུག་ཏེ་པཱེ།.....བྱམས་དང་སྙིང་རྗེ་ཆེ་བར་སྣང་། །ཐེ་གུ་ནུ་ནོ་མཱར་ཙ་རིམ་མུད་ཐུར།.....དེ་ཡི་ཆོས་ཀྱིས་གཞན་དག་ལ། །ས་མ་དྷི་ཆཱུ་ཐུ་རུ་པེའི།.....ཏིང་ངེ་འཛིན་ཡང་སྐྱེ་བར་བྱེད། །ཐེ་གུ་ན་ཏུར་ཡིར་ཐིན་ཆུ་ཐ་ཁིན་བི་ཤིར་པེའི།.....དེ་ལ་འཇིག་རྟེན་ཐམས་ཅད་མོས། །ཤཱཀྱ་མུ་ནེའི་ན་ཤ་ཅིན་ལུ་གྭའ།.....ཤཱཀྱའི་རྒྱལ་པོའི་བསྟན་པ་དང་། །ཨ་ཏི་ལི་པུ་སུའུ་ཆུ་འེུན་ཁེ་ན་ཅ་ས་ཏ་ག་བཱེ་ར་ནོམ་ལ་པའི།.....འདྲ་མིན་ཅུང་ཟད་བཅོས་པར་འཆད། །ཏེ་གུ་ནུ་ཤ་ཅིན་མ་ཤི་ཏེ་ལ་ཀེར་པཱེའི།.....དེ་ཡི་བསྟན་པ་ཤིན་ཏུ་འཕེལ། །ཐེ་རེ་འུ་ཡེ་ཏུར་རིན་ཆེན་བཟང་པོ་པཱེ་ར།.....དེ་ཚེ་རིན་ཆེན་བཟང་པོ་ཡིས། །ཇིར་

― GTD007_Page_0823 ―

^{[མ་དཔེ་གཟིགས་ན་འདིར་གནོན།]}

[Full Size]

གྭན་ས་ར་བུ་ཐུ་གེལ་འུའི་ལེད་ཆཱུ།.....སྒྲུབ་པ་ཟླ་བ་དྲུག་མཛད་ནས། །པ་ཐུ་ས་མ་དྷི་པཱེར་ཐེ་གུ་ནུ་ཏེར་གེ་ཏེ་ཙ་ལར་བའི།..... ཏིང་འཛིན་བརྟན་པས་དེ་དྲུང་བྱོན། །སངས་རྒྱས་སྐར་རྒྱལ་ཀེ་གེན་ཙ་པ་སར་ཐུར།.....སངས་རྒྱས་སྐར་རྒྱལ་བར་སྣང་ལ། །ཙ་བི་ལ་ན་ས་གུ་ཅུར་ནོ་མི་ནོམ་ལ་ཧུའི་ན་འུ་ཡེ་ཏུར།.....སྐྱིལ་ཀྲུང་བཅས་ནས་ཆོས་འཆད་ཚེ། །རིན་ཆེན་བཟང་པོ་པཱེར་འུ་ཙེག་སེན་ཐེ་ཏུའི་པཱེར།.....རིན་ཆེན་བཟང་པོས་གཟིགས་ཙམ་གྱིས། །གཅར་ཐུར་འུ་ན་ཅུ་ན་ཅུ་འུ་ཁུད་ཁེ་པཱེ་ཁེ་མཱེན་འལ་ཏར་ཤི་པའི།.....ས་ལ་ལྷུང་ནས་བརྒྱལ་ཞེས་གྲགས། །ཁེར་པེ་རིན་ཆེན་བཟང་པོ་ཁེ་མེག་ཏེ་ཁུ།.....གལ་ཏེ་རིན་བཟང་ཞེས་བྱ་བ། །ཏེ་གེ་ཏུ་བོག་ཏོ་ཐེ་རེའུ་ཡེ་ཏུར་འེ་སེ་འོ་རོ་ཤི་པ་སུ།.....སྐྱེས་མཆོག་དེ་ཚེ་མི་བཞུགས་ན། །སངས་རྒྱས་སྐར་རྒྱལ་ཁེ་མེག་ཏུ་ཁུའི་ན།.....སངས་རྒྱས་སྐར་རྒྱལ་ཞེས་བྱ་བའི། །པུ་རུའུ་ནོམ་ཤ་ཅིན་གར་ཧུ་ཁེ་མེན་ནོམ་ལགས་སན།.....ཆོས་ལོག་བསྟན་པ་འབྱུང་ཞེས་གསུངས། །ཧ་རའི་ན་ཙུག་ཐུར་པ་ཡ་སུག་ཆི།.....ནག་པོའི་ཕྱོགས་ལ་དགའ་བ་ཡི། །སྐར་རྒྱལ་ཁེ་མེག་ཆི་ནི་གེན་ཡེ་ཁེ་ཀླུས།.....སྐར་རྒྱལ་ཞེས་བྱའི་ཀླུ་ཆེན་ཞིག །མ་གུའུ་ཐུ་རུ་ལ་ཐུ་ནི་གེན་ཏུ་ར་འོ་རོ་ཅུ།.....སྐྱེས་ངན་ཞིག་ལ་ཞུགས་ནས་ནིས། །པུར་ཧ་ནུ་ཏུར་སུ་པཱེར་ཧ་གཱུ་ར་བཱ་ཁེ་མེ་ན་ནོམ་ལ་པའི།.....སངས་རྒྱས་གཟུགས་སུ་བརྫུས་ཞེས་གསུངས། །འེ་ནེ་མེ་ཐུའི་ན་ཙུའི་ལ་ཐུ་ཙ་རིམ་ཤི་མ་ནུའི་ཙ་གཽར་ཐུན།.....འདི་འདྲའི་རིགས་ཀྱི་བདུད་རིགས་འགའ། །ཁུ་མུན་བ་ཧུ་ཐུ་ག་ཐ་ནུ་ཏུ་རེ་གེ་པ་རི་ཅུ།.....མིའམ་འཕགས་པའི་གཟུགས་བཟུང་ནས། །པུ་རུ་གྭའུ་ཤ་ཅིན་ནི་ཏེལ་ཀེར་གཱུལ་ཁུའི་ན་ཐུ་ལ་ཏ།.....ལོག་པའི་བསྟན་པ་སྤེལ་བའི་ཕྱིར། །ནོམ་ལུ་གའ་ཧོ་ལི་ཅུ་འོ་ནི་སུ་ནོ་གཽད་ཐུར།.....ཆོས་དང་བསྲེས་ནས་གནད་རྣམས་སུ། །པུ་རུ་འུ་ནོམ་ཧོ་ལི་ཅུ་ནོམ་ལ་ཡུ།.....ལོག་ཆོས་བསྲེས་ནས་འཆད་པ་

― GTD007_Page_0824 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད། །ཁེ་མེན་ནོ་མ་ལག་སན།.....ཅེས་གསུངས་ཡོད་ཅིང་དེ་ལྟར་དུ་ངེད་རང་གིས་ཀྱང་ཁས་ལེན་པས།.....པུའི་བུ་གེད་ཐེ་རེ་མེ་ཐུ་ཏུ་ར་བི་ཏ་པཱེར་ཆུ་འ་མན་འབ་ཧུ་ཐུ་ལ། སུ་ཏུར་ཐར་ནི་འལི་ནུ་མུན་པོ་ལ་བ་ཆུ་ཤ་ཅི་ནུ་འོ་ནི་སུ་ནོ་གཽ་ཏི་པོག་ཏོ་བླ་མའི་འེ་ནེ་ཡོ་སུ་ནའ་ཆུ་འུ་བུར་ནི་གེ་ནི་འོ་རི་ཁུ་ཁེ་རེ་ག་ཐུ་ས་འུ་ཀེའི།.....མདོ་སྔགས་གང་གི་ཡིན་ཀྱང་བསྟན་པའི་གནད་རྣམས་རྗེ་བླ་མའི་ལུགས་འདི་ལས་གཞན་ཞིག་བཙལ་དགོས་དོན་ཡང་མེད་ལ། ཧོ་ལི་ཅི་ཆུ་འུ་ལུ་པོ་ལ་ཧུ།.....བསྲེས་ཀྱང་མི་ཆོག །ཏ་རཱུན་ནུ་གུ་ཆེལ་འ་རིལ་གུ་ཧུའི་ན་ཐེ་ཏུའི་ཏུར་ཐུ་ས་ལ་པ་སུ་ཤིར་ཧན་ཏུར་ནོ་ཧའི་ན་འུ་གུ་ཁུ་ནི་ཤི་ཐུ་ཁུ་ཆག་པའི་ཐ་ལ།.....འཕྲལ་གྱི་རྐྱེན་སེལ་ཙམ་དུ་རྨ་ལ་ཕན་ན་ཁྱི་ཚིལ་ཡང་བསྟེན་ཆོག་དུས། རྙིང་མའི་ན་ནོམ་ཆུ་ཐེ་གུ་ནཻ་ཆི་ཏོ་རོ་ནི་གེན་པུ་སུ་པ་ོལ་ལ་ཐའི།.....རྙིང་མའི་ཆོས་ཀྱང་དེ་ལས་ཐུ་བ་ཞིག་མིན་འགྲོ། ༈ པྲཛྙཱ་ན་རེ། དྷརྨྨསྱབྲིཧིཡངྻཏེ།.....ཆོས་ཀྱི་འབྲས་བུ་གང་ཡིན། ཤེས་རབ་ན་རེ། ཆོས་ཉམས་སུ་བླངས་པའི་འབྲས་བུ་མཐར་ཐུག་སངས་རྒྱས་ཀྱི་གོ་འཕང་ཡིན་པ་ཡོངས་སུ་གྲགས་པ་ལྟར་ཡིན་པས། བླ་མས་ཀྱང་དེ་ལ་དྲི་བ་གནང་བ་མིན་པར་འདུག །གནས་སྐབས་ཀྱི་དབང་དུ་བཏང་ནས་ཆོས་ཉམས་སུ་བླངས་པའི་ལག་རྗེས་ཞོག་ཚད་གང་ཡིན་གསུང་བར་འདུག །དེ་ངས་ཞིབ་ཏུ་བརྟག་ན་ཚེ་འདི་སྣང་གི་བྱ་བ་སོགས་ཆོས་མིན་ལ་རྒྱབ་ཀྱིས་ཕྱོགས་ནས་བློ་ཁ་ཆོས་ཀྱི་ཕྱོགས་ཁོ་ནར་འཁོར་ཞིང་སྒོ་གསུམ་གྱིས་བྱ་བ་གང་བྱས་ཆོས་ཀྱི་ཕྱོགས་སུ་འགྲོ་བ་ཞིག་བྱུང་ན་ཆོས་ཐོས་བསམ་སྒོམ་གསུམ་བྱས་པའི་ལག་རྗེས་ཞོག་པ་ཡིན་པ་འདྲ་སྙམ། ༈ བི་ལིག་ན་རེ། ཆི་ནོམ་འུས་ལེ་ཏེག་སེན་ཀི་གེད་འུས་ལེ་ཏེ་ཁུའི་ན་འུ་རི་ཐེ་རེ་ཧོ་ཡར་ཤིལ་ཐ་གཱན་འུ་རཱི་མི་ཏེལ་ནི་ཆག་སེན་བུའི།.....ཁྱོད་

― GTD007_Page_0825 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དེ་ཆོས་བྱས་པ་དང་ཆོས་བྱས་པའི་ལག་རྗེས་གཉིས་པོ་རྒྱུ་འབྲས་གོ་བཟློག་པར་སྣང། འུ་ཡན་ནོ་མོའི་ན་ཅུག་ཐུར་ཅུག་གུལ་ཁུ་ནི་གེན་འུ་རི་ཏའི་སེ་གར་བ་སུ་ནོམ་འུས་ལེ་ཏེ་ཁུ་ནི་གེན་འ་ཤི་ཏ་འུ་ལུ་ཡེ་རེ་ཁུ།.....བློ་ཁ་ཆོས་ཕྱོགས་སུ་འཁོར་བ་ཞིག་སྔོན་དུ་མ་བྱུང་བར་ཆོས་བྱེད་པ་ཞིག་གཏན་མི་ཡོང་བས། ཐེ་རེ་ནོམ་འུས་ལེ་ཏེ་ཁུའི་ན་ཤིལ་ཐ་གཱ་ན་མུན་པོ་སུ་ནོམ་འུས་ལེ་ཧེ་ཁུའི་ན་འུ་རེ་ཏུར་འོ་ཏོ་ཧུ་ཡོ་སུ་འུ་གེ །.....དེ་ཆོས་བྱེད་པའི་རྒྱུ་ཡིན་པ་མ་གཏོགས་ཆོས་བྱས་པའི་འབྲས་བུར་འགྲོ་ལུགས་མེད། ནོམ་པོ་སུའི་ན་ཅུག་ཐུར་འུ་ཡཱན་དུར་བ་ཧུ་ཀེ་གེད།.....ཆོས་མིན་གྱི་ཕྱོགས་ལ་བློ་ལོག་པ་དང། ནོམ་མུའི་ན་ཅུག་ཐུ་ར་འུ་ཡཱན་ཅུ་གུལ་ཁུ་ཧོ་ཡར་ཆཱུ་ཅིང་ནེ་གུ་རུའི་ན་སོ་མཱིན་འེ་ཁེ་སུ་གུལ་འུན་ཏེར་པོ་གི་ནི་མེ་ཐུ་ཆག་ས་ཆི་གུ་ཡི་རེ་ཁུ་ཁེ་རེག་ཐའི་ཐུ་ལ།.....ཆོས་ཀྱི་ཕྱོགས་ལ་བློ་འཁོར་བ་གཉིས་ཀྱང་སྲང་མདའི་མགོ་མཇུག་གི་མཐོ་དམན་བཞིན་དུས་མཉམ་དུ་ཡོང་དགོས་པས། ཐེ་རེ་ཆཱུ་ནོམ་འུས་ལེ་ཏེ་ཁུའི་ཏུར་འུ་རི་ཏ་འོད་ཧུ་ཁེ་རེག་ཐེའི་ནེ་གེན་མུན།.....དེའང་ཆོས་བྱེད་པ་ལ་སྔོན་དུ་འགྲོ་དགོས་པ་ཞིག་ཡིན་གྱི། ནོམ་འུས་ལེད་ཁུའི་ན་སེ་གུལ་ཏུར་ཡེ་རེ་ཁུ་ནེ་གེན་པོ་སུ།.....ཆོས་བྱས་པའི་འཕྲོར་ཡོང་རྒྱུ་ཞིག་མིན། ནོམ་འང་ཧཱ་རན་འབ་ཧུའི་ན་འུ་རཱི་འ་གོལ་ཧུའིན་ཁེམ་ཅི་ཡེན་ཏུར་ཤཱི་གཱལ་འུ་གྭེ་ཤི་ལ་ཐ་གཱན་ཐེ་དུས་ཡ་གཱུན་ཁེ་རིག །.....ཆོས་ཉམས་སུ་བླངས་པའི་ལག་རྗེས་ཞོག་ཚད་ལ་ཐག་མི་ཆོད་རྒྱུ་དེ་ཙམ་ཅི་དགོས། སོ་ན་སན་འུ་ལེ་ཏུག་སན་ནུ་འུ་རཱི་ཡེ་ནོམ་ལ་ཧུ་ཐེམ་ཆི་ཧུ་ཐོག་གོར་བའི་ཁུ་གུར་བ་ཐུར་བེལ་འུ་ཀེ་ནི་གེན་ག་ར་བ་སུ་ཐེ་རེ་མུན།.....ཐོས་པ་བྱས་པའི་ལག་རྗེས་འཆད་རྩོད་རྩོམ་གསུམ་ལ་ཐོགས་པ་མེད་པ་ཞིག་བྱུང་ན་དེ་ཡིན། བི་ཤེལ་གཱན་བུ་ཐུན་འུས་ལེ་ཏུག་སེན་འུ་རཱི་ཡི་དམ་པུར་ཧན་ནུ་ནི་གཱུ་རི་འུ་ཅི་ཁུ་ཧི་གེད་བི་ལིག་པ་རི་ཏེ་ཧོ་

― GTD007_Page_0826 ―

^{[མ་དཔེ་གཟིགས་ན་འདིར་གནོན།]}

[Full Size]

བི་གེན་ཐེརེ་གཱུ་ཐེ་ན་ཐུར་བེལ་འུ་གེ་ས་ཡན་མོ་གུའུ་ག་རན་པོ་ལ་ཧུ་བུ་གུ་ཧེའི་ན་གུ་ཧུ་ཆི་ལེན་ཧུ་མེ་ཏེ་གེད།.....སྒོམ་སྒྲུབ་བྱས་པའི་ལག་རྗེས་ཡི་དམ་ལྷའི་ཞལ་གཟིགས་མངོན་ཤེས་དང་རྫུ་འཕྲུལ་ཐོགས་པ་མེད་པས་ལེགས་ཉེས་འབྱུང་འགྱུར་ཐམས་ཅད་ཇི་ལྟ་བ་བཞིན་དུ་ཤེས་ཤིང། ཁི་ཅིག་འུབ་ཆིན་ཀི་གེད་འང་ཐོད་ཧར་ཐེ་རི་གཱུ་ཏེན་ནུ་ཆི་ཧུ་ལ་ཁུ་ནེ་གེལ་བུ་གུ་ཏེ་གི་འ་རིལ་གཅཱུ་འུ་བུ་རི་བོ་སུ་ཏུའི་ན་ཐུ་ས་འ་གཱུ་ཡེ་ཁེ་བུ་ཐེ་གཱན་ཆི་ཏ་ཧུ་ནི་གེན་གར་བ་སུ་ནོ་མུའི་ན་འུ་རུ་འ་གོ་ལ་ཧུ་མུན་ཡེ་ལེ་ཏེ་བུ་ཐུག་སེན་ཐེ་གུན་ཏུར་སེ་ཅི་གེ་ལེན་འུས་ལེ་ཏེ་ཁུ་ཡ་གཱུན་ཁེ་རེག །.....ནད་རིམས་གདོན་བགེགས་ལ་སོགས་པའི་ཉེར་འཚེ་ཐམས་ཅད་བསལ་ནས་རང་གཞན་གྱི་དོན་རླབས་པོ་ཆེ་སྒྲུབ་ནུས་པ་ཞིག་བྱུང་ན་ཆོས་ཀྱི་ལག་རྗེས་ཞོག་པ་ཡིན་པ་མངོན་སུམ་གྱིས་གྲུབ་པས་དེ་ལ་དོགས་པ་བྱེད་ཅི་དགོས། ༈ ཚེ་དཔཱེ་ན་རེ། ཤི་ཏེང་ཤུལྭ་ཧྭུ་ལྭ་ཏུ་ཀྱཱང་སཻ་ཅིན།.....ཁྱེད་མཁས་པ་རྣམས་ཀྱིས་བཤད་ན། གཅིག་གིས་བཤད་ཚེ་གཅིག་བདེན། ཏུས་ཤུལྭ་ཡཱིས་ཡན།.....གཉིས་ཀྱིས་བཤད་ཚེ་གཉིས་བདེན་པ་ལྟ་བུར་འདུག་པས། ཨཱེལ་ཤི་ཤུ་ལྭ་ཤུ་ལྭ་ཤུ་ལྭུས་ཤིཅེ་ཇཱི་ཡིན་ཏུ་ཤིས་ལྦ་ེས་ཅི་ཕིའི་ཕང།.....ད་རེས་ཁོང་རྣམ་གཉིས་ཀྱིས་བཤད་པ་དེ་གང་བདེན་རྒྱ་གར་གྱི་བླ་མས་ཐག་གཅོད་དགོས། ༈ པྲཛྙཱ་ན་རེ། ལོ་ཀ་སྱསཾསྟུཏཀཔྲཀྲྀཏེཙཱནུསུལཾམོངྒོལབནྡེནཱརྦུཏཏཏྲཤྩནཱསཏྱནགྲནྠབཱ།.....འཇིག་རྟེན་གྱི་གྲགས་ཚོད་དང་བསྟུན་ན་སོག་པོའི་བཙུན་པས་ཟེར་བ་དེའང་མི་བདེན་རྒྱུ་མེད་རུང། བྷོཊསྱགཽམིངྭཾསྭནཱརྦུཏཏཏྲཔྲམཱཎཾ་བི་ཤུདྡྷསྱཔྲྀཧྷནྷཤཱསྟགྲནྠ་བྷུཏབྷཱཥཡ།.....བོད་ཀྱི་བཙུན་པ་ཁྱོད་རང་གིས་ཟེར་བ་དེ་ལ་ལུང་རིགས་ཀྱི་ཁུངས་རྣམ་དག་སྟོན་རྒྱུ་ཡོད་ན་སྨྲོས་ཤིག །༈ ཤེས་རབ་ན་རེ། སོག་པོའི་བཙུན་པ་ཁྱོད་ཀྱིས་ཐོས་པའི་འབྲས་བུ་འཆད་རྩོད་རྩོམ་གསུམ་ལ་ཐོགས་པ་མེད་པ་ཟེར་བ་དེའང་གཅིག་ཤེས་གཉིས་ཤེས་ཐམས་ཅད་གཞན་ཞིག་ལ་བཤད་རྒྱུའི་

― GTD007_Page_0827 ―

^{[མ་དཔེ་གཟིགས་ན་འདིར་གནོན།]}

[Full Size]

འཕེན་པ་བཏང་སྟེ་ཁ་ཕྱིར་བལྟས་སུ་སོང་བའི་རྟགས་རེད། སངས་རྒྱས་བཅོམ་ལྡན་འདས་ཀྱིས། མང་དུ་ཐོས་པ་ནགས་ནི་ནང་དག་ཏུ། །ལང་ཚོ་ཡོལ་བ་རྣམས་ཀྱིས་གནས་པ་བདེ། །ཞེས་ཐོས་དོན་དབེན་པར་ཉམས་སུ་ལེན་དགོས་པར་གསུངས། སྐྱེས་རབས་ལས་ཀྱང། ཐོས་པའི་རྗེས་འཇུག་སྒྲུབ་པ་སྙིང་པོར་བྱེད། །ཅེས་ཐོས་པའི་འབྲས་བུ་སྒྲུབ་པ་ལ་བརྩོན་དགོས་པར་གསུངས་པ་རེད། ཡང་ཁྱོད་ཀྱིས་སྒྲུབ་པའི་འབྲས་བུ་མངོན་ཤེས་དང་གྲུབ་རྟགས་སོགས་ལ་གཙོ་བོར་ངོས་བཟུང་བ་དེ། ཆོས་བྱས་ཚད་ཚེ་འདིའི་ལག་ཆར་སོང་བའི་ནང་རྟགས་ཕྱིར་བསྟན་པར་སྣང། ཐོས་བསམ་སྒོམ་གསུམ་ཇི་ཙམ་བྱས་ཀྱང་བློ་ཕུགས་ཚེ་འདིའི་མདུན་མ་དང་འཁོར་བའི་ཕུན་ཚོགས་ལ་ཤི་སྦར་འཐམ་ནས་བསྡད་ན་བློ་ཁ་ཆོས་ལ་མ་ཕྱོགས་པ་ཡིན་པས་མཚམས་འདི་ཤེས་མཁན་དཀོན་པར་སྣང་། ཁྱོད་རང་གིས་བློ་ཁ་ཆོས་ལ་ཕྱོགས་པ་དེ་ཆོས་བྱེད་པའི་སྔོན་དུ་འགྲོ་དགོས་པའི་སྒྲུབ་བྱེད་གཏོང་གི་འདུག་མོད་ཀྱང། མི་ཚེ་ཆོས་ལ་བསྐྱལ་བའི་ལག་རྗེས་ཀྱི་ཐད་ཀ་ན་ད་དུང་བློ་ཁ་མ་ཕྱོགས་པའི་ནང་རྟགས་བསྟན་འདུག་པ་རྒྱབ་འགལ་ཆེན་པོ་ཡིན། དེང་དུས་ཀྱི་ཆོས་བྱས་ཟེར་མཁན་ཕལ་མོ་ཆེ་ཁས་ཟེར་ལུགས་དང་ཕུགས་ཀྱི་ཞེ་འདོད་མ་མཚུངས་པ་འདི་འདྲའི་དབང་གིས་འབད་པ་ཆུད་ཟོས་སུ་སོང་བ་མང་བར་སྣང། ཆོས་ཀྱི་འབྲས་བུ་ངེད་ཀྱིས་བཤད་པ་དེ་བཞིན་ལོས་ཡིན། སངས་རྒྱས་བཅོམ་ལྡན་འདས་ཀྱིས་ཆོས་གསུངས་པའི་དགོས་པ་གནས་སྐབས་ཀྱི་རྐྱེན་སེལ་ཙམ་དང། མངོན་ཤེས་རྫུ་འཕྲུལ་

― GTD007_Page_0828 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲན་ཚེགས་སྒྱུ་མ་མཁན་གྱི་ཟློས་གར་ལྟ་བུ་ཞིག་གི་ཕྱིར་དུ་གསུངས་པ་མིན། འཆིང་གྲོལ་ཐམས་ཅད་ཀྱི་རྩ་བ་རང་གི་སེམས་ལ་ཐུག་པས་བློ་སྣ་འདི་སྒྱུར་ཐབས་འབའ་ཞིག་ལ་གསུངས་པ་རེད། དེའི་གནད་ཀྱིས་འདི་ཅུང་ཟད་ཅིག་ཁ་ཡར་སྐོར་ཐུབ་ན་སངས་རྒྱས་ཀྱི་བཞེད་པ་བསྐངས་པ་དང་ཆོས་ཀྱི་ལག་རྗེས་ཞོག་པར་འགྲོ། མཉམ་མེད་ཇོ་བོ་ཆེན་པོས་ཀྱང། དངོས་གྲུབ་ཀྱི་མཆོག་ཉོན་མོངས་པ་ཇེ་ཆུང་ལ་སོང་བ་ཡིན། གྲུབ་རྟགས་ཀྱི་མཆོག་འདོད་པ་ཇེ་ཆུང་ལ་སོང་བ་ཡིན་གསུངས་ཤིང། དགོན་པ་བའི་ཞལ་ནས་ཀྱང། མན་ངག་གི་མཐིལ་གང་ལ་བྱེད་ཟེར་ན། མངོན་པར་ཤེས་པའམ་ཡི་དམ་གྱི་ལྷ་ཞལ་མཐོང་བ་ལ་བྱེད་ཟེར་མི་ཉན་པས། ལས་འབྲས་ལ་ངེས་པ་ཇེ་ཆེར་སོང་ནས་དམ་སྡོམ་ཚུལ་བཞིན་དུ་བསྲུང་བ་ལ་བྱེད་དགོས་པར་གསུངས། ཇོ་བོ་བཀའ་གདམས་པ་རྣམས་ཀྱི་གསུངས་ཚུལ་འདི་དུས་ཀྱི་སྙིགས་མ་དང་བསྟན་པའི་ཐ་མ་འདི་འདྲ་བའི་སྐབས་སུ་ཕན་ཤིན་ཏུ་ཆེ་བས། རང་ཅག་རྣམས་ཀྱིས་ཀྱང་དེ་འདྲ་རེ་ལ་བློ་རྩེ་གཏད་ན་ཉེན་ཆུང་ལ་ཁེ་ཆེ་བ་ཞིག་ཡོང། ༈ བི་ལིག་ན་རེ། ཆི་ནུ་མེ་ཏུག་སེན་ཡོ་སཱན་ཡོ་སཱན་ཐེ་གཱུ་ནི་པི་པེར་འེ་སེ་མེ་ཏུག་སེན་པོ་སུ།.....ཁྱོད་ཀྱིས་གོ་ལུགས་དེ་ང་ལའང་མ་ཤར་བ་མིན། ཆི་བ་ཆ་གུའི་འ་རད་པི་ར་འུ་ཆུ་ཁེན་ནུ་གུ་ངུའི་པོ་རུ་གུ་འང་ཧག་གུའི་འུ་ཆིའི་འུ་མུར་ཁཱུ་ཐུ་ལ་སེ་ཅིག་གི་ཧུ་ཏུལ་གེ་ཁུ་འར་ག་གི་འུས་ལེ་ཏེག་སེན་མུན།.....སྙིགས་དུས་ཀྱི་སྐྱེ་བོ་ཅོལ་ཆུང་རྣམས་ཀྱི་ལོག་རྟོག་གི་མཐའ་ཁེགས་པའི་ཕྱིར་དོགས་པ་སློང་ཐབས་བྱས་པ་ཡིན། ཆི་པེར་ནོམ་ལག་སན་ཐེ་རེ་ཏེ་གེ་རེ་ཧི་བཀའ་གདམས་པ་ནི་གུད་སུ་ཏ་ར་སའི་ཏི་རི་པུ་གུད་ནོམ་ལ་གད།.....ཁྱོད་ཀྱིས་བཤད་པ་དེ་བཀའ་གདམས་གོང་མ་རྣམས་སུ་མ་ཟད་མདོ་བསྟན་

― GTD007_Page_0829 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོས་ཐམས་ཅད་ནས་གསུངས་ཤིང། རྗེ་བླ་མའི་བོ་དྷི་མུ་རུའི་ན་ཅེར་གེ་ཏོ་ཐོར་ཏུར་ཆུ།.....རྗེ་བླ་མའི་བྱང་ཆུབ་ལམ་གྱི་རིམ་པའི་ནང་དུའང། བི་ཤེལ་ག་ག་སན་ནུ་གེ་ཏཱི་གི་ཆུ་མོང་ཧག་ཐེ་རེ་གཱུ་ཏེ་ན་ནིའི་པ་ནཱི་འུ་ལམ་འུ་ཆུ་ཧེན་ཏུར་འོ་ཏ་གཱུ་ལན་འུས་ལེད་ཁེ་མེན་ཅར་ལིག་པོ་ལིག་སེན་མེ་ཐུ་མེ་ཏེ་ཁུ་ཁེ་རེག་ཐའི།.....སྒོམ་པ་པོའི་དངོས་གྲུབ་ཀྱང་མ་རིག་པ་ལ་སོགས་པའི་ཉོན་མོངས་པ་ཇེ་ཆུང་དུ་སོང་བ་ལ་བྱ་གསུངས་པ་ལྟར་གོ་དགོས་སོ། །ཁེ་མེན་ཤིམ་ཏན་ནོམ་ལག་སན་འུ་ཆིར་ཤེལ་ཐ་གཱ་ན།.....ཞེས་ནན་ཏན་དུ་གསུངས་པའི་རྒྱུ་མཚན། ནོམ་ཧིང་འ་ཏ་ལི་ནི་གེན་འུས་ལེད་དེ་བ་ཆུ་ཐེ་རེ་ཀི་གེད་འེ་བུ་རུའི་ན་སེད་ཧིལ་ཧོ་ཡར་རཱི་པ་རིལ་ཏུ་གུལ་ཅཱུ་ཅས་གད་འ་རིལ་གག་སན་ཐེ་རེ་ནིས་པ་ནིས་སུའི་ཡུ་རུན་ཏེག་ཐུར་འོ་ཏོག་སན་པོའུ།.....ཆོས་ཇི་འདྲ་ཞིག་བྱས་ཀྱང་དེ་དང་རང་གི་སེམས་གཉིས་པོ་སྦྱར་ནས་ཞུ་དག་བཏང་སྟེ་ཉོན་མོངས་པའི་གཉེན་པོར་ཨེ་འགྲོ་ནིར་པཱན་ཀི་གད་ཧམ་གི་འའི་ལེད་ཏུག་ཆིའི་ན་ཤིལ་ཐ་གཱན་ཏུར་འོ་ཏོག་སན་པོ་ཡུ་འུ་ཅིལ་ནེ་གེན་གར་པ་སུ་སོ་ནག་སན་ས་ནག་སན་པི་ཤེལ་གག་སན་གོར་ཕ་ནི་གེན་ནུ་ནུ་ཁེར་.....ཐར་པ་དང་ཐམས་ཅད་མཁྱེན་པའི་རྒྱུར་ཨེ་འགྲོ་ལྟ་བ་ཞིག་བྱུང་ན་ཐོས་བསམ་སྒོམ་གསུམ་པོ་གཅིག །ཐུ་ནེ་གེན་འོ་ཏུ་ཧུ་ནི་གེན་པོལ་པ་སུ་ཡི་ལ་གུག་སན་ནུ་ཤ་ཅིན་འེར་ཏེ་ནི་གི་འེ་པུའི་པོ་སུ་ཏུའི་.....གྲོགས་སུ་གཅིག་འགྲོ་བ་ཞིག་བྱུང་ནས་རྒྱལ་བའི་བསྟན་པ་རིན་པོ་ཆེ་རང་གཞན་གྱི། འུན་ཏུ་སེན་ཏུར་མ་ག་ཏ་ལན་འ་རབ་གན་ཆི་ཏ་ཧུ་ནེ་གེན་ཡེ་རེ་ཁུ་མུན་བུའི།.....རྒྱུད་ལ་ངེས་པར་སྤེལ་ནུས་པ་ཞིག་ཡོང་བ་ཡིན་པར་འདུག །༈ པྲཛྙཱ་ན་རེ། ཨཏིཤུབྷཾ།.....ཤིན་ཏུ་ལེགས། དྷརྨྨསྱཀཐཱསརྦཀརྟཡཱརྠགམྦྷིརཾསུཁཛྙཱཧྲྀདཡསྱམརྨསཱཀདྦྷ། སཱཾཀཐྱོདརབུནརཔིཔྲསྟརེཎཀརྻྻལཉྩ།.....ཆོས་ཀྱི་གཏམ་བྱས་པ་ཐམས་ཅད་དོན་ཟབ་ལ་གོ་བདེ་བ་སྙིང་པོའི་གནད་

― GTD007_Page_0830 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་པར་བྱུང་བས་འབེལ་གཏམ་རྒྱས་པ་སླར་རིམ་གྱིས་བྱས་ཆོག་ཅིང། ཨདྷུནཱམདྐུཀརྟཡསྱཨིདཾཤུབྷཤྩནབིཔྲནཱཤཔཧིཤིཥྚཱགཏསྱཱརྠཾཔརིཎཱམསྱཡུཀསཱཡཾསཾཔྲཾཏེཔྲྀཙྪ།.....ད་རེས་ཅུང་ཟད་བྱས་པའི་དགེ་བ་འདིའང་ཆུད་མི་ཟ་བར་བྱ་བའི་ཕྱིར་བསྟན་འགྲོའི་དོན་དུ་བསྔོ་བའི་མཚམས་སྦྱོར་གནང་བར་ཞུ། ༈ ཤེས་རབ་ན་རེ། ཆོས་ཀྱི་རྒྱལ་པོ་ཙོང་ཁ་པའ། །ཆོས་ཚུལ་རྣམ་པར་འཕེལ་བ་དང། །གེགས་ཀྱི་མཚན་མ་ཞི་བ་དང་། །མཐུན་རྐྱེན་མ་ལུས་ཚང་བར་ཤོག །བདག་དང་གཞན་གྱི་དུས་གསུམ་དང། །འབྲེལ་བའི་ཚོགས་གཉིས་ལ་བརྟེན་ནས། །རྒྱལ་བ་བློ་བཟང་གྲགས་པ་ཡི། །བསྟན་པ་ཡུན་རིང་འབར་གྱུར་ཅིག །༈ བི་ལིག་ན་རེ། པི་པྭེར་ཆཱུ་བི་འུ་པུ་རུའི་ནའུ་གེ་ཡེར་ཡེ་རེ་གཱེ་ལ་འུས་ལེད་ཁུ་ཁེ་རེག་ཐའི།.....ངེད་རང་གིས་ངེད་རང་གི་སྐད་ཀྱི་བསྔོ་བ་ཞིག་བྱེད་དགོས། ན་མོ་མུའི་ན་ཧ་གཱནའི་ལ་གུག་སན་ཙོང་ཁ་པའི། །.....ཆོས་ཀྱི་རྒྱལ་པོ་ཙོང་ཁ་པའ། །ནོ་མོན་ཡོ་ས་ནིའི་ཐེ་འར་བི་ཏ་གུལ་ཁུ་ཅུར། །.....ཆོས་ཚུལ་རྣམ་པར་འཕེལ་བ་དང་། །ཐོ་ཏོ་གོ་ཏུའི་ཧར་ཤེལ་ཏ་ཧུ་ཐོད་ཧ་ར་པེལ་ཀཱེ་ཐེ་ཏུའི་ནི་འ་མིར་ལ་ཧུ་ཀེ་གེད།.....གེགས་ཀྱི་མཚན་མ་ཞི་བ་དང་། །ཅོ་ཁིལ་ཏ་ཧུའི་ནུག་ཆིལི་ཧོ་ཆིར་ལིའུ་ཀཱེ་བུ་རེད་ཀེ་ཁུ་པོ་ལ་ཐུ་གའི།.....མཐུན་རྐྱེན་མ་ལུས་ཚང་བར་ཤོག །འུ་པེར་ཀི་གེད་པོ་སུ་ཏུའི་ན་གོར་བན་ཆག་ལུ་གེ །.....བདག་དང་གཞན་གྱི་དུས་གསུམ་དང་། །པ་རིལ་ཏུག་སེན་ཧོ་ཡར་ཆི་གཱུལ་གཱན་ཏུར་ཤུ་ཐེ་ཅུའི།.....འབྲེལ་བའི་ཚོགས་གཉིས་ལ་བརྟེན་ནས། །ཡི་ལ་གུག་སན་སུ་མ་ཏི་ཀིརྟིའི་ན།.....རྒྱལ་བ་བློ་བཟང་གྲགས་པ་ཡི། །ཤ་ཅིན་འུ་ནི་འུ་ཏ་གཱན་ཏེལ་ཀེ་རེ་ཁུ་བོ་ལ་ཐུ་གའི།.....བསྟན་པ་ཡུན་རིང་འབར་གྱུར་ཅིག །༈ ཚེ་དཔཱེ་ན་རེ། འུལྭ་ཏེ་ང་ཡུས་སེ་ཀེ་ཅི་ཡཱུལྭན་ཡཱི་ན་སུ་ལྭ་ཨི་སུང་ཡཱུས།.....ངེད་རང་གིས་ཀྱང་ངེད་རང་གི་སྐད་ཀྱིས་བསྔོ་བ་ཞིག་བྱེད་དགོས། ཤི་ཅོ་ཧཱུ་ལྭ་ལྭང་ཙོང་ཁ་པཱ།.....ཆོས་ཀྱི་

