ཞེ་ཆེན་དབོན་སྤྲུལ་གསུང་འབུམ་པོད་གསུམ་པ།

ཞེ་ཆེན་དབོན་སྤྲུལ་གསུང་འབུམ་པོད་གསུམ་པ།

གླེགས་བམ། ར༽

འགྱུར་མེད་མཐུ་སྟོབས་རྣམ་རྒྱལ།

Nitartha international

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཞེ་ཆེན་མ་ཧཱ་པཎྜི་ཏ་འགྱུར་མེད་མཐུ་སྟོབས་རྣམ་རྒྱལ་གྱི་གསུང་འབུམ་ལེགས་བཤད་ནོར་བུའི་མཛོད་ཁང་།

― GTN003_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

༄༅།།སུ་བྷ་ཥི་ཏཾ་མ་ཎ་ཡཀོ་ཥཔྲ་སཱ་ད་ནཱ་མ་མ་ཧཱ་པཎྜི་ཏཱཀྵ་རཔྲ་བྷ་བ་བི་ཛ་ཡ་ཝཱཀླ་ཀྟཾ་མ་ཧཱ་པྲ་ཏཱི་ཤ་བི་ཧ་ར་ཏིསྨ།
༄༅། །ཞེ་ཆེན་མ་ཧཱ་པཎྜི་ཏ་འགྱུར་མེད་མཐུ་སྟོབས་རྣམ་རྒྱལ་གྱི་གསུང་འབུམ་ལེགས་བཤད་ནོར་བུའི་མཛོད་ཁང་ཞེས་བྱ་བ་བཞུགས་སོ།།
དཔལ་རྒྱལ་བ་ཞེ་ཆེན་བསྟན་གཉིས་དར་རྒྱས་གླིང་།

― GTN003_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་སྔགས་ལུང་རྟོགས་བསྟན་པ་གཉིས་ལྡན་ཆེ། །བཤད་དང་སྒྲུབ་པས་དར་ཞིང་རྒྱས་མཛད་པའི། །བསླབ་གསུམ་ངུར་སྨྲིག་འཆང་བའི་ཆོས་སྡེ་འདིའི། །འཕྲིན་ལས་གླིང་བཞི་ཡོངས་ལ་ཁྱབ་པར་ཤོག །
༧ རྒྱལ་དབང་བདུན་པ་སྐལ་བཟང་རྒྱ་མཚོས།
ལེགས་བཤད་ཉི་ཟླའི་སྣང་བས་འཛམ་གླིང་ཁྱོན། །ཀུན་ཏུ་རབ་ཁྱབ་བཀྲ་ཤིས་དཔལ་འབར་ཞིང་། །བཤད་སྒྲུབ་པདྨའི་དགའ་ཚལ་རབ་རྒྱས་པ། །རྟག་ཏུ་མི་ཉམས་གོང་ནས་གོང་འཕེལ་ཤོག །
༧ ཀུན་མཁྱེན་མི་ཕམ་རྒྱ་མཚོས།

― GTN003_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་ཀྱི་དགེ་བའི་བཤེས་གཉེན་ཆེན་པོ་ཞེ་ཆེན་མ་ཧཱ་པཎྜི་ཏ་འགྱུར་མེད་མཐུ་སྟོབས་རྣམ་རྒྱལ་ལ་ན་མོ།
ལྷ་རིས་པ་ཕུར་བུ་ཚེ་རིང་།

― GTN003_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཇི་སྐད་དུ། འཇམ་མགོན་མི་ཕམ་ཕྱོགས་ལས་རྣམ་རྒྱལ་གྱི་ཞལ་སྔ་ནས། ཐུན་མོང་ཐུན་མིན་གཞུང་ཀུན་རང་དབང་གིས། །མ་ནོར་བསྒྱུར་ཞུས་གཏན་ལ་ཕབ་པ་ཡིས། །གངས་ལྗོངས་སྣང་བའི་སྒོ་ཆེན་ཐོག་མར་ཕྱེས། །ཞེས་གསུངས་པ་ལྟར། མཁན་སློབ་ཆོས་རྒྱལ་སྤྲུལ་པའི་ལོ་པཎ་རྣམས་ཀྱི་སྐུ་དྲིན་ལ་བརྟེན་ནས་གངས་ལྗོངས་མུན་པའི་གླིང་དུ་ཐུབ་བསྟན་མདོ་སྔགས་ཟུང་དུ་འབྲེལ་བའི་བཀའ་སྲོལ་གྱི་སྒོ་ཆེན་ཐོག་མ་ཉིད་དུ་འབྱེད་པར་མཛད་པའི་རིང་ལུགས་དྲི་མ་མེད་པ་འདི་ཉིད་ལ་སྔ་འགྱུར་རྙིང་མ་ཞེས་ས་ཆེན་པོའི་ཁྱོན་འདིར་ཡོངས་སུ་གྲགས་པ་ཡིན་ལ། དེའི་རིང་ལུགས་འཛིན་པའི་བསྟན་འཛིན་གྱི་སྐྱེས་བུ་མཁས་གྲུབ་གཉིས་ལྡན་ནམ་མཁའི་སྐར་ཚོགས་ཀྱི་གྲངས་ལ་འགྲན་པ་བྱོན་ཅིང་། ཐོས་བསམ་སྒོམ་གསུམ་གྱིས་རྒྱལ་བསྟན་འཛིན་སྐྱོང་སྤེལ་བའི་བསྟི་གནས་ཆོས་སྡེ་གྲངས་ལས་འདས་པ་ཕྱག་བཏབ་པའི་བྱེ་བྲག སྟོད་ན་རྡོར་སྨིན་གཉིས། བར་ན་ཞེ་རྫོགས་གཉིས། སྨད་ན་ཀཿདཔལ་གཉིས་ཞེས་སྔ་འགྱུར་རྙིང་མའི་གདན་ས་ཆེན་པོ་དྲུག་ཏུ་གྲགས་པའི་ཡ་གྱལ། དཔལ་རྒྱལ་བ་ཞེ་ཆེན་བསྟན་གཉིས་དར་རྒྱས་གླིང་ཞེས་སྔ་འགྱུར་བཀའ་གཏེར་ཆོས་ཀྱི་རྒྱ་མཚོ་འཛིན་སྐྱོང་སྤེལ་གསུམ་གྱི་ཕྱག་རྗེས་ཀྱི་རེ་ཁཱ་ཆེས་ཆེར་བཀྲ་བར། ཞེ་ཆེན་རབ་འབྱམས་སྐུ་ཕྲེང་གོང་འོག་གིས་གཙོས་པའི་བསྟན་འཛིན་གྱི་སྐྱེས་བུ་མང་དུ་བྱོན་ཅིང་དེ་དག་གི་གསུང་རྩོམ་མང་དུ་བཞུགས་ཡོད་ཀྱང་། དུས་འགྱུར་གྱི་དབང་གིས་མཁས་གྲུབ་གོང་མའི་གསུང་ཕལ་ཆེ་བ་མིང་གི་ལྷག་མ་ཙམ་དུ་གྱུར་བའི་སྐབས་འདིར། ཁམས་ཞེ་ཆེན་དགོན་གྱི་མཁན་སྤྲུལ་རྣམས་ནས་རེ་སྐུལ་གནང་བ་བཞིན། རྒྱལ་བསྟན་སྤྱི་དང་བྱེ་བྲག་ལ་ལྷག་བསམ་རྣམ་པར་དཀར་བ་གཤང་ནག་དགོན་གྱི་མཁན་པོ་སྐལ་བཟང་རྡོ་རྗེ་མཆོག་ནས་བོད་ཡུལ་གྱི་ས་གནས་གང་སར་ཁ་འཐོར་ནས་བཞུགས་ཡོད་པའི་གསུང་རྣམས་སྐུ་ངལ་འཛེམས་མེད་ཀྱིས་འཚོལ་སྡུད་གནང་སྟེ་གང་རྙེད་ཡོངས་རྫོགས་ཕྱོགས་སྒྲིག་གནང་ནས། སྔ་འགྱུར་རྒྱལ་བ་ཞེ་ཆེན་པའི་དཔེ་ཚོགས་ཞེས་པའི་དེབ་ཕྲེང་པར་སྐྲུན་ཞུ་རྒྱུའི་ཁོངས། ཞེ་ཆེན་དབོན་སྤྲུལ་སྐུ་ཕྲེང་ལྔ་པ་འགྱུར་མེད་གཞན་ཕན་འོད་ཟེར་མཆོག་ནས་ཞེ་ཆེན་དབོན་སྤྲུལ་སྐུ་ཕྲེང་དང་པོ་འགྱུར་མེད་མཐུ་སྟོབས་རྣམ་རྒྱལ་གྱི་གསུང་ཇི་རྙེད་པར་སྐྲུན་ཞུ་རྒྱུར་དཔལ་འབྱོར་གྱི་མཐུན་རྐྱེན་སྦྱར་གནང་བར་ཡི་རངས་བསྔགས་བརྗོད་ཞུ་བ་དང་ཆབས་ཅིག གསུང་རབ་དེ་དག་གླེགས་བམ་གྱི་རྣམ་པ་ཙམ་དུ་མ་བཞག་པར་ནང་དོན་ཐོས་བསམ་སྒོམ་པས་འཛིན་སྐྱོང་སྤེལ་གསུམ་གནང་རྒྱུར་འབྲེལ་ཡོད་ཚང་མས་དགོངས་འཇགས་ཡོད་པར་ཞུ།
ཞེ་ཆེན་རབ་འབྱམས་བདུན་པའི་མཚན་འཛིན་འགྱུར་མེད་བཤད་སྒྲུབ་ཆོས་ཀྱི་སེང་གེས། རབ་བྱུང་བཅུ་བདུན་པའི་ ས་ཕོ་ཁྱི་ལོའི་ཟླ་༢ ཚེས་༡༠ བཟང་པོར།།

― GTN003_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

༼ར་དུམ་པ།༽
རྟོགས་བརྗོད་དཔག་བསམ་འཁྲི་ཤིང་གི་གཞུང་དོན་མདོར་བསྟན་པ་ལེགས་བཤད་དཔལ་གྱི་དུམ་བུ་དང་། མཎྜལ་བཤད་པ་འཇུག་བདེ་མཁས་དབང་ཡིད་འཕྲོག །བཀའ་འགྱུར་ཐོབ་ཡིག་ཕན་བདེའི་གཏེར་མཛོད་ཅེས་བྱ་བ་བཞུགས་སོ། །
གསང་ཆེན་སྔ་འགྱུར་པའི་ཆོས་སྡེ་ཆེན་པོ་དཔལ་རྒྱལ་བ་ཞེ་ཆེན་བསྟན་གཉིས་དར་རྒྱས་གླིང་གི་དཔེ་ཚོགས།

― GTN003_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

༧ སྔ་འགྱུར་རྒྱལ་བ་ཞེ་ཆེན་པའི་དམ་པ་རྣམས་ཀྱི་གསུང་རབ་བྱུང་བའི་དཔེ་ཚོགས།
1 རྗེ་རབ་འབྱམས་གཉིས་པ་འགྱུར་མེད་ཀུན་བཟང་རྣམ་རྒྱལ་གྱི་གསུང་ཆོས་པོད་དགུ།
2 མཁས་དབང་ཞེ་དྲུང་པདྨ་རྣམ་དག་གི་གསུང་ཆོས་པོད་གཉིས།
3 པདྨའི་ཐུགས་སྲས་རྒྱལ་ཚབ་བསྟན་འཛིན་ཆོས་རྒྱལ་གྱི་གསུང་ཆོས་པོད་གཅིག
4 མཁས་བཙུན་བཟང་པོ་བླ་མ་འཇིགས་མེད་བློ་གསལ་འོད་ཟེར་གྱི་གསུང་ཆོས།
5 ལྔ་རིག་སྨྲ་བ་གྲུབ་དབང་དབང་ཆེན་འབུམ་གྱི་གསུང་ཆོས་པོད་གཉིས།
6 གྲུབ་ཆེན་ཤེས་རབ་ཡར་འཕེལ་གྱི་གསུང་ཆོས་པོད་གསུམ།
7 མ་ཧཱ་པཎྜི་ཏ་དབོན་སྤྲུལ་འགྱུར་མེད་མཐུ་སྟོབས་རྣམ་རྒྱལ་གྱི་གསུང་ཆོས་པོད་བདུན།
8 གྲུབ་ཆེན་བླ་མ་རྟ་མགྲིན་དབང་ཆེན་གྱི་གསུང་ཆོས།
9 རྗེ་རབ་འབྱམས་བཞི་པ་གར་དབང་ཆོས་ཀྱི་རྒྱལ་མཚན་གྱི་གསུང་ཆོས།
10 མཁས་གྲུབ་གཉིས་ལྡན་ཨ་གྲོ་སྒྲ་རམས་པ་འགྱུར་མེད་རྣམ་རྒྱལ་གྱི་གསུང་ཆོས་པོད་གཅིག
11 འཇམ་མགོན་མི་ཕམ་ཕྱོགས་ལས་རྣམ་རྒྱལ་གྱི་གསུང་ཆོས་པོད་སོ་གཉིས།
12 མཁས་གྲུབ་དབང་ཕྱུག་རྒྱལ་ཚབ་འགྱུར་མེད་པདྨ་རྣམ་རྒྱལ་གྱི་གསུང་ཆོས་པོད་བཅུ་གསུམ།
13 རྗེ་རབ་འབྱམས་དྲུག་པ་སྣང་མཛད་གྲུབ་པའི་རྡོ་རྗེའི་གསུང་ཆོས།
14 འཇམ་མགོན་ཀོང་སྤྲུལ་པདྨ་དྲི་མེད་ལེགས་པའི་བློ་གྲོས་ཀྱི་གསུང་ཆོས་པོད་གཉིས།
15 གྲུབ་བརྙེས་ཀྱི་རིག་འཛིན་ཆེན་པོ་མཁས་དབང་གང་ཤར་དབང་པོའི་གསུང་ཆོས་པོད་གཅིག
16 རྟོགས་པའི་དབང་ཕྱུག་བླ་མ་པདྨ་འོད་གསལ་གྱི་གསུང་ཆོས་པོད་གཅིག
17 གྲུབ་དབང་བླ་མ་དགེ་ལེགས་འཕེལ་རྒྱས་ཀྱི་གསུང་ཆོས་པོད་གཅིག
18 འཇམ་མགོན་མཁྱེན་བརྩེ་ཐེག་མཆོག་བསྟན་པའི་རྒྱལ་མཚན་གྱི་གསུང་ཆོས་པོད་ཉེར་ལྔ།
19 རྗེ་རབ་འབྱམས་བདུན་པ་འགྱུར་མེད་ཆོས་ཀྱི་སེངྒེའི་གསུང་ཆོས།

དག་སྒྲིག་གསལ་བཤད།

― GTN003_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

ཡབ་མེས་གོང་མ་རྣམས་ཀྱི་བཀའ་དྲིན་ལས་ཕན་བདེ་འབྱུང་གནས་ཐུབ་བསྟན་མདོ་སྔགས་རིག་གནས་དང་བཅས་པའི་གཙུག་ལག་སྐར་ཚོགས་ཀྱི་གྲངས་དང་མཉམ་པ་རྣམས་སྤྱི་མཐུན་གྱི་བསོད་ནམས་ཀྱིས་མ་ཐེག་པ་དུས་འགྱུར་ནང་མི་ཉུང་བ་ཞིག་གཏོར་བརླག་སོང་ན་ཡང་། བསྟན་བ་ཡང་དར་གྱི་དུས་འདིར་སླར་ཡང་གོ་སྐབས་བཟང་པོ་དང་བསྟུན་ཕྱོགས་ཡོངས་ནས་ཉམས་པ་སླར་གསོ་ཡི་གནས་ལ་འབད་བཞིན་བའི་སྐབས་འདིར། མདོ་སྔགས་བསྟན་པ་རྒྱ་མཚོའི་འབྱུང་གནས་མ་དགོན་ཆེན་མོ་སྔ་འགྱུར་རྒྱལ་བ་ཞེ་ཆེན་པའི་བསྟན་པ་འཛིན་པའི་སྐྱེས་ཆེན་སྐྱབས་མགོན་ཉི་ཟླ་རྣམ་གཉིས། ཟླ་བྲལ་གྱི་པཎ་གྲུབ་རྣམ་གཉིས། མཚུངས་མེད་འཇམ་མགོན་རྣམ་གསུམ། རིག་འཛིན་གྲུབ་དབང་རྣམ་གསུམ། ཉེ་གནས་མཁས་དབང་རྣམ་གཉིས་སོགས་མཁས་གྲུབ་གཉིས་ལྡན་སྔོན་བྱོན་གྱི་སྐྱེས་བུ་དམ་པ་མི་ཉུང་བ་ཞིག་གི་གསུང་རབ་རྣམས། ཤེས་འཇོན་ནུས་གསུམ་ལྡན་པའི་དགོན་འདིའི་མཁན་སྤྲུལ་རྣམ་པས། ཕ་ནོར་བུས་བདག་གི་དཔེ་ལྟར་ཐུགས་ཁུར་ཆེ་བཞེས་ཐོག་དཔེ་སྐྲུན་གྱི་མཛད་པ་སྐྱོང་བཞིན་པ་ལས།
སྐབས་འདིར་ཟླ་བྲལ་གྱི་བཎ་གྲུབ་རྣམ་གཉིམ་གྱི་ཡ་གྱལ་ཏེ། གནམ་གྱིས་ས་ཁེབས་པ་ལྟ་བུའི་སློབ་ཚོགས་གསེར་རིའི་ཕྲེང་བ་ལྟ་བུ་རྣམས་ཀྱི་རིགས་དང་དཀྱིལ་འཁོར་རྒྱ་མཚོའི་ཁྱབ་བདག །མདོ་སྔགས་ཆོས་རིག་རྒྱ་མཚོའི་འབྱུང་གནས་ཞེ་ཆེན་མ་ཧཱ་པཎྜི་ཏ་དབོན་སྤྲུལ་འགྱུར་མེད་མཐུ་སྟོབས་རྣམ་རྒྱལ་དཔལ་བཟང་པོ་གང་གི་གསུང་འབུམ་ཡང་གདན་ས་འདི་ག་ནས་དབྱངས་ཡིག་པོད་གཅིག་ཙམ་ལས་གཞན་དག་དུས་འགྱུར་གྱིས་

― GTN003_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོམ་ཟིན་ན་ཡང་། རྗེ་ཉིད་ཀྱི་ཕྲིན་ལས་ལ་དུས་ལས་ཡོལ་པ་མེད་སྟབས་བལ་ཡུལ་དང་མདོ་ཁམས་དག་ནས་ཆོས་ཚན་མི་ཉུང་བ་ཞིག་ཐོར་བུའི་ཚུལ་དུ་མ་ཉམས་པ་བཞུགས་ཡོད་པ་རྣམས་མཁན་པོ་སྐལ་བཟང་རྡོ་རྗེས་དེ་དག་ཕལ་ཆེར་འཚོལ་སྡུད་མཛད་ཅིང་། གཞན་ཡང་ཕྱོགས་གང་ཐད་ནས་མ་ཕྱི་ལག་སོན་བྱུང་བ་རྣམས་ཁྱོན་བསྡོམས་པོད་ཕྲེང་བདུན་གྱི་བདག་ཉིད་ཅན་འདི་སྐྱེ་འགྲོའི་བསོད་ནམས་ཀྱི་དཔལ་དུ་སྒྲུབ་པ་པོ་ཞེ་ཆེན་དབོན་སྤྲུལ་སྐུ་ཕྲེང་ལྔ་པ་འགྱུར་མེད་གཞན་ཕན་འོད་ཟེར་མཆོག་གིས་གསུང་འབུམ་འདི་བཞེངས་བའི་ཕན་ཡོན་དང་འགན་འཁྲི་ཞིག་ཏུ་མཁྱེན་དཔྱོད་རྣམ་བར་ཡངས་བས་ལེགས་པར་གཟིགས་ནས། སྐབས་འདིའི་འཚོལ་སྡུད་ཀྱི་འགྲོ་གྲོན་ནས་བཟུང་འགྲོ་སོང་ཡོངས་དང་སྐུ་ངལ་འོ་བརྒྱལ་ཆེན་པོས་ཆོས་སྦྱིན་མི་ཟད་པའི་བསོད་ནམས་ཀྱི་རྒྱུན་སྤེལ་པའི་ཚེ། དག་སྒྲིག་བྱེད་དགོས་ཚུལ་གྱི་བཀའ་ཐེབས་པ་བཞིན་དག་སྒྲིག་ཇི་ལྟར་བགྱིས་ཚུལ་ནི། དཔེ་བསྡུར་ནན་ཏན་བྱེད་རྒྱུ་རྩ་དོན་རྒྱུན་འཁྱོངས་སུ་བྱས་ཏེ། ཐོག་མར་མཁན་སྐལ་བཟང་རྡོ་རྗེ་དང་། མཁན་ཤེས་རབ་རྡོ་རྗེ། བླ་མ་པདྨ་ནོར་བུ་གསུམ་གྱིས་དཔེ་སྡུར་འབྲུ་དེད་ལན་གསུམ། བར་དུ་དགོན་པའི་དབུ་མཛད་རྣམ་པ་སོགས་ཀྱིས་དཔེ་སྡུར་དེད་ལན་གཅིག །ཆེས་མཇུག་མཐའི་དཔེ་སྡུར་དང་བཅས་དཔེ་སྡུར་ཚར་ལྔ་གྲུབ། གཞན་ཡང་མཁན་སྐལ་བཟང་རྡོ་རྗེ་དང་མཁན་ཤེས་རབ་རྡོ་རྗེ་དཔལ་ཡུལ་མཁན་བསོད་ནམས་ཚེ་རིང་སོགས་ཀྱིས་ཞུ་དག་ཚར་གཅིག་ལྷག །རང་གིས་ཀྱང་ལན་བརྒྱད་ཙམ་ཞུས་ཁུལ་བཅས་ཁྱོན་བསྡོམས་ཚར་གྲངས་བཅུ་གསུམ་ལྷག་བསྡུར་དག་ཞུས། འདི་ལ་གང་ཅིའི་ཐད་ནས་འོལ་ཚོད་ཀྱིས་དེས་ཆོག་དང་སླ་ཆོས་སོགས་ཀྱི་དབང་དུ་མ་བཏུང་ནས། གཞན་ལ་བཀའ་འདྲི་སོགས་ཐབས་ཤེས་གང་ལེགས་འབད་ནན་གྱིས་བྱི་

― GTN003_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

དོར་གྱི་ཁུར་བླངས་ཁུལ་བྱས་ན་ཡང་། དམ་པའི་གསུང་རབ་འདི་ལ་དག་སྒྲིག་པའི་སྐྱོན་གསུམ་གང་གི་རྙོག་མའི་ཆ་མཆིས་ན་བཤགས་ཡུལ་རྣམས་ཀྱི་མདུན་སར་བཟོད་གསོལ་ཞུ་བ་དང་འབྲེལ་ཡོ་བསྲང་མཛུབ་སྟོན་གྱི་དྲན་སྐུལ་གནང་རྒྱུ་སོལ་ལ་འདེབས་པ་ལགས། བཀའ་འགྱུར་གསན་ཡིག་ལས་བླ་མའི་མཚན་དང་ས་གནས་སོགས་དང་། ཆོས་ཚན་གཞན་དག་རྣམས་སུ་ཡང་དོགས་གནས་སྣང་ཡང་དེ་གར་བཞག་པ་ལས་ཇི་བཞིན་རྔོ་མི་ཐོགས། ལྷག་ཏུ་དབུ་མེད་དབུ་ཅན་དུ་ཕབ་པའི་བརྒྱུད་རིམ་ལས་ཉེས་འགལ་ཡོད་ངེས་སྙམ་པས་གཟིགས་པ་པོ་རྣམས་ལ་ཐུགས་ཕན་གསོ་བར་དམིགས་ནས་མ་ཕྱི་དཔེ་རྙིང་དག་ཕལ་ཆེར་ཟེར་སྡེར་དུ་བླུགས་ནས་གསུང་འབུམ་མཉམ་དུ་འབུལ་ལམ་ཡང་ཞུས་ཡོད།
འདིར་གསལ་བཤད་དགོས་ངེས་དག་གཤམ་དུ་གསལ།
༡༽ དཔེར་ན་རྡོ་རྗེ་ལྟ་བུའི་ཚིག་ཅིག་མ་ཕྱི་ནང་མི་གསལ་ནས་ཡིན་མིན་ཐེ་ཚོམ་མ་ཆོད་པ་རྣམས། ཚིག་དེ་དཔེར་ན་གུག་རྟགས་འདིའི་ནང་དུ་[རྡོ་རྗེ་]འདི་ལྟར་བྱས་ནས་བཀར་ཡོད། དེས་ན་མཚོན་རྟགས་འདི་ཅན་ནི་མ་ཕྱི་ནང་མི་གསལ་ནས་ཡིག་འབྲུ་དེ་ཡིན་མིན་ལ་དཔྱད་གཞི་ཅན་ཡིན།
༢༽ གཤེ༷ར་བུ༷་གཤེ༷ར་(ཤེད་བུ་ལ་ཤེད་)སྔོན་མ་གོར་ཐིག་རྟགས་ཅན་ནི་མ་ཕྱིའི་ཡིག་ནོར་དོགས་ཅན་ཉིད་སོར་བཞག་བྱས་ཏེ། ཕྱི་མ་གུག་རྟགས་ཅན་དེ་ནོར་བཅོས་ཡིག་འབྲུ་ཡིན། སྤྱིར་ཡིག་ནོར་ངེས་ཅན་རྣམས་ནོར་བཅོས་ཐད་ཀ་བྱས་པ་ལས་དེ་རིགས་གསལ་བཤད་དང་རེ་མིག་ཏུ་གུད་དུ་བཅད་པ་ནི་དགག་བྱ་ལས་དགོས་ལ་མ་མཐོང་། བཀའ་འགྱུར་གསན་ཡིག་ལས་དཔེར་ན་བླ་མ་གཅིག་གི་མཚན་ལ། བ་རི་ལོ་ཙཱ་བ། བ་རེག་ལོ་ཙཱ་བ། བ་རི་ལོ་ཙཱ་བ་འདིས་མཚོན་གཅིག་གྱུར་མེད་པ་ལ་ལ་དེ་གར་བཞག་ཡོད།

― GTN003_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

༣༽ ( ) རྟགས་འདིའི་ནང་དུ་བླུག་པའི་ཚིག་རེ་ཟུང་ཡོད་པ་དེ་ནི་མ་ཕྱིའི་ནང་དུ་མེད། དེས་ན་དེ་དག་གཞུང་དཀྱུས་དང་མ་འདྲེས་པ་བྱས་ནས་ལོགས་སུ་གུགས་རྟགས་དེའི་ནང་དུ་བཀར་ཏེ་ཡོད། རྗེས་ཕྱོགས་སུ་རྗེ་འདིའི་གསུང་འབུམ་དང་ཡང་ན་ཚན་པ་དམིགས་བསལ་བ་དཔར་སྐྲུན་གནང་མཁན་བྱུང་ཚེ་སྐབས་འདིའི་དོན་ཚན་བརྒྱད་པོ་དང་འབྲེལ་བ་ཡོད་མེད་གཟིགས་ནས་དེ་ལུགས་ཞུ།
༤༽ སྐབས་ཀྱི་ལུང་དེའི་བར་ནས་ཆད་པ་གསོ་ཕྱིར་ལུང་ཁུངས་དངོས་ལས་དྲངས་ཏེ་ལུང་ཚིག་རེ་ཟུང་ལ་ཁ་གསབ་བྱས་ཡོད། དེ་དག་གཞུང་དཀྱུས་དང་མ་འདྲེས་པ་བྱས་ཏེ། དཔེར་ན་སྐབས་ཐོབ་དེར་(སྲིད་གསུམ་ཡེ་ནས་སངས་རྒྱས་ཞིང་།།)གུགས་རྟགས་འདི་ཅན་བྱས་ནས་བར་དུ་བཏགས་ཡོད།
༥༽ ལུང་ཁུངས་ནང་གི་ཚིག་དང་མ་ཕྱི་ནང་གི་ཚིག་གཉིས་གཅིག་མཚུངས་མིན་ས་རྣམས་དཔྱད་གཞིའི་ཆེད་དུ། དཔེར་ན་བད༷ག་{བ༵ག་}སྔོན་མ་གོར་ཐིག་རྟགས་ཅན་ནི་མ་ཕྱིའི་ནང་གི་ལུང་ཚིག་དེ་ལྟར་སོར་བཞག་ཡིན། ཕྱི་མ་གུག་རྟགས་ནང་གི་ཟླ་ཚེས་རྟགས་ཅན་དེ་ལུང་ཁུངས་ཀྱི་ཚིག་ཡིན། སྤྱིར་མ་ཕྱིའི་ལུང་དེ་ལུང་ཁུངས་དངོས་དང་གཤིབ་སྡུར་བྱས་ཏེ་ལ་ལ་ཡིག་ནོར་ཡིན་ངེས་རྣམས་བཅོས་ཏེ། དོགས་ཅན་རྣམས་དཔྱད་གཞི་རུ་གུག་རྟགས་སུ་བཀར་བ་ལས། རྣམ་པ་ཀུན་ཏུ་གཅིག་མཚུངས་འོང་ཐབས་བྱས་མེད། རྒྱུ་མཚན་ནི་གཞུང་གཅིག་ན་ཡང་དཔེ་མི་འདྲ་བ་དང་། ལུང་ཁུངས་ཀྱི་དཔེ་ཆ་རྣམས་དག་པོ་ཡིན་པའི་ངེས་པ་མེད། གཞུང་འདིར་ལུང་དྲངས་སྟངས་ཡང་མཐར་ཆགས་སུ་མ་དྲངས་ནས་བར་བར་ནས་དྲངས་ཏེ་ལུང་ཚིག་དཀྱུས་གཅིག་ཏུ་བྱས་པ་ཡང་འདུག་པས་སོ།།
༦༽ མ་ཕྱི་ནང་གཏན་ནས་མི་གསལ་བའི་ཚིག་གྲངས་ལྟར་གུག་རྟགས་འདིའི་ནང་དུ་ཚེགས་གྲངས་དེ་མཚུངས་སུ་བཞག་ཡོད། དཔེར་ན་(་་་་་)འདི་ལྟར་མ་ཕྱིའི་ནང་ནས་ཚིག་ལྔ་ཙམ་གཏན་ནམ་མ་གསལ་ན་དེ་སྙེད་ཚེགས་གྲངས་ལྔས་མཚོན་ཏེ་ཡོད།

― GTN003_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

༧༽ མ་ཕྱི་ནང་མཛད་པ་པོའི་མཆན་གྱི་ཚུལ་དུ་ཡོད་རིགས་དང་གཞན་ཡང་གང་ལྟར་མཆན་བཏགས་ཡོད་བ་རྣམས། དཔེར་ན་གུག་རྟག་འདིའི་ནང་དུ་༼གོང་དུ་གསལ། ༽འདི་ལྟར་གཞུང་དང་མ་འདྲེས་པ་བྱས་ཏེ་བཀར་ཡོད། གུག་རྟགས་འདིར་ཡོད་རིགས་མཆན་རྣམས་ཚང་མ་མཛད་པ་པོའི་ཡིན་ཚོད་མ་རེད་སྙམ། གང་ལྟང་དཔེ་རྙིང་ནང་དུ་ཇི་ལྟར་ཡོད་པ་རྣམས་དེ་ལྟར་བཀོད་ཡོད།
༨༽ དམིགས་བསལ་གཞི་གསུམ་ཟིན་བྲིས་ཀྱི་མཆན་བཏབ་པ་རྣམས་{ }རི་མོ་འདིའི་ནང་དུ་བླུགས་ཡོད། མཚམས་འདི་ནས་མ་ཕྱི་མཁོ་སྤྲོད། དཔེ་རྙིང་འཚོལ་སྡུད། ཞུ་དག་རོགས་སྐྱོར་གནང་མཁན་ཡོངས་ལ་ཐུགས་རྗེ་ཆེ་ཞུ་བ་དང་། གཞན་ཡང་ད་དུང་བཀའ་འབུམ་འདིར་འཁོད་མ་ཐུབ་པའི་ཆོས་ཚན་ཉེར་གཅིག་ལྷག་རྙེད་མ་སོང་བས། དེ་དག་སུ་ལ་ཡོད་ན་རྗེས་ཕྱོགས་སུ་དཔེ་གཡར་ཐུགས་ཁུར་གནང་རྒྱུ་ཡང་གསོལ་བ་འདེབས་པ་བཅས།
༢༠༢༠ལོ་ཟླ་༤ཚེས་༩ཉིན་གྲོངས་ཁྱེར་སྤོས་ལྡན་ནས་ཐུབ་བསྟན་འགྱུར་མེད་ཤེས་རབ་ཀྱིས།

དཀར་ཆག

― GTN003_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས་བརྗོད་དཔག་བསམ་འཁྲི་ཤིང་གི་གཞུང་དོན་མདོར་བསྟན་པ། དཀར་ཆག ༼ར་དུམ་པ།༽ རྟོགས་བརྗོད་དཔག་བསམ་འཁྲི་ཤིང་གི་གཞུང་དོན་མདོར་བསྟན་པ་ལེགས་བཤད་དཔལ་གྱི་དུམ་བུ། ཡལ་འདབ་དང་པོ་རྒྱལ་པོ་རབ་གསལ་འོད་ལྡན་དུ་གྲགས་པ། 5) ཡལ་འདབ་གཉིས་པ་རྒྱལ་པོ་དཔལ་གྱི་སྡེར་སྐྱེ་བ་བཞེས་པ། (6) ཡལ་འདབ་གསུམ་པ་གཙུག་ན་ནོར་བུར་སྐྱེ་བ་བཞེས་པ། (7) ཡལ་འདབ་བཞི་པ་རྒྱལ་པོ་ང་ལས་ནུའམ་སྤྱི་བོ་སྐྱེས་སུ་སྐྱེ་བ་བཞེས་པ། (8) ཡལ་འདབ་ལྔ་པ་རྒྱལ་པོ་ཟླ་འོད་དུ་སྐྱེ་བ་བཞེས་པ། (8) ཡལ་འདབ་དྲུག་པ་བ་ད་རའི་གླིང་བསྒྲོད་པ། 9) ཡལ་འདབ་བདུན་པ་བུ་མོ་མུ་ཏིག་འཁྲི་ཤིང་། (9) ཡལ་འདབ་བརྒྱད་པ་ཁྱིམ་བདག་དཔལ་སྦས། (10) ཡལ་འདབ་དགུ་པ་ཁྱིམ་བདག་མེ་སྐྱེས། (11) ཡལ་འདབ་བཅུ་པ་མངལ་འབྱུང་། (12) ཡལ་འདབ་བཅུ་གཅིག་པ་སྟོན་པའི་གཅུང་དགའ་བོ་ནི། (13)

― GTN003_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

ཡལ་འདབ་བཅུ་གཉིས་པ་འཕགས་སྐྱེས་པོས་ཤཱཀྱ་རྣམས་བསད་པ། (14) ཡལ་འདབ་བཅུ་གསུམ་པ་འཕྲོག་མ། (15) ཡལ་འདབ་བཅུ་བཞི་པ་ཆོ་འཕྲུལ་ཆེ་བ་ནི། (16) ཡལ་འདབ་བཅོ་ལྔ་པ་ལྷ་ལས་བབས་པའི་ཆོ་འཕྲུལ་ཆུང་བ། (17) ཡལ་འདབ་བཅུ་དྲུག་པ་བྲག་ངེས་པར་འཕངས་པ། (19) ཡལ་འདབ་བཅུ་བདུན་པ་བྱམས་པ་ལུང་བསྟན་པ། (20) ཡལ་འདབ་བཅོ་བརྒྱད་པ་རྒྱལ་པོ་མེ་ལོང་གདོང་དུ་སྐྱེ་བ་བཞེས་པ། (20) ཡལ་འདབ་བཅུ་དགུ་པ་ཤཱ་རིའི་བུའི་སྔོན་རབས། (22) ཡལ་འདབ་ཉི་ཤུ་པ་གྲོ་བཞིན་སྐྱེས་རྣ་བ་བྱེ་བ་རི། (23) ཡལ་འདབ་ཉེར་གཅིག་པ་ཨ་མྲ་སྐྱོང་མ། (24) ཡལ་འདབ་ཉེར་གཉིས་པ་མགོན་མེད་ཟས་སྦྱིན། 25) ཡལ་འདབ་ཉེར་གསུམ་པ་ཡབ་སྲས་མཇལ་བ། (27) ཡལ་འདབ་ཉེར་བཞི་པ་རྒྱལ་པོ་ཐམས་ཅད་སྒྲོལ་དུ་སྐྱེ་བ་བཞེས་པ། (28) ཡལ་འདབ་ཉེར་ལྔ་པ་མངོན་པར་འབྱུང་བ། (29) ཡལ་འདབ་ཉེར་དྲུག་པ་བདུད་བཏུལ་བ། (29) ཡལ་འདབ་ཉེར་བདུན་པ་ཤཱཀྱ་རྣམས་ཀྱི་བྱུང་བ། 31) ཡལ་འདབ་ཉེར་བརྒྱད་པ་གྲོ་བཞིན་སྐྱེས་བྱེ་བ་ཉི་ཤུ་པ། (32) ཡལ་འདབ་ཉེར་དགུ་པ་གླང་པོ་ནོར་སྐྱོང་བཏུལ་བ། (33)

― GTN003_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

ཡལ་འདབ་སུམ་ཅུ་པ་ཀཱ་ཤི་མཛེས་དགར་སྐྱེ་བ་བཞེས་པ། (34) ཡལ་འདབ་སོ་གཅིག་པ་གསེར་མདོག་གི་སྐྱེས་རབས། 35) ཡལ་འདབ་སོ་གཉིས་པ་རྒྱལ་བུ་དགེ་དོན་ཏུ་སྐྱེ་བ་བཞེས་པ། (36) ཡལ་འདབ་སོ་གསུམ་པ་ཁྱད་པར་ལོ་མར་སྐྱེ་བ་བཞེས་པ། (36) ཡལ་འདབ་སོ་བཞི་པ་ཀླུ་དགའ་བོ་དང་ཉེར་དགའ་བཏུལ་བ། 37) ཡལ་འདབ་སོ་ལྔ་པ་ལེགས་བྱིན། (38) ཡལ་འདབ་སོ་དྲུག་པ་གདངས་ཅན་གྱི་ཀུན་དགའ་ར་བ། (39) ཡལ་འདབ་སོ་བདུན་པ་གང་པོ། (40) ཡལ་འདབ་སོ་བརྒྱད་པ་ལྐུགས་འཕྱེར་སྐྱེ་བ་བཞེས་པ། 42) ཡལ་འདབ་སོ་དགུ་པ་བཟོད་པ་ལ་དགའ་བར་སྐྱེ་བར་བཞེས་པ། (43) ཡལ་འདབ་བཞི་བཅུ་པ་ཉ་ཆེན་སེར་སྐྱ་ནི། 43) ཡལ་འདབ་ཞེ་གཅིག་པ་རྒྱལ་པོ་ཨུ་ཌཱ་ཡ་ན། (44) ཡལ་འདབ་ཞེ་གཉིས་པ་ཁྱིམ་བདག་མཁས་པ། (46) ཡལ་འདབ་ཞེ་གསུམ་པ་རྒྱལ་པོ་གསེར་མདོག་ཏུ་སྐྱེ་བ་བཞེས་པ། (47) ཡལ་འདབ་ཞེ་བཞི་པ་གསེར་གྱི་ལག་པ། (47) ཡལ་འདབ་ཞེ་ལྔ་པ་རྒྱལ་པོ་མ་སྐྱེས་དགྲ། (48) ཡལ་འདབ་ཞེ་དྲུག་པ་རྒྱལ་བུ་བྱས་ཤེས་སུ་སྐྱེ་བ་བཞེས་པ། (48) ཡལ་འདབ་ཞེ་བདུན་པ་སཱ་ལའི་སྡོང་བུ། (49)

― GTN003_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

ཡལ་འདབ་ཞེ་བརྒྱད་པ་རྒྱལ་བུ་དོན་ཀུན་གྲུབ་པར་སྐྱེ་བ་བཞེས་པ། (50) ཡལ་འདབ་ཞེ་དགུ་པ་གླང་པོ་ཅན། (51) ཡལ་འདབ་ལྔ་བཅུ་པ་ལས་བཅུ་པ་ལུང་བསྟན་པ། (52) ཡལ་འདབ་ང་གཅིག་པ་རྒྱལ་པོ་གསེར་ལྡན་དུ་སྐྱེ་བ་བཞེས་པ། (54) ཡལ་འདབ་ང་གཉིས་པ་རྒྱལ་པོ་བསོད་ནམས་མི་དམན་པར་སྐྱེ་བ་བཞེས་པ། (54) ཡལ་འདབ་ང་གསུམ་པ་རྒྱལ་པོ་ལེགས་བཤད་འཚོལ་དུ་སྐྱེ་བ་བཞེས་པ། (55) ཡལ་འདབ་ང་བཞི་པ་རྒྱལ་པོ་སེམས་ཅན་སྨན་དུ་སྐྱེ་བ་བཞེས་པ། (56) ཡལ་འདབ་ང་ལྔ་པ་རྒྱལ་པོ་ཐམས་ཅད་སྟེར་དུ་སྐྱེ་བ་བཞེས་པ། (56) ཡལ་འདབ་ང་དྲུག་པ་ཀླུ་བ་ལང་སྐྱོང་བཏུལ་བ། (57) ཡལ་འདབ་ང་བདུན་པ་མཆོད་རྟེན། (58) ཡལ་འདབ་ང་བརྒྱད་པ་རྒྱལ་པོ་བསོད་ནམས་སྟོབས་སུ་སྐྱེ་བ་བཞེས་པ། (58) ཡལ་འདབ་ང་དགུ་པ་རྒྱལ་བུ་ཀུ་ན་ལ། (59) ཡལ་འདབ་དྲུག་ཅུ་པ་ཀླུ་གཞོན་ནུ། (60) ཡལ་འདབ་རེ་གཅིག་པ་ཞིང་པ་དབུལ་པོ། (60) ཡལ་འདབ་རེ་གཉིས་པ་ཁྱིམ་བདག་གྲགས་སྦྱིན། (61) ཡལ་འདབ་རེ་གསུམ་པ་འོད་སྲུང་ཆེན་པོ། 62) ཡལ་འདབ་རེ་བཞི་པ་རྒྱལ་བུ་ནོར་བཟང་དུ་སྐྱེ་བ་བཞེས་པ། (62) ཡལ་འདབ་རེ་ལྔ་པ་རྭ་ཅན་དུ་སྐྱེ་བ་བཞེས་པ། (64)

― GTN003_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

ཡལ་འདབ་རེ་དྲུག་པ་སྙན་ངག་མཁན་དུ་སྐྱེ་བ་བཞེས་པ། (65) ཡལ་འདབ་རེ་བདུན་པ་དགེ་འདུན་སྲུང་ན། (66) ཡལ་འདབ་རེ་བརྒྱད་པ་པདྨ་ཅན། (68) ཡལ་འདབ་རེ་དགུ་པ་རབ་གནས་མཛད་པ། (69) ཡལ་འདབ་བདུན་ཅུ་པ་འཕགས་པ་ཉི་མ་གུང་པ། 70) ཡལ་འདབ་དོན་གཅིག་པ་འཕགས་པ་ཤ་ནའི་གོས་ཅན། (70) ཡལ་འདབ་དོན་གཉིས་པ་འཕགས་པ་ཉེར་སྦས། (71) ཡལ་འདབ་དོན་གསུམ་པ་མྱ་ངན་མེད་ཀྱིས་ཀླུ་ལ་སྤྲིངས་ཡིག་བསྐུར་བ། (72) ཡལ་འདབ་དོན་བཞི་པ་རྒྱལ་པོ་དེས་དགེ་འདུན་ལ་ས་གཞི་ཕུལ་བ། (72) ཡལ་འདབ་དོན་ལྔ་པ་རྟེན་འབྲེལ། (73) ཡལ་འདབ་དོན་དྲུག་པ་རྒྱལ་པོ་བི་དུ་ར། (74) ཡལ་འདབ་དོན་བདུན་པ་དྲང་སྲོང་ཀཻ་ནེ་ཡ་ཀ་བཏུལ་བ། (74) ཡལ་འདབ་དོན་བརྒྱད་པ་བརྒྱ་བྱིན་ལ་འཆི་འཕོའི་ལྟས་བྱུང་བ། (75) ཡལ་འདབ་དོན་དགུ་པ་རྒྱལ་པོ་དབང་ཆེན་སྡེར་སྐྱེ་བ་བཞེས་པ། (76) ཡལ་འདབ་བརྒྱད་ཅུ་པ་ཀུན་ཏུ་རྒྱུ་རབ་བཟང་བཏུལ་བ། (77) ཡལ་འདབ་གྱ་གཅིག་པ་སངས་རྒྱས་རྒྱུ་མཆོག (78) ཡལ་འདབ་གྱ་གཉིས་པ་དམྱལ་བ་སྔོན་ལྡན། (78) ཡལ་འདབ་གྱ་གསུམ་པ་སྲས་སྒྲ་གཅན་འཛིན། (79)

― GTN003_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

ཡལ་འདབ་གྱ་བཞི་པ་སྦྲང་རྩིའི་དབྱངས། (80) ཡལ་འདབ་གྱ་ལྔ་པ་ཤི་བི་རྒྱལ་པོར་སྐྱེ་བ་བཞེས་པ། (81) ཡལ་འདབ་གྱ་དྲུག་པ་བ་མེན་དུ་སྐྱེ་བ་བཞེས་པ། 82) ཡལ་འདབ་གྱ་བདུན་པ་པདྨོ་ཅན། (83) ཡལ་འདབ་གྱ་བརྒྱད་པ་ནག་པ་གླང་ཆེན་སྟན། (84) ཡལ་འདབ་གྱ་དགུ་པ་ཆོས་སྲེད། (85) ཡལ་འདབ་དགུ་བཅུ་པ་ཁྱིམ་བདག་ནོར་ཅན། (87) ཡལ་འདབ་གོ་གཅིག་པ་རྒྱལ་པོ་ཤི་བིར་སྐྱེ་བ་བཞེས་པ། (88) ཡལ་འདབ་གོ་གཉིས་པ་མཛའ་བོའི་བུ་མོར་སྐྱེ་བ་བཞེས་པ། (88) ཡལ་འདབ་གོ་གསུམ་པ་མ་གཱ་དྷ་བཟང་མོ། (89) ཡལ་འདབ་གོ་བཞི་པ་གྲགས་པའི་བཤེས་གཉེན། (90) ཡལ་འདབ་གོ་ལྔ་པ་སྟག་མོར་ལུས་སྦྱིན་གནང་བ། (91) ཡལ་འདབ་གོ་དྲུག་པ་གླང་ཆེན་དུ་སྐྱེ་བ་བཞེས་པ། (92) ཡལ་འདབ་གོ་བདུན་པ་རུས་སྦལ་དུ་སྐྱེ་བ་བཞེས་པ། (92) ཡལ་འདབ་གོ་བརྒྱད་པ་དྲང་སྲོང་མངོན་ཤེས་ལྔ་ལྡན་དུ་སྐྱེ་བ་བཞེས་པ། (93) ཡལ་འདབ་གོ་དགུ་པ་རྒྱལ་པོ་པདྨ་ཅན་དུ་སྐྱེ་བ་བཞེས་པ། (94) ཡལ་འདབ་བརྒྱ་ཐམ་པ་བསོད་ནམས་རབ་གསལ་དུ་སྐྱེ་བ་བཞེས་པ། (94) ཡལ་འདབ་བརྒྱ་དང་གཅིག་པ་བྲམ་ཟེ་སྔོ་སངས་དུ་སྐྱེ་བ་བཞེས་པ། (95)

― GTN003_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

ཡལ་འདབ་བརྒྱ་དང་དྲུག་པ་རྒྱལ་པོ་གསེར་གྱི་གོ་ཆར་སྐྱེ་བ་བཞེས་པ། (95) ཡལ་འདབ་བརྒྱ་དང་བདུན་པ་ཁྱིམ་བདག་ཟས་གཙང་མར་སྐྱེ་བ་བཞེས་པ། (96) ཡལ་འདབ་བརྒྱ་དང་བརྒྱད་པ་སྤྲིན་གྱི་ཞོན་པར་སྐྱེ་བ་བཞེས་པ། (97) སྐབས་ཀྱིས་འཕྲོས་དོན་འགའ་ཞིག་བརྗོད་པར་བྱ་སྟེ། (98) མཎྜལ་བཤད་པ་འཇུག་བདེ་མཁས་དབང་ཡིད་འཕྲོག མཆོད་བརྗོད། (105) སྟོན་པ་སྐུ་གསུམ་དང་སྦྱར་ནས་ཕུན་སུམ་ཚོགས་པ་ལྔ་སོགས། (107) སྟོན་པ་ཕུན་སུམ་ཚོགས་པ། (112) གནས་ཕུན་སུམ་ཚོགས་པ། (114) བསྟན་པ་ཕུན་སུམ་ཚོགས་པ། (117) འཁོར་ཕུན་སུམ་ཚོགས་པ། (121) དུས་ཕུན་སུམ་ཚོགས་པ། (122) མཎྜལ་གྱི་རྣམ་པར་བཞག་པ་ཅུང་ཟད་ཅིག་བརྗོད་པ། (124)མཎྜལ་གྱི་ངོ་བོ། (125) མཎྜལ་ཞེས་ངེས་ཚིག་སྒྲ་བཤད་ཀྱི་རྣམ་བཞག་ཕྱི་ལྟར་དུ་བཞག་པ། (127) ནང་ལྟར་དུ་བཞག་པ། (127)

― GTN003_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་བ་ལྟར་དུ་བཞག་པ། (128) མཎྜལ་གྱི་དབྱེ་བ། (130) ཐུན་མོང་ནང་གི་མཎྜལ། (131) ཚོམ་བུ་སོ་བདུན་མ་འདི་ཉིད་ཕྱག་བཞེས་སུ་མཛད་པ་ལྟར། (133) སྔགས་ཀྱི་སྒྲ་དོན། (135) མཎྜལ་གྱི་དབུས་སུ་ཚོམ་བུ་ཆེ་བ། (144) ༜དབུས་ཀྱི་ཚོམ་བུའི་ལྷོར་ཚོམ་བུ། (151) ༜དབུས་ཀྱི་ཚོམ་བུའི་ནུབ་ཏུ་ཚོམ་བུ། (157) ༜ཤར་གླིང་གི་རིན་པོ་ཆེའི་རི་བོའི་མདུན་དུ་ཚོམ་བུ། (165) ༜བྱང་གླིང་གི་མ་རྨོས་པའི་ལོ་ཏོག་གི་མདུན་དུ་ཚོམ་བུ། (172) དེ་ཡང་ཉེ་བའི་རིན་ཆེན་བདུན། (179) དེ་ཡང་དབྱངས་བདུན། (189) ༜ཟླ་བའི་དཀྱིལ་འཁོར་ཚོམ་བུ། (194) ༜ཕྱོགས་ལས་རྣམ་པར་རྒྱལ་བའི་རྒྱལ་མཚན་ཚོམ་བུ། (209) འདིར་སྨྲས་པ། (219)

― GTN003_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་འགྱུར་ཐོབ་ཡིག་ཕན་བདེའི་གཏེར་མཛོད། མཆོད་བརྗོད། (227) དེ་ལ་སྐབས་འདིར་གླེང་བར་བྱ་བ་ནི། (231) རྒྱུ་མཚན་ཉིད་ཐེག་པའི་སྐོར། ལོ་རྒྱུས་མདོར་བསྟན། (236) བཀའ་དང་པོ་བདེན་བཞིའི་ཆོས་འཁོར་ལས་འདུལ་ལུང་སྡེ་བཞི། (249) འཁོར་ལོ་བར་པའི་ཆོས་འཁོར་ལས་བྱུང་བ་ཤེས་རབ་ཀྱི་ཕ་རོལ་ཏུ་ཕྱིན་པ། (256) འཁོར་ལོ་ཐ་མའི་ཆོས་འཁོར་ལས་བྱུང་བའི་མདོ་སྡེ། (263) ཡང་རྒྱ་ནག་ནས་འགྱུར་བའི་ལུགས་ཀྱི་བརྒྱུད་པ། 266) ཚལ་པ་བཀའ་འགྱུར་གྱི་སྒྲིགས་རིམ་དངོས་ལྟར་འགོད་པ། (271) གསང་སྔགས་རྡོ་རྗེ་ཐེག་པའི་སྐོར། རྣལ་འབྱོར་བླ་མེད་རྒྱུད་ལ་ཟུང་འཇུག་གཙོར་སྟོན་གཉིས་མེད་རྒྱུད། (294) རྣལ་འབྱོར་གྱི་རྒྱུད་ཐབས་གཙོ་བོར་སྟོན་པའི་རྒྱུད། (310) ཤེས་རབ་གཙོ་བོར་སྟོན་པའི་རྒྱུད། (313) སྤྱོད་པའི་རྒྱུད་ལ་རིགས་གསུམ་ལས། (314) བྱ་བའི་རྒྱུད་ལ། (315) བྱ་བ་སྤྱི་རྒྱུད་ལ། (339) མཇུག་རྩོམ། (342)

རྟོགས་བརྗོད་དཔག་བསམ་འཁྲི་ཤིང་གི་གཞུང་དོན་མདོར་བསྟན་པ་ལེགས་བཤད་དཔལ་གྱི་དུམ་བུ།

― GTN003_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོགས་བརྗོད་དཔག་བསམ་འཁྲི་ཤིང་གི་གཞུང་དོན་མདོར་བསྟན་པ་ལེགས་བཤད་དཔལ་གྱི་དུམ་བུ་ཞེས་པ་བཞུགས་སོ། ། ཨོཾ་བདེ་ལེགས་སུ་གྲུབ་པར་གྱུར་ཅིག་སངས་རྒྱས་ལ་ཕྱག་འཚལ་ལོ། ། གྲངས་མེད་བཅུ་ཕྲག་གསུམ་དང་ལྔ་ཡིས་ལྷག་པར་བྱ་དཀའི་སྤྱོད་པས་དུས་འདའ་ཡང་། །སྐད་ཅིག་ལྷོད་པས་མ་རེག་ཐུགས་བསྐྱེད་གོ་ཆ་བཞེས་པ་ཉིད་ནས་འབྲས་བུའི་བར། །ཕར་ཕྱིན་བཅུ་ཡི་ལམ་ལ་དགྱེས་པར་མཛད་དེ་ཚོགས་གསུམ་བྲེ་ཁ་ཕྱུར་བུར་བཀང་། །ཐམས་ཅད་མཁྱེན་པའི་གཟུགས་སྐུ་དོན་ཀུན་གྲུབ་པར་བསྟན་དེར་གུས་པས་ཕྱག་འཚལ་ལོ། །

― GTN003_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་ན་བདེ་གཤེགས་མཆོག་དེའི་ཡོན་ཏན་ཟབ་བརླིང་གཏིང་དཔོག་དཀའ་བའི་ལམ་གསུམ་འབབ། །རྣམ་དཔྱོད་བློ་གྲོས་ཀྱིས་བཏུང་རྟོགས་བརྗོད་ཡན་ལག་བརྒྱད་ལྡན་ཆུ་བོའི་རྒྱུན་འབེབས་པ། །འགྲོ་ཁམས་ཉོན་མོངས་དྲི་མ་བཀྲུ་བའི་དག་བྱེད་མཆོག་ཏུ་སྦྱིན་མཁན་སར་གནས་ཀྱི། །བྱང་སེམས་ཛཧྦུ་ཁྱིམ་པའི་ཚུལ་འཛིན་ས་བདག་དགེ་དབང་རྒྱལ་གྱུར་ཅིག ། ཁྱད་ཆོས་བཞི་ཡི་རིན་ཆེན་ཕྲ་ཚོམ་དང་། །རྒྱན་གསུམ་མུ་ཏིག་ཕྲེང་བ་ལྷན་ཅིག་མཛེས། །ཕྱིན་དྲུག་ལང་ཚོའི་མེ་ཏོག་འབྲས་བུ་དང་། །ཁྱོད་གསུང་ནོར་འཛིན་བུ་མོའི་ཐ་གྲུ་མཉམ། ། ཚུལ་མིན་བྱེད་དང་མཛའ་བ་མིན་པའི་ཡིད། །བདེ་གཤེགས་གསང་གསུམ་རྟོགས་པའི་ཤེས་རབ་ཀྱིས། །རྟག་ཏུ་བྲེལ་བས་ཡང་དག་རིགས་པ་བཞིན། །དབང་དུ་བྱེད་མཐོང་བདག་ཀྱང་ཁྱོད་རྗེས་སྤྲོ། །

― GTN003_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

ཅི་འདོད་ཆར་ལྟར་འཇོ་བ་དཔག་བསམ་བཟང་། །འཁྲི་ཤིང་དབང་རབ་རྣམ་པད་ཚོགས་ལ་སྟེ། །རྗེས་མཚུངས་བརྗོད་བྱའི་དྲི་བསུང་རབ་མངར་བ། །ཤྲཱི་ཁཎྜ་འདི་འབྲིང་པོའི་བློ་ལྡན་སྤྱོད། ། གཞུང་མང་ཐོས་བསམ་བྱ་བར་མི་ནུས་རྣམས། །ཅུང་ཟད་བལྟས་པས་རྒྱལ་བའི་མངོན་པར་རྟོགས། ཕྱོགས་མཐུན་ཡིད་ལ་བྲིས་པའི་བསོད་ནམས་ཆེ། །ཐོབ་ཕྱིར་འཁྲི་ཤིང་གཞུང་དོན་མདོར་བསྟན་བྱ། ། དེ་ལྟར་ཤིས་པར་བརྗོད་པ་སོང་ནས་གླེང་བར་བྱ་བ་དངོས་ནི་རྒྱལ་པོ་དགེ་དབང་གིས་དེ་བཞིན་གཤེགས་པའི་རྟོགས་བརྗོད་སྙན་ངག་དཔག་བསམ་འཁྲི་ཤིང་མཛད་པར། སྲས་ཟླ་བའི་དབང་པོས་ཡལ་འདབ་གཅིག་གིས་ཁ་བསྐངས་པས་བརྒྱ་དང་བརྒྱད་འབྱུང་བའི་གཞུང་དོན་མདོ་ཙམ་འཆད་པར་ཏེ། སྤྱིར་སངས་རྒྱས་ཐོབ་པའི་རྒྱུ་ལ་མཐའ་ཡས་མུ་མེད་པ་ཞིག་ཡོད་ཀྱང་ཐམས་ཅད་ཀྱི་གནད་བསྡུས་པ་ཚང་ལ་མ་ནོར་བ་ནི་ཕ་རོལ་ཏུ་ཕྱིན་པ་དྲུག་གི་ལམ་ལ་ཚུལ་བཞིན་དུ་བསླབས་པས་དོན་གཉིས་འགྲུབ་པར་བཤད། ཐོབ་བྱ་སངས་རྒྱས་ཀྱི་གོ་འཕང་ནི་གཟུགས་སྐུ་དང་ཆོས་སྐུ་གཉིས་ཚོགས་པ་ཡིན། སྔ་མ་ནི་བྱང་ཆུབ་ཀྱི་སེམས་རིན་པོ་ཆེས་འཕངས་པའི་རྒྱལ་སྲས་ཀྱི་ཚུལ་ཁྲིམས་རྣམ་པ་གསུམ་གྱིས་གཙོ་

― GTN003_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

བོར་བསྒྲུབ། མཚན་དེས་སོགས་བཟོད་པས་བསྐྲུན། དེ་ཉིད་གནས་པའི་ཞིང་དང་འབྱོར་པ་སོགས་སྦྱིན་པས་གྲུབ། འཁོར་དང་སྐུ་ཚེ་རྟུལ་བ་བརྟན་པོས་ཕ་རོལ་གནོན་པ་སོགས་བརྩོན་འགྲུས་ཀྱིས་བྱུང་། སྐུ་དེ་རྣམ་པ་ཀུན་ཏུ་དག་ཅིང་ཆོས་སྐུའི་རང་བཞིན་དུ་གྱུར་པ་ནི་བསམ་གཏན་དང་ཤེས་རབ་ཀྱིས་མཐུས་སོ། །ཕྱི་མ་ནི་སེམས་བསྐྱེད་ཀྱིས་འཁྲུངས་པའི་བསམ་གཏན་དང་ཤེས་རབ་ཀྱིས་གཙོ་བོར་སྒྲུབ་ལ། དེ་ཐོབ་པའི་གེགས་གཉིས་སྣང་འཁྲུལ་པའི་དྲི་མ་སྦྱངས་པ་དང་། ཐོབ་ནས་ཇི་སྲིད་བར་སེམས་ཅན་གྱི་དོན་ཁོ་ནར་འགྱུར་བ་ནི་སྦྱིན་སོགས་ཐབས་ལ་མཁས་པས་གྲུབ་པ་ཡིན་པས། རྒྱལ་བ་མཆོག་གི་སྔོན་གྱི་སྐྱེས་རབས་སློབ་དཔོན་དཔའ་བོའི་སོ་བཞི་པ། སློབ་དཔོན་སེངྒེ་ཞབས་འབྲིང་པའི་སོ་ལྔ་པ། མཁས་པ་ཙཎྜ་གོ་མའི་འཇིག་རྟེན་ཀུན་ཏུ་དགའ་བའི་ཟློས་གར། དཔལ་དགའ་བའི་ལྷའི་ཀླུ་ཀུན་ཏུ་དགའ་བའི་ཟློས་གར། ཆོས་རྒྱལ་དགེ་དབང་ཡབ་སྲས་ཀྱི་རྟོགས་བརྗོད་འདི་སོགས་འཕགས་ཡུལ་དུ་བྱོན་ཅིང་བོད་འདིར་ཡང་འགྱུར་བ་ཡིན་ལ། ཕྱིས་དུས་འཁྲུངས་རབས་སོ་བཞི་པར་རྗེ་རྒྱལ་བའི་དབང་པོ་ཀརྨ་པ་རང་བྱུང་རྡོ་རྗེས་སྔོན་བྱུང་དྲུག་ཅུ་རེ་དྲུག་དང་། ད་ལྟའི་མཛད་པ་བཅུ་གཉིས་བརྗོད་པས། རེ་བདུན་གྱིས་ཁ་བསྐངས་པས་མཛད་བརྒྱར་གྲགས་པ་ཁུངས་ཐུབ་རྣམས་ཀྱང་ཕར་ཕྱིན་དྲུག་གི་ལམ་རྫོགས་པར་སྟོན་པ་ཤ་སྟག་ཡིན་ལ། སྐྱེ་སྲིད་བཟུང་བ་དེ་རྣམས་ཀྱང་ལས་ཉོན་གྱི་དབང་གིས་མ་ཡིན་པར་སྙིང་རྗེ་དང་སྨོན་ལམ་གྱི་དབང་གིས་དོན་དུ་བསམ་བཞིན་སྐྱེ་བ་བཟུང་བ་སྟེ། མཛད་པ་དེ་རྣམས་ཀྱང་ལམ་ལ་མ་ཞུགས་
པའི་སྐབས་སུ་གཞི་ལ་ཡོད་པའི་རིགས་སད་པའི་ཆེད་དུ་དགེ་རྩ་བསྐྲུན་པ་དང་། སེམས་བསྐྱེད་ནས་ཐར་པ་ཆ་མཐུན་གྱི་དགེ་རྩ་བསོག་པའི་སྐབས་དང་ཚོགས་ལམ་གསུམ་སྦྱོར་ལམ་ངེས་འབྱེད་བཞི། མཐོང་ལམ་སྣེ་ཟིན་པ་ཐོབ་ནས་ས་བཅུའི་སྐབས་རྣམས་ལམ་གྱི་མཛད་པ་དང་སངས་རྒྱས་ནས་འབྲས་བུའི་མཛད་པར་འཇོག་ལ་སོ་སོར་ངོས་འཛིན་སྦྱོར་བ་དཀའ་ཡང་། འཁྲུངས་རབས་སོ་བཞི་ནས་བསྟན་པ་རྣམས་ཐོབ་ནས་ཡིན་ཞེས་དགེ་ཕྱོགས་ཀྱི་སྐྱེས་རབས་ཟབ་བཤད་མཛད་པ་རྣམས་གསུངས་སོ། །འཁྲི་ཤིང་འདིར་ཡང་འཁྲུངས་རབས་བརྒྱ་རྩ་ནས་གསུངས་པ་དང་། དེར་མ་བསྟན་པ་ཡང་དུ་མ་འབྱུང་ཞིང་། བསྐལ་བཟང་འདིར་མངོན་པར་རྗོགས་པར་སངས་རྒྱས་ནས་འདུལ་བ་བཞིའི་སྐོར་ནས་ཀྱང་སྣང་བ་བསྟུན་ཏེ་བརྗོད་ན། སེམས་བསྐྱེད་ལ་ཡལ་འདབ་བཞི། སྦྱིན་པ་ལ་ཉི་ཤུ། ཚུལ་ཁྲིམས་ལ་གསུམ། བཟོད་པ་ལ་ལྔ། བརྩོན་འགྲུས་ལ་གསུམ། བསམ་གཏན་ལ་ལྔ། ཤེས་རབ་ལ་བདུན་རྣམས་ལམ་གྱི་གནས་སྐབས་དང་། སངས་རྒྱས་ཟིན་པའི་རེ་གསུམ་རྣམས་འབྲས་བུའི་སྐབས་ཏེ། དེས་རྟོགས་བརྗོད་བརྒྱ་དང་བརྒྱད་རྫོགས་པ་ཡིན་ནོ། །

ཡལ་འདབ་དང་པོ་ནས་བཅུ་བར།

― GTN003_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་དང་པོ་རྒྱལ་པོ་རབ་གསལ་ཡུལ་གྱི་མིང་ལས་འོད་ལྡན་དུ་གྲགས་པ་མཛད་བརྒྱའི་སྐབས་དོན་གཅིག་ཏུ་འབྱུང་བ་ནི། གྲོང་ཁྱེར་འོད་ལྡན་དུ་རབ་གསལ་དུ་སྐྱེ་བ་བཞེས། གླང་རྫི་ཀུན་ཏུ་བགྲོད་ལ།

― GTN003_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

གླང་པོ་མཆོག་འདུལ་སྦྱོང་ལེགས་པར་བཅུག་ནས། རྒྱལ་པོ་དང་གླང་རྫིས་ཞོན་ནས་ནགས་སུ་རི་དྭགས་གཤོར་དུ་སོང་། དེར་གླང་མོའི་དྲི་ཚོར་བས་གླང་ཆེན་འདོད་པས་མྱོས་ཏེ་རྒྱུག་པ་ན། རྒྱལ་པོས་གླང་རྫིར་ཁྱོད་ལ་བསྒོ་བཞིན་མ་བྱས་པར་སྤྱོས་པ་སེམས་ཀྱི་མཐུས་འདི་ལུས་དུལ་ཡང་སེམས་མ་དུལ་བས་ལན་པར་སྨྲས་པས། སེམས་དུལ་བ་སངས་རྒྱས་ཡིན་པ་བདག་གིས་ཤེས་ཏེ་ཐོག་མར་སེམས་བསྐྱེད་པ་ཡིན། འབྲས་བུའི་གཏམ་མོ། ། ༡ ༈ ཡལ་འདབ་གཉིས་པ་རྒྱལ་པོ་དཔལ་གྱི་སྡེར་སྐྱེ་བ་བཞེས་པ་ནི། མཛད་བརྒྱའི་སྐབས་བརྒྱད་ཅུ་པར་འབྱུང་བ་སྟེ། གྲོང་ཁྱེར་ཨ་རིའམ་བཀྲ་ཤིས་པར་རྒྱལ་པོ་འདི་ལ་བཙུན་མོ་རྒྱལ་བའི་འོད་དང་། བློན་པོ་བློ་གྲོས་ཆེན་པོ་ཡོད། རྒྱལ་སྲིད་ཆོས་བཞིན་སྐྱོང་། དྲང་སྲོང་ལྔ་བརྒྱས་བཙུན་མོ་རྒྱལ་འོད་སློང་བ་བྱིན་ཞིང་། བརྒྱ་བྱིན་བྲམ་ཟེ་རྒན་པོ་ལུས་སྨད་སྟག་གིས་ཟོས་པར་སྤྲུལ་ཏེ་རྒྱལ་པོའི་སྐུ་སྨད་སློང་བར་སོག་ལེ་རྣོན་པོས་བཅད་དེ་བྱིན་པ། སེམས་ལ་ཉམས་ང་མེད་པའི་བདེན་པ་བརྗོད་པས་སྐུ་ལུས་སོར་ཆུད་པ་དང་འདྲ། དྲང་སྲོང་རྣམས་ཀྱིས་ཀྱང་བཙུན་མོ་ཚུར་ཕུལ་བ་སྦྱིན་པའི་གཏམ་མོ། །

― GTN003_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

༡ ༈ ཡལ་འདབ་གསུམ་པ་གཙུག་ན་ནོར་བུར་སྐྱེ་བ་བཞེས་པ་ནི། ཡུལ་ཤྭ་ཀེ་ཏར་རྒྱལ་པོ་གསེར་གྱི་གཙུག་ཏོར་ལ་བཙུན་མོ་མཛེས་ལྡན་དགའ་བྱེད་མར་སྲས་ཀྱི་དབུ་ལ་ནོར་བུ་རིན་པོ་ཆེའི་གཙུག་ཏོར་ཡོད་པ་ལས་བདུད་རྩི་བབ་པས་ལྕགས་ཁམས་གསེར་དུ་འགྱུར་བ་དང་། གླང་པོ་བཟང་པོའི་རི་ཡོད། སྲས་ལ་བུ་མོ་རྫུས་སྐྱེས་པད་ལྡན་མ་དྲང་སྲོང་ཞིག་གིས་ཕུལ་བ་སྲས་པདྨའི་གཙུག་ཏོར་འཁྲུངས། རྒྱལ་བུས་མཆོད་སྦྱིན་བྱེད་པའི་མེ་དཀྱིལ་ནས་བརྒྱ་བྱིན་སྲིན་པོར་སྤྲུལ་པས། མིའི་ཤ་ཁྲག་སློང་བར་རྒྱལ་བུས་རང་གི་ཤ་ཁྲག་ཟད་པར་བྱིན་པས་ལྷའི་དབང་པོས་ལུས་དངོས་སུ་བསྟན་ཏེ་སྐུ་ལུས་སོར་ཆུད། ཐུབ་པ་བཱ་ཧི་ཀས་བཙུན་མོ་པད་ལྡན་དང་སྲས་པདྨའི་གཙུག་ཏོར་སློང་བ་བྱིན། རྒྱལ་བུའི་གླང་ཆེན་དྲང་སྲོང་ལ་ཕུལ་ཟིན་པར། ཤེས་བཞིན་དྲང་སྲོང་ཀུ་རུའི་རྒྱལ་པོ་བཟོད་དཀས་སློང་སྟེ་དམག་དཔུང་ཆས་པས་གྲོགས་པོ་དགྲར་གྱུར་ལ་སྐྱོ་སྟེ། རང་སངས་རྒྱས་བཞིའི་རྫུ་འཕྲུལ་ལ་བརྟེན་གཙུག་ནོར་ནགས་སུ་གཤེགས། བློན་པོ་རྣམས་ཀྱིས་སྲས་པདྨའི་གཙུག་ཏོར་བསླངས་ནས་རྒྱལ་སྲིད་གཏད་པས་ཀུ་རུའི་རྒྱལ་པོ་བཅོམ། ཀུ་རུའི་རྒྱལ་པོ་ནད་ཀྱིས་གཟིར་ཞིང་། ཡུལ་མུ་གེས་འཇོམས་པར་ཕན་ཕྱིར་ནགས་སུ་རྒྱལ་བུ་གཙུག་ན་བཞུགས་པའི་ནོར་བུ་སློང་བར་བྲམ་ཟེ་ཞིག་མངགས་པར་བཅད་ནས་བྱིན་པའི་ཁྲག་གིས་གདོང་སྦགས་པར་ཉམ་ང་མེད་པའི་

― GTN003_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་བརྗོད་ཀྱིས་སྔ་མཁོས་སུ་གྱུར་ཏེ། སྔར་གྱི་ཕོ་བྲང་དུ་ཡབ་སྲས་གདན་འཛོམས་པ་སྦྱིན་པའི་གཏམ་མོ། ། ༢ ༈ ཡལ་འདབ་བཞི་པ་རྒྱལ་པོ་ང་ལས་ནུའམ་སྤྱི་བོ་སྐྱེས་སུ་སྐྱེ་བ་བཞེས་པ་ནི། མཛད་བརྒྱའི་སྐབས་རེ་བདུན་པར་འབྱུང་བ་སྟེ། རྒྱལ་པོ་གསོ་སྦྱོང་འཕགས་ཀྱི་སྤྱི་བོར་ཤའི་ལྦ་བ་སྨིན་ཅིང་བརྟོལ་བར་འཁྲུངས། འདི་ལ་མཚན་བཟང་སུམ་ཅུ་ཡོད། གླིང་བཞི་ལྷ་གནས་དང་བཅས་པར་དབང་བསྒྱུར་ཡང་འདོད་པས་ཆོག་མ་ཤེས་ཏེ། ལྷ་དབང་ལ་ཕྲག་དོག་གི་བསམ་པ་ངན་པ་སྐྱེས་མ་ཐག་མིའི་འཇིག་རྟེན་དུ་ལྟུང་ནས་སྐྱེ་རྒ་ན་འཆི་འབྱུང་། འདིའི་སྐྱེ་བ་སྔ་མ་ཚོང་དཔོན་ཨུ་ཀ་རི་ཀར་གྱུར་དུས་སངས་རྒྱས་རྣམ་གཟིགས་ལ་སྲན་མ་སྤར་གང་གཏོར་བའི་དགེ་བའི་རྩ་བས་བསོད་ནམས་ཚད་མེད་པ་དེ་བྱུང་བ་སྦྱིན་པའི་གཏམ་མོ། ། ༣ ༈ ཡལ་འདབ་ལྔ་པ་རྒྱལ་པོ་ཟླ་འོད་དུ་སྐྱེ་བ་བཞེས་པ་ནི། མཛད་བརྒྱའི་སྐབས་གྱ་གཉིས་པར་འབྱུང་། གྲོང་ཁྱེར་བཟང་པོའི་བྲག་ཏུ་འཁོར་ལོས་སྒྱུར་རྒྱལ་ཡིན། བློན་པོ་མཆོག་ཟླ་བ་དང་ས་འཛིན་ལ་རྒྱལ་པོའི་དབུ་སློང་བའི་རྨི་ལྟས་ངན་པ་བྱུང་། བྲམ་ཟེ་དྲག་པོའི་མིག་ལ་རིན་པོ་ཆེའི་མགོ་དུ་མ་

― GTN003_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་པས་བྲིད་ཀྱང་མ་བཟློག་པར་ཤིང་ཙམ་པ་ཀའི་དྲུང་དུ་རྒྱལ་པོ་རང་ཉིད་ཀྱིས་དབུ་བཅད་ནས་བྱིན་པས། ཚེའི་དུས་བྱས་ཏེ་དགེ་རྒྱས་ཀྱི་ལྷར་སྐྱེས་པ་སྦྱིན་པའི་གཏམ་མོ། །༤ ༈ ཡལ་འདབ་དྲུག་པ་བ་ད་རའི་གླིང་བསྒྲོད་པ་ནི། བ་ད་ར་ཞེས་པ་རྒྱ་ཤུག་གི་ཤིང་སྟེ་མང་དུ་སྐྱེས་པའོ། །སངས་རྒྱས་མཉན་ཡོད་ནས་མ་ག་དྷར་བྱོན་པའི་ལམ་དུ་ཚོང་པ་རྣམས་ཆོམ་རྐུན་གྱི་འཇིགས་ལས་སྐྱབས་ཤིང་ཆོམ་རྐུན་པ་རྣམས་རབ་ཏུ་བྱུང་སྟེ་དགྲ་བཅོམ་ཐོབ། དེའི་རྒྱུ་ཞུས་པར། སྔོན་སྟོན་པ་ཉིད་དེད་དཔོན་དགའ་བའི་སྡེའི་བུ་ཤིན་ཏུ་དགའ་བར་གྱུར་སྐབས། རྒྱ་མཚོ་ནས་ནོར་བུ་ལན་དྲུག་ཏུ་ལོན་ཡང་ཆོམ་རྐུན་པར་ཤོར་བས་ཐུགས་སྐྱོ་བས་ན་རྨི་ལམ་དུ་ལྷས་ལུང་བསྟན་ཏེ། བ་ད་རའི་གླིང་ནས་ནོར་བུ་ལོན་པར་གསོལ་བ་བཏབ་པས་སེམས་ཅན་གྱི་དབུལ་བ་བསལ་བ་གསུངས་ཏེ་བརྩོན་འགྲུས་ཀྱི་གཏམ་མོ། ། ༡ ༈ ཡལ་འདབ་བདུན་པ་བུ་མོ་མུ་ཏིག་འཁྲི་ཤིང་ནི། སངས་རྒྱས་ནྱ་གྲོ་དྷར་བཞུགས་ནས་ཤཱཀྱའི་རིགས་ཀྱི་བུད་མེད་རྣམས་ལ་ཆོས་འཆད་ནས། བུ་མོ་ཞིག་རང་གི་མུ་ཏིག་གི་དོ་ཤལ་ལ་ཆགས་པས་གཡེངས་

― GTN003_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་ཤཱཀྱ་མིང་ཆེན་གྱི་ཆུང་མས་དེའི་ང་རྒྱལ་བསལ་ཕྱིར་གཡོག་མོ་རེ་ཧི་ཏ་མུ་ཏིག་གི་དོ་ཤལ་ལན་དུ་མངགས་པ་ཆོས་ལ་དགའ་བས་མི་འདོད་བཞིན་འགྲོ་བ། ལམ་དུ་བ་དྲུས་མས་བསད་པ་སྟོན་པར་སེམས་དངས་པ་དང་ཆོས་ཐོབ་པས་སིངྒ་ལིའི་རྒྱལ་པོའི་བུ་མོར་སྐྱེས་པ་ན་མུ་ཏིག་གི་ཆར་བབ་པས་མིང་དེར་ཆགས་པའི་ཕོ་བྲང་དང་ཉེ་བར་ཡུལ་དབུས་ཀྱི་ཚོང་པས་སངས་རྒྱས་ཀྱི་གཏམ་བརྗོད་པར་དད་དེ་སྟོན་པ་ལ་སྤྲིངས་ཡིག་ཕུལ། ལན་དུ་སངས་རྒྱས་སྐུ་གཟུགས་རི་མོར་བྲིས་པའི་གཤམ་དུ་སྐྱབས་འགྲོ་བསླབ་པའི་གནས་ལྔ། རྟེན་འབྲེལ་ལུགས་འབྱུང་ལྡོག་གི་ཚིག་དང་སོ་ཐར་ཚིགས་བཅད་གཉིས། འཕགས་ལམ་བརྒྱད་ཀྱི་ཚིག་རྣམས་བྲིས་པ་སྩལ་པས་བདེན་པ་མཐོང་། ཀུན་དགའ་བོས་དེའི་སྔོན་འབྱུང་དྲིས་པར་སྔོན་ནོར་ཆེན་གྱི་བཙུན་མོ་རིན་ཆེན་ལྡན་གྱིས་སངས་རྒྱས་ཀྱི་མཆོད་རྟེན་ལ་མུ་ཏིག་གི་དོ་ཤལ་ཕུལ་བ་དང་། གཞན་ལ་འབངས་མོ་ཞེས་སྨད་པ་གསུངས་ཏེ་འབྲས་བུའི་གཏམ་མོ། ། ༡ ༈ ཡལ་འདབ་བརྒྱད་པ་ཁྱིམ་བདག་དཔལ་སྦས་ནི། སྟོན་པ་རྒྱལ་པོའི་ཁབ་ན་བཞུགས་སོ། །གཅེར་བུ་པའི་སྦྱིན་བདག་འདི་ལ་ཆུང་མ་མེ་སྐྱེས་ཀྱི་སྲིང་མོ་བླངས་པས་སངས་རྒྱས་མཆོད་པ་བསྐུལ་བ་ན་ཁྱོད་ཀྱང་སྟོན་པ་དྲུག་མཆོད་དགོས་ཟེར་བས་དེ་བཞིན་བགྱིས་ཀྱང་ཞར་ལ་སྨ་དབབ་སྟེ་

― GTN003_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

བཏང་བས་དེ་རྣམས་ཁྲོས་ཏེ། དཔལ་སྦས་བསྐུལ་བས་སངས་རྒྱས་འཁོར་བཅས་སྤྱན་དྲངས་པ་ལྟར་བཅོས་ཏེ་སྒོར་མེ་འོབས་དང་ཟངས་ལ་དུག་སྦྱར་བ་སོགས་བགྱིས་ཀྱང་སངས་རྒྱས་ཀྱི་མཐུས་མེ་དོང་པདྨའི་རྫིང་བུར་གྱུར་ཞིང་དུག་ཀྱང་བདུད་རྩིར་བསྒྱུར་བས་ངོ་མཚར་གྱི་མིག་བསྒྲད་དེ་དཔལ་སྦས་ཆོས་ལ་དད་དོ། །སྐབས་འདིར་སྔོན་སྟོན་པ་ཉིད་ཀྱི་བྱིའུ་ཏི་ཏི་དིར་གྱུར་དུས་བྱམས་པ་བསྒོམས་པས་ནགས་ཀྱི་མེ་ཞི་བ་དང་། རི་བོང་དུ་གྱུར་དུས་གྲོགས་པོ་བྲམ་ཟེའི་མདུན་དུ་སྐུ་གཏམ་མོ། ། ༢ ༈ ཡལ་འདབ་དགུ་པ་ཁྱིམ་བདག་མེ་སྐྱེས་ནི། སངས་རྒྱས་རྒྱལ་པོའི་ཁབ་ན་བཞུགས་པའོ། །གཅེར་བུ་པའི་སྦྱིན་བདག་རབ་བཟང་གི་ཆུང་མར་སེམས་ཅན་ཆགས་པ་བཅོམ་ལྡན་འདས་བསོད་སྙོམས་ཕེབས་པར་ལུང་བསྟན་ཞུས་པས་བུ་ཕོར་བཅོམ་ཞིང་རིགས་གསལ་བར་བྱེད་ལ་ལྷ་མི་དཔལ་འབྱོར་ཉམས་སུ་མྱོང་བར་གསུངས་ཀྱང་། མུ་སྟེགས་པས་ཡིད་བསྒྱུར་ནས་ཆུང་མ་བསད་པའི་རོ་དུར་ཁྲོད་དུ་མེར་བསྲེགས་པར་སངས་རྒྱས་འཁོར་བཅས་ཕེབས་པས། མེ་ནང་དུ་བུད་མེད་ཀྱི་ལྟོ་བར་པདྨའི་སྙིང་པོར་ཁྱེའུ་ཞིག་བྱུང་བས་འཚོ་བྱེད་གཞོན་ནུའི་གསོས་ཀྱིས་བླངས་ཏེ། རྒྱལ་པོ་གཟུགས་ཅན་སྙིང་པོས་བསྐྱེད་སྲིངས་པ་ཆེར་སྐྱེས། རང་གི་ཁྱིམ་དུ་ཕྱིན་པ་ན་ལྷ་མིའི་དཔལ་འབྱོར་ཉམས་སུ་མྱོང་བར་དུས་ཕྱིས་རྒྱལ་པོ་མ་སྐྱེས་དགྲས་བཅོས་པས་

― GTN003_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ཏུ་བྱུང་སྟེ་དགྲ་བཅོམ་པ་འཕགས་པའི་གནས་བརྟན་ཡན་ལག་འབྱུང་དུ་ངོས་འཛིན། འདིའི་སྔོན་བྱུང་རྒྱལ་པོ་གཉེར་ལྡན་གྱིས་སངས་རྒྱས་འོད་སྲུང་ལ་བསྙེན་བཀུར་བྱས་པར། ཁྱིམ་བདག་ལ་བསྡོས་པས་འགྲན་ཟླ་བྱས་པ་ན་རྒྱལ་པོ་ཁྲོས་ཏེ་ཤིང་ཚོང་བ་བཀག་པ་ལ་དེས་ཚིག་རྩུབ་བརྗོད་པའི་རྣམ་སྨིན་དང་། སངས་རྒྱས་མཆོད་པས་ལོངས་སྤྱོད་ཆེ་བ་སྟེ། འདི་འདུལ་བ་ལུང་དུ་བཤད་པ་དང་ཁྱིམ་བདག་གི་མིང་ཉེས་མེད་ཟེར་བ་ལས་གཞན་མཚུངས་ཏེ་འབྲས་བུའི་གཏམ་མོ། ། ༣ ༈ ཡལ་འདབ་བཅུ་པ་མངལ་འབྱུང་ནི། སངས་རྒྱས་གྲོང་ཁྱེར་ཙམ་པ་དང་ཉེ་བ་པདྨའི་རྫིང་ན་བཞུགས་པར་ཀུན་དགའ་བོས་ཞུས་ཏེ། སེམས་ཅན་གྱི་སྤྱོད་ཚུལ་གསུངས་པ་ནི། འཇིག་རྟེན་པ་ཐམས་ཅད་ཐོག་མར་ཕ་མའི་འདུ་འཕྲོད་བགྱིས་པའི་མངལ་དུ་ཟླ་མཚན་དང་ལྡན་པ་དྲི་ཟ་ཉེ་བར་འཁོར་བ་དང་། སྔོན་གྱི་རྒྱུ་ཚོགས་པ་སོགས་ཀྱིས་ལུས་ཆགས་པར་བྱེད་པ་སྟེ། དེ་ཡང་ཁམས་དཀར་དམར་གྱི་དབུས་སུ་རྣམ་ཤེས་ཞུགས་པ་མེར་མེར། ནུར་ནུར། གོར་གོར། ཏར་ཏར་པོ་སོགས་ནས་ལུས་སོགས་རྫོགས་ཤིང་ཟླ་གྲངས་ཚང་བ་ནས་སྐྱེ་བའི་སྡུག་བསྔལ་འཇུར་མིག་ནས་དྲངས་པ་ལྟར་བཅས། རེ་ཞིག་ནུ་མ་འཐུང་བ་ཙམ་ལས་རང་སྟོབས་དམན་པས་ཅུང་ཟད་ཉམ་
ཐག་ནས་ངུ་ཞིང་བླང་དོར་མེད། ཤེད་བྱེ་བས་དར་ལ་བབ་པ་འདོད་ཆགས་ཀྱིས་བུད་མེད་ཀྱི་ཕྱིར་དང་གནས་སྐབས་ཀྱི་བདེ་བ་ཉི་ཚེ་བར་ཞེན་ཆེས་པས་ངལ་བ་བརྒྱ་ཕྲག་གིས་གདུང་བ་དང་བཅས། འཕྲལ་ལ་རྒ་བའི་གནས་སྐབས་སུ་སླེབས་ནས་སྐྲ་དཀར་པོ་ལྷུང་། ལུས་གཉེར་མས་གཡོགས། སྟོབས་དང་ལང་ཚོ་བྲི། བུ་དང་ཆུང་མ་གཉེན་ཉེ་དུ་སོགས་གཅེས་པ་རྣམས་ཀྱིས་སྡང་ཞིང་བོར། རྒས་འཁྱོག་གྱ་བར་གྱུར་པའི་ལུས་དེ་ལ་འདུ་འཁྲུགས་ཀྱི་ནད་བྱུང་བས་མི་བཟོད་པའི་གཟེར་ཟུག་བྱུང་ཡང་རིམ་གྲོ་དང་སྨན་དཔྱད་ཀྱིས་བོར། དཔལ་འབྱོར་ལྷའི་ལོངས་སྤྱོད་ལྟར་ཡོད་ཀྱང་ཤུལ་དུ་བསྐྱུར་ནས་མི་འདོད་བཞིན་དུ་འཆི་བར་གྱུར་པ་ན། སྔར་བྱས་ཀྱི་ལས་ཀྱིས་བདེ་འགྲོར་སྐྱེ་བ་ནི་རེས་འགའ་ཙམ། ཕལ་ཆེར་ངན་སོང་གསུམ་དུ་ལྷུང་ནས་བཟོད་དུ་མེད་པའི་མནར་གཅོད་ཀྱི་ལས་ལ་སྤྱོད་པས། དེ་ཕྱིར་ལུས་རྟེན་འདི་ལ་དལ་འབྱོར་དོན་ཡོད་འབྲས་བུ་བཞི་ཐོབ་དགོས་པར་གསུངས་ཏེ་འབྲས་བུའི་གཏམ་མོ། །

ཡལ་འདབ་བཅུ་གཅིག་ནས་ཉི་ཤུ་བར།

― GTN003_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

༤ ༈ ཡལ་འདབ་བཅུ་གཅིག་པ་སྟོན་པའི་གཅུང་དགའ་བོ་ནི། སངས་རྒྱས་ནྱ་གྲོ་དྷའི་ཀུན་དགའ་ར་བར་བཞུགས། རང་གི་གཅུང་དགའ་བོ་ཞེས་པ་གཙུག་ཏོར་དང་མཛོད་སྤུ་མ་གཏོགས་མཚན་སུམ་ཅུ་ལྡན་པ་འཁོར་ལོས་སྒྱུར་བར་བཤད་དེ། ཆུང་མ་མཛེས་པ་ལ་ཤིན་ཏུ་ཆགས་པས་

― GTN003_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུད་ཙམ་ཡང་འབྲལ་དུ་མི་འདོད་པ་དེ། སངས་རྒྱས་ཀྱིས་དབང་མེད་དུ་རབ་ཏུ་བྱུང་ནས་བློ་ཁ་བྲིད་ཕྱིར། ཐོག་མར་ལྷ་ཡུལ་གྱི་འདོད་བདེ་བསྟན་པས་ལེགས་སྨོན་གྱི་ཚུལ་ཁྲིམས་དང་། དམྱལ་བའི་སྡུག་བསྔལ་བསྟན་པས་འཇིགས་སྐྱོབས་ཀྱི་ཚུལ་ཁྲིམས་བསྟན་པས་ཆགས་པའི་སེམས་དང་བྲལ་བ་ན། ངེས་འབྱུང་གི་ཚུལ་ཁྲིམས་བསྟན་པས་དགྲ་བཅོམ་ཐོབ། སྔོན་འབྱུང་སངས་རྒྱས་རྣམ་གཟིགས་ཀྱིས་རང་གི་གཅུང་འདོད་པ་ལས་ནན་གྱིས་ཕྲལ་ནས་མྱང་འདས་ལ་བཀོད་པ་ན། རྒྱལ་པོ་མཉེན་ལྡན་གྱི་ནུ་བོས་སངས་རྒྱས་འཁོར་བཅས་ལ་གདུགས་ཚོད་གསོལ་ནས་སྨོན་ལམ་བཏབ་པ། རང་སངས་རྒྱས་མཆོད་ཅིང་དེའི་རུས་བུའི་མཆོད་རྟེན་ལ་གུར་གུམ་བྱུག་ཅིང་དྲིའི་ལག་རིས་སུམ་ཅུ་བྱས་པ་སོགས་གསུངས་ཏེ་འབྲས་བུའི་གཏམ་མོ། ། ༥ ༈ ཡལ་འདབ་བཅུ་གཉིས་པ་འཕགས་སྐྱེས་པོས་ཤཱཀྱ་རྣམས་བསད་པ་ནི། ཤཱཀྱ་མིང་ཆེན་གྱི་བྲན་མོའི་བུ་མོ་ཟླ་བའམ་ཕྱིས་མིང་འགྱུར་ཏེ་འཕྲེང་ལྡན་མ་ཞེས་པས་སྟོན་པར་བསྙེན་བཀུར་ཕུལ་བའི་སྨོན་ལམ་བཙན་པོས་འཕྲལ་ལ་རྒྱལ་པོ་གསལ་རྒྱལ་གྱི་བཙུན་མོར་གྱུར་པ་ལ་བུ་འཕགས་སྐྱེས་པོ་བྱུང་། བློན་པོའི་བུ་མ་ལ་གནོད་ཅེས་སྡིག་པའི་གྲོགས་པོས་བསྡུས་ཏེ་ཤཱཀྱ་བདེན་པ་མཐོང་བ་བདུན་ཁྲི་བདུན་སྟོང་བསད། སྟོན་པས་རྒྱལ་བློན་དེ་གཉིས་ཞག་བདུན་ནས་

― GTN003_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

མྱོང་འགྱུར་གྱི་ལས་ཀྱིས་མེར་ཚིག་སྟེ་དམྱལ་བར་འགྲོ་གསུངས་པ་ཐོས་ཏེ། ཆུའི་ནང་དུ་འཕྲུལ་གྱི་ཁང་པར་བསྡད། ཞག་བདུན་གྱི་ཉིན་བུད་མེད་ཀྱི་རྒྱན་མེ་ཤེལ་དང་ཉི་འོད་འཕྲད་པས་མེ་བྱུང་སྟེ་ཚིག་གོ ། སྔོན་འབྱུང་ཉ་པ་ལྔ་བརྒྱས་ཉ་ཆེན་གཉིས་ཤིང་སྡོང་ལ་བཏགས་ཏེ་གསོན་པོ་ཤ་བཅད་པ་དང་། ཆོམ་རྐུན་ལྔ་བརྒྱས་རི་བྲག་པ་བཅོམ་ནས་མི་གཉིས་མེར་བསྲེགས་པ་སོགས་གསུངས་སོ། །སྐབས་འདིར་ཤཱཀྱ་ཤམྦྷ་ཀ་བདེན་པ་མ་མཐོང་ཞིང་གྲོས་སུ་མེད་པས་འཕགས་སྐྱེས་པོའི་དཔུང་རྣམས་བསད། སྟོན་པར་དད་རྟེན་ཞུས་པས་དབུ་སྐྲ་དང་སེན་མོ་གནང་སྟེ། བ་ཧུ་ཊ་ཞེས་པའི་ས་ཆར་སོང་། དེར་དཔོན་དུ་གྱུར་ནས་མཆོད་རྟེན་བཞེངས་པ་ད་ལྟ་ཤམ་བྷ་ལར་གྲགས། ཤཱཀ་རིགས་བུད་མེད་ལྔ་བརྒྱ་འཕགས་སྐྱེས་པོས་རྐང་ལག་བྲེགས་པ་སྟོན་པའི་ཐུགས་སྐྱེད་ལྷར་སྐྱེས་ཤིང་། སྔར་དགེ་སློང་རྣམས་ཚིག་རྩུབ་བརྗོད་པའི་རྣམ་སྨིན་དང་། སྟོན་པ་དང་ཡང་ཉ་པའི་བུར་གྱུར་དེས་གོང་སྨོས་ཉ་ཆེན་གཉིས་ཆོ་ངེ་བསྒྲགས་པར་དགའ་བའི་སེམས་སྐྱེས་པའི་ལས་སུ་དབུ་བསྙུང་བར་བསྟན་ཏེ་འབྲས་བུའི་གཏམ་མོ། ། ༦ ༈ ཡལ་འདབ་བཅུ་གསུམ་པ་འཕྲོག་མ་ནི། སངས་རྒྱས་འོད་མའི་ཚལ་ནས་བཞུགས་སོ། །གནོད་སྦྱིན་ལྔ་ཚན་ལ་

― GTN003_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་སྦྱིན་ས་ཏའི་བུ་མོ་དགའ་བྱེད་མ་བག་མར་ཐོབ། པང་དུ་བུ་ལྔ་བརྒྱ་བྱུང་། མ་ག་དྷའི་གྲོང་ཁྱེར་གྱི་བུ་རྣམས་ཐམས་ཅད་དགའ་བྱེད་མས་ཟོས་པས་མིང་འགྱུར་ཏེ་འཕྲོག་མར་བརྗོད། རྒྱལ་པོ་གཟུགས་ཅན་སྙིང་པོས་དེ་འདུལ་བར་གསོལ་བས་སངས་རྒྱས་དེའི་གནས་སུ་ཕེབས་ཏེ་བུ་ཐ་ཆུང་དགའ་བྱེད་ལྷུང་བཟེད་ནང་དུ་བསྐུངས་པས་འཕྲོག་མ་མྱ་ངན་གྱིས་ནོན་ཏེ། རི་གླིང་རྒྱ་མཚོར་བཅས་ཉུལ་ཀྱང་མ་རྙེད་པར་རྣམ་ཐོས་ཀྱི་བུས་སྨྲས་པ་ལྟར། སངས་རྒྱས་ལ་སྐྱབས་གསོལ་ནས་སྐྱབས་སུ་འགྲོ་བ་དང་བསླབ་པའི་གནས་བླངས་པས་བུ་ཐོབ་སྟེ་དེ་ཕྱིན་སྲོག་ལ་མི་འཚེ་བར་བྱས། སྟོན་པའི་རྗེས་འཇུག་རྣམས་ནས་ཁ་ཕུད་བཅས་པའི་ལྷག་གི་ཆང་བུ་སྦྱིན་པར་ཆེད། སྔོན་བྱུང་རྒྱལ་པོའི་ཁབ་འདིར་དུས་སྟོན་ལ་སྐྱེ་བོ་མང་པོ་གླུ་གར་བྱེད་དེ་འགྲོ་བ་དང་། བ་ལང་རྫི་མོ་སྦྲུམ་མ་དར་བའི་བུམ་པ་ཁུར་བ་འཕྲད་པར། དེ་རྣམས་ཀྱིས་གླུ་གར་བྱེད་དུ་བཅུག་པས།མངལ་འཇིག་གོ །དེས་རང་སངས་རྒྱས་ལ་ཨ་མྲའི་འབྲས་བུ་ལྔ་བརྒྱ་ཕུལ་ཏེ་སྨོན་ལམ་ལོག་པ་ཡིན་གསུངས་ཏེ་འབྲས་བུའི་གཏམ་མོ། ། ༧ ༈ ཡལ་འདབ་བཅུ་བཞི་པ་ཆོ་འཕྲུལ་ཆེ་བ་ནི། བདུད་ཀྱིས་མུ་སྟེགས་སྟོན་པ་དྲུག་གི་ཡིད་བསྒུལ་བས། རྒྱལ་པོ་གཟུགས་ཅན་སྙིང་པོ་དང་། གསལ་རྒྱལ་ལ་སངས་རྒྱས་དང་རྫུ་འཕྲུལ་འགྲན་པར་བསྐུལ་

― GTN003_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

བས་གནང་སྟེ། སྐབས་དེར་རྒྱལ་པོ་གསལ་རྒྱལ་གྱིས་ཕྲ་མར་ཉན་པས་སྤུན་ཟླར་གཏོགས་པ་ནག་པོའི་རྐང་ལག་བཅད་པ་ལམ་གྱི་བཞི་མདོར་བོར་བ་སྟོན་པ་དྲུག་གིས་གསོ་མ་ནུས་པ། ཀུན་དགའ་བོས་སོས་པར་བྱས་པ་རབ་ཏུ་བྱུང་ནས་དགྲ་བཅོམ་ཐོབ། སངས་རྒྱས་ཆོ་འཕྲུལ་གྱི་མདུན་ཁང་དུ་གཤེགས་ནས་ལྷ་མིའི་ཚོགས་དུ་མར་ཕྱོགས་བཞིར་སྤྱོད་ལམ་བཞི་མཛད་པ་དང་། མེའི་ཁམས་ལ་སྙོམས་པར་ཞུགས་ཏེ་འོད་ཟེར་དྲུག་འགྱེད་པ་སོགས་ཉན་ཐོས་རྣམས་དང་ཐུན་མོང་བའི་རྫུ་འཕྲུལ་དང་ཕྱག་གཡས་ས་ལ་རེག་པས་གསེར་གྱི་པདྨ་འདབ་མ་སྟོང་ལྡན་བྱུང་བར་སྙིང་པོ་ལ་སངས་རྒྱས་ཉིད་བཞུགས། འདབ་མ་རེར་སྤྲུལ་པའི་སངས་རྒྱས་ལྔ་བཞུགས་པས་རྫུ་འཕྲུལ་སྣ་ཚོགས་སྟོན་པ་སོགས་བླ་ན་མེད་པའི་རྫུ་འཕྲུལ་བསྟན། དེ་དག་གི་ཚེ་སྟོན་པ་དྲུག་ངོ་ཚ་བཞིན་འཁོད་པ་ལས་རྫུ་འཕྲུལ་སྟོན་རྒྱུ་མ་བྱུང་བས། གནོད་སྦྱིན་ལག་ན་རྡོ་རྗེས་རྡོ་རྗེ་སྡིགས་ཤིང་ཆར་རླུང་གིས་བསྐྲད་པར་བྱས་ཏེ་ཕམ་མོ། །ཆོ་འཕྲུལ་ཉི་མ་གཅིག་པ་འདི་ཐེག་དམན་གྱི་ལུགས་ཡིན་ལ། ཉི་མ་བཅོ་ལྔ་པ་ནི་ཐེག་ཆེན་གྱི་ལུགས་ཡིན་པས་དེ་གཉིས་བསྲེ་མི་དགོས་པར་བཞེད་དེ་འབྲས་བུའི་གཏམ་མོ། ། ༨ ༈ ཡལ་འདབ་བཅོ་ལྔ་པ་ལྷ་ལས་བབས་པའི་ཆོ་འཕྲུལ་ཆུང་བ་ནི། བཅོམ་ལྡན་འདས་དེ་ཉིད་ཀྱིས་དགེ་སློང་རྣམས་བསྙེན་བསྐུར་མང་བ་སྤོང་

― GTN003_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་། ཡུམ་སོགས་ལྷའི་འགྲོ་བ་བདེ་ལ་འགོད་པར་དགོངས་ནས་། ཤིང་ཡོངས་འདུའི་དྲུང་ལ་བ་དཀར་པོའི་རྡོ་ལེབ་ཏུ་དབྱར་གནས་པ་མཛད་དོ། །ཉན་ཐོས་རྣམས་མཉན་ཡོད་དུ་དབྱར་གནས་པ་རྫོགས་སུ་ཉེ་བ་ན། སངས་རྒྱས་སྤྱན་འདྲེན་ལ་མོའུ་འགལ་བུ་མངགས་པས་བསྐུལ་བས་ཞག་བདུན་ན་གྲོང་ཁྱེར་གསལ་ལྡན་གྱི་གྲོང་ཨ་པ་ཛ་རའི་ནགས་ཨུ་དུམ་བ་རའི་ཤིང་དྲུང་ཏུ་གཤེགས་པར་གནང་སྟེ། ལྷའི་བཟོ་བོས་ཐེམ་སྐས་དབུས་བཻ་ཌཱུརྱ། གཡས་གསེར། གཡོན་ཤེལ་དུ་བྱས་པར་འདོད་གཟུགས་ཀྱི་ལྷ་དང་ཚངས་དབང་བཅས་ཀྱིས་ཞབས་འབྲིང་བྱས་ཏེ་ཕེབས་པར་ལྷའི་འདུ་ཚོགས་ཆེ་བས་མཇལ་དཀའ་བར་བསམ། དགེ་སློང་མ་ཨུཏྤལ་འཁོར་ལོས་སྒྱུར་བར་སྤྲུལ་ཏེ་འོང་བ་དགེ་སློང་འཆར་ཀས་རྟོགས་ཤིང་དེའི་རྒྱུ་ཞུས་པར། སྔོན་འབྱུང་ཁོར་མོ་འཇིག་གི་ཡུལ་དུ་དེད་དཔོན་རྒྱ་མཚོར་འགྲོ་བའི་ཆུང་མ་མངལ་དང་ལྡན་པ་ཡང་ལྷན་ཅིག་སོང་བ་གྲུ་ཞིག་པ་ན་ཆུང་མ་ཤིང་ལེབ་ཞིག་ལ་འཇུས་ནས་ཀ་ཤེ་རུའི་གླིང་དུ་སླེབས། དེར་བྱའི་རྒྱལ་པོ་གཤོག་བཟང་གནས་པ་དང་མཛའ། དེ་ལ་དེད་དཔོན་གྱི་བུ་གཟུགས་བཟང་བ་ཞིག་དང་བྱའི་བུ་འདབ་གཤོག་བཟང་བ་ཞིག་སྟེ་སྤུན་གཉིས་སྐྱེས། མོའི་འདོད་པ་ལྟར་བྱ་དེས་རྒྱལ་པོ་ཚངས་བྱིན་བསད་དེ་ནུ་བོའི་རྒྱལ་སར་བཀོད། སྐབས་དེར་རྒྱལ་པོའི་གླང་ཞིག་ལ་བེའུ་སྐྱེར་མ་གཏུབ་པ་གླང་རྫི་མོ་ཞིག་གིས་ཐོས་ཏེ། སྐྱེས་པ་གཉིས་པ་མེད་པའི་བདེན་བརྗོད་བཅས་རིག་པས་ཐོན། རྒྱལ་པོས་དེ་ལུས་བཙུན་མོར་གོ་ནས་དེའི་བུ་མོ་ཤོ་ཤུམ་པ་བླངས། བྲམ་ཟེ་ཞིག་མིའམ་ཅི་མོས་བཟུང་

― GTN003_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བུ་མྱུར་འགྲོ་བྱུང་བ་ཡང་རྒྱ་མཚོར་གྲུ་ཞིག་པས་ཀ་ཤེ་རུའི་སླེབས་པ་དེར་ཤོ་ཤུམ་པ་དང་འདུས། མྱུར་འགྲོའི་མིག་ལོང་བ་རྒྱལ་པོའི་སྐྱེད་ཚལ་དུ་ཡོད་པས་དེར་རྒྱལ་པོ་བཙུན་མོ་བཅས་འོང་བ་ན་ཏི་མི་རའི་ཚོར་བས་ཤོ་ཤུམ་པར་རྟོག་སྟེ་གླུ་བླངས་པ་ན། རྒྱལ་པོས་ཐེ་ཚོམ་ཟོས་ཏེ་ལོང་བ་དང་ཤོ་ཤུམ་པ་བསྐྲད་པ། བར་དེར་ཤོ་ཤུམ་པས་ལོང་བ་བསད་དེ་ཆོམ་རྐུན་པའི་དཔོན་དང་མཛའ་བ་ན་རྒྱན་རྣམས་འཕྲོགས་ཏེ་བོར་བ་ཝ་སྐྱེས་ལ་གྲོགས་སུ་བྱས་པས་རྒྱལ་པོའི་བཙུན་མོར་འཁོད་པ་སོགས་གཏམ་རྒྱུད་འདུལ་བ་ལུང་དུ་(འདུལ་བ་ཕྲན་༼ད༽ཚེགས་ཀྱི་གཞི།)རྒྱས་པ་དེ་གསུངས་ཏེ་འབྲས་བུའི་གཏམ་མོ། ། ༩ ༈ ཡལ་འདབ་བཅུ་དྲུག་པ་བྲག་ངེས་པར་འཕངས་པ་ནི། གྱད་ཡུལ་ཀུ་ཤའི་གྲོང་དུ་སངས་རྒྱས་ཕེབས་པ་ན་ལམ་བར་དེར་གནོད་པའི་བྲག་ཆེན་པོ་ཞིག་ཡོད་པ་གྱད་རྣམས་ཀྱིས་བསལ་བར་མ་ནུས་པར། སྟོན་པས་རྫུ་འཕྲུལ་གྱི་ནམ་མཁར་གཏོར་ཞིང་། སླར་ཡང་ཕྱོགས་གཞན་དུ་འདུ་མཛད་དེ། རྡོ་འདི་བསྐལ་པ་དང་པོའི་མི་རྣམས་ཀྱི་འཕང་ཚད་ཡིན་པ་དང་། ཕ་བོང་དེ་ཡབ་ཡུམ་གྱི་སྟོབས་ཀྱིས་འཕངས་ཤིང་། རྫུ་འཕྲུལ་གྱི་སྟོབས་ཀྱིས་ཕྱེ་མར་བྱས་པ་དང་། མོས་པའི་སྟོབས་ཀྱིས་སླར་འདུ་བྱས་པ་སོགས་གསུངས་ནས་གྱད་རྣམས་འབྲས་བུ་བཞི་ལ་བཀོད་དེ་འབྲས་བུའི་གཏམ་མོ། །༡༠

― GTN003_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་བཅུ་བདུན་པ་བྱམས་པ་ལུང་བསྟན་པ་ནི། བཅོམ་ལྡན་འདས་ཡངས་པ་ཅན་དུ་གཤེགས་པའི་ལམ་ཁར་ཆུ་བོ་གངྒཱ་ལ་ཡངས་པ་ཅན་པ་དང་། མ་སྐྱེས་དགྲས་སོ་སོར་ཟམ་པ་བཙུགས་པར་འཁོར་རྣམ་བཞི་བྱོན། ཀླུ་རྣམས་ཀྱི་གདེངས་ཀའི་ཟམ་པར་སྟོན་པ་དང་ཀུན་དགའ་བོ་ཕེབས། ཆུ་བོའི་ཕར་འགྲམ་གྱི་ས་སྒང་མཐོ་བ་ཞིག་ཏུ་འཁོར་རྣམས་བཞི་ལ་རྒྱལ་པོ་སྒྲ་ཆེན་གྱི་ལྷའི་མཆོད་སྡོང་བཞེངས་པ་དཔངས་སུ་འདོམ་སྟོང་། སྦོམས་སུ་འདོམ་དྲུག་ཅུ་ཡོད་པ་དེ་བསྟན་ནས་མ་འོངས་པ་ན་བྱམས་པ་མཆོད་སྡོང་འདིས་ཡིད་ཕྱུང་ནས་མངོན་པར་འཚང་རྒྱ་བ་དང་། སྔར་རྒྱལ་པོ་ནོར་ལྷའི་བུ་དང་ནོར་གྱིས་བཀུར་བ་གཉིས་རྩོད་པ་སངས་རྒྱས་རིན་ཆེན་གཙུག་གཏོར་ཅན་གྱི་མཐུས་ཞི་བ་དང་། ནོར་ལྷའི་བུ་མ་འོངས་པ་ན་རྒྱལ་པོ་དུང་ཞེས་འཁོར་ལོས་སྒྱུར་བར་ལུང་བསྟན་པ་རྣམས་གསུངས་སོ། །མཆོད་སྡོང་ཞེས་པའང་རྣམས་པ་སྣ་ཚོགས་འོང་བས་མཆོད་རྟེན་གྱི་རྣམ་པ་ཁོ་ན་ནི་མ་ཡིན་ཏེ་འབྲས་བུ་གཏམ་མོ། ། ༡༡ ༈ ཡལ་འདབ་བཅོ་བརྒྱད་པ་རྒྱལ་པོ་མེ་ལོང་གདོང་དུ་སྐྱེ་བ་བཞེས་པ་ནི། མཛད་བརྒྱའི་སྐབས་ང་ལྔ་པར་འབྱུང་སྟེ། སངས་རྒྱས་མཉན་ཡོད་ན་

― GTN003_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་པར། འོད་སྲུང་ཆེན་པོ་ལ་མཛེ་མོས་འབྲས་ཁུ་ལྷུང་བཟེད་གང་ཕུལ་བར་སྦྲང་བུ་ལྷུང་བ་བསལ་བར་བྱས་པས་སོར་མོ་དེ་ནང་དུ་ལྷུང་བཞིན་མཐོང་བར་གསོལ་བས་མཛེ་མོ་སེམས་དགའ་ནས་དགའ་ལྡན་གྱི་ལྷར་སྐྱེས། བརྒྱ་བྱིན་གྱིས་ལྷུང་བཟེད་ནང་དུ་བདུད་རྩིས་བསྐངས་པ་ཕྱིར་ཕོས་ཏེ་མ་བཞེས། དབུལ་མོ་ཞིག་གིས་གྱོ་དུམ་ཆག་པོའི་ནང་དུ་མར་མེ་ཕུལ་བས་མ་འོངས་པར་སངས་རྒྱས་སུ་ལུང་བསྟན་པ་ཐོས་ཏེ། རྒྱལ་པོ་གསལ་རྒྱལ་སོགས་ཀྱིས་མར་མེ་བྱེ་བ་ཕུལ། ཡང་མར་མེ་སྔ་མས་ཟིལ་གྱིས་མནན། དེའི་རྒྱུ་ཞུས་པར། སྔོན་རྒྱལ་པོ་རང་ཉིད་ཕྱིས་པར་གྱུར་དུས་རང་སངས་རྒྱས་ལ་ཟན་བསྒྱུར་ཞིག་ཕུལ་བས་ལྷའི་ལན་དྲུག་དང་། མཉན་ཡོད་ཀྱི་རྒྱལ་པོ་ལན་དྲུག་ཏུ་སྐྱེས་པ་སོགས་ལས་བྱས་པ་ཆུད་མི་འཛད་ཀྱང་སངས་རྒྱས་སུ་ལུང་བསྟན་པ་ནི་ཤིན་ཏུ་དཀའ་སྟེ་སྟོན་པ་ཉིད་འཁོར་སྒྱུར་ང་ལས་ནུ་སོགས་སྐྱེ་བ་དུ་མར་བསོད་ནམས་ཤིན་ཏུ་རྒྱས་པ་བསྒྲུབས་ཀྱང་རེ་ཞིག་གི་བར་སངས་རྒྱས་སུ་ལུང་བསྟན་པ་མ་མཐོང་བ་སོགས་གསུངས་པའི་རྒྱལ་བུ་མེ་ལོང་བཞིན་ནི། སྔོན་རྒྱལ་པོ་ཀུན་དགའ་བོ་ལ་བུ་ལྔ་ཡོད་པར་རྒྱལ་པོ་འདའ་ཁར་ཞལ་ཆེམས་སུ་བློན་པོ་རྣམས་ལ་བསྒོ་བ། བུ་རྣམས་ལས་རྒྱལ་སྲིད་ལ་འཁོད་པར་འོས་པ་ནི། ནོར་བུའི་ལྷམ་ཟུང་འཚམས་པ། སེངྒེའི་ཁྲི་ལ་མི་གཡོ་བ། དབུ་རྒྱན་སྤྱི་བོར་རྒྱས་པ། བཙུན་མོའི་འཁོར་གྱིས་ཞེས་བྱེད་པ། གཏེར་དྲུག་མཐོང་བ་རྣམས་ཡིན་པར་གསུངས་པས། བརྟག་པ་ན་བུ་ཐ་ཆུང་མེ་ལོང་ལ་དེ་རྣམས་ལྡན་ནས་རྒྱལ་སར་བཞག་སྟེ། རྒྱལ་སྲིད་ཆོས་

― GTN003_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་སྐྱོང་བའི་སྐབས། བྲམ་ཟེ་སྤྱོད་པ་མི་གཟོབ་པ་དབྱུག་གུ་ཅན། བ་ལང་སྟོར་བ་དང་། རྟ་བསད་པ་དང་། སྟེའུ་ཆུར་ཤོར་བ། ཐ་ག་པ་ཤི་བ། ཆང་ཚོང་ཁྱེའུ་ཤི་བ་སོགས་ཀྱིས་ཁྲིམས་སར་གཏུགས་པ་ཐབས་ཀྱིས་བཀྲོལ་བ་སོགས་མདོ་སྡེ་མཛངས་བླུན་དུ་རྒྱས་པ་རྒྱལ་པོའི་མིང་ཙམ་ལས་མཐུན་ཏེ་ཤེས་རབ་ཀྱི་གཏམ་མོ། ། ༡ ༈ ཡལ་འདབ་བཅུ་དགུ་པ་ཤཱ་རིའི་བུའི་སྔོན་རབས་ནི། སངས་རྒྱས་འོད་མའི་ཚལ་དུ་བཞུགས་པ་ན་མཆོག་ཟུང་རབ་ཏུ་བྱུང་སྟེ་དགྲ་བཅོམ་པ་ཐོབ། འཁོར་རྣམས་ཀྱིས་ཤཱ་རིའི་བུའི་སྔོན་འབྱུང་ཞུས་པར། བྲམ་ཟེ་ཞིག་ལ་བུ་ཞིབ་མ་དང་བུ་མོ་ཞིབ་མ་མོ་ཡོད། ཕ་མ་ཤི་ནས་མིང་སྲིང་དཀའ་ཐུབ་ཀྱི་ནགས་སུ་གནས་པ་ན། སྲིང་མོ་ལང་ཚོ་རྒྱས་པ་ན་ཁྱིམ་སར་སོང་། མིང་པོས་རང་སངས་རྒྱས་མངོན་དུ་མཛད་དེ། དེ་ལ་རྫུ་འཕྲུལ་བསྟན་པས་དད་དེ། ཟླ་བ་གསུམ་དུ་བསོད་སྙོམས་བསྟབས་ནས་རས་ཡུག་ཆེན་ཕུལ་གྲི་དང་ཁབ་སྐུད་པ་ཕུལ་ནས་སྨོན་ལམ་བཏབ་ཅིང་། སྐྱེ་བ་སྔོན་རྒྱལ་རིགས་སུ་སྐྱེས་པ་རབ་ཏུ་བྱུང་བ་མ་ཐོབ་པས་དབུལ་པོའི་བུ་ལ་ལྷུང་བཟེད་དང་ཆོས་གོས་བྱིན་ནས་རབ་ཏུ་བྱུང་བཅུག་པར། སངས་རྒྱས་ཐོབ་སྟེ་རྫུ་འཕྲུལ་བསྟན་པར་བསོད་སྙོམས་ཕུལ་ཏེ། བར་མའི་ཁྱིམ་དུ་སྐྱེས་ནས་རྟག་ཏུ་རབ་ཏུ་བྱུང་བར་སྨོན་ལམ་གྲུབ་པ་ཡིན་གསུངས་ཏེ་འབྲས་བུའི་གཏམ་མོ། །༡༢

― GTN003_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་ཉི་ཤུ་པ་གྲོ་བཞིན་སྐྱེས་རྣ་བ་བྱེ་བ་རི་ནི། སྟོན་པ་མཉན་ཡོད་ན་བཞུགས། རྡོ་ཅན་གྱི་ཁྱིམ་བདག་སྟོབས་སྡེ་ལ་བུ་ཞིག་བཙས་པ་རྣ་བ་ལ་རིན་པོ་ཆེས་སྤྲས་པ་གསེར་སྲང་བྱེ་བའི་གོང་ཐང་ཅན་ཞིག་སྐྱེས་པས་མིང་ཡང་དེར་ཆགས་དེ་རྒྱ་མཚོར་ཕྱིན་པས་དོན་མ་གྲུབ་སྟེ། ཆུ་འགྲམ་ན་ངལ་བས་གཉིད་ལོག་པ་ན་དོན་མཐུན་ཚོགས་ཀྱིས་བརྗོད་དོ། །གཉིད་སད་པ་ན་ཚོང་པ་རྣམས་སོང་ཟིན་པའི་རྗེས་སུ་ཕྱིན་པ། ལས་དབང་གིས་ཡི་དྭགས་ཀྱི་ཡུལ་དུ་སླེབས། གནས་པའི་གྲོང་གི་བཤན་པ་རྣམས་མཚན་མོ་ཚུལ་ཁྲིམས་བསྲུང་བ། བྲམ་ཟེ་ཉིན་པར་བྱི་མ་བྱས་པ། བྲམ་ཟེ་མོ་ཀཏྱ་ནར་བསོད་སྙམས་དྲངས་པ་རྣམས་ཀྱི་ཕན་ཡོན་དང་། དེའི་ལྡོག་ཕྱོགས་ཀྱི་ཉེས་དམིགས་རྣམས་མངོན་དུ་མཐོང་ནས་ཤུལ་མི་རྣམས་ལ་ཕྲིན་བསྐུར་བ་དང་བདེན་རྟགས་གསེར་བུམ་དང་། གསེར་གྱི་མཁར་བ་དང་རིལ་བ་སྤྱི་བླུགས་རྣམས་བྱུང་བས་ཡིད་ཆེས་སོ། །སླར་ཀཱཏྱཱ་ན་ལས་རབ་ཏུ་བྱུང་སྟེ་དགྲ་བཅོམ་ཐོབ་སྟེ་ཡུལ་དབུས་སུ་སླེབས་པ་ན། སངས་རྒྱས་ལ་མཁན་པོའི་བཀའ་བཞིན་ཞུ་བ་སོགས་གནང་། དེའི་སྔོན་འབྱུང། ཝཱ་རཱ་ཎ་སཱིར་ཁྱིམ་བདག་ཁྱོ་ཤུག་གིས་སངས་རྒྱས་འོད་སྲུང་ལས་སྐྱབས་འགྲོ་དང་བསླབ་པའི་གཞི་མནོས། སངས་རྒྱས་མྱ་ངན་ལས་འདས་པ་ན་རྒྱལ་པོ་ཀྲ་ཀྲིས་རིན་ཆེན་སྣ་བཞི་ལས་བྱས་པའི་མཆོད་རྟེན་བཞེངས་
ནས་དེའི་ཞིག་རལ་འཆོས་ཕྱིར་གྲོང་ཁྱེར་ཤར་སྒོའི་དཔྱ་ཐམས་ཅད་ཕུལ་བ། དེའི་བུ་ལེགས་སྐྱེས་རྒྱལ་སར་ཕྱིན་པ་ན་བཀའ་ལས་མཆོད་རྟེན་རྒུད་པར། ཁྱིམ་བདག་དབུལ་པོ་ཞིག་ལ་གསོ་བའི་ཆ་རྐྱེན་དུ་ཚོང་དཔོན་ནོར་སྦྱིན་ཞེས་པས་རིན་པོ་ཆེའི་རྣ་ཆ་བཀྲོལ་ནས་བྱིན་པའི་བསོད་ནམས་དང་། རྒྱ་མཚོར་འགྲོ་སྐབས་མ་ལ་ཚིག་རྩུབ་སྨྲས་པས་ངན་སོང་མཐོང་བ་སྟེ་ཞིབ་པར་འདུལ་བ་ལུང་དུ་བྱུང་སྟེ་འབྲས་བུའི་གཏམ་མོ། །