― GTD007_Page_0831 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་པོ་ཙོང་ཁ་པའི། །ཆི་ཧུལྭ་ཡུས་ཅིན་ཤིང་ཤེན་ཤཱིས།.....ཆོས་ཚུལ་རྣམ་པར་འཕེལ་བ་དང་། །ཨིཆྱེ་ཧུལྭ་མཱུ་ཅེ་ཡ་ཤྱོ་མཱེ་ཡ།.....གེགས་ཀྱི་མཚན་མ་ཞི་བ་དང་། །ཧུ་ཧྭ་ཅི་ཤྱད་ཡུད་ཅིཇུས།.....མཐུན་རྐྱེན་མ་ལུས་ཚང་བར་ཤོག །ཡིན་ཀྱི་སཱན་ཤི་ཤུལྭ་ཀྱི་ཇུ་ཇུས།.....བདག་དང་གཞན་གྱི་དུས་གསུམ་དང། །ཨཱེལ་ཤྱན་ཡུང་ཧེ་ཀུང་ཏེ་ཡཱེ།.....འབྲེལ་བའི་ཚོགས་གཉིས་ལ་བརྟེན་ནས། །ཅེན་ཅིང་སུ་མ་ཏི་ཀིརྟི་ཅོ།.....རྒྱལ་བ་བློ་བཟང་གྲགས་པ་ཡི། །ཧེ་ཏཱང་ལྭང་ཡུང་པུ་ཇུ་ལྭས།.....བསྟན་པ་ཡུན་རིང་འབར་གྱུར་ཅིག །༈ པྲཛྙཱ་ན་རེ། མཡཱཡབཏསཾབྷྲྀཏེདཾཤུབྷེན།.....བདག་གིས་ཇི་སྙེད་བསགས་པའི་དགེ་བ་འདིས། །ཤཱསནཤྩསརྦྦཔྲཛཡཧིཏཉྩ།.....བསྟན་དང་འགྲོ་བ་ཀུན་ལ་གང་ཕན་དང། །བབཱིབྷཊརཱཀསྱསུམཏིཀིརྟི།..... ཁྱད་པར་རྗེ་བཙུན་བློ་བཟང་གྲགས་པ་ཡི། །ཤཱེཥྚཧྲྀདཾདཱིརྒྷཧསིཏཀརྻྻནྟུ།.....བསྟན་པའི་སྙིང་པོ་རིང་དུ་གསལ་བྱེད་ཤོག །སྐད་རིགས་རྣམ་བཞིའི་རིན་ཆེན་ཁམས་ལས་གྲུབ། །ལུང་རིགས་ཉི་ཟླའི་རྣ་ཆ་ཟུང་གིས་མཛེས། །སྔོན་མེད་ལེགས་པར་བཤད་པའི་ལྷུན་པོ་འདི། །ཐུབ་བསྟན་གླིང་བཞིའི་རྒྱན་དུ་གནས་གྱུར་ཅིག །དེའང་རིག་གནས་ཆུང་བ་ལྔའི་ཡ་གྱལ་ཟློས་གར་ཞེས་པ་རྒྱ་གར་ན་སྐད་རིགས་ཆེན་པོ་བཞིའི་སྒོ་ནས་སོ་སོར་འདོན་པའི་དབང་གིས་ཟློས་གར་ཤེས་ན་སྐད་རིགས་ལ་མི་རྨོངས་ཟེར་བ་ཡིན་ཞིང། བོད་ལ་སྐད་རིགས་གཅིག་ལས་མེད་པས་ཟློས་གར་མཚན་ཉིད་པ་མི་འོང་བར་གསུང། འོན་ཀྱང་དེང་དུས་རྒྱ་བོད་ཧོར་གསུམ་ཐམས་ཅད་དུ་བསྟན་པ་དར་ཡོད་པས་དེ་དག་སོ་སོའི་སྐད་ཀྱིས་བྱས་ན་སྐད་རིགས་སོ་སོའི་ཕྱོགས་གོ་ཞིང། འདི་འདྲའི་རྐྱེན་གྱིས་ཆོས་ཀྱི་གནད་འགག་གལ་ཆེ་བ་རྣམས་ལ་བློ་ཁ་ཕྱོགས་མཁན་ཡང་འབྱུང་སྲིད་དམ་སྙམ་པ་དང།

― GTD007_Page_0832 ―

^{[མ་དཔེ་གཟིགས་ན་འདིར་གནོན།]}

[Full Size]

རང་ཉིད་སོ་སོ་ཡང་དག་པར་རིགས་པ་བཞི་འགྲུབ་པའི་རྒྱུ་མཐུན་དུ་བསམས་ཏེ། ༸ བཙུན་པ་དཀོན་མཆོག་བསྟན་པའི་སྒྲོན་མེས་རབ་བྱུང་བཅུ་བཞི་པའི་བགྲང་བྱ་བརྒྱད་པ་དངོས་པོ་ཞེས་པ་ཤིང་ཕོ་ཁྱིའི་ལོ་རྒྱལ་གྱི་ཟླ་བའི་ཡར་ཚེས་ལ་སྦྱར་བའི་ཡི་གེ་པ་ནི་སྔགས་རམས་པ་དཀོན་མཆོག་ཀུན་དགས་བགྱིས་པ་འདིས་ཀྱང་བསྟན་པ་དང་འགྲོ་བ་ལ་ཕན་ཐོགས་པར་གྱུར་ཅིག། །། བཀྲ་ཤིས།།

ཚིག་བཀྲ་སྣ་ཚོགས་ཀྱི་སྐོར།

― GTD007_Page_0833 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་བཀྲ་སྣ་ཚོགས་ཀྱི་སྐོར་སྐལ་བཟང་མདོངས་མཐའ་དགྱེས་པའི་དབྱར་རྔ་ཞེས་བྱ་བ་བཞུགས་སོ།།

― GTD007_Page_0834 ―

^{[མ་དཔེ་གཟིགས་ན་འདིར་གནོན།]}

[Full Size]

དེའང་ཇི་སྐད་དུ། མཁས་གྲུབ་སྨྲ་བའི་ཉི་མས། ཁྱོད་ནི་རྣམ་དཔྱོད་ལུས་མཛེས་ཤིང། །དར་དིར་ལེགས་བཤད་མགྲིན་པའི་དབྱངས། །མ་ལུས་མཁས་པའི་ཡིད་འཕྲོག་པ། །རིན་ཆེན་རིགས་པའི་དོ་ཤལ་འཕྱང།། ཞེས་གསུངས་པ་ལྟར་འཇིགས་མེད་རྣམ་པར་དཔྱོད་པའི་ལུས་རྩལ་ཡོངས་སུ་རྫོགས་པའི་བློ་གྲོས་ཀྱི་ལང་ཚོ་དར་ལ་བབ་ཅིང། སྐལ་བཟང་རྣ་བའི་དཔྱིད་དུ་འཇོ་བའི་ལེགས་བཤད་ཀྱི་གླུ་དབྱངས་སྙན་པོ་དར་དིར་སྒྲོགས་པའི་སྨྲ་བའི་མགྲིན་པ་གཟེངས་སུ་མཐོ་བ། དཔྱོད་ལྡན་མཁས་པའི་ཡིད་ལ་དགའ་བ་མཆོག་ཏུ་སྟེར་བའི་མཛེས་རྒྱན་བླ་ན་མེད་པ་རྒྱལ་བའི་བཀའ་ལ་དྲང་ངེས་འབྱེད་པའི་རིགས་ལམ་དྲི་མ་མེད་པའི་ནོར་བུའི་དོ་ཤལ་ཕོན་པོའི་འཇོ་སྒེག་འཆང་བའི་མཁས་མང་ལྷ་བརྒྱའི་མདུན་ས་མཆོག་འདིར། འཇམ་དབྱངས་གཞོན་ནུའི་རོལ་གར་ངུར་སྨྲིག་འཆང་བའི་གཟུགས་སུ་བསྒྱུར་བ། བཀྲ་ཤིས་དགེ་མཚན་བྱེ་བའི་དཔལ་དང་ལྡན་པའི་གྲགས་སྙན་བ་དན་དཀར་པོ་སྲིད་པ་གསུམ་གྱི་བླ་ན་གཡོ་བ་དེ་ཉིད་ཀྱི་དུས་མཆོད་ཁྱད་པར་ཅན་དང་འབྲེལ་བར། གྲོ་ཞུན་ཟླ་བའི་དཀར་ཕྱོགས་ཀྱི་དཀྱིལ་འཁོར་ཡོངས་སུ་རྫོགས་པའི་རིང་ལ་རླབས་ཆེན་སྨོན་པའི་མཐུ་དང་ལྷན་ཅིག་གཏོང་བའི་སྒོ་བརྒྱ་ཡོངས་སུ་ཕྱེ་བས་བསྙེན་བཀུར་ཕུལ་དུ་ཕྱིན་པའི་ཐོག །མདོ་སྔགས་ཐུབ་བསྟན་ཡོངས་ཀྱི་གཞི་

― GTD007_Page_0835 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་ཀུན་གསལ་ཡངས་པའི་གོ་འབྱེད་རྨད་བྱུང་ཐོས་བསམ་གླིང། རྩ་བཤད་རྒྱུད་སྡེའི་འོད་སྟོང་སྤྲོ་བས་རིམ་གཉིས་པདྨོའི་དགའ་ཚལ་འབྱེད་པ་བསྟན་པའི་ཉི་མ་སྨད་རྒྱུད་རིག་པ་འཛིན་པའི་སྡེ། རིག་གནས་བསིལ་བའི་ཟེར་བརྒྱ་སྤྲོས་ཏེ་གཞན་དང་ཐུན་མོང་མིན་པ་དཔལ་ལྡན་དུས་ཀྱི་འཁོར་ལོའི་བཤད་སྲོལ་ཀུན་དའི་མཛེས་པ་འཛིན་པ་ཨེ་ཝཾ་ཆོས་འཁོར་གླིང། ལེགས་བྱས་ཆུ་འཛིན་འཁྲིགས་པའི་ཀློང་ནས་ཡན་ལག་བརྒྱད་ལྡན་བདུད་རྩིའི་ཆར་གྱིས་ལུས་ཅན་གདུང་བ་སེལ་བ་གསོ་རིག་གཞན་ཕན་གླིང་བཅས་ཀྱི་དགེ་འདུན་ཐམས་ཅད་གདན་འཛོམ་སྟེ། ལེགས་པར་བཤད་པའི་དགའ་སྟོན་ཉིན་རེ་བཞིན་དུ་བསྟར་བའི་དགེ་བ་འདི་དག་གིས་མཚོན། རང་གཞན་སྐྱེ་འཕགས་ཀུན་གྱིས་བསྒྲུབས་པའི་རྣམ་དཀར་ལེགས་བྱས་ཕུང་པོ། བསོད་ནམས་ཡེ་ཤེས་ཟུང་དུ་འཇུག་པའི་ཚོགས་གཉིས་སྤྱོད་པ་རྒྱ་མཚོས་བསྡུས་པའི་དགེ་བའི་དངོས་པོ། རབ་ཡངས་ཕྱོགས་ཀྱི་འཁོར་ལོའི་མཐའ་དང་མཉམ་པ་ཇི་སྙེད་ཅིག་བསགས་པ་མཐའ་དག་གཅིག་ཏུ་བསྡོམས་པའི་མཐུ་ལ་བརྟེན་ནས། ལེགས་ཉེས་བླང་དོར་ལྟ་བའི་བློ་གྲོས་ཀྱི་འདྲེན་བྱེད་མ་རིག་པའི་ལིང་ཏོག་གིས་ལྡོངས་པའི་འགྲོ་བ་མགོན་སྐྱབས་གླིང་དང་དཔུང་གཉེན་མེད་པ་མཐའ་དག་སྲིད་ཞིའི་མཐའ་དང་བྲལ་བའི་ཐེག་པ་མཆོག་གི་ལམ་བཟང་བརྒྱུད་དེ། ཡེ་ཤེས་ལྔ་ལྡན་སྐུ་

― GTD007_Page_0836 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིའི་ཕོ་བྲང་ཉམས་དགར་འཁྲིད་པའི་ས་མཁན་སྟོན་པ་མཆོག་ཏུ་བདག་ཅག་རྣམས་མྱུར་བ་ཉིད་དུ་འགྱུར་བ་དང། ཇི་སྲིད་བླ་ན་མེད་པའི་གོ་འཕང་མཆོག་དེར་མ་སོན་པའི་ཚེ་རབས་ཀྱི་འཕྲེང་བ་ཀུན་ཏུའང། མཐོ་རིས་ཡོན་ཏན་བདུན་ལྡན་རྟེན་བཟང་རིམ་པར་བླངས་ཏེ། འཇམ་དབྱངས་གཞོན་ནུའི་རྣམ་རོལ་རྗེ་བཙུན་བླ་མ་ཡབ་སྲས་ཀྱིས་འབྲལ་མེད་རྗེས་སུ་བཟུང་ནས་ལེགས་གསུངས་བདུད་རྩིའི་བཅུད་ཀྱིས་ལུས་སྟོབས་གསོས་ཏེ། ངེས་འབྱུང་བྱང་སེམས་ཡང་དག་པའི་ལྟ་བ་མཚན་བཅས་མཚན་མེད་ལམ་རིམ་པ་གཉིས་ལ་སོགས་པའི་མདོ་དང་སྔགས་ཀྱི་བསྟན་པའི་གནད་དོན་མ་ཚང་བ་མེད་པར་ཐོས་བསམ་སྒོམ་པས་ཉམས་སུ་བླངས་ནས་སྲས་བཅས་རྒྱལ་བ་མ་ལུས་དགྱེས་པར་བྱེད་པའི་ཀུན་བཟང་མཆོད་པའི་སྤྲིན་གྱི་ཕུང་པོ་ཕྱོགས་བཅུའི་ཞིང་ཁམས་ཀུན་ཏུ་སྤྲོ་བར་འགྱུར་བ་དང། དེ་ལྟར་རང་གིས་ཇི་བཞིན་ཁོང་དུ་ཆུད་ཅིང་ཚུལ་བཞིན་ཉམས་སུ་བསྟར་བའི་ལམ་གྱི་གནད་མ་ལུས་པ་བདག་པས་གཞན་གཅེས་པའི་ལྷག་བསམ་རྣམ་པར་དག་པའི་ཤུགས་ཀྱིས་ཡོངས་སུ་བསྐྱོད་དེ། གང་ལ་གང་འཚམ་གྱི་ཐབས་ལ་མཁས་པའི་གཞན་ཕན་འཕྲིན་ལས་ཀྱི་སྣང་བ་འབུམ་དུ་འབྱེད་པས་ལུས་ཅན་སྙིང་གི་མུན་པ་ཡོངས་སུ་བསལ་ནས་ཕན་དང་བདེ་བའི་པད་ཚལ་ཅིར་ཡང་བཞད་པས་ཐུབ་བསྟན་ནོར་འཛིན་ཡངས་པའི་ཁྱོན་ཀུན་རིང་དུ་གསལ་བར་འགྱུར་བ་ཡིན་པར་ཐལ། དེ་ལྟར་ཡིན་ནོ་ཞེས་པའི་ཚུལ་དང་པོ་དེ་ཉིད་འཆད་པར་བྱེད་པ་ལ། དེར་ནི་རིང་དུ་འབད་ལས་ཚོགས་གཉིས་ན། །མཁའ་ལྟར་ཡངས་པ་གང་ཞིག་བསགས་པ་དེས། །བློ་མིག་

― GTD007_Page_0837 ―

^{[མ་དཔེ་གཟིགས་ན་འདིར་གནོན།]}

[Full Size]

མ་རིག་གིས་ལྡོངས་འགྲོ་བ་རྣམས། །རྣམ་འདྲེན་རྒྱལ་བའི་དབང་པོར་བདག་གྱུར་ཅིག །ཅེས་པའི་གཞུང་འདི་བྱུང། ཚུལ་གཉིས་པ་དེ་ཉིད་འཆད་པར་བྱེད་པ་ལ། དེར་མ་སོན་པའི་ཚེ་རབས་ཀུན་ཏུ་ཡང་། །འཇམ་པའི་དབྱངས་ཀྱིས་བརྩེ་བས་རྗེས་བཟུང་སྟེ། །བསྟན་པའི་རིམ་པ་ཀུན་ཚང་ལམ་གྱི་མཆོག །རྙེད་ནས་སྒྲུབ་པས་རྒྱལ་རྣམས་མཉེས་བྱེད་ཤོག །ཅེས་པའི་གཞུང་འདི་བྱུང། ཚུལ་གསུམ་པ་དེ་ཉིད་འཆད་པར་བྱེད་པ་ལ། རང་གིས་ཇི་བཞིན་རྟོགས་པའི་ལམ་གྱི་གནད། །ཤུགས་དྲག་བརྩེ་བས་དྲངས་པའི་ཐབས་མཁས་ཀྱིས། །འགྲོ་བའི་ཡིད་ཀྱི་མུན་པ་བསལ་བྱས་ནས། །རྒྱལ་བའི་བསྟན་པ་ཡུན་རིང་འཛིན། ཅེས་པའི་གཞུང་འདི་བྱུང་བ་ཡིན་པའི་ཕྱིར། ༈ དེའང་ཇི་སྐད་དུ། འཛམ་གླིང་བསྟན་པའི་ཉི་མ་མཁས་གྲུབ་ཆོས་ཀྱི་རྒྱལ་པོའི་ཞལ་ནས། མཁས་པ་ཀུན་གྱི་ཟུར་ཕུད་ལ། །བཀའ་ཡི་རྩེ་དགའ་བགྱིས་པ་ཁྱོད། །དཔལ་ལྡན་ཕྱོགས་རྣམས་ཐམས་ཅད་ལས། །རྣམ་པར་རྒྱལ་བའི་རྒྱལ་མཚན་འཛིན། །ཞེས་གསུངས་པ་ལྟར། ལུང་དང་རྟོགས་པའི་ཡོན་ཏན་གསེར་སྦྱངས་རྩིབས་སྟོང་འཁོར་ལོའི་ཤུགས་ཀྱིས་འཇིགས་བྲལ་ཆོས་ཀྱི་སྲིད་ལ་དབང་བསྒྱུར་བའི་ཞབས་སེན་གསར་པའི་ཟླ་ཚེས་དཔྱོད་ལྡན་དྲན་དབང་བྱེ་བའི་གཙུག་ཕུད་རྩེ་མོར་ངལ་གསོ་ཞིང། སྨྲ་བ་ངན་པའི་གཡུལ་ངོ་མཐའ་དག་བཅོམ་སྟེ་འཇམ་མགོན་རྒྱལ་བའི་རིང་ལུགས་མི་ནུབ་བསྟན་པའི་རྒྱལ་མཚན་སྲིད་པའི་རྩེ་མོར་བསྒྲེངས་པ་མཁས་གྲུབ་བྱེ་བའི་བསྟི་གནས་རྨད་དུ་བྱུང་བ་འདིར། གྲྭ་ཚང་

― GTD007_Page_0838 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིའི་དགེ་འདུན་མཐའ་དག་ཞལ་ལྷན་ཅིག་མངོན་དུ་གྱུར་ཏེ། དད་ལྡན་ས་འཛིན་བྱེ་བའི་རྩེ་ནས་མཆོད་བཀུར་ན་བུན་སྤྲོ་བའི་ཆུ་འཛིན་སྟུག་པོ་མངོན་པར་འཁྲིགས། རྟ་འདུར་དབྱངས་དང་བཅས་པའི་འདོན་ཆོས་འབྲུག་སྒྲ་སྙན་པོ་དལ་གྱིས་བསྒྲགས། རིགས་ལམ་དྲི་མ་མེད་པའི་འབྲེལ་གཏམ་གློག་འོད་གསེར་གྱི་ཞགས་པ་མངོན་པར་གཡོ། དགའ་བའི་མིག་ཡངས་གྱེན་དུ་གཡོ་བའི་མདོངས་མཐའ་རྣམས་ནི་རྗེས་སུ་ཡི་རང་ཟློས་གར་ཅིར་ཡང་བསྒྱུར་བའི་དགེ་མཚན་མཐའ་དག་གཅིག་ཏུ་བསྡོམས་པའི་མཐུ་ལ་བརྟེན་ནས། སྲིད་ཞིའི་ནད་བརྒྱ་སེལ་བའི་སྨན་གཅིག །དོན་གཉིས་ལེགས་ཚོགས་ནོར་བུའི་འབྱུང་ཁུངས། རྒྱལ་བའི་བསྟན་པ་རིན་པོ་ཆེའི་འོད་ཀྱི་སྣང་བས་མ་ཁྱབ་པའི་ཕྱོགས་ཀུན་ཏུ་མངོན་པར་འཕྲོ་ཞིང། གང་དུ་ཁྱབ་ཀྱང་ཅུང་ཟད་ཉམས་པ་རྣམས་ཀྱང་སྐྱེས་མཆོག་བསྟན་པའི་བདག་པོ་སྙིང་རྗེ་ཆེན་པོའི་གཞན་དབང་དུ་གྱུར་པ་རྣམས་ཀྱིས་སླར་གསོས་ཏེ་ལུས་ཅན་ཡོངས་ལ་ཕན་བདེའི་སྒོ་བརྒྱ་འབྱེད་པར་འགྱུར་བ་དང། ཁྱད་པར་དུའང་སྲས་བཅས་རྒྱལ་བ་ཀུན་གྱི་འཕྲིན་ལས་གཅིག་ཏུ་བསྡུས་པའི་ཕུང་པོ། ཟབ་རྒྱས་ལམ་གྱི་གནད་ཀུན་ཡོངས་སུ་རྫོགས་པ་བྱང་ཆུབ་ལམ་གྱི་རིམ་པའི་སྲོལ་བཟང་ཉམས་མེད་དབྱར་གྱི་ཆུ་མཚོ་བཞིན་དུ་རྒྱས་ཏེ། ཐར་འདོད་ཀུན་གྱི་ཡིད་ལ་ངེས་པར་ལེགས་པའི་དཔལ་ཡོན་སྦྱིན་པས་རྒྱལ་བའི་མཛད་པ་མ་ལུས་བསྒྲུབ་པར་འགྱུར་བ་དང། ལམ་བཟང་འདི་ཉིད་སྒྲུབ་པའི་འགལ་རྐྱེན་སེལ་ཞིང་མཐུན་རྐྱེན་སྡོངས་གྲོགས་ལྷུར་ལེན་པའི་དཀར་ཕྱོགས་སྐྱོང་བའི་ལྷ་ཀླུ་

― GTD007_Page_0839 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ཀྱི་གཟི་བྱིན་དཔལ་འབྱོར་རྒྱས་ཤིང། སྦྱིན་པའི་བདག་པོ་རྣམས་ཀྱང་ཚེ་བསོད་སྟོབས་འབྱོར་མངའ་ཐང་སྙན་གྲགས་ཐམས་ཅད་གོང་དུ་འཕེལ་བ་དང། ཚེ་རབས་ཀྱི་འཕྲེང་བར་ཡང་ལམ་བཟང་འདི་ཉིད་ཉམས་སུ་ལེན་པའི་སྐལ་བ་མཆོག་དང་ལྡན་པར་འགྱུར་བ་ཡིན་པར་ཐལ། དེ་ལྟར་ཡིན་ནོ་ཞེས་པའི་ཚུལ་དང་པོ་དེ་ཉིད་འཆད་པར་བྱེད་པ་ལ། བསྟན་པ་རིན་ཆེན་མཆོག་གིས་མ་ཁྱབ་པའམ། །ཁྱབ་ཀྱང་ཉམས་པར་གྱུར་པའི་ཕྱོགས་དེར་ན། །སྙིང་རྗེ་ཆེན་པོས་ཡིད་རབ་བསྐྱོད་པ་ཡིས། །ཕན་བདེའི་གཏེར་དེ་གསལ་བར་བྱེད་པར་ཤོག །ཅེས་པའི་གཞུང་འདི་བྱུང། ཚུལ་གཉིས་པ་དེ་ཉིད་འཆད་པར་བྱེད་པ་ལ། སྲས་བཅས་རྒྱལ་བའི་རྨད་བྱུང་འཕྲིན་ལས་ལས། །ལེགས་གྲུབ་བྱང་ཆུབ་ལམ་གྱི་རིམ་པས་ཀྱང། །ཐར་འདོད་རྣམས་ཀྱི་ཡིད་ལ་དཔལ་སྟེར་ཞིང། །རྒྱལ་བའི་མཛད་པ་རིང་དུ་སྐྱོང། ཞེས་པའི་གཞུང་འདི་བྱུང། ཚུལ་གསུམ་པ་དེ་ཉིད་འཆད་པར་བྱེད་པ་ལ། ལམ་བཟང་བསྒྲུབ་པའི་མཐུན་རྐྱེན་སྒྲུབ་བྱེད་ཅིང། །འགལ་རྐྱེན་སེལ་བྱེད་མི་དང་མི་མིན་ཀུན། །ཚེ་རབས་ཀུན་ཏུ་རྒྱལ་བས་བསྔགས་པ་ཡི། །རྣམ་དག་ལམ་དང་འབྲལ་བར་མ་གྱུར། ཅེས་པའི་གཞུང་འདི་བྱུང་བ་ཡིན་པའི་ཕྱིར། ༈ དེའང་ཇི་སྐད་དུ། སྨྲ་བའི་ཉི་མ་དགེ་ལེགས་དཔལ་བཟང་པོའི་ཞལ་ནས། རིགས་པའི་ཉིན་བྱེད་ཁྱོད་དྲིན་ལས། །གངས་ཅན་བློ་གསལ་བུང་བའི་ཚོགས། །མཐའ་དག་བསྟན་པའི་པད་ཚལ་དུ། །གསུང་རབ་སྦྲང་རྩིའི་དགའ་སྟོན་མྱོང། །ཞེས་

― GTD007_Page_0840 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པ་ལྟར། བཤད་སྒྲུབ་སྦྲང་རྩིའི་རོ་ལ་རྗེས་སུ་ཆགས་པའི་བློ་གསལ་རྐང་དྲུག་ཚོགས་ཀྱི་ཉེར་འཚོའི་གཞི་རྟེན་དམ་པ་རྒྱལ་བསྟན་པདྨའི་དགའ་ཚལ་རིགས་ལམ་དྲི་མེད་འོད་ཀྱི་སྣང་བས་འབྱེད་པའི་ཉིན་བྱེད་སྟོང་ཕྲག་འབར་བའི་མདུན་སར་བརྒལ་བརྟག་ཅུང་ཟད་བགྱིས་པ་སོགས་ལེགས་བྱས་ཀླུང་བརྒྱ་གཅིག་ཏུ་འཁྱིལ་བའི་དགེ་ཚོགས་རྒྱ་མཚོའི་མཐུ་ལ་བརྟེན་ནས། ཀུན་གཟིགས་ཡེ་ཤེས་ཀྱི་ཉི་མ་སྐྱབས་མགོན་རྡོ་རྗེ་འཆང་ཆེན་དེ་ཉིད་ཀྱི་ཚད་མེད་པའི་ཐུགས་རྗེ་དང། མི་འཕྲོག་པའི་མཁྱེན་རབ། གཞན་ཕན་གྱི་མཛད་པ། མཁའ་ཁྱབ་ཀྱི་འཕྲིན་ལས་སོགས་བསིལ་བའི་ཟེར་གྱི་རང་བཞིན་རྣམས་གདུལ་བྱའི་སྣང་ངོར་ཡང་སྔར་ལས་གཡོ་བ་མེད་ཅིང། མཚན་དཔེའི་སྣང་བརྙན་གྱི་ཆ་ཤས་སླར་ཡང་གསར་དུ་ཚེས་པའི་མཆོག་སྤྲུལ་ཟླ་བ་གཞོན་ནུ་འཛམ་གླིང་བསྟན་འགྲོ་ཡོངས་ཀྱི་ཕན་བདེ་ཀུན་དའི་གཉེན་དུ་འགྱུར་བ་དང། ཚུལ་དེ་ལ་བརྟེན་ནས་རྣམ་དག་བསླབ་གསུམ་ལྡན་པའི་དགེ་འདུན་ཚོགས་ཀྱིས་གནས་འདི་ཡོངས་སུ་གང་སྟེ། བཤད་སྒྲུབ་བྱ་བ་ལས་ཀྱི་འཁོར་ལོ་གསུམ་གྱི་སྒོ་ནས་རྒྱལ་བསྟན་རིན་པོ་ཆེ་ཡངས་པའི་འཇིག་རྟེན་ཀུན་ཏུ་འཕེལ་བར་འགྱུར་བ་དང། ཚུལ་དེ་ལ་བརྟེན་ནས་ཆོས་སྤྱོད་བཅུ་ཡི་དཔལ་གྱིས་དགེ་ལེགས་གོས་དཀར་བྱིན་པའི་ཡུལ་གྲུ་ཀུན་ཀྱང་བསྟན་ལ་དགའ་བའི་ལྷ་ཀླུ་རྣམས་ཀྱིས་ཆོས་བཞིན་བསྐྱངས་ཏེ། རྫོགས་ལྡན་གསར་པའི་དགའ་སྟོན་བཀྲ་ཤིས་རྒྱ་མཚོའི་རླབས་ཀྱིས་ཁྱབ་པར་འགྱུར་བ་ཡིན་པར་ཐལ། དེ་ལྟར་ཡིན་ནོ་ཞེས་པའི་ཚུལ་དང་པོ་དེ་ཉིད་འཆད་

― GTD007_Page_0841 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱེད་པ་ལ། ཐུགས་མཁྱེན་རབ་མཛད་སྤྱོད་འཕྲིན་ལས་སོགས། །འོད་དཀར་པོའི་བསིལ་ཟེར་མ་འགྱུར་ཡང། །སྐུའི་ཆ་ཤས་གསར་དུ་ཚེས་པ་ཡི། །མཆོག་སྤྲུལ་བའི་ཟླ་བ་མྱུར་དུ་བྱོན། །ཞེས་པའི་གཞུང་འདི་བྱུང། ཚུལ་གཉིས་པ་དེ་ཉིད་འཆད་པར་བྱེད་པ་ལ། བསླབ་པ་གསུམ་ལྡན་ངུར་སྨྲིག་འཛིན་པ་ཡི། །འདུས་པའི་ཚོགས་ཀྱིས་གནས་འདི་ཡོངས་གང་ཞིང། །རྟག་ཏུ་བཤད་སྒྲུབ་བྱ་བས་སྲིད་མཐའི་བར། །ཐུབ་བསྟན་ཕྱོགས་བཅུར་རྒྱས་པའི་བཀྲ་ཤིས་ཤོག །ཅེས་པའི་གཞུང་འདི་བྱུང། ཚུལ་གསུམ་པ་དེ་ཉིད་འཆད་པར་བྱེད་པ་ལ། གང་ཚེ་ཐེག་པ་མཆོག་ལ་ཆོས་སྤྱོད་བཅུས། །ཚུལ་བཞིན་སྒྲུབ་ལ་བརྩོན་པ་དེ་ཡི་ཚེ། །མཐུ་ལྡན་རྣམས་ཀྱིས་རྟག་ཏུ་གྲོགས་བྱེད་ཅིང། །བཀྲ་ཤིས་རྒྱ་མཚོས་ཕྱོགས་ཀུན་ཁྱབ། ཅེས་པའི་གཞུང་འདི་བྱུང་བ་ཡིན་པའི་ཕྱིར། ༈ དེའང་ཇི་སྐད་དུ། སྙན་པའི་བ་དན་འཇིག་རྟེན་གསུམ་ན་གྲགས། །དམ་པའི་ཆོས་སྒྲ་སེང་གེའི་སྒྲ་བསྒྲགས་པ། །ཞེས་སོགས་ཀྱིས་བཤད་པ་ལྟར། རང་དོན་གྱི་ཡོན་ཏན་དམ་པ་ཉེས་ལྟུང་རྙོག་མའི་རྡུལ་དང་བྲལ་ཞིང་ལུང་རྟོགས་ཡོན་ཏན་གྱི་རྒྱན་འཕྲེང་མཛེས་པའི་གྲགས་སྙན་བ་དན་དཀར་པོ་འཇིག་རྟེན་གསུམ་གྱི་བླ་ན་གཡོ་བ། གཞན་དོན་གྱི་ཡོན་ཏན་དྲི་མ་མེད་པའི་ལུང་རིགས་སེང་གེའི་ངར་སྐད་དབྱངས་སུ་བསྒྲགས་པས་སྨྲ་ངན་ཡོངས་ཀྱི་སྙེམས་པ་ཕྲོགས་ནས་ཐར་འདོད་རི་སྐྱེས་མཐའ་དག་རྗེས་སུ་སྐྱོང་བར་མཛད་པ། སྲིད་པ་གསུམ་གྱི་དཀོན་པའི་ནོར་མཆོག་བཤད་སྒྲུབ་

― GTD007_Page_0842 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་བང་མཛོད་འཕགས་ཆེན་འདུས་པ་རྒྱ་མཚོའི་དབུས་སུ། རང་ཅག་གཉིས་ཀྱིས་ཡོན་ཏན་མ་ལུས་པའི་གཞི་རྟེན་ལྷག་པ་ཚུལ་ཁྲིམས་ཀྱི་བསླབ་པའི་སྣོད་དམ་འབྱུང་ཁུངས་ལྟ་བུར་གྱུར་པ་དམ་པའི་ཆོས་འདུལ་བའི་དོན་ལས་བརྩམས་ནས་འབེལ་གཏམ་ཅུང་ཟད་བགྱིས་ཏེ། ཐམས་ཅད་མཁྱེན་པའི་བསླབ་གཞི་དཀོན་མཆོག་སྣོད། །འཕགས་པའི་ཚོགས་ཀྱི་དབུས་སུ་དབྱེ་བར་བྱ། །ཞེས་འཕགས་པ་ཉེ་བར་འཁོར་གྱི་རྣམ་པར་ཐར་པའི་རྗེས་སུ་ཞུགས་པ་འདིས་ཐོག་དྲངས། དུས་གསུམ་བསགས་པའི་དགེ་ཚོགས་ཆབས་ཅིག་ཏུ་བསྡོམས་པའི་མཐུ་ལ་བརྟེན་ནས་མཁའ་མཉམ་སྐྱེ་དགུ་ཡོངས་ལ་ཕན་བདེའི་ལམ་བཟང་མཚོན་པའི་དམིགས་བུ་རྒྱལ་བའི་ཉི་མ་སངས་རྒྱས་བཅོམ་ལྡན་འདས་འཇིག་རྟེན་དུ་བྱོན་ནས་ལེགས་པར་བསྟན་པའི་དམ་པའི་ཆོས་ལུང་རྟོགསཀྱི་བསྟན་པ་སྤྱི་དང། ཁྱད་པར་ཕྱི་འདུལ་བའི་ཀུན་སྤྱོད། ནང་ཕྱིན་དྲུག་གི་ཉམས་ལེན། གསང་བ་རིམ་གཉིས་ཀྱི་རྣལ་འབྱོར་སོགས་བསྟན་པའི་གནད་ཀུན་རྫོགས་པ་འཇམ་དབྱངས་བླ་མའི་ལུགས་བཟང་གསེར་མདོག་བཙོ་མ་ལྟ་བུ་བདེ་ལེགས་ཀུན་གྱི་འབྱུང་གནས་གཅིག་པུ་འདི་ཉིད་དར་རྒྱས་ཡུན་རིང་དུ་གནས་པར་འགྱུར་བ་དང། ཚུལ་དེ་ལ་བརྟེན་ནས་ཆོས་སྡེ་ཆེན་པོ་འདིས་མཚོན་མཐའ་དབུས་ཀྱི་དགེ་འདུན་རྣམས་ཐུགས་མཐུན་ཁྲིམས་གཙང་ཞིང། ཉོན་མོངས་པའི་དགྲ་སྡེ་གདུང་བར་བྱེད་པའི་དཀའ་ཐུབ་དམ་པ་སྡེ་སྣོད་གསུམ་གྱི་འཆད་ཉན་དང། བསླབ་པ་གསུམ་གྱི་ཉམས་ལེན་སོགས་སྒྲུབ་པའི་མཆོད་པ་གོང་དུ་འཕེལ་བའི་དབང་གིས་རང་ཅག་རྣམས་ཀྱི་མགོན་དུ་བསམ་བཞིན་བྱོན་པའི་

― GTD007_Page_0843 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་ཆེན་དམ་པ་༸གོང་ས་ཐམས་ཅད་མཁྱེན་གཟིགས་ཆེན་པོ་རྗེ་བཙུན་བློ་བཟང་ཐུབ་བསྟན་འཇིགས་མེད་རྒྱ་མཚོའི་ཞལ་སྔ་ནས་སོགས་སྐྱེས་མཆོག་དམ་པ་རྣམས་སྐུ་ཚེ་རྡོ་རྗེའི་ཁམས་སུ་བརྟན་པའི་ཞབས་སེན་བཀྲ་ཤིས་པའི་རི་མོ་འབྲལ་མེད་སྤྱི་བོའི་རྒྱན་དུ་འགྲོགས་ཏེ་བསྟན་འགྲོ་ཡོངས་ཀྱི་ཕན་བདེའི་རྩ་བ་ཚུགས་པར་འགྱུར་བ་དང། ཚུལ་དེ་ལ་བརྟེན་ནས་རང་ཅག་རྣམས་ཀྱང་ཚེ་རབས་ཀྱི་འཕྲེང་བར་བསྟན་པའི་གཅེས་མཛོད་ཚུལ་ཁྲིམས་རྣམ་པར་དག་པའི་རྒྱན་དང་ལྡན་ཞིང། མང་དུ་ཐོས་པའི་དཔལ་གྱིས་བརྗིད་པ་སོགས་བཤད་སྒྲུབ་ཡ་མ་བྲལ་བ་བཀའ་གདམས་གཙང་མའི་རྣམ་ཐར་ལྷུར་བླངས་པའི་སྟོབས་ཀྱིས་རིང་པོར་མི་ཐོགས་པར་ཡང་སྲིད་ཕྲ་རགས་ཀྱི་རྒྱ་ལས་རྣམ་པར་གྲོལ་ཏེ། ཐེག་པ་མཆོག་གི་དགྲ་བཅོམ་བླ་ན་མེད་པའི་བྱང་ཆུབ་ཀྱི་གོ་འཕང་མངོན་དུ་བྱས་ནས་འགྲོ་བ་ཀུན་ཀྱང་ཟག་མེད་བདེ་བའི་དགའ་སྟོན་མཆོག་ལ་འགོད་པར་འགྱུར་བ་ཡིན་པར་ཐལ། དེ་ལྟར་ཡིན་ནོ་ཞེས་པའི་ཚུལ་དང་པོ་དེ་ཉིད་སྟོན་པར་བྱེད་པ་ལ། སངས་རྒྱས་རྣམས་ནི་འབྱུང་བ་བདེ། །ཆོས་བསྟན་པ་ཡང་བདེ་བ་ཡིན། །ཞེས་པའི་གཞུང་འདི་བྱུང། ཚུལ་གཉིས་པ་དེ་ཉིད་སྟོན་པར་བྱེད་པ་ལ། དགེ་འདུན་མཐུན་པ་བདེ་བ་སྟེ། །མཐུན་པ་རྣམས་ཀྱི་དཀའ་ཐུབ་བདེ། །འཕགས་པ་རྣམས་ནི་མཐོང་བ་བདེ། །དམ་པ་དག་དང་འགྲོགས་པ་བདེ། །ཞེས་པའི་གཞུང་འདི་བྱུང། ཚུལ་གསུམ་པ་དེ་ཉིད་སྟོན་པར་བྱེད་པ་ལ། ཚུལ་ཁྲིམས་ལྡན་པ་མཐོང་བ་བདེ། །མང་དུ་ཐོས་པ་མཐོང་བ་བདེ། །

― GTD007_Page_0844 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་སྲིད་རྣམ་པར་གྲོལ་བ་ཡི། །དགྲ་བཅོམ་པ་དག་མཐོང་བ་བདེ། །ཞེས་པའི་གཞུང་འདི་བྱུང་བ་ཡིན་པའི་ཕྱིར། ༈ དེའང་ཇི་སྐད་དུ། མཁྱེན་པ་མཁྱེན་པའི་གཏེར་ལ་འགྲན་བྱེད་ཅིང། །བཟང་པོས་ཐུགས་རྗེའི་ལྷ་དང་ཞི་དུལ་གྱིས། །ཨུ་པ་ལིར་འགྲན་དགེ་བའི་བཤེས་གཉེན་ཚོགས། །ཞེས་གསུངས་པ་ལྟར། མཁས་པའི་ཡོན་ཏན་གཞུང་བརྒྱའི་དེ་ཉིད་འབྱེད་པའི་མཁྱེན་རབ་མཁྱེན་གཏེར་གཞོན་ནུའི་དཔལ་ལ་འགྲན་ཅིང། བཙུན་པའི་ཡོན་ཏན་ཞི་དུལ་གཙང་མའི་རྣམ་ཐར་འཕགས་པ་ཉེ་བར་འཁོར་གྱི་མཆེད་ཟླ། བཟང་པོའི་ལྷག་བསམ་འགྲོ་ལ་རྗེས་སུ་ཆགས་པས་འཕགས་མཆོག་སྙིང་རྗེའི་ལྷ་དང་གཉིས་སུ་མེད་པ། མཁས་བཙུན་བཟང་གསུམ་གྱི་བདག་ཉིད་ཐོས་བསམ་སྒོམ་གསུམ་གྱི་ཕ་རོལ་ཏུ་ཕྱིན་ཅིང་། འཆད་རྩོད་རྩོམ་གསུམ་ལ་མངའ་བརྙེས་པའི་འཕགས་ཆེན་འདུས་པ་རྒྱ་མཚོ་གསེར་གྱི་རི་བོའི་ཕྲེང་བ་ལྟ་བུ་ཚར་དུ་དངར་བའི་མདུན་སར་རང་ཅག་གཉིས་ཀྱིས་རྒྱལ་བའི་གསུང་རབ་ཀུན་གྱི་རྩེ་མོ། རྒྱལ་ཡུམ་རྣམ་པ་གསུམ་གྱིས་དངོས་བསྟན་སྟོང་པ་ཉིད་ཀྱི་རིམ་པ་རྒྱལ་བས་ལུང་བསྟན་པའི་ཤིང་རྟ་ཆེན་པོ་ཀླུ་སྒྲུབ་ཡབ་སྲས་ཀྱི་བཞེད་གཞུང་རྒྱལ་བ་གཉིས་པས་ཉིན་མོ་བཞིན་དུ་གསལ་བར་མཛད་པ་ཟབ་མོ་དབུ་མའི་གཞུང་ལས་བརྩམས་ཏེ་འབེལ་གཏམ་ཅུང་ཟད་བགྱིས་པ་འདིས་མཚོན། དུས་གསུམ་རྣམ་དཀར་ཕུང་པོ་གཅིག་ཏུ་བསྡོམས་པའི་མཐུ་ལ་བརྟེན་ནས། རྣམ་འདྲེན་ཐུབ་པའི་དབང་པོའི་ཐུགས་བསྐྱེད་དང་ཏིང་འཛིན་སྒྱུ་འཕྲུལ་བྱེ་བའི་འོད་ཟེར་གྱིས་དག་པའི་ཞིང་རབ་འབྱམས་ནས་

― GTD007_Page_0845 ―

^{[མ་དཔེ་གཟིགས་ན་འདིར་གནོན།]}

[Full Size]

མགྲོན་དུ་བསུས་པའི་བསྟན་འཛིན་སྐྱེས་བུ་རྒྱལ་དང་རྒྱལ་བའི་རྣམ་འཕྲུལ་བསྟན་འགྲོའི་དཔལ་དུ་བྱོན་པ་ཐམས་ཅད་དང། ཁྱད་པར་དགེ་ལྡན་བསྟན་པ་ཡོངས་ཀྱི་བདག་པོ་ཀུན་གཟིགས་རྒྱལ་བའི་དབང་པོ་ཡབ་སྲས་གཉིས་དང། ཡང་སྒོས་རང་ཅག་རྣམས་ཀྱི་མེ་ཏོག་ཕོག་པའི་ལྷ་སྐལ་སྐྱབས་མགོན་ཐམས་ཅད་མཁྱེན་ཅིང་གཟིགས་པ་ཆེན་པོའི་མཆོག་གི་སྤྲུལ་བའི་སྐུ་རིན་པོ་ཆེ་བློ་བཟང་ཐུབ་བསྟན་འཇིགས་མེད་ཉི་མའི་ཞལ་སྔ་ནས་ཡབ་སྲས་སོགས་ཞབས་ཟུང་གཡོ་མེད་རྡོ་རྗེའི་ཁམས་སུ་བརྟན་ཅིང། ངེས་དོན་ཟབ་མོའི་དབྱངས་དང་རྒྱ་ཆེ་བའི་ས་ལམ་སོགས་ལེགས་གསུང་ཆོས་ཀྱི་འཁོར་ལོ་རྒྱུན་ཆད་མེད་པར་བསྐོར་ཏེ་སྐལ་ལྡན་ཐར་འདོད་ཡོངས་ལ་ཕན་བདེའི་ལམ་བཟང་གསལ་བར་མཛད་པ་དང། ཚུལ་དེ་ལ་བརྟེན་ནས་ཀླུ་སྒྲུབ་ལུགས་བཟང་ཟབ་མོ་དབུ་མའི་ལྟ་བ་དང་གསང་ཆེན་རྡོ་རྗེ་ཐེག་པ་ཟུང་དུ་འཇུག་པ་རབ་འབྱམས་རྒྱལ་བ་ཀུན་གྱི་གདམས་པའི་ཉིང་ཁུ་དཔལ་མཉམ་མེད་རི་བོ་དགེ་ལྡན་པའི་ལུགས་བཟང་ཀུན་གསལ་ཡངས་པའི་འཁོར་ལོ་ལོག་རྟོག་ཆུ་འཛིན་གྱི་སྒྲིབ་གཡོགས་ཀུན་དང་བྲལ་ཞིང། བཤད་སྒྲུབ་ཉི་ཟླ་ཟུང་གིས་འཁྱུད་པའི་འོད་སྣང་རྒྱ་མཚོའི་གོས་ཅན་ཀུན་ཏུ་ཁྱབ་པར་འགྱུར་བ་དང་། ཚུལ་དེ་ལ་བརྟེན་ནས་མཁའ་མཉམ་མ་རྒན་འགྲོ་བ་མཐའ་དག་བདེན་གཉིས་ཟུང་དུ་འཇུག་པའི་ལྷ་ལམ་ཡངས་པོར་ཐབས་ཤེས་ཟུང་འཇུག་གསེར་སྦྱངས་འཁོར་ལོའི་བགྲོད་པ་ལ་བརྟེན་ནས་ས་བཅུ་ལམ་ལྔ་རིམ་གྱིས་བགྲོད་དེ། སྐུ་

― GTD007_Page_0846 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་གྱི་གོ་འཕང་དམ་པ་འཆི་མེད་དབང་པོའི་ནོར་བུའི་ཁྲི་འཕང་མཐོན་པོ་ལ་མྱུར་བ་ཉིད་དུ་འཁོད་པར་འགྱུར་བ་ཡིན་པར་ཐལ། དེ་ལྟར་ཡིན་ནོ་ཞེས་པའི་ཚུལ་དང་པོ་དེ་ཉིད་སྟོན་པར་བྱེད་པ་ལ། ཐུབ་དབང་རྫུ་འཕྲུལ་བྱེ་བས་མངོན་བོས་པའ། །རབ་འབྱམས་ཞིང་གི་རྒྱལ་སྲས་ཏིལ་གང་ཚོགས། །ངེས་དོན་ཟབ་མོ་དྲུག་ཅུའི་དབྱངས་སྙན་གྱིས། །ཚིམ་མཛད་སྐལ་ལྡན་བྱེ་བའི་མིག་འབྱེད་ཤོག །ཅེས་པའི་གཞུང་འདི་བྱུང། ཚུལ་གཉིས་པ་དེ་ཉིད་སྟོན་པར་བྱེད་པ་ལ། ཀླུ་སྒྲུབ་ལུགས་བཟང་ཀུན་གསལ་སྟོང་པའི་མཁའ། །ལྟ་ངན་སྤྲིན་ཚོགས་སྟུག་པོས་མི་སྣང་བ། །ཐལ་འགྱུར་རྣམ་དཔྱོད་རླུང་གིས་རབ་ཕྱེ་བས། །སྟོང་པའི་མཁའ་དབྱིངས་ཐུབ་བསྟན་ཆེར་གསལ་ཤོག །ཅེས་པའི་གཞུང་འདི་བྱུང། ཚུལ་གསུམ་པ་དེ་ཉིད་སྟོན་པར་བྱེད་པ་ལ། འདིར་འབད་དགེ་བས་མ་རྒན་འགྲོ་བ་ཀུན། །ཐེག་ཆེན་ཟུང་འབྲེལ་ང་ལས་ནུའི་འཁོར་ལོས། །ལེགས་བྱས་ལམ་ལྔའི་ཐེམ་སྐས་རྩེར་སོན་པས། །སྐུ་གསུམ་ལྷ་དབང་གདན་ལ་མྱུར་སྤྱོད་ཤོག །ཅེས་པའི་གཞུང་འདི་བྱུང་བ་ཡིན་པའི་ཕྱིར། ༈ དེའང་ཇི་སྐད་དུ། ཁྲིམས་ལྡན་བློ་གྲོས་སྡེར་མོའི་གདེངས་ཀ་ཡིས། །སྲིད་པའི་ཚང་ཚིང་བསྲུང་བའི་ཉོན་མོངས་སྦྲུལ། །ཉེར་བཅོམ་གྲགས་པའི་བ་དན་འདབ་མའི་རླུང། །རི་བོ་རལ་པའི་སྒྲ་ལྡན་དཔའ་བོའི་སྡེ། །ཞེས་འབྱུང་བ་ལྟར། རྣམ་དག་ཁྲིམས་ཀྱི་གཟི་བརྗིད་སེར་སྐྱའི་མེ་འོད་ལང་ཚོ་རྒྱས་ཤིང། རྣམ་དག་བློ་གྲོས་རྣོ་ལྡན་སྡེར་འཕྲེང་གཡོ་བའི་གཏུམ་དྲག་ཤུགས་ཀྱིས་འགྲོ་བར་མཐའ་དག་མྱ་ངན་

― GTD007_Page_0847 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་པའི་ཚང་ཚིང་ལས་འདོན་པའི་གོ་སྐབས་འཕྲོག་པའི་ཆགས་སོགས་ཉོན་མོངས་ནག་པོའི་སྦྲུལ་གདུག་ཕྱེ་མར་འཐག་པའི་སྙན་པ་འདབ་ཟུང་གཡོ་བའི་སྒྲ་སྐད་སྟོང་ཕྲག་དབྱར་གྱི་རྔ་གསང་ཅིག་ཅར་རྒོད་པའི་སྒྲ་ལ་ཅོ་འདྲིར་བགྱིད་པ་དྲན་དབང་འདུས་པ་འབུམ་སྡེའི་མདུན་སར། རང་ཅག་གཉིས་ཀྱིས་དཔྱད་གསུམ་དག་པའི་རིགས་པ་རླུང་གི་ཤིང་རྟས་རྒྱལ་བའི་དགོངས་ཟབ་དཀྱིལ་འཁོར་ཡོངས་སུ་རྫོགས་པའི་ཕ་རོལ་ཕྱིན་གཞུང་ཟླ་ཤེལ། འགྲོ་བའི་ལེགས་བྱས་ཤར་རིའི་རྩེ་མོར་དྲངས་པའི་དགེ་ཚོགས་ལ་བརྟེན་ནས། འཇམ་དབྱངས་མཐོན་མཐིང་ལྕང་ལོ་གསེར་སྦྱངས་ཁུ་བས་བྲན་ཏེ་རང་མདངས་དམར་སེར་གོས་ཀྱི་ཟོལ་ལ་བརྟེན་པའི་ཡབ་རྗེ་རྒྱལ་བ་གཉིས་པའི་ལུགས་བཟང་དྲི་བྲལ་སྦྲང་རྩིའི་དོག་པ་མཐའ་དག་ཕྱོགས་ཀྱི་འདབ་མའི་ཁོར་ཡུག་ཡངས་པའི་ངོས་ལ་གྲུབ་པའི་རོ་བརྒྱ་མངར་བཞིན་ཕྱི་མཐའི་བར་དུ་ཆགས་པར་འགྱུར་བ་དང། ཚུལ་དེ་ལ་བརྟེན་ནས་དགེ་ལྡན་ཆོས་ཀྱི་སྲིད་ལ་མངའ་བསྒྱུར་རྒྱལ་དབང་གྲགས་པའི་མུ་ཁྱུད་མཆོག་གིས་གཙོས། བཤད་སྒྲུབ་སུམ་རྩེན་དགའ་ཚལ་སྐྱོང་བའི་མཁས་གྲུབ་ཉེ་དབང་ཚོགས་ཀྱི་ཞབས་སྐྱེས་དམར་བའི་ལང་ཚོ་སྐྱེ་དགུའི་བདེ་འཚོའི་དཔྱིད་དུ་བརྟན་ཅིང་འཕྲིན་ལས་བདུད་རྩིའི་འོད་ཀྱི་འཇུག་པ་མཐའ་དབུས་ཀུན་ཏུ་རྒྱས་པར་འགྱུར་བ་དང། ཚུལ་དེ་ལ་བརྟེན་ནས་མི་ཕམ་རྒྱལ་བའི་ཉི་མ་འཕགས་ཡུལ་ཤར་རིའི་རྩེ་མོར་འཕགས་ཏེ་གསུང་གསང་འོད་ཀྱི་དྲ་བ་འགྱེད་པའི་མོད་ལ་བདག་

― GTD007_Page_0848 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་འཆིང་བའི་སྦུབས་རྒྱ་གྲོལ་ཏེ། བསླབ་གསུམ་གེ་སར་རྒོད་པའི་བཅུད་ཀྱིས་མཐའ་ཀླས་ལུས་ཅན་མཐའ་དག་ཚིམ་པར་འགྱུར་བ་ཡིན་པར་ཐལ། དེ་ལྟར་ཡིན་ཞེས་པའི་ཚུལ་དང་པོ་དེ་ཉིད་སྟོན་པར་བྱེད་པ་ལ། བདག་གིས་ཇི་སྙེད་བསགས་པའི་དགེ་བ་འདིས། །བསྟན་དང་འགྲོ་བ་ཀུན་ལ་གང་ཕན་དང། །ཁྱད་པར་རྗེ་བཙུན་བློ་བཟང་གྲགས་པ་ཡི། །བསྟན་པའི་སྙིང་པོ་རིང་དུ་གསལ་བྱེད་ཤོག །ཅེས་པའི་གཞུང་འདི་བྱུང། ཚུལ་གཉིས་པ་དེ་ཉིད་སྟོན་པར་བྱེད་པ་ལ། རྗེ་བཙུན་བླ་མ་སྐུ་ཚེ་རབ་བརྟན་ཅིང། །རྣམ་དཀར་འཕྲིན་ལས་ཕྱོགས་བཅུར་རྒྱས་པ་དང། །བློ་བཟང་བསྟན་པའི་སྒྲོན་མེ་ས་གསུམ་གྱི། །འགྲོ་བའི་མུན་སེལ་རྟག་ཏུ་གནས་གྱུར་ཅིག །ཅེས་པའི་གཞུང་འདི་བྱུང། ཚུལ་གསུམ་པ་དེ་ཉིད་སྟོན་པར་བྱེད་པ་ལ། ནམ་ཞིག་རྡོ་རྗེ་གདན་གྱི་རི་བོའི་སྤོར། །བྱམས་མགོན་ཉིན་བྱེད་དབང་པོ་ཤར་བའི་ཚེ། །བདག་གི་བློ་གྲོས་པདྨ་ཁ་ཕྱེ་ནས། །སྐལ་བཟང་བུང་བའི་ཚོགས་རྣམས་ཚིམ་བྱེད། ཅེས་པའི་གཞུང་འདི་བྱུང་བ་ཡིན་པའི་ཕྱིར།། །།༈ དེའང་མཁས་གྲུབ་ཆོས་ཀྱི་རྒྱལ་པོས། མཁས་པ་ཀུན་གྱི་ཟུར་ཕུད་ལ། །ནས། རྒྱལ་མཚན་འཛིན། །ཞེས་གསུངས་པ་ལྟར། དྲན་དབང་བདེ་འབྱུང་བྱེ་བ་ཕྲག་བརྒྱའི་རལ་པའི་ཟུར་ཕུད་ལ་ཞབས་སེན་ཟླ་བའི་མྱུ་གུ་དྲག་ཏུ་བཞད་པའི་རྩེ་དགའ་ལྷུར་བྱེད་ཅིང། དཔྱད་གསུམ་རྣམ་པར་དག་པའི་ལུང་རིགས་འོད་དཀར་དྲ་བ་འབུམ་དུ་འགྱེད་པས་རྒྱ་མཚོ་མཐའ་དག་གི་མཚམས་ཀྱི་ཐ་གྲུ་ཡངས་པའི་ཕྱོགས་ཀྱི་འཁོར་ལོ་ཀུན་ལ་དགེ་

― GTD007_Page_0849 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་ཀྱི་གོས་དཀར་ཅི་ཡང་སྦྱིན་པར་མཛད་པ་རྒོལ་ངན་ལོག་པར་སྨྲ་བ་མཐའ་དག་ལས་རྣམ་པར་རྒྱལ་བའི་གྲགས་པའི་རུ་མཚོན་སྲིད་པའི་རྩེ་མོར་བསྒྲེངས་པ་ཟླ་བྲལ་མཁས་པའི་དབང་པོ་འབུམ་ཕྲག་གདན་འཇོམ་པའི་ཆོས་ཀྱི་གདན་ས་ཆེན་པོ་འདིར། དྲང་ངེས་རྣམ་འབྱེད་ཡིན་ན། རང་ཅག་གཉིས་ཀྱིས་རྣམ་འདྲེན་སྟོབས་བཅུ་མངའ་བ་ཡོངས་ཀྱི་ཐུགས་བཅུད། ཐེག་གསུམ་འཕགས་པའི་སྐྱེ་བོ་ཀུན་གྱི་གཤེགས་བཤུལ་འཕགས་ཡུལ་པཎ་གྲུབ་ཀུན་གྱི་བཞེད་གཞུང། གསུང་རབ་མ་ལུས་པ་དྲང་ངེས་ཀྱི་ཚུལ་དུ་གཏན་ལ་ཕབ་སྟེ། བསྟན་པའི་སྙིང་པོ་དེ་ཁོ་ན་ཉིད་གསལ་བར་བྱེད་པའི་སྒྲོན་མེ། འཇམ་དབྱངས་བླ་མའི་གསུང་གི་ཡང་སྙིང་། དྲང་བ་དང་ངེས་པའི་དོན་གྱི་བསྟན་བཅོས་ཆེན་པོའི་དོན་ལས་བརྩམས་ཏེ། བསམ་གཟུགས་ཡིན་ན། རང་ཅག་གཉིས་ཀྱིས་འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་ཀུན་གྱི་རྒྱུར་བསྔགས་ཤིང། ཐེག་གསུམ་འཕགས་པའི་མངོན་རྟོགས་མ་ལུས་པའི་གཞི་རྟེན། རྣལ་འབྱོར་དབང་པོ་མཐའ་དག་གི་གཤེགས་བཤུལ། ཕ་རོལ་ཏུ་ཕྱིན་པ་དྲུག་གི་གོ་ཆ་བགོས་པའི་སེམས་དཔའ་ཆེན་པོ་རྣམས་ལམ་གོང་མ་གོང་མར་འཇུག་ཅིང་འཛེགས་པའི་ཚུལ་འཇུག་སྒྲུབ་དགུའི་ཐོག་མར་གསུངས་པ་ལས་འཕྲོས་ཏེ་བསམ་གཟུགས་སྙོམས་འཇུག་གི་རྣམ་གཞག །རྟེན་འབྲེལ་ཡིན་ན། རང་ཅག་གཉིས་ཀྱིས་ཟབ་མོ་རྟེན་ཅིང་འབྲེལ་བར་འབྱུང་བ་ཞེས་ལུགས་འབྱུང་ལྡོག་གི་རིམ་པས་ཀུན་བྱང་གི་

― GTD007_Page_0850 ―

^{[མ་དཔེ་གཟིགས་ན་འདིར་གནོན།]}

[Full Size]

གནད་མཐའ་དག་སྟོན་བྱེད་ཀྱི་སྤྱི་སྡོམ་ཆེན་པོར་གྱུར་ཅིང། བདེན་པ་བཞིའི་ཚུལ་གྱིས་ཐུབ་པའི་གསུང་གི་གཅེས་མཛོད་ཆོས་ཐམས་ཅད་ཀྱི་གནས་ལུགས་མཐར་ཐུག་པ་མཐའ་བྲལ་དབུ་མའི་དེ་ཁོ་ན་ཉིད་དང་དོན་གཅིག་ཏུ་གནས་པའི་ཆོས་ཀྱི་དེ་ཉིད་ཟབ་མོ་རྟེན་འབྱུང་གི་རྣམ་གཞག་ལས་བརྩམས་ཏེ། རིགས་པའི་གློག་འཕྲེང་བརྒྱ་ལྡན་དལ་གྱིས་བཞད་པའི་ལུང་གི་འབྲུག་སྒྲ་ཟབ་མོ། བློ་གསལ་མདོངས་མཐའི་སྙིང་ལ་མངོན་དགའི་དཔྱིད་དུ་གྱུར་པ་དུ་མ་སྤྲོས་པའི་དགེ་ཚོགས་འདིས་མཚོན་དུས་གསུམ་བསགས་པའི་རྣམ་དཀར་ལེགས་བྱས་ཀླུང་བརྒྱ་གཅིག་ཏུ་འདྲིལ་བའི་མཐུ་ལ་བརྟེན་ནས་རྣམ་འདྲེན་རྒྱལ་བ་ཀུན་གྱི་བདེ་ཆེན་སྙིང་རྗེའི་སྒྱུ་འཕྲུལ་གཅིག་ཏུ་བསྡུས་པའི་རོལ་གར་བསིལ་ལྡན་ར་བའི་ལྗོངས་ཀྱི་སྐྱེ་དགུའི་ཕན་བདེའི་རྩ་བ། ས་སྟེང་གི་ཐུབ་པའི་བསྟན་པ་ཡོངས་ཀྱི་མངའ་བདག་༸གོང་ས་ཐམས་ཅད་མཁྱེན་ཅིང་གཟིགས་པ་ཆེན་པོ་ཆེ་གེའི་ཞལ་སྔ་ནས་ཀྱིས་གཙོས་ས་སྟེང་གི་བསྟན་འཛིན་དམ་པ་རྣམས་ཞབས་ཟུང་གཡོ་མེད་གཞོམ་གཞིག་བྲལ་བ་རྡོ་རྗེའི་ཁམས་ལྟར་བརྟན་ཅིང། རྣམ་དཀར་འཕྲིན་ལས་ཀྱི་སྣང་བ་ཆུ་གཏེར་སྐ་རགས་ཅན་གྱི་འཛིན་མའི་ཁོར་ཡུག་ཀུན་ཏུ་ཁྱབ་པར་འགྱུར་བ་དང། ཚུལ་དེ་ལ་བརྟེན་ནས་ཕྱི་ཚངས་སྤྱོད་ཀྱི་ཆ་ལུགས་ངུར་སྨྲིག་ཆོས་གོས་གསུམ་གྱི་འདབ་མ་མངོན་པར་མཛེས་ཤིང། ནང་བསླབ་གསུམ་གྱི་ཉམས་ལེན་སྦྲང་རྩིའི་ཟིལ་མངར་མཆོག་གིས་གཏམས་པ་སྡེ་སྣོད་གསུམ་གྱི་ལེགས་བཤད་རྐང་དྲུག་མྱོས་པའི་གླུ་དབྱངས་བརྒྱུད་མར་སྒྲོགས་པས་རྒྱ་མཚོའི་

― GTD007_Page_0851 ―

^{[མ་དཔེ་གཟིགས་ན་འདིར་གནོན།]}

[Full Size]

གོས་ཅན་ཡངས་པའི་ཁྱོན་འདིར་བཤད་སྒྲུབ་ཀྱི་སྡེ་ཇི་སྙེད་ཅིག་མཆིས་པའི་ནང་ན་རྒྱལ་མཚན་གྱི་རྩེ་མོར་ཏོག་བཞིན་མངོན་པར་འཕགས་པའི་ཆོས་ཀྱི་སྡེ་ཆེན་པོ་འདིས་མཚོན་ཕྱོགས་བཅུའི་དགེ་འདུན་རྣམས་ཐུགས་མཐུན་ཞིང། འཁོར་ལོ་གསུམ་གྱི་མཛད་བཟང་ནམ་ཡང་ཉམས་པ་མེད་པའི་མཐུ་ལ་བརྟེན་ནས་དགེ་ལྡན་ལུགས་བཟང་འདི་ཉིད་མཐའ་དབུས་ཀྱི་འཛིན་མའི་ཁྱོན་ཀུན་ཏུ་དར་ཞིང་རྒྱས་ལ་ཡུན་རིང་དུ་གནས་པར་འགྱུར་བ་དང། ཚུལ་དེ་ལ་བརྟེན་ནས་བདག་ཀྱང་རྟག་ཏུ་བཤེས་གཉེན་དམ་པའི་མགོན་དང་བཅས་ཤིང། དཔལ་ཨ་ཏི་ཤ་དང་འཇམ་མགོན་བླ་མའི་རྣམ་པར་ཐར་པ་བཞིན་ཐོས་བསམ་སྒོམ་པ་ཡ་མ་བྲལ་བར་གདན་ཐོག་གཅིག་ཏུ་ཉམས་སུ་བླངས་པས་རྒྱལ་བའི་དགོངས་པ་མཐའ་དག་བདེ་བླག་ཉིད་དུ་ཁོང་དུ་ཆུད་དེ། ཡང་དག་པའི་ལམ་གྱི་ལུས་རྩལ་ཡོངས་སུ་རྫོགས་ནས་རང་གིས་ཇི་ལྟར་ངེས་པ་བཞིན་དུ་སྐལ་ལྡན་གདུལ་བྱའི་ཚོགས་ལ་སྤེལ་བ་སོགས་བཤད་སྒྲུབ་ཟུང་དུ་འབྲེལ་བའི་སྒོ་ནས་བློ་བཟང་རྒྱལ་བའི་བསྟན་པ་ཕྱོགས་ཀུན་ཏུ་རྒྱས་པར་བྱེད་ནུས་པར་གྱུར་པ་ཡིན་པར་ཐལ། དེ་ལྟར་ཡིན་ནོ་ཞེས་ཚུལ་དང་པོ་དེ་ཉིད་སྟོན་པར་བྱེད་པ་ལ། གངས་རིའི་ར་བས་བསྐོར་བའི་ཞིང་ཁམས་འདིའ། །ཕན་དང་བདེ་བ་མ་ལུས་འབྱུང་བའི་གནས། །སྤྱན་རས་གཟིགས་དབང་ཆེ་གེ་རྒྱ་མཚོ་ཡི། །ཞབས་པད་སྲིད་མཐའི་བར་དུ་བརྟན། ཞེས་པའི་གཞུང་འདི་བྱུང། ཚུལ་གཉིས་པ་དེ་ཉིད་སྟོན་པར་བྱེད་པ་ལ།

― GTD007_Page_0852 ―

^{[མ་དཔེ་གཟིགས་ན་འདིར་གནོན།]}

[Full Size]

བསླབ་པ་གསུམ་ལྡན་ངུར་སྨྲིག་འཛིན་པ་ཡི། །ནས། ཕྱོགས་བཅུར་རྒྱས། ཞེས་པའི་གཞུང་འདི་བྱུང། ཚུལ་གསུམ་པ་དེ་ཉིད་སྟོན་པར་བྱེད་པ་ལ། མདོར་ན་བཤེས་གཉེན་དམ་པ་མཉེས་བྱས་ནས། །ཐུབ་པའི་དགོངས་པ་རྙེད་པའི་མང་ཐོས་ཀྱིས། །སྒྲུབ་པའི་བྱ་བ་ལེགས་པར་མཐར་ཕྱིན་ཏེ། །རྒྱལ་བའི་བསྟན་པ་ཕྱོགས་བཅུར་རྒྱས་བྱེད། ཅེས་པའི་གཞུང་འདི་བྱུང་བ་ཡིན་པའི་ཕྱིར། དགེའོ།། །།

སྙན་དངགས་ཀྱི་དཔེར་བརྗོད་རྩོམ་འཕྲོ་ཅན།

― GTD007_Page_0853 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་དངགས་ཀྱི་དཔེར་བརྗོད་རྩོམ་འཕྲོ་ཅན་བཞུགས་སོ།།

― GTD007_Page_0854 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་འཇམ་པའི་དབྱངས་ལ་ཕྱག་འཚལ་ལོ། །གྲོལ་བ་ནི། འདབ་སྟོང་རྩེ་ན་ཟླ་བའི་མེ་ལོང་ངོས། །ཏིང་འཛིན་པིར་གྱིས་བྲིས་འདྲ་ཚངས་སྲས་མ། །སྙན་འགྱུར་རྒྱུད་མངས་སྒྲ་ལས་ངག་གི་དཔྱིད། །འདོད་དགུར་འཇོ་བ་ལྷག་པའི་ལྷ་དེར་འདུད། །ཡང་། སྙན་འགྱུར་རྒྱུད་མངས་སྒྲ་དང་སྦྱར་བ་ཡི། །ལེགས་བཤད་རོལ་མོ་རྣམ་པར་སྤྲོ་བའི་གཉེན། །ངག་ལ་ངག་གི་དཔལ་སྟེར་དབྱངས་ལྡན་མས། །སྡེབ་ལེགས་ཚིག་གི་འདོད་པ་འཇོ་བར་མཛོད། །རིགས་ནི། དཀར་གསལ་རི་དྭགས་མཚན་མ་ཡི། །མཛེས་སྡུག་སྙེམས་པ་འཕྲོག་བྱེད་པའ། །ཞལ་གྱི་དཀྱིལ་འཁོར་རབ་རྒྱས་པ། །བློ་ལྡན་ཡིད་ཀྱི་ལྕགས་ཀྱུ་བཞིན། །ཡོན་པོར་བལྟ་བའི་ཟུར་མིག་གི །འོད་ཀྱི་ཞགས་པ་རིང་པོ་ཡིས། །རྣ་ལུང་ནོར་བུའི་མཛེས་སྡུག་ཀུན། །དལ་གྱིས་འདྲེན་པའི་འཇབ་བུ་མཁན། །

― GTD007_Page_0855 ―

^{[མ་དཔེ་གཟིགས་ན་འདིར་གནོན།]}

[Full Size]

མཆུ་སྒྲོས་བིམྦའི་དགའ་ཚལ་དབུས། །ཚེམས་འཕྲེང་ཟླ་བའི་མྱུ་གུ་ལས། །བསུང་ཞིམ་བསིལ་ཟེར་སྤྲོ་བ་ཡི། །དབྱངས་ལྡན་མཐོང་བས་དང་བ་འཕེལ། །མཛོད་ནི། དཀར་ཞིང་གསལ་ལ་དྲི་མ་མེད། །མཛེས་སྡུག་དཀྱིལ་འཁོར་ཡོངས་སུ་རྫོགས། །ཟུར་མིག་ག་བུར་གཟེགས་མ་ཡིས། །ཡིད་ཀྱི་གདུང་བ་སེལ་བྱེད་ཅིང། །དགའ་བའི་ཀུནྡ་ཁོང་ནས་རྒོད། །འཛུམ་དཀར་བདུད་རྩིའི་འོད་རླབས་ཀྱིས། །བློ་གྲོས་ཆུ་གཏེར་རྒྱས་པར་བྱེད། །སྒེག་ཅིང་རབ་ཏུ་དགྱེས་པའི་ཉམས། །རི་དྭགས་གཟུགས་ཀྱིས་རྣམ་པར་ངོམས། །དབྱངས་ལྡན་མ་ནི་ཁོ་བོའི་ལྷ། །འདུས་པ་ནི། དམར་སེར་སྐུ་ཡི་ཉིན་བྱེད་ལས། །ཕྱག་གཡས་མཁའ་ལ་བརྐྱངས་པ་ན། །རབ་དམར་གློག་གི་རྩེ་དགའ་ཡིས། །ཤེས་བྱའི་ཁོར་ཡུག་གཞལ་བྱེད་བཞིན། །ནོར་བུའི་སྙེ་མ་གཡུར་ཟ་ཞིང་། །སྒྲ་