ཡལ་འདབ་ཉེར་གཅིག་ནས་སུམ་ཅུ་བར།

― GTN003_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

༡༣ ༈ ཡལ་འདབ་ཉེར་གཅིག་པ་ཨ་མྲ་སྐྱོང་མ་ནི། ལུས་འཕགས་ཀྱི་གནས་མི་ཐི་ལར། རྒྱལ་པོ་ཆུ་ཡི་སེམས་ཅན་ལ་བློན་པོ་དུམ་བུ་ཞེས་རིགས་པ་ཅན་ཞིག་ཡོད་པ། རྒྱལ་བློན་ཕྲ་མས་ཕྱེས་ནས། བློན་པོ་ཡངས་པ་ཅན་དུ་བྲོས་པ་ན་ཚོགས་དེའི་གཙོ་བོར་དབང་བསྐུར། བློན་པོ་དེའི་བུ་ཆེ་བ་ས་འཚོ་དང་ཆུང་བ་སེངྒེ་གཉིས་བྱུང་། འདི་གཉིས་ལ་ཡངས་ཅན་པས་སྐྱེད་ཚལ་རྙིང་པ་ཞིག་བྱིན་པར་སངས་རྒྱས་ཀྱི་སྐུ་གཟུགས་གཙུག་ལག་ཁང་དང་བཅས་པ་བཞེངས། སེངྒེ་ལ་བུ་མོ་ཆེ་བ་གོས་ཅན་དང་། ཆུང་བ་ཉེ་གོས་གཉིས་བྱུང་བ་མཚན་མཁན་ནས་སྔ་མར་བུ་ཕ་གསོད་པ་ཞིག་དང་། ཕྱི་མར་བུ་མཚན་རྫོགས་ཤིང་བཙའ་བར་ལུང་བསྟན། དུམ་བུ་ཤི་ནས་སེངྒེས་དཔོན་བྱས། ས་མཚོ་རྒྱལ་པོ་གཟུགས་ཅན་སྙིང་པོའི་བློན་པོར་གྱུར་པས། རྒྱལ་པོའི་བཙུན་མོ་ཤི་བའི་ཐུགས་ངལ་སོས་ཕྱིར། བུ་མོ་ཉེ་གོས་འབུལ་རྒྱུར་ཡངས་ཅན་གྱི་ཚོགས་ཉུལ་

― GTN003_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

བས་ནོར་ཏེ་གོས་ཅན་ཕུལ་བས་ཕྱིས་ལུགས་འཕགས་མར་གྲགས་པ་མ་སྐྱེས་དགྲའི་མ་དེའི་ཡིན། ལི་ཙ་བི་མིང་ཆེན་གྱི་སྐྱེད་ཚལ་དུ་ཆུ་ཤིང་གི་སྡོང་པོ་ཞིག་གི་ཁོག་པ་ནས་བུ་མོ་ཨ་མྲ་སྐྱོང་མ་བྱུང་བར། ཡངས་ཅན་པས་ཚོགས་ཀྱིས་སྤྱོད་པར་བརྩམས་ཀྱང་མ་ནུས་པར། རྒྱལ་པོ་གཟུགས་ཅན་སྙིང་པོ་དང་འཕྲད་པར་བུ་གཞོན་ནུ་འཇིགས་མེད་སྐྱེས་སོ། །ཨ་མྲ་སྐྱོང་མའི་སྔོན་འབྱུང་ཞུས་པར། རྒྱལ་པོའི་ཁབ་ཏུ་སྐྱེད་ཚལ་སྲུང་བ་ཕྲེང་ཅན་མར་གྱུར་དུས། རང་སངས་རྒྱས་ལ་མེ་ཏོག་ཙུ་ཏ་མང་པོ་ཕུལ་ནས་མིའི་མངལ་མ་བཟུང་བར་རྒྱལ་པོའི་བཙུན་མོར་འགྱུར་བའི་སྨོན་ལམ་བཏབ་པར་གསུངས་ཏེ་འབྲས་བུའི་གཏམ་མོ། །༡༤ ༈ ཡལ་འདབ་ཉེར་གཉིས་པ་མགོན་མེད་ཟས་སྦྱིན་ནི། མཉན་ཡོད་དུ་ཁྱིམ་བདག་སྦྱིན་པའི་བུར་སྐྱེས་མིང་བཟང་བྱིན་ཡིན་ཡང་རྒྱུ་མཚན་ཡོད་པས་དེ་ལྟར་གྲགས། དེ་ལ་བུ་དྲུག་བཙས་པར་ཁྱིམ་ཕུབ་ནས། བུ་བདུན་པ་ལེགས་སྐྱེས་ཀྱི་ཆུང་མར་གངས་རིའི་གླང་པོ་བརྒྱ། རྟ་བརྒྱ། གསེར་གྱི་རྒྱན་བརྒྱ། དྲེའུ་ཡི་ཤིང་རྟ་བརྒྱ། ཐོ་གར་ཡུལ་གྱི་བུད་མེད་བརྒྱ་རྣམས་རིན་བྱིན། དེ་ཉིད་བུད་མེད་ལེན་པའི་ཁྱིམ་དུ་གནས་པས་སངས་རྒྱས་ཀྱི་གཏམ་ཐོས་ནས་མཇལ་བར་འདོད་པས་མཚན་མོ་གཉིད་ཡལ་བར། གྲོགས་པོ་སྦྲང་རྩིའི་ཕུང་པོ་མཆོག་ཟུང་ལ་དད་པས་ལྷར་སྐྱེས་པས་ལམ་བསྟན་པ་ལྟར་སྟོན་

― GTN003_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་མཇལ་ནས་རྒྱུན་ཞུགས་ཐོབ། མཉན་ཡོད་དུ་སྟོན་པ་སྤྱན་དྲངས་ཤིང་གཙུག་ལག་ཁང་བཞེངས་པའི་གྲོགས་དན་ལ་ཤ་རིའི་བུ་གནང་། གཞོན་ནུ་རྒྱལ་བྱེད་ཀྱི་ཚལ་གསེར་བྱེ་བ་གཤིབ་ནས་གཙུག་ལག་ཁང་གི་ས་སློང་། གསེར་གྱིས་མ་གཡོགས་པའི་ས་ཆར་རྒྱལ་བུ་རྒྱལ་བྱེད་ཀྱིས་སྒོ་ཁང་བྱས། མུ་སྟེགས་པ་ཀུན་ཏུ་རྒྱུ་མིག་དམར་གྱིས་ཕྲག་དོགས་གིས་ས་ཧ་ཀ་རའི་ལྗོན་པ། སྦྲུལ་མགོ་བདུན་པ། པདྨའི་མཚོ་རྫིང་། རོ་ལངས་རྣམས་མིག་འཕྲུལ་དུ་བསྟན་པ། ཤ་རིའི་བུས་རླུང་ནག་དང་། བྱ་ཁྱུང་། གླང་ཆེན། ཕུར་བུ་སོགས་ཀྱིས་བཅོམ་ནས་མུ་སྟེགས་རྣམས་ཆོས་ལ་བཀོད་དེ་དགྲ་བཅོམ་པར་གྱུར། མཆོག་དང་ཟས་བྱིན་གྱིས་གཙུག་ལག་ཁང་བཞེངས་པའི་ཐིག་འདེབས་པ་ན་བསོད་ནམས་ཀྱི་མཐུས་དགའ་ལྡན་དུའང་གསེར་གྱི་ཁང་པ་དཔག་ཚད་བཞི་བཅུ་པ་རང་གྲུབ་བྱུང་བ་དང་། སླར་ཡང་དད་པས་ཁང་པ་དེ་རིན་ཆེན་སྣ་བཞིར་གྱུར་པ་རྣམས་ཟས་བྱིན་ལ་བརྡའ་མཛད། གནས་ཁང་ཆེན་པོ་སུམ་བརྒྱ། གཙུག་ལག་ཁང་ཆེན་པོ་བཅུ་དྲུག་དང་། ཁང་ཕྲན་དྲུག་ཅུ་བསྒོམ་ཁང་རེ་གསུམ་བརྩིགས་སོ། །དེར་སངས་རྒྱས་འཁོར་དང་བཅས་བྱོན་པར་ཟས་བྱིན་རང་གིས་གསེར་གྱི་བྱ་མ་བུམ་ཐོགས་ནས་མཆོད་ཡོན་སྦྲེངས་པས་ཕྱོགས་ཁ་ཅིག་ཏུ་ཆུ་རེངས་པ་སངས་རྒྱས་རྣམ་གཟིགས། གཙུག་ཏོར་ཅན། ཐམས་ཅད་སྐྱོབས། འཁོར་བ་འཇིགས། གསེར་ཐུབ། འོད་སྲུང་རྣམས་ལ་སྐྱེ་བ་སྔ་མ་རྒྱལ་བྱེད། རྒྱས་པ། མཆུ། སྲིད་བྱིན། ཕུར་བུ། ཆུ་སྟོད་རྣམས་སུ་གྱུར་ནས་ཕུལ་བའི་ཕྱོགས་ཡིན་པ་དང་། མ་འོངས་པར་བྱམས་པ་

― GTN003_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཁྱིམ་བདག་ནོར་བཟང་དུ་གྱུར་ཞིང་དགྲ་བཅོམ་ཐོབ་པར་ལུང་བསྟན་ཏེ། སྔར་མ་ཕུལ་བའི་ཕྱོགས་སུ་ཆུ་རྒྱུན་སྦྲེལ་ན་བྱུང་སྟེ་མཆོད་ཡོན་སྦྲེང་བ་འཕགས་ཡུལ་བའི་ལུགས་སྲོལ་ཡིན། སྔོན་འབྱུང་ཁྱིམ་བདག་གསེར་སྦྱིན་དུ་གྱུར་དུས་རང་སངས་རྒྱས་ཀྱི་སྐུ་གདུང་ལ་བཀུར་སྟི་ཆེན་པོས་བསྲེགས་ཏེ། མེ་དེ་འོ་མས་བསད་ནས་རུས་པ་རྣམས་ཤེལ་གྱི་བུམ་པར་རིན་པོ་ཆེ་དང་བསྲེས་ཏེ་བླུགས་ནས་སྨོན་ལམ་བཏབ་པས། ས་འོག་གི་གཏེར་མཐོང་བའི་རྒྱུ་མིག་འབྲས་རིན་པོ་ཆེ་ལྟར་བཀྲ་བ་དང་། དབྱིག་གི་སྐད་ཡོད་པ་སོགས་བཀའ་སྩལ་ཏེ། འབྲས་བུའི་གཏམ་མོ། །༡༥ ༈ ཡལ་འདབ་ཉེར་གསུམ་པ་ཡབ་སྲས་མཇལ་བ་ནི། རྒྱལ་པོ་ཟས་གཙང་གིས་སྟོན་པ་མཇལ་བར་འདོད་ནས་ཕོ་ཉ་བདུན་བཏང་བ་སོ་སོར་རབ་ཏུ་བྱུང་ནས་ཕྱིར་མ་ལོག་པས་མདུན་ན་འདོན་གྱི་བུ་འཆར་ཀ་བཏང་ནས། རབ་ཏུ་བྱུང་ནས་སངས་རྒྱས་ཀྱི་བཀའ་བཞིན་རྒྱལ་པོར་ཕྲིན་བསྲིང་། དེ་ཕྱོགས་སུ་གཙུག་ལག་ཁང་བཞེངས་ཤིང་དེར་ཡབ་སྲས་གདན་འཛོམས་པ་ན། སྟོན་པའི་བཀའ་བཞིན། མོའུ་འགལ་བུས་རྫུ་འཕྲུལ་བསྟན་ནས་དྲེགས་པ་བཅོམ། སྟོན་པས་འཇིག་རྟེན་པའི་ཐུགས་བསྐྱེད་པ་ན། ལྷའི་གཞལ་ཡས་ཁང་བཞེངས་ཤིང་ཚངས་པ་དང་བརྒྱ་བྱིན་སོགས་ལྷ་མཐུ་བོ་ཆེ་རྣམས་འདུས་པར་ཆོས་གསུངས་ཤིང་། རྒྱལ་པོ་ཆེན་པོ་བཞིས་སྒོ་བཀག་པས་རྒྱལ་

― GTN003_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཐུགས་དང་དེ་བདེན་པ་མཐོང་། ཤཱཀྱ་མང་པོ་རབ་ཏུ་བྱུང་ཞིང་སོ་སོར་མཚན་མཁན་གྱིས་བརྟགས་པས་ལེགས་པར་བསྟན་ཞིང་། ལྷས་བྱིན་དང་དེར་གཏོགས་པ་རྣམས་ཉེས་པར་སྨྲས། ཤཱཀྱ་རབ་ཏུ་བྱུང་བ་རྣམས་དགྲ་བཅོམ་པ་དང་། གཞན་ཕལ་ཆེར་འབྲས་བུ་བཞི་ལ་བཀོད། འདི་སྐབས་ཉེ་བ་འཁོར་གྱི་རྐང་པར་སྟོན་པའི་བཀའ་བཞིན་བཟང་ལྡན་གྱིས་ཕྱག་ཕུལ་བས་ས་གཡོས་ཤིང་། ལྷས་བྱིན་གྱིས་སྟོན་པའི་བཀའ་ལས་འགལ་བའི་ཐོག་མ་ཡིན་ནོ། ། སྔོན་འབྱུང་ཉེ་བར་འཁོར་རྒྱལ་པོ་ཚངས་བྱིན་གྱི་འདྲེག་མཁན་དུ་གྱུར་པ་ན་མིང་གངྒཱ་སྐྱོང་ཡིན། རྒྱལ་པོས་རྒྱལ་སྲིད་ཕྱེད་སྟེར་བ་མ་བླངས་པར་དྲང་སྲོང་གཞུང་ཅན་དྲུང་དུ་རབ་ཏུ་བྱུང་ནས་འདོད་ཆགས་དང་བྲལ་བ་ཐོབ་སྟེ་སླར་རྒྱལ་པོས་དེའི་རྐང་པ་ལ་ཕྱག་འཚལ་བ་གསུངས་ཏེ་ཚངས་བྱིན་དེ་རྒྱལ་པོ་བཟང་ལྡན་འདི་ཡིན་ཞེས་ལས་ཀྱི་རྒྱུ་བ་ལུང་སྟོན་པར་འབྱུང་བ་བཞིན་ཏེ་འབྲས་བུའི་གཏམ་མོ། །༡༦ ༈ ཡལ་འདབ་ཉེར་བཞི་པ་རྒྱལ་པོ་ཐམས་ཅད་སྒྲོལ་དུ་སྐྱེ་བ་བཞེས་པ་ནི། སྐྱེས་རབས་སོ་བཞི་པའི་སྐབས་དགུ་པར་འབྱུང་བར། སྟོན་པ་ཤཱཀྱའི་གྲོང་དུ་བཞུགས་པ་ན་འཁོར་རྣམས་ལ་སྔོན་བྱུང་གསུངས་སྟེ། ཡུལ་ཤི་བི་པའི་རྒྱལ་པོ་ཀུན་ཏུ་རྒྱལ་གྱི་སྲས་ཡིན། གླང་པོ་རིན་པོ་ཆེ་སྦྱིན་པར་གཏོང་བས་མངའ་འོག་འཁྲུགས་ཏེ་ནགས་སུ་བསྐྲད། དེ་ནས་ཀྱང་ཤིང་རྟ་འདྲེན་པའི་རྟ་དང་། ཤིང་རྟ།

― GTN003_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

སྲས་དྲིན་ལྡན་དང་། སྲས་མོ་ཀྲིཥྞ་བཙུན་མོ་མ་དྲི་བཅས་སྦྱིན་པར་གཏོང་། སླར་རྒྱལ་སར་འཁོད་དེ་སྲས་བཙུན་མོར་བཅས་འཛོམས་ཤིང་། བདེ་སྐྱིད་ཕུན་སུམ་ཚོགས་པར་གསུངས་ཏེ་སྦྱིན་པའི་གཏམ་མོ། །༥ ༈ ཡལ་འདབ་ཉེར་ལྔ་པ་མངོན་པར་འབྱུང་བ་ནི། བཅོམ་ལྡན་འདས་གཟིགས་པ་ལྔས་སེར་སྐྱའི་གྲོང་ཁྱེར་དུ། ཡུམ་སྒྱུ་མ་ལྷ་མཛེས་ཀྱི་མངལ་དུ་འཛིན་ནས་ལུམྦིའི་ཚལ་དུ་སྐུ་བལྟམས་པར་ལྷའི་བུས་ཁྲུས་གསོལ། བྲམ་ཟེ་མཚན་མཁན་གྱིས་སངས་རྒྱས་སུ་ལུང་བསྟན། ཤཱཀྱའི་ལྷ་རྣམས་ཀྱིས་ཞབས་ལ་ཕྱག་འཚལ། ཤཱཀྱ་རྣམས་དང་སྟོབས་འགྲན་ཞིང་བཙུན་མོའི་འཁོར་བརྒྱད་ཁྲི་བཞི་སྟོང་སྤྱད། སྐྱེ་རྒ་ན་འཆི་དང་དགེ་སློང་གི་རྐྱེན་ལས་མཆོད་རྟེན་རྣམ་དག་གི་དྲུང་དུ་རབ་ཏུ་བྱུང་། བརྒྱ་བྱིན་རྔོན་པར་སྤྲུལ་ཏེ་གོས་ངུར་སྨྲིག་ཕུལ་བ་རྣམས་ཏེ་འབྲས་བུའི་གཏམ་མོ། །༡༧ ༈ ཡལ་འདབ་ཉེར་དྲུག་པ་བདུད་བཏུལ་བ་ནི། སྔ་མའི་འཕྲོས་ཏེ། ཆུ་བོ་ནཻ་རཉྫ་ནའི་འགྲམ་དུ་ནགས་ཀྱི་མཐར་སྟོན་པ་ཤིང་ལོའི་འདམ་དཀྲིས་མཛད་དེ་བསམ་གཏན་ལ་བཞུགས་པར། བ་ལང་རྫིས་

― GTN003_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

ཤི་གསོན་བལྟ་སྟེ་སྙན་དུ་ཐུར་མ་འཛུགས་པ་སོགས་དང་། དཀའ་ཐུབ་ལས་བཞེངས་ཏེ་ཁ་ཟས་རགས་པ་སོགས་གསོལ་ཞིང་བཞེད་པར། འཁོར་ལྔ་སྡེ་མ་དད་དེ་ཝཱ་རཱ་ཎ་སཱིར་དོང་། སྟོན་པར་དགའ་མོ་དང་དགའ་སྟོབས་མས་འོ་ཐུག་ཕུལ་ནས་སྐུ་མདོག་གསེར་ལྟར་སྣང་ཞིང་མཚན་དཔེའི་འོད་དུ་འབར་བ་རྩྭ་འཚོང་བཀྲ་ཤིས་ལས་རྩྭ་ཀུ་ཤ་སློང་བར་གདན་མཛད་དེ་བྱང་ཆུབ་ཤིང་དྲུང་དུ་སྐྱིལ་མོ་ཀྲུང་མི་གཡོ་བར་དམ་བཅའ་བ། སྨིན་མཚམས་འོད་ཟེར་གྱིས་བདུད་དམག་བསྐུལ་བས། བདུད་དམག་བྱེ་བ་ཁྲག་ཁྲིག་བྱམས་པས་བཏུལ། བུད་མེད་ཀྱི་གཡོ་སྒྱུ་ངོམ་པ་རྒན་མོར་བསྒྱུར། སའི་ལྷ་མོས་དཔང་པོ་མཛད་དེ་མངོན་པར་སངས་རྒྱས་པའོ། །སྐབས་འདིར་སྲས་སྒྲ་གཅན་འཛིན་སྔོན་གྱི་ལས་ཀྱིས་ལོ་དྲུག་མངལ་དུ་ཞུགས་པ། གྲགས་འཛིན་མར་བཙས་ཚེ། ཤཱཀྱའི་སྲས་ཡིན་མིན་བརྟགས་ཕྱིར་རྡོ་དང་བཅས་ཆུར་འཕངས་པ་མ་ནུབ་པས་ཡིད་ཆེས་པ། བདུད་ཀྱིས་ཤཱཀྱའི་སྲས་འདས་ཞེས་བསྒྲགས་པ། ལྷས་སངས་རྒྱས་ཟིན་པར་བསྒྲགས་པས་ཟས་གཙང་གི་མྱ་ངན་སེལ། ཚོང་དཔོན་ག་གོན་དང་བཟང་པོས་སྦྲང་རྩི་ཕུལ་བའི་སྐབས་རྒྱལ་ཆེན་སྡེ་བཞིས་ལྷུང་བཟེད་ཕུལ་བ་གཅིག་ཏུ་བྱིན་གྱིས་བརླབས་ནས་གསོལ་ཏེ་བཀྲ་ཤིས་ཀྱི་ཚིགས་གསུངས་ཏེ་འབྲས་བུའི་གཏམ་མོ། །༡༨

― GTN003_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་ཉེར་བདུན་པ་ཤཱཀྱ་རྣམས་ཀྱི་བྱུང་བ་ནི། སེར་སྐྱའི་གཞི་ནྱ་གྲོ་དྷའི་ཀུན་རར་སངས་རྒྱས་བཞུགས་པ་ལ་ཤཱཀྱ་རྣམས་ཀྱིས་སྔོན་གྱི་རིགས་རུས་ཞུས་པར། སངས་རྒྱས་ཀྱི་བཀས་མོའུ་འགལ་བུས་དེ་རྣམས་ཀྱིས་སྔོན་གྱི་མཐའི་གཟིགས་པ་རྣམ་པར་དག་པས་བཤད་པ་སྡེ་སྣོད་ཀྱིས་འཇིག་རྟེན་མས་ནས་ཡར་ཆགས་པ་དང་། བཅུད་ཀྱི་སེམས་ཅན་ཡས་ནས་མར་ཆགས་ཏེ་ཐོག་མར་མང་པོས་བཀུར་བའི་རྒྱལ་པོ་བྱུང་། དེའི་རིགས་བརྒྱུད་རྒྱལ་པོ་གསོ་སྦྱོང་འཕགས། དེའི་སྲས་སྤྱི་བོ་སྐྱེས། དེའི་རིགས་སྟོང་ཕྲག་གི་རྗེས་སུ་རྒྱལ་པོ་ཀྲ་ཀཱི། དེས་སངས་རྒྱས་འོད་སྲུང་མཆོད། དེའི་རྒྱུད་ལ་བུ་རམ་ཤིང་པ་བྱུང་། དེ་ནས་འཕགས་སྐྱེས་པོ། དེའི་བུ་སྐར་མདའ་གདོང་། ལག་རྣ་གླང་པོ་ཆེ་འདུལ། རྐང་རྒྱན་ལྡན་ཏེ་བཞི་ཡོད་པ་ཉེས་པ་འགའ་ཞིག་གིས་ཕྱིས་ཡུལ་ནས་སྤྱུགས་པ་རང་རང་གི་སྲིང་མོ་བཅས་སེར་སྐྱའི་གནས་དང་ཉེ་བར་འཁོད་ནས་རང་རང་གི་སྲིང་མོ་བཏང་སྟེ་མས་དབེན་གྱི་སྲིང་མོ་རྣམས་དང་ལྷན་ཅིག་སྤྱོད་པས་བུ་དང་བུ་མོ་མང་དུ་འཕེལ་བས་ཤཱཀྱའི་བུ་རྒྱུད་དུ་མིང་ཆགས། དེའི་རིགས་རྒྱུད་ས་སྤྱོད་སྟོང་ཕྲག་ལྔ་པ་འདས་ནས་ཤིང་རྟ་བཅུ་པ་བྱུང་། དེའི་རྒྱུད་ལ་སེངྒེ་འགྲམ། དེའི་སྲས་ཟས་གཙང་། ཟས་དཀར། བྲེའོ་ཟས། བདུད་རྩི་ཟས་སོགས་ཡིན་པར་གསུངས་ཏེ། ཞིབ་པར་མངོན་པར་འབྱུང་བའི་མདོར་བསྟན་པ་ཉིད་དེ་འབྲས་བུའི་གཏམ་མོ། །༡༩

― GTN003_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་ཉེར་བརྒྱད་པ་གྲོ་བཞིན་སྐྱེས་བྱེ་བ་ཉི་ཤུ་པ་ནི། གྲོང་ཁྱེར་ཙམ་པར་གྲུ་འཛིན་གྱི་བུ་ཡིན། འདི་བསོད་ནམས་ཆེན་པོ་དང་ལྡན་ཞིང་ཉི་མ་ལྷར་མཆོད་པས། མོའུ་འགལ་བུས་གདུལ་བའི་དུས་མཁྱེན་པས་ཉི་མའི་དཀྱིལ་འཁོར་བརྟོལ་ནས་འོང་བའི་རྫུ་འཕྲུལ་བསྟན་པས་བསོད་སྙོམས་གསོལ་ཞིང་སྟོན་པར་མཆོད་པ་བསྐུལ་བས། དེས་ལྷའི་བདུད་རྩི་སྦགས་པའི་བཟའ་བ་སྣོད་དུ་བཙོས་པ་ལྔ་བརྒྱ་སངས་རྒྱས་ལ་བསྐུར་བས། མཆོག་གིས་རྫུ་འཕྲུལ་གྱིས་ཕུལ་བ་དང་རྒྱལ་པོ་གཟུགས་ཅན་སྙིང་པོས་ཀྱང་ཞལ་ཟས་འབུལ་བ་འགྲིགས་པས། རྒྱལ་པོ་ཡ་མཚན་སྐྱེས་ཏེ་དྲིས་པ་ན་སྟོན་པས་གྲོ་བཞིན་བྱེ་བ་ཉི་ཤུ་པའི་ལོ་རྒྱུས་གསུངས་པས་དེ་བལྟ་འདོད་པར་གྱུར་ཅིང་། དེ་དང་རྒྱལ་པོ་འཕྲད་དེ་དགའ་བའི་གཏམ་བྱས་ཤིང་ལྷན་ཅིག་སངས་རྒྱས་ག་ལ་བ་དེར་ཕྱིན་ནས་གྲུ་འཛིན་བུ་རབ་ཏུ་བྱུང་ནས་དགྲ་བཅོམ་ཐོབ་པ་ན། འཁོར་རྣམས་ཀྱིས་དེའི་སྔོན་འབྱུང་ཞུས་པར་སྔར་བདེ་གཤེགས་རྣམ་གཟིགས་ལ་བྲམ་ཟེའི་བུ་དབང་པོའི་ཟླ་ཞེས་པ་དབུལ་པོས་བསྙེན་བསྐུར་བྱས་ནས་སྨོན་ལམ་བཏབ་པར་གསུངས་ཏེ་འབྲས་བུའི་གཏམ་མོ། །༢༠

― GTN003_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་ཉེར་དགུ་པ་གླང་པོ་ནོར་སྐྱོང་བཏུལ་བ་ནི། སྟོན་པ་རྒྱལ་པོའི་ཁབ་འོད་མའི་ཚལ་ན་བཞུགས། མ་སྐྱེས་དགྲ་ལ་ཀླུའི་གླང་པོ་ཆེའི་བུ་གླང་པོ་ནོར་སྐྱོང་ཞེས་པ་ཡོད། སྟོན་པ་སྦྱིན་བདག་སར་དགེ་སློང་ལྔ་བརྒྱའི་འཁོར་དང་བཅས་བྱོན་པའི་གཏམ་ཐོས་པས་ལྷས་བྱིན་གྱིས་གླང་རྫི་ལ་མུ་ཏིག་གི་དོ་ཤལ་སྲང་བརྒྱ་སྟོང་རི་བ་བྱིན་ནས་གླང་པོ་རྦད་དུ་བཅུག་པས། འཁོར་རྣམས་ལས་ཀུན་དགའ་བོ་མ་གཏོགས་བྲོས། སངས་རྒྱས་ཀྱི་ཕྱག་སོར་ལས་སེངྒེ་རལ་པ་ཅན་ལྔ་སྤྲུལ་པས་གླང་པོ་སྐྱེངས་ཏེ་བྲོས་པར་དེའི་མཐར་མེ་དཔུང་གིས་བསྐོར་བར་སྟོན་པའི་དྲུང་ཁོ་ན་བསིལ་བར་མཐོང་ནས་སྐྱབས་སུ་སོང་སྟེ། སེམས་དགའ་བར་བྱས་པ་ཤི་ནས་རྒྱལ་ཆེན་བཞིའི་ལྷར་སྐྱེས་པས་སྟོན་པར་མཆོད་པ་ཕུལ། དེའི་སྔོན་འབྱུང་སངས་རྒྱས་འོད་སྲུང་གི་བསྟན་པར་རབ་ཏུ་བྱུང་བ་ན་བསླབ་པའི་གནས་ལ་མ་གུས་པའི་ལས་སུ་གསུངས་ཤིང་། ཀུན་དགའ་བོ་མ་གཏོགས་འཁོར་གཞན་བྲོས་པ་ཡང་། སྔོན་མཚོ་ཞིག་ལ་ངང་པ་ལྔ་བརྒྱ་གནས་པ་གཅིག་རྙིས་ཟིན་ཏེ། གཞན་འཕུར་བ་ན་ངང་པ་ཅིག་གིས་མཛའ་བ་མ་བཏང་བ་གསུངས་ཏེ་འབྲས་བུའི་གཏམ་མོ། །༢༡

― GTN003_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་སུམ་ཅུ་པ་ཀཱ་ཤི་མཛེས་དགར་སྐྱེ་བ་བཞེས་པ་ནི། དགེ་སློང་ཀཽ་ཌི་ནྱའི་གཏམ་གྱི་མཇུག་ཏུ་སངས་རྒྱས་ཀྱིས་གསུངས་པ་སྟེ་ས་བདག་ཚངས་བྱིན་གྱི་བུ་ཡིན། རྒྱལ་སྲིད་སྤངས་ནས་ནགས་སུ་དཀའ་ཐུབ་སྤྱོད་པས་མིང་འགྱུར་ཏེ་བཟོད་པ་སྨྲ་བར་གྲགས། དེའི་སྤུན་ཟླ་དུས་ཀྱི་པས་རྒྱལ་སྲིད་སྐྱོང་བ། ནགས་སུ་བཙུན་མོའི་འཁོར་དང་བཅས་ལྟད་མོར་རྒྱུ་བ་ན། རྒྱལ་པོ་གཉིད་ལོག་པའི་ཤུལ་དུ་བཙུན་མོ་རྣམས་ནགས་སུ་འཁྱམས་པར་དྲང་སྲོང་བཟོད་པར་སྨྲ་དང་མཇལ་ནས་ཆོས་བསྟན་པ་རྒྱལ་པོས་མཐོང་བས་ཁྲོས་ཏེ་མ་བརྟགས་པར་དྲང་སྲོང་གི་རྐང་ལག་ཐམས་ཅད་སྤུ་གྲིས་གཏུབས་ཏེ་དྲང་སྲོང་ལ་དགའ་བའི་ལྷ་རྣམས་ཁྲོས་པས་རྒྱལ་པོའི་ཡུལ་དུ་མུ་གེ་དང་། མུ་གེ་ཆེན་པོ་བྱུང་ནས། དྲང་སྲོང་ལ་བཟོད་པར་གསོལ་བ་ན་ཁྲོ་བ་མ་སྐྱེས་པའི་བདེན་པ་བརྗོད། དེའི་ཁྲག་འོ་མར་ཟག་ཅིང་ལུས་སྔ་མ་ཁོ་ན་ལྟར་གྱུར། འདི་སྐྱེས་རབས་སོ་བཞི་པའི་སྐབས་ཉེར་བརྒྱད་པའི་བཟོད་པར་སྨྲ་བ་དང་ཕྱོགས་མཚུངས་ཤིག་སྟེ་བཟོད་པའི་གཏམ་མོ། །༡

ཡལ་འདབ་སོ་གཅིག་ནས་བཞི་བཅུ་བར།

― GTN003_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་སོ་གཅིག་པ་གསེར་མདོག་གི་སྐྱེས་རབས་ནི། འཁོར་རྣམས་ཀྱིས་ལྷས་བྱིན་གྱི་སྔོན་འབྱུང་ཞུས་པའི་རྗེས་སུ་བཀའ་སྩལ་པ་སྟེ། སངས་རྒྱས་ཉིད་ཝཱ་རཱ་ཎ་སཱིར་ནགས་ཚལ་ཤིན་ཏུ་སྟུག་པོར་རི་དྭགས་ཁ་དོག་གསེར་གྱི་མདོག་ཅན་ར་རིང་བ་ལ་གྲོགས་པོ་ཁྭ་ཏ་ཞིག་ཀྱང་ཡོད། དེ་དང་ཉེ་བར་ཆུ་བོའི་རྒྱུན་གྱིས་མི་ཞིག་ཁྱེར་བ་རི་དྭགས་ཀྱིས་ཆུ་ལས་བླངས་ཏེ་གཞན་ལ་མི་སྨྲ་བར་གདམས། ཡུལ་དེའི་རྒྱལ་པོ་དབང་པོའི་སྡེའི་བཙུན་མོ་ཟླ་འོད་ལ་རྨི་ལྟས་བྱུང་བས། རྒྱལ་པོས་རི་དྭགས་དེ་མཐོང་མཁན་བྱུང་ན་བྱ་དགའ་སྟེར་བའི་དྲིལ་བསྒྲགས་པ་ན། མི་ངན་དེས་གླ་རྔན་ཐོབ་པར་བསམ་ནས། ནགས་སུ་རྒྱལ་པོ་དཔུང་དང་བཅས་པ་ཁྲིད་དེ་ལག་པ་བསྒྲེངས་ནས་བསྟན་པས་ལས་འབྲས་མི་བསླུ་བས་དེའི་ལག་པ་ཆད། རི་དྭགས་ཀྱི་རྒྱལ་པོར་རྒྱུ་མཚན་བརྗོད་ཅིང་མི་ངན་དེ་ལ་ཆད་པ་མེད་པར་མཛད་དེ་ཆོས་བསྟན་པས་རྒྱལ་པོ་འཁོར་བཅས་ཐར་པའི་ས་བོན་བསྐྲུན་ནོ། །འདི་ཡང་སྐྱེས་རབས་སོ་བཞིའི་སྐབས་ཉེར་དྲུག་གི་རྒྱུ་དང་ཕྱོགས་མཚུངས་ཏེ་ཤེས་རབ་ཀྱི་གཏམ་མོ། །༢

― GTN003_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་སོ་གཉིས་པ་རྒྱལ་བུ་དགེ་དོན་ཏུ་སྐྱེ་བ་བཞེས་པ་ནི། གྲོང་ཁྱེར་པ་ཊ་ལིར་ས་བདག་འབྱེད་འཇིག་གི་སྲས་སུ་འཁྲུངས། ནུ་བོའི་སྡིག་དོན་དང་ལྷན་ཅིག་རྒྱ་མཚོར་སོང་ནས་ནོར་བུ་ལོན་ཏེ་ཚུར་འོངས་པས་གྲུ་ཞིག་ཀྱང་ཕུ་བོའི་སྟོབས་ཀྱིས་ནུ་བོ་དང་ནོར་བུར་བཅས་རྒྱ་མཚོའི་འགྲམ་དུ་སླེབས་པ་ན། ཕུ་བོ་གཉིད་ལོག་པས་ནུ་བོས་མིག་གཉིས་ཚེར་མས་བཏོན་ཏེ། ནོར་བུ་བླངས་ནས་ཕ་མའི་རྩར་སླེབས། དགེ་དོན་རྒྱལ་པོ་བསོད་ནམས་སྡེའི་བུ་མོར་མཛའ་ནས། བུད་མེད་གཞན་མ་བསམ་པའི་བདེན་པ་དང་། བུ་མོས་སྐྱེས་པ་གཞན་མ་སེམས་པའི་བདེན་པ་བརྗོད་པས་མིག་གཉིས་སོས་ནས་རང་ཡུལ་དུ་བཙུན་མོ་བཅས་ཕྱིན་ནས་ནུ་བོ་སྡིག་དོན་བཙོན་ནས་བཏོན་པས། ནོར་བུ་བྱིན་ཏེ་སེམས་ཅན་ཀུན་གྱི་དབུལ་བ་བསལ་བ་བཟོད་པའི་གཏམ་མོ། །༢ ༈ ཡལ་འདབ་སོ་གསུམ་པ་ཁྱད་པར་ལོ་མར་སྐྱེ་བ་བཞེས་པ་ནི། ཀ་ལིངྐའི་ཡུལ་དུ་རྒྱལ་པོ་མྱ་ངན་མེད་ལ་བུ་བཞི་ཡོད་དེ། ལོ་མ་དང་། རབ་ཏུ་ལོ་མ། རྗེས་སུ་ལོ་མ། ཁྱད་པར་ལོ་མ་རྣམས་ཡོད་པ་ཡབ་ཀྱིས་རང་རང་གི་ཆུང་མ་དང་བཅས་བསྐྲད་དེ་ནགས་སུ་སོང་བ་རྒྱགས་ཟད་དེ་རང་རང་གི་ཆུང་མ་

― GTN003_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་བསད་པར་སེམས་པ་ན། ཁྱད་པར་ལོ་མས་བསམ་པ་དེ་ལས་ལྡོག་སྟེ། རང་གི་ཆུང་མ་ཁྲིད་དེ་ཟུར་དུ་བྲོས། ཆུང་མ་དེ་ཡང་བཀྲེས་པས་ཉེན་པ་ན། རང་གི་མགོ་ནས་ཁྲག་ཕྱུང་སྟེ། དེ་ལ་བླུད་པས་གསོས། རེ་ཞིག་ན་མི་རྐང་ལག་བཅད་པ་ཆུར་བསྐྱུར་བ་ཞིག་ཆོ་ངེ་འདོན་པའི་སྒྲ་ཐོས་པ། ཁྱད་པར་ལོ་མས་བླངས་ཏེ་གསོས་པ། དེའི་ཆུང་མ་ཆགས་ནས་ཁྱད་པར་ལོ་མ་གཡང་ལ་བསྐྱུར་བ་ཆུ་བོས་གྲོང་ཁྱེར་པུཥྐར་རྫིང་བུ་ཅན་དུ་ཁུར་བ། ཡུལ་དེའི་རྒྱལ་པོ་ལ་སྲས་མེད་པས་བློན་པོ་རིགས་པ་ཅན་གྱིས་རྙེད་དེ་རྒྱལ་སར་བཀོད་དེ་དཔལ་འབྱོར་ཕུན་སུམ་ཚོགས་པ་ན། བུད་མེད་གཡོན་ཅན་དེས་མི་ལག་ཟླུམ་དེ་རྒྱབ་ཏུ་ཁུར་ནས་གྲོང་ཁྱེར་སློང་བ་གཟིགས་པ་སྟེ་ཚུལ་ཁྲིམས་ཀྱི་གཏམ་མོ། །༡ ༈ ཡལ་འདབ་སོ་བཞི་པ་ཀླུ་དགའ་བོ་དང་ཉེར་དགའ་བཏུལ་བ་ནི། ཀླུ་དེ་གཉིས་སྦྲུལ་ཆེན་པོའི་རྣམ་པ་རི་རབ་ལ་ལན་གསུམ་དུ་དཀྲིས་ཏེ་གནས་པ། དེའི་ཁ་རླངས་ཀྱི་དུག་གིས་རི་རབ་ཀྱི་བང་རིམ་ལ་གནས་པའི་དགེ་སློང་རྣམས་སྐྱ་བོ་སེང་སེང་སོགས་གྱུར་པ་སོགས་སྲོག་ཆགས་དུ་མར་གནོད་པ་ལ། སངས་རྒྱས་ཀྱིས་མོའུ་འགལ་བུ་ལ་དེ་གདུལ་བར་གནང་བས། ཐབས་ཀྱིས་བཏུལ་ནས་སྟོན་པའི་སྤྱན་སྔར་ཁྲིད་དེ་སྐྱབས་སུ་འགྲོ་བ་དང་། བསླབ་པའི་གཞི་ལ་བཀོད། དེའི་སྔོན་འབྱུང་སྔར་རྒྱལ་པོ་ཀྲ་ཀཱིའི་བློན་པོ་དགའ་བོ་དང་ཉེ་དགའ་

― GTN003_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་གཉིས་ཡོད་པས་རྒྱལ་སྲིད་ཆོས་དང་ཆོས་མིན་པ་གཉིས་ཀས་བྱས་པའི་ལས་སུ་གསུངས་ཏེ་འབྲས་བུའི་གཏམ་མོ། །༢༢ ༈ ཡལ་འདབ་སོ་ལྔ་པ་ལེགས་བྱིན་ནི། ཀླུའི་རྒྱལ་པོ་སྔ་མ་དེ་གཉིས་ཉིན་མོ་མིའི་ཆ་བྱད་ཀྱིས་སྟོན་པའི་སྤྱན་སྔར་མཆིས་ཏེ་ཆོས་ཉན་པ་ན། རྒྱལ་པོ་གསལ་རྒྱལ་འོང་བར་སྟོན་པས་གནང་སྟེ་ལྡང་བ་དང་ཞེ་ས་མ་བྱས་པར་རྒྱལ་པོ་ཁྲོས་པ། ཀླུའི་འཁོར་གྱིས་ཤེས་ནས་རྒྱལ་པོ་ཕྱིར་ཐོན་པ་ན་མཚོན་ཆའི་ཆར་ཕབ་པ། སྟོན་པའི་བཀའ་མོའུ་འགལ་བུས་མེ་ཏོག་ཏུ་བསྒྱུར་ཅིང་། སྟོན་པས་རྒྱལ་པོར་དེ་ཚུལ་གསུངས་པས་ཀླུ་ལ་གསལ་རྒྱལ་གྱིས་བཟོད་པ་གསོལ་ནས་རང་གི་ཁྱིམ་དུ་སྟོན་པར་བསྙེན་བཀུར་བྱས་ཏེ། དེ་སྐབས་མེའི་དགྲ་བྱུང་ནས་སྟོན་པའི་མཐུས་ཞི་ཡང་། མཚན་མོ་མེ་སྦར་དུ་མེད་པར་ཁྲིམས་ཀྱིས་བཅད། སྐབས་དེར་ཁྱིམ་བདག་ལེགས་བྱིན་གྱི་བུས་རྫུ་འཕྲུལ་སྟོན་ནས་རྫུན་སྨྲས་པ་རྒྱལ་པོས་བཀུམ་པས་ཁྱིམ་བདག་གིས་ཡོ་བྱད་ཐམས་ཅད་སྦྱིན་པ་བཏང་ནས་ལྷག་མ་པ་ཎ་གཅིག་བདོག་པ་སངས་རྒྱས་ལ་ཕུལ་བར་ཅུང་ཟད་སེམས་ཞུམ་པ་ན། དད་པས་ཕུལ་བ་རྒྱུ་ཆུང་ཡང་འབྲས་བུ་ཆེ་བར་གསུངས་པས་བདེན་པ་མཐོང་། རང་གི་ཁང་པར་མཚན་མོ་མར་མེའི་འོད་དུ་གསུང་རབ་བཀླགས་ནས་རྒྱལ་པོའི་ཁྲིམས་ཀྱིས་བཙོན་རར་བཅིངས་

― GTN003_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

པ་བརྒྱ་བྱིན་དང་ཚངས་པ་སོགས་དཀར་ཕྱོགས་རྣམས་དེ་ལ་བལྟ་བར་འོང་ནས་ནོར་མང་དུ་བྱིན་ཡང་དེ་ཆོག་ཤེས་པ་ཆེ་བར་མ་བླངས་པར། དེའི་མཐུས་གྲོང་ཁྱེར་དུ་མཚན་མོ་མེའི་སྣང་བ་ཆེན་པོ་བྱུང་བས། རྒྱལ་པོས་བརྟག་པ་ན་ཁྱིམ་བདག་གིས་མཐུར་ཤེས་པས་བཅིངས་པ་ལས་གྲོལ། ཕྱི་ཉིན་རྒྱལ་བའི་སྤྱན་སྔར་ཁྱིམ་བདག་དེ་འོངས་པས་སྟོན་པ་ལ་གུས་པར་བསྐྱེད་དོ། །རྒྱལ་པོ་ལ་ཕྱག་མ་བྱས་པས་ཡུལ་ནས་བསྐྲད་པར་བརྩམས་པ་ན། དེ་ལ་དགའ་བའི་ལྷ་རྣམས་ཁྲོས་ཏེ་རྒྱལ་པོར་གཙེས་པས། སྟོན་པའི་བཀའ་རྒྱལ་པོས་ལེགས་སོ་བརྗོད་པ་སྟེ་འབྲས་བུའི་གཏམ་མོ། །༢༣ ༈ ཡལ་འདབ་སོ་དྲུག་པ་གདངས་ཅན་གྱི་ཀུན་དགའ་ར་བ་ནི། ཀཽཤམྦིར་པད་སའི་རྒྱལ་པོ་འཆར་བྱེད་ཀྱིས་ཁྱིམ་བདག་ཕྱུག་པོ་ནོར་བཟང་སྐད་ཀྱི་གདང་ལས་གསེར་འབུམ་ཡོད་པར་ཤེས་ནས་མིང་གདངས་ཅན་ཏུ་བཏགས་ནས་བློན་པོར་བསྐོས་པ། དེའི་སེམས་བརྟག་ཕྱིར་ཆད་པ་དུ་མས་སྡིགས་ཀྱང་མི་འོས་པའི་ལས་མི་བགྱི་བར་རིག་ནས་ཞེ་མགུ་སྟེ། ཅི་དགར་བསོད་ནམས་དག་བགྱིད་ཆོག་པའི་དམ་པ་སྩལ། སྐབས་དེར་ལྷོ་ལམ་ནས་དྲང་སྲོང་ལྔ་བརྒྱ་ཡུལ་དབུས་སུ་ཆས་ཏེ། བཀྲེས་ཤིང་སྐོམ་པར་ལྗོན་ཤིང་གཉིས་ཀྱི་ལྷས་ཆུ་དང་། ཟས་བྱིན་ཏེ་མགོན་མེད་ཟས་བྱིན་གྱི་བསྔགས་པ་བརྗོད་དེ། དེ་རྣམས་ཁྱིམ་བདག་

― GTN003_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

གདངས་ཅན་དང་ལྷན་ཅིག་སྟོན་པའི་སྤྱན་སྔར་ཕྱིན་ཏེ། ཆོས་ཐོས་པས་ཁྱིམ་བདག་གིས་རྒྱུན་ཞུགས་དང་དྲང་སྲོང་རྣམས་དགྲ་བཅོམ་པ་ཐོབ། ནོར་བཟང་སངས་རྒྱས་ཀྱི་བཀས་དགེ་སློང་སྐུལ་བྱེད་གྲོགས་སུ་མངགས་ཏེ་ཀཽ་ཤམྦིར་གདངས་ཅན་གྱི་གཙུག་ལགས་ཁང་བཞེངས། དེར་སྟོན་པ་བཞུགས་པའི་ཚེ། བྲན་མོ་མགུ་བྱེད་མས་གོས་ཧྲུལ་ཕུལ་བ་རྒྱལ་བའི་ན་བཟའི་ཁ་དོག་ཏུ་གྱུར་པ་བཞེས་ཤིང་། བྲན་མོ་ཁྱིམ་གྱི་བདག་པོར་གྱུར། ཁྱིམ་བདག་ནོར་བཟང་གི་སྔོན་གྱི་རྒྱུ་དགེ་སློང་རྣམས་ལ་བཀའ་སྩལ་པ། ཝཱ་རཱ་ཎ་སཱིར་ཁྱིམ་བདག་གཟུགས་བྱེད་ཀྱིས་མུ་གེ་ལོ་བཅུ་གཉིས་སུ་བྱུང་བའི་ཚེ་མཛོད་པ་པདྨའི་འབྱུང་གནས་ལ་སྦྱིན་པ་ཟད་མེད་གཏོང་དུ་བཅུག་ཅིང་། རང་རྒྱལ་སྟོང་ཕྲག་ལ་ཁ་ཟས་བསོད་པ་སྦྱིན་པའི་སྤྱན་འདྲེན་གྱི་ཕོ་ཉ་བ་ཞིག་ཡོད་པ་དེ་བྲེལ་བ་ན། དེའི་རྗེས་སུ་འབྲངས་པའི་ཁྱི་ཞིག་ཡོད་པ་དེས་དུས་ཚོད་ལ་བབ་པར་ཤེས་ནས་བརྡའ་སྦྱོར་བའི་ཁྱི་དེ་ནོར་བཟང་ཡིན་གསུངས་ཏེ་འབྲས་བུའི་གཏམ་མོ། །༢༤ ༈ ཡལ་འདབ་སོ་བདུན་པ་གང་པོ་ནི། གྲོང་ཁྱེར་སློབ་མ་ཅན་དུ་ཁྱིམ་བདག་འབྱོར་པའི་ཆུང་མ་ལ་བུ་གསུམ། འབྱོར་ལེན། འབྱོར་སྐྱབས། འབྱོར་དགའ་འོ། །ཕྱི་མ་འབངས་མོ་འཕྲེང་ལྡན་མ་དང་འདུས་པའི་བུ་གང་པོ་ཡིན། དེ་ལ་སྤུན་རྣམས་འབངས་མོ་བུ་ཞེས་སྨད་

― GTN003_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

པས་བསྐྲད་པར་ཤིང་ཚོང་ལས་ཉོས་ཤིང་བསོད་ནམས་ཀྱི་མཐུས་ཙནྡན་ས་མཆོག་ཏུ་གྱུར་པས་རྙེད་པ་རྒྱ་ཆེ་ཞིང་། རྒྱ་མཚོར་ཡང་ལན་བདུན་ཕྱིན་པའི་ཐ་མར་སངས་རྒྱས་ཀྱི་ཡོན་ཏན་ཐོས་པས་དད་དེ། རབ་ཏུ་བྱུང་ནས་དགྲ་བཅོམ་པ་བྱམས་པའི་བུ་གང་པོ་ཞེས་པ་དེ་ཡིན། ཤྲོ་ཎའི་བར་འགྲམ་དུ་རྔོན་པ་རྣམས་བཟོད་པ་བསྒོམས་པས་བཏུལ་ཏེ་ཕོ་མོ་སྟོང་དགེ་བསྙེན་མཛད། གཙུག་ལག་ཁང་ལྔ་བརྒྱ་ཡང་བྱེད་པར་བསྒོས། འབྱོར་ལན་རྒྱ་མཚོར་སོང་ཙནྡན་ས་མཆོག་བླངས་པར་གནོད་སྦྱིན་གྱིས་རླུང་ནག་བཏང་ནས་གྲུ་འཇིག་པར་གཟས་པ། གང་པོས་རྫུ་འཕྲུལ་གྱིས་བསྐྱབས་པས་བདེ་བར་འཁོར་ཞིང་། དེས་བསྒོ་བ་བཞིན་ཙནྡན་གོར་ཤིཥའི་ཁང་བཟང་བཞེངས་པར་སངས་རྒྱས་འཁོར་བཅས་སྤྱན་དྲངས་པ་རྫུ་འཕྲུལ་གྱིས་ཕེབས་པ་སངས་རྒྱས་ཀྱི་སྐུ་ལས་གསེར་མདོག་གི་འོད་ཟེར་སྤྲོོ་བ་དང་། ས་གཡོས་པ་སོགས་བྱུང་། རྒྱལ་བྱེད་ཚལ་གྱི་ལྷས་རྒྱུན་ཞུགས་ཐོབ། ཡུགས་མོ་ལྔ་བརྒྱས་བདེན་པ་མཐོང་ཞིང་དབུ་སྐྲ་དང་། སེན་མོའི་མཆོད་རྟེན་བཞེངས། དྲང་སྲོང་ལྔ་བརྒྱ་རབ་ཏུ་བྱུང་བ་དགྲ་བཅོམ་ཀླུ་རྒྱལ་ནག་པོ་དང་། གཽའུ་ཏ་མ་འཁོར་བཅས་ལ་སྐྱབས་སུ་འགྲོ་བ་དང་། བསླབ་པའི་གནས་བླངས། འཇིག་རྟེན་གྱི་ཁམས་འོད་ཟེར་ཅན་དུ་གཤེགས་ནས་མོའུ་འགལ་བུའི་མ་ཡང་ཐར་ལམ་ལ་བཀོད། སྔོན་བྱུང་སངས་རྒྱས་འོད་སྲུང་གི་ཁང་སྐྱོང་ལ་བྲན་མོ་བུ་ཞེས་སྤྱོས་པས་སྐྱེ་བ་ལྔ་བརྒྱར་འབངས་མོའི་བུར་གྱུར་པ་དང་བསྟན་པ་དེར་རབ་ཏུ་བྱུང་བས་ད་ལྟ་དགྲ་བཅོམ་པར་གསུངས་ཏེ་འབྲས་བུའི་གཏམ་མོ། །༢༥

― GTN003_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་སོ་བརྒྱད་པ་ལྐུགས་འཕྱེར་སྐྱེ་བ་བཞེས་པ་ནི། མཛད་བརྒྱའི་སྐབས་ཞེ་དགུ་པའི་རྒྱལ་བུ་ཆུ་སྐྱེས་དེ་ཡིན་ཏེ། ཤཱཀྱ་རྣམས་རབ་ཏུ་བྱུང་ནས་ཡོ་བྱད་ལ་ཆགས་པ་དེ་བསལ་ཕྱིར། སངས་རྒྱས་ཀྱིས་ཟླ་བ་གསུམ་དུ་ཉན་ཐོས་རྣམས་སྐུ་མདུན་དུ་མ་འོང་བར་སྩལ་ཏེ་ཆོས་བསྟན་པས་རྒྱུན་དུ་ཞུགས་པ་ཐོབ། སྔོན་བྱུང་གསུངས་པ་ཝཱ་རཱ་ཎ་སཱིར་རྒྱལ་པོར་ཚངས་བྱིན་གྱི་བུ་ཆུ་སྐྱེས་སུ་སྐྱེ་བ་བཞེས་པ་ན། རྒྱལ་སྲིད་ཀྱི་ཉེས་པས་དམྱལ་བར་ལན་གྲངས་དུ་མར་སྐྱེས་པ་མཁྱེན་པས་ལྐུག་པ་དང་ཞ་བོའི་རྫུ་བྱས། ཡབ་རྒྱལ་པོས་ཉམས་སད་ཕྱིར་གཤེད་མར་གཏད་པས་རྫུན་ཤེས་ནས་རབ་ཏུ་འབྱུང་བར་གནང་ནས་ནགས་སུ་གཤེགས་པར། དྲང་སྲོང་རང་གི་འཁོར་རྣམས་ཀྱིས་ཤིང་ཤུན་དང་། རིལ་བ་སོགས་ཡོ་བྱད་དུ་མ་བསགས་པས་མ་དགྱེས་ཏེ་གཅིག་པུར་རི་དྭགས་གཉིས་དང་ལྷན་ཅིག་གནས་པ་ན། འཁོར་རྣམས་ཀྱིས་ཉེས་དམིགས་ཤེས་ནས་ཆོག་ཤེས་ཐོབ་ཅིང་ཆགས་འཛིན་སྤངས་པར་གསུངས་ཏེ་ཚུལ་ཁྲིམས་ཀྱི་གཏམ་མོ། །༢

― GTN003_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་སོ་དགུ་པ་བཟོད་པ་ལ་དགའ་བར་སྐྱེ་བར་བཞེས་པ་ནི། སྟོན་པ་འཛུམ་པར་མཛད་པ་ལ་ལྷའི་དབང་པོས་རྒྱུ་དྲིས་པ་ན་གསུངས་ཏེ། སྔོན་བྱུང་དྲང་སྲོང་བཟོད་པ་ལ་དགའ་བར་སྐྱེ་སྐབས་ནགས་སུ་དབེན་པ་བསྟེན་པར། རྒྱལ་པོ་ཙོ༷ད་(བྱུང་)ལྡན་བཙུན་མོའི་འཁོར་བཅས་དེ་ཕྱོགས་སུ་ཕྱིན་པའི་བཙུན་མོར་ཆོས་བསྟན་པས་རྒྱལ་པོས་མ་བརྟགས་པར་དྲང་སྲོང་གི་རྐང་ལག་རྣམས་བཅད་པར། སླར་དྲང་སྲོང་གི་འཁོར་རྣམས་ཀྱིས་དམོད་པས་སྡིགས་པར་ཆས་པ་བཟློག་ཅིང་། བདེན་པ་བརྗོད་པས་སྐུ་ལུས་རང་མལ་དུ་ཆུད་དེ་ལྷས་བསྔགས་པ་རྣམས་མཁྱེན་པར་གསུངས་ཏེ་བཟོད་པའི་གཏམ་མོ། །༣ ༈ ཡལ་འདབ་བཞི་བཅུ་པ་ཉ་ཆེན་སེར་སྐྱ་ནི། སྟོན་པ་ཡངས་པ་ཅན་གྱི་སྤྲེའུ་རྫིང་འགྲམ་དུ་བཞུགས་སོ། །དེའི་ཚེ་ཉ་པ་ལྔ་བརྒྱས་ཆུ་ཀླུང་ཡིད་འོང་ལྡན་ནས་ཆུ་སྲིན་ཉའི་རིགས་མགོ་བརྙན་མི་འདྲ་བ་བཅོ་བརྒྱད་ཡོད་པ་ཞིག་བཟུང་བར། ལྟད་མོའི་ཕྱིར་སེམས་ཅན་གྱི་ཚོགས་མཐའ་དག་ལྟད་མོར་ལྷགས་ཤིང་། མུ་སྟེགས་སྟོན་པ་དྲུག་ཀྱང་འདུས་པ་ན། སྟོན་པ་འཁོར་བཅས་ཀྱིས་ཕེབས་པར། རྒྱལ་བས་སྲོག་ཆགས་དེར་རང་གི་སྐྱེ་བ་དྲན་
ཞིང་མི་སྐད་སྨྲ་བར་བྱིན་གྱིས་བརླབས། སྟོན་པ་དང་དྲི་བ་དྲི་ལན་མཛད། འཁོར་རྣམས་ཀྱིས་དེའི་སྔོན་བྱུང་ཞུས་པར། སྔོན་སངས་རྒྱས་འོད་སྲུང་གི་བསྟན་པར་དགེ་སློང་སྡེ་སྣོད་གསུམ་པར་སྐྱེས་པས་མས་བསླུས་ཏེ། དགེ་འདུན་རྣམས་ལ་ཚིག་རྩུབ་བརྗོད་པའི་རྣམ་སྨིན་དུ་གསུངས། ཉ་ཆེན་དེ་སྟོན་པ་ལ་དད་པས་ཚེ་འཕོས་པ་རྒྱལ་ཆེན་རིགས་ཀྱི་ལྷར་སྐྱེས་ནས་སྟོན་པའི་སྤྱན་སྔར་འོང་སྟེ་བདེན་པ་མཐོང། ཉ་བ་ལྔ་བརྒྱ་ཡང་རབ་ཏུ་བྱུང་ནས་དགྲ་བཅོམ་པ་ཐོབ་སྟེ་འབྲས་བུའི་གཏམ་མོ། །༢༦

ཡལ་འདབ་ཞེ་གཅིག་ནས་ལྔ་བཅུ་བར།

― GTN003_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་ཞེ་གཅིག་པ་རྒྱལ་པོ་ཨུ་ཌཱ་ཡ་ན་ནི། སྟོན་པ་འོད་མའི་ཚལ་ན་བཞུགས། སྒྲ་སྒྲོགས་ཀྱི་རྒྱལ་པོ་ཨུ་ཌཱ་ཡ་ན་དང་། རྒྱལ་པོ་གཟུགས་ཅན་སྙིང་པོ་གཉིས་གྲོགས་པོ་ཡིན་པས། སྔ་མས་ཕྱི་མར་སྐྱེས་སུ་རིན་པོ་ཆེའི་ཁྲབ་གསེར་འོད་འཕྲོ་བ་ཞིག་བསྐུར་བའི་ལན་དུ་ཕྱི་མས་སངས་རྒྱས་ཀྱི་སྐུ་གཟུགས་རི་མོར་བྲིས་པ་བསྐུར་བར་མཆོད་དེ་རྒྱུན་ཞུགས་ཐོབ་པའི་སྒྲ་སྒྲོགས་རྒྱལ་པོའི་ངག་ལྟར། གཟུགས་ཅན་སྙིང་པོས་ཞུས་སྟོན་པས་དགེ་སློང་ཀཱཏྱཱ་ཡ་ན་དང་། དགེ་སློང་མ་རི་མ་གཉིས་ཡུལ་དེར་མངགས། རྒྱལ་པོ་ཨུ་ཌཱ་ཡ་ན་སངས་རྒྱས་དང་མཇལ་ནས་རབ་ཏུ་བྱུང་སྟེ་དགྲ་བཅོམ་པ་ཐོབ། སྔོན་ལས་ཀྱིས་རང་གི་བུ་རྒྱལ་སར་བཀོད་པ་གཙུག་ཕུད་ཅན་སྡིག་པའི་

― GTN003_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོགས་པོས་བསླུས་པས་བསད། བློན་པོའི་བུ་རྒྱལ་དང་སྐར་རྒྱལ་དགྲ་བཅོམ་པ་འདས་པའི་མཆོད་རྟེན་ལ། བློན་པོ་ངན་པ་དབྱུག་པ་དང་ཐོ་བ་ཞེས་པས་རྒྱལ་བུ་བསླུ་བའི་གཡོ་སྒྱུས་དགྲ་བཅོམ་མེད་པའི་བསྐུར་བ་བཏབ་པ་སོགས་ཀྱིས་ཞག་བདུན་དུ་ཆོ་འཕྲུལ་ཆེ་བར་བྱུང་པའི་མཐར་ས་ཞབས་སུ་ནོན། བློན་པོ་མཆོག་ཧེ་རུ་ཀའི་བྷི་རུ་ཀ་འཕགས་པའི་ལུང་བཞིན་བྲོས་པས་ཐར་བ་ཡུལ་གཞན་དུ་གྲོང་པ་ཆགས། དེ་གཉིས་ཀྱི་བུ་སྔོ་བསངས་མ་གཉིས་སྔ་མ་འཕགས་པ་ཀཱཏྱཱ་ཡ་ནས་རི་བྲག་ཅིག་ཏུ་རྒྱལ་པོར་བཀོད། ཕྱི་མ་དགེ་སློང་མ་རི་མས་གདངས་ཅན་ལ་གཏད་པ་ལག་རྒྱུད་ཀྱི་ཆུང་མར་གྱུར་ཞིང་བདེན་པ་མཐོང་བ་ཕྱིས་རྒྱལ་པོ་ཤར་པའི་བཙུན་མོ་བླངས་ཏེ་ལས་ཀྱི་ལྷག་མར་ཆུན་མས་ཕྲག་དོག་གིས་མེར་བསྲེགས། སླར་ཀཱཏྱཱ་ཡ་ན་མཉན་ཡོད་དུ་སྟོན་པའི་སྤྱན་སྔར་ཕྱིན་པས་གཏམ་རྒྱས་པར་ཐོས་ཏེ། འཁོར་རྣམས་ཀྱིས་སངས་རྒྱས་ལ་ཨུ་ཌཱ་ཡ་ནའི་སྔོན་བྱུང་ཞུས་པར། རང་སངས་རྒྱས་ལ་རྔོན་པས་དུག་མདས་བསྣུན་པ་དང་། དེའི་རྫུ་འཕྲུལ་ལ་དད་པས་དེའི་མཆོད་རྟེན་བཞེངས་ནས་སྨོན་ལམ་བཏབ་པས་སོ། །ཡུལ་ཁམས་ཐིབ་འོག་ཏུ་སོང་བ་བློན་པོ་མཆོག་གཉིས་ཐར་པ་ནི། སྔར་རི་བྲག་པའི་བུད་མེད་ཅིག་ལ་ལོག་པར་ལྟ་བའི་བློ་སྐྱེས་ནས་རང་སངས་རྒྱས་ཀྱི་སྟེང་དུ་ཕྱག་དར་བོར་བ་དང་སྐྱེ་བོའི་ཚོགས་ཀྱང་ལས་དེར་འདུན་པ་ཤེས་ལྡན་གཉིས་ཀྱིས་ལས་དེ་འགོག་ཅིང་བཟློག་པས་སོ་གསུངས་ཏེ་འབྲས་བུའི་གཏམ་མོ། །༢༧

― GTN003_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་ཞེ་གཉིས་པ་ཁྱིམ་བདག་མཁས་པ་ནི། སྟོན་པ་མཉན་ཡོད་དུ་བཞུགས་པའི་སྐབས་ཤིག་ཡུལ་དུ་མུ་གེ་ཉམ་ང་བ་བྱུང་ནས་སློང་མོ་བ་རྣམས་འཚོ་བ་ཆད་པ་ན། སྟོན་པའི་བཀའ། ཁྱིམ་བདག་བརྟན་པའི་བུ་མཁས་པ་བོད་པར་གནང་བ་ལམ་དུ། དེའི་དཔལ་ལ་ཕྲག་དོག་གིས། སློང་མོ་བ་ལྔ་བརྒྱས་གོས་དང་རྒྱན་སློང་བ་ན་ས་འོག་ནས་ཀླུའི་རྒྱལ་པོ་ལྷག་མ་ཅན་ཐོན་ཏེ་གོས་དང་རྒྱན་སོགས་བྱིན་པས་སློང་མོ་བ་རྣམས་ཚིམ་ནས་དེ་དག་དང་ལྷན་ཅིག་སངས་རྒྱས་ཀྱི་དྲུང་དུ་ཕྱིན་པས་སློང་མོ་བ་རྣམས་རབ་ཏུ་བྱུང་བས་རྒྱུན་ཞུགས་ཐོབ། སྟོན་པའི་བཀའ། ཁྱིམ་བདག་མཁས་པས་དགེ་འདུན་ལ་འཚོ་བ་སྦྱར་ཞིང་། དམན་པ་རྣམས་ལ་སྦྱིན་པ་རྒྱ་ཆེར་བྱིན། འགའ་ཞིག་ལ་རིན་པོ་ཆེའི་ཕུང་པོ་བྱིན་པ་བསོད་ནམས་དམན་པས་སོལ་ཕུང་དུ་མཐོང་བས་སྔར་ཚོགས་མ་བསགས་པར་ཤེས་ནས་ཡོ་བྱད་བྱིན་ཏེ། དགེ་འདུན་ལ་འཚོ་བ་སྦྱོར་དུ་བཅུག་པས་བསོད་ནམས་འཕེལ་ནས་སོལ་ཕུང་རིན་པོ་ཆེ་མཐོང། ཁྱིམ་བདག་མཁས་པའི་ཁྱིམ་དུ་རིན་པོ་ཆེའི་གཏེར་བརྒྱ་ཕྲག་བརྡོལ་བའི་དྲུག་ཆ་རྒྱལ་པོ་གསལ་རྒྱལ་ལ་ཕུལ་ཡང་སྤྱོད་པར་མ་དབང་། མཁས་པས་རྒྱུ་རྐྱེན་མཐོང་ནས་རབ་ཏུ་བྱུང་སྟེ། དགྲ་བཅོམ་འདིའི་སྔོན་བྱུང་ཝཱ་རཱ་ཎ་སཱིར་སངས་རྒྱས་འོད་སྲུང་ལ་དབུལ་པོ་ཞིག་གིས་གླ་རྔན་གྱིས་མཆོད་པས་འཕྲལ་ལ་

― GTN003_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་པ་ཕུན་སུམ་ཚོགས་པས་སངས་རྒྱས་དགེ་འདུན་དང་བཅས་ཞག་བདུན་དུ་མཆོད་པའི་བསོད་ནམས་དུ་གསུངས་ཏེ་འབྲས་བུའི་གཏམ་མོ། །༢༨ ༈ ཡལ་འདབ་ཞེ་གསུམ་པ་རྒྱལ་པོ་གསེར་མདོག་ཏུ་སྐྱེ་བ་བཞེས་པ་ནི། མཛད་བརྒྱའི་སྐབས་སོ་བདུན་པར་བྱུང་སྟེ། མཉན་ཡོད་དུ་སྟོན་པས་སྔོན་བྱུང་གསུངས་པ་ཡིན། ཚེ་ལོ་བརྒྱད་ཁྲི་པའི་དུས་སུ་རྒྱལ་པོ་འདི་བྱོན་ཞིང་ལོངས་སྤྱོད་ལྷ་དང་མཉམ་པ་དེའི་ཡུལ་དུ་ཆར་མ་བབ་པར། མུ་གེ་ཉམ་ང་བ་བྱུང་ནས་བང་མཛོད་རྣམས་སྦྱིན་པར་གཏོང་བ་མཛད་དུ་ཉེ་བ་ན། རང་སངས་རྒྱས་ཤིག་བྱུང་བ་ལ་བསོད་སྙོམས་ཕུལ་བས་ནམ་མཁའ་ལ་སྤྲིན་ཆགས་ནས་ཁ་ཟས་དང་། འབྲུ་དང་རིན་པོ་ཆེའི་ཆར་བབ་པར་གསུངས་ཏེ་སྦྱིན་པའི་གཏམ་མོ། །༦ ༈ ཡལ་འདབ་ཞེ་བཞི་པ་གསེར་གྱི་ལག་པ་ནི། སྟོན་པ་རྒྱལ་བྱེད་ཀྱི་ཚལ་ན་བཞུགས། མཉན་ཡོད་དུ་ཁྱིམ་བདག་ལྷ་ཡི་སྡེའི་བུ་གསེར་གྱི་ལག་པ་ཅན། སྔ་དྲོ་རེ་ལ་གསེར་འབུམ་ཕྲག་རེ་འབྱུང་བས་སྦྱིན་པ་རྒྱ་ཆེར་གཏོང་བ་དེ། སྟོན་པར་དད་ནས་རབ་ཏུ་བྱུང་བ་དེའི་སྔོན་བྱུང་རྒྱལ་པོ་ཀྲ་ཀྲིས་སངས་རྒྱས་འོད་སྲུང་གི་མཆོད་རྟེན་བཞེངས་པའི་བཟོ་བོ་ཀནྟ་

― GTN003_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཡིན་གསུང་ཏེ་འབྲས་བུའི་གཏམ་མོ། །༢༩ ༈ ཡལ་འདབ་ཞེ་ལྔ་པ་རྒྱལ་པོ་མ་སྐྱེས་དགྲ་ནི། རྒྱལ་པོ་འདི་སྡིག་པའི་གྲོགས་པོ་ལྷས་བྱིན་གྱིས་བསླུས་པས། ཕ་ཆོས་ལྡན་གཟུགས་ཅན་སྙིང་པོ་བཙོན་དོང་དུ་བཅུག་པས་བཙོན་ཁང་གི་བུག་པ་ནས་སངས་རྒྱས་ཀྱི་སྐུ་མཐོང་བས་ཚིམ་པ་དེ་ཡང་བཀག་ནས་གཤེད་མས་རྐང་ལག་རྣམས་བཅད་པ་འཆི་འཕོས་ཏེ་རྣམ་ཐོས་སྲས་ཀྱི་བུ་རྒྱལ་བ་ཁྱུ་མཆོག་ཏུ་སྐྱེས། མ་སྐྱེས་དགྲས་ཕ་བསད་པའི་མྱ་ངན་སེལ་ཕྱིར་སྟོན་པ་ལ་འགྱོད་ཚངས་གསོལ། གཟུགས་ཅན་སྙིང་པོའི་སྔོན་བྱུང་ཝཱ་རཱ་ཎ་སཱིར་ཚོང་དཔོན་གྱི་བུ་བཞིས་རང་སངས་རྒྱས་ལ་བསམ་སྦྱོར་ངན་པའི་ཚིག་བརྗོད་པའི་རྣམ་སྨིན་དུ་གསུངས་ཏེ་འབྲས་བུའི་གཏམ་མོ། །༣༠ ༈ ཡལ་འདབ་ཞེ་དྲུག་པ་རྒྱལ་བུ་བྱས་ཤེས་སུ་སྐྱེ་བ་བཞེས་པ་ནི། སངས་རྒྱས་རྒྱལ་བྱེད་ཀྱི་ཚལ་ན་བཞུགས་སྐབས་ལྷས་བྱིན་གྱིས་སེན་མོའི་བར་དུ་རེག་པའི་དུག་འཛིན་པ་སངས་རྒྱས་ཀྱི་ཞབས་ལ་བྱུག་འདོད་ཀྱང་ཞབས་དྭངས་ཤེལ་དུ་སྤྲུལ་པས་སེན་མོ་ཆག་ཅིང་དུག་སར་ལྷུང་། ལྷས་བྱིན་མྱོང་

― GTN003_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་གྱི་ལས་ས་གས་པའི་ནང་ནས་དམྱལ་བའི་མེར་ལྷུང་བ་ན། སངས་རྒྱས་ལ་སྐྱབས་སུ་གསོལ་བས་རང་སངས་རྒྱས་རུས་པ་ཅན་དུ་ལུང་བསྟན། སྔོན་བྱུང་གྲོང་ཁྱེར་དགེ་བའི་དབྱངས་སུ་རྒྱལ་པོ་ཡིད་བཟང་གི་བུ། བྱས་ཤེས་དང་བྱས་མི་ཤེས་སྤུན་གཉིས་ཡོད། སྔ་མས་སྦྱིན་པ་ལ་དགའ་བས་གཏོང་བ་རྣམས་ཕྱི་མས་ཚུར་འཕྲོགས། སྤུན་གཉིས་རྒྱ་མཚོར་ནོར་བུ་ལེན་དུ་དོང་བ། འདོད་པ་གྲུབ་སྟེ་སླེབས་པ་རྒྱ་མཚོའི་འགྲམ་དུ་ངལ་བས་བྱས་ཤེས་གཉིད་ལོག་པ་ན། བྱས་མི་ཤེས་ཀྱིས་མིག་མཚོན་གྱིས་བྲུས་ཏེ་ནོར་བུ་ཁུར་ནས་ཕ་མའི་རྩར་བསྐྱལ། བྱས་ཤེས་རྒྱལ་པོའི་བློན་པོ་དགེ་བའི་དབྱངས་ཀྱི་བུ་མོ་དང་འཕྲད་པ་ནས། བུ་མོ་ཁྱོད་ལ་མ་གུས་པ་མེད་པའི་བདེན་པ་བརྗོད་དང་། ནུ་བོས་མིག་བྲུ་བ་ལ་ཁྲོ་བ་མ་སྐྱེས་པའི་བདེན་པས་མིག་གཉིས་སོར་ཆུད་དེ་རང་གནས་སུ་ཕྱིན་པ་ན་བྱས་མི་ཤེས་དམྱལ་བར་ལུས་མ་སྤངས་པར་སོང་བ་བཟོད་པའི་གཏམ་མོ། །༤ ༈ ཡལ་འདབ་ཞེ་བདུན་པ་སཱ་ལའི་སྡོང་བུ་ནི། སངས་རྒྱས་གསལ་རྒྱལ་གྱི་ཀུན་དགའ་ར་བར་བཞུགས་སོ། །དེར་ཀླུ་སྟོབས་དང་། ཤིན་ཏུ་སྟོབས། དབུགས་དང་། དབུགས་ཆེན་པོ་བཞི་ཁྱིམ་པའི་ཆ་བྱད་ཀྱིས་ཆོས་ཉན་པ་ན། རྒྱལ་པོ་གསལ་རྒྱལ་ལ་ཞེ་ས་མ་བྱས་པས། རྒྱལ་པོ་ཁྲོས་ནས་འཁོར་རྣམས་དམག་ཏུ་བྱས་པས། ཀླུའི་དམ་བསྒྲགས་པ་ན་དེ་སྤྲིན་

― GTN003_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ནགས་སུ་བྲོས་ནས་མཚོན་ཆའི་ཆར་ཕབ་པས། སྟོན་པའི་བཀས། མོའུ་འགལ་བུས་ཁ་ཟས་སུ་བྱིན་གྱིས་བརླབས། ཚལ་དེར་ཤིང་སཱ་ལའི་ཚལ་ཞིག་ཡོད་པ་བུར་ཤིང་དུ་གནས་འགྱུར་བ་ན། སྟོན་པར་དེའི་རྒྱུ་དྲིས་པར་སྔོན་བཀོད་ས་ལའི་ལྗོངས་སུ་བུར་ཤིང་གི་ཞིང་ས་དུམ་བུ་ཞེས་པར་གསལ་རྒྱལ་སྐྱེས། རང་སངས་རྒྱས་ལ་བུར་ཆུ་དང་ཞལ་ཟས་བྱིན་པའི་དེའི་རླུང་ནད་སེལ་བར་གསུངས་སོ། །སྐབས་འདིར་རྒྱལ་པོ་རང་གི་བསོད་ནམས་ལ་ང་རྒྱལ་ནས་སྟོན་པར་གྲོལ་བ་ནམ་ཐོབ་དྲིས་པར། སྟོན་པ་ཉིད་ཝཱ་རཱ་ཎ་སཱིར་ནོར་ཅན་དུ་གྱུར་ཚེ་མུ་གེས་ཉེན་པར། རང་སངས་རྒྱས་སྟོང་ལ་བསོད་སྙོམས་སྦྱར་བ་སོགས་གསུངས་པས་ང་རྒྱལ་བཅོམ་པ་སྟེ་འབྲས་བུའི་གཏམ་མོ། །༣༡ ༈ ཡལ་འདབ་ཞེ་བརྒྱད་པ་རྒྱལ་བུ་དོན་ཀུན་གྲུབ་པར་སྐྱེ་བ་བཞེས་པ་ནི། སྟོན་པ་མཉན་ཡོད་ན་བཞུགས་སྐབས་དགེ་སློང་རྣམས་ལ་བཀའ་སྩལ་པ། སྔར་རྒྱལ་པོ་དོན་གྲུབ་བུ་ལ། ཀླུ་རྒྱལ་རྒྱ་མཚོའི་བུ་དོན་གྲུབ་ཤི་བ་སྐྱེས། དེ་རྒྱ་མཚོར་སོང་བ་ན། ཚོང་དམངས་རིན་པོ་ཆེ་ཕལ་པས་ངོམས་ཀྱང་། འདིས་བཙོན་པ་བསྐྱེད་དེ་ཀླུའི་རྒྱལ་པོའི་ཕོ་བྲང་དུ་བརྡོལ་བ་ན་བུ་ཤི་བའི་མྱང་ངན་དང་འཕྲད་པས། ཀླུས་རང་གི་བུའི་སྐྱེ་བར་ཤེས་ཏེ་གཙུག་གི་ནོར་བུ་བྱིན་ཏེ་གྲུར་ཞུགས་པས། རྒྱ་མཚོའི་ལྷས་མི་བཟོད་པ་སྐྱེས་ཏེ་ཐལ་མོ་བསྣུན་པས། ནོར་བུ་

― GTN003_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་མཚོར་ཤོར་བ་ན། བློ་སྟོབས་ཀྱིས་ལྷས་སྤྲུལ་པའི་སྣོད་ཀྱིས་ཆུ་བཅུས་ཏེ་བར་སྣང་ལ་གཏོར་བས་སུམ་ཆ་ཙམ་བྲི་བས་སྐྲག་སྟེ་ནོར་བུ་སླར་བྱིན་པ་རང་གནས་སུ་ནོར་བུ་རྒྱལ་མཚན་གྱི་རྩེར་བཀོད་དེ་གསོལ་བ་བཏབ་པས་ཁང་པའི་སྟེང་དུ་ནོར་བུའི་ཆར་འབབ་སྟེ་སྐྱེ་དགུའི་དབུལ་བ་བསལ་བར་གསུངས་ཏེ་བརྩོན་འགྲུས་ཀྱི་གཏམ་མོ། །༢ ༈ ཡལ་འདབ་ཞེ་དགུ་པ་གླང་པོ་ཅན་ནི། སྟོན་པ་མཉན་ཡོད་དུ་བཞུགས། ཁྱིམ་བདག་ལེགས་པ་རབ་སད་ཀྱི་བུ་གླང་པོ་ཅན་ཞེས་པར་གླང་པོ་ཆེ་གསེར་གྱི་མདོག་ཅན་ཞིག་ཡོད་པ་དང་རྒྱལ་པོ་གསལ་རྒྱལ་ལ་བུ་མོ་ཆོས་གོས་ཅན་ཡོད་པ་མཛའ་བར་གྱུར་པ་དེ་གཉིས་རྒྱལ་པོས་སངས་རྒྱས་ཀྱི་སྤྱན་སྔར་ཁྲིད་པས་རབ་ཏུ་བྱུང་ནས། དགྲ་བཅོམ་པ་འདི་གནས་བརྟན་བཅུ་དྲུག་གི་གསེར་བེའུ་ཡིན་ནོ། །རྒྱལ་པོས་བུ་མོ་དང་། མག་པའི་སྔོན་འབྱུང་ཞུས་པ་ན། བདེ་གཤེགས་རྣམ་གཟིགས་ཀྱི་སྐབས་སུ་ཁྱེའུ་ཞིག་གིས་བུ་མོ་ཆུང་ངུ་དང་རྩེད་མོའི་དོན་དུ་ཤིང་གི་གླང་པོ་ཞིག་ཡོད་པ་ཕུལ་ཞིང་ཁྱོ་ཤུག་ཏུ་སྨོན་ལམ་བཏབ། བུ་མོས་རྒྱལ་བའི་ཆོས་གོས་མཛེས་པར་མཐོང་ནས། ཆོས་གོས་དང་ལྷན་དུ་བཙའ་བར་ཡང་སྨོན་ལམ་བཏབ་པ་གསུངས་ཏེ་འབྲས་བུའི་གཏམ་མོ། །༣༢

― GTN003_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་ལྔ་བཅུ་པ་ལས་བཅུ་པ་ལུང་བསྟན་པ་ནི། སྟོན་པས་ལས་ཀྱི་རྒྱུ་བ་ལུང་བསྟན་པར་བཞེད་དེ། རྫིང་བུ་གདུང་མེད་དུ་པད་སྡོང་ཤིན་ཏུ་རྒྱ་ཆེ་བར་སྤྲུལ་ནས། དབུས་མ་ལ་སངས་རྒྱས་བཞུགས། ཡལ་ག་གཞན་ལ་དགྲ་བཅོམ་པ་ལྔ་བརྒྱར་གཅིག་གིས་མ་ཚང་། ཤཱ་རིའི་བུ་ཡིན་པར་ཤེས་ཏེ་མོའུ་འགལ་བུ་འབོད་པར་མངགས་པ་ན་དེ་འོང་དུ་མི་འདོད་པའི་ཟོལ་ལ་རྫུ་འཕྲུལ་གྱིས་དཀྲིར་འདོད་ཀྱང་མ་ནུས་པས་ཤཱ་རིའི་བུའི་རྫུ་འཕྲུལ་འཕགས་པའི་རྒྱུ་ཞུས་པར་སྔོན་ཝཱ་རཱ་ཎ་སཱིར་དྲང་སྲོང་དུང་དང་བྲིས་པ་གཉིས་ཡོད་པ་ཆར་བབ་མིན་ལ་རྩོད་དེ་སོ་སོའི་སྨོན་ལམ་ལོག་པས་ཉི་མ་འཆར་བ་ན་ས་གཞི་དུམ་བུ་བརྒྱར་གས་པ་སོགས་གསུངས། ལས་བཅུ་དངོས་ནི། སྔར་སངས་རྒྱས་ཁྱིམ་བདག་ཅིག་ཏུ་གྱུར་སྐབས་མ་མི་གཅིག་པའི་སྤུན་ཟླ་རྡོ་རྒྱབ་ནས་བསད་པས་དེང་འདིར་ཞབས་ལ་རྡོ་བའི་ཚལ་བས་སྣད། ༡ སྔར་དེད་དཔོན་དོན་ཕྱིན་གྱི་སྐབས་ཚོང་པ་རྣམས་ལ་དོན་ཉམས་ཀྱིས་བསམ་པ་ངན་པ་བཟུང་བས་དེ་བསད་པས་འདིར་སེང་སྡེང་གི་ཚེར་མ་ཟུག །ཀཱ་ཤིའི་གྲོང་དུ་རང་སངས་རྒྱས་ཤིག་གི་བསོད་སྙོམས་ལྷུང་བཟེད་གང་བ་སྡང་སེམས་ཀྱིས་ཕོ་བས་འདིར་ལྷུང་བཟེད་སྟོངས་པ།༣ དྲང་སྲོང་གནས་འཇོག་དང་བྷ་ར་དྷཱ་ཛཱ་སྤུན་དུ་གྱུར་སྐབས་ཕུ་བོ་དགྲ་བཅོམ་ཐོབ་པས་ཀུན་གྱིས་མཆོད་པར་ནུ་བོས་ཕྲག་དོག་སྐྱེས་ཤིང་། དེས་གོས་མཆོག་བྱིན་

― GTN003_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བུད་མེད་ཅིག་ལ་བསྐོན་ཏེ་ཕུ་བོར་མི་ཚངས་སྤྱོད་ཀྱི་སྐུར་བ་འདེབས་སུ་བཅུག་པས་འདིར་ཀུན་ཏུ་རྒྱུ་མོ་མཛེས་མས་སྐུར་བ་བཏབ་པ། ༤ པདྨའི་རྩ་ལག་གིས་སྨད་འཚོང་བཟང་མོ་བསད་པའི་རལ་གྲི་རང་སངས་རྒྱས་ཀྱི་མདུན་སར་བོར་བས་དེ་རྒྱལ་པོས་བཟུང་ནས་གསོད་དུ་ཆ་བ་ལ་རང་རྒྱལ་ལ་ཉེས་པ་མེད་ཚུལ་བརྗོད་ཀྱང་ལས་དེས་བྲམ་ཟེའི་བུ་མོ་རྩ་མིས་སྐུར་བ་བཏབ་པ། ༥ བྲམ་ཟེ་མ་ཐ་རར་གྱུར་དུས་རྒྱལ་བ་རྣམ་གཟིགས་ལ་གྲོང་པས་བསོད་སྙོམས་མཆོག་དབུལ་བ་བཀག་སྟེ། ཀོ་ཊ་པའི་འབྲས་བུ་བྱིན་པར་བསྒོ་བས་འདིར་ཀོ་ཊ་བའི་ནས་གསོལ་དགོས་པ། ༦ ཁྱེའུ་ཨུ་ད་ཀར་གྱུར་དུས་སངས་རྒྱས་ལ་མ་གུས་པས། འདིར་ལོ་དྲུག་ལ་དཀའ་བ་སྤྱོད་པ། ༧ སྔོན་སྨན་པར་གྱུར་དུས་ནད་པའི་སྨན་ཡོན་མ་བྱུང་བས་ཁྲོས་ཏེ་རྒྱུ་མ་དུམ་བུར་ཆད་པས། སྨན་བྱིན་པས་འདིར་བརྡུང་བ་། ༨ ཉ་པ་ལྔ་བརྒྱས་ཉ་ཆེན་གཉིས་ཤིང་སྡོང་ལ་བཏགས་དེ་ཤ་གསོན་པོར་གཅོད་པས་མི་བཟོད་པའི་ཆོ་ངེ་འདོན་པ་ལ་དང་བ་དང་། ཉ་ཆེན་གཉིས་ཉ་པའི་ཁྱེའུར་གྱུར་དུས་སེམས་དགའ་བས། འདིར་ཤཱཀྱ་རྣམས་བཅོམ་དུས་དབུ་བསྙུང་བ། ༩ སྔོན་གྱད་སྟོབས་པོ་ཆེར་གྱུར་དུས་གྱད་གཞན་ཞིག་གི་རོ་རྒྱབ་བཀབ་པས་འདིར་རོ་རྒྱབ་སྙུང་༡༠བར་གསུངས་ཏེ་འབྲས་བུའི་གཏམ་མོ། །༣༣

ཡལ་འདབ་ང་གཅིག་ནས་དྲུག་ཅུ་བར།

― GTN003_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་ང་གཅིག་པ་རྒྱལ་པོ་གསེར་ལྡན་དུ་སྐྱེ་བ་བཞེས་པ་ནི། སྟོན་པ་ནགས་ཚལ་ཞིག་ཏུ་གཤེགས་པར་འཛུམ་པ་མཛད་པའི་རྒྱུ་ལྷའི་དབང་པོས་དྲི་བསར་གསུངས་ཏེ། གྲོང་ཁྱེར་ཨུཏྤལ་ལྡན་དུ་བུ་མོ་གསེར་ལྡན་དུ་སྐྱེ་བ་བཞེས་པར། དབུལ་མོ་ཞིག་ཤིན་ཏུ་བཀྲེན་པས་རང་གི་བུ་ཟ་བར་ཉེ་བར་བུ་མ་གཉིས་ལ་རང་ཤ་བཅད་ནས་ཟ་རྒྱུར་བྱིན། བརྒྱ་བྱིན་བྲམ་ཟེར་སྤྲུལ་པས་ཉམས་སད་ཕྱིར་ཚ་ན་མྱོང་ངམ་དྲིས་པར་ཚོར་བ་མ་བྱུང་བའི་བདེན་བརྗོད་ཀྱིས་སྐྱེས་པའི་ལུས་སུ་གྱུར་པར་ཡུལ་དེའི་རྒྱལ་པོར་གྱུར་པ་ཡིན། སྐྱེ་བ་དེའི་རྗེས་སུ་ཚོང་དཔོན་གྱི་བུ་སྙིང་སྟོབས་མཆོག་ཏུ་གྱུར་ཏེ། དུར་ཁྲོད་དུ་འདབ་ཆགས་རྣམས་ལ་ལུས་བྱིན། དེའི་རྗེས་སུ་བྲམ་ཟེ་སཱ་ལ་ཆེན་པོའི་བུ་བདེན་པའི་བརྟུལ་ཞུགས་སུ་གྱུར་པ་ན་སྟག་མོ་སྦྲུམ་མར་ལུས་བྱིན་པ་རྣམས་གསུངས་ཏེ་སྦྱིན་པའི་གཏམ་མོ། །༧ ༈ ཡལ་འདབ་ང་གཉིས་པ་རྒྱལ་པོ་བསོད་ནམས་མི་དམན་པར་སྐྱེ་བ་བཞེས་པ་ནི། བརྒྱ་བྱིན་གྱིས་སངས་རྒྱས་འཛུམ་པ་མཛད་པའི་རྒྱུ་དྲིས་ནས་གསུངས་ཏེ། མ་དྷུ་ད་ཀའི་གྲོང་ཁྱེར་དུ་རྒྱལ་པོ་འདིར་སྐྱེ་བ་བཞེས། སྦྱིན་པ་རྒྱ་ཆེར་གཏོང་བ་རྒྱལ་པོ་ཚངས་བྱིན་གྱིས་ཐོས་པས་ཕྲག་དོག་སྐྱེས་ནས་དམག་དཔུང་བཏེགས་

― GTN003_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

པར་རྒྱལ་པོ་འདི་བྱང་ཆུབ་སེམས་དཔའ་ཡིན་པས་ལན་མ་བླངས་པར་ནགས་སུ་བྲོས་པ་དང་། བྲམ་ཟེ་སེར་སྐྱ་ཞེས་པ་རྒྱལ་པོའི་ཆད་པས་གཉེན་རྣམས་བཙོན་དུ་བཟུང་བ་བླུ་བའི་ནོར་གྱི་ཕྱིར་རྒྱལ་པོ་ལ་སློང་བ་དང་ཕྲད་པར་བྱང་ཆུབ་སེམས་དཔའ་རང་ཡོངས་སུ་གཏོང་བའི་བསམ་པས་དབུ་ཆོད་ལ་དགྲ་སྡེའི་རྒྱལ་པོར་སློང་བའི་རྟེན་གྱིས་ཤིག་གསུངས་ཀྱང་མ་ཕོད་པས། ཁོ་རང་དམ་དུ་བཟུང་ནས་ཁྲིད་དུ་བཅུག །དེ་ཕུལ་བས་ཚངས་བྱིན་ངོ་མཚར་སྐྱེས་པས་རྒྱལ་པོར་མཆོད་ཅིང་བྲམ་ཟེ་ལ་ཡང་ནོར་དུ་མ་བྱིན་པར་གསུངས་ཏེ་སྦྱིན་པའི་གཏམ་མོ། །༨ ༈ ཡལ་འདབ་ང་གསུམ་པ་རྒྱལ་པོ་ལེགས་བཤད་འཚོལ་དུ་སྐྱེ་བ་བཞེས་པ་ནི། བརྒྱ་བྱིན་གྱིས་འཛུམ་པ་མཛད་པའི་རྒྱུ་དྲིས་པ་ན་གསུངས་པ་ཡིན། སྔོན་ཝཱ་རཱ་ཎ་སཱིར་རྒྱལ་པོ་འདིར་སྐྱེ་བ་བཞེས་པ་ན་རྔོན་པ་ནགས་སུ་ལེགས་བཤད་བརྗོད་པ་ཞིག་ཡོད་པའི་གཏམ་བློན་པོ་ནས་བརྗོད་པས། དེར་བློན་པོས་རིན་པོ་ཆེའི་དོ་ཤལ་བྱིན་ནས་རྔོན་པ་ལས་ཚིགས་བཅད་ཐོབ་ཅིང་། དེས་སྨྲས་པ་ལྟར་བྲག་མཐོན་པོའི་རྩེ་ནས་མཆོངས་ཡང་མ་ཉེས། རྔོན་པས་དོ་ཤལ་འཚོང་བ་གྲོང་སྲུང་བས་རྒྱལ་པོར་ཞུས་ཀྱང་། རང་གི་སློབ་དཔོན་དུ་བརྗོད་དེ་མཆོད་ནས་བཏང་བར་གསུངས་ཏེ་ཤེས་རབ་ཀྱི་གཏམ་མོ། །༣

― GTN003_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་ང་བཞི་པ་རྒྱལ་པོ་སེམས་ཅན་སྨན་དུ་སྐྱེ་བ་བཞེས་པ་ནི། བརྒྱ་བྱིན་གྱིས་སངས་རྒྱས་ལ་འཛུམ་པའི་རྒྱུ་ཞུས་པ་ན་གསུངས་ཏེ། འདི་གྲོང་ཁྱེར་དབང་ཆེན་ལྡན་གྱི་རྒྱལ་པོའི་སྲས་ཡིན། སྐབས་དེར་འགྲོ་བ་ནད་ཀྱིས་གདུང་བ་ཐམས་ཅད་རྒྱལ་པོ་དེས་བསལ་ནས་ནད་ཀྱི་རྒྱུན་ཆད་ཀྱང་སེམས་ཅན་བསོད་ནམས་དམན་པས་རྒྱལ་པོ་དེ་གཤེགས་ནས། དེའི་སྐུ་གདུང་མཚོ་འགྲམ་ཞིག་ཏུ་མཆོད་པས། དེའི་གདུང་ལ་རེག་པ་དང་རླུང་རྫི་ཕོག་པ་ཆུ་རྒྱུན་དེས་ཁྲུས་བྱས་པ་རྣམས་ཀྱིས་ནད་སེལ་བ་བྱུང་བར་གསུངས་ཏེ་བསམ་གཏན་གྱི་གཏམ་མོ། །༡ ༈ ཡལ་འདབ་ང་ལྔ་པ་རྒྱལ་པོ་ཐམས་ཅད་སྟེར་དུ་སྐྱེ་བ་བཞེས་པ་ནི། བརྒྱ་བྱིན་གྱིས་ཞུས་པར་གསུངས་ཏེ། གྲོང་ཁྱེར་ཐམས་ཅད་ལྡན་དུ་རྒྱལ་པོ་འདིར་སྐྱེ་བ་བཞེས་སྐབས། ལྷའི་དབང་པོས་ཉམས་སད་ཕྱིར། བི་ཤྭ་ཀརྨ་ཕུག་རོན་དང་། རང་ཉིད་ཁྲར་སྤྲུལ་ཏེ་བདས་པས་རྒྱལ་པོ་ལ་སྲོག་སྐྱབས་པ་ན། རྔོན་པའི་གཟུགས་ལ་ཕུག་རོན་གྱི་གླུད་དུ་ཤ་ཁྲག་དགོས་པ། རང་ལུས་ཚང་མ་བྱིན་པར་ལྷའི་དབང་པོ་ངོ་མཚར་སྐྱེས་ཤིང་དེའི་འབྲས་བུ་ཅི་འདོད་དྲིས་པར་རྫོགས་

― GTN003_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སངས་རྒྱས་སོ་གསུངས། སྤྱོད་པ་དེ་ལྟ་བུའི་སེམས་ལ་བག་ཚ་བ་མེད་པའི་བདེན་བརྗོད་ཀྱིས་སྐུ་ལུས་སྔ་མ་བཞིན་གསོས་པ་གསུངས་ཏེ་སྦྱིན་པའི་གཏམ་མོ། །༩ ༈ ཡལ་འདབ་ང་དྲུག་པ་ཀླུ་བ་ལང་སྐྱོང་བཏུལ་བ་ནི། སངས་རྒྱས་གྲོང་ཁྱེར་ཧ་གུ་མ་ད་གར་བྱོན། དེར་རྒྱལ་པོ་ཚངས་བྱིན་གྱིས་མཆོད་ནས་གྲོང་ཁྱེར་བས་ཀླུ་གདུག་པ་འདུལ་བར་གསོལ་བས་སྟོན་པ་དེའི་གནས་སུ་གཤེགས་ནས། ཀླུས་མི་བཟོད་པའི་ཆོ་འཕྲུལ་བསྟན་པ་རྡོ་བའི་ཆར་སོགས་ཕབ་པ་མེ་ཏོག་ཏུ་གྱུར་ནས་སྐྱབས་སུ་འགྲོ་བ་དང་། བསླབ་པའི་གནས་ལ་བཀོད། གནོད་སྦྱིན་ལག་ན་རྡོ་རྗེ་ཡང་སྐབས་དེར་བཏུལ། དེར་སྟོན་པས་ཞལ་འཛུམ་པར་བརྒྱ་བྱིན་གྱིས་རྒྱུ་དྲིས་པར་ན། གནས་འདིར་སྔོན་སངས་རྒྱས་འཁོར་བ་འཇིགས། གསེར་ཐུབ། འོད་སྲུང་རྣམས་བཞུགས་གནས་ཡིན་པར་གསུངས་ཤིང་། རྔོན་པ་འགའ་ཞིག་སྐྱབས་འགྲོ་དང་། བསླབ་པའི་གནས་ལ་བཀོད། དབུ་སྐྲ་ཕྱག་སེན་སྩལ་པས་མཆོད་རྟེན་བཞེངས་པ་འབྲས་བུའི་གཏམ་མོ། །༣༤

― GTN003_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་ང་བདུན་པ་མཆོད་རྟེན་ནི། བརྗོད་མ་ཐག་པའི་གནས་དེར། བརྒྱ་བྱིན་གྱིས་ཞུས་པར། སངས་རྒྱས་སྔ་མ་བཞི་དང་། སྟོན་པ་ཉིད་ཀྱིས་མཆོད་རྟེན་བརྩིག་ཏུ་བཅུག །བཱ་ལོ་ཀྵའི་ཡུལ་དུ་ཚོང་དཔོན་ལེགས་པ་རབ་སད་གྲོལ་བར་མཛད་དེ་མཆོད་རྟེན་བཞེངས། རྔམ་བ་རའི་གྲོང་དུ་གནོད་བྱིན་རྔམ་བ་ར་བཏུལ། གཏུམ་མོའི་གྲོང་དུ་དེའི་བུ་བདུན་བཅས་བཏུལ་ནས་བདེན་པར་བཀོད། པཱ་ཊའི་ཁྱིམ་བདག་གྲུ་འཛིན་བཏུལ། དབུ་སྐྲ་ཕྱག་སེན་གྱི་མཆོད་རྟེན་བྱེད་དུ་བཅུག །སླར་རྒྱལ་པོ་ལི་བྱིར་ནས་མཆོད་རྟེན་བྱེད་པ་ཡང་ལུང་བསྟན་ཏེ་འབྲས་བུའི་གཏམ་མོ། །༣༥ ༈ ཡལ་འདབ་ང་བརྒྱད་པ་རྒྱལ་པོ་བསོད་ནམས་སྟོབས་སུ་སྐྱེ་བ་བཞེས་པ་ནི། སྟོན་པ་གྲོང་ཁྱེར་པདྨོ་ལྡན་ན་བཞུགས་པར་བརྒྱ་བྱིན་གྱིས་ཞལ་འཛུམ་པ་མཛད་ནས་ཞུས་པ་ཏེ། རྒྱལ་པོ་འདི་ནད་པ་ལ་ཐུགས་ཤིན་ཏུ་བརྩེ་བས་བློན་པོ་ཡང་སྙིང་རྗེ་ཆེ་བ་རྣམས་བསྐོས། ནམ་ཞིག་ན་ལྷ་དབང་གིས་ཉམས་སད་ཕྱིར་བྲམ་ཟེ་ལོང་བར་སྤྲུལ་ནས་སྤྱན་མིག་གཉིས་སློང་བར་བྱིན་པ་ན་དེས་རང་གཟུགས་བསྟན་ཏེ་བདེན་པ་བརྗོད་པས་གསོས་ཏེ་སྦྱིན་པའི་གཏམ་མོ། །༡༠

― GTN003_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་ང་དགུ་པ་རྒྱལ་བུ་ཀུ་ན་ལ་ནི། གྲོང་ཁྱེར་པ་ཊ་ལི་པུ་ཊར་ཆོས་རྒྱལ་མྱ་ངན་མེད་ལ་བུ་བྱ་ཀུ་ན་ལའི་མིག་ལྟར་མཛེས་པ་ཞིག་སྐྱེས་པས་མིང་དེར་བཏགས། མཆོད་གནས་མངོན་ཤེས་དང་ལྡན་པས་སླར་དེའི་མིག་ཉམས་པར་འགྱུར་བ་མཁྱེན་ནས་ཆོས་བསྟན་རྒྱལ་པོའི་བཙུན་མོ་སྐར་རྒྱལ་སྲུང་མ་དེ་ལ་འདོད་པའི་དུས་བཏབ་ཀྱང་ཁས་བླངས་མ་བྱས་པས་ཁྲོས། རྒྱལ་བུ་དེ་དག་གི་དཔུང་དང་བཅས་པས་གྲོང་ཁྱེར་རྡོ་འཇོག་ཞབས་སུ་བཅུད། སྐབས་དེར་ཆོས་རྒྱལ་པོ་རྒྱུ་མ་སྲིན་ནད་ཀྱིས་གཟིར་བར་བཙུན་མོས་ཕན་དཔྱད་བརྟགས། དེ་གསོལ་བའི་བྱ་དགར་མཆོག་སློང་བས་ཞག་བདུན་དུ་སྲིད་སྐྱོང་ཐོབ་པས། སྔ་མའི་མཁོན་གྱིས་རྒྱལ་བུའི་མིག་གཉིས་ཕྱུང་ཡང་དེས་སྔར་ཆོས་ཐོས་པས་རྒྱུན་ཞུགས་ཐོབ། སླར་ཡབ་རྒྱལ་པོས་རྒྱུ་མཚན་ཐོས་པ་ན། བཙུན་མོ་ལ་ཁྲོས་པའི་སེམས་མ་སྐྱེས་པའི་བདེན་བརྗོད་ཀྱིས་མིག་གཉིས་སོར་ཆུད། བཙུན་མོ་ཡང་ཆད་པའི་འཇིགས་ལས་སྐྱོབས་རང་གི་བུ་མྱ་ངན་བྲལ་ལ་རྒྱལ་སྲིད་གཏད་དེ། རང་ཉིད་རབ་ཏུ་བྱུང་ནས་དགྲ་བཅོམ་པར་གསུངས། དེའི་སྔོན་བྱུང་གནས་བརྟན་དེས་གསུངས་པ་སྐྱེ་བ་སྔ་མ་རྔོན་པར་གྱུར་དུས་རི་དྭགས་མང་པོའི་མིག་བྲུས་པ་དང་མཆོད་རྟེན་ནི་སྐུ་གཟུགས་ཀྱི་སྤྱན་ཕྱེ་བས་སོ་གསུངས་ཏེ་འབྲས་བུའི་གཏམ་མོ། །༣༦
༈ ཡལ་འདབ་དྲུག་ཅུ་པ་ཀླུ་གཞོན་ནུ་ནི། ཀླུའི་ཕྲུ་གུ་ལས་ཀྱི་རྣམ་པར་སྨིན་པས་བྱེ་ཚན་འབབ་པས་སྡུག་བསྔལ་བ་ན། ཕ་མ་ལ་གང་ཕན་དྲིས་པས་སངས་རྒྱས་ལ་སྐྱབས་སུ་ཞུས་ན་ཕན་པར་བསྟན་པས་དེར་སོང་ནས་སྐྱབས་འགྲོའི་སྡོམ་པ་ཐོབ་སྟེ་འཇིགས་པ་ཞི་ནས། སྟོན་པ་འཁོར་བཅས་ཟླ་བ་གསུམ་དུ་མཆོད་པ་འབྲས་བུའི་གཏམ་མོ། །༣༧

ཡལ་འདབ་རེ་གཅིག་ནས་བདུན་ཅུ་བར།

― GTN003_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་རེ་གཅིག་པ་ཞིང་པ་དབུལ་པོ་ནི། མཉན་ཡོད་དུ་བྲམ་ཟེ་བཀྲ་ཤིས་ཁྱོ་ཤུག་ཞིང་པ་ཆུང་ངུ་ལ་རྨོ་བརྐོ་བྱེད་པས། སངས་རྒྱས་མཐོང་བ་ན། ཆུང་མས་རྟག་ཏུ་དབུལ་བ་བསོད་ནམས་མ་བྱས་པས་ཡིན་པར་ཤེས་ནས་ཁྱོ་ལ་བསྐུལ་ཏེ། སངས་རྒྱས་ལ་བཤོས་གསོལ་ནས་སྨོན་ལམ་བཏབ་པ། སྟོན་ཀ་ཞིང་གསེར་གྱི་སྙེ་མ་འཁྲུངས་པས་འབྱོར་ལྡན་དུ་གྱུར་པས་རྒྱལ་པོ་གསལ་རྒྱལ་ཡ་མཚན་སྐྱེས། དེས་སྟོན་པ་འཁོར་བཅས་མཆོད་དེ་རབ་ཏུ་བྱུང་ནས་དགྲ་བཅོམ། སྔོན་བྱུང་འོད་སྲུང་གི་བསྟན་པར་ཚངས་སྤྱོད་བླངས་པ་གསུངས་ཏེ་འབྲས་བུའི་གཏམ་མོ། །༣༨

― GTN003_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་རེ་གཉིས་པ་ཁྱིམ་བདག་གྲགས་སྦྱིན་ནི། སྟོན་པ་ནྱ་གྲོ་དྷའི་ཀུན་དགའ་ར་བར་བཞུགས། ཁྱི་བདག་ལེགས་པ་རབ་སད་ལ་བུ་གྲགས་སྦྱིན་སྐྱེས་པ་སྐྱེད་ཚལ་དུ་སོང་བ་ན་བཙུན་མོའི་འཁོར་གྱིས་དུབ་སྟེ་ཉལ་བ་ན། དེ་རྣམས་གཉིད་སྟུག་པོས་བག་མེད་པར་སོང་བའི་ཀུན་སྤྱོད་མཐོང་བས། དུར་ཁྲོད་ཀྱི་འདུ་ཤེས་སྐྱེས་ཏེ་བྲོས་པ། སྟོན་པས་དབུགས་དབྱུང་སྟེ་ཆོས་བསྟན། དེའི་ར་མདའ་ལེགས་པ་རབ་སད་སོང་བ་ཡང་སྟོན་པའི་སྤྱན་སྔར་ཕྱིན་ནས་བདེན་པ་མཐོང་སྟེ། ཕ་བུས་བཅོམ་ལྡན་འཁོར་བཅས་མཆོད་ཅིང་གྲགས་སྦྱིན་གྲོགས་པོ་བཞི་དང་བཅས་ཁྱོན་བཅུས་དགྲ་བཅོམ། གཞན་ཡང་ཁྱེའུ་ལྔ་བཅུས་ཀྱང་དགྲ་བཅོམ་པ་ལེགས་མངོན་འབྱུང་མདོར་རྒྱས་གྲགས་སྦྱིན་གྱི་སྔོན་བྱུང་། སངས་རྒྱས་གཙུག་ཏོར་ཅན་ལ་རྒྱལ་པོ་ཚངས་བྱིན་གྱི་འཁོར་འོད་བཟང་གིས་དད་དེ་ཉེ་བར་བསིལ་འབེབས་པའི་དབུ་གདུགས་བཟུང་ཞིང་ཚངས་པར་སྤྱོད་པས། སྟོན་པ་དེས་ཤཱཀྱ་ཐུབ་པ་ལས་རབ་ཏུ་བྱུང་བར་ལུང་བསྟན། སྐྱེ་བ་ཕྱི་མར་ལྷའི་ཆེ་མོ་ཡུན་རིང་མྱོང་ཡང་རྒྱལ་པོ་ཀྲ་ཀཱིའི་བུ་གསུམ་པ་གྲགས་ལྡན་དུ་གྱུར་དུས་འོད་སྲུང་གི་མཆོད་རྟེན་ལ་རིན་པོ་ཆེའི་གདུགས་འབུལ་བ་སོགས་གསུངས་ཏེ་འབྲས་བུའི་གཏམ་མོ། །༣༩

― GTN003_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་རེ་གསུམ་པ་འོད་སྲུང་ཆེན་པོ་ནི། མ་ག་དྷཱར་བྲམ་ཟེ་ནྱ་གྲོ་དྷ་ཏོག་གི་ཆུང་མ་ལ། བུ་གསེར་འོད་འབར་བ་སྐྱེས་པ་ཙམ་ནས་ཤིང་པིས་པ་བསོད་ནམས་ལས་སྐྱེས་པར་ལྷའི་གོས་བྱུང་། ཁྱིམ་ཐབ་མི་འདོད་པས་ཀྱང་ནན་གྱིས་བསྐུལ་བས། སེར་སྐྱའི་བུ་མོ་བཟང་མོ་གསེར་གཙོ་མའི་མདོག་ཟིལ་གྱིས་གནོན་ནུས་པ་བླངས། ཕ་མ་ཤི་ནས་ཡོ་བྱད་ཐམས་ཅད་སྦྱིན་པར་གཏོང་། འཁོར་འབངས་ཅི་དགར་དཀྲོལ་ཁྱོ་ཤུག་གཉིས་ཀ་རབ་ཏུ་བྱུང་སྟེ་དགྲ་བཅོམ་པ་སོགས་འདུལ་བར་གཏམ་རྒྱུད་རྒྱས། དེའི་སྔོན་འབྱུང་རང་སངས་རྒྱས་ལ་བསོད་སྙོམས་ཕུལ་བ་དང་། སངས་རྒྱས་འོད་སྲུང་གི་མཆོད་རྟེན་ལ་ནོར་བུའི་གདུགས་ཕུལ་བ་སོགས་གསུངས་ཏེ་འབྲས་བུའི་གཏམ་མོ། །༤༠ ༈ ཡལ་འདབ་རེ་བཞི་པ་རྒྱལ་བུ་ནོར་བཟང་དུ་སྐྱེ་བ་བཞེས་པ་ནི། མཛད་བརྒྱའི་སྐབས་གྱ་བརྒྱད་པར་འབྱུང་སྟེ་ཡབ་སྲས་མཇལ་བ་ནས་ཟས་གཙང་སོགས་ཤཱཀྱ་རྣམས་ཀྱི་དོན་མཛད་པ་ན། བཙུན་མོའི་འཁོར་དུ་བཤོས་གསོལ་བར་གྲགས་འཛིན་མ་སྟོན་པ་ལ་ཤིན་ཏུ་ཆགས་པས་དབང་དུ་བྱར་མེད་

― GTN003_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མཐོང་ནས་ཁང་བཟང་གི་སྟེང་ནས་མཆོངས་པ་གནོད་པ་མེད་པར་བྱིན་གྱིས་བརླབས་ཏེ་ཆོས་བསྟན་པས་བདེན་པས་བདེན་པ་མཐོང་བ་ན། དགེ་སློང་རྣམས་ཀྱིས་གྲགས་འཛིན་མའི་སྔོན་བྱུང་ཞུས་པར། ཧསྟི་ནའི་གྲོང་དུ་རྒྱལ་པོ་ནོར་ཅན་ལ་བུ་ནོར་བཟང་འཁྲུངས། དེ་སྐབས་རྒྱལ་པོ་དབང་ཆེན་སྡེས་ཆོས་མིན་སྤྱོད་པས། ཡུལ་དུ་མུ་གེ་ཆེན་པོ་བྱུང་བ་ན། མངའ་འོག་ཕལ་ཆེར་ནོར་བཟང་གིས་སྙན་པ་ཐོས་པས་དེ་ཞབས་སུ་བྲོས། དབང་ཆེན་སྡེས་དེ་ཚུལ་མཐོང་བས་ཕྲག་དོག་སྐྱེས་པས་ཧསྟིའི་གྲོང་ཁྱེར་གཞོམ་པར་བློན་པོ་རྣམས་ལ་བསྒོ་བ་ན། དེ་རྣམས་ཀྱིས་ནོར་བཟང་གི་ཡུལ་དུ་ཀླུ་ཙིཏྟ་ཡོད་པའི་མཐུས་འབྱོར་བར་སེམས་དཔས་དེ་བཀུག་པའི་སྔགས་མཁན་འབོད་པ་ཀླུས་མཐོང་ནས། འཇིགས་པ་དེ་བསལ་ཕྱིར་དྲང་སྲོང་ཤིང་ཤུན་ཅན་ལ་དྲིས་ཀྱང་ཐབས་བྲལ་ནས། རྔོན་པ་པདྨ་ཅན་ལ་བསྐུལ་བས་སྔགས་མཁན་ལ་མདའ་རྒྱབ་ནས་བསད་པའི་དྲིན་གཟོ་ནོར་བུ་དོན་ཡོད་ཞགས་པ་བྱིན། དེའི་བུ་ཨུཏྤལ་ཅན་གྱིས་མིའམ་ཅི་མོ་ཁྲུས་ལ་འོང་བ་ཞགས་པས་བཅིངས་ཏེ་གཙུག་གི་ནོར་བུ་བླངས་པ་དང་བཅས་རྒྱལ་བུ་ནོར་བཟང་ལ་བྱིན། རྒྱལ་བུ་འདི་ཡབ་ཀྱི་བཀས་ཀརྤ་ཊའི་རྒྱལ་ཕྲན་འཇོམས་པར་སོང་བའི་ཤུལ་དུ། རྒྱལ་པོའི་རྨི་ལྟས་བཟང་ཡང་། བློན་པོ་སེར་སྐྱས་ཉེས་པར་ལུང་བསྟན་པའི་རིམ་གྲོར་མི་མ་ཡིན་གྱི་ཚིལ་བུ་དགོས་པ་སོགས་ཕྲག་དོག་གིས་བྱུང་བས་མིའམ་ཅི་མོ་ཡིད་འཕྲོག་མ་རང་གནས་སུ་བྲོས། སླར་རྒྱལ་བུ་འཁོར་བ་ན་གཏམ་ཐོས་པའི་མྱ་ངན་གྱིས་གདུང་བས་ཐབས་དང་བརྩོན་འགྲུས་

― GTN003_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩོན་ནས་སྟོབས་ཆེན་པོས་ངལ་བ་ཁྱད་དུ་བསད་དེ། དྲི་ཟའི་རྒྱལ་པོའི་གནས་སུ་ཕྱིན་པ་ཡིད་འཕྲོག་མ་ཐོབ་སྟེ་རང་གནས་སུ་འབྱོན་པས་རྒྱལ་སྲིད་ཆོས་བཞིན་སྐྱོང་བའི་ནོར་བཟང་སྟོན་པ་དང་ཡིད་འཕྲོག་མ་གྲགས་འཛིན་མའི་ཞེས་གསུངས་པའི་གཏམ་དུ་འདུལ་བར་རྒྱས་ཏེ་སྦྱིན་པའི་གཏམ་མོ། །༡༡ ༈ ཡལ་འདབ་རེ་ལྔ་པ་རྭ་ཅན་དུ་སྐྱེ་བ་བཞེས་པ་ནི། གྲགས་འཛིན་མས་སྟོན་པ་དབང་དུ་བྱེད་པའི་ལ་དུ་སྲས་སྒྲ་ཅན་འཛིན་ལ་འདྲེན་དུ་བཅུག་ན་བསམ་པ་མཁྱེན་པས་མ་བཞེས་སོ། །དགེ་སློང་རྣམས་ཀྱིས་དེའི་རྒྱུ་དྲིས་པ་ན་འདི་གསུངས་ཏེ། སྔོན་ཤཱཀྱ་བའི་གྲོང་དུ་ས་བདག་ཤཱཀྱ་ལ་བུ་མེད་པར་བུ་མོ་པདྨ་ལྡན་གཅིག་པུ་སྐྱེས། དེ་ཉིད་ཀྱི་བཀས་གཞོན་ནུ་ཐོབ་ཏུ་རེ་ནན་དཀའ་ཐུབ་ཀྱི་ནགས་སུ་སོང་བ་ན། དྲང་སྲོང་ཞིག་གི་ས་བོན་ཆུར་ལྷུང་བ་རི་དྭགས་མོ་འདོད་པས་གཟིར་བས་བཏུང་བར་བུ་གསེར་མདོག་རྭ་ཅན་ཞིག་བཙས་པ་ཡབ་དྲང་སྲོང་གིས་བསྐྱེད་བསྲིངས་པས་དར་ལ་བབ་པ་དང་འཕྲད་པ་ནགས་ཀྱིས་བྲིད་དེ་དབང་དུ་བྱེད་པའི་ལ་དུ་བྱིན་པས་མག་པར་ཐོབ་ནས་རྒྱལ་སར་ཁྲིད་པ་ལས་རིགས་བརྒྱུད་འཕེལ་བའི་བྱིས་པ་རྭ་ཅན་ནི་བཅོམ་ལྡན་འདས་དང་། པད་ལྡན་མ་ནི་གྲགས་འཛིན་མའོ་གསུངས་ཏེ་བསམ་གཏན་གྱི་གཏམ་མོ། །༢

― GTN003_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་རེ་དྲུག་པ་སྙན་ངག་མཁན་དུ་སྐྱེ་བ་བཞེས་པ་ནི། ལྷས་བྱིན་གྱིས་རྡོ་འཕངས་པས་སྟོན་པའི་ཞབས་མཐེབ་སྣད་ནས་ཁྲག་བྱུང་བར་སྔོན་གྱི་རྒྱུ་ཞུས་པ་ན་གསུངས་ཏེ། ལྔ་ལེན་དུ་རྒྱལ་པོ་བདེར་དགའ་ལ་བཙུན་མོ་གཉིས་ཡོད། མཚན་ཉིད་ཅན་དང་ཆོས་བཟང་པོའོ། སྔ་མའི་བུ་མ་དུད་པས་རྒྱལ་སྲིད་ཐོབ། ཕྱི་མའི་བུ་སྙན་ངག་མཁན་ལྟས་བརྟགས་པས་རྒྱལ་པོ་གསོད་པར་བསྟན་པ་ཉ་བའི་ཁང་པར་བསྐྱེད་བསྲིངས་པ་ན། རྒྱལ་པོས་བློན་པོ་བ་ལོང་རྭ་ལ་གསོད་པར་བསྒོ་བ་ནི། དེའི་མས་ཤེས་པས་གཙུག་གི་ནོར་བུ་བྱིན་ནས་འབྲོས་སུ་བཅུག་པ་ཀླུ་དང་། འཁྲུད་མཁན། རྫ་མཁན་སོགས་ཀྱིས་སྐྱོབས་པར་ནུས་པར་གཡང་ལ་མཆོངས་པའི་གཙུག་གི་ནོར་བུ་བློན་པོས་ཐོགས་ཏེ་རྒྱལ་པོར་ཕུལ། སྙན་ངག་མཁན་གནོད་སྦྱིན་ཞིག་གིས་སྐྱབས་ནས་སོས་པས་གདོལ་པ་གཏུམ་མོ་དང་ཁྱི་དུང་གི་ཁའི་འཇིགས་པ་བྱུང་བ་དྲང་སྲོང་མ་ཐ་རས་བཅོམ་ནས་སྙན་ངག་མཁན་ལ་སྒྱུ་མའི་རིགས་སྔགས་སློབ་ཟིན་ནས་བསྒོ་བ་བཞིན། ཀཾ་སི་ལར་གར་མཁན་མར་རྫུས་ཏེ་གར་བྱས་པར་སྔར་གྱི་རྒྱལ་བློན་རྣམས་ལྟད་མོས་གཡེང་། དེ་ནུབ་ཕོ་བྲང་དུ་བསྡད་པས་རྒྱལ་པོ་མ་དུད་པ་བསད་དེ་རྒྱལ་སྲིད་བླངས་པའི་སྙན་ངག་མཁན་ནི་སངས་རྒྱས་ཉིད་དེ། ལུས་དེ་བོར་མ་ཐག་དམྱལ་བར་སྐྱེས་ཤིང་། ད་ལྟར་དེའི་ལྷག་མ་ཙམ་མོ་གསུངས་ཏེ་ཤེས་རབ་གྱི་གཏམ་མོ། །༤