― GTD007_Page_0856 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་གསེར་སྦྱངས་གདུ་བུ་ཡིས། །མཁྲིག་མའི་ཕྱོགས་སུ་བརྒྱན་པ་འདིས། །སྲིད་ཞིའི་མཛེས་སྡུག་བདག་གིར་བྱེད། །གང་གི་ཡལ་འདབ་རྩེ་མོ་ན། །རྩེན་པ་རལ་གྲིའི་གདེངས་ཀ་ཡིས། །ཀུན་རྨོངས་མུན་པའི་དྲ་བ་དག །ཅིག་ཅར་ཉིད་ལ་གཅོད་པར་བྱེད། །ཤིས་བརྗོད་ནི། འགྲིབ་མེད་འོད་ཀྱི་རྩེ་དགའ་ཡིས། །དུས་ཀྱི་མུན་པ་མཐར་མཛད་པ། །ཡེ་ཤེས་སྣང་བ་བླ་ན་མེད། །ཚེ་མཐའ་ཡས་པས་ཤིས་པར་མཛོད། །ཕྱག་ནི། ཐུགས་རྗེའི་པི་ཝང་དང་པོའི་རྒྱུད། །བརྡུང་བ་ཙམ་གྱིས་རྨོངས་པའི་གཟིངས། །འཇོམས་བྱེད་དྲི་ཟའི་ན་ཆུང་མ། །དབྱངས་ཅན་ལྷ་དེར་སྙིང་ནས་འདུད། །དངོས་པོ་ངེས་བསྟན། བཅད་ལྷུག་སྤེལ་མའི་ཆ་ཤས་ཡོངས་སུ་རྫོགས། །སྡེ་བཞིའི་གཏམ་གྱི་རི་བོང་མཚན་མས་མཛེས། །སྒྲ་དོན་རྒྱན་གྱི་འོད་དཀར་དྲ་བ་ཅན། །ལེགས་བཤད་ཟླ་ཤེལ་ཐུབ་བསྟན་མཁའ་ལ་འདྲེན། ༈ །དལ་ཞིང་རྒྱུ་བ་སོ་ཀའི་ཉིན་བྱེད་ཀྱིས། །གནམ་སྔོན་མེ་ལོང་ཞུ་བ་སྨིག་རྒྱུའི་ཆབ། །སྤང་གཤོང་ཡངས་པོར་འཁྱིལ་འདྲའི་ཆུ་མཚོ་ལས། །ལྦུ་བའི་སྐར་ཚོགས་མཁའ་ལ་འཐོར་བ་བཞིན། ༈ །སིལ་སིལ་འབབ་པ་གཙང་མའི་ཆབ་རྒྱུན་ཅན། །ལྗང་སྔོན་ནགས་ཚལ་མཛེས་པས་སྨད་ཁེབས་ཤིང། །སྤྲིན་དཀར་སྟོད་གཡོགས་གཡོ་བའི་རི་སུལ་ན། །ཁུ་བྱུག་མྱོས་པའི་གསུང་སྙན་དལ་གྱིས་སྒྲོག །༈ འོད་སྟོང་གཟི་བྱིན་མ་བཟོད་

― GTD007_Page_0857 ―

^{[མ་དཔེ་གཟིགས་ན་འདིར་གནོན།]}

[Full Size]

སྐར་མའི་ཚོགས། །ས་ལ་འཕོས་འདྲ་གྲོང་ཁྱེར་ཆེན་པོའི་དབུས། །གསེར་གྱི་རྒྱལ་མཚན་འཕྲེང་བས་མཛེས་པ་ན། །ཉི་མའི་དམག་ཚོགས་རྗེས་སུ་བབས་པ་བཞིན། ༈ །སྐྱོན་བྲལ་སྟོན་གྱི་མཁའ་ལ་རྟ་ལྗང་ཅན། །འབར་བའི་ཟེར་གྱིས་ཕྱེ་བའི་འདབ་སྟོང་འཕྲེང་། །ཚར་དངར་སྐྱེད་ཚལ་དབུས་ཀྱི་རྫིང་བུ་ན། །གཞོན་ནུ་ཁྲུས་ཀྱི་རྩེ་དགས་རྣམ་པར་རོལ། ༈ །ཆང་གིས་མྱོས་པས་ཟིམ་ཟིམ་ལྟ་བྱེད་ཅིང། །དགའ་མགུར་རོལ་བའི་བདེ་བས་སྤུ་ལོང་རྒྱས། །འོན་ཀྱང་ད་དུང་འདོད་པའི་ཕོ་ཉ་མོ། །གཞན་དང་དུས་བཏབ་ལས་འདས་གདུང་བས་མནར། ༈ །ཡིད་ཀྱི་ཤིང་རྟ་འགྲོ་དང་འོང་བ་ཡིས། །ཉེ་བར་མཚམས་སྦྱར་དགའ་བའི་དགའ་སྟོན་ཆེ། །དར་བས་རིགས་སྲས་གསར་པའི་ཀུ་མུད་ད། །འཕེལ་བ་ཡར་ཚེས་ཟླ་བའི་མྱུ་གུ་བཞིན། ༈ །རྟ་རྨིག་གིས་བསླད་རྡུལ་གྱིས་ཆུ་འཐུང་འགོག །རི་བོ་རལ་བྱེད་གླང་པོའི་དཔའ་སྒྲ་ཅན། །མི་བཟད་གཡུལ་གྱི་དགྲ་སྡེའི་དཔུང་བཅོམ་ཚེ། །རྒྱལ་པོའི་སྡེ་བཞིའི་མངའ་ཐང་ངང་གིས་འཕེལ། ༈ །རྟེན་འབྱུང་མདུན་ན་འདོན་གྱིས་གྲོས་བཏབ་སྟེ། །དཔྱད་འཇོག་ལྟ་བའི་ཕོ་ཉ་འགྲོ་འོང་གིས། །དངོས་འཛིན་བཙོན་ར་བཤིགས་ནས་གཉུག་མའི་སེམས། །ཕ་རོལ་ཞི་བའི་གླིང་དེར་དལ་གྱིས་སོངས། །གཽ་ཌཱ་བའི་སྦྱར་བ། པདྨའི་རྩེ་ན་སྙན་པའི་གླུ་ལེན་མ། །

― GTD007_Page_0858 ―

^{[མ་དཔེ་གཟིགས་ན་འདིར་གནོན།]}

[Full Size]

ཉི་མའི་མདངས་བཀྲ་མུ་ཏིག་འོད་ལྡན་མ། །མ་ལྟར་གུས་པས་བསྟེན་ནོ་དབྱངས་ལྡན་མ། །མ་གཡེལ་བརྩེ་བས་གཟིགས་པ་མ་དོར་ཞིག །འདི་ཡང། རབ་དཀར་ཀ་མ་ལ་ཡི་གདན་སྟེང་ན། །དཀར་ཞིང་མཛེས་པ་ངང་པའི་བུ་མོ་དཀར། །འཛུམ་དཀར་བསིལ་བའི་འོད་དཀར་སྤྲོ་བ་ཡིས། །བློ་ཡི་ཀུནྡ་རྒྱས་པའི་མཛེས་སྡུག་དཀར། །ལྷོ་པའི་སྦྱར་བ། ཤེས་རབ་ཆུང་ཡང་ཁེངས་ལྡན་མཁས་རློམ་ཚོགས། །འཐད་འཐད་ཚིག་གིས་ཕལ་ཆེར་མགོ་བསྐོར་ཞིང། །ཚིག་འཁྲི་ཁོ་ནས་མི་ཚེ་ཆུད་གཟོན་པས། །ཚང་ཚིང་ཁོར་ཡུག་ཁེངས་ཀྱང་ཕན་པ་ཆུང། །འདི་ཡང། ཤེས་རབ་མེད་ན་ཁེངས་ཀྱང་མཁས་པ་མིན། །ཁེ་ཚོང་ཁོ་ནར་འཐམ་ཚེ་བཙུན་པ་མིན། །ཁེ་འདོད་ཕུགས་སུ་འཆང་ཕྱིར་བཟང་པོ་མིན། །ཆོས་མེད་ཆོས་པའི་གཟུགས་ཀྱིས་ས་འདི་ཁེངས། །ལྷོ་པའི་རབ་དྭངས། མཐོ་ཞིང་བརྗིད་ཆགས་ཤར་རིའི་རྩེ་མོ་ནས། །སྤྲིན་བྲལ་སྟོན་གྱི་ནམ་མཁའ་དྭངས་པ་ལ། །དལ་གྱིས་འཛེག་པའི་ཟླ་བ་བདུད་རྩིའི་འོད། །མུན་པའི་གདུང་སེལ་བསིལ་བའི་དཔལ་དུ་ཤར། །ཤར་པའི་རབ་དྭངས། ཡེ་ཤེས་མེ་ལོང་ངོས་ལ་མངོན་དགའ་བ། །ངང་པའི་བུ་མོ་མགྲིན་པའི་རྫ་རྔ་ཡིས། །ཕུལ་བྱུང་ཤིས་པར་བསྒྲུབས་པའི་ཡིད་མཚོ་ལས། །སྡེབ་ལེགས་ཚིག་གི་མེ་ཏོག་མཁའ་ལ་འཐོར། །ལྷོ་པའི་མཉམ་ཉིད། འཇམ་དབྱངས་གཞོན་ནུ་མི་ཡི་རོལ་གར་ཅན། །རྒྱལ་བ་གཉིས་པ་བློ་བཟང་གྲགས་པ་ཡིས། །ཐེག་མཆོག་མཐར་ཐུག་གསང་ཆེན་དུནྡྷུ་བྷ། །བརྡུང་ཚེ་མཁས་རློམ་ཡོངས་ཀྱི་ཁེངས་པ་

― GTD007_Page_0859 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲོག །ཤར་པའི་མཉམ་ཉིད། ཀུན་གསལ་ཡངས་པའི་དོ་ར་མཛེས་པའི་དཔྱིད། །འོད་དཀར་ག་བུར་འགྱེད་པ་ཀུནྡའི་གཉེན། །ཚ་བའི་གདུང་འཕྲོག་བསིལ་བའི་མཆོག་སྟེར་བ། །ལུས་ཅན་སྙིང་གི་དགའ་བ་གཟུགས་ཅན་བཞིན། །སྙན་པ་ལྷོ་ཕྱོགས་པའི་སྒྲའི་ཉམས། རྒྱ་ཆེ་རྒྱ་མཚོ་ལྟར་ཟབ་རྒྱལ་བའི་ཐུགས། །མཁའ་ལྟར་ཡངས་ལ་ཉ་རྒྱས་ཟླ་ལྟར་གསལ། །མ་སྨད་ཕུལ་བྱུང་སྤོབས་པ་མི་དཔོག་པས། །རྣམ་ཀུན་རྟོགས་པའི་སྟོབས་ཞེས་རྣམ་པར་བསྟོད། །ཤར་པའི་རྐང་པ་ལ་བསྐོར་བ། མཐའ་ཡས་གསུང་རབ་ཀུན་གྱི་སྙིང་པོའི་དོན། །མཐར་འཛིན་ནད་ཀུན་སེལ་བའི་སྨན་གཅིག་པུ། །མཐའ་བྲལ་ཟབ་མོ་རྟེན་ཅིང་འབྲེལ་འབྱུང་ལམ། །མཐར་གྱིས་གོམས་པས་སྲིད་པའི་ཟུག་རྔུ་གཅོད། །ཚིག་ལ་བསྐོར་བ། བིམ་པའི་ཚལ་ན་བུང་བའི་ན་ཆུང་མ། །སྙན་པའི་གླུ་ལེན་སྦྲང་རྩིའི་སྙེ་མར་རོལ། །རབ་དགའ་རྒྱས་པའི་ངོ་མཚར་རི་མོ་འདིས། །སྲིད་པའི་བདེ་ལ་སྲེད་པ་འཕེལ་བར་བྱེད། །རིང་པོར་བསྐོར་བ། མ་ལུས་མཁས་པའི་སྙིང་ལ་དཔྱིད་འཇོ་བ། །དབྱངས་ལྡན་མ་ཁྱོད་ལྷག་པའི་ལྷར་བསྟེན་ན། །བརྩེ་བས་དགོངས་ནས་མ་གཡེལ་དུས་ཀུན་ཏུ། །འཛད་མེད་ངག་གི་དངོས་གྲུབ་མ་ལུས་སྩོལ། །ཤར་པ་ཁོ་ན་འདོད་པའི་རྗེས་ཁྲིད། སྒྲོས་བར་ལས་བྱུང་སྒྲ་དབྱངས་སྙན་སྒྲོག་ཅིང། །སྦྲང་རྩིས་སྒྲེགས་པའི་བསུང་ལྡན་བྷྲ་མ་རཿ །འདབ་སྟོང་རྩེ་ན་གར་གྱིས་རོལ་པ་ལ། །བ་མོའི་རེག་པས་གནོད་པར་མ་གྱུར་

― GTD007_Page_0860 ―

^{[མ་དཔེ་གཟིགས་ན་འདིར་གནོན།]}

[Full Size]

ཏམ། །སྤང་བྱ་གྲོང་པའི་ཚིག །འདོད་ལྡན་སྙིང་དུ་སྡུག་པའི་བུ་མོ་ཁྱོད། །མཐོང་བས་ཆགས་པའི་ཡིད་ནི་བཟུང་བར་དཀའ། །མལ་སྟན་བདེ་བར་འོ་དང་འཁྱུད་པ་ཡིས། །འཁྲིག་པའི་བདེ་ལ་སྤྱོད་པར་མི་བྱེད་དམ། །སྤོང་བྱེད་ཀྱི་ཉམས། མེ་ཏོག་མདའ་ཅན་སྲིད་ལས་རྒྱལ་བྱེད་པའ། །བ་དན་ལྟ་བུར་དཀར་མཛེས་ལུས་ཕྲ་ཁྱོད། །དགའ་བའི་གྲོང་ཁྱེར་ཡངས་པོར་ཡིད་སྲུབས་ཀྱི། །དགའ་སྟོན་ཆེ་ལ་རོལ་བར་མི་བྱེད་དམ། །མཚམས་སྦྱོར་ལ་ཞུགས་པ། འོད་ཀྱི་དཀྱིལ་འཁོར་རབ་རྒྱས་རྟ་ལྗང་ཅན། །བསིལ་ཟེར་ལྡན་པ་ཡིས་ཀྱང་མི་ཕྱེད་པ། །ཅིག་ཅར་འབྱེད་བྱེད་སྒེག་མོའི་འགྲམ་ཆང་གིས། །འཐོར་ཚེ་བ་ཀུ་ལ་དེ་རང་དབང་ཅ། །ངག་ཚིག་དོན་ལ་ཞུགས་པ། དམར་བའི་བཞིན་ལྡན་དྲག་པོའི་དབུགས་འབྱིན་ཅིང། །ཕ་རོལ་ལུས་ལ་རྡོ་རྗེའི་གདེངས་ཀ་ཡིས། །བསྣུན་པ་ལས་སྐྱེས་བཟོད་དཀའ་ཟུག་རྔུའི་ཚོགས། །ཀུན་རྟོག་སྤྲོས་པའི་སྡེ་དང་ལྷན་ཅིག་རྒྱས། །དམིགས་བསལ། ཆོས་ལ་ཡིད་རྟོན་བུ་མོ་མཚན་ལྡན་མ། །དྲིན་ལྡན་ཕ་མའི་འདོད་པ་སྒྲུབ་བྱེད་ཅིང། །འཁོར་འབངས་ཚོགས་ལ་རྗེས་སུ་ཆགས་པའི་སེམས། །མི་འདོར་ཡ་རབས་ངང་ཚུལ་མཆོག་གིས་མཛེས། །ལྷོ་པའི་གཞོན་པ། པད་དཀར་འཕྲེང་བས་མཛེས་པའི་སྐྱེད་ཚལ་ན། །གེ་ས་རས་མྱོས་བུང་བའི་ན་ཆུང་མ། །སྦྲང་རྩིའི་སྙེ་མ་འཆང་ཞིང་སྙན་འགྱུར་གྱི། །གླུ་དབྱངས་ལེན་བཞིན་དལ་གྱིས་རྒྱུ་བར་བྱེད། །ཤར་པའི་བརྗོད་དཀའ་བ། གཏུམ་དྲག་རྔམས་བརྗིད་གར་གྱིས་སྲིད་གསུམ་ཁྱོན། །འདར་བྱེད་ཧཱུཾ་སྒྲ་དྲག་པོས་རི་བོ་བསྙིལ། །ཧྲིག་ཧྲིག་སྡང་མིག་གཡོ་

― GTD007_Page_0861 ―

^{[མ་དཔེ་གཟིགས་ན་འདིར་གནོན།]}

[Full Size]

བས་དགྲ་སྡེའི་སྙིང། །ལྐོག་མར་འབྲོས་བྱེད་ཁྲོ་རྒྱལ་གཤིན་རྗེའི་གཤེད། །ལྷོ་པའི་དོན་གསལ། ཁྱབ་འཇུག་ཡིད་ཀྱི་རོལ་པ་མ་རྐ་རས། །ཆུ་མཚོར་བྱིངས་པའི་ས་ཆེན་འདེགས་པ་ན། །རྨིག་པ་སྤུ་གྲིས་གདེངས་ཅན་ཚོགས་ཀྱི་ལུས། །བཅད་པའི་ཁྲག་གིས་ཆུ་གཏེར་དམར་འོད་འཛིན། །ཡང། མ་དྲོས་གདེངས་ཅན་བདག་པོའི་མཐུ་དཔལ་ལས། །འཆི་མེད་རྫིང་རིང་ངོས་ལ་སྤྲིན་དཀར་གྱི། །བླ་རེ་བྲེས་ཚེ་སྦྲང་ཆར་འབབ་མཐོང་ནས། །ཆར་འདོད་བྱེ་འུ་དགའ་བའི་དབྱངས་ཀྱིས་བྲེལ། །ཤར་པའི་དོན་གསལ། ཡངས་པའི་གསེར་ལྡན་མ་འདི་ཆུ་གཏེར་དབུས། །བྱིངས་ཚེ་འཇུག་པ་བཅུ་པ་ཕག་རྒོད་ཀྱི། །རྣམ་པར་རྩེན་པས་གྱེན་དུ་བཏེགས་པ་ན། །ཟླ་བའི་མ་མ་མཚམས་སྤྲིན་མདངས་ཀྱིས་མཛེས། །ཡང། འཇིག་རྟེན་སྐྱོང་བ་ཀླུ་དབང་ཚོགས་ཀྱི་མཐུ། །ཞིང་པའི་བསོད་ནམས་དཔྱིད་དུ་སྨིན་པ་ལས། །མཁའ་དབྱིངས་ཆུ་འཛིན་དྲ་བས་ཁེབས་པ་ན། །ཙ་ཏ་ཀ་རྣམས་དབྱངས་སྙན་གླུ་རུ་ལེན། །ལྷོ་པའི་རྒྱ་ཆེ་བ། མཚུངས་མེད་འདྲེན་པ་ཉིན་མོར་བྱེད་པ་ཡི། །ཞབས་སྐྱེས་བཀྲ་ཤིས་རྡུལ་གྱིས་གཙུག་མཛེས་ཚེ། །གནས་སྐབས་མཐར་ཐུག་དོན་གཉིས་གང་ལ་ཡང། །སྣང་བ་གཞན་ལ་བརྟེན་པའི་དོན་མ་མཆིས། །ཡང་། འབྱོར་དང་གཏོང་བ་ཟླ་མེད་མེ་ལོང་གདོང། །གང་ལ་སྨོད་པའི་སྐྱེ་བ་དེ་དག་གི །དབུལ་བའི་སྡུག་བསྔལ་ལྷག་མ་ཟད་པའི་ཕྱིར། །སྦྱིན་པའི་བདག་པོ་གཞན་གྱིས་ཅི་ཞིག་བྱ། །ཤར་པའི་རྒྱ་ཆེ་བ།

― GTD007_Page_0862 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ཏོག་འཁྲི་ཤིང་རྒྱས་པའི་དགའ་ཚལ་ན། །རྩེན་པའི་ན་ཆུང་ནོར་བུའི་འོག་པག་ལས། །དཔྱངས་པའི་དྲིལ་ཆུང་སིལ་སིལ་འཁྲོལ་བ་ཡིས། །དྲུག་སྐྱེས་གླུ་དབྱངས་སྙན་པའི་ཁེངས་པ་འཕྲོག །ཡང་། རྒྱལ་ཕྲན་སྟོང་གི་ཟུར་ཕུད་གདེངས་ཀ་ཡིས། །ལན་གཅིག་མིན་པར་གུས་པས་བསྟེན་བྱ་བ། །སྡེ་བཞིའི་སྒོ་འཕར་ཡངས་པོར་ཕྱེ་བ་ཡི། །ཕྱོགས་ལས་རྣམ་པར་རྒྱལ་བའི་རྒྱལ་ཁབ་ཆེ། །ཤར་པའི་བརྗིད་པ། བདེ་གཤེགས་གསུང་རབ་རབ་འབྱམས་དཀའ་གནད་ཀུན། །འགྲེལ་ལ་ཕུལ་བྱུང་རྣམ་དཔྱོད་ཟླ་བྲལ་བ། །འཇིགས་བྲལ་སྨྲ་དབང་མཁས་གྲུབ་དགེ་ལེགས་དཔལ། །འཛམ་གླིང་མཁས་པ་མ་ལུས་གཙུག་ན་མཛེས། །ལྷོ་པའི་བརྗིད་པ། ཇི་ལྟ་ཇི་སྙེད་ཆོས་རྣམས་མ་ལུས། །ཐུགས་སུ་ཆུད་པ་རྒྱལ་བའི་ཉི་མ། །ཡེ་ཤེས་པདྨོ་རྒྱས་བྱེད་དེ་ལ། །བྷྲ་མ་རཿ ཡི་དབྱངས་ཀྱིས་བསྟོད་དོ། །ཡང་། ཀུ་མུད་ད་ལྟར་དཀར་ཞིང་གསལ་ལ། །མུ་ཏི་ཀ་བཞིན་འོད་རབ་འཕྲོ་བ། །མ་སྨད་ལང་ཚོ་རབ་རྒྱས་མ་མ། །འདོད་ལྡན་སྙིང་ལ་ཨུ་དུམ་ཝ་ར། །ལྷོ་པའི་མཛེས་པ་གཏམ་ལ་སྦྱར་བ། སྤྲིན་དཀར་དལ་གྱིས་གཡོ་འདྲའི་ས་སྲུང་སྟེང། །འཆི་མེད་བདག་པོའི་ལག་ཉལ་རྡོ་རྗེ་ཡིས། །སྦྱིན་སྐྱེས་གཡུལ་ངོ་བཟློག་པར་མཛད་པ་ན། །ཕྱོགས་ལས་རྣམ་པར་རྒྱལ་བའི་གྲགས་སྙན་ལྡིར། །ཡང་། བློ་བཟང་རྒྱལ་བའི་གསུང་གི་མཛོད་ཕྱེ་སྟེ། །བསྟན་པའི་གནད་ཀུན་རྫོགས་པར་གསལ་བ་ཡིས། །མཐའ་འཁོབ་ཁ་བ་ཅན་གྱི་ལྗོངས་འདི་ཡང། །དབུས་འགྱུར་ཞེས་བྱར་གྲགས་

― GTD007_Page_0863 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དོན་དང་ལྡན། །བསྔགས་པ་ལ་སྦྱར་བ། མུ་ཏིག་འཁྲི་ཤིང་ཡང་དག་རྒྱུ་བ་བཞིན། །འདོད་ལྡན་སྐྱེ་བོ་དགའ་བྱེད་དགའ་མ་ཡིས། །ཟུར་མིག་འོད་ཞགས་སྤྲོ་བའི་རྩེ་མོ་ན། །རྣ་ལུང་ཕོན་པོའི་བར་དུ་རྫོགས་མ་གྱུར། །ཤར་པའི་གཏམ་ལ་སྦྱར་བ། །ཀཻ་ལ་ཤ་རིའི་དཔལ་འཛིན་གཉིས་འཐུང་གི །སྟེང་འགྱིང་གྲགས་པའི་མུ་ཁྱུད་རྩེ་བརྒྱ་ཡིས། །ལྷུན་པོ་ཉུང་དཀར་གནས་ལ་འགོད་བྱེད་ན། །ཉམས་འབྱུང་ལྷ་མིན་བཅོམ་ལ་མཚར་དུ་ཅ། །ཡང། འཇམ་མགོན་བླ་མའི་ལེགས་བཤད་འོད་སྟོང་གིས། །མདོ་རྒྱུད་པད་ཚལ་རྒྱས་པའི་གངས་ལྗོངས་འདིར། །འོག་མིན་ཞེས་བྱར་གྲགས་པའི་རྔ་བོ་ཆེ། །རྡུང་བ་དེས་ཀྱང་བསྒྲུན་དུ་ག་ལ་ཡོད། །བསྔགས་པ་ལ་སྦྱར་བ། སྲེད་ལྡན་སྙིང་ལ་ཀུན་དགའ་གསར་པའི་རོ། །སྦྱིན་བྱེད་ལང་ཚོ་མ་ཡི་ཟུར་མིག་གི །དཀྱུས་རིང་ཡིད་སྲུབས་འཕྲུལ་གྱི་ཉག་ཕྲན་དེ། །འཇིག་རྟེན་གསུམ་གྱི་མཐར་ཡང་རྫོགས་མ་གྱུར། །ཏིང་ངེ་འཛིན་གྱི་ཡོན་ཏན་སྤྱིར་བསྟན་པ། དབང་ཕྱོགས་ས་འཛིན་རྩེ་ནས་འོད་སྟོང་ཅན། །དགྱེས་པའི་རང་ཞལ་ངོམ་ཚེ་པདྨོ་རྣམས། །དགའ་བའི་གེ་སར་སོ་འཕྲེང་རྒོད་པ་ན། །ཕྲག་དོག་ལྡན་པའི་ཀུ་མུད་ཟུམ་པར་གྱུར། །ཆོས་གཅིག་བཀོད་པ། འགྲམ་ཆང་གཟེགས་མས་བསྐྱངས་པའི་བ་ཀུ་ལ། །དགའ་ཞིང་ཆགས་པས་རབ་ཏུ་རྒོད་པ་ན། །རྐང་གདུབ་ཀྱིས་བསྣུན་མྱ་ངན་མེད་པ་ཡང། །ཁྲེལ་བའི་ཡིད་ཀྱིས་ཅུང་ཟད་རྒོད་པར་བྱེད། །ཡང། མི་བཟད་དགུན་གྱི་གྲང་རེག་རྒྱས་པ་ན། །

― GTD007_Page_0864 ―

^{[མ་དཔེ་གཟིགས་ན་འདིར་གནོན།]}

[Full Size]

ཉལ་འགྲོ་མ་རྣམས་ཆབ་རོམ་གུར་དུ་མནལ། །ཁོར་ཡུག་མཛེས་བྱེད་རི་བོའི་འཕྲེང་བ་ཡང། །ཁ་བའི་གུར་ཁང་ཕུགས་སུ་གཉིད་ལ་ཡུར། །ཆོས་དུ་མ་བཀོད་པ། འོད་སྟོང་ཆུ་ལྷའི་པང་བར་མནལ་བ་ན། །སྐར་མའི་དོ་ཤལ་ལེགས་བགོས་སྔོ་བསངས་མར། །དུས་བཏབ་ཟླ་བ་གཞོན་ནུས་བགྲོད་པའི་ཚེ། །སྐྱེངས་ལྡན་སྤྲིན་གྱིས་སྒྲིབ་གཡོགས་ཅི་ཡང་བྱེད། །ཡང་། ཉིན་བྱེད་ལྷོ་ཡི་ལམ་དུ་བྲོས་གྱུར་ཅིང། །ས་འཛིན་ཁ་བའི་ཐོར་ཚུགས་བཅིངས་པ་ན། །རྩི་ཤིང་ཚོགས་རྣམས་ཤུགས་རིང་འབྱིན་བྱེད་ཅིང། །ན་ཆུང་ཉལ་འགྲོ་མ་རྣམས་སྦུབས་སུ་བྲོས།། །།རིགས་རང་བཞིན་བརྗོད་པ། ཕུལ་བྱུང་མཚན་དཔེའི་ལང་ཚོ་རབ་འབར་ཞིང། །ཡན་ལག་དྲུག་ཅུའི་དབྱངས་སྙན་རྣ་བར་འཇེབས། །ཆོས་རྣམས་ཀུན་ལ་གཟིགས་པ་སྒྲིབ་མེད་པ། །དུས་གསུམ་བདེ་བར་གཤེགས་རྣམས་གཏན་གྱི་སྐྱབས། །ཡང་། བགྲང་ཡས་རྒྱལ་བ་ཀུན་གྱི་མཁྱེན་པའི་གཏེར། །གཅིག་གྱུར་བཅུ་དྲུག་ལང་ཚོའི་དཔལ་གྱིས་སྒེག །དབྱངས་ཅན་དགའ་མར་རབ་དགྱེས་ངག་གི་ལྷ། །དཔལ་ལྡན་བརྟན་པའི་འཁོར་ལོས་བདག་སྐྱོངས་ཤིག །བྱ་བ་རང་བཞིན་བརྗོད་པ། དེ་ཉིད་གཟིགས་པས་སྲིད་མཚོ་ལས་བརྒལ་ཞིང། །བརྩེ་ཆེན་གོམས་པས་ཞི་བའི་མཐའ་བཀག་ནས། །མི་གནས་མྱ་ངན་འདས་པའི་གྲོང་མཆོག་དེར། །གདུལ་བྱ་གཞན་ཡང་འཁྲིད་མཛད་སྟོན་པ་མཆོག །ཡང་། གཞུང་བརྒྱ་འཆད་པས་རྨོངས་པའི་མུན་སེལ་ཞིང། །རྩོད་ངག་ང་རོས་རྒོལ་ངན་ཀླད་པ་འགེམས། །རྩོམ་པས་མཁས་ཀུན་ཡིད་དབང་

― GTD007_Page_0865 ―

^{[མ་དཔེ་གཟིགས་ན་འདིར་གནོན།]}

[Full Size]

འགུག་བྱེད་པ། །མ་ལུས་བསྟན་པའི་སྣང་བྱེད་དྲིན་ཅན་རྗེ། །ཡོན་ཏན་རང་བཞིན་བརྗོད་པ། འདབ་བརྒྱད་སྙིང་གི་ཟེའུ་འབྲུར་འཇམ་པའི་དབྱངས། །ལན་གཅིག་མིན་པར་ཡང་ཡང་བསྟེན་པ་ལས། །རབ་རྨོངས་མུན་པ་སེལ་ཞིང་གསུང་རབ་ཀྱི། །དགོངས་དོན་འབྱེད་པའི་བློ་གྲོས་སྣང་བ་རྒྱས། །ཡང། འདྲེན་མཆོག་དམ་པའི་ཞལ་གྱི་བུམ་བཟང་ལས། །འཕོས་པའི་ལེགས་བཤད་བདུད་རྩི་གསར་པའི་རྒྱུན། །སྙིང་ཁར་སིམས་པས་མཁས་དབང་དཎྜིའི་གཞུང་། །འགྲེལ་ལ་མི་འཇིགས་དགེ་བའི་སྤོབས་པ་རྒྱས། །རྫས་རང་བཞིན་བརྗོད་པ། རྨོངས་མུན་དྲ་བ་གཅོད་པའི་རལ་གྲི་དང། །ཨུཏྤལ་འཆང་ཞིང་རིན་ཆེན་རྩེ་ཕྲན་ཚོགས། །གཡུར་དུ་ཟ་བའི་ཟུར་ཕུད་ལན་བུ་ལྔས། །གཙུག་མཛེས་སྨྲ་བའི་རྒྱལ་པོ་སྙིང་གི་དཔྱིད། །ཡང། ཕུལ་བྱུང་རྣམ་པར་རྒྱལ་བའི་ཁང་བཟང་དབུས། །ལྷ་བརྒྱའི་ཟུར་ཕུད་འོད་ཆགས་ནོར་བུའི་ཁྲིར། །སྦྱིན་སྐྱེས་ཀླད་འགེམས་ཞོ་འཐུང་རྩེ་བརྒྱ་པ། །འཛིན་བྱེད་ལྷ་དབང་བསོད་ནམས་དཔལ་གྱིས་མཐོ། །ཆོས་དཔེ། དབྱངས་ཅན་ཞལ་གྱི་མཆུ་སྒྲོས་འཛུམ་བར་ལས། །ཐགས་བཟང་བཞི་བཅུའི་ཚེམས་འཕྲེང་གསལ་བ་ན། །མཚམས་སྤྲིན་ཁོང་ལས་གསར་ཚེས་ཟླ་བ་བཞིན། །དཀར་ཞིང་གསལ་བས་འཇིག་རྟེན་ཀུན་ཡིད་འཕྲོག །ཡང་། གཏུམ་ཆེན་ཁྲོ་བོའི་དབང་པོ་གཤིན་རྗེའི་གཤེད། །བ་སྤུའི་ཁོང་ལས་མེ་ལྕེའི་ཚོགས་འཕྲོ་བ། །བཻ་ཌཱུར་རྡུལ་མང་བརྩེགས་པའི་རི་བོ་ལ། །རྟ་གདོང་མེ་ཡིས་འཁྱུད་ལྟར་

― GTD007_Page_0866 ―

^{[མ་དཔེ་གཟིགས་ན་འདིར་གནོན།]}

[Full Size]

རྔམས་ཤིང་བརྗིད། །དངོས་དཔེ། བཅོམ་ལྡན་མཐུ་སྟོབས་བདག་པོའི་ཞལ་ཁྱིམ་ན། །འཇིགས་རུང་དབྱར་གྱི་ཆར་སྤྲིན་གཏིབས་པ་བཞིན། །སྤྱན་གསུམ་སྡང་མིག་ཡོན་པོར་བལྟ་བ་ཡང་། །གློག་དམར་འཁྱུག་པའི་དཔལ་ལ་རྣམ་པར་འཁུ། །ཡང། རྒྱུད་མངས་སྒྲ་ལ་འཁུ་བ་རྒྱལ་གསུང་གིས། །ལེགས་པར་བསྟན་པ་འཆི་མེད་བདུད་རྩི་བཞིན། །དེ་དོན་གོམས་པས་ཞི་བའི་དཔལ་འཐོབ་པས། །ལྷ་དབང་བདུད་རྩིར་རོལ་པའི་ཁེངས་པ་འཕྲོག །བཟློག་པའི་དཔེ། བློ་དང་བརྩོན་པར་ལྡན་པའི་ཡོན་ཏན་བཞིན། །ཡར་ཚེས་ཟླ་ཤེལ་འདི་ནི་འཕེལ་རྩོམ་ཞིང། །དེ་ཡིས་སྡེ་བཞིའི་དཔལ་འབྱོར་སྤེལ་བ་ལྟར། །མཛེས་སྡུག་ཀུན་དའི་དགའ་ཚལ་རྒྱས་པར་བྱེད། །ཕན་ཚུན་དཔེ། བུང་བའི་ན་ཆུང་པདྨའི་ཚལ་ལ་བཞིན། །བློ་ལྡན་སྐྱེ་བོ་ཆོས་ལ་ལེགས་གནས་ཤིང། །དེ་དོན་རྩེ་གཅིག་སྒྲུབ་ལ་བརྩོན་པ་ལྟར། །རྐང་པ་དྲུག་པ་སྦྲང་རྩིའི་བཅུད་ཀྱིས་མྱོས། །ཡང་། བཅུ་དྲུག་ཆ་ཤས་ཡོངས་གང་ཟླ་བ་ལྟར། །ཤོང་དཔང་མཁྱེན་པའི་དཔལ་ཡོན་རབ་རྒྱས་ཤིང། །དེ་ཡི་ལེགས་བཤད་དགའ་སྟོན་འགྱེད་པ་བཞིན། །ཟླ་ཤེལ་བདུད་རྩི་གསར་པའི་ཐིགས་འཕྲེང་སྤྲོ། །ངེས་པའི་དཔེ། རབ་འབྱམས་གསུང་རབ་ཀུན་གྱི་དཀའ་གནས་ལ། །གཟིགས་པ་ཆགས་ཐོགས་མི་མངའ་འདྲེན་པ་མཆོག །གང་གི་མཁྱེན་རབ་འདི་ནི་ཀུན་གསལ་མ། །ཁོ་ནར་མཚུངས་ཀྱི་དཔེ་ཟླ་གཞན་ཡོད་མིན། །ཡང་། འཇམ་དབྱངས་བླ་མའི་འཁྲུལ་མེད་ལུང་རིགས་ཀྱིས། །རྣམ་པར་དག་བྱས་དགེ་ལྡན་བསྟན་པ་