― GTN003_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་རེ་བདུན་པ་དགེ་འདུན་སྲུང་ནི། མཉན་ཡོད་ཁྱིམ་བདག་སངས་རྒྱས་སྲུང་གི་བུ་དགེ་འདུན་སྲུང་ནི་ཤཱ་རིའི་བུ་ལས་རབ་ཏུ་བྱུང་ནས་ཚོང་པ་ལྔ་བརྒྱ་དང་བཅས་རྒྱ་མཚོར་སངས་རྒྱས་ཀྱི་བཀའ་བཞིན་སོང་སྟེ། ཀླུའི་གནས་སུ་ཕྱིན་ནས་ཀླུ་ལ་ཆོས་བཤད། ཉི་ཚེ་བའི་དམྱལ་བ་དངོས་སུ་མཐོང་ཞིང་། ཀ་བ། རྩིག་པ། ཤིང་འབྲས། ཕྱག་མ། ཐག་པ། ཁྲི་སོགས་ཀྱི་དམྱལ་བ་གཟུགས་མཐོང་སྐབས་དེར་དྲང་སྲོང་སྔགས་བརྒྱ་མ་ཤིང་གི་ལྷ་མོར་བསྟན་ཆོས་བསྟན་པས་དེ་རྣམས་ལས་རྐྱེན་བྱས་དགྲ་བཅོམ་པ་ཐོབ། སླར་སྟོན་པའི་དྲུང་དུ་དྲང་སྲོང་ལྔ་བརྒྱ་ཁྲིད་ནས་འོང་བར་དེ་རྣམས་རབ་ཏུ་བྱུང་སྟེ་དགྲ་བཅོམ། སྐབས་དེར་དགེ་འདུན་སྲུང་གིས་སྔར་མཐོང་བའི་སེམས་ཅན་རྩིག་པ་འདྲ་བ་སོགས་དེ་དག་གི་རྒྱུ་མཚན་ཞུས་པས། སངས་རྒྱས་འོད་སྲུང་གི་དགེ་སློང་རྣམས་ཡིན་ཏེ། དགེ་འདུན་གྱི་རྩིག་པ་མཆིལ་མ་རུང་ངམ་རུང་བར་བྱས་པས་རྩིག་པ་འདྲ་བ་དང་། དགེ་འདུན་གྱི་ཀ་བ་སྣབ་ཀྱིས་མ་རུང་པར་བྱས་པས་ཀ་བ་འདྲ་བ་དང་། དགེ་འདུན་གྱི་ཤིང་ལྗོན་པ་དང་། ལོ་མ་དང་མེ་ཏོག་དང་འབྲས་བུ་དག་གང་ཟག་གི་ལོངས་སྤྱོད་དུ་བྱས་པས་ཤིང་ལྗོན་པ་སོགས་འདྲ་བ་དང་། དགེ་འདུན་གྱི་ཐག་པ་དང་། ཕྱག་མ་གང་ཟག་གིས་ལོངས་སྤྱོད་པས། ཐག་པ་དང་ཕྱག་མ་འདྲ་བ་དང་། དགེ་ཚུལ་རྣམས་ཀྱི་གཙང་སྦྱོར་དུ་གྱུར་པ་དག་ཕོར་བ་

― GTN003_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུ་བའི་ཚེ་དགེ་སློང་གློ་བུར་བ་ལྷགས་ནས། དགེ་འདུན་ལ་སྐོམ་ཡོད་དམ་ཞེས་དྲིས་པས་དེ་དག་སེར་སྣས། ཁོ་བོ་ཅག་གིས་ཕོར་བ་བཀྲུས་པ་མ་མཐོང་ངམ་སྐོམ་འཐུངས་ཟིན་ཏོ། །དེ་དག་དུས་ཡོལ་ལོ་སྐོམ་ནས་རེ་བ་མེད་པར་གྱུར་ཏེ་བཞིན་འགྱུར་ཞིང་ཉམས་ནས་སོང་བས་ཕོར་བ་འདྲ་བ། དགེ་ཚུལ་དགྲ་བཅོམ་པ་དམ་བཞག་པར་བསྐོས་པ་ཞིག་ལ། དེ་དག་གིས་ཁོ་བོ་ཅག་ལ་གཏུན་དུ་འབྲུ་མར་གྱི་ཚིགས་མ་ཉུང་ཞིག་རྡུངས་ལ་བྱིན་ཅིག་དེ་ནས་ཏེ་བདག་གི་བྲེལ་བས་རེ་ཞིག་བཞུགས་ཤིག་སླད་ཀྱིས་གསོལ་ལོ། །དེ་དག་ཁྲོས་ནས་ཁོ་བོ་ཅག་གཏུན་ལ་རེག་ཏུ་རུང་ན་ཁོ་བོ་ཅག་གིས་ཁྱོད་ཉིད་གཏུན་དུ་བཅུག་ནས་བརྡུང་བར་ཡང་བྱ་ན་འབྲུ་མར་གྱི་ཚིགས་མ་ལྟ་ཅི་སྨོས། དེས་བསམ་པ་བདག་གིས་ལན་བཏབ་ན་འདི་དག་ལྷག་པར་འཁྲུགས་པར་འགྱུར་རོ་སྙམས་ནས་ཅང་མི་སྨྲ་བར་བསྡད་དེ། དེ་དག་ཀུན་ནས་དཀྲིས་པ་དང་བྲལ་བའི་ཚེ་གན་དུ་སོང་ནས་གནས་བརྟན་དག་ཁྱེད་ཀྱིས་བདག་སུ་ཡིན་མཁྱེན་ནམ། ཤེས་ཏེ་ཁྱོད་སངས་རྒྱས་འོད་སྲུང་གི་དགེ་ཚུལ་ཡིན་ལ་ཁོ་བོ་ཅག་དགེ་སློང་ཡིན་ནོ། །དེ་ལྟར་ཡིན་མོད་བདག་གིས་རབ་ཏུ་བྱུང་བས་བགྱི་བ་དེ་བགྱིས་སོ་ཅི་བྱས་དགྲ་བཅོམ་པ་ཐོབ་བོ། །ཁྱེད་ཀྱིས་ངག་གི་ལས་རྩུབ་མོ་སྨྲས་ཀྱིས་སྡིག་པ་ཤོག་དང་། ལས་དེ་བསྲབ་པར་འགྱུར་རོ། །དེ་དག་གིས་བཤགས་ཀྱང་གཏུན་འདྲ་བར་སྐྱེས་སོ་ཞེས་གསུངས་པ་ཅུང་ཟད་བློ་དམན་རྣམས་གོ་བ་ཆགས་དཀའ་བས་འདུལ་བ་ནས་བཤད་པ་སོར་བཞག་བྲིས་སོ། །འཁོར་རྣམས་ཀྱིས་དགེ་འདུན་སྲུང་གི་སྔོན་བྱུང་ཞུས་པར་

― GTN003_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་འོད་སྲུང་གི་བསྟན་པར་རབ་ཏུ་བྱུང་བ་གཙུག་ལག་ཁང་གི་ཞལ་ཏ་བར་གྱུར་པ་དང་། དྲང་སྲོང་ལྔ་བརྒྱ་ཡང་དེར་གནས་པའི་བློ་མཐུན་དུ་གསུངས་ཏེ་འབྲས་བུའི་གཏམ་མོ། །༤༡ ༈ ཡལ་འདབ་རེ་བརྒྱད་པ་པདྨ་ཅན་ནི། གྲགས་འཛིན་མའི་མངལ་དུ་སྲས་སྒྲ་གཅན་འཛིན་ལོ་དྲུག་ཏུ་བཞུགས་པས། མ་སྡུག་བསྔལ་བར་གྱུར་པའི་རྒྱུ་ཞུས་པས་ན་གསུངས་ཏེ། དྲང་སྲོང་ཤཱཾ་ཊིལྱིའི་གཅིན་འཐུངས་པ་ལས་རི་དྭགས་མོར་བུད་མེད་པདྨ་ཅན་སྐྱེས་པ་གྲོང་ཁྱེར་ཀམྤི་ལའི་རྒྱལ་པོ་ཚངས་བྱིན་གྱིས་བླངས་པར། ཁྱེའུ་གསེར་མདོག་གཉིས་སྐྱེས་པ་བཙུན་མོ་གཞན་གྱི་ཕྲག་དོག་གིས་ཆུ་བོ་གངྒཱར་སྒྲོམ་དུ་བཅུག་ནས་འཕངས་ཤིང་། རྒྱལ་པོར་བུ་མོས་བཟོས་པའི་དབྱེན་བཅུག་པས་རྒྱལ་པོ་ཁྲོས་ཏེ་གསོད་པར་བསྒོས་ཀྱང་། བློན་པོ་བློ་གྲོས་རིང་གིས་གཞན་གྱི་ཕྲག་དོག་ཏུ་ཤེས་ནས་མ་བསད་པར་སྦས་པ་ན། དྲང་སྲོང་གི་བསྟི་གནས་སྲུང་བའི་ལྷ་མོས་རྒྱལ་པོར་ཉེས་པ་མེད་ཚུལ་ལུང་བསྟན་པ་དང་། ཉ་པ་རྣམས་ཀྱིས་ཆུ་ལས་སྒྲོམ་བུ་རྙེད་པ་ཕུལ་བ་ཁ་ཕྱེ་བ་ན་སྲས་གཉིས་མཐོང་བས་རྒྱལ་པོ་འགྱོད་པ་ན་བློན་པོས་པད་ཅན་ཕུལ་ཡང་བུ་མོ་རང་ཁྲོས་པས་ཡབ་ཀྱི་བསྟི་གནས་སུ་ལོག་ནས་རབ་བྱུང་གི་ཆ་ལུགས་བྱས་པར་རྒྱལ་པོ་ཀྲ་ཀཱའི་དོན་དུ་གཉེར་ཡང་མ་ཐོས་པ་སླར་ཚངས་

― GTN003_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

བྱིན་རང་ཉིད་བསུ་བར་ཕྱིན་པས་ཐོབ་པ་སྟེ་རྐང་པའི་རྗེས་ལ་མེ་ཏོག་པདྨ་སྐྱེས་པ་ནི་རང་སངས་རྒྱས་ལ་སྔར་པདྨ་ཕུལ་བས་སོ། །པདྨ་ཅན་ནི་གྲགས་འཛིན་མ་ཡིན་པར་གསུངས་ཏེ་འབྲས་བུའི་གཏམ་མོ། །༤༢ ༈ ཡལ་འདབ་རེ་དགུ་པ་རབ་གནས་མཛད་པ་ནི། གྲོང་ཁྱེར་པ་ཊ་ལི་པུ་ཏྲར་ཆོས་རྒྱལ་མྱ་ངན་མེད་ཀྱིས་གནས་བརྟན་གྲགས་པ་སོགས་དགེ་འདུན་གྱི་ཚོགས་མང་པོ་དང་། སངས་རྒྱས་ཀྱི་རིང་བསྲེལ་རྣམས་ལ་མཆོད་ཅིང་། གྲགས་པས་ཀླུ་ཡུལ་ནས་སངས་རྒྱས་ཀྱི་རིང་བསྲེལ་མང་པོ་དང་བླངས་ཏེ་མཆོད་རྟེན་སྟོང་ཕྲག་བརྒྱ་ཅུ་རྩ་བཞི་བསྐྲུན་པར་རབ་ཏུ་གནས་པའི་ཚེ་དགྲ་བཅོམ་རྣམས་ནམ་མཁར་འཕགས་པས་ཉི་འོད་བསྒྲིབ་ཐུབ་པ་བྱུང་། རབ་བྱུང་རྒན་པོ་བློ་རྨོངས་པ་ཞིག་ལ་རྒྱལ་པོས་བསྙེན་བཀུར་ཕུལ་བས་སངས་རྒྱས་ལ་དགའ་བའི་ལྷས་བློ་གྲོས་བྱིན་ཏེ། རྒྱལ་པོར་ཆོས་བསྟན་ཞིང་། དེ་དགྲ་བཅོམ་པ་ལྷའི་གནས་ཡོངས་འདུའི་ཤིང་དྲུང་ཏུ་དབྱར་གནས་པ་སླར་དུས་སྟོན་ལ་ཕེབས་པར་ཆོས་གོས་ལ་དྲི་བཟང་པོ་མནམ་པར་རྒྱལ་པོས་དྲིས་པ་ན། ལོ་རྒྱུས་རྣམས་དྲང་པོར་སྨྲས་པས་རྒྱལ་པོ་སྦྱིན་པ་ལ་སླར་ཡང་སྤྲོ་བར་གྱུར་པ་གསུངས་ཏེ་འབྲས་བུའི་གཏམ་མོ། །༤༣
༈ ཡལ་འདབ་བདུན་ཅུ་པ་འཕགས་པ་ཉི་མ་གུང་པ་ནི། འཕགས་པ་ཀུན་དགའ་བོ་མྱ་ངན་འདའ་ཁར་ཆུ་བོ་གངྒཱའི་དབུས་སུ་ས་གཞིར་སྤྲུལ་ཏེ་ཉི་མ་གུང་པ་དང་ཁ་ཆེའི་དྲང་སྲོང་ལྔ་བརྒྱ་བཅས་རབ་ཏུ་བྱུང་སྟེ་དགྲ་བཅོམ་པར་མཛད་དེ་བསྟན་པ་གཏད། འདིས་ཁ་ཆེའི་ཡུལ་དུ་ཀླུ་རྣམས་བཏུལ་ཏེ་སྐྱིལ་ཀྲུང་ཁྱོན་གྱིས་ས་བསླངས་པས་ཁ་ཆེའི་ཡུལ་གླིང་ཐམས་ཅད་ནོན་པར་བྱས་ནས། ཆོས་གོས་ནམ་མཁར་འཕྱར་བའི་གྲིབ་མའི་ས་ལ་རི་སྤོས་ངད་ལྡན་པ་གུར་གུམ་གྱི་ས་བོན་བླངས་པ་བཏབ་པའོ། །འབྲས་བུའི་གཏམ་མོ། །༤༤

ཡལ་འདབ་དོན་གཅིག་ནས་བརྒྱད་ཅུ་བར།

― GTN003_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་དོན་གཅིག་པ་འཕགས་པ་ཤ་ནའི་གོས་ཅན་ནི། ཀུན་དགའ་བོ་ལས་རབ་ཏུ་བྱུང་ཞིང་དགྲ་བཅོམ་སྟེ་སྟོན་པའི་བཀའ་བཞིན་དེ་ལ་བསྟན་པ་གཏད། འཕགས་པ་འདི་བཅོམ་རླག་ཏུ་ཕེབས་པར་གྱད་ཀྱི་གཙོ་བོ་ན་ཊའི་བྷ་ཊ་གཉིས་ཀྱིས་མཆོད་དེ་མཚན་དེ་ལྟར་འདོགས་པའི་རྒྱུ་མཚན་ཞུས་པར། སྐྱེ་བ་སྔ་མ་ཞིག་རང་སངས་རྒྱས་སྙིང་ནད་ལས་གྲོལ་བར་བྱས་ཤིང་། དེ་ལ་གོས་བཟང་པོ་ཕུལ་ཡང་མ་བཞེས་པས་ཤ་ནའི་གོས་ཤིག་ཕུལ་ཏེ་སྨོན་ལམ་བཏབ་པས་བདག་བཙས་པ་ན་ཤ་ནའི་གོས་དང་ལྷན་ཅིག་བཙས་པས་མིང་དེ་

― GTN003_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་གྲགས་གསུངས། མགོ་ཆེན་གྱི་རིགས་པ་སྐྱིལ་ཀྲུང་བརྟན་པོས་ཀླུ་རྣམས་བཏུལ། སྔར་གྱི་གྱད་གཉིས་ནས་གཙུག་ལག་ཁང་ཕུལ་བར་བཞུགས་སོ། །འབྲས་བུའི་གཏམ་མོ། །༤༥ ༈ ཡལ་འདབ་དོན་གཉིས་པ་འཕགས་པ་ཉེར་སྦས་ནི། བཅོམ་རླག་ན་སྤོས་འཚོང་གི་བུ་ཉེར་སྦས། སྤོས་ཀྱི་རྒྱུ་རྣམས་ཉོ་བ་སྨད་འཚོང་མ་ནོར་ལྷས་བྱིན་གྱིས་འགྲོགས་པར་བསྐུལ་བ་ཁས་མ་བླངས་ཤིང་། དེས་སྔ་མ་གྲོགས་ཚོང་དཔོན་གྱི་བུ་ཞིག་ཡོད་པ་དུག་གིས་བསད་ནས་གསར་བ་ཚོ་སྦ་ན། སྔ་མའི་རོ་རྙེད་པས་རྒྱལ་པོས་ཁྲིམས་ལ་སྦྱར་ཏེ། སྣ་དང་རྣ་བ་དང་རྐང་ལག་སོགས་བཅད་པ་ན་ཉེར་སྦས་དེར་བྱོན་ནས་ཆོས་ཀྱི་གཏམ་སྨྲས་པས་ཚེ་འཕོས་པ་མཐོ་རིས་སུ་སོང་། ཉེར་སྦས་འཕགས་པ་ཤ་ནའི་གོས་ཅན་ལས་རབ་ཏུ་བྱུང་སྟེ་དགྲ་བཅོམ་པས་སྟོན་པའི་བཀས་བཞིན་བསྟན་པ་གཏད། འདི་མཚན་མེད་པའི་སངས་རྒྱས་སུ་ལུང་བསྟན་པས་སངས་རྒྱས་གཤེགས་ནས་འགྲོ་དོན་འདི་ཆེ་བ། བདུད་སྡིག་ཅན་གྱིས་མ་བཟོད་དེ་ཐོ་བཙམས་པར། རོ་གསུམ་གྱིས་རྒྱན་བྱིན་པས་བཏུལ་ཏེ་གྲོང་ཁྱེར་འབུམ་ཕྲག་བཅོ་བརྒྱད་དགྲ་བཅོམ་པར་བཀོད་དོ། །འབྲས་བུའི་གཏམ་མོ། །༤༦

― GTN003_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་དོན་གསུམ་པ་ཆོས་རྒྱལ་མྱ་ངན་མེད་ཀྱིས་ཀླུ་ལ་སྤྲིངས་ཡིག་བསྐུར་བ་ནི། རྒྱལ་པོ་འདིའི་མངའ་གསོལ་བའི་ཚོང་པ་རྒྱ་མཚོར་འགྲོ་བ་རྣམས་ཀྱི་ནོར་ཀླུས་འཕྲོགས་པ་རྒྱལ་པོ་ལ་ཞུས་པས། རྒྱལ་པོས་ཟངས་མའི་གླེགས་བུར་ནོར་རྣམས་ཚུར་སྤྲོད་ཅིག་པ་རྒྱ་མཚོར་འཕངས་ཀྱང་ཀླུ་ལ་ཉན་དུ་མ་འདོད་པས། རང་ཉིད་བསོད་ནམས་ཆུང་བར་ཤེས་ནས། དགྲ་བཅོམ་པ་སྟོང་ཕྲག་དྲུག་ཅུ་བསྙེན་བཀུར་ཕུལ་ཞིང་། དགེ་སློང་མངོན་ཤེས་ལྔ་ལྡན་དབང་པོའི་རྒྱལ་པོ་དང་། ཀླུའི་གཟུགས་བཅོས་ཏེ་བརྟགས་པར། ཐོག་མར་རྒྱལ་པོས་ཀླུ་ལ་འདུད་ཀྱང་། མཐར་རྒྱལ་པོ་ལ་འདུད་པར་གྱུར་པ་ན་སྔར་ལྟར་ཀླུ་ལ་སྤྲིངས་པས་ཚོང་པ་རྣམས་ཀྱི་ནོར་ཀླུ་མིའི་ཆ་བྱད་དུ་སྤྲུལ་པས་རྒྱལ་པོར་ཕུལ་བས་དཀོན་མཆོག་ལ་ལྷག་པར་དད་དེ། འཕགས་པ་ཉེར་སྦས་འཁོར་བཅས་ལ་མངོན་པར་མཆོད་དེ་འབྲས་བུའི་གཏམ་མོ། །༤༧ ༈ ཡལ་འདབ་དོན་བཞི་པ་རྒྱལ་པོ་དེ་ཉིད་ཀྱིས་དགེ་འདུན་ལ་ས་གཞི་ཕུལ་བ་ནི། རྒྱལ་པོ་དེ་གཏོང་བ་ཕུན་སུམ་ཚོགས་པས་དགེ་འདུན་རྣམས་ལ་གསེར་བྱེ་

― GTN003_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཕྲག་བརྒྱ་རེ་ཕུལ་བར་དམ་བཅས་ནས་ལོ་སུམ་ཅུ་རྩ་དྲུག་ཏུ་དགེ་འདུན་རྣམས་ལ་གསེར་བྱེ་བ་དགུ་བཅུ་རྩ་དྲུག་ཏུ་ཕུལ་བ་ན། རྒྱལ་པོ་དེར་ནད་ཀྱིས་བཏབ་པར་ཚ་བོ་ཕུན་ཚོགས་ཅན་གྱི། སེར་སྣས་མཛོད་སར་བསྒོ་སྟེ། དགེ་འདུན་གྱི་འབུལ་སྒོ་བཀག་པ་ན། རྒྱལ་པོ་རང་སྐལ་སྐྱུ་རུའི་ཕྱེ་མ་ཕུལ་ཞིང་། བློན་པོས་བློ་བསྟན་པས་ས་གཞི་ཡོངས་རྫོགས་དགེ་འདུན་ལ་ཕུལ། རྒྱལ་པོ་འདས་ནས་ལྷར་སྐྱེས། ཚ་བོས་གསེར་བྱེ་བ་བཞི་ཕུལ་ནས། དགེ་འདུན་ལས་ས་གཞི་ཉོས་པ་འབྲས་བུའི་གཏམ་མོ། །༤༨ ༈ ཡལ་འདབ་དོན་ལྔ་པ་རྟེན་འབྲེལ་ནི། མཉན་ཡོད་དུ་རྒྱལ་བ་བཞུགས་པ་ན། དགེ་སློང་རྣམས་ལ་བཀའ་སྩལ་པ་སྟེ། དེ་ཡང་རྟེན་འབྲེལ་རྣམས་ཀྱི་ཐོག་མར་མ་རིག་པ་ཡིན་ཞིང་། དེ་ལ་འདུ་བྱེད་སོགས་ནས་རིམ་པར་རྒ་ཤིའི་བར་དུ་བྱུང་བས། སྲིད་པའི་འཁོར་ལོ་འཕྱན་པ་སྟེ་མ་རིག་པ་འགོག་པར་བྱས་པས་འདུ་བྱེད་འགགས་པ་སོགས་ནས་རྒ་ཤིའི་བར་འགོག་པས་ཐར་པ་ཐོབ་པར་གསུངས་ཏེ་འབྲས་བུའི་གཏམ་མོ། །༤༩

― GTN003_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་དོན་དྲུག་པ་རྒྱལ་པོ་བི་དུ་ར་ནི། སངས་རྒྱས་ཆུ་ཀླུང་ཁྱམས་ལྡན་དུ་བྱོན་པས། དེར་ཆུ་གནས་མི་འདྲ་བ་ཉའི་རྣམ་པ་ལུས་ཐམས་ཅད་རྨ་ཤུས་གང་ཞིང་ཐོས་ནས། སངས་རྒྱས་ལ་དེའི་ལས་དྲིས་པས། འདི་སྔོན་འཕགས་རྒྱལ་དུ་རྒྱལ་པོ་བི་དུ་རར་གྱུར་པ་ནགས་སུ་བཙུན་མོའི་འཁོར་དང་བཅས་རྒྱུ་བ་ན། བཙུན་མོ་རྣམས་ཀྱིས་རང་རྒྱལ་ཞིག་མཐོང་ནས་ཆོས་ཞུས་པ། རྒྱལ་པོས་ཕྲག་དོག་གིས་རང་རྒྱལ་བསད་པས་དམྱལ་བར་ཡུན་རིང་སྐྱེས་ནས་ད་ལྟ་ལུས་ངན་འདི་བླངས་པ་ཡིན། སླད་མར་ཡང་རང་རྒྱལ་ཞིག་གསོད་ནས་དམྱལ་བར་འགྲོ། དེ་ནས་ཡུན་རིང་མོ་ཞིག་ནས་མིར་སྐྱེས་ཏེ། སྟོན་པ་ཨུཏྟ་ར་ལས་རབ་ཏུ་བྱུང་བ། སྐྱེད་ཚལ་དུ་བཙུན་མོས་མཆོད་དེ་རྒྱལ་པོ་ཁྲོས་ནས་གསོད་པར་ལུང་བསྟན་པ་འབྲས་བུའི་གཏམ་མོ། །༥༠ ༈ ཡལ་འདབ་དོན་བདུན་པ་དྲང་སྲོང་ཀཻ་ནེ་ཡ་ཀ་བཏུལ་བ་ནི། སངས་རྒྱས་ཨཱ་རུ་མཱ་ཡའི་ནགས་ཀྱི་མཐར་འབྱུང་པོའི་ཁྱིམ་ན་བསམ་གཏན་ལ་བཞུགས་སོ། །ཡུལ་དེར་ཐོག་འབྲུག་གློག་སོགས་བྱུང་ཞིང་། རྨོས་གླང་བཞི་ཞིང་པ་སྤུན་གཉིས་སོགས་བསད། དེར་རྒྱལ་ཆེན་བཞིས་ཆོས་ཉན་པ་

― GTN003_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དབུས་པ་དང་། མཐའ་འཁོབ་པའི་སྐད་ཀྱིས་སོ་སོར་ཆོས་བསྟན་པས་དད་པ་ཐོབ་ནས་མཐོ་རིས་སུ་སོང་བར། དེའི་སྔོན་བྱུང་ཞུས་པ་ན། སྔར་སངས་རྒྱས་འོད་སྲུང་ལ་ཀླུ་དབུགས་ཆུང་དང་། དབུགས་ཆེན་མཁའ་ལྡིང་གཙུག་ཏོར་དང་། མི་ཊིའི་དབྱངས་ཞེས་པས་སྐྱབས་སྡོམ་ཐོབ་པར་གསུངས་སོ། །གཏམ་དེ་དག་ཉེ་བར་འཁོད་པའི་དྲང་སྲོང་ཀཻ་ནེ་ཡ་ཀ་དང་། དེའི་ཚ་བོ་ཤཱི་ལ་གཉིས་འཁོར་དང་བཅས་པས་ཐོས་པས་དད་དེ་རབ་ཏུ་བྱུང་བ་ཀཻ་ནེ་ཡ་ཀས་དགྲ་བཅོམ་པ་དང་། ཤཱི་ལས་རྒྱུན་ཞུགས་ཐོབ། དེའི་སྔོན་བྱུང་སངས་རྒྱས་འོད་སྲུང་གི་ཝཱ་རཱ་ཎ་སཱིར་ཁྱིམ་བདག་གངྒཱ་དང་ཡ་ག་ནས་ཚངས་སྤྱོད་ཀྱི་སྡོམ་པ་བླངས་པར་གསུངས་པ་འབྲས་བུའི་གཏམ་མོ། །༥༡ ༈ ཡལ་འདབ་དོན་བརྒྱད་པ་བརྒྱ་བྱིན་ལ་འཆི་འཕོའི་ལྟས་བྱུང་བ་ནི། ལྷའི་དབང་པོ་སྐྲག་པས་དྲང་སྲོང་ཞིག་ལ་སྐྱབས་ཞུས་ཀྱང་མ་བྱུང་བས། སངས་རྒྱས་དབང་པོའི་ཕོ་བྲང་བའི་ཕུགས་ནས་བཞུགས་པར་སྐྱབས་ཞུས་ཕྱིན་པས། མེ་ཁམས་ཀྱི་ཏིང་ངེ་འཛིན་ལ་བཞུགས་པར། དྲི་ཟ་ཟུར་ཕུད་ལྔ་པ་སྦྲན་པས་སྒྲ་སྙན་དཀྲོལ་ཏེ་སངས་རྒྱས་ཏིང་ངེ་འཛིན་ལས་བཞེངས་པ་བརྒྱ་བྱིན་བཙུན་མོར་བཅས་པས་མཆོད་དེ། བདེན་པ་མཐོང་ནས་འཆི་ལྟས་བཟློག །དེའི་བུ་མོ་དྲི་ཟའི་རྒྱལ་པོ་ལ་རྒྱ་བྱིན་འཁོར་རྣམས་ཀྱིས་དེའི་རྒྱུ་ཞུས་པར། གྲོང་ཁྱེར་

― GTN003_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

མཛེས་ལྡན་དུ་ས་བདག་པུ་ཀལྤལ་སངས་རྒྱས་ལོག་པ་དད་སེལ་གྱི་སྐུ་གདུང་བཞེངས་པས་ལྷའི་དབང་པོར་སྐྱེས་པར་གསུངས་ཏེ་འབྲས་བུའི་གཏམ་མོ། །༥༢ ༈ ཡལ་འདབ་དོན་དགུ་པ་རྒྱལ་པོ་དབང་ཆེན་སྡེར་སྐྱེ་བ་བཞེས་པ་ནི། མཉན་ཡོད་དུ་བྲམ་ཟེ་འཚོ་བ་བདེ་ཞེས་པ་རྒུད་པ་ཆུང་མས་མ་འདོད་དེ་ཆོམ་རྐུན་པ་ཞིག་དང་འདུས་པས་གཡོ་ཐབས་ཀྱིས་བྲམ་ཟེ་ནོར་གྱི་ཕྱིར་མངགས་པས་ནོར་མང་པོ་ཐོབ་པ་རང་ཡུལ་དུ་ལྡོག་པ་ཆོམ་རྐུན་པས་བཅོམ་སྟེ་སྡུག་བསྔལ་བ་ན། སངས་རྒྱས་ཀྱིས་དེ་ལ་ནོར་བུའི་གཏེར་བླངས་ཏེ་བྱིན་པ་དེས་ཆུང་མར་བྱིན་ཀྱང་མགུ་བར་མ་མཐོང་བས་ཡིད་ཕྱུང་སྟེ་སྟོན་པའི་དྲུང་དུ་རབ་ཏུ་བྱུང་ནས་དགྲ་བཅོམ་པ་ཐོབ། དེའི་སྔོན་བྱུང་ཝཱ་རཱ་ཎ་སཱིར་སྟོན་པ་ཉིད་རྒྱལ་པོ་དབང་ཆེན་སྡེར་སྐྱེ་བ་བཞེས་པ་སློང་བ་རྣམས་ཀྱིས་ནོར་བུར་གྱུར་ཞིང་མངའ་འོག་བྱམས་པས་སྐྱོང་བ། རྒྱལ་ཕྲན་གཞན་གྱིས་ཕྲག་དོག་གིས་གཡུལ་བཤམ་པར་ཁྲོ་བའི་སེམས་གཏང་བས་རང་འཁོར་རྣམས་གཞན་སྡེར་ངོ་ལོག །རྒྱལ་པོ་རང་ནགས་སུ་བྲོས་སླར་བླ་བྲམ་ཟེ་ཀེ་ཤོའུ་ཤི་ཀ་དབང་ཆེན་སྡེར་སློང་དུ་འོང་བ་གནས་ཚུལ་དེས་སྡུག་བསྔལ་བར་གྱུར་པས། རྒྱལ་པོས་རང་བཅིངས་ཏེ་དགྲ་ཟླའི་རྒྱལ་པོར་བྱིན་ལས་ནོར་རྙེད་པ་བསྟན་པ་དེ་བྲམ་ཟེ་འདི་ཉིད་དོ་ཞེས་གསུངས་ཏེ་སྦྱིན་པའི་གཏམ་མོ། །

― GTN003_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་བརྒྱ་བཅུ་པ་ཀུན་ཏུ་རྒྱུ་རབ་བཟང་བཏུལ་བ་ནི། སྟོན་པ་མྱ་ངན་འདས་ཀར་དྲི་ཟ་རབ་དགའ་བཏུལ། ཀུ་ཤའི་གྲོང་གི་ཨུ་དུམྦཱ་རའི་ཚལ་དུ་མུ་སྟེགས་རབ་བཟང་བསམ་གཏན་ལ་ཡོད་པས་ཚལ་དེ་རྙིང་པ་མཐོང་ནས་རྟོག་པ་ཟོས་པར། ལྷས་སངས་རྒྱས་མྱ་ངན་ལས་འདས་པར་བསྟན་པས་འཕྲལ་དེར་སྟོན་པའི་སྤྱན་སྔར་སོང་ནས་དྲི་བར་ཞུས་ཏེ་རབ་ཏུ་བྱུང་སྟེ་དགྲ་བཅོམ་པར་མྱ་ངན་ལས་འདས། གཅེར་བུ་པ་རྣམས་ཀྱིས་དེའི་སྐུ་གདུང་མ་ཐེག་པས་ནང་པར་གོ །དགེ་སློང་རྣམས་ཀྱིས་པུར་བསྲེགས་ཏེ་མཆོད། དེའི་སྔོན་འབྱུང་བྲམ་ཟེ་མྱ་ངན་མེད་སངས་རྒྱས་འོད་སྲུང་འདའ་ཀར་རབ་ཏུ་བྱུང་ནས་དགྲ་བཅོམ་སྟེ་མྱ་ངན་ལས་འདས་པ་ལྷ་ཞིག་གིས་མཐོང་ནས་དེ་བཞིན་སྨོན་ལམ་བཏབ་པ་དང་སངས་རྒྱས་ལོག་པ་དད་སེལ་མྱ་ངན་ལས་འདའ་ཀར་ལྷ་འདིས་དྲང་སྲོང་ལྔ་བརྒྱ་ཁྲིད་དེ་རབ་ཏུ་བྱུང་ནས་དགྲ་བཅོམ། དེ་རྣམས་སངས་རྒྱས་ལས་སྔོན་དུ་ཞི་བར་གཟིམས་པ་སོགས་རྒྱུ་མཚན་དུ་མ་ཞིག་གསུངས་སོ། །འབྲས་བུའི་གཏམ་མོ། །༥༣

ཡལ་འདབ་གྱ་གཅིག་ནས་དགུ་བཅུ་བར།

― GTN003_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་གྱ་གཅིག་པ་སངས་རྒྱས་རྒྱུ་མཆོག་ནི། མཉན་ཡོད་དུ་སྟོན་པས་འདུས་པའི་ཚོགས་ལ་སྔོན་འབྱུང་གསུངས་པ་ནི། གྲོང་ཁྱེར་པ་ཊ་ལི་པུ་ཏྲ་ཚོང་པ་རྣམས་ཙནྡན་ལེན་དུ་རྒྱ་མཚོར་ཆས་པ་ནོར་བུ་ལོན་ནས་ཚུར་ལྡོག་པ་ན། དུས་མིན་པའི་རླུང་གིས་གནོད་པས་དེད་དཔོན་བསོད་ནམས་སྡེས་སྔར་དགེ་སྙེན་ཆོས་ཀྱི་བྱང་ཆུབ་ཀྱིས་སྟོན་པ་རྒྱུ་མཆོག་ལ་སྐྱབས་སུ་འགྲོ་བ་ཐོས་པས། སྐབས་དེར་སངས་རྒྱས་དེ་ལ་སྐྱབས་གསོལ་བས་དེད་དཔོན་རང་གི་ནོར་བུ་དང་ཙནྡན་རྒྱ་མཚོར་ཤོར་བ་རྣམས་ཐོབ་ཅིང་དམངས་མ་ཡང་སྲོག་བྱིན། དེད་དཔོན་འདིས་ཡུལ་གྱི་རྒྱལ་པོར་ཙནྡན་གཏོང་མ་བྲ་བ། སངས་རྒྱས་རྒྱུའི་མཆོག་ཚད་པ་བསྙུང་བའི་སྨན་དུ་ཕུལ་ནས་བསྙེན་བཀུར་ཞུས་པས། མ་འོངས་པ་ན་སངས་རྒྱས་ཙནྡན་དཔལ་དུ་འགྱུར་བར་ལུང་བསྟན། དེའི་བསོད་ནམས་ཀྱིས་སྔར་ཚོང་པ་མང་མས་རིན་པོ་ཆེ་དང་ཙནྡན་རྒྱ་མཚོར་ཤོར་བ་རྣམས་ཁྲོན་པ་ཞིག་གི་ནང་ནས་བྱུང་སོ་སོར་བྱིན་པར་གསུངས་ཏེ་འབྲས་བུའི་གཏམ་མོ། །༥༤ ༈ ཡལ་འདབ་གྱ་གཉིས་པ་དམྱལ་བ་སྔོན་ལྡན་ནི། མཉན་ཡོད་དུ་ཁྱིམ་བདག་ཐོས་པའི་གོ་ཆའི་ཆུང་མ་རྒྱལ་བའི་དབང་པོ་བུ་

― GTN003_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་པོ་གོ་ཆ་འབྱུང་། ཕ་ཤི་ནས་བུས་ཁྱིམ་མཚེས་ཀྱི་བུ་མོ་དང་མཛའ་བ་མས་བཀག་པས་ཁྲོས་ཏེ་མ་བསད་པའི་སྡིག་པ་བྱང་ཐབས་ཕྱི་རོལ་པ་དག་ལ་དྲིས་ཀྱང་མ་བྱུང་སྟེ། རྒྱལ་བྱེད་ཚལ་དུ་སོང་སྟེ་རབ་ཏུ་བྱུང་བ་སྡེ་སྣོད་གསུམ་པར་གྱུར་ཀྱང་། སངས་རྒྱས་ཀྱིས་མ་བསད་པ་རབ་ཏུ་བྱུང་བས་ཉེས་ཏེ་འདི་དམྱལ་བར་འགྲོ་བར་གསུངས། འདིའི་སློབ་མ་ལ་དགྲ་བཅོམ་པ་འགའ་ཞིག་བྱུང་ཞིང་མཐར་ངན་སོང་དུ་སྐྱེས་ཀྱང་སྟོན་པའི་བསྟན་ལ་དད་པ་ཐོབ་པས་ལྷར་སྐྱེས་ཏེ་སངས་རྒྱས་ལ་མཆོད་དེ་བདེན་པ་མཐོང་བ་ཡིན་ཏེ་འབྲས་བུའི་གཏམ་མོ། །༥༥ ༈ ཡལ་འདབ་གྱ་གསུམ་པ་སྲས་སྒྲ་གཅན་འཛིན་ནི། འཁོར་རྣམས་ཀྱིས་གྲགས་འཛིན་མའི་མངལ་དུ་ལོ་དྲུག་བཞུགས་པའི་རྒྱུ་རྣམས་ཞུས་པས་ལུས་འཕགས་ཀྱི་མི་ཐི་ལར། རྒྱལ་པོ་མེ་ཏོག་ལྷ་ལ་བུ་ཉི་མ་དང་ཟླ་བ་ཡོད་པར་སྔ་མ་ནགས་སུ་དཀའ་ཐུབ་སྤྱོད། ཕྱི་མས་རྒྱལ་སྲིད་སྐྱོང་། སྲས་ཕུ་བོ་དཀའ་ཐུབ་པ་སྙོམས་པས། དྲང་སྲོང་ཞིག་གི་ཆུ་སྣོད་ནས་ཆུ་འཐུང་བར། དྲང་སྲོང་དེས་ཆུ་བྱིན་པས་མིན་ཕྱིར་ནུ་བོའི་རྒྱལ་པོར། རང་ཉིད་སོང་ནས་སྡིག་པའི་ལས་བྱས་པར་ཆད་པ་གཅོད་པར་གསོལ་བ་ན་རྒྱལ་པོ་བྱ་བས་གཡེངས་ཏེ། ཕུ་བོ་དྲང་སྲོང་སྐྱེད་ཚལ་དུ་ཞག་དྲུག་བསྐྱུར་བས་ལྟོགས་སྐོམ་རིད་པར་མཐོང་བའི་རྒྱལ་པོ་དེ་སྒྲ་གཅན་འཛིན་དང་། དྲང་སྲོང་སངས་རྒྱས་ཏེ་རྒྱུ་

― GTN003_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་ལོ་དྲུག་ལྷུམས་སུ་བཞུགས་སོ། །ཡང་བ་རྫི་རྒན་མོ་བཟང་མོ་ལ། དེའི་བུ་མོ་བཟང་མོ་ལ་རི་དྭགས་མོ་ཞེས་པས་སྣོད་ཡང་པ་རང་གིས་ཐོགས། ལྗི་བ་ཞིག་ཡོད་པ་མ་རྒན་མོར་ཁུར་དུ་བཅུག་པས་ཐག་རིང་དུ་སོང་བ། བུ་མོ་དེའི་སྐྱེ་བ་གྲགས་འཛིན་མ་ཡིན་ཏེ། དོན་དེས་མངལ་དུ་ལོ་དྲུག་ཁུར་བ་ཡིན་གསུངས་ཏེ་འབྲས་བུའི་གཏམ་མོ། །༥༦ ༈ ཡལ་འདབ་གྱ་བཞི་པ་སྦྲང་རྩིའི་དབྱངས་ནི། མཉན་ཡོད་དུ་ཁྱིམ་བདག་ཤིན་ཏུ་བརྟན་པའི་ཆུང་མ་མིག་བཟང་མའི་བུ་སྐྱེ་བ་ན་སྦྲང་རྩིའི་ཆར་བབ་ཅིང་གཏེར་བརྒྱས་བསྐོར་ནས་བུ་དེ་ལ་སྦྲང་རྩིའི་དབྱངས་སུ་བཏགས་ཤིང་། སྦྱིན་བཏོང་ལ་དགའ་བ་འདི་ལ་ཤཱ་རིའི་བུས་བསྐུལ་ནས་སངས་རྒྱས་འཁོར་བཅས་མཆོད་དེ་རབ་ཏུ་བྱུང་བ་ན་སྟོན་པའི་བཀས་གནང་སྟེ། མཉན་ཡོད་དུ་ཕྱིན་རི་བྲག་པ་དུ་མ་ཞིག་སྐྱབས་སུ་འགྲོ་བ་དང་བསླབ་པའི་གཞི་ལ་བཀོད། སྐབས་དེར་ཆོམ་རྐུན་པ་དུ་མས་དུརྒའི་ཡ་སྟག་སྟེ། ལྷ་མོ་ཨུ་མ་མཆོད་པའི་དོན་དུ་མི་གྲངས་མ་ཚང་བར་དགེ་སློང་རྣམས་བཅིངས་པའི་ཚབ་ཏུ་སྦྲང་རྩི་དབྱངས་ཕྱིན་པས་དེར་སྲོག་ཆགས་བརྒྱ་སྟོང་དུ་མ་བསད་པས་ཡིད་ཕྱུང་སྟེ། དགྲ་བཅོམ་པ་ཐོབ་ནས། རྫུ་འཕྲུལ་བསྟན་པས་ཆོམ་རྐུན་པ་ལྔ་བརྒྱ་དད་དེ། རབ་ཏུ་བྱུང་ནས་དགྲ་བཅོམ་པ་ལྷན་ཅིག་རྒྱལ་བྱེད་ཀྱི་ཚལ་དུ་འོང་སྟེ་དགྲ་བཅོམ་པ་ཐོབ། སངས་རྒྱས་ལ་ལྷའི་བདུད་རྩིས་མཆོད་པ་ན། དེའི་ཕ་ཤིན་ཏུ་

― GTN003_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་པས་མཐོང་སྟེ། སངས་རྒྱས་གསེར་གྱི་པདྨས་མཆོད་པས། མ་འོངས་པར་ཤིན་ཏུ་བརྟན་པ་དེ་སངས་རྒྱས་པདྨོའི་མཆོག་ཅེས་པར་ལུང་བསྟན་ཏེ་འབྲས་བུའི་གཏམ་མོ། །༥༧ ༈ ཡལ་འདབ་གྱ་ལྔ་པ་ཤི་བི་རྒྱལ་པོར་སྐྱེ་བ་བཞེས་པ་ནི། མཛད་བརྒྱའི་སྐབས་གྱ་གསུམ་པར་འབྱུང་བ་སྟེ། སངས་རྒྱས་ལ་འཁོར་རྣམས་ཀྱིས་ནད་པ་ལ་ལྷག་པར་བྱམས་སོ་ཞེས་བསྔགས་ཤིང་དྲིས་པས་སྔོན་བྱུང་གསུངས་ཏེ། སྔོན་གྲོང་ཁྱེར་ཤི་བིའི་རྒྱལ་པོ་མིང་དེ་མཚུངས་སུ་སྐྱེ་བ་བཞེས་ནས་སྦྱིན་པ་ལ་རྒྱ་ཆེར་དགའ་བ་ལ། སྐབས་ཤིག་ནད་པ་ཤིན་ཏུ་ཐུ་བར་སྨན་པས་སྨན་མ་རྙེད་པས་བོར་བ་ཞིག་གཟིགས་པ་ན། སྐབས་སུ་བབས་པར་དགོངས་ཏེ། སྐྱེས་ནས་ཁྲོ་མ་མྱོང་བའི་ཁྲག་ནས་ཐུག་དང་སྦྱར་བས་སོས་པར། རང་ཉིད་ལས་གཞན་དུ་དེ་འདྲ་མིན་ཕྱིར་དབུ་ལས་ཁྲག་ཕྱུང་སྟེ་ཟླ་བ་དྲུག་ཏུ་བྱིན་པས་འཚོ་བ་བདག་ར་མ་གཞོང་ཕྱེད་སྙམས་པའི་ནད་བྱུང་བ་སྨན་པས་ཤང་གི་ཁྲུས་ཆུས་ཐང་དང་ལྡན་པ་སྨན་པ་སྟོང་གིས་སྒྲུབ་པ་ཀུན་གྱི་སྙིང་པོ་ཞེས་པའི་མར་ལོ་བཅུ་གཉིས་སུ་བཅོམ་པ་འཐུང་དུ་ཉེ་བར་ན། རང་སངས་རྒྱས་ཤིག་ནད་དེ་ལྟ་བུའི་ན་ནས་སློང་བ་ལ་རང་གི་སྲོག་ལ་མ་བལྟས་པར། སྨན་མར་ལྷག་མ་མ་ཕུལ་བ་ཕུལ་བས་བསྙུན་ལས་གྲོལ་ཞིང་། རང་རྒྱལ་དེའི་བདེན་པས་རྒྱལ་པོ་ཡང་ནད་ལས་གྲོལ་བར་གསུངས་སོ། །

― GTN003_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་སྔོན་བྱུང་རྒྱལ་པོ་ཚངས་བྱིན་ལ། བུ་དགའ་བོ་དང་ཉེ་དགའ་ཡོད་པ་ཕྱི་མས་སྔ་མ་ལ་རྫས་སྦྱོར་བྱས་ནས། ཡན་ལག་མ་ཚང་བར་བསྒྲུབས་པས་རྒྱལ་སྲིད་ཐོབ་ཀྱང་། ཉེས་པས་འགྱོད་དེ་ཕུ་བོ་སྔ་མ་ལྟར་གསོས་ཏེ། རྒྱལ་སྲིད་སྤྲད། ཉེ་དགའ་དང་ཉེ་བའི་བློན་པོ་བུ་ཡང་ལས་དེར་འདུས་པ་ཅན་ཞིག་སྟེ། སླར་སངས་རྒྱས་བཀས་རང་སངས་རྒྱས་མཆོད་པར་བྱས་པའི་ཉེ་དགའ་ཤི་བའི། བློན་པོའི་བུ་རང་སངས་རྒྱས་དེ་ཡིན་པར་གསུངས་ཏེ་སྦྱིན་པའི་གཏམ་མོ། ། ༈ ཡལ་འདབ་གྱ་དྲུག་པ་བ་མེན་དུ་སྐྱེ་བ་བཞེས་པ་ནི། སངས་རྒྱས་ཀྱིས་རྒན་པ་ལ་གཞོན་པས་བསྙེན་བཀུར་བྱ་བར་གསུངས་པས། དེའི་སྔོན་བྱུང་ཞུས་པ་ན་ཝཱ་རཱ་ཎ་སཱིར་རྒྱལ་པོ་ཚངས་བྱིན་གྱིས་སྐྱོང་བའི་ནགས་ཚལ་ཞིག་ཏུ་བ་མེན། གླང་པོ་ཆེ། སྤྲེའུ། རི་བོང་རྣམས་རྒན་རིམ་གྱིས་མཆོད་པར་བཤད་དེ་ནྱ་གྲོ་དྷའི་ཚལ་གྱིས་བརྟགས་པས། བ་མེན་དང་། རི་བོང་། སྤྲེའུ། གླང་ཆེན་གྱིས་རྒན་རིམ་དུ་མཐོང་ནས་མཆོད་པས་ཡུལ་ཁམས་དེར་ཆར་འབེབས་པ་དང་། ལོ་ཕྱུགས་རྒྱས་པ་བཀྲ་ཤིས་དགེ་མཚན་ཐོབ་པར་གསུངས་ཏེ་ཚུལ་ཁྲིམས་ཀྱི་གཏམ་མོ། །

― GTN003_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་གྱ་བདུན་པ་པདྨོ་ཅན་ནི། མཉན་ཡོད་དུ་ཁྱིམ་བདག་ཡིད་ཀྱི་བུ་པདྨོ་ཅན་དགེ་སློང་ཉེ་སྡེ་ལས་རབ་ཏུ་བྱུང་། བཅོམ་རླག་ཏུ་བསོད་སྙོམས་ལ་ཕྱིན་པ་སྤྱོད་ཡུལ་ལ་མི་མཁས་པས་སྨད་འཚོང་མ་ཟླ་བའི་རི་མོའི་ཁྱིམ་དུ་ཕྱིན་པར་དེས་འཁྲིག་པར་བརྩམས་པ་ན་བྲོས་པས་ཐར་ཡང་དབང་སྡུས་མཁན་གཏུམ་མོ་ལ་སྔགས་བྱེད་དུ་བཅུག་པས་སླར་བཀུག་སྟེ་ཡང་ན་འདོད་པ་སྤྱོད་པ། ཡང་ན་མེ་ནང་དུ་མཆོང་བ་གང་དགའ་འདམ་དུ་བཅུག་པས། ཕྱི་མར་ཐེ་ཚོམ་མེད་པར་ཞུགས་པས་སྨད་འཚོང་མ་དང་། གཏུམ་མོས་བཟོད་པར་གསོལ་བ་ནས། དེས་ཆོས་བསྟན་པས་གཉིས་ལོག་དགྲ་བཅོམ་ཐོབ། དེར་པདྨ་ཅན་ཉིད་ཀྱང་དགྲ་བཅོམ་པ་ཐོབ་སྟེ་གསུམ་ཀས་སངས་རྒྱས་མཇལ་བ་ན། དེའི་སྔོན་བྱུང་སངས་རྒྱས་འོད་སྲུང་ལ་ཁྱིམ་བདག་བཤེས་གཉེན་དང་། དེའི་ཆུང་མ་གཉིས་བཅས་རབ་ཏུ་བྱུང་བར། ཆུང་མ་གཉིས་ཀྱིས་དགེ་སློང་མ་རྣམས་ལ་ཚིག་རྩུབ་བརྗོད་པའི་རྣམ་སྨིན་གྱིས་གཏུམ་མོ་དང་། སྨད་འཚོང་མར་གྱུར་པ་དང་། གསུམ་ཆར་སྔར་རབ་ཏུ་བྱུང་བས་འདིར་གྲོལ་བ་ཐོབ་པར་གསུངས་ཏེ་འབྲས་བུའི་གཏམ་མོ། །༥༨

― GTN003_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་གྱ་བརྒྱད་པ་ནག་པ་གླང་ཆེན་སྟན་ནི། འདི་རབ་ཏུ་བྱུང་ནས། རང་གི་ཁྱིམ་དུ་བསོད་སྙོམས་ལ་ལོགས། སྔར་གྱི་ཆུང་མས་གཡོ་ཐབས་ཀྱིས། རང་ལ་དེའི་མདུན་དུ་བྲན་ཕྲུག་ལ་བརྙས་པར་བསྐུལ་བས་ཁྱིམ་པར་སོང་བའི་གཏམ་དེ་དགེ་སློང་རྣམས་ཀྱིས་སངས་རྒྱས་ལ་ཞུས་པས། དེ་ནི་སེམས་ཅན་སྲིད་པ་ཐ་མ་པ་སྟེ་ཁྱིམ་དུ་ཡུན་རིང་མི་གནས་པར་ལུང་བསྟན་པ་བཞིན་སླར་ཡང་སངས་རྒྱས་ཉིད་ཀྱི་ཐུགས་རྗེས་བསྐུལ་བས་རབ་ཏུ་བྱུང་སྟེ་དགྲ་བཅོམ་པའོ། ། སྔོན་བྱུང་རང་སངས་རྒྱས་མཆོད་ཅིང་། དེའི་གདུང་ལ་མཆོད་རྟེན་བཞེངས་ནས་སྨོན་ལམ་བཏབ་པ་དང་། བར་དེར་ཁྱིམ་པར་གྱུར་པ་ནི། རྒྱལ་པོ་ཚངས་བྱིན་གྱི་བློན་པོ་ལ་བུ་གཉིས་བྱུང་བ་ནགས་སུ་རབ་ཏུ་བྱུང་སྟེ་མངོན་ཤེས་ལྔ་ཐོབ་ཅིང་། བུ་ཆུང་བ་རྒྱལ་པོའི་བུ་མོས་མཆོད་ཅིང་། དེར་འདོད་པ་སྤྱོད་པས་རྒྱལ་པོས་ཤེས་ནས་ཆད་པས་གཅོད་པར་བརྩམས་ཀྱང་། བུད་མེད་ཀྱི་གཡོ་སྒྱུ་མཁས་པས་བཟློག །ཕུ་བོས་དེ་ལྟར་གྱུར་ཅིང་རྫུ་འཕྲུལ་ཉམས་པ་མཐོང་ནས། སླར་ནུ་བོ་ནགས་སུ་ཁྲིད་དེ་བསམ་གཏན་བཞི་བསྐྱངས་པས་མངོན་ཤེས་ལྔ་དང་ལྡན་པར་གྱུར་པ་ཡིན་ཏེ། བུ་ཆེ་བ་འཕྲོག་བྱེད་སངས་རྒྱས་ཡིན། ཆུང་བ་འཕྲོག་བྱེད་རྩེ་ནག་པ་གླང་ཆེན། ཆུང་མ་རྒྱལ་པོའི་བུ་མོ་ནི་མཛེས་ལྡན་མའོ་གསུངས་ཏེ་བསམ་གཏན་གྱི་གཏམ་མོ། །༣

― GTN003_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་གྱ་དགུ་པ་ཆོས་སྲེད་ནི། སངས་རྒྱས་རྒྱལ་བྱེད་ཀྱི་ཚལ་དུ་བཞུགས། རྒྱ་མཚོར་ཚོང་པ་སོང་བ་རྣམས། ཆུ་སྲིན་གྱི་འཇིགས་པ་བྱུང་ནས་སངས་རྒྱས་ལ་སྐྱབས་སུ་དོང་བས་ཞི་སྟེ། རང་ཡུལ་དུ་སླེབས་པ་ན་ཐམས་ཅད་རབ་ཏུ་བྱུང་ནས་དགྲ་བཅོམ་པ། ཆུ་སྲིན་དེ་ཤི་བའི་རོ་རྒྱ་མཚོའི་ངོགས་སུ་འཕངས་པ་རུས་པའི་རི་བོར་གྱུར་ཏེ། མཉན་དུ་བྲམ་ཟེ་ས་མནྟུའི་བུར་གྱུར་པ་ལྟོ་བ་ཤིན་ཏུ་ཆེ་བས་གསོ་བར་དཀའ་བ་བྱུང་ཞིང་། ཕྱིས་ཤིག་རབ་ཏུ་བྱུང་། སྦྱིན་བདག་དད་པའི་བརྟུལ་ཞུགས་པས་མགྲོན་དུ་བོས་པ་ན། དགེ་སློང་དུ་མའི་ཟས་བྱིན་ཡང་མ་ཚིམས་པས་ཁྱིམ་བདག་དེ་སྐྲག་པ་སྐྱེས་པས་ཡོན་ཕུལ་ཏེ། མགྱོགས་པར་བརྫངས་ནས། སངས་རྒྱས་ལ་དྲིས་པས། དགེ་སློང་དེ་འདྲེ་མིན་ཆོས་སྲེད་ཅེས་བྱ་སྟེ་ང་ཡི་བསྟན་པ་ལ་དགྲ་བཅོམ་པར་གྱུར་གསུངས། སངས་རྒྱས་ཀྱིས་ཆོས་སྲེད་རྫུ་འཕྲུལ་གྱིས་ཁྲིད་དེ། སྔར་ཆུ་སྲིན་དུ་སྐྱེས་པའི་རུས་པ་བསྟན་པས་སྐྱོ་སྟེ་དགྲ་བཅོམ། དེའི་རྒྱུ་ཞུས་པ་ན། སྔོན་བསྐལ་པ་དང་པོར་གྲོང་ཁྱེར་དགེ་བར་ཅན་དུ་ས་བདག་དགེ་བའི་དུས། སངས་རྒྱས་དགེ་བའི་མཛད་བྱོན། ཁྱིམ་བདག་ཆོས་ཀྱི་ངང་ཚུལ་ཞེས་པ། རྒྱ་མཚོར་དོན་གྲུབ་སྟེ་འབྱོར་པ་ཕུན་སུམ་ཚོགས་པ་བྱུང་བས་རྒྱལ་བ་དེ་འདས་པའི་མཆོད་རྟེན་ནོར་བུ་དང་གསེར་གྱི་རྩེགས་པ་བྲམ་ཟེ་ཆོས་ལ་སྡང་བ་རྣམས་ཀྱིས་བཀག་སྟེ་རྒྱལ་པོར་ཞུས་པས། སྟོང་ཐུབ་མངགས་

― GTN003_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་དེ་རྣམས་ལ་སྡིགས་པས་མཆོད་རྟེན་གེགས་མེད་དུ་ཟིན་ནས་མ་འོངས་སངས་རྒྱས་པར་སྨོན་ལམ་བཏབ་པ་ན། སྟོང་ཐུབ་ཀྱིས་ཀྱང་དེའི་ཉན་ཐོས་སུ་སྨོན་ལམ་བཏབ། བསྐལ་པ་གཉིས་པར་གྲོང་ཁྱེར་མར་མེ་ཅན་དུ་ས་བདག་མར་མེ་དང་། སྟོན་པ་མར་མེ་མཛད་བྱོན་པ། རྒྱལ་པོའི་མཆོད་པའི་གྲོགས་སུ་རྒྱལ་པོ་ནོར་ལྷའི་བུ་འབོད་དུ་བཏང་། དེས་ཀྱང་མཆོད་སྦྱིན་ལོ་བཅུ་གཉིས་པ་རྫོགས་ནས་ཡོན་ལྔ་ཕུལ་བའི་ཕུལ། ལྷས་བསྟན་པ་ལྟར། བྲམ་ཟེ་བློ་གྲོས་བཟང་པོ་དང་བློ་གྲོས་སྤུན་གཉིས་བྱུང་བ། དེས་ཡོན་ལྔ་ལས་བུ་མོ་མ་བླངས། བློ་གྲོས་བཟང་པོ་ལ་རྨི་ལམ་བཅུ་བྱུང་སྟེ། སངས་རྒྱས་མར་མེ་མཛད་མཇལ་དུ་སོང་། སྔར་གྱི་བུ་མོར་མེ་ཏོག་སློང་སྟེ་སངས་རྒྱས་མཆོད་པས་བློ་གྲོས་བཟང་པོ་སངས་རྒྱས་ཤཱཀྱ་ཐུབ་པར་ལུང་བསྟན་ནས་དེའི་རལ་པར་སངས་རྒྱས་ཀྱི་ཞབས་བཞག་པར་ནུ་བོ་བློ་གྲོས་ཁྲོས་པས་དམྱལ་བར་སོང་། བློ་གྲོས་བཟང་པོ་སངས་རྒྱས་ཉིད་ཡིན། སྟོང་ཐུབ་དང་བློ་གྲོས་གཉིས་ཆོས་སྲེད་ཡིན། ནོར་ལྷའི་བུ་མོ་ནི་གྲགས་འཛིན་མ་སྟེ། གཏམ་རྒྱུད་ཕྱི་མ་ལས་བརྒྱའི་སྡོམ་གཉིས་པར་རྒྱས། བསྐལ་པ་གསུམ་པར་དེ་བཞིན་གཤེགས་པ་འཁོར་བ་འཇིག་གི་དུས། ཚོང་དཔོན་ཙནྡན་བྱིན་གྱི་ཆུང་མའི་བུ་རྟས་བྱིན་ཡིན། འདིས་ཕ་བསད་མ་ལ་འདོད་ལོག་སྤྱོད་ཅིང་བསད། གྲོགས་པོ་དགྲ་བཅོམ་པ་བསད། སླར་དགེ་སློང་རྣམས་ལ་རབ་ཏུ་བྱུང་བར་ཞུས་ཀྱང་མ་གནང་སྟེ། སྐྱབས་སུ་འགྲོ་བ་བྱིན། དེར་དམྱལ་བར་ལྟུང་ཞིང་ཆུ་སྲིན་དུ་སྐྱེས་པ་སོགས་གསུངས་ཏེ་འབྲས་བུའི་གཏམ་མོ། །༥༩

― GTN003_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་དགུ་བཅུ་པ་ཁྱིམ་བདག་ནོར་ཅན་ནི། ཡངས་པ་ཅན་གྱི་སྤྲེའུ་རྫིང་འགྲམ་གྱི་ཁང་པ་བརྩེགས་པ་ན་སངས་རྒྱས་བཞུགས་སོ། །ཡངས་པ་ཅན་རྣམས་ཚོགས་ཀྱིས་སངས་རྒྱས་མཆོད་པར་ཁྲིམས་བཅས་པ་ནོར་ཅན་གྱིས་མ་ཐོས་པས་ནོར་ཅན་ཆུང་མ་དེའི་བུ་དེའི་མནའ་མ་བཞི་བསོད་ནམས་དང་ལྡན་ཞིང་། ལྷའི་དཔལ་མྱོང་བས་སངས་རྒྱས་ཉིན་བཞིར་བསྙེན་བསྐུར་ཞུས་པས་ཡངས་པ་ཅན་རྣམས་ཁྲོས་ཏེ་ཁང་པ་བཤིག་པར་བརྩམས་པ་ན། སངས་རྒྱས་ཀྱིས་བསྐུལ་ཏེ་ནོར་ཅན་གྱིས་ཚོགས་ལ་བཟོད་པར་གསོལ་བས་དེ་རྣམས་ཀྱིས་ནོར་ཅན་གྱི་ལོངས་སྤྱོད་མཐོང་བས་ཡ་མཚན་སྐྱེས། ནོར་ཅན་སོགས་བཞི་ཀས་བདེན་པ་མཐོང་བའོ། ། སྔོན་བྱུང་ཝཱ་རཱ་ཎ་སཱིར་ཕྲེང་རྒྱུད་མཁན་པདྨ་ཆུང་མ་ཡལ་འདབ་ཅན་བུ་ཨུཏྤལ། མནའ་མ་པ་ཊ་ལ་རྣམས་མུ་གེའི་དུས་ཤིན་ཏུ་དབུལ་བར་གྱུར་པས། དེའི་སྐྱེད་ཚལ་དུ་རང་སངས་རྒྱས་ཤིག་བཞུགས་པར་དེའི་རྫུ་འཕྲུལ་ལ་དད་ནས། བཞི་ཀར་གོས་ཤིག་ཡོད་པ་དེ་ཕུལ་ནས་ལོངས་སྤྱོད་ཆེ་བར་སྨོན་ལམ་བཏབ་ནས། དེའི་ཉིན་གཅེར་བུར་ངོ་ཚ་བས་རྒྱལ་པོར་མེ་ཏོག་འབུལ་རྒྱུར་མ་བྱུང་བར། རྩད་བཅད་པས་དོན་དེ་ཐོས་ནས་རྒྱལ་པོ་བཙུན་མོར་བཅས་ཀྱིས་གནང་སྦྱིན་བཟང་པོས་འཕྲལ་དུ་ཕྱུག་པར་གསུངས་ཏེ་འབྲས་བུའི་གཏམ་མོ། །༦༠

ཡལ་འདབ་གོ་གཅིག་ནས་བརྒྱ་ཐམ་པའི་བར།

― GTN003_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་གོ་གཅིག་པ་རྒྱལ་པོ་ཤི་བིར་སྐྱེ་བ་བཞེས་པ་ནི། སྐྱེས་རབས་སོ་བཞི་པའི་སྐབས་གཉིས་པར་འབྱུང་བ་སྟེ། གྱད་ཀྱི་གནས་ཀུ་ཤའི་གྲོང་དུ་སངས་རྒྱས་བཞུགས་པ་ན། འཁོར་གྱི་དགྲ་བཅོམ་པ་རྣམས་ཕན་ཚུན་ཆོས་ཀྱི་གཏམ་གླེང་བ་སྟོན་པས་གསན་ཏེ་དགྱེས་པར་མཛད་ཅིང་། སྔོན་བྱུང་འདི་གསུངས། སྟོན་པ་རྒྱལ་པོ་ཤི་བིར་འཁྲུངས་དུས། ལྷའི་དབང་པོས་ཉམས་སད་ཕྱིར་སྲིན་པོར་སྤྲུལ་ནས་ལེགས་བཤད་འཆད་པའི་ཡོན་དུ་མིའི་ཤ་ཁྲག་གསར་པ་དགོས་སྨྲས་པར། རང་གིས་ལུས་ཡོངས་སུ་གཏོང་བས་བྱིན་ནས་སངས་རྒྱས་པར་སྨོན་ལམ་བཏབ། སླར་བརྒྱ་བྱིན་གྱིས་རང་གཟུགས་བསྟན་ཏེ། སེམས་ཞུམ་པ་མེད་དམ་དྲིས་པས། བདེན་སྟོབས་བརྗོད་དེ་ལུས་རྣལ་མར་བྱུང་བ་ལ་བསྔགས་པ་བརྗོད་པ་སྟེ་ཤེས་རབ་ཀྱི་གཏམ་མོ། །༥ ༈ ཡལ་འདབ་གོ་གཉིས་པ་མཛའ་བོའི་བུ་མོར་སྐྱེ་བ་བཞེས་པ་ནི། སྟོན་པས་རྒྱལ་བྱེད་ཀྱི་ཚལ་དུ་འཁོར་རྣམས་ལ་ཆོས་བསྟན་ཞིང་། ཕ་མ་ལ་གུས་པའི་ཕན་ཡོན་དང་། མ་གུས་པའི་ཉེས་དམིགས་སོགས་ཀྱི་འཕྲོས་སུ་རང་གི་སྔོན་བྱུང་འདི་གསུངས།

― GTN003_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

ཝཱ་རཱ་ཎ་སཱིར་སྔོན་ཁྱིམ་བདག་མཛའ་བོ་ཞེས་པའི་ཆུང་མ་ནོར་འཛིན་མ་ལ་བུ་མ་སོས་པས། སླར་བུ་བྱུང་བ་ལ་བུ་མོར་བསྒྲགས་པ་མིང་དེར་ཆགས། དེ་ཕ་ཤི་ནས་རྒྱ་མཚོར་འགྲོ་འདོད་པ་ལ། མས་གནང་བ་མ་བྱུང་ནས། ཉོ་ཚོང་ཕྲན་བུ་བྱས་པས། དོང་རྩེ་བཞི་དང་། བརྒྱད་དང་། བཅུ་དྲུག་དང་། སོ་གཉིས་རྣམས་བྱུང་བ་མ་ལ་བྱིན། སླར་ཡང་མས་འགྲོ་བར་མ་གནང་བས་ཁྲོས་ཏེ་སྤྱི་བོར་ཐལ་མོ་བསྣུན། རྒྱ་མཚོར་ཆས་པ་ན་གྲུ་ཞིག་པས་ཤིང་དུམ་བུ་ཞིག་ལ་བཟུང་ནས་རྒྱ་མཚོའི་འགྲམ་དུ་ཐོན། ལམ་དུ་ཉི་ཚེའི་དམྱལ་བ་མཐོང་སྟེ་སྔ་མ་ལ་དོང་རྩེ་བྱིན་གྲངས་ལྟར་ལྷ་མོ་རྣམས་ཀྱིས་རིམ་པར་མཆོད་དེ་ཕན་ཡོན་མཐོང་། སླར་ཁང་པ་ཞིག་ཏུ་སོང་བ་ན་མི་ཞིག་གི་མགོ་ལ་ལྕགས་ཀྱི་འཁོར་ལོ་འཁོར་བས་ཀླད་ཁྲག་དཀྲུགས་ཤིང་གཏོར་བའི་ཉེས་དམིགས་མཐོང་ཞིང་། རང་གི་ལས་བྱས་པ་མྱོང་དུ་ཉེ་བས་སྤྱི་བོར་འཁོར་ལོ་འཁོར་བ་ན། ཐུགས་བསྐྱེད་པས་ཤི་ནས་ལྷར་སྐྱེས་པ་སོགས་གསུངས་ཏེ་བཟོད་པའི་གཏམ་མོ། ། ༈ ཡལ་འདབ་གོ་གསུམ་པ་མ་གཱ་དྷ་བཟང་མོ་ནི། སྟོན་པ་རྒྱལ་བྱེད་ཀྱི་ཚལ་ན་བཞུགས་སོ། །ཁྱིམ་བདག་མགོན་མེད་ཟས་སྦྱིན་གྱི་བུ་མོ་མ་ག་དྷཱ་བཟང་མོ། གྲོང་ཁྱེར་བུ་རམ་ཤིང་འཕེལ་གྱི་རྒྱལ་པོ་ཁྱུ་མཆོག་ཕྱིན་ནས་སློང་མོ་བྱས་པར། སངས་རྒྱས་ལ་དྲིས་པས་སྦྱིན་པར་གནང་ཡུལ་དེར་

― GTN003_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

མུ་སྟེགས་གཅེར་བུ་པ་རྣམས་མཆོད་པས་བུ་མོ་སེམས་མ་རངས་པར་སྒྱུག་མོས་ཁྱོད་ཀྱིས་ཡུལ་དུ་མཆོད་གནས་གང་ཡིན་དྲིས་པར། སངས་རྒྱས་ཡིན་ཚུལ་བརྗོད་ནས་དེ་མཆོད་པར་མཐུན་ཏེ་བུ་མོས་གསོལ་བ་བཏབ་པ་ན། སངས་རྒྱས་འཁོར་བཅས་རྫུ་འཕྲུལ་གྱི་བཀོད་པ་སོ་སོ་ནས་བསམ་གྱིས་མི་ཁྱབ་པའི་ངོ་མཚར་དང་བཅས་ཏེ་བྱོན་པར་མཆོད་ནས་རྒྱལ་པོ་ཡུལ་སྡེ་བཅས་བདེན་པ་མཐོང་། མ་གཱ་དྷཱ་བཟང་མོ་དེའི་སྔོན་བྱུང་། རྒྱལ་པོ་ཀྲ་ཀྲཱིའི་བུ་མོ་གསེར་ཕྲེང་གི་དུས་གྲོང་མོ་ལྔ་བརྒྱ་དང་ལྷན་ཏུ་སངས་རྒྱས་འོད་སྲུང་ལ་བསྙེན་བཀུར་ཞུས་རྒྱལ་པོར་རྨི་ལྟས་བཟང་པོ་བྱུང་ཡང་། སྡང་སེམས་ཅན་གྱི་མཚན་མཁན་ནས་ངན་པར་བསྟན་ནས་བུ་མོས་སངས་རྒྱས་ལ་ཞུས་པར་བསྐུལ་བས་མ་འོངས་པ་ན་ཚེ་ལོ་བརྒྱ་པའི་དུས་སྟོན་པ་ཤཱཀྱ་ཐུབ་པའི་བསྟན་པར་འབྱུང་བ་རྣམས་ཀྱི་ལྟས་སུ་ལུང་བསྟན་ཅིང་སྐྱེ་བ་གཞན་དུ་མཆོད་རྟེན་ལ་གསེར་གྱི་འཕྲེང་བ་ཕུལ་བ་རྣམས་གསུངས་ཏེ་འབྲས་བུའི་གཏམ་མོ། །༦༡ ༈ ཡལ་འདབ་གོ་བཞི་པ་གྲགས་པའི་བཤེས་གཉེན་ནི། མཉན་ཡོད་དུ་ཁྱིམ་བདག་བསོད་ནམས་བཤེས་གཉེན་གྱི་བུ་ཡིན། འདི་སྐྱེས་སྐབས་ཆར་གྱི་རྒྱུན་ཆེན་པོ་བབས། སླར་རབ་ཏུ་བྱུང་བ་ན་དགྲ་བཅོམ་ཞིང་འདིའི་མཆེ་བ་ལ་ཆུའི་རྒྱུན་བྱུང་ནས་སྐོམ་པ་སེལ་བ་ཞིག་ཡོད།

― GTN003_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་སྔོན་བྱུང་ཀ་ཤིའི་གྲོང་དུ་ཚོང་དཔོན་གྱི་བུ་མཛེས་པ་སངས་རྒྱས་འོད་སྲུང་ལས་རབ་ཏུ་བྱུང་བ་ཤིན་ཏུ་སྐོམ་པས་ཉེན་ཡང་སྔོན་ལས་ཀྱིས་ཆུ་མ་རྙེད་པར། རང་གི་མཁན་པོས་ཆུ་བྱིན་ཀྱང་ལས་ཀྱིས་མ་མཐོང་བར་སངས་རྒྱས་ཀྱི་བཀས་ཆུས་སྣོད་གཏད་དེ་དགེ་འདུན་ལ་བྲིམ་པར་གསོལ་བ་ན་ཟད་པ་མེད་པར་བྱིན་གྱིས་བརླབས། རྒྱལ་བ་རང་གི་ཕྱག་བཟེད་དེ་ཆུ་བཞེས་པས་སྐྱེ་བ་འདིར་མཆེ་བས་བཀྲེས་ཤིང་བསལ་ཏེ་གསུངས་ཏེ་འབྲས་བུའི་གཏམ་མོ། །༦༢ ༈ ཡལ་འདབ་གོ་ལྔ་པ་སྟག་མོར་ལུས་སྦྱིན་གནང་བ་ནི། སྐྱེས་རབས་སོ་བཞི་པའི་སྐབས་དང་པོར་འབྱུང་བ་སྟེ། བཅོམ་ལྡན་འདས་རྒྱལ་པོའི་ཁབ་ན་བཞུགས་སོ། །སྐབས་དེར་དེད་དཔོན་དོན་བྱིན་གྱི་ཆུང་མར་བུ་གཉིས་བྱུང་། ཕ་ཤི་ནས་མས་ངན་བསླབས་པས་ཆོམ་རྐུན་བྱས་ཏེ་ཁྲིམས་ལ་གཏུགས་པ་རྒྱལ་པོ་མ་སྐྱེས་དགྲས་གཤེད་མར་གཏད་དེ་གསོད་སར་ཁྲིད་པར་ན། སངས་རྒྱས་བྱོན་ཏེ་སྲོག་བསྐྱབས་ནས་ཆོས་བསྟན་ཏེ་རབ་ཏུ་བྱུང་ནས་དགྲ་བཅོམ། དེའི་སྔོན་བྱུང་། སྐྱེ་བ་སྔ་མར་མ་འདི་སྟག་མོར་གྱུར་པ་བཀྲེས་ཤིང་ཉམ་ཐག་པས་རང་གི་ཕྲུ་གུ་གཉིས་ཟ་བར་ཆས་པ་ལ་སྟོན་པས་སྐུ་ལུས་སྦྱིན་པར་བཏང་ནས་གསོས་པའི་སྟག་ཕྲུག་གཉིས་འདི་ཉིད་དོ་གསུངས་པའི་སྦྱིན་པའི་གཏམ་མོ། །༡༤

― GTN003_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་གོ་དྲུག་པ་གླང་ཆེན་དུ་སྐྱེ་བ་བཞེས་པ་ནི། སྐྱེས་རབས་སོ་བཞི་པའི་སྐབས་སུ་བཅུ་པར་འབྱུང་སྟེ། འཕགས་རྒྱལ་དུ་རྒྱལ་པོ་འཆར་བྱེད་ཀྱི་བཙུན་མོར་མིག་གིས་བལྟས་པས་བྲམ་ཟེ་ལྔ་བརྒྱའི་རྐང་ལག་བཅད་པ་སངས་རྒྱས་ཀྱིས་གསོས་ཏེ་ཆོས་བསྟན་པས་ཕྱིར་མི་འོངས་བའི་འབྲས་བུ་ཐོབ། སྔོན་བྱུང་ཝཱ་རཱ་ཎ་སཱིར་རྒྱལ་པོ་ཚངས་བྱིན་གྱི་བློན་པོ་ལྔ་བརྒྱ་བསྐྲད་པ། ཆུ་མེད་པར་སྐོམ་སྟེ་ཤི་ལ་ཐུག་པ། སངས་རྒྱས་གླང་པོའི་སྐྱེ་བས་གཟིགས་ཏེ་དེ་རྣམས་ལ་ཆུ་དང་ཤིང་ཐོག་སོགས་བྱིན་པས་ཚིམ་པར་བྱས་ཤིང་། སླར་གླང་པོ་ཉིད་ཤི་བ་ན་རོ་མེ་ལ་བསྲེགས་ལ་སར་མེ་ཏོག་སོགས་ཀྱིས་མཆོད་དེ་གླང་པོ་ནི་སངས་རྒྱས་ཐུབ་པ། ལྔ་བརྒྱ་ནི་བློན་པོ་ལྔ་བརྒྱའོ་གསུངས་ཏེ་སྦྱིན་པའི་གཏམ་མོ། །༡༥ ༈ ཡལ་འདབ་གོ་བདུན་པ་རུས་སྦལ་དུ་སྐྱེ་བ་བཞེས་པ་ནི། སངས་རྒྱས་རྒྱལ་པོའི་ཁབ་ཏུ་བཞུགས། ལྷས་བྱིན་གྱིས་བརྔན་པ་བྱིན་ནས་ཐུབ་པ་ལྔ་བརྒྱས་སྟོན་པར་མཚོན་ཆའི་ཆར་ཕབ་མེ་ཏོག་ཏུ་གྱུར་པས་དད་

― GTN003_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཆོས་བསྟན་པས་རབ་ཏུ་བྱུང་ནས་དགྲ་བཅོམ། དེའི་སྔོན་བྱུང་ཚོང་པ་ལྔ་བརྒྱ་རྒྱ་མཚོར་འགྲོ་བ་ན་གཟིངས་ཞིག་པ་སྟོན་པ་རུས་སྦལ་གྱི་སྐྱེ་བས་རྒྱབ་ཏུ་ཁུར་ཏེ་ཆུ་ངོགས་ལ་བསྐྱལ་བ་ན། རུས་སྦལ་ངལ་བས་གཉིད་ལོག་པ་ཚོང་པ་རྣམས་ཀྱིས་རྡོ་བས་བསྣུན་ཡང་ཁོག་པའི་གོ་ཆས་འཚེ་བར་མ་ནུས་ཀྱང་དེ་རྣམས་བཀྲེས་པས་གཟིར་བ་མཐོང་ནས་ལུས་བྱིན་པ་དང་། སྔར་འོད་སྲུང་གི་བསྟན་པར་དེ་རྣམས་རབ་ཏུ་བྱུང་བ་ཡིན་གསུངས་ཏེ་སྦྱིན་པའི་གཏམ་མོ། །༡༦ ༈ ཡལ་འདབ་གོ་བརྒྱད་པ་དྲང་སྲོང་མངོན་ཤེས་ལྔ་ལྡན་དུ་སྐྱེ་བ་བཞེས་པ་ནི། སྟོན་པ་རྒྱལ་པོའི་ཁབ་ན་བཞུགས། དེའི་ཚེ་མུ་གེ་ཆེན་པོ་བྱུང་བ་ན། གྱད་རྣམས་ལ་ཟས་ཀྱི་སྦྱིན་པ་མཛད་པས་དད་དེ་རབ་ཏུ་བྱུང་ནས་ཆོས་བསྟན་པས་དགྲ་བཅོམ་པ་ཐོབ། གྲོང་ཁྱེར་བས་གྱད་རིགས་ངན་འདི་རྣམས་རབ་ཏུ་བྱུང་བ་ཞེས་སྨོད་པ་ན་སངས་རྒྱས་ཀྱི་བཀས་དེ་རྣམས་སྒྲ་མི་སྙན་དུ་བསོད་སྙོམས་ཀྱི་ཕྱིར་ནམ་མཁའ་ལ་འཕུར་བ་མཐོང་ནས་བཤགས་པ་བྱས། སྔོན་བྱུང་ཀ་ཤིའི་ནགས་སུ་དྲང་སྲོང་མངོན་ཤེས་ལྔ་ལྡན་དགེ་བའི་ངང་ཚུལ་དུ་གྱུར། གྱད་འདི་རྣམས་ཐུབ་པ་ལྔ་བརྒྱར་གྱུར་པ་དང་། སངས་རྒྱས་འོད་སྲུང་ལས་ཀྱང་རབ་ཏུ་བྱུང་བར་གསུངས་ཏེ་བསམ་གཏན་གྱི་གཏམ་མོ། །༤

― GTN003_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་གོ་དགུ་པ་རྒྱལ་པོ་པདྨ་ཅན་དུ་སྐྱེ་བ་བཞེས་པ་ནི། སངས་རྒྱས་མཉན་ཡོད་དུ་བཞུགས་པ་ན། ནད་ཡམས་ཆེན་པོ་བྱུང་བར་སྟོན་པའི་ཐུགས་རྗེས་དགེ་སློང་གི་ཚོགས་དང་། སྐྱེ་བོ་ནད་པ་དུ་མ་སོས་པར་མཛད་དེ། སྔོན་བྱུང་གསུངས་པ། སངས་རྒྱས་ཉིད་རྒྱལ་པོ་པདྨ་ཅན་དུ་སྐྱེ་བ་བཞེས་པ་ནི། སེམས་ཅན་དུ་མ་ཞིག་ནད་ཀྱིས་གཙེས་པར་སྨན་པ་རྣམས་ཀྱིས་ཉ་ཆེན་པོ་རོ་ཧི་ཏའི་ཤ་ཟོས་པས་འཚོ་བར་བཤད་ཀྱང་རྙེད་དཀའ་བས། རྒྱལ་པོ་འདི་ཕོ་བྲང་སྟེང་ནས་མཆོངས་ཏེ། ཆུ་བོ་སྦ་ར་ཞེས་པར་ཉ་དེར་སྐྱེ་བ་བཞེས་པས་དེས་ནད་དེ་རྣམས་གསོས་པ་སྟེ་སྦྱིན་པའི་གཏམ་མོ། །༡༧ ༈ ཡལ་འདབ་བརྒྱ་ཐམ་པ་བསོད་ནམས་རབ་གསལ་དུ་སྐྱེ་བ་བཞེས་པ་ནི། སངས་རྒྱས་རྒྱལ་བྱེད་ཚལ་ན་བཞུགས་སོ། །སྤྱིར་སྟོན་པས་ཐུགས་བསྐྱེད་ཚུལ་ལ་མདོ་ཕྱོགས་སུ་ཡང་འདྲ་མིན་དུ་མ་བྱུང་ཡང་། འདིར་འདུལ་བ་ལུང་ལས་གསུངས་པ་སྟེ་རྒྱལ་པོ་རབ་གསལ་ནི། ཡལ་འདབ་དང་པོར་སོང་བ་ལྟར་དང་། དེའི་སྐྱེ་བ་སྔོན་མ་ཡངས་པ་ཞེས་པའི་གྲོང་ཁྱེར་ན་རྫ་མཁན་ཡངས་པའི་འོད་ཅེས་པས་སངས་རྒྱས་ཤཱཀྱ་ཐུབ་པ་ཆེན་པོ་ལ་བསོད་སྙོམས་ཕུལ་ཏེ་ཐུགས་བསྐྱེད་པ་ཡིན་གསུངས་སོ། །༢

ཡལ་འདབ་བརྒྱ་དང་གཅིག་ནས་བརྒྱ་དང་བརྒྱད་བར།

― GTN003_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཡལ་འདབ་བརྒྱ་དང་གཅིག་པ་བྲམ་ཟེ་སྔོ་སངས་དུ་སྐྱེ་བ་བཞེས་པ་ནི། ཡབ་རྒྱལ་པོ་ཟས་གཙང་འདས་པའི་སྤུར་མ་སངས་རྒྱས་ཀྱིས་མཆོད་དེ་མཆོད་རྟེན་བཞེངས། དེའི་སྔོན་བྱུང་ཀ་ཤིའི་གྲོང་ཁྱེར་བྲམ་ཟེ་ཁྱོ་ཤུག་གི་བུ་སྔོ་སངས་ཅན་བྱུང་། དེ་གཉིས་རྒས་པས་མིག་ལོང་བ་ནགས་ཚལ་དུ་སོང་བར། བུ་ལ་ཁྱིམ་བཀོད་ཅིང་། རྒྱལ་པོའི་བློན་པོ་ཡིན་ཡང་། ཕ་མ་ལ་གཅེས་པས་དེའི་གཡོག་སྒྲུབས། རྒྱལ་པོ་ཚངས་བྱིན་རི་དྭགས་ལ་འོང་བས། སྔོ་སངས་ཅན་རི་དྭགས་པགས་པ་གོན་ནས་ཆུ་ལེན་པ་རི་དྭགས་སུ་འཁྲུལ་ནས་མདའ་རྒྱབ་པས་དེ་འགྱེལ་བ་ན། རྒྱལ་པོས་རྒྱུ་མཚན་མཐོང་བས་བཟོད་པར་གསོལ་བ་ན། རང་གི་ལས་བདག་གིར་བྱས་ཏེ་བཟོད་པར་བྱིན། དེའི་ཕ་མ་གཉིས་ནས་བུས་ཟོལ་མེད་དུ་མཆོད་པའི་བདེན་བརྗོད་ཀྱིས་ལྷའི་དབང་འདི་ནས་ཡལ་འདབ་ལྔ་ཆད། སྣང་བ་བདེན་མེད་དང་། ལས་མཐུ་ཆེ་བ། གཡོ་སྒྱུའི་ཉེས་པ་རྣམས་མཚོན་ཞེས་བློ་སྦྱོང་སྙན་བརྒྱུད་ཆེན་མོར་གསུངས་པ་ཡིན་ཏེ་འབྲས་བུའི་གཏམ་རྫོགས་སོ། །༦༣ ༈ ཡལ་འདབ་བརྒྱ་དང་དྲུག་པ་རྒྱལ་པོ་གསེར་གྱི་གོ་ཆར་སྐྱེ་བ་བཞེས་པ་ནི། སངས་རྒྱས་ཀྱིས་གྲོང་ཁྱེར་ལྟ་བུའི་མདོ་གསུངས་པ་ན། དགེ་སློང་རྣམས་ལ་

― GTN003_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

དྲིས་ལན་དུ་བཀའ་སྩལ་པ་སྟེ། གྲོང་ཁྱེར་གསེར་ཅན་གྱི་རྒྱལ་པོ་ལ་བུ་གསེར་འོད་དང་། བུ་མོ་གསེར་འོད་བྱུང་། བུ་མོ་དེ་འདོད་པའི་སྙིང་པོ་ཞེས་བློན་པོ་བུས་བསླད་པས་རྒྱལ་པོའི་ཁྲིམས་ཀྱིས་བུ་མོ་དང་བློན་པོའི་བུ་གསོད་སར་ཁྲིད་པ་ན་གཤེད་མ་རྣམས་ལ་སྐྱབས་སུ་གསོལ་བས་གྲོང་གཞན་ཏུ་བསྐྲད། རྒྱལ་བུ་ཡང་སྤྱུགས་པས། ཡུལ་གཞན་སྟོངས་པའི་ཤུལ་དུ་མིང་སྲིང་འཕྲད་དེ་གཏམ་དག་དྲིས་པར་ཡུལ་དེ་གནོད་སྦྱིན་གྱིས་ཟོས་པས། བུ་མོས་སྐྱབས་གསོལ་བ་ན། རྒྱལ་བུས་གནོད་སྦྱིན་རྣམས་ལ་མདའ་རྒྱབ་ནས་བསད། ལྷག་མ་ཀོ་ཊ་ར་གཅིག་པུ་ལུས་པ་སྐྱབས་སུ་དོང་བས་བདེ། སླར་གྲོང་ཁྱེར་ཆགས་པ་ན། སྲིང་མོ་དང་བློན་པོའི་བུ་རྒྱལ་པོ་བྱས་ཏེ་འཁོད་རྒྱལ་སྲིད་རང་ཉིད་ཡབ་ཀྱི་བཀས་རང་གནས་སུ་ལོག་སྟེ་རྒྱལ་སྲིད་བཟུང་བ་གསུངས་ཏེ་བརྩོན་འགྲུས་ཀྱི་གཏམ་མོ། ། ༈ ཡལ་འདབ་བརྒྱ་དང་བདུན་པ་ཁྱིམ་བདག་ཟས་གཙང་མར་སྐྱེ་བ་བཞེས་པ་ནི། སངས་རྒྱས་ལ་བསོད་ནམས་ཀྱི་མཐུ་ཕུན་སུམ་ཚོགས་པ་དང་། བསོད་ནམས་ལ་གུས་པས་འཁོར་རྣམས་ཡ་མཚན་སྐྱེས་ཏེ་དྲིས་པ་ན་གསུངས་ཏེ། སྔོན་ཝཱ་རཱ་ཎ་སཱིར་རྒྱལ་པོ་ཚངས་བྱིན་གྱི་སྐབས། ཁྱིམ་བདག་ཟས་གཙང་མ་ཞེས་རྒྱ་མཚོར་ནོར་བུ་བླངས་ཏེ་སློང་བ་རྣམས་ཀྱི་རེ་འདོད་ཡིད་བཞིན་འཇོ། ནམ་ཞིག་གླིང་གཞན་ནས་འོང་བའི་རིན་པོ་ཆེའི་དོ་ཤལ་ཞིག་ཁྱིམ་བདག་དེས་རྒྱལ་

― GTN003_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་ཕུལ་བས། རྒྱལ་པོའི་བུ་མོས་ལེགས་བཤད་གླུར་བླངས་པ་ལ་དགའ་བ་སྐྱེས་ནས་དེར་ཡང་ནོར་བུ་མང་དུ་བྱིན་ནས་ལེགས་བཤད་ཀྱི་བསྔགས་པ་བརྗོད་པས་རྒྱལ་པོ་མགུ་སྟེ། གསེར་གྱི་གླེགས་བུར་བྲིས་ཏེ་ཕྱོགས་ཀུན་ཏུ་བཀྲམ་པར་བྱས་སོ། །ཟས་གཙང་ནི་སངས་རྒྱས། བུ་མོ་ནི་ཤཱ་རིའི་བུའོ་གསུངས་ཏེ་ཤེས་རབ་ཀྱི་གཏམ་མོ། །༧ ༈ ཡལ་འདབ་བརྒྱ་དང་བརྒྱད་པ་སྤྲིན་གྱི་ཞོན་པར་སྐྱེ་བ་བཞེས་པ་ནི། གྲོང་ཁྱེར་གསེར་ལྡན་དུ་རྒྱལ་པོ་སྤྲིན་གྱི་ཏོག་ཅེས་པར་དཔག་བསམ་གྱི་ཤིང་ལས་ནོར་བུའི་ཆར་འབེབས་པ་ཞིག་ཡོད། དེའི་སྲས་རྒྱལ་པོ་སྤྲིན་གྱི་ཞོན་པ་ཡིན། དེ་ལ་དཔག་བསམ་གྱི་ཤིང་རྒྱལ་སྲིད་བཅས་གཏད་དེ་ཡབ་ཡུམ་གཉིས་ནགས་སུ་དཀའ་ཐུབ་ལ་གཤེགས། སྲས་སྤྲིན་གྱི་ཞོན་པ་ཡང་རྒྱལ་སྲིད་སྤངས་ཏེ་ཡབ་ཡུམ་བཞུགས་པའི་གནས་མ་ལ་ཡའི་རིའི་བྲག་ཕུག་ཏུ་སོང་བ་ན། དཔག་བསམ་ཤིང་ཡང་སྤྲིན་དང་འགྲོགས་ཏེ་ནམ་མཁར་དེངས། གཞོན་ནུ་སྐུ་གཟུགས་མཆོད་པའི་གྲུབ་པའི་བདག་པོ་སྣ་ཚོགས་ནོར་གྱི་བུ་མོ་པི་ཝཾ་ལེན་པ་མཐོང་བས་འདོད་པ་སྐྱེས་པས་གྲོགས་སུ་ཐོབ། དེ་ནས་སྤྲིན་ལ་ཞོན་རི་ངོགས་ཤིག་ཏུ་ཕེབས་པས་ཀླུ་གཉིས་མྱ་ངན་བྱེད་པ་མཐོང་བར་རྒྱུ་མཚན་དྲིས་པས། ད་ཆ་ངེད་ཀྱི་བུ་ལ་མཁའ་ལྡིང་གི་ཟ་རེས་བབས་སོ་ཟེར་བས། སྙིང་རྗེ་མི་བཟོད་པ་
སྐྱེས་པས་ཀླུའི་བུ་དུང་གི་གཙུག་ཏོར་གྱི་ཚབ་ཏུ་བསད་རྟགས་གོས་མར་བླངས་ཏེ། ཀླུ་རྣམས་ཟ་བའི་རྡོ་བའི་ཁར་ཉལ་བ། ཁྱུང་གིས་མ་བརྟགས་པར་མཁའ་ལ་ཁྱེར་བ་རྒྱལ་པོ་ཡབ་ཡུམ་དཀའ་ཐུབ་མཛད་པའི་མདུན་དུ་ལྷུང་བས། བྱ་ཁྱུང་ངོ་ཚ་ནས། དེང་ཕྱིན་ཆོད་ཀླུ་ཟ་བར་མི་བྱེད་པའི་སྡོམ་པ་བཟུང་། དེ་ནས་བྱ་ཁྱུང་གིས་བདུད་རྩི་གཏོར་བས་སྤྲིན་གྱི་ཞོན་པ་དང་། ཀླུ་སྔར་ཟོས་པ་རྣམས་བཅས་སོས། ལྷས་མེ་ཏོག་གི་ཆར་ཕབ། མཁའ་ལྡིང་གིས་ཀྱང་རྒྱལ་པོའི་བུར་མཆོད་པ་ཕུལ། སྤྲིན་གྱི་ཞོན་པས་ཀྱང་ཕ་མའི་རྐང་པ་ལ་ཕྱག་འཚལ་ཏེ། གྲུབ་པའི་བུ་མོ་བཅས་འཁོར་ལོས་སྒྱུར་བའི་རྒྱལ་སྲིད་ཀྱི་འབྱོར་པ་ཕུན་སུམ་ཚོགས་པས་བརྒྱན་པར་གྱུར་ཏོ། །སྦྱིན་པའི་གཏམ་རྫོགས་སོ། །༢༠

སྐབས་ཀྱིས་འཕྲོས་དོན་འགའ་ཞིག་བརྗོད་པ།

― GTN003_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

༈ སྐབས་ཀྱི་འཕྲོས་དོན་འགའ་ཞིག་བརྗོད་པར་བྱ་སྟེ། དེ་བཞིན་གཤེགས་པའི་རྣམ་པར་ཐར་པ་སྡེ་སྣོད་གསུམ་ལས་བྱུང་སྙམས་ཡིན་ཡང་། ཐེག་པ་ཆེ་ཆུང་གི་དབྱེ་བ་ཕྱེད་དགོས་པར་སྣང་སྟེ། འཕགས་པ་རྒྱ་ཆེར་རོལ་པ་ལས། སྟོན་པ་དགའ་ལྡན་དུ་བཞུགས་པ་ན། ཆོས་འཁོར་ཐོག་མར་བསྐོར་བའི་བར་རྒྱས་པར་བྱུང་བ་ལྟ་བུ་ཐེག་ཆེན་གྱི་ལུགས་ཡིན་པས། དེའི་རྗེས་སུ་སྤྲོ་ན་འདུས་པ་ཆེན་པོའི་ཏོག་ལས་བྱུང་བའི་མཆོག་ཟུང་གི་ལོ་རྒྱུས་དང་། དཀོན་བརྩེགས་ཡབ་སྲས་མཇལ་བའི་མདོ་ལས་བྱུང་བའི་ལོ་

― GTN003_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུས་དང་། འཛངས་བླུན་བཤད་པའི་ཆོ་འཕྲུལ་ཆེན་པོ་དང་། མྱ་ངན་ལས་འདས་པའི་སྐོར་རྣམས་མྱང་འདས་ཆེན་པོ་ལས་བྱུང་བ་སོགས། མདོར་ན་ཐེག་ཆེན་གྱི་མདོ་ཁོ་ནས་ཁ་བསྐང་བ་ཤིན་ཏུ་ལེགས། ཡང་མངོན་བྱུང་གི་མདོ་དང་། འདུལ་བ་ནས་བྱུང་བའི་ཐེག་པ་ཐུན་མོང་བ་ཉན་ཐོས་ཀྱི་སྡེ་སྣོད་ཀྱི་ལུགས་ཡིན་པས་དེ་ལས་སྤྲོས་ན། མདོ་སྡེ་ལས་བརྒྱ་བ་དང་། རྟོགས་བརྗོད་བརྒྱད་བརྒྱ་པ་སོགས་ཐེག་དམན་གྱི་མདོ་སྡེ་ཐོར་བུ་པ་རྣམས་ལས་བྱུང་བ་རྣམས་ཁོ་ནས་ཁ་བསྐངས་ན་ལེགས་པར་འགྱུར། གཉིས་པོ་ཕན་ཚུན་གཅིག་ལ་གཅིག་བསྲེས་ན་མི་འགྲིགས་ཤིང་གཉིས་ཀ་མ་ཡིན་པར་འགྱུར་བས་མི་ལེགས། འཛངས་བླུན་དང་དྲན་པ་ཉེར་བཞག་ལ་སོགས་པ་ཉན་ཐོས་ཀྱི་སྡེ་སྣོད་ཡིན་པར་ཕྱོགས་འདི་ན་གྲགས་འདུག་ཀྱང་ཡིན་པ་ནི་ངེས་པར་ཐེག་པ་ཆེན་པོའི་སྡེ་སྣོད་ཡིན་པས། འཛངས་བླུན་ལས་བྱུང་བའི་ཆོ་འཕྲུལ་ཆེན་པོའི་རྣམ་བཞག་ནི་ཐེག་ཆེན་ཡིན་ཏེ། དེ་ཡང་ཉན་ཐོས་ལུགས་ལ་ཆོ་འཕྲུལ་ཉིན་གཅིག་པ་དང་། ཐེག་ཆེན་ལུགས་ལ་ཞགས་བཅོ་ལྔ་ཡིན་ནོ། །དེས་མཚོན་པ་གཞན་ཀུན་ལ་ཡང་མི་འདྲ་བའི་ཁྱད་པར་ནི་ཤིན་ཏུ་མང་ངོ་། །དེ་ཡང་སངས་རྒྱས་འཇིག་རྟེན་དུ་བྱོན་པའི་སྐབས་ཀྱི་ལོག་ལྟ་ཅན་དང་། མུ་སྟེགས་བྱེད་དང་། མཐའ་ན་དུད་འགྲོ་ཚུན་ཆད་ཡུལ་ཉེ་བ་ན་གནས་ཤིང་རུང་བ་རྣམས་ཐུན་མོང་དུ་སྣང་བའི་མཛད་འཕྲིན་ནི། ཐེག་པ་ཐུན་མོང་

― GTN003_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་སམ་ཉན་ཐོས་ལུགས་འདི་ཡིན་ལ། ཐེག་ཆེན་ཐུན་མོང་མ་ཡིན་པའི་ཆེད་དུ་བྱ་བའི་གདུལ་བྱ་རྣམས་ཀྱི་སྣང་ངོ་ལ་ཇི་ལྟར་ཤར་བའི་ཚུལ་ནི་ཐེག་ཆེན་གྱི་མདོ་ལས་བྱུང་བ་རྣམས་ཡིན་པས་དེ་དག་སྤྱིར་ཡང་རྣམ་གྲངས་མི་འདྲ་བ་རྣམས་དང་། སྒོས་སུ་རླབས་ཆེ་ཆུང་གི་ཁྱད་པར་ཆེར་ཡོད་པས་ཚུལ་གཉིས་དོན་ལ་མི་འགལ་ཡང་འཆད་ཚུལ་མ་འདྲེས་པར་བྱེད་དགོས། ལུགས་གཉིས་ཀ་ལས་སྤྱིར་ཐེག་ཆེན་གྱི་ལུགས་ཉིད་ཆོས་རྒྱ་ཆེ་བ་དང་། བསམ་གྱིས་མི་ཁྱབ་པའི་ཡེ་ཤེས་ཀྱི་སྤྱོད་ཡུལ་དང་། གདུལ་བྱའི་མཆོག་གི་སྣང་ངོར་ཡིན་པ་དང་། གསང་བ་ཆེན་པོའི་རྣམ་པ་ཐར་པ་དང་། ཐེག་ཆེན་རང་ཉིད་ཀྱི་མཐོ་དམའི་ཁྱད་པར་སོགས་རྒྱུ་མཚན་དུ་མས་མཆོག་ཡིན་མོད། འོན་ཀྱང་སྐྱེ་བོ་ཀུན་གྱི་མཐུན་སྣང་དུ་གྲུབ་པ་དང་། སྐུ་ཚེའི་ཚད་དང་། སྔ་ཕྱིའི་དུས་དང་། ཡུལ་ཕྱོགས་དེ་དང་དེར་ཞབས་ཀྱིས་བཅགས་སོ་མ་བཅགས་སོ་ཞེས་སོགས་དཔྱད་པ་སྣ་ཚོགས་འཇུག་པའི་གཞི་ནི། ལུགས་ཐུན་མོང་འདི་ཁོ་ན་ཡིན་གྱི་ཐེག་ཆེན་ལུགས་ནི་མིན་ཏེ་བསམ་གྱིས་མི་ཁྱབ་པའི་སྤྱོད་ཡུལ་ཡིན་པས་ན། ཡུལ་དང་། དུས་དང་། མཛད་པ་རྣམས་ལ་འདི་ཁོ་ནའོ་ཚད་བཟུང་དཀའ་བའི་ཕྱིར་རོ། །དེའི་གཏམ་རྒྱུད་ཀྱི་སྦྱོར་བ་འཆད་པའི་ཚུལ་ལ་ཐེག་པ་ཐུན་མོང་གི་ལུགས་ནི་ངེས་པར་གནད་ཆེ་བར་ཤེས་པར་བྱའོ་ཞེས་སྔོན་བྱོན་ཁུངས་ཐུབ་ཀྱི་མཁས་པ་ཆེན་པོའི་གསུངས་འདི་ཡང་དགོས་པ་ཆེ་བར་འདུག་པས་བྲིས་སོ། །

― GTN003_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་སྨྲས་པ། ཐམས་ཅད་ལས་ཀྱིས་ཆེད་དུ་བྱས་པ་སྒྲ་ཆེན་མཆོད་སྡོང་བལྟས་མི་ངོམ། །ཡང་དག་ཉིད་དུ་སྒྱུ་མའི་ནོར་དེ་ལ་ཞེན་ན་ནི་བཅིངས་པ་ཐོབ། ། བདེ་གཤེགས་མངོན་རྟོགས་དཔག་བསམ་བཟང་པོའི་འཁྲི་ཤིང་གསར་པས་རྣམ་པ་ཀུན། །དོན་ལྡན་བགྱིད་ཕྱིར་ཡ་མཚན་མིག་བརྒྱས་ངོམས་པ་མེད་པར་རྟོག་ཅིག་ཀྭ། ། དེ་ཚུལ་བརྗོད་པ་མཁས་དབང་མ་དྲོས་པས་བྱིན་ཆུ་བོ་རྣམ་མང་ཡང་། །ཡན་ལག་བརྒྱད་ལྡན་ལྷ་ཡི་རྫིང་བུར་དགེ་དབང་ཡབ་སྲས་གསུང་འདི་དྲན། །ཡིན་ལ་ཡིན་བཞིན་བཀུར་སྟིར་བགྱིད་པ་ཀུན་མཁྱེན་བློ་བཟང་རྒྱ་མཚོ་ཞེས། །འཛམ་གླིང་མཛེས་པའི་རྒྱན་དྲུག་མཆོག་གཉིས་གཟུགས་སྐུ་གཅིག་ཏུ་འབོད་པར་གོ ། མགོན་དེས་དཔྱད་གསུམ་དག་པའི་ལེགས་བཤད་འདི། །ཡོངས་འཛིན་མཁས་པ་རྣམས་ཀྱི་བཀའ་དྲིན་ལས། །ཅུང་ཟད་བལྟ་བའི་མིག་ཐོབ་འདུ་གསུམ་པས། །མཁའ་ལྡིང་རྗེས་སུ་བུང་བས་འཕུར་བཞིན་བརྗོད། ། དེ་ལས་ཐོབ་པའི་དགེ་ཚོགས་ཁ་བའི་རྡུལ། །ལྷུན་པོར་བརྩེགས་ལ་བདེ་གཤེགས་གསང་གསུམ་འོད། །

― GTN003_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་ཕྲག་ཉི་མའི་འོད་ཀྱིས་འཁྱུད་པ་བཞིན། །འགྲོ་བློའི་མུན་པ་དྲུང་ནས་འབྱིན་གྱུར་ཅིག ། གནས་སྐབས་ཉི་ཚེའི་བདེ་བར་ཡིད་རྟོན་པའི། །མ་རྒན་འགྲོ་རྣམས་ས་བཅུ་ལམ་ལྔ་ཡི། །བྲལ་སྨིན་ཡོན་ཏན་ཡོངས་རྫོགས་རྒྱལ་རྣམས་ཀྱི། །རྗེས་སུ་སློབ་པས་གཏན་བདེ་ཐོབ་པར་སྨོན། ། བདག་ཀྱང་སྐྱེ་དང་ཚེ་རབས་ཚུལ་ཁྲིམས་གསུམ། །རབ་ཏུ་གོམས་པས་སྲིད་པ་ཐ་མ་ལ། །བཅུ་གཉིས་མཛད་པས་གདུལ་འགྲོ་རྗེས་འཛིན་པའི། །ཕྲིན་ལས་རྒྱལ་བ་མཆོག་དང་མཉམ་གྱུར་ཅིག ། ཅེས་རྟོགས་བརྗོད་དཔག་བསམ་འཁྲི་ཤིང་གི་གཞུང་དོན་མདོར་བསྟན་པ་ལེགས་བཤད་དཔལ་གྱི་དུམ་བུ་ཞེས་པ་འདི་ནི་ཡོངས་རྫོགས་བསྟན་པའི་མངའ་བདག་མཁས་དང་གྲུབ་པའི་དབང་ཕྱུག་སྡོམ་བརྩོན་ཆོས་ཀྱི་རྒྱལ་པོ་སྡེ་དགེ་ས་སྐྱོང་བླ་མ་རིན་པོ་ཆེས་གསུང་བསྐུལ་གནང་བ་རང་ཉིད་ཚོགས་རྫོགས་པའི་རྒྱུར་ཡང་མཐོང་སྟེ་ཐམས་ཅད་མཁྱེན་པ་༧ཀཿ ཐོག་པ་ཆེན་པོའི་གསུང་ལས་སྐྱེས་ཤིང་།

― GTN003_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

༧ཞེ་ཆེན་རབ་འབྱམས་པའི་རྒྱལ་ཚབ་ཏུ་ཆོས་སྨྲ་བའི་ཚུལ་ཙམ་འཛིན་པ་ཤཱཀྱའི་དགེ་སློང་ལྔ་རིག་པ་འགྱུར་མེད་མཐུ་སྟོབས་རྣམ་རྒྱལ་དཔལ་བཟང་པོས། གྲུབ་པའི་འཁོར་ལོས་སྒྱུར་བ་བཀའ་དྲིན་སུམ་ལྡན་༧པདྨ་གསང་སྔགས་བསྟན་འཛིན་ཆོས་ཀྱི་རྒྱལ་པོའི་བཞུགས་སྐྱིལ་དུ་རིམ་གཉིས་སྒྲུབ་པའི་ཐུན་མཚམས་སུ་ཤར་མར་སྤེལ་བ་ལས་ཡི་གེ་གཉིས་པ་སྤེལ་བ་པོ་ནི་ཤཱཀྱའི་དགེ་སློང་ལྔ་རིག་སྨྲ་བ་བླ་མ་པདྨ་སྐལ་བཟང་གིས་བགྱིས་པའི་དགེ་ལེགས་ཀྱི་སྣང་བས་ཕྱོགས་ཀུན་ཁྱབ་པར་གྱུར་ཅིག །སརྦ་ཤྲཱི་ཛྭ་ལ་མངྒ་ལཾ། སྥོ་ཊ་བྷ་བ་ཏུ། དགེའོ། །དགེའོ། །དགེའོ།། །།

མཎྜལ་བཤད་པ་འཇུག་བདེ་མཁས་དབང་ཡིད་འཕྲོག

― GTN003_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

མཎྜལ་བཤད་པ་འཇུག་བདེ་མཁས་དབང་ཡིད་འཕྲོག་བཞུགས་སོ།། ༀ་སྭ་སྟི། དཔག་མེད་གོང་ནས་འགྲོ་ལ་ཆེར་བརྩེ་བས། །གཞན་ཕན་དམ་བཅའི་སྙིང་པོར་ངེས་པའི་མཐུས། །སྲིད་འདིར་རྣམ་གསུམ་བདེན་པའི་བདུད་རྩིའི་ཆར། །འབེབས་མཛད་ཉི་མའི་གཉེན་དེས་དགེ་ལེགས་མཛོད། །ལུང་རྟོགས་བསྟན་པའི་ཆོས་སྒོ་མཐའ་དག་ཀུན། །གཅིག་ཆར་འབྱེད་པའི་རྣམ་དཔྱོད་ཆེས་བཙན་པས། །རྟོགས་དཀའི་ཁེངས་པ་བསྐྱུངས་དེས་ཟབ་རྒྱས་ཆོས། །ཚེགས་མེད་སྟོན་མཛད་དཔལ་ལྡན་བླ་མར་འདུད། ། མཚན་ཙམ་ཐོས་པས་རྨོངས་པའི་མུན་པ་གཞིལ། །གང་ཞིག་བསྟེན་ན་ཐར་དང་ཐམས་ཅད་མཁྱེན། །

― GTN003_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲོད་བྱེད་བློ་གྲོས་སྣང་བ་སྦྱིན་པའི་ལྷ། །ཟུར་ཕུད་ལྔ་དེ་བདག་ཡིད་པད་མཚོར་བཞུགས། །དཀར་གསལ་ལང་ཚོའི་ཟླ་གཞོན་ཆ་ཤས་རྫོགས། ། ལྔ་རིག་ཟེར་བརྒྱར་སྤྲོ་བས་བློ་གྲོས་ཀྱི། །ཀུན་ད་རྣམ་པར་བཞད་མཛད་ཤེས་རབ་ལྷ། །དབྱངས་ཅན་མ་ཀྱེ་མགྲིན་པའི་རྩ་མདུད་ཁྲོལ། ། འདི་ན་གནའ་བོའི་མཁས་རྣམས་རྗེས་འབྲངས་ཏེ། །འཆད་རྩོད་རྩོམ་པར་འདུན་པའི་བློ་ཅན་དེར། །མང་ཐོས་བཤད་པའི་ཁུར་ཆེན་མི་ལྡན་ཡང་། །རྣམ་དག་བླ་མའི་གསུང་གསང་བདུད་རྩིའི་བཅུད། ། རང་བློའི་ཡོལ་གོར་གཏམས་དེས་རིགས་མིན་ཙམ། །དཔྱོད་ཤེས་བྲལ་མིན་དེ་ཕྱིར་ཕུན་ཚོགས་ལྔར། །རྗེས་འབྲེལ་མཎྜལ་ལས་འཕྲོས་འབེལ་གཏམ་གྱི། །གླེང་བ་དོན་འདིར་མཁས་རྣམས་གསན་པའི་ཡུལ། །
དེ་ཡང་གང་ཞིག་ཕྱི་དང་ནང་གི་ཤེས་བྱའི་གནས་མཐའ་དག་ལ་སྨྲ་བའི་སྤོབས་པ་མཆོག་ཏུ་དགེ་ཞིང་བློ་གྲོས་ཀྱི་འཇུག་པ་རྣམ་པར་ཡངས་པ་དག་གིས་རིགས་པ་དང་མི་རིགས་པ་འབྱེད་པའི་རྣམ་དཔྱོད་ཅན་གྱི་མཁས་མང་ཚོགས་པའི་དབུས་སུ་བརྗོད་དོན་རྣམ་པར་དཀར་བ་ལས་འཕྲོས་པའི་འབེལ་བའི་གཏམ་བགྱིད་པ་ནི། དོན་དང་ལྡན་པ་ཡིན་པ་གང་ཞིག་འབྱུང་བའི་རྒྱུ་ནི་ཕུན་སུམ་ཚོགས་པ་ལྔ་དང་རྗེས་སུ་འབྲེལ་བ་ཅན་ཏེ། དེ་ཡང་ལཀྵི་དང་། བྲི་དང་། སོ་པ་ཅེས་པའི་སྒྲ་ལས་དཔལ་དང་གཡང་དང་ཕུན་སུམ་ཚོགས་པ་ཞེས་པར་འགྱུར་ལ། དོན་དུ་འཇིག་རྟེན་པའི་ཕུན་སུམ་ཚོགས་པ་ནི། རིགས་གཟུགས་འབྱོར་སྟོབས་སོགས་མཐོ་རིས་ལྷ་མིའི་བདེ་འབྱོར་དང་། འཇིག་རྟེན་ལས་འདས་པའི་ཕུན་སུམ་ཚོགས་པ་ནི། ཉན་རང་འཕགས་པ་སངས་རྒྱས་སྐུ་གསུམ་གྱི་ཆེ་བའི་ཡོན་ཏན་རྣམས་ཡིན་ཏེ། མདོར་བསྡུ་ན་གནས་སྐབས་དང་མཐར་ཐུག་གི་བཟང་དགུ་ཐམས་ཅད་ཚོགས་པའི་མིང་ལ་ཕུན་སུམ་ཚོགས་པ་ཞེས་བྱ་ཞིང་།

སྟོན་པ་སྐུ་གསུམ་དང་སྦྱར་ནས་ཕུན་སུམ་ཚོགས་པ་ལྔ་སོགས།

― GTN003_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལས་ཡོངས་སུ་གྲགས་ཆེ་བའི་ཕུན་སུམ་ཚོགས་པ་ནི་ལྔ་སྟེ། སྟོན་པ་དང་། གནས་དང་། བསྟན་པ་དང་། འཁོར་དང་། དུས་དང་ལྔར་བཤད་ལ། དེ་ཡང་སྟོན་པ་སྐུ་གསུམ་དང་སྦྱར་ན། དང་པོ་ཆོས་ཀྱི་སྐུའི་གནས་སྐབས་ན་སྟོན་འཁོར་བསྟན་པ་དུས་གནས་ཐམས་ཅད་ཆོས་ཀྱི་དབྱིངས་ཀློང་གཅིག་ཏུ་མ་ཕྱེ་མི་འབྱེད་དབྱེར་མེད་པར་

― GTN003_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་པ་དང་། ལོངས་སྤྱོད་རྫོགས་པ་སྐུའི་གནས་སྐབས་སུ་སྟོན་པ་ཕུན་སུམ་ཚོགས་པ་ཡེ་ཤེས་ལྔའི་རིགས་སོ་སོའི་བདེ་བར་གཤེགས་པའི་སྐུ་མཚན་གྱི་མེ་ཏོག་ལ་དཔེ་བྱད་བཟང་པོ་བརྒྱད་ཅུས་སྤྲས་པ། གནས་ཕུན་སུམ་ཚོགས་པ་རང་སྣང་འོག་མིན་སྟུག་པོ་བཀོད་པ་སངས་རྒྱས་ཀྱི་ཆེ་བའི་ཡོན་ཏན་དཔག་ཏུ་མེད་པས་སྤྲས་པ། རྒྱ་ཆད་ཕྱོགས་ལྷུང་དང་བྲལ་བ། བསྟན་པ་ཕུན་སུམ་ཚོགས་པ་གསུང་སྒྲ་ཚིག་གི་རྩོལ་བ་མེད་པར་སྐུའི་རྣམ་འགྱུར་ཙམ་གྱིས་ཟབ་མོའི་ཆོས་མཇལ་བར་མཛད་པ། འཁོར་ཕུན་སུམ་ཚོགས་པ་ས་བཅུའི་བྱང་སེམས་དང་སྒྱུ་འཕྲུལ་ཞི་ཁྲོ་རབ་འབྱམས་དཀྱིལ་འཁོར་གྱི་འཁོར་ལོ་རྣམས་དང་། དུས་ཕུན་སུམ་ཚོགས་པ་གང་བསྟན་པར་བྱ་བའི་ཆོས་རྣམས་གདུལ་བྱའི་འཁོར་གྱི་རྒྱུད་ལ་སྣང་བ་དུས་བཞི་མཉམ་པ་ཉིད་རྟག་པ་རྒྱུན་གྱི་འཁོར་ལོའི་དུས་དང་། སྤྲུལ་པའི་སྐུའི་གནས་སྐབས་སུ། རྒྱལ་བ་ཐམས་ཅད་ཐུགས་ཆོས་ཀྱི་དབྱིངས་ལས་མ་གཡོས་བཞིན་དུ་ལྷུན་གྲུབ་ཐུགས་རྗེ་ཆེན་པོའི་རོལ་པ་མ་འགགས་པས་འགྲོ་བ་སོ་སོ་གང་གིས་འདུལ་བའི་བཟོ་དང་སྐྱེ་བ་མཆོག་གི་སྤྲུལ་སྐུའི་རྣམ་པ་མཐའ་ཡས་པར་སྟོན་པར་མཛད་པ་ལས། ད་ལྟའི་སྐབས་འདིར་རྣམ་འདྲེན་བཞི་པ་འདི་ཉིད་ཀྱི་དབང་དུ་བྱས་ན་ནི་སྟོན་པ་ཕུན་སུམ་ཚོགས་པ། ལྷར་བཅས་འགྲོ་བའི་བསོད་ནམས་ཀྱི་ཞིང་དུ་མཆོག་གི་སྐུ་དཀྱིལ་ཤཱཀྱའི་རིགས་སུ་མངོན་པར་བལྟམས་པ་རྒྱལ་བ་བུ་རམ་ཤིང་པ་ཞེས་ཡོངས་སུ་གྲགས་པའི་མཚན་གྱི་ཅོད་པན་དཔྱངས་པ་དང་།

― GTN003_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཕུན་སུམ་ཚོགས་པ་ཝཱ་རཱ་ན་སཱི་བྱ་རྒོད་སྤུངས་པ། རི་མ་ལ་ཡ། ཡངས་པ་ཅན་ལ་སོགས་པ་རྒྱལ་བ་ཐུབ་པ་ཆེན་པོས་ཞབས་ཀྱིས་བཅགས་ཤིང་བྱིན་གྱིས་བརླབས་པའི་གནས་མཆོག་ལན་གཅིག་མཇལ་བ་ཙམ་གྱིས་ཀྱང་བསྐལ་མང་གི་སྡིག་ལྟུང་གཞིལ་ཞིང་ཉམས་རྟོགས་ཀྱི་ཡོན་ཏན་སྐྱེ་བ་དང་། ཆོས་ཕུན་སུམ་ཚོགས་པ། བཀའ་འཁོར་ལོ་དང་པོ། རྒྱུ་དགེ་བ་ལས་འབྲས་བུ་མཐོ་རིས་དང་། མི་དགེ་བ་ལས་འབྲས་བུ་ངན་སོང་འབྱུང་བའི་རྣམ་བཞག་གསལ་བ་དང་བཅས་ཏེ་བསོད་ནམས་མ་ཡིན་པ་ལས་བཟློག་པའི་ཆེད་དུ་བདེན་བཞི་རྣམ་པ་བཅུ་དྲུག་གི་སྒོ་ནས་བསྟན་ཏེ། སྡུག་བསྔལ་ཤེས་བྱ། ཀུན་འབྱུང་སྤང་བྱ། ལམ་བསྟེན་བྱ། འགོག་པ་ཐོབ་བྱར་བྱས་ནས་འབྲས་བུ་གང་ཟག་ཡ་བརྒྱད་དང་། སྐྱེས་བུ་ཟུང་བཞི་སྟེ་མཐར་ཐུག་པ་ལྷག་བཅས་དང་། ལྷག་མེད་ཀྱི་མྱང་འདས་རྣམ་པ་གཉིས་སུ་འགྲུབ་པར་བྱེད་པ་དང་། བཀའ་འཁོར་ལོ་བར་པ་སྟོང་ཉིད་གཙོར་སྟོན་གྱི་གཟུགས་ནས་རྣམ་མཁྱེན་གྱི་བར་གྱི་ཆོས་ཐམས་ཅད་རང་རང་གི་ངོ་བོས་སྟོང་པས་མཚན་ཉིད་མ་གྲུབ་པར་གཏན་ལ་འབེབས་ཤིང་། ཕྱི་ཡུལ་སྣང་དང་ནང་ཕུང་པོ་ལ་བདག་འཛིན་གྱི་ཞེན་པ་ལས་བཟློག་པ་དང་། བཀའ་འཁོར་ལོ་ཐ་མས་གཟུང་འཛིན་ཀུན་བརྟགས་དང་། རྣམ་ཤེས་གཞན་དབང་སྟེ་གཞན་བློས་བྱས་ཀྱི་ཆོས་རྣམས་སྟོང་ཀྱང་དོན་དམ་རང་གི་ངོ་བོ་འཕོ་འགྱུར་མེད་པའི་མཚན་ཉིད་བཞི་ལྡན་མ་ཡིན་དགག་གི་སྟོང་ཉིད་དུ་ངེས་པས།

― GTN003_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟ་བར་དོན་འཁྲུལ་བྲལ་དུ་སྟོན་པས་ལྟ་བ་ལས་བཟློག་པ་སྟེ། དཔལ་ལྡན་མར་མེ་མཛད་ཀྱིས། དང་པོས་བསོད་ནམས་མིན་པ་བཟློག །གཉིས་པས་བདག་ལས་བཟློག་པ་སྟེ། །གསུམ་པས་ལྟ་བ་བཟློག་པ་ཡིན། །ཞེས་གསུངས་པ་ལྟར་ཏེ། འཁོར་ལོ་ཕྱི་མ་དེ་གཉིས་ཀས་ཕར་ཕྱིན་བཅུ་ལ་སློབ་ཅིང་། བྱང་སེམས་རྣམ་པ་གཉིས་ཀྱིས་སྲིད་ཞིའི་མཐའ་ལས་གྲོལ་ནས་བདག་མེད་གཉིས་རྟོགས་ཏེ་ས་བཅུ་དང་ལམ་ལྔའི་སྤངས་རྟོགས་མཐར་ཕྱིན་དུ་འགྲུབ་པར་བྱེད་པ་སྟེ་ཆོས་འཁོར་རིམ་པ་གསུམ་དང་། འཁོར་ཕུན་སུམ་ཚོགས་པ་ལྔ་སྡེ་བཟང་པོ་དང་། རབ་འབྱོར་ལ་སོགས་པའི་དགེ་སློང་ལྔ་སྟོང་དང་། རྒྱུན་དུ་ཞུགས་པ་དང་། ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་དང་། བྱང་ཆུབ་སེམས་དཔའི་འཁོར་གྱི་ལྷ་དང་། མི་དང་། ལྷ་མ་ཡིན་དང་། མིའམ་ཅི་ལ་སོགས་པ་གང་གདུལ་བར་བྱར་འོས་པ་མཐའ་དག་སྟེ། (དུས་འཁོར།)བསྡུས་རྒྱུད་ཡེ་ཤེས་ལེའུ་ལས། དུད་འགྲོ་ཡི་དྭགས་ལྷ་མིན་རྣམས་དང་ལྟོ་འཕྱེ་ལྷ་དང་མི་ནི་འཕགས་པ་བོད་ལ་སོགས་རྣམས་ལ། །བྱུང་དང་འབྱུང་འགྱུར་ད་ལྟར་བྱུང་བ་རྣམ་པ་གསུམ་དུ་རྟག་ཏུ་བདེན་པའི་ཆོས་ནི་གསུང་བྱེད་ཅིང་། །རང་རང་སྐད་གཞན་རྣམས་ཀྱིས་སྲིད་པ་གསུམ་པོ་མ་ཚང་མེད་པར་ཡང་དག་ལམ་ལ་འགོད་བྱེད་པ། །ཞེས་སོ། ། དུས་ཕུན་སུམ་ཚོགས་པ་ནི། གདུལ་བྱ་གང་འདུལ་བའི་དུས་ལ་བབས་པ་དེ་ཉིད་དེ། ཇི་སྐད་དུ། རྒྱ་མཚོ་ཆུ་སྲིན་གནས་ཀྱི་རླབས། །དུས་ལས་ཡོལ་

― GTN003_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

བར་འགྱུར་ཡང་སྲིད། །གདུལ་བར་བྱ་བའི་སྲས་རྣམས་ལ། །སངས་རྒྱས་དུས་ལས་ཡོལ་བ་མེད། །ཅེས་དང་། འགྲེལ་ཆུང་ལས། དུས་ཀྱི་ངོ་བོ་མཉམ་གནས་ཀྱང་། །སྐལ་བ་ཅན་ལ་དཀོན་པའི་དུས། །ཞེས་སོ། །དེ་དག་གིས་སྟོན་པ་སྐུ་གསུམ་གྱི་ཕུན་སུམ་ཚོགས་པ་བསགས་པའི་ཚུལ་ལས་བརྩམས་ཏེ་ཕྱོགས་ཙམ་ཞུས་པ་ཡིན་ལ་དེས་མཚོན་ཏེ་སྟོན་པ་སངས་རྒྱས་དངོས་འཇིག་རྟེན་ན་མི་བཞུགས་ཀྱང་། དེའི་བསྟན་པ་འཛིན་པའི་སྐྱེས་ཆེན་མདོ་སྔགས་ཀྱི་ལམ་གང་མང་ཚང་ལ་མ་ནོར་བར་སྟོན་པའི་མཁན་པོ་དང་སློབ་དཔོན་མཚན་ཉིད་དང་ལྡན་པ་ཡང་སངས་རྒྱས་ཉིད་ཀྱི་རྣམ་པར་འཕྲུལ་པ་ཡིན་པས་སྟོན་པ་ཕུན་སུམ་ཚོགས་པར་གསུངས་ཏེ། ཤེར་ཕྱིན་སྡུད་པ་ལས། འཛམ་བུའི་གླིང་འདིར་ཆུ་ཀླུང་ཇི་སྙེད་ཅིག་འབབ་ཅིང་། །མེ་ཏོག་འབྲས་ལྡན་སྨན་དང་ནགས་ཚལ་སྐྱེད་བྱེད་པ། །མ་དྲོས་གནས་པའི་ཀླུ་དབང་ཀླུ་བདག་བརྟེན་གནས་ཏེ། །དེ་ནི་ཀླུ་ཡི་བདག་པོ་དེ་ཡི་མཐུ་དཔལ་ཡིན། །རྒྱལ་བའི་ཉན་ཐོས་པ་དག་ཇི་སྙེད་ཆོས་སྟོན་དང་། །འཆད་དང་རིགས་པ་དག་དང་ལྡན་པར་བརྗོད་པ་དང་། །མཆོག་འཕགས་བདེ་བར་བྱེད་དང་དེ་ཡི་འབྲས་ཐོབ་པ། །དེ་དག་ཀུན་ཀྱང་དེ་བཞིན་གཤེགས་པ་སྐྱེས་བུའི་མཐུ། །ཞེས་གསུངས་པ་ལྟར། འཛམ་བུའི་གླིང་ན་ཆུ་ཀླུང་ཆུ་བྲན་སོགས་ཅི་མཆིས་པ་ཀླུ་མ་དྲོས་པའི་མཐུ་ལས་བྱུང་བ་བཞིན་དམ་པའི་ཚུལ་བཞིན་དུ་སྟོན་པ་གང་དག་ཀྱང་རྒྱལ་བ་ཉིད་ཀྱི་ཐུགས་རྗེའི་མཐུ་ལས་བྱུང་བ་ཁོ་ནར་གསུངས་པ་ལྟར། འཕགས་ཡུལ་གྱི་བསྟན་པའི་གཏད་རབས་རྣམས་དང་། རྒྱན་དྲུག་མཆོག་གཉིས་
སོགས་མདོ་སྔགས་ཀྱི་བསྟན་པའི་སྒྲོན་མེ་མཁས་གྲུབ་ནམ་མཁའི་སྐར་ཚོགས་ཙམ་བྱོན་པ་ཐམས་ཅད་ཀྱང་སྟོན་པ་གཉིས་པར་གྲགས་པ་གསལ་བ་དང་།

སྟོན་པ་ཕུན་སུམ་ཚོགས་པ།

― GTN003_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་པར་གངས་ཅན་གྱི་ལྗོངས་འདིར་བསྟན་པ་སྔ་དར་གྱི་སྐབས་ལྟ་བུར་མཚོན་ན། སྟོན་པ་ཕུན་སུམ་ཚོགས་པ་མྱུར་ལམ་རྡོ་རྗེ་ཐེག་པའི་གསང་མཛོད་ཀྱི་མངའ་བདག་ཟག་མེད་འཇའ་ལུས་རྡོ་རྗེའི་སྐུས་སྲིད་པ་ཇི་སྲིད་དུ་འགྲོ་བའི་དོན་མཛད་ཅིང་། ལྷག་པར་གངས་ཅན་གྱི་ལྗོངས་འདིར་མི་མིན་འབྱུང་པོ་ཚར་བཅད་དབང་སྡུད་ཀྱིས་བྲན་དུ་བཀོལ་ནས་སངས་རྒྱས་ཀྱི་བསྟན་པའི་གཞི་ཚུགས་པར་མཛད་པའི་སྐུ་དྲིན་བོད་འབངས་ཡོངས་ཀྱིས་གཞལ་དུ་མེད་པ་རྒྱལ་དབང་མཚོ་སྐྱེས་རྡོ་རྗེ་དང་། གནས་ཕུན་སུམ་ཚོགས་པ་ཆོས་འཁོར་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ལ་སོགས་པར། བསྟན་པ་ཕུན་སུམ་ཚོགས་པ་སྡེ་སྣོད་རྒྱུད་སྡེ་ཐམས་ཅད་ཀྱི་ཡང་བཅུད་བསྐྱེད་རྫོགས་སྐོར་གསུམ་སོགས་བསམ་གྱིས་མི་ཁྱབ་པ་རྣམས། འཁོར་ཕུན་སུམ་ཚོགས་པ་ལས་ལྡན་རྗེ་འབངས་ཉེར་ལྔ་ལ་སོགས་པ་ས་ལ་གནས་པའི་རིག་པ་འཛིན་པ་བསམ་གྱིས་མི་ཁྱབ་པ་རྣམས་དང་། དུས་ཕུན་སུམ་ཚོགས་པ་བྱང་ཕྱོགས་ཁ་བ་ཅན་འདིར་དམ་པའི་ཆོས་ཀྱི་སྣང་བས་ཁྱབ་པར་མཁན་སློབ་ཆོས་གསུམ་གདན་འཛོམས་པ་ལ་སོགས་པའི་སྨོན་ལམ་དུས་སུ་སྨིན་པ་དེ་ལྟ་བུས་མཚོན་ནས་གསར་རྙིང་གྲུབ་མཐའ་སོ་སོའི་

― GTN003_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུང་འཛིན་ཅིང་། རྒྱལ་བ་ཉི་མའི་གཉེན་གྱི་བསྟན་པ་རིན་པོ་ཆེ་ལ་བྱ་བ་བླ་ལྷག་ཏུ་བསྒྲུབ་པའི་སྐྱེས་ཆེན་དམ་པ་ཐམས་ཅད་ཀྱང་ཕུན་སུམ་ཚོགས་པ་ལྔ་དང་སྦྱོར་བ་མཆིས་པ་ལས། དེ་རིང་གི་དུས་སྐབས་འདིར་མཚོན་ན། ཇི་སྐད་དུ་རྒྱུད་བླ་མ་ལས། གང་ཕྱིར་གདུལ་བྱ་དག་པ་ཡི། །ཆུ་ཡི་སྣོད་ནི་ཐམས་ཅད་ལ། །བདེ་གཤེགས་ཉི་མའི་གཟུགས་བརྙན་ནི། །དཔག་ཏུ་མེད་པ་ཅིག་ཅར་འཆར། །ཞེས་དང་། མངོན་རྟོགས་རྒྱན་ལས། གང་གིས་སྲིད་པ་ཇི་སྙེད་པར། །འགྲོ་ལ་ཕན་པ་སྣ་ཚོགས་དག །མངོན་དུ་མཛད་པའི་སྐུ་དེ་ནི། །མཆོག་གི་སྤྲུལ་སྐུ་རྒྱུན་མི་ཆད། །ཅེས་སོགས་གསུངས་པ་ལྟར། སྟོན་པ་ཕུན་སུམ་ཚོགས་པ་ནི། དེ་ཡང་བསྐལ་པ་གྲངས་མེད་པའི་གོང་རོལ་ནས་ཞི་བ་ཆོས་ཀྱི་བདུད་རྩི་དམ་པ་མངོན་པར་བརྙེས་ཀྱང་རྒྱལ་བ་རྣམས་ནི་རང་ཉིད་ཞི་བདེ་ཁོ་ན་ལ་མི་གནས་པར་གཞན་ཕན་དམ་བཅའི་སྙིང་པོར་མཛད་པ་ནི་ཆོས་ཉིད་དེ། ཡབ་སྲས་མཇལ་བའི་མདོར། དཔའ་བོ་ཆེན་པོ་ཐབས་མཁས་ཏེ། །སེམས་ཅན་ཡོངས་སུ་སྨིན་པའི་ཕྱིར། །བྱེ་བ་ཕྲ༷ག་བརྒྱ༷ར་{བརྒྱ༵ད་ཅུ༵ར་}རྒྱལ་བ་ཉིད། །སངས་རྒྱས་ཉིད་དུ་བསྟན་གྱུར་ཀྱང་། །ད་དུང་དུ་ཡང་འདྲེན་པ་ཁྱོད། སངས་རྒྱས་མང་པོ་སྟོན་པར་མཛད། །ཅེས་དང་། གསང་བ་ཡིད་བཞིན་རིན་པོ་ཆེ་བཀོད་པའི་རྒྱུད་ལས། ཀུན་གྱི་སྔོན་རོལ་སངས་རྒྱས་པ། །ཞེས་དང་། སྣ་ཚོགས་ཚུལ་གྱིས་དོན་མཛད་ཅིང་། །ད་དུང་བསྐལ་པ་བཟང་པོ་འདིར། །འདྲེན་པ་སྟོང་དུ་བསྒྱུར་མཛད་ཅིང་། །དེ་བཞིན་སྣ་ཚོགས་ཚུལ་འཆང་བ། །དཔག་

― GTN003_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་འགྲོ་བའི་དོན་མཛད་དེ། །ཞེས་སོགས་གསུངས་པས་མཚོན་ཏེ། རྒྱལ་བ་རྣམས་ནི་དབྱིངས་ཆོས་ཀྱི་སྐུ་ལས་མ་གཡོས་ཀྱང་གདུལ་བྱའི་སྣང་བར་གང་འདུལ་དེར་འཚམས་ཀྱི་འཕྲིན་ལས་རབ་འབྱམས་ལ་མངའ་བརྙེས་པས་སྤྲུལ་པ་སྣ་ཚོགས་སུ་སྟོན་པར་མཛད་པའི་ཚུལ་ནི། ཕལ་པོ་ཆེ་ལས། ཟླ་བ་དབྱིངས་ལས་མ་གཡོས་ཀྱང་། །ཆུ་ཡི་སྣོད་དུ་སྣང་བ་ལྟར། །དེ་བཞིན་ཐུབ་པ་ཆོས་སྐུ་ལས། །བསྐྱོད་པ་མེད་པ་ཁམས་ཀུན་ཏུ། །སྐལ་ལྡན་རྣམས་ལ་འབད་མེད་པར། །སྤྲུལ་པ་དག་ནི་སྟོན་པར་མཛད། །ཅེས་དང་། རྒྱུད་བླ་མར། ཇི་ལྟར་བཻ་ཌཱུརྱ་ས་གཞི་གཙང་མ་ལ། །ལྷ་དབང་ལུས་ཀྱི་གཟུགས་བརྙན་འཆར་བ་ལྟར། །དེ་བཞིན་འགྲོ་སེམས་ས་གཞི་གཙང་མ་ལ། །ཐུབ་པའི་དབང་པོའི་སྐུ་ཡི་གཟུགས་བརྙན་འཆར། །ཞེས་སོགས་གསུངས་པ་ལྟར་བདག་སོགས་ལྟོས་བཅས་རྣམས་ཀྱི་གཙོས་ལྷར་བཅས་སྐྱེ་དགུ་ཀུན་གྱི་བསོད་ནམས་ཀྱི་ཞིང་དམ་པར་མཆོག་གི་སྤྲུལ་པའི་སྐུ་མཚན་གྱི་མེ་ཏོག་ལ་དཔེ་བྱད་ཀྱིས་སྤྲས་ཤིང་། མདོ་སྔགས་ཀྱི་བསྟན་པ་མཐའ་དག་འཛིན་སྤེལ་སྐྱོང་བ་ལ་མཆོག་ཏུ་དགེ་བ་དང་། འཆད་རྩོད་རྩོམ་གསུམ་མཁྱེན་བརྩེ་ནུས་གསུམ་མཁས་བཙུན་བཟང་གསུམ་སོགས་དམ་པའི་ཡོན་ཏན་མཐའ་དག་ལ་དབང་འབྱོར་བ་རིགས་བརྒྱའི་ཁྱབ་བདག་རྡོ་རྗེ་འཆང་ཆེན་པོ་གྲུབ་པའི་འཁོར་ལོས་སྒྱུར་བ་དོན་གྱི་སླད་དུ་མཚན་ནས་སྨོས་ན་ཆེ་གེ་འདི་ཞེས་བགྱིས་པའི་ཞབས་ཟུང་རྡོ་རྗེའི་ཁྲི་འཕང་མཐོན་པོར་མངོན་པར་བརྟན་པ་འདི་ཉིད།

གནས་ཕུན་སུམ་ཚོགས་པ།

― GTN003_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཕུན་སུམ་ཚོགས་པ་ནི། ཇི་སྐད་དུ། ཁང་ཤིང་བུད་ཤིང་ཤིང་གི་དགེ །ཁང་རྡོ་འཐག་རྡོ་རྡོ་ཡི་དགེ །ཁང་ས་ཞིང་ས་ས་ཡི་དགེ །འཐུང་ཆུ་ཡུར་ཆུ་ཆུ་ཡི་དགེ །གམ་འབྲོག་རྒྱང་འབྲོག་རྩྭ་ཡི་དགེ །ཞེས་པ་ལྟར། སྤྱིར་ཡུལ་ལ་དགེ་བཅུ་ཚང་ཞིང་། རིས་བྲལ་གྱི་སྐྱེས་ཆེན་དུ་མས་ཞབས་ཀྱིས་བཅགས་པ་དང་། ཁྱད་པར་ཨོ་རྒྱན་གྱི་སློབ་དཔོན་པདྨ་ཀཱ་ར་དང་། ལོ་ཆེན་བཻ་རོ་སོགས་ཀྱི་སྒྲུབ་གནས་ཁྱད་འཕགས་དུ་མས་བྱིན་གྱིས་བརླབས་ཤིང་། གྲུབ་པའི་དབང་ཕྱུག་ཐང་སྟོང་རྒྱལ་པོའི་དབེན་གནས་རྫོང་གསུམ་གྱི་ནང་ཚན། ཕྱི་ལྟར་སེངྒེ་གནམ་རྫོང་། ནང་ལྟར་མཁའ་འགྲོ་འབུམ་རྫོང་། གསང་བ་ཟངས་མདོག་དཔལ་རི་ཞེས་ལྐོག་གྱུར་གྱི་ཤེས་བྱའི་ཆོས་རྣམས་ཐོགས་མེད་དུ་མཁྱེན་པའི་ཡེ་ཤེས་ཀྱི་སྤྱན་ལྡན་ཕྱོགས་ལྷུང་ལོག་ལྟའི་འདམ་གྱིས་མ་སྦགས་པའི་རིས་མེད་ཀྱི་སྐྱེས་ཆེན་དུ་མས་མངོན་པར་བསྔགས་པའི་བན་བོན་ཐབས་ཤེས་ཟུང་འབྲེལ་གྱི་གནས་མཆོག་ཡིན་པ་གང་ཞིག་ཚིག་ཙམ་ཁོ་ནར་མ་སོང་བར་རྩ་གསུམ་རྒྱལ་བ་ཞི་ཁྲོ་རབ་འབྱམས་ཀྱི་སྐུ་བརྙན་འབུར་དང་། རི་མོའི་རྣམ་པ་དང་། གསུང་ཡིག་འབྲུ་ཨ་ལི་ཀ་ལི་རྒྱ་ཡིག་བོད་ཡིག་གི་ཚུལ། ཐུགས་ཕྱག་མཚན་རྡོར་དྲིལ། དུང་དཀར་ཕུར་པ་སོགས་དང་། རྒྱ་བོད་ཀྱི་པཎ་གྲུབ་དུ་མའི་སྐུ་དང་། ཞབས་ཕྱག་གི་རྗེས་སོགས་གནམ་རྟགས་སྐར་མ་དང་ས་རྟགས་རི་བོ་བཞིན་ལས། མེད་ལ་ཡོད་པ་སྒྲོ་འདོགས་སུ་མ་སོང་བ་ཀུན་གྱི་མིག་ལམ་མངོན་གསལ་དུ་འབྱུང་བའང་། སྤྱིར་ན་དག་པ་རྣམས་ཀྱི་ཡེ་ཤེས་ཀྱི་གཟིགས་ངོར་བརྟན་གཡོའི་རང་བཞིན་ཡེ་ནས་རྒྱལ་བའི་དཀྱིལ་འཁོར་དུ་རྣམ་པར་དག་པ་ཡིན་མོད་ཀྱང་ཚུར་མཐོང་མ་

― GTN003_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་པས་སྒྲིབ་པ་རྣམས་ལ་མཁྲིས་ནད་ཅན་ལ་དུང་སེར་པོར་སྣང་བ་ལྟར་ལས་རང་བཞིན་ཇི་ལྟ་བ་མངོན་དུ་མཐོང་ནུས་པ་མ་ཡིན་ཏེ། རྒྱས་པ་ལས། (གསང་བའི་སྙིང་པོ་དེ་ཁོ་ན་ཉིད་ངེས་པ་ལས།) ཡང་དག་ཤེས་པའི་རང་རིག་བློ་མེད་ན། །བདེ་གཤེགས་ཞིང་ཡང་ངན་སོང་གནས་སུ་མཐོང་། །ཐེག་མཆོག་མཉམ་པའི་དོན་ཉིད་རྟོགས་པ་ན། །ངན་སོང་གནས་ཀྱང་འོག་མིན་དགའ་ལྡན་གནས། །ཞེས་དང་། དྲི་མ་མེད་པར་གྲགས་པའི་མདོ་ལས། བཙུན་པ་ཤཱ་རིའི་བུས་སྨྲས་པ། བདག་གིས་ནི་ས་ཆེན་པོ་འདི་མཐོ་དམན་དང་། གཡང་ས་དང་། ལྗན་ལྗིན་གྱིས་གང་བར་མཐོང་ངོ་། །ཞེས་ཟེར། སངས་རྒྱས་མྱ་ངན་མེད་པའི་ཞིང་ནས་འོང་བའི་ཚངས་པ་རལ་པ་ཅན་གྱིས་སྨྲས་པ། བདག་གིས་ནི་བཅོམ་ལྡན་འདས་ཤཱཀྱ་ཐུབ་པའི་ཞིང་འདི་ཉིད་གཞན་འཕྲུལ་དབང་བྱེད་ཀྱི་ལྷ་ཡི་གནས་ཀྱི་བཀོད་པ་ཕུན་སུམ་ཚོགས་པ་བཞིན་ཡོངས་སུ་དག་པར་མཐོང་ངོ་། །ཞེས་ཟེར། དེ་ནས་བཅོམ་ལྡན་འདས་ཀྱིས་འཁོར་གྱི་དཀྱིལ་འཁོར་རྣམས་ལ་སངས་རྒྱས་ཀྱི་ཞིང་འདིའི་རང་བཞིན་བསྟན་པས་ཐམས་ཅད་ཀྱིས་ཤར་ཕྱོགས་ཀྱི་སངས་རྒྱས་རིན་པོ་ཆེའི་རྒྱན་བཀོད་པའི་ཞིང་ཁམས་བཞིན་ཡོངས་སུ་དག་པར་མཐོང་བར་གྱུར་པ་དེའི་ཚེ། བཅོམ་ལྡན་འདས་ཀྱིས་བཀའ་སྩལ་པ། ངའི་སངས་རྒྱས་ཀྱི་ཞིང་འདི་ནི་རྟག་ཏུ་འདི་འདྲ་སྟེ། ཁྱེད་རྣམས་ཀྱིས་མི་མཐོང་ངོ་། །ཞེས་སོགས་གསུངས་ཤིང་། དེར་མ་ཟད་རྡུལ་ཕྲ་རབ་གཅིག་གི་སྟེང་ནའང་སངས་རྒྱས་ཀྱི་ཞིང་ཚད་མེད་པར་མ་འགགས་པར་སྣང་བས་བསམ་གྱིས་མི་ཁྱབ་པའི་གནས་ཏེ། སྡོང་པོ་བཀོད་པ་ལས་
(ཕལ་པོ་ཆེ་ལས།) སྤུ་ཡི་རྩེ་མོ་གཅིག་ལ་ཡང་། །ཞིང་རྣམས་བྱེ་བ་བསམ་མི་ཁྱབ། །སྣ་ཚོགས་དབྱིབས་ཀྱང་ཐ་དད་དེ། །དེ་དག་འདྲེས་པ་གང་ཡང་མེད། །ཅེས་གསུངས། དོན་ལ་ནམ་མཁས་གར་ཁྱབ་ཏུ་སངས་རྒྱས་ཀྱི་སྐུ་དང་ཕྲིན་ལས་ཀྱིས་ཁྱབ་པས། སངས་རྒྱས་ཀྱི་ཞིང་ལ་ཕྱོགས་དང་རིས་སུ་ཆད་པ་མེད་ནའང་། སྙིགས་མ་ལྔ་བདོའི་དུས་ཀྱི་སྐྱེ་བོ་དམུ་རྒོད་གདུལ་དཀའ་བ་རྣམས་འདུལ་བའི་ཕྱིར་དང་། མཐའ་དམག་དུས་འཁྲུགས་ནད་ཡམས་མུ་གེ་སོགས་གེགས་མེད་ཉེར་འཚེ་ཞི་ཞིང་མཐར་ཐུག་རྣམ་མཁྱེན་ལ་འགྲོ་རྣམས་འགོད་པར་འོས་པ་སོགས་དཀར་བ་ལས་ཀྱི་གཞི་བཟུང་བར་དག་པ་ལ། སྨོན་ལམ་གྱིས་མཚམས་སྦྱར་ཏེ་འགྲོ་དོན་དུས་བབས་དང་འཚམས་པར་གནས་མཆོག་གསར་བྱོན་དང་འབྲེལ་བའི་ས་ཡི་ཆ་མདོ་སྔགས་བཤད་སྒྲུབ་ཀྱི་ཆོས་སྲིད་གདུགས་དཀར་དགུང་དུ་འདེགས་པའི་གནས། རྒྱལ་བ་རྩ་གསུམ་ཞི་ཁྲོ་རབ་འབྱམས་ཀྱི་སྐུ་བརྙན་བྲིས་འབུར་དང་། བདེ་བར་གཤེགས་པའི་བཀའ་དང་བསྟན་བཅོས་ཀྱི་གླེགས་བམ་ཚར་དུ་དངར་བ་སོགས་མཆོག་གསུམ་རྟེན་གྱིས་ཕྱུར་བུར་གཏམས་པའི་ཞེ་ཆེན་བསྟན་གཉིས་དར་རྒྱས་གླིང་གི་གཙུག་ལག་ཁང་ཆེན་པོ་འདི་ཉིད།

བསྟན་པ་ཕུན་སུམ་ཚོགས་པ།

― GTN003_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་པ་ཕུན་སུམ་ཚོགས་པ་ནི། འོ་སྐོལ་གྱི་སྟོན་པ་རྒྱལ་བ་ཉི་མའི་གཉེན་དེས་གདུལ་བྱའི་ཁམས་དབང་བསམ་པ་དང་མཐུན་པར་ཆོས་ཀྱི་ཕུང་པོ་བགྲངས་ལས་འདས་པར་གསུངས་པའང་། མཛོད་ལས། སྤྱོད་པ་རྣམས་ཀྱི་གཉེན་པོ་ནི། །ཆོས་ཀྱི་ཕུང་པོ་ཐུབ་པས་གསུངས། །ཞེས་དང་། ཀུན་བྱེད་རྒྱལ་པོ་ལས། ཉོན་

― GTN003_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

མོངས་འདོད་ཆགས་འདུལ་བའི་གཉེན་པོ་རུ། །འདུལ་བའི་ཆོས་ནི་ཉི་ཁྲི་ཆིག་སྟོང་གསུངས། །ཞེས་དང་། མདོ་སྡེ་བདུན་བརྒྱ་པར། ཐུབ་པས་ཆོས་ཀྱི་ཕུང་པོ་རྣམས། །སེམས་ཅན་དོན་དུ་རབ་གསུངས་པ། །གནས་དང་དུས་སོགས་རིམ་གྱིས་ནི། །ཚངས་པའི་དབྱངས་ཀྱིས་བཀའ་སྩལ་ཏེ། །ཞེས་སོགས་གསུངས་ཀྱང་། དེ་དག་ཐམས་ཅད་བསྡུ་ན་ཐེག་པའི་རིམ་པ་དགུར་འདུས་པའང་། ཀུན་བྱེད་ལས། ཡོད་ནི་གཅིག་ལས་མེད་པ་སྟེ། །{བསྟན་ནི་རྣམ་པ་གཉིས་སུ་བསྟན། །}བྱུང་ནི་ཐེག་པ་དགུ་རུ་བྱུང་། །ཞེས་དང་། (དགོངས་པ་འདུས་པའི་མདོ་ལས།) ཀུན་འབྱུང་འདྲེན་དང་དཀའ་ཐུབ་རིག །དབང་བསྒྱུར་ཐབས་ཀྱི་ཐེག་པ་འོ། །ཞེས་གསུངས་པ་ལྟར་ཅུང་ཟད་གླེང་ན། དེ་ཡང་ཚུལ་ཁྲིམས་ཀྱི་བསླབ་པ་གཙོ་བོར་སྟོན་པ་འདུལ་བའི་སྡེ་སྣོད་ལ། འདུལ་བའི་འདུལ་བ་དང་བཅས་རང་བཞིན་གྱི་རྣམ་པར་བཞག་པ་ཆེ་ལོང་རྣམས་དང་། འདུལ་བའི་མདོ་སྡེ་ཏིང་ངེ་འཛིན་དང་ཚངས་པར་སྤྱོད་པ་རྣལ་འབྱོར་དུ་བྱ་བའི་རིམ་པ་དང་། འདུལ་བའི་མངོན་པ་དེ་དག་གི་དོན་དུ་དབྱེ་བ་རྒྱ་ཆེར་བཤད་པ་རྣམས་དང་། བསླབ་པ་སེམས་ཀྱི་བསླབ་པ་གཙོ་བོར་སྟོན་པ་མདོ་སྡེའི་སྡེ་སྣོད་ལ། མདོ་སྡེའི་འདུལ་བ་བྱང་ཆུབ་སེམས་དཔའི་སྡོམ་པའི་ཚོགས་རྣམ་པར་བཞག་པ་དང་། མདོ་སྡེའི་མདོ་སྡེ་ཏིང་ངེ་འཛིན་ཟབ་ཅིང་རྒྱ་ཆེ་བ་དང་། མདོ་སྡེའི་མངོན་པ་ས་དང་ལམ་དང་གཟུངས་དང་ཏིང་ངེ་འཛིན་གྱིས་རབ་ཏུ་དབྱེ་བ་ཇི་སྙེད་པ་དང་། ཤེས་རབ་ཀྱི་བསླབ་པ་གཙོ་བོར་སྟོན་པ་མངོན་པའི་སྡེ་སྣོད་ལ། མངོན་པའི་འདུལ་བ་

― GTN003_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

ཚེགས་ཆུང་ཞིང་བསླབ་པའི་ཐབས་ཀྱི་ཉོན་མོངས་པ་འདུལ་བ་རྣམས་དང་། མངོན་པའི་མདོ་སྡེ་དེ་ཁོ་ན་ཉིད་ལ་འཇུག་པའི་ཚུལ་རྒྱ་མཚོ་དང་། མངོན་པའི་མངོན་པ་ཕུང་པོ་དང་། ཁམས་དང་། སྐྱེ་མཆེད་དང་། དབང་པོ་དང་། རྣམ་པར་ཤེས་པ་དང་། དེ་བཞིན་གཤེགས་པའི་སྙིང་པོའི་ཁམས་རང་བཞིན་གྱིས་རྣམ་པར་དག་པའི་རབ་ཏུ་དབྱེ་བ་ཆ་དང་བཅས་པ་རྣམས་ཏེ་མཚན་ཉིད་སྡེ་གསུམ་དང་། ཀུན་རྫོབ་འཁྲུལ་ངོར་སྣང་བའི་ཕུང་པོ་ཁམས་དང་སྐྱེ་མཆེད་ཀྱི་ཆོས་རྣམས་སྦྱང་བྱའི་དྲི་མར་ཤེས་ཏེ། དབྱིངས་རང་བཞིན་གྱིས་དག་པའི་སེམས་ཉིད་གཞིར་བྱས་ནས། ལམ་གཙང་སྦྲ་དང་ལྷ་ཡི་དེ་ཉིད་སྒོམ་པའང་། བདག་དང་ལྷ་ཡེ་ཤེས་སེམས་དཔའ་རྗེ་དང་འཁོར་གྱི་ཚུལ་དུ་བལྟས་ནས་མི་ཚེ་བདུན་ན་རིགས་གསུམ་རྡོ་རྗེ་འཛིན་པའི་ས་སྐུ་གསུམ་ཡེ་ཤེས་ལྔའི་བདག་ཉིད་ཅན་ཐོབ་པར་འདོད་པ་བྱ་བའི་རྒྱུད། ལྟ་བ་ཡོ་ག་ལྟར་བྱེད་ཅིང་སྤྱོད་པ་བྱ་བ་ལྟར་སྤྱད་ནས་བདག་དམ་ཚིག་པའི་མདུན་དུ་ལྷ་ཡེ་ཤེས་སེམས་དཔའ་སྤུན་ནམ་གྲོགས་པོའི་ཚུལ་དུ་བསྒོམ་ནས་མི་ཚེ་ལྔ་ན་རིགས་བཞི་རྡོ་རྗེ་འཆང་གི་ས་ཐོབ་པར་འདོད་པ་སྤྱོད་པའི་རྒྱུད་དང་། སྣང་སྲིད་ཀྱི་ཆོས་ཀུན་རྫོབ་ཀྱི་བདེན་པ་ཐམས་ཅད་དོན་དམ་སེམས་ཉིད་ཀྱི་ངང་དུ་སྦྱངས་ནས་ལམ་མངོན་བྱང་ལྔ་པ་ལྷ་ཡི་དཀྱིལ་འཁོར་བསྐྱེད་དུས། བདག་དམ་ཚིག་པ་ལ་ལྷ་ཡེ་ཤེས་པ་འགུག་གཤེགས་བྱས་པས་དངོས་གྲུབ་ཐོབ་ཅིང་། མི་ཚེ་གསུམ་ན་རིགས་ལྔ་སྟུག་པོ་བཀོད་པའི་ས་སྐུ་གསུམ་ཡེ་ཤེས་

― GTN003_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་ཡི་བདག་ཉིད་ཅན་དུ་འཚང་རྒྱ་བར་འདོད་པ་རྣལ་འབྱོར་གྱི་རྒྱུད་དེ་ཕྱི་རྒྱུད་སྡེ་གསུམ་དང་། ཆོས་ཐམས་ཅད་ཡེ་ནས་སངས་རྒྱས་པ་སྐུ་དང་ཡེ་ཤེས་ཀྱི་རོལ་པར་གཏན་ལ་ཕབ་ནས་བསྐྱེད་རིམ་ཐབས་གཙོ་བོར་སྟོན་པས་བདག་དང་ལྷ་ཡེ་ཤེས་སེམས་དཔའ་དག་མཉམ་གཅིག་གི་ངང་ནས་སྒོ་གསུམ་དཀྱིལ་འཁོར་གསུམ་གྱི་རང་བཞིན་དང་མ་བྲལ་ཞིང་། རྩ་རླུང་ཕྲ་མོའི་རྣལ་འབྱོར་ལམ་དུ་བྱེད་པས་ཚེ་འདིའི་བར་དོར་སྐུ་ལྔ་ལྷུན་གྱིས་གྲུབ་པའི་བདག་ཉིད་མངོན་དུ་བྱེད་པ་བསྐྱེད་པ་མ་ཧཱ་ཡོ་ག་དང་། ཆོས་ཐམས་ཅད་ཡེ་ནས་རང་རྩལ་དུ་སངས་རྒྱས་པ་དབྱིངས་དང་ཡེ་ཤེས་བདེན་པ་དབྱེར་མེད་གཅིག་གི་ངང་ནས་ཁམས་བདེ་བ་ཆེན་པོ་ཕྲ་མོའི་རྣལ་འབྱོར་ལས་དངོས་གྲུབ་ཏུ་འདོད་ཅིང་། ཚེ་གཅིག་གིས་འབྲས་ཆོས་ཉེར་ལྔ་དབྱེར་མེད་ལྷུན་གྲུབ་ཀྱི་ངོ་བོ་སྐུ་བཞིའི་བདག་ཉིད་བདེ་བ་ཆེན་པོའི་སྐུ་མངོན་དུ་བྱེད་པར་འདོད་པ་ལུང་ཨ་ནུ་ཡོ་ག་དང་། ཆོས་ཐམས་ཅད་ཡེ་ནས་བྱང་ཆུབ་ཀྱི་སེམས་སུ་རྫོགས་པའི་སྤང་བླང་བྱ་རྩོལ་མེད་པར་ཆོས་ཉིད་སྐུ་གསུམ་ལྷུན་གྲུབ་ཆེན་པོར་ཡེ་ནས་གྲོལ་ཞིང་གཞི་ལམ་འབྲས་བུའི་ཐ་སྙད་ལས་འདས་ཏེ། ཡུལ་ཆོས་ཉིད་ཀྱི་རོལ་པ་ལས་ཡུལ་ཅན་ཡེ་ཤེས་ཀྱི་ཀློང་བརྡོལ་བས་འཁོར་འདས་བྱང་ཆུབ་སེམས་ཀྱི་དཀྱིལ་འཁོར་དུ་སངས་རྒྱས་པའི་དོན་ལས་གཞན་དུ་མི་འགྱུར་བའི་ཡེ་ཤེས་སུ་འགགས་བཅིངས་པས།
མ་བྱས་པར་ཡེ་ཟིན། མ་ཕྱིན་པ་ཡེ་བགྲོད། རྒྱུ་འབྲས་ལ་བཟླ་བས་ཆོས་ཉིད་དུ་ས་བཟུང་བས་དངོས་གྲུབ་རང་ཆས་ཆོས་སྐུ་ལས་མི་འདའ་བར་འདོད་པས་ད་ལྟ་ཉིད་ནས་ལྷུན་རྫོགས་ཀུན་ཏུ་བཟང་པོའི་ས་ལ་གནས་པར་འོད་གསལ་རྫོགས་པ་ཆེན་པོ་ཨ་ཏི་ཡོ་ག་ཞེས་ནང་རྒྱུད་སྡེ་གསུམ་སོགས་རྒྱུ་འབྲས་ཀྱི་ཐེག་པའི་རིམ་པ་མཐའ་དག་གི་གཙོས། འབྲས་བུའི་ཐེག་པ་ལའང་རིང་བརྒྱུད་བཀའ་མ་ཉེ་བརྒྱུད་གཏེར་མ་ཟབ་མོ་དག་སྣང་གི་ཆོས་སྐོར་སོགས་རྒྱ་ཆེ་བ་རྣམས་ཀྱང་། དབང་གི་ཆུ་བོ་མ་ནུབ། བྱིན་རླབས་ཀྱི་བརྒྱུད་པ་མ་ཉམས། གདམས་ངག་གི་སྣ་ཁ་མ་ལོག་པ་འདི་ཉིད། བྱེ་བྲག་ལོ་ཆེན་བཻ་རོའི་ཡང་སྲིད་རྩོད་བྲལ་དུས་བབས་ཀྱི་གཏེར་ཆེན་འགྲོ་འདུལ་གཏེར་བདག་གླིང་པའི་ཟབ་གཏེར་རྒྱལ་དབང་པདྨའི་ཐུགས་བཅུད། གནས་གསུམ་མཁའ་འགྲོའི་ཞལ་རླངས། བྱིན་རླབས་ནུས་པའི་སྤྲིན་ཕུང་འཐིབས་ཤིང་། མཆོག་ཐུན་དངོས་གྲུབ་ཀྱི་ཆར་རྒྱུན་འབེབས་པའི་བླ་རྫོགས་ཐུགས་གསུམ་གྱི་བཤད་སྒྲུབ་རྒྱ་མཚོར་འཁྱིལ་བ་དང་།

འཁོར་ཕུན་སུམ་ཚོགས་པ།

― GTN003_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ཕུན་སུམ་ཚོགས་པ་ནི། འདིར་ཚོགས་ཀྱི་དགེ་འདུན་འདུས་པ་རྒྱ་མཚོ་སྟེ། ཕྱི་སོ་སོར་ཐར་པས་བསྟན་པའི་རྩ་བའི་གཞི་བཟུང་། ནང་སྨོན་འཇུག་ཟུང་གིས་བྱང་ཆུབ་སེམས་ཀྱི་རྒྱལ་སྲས་སྤྱོད་པའི་ལམ་བསྲང་། གསང་བ་བསྐྱེད་རྫོགས་རིམ་གཉིས་ཀྱིས་རང་གཞན་དོན་གཉིས་ཀྱི་གོ་འཕང་བསྒྲུབ་པའི་དགོངས་སྤྱོད་རྣམ་པར་དག་པ། དད་ལྡན་དང་བ་འདྲེན་པའི་མིག་རྒྱན། འབྱོར་ལྡན་བསོད་ནམས་གསོག་པའི་ཞིང་ས། སྐལ་ལྡན་མཐོ་རིས་སྟོན་པའི་ལམ་མཁན་དམ་པ་ལྷ་
དང་བཅས་པའི་འགྲོ་བ་ཐམས་ཅད་ཀྱིས་མཆོད་པའི་འོས། ཚོགས་ཀྱི་མཆོག་ཏུ་གྱུར་པ་ཡང་། དཀོན་མཆོག་གསུམ་གྱི་ཤིས་བརྗོད་ལས། ཚོགས་ཀྱི་དམ་པ་ལྷ་མིའི་མཆོད་འོས་པ། །དགེ་འདུན་ཕྱག་འཚལ་དེང་འདིར་བདེ་ལེགས་ཤོག །ཅེས་གསུངས་པ་ལྟར་དང་།

དུས་ཕུན་སུམ་ཚོགས་པ།

― GTN003_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ཕུན་སུམ་ཚོགས་པ་ནི། སྤྱིར་ན་འཇིག་རྟེན་ཕལ་པ་བས་རྣམ་རྟོག་བདག་འཛིན་ལ་ཞེན་པའི་དབང་དུ་བྱས་ན་ཕྱི་རོལ་དུ་མེད་བཞིན་སྣང་བའི་འཁྲུལ་གཟུགས་འཁོར་བའི་རང་བཞིན་སྣ་ཚོགས་སྒྱུ་མ་ལྟར་སྣང་བ་ནི་ཆོས་ཉིད་ཡིན་པས། ལོ་ཟླ་ཞག་དུས་སོགས་ལ་རང་དབང་སྒྱུར་བའི་སྲིད་པའི་ལྷ་འདྲེར་ཤར་བ་ཐམས་ཅད་ཀྱང་བདེན་པར་གྲུབ་པ་ལྟར་སྣང་མོད་ཀྱི། ཡང་དག་པའི་གནས་ལུགས་ཀྱི་ངོར་གྲུབ་པ་རྡུལ་ཙམ་ཡང་མེད་པ་ནི། མདོ་དྲན་པ་ཉེར་བཞག་ལས། སྣ་ཚོགས་ལུས་དང་ལོངས་སྤྱོད་དང་། །བདེ་སྡུག་ཉིད་དུ་སྣང་བ་ནི། །སེམས་ཀྱིས་སྤྲུལ་ཞིང་སེམས་ལས་བྱུང་། །སེམས་ལས་གཞན་དུ་ཅུང་ཟད་མེད། །དཔེར་ན་རྨི་ལམ་ཇི་བཞིན་ནོ། །ཞེས་གསུངས་པ་ལྟར་ཏེ་དགེ་དང་མི་དགེའི་རྣམ་རྟོག་མདུད་པ་ནམ་མཁའ་ལ་དོར་འོས་མ་མཆིས་ཀྱང་། འཇིག་རྟེན་ཀུན་རྫོབ་པས་བདེན་པར་བལྟོས་སོ། །རྔམ་གློག་ལས། རིག་བྱེད་དག་གི་ཡན་ལག་ལས། །དུས་ནི་ཤེས་པར་བྱ་བ་ནི། །བཀྲ་ཤིས་ལྷ་ཡི་ཉི་མ་དང་། །འབྱོར་དང་དུས་ཚོད་བཟང་པོ་ནི། །མཚན་མའི་རྟོག་པ་ཡིན་མོད་ཀྱང་། །བརྟགས་ན་དངོས་གྲུབ་མཚན་མ་འབྱུང་། །ཞེས་གསུངས་པའི་དབང་དུ་བགྱིས་ན། དེ་རིང་གི་སྐབས་སུའང་གནམ་ལ་སྐར་མ།

― GTN003_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

ས་ལ་དུས་ཚོད། བར་ལ་ལ་ཉེ་སོགས་བཟང་ཞིང་སྟོན་འཁོར་གནས་དུས་ཆོས་སོགས་ཕུན་སུམ་ཚོགས་པ་ལྔ་ལྡན་པ་འདི་ལྟ་བུ་ནི་དུས་ཕུན་སུམ་ཚོགས་པ་ཡིན་པས་མཚོན། འདི་ལྟ་བུའི་དུས་ཁྱད་པར་ཅན་ལ་ཕྱོགས་དུས་ཀྱི་རྒྱལ་བ་སྲས་དང་བཅས་པ་མཐའ་ཡས་མུ་མེད་པའི་གྲངས་དང་མཉམ་པ་ཐམས་ཅད་རྡོ་རྗེ་སློབ་དཔོན་གྱི་ལུས་ལ་ཞུགས་ནས་གདུལ་བྱའི་མཆོད་པ་ལེན་པས་རྡོ་རྗེ་སློབ་དཔོན་གཅིག་མཆོད་པས་སངས་རྒྱས་སྲས་དང་བཅས་པ་དེ་དག་མཆོད་པའི་བསོད་ནམས་ཐོབ་པར་གསུངས་ཏེ། མཁའ་འགྲོ་ཟིལ་གནོན་གྱི་རྒྱུད་ལས། སངས་རྒྱས་དང་བྱང་ཆུབ་སེམས་དཔའ་གངྒཱའི་ཀླུང་གི་བྱེ་མ་སྙེད་དུ་བསྙེན་བཀུར་བས་ནི། རྡོ་རྗེ་སློབ་དཔོན་གྱི་བ་སྤུ་གཅིག་ལ་རི་མོར་བགྱིས་པ་ལས་བྱུང་བའི་བསོད་ནམས་ཁྱད་པར་དུ་འཕགས་སོ། །ཞེས་དང་། གསང་བ་འདུས་པའི་རྒྱུད་ལས། ཕྱོགས་བཅུར་བཞུགས་པའི་སངས་རྒྱས་བས། །བླ་མའི་བ་སྤུ་གཅིག་མཆོད་ལྷག །ཅེས་དང་། དཔལ་དུས་ཀྱི་འཁོར་ལོ་ལས། བསྐལ་པ་དུས་གསུམ་ཐམས་ཅད་དུ། །དཀོན་མཆོག་གསུམ་སོགས་མཆོད་པ་དང་། །སྲོག་ཆགས་བྱེ་བའི་ཚེ་སྐྱབས་པ། །ཚེ་འདིར་སངས་རྒྱས་མི་ཐོབ་སྟེ། །ཡོན་ཏན་རྒྱ་མཚོའི་བླ་མ་ལ། །དྭངས་པས་ཡིད་ཀྱིས་མཉེས་བྱས་ནས། །མཆོག་དང་ཐུན་མོང་དངོས་གྲུབ་ནི། །ཚེ་འདི་ཉིད་ལ་ཐོབ་པར་འགྱུར། །ཞེས་སོགས་གསུངས་ཏེ་བསོད་ནམས་ཁྱད་པར་ཐོབ་པའི་དོན་ཡང་། དཔལ་གསང་བ་འདུས་པར། རྡོ་རྗེ་སློབ་དཔོན་ལུས་འདི་ལ། །རྒྱལ་བའི་དཀྱིལ་འཁོར་མ་ལུས་གནས། །དེ་ཡི་གཟུགས་ཀྱི་ཕུང་པོ་ནི། །སངས་
རྒྱས་རྣམ་པར་སྣང་མཛད་ཡིན། །ཞེས་སོགས་དང་། ཆུ་ཀླུང་བ་ཚྭ་ཅན་གྱི་མདོར། ལྔ་བརྒྱ་ཐ་མར་གྱུར་པ་ན། །ང་ནི་སློབ་དཔོན་གཟུགས་སུ་གནས། །ང་ཡིན་སྙམ་དུ་ཡིད་བྱོས་ལ། །དེ་ཚེ་དེ་ལ་གུས་པ་བསྐྱེད། །ཅེས་དང་། རྡོ་རྗེ་གུར་ལས། རྡོ་རྗེ་སེམས་དཔའ་ལྟ་བུ་ཡི། །དེ་ལྟར་སློབ་དཔོན་གཟུགས་འཛིན་ཏེ། །སེམས་ཅན་རྗེས་སུ་བཟུང་དམིགས་ནས། །ཕལ་བའི་གཟུགས་སུ་གནས་པའོ། །ཞེས་སོགས་གསུངས་པའི་དགོངས་དོན་ཇི་བཞིན་ཏེ། དེ་ལྟར་མཆོད་པ་ལས་བསོད་ནམས་ཆེར་ཐོབ་པ་ཡིན་ལ། མཆོད་པ་ཐམས་ཅད་ཀྱི་ནང་ནས་ཀྱང་མཆོག་དང་། རབ་དང་། ཕུལ་དུ་གྱུར་པ་ནི་མཎྜལ་གྱི་རིམ་པ་སྟེ། ཇི་སྐད་དུ། ལྷ་དང་བླ་མ་ནམ་དྲན་དུས་ཉིད་དང་། །ཚོགས་པ་རྒྱ་མཚོའི་དབུས་སུ་ཆོས་འཕེལ་ཚེ། །ཆོས་སྤྱོད་ཀུན་གྱི་སྙིང་པོ་མཎྜལ་འབུལ། །ཞེས་དང་། རྒྱུད་ལས། སངས་རྒྱས་ཞིང་ཁམས་ཐམས་ཅད་ལ། །སྟོང་གསུམ་ཞིང་ཁམས་མ་ལུས་པ། །འདོད་པའི་ཡོན་ཏན་བརྒྱན་པ་ཡིས། །མཆོད་ན་སངས་རྒྱས་ཡེ་ཤེས་རྫོགས། །ཞེས་དང་། བཀོད་པ་ཆེན་པོ་ལས། རྣམ་དག་སེམས་ལྡན་མཎྜལ་ནི། །ཕུལ་བའི་བསོད་ནམས་གཞལ་དུ་མེད། །ཅེས་སོ། །

མཎྜལ་གྱི་རྣམ་པར་བཞག་པ་ཅུང་ཟད་ཅིག་བརྗོད་པ།

― GTN003_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་གཤེགས་ཤུལ་ལམ་ལྔར་གྲགས་པ་ལས། ཐོས་བསམ་དང་བསོད་ནམས་ཀྱི་ཚོགས་ལ་རྒྱ་ཆེར་སྤྱོད་པས་ཚོགས་ལམ་གྱི་རྣམ་གྲངས་སུ་འདུ་བའི་མཎྜལ་གྱི་རྣམ་པར་བཞག་པ་ཅུང་ཟད་ཅིག་བརྗོད་ན།
སྤྱིར་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་གཞི་ལམ་འབྲས་གསུམ་གྱི་ངོ་བོར་བཞུགས་པ་ལས། གཞི་ནི་སེམས་ཅན་གྱི་ཁམས་བདེ་བར་གཤེགས་པའི་སྙིང་པོ་ལ་འཁོར་འདས་ལམ་གསུམ་གྱི་འཆར་གཞིར་གྲུབ་ཅིང་། དེ་ཉིད་ཚོགས་གཉིས་ཀྱིས་འཕེན་པས་བསྐྱེད་སྲིང་སྟེ་སྤངས་རྟོགས་ཀྱི་ཕྲིན་ལས་མཐར་ཕྱིན་པ་ལ་མངོན་པར་སངས་རྒྱས་པའི་མིང་དུ་གྲུབ་སྟེ། རྒྱན་སྟུག་པོ་བཀོད་པ་ལས། ཀུན་གཞི་བསོད་ནམས་དྲི་མེད་ཀྱིས། །དེ་བཞིན་གཤེགས་པར་འགྱུར་བ་ཡིན། །དེ་ཉིད་རྟོགས་ནས་མཐོང་བ་ནི། །རྣལ་འབྱོར་འཇིགས་མེད་རྣལ་འབྱོར་རོ། །ཞེས་སོ། །དེ་ཕྱིར་འབྲས་བུ་དག་པ་གཉིས་ལྡན་གྱི་གོ་འཕང་མངོན་དུ་བྱེད་པ་ལ་ལམ་གྱི་དུས་བསོད་ནམས་དང་ཡེ་ཤེས་ཀྱི་ཚོགས་ཟུང་འབྲེལ་དུ་བསགས་པ་ཐབས་ཀྱི་མཐར་ཕྱིན་པ་ཡིན་ཏེ། དབྱིག་གཉེན་གྱི་ཚོགས་གཏམ་ལས། དེ་ལྟར་བསོད་ནམས་ཡེ་ཤེས་ཀྱི། །རང་བཞིན་ཆུ་བོ་འགོང་བ་དག །འགྲོ་བའི་ཐར་ལམ་གཅིག་ཏུ་མཁས། །བྱང་ཆུབ་ལག་པའི་མཐིལ་ན་གནས། །ཞེས་གསུངས་ཤིང་། བསོད་ནམས་ཀྱི་ཚོགས་གསོག་པའི་རིམ་པ་ནི་མཎྜལ་ཏེ། དེལའང་ངོ་བོ། ངེས་ཚིག །དབྱེ་བ་སྟེ་གསུམ་ལས།

མཎྜལ་གྱི་ངོ་བོ།

― GTN003_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་ནི། དེ་ཡང་སྤྱིར་ཕ་རོལ་ཏུ་ཕྱིན་པ་དྲུག་གི་རང་བཞིན་ནི་ཆོས་ཐམས་ཅད་ཀྱི་གཞིའམ་དངོས་པོ་ས་དང་ལམ་ཡོན་ཏན་ཐམས་ཅད་ཀྱི་བརྟེན་གཞི་ཡིན་པས་རྒྱལ་སྲས་རྣམས་ཀྱི་སྤྱོད་པའི་མཆོག་དམ་པ་སྟེ། བཤེས་སྤྲིང་ལས། སྦྱིན་དང་ཚུལ་ཁྲིམས་བཟོད་བརྩོན་བསམ་གཏན་དང་། །དེ་བཞིན་ཤེས་རབ་གཞལ་

― GTN003_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཕ་རོལ་ཕྱིན། །འདི་དག་རྒྱལ་མཛོད་སྲིད་པའི་རྒྱ་མཚོ་ཡི། །ཕ་རོལ་ཕྱིན་པ་རྒྱལ་བའི་དབང་པོ་མཛོད། །ཅེས་པས་འདི་ལྟར་ཆོས་དང་། ཟང་ཟིང་། མི་འཇིགས་པ་སྟེ་སྦྱིན་པ་རྣམ་པ་གསུམ། ཉེས་སྤྱོད་སྡོམ་པ། དགེ་བ་ཆོས་སྡུད། སེམས་ཅན་དོན་བྱེད་དེ་ཚུལ་ཁྲིམས་རྣམ་པ་གསུམ། གནོད་པ་ལ་ཇི་མི་སྙམ་པ་མི་མཇེད་པའི་བཟོད་པ། ཆོས་ཕྱིར་དཀའ་བའི་ལས་མཐའ་དག་བཟོད་པ། སྟོང་ཉིད་ཟབ་མོ་ལ་མི་སྐྲག་པ་སྟེ་བཟོད་པ་རྣམ་གསུམ། ཕུལ་བྱུང་གི་བསམ་པ་བརྟན་པ་གོ་ཆའི་བརྩོན་འགྲུས། དེ་ལས་མི་ལྡོག་མི་ངལ་ཆོག་པར་མི་འཛིན་པ། མངོན་པར་སྤྲོ་བའི་བརྩོན་འགྲུས་ཏེ་བརྩོན་འགྲུས་རྣམ་པ་གསུམ། བསམ་གཏན་གྱི་གཟུགས་མེད་ཆ་མཐུན་བྱིས་པ་ཉེར་སྤྱོད་ཀྱི་བསམ་གཏན། ཆོས་སྦྱོར་གྱི་ཏིང་ངེ་འཛིན་ལམ་དུ་བྱེད་པ་དོན་རབ་འབྱེད་པའི་བསམ་གཏན། ཟག་མེད་ཀྱི་ཆོས་ཉིད་ལ་འཇུག་པ་དེ་བཞིན་ཉིད་དམིགས་པའི་བསམ་གཏན་ཏེ་བསམ་གཏན་རྣམ་པ་གསུམ། མང་དུ་ཐོས་པ་ལུང་གི་ཡོན་ཏན། ལུང་དོན་རིགས་པས་འབྱེད་པའི་བསམ་པ། ཡིན་ཚུལ་བསམ་ཐོག་ཏུ་འབེབས་པའི་སྒོམ་པ་སྟེ་ཤེས་རབ་རྣམ་གསུམ་དེ་དག་སོ་སོའི་མི་མཐུན་ཕྱོགས་ཀྱི་སྐྱོན་དང་བྲལ་བས་ཕ་རོལ་ཏུ་ཕྱིན་པ་དྲུག་གི་རང་བཞིན་ནི་འདིར་མཎྜལ་གྱི་དྲིའི་ཐིག་ལེ་བསྐུ་བ་ནས་བཟུང་སྟེ་ཚོམ་བུ་ཡོངས་སུ་རྫོགས་པའི་བར་མ་ཚང་བ་མེད་པ་ནི་མཎྜལ་གྱི་ངོ་བོ་སྟེ། མཎྜལ་གྱི་མདོ་ལས། བ་ལྕི་ཆུ་བཅལ་སྦྱིན་པ་སྟེ། །བྱི་དོར་བྱས་པ་ཚུལ་ཁྲིམས་ཡིན། །སྲོག་ཆགས་བསལ་བ་བཟོད་པ་སྟེ། །བརྩོན་འགྲུས་བྱ་བ་བྱེད་ལ་བརྩོན། །བསམ་གཏན་དེང་སེམས་སྐད་ཅིག་མ། །རི་མོ་ལེགས་འབར་ཤེས་རབ་བོ། །ཞེས་སོ། །

མཎྜལ་ཞེས་ངེས་ཚིག་སྒྲ་བཤད་ཀྱི་རྣམ་བཞག་ཕྱི་ལྟར་དུ་བཞག་པ་དང་ནང་ལྟར་བཞག་པ།

― GTN003_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་མཎྜལ་ཞེས་པའི་ངེས་ཚིག་སྒྲ་བཤད་ཀྱི་རྣམ་པར་བཞག་པ་ལའང་གསུམ་སྟེ། ཕྱི་ལྟར་དུ་བཞག་པ། ནང་ལྟར་དུ་བཞག་པ། གསང་བ་ལྟར་དུ་བཞག་པའོ། ། དང་པོ་ནི། མ་དྲི་རྒྱན་གྱི་བྱིངས་ལ་ཨ་ཙ྄་སྦྱར་བས་མཎྜལ་ཞེས་སྒྲུབ་སྟེ་བི་ཤྭ་པྲ་ཀ་ཤར་མཎྜ་སྙིང་པོ་ལ་འཇུག་པ་དག་ནི་རྒྱན་དག་ལ། མཎྜ་བྱས་པའམ་མཎྜལ་ནི་ཡག་གའི་དབྱེ་བ་དག་ལའོ། །ཞེས་པ་ལྟར་ཡང་འདི་ནི་མནན་པའམ་ལྗི་ཕབ་པ་ལ་འཇུག་ཅིང་། ལ་ནི་གཞི་འཛིན་པའི་དོན་ལ་ཚིག་བླ་ཐབས་སུ་བསྣན་པ་སྟེ། དེས་ན་གླིང་བཞི་རི་རབ་དང་བཅས་པས་ཤིན་ཏུ་བརྗིད་ཆགས་ལ། འཕོ་འགྱུར་དང་བྲལ་བའི་དཀྱིལ་འཁོར་ཞེས་བྱ་སྟེ། གཉིས་པ་ནི། མཎྜ་ནི་སྙིང་པོའི་ཉིང་ཁུའམ་དཀྱིལ་འཁོར་ལྟ་བུ་ལ་བྱ་ལ། ལ་ནི་ལེན་ཅིང་འཛིན་པ་སྟེ། དེས་ན་ཆོས་ཀྱི་རྒྱལ་སྲིད་སྒྲུབ་པར་བྱ་བ་ལ། སྙིང་པོ་གཞི་འཛིན་དུ་གྱུར་ཕྱིར་བསོད་ནམས་ཁྱད་པར་ཅན་བསགས་ཏེ་མངོན་མཐོའི་དཔལ་ཡོན་ཐོབ་པར་འགྱུར་བས་ན་དེ་སྐད་ཅེས་བྱ་ལ། མཎྜ་ལ་ཞེས་པ་མ་ཌི་དགའ་བའི་བྱིངས་ལ་ཨུཎ໇་སོགས་ཀྱི་ཨ་ལ་ཙཱ་སྦྱར་བས་སྒྲ་གཟུགས་པོ་ཟླུམ་པོའི་སྐོར་བའི་དོན་ལ་འཇུག་པས་དཀྱིལ་འཁོར་ཞེས་བྱའོ། ཡང་འགྲེལ་པ་འདོད་འཇོ་ལས། མཎྜལ་ཏེ་དཀྱིལ་འཁོར་ནི་མཎྜ་ཡ་ཏི་ལས་ཤྲཱྀ་ཥ་ལ་སོགས་པ་ཉིད་ཀྱི་ཕྱིར་ཀ་ལའོ། །ཞེས་པས་མ་ཌི་དགའ་བས་བྱིངས་ལ་
ཙནྡྲའི་ཨུན྄་མདོར་ཤྲཱྀར་ལ་སོགས་པ་ལ་ཙིཏྟ་བཞིན་ནོ་ཞེས་ཀ་ལ་བྱིན། ཀིརྟ་འགྲོ་བ་ཕྱིན་ཨི་ཏི་ཏྲའི་ནུམ྄་སྦྱར་དྲངས་པས་མཎྜལ་གྲུབ་སྟེ་སྒྲ་གཟུགས་པོ་ཟླུམ་པོའི་སྐོར་བའི་དོན་ལ་འཇུག་པས་གང་གཙོ་བོ་ལ་འཁོར་གྱིས་བསྐོར་བའི་ཕྱིར་དཀྱིལ་འཁོར་ཞེས་བྱའོ། །

གསང་བ་ལྟར་དུ་བཞག་པ།

― GTN003_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་ནི། ནང་གསང་སྔགས་འབྲས་བུའི་ཐེག་པ་ལྟར་བརྗོད་ན། ཡེ་ཤེས་ཐིག་ལེ་ལས། མ་ཡི་ཡིག་འབྲུ་འདབ་མར་འདོད། །ཎ་ཡི་ཡིག་འབྲུ་ལྟེ་བར་དྲན། །ཌ་ཡི་ཡིག་འབྲུ་གེ་སར་དག །ལ་ཡི་ཡིག་འབྲུ་དེ་བདེ་ལྟར། །ཞེས་གསུངས་པས། ཕྱི་ལྟར་ན་པདྨའི་འདབ་མ་ལྟེ་བ་གེ་སར་སྦྲང་རྩི་འབྱིན་པའི་ནུས་པ་རྣམས་དང་། ནང་ལྟར་ཕྱག་རྒྱ་མའི་བྷ་གའི་འདབ་མ། ལྟེ་བ་གེ་སར་བདེ་བ་སྐྱེད་པའི་ནུས་པ་རྣམས་དང་། གསང་བ་ལྟར་ན་ཡུལ་དེ་ལ་རོལ་པ་དྭངས་མའི་སྒྲ་ལས་དྲངས་ན། མ་ནུ་སཱ་ར་སྙིང་པོ། ལའི་སྒྲ་ལས་དྲངས་པས་ལ་ལི་ཏ་ཏེ་རོལ་བའམ། ལེན་པའམ། འཛིན་པ་ལ་འཇུག་པས་ཡུལ་དེ་ལ་རྣམ་ཀུན་མཆོག་ལྡན་གྱི་རྡོ་རྗེས་རོལ་པ་ན། བསོད་ནམས་ཡེ་ཤེས་ཀྱི་ཚོགས་གཉིས་རྫོགས་ཏེ་སྤྲོས་པ་ཐམས་ཅད་དང་བྲལ་བའི་འོད་གསལ་དབུ་མ་ཆེན་པོའི་སྦུབས་སུ་གཟུང་འཛིན་རོ་རྐྱང་གི་ལས་རླུང་དབང་དུ་བསྡུས་པས། འཆིང་བྱེད་རྩའི་མདུད་པ་ཉི་ཤུ་རྩ་གཅིག་ལ་སོགས་པ་བཙན་ཐབས་སུ་བཀྲོལ་ནས་ས་བཅུ་དང་ལམ་ལྔའི་ཡོན་ཏན་མངོན་དུ་གྱུར་ཏེ་སྡུག་བསྔལ་མཐའ་དག་དབྱིངས་སུ་ཟད་པས་བདེ་བ་ཆེན་པོའི་ཡེ་ཤེས་ལ་སྦྱོར་བས་དཀྱིལ་འཁོར་དུའང་གདགས་པ་ཡིན་ཏེ། རྒྱུད་ལས། བསོད་ནམས་ཡེ་ཤེས་

― GTN003_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་རྫོགས་ཤིང་། །རང་རིག་མཐའ་དབུས་མེད་པའི་དཀྱིལ། །ཡེ་ཤེས་ཞི་ཁྲོ་འཁོར་ལོའི་ཚུལ། །ཞེས་གསུངས་ཤིང་། གཞན་ཡང་ཇི་སྐད་དུ། མ་ཡི་ཡིག་འབྲུ་རིན་ཆེན་གྲགས། །ཎ་ཡི་ཡིག་འབྲུ་འདུས་པས་བརྗོད། །ཌ་ཡི་ཡིག་འབྲུ་རིང་པོའི་དངོས། །ལ་ཡི་ཡིག་འབྲུ་ཁར་བརྗོད་དོ། །མ་ཡི་ཡིག་འབྲུ་ཤུ་ཀྲའི་གཟུགས། །ཎ་ཡི་ཡིག་འབྲུ་ཞུ་བའི་དངོས། །ཌ་ཡི་ཡིག་འབྲུ་འོད་དང་ལྡན། །ལ་ཡི་ཡིག་འབྲུ་བདེ་བའི་གཟུགས། །མ་ནི་སྣང་བའི་འདུ་ཤེས་གྲགས། །ཎ་ཡི་ཡིག་འབྲུ་སྣང་བ་མཆེད། །ཌ་ཡི་སྣང་བ་ཐོབ་པ་སྟེ། །ལ་ནི་ཡང་དག་དྲི་མེད་མཆོག །མ་ཡི་ཡིག་འབྲུ་དགའ་བར་གྲགས། །ཎ་ཡི་ཡིག་འབྲུ་མཆོག་ཏུ་བྲན། །ཌ་ཡི་ཡིག་འབྲུ་དགའ་བྲལ་དགའ། །ལ་ནི་ལྷན་ཅིག་སྐྱེས་པར་བྲན། །མ་ཡི་ཡིག་འབྲུ་ས་ཞེས་བྱ། །ཎ་ཡི་ཡིག་འབྲུ་ཆུ་རུ་བསྟན། །ཌ་ཡི་ཡིག་འབྲུ་དེ་ནི་མེ། །ལ་ཡི་ཡིག་འབྲུ་རླུང་གི་གཟུགས། །གཡོ་བའི་ཕྱིར་ན་རླུང་དུ་བརྗོད། །ཡང་ན་ཁྱབ་པའི་ཕྱིར་ནི་བྲན། །ཡེ་ཤེས་རྙེད་པ་ཡི་ནི་ཕྱིར། །བདེ་བ་ཡི་ནི་ཆེན་པོ་ལེན། །ཡེ་ཤེས་ངོ་བོ་བདེ་བ་ཆེ། །དཀྱིལ་འཁོར་དུ་ནི་ཡང་དག་ཞུགས། །དཀྱིལ་འཁོར་སངས་རྒྱས་རིན་ཆེན་གཙོ། །ཐིག་ལེའི་ངོ་བོ་ཡི་གེ་བྲལ། །རྣམ་པ་ཐམས་ཅད་རྣམ་པ་མེད། །ཕྱག་རྒྱ་དང་ནི་སྔགས་དང་བྲལ། །སྔགས་ཆེན་ཀུན་དགའ་ར་བའི་ལམ། །ཞེས་སོགས་འགྲོ་བ་ཀུན་ལ་ཡེ་ནས་ཀུན་ཁྱབ་ཏུ་བཞུགས་པ་ཤིན་ཏུ་ཕྲ་བའི་མི་ཤིགས་པའི་ཐིག་ལེ་ཆེན་པོ་སྐུ་གསུམ་འདུ་འབྲལ་མེད་པ་བསྒྲུབ་བྱའི་མཐར་ཐུག་པའི་སྙིང་པོ་རྡོ་རྗེ་ལུས་ཀྱི་དཀྱིལ་འཁོར་གྱི་བཤད་པ་
ཤིན་ཏུ་རྒྱས་པ་དང་། སྦྱར་བའི་བཤད་སྲོལ་ལ་ལུང་རིགས་ཀྱིས་རྒྱབ་སྐྱོར་ཏེ་སྤྲོས་ན་མང་དུ་མཆིས་ཀྱང་འདིར་དེ་ཙམ་ལས་མི་སྤྲོ་ལ།

མཎྜལ་གྱི་དབྱེ་བ།

― GTN003_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་མཎྜལ་གྱི་དབྱེ་བ་ནི། དེ་ཡང་མངོན་པ་མཛོད་ལས། གླིང་བཞི་དང་ནི་ཉི་ཟླ་དང་། །རི་རབ་དང་ནི་འདོད་ལྷར་བཅས། །ཚངས་པའི་འཇིག་རྟེན་སྟོང་ལ་ནི། །སྟོང་ནི་སྤྱི་ཕུད་ཡིན་པར་འདོད། །དེ་སྟོང་ལ་ནི་སྟོང་གཉིས་པ། །བར་མའི་འཇིག་རྟེན་ཁམས་ཡིན་ནོ། །དེ་སྟོང་ལ་ནི་སྟོང་གསུམ་སྟེ། །མཉམ་དུ་འཇིག་རྟེན་འབྱུང་བ་ཡིན། །ཞེས་གསུངས་པ་ལྟར་གླིང་བཞི་རི་རབ་དང་བཅས་པ་བགྲང་གཞིར་བྱས་ནས་གཅིག་ནས་གཉིས་སུ་བགྲངས་པའི་སྟོང་ཕྲག་གཅིག་ལ་སྟོང་དང་པོ་སྤྱི་ཕུད་ཀྱི་འཇིག་རྟེན། དེ་ཉིད་བགྲང་གཞིར་བྱས་ཏེ་གཅིག་ནས་གཉིས་སུ་བགྲངས་པའི་སྟོང་ལ་སྟོང་དུ་བཀོད་པ་གཉིས་པ་བར་མའི་འཇིག་རྟེན། དེ་ཡང་སྔ་མ་ལྟར་བགྲང་གཞིར་བྱས་པའི་སྟོང་ཕྲག་གཅིག་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཞེས་བྱ་སྟེ། དེ་ལྟ་བུའི་གཞི་དང་སྙིང་པོ་མེ་ཏོག་གིས་བརྒྱན་པའི་ཞིང་ཁམས་ཀྱི་ནང་ཚན་སྟོང་གསུམ་མི་མཇེད་ཀྱི་ཞིང་བྱེ་བ་ཕྲག་བརྒྱ་ཡོངས་སུ་རྫོགས་པའི་ས་གཞི་ཐམས་ཅད་ཙན་དན་ལ་སོགས་པའི་དྲི་བཟང་པོའི་བདུག་པས་བྱུགས་ཤིང་། མེ་ཏོག་སིལ་མ་དང་རིན་པོ་ཆེ་རྣམ་པར་བཀྲམ་པའི་གོ་མཚམས་རྣམས་སུ་རིན་པོ་ཆེའི་རི་བོ་ལ་སོགས་པའི་ས་གཞི། འཁོར་ལོས་སྒྱུར་བའི་རྒྱལ་པོའི་སྲིད་པ་ལ་འོས་པའི་རིན་པོ་ཆེ་རྣམ་པ་བདུན། སྒེག་སོགས་བརྒྱད། ཉི་ཟླ་སྣང་བྱེད། རིན་པོ་ཆེའི་གདུགས། ཕྱོགས་མཐའ་དག་ལས་རྒྱལ་བའི་རྒྱལ་མཚན་ཏེ།
དེ་དག་ཀྱང་རྒྱ་ཆེར་རོལ་པ་དང་། དྲན་པ་ཉེར་བཞག །མངོན་པར་འབྱུང་བའི་མདོ་སོགས་ནས་བཤད་པའི་ཡོན་ཏན་གྱི་ཕུང་པོར་རྣམ་པར་དཀྲིགས་ཤིང་རང་རང་ལ་མངའ་བའི་ཡོན་ཏན་ཆ་མཐུན་གྱི་ལོངས་སྤྱོད་ཉི་ཟེར་ལ་རྡུལ་ཕྲན་འཁྲིགས་པ་ལྟར་འཕྲོ་བའི་རྡུལ་ཕྲ་རབ་རེ་རེའི་ཁོངས་སུའང་ཇི་ལྟ་བའི་མཎྜལ་རྡུལ་སྙེད་དུ་འཕྲོས་པས་ནམ་མཁའི་ཁམས་ཡོངས་སུ་བཀང་བ་ཀུན་ཏུ་བཟང་པོའི་མཆོད་པའི་རྣམ་རོལ་ཆེན་པོར་སྟབས་པ་ཐུན་མོང་ཕྱིའི་མཎྜལ་དང་།

ཐུན་མོང་ནང་གི་མཎྜལ།

― GTN003_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་ལྟར་ཚོགས་དྲུག་ཡུལ་གྱི་སྣང་བ་ལ་རྟོག་པ་ཐམས་ཅད་གསེར་གྱི་ས་གཞི་དེར་འཇིག་རྟེན་གྱི་ཞེན་པ་ནི་དྲིའི་བྱུགས་པ། ས་གཞིའི་ཡུལ་ཁོག་སོགས་མདོར་ན་སྲིད་ཞིའི་ཕུན་ཚོགས་བདག་གིར་བཟུང་བ་ཐམས་ཅད་རི་རབ་གླིང་བཞི། དེ་དག་གི་སྐར་ཁུང་སོགས་སྣང་བའི་ཆ་ཐམས་ཅད་ཉི་ཟླ། དེའི་ཁོངས་སུ་གནས་པའི་ཕ་མ་བུ་ཚ་མཛའ་གྲོགས་འཁོར་གཡོག་སོགས་མདོར་ན་ཡིད་ཀྱིས་གཅེས་དགུར་བཟུང་བ་ཐམས་ཅད་འདོད་པའི་ཡོན་ཏན་ལྔའི་རང་བཞིན་དུ་བརྒྱན་ནས་ཆགས་མེད་ཞེན་བྲལ་དུ་བསྟབས་པ་དང་། གསང་བ་ལྟར་ན་རང་ལུས་ཀྱི་རྐང་པ་གཉིས་བགྲད་པ་གཞུ་དབྱིབས་སུ་ཡོད་པ་ནི་རླུང་དཀྱིལ་སུམ་མདོ་གྲུ་གསུམ་མེ་དཀྱིལ། ལྟོ་བ་ཟླུམ་པོ་ཆུ་དཀྱིལ། སྙིང་ག་གྲུ་བཞི་ས་དཀྱིལ། དེ་དག་ཀུན་ལ་ཁྱབ་པ་ནམ་མཁའ་སྟེ་འབྱུང་བ་ལྔའི་དཀྱིལ་འཁོར། སྒལ་ཚིགས་རི་རབ། ལུས་འདོམ་གང་གྲུ་བཞི་གཞལ་ཡས། ཁ་སྣ་གསང་གནས་བཤང་ལམ་རྣམས་སྒོ་བཞི། མིག་རྩིག་པ་རྣམ་ལྔ། སྣ་བུག་རིན་པོ་ཆེའི་ཕ་གུ། ལྕེ་དང་མཆུ་འདོད་སྣམ། རྣ་བ་རྟ་

― GTN003_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

བབས་སོགས་ལུས་དཀྱིལ་རྣམ་པར་རྫོགས་པ་དང་། པགས་པ་གསེར་གྱི་ས་གཞི། ཁྲག་བྱུག་པ། སྒལ་ཚིགས་རི་རབ། ཡན་ལག་བཞི་གླིང་བཞི། ཉིང་ལག་རྣམས་གླིང་ཕྲན། མིག་དང་རོ་རྐྱང་གཉིས་ཉི་ཟླ། མགོ་བོ་རྣམ་པར་རྒྱལ་བའི་ཁང་བཟང་། བྱང་ཆུབ་ཀྱི་སེམས་ལྷ་མིའི་འབྱོར་ཚོགས་ཏེ་རང་ལུས་སྣོད་བཅུད་ཀྱི་འཇིག་རྟེན་རིན་པོ་ཆེའི་འབྱུང་ཁམས་སུ་སྤྲོས་ཏེ་འབུལ་བ་དང་། དེ་ཁོ་ན་ཉིད་མཁའ་ཁྱབ་ཀྱི་ཞིང་ཁམས་ཐམས་ཅད་ཀུན་ཏུ་བཟང་པོའི་མཆོད་སྤྲིན་གྱིས་གཏམས་པ་འཁོར་གསུམ་ཡོངས་སུ་དག་ཅིང་རྣམ་པར་མི་རྟོག་པའི་རང་བཞིན་ཉིད་དུ་རྒྱས་བཏབ་སྟེ་འབུལ་བའོ། ། ཕྱི་སྣོད་ནང་བཅུད་གསང་བ་རྟོག་ཚོགས་དེ་ཁོ་ན་ཉིད་ཆོས་དབྱིངས་མུ་མཐའ་དང་བྲལ་བ། ཕྱི་རིགས་ལྔ་གངས་ཅན་མཚོའི་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ་ལ་བརྟེན་པའི་ཚངས་ཆེན་བསྐལ་པ་ཆེན་པོའི་ཞིང་ཁམས་སུ་འབྱམས་སུ་ཀླས་པ་རྒྱ་ཆེར་སྤེལ་ཏེ་འབུལ་བ་སྤྲུལ་སྐུའི་མཎྜལ། ནང་འོག་མིན་སྟུག་པོ་བཀོད་པའི་ཞིང་ཁམས་རང་བྱུང་རིག་པའི་དཀྱིལ་འཁོར་ཡེ་ཤེས་ལྔའི་རྣམ་རོལ་ལས་སྐུ་དང་ཞིང་ཁམས་ཀྱི་སྣང་བ་རྒྱ་ཆེ་མུ་མེད་ཀྱི་སྣང་བ་ཚངས་པ་རྔ་སྒྲའི་འཇིག་རྟེན་གྱི་ཞིང་ཁམས་ཡོངས་སུ་རྫོགས་པ་འབུལ་བ་ལོངས་སྐུའི་མཎྜལ། གསང་བ་རང་སྣང་འོད་གསལ་རྡོ་རྗེའི་སྙིང་པོའི་ཞིང་ཁམས་འོད་གསལ་སྒོམ་སྟོབས་ཀྱི་མཐུ་ལས་གྲུབ་པའི་སྐུ་དང་ཞིང་ཁམས་ཐིག་ལེ་ཐིག་ཕྲན་གྱི་ཚོམ་བུར་
འཁྱིལ་བ་རྣམས་དང་། གཞི་འབྲས་ཀྱི་སྐབས་སུའང་ལྷུན་གྲུབ་རིན་པོ་ཆེའི་སྦུབས་སྐུ་གསུམ་འདུ་འབྲལ་མེད་པའི་རང་བཞིན་ཐོག་མ་དང་། ཐ་མ་དང་། མཐའ་དབུས་ཀྱི་གོ་སྐབས་བྲལ་བ་ཕྱི་ནང་མེད་པ་ཀུན་ཏུ་ཟང་ཐལ་བ་རྣམ་པ་ཐམས་ཅད་པར་འཆར་བ་ཆོས་སྐུའི་མཎྜལ། དེ་ཁོ་ན་ཉིད་སྨྲ་བསམ་བརྗོད་མེད་སྐྱེ་འགག་གནས་གསུམ་དང་བྲལ་བའི་གཤིས་ལུགས་སྐུ་གསུམ་གྱི་རང་བཞིན་དུ་ལྷུན་གྱིས་གྲུབ་ཅིང་། བཅིང་བཀྲོལ་ལས་འདས་པའི་རིག་པ་རྒྱ་ཡན་ཅོག་བཞག་ལྷུན་འབྱམས་ཟང་ཐལ་སྒྲིབ་གཡོག་དང་བྲལ་བའི་ཀློང་དུ་འཁོར་འདས་ཀྱི་གཉིས་ཆོས་ཐམས་ཅད་དུ་མ་རོ་གཅིག་གི་ཚོམ་བུར་བཀོད་པ་ངོ་བོ་ཉིད་སྐུའི་མཎྜལ་ཏེ། མདོར་ན་གཞན་དུ་མཎྜལ་ལ་རྣམ་དབྱེ་དང་མིང་ཇི་ཙམ་དུ་བཏགས་ཀྱང་བཤད་མ་ཐག་པ་རྣམས་ཀྱི་ཁོངས་སུ་འདུ་བས་འདིར་ནི་ཕྱོགས་མཚོན་པ་ཙམ་སྟེ། མཎྜལ་གྱི་ཚོམ་བུ་ལའང་སྐུ་གསུམ་གྱིས་དབྱེ་བའི་མཎྜལ་ཚོམ་བུ་བཅོ་ལྔ་པ་དང་། དགུ་པ་དང་། ལྔ་པ་དང་། བརྒྱད་པ་དང་། བཅུ་གཉིས་པ་སོགས་འགོད་པ་དང་། གཞན་དུ་ཚོམ་བུ་ཉེར་གསུམ་པ་དང་། བཅུ་གསུམ་དང་། སོ་བདུན་མ་སོགས་འགོད་ཚུལ་མང་ཡང་།

ཚོམ་བུ་སོ་བདུན་མ་འདི་ཉིད་ཕྱག་བཞེས་སུ་མཛད་པ་ལྟར།

― GTN003_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་མགོན་ཆོས་རྒྱལ་འཕགས་པའི་ཕྱག་བཞེས་ལྟར་དེང་སང་ཡོངས་གྲགས་ལ་ཚོམ་བུ་སོ་བདུན་མ་འདི་ཉིད་ཕྱག་བཞེས་སུ་མཛད་པ་ལྟར་ན། ཕྱི་སྣོད་ཀྱི་འཇིག་རྟེན་སྟོང་གསུམ་གྱི་སྟོང་ཆེན་པོར་སྣང་བ་རི་རབ་གླིང་བཞི་གླིང་ཕྲན་

― GTN003_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་བཀོད་པའི་ཚད་གྲངས་ལས་འདས་པ་དང་། ནང་གཡོ་བ་བཅུད་ཀྱི་སེམས་ཅན་རྒྱུ་བ་དང་མི་རྒྱུ་བའི་རིགས་སྤྱི་དང་བྱེ་བྲག་གི་ཚད་བཟུང་དཀའ་བའི་མཆོག་ལྷ་དང་མིའི་འབྱོར་ཚོགས་ཐམས་ཅད་དང་། གསང་བ་རྟོག་ཚོགས་སེམས་ཀྱི་འཕྲོ་འདུ་འགགས་མེད་ཅིར་ཡང་འཆར་བའི་རང་བཞིན་རྣམ་པ་ཐམས་ཅད་པར་ཀུན་ཏུ་བཟང་པོའི་མཆོད་པའི་སྤྲིན་ཕུང་དུ་སྤྲོས་ཏེ་འབུལ་བ་སྤྲུལ་སྐུའི་མཎྜལ་ཞེས་བྱ་སྟེ། ཇི་སྐད་དུ། གསེར་གྱི་ས་གཞི་རི་དབང་ལྷུན་པོས་བརྒྱན། །གླིང་བཞི་གླིང་ཕྲན་ཉི་ཟླ་གཟའ་སྐར་བཀྲ། །ལྷ་མིའི་འདོད་ཡོན་ཕུན་ཚོགས་དང་ལྡན་པས། །གླིང་བཞི་འཇིག་རྟེན་རྒྱན་གྱུར་རྣམས་ཀྱིས་མཆོད། །ཅེས་དང་། ཕྱོགས་བཅུའི་ཞིང་ཁམས་རྒྱ་མཚོ་ཇི་སྙེད་རི་རབ་གླིང་བཞིའི་འཇིག་རྟེན་ཁམས། །ལྷ་དང་མི་ཡི་འདོད་ཡོན་ཕུན་ཚོགས་བདེ་གཤེགས་མཆོད་པའི་སྤྲིན་ཕུང་ཅན། །ཚངས་ཆེན་བསྐལ་པས་ལེགས་པར་རྒྱན་ཏེ་དགེ་ལེགས་རྒྱ་མཚོའི་བསོད་ནམས་ཞིང་། །ཞེས་དང་། ཕྱི་ནང་སྣོད་བཅུད་སྟོང་གསུམ་གཞལ་ཡས་སོགས། །རི་རབ་གླིང་བཅས་རྡུལ་སྙེད་མཆོད་སྤྲིན་གཏིབས། །ལྷ་མིའི་ལོངས་སྤྱོད་དཔལ་འབྱོར་ཕུན་ཚོགས་འདི། །བླ་མ་དཀོན་མཆོག་སྤྲུལ་སྐུའི་ཞིང་དུ་འབུལ། ། ཞེས་གསུངས་ཏེ། དེ་ལྟ་བུའི་མཎྜལ་གྱི་རིམ་པ་བླ་མ་བརྒྱུད་པའི་ཕྱག་བཞེས་ལྟར་ལག་ཏུ་བླངས་པ་ལ། ཐོག་མར་སེམས་ཀྱི་རང་བཞིན་དྲི་མ་མེད་པར་མཚོན་ཕྱིར་མཎྜལ་གྱི་རྡུལ་ཐམས་ཅད་ཕྱིས་ལ། གཞུང་འགའ་ཞིག་ཏུ་འདིར་བསྟུན་ཡིག་
བརྒྱ་བཟླས་པས་སྒྲིབ་གཉིས་བག་ཆགས་དང་བཅས་པ་སྦྱང་བར་བསམ་པ་སོགས་བཤད་ཀྱང་དེང་སང་ཕྱག་ལེན་ལ་མི་མཛད་ཅིང་། དྲི་བཟང་གི་ཆུ་བ་བྱུང་ལྔ་དང་སྦྱར་བའི་སྙིང་རྗེ་བྱང་ཆུབ་ཀྱི་སེམས་ཀྱི་རླན་དང་མི་འབྲལ་ཞིང་སྦྱིན་པ་རྣམ་བཞི་ཡོངས་སུ་གཏོང་བའི་བརྡར་མཎྜལ་གྱི་མཐའ་བསྐོར་ནས་གཡོན་འཁོར་དུ་བྱས་ལ་རིམ་པས་བྱུག་པ་དང་བསྟུན། ༀ་བཛྲ་བྷུ་མི་ཨཱཿ ཧཱུྃ། གཞི་ཡོངས་སུ་དག་པ་དབང་ཆེན་གསེར་གྱི་ས་གཞི་ཞེས་བརྗོད་པས་མཎྜལ་གྱི་སྟེང་དུ་འབྱུང་བ་རིམ་བརྩེགས་ཀྱི་དཀྱིལ་འཁོར་ཡངས་ཤིང་རྒྱ་ཆེ་བ་དབང་ཆེན་གསེར་གྱི་ས་གཞི་རྒྱ་ཁྱོན་ཚད་ལས་འདས་པ་དང་། དྲི་བཟང་ཡང་རྒྱ་མཚོར་བསྒོམས་པར་བྱས་ལ།

སྔགས་ཀྱི་སྒྲ་དོན།

― GTN003_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཀྱི་སྒྲ་དོན་ནི། ཨ་མ་ར་ཀོ་ཥར་ༀ་ཡིག་རབ་སྔགས་དག་ནི་མཚུངས། །ཞེས་དང་། དེ་འབྲེལ་འདོད་འཇོར། ༀ་གྱི་སྒྲ་པྲ་ཎ་མ྄་སྟེ་རབ། སྔགས་སུ་གྲགས་པའོ། །ཞེས་དང་། ༀ་ནི་ཨེ་ཝཾ་རབ་སྔགས་ནོ་ཞེས་དྲག་པོས་སོ། །འབྱུང་པོ་རྣམས་སྲུང་བར་བྱེད་པས་ༀ་ཨ་བ་ལས་བྱོ་མན྄་ལ་སོགས་པ་ཉིད་ཀྱི་ཕྱིར་མན྄་ནིན྄་དང་། དེའི་དང་མཐའི་ཨཙཱ་ལ་སོགས་པ་དབྱིའོ། །ཞེས་བཤད་པས། ཨ་བ་དང་། རཀྵ་སྲུང་བའམ་སྐྱོང་བའི་བྱིངས་ལ། ཀ་ལ་པར། ཨ་བ་ལས་འ་ཨར྄་ལས་མ་ནིན྄་འོས་རྐྱེན་མ་ནིན྄། ཨིན྄་བརྗོད་དོན་ཨ་བ་ཏིའི་མཐའ་དབྱིབས་ཨན྄་ཕྱིས་ཚ་བ་དག་གི་ལྔ་པ་ལ་ཤ་ཨུཊ་འོས་ཝཱ་ཨུཊ། ཤྲཱིའི་ཨ་བི་མ་བི། ཛྭ་ཏི་ཏྭ་ར་རྣམས་ཀྱི་ཨུད་པ་དྷཱའིའང་ངོས་ཨའང་ཨཱུཊ། ཨ་ཡིག་ལས་ཨཱུཊའི་འཕེལ་བ་འོས་ཊ་གཉིས་ཕྱིས་མཚུངས་འདྲ་དང་། ནཱ་མིན྄་མཐའི་བྱིངས་ཡོན་ཏན་བྱས་པས་ཨོ་འཇིག་རྟེན་

― GTN003_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཉེར་སྤྱོད་ཀྱིས་མ་ང་རོ་བྱས་པས་ༀ་ཞེས་གྲུབ་སྟེ། རྡོ་རྗེ་རྩེ་མོ་ལས། ༀ་ནི་ཅི་ཞིག་ཡིན་པ་བཤད། །མཆོག་དང་ནོར་སྟེར་དཔལ་དང་གཡང་། །སྐལ་བ་བཟང་པོ་རྣམས་ལྡན་ཞིང་། །དམ་བཅའ་བ་དང་བཀྲ་ཤིས་དོན། །ནོར་བུ་འཛིན་པའི་སྙིང་པོ་ཡིན། །ཞེས་གསུངས་ཏེ། མཆོག་དང་། ནོར་དང་། དཔལ་དང་། གཏེར་དང་། གཡང་རྣམས་རིམ་བཞིན་དངོས་གྲུབ་དང་། ལོངས་སྤྱོད་དང་། དབང་ཕྱུག་དང་། བསོད་ནམས་དང་། ལུས་སེམས་བདེ་བར་མྱོང་བ་ལྟར་སྒྲུབ་པ་དང་དམ་བཅའ་བ་སྟེ་མི་འགྱུར་བ་དང་། བཀྲ་ཤིས་པ་དང་། རིགས་སྔགས་ཀྱི་ནོར་བུ་འཛིན་པ་སྟེ། སྙིང་རྗེ་རྟག་ཏུ་དགེ་བས་སྔགས་སྤྲུལ་ཞིང་སྔགས་བཟླས་པ་དེ་རྟོགས་པར་བྱེད་པའི་ཕྱིར། དོན་མཐར་ཕྱིན་པར་འགྱུར་བས་ན་སྔགས་ཀྱི་འགོ་འདྲེན་སུ་སྨོས་སོ་ཞེས་ཀྱང་ལ། ཡང་གཏེར་གཞུང་རྣམས་སུ། ཨཱ་ཟླ་ཚེས་འ་ཆུང་དང་བཅས་སྦྱར་བའི་ཡེ་ཤེས་ལྔར་བཤད་དེ། ཐིག་ལེ་མེ་ལོང་། ཟླ་ཚེས་སོར་རྟོག །ན་རོ་མཉམ་ཉིད། འ་བྱ་གྲུབ། ཨ་ཁོག་ཆོས་དབྱིངས་ཡེ་ཤེས་ཏེ། བཀའ་བརྒྱད་གསང་ཆེན་རིགས་གཅིག་གི་རྒྱུད་ལས། ཡེ་ཤེས་ཆོས་ཀྱི་དབྱིངས་ཡེ་ཤེས། རིགས་དེ་བཞིན་གཤེགས་པའི་རིགས། ཐིག་ལེ་སྤྲོས་པ་དང་བྲལ་བ་སྟེ། ཡེ་ཤེས་མེ་ལོང་ལྟ་བུའི་ཡེ་ཤེས། རིགས་རྡོ་རྗེའི་རིགས། ན་རོ་སྐྱེ་བ་མེད་པ་ལས་སྐྱེ་བས་ཆོ་འཕྲུལ་འབྱུང་བས། ཡེ་ཤེས་མཉམ་པ་ཉིད་ཀྱི་ཡེ་ཤེས། རིགས་རྡོ་རྗེའི་རིགས། ཟླ་ཚེས་གསལ་བ་མ་འདྲེས་པས། ཡེ་ཤེས་སོ་སོར་རྟོག་པའི་ཡེ་ཤེས། རིགས་པདྨའི་རིགས། འ་ལས་

― GTN003_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

མཐར་ཕྱིན་པ། ཡེ་ཤེས་བྱ་བ་ནན་ཏན་ཡེ་ཤེས། རིགས་ལས་ཀྱི་རིགས་སོ། །དེ་ལྟར་ཡེ་ཤེས་ལྔ་དང་སྐུ་ལྔ་ཨཱ་ལ་ཚང་བས། ཡེ་ཤེས་ལྔ་དང་སྐུ་ལྔས་མ་ཁྱབ་པའི་སངས་རྒྱས་ཡོད་པ་མ་ཡིན་ནོ། །ཞེས་སོགས་གསུངས་ཀྱང་། འདིར་ནི་བཀྲ་ཤིས་པའི་ཡི་གེས་མགོ་དྲངས་ཏེ་མཆོད་རྫས་ཀྱི་རང་བཞིན་ལ་མ་དག་པའི་ཉེས་སྐྱོན་ཐམས་ཅད་སྦྱོང་བར་བྱེད་པ་ལ་བཤད་དོ། ། བཛྲ་ནི་ཊུ་ཨོ་སྥུརྫི་རྡོ་རྗེ་ངེས་པར་འཐག་པའི་བྱིངས་ལ་ཙནྟྲའི་ཨུནྟྲ་མདོར་རཀྕི་བཀྕི་ཤ་ཀི་སོགས་ལས་རཀ྄་རྐྱེན་དབྱིངས་ཀྱི་རྒྱུ་ཨོ་འབྲོ་བ་དང་། རྐྱེན་གྱི་ཀ྄ིར་ཕྱིས། སྥུརྫིའི་བ་རྫི་འོས་དེར་བསྒྱུར་ཨིརྡ་ཕྱིས་དྲངས་པས་བཛྲ་གྲུབ་རྡོ་རྗེ་སྟེ། འོག་གཞིའི་ས་གཞི་དེ་ཉིད་སྲ་ཞིང་བརྟན་པའི་ཕྱིར་རྡོ་རྗེའི་སྒྲས་བཏགས་ཏེ། རྡོ་རྗེ་ནི་མི་ཆོད་པ། མི་ཤིགས་པ། བདེན་པ། སྲ་བ། བརྟན་པ། ཐམས་ཅད་དུ་ཐོགས་པ་མེད་པ། ཐམས་ཅད་དུ་མ་ཕམ་པ་ཞེས་ཆོས་བདུན་ལྡན་དུ་བཤད་དེ། རྡོ་རྗེ་རྩེ་མོ་ལས། སྲ་ཞིང་སྙིང་པོ་ཁོང་སྟོང་མེད། །གཅད་དང་གཞིག་པར་བྱ་བ་མེད། །སྲེགས་པར་བྱེད་དང་འཇིག་མེད་པས། །སྟོང་ཉིད་རྡོ་རྗེར་བརྗོད་པར་བྱ། །ཞེས་པ་ལྟར་ཏེ། དེ་ཡང་སྔོན་གྱི་བྱུང་བ་བརྗོད་ན། རི་རབ་ཀྱི་ཁོང་སེང་དུ་གནས་པའི་བྲམ་ཟེ་ཞོ་འཐུང་གི་རུས་པ་རྡོ་རྗེའི་རང་བཞིན་གྱི་ཡོན་ཏན་རྣམས་ཚངས་པ་ལ། ལྷའི་དབང་པོས་མཚོན་ཆ་བརྡར་བའི་ཕྱེ་མ་རྒྱ་གར་རྡོ་རྗེ་གདན་སོགས་སུ་འཐོར་བས་བསྐལ་པ་འཇིག་དུས་ཀྱང་སྟོང་པར་མི་ནུས་པ་དང་། འཛམ་གླིང་གི་ས་སྤྱིས་སངས་

― GTN003_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་ཀྱི་ཞབས་མི་ཐེག་ལ་དེར་བསྐལ་པ་བཟང་པོའི་སངས་རྒྱས་སྟོང་འབྱོན་ནུས་པ་སོགས་ཀྱི་དོན་དུ་འཇིག་རྟེན་ན་སོ་སྐྱེས་ཕལ་པ་རྣམས་ལ་གྲགས་པ་ལྟར་དང་། འདི་ཡང་སྟོང་ཉིད་ཀྱི་རང་བཞིན་ཅི་ཡང་འཕྲུལ་བའི་སྣོད་བཅུད་ཀྱི་བཀོད་པ་ལ་མཚན་མའི་བགེགས་ཀྱིས་འཇིག་པར་མི་ནུས་པས་རྡོ་རྗེར་བཤད་ལ། བྷུ་མི་ནི་ཨ་མ་ར་ཀོ་ཥར། ས་གཞི་གཡོ་མེད་མཐའ་ཡས་གཞི། །བཅུད་ལྡན་ཀུན་འགེངས་བརྟན་མ་དང་། །འཛིན་མ་འཛིན་བྱེད་འཆིང་བྱེད་གནས། །སྒྲ་ལྡན་རྒ་གནས་འོས་སྲུང་ཕྱིན། །ཀུན་བཟོད་ནོར་ལྡན་དབྱིག་འཛིན་དང་། །ཡང་ལྡན་ནོར་འཛིན་ཆུ་སྐྱོབ་པ། །རྒྱ་ཆེན་ཡང་མ་བཟོད་ལྡན་དང་། །སྲུང་བྱེད་ཞག་ལྡན་མཆོད་བྱེད་དོ། །ཞེས་ས་གཞིའི་མིང་གི་མངོན་བརྗོད་ཀྱི་རྣམ་གྲངས་མང་དུ་གསུངས་ལ། དེ་འབྲེལ་འདོད་འཇོར། བྷུ་ཞེས་པ་འདི་ལས་འབྱུང་པོ་རྣམས་འབྱུང་བས་ན་ས་གཞི་སྟེ། སམ་པད྄་སོགས་ཀྱིས་ཀྭ྄ཀོ་བྷཱུ་མི་སྐྲུན་བྱེད་དོ། །ཨཱུརྨྨི། རཤླི། བྷཱུ་མི་རྣམས་སོ། །ཞེས་པས་མིང་དང་། ཨར྄་ཨིང྄་ལིད་པའོ། །ཞེས་བཤད་པ་ལྟར། བྷཱུ་ཡོད་པ་ལ། ཙཱནྟྲའི་ཨུཎ་མདོར་བྱུང་བ་ལྟར་མི་བྱིན་པས་བྷུ་མི་ཞེས་གྲུབ་པས་ས་གཞི་ལ་འཇུག་སྟེ། དེ་ཡང་བསྐལ་པའི་ཆགས་ཚུལ་དང་བསྟུན་ན། སྡུད་པ་ལས། མཁའ་ལ་རླུང་བརྟེན་དེ་ལ་ཆུ་ཡི་ཕུང་པོ་བརྟེན། །དེ་ལ་ས་ཆེན་འདི་བརྟེན་ཞེས་པས། གང་གི་ཚེ་འཇིག་རྟེན་སྟོང་པའི་བར་བསྐལ་ཉི་ཤུ་རྫོགས་པའི་རྗེས་ལ། དང་པོ་མཁའ་ནི་རྒྱུ་སེམས་ཅན་སྤྱི་མཐུན་གྱི་ལས་ཀྱིས་གྲུབ་སྟེ། འདིའི་དུས་ན་ཡིད་རྣམ་པར་དྭངས་པ་ཞེས་བྱ་བའི་ནམ་མཁའ་དཀར་པོའི་འོད་དང་ལྡན་པ་ཆོས་སྟོང་

― GTN003_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གཅིག་གི་སྣོད་བརྟེན་པར་བྱེད་པ་ཆགས་སོ། །དེའི་སྟེང་དུ་རླུང་གི་དཀྱིལ་འཁོར་ཏེ། རིང་བའི་རྒྱུ་འདིར་སྐྱེ་བའི་སེམས་ཅན་ཐུན་མོང་གི་ལས་དང་། ཉེ་བའི་རྒྱུ་ནི་རླུང་ལྔ་སྟེ། དེ་ཡང་རྣམ་པར་སྲུབ་བྱེད་ཀྱི་རླུང་ཞེས་བྱ་བ་སྔོ་ལ་འཕྱུར་བ་ལངས་པ་ལས་ཀུན་ཏུ་ཁྱབ་བྱེད་ཀྱི་རླུང་ཞེས་བྱ་བས་ཕྱོགས་ཀུན་ཏུ་བརྡལ་ཏེ་ནམ་མཁའ་ལ་ན་བུན་ལྟར་འཁྲིགས། རྩུབ་འགྱུར་གྱི་རླུང་ཡཾ་ཞེས་བྱ་བའི་རང་སྒྲ་བཅས་པས་ནམ་མཁའ་ལ་སྤྲིན་བཞིན་གཏོར། རྣམ་པར་སྡུད་བྱེད་ཀྱི་རླུང་གིས་དེ་དག་བསྡུས་པས་རྒྱ་ཆེ་ལ་དཔངས་མཐུག་པར་བྱས། སྨིན་བྱེད་མེའི་རླུང་དམར་གསལ་ལས་མེ་མཆེད་ནས་བསྲེགས་པས་རླུང་གི་དཀྱིལ་འཁོར་འཇམ་ཞིང་ཁོད་སྙོམས་པར་ཆགས། འབྱེད་བྱེད་རླུང་གི་རླུང་ཞེས་བྱ་བས་ཁ་དོག་སྣ་ཚོགས་པར་འུར་གྱིས་ལངས་པ་ལས་དེ་དག་སོ་སོར་གཏོར། དེ་ནས་སྲུབ་བྱེད་གྱི་རླུང་གིས་བསྲུབས་པས་ལེགས་པར་ཆགས་པ་ཡིན་ལ། རླུང་གི་ཁ་དོག་ནི་ནོར་བུ་ཨིནྡྲ་ནཱི་ལའི་རྣམ་པ་ལྟ་བུའོ། །དབྱིབས་ནི་རྡོ་རྗེ་རྒྱ་གྲམ་ལ་མུ་ཁྱུད་ཟླུམ་པོས་བསྐོར་བ་ལྟ་བུའོ། །ཚད་ནི་རྔམས་སུ་དཔག་ཚད་ས་ཡ་དྲུག་འབུམ་དང་། རྒྱར་གྲངས་མེད་པར་ཡོད་དོ། །བྱེད་ལས་སྲ་ཞིང་མཁྲེགས་པ་དེས་ཆུ་ལ་སོགས་པ་བརྟེན་པའི་ལས་བྱེད་དོ། །དེ་ལྟར་རླུང་གི་དཀྱིལ་འཁོར་ཆགས་པའི་རྗེས་ལ། ཆུའི་དཀྱིལ་འཁོར་ནི་སྟེང་གི་ནམ་མཁའ་ལ་གསེར་གྱི་སྙིང་པོ་ཅན་གྱི་སྤྲིན་འདུས་པ་ལས་ཆར་གྱི་རྒྱུན་ཤིང་རྟའི་སྲོག་ཤིང་ཙམ་དུ་བབས་པས་ཞི་བ་གསལ་དག་གི་ཆུ་ཞེས་བྱ་བ་དབྱིབས་ཟླུམ་པོ་ཟླ་བ་རྒྱས་པ་ལྟ་

― GTN003_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་རྔམས་སུ་དཔག་ཚད་འབུམ་ཕྲག་བཅུ་གཅིག་དང་ཉི་ཁྲི་པ་ལས་གཞན་དུ་མི་འཁོ་བའི་ཕྱིར། མཐའ་བསྐོར་རྣམས་ནས་བརྟེན་པར་བྱེད་པའི་རླུང་གིས་བསྐོར་བའོ། །དེའི་སྟེང་གི་དཀྱིལ་འཁོར་གྱི་རྒྱུ་ནི་ཆུའི་འོག་གཞི་རླུང་གི་དཀྱིལ་འཁོར་ལས་སྲུབ་བྱེད་ཀྱི་རླུང་ཞེས་བྱ་བ་གཟེར་བའི་སྒྲ་དང་བཅས་པ་ཞིག་བྱུང་ནས་ཆུ་དེ་དག་ཀུན་ནས་བསྡུས་ཤིང་བསྲུབས་པ་ལས་གསེར་གྱི་ས་གཞི་མཚོ་ལ་དར་ཆགས་པ་ལྟར་གྲུབ་སྟེ་དབྱིབས་གྲུ་བཞི་ཁ་དོག་སེར་པོ་དང་། ཆུ་ཡི་ཟབས་སུ་དཔག་ཚད་སུམ་འབུམ་དང་ཉི་ཁྲི་ཆུ་དང་ས་གཉིས་ཀའི་རྒྱར་དཔག་ཚད་འབུམ་ཕྲག་བཅུ་གཉིས་དང་སྟོང་ཕྲག་གསུམ། བརྒྱ་ཕྲག་ཕྱེད་ལྔ་སྟེ། མཐར་བསྐོར་ནི་སུམ་འགྱུར་རོ། །དེས་བརྟེན་པ་ས་གཞིའི་རྣམ་བཞག་ཅུང་ཟད་འཕྲོས་དོན་དུ་སྨོས་པ་སྟེ། ད་ལམ་གྱི་སྐབས་སུ་ནི་སྐད་ཅིག་གིས་ཐོལ་བྱུང་དུ་དབང་ཆེན་གསེར་གྱི་ས་གཞིར་བསྐྱེད་པ་ཡིན་པས་འདིར་བརྗོད་པ་མི་འབྲེལ་ལོ་སྙམ་ན། གོ་བ་སློང་བའི་ཕྱིར་ཟུར་ཙམ་སྨྲས་པ་ལ་འགལ་བར་མི་སེམས་ཏེ། ཇོ་ནང་རྗེ་བཙུན་གྱིས་དུས་འཁོར་སྦྱོར་དྲུག་གི་ཁྲིད་ཡིག་ཏུ། མཎྜལ་གྱི་གཞི་རྟེན་དུ་རླུང་མེ་ཆུའི་དཀྱིལ་འཁོར་རྣམས་བསྒོམ་ནུས་ནའང་ལེགས་ལ་མ་བསྒོམས་ཀྱང་མི་འགལ་ཞེས་གསུངས་པའི་ཕྱིར་རོ། ། ཨཱཿ ནི་དེ་བཞིན་གཤེགས་པ་ཐམས་ཅད་ཀྱི་གསུང་རྡོ་རྗེར་མཚོན་པའི་ས་བོན་ཡིན་ལ། འདིར་ནི་སྣང་སྲིད་ཐམས་ཅད་མཆོད་པའི་ཕྱག་རྒྱ་ཆེན་པོའི་རང་བཞིན་དུ་གནས་པ་ལ། དེ་ལྟ་བུར་རྟོགས་པ་ཏིང་ངེ་འཛིན་གྱི་སྤེལ་བའི་དགོས་

― GTN003_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ཏེ། སྒྱུ་འཕྲུལ་གསང་སྙིང་ལས། མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ཀྱིས། །ཕྱོགས་བཅུ་ཐམས་ཅད་སངས་རྒྱས་ཞིང་། །ཞེས་བཤད། ཧཱུྃ་ཡིག་ནི་གཏེར་གཞུང་རྣམས་སུ་ཟླ་ཚེས་སྦྱར་ནས་ཞབས་ཀྱུ་མཉམ་ཉིད་དང་། གཞན་ༀ་ལྟར་ཡེ་ཤེས་ལྔ་སྦྱར་བ་དང་། ཡང་ན་བྱང་ཆུབ་ཀྱི་སེམས་ལྔར་སྦྱར་བ་ཡང་ཡོད་དེ། བཀའ་བརྒྱད་བདེ་འདུས་གསང་ཆེན་རིགས་གཅིག་གི་རྒྱུད་ལས། ཧ་དོན་དམ་བྱང་ཆུབ་ཀྱི་སེམས་མཚོན་པ་མྱ་ངན་ལས་འདས་པ་བྱང་ཆུབ་ཀྱི་སེམས་དང་། ཟླ་ཚེས་ནི་རང་བཞིན་མེད་པ་བྱང་ཆུབ་ཀྱི་སེམས་སོ། །ཞབས་ཀྱུ་མཁའ་ཀློང་ཡངས་པ་བྱང་ཆུབ་ཀྱི་སེམས་སོ། །འ་མ་ཚང་བ་མེད་པ་བྱང་ཆུབ་ཀྱི་སེམས་སོ། །ཐིག་ལེ་ནི་མ་བཅོས་པའི་མཐའ་གང་ལའང་མི་གནས་པའི་བྱང་ཆུབ་ཀྱི་སེམས་སོ། །ཞེས་དང་། ཞལ་ལུང་འགྲེལ་བ་སྨན་ཞབས་ཀྱིས་མཛད་པར་ནི་རིགས་ལྔའི་མཚོན་བྱར་མཛད་དེ་ཇི་སྐད་དུ། ཟླ་ཕྱེད་ཐིག་ལེ་རྣམས་སྒེག་པ། །མགོ་བོ་ཨེ་ཡིག་མཐུར་དུ་བལྟས། །མི་བསྐྱོད་པ་ཡི་ངོ་བོ་འོ། །དྲིལ་བུ་ལྟ་བུའི་ལུས་ཉིད་ནི། །རིན་ཆེན་རྟགས་ཀྱི་ངོ་བོ་འོ། །དེ་ཡི་ཕྱི་རོལ་དབྱུག་པ་ནི། །ཚེ་དཔག་མེད་ཀྱི་ངོ་བོ་འོ། །རིང་པོ་ཨཱུ་ནི་ཕྱི་ཕྱོགས་འགྱུར། །དོན་ཡོད་གྲུབ་པའི་ངོ་བོ་འོ། །ཞེས་རྒྱ་ཡིག་གི་ཧཱུྃ་སྦྱར་བ་ལྟར། ཟླ་ཚེས་ཐིག་ལེ་རྣམ་སྣང་། མགོ་བོ་མི་བསྐྱོད་པ། ཧའི་ཁོག་པ་རིན་འབྱུང་། འ་ཚེ་དཔག་མེད། ཨུ་དོན་གྲུབ་དང་སྦྱར་ནས་བཤད་པ་སོགས་ཡོད་ཀྱང་འདིར་ནི་ཧཱུྃ་ཡིག་མི་བསྐྱོད་པའི་ས་བོན། མེ་ལོང་

― GTN003_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་ཀྱིས་མེ་ལོང་གི་ངོས་སུ་ཅི་ཡང་འཆར་བ་ལྟར་མཆོད་རྫས་རྣམ་པ་གང་འདོད་པའི་དངོས་པོ་ཅི་ཡང་བསྒྱུར་བར་བྱེད་པའི་དགོས་ཆེད་དོ། ། དེ་ནས་སྔར་གྱི་དྲིའི་ཐིག་ལེ་བྱུགས་བཞིན་པའི་ལག་པ་མ་བཏེགས་པའི་འཕྲོ་དེར་སྲིན་ལག་གིས་མཎྜལ་གྱི་མཐའ་ནས་སྐོར་ཞིང་། ༀ་བཛྲ་རེ་ཁེ་ཨཱཿཧཱུྃ་ཕྱིའི་ལྕགས་རི་ཁོར་ཡུག་གིས་སྐོར་བའི་དབུས་སུ་ཧཱུྃ་ཞེས་བརྗོད་ནས། དབུས་སུ་ནས་འཐོར་ལ། སྔགས་ཀྱི་སྒྲ་དོན། ༀ་ཨཱཿཧཱུྃ་སྐུ་གསུམ་གྱི་ས་བོན་ཏེ་ཕྱི་སྣོད་བཅུད་སྤྲུལ་སྐུའི་མཎྜལ་དང་། ནང་རྟོག་ཚོགས་མཆོད་པའི་ཕྱག་རྒྱར་སྤྲོ་བ་ལོངས་སྐུའི་མཎྜལ། གསང་བ་འབུལ་བྱ་འབུལ་བྱེད་འབུལ་ཡུལ་སོགས་མི་དམིགས་པའི་རྩིས་ཟིན་པ་ཆོས་སྐུའི་མཎྜལ་ཏེ་རྣམ་པ་གསུམ་ཀའི་མཎྜལ་འདུ་བར་མཚོན་པ་དང་། བཛྲ་རྡོ་རྗེ་སྟེ་དེ་གསུམ་ཀ་དབྱེར་མེད་རྡོ་རྗེའི་རང་བཞིན་དུ་ཟུང་དུ་འཇུག་པའམ། ཡང་ན་བཛྲ་རེ་ཁེ་ཞེས་རྡོ་རྗེའི་རི་མོ་ཞེས་པར་འགྱུར་བས། དོན་དུ་སྔར་བཤད་ལྟར་གྱི་ས་གཞིའི་མཐའ་ནས་མུ་ཁྱུད་ལྕགས་ལས་གྲུབ་པའི་བསྐོར་བ་ལ་བཤད་ལ། ལར་གླིང་བཞི་རི་རབ་འདོད་ལྷའི་གནས་དྲུག་ཚངས་པའི་འཇིག་རྟེན་དང་བཅས་པ་གཅིག་གི་མཐར་ཁོར་ཡུག་མུ་ཁྱུད་དཔག་ཚད་བཞི་ཁྲི་འཕགས་པའི་བསྐོར་བ་ལ་གླིང་བཞི་པའི་འཇིག་རྟེན་གྱི་ཁམས་ཞེས་བྱ་ལ། དེ་འདྲ་བ་སྟོང་གི་མཐའ་ལ་སུམ་ཅུ་རྩ་གསུམ་པའི་ལྷ་གནས་དང་མཉམ་པའི་ལྕགས་རིས་བསྐོར་བ་ལ་སྟོང་དང་པོ་སྤྱི་ཕུད་དང་། དེ་འདྲ་བ་སྟོང་གི་མཐའ་ལ་གཞན་འཕྲུལ་

― GTN003_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མཉམ་པའི་ལྕགས་རིས་བསྐོར་བ་ལ་སྟོང་བར་མ། དེ་འདྲ་བ་སྟོང་གི་མཐར་ཚངས་རིས་དང་པོ་དང་མཉམ་པའི་མཐོ་ཁྱད་པར་ཅན་གྱི་ལྕགས་རི་མུ་ཁྱུད་དང་བཅས་པས་བསྐོར་བ་ལ་སྟོང་གསུམ་གྱི་སྟོང་ཆེན་པོ་ཞེས་བྱ་སྟེ། དེའི་ནང་ན་ནི། རི་དང་། གླིང་དང་། ཉི་མ། ཟླ་བ་སོགས་ཐེར་འབུམ་ཆེན་པོ་བྱེ་བ་ཕྲག་བརྒྱར་གནས་པར་བཤད་ཅིང་། དུང་ཕྱུར་ནས་བཅུ་འགྱུར་གྱིས་འགྲེ་བས་གོང་འཕེལ་དུ་འགྱུར་བའི་མིང་ལ་ཐེར་འབུམ་དང་། ཐེར་འབུམ་ཆེན་པོ་སོགས་སུ་བགྲངས་པ་ཡིན་ལ། དེས་ན་སྟོང་གསུམ་གྱི་འཇིག་རྟེན་འདི་དག་ཐ་དད་པ་ལྟར་སྣང་ཡང་འོག་གཞི་རླུང་གི་དཀྱིལ་འཁོར་གཅིག་གི་རང་བཞིན་དུ་རྩ་བ་རྟེན་པ་གཅིག་པས་ཆགས་པ་ན། ཤར་དང་ལྷོ་ནུབ་བྱང་མཚམས་རྣམས་སུ་སྟེང་ནས་ཆར་བབས་པ་ལ་སོགས་པའི་རྐྱེན་གྱིས་རྡུལ་ཕྲན་འདུས་པ་ལས་ཆགས་པས་འགལ་བར་མི་འགྲོ་ལ། འདི་ནི་ལམ་པའི་བློ་ཁྱད་ཀྱི་དམིགས་པའི་གང་འཚམས་པར་བསྒོམ་པས་ས་གཞིའི་མཐར་ལྕགས་རིས་བསྐོར་བར་བསྒོམ་པ་ཡིན་པས་མཐའ་གཅིག་ཏུ་ལྕགས་རིའི་རྒྱ་དཔངས་སོགས་ཁ་ཚོན་གཅོད་དུ་མེད་ལ། དེའི་དབུས་སུ་ཧཱུྃ་ཞེས་བརྗོད་པ་ནི། རྡོ་རྗེ་རྩེ་མོ་ལས། སྡུག་བསྔལ་འཆོས་ཤིང་འཇོམས་བྱེད་ཅིང་། །སྲིད་པའི་ཞགས་པ་གཅོད་པར་བྱེད། །གདུག་པ་སྔངས་ཤིང་གསོད་བྱེད་པར། །ཧཱུྃ་ནི་མཆོག་ཏུ་དྲན་པར་བྱ། །ཞེས་བཤད་ལ། འདི་ནི་ཁྲོ་བོ་ཐམས་ཅད་འདུས་པའི་ཡང་སྙིང་བརྗོད་པས་བགེགས་བསལ་བ་ཡིན་པར་བཤད་ལ།
འདིར་འགའ་ཞིག་གིས་ཧཱུྃ་ལས་ཞེས་རི་རབ་བསྐྱེད་པའི་ས་བོན་དུ་འདོད་པ་མང་ཡང་། རྗེ་ཏཱ་ར་ན་ཐས་ནི་འདིར་སྐད་ཅིག་གིས་བསྐྱེད་པ་ལ་ས་བོན་མི་དགོས་ཏེ། གལ་སྲིད་ས་བོན་དགོས་པའི་དབང་དུ་བགྱིས་ཀྱང་ཧཾ་ལས་རི་རབ་བསྐྱེད་པ་ཡིན་པས་ཧཱུྃ་མིན་ལ། དེའི་ཚེ་ལ་ལས་ལུས་འཕགས་པོ་བསྐྱེད་པ་སོགས་ཚོམ་བུ་ཐམས་ཅད་ལ་ས་བོན་ཡོད་དགོས་པར་འགྱུར་ཞེས་གསུངས་ཀྱང་མཐའ་གཅིག་ཏུ་འདི་ཡིན་ལ་འདི་མིན་ཞེས་ངོས་གཟུང་བྱར་མེད་ཀྱང་བདག་གི་བླ་མ་རྣམས་ནི་བགེགས་སྐྲོད་བྱེད་དུ་བཞེད་དོ། །