― GTD007_Page_0867 ―

^{[མ་དཔེ་གཟིགས་ན་འདིར་གནོན།]}

[Full Size]

འདི། །གསེར་སྦྱངས་བཙོ་མ་ཁོ་ནའི་རྗེས་འགྲོ་སྟེ། །དཔེ་གཞན་སྲིད་པ་འདི་ན་འགའ་ཡང་མེད། །ངེས་མེད་དཔེ། གནས་སྐབས་མཐར་ཐུག་ལེགས་ཚོགས་མ་ལུས་པ། །གང་ལས་འབྱུང་བ་རིན་ཆེན་བྱང་ཆུབ་སེམས། །ལྷ་ཡི་དཔག་བསམ་ལྗོན་པའི་རྗེས་འགྲོ་སྟེ། །དེ་ལྟ་གཞན་འགའ་མཆིས་ནའང་མཚོན་པར་ནུས། །བསྡུས་པའི་དཔེ། མཐོ་རིས་ཡོན་ཏན་བདུན་ལྡན་རྟེན་བཟང་འདི། །རྙེད་དཀའ་ཁོ་ནས་ཡིད་བཞིན་ནོར་བུ་དང། །མཚུངས་པ་མིན་ཏེ་འདི་ཉིད་ལ་བརྟེན་ནས། །ལེགས་ཚོགས་མ་ལུས་འདོད་དགུར་འཇོ་བས་ཀྱང། །ཕུལ་བྱུང་དཔེ། རྣམ་འདྲེན་ཤཱཀྱའི་ཏོག་དང་ཙོང་ཁ་པའི། །འཕགས་ཡུལ་རྡོ་རྗེ་གདན་དང་བསིལ་ལྗོངས་འདིར། །ཟབ་གསང་ཆོས་ཀྱི་སྒྲ་དབྱངས་བསྒྲགས་པ་ལས། །གཞན་དུ་ཐ་དད་དབྱེ་བའི་སྐབས་མ་མཆིས། །རབ་བཏགས་ཀྱི་དཔེ། སྲིད་འབྱོར་རྒྱས་པ་རྒུད་པའི་མཐའ་ཅན་དུ། །སྟོན་བྱེད་དམར་ཕྱོགས་ཟླ་བ་སྙེམས་མི་འཚལ། །འདབ་སྟོང་མཛེས་སྡུག་རྫོགས་པའི་པད་མོ་ཡང། །ལོ་འབྲས་འབྲུལ་བའི་ངང་ཚུལ་སྟོན་ཕྱིར་རོ། །རྨད་བྱུང་གི་དཔེ། རབ་དཀར་ཀཻ་ལ་ཤ་རིས་དབང་སྔོན་གྱི། །ཟུར་ཕུད་བཅིངས་ཏེ་སྙན་འགྱུར་རྒྱུད་མངས་སྒྲས། །སྐལ་བཟང་རྣ་བར་བདུད་རྩིའི་དཔལ་སྟེར་ན། །ངག་དབང་ལྷ་མོ་ཁྱོད་ཀྱི་དཔེ་ཟླར་འོས། །རྨོངས་པའི་དཔེ། གངས་ཀྱི་རི་བོ་དལ་གྱིས་རྒྱུ་བར་ན། །འཁྲུལ་པ་སྐྱེད་བྱེད་གཉིས་འཐུང་དབང་པོ་ལ། །ལྟ་བར་འདོད་པས་རབ་དཀར་ཀཻ་ལ་ཤ །མཐོང་ཚེ་

― GTD007_Page_0868 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕགས་ཀྱུའི་སྦྱོར་བ་རྩོམ་པས་བྲེལ། །ཐེ་ཚོམ་གྱི་དཔེ། སྤྲིན་བྲལ་སྟོན་གྱི་ནམ་མཁའ་དྭངས་པ་ལ། །ཉི་ཟླའི་དཀྱིལ་འཁོར་ཅིག་ཅར་ཤར་བའམ། །གཏུམ་ཆེན་ཁྲོ་བོའི་དབང་པོའི་ཞལ་ཁྱིམ་ངོས། །སྡང་མིག་གཡོ་སྙམ་བདག་ཡིད་འཕྱང་མོ་ཉུག །གཏན་ཕབ་ཀྱི་དཔེ། མཐའ་བྲལ་ལམ་བཟང་ཇི་བཞིན་གསལ་མཛད་ཁྱོད། །སངས་རྒྱས་གཉིས་པ་ཀླུ་སྒྲུབ་དང་མཚུངས་ཀྱང། །མདོ་སྨད་ཙོང་ཁའི་ཡུལ་དུ་བལྟམས་པའི་ཕྱིར། །རྒྱལ་བ་གཉིས་པ་བློ་བཟང་གྲགས་པར་ངེས། །སྦྱར་བའི་དཔེ། དྲི་མ་དང་བྲལ་མཛེས་སྡུག་ཡོངས་སུ་རྫོགས། །མཐོང་བས་ཡིད་ལ་ཀུན་དགའི་དཔྱིད་འཇོ་བ། །སྒྲ་དབྱངས་ལྷ་མོའི་ཞལ་གྱི་དཀྱིལ་འཁོར་ན། །ཉ་གང་བསིལ་ཟེར་བདག་པོའི་རྗེས་སུ་འགྲོ། །མཉམ་ཉིད་དཔེ། ཀུན་སྦྱོར་རྨོངས་པའི་དྲ་བ་དྲུངས་ཕྱུང་སྟེ། །ཆོས་ཀུན་ཐུགས་སུ་ཆུད་པ་ཤཱཀྱའི་ཏོག །རྒྱ་མཚོའི་གླིང་དུ་བགྲོད་པའི་དེད་དཔོན་བཞིན། །མ་ནོར་ལམ་བཟང་གསལ་བར་སྟོན་ཕྱིར་རོ། །སྨད་པའི་དཔེ། ཆུ་འཛིན་སྟུག་པོའི་སྒྲིབ་གཡོགས་དང་བཅས་ཤིང། །ཀུ་མུད་ད་ཚལ་ཟུམ་བྱེད་ཉི་མ་འདིས། །དུས་ལས་མི་ཡོལ་ཀུན་ལ་སྙོམས་པ་ཡི། །རྒྱལ་བའི་འཕྲིན་ལས་ཇི་བཞིན་མཚོན་དུ་མེད། །བསྔགས་པའི་དཔེ། ལྷ་ཡི་རྫིང་རིང་ཕ་མཐའ་མི་མངོན་ཞིང། །ཟླ་བའི་མ་མ་ནོར་བུའི་གཏེར་དུ་གྲུབ། །ཟླ་ཤེལ་སྐྱོན་གྱི་དྲི་མས་མ་གོས་ཏེ། །དེ་དག་རྣམས་དང་འཇམ་མགོན་ཁྱོད་ཐུགས་མཚུངས། །བརྗོད་འདོད་དཔེ། རབ་དཀར་བསིལ་ཟེར་རྫོགས་པའི་དཔལ་ལྡན་ནམ། །

― GTD007_Page_0869 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོ་བསངས་ར་རིའི་མཚན་མས་སྦགས་ཀྱང་རུང། །ཚངས་སྲས་ལྷ་མོའི་ཞལ་དང་ཀུན་དའི་གཉེན། །མངོན་པར་མཚུངས་ཞེས་བརྗོད་འདོད་ཡིད་ལ་བཅགས། །འགལ་བའི་དཔེ། དབྱངས་ཅན་ལྷ་མོའི་ཞལ་དང་སྟོན་ཀའི་ཟླ། །ཡིད་འོང་མཛེས་སྡུག་རྫོགས་པའི་ཀུན་ད་རྣམས། །ངོ་མཚར་ཀུན་དགའི་དཔྱིད་དུ་གཅིག་གྱུར་ཀྱང། །ཐ་དད་རྣམ་པར་གནས་འདིས་འགལ་བར་སེམས། །དགག་པའི་དཔེ། ལེགས་པར་བཤད་པའི་དོན་གྱིས་དབེན་གྱུར་ཞིང། །འདོད་ལྡན་སྲིད་པར་འཆིང་བྱེད་རྒྱུད་མངས་ལ། །རྣམ་འདྲེན་རྒྱལ་བའི་གསུང་ལ་འགྲན་བཟོད་པའ། །ཡོན་ཏན་ཆ་ཤས་ཙམ་ཡང་དམིགས་སུ་མེད། །ངོ་བསྟོད་ཀྱི་དཔེ། མཆོད་སྦྱིན་བརྒྱ་པ་འཆི་མེད་རིགས་སུ་འཁྲུངས། །ང་ལས་ནུ་ཁྱོད་འཛམ་གླིང་མིར་གྱུར་ཀྱང། །ས་སྟེང་འཇིག་རྟེན་དབང་དུ་བྱེད་པ་ལ། །ལྷ་ཡི་དབང་པོ་ཉིད་དང་ཁྱད་པར་ཅ། །དེ་ཉིད་བརྗོད་པའི་དཔེ། དཀར་གསལ་ལང་ཚོ་ཡོངས་སུ་རྒྱས་པ་འདི། །ཟླ་བ་མ་ཡིན་དབྱངས་ཅན་གཞོན་ནུའི་སྐུ། །མདངས་སྔོན་རྣམ་བཀྲ་འདི་ཡང་རི་དྭགས་གཟུགས། །མ་ཡིན་བཻ་ཌཱུརྻ་ཡི་རྒྱུད་མངས་ལགས། །ཐུན་མོང་མིན་པའི་དཔེ། ཕུལ་བྱུང་མཁྱེན་པའི་སྐད་ཅིག་གཅིག་གིས་ཀྱང། །ཇི་ལྟ་ཇི་སྙེད་ཆོས་ཀུན་གཟིགས་པ་ཡི། །དཔེ་ཟླ་སྲིད་ཞིའི་ཁམས་ན་གཞན་མེད་པས། །རང་ཉིད་མཚུངས་དཔེར་བསྟན་པ་རྒྱལ་བའི་ཐུགས། །འབྱུང་མིན་གྱི་དཔེ། སྲིད་དང་ཞི་བའི་མཛེས་སྡུག་མ་

― GTD007_Page_0870 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་པ། །འཇིག་རྟེན་བྱེད་པོས་གཅིག་ཏུ་བསྡུས་པ་བཞིན། །ཨུཏྤལ་ཟུར་མིག་གཡོ་བའི་དབྱངས་ཅན་ཞལ། །འདྲེན་བྱེད་ཡུལ་གྱི་བདུད་རྩི་བླ་ན་མེད། །མཚམས་འདི་ནས་སྲིད་མིན་གྱི་དཔེ་དང། མང་བའི་དཔེ་དང། རྣམ་འགྱུར་གྱི་དཔེ་རྣམས་ཀྱི་དཔེ་བརྗོད་མ་རྙེད། འཕྲེང་བའི་དཔེ། བདག་ཏུ་འཛིན་པ་ལས་ནི་ཆགས་སོགས་བཞིན། །དེ་ལས་སྣ་ཚོགས་ལས་བཞིན་དེ་ལས་ཀྱང། །སྐྱེ་བའི་ཀུན་ཉོན་བཞིན་དུ་སླར་ཡང་ན། །སྲིད་སོགས་སྐྱེ་བས་འཁོར་བའི་འཁོར་ལོར་འཇུག །ངག་དོན་ལས་བཞིན་སྒྲ་གཅིག་པ་ནི། མཉེན་ལྕུག་ཕྱག་གི་སོར་མོ་གཡོ་བ་ཡིས། །སྙན་འགྱུར་རྒྱུད་མངས་རྣམ་པར་འཁྲོལ་བ་ན། །སྤྲིན་གྱི་ལྕུག་མ་མངོན་པར་གཡོ་བའི་དབུས། །དབྱར་རྔ་དལ་གྱིས་རྒོད་བཞིན་རྣ་བར་སྙན། །བཞིན་སྒྲ་དུ་མ་ནི། གསེར་རི་ཇི་བཞིན་བརྗིད་ཆགས་ཐུབ་དབང་སྐུ། །ཉི་མ་བཞིན་དུ་འབར་བའི་འོད་འཕྲོ་ཞིང། །མཚམས་སྤྲིན་ཇི་བཞིན་ངུར་སྨྲིག་གོས་བཟང་གིས། །ཀླུབས་པས་སྐྱེ་དགུའི་ཡིད་ལ་དགའ་བ་སྟེར། །ཟླ་བོ་དངོས་པོའི་དཔེ། དགེ་ལྡན་བསྟན་པའི་གཉེན་གྱུར་མང་ན་ཡང། །མཁས་གྲུབ་སྨྲ་བའི་སེང་གེར་འགྲན་ནུས་སུ། །རྐང་འཐུང་གསར་པས་སྐྱེད་ཚལ་གང་གྱུར་ཀྱང། །ལྷ་ཡི་དཔག་བསམ་ལྗོན་པའི་དོ་ཟླ་མེད། །མཚུངས་སྦྱོར་དཔེ། པུ་ལོ་མ་དགྲ་ལྷུན་པོའི་རྩེར་གནས་ཤིང། །གདོང་ལྔ་ལྡན་པ་གངས་རིའི་སྤོ་ལ་འགྱིང། །ལྷ་ཡི་དབང་པོས་ལྷ་མིན་ཕམ་བྱེད་ཅིང། །འཕྲོག་བྱེད་ཁྲོས་པས་གཉིས་འཐུང་ཀླད་པ་འགེམས། །རྒྱུའི་དཔེ། གཟི་བྱིན་ལང་ཚོ་རྒྱས་པས་ཉི་མ་

― GTD007_Page_0871 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །ལུས་ཅན་གདུང་བ་སེལ་བས་འོད་དཀར་ཅན། །འདོད་དགུའི་དངོས་གྲུབ་སྟེར་བས་དཔག་བསམ་དང། །མཚུངས་པ་འཇམ་མགོན་ལྷག་པའི་ལྷ་དེར་འདུད། །རྟགས་འདྲེས་ཀྱང་སྐྱོན་མེད་པ། རྒྱལ་ཀུན་ཡབ་གཅིག་འཇམ་དཔལ་གཞོན་ནུ་ཁྱོད། །ངག་གི་དངོས་གྲུབ་སྩོལ་ལ་དབྱངས་ལྡན་བཞིན། །ཁྱོད་ཀྱི་ཡུམ་གྱུར་སྒྲ་དབྱངས་ལྷ་མོ་ཡང། །ཕུལ་བྱུང་སྤོབས་པ་སྩོལ་ལ་ཁྱོད་དང་མཚུངས། །ཚིག་འདྲེས་ཀྱང་སྐྱོན་མེད་པ། འདྲེན་མཆོག་དམ་པའི་རྣམ་པར་ཐར་པ་ན། །དུས་གསུམ་རྒྱལ་བ་སྲས་བཅས་ཀུན་དང་མཐུན། །བདག་ཉིད་ཆེན་པོ་རྣམས་ཀྱི་མཛད་པ་ཡང། །ཟླ་ཤེལ་ལྟ་བུར་འགྲོ་ལ་གཅིག་ཏུ་བསིལ། །དཔེ་མཆོག་དམན་བྱུང་ཡང་སྐྱོན་མེད་པ། ལུས་དཀར་ལྡན་པའི་སྡེར་འཕྲེང་དྲ་བ་བཞིན། །ཐུབ་པའི་ཕྱག་སོར་དྲ་བས་ཡོངས་འབྲེལ་ཞིང། །སྙན་འགྱུར་འབུམ་ལྡན་དེ་ཡི་གསུང་དབྱངས་ལྟར། །སྤྲིན་དཀར་ཁོང་ལས་འབྲུག་སྒྲ་སྙན་པར་སྒྲོགས། །སྐྱོན་ནི། རྒྱལ་པོ་བཞིན་དུ་ཁེངས་ལྡན་ལུས་ཕྲ་མ། །ཁྱོད་གདོང་དཀར་མཛེས་རྒྱུ་སྐར་སྟོང་ཕྲག་བཞིན། །དབྱིབས་ལེགས་ཕུག་རོན་དགའ་མའི་རྗེས་འགྲོ་ཞིང། །ཚངས་དབྱངས་དང་མཚུངས་སྙན་འགྱུར་མགྲིན་གླུ་ལེན།། །།བསྡུས་པའི་གཟུགས་ཅན། མཚན་དཔེའི་དཔལ་ཀུན་རྫོགས་པ་ལྷ་ཡི་ལམ། །ངུར་སྨྲིག་གོས་བཟང་མཚམས་སྤྲིན་གསར་པས་འཁྱུད། །ཞལ་ཁྱིམ་ཟླ་ཤེལ་འཛུམ་པའི་རྦ་རླབས་ཅན། །ཀླུ་ཡི་དབང་ཕྱུག་རྒྱལ་པོ་འགྲོ་བའི་སྐྱབས། །མ་བསྡུས་པའི་གཟུགས་ཅན།

― GTD007_Page_0872 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་ཡུལ་མཁས་པའི་གངས་རི་ལས་འོངས་ཤིང། །ལུང་དང་རིགས་པའི་རླབས་འཕྲེང་གཡོ་བ་ཡི། །ཕུལ་བྱུང་ལེགས་པར་བཤད་པའི་གངྒཱ་མ། །འཁྲུལ་བའི་རྡུལ་གྱི་རྙོག་པས་རིང་དུ་དབེན། །བསྡུས་ཤིང་མ་བསྡུས་པའི་གཟུགས་ཅན། འཇམ་མགོན་ཐུགས་ཀྱི་ཀུན་གསལ་ཡངས་པའི་ངོས། །ཟབ་ཡངས་མཁྱེན་པའི་ཉིན་བྱེད་རྩེ་དགའ་ཡིས། །ཐུབ་པའི་དགོངས་དོན་འདབ་བརྒྱ་བཞད་པ་ན། །ཐར་འདོད་བུང་བའི་ཚོགས་རྣམས་དགའ་བས་རྩེན། །མཐའ་དག་གཟུགས་ཅན། རྒྱལ་སྲས་སྤྱོད་པའི་ལུས་སྟོབས་རབ་རྒྱས་ཤིང། །ཕུལ་བྱུང་མཁྱེན་བརྩེའི་གཤོག་ཟུང་གཡོ་བ་ཅན། །ལུང་རིགས་མགྲིན་པའི་རྫ་རྔ་སྒྲོགས་པ་ཡི། །བཤེས་གཉེན་ངང་པའི་དེད་དཔོན་བསྔགས་པར་འོས། །ཆ་ཤས་གཟུགས་ཅན། མ་སྨད་སྙིང་རྗེའི་རྩ་བ་རབ་བརྟན་ཅིང། །ཕྱིན་དྲུག་སྤྱོད་པའི་ལོ་འདབ་ཕང་ཕུང་གཡོ། །བསྡུ་བཞིའི་མེ་ཏོག་རྣམ་པར་བཀྲ་བ་ཡི། །བློ་ལྡན་རྒྱལ་བའི་སྲས་རྣམས་ཕྱག་གི་ཡུལ། །ཆ་ཤས་ཅན་གྱི་གཟུགས་ཅན། འཇམ་དབྱངས་སྐུ་ཡི་གསེར་སྦྱངས་ལྷུན་པོ་ལ། །རྨད་བྱུང་མཚན་དཔེའི་ལང་ཚོ་རབ་རྒྱས་ཤིང་། །སྣ་ཚོགས་ནོར་བུའི་རྒྱན་གྱིས་མཛེས་པ་ཡིས། །ཐར་འདོད་ཡིད་ལ་ཀུན་དགའི་དཔལ་ཡོན་སྟེར། །ཡན་ལག་གཅིག་པའི་གཟུགས་ཅན། བགྲང་ཡས་རྒྱལ་བའི་ཚེ་དང་ཡེ་ཤེས་ཀྱི། །ངོ་མཚར་རབ་རྒྱས་བདེ་ལྡན་ཞིང་གི་གཙོ། །གང་གི་ཐུགས་རྗེ་བདུད་རྩིའི་ཐིགས་འཕྲེང་གིས། །སྤྱི་བོར་རེག་པས་འཆི་མེད་དགའ་སྟོན་ཐོབ། །ལྡན་པའི་

― GTD007_Page_0873 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་ཅན། འཇམ་དབྱངས་མཛེས་སྐུ་གསེར་སྦྱངས་རི་བོའི་སྤོར། །ནོར་བུའི་གཙུག་རྒྱན་འོད་སྟོང་རབ་འབར་ཞིང། །མཉེན་ལྕུག་ཕྱག་སོར་ཡལ་ག་གཡོ་བའི་རྩེར། །རྣོ་ལྡན་རལ་གྲིའི་འདབ་འཕྲེང་གཡོ་བས་མཛེས། །མི་ལྡན་པའི་གཟུགས་ཅན། དབྱངས་ཅན་སྐུ་ཡི་འོ་མཚོ་འཁྱིལ་བའི་དབུས། །ནོར་བུའི་རྒྱན་འཕྲེང་གློག་འོད་རབ་འཕྲོ་ཞིང། །ཞལ་དཀྱིལ་རབ་རྒྱས་ཟླ་བའི་མེ་ལོང་ངོས། །སྨིན་མའི་ཨུཏྤལ་འཁྲི་ཤིང་རྣམ་པར་གཡོ། །མི་མཉམ་པའི་གཟུགས་ཅན། འཇམ་མགོན་ཁྱོད་སྐུ་ལི་ཁྲིའི་རྒྱ་མཚོ་ལས། །འཛིན་བྱེད་རྦ་རླབས་བྱི་རུའི་འཁྲི་ཤིང་གཡོ། །སྙན་འགྱུར་གསུང་གིས་ཐར་འདོད་ཡིད་འཕྲོག་ཅིང། །མཁྱེན་པས་ཆོས་ཀུན་མ་འདྲེས་གསལ་ལེར་གཟིགས། །ཁྱད་པར་གཟུགས་ཅན། རྒྱལ་ཀུན་ཐུགས་རྗེ་ཟླ་བའི་མ་མ་ལས། །བློ་བཟང་ཀུན་དའི་གཉེན་གཅིག་ཤར་བ་ན། །པདྨའི་མཛེས་པ་ཟུམ་པར་མ་གྱུར་ཀྱང། །ཐུབ་བསྟན་ཀུ་མུད་དགའ་ཚལ་ཅིར་ཡང་བཞད། །འགལ་གཟུགས། རྟ་ལྗང་བདུན་གྱི་ཤིང་རྟས་མ་དྲངས་ཤིང། །སྦྲང་རྩིའི་རྒྱལ་མཚན་རྒྱས་པར་མི་བྱེད་པའ། །ཐུབ་དབང་ཉིན་བྱེད་མངོན་པར་ཤར་བ་ན། །སྐལ་བཟང་ས་མོས་ཚལ་རབ་རྒྱས་པར་འགྱུར། །རྒྱུའི་གཟུགས་ཅན། བགྲང་ཡས་རྒྱལ་བའི་ཡབ་གཅིག་མཁྱེན་པའི་གཏེར། །རྨོངས་པའི་ཚ་གདུང་སེལ་བས་བསིལ་ཟེར་ཅན། །མཚན་དཔེའི་གཟི་བྱིན་རྒྱས་པས་ཉི་མ་སྟེ། །འདོད་དགུའི་དངོས་

― GTD007_Page_0874 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་འབྱུང་བས་གཏེར་ཀྱང་ཡིན། །སྦྱར་བའི་གཟུགས་ཅན། མཐོ་རིས་རྟེན་བཟང་ཡངས་པའི་དོ་ར་རུ། །ཉེར་བཏབ་ས་བོན་དུས་སུ་སྨིན་པ་ཡི། །མ་སྨད་འབྲས་བུ་མཆོག་གི་དགའ་སྟོན་ལ། །སྐལ་བཟང་སྐྱེ་བོ་འདོད་དགུར་ལོངས་སུ་སྤྱོད། །དཔེ་གཟུགས། ཡེ་ཤེས་འོད་ཀྱི་ཤིང་རྟའི་དམར་འོད་ཀྱིས། །འཁྱུད་པའི་ཁྲོ་རྒྱལ་ཞལ་དཀྱིལ་ན་ཀྲའི་གྲོང། །རབ་འབར་རྟ་གདོང་མེ་ལྕེ་དང་འགྲོགས་པའ། །ཆུ་གཏེར་རྦ་ཀློང་འཁྲུགས་པའི་དཔལ་ལ་འགྲན། །ལྡོག་པ་ཅན་གྱི་གཟུགས་ཅན། ལེགས་བྲིས་ཚོགས་རྣམས་ལྷ་ཡི་དཔལ་འབྱོར་དང། །རྒྱལ་རྣམས་ཀུན་བཟང་མཆོད་པའི་སྤྲིན་ལ་རོལ། །སྲིད་པའི་འབྱོར་པ་འགྲིབ་པའི་ངང་ཚུལ་འཛིན། །ཀུན་བཟང་མཆོད་ཚོགས་དུས་ཀྱི་མཐར་ཡང་རྒྱས། །འགོག་པའི་གཟུགས་ཅན། འཇམ་མགོན་ཐུགས་ཀྱི་ཆུ་གཏེར་ལས་འཕོས་པའ། །སྔོན་མེད་ལེགས་བཤད་གསར་པའི་ཟླ་བ་འདིས། །ལྟ་ངན་ཚང་ཚིང་མ་ལུས་སྲེག་བྱེད་ན། །བསིལ་ཟེར་བྱེད་པ་ཉིད་དུ་ཇི་ལྟར་གྲུབ། །མཉམ་འཇོག་གཟུགས་ཅན། མཁས་གྲུབ་སྨྲ་དབང་རིག་པའི་འོད་རྣོན་གྱིས། །རྒོལ་ངན་འབྱུང་པོའི་བྱ་རྣམས་ལོང་བར་བྱས། །རང་ལྟ་མཆོག་འཛིན་རི་ལ་གཏི་མུག་གི །མུན་པར་སྐྱབས་འཚོལ་རང་མཚང་དེས་ཀྱང་ནོངས། །གཟུགས་ཅན་གྱི་གཟུགས་ཅན། ཁྱོད་ཞལ་ཟླ་བ་གསར་པའི་སྐྱེད་ཚལ་དབུས། །སྨིན་འཁྱོག་ཧ་རི་ཎ་ཡི་གར་མཁན་མ། །རྣམ་པར་རྩེན་དེས་བློ་གསལ་གཞོན་ནུ་ཡི། །སྙིང་ལ་བསིལ་བའི་དགའ་སྟོན་ཅི་ཡང་སྦྱིན། །བསྙོན་དོར་གཟུགས་ཅན།

― GTD007_Page_0875 ―

^{[མ་དཔེ་གཟིགས་ན་འདིར་གནོན།]}

[Full Size]

མདངས་བཟང་རྣམ་པར་བཀྲ་འདི་ངུར་སྨྲིག་གོས། །མ་ཡིན་འཆར་ཀའི་མཚམས་སྤྲིན་གཞོན་ནུ་སྟེ། །བསུང་ཞིམ་འདི་ཡང་ཚུལ་ཁྲིམས་དྲི་ངད་མཆོག །མ་ཡིན་དཔལ་གྱི་དུམ་བུ་ཀུན་དགའི་དྲ། །རིགས་ཐོག་མའི་གསལ་བྱེད། གཙུག་ཕུད་ལྔ་པ་གངས་རིའི་སྤོར་འགྱིང་ཞིང། །མཚམས་སྤྲིན་འོད་ཆགས་རལ་པའི་ཁུར་གྱིས་མཛེས། །མི་བཟད་སྡེར་མོའི་གདེངས་ཀ་གཡོ་ལྡན་ཞིང། །ང་རོས་གཉིས་འཐུང་ཚོགས་ཀྱི་ཀླད་པ་འགེམས། །བྱ་བ་ཐོག་མའི་གསལ་བྱེད། མངོན་པར་སྤྲོ་འོ་ཟླ་ཤེལ་བསིལ་བའི་ཟེར། །འདབ་སྟོང་གཉེན་གྱིས་ཚ་ཟེར་དྲ་བ་སྟེ། །རིན་ཆེན་འབྱུང་གནས་ལས་ནི་རླབས་ཀྱི་འཕྲེང། །རྒྱལ་རྣམས་ཀུན་ཏུ་བཟང་པོའི་འོད་ཟེར་རོ། །ཡོན་ཏན་ཐོག་མའི་གསལ་བྱེད། རྣམ་པར་མཛེས་སོ་མཁའ་ལ་བསིལ་ཟེར་ཅན། །འོ་མའི་ཆུ་གཏེར་དབུས་ན་འཁོར་ལོའི་ལག །འདབ་སྟོང་པདྨའི་རྩེ་མོར་བྷྲཿ མ་ར། །བློ་ལྡན་སྙིང་གི་ཟེའུ་འབྲུར་འཇམ་པའི་དབྱངས། །རྫས་ཐོག་མའི་གསལ་བྱེད། ཤེས་རབ་རལ་གྲི་འཛིན་མཛད་མཁྱེན་པའི་གཏེར། །མ་ལུས་འགྲོ་བའི་རྨོངས་པ་དྲུངས་འབྱིན་ཅིང། །གནས་ལྔ་རིག་པའི་བློ་གྲོས་རྒྱས་མཛད་པས། །སྐལ་བཟང་སྙིང་ལ་ཀུན་དགའི་དཔལ་ཡོན་སྐྱེད། །རིགས་བརྗོད་བར་གྱི་གསལ་བྱེད། འདབ་མའི་རླུང་གིས་རི་བོ་རལ་བྱེད་ཅིང། །གཟི་བྱིན་སེར་སྐྱའི་དཔལ་འབར་ནམ་མཁའ་ལྡིང་། །མི་བཟད་ཤུགས་དྲག་སྡེར་མོའི་གདེངས་ཀ་ཡིས། །ཀླུ་དབང་ཚོགས་ཀྱི་སྙིང་རྩ་ལྐོག་མར་འབྱིན། །བྱ་

― GTD007_Page_0876 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བརྗོད་པ་བར་གྱི་གསལ་བྱེད། ལེགས་བཤད་ཟབ་མོའི་གཏམ་གྱིས་མཁས་རློམ་དང། །ཉིན་བྱེད་གཟི་ཡིས་སྲིན་བྱ་ལོང་བར་བྱེད། །ཡིད་སྲུབས་དགའ་མ་དང་མཚུངས་མཛེས་མ་ཡིས། །ཟུར་མིག་གཡོ་བས་འདོད་ལྡན་སྐྱེ་བོ་དང་། །རིགས་བརྗོད་པ་མཐའི་གསལ་བྱེད། བསོད་ནམས་ཡེ་ཤེས་ཚོགས་གཉིས་ཡོངས་སུ་རྫོགས། །སྒྲིབ་གཉིས་མུན་པའི་ས་བོན་དྲུངས་ནས་ཕྱུངས། །སྟོབས་དང་མི་འཇིགས་ཡོན་ཏན་ཡོངས་སུ་རྫོགས། །མ་ལུས་འགྲོ་བའི་མགོན་གྱུར་རྫོགས་སངས་རྒྱས། །བྱ་བ་བརྗོད་པ་ཐ་མའི་གསལ་བྱེད། ཟླ་ཤེལ་འཛུམ་པའི་རླབས་ཀྱིས་ཆུ་བོའི་གཏེར། །སྦྲང་ཆར་སྙོམས་པར་འབབ་པས་ལོ་ཏོག་བཅུད། །ཆོས་ལྡན་རྒྱལ་པོས་ཆབ་འབངས་བདེ་སྐྱིད་དང། །བཤེས་གཉེན་དམ་པས་ལེགས་ཚོགས་འཕེལ་བར་བྱེད། །འཕྲེང་བའི་གསལ་བྱེད། བརྩེ་ཆེན་སྙིང་པོར་འཆང་བའི་ལྟ་བ་དང། །རིན་ཆེན་བྱང་ཆུབ་སེམས་ལས་རྒྱལ་བའི་སྲས། །དེ་ལས་དུས་གསུམ་བདེ་བར་གཤེགས་རྣམས་དང། །དེ་ཡི་གསུང་ལས་ཉན་རང་འཕགས་པའི་ཚོགས། །འགལ་བའི་གསལ་བྱེད། རྣམ་དག་ངེས་པར་འབྱུང་བའི་ཚུལ་ཁྲིམས་ཀྱིས། །ལུས་ལ་བརྣག་དཀའི་གདུང་བ་སྟེར་བྱེད་ཀྱང། །མ་ཉམས་ཚུལ་བཞིན་བསྟེན་པས་སྐྱེ་བོ་ཡི། །ཡིད་ཀྱི་གདུང་བ་མཐའ་དག་སེལ་བར་བྱེད། །དོན་གཅིག་གསལ་བྱེད། སྙིང་སྟོབས་མཐུ་ལྡན་རྒྱལ་སྲས་རྟག་ཏུ་ངུས། །རབ་དམར་ཁྲག་གིས་འཛིན་མའི་རྡུལ་མནན་ཞིང་། །ཤ་དང་རུས་པ་ཟོང་དུ་

― GTD007_Page_0877 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྱུར་བྱས་ཏེ། །འགྲོ་བའི་དོན་ཕྱིར་བླ་མེད་བྱང་ཆུབ་བསྒྲུབས། །སྦྱར་བའི་གསལ་བྱེད། སྔོ་བསངས་བཻ་ཌཱུར་ཞུན་མའི་མདངས་འཛིན་ཅིང། །ཕ་མཐའ་ཚད་ཀྱིས་གཞལ་བར་མི་སྤོབས་པ། །འཆི་མེད་ལམ་ཡངས་སྟེང་གི་ཕྱོགས་སུ་སྟེ། །ཟླ་བའི་མ་མ་ལྷུན་པོའི་མཐའ་ལ་གནས། །དོན་བསྐོར་བ། དྲི་བཟང་ཁང་པ་རྒྱས་པའི་དགའ་ཚལ་དབུས། །སྦྲང་རྩིའི་རྒྱལ་མཚན་གཡོ་བའི་རྩེ་མོ་ན། །ཆུ་སྐྱེས་ཟེའུ་འབྲུར་རོལ་པའི་རྐང་དྲུག་ཚོགས། །འདབ་སྟོང་བཅུད་ཀྱིས་མྱོས་པའི་གླུ་དབྱངས་སྒྲོག །ཚིག་བསྐོར་བ། མཁའ་དབྱིངས་ཆུ་འཛིན་དཀར་པོའི་འཕྲེང་བ་དཀྲིགས། །དྭངས་པའི་མཚོ་ནང་རབ་དཀར་ལྦུ་བ་དཀྲིགས། །དགའ་ཚལ་ཡངས་པོར་མཛེས་པའི་རྐང་འཐུང་དཀྲིགས། །དབྱངས་ཅན་མཆུ་སྒྲོས་དབུས་ན་ཚེམས་འཕྲེང་དཀྲིགས། །ཚིག་དོན་གཉིས་ཀ་བསྐོར་བ། དབྱར་སྐྱེས་ཆུ་འཛིན་འཕྲེང་བ་དཀྲིགས་པའི་དབུས། །གློག་དམར་གཡོ་ཞིང་འབྲུག་སྒྲ་སྙན་པར་སྒྲོག །རྣམ་བཀྲ་སྒྲོ་གདུགས་ཟླུམ་པོར་གཡོ་བ་ཡི། །མདོངས་མཐའ་དགའ་བའི་གླུ་དབྱངས་སྙན་པར་སྒྲོག །བྱུང་བ་འགོག་པ། བགྲང་ཡས་བསྐལ་པར་བགྲོད་དཀའ་སངས་རྒྱས་ལམ། །ཚེ་གཅིག་གྲུབ་པའི་སྙན་གྲགས་འུད་པོ་ཆེ། །འོན་ཀྱང་དུས་གསུམ་རྒྱལ་བའི་ཐབས་མཁས་འཕྲུལ། །རྫོགས་པའི་གསང་ཆེན་ནུས་པ་བསམ་མི་ཁྱབ། །ད་ལྟ་བ་འགོག་པ། སྐྱེ་འགྲོའི་སྲོག་ལ་དབང་བསྒྱུར་ཉི་མའི་བུ། །མི་བཟད་ཐོད་དབྱུག་འཕྱར་

― GTD007_Page_0878 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཅི་ཡི་སླད། །འཇམ་མགོན་བསྟན་ལ་སྡང་བའི་དགྲ་བགེགས་རྣམས། །སྡང་མིག་ཙམ་གྱིས་ཐལ་བར་བྱེད་མིན་ནམ། །མ་འོངས་པ་འགོགས་པ། མི་ཡི་དབང་ཕྱུག་མཆོག་ཁྱོད་སླད་དུ་ཡང། །འབྱོར་ལྡན་ཁོ་ནར་དགྱེས་པའི་འཛུམ་སྟོན་ན། །ཉམ་ཆུང་ཆབ་འབངས་ཚོགས་རྣམས་བདེ་བའི་སར། །འབྲོས་ཕྱིར་ཁྱོད་ཞལ་ཕྱི་ནས་མཐོང་མི་འགྱུར། །ཆོས་འགོག་པ། ཐུབ་མཆོག་བདུད་སྡེའི་དཔུང་གིས་བསྐོར་བ་ན། །གཅིག་ཏུ་བྱམས་པའི་ཚུལ་ལ་གནས་པ་རྫུན། །གལ་ཏེ་བདེན་ན་ཡིད་སྲུབས་རབ་གདུངས་ཤིང། །མཆི་མས་བརྣངས་བཞིན་རང་ཡུལ་ཟློག་པ་ཅ། །ཆོས་ཅན་འགོག་པ། ཕྱོགས་ཀྱི་འཁོར་ལོ་གསལ་བའི་རྟ་ལྗང་ཅན། །ཁོར་ཡུག་ཚད་ཀྱི་རང་བཞིན་བཟུང་བར་དཀའ། །འོད་སྟོང་གཟི་བྱིན་མ་བཟོད་འདྲེན་བྱེད་ཀྱིས། །ཕྲ་ཞིབ་རིང་དུ་བལྟ་བའི་གོ་སྐབས་བྲལ། །རྒྱུ་འགོག་པ། འབྲུག་སྒྲ་དྲག་པོས་རི་བོ་རལ་བྱེད་ཅིང། །བདེ་འཐུང་དམར་འོད་དང་འགྲོགས་རྡོ་ཆར་གྱིས། །ཞིང་པའི་སྙིང་རྩ་ལྐོག་མར་འབྲོས་བྱེད་ཀྱང་། །བདག་བཟུང་ཞིང་ས་མེད་པས་བདག་མི་འཇིགས། །འབྲས་བུ་འགོག་པ། ཆེར་སྙིགས་དུས་དང་ཡུལ་གྱིས་མཐའ་ལ་བརྟེན། །སྣ་ཚོགས་རྐྱེན་གྱི་རོལ་པ་མཐའ་ཡས་ཀྱང། །ཐོས་བསམ་སྒོམ་པའི་དགའ་སྟོན་ཉམས་མེད་པ། །བཀྲ་ཤིས་གཡས་སུ་འཁྱིལ་བའི་ཆོས་གྲྭ་ཆེ། །རྗེས་གནང་གིས་འགོག་པ། སྲིད་འབྱོར་འབའ་ཞིག་སྒྲུབ་པའི་ཆེན་པོ་རྣམས། །འབྱོར་ལྡན་ཁོ་ནར་

― GTD007_Page_0879 ―

^{[མ་དཔེ་གཟིགས་ན་འདིར་གནོན།]}

[Full Size]

དགྱེས་ན་དེ་དག་སྐྱོངས། །བློ་ལྡན་ཐར་པ་འདོད་རྣམས་སྐྱབས་གཞན་དུ། །འཚོལ་ཕྱིར་དེ་དག་དོན་དུ་དོགས་མི་འཚལ། །དབང་གིས་འགོག་པ། འཇམ་མགོན་བླ་མ་མཆོག་ཁྱོད་འཕགས་ཡུལ་དུ། །བྱོན་ཚེ་རྣམ་པར་དཀར་བའི་དགོངས་བཞེད་ཀུན། །དབུས་འགྱུར་བསྟན་པའི་དཔྱིད་དུ་སྨིན་འགྱུར་མོད། །དེ་ལྟ་ན་ཡང་ལྗོངས་འདིར་བརྟན་པར་བཞུགས། །མ་གུས་པས་འགོག་པ། ཇི་སྙེད་སྲིད་ཞིའི་དཔལ་ཀུན་དགེ་བ་དང། །མི་འདོད་གདུང་བའི་ཚོགས་རྣམས་སྡིག་ལས་སྐྱེ། །འོན་ཀྱང་བདག་ནི་རང་བཞིན་གླེང་བ་ཙམ། །ཁྱེད་ཉིད་རང་གི་མོས་པ་ཇི་བཞིན་མཛོད། །ཤིས་བརྗོད་ཀྱིས་འགོག་པ། གྲོགས་དག་ལྷ་ཆོས་སྒྲུབ་པར་མི་བྱེད་ན། །འདི་སྣང་ཙམ་གྱི་བདེ་བས་འཚོ་གྱུར་ཅིག །བདག་ནི་ཕྱི་མ་མེད་པའི་ཕྱག་བགྱིས་ཏེ། །དབེན་པའི་རི་ལ་ཐོས་དོན་སྒྲུབ་ཏུ་འགྲོ། །རྩུབ་མོས་འགོག་པ། ཀ་ཡེ་བདག་ལ་རེ་བའི་སློབ་བུ་རྣམས། །བསྟུན་པ་བསྐྱེད་དེ་ཐོས་བསམ་མི་བགྱིད་ན། །རང་དང་མཐུན་པའི་སློབ་དཔོན་གཞན་སྟེན་ཅིག །བདག་གིས་དེང་ནས་གདམས་ངག་འབོགས་མི་ནུས། །གྲོགས་ཀྱིས་འགོག་པ། མི་གཡོའི་སར་གནས་རྒྱལ་སྲས་དཔའ་བོ་རྣམས། །ཞི་བདེར་རོལ་པར་བཞེད་ཚེ་མྱུར་དུ་མཛོད། །ཀུན་ལ་ཕན་དགོངས་ཕྱོགས་བཅུའི་རྒྱལ་རྣམས་ཀྱིས། །སློང་བར་མཛད་ཚེ་དེ་ལས་འདའ་བར་དཀའ། །འབད་པས་འགོག་པ། གཅེས་ཤིང་འཕང་བའི་བློ་གསལ་གཞོན་ནུ་རྣམས། །དགྱེས་ཕྱིར་ཅི་བདེར་

― GTD007_Page_0880 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་ཞེས་བརྗོད་འདོད་ཀྱང། །འཕྲལ་ཡུན་འབྲས་ལ་བསམ་ཚེ་དཀའ་སྤྱད་ལ། །བསྐུལ་ཚིག་ལན་འགའ་ཐལ་ཏེ་ཅི་བྱར་ཡོད། །གཞན་དབང་གིས་འགོག་པ། ལས་ངན་འབྲས་བུ་སྨིན་པ་འགའ་ཞིག་གིས། །གདུང་སེལ་ཟབ་མོའི་གདམས་པ་དགོས་ཞེས་སྨྲ། །འདི་ན་བདེ་སྡུག་འགྱུར་བ་མཐའ་ཡས་རྣམས། །ལས་ཀྱིས་བསྐྲུན་ཕྱིར་དེ་དང་བགྲོ་བར་འཚལ། །ཐབས་ཀྱིས་འགོག་པ། འོད་སྟོང་ལྡན་ཁྱོད་ཆུ་ལྷའི་ཕང་པ་རུ། །གལ་ཏེ་གཟིགས་པར་བཞེད་ན་དེ་བཞིན་མཛོད། །པད་ཚལ་མཛེས་པ་ཟུམ་པར་མི་འགྱུར་སླད། །ཚ་ཟེར་འོད་ཀྱི་འཕྲེང་བ་བཞག་འཚལ་ལོ། །ཁྲོ་བས་འགོག་པ། འབྱོར་པས་དབུལ་ཞིང་འདུ་བ་འཁྲུགས་པས་མནར། །ཕན་རེའི་དུས་སུ་བྱོལ་བའི་ཁྲེལ་འདས་རྣམས། །ཕྱི་ནས་བདེ་སྐྱིད་མངའ་ཐང་དར་བའི་ཚེ། །འཛུམ་ཞལ་ལྷུག་པར་བསྟན་ཀྱང་དགོས་པ་ཅ། །མྱ་ངན་གྱིས་འགོག་པ། འདི་ན་ལ་ལ་ངལ་བརྒྱས་བསྒྲུབས་པ་ཡི། །ནོར་རྣམས་བསོད་ནམས་གཏེར་དུ་མ་སྦས་ཤིང། །འཕྲལ་ཡང་ལོངས་སུ་སྤྱོད་པར་མ་ནུས་པ། །ཆོམ་པོས་ཁྱེར་ཚེ་ཟུག་རྔུ་སྙིང་ལ་འཛིན། །འགྱོད་པས་འགོག་པ། བརྩོན་ཤེས་མཐུ་དང་བྲལ་ཕྱིར་རྒྱལ་བསྟན་ལ། །འཁོར་ལོ་གསུམ་གྱིས་རི་མོར་མ་བྱས་ཤིང། །བཟང་པོའི་རྫུ་ཡིས་རང་སྡེ་སྐྱོང་བ་སོགས། །སྲིད་ཀྱང་མ་བཟུང་གཉིས་མེད་ངང་དུ་རྒས། །ཐེ་ཚོམ་གྱིས་འགོག་པ། རྣམ་པར་དཀར་འདི་དབྱངས་ཅན་མཛེས་སྐུ་འམ། །ཟླ་འོད་ལྷུང་བའི་ཀེ་ལ་ཤ་འམ་ཅ། །སྙན་འགྱུར་རྒྱུད་

― GTD007_Page_0881 ―

^{[མ་དཔེ་གཟིགས་ན་འདིར་གནོན།]}

[Full Size]

མངས་སྒྲ་ཡི་དཔལ་ལྡན་ཕྱིར། །གདོས་བཅས་གངས་ཀྱི་རི་བོ་མིན་པར་སེམས། །སྦྱར་བས་འགོག་པ། རྙེད་དཀའ་བརྒྱ་ལམ་ཞིག་ན་རྙེད་གྱུར་ཚེ། །ཕུན་ཚོགས་འདོད་དགུ་འབྱུང་བའི་དོན་ཆེ་བ། །དལ་འབྱོར་རྟེན་བཟང་ནོར་བུ་འདི་ཐོབ་ཚེ། །རྒྱ་མཚོའི་ཀློང་གི་ནོར་བུ་དེས་ཅི་བྱ། །དོན་གཞན་འགོག་པ། འདོད་ལ་སྲེད་པས་དམ་དུ་བཅིངས་པ་རྣམས། །ལྷ་དབང་དཔལ་ལ་རོལ་ཡང་ཚིམ་མི་འགྱུར། །རབ་འབར་རྟ་གདོང་མེ་ལྕེའི་འཕྲེང་བ་དེས། །རྒྱ་མཚོའི་ཆུ་ཚོགས་བཏུང་ཡང་ངོམས་པ་མེད། །རྒྱུས་འགོག་པ། འདྲེན་མཆོག་དམ་པའི་ཞབས་སེན་བཀྲ་ཤིས་རྡུལ། །དྲེགས་ལྡན་ལྷར་བཅས་སྐྱེ་དགུའི་གཙུག་ཏོར་རྩེར། །མཆོག་ཏུ་མཛེས་ཀྱང་བསྟོད་བསྔགས་འོས་མིན་ཏེ། །ཚོགས་གཉིས་རྫོགས་པའི་ནུས་མཐུ་ཁོ་ནར་ཟད། །ཀུན་ཁྱབ་ཀྱི་དོན་གཞན་བཀོད་པ། ཨེ་མ་གྲགས་པའི་གཞིར་གྱུར་ཐམས་ཅད་སྒྲོལ། །གཅེས་དགུ་གཏོང་བའི་སྒྲ་ལ་མཚར་དུ་ཅ། །རང་བདེར་མ་ཆགས་གཞན་ཕན་ཁུར་ཆེན་གྱིས། །མི་སྐྱོ་འཕགས་ཆེན་དམ་པའི་ངང་ཚུལ་ལགས། །ཁྱད་པར་ལ་གནས་པའི་དོན་གཞན་བཀོད་པ། ཡིད་ལ་རིང་དུ་རོལ་པའི་དབྱངས་ལྡན་མ། །ཟག་མེད་ངག་གི་འདོད་པ་འཇོ་བར་མཛོད། །མཁའ་དབྱིངས་ཆུ་འཛིན་དཀར་པོའི་ཀློང་ལས་ཀྱང། །སྦྲང་ཆར་དལ་གྱིས་འབེབས་པ་མ་ལགས་སམ། །སྦྱར་བའི་དོན་གཞན་བཀོད་པ། རྣམ་འདྲེན་མཚུངས་མེད་སྟོབས་བཅུ་མངའ་བ་

― GTD007_Page_0882 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས། །རྒུད་པའི་མུན་པ་དྲུངས་ནས་འབྱིན་པར་བྱེད། །འགྲོ་བའི་སྒྲོན་མ་གསལ་བའི་འོད་སྣང་གིས། །སྨག་རུམ་གདུང་བའི་གོ་སྐབས་འཕྲོག་པར་བྱེད། །འགལ་བའི་དོན་གཞན་བཀོད་པ། མཐའ་བྲལ་ལྟ་བ་ཐང་ཅིག་གོམས་པས་ཀྱང། །རིང་ནས་འདྲིས་པའི་དངོས་འཛིན་ཧྲུལ་པོར་བྱེད། །མི་བརྟན་སྐད་ཅིག་གཡོ་བའི་གློག་འཕྲེང་གིས། །མཚན་དུས་རྒྱུན་ཆགས་མུན་པའི་སྨག་རུམ་སེལ། །མི་འོས་པའི་དོན་གཞན་བཀོད་པ། བསིལ་བའི་ཟེར་བརྒྱ་འཕྲོ་བའི་ཟླ་ཤེལ་གྱིས། །ཡི་དྭགས་ཚོགས་ལ་ཚ་བའི་གདུང་བ་སྟེར། །ཀྱེ་མ་བསམ་གྱིས་མི་ཁྱབ་ལས་ཀྱི་མཐུ། །སྨིན་པའི་ངང་ཚུལ་འདི་འདྲ་བཟློག་པར་དཀའ། །འོས་པའི་དོན་གཞན་བཀོད་པ། རྒྱལ་ཀུན་ཐུགས་རྗེའི་སྒྱུ་འཕྲུལ་དགེ་བའི་བཤེས། །གཙུག་གིས་བསྟེན་པས་དོན་གཉིས་ལེགས་ཚོགས་འཕེལ། །བསམ་འཕེལ་དབང་གི་རྒྱལ་པོ་རྒྱལ་མཚན་རྩེར། །མཆོད་པས་ཕུན་ཚོགས་འདོད་དགུའི་རེ་བ་སྐོང། །འོས་ཤིང་མི་འོས་པའི་དོན་གཞན་བཀོད་པ། ཕ་རོལ་མི་བསྲུན་དགྲ་ཡིས་གླགས་ལྟ་ཡང། །རྟེན་གྱུར་ས་ཡི་བདག་པོས་དེ་ལྟ་མིན། །ཉི་འོད་རེག་པས་ཚ་གདུང་སྐྱེད་འོས་ཀྱི། །བསིལ་སྦྱིན་རེ་བའི་གདུགས་ཀྱིས་བསྲེག་མི་འོས། །མི་འོས་ཤིང་འོས་པའི་དོན་གཞན་བཀོད་པ། ཐུབ་པའི་རྗེས་འཇུག་འགའ་ཡང་རྟེན་འབྱུང་གཏམ། །སྤོང་བར་བྱེད་ན་གཞན་སྡེ་སྨོས་ཅི་འཚལ། །སྐྱོན་ཡོན་ཤེས་པའི་མི་ཡང་དུག་ཟ་ན། །རྨ་བྱ་རང་གི་ཟས་ལ་ཅིས་མི་སྤྱོད། །ཡན་

― GTD007_Page_0883 ―

^{[མ་དཔེ་གཟིགས་ན་འདིར་གནོན།]}

[Full Size]

ལག་གཅིག་གིས་ལྡོག་པ་ཅན། གཟི་བྱིན་རབ་རྒྱས་ངང་པའི་རྒྱལ་པོ་ཁྱོད། །དཀར་མཛེས་དབྱངས་སྙན་སྒྲ་ཡི་དགའ་སྟོན་གྱིས། །གཡས་འཁྱིལ་དུང་དང་མཚུངས་ཀྱང་སྒྲོ་གཤོག་གིས། །འཕུར་ལྡིང་གར་གྱིས་རོལ་པས་ཐ་དད་དབྱེ། །གཉིས་ཀྱིས་ལྡོག་པ་ཅན། མུན་པའི་དགྲ་དང་བདེ་ལྡན་ཞིང་གི་གཙོ། །འོད་སྟོང་གཟི་བྱིན་འགྱེད་པར་མཚུངས་པ་སྟེ། །འོན་ཀྱང་དེ་ནི་གླིང་བཞིའི་ཁོར་ཡུག་དང། །ཁྱོད་སྐུའི་འོད་ཀྱིས་ཞིང་བརྒྱ་ཅིག་ཅར་གསལ། །སྦྱར་བའི་ལྡོག་པ་ཅན། རྒྱལ་བའི་རྗེས་ཞུགས་ཡེ་ཤེས་ལྔ་སྒྲུབ་པར། །རྒྱལ་སྲས་རྣམས་དང་མུ་སྟེགས་ཀུན་ཏུ་རྒྱུ། །མཚུངས་ཀྱང་བློ་ལྡན་ཐར་པའི་ལམ་བཟང་དུ། །འགྲོ་འོ་མུ་སྟེགས་རྣམས་ནི་དེ་ལས་གོལ། །འགོག་པ་ཅན་གྱིས་ལྡོག་པ། གཟི་བརྗིད་འབར་ཞིང་དབྱིག་གི་མཛོད་འཛིན་པ། །མི་ཡི་དབང་ཕྱུག་ཁྱོད་དང་གདེངས་ཅན་གཙོ། །མཚུངས་ཀྱང་མི་བཟད་སྦྲུལ་གདུག་སྤྲོ་བ་དེས། །ས་དབང་ཁྱོད་ལ་འགྲན་པའི་སྐབས་ཡོད་མིན། །གཏན་ཚིགས་ཅན་གྱིས་ལྡོག་པ། སྐལ་བཟང་སྐྱེ་བོའི་སྙིང་གི་དཔྱིད་གྱུར་ཅིང། །ཕུན་ཚོགས་འདོད་པ་འཇོ་བར་མཚུངས་ན་ཡང། །འཇོ་སྒེག་རོལ་པའི་ཉམས་ཀྱིས་དབེན་པའི་ཕྱིར། །དཔག་བསམ་ཤིང་དེ་མཚོ་བྱུང་དོ་ཟླ་མིན། །རྟེན་གྱིས་ལྡོག་པ། རྒྱལ་བ་ཀུན་ཡུམ་རྡོ་རྗེ་དབྱངས་ལྡན་མ། །དྲི་ཟའི་ན་ཆུང་དབུས་ན་འགྱིང་ཞིང་བཞུགས། །བཅུ་དྲུག་ཆ་ཤས་ཡོངས་གང་ཟླ་བ་ན། །རྒྱུ་སྐར་ཁྲོད་ན་གསལ་ཕྱིར་མཚུངས་མ་ཡིན། །དཔེ་

― GTD007_Page_0884 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་དཔེ་ཅན་ལྷག་པའི་ལྡོག་པ། དབང་པོའི་གཞུ་རིས་འཇམ་མཉེན་རེག་བྱས་དབེན། །ལོངས་སུ་ཉེར་སྤྱད་ཀུན་དགའི་རོ་དང་བྲལ། །ལྷ་ཡུལ་པཉྩ་ལི་ཀའི་གོས་བཟང་ལ། །ཡིད་འོང་འདོད་པའི་ཡོན་ཏན་ཡོངས་སུ་རྫོགས། །འབྱེད་བྱེད་མཚུངས་པས་ལྡོག་པ། དབྱངས་ཅན་ཞལ་དང་སྟོན་ཀའི་ཟླ་ཤེལ་གཉིས། །དཀར་ཞིང་འདི་ལ་ཀུན་དགའ་སྟེར་བར་མཚུངས། །འོན་ཏང་ཁྱོད་ཞལ་སྨིན་མ་འཁྱོག་པོས་མཚན། །བསིལ་ཟེར་འགྱེད་པ་རི་བོང་གཟུགས་ཀྱིས་མཛེས། །མཚུངས་ཆོས་མ་ཟིན་པའི་འབྱེད་བྱེད། རབ་དཀར་པདྨོ་སྐྱེད་ཚལ་མཛེས་པའི་རྒྱན། །གཉིས་སྐྱེས་རྒྱལ་པོ་འཆི་མེད་ལམ་གྱི་རྒྱན། །སྦྲང་རྩིའི་རྒྱལ་མཚན་གསུང་ཞིམ་སྤྲོ་བྱེད་ཅིང། །ཟླ་ཤེལ་ག་བུར་འོད་ཀྱི་འཕྲེང་བ་འགྱེད། །རིགས་མཐུན་ལྡོག་པ། སྟུག་པོའི་ཆུ་འཛིན་དྲ་བས་མི་སྒྲིབ་ཅིང། །འཆར་དང་ནུབ་པའི་དབང་དུ་མ་གྱུར་པ། །ཆོས་ཀྱི་དབང་ཕྱུག་རྒྱལ་བའི་ཉི་མ་དེས། །འགྲོ་ལ་སྣང་བའི་དགའ་སྟོན་ཅི་ཡང་སྤྲོ། །དུས་ལ་སྦྱར་བའི་སྲིད་པ་ཅན། མ་བཅད་པར་ཡང་འདབ་མའི་འཕྲེང་བ་ལྷུང། །མ་བཀྲུས་པར་ཡང་ཡལ་ག་སྐྱ་བོར་གྱུར། །མ་བསྟན་པར་ཡང་མི་རྟག་གོ་བྱེད་པ། །སྐྱོ་བའི་ཤུགས་རིང་འབྱིན་པའི་དགུན་གྱི་ཤིང། །ནང་ལ་སྦྱར་བ། རྒྱུད་དུ་མ་དྲངས་རྐེད་པ་གཞུ་ལྟར་གུག །མ་བརྗེས་སྐྲ་དང་བཞིན་གྱི་ཁ་དོག་འཆོལ། །སྐྲག་པ་མིན་ཡང་ཡན་ལག་ཤིག་ཤིག་འདར། །དགྲ་ཡིས་མ་བཅོམ་གཞོན་ནུའི་ལང་ཚོ་སྟོར། །ངོ་བོ་ཙམ་བརྗོད་པ། མ་བགོས་བསུང་

― GTD007_Page_0885 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིམ་སྤྲོ་བའི་པདྨ་དཀར། །མ་ཕྱིས་པར་ཡང་འདམ་རྫབ་དྲི་མ་བྲལ། །ཕྲག་དོག་མེད་ཀྱང་ཟླ་བ་མཐོང་ཚེ་ཟུམ། །མ་བརྐུས་པར་ཡང་སྲེད་ལྡན་ཡིད་དབང་འགུག །སྤྱིའི་བསྡུས་བརྗོད། ཆུ་རྒྱུན་གཙང་མ་ཉེ་བར་གནས་པ་ལ། །འདོད་དགུར་ལོངས་སུ་སྤྱོད་པའི་མཐུ་ལྡན་ཡང། །བ་ཚྭ་ཅན་གྱི་ཁྲོན་པའི་ཆུ་རྒྱུན་ཕྱིར། །ལུས་སེམས་ངལ་བར་བྱེད་པ་ཡིད་རེ་སྐྱོ། །ཁྱད་གཞི་ཐ་དད་ཀྱང་ཁྱད་ཆོས་གཅིག་པའི་བསྡུས་བརྗོད། ལྷ་ཡི་མཆོད་ཡོན་གཏིང་མཐའ་དཔག་དཀའ་ཞིང་། །གང་གིས་བསྟེན་ན་ལུས་སེམས་གདུང་བ་སེལ། །སྐྱོན་ལྡན་རོ་དང་ལྷན་ཅིག་མི་གནས་ཤིང། །རླབས་འཕྲེང་གཡོ་བས་བློ་ཆུང་སྐྲག་པར་བྱེད། །ཁྱད་ཆོས་མཚུངས་ཤིང་མི་མཚུངས་པ། ཛ་ཧུའི་བུ་མོ་ནོར་བུའི་མཛོད་འཛིན་ཞིང། །གདེངས་ཅན་དབང་པོའི་ཚོགས་ཀྱི་ཉེར་འཚོའི་གཞ། །ཡན་ལག་བརྒྱད་ལྡན་བཻ་ཌཱུར་ཞུན་མའི་མདངས། །རྣམ་བཀྲ་དེར་ནི་ཁྲུས་ཀྱིས་འཇུག་པར་རིགས། །སྔོན་མེད་བསྡུས་བརྗོད། བཟོད་དཀའ་བྲང་འགྲོ་གདུག་པས་མ་བསྟེན་ཞིང། །ནམ་ཡང་ཐུར་དུ་བགྲོད་མིན་གངྒཱ་མ། །གང་གི་ངོགས་སུ་ཁྲུས་ཀྱི་རྩེ་དགའ་ལ། །གཞོལ་བ་དེ་དག་མཆོག་ཏུ་སྐལ་བ་བཟང། །ཁྱད་འཕགས་ཕུལ་བྱུང། རབ་དཀར་ཀ་མ་ལ་ཡི་འདབ་འཕྲེང་རྩེར། །འོད་དཀར་ཟླུམ་པོར་སྤྲོ་བའི་ལྡིང་ཁང་དབུས། །གངས་རིའི་མདངས་འཛིན་འཕགས་མཆོག་སྤྱན་རས་གཟིགས། །སྟོང་ཕྲག་ཟླ་བའི་འོད་ཀྱིས་མཚོན་དུ་མེད། །

― GTD007_Page_0886 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེ་ཚོམ་ཕུལ་བྱུང། ལྷན་སྐྱེས་བདེ་བ་ཆེན་པོའི་ཡེ་ཤེས་ཉིད། །བཞིན་ལེགས་གར་རོལ་ཧེ་རུ་ཀ་ཡི་སྐུ། །གདོས་བཅས་ཐོགས་རེག་བྲལ་བའི་མཁའ་དབྱིངས་དང། །འདྲེས་སམ་གཞན་དུ་མཆིས་སྙམ་ཁྱོགས་ལ་འཕྱང། །ངེས་པ་ཕུལ་བྱུང། ཡེ་ཤེས་ཉིད་ཀྱང་ངོ་མཚར་ཐབས་མཁས་ཀྱིས། །རྣམ་པར་འཕྲུལ་པའི་གཟུགས་སྐུ་ལྡན་པར་ངེས། །རིན་ཆེན་རྒྱན་མང་གཡུར་དུ་ཟ་བའི་རྟེན། །སྟོང་སངས་ཀུན་གསལ་མ་ཡིས་ནུས་མ་ཡིན། །ངོ་མཚར་ཕུལ་བྱུང། ཅུང་ཟད་བརྡབས་པ་ཙམ་གྱིས་སྲིད་པ་གསུམ། །ཤིག་ཤིག་གཡོ་མཛད་གཤིན་རྗེའི་གཤེད་པོ་ཡིས། །བཅུ་དྲུག་ཞབས་ཀྱིས་བསྐལ་བརྒྱར་མནན་བྱས་ཀྱང། །གཡོ་མེད་འདབ་བརྒྱ་པ་འདི་ངོ་མཚར་ཆེ། །སེམས་ལྡན་རབ་རྟོག །སྤུ་སྡུག་རྣམ་བཀྲ་དཔྱིད་ཀྱི་ཕོ་ཉ་མོ། །ལྷུང་ལྷུང་སྙན་པའི་གླུ་དབྱངས་ལེན་པ་ན། །ཕུལ་བྱུང་དབྱར་གྱི་དུས་སྟོན་གསར་པ་ཁྱོད། །ཡུན་རིང་བཞུགས་ཞེས་གསོལ་བ་འདེབས་པ་བཞིན། །སེམས་མེད་རབ་རྟོག །ལྷོ་ཡི་རླུང་གིས་བསྐྱོད་པའི་ཙནྡན་གྱི། །ལྗོན་པའི་ཚོགས་རྣམས་ཡལ་ག་གཡོ་བ་ན། །གྲུབ་རིགས་ཚོགས་ཀྱི་བསྟི་གནས་འདི་འོ་ཞེས། །དྲང་སྲོང་ཆེ་རྣམས་མགྲོན་དུ་འབོད་པ་འདྲ། །ཏིང་འཛིན་རབ་རྟོག །ཉིན་བྱེད་དབང་པོའི་ཚ་ཟེར་འཕྲེང་བ་ཡིས། །ཆུ་སྐྱེས་གཞོན་ནུའི་འདབ་རྒྱ་བཀྲོལ་བ་ན། །དབྱིག་གི་ཁུ་བ་བག་མེད་བཏུང་བ་བཞིན། །མྱོས་པའི་གེ་སར་རྡུལ་ཚོགས་སྐྱུགས་པ་བཞིན། །སྙམ་སྒྲ་ཅན། དཔྱིད་དུས་རླུང་ནག་འཚུབ་མར་གཡོ་

― GTD007_Page_0887 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ན། །མི་གཙང་རྡུལ་ཚོགས་བྱི་དོར་བྱས་པར་སྙམ། །དོགས་སྒྲ་ཅན། མི་ཟད་དུས་ཀྱི་འཐོར་རླུང་དྲག་པོ་ཡིས། །དབྱར་གྱི་ལང་ཚོ་བྱེར་ཞིང་བྲོས་ཀྱིས་དོགས། །ངེས་སྒྲ་ཅན། དེ་ནས་སྦྲང་ཆར་དལ་གྱིས་འབེབས་པ་ན། །རྡུལ་ཚོགས་གནོན་པའི་ཐབས་ལ་ཞུགས་པར་ངེས། །འདྲ་བའི་སྒྲ་ཅན། དེ་ཚེ་དབང་གཞུ་རྣམ་པར་བཀྲ་བ་ཡང། །དབྱར་གྱི་ལང་ཚོ་རྒྱས་པ་ངོམ་པ་འདྲ། །མིན་ནམ་སྒྲ་ཅན། སྟོན་དུས་རྩི་བཅུད་ཕུན་སུམ་ཚོགས་པ་ན། །ལྷ་ཡི་དཔལ་ལས་བརྐུས་པ་མ་ཡིན་ནམ། །སྐྱེད་བྱེད་ཀྱི་རྒྱུ། སྐལ་བཟང་རྣམ་འདྲེན་བུ་རམ་ཤིང་པ་ཡིས། །འཕྲིན་ལས་འོད་ཀྱི་སྣང་བ་རིས་མེད་དུ། །སྤྲོས་པའི་མཐུ་ལས་ནོར་འཛིན་ཡངས་པའི་ཁྱོན། །རྫོགས་ལྡན་གསར་པའི་དཔལ་གྱིས་ཁྱབ་པར་གྱུར། །ཉམས་བྱེད་ཀྱི་རྒྱུ། འཇམ་དཔལ་རྡོ་རྗེ་མི་ཡི་གར་རོལ་བ། །རྒྱལ་བ་གཉིས་པའི་ལེགས་བཤད་སྒྲ་དབྱངས་ཀྱིས། །ཐུབ་བསྟན་དཔལ་ལ་སྡང་བ་མཐའ་དག་གི །ཡིད་ནི་མི་བཟད་ཟུག་རྔུས་གདུང་བར་བྱས། །རྣམ་འགྱུར་གྱི་རྒྱུ། ནོར་བུ་འོད་འབར་མཛེས་པའི་ཕོ་བྲང་དབུས། །ན་ཆུང་ཚོགས་རྣམས་སྙན་པའི་གླུ་ལེན་ཀྱང། །ཡིད་འབྱུང་རབ་རྒྱས་ཤཱཀྱའི་སྲས་པོ་ཡིས། །དེ་ཀུན་མི་བཟད་གཤེད་མ་ལྟ་བུར་གཟིགས། །ཐོབ་བྱེད་ཀྱི་རྒྱུ། དཔལ་ལྡན་བརྟན་པའི་འཁོར་ལོའི་ཞབས་ཀྱི་རྡུལ། །སྙིང་གར་བཀོད་དེ་ངལ་བ་བརྒྱས་བསྟེན་པས། །གཞུང་ལུགས་འབུམ་སྡེའི་གནད་ལ་ཐོགས་མེད་དུ། །འཇུག་

― GTD007_Page_0888 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བློ་གྲོས་སྣང་བ་རྒྱས་པར་འགྱུར། །ཕྱི་ཤེས་བྱེད་ཀྱི་རྒྱུ། སྙན་སྒྲོག་འདབ་ཆགས་ཚོགས་ཀྱི་གདངས་ཆག་ཅིང། །ཆུ་ཀླུང་རྣམས་ཀྱང་སྒྲ་མེད་སྦུབས་སུ་ཞུགས། །རི་ཀླུང་མཐའ་དག་ཁ་བའི་རྡུལ་གྱིས་ཁེབས། །མི་རྣམས་ལུས་ལ་གྲང་བའི་སྤུ་ལོང་རྒྱས། །ནང་ཤེས་བྱེད་ཀྱི་རྒྱུ། ཟབ་བརླིང་ཆོས་སྒྲ་ཐོས་ཚེ་བག་འཁུམ་ཞིང། །དོན་མེད་འཆལ་གཏམ་སྨྲ་ཚེ་མགོ་འཕང་མཐོ། །རྣམ་དཀར་ལས་ལ་བཙུད་ཚེ་ཐབས་ཀྱིས་འབྲོས། །ལྟོ་གོས་ཟས་ནོར་མཐོང་ཚེ་ངང་གིས་འདུ། །སྔ་ནས་མེད་པའི་བྱེད་རྒྱུ། ཚེ་སྔོན་མི་བཟད་སྡིག་པ་མ་བྱས་ཤིང། །འབྱུང་བ་འཁྲུགས་པའི་ནད་ཀྱིས་མ་བཏབ་ལ། །ཕྱི་རོལ་དགྲ་ཡིས་གཙེ་བར་མ་བྱས་པས། །སྐལ་བཟང་སྙིང་ལ་བདེ་བའི་དགའ་སྟོན་རྒྱས། །ཞིག་ནས་མེད་པའི་བྱེད་རྒྱུ། ཐུབ་དབང་འཇིག་རྟེན་མིག་ནི་ཟུམ་གྱུར་ཅིང། །རྒྱལ་བསྟན་རྩ་ལག་ཕལ་ཆེར་འདས་པ་ན། །ཁྲེལ་ཡོད་ཚུལ་ལས་འདས་པའི་ཆེར་རློམ་འགའ། །རྨོངས་རྟུལ་སྐྱེ་བོའི་ཁྲོད་ན་ཅི་ཡང་སྤྱོད། །ཕན་ཚུན་མེད་པའི་བྱེད་རྒྱུ། ངང་པ་འདི་དག་འཆལ་སྒྲོག་བློན་པོ་མིན། །ཉེའུ་ཆུང་བག་མེད་འགྱུ་བའི་བཙུན་མོ་མིན། །རླབས་འཕྲེང་འདི་དག་གདུག་པའི་དཔུང་ཚོགས་མིན། །རྫིང་འདི་རྒྱལ་སྲིད་མིན་ཕྱིར་སྙིང་དུ་སྡུག །སྤངས་ནས་མེད་པའི་བྱེད་རྒྱུ། ཉེས་བརྒྱའི་འབྱུང་གནས་རང་ཉིད་གཅེས་འཛིན་བློ། །རྒྱལ་སྲས་དམ་པ་རྣམས་ཀྱིས་རིང་སྤངས་པས། །དེ་དག་ཐུགས་ལ་ཟག་མེད་བདེ་བའི་དཔལ། །ནམ་ཡང་ཉམས་པ་མེད་པར་ངང་གིས་འཕེལ། །རྒྱུ་མེད་

― GTD007_Page_0889 ―

^{[མ་དཔེ་གཟིགས་ན་འདིར་གནོན།]}

[Full Size]