མཎྜལ་གྱི་དབུས་སུ་ཚོམ་བུ་ཆེ་བ།

― GTN003_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

༡༜ དེ་ནས་མཎྜལ་གྱི་དབུས་སུ་ཚོམ་བུ་ཆེ་བ་གཅིག་བཀོད་ནས་རི་ཡི་རྒྱལ་པོ་རི་རབ་ཅེས་བརྗོད་པའི་ཚེ་རི་རབ་དང་། དེའི་རྗེས་འབྲངས་སུ་གསེར་གྱི་རི་བདུན། རོལ་པའི་མཚོ་བདུན་སོགས་ཀྱང་བསྒོམ་པར་འབྲེལ་ཞིང་། དེ་ཡང་སྔར་བསྐལ་པའི་ཆགས་ཚུལ་བཤད་པའི་འཕྲོས་དང་སྦྲེལ་ནས་རིའི་རྒྱུ་ནི། གསེར་གྱི་ས་གཞིའི་སྟེང་དུ་སྨིན་པར་བྱེད་པའི་རླུང་གིས་ཆུ་དང་སའི་དཀྱིལ་འཁོར་བསྲུབས་ཤིང་ནམ་མཁའ་ལས་ཁམས་སྣ་ཚོགས་པ་ཅན་གྱི་སྤྲིན་ལས་ཆུའི་རྒྱུན་ཡུན་རིང་པོར་བབས་པ་ལས་གྲུབ་སྟེ། དེ་ཡང་ཁམས་དང་པོ་འབྱེད་སྡུད་ཀྱི་རླུང་ལས་རི་རབ་ལྷུན་པོ་བྱེ་བ་ཕྲག་བརྒྱར། ཁམས་འབྲིང་པོ་འབྱེད་སྡུད་ཀྱི་རླུང་ལས་གསེར་གྱི་རི་བདུན་བྱེ་བ་ཕྲག་བརྒྱ་ཁམས་ཐ་མ་འབྱེད་སྡུད་ཀྱི་རླུང་ལས་ཕྱི་རོལ་ཁོར་ཡུག་ལྕགས་རི་གླིང་བཞི་གླིང་ཕྲན་དང་བཅས་པ་བྱེ་བ་ཕྲག་བརྒྱ་གྲུབ་པར་འགྱུར་ལ། དེ་ནས་དབུས་ཀྱི་རི་རྒྱལ་ལྷུན་པོ་དེའི་མཚན་ཉིད་གང་ཞིག་ཞེ་ན། ཇི་སྐད་དུ། རི་རབ་

― GTN003_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་ཆེན་ལས་གྲུབ་ནི། །ཤར་ཤེལ་ལྷོ་ཕྱོགས་བཻ་ཌཱུརྱ། །ནུབ་ཕྱོགས་པདྨ་རཱ་ག་ལས། །དེ་བཞིན་བྱང་ཕྱོགས་གསེར་ལས་གྲུབ། །ཅེས་པས་རི་རབ་ཀྱི་ཤར་ཕྱོགས་དངུལ་ལམ་ཤེལ་ལས་གྲུབ་པས་དཀར་པོ། ལྷོ་ཕྱོགས་བཻ་ཌཱུརྱ་ལས་གྲུབ་པས་སྔོན་པོ། ནུབ་པདྨ་རཱ་གའི་ཆུ་ཤེལ་དམར་པོ་ལས་གྲུབ་པས་དམར་པོ། བྱང་གསེར་ལས་གྲུབ་པས་སེར་པོ། ཕྱོགས་བཞིའི་ནམ་མཁའ་དང་ཆུ་ཡང་དེ་དང་དེའི་མདོག་ཏུ་སྣང་བ་དབྱིབས་གྲུ་བཞི་དཔངས་སུ་དཔག་ཚད་འབུམ་ཕྲག་གཅིག་དང་དྲུག་ཁྲི་ཡོད་པ། འོག་གི་རྩ་བ་དབང་ཆེན་གསེར་གྱི་ས་གཞི་ལ་ཟུག་ཅིང་། དཔག་ཚད་བརྒྱད་ཁྲིར་རྒྱ་མཚོ་ཆེན་པོའི་ཆུ་ནང་དུ་ཚུད་པ་ནི་རི་རབ་ཁོ་ནར་མ་ཟད་རི་དགུ་དང་། གླིང་བཅུ་གཉིས་པོ་ཐམས་ཅད་ལ་མཚུངས་ཤིང་། ལྷུན་པོ་ཆུ་ལས་སྟེང་དུ་བརྒྱད་ཁྲི་འཕགས་པས་ཆུ་ཡི་སྟེང་དུ་བང་རིམ་བཞི་ཡོད་པས། བང་རིམ་འོག་མ་རླུང་གི་ནང་རིམ་གཡུའི་རྡོ་རྗེ་ཅན་ཞེས་བྱ་བ། རི་རབ་ལས་ཕྱིར་དཔག་ཚད་ཆིག་ཁྲི་དྲུག་སྟོང་ལྷག་པའི་ཟུར་ནས་ཟུར་གྱི་རིང་ཚད་ལ་ཞེང་ལས་སུམ་འགྱུར་དུ་ཡོད་པ་བང་རིམ་ཕྱི་མ་གསུམ་ཀར་ཡང་འདྲེས་ལ། དེའི་སྟེང་དུ་བང་རིམ་གཉིས་པ་ཆུའི་བང་རིམ་རྣམ་པར་སྲུང་བ་ཞེས་བྱ་བ་དཔག་ཚད་སྟོང་ཕྲག་བརྒྱད། རི་རབ་ལས་ཕྱིར་རོལ་དུ་ལྷག་པ། དེའི་སྟེང་དུ་བང་རིམ་གསུམ་པ་ཤེལ་འོད་འབར་བ་ཞེས་བྱ་བ་དཔག་ཚད་སྟོང་ཕྲག་བཞི་ཕྱིར་ལྷག་པ། དེའི་སྟེང་དུ་བང་རིམ་བཞི་པ་འཁོར་ལོ་རྣམ་པར་བརྩེགས་པ་ཞེས་བྱ་བས་སྟོང་ཕྲག་གཉིས་ཕྱིར་འཕགས་པ་བང་རིམ་རེ་རེའི་དཔངས་ལ་དཔག་ཚད་སྟོང་ཕྲག་བཅུ་རེ་ཡོད་པས་ཆུ་མཚམས་ཡན་ཆད་ཀྱི་རི་

― GTN003_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ཀྱི་ཕྱེད་ཁར་སླེབས་པ་སྟེ། རི་འདི་ཤིན་ཏུ་ལྷུན་ཆགས་ཤིང་མཛེས་པས་རི་དབང་ལྷུན་པོ་ཞེས་བྱའོ། ། དེའི་ཕྱི་རོལ་དུ་གསེར་གྱི་རི་བདུན་གྱིས་གྲུ་བཞིར་བསྐོར་བའི་ནང་མ་གཉའ་ཤིང་འཛིན་ནི། ཤིང་རྟའི་གཉའ་ཤིང་ལྟར་རྩེ་མོ་དྲང་བས་ན་དེ་སྐད་ཅེས་བྱ་བ་ལ་དེ་ནས་ཕྱི་རོལ་དུ་རིམ་པ་བཞིན་གཤོལ་མདའ་ལྟར་དྲང་བས་གཤོལ་མདའ་འཛིན་རྩ་བར་སེང་ལྡེང་གི་ནགས་ཚལ་ཡོད་པས་སེང་ལྡེང་ཅན། རིའི་རྩེ་མོ་ཤིན་ཏུ་མཛེས་པ་ཡོད་པས་བལྟ་ན་སྡུག །རྩེ་མོར་བྲག་རྟའི་རྣ་བ་ལྟ་བུ་ལོགས་སུ་ཆད་པ་ཅིག་ཡོད་པས་རྟ་རྣ་ཅན། རིའི་རྩེ་མོ་ནང་དུ་ཅུང་ཟད་འདུད་པས་རྣམ་འདུད་དང་། རི་དྲུག་པོ་ཐམས་ཅད་ཀྱི་མཐའ་བསྐོར་དུ་འཁོར་ལོའི་མུ་ཁྱུད་བཞིན་དུ་བསྐོར་ནས་ཡོད་པས་མུ་ཁྱུད་འཛིན་ཞེས་བྱ་ལ། དེ་ཡང་རྒྱགས་བརྔན་གྱི་བསངས་གཞུང་ཕལ་ཆེ་བ་རྣམས་སུ། རྩ་བ་མཁན་པ་གསེར་གྱི་མེ་ཏོག་ཅན། །སྐྱེད་པ་ཤིང་སྐྱེས་གཡུ་ཤུག་རལ་པ་འཛིན། །རྩེ་མོར་བ་ལུ་དུང་གི་མེ་ཏོག་ཅན། །སོགས་ཡོད་པར་བཤད་པས་རྟ་རྣ་ཞེས་པ་དེའང་འདིའི་རྟ་རྣ་ཅན་འདི་ཡིན་ལ། དེ་ཡང་རི་ཐམས་ཅད་ནང་མ་ལ་ཇི་ཙམ་འཕགས་པའི་ཕྱེད་ཕྱེད་ཀྱིས་ཕྱི་མ་རྣམས་དམའ་བས་ཏེ། གསེར་རི་དང་པོ་ཆུ་མཚམས་ནས་གྱེན་དུ་དཔག་ཚད་བཞི་ཁྲིར་ཐོན་པ་དང་། གཉིས་པར་ཉི་ཁྲི། གསུམ་པར་ཁྲི། བཞི་པར་ལྔ་སྟོང་། ལྔ་པ་ལ་ཉིས་སྟོང་ལྔ་བརྒྱ། དྲུག་པ་ལ་སྟོང་དང་ཕྱེད་ལ་སུམ་བརྒྱ། བདུན་པ་ལ་དྲུག་བརྒྱ་དང་ཉི་ཤུ་རྩ་ལྔ་སྟེ། ཞེང་དུ་སོ་སོའི་ཆུ་ལས་གྱེན་དུ་འཕགས་པའི་དཔངས་ཇི་སྙེད་པ་དེ་སྙེད་དོ། །

― GTN003_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

རི་རབ་ནས་མུ་ཁྱུད་འཛིན་གྱི་བར་སྟོང་ཆ་ཐམས་ཅད་དུ་བསིལ་བ། ཞིམ་པ། འཇམ་པ། ཡང་བ། དྭངས་ཤིང་སྤྲོ་བ། དྲི་ང་བ་མེད་པ། འཐུང་ན་ལྟོ་བར་མི་གནོད་པར་མགྲིན་པར་ཡང་མི་གནོད་པ་སྟེ་རོལ་མཚོ་ཡན་ཡག་བརྒྱད་ལྡན་པས་གང་བ་སྟེ། འདུལ་བ་ལུང་ལས། བསིལ་དང་ཞིམ་དང་ཡང་དང་འཇམ། །དྭངས་དང་དྲི་མ་མེད་པ་དང་། །འཐུང་ན་ལྟོ་བར་འཇམ་པ་དང་། །མགྲིན་པ་ལ་ཡང་མི་གནོད་དང་། །ཡན་ལག་བརྒྱད་ལྡན་ཆུར་འདོད་དོ། །ཞེས་གསུངས་པ་ལྟར་ཏེ། དེ་ཡང་རོལ་མཚོ་དང་པོའི་ཞེང་ལ་དཔག་ཚད་བརྒྱད་ཁྲི། གཉིས་པར་བཞི་ཁྲི། གསུམ་པར་སུམ་ཁྲི། བཞི་པར་ཆིག་ཁྲི། ལྔ་པར་ལྔ་སྟོང་། དྲུག་པར་ཉིས་སྟོང་ལྔ་བརྒྱ། བདུན་པར་སྟོང་དང་ཕྱེད་སུམ་བརྒྱ། མུ་ཁྱུད་འཛིན་ནས་མུ་ཁྱུད་འཛིན་ཆེན་པོའི་བར་ལ་རྒྱ་མཚོའི་ཁ་ཞེང་དུ་དཔག་ཚད་འབུམ་ཕྲག་གསུམ་དང་སྟོང་ཕྲག་ཉི་ཤུ་རྩ་གཉིས་ཡོད་ལ། མཚོ་དེ་དག་ལ་ཀླུ་ཆེན་པོ་བརྒྱད་བསྐལ་པར་གནས་ཤིང་རྩེ་བ་དང་རོལ་པའི་གནས་ཡིན་པས་རོལ་མཚོ་ཞེས་གྲགས་ཏེ། ཀླུ་བརྒྱད་ནི་དགའ་བོ་དང་། ཉེ་དགའ་དང་། རྟའི་གཞི་དང་། བཏང་བཟུང་དང་། གཟི་ཅན་དང་། ཡུལ་འཁོར་སྲུང་དང་། ནག་པོ་ཆེན་པོ་དང་། ཨེ་ལའི་འདབ་བོ། །དེ་དག་ཀྱང་ལྷ་མ་ཡིན་དང་གཡུལ་འགྱེད་པ་ན་བརྒྱ་བྱིན་གྱི་དམག་དཔུང་བྱེད་ཅིང་སྐྱེ་བ་རྣམ་པ་བཞི་ཀ་ལ་སྐྱེའོ། །མུ་ཁྱུད་འཛིན་ནས་ཕྱིའི་ལྕགས་རི་ཁོར་ཡུག་གི་བར་གྱི་རྒྱ་མཚོ་ནི་མཐའི་རྒྱ་མཚོ་སྟེ་ལན་ཚྭའི་ཆུར་བཤད་ལ། རི་རབ་ཀྱི་དཔངས་ཚད་སོགས་ལ་དུས་འཁོར་དང་མངོན་པ་དགོངས་གཞི་ཐ་དད་ཀྱང་འདིར་མངོན་པའི་

― GTN003_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་པ་དང་ཕལ་ཆེར་བསྟུན་པ་ཡིན་ལ། དུས་འཁོར་ལྟར་ན་གླིང་དྲུག་དང་། རིགས་དྲུག་དང་། མཚོ་དྲུག་རྣམས་ཀྱང་བསྒོམ་པར་བཤད་དེ། རྒྱུད་(དུས་འཁོར་)ལས། ལན་ཚྭ་ཆང་དང་ཆུ་དང་འོ་མ་དང་ཞོ་དང་མར་དང་སྦྲང་རྩིའི་རྒྱ་མཚོ་བདུན་ཏེ། རི་བོ་ནི་འོད་སྔོན་མནྡྷ་ར་རི་ནི་ཥ་ཊ་དང་ནོར་བུའི་འོད་དང་དྲོ་ཎ་བསིབས་རི་རྡོ་རྗེའོ། །གླིང་ནི་ཟླ་བར་འོད་དཀར་དག་དང་རབ་མཆོག་ཀུ་ཤ་དང་ནི་མིའམ་ཅི་དང་ཁྲུང་ཁྲུང་དང་། དྲག་པོ་ཡང་ནི་ལོངས་སྤྱོད་ས་སྟེ་བདུན་པ་འཛམ་བུའི་མི་རྣམས་གནས་པ་དག་ནི་ལས་ཀྱི་ས། ཤར་དུ་རླུང་ནི་ཤིན་ཏུ་ཟླུམ་པོར་འགྱུར་ཏེ་མི་ཡི་བདག་པོ་ལྷོ་རུ་མེ་ནི་གྲུ་གསུམ་མོ། །བྱང་དུ་ཆུ་ནི་ཕྱེད་ཀྱི་ཟླ་བ་དག་དང་ནུབ་ཏུ་གསེར་མཆོག་ས་ནི་ཆུ་ཡི་གཏེར་གྱི་ཟུར། ཞེས་པ་དང་། ཆུ་གཏེར་དྲུག་པོ་ཐམས་ཅད་དག་ཀྱང་ཟླ་བ་ཟླ་ཕྱེད་པ་གཅིག་གིས་དམན་པས་སྟོང་ཕྲག་རེ་རེ་དང་། གླིང་རྣམས་དང་རི་རྒྱུད་མཆོག་དག་ཀྱང་དེ་ལྟའི་སྟོང་ཕྲག་སྟོང་ཕྲག་ཉི་ཤུ་རྩ་ལྔ་ནི། ཛམྦུའི་གླིང་གི་ཡང་པ་དག་དང་ལན་ཚྭའི་ཆུ་ཡི་གཏེར་ནི་འབུམ་ཕྲག་ཕྱེད་ཀྱི་ཚད་ཡིན་ཏེ། ཞེས་གསུངས་ཏེ་ལར་འདིའི་ལུགས་ལ་རི་རབ་ཀྱི་ཁ་དོག་ཀྱང་ཤར་ཨིནྡྲ་ནི་ལ་སྟེ་སྔོན་པོ། ལྷོ་པདྨ་རཱ་ག་སྟེ་དམར་པོ། བྱང་ཟླ་བ་ཆུ་ཤེལ་ཏེ་དཀར་པོ། ནུབ་ཀརྐེ་ཏ་ན་སྟེ་སེར་པོ། དབུས་མརྒཱརྡྷ་སྟེ་ལྗང་གུར་གསུངས་པ་དང་དེ་བཞིན་རི་རབ་ཀྱི་རྒྱ་དཔངས་ཀྱི་ཚད་སོགས་ཀྱང་གོང་དུ་བཤད་པ་དང་མི་མཚུངས་པའི་རྣམ་བཞག་མཛད་ཀྱང་རེ་ཞིག་བཏང་སྙོམས་སུ་བཞག་ལ། སྐབས་དོན་རི་མཚོ་གླིང་རྣམས་ནི། དུས་འཁོར་རང་ལུགས་ལ། རི་རབ་ཀྱི་

― GTN003_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་བའི་འགྲམ་སྟེ་ཟླུམ་པོར་བཤད་པས་ཁོར་ཡུག་ཏུ་དཔག་ཚད་སྟོང་ལྔ་བཅུ་ང་བཞི། དེའི་རྒྱ་ལ་སྟོང་ཕྲག་བཅོ་བརྒྱད་ཡོད་པས། དེའི་འོག་གཞི་རི་རབ་ཀྱི་འགྲམ་སྟེང་ལ་འབྲེལ་བའི་ཚུལ་གྱིས་ཁོར་ཡུག་ཏུ་བསྐོར་བའི་ས་གཞི། ཞེང་དུ་དཔག་ཚད་བརྒྱད་བརྒྱ་དགུ་བཅུ་པ་གཅིག་ཡོད་པ་ནི་ཟླ་བའི་གླིང་ཞེས་བྱ་ལ། གླིང་དེའི་ཕྱིའི་ཁོར་ཡུག་ལ་འོབས་ཀྱི་ཚུལ་དུ་བསྐོར་ཏེ་སྦྲང་རྩིའི་རྒྱ་མཚོའི་ཁ་ཞེང་ལ་དཔག་ཚད་བརྒྱད་བརྒྱ་དགུ་བཅུ་པ་དང་། དེའི་ཕྱི་རོལ་ཁོར་ཡུག་ཏུ་ལྕགས་རི་ཟླུམ་པོའི་སྐོར་བ་ལྟ་བུར། འོད་སྔོན་ཞེས་བྱ་བའི་རིས་བསྐོར་བ་སྟེ། རི་དེའི་ས་མཚམས་ཀྱི་རྩ་བའི་ཞེང་སྲབ་མཐུག་ལ་ཡང་དཔག་ཚད་བརྒྱད་བརྒྱ་དགུ་བཅུར་བཤད་ལ། དེའི་ཕྱི་རོལ་ནས་རིམ་པས་འོད་དཀར་གྱི་གླིང་དང་། མར་གྱི་རྒྱ་མཚོ་དང་། མནྡྷ་ར་བའི་རི། ཀུ་ཤའི་གླིང་། ཞོའི་རྒྱ་མཚོ། རི་བོ་ནི་ཥ་ཊ། མིའམ་ཅིའི་གླིང་། འོ་མའི་རྒྱ་མཚོ། རི་ནོར་བུའི་འོད། ཁྲུང་ཁྲུང་གི་གླིང་། ཆུའི་རྒྱ་མཚོ། རི་བོ་དྲོ་ཎ། དྲག་པོའི་གླིང་། ཆང་གི་མཚོ། བསིལ་བའི་རིའམ་ཁ་བའི་རི་སྟེ། རི་རབ་མ་གཏོགས་པའི་རི་དྲུག །མཚོ་དྲུག །གླིང་དྲུག་སྟེ་བཅོ་བརྒྱད་པོ་དེ་དག་གི་ཞེང་དུ་དཔག་ཚད་བརྒྱད་བརྒྱ་དགུ་བཅུར་མཉམ་ཞིང་། དཔངས་ཀྱི་ཚད་ནི་གསལ་བ་གསུངས་པ་མེད་ལ། བསིལ་རིའི་ཕྱི་རོལ་རིའི་རྩ་བ་དང་འབྲེལ་བར། འཛམ་གླིང་ཆེན་པོའི་ཁོར་ཡུག་བསྐོར་བ་ཡིན་ཅིང་། གླིང་ཆུང་བཅུ་གཉིས་པོ་གླིང་ཆུང་མང་པོ་ཡོད་པ་མ་གཏོགས་པར་ལན་ཚྭའི་རྒྱ་མཚོའི་ཆུ་ལག་གིས་ཁྱབ་པ་ཡིན་ལ། འདི་རྣམས་གོ་བ་སློང་བའི་ཆེད་ཙམ་གྱི་ཕྱིར་དུ་འཕྲོས་དོན་དུ་སྨོས་པ་ཡིན་ལ། འདི་ནི་རི་གླིང་

― GTN003_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོ་སོགས་སྒོམ་མིན་གང་ལྟར་ཡང་མི་འགལ་ལོ། ། ༢༜ དེ་ནས་དབུས་ཀྱི་ཚོམ་བུའི་ཤར་དུ་ཚོམ་བུ་དགོད་པ་དང་བསྟུན། ཤར་ལུས་འཕགས་པོ་ཞེས་བརྗོད་ནས་གསེར་རི་རོལ་མཚོ་དང་བཅས་པའི་ཕྱི་རོལ་ཏུ་རྒྱ་མཚོ་ཆེན་པོའི་དབུས་རི་རབ་ཀྱི་ཤར་ཕྱོགས་སུ་འཛམ་བུ་གླིང་ལས་ལུས་ཆེར་འཕགས་པས་ལུས་འཕགས་ཀྱི་གླིང་དུ་གྲགས་པ། གླིང་དབྱིབས་ཟླ་གམ་ཆུ་ཤེལ་གྱི་རང་བཞིན་ཅན་བཅད་ཁ་རི་རབ་ལ་བསྟན་པའི་ངོས་གཞན་གསུམ་ལ་དཔག་ཚད་ཉིས་སྟོང་ཉིས་སྟོང་ཡོད་པ་འབུར་གྱི་ངོས་ཆུང་རི་རབ་ཀྱི་ཕྱོགས་ལ་བསྟན་པ་དཔག་ཚད་སུམ་བརྒྱ་ལྔ་བཅུ་པ་སྟེ། གླིང་འདིའི་མི་རྣམས་ནི་ལུས་རང་ཁྲུ་བརྒྱད་དང་། ཚེ་ཉིས་བརྒྱ་ལྔ་བཅུའི་ཚད་ཡིན་ལ། གླིང་གི་དབྱིབས་ལྟར་མིའི་བྱད་དབྱིབས་ཀྱང་ཟླ་གམ་དུ་ཡོད་ཅིང་། ཀུན་སྤྱོད་ཀྱི་ཆོས་ཉིད་ཕལ་ཆེ་བ་ནི་བྱང་གླིང་མ་གཏོགས་པའི་གླིང་གསུམ་ཕྱོགས་མཚུངས་དང་། འཛམ་གླིང་འདིའི་ཤར་ཕྱོགས་ལ་ལུས་འཕགས་པོ་ཡོད་ལ། ལར་མཎྜལ་གྱི་ཤར་འབུལ་མི་རང་ལ་བསྟན་ནས། འདོན་ཚིག་རྫོགས་པའི་རྗེས་ལ་ཕྱོགས་བསྒྱུར་བ་དང་། འབུལ་ཡུལ་ལ་སྟོན་པ་གང་རུང་དེང་སང་བྱེད་སྲོལ་འདུག་ཀྱང་། ཕྱག་ལེན་ལ་འབུལ་ཡུལ་ལ་ཤར་སྟོན་པ་ཡིན་ལ། གླིང་རྣམས་ཀྱི་ཁ་ནི་ཕྱིར་བསྟན་ཏེ་རི་རབ་ལ་རྒྱབ་ཕྱོགས་པར་བཤད་དེ། དེ་ཡང་གླིང་སོ་སོའི་མདུན་གང་ཡིན་ལྷོ་དང་གཡས་གང་ཡིན་ནུབ། གཡོན་གང་ཡིན་ཤར། རྒྱབ་གང་ཡིན་བྱང་དུ་བཤད་པས། དབུས་ཀྱི་རི་རབ་ནི་གླིང་བཞི་ཀའི་བྱང་དུ་ཡོད་པ་ཡིན་ཏེ། ཇི་སྐད་དུ། དབུས་ཀྱི་རི་
རྒྱལ་ལྷུན་པོ་ནི། །གླིང་བཞི་ཀུན་གྱི་བྱང་ན་ཡོད། །ཅེས་པས་གསལ་ལ་རི་རབ་ཀྱི་མདུན་ནི་ཤར་གྱི་ལུས་འཕགས་ལ་བསྟན་པར་སྨོས་མ་དགོས་སོ། །

༜དབུས་ཀྱི་ཚོམ་བུའི་ལྷོར་ཚོམ་བུ།

― GTN003_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

༣༜ ཡང་དབུས་ཀྱི་ཚོམ་བུའི་ལྷོར་ཚོམ་བུ་འགོད་དེ། ལྷོ་འཛམ་བུའི་གླིང་ཞེས་བརྗོད་པས། ལྷོ་འཛམ་བུའི་གླིང་བཻ་ཌཱུརྱ་སྔོན་པོ་ལས་གྲུབ་པ་དབྱིབས་སོག་ཁའི་རྣམ་པ་ལ་ངོས་རིང་བ་གསུམ་ལ་དཔག་ཚད་ཉིས་སྟོང་ཉིས་སྟོང་དང་། ངོས་ཐུང་བ་ལྷོ་ཕྱོགས་ཀྱི་ཁོར་ཡུག་ལ་དཔག་ཚད་ཕྱེད་བཞི་ཡོད་པ་སྟེ། འདིའི་དབུས་སུ་བྱང་ཆུབ་སེམས་དཔའ་སྲིད་པ་ཐ་མ་པའི་བཞུགས་གནས་རྡོ་རྗེ་གདན་དང་བཅས་པ་སྙིང་པོ་བྱང་ཆུབ་ཀྱི་ཤིང་གིས་བརྒྱན་པ་སྟེ། དེ་ཡང་ཉན་ཐོས་པ་ལྟར་ན་རྡོ་རྗེ་རྩེ་ལྔ་པ་གྱེན་དུ་བསླངས་པའི་དབུས་མ་ལ་ཤིང་ཡོད་པས་རྭ་བཞི་ལ་མཆོད་རྟེན་རེ་རེ་ལྟེ་བ་རྒྱང་གྲགས་ཕྱེད་ཡོད་པར་འདོད་ལ། ཐེག་ཆེན་པ་ལྟར་ན་རྡོ་རྗེ་རྒྱ་གྲམ་གྱི་ལྟེ་བ་ལ་ཤིང་སྐྱེས་པ་རྭ་བཞི་ལ་རྡོ་རྗེ་ཕུར་པའི་མཆོད་རྟེན་རེ་ཡོད་པ། བར་གྱི་ཐང་དུ་རྒྱང་གྲགས་རེ་རེ་ཡོད་པར་འདོད་ཅིང་དེར་ནི་བསྐལ་པ་བཟང་པོའི་སངས་རྒྱས་རྣམས་བླ་ན་མེད་པར་སངས་རྒྱས་པའི་གནས་ཏེ། མེ་བདུན་དང་ཆུ་གཅིག་གིས་བསྐལ་པ་སྟོང་པའི་དུས་ཀྱང་མི་གནོད་པར་འདོད། ཤིང་གཅིག་པུ་དེ་ཉིད་དུས་སྔ་ཕྱིར་མིང་འགྱུར་བས་ཤིང་སྟོང་དུ་ཡོད་པ་ལྟར་བྱུང་སྟེ། སྔོན་འོད་སྲུང་སངས་རྒྱས་པ་ན་ཤིང་ནྱ་གྲོ་ཏ་དང་། ད་ལྟ་ཤཱཀྱ་ཐུབ་པ་སངས་རྒྱས་པའི་ཚེ་མྱ་ངན་མེད། མ་འོངས་པ་ན་བྱམས་པ་སངས་རྒྱས་པའི་ཚེ་ཀླུ་ཤིང་མེ་ཏོག་ལ་སོགས་པའོ། །

― GTN003_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་འཛམ་བུའི་གླིང་ཞེས་བྱ་བའི་ངེས་ཚིག་ནི། ཛམྦུ་ཏྲི་ཤ་ཞེས་བྱ་བའི་ཤིང་གིས་ཉེ་བར་བརྒྱན་པས་འཛམ་བུ་ཡིན་ལ། གླིང་ཞེས་པ་ནི་མཐར་ཁོ་ར་ཁོར་ཡུག་རྒྱ་མཚོ་ཆེན་པོའི་ཆུ་བོ་གདལ་བའི་ཁྱབ་པའི་དབུས་སམ་བར་ན་སའི་ཕྱོགས་ཅུང་ཟད་ཆུ་ལ་ཞིབ་ལ་བཀྲམ་པ་ལྟ་བུར་གནས་པས་དེ་ལྟར་ཞེས་བཏགས་པ་ཡིན་ལ། འཛམ་བུ་ཏྲི་ཥའི་ཤིང་དེ་གང་ཞིག་ན་ཡོད་ཅེ་ན། གླིང་འདིའི་དབུས་ན་མ་གཱ་དྷ་རྡོ་རྗེའི་གདན་ཡོད་པ་ནས་བྱང་དུ་རི་ནག་པོ་དགུ་འདས་པའི་ས་ན་གངས་རིའི་རྒྱལ་པོ་ཏི་སེ་ཡོད་ཅིང་། དེའི་བྱང་ན་རི་བོ་སྤོས་ངད་ལྡན་པ་ཡོད་པས། གངས་རིའི་བྱང་སྤོས་ངད་ལྡན་གྱི་ལྷོ་གཉིས་གྱི་བར་ན་མཚོ་ཆེན་པོ་མ་དྲོས་པ་ཡོད་དེ། ཀུན་ནས་གྲུ་བཞི་པ་ཆུ་དང་ཞེང་དུ་དཔག་ཚད་ལྔ་བཅུའི་ནང་ཆུ་བསིལ་བའི་གང་བ། དེའི་ནང་ན་ཀླུའི་རྒྱལ་པོ་མ་དྲོས་པ་གནས་པས་དེ་སྐད་ཅེས་གྲགས་ལ། མཚོ་དེ་ཡང་དབྱིབས་ལྟ་ན་སྡུག་པ། འཇུག་ངོགས་དང་རྒྱུན་ལ་དྲི་ང་བ་ལ་སོགས་པ་མི་གཙང་བ་མེད་པས་ཡིད་ལ་འཐད་པའི་ཕྱིར་གཙང་བ་བསིལ་དྲོད་སྙོམས་པ་ལ་སྤྱོད་པ་དག་གིས་ཁམས་བཟང་བར་བྱེད་པས་འཇམ་པ། སྲོག་ཆགས་ཕྲ་མོ་དང་རགས་པས་ཆུ་བཙོག་པར་བྱེད་པ་མེད་པས་དག་པ་དང་། ཁ་གཏིང་མེད་པར་རབ་ཏུ་གསལ་བ། ཚ་བའི་རེག་པ་དང་གདུང་བ་སེལ་བས་བསིལ་ལ། དྲི་མས་རྙོགས་པ་ལྟ་བུ་མེད་པས་རྙོགས་པ་མེད་པ། འཐུང་བའི་ཚེ་ཞིམ་ལ་མགྲིན་པར་འབད་རྩོལ་མེད་པར་ཁོང་དུ་འཇུག་པས་བདེ་བ། ཁོག་པར་སོང་ན་སྔ་མ་དང་འཐབས་པའི་ནད་མི་སྐྱེད་པར་རྟག་ཏུ་བདེ་བ་སྐྱེད་པས་ལྟོ་བར་

― GTN003_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

མི་གནོད་པ་སྟེ། མིའི་ཡན་ལག་བརྒྱད་ལྡན་གྱི་ཆུ་དང་ཁ་གཏིང་མེད་པར་གསལ་བ། རྙོགས་པ་མེད་པས་དྭངས་པ། ཚ་གདུང་སེལ་བས་བསིལ་བ། མིའི་ཆུ་ལས་བརྒྱད་འགྱུར་གྱི་ལྗིད་ཡང་བ། རོ་མངར་བ་སྦྲང་རྩི་ལྟར་དྲོ་བས་ཞིམ་པ་རེག་ན་འཇམ་པ། གྲང་བའི་ཚེ་དྲོ་བའི་རྣམ་པར་འགྱུར་བ། སྔོ་སེར་དམར་དང་དཀར་པོའི་ཁ་དོག་གསལ་བ་ཚོན་གྱིས་བསྒྱུར་བ་ལྟར་སོ་སོ་ན་གསལ་བ། ཁོང་དུ་སོང་བ་ན་བདེ་བ་མཆོག་ཏུ་འཕགས་པ་བསྐྱེད་པ་སྟེ། འདུལ་བ་ལུང་ལས། དྭངས་དང་གསལ་དང་ཡང་དང་ཞིམ། །འཇམ་དང་དྲོ་དང་བསིལ་དང་བདེ། །འདི་དག་དྲི་མེད་ལྷ་ཡི་ཆུ། །ཡིད་འོང་ཡན་ལག་བརྒྱད་དུ་འདོད། །ཅེས་པ་ལྟར་ལྷའི་ཆུ་ཡན་ལག་བརྒྱད་དང་ལྡན་པ་སྟེ། གནས་དེར་རྫུ་འཕྲུལ་དང་ལྡན་པ་མ་གཏོགས་བགྲོད་དཀའ་བ་ཡིན་ནོ། །མེ་ཏོག་ཨུཏྤལ་དང་། པདྨ་དང་། ཀུ་མུད་དང་། པདྨའི་སྡོང་པོ་ཡལ་ག་གཤོལ་མདའ་ཙམ་དང་། འདབ་མ་གླང་གི་ཀོ་བ་ཙམ་དུ་རྒྱས་པ་ཁ་དབྱེ་བས་མཚོ་དེར་ཁེབས་པ་ཆུ་བྱ་སྣ་ཚོགས་སྐད་སྙན་པར་སྒྲོགས་པ། རིན་པོ་ཆེ་སྣ་ལྔའི་བྱེ་མ་འདྲེན་པ། དེ་དག་གི་ཤར་དུ་བྲག་གླང་པོ་ཆེའི་ཁ་འདྲ་བ་ལས་ཆུ་བོ་གངྒཱ་བབས་ཏེ་མ་དྲོས་པ་ལ་ལན་བདུན་བསྐོར་ཏེ་ཆུ་བྲན་ལྔ་བརྒྱའི་འཁོར་དང་བཅས་ཏེ་ཤར་གྱི་རྒྱ་མཚོར་འབབས་པ། དེ་བཞིན་ཆུ་བྲན་ལྔ་བརྒྱའི་འཁོར་བསྐོར་བ་ལན་བདུན་སོགས་འདྲ་བར་ལྷོ་ཕྱོགས་ཀྱི་བྲག་ཁྱུ་མཆོག་གི་ཁ་འདྲ་བ་ནས་ཆུ་བོ་སིནྡྷུ་ལྷོ་ཕྱོགས་ཀྱི་རྒྱ་མཚོར་འབབས་པ། ནུབ་ཀྱི་བྲག་རྟའི་ཁ་འདྲ་བ་ནས་ཆུ་བོ་པཀྵུ་ནུབ་ཕྱོགས་ཀྱི་རྒྱ་མཚོར་འབབས་པ། བྱང་ཕྱོགས་ཀྱི་བྲག་སེངྒེའི་ཁ་འདྲ་

― GTN003_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ནས་ཆུ་བོ་སི་ཏ་བྱང་ཕྱོགས་ཀྱི་རྒྱ་མཚོར་འབབས་པ། དེ་ཡང་ཆུ་བོ་རྣམས་རང་རང་གི་གནས་ལས་བབས་པ་ནས་ཕྱིའི་རྒྱ་མཚོར་མ་སླེབས་ཀྱི་བར་ལ་འཁྱོགས་ཆེན་པོ་བདུན་རེ་ཡོད་པས་གཡས་སུ་འཁྱོགས་པ་ལ་སྐོར་བའི་ཐ་སྙད་མཛད་པར་བཤད་ལ། ཆུ་བྲན་ལྔ་བརྒྱས་བསྐོར་བ་ཡང་ཕྱོགས་སོ་སོའི་ལུང་པ་ཐ་དད་པ་ཆེ་བ་ལྔ་བརྒྱའི་ཆུ་རེ་དེར་བབས་ནས་ཆུ་ཆེན་བཞི་སོ་སོ་དང་འདྲེས་ནས་འགྲོ་བའི་དོན་ཡིན་ལ། འགའ་ཞིག་གིས་ཤར་ཕྱོགས་རྟ་མཆོག་གི་ཁ་ནས་ཆུ་བོ་ཆེན་པོ་ལོ་ཧིར་དངུལ་གྱི་བྱེ་མ་འདྲེན་པ། ལྷོ་ཕྱོགས་གླང་པོ་ཆེའི་ཁ་ནས་གངྒཱ་གསེར་གྱི་བྱེ་མ་འདྲེན་པ། ནུབ་ཕྱོགས་རྨ་བྱའི་ཁ་ནས་ཆུ་བོ་སིནྡྷུ་རིན་པོ་ཆེ་སྣ་ཚོགས་ཀྱི་བྱེ་མ་འདྲེན་པ། བྱང་ཕྱོགས་སེངྒེའི་ཁ་ནས་པཀྵུ་རྡོ་རྗེའི་བྱེ་མ་འདྲེན་པ་སོགས་སྔར་ལྟར་དུ་བཤད་པ་ཡོད་ཀྱང་། འདི་གཉིས་ཀ་ལུང་ནས་བཤད་པ་ཅན་ཡིན་པས་གང་ལྟར་ཡང་མི་འགལ་ལ། དེང་བོད་ཀྱི་གཙང་པོ་འདི་ཆུ་བོ་ལོ་ཧིར་ཡིན་པར་བཤད་ཅིང་། རྟ་མཆོག་གི་ཁ་ནས་འབབས་པའི་དབང་གིས་ཡུལ་དེའི་གྲུ་རྣམས་ལ་རྟ་མགོ་བྱེད་པའི་དོན་དེ་ཡིན་ལ། མཚོ་དེའི་འགྲམ་གཡས་རོལ་ན་ཤིང་ཛམྦུ་ཏྲི་ཤའི་སྡོང་པོ་དཔངས་དང་རྒྱ་ཁྱོན་ཚད་མེད་པ་ལ། འབྲས་བུ་རོ་བཅུད་ཕུན་སུམ་ཚོགས་པ་དེའི་ནང་དུ་ལྷུང་བ་ན་ཆུའི་རྐྱེན་དང་ཤིང་ཐོག་འཛོམས་པ་ལས་འཛམ་བུ་ཆུ་བོའི་གསེར་དུ་འགྱུར་ཏེ། གསེར་གཞན་ལས་བཅུ་དྲུག་ཏུ་བཞུ་བཏུལ་བྱས་པའི་ཞུན་མར་གྱུར་པ་ལྟ་བུའི་བཅུད་དང་ཁ་དོག་དང་འོད་ཡོད་པ་འབྱུང་ལ། འགའ་ཞིག་གིས་ཤིང་ཐོག་མཚོར་ལྷུང་བ་ཉས་ཟོས་པས་

― GTN003_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

བྲུན་ཡིན་པར་ཡང་བཤད་ལ། མཚོ་དེའི་བྱང་ན་ཤིང་ཤམ་པ་ལའི་སྡོང་པོ་ཤིན་ཏུ་མཐོ་བ་ལ་ནམ་མཁའ་ལྡིང་རྣམས་ས་གཞིའི་ཚང་ཡོད་པར་མངོན་པ་ལས་གསུངས་པ་ལྟར་ན་རི་བོ་སྤོས་ངད་ལྡན་ནས་བྱང་དུ་དཔག་ཚད་ཉི་ཤུའི་སར་བྲག་གསེར་གྱི་བྱ་སྐྱིབས་ལྷ་མ་ཡིན་གྱི་ངོས་ཞེས་བྱ་བ་ལ། ངོས་རེར་དཔག་ཚད་ལྔ་བཅུ་ཡོད་པ་དཔངས་སུ་དཔག་ཚད་ཕྱེད་དང་བཞི་པ་མཛེས་ཤིང་བལྟ་ན་སྡུག་པ་ཁོར་ཡུག་ཏུ་གསེར་གྱི་བྲག་བྱ་སྐྱིབས་ཅན་བརྒྱ་སྟོང་ཡོད་པ། དེ་ནས་བྱང་དུ་དཔག་ཚད་ཉི་ཤུ་ཕྱིན་པ་ན་ཤིང་སྔ་མའི་རྒྱལ་པོ་རབ་བརྟན་ཞེས་བྱ་བ་རྩ་བ་འདོམ་བཞི་བཅུ་ཐུར་དུ་ཟུག་ཅིང་གྱེན་དུ་འཕགས་པའི་ཡལ་ག་ལོ་འདབ་ཀྱིས་རིམ་པར་ནོན་པས་ནམ་མཁའ་ཁྱབ་པ་ལྟ་བུར་གནས་པ་དང་། དེ་ནས་ཤར་ཕྱོགས་དཔག་ཚད་ཉི་ཤུའི་ས་ནས་རྫིང་བུ་དལ་འབབ་ཞེས་བྱ་བ་མཚོ་མ་དྲོས་པ་དང་རྒྱ་ཁྱོན་འདྲ་བ་ཁོར་ཡུག་ཏུ་རྫིང་བུ་བརྒྱ་སྟོང་ཡོད་པ་དེ་ན་ལྷའི་དབང་པོ་བརྒྱ་བྱིན་གྱི་གླང་པོ་ཆེ་ས་ལ་རབ་བརྟན་ཞེས་བྱ་བ། ལུས་དཀྱུས་ལ་དཔག་ཚད་ཕྱེད་གསུམ། དཔངས་ལ་དཔག་ཚད་ཕྱེད་གཉིས། ཞེང་ལ་དཔག་ཚད་གཅིག་ཡོད་པ་འཁོར་གླང་པོ་ཆེ་བརྒྱ་སྟོང་གིས་བསྐོར་བ་གནས་པར་གསུངས་ཏེ། འདི་ནི་གླང་པོ་ཆེའི་རྣམ་པར་བསྟན་པ་ཙམ་མ་གཏོགས་དོན་དུ་ལྷའི་བུ་ཡིན་པར་ཕལ་པོ་ཆེ་ལས་བཤད་ཅིང་། མངོན་པ་ནས་ཀྱང་གླང་པོ་ཆེ་སུམ་ཅུ་རྩ་གསུམ་གྱི་ཤིང་ཡོངས་འདུ་ས་བརྟོལ་གྱི་འགྲམ་དུ་ཨར་མོ་ནི་ཀ་ལྟ་བུའི་རྡོ་ལེབ་ངོས་དེ་ན་དཔག་ཚད་ལྔ་བཅུ་ཡོད་པ། དཔངས་ལ་དཔག་ཚད་ཕྱེད་དྲུག་དང་གཅིག་གི་བཅོ་བརྒྱད་ཆ་གཅིག་

― GTN003_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པ་དེའི་སྟེང་དུ་ལྷའི་དབང་པོ་བརྒྱ་བྱིན་དབྱར་ཟླ་བ་བཞིའི་བར་དུ་གནས་དུས་གླང་པོ་ཆེ་འདིའི་མགོ་བོ་སུམ་ཅུ་རྩ་གསུམ་དུ་སྤྲུལ་ནས། དབུས་མ་ལ་གཡུའི་མགོ་བོ་ལ་བརྒྱ་བྱིན་བསྐྱོན་ནས། གཞན་སོ་གཉིས་ལ་ཉེ་དབང་སོ་གཉིས་འདུག་སྟེ་གདུགས་དང་རྒྱལ་མཚན་བསྒྲེངས་ཤིང་། ལུས་གཞན་ལ་ལྷ་གཞན་རྣམས་བསྐྱོན་ནས་རྡོ་ལེབ་ཀྱི་སྟེང་དུ་བསྐལ་པའི་རླུང་བཞིན་དུ་རྒྱུག་ཅིང་། ཡང་དེའི་ལུས་བསྒྱུར་དེ་ལྷའི་བུའི་ཚུལ་གྱིས་སྡོད་པ་དང་། ལྷ་མ་ཡིན་དང་འཐབ་པའི་དུས་སུ་ལུས་སྔ་མ་ལྟར་གླང་པོ་ཆེ་སྤྲུལ་པའི་མགོ་རེ་རེ་ཡང་བདུན་བདུན་དུ་སྤྲུལ་ཏེ། དེའི་སྟེང་ན་ལྷའི་དཔུང་དང་བརྒྱ་བྱིན་ཉེ་དབང་སོ་གཉིས་སོགས་གང་སྨོས་ལྟར་ཡོད་ལ་མགོ་དེ་དག་ལ་མཆེ་བ་བདུན་བདུན། མཆེ་བ་རེ་རེ་ན་སྐྱེད་མོས་ཚལ་དང་རྫིང་བུ་བདུན་བདུན། དེ་ན་ལྷའི་བུ་མོ་ཤིན་ཏུ་མཛེས་པ་གླུ་གར་བྱེད་པ་བདུན་བདུན། དེ་རེ་རེ་ལ་གཡོག་མོ་བདུན་བདུན། དེ་རེ་རེ་ལའང་སིལ་སྙན་པ་བདུན་བདུན་རེ་སྤྲུལ་པར་བཤད་ལ། གངས་རི་ཏི་སེའི་འདབས་ན་གསེར་གྱི་བྲག་བྱ་སྐྱིབས་ཅན་ལ་དགྲ་བཅོམ་པ་ལྔ་བརྒྱའི་ཕུག་པ་ཡང་ཡོད་པར་བཤད་དོ། །འཛམ་བུ་གླིང་པ་རྣམས་ནི་ཚེ་ཚད་ལ་ངེས་པ་མེད་ཅིང་གླིང་གི་དབྱིབས་ཀྱི་མིའི་བྱད་དབྱིབས་ཀྱང་སོག་ཁར་ཡོད་པ་ཡིན་ལ། དེ་ཡང་བོད་རྣམས་སོག་ཁའི་ཐོག་ཁར་ཡོད་པས་དྲང་ཞིང་དབུལ་ཕོངས་དྲན་པ་གསལ་བ་དང་། རྒྱ་གར་ཁ་ཆེ་སྟག་གཟིག་གསུམ་སོག་པའི་ཡུ་བར་ཡོད་པས་སེམས་ཆུང་། བློ་སྲབ་འབྱོར་བ་དང་ལྡན། རྒྱ་ནག་ཧོར་འཇང་གསུམ་སོག་པའི་ཁ་གདང་ལ་ཡོད་པས་རྒྱ་ཆེ་ཁོང་ཡངས། རིག་པ་རྣོ།
ལོངས་སྤྱོད་ཕུན་སུམ་ཚོགས་པ་དང་། སོག་པའི་ཁ་སྐོར་ལ་མཐའ་ཁོབ་དྲུག་ཅུ་རྩ་དྲུག་ཅེས་བྱ་བ། གློ་དང་རྡོ་དང་ཁ་ཁྲ་དང་ཁ་སོག་དང་གཞན་དང་ཁ་སུ་ར་དང་དམར་དང་རྩ་ཞུང་དང་རྡོ་བོ་ཏོ་དང་བྲམ་ཚོ་དང་ཧུ་ཐུག་དང་ཁ་གླིང་དང་སྤྲེལ་སླག་དང་ཁྱི་ཁྱོ་དང་དར་སློག་དང་ཞང་ཚ་བྱ་སོགས་འདི་དག་ནི་མུན་པའི་གླིང་དང་། སངས་རྒྱས་བསྟན་པའི་མིང་ཡང་མེད་པ་སྟེ། དཀོན་མཆོག་གི་མིང་མི་ཤེས། དགེ་སྡིག་རྒྱུ་འབྲས་མི་ཤེས་པས་ཤ་ཁྲག་ལ་དགའ་ཞིང་གསོད་གཅོད་ཁོ་ནར་བརྩོན་པ་ཡིན་པར་བཤད་པ་སོགས་མང་ཡང་འདིར་མི་སྤྲོའོ། །

༜དབུས་ཀྱི་ཚོམ་བུའི་ནུབ་ཏུ་ཚོམ་བུ།

― GTN003_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

༤༜ཡང་དབུས་ཀྱི་ཚོམ་བུའི་ནུབ་ཏུ་ཚོམ་བུ་འགོད་དེ། ནུབ་བ་ལང་སྤྱོད་པདྨ་རཱ་ག་ལས་གྲུབ་པ། དབྱིབས་ཟླུམ་པོ་སྟེ་ཕྱོགས་ནས་ཕྱོགས་ཀྱི་དབུས་སུ་དྲང་པོར་གཞལ་ན་དཔག་ཚད་སྟོང་ཕྲག་ཕྱེད་གསུམ་དང་། ཁོར་ཡུག་ཏུ་དཔག་ཚད་བདུན་སྟོང་ལྔ་བརྒྱ་ཡོད་ལ། འདོད་འཇོའི་བ་དང་སྟོབས་ཆེན་གྱི་གླང་པོ་ཆེ་ལ་ཤས་ཆེར་སྤྱོད་པས་བ་ལང་སྤྱོད་དམ། འདོད་འཇོའི་བ་ལང་མང་བས་ན་དེ་ལྟར་གྲགས་ལ། གླིང་དེའི་མི་རྣམས་ནི་རང་ཁྲུ་བཅུ་དྲུག་པ་ཚེ་ལོ་ལྔ་བརྒྱ་ཐུབ་པ་ཅན་ཡིན་ལ་གླིང་གི་དབྱིབས་ལྟར་མིའི་བྱད་དབྱིབས་ཀྱང་ཟླུམ་པོར་ཡོད་དོ། ། ༥༜ ཡང་དབུས་ཀྱི་ཚོམ་བུའི་བྱང་དུ་ཚོམ་བུ་འགོད་པ་དང་བསྟུན་ཏེ་བྱང་སྒྲ་མི་སྙན་གསེར་ལས་གྲུབ་པས་དབྱིབས་གྲུ་བཞི་པ་ངོས་རེ་ལ་དཔག་ཚད་ཉིས་སྟོང་ཉིས་སྟོང་ཡོད། མཐའ་སྐོར་དུ་དཔག་ཚད་བརྒྱད་སྟོང་ཡོད་པ་སྟེ། འཆི་བ་ལ་ཞག་བདུན་ཡོད་པའི་གོང་རོལ་དུ་ཁྱོད་འཆི་བར་འགྱུར་རོ་ཞེས་པའི་སྒྲ་མི་

― GTN003_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་པ་དཔག་བསམ་གྱི་ཤིང་ལས་འབྱུང་བས་སྒྲ་མི་སྙན་པ་ཞེས་བྱ་ལ། གླིང་དེའི་མི་རྣམས་རང་ཁྲུ་སུམ་ཅུ་སོ་གཉིས་ཡོད་པ་ཚེ་ཚད་ནི་སྟོང་སྟེ། གླིང་གི་དབྱིབས་ཀྱིས་བྱད་དབྱིབས་ཀྱང་གྲུ་བཞི་པར་ཡོད་ལ། སྒྲ་མི་སྙན་པ་འདི་ལ་གླིང་གཞན་པ་ལྟར་གྱི་ཚེ་གྲངས་དང་ལོ་ལེགས་ཉེས་སོགས་བག་མ་གཏོང་ལེན་གྱི་མཚོན་པ་རྣམས་མེད་དོ། །གླིང་བཞིའི་ཁ་དོག་དང་དབྱིབས་སོགས་དུས་འཁོར་ནས་འདི་ལྟར་མ་བཤད་ཀྱང་འདིར་ཡོངས་གྲགས་ལྟར་བསྟན་པ་ཡིན། དུས་འཁོར་ནས་ཤར་ཟླུམ་པོ། ལྷོ་གྲུ་གསུམ། ནུབ་གྲུ་བཞི། བྱང་ཟླ་གམ་སྟེ་ཁམས་ཀྱང་ཤར་གླིང་གསུམ་རླུང་། ལྷོ་གླིང་གསུམ་མེ། ནུབ་གླིང་གསུམ་ས། བྱང་གླིང་གསུམ་ཆུ་དང་། ཁ་དོག་ཀྱང་དེར་བསྟུན་ནག་པོ་དང་། དམར་པོ་དང་། སེར་པོ་དང་། དཀར་པོར་བཤད་པའི་ལུགས་ཀྱང་། ཤར་དུ་རླུང་གི་སོགས་གོང་དུ་དྲངས་པས་ཤེས་པར་བྱའོ། ། ༦--༧༜ ཡང་ཤར་གྱི་ཚོམ་བུའི་གཡས་དང་གཡོན་དུ་ཚོམ་བུ་འགོད་བསྟུན། ལུས་དང་ལུས་འཕགས་ཞེས་པས་ཤར་གྱི་གླིང་ཆེན་གྱི་གཡས་སུ་ལུས་དང་། གཡོན་དུ་ལུས་འཕགས་པོ་ཆུང་ངུ་བསམ། ༨--༩༜ ལྷོའི་ཚོམ་བུའི་གཡས་གཡོན་དུ་ཚོམ་བུ་འགོད་བསྟུན་རྔ་ཡབ་དང་རྔ་ཡབ་གཞན་ཞེས་པས་ལྷོའི་གླིང་ཆེན་གྱི་གཡས་སུ་རྔ་ཡབ་དང་། གཡོན་དུ་རྔ་ཡབ་གཞན་གཉིས་བཀྲམ་སྟེ། འདི་ནི་སྔར་སྟོན་པ་ལངྐའི་རྒྱལ་པོ་མགྲིན་བཅུའི་བུ་སྒྲ་སྒྲོགས་ཀྱིས་སྤྱན་དྲངས་ཏེ་བློ་གྲོས་མི་ཟད་པ་དང་ལངྐར་གཤེགས་པའི་

― GTN003_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་སོགས་གསུངས་པའི་གནས་དེ་ཡིན་ནོ། ། ༡༠--༡༡༜ ཡང་ནུབ་ཀྱི་ཚོམ་བུའི་གཡས་གཡོན་དུ་ཚོམ་བུ་འགོད་བསྟུན་གཡོ་ལྡན་དང་ལམ་མཆོག་འགྲོ་ཞེས་པས་ནུབ་ཀྱི་གླིང་ཆེན་གྱི་གཡས་སུ་གཡོ་ལྡན་དང་། གཡོན་དུ་ལམ་མཆོག་འགྲོ་གཉིས་དང་། ༡༢--༡༣༜ བྱང་གི་ཚོམ་བུའི་གཡས་གཡོན་དུ་ཚོམ་བུ་འགོད་བསྟུན་སྒྲ་མི་སྙན་དང་སྒྲ་མི་སྙན་གྱི་ཟླར་ཞེས་པས། བྱང་གི་གླིང་ཆེན་གྱི་གཡས་སུ་སྒྲ་མི་སྙན་དང་། གཡོན་དུ་སྒྲ་མི་སྙན་གྱི་ཟླ་གཉིས་བསམ་སྟེ། དེ་ཡང་གླིང་ཕྲན་དེ་རྣམས་རྒྱུ་དབྱིབས་སོགས་གླིང་ཆེན་རྣམས་ཇི་བཞིན་པ་ལས་ཚད་ནི་རང་རང་གི་གླིང་ཆེན་གྱི་ཕྱེད་ཕྱེད་ལས་ཆུང་བ་ཡིན་ལ། དེ་དག་གི་བར་མཚམས་ཐམས་ཅད་རྒྱ་མཚོ་ཆེན་པོ་ནས་གང་བའི་ཕྱི་རོལ་ཏུ་ལྕགས་ལས་གྲུབ་པའི་རི་ཆེན་པོ་ཆུ་ནང་དུ་དཔག་ཚད་བརྒྱད་ཁྲི་ཚུད་དེ་དབང་ཆེན་གསེར་གྱི་ས་གཞི་ལ་ཟུག་ཅིང་། སྟེང་དུ་དཔག་ཚད་སུམ་བརྒྱ་དང་ཕྱེད་བཅུ་གསུམ་འཕགས་པས་ཆུ་མཚམས་ནས་གྱེན་དུ་འཕགས་པ་དང་མཚུངས་པས། ཞེང་དང་ལྡན་པ་ལས་རྟ་གདོང་གི་མེ་ཞེས་པ་མེ་དཔུང་ཆེན་པོ་འབར་ཞིང་འཁྱིལ་བའི་བསྐོར་བ་སྟེ། གཏམ་རྒྱུད་རྣམས་སུ་ཐ་སྐར་ཉི་མའི་ཆུང་མ་ཡིན་པ་ལ་དེའི་འོད་མ་བཟོད་ནས་བྱང་སྒྲ་མིའི་སྙན་དུ་རྒོད་མའི་ཚུལ་བཟུང་ནས་དཀའ་ཐུབ་བྱེད་བཞིན་པས་གནས་པར་བཤད་པ་ཡང་འདི་ཡིན་པར་མཚུངས་པ་འདྲ་ལ། འཇིག་རྟེན་ཕལ་པ་རྣམས་མེ་འདིས་རྒྱ་མཚོ་འཕེལ་དུ་མི་བཏུབ་པར་འཐག་ཡིན་མ་གཏོགས་ཆུའི་འཇིག་པ་འབྱུང་བ་

― GTN003_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་ཟེར་བ་ནི་ཚིག་ཙམ་མོ། །གཞན་དུ་ཛམྦུ་གླིང་གི་ས་འོག་གངས་རི་ཏི་སེའི་ཐད་ནས་ཐུར་དུ་དཔག་ཚད་ཉིས་ཁྲི་ན་དམྱལ་བའི་གནས་སོགས་ཡོད་པར་གསུངས་པ་རྣམས་ནི་འདིར་མི་སྤྲོ་ལ། རི་རབ་ཀྱི་ཆུ་མཚམས་ནས་བརྩིས་པའི་བང་རིམ་དང་པོ་ན་གནོད་སྦྱིན་ལག་ན་རིན་པོ་ཆེའི་གཞོང་པ་ཐོགས་པ་གནས་པས་ལག་ན་རིན་པོ་ཆེའི་གཞོང་ཐོགས་ཀྱི་གནས་ཞེས་བྱ་ལ། བང་རིམ་གཉིས་པ་ན་གནོད་སྦྱིན་ལག་ན་རིན་པོ་ཆེའི་མེ་ཏོག་གི་ཕྲེང་བ་ཐོགས་པ་དང་། བང་རིམ་གསུམ་པ་ན་སྦྲང་ཆང་གིས་རྟག་ཏུ་མྱོས་པ་དང་། བང་རིམ་བཞི་པའི་སྟེང་དུ་རྒྱལ་ཆེན་སྡེ་བཞི་གནས་ཏེ། དེ་དག་གི་འཁོར་དུ་ཤར་ན་དྲི་ཟ། ལྷོར་གྲུལ་བུམ། ནུབ་ཏུ་ཀླུ། བྱང་ན་གནོད་སྦྱིན་གྱི་རིགས་རྣམས་གནས་སོ། །དེ་ཡང་ཤར་ཕྱོགས་སུ་རྒྱལ་པོ་ཡུལ་འཁོར་སྲུང་གི་ཕོ་བྲང་ཡུལ་འཁོར་སྲུང་དང་། ལྷོ་ཕྱོགས་སུ་འཕགས་སྐྱེས་པོའི་ཕོ་བྲང་འཕགས་སྐྱེས་ཞེས་གྲགས་པ་དང་། ནུབ་ན་སྤྱན་མི་བཟང་གི་ཕོ་བྲང་སྣ་ཚོགས་གཟུགས་ཞེས་པ་དང་། བྱང་ན་རྣམ་ཐོས་སྲས་ཀྱི་ཕོ་བྲང་ལྕང་ལོ་ཅན་ཞེས་བྱ་བ་ཡོད་དེ། ཚད་ནི་ཀུན་གྱི་ངོས་རེར་དཔག་ཚད་ཉིས་བརྒྱ་ལྔ་བཅུ་རེ་ཡོད་པ་ནང་གི་ས་གཞི་ཚོན་སྣ་བརྒྱན་བཀྲ་བར་བྱས་པ། ཤིང་བལ་གྱི་འདབ་མ་ལྟར་རྐང་པ་བཞག་ན་ནེམ་ཞིང་། བཏེགས་ན་འཕར་བ་སྙམས་བྱེད་པ། གསེར་གྱི་བྱེ་མ་བརྡལ་བ་ལ་ཙནྡན་གྱི་ཆུས་ཆག་ཆག་བཏབ་པ། ལྷའི་མནྡ་ར་བས་པུས་ནུབ་ཙམ་དུ་ཁེབས་ཤིང་། རིན་ཆེན་སྣ་བཞིའི་རྩིག་པའི་རྫིང་ན་ཆུ་སྦྲང་རྩི་ལྟ་བུའི་གང་བ། རྫིང་གི་འགྲམ་ན་མེ་ཏོག་དང་གོས་རྣམ་བཞི་འབྱུང་བའི་

― GTN003_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

དཔག་བསམ་གྱི་ཤིང་དང་། ཆུ་དང་། ཐང་དང་དེ་ལས་སྐྱེས་པའི་མེ་ཏོག་དང་། དེ་ལ་གནས་པའི་བྱ་དང་། བུང་བ་སྐད་སྙན་སྙན་ལྟར་སྒྲོགས་པས་མཛེས་པར་བྱས་པ་ལ་སོགས་པ་ལོངས་སྤྱོད་དཔག་ཏུ་མེད་པས་བརྒྱན་པ། བང་རིམ་བཞི་ལ་གནས་པའི་ལྷ་རྣམས་དང་། གསེར་གྱི་རི་བདུན་ལ་ལྷའི་གྲོང་ཁྱེར་བསམ་གྱིས་མི་ཁྱབ་པ་ཡོད་པས། དེ་དག་དང་གླིང་བཞི་གླིང་ཕྲན་ཁོར་ཡུག་དང་བཅས་པའི་འབྱུང་བ་བཞིའི་ལྷ་ཐམས་ཅད་རྒྱལ་ཆེན་རིགས་བཞིའི་ལྷར་གཏོགས་སོ། ། ༡༤༜ ཡང་ཤར་གྱི་ཚོམ་བུ་དབུས་མའི་མདུན་དུ་ཚོམ་བུ་འགོད་དེ་རིན་པོ་ཆེའི་རི་བོ་ཞེས་པས། ཤར་གླིང་གི་ནང་དུ་རིན་པོ་ཆེའི་རི་བོ་རིན་པོ་ཆེ་སྣ་ཚོགས་ཀྱི་རང་བཞིན་ཅན་རྒྱ་དཔངས་ལ་ཚད་བཟུང་མེད་པ་དེ་བཞིན་གླིང་གཞན་གསུམ་པོའི་མདུན་དུ་ཡང་ཚོམ་བུ་སོ་སོར་འགོད་དེ། དཔག་བསམ་གྱི་ཤིང་། འདོད་འཇོའི་བ། མ་རྨོས་པ་ཡི་ལོ་ཐོག་ཞེས་པས། ༡༥༜ ལྷོ་གླིང་གི་ནང་དུ་དཔག་བསམ་གྱི་ཤིང་རིན་པོ་ཆེ་སྣ་བདུན་གྱི་རང་བཞིན་ཅན། རྩ་བ་སྡོང་པོ་ཡལ་ག་ལོ་འདབ་མེ་ཏོག་འབྲས་བུ་ལ་སོགས་པ་ཕུན་སུམ་ཚོགས་པ་དགོས་འདོད་ཐམས་ཅད་ཡིད་བཞིན་དུ་འབྱུང་བའི་རང་བཞིན་ཅན། ༡༦༜ ནུབ་གླིང་གི་ནང་དུ་འདོད་འཇོའི་བ་དམར་སེར་གཟུགས་བཟང་ཞིང་བལྟ་ན་སྡུག་པ་འདོད་དགུ་འབད་མེད་དུ་འབྱུང་བ། ༡༧༜ བྱང་གླིང་གི་ནང་དུ་མ་རྨོས་པའི་ལོ་ཐོག་རོ་བཅུད་ཕུན་སུམ་ཚོགས་པའི་འབྱུང་ཁུངས་ཅན་ཏེ། དེ་བཞི་ཀས་མཚོན་གླིང་བཞིའི་ལོངས་སྤྱོད་ཀྱི་དཔལ་

― GTN003_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུན་སུམ་ཚོགས་པ་ཐམས་ཅད་མ་སྒྲུབ་འབད་མེད་དུ་རང་བྱུང་བས་ཕྱུར་བུར་གང་བ་བསམ་མོ། ། དེ་ཡང་ཡོངས་གྲགས་ཀྱིས་མཎྜལ་ཚོམ་བུ་ཉེར་གསུམ་དུ་བྱས་ན་རིན་པོ་ཆེའི་རི་བོ་སོགས་བཞི་དང་། སྒེག་སོགས་བརྒྱད་གདུགས་དང་རྒྱལ་མཚན་རྣམས་མེད་ཀྱང་འདི་རྣམས་ཚོམ་བུ་སོ་བདུན་མའི་སྒེར་ཆོས་ཡིན་ལ། རིན་པོ་ཆེ་སྣ་བདུན་དང་གཏེར་བུམ་ཉི་ཟླ་རྣམས་ནི་གོང་ལྟར་འགོད་པས་མཚོན། འདུལ་བ་ལུང་དང་། མདོ་དྲན་པ་ཉེར་བཞག །མངོན་པ་འབྱུང་བའི་མདོ་སོགས་དང་རྗེས་མཐུན་གྱི་བཤད་པས་རིན་པོ་ཆེ་སྣ་བདུན་གྱི་དབྱེ་བ་ཅུང་ཟད་སྤྲོ་ན། དེ་ཡང་མདོ་སྡེ་རྒྱན་ལས། བྱང་ཆུབ་སེམས་དཔའ་རྟག་ངུ་ནི། །ཁྱིམ་པ་འཁོར་ལོས་སྒྱུར་རྣམས་སུ། །གྱུར་ནས་སྐྱེ་བ་ཐམས་ཅད་དུ། །སེམས་ཅན་རྣམས་ཀྱི་དོན་བྱེད་དོ། །ཞེས་གསུངས་པ་ལྟར་བྱང་སེམས་འཕགས་པ་རྣམས་ཐབས་ལ་མཁས་པས་སེམས་ཅན་རྣམས་འདུལ་བའི་ཕྱིར་འཁོར་ལོས་སྒྱུར་བའི་རྒྱལ་པོ་སོགས་གང་ལ་གང་འདུལ་གྱི་རྣམ་པར་རོལ་པ་མཐའ་ཡས་པར་སྟོན་པར་མཛད་པ་ནི་ཆོས་ཉིད་ཡིན་ལ། དེ་ལ་འཁོར་ལོས་སྒྱུར་བའི་རྒྱལ་པོ་འཇིག་རྟེན་དུ་ནམ་འབྱུང་བའི་དུས་ནི། མངོན་པ་མཛོད་ལས། འཁོར་ལོས་སྒྱུར་བ་འབྱུང་བ་ནི། །སྟོང་ཕྲག་བརྒྱད་ཅུ་ལས་མི་འཕྱིས། །ཞེས་པས་ཚེ་ལོ་དཔག་ཏུ་མེད་པ་ནས་སྟོང་ཕྲག་བརྒྱད་ཅུ་ཐུབ་པའི་བར་འབྱུང་གི །དེ་ལས་ཐུང་བའམ་འཕྱིས་པ་ལ་འབྱུང་བ་མ་ཡིན་ཏེ། ལོངས་སྤྱོད་མི་རྫོགས་པའི་ཕྱིར་སྙམ་དུ་དགོངས་སོ། །

― GTN003_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟར་ན་འཁོར་ལོས་སྒྱུར་བའི་རྒྱལ་པོ་དེ་ལ་རིགས་དུ་ཙམ་ཞིག་ཡོད་ཅེ་ན། མཛོད་ལས། གསེར་དངུལ་ཟངས་ལྕགས་འཁོར་ལོ་ཅན། །དེ་དག་གླིང་གཅིག་གླིང་གཉིས་དང་། །གསུམ་དང་བཞི་ལ་ལས་རིམ་བཞིན། །ཞེས་པས་ཐམས་ཅད་ཀྱི་མཆོག་གསེར་གྱི་འཁོར་ལོས་སྒྱུར་བས་ནི་གླིང་བཞི་དང་། ལྷ་གནས་སུམ་ཅུ་རྩ་གསུམ་མན་ལ་དབང་བསྒྱུར་བ་སྟེ་རྒྱལ་པོ་ང་ལས་ནུ་ལྟ་བུའོ། །དེ་བཞིན་དུ་ཉེ་བའི་མཆོག་དངུལ་གྱི་འཁོར་ལོས་སྒྱུར་བས་ནི་གླིང་གསུམ་ལ་དབང་བ་སྟེ་དེའི་བུ་མཛེས་པ་ལྟ་བུ་དང་། འབྲིང་ཟངས་ཀྱི་འཁོར་ལོས་སྒྱུར་བས་ནི་གླིང་གཉིས་ལ་དབང་བསྒྱུར་བ་སྟེ་དེའི་བུ་ཉེར་མཛེས་ལྟ་བུའོ། །ཐ་མ་ལྕགས་ཀྱི་འཁོར་ལོས་སྒྱུར་བ་ནི་གླིང་གཅིག་ཁོ་ནར་དབང་བ་སྟེ་དེའི་བུ་མཛོད་ལྡན་ལྟ་བུ་ཡིན་ཞིང་། དེ་ཡང་གླིང་གང་དུ་སངས་རྒྱས་གཅིག་ཁོ་ནས་མཛད་པ་བཅུ་གཉིས་སྟོན་པ་ལ། དེ་དང་ལྷན་དུ་སངས་རྒྱས་གཉིས་པ་ཞིག་མི་འབྱུང་བ་བཞིན་དུ་གླིང་གཅིག་ཏུ་འཁོར་ལོས་སྒྱུར་བའང་གཉིས་ལ་སོགས་པ་དུས་གཅིག་ཏུ་མི་འབྱུང་བ་བཞིན་ཡིན་ལ། དེ་བཞི་པོའང་བསོད་ནམས་མཆོག་དམན་གྱི་ཁྱད་པར་ལས་དབང་བསྒྱུར་ཚུལ་ཡང་། མདུན་བསུ་རང་འགྲོ་གཡུལ་བཤམས་དང་། །མཚོན་རྩོན་རྒྱ་ལ་གནོད་པ་མེད། །ཅེས་པས་གསེར་གྱི་འཁོར་ལོས་སྒྱུར་བ་ནི། ཕོ་བྲང་རྒྱལ་ཕྲན་རྣམས་ཀྱིས་མདུན་བསུ་བའི་ཚུལ་གྱིས་ཕྱོགས་ལས་རྒྱལ་བར་བྱེད་པ་དང་། དེ་བཞིན་དུ་དངུལ་གྱི་རང་འགྲོ་བ་དང་། ཟངས་ཀྱི་གཡུལ་བཤམས་ཙམ། ལྕགས་ཀྱི་མཚོན་ཆའི་བཀོད་པ་རྩོམ་པས་འདུད་ཅིང་རྒྱལ་བར་བྱེད་པ་

― GTN003_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། ཆབ་འབངས་རྣམས་དགེ་བཅུའི་ལམ་ལ་འགོད་པར་མཛད་པས་ཕ་རོལ་པོའི་སྲོག་གཅོད་པ་སོགས་གནོད་པར་གྱུར་པ་ནི་མེད་དོ། །འཁོར་ལོས་སྒྱུར་བ་དེའི་ཡོན་ཏན་གྱི་ཁྱད་པར་ནི། མཛོད་འགྲེལ་ལས། དེ་དག་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱང་ཡོད་དེ། དཔེར་ན་སངས་རྒྱས་རྣམས་ཇི་བཞིན་ནོ། །ཞེས་གསུངས་ལ། འོ་ན་སངས་རྒྱས་ཀྱི་མཚན་བཟང་དང་ཁྱད་པར་ཆེ་སྟེ། ཐུབ་པའི་མཚན་བཟང་དང་དཔེ་བྱད་ནི་ཤིན་ཏུ་མཛེས་ཤིང་གསལ་བས། འཁོར་ལོས་སྒྱུར་བ་ནི་དེ་ལྟར་མ་ཡིན་ནོ་སྙམས་ན། དེ་ནི་ཕྱོགས་མཚུངས་པས་སྦྱར་བ་ཡིན་ཏེ། མངོན་འབྱུང་ལས། མཚན་འདི་གསལ་ལ་ལྡན་པ་མིའི་དབང་པོ། །གླིང་བཞི་རྣམས་ཀྱི་བདག་པོ་དབང་ཕྱུག་འགྱུར། །ཐུབ་དབང་མཚན་ནི་ཤིན་ཏུ་གསལ་བས་ན། །མི་མཆོག་སངས་རྒྱས་ཆོས་འཁོར་བསྐོར་བ་འགྱུར། །ཞེས་དང་། མཛོད་ལས། ཐུབ་མཚན་ཡུལ་ལ་གནས་པ་དང་། །གསལ་བར་སྟོན་པས་འཕགས་པ་ཡིན། །ཞེས་གསུངས་ཤིང་། དེ་ཡང་སྔོན་འཇིག་རྟེན་དུ་འཁོར་ལོས་སྒྱུར་བ་འབྱུང་བའི་ཚེ། གླང་ཆེན་ས་སྲུང་གི་བུའི་སྣས་རྒྱལ་པོ་ཉིད་བླངས་ཏེ་གསེར་གྱི་ཁྲིར་བཞག་པ་ལ། སུམ་ཅུ་རྩ་གསུམ་གྱི་གནས་ནས་ལྷའི་ཆུ་བོ་དྲི་མ་མེད་པས་ཡོངས་སུ་གང་བའི་བདུད་རྩིའི་བུམ་པ་བླངས་ཏེ། སྤྱི་བོ་ནས་ཁྲུས་གསོལ་བས་འཁོར་ལོས་སྒྱུར་བའི་རྒྱལ་པོར་དབང་བསྐུར་དགོས་པ་ཡིན་ཏེ། དེ་ལྟ་བུའི་འཁོར་ལོས་སྒྱུར་བ་འཇིག་རྟེན་དུ་བྱུང་བ་ན་རྒྱལ་སྲིད་རིན་པོ་ཆེ་སྣ་བདུན་དག་ཀྱང་འཇིག་རྟེན་དུ་འབྱུང་བ་ཡིན་པ་ནི། འདུལ་བ་ལུང་ལས། ཀུན་དགའ་བོས་སྨྲས་པ། སྲིང་མོ་འཁོར་ལོས་སྒྱུར་བ་འཇིག་
རྟེན་དུ་བྱུང་ན་རིན་ཆེན་སྣ་བདུན་དག་ཀྱང་འཇིག་རྟེན་དུ་འབྱུང་བ་ཡིན་ཏེ། ཞེས་གསུངས་ཤིང་། དེ་དག་གི་གོ་རིམ་ཀྱང་འདུལ་བ་ལུང་ལས་ཡུལ་དགྲ་མཐར་བྲམ་ཟེའི་ཁྱེའུ་མེས་བྱིན་གྱི་གཏམ་རྒྱུད་ལས་བརྩམས་ཏེ། ཀུན་དགའ་བོས་འཁོར་ལོས་སྒྱུར་བའི་གཏམ་བཤད་པར། འཁོར་ལོ། གླང་པོ་ཆེ། རྟ་མཆོག །ནོར་བུ། བུད་མེད་ལྔ་རྒྱས་པར་བཤད། ཕྱི་མར་བློན་པོ་དམག་དཔོན་གཉིས་ཀྱི་མིང་ཙམ་སྨོས་པ་དང་། མདོ་དྲན་པ་ཉེར་བཞག་ལས། བུད་མེད། ནོར་བུ། འཁོར་ལོ། གླང་པོ། རྟ་མཆོག །བློན་པོ། ཁྱིམ་བདག་བདུན་གྲལ་རིམ་མཛད་པ་ལ། འདིའི་བློན་པོ་ཞེས་པ་དམག་དཔོན་དང་། ཁྱིམ་བདག་བློན་པོར་ངོས་འཛིན་ལ། མངོན་འབྱུང་གི་མདོ་དང་། དེའི་རྗེས་སུ་འབྲངས་པའི་བསྟན་བཅོས་འགར། འཁོར་ལོ། ནོར་བུ། བཙུན་མོ། བློན་པོ། གླང་པོ། རྟ་མཆོག །དམག་དཔོན་ཏེ་བདུན་དུ་བཞག་པ་སོགས་སྣ་ཚོགས་སྣང་ཡང་། རེ་ཞིག་ཕྱི་མ་དང་མཐུན་པར་འཆད་ན་སྤྱི་འགྲོ་ཡང་ཡིན་ལ། འདིར་བཤད་པ་དང་མཐུན་པ་ཡིན་པས།

༜ཤར་གླིང་གི་རིན་པོ་ཆེའི་རི་བོའི་མདུན་དུ་ཚོམ་བུ།

― GTN003_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

༡༨༜ དེ་ཡང་ཤར་གླིང་གི་རིན་པོ་ཆེའི་རི་བོའི་མདུན་དུ་ཚོམ་བུ་འགོད་དེ། འཁོར་ལོ་རིན་པོ་ཆེ་ཞེས་པས། ཤར་གླིང་གི་མདུན་གྱི་ནམ་མཁར་འཛམ་བུ་ཆུ་བོའི་གསེར་སྦྱངས་ལས་གྲུབ་པའི་འཁོར་ལོ་རིན་པོ་ཆེ་རྩིབས་སྟོང་དང་ལྡན་ཞིང་ཉི་མའི་གཟི་བྱིན་འཕྲོག་པ་ཞིག་བསམ་སྟེ། དེ་ལྟ་བུའི་འཁོར་ལོ་དེ་ལ་ཡོན་ཏན་རྣམ་ལྔ་ཡོད་པ་ནི། རྒྱ་ཆེར་རོལ་པ་ལས། རྒྱུ་འཛམ་བུ་ཆུ་བོའི་གསེར་ལས་གྲུབ་པ་རྒྱར་དཔག་ཚད་ལྔ་བརྒྱ་ལ། མདོག་ཉི་མ་ལྟར་མཛེས་པ། ནམ་མཁའ་ལ་

― GTN003_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

དཔག་ཚད་འབུམ་དུ་ཉི་མ་གཅིག་གིས་ཐོགས་པ་མེད་པར་འགྲོ་བ། རྒྱལ་པོ་གླིང་སོགས་གང་དུ་འགྲོ་བའི་ཚེ་འཁོར་ལོ་དེ་ཡང་ནམ་མཁའ་ལ་འགྲོ་ཞིང་། དེའི་མཐུས་རྒྱལ་པོ་དཔུང་ཚོགས་ཡན་ལག་བཞི་ཡང་ནམ་མཁའ་ལ་འགྲོ་ལ། རྒྱལ་པོ་མི་ཐོས་པ་ཐམས་ཅད་དེས་གྲོགས་བྱས་ན་ཐོས་པ། བསྔོ་བ་གང་ཡང་མེད་པར་རྒྱལ་པོ་བློན་པོ་སོགས་གྲོགས་སོ་སོའི་འདོད་པ་ཐམས་ཅད་འགྲུབ་པའོ། །ཞེས་བཤད་ལ་ལུང་འདི་ལྟར་ན་འཁོར་ལོ་དེའི་རྒྱུའང་སྔར་བཤད་ལྟར་འཛམ་བུ་ཆུ་བོའི་གསེར་ལས་གྲུབ་པ་ཡིན་ལ། མངོན་པར་འབྱུང་བའི་མདོར། ལྷ་རྫས་ལས་བྱས་ལྟེ་བ་ཤིན་ཏུ་ཟླུམ། །རྩིབས་སྟོང་ལྡན་ཞིང་མུ་ཁྱུད་རབ་མཉམ་བཟང་། །སྡང་བའི་དགྲ་ལས་རྣམ་པར་རྒྱལ་གྱུར་པའི། །འཁོར་ལོ་རིན་ཆེན་ཞེས་པས་འཁོར་ལོའི་རྒྱུ་ནི་མི་དང་ཀླུའི་འཇིག་རྟེན་དུ་བྱུང་བ་ལྟ་བུའི་དངོས་པོ་མ་ཡིན་པར་ལྷ་རྫས་ཀྱི་དྭངས་མའི་གསེར་བཟང་པོ་ལས་བྱས་པ། དབྱིབས་ཀྱང་ལྟེ་བ་ཟླུམ་པོ་ཕྱོགས་དང་ཕྱོགས་བྲལ་དུ་རྩིབས་སྟོང་རྣམ་པར་བཀྲ་ཞིང་། ཁོར་ཡུག་ཏུ་མུ་ཁྱུད་མཉམ་ཞིང་བཟང་བ། བྱེད་ལས་ནི་དེ་ལྟ་བུའི་འཁོར་ལོ་དེ་ཉིད་མངོན་དུ་ཕྱོགས་པ་ཙམ་གྱིས་ཕྱིར་རྒོལ་བའི་དགྲ་ལས་རྣམ་པར་རྒྱལ་བའི་རུ་མཚོན་ཐོབ་པ་སྟེ་ཁྱད་ཆོས་གསུམ་ལྡན་ནོ། ། འཁོར་ལོ་དེ་ཇི་ལྟར་བྱུང་ཞེ་ན། དེ་ལ་འཁོར་ལོས་སྒྱུར་བའི་རྒྱལ་པོ་དེ་ཉིད་བཙུན་མོའི་ཚོགས་དང་བཅས་ཚེས་བཅོ་ལྔའི་ཉིན་ཁྲུས་བྱས་ཏེ་གསོ་སྦྱོང་ལ་གནས་པའི་ཚེ། ཤར་ཕྱོགས་ཀྱི་ནམ་མཁའ་ནས་ལྷའི་འཁོར་ལོ་རིན་པོ་ཆེ་རྩིབས་སྟོང་དང་ལྡན་ཞིང་མུ་ཁྱུད་དང་བཅས་པ་ཐམས་ཅད་གསེར་ལས་གྲུབ་པ་མགར་

― GTN003_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

བས་མ་བྱས་པ་ཞིག་ཤིང་ཏ་ལ་བདུན་ཙམ་གྱི་འཕང་ཐད་ནས་བྱུང་བར་མདོ་སྡེ་རྒྱ་ཆེར་རོལ་པ་ལས་གསུངས་ཤིང་། མདོ་གཞན་དུ་བརྒྱ་བྱིན་གྱིས་བྱིན་པ་དང་། ལ་ལར་བསོད་ནམས་ཀྱི་མཐུས་རི་རབ་ཀྱི་ཁོངས་གསེང་ནས་རང་ཤུགས་ཀྱིས་བྱུང་བ་སོགས་བཤད་ཚུལ་མང་དུ་མཆིས་ཤིང་། གང་ལྟར་ཡང་དེའི་ཚེ་རྒྱལ་པོའི་བསམ་པ་ལ། བདག་ནི་སྔོན་གྱི་བསོད་ནམས་ཀྱི་མཐུས་འཁོར་ལོས་སྒྱུར་རྒྱལ་དུ་འགྱུར་རོ་སྙམས་ནས་འཁོར་ལོ་བརྟགས་པར་འདོད་དེ། དེའི་ལག་པ་གཉིས་ཀྱིས་བླངས་ནས་གཡོན་པར་བཞག་སྟེ་གཡས་པས་བསྐོར་ཞིང་ཀྱེ་འཁོར་ལོ་རིན་པོ་ཆེ་སྔོན་གྱི་འཕགས་པའི་ལམ་སྲོལ་གང་ཡིན་པར་རྣམ་པར་རྒྱལ་བར་གྱུར་ཅིག །ཅེས་སྨྲས་ནས་འཁོར་ལོ་དེ་རྒྱལ་པོས་བསྐོར་བ་དང་། སྟེང་གི་ནམ་མཁའ་ལ་འཕགས་ཏེ་ཤར་ཕྱོགས་སུ་སྔོན་གྱི་འཁོར་ལོས་སྒྱུར་བའི་ལམ་སྲོལ་གང་ཡིན་པ་དེར་འགྲོའོ། །དེའི་རྗེས་སུ་འཁོར་ལོས་སྒྱུར་བའི་དཔུང་ཚོགས་ཡན་ལག་བཞི་པའི་ཚོགས་དང་བཅས་པས་བགྲོད་པ་ལས། འཁོར་ལོ་དེ་གང་དུ་སྡོད་པར་རྒྱལ་པོ་འཁོར་དང་བཅས་པས་གནས་འདེབས་ཤིང་ཤར་ཕྱོགས་ཀྱི་ཁམས་ཀྱི་རྒྱལ་ཕྲན་ཅི་བགྱིའི་འབངས་སུ་མཆིས་ཤིང་དབང་འདུའོ། །དེ་བཞིན་ལྷོ་ནུབ་བྱང་གི་ཕྱོགས་རྣམས་སུའང་སྔར་བཞིན་འགྲོ་ཞིང་རྒྱལ་ཕྲན་རྣམས་འདུས་པའི་བྱ་བ་འཁོར་ལོ་དེའི་ནུས་པའི་བྱེད་པས་ཕྱིར་འཁོར་ལོས་སྒྱུར་རྒྱལ་ཞེས་གྲགས་པ་ཡིན་ལ། ལུང་གི་སྤྲོས་པ་ནི་ཚིག་མང་བར་དོགས་ཏེ་མ་སྤྲོས་སོ། །དེ་ལྟ་བུའི་འཁོར་ལོ་དེ་མཆོད་པའི་རྫས་སུ་ཕུལ་བས་དགོས་ཆེད་ཅི་ཞིག་ཞེ་ན། འཁོར་བ་

― GTN003_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

ལུ་གུ་རྒྱུད་དུ་འཁྲུལ་པའི་རྒྱུ་བདག་འཛིན་གཉིས་སྣང་གི་བག་ཆགས་རྩད་ནས་བཅད་དེ། བདག་དོན་དུ་དག་པ་གཉིས་ལྡན་གྱི་སྐུ་མངོན་དུ་བྱས། གཞན་དོན་དུ་ཆོས་ཀྱི་འཁོར་ལོ་རྒྱ་ཆེན་པོ་བསྐོར་ནས་འགྲོ་བའི་དོན་བླ་ན་མེད་པར་བྱེད་ནུས་པའི་བདག་ཉིད་ཅན་དུ་འགྱུར་བའི་དོན་ནོ། ། ༡༩༜ ཡང་ལྷོ་གླིང་གི་དཔག་བསམ་ཤིང་གི་མདུན་དུ་ཚོམ་བུ་འགོད་དེ་ནོར་བུ་རིན་པོ་ཆེ་ཞེས་པས། ལྷོ་གླིང་དཔག་བསམ་ཤིང་གི་མདུན་དུ་ནོར་བུ་རིན་པོ་ཆེ་བཻ་ཌཱུརྱ་ཟུར་བརྒྱད་པ་འོད་ཟེར་གྱིས་དཔག་ཚད་བརྒྱའི་བར་གྱི་ཁོར་ཡུག་ཀུན་གྱི་མུན་པའི་གོ་སྐབས་འཕྲོག་པར་བྱེད་ཅིང་། ཚ་བས་གདུང་ན་བསིལ་བའི་ནུས་པ། གྲང་བས་གདུང་ན་དྲོ་བའི་ནུས་པ། གང་དུ་གནས་ཀྱང་ས་ཕྱོགས་དེའི་སྐྱེ་བོ་ཀུན་གྱི་མི་དགེ་བའི་རྒུད་ཚོགས་མཐའ་དག་སེལ་བར་ནུས་ཤིང་ཡིད་ལ་སྨོན་ཚད་གྲུབ་པའི་རང་བཞིན་ཅན་ཞིག་བསམ་སྟེ། དེ་ལྟ་བུའི་ཚེ་ནོར་བུ་རིན་པོ་ཆེ་དེ་ལ་མདོར་བསྡུ་ན་ཡོན་ཏན་རྣམ་པ་བརྒྱད་དེ། མདོ་དྲན་པ་ཉེར་བཞག་ལས། ནོར་བུ་རིན་པོ་ཆེ་ཆེན་པོ་མིའི་བརླ་ཤ་ཙམ་བརྒྱད་པ། མཚན་མོ་སྟོན་ཀའི་ཟླ་བ་ཉ་གང་བ་ལྟར་གསལ་བའི་འོད་དཔག་ཚད་བརྒྱད་འབྱུང་ཞིང་། ཚ་བས་གདུང་བ་ལ་འོད་བསིལ་བ་ཅན་དང་། ལམ་དུ་ཞུགས་པ་ན་ཆུ་དང་བྲལ་བར་སྐོམ་པའི་གདུང་བ་རྣམས་ལ་ཡན་ལག་བརྒྱད་ལྡན་གྱི་ཆུ་བྱུང་ནས་སྐོམ་པ་སེལ་བ། རྒྱལ་པོའི་ཅི་བསམ་པ་ཐམས་ཅད་ནོར་བུ་དེ་ལས་འབྱུང་བ་དེའི་ཆ་བརྒྱད་པའི་ཆ་རེ་རེ་ནས་འོད་དཀར་སྔོ་སེར་དམར་ཙོད་ཁ་ལྟ་བུ་སྣ་ཚོགས་པ་འཕྲོ་བས་ནོར་

― GTN003_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་གང་དུ་ཡོད་པའི་དཔག་ཚད་བརྒྱའི་འཁོར་སར་ནད་མེད་ཅིང་རྟག་ཏུ་ཡིད་ལ་མཉམ་པར་བཞག་པ་དང་འདོད་པའི་འབྲས་བུ་མེད་པ་མ་ཡིན་པ། རླུང་ངན་པའི་ཆར་མི་བཟད་པར་འབེབས་མི་ནུས་པ། མྱ་ངམ་དང་གཡང་ས་སོགས་མེད་ཅིང་། མཚེའུ། ཚལ། སྨན། ནགས། ནེའུ་གསིང་ཕུན་སུམ་ཚོགས་པ་འབྱུང་བ། དུས་མ་ཡིན་པའི་འཆི་བ་མི་འབྱུང་ཞིང་དུད་འགྲོའི་རིགས་ཀྱིས་མི་གནོད་པར། རྒྱལ་པོ་དེ་ལ་བུ་དཔའ་ཞིང་བརྟུལ་ཕོད་པ་སྟོང་འབྱུང་བ་སྟེ་བརྒྱད་དོ། །ཞེས་བཤད་པ་མངོན་འབྱུང་གི་མདོར། རིན་ཆེན་ངོ་བོ་ལྷ་རྫས་བཻ་ཌཱུརྱ། །ཀུན་ཏུ་དཔག་ཚད་ཙམ་དུ་སྣང་བྱེད་ཅིང་། །དྲི་མེད་ཉིན་མོ་ཇི་བཞིན་མཚན་དེ་བཞིན། །ནོར་བུ་རིན་པོ་ཆེ་ཞེས་པས། ནོར་བུ་དེའི་རྒྱུ་ནི་རིན་པོ་ཆེ་བཻ་ཌཱུརྱ་བཟང་པོ་སྟེ། དེ་ལ་ཡང་སྤྱིར་མཆོག་དམན་གཉིས་ལས་མཆོག་ནི་དེ་བཞིན་གཤེགས་པའི་གདུང་དང་རིང་བསྲེལ་ནོར་བུར་གྱུར་པ་ལ་བཻ་ཌཱུརྱ་ཏོག་གི་བློ་གྲོས་ཞེས་བྱ་སྟེ། མཆོག་དམ་པ་དང་ནམ་མཁའ་ལྡིང་གིས་དུག་སྦྲུལ་ཟོས་པས་དེ་ཡི་དུག་གིས་མཁའ་ལྡིང་གི་ལུས་བསྲེགས་སྙིང་བཻ་ཌཱུརྱར་གྱུར་པ་ཡང་མཆོག་ཏུ་གྲགས་པ་དང་། བཻ་ཌཱུརྱ་ཕལ་པ་ལ། མཉྫུ་རེ་ཞེས་པ་བཻ་ཌཱུརྱ་སེར་པོ་པུ་ཀ་ར་ཞེས་པ་ལྗང་གུ་ལ་པུ་བྱ་ཞེས་པ་དཀར་པོ་སྟེ། རིགས་གསུམ་ལ་སོགས་པར་བཤད་ཚོད་མང་ཡང་། འདི་ནི་དེ་འདྲ་ལ་མ་ལྟོས་པར་རྒྱལ་པོ་དེའི་བསོད་ནམས་ཀྱི་དཔལ་ལས་གྲུབ་པ་སྟེ། བྱེད་ལས་ནི་དེའི་འོད་ཀྱིས་ཁོ་ར་ཁོར་ཡུག་ཏུ་དཔག་ཚད་གཅིག་ཙམ་དུ་སྣང་བ་ཆེན་པོས་ཁྱབ་སྟེ། མུན་པའི་རབ་རིབ་ཞི་བས་མཚན་མོ་ཡང་ཉིན་བཞིན་དཀར་ཞིང་
གསལ་ཏེ་ཁྱད་ཆོས་གསུམ་ལྡན་ནོ། །དེ་ལྟ་བུའི་ནོར་བུ་རིན་པོ་ཆེ་དེ་མཆོད་པའི་རྫས་སུ་ཕུལ་བས་ན་ཀུན་རྫོབ་ཏུ་ཟང་ཟིང་གི་དངོས་པོ་གྱ་ནོམ་པ་དང་། དོན་དམ་དུ་ཡང་དག་དང་ལྟར་སྣང་འབྱེད་པའི་བློ་གྲོས་ཀྱི་མཐུས་བཀྲ་ཤིས་ཤིང་ཕོངས་པ་དག་བསལ་ནས། དད་པ་དང་། ཚུལ་ཁྲིམས་དང་། གཏོང་བ་དང་། ཐོས་པ་དང་། ཁྲེལ་ཡོད་དང་། ངོ་ཚ་ཤེས་པ། ཤེས་རབ་སྟེ་འཕགས་ནོར་བདུན་ལ་སོགས་པའི་འབྱོར་པས་ཕྱུག་པ། ཕུན་སུམ་ཚོགས་པ་ལྔ་ལྡན་གྱི་སྒོ་ནས་བསྟན་འགྲོའི་དོན་རྒྱ་ཆེན་པོ་འགྲུབ་པར་འགྱུར་བའི་རྟེན་འབྲེལ་ཡིན་ནོ། །

༜བྱང་གླིང་གི་མ་རྨོས་པའི་ལོ་ཏོག་གི་མདུན་དུ་ཚོམ་བུ།

― GTN003_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

༢༠༜ ཡང་བྱང་གླིང་གི་འདོད་འཇོའི་བའི་མདུན་དུ་ཚོམ་བུ་འགོད་དེ་བཙུན་མོ་རིན་པོ་ཆེ་ཞེས་པས། ནུབ་གླིང་གི་འདོད་འཇོའི་བའི་མདུན་དུ་བཙུན་མོ་རིན་པོ་ཆེ་བུད་མེད་ཀྱི་སྐྱོན་ལྔ་དང་བྲལ་ཞིང་ཡོན་ཏན་བརྒྱད་དང་ལྡན་པ་མཛེས་ཤིང་བལྟ་བས་ཆོག་མི་ཤེས་པ་རེག་པ་ཙམ་གྱིས་བདེ་སྟོང་གི་ཡེ་ཤེས་རྩོལ་མེད་དུ་འཆར་བར་ནུས་པ་ཞིག་བསམ་སྟེ། དེ་ལྟ་བུའི་བཙུན་མོ་དེ་ལ་ཡོན་ཏན་དུ་མར་བཤད་ཀྱང་འདོམས་ཏེ་བཤད་ན་ལྔ་ཡིན་ཏེ། མདོ་དྲན་པ་ཉེར་བཞག་ལས། བུད་མེད་རིན་ཆེན་ཁ་ན་ཨུཏྤལ་ལའི་དྲི་འབྱུང་ཞིང་།༡ བྱ་ཀ་ལ་པིང་ཀ་ཞེས་རྒྱ་མཚོ་ན་གནས་པ་དེས་རེག་པ་ལྟར་རེག་ན་བདེ་བ།༢ དེས་རེག་པས་ཡིད་ལུས་དང་ཉོན་མོངས་པ་མེད་པར་གྱུར་པ།༣ བཀྲེས་པ་དང་། སྐོམས་པ་དང་། མྱ་ངན་དང་བྲལ་བར་འགྱུར་ཞིང་།༤ རྒྱལ་པོ་ལ་དེས་རེག་པས་གྲང་དུས་དྲོ་བ་དང་། དྲོ་དུས་བསིལ་བར་བྱེད་པ།༥ དེ་ལ་མི་གཞན་གྱིས་རེག་པར་མི་ནུས་ཤིང་། བུད་

― GTN003_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་ཀྱི་སྐྱོན་ལྔ་ནི། སྐྱེས་པ་གཞན་སེམས་པ། སེར་སྣ་མི་རིགས་པ་ཆགས་པ། མི་རིགས་པའི་གནས་ལ་རྗེས་སུ་ཆགས་པར་མི་དགའ་བར། ཁྱིམ་ཐབ་ཀྱི་སྲོག་གཅེས་པར་མི་འཛིན་པ་རྣམས་སྤང་བ། ཡོན་ཏན་ལྔ་ནི། གང་དུ་རྒྱལ་པོའི་བསམ་པ་དང་མཐུན་པ། བུ་མང་པོ་བཙས་པར་ནུས་པ། ཁྱིམ་ཐབ་ཀྱི་བུད་མེད་གཞན་ལ་ཕྲག་མི་དོགས་པ། མ་དང་སྲིང་མོ་ལྟ་བུར་མཐོང་བ། ཚིག་ཆལ་ཆོལ་མི་སྨྲ་ཞིང་རྒྱལ་པོའི་སྲིད་མཐོ་བར་འགྱུར་བ། ལོག་ལྟ་མེད་པའོ། །ཞེས་བཤད་ལ། མངོན་འབྱུང་གི་མདོར། གཟུགས་མཛེས་བལྟ་ན་སྡུག་ཅིང་ཚུལ་བཟང་བ། །པགས་པའི་མདོག་ལེགས་འཇམ་ཞིང་དྲི་མཆོག་ལྡན། །ཡིད་འོང་འདོད་དགུའི་རེག་བྱ་དང་ལྡན་པའི། །བཙུན་མོ་རིན་ཆེན་ཞེས་པས་གཟུགས་ཀྱི་སྐྱེ་མཆེད་ཤིན་ཏུ་མཛེས་ཤིང་བལྟ་ན་སྡུག་པ། ངང་ཚུལ་བཟང་ཞིང་རང་བཞིན་གྱིས་ཤེས་རྒྱུད་དུལ་བ། པགས་པའི་མདོག་དཀར་ལ་དམར་བའི་མདངས་ཀྱིས་ལེགས་ཤིང་འཇམ་པ། ཡིད་དུ་འོང་ཞིང་སིམ་པ་སྐྱེད་པའི་རེག་བྱ་མཆོག་དང་ལྡན་པ་སྟེ་ཁྱད་ཆོས་དྲུག་ལྡན་ཏེ། བཙུན་མོ་རིན་ཆེན་དེ་མཆོད་པའི་རྫས་སུ་ཕུལ་བས་ཐེག་པ་འོག་མ་ལྟར་ཐབས་ལ་མི་རྨོངས་ཤིང་། ཟབ་མོ་སྟོང་པ་ཉིད་ཀྱི་ཤེས་རབ་རྣམ་པར་དག་པ་རྟོགས་པ་ཐབས་སྣང་བའི་ཆ་གང་དུའང་མ་སྤངས་ཤིང་། ཅིར་ཡང་མ་བསྒྱུར་པར་ཤེས་རབ་ཡེ་ཤེས་ཀྱི་དེ་ཁོ་ན་ཉིད་ལ་དབང་འབྱོར་ནས་སྣང་སེམས་དབྱེར་མེད་དུ་དག །ཕྱི་ཀུན་རྫོབ་ཀྱི་ཐབས་ཤེས་ལ་མཉམ་པར་སྦྱར་པའི་དགའ་བ་བཞི་ལུགས་འབྱུང་ལུགས་ལྡོག་གི་རྩལ་སྦྱངས། ཨ་བ་དྷཱུ་ཏིའི་རྩ་མདུད་ཉི་ཤུ་རྩ་གཅིག་དུས་

― GTN003_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ལ་གྲོལ་ཏེ། ཁ་སྦྱོར་ཡན་ལག་བདུན་ལྡན་གྱི་སྐུ་མངོན་དུ་འགྱུར་བའི་རྟེན་འབྲེལ་ཡིན་ནོ། ། ༢༡༜ ཡང་བྱང་གླིང་གི་མ་རྨོས་པའི་ལོ་ཏོག་གི་མདུན་དུ་ཚོམ་བུ་འགོད་དེ། བློན་པོ་རིན་པོ་ཆེ་ཞེས་པས། བྱང་གླིང་གི་མ་རྨོས་པའི་ལོ་ཏོག་གི་མདུན་དུ་བློན་པོ་རིན་པོ་ཆེ་གཟུགས་བཟང་ཞིང་སྟོབས་ཆེ་བ་རྩལ་དང་ལྡན་ཞིང་བྱ་བ་ཐམས་ཅད་ལ་དཔྱད་བཟོད་པ། ས་ཡི་བདག་པོ་ལ་སྙིང་ཉེ་ཞིང་ངང་གིས་བརླིང་པ་དང་དཔོན་བཞིན་བཟང་ལྟ་བུ་ཞིག་བསམ་སྟེ། བློན་པོ་རིན་པོ་ཆེ་དེ་ལ་ཡོན་ཏན་བཞི་སྟེ། རྡོ་རྗེ་དང་། མཐོན་ཀ་དང་། མརྒཱཏྟཱ་དང་། སྤུག་དང་། གསེར་དངུལ་ལ་སོགས་པའི་རིན་པོ་ཆེའི་ནོར་རྫས་རྩོལ་བ་མ་བྱས་ཀྱང་མོད་ལ་ཟད་པ་མེད་པ། རྒྱལ་པོའི་བཀའ་ཅི་གསུངས་ལ་ཡིད་གཞུང་བ། རྒྱལ་པོའི་བསམ་པ་ཇི་ལྟར་བློན་པོས་རྟོགས་ནས་མ་བསྒོས་ཀྱང་ལས་བྱེད་ལ་ཆོས་ཀྱི་བྱ་བ་དང་ལྡན་པ། ཉོན་མོངས་པས་འཁོར་གཞན་ལ་ཕྲག་དོག་མེད་ཅིང་རྒྱལ་པོའི་དོན་ལ་མ་གཏོགས་གཞན་ལ་གནོད་པ་མེད་པ་རྣམས་ཏེ། མངོན་འབྱུང་གི་མདོར། གང་ཡང་རྒྱལ་བ་མུ་ཏིག་མདངས་ལྡན་པས། །གསེར་སོགས་མང་པོ་ཐུབ་ལ་ཕུལ་བ་ལྟར། །བཟོད་ལྡན་མཚུངས་པའི་ཁྱིམ་བདག་ནོར་ལྡན་ཏེ། །བློན་པོ་རིན་ཆེན་ཞེས་པས་སྔོན་རྒྱལ་བ་མུ་ཏིག་མདངས་ལྡན་ཞེས་བྱ་བས་བྱང་ཆུབ་ཀྱི་སྤྱོད་པ་སྤྱད་པ་ན། གསེར་དང་སོགས་ཀྱི་སྒྲས་ནོར་གྱི་རིགས་ཇི་སྙེད་པ་ཐུབ་པ་སྟེ་སངས་རྒྱས་ལ་ཕུལ་བ་ལྟར་དང་། སྔོན་གྱི་ཁྱིམ་བདག་བཟོད་ལྡན་དང་མཚུངས་པས་ཁྱིམ་བདག་ནོར་དང་ལྡན་པ་

― GTN003_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་བྱ་སྟེ། རྒྱལ་པོའི་བྱ་བ་བདག་གི་ཁ་ལོ་བསྒྱུར་བའི་བློན་པོ་རིན་ཆེན་ཞེས་སྔོན་བྱུང་གི་གཏམ་དང་སྦྱར་ཞིང་། འདིར་ཁྱིམ་བདག་དང་བློན་པོ་གཅིག་པར་བྱས་པ་སྟེ། གཞན་དུ་ཁྱིམ་བདག་དམག་དཔོན་ལ་སྦྱར་བའང་མཐོང་ངོ་། །མདོ་དྲན་པ་ཉེར་བཞག་མ་གཏོགས་འདུལ་བར་འདིའི་གཏམ་རྒྱུད་མ་བྱུང་ཡང་དོན་ཐོག་ལ་རྒྱུད་དྲང་བ་སྟེ། ཕུར་བུའི་བློ་གྲོས་ལྟར་དཀྱིལ་ཆེ་བ། མཛངས་ཤིང་ཡིད་གཞུང་བ། རྒྱལ་པོའི་དཀོར་ནོར་བསགས་པ་ལ་མཁས་པ་ངག་སྙན་ཞིང་ཡིད་དེས་པ་ལྷའི་མིག་དང་ལྡན་པས། ས་འོག་གི་གཏེར་ཐམས་ཅད་མཐོང་བ་ཞིག་ཡིན་པར་མཆིས་སོ། །དེ་ལྟ་བུའི་བློན་པོ་རིན་པོ་ཆེ་དེ་མཆོད་པའི་རྫས་སུ་ཕུལ་བས། ཕྱི་སྐུའི་རྒྱུད་བསྐྱེད་པ་མ་ཧཱ་ཡོ་ག །ནང་གསུང་གི་རྒྱུད་ལུང་ཨ་ནུ་ཡོ་ག །གསང་བ་ཐུགས་ཀྱི་རྒྱུད་རྫོགས་ཆེན་ཨ་ཏི་ཡོ་ག་སྟེ། ཐེག་པ་རྣམ་པ་གསུམ་གྱི་དོན་ལ་མ་རྨོངས་ཤིང་། དེ་ཁོ་ན་ཉིད་ཀྱི་དོན་བློ་བྲལ་བསམ་དཔྱོད་ལས་འདས་པའི་བསྟན་པ་རིན་ཆེན་འཛིན་སྐྱོང་སྤེལ་བར་བྱེད་པའི་ཡོན་ཏན་ཅན་དུ་འགྱུར་བའི་རྟེན་འབྲེལ་ཡིན་ནོ། ། ༢༢༜ ཡང་ཤར་དང་ལྷོའི་གླིང་ཕྲན་རྔ་ཡབ་གཞན་དང་ལུས་ཀྱི་བར་དེར་ཚོམ་བུ་འགོད་ནས། གླང་པོ་རིན་པོ་ཆེ་ཞེས་པས། ཤར་ལྷོ་མཚམས་ན་གླང་པོ་རིན་པོ་ཆེ་ཁ་དོག་ཐལ་སྐྱ་མཆེ་བ་དྲུག་ལྡན། སྤྱི་གཙུག་དམར་ཞིང་དཔངས་མཐོ་བ་གདོང་ནོར་བུའི་རྭ་བས་གཡོགས་པ་གླང་ཆེན་ཕལ་པ་སྟོང་གི་སྟོབས་ཤུགས་དང་ལྡན་ཞིང་གངས་ལྡན་གྱི་ས་འཛིན་ཐང་ལ་བབ་པ་ལྟར་དལ་གྱིས་འགྲོ་བ། དོན་མེད་པར་གཞན་ལ་མི་གནོད་ཅིང་། ཕ་རོལ་གྱི་གཡུལ་ལས་རྒྱལ་

― GTN003_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བྱེད་པ་ཞིག་བསམ་སྟེ། དེ་ལྟ་བུའི་གླང་པོ་རིན་པོ་ཆེ་དེ་ལ་ཡོན་ཏན་བརྒྱད་དེ། དྲན་པ་ཉེར་བཞག་ལས། གླང་པོ་ཆེ་ནི་བཀའ་མཉན་པ། ཅང་ཤེས་པ། ཡན་ལག་བདུན་ལེགས་པར་གནས་པ། གླང་ཆེན་སྟོང་གི་སྟོབས་དང་ལྡན་པས་བརྒྱ་བྱིན་གྱི་གླང་པོ་ཆེ་ལྟ་བུ་སྟེ། དེའི་དྲི་ཚོར་བས་གླང་པོ་ཆེ་ཕལ་པ་དག་ཀླད་པ་འགེམས་ཤིང་། ཕ་རོལ་གྱི་སྡེ་ལས་རྒྱལ་བ། མདོག་དངུལ་ལྟར་དཀར་བ། ཆུ་དང་སྐམ་དང་བར་སྣང་ལ་གཡུལ་འབྱེད་ནུས་པ་ཉིན་གཅིག་གིས་འཛམ་གླིང་བསྐོར་ནུས་པ། སྐུད་པས་ཀྱང་དཀྲིར་རུང་བ། རྒྱལ་པོས་བཞོན་ཚེ་གང་དུ་འགྲོ་བར་འདོད་པ་དེར་མ་བསྐུལ་ཡང་འཇུག་པ། གཙུག་ན་གསེར་གྱི་རྒྱན་གྱིས་བརྒྱན་ཞིང་། གསེར་གྱི་དྲྭ་བས་གཡོགས་པའོ། །ཞེས་བཤད་ལ། མངོན་འབྱུང་གི་མདོར། ཡན་ལག་ཐམས་ཅད་རབ་སྐྱེས་ས་ལ་ནི། །རབ་གནས་རི་འདྲ་གངས་ཆེན་གླང་པོ་ཆེ། །རྒྱལ་པོ་ལ་འོས་མཁའ་ལས་རབ་འགྲོ་བའི། །གླང་པོ་རིན་པོ་ཆེ་ཞེས་པས། རྒྱལ་པོའི་བསོད་ནམས་ཀྱི་སྟོབས་ལས་དུས་སུ་བྱུང་བའི་གླང་ཆེན་རྐང་ལག་བཞི། མཇུག་མ། མཚན་མ། སྣ་ཞགས་ཏེ་ཡན་ལག་བདུན་པོ་ཐམས་ཅད་ས་ལ་ལེགས་པར་གནས་པ་གཟུགས་ཆེ་ཞིང་བརྟན་པ་རི་དང་འདྲ་བ། རི་བོ་གངས་ཅན་ལས་འོང་བའི་གླང་པོ་ཆེ་བཞིན་ཡིད་དུ་འོང་བའོ། །ཡང་ན་འགའ་ཞིག་ཏུ། གངས་ཅན་རི་འདྲ་གླང་པོ་ཆེ། ཞེས་པ་ལྟར་ན་གླང་པོ་ཆེ་ཐལ་དཀར་གངས་ཅན་ནམ་གངས་རི་འགྲོ་ཞེས་པ་ལྟ་བུ་གསུངས་སམ་སྙམ་སྟེ། དེ་ལྟར་ན་མེ་ཏོག་ཀུ་མུད་དའི་མདངས་སམ། གངས་རི་ལྟར་དཀར་ཞིང་མཁའ་ལ་འགྲོ་ནུས་པ་སོགས་རྒྱལ་པོ་ལ་ཤིན་ཏུ་

― GTN003_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

འོས་པ་ཞིག་སྟེ། དེ་ལྟ་བུའི་གླང་པོ་ཆེ་དེ་མཆོད་པའི་རྫས་སུ་ཕུལ་བས་མུ་སྟེགས་བྱེད་ཀྱི་རྟག་ཆད་དང་། ཉན་ཐོས་ཀྱི་དངོས་ཞེན་ལ་སོགས་པ་ཐེག་པ་དམན་པའི་ལྟ་ངན་གྱི་རི་དྭགས་ཕལ་པ་དག་ཟིལ་གྱིས་མནན་ནས་བླ་མེད་རྡོ་རྗེ་ཐེག་པའི་གླང་པོ་ལ་བཞོན་ནས། རྣམ་པ་ཐམས་ཅད་མཁྱེན་པའི་གྲོང་དུ་ཕྱིན་པ་མེད་པ་བགྲོད་པའི་རྟེན་འབྲེལ་ཡིན་ནོ། ། ༢༣༜ཡང་ལྷོ་དང་ནུབ་ཀྱི་གླིང་ཕྲན་རྔ་ཡབ་དང་། ལམ་མཆོག་འགྲོའི་བར་དེར་ཚོམ་བུ་བཀོད་ནས་རྟ་མཆོག་རིན་པོ་ཆེ་ཞེས་པས། ལྷོ་ནུབ་མཚམས་ན་རྟ་མཆོག་རིན་པོ་ཆེ་ཁ་དོག་སྔོན་པོ་སྤུ་རྨ་བྱའི་མགྲིན་པ་ལྟར་སྡུག་པ། ནད་གཅོང་མེད་ཅིང་ཡིད་དུ་འོང་བ། བཞོན་པའི་ཚེ་འཛམ་གླིང་ཉིན་གཅིག་ལ་ལན་གསུམ་བསྐོར་ནུས་པའི་བང་འགྲོས་ཅན་རྟའི་རྒྱལ་པོ་ཅང་ཤེས་བྷ་ལ་ཧ་ལྟ་བུ་ཞིག་བསམ་སྟེ། དེ་ལྟ་བུའི་རྟ་མཆོག་དེ་ཡོན་ཏན་རྣམ་པ་བརྒྱད་ལྡན་པ་ཏེ། ཁ་དོག་ཤིན་ཏུ་མཚར་བ་རྨ་བྱའི་མགྲིན་པ་ལྟ་བུ་རྔམས་པ་མཛེས་པ་སྟེ་དབྱིབས་ཕུན་སུམ་ཚོགས་པ། བསྒོ་བ་ན་འཛམ་གླིང་ཉིན་གཅིག་ལན་གསུམ་བསྐོར་བར་ནུས་པ། ལུས་ལ་ནད་གཅོང་མེད་པ་ནོར་བུའི་གཙུག་ལ་སོགས་མཚན་མ་བཟང་པོ་ཡོད་པ། ནམ་མཁའ་ལ་རྫུ་འཕྲུལ་གྱིས་འགྲོ་བ། རྒྱལ་པོས་བཞོན་ཚེ་གུས་པར་བྱེད་པ། རྣམ་འཕྲུལ་དུ་མ་དང་ལྡན་པ་ཡིན་ལ། མངོན་འབྱུང་གི་མདོར། ཐོ་རངས་དུས་སུ་ཕྱོགས་རྣམས་མ་ལུས་པའི། །ས་རྣམས་བསྐོར་ཞིང་སླར་ཡང་ལྡོག་བྱེད་ཅིང་། །རྨ་བྱའི་མགྲིན་པའི་སྤུ་ལྟར་ཡིད་འོང་བའི། །རྟ་མཆོག་རིན་ཆེན་ཞེས་པས་སྔར་

― GTN003_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་ཀྱི་ཡོན་ཏན་རྣམས་དང་ཆ་མཚུངས་ཤིང་། འདུལ་བ་ལུང་ལས་ཀྱང་། སྲིང་མོ་རྟ་རིན་པོ་ཆེ་ནི་མགོ་བོ་ནག་ཅིང་རྔོག་མཇུག་ལེགས་པ། གཟུགས་བཟང་ཞིང་མཛེས་པར་མཐོང་ནས། རྟ་མཁན་བཀུག་ནས་འདུལ་དུ་བཅུག་པས་ཞེས་སོགས་དང་། ཉི་མ་འཆར་ཀའི་ཚེ་བཞོན་ནས་རྒྱ་མཚོའི་མཐའ་ཀླས་པའི་ས་ཆེན་པོ་བསྐོར་ཏེ་ཞག་ཚུར་ཕོ་བྲང་དུ་བབ་ནས་ཞེས་གསུངས་པས་མཚོན། དེ་ལྟ་བུའི་རྟ་མཆོག་དེ་ཉིད་མཆོད་པའི་རྫས་སུ་ཕུལ་བས་ཚོགས་ལམ་ཆེན་པོར་རྫུ་འཕྲུལ་གྱི་རྐང་པ་བཞིའི་ཤུགས་ཐོབ་ཅིང་སྦྱོར་ལམ་དང་མཐོང་ལམ་གྱི་རིམ་པར་རྣམ་པར་མི་རྟོག་པའི་གོམས་སྟོབས་ཆེན་པོས་སྐད་ཅིག་ཉིད་ལ་བརྒལ་ནས་སྒོམ་ལམ་དང་མི་སློབ་པའི་ལམ་མངོན་དུ་གྱུར་ནས་མྱུར་དུ་སངས་རྒྱས་ཀྱི་ཞིང་ཁམས་བགྲོད་པར་འགྱུར་བའི་དགོས་ཆེད་དོ། ། ༢༤༜ཡང་ནུབ་དང་བྱང་གི་གླིང་ཕྲན་གཡོ་ལྡན་དང་སྒྲ་མི་སྙན་གྱི་ཟླའི་བར་དུ་ཚོམ་བུ་འགོད་དེ་དམག་དཔོན་རིན་པོ་ཆེ་ཞེས་པས། ནུབ་བྱང་གི་མཚམས་སུ་དམག་དཔོན་རིན་པོ་ཆེ་སྙིང་སྟོབས་དང་ལྡན་ཞིང་། སྒྱུ་རྩལ་དང་གཡུལ་གྱི་བྱ་བ་ལ་མཁས་པས་དཔུང་གི་ཚོགས་ཡན་ལག་བཞི་པའི་འགྲོ་ལྡོག་ལ་གོམས་ཤིང་གོ་ཞུབ་ཀྱིས་སྤྲས་པ། གཟི་བྱིན་བཟོད་པར་དཀའ་བ་རྒྱལ་ཆེན་མིག་མི་བཟང་ལྟ་བུའམ། ལུགས་གཞན་དུ་ཁྱིམ་བདག་རིན་པོ་ཆེར་བཤད་པ་ལྟར་ན། སྐྱེ་བོ་ཐམས་ཅད་རབ་ཏུ་དགའ་བར་བྱེད་པའི་བསོད་ནམས་ཀྱི་མཐུ་ཕུན་སུམ་ཚོགས་པ།

― GTN003_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོ་སྒྱུ་མེད་ཅིང་བྱས་པ་ཤེས་ལ་དྲིན་བཟོ་བ། རྡོ་རྗེ་དང་། རིན་པོ་ཆེ་དང་། མཐོན་ཀ་དང་། མརྒད་དང་། སུ་ཝར་ཎ་དང་། དངུལ་དང་། སྤུག་ལ་སོགས་པའི་བང་མཛོད་ཀྱིས་ཕྱུག་པ་རྣམ་ཐོས་ཀྱི་བུ་ལྟ་བུ་ཞིག་བསམ་སྟེ། དེ་ཡང་དམག་དཔོན་རིན་པོ་ཆེ་དེ་ལ་ཡོན་ཏན་བརྒྱད་དེ། རྒྱལ་པོའི་ཡིད་ལ་བསམ་པའི་བྱ་བ་སྤྱི་དང་བྱེ་བྲག་ཏུ་དྲག་པོའི་ལས་རྣམས་མ་བསྒོས་ཀྱང་བྱེད་པ། དཔལ་རྩལ་གྱི་ཡོན་ཏན་མ་ལུས་པ་རྫོགས་པ། རང་དོན་ལ་ཆོས་མིན་རྣམ་པར་སྤང་བ། གཞན་གྱིས་བརྔན་པའི་ནོར་སོགས་ལ་མ་ཆགས་པར་རྒྱལ་པོའི་བྱ་བ་ཚུལ་བཞིན་དུ་བྱེད་པ། གཞན་གྱིས་གླགས་ལྟ་བའི་འགྲོ་ལྡོག་མ་ལུས་པ་འཇོམས་པར་བྱེད་ཅིང་། མཐུ་སྟོབས་ཀྱི་དཔལ་དང་ལྡན་པས་གང་ཡང་ཤིན་ཏུ་འོས་པར་སྤྱོད་པ་ཉོན་མོངས་པའི་དུག་གསུམ་སྤང་བ། རྒྱལ་པོའི་བྱ་བ་མ་ཡིན་པར་སྐྱེ་བོ་གཞན་ལ་མི་འཚེ་བ་སྟེ། དེ་ཡང་མངོན་འབྱུང་གི་མདོར། འགྲོ་དང་ལྡོག་དང་ཀུན་ནས་འོང་གྱུར་པའི། །མ་ལུས་བདུད་དཔུང་འཇོམས་པར་བྱེད་པ་ལ། །དཔའ་བརྟན་འབྱོར་བའི་དཔུང་དང་བཅས་པ་ཡི། །དམག་དཔོན་རིན་ཆེན་ཞེས་བཤད་ལ། དེ་ལྟ་བུའི་དམག་དཔོན་དེ་མཆོད་པའི་རྫས་སུ་སྤྲོས་པས་རྣམ་རྟོག་ཕལ་བས་ཡེ་ཤེས་ལ་རྒོལ་བའི་དགྲ་བོ་རྩད་ནས་བཅད་དེ། བདག་འཛིན་གྱི་ཉོན་མོངས་པའི་གཡུལ་ལས་རྒྱལ་ནས་གང་ལའང་སྙེང་འཕྲིག་དང་བྲལ་བ་ཕྱོགས་ལས་རྣམ་རྒྱལ་གྱི་སྤྱོད་པས་འགྲོ་དོན་ཕྱོགས་མེད་དུ་སྤྱོད་པའི་རྟེན་འབྲེལ་ཡིན་ནོ། ། ༢༥༜ཡང་བྱང་དང་ཤར་གྱི་གླིང་ཕྲན་སྒྲ་མི་སྙན་དང་ལུས་འཕགས་ཀྱི་