པས་མེད་པ་སྐྱེད་པའི་བྱེད་རྒྱུ། དགེ་ལྡན་ལུགས་བཟང་ཀུན་གྱིས་བཀུར་བའི་ཟོལ། །མཁས་གྲུབ་དམ་པས་དགག་པར་མ་མཛད་ན། །འཇམ་མགོན་རྗེས་ཞུགས་རེ་བའི་ལྟ་ལོག་དང། །རྩིང་སྤྱོད་ཧྲལ་པོས་ས་འདི་ཧྲུལ་པོར་བྱེད། །རིང་འབྲས་ཀྱི་རྒྱུ། ས་ཆེན་དཔུང་པས་འཛིན་པ་མི་ཡི་རྗེས། །ཆབ་འབངས་ཚོགས་རྣམས་ཆོས་བཞིན་བསྐྱངས་པ་ན། །རིང་ན་གནས་པའི་མི་བསྲུན་དགྲ་སྡེའི་ཚོགས། །གུས་པའི་ཡིད་ཀྱིས་ཁྱོད་ཞབས་བསྙེན་པར་བྱེད། །རྒྱུ་འབྲས་ལྷན་ཅིག་པ། དཔལ་ལྡན་སྟུག་པོ་བཀོད་པའི་ཞིང་ཁམས་སུ། །བླ་མེད་ཡེ་ཤེས་བདུད་རྩི་བརྙེས་པ་དང། །ལྷན་ཅིག་བགྲང་ཡས་ཞིང་ཁམས་རྒྱ་མཚོ་རུ། །སྣ་ཚོགས་ཚུལ་གྱིས་འགྲོ་བ་འདྲེན་པར་མཛད། །རྒྱུ་ལས་འབྲས་བུ་སྔ་བ། མི་བཟད་སྲིད་པའི་རྒྱ་མཚོ་ཆེན་པོ་འདིར། །སྐྱེ་བའི་རྣམ་འཕྲུལ་བཟུང་སྟེ་ད་དུང་ཡང། །དེ་ཡི་ཡན་ལག་ཡོངས་སུ་གོམས་པའི་མཐུས། །སྣ་ཚོགས་ལས་ཀྱི་ལམ་ལ་འཇུག་པར་བྱེད། །རིགས་མིན་གྱི་རྒྱུ། ཐུབ་རྣམས་བརྟན་པ་འཕྲོག་པའི་མཛེས་སྡུག་གི །ལང་ཚོ་རབ་རྒྱས་དབྱངས་ཅན་ཀུན་དའི་གཉེན། །རྩེ་གཅིག་གུས་པའི་ཡིད་ལ་རོལ་བའི་མོད། །ཆགས་དང་རྨོངས་པའི་ཀུ་མུད་ཟུམ་པར་གྱུར། །རིགས་པའི་རྒྱུ། བགྲང་ཡས་རྒྱལ་བའི་ངག་གི་དངོས་གྲུབ་ཀུན། །མཛེས་སྡུག་ལྷ་མོའི་རྣམ་རོལ་འོད་དཀར་ཅན། །ཡིད་ལ་རོལ་པས་བློ་གྲོས་ཀུ་མུད་ད། །རྣམ་པར་རྒྱས་པའི་དགའ་སྟོན་ཅི་ཡང་ཐོབ། །ཟུར་

― GTD007_Page_0890 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་ཕྲ་མོ། རིང་ནས་རྣ་བའི་གྲགས་འབར་རྗེས་ཞུགས་ཏེ། །སློང་བར་འདོད་ཀྱང་གཟི་བྱིན་མ་བཟོད་པའ། །མུ་ཏོའི་སྡུག་བསྔལ་གཟིགས་པའི་ས་སྐྱོང་གིས། །ནོར་བུའི་གདུབ་ཀོར་མཛེས་པའི་ཕྱག་གཡས་བརྐྱངས། །རྣམ་པས་ཕྲ་མོ། ཡིད་སྲུབས་སྒེག་མོ་བསླུ་བྲིད་ལ་ཞུགས་ཤིང། །བདུད་སྡེའི་དཔུང་གིས་ལན་བརྒྱར་མཐོ་བརྩམས་ཚེ། །མཉམ་པ་ཉིད་དུ་བ་སྤུའི་རྩེ་མོ་ཡང། །གཡོ་བར་མི་མཛད་འཛུམ་ལྡན་ཤཱཀྱའི་ཏོག །འོས་པའི་ཆ། མཁས་མང་ཚོགས་པའི་མདུན་སར་ལེགས་བཤད་ཀྱི། །གསུང་གླེང་བགྱིད་པར་བསྐུལ་ཚེ་མགོ་བོ་ན། །རིང་མོ་ཞིག་ནས་ཞུགས་པའི་ཁྲག་འཁྲུག་གིས། །ནད་རོ་དུས་སུ་ལྡང་ལ་ཅི་བྱར་ཡོད། །མི་འོས་པའི་ཆ། མི་བཟད་སྡིག་ལ་ཞུགས་པའི་མྱ་ངན་གྱིས། །གདུང་བས་ལྷ་ཆེན་སྨྲེ་སྔགས་ཤོར་བ་ཡང། །སློབ་མའི་ཚོགས་ལ་རྗེས་སུ་བརྩེ་བ་ཡིས། །འཕགས་པའི་བདེན་པ་སྟོན་པར་མཛད་པ་ལགས། །ཆ་ལས་སྨད་པ། མ་བསླབ་པར་ཡང་ཡོན་ཏན་ཐམས་ཅད་ཤེས། །ཕྲད་པ་ཙམ་ནས་དགྱེས་པའི་འཛུམ་ཞལ་སྟོན། །ཀུན་གྱི་བཀའ་སྒྲུབ་དྲང་པོའི་རང་བཞིན་ཅན། །འདི་དག་གཞན་གྱི་བྱ་བའི་གྲོགས་སུ་བཟང། །ཆ་ལས་བསྟོད་པ། སྡོམ་གསུམ་ཁུར་གྱི་ངལ་བ་བརྒྱས་གཟིར་ཞིང། །ཉིན་མཚན་མེད་པར་ཐོས་བསམ་བྱ་བས་བྲེལ། །གོས་སྐྱ་འཚོ་བས་དབུལ་བའི་མཚན་ཉིད་པ། །འབྱོར་ལྡན་སྐྱེ་བོ་རྣམས་ཀྱི་སྙིང་རྗེའི་ཡུལ། །རིམ་པ་ཅན་གྱི་རྒྱན། ཨེ་མ་དྭངས་ཤིང་བསིལ་བའི་ཆབ་འདི་ཡང། །རང་རང་ལས་ཀྱི་རྣམ་པར་

― GTD007_Page_0891 ―

^{[མ་དཔེ་གཟིགས་ན་འདིར་གནོན།]}

[Full Size]

འཕྲུལ་བ་ཡིས། །ཡི་དྭགས་དུད་འགྲོ་མི་དང་ལྷ་རྣམས་ལ། །རྣག་ཁྲག་གནས་དང་ཆུ་དང་བདུད་རྩིར་གྱུར། །དངོས་ཐོབ་ཀྱིས་དགའ་བ། ལེགས་བཤད་གཏམ་གྱི་དགའ་སྟོན་སྤེལ་མཁས་ཤིང། །ཞི་དུལ་འགྲོགས་ན་བདེ་བའི་རིགས་སྨྲ་ཁྱོད། །མཐོང་ཞིང་བཀའ་མཆིད་འཕེལ་བའི་དགའ་བ་འདི། །གཞན་གྱིས་སྟེར་ནུས་མིན་ཕྱིར་སླར་ཡང་བྱོན། །གཟུགས་བརྙན་གྱིས་དགའ་བ། མཚན་དཔེའི་དཔལ་འབར་ཐུབ་པའི་ཉི་མ་ཡི། །མཛེས་སྐུ་མཐོང་བའི་ལམ་ལས་འདས་གྱུར་ཀྱང། །དེ་ཡི་ཞལ་སྐྱིན་སྐྱེ་དགུའི་བསོད་ནམས་ཞིང། །ཇོ་ཤཱཀ་སྣང་བརྙན་མཇལ་བས་རབ་དགའ་རྒྱས། །སྒེག་པའི་ཉམས། གློ་བུར་ཉིད་དུ་སོ་སྐྱེའི་ས་ལས་འདས། །ཀུན་ཏུ་སྦྱོར་བའི་འཆིང་བ་རང་སར་ཆད། །བརྒྱ་ཕྲག་བཅུ་གཉིས་ཡོན་ཏན་གཏེར་རྡོལ་བས། །དང་པོའི་ས་ལ་རབ་དགའ་ཅི་ཡང་འཐོབ། །དྲག་ཤུལ་གྱི་ཉམས། ལས་གཤིན་ཁྲོས་པའི་སྡང་མིག་གློག་གི་འོད། །འུར་འུར་མེ་རླུང་དང་འགྲོགས་སྤྲོས་པ་ཡིས། །རི་རབ་ཁོང་ན་གནས་པའི་བསྟན་དགྲ་ཡང། །ལྕེ་སྙིང་ལྐོག་མར་འདོང་སྟེ་བརྒྱལ་བར་བྱེད། །དཔའ་བའི་ཉམས། མི་བཟད་གཡུལ་གྱི་སྦྱོར་བ་མ་བཤམས་ཤིང། །མཁོ་དགུའི་ལོངས་སྤྱོད་སྦྱིན་པས་མ་བསྡུས་པར། །མཁས་བཙུན་བཟང་པོའི་རྣམ་དཔྱོད་དཔུང་པ་ཡིས། །འཇིག་རྟེན་གསུམ་གྱི་ཏོག་གྱུར་ཙོང་ཁ་པའི། །སྙིང་རྗེའི་ཉམས། སིལ་སིལ་སྒྲ་སྒྲོགས་ནོར་བུའི་འོག་པག་ཅན། །འཇམ་མཉེན་གོས་བཟང་

― GTD007_Page_0892 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོ་བ་ལྷ་ཡི་བུ། །གློ་བུར་དམྱལ་བའི་ལྕགས་བསྲེག་ས་གཞི་ལ། །སོག་ལེས་གཤགས་ཤིང་གཏུབ་པ་ཇི་ལྟར་བཟོད། །མི་སྡུག་པའི་ཉམས། གདོན་གྱིས་བརླམས་པས་གཡང་སར་མཆོངས་གྱུར་ཀྱང། །སྡིག་པས་བཟུང་བའི་སྲོག་ནི་མ་བཏང་བར། །ཁྲག་བཅས་ཀླད་པ་ལྡག་ཅིང་སྐྱུག་བྱེད་ལ། །ནང་ཁྲོལ་ས་ལ་འཕྱང་བཞིན་ཁྱོར་ཁྱོར་འགྲོ། །བཞད་གད་ཀྱི་ཉམས། གཞན་གྱི་ལོངས་སྤྱོད་བ་སྤུའི་ཉག་མས་ཀྱང། །གོས་པར་མི་བཟོད་ཆོས་ལྡན་གྲོགས་པོ་ཁྱོད། །གོས་ཚགས་ལེགས་པར་ཆིངས་ཤིག་ཚོགས་ཀྱི་དབུས། །རིན་ཆེན་ཆར་དུ་བསྙིལ་བའི་ངོ་མཚར་འབྱུང། །རྨད་བྱུང་གི་ཉམས། ཨེ་མ་མཁའ་ལ་སྤྲིན་དཀར་འཕྲེང་བ་འཁྲིགས། །ལྗོན་ཤིང་ཚོགས་རྣམས་གསར་འཁྲུངས་འདབ་མས་མཛེས། །ཁྱུ་བྱུག་རྣམས་ཀྱང་གསུང་སྙན་ལྷང་ལྷང་སྒྲོགས། །དབྱར་གྱི་དགའ་སྟོན་ཕུན་སུམ་ཚོགས་པར་གྱུར། །འཇིགས་རུང་གི་ཉམས། དམར་ནག་ཞལ་དཀྱིལ་མུན་པའི་འཁོར་ས་ཆེར། །ཡོན་པོར་ལྟ་བའི་སྤྱན་རྩ་དམར་འཁྲུགས་ཅིང། །བ་སྤུ་རྣོ་རྩུབ་མེ་ལྕེའི་འཕྲེང་བ་ཅན། །གཏུམ་ཆེན་ཁྲོ་བོའི་རྒྱལ་པོ་གཤིན་རྗེའི་གཤེད། །གཟི་བརྗིད་ཀྱི་རྒྱན་ནི། མཁས་གྲུབ་སྨྲ་དབང་རིགས་པའི་གད་རྒྱངས་ཀྱིས། །སྲིད་པའི་ཁོར་ཡུག་འདར་བར་བྱེད་ན་ཡང། །ཉམ་ཆུང་ཁྱེད་ཅག་སྐྲག་པར་མི་བྱ་སྟེ། །གླེན་ལྐུགས་སྐྱེ་བོ་རྩོད་པས་གཞོམ་བྱ་མིན། །རྣམ་གྲངས་བརྗོད་པའི་རྒྱན་ནི། བཤུལ་རིང་ལམ་ཞུགས་དུབ་པའི་གྲོགས་པོ་ཁྱོད། །བསིལ་ལྡན་ལྗོན་པ་འདི་ཉིད་བསྲུང་

― GTD007_Page_0893 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཕྱིར། །རེ་ཞིག་བཞུགས་དང་བདག་ནི་ཕྱོགས་གཞན་དུ། །དྭངས་ཤིང་བསིལ་བའི་ཆབ་རྒྱུན་ཚོལ་དུ་འགྲོ། །ཀུན་ཕན་གྱི་རྒྱན་ནི། མཐོན་པོའི་རིགས་འཁྲུངས་ལྷ་བཙུན་བྱང་ཆུབ་འོད། །ལྷ་གཅིག་དཱི་པཾ་ཀ་ར་བསིལ་ལྗོངས་འདིར། །སྤྱན་འདྲེན་ལས་ལ་ཞུགས་ཚེ་འཕགས་མས་ཀྱང། །མཐའ་འཁོབ་ཡུལ་དུ་འབྱོན་པའི་བསྐུལ་མ་མཛད། །བསམ་པ་རྒྱ་ཆེ་བ། སྲིད་པའི་འདམ་དུ་བྱིང་བྱེད་ལས་ཉོན་གྱི། །འཆིང་བ་ཀུན་བཅད་འཕགས་པའི་གནས་བརྟན་ཚོགས། །ཞི་བའི་བདེ་ལ་བསྐལ་བརྒྱར་གཞོལ་ནུས་ཀྱང། །རྒྱལ་བའི་བཀའ་ལས་མི་འདའ་སྲིད་ན་གནས། །འབྱོར་བ་རྒྱ་ཆེ་བ། བཻ་ཌཱུར་གཙང་མའི་གཞི་ལ་ལྷ་དབང་གཟུགས། །སྟོང་ཕྲག་ཅིག་ཅར་ཤར་བའི་རྣམ་རོལ་གྱིས། །མངོན་པར་དགའ་ལྡན་ལྷ་ཡི་ན་ཆུང་ཚོགས། །དཔག་ཡས་མཆོད་པའི་བྱེ་བྲག་བསྟར་བས་བྲེལ། །ཆོས་ལ་བསྙོན་པ། དབྱངས་ཅན་སོར་མོའི་རྩེ་ན་གཡོ་བ་འདི། །བཻ་ཌཱུརྻ་ཡི་རྒྱུད་མངས་མ་ཡིན་ཏེ། །རྨོངས་པའི་དྲ་བ་མ་ལུས་གཅོད་བྱེད་པའ། །ཤེས་རབ་རལ་གྲིའི་གདེངས་ཀ་ཡིན་པར་ངེས། །ཡུལ་ལ་བསྙོན་པ། རྟ་ལྗང་ཤིང་རྟས་དྲངས་པའི་ཉིན་བྱེད་འདིས། །སྣང་བའི་དགའ་སྟོན་སྟེར་ཞེས་གྲགས་གྱུར་ཀྱང། །མིག་ལྡན་འབྱུང་པོའི་བྱ་ཡི་ཚོགས་རྣམས་ཀུན། །ལོང་བར་བྱེད་པས་མུན་པའི་གཏེར་དུ་ངེས། །རང་བཞིན་ལ་བསྙོན་པ། འདི་སྣང་ཙམ་གྱི་བདེ་བའི་དགའ་སྟོན་ལ། །སྦྱོར་བའི་ཐབས་ཚུལ་སྟོན་པའི་སྙིང་སྡུག་དག །གྲོགས་

― GTD007_Page_0894 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་མིན་ཏེ་ཐར་པའི་སྲོག་འཕྲོག་པའ། །མི་བཟད་དགྲ་ཡི་དྭངས་མ་ཡིན་པར་ངེས། །ཚིག་ཐ་དད་མིན་པའི་སྦྱར་བ། ཐོགས་རེག་གདོས་བཅས་བེམ་པོའི་སྐྱོན་དང་བྲལ། །རབ་སྔོ་བཻ་ཌཱུརྻ་ཡི་ཁ་དོག་འཛིན། །འོད་སྟོང་རབ་འབར་ཉི་མ་གཞོན་ནུས་བརྒྱན། །རབ་དཀར་བསིལ་ཟེར་བྱེད་པ་ཡིས་ཀྱང་མཛེས། །ཐ་དད་ཚིག་འདྲའི་སྦྱར་བ། སྒྲིབ་གཡོགས་སྐྱོན་གྱི་དྲི་མ་དང་བྲལ་ཞིང། །འཇིག་རྟེན་ཁམས་རྣམས་ཀུན་ལ་མཐུན་པར་འཇུག །ལུས་ཅན་ཡོངས་ལ་སྣང་བའི་དགའ་སྟོན་མཆོག །སྟེར་ཕྱིར་གྲགས་ལྡན་རལ་པའི་རྩེ་ན་མཛེས། །བྱ་བ་ཐ་དད་མིན་པའི་སྦྱར་བ། བགྲང་ཡས་རྒྱལ་བའི་མཁྱེན་རབ་གཅིག་གྱུར་དངོས། །མི་ཤེས་རྨོངས་པ་དྲུངས་ནས་འབྱིན་པའི་གཉེན། །བློ་བཟང་རྒྱལ་བ་གཉིས་པའི་ལེགས་བཤད་དང། །འཇམ་མགོན་ཐུགས་རྗེའི་ཟེར་གྱིས་བདག་བློ་རྒྱས། །བྱ་བ་འགལ་མིན་སྦྱར་བ། ངན་རྟོག་དྲི་མ་བསལ་ཏེ་མདོ་དང་སྔགས། །ཟུང་འཇུག་བསྟན་པའི་སྙིང་པོ་གསལ་མཛད་པ། །སྔོན་མེད་ཆོས་ཀྱི་སྒྲ་དབྱངས་འདི་ཐོས་ཚེ། །འཇམ་མགོན་རྒྱལ་བ་གཉིས་པར་སྙིང་ནས་དད། །འགལ་བའི་ལས་ཅན་གྱི་སྦྱར་བ། རིང་ནས་སྲིད་པར་འཁྱམས་པ་ཀུན་ཡིད་ལ། །གནས་ཤིང་སྣ་ཚོགས་རྣམ་འཕྲུལ་འགྲུབ་པའི་རྒྱུ། །རིགས་ཀྱི་ནུས་པ་ཡོངས་སུ་སྨིན་པ་ལས། །སྲེད་པའི་གདུང་བ་རིམ་གྱིས་ཞི་བར་འགྱུར། །ངེས་པ་ཅན་གྱི་སྦྱར་བ། བདག་གི་གཙུག་མཛེས་ལྷ་ཡི་འདྲེན་པ་འདི། །ཟས་གཙང་སྲས་པོ་ཡིན་གྱི་སྤྲིན་ཞོན་མིན། །ཡིད་ལ་རྣམ་རོལ་ཟླ་བའི་ཅོད་པན་འདི། །ངག་དབང་ལྷ་མོ་

― GTD007_Page_0895 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་གྱི་མགྲིན་སྔོན་མིན། །ངེས་པ་འགོག་པའི་སྦྱར་བ། ལུས་ཅན་ཡོངས་ལ་ཕན་དང་བདེ་བའི་དཔྱིད། །སྟེར་མཛད་བཤེས་གཉེན་དམ་པ་ཁོ་ནར་ངེས། །འོན་ཀྱང་འདོད་དགུའི་དགའ་སྟོན་སྩོལ་བ་ཡི། །བསམ་འཕེལ་དབང་གི་རྒྱལ་པོ་དག་ཀྱང་མཐོང། །འགལ་མེད་ཀྱི་སྦྱར་བ། བུར་བ་རཱ་ཛཱ་ལྷ་བརྒྱའི་གཙུག་གི་རྒྱན། །མི་ཡི་སེང་གེ་མི་མཐུན་ཕྱོགས་ལས་རྒྱལ། །འཇིག་རྟེན་འདྲེན་བྱེད་གཟི་བྱིན་རབ་རྒྱས་ཤིང་། །བདུད་རྩིའི་གཏེར་ཁྱོད་འགྲོ་ལ་ཀུན་དགའ་སྟེར། །འགལ་བ་ཅན་གྱི་སྦྱར་བ། འོད་སྟོང་འཕྲོ་ཡང་པད་ཚལ་ཟུམ་བྱེད་མིན། །བཅུ་དྲུག་ལང་ཚོ་རྒྱས་ཀྱང་ཆགས་དང་བྲལ། །འདོད་པ་བསྲེག་ཀྱང་ཁྲོ་བའི་རྣམ་འགྱུར་སྤངས། །འགྲོ་བའི་ཏོག་གྱུར་ནམ་ཡང་བསླུ་བ་མེད། །ཡོན་ཏན་མ་ཚང་བའི་ཁྱད་པར་བརྗོད་པ། འཆི་མེད་བདག་པོའི་སྐྱེད་ཚལ་མཛེས་པའི་རྒྱན། །ཕུལ་བྱུང་དཔག་བསམ་གསར་པའི་ལྗོན་པ་ན། །བརྩེ་བའི་ཡིད་དང་བརྩོན་པར་མི་ལྡན་ཡང། །ལྷ་རྣམས་དགའ་བའི་དགའ་སྟོན་གཡུར་དུ་ཟ། །རིགས་མ་ཚང་བའི་ཁྱད་པར་བརྗོད་པ། ཨེ་མ་ཆུ་གཏེར་ལན་བརྒྱར་མ་བསྲུབ་ཅིང། །པདྨ་དཀར་པོའི་ཚལ་ལས་མ་འཁྲུངས་ཀྱང། །མཛེས་སྡུག་རྫོགས་པ་དབྱངས་ཀྱི་རྒྱལ་མོའི་ཞལ། །མཐོང་བས་སྐལ་བཟང་ཡིད་ལ་ཀུན་དགའ་སྟེར། །བྱ་བ་མ་ཚང་བའི་ཁྱད་པར་བརྗོད་པ། ཁྲོས་པས་སྡང་མིག་གཡོ་བར་མི་བྱེད་ལ། །རྣོ་ངར་ལྡན་པའི་མཚོན་ཆ་མ་འཕང་ཞིང་། །

― GTD007_Page_0896 ―

^{[མ་དཔེ་གཟིགས་ན་འདིར་གནོན།]}

[Full Size]

དྲང་སྲོང་དམོད་པའི་དུག་ནི་མ་སྤྲོས་པར། །ཡིད་སྲུབས་སྡེར་བཅས་འཇོམས་མཛད་ཟས་གཙང་སྲས། །རྫས་མ་ཚང་བའི་ཁྱད་པར་བརྗོད་པ། ཧ་རི་ཙན་དན་བརྡར་བའི་བསུང་ཞིམ་དང། །བཀོད་ལེགས་ནོར་བུའི་དོ་ཤལ་མི་ལྡན་ཡང། །ཚུལ་ཁྲིམས་རྣམ་པར་དག་པའི་མཐུ་ཉིད་ལས། །འཇིག་རྟེན་ཀུན་ཡིད་འཕྲོག་བྱེད་ཨུ་པ་ལ། །རྒྱུ་མ་ཚང་བའི་ཁྱད་པར་བརྗོད་པ། བགྲང་ཡས་བསྐལ་པའི་བར་དུ་མ་གོམས་ཤིང། །ལུས་སྲོག་སྦྱིན་པའི་ངལ་བརྒྱ་མ་བསྟེན་པར། །གསང་ཆེན་རྡོ་རྗེ་ཐེག་པའི་མྱུར་ལམ་གྱིས། །ཚེ་གཅིག་ཟུང་འཇུག་སར་བགྲོད་ཐོས་པ་དགའ། །བསྟོད་པའི་མཚུངས་སྦྱོར། འཕགས་ཡུལ་རིགས་པའི་དབང་ཕྱུག་ཕྱོགས་ཀྱི་གླང། །དེ་ཡི་སྲས་པོ་དཔལ་ལྡན་ཆོས་ཀྱི་གྲགས། །བསིལ་ལྡན་ལྗོངས་འདིར་མཁས་གྲུབ་དགེ་ལེགས་དཔལ། །སྨྲ་ངན་འཇོམས་པའི་གྲགས་པ་བླ་ན་འབར། །སྨད་པའི་མཚུངས་སྦྱོར། མི་བརྟན་རྒྱལ་པོ་དགྱེས་པའི་དགའ་སྟོན་དང། །རང་འདོད་འཆིང་བའི་གྲོགས་ཀྱི་ཕན་གཏམ་དང། །མི་མངོན་ཐལ་བས་གཡོགས་པའི་མེ་འདག་རྣམས། །གང་གིས་བསྟེན་ན་ཡུན་དུ་ཕུང་བར་འགྱུར། །གཞི་ཐ་དད་བྱ་བ་འགལ་བ། བྱང་ཆུབ་ཤིང་དབང་དྲུང་དུ་ཐུབ་པའི་ཐུགས། །ཟག་མེད་དགའ་བདེས་ཡོངས་སུ་གཏམས་པ་ན། །ནག་པོའི་རྩ་ལག་སྡེ་དང་བཅས་པའི་བདུད། །མྱ་ངན་ཟུག་རྔུ་མི་བཟད་སྙིང་ལ་བརྟེན། །གཞི་གཅིག་བྱེད་པ་འགལ་བ། མ་ཅིག་འདོད་པ་ཁམས་ཀྱི་དབང་ཕྱུག་མ། །ཁྲོ་ཞིང་འཁྲུགས་པའི་དགྲ་ལ་འཇིགས་སྟེར་ཞིང། །མ་རུང་གཡུལ་ལས་

― GTD007_Page_0897 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བའི་སྒྲ་སྐད་ཀྱིས། །མིང་པོ་རྡོ་རྗེའི་རྣལ་འབྱོར་དགའ་བར་བྱེད། །གཞི་གཅིག་ཆོས་དུ་མ་འགལ་བ། ལུས་ཀྱི་ཁ་དོག་དཀར་ཡང་བསམ་པ་གནག །ང་རྒྱལ་རློམས་པ་ཆེ་ཡང་ཡོན་ཏན་ཆུང། །སྟོབས་འབྱོར་མངའ་ཐང་དར་ཡང་གྲགས་པ་རྒུད། །མ་རབས་སྐྱེ་བོ་དེ་ལྟ་སུ་ཡིས་བསྟེན། །རྫས་འགལ་བ། མུན་པའི་ཞལ་དཀྱིལ་ཉི་ཟླའི་སྡང་མིག་ཅན། །གངས་རིའི་མཆེ་བ་གློག་གི་རོ་འཛིན་གཡོ། །ལྷ་མཆོག་མཧཱ་ཀ་ལའི་གཟུགས་ཀྱི་སྐུ། །དྲན་པ་ཡིས་ཀྱང་དགྲ་སྡེའི་སྙིང་རྩ་འདར། །ལས་འགལ་བ། བློ་ལྡན་བྱང་ཆུབ་སྒྲུབ་ལ་གཞོལ་བ་རྣམས། །སྡིག་ཅན་དམྱལ་བར་བསྐྱུར་བཞེད་མ་ལགས་ཀྱང། །དེ་དག་དབེན་པར་ལྷ་ཆོས་སྒྲུབ་པ་ན། །མ་རབས་རྣམས་ནི་དོན་མེད་ཁྲོ་བས་མནར། །སྦྱར་བའི་འགལ་བ། ཕུལ་བྱུང་རིན་ཆེན་གཏེར་གྱུར་འཇིངས་ལས་ཐོན། །མ་སྨད་དཔལ་གྱི་ཆ་ཤས་ཡོངས་སུ་རྫོགས། །ཀུན་ལ་ཕན་པའི་འོད་ཟེར་འབུམ་འགྱེད་དེས། །སྐལ་བས་དམན་པ་ཁ་ཅིག་ལོང་བར་བྱས། །སྐབས་མིན་བསྟོད་པ། དྲག་ཞན་མང་པོའི་འགྲོག་ལུགས་མི་དགོས་པས། །མཐོ་དམའ་གང་དུ་འཕུར་ཀྱང་རྗེས་གཅོད་མེད། །བདེ་བས་ཡིད་མྱོས་མགྲིན་པའི་རྫ་རྔ་སྒྲོག །དཀར་མཛེས་ངང་མོ་དེ་ཡི་སྐྱིད་པ་ལ། །མཐུ་ཕུན་ཚོགས་ཀྱི་ཟོལ་བསྟོད། འཇམ་དབྱངས་ཞི་ཁྲོའི་རོལ་གར་ཙོང་ཁ་པས། །གདུག་ཅན་རྒྱ་འདྲེ་བཏུལ་ལ་ངོ་མཚར་ཅ། །ཤཱཀྱ་སེང་གེ་དེ་ཡིས་ས་སྟེང་གི །བདུད་རིགས་མ་ལུས་ཅིག་ཅར་བཅོམ་མིན་ནམ། །དཔའ་བ་ཕུན་ཚོགས་ཀྱི་

― GTD007_Page_0898 ―

^{[མ་དཔེ་གཟིགས་ན་འདིར་གནོན།]}

[Full Size]

ཟོལ་བསྟོད། རྒོལ་ངན་ལོག་པར་སྨྲ་བ་སྟོང་གི་མགོ །རིགས་པའི་གད་རྒྱངས་གཅིག་གིས་འགེམ་མཛད་པ། །དགེ་ལེགས་དཔལ་ཞེས་གྲགས་སྙན་སྒྲ་ཆེ་ཡང། །རྒོལ་ངན་དེ་སྙེད་འཇོམས་པ་སྡིག་རེ་ལྕ། །སྟོབས་ཕུན་ཚོགས་ཀྱི་སྦྱར་བའི་ཟོལ་བསྟོད། མི་ཡི་དབང་ཕྱུག་དཔལ་དང་གྲགས་པ་ན། །ཆུ་སྲིན་རྒྱལ་མཚན་ཀློང་དུ་མི་བགྲོད་ན། །ཅི་སླད་ཕ་མཐའ་མི་མངོན་དཔལ་གྱི་སྡེ། །ལོངས་སུ་སྤྱོད་པའི་ཁེངས་པ་འཛིན་པར་བྱེད། །མཆོག་གི་ངེས་བསྟན། གཙུག་རྒྱན་ནོར་བུའི་འོད་ཆགས་ཟུར་ཕུད་ལྔ། །གནག་སྣུམ་ཕྲ་ལ་ཤིག་ཤིག་གཡོ་བ་འདིས། །རྨོངས་པ་ཀུན་བསྲེགས་དུ་བའི་རི་མོ་བཞིན། །བློ་གྲོས་སྣང་བ་རྣམ་པར་བཀྲ་བ་མཚོན། །མཆོག་མིན་ངེས་བསྟན། རིན་ཆེན་གསེར་ལས་སྙེ་འུ་མི་ཙི་ཀའ། །ཟོང་གི་དགའ་སྟོན་ལྷག་པར་རྒྱས་པ་འདིས། །དྲང་པོའི་ལམ་བགྲོད་མཁས་པའི་སྐྱེ་བོ་ལས། །འབྱོར་ལྡན་བླུན་རྨོངས་ཀླད་ཆུང་བྲིན་པར་སྟོན། །ཡོན་ཏན་ལྷན་ཅིག་བརྗོད་པ། བརྟན་པའི་འཁོར་ལོ་དགྱེས་པའི་འཛུམ་དཀར་དང། །ངུར་སྨྲིག་འཆང་བའི་རོལ་གར་ལྷན་ཅིག་བསྟན། །དེ་ནས་འཇམ་མགོན་བླ་མའི་གྲགས་སྙན་དང། །ཐུབ་དབང་བསྟན་པའི་སྙིང་པོ་ལྷན་ཅིག་རྒྱས། །བྱ་བ་ཐ་དད་པའི་ལྷན་ཅིག་བརྗོད་པ། ཡིད་ལ་དབྱངས་ཅན་དྲན་པའི་མོས་གུས་དང། །ལྷན་ཅིག་ཀུན་གསལ་ལམ་དུ་ཟླ་ཟེར་རྒྱས། །སྐྱེད་ཚལ་དབུས་སུ་སྦྲང་རྩིའི་སྙེ་མ་དང། །ལྷན་ཅིག་སྤྱི་བོར་ལག་པའི་འདབ་མ་ཟུམ། །བྱ་བ་གཅིག་པའི་ལྷན་ཅིག་བརྗོད་པ། གདུལ་བྱའི་བློ་མུན་སེལ་བ་འཆད་པའི་དཔལ། །སྨྲ་ངན་སྤོབས་

― GTD007_Page_0899 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འཕྲོག་བྱེད་རྩོད་པའི་ངག །མཁས་པའི་ཡིད་འཕྲོག་རྩོམ་པའི་དགའ་སྟོན་གསུམ། །ལྷན་ཅིག་སྒྲུབ་པས་ཐུབ་བསྟན་ཉིན་མོར་བྱས། །ཡོངས་བརྗེས་ཀྱི་རྒྱན་ནི། རིས་མེད་བསིལ་ལྗོངས་འགྲོ་ལ་འཕྲིན་ལས་ཀྱི། །དགའ་སྟོན་བཀྱེ་བས་དེ་དག་གཙུག་གི་ནོར། །ཞབས་ཟུང་འཁོར་ལོའི་རྒྱན་དུ་འཕྲོག་མཛད་པ། །ཕྱག་ན་པདྨོ་བློ་བཟང་རྒྱ་མཚོའི་སྡེ། །ཤིས་པ་བརྗོད་པའི་རྒྱན་ནི། གནས་རྣམས་ཀུན་ལ་གཟིགས་པ་ཆགས་ཐོགས་བྲལ། །ལུས་ཅན་ཡོངས་ལ་བརྩེ་བས་བུ་བཞིན་དགོངས། །བདུད་རིགས་རྩད་ནས་གཞོམ་པའི་མཐུ་མངའ་བ། །བློ་བཟང་རྒྱལ་བའི་དབང་པོས་ཁྱོད་ལ་སྲུངས། །གཅིག་ལ་གཅིག་བསྟེན་གྱི་རབ་སྤེལ། ཉ་གང་ཟླ་བ་ལ་འཁུ་དབྱངས་ལྡན་མའ། །ཞལ་དཀྱིལ་འོ་མའི་ཆུ་གཏེར་འཛུམ་རླབས་ཀྱིས། །འཆི་མེད་ན་ཆུང་ཚོགས་ཀྱི་སྙེམ་པ་ན། །མཚར་སྡུག་ལང་ཚོའི་དཔལ་དང་ལྷན་ཅིག་འཕྲོགས། །སྟོབས་མཚུངས་རབ་སྤེལ་ནི། མཛེས་སྐུའི་ལྷུན་པོ་མཚན་དཔེའི་དཔལ་གྱིས་བརྗིད། །གསུང་སྙན་དྲི་ཟའི་རྒྱུད་མངས་རྗེས་སུ་འགྲོ། །གནས་ལུགས་གཟིགས་པས་སྲིད་མཚོ་འདར་མཛད་པ། །བཤེས་གཉེན་དམ་པས་དུས་ཀུན་སྐྱོང་གྱུར་ཅིག །ཟུང་ལྡན་རྐང་པ་དང་པོར་ཡོད་པ། ལམ་ལམ་འབར་བ་རལ་གྲིའི་རྣོ་རྒྱུན་གྱིས། །ཀུན་ཏུ་རྨོངས་པའི་དྲ་བ་གཅོད་མཛད་པ། །དཔལ་ལྡན་བརྟན་པའི་འཁོར་ལོའི་གཟི་བྱིན་གྱིས། །བློ་གྲོས་འདབ་བརྒྱ་ཁོང་ནས་རྒོད་པར་

― GTD007_Page_0900 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད། །གཉིས་པར་ཡོད་པ། བགྲང་ཡས་རྒྱལ་བའི་གསུང་གི་གསང་བ་ཀུན། །སྙན་སྙན་རྒྱུད་དུ་འཁྲོལ་བའི་དབྱངས་ལྡན་མ། །མགྲིན་པ་ལོངས་སྤྱོད་འཁོར་ལོའི་འོ་མཚོ་རུ། །རྟག་པར་བཞུགས་ལ་ངག་གི་དཔལ་གྲུབ་མཛོད། །གསུམ་པར་ཡོད་པ། རིགས་བརྒྱའི་དཀྱིལ་འཁོར་འདབ་འཕྲེང་སྤྲོ་བའི་གཞ། །ཟུང་འཇུག་སྙིང་པོར་འཆང་བའི་རྡོ་རྗེ་འཛིན། །དུང་དུང་གུས་པའི་ཡིད་ཀྱིས་ཉེར་བསྟེན་ན། །མཆོག་ཐུན་གྲུབ་པའི་དགའ་སྟོན་ཆར་དུ་འབེབ། །བཞི་པར་ཡོད་པ། གང་གི་ཐུགས་རྗེ་འཆི་མེད་སྒེག་མོ་ཡི། །འགྲམ་ཆང་གཟེགས་མའི་ཆ་ཡིས་བྲན་པ་ན། །རྨོངས་པས་ཉེར་བཅིངས་བདག་བློའི་བ་ཀུ་ལ། །ལྷག་ལྷག་བཞད་པའི་དཔལ་སྟེར་དྲིན་ཅན་རྗེ། །དང་པོ་གཉིས་ལ་ཡོད་པ། ཁྱུག་ཁྱུག་རྩེན་པའི་གར་གྱི་རོལ་པ་དང། །ལྷང་ལྷང་སྙན་པའི་གླུ་དང་རོལ་མོ་སོགས། །ངོ་མཚར་དཔལ་ཀུན་རྫོགས་པ་རྒྱལ་པོའི་ཁབ། །འཆི་མེད་བདག་པོའི་ཁང་བཟང་དཔལ་ལ་འཁུ། །དང་པོ་དང་གསུམ་པར་ཡོད་པ། ལྡེམ་ལྡེམ་མངོན་པར་བཞད་པ་པདྨོའི་ཚལ། །འདབ་འཕྲེང་གེ་སར་རྒྱས་པའི་བ་གམ་ངོས། །དིར་དིར་སྙན་པའི་གླུ་དབྱངས་ལེན་པ་ཡི། །རྐང་དྲུག་འཕྲེང་བ་དལ་གྱིས་འཁོར་ཞིང་རྒྱུ། །དང་པོ་དང་བཞི་པར་ཡོད་པ། ཡང་ཡང་རྙེད་དཀའ་དལ་འབྱོར་དབང་གི་རྒྱལ། །དོན་གཉིས་ལེགས་པའི་དཔྱིད་འཇོ་འདི་ཐོབ་ཚེ། །ལྟར་སྣང་སྲིད་པའི་བདེ་ལ་མ་ཆགས་པར། །མྱུར་མྱུར་ཆོས་ཀྱི་སྙིང་པོ་ལེན་པར་རིགས། །གཉིས་པ་དང་གསུམ་པར་ཡོད་པ།