― GTN003_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

བར་དེར་ཚོམ་བུ་འགོད་དེ། གཏེར་ཆེན་པོའི་བུམ་པ་ཞེས་པས། བྱང་ཤར་གྱི་མཚམས་སུ་དགོས་འདོད་ཐམས་ཅད་འབད་མེད་དུ་སྟེར་བར་ནུས་པའི་གཏེར་གྱི་བུམ་པ་བཟང་པོ་ཞིག་བསམ་སྟེ། དེ་ཡང་བུམ་པ་སྤྱིའི་རྒྱུ་དང་རྒྱ་དཔངས། རིགས་པས་བཤད་པ་ཅུང་ཟད་སྤྲོས་པར་བྱར་ཡོད་ཀྱང་སྐབས་དང་མི་འབྲེལ་ལ། དེ་ལྟ་བུའི་བུམ་པ་དེ་མཆོད་པའི་རྫས་སུ་ཕུལ་བས་གཞན་དོན་དུ་འཁོར་བ་དོང་ནས་སྤྲུགས། རང་དོན་དུ་བསོད་ནམས་དང་ཡེ་ཤེས་ཀྱི་ཚོགས་རྣམ་པ་གཉིས་རྫོགས་པས་ཆོས་སྐུ་མངོན་དུ་བྱས་ཏེ། འདི་ཕྱིའི་དོན་ཀུན་འབད་མེད་དུ་འགྲུབ་པའི་རྟེན་འབྱུང་ཡིན་ལ་མཆོད་པའི་ཡོན་ཏན་འདི་རྣམས་ཐེག་པ་མཐོ་བའི་དབང་དུ་བྱས་ནས་འབུལ་ཡུལ་ཁྱད་པར་ཅན་ལ་སྦྱར་བ་ཡིན་ནོ། །དེ་ལྟར་སྔར་བཤད་ཀྱི་རྒྱལ་སྲིད་སྣ་བདུན་པོ་དེ་ཀུན་རྒྱལ་པོ་དེའི་བསོད་ནམས་ཀྱི་མཐུ་ལས་རང་བཞིན་གྱི་ནམ་མཁའ་ནས་བྱུང་བར་མདོ་སྡེ་རྒྱ་ཆེར་རོལ་པ་ལས་གསུངས་ལ། གཏེར་ཆེན་པོའི་བུམ་པ་ནི། དེའི་ཚེ་རྒྱལ་པོ་དེའི་ཅི་འདོད་ཐམས་ཅད་རྐྱེན་ལ་མ་ལྟོས་པར་འབད་མེད་དུ་འབྱུང་བའི་འདོད་དགུའི་ལོངས་སྤྱོད་ཐམས་ཅད་མ་ཚང་བར་མེད་པར་ཕུན་སུམ་ཚོགས་པའི་མཚོན་བྱ་ཡིན་ལ། གཞན་དུ་མངོན་འབྱུང་གི་མདོར། དཔའ་ཞིང་བརྟུལ་ཕོད་ཡན་ལག་མཆོག་གཟུགས་ལྡན། །བུ་སྟོང་དག་ཀྱང་འདི་ལས་འབྱུང་འགྱུར་ཞིང་། །ཞེས་པས་འཁོར་ལོས་སྒྱུར་བའི་རྒྱལ་པོ་ལ། ཕས་རྒོལ་འཇོམས་པར་བྱེད་ཅིང་སྲིད་སྡེ་སྐྱོང་བར་ནུས་པའི་བུ་སྟོང་རེེ་འབྱུང་བ་དང་། དགྲ་ཟིལ་གྱིས་གནོན་པའི་མདའ་གཞུ་སོགས་དང་། ཉེ་བའི་རིན་ཆེན་བདུན་དང་། ནོར་གྱི་རིན་ཆེན་བདུན་སོགས་ཀྱིས་ཤུགས་འབྱུང་དུ་གྲུབ་པས།

ཉེ་བའི་རིན་ཆེན་བདུན།

― GTN003_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་ཉེ་བའི་རིན་ཆེན་བདུན་ནི། མདོ་དྲན་པ་ཉེར་བཞག་ལས། རྒྱལ་པོའི་ཁབ་ན་ལ་ཏིའི་བྲམ་ཟེའི་གྲོང་དུ། མ་རྒྱབ་ཀྱང་དགྲ་རྣམས་འདུལ་བའི་གྲི། མེ་ཆུ་རླུང་གིས་མི་གནོད་པར་ཁྱིམ་གྱི་བྱ་བ་བྱེད་པའི་ཀླུའི་པགས་པ། འདོད་ཆགས་མི་སྐྱེ་བས་མལ་ཆ། བསམ་གཏན་གྱི་བདེ་བའི་ཚལ། མཚན་མོའི་ཐུན་གཅིག་ལ་དགེ་བའི་ཆོས་ལ་གནས་པའི་ཁྱིམ། གྲང་དྲོ་བཀྲེས་སྐོམ་མེད་ཅིང་མེ་མཚོན་གྱིས་མི་ཆོད་པའི་གོས། དཔག་ཚད་བརྒྱར་འགྲོ་ནུས་ཤིང་ཆུར་མི་བྱིངས་པའི་ལྷམ་ཞེས་གསུངས་པ། དེ་ཡང་རལ་གྲི་ཉེ་བའི་རིན་ཆེན་ནི།༡ ཡུལ་འཁོར་གང་དག་རྒྱལ་པོའི་ཡིད་ཚིག་དང་འགལ་བར་བྱེད་འདོད་པ་ཅན་དེར་རལ་གྲི་ཉེ་བའི་རིན་ཆེན་དེར་འགྲོ་སྟེ། དེས་བཏབ་པ་མེད་ཀྱང་དེ་ཡུལ་འཁོར་ཀུན་གྱིས་མཐོང་ནས་འདུད་པར་བྱེད་དོ། །ཉེ་བའི་རིན་པོ་ཆེའི་ཡོན་ཏན་ནི་འདི་ཡིན་ཏེ། བཟང་བ་མི་ཟད་པ། ཆད་པ་མེད་ཅིང་མཚོན་གྱིས་བདའ་བ་མེད་ཀྱང་འཁོར་དེ་དག་འདུད་པར་བྱེད་པ་དེ་ནི་རལ་གྲི་ཉེ་བའི་རིན་པོ་ཆེའི་ཡོན་ཏན་ཡིན་ནོ། ། (པགས་པ་ཉེ་བའི་རིན་པོ་ཆེ་ནི།) ༢ པགས་པ་རིན་ཆེན་རྒྱ་མཚོ་ནས་འབྱུང་སྟེ། དེ་བྱུང་བར་གྱུར་པ་ཚོང་པ་དག་གིས་རྒྱལ་པོ་ལ་འབུལ་བར་བྱེད་དོ། །དེའི་ཡོན་ཏན་ནི་འདི་དག་ཡིན་ནོ། །དེ་རྒྱ་མཚོ་ཀླུའི་པགས་པ་ཡིན་ཏེ། ཞེང་དུ་དཔག་ཚད་ལྔ་ལ་ཆུར་བཅུ་སྟེ། དེ་ཆར་གྱིས་མི་བརླན། རླུང་གིས་མི་སྐྱོད། མེས་མི་འཚིག །གྲང་

― GTN003_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

ན་དྲོ་བར་བྱེད་ཅིང་། (དྲོ་ན་བདེ་བ་བསིལ་བར་བྱེད་ལ།) འཁོར་ལོས་སྒྱུར་བའི་རྒྱལ་པོ་གང་དུ་འགྲོ་བ་དེར་པགས་པ་རིན་པོ་ཆེ་དེས་ཁྱབ་པར་བྱེད་ཅིང་། དེ་ཇི་ལྟར་སོ་སོ་ནས་བྱེད་པ་ལྟར་རྒྱལ་པོ་འཁོར་བཅས་ཀྱི་ཁྱིམ་གྱི་བྱ་བ་ཐམས་ཅད་བྱེད་དོ། །བུད་མེད་མི་སྡུག་པ་མི་མཐོང་ཞིང་། དཀར་བ་དེ་དང་ལྡན་པར་འགྱུར་ལ། ཟླ་བ་དང་ཉི་མའི་འོད་སྣང་བ་དེ་དང་ཡང་ལྡན་པར་འགྱུར་རོ། །ཞེས་བཤད། གཟིམས་ཆ་ཉེ་བའི་རིན་པོ་ཆེ་ནི།༣ རྒྱལ་པོའི་མལ་ཆ་རིན་པོ་ཆེ་ཡང་ཞིང་འཇམ་ལ་མཐོ་དམའ་ཅན་ཡིན་ཏེ། (བཏེགས་ན་འཕར་བ་དང་མནན་པ་ནེམ་བྱེད་པ་ཡིན་ནོ། །)གལ་ཏེ་བསམ་གཏན་སེམས་ན་བསམ་གཏན་རྣམ་པར་གྲོལ་ཞིང་བློ་གྲོས་གསལ་བར་བྱེད། གལ་ཏེ་འདོད་ཆགས་ཟིལ་གྱིས་ནོན་པ་ཡིན་ན་དེ་མལ་ཆའི་སྟེང་དེར་འདུག་ན། དེའི་ཚེ་འདོད་ཆགས་དང་བྲལ་ཞིང་ཆགས་པ་མེད་པར་བྱེད་དོ། །ཞེ་སྡང་དང་གཏི་མུག་དག་ལའང་དེ་བཞིན་ཏེ། མལ་ཆ་ཉེ་བའི་རིན་པོ་ཆེ་ནི་བསམ་གཏན་གྱི་གནས་དང་འདྲའོ། །རྒྱལ་པོའི་མལ་ཆ་རིན་པོ་ཆེ་དེ་ཡི་ནང་ན་འདུག་པ་བུད་མེད་ཀྱིས་མཐོང་ལ། དེའི་ཚེ་མཆོག་ཏུ་དགའ་བ་སྐྱེད་ཀྱང་ཡིད་ལ་འདོད་ཅིང་ཆགས་པར་མི་འགྱུར་ཏེ། གསུམ་པོ་འདི་ནི་མལ་ཆ་ཉེ་བའི་རིན་པོ་ཆེ་ཡིན་ནོ། །ཞེས་བཤད་ལ། ནགས་ཚལ་ཉེ་བའི་རིན་པོ་ཆེའི་ཡོན་ཏན་ནི།༤ གལ་ཏེ་རྒྱལ་པོ་ཚལ་དུ་བསམ་གཏན་ལ་དགའ་བར་གྱུར་ཏེ། དེ་དེར་ཉེ་བར་འགྲོ་ན་ཚལ་དེའི་མཐུ་དང་། རྒྱལ་པོའི་དགེ་བའི་ལས་ཀྱིས་ལྷའི་འཇིག་རྟེན་གྱི་ཚལ་གྱི་དགའ་བའི་རྣམ་པ་མེ་

― GTN003_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

ཏོག་དང་། འབྲས་བུ་དང་། བྱ་དང་། པདྨ་དང་། ལྟེང་ཀ་དང་། འབབ་པའི་ཆུ་ངོགས་བདེ་བ་དང་། ལྷའི་བུ་མོ་དག་རོལ་མོ་བྱེད་ཅིང་། དགོད་ལ་མཛེས་པ། དེ་དག་ཐམས་ཅད་ལྷའི་རིགས་དེ་ནས་ཚལ་དེར་ཉེ་བར་འོང་སྟེ། རྒྱལ་པོ་དེ་ཡང་ལྷ་བཞིན་དུ་ལྷའི་འདོད་པའི་ཡོན་ཏན་ལྔ་དག་དང་ལྡན་པར་འགྱུར་རོ། །ཚལ་ཉེ་བའི་རིན་པོ་ཆེ་དེར་བུད་མེད་དང་ལྷན་ཅིག་ཤིན་ཏུ་དགའ་ཞིང་དགའ་མགུར་སྤྱོད་པར་བྱེད་དོ། །དགེ་བའི་ལས་ཀྱིས་རྣལ་འབྱོར་སྤྱོད་པ་དེ་བཞིན་ཚལ་ཉེ་བའི་རིན་པོ་ཆེ་མཐོང་ནས་གནས་སོ། །ཞེས་བཤད། ཁྱིམ་ཉེ་བའི་རིན་པོ་ཆེ་ནི།༥ གང་འཁོར་ལོས་སྒྱུར་བའི་རྒྱལ་པོ་ཁྱིམ་ཉེ་བའི་རིན་པོ་ཆེའི་ནང་དུ་ཉལ་བར་གྱུར་ན། མཚན་མོ་ཉལ་བ་དེའི་ཚེ་ཟླ་བ་ལྟར་འདོད་ན་འོང་ཞིང་། གཟའ་དང་རྒྱུ་སྐར་དང་སྐར་མདའ་དག་ཀྱང་དེའི་ཁྱིམ་དེར་ཉེ་བར་འོང་བར་འགྱུར་རོ། །དེའི་ནོར་བུའང་མཐོང་ན་དགའ་བར་འགྱུར་རོ། །ལྷ་མོ་དག་ཀྱང་ལྷའི་རོལ་མོ་བྱེད་པར་འགྱུར་རོ། །གང་མྱ་ངན་མང་པོ་དང་བྲལ་བས་བདེ་བར་གཉིད་ལོག་པར་འགྱུར། གཉིད་ལོག་པ་ན་རྨི་ལམ་དགེ་བ་མཆོག་ཏུ་དགའ་བ་དག་མཐོང་བར་འགྱུར། གྲང་བའི་དུས་སུ་ནི་རླུང་དྲོ་བ་དང་ལྡན་ཞིང་། དྲོ་བའི་དུས་སུ་ནི་རླུང་བསིལ་བ་རེག་ན་བདེ་ཞིང་འཇམ་པ་ལྡང་ངོ་། །མཚན་མོ་ཐུན་གསུམ་ལས་ཐུན་གཉིས་ཉལ་ཞིང་ཐུན་གསུམ་པ་ལ་གཉིད་དང་བྲལ་ཞིང་ལངས་ནས་བདེ་བའི་ཆོས་ལ་གནས་པར་འགྱུར་བ་ནི་འཁོར་ལོས་སྒྱུར་བའི་རྒྱལ་པོའི་ཁྱིམ་ཉེ་བའི་རིན་པོ་ཆེ་ཡིན་ནོ། །

― GTN003_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

གོས་ཉེ་བའི་རིན་པོ་ཆེ་ནི།༦ ཐགས་བཟང་ཞིང་མཆོག་ཏུ་འཇམ་ལ་དྲི་མས་མ་གོས་པ་ཞིག་ཡིན་ཏེ། གྱོན་ན་གྲང་བ་དང་དྲོ་བ་དང་བཀྲེས་པ་དང་སྐོམ་པ་དང་ཉམ་ཆུང་བ་དང་ངལ་བ་དང་དུབ་པའི་གནོད་པ་མེད་ལ། མེ་དང་མཚོན་གྱིས་བསྲེགས་པ་དང་བཅད་པར་མི་ནུས་སོ། །ཞེས་བཤད། མཆིལ་ལྷམ་ཉེ་བའི་རིན་ཆེན་ནི།༧ འཁོར་ལོས་སྒྱུར་བའི་རྐང་ལ་གྱོན་ན། སྐམ་ས་ལ་རྐང་པ་ས་ལ་མི་འབྱིང་བ་དེ་བཞིན་དུ་ཆུ་ལའང་མི་བྱིང་པར་འགྱུར་རོ། །གལ་ཏེ་དལ་གྱིས་སྔོན་དུ་འགྲོ་བར་འདོད་ན་དཔག་ཚད་བརྒྱར་ཡང་འགྲོ་བར་འགྱུར་ཞིང་ལུས་ལ་ངལ་བ་མེད་དོ། །ཞེས་བཤད་དོ། ། ནོར་གྱི་རིན་ཆེན་བདུན་ནི། དཀོན་མཆོག་བརྩེགས་པའི་ལེའུ་བཅོ་ལྔ་པ་ཡབ་སྲས་མཇལ་བའི་མདོར། རིན་ཆེན་སྣ་བདུན་འདི་ལྟར་ཏེ། གསེར་དང་། དངུལ་དང་། བཻཌཱུརྱ་དང་། ཤེལ་དང་། མུ་ཏིག་དམར་པོ་དང་། སྤུག་དང། རྡོ་རྗེའི་སྙིང་པོ་དང་བདུན་ནོ། །ཞེས་དང་། སྙིང་པོ་རྒྱན་ལས། རྡོ་རྗེ་པདྨ་རཱ་ག་དང་། མརྒཱཏྟ་དང་ནི་ཀརྐེ་ར། ཆུ་ཤེལ་སྤུག་དང་། བཻ་ཌཱུརྱ། དབང་སྔོན་པོ་དང་ལྡན་པ་འབུལ། ཞེས་དང་། སྒྲོན་གསལ་ལས། པདྨ་རཱ་ག་དང་། ཨིནྡྲ་ནཱི་ལ་དང་བཻ་ཌཱུརྱ་དང་། མརྒཱཏྟ་དང་། རྡོ་རྗེ་དང་། མུ་ཏིག་དང་། བྱུ་རུ་ཞེས་བྱ་བ་རིན་ཆེན་སྣ་བདུན་གྱིས་ཡོངས་སུ་གང་བའི་ཞིང་འདི་ཉིད་ཉིན་རེ་བཞིན་འབུལ་བར་བྱ། ཞེས་བཤད་པས། པདྨ་རཱ་ག་ནི། རིན་ཆེན་ཕྲེང་བ་ལས། པདྨ་རཱ་ག་དམར་པོ་སྟེ། དབྱིབས་ནི་ཟླུམ་པོ་ལྟ་བུ་ལ། །རབ་ནི་ཀཱརྵཱ་པ་ཎ་ཙམ། །ཞེས་ཁ་དོག་དམར་གསལ་དབྱིབས་

― GTN003_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

ཟླུམ་པོ་ཆེ་ཚད་མགྲོན་བུ་ཙམ་འབྱུང་སྟེ། ཕྱིའི་རྒྱ་མཚོའི་གླིང་བར་སིང་ག་ལ་སོགས་ནས་འབྱུང་བར་བཤད་ལ། རིན་ཐང་གི་ཚད་ནི་གླང་པོ་ཆེའི་སྟེང་ནས་རྡེའུ་བསྐུར་བ་ས་ལ་བབ་པའི་ཚད་ཙམ་པའི་གསེར་རི་བར་བཤད་པ་དང་། ཨིནྡྲ་ནཱི་ལ་སྟེ། དབང་སྔོན་ནི། བློན་པོ་ངག་གི་དབང་ཕྱུག་གྲགས་པས། ཨིནྡྲ་ནཱི་ལ་རིན་ཆེན་སོགས། །ནོར་བུ་ཆེན་པོ་གཞན་དག་ཀྱང་། །འཆང་བར་བྱེད་པས་འཆི་བ་ཀུན། །ཟློག་པར་བྱེད་པར་ཐེ་ཚོམ་མེད། །ཅེས་རི་བོ་བྷེ་དུ་རྟ་ལས་འབྱུང་བ་དང་། གཞན་དག་རྒྱུའི་ངོ་བོ་བཻ་ཌཱུརྱ་དང་འདྲ་བ་ལ་ཅུང་ཟད་ཁ་དོག་སྔོ་ཤས་ཆེ་བས་མདོག་མཚུངས་ཀྱི་དབང་སྔོན་དུ་འབོད་པར་བཞེད་ཅིང་། བཻ་ཌཱུརྱ་ནི། སངས་རྒྱས་རྗེས་སུ་དྲན་པ་ཏིང་ངེ་འཛིན་གྱི་རྒྱལ་པོའི་མདོ་ལས། གླིང་བཞི་ན་གནས་པའི་ནམ་མཁའ་ལྡིང་གི་རྒྱལ་པོ་ཡང་དག་དབྱངས་ཞེས་བྱ་བ་དེས་ཉིན་རེ་ལ་ཀླུའི་རྒྱལ་པོ་གཅིག་དང་། ཀླུ་ཕྲན་ལྔ་བརྒྱ་རེ་གླིང་བཞི་གང་མོས་ནས་ཟ་བ་ལས། རེ་ཞིག་ན་བྱ་དེ་ལ་ཚེའི་འཕེན་པ་རྫོགས་པས་འཆི་བའི་ལྟས་བྱུང་བར་གྱུར་པས་དེས་ཟས་མི་རྙེད་དེ་ལྟོགས་པས་རི་གཟར་པོ་ཀུན་ལ་རྒྱུ་ཞིང་། ཤིན་ཏུ་མི་བདེ་བར་འགྱུར་ཞིང་རྡོ་རྗེའི་རི་ལ་ཕྱིན་ནས་ཅུང་ཟད་ཅིག་ནས་དེ་ལས་བབས་ཏེ་ཆུ་ཆེན་པོའི་གཏིང་དུ་ཕྱིན་པར་སོང་ངོ་། །དེ་ནས་རླུང་གི་འཁོར་ལོར་ཐུག་པས་སླར་ཡང་ཕྱིར་བཟློགས་ཏེ་རྡོ་རྗེའི་རི་ལ་ཕྱིན་པར་གྱུར་ཏོ། །དེ་བཞིན་ཡས་མས་ལན་བདུན་སོང་ནས་གདོད་འཆི་བའི་དུས་བྱེད་དོ། །དེ་ཤི་བ་དང་དེ་ཉིད་ཀྱི་གདུག་པས་རིན་པོ་ཆེའི་རི་བཅུ་ལ་མེ་འབར་བ་དང་། དེའི་ཚེ་

― GTN003_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

ཀླུའི་རྒྱལ་པོ་དགའ་བོས་བརྟག་པས་ཁྱུང་གི་མཐུས་དེ་ལྟར་མེ་འབར་བ་མཐོང་ནས་ཤིང་རྟའི་འཁོར་ལོ་ཙམ་གྱི་ཆར་ཆེན་པོ་ཕབ་སྟེ་མེ་དེ་ཞི་བར་བྱེད་དོ། །ཆར་དེས་བྱའི་ཕུང་པོ་ཡང་ཞིག་ནས་སྙིང་འབའ་ཞིག་ལུས་པ་དེ་ཡང་། སྔར་ལྟར་རྡོ་རྗེའི་རི་ནས་རླུང་དཀྱིལ་གྱི་བར་ལན་བདུན་དུ་ཡས་མན་དུ་ཕྱིན་ནས་གདོད་རྡོ་རྗེའི་རིའི་རྩེ་མོ་ཆགས་སོ། །དེ་ལྟ་བུ་དེ་ཀླུའི་རྒྱལ་པོ་དགའ་བོས་རྙེད་ན་གཙུག་གི་ནོར་བུར་འདོགས་ལ། འཁོར་ལོས་སྒྱུར་བའི་རྒྱལ་པོས་རྙེད་ན་ནོར་བུ་རིན་པོ་ཆེར་འགྱུར་རོ། །ཞེས་བཤད་པ་དང་། ཡང་སངས་རྒྱས་རྨ་ག་ཆད་པའི་མདོར། རྒྱ་མཚོ་ཆེན་པོའི་ནང་རིན་པོ་ཆེའི་རྒྱལ་པོ་ཡིད་བཞིན་གྱི་ནོར་བུ་འགྲོ་བ་ཐམས་ཅད་ཀྱི་རྒྱན་གྱི་སྙིང་པོ་ཞེས་བྱ་བ་ཡོད་དེ། རིན་པོ་ཆེའི་རྒྱལ་པོ་དེ་ནི་ཡོན་ཏན་བརྒྱ་སྟོང་ཕྲག་བཅུ་དང་ལྡན་པ་སྟེ། ནོར་བུ་རིན་པོ་ཆེའི་རྒྱལ་པོ་གང་ན་འདུག་པ་དེའི་འཁོར་གྱིས་སེམས་ཅན་ཀུན་གྱི་ནད་དང་སྡུག་བསྔལ་ཐམས་ཅད་མེད་པར་འགྱུར་རོ། །སེམས་ཅན་ཇི་སྙེད་ཅིག་ནོར་བུ་རིན་པོ་ཆེ་དེ་ལ་གསོལ་བ་བཏབ་པས། དེ་དག་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་དོ། །རིན་པོ་ཆེའི་རྒྱལ་པོ་ཆེན་པོ་དེ་ནི་བསོད་ནམས་མ་བྱས་པའི་སེམས་ཅན་རྣམས་ཀྱི་མིག་ལམ་དུ་སྣང་བར་འགྱུར་བ་མ་ཡིན་ནོ། །ཞེས་གསུངས་ལ། དེ་ཡང་རྩོད་ལྡན་གྱི་དུས་འདིར་ནོར་བུ་རིན་པོ་ཆེ་དབང་གི་རྒྱལ་པོ་དངོས་སུ་མི་འབྱུང་ཡང་། དེ་ཉིད་ཀྱི་འདྲའམ་གཙོ་ཕལ་གྱི་དབྱེ་བས་དེང་སྐབས་ཡོངས་སུ་གྲགས་པ་ནི། རིན་ཆེན་ཕྲེང་བའི་རྒྱུད་ལས། བཻ་ཌཱུརྱ་ནི་སྔོན་པོ་ཉིད། །རིན་ཆེན་འབྱུང་ལྡན་བྱིན་

― GTN003_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

རླབས་ཏེ། །དབྱིབས་ནི་སོག་ཁ་ལྟ་བུ་ལས། །རབ་ཀྱི་ཚད་ནི་གླང་པོའི་མིག །ཅེས་པས་ཁ་དོག་སྔོན་པོ་ཤིན་ཏུ་དྭངས་པ་དབྱིབས་སོག་ཁ། ཆེ་ཚད་གླང་པོའི་མིག་ཙམ་འབྱུང་བར་བཤད་པ་དང་། སྔོན་གྱི་ལོ་ཙཱ་བ་རྣམས་ཀྱིས་མིའི་སོག་པ་རིན་པོ་ཆེར་བསྒྱུར་བ་དང་། འགའ་ཞིག་གིས་འདི་ནི་བཻ་ཌཱུརྱ་ལས་བྱུང་བས་དེ་ལྟར་གྲགས་ཤིང་ཁ་དོག་སྔོན་པོ་ཞེས་འདུལ་འགྲེལ་ཡོན་ཏན་འོད་ཀྱིས་མཛད་པ་སོགས་ལས་བཤད་ལ། མདོ་སྡེ་དགོངས་པ་ངེས་འགྲེལ་གྱི་ཌཱཀྐ་རྒྱའི་མཁན་པོ་ཝན་བརྩེགས་ཀྱི་མཛད་པ་ལས་ནམ་མཁའ་ལྡིང་བརྫུས་སྐྱེས་རྣམས་ཀྱིས་སྦྲུལ་ཟོས་པའི་སྙིང་པོ་བཻ་ཌཱུརྱར་གྱུར་པ་ཀླུའི་གཙུག་ནོར་འཁོར་ལོས་སྒྱུར་བའི་རྒྱལ་པོའི་ནོར་བུ་རིན་ཆེན་དེ་མཆོག་དང་། གཞན་ཕྱིའི་རྒྱ་མཚོའི་སིང་ག་ལའི་ནང་གི་ཆུ་བོ་མ་ཡི་གངྒཱའི་ཀླུང་སོགས་ལས་འོང་བ་སྟེ་རིགས་གསུམ་ཡོད་པར་བཞེད་དོ། །མརྒ་ཏི་ཟུར་ཆགས་པས་མརྒད་ནི། རིན་ཆེན་ཕྲེང་བ་ལས། མརྒད་དེ་ནི་ལྗང་གུ་སྟེ། །དབྱིབས་ནི་གྲུ་བཞི་ལྟ་བུ་ལ། །རབ་ནི་བེ་ཅོན་དབྱུག་པ་ཙམ། །ཞེས་དབྱིབས་གྲུ་བཞི་ཤས་ཆེ་བ། ཆེ་ཚད་བེ་ཅོན་ཙམ་འབྱུང་བ་སྟེ། འདི་དག་སིང་ག་ལ་དང་ལགྣན་ཞེས་པ་ནུབ་བྱང་མཚམས་ཀྱི་ཡུལ་ནས་འོང་བར་བཤད་དོ། ། རྡོ་རྗེ་ནི་བྲམ་ཟེ་ཞོ་འཐུང་དུ་གྲགས་པ་ལྷའི་ལོ་བྱེ་བ་ཕྲག་བདུན་གྱི་བར་དུ་དཀའ་ཐུབ་ལ་གནས་པ་དེའི་རུས་པ་རྣམས་རྡོ་རྗེ་རིན་ཆེན་དུ་གྱུར་པ་དྲང་སྲོང་ལྷའི་བླ་མས་ལུང་བསྟན་པ་བཞིན་སྐབས་གསུམ་པ་རྣམས་བླངས་ཏེ། རྩིབས་མ་ལས་ལྷའི་དབང་པོ་བརྒྱ་བྱིན་གྱི་རྡོ་རྗེ་རྩེ་བརྒྱ་པ་བྱིན་པ་ལས་ཁྱབ་འཇུག་གི་དབྱུག་པ།

― GTN003_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ཡང་དེའི་དུམ་བུ་ཕྲ་མོའི་བར་ཐམས་ཅད་མི་ཆོད་པར། མི་ཤིགས་པ། བདེན་པ། སྲ་བ། བརྟན་པ། ཐམས་ཅད་དུ་ཐོགས་པ་མེད་པ། ཐམས་ཅད་དུ་མ་ཕམ་པ་ལ་སོགས་པའི་མཚན་ཉིད་དང་ལྡན་པའི་རྡོ་རྗེར་གྱུར་པ་མིའི་འཇིག་རྟེན་དུ་ལྷུང་བ་ལས་རྡོ་རྗེ་ཕ་ལམ་དུ་གྲགས་ཤིང་། དེ་ཡང་བྲམ་ཟེ། རྒྱལ་པོ། རྗེ། དམངས་རིགས་ཏེ་དབྱེ་སྒོ་བཞིར་ཡོད་ཅིང་། པཎྜི་ཏའི་གསུང་རྒྱུན་ལས་ལྷོ་ཕྱོགས་ཨ་བྷཻ་ར་གི་རི་སྟེ། འཇིགས་མེད་གྱི་རི་ལས་བྱུང་བ་མཆོག་དང་། ཆུ་ལས་བྱུང་བ་ཅུང་ཟད་དམར་ཞིང་དམན་པ། ཡོན་ཏན་མངོན་སུམ་གྱི་སྤྱོད་ཡུལ་དུ་གྱུར་པ། བསྲེགས་པས་མི་ཚིག །བརྡུང་བས་མི་འཇིག །བཅད་པས་མི་ཆོད། བརྡར་བས་མི་མཛད་པ་སྟེ་བཞི་དང་ལྡན་ཞིང་། ཕར་འདི་ཉིད་ཀྱིས་གཅོད་པར་མི་ནུས་པའི་རིགས་གང་ཡང་མེད་པ་བཅང་བས་གདུག་པ་ཀླུའི་དུག་མ་ལུས་པ་སེལ་བའི་མཐུ་དང་ལྡན་པ་སྟེ། རིན་ཆེན་ཕྲེང་བའི་རྒྱུད་ལས། རིན་ཆེན་བཟང་ངན་བརྟག་པའི་སྐབས། །བརྟག་པ་རྣམ་པ་གཉིས་ཡིན་ཏེ། །མངོན་སུམ་དང་ནི་མཚན་མའོ། །རྡོ་རྗེ་ཕ་ལམ་ལ་སོགས་དང་། །ཨེ་རནྡྷ་ལ་སོགས་པ་ཡི། །ཞེས་དང་། ཡོན་ཏན་ཡང་། གདོན་རྣམས་ཐུབ་ཅིང་ལྷ་རྣམས་སྐྱོབ། །དམ་ཚིག་མ་ཉམས་ལ་སོགས་པ། །ཚེ་ཡང་རིང་བ་ལ་སོགས་པའོ། །ཞེས་བཤད། མུ་ཏི་ཀ་ཟུར་ཆག་པའི་མུ་ཏིག་ནི་འཕགས་ཡུལ་ལྷོ་ཕྱོགས་ཀྱི་ནགས་མའི་འདབ་མར་ཆར་གྱི་རྒྱུན་བབས་པས་རྐྱེན་ལས་རིམ་པར་ཆགས་པ་མུ་ཏིག་ཏུ་གྲགས་པ་དང་། དབང་ཕྱོགས་ཀྱི་གླིང་ཕྲན་ཛ་ལ་དྲིངས་ཞེས་བྱ་བར་ཤིང་ཏ་ལའི་

― GTN003_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

འདབ་མར་ཆར་ཕོག་པ་ལས་བྱུང་བར་རམ་མུ་ཏིག །གླང་པོ་ཆེ་མཆོག་ལས་བྱུང་བ་ག་ཛ་མུ་ཏིག །ནུབ་ཕྱོགས་ཧོར་ཡུལ་ནས་བྱུང་བ་སྦྲུལ་གྱི་ཀླད་པ་ལས་བྱུང་བ་པརྣ་མུ་ཏིག །སིངྒ་ལའི་གླིང་ལ་སོགས་པར་ཉ་ཕྱིའི་ཁོག་པའི་ནང་དུ་སྐྱེ་བ་ཤ་མུ་ཏིག་སྟེ་ལྔར་བཤད་པ་དང་། བདུན་དུ་བཤད་པ་སོགས་སྣང་ངོ་། ། བྱུ་རུ་ནི། རྒྱུད་ཀྱི་རྒྱལ་པོ་རྡོ་རྗེ་མཁའ་འགྲོའི་ལེའུ་ཞེ་དགུ་པ་ལས། བྲག་སེར་པོ། ཆུ་སེར་པོར་འབབས་པ་ལས་ནི་བྱུ་རུ་དང་། བཙག་དང་། བརྒྱ་བྱིན་གྱི་གཞུ་ལྟ་བུའི་ནོར་བུ་དང་། ནོར་བུ་ཛི་བ་ནི་ཏི། དམར་པོ་གང་སྐྱེ་བར་འགྱུར་རོ། །ཞེས་དང་། འགྲེལ་པ་འགོས་འགྱུར་ལས། བྲག་སེར་གངས་ཆུ་སེར་པོའི་ཆུ་རླབས་དང་འཐབ་པ་ཡོད་པ་སྟེ། དེ་ལྟར་འཐག་པས་བསྲུབས་པ་ལས་ནི་བྱུ་རུ་འབྱུང་བ་ཡིན་ལ། བྲག་སེར་པོ་དངོས་ལས་ནི་བཙག་སྟེ་གསེར་བཙོག་ཞེས་རྒྱ་མཚོའི་བྲག་སེར་པོ་དང་ཆུ་འཐག་པའི་སར་སྐྱེ་བར་གསུངས་པ་དང་། གཞན་དག་གྲུ་གུའི་ཡུལ་གྱི་བས་མཐའ་བྱེ་མའི་གསེབ་ཏུ་རྡོ་རིགས་ཤིང་སྡོང་གི་དབྱིབས་ཅན་དུ་སྐྱེ་བར་འདོད་པ་བྱུ་རུ་ཞེས་གྲགས་པ་བཅངས་པས་ཟས་གོས་འཕེལ་བས་ཡོན་ཏན་དང་ལྡན་པར་རིགས་དཀར་དམར་ནག་གསུམ་དུ་ཡོད་པར་བཤད་དོ། །དེ་ལྟར་ཉེ་བའི་རིན་པོ་ཆེ་དང་། རིན་ཆེན་སྣ་བདུན་འདི་རྣམས་འཁོར་ལོས་སྒྱུར་བའི་ཡོན་ཏན་དང་འབྲེལ་བ་ཅན་ཡིན་པས་འཕྲོས་དོན་གྱི་ཆར་སྨོས་ལ། མཎྜལ་སྐབས་འདིར་ཡང་དམིགས་པས་ནུས་ན་སྔར་བཤད་ཐམས་ཅད་ཡོན་ཏན་གྱི་ཆ་དུ་མའི་ཀུན་ནས་ཁྱད་པར་དུ་འཕགས་པའི་ལྷ་མིའི་ལོངས་སྤྱོད་ཀྱི་

― GTN003_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ཏུ་རིན་ཆེན་སྣ་བདུན་དུ་འབྲེལ་བར་མཆོད་པའི་རྫས་སུ་སྤྲོས་པས་ཆོག་ལ། འདིར་དེ་དག་གི་རྒྱུ་མཚན་སྨྲོས་པ་ལ་དགོས་པ་ཅི་ཡོད་ཅེ་ན། འབུལ་རྒྱུའི་ཡོན་ཏན་གྱི་ཆ་ཀུན་བློ་ལ་མངའ་བར་གྱུར་པས། ཚིག་ཤར་བཏོན་པའི་ཕན་ཡོན་ཙམ་ལ་མི་རེ་བ། ཚོགས་ཞིང་ལ་དགྱེས་པ་ཁྱད་པར་ཅན་བསྐྱེད་ཅིང་། དེའི་མཐུ་ལས་ཚོགས་གཉིས་ཟུང་འབྲེལ་དུ་རྫོགས་པའི་དགོས་པ་ཡོད་དོ། ། དེ་ནས་མཆོད་ལྷ་ནི་ཚིག་གིས་དངོས་བསྟན་དུ་ཟིན་པ་བརྒྱད་ཙམ་འབྱུང་བས། དེ་ཡང་ཤར་དང་ལྷོ་དང་ནུབ་དང་བྱང་གི་གླིང་དང་མཚམས་བཞིར་རྣམས་སུ་འཁོར་ལོ་རིན་པོ་ཆེ་དང་གཏེར་བུམ་བར་གྱི་སོ་སོའི་མདུན་རྣམས་སུ་ཚིག་བསྟུན་ནས་ཚོམ་བུ་འགོད་དོ། །སྒེག་པ་མ། ཕྲེང་བ་མ། གླུ་མ། གར་མ། མེ་ཏོག་མ། བདུག་སྤོས་མ། སྣང་གསལ་མ། དྲི་ཆབ་མ་ཞེས་པས། ༢༦༜ དེ་ཡང་ཤར་གླིང་གི་འཁོར་ལོ་རིན་པོ་ཆེའི་མདུན་དུ་སྒེག་མོ་མ་ དཀར་མོ་ཕྱག་གཉིས་རྡོ་རྗེ་རྩེ་ལྔ་པ་གཉིས་བསྙེམས་པའི་ཚུལ་གྱིས་འཛིན་ཞིང་མཛེས་ཤིང་བལྟ་ན་སྡུག་པ་ལང་ཚོའི་ལྷག་པར་སྒེག་པའི་རྣམ་འགྱུར་བསམ་གྱིས་མི་ཁྱབ་པར་སྟོན་ཞིང་འགྱིངས་པ། ༢༧༜ ལྷོ་གླིང་གི་ནོར་བུ་རིན་པོ་ཆེའི་མདུན་དུ་ཕྲེང་བ་མ་སེར་མོ་རིན་པོ་ཆེའི་ཕྲེང་བ་འཛིན་པ་དེ་བཞིན་གཤེགས་པ་རྣམས་ལ་དབང་བསྐུར་བར་མཛད་པ། ༢༨༜ ནུབ་གླིང་གི་བཙུན་མོ་རིན་པོ་ཆེའི་མདུན་དུ་གླུ་མ་དཀར་དམར་ཕྱག་གཉིས་རྡོ་རྗེའི་མཚན་པའི་པི་ཝཾ་བརྡུང་བ་ལ་བརྩོན་ཞིང་ཤིན་ཏུ་ཡིད་འཕྲོག་པར་
བྱེད་པའི་གླུ་དབྱངས་ཀྱི་ངེས་པ་བདུན་དང་ལྡན་པ་སྟེ། དེ་རེ་རེ་ལའང་འགྱུར་ཁུག་འདེག་འཇོག་སྦོམ་ཕྲ་དྲུག་དང་ལྡན་པའི་གླུ་དབྱངས་ཅན་ཡིན་ལ།

དབྱངས་བདུན།

― GTN003_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་དབྱངས་བདུན་ནི། གུར་གྱི་རྒྱུད་ལས། དྲུག་ལྡན་གྱི་རྗེས་སུ་འགྲོ་བའི་གླུ་དང་། དྲང་སྲོང་གི་རྗེས་སུ་འགྲོ་བའི་གླུ་དང་། ས་འཛིན་གྱི་རྗེས་སུ་འགྲོ་བའི་གླུ་དང་། བར་མའི་རྗེས་སུ་འགྲོ་བའི་གླུ་དང་། ལྔ་པའི་རྗེས་སུ་འགྲོ་བའི་གླུ་དང་། བློ་གསལ་བའི་རྗེས་སུ་འགྲོ་བའི་གླུ་དང་། འཁོར་ཉན་གྱི་རྗེས་སུ་འགྲོ་བའི་གླུ་དང་། གཞུགས་ལ་དལ་བར་བྱེད་པ་དང་། མྱུར་བར་རབ་ཏུ་ཕྱེ་བ་དང་། དྲག་པོ་རབ་ཏུ་ཕྱེ་བ་དང་། ལྷུག་པར་རབ་ཏུ་ཕྱེ་བ་དང་། ཕྱེད་བཅག་རབ་ཏུ་ཕྱེ་བ་དང་། དེ་རྣམས་རྣམ་པར་བསྲེག་པ་དང་། ཆགས་པ་གཉིས་མངོན་པར་འདུ་བྱ་བ་དང་། གསུམ་ཆགས་པར་སོ་སོར་ཕྱེད་པ་དང་། གྲེ་ཕུག་འབའ་ཞིག་ཙམ་དུ་བསྡམས་ཏེ་མནན་པ་དང་། སྐན་འབའ་ཞིག་ཙམ་དུ་བསྡམས་ཏེ་མནན་པ་དང་། ལྕེ་མནན་པ་དང་། སོ་མནན་པ་རྣམས་ནི་ཀླུའི་ནོར། ཞེས་རྩ་བའི་གླུ་བདུན་ཡན་ལག་གི་གླུ་བཅུ་གཉིས་སུ་གསུངས་པ་དང་། རྩ་བའི་གླུ་བདུན་འདི་དང་ཕྱོགས་མཚུངས་པ། འཆི་མེད་མཛོད་ལས་ཀྱང་། འཁོར་བསྟན་དྲང་སྲོང་ས་འཛིན་དང་། །དྲུག་སྐྱེས་བར་མ་བློ་གསལ་དང་། །ལྔ་པ་ཞེས་བྱ་{དབྱངས་}བདུན་པོ་འདི། །རྒྱུད་དང་མགྲིན་ལས་སྐྱེད་པའི་དབྱངས། །ཞེས་དང་། དྲུག་ལས་སྐྱེད་པ་རྨ་བྱའི་དབྱངས། །བ་ལང་དགའ་དབྱངས་རི་ཥི་བྷ། །གནྡྷ་རྦ་ནི་ར་སྐྱེའི་སྒྲ། །ཁྲུང་ཁྲུང་བར་མའི་དབྱངས་སུ་སྒྲོགས། །མེ་ཏོག་ཐུན་མོང་སྐྱེས་པའི་ཚེ། །རྟ་ནི་བློ་གསལ་དབྱངས་སུ་འཚེར། །འཁོར་སྙན་པ་ནི་གླང་

― GTN003_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་སྒྲ། །རྨ་བྱ་ལ་སོགས་དེ་དག་རྣམས། །མྱོས་པའི་ཚེ་ན་ལྔ་བར་སྒྲོག །ཅེས་དང་། སྣ་དང་མགྲིན་པ་བྲང་དང་རྐན། །ལྕེ་དང་སོ་རྣམས་ལ་བརྟེན་ནས། །དྲུག་པོ་དག་ལས་ཡོངས་སྐྱེས་པས། །དེ་ཕྱིར་དྲུག་ལས་སྐྱེས་ཞེས་བྱ། །རྣམ་པ་ཀུན་ཏུ་སེམས་འཇུག་ཕྱིར། །།ཆ་ཤས་འཛིན་ཞིང་གནྡྷ་རྦའི། །ཡུལ་ལས་ལོན་ཕྱིར་གནྡྷ་རྦ། །བར་མ་ཞེས་བྱའི་འདྲེན་པ་ལས། །བྱུང་བ་བར་མ་ཞེས་སུ་གྲགས། །འབྱུང་བ་ལྔ་ཡི་རྫོགས་བྱེད་པས། །དེས་ན་ལྔ་པ་ཞེས་སུ་སྨྲ། །བློ་གསལ་རྣམས་ཀྱིས་བྱས་པའི་ཕྱིར། །བློ་གསལ་ཞེས་ནི་ཤེས་པར་བྱ། །གང་ཕྱིར་དབྱངས་རྣམས་འདྲེན་གྱུར་པ། །དེ་ཡི་ཕྱིར་ན་བྐ་དང་། །ཞེས་བཤད་ལ། འགྲེལ་བ་འདོད་འཇོར་ཡང་། རྒྱུད་ལས་བྱུང་བ། མགྲིན་པ་ལས་བྱུང་བའི་སྒྲ་ནི་འཁོར་ཉན་ལ་སོགས་པ་རྣམས་སོ། །ཞེས་དང་། ཐུབ་པ་མེས་བྱིན་གྱི་བུས། རྨ་བྱའི་སྒྲོག་པ་དྲུག་སྐྱེད་དེ། །བ་ལང་སྐད་ནི་ཁྱུ་མཆོག་ཅེས། །ས་འཛིན་སྐྱེས་ནི་ར་ཡི་སྟེ། །ཁྲུང་ཁྲུང་སྐད་ནི་བར་མའོ། །མེ་ཏོག་བདོ་བའི་དུས་སུ་ནི། །ཁུ་བྱུག་སྒྲོག་པ་ལྔ་པ་སྟེ། །བློ་ལྡན་སྐྱེས་ནི་རྟ་ཡི་སྐད། །འཁོར་ཉན་གླང་པོའི་སྒྲ་ཡིན་ནོ། །ཞེས་འབྱུང་ལ། དེ་རྣམས་དུས་གང་དང་གང་གི་ཚེ་བླངས་པ་ནི། སྔོན་གྱི་གཙུག་ལག་ལས། རྩེ་མོ་རློམ་པར་བླངས་པ་ནི། །ལྔ་པ་དང་ནི་བར་མའི་དབྱངས། །དཔའ་བོ་དྲག་པོ་ངོ་མཚར་དུ། །དྲུག་སྐྱེས་ཁྱུ་མཆོག་དེ་བཞིན་ནོ། །ས་འཛིན་པ་དང་འཁོར་ཉན་དབྱངས། །སྙིང་རྗེའི་རོ་ལ་བླང་བར་བྱ། །འཐབ་མོ་འཇིགས་དང་བཅས་པ་ལས། །བློ་གསལ་དབྱིངས་ནི་བླང་བར་བྱ། །ཞེས་སློབ་དཔོན་ཡེ་ཤེས་རྡོ་རྗེས་

― GTN003_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

ལང་གཤེགས་ཀྱི་གླེང་གཞིའི་འགྲེལ་པར་དྲངས་པ་ལྟར། གཞོན་ནུ་མའི་ཚོགས་དང་རྩེ་ཞིང་རོལ་པ་དང་རློམ་སེམས་ཀྱི་ཚུལ་དང་མཐུན་པར་བསྟན་པའི་ཚེ། ལྔ་པ་ཁུ་བྱུག་གི་སྒྲ་ལྟ་བུ་དང་། བར་མ་ཁྲུང་ཁྲུང་གི་སྐད་ལྟར་བླང་ངོ་། །གཞན་ནི་དྲག་པོའི་ཚུལ་གྱིས་ཚར་གཅོད་པ་དང་། ངོ་མཚར་གྱི་ཁྱད་པར་སྟོན་པའི་ཚེ། དེ་དང་མཐུན་པར་དྲུག་སྐྱེས་རྨ་བྱའི་སྐད་ལྟ་བུ་དང་། ཁྱུ་མཆོག་བ་ལང་གི་སྐད་ལྟ་བུར་བླང་ངོ་། །ཡང་སྙིང་རྗེའི་ཉམས་དང་ལྡན་པའི་ཚེ། དེ་དང་མཐུན་པ་ས་འཛིན་ནི། དྲི་འཛིན་ཏེ་རའི་སྐད་ལྟར་དང་། འཁོར་ཉན་གླང་པོའི་སྒྲ་ལྟར་བླང་ངོ་། །རྩོད་པའི་འཁོར་ལོ་གཤོམ་པ་ལྟ་བུ་འཐབ་མོ་འཇིགས་པ་དང་བཅས་པའི་ཚེ། དེ་དང་མཐུན་པའི་གླུ་བློ་གསལ་ཞེས་པ་ཅང་ཤེས་རྟའི་སྐད་འཚེར་བ་ལྟར་བླང་བར་བྱ་བ་ཡིན་ནོ། །དེ་ལ་སོགས་པ་གླུ་དབྱངས་ཀྱི་རྣམ་པ་མང་པོ་དྲང་སྲོང་བྷ་ར་ཏ་དང་། བི་ཤ་ཁི་ལའི་གཞུང་ལས་བཤད་ཅེས་འབྱུང་ཞིང་། གཞན་ཡང་དབྱངས་བདུན་གྲོང་གསུམ་དང་། །རྒྱལ་བ་ཉི་ཤུ་རྩ་གཅིག་དང་། །ཏ་ན་བཞི་བཅུ་དགུ་རྣམས་ཏེ། །དབྱངས་ཀྱི་དཀྱིལ་འཁོར་དེ་ཙམ་མོ། །ཞེས་སོགས་འབྱུང་ཡང་མ་སྤྲོས་སོ། ། ༢༩༜ བྱང་གླིང་གི་བློན་པོ་རིན་པོ་ཆེའི་མདུན་དུ་གར་མ་ལྗང་གུ་རྣམ་འགྱུར་བརྗོད་ཀྱིས་མི་ལང་བའི་གར་རྩེ་བ་ཕྱག་གཉིས་རྡོ་རྗེ་རྩེ་གསུམ་པ་བསྣམས་པ་སྟེ། རང་བཞིན་གཅིག་ཉིད་དུ་མའི་ཚུལ་བསྒྱུར་ནས། །འགྲོ་བའི་དགའ་བསྐྱེད་གར་གྱིས་མཆོད་པ་ཡིས། །ཞེས་པ་སྟེ། དེ་ཡང་གར་གྱི་ཆ་བྱད་དགུ་ནི་ཤྲྀངྒ་ཞེས་པ་སྒེག་པ་སྟེ། བུད་མེད་སྐྱེད་ཚལ་སོགས་ལ་རྩེ་ཞིང་རོལ་པ་ལོངས་སྤྱོད་ཀྱི་འབྱོར་པ་

― GTN003_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། ངོ་མཚར་བའི་ལྟད་མོ་མཐོང་བས་དགའ་བའི་འབྱོར་པ་མྱོང་བའི་འཆོར་སྒེག་སྟེ། མཆོག་གི་རང་བཞིན་མང་པོ་ཅན། །དེ་ནི་སྐྱེ་བ་བུད་མེད་རྒྱུ། །ལོངས་སྤྱོད་དང་ནི་ལྟད་མོ་སྟེ། །སྒེག་པ་རྣམ་པར་གཉིས་སུ་འདོད། །ཅེས་འདོད་འཇོར་དྲངས་པ་ཝི་ར་ཞེས་པ་དཔའ་བ་ནི་སྦྱིན་པ་དང་། ཆོས་དང་། གཡུལ་དང་དཔའ་བ་སྟེ་སྤྲོ་བའི་བདག་ཉིད་དོ། །ཀཱ་རུ་ཎ་ཞེས་པ་སྙིང་རྗེ་ནི་འདོད་པ་ཉམས་པ་དང་ནོར་ཉམས་པ་སོགས་སྡུག་བསྔལ་གྱིས་ཉེ་བར་གདུང་བ་ལས་སྐྱེས་པའི་ཉམས་སོ། །ཨརྦྷུ་ར་ཞེས་པ་རྨད་བྱུང་ངམ་རྔམས་པ་ནི། ཡུལ་བཟང་པོ་དང་འཁྲུལ་པའི་རྣམ་འགྱུར་སྣ་ཚོགས་མཐོང་བས་སྙིང་ལ་འདོད་པའི་འབྱོར་པ་ཐོབ་པ་ལས་འབྱུང་བའོ། །ཧཱ་རྒྱ་ཞེས་པ་རྒོད་པ་ནི། སྦ་བར་བྱ་བའི་གནས་མཐོང་བའམ་ཚོགས་སུ་སྒྲོགས་པར་མིང་འོས་པ་ཐོས་པ་ལ་སོགས་པའི་དགོད་བྲོ་བའི་ཉམས་སོ། །བྷཱ་མ་ན་ག་ཞེས་པ་འཇིགས་རུང་གི་ཉམས་ནི་སྲིན་པོ་དང་སྟག་གཟིག་སོགས་མཐོང་བའམ་མི་བཟད་པའི་སྒྲ་ཐོས་པས་སྐྲག་པ་ལ་སོགས་ལས་སྐྱེད་པའི་ཉམས་སོ། །བཱི་བྷརྦ་ཞེས་མི་སྡུག་པའི་ཉམས་ནི། གཟུགས་ངན་པ་དང་ཤ་རུས་པ་སོགས་སྨད་པའི་གནས་མཐོང་ཐོས་སྐྱུག་བྲོ་ཉམས་སྐྱེས་པའོ། །རཱུ་ཏྲ་ཞེས་པ་དྲག་ཤུལ་གྱི་ཉམས་ནི། ལུས་ངག་གི་སྤྱོད་པ་དྲག་པོས་སྤྱོད་ཅིང་བརྡེག་པ་སོགས་ཁྲོ་བོ་ཉེ་བར་བསྡུད་པའི་ཉམས་སོ། །ཤནྟ་ཞེས་པ་ཞི་བའི་ཉམས་ནི། དཀའ་ཐུབ་དང་བརྟུལ་ཞུགས་ལ་སོགས་པས་བདག་ཉིད་ལ་ཕན་པའི་རྒྱུ་བྱེད་པ་སྟེ། སྒེག་པའི་ཉམས་ཀྱི་རྗེས་སུ་འབྱུང་ངོ་། །དེ་ལྟར་ཡང་རིན་པོ་ཆེའི་མཛོད་ལས། སྒེག་པ་དཔའ་བ་

― GTN003_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

མི་སྡུག་པ། །དྲག་ཤུལ་དགོད་དང་འཇིགས་སུ་རུང་། །སྙིང་རྗེ་རྔམས་དང་ཞི་བ་སྟེ། །དེ་རྣམས་གར་གྱི་ཉམས་དགུའོ། །ཞེས་གསུངས་ཤིང་གཞན་དུ་ཉམས་བཅུར་བཤད་པའང་སྣང་ངོ་། ། ༣༠༜ ཤར་ལྷོའི་གླང་པོ་རིན་པོ་ཆེའི་མདུན་དུ་མེ་ཏོག་མ་སེར་མོ་མེ་ཏོག་གི་ཟ་མ་ཏོག་ཕྱག་གཡོན་པས་འཛིན་ཅིང་གཡས་མེ་ཏོག་གི་ཆར་འབེབས་པ། ༣༡༜ ལྷོ་ནུབ་ཀྱི་རྟ་མཆོག་རིན་པོ་ཆེའི་མདུན་དུ་བདུག་སྤོས་མ་དཀར་མོ་ཕྱག་གཉིས་རྡོ་རྗེ་རྩེ་ལྔ་པའི་མཚན་པའི་སྤོས་སྣོད་བསྣམས་པ། དེ་བཞིན་གཤེགས་པ་རྣམས་ཚིམ་པར་མཛད། ༣༢༜ ནུབ་བྱང་གི་དམག་དཔོན་རིན་པོ་ཆེའི་མདུན་དུ་སྣང་གསལ་མ་དཀར་དམར་ཕྱག་གཉིས་མར་མེའི་སྡོང་བུ་འཛིན་པས་དེ་བཞིན་གཤེགས་པ་རྣམས་སྣང་བའི་ཚོགས་ཀྱིས་མཆོད་པར་མཛད་པ། ༣༣༜ བྱང་ཤར་གཏེར་བུམ་གྱི་མདུན་དུ་དྲི་ཆབ་མ་ལྗང་གུ་དྲིའི་དུང་ཆོས་བསྣམས་ཤིང་དྲིའི་སྤྲིན་གྱིས་དེ་བཞིན་གཤེགས་པ་རྣམས་མཆོད་པར་མཛད་པ་སྟེ། དེས་མཚོན་ཏེ་རྡོ་རྗེའི་པི་ཝཾ་མ་སྐད་ཀྱི་རྣམ་འགྱུར་བརྗོད་ཀྱིས་མི་ལང་པའི་པི་ཝཾ་རྡུང་བ། རྡོ་རྗེ་གླིང་བུ་མ་ལག་གི་སྦྱོར་བའི་འགྱུར་ཁུག་གི་གླུ་ལེན་པ། རྡོ་རྗེ་རྔ་ཟླུམ་མ་རྔ་གྲྀ་ཏཾ་གེ་ལ་ལག་གཉིས་ཀྱིས་བསྣོལ་མར་བརྡུང་བ། རྡོ་རྗེ་རྫ་རྔ་མ་སོ་སོར་རྣམས་ཀྱིས་མཆན་ཁུང་གི་ཐད་དུ་རྫ་རྔའི་སྒྲ་བསྐྱེད་པ། རྡོ་རྗེ་གཟུགས་མ་དངུལ་དཀར་ཞུན་མའི་མེ་ལོང་ཐོགས་པ། རྡོ་རྗེ་རེག་བྱ་མ་རིན་
ཐང་དང་བྲལ་བའི་ལྷའི་གོས་པཉྩ་ལི་ཀ་ཐོགས་པ། རྡོ་རྗེ་རོ་མ་རོ་བརྒྱའི་བཅུད་དང་ལྡན་པའི་ཞལ་ཟས་འཛིན་པ། ཆོས་ཀྱི་རྡོ་རྗེ་མ་ཆོས་འབྱུང་ཕྱི་དཀར་ལ་ནང་དམར་བ་འཛིན་པ་སོགས་དང་། གཞན་ཡང་རྔ་སྦུབ་སིལ་ཤང་འཁར་རྔ་དུང་ལ་སོགས་པ་རོལ་མོའི་བྱེ་བྲག་བཅོ་བརྒྱད་ཀྱི་སྐད་རིགས་སྣ་ཚོགས་སུ་སྒྲོགས་པ་འབུད་དཀྲོལ་བརྡུང་སྒྲེང་ལ་སོགས་པའི་ལས་ལ་དགོས་པའི་མཆོད་པའི་ལྷ་མོ་ནམ་མཁའ་ཁེངས་པ་ཙམ་སྤྲོས་པས་ཆོག་ལ། དེ་དག་ཐམས་ཅད་ཀྱང་བཅུ་དྲུག་ལོན་པའི་ན་ཚོད་ཅན་དུ་མཛེས་ཤིང་ཡིད་དུ་འོང་བའི་མཆོད་ཡུལ་གྱི་དབང་པོའི་གནས་སོ་སོར་དགྱེས་པ་ཁྱད་པར་ཅན་སྐྱེད་པར་བྱེད་པའོ། ། ༣༤༜ ཡང་ཤར་ནུབ་ཀྱི་སྒེག་མོ་དང་གླུ་མའི་མདུན་དུ་ཚོམ་བུ་འགོད་ལ་ཉི་མ་ཟླ་བ་ཞེས་པས། ཤར་གླིང་གི་སྒེག་པ་མའི་མདུན་གྱི་སྟེང་གི་ནམ་མཁར་མེ་ཤེལ་ལས་གྲུབ་པའི་ཉི་མའི་དཀྱིལ་འཁོར་འོད་འབར་བ།

༜ཟླ་བའི་དཀྱིལ་འཁོར་ཚོམ་བུ།

― GTN003_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

༣༥༜ ནུབ་གླིང་གི་གླུ་མའི་མདུན་གྱི་སྟེང་གི་ནམ་མཁར་ཆུ་ཤེལ་ལས་གྲུབ་པའི་ཟླ་བའི་དཀྱིལ་འཁོར་དྭངས་ཤིང་གསལ་བ་ཞིག་བསམ་སྟེ། དེ་ཡང་མཛོད་ལས། ཉི་ཟླ་ལྷུན་པོའི་ཕྱི་ནའོ། །ཞེས་པས་གླིང་འདི་ནས་ཉི་ཟླ་དག་གི་བར་དུ་ཐག་ཇི་ཙམ་ཞིག་ཞེ་ན། ཉི་ཟླ་དག་ལྷུན་པོ་ཆུ་མཚམས་ནས་གྱེན་དུ་འཕགས་པའི་ཕྱེད་དཔག་ཚད་བཞི་ཁྲིའི་མཚམས་རི་གཉའ་ཤིང་འཛིན་གྱི་རྩེ་དང་མཉམ་པ་ནས་རྒྱུ་སྟེ། སེམས་ཅན་ཐུན་མོང་གི་ལས་ལས་གྲུབ་པའི་རླུང་གིས་ཉི་ཟླ་སྐར་མ་རྣམས་ཕུལ་ནས་རི་རབ་ལ་རླུང་གི་འཁོར་ལོ་བཞིན་དུ་འཁོར་བ་ཡིན་ནོ། །

― GTN003_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་ཉི་མའི་དཀྱིལ་འཁོར་ནི་འོག་གཞི་མེ་ཤེལ་ལས་གྲུབ་པའི་ཞེང་དཔག་ཚད་ལྔ་བཅུ་ང་གཅིག །ཤིན་ཏུ་ཚ་ཞིང་འོད་ཆེ་བ་དཔངས་སུ་དཔག་ཚད་ཕྱེད་དང་དྲུག །དཔག་ཚད་གཅིག་ནས་བཅོ་བརྒྱད་ཆ་གཅིག་ཡོད་པའི་སྟེང་དུ་གསེར་གྱི་ར་བ་དཔག་ཚད་ཕྱེད་པས་ཟླུམ་པོར་བསྐོར་བ། རིན་ཆེན་སྣ་བཞི་ལས་བྱས་པའི་ལྕོག་སྣ་ཚོགས་པས་སྤྲས་པ། ས་གཞི་ཐམས་ཅད་ཚོན་སྣ་བརྒྱད་བཀྲ་བ་རྐང་པས་མནན་ན་ནེམ་བྱེད་ཅིང་། བཏེགས་ན་འཕར་བ། མེ་ཏོག་མནྡ་ར་བས་པུས་མོ་ནུབ་པ་ཙམ་དུ་ཁེངས་པ་ལས་རྙིང་པ་རླུང་གིས་གཏོར་ནས་གསར་པ་འགྲམས་པ། ནང་གི་ལམ་སྲོང་མཆུར་དཔག་ཚད་ལྔ་དང་། ཞེང་དུ་ཕྱེད་དང་གཉིས་པ་མཛེས་ཤིང་བལྟ་ན་སྡུག་པ། ཕྱོགས་ཕྱོགས་སུ་ཐམ་རྒྱུག་ཏུ་ཡོད་པར་གསེར་གྱི་བྱེ་མ་བརྡལ་ཞིང་ཙནྡན་གྱི་ཆུས་བཏབ་པ། ལམ་དེའི་འགྲམ་གཉིས་ན་རིན་པོ་ཆེ་སྣ་བཞི་ལས་བྱས་པའི་རྫིང་བུ་བཟང་པོ་དཔག་བསམ་གྱི་ཤིང་ལ་སོགས་པའི་སྡོང་པོ་མང་པོས་གང་བ། དེ་དག་གི་དབུས་སུ་རིན་པོ་ཆེའི་ཕོ་བྲང་རྒྱུ་དང་བཀོད་པ་ཕུན་སུམ་ཚོགས་པའི་ངོ་མཚར་གྱིས་འཕགས་པའི་ནང་ན། ལྷའི་བུ་ཉི་མ་ལྷ་དང་ལྷ་མོ་མང་པོས་བསྐོར་ཏེ་འདོད་ཡོན་ལོངས་སྤྱོད་བསམ་གྱིས་མི་ཁྱབ་པ་ལ་རོལ་ཞིང་གནས་སོ། ། ཟླ་བ་ནི་འོག་གཞི་ཆུ་ཤེལ་ལས་གྲུབ་པ་ཤིན་ཏུ་བསིལ་བ་ཁ་ཞེང་ལ་དཔག་ཚད་ལྔ་བཅུ་ཡོད་པ་སྟེ། སྟེང་དུ་དངུལ་གྱི་ར་བས་ཟླུམ་པོར་བསྐོར་བ་སོགས་ཁྱད་ཆོས་གཞན་རྣམས་ནི་ཉི་མ་དང་འདྲ་ཞིང་། ཕོ་བྲང་གི་དབུས་སུ་ལྷའི་བུ་ཟླ་བ་འཁོར་

― GTN003_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

མང་པོས་བསྐོར་ཏེ་གནས་སོ། །དེ་ཡང་གླིང་བཞི་པོའི་འཇིག་རྟེན་གཅིག་ཏུ་ནི་ཟླ་བ་དང་། ཉི་མ་གཅིག་ཁོ་ནས་བྱ་བ་བྱེད་ལ། དེའི་ཚུལ་ཡང་། མཛོད་ལས། ནམ་ཕྱེད་ཉི་མ་ནུབ་པ་དང་། །ཉི་མ་ཕྱེད་དང་འཆར་དུས་གཅིག །ཅེས་པས་གླིང་བཞི་པོ་དག་ཏུ་ཉི་མས་ཅིག་ཅར་བྱ་བ་བྱེད་དམ་ཞེ་ན། མི་བྱེད་དེ། བྱང་སྒྲ་མི་སྙན་དུ་ནམ་ཕྱེད་པའི་ཚེ་ཤར་གླིང་དུ་ཉི་མ་ནུབ་པ་དང་། ལྷོ་གླིང་འདིར་ཉི་མ་ཕྱེད་པའི་ཚེ་ནུབ་གླིང་དུ་ཉི་མ་ཤར་བ་རྣམས་དུས་མཉམ་པའི་ཕྱིར། དེ་བཞིན་གཞན་ལའང་སྦྱར་ཏེ་ཤར་དུ་ནམ་ཕྱེད། ལྷོ་ཉི་མ་ནུབ། ནུབ་ཏུ་ཉིན་ཕྱེད། བྱང་དུ་ཉི་ཤར་རྣམས་དུས་མཉམ་པ་སོགས་རིགས་འདྲ་བ་ཡིན་ལ། དེ་ལ་བརྟེན་པའི་དུས་ཚིགས་ཀྱི་རྣམ་བཞག་སོགས་སྤྲོར་ཡོད་ཀྱང་རེ་ཞིག་མི་སྤྲོ་ལ། ཉི་ཟླའི་ཞོར་དུ་རྒྱུ་སྐར་དང་རི་རབ་ཀྱི་སྟེང་གི་ལྷ་གནས་སོགས་བཤད་ན་འོས་བདེ་བས། དེ་ཡང་སྐར་མ་རྣམས་ཀྱང་སྔར་བཞིན་ལྷུན་པོའི་ཕྱེད་ནས་འཆར་ཏེ། སྐར་མ་ཆེ་བ་ལ་ཞེང་དུ་རྒྱང་གྲགས་བཅོ་བརྒྱད་ནས་ཆུང་བ་རྣམས་ལ་གཅིག་དང་གསུམ་ལ་སོགས་པ་ཡོད་ཅིང་ཕལ་ཆེ་བར་བཅུ་དང་བཅུ་གཉིས་ཏེ། རྒྱུ་ནི་གསེར་དང་། ཟངས་དང་། མཁར་བ་གསུམ་ཅི་རིགས་པ་ལ་གྲུབ་པར་པཎྜི་ཏ་རྒྱལ་བཤེས་སོགས་ཀྱིས་བཞེད་ལ། ཁ་ཅིག་སྐར་མའི་ཚོགས་ཀུན་ཆུ་ཤེལ་ལས་གྲུབ་པ་སྟེ། ཆེ་བ་རྣམས་རྒྱང་གྲགས་དྲུག་ཆུང་བ་རྣམས་ལ་གཅིག་སྟེ་བར་གྱི་ཚད་ནི་བར་མ་རྣམས་ལའོ། །ཞེས་ཀྱང་བཞེད་ལ་དེ་དག་གི་སྟེང་གི་མཐའ་ཐམས་ཅད་ནི་རིན་པོ་ཆེའི་ར་བས་ཟླུམ་པོར་བསྐོར་ཞིང་གྲོང་ཁྱེར་གྱི་བཀོད་པ་ལ་སོགས་པ་ཟླ་བ་དང་

― GTN003_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

ཆ་མཚུངས་པར་ཡོད་ལ། ཡང་སྐར་མ་སྨེ་བདུན་ཏེ། ཏམ་ལང་དང་། ཀུན་མིན་དང་། ལུ་སུན་དང་། ཀུན་ཁུ་དང་། ལིམ་ཚིག་དང་། ཝུན་གུ་དང་། བུ་ཀུན་ཏེ་དེ་རྣམས་ནི། ད་ལྟ་བྱང་ནས་ཤར་ཏེ་བྱང་ཕྱོགས་སུ་བཞུད་འགྲོ་བ་འདི་ནི་རི་རབ་ཀྱི་རྩེར་སུམ་ཅུ་རྩ་གསུམ་གྱི་ཕོ་བྲང་གི་སྟེང་དུ་རྒྱུ་བར་སྨེ་བདུན་ཞེས་པ་སྐར་མའི་མདོ་ལས། ས་ཡི་སྙིང་པོའི་སྟེང་ནས་དཔག་ཚད་བརྒྱད་ཁྲི་འཕགས་པ་ལྷུན་པོའི་རྩེར་གནས་པ། །གླིང་བཞི་པ་ཡི་འཇིག་རྟེན་འདིར་ནི་དབང་དང་ལྡན་པ་ཁྱོད་ཉིད་བདག་གི་ལྷ། །སྐྱེ་གནས་བཞི་དང་ལས་ལྔ་དང་ལྡན་སེམས་ཅན་སྐྱབས་དང་སྐྱོབ་པ་ཁྱོད་ཡིན་ཏེ། །ཕྲེང་བ་བརྒྱུད་ལྟར་ལྷ་ཡི་རྒྱལ་པོ་བརྒྱ་བྱིན་གྱིས་ནི་དབུ་རྒྱན་གྱུར་པ་ཉིད། །ཉི་ཟླ་གཟའ་བདུན་རྒྱུ་སྐར་རྣམས་དང་དུང་ཕྱུར་ཁྲི་ཕྲག་སུམ་ཅུའི་སྐར་མས་མཆོད། །ཅེས་གསུངས་ལ། པ་སངས། སྤེན་པ། ལྷག་པ། མིག་དམར། ཕུར་བུ་སོགས་གཟའ་རྣམས་ཀྱང་སྐར་མ་དང་འདྲ་ལ། སྨེ་བདུན་མ་གཏོགས་པའི་ཉི་ཟླ་གཟའ་སྐར་འདི་དག་ཐམས་ཅད་རྒྱལ་ཆེན་རིགས་བཞིའི་ལྷར་གཏོགས་སོ། །རི་རབ་ཀྱི་སྟེང་། སུམ་ཅུ་རྩ་གསུམ་པའི་གནས་ཡོད་དོ། །ཀུན་མཁྱེན་ཆེན་པོའི་ཡིད་བཞིན་མཛོད་ལས། རི་རབ་སྟེང་ན་སུམ་ཅུ་རྩ་གསུམ་གནས། །མ་འདྲེས་འཕྲེང་འབར་གཟི་བརྗིད་མཆོག་ལ་སོགས། །ཉེ་དབང་གནས་རིགས་སུམ་ཅུ་རྩ་གཉིས་དང་། །གཙོ་བོ་གནས་ཏེ་རྩ་གསུམ་མཐོ་རིས་ཡུལ། །ཞེས་གསུངས་ལ། དེ་ཡང་སུམ་ཅུ་རྩ་གསུམ་པའི་གནས་ཞེས་བྱ་བའི་རྩེ་ན། ནོར་ལྷ་བརྒྱད་དང་། དྲག་པོ་བཅུ་གཅིག་དང་། ཉི་མ་བཅུ་གཉིས་དང་། ཐ་སྐར་གྱི་བུ་གཞོན་ནུ་གཉིས་ཏེ་གཙོ་བོ་སུམ་ཅུ་རྩ་གསུམ་ཡོད་

― GTN003_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

པས་སོ། ། ཡང་ན་དབང་པོ་ཉེ་དབང་གི་གནས་མ་འདྲེས་པ་དང་། ནོར་བུ་དང་། ཡོངས་འདུས་གནས་པ་དང་། རྣམ་མཛེས་གནས་པ་དང་། དགའ་བའི་ཚལ་གནས་པ་དང་། ཕྲེང་བ་འབར་བ་དང་། གཟི་བརྗིད་མཆོག་དང་། མཐོང་བར་སྤྱོད་པ་དང་། འཁོར་ན་གནས་པ་དང་། རིགས་མཐུན་པ་དང་། ནོར་བུ་འཆང་བ་དང་། མདོག་བཟང་ཆེ་བ་དང་། ས་ལ་ཤིང་ཟུག་དང་། ནོར་བུ་སྣང་བ་དང་། ཆོས་བཟང་འདུན་ས་ལ་སོགས་པ་གནས་སུམ་ཅུ་རྩ་གསུམ་ན། གཙོ་བོ་ཉེ་དབང་སུམ་ཅུ་རྩ་གཉིས་ལྷའི་དབང་པོ་བརྒྱ་བྱིན་དང་སུམ་ཅུ་རྩ་གསུམ་ཡོད་པས་དེ་སྐད་ཅེས་བྱ་ལ། རི་དབང་དེའི་རྩེ་མོའི་ཚད་ནི་ངོས་རེ་ལ་དཔག་ཚད་བརྒྱད་ཁྲི་བརྒྱད་ཁྲི་ཡོད་པ་དེའི་སྟེང་གི་ཟུར་བཞིར་རིན་པོ་ཆེའི་ཁང་པ་ངོས་རེ་ལ་དཔག་ཚད་བརྒྱ་དང་ཉི་ཤུ་རྩ་ལྔ། དཔངས་སུ་དཔག་ཚད་ཕྱེད་དང་ལྔ་པར་གནོད་སྦྱིན་ལག་ན་རྡོ་རྗེ་ཞེས་བྱ་བའི་ལྷའི་རིགས་རྣམས་གནས་ཤིང་བག་མེད་པའི་ལྷ་རྣམས་སྲུང་བར་བྱེད་དོ། ། ཁང་བརྩེགས་བཞི་པོའི་བར་མཚམས་སུ་རི་རབ་ཀྱི་རྩེའི་ཁ་ཆག་ལ་རིན་པོ་ཆེའི་ར་བ་དཔག་ཚད་གསུམ་པས་བསྐོར་བ། དེའི་དབུས་སུ་གྲོང་ཁྱེར་ལྟ་ན་སྡུག་ཅེས་པ། ངོས་རེ་ལ་དཔག་ཚད་ཉིས་སྟོང་ལྔ་བརྒྱ་རེ་ཡོད་པར་དཔངས་སུ་དཔག་ཚད་ཕྱེད་གཉིས་པ་གསེར་གྱི་རང་བཞིན་ལས་གྲུབ་པ། དེའི་འོག་གི་ས་གཞི་ཆེན་པོ་སྣ་བརྒྱས་ཁ་དོག་གིས་བཀྲ་བར་བྱས་པ། ས་གཞི་དེ་ཡང་རས་བལ་གྱི་འདབ་བུ་བཀོད་པ་བཞིན་དུ་འཇམ་ཞིང་མཉེན་པ། བཏེགས་ན་སྤར་དང་མནན་

― GTN003_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

ན་ནེམ་བྱེད་པ་སྟེ། མདོ་ལས། གྲོང་ཁྱེར་ལྟ་ན་སྡུག་ཅེས་པ་ངོས་ལ་ཉིས་སྟོང་ལྔ་བརྒྱ་པ། དཔག་ཚད་ཕྱེད་དང་གཉིས་གསེར་གྱི་རང་བཞིན་གཞི་གྲ་མཉམ་པ་ཡོད། ཅེས་འབྱུང་ལ། དེ་ལ་སྒོ་ཆེན་པོ་དགུ་བརྒྱ་དང་དགུ་བཅུ་གོ་དགུ་བཙུགས་པ་ཐམས་ཅད་ཀྱང་དཔངས་ཚད་ཕྱེད་གསུམ་ཞེང་དཔག་ཚད་ཕྱེད་གཉིས་ཡོད་པར་ནོར་བུ་སྣ་ཚོགས་ཀྱི་སྒོ་རྒྱབ། སྐར་མའི་གཟུགས་སུ་བྱས་པ་བཞི་བཞི་དང་། ཟླ་བ་ཚེས་པ་ལྟ་བུ། བ་ལང་གི་རྨིག་པ་ལྟ་བུ་དང་། མེ་ལོང་ལྟ་བུས་བརྒྱན་ཞིང་སྒོ་རེ་རེ་ལ་ལྷ་རྣམས་སྲུང་བར་བྱེད་པས་སྲུང་བ། མཚོན་ཆ་སྣ་ཚོགས་ཐོགས་པ་ལྔ་བརྒྱ་ལྔ་བརྒྱ་འཁོད་པ། གྲོང་ཁྱེར་དེའི་ལམ་སྲང་གི་རིང་ཚད་སྲིད་དུ་དཔག་ཚད་ཉིས་སྟོང་ལྔ་བརྒྱ། ཞེང་དུ་བཅུ་གཉིས། དབྱིབས་ལེགས་ཤིང་ཙནྡན་གྱི་ཆུས་ཆག་ཆག་བཏབ་པ། དེའི་གཡས་གཡོན་ན་རིན་པོ་ཆེ་སྣ་བཞི་ལས་གྲུབ་པའི་རྫིང་བུ། སྦྲང་རྩིའི་ཆུ་བསིལ་བས་གང་བ། ཨུཏྤལ་དང་པདྨ་ཆེན་པོ་ལ་སོགས་པའི་མེ་ཏོག་སྣ་ཚོགས་ཀྱིས་ཁེབས་པ། ཆུ་བྱ་སྣ་ཚོགས་ཀྱིས་སྐད་སྙན་སྒྲོགས་པ། རྫིང་བུའི་འགྲམས་ན་རིན་པོ་ཆེའི་དཔག་བསམ་གྱི་ཤིང་ལས་རིན་པོ་ཆེའི་གོས་ལ་སོགས་པ་འབྱུང་ཞིང་། སྤྲུལ་པའི་བྱ་སྣ་ཚོགས་ཀྱིས་སྐད་སྙན་པར་སྒྲོགས་པ། གྲོང་ཁྱེར་གྱི་ཕྱི་རོལ་ན་རིན་པོ་ཆེ་སྣ་ཚོགས་ཀྱི་ར་བ་རིམ་པ་བདུན་དུ་བསྐོར་བའི་བར་བར་ན་འོབས་རིམ་པ་བདུན་བདུན་གྱིས་བསྐོར་བ་ཐམས་ཅད་ཀྱི་ཟབས་དང་། ཁ་ཁྱེར་ལ་དཔག་ཚད་རེ་རེ་ཡོད་པ་སྟེ། ལྟ་ན་སྡུག་གི་གྲོང་ཁྱེར་དེའི་དབུས་སུ་ལྷའི་དབང་པོའི་ཕོ་བྲང་རྣམ་པར་རྒྱལ་བའི་ཁང་བཟང་ངོས་རེ་ལ་དཔག་ཚད་ཉིས་བརྒྱ་ལྔ་

― GTN003_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་རེ་ཡོད་པ། མཐའ་བསྐོར་ལ་དཔག་ཚད་སྟོང་། དཔངས་སུ་དཔག་ཚད་ཕྱེད་དང་དྲུག་དང་གཅིག་གི་བཅོ་བརྒྱད་ཆ་གཅིག་ཡོད་པ། ནང་གི་རྨང་རྟེན་དང་ཐེམ་སྐས་དང་། ཀ་བ་རྣམས་རིན་པོ་ཆེ་སྣ་བཞི་ལས་བྱས་པ། ཀ་རྟེན་དང་། ཀ་གཞུ་དང་། ཅམ་གདུང་རྣམས་རིན་པོ་ཆེ་སྣ་ཚོགས་ལས་གྲུབ་པ། རིན་པོ་ཆེའི་དྲྭ་བ་དང་། ཆུན་འཕྱང་དང་། མཛེས་བྱེད་དུ་མས་སྤྲས་པ། ཁང་བཟང་དེ་ལ་བ་གམ་བརྒྱད་ཡོད་པ་རེ་རེ་ལའང་ཁང་པ་བརྩེགས་པ་བདུན་བདུན་གྱིས་བརྒྱན་པ་སྟེ། མངོན་པ་ལས། བ་གམ་བརྒྱད་དང་། བ་གམ་རེ་རེ་ལ་ཁང་པ་བརྩེགས་པ་བརྒྱད་བརྒྱད་དེ་རེ་རེ་ལ་གནས་ཁང་བདུན་བདུན། དེ་རེ་རེ་ལ་ལྷའི་བུ་མོ་བདུན་བདུན། དེ་རེ་རེ་ལ་གཡོག་མོ་བདུན་བདུན། དེ་རེ་རེ་ལ་སིལ་སྙན་བདུན་བདུན་ཡོད་པར་གསུངས་སོ། ། ལྟ་ནའི་ཕྱི་རོལ་དཔག་ཚད་ཉི་ཤུར་ཕྱིན་པ་ན། ཤར་ན་ཤིང་རྟ་སྣ་ཚོགས་ཀྱི་ཚལ་ཞེས་བྱ་བ་རིན་པོ་ཆེའི་ཤིང་རྟ་དང་། རྫིང་བུ་དང་། ལོ་མ་དང་། མེ་ཏོག་དང་། འབྲས་བུ་སྣ་ཚོགས་པས་གང་བ། རྫིང་བུ་དེ་དག་ཀྱང་ཆུ་ཞེང་དུ་དཔག་ཚད་ལྔ་བཅུ་རེ་ཡོད་པ། གསེར་དང་། དངུལ་དང་། བཻ་ཌཱུརྱ་དང་ཤེལ་ལས་བྱས་པའི་ཕ་གུས་རྩིག་ཅིང་ཐེམ་སྐས་ཡོད་པ། ལན་ཀན་རིན་པོ་ཆེ་སྣ་ཚོགས་ཀྱིས་བྱས་པའི་སྦྲང་རྩི་ལྟ་བུའི་ལྷའི་ཆུ་ཡན་ལག་བརྒྱད་དང་ལྡན་པས་གང་བ། ཤིང་རྟ་རྣམས་ཀྱང་ལྷའི་བུ་མོ་མཛེས་ཤིང་བལྟ་བས་ཆོག་མི་ཤེས་པ་རྣམས་ཀྱིས་ཁྱད་པར་དུ་བགྱིས་ཏེ་མཆིས་པས་ཤིང་རྟ་སྣ་ཚོགས་པའི་ཚལ་ཞེས་བྱའོ། ། ལྷོ་ཕྱོགས་ན་རྩུབ་འགྱུར་གྱི་ཚལ་ཞེས་པ་ལ་རིན་པོ་ཆེའི་གོ་ཆ་ཤིན་ཏུ་སྲ་

― GTN003_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

བ་དང་། རལ་གྲི་དང་། འཁོར་ལོ་དང་། མདུང་དང་། མདའ་བོ་ཆེ་ལ་སོགས་པའི་མཚོན་ཆ་གང་འདོད་དུ་འབྱུང་བའི་ལྗོན་ཤིང་གིས་གང་བ། གནས་དེར་ཕྱིན་པ་ཙམ་གྱིས་ཁོང་ཁྲོ་ལངས་སེམས་རྩུབ་པར་འགྱུར་ཞིང་། ལྷ་མ་ཡིན་དང་གཡུལ་འགྱེད་པ་ལ་སྤྲོ་བ་དེར་ཡོད་པའི་རྫིང་བུའི་ཆུ་དང་། ལོ་མ་དང་། མེ་ཏོག་དང་། འབྲས་བུ་དང་། རྒྱན་ལ་སོགས་པ་གང་ལ་ལོངས་སྤྱོད་ཀྱང་སེམས་ཤིན་ཏུ་རྩུབ་མོར་འགྱུར་བས་ན་རྩུབ་འགྱུར་གྱི་ཚལ་ཞེས་བྱའོ། ། ནུབ་ཕྱོགས་སུ་འདྲེས་པའི་ཚལ་ཞེས་བྱ་བ་དེར་རྫིང་བུ་འདྲེས་པ་ཞེས་བྱ་བ་འདོད་དགུ་ཐམས་ཅད་འདྲེས་པར་འབྱུང་བ་དང་། རིན་པོ་ཆེའི་ཤིང་དང་། མེ་ཏོག་དང་། གོས་རྒྱན་ལ་སོགས་པ་རྣམས་འདྲེས་ཤིང་ལྷའི་བུ་དང་བུ་མོ་རྣམས་ཀྱང་འདྲེས་པར་གནས་པས་ན་འདྲེས་པའི་ཚལ་ཞེས་བྱའོ། ། བྱང་ཕྱོགས་ན་དགའ་བའི་ཚལ་ཞེས་བྱ་བ་རྫིང་བུ་བཟང་པོ་དགའ་བར་ཞེས་པ་དང་། ཤིང་དང་། མེ་ཏོག་དང་། ལྷའི་བུ་མོ་ལ་སོགས་པས་མཛེས་པར་བརྒྱན་པ། དེར་ཕྱིན་པ་ཙམ་གྱིས་དགའ་བ་ལྷག་པར་འཕེལ་བ། རིན་པོ་ཆེའི་ལྗོན་ཤིང་གི་ནང་ན་བསྐལ་པ་བཟང་པོའི་སངས་རྒྱས་སྟོང་གི་གཟིམ་ཁྲི་འོད་ཟེར་འཕྲོ་བ་ཡོད་པ། ལྷའི་དབང་པོ་བརྒྱ་བྱིན་གྱིས་བལྟས་ན་བལྟ་བར་ནུས་པ་ཡོད་དེ། དེའི་ལོགས་ལ་ཚེ་རབས་སྔ་ཕྱི་དང་། སྐྱེ་བ་འདིའི་ལེགས་ཉེས་དང་། གཡུལ་རྒྱལ་ཕམ་གྱི་མཚན་མ་ཐམས་ཅད་གཟུགས་བརྙན་ལྟར་གསལ་བར་ཡོད་པ། སྐྱེད་མོས་ཚལ་དེ་དག་གི་ཆུ་དང་ཞེང་དུ་དཔག་ཚད་ཉིས་བརྒྱ་ལྔ་བཅུ། མཐའ་སྐོར་དུ་དཔག་

― GTN003_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

ཚད་སྟོང་ཡོད་པ། གསེར་གྱི་ར་བ་དཔག་ཚད་གཅིག་པས་ཡོངས་སུ་བསྐོར་བ། ར་བ་ལ་རིན་པོ་ཆེ་སྣ་བཞིའི་ལྕོག་གིས་མཛེས་པ། ནང་གི་ས་གཞི་དང་ལམ་སྲང་ལ་སོགས་པ་ཉི་ཟླའི་གཞལ་ཡས་ཁང་དང་འདྲ་བ་ལ། དེ་བས་ཀྱང་ཁྱད་པར་དུ་འཕགས་པ། དེ་དག་གི་ཕྱོགས་བཞིར་དཔག་ཚད་ཉི་ཤུ་རེས་བཅད་པའི་སར་ས་གཞི་བཟང་པོ་བཞི་ཡོད་དེ། ཤར་དུ་ཤིང་རྟ་སྣ་ཚོགས་པའི་ས་གཞི། ལྷོར་རྩུབ་འགྱུར་གྱི་ས་གཞི། ནུབ་ཏུ་འདྲེས་པའི་ས་གཞི། བྱང་དུ་དགའ་བའི་ས་གཞི་ཞེས་བྱ་བ་ལམ་སྲང་དང་ཚད་བཀོད་པ་ལ་སོགས་པ་སྐྱེད་མོས་ཚལ་རྣམས་དང་འདྲ་བ་ལས། བར་བར་ན་འཆག་པ་དང་འདུག་པའི་ཤང་ཤོང་མཉམ་ལ་ཡིད་དུ་འོང་བ་ཐང་བདེ་བར་གནས་པ་དང་། ཚལ་དང་ས་གཞི་དག་ཏུ་འགྲོ་བ་ལམ་གྱི་བར་ན་རྟ་དང་གླང་པོ་དང་། ཤིང་རྟ་ལ་སོགས་པའི་བཞོན་པ་དུལ་བ་སྣ་ཚོགས་དང་ལྡན་པ་ཡིན་ལ། མཛོད་ལས། བྱང་ཤར་མཚམས་ན་ཡོངས་འདུ་སྟེ། །ཞེས་པས། ལྟ་ན་སྡུག་གི་གྲོང་ཁྱེར་གྱི་བྱང་ཤར་ན་ཤིང་ཡོངས་འདུ་ས་བརྟོལ་ཞེས་བྱ་བ། རྩ་བ་དཔག་ཚད་ལྔ་བཅུ་ཐུར་དུ་ཟུག་ཅིང་དཔག་ཚད་བརྒྱ་གྱེན་དུ་འཕགས་པའི་ཡལ་འདབ་ཕྱོགས་བཞིར་གྱེས་པ་དཔག་ཚད་ལྔ་བཅུར་ཁྱབ་པ། རྩེ་མོ་ཀུན་ནས་ཟླུམ་པ་གདུགས་ལྟར་འདུག་པ་ལ་རིན་པོ་ཆེའི་དྲྭ་བ་དང་། ལྷའི་གོས་བཟང་པོས་མཛེས་པར་བྱས་པ་ཁོར་ཡུག་ཐམས་ཅད་དུ་དེའི་འོད་ཀྱིས་ཁྱབ་ཅིང་། རླུང་གི་བསིལ་བུས་ཁྱེར་ནས་རྫི་ཕྱོགས་སུ་དྲི་ངད་བཟང་པོས་དཔག་ཚད་བརྒྱར་ཁྱབ་ཅིང་། བསིལ་བུས་མ་སྐྱོད་པའི་ཕྱོགས་སུ་ཡང་། དཔག་ཚད་བཅུར་དྲི་ཞིམ་པ་ལྡང་བ། ལྷ་རྣམས་

― GTN003_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཡིད་ལ་གང་བསམ་གྱི་འདོད་ཡོན་ཐམས་ཅད་ཐོགས་མེད་དུ་འབྱུང་བ། ཤིང་དེའི་དྲུང་ན་ཨར་མོ་ལིཀཱ་ལྟ་བུའི་རྡོ་ལེབ་གྲུ་བཞི་པ་ཆུ་ཞེང་དུ་དཔག་ཚད་ལྔ་བཅུ་མཐའ་བསྐོར་དུ་དཔག་ཚད་ཉིས་བརྒྱ་དཔངས་སུ་དཔག་ཚད་ཕྱེད་དྲུག་དང་བཅོ་བརྒྱད་ཀྱི་ཆ་གཅིག་ཡོད་པ་དབྱིབས་ལེགས་ཤིང་ཚོན་སྣ་བརྒྱ་རྩའི་བཀྲ་བར་བྱས་པའི་ས་གཞི་འཇམ་ཞིང་། བཏེགས་ན་སྤར་ཞིང་མནན་ན་ནེམ་བྱེད་པ། མནྡ་ར་བ་པུས་ནུབ་ཙམ་དུ་ཁེབས་པའི་དབུས་ན་བརྒྱ་བྱིན་གྱི་སེང་ཁྲི་ལ་ལྷ་གཞན་རྣམས་ཀྱི་ཁྲིས་བསྐོར་བ། ལྷ་ཉུང་ངུར་འདུས་པས་ཀྱང་དེའི་སྟེང་ཡངས་པར་མི་མངོན་ལ། མང་པོ་འདུས་ཀྱང་དོག་པའི་སྐྱོན་མེད་པ། རྡོ་ལེབ་དེའི་འགྲམ་ཐམས་ཅད་ན་དཔག་བསམ་གྱི་ཤིང་། མེ་ཏོག་དང་། གོས་དང་། ནོར་བུ་དང་། ཁ་ཟས་ལ་སོགས་པ་ཐོགས་མེད་དུ་འབྱུང་བ། ལྷའི་བུ་དང་བུ་མོ་མང་པོས་ཤིང་སྣ་ཚོགས་དང་། རྒྱན་སྣ་ཚོགས་དང་། རོལ་མོ་སྣ་ཚོགས་དང་། བཟའ་བཏུང་གི་བྱེ་བྲག་སྣ་ཚོགས་འགྱེད་ཅིང་ཁྲིམས་པར་བྱེད་པ། བར་མཚམས་རྣམས་སུ་ཡང་ཐོག་དང་ཁང་པ་བརྩེགས་མ་དང་། ལྟད་མོ་བལྟ་བའི་ས་དང་། བསིལ་ཁང་དང་། གླུ་གར་དང་། རྩེད་འཇོ་བྱེད་པའི་གནས་ལྷའི་བུ་མོ་གླུ་གར་བྱེད་པ་དང་རོལ་མོར་གོམས་པ་དུ་མས་གང་བ། ལྟ་ན་སྡུག་ནས་ལྷོ་ནུབ་ཀྱི་མཚམས་སུ་དཔག་ཚད་ཕྱེད་དང་བཞིའི་ས་ན་ཆོས་བཟང་ལྷའི་འདུན་ས་ཞེས་པ་ཆུ་ཞེང་དུ་དཔག་ཚད་སུམ་བརྒྱ། མཐའ་བསྐོར་དུ་དཔག་ཚད་དགུ་བརྒྱ་ས་ཀུན་ནས་ཟླུམ་པོར་གྱུར་པའི་དབུས་སུ་རིན་པོ་ཆེའི་ཁང་བརྩེགས་འོད་འབར་བས། ལྟ་ན་སྡུག་གི་གྲོང་ཁྱེར་ལས་དཔག་

― GTN003_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

ཚད་ཕྱེད་དང་བཞིའི་གྱེན་དུ་འཕགས་པ། འོག་གཞི་དང་། ཡང་ཐོག་དང་། ཀ་བ་དང་། སྤྱི་འདུས་ཀྱི་གདུང་མ་ལ་སོགས་པ་ཐམས་ཅད་ཤེལ་ལས་གྲུབ་པ། དབུས་སུ་བཻ་ཌཱུརྱའི་ཀ་བ་ཟུར་བརྒྱད་པ། སྤྱི་འདུས་ཀྱི་གདུང་མར་སྐྲའི་རྩེ་མོ་ཙམ་ཞིག་མ་རེག་པས་བཏེགས་པའི་ཁང་བུ་དོན་ཐམས་ཅད་གྲུབ་པར་བྱེད་པ་ཞེས་བྱ་བ་དེར། ལྷའི་དབང་པོ་འཁོར་བཅས་ཀྱི་ཁྲི་རྣམས་བཤམས་ཏེ་གྲོས་བྱེད་པའི་མདུན་ས་ཡིན་པས་ལྷའི་མདུན་ས་ཞེས་བྱའོ། ། དེ་དག་གི་སྟེང་གི་ནམ་མཁར་འཐབ་བྲལ་དང་། དེའི་སྟེང་གི་ནམ་མཁར་དགའ་ལྡན། དེའི་སྟེང་གི་ནམ་མཁར་འཕྲུལ་དགའ། དེའི་སྟེང་གི་ནམ་མཁར་གཞན་འཕྲུལ་དབང་བྱེད་དེ་འོག་མ་འོག་མ་ལས་གོང་མ་གོང་མ་རྒྱ་ཁྱོན་ཉིས་འགྱུར་གྱིས་ཆེ་བ། འཐབ་བྲལ་བ་རྣམས་ལུས་གཞུ་འདོམ་སུམ་བརྒྱ་བདུན་ཅུ་དོན་ལྔ། དགའ་ལྡན་པ་རྣམས་ལུས་གཞུ་འདོམ་ལྔ་བརྒྱ། འཕྲུལ་དགའ་བ་རྣམས་ལུས་གཞུ་འདོམ་དྲུག་བརྒྱ་དང་ཉེར་ལྔ། གཞན་འཕྲུལ་དབང་བྱེད་པ་རྣམས་ལུས་གཞུ་འདོམ་ཕྱེད་དང་བརྒྱད་བརྒྱ་ལོངས་སྤྱོད་ཕུན་སུམ་ཚོགས་པ་དང་ལྡན་པ་ཡིན་ལ། ལུས་དང་རྫུ་འཕྲུལ་དང་འདོད་པའི་རང་བཞིན་ལྷ་དང་འདྲ་ཡང་། རིགས་དང་སྐལ་བ་ལྷ་དང་མི་འདྲ་བའི་ཕྱིར་ལྷ་མ་ཡིན་ཞེས་གྲགས་པ་རྣམས་ནི། དེ་དག་གི་རྩ་བའི་གནས་རི་རབ་ཀྱི་ཆུ་མཚམས་མར་བཅད་ནས་གསེར་གྱི་ས་གཞིར་མ་ཐུག་གི་བར་གྱི་ཁོང་གསེང་ན་ཡོད་པའི་གནས་ཀྱང་གོང་མ་ལས་འོག་མ་བཟང་བར་སྣང་བའི་ཆུ་མཚམས་ཀྱི་ཁང་གསེང་ན་སྒྲ་གཅན་དང་། དེ་ནས་དེའི་འོག་ན་

― GTN003_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་ཕྲེང་གི་གོང་ན་འགུལ་ཕྲེང་ཅན་དང་གསེར་གྱི་ས་གཞི་ལ་ཐགས་བཟང་རིགས་རྣམས་ཡོད་ལ། རི་རབ་ཀྱི་ཁོང་གསེང་ན་གསེར་གྱི་ས་གཞིའི་སྟེང་ན་ལྷ་རྣམས་ཀྱི་འབྱོར་པ་ལྟ་བུའི་གནས་དང་བཀོད་པ་ལྷ་མ་ཡིན་གྱི་མཆོག་རྣམས་ལའང་ཡོད་དེ། འཇིག་རྟེན་ན་གྲགས་པས་མདོ་ལས་གསུངས་པ་ལྟར་ན། ལྷའི་དབང་པོའི་ཁང་བཟང་རྣམ་པར་རྒྱལ་བ་ལྟ་བུའི་གདམས་པ་ཅན་དང་། ལྟ་ན་སྡུག་ལྟ་བུའི་གྲོང་ཁྱེར་གསེར་ལྡན་དང་། དེ་བཞིན་དུ་འདུན་ས་ནོར་བཟང་དང་། སྐྱེད་མོས་ཚལ་དང་། ཀུན་དགའ་ར་བ་དང་། དགའ་བ་དང་། དགའ་བའི་ཀུན་དགའ་ར་བ་རྣམས་ཡོད་ལ་ཚལ་བཞི་པོ་དེ་དག་གི་ཕྱི་རོལ་ན་ས་གཞི་བཟང་པོའི་མིང་ཡང་ཚལ་དེ་དག་དང་མཐུན་ཏེ། ས་གཞི་བཟང་པོ་ཀུན་དགའ་ར་བ་དང་། རབ་ཏུ་དགའ་བ་དང་། དགའ་བ་དང་། དགའ་བའི་ས་གཞི་ཀུན་དགའ་ར་བ་དང་། ཤིང་ཆེན་པོ་ཙི་ཏྲ་པ་ཏྲི་རྡོ་ལེབ་རབ་ཏུ་བཟང་པོ་དང་། སྐྱེད་ཚལ་དུ་སྤྱོད་པའི་གླང་ཆེན་ཏི་སེ་གངས་བརྩེགས། གཡུལ་ངོར་སྤྱོད་པ་རབ་བརྟན་ལྟ་བུ་དང་། གཡུལ་གྱི་གླང་པོ་བཟོད་པར་དཀའ་བ་དང་། རྟ་མཆོག་ནི་སྤྲིན་གྱི་ཤུགས་ཅན་ལྟ་བུ། རྟའི་རྒྱལ་པོ་རབ་མྱུར་ཞེས་བྱ་བ་ཡོད་དོ། །དེ་དག་གི་གོང་ན་དཀར་ཕྲེང་གི་གནས་དང་། སྒྲ་གཅན་གྱི་གནས་དག་གི་ནི་རྒྱལ་ཆེན་བཞིའི་ལྷ་རྣམས་དང་འགྲན་པའི་དཔལ་དང་སྐལ་བ་བཟང་པོར་འབྱོར་བ་ཡིན་ལ། བདུད་ཀྱི་རྒྱལ་པོ་དགའ་རབ་དབང་ཕྱུག་འཁོར་དང་བཅས་པའི་གནས་རྣམས་ནི་གཞན་འཕྲུལ་དབང་བྱེད་ཀྱི་ནང་གཏོགས་པའི་གཞན་ཁྱད་པར་ཅན་ཡིན་ནོ། །ལྷ་མ་ཡིན་གྱི་ཁོངས་སུ་གཏོགས་

― GTN003_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འགའ་ནི། འཛམ་བུའི་གླིང་དང་གླིང་གཞན་དང་། རྒྱ་མཚོ་དང། མུ་ཁྱུད་དང་རི་རབ་ལ་སོགས་པ་ངེས་པ་མེད་པ་ན་ཡོད་དེ་བདུད་རིགས་ཀྱི་མི་མ་ཡིན་རྣམས་སོ། ། འདོད་ཁམས་ནས་གྱེན་དུ་འཕགས་པའི་གཟུགས་ཁམས་གནས་རིས་བཅོ་བརྒྱད་ནི། ཚངས་རིས། ཚངས་པ་མདུན་ན་འདོན། ཚངས་ཆེན་ཏེ་བསམ་གཏན་དང་པོའི་གནས་གསུམ། དེའི་སྟེང་དུ་འོད་ཆུང་། ཚད་མེད་འོད། འོད་གསལ་ཏེ་བསམ་གཏན་གཉིས་པའི་གནས་གསུམ། དེའི་སྟེང་དུ་དགེ་ཆུང་དང་། ཚད་མེད་དགེ་དང་། དགེ་རྒྱས་ཏེ་བསམ་གཏན་གསུམ་པའི་གནས་གསུམ། དེའི་སྟེང་དུ་སྤྲིན་མེད་དང་། བསོད་ནམས་སྐྱེས་དང་། འབྲས་བུ་ཆེ་བ་དང་། བསམ་གཏན་བཞི་པའི་གནས་གསུམ། དེའི་སྟེང་དུ་མི་ཆེ་བ། མི་གདུང་བ། གྱ་ནོམ་སྣང་བ། ཤིན་ཏུ་མཐོང་བ། འོག་མིན་ཏེ་གཙང་མའི་གནས་ལྔའོ། །དེ་དག་བཅུ་བདུན་པོ་ཐམས་ཅད་ལས་འདས་པའི་ཡང་རོལ་ན་འོག་མིན་ཆེན་པོའི་གནས་ཡོད་ཅིང་། དེ་ལ་སྤྱིར་འོག་ཞེས་པ་ནི་བླ་ན་གཞན་མེད་པའི་དོན་ཡིན་ལ། བྱེ་བྲག་ཏུ་ཕྱེ་ན་ཆོས་དབྱིངས་དོན་གྱི་འོག་མིན། རིག་པའི་འོག་མིན། གསང་བའི་འོག་མིན། གཙང་རིས་ཀྱི་ནང་ཚན་འཇིག་རྟེན་གནས་ཀྱི་འོག་མིན། དབང་ཕྱུག་ཆེན་པོའི་འོག་མིན་དང་ལྔ་ལས། ཆོས་དབྱིངས་དོན་གྱི་འོག་མིན་ནི། ཆོས་ཀྱི་དབྱིངས་ལ་གྲགས་ཏེ། དེ་ཉིད་སངས་རྒྱས་ཐམས་ཅད་ཀྱི་རྟེན་གནས་སམ་རྣམ་རྟོག་དང་མཚན་མ་གང་གི་ཡང་འོག་ཏུ་མ་གྱུར་པའི་དོན་ཡིན་ལ། རིག་པའི་འོག་མིན་ནི། ཆོས་ཀྱི་དབྱིངས་ཏེ་དེ་རྟོགས་པའི་རང་རིག་པའི་ཡེ་ཤེས་ལ་བྱ་སྟེ་གཉིས་འཛིན་གྱི་འོག་

― GTN003_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

ཏུ་མ་གྱུར་པས་སོ། །གསང་བའི་འོག་མིན་ནི། ཡུམ་གྱི་མཁའ་ལ་གྲགས་ཏེ་སྟོན་པ་གསང་བའི་སྐུའི་བཞུགས་གནས་ཡིན་ཞིང་། མཚན་མའི་རྟོག་པ་རང་རྒྱུད་པའི་འོག་ཏུ་མ་གྱུར་པའི་དོན་ནོ། །འཇིག་རྟེན་གནས་ཀྱི་འོག་མིན་ཞེས་པ་ནི། སྔར་བཤད་ལྟར་གཟུགས་ཁམས་གནས་རིས་བཅུ་བདུན་གྱི་ཡ་ཐ་གཙང་མ་རིས་ཀྱི་ལྷ་ལྔའི་དང་པོ་སྟེ། གཟུགས་ཁམས་ཀྱི་གནས་གཞན་གྱི་འོག་ཏུ་མ་གྱུར་པས་སོ། ། དབང་ཕྱུག་ཆེན་པོའི་འོག་མིན་ཞེས་པ་ནི། སྐབས་འདིར་བསྟན་གྱི་འོག་མིན་ཏེ། སྒྱུ་འཕྲུལ་རྡོ་རྗེ་ལས། གཙང་མའི་རིས་དག་རྣམས་སྤངས་པའི། །འོག་མིན་ཆེན་པོའི་གནས་མཆོག་ན། །ཞེས་པས་བསྟན་ཏེ། ས་བཅུ་ཡོངས་སུ་རྫོགས་པར་སྒོམ་པ་རྣམས་དེར་སྐྱེ་བ་ཡིན་ལ། ཉན་རང་འཕགས་པ་གཙང་གནས་ལྔར་བགྲོད་པ་ལས་བྱང་ཆུབ་སེམས་དཔའ་འཕགས་པ་ཡིན་པར་གནས་ཀྱི་ཁྱད་པར་ཀྱིས་ཀྱང་གྲུབ་ལ། རྒྱས་པ་ལས། འཇིག་རྟེན་གནས་ཀྱི་འོག་མིན་ལས། །ཉིས་འགྱུར་ཤིན་ཏུ་དཔགས་པ་ན། །ངོ་བོ་མཐའ་གསུམ་ལས་འདས་པ། །མ་སྤངས་རྒྱན་རྫོགས་གཞལ་ཡས་ཁང་། །ཞེས་གསུངས་ལ། དེའང་རྒྱུའི་བྱང་སེམས་ཀྱི་ས་དང་པོའི་བདེན་པ་མཐོང་བའི་གནས་གཙང་མའི་འོག་མིན་ལས། ངེས་དོན་དུ་འཚང་རྒྱ་བའི་ཞིང་ཁམས་འོག་མིན་ཆེན་པོ་ཉིས་འགྱུར་གྱི་འཕགས་པར་གསུངས་པ་ནི། ཚོགས་ལམ་སྣ་ཟིན་ནས་མཐོང་ལམ་ཐོབ་པ་ལ་ཡུན་ཇི་ཙམ་འགོར་བའི་སངས་རྒྱས་ཀྱི་སའི་བར་དུ་དགོས་པ་ལ་དགོངས་པ་ཡིན་གྱི་གཙང་མའི་གནས་དེའི་ཕ་རོལ་ན་ཡོད་པའི་ངེས་པ་མེད་དེ་སངས་རྒྱས་ཀྱི་ཞིང་ནི་རང་

― GTN003_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

གང་ན་བཞུགས་པའི་རང་སྣང་ཡིན་པའི་ཕྱིར་རོ། །ཞེས་ཀུན་མཁྱེན་དྷརྨ་ཤྲཱིས་གསུངས་སོ། ། གཟུགས་མེད་པའི་གནས་རིས་བཞི་ལ་དངོས་སྣང་གི་གཟུགས་སུ་གྲུབ་པ་མེད་པས། དེའི་གནས་སུ་གྲུབ་པའང་རགས་པ་དང་ཕྲ་བ་གང་ཡང་མེད་དེ། གཙང་མའི་གནས་ལྔ་ནི། ནམ་མཁའ་ལ་གཟའ་སྐར་བཀྲམ་པ་བཞིན་དུ་གནས་ཏེ་རྒྱ་ཁྱོན་ཚད་མེད་ལ། དེའི་འོག་གི་བསམ་གཏན་བཞི་པ་བ་རྣམས་ཀྱི་འཇིག་རྟེན་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་དང་མཉམ་མོ། །བསམ་གཏན་གསུམ་པ་བ་རྣམས་ནི་སྟོང་གཉིས་པ་བར་མའི་འཇིག་རྟེན་གྱི་ཁམས་དང་མཉམ། བསམ་གཏན་གཉིས་པ་བ་རྣམས་ནི་སྟོང་གསུམ་པ་སྤྱི་ཕུད་ཀྱི་འཇིག་རྟེན་དང་མཉམ། བསམ་གཏན་དང་པོ་བ་རྣམས་ནི་གླིང་བཞི་པའི་འཇིག་རྟེན་གྱི་ཁམས་ལྕགས་རི་མུ་ཁྱུད་དང་བཅས་པ་གཅིག་དང་མཉམ། རྒྱལ་ཆེན་བཞིའི་རྩ་བའི་ཕོ་བྲང་ཡོད་པའི་ཐད་ཀྱི་ནམ་མཁའ་ནས་འཛམ་བུ་གླིང་གི་ས་གཞིའི་བར་ལ་དཔག་ཚད་བཞི་ཁྲི། སུམ་ཅུ་རྩ་གསུམ་པའི་འོག་གཞི་ནས་འཛམ་བུ་གླིང་གི་བར་ལ་དཔག་ཚད་བརྒྱད་ཁྲི། སུམ་ཅུ་རྩ་གསུམ་ནས་འཐབ་བྲལ་གྱི་འོག་གཞིའི་བར་ལ་དཔག་ཚད་བརྒྱད་ཁྲི། འཐབ་བྲལ་ནས་དགའ་ལྡན་གྱི་བར་ལ་དཔག་ཚད་སུམ་འབུམ་དྲུག་ཁྲི་སྟེ། དེ་ཡན་ཆད་ཀྱི་གནས་གོང་མ་གོང་མ་ཐམས་ཅད་འདྲ་བར་རང་རང་གི་གནས་འོག་མ་ནས་འཛམ་བུ་གླིང་གི་ས་གཞིའི་བར་ལ་གང་ཡོད་ཀྱིས་དཔངས་དེར་རང་གི་གནས་གོང་མ་དང་། རང་གི་བར་ལའང་འོང་བས་འོག་མིན་གྱི་གནས་

― GTN003_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་ཆེས་ཤིན་ཏུ་མཐོ་བ་ཡིན་ནོ། ། དེ་ལྟ་བུའི་སྣོད་བཅུད་ཀྱི་འཇིག་རྟེན་ཆགས་ཚུལ་དང་། བཀོད་པ་རགས་རིམ་གནས་ལུགས་དང་མཐུན་པ་ཞིག་མ་ཤེས་ན་མཎྜལ་འབུལ་བའི་སྐབས་སུ་སྣོད་བཅུད་ཀྱི་བཀོད་པ་གསལ་གདབ་དགོས་པས། དེའི་དོན་ལ་བློ་རྨོངས་པས་ཚིག་དོན་འཛོལ་ལ་འགྲོ་བ་ནི་སྨོས་མ་དགོས་ཤིང་། འདི་ལྟར་ཐེག་པ་བླ་ན་མེད་པ་དག་ལ་གྲགས་པའི་ཞིང་གི་རིམ་པ་དབྱེ་བ་རྣམ་པར་འཁྲུལ་པ་དང་བཅས་པའི་ཚུལ་རྒྱ་མཚོ་ལས་འཕྲོས་པའི་གཏམ་བརྗོད་པ་དེའང་དོན་དང་ལྡན་པ་ཡིན་ཏེ། ཤིན་ཏུ་རྒྱས་པ་ཕལ་པོ་ཆེའི་མདོ་ལས། གང་གི་ཐེག་པ་ཆེན་པོའི་ཚུལ་རྒྱ་མཚོ་མི་ཟད་པ་སྣ་ཚོགས་ལ་འཇུག་པའི་སྒོ་རབ་ཏུ་ཐོབ་ནས། མི་དངངས་ཤིང་དད་པར་གྱུར་པ་དེ་དག་གིས་ནི་མྱུར་དུ་བྱང་ཆུབ་སྙིང་པོ་མཛེས་པར་བྱེད་པའོ། །ཞེས་སོགས་གསུངས་པའི་ཕྱིར་རོ། ། དེ་ནས་མཆོད་པའི་མཐའ་རྟེན་དུ་སྔོན་སྟོན་པ་བཅོམ་ལྡན་འདས་ལ་གཟུགས་ཀྱི་ལྷ་མོ་སོགས་ཀྱི་ཕུལ་བའི་བཀྲ་ཤིས་རྫས་བརྒྱད། ཚངས་པ་ལ་སོགས་པས་ཕུལ་བའི་རྟགས་བརྒྱད་རྣམས་ཚིག་གིས་དངོས་བསྟན་དུ་མེད་ཀྱང་གདུགས་དང་རྒྱལ་མཚན་ཙམ་སྨོས་པས་ཤེས་བྱེད་ཀྱི་མཆོད་པའི་རྫས་སུ་སྤྲོས་པས་ཆོག་ཀྱང་འདིར་མི་སྤྲོ་ལ། ༣༦༜ བྱང་དང་ལྷོའི་གར་མ་དང་ཕྲེང་བ་མའི་མདུན་དུ་ཚོམ་བུ་འགོད་དེ་རིན་པོ་ཆེའི་གདུགས།

༜ཕྱོགས་ལས་རྣམ་པར་རྒྱལ་བའི་རྒྱལ་མཚན་ཚོམ་བུ།

― GTN003_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

༣༧༜ ཕྱོགས་ལས་རྣམ་པར་རྒྱལ་བའི་རྒྱལ་མཚན་ཞེས་པས། བྱང་གླིང་གི་གར་མའི་མདུན་གྱི་ནམ་མཁར་རིན་པོ་ཆེའི་གདུགས་དཀར་པོ་གསེར་གྱི་ཡུ་བ་ཅན་དང་། ལྷོ་གླིང་གི་ཕྲེང་བ་མའི་མདུན་གྱི་ནམ་མཁར་ཕྱོགས་ལས་རྣམ་པར་རྒྱལ་བའི་རྒྱལ་མཚན་དྲང་ཞིང་ལྡེམ་པ་ཞིག་བསམ་ལ། འདིར་འགའ་ཞིག་གིས་ལྷོར་གདུགས་དང་། བྱང་དུ་རྒྱལ་མཚན་བྱས་པའང་སྣང་ངོ་། །དེ་ཡང་ཇི་སྐད་དུ། ནོར་བུའི་དྲ་བ་སྣ་ཚོགས་བཀོད་པའི་གདུགས། །དར་གྱི་ལྡ་ལྡི་བ་དན་རབ་དཔྱངས་ཤིང་། །དྲིལ་གཡེར་དྲ་བ་རྒྱལ་བའི་གསུངས་སྒྲོག་པ། །དེ་བཞིན་གཤེགས་པའི་དབུ་ལ་དེ་དག་འཛིན། །ཞེས་གསུངས་པས་རིན་པོ་ཆེའི་གདུགས་ལ་སྔར་གྱི་མཁས་པ་རྣམས་ནི། ཟླ་ཚེས་དང་རིན་པོ་ཆེ་དང་རྡོ་རྗེའི་རྩེ་མོ་ཅན་གྱི་རིན་པོ་ཆེའི་ཡུ་བ་ཆེ་ཆུང་གསུམ་ཡོད་པར་དར་ལྕེའི་ཤམ་བུ་དང་བཅས་གཡོགས་ཆེ་ཆུང་གཉིས་པའི་གདུགས་དཀར་པོ་ཞེས་གསུངས་པ་མཚན་མ་རྫས་ཀྱི་དབུ་གདུགས་ཀྱི་ཁྱད་ཆོས་ཡིན་ལ། དེ་བཞིན་རྒྱལ་མཚན་ལའང་། དྲང་ཞིང་ལྡེམ་པའི་རིན་ཆེན་ཡུ་བ་ནི། །ཟླ་ཕྱེད་རྡོ་རྗེ་རིན་ཆེན་རྩེ་མོ་ཅན། །དར་ལྕེ་གསུམ་པ་རླུང་གིས་བསྐྱོད་པ་ན། །སིལ་སིལ་འཁྲོལ་བའི་དྲིལ་ཆུང་སྒྲ་སྒྲོགས་ཤིང་། །གསུམ་ཁུགས་འཁྱོག་གི་འགྱིང་དང་རབ་ཏུ་ལྡན། །མཛེས་པའི་སྲོག་ཆགས་མཚན་མ་ཡོད་མེད་ཀྱི། །མི་མཐུན་ཕྱོགས་ལས་རྒྱལ་བའི་རྒྱལ་མཚན་དང་། །ཞེས་པས་ཟླ་ཚེས་དང་། རིན་ཆེན་དང་། རྡོ་རྗེ་དང་ལྡན་པའི་རྩེ་མོ་ཅན་གྱི་རིན་པོ་ཆེའི་དབྱུག་པ་ལ་བཅིངས་ཤིང་དྲིལ་བུ་འཁྲོལ་བ། བཅིང་བའི་དར་ལྕེ་གསུམ་པ། རྩེ་མོ་ལ་རི་

― GTN003_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

དྭགས་ཀྱི་རྒྱལ་པོ་དང་། ཀླུ་ཟ་བ་དང་། ཉ་སྤུ་རྒྱམ་པ་དང་། ཆུ་སྲིན་གྱིས་མཚན་པ་རླུང་གིས་བསྐྱོད་པས་གསུམ་ཁུགས་སུ་འཁྱོག་ཅིང་འགྱིང་བའི་ཆ་བྱད་ཅན། དྲིལ་ཆུང་གི་སྒྲ་སྒྲོགས་པ་ལ་སིལ་སིལ་ཞེས་ཟེར་བ་རྔ་ཡབ་དང་བཅས་པའོ། །ཞེས་གསུངས་ཀྱང་འདིར་ནི་རྒྱུ་དང་བཟོ་བ་བཀོད་པ་ཕུན་སུམ་ཚོགས་ཤིང་། དབྱིབས་ལེགས་པ་རིན་ཐང་གི་ཚད་ཀྱིས་བསྐྱེད་སྤངས་པས་བློའི་ལྕོགས་ཚོད་དུ་རྣམ་པར་སྤྲུལ་པ་ཅན་ཡིན་ལ། དེ་ལྟར་རི་རབ་ནས་འདིའི་བར་ལ་ཚོམ་བུ་སོ་བདུན་རྫོགས་པར་འགྲོ་བས་ན་འདི་ལ་མཎྜལ་ཚོམ་བུ་སོ་བདུན་མ་ཞེས་གྲགས་པ་ཡིན་ལ། དེ་དག་གི་དབུས་དང་བར་མཚམས་རྣམས་སུ་ལྷ་དང་མིའི་དཔལ་འབྱོར་ཕུན་སུམ་ཚོགས་པ་ཐམས་ཅད་ཀྱིས་མ་ཚང་བ་མེད་པར་ཕྱུར་བུར་བཀང་ཞིང་། ཤིན་ཏུ་གཙང་ཞིང་ཡིད་དུ་འོང་བའི་རྣམ་པ་ཅན། དེ་ཐམས་ཅད་ལས་ཀྱང་རང་རང་ལས་མངའ་བའི་ཡོན་ཏན་ཆ་མཚུངས་ཀྱི་ལོངས་སྤྱོད་ཉི་ཟེར་ལ་རྡུལ་ཕྲན་འཁྲིགས་པའམ་ཁ་ཆར་བུ་ཡུག་འཚུབས་པ་ལྟ་བུར་ཡོངས་སུ་འཕྲོ་ཞིང་། དེ་འདྲ་བའི་རྡུལ་ཕྲ་རབ་རེ་རེའི་ཁོངས་སུ་ཡང་བཤད་མ་ཐག་པའི་མཎྜལ་རྡུལ་སྙེད་དུ་འཁྲིགས་ཤིང་། སོ་སོ་སྐྱེ་བོའི་བློས་དཔག་པར་མི་ནུས་ཤིང་མཐའ་གཏུགས་པ་མེད་པའི་བར་དུ་ཏིང་ངེ་འཛིན་གྱི་རྣམ་པར་སྤྲུལ་ནས་འབུལ་བ་ནི་བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པ་འབུལ་ཚུལ་དུ་གྲགས་ལ། ལུགས་འགའ་ཞིག་ཏུ་བྱང་ཆུབ་སེམས་དཔའ་ཀུན་ཏུ་བཟང་པོ་གཅིག་གི་

― GTN003_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་ཀ་ནས་འོད་ཟེར་བྱེ་བ་ཐེར་འབུམ་གྲངས་ཀྱིས་མི་ཆོད་པ་སྤྲོས་པའི་སྣེ་མོར་ཀུན་ཚང་རེ་སྤྲོས་ཏེ་མཎྜལ་འབུལ་བ་པོར་གྱིས་ནས། དེ་འདྲ་བ་རེ་རེའི་ལྟེ་བ་ནས་ཀྱང་འོད་ཟེར་དེ་འདྲ་བ་སྤྲོས་ནས་མཁའ་ཁྱབ་ཏུ་ཕུལ་བ་ལ་ཀུན་ཏུ་བཟང་པོའི་མཎྜལ་དུ་བཞེད་ལ། དམ་པ་ལ་ལས་ཚོམ་བུ་ཉིད་སྒོམ་དོན་གྱི་གཞི་དེ་དང་དེར་བསྒྱུར་བ་ཡིན་གསུངས་ཤིང་། འགའ་ཞིག་གིས་ཚོམ་བུ་འགོད་པ་ལ་གནས་མི་འཆོལ་བའི་མཚོན་བྱེད་ཡིན་གྱི་ཚོམ་བུ་དེ་དང་དེར་བསྒོམ་པ་མི་འཐད་ཅེས་གསུངས། གང་ལྟར་ཡང་རང་གི་ལག་ཏུ་ཐོགས་པའི་མཎྜལ་དེའི་གོ་སར་བཤད་མ་ཐག་པའི་ཏིང་ངེ་འཛིན་གྱི་མཎྜལ་དེ་དག་སྤྲུལ་ནས་འབུལ་བར་མ་ཟད། ཕྱི་སྣོད་བཅུད་ཀྱི་འབྱོར་པ་འཁོར་འདས་ཀྱི་བསྡུས་སོ་ཅོག་ཐམས་ཅད་འབུལ་ཞིང་། དེ་རེ་རེ་བཞིན་རྡུལ་ཕྲ་རབ་རེ་རེའི་ཁོངས་སུ་ཡང་ནམ་མཁའི་མཐའི་ཁྱབ་ཀྱི་འཇིག་རྟེན་སྤྲུལ་ནས་སྔ་མ་ལྟར་འབུལ་བ་སོགས་བློས་གང་ལྕོགས་སུ་སྤྲོས་ཏེ་འབུལ་བའི་མཚོན་ལ། དེ་ལྟར་ཕུལ་བའི་ཡོན་ཏན་ཡང་། སྔར་བཤད་ཀྱི་བཤད་པ་རྣམས་ཀྱིས་ཟིན་པའི་ཕྱི་མཚན་མ་རྫས་ཀྱི་མཎྜལ་སྣོད་བཅུད་འཇིག་རྟེན་གྱི་བཀོད་པ་དང་། ནང་ཏིང་ངེ་འཛིན་དམིགས་པའི་འཕྲུལ་གྱིས་མཁའ་ཁྱབ་ཏུ་སྤེལ་ནས། གསང་བ་འཁོར་འདས་མཉམ་པ་ཉིད་ཀྱི་ལྟ་བ་དངོས་ཀྱིས་རྒྱས་ཐེབས་ཏེ་ཚུལ་བཞིན་དུ་ཕུལ་བས་ཐབས་ཁྱད་པར་ཅན་གྱི་གནད་ཀྱིས་ཟིན་པའི་མཐུ་ལ་བརྟེན་ནས་བསྐལ་པ་གྲངས་མེད་གསུམ་དུ་དུབ་པའི་ཚོགས་བསགས་དགོས་པ་དག་སྐད་

― GTN003_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་སྐད་ཅིག་ལ་འུབ་ཀྱིས་ཟླུམ་པར་གདོན་མི་ཟ་བ་ཡིན་ཏེ། སློབ་དཔོན་ཆེན་པོའི་ཞལ་ནས། ཐར་པ་དང་ཐམས་ཅད་མཁྱེན་པ་མྱུར་དུ་སྒྲུབ་པར་འདོད་པའི་སྐྱེས་བུ་གང་དང་གང་གིས་དུས་དང་རྣམ་པ་ཐམས་ཅད་དུ་མཎྜལ་འབུལ་བ་ལ་བརྩོན་པ་ཤིན་ཏུ་གལ་ཆེའོ། ། མཎྜལ་ཕུལ་བའི་ཡོན་ཏན་གྱི་བདེན་འབྲས་ནི། གནས་སྐབས་སུ་ལོངས་སྤྱོད་ཕུན་སུམ་ཚོགས་པ་དང་ལྡན་ཞིང་དབུལ་ཕོངས་ཀྱི་སྡུག་བསྔལ་དང་བྲལ། ལོངས་སྤྱོད་རྒྱ་ཆེན་པོ་འབྱུང་། བླ་མ་དམ་པ་ལ་མི་ཕྱེད་པའི་དད་པ་དང་ཐེག་པ་ཆེན་པོའི་ཆོས་ལ་ངེས་ཤེས་ཁྱད་པར་ཅན་རྒྱུད་ལ་སྐྱེ། འགྲོ་བ་ཐམས་ཅད་ཀྱི་ཡིད་དུ་འོང་ཞིང་ཀུན་གྱིས་བཀུར་བར་འགྱུར། དུས་ཁྱད་པར་ཅན་ལ་བླ་མ་དང་དཀོན་མཆོག་ལ་སོགས་པའི་རྟེན་ཁྱད་པར་ཅན་གྱི་དྲུང་དུ། གུས་པ་ལྡན་པས་མཎྜལ་ཚར་གཅིག་ཙམ་ཕུལ་བའི་བསོད་ནམས་ཀྱི་ཕུང་པོ་ནི། བསྐལ་པ་དཔག་ཏུ་མེད་པའི་བདེ་བར་གཤེགས་པའི་ཚོགས་དང་བཅས་པ་ཐམས་ཅད་ལ། ཕྱི་ནང་མཆོད་གསོལ་རྒྱ་ཆེན་པོ་བྱས་པ་ལས་ལྡན་པའི་བསོད་ནམས་ཐོབ་པར་འགྱུར། འདོད་པའི་དོན་ཀུན་འགྲུབ་ཅིང་བསྐལ་པར་བསགས་པའི་སྡིག་སྒྲིབ་ཉེས་ལྟུང་གི་ཚོགས་ཐམས་ཅད་བྱང་ཞིང་དག་པར་འགྱུར། མཎྜལ་ཚར་གཅིག་ཕུལ་ནས་ཡིད་དད་པའི་སྨོན་ལམ་ཅི་ལྟར་བཏབ་པ་ཐམས་ཅད་འབད་མེད་དུ་འགྲུབ། དེ་བས་ན་ཕྱི་རབས་ཀྱི་སྐྱེས་བུ་དམ་པ་རྣམས་མཎྜལ་འབུལ་བ་ལ་བརྩོན་པར་གྱིས་ཤིག །ཅེས་དང་། མཎྜལ་གྱི་མདོ་ལས་ཀྱང་། འདི་ནི་ལུས་ཀྱི་ལས་བྱས་ན། །

― GTN003_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་དོག་གསེར་ལྟར་འགྱུར་བ་དང་། །ནད་རྣམས་ཀུན་ལས་རྣམ་པར་གྲོལ། །ལྷ་དང་མི་ལས་ཆེས་ལྷག་ཅིང་། །ཟླ་བ་ལྟ་བུར་གཟི་བྱིན་ལྡན། །ནོར་དང་གསེར་གྱི་ཕུན་སུམ་ཚོགས། །རྒྱལ་པོའི་རིགས་དང་སངས་རྒྱས་པ། །མཆོག་གི་ཁྱིམ་དུ་སྐྱེ་བ་ཉིད། ། ཅེས་ལུང་རིགས་དུ་མ་ནས་ལག་པ་ནར་གྱིས་སྐྱོང་བ་ལ་མཎྜལ་ལས་བསོད་ནམས་ཆེ་བ་མེད་དོ་གསུངས་པ་བཞིན་དུ། དེ་རིང་གི་སྐབས་སུའང་ཕྱོགས་དུས་ཀྱི་རྒྱལ་བ་ཐམས་ཅད་འདུས་པའི་སྤྱི་གཟུགས་རྣམ་འདྲེན་རྡོ་རྗེ་འཆང་ཆེན་པོ། མཁས་བཙུན་བཟང་གསུམ། མཁྱེན་བརྩེ་ནུས་གསུམ། འཆད་རྩོད་རྩོམ་གསུམ་སོགས་དམ་པའི་ཡོན་ཏན་དུ་མས་ཀུན་ནས་ཕྱུག་པའི་མཚུངས་བྲལ་ལྷ་མིའི་སྟོན་མཆོག་གང་གི་སྐུ་དཀྱིལ་མི་ཤིགས་རྡོ་རྗེའི་ཁྲི་འཕང་མཐོ་པོར་མངའ་གསོལ་ཞིང་། རིས་བྲལ་གྱི་འགྲོ་བ་ཀུན་ལ་མ་འདྲེས་པའི་མཛའ་བཤེས་ཆེན་པོར་གྱུར་ཅིང་། མདོ་སྔགས་ཆོས་ཀྱི་བདུད་རྩིས་འགྲོ་རྒྱུད་ཐར་པར་སྦྱོར་བའི་རྟེན་འབྲེལ་གྱི་ལེགས་ཚོགས་ཀྱི་ཐོག་མར་སྲིད་ཞིའི་དཔལ་ཡོན་ཐམས་ཅད་ཀུན་ནས་བསྡུས་ཤིང་མ་ཚང་བ་མེད་པའི་མཎྜལ་གྱི་རིམ་པ་སྔར་བཤད་ཀྱི་ཡོན་ཏན་དུ་མས་ཀུན་

― GTN003_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་དཀྲིགས་ཏེ་ཀུན་བཟང་མཆོད་པའི་སྤྲིན་ཕུང་དུ་སྤྲོས་ནས་འབུལ་བ་ཡིན་ལ། དེ་དང་མཐུན་པའི་ཚུལ་ལས་འཕྲོས་པའི་འབེལ་བའི་གཏམ་བགྱིས་པ་དེ་ལའང་། རང་ཉིད་ཕྱི་ནང་གི་རིག་པའི་གནས་མཐའ་དག་ལ་སྐྱེས་ཐོབ་སྦྱངས་ཡོན་གྱི་ཆ་ཤིན་ཏུ་ཕྲ་བའི་རྐྱེན་གྱིས་དོན་ལོག་འཁྲུལ་པའི་གཏམ་དུ་སོང་བ་ཡང་ཡང་སྲིད་པས། མཁྱེན་ལྡན་མཁས་དབང་ཚོགས་པ་རྣམས་སྙན་ལམ་དུ་འཆག་ཅིང་། ལེགས་པའི་ཆ་ཤས་གང་ཞིག་མཆིས་པའི་དགེ་ཚོགས་རྨད་དུ་བྱུང་བ་དེས། འགྲོ་བ་ཐམས་ཅད་ཀྱི་མགོན་སྐྱབས་བསྟན་པ་རིན་པོ་ཆེའི་དཔལ་དམ་པར་གྱུར་པ། བླ་མ་དགེ་བའི་བཤེས་གཉེན་ཐམས་ཅད་ཞབས་པད་བརྟན་ཅིང་། བསྟན་འཛིན་གྱི་སྐྱེས་བུས་ནོར་འཛིན་གྱི་གཞི་མ་ལུས་ཡོངས་སུ་ཁྱབ་པ་དང་། བསྟན་པ་དང་བླ་མར་མཆོད་པའི་ཡོན་གྱི་བདག་པོ་རྣམས་ཀྱང་སྐུ་ཚེ་རིང་ཞིང་ཆབ་སྲིད་དཔལ་འབྱོར་དཀར་ཆའི་ཟླ་བ་ལྟར་གོང་ནས་གོང་དུ་འཕེལ་ཞིང་རྒྱས་པ་ལ་སོགས་མཐུ་ལས། ཕན་བདེའི་འབྱུང་གནས་སྟོན་པ་བླ་ན་མེད་པའི་ལུང་དང་རྟོགས་པའི་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པས་ཕྱོགས་དུས་ཀུན་ཏུ་བཀྲ་ཤིས་པའི་དགེ་མཚན་ཕུན་སུམ་ཚོགས་པའི་རྟེན་འབྲེལ་ལེགས་ཚོགས་ཀྱི་ཤིས་པར་བརྗོད་པའི་མཐའ་བརྒྱན་པའི་ཚུལ་མདོ་ཙམ་ཞིག་ཞུ་བ་ལ། ༀ་བཛྲ་བྷུ་མི་ཨཱཿ ཧཱུྃ། གཞི་ཡོངས་སུ་དག་པ་དབང་ཆེན་གསེར་གྱི་ས་གཞི་སོགས་མཎྜལ་ཚོམ་བུ་འགོད་ཚུལ་བཅས་མཐའ་རྒྱས་སུ་བྱའོ། །༈ དེ་ལྟར་འདི་ནི་མཎྜལ་གྱི་གཏམ་འབྲིང་པོ་ཙམ་དུ་རྒྱས་བསྡུས་འཚམས་

― GTN003_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

པར་སྦྱར་བ་སྟེ། གཞན་དུ་རྒྱས་པར་སྤྲོ་བ་རྣམས་ཀྱིས་ནི་གོང་དུ་ཕུན་སུམ་ཚོགས་པའི་བཤད་སྦྱར་ནས་བརྩམས་ཏེ་འདིར་མ་འདུས་པའི་བཤད་པ་གསར་དུ་རང་བློའི་གང་འཚམས་སུ་སྤྲོས་པས་ཆོག་ཅིང་། བསྡུས་པ་ལ་མོས་པ་དག་ནི་གང་དུ་ཚིག་གི་འབྲེལ་སྦྱོར་ཚུལ་ལེགས་པོ་ཞིག་བྱུང་ཕྱིན་ཕུན་སུམ་ཚོགས་པ་ལྔའི་ཚུལ་མ་སྨྲས་པས་ཀྱང་ཆོག་ལ། མཎྜལ་གྱི་ངོ་བོ། ངེས་ཚིག་གི་དབྱེ་བ་དང་བཅས་རྫོགས་ཕྲལ་ཚོམ་བུ་སོ་བདུན་མ་ངོས་འཛིན་གྱི་འཕྲོར། བླ་མ་དཀོན་མཆོག་སྤྲུལ་སྐུའི་ཞིང་དུ་འབུལ། ཞེས་གསུངས་པ་ལྟར་གྱིས་མཎྜལ་གྱི་རིམ་པ་དེ་ཉིད་ཀུན་བཟང་མཆོད་པའི་སྤྲིན་དུ་སྤྲོས་ཏེ་སྐྱབས་མཆོག་རྡོ་རྗེ་འཆང་ཆེན་པོར་འབུལ་བ་ཡིན་ལ། དེ་ལས་འཕྲོས་པའི་འབེལ་བའི་གཏམ་བགྱིས་པ་དེ་ལའང་ཤིས་བརྗོད་ཀྱིས་མཐའ་བརྒྱན་པར་མཐུས་ལ་དོན་དུ་བློ་དང་ལྡན་པ་དག་གིས་འཆད་པ་པོས་འཆད་བདེ། ཉན་པ་པོས་ཉན་བདེ། ཅི་ལྟར་བཤད་ཀྱང་འཐད། ཅི་ཙམ་བཤད་ཀྱང་རན་པ་སོགས་འབྲེལ་ཞིང་འོས་པར་རིགས་པས་བསྒྲུབ་ཏུ་ཁོ་ན་ཡིན་ལ། རང་ཡང་སྔོན་གོམས་ཀྱི་བག་ཆགས་དཀར་བས། ཆུང་ངུ་ནས་སྐྱབས་མཆོག་རྡོ་རྗེ་འཆང་རིན་པོ་ཆེས་བོང་བ་གསེར་གཟིགས་ལྟ་བུའི་བཀའ་དྲིན་གྱིས་རྣམ་པ་ཀུན་ཏུ་བསྐྱངས་པ་ཙམ་ལས་རང་ངོར་ཚིག་གཅིག་གི་དོན་འཇལ་བའི་བློ་ནུས་དམན་ཞིང་། དེ་མཚུངས་ཕྱི་ནང་གི་རིགས་གང་ལའང་ཐོས་བསམ་གྱི་ཆ་ཤིན་ཏུ་ནས་ཕྲ་བ་དང་། ཁྱད་པར་མཎྜལ་གྱི་བསྐོར་འདིར་རང་ན་ཕྲ་མོའི་སྐབས་སུ་སྐྱབས་མཆོག་འཁོར་ལོའི་མགོན་པོ་བཀའ་དྲིན་མཚུངས་པ་མེད་པ་དོན་གྱི་སླད་དུ་མཚན་ནས་

― GTN003_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

སྨོས་ན་༧པདྨ་གསང་སྔགས་བསྟན་འཛིན་ཆོས་ཀྱི་རྒྱལ་པོ་གང་གི་ཞལ་སྔ་ནས་གཟིམས་ཆུང་ངོ་མཚར་ཀུན་གཟིགས་སུ་ཚོམ་བུའི་འགོད་ཚུལ་གྱི་གོ་དོན་ཙམ་གྱིས་བསླབ་སྟོན་ཐོས་པའང་ད་ནས་ཇི་བཞིན་དུ་བློར་ངེས་པ་མི་འདུག་པས། ཕྱིས་སུ་རང་ཀཿ ཐོག་བགྲོད་སྐབས་ཁྱབ་བདག་རྡོ་རྗེ་འཆང་ཆེན་པོ་༧འགྱུར་མེད་ཚེ་དབང་མཆོག་གྲུབ་ཀྱིས་མངའ་བདག་ཉང་གི་ལམ་རིམ་གྱི་འགྲེལ་བ་ལྗགས་རྩོམ་གནང་བའི་ཡི་གེ་པ་རང་ནས་བགྱིས་སྐབས་མཎྜལ་སྐོར་གྱི་གོ་དོན་གསུང་གསང་དུ་ཐོས་པ་ཁ་ཤས་ཙམ་ནས་འདི་རིགས་ཀྱི་གོ་དོན་ལ་ཤིན་ཏུ་རྨོངས་ལགས་ནའང་། དེང་སྐབས་སྐྱབས་མགོན་རིན་པོ་ཆེས་རང་བློ་ལ་གསལ་འདེབས་དང་། རྨོངས་པ་རེ་ཟུང་ལའང་ཕན་པར་སྲིད་པས་འདི་ལྟ་བུའི་མཎྜལ་གྱི་བཤད་སྦྱར་ཞིག་ལེ་ལོར་མ་བཏང་བར་མྱུར་བར་བྲིས་ཤིག་ཅེས་བཀའ་སྩལ་སྤྱི་བོར་ཕེབས་པ་བཟློག་མ་ནུས་ཤིང་། ལར་དོན་ཇི་བཞིན་པ་ཞིག་ཤེས་ན་དེ་གཞན་ལ་སྟོན་པའི་ཕན་ཡོན་བསམ་གྱིས་མི་ཁྱབ་པས། བྱམས་པ་སེངྒེའི་སྒྲའི་མདོར། སྟོང་གསུམ་འཇིག་རྟེན་ཁམས་ནི་གསེར་དག་གིས། །བཀང་སྟེ་གང་ལ་སྦྱིན་པ་བྱིན་པ་བས། །ཚིག་བཞི་ཚིགས་སུ་བཅད་པ་གཅིག་བརྗོད་ན། །དེ་ཡི་ཕན་ཡོན་དེ་ལྟར་འགྱུར་བ་ཡིན། ། ཞེས་སོགས་གསུངས་པ་ལྟར། ཡིད་ལ་ངེས་ཀྱང་བདག་ལྟ་བུའི་རྨོངས་པའི་རྒྱར་འཐུམས་ཤིང་། ཆོས་བརྒྱད་ཀྱི་སྒྲོག་གིས་བཅིངས་བཞིན་ཀུན་སློང་དཀར་

― GTN003_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ཁས་ཆེ་བས་གཤིན་གསོན་གྱི་དད་རྫས་གང་བྱུང་བབ་ཅོལ་དུ་སྤྱོད་ཅིང་། ངན་གོམས་ཀྱི་བག་ཆགས་ཁོ་ནས་དུས་འདའ་བས་འཆད་རྩོད་རྩོམ་པར་སྤྱོད་པ་ནི་ཁྲེལ་བའི་རྒྱུ་ཁོ་ན་ལས་མ་འདས་ཤིང་། ཁྱད་པར་འཕགས་པ་ཟླ་བ་དྲི་མ་མེད་པའི་མདོ་ལས། མ་འོངས་པའི་དུས་ན་དགེ་སློང་མངོན་པའི་ང་རྒྱལ་ཅན་ཆོས་ལྟར་བཅོས་པ་དུ་མ་འབྱུང་སྟེ། དེའི་ཚེ་རང་གི་བསླབ་པའི་ཆོས་དག་འདྲེས་མར་བྱས་ཏེ་འདི་ནི་དམ་པའི་ཆོས་སོ་ཞེས་སྟོན་ཞིང་། ཆོས་སྨྲ་བ་གཞན་ལ་འདུས་པར་མི་བྱེད། ཡོངས་སུ་འདྲི་བར་མི་བྱེད། ཀུན་ནས་མནར་སེམས་པས་སྨོད་པར་བྱེད་དོ། །མི་གཏི་མུག་ཅན་དེ་དག་ནི་དཔེ་རྒྱུས་ཤི་བའི་འོག་ཏུ་ངན་འགྲོ་ལོག་པར་ལྟུང་བ་རྣམས་སུ་སྐྱེ་བར་འགྱུར་རོ། །ཞེས་རང་ཅག་གི་སྟོན་པའི་བཀའ་ཚད་མ་འདིའི་དོན་ཇི་བཞིན་པའི་ཉེས་ལྟུང་རང་རྒྱུད་ལ་འཇོག་པས་དོགས་པས་རྟག་པར་ཡིད་ལ་གཅེས་ཀྱང་། འདིར་ནི་སྐྱབས་མགོན་རྗེའི་གནང་བ་ཐོབ་པས་རྐྱེན་བྱས་གནའ་བོའི་མཁས་པ་རྣམས་ཀྱི་ལེགས་བཤད་དང་། ཡོངས་འཛིན་དམ་པ་རྣམས་ཀྱི་གསུངས་རྒྱུན་བསླད་མེད་ལ་གཞི་བཅོལ་བ་ཡིན་པས་རང་བཟོའི་སྐྱོན་དུ་མི་འགྱུར་རམ་སྙམས་ལ། འོན་ཀྱང་དེ་སྔར་ལྷའི་མཎྜལ་གྱི་འབེལ་གཏམ་ཕྱོགས་གཅིག་ཏུ་བསྒྲིགས་པ་ནི་ལག་ཏུ་ཡང་མ་སོན་ཅིང་། མཐོང་ཐོས་སུ་མ་གྱུར་པས་དཔྱད་བཟོད་དུ་བགྱིས་པ་ལ་ཉེས་འགལ་མཆིས་ན་མཁས་པའི་ཚོགས་ལ་བཤགས་ཤིང་སྐྱོན་སེལ་གྱི་མཐའ་དཔྱོད་ཅིག་རང་ནས་ཀྱང་སླར་འབྲི་བའི་འདུན་པ་ཡིད་ལ་བཅངས་པ་ལགས་སོ། །

འདིར་སྨྲས་པ།

― GTN003_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་སྨྲས་པ། བྱ་བའི་རང་བཞིན་བརྗོད་པའི་རྒྱན།(འདི་མི་གསལ་བས་དཔྱད།) ཀུན་ཉོན་གདུང་བ་གཞིལ་ལ་རྟག་འཁྲུས་པའི། །བརྒྱད་ཁྲི་བཞི་སྟོང་ཟབ་རྒྱས་ཆོས་ཕུང་སྒོ། །རྣམ་དཔྱོད་སྟོབས་ཀྱིས་འཛིན་སྤེལ་སྐྱོང་བ་ལ། །སྤོབས་པ་དགེ་གང་དམ་པ་རྣམས་ཀྱི་གཤིས། ། བཻ་དརྦྷའི་མཛེས་པའི་ཡོན་ཏན་གཏམ་ལ་སྦྱར། དེ་ན་གང་རྣམས་ལེགས་བཤད་བདུད་རྩིའི་ཆུས། །བདག་བློའི་རྨོངས་ཞེན་དྲི་མ་ཀུན་སྦྱང་བས། །མཐའ་དག་རིག་པའི་གནས་ཀུན་མ་འདྲེས་པར། །སྨྲ་བའི་གཏམ་གྱི་བསྔགས་པ་དོན་གྱིས་ལྕི། ། སྔོན་མེད་བསྡུས་བརྗོད་དང་སྦྱར་རྒྱན་འདྲེས་པ། ། དེ་ལྟ་ན་ཡང་ཚུལ་མིན་འཁོར་ལོ་ཅན། །

― GTN003_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེས་བརྒྱའི་སྐྱོན་གྱིས་མནར་ཞིང་ལོག་འཚོའི་ཟས། །བར་མེད་སྤྱོད་ལ་མི་ངལ་རྣམ་གྲོལ་སྲོག །ཁོ་ན་གཅོད་པར་བརྩོན་འདི་ཨེ་མ་མཚར། ། བསྡུས་བརྗོད་ཐེ་ཚོམ་ཕུལ་བྱུང་འདྲེས་པ། ། ཕྱོགས་རེའི་ཤེས་བྱར་ཞེན་པའི་པག་བྱེའུས། །རྣམ་མང་ཆོས་ཚུལ་ཀུན་གསལ་ཡངས་པའི་མཐའ། །རྩལ་ལྡན་རྒོད་པོའི་ཟོལ་གྱིས་གཞལ་བྱས་ཞེས། །གྲགས་པའི་སྤྲིང་ཡིག་འཐོར་བ་ཅང་བདེན་ནམ། ། གཽ་ཌ་བའི་མཛེས་པའི་ཡོན་ཏན་གཏམ་ལ་སྦྱར་བ། ། ཕྱི་ནང་གྲུབ་མཐའི་ཆོས་ཚུལ་ཛ་ཧུ་བུ། །གང་ཐུགས་བུམ་པར་དྲངས་པའི་ལེགས་བྱས་ཀྱིས། །ཐམས་ཅད་མཁྱེན་པར་བསྔགས་འོས་ཀཿཐོག་པ། །རྗེ་བཙུན་བསྟན་པའི་འཁོར་ལོ་ཉིད་དུ་བས། །

― GTN003_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

བཻ་དརྦྷའི་རྒྱ་ཆེ་བའི་ཡོན་ཏན། ། གང་གི་མཚན་ཙམ་ཐོས་པའི་ཡོན་ཏན་གྱིས། །རྨོངས་ཞེན་དྲི་མས་བསླད་པའི་སྐྱོན་མཐའ་དག །གཞིལ་བར་མངོན་སུམ་གྲུབ་དེས་གཞན་བལྟོས་ཀྱི། །དགོས་པ་རྨི་ལམ་ཙམ་དུ་འཆར་མི་སྲིད། ། ལེའུ་དང་པོའི་ཚིག་ལ་སྐོར་བའི་རྗེ་སྲིད། དེས་ན་དེ་ལྟའི་དཔལ་ཡོན་གྱིས་འབྱོར་བའི། །གང་དང་གང་གི་རྣམ་པར་ཐར་པའི་གཏམ། །ཀུན་ནས་ཀུན་ཏུ་སྒྲོགས་པའི་དུན་དྷུ་བྷི། །ཡང་ནས་ཡང་དུ་སྲིད་པར་བརྡུངས་པའི་སྒྲས། ། ཐོག་མའི་ཟུང་ལྡན་ཆོད་ཅིང་མ་ཆོད། ལྷང་ལྷང་དགེ་མཚན་མཐའ་དག་བོས་པའི་གཏམ། །གསལ་གསལ་དཔྱོད་ལྡན་ཚོགས་པའི་མདུན་ས་ཆེར། །

― GTN003_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷང་ལྷང་གླུ་རུ་ལེན་པའི་ལེགས་བཤད་འདིས། །གསལ་གསལ་དཀའ་གནད་མདུད་པ་བཀྲལ་ལམ་སྙམ། ། ཐོག་མཐའ་སྦྱར་བའི་ཟུང་ལྡན། ། གང་འདིར་ཉེས་པའི་ཆ་གང་མཆིས་པའི་སྐྱོན། །སྐྱོན་བྲལ་མཁས་དབང་ཚོགས་པའི་མདུན་ས་ཆེར། །ཆེས་གུས་ཡིད་ཀྱི་རང་བློའི་ནོངས་པའི་དྲིར། །དྲི་མེད་ལྷག་བསམ་དག་པས་ཤེས་བཞིན་འཆགས། ། དངོས་པོའི་དཔེ་རྒྱན། ། འདིར་འབད་རྣམ་དཀར་འོ་མཚོ་བསྲུབས་པ་ལས། །ཉེར་འོངས་རི་དྭགས་མཚན་པའི་རྗེས་འགྲོ་དེས། །མི་མཐུན་ཉེས་བརྒྱའི་ཚོགས་ཀུན་གཞིལ་བྱས་ན། །ཕན་བདེའི་ཚལ་རབ་རྒྱས་འགྱུར་སྨོན་པའི་ཡུལ། །

― GTN003_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་བརྗོད་ཀྱི་རང་བཞིན་བརྗོད་པ། སྨྲ་བ་པོ་ཡང་སྐྱེ་བ་ཐམས་ཅད་དུ། །མཚན་ལྡན་བླ་མ་མཉེས་པ་གསུམ་གྱིས་བསྟེན། །མཐར་ཐུག་རྣམ་གྲོལ་གཏན་གྱི་བདེ་བ་ལ། །རེག་པའི་དགའ་སྟོན་ཚར་དུ་མངར་གྱུར་ཅིག ། ཚིག་བསྐོར་དང་སྒྲིབ་པའི་གབ་ཚིག་སྦྱར་རྒྱན་སོགས་འདྲེས་པ། རྟོག་བྲལ་རྟོག་པས་མ་བསླད་སྙིང་རྗེའི་གཞན་དབང་ཉིད་དུ་གྱུར། །མཐའ་བྲལ་མཐའ་འཚོལ་རྨོངས་པའི་གཡོ་བའི་སྦྱིན་སྐྱེས་དགྲ་རྣམས་ཀུན། །འཇིགས་བྲལ་འཇིགས་ལྟར་སྒྲོལ་ལ་སྤོབས་པ་མཆོག་གི་གདེང་ཐོབ་པས། །སྤྱོད་དཀའི་སྤྱོད་པར་ཞུགས་དེ་གསེར་གྱི་ལུས་ཅན་བདག་གི་ལྷ། ། ཤིས་བརྗོད་ཕུལ་བྱུང་བསྲེས་པ་གོ་ཊ་བའི་མཛེས་མཚོན་བསྔགས་པ། གང་ཐུགས་རྣམ་མཁྱེན་འཇུག་པའི་ཕ་མཐའ་དཔག་དཀའི་རང་བཞིན་དུ་ངེས་པས། །གངས་ལྗོངས་བསྟན་འགྲོའི་ཕན་བདེའི་བྱེད་པོར་ངོ་མཚར་མཚན་དཔེའི་གཟུགས་སྐུའི་དཔལ། །

― GTN003_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

སྙོགས་བྲལ་སིནྡྷུའི་མཚོ་གླིང་བལྟམས་ཞེས་ལྷར་བཅས་འགྲོ་ལ་གྲགས་པའི་གཏམ། །ཐོས་པའི་སྒྲ་འཛིན་རིན་ཐང་གིས་སྤངས་པདྨ་ཀཱ་རས་དགེ་ལེགས་སྩོལ། ། ཐོག་མར་ཆོད་པའི་ཟུང་ལྡན་དང་ཤིས་བརྗོད་ཀྱི་རྒྱན། བཀྲ་ཤིས་ཀུན་གྱི་འབྱུང་གནས་དཀོན་མཆོག་གསུམ། །བཀྲ་ཤིས་བདེན་ཚིག་གྲུབ་པའི་དྲང་སྲོང་ལྷ། །བཀྲ་ཤིས་དཔལ་གྱིས་སྡུད་པའི་དགོས་འབྱུང་མཆོག །བཀྲ་ཤིས་རྣམ་པ་དུ་མས་ཤིས་གྱུར་ཅིག ། དེ་ལྟར་མཎྜལ་གྱི་བཤད་སྦྱར་འཇུག་བདེ་མཁས་དབང་ཡིད་འཕྲོག་ཅེས་བྱ་བ་འདི་ནི་ཞེ་ཆེན་མཆོག་སྤྲུལ་རིན་པོ་ཆེའི་སྐུ་དྲིན་གྱིས་འཚོ་བའི་རྨོངས་བརྟུལ་སྤྲུལ་གཟུགས་པ་བཏགས་མིང་འགྱུར་མེད་མཐུ་སྟོབས་རྣམ་རྒྱལ་ལམ་མིང་གཞན་ལྔ་རིག་སྨྲ་བ་འཇམ་དབྱངས་དགྱེས་པའི་བློ་གྲོས་མཚོ་སྐྱེས་བཞད་པའི་སྒྲ་དབྱངས་སུ་འབོད་པས་རང་ལོ་ཉེར་གཅིག་པ་རབ་བྱུང་བཅུ་བཞི་པའི་ཐོག་མ་མེ་ཡོས་ལོའི་ཁྲུམས་ཟླའི་མར་ངོའི་ཚེས་བཅུའི་མཁའ་འགྲོ་འདུ་བའི་དུས་ཚེས་ཁྱད་པར་ཅན་རེས་གཟའ་ཉིན་མོར་བྱེད་པས་སྦྱིན་མའི་ལྷ་མོར་བགྲོད་ཅིང་འབྱུང་ཁམས་སྟོབས་ལྡན་སྦྱོར་བར་འཕྲོད་པའི་ཕྱེད་ཡོལ་གཡང་དཀར་གྱི་ཆུ་ཚོད་ཕྱེད་གསུམ་ཙམ་འདས་པའི་དུས་ཚོད་ལ་རང་གནས་བསྟན་གཉིས་དར་རྒྱས་གླིང་གི་

― GTN003_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་བྲང་ཕུན་ཚོགས་ཡོངས་འདུའི་རྩེ་ཤག་གཟིམས་ཆུང་འཆི་མེད་འོད་སྣང་དུ་གྲུབ་པར་སྦྱར་པའི་དགེ་བས་འགྲོ་ཀུན་གདོད་མའི་གོ་འཕང་མཆོག་ལ་རེག་པའི་རྒྱུར་གྱུར་ཅིག །དགེའོ། །སརྦ་མངྒ་ལམ།། །།

བཀའ་འགྱུར་ཐོབ་ཡིག་ཕན་བདེའི་གཏེར་མཛོད། མཆོད་བརྗོད།

― GTN003_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བའི་བཀའ་འགྱུར་རོ་ཅོག་གི་ལུང་རྒྱུན་གྱི་ཐོབ་ཡིག་ཕན་བདེའི་གཏེར་མཛོད་བློ་གསལ་མགྲིན་རྒྱན་ཞེས་བྱ་བ་བཞུགས་སོ། ། ཇི་ལྟ་བ་དང་ཇི་སྙེད་ཤེས་བྱའི་དཀྱིལ་འཁོར་མ་ལུས་ཐམས་ཅད་ཀུན། །ཐོགས་མེད་མཁྱེན་པའི་ཡེ་ཤེས་མངའ་དེས་བདུད་བཞི་སྒྲིབ་གཉིས་བཅས་པའི་དཔུང། །དཔུང་ཚོགས་བཞི་བྲལ་དམིགས་མེད་དབྱིངས་སུ་ཉེར་བཅོམ་ངོ་མཚར་རྨད་བྱུང་བ། །དོན་གཉིས་རྫོགས་ཤིང་མ་རིག་གཉིད་སངས་ཡེ་ཤེས་བློ་རྒྱས་དེར་ཕྱག་འཚལ། ། གང་ཞིག་རྣམ་པར་དཀར་བའི་མཚན་ཉིད་འཛིན་ཞིང་འགྲོ་ཁམས་དག་པའི་གཞིར། །རྣམ་ཀུན་བདེ་བའི་ས་བོན་བསྐྱེད་ལ་ཆེས་བསྔགས་བླང་དོར་གནད་སྟོན་པ། །བརྗོད་བྱའི་དོན་རྣམས་འཁྲུལ་མེད་དབང་པོའི་ཡུལ་དུ་གསལ་བར་སྟོན་པ་ཅན། །གང་གསུང་ཐོག་བར་མཐའ་གསུམ་དགེ་བའི་རང་བཞིན་དམ་པའི་ཆོས་ལ་འདུད། ། སྟོན་དང་བསྟན་ལ་ཆེས་གུས་སྡོམ་དང་སྡོམ་མིན་དེ་ཉིད་བྱེད། །བདེ་དང་བདེ་མིན་གང་ཞིག་རྣམ་དཀར་དཀར་མིན་འབྲས་བུར་སྟོན། །ཀུན་ནས་ཀུན་ཏུ་འགྲོ་རྣམ་ཐར་དང་ཐམས་ཅད་མཁྱེན་ལ་འགོད། །

― GTN003_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ཞིང་ཞིང་མཆོག་འཕགས་པའི་དགེ་འདུན་རྣམས་ལ་རྣམ་ཀུན་འདུད། ། བསླབ་གསུམ་སྡེ་སྣོད་མ་ལུས་བསྡུ་བའི་བྱེད་པོ་འོད་སྲུང་དང་། །ཀུན་དགའ་བོ་དང་ཉེ་བར་འཁོར་སོགས་གཏད་རབས་རིམ་བྱོན་ཚོགས། །ཐེག་ཆེན་བཀའ་ཡི་སྡུད་པོ་རྡོ་རྗེ་ཅན་སོགས་ཉེ་སྲས་དང་། །ལྷ་ཀླུ་མི་ཡི་རིག་འཛིན་ཚོགས་ལ་དངས་པས་ཆེད་དུ་བསྔགས། ། འཛམ་གླིང་མཛེས་བྱེད་རྒྱན་དྲུག་མཆོག་གཉིས་སོགས། །རྒྱ་བོད་ལོ་པཎ་རྒྱལ་བསྟན་བཤད་སྒྲུབ་ཀྱིས། །འཛིན་པ་རྣམས་ལ་བཀའ་དྲིན་དྲན་པའི་ཕྱག །ལན་བརྒྱར་བརྩེགས་ཏེ་དད་སྤྲོའི་མེ་ཏོག་འཐོར། ། རྒྱལ་བས་གསུངས་པའི་ཆོས་ཕུང་ཛ་ཧུའི་རྒྱུན། །གང་གི་མཁྱེན་དཔྱོད་ཧུབ་ཀྱིས་ཉེར་དྲངས་པས། །མ་ལུས་འགྲོ་བའི་དག་བྱེད་ཚད་མ་རུ། །བསྒྲུབ་མཁས་མགོན་པོ་བསོད་ནམས་མཆོག་ལྡན་རྒྱལ། ། གངས་ལྗོངས་བསྟན་འགྲོའི་སྤྱི་དཔལ་པད་འབྱུང་རྗེ། །

― GTN003_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་ངོར་སྤྲུལ་པའི་ཚུལ་འཛིན་ལུང་རྟོགས་བསྟན། །བཤད་སྒྲུབ་ཕྲིན་ལས་ཀྱིས་སྐྱོང་ཡོངས་ཟབ་གཏེར། །འདོན་མཛད་གཏེར་ཆེན་བརྒྱུད་པར་བཅས་ལ་བསྔགས། ། མཁས་གྲུབ་བྱེ་བའི་གཙུག་རྒྱན་ཐེག་མཆོག་བསྟན། །སྤེལ་ལ་ཟླ་བྲལ་འཇིག་རྟེན་མིག་གཅིག་པུ། །ཤེས་བྱ་ཀུན་གཟིགས་དྷརྨ་ཤྲཱི་ཞེས། །ལུང་རྟོགས་བསྟན་པའི་མངའ་བདག་གང་དེ་རྒྱལ། ། རྒྱལ་བསྟན་འཆད་བསྒྲུབ་རྩོམ་པའི་ཕྲིན་ལས་ཀྱིས། །སྤེལ་བའི་ཕྲིན་ལས་ཕྱོགས་ཀྱི་འཁོར་ཡུག་ཏུ། །ཁྱབ་པས་འགྲོ་རྣམས་རྣམ་གྲོལ་ལ་འགོད་པའི། །ཐེག་མཆོག་བསྟན་འཛིན་སྐུ་དྲིན་བསམ་གྱིན་དད། ། བཅུ་ཕྲག་བགྲང་བྱའི་རིགས་ལམ་བདུད་རྩིའི་རྒྱུན། །གང་ཐུགས་མཁྱེན་པའི་བུམ་པར་བྱང་ཆུབ་པས། །འཆད་རྩོད་རྩོམ་ལ་ཆོས་ཀྱི་གྲགས་པ་དང་། །དབྱེར་མེད་ཀུན་བཟང་རྣམ་པར་རྒྱལ་དེར་འདུད། །

― GTN003_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་གཉིས་རྣལ་འབྱོར་ལ་གོམས་བྱང་སེམས་ཀྱིས། །གཞན་ཕན་དམ་བཅའི་ཁུར་ཆེན་འདེགས་མཁས་པ། །ངེས་པའི་དོན་རྟོགས་བརྒྱུད་འཛིན་རཏྣའི་མཚན། །ཕྱོགས་ཀྱི་གླང་པོའི་བརྟུལ་ཞུགས་འཛིན་དེ་རྒྱལ། ། གདོད་ནས་སྐྱེ་མེད་གཟིགས་དེས་གཉིས་འཛིན་བྲལ། །བདེན་གཉིས་ཆོས་ཀྱིས་འགྲོ་རྒྱུད་སྨིན་པར་མཛད། །དོན་གཉིས་མཐར་ཕྱིན་ཕན་བདེའི་འབྲས་སྩོལ་བའི། །རྣམ་འདྲེན་རིག་འཛིན་དཔལ་འབྱོར་རྒྱ་མཚོར་བསྔགས། ། ལྔ་བདོའི་འགྲོ་ལ་རྗེས་བརྩེའི་ཕྲིན་ལས་མཐའ། །འབུམ་ཕྲག་ནམ་མཁའི་ཁྱོན་གྱིས་གཞལ་མིན་ཞིང་། །གྲུབ་བརྙེས་དུ་མས་ཞབས་པད་ཉེར་བཏེགས་པའི། །རྒྱལ་བ་གཉིས་པ་བསྟན་འཛིན་ཆོས་ཀྱི་རྒྱལ། ། གང་ཐུགས་བཀའ་གཏེར་ཆོས་ཀྱི་རྒྱ་མཚོ་ལས། །སྨིན་གྲོལ་གདམས་པའི་ཆུ་གཏེར་ཕྱོགས་ཀུན་ཏུ། །གྲོལ་དེས་འགྲོ་རྒྱུད་ཉོན་མོངས་ཀུན་སྦྱངས་པའི། །

― GTN003_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་དྲིན་སྲིད་པའི་མཐས་ཀྱང་གཞལ་ནུས་མིན། ། དེ་ཕྱིར་དེང་སྐབས་སྙིགས་མའི་རང་མཚང་གིས། །བསྟན་འཛིན་ཕལ་ཆེར་འཇིག་རྟེན་ཆོས་བརྒྱད་ཀྱིས། །བྲེལ་བས་དལ་རྟེན་སྟོང་པར་ཆུད་འཛའ་ན། །རྒྱལ་བཀའ་ནོད་པའི་བསོད་ནམས་བགྲང་བྱར་མིན། ། ཚད་ལྡན་ཁུངས་དང་མི་འབྲེལ་ཟོག་བརྫུ་བག །རྙེད་འཚོལ་ཕྱིར་དུ་ཆོས་ཟོལ་འཛིན་མིན་པར། །དཀའ་བས་བླ་མ་བསྟེན་ཞིང་ལུང་རྟོགས་ཀྱི། །བརྒྱུད་པ་འཛིན་དེ་རྣམ་ཀུན་བསྔགས་པའི་ཡུལ། ། དེས་ན་གངས་ཅན་ལྗོངས་འདིར་རྒྱལ་བའི་བཀའ། །འགྱུར་རོ་ཅོག་གི་ལུང་རྒྱུན་མ་ལུས་པ། །ཞིབ་པར་ནོད་པའི་ཐོབ་ཡིག་ཕན་བདེའི་གཏེར། །རྣམ་པར་ཕྱེ་འདིས་སྐལ་བཟང་དགའ་བར་བྱོས། ། ཞེས་མཆོད་པར་བརྗོད་པ་ཅུང་ཟད་སྔོན་དུ་བཏང་སྟེ།

དེ་ལ་སྐབས་འདིར་གླེང་བར་བྱ་བ་ནི།

― GTN003_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལ་སྐབས་འདིར་གླེང་བར་བྱ་བ་ནི། ཇི་སྐད་དུ། འཇིག་རྟེན་སངས་རྒྱས་འབྱུང་བ་བརྒྱ་ལམ་སྟེ། །མི་ཡི་
ལུས་ནི་ཚོགས་ཀྱིས་རྙེད་ཡིན་ནོ། །ཀྱེ་མ་དད་པ་དང་ནི་ཆོས་ཉན་པ། །འདི་འདྲ་བསྐལ་པ་བརྒྱར་ཡང་རྙེད་པར་དཀའ། །ཞེས་རྒྱལ་བས་གསུངས་པའི་ཆོས་ཀྱི་རྣམ་གྲངས་རྣམས་ལ་དོན་ཚུལ་བཞིན་དུ་ཡིད་ལ་བྱེད་ཅིང་ཐོས་བསམ་སྒོམ་པའི་ཤེས་རབ་ཀྱིས་རྣམ་གྲོལ་གྱི་ལམ་ལ་སྦྱོར་དགོས་པ་སྟེ། དེ་ཡང་རང་ཅག་ཐམས་ཅད་སྔོན་སྨོན་ལམ་རྣམ་པར་དག་ཅིང་བསོད་ནམས་བསགས་སྟོབས་ཀྱིས་རྙེད་པའི་དལ་འབྱོར་ཁྱད་པར་ཅན་གྱི་ལུས་རྟེན་འདི་འདྲ་རྙེད་པར་དཀའ་ཞིང་། དེ་ལྟར་རྙེད་པ་དེ་ཉིད་དོན་ཆེན་པོ་དང་ལྡན་པ་ཡིན་ཏེ། སློབ་སྤྲིངས་ལས། བདེ་གཤེགས་ལམ་བསྟེན་འགྲོ་བ་འདྲེན་པར་ཆས་གྱུར་ཅིང་། །སེམས་ཀྱི་སྟོབས་ཆེན་མི་ཡིས་རྙེད་པ་གང་ཡིན་པའི། །ལམ་དེ་ལྷ་དང་ཀླུ་ཡིས་མི་རྙེད་ལྷ་མིན་དང་། །མཁའ་ལྡིང་རིག་འཛིན་མིའམ་ཅི་དང་ལྟོ་འཕྱེས་མིན། །མི་ཡི་དངོས་པོ་ཤིན་ཏུ་རྙེད་དཀའ་རྙེད་གྱུར་ནས། །དོན་དུ་བརྣག་པ་གང་ཡིན་དེ་ནི་བསྟུན་ཏེ་སྒྲུབས། །ཞེས་གསུངས་པ་ལྟར། དེ་ལྟ་བུའི་ལུས་རྟེན་དེ་ཉིད་ཐོབ་པའི་སྐབས་འདིར་མི་ཚེ་སྟོང་པར་ཆུད་མི་འཛད་པའི་ཕྱིར། འཕྲལ་དུ་དམ་པའི་ཆོས་ལ་བསླབ་པར་བྱ་དགོས་ཤིང་། དེ་ཡང་ཐར་འདོད་རྣམས་ཀྱིས་བསླབ་པར་བྱ་བའི་གནས་ནི་ཐོས་བསམ་སྒོམ་གསུམ་ཡིན་ཏེ། དེ་ཡང་ཐོས་པའི་ཤེས་རབ་ཀྱིས་གསུང་རབ་ཀྱི་མཐའ་རྒྱ་བཅད་དེ་ཐོས་དོན་བསམ་པས་བརྟགས་ནས་སྒོམ་པའི་ཤེས་རབ་ལ་སྦྱོར་དགོས་པའང་། མཛོད་ལས། ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །ཞེས་སོ། ། དེས་ན་དེ་ལྟ་བུའི་ཐོས་བསམ་བྱ་བའི་ཡུལ་དེ་གང་ཡིན་ཞེ་ན། རིག་པའི་

― GTN003_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཆེ་ཆུང་བཅུ་ཕྲག་གི་གྲངས་སུ་དབྱེ་བ་དག་ལ་སྟེ། དེ་དག་ལས་ཀྱང་ནང་དོན་རིག་པ་ནི། ཐར་པའི་ལམ་དངོས་ཡིན་ཏེ། དེ་ཉིད་བརྗོད་བྱར་བྱས་ནས་རྗོད་བྱེད་དུ་སྟོན་པ་ཐབས་མཁས་ཐུགས་རྗེ་དང་ལྡན་པས་གདུལ་བྱའི་དབང་པོ་དང་འཚམས་པའི་ཆོས་ཀྱི་རྣམ་གྲངས་དྲང་ངེས་སོ་སོའི་སྐད་དང་མཐུན་པར་བསྟན་པའི་ཚད་ནི། ཉན་རང་སློབ་མི་སློབ་ཀྱི་འཕགས་པ་རྣམས་དང་སྲིད་པ་རྒྱུན་མཐའི་བྱང་ཆུབ་སེམས་དཔའ་རྣམས་ཀྱིས་ཀྱང་འདི་ཙམ་མོ་ཞེས་བཟུང་བར་མི་ནུས་ན་སོ་སོ་སྐྱེ་བོ་རྣམས་ཀྱིས་ཡུལ་ལྟ་ག་ལ་ཞིག་སྟེ། ལང་གཤེགས་ལས། ཇི་སྲིད་བློ་ནི་མ་ཟད་པར། །ཐེག་པའི་མཐའ་ལ་ཐུག་པ་མེད། །སེམས་ནི་ནམ་ཞིག་གྱུར་པ་ན། །ཐེག་པ་མེད་ཅིང་བགྲོད་པ་མེད། །ཅེས་གསུངས་སོ། ། འོན་ཏེ་གསུང་རབ་རྒྱ་མཚོ་ཆེན་པོ་ལས་ཆུ་ཐིགས་ཙམ་ཞིག་ཡུལ་དབུས་འགྱུར་འཆང་སོགས་སུ་འཕགས་པ་དགྲ་བཅོམ་པ་རྣམས་ཀྱིས་བཀའ་བསྡུ་བ་རིམ་པ་གསུམ་དང་། འཛམ་གླིང་མཛེས་པར་བྱེད་པའི་རྒྱན་དྲུག་མཆོག་གཉིས། མངོན་པར་རྟོགས་པའི་ས་ལམ་མཐོན་པོར་གཤེགས་པའི་གྲུབ་ཆེན་བརྒྱད་ཅུ་རྩ་བཞི་སོགས་བཤེས་གཉེན་དུ་མས་འཐོར་བ་བསྡུད་པ་དང་། འཆད་ཉན་གྱིས་གཏན་ལ་ཕབ་སྟེ་ཐོས་བསམ་སྒོམ་པའི་ཆུ་བོ་གཅིག་ཏུ་འཁྱིལ་བ་དེ་དག་ཐམས་ཅད་ཀྱང་བཀའ་དང་བསྟན་བཅོས་གཉིས་སུ་འདུས་ཏེ། ཇི་སྐད་དུ། ཆོས་རྣམས་ཐམས་ཅད་བཀའ་དང་བསྟན་བཅོས་ཏེ། །༼གཉིས་སུ་འདུས།༽ ལེགས་པར་གསུངས་དང་དེ་ཡི་དགོངས་འགྲེལ་བ། །ཞེས་སོ། །

― GTN003_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་བཀའ་ཞེས་བྱ་བ་ནི། བརྗོད་བྱ་ཡང་དག་པའི་དོན་དང་ལྡན་པ། རྗོད་བྱེད་དམ་པའི་ཆོས་དང་འབྲེལ་བ། བྱེད་ལས་ཁམས་གསུམ་གྱི་ཉོན་མོངས་པ་སྤོང་བར་ནུས་པ། མཐར་ཐུག་ཐར་པའི་ཕན་ཡོན་སྟོན་པ་ཞིག་སྟེ། རྒྱུད་བླ་མར། གང་ཞིག་དོན་ལྡན་ཆོས་དང་ཉེར་འབྲེལ་ཞིང་། །ཁམས་གསུམ་ཀུན་ནས་ཉོན་མོངས་སྤོང་བྱེད་གསུངས། །ཞི་བའི་ཕན་ཡོན་སྟོན་པར་མཛད་པ་གང་། །དེ་ནི་དྲང་སྲོང་གསུངས་ཡིན་བཟློག་པ་གཞན། །ཞེས་སོ། ། བསྟན་བཅོས་ནི། རྩོམ་པ་པོ་རྣམ་གཡེང་མེད་པའི་ཡིད་ཅན་གྱིས་རྒྱལ་བ་སྟོན་པ་ཉིད་ཀྱི་གསུང་གི་རྗེས་སུ་འབྲངས་ཏེ་ཚིག་དོན་ཕྱིན་ཅི་མ་ལོག་པར་ཐར་པའི་ལམ་སྟོན་ནུས་པ་བཀའ་སྤྱི་དང་བྱེ་བྲག་གི་དགོངས་འགྲེལ་རྣམས་ཏེ། སྔ་མའི་ལུང་ལས། གང་ཞིག་རྒྱལ་བའི་བསྟན་པ་འབའ་ཞིག་ལ། །དབང་བྱས་རྣམ་གཡེང་མེད་ཡིད་ཅན་གྱིས་བཤད། །ཐར་པ་ཐོབ་པའི་ལམ་དང་རྗེས་མཐུན་པ། །དེ་ཡང་དྲང་སྲོང་བཀའ་བཞིན་སྤྱི་བོར་བློངས། །ཞེས་གསུངས་པ་ལྟར་རོ། ། དེ་ལྟར་ཐོས་པར་བྱ་བའི་ཡུལ་དག་ལ་ཐོས་པ་བྱས་པའི་ཕན་ཡོན་ནི། རྒྱུད་བླ་མར། གང་ཞིག་བྱང་ཆུབ་དོན་དུ་གཉེར་བས་གསེར་ཞིང་ནོར་བུས་སྤྲས་པ་ནི། །སངས་རྒྱས་ཞིང་རྡུལ་མཉམ་པར་ཉིན་རེ་ཆོས་རྒྱལ་རྣམས་ལ་རྟག་འབུལ་ན། །གཞན་གང་འདི་ལས་ཚིག་ཙམ་ཐོས་ཤིང་ཐོས་ནས་ཀྱང་ནི་མོས་ན་ནི། །སྦྱིན་པ་ལས་བྱུང་དགེ་བ་དེ་ལས་བསོད་ནམས་ཆེས་མང་ཐོབ་པར་འགྱུར། །བློ་ལྡན་གང་ཞིག་བླ་མེད་བྱང་ཆུབ་འདོད་པས་བསྐལ་པ་དུ་མར་ཡང་། །ལུས་ངག་ཡིད་ནི་འབད་

― GTN003_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མེད་པར་ཚུལ་ཁྲིམས་དྲི་མེད་སྲུང་བྱེད་ལ། །གཞན་དག་འདི་ལས་ཚིག་ཙམ་ཐོས་ཤིང་ཐོས་ནས་ཀྱང་ནི་མོས་ན་ནི། །ཚུལ་ཁྲིམས་ལས་བྱུང་དགེ་བ་དེ་ལས་བསོད་ནམས་ཆེས་མང་ཐོབ་པར་འགྱུར། །གང་ཞིག་འདི་ན་སྲིད་པ་གསུམ་གྱི་ཉོན་མོངས་མེ་འཇིལ་བསམ་གཏན་ནི། །ལྷ་དང་ཚངས་གནས་མཐར་སོན་རྫོགས་པའི་བྱང་ཆུབ་འཕོ་མེད་ཐབས་བསྒོམ་ལ། །གཞན་གང་འདི་ལས་ཚིག་ཙམ་ཐོས་ཤིང་ཐོས་ནས་ཀྱང་ནི་མོས་ན་ནི། །བསམ་གཏན་ལས་བྱུང་དགེ་བ་དེ་ལས་བསོད་ནམས་ཆེས་མང་ཐོབ་པར་འགྱུར། །གང་ཕྱིར་སྦྱིན་པའི་ལོངས་སྤྱོད་དག་ནི་སྒྲུབ་བྱེད་པ། །ཁྲིམས་ཀྱི་མཐོ་རིས་བསྒོམས་པས་ཉོན་མོངས་སྤོང་བྱེད་ལ། །ཤེས་རབ་ཉོན་མོངས་ཤེས་བྱ་ཀུན་སྤོང་དེ་ཡི་ཕྱིར། །འདི་མཆོག་ཉིད་དེ་དེ་ཡི་རྒྱུ་ནི་འདི་ཐོས་ཡིན། །ཞེས་གསུངས་སོ། །དེ་ཡང་ཕྱི་ནང་གི་གྲུབ་མཐའ་ཤེས་པས་བླང་དོར་གྱི་གནད་ཤེས་པ་དང་། ཚུལ་ཁྲིམས་ཀྱི་བསླབ་པ་ཐོབ་ནས་ཉེས་སྤྱོད་ལས་ལྡོག་པ། ཏིང་ངེ་འཛིན་གྱི་བསླབ་པ་ཐོབ་ནས་དོན་མེད་པའི་འདོད་པ་སྤངས་པ། ཤེས་རབ་ཀྱི་བསླབ་པ་ཐོབ་ནས་ཟག་ཟད་མངོན་དུ་བྱས་ཏེ་མྱ་ངན་འདས་པ་ཐོབ་པར་འགྱུར་ཞིང་། གཞན་ཡང་གནས་སྐབས་དང་མཐར་ཐུག་གི་སྒོ་ནས་ཕན་ཡོན་རྣམ་པ་གཉིས་སུ་འགྱུར་བ་ཡང་། གནས་སྐབས་སུ་རྟོགས་པའི་ཆ་ནས་ཐོས་པས་ཆོས་རྣམས་ཤེས་པ་དང་། སྤངས་པས་སྡིག་པ་དང་དོན་མེད་ལས་ལྡོག་ཅིང་མཐར་ཐུག་གི་མྱ་ངན་ལས་འདས་པའི་གོ་འཕང་ཐོབ་པར་བྱེད་ཅིང་། ཁྱད་པར་ཐེག་པ་ཆེན་པོའི་ཆོས་རྣམས་ཐོས་པའི་ཕན་ཡོན་ནི། བསྐལ་པ་བཟང་པོའི་མདོར། འཇིག་རྟེན་ཁམས་
འདིའི་སེམས་ཅན་གང་སུ་དག །དེ་རྣམས་ཐམས་ཅད་བྱང་ཆུབ་བཀོད་པ་བས། །གང་གི་ཕུང་པོ་མེད་པའི་ཚིག་ཐོས་ནས། །སྐྲག་མེད་དེ་ཡི་བསོད་ནམས་ཁྱད་པར་འཕགས། །ཞེས་པས་ཐུན་མོང་གི་ཐེག་པས་སེམས་ཅན་གྲངས་མེད་བྱང་ཆུབ་ཏུ་བཀོད་པ་བས། ངེས་དོན་ཟབ་མོའི་ལམ་ལ་ཞུགས་པ་དང་། སྐྲག་པ་མེད་པས་ཐོས་པ་དོན་དུ་གཉེར་བ་བསོད་ནམས་ཆེས་ཁྱད་པར་དུ་འཕགས་པར་གསུངས་སོ། །

རྒྱུ་མཚན་ཉིད་ཐེག་པའི་སྐོར། ལོ་རྒྱུས་མདོར་བསྟན།

― GTN003_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟར་བདེན་པར་གསུངས་པའི་བཀའ་གངས་ལྗོངས་བོད་འདིར་འགྱུར་རོ་ཅོག་ཐོབ་པའི་ཚུལ་ལ། ལོ་རྒྱུས་མདོར་བསྟན། ཐོབ་ཚུལ་རྒྱས་པར་བཤད་པའོ། ། དང་པོ་ནི། དེ་ཡང་འཛམ་གླིང་བྱེ་བ་ཕྲག་བརྒྱ་རེ་རེར་འདུལ་བྱེད་མཆོག་གི་སྤྲུལ་པའི་སྐུ་དེ་སྙེད་འབྱུང་བ་ཐམས་ཅད་མཛད་པའི་ཚུལ་མཐུན་པར་སྟོན་པས་ན། མཛད་ཚུལ་གཅིག་གིས་ཐམས་ཅད་ཀྱི་མཛད་པ་རྟོགས་པར་འགྱུར་ཏེ། དེ་ཡང་བདག་ཅག་གི་སྟོན་པ་འདི་ཉིད་ཀྱི་སྒོ་ནས་བརྗོད་ན། དམ་ཆོས་པདྨ་དཀར་པོ་ལས། བསྐལ་པ་བྱེ་སྟོང་བསམ་གྱིས་མི་ཁྱབ་པ། །དེ་ཡི་ཚད་ནི་ནམ་ཡང་མེད་པ་ནས། །བྱང་ཆུབ་མཆོག་རབ་འདི་ནི་ངས་ཐོབ་སྟེ། །ང་ནི་རྟག་ཏུ་ཆོས་ཀྱང་རབ་འཆད་དོ། །ཞེས་གསུངས་པ་ལྟར། བདག་ཅག་གི་སྟོན་པ་འདི་ཉིད་ཀྱིས་བསྐལ་པ་གྲངས་མེད་པའི་སྔ་རོལ་ནས་ཆོས་ཀྱི་བདུད་རྩི་མངོན་པར་བརྙེས་ཟིན་ཀྱང་འགྲོ་བློའི་མོས་པ་དང་བསྟུན་ཏེ་དྲང་དོན་ཀུན་རྫོབ་ཀྱི་ཆར་དེ་བཞིན་གཤེགས་པ་ཤཱཀྱ་ཐུབ་པ་ཆེན་པོ་ལས་སེམས་སྐྱེད་པ་ནས་བརྩམས་བསྐལ་པ་གྲངས་མེད་གསུམ་དུ་ཚོགས་

― GTN003_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

བསགས་སྒྲིབ་པ་སྦྱངས་ནས་མཐར་མི་མཇེད་ཀྱི་ཞིང་འདིར་རྡོ་རྗེ་གདན་གྱི་སྤོ་ལ་མངོན་པར་རྫོགས་པ་སངས་རྒྱས་པ་སོགས་མཛད་པའི་རྣམ་གྲངས་མདོར་བསྡུ་ན་བཅུ་གཉིས་སུ་བསྟན་ཏེ། དེ་ཡང་ཝཱ་རཱ་ཎ་སཱིར་ལྔ་སྡེ་བཟང་པོ་ལས་བརྩམས་ཏེ་བཀའ་དང་པོ་བདེན་པ་བཞི། བྱ་རྒོད་ཕུང་པོའི་རི་བོ་ལ་སོགས་པར་བཀའ་བར་པ་མཚན་ཉིད་མེད་པ། ཡངས་པ་ཅན་ལ་སོགས་པར་བཀའ་ཐ་མ་དོན་དམ་རྣམ་པར་ངེས་པ་སྟེ་ཆོས་ཀྱི་འཁོར་ལོ་རིམ་པ་གསུམ་དང་། རི་རབ་ཀྱི་རྩེ་དང་། རྒྱ་མཚོའི་འགྲམ་དང་། རྡོ་རྗེ་ནོར་བུ་བརྩེགས་པའི་ཁང་པ་ལ་སོགས་པར་སྔགས་ཀྱི་རྒྱུད་སྡེ་རྣམས་ཀྱི་ཆོས་འཁོར་གདུལ་བྱའི་མོས་བློ་དང་འཚམས་པར་བསྐོར་བ་དེ་དག་ཀྱང་། གསང་བ་སྙིང་པོ་ལས། འདུལ་བའི་དབང་གིས་ལྷ་དང་མིའི་ཐེག་པ་དང་། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། བྱང་ཆུབ་སེམས་དཔའི་ཐེག་པ་དང་། བླ་ན་མེད་པའི་ཐེག་པས། མ་རིག་པའི་རྣམ་པར་རྟོག་པ་ཉོན་མོངས་སྟོང་ཕྲག་བརྒྱད་ཅུ་རྩ་བཞིའི་གཉེན་པོར་ཆོས་ཀྱི་ཕུང་པོ་སྟོང་ཕྲག་བརྒྱད་ཅུ་རྩ་བཞི་གསུངས་སོ། །གསུང་ངོ་། །གསུང་བར་འགྱུར་རོ། །ཞེས་དང་། ཀུན་བྱེད་རྒྱལ་པོ་ལས། ཉོན་མོངས་འདོད་ཆགས་འདུལ་བའི་གཉེན་པོ་རུ། །འདུལ་བའི་སྡེ་སྣོད་ཉི་ཁྲི་ཆིག་སྟོང་གསུངས། །ཉོན་མོངས་ཞེ་སྡང་འདུལ་བའི་གཉེན་པོ་རུ། །མདོ་སྡེའི་སྡེ་སྣོད་ཉི་ཁྲི་ཆིག་སྟོང་གསུངས། །ཉོན་མོངས་གཏི་མུག་འདུལ་བའི་གཉེན་པོ་རུ། །མངོན་པའི་སྡེ་སྣོད་ཉི་ཁྲི་ཆིག་སྟོང་གསུངས། །ཐམས་ཅད་འདུལ་བའི་གཉེན་པོར་གསུངས་པ་ནི། །སྡེ་སྣོད་བཞི་པ་ཉི་ཁྲི་ཆིག་སྟོང་གསུངས། །ཞེས་

― GTN003_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། མཛོད་ལས། སྤྱོད་པ་རྣམས་ཀྱི་གཉེན་པོར་ནི། །ཆོས་ཀྱི་ཕུང་པོ་མཐུན་པར་གསུངས། །ཞེས་པ་ལྟར་མཉམ་མེད་ཐུབ་པའི་དབང་པོས་ལེགས་པར་གསུངས་པའི་བཀའ་དེ་རྣམས་ཐམས་ཅད། དགྲ་བཅོམ་པ་རྣམས་དང་། བྱང་ཆུབ་སེམས་དཔའ་རྣམས་ཀྱིས་བཀའ་བསྡུ་བ་རིམ་པར་བྱས་ཏེ། པཎ་གྲུབ་མང་པོས་འཐོར་བསྡུད་འཆད་ཉན་གྱིས་གཏན་ལ་ཕབ་པ་ལས་བྱང་ཕྱོགས་གངས་རིའི་ར་བས་བསྐོར་བའི་ལྗོངས་འདིར་ཇི་ལྟར་དར་བའི་ཚུལ་ནི། ཐོག་མར་བོད་ཀྱི་རྒྱལ་པོ་ཀུན་ཏུ་བཟང་པོའི་སྤྲུལ་པ་ཐོ་རི་སྙན་ཤལ་གྱི་རིང་ལ་ཕོ་བྲང་ཡུམ་བུ་བླ་སྒང་གི་ཡང་ཐོག་ཏུ་ཉི་ཟེར་དང་ལྷན་ཅིག་པར་གསེར་ཤོག་ལ་བཻ་ཌཱུརྱ་ཞུན་མས་ཡི་གེར་བྲིས་པའི་སྤང་སྐོང་ཕྱག་རྒྱ་བ། མདོ་སྡེ་ཟ་མ་ཏོག་རྣམས་བབས་པས་བསྟན་པའི་དབུ་བརྙེས། སྤྱན་རས་གཟིགས་ཀྱི་སྤྲུལ་པ་སྲོང་བཙན་སྒམ་པོའི་དུས་འཇམ་དཔལ་སྤྲུལ་པ་ཐོན་མི་སམྦྷོ་ཊས། རིན་ཆེན་ཏོག་གི་གཟུངས། ཤེར་ཕྱིན་འབུམ་པ། ཐུགས་རྗེ་ཆེན་པོའི་མདོ་རྒྱུད་ཉི་ཤུ་རྩ་གཅིག་རྣམས་བསྒྱུར་པ་སོགས་བསྟན་པའིི་སྲོལ་གཏོད། འཇམ་དབྱངས་སྤྲུལ་པ་ཁྲི་སྲོང་ལྡེའུ་བཙན་གྱི་སྐུ་རིང་ལ། མཁན་སློབ་གཉིས་དང་བཻ་རོ་ཙཱ་ན་སོགས་ལོ་པཎ་མང་པོ་དབུའི་མཆོད་གནས་སུ་བཀུར་ཏེ་ཐེག་པ་ཆེ་ཆུང་གི་བཀའི་དགོངས་འགྲེལ་མཐའ་དག་བསྒྱུར་ནས་བསྟན་པ་དར་རྒྱས་སུ་མཛད། སད་ན་ལེགས་མཇིང་ཡོན་གྱི་དུས། བནྡྷེ་དཔལ་བརྩེགས་སོགས་ཀྱིས་འཕང་ཐང་ཀ་མེད་ཀྱི་གཙུག་ལག་ཁང་གི་གསུང་རབ་ཕྱོགས་གཅིག་ཏུ་བསྒྲིགས་པ་ལ་

― GTN003_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་ཆག་འཕང་ཐང་མར་གྲགས་ཤིང་བཀའ་ཕྱོགས་གཅིག་ཏུ་བསྒྲིགས་པའི་ཐོག་མའང་འདི་ཉིད་ཡིན་ལ། དེ་རྗེས་དཔལ་བརྩེགས་དང་། འཁོན་ཀླུ་དབང་སྲུངས་སོགས་ཀྱིས་སྟོང་ཐང་ལྡན་དཀར་གྱི་གསུང་རབ་རྣམས་བསྡུས་ཏེ་དཀར་ཆག་ལྡན་དཀར་མ་མཛད། དེ་རྗེས་ཁྲི་ལྡེའུ་སྲོང་ལྡེ་བཙན་འོན་ལྗང་རྡོ་ན་བཞུགས་པའི་དུས་སུ། སློབ་དཔོན་ཛི་ན་མི་ཏྲ་སོགས་དང་། བོད་ཀྱི་ལོ་ཙཱ་བ་རིན་ཆེན་སྲུང་སོགས་ལ་རྒྱལ་པོའི་བཀས་བསྐུལ་ཏེ། འགྱུར་རྙིང་པ་བཅོས་སུ་མི་རུང་བ་རྣམས་སྐད་གསར་བཅད་ཀྱིས་གཏན་ལ་ཕབ་པ་ནས་བཟུང་། པཎྜི་ཏ་སྨྲི་ཏི་དང་། ལོ་ཙཱ་བ་རོང་ཟོམ་ཆོས་བཟང་ཡན་ལ་འགྱུར་བ་རྣམས་སྔ་དར་ཡིན་ལ། ལོ་ཙཱ་བ་རིན་ཆེན་བཟང་པོ་རྒྱ་གར་དུ་བྱོན་ཏེ་འགྱུར་འགོ་བཙུགས་པ་ནས་བརྩམས་ཕྱི་དར་གྱི་སྒོ་དེད་དེ། ཇོ་བོ་ཆེན་པོ་དཱི་པཾ་ཀ་ར་འབུམ་ཕྲག་གསུམ་པ། ཁ་ཆེ་པཎ་ཆེན་ཤཱཀྱ་ཤྲཱི་སོགས་མང་དུ་བྱོན། ལོ་ཙ་བའང་རྔོག་འབྲོག་མར་པ་སོགས་ཀྱིས་ཆོས་མཐའ་ཀླས་པར་འགྱུར། དེ་ཡང་མདོ་ཕྱོགས་རྣམས་ཐར་ལོས་མདོ་ཕྲན་བཅུ་གསུམ་གསར་དུ་བསྒྱུར་པ་ཙམ་ལས་སྔ་དར་སྐབས་འགྱུར་ཟིན་ལ། ཕྱི་རྒྱུད་གསུམ་ཡང་ཕལ་ཆེར་སྔ་དར་སྐབས་བྱུང་ཡང་། བོད་ཀྱིས་དུས་འཁོར་སོགས་གསར་མ་ལ་གྲགས་པའི་རྒྱུད་སྡེ་མང་དུ་བསྒྱུར་ཞིང་དེ་དག་དང་འབྲེལ་བའི་དབང་། བཤད་བཀའ་གདམ་ངག་སྟེ་ཟབ་རྒྱས་ཀྱི་ཆོས་ཚུལ་མཐའ་ཡས་པ་བོད་ཀྱི་སྐལ་བར་བྱོན་ཞིང་། མདོ་སྔགས་ལམ་གྱི་རིམ་པ་ཇི་སྙེད་པའི་སྒོ་ནས་གསར་མའི་གྲུབ་མཐའ་མང་དུ་གྱེས་སོ། །

― GTN003_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་བསྟན་པ་ཕྱི་དར་ལ་བཀའ་འགྱུར་ཕྱོགས་གཅིག་ཏུ་བསྒྲིགས་པའི་ཐོག་མ་ལྟ་བུ་ནི། དཔལ་སྣར་ཐང་གི་གཙུག་ལག་ཁང་དུ་བཅོམ་ལྡན་རིགས་རལ་གྱི་སློབ་མ་འཇམ་དགག་པཀྵིས་དངོས་རྫས་དུ་མའི་མཐུན་རྐྱེན་གྱིས་བསྐུལ་ཏེ། འདུལ་བ་ལུང་དཔེ་མཆིམས་ནམ་མཁའ་གྲགས་ཀྱིས་བཞེངས་པ། མདོ་སྡེའི་སྐོར་ཆོས་རྒྱལ་འཕགས་པའི་ཐུགས་དམ་ལྷ་མའི་རྒྱན་མཆོག །མདོ་མང་འདར་འཕྱར་བས་བཞེངས་པ་འཛམ་གླིང་རྒྱན། གསེར་གཞུང་མ། ཕྱུག་རྒྱལ་མ། དགོན་གསར་མ་ལེ་ཚན་སྤུན་གསུམ་གཙུག་ལག་ཁང་གི་མདོ་མང་སོགས་གུང་བསྒྲིགས། ཤེར་ཕྱིན། རྒྱུད་འབུམ་བཅས་དབུས་པ་བློ་གསལ་སངས་རྒྱས་འབུམ་སོགས་མཁས་པ་མང་པོས་སྒོ་བསྟུན་བཀའ་ཐམས་ཅད་ཕྱོགས་གཅིག་ཏུ་བསྡུས་ཏེ་གསར་དུ་བཞེངས་པ་ལ། བཅོམ་ལྡན་རིགས་རལ་གྱིས་དཀར་ཆག་ཉི་མའི་འོད་ཟེར་མཛད། དེའི་རྒྱུན་ལས་ཚལ་པ་སི་ཏུ་དགེ་བའི་བློ་གྲོས་ཀྱིས་གུང་ཐང་དུ་བཞེངས་པ་ལ། འཇང་རྒྱལ་པོས་སྤར་དུ་བསྐོས་པ་ཡང་འདིའི་རྒྱུན་ལས་བྱུང་ཞིང་། བུ་སྟོན་ཐམས་ཅད་མཁྱེན་པས་དོགས་གཞི་གསར་བསླངས་ཀྱིས་དཀར་ཆག་གསར་དུ་བརྩམས་པ་ལྟར་ཞ་ལུ་གསེར་ཁང་དུ་བཞེངས་པའི་རྒྱུན་ལ་རྒྱལ་རྩེ་ཐེམ་སྤངས་མ་དང་། འཇམ་མགོན་སི་ཏུ་རིན་པོ་ཆེས་ཞུ་ཆེན་དང་དཀར་ཆག་མཛད་ནས་ས་སྐྱོང་སྡེ་དགེ་རྒྱལ་པོས་བཞེངས་པའི་མཚལ་སྤར་མ་སོགས་བྱུང་སྟེ་བོད་དང་བོད་ཆེན་པོའི་ལྗོངས་འདིར་རྒྱལ་བའི་བཀའ་འགྱུར་རོ་ཅོག་གི་གླེགས་བམ་དབྱར་གྱི་ཆུ་གཏེར་ལྟར་ཆེས་ཆེར་འཕེལ་བར་གྱུར་ཏོ། །

― GTN003_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་རྒྱལ་བའི་བསྟན་པ་འཛིན་པ་ནི། ཐོས་བསམ་སྒོམ་པ་ལ་རག་ལས་པ་སྟེ། དེས་ན་འདིར་ཡང་། མདོ་སྡེ་དང་ཤེར་ཕྱིན་སོགས་གཞུང་དུ་མར། དམ་པའི་ཆོས་ཀྱི་ཚུལ་འདི་ཉིད་གཟུང་བར་བྱ། ལུང་འབོགས་པར་བྱ། ལུང་ནོད་པར་བྱ། ཁ་ཏོན་ཏུ་བྱ། ཀུན་ཆུབ་པར་བྱ་ཞེས་པ་ལྟར། ལུང་རྟོགས་ཀྱི་བསྟན་པ་བཤད་དང་སྒྲུབ་པས་འཛིན་པར་མཛད་པའི་གྲུབ་བརྙེས་སྐྱེས་ཆེན་རིམ་པར་བྱོན་པ་དེ་དག་གིས་ཕྱོགས་ཀྱི་བསྟན་འཛིན་དུ་མ་ནས་འབད་པ་ཆེན་པོས་བཀའ་འགྱུར་རོ་ཅོག་གི་ལུང་རྒྱུན་བཙལ་བ་ལ་ངལ་བ་བཟོད་ནུས་ཀྱི་སྐུ་དྲིན་བསམ་ལས་འདས་ཀྱང་ཚང་མར་ནོད་པར་ལྟ་ཅི། མདོ་མང་ཙམ་ཡང་ཕྱོགས་གཅིག་ཏུ་འཆད་པ་མ་བྱུང་ཞིང་ལུང་རྒྱུན་ཡོད་པ་རྣམས་ཀྱང་ཕལ་ཆེར་ལ། གླེགས་བམ་གྱི་སྟོད་སྨད་བར་གསུམ་ནས་ཤོག་བུ་རེ་ཙམ་སྒྲོགས་པའི་ཐོག་མཐའ་བར་མཐར་གསུམ་ལ་ཤོག་གྲངས་སུམ་ཅུ་བཞི་བཅུ་བསྒྱུར་མཚམས་ནས་ཤོག་བུ་རེ་ཙམ་འཐོར་བུར་ཀློག་པ། ཤོག་ལོགས་རེ་ནས་འཕྲེང་རེ་ཀློག་པའི་དབབ་ཤུལ་མ། ཤོག་ངོ་སྟོད་སྨད་ཀྱི་འཕྲེང་རེ་ཙམ་ཀློག་པའི་ལྕགས་རི་མ། ཐོབ་ཡིག་གི་ལུང་གནང་བས་དེར་གསལ་གྱི་དབང་ལུང་ཐོབ་པར་འདོད་པ། དཔེ་ཁང་དུ་ཁྲིད་ནས་སྨོན་ལམ་བཏབ་པས་དེར་བཞུགས་སོ་ཅོག་གི་ལུང་ཐོབ་པ། དཔོན་སློབ་དངོས་མ་མཇལ་ཡང་དགོངས་པ་གཏད་པའི་དགོངས་གཏད་མ་ཟེར་བ་སོགས་ལས་མཐར་ཆགས་ཞིབ་པར་ནོད་པའི་ལུང་རྒྱུན་ཤིན་ཏུ་དཀོན་པར་བཤད་ཅིང་།

― GTN003_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་འགྱུར་འབྲུ་ནོན་ཡོངས་རྫོགས་ཀྱི་རྒྱུན་ནི། བཀའ་འགྱུར་བ་ཤཱཀྱ་རྒྱལ་མཚན་ལ་རིམ་པར་བབས་ཏེ། དེ་ལ་རྡོ་རྗེ་གདན་པ་ཐུ་བཙུན་ཀུན་དགའ་རྣམ་རྒྱལ་གྱིས་རྫོགས་པར་གསན། ཕྱིས་སུ་གནས་གསར་བཀའ་འགྱུར་བ་མགོན་པོ་བསོད་ནམས་མཆོག་ལྡན་གྱིས་ལུང་རྒྱུན་རྫོགས་པར་གསན་ཏེ། དེ་ལས་ཀུན་གཟིགས་ལྔ་པ་ཆེན་པོས་གསན་སླར་ཡང་རྡོ་རྗེ་བྲག་པདྨ་འཕྲིན་ལས། སྐྱེད་ཚལ་གོང་འོག་གི་མཁན་པོ་སོགས། ཕྱོགས་ཀྱི་འདུས་ཚོགས་དོན་གཉེར་ཅན་མང་པོར་གངས་དཀར་རྡོ་རྗེ་གདན་དུ་ལུང་མཛད། དེ་ནས་བཀའི་ཆུ་བོ་གཅིག་ཏུ་འདུས་པ་ནི་རྗེ་འདི་ཉིད་ཀྱི་སྐུ་དྲིན་ལས་བྱུང་བ་ཤ་སྟག་རྡོ་རྗེ་འཛིན་པ་སྟེ་ཆོས་དྲིན་གཞལ་བར་དཀའ་ལ། བཻ་རོའི་རྣམ་སྤྲུལ་ཆོས་རྒྱལ་གཏེར་བདག་གླིང་པས་གངས་དཀར་རྡོ་རྗེ་གདན་ནས་རྡོ་རྗེ་འཛིན་པ་ཀུན་དགའ་དར་རྒྱས་ཨོ་རྒྱན་སྨིན་གྲོལ་གླིང་དུ་སྤྱན་དྲངས་ནས་བཀའ་འགྱུར་གྱི་ལུང་རྫོགས་པར་ཞུས། དེ་ནས་ལུང་རྟོགས་ཆོས་ཀྱིས་ཡོངས་འབྱོར་བླ་མ་འགྱུར་མེད་སྐལ་བཟང་འཕེལ་རྒྱས་བཟང་པོས་འདུལ་བ་ལུང་སྡེ་བཞི་རྒྱལ་སྲས་ཡིད་བཞིན་ལེགས་གྲུབ། འབུམ་གླེགས་བམ་དགུ་པདྨ་འགྱུར་མེད་རྒྱ་མཚོར་གསན་པ་ལས། དེ་མིན་འཕྲོ་ཐམས་ཅད་འབུམ་རམས་པ་ཨོ་རྒྱན་སྐལ་བཟང་ལས་ཞུས། དམ་པ་དེ་ལས་རྫོགས་ཆེན་མཆོག་སྤྲུལ་འགྱུར་མེད་ཐེག་མཆོག་བསྟན་འཛིན་གྱིས་འབུམ་གླེགས་བམ་བཅུ་གཉིས་མ་གཏོགས་པའི་གདན་ས་ཨོ་རྒྱན་བསམ་གཏན་ཆོས་གླིང་དུ་གསན། དེས་མཁྱེན་བརྩེ་ནུས་པའི་མངའ་བདག་དོན་གྱི་ཐམས་ཅད་མཁྱེན་པ་འགྱུར་མེད་

― GTN003_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་བཟང་རྣམ་རྒྱལ་ལ་གནང་། རྗེ་དེ་ཉིད་ཀྱི་ཐུགས་སྲས་དམ་པ་རིམ་གཉིས་ཟབ་མོའི་རྣལ་འབྱོར་རྟོགས་པའི་གདེངས་ཚད་ལྡན་པ་བླ་མ་དམ་པ་ཕུག་ཁང་པདྨ་རིན་ཆེན་ལ་གནང་། དེ་ཉིད་ཀྱི་དྲུང་ནས་བདག་ཅག་གི་འཁོར་ལོའི་མགོན་པོ་མཚན་བརྗོད་པར་དཀའ་བ་ཁྱབ་བདག་རྡོ་རྗེ་འཆང་ཆེན་པོ་རྒྱལ་ཚབ་སྤྲུལ་པའི་སྐུ་པདྨ་གསང་སྔགས་བསྟན་འཛིན་ཆོས་ཀྱི་རྒྱལ་པོ་དཔལ་བཟང་པོས་ལེགས་པར་གསན། འབུམ་གླེགས་བམ་བཅུ་གཉིས་ནི་གངས་དཀར་རྡོ་རྗེ་འཛིན་ཀུན་དགའ་དར་རྒྱས། ཨོ་རྒྱན་རྣམ་གྲོལ་བཟང་པོ། དེས་སྟག་བླ་ཀུན་བཟང་བློ་གྲོས་ལེགས་བཤད་འཚོལ། དེས་རྗོགས་ཆེན་མཆོག་སྤྲུལ་ནས་གོང་ལྟར་རྩ་བའི་བླ་མ་དམ་པ་འདིར་བརྒྱུད་པ་སྟེ། དམ་པ་འདི་ཉིད་ནི་ཕྱོགས་མེད་ཀྱི་གྲུབ་བརྙེས་དུ་མས་བསྟན་འཛིན་གྱི་སྐྱེས་བུ་ཟླ་བྲལ་དུ་བསྔགས་ཤིང་། དུས་གསུམ་སངས་རྒྱས་ཨོ་རྒྱན་རིན་པོ་ཆེས་ཞལ་ཡང་ཡང་གཟིགས་ཏེ་ལུང་བསྟན། རྡོ་རྗེའི་ཆོས་སྐྱོང་རྣམས་ཀྱིས་ཀྱང་ཕྲིན་ལས་བསྒྲུབ་པ་ལ་གཡེལ་བ་མེད་པ་དང་། འཇིག་རྟེན་གྱི་དྲེགས་པ་ཅན་གྱི་ལྷ་སྲིན་རྣམས་ཀྱང་གང་བསྒོ་བའི་བཀའ་ལས་འདའ་བར་མི་ནུས་ཤིང་། གཟུགས་ཅན་གཟུགས་མེད་ཀྱི་འཚེ་བས་མི་ཕལ་ལའང་གང་གི་སྤྲིང་ཡིག་ཙམ་ཐོས་པས་སྲུང་བར་ནུས་པ་མངོན་སུམ་ཚད་མ་དང་། སྐྱེ་བའི་རོལ་གར་ཡང་། རྒྱ་གར་གྱི་སློབ་དཔོན་པྲ་བྷ་ཧ་ཏི། བོད་ཀྱི་ལོ་ཙཱ་བ་ཡང་དག་གྲུབ་བརྙེས་ནམ་མཁའི་སྙིང་པོ། བླ་ཆེན་དགོངས་པ་རབ་གསལ། ལང་ལབ་བྱང་ཆུབ་རྡོ་རྗེ། ཇོ་ནང་རྗེ་བཙུན་སྒྲོལ་བའི་མགོན་པོ།

― GTN003_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

རྟོག་པ་ཟད་མཐར་འཁྱོལ་བའི་གྲུབ་བརྙེས་པདྨ་རྒྱལ་མཚན་སོགས་དག་པའི་སྐྱེ་བ་བགྲང་ལས་འདས་པས་འགྲོ་རྣམས་བྱང་གྲོལ་ལ་བཀོད་པར་མཛད་པ་ནི་ཚད་ལས་འདས་ཏེ། ཕལ་པོ་ཆེ་ལས། ཟླ་བ་དབྱིངས་ལས་མ་གཡོས་ཀྱང་། །ཆུ་ཡི་ནང་དུ་སྣང་བ་ལྟར། །དེ་བཞིན་ཐུབ་པ་ཆོས་སྐུ་ལས། །བསྐྱོད་པ་མེད་པར་ཁམས་ཀུན་ཏུ། །སྐལ་ལྡན་རྣམས་ལ་འབད་མེད་པར། །སྤྲུལ་པ་དག་ནི་སྟོན་པར་མཛད། །ཅེས་སོ། །དེ་ཡང་དམ་པ་དེ་ཉིད་ཀྱིས་བསྐལ་མང་གོང་ནས་བྱང་ཆུབ་མངོན་དུ་མཛད་ཀྱང་རྒྱལ་བ་རྣམས་ནི། རང་ཉིད་ཞི་བདེར་མི་གནས་པར་འགྲོ་བ་སྒྲོལ་བའི་སེམས་བསྐྱེད་མི་ཉམས་གོང་འཕེལ་ཉིད་ཀྱི་ཕྱིར་དུ། བསྟན་པ་སྤྱི་དང་། ཁྱད་པར་གསང་སྔགས་རྡོ་རྗེའི་ཐེག་པ་སྤེལ་བའི་བྱེད་པོར་དབྱིངས་ཆོས་ཀྱི་སྐུ་ལས་གཡོས་པ་མེད་པར། རྣམ་རོལ་འབད་པ་དང་རྩོལ་བ་བྲལ་བས་བདག་ཅག་གདུལ་བྱ་རྣམས་ཀྱི་ཆེད་དུ་མཆོག་གི་སྤྲུལ་པའི་སྐུར་སྟོན་པའང་། རྒྱུད་བླ་མ་ལས། ཇི་ལྟར་བཻ་ཌཱུར་ས་གཞི་གཙང་མ་ལ། །ལྷ་དབང་ལུས་ཀྱི་གཟུགས་བརྙན་ཤར་བ་ལྟར། །དེ་བཞིན་འགྲོ་སེམས་ས་གཞི་གཙང་མ་ལ། །ཐུབ་པའི་དབང་པོའི་སྐུ་ཡི་གཟུགས་བརྙན་སྣང་། །ཞེས་པ་ལྟར་ཏེ། དེ་ཡང་རིགས་རུས་ཆོ་འབྲང་ནི་ཡོན་དགེ་རིག་འཛིན་མི་འགྱུར་རྡོ་རྗེ་དྲག་པོ་ནུས་ལྡན་རྩལ་གྱི་དབོན་རིགས་སུ་སྐུ་ཡི་སྐྱེ་སྲིད་བཟུང་བ་ནས་བརྩམས་འཇིག་རྟེན་ན་ལེགས་པའི་མཚན་མ་མང་དུ་བྱུང་ཞིང་། ཐམས་ཅད་མཁྱེན་གཟིགས་ཆེན་པོ་རྫོགས་ཆེན་རབ་འབྱམས་གཉིས་པ་མཚན་ནས་སྨོས་ན་རིག་པ་འཛིན་པ་འགྱུར་མེད་ཀུན་བཟང་རྣམ་རྒྱལ་བློ་གསལ་རྒྱ་

― GTN003_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོའི་སྡེ་ཆེན་པོ་ཉིད། དགུང་གྲངས་ལྔ་བཅུ་རྩ་བརྒྱད་དུ་བཞེས་པ་ས་གླང་ཧོར་ཟླ་བཅུ་གཅིག་པའི་སྲོད་ཀྱི་ཐུན་ཐ་མའི་ཚེ་ཞིང་འདིའི་གདུལ་བྱ་རྫོགས་ནས་དགོངས་པ་ཆོས་ཀྱི་དབྱིངས་སུ་བསྡུས་པའི་སྐབས་མཁྱེན་རྩེ་ནུས་གསུམ་བྱིན་རླབས་ཐམས་ཅད་བུམ་པ་གང་བྱོས་ཀྱི་ཚུལ་དུ་གང་གི་ཐུགས་རྒྱུད་དུ་འཕོས་ནས་ངེས་པ་དོན་གྱི་རྒྱལ་ཚབ་ཏུ་ཞལ་གྱིས་བཞེས་ཏེ། མངའ་གསོལ་བར་མཛད་དེ་བསྟན་འགྲོ་སྤྱི་དང་ཁྱད་པར་ཞེ་ཆེན་བསྟན་གཉིས་དར་རྒྱས་གླིང་འདིར། རིག་གྲོལ་གཉིས་ལྡན་འདུས་པའི་ཚོགས་རྣམས་ལེགས་པར་སྐྱོང་ཞིང་བཤད་སྒྲུབ་ཀྱི་ཕྲིན་ལས་སྤེལ་བ་ལ་གང་ཉིད་རྒྱལ་བ་གཉིས་པ་ལས་ལྷག་པའི་སྐུ་དྲིན་ཅན་ཏེ། སྙིགས་དུས་ཀྱི་བསྟན་འགྲོའི་བསོད་ནམས་མི་ཉམས་གང་དུ་སྤེལ་ཕྱིར་རྒྱལ་བ་རྣམས་མི་ཡི་ཟོལ་འཛིན་པའང་། འཕགས་པ་སྡུད་པ་ལས། འཛམ་བུའི་གླིང་འདིར་ཆུ་ཀླུང་ཇི་སྙེད་ཅིག་འབབ་ཅིང་། །མེ་ཏོག་འབྲས་ལྡན་སྨན་དང་ནགས་ཚལ་སྐྱེད་བྱེད་པ། །མ་དྲོས་གནས་པའི་ཀླུ་དབང་ཀླུ་བདག་བརྟེན་གནས་ཏེ། །དེ་ནི་ཀླུ་ཡི་བདག་པོ་དེ་ཡི་མཐུ་དཔལ་ཡིན། །རྒྱལ་བའི་ཉན་ཐོས་པ་དག་ཇི་སྙེད་ཆོས་སྟོན་དང་། །འཆད་དང་རིགས་པ་དག་དང་ལྡན་པར་བརྗོད་པ་དང་། །མཆོག་འཕགས་བདེ་བ་བྱེད་དང་དེ་ཡི་འབྲས་ཐོབ་པ། །དེ་དག་ཀུན་ཀྱང་དེ་བཞིན་གཤེགས་པའི་སྐྱེས་བུའི་མཐུ། །ཞེས་གསུངས་པ་ལྟར་ན། དམ་པ་འདི་ཉིད་ནི་སྙིགས་དུས་ཀྱི་ཐམས་ཅད་མཁྱེན་པ་ཆེན་པོ་མཁྱེན་བརྩེ་ནུས་པའི་མངའ་བདག་དོན་གྱི་རྡོ་རྗེ་སློབ་དཔོན་དུ་ཕྱོགས་དུས་རྒྱལ་བ་ཡོངས་ཀྱིས་མངོན་པར་བཀུར་ན། བདག་ལྟའི་སོ་སྐྱེའི་བློ་

― GTN003_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིས་གང་གི་ཡོན་ཏན་བརྗོད་ཅིང་མཐའ་གཞོལ་བའི་སྐབས་མ་ཡིན་ཏེ། འཕགས་པ་དཀོན་བརྩེགས་ལས། འོད་སྲུང་ང་དང་ང་འདྲ་བའི་གང་ཟག་གིས་གཞན་གྱི་ཚོད་བཟུང་བར་རུང་གིས་གཞན་གྱིས་ནི་མ་ཡིན་ཏེ་ལོག་པར་ལྟུང་བའི་ཕྱིར་རོ། །ཞེས་གསུངས་པ་ལྟར་རོ། །དེ་ཡང་དམ་པའི་ཆོས་ཀྱི་ལུང་འཆད་ཉན་གྱིས་གཏན་ལ་ཕབ་པས་རྒྱལ་བ་དངོས་ལས་ལྷག་པའང་། ཀྱཻ་རྡོ་རྗེ་ལས། རང་རིག་ཡེ་ཤེས་རྒྱུད་དོན་ཕྱིར། །རང་སྣང་རིག་པ་མངོན་བྱས་པས། རིག་འཛིན་མཆོག་སྟེ་ལྷུན་གྲུབ་པའོ། །ཏིང་འཛིན་ནུས་པའི་མཐུ་མེད་ཀྱང་། །ས་སྦྱོང་སེམས་དཔས་བསྐྱེད་དུ་མེད། །བདེ་གཤེགས་ཉིད་དང་སྤྱོད་ཡུལ་གཅིག །རིག་པའི་སྐྱེས་བུར་ལུང་ཐོབ་པའོ། །ཞེས་དང་། རྟོགས་ནས་སྨྲ་བར་གང་བྱེད་པ། །དེ་ཉིད་ང་ཡིན་དབང་ཡང་རྫོགས། །ཞེས་སོ། ། དེ་ལྟར་སྤངས་རྟོགས་ཡོན་ཏན་དུ་མས་ཕྱུག་པའི་མཆོག་གི་རྡོ་རྗེ་སློབ་དཔོན་འདི་ཉིད་ལ། ལུགས་གཉིས་ཀྱི་མཁྱེན་དཔྱོད་ཡངས་ཤིང་རྒྱལ་ཁམས་བདེ་བས་སྐྱོང་བ་ཏྲེ་བོ་ཧོར་གྱི་དཔོན་སོགས་སྡེ་དཔོན་ཆེ་རིགས་མང་པོས་ཞབས་པད་ལྷུར་ལེན་ཞིང་། རྙིང་བསྟན་གསལ་བའི་སྒྲོན་མེ་མཁྱེན་ནུས་བརྩེ་བའི་དབང་ཕྱུག་སྒོ་ཆེན་བླ་མ་ཨོ་རྒྱན་བསོད་ནམས་ཞེས། བསྒྲུབ་བརྒྱུད་བསྟན་པའི་གསལ་བྱེད་དཔལ་ཡུལ་ཆོས་རྗེ་ཀུན་བཟང་ཤེས་རབ་ཡབ་སྲས་ཀྱི་ཐུགས་ཀྱི་སྲས་མཆོག་སྒོ་ཆེན་བླ་མ་ཤེས་རབ་རིན་ཆེན་གྱི་རྗེ་དབོན་དམ་པར་གྱུར་པ་གང་གི་མཁྱེན་སྤྱོད་བླ་ན་མེད་པས་ཆོས་ཕྱིར་ངལ་བ་དང་ལེན་གྱིས་དགོན་འདིར་ཞབས་པད་བསྒྱུར་ཏེ་བཀའ་

― GTN003_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་རོ་ཅོག་གི་ལུང་རྒྱུན་རྫོགས་པ་གསུང་གིས་བསྐུལ་མ་གནང་བའང་། གསེར་འོད་དམ་པ་ལས། སངས་རྒྱས་བཅོམ་ལྡན་བསམ་མི་ཁྱབ། །དེ་བཞིན་གཤེགས་པ་རྟག་པའི་སྐུ། །སེམས་ཅན་རྣམས་ལ་ཕན་པའི་ཕྱིར། །བཀོད་པ་རྣམས་པ་སྣ་ཚོགས་སྟོན། །ཞེས་པ་ལྟར། བསྟན་འགྲོར་སྨན་པའི་ཐུགས་བསྐྱེད་བཟློག་ཏུ་མེད་ཅིང་། སྙིགས་དུས་ཀྱི་བསྟན་འཛིན་འགྲན་ཟླ་བྲལ་བར་གོར་མ་ཆག་སྟེ། དེ་ལྟར་གསུང་གིས་བསྐུལ་ནས་ཀྱང་ཆོས་ལ་ཕྱི་བཤོལ་མེད་པར་བརྩོན་འགྲུས་དྲག་པོའི་བརྟུལ་ཞུགས་ལྷུར་བླངས་ཏེ། ཨོ་རྒྱན་ཆེན་པོའི་དུས་ཆེན་ཁྱད་པར་གྱི་མེ་སྟག་སྣྲོན་ཟླ་ཚེས་༡༡ལ་གཟའ་སྐར་འཕྲོད་སྦྱོར་ལེགས་པར་སྒོ་ཆེན་བླ་མ་དང་མགོ་ཚ་མཆོག་སྤྲུལ་རྣམ་གཉིས། ཀཿ ཐོག་ཉིན་དགོན་སངས་རྒྱས་བཀྲ་ཤིས་ཀྱི་ཡང་སྲིད། སྒོ་མེ་དེང་ཀྱཱ་རིན་པོ་ཆེའི་མཆོག་སྤྲུལ། བརྒྱུད་འཛིན་རཏྣའི་མཚན་གྱི་ཡང་སྲིད་སོགས་སློབ་ཚོགས་རྣམས་ལ་མདོ་སྡེ་བསྐལ་པ་བཟང་པོ་ནས་དབུ་བཙུགས་པའི་ཉིན་དཀར་ཕྱོགས་རྣམས་དགྱེས་པའི་རྟགས་སུ་ཆར་དང་འབྲུག་གི་སྒྲ་ལ་སོགས་པ་རྟེན་འབྲེལ་ལེགས་པའི་མཚན་མ་གསལ་བར་བྱུང་ཞིང་། ཚེས་བཅོ་ལྔ་ནས་ཉིན་རེ་བསྟར་ཆགས་སུ་འདུས་ཚོགས་ལའང་མང་ཇ་གཉིས་རེ་བཏང་ཞིང་། ཉིན་བསྟར་པུསྟི་གཉིས་རེ་བདེར་འཇོག་ཆག་མེད་དང་། སྐབས་ཕལ་ཆེར་ལ་གླེགས་བམ་གསུམ་དང་ཕྱེད་བཞིར་ལོང་བའི་གྲངས་ཉིན་རེར་གསུངས་ཏེ་ཟླ་༦ཚེས༢༧ཚུན་ལ་ཞག་པོ་བཞི་བཅུ་ཞེ་གསུམ་གྱི་ཁོངས་སུ་ལེགས་པར་གྲུབ་པར་བགྱིས་པ་ཡིན་ནོ། །དེ་རྣམས་ལོ་རྒྱུས་ཕྱོགས་མཚོན་ཙམ་སྟེ།

― GTN003_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་དེང་དུས་སྙིགས་མ་ལྔ་བདོ་བས་འགྲོ་རྣམས་ཡང་དག་པའི་ལམ་ལས་ཁ་ཕྱིར་བལྟས་སུ་ཕྱོགས་ཤིང་། བསྟན་འཛིན་རྣམས་ཀྱང་རྨུ་རྒོད་གདུག་པས་ཡིད་དབྱུང་སྟེ་ཞི་བར་བསྐུལ་ཞིང་། ཆོས་ལ་དོན་གཉེར་ཆུང་བའི་སྐབས་འདིར་འདི་ལྟ་བུའི་འབད་རྩོལ་བྱས་ཤིང་བྱང་ཆུབ་ཏུ་སེམས་བསྐྱེད་པའི་ཕན་ཡོན་བསམ་གྱིས་མི་ཁྱབ་པའང་། ཇི་སྐད་དུ། བྱང་ཆུབ་སེམས་ཀྱི་བསོད་ནམས་གང་། །གལ་ཏེ་དེ་ལ་གཟུགས་མཆིས་ན། ནམ་མཁའི་ཁམས་ནི་ཀུན་བཀང་སྟེ། །དེ་ནི་དེ་བས་ལྷག་པར་འགྱུར། །ཞེས་དང་། འཕགས་པ་ཏིང་ངེ་འཛིན་གྱི་རྒྱལ་པོ་ལས། བསྐལ་པ་བྱེ་བ་གངྒཱའི་བྱེ་སྙེད་དུ། །དད་པའི་སེམས་ཀྱིས་ཟས་དང་སྐོམ་རྣམས་དང་། །གདུགས་དང་བ་དན་མར་མེའི་ཕྲེང་བ་ཡིས། །སངས་རྒྱས་བྱེ་བ་ཁྲག་ཁྲིག་རིམ་གྲོ་བྱས། །གང་གིས་དམ་ཆོས་རབ་ཏུ་འཇིག་པ་དང་། །བདེ་གཤེགས་བསྟན་པ་འགགས་པར་གྱུར་པའི་ཚེ། །ཉིན་མཚན་དུ་ནི་བསླབ་པ་གཅིག་སྤྱད་པ། །བསོད་ནམས་དེ་ནི་དེ་བས་བྱེ་བྲག་འཕགས། །ཞེས་དང་། ཤེས་རབ་ཁྲི་པ་ལས། རབ་འབྱོར་དེ་དེ་བཞིན་ནོ། །ཇི་ལྟར་སྨྲས་པ་དེ་བཞིན་ཏེ། རིགས་ཀྱི་བུའམ། རིགས་ཀྱི་བུ་མོ་གང་ལ་ལས། ཚེས་བརྒྱད། ཚེས་བཅུ་བཞི་དང་། ཚེས་བཅོ་ལྔ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཁ་ཏོན་དུ་བྱེད་པ་དང་། འཆད་པར་བྱེད་ན་བསོད་ནམས་ཀྱི་ཕུང་པོ་དཔག་ཏུ་མེད་གྲངས་མེད་། ཚད་མེད་བསམ་གྱིས་མི་ཁྱབ། གཞལ་དུ་མེད་པ་མང་པོ་དག་བསྐྱེད་པར་འགྱུར་ཞིང་དེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཁ་ཏོན་དུ་བྱེད་པ་དང་། འཆད་པར་བྱེད་ན། ལྷའི་འཁོར་མདུན་དུ་གནས་པར་གྱུར་ཏེ། ཞེས་སོགས་ལུང་གི་སྤྲོས་པ་མང་དུ་བྱར་ཡོད་ཀྱང་ཡི་གེའི་འཇིགས་པས་མ་སྤྲོས་སོ། །

བཀའ་དང་པོ་བདེན་བཞིའི་ཆོས་འཁོར་ལས་འདུལ་ལུང་སྡེ་བཞི།

― GTN003_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

༈ སྤྱི་དོན་གཉིས་པ་ཐོབ་ཚུལ་རྒྱས་པར་འཆད་པ་ལ། མདོ་དང་སྔགས་གཉིས་སོ། །དང་པོ་ལའང་ཆོས་འཁོར་རིམ་པ་གསུམ་ལས་ཐོག་མར་བཀའ་དང་པོ་བདེན་པ་བཞིའི་ཆོས་འཁོར་ལས་བྱུང་བ། འདུལ་བ་ལུང་སྡེ་བཞི་ཇི་ལྟར་ཐོབ་པ་ནི། ཐམས་ཅད་མཁྱེན་པ་བུ་སྟོན་གྱིས་དང་པོར་ཕའི་སོ་ཐར་དང་རྣམ་འབྱེད། དེ་ནས་མའི་སོ་ཐར་དང་རྣམ་འབྱེད། ལུང་གཞི། ཕྲན་ཚེགས་ལུང་ཞུ་བ་རྣམས་ཀྱི་འགྲིགས་རིམ་མཛད་ཅིང་། གངས་དཀར་བས། ཐོག་མར་སོ་ཐར་གཉིས། དེ་ནས་ལུང་བཞི། རྣམ་འབྱེད། ཞུ་བ། ཕྲན་ཚེགས་རྣམས་ཀྱི་གོ་རིམ་མཛད་མོད་ཀྱི། འདིར་སྔོན་གྱི་དཀར་ཆག་འཕང་ཐང་མ་སོགས་དང་མཐུན་པར་བྱུང་བའི་ཚལ་བ་བཀའ་འགྱུར་སོར་བཞག་ལྟར་གྱི་བསྒྲིགས་རིམ་སྡེ་དགེའི་སྤར་མ་ལྟར་བྱས་པར། ཐོག་མར་ལུང་གི་གཞི་སོ་ཐར་གྱི་མདོ་དང་རྣམ་འབྱེད། ཕྲན་ཚེགས་གཞུང་བླ་མའི་དམ་པ་སྡེ་བཞི་ལས། དང་པོ་ནི། ༼ཀ་པར།༽ རབ་བྱུང་གི་གཞི། གསོ་སྦྱོང་། དགག་དབྱེ། དབྱར་གནས། ཀོ་ལྤགས་ཀྱི་གཞིའི་སྟོད་རྣམས། ༼ཁ་པ་ལ།༽ བམ་པོ་ལྔ་བཅུ་རྩ་བཞི་ཡན་ལ། ཀོ་ལྤགས་ཀྱི་གཞིའི་སྨད། སྨན་གྱི་གཞིའི་སྟོད་ཆ། ༼ག་པར།༽ བམ་པོ་བརྒྱད་ཅུ་རྩ་གཉིས་ཡན་ལ་སྨན་གྱི་གཞིའི་སྨད་ཆ། གོས་ཀྱི་གཞི། སྲ་བརྐྱང་གི་གཞི། ཀཽ་ཤམྦིའི་གཞི། ལས་ཀྱི་གཞི། དམར་སེར་ཅན་གྱི་གཞི། གང་ཟག་གི་གཞི། སྤོ་བའི་གཞི། གསོ་

― GTN003_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱོང་བཞག་པའི་གཞི། གནས་མལ་གྱི་གཞི། རྩོད་པའི་གཞི། དབྱེན་གྱི་གཞིའི་སྟོད་ཆ་རྣམས་སོ།། ༼ང་པར།༽དབྱེན་གྱི་གཞིའི་མཇུག་སྟེ་བཞི་བཅུ་བདུན། བམ་པོ་བརྒྱད་དང་དགུས་རྫོགས། འདི་ཡན་བཞི་བཅུ་བདུན་ནོ། ། གཉིས་པ་སོ་ཐར་གྱི་མདོ་དང་རྣམ་འབྱེད་ལ་མ་ཕ་གཉིས་ཀྱིས། དང་པོ་ནི། ༼ཅ་པར།༽ དགེ་སློང་ཕའི་ཁྲིམས་ཉིས་བརྒྱ་དང་ལྔ་བཅུ་མདོར་བསྡུས་ནས་སྟོན་པ་སོ་ཐར་གྱི་མདོ། བམ་པོ་གཉིས་པ། དེའི་རྒྱ་ཆེར་སྟོན་པའི་རྣམ་འབྱེད་བམ་པོ་ཉེར་གཅིག་ཡན་ལ། ཕམ་པ་བཞི་དང་ལྷག་མ་བཅུ་གསུམ་གྱི་བཅུ་པ་དབྱེན་གྱི་ལྷག་མ་ཡན། ༼ཆ་པར།༽ བམ་པོ་བཞི་བཅུ་རྩ་བཞི་ཡན་ལ་ལྷག་མའི་འཕྲོ་གསུམ་དང་། མ་ངེས་པའི་ཆོས་གཉིས། སྤང་ལྟུང་སུམ་ཅུ། ལྟུང་བྱེད་འབའ་ཞིག་པ་དགུ་བཅུ་ལས་བཅུ་གཅིག་ཡན། ༼ཇ་པར།༽ བམ་པོ་རེ་གཉིས་ཡན་ལ་ལྟུང་བྱེད་འབའ་ཞིག་པ་བཅུ་གཉིས་ནས་བདུན་བཅུ་རྩ་གཉིས་པ་ཡན། ༼ཉ་པར།༽ ལྟུང་བྱེད་རྫོགས་པ། སོར་བཤགས་བཞི། བསླབ་པའི་ཆོས་མང་པོ། རྩོད་པ་ཞི་བྱེད་ཀྱི་ཆོས་བདུན་རྣམས་ཏེ། ཕའི་རྣམ་འབྱེད་ཡོངས་རྫོགས་བམ་པོ་གྱ་གསུམ་གྱིས་རྫོགས་པ། གཉིས་པ་མའི་རྣམ་འབྱེད་ལ། ༼ཏ་པར།༽ དགེ་སློང་མའི་ཁྲིམས་སུམ་བརྒྱ་དྲུག་བཅུ་རྩ་བཞི་བསྡུས་ནས་སྟོན་པ་མའི་སོ་ཐར་གྱི་མདོ་བམ་པོ་གཉིས་པ། དེ་དོན་རྒྱས་པར་སྟོན་པ་དགེ་སློང་མའི་འདུལ་བ་རྣམ་འབྱེད་བམ་པོ་ཉེར་བརྒྱད་པ་གསུམ་ཕྲན་ཚེགས་ལ། ༼ཐ་པར།༽ མ་ཚང་བ་ཁ་འདུལ་བ་ལུང་ཕྲན་ཚེགས་སྒོ་བརྒྱད་ཀར་རྫོགས་པ་བམ་པོ་ཉེར་བདུན་ཡན། ༼ད་པར།༽ དེ་འཕྲོས་བམ་པོ་ལྔ་བཅུ་རྩ་

― GTN003_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

དགུས་རྫོགས་པ། བཞི་པ་གཞུང་བླ་མའི་དམ་པ་སྡེ་བཞི་ནི། ༼ན་པར།༽ དེ་དག་གི་དཀའ་གནས་རྣམས་ཞུ་ལན་གྱི་སྒོ་ནས་གཏན་ལ་ཕབ་པ་འདུལ་བ་གཞུང་བླ་མའི་དམ་པར་གྲགས་པ་ཞུ་བ་མ་རྫོགས་པ་བམ་པོ་བཅུ་གཉིས་དང་རྫོགས་པའི་སྟོད་ཆ་བམ་པོ་ཉེར་གཉིས་ཡན། ༼པ་པར།༽ ཞུ་བ་རྫོགས་པའི་སྨད་བམ་པོ་ལྔ་བཅུ་རྩ་གསུམ་ཡན་ཏེ་འདུལ་བ་པོད་བཅུ་གསུམ་རྫོགས་ཤིང། དེ་ཡང་ཞུ་བ་མ་རྫོགས་པ་དང་རྫོགས་པའི་ཁྱད་པར་ནི། ལུང་ཞུ་བའི་འགྲེལ་པ་ལས། སྟོན་པ་འདས་ནས་གསུང་རབ་ལ་བྲམ་ཟེ་རྒྱལ་པོ་རྒྱལ་བཤེས་ཞེས་བསྟན་པ་ལ་སྡང་བ་ཞིག་བྱུང་བར་གྱུར་ནས། དེས་བསྟན་པ་ལ་གནོད་པ་མང་པོ་བྱས་པར་གྱུར་ཏེ། མཆོད་རྟེན་དག་ཀྱང་བཤིག །དགེ་འདུན་གྱི་ཀུན་དགའ་ར་བ་དག་ཀྱང་མེར་བསྲེགས། དགེ་སློང་རྣམས་ཀྱང་བསད། སངས་རྒྱས་ཀྱི་བཀའ་ཡི་གླེགས་བམ་རྣམས་ཀྱང་ཕུང་པོར་བརྩེགས་ནས་བསྲེག་གོ །དེ་ནས་རིམ་གྱིས་དགེ་སློང་རྣམས་ཀྱིས་ཡུལ་དང་གནས་སྣ་ཚོགས་དག་ནས་སྡེ་སྣོད་གསུམ་གྱི་གླེགས་བམ་ཐམས་ཅད་བསྡུས་ནས་བཅོམ་བརླག་ཏུ་ཡང་དག་པར་བསྡུ་བ་བྱས་ཏེ། གཞུང་བླ་མའི་གླེགས་བམ་ནི་མ་རྙེད་དོ། །དེ་དག་གིས་འདི་ལྟར་ཁ་ཆེའི་ཡུལ་ན་དགེ་སློང་ཞིག་གཞུང་བླ་མ་འདོན་ཏོ་ཞེས་ཐོས་ནས་དེ་དག་ཁ་ཆེའི་ཡུལ་དུ་དོང་སྟེ། དེའི་དྲུང་དུ་ཕྱིན་ནས་སྨྲས་པ། ཁོ་བོ་ཅག་གིས་ཁྱོད་གཞུང་བླ་མ་འདོན་ཏོ་ཞེས་ཐོས་པ་གང་ཡིན་པ་དེ་ཁ་ཏོན་གྱིས་ཤིག །དེས་སྨྲས་པ། ཅུང་ཟད་ཅིག་ནི་དྲན། ཅུང་ཟད་ཅིག་ནི་མི་དྲན་ནོ། །དེ་ནས་དེ་དག་གིས་ཇི་ལྟ་བུ་ཞིག་དྲན་པ་དེ་ཁོ་ན་བཞིན་དུ་སྨྲོས་

― GTN003_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིག་ཅེས་སྨྲས་པ་དང་། དེས་དེ་ཁོ་ན་བཞིན་དུ་ཁ་ཏོན་བྱས་སོ། །དགེ་སློང་རྣམས་ཀྱིས་ཀྱང་རེ་ཞིག་གཞུང་བསྡུ་བར་བྱས་ཏེ། ཕྱིས་ཚིག་དང་ཚིག་གི་དོན་རྣམ་པར་དཔྱད་པའི་སྒོ་ནས་སྦྱར་བར་བྱའོ། །སྙམ་དུ་བསམས་ནས་བྲིས་པ་ལས། ཕྱིས་འཕྲལ་གྱི་བྱ་བས་རྣམ་པར་གཡེངས་ནས་དུས་རིང་མོ་ཞིག་གི་བར་དུ་ཇི་ལྟ་བ་བཞིན་དུ་སྦྱར་རོ། །དགེ་སློང་གཞན་དག་ཀྱང་ཡུལ་གཞན་དག་ན་གཞན་དུ་འདོན་པར་འགྱུར་རོ། །དེ་ཉིད་ཀྱི་ཕྱིར་ཡང་དག་པར་བསྡུས་པའི་གཞི་པོ་ཉམས་པས་གཞུང་བླ་མ་འདི་ལ་འདོན་པའང་རྣམས་སུ་མ་དོན་ཀྱང་རྣམ་པ་དུ་མ་སྟེ། དེའི་ཕྱིར་བཙུན་པ་ཡོན་ཏན་འོད་ཀྱི་འདུལ་བའི་བཤད་པ་ལས་ཡང་དང་ཡང་དུ་ཞུས་པ་ལས་འདི་སྐད་དུ་བྱུང་ངོ་ཞེས་བཤད་དོ། །དེ་བས་ན་འཕགས་པ་ཉེ་བ་འཁོར་གྱིས་ཞུས་པ་ཁ་ཆེ་བ་ཞེས་བྱ་སྟེ། ཞེས་འབྱུང་བས་ཞུ་བས་རྫོགས་པ་དང་བཅས་པའི་གཞུང་བླ་མ་ནི་ཡང་དག་པར་བསྡུས་པའི་གཞི་པོ་ཉམས་པས་མ་དག་ཅིང་། ཞུ་བ་མ་རྫོགས་པ་ནི་ཡུལ་དབུས་ཀྱི་དགེ་སློང་འགའ་ཞིག་གི་བློ་ལ་སྣང་བའམ། མེས་མ་ཚིག་པར་ཕྱིས་ཐལ་བའི་གསེབ་ནས་རྙེད་པར་གྲགས་པས་དང་པོའི་གཞུང་མ་ཉམས་པ་ཉིད་ཡིན་པས་ཤིན་ཏུ་དག་གོ ། འདི་སྐབས་འདུལ་ལུང་སྡེ་བཞི་སོ་ཐར་གྱི་མདོ་གཉིས་དང་བཅས་པ་ཁྱོན་བསྡོམས་ཤོ་ལོ་ཀ་ཆིག་འབུམ་བཞི་སྟོང་བརྒྱད་བརྒྱ། རྣམ་འབྱེད་ཡན་ཆད་ལ་ཤོ་ལོ་ཀ་ཕྱེད་དང་བཞི་བརྒྱ་ལ་བམ་པོ་དང་། དེ་ཕྱིན་བཞི་བརྒྱ་ལ་བམ་པོར་བྱས་པའི་བམ་པོ་སུམ་བརྒྱ་དང་བཞི་བཅུ་རྩ་བཞི་དང་བམ་པོའི་སུམ་ཆ་གཅིག་བཅས་

― GTN003_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་པར་མནོས་པའི་བརྒྱུད་པ་ནི། སཾམྱགྶཾ་བུདྡྷ།༼ཤཱཀྱ་མུ་ནེ།༽ཡང་དག་པར་རྫོགས་པའི་སངས་རྒྱས་༼ཤཱཀྱ་ཐུབ་པ།༽ མ་ཧཱ་ཀ་ཤེཿ འོད་སྲུང་ཆེན་པོ། ཨཱ་ནནྟཿ ཀུན་དགའ་བོ། ཤ་ན་བསྟྲཾ་བཱཾ། ཤ་ནིའི་གོས་ཅན། ཨུ་པ་གུཔྟ། ཉེར་སྦས། བྷ་ཝཱ་ནནྟཿ སྲིད་དགའ། མེ་ཙ་ཀཿ ནག་པོ་པ། པཱུརྞཿ གང་པོ་སྟེ་བདུན་དགྲ་བཅོམ་པ་བདུན། ཨཱ་ཙརྱ་ཨ་ཤྭ་གྷོ་ཥཿ སློབ་དཔོན་རྟ་དབྱངས། ཀུན་མ་ར་ལ་ལཱི་ཏདཿ གཞོན་ནུ་རོལ་པ། ཤྲཱི་མ་ཏི། བློ་གྲོས་དཔལ། ཧ་རི་བྷ་དྲཿ འཕྲོག་བྱེད་བཟང་པོ། ཤུ་ར་བཿ དཔའ་བོ། བ་སུ་མི་ཏྲཿ ནོར་ཤེས། དབྱིག་གཉེན་ཞེས་དོན་བསྒྱུར་ཀྱང་རུང་། བ་སུ་ལིཿ དབྱིག་ལེན་ཏེ་རྒྱ་གར་དབུས་ཀྱི་པི་ཏ་བདུན་ནོ། །སཾ་གྷ་བྷ་དྲཿ དགེ་འདུན་བཟང་པོ། ཨཱི་ཤྭ་རཿ དབང་ཕྱུག །སྐནྡྷ་ལིཿ ཕུང་པོ་ལེན། སཾ་གྷ་བ་སུཿ དགེ་འདུན་ནོར། པཱུརྞ་མི་ཏྲཿ གང་བའི་བཤེས་གཉེན། དྷརྨྨ་དརྟཿ ཆོས་སྦྱིན། བུདྡྷ་དེ་ཝཿ སངས་རྒྱས་ལྷ། དྷ་ར་དརྟ་འཛིན་སྦྱིན་ཏེ་ཁ་ཆེའི་པཎྜི་ཏ་བརྒྱད་དོ། །པུཎྱ་སེ་ནཿ བསོད་ནམས་སྡེ། སཾ་གྷ་སེ་ནཿ དགེ་འདུན་སྡེ། པུཎྱ་ནནྟཿ བསོད་ནམས་དགའ་བ། ཛྙཱ་ན་ཙནྟྲཿ ཡེ་ཤེས་ཟླ་བ། ཛྙཱ་ན་སོ་མཿ ཡེ་ཤེས་ཟླ་བ། ཨ་ཤོ་རཀྵི་ཏཿ མྱ་ངན་མེད་འཚོ། སརྦ་རཀྵི་ཏཿ ཐམས་ཅད་བསྲུངས། དྷརྨ་ཀོ་ཥཿ ཆོས་ཀྱི་མཛོད། དྷརྨ་རཀྵི་ཏཿ ཆོས་འཚོ། ཀལྱཱ་ཎ་རཀྵི་ཏཿ དགེ་བ་འཚོ། པྲཛྙཱ་རཀྵི་ཏཿ ཤེས་རབ་འཚོ། ཤྲཱི་མརྒྒོ་པ་དེ་ཤཿ ལམ་ཉེ་བར་སྟོན་པའི་དཔལ། མོ་ཀྵ་རཀྵི་ཏཿ ཐར་པ་འཚོ། ཀ་ལྱཱ་ཎ་རཀྵི་ཏཿ དགེ་ལེགས་འཚོ། བི་ཛི་ན་པྲ་བྷ་ཝཿ རྣམ་པར་རྒྱལ་བའི་འོད། ཨ་མྲྀ་ཏ་ཝརྨཱ། འཆི་མེད་གོ་ཆ། པྲ་བྷཱ་ཀ་ར་སེ་ནཿ འོད་ཀྱི་འབྱུང་གནས་སྡེ། ཨ་དི་རྒྱ་སེ་ནཿ ཉི་མའི་སྡེ། མརྒྒོ་པ་དེ་ཤཿ ལམ་ཉེ་བར་སྟོན་པ། སཾ་གྷ་སེ་ནཿ དགེ་འདུན་སྡེ་སྟེ་ཡུ་གུར་གྱི་སློབ་དཔོན་ཉི་ཤུའོ། །ཤི་ལ་དཱ་པཿ ཚུལ་ཁྲིམས་འབངས། ཡ་ཤཱ་དཱ་པཿ སྙན་གྲགས་འབངས། བུདྡྷ་དཱ་པཿ སངས་རྒྱས་འབངས། ཤིཀྵ་བྷ་དྲཿ བསླབ་པ་བཟང་པོ། གུ་ཎ་སོ་མཿ ཡོན་ཏན་ཟླ་བ། ཨ་ཤོ་ཀ་མི་ཏྲཿ མྱ་ངན་མེད་པའི་བཤེས་གཉེན། ཤཱུཀླ་མི་ཏྲཿ དཀར་པོའི་བཤེས་གཉེན། ཤཱཀྱ་མི་ཏྲཿ