― GTD007_Page_0901 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་དཀར་ཆུ་འཛིན་ལང་ལོང་གཡོ་བའི་དབུས། །ལྷུང་ལྷུང་དབྱར་གྱི་རྔ་གསང་སྙན་སྒྲོགས་ཤིང། །སིམ་སིམ་སྦྲང་ཆར་སྙོམས་པར་འབེབ་པ་ཡི། །དབྱར་གྱི་དུས་སྟོན་གསར་པའི་རབ་དགའ་རྒྱས། །གཉིས་པ་དང་བཞི་པར་ཡོད་པ། འཕགས་བོད་མཁས་པའི་གཞུང་གི་དཀའ་གནས་ལ། །ཡང་ཡང་འབད་པའི་ལུས་སེམས་ངལ་བྱས་ཀྱང། །ཆོས་དོན་འབྱེད་པའི་བློ་དང་མི་ལྡན་ན། །ཕྱིར་ཕྱིར་རྨོངས་པའི་དྲ་བ་ཉིད་དུ་འཆིང། །གསུམ་པ་དང་བཞི་པར་ཡོད་པ། འོ་མའི་མཚོ་ནང་པད་དཀར་ཟླ་གདན་ལ། །རྣམ་རོལ་སྨྲ་བའི་རྒྱལ་པོ་ངག་གི་ལྷ། །ལྡེམ་ལྡེམ་གཡོ་བ་རལ་པའི་ཐོར་ཅོག་རྩེར། །ལྷག་ལྷག་འོད་འབར་ནོར་བུའི་ཏོག་གིས་མཛེས། དང་པོ་གསུམ་ལ་ཡོད་པ། ལྷང་ལྷང་རྟ་སྐད་འཚེར་བས་སྲིད་གསུམ་འགེང། །འུར་འུར་རྔོག་མའི་གསེབ་ནས་མེ་རླུང་སྤྲོ། །འཇིགས་འཇིགས་གར་གྱི་ཉམས་བརྒྱའི་རོལ་པ་ཅན། །ཁྲོ་རྒྱལ་རྟ་མཆོག་རོལ་པས་དུས་ཀུན་སྲུངས། །དང་པོ་གཉིས་དང་བཞི་པར་ཡོད་པ། རང་རང་གཅེས་པར་འཛིན་པའི་དབང་གྱུར་ཏེ། །ཡང་ཡང་དྲིན་གྱིས་བསྐྱངས་པའི་མ་རྣམས་ལ། །ལོག་པར་བསྒྲུབས་པའི་ལས་ཀྱི་ཆུ་ཀླུང་གིས། །མང་མང་སྐྱེ་བོ་སྲིད་པའི་རྒྱ་མཚོར་ཁྱེར། །ཕྱི་མ་གཉིས་དང་དང་པོར་ཡོད་པ། ལྡིར་ལྡིར་འབྲུག་སྒྲ་དལ་གྱིས་རྒོད་པ་ན། །སྒྲོ་གདུགས་ཟླུམ་པོར་བསྐོར་བའི་མདོངས་མཐའ་རྣམས། །ལིང་ལིང་མཛེས་པའི་གར་སྟབས་བསྒྱུར་བྱེད་ཅིང། །ཧྲིག་ཧྲིག་

― GTD007_Page_0902 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེན་བྱེད་སྤྲིན་སྔོན་ཁོངས་སུ་གཏོད། །ཕྱི་མ་གསུམ་ལ་ཡོད་པ། ཡོན་ཏན་རྩ་བ་བཤེས་གཉེན་ལེགས་བསྟེན་ནས། །ཟབ་ཟབ་དཀའ་བའི་གནད་ལ་མ་སྦྱངས་པར། །མང་མང་མཁས་པའི་མདུན་སར་འཆད་འདོད་པ། །ཤིག་ཤིག་འདར་བའི་དགའ་སྟོན་བསྒྲུབ་པར་ཟད། །བཞི་ཀར་ཡོད་པ། མཛེས་མཛེས་སྙིང་པོ་མ་ལུས་བསྡུས་པའི་སྐུ། །སྙན་སྙན་དྲི་ཟའི་འཇིག་རྟེན་རྫོགས་པའི་དབྱངས། །གསལ་གསལ་ཆོས་ཀུན་མ་འདྲེས་གཟིགས་པའི་ཐུགས། །ཡང་ཡང་བསྔགས་པར་འཚལ་ལོ་དབྱངས་ལྡན་མ། །ཆོད་པ་དང་པོ་གཉིས་ཀྱི་ཟུང་ལྡན། ལེགས་བཤད་ཉི་མ་འབར་བའི་འོད་སྣང་གིས། །ལེགས་བྱས་དཔལ་གྱི་འདབ་བརྒྱ་བཞད་པ་ན། །སྨྲ་བ་ངན་པའི་ཀུ་མུ་ད་ཚལ་ཀུན། །ཅིག་ཅར་ཟུམ་པའི་ངོ་མཚར་ཨེ་མ་རྨད། །དང་པོ་དང་གསུམ་པར་ཡོད་པ། རྣམ་འདྲེན་བུ་རམ་ཤིང་པའི་ཐུགས་ཀྱི་བཅུད། །ངན་རྟོག་འཁྲུལ་པའི་དྲི་མ་ཕྲ་མོས་ཀྱང། །རྣམ་པར་དག་པ་དགེ་ལྡན་ལུགས་བཟང་ཞེས། །གྲགས་པའི་བ་དན་སྲིད་པའི་ཁོང་ལས་བརྒལ། །དང་པོ་དང་བཞི་པར་ཡོད་པ། མཁས་རློམ་གླང་པོའི་ཀླད་འགེམ་ང་རོ་ཅན། །རྣམ་དག་རིག་པའི་ལུས་སྟོབས་རབ་རྒྱས་ཤིང། །གཞུང་ལུགས་འབུམ་སྡེའི་རལ་པ་གསིག་པ་ཡི། །མཁས་མཆོག་གདོང་ལྔའི་དབང་པོ་བསྔགས་པར་འོས། །བར་པ་གཉིས་ལ་ཡོད་པ། མཉེན་ལྕུག་ཕྱག་སོར་རྩེ་མོས་བསྐུལ་བ་ཡིས། །སྙན་འགྱུར་རྒྱུད་མངས་སྒྲ་དང་ལྷན་ཅིག་ཏུ། །སྙན་ཚིག་འདོད་པ་འཇོ་བའི་ངག་གི་ལྷ། །དབྱངས་

― GTD007_Page_0903 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དབང་ཕྱུག་མ་དེས་བདག་སྐྱོངས་ཤིག །གཉིས་པ་དང་བཞི་པར་ཡོད་པ། པུ་ལོ་མ་དགྲ་བདེ་འབྱུང་ཐ་གུའི་ལྟོ། །འཇིག་རྟེན་མེས་པོ་ལ་སོགས་དྲེགས་ལྡན་ཚོགས། །ཀུན་གྱི་གཙུག་རྒྱན་ནོར་བུས་ཞབས་བསྟེན་པ། །འཇིག་རྟེན་གསུམ་གྱི་མགོན་གྱུར་ཤཱཀྱའི་ཏོག །ཕྱི་མ་གཉིས་ལ་ཡོད་པ། རིས་སུ་མ་ཆད་ལུས་ཅན་མཐའ་དག་ལ། །བུ་གཅིག་ལྟ་བུར་བརྩེ་བའི་དབང་གྱུར་ཅིང། །ཤེས་རབ་མཆོག་གི་ཉིན་བྱེད་འོད་སྟོང་གིས། །ཤེས་བྱའི་དཀྱིལ་འཁོར་མ་ལུས་ཅིག་ཅར་གསལ། །སྔ་མ་གསུམ་ལ་ཡོད་པ། དཀར་ཞིང་གསལ་བ་འོ་མའི་ཆུ་གཏེར་ངོགས། །དཀར་འཇམ་འདབ་སྟོང་རྩེ་ན་ཟླ་བའི་དབུས། །དཀར་མཛེས་བཅུ་དྲུག་ལང་ཚོའི་དཔལ་འབར་བ། །རྗེ་བཙུན་མཁྱེན་པའི་གཏེར་དེས་དགེ་ལེགས་སྩོལ། །དང་པོ་དང་གསུམ་པ་བཞི་པར་ཡོད་པ། སྨྲ་ངན་སྟོང་གི་དྲེགས་པའི་རལ་པ་ཀུན། །བདེན་གསུང་ཚིག་གིས་ས་ལ་བསྙིལ་མཛད་པ། །སྨྲ་དབང་ཡོངས་ཀྱི་གཙུག་གི་རྒྱན་གྱུར་བ། །སྨྲ་བ་ཟླ་མེད་འདྲེན་མཆོག་ཟས་གཙང་སྲས། །ཕྱི་མ་གསུམ་ལ་ཡོད་པ། འཇམ་དབྱངས་མཁྱེན་པའི་ཆུ་གཏེར་བསྲུབས་པའི་བཅུད། །བློ་བཟང་ལེགས་བཤད་ཉི་མའི་འོད་སྣང་གིས། །བློ་གྲོས་འདབ་བརྒྱའི་དགའ་ཚལ་བཞད་པ་ན། །བློ་ལྡན་རྐང་དྲུག་དགའ་བའི་གླུ་དབྱངས་སྒྲོགས། །བཞི་ཀར་ཡོད་པ། རྣམ་དག་ལམ་སྟོན་དགེ་བའི་བཤེས་ལ་བསྟེན། །རྣམ་མང་གཞུང་ལ་ངལ་བརྒྱས་ཞིབ་ཏུ་སྦྱངས། །

― GTD007_Page_0904 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་བཀྲ་རིག་པས་ཡང་ཡང་དཔྱད་བྱས་ན། །རྣམ་འདྲེན་ཐུབ་པའི་དགོངས་པ་རྟོགས་པར་འགྱུར། །བཞི་ཀར་ཡོད་ཀྱང་རིགས་མི་གཅིག་པ། རབ་འབྱམས་གསུང་རབ་ཀུན་གྱི་དཀའ་གནད་ལ། །རབ་གསལ་བློ་ཡི་འཇུག་པ་ཐོགས་མེད་ཅིང། །ལེགས་བཤད་སྐྱེ་བ་ལྔ་པའི་སྒྲ་དབྱངས་ཀྱིས། །ལེགས་བྱས་ཁོར་ཡུག་ཡངས་པའི་ཁྱོན་ཀུན་འགེང། །དང་པོ་གསུམ་པ་དང་གཉིས་པ་བཞི་པར་འདྲ་བ། བདག་འཛིན་སྲད་བུས་དམ་དུ་བཅིངས་པ་རྣམས། །སྲིད་པའི་རྒྱ་མཚོ་ཆེ་ལས་སྒྲོལ་བའི་སླད། །བདག་མེད་གཏམ་གྱི་སེང་གེའི་སྒྲ་བསྒྲགས་ཚེ། །སྲིད་པའི་ཚང་ཚིང་མ་ལུས་འདར་བར་བྱེད། །ཐོག་མཐའ་གཉིས་འདྲ་ཞིང་བར་པ་གཉིས་འདྲ་བ། བསྟན་པའི་རྗེས་ཞུགས་རིམ་པ་མཐའ་ཡས་ཀྱང། །རྒྱལ་བ་ཀུན་གྱི་ཡེ་ཤེས་གཅིག་བསྡུས་པ། །རྒྱལ་སྲས་ཚུལ་བཟུང་འཇམ་མགོན་བླ་མ་ཡི། །བསྟན་པ་རིན་ཆེན་མཆོག་འདི་ཟླ་དང་བྲལ། །ཆོད་ཅིང་མ་ཆོད་པ་སྔ་མ་གཉིས་འདྲ་ཞིང་ཕྱི་མ་གཉིས་འདྲ་བ། ཟབ་ཟབ་མན་ངག་གནད་དུ་གྲགས་པ་ཅན། །ཟབ་ཟབ་གཏེར་གྱི་རྒྱ་ཡིས་བཅིངས་རྣམས་ལས། །མང་མང་རིམ་བྱོན་མཁས་པས་བསྟེན་པ་ཡི། །མང་མང་གཞུང་ལུགས་ཆེན་མོ་དེ་དག་ཟབ། །ཐོག་མཐའ་གཉིས་འདྲ་བར་བ་གཉིས་འདྲ། ཆིལ་ཆིལ་གཡོ་བའི་རླབས་འཕྲེང་དང་འགྲོགས་ཏེ། །ལིང་ལིང་ཟློས་གར་བསྒྱུར་བའི་ངང་མོ་རྣམས། །ལིང་ལིང་འཕུར་ཞིང་ལྡིང་བའི་གཤོག་རྩེ་ཡིས། །ཆིལ་ཆིལ་ལྦུ་བའི་

― GTD007_Page_0905 ―

^{[མ་དཔེ་གཟིགས་ན་འདིར་གནོན།]}

[Full Size]

མེ་ཏོག་མཁའ་ལ་འཐོར། །བཞི་ཀར་ཡོད་པ། ཆེམ་ཆེམ་རོལ་མོའི་བརྡ་ཡིས་སྤྱན་འདྲེན་ན། །ཆེམ་ཆེམ་ས་གསུམ་གཡོ་བའི་གོམ་སྟབས་ཀྱིས། །ཆེམ་ཆེམ་མྱུར་དུ་བྱོན་ལ་དགྲ་བགེགས་ཀུན། །ཆེམ་ཆེམ་ཐལ་བར་རློགས་ཤིག་ས་མ་ཡཿ །བཞི་ཀའི་དབུས་ཀྱི་ཆོད་ཅིང་མ་ཆོད་པ། བདེ་གཤེགས་གསུང་རབ་རབ་འབྱམས་དཀའ་གནད་ཀུན། །འབྱེད་པའི་མཁྱེན་རབ་རབ་རྒྱས་ཙོང་ཁ་པའི། །གང་གི་གསུང་རབ་རབ་གསལ་འོད་སྣང་གིས། །དྲི་མེད་ཤེས་རབ་རབ་རྒྱས་དགའ་སྟོན་ཐོབ། །ཆོད་པ་ཁོ་ན། ངོ་མཚར་ཀུན་དགའ་ཀུན་ནས་རྒྱས་པའི་དཔྱིད། །ཁོར་ཡུག་ཀུན་ཁྱབ་ཀུན་བཟང་མཛད་པའི་རླབས། །ལུས་ཅན་ཀུན་ལ་ཀུན་དགར་སྤྲོ་བའི་གཉེན། །འདྲེན་མཆོག་ཀུན་ལ་ཀུན་ནས་ཕྱག་བགྱིད་དོ། །བཞི་ཀའི་མཐའི་ཆོད་པ། ཀྱེ་མ་རྒྱལ་བའི་བསྟན་དང་མཇལ་བ་དཀོན། །མཇལ་ཀྱང་ཐོས་བསམ་ཚུལ་བཞིན་བྱེད་པ་དཀོན། །ཚིག་ཙམ་ཐོས་ཀྱང་ཉམས་ལེན་བྱེད་པ་དཀོན། །སྒྲུབ་ལ་ཞུགས་ཀྱང་མཐའ་རུ་འཁྱོལ་བ་དཀོན། །བཞི་ཀའི་མཐའི་ཆོད་ཅིང་མ་ཆོད་པ། སྡང་མིག་ཁོང་ལས་སྤྲོས་པའི་མེ་འུར་འུར། །དྲི་འཛིན་ལམ་དུ་འཁྲུག་པའི་རླུང་འུར་འུར། །ཞལ་ནས་དྲག་སྔགས་ང་རོའི་གདངས་འུར་འུར། །སྟངས་སྟབས་གར་གྱིས་རོལ་པའི་སྒྲ་འུར་འུར། །བར་མཐར་ཆོད་པ། རྣམ་གསལ་མར་མེའི་འོད་ཀྱིས་རང་ཁྱིམ་གསལ། །འོད་གསལ་རྟ་ལྗང་ཅན་གྱིས་འཇིག་རྟེན་གསལ། །ཟབ་གསལ་ཏིང་ངེ་འཛིན་གྱིས་དམིགས་

― GTD007_Page_0906 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་གསལ། །དཀར་གསལ་དབྱངས་ཀྱི་རྒྱལ་མོས་བདག་ཡིད་གསལ། །བར་མཐའ་ཆོད་ཅིང་མ་ཆོད་པ། དབྱངས་ཅན་གསུང་སྙན་སྙན་པའི་དབྱངས་སྙན་སྙན། །གདུབ་འཁྲོལ་སིལ་སྙན་སྙན་པའི་སྒྲ་སྙན་སྙན། །རྒྱུད་མངས་སྐད་སྙན་སྙན་པའི་གདངས་སྙན་སྙན། །ཆོས་ཀྱི་གཏམ་སྙན་སྙན་སྒྲོག་གྲགས་སྙན་སྙན། །ཐོག་བར་དུ་ཆོད་པ། རྣམ་དཀར་ལེགས་བྱས་རྣམ་བརྒྱས་བསྐྲུན་པའི་སྐུ། །རྣམ་མང་ལེགས་བཤད་རྣམ་པར་སྒྲོག་པའི་གསུང། །རྣམ་པ་ཐམས་ཅད་རྣམ་ཀུན་གཟིགས་པའི་ཐུགས། །རྣམ་འདྲེན་དམ་པ་རྣམས་ལ་སྙིང་ནས་འདུད། །དང་པོ་དང་གསུམ་པའི་ཐོག་མཐའ་དང་གཉིས་བཞི་ཐོག་བར་གྱི་ཆོད་ཅིང་མ་ཆོད་པ། མཚར་མཚར་སྲིད་པའི་བདེ་འབྱོར་ངོ་མཚར་མཚར། །མཚར་མཚར་སྐད་ཅིག་ཡལ་བའི་མཚར་མཚར་པོ། །མཚར་མཚར་ད་དུང་སྒྲུབ་ལ་ཡིད་མཚར་མཚར། །མཚར་མཚར་བྱེད་པ་འདི་འདྲ་མཚར་མཚར་སྙམ། །བཞི་ཀའི་ཐོག་མཐའི་ཆོད་པ། སྙན་འགྱུར་རོལ་མོའི་ཁྲོད་ན་རྒྱུད་མངས་སྙན། །སྙན་པའི་གླུ་ལ་དྲི་ཟའི་མགུར་དབྱངས་སྙན། །སྙན་ཚིག་གཞུང་ལ་དནྜིའི་ལེགས་བཤད་སྙན། །སྙན་པ་ཀུན་ལས་རྒྱལ་བའི་གྲགས་པ་སྙན། །བཞི་ཀའི་ཐོག་མཐའི་ཆོད་ཅིང་མ་ཆོད་པ། གསལ་གསལ་ཉི་མའི་འོད་ཀྱིས་ཀུན་གསལ་གསལ། །གསལ་གསལ་ལྷ་ཡི་མདུན་སར་སྣང་གསལ་གསལ། །གསལ་གསལ་མེ་ལོང་ངོས་ན་གཟུགས་གསལ་གསལ། །གསལ་གསལ་ཡིད་མཚོར་དབྱངས་ཅན་དཀར་གསལ་གསལ། །གནས་གསུམ་ཀའི་ཆོད་པ། མཛེས་

― GTD007_Page_0907 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཞལ་ཁྱིམ་མཛེས་སྡུག་ལན་བུས་མཛེས། །མཛེས་པའི་ཐོར་ཚུགས་མཛེས་བྱེད་ཏོག་གིས་མཛེས། །མཛེས་སྡུག་རྒྱན་འཕྲེང་མཛེས་པར་བསྟར་བས་མཛེས། །མཛེས་པ་ཀུན་བསྡུས་མཛེས་ལྡན་ལྷ་མོ་མཛེས། །གནས་གསུམ་ཀའི་ཆོད་ཅིང་མ་ཆོད་པ། ལྡེམ་ལྡེམ་པད་དཀར་ལྡེམ་ལྡེམ་འདར་བ་དང་འགྲོགས་རླབས་འཕྲེང་སྔོ་ལྡེམ་ལྡེམ། །ལྡེམ་ལྡེམ་ངང་མོ་ལྡེམ་ལྡེམ་གཡོ་ཞིང་འཕུར་ལྡིང་རོལ་པའི་གར་ལྡེམ་ལྡེམ། །ལྡེམ་ལྡེམ་གོམ་འགྲོས་ལྡེམ་ལྡེམ་དལ་གྱིས་རྒྱུ་བའི་གཉིས་འཐུང་ལྷོད་ལྡེམ་ལྡེམ། །ལྡེམ་ལྡེམ་རྐྱལ་ཞིང་ལྡེམ་ལྡེམ་རྩེན་པའི་ན་ཆུང་བདེ་བའི་འགྱིང་ལྡེམ་ལྡེམ། །མཐའ་ཐོག་སྦྱར་བ། འཛམ་གླིང་མཁས་པ་ཡོངས་ཀྱི་གཙུག་གི་རྒྱན། །རྒྱན་དྲུག་མཆོག་གཉིས་གྲགས་པའི་བ་དན་མཆོག །མཆོག་ཏུ་མཛེས་པ་རྒྱ་གར་འཕགས་པའི་ཡུལ། །ཡུལ་གྲུ་ཕལ་པ་གཞན་གྱིས་དོ་ཟླ་མིན། །དང་པོ་གསུམ་པ་དང་གཉིས་པ་བཞི་པར་བཟླས་པ། དཀར་གསལ་.....ཟླ་བ་དཀྱིལ་འཁོར་ཡོངས་སུ་རྫོགས་པ་ཡིས། །མི་བཟད་.....འདོད་ལྡན་སྙིང་གི་གདུང་བ་སེལ་བར་བྱེད། །དཀར་གསལ་.....དབྱངས་ཅན་དཀྱིལ་འཁོར་ཡོངས་སུ་རྫོགས་པ་ཡིས། །མི་བཟད་སྙིང་གི་.....བློ་ལྡན་གདུང་བ་སེལ་བར་བྱེད། །དང་པོ་གཉིས་པ་དང་གསུམ་པ་བཞི་པར་བཟླས་པ། མཛེས་ཤིང་ཡིད་འོང་ངང་.....ངང་མོ་པའི་བུ་མོ་

― GTD007_Page_0908 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར། །སྙན་འགྱུར་མགྲིན་རྔ་སྒྲོག་པས་ཀུན་དགར་བྱེད། །མཛེས་ཤིང་ཡིད་འོང་.....དབྱངས་ཅན་ངང་པའི་བུ་མོ་དཀར། །སྙན་འགྱུར་མགྲིན་རྔ་སྒྲོག་པས་ཀུན་དགར་བྱེད། །དང་པོ་བཞི་པ་དང་གཉིས་པ་གསུམ་པར་བཟླས་པ། མཁའ་ལ་དལ་གྱིས་རྒྱུ་བར་བྱེད། །རབ་དཀར་མདངས་ལྡན་གཉིས་སྐྱེས་.....ངང་པའི་རྒྱལ་པོ་རྒྱལ། །རབ་དཀར་མདངས་ལྡན་གཉིས་སྐྱེས་རྒྱལ། །མཁའ་ལ་དལ་གྱིས་རྒྱུ་བར་བྱེད། །.....ཟླ་བ། དང་པོ་གཉིས་པར་བཟླས་པ། ཐུབ་བསྟན་གངས་རི་སྐྱོང་བའི་གཉེན་གཅིག་པུ། །ཐུབ་བསྟན་གངས་རི་སྐྱོང་བའི་གཉེན་གཅིག་པུ། །འཇམ་མགོན་བླ་མ་བློ་བཟང་གྲགས་པའི་ཞབས། །སྲས་ཀྱི་ཐུ་བོ་མཁས་གྲུབ་དགེ་ལེགས་དཔལ། །དང་པོ་གསུམ་པར་བཟླས་པ། མཐའ་བྲལ་ལམ་བཟང་ཇི་བཞིན་གསལ་མཛད་པ། །འཕགས་མཆོག་ཀླུ་སྒྲུབ་སྨྲ་བ་བླ་ན་མེད། །མཐའ་བྲལ་ལམ་བཟང་ཇི་བཞིན་གསལ་མཛད་པ། །འཇམ་མགོན་བླ་མ་གངས་ཅན་བསྟན་པའི་བདག །དང་པོ་བཞི་པར་བཟླས་པ། རྣམ་འདྲེན་རྒྱལ་བའི་གསུང་གི་གསང་མཛོད་འཛིན། །མཐུ་སྟོབས་དབང་ཕྱུག་བཅོམ་ལྡན་གསང་བའི་བདག །མི་བརྗེད་གཟུངས་ཐོབ་གནས་བརྟན་དགའ་བོ་ཡང། །རྣམ་འདྲེན་རྒྱལ་བའི་གསུང་གི་གསང་མཛོད་འཛིན། །གཉིས་པ་གསུམ་པར་བཟླས་པ། རྒྱལ་ཀུན་ཡབ་གཅིག་རྒྱལ་སྲས་གཞོན་ནུའི་ཚུལ། །འཛད་མེད་ངག་གི་འདོད་པ་འཇོ་བའི་ལྷ། །འཛད་མེད་ངག་གི་འདོད་པ་འཇོ་བའི་ལྷ། །རྒྱལ་ཡུམ་དབྱངས་ཀྱི་དབང་ཕྱུག་དགའ་མར་དགྱེས། །གཉིས་པ་བཞི་པར་བཟླས་པ། སྣ་ཚོགས་སྤྲུལ་བའི་རོལ་བ་ཕ་མཐའ་ཡས། །གདུལ་བྱའི་མོས་པ་ཇི་བཞིན་

― GTD007_Page_0909 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིར་ཡང་འཆར། །དེ་བཞིན་གསུང་གཅིག་ཉིད་དུ་གསུངས་པ་ཡང། །གདུལ་བྱའི་མོས་པ་ཇི་བཞིན་ཅིར་ཡང་འཆར། །གསུམ་པ་བཞི་པར་བཟླས་པ། བླ་མ་མགོན་པོ་གཉིས་སུ་མ་མཆིས་པར། །རྩེ་གཅིག་གུས་པའི་ཡིད་ཀྱིས་གསོལ་འདེབས་ན། །ལས་ཉོན་བར་ཆད་མ་ལུས་བསལ་དུ་གསོལ། །ལས་ཉོན་བར་ཆད་མ་ལུས་བསལ་དུ་གསོལ། །དང་པོ་གཉིས་གསུམ་དུ་བཟླས་པ། དེང་ནས་བྱང་ཆུབ་བར་གྱི་སྐྱབས་མཛོད་ཅིག །དེང་ནས་བྱང་ཆུབ་བར་གྱི་སྐྱབས་མཛོད་ཅིག །དེང་ནས་བྱང་ཆུབ་བར་གྱི་སྐྱབས་མཛོད་ཅིག །སྐྱབས་གནས་བསླུ་བ་མེད་པ་དཀོན་མཆོག་གསུམ། །དང་པོ་དང་གསུམ་པ་དང་བཞི་པར་བཟླས་པ། རྣམ་པར་དཀར་ཞིང་རབ་མཛེས་ཀུན་དགའི་དཔྱིད། །པད་དཀར་ཇི་བཞིན་ཟླ་དང་དབྱངས་ཅན་ཡང། །རྣམ་པར་དཀར་ཞིང་རབ་མཛེས་ཀུན་དགའི་དཔྱིད། །རྣམ་པར་དཀར་ཞིང་རབ་མཛེས་ཀུན་དགའི་དཔྱིད། །གཉིས་པ་གསུམ་བཞིར་བཟླས་པ། མགོན་ཁྱོད་ཡི་དམ་ཆོས་སྲུང་མཁའ་འགྲོ་རུ། །བསྟེན་ནོ་དེ་བཞིན་བདག་གི་སྐྱབས་མཛོད་ཅིག །བསྟེན་ནོ་དེ་བཞིན་བདག་གི་སྐྱབས་མཛོད་ཅིག །བསྟེན་ནོ་དེ་བཞིན་བདག་གི་སྐྱབས་མཛོད་ཅིག །ལན་བཞིར་བཟླས་པ། དབང་མཆོག་དེ་ཡིས་གོང་དུ་སྨིན་པར་བྱེད། །དབང་མཆོག་དེ་ཡིས་གོང་དུ་སྨིན་པར་བྱེད། །དབང་མཆོག་དེ་ཡིས་གོང་དུ་སྨིན་པར་བྱེད། །དབང་མཆོག་དེ་ཡིས་གོང་དུ་སྨིན་པར་

― GTD007_Page_0910 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད། ཚིགས་བཅད་བཟླས་པ། ཡོན་ཏན་.....སྔོན་བསགས་བསོད་ནམས་དགེ་བའི་མཐུ་ལས་བྱུང། །སྡེ་བཞིའི་ཕུན་ཚོགས་སྒྲུབ་པའི་གཞི་དང་རྟེན། །སྐྱེ་བོ་རྣམས་ཡིད་མངོན་བར་དགའ་བྱེད་ཅིང། །གང་ལ་ལྡན་པ་དེ་ཡི་དོན་རྣམས་འགྲུབ། །ནོར་.....སྔོན་བསགས་བསོད་ནམས་དགེ་བའི་མཐུ་ལས་བྱུང། །སྡེ་བཞིའི་ཕུན་ཚོགས་སྒྲུབ་པའི་གཞི་དང་རྟེན། །སྐྱེ་བོ་རྣམས་ཡིད་མངོན་པར་དགའ་བྱེད་ཅིང། །གང་ལ་ལྡན་པ་དེ་ཡི་དོན་རྣམས་འགྲུབ། །ཟུང་ལྡན་ཆེན་པོ། དགོས་འདོད་.....དཔག་བསམ་ཀུན་འབྱུང་དགོས་འདོད་ཀུན་འབྱུང་.....ནོར་བུ། །སྨོན་ལམ་.....དགོས་འདོད་ཀུན་འབྱུང་དགོས་འདོད་ཀུན་འབྱུང་.....བྱང་ཆུབ་ཀྱི་སེམས། །སངས་རྒྱས་.....དགོས་འདོད་ཀུན་འབྱུང་དགོས་འདོད་ཀུན་འབྱུང་.....ཆོས། །དགེ་འདུན་.....དགོས་འདོད་ཀུན་འབྱུང་དགོས་འདོད་ཀུན་འབྱུང་.....བླ་མ། །ཡང་ན། ཆགས་པ་.....རྟེན་བྱང་སེམས་མེད་པ་ཆགས་.....ལོངས་སྤྱོད་ལ་པ་མེད། །ཆགས་པ་.....ཕྱི་བཤོལ་མེད་པ་ཆགས་.....ཆོག་འཛིན་པ་མེད། །ཆགས་པ་མེད་པ་.....ལན་ཆགས་པ་.....རྣམ་སྨིན་མེད། །ཆགས་པ་མེད་པ་.....རྣམ་རྟོག་ཆགས་པ་མེད་.....རྣམ་གཡེང་། །འདྲེས་པའི་ཟུང་ལྡན། །ཨེ་མ་ངག་ལ་ངག་གི་དཔལ་སྟེར་མ། །མ་ཁྱོད་འགྲིགས་འགྲིགས་ཚིག་གི་སྦྱོར་བ་ཀུན། །ཀུན་དགར་འཇོ་བས་ལོངས་སྤྱོད་འཁོར་ལོ་མཆོག །མཆོག་ཏུ་གྲུབ་པའི་དགའ་སྟོན་གྲུབ་པར་མཛོད། །རྐང་པ་བཟློག་པ། རྒྱལ་སྲས་རྒྱལ་བ་དམ་པ་འདྲེན་མཆོག་མཁས། །མཁས་མཆོག་འདྲེན་པ་དམ་པ་རྒྱལ་སྲས་རྒྱལ། །ལྷ་ཡི་ལྷ་མཆོག་སྐྱབས་

― GTD007_Page_0911 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་འགྲོ་འདྲེན་རྣམས། །རྣམ་འདྲེན་འགྲོ་མགོན་སྐྱབས་མཆོག་ལྷ་ཡི་ལྷ། །ཚིགས་བཅད་ཕྱེད་བཟློག །དཀར་ཞིང་མཛེས་ལྡན་དབྱངས་མཆོག་ལྷ་མོ་སྒེག །གཟུགས་མཛེས་རབ་བཀྲ་རྣམ་མང་རྒྱན་སྡུག་མཚར། །མཚར་སྡུག་རྒྱན་མང་རྣམ་བཀྲ་རབ་མཛེས་གཟུགས། །སྒེག་མོ་ལྷ་མཆོག་དབྱངས་ལྡན་མཛེས་ཤིང་དཀར། །རང་པོར་བཟློག་པ། མཆོག་གྱུར་དཔལ་ལྡན་དགེ་ལེགས་བདེ་སྟེར་མཆོག །མཆོག་བརྙེས་གྲུབ་དབང་སྨྲ་ལ་མཁས་ཤིང་བཙུན། །བཙུན་ཞིང་དུལ་བ་སྤྱོད་ཚུལ་ཚད་ལྡན་མཛེས། །མཛེས་ལྡན་ཁྲིམས་དག་རྣམ་ཀུན་སྐྱོན་བྲལ་བརྗོད། །བརྗོད་བྲལ་སྐྱོན་ཀུན་རྣམ་དག་ཁྲིམས་ལྡན་མཛེས། །མཛེས་ལྡན་ཚངས་ཚུལ་སྤྱོད་པ་དུལ་ཞིང་བཙུན། །བཙུན་ཞིང་མཁས་ལ་སྨྲ་དབང་གྲུབ་བརྙེས་མཆོག །མཆོག་སྟེར་བདེ་ལེགས་དགེ་ལྡན་དཔལ་གྱུར་མཆོག །དབྱངས་ཨ་ཨོ་ཨེ་ཨུར་བཞིར་ངེས་པ། གང་ལ་རབ་དང་ལྡན་པ་མཐའ་དག་ལ། །བློ་གྲོས་དངོས་པོ་མཆོག་སྩོལ་འཁོར་ལོའི་མགོན། །དགེ་ལེགས་གཏེར་ཆེན་སྤེལ་བྱེད་ཡེ་ཤེས་ཆེ། །ཕུལ་བྱུང་ལྷུན་གྲུབ་དུས་གསུམ་ཀུན་ཏུ་འཇུག །ཨི་ཨ་ཨེ། དཀར་གསལ་ཆ་ཤས་རབ་གང་དབྱངས་ཅན་ཞལ། །

― GTD007_Page_0912 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ཤིགས་སྙིང་དཀྱིལ་ཏིང་འཛིན་པིར་གྱིས་བྲིས། །རྣམ་པ་ཐམས་ཅད་བཟླས་པ་ལ་འབད་ན། །བདེན་ཞེན་སྲེག་བྱེད་ཡེ་ཤེས་མེ་ཆེན་སྤེལ། །ཨ་ཨུ་གཉིས་སུ་ངེས་པ། ཡང་དག་ལྟ་བ་གསལ་བར་མཛད་པ་ལ། །ཕུལ་བྱུང་ཀླུ་སྒྲུབ་གཞུང་ཀུན་ཐུགས་སུ་ཆུད། །ངག་ལ་དབང་མཛད་འཇམ་དབྱངས་བླ་མ་གང། །མུན་འཁྲུལ་དྲུངས་ཕྱུང་ཚུལ་ལུགས་ཟུར་དུ་བཟུང། །ཨ་གཅིག་པུར་ངེས་པ། རྟག་ཆད་མཐའ་ལས་འདས་པ་ཡང་དག་ལམ། །ཡང་ཡང་བསམ་པས་ལྟ་ངན་རང་སར་འགག །གནད་རྣམས་མཐའ་དག་ལམ་ལམ་ཤར་བ་ན། །དགའ་དང་དད་པས་རབ་གང་ཨ་ལ་ལ། །བཀྲ་ཤིས།། །