― GTN003_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

ཤཱཀྱ་བཤེས་གཉེན་སྟེ་ཁུ་ཧེན་གྱི་སློབ་དཔོན་བརྒྱད་དོ། ། དེ་ནས་ཀ་ཡོལ་གྱི་སློབ་དཔོན་ཤཱི་ལ་མི་ཏྲཿ བོད་ཀྱི་བཤེས་གཉེན་དབུས་བློ་གསལ་སངས་རྒྱས་འབུམ། འགྲོ་མགོན་འཕགས་པ་རིན་ཆེན། བླ་མ་རིན་པོ་ཆེ་འོད་ཟེར། མཁན་ཆེན་བཟོད་པ་དཔལ། དགའ་གཟུངས་པ་རྗེ་བསོད་ནམས་ཚུལ་ཁྲིམས། གྲ་འོར་མཁན་པོ་ཤེས་རབ་རྡོ་རྗེ། མཁན་པོ་བློ་གསལ་བ། དམར་དཔལ་ལྡན་རྡོ་རྗེ། དམར་རྒྱ་མཚོ་རིན་པོ་ཆེ། རྗེ་བསོད་ནམས་རིན་ཆེན། འགྲོ་བཟང་སྙིང་པོ། དཔལ་ལྡན་རྒྱལ་མཚན། འབུམ་རམས་པ་རིན་ཆེན་ཆོས་བཟང་། རབ་འབྱམས་པ་ཚུལ་ཁྲིམས་དབང་ཕྱུག །དཔའ་བོ་ཆོས་རྒྱལ་དོན་གྲུབ། སྤྱན་སྔ་དཀོན་མཆོག་འབངས། རྒྱལ་ཚབ་གྲགས་པ་དོན་གྲུབ། བླ་མ་ཚོགས་གཉིས་དཔལ་གྲུབ། ཀུ་སཱ་ལི་པ་གྲུབ་པ་རྡོ་རྗེ། སྡོམ་བརྩོན་ལོ་ཙ་བ་དྷརྨཱ་ཤྲཱི། པདྨ་འགྱུར་མེད་རྒྱ་མཚོ། རྒྱལ་སྲས་ཡིད་བཞིན་ལེགས་གྲུབ། འགྱུར་མེད་སྐལ་བཟང་འཕེལ་རྒྱས་བཟང་པོ། རྫོགས་ཆེན་མཆོག་སྤྲུལ་རིན་པོ་ཆེ་འགྱུར་མེད་ཐེག་མཆོག་བསྟན་འཛིན། ལུང་རིགས་སྨྲ་བའི་ཉི་མ་རབ་འབྱམས་གཉིས་པ་འགྱུར་མེད་ཀུན་བཟང་རྣམ་རྒྱལ། རིམ་གཉིས་གྲུབ་པའི་དགེ་བའི་བཤེས་གཉེན་བླ་མ་དམ་པ་པདྨ་རིན་ཆེན། དེས་བཀའ་དྲིན་མཚུངས་མེད་སྐྱབས་མགོན་རྡོ་རྗེ་འཆང་པདྨ་གསང་སྔགས་བསྟན་འཛིན་ཆོས་རྒྱལ་དཔལ་བཟང་པོ་ལ། དེས་བདག་ལ་བཀའ་དྲིན་དུ་སྩལ་བའོ། ། གཞན་ཡང་བརྒྱུད་ཚུལ་མང་དུ་ཡོད་ཀྱང་སྨིན་གླིང་གཏེར་ཆེན་ཡབ་སྲས། ཀུན་གཟིགས་ལྔ་པ་ཆེན་པོའི་གསན་ཡིག་སོགས་སུ་གསལ་བ་ལྟར་ལ། གཞུང་བླ་

― GTN003_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

མ་དང་སོ་ཐར་གཉིས་ཀྱི་བརྒྱུད་པ་ལུགས་གཅིག་ནི། འདུལ་འཛིན་བསོད་ནམས་བཟང་པོ། བླ་མ་དཀོན་མཆོག་སེངྒེ། བསོད་ནམས་ཡེ་ཤེས། དེ་ལ་བཀའ་བཞི་པ་གྲགས་པ་གཞོན་ནུ་དང་། བྱང་སེམས་གཉིས་ཀས་གསན། གཉིས་ཀ་ལ་མཁན་པོ་བསོད་ནམས་བཟང་པོ། སློབ་དཔོན་དཔལ་ལྡན་བཟང་པོ། མཁན་པོ་ནམ་མཁའ་རྒྱལ་མཚན། བསོད་ནམས་རིན་ཆེན། རྗེ་ནམ་མཁའ་རྒྱ་མཚོ། དྭགས་རམས་པ་ཆོས་རྒྱལ་བསྟན་པ། དཔལ་བོ་ཆོས་རྒྱལ་དོན་འགྲུབ་མན་འདྲ། འདུལ་བའི་ཐོག་མ་རབ་བྱུང་གི་གཞི་ནས་བཟུང་། དབྱེན་གྱི་གཞིའི་སྟོད་ཆ་ཡན་གླེགས་བམ་གསུམ་གྱི་བརྒྱུད་པ་ནི། དབུས་པ་༼འདི་པོ་ཏི་གསུམ་པོའི་བརྒྱུད་པ་ཡིན།༽ སངས་རྒྱས་འབུམ་ཡན་ལ་གོང་ལྟར་ལས། དེ་ནས་དགའ་ལྡན་པ་བཀྲ་ཤིས་དཔལ། སློབ་དཔོན་ཚུལ་ཁྲིམས་བཤེས་གཉེན། སྐྱོར་ལུང་མཁན་པོ་ཐམས་ཅད་མཁྱེན་པ། ཐང་ཆེན་འདུལ་འཛིན་དཔལ། མཁན་པོ་རིན་ཆེན་བཟང་པོ། ཐུ་སྟོན་བཀྲ་ཤིས་བཟང་པོ། ཆོས་སྒོ་ཤཱི་ལ་བྷ་དྲ། གུ་རུ་སིདྡྷིའི་མཚན་ཅན། ཚལ་གྲགས་དོན་པ། རྗེ་ཤཱཀྱ་རྒྱལ་མཚན། ཐུ་སྟོན་རྡོ་རྗེ་གདན་པ། ཆག་ལོ་རིན་ཆེན་ཆོས་རྒྱལ། ཚོགས་མཁན་ཆེན་ཆོས་གྲུབ་སེངྒེ། ཆོས་རྗེ་རྣམ་པར་རྒྱལ་བ། ཚོགས་མཁན་ཆེན་རིན་ཆེན་ཀུན་ལྡན། དགེ་སློང་རྡོ་རྗེ་གྲགས་པ། བླ་མ་དགེ་འདུན་ལེགས་གྲུབ། ཁུ་སྟོན་ངག་དབང་རྣམ་རྒྱལ། རྗེ་བཀའ་འགྱུར་བ་ཆེན་པོ། གཉིས་ཀར་རབ་འབྱམས་ཆོས་རྗེས་གསན། དེ་ནས་དོན་གྲུབ་ཆོས་གླིང་པ་ཀུན་དགའ་བསྟན་པ་དར་རྒྱས། འདུལ་བ་འཛིན་པ་ཀུན་དགའ་དར་རྒྱས། སྡོམ་བརྩོན་ཡིད་བཞིན་ལེགས་གྲུབ། འདུལ་འཛིན་འགྱུར་
མེད་སྐལ་བཟང་། མཆོག་སྤྲུལ་ཐེག་མཆོག་བསྟན་འཛིན། མཆོག་སྤྲུལ་འགྱུར་མེད་ཀུན་བཟང་རྣམ་རྒྱལ། པདྨ་རིན་ཆེན། ལྷར་བཅས་སྐྱེ་དགུའི་འདྲེན་པ་པདྨ་གསང་སྔགས་བསྟན་འཛིན་ཆོས་རྒྱལ། དེས་བདག་ལའོ། །

འཁོར་ལོ་བར་པའི་ཆོས་འཁོར་ལས་བྱུང་བ་ཤེས་རབ་ཀྱི་ཕ་རོལ་ཏུ་ཕྱིན་པ།

― GTN003_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

༈ བཀའ་བར་པ་མཚན་ཉིད་མེད་པའི་ཆོས་འཁོར་ལས་བྱུང་བ་ཤེས་རབ་ཀྱི་ཕ་རོལ་ཏུ་ཕྱིན་པ་ལྟར་ཐོབ་པའི་ཚུལ་ལ། རྒྱས་པ་འབུམ་ནི་འགྱུར་རྙིང་གཞི་བཞག་སྟེ། ཕྱིས་རྔོག་ལོ་ཆེན་པོས་བལ་པོ་ཕམ་མཐིང་གི་གཙུག་ལག་ཁང་གི་འབུམ་ལ་གཏུགས་ནས། ཤེས་རབ་སྒྲོལ་མ། སྣང་བ་གསལ་བ། ཟླ་བའི་སྒྲོན་མེ་སྟེ་ཏིང་ངེ་འཛིན་གསུམ་གྱི་མིང་གསར་དུ་བཅུག་པ་སོགས་དག་ཐེར་མཛད་པ་ནས། ཏིང་ངེ་འཛིན་བརྒྱ་ཉེར་གཅིག །སྒོ་གསུམ་རྣམ་གྲངས་བཅུ་གཅིག །ཞུས་ལན་བརྒྱ་དང་ཉི་ཤུ། འགྲེས་རིང་བརྒྱ་དང་ལྔ་བཅུ། ཕྱོགས་སྐོར་བདུན་ཅུ་རྩ་བཞི། མཚོན་བྱེད་ཀྱི་ཆོས་བདུན་ཅུ། འགྲེས་རྩ་བདུན་བརྒྱ་དང་བཅུ་གཅིག །འགྲེས་ཐུང་བསྣན་པའི་འགྲེས་རྩ་ཁྲི་དང་བཞི་བརྒྱ་ཉེར་དགུ་ཞེས་དཔྱོད་ལྡན་རྣམས་ལ་ཡོངས་སུ་གྲགས་པ། ཤོ་ལོ་ཀ་སྟོང་ཕྲག་བརྒྱ་སྟེ་འབུམ་ཕྲག་གཅིག་ཡོད་པས་མཚན་ཡང་དེ་ལྟར་སྨོས་པ་སྟེ། ཀླུ་སྒྲུབ་ཀྱིས་ཀླུ་ཡུལ་ནས་སྤྱན་དྲངས་པའི་ཚེ། བྱམས་ཞུས། ཆོས་འཕགས། རྟག་ངུ་། ཡོངས་གཏད་དེ་ལེའུ་བཞི་ཀླུས་མ་བསྐུར་བས་མ་ཚང་བ། ཕྱིས་ཉི་ཁྲི་དང་བརྒྱད་སྟོང་ནས་ཁ་བསྐང་བའི་ལུགས་ཀྱང་ཡོད་དེ། འདིར་ཁ་མ་བསྐངས་པའི་ལུགས་ཀྱི་བམ་པོ་སུམ་བརྒྱ་དང་གཅིག །ལེའུ་དོན་

― GTN003_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཏེ། ཡུམ་རྒྱས་པ་སྟོང་ཕྲག་བརྒྱ་པ་འདི་ལ་པུསྟི་ཀ་བཅུ་གཉིས་སམ་བཅུ་དྲུག་ཏུ་བྱས་པ་མང་ཞིང་སྔོན་གྱི་ཡིག་རྙིང་རྣམས་སུ་བཞི་པ་དང་དྲུག་པར་གྲགས་ཤིང་། ཕྱིས་སུ་པུསྟི་ཉི་ཤུ་དང་། བཅུ་བཞི་བྱས་པ་དག་སྣང་མོད། ཇི་ལྟ་ཡང་གཞུང་ཚད་སྔར་སྨོས་ལྟར་ལེགས་པར་ནོད་པའི་བརྒྱུད་པ་ནི། མཉམ་མེད་ཤཱཀྱའི་རྒྱལ་པོ། རྗེ་བཙུན་བྱམས་པ། ཐོགས་མེད། དབྱིག་གཉེན། པཎ་ཆེན་བློ་གྲོས་བརྟན་པ། རིག་པའི་ཁུ་བྱུག །འགྲེལ་མཛད་མཆེ་བའི་སྡེ། ཁ་ཆེ་བཟང་པོའི་ཞབས། མར་མེ་མཛད་བཟང་པོ། ཁ་ཆེ་གམ་གཱ་དྷ་ར། པཎ་ཆེན་ཀ་ན་ཀ་ཤྲཱི། པཎ་ཆེན་པུཎྱཻ་ཤྲཱི། ཁ་ཆེན་དགོན་པ་བ་སྤྱན་གཅིག་པ། ཁ་ཆེ་དྷརྨཱ་ཤྲཱི། བ་རེག་ལོ་ཙཱ་བ་བསོད་ནམས་རྒྱལ་མཚན། དེ་སྲས་བ་རིག་སྟོན་སྐྱབས། དགེ་བསྙེན་དགའ་བ་རཱ་ཛ། བླ་མ་བཀྲ་ཤིས་རྡོ་རྗེ། བླ་མ་འོད་ཟེར་ཤེས་རབ། སྟག་སྟོན་སྤྱིལ་བུ་བ། བླ་མ་དར་མ་འོད་ཟེར། ཞང་ཆོས་ཀྱི་བླ་མ། སློབ་དཔོན་ཇོ་བཙུན། སློབ་དཔོན་བསམ་གཏན་གྲུབ། འདུལ་འཛིན་སེའུ་པ་བློ་གྲོས་བཟང་པོ། འཇམ་དབྱངས་རིན་ཆེན། འདུལ་འཛིན་སྟན་གཅིག་པ་བློ་གྲོས་བྱང་ཆུབ། སློབ་དཔོན་ཤཱི་ལ་བྷ་དྲ། སློབ་དཔོན་བསོད་ནམས་སེངྒེ། ཚལ་རིན་པོ་ཆེ་གྲགས་དོན་པ། བླ་མ་རིན་ཆེན་གྲགས་པ། བཀའ་འགྱུར་བ་ཤཱཀྱ་རྒྱལ་མཚན། ཁུ་སྟོན་ཀུན་དགའ་རྣམ་རྒྱལ། སྲས་ཀུན་དགའ་རྒྱ་མཚོ། འབུམ་རམས་པ་རིན་ཆེན་ཆོས་དབང་། རབ་འབྱམས་ཆོས་རྗེ་ཚུལ་ཁྲིམས་དབང་ཕྱུག །མང་ཐོས་ཆོས་རྒྱལ་དོན་གྲུབ། སྤྱན་སྔ་དཀོན་མཆོག་འབངས། རྒྱལ་ཚབ་གྲགས་པ་དོན་གྲུབ། བླ་མ་ཚོགས་གཉིས་དཔལ་གྲུབ།

― GTN003_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

དྷཱི་ཚ་སྤྲུལ་སྐུ་འཇིག་རྟེན་དབང་ཕྱུག །ཁྲ་ཚང་པ་བློ་མཆོག་རྡོ་རྗེ། མགོན་པོ་བསོད་ནམས་མཆོག་ལྡན། ཆོས་རྗེ་རིན་ཆེན་རྒྱ་མཚོ། ཀུན་དགའ་བསྟན་པ་དར་རྒྱས། རྡོར་འཛིན་ཀུན་དགའ་དར་རྒྱས། གོ་འཇོ་ཁོ་ཆེན་བླ་མ། ཨོ་རྒྱན་རྣམ་གྲོལ་བཟང་པོ། མཁས་བཙུན་སྟག་བླ་ཀུན་བཟང་བློ་གྲོས་ལེགས་བཤད་འཚོལ། འགྱུར་མེད་ཐེག་མཆོག་བསྟན་འཛིན། རྗེ་འགྱུར་མེད་ཀུན་བཟང་རྣམ་རྒྱལ། བརྒྱུད་འཛིན་རཏྣའི་མཚན་ཅན། པདྨ་གསང་སྔགས་བསྟན་འཛིན་ཆོས་རྒྱལ། དེས་བདག་ལའོ། །ཡུམ་འབྲིང་རྒྱས་པ་སྟོང་ཕྲག་ཉི་ཤུ་ལྔ་པ་པུསྟི་བཞི་བམ་པོ་བརྒྱད་ཅུ་རྩ་གསུམ། ཤོ་ལོ་ཀ་བརྒྱ། ལེའུ་དོན་དྲུག་ཐོབ་པའི་བརྒྱུད་པ་ནི། སློ་དཔོན་དབྱིག་གཉེན་ཡན་གོང་ལྟར་ལ། དེ་ནས་འཕགས་པ་གྲོལ་སྡེ། མཆོག་གི་སྡེ། དུལ་བའི་སྡེ། མཁན་པོ་རྣམ་སྣང་མཛད། སློབ་དཔོན་སེངྒེ་བཟང་པོ། སངས་རྒྱས་ཡེ་ཤེས་ཞབས། གུ་ཎ་མི་ཏྲ། རཏྣ་སརྱ་ཐ། སློབ་དཔོན་ཤནྟི་པ། པཎ་ཆེན་འབུམ་ཕྲག་གསུམ་པ། རྔོག་ལོ་བློ་ལྡན་ཤེས་རབ། འཁྲི་ཤེས་རབ་འབར། ཨར་བྱང་ཆུབ་ཡེ་ཤེས། ཁུ་ཤེས་རབ་བརྩོན་འགྲུས། དཀར་ཆུང་རི་ལོ་བ། ཞང་ཡེ་བ་ཆེན་པོ། གཉལ་ཞིག་འཇམ་དཔལ་རྡོ་རྗེ། རྒྱ་ཤེས་རབ་དབང་ཕྱུག །ཆུ་མིག་པ་སེངྒེ་དཔལ། བཤེས་གཉེན་ལྷོ་བྲག་པ། རྒྱུ་ཟླ་བ་རྡོ་རྗེ་རིན་པོ་ཆེ། མཐར་རྩའི་སློབ་དཔོན། ཆོས་སྒོ་བ་ཚུལ་ཁྲིམས་བཟང་པོ། རྗེ་བསོད་ནམས་སེངྒེ། ཚལ་གྲགས་དོན་པ། བཀའ་འགྱུར་བ་ཤཱཀྱ་རྒྱལ་མཚན། ཉེ་གནས་རིན་ཆེན་ཟླ་བ། ཀུན་མཁྱེན་རྡོ་རྗེ་གདན་པ། སྲས་ཀུན་དགའ་རྒྱལ་པོ། འབུམ་རམས་པ་རིན་ཆེན་ཆོས་དབང་། རབ་འབྱམས་པ་ཆོས་རྗེ་ཚུལ་ཁྲིམས་

― GTN003_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཕྱུག །མང་ཐོས་ཆོས་རྒྱལ་དོན་གྲུབ། སྤྱན་སྔ་དཀོན་མཆོག་འབངས། རྒྱལ་ཚབ་གྲགས་པ་དོན་གྲུབ། བླ་མ་ཚོགས་གཉིས་དཔལ་གྲུབ། དྷཱི་ཚ་སྤྲུལ་སྐུ་འཇིག་རྟེན་དབང་ཕྱུག །ཁྲ་ཚང་བློ་མཆོག་རྡོ་རྗེ། མགོན་པོ་བསོད་ནམས་མཆོག་ལྡན། ཆོས་རྗེ་རིན་ཆེན་རྒྱ་མཚོ། ཀུན་དགའ་བསྟན་པ་དར་རྒྱས། ཀུན་དགའ་དར་རྒྱས། འབུམ་རམས་པ་ཨོ་རྒྱན་སྐལ་བཟང་། འགྱུར་མེད་སྐལ་བཟང་འཕེལ་རྒྱས། ཐེག་མཆོག་བསྟན་འཛིན། འགྱུར་མེད་ཀུན་བཟང་རྣམ་རྒྱལ། པདྨ་རིན་ཆེན། བསྟན་འཛིན་ཆོས་རྒྱལ། དེས་སོ། ། ཡུམ་འབྲིང་གི་འབྲིང་པོ་ཁྲི་བརྒྱད་སྟོང་པ་བམ་པོ་དྲུག་ཅུ། ལེའུ་བརྒྱད་ཅུ་རྩ་བཞི། འབྲིང་གི་བསྡུས་པ་ཤེས་རབ་ཁྲི་པ། བམ་པོ་སོ་བཞི། ལེའུ་སོ་གསུམ། ཡུམ་བསྡུས་པ་བརྒྱད་སྟོང་བམ་པོ་ཉེར་བཞི། ལེའུ་སོ་གཉིས་བཅས་ཁྱོན་བསྡོམས་པུསྟི་ཀ་ལྔ་སྟེ། ཐོག་མར་ཁྲི་བརྒྱད་སྟོང་གི་ལུང་རྒྱུན་ནི། ཤནྟི་པ་ཡན་ཉི་ཁྲི་ལྟར་ལ། དེ་ནས་སུ་མ་ཀིརྟི། རོང་ཟོམ་ཆོས་ཀྱི་བཟང་པོ། མངའ་རིས་པ་ཚུལ་དབང་ཤེས་རབ། ལ་སྟོད་པ་དབང་ཕྱུག་རིན་ཆེན། བླ་མ་བཀྲ་ཤིས་རྡོ་རྗེ། སྤང་ཁྲོད་འདུལ་འཛིན་ཆེན་པོ། འཛད་ར་སྔ་བ་ཤེས་རབ་མཚོ། བླ་མ་དར་མ་འོད། བླ་མ་བློ་གྲོས་རྒྱལ་མཚན། མཁས་པ་བྱང་ཆུབ་འབུམ། མཚོ་ཉར་བ་ཁམས་པ་བྱང་རྒྱལ། ཡར་ཀླུངས་པ་བསོད་ནམས་ཤེས་རབ། མཐར་རྩེའི་བླ་མ་གཞོན་ནུ་དོན་གྲུབ། རྗེ་ཤཱཀྱ་རྒྱལ་མཚན་མན་ཆད་ཡུམ་འབྲིང་པོ་དང་འདྲ། ཤེས་རབ་ཁྲི་པའི་ལུང་སློབ་དཔོན་སེང་བཟང་ཡན་ཉི་ཁྲི་ལྟར་ལ། དེ་ནས་ཀུ་སཱ་

― GTN003_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

ལི་ཆེ་ཆུང་། གསེར་གླིང་པ་ཆོས་གྲགས། ཇོ་བོ་ཨ་ཏི་ཤ །འབྲོམ་སྟོན་པ། ནམ་མཁའ་གོ་ཆ། ཆག་བྱང་ཆུབ་རྒྱལ་མཚན། ལ་སྟོད་པ་དཀོན་མཆོག་འབར། བླ་མ་བཀྲ་ཤིས་རྡོ་རྗེ། སྤོང་འདུལ་འཛིན། རྟ་ནག་པ་སྒོམ་ཤེས། བླ་མ་འོད་ཟེར་ཡན་ཁྲི་བརྒྱད་སྟོང་དང་འདྲ། བརྒྱད་སྟོང་ནི། འདི་ལ་ཕྲེང་ཅན། བཟོ་སྦྱང་། སྡེ་ཅན་གསུམ་དུ་ཡོད་པ་ལས། འགའ་ཞིག་ཕྲེང་ཅན་ལས་གཞན་གཉིས་ལ་ལུང་མེད་ཟེར་ཡང་མ་ཡིན་ཏེ་ཕྲེང་ཅན་གྱི་སྟེང་ནས་ལུང་བྱས་ཕྱིན་གཉིས་པོ་ཐོབ་པར་འགྲོ་ཞིང་ལུང་མཛད་དུས་ཀུན་ཏུ་ཕྲེང་བ་ཅན་བཟོ་སྦྱང་སྡེ་ཅན་ཞེས་ཕྲལ་ཕྲལ་བསྒྱུར་ཏེ་མཛད་པ་བླ་མ་གོང་མའི་ཕྱག་ལེན་ལ་སྣང་ངོ་། །བརྒྱུད་པ་ནི། སློ་དཔོན་སེངྒེ་བཟང་པོ་ཡན་ཉི་ཁྲི་ལྟར་ལས་དེ་ནས་ཡོན་ཏན་བཤེས་གཉེན། རིན་པོ་ཆེའི་རི་བོ། པཎ་ཆེན་ཟླ་བ་བཟང་པོ། པཎ་ཆེན་འབུམ་ཕྲག་གསུམ་པ་ནས་རྗེ་ཤཱཀྱ་རྒྱལ་མཚན་གྱི་བར་ཉི་ཁྲི་ལྟར་དང་། དེ་ནས་རྡོ་རྗེ་གདན་པ། བྱང་ཆུབ་དབང་རྒྱལ། མཁྱེན་བརྩེའི་དབོན་ཚེ་དབང་། ཀུན་མཁྱེན་ཀུན་བཟང་། རྩེ་བ་དབང་ཕྱུག་རྒྱལ་མཚན། དཔལ་འབྱོར་གླིང་པ་ངག་དབང་རྣམ་རྒྱལ། མགོན་པོ་བསོད་ནམས་མཆོག་ལྡན། སྡོམ་བརྩོན་ཀརྨ་འབྱོན་ལྡན། ཨོ་རྒྱན་རྣམ་གྲོལ་བཟང་པོ། བླ་མ་ཀུན་བཟང་བློ་གྲོས། ཐེག་མཆོག་བསྟན་འཛིན་མན་འདྲ། ཤེར་ཕྱིན་སྣ་ཚོགས་པུསྟི་གཅིག་ལ་ལུང་རྒྱུན་སྔ་མ་རྣམས་སུ་ཡོད་པ་དང་། ཕྱིས་འབྱུང་སྡེ་དགེའི་སྤར་མར། དུས་ཕྱིས་འགྱུར་བ་རྣམས་ཕྱོགས་གཅིག་སྔར་

― GTN003_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་གླེགས་བམ་འདིའི་གཤམ་དུ་བཀོད་འདུག་ཅིང་། ཐེག་པ་ཆེ་ཆུང་གང་ཡིན་དང་། སྔར་འགྱུར་དང་ཟློས་པ་ཡོད་མེད་སོགས་ཀྱང་མ་བརྟགས་པར་བཞག་པ་བཅས། སྡེ་དགེའི་སྤར་མ་སོར་བཞག་གིས་དཀར་ཆག་དང་བསྒྲགས་པར། ཤེར་ཕྱིན་བསྡུས་དོན་ཚིགས་སུ་བཅད་པ་བམ་པོ་ཕྱེད་གཉིས་རབ་རྩལ་རྣམ་གནོན་གྱིས་ཞུས་པ་བམ་པོ་བདུན། ཤོ་ལོ་ཀ་དྲུག་ཅུ། ཤེར་ཕྱིན་ལྔ་བརྒྱ་པ། ཤེར་ཕྱིན་སུམ་བརྒྱ་པ་སྟེ་རྡོ་རྗེ་གཅོད་པ་བམ་པོ་གཅིག །ཤེར་ཕྱིན་ཚུལ་བརྒྱ་ལྔ་བཅུ་པ། ཤེར་ཕྱིན་ལྔ་བཅུ་པ། ཤེར་ཕྱིན་ཀཽའུ་ཤི་ཀ །ཤེར་ཕྱིན་སྒོ་ཉི་ཤུ་རྩ་ལྔ་པ། ཤེས་རབ་སྙིང་པོ་ཤོ་ལོ་ཀ་ཉེར་ལྔ་པ། ཡི་གེ་ཉུང་ངུ་། ཡི་གེ་གཅིག་མ། ཤེར་ཕྱིན་བདུན་བརྒྱ་པ། མཚན་བརྒྱ་རྩ་བརྒྱད་པ། ཉི་མའི་སྙིང་པོ། ཟླ་བའི་སྙིང་པོ། ཀུན་ཏུ་བཟང་པོ། ལག་ན་རྡོ་རྗེ། རྡོ་རྗེ་རྒྱལ་མཚན་རྣམས་ཏེ། དེ་དག་གིས་ཤེར་ཕྱིན་གྱི་སྐོར་དེང་སང་ཇི་ཙམ་བཞུགས་པ་ཡོངས་སུ་རྫོགས་པའོ། ། ཤེར་ཕྱིན་དུ་མ་གཏོགས་པའི་གསར་འགྱུར་གྱི་མདོ་ཁ་ཤས་ལས་ཆོས་འཁོར་བསྐོར་བའི་མདོ། སྐྱེས་པ་རབས་ཀྱི་གླིང་གཞིའི་མདོ། ལྕང་ལོ་ཅན་གྱི་ཕོ་བྲང་གི་མདོ། བྱམས་པའི་མདོ། འདུས་པ་ཆེན་པོའི་མདོ། བྱམས་པ་སྒོམ་པའི་མདོ། བསླབ་པ་ལྔའི་ཕན་ཡོན་གྱི་མདོ། རིའི་ཀུན་དགའ་བོའི་མདོ། ཀླུ་རྒྱལ་དགའ་བོ་དང་ཉེར་དགའ་བཏུལ་བའི་མདོ། འོད་སྲུང་ཆེན་པོའི་མདོ། ཉི་མའི་མདོ། ཟླ་བའི་མདོ། བཀྲ་ཤིས་ཆེན་པོའི་མདོ་རྣམས་སོ། །ཤེར་ཕྱིན་སྐོར་གྱི་བརྒྱུད་པ་ནི། ཁ་ཆེ་ཛྙཱ་ན་ཤྲཱི། སུ་མ་ཏི་ཀིརྟི། སྨྲྀ་ཏི་ཛྙཱ་ན་ཀིརྟི། རོང་ཟོམ་ལོ་ཙཱ་བ། ཉང་ཏིང་འཛིན་

― GTN003_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་པོ། ལྷོ་བ་ཐམས་ཅད་མཁྱེན་པ། བླ་མ་གྲགས་པ་སེངྒེ། སྤྱིས་བུ་བ་འོད་ཟེར་ཤེས་རབ། བླ་མ་དར་མ་འོད་ཟེར། བླ་ཞིག་བྱང་ཆུབ་རྡོ་རྗེ། བདེ་ཆེན་ཡེ་ཤེས་མགོན་པོ། ཡེ་ཤེས་རྒྱལ་མཚན། གར་ཐིག་པ་བསོད་ནམས་རྒྱལ་མཚན། མཁན་ཆེན་ཤེས་རྡོར་བ། ཆོས་སྒོ་བ་ཆོས་དཔལ་ཤེས་རབ། སློབ་དཔོན་བསོད་ནམས་སེངྒེ་མན་འབུམ་དང་འདྲ། ཤེར་སྙིང་དགོངས་རྒྱུད་ནི། ཐུབ་དབང་། ཀུན་དགའ་བོ། ཀྲྀཥྞའི་གོས་ཅན། ཤ་ནའི་གོས། ཉི་མ་གུང་པ། ཐམས་ཅད་མཁྱེན་པའི་བཤེས་གཉེན། ཀླུ་སྒྲུབ་ཡབ་སྲས། འཇམ་དཔལ་གྲགས་པ། ཤཱནྟི་པ། རྡོ་རྗེ་གདན་པ་གསུམ། ཁ་ཆེ་པཎ་ཆེན། དཔྱལ་ཆོས་བཟང་། དཔྱལ་པདྨ་ཅན། གཞོན་ནུ་ཡེ་ཤེས། རོང་པ་ཤེར་སེང་། བག་སྟོན། མགོན་པོ་འབུམ། སྤྲུག་སྟོན། ཤེས་རྡོ་བ། ཆོས་སྒོ་བ། བསོད་ནམས་སེངྒེ། མཚལ་གྲགས་དོན་པ། རིན་ཆེན་གྲགས། ཤཱཀྱ་རྒྱལ་མཚན། རྡོ་རྗེ་གདན་པ། ཆེན་པོ་བློ་གྲོས་རྒྱལ་མཚན། འབུམ་རམས་པ་མན་གོང་ལྟར་ལས། བླ་མ་ཚོགས་གཉིས་པ་དང་དྷཱི་ཚ་གཉིས་ཀར་སྨན་ལུང་པས་གསན་པའོ། །གཞན་ཡང་བརྒྱུད་ཚུལ་རྣམས་ལྔ་པའི་གསན་ཡིག་ལྟར་ལ། ཤེར་ཕྱིན་མཚན་བརྒྱ་རྩ་བརྒྱད་པ། ཤེར་ཕྱིན་ཀཽའུ་ཤི་ཀ་འདི་གཉིས་ཀྱི་བརྒྱུད་པ་ནི་ཤེར་ཕྱིན་སྣ་ཚོགས་དང་འདྲ་ཞིང་། ཡང་ན་། སངས་རྒྱས། འཇམ་དཔལ། ཛེ་ཏཱ་རི། རྡོ་རྗེ་གདན་པ་ཆེ་འབྲིང་གཉིས། བ་རི་ལོ་ཙཱ། གོང་མ་ལྔ་པ། བློ་ཆེན་པ་མན་འདྲ། ཉི་མའི་སྙིང་པོ། ཟླ་བའི་སྙིང་པོ། ཀུན་ཏུ་བཟང་པོ། ཕྱག་ན་རྡོ་རྗེ། རྡོ་རྗེ་རྒྱལ་
མཚན་ཏེ་མདོ་ལྔའི་བརྒྱུད་པ་ལུགས་གཅིག་ནི། སངས་རྒྱས། འཇམ་དཔལ་ནས། བློ་མཆོག་རྡོ་རྗེ་བར་ལ་ཤེར་ཕྱིན་སྙིང་བརྒྱུད་པ་གསུམ་པ་སོ་སོར་གནས་སོ། ། ཆོས་འཁོར་བསྐོར་བ་ནས་བཀྲ་ཤིས་ཆེན་པོའི་མདོའི་བར་མདོ་གསར་བཅུ་གསུམ་པོའི་བརྒྱུད་པ་ནི། དེ་བཞིན་གཤེགས་པ། འཇམ་དཔལ། སངས་རྒྱས་ཡེ་ཤེས། མར་མེ་མཛད་བཟང་པོ། སྨན་པའི་ཞབས། རྒྱལ་བའི་བྱིན། རཏྣ་ཤྲཱི། ཤནྟི་བཛྲ། ཀརྨ་བཛྲ། པུཎྱཻ་ཤྲཱི། ཛ་ཡ་ཤྲཱི། བི་ཛ་ཡ་རཀྵི་ཏ། ཐར་ལོ་ཉི་མ་རྒྱལ་མཚན། ཕག་ཁུར་བ་དཀོན་མཆོག་བླ་མ། བག་སྟོན་པ། མགོན་པོ་འབུམ། སྤྲུ་སྟོན་པ། མཁན་ཆེན་ཤེར་རྡོར་བ། ཆོས་སྒོ་བ། སློབ་དཔོན་བསོད་སེང་། ཚལ་པ་རིན་ཆེན་གྲགས་དོན། དགྲ་བཅོམ་རིན་ཆེན་གྲགས་པ། རྗེ་ཤཱཀྱ་རྒྱལ་མཚན། ཆ་ཤས་ཆད་པ་ཚོགས་གཉིས་དཔལ་གྲུབ། བློ་མཆོག་རྡོ་རྗེ། བསོད་ནམས་མཆོག་ལྡན། ཆོས་རྗེ་རིན་ཆེན་རྒྱ་མཚོ། ཀུན་དགའ་བསྟན་པ་དར་རྒྱས། འབུམ་རམས་པ་ཨོ་རྒྱན་སྐལ་བཟང་། འགྱུར་མེད་སྐལ་བཟང། ཐེག་མཆོག་བསྟན་འཛིན། ཀུན་བཟང་རྣམ་རྒྱལ། པདྨ་རིན་ཆེན། རྡོ་རྗེ་འཆང་བསྟན་འཛིན་ཆོས་རྒྱལ། དེས་བདག་ལའོ། །

འཁོར་ལོ་ཐ་མའི་ཆོས་འཁོར་ལས་བྱུང་བའི་མདོ་སྡེ།

― GTN003_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ནི་འཁོར་ལོ་ཐ་མ་ལེགས་པར་རྣམ་པར་ཕྱེ་བའི་ཆོས་འཁོར་ལས་བྱུང་བའི་མདོ་སྡེ་ནི། ཡོངས་སུ་མྱ་ངན་ལས་འདས་པ་སོགས་སྙིང་པོའི་མདོ་ཕྱོགས་བཅུ་གསུམ་ཕྱོགས་མཐུན་དང་བཅས་པ་ངེས་དོན་གྱི་མདོ་སྡེ་དག་ནི་མདོ་མང་གི་ཁྲོད་དུ་བཞུགས་ཤིང་། ཕལ་ཆེན་དང་དཀོན་བརྩེགས་གཉིས་བརྗོད་བྱའི་དོན་གཙོ་བོར་

― GTN003_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་ཏེ་བཀོད་པ་ལས། དེ་ཡང་ཤིན་ཏུ་རྒྱས་པ་ཆེན་པོའི་མདོ་སྡེ་སངས་རྒྱས་ཕལ་པོ་ཆེ་ནི། བརྡ་རྙིང་དུ་སངས་རྒྱས་རྨ་ག་ཆད་དུ་གྲགས་ཤིང་། ཡང་ན་སྙན་གྱི་གོང་རྒྱན་དུའང་བསྒྱུར་པ་ཡོད་དེ། དེ་ལྟ་བུའི་མཚན་དེའང་བྱེ་བྲག་གི་མིང་སྤྱི་ལ་བཏགས་པས་གསལ་ཏེ། མདོ་སྡེའི་ལེའུ་ཉི་ཤུ་རྩ་དགུའི་བར་དུ་དཀར་ཆག་ལྡན་དཀར་མ་སོགས་སུ་བཤད་པ་གང་ཞིག །དེས་ལྷག་མ་རྣམས་ལའང་མཚན་དེ་ལྟར་དུ་གྲགས་པའི་ཕྱིར་རོ། །དེས་ན་མཚན་དེ་ལྟ་བུ་དང་ལྡན་པའི་མདོ་སྡེ་འདི་ལ། སྤྱིར་ཤོ་ལོ་ཀ་འབུམ་དང་ལེའུ་བརྒྱ་ཡོད་པ་ལས། སྔོན་ན་ལེནྡྲ་པར་བི་ཧ་ར་ལ་མེའི་དགྲ་བྱུང་བའི་རྐྱེན་གྱིས། མ་ཚང་བའི་འཕྲོ་ཇི་ཙམ་བཞུགས་པ་བསྒྱུར་པ་རྣམས་སྡེ་དགེའི་སྤར་མ་ལྟར་ཐོབ་པ་ལ། སངས་རྒྱས་ཕལ་པོ་ཆེའི་ལེའུ་ཉེར་དགུ། ཤོ་ལོ་ཀ་བཞི་སྟོང་ཉིས་བརྒྱ། བམ་པོ་ཉི་ཤུ་རྩ་དགུ། རྡོ་རྗེ་རྒྱལ་མཚན་གྱི་བསྔོ་བ། ས་བཅུ་བསྟན་པ། ཀུན་བཟང་གིས་བསྟན་པ། ཏིང་ངེ་འཛིན་བཅུ་པའི་ལེའུ། མངོན་ཤེས་བསྟན་པའི་ལེའུ། བཟོད་པའི་ལེའུ། གྲངས་ལ་འཇུག་པའི་ལེའུ། ཚེའི་ཚད་ཀྱི་ལེའུ། བྱང་ཆུབ་སེམས་དཔའི་གནས་བསྟན་པའི་ལེའུ། ཆོས་བསམ་གྱིས་མི་ཁྱབ་པར་བསྟན་པའི་ལེའུ། དེ་བཞིན་གཤེགས་པའི་ལེའུ། རྒྱ་མཚོ་བསྟན་པའི་ལེའུ། དཔེ་བྱད་བཟང་པོ་བསྟན་པའི་ལེའུ། ཀུན་ཏུ་བཟང་པོའི་སྤྱོད་པ་བསྟན་པའི་ལེའུ་རྣམས་ལ་བམ་པོ་བརྒྱད་དེ། ཀུན་ཏུ་བཟང་པོས་བསྟན་པའི་ལེའུ་ནས་འདི་བར་ཁྱོན་བསྡོམས་ཤོ་ལོ་ཀ་སྟོང་བརྒྱད་བརྒྱ། བམ་པོ་བཅུ་དྲུག་ཡོད་དེ་ཀུན་ཏུ་

― GTN003_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་པོའི་སྤྱོད་པ་བསྟན་པའི་ལེའུ་གྲགས་སོ། །དེ་བཞིན་གཤེགས་པའི་སྐྱེ་བ་དང་འབྱུང་བ་བསྟན་པའི་ལེའུ། འཇིག་རྟེན་ལས་འདས་པའི་ལེའུ། སྡོང་པོས་བརྒྱན་པའི་ལེའུ། དེའི་གཤམ་དུ་ནོར་བཟང་གིས་ཀུན་ཏུ་བཟང་པོ་བསྟེན་ནས་བཟང་སྤྱོད་སྨོན་ལམ་གསུངས་པའི་མཐར། སྡོང་རྒྱན་ལས་ནོར་བཟང་གིས་དགེ་བའི་བཤེས་གཉེན་བསྟེན་པའི་སྤྱོད་པ་ཕྱོགས་གཅིག་པ་གསུངས་པ་བཅས་པར་ལེའུ་ཞེ་ལྔ་པ་ཡན་ལ་བམ་པོ་བརྒྱ་དང་བཅོ་ལྔ། དེ་ཕྱིན་བམ་པོ་གཅིག་བཅས་བརྒྱ་དང་བཅུ་དྲུག་ཕལ་ཆེན་པུསྟི་ཀ་བཞི་ལེགས་པར་མནོས་པའི་བརྒྱུད་པ་ནི། རྫོགས་པའི་སངས་རྒྱས། འཕགས་པ་འཇམ་དཔལ། ཀླུ་སྒྲུབ། ཨཱརྱ་དེ་བ། འཇམ་དཔལ་གྲགས་པ། དྷརྨ་རཀྵི་ཏ། སོ་སོ་རི་པ། རྡོ་རྗེ་གདན་པ་གསུམ། བ་རི་ལོ་ཙ་བ། མཆིམས་བཙོན་འགྲུས་སེངྒེ། རྗེ་བཙུན་ས་སྐྱ་པ། སུམ་པ་ལོ་ཙ་བ། ལྷོ་པ་ཁྱུང་སྟོན་པ། གཙང་པ་སྟོན་གྲགས། གཡོར་པོ་སྤྲུག་སྟོན། ཉང་བསོད་དབང་། ཇོ་སྟོན་ཟས་གཙང་། སློབ་དཔོན་གྲགས་སེང་། ཞང་ཀུན་འབུམ། དཀོན་མཆོག་བླ་མ། བག་སྟོན། མགོན་པོ་འབུམ། སྤྲུ་སྟོན། ཤེས་རྡོ་བ། ཆོས་སྒོ་བ་ཆོས་དཔལ་ཤེས་རབ། མཁོན་གྲགས་རྡོར། ཚལ་གྲགས་དོན། རིན་ཆེན་གྲགས། བླ་མ་ཤཱཀྱ་རྒྱལ་མཚན། ཁུ་སྟོན་འཇིགས་མེད་དཔའ་བོ། བློ་གྲོས་རྒྱལ་མཚན། འབུམ་རིན་ཆེན་ཆོས་དབང་། ཚུལ་ཁྲིམས་དབང་ཕྱུག །ཆོས་རྒྱལ་དོན་གྲུབ། དཀོན་མཆོག་འབངས། གྲགས་པ་དོན་འགྲུབ། ཚོགས་གཉིས་དཔལ་གྲུབ། དྷཱི་ཚ་སྤྲུལ་སྐུ། ཁྲ་ཚང་པ་བློ་མཆོག་རྡོ་རྗེ། འདིས་པུསྟི་ལྔ་ཚོགས་གཉིས་པ་དང་
གཅིག་དྷཱི་ཚ་ལས་གསན། བསོད་ནམས་མཆོག་ལྡན། རིན་ཆེན་རྒྱ་མཚོ། ཀུན་དགའ་བསྟན་པ་དར་རྒྱས། རྡོ་རྗེ་འཛིན་པ་ཀུན་དར་བ། འབུམ་རམས་པ་ཨོ་རྒྱན་སྐལ་བཟང་། འགྱུར་མེད་སྐལ་བཟང་འཕེལ་རྒྱས། ཐེག་མཆོག་བསྟན་འཛིན། ཀུན་བཟང་རྣམ་རྒྱལ། པདྨ་རིན་ཆེན། ཁྱབ་བདག་པདྨ་གསང་སྔགས་བསྟན་འཛིན་ཆོས་རྒྱལ། དེས་བདག་ལ་བཀའ་དྲིན་དུ་སྩལ་བའོ། །

ཡང་རྒྱ་ནག་ནས་འགྱུར་བའི་ལུགས་ཀྱི་བརྒྱུད་པ།

― GTN003_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་རྒྱ་ནག་ནས་འགྱུར་བའི་ལུགས་ཀྱི་བརྒྱུད་པ་ནི། སངས་རྒྱས། འཇམ་དཔལ། ཀླུ་སྒྲུབ། དེ་ལ་པཎྜི་ཏ་བྱང་ཆུབ་བཟང་པོ། པཎྜི་ཏ་དགའ་བ་གཉིས་ཀྱིས་ཞུས། དེ་གཉིས་ཀས་རྒྱ་ནག་ཏུ་འགྱུར་མཛད། དེ་ནས་ཧྭ་ཤང་ཐུ་ཐུ་ཞུན། གྱིམ་བཙུན་ཇ། ཏེན་ཞི་དུ་གོ་བཞི། གྱི་ཧུང་། ཧའི་ཧྲིའི་ཐའི། གྱི་ཇུ། སློབ་དཔོན་ཆེན་གྱིན། སིང་ག་སང་། གྱི་ཇུང་། དབུས་པ་སངས་རྒྱས་འབུམ། ལོ་མཆོག་པ། བསོད་ནམས་སེངྒེ། གར་ཐིག་བསོད་ནམས། མཁན་ཆེན་ཤེས་རྡོར་པ་ནས་གོང་འདྲ། བཟང་སྤྱོད་ཀྱི་སྒོས་བརྒྱུད་ནི། ཐུབ་དབང་། འཇམ་དཔལ། ཀླུ་སྒྲུབ། ཀླུ་བྱང་ཆུབ། ཌོམྦི་བ། འཇམ་དཔལ་གྲགས་པ། རིན་འབྱུང་ཞི་བ། རྡོ་རྗེ་གདན་པ་གསུམ། ཟླ་བ་དཔལ་བཟང་། བི་མཱ་ཤྲཱི། བྷཻ་ན་དུ་ཤྲཱི། ཤཱཀྱ་ཤྲཱི། གནུབས་མོ་བྱམས་རྒྱལ། ལྷོ་པ་ཀུན་མཁྱེན། སྤང་ཁང་པ་གྲགས་པ་རྒྱལ་མཚན། ཤངས་པ་གྲགས་སེང་། ཞལ་སྔ་པ་བསོད་རིན། མཁན་ཆེན་གངས་པ། ཤེས་རབ་དཔལ། དགེ་སློང་ཀུན་ཉི། བག་སྟོན། མགོན་པོ་འབུམ། སྤྲུ་སྟོན། མཁན་པོ་ཤེས་རྡོར་བ། ཆོས་སྒོ་པ། བསོད་ནམས་སེངྒེ། ཚལ་གྲགས་དོན་ནས་འདྲ།

― GTN003_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

༈ འཕགས་པ་དཀོན་མཆོག་བརྩེགས་པ་ཐེག་པ་ཆེན་པོའི་ཆོས་ཀྱི་རྣམ་གྲངས་ནི། དེ་ལ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རྣམས་ལས་བརྩམས་ནས་ཐེག་པ་ཆེན་པོའི་རྣམ་པ་བཅུ་དྲུག་གི་ཆོས་བསྟན་ཏེ། དེ་རྣམས་འོད་སྲུང་ཀྱིས་ཞུས་པ་འཕགས་པ་སྡོམ་པ་གསུམ་བསྟན་པར་ཚིག་དོན་མདོར་བསྡུས་ནས། དེའི་རྒྱས་བཤད་སྒོ་མཐའ་ཡས་པ་སོགས་ལེའུ་ལྷག་མ་རྣམས་ཀྱིས་བསྟན་པས། རྩ་འགྲེལ་ལྟ་བུར་འགྱུར་བར་མཁས་པ་ཕལ་ཆེར་བཞེད་ཅིང་། རྣམ་པ་དེ་དག་ཐམས་ཅད་ཀྱང་ལོག་པར་བསྒྲུབ་པའི་རྣམ་པར་བསྡུས་པ་བཞི་ཕྲག་བརྒྱད། ཡང་དག་པར་སྒྲུབ་པའི་རྣམ་པར་བསྡུས་པ་བཞི་ཕྲག་བརྒྱད། ཡང་དག་པར་སྒྲུབ་པའི་ལེགས་པའི་རྣམ་པར་བསྡུས་པ་བཞི་ཕྲག་བཞི་སྟེ་བཞི་ཕྲག་ཉི་ཤུས་ཀུན་ནས་ཉོན་མོངས་པ་དང་རྣམ་པར་བྱང་བ་ཐམས་ཅད་ལེགས་པར་བསྡུས་པ་ཡིན་ལ། དེ་ལྟ་བུའི་བརྗོད་བྱ་རྨད་དུ་བྱུང་བ་དཀོན་མཆོག་བརྩེགས་པའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་བཞུགས་པ་ལས། གོང་དུ་བཤད་པ་ལྟར་འཕགས་ཡུལ་དུ་མེ་དགྲས་མ་ཚང་བ་ལས་བོད་འདིར་ཇི་ཙམ་རྙེད་པ་བསྡུས་པའི་ལེའུ་བཞི་བཅུ་རྩ་དགུ་ས་དབང་སྡེ་དགེའི་སྤར་མ་ལྟར་ཐོབ་པ་ལ། ༼ཀ་པར།༽ དུམ་བུ་དང་པོ་སྡོམ་པ་གསུམ་བསྟན་པའི་ལེའུ་བམ་པོ་ཕྱེད་བཞི། གཉིས་པ་སྒོ་མཐའ་ཡས་པ་རྣམ་པར་སྦྱོར་བ་བམ་པོ་བཞི། གསུམ་པར་གསང་བ་བསམ་གྱིས་མི་ཁྱབ་པ་བསྟན་པའི་ལེའུ་བམ་པོ་བཅུ་གཅིག །བཞི་པར་རྨི་ལམ་བསྟན་པའི་བམ་པོ་གསུམ། ལྔ་པར་འོད་དཔག་མེད་པའི་ཞིང་བཀོད་བམ་པོ་གསུམ།

― GTN003_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

༼ཁ་པར།༽ དྲུག་པ་མི་འཁྲུགས་པའི་ཞིང་བཀོད་བསྟན་པ་བམ་པོ་ལྔ། བདུན་པ་གོ་ཆའི་བཀོད་པ་བསྟན་པ་བམ་པོ་དྲུག །བརྒྱད་པ་ཆོས་དབྱིངས་རང་བཞིན་མེད་པར་བསྟན་པ་བམ་པོ་གཉིས། དགུ་པ་ཆོས་བཅུ་བསྟན་པ་བམ་པོ་གཉིས། བཅུ་པ་འཕགས་པ་ཀུན་ནས་སྒོའམ་ལེའུ་བམ་པོ་གཅིག །བཅུ་གཅིག་པ་འོད་ཟེར་ཀུན་ནས་བཀྱེ་བར་བསྟན་པ་བམ་པོ་ལྔ། བཅུ་གཉིས་པ་བྱང་ཆུབ་སེམས་དཔའི་སྡེ་སྣོད་བསྟན་པ་བམ་པོ་ཉི་ཤུ། ༼ག་པར།༽ དེ་སྨད་ཆ་དང་། བཅུ་གསུམ་པ་དགའ་བོ་མངལ་དུ་འཇུག་པ་བམ་པོ་སོ་གཅིག །བཅུ་གཉིས་པ་དགའ་བོ་མངལ་ན་གནས་པ་བསྟན་པ་བམ་པོ་གཉིས། བཅོ་ལྔ་པ་འཇམ་དཔལ་གྱི་ཡོན་ཏན་བཀོད་པ་བསྟན་པའི་མདོ་བམ་པོ་བཞི། ༼ང་པར།༽ བཅུ་དྲུག་པ་ཡབ་སྲས་མཇལ་བ་དེ་ཁོ་ན་ཉིད་ངེས་པར་བསྟན་པའི་མདོ་བམ་པོ་བཅོ་ལྔ། བཅུ་བདུན་པ་གང་པོས་ཞུས་པ་བམ་པོ་དྲུག་ལེའུ་བརྒྱད། བཅོ་བརྒྱད་པ་ཡུལ་འཁོར་སྐྱོང་གིས་ཞུས་པ་བམ་པོ་གསུམ། བཅུ་དགུ་པ་ཁྱིམ་བདག་དྲག་ཤུལ་ཅན་གྱིས་ཞུས་པ་བམ་པོ་གསུམ། ༼ཅ་པར།༽ ཉི་ཤུ་པ་ཀློག་ཐོབ་ཀྱིས་ཞུས་པ་བམ་པོ་གཉིས། ཉེར་གཅིག་པ་སྒྱུ་མ་མཁན་ལུང་བསྟན་པ་བམ་པོ་གཅིག །ཉེར་གཉིས་པ་ཆོ་འཕྲུལ་ཆེན་པོའི་བསྟན་པ་བམ་པོ་གསུམ། ཉེར་གསུམ་པ་བྱམས་པ་སེངྒེའི་སྒྲ་སྒྲོགས་པ་བམ་པོ་བཞི། ཉེར་བཞི་པ་འདུལ་བ་གཏན་ལ་ཕབ་པ་ཉེ་བར་འཁོར་གྱིས་ཞུས་པ་བམ་པོ་གཉིས། ཉེར་ལྔ་པ་ལྷག་བསམ་བསྐུལ་བ་བམ་པོ་གཉིས། ཉེར་དྲུག་པ་ལག་བཟང་གིས་

― GTN003_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུས་པའི་བམ་པོ་གཉིས། ཉེར་བདུན་པ་དེས་པས་ཞུས་པ་བམ་པོ་གཅིག །ཉེར་བརྒྱད་པ་ཁྱིམ་བདག་དཔལ་བྱིན་གྱིས་ཞུས་པ་བམ་པོ་གཅིག །ཉེར་དགུ་པ་བདྶའི་རྒྱལ་པོ་འཆར་བྱེད་ཀྱིས་ཞུས་པ་ཤོ་ལོ་ཀ་ཉིས་བརྒྱ །སུམ་ཅུ་པ་བུ་མོ་བློ་གྲོས་བཟང་པོས་ཞུས་པ་བམ་པོ་ཕྱེད། སོ་གཅིག་པ་གངྒཱ་མཆོག་གིས་ཞུས་པ་ཤོ་ལོ་ཀ་བརྒྱད་ཅུ། སོ་གཉིས་པ་མྱ་ངན་མེད་བྱིན་ལུང་བསྟན་པ་བམ་པོ་གཅིག །སོ་གསུམ་པ་དྲི་མ་མེད་ཀྱིས་ཞུས་པ་བམ་པོ་གཉིས། སོ་བཞི་པ་ཡོན་ཏན་རིན་ཆེན་མེ་ཏོག་ཀུན་ཏུ་རྒྱས་ལས་ཞུས་པ་ཤོ་ལོ་ཀ་བཞི་བཅུ། སོ་ལྔ་པ་སངས་རྒྱས་ཀྱི་ཡུལ་བསམ་གྱིས་མི་ཁྱབ་པ་བསྟན་པ་བམ་པོ་གཉིས། སོ་དྲུག་པ་བློ་གྲོས་རབ་གནས་ཀྱིས་ཞུས་པ་བམ་པོ་བཞིའི་སྟོད། ༼ཆ་པར།༽ གོང་གི་འཕྲོ་དང་སོ་བདུན་པ་སེངྒེས་ཞུས་པ། སོ་བརྒྱད་པ་གསང་ཆེན་ཐབས་ལ་མཁས་པ་ཡེ་ཤེས་དམ་པས་ཞུས་པ་བམ་པོ་བཞི། སོ་དགུ་པ་ཚོང་དཔོན་བཟང་སྐྱོང་གིས་ཞུས་པ་བམ་པོ་གཉིས། བཞི་བཅུ་པ་བུ་མོ་རྣམ་དག་དད་པས་ཞུས་པ་བམ་པོ་གཅིག །ཞེ་གཅིག་པ་བྱམས་པས་ཞུས་པ་བམ་པོ་གཅིག །ཞེ་གཉིས་པ་བྱམས་ཞུས་ཆོས་བརྒྱད་པ་བམ་པོ་གཅིག །ཞེ་གསུམ་པ་འོད་སྲུང་ཀྱིས་ཞུས་པ་བམ་པོ་གསུམ། ཞེ་བཞི་པ་རིན་པོ་ཆེའི་ཕུང་པོ་ལུང་བསྟན་པ་བམ་པོ་གཉིས། ཞེ་ལྔ་པ་བློ་གྲོས་མི་ཟད་པས་ཞུས་པ་ལུང་བསྟན་པ་བམ་པོ་གཅིག །ཞེ་དྲུག་པ་ཤེར་ཕྱིན་བདུན་བརྒྱ་པ་བམ་པོ་གཉིས། ཞེ་བདུན་པ་འཕགས་པ་གཙུག་ན་རིན་པོ་ཆེས་ཞུས་པ་བམ་པོ་གསུམ། ཞེ་བརྒྱད་པ་དཔལ་འཕྲེང་སེངྒེའི་ང་རོ་བམ་

― GTN003_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་གཉིས། ཞེ་དགུ་པ་དྲང་སྲོང་རྒྱས་པས་ཞུས་པ་བམ་པོ་གཉིས། དེ་ལྟར་ན་མདོ་སྡེ་དཀོན་མཆོག་བརྩེགས་པ་དུམ་བུ་བཞི་བཅུ་ཞེ་དགུ་པུསྟི་ཀ་དྲུག་ལེགས་པར་མནོས་པའི་བརྒྱུད་པ་ནི། རྫོགས་པའི་སངས་རྒྱས་ཤཱཀྱ་ཐུབ་པ། འཇམ་དཔལ། ཀླུ་སྒྲུབ་ཡབ་སྲས། འཇམ་དཔལ་གྲགས་པ། རིན་འབྱུང་ཞི་བ། སེའུ་རི་པ། དོན་ཡོན་རྡོ་རྗེ། བ་རི་རིན་ཆེན་གྲགས། མཆིམས་བརྩོན་འགྲུས་སེངྒེ། བླ་མ་ས་ཆེན། ལྷོ་པ་ཁྱུང་སྟོན་གྲགས། སྤྲུ་སྟོན་བསོད་དབང་། ཀོ་ནག་པ། གྲགས་སེང་། ཤངས་ཚུལ་ཁྲིམས། ཡོན་ཏན་དཔལ། སྙེ་མོ་ཀུན་དགའ་དོན་གྲུབ། རྗེ་རང་བྱུང་རྡོ་རྗེ། སློབ་དཔོན་རྒྱལ་བ་དཔལ། སློབ་དཔོན་བརྩོན་སེང་། བློ་གྲོས་སེངྒེ། འཇམ་དཔལ་ཆོས་རྡོར། ཚལ་རིན་ཆེན་གྲགས་དོན་པ། ཤཱཀྱ་རྒྱལ་མཚན་མན་ཕལ་ཆེན་ལྟར་རོ། །གཞན་ཡང་བརྒྱུད་ཚུལ་མང་དུ་ཡོད་ཅིང་། ཕུང་པོ་གསུམ་པའི་དགོངས་བརྒྱུད་ནི། ཐུབ་དབང་། ཀུན་དགའ་བོ། ཀྲྀཥྞའི་གོས་ཅན། ཤ་ནའི་གོས་ཅན། ཉི་མ་གུང་པ། ཐམས་ཅད་མཁྱེན་པའི་བཤེས་གཉེན། ནཱ་གརྫུ་ན། འཕགས་པ་ལྷ། ཤྲཱི་མཉྫུ་ཀིརྟི། ཤནྟི་པ། རྡོ་རྗེ་གདན་པ་གསུམ། ཁ་ཆེ་པཎ་ཆེན། ལྷོ་པ་ཀུན་མཁྱེན། ཀོ་ནག་པ། ཟས་གཙང་བ། གྲགས་སེང་བ། བསོད་རིན་པ། མཁན་པོ་གཞོན་ནུ་ཡེ་ཤེས། འབྱུང་ལྡན་འོད། བྱང་ཆུབ་སེངྒེ། ཞང་ཀུན་འོད། བག་སྟོན། མགོན་པོ་འབུམ། སྤྲུ་སྟོན། མཁན་ཆེན་ཤེས་རྡོར་བ། ཆོས་སྒོ་བ་བསོད་ནམས་སེངྒེ། ཚལ་གྲགས་དོན་པ། རྗེ་ཤཱཀྱ་རྒྱལ་མཚན་མན་ཆད་ཕལ་ཆེན་ལྟར་ལ། བརྒྱུད་ཚུལ་གཞན་ཡང་ཀུན་གཟིགས་ལྔ་པའི་གསན་ཡིག་ཏུ་གསལ་བ་ལྟར་རོ། །

ཚལ་པ་བཀའ་འགྱུར་གྱི་སྒྲིགས་རིམ་དངོས་ལྟར་འགོད་པ།

― GTN003_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ནི་ཐེག་པ་སྣ་ཚོགས་ཕྱོགས་གཅིག་ཏུ་བསྒྲིགས་པ་མདོ་མང་གི་སྐོར་ལ། ཚལ་པ་བཀའ་འགྱུར་གྱི་སྒྲིགས་རིམ་དངོས་ལྟར་འགོད་པ་ལ། ཐེག་ཆེན་དང་། ཐེག་དམན་གཉིས་ལས། སྔ་མ་ལ་འཁོར་ལོ་ཐ་མ་ཤས་ཆེ་ཞིང་། བར་པ་ཡང་འཁོར་ལོ་ཐ་མར་གཏོགས་མི་གཏོགས་ཅི་རིགས་སུ་ཡོད་མོད་ཀྱིས་སྔོན་གྱི་མཁས་པ་རྣམས་ཀྱིས་མ་ཕྱེས་པར་བཞག་པ་ལྟར་ལ། ཐོག་མར་བརྗོད་བྱ་ཟབ་ལ་ཚིག་བཀྲ་ལེགས་པས་འཕགས་པ་བསྐལ་པ་བཟང་པོ། འོ་སྐོལ་གྱི་སྟོན་པའི་མཛད་པ་རྒྱས་པར་སྟོན་པ་རྒྱ་ཆེ་རོལ་པ་ལས། མཚན་དང་བརྗོད་བྱའི་རིམ་པས་འཇམ་དཔལ་གྱི་མཚན་ལྔ་སྟོང་པ་སོགས་སངས་རྒྱས་ཀྱི་ཡེ་ཤེས་དང་ཡོན་ཏན་སོགས་བསྟན་པ་མཐུན་པའི་སྒོ་ནས་ཡེ་ཤེས་རྒྱས་པ། ཀུན་གཞི་སེམས་ཀྱི་ངོ་བོ་རྒྱས་པར་སྟོན་པའི་སྒོ་ནས་དགོངས་འགྲེལ། ལང་གཤེགས། རྒྱན་སྟུག་པོ་བཀོད་པ། བརྗོད་བྱའི་ཁྱད་པར་དང་། མཚན་མ་ལ་བརྟེན་ནས་པད་དཀར་རྣམ་གསུམ། ཤིན་ཏུ་རྣམ་པར་ངེས་པའི་ཆོས་འཁོར་མཐར་ཐུག་པ་མྱང་འདས་སྐོར། ཏིང་འཛིན་རྒྱལ་པོ་སོགས་ཏིང་ངེ་འཛིན་བསྟན་པའི་མདོ་སྐོར། རིན་པོ་ཆེའི་ཏོག་སོགས་གཟུངས་ཀྱི་སྐོར། གཟུངས་ཀྱི་དབང་ཕྱུག་རྒྱལ་པོ་དང་ནམ་མཁའ་མཛོད་ཀྱིས་ཞུས་པ་སོགས་ཞུས་པའི་སྐོར། འཇམ་དཔལ་གྱིས་དྲིས་པ་སོགས་དྲིས་པའི་སྐོར། དྲི་མ་མེད་པར་གྲགས་པས་བསྟན་པ་སོགས་བསྟན་པའི་སྐོར། མར་མེ་མཛད་ཀྱིས་ལུང་བསྟན་སོགས་ལུང་བསྟན་སྐོར། བྱམས་པ་འཇུག་པ་སོགས་འཇུག་པའི་སྐོར། དཀོན་མཆོག་སྤྲིན་

― GTN003_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་སྤྲིན་ལས་གྲས་པའི་སྐོར། གཞན་ཡང་མདོ་ཐུང་རྣམས་ཕྱོགས་གཅིག་ཏུ་སྡེབ་པ་འགའ་ཞིག་གླེང་གཞི་དང་། བརྗོད་བྱ་ཁྱད་པར་བ་མཐུན་པ་སོགས་གོ་རིམ་ལེགས་པར་བསྒྲིགས་ནས་སྡེ་དགེའི་པར་མ་ལྟར་པུསྟི་ཀ་སོ་གཉིས་བཞུགས་པ་ལ། ༼ཀ་པར།༽ འཕགས་པ་བསྐལ་བ་བཟང་པོའི་མདོ།༼པྲ་ལྷོ་ཉང་སོ་ཁ༽ བམ་པོ་ཉེར་དྲུག་པ། ༼ཁ་པར།༽རྒྱ་ཆེ་རོལ་པ།༼པྲ་ལྷོ་ཉང་སོ་ཁ༽བམ་པོ་བཅོ་བརྒྱད་ལེའུ་ཉེར་བདུན་པ། འཇམ་དཔལ་རྣམ་པར་རོལ་པ།༼པྲ་ལྷོ་ཉང་སོ་ང༽བམ་པོ་གཉིས། འཇམ་དཔལ་རྣམ་པར་འཕྲུལ་པ་ ༼པྲ་ལྷོ་ཉང་སོ་ང༽ ལེའུ་བདུན་པ། བམ་པོ་གཅིག་དང་ཤོ་ལོ་ཀ་བཞི་བརྒྱད། དེ་བཞིན་གཤེགས་པ་ཐམས་ཅད་ཀྱི་བྱིན་རླབས་སེམས་ཅན་ཐམས་ཅད་ལ་གཟིགས་ཤིང་སངས་རྒྱས་ཀྱི་ཞིང་གི་ ༼སོ༽ བསྟོད་པ་བསྟན་པའི་བམ་པོ་གཉིས། ༼ག་པར།༽ ཡེ་ཤེས་རྒྱས་པའི་མདོ་རིན་ཆེན་མཐར་ཕྱིན་པ། ༼པྲ་ལྷོ་ཉང་སོ་ཁ༽བམ་པོ་ཉེར་ལྔ་པ། སངས་རྒྱས་ཐམས་ཅད་ཀྱི་ཡུལ་ལ་འཇུག་པ་ཡེ་ཤེས་སྣང་བ་རྒྱན་གྱི་མདོ།༼པྲ་ལྷོ་ཉང་སོ་ཁ་ཅ༽བམ་པོ་གསུམ་དང་། ཤོ་ལོ་ཀ་ལྔ་བཅུ། ༼ང་པར།༽ དགེ་བའི་རྩ་བ་ཡོངས་སུ་གཟུང་བའི་མདོ། ༼པྲ་ལྷོ་ཉང་སོ་ཁ༽ བམ་པོ་བཅོ་བརྒྱད་ལེའུ་བཅོ་ལྔ། གཟུང་གི་མདོ་ཆོས་ཀྱི་རྣམ་གྲངས།༼པྲ་ལྷོ་ཉང་སོ་ཆ༽ བམ་པོ་བཞི། ཁྱེའུ་སྣང་བ་བསམ་གྱིས་མི་ཁྱབ་པར་བསྟན་པ།༼པྲ་ལྷོ་ཉང་སོ་ཁ༽ཆོས་ཀྱི་རྣམ་གྲངས་ཤོ་ལོ་ཀ་ཉིས་བརྒྱ་བདུན་ཅུ། དེ་བཞིན་གཤེགས་པ་རྣམས་

― GTN003_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་སངས་རྒྱས་ཀྱི་ཞིང་གི་ཡོན་ཏན་བརྗོད་པའི་ཆོས་ཀྱི་རྣམ་གྲངས་དཀྱིལ་འཁོར་བརྒྱད་པའི་ཆོས་ཀྱི་རྣམ་གྲངས། ༼སོ༽ ཤོ་ལོ་ཀ་དྲུག་ཅུ་འདི་སྔགས་ནའང་ཡོད། ༼ཅ་པར།༽ དགོངས་པ་ངེས་འགྲེལ། ༼པྲ་ལྷོ་ཉང་སོ་ཁ།༽ བམ་པོ་བཞི་ལེའུ་དགུ་པ། ལང་ཀར་གཤེགས་པའི་མདོ་ཇི་སྙེད་པ། ༼པྲ་ལྷོ་ཉང་སོ་ཁ༽ བམ་པོ་དགུ། ལེའུ་ཉེར་བརྒྱད། ལང་གཤེགས་རིན་པོ་ཆེ་མདོ་ལས་སངས་རྒྱས་ཐམས་ཅད་ཀྱི་ ༼ཏ༽ གསུང་གི་སྙིང་པོ་ལེའུ་བམ་པོ་བརྒྱད་པ། འཕགས་པ་ག་ཡཱ་མགོའི་རིའི་མདོ། ༼པྲ་ལྷོ་ཉང་སོ་ག༽ ཤོ་ལོ་ཀ་བརྒྱད་བརྒྱད་ཅུ་རྩ་བརྒྱད་པ། ༼ཆ་པར།༽ རྒྱན་སྟུག་པོ་བཀོད་པ་ཇི་སྙེད་པ། ༼པྲ་ལྷོ་ཉང་སོ་ཁ༽ བམ་པོ་བཞི། ལེའུ་དགུ་པ། སྙིང་རྗེ་པདྨ་དཀར་པོ། ༼པྲ་ལྷོ་ཉང་སོ་ཅ༽ བམ་པོ་དྲུག །ལེའུ་བཅུ་གསུམ། འགྱུར་གོང་འདྲ། སྙིང་རྗེ་པདྨ་དཀར་པོ། ༼པྲ་ལྷོ་ཉང་སོ་ཅ༽ བམ་པོ་བཅོ་ལྔ། ལེའུ་དྲུག ༼ཇ་པར།༽ དམ་ཆོས་པདྨ་དཀར་པོ། ༼པྲ་ལྷོ་ཉང་སོ་ཅ༽ བམ་པོ་བཅུ་གསུམ། ལེའུ་ཉེར་བདུན། ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱལ་པོ་ ༼སོ༽ བམ་པོ་དྲུག །བདེ་བ་ཅན་གྱི་བཀོད་པ། ༼པྲ་ལོ་ཉང་སོ་ང༽ ཤོ་ལོ་ཀ་སུམ་ཅུ། ཟ་མ་ཏོག་བཀོད་པ། ༼པྲ་ལྷོ་ཉང་སོ་ཆ༽ བམ་པོ་ཕྱེད་ལྔ། ལེའུ་གཉིས་པ། དཀོན་མཆོག་གི་ཟ་མ་ཏོག ༼པྲ་ལྷོ་ཉང་སོ་ཅ༽ བམ་བཞི་མ། རིན་ཆེན་མཐའི་མདོ། ༼པྲ་ལྷོ་ཉང་སོ་ང༽ ཤོ་ལོ་ཀ་ཉིས་བརྒྱ་བཅུ་གཉིས། ༼ཉ་པར།༽ མྱང་འདས་ཆེན་པོའི་མདོ། ༼ཏ༽ བམ་པོ་ལྔ་བཅུ་རྩ་དྲུག །ལེའུ་

― GTN003_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

བཅོ་ལྔ་པ། ༼ཏ་པ་ལ༽ དེ་འཕྲོས་ཡོངས་རྫོགས། ༼ཐ་པར།༽ ཡོངས་སུ་མྱ་ངན་ལས་འདས་པ་ཆེན་པོའི་མདོ་ལེའུ་ཁྲི་ལྔ་སྟོང་ལས།༼པྲ་ལྷོ་ཉང་སོ་ཁ༽ལྷ་དང་མི་ལ་སོགས་པས་ཞུས་པའི་ལེའུ་བམ་པོ་བཅུ་གསུམ་དང་ལེའུ་ལྔ། འཕགས་པ་མྱ་ངན་ལས་འདས་པའི་མདོ་ཆུང་བ་ཤོ་ལོ་ཀ་དྲུག་ཅུའི་ཚད་ཙམ་པ། འདི་ལ་ལུང་རྒྱུན་ཡོད་པ་མ་འདྲ་ཞེས་ལྔ་པའི་གསན་ཡིག་ཏུ་བྱུང་། འཕགས་པ་འདའ་ཀ་ཡེ་ཤེས། ༼པྲ་ལྷོ་ཉང་སོ་ཅ༽ ཤོ་ལོ་ཀ་བཅུ། སངས་རྒྱས་ཀྱིས་ཆོས་ཀྱི་མདོ་བམ་པོ་བཞི། ལེའུ་བཅུ་གཅིག ༼ཉང་སོ༽ དཀོན་མཆོག་འབྱུང་གནས། ༼པྲ་ལྷོ་ཉང་སོ་ཁ༽ བམ་པོ་བདུན། གསེར་གྱི་མདོ་དང་གསེར་གྱི་བྱེ་མ་ལྟ་བུའི་མདོ། ༼པྲ་ལྷོ་ཉང་སོ་ཁ༽ ཤོ་ལོ་ཀ་བརྒྱད་ཅུ་པ། ༼ད་པར།༽ ཏིང་ངེ་འཛིན་གྱི་རྒྱལ་པོའི་མདོ། ༼པྲ་ལྷོ་ཉང་སོ་ཀ༽ བམ་པོ་བཅོ་ལྔ། ལེའུ་དགུ། ཆོས་ཉིད་རང་གི་ངོ་བོ་ལས་མི་གཡོ་བར་བསྟན་པའི་མདོ། ༼སོ༽ ཤོ་ལོ་ཀ་དགུ་བཅུ། རབ་ཏུ་ཞི་བའི་རྣམ་པར་ངེས་པ་ཆོ་འཕྲུལ་གྱི་ཏིང་ངེ་འཛིན་གྱི་མདོ། ༼པྲ་ལྷོ་ཉང་སོ་ཆ༽ བམ་པོ་གསུམ། ལེའུ་སོ་བརྒྱད་པ། སྒྱུ་མའི་ཏིང་ངེ་འཛིན་གྱི་མདོ། ༼པྲ་ལྷོ་ཉང་སོ་ཅ༽ བམ་པོ་ཕྱེད་གཉིས། ལེའུ་དགུ། དེ་བཞིན་གཤེགས་པའི་ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན། ༼པྲ་ལྷོ་ཉང་སོ་ཆ༽ བམ་པོ་གཉིས། ཤོ་ལོ་ཀ་དྲུག་ཅུ། དཔའ་བར་འགྲོ་བའི་ཏིང་ངེ་འཛིན་གྱི་མདོ།༼པྲ་ལྷོ་ཉང་སོ་ཆ༽བམ་པོ་ལྔ། ལེའུ་དགུ་པ། ༼ན་པར།༽ ད་ལྟར་གྱི་སངས་རྒྱས་མངོན་སུམ་བཞུགས་པའི་ཏིང་ངེ་འཛིན་གྱི་

― GTN003_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ། ༼པྲ་ལྷོ་ཉང་སོ་ཆ༽ བམ་པོ་བདུན། ལེའུ་ཉེར་ལྔ། བསོད་ནམས་ཐམས་ཅད་བསྡུས་པའི་ཏིང་ངེ་འཛིན་གྱི་མདོ། ༼པྲ་ལྷོ་ཉང་སོ་ཆ༽ བམ་པོ་བདུན། ལེའུ་ལྔ་བཅུ་པ། རྡོ་རྗེའི་ཏིང་ངེ་འཛིན་གྱི་ཆོས་ཀྱི་ཡི་གེ་བམ་པོ་གཉིས། ལེའུ་དགུ། འདི་ལུང་རྒྱུན་མེད་པར་ལྔ་པའི་གསན་ཡིག་ཏུ་བཤད། ཁྱེའུ་བཞི་ཡི་ཏིང་ངེ་འཛིན་གྱི་མདོ། ༼པྲ་ལྷོ་ཉང་སོ་ཆ༽ བམ་པོ་གསུམ་པ། ཏིང་ངེ་འཛིན་གྱི་མཆོག་དམ་པའི་མདོ། ༼ཉང་སོ་ཅ༽ བམ་པོ་གཅིག །འདུས་པ་རིན་པོ་ཆེའི་ཏོག་གི་གཟུངས། ༼ཇ༽ བམ་པོ་བརྒྱད། ལེའུ་བཅུ་གསུམ། རྡོ་རྗེ་སྙིང་པོའི་གཟུངས། ༼པྲ་ལྷོ་ཉང་སོ་ཁ༽ བམ་པོ་གཅིག །འཕགས་པ་སྒོ་མཐའ་ཡས་པ་གྲུབ་པའི་གཟུངས།༼སོ༽ཤོ་ལོ་ཀ་ཉིས་བརྒྱ་བཅུ་པ། སྒོ་དྲུག་པའི་གཟུངས། ༼སོ་སྒོ༽ ཤོ་ལོ་ཀ་བཅོ་བརྒྱད། འདི་གཉིས་སྔགས་ན་ཡོད། ༼པ་པར།༽ རྣམ་པར་མི་རྟོག་པར་འཇུག་པའི་༼ཉང་སོ༽ གཟུངས། ཤོ་ལོ་ཀ་བརྒྱ་ཉི་ཤུ་པ། ཚིགས་སུ་བཅད་པ་གཉིས་པའི་གཟུངས། ༼སོ༽ འདི་སྔགས་སུ་ཡོད། ཐེག་ཆེན་ལ་དད་པ་རབ་ཏུ་སྒོམ་པ། ༼པྲ་ལྷོ་ཉང་སོ་ཆ༽ བམ་པོ་གཉིས་ལེའུ་བཞི་པ། འཕགས་པ་དཀོན་མཆོག་ཏ་ལ་ལའི་གཟུངས། འདི་ལ་ལུང་རྒྱུན་མེད། བྱང་ཆུབ་སེམས་དཔའི་སྤྱོད་ཡུལ་ཐབས་ཀྱི་ཡུལ་ལ་རྣམ་པར་འཕྲུལ་པར་སྟོན་པ། ༼པྲ་ལྷོ་ཉང་སོ་ཁ༽ བམ་པོ་ལྔ། ལེའུ་བཅུ་པ། དེ་བཞིན་གཤེགས་པའི་སྙིང་རྗེ་ཆེན་པོ་ངེས་པར་བསྟན་པ། ༼པྲ་ལྷོ་ཉང་སོ་ཅ༽གཟུངས་ཀྱི་དབང་ཕྱུག་རྒྱལ་པོས་ཞུས་པའི་མདོ་བམ་པོ་བདུན། ནམ་མཁའ་མཛོད་ཀྱིས་ཞུས་པ། ༼པྲ་ལྷོ་ཉང་སོ་ང༽ བམ་པོ་

― GTN003_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད། བྱམས་པས་ཞུས་པའི་མདོ། ༼པྲ་ལྷོ་ཉང་སོ་ག་རཏྣ༽ ཤོ་ལོ་ཀ་བདུན་ཅུ། སྤྱན་རས་གཟིགས་ཀྱིས་ཞུས་པའི་ཆོས་བདུན་པ། ༼ཉང་སོ༽ སྤོབས་པའི་བློ་གྲོས་ཀྱིས་ཞུས་པ། ༼པྲ་ལྷོ་ཉང་སོ་ག༽ བམ་པོ་གཅིག ༼ཕ་པར།༽ བློ་གྲོས་རྒྱ་མཚོས་ཞུས་པ། ༼པྲ་ལྷོ་ཉང་སོ་ཆ༽ བམ་པོ་བཅུ། ལེའུ་བཅུ་གཉིས། ཀླུའི་རྒྱལ་པོ་རྒྱ་མཚོས་ཞུས་པའི་མདོ། ༼པྲ་ལྷོ་ཉང་སོ་ཆ༽ བམ་པོ་བདུན། ལེའུ་བཅུ། ཀླུའི་རྒྱལ་པོ་རྒྱ་མཚོས་ཞུས་པའི་མདོ་ཕྲེང་པོ་དགེ་བ་བཅུ་བསྟན་པ། ༼པྲ་ལྷོ་ཉང་སོ༽ ཀླུའི་རྒྱལ་པོ་རྒྱ་མཚོས་ཞུས་པའི་མདོ་བསྡུས་པ། ༼ཆ༽ཤོ་ལོ་ཀ་བཅུ་གཉིས། ཀླུའི་རྒྱལ་པོ་མ་དྲོས་པས་ཞུས་པའི་མདོ། ༼པྲ་ལྷོ་ཉང་སོ་ཆ༽ བམ་པོ་བཞི། མིའམ་ཅིའི་རྒྱལ་པོ་ལྗོན་པས་ཞུས་པ། ༼པྲ་ལྷོ་ཉང་སོ་ཆ༽ བམ་པོ་ལྔ། ༼བ་པར།༽ ཚངས་པར་ཞུས་པ། ༼པྲ་ལྷོ་ཉང་སོ་ཅ༽ ཤོ་ལོ་ཀ་ཉིས་བརྒྱ། ཚངས་སྦྱིན་གྱིས་ཞུས་པ། ༼པྲ་ལྷོ་ཉང་སོ་ང༽ བམ་པོ་གཅིག །ཚངས་པ་ཁྱད་པར་སེམས་ཀྱིས་ཞུས་པ། ༼པྲ་ལྷོ་ཉང་སོ་ཆ༽ བམ་པོ་དྲུག །ལྷའི་བུ་རབ་རྩལ་སེམས་ཀྱིས་ཞུས་པ། ༼པྲ་ལྷོ་ཉང་སོ་ང༽ བམ་པོ་གསུམ། དཔལ་དབྱིག་གིས་ཞུས་པ། ༼པྲ་ལྷོ་ཉང་སོ་ཅ༽ ཤོ་ལོ་བརྒྱ་དང་བཅོ་ལྔ། རིན་ཆེན་དྲ་བ་ཅན་གྱིས་ཞུས་པ། ༼པྲ་ལྷོ་ཉང་སོ་ཁ༽ བམ་པོ་གཅིག །ཤོ་ལོ་ཀ་དྲུག་ཅུ། རིན་ཆེན་ཟླ་བས་ཞུས་པ། ༼པྲ་ལྷོ་ཉང་སོ་ང༽ ཤོ་ལོ་ཀ་ཉིས་བརྒྱ་ཉེར་བདུན། བདེ་བྱེད་ཀྱིས་ཞུས་པ། ༼པྲ་ལྷོ་ཉང་སོ༽ ཤོ་ལོ་ཀ་བརྒྱད་ཅུ། ཡུལ་འཁོར་སྐྱོང་གིས་ཞུས་པ། ༼པྲ་ལྷོ་ཉང་སོ་ཅ༽ ཤོ་ལོ་ཀ་བདུན་ཅུ་རྩ་གསུམ་པ། འཕགས་པ་རྣམ་པར་འཕྲུལ་པའི་རྒྱལ་པོས་ཞུས་པ། ༼པྲ་ལྷོ་

― GTN003_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

ཉང་སོ་ཅ༽ བམ་པོ་གསུམ། ལྷ་མོ་དྲི་མ་མེད་པའི་འོད་ཀྱིས་ཞུས་པ་ལི་ཡུལ་ལུང་བསྟན་དུའང་གྲགས་པ། ༼པྲ་ལྷོ་ཉང་སོ་ཅ༽ བམ་པོ་བཞི། ཐེག་ཆེན་མན་ངག་བུ་མོ་རིན་ཆེན་གྱིས་ཞུས་པ། ༼པྲ་ལྷོ་ཉང་སོ་ཁ་ཅ༽ བམ་པོ་བཞི། བྲམ་ཟེ་མོ་དཔལ་ལྡན་མས་ཞུས་པ། ༼པྲ་ལྷོ་ཉང་སོ་ང༽ ཤོ་ལོ་ཀ་དགུ་བཅུ། བསྒྲེས་མོས་ཞུས་པ། ༼པྲ་ལྷོ་ཉང་སོ་ཆ༽ཤོ་ལོ་ཀ་བརྒྱ་དང་བཅུ། ༼མ་པར།༽ འཇམ་དཔལ་གྱིས་དྲིས་པ། ༼པྲ་ལྷོ་ཉང་སོ་ང༽ བམ་པོ་གཅིག །བདག་མེད་པས་དྲིས་པ། ༼པྲ་ལྷོ་ཉང་སོ་ང༽ འཇིག་རྟེན་འཛིན་གྱིས་དྲིས་པ། ༼པྲ་ལྷོ་ཉང་སོ་ང༽ བམ་པོ་བཞི། ལེའུ་བཅུ་གཉིས། བློ་གྲོས་མི་ཟད་པས་བསྟན་པ། ༼པྲ་ལྷོ་ཉང་སོ་ཆ༽ བམ་པོ་བདུན་པ་དྲི་མ་མེད་པར་གྲགས་པས་བསྟན་པ། ༼པྲ་ལྷོ་ཉང་སོ་ང༽ བམ་པོ་དྲུག །ལེའུ་བཅུ་གཉིས། འཇམ་དཔལ་གྱིས་བསྟན་པ། ༼པྲ་ལྷོ་ཉང་སོ་ང་༽ ཤོ་ལོ་ཀ་ཕྱེད་དང་བཅོ་ལྔ། བྱང་ཆུབ་ཀྱི་ཕྱོགས་བསྟན་པ། ༼ཉང་སོ༽ ཤོ་ལོ་ཀ་དགུ་བཅུ་རྩ་གཉིས་པ་ཀུན་རྫོབ་དང་། དོན་དམ་པའི་བདེན་པ་བསྟན་པ། ༼པྲ་ལྷོ་ཉང་སོ་ང༽ བམ་པོ་གཉིས། ཆོས་ཐམས་ཅད་འབྱུང་བ་མེད་པར་བསྟན་པ། ༼པྲ་ལྷོ་ཉང་སོ་ཆ༽ བམ་པོ་གསུམ་པ། ༼ཙ་པར།༽ ཕ་རོལ་ཏུ་ཕྱིན་པ་ལྔ་བསྟན་པའི་མདོ། ༼པྲ་ལྷོ་ཉང་སོ་ཆ༽ བམ་པོ་དྲུག །ལེའུ་ཉེར་བཞི། སྦྱིན་པའི་ཕར་ཕྱིན་བསྟན་པའི་མདོ། ༼པྲ་ལྷོ་ཉང་སོ་ཆ༽ བམ་པོ་གཉིས། ལེའུ་བཞི། ཆོས་རྣམས་ཀྱི་རྒྱན་བཀོད་པ་སྤུངས་པ་ལྷབ་ལྷུབ་བཀོད་པའི་མདོའི་ལེའུ་བཅུ་པ་དང་། བཅུ་གཅིག་པ་གཉིས་ཁོལ་དུ་ཕྱུང་བ། འདི་ལྔ་པའི་

― GTN003_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

གསན་ཡིག་ཏུ་མཆན་མཛད་འདུག་པས་གོང་ལྟར་ལུང་རྒྱུན་ཡོད་འདྲ།༼འདི་གཏེར་ཆེན་འགྱུར་མེད་རྡོ་རྗེའི་གསན་ཡིག་ཏུ་ལུང་རྒྱུན་མི་འདུག་པས་སླར་དགོས། དཔྱོད་དགོས་འདྲ་མཆན།༽ སྦྱིན་པའི་ཕན་ཡོན་བསྟན་པ། ༼པྲ་ལྷོ་ཉང་སོ་ཆ༽ ཤོ་ལོ་ཀ་སུམ་ཅུ། བྱང་ཆུབ་སེམས་དཔའི་སྤྱོད་པ་བསྟན་པ། ༼པྲ་ལྷོ་ཉང་སོ་ཆ༽ ཤོ་ལོ་ཀ་བརྒྱ་ཉི་ཤུ་པ། དེ་བཞིན་གཤེགས་པའི་ཡོན་ཏན་ཡེ་ཤེས་བསམ་གྱིས་མི་ཁྱབ་པའི་ཡུལ་ལ་འཇུག་པ་བསྟན་པའི་མདོ། ༼པྲ་ལྷོ་ཉང་སོ་ང༽ བམ་པོ་གསུམ། སངས་རྒྱས་ཀྱིས་སྟོན་པ་བསྐྱེད་པའི་འཕྲུལ་རྣམ་པར་འཕྲུལ་པ་བསྟན་པ། ༼ཉང་སོ༽ བམ་པོ་གཅིག །ཕལ་པོ་ཆེ་འབུམ་པ་ལས་ལེའུ་ཉེར་དགུ་པ་ཁོལ་ཕྱུང་དུ་གྲགས་པའི་འཕགས་པ་སངས་རྒྱས་ཀྱི་ཆོས་བསམ་གྱིས་མི་ཁྱབ་པར་བསྟན་པའི་མདོ། བམ་པོ་གསུམ། མར་མེ་མཛད་ཀྱིས་ལུང་བསྟན་པ། ༼པྲ་ལྷོ་ཉང་སོ་ཆ༽ ཤོ་ལོ་ཀ་ཉིས་བརྒྱ་དང་བཅུ། ཚངས་པའི་དཔལ་ལུང་བསྟན་པ། ༼པྲ་ལྷོ་ཉང་སོ་ཆ༽ ཤོ་ལོ་ཀ་བཞི་བཅུ། བུད་མེད་འགྱུར་བ་ལུང་བསྟན་པ། ༼པྲ་ལྷོ་ཉང་སོ་ཆ༽ བམ་པོ་གཉིས། བུ་མོ་ཟླ་འོད་ལུང་བསྟན་པ། ༼པྲ་ལྷོ་ཉང་སོ་ཆ༽ བམ་པོ་གཉིས། བདེ་ལྡན་མ་ལུང་བསྟན་པ། ༼པྲ་ལྷོ་ཉང་སོ༽ ཤོ་ལོ་ཀ་བདུན་ཅུ་འདི་སྔགས་ནའང་ཡོད། དཔལ་མོ་ལུང་བསྟན་པ། ༼སོ༽ཤོ་ལོ་ཀ་བརྒྱ། རྒྱལ་བའི་བློ་གྲོས་ཞེས་པ། ༼ཉང་སོ༽ ཤོ་ལོ་ཀ་བཅུ་གཅིག །སྤྱན་རས་གཟིགས་ཀྱི་མདོ། ༼པྲ་ལྷོ་ཉང་སོ་ཁ༽ བམ་པོ་གཅིག །ཤོ་ལོ་ཀ་དྲུག་ཅུ། འཇམ་དཔལ་གནས་པ། ༼པྲ་ལྷོ་ཉང་སོ་ང༽ ཤོ་ལོ་ཀ་བཞི་བརྒྱ། བྱམས་པ་བདུད་རྩི་བརྗོད་པ། ༼པྲ་ལྷོ་ཉང་སོ༽ ཤོ་ལོ་ཀ་བརྒྱད་ཅུ། བྱམས་པས་འཇུག་པ། ༼པྲ་ལྷོ་

― GTN003_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

ཉང་སོ༽ བམ་པོ་གཉིས། བྱམས་པ་དགའ་ལྡན་དུ་སྐྱེ་བ་བླངས་པའི་མདོ། འདི་ལུང་རྒྱུན་མེད། ཆོས་ཀྱི་རྗེས་སུ་མཐུན་པར་འཇུག་པ་འཇིག་རྟེན་མཐུན་འཇུག ༼པྲ་ལྷོ་ཉང་སོ་ང༽ ཤོ་ལོ་ཀ་བརྒྱ་བཅུ་གཅིག་པ། ༼ཚ་པར།༽ དད་པའི་སྟོབས་བསྐྱེད་པ་ལ་འཇུག་པའི་ཕྱག་རྒྱ། ༼པྲ་ལྷོ་ཉང་སོ་ཆ༽ བམ་པོ་ལྔ་ཤོ་ལོ་ཀ་བདུན་ཅུ། ངེས་པ་དང་མ་ངེས་པར་འགྲོ་བའི་ཕྱག་རྒྱ་ལ་འཇུག་པ། ༼པྲ་ལྷོ་ཉང་སོ་ཁ༽ བམ་པོ་གཅིག །ཆོས་ཀྱི་ཕྱག་རྒྱ། ༼པྲ་ལྷོ་ཉང་སོ་ཆ།༽ ཤོ་ལོ་ཀ་བརྒྱད་ཅུ། མར་མེ་འབུལ་བ། ༼པྲ་ལྷོ་ཉང་སོ་ཆ༽ བམ་པོ་གཅིག །གྲོང་ཁྱེར་གྱིས་འཚོ་བ། ༼པྲ་ལྷོ་ཉང་སོ་ཅ༽ ཤོ་ལོ་ཀ་བརྒྱ། ཟས་ཀྱི་འཚོ་བ་རྣམ་པར་དག་པ། ༼པྲ་ལྷོ་ཉང་སོ་ཅ༽ ཤོ་ལོ་ཀ་སུམ་ཅུ་རྩ་བརྒྱད། གླང་པོའི་རྩལ་གྱི་མདོ། ༼པྲ་ལྷོ་ཉང་སོ་ཅ༽ བམ་པོ་གཅིག །ཤོ་ལོ་ཀ་དྲུག་ཅུ། སྒྲ་ཆེན་པོ། ༼པྲ་ལྷོ་ཉང་སོ་ག༽ ཤོ་ལོ་ཀ་རེ་བཞི། སེངྒེའི་སྒྲ་བསྒྲགས་པ། ༼པྲ་ལྷོ་ཉང་སོ་ཁ༽ བམ་པོ་གཅིག་ཏུ་བྱས་ཀྱང་སུམ་ཆ་ཙམ་ལས་མེད་པ། ས་ལུ་ལྗང་པའི་མདོ། ༼པྲ་ལྷོ་ཉང་སོ་ཆ་ཐ༽ ཤོ་ལོ་ཀ་ཉིས་བརྒྱ་ཉེར་དྲུག །རྟེན་ཅིང་འབྲེལ་བར་འབྱུང་བ་དང་པོ་རྣམ་པར་དབྱེ་བ་བསྟན་པའི་མདོ། ༼ཉང་སོ༽ ཤོ་ལོ་ཀ་སུམ་ཅུ། རྟེན་ཅིང་འབྲེལ་བར་འབྱུང་བའི་མདོ། ༼པྲ་ལྷོ་ཉང་སོ་ཁ་ཆ༽ ཤོ་ལོ་ཀ་བཅུ་གསུམ། སོར་མོའི་འཕྲེང་བ་ལ་ཕན་པའི་མདོ། ༼པྲ་ལྷོ་ཉང་སོ༽ བམ་པོ་བདུན། གཟུགས་ཅན་སྙིང་པོ་ལ་གདམས་པ། ༼པྲ་ལྷོ་ཉང་སོ༽ བརྡའི་རྒྱལ་པོ་འཆར་བྱེད་ལ་གདམས་པ། ༼སོ༽ མ་སྐྱེས་དགྲའི་འགྱོད་གསལ། ༼པྲ་ལྷོ་ཉང་སོ་ཆ༽བམ་པོ་ལྔ། དཔལ་སྦས་ཀྱི་མདོ། ༼པྲ་ལྷོ་ཉང་

― GTN003_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་ཁ༽ ལས་ཀྱི་སྒྲིབ་པ་རྣམ་པར་དག་པ། ༼སོ༽ བམ་པོ་གཅིག །ཤོ་ལོ་ཀ་བཞི་བཅུ། ལས་སྒྲིབ་རྒྱུན་གཅོད་པ། ༼པྲ་ལྷོ་ཉང་ཆ༽ ཤོ་ལོ་ཀ་ཉིས་བརྒྱ་སུམ་ཅུ། ༼ཛ་པར།༽ སངས་རྒྱས་ཀྱི་སྡེ་སྣོད་ཚུལ་ཁྲིམས་འཆལ་བ་ཚར་གཅོད་པ། ༼པྲ་ལྷོ་ཉང་ཆ༽ བམ་པོ་བདུན། ལེའུ་དགུ་རྒྱལ་པོ་གསལ་རྒྱལ་ལ་གདམས་པ། ༼པྲ་ལྷོ་ཉང་སོ་ང༽ ཤོ་ལོ་ཀ་བརྒྱ་དྲུག་ཅུ་པ། རྔ་བོ་ཆེའི་མདོ། ༼པྲ་ལྷོ་ཉང་ཆ༽ བམ་པོ་ལྔ། སུམ་ཅུ་རྩ་གསུམ་པའི་ལེའུ། ༼པྲ་ལྷོ་ཉང་སོ་ང༽ བམ་པོ་གསུམ། ལྷག་བསམ་བསྟན་པའི་མདོ། ༼པྲ་ལྷོ་ཉང་སོ་ང༽ བམ་པོ་གཅིག་ལེའུ་གཉིས། འཕགས་པ་གསུམ་ལ་སྐྱབས་སུ་འགྲོ་བའི་མདོ། ༼སོ༽ ཤོ་ལོ་ཀ་སུམ་ཅུ། སྲིད་པ་འཕོ་བ། ༼པྲ་ལྷོ་ཉང་སོ་ཅ༽ ཤོ་ལོ་ཀ་བདུན་ཅུ་པ། རྣམ་པར་འཐག་པ་ཐམས་ཅད་བསྡུས་པ། ༼པྲ་ལྷོ་ཉང་སོ་ཆ༽ བམ་པོ་གཅིག་ཤོ་ལོ་ཀ་དྲུག་ཅུ། སངས་རྒྱས་འགྲོ་བ། ༼ཁ་ཅ༽ བམ་པོ་གསུམ། དེ་བཞིན་གཤེགས་པ་འགྲོ་བ། ༼པྲ་ལྷོ་ཉང་སོ་ཆ༽ བམ་པོ་གསུམ་ཤོ་ལོ་ཀ་དོན་ལྔ། འདུས་པ་ཆེན་པོའི་མདོ་ལས་དེ་བཞིན་གཤེགས་པ་དཔལ་གྱི་དམ་ཚིག ༼པྲ་ལྷོ་ཉང་སོ་ཅ༽ བམ་པོ་གསུམ། ལེའུ་བཞི། འདི་སྔགས་སུའང་ཡོད། ༼ཝ་པར།༽ དཀོན་མཆོག་སྤྲིན། ༼པྲ་ལྷོ་ཉང་སོ་ཁ༽ བམ་པོ་བདུན། སྤྲིན་ཆེན་པོའི་མདོ། ༼པྲ་ལྷོ་ཉང་སོ་ཁ༽ བམ་པོ་བཅུ། ལེའུ་སོ་བདུན། སྤྲིན་ཆེན་པོའི་མདོ་ལས། ཕྱོགས་བཅུའི་བྱང་ཆུབ་སེམས་དཔའ་རྒྱ་མཚོ་འདུས་པའི་དགའ་སྟོན་ཆེན་པོ་ལ་བརྩེ་བའི་ལེའུ་ཁོལ་དུ་ཕྱུང་བ། ༼པྲ་ལྷོ་ཉང་སོ་ཁ༽ བམ་པོ་གསུམ། ལེའུ་སོ་བདུན། རླུང་གི་དཀྱིལ་འཁོར་གྱི་ལེའུ་བམ་པོ་གཅིག༼པྲ་ལྷོ་ཉང་སོ་ཁ༽ཆར་འབབ་

― GTN003_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རླུང་གི་དཀྱིལ་འཁོར་གྱི་ལེའུ། ༼གྲུབ༽ ཆོ་ག་དང་བཅས་པ་བམ་པོ་ཕྱེད་གསུམ། བཅོམ་ལྡན་འདས་ཀྱི་གཙུག་གཏོར་ཆེན་པོ་དེ་བཞིན་གཤེགས་པའི་གསང་བ་སྒྲུབ་པ། ༼པྲ་ལྷོ་ཉང་སོ་ཅ༽ བམ་པོ་གཉིས། གཙུག་གཏོར་ཆེན་པོ་བམ་པོ་སོ་དགུ་ལས་བདུད་ཀྱི་ལེའུ་ཉི་ཚེ་བྱུང་བ། ༼པྲ་ལྷོ་ཉང་སོ་ཏ༽ བམ་པོ་གཉིས། ༼ཞ་པར།༽ ཆོས་ཐམས་ཅད་ཡང་དག་པ་སྡུད་པ། ༼པྲ་ལྷོ་ཉང་སོ་ཁ༽ བམ་པོ་བདུན། ལེའུ་བཅུ་གཉིས། ས་སྙིང་འཁོར་ལོ་བཅུ་པ། ༼པྲ་ལྷོ་ཉང་སོ་ཆ༽ བམ་པོ་བཅུ་ལེའུ་བརྒྱད་པ། ཕྱིར་མི་ལྡོག་པའི་འཁོར་ལོ། ༼པྲ་ལྷོ་ཉང་སོ་ཁ༽ བམ་པོ་དྲུག །ཏིང་འཛིན་འཁོར་ལོ་མདོ། ཡོངས་སུ་བསྔོ་བའི་འཁོར་ལོ། ༼པྲ་ལྷོ་ཉང་སོ་ཅ༽ བམ་པོ་གཉིས། ༼ཟ་པར།༽ དམ་པའི་ཆོས་ཀྱི་རྒྱལ་པོའི་ཡི་གེ་བམ་པོ་གཅིག །འདི་ལྔ་པའི་གསན་ཡིག་ཏུ་ལུང་རྒྱུན་མེད་པར་བཤད། འཕགས་པ་ཆོས་ཀྱི་ཚུལ། ༼པྲ་ལྷོ་ཉང་སོ་ཅ༽ བམ་པོ་གཅིག །ཆོས་ཀྱི་ཕུང་པོ། ༼པྲ་ལྷོ་ཉང་སོ༽ ཤོ་ལོ་ཀ་བརྒྱ་ལྔ་བཅུ། དོན་དམ་པའི་ཆོས་ཀྱི་རྣམ་པར་རྒྱལ་བ། ༼པྲ་ལྷོ་ཉང་སོ༽ ཤོ་ལོ་ཀ་ཉིས་བརྒྱ་བརྒྱད་ཅུ། ཆོས་དང་དོན་རྣམ་པར་འབྱེད་པ། ༼པྲ་ལྷོ་ཉང་སོ་ག༽ ཤོ་ལོ་ཀ་དགུ་བཅུ། བྱང་ཆུབ་སེམས་དཔའི་སོ་ཐར་ཆོས་བཞི་བསྒྲུབས་པ། ༼པྲ་ལྷོ་ཉང་སོ་ཁ༽ བམ་པོ་གཅིག །ཆོས་ཀྱི་ཕུང་པོ། ༼པྲ་ལྷོ་ཉང་སོ༽ ཤོ་ལོ་ཀ་བརྒྱད་ཡོད། ཆོས་བཞི་བསྟན་པ། ༼པྲ་ལྷོ་ཉང་སོ་ཅ༽ ཤོ་ལོ་ཀ་བཅུ་གསུམ་པ། ཆོས་བཞི་བསྟན་པ།༼པྲ་ལྷོ་ཉང་སོ་ཆ༽ཤོ་ལོ་ཀ་བཅུ་པ། ཆོས་ཀྱི་རྒྱལ་མཚན་གྱི་མདོ། ༼སོ༽ ཆོས་ཀྱི་རྒྱ་

― GTN003_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོ། ༼ཉང་སོ་ཅ༽ ཤོ་ལོ་ཀ་བརྒྱད་ཅུ་པ། འཕགས་པ་ཆོས་ཀྱི་རྒྱ་མཚོ། ༼པྲ་ལྷོ་ཉང་སོ༽ བམ་པོ་གཉིས། འདི་ལ་བཀའ་ཡིན་མིན་དཔྱད་གསུང་པ་གསན་ཡིག་སྔོན་མ་རྣམས་ལ་འདུག །སི་ཏུ་རིན་པོ་ཆེའི་སྔོན་གྱི་མཁས་པ་རྣམས་ཀྱིས་ཚད་མར་བྱས་སོ་གསུངས། ཉི་མའི་སྙིང་པོ། ༼པྲ་ལྷོ་ཉང་སོ་ཅ༽ བམ་པོ་བཅུ་གསུམ། ལེའུ་བཅུ་གཉིས། དེ་བཞིན་གཤེགས་པའི་སྙིང་པོ། ༼པྲ་ལྷོ་ཉང་སོ༽ ཀ་ག །ཡི་གེ་མེད་པའི་ཟ་མ་ཏོག་རྣམ་པར་སྣང་མཛད་ཀྱི་སྙིང་པོ། ༼པྲ་ལྷོ་ཉང་སོ་ཆ༽ ནམ་མཁའི་སྙིང་པོའི་མདོ། ༼སོ༽ བམ་པོ་གཅིག །ཐབས་ལ་མཁས་པའི་མདོ། ༼ཉང་སོ༽ བམ་པོ་གཉིས། ༼འ་པར།༽ སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ། ༼པྲ་ལྷོ་ཉང་སོ་ཅ༽ བམ་པོ་བརྒྱད། འཕགས་པ་ནམ་མཁའི་མདོག་གིས་འདུལ་བའི་བཟོད་པ་བསྟན་པ། ༼པྲ་ལྷོ་ཉང་སོ་ཆ༽ བམ་པོ་བཅུ་གཅིག །ལེའུ་བཅུ་གཉིས། ཐར་པ་ཆེན་པོའི་ཕྱོགས་སུ་རྒྱས་པ་འགྱོད་ཚངས་ཀྱིས་སྡིག་སྦྱངས་ཏེ་སངས་རྒྱས་སུ་སྒྲུབ་པ་རྣམ་པར་བཀོད་པ། ༼པྲ་ལྷོ་ཉང་སོ་ཆ༽ བམ་པོ་གཉིས། ཤོ་ལོ་བརྒྱ་བཅུ་གཉིས། རྟོགས་པ་ཆེན་པོ་ཡོངས་སུ་རྒྱས་པའི་མདོ། ༼ང༽ ཕྱག་འཚལ་ཆོ་ག་མཚན་ནས་བརྗོད་པའི་གླིང་བཞི་མེ་ཏོག་གི་ཚོགས། ༼པྲ་ལྷོ་ཉང་སོ་ཆ༽ བམ་པོ་གསུམ། ༼ཡ་པར།༽ སྤང་སྐོང་ཕྱག་བརྒྱ་པ། ༼སོ༽ བསམ་གྱིས་མི་ཁྱབ་པའི་རྒྱལ་པོ། ༼པྲ་ལྷོ་ཉང་སོ་ཆ༽ ཤོ་ལོ་ཀ་དོན་ལྔ། ཕྱོགས་བཅུའི་མུན་སེལ། ༼པྲ་ལྷོ་ཉང་སོ་ཅ༽

― GTN003_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོ་ལོ་ཀ་བརྒྱ་ལྔ་བཅུ། སངས་རྒྱས་བདུན་པ། ༼ཉང་སོ༽ ཤོ་ལོ་ཀ་བརྒྱ་དང་ཉེར་ལྔ། སངས་རྒྱས་བརྒྱད་པ། ༼སོ༽ ཤོ་ལོ་ཀ་དགུ་ཅུ། སངས་རྒྱས་བཅུ་པ། ༼པྲ་ལྷོ་ཉང་སོ་ཅ༽ ཤོ་ལོ་ཀ་བརྒྱ་བཞི་བཅུ། སངས་རྒྱས་བཅུ་གཉིས་པ། ༼སོ༽ ཤོ་ལོ་ཀ་སུམ་ཅུ་རྩ་བདུན། འདི་སྔགས་ནའང་ཡོད། སངས་རྒྱས་ཀྱི་དབུ་བརྒྱན། ༼པྲ་ལྷོ་ཉང་སོ་ཆ༽ ཤོ་ལོ་ཀ་ཉིས་བརྒྱ། སངས་རྒྱས་ཀྱི་ས་ཞེས་བྱ་བའི་མདོ། ༼པྲ་ལྷོ་ཉང་སོ་ཀ་ཅ༽ ཤོ་ལོ་ཀ་ཉིས་བརྒྱ། སངས་རྒྱས་མི་སྤོང་བ། ༼པྲ་ལྷོ་ཉང་སོ་ག༽ ཤོ་ལོ་ཀ་ལྔ་བཅུ་རྩ་གཅིག་པ། དཀོན་མཆོག་གསུམ་རྗེས་སུ་དྲན་པའི་མདོ། ༼སོ༽ བསླབ་པ་གསུམ་གྱི་མདོ། ༼སོ༽ སྐུ་གསུམ་གྱི་མདོ། ༼སོ༽ ཕུང་པོ་གསུམ་གྱི་མདོ། ༼པྲ་ལྷོ་ཉང་སོ་ཆ་རཏྣ༽ ཤོ་ལོ་ཀ་སུམ་ཅུ་དང་ལྔ་བཅུ། བསམ་པ་ཡོངས་སུ་རྫོགས་པར་བྱེད་པའི་༼པྲ་ལྷོ་ཉང་སོ་ང་༽ བསྔོ་བ་ཤོ་ལོ་ཀ་ལྔ་བཅུ། འཕགས་པ་འགྲོ་བ་ཐམས་ཅད་ཡོངས་སུ་སྐྱོབས་པར་བྱེད་པའི་ ༼སོ༽ བསྔོ་བ་ཤོ་ལོ་ཀ་བཞི་བཅུ། མདོ་སྡེ་དྲན་པ་ཉེར་བཞག་བམ་པོ་ཉི་ཤུ་པ་ཡན། ༼པྲ་ལྷོ་ཉང་སོ་ག༽ ༼ར་པར།༽ གོང་གི་འཕྲོས་བམ་པོ་ཉེར་གཅིག་ནས་ཞེ་ལྔ་པ་ཡན། ༼ལ་པར།༽ བམ་པོ་ཞེ་དྲུག་ནས་ཞེ་དགུའི་བར་འཐབ་བྲལ་གྱི་ལྷ་རྣམས་ཀྱི་ས་ལས་རྟག་ཏུ་བདེ་བའི་ས་སྟེ་བརྒྱད་པའི་སྐབས་ཡན་དང་། འཐབ་བྲལ་གྱི་བདག་པོ་མུ་སུ་ལུནྡྷའི་རྫུ་འཕྲུལ་ཆེན་པོ་རྫོགས་པའི་བར་བཞུགས། ༼ཤ་པར།༽ དེ་འཕྲོས་ཡོངས་རྫོགས་བཞུགས་ཏེ། གཞུང་ཚད་ལ་ཤོ་ལོ་ཀ་སྟོང་ཕྲག་སུམ་ཅུ་རྩ་དྲུག །བམ་པོ་བརྒྱ་ཉི་ཤུ། མདོ་ཆེན་པོའི་སྒྱུ་མའི་དྲ་བ། ༼པྲ་ལྷོ་ཉང་

― GTN003_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་ཅ༽ བམ་པོ་གཅིག །ཤོ་ལོ་ཀ་བཞི་བཅུ། མདོ་ཆེན་པོས་གཟུགས་ཅན་སྙིང་པོས་བསུ་བ། ༼པྲ་ལྷོ་ཉང་སོ་ག༽ བམ་པོ་ཕྱེད། མདོ་ཆེན་པོ་སྟོང་པ་ཉིད། ༼ཉང་སོ་ཆ༽ ཤོ་ལོ་ཀ་དགུ་བཅུ། མདོ་ཆེན་པོ་སྟོང་པ་ཉིད་ཆེན་པོ། ༼པྲ་ལྷོ་ཉང་སོ་ཅ༽ བམ་པོ་ཕྱེད། རྒྱལ་མཆོག ༼པྲ་ལྷོ་ཉང་སོ་ག༽ ཤོ་ལོ་ཀ་བཞི་བཅུ། རྒྱལ་མཚན་དམ་པ། ༼པྲ་ལྷོ་ཉང་སོ་ཅ༽ ཤོ་ལོ་ཀ་བཞི་བཅུ། མདོ་ཆེན་པོ་ལྔ་བཅུ། ༼པྲ་ལྷོ་ཉང་སོ་ཅ༽ ཤོ་ལོ་ཀ་ཉིས་བརྒྱ་ཉི་ཤུ། རྡོ་འཕང་བའི་མདོ། ༼ཉང་སོ༽ བམ་པོ་གཉིས། གཞོན་ནུ་དཔེའི་མདོ། ༼པྲ་ལྷོ་ཉང་སོ་ཅ༽ ཤོ་ལོ་ཀ་ཉི་ཤུ། ཁམས་མང་པོའི་མདོ། ༼པྲ་ལྷོ་ཉང་སོ་ཅ༽ ཤོ་ལོ་ཀ་ཉིས་བརྒྱ། གཎྜཱིའི་མདོ། ༼པྲ་ལྷོ་ཉང་སོ་ཅ༽ ཤོ་ལོ་ཀ་བཅུ། གཎྜཱིའི་དུས་ཀྱི་མདོ། ༼སོ༽ དགེ་བའི་བཤེས་གཉེན་བསྟེན་པའི་མདོ། ༼སོ༽ ༼ས་པར།༽ མངོན་པར་འབྱུང་བའི་མདོ། ༼པྲ་ལྷོ་ཉང་སོ་ཆ༽ དགེ་སློང་ལ་རབ་ཏུ་གཅེས་པའི་མདོ། ༼སོ༽ ཚུལ་ཁྲིམས་ཡང་དག་པར་ལྡན་པའི་མདོ། ༼པྲ་ལྷོ་ཉང་སོ་ཅ༽ ལྟུང་བ་སྡེ་ལྔའི་དགེ་བ་དང་མི་དགེ་བའི་འབྲས་བུ་བརྟགས་པའི་མདོ། ༼སོ༽ མཆོག་ཏུ་གདགས་པའི་མདོ། ༼པྲ་ལྷོ་ཉང་སོ་ཆ༽ དགེ་སློང་ལ་རབ་ཏུ་གཅེས་པའི་མདོ་ཟེར་བ་ཞིག་དཀར་ཆག་ཏུ་སྣང་བས་གོང་མ་དང་མཚུངས་སམ་སྙམ། རྣམ་གྲོལ་ལམ་ལ་སྦྱངས་ཡོན་བསྟན་པའི་མདོ། ༼སོ༽ ཚེ་མཐའི་མདོ། ༼པྲ་ལྷོ་ཉང་སོ་ཅ༽ ཤོ་ལོ་ཀ་བཅོ་ལྔ། ཡང་མི་རྟག་ཉིད་ཀྱི་མདོ། ༼སོ༽ འདུ་ཤེས་བཅུ་བསྟན་པ། ༼སོ༽ ཤོ་ལོ་ཀ་བརྒྱད་པ། འདུ་ཤེས་བཅུ་གཅིག་བསྟན་པ། ༼སོ༽ ཤོ་ལོ་ཀ་བཅུ་གཅིག །ཡངས་པའི་གྲོངས་ཁྱེར་དུ་འཇུག་པ། ༼སོ༽ ཤོ་ལོ་ཀ་བརྒྱད་འདི་སྔགས་

― GTN003_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

སུའང་ཡོད། མཚན་མོ་བཟང་པོའི་མདོ། ༼ཉང་སོ༽ ཤོ་ལོ་ཀ་ལྔ་བཅུ་རྩ་གཉིས། མུན་པའི་ནགས་ཚལ་གྱི་སྒོ། ༼སོ༽ ཕ་མའི་མདོ། ༼སོ༽ འཕགས་པ་བདེན་བཞིའི་མདོ། ༼སོ༽ དོན་རྣམ་པར་ངེས་པ། ༼པྲ་ལྷོ་ཉང་ས་ག་ཆ༽ ཆོས་ཀྱི་རྣམ་གྲངས་བམ་པོ་གཅིག །ཤོ་ལོ་ཀ་བདུན་ཅུ། དོན་རྒྱས་པའི་ཆོས་ཀྱི་རྣམ་གྲངས། ༼པྲ་ལྷོ་ཉང་སོ་ཅ༽ ཤོ་ལོ་ཀ་བརྒྱ། རྨད་དུ་བྱུང་བའི་ཆོས་ཀྱི་རྣམ་གྲངས། ༼པྲ་ལྷོ་ཉང་སོ་ག༽ ཤོ་ལོ་ཀ་བདུན་ཅུ། དེ་བཞིན་གཤེགས་པའི་གཟུགས་བརྙན་བཞག་པའི་ཕན་ཡོན་ཡང་དག་པར་བསྟན་པའི་ཆོས་ཀྱི་རྣམ་གྲངས། ༼པྲ་ལྷོ་ཉང་སོ་ཆ༽ ཤོ་ལོ་ཀ་དྲུག་ཅུ། མཆོད་རྟེན་བསྐོར་བའི་ཚིགས་སུ་བཅད་པ། ༼སོ༽ ཤོ་ལོ་ཀ་བདུན་ཅུ། གསལ་རྒྱལ་གྱི་ཚིགས་སུ་བཅད་པ། ༼པྲ་ལྷོ་ཉང་སོ༽ ཤོ་ལོ་ཀ་བརྒྱ། ཚིགས་སུ་བཅད་པ་གཅིག ༼སོ༽ ཚིགས་སུ་བཅད་པ་བཞི། ༼སོ་ཀླུའི༽ རྒྱལ་པོ་རྔ་སྒྲའི་ཚིགས་སུ་བཅད་པ། ༼ཉང་སོ༽ ཤོ་ལོ་ཀ་བརྒྱ། ཆེད་དུ་བརྗོད་པའི་ཚོམས། ༼པྲ་ལྷོ་ཉང་སོ་ཆ༽ བམ་པོ་བཞི། ཚོམས་སོ་གསུམ་སྐྱེས་བུ་དམ་པའི་མདོ། ༼པྲ་ལྷོ་ཉང་སོ༽ ཤོ་ལོ་ཀ་ཉིས་བརྒྱ། དགའ་བོ་རབ་ཏུ་བྱུང་བའི་མདོ། ༼པྲ་ལྷོ་ཉང་སོ་ག༽ ཤོ་ལོ་ཀ་ལྔ་བཅུ། ལྷའི་མདོ། ༼པྲ་ལྷོ་ཉང་སོ་ཅ༽ ཤོ་ལོ་ཀ་སུམ་ཅུ་རྩ་བདུན། ལྷའི་མདོ་ཉུང་ངུ། ༼པྲ་ལྷོ་ཉང་སོ་ཅ༽ ཤོ་ལོ་ཀ་བཅུ་བདུན། ཟླ་བའི་མདོ། ༼སོ༽ ཤོ་ལོ་ཀ་བཅུ་གསུམ། ཁང་བུ་བརྩེགས་པའི་མདོ། ༼སོ༽ ཤོ་ལོ་ཀ་དྲུག་ཅུ། གནས་འཇོག་གི་མདོ། ༼པྲ་ལྷོ་ཉང་སོ་ཆ༽ ཤོ་ལོ་ཀ་ཉི་ཤུ། དགའ་བ་ཅན་གྱི་མདོ། ༼པྲ་ལྷོ་ཉང་སོ་ང༽ ཤོ་ལོ་ཀ་ཉིས་བརྒྱ། མཁར་སིལ་གྱི་མདོ་དང་། མཁར་སིལ། འཆང་བའི་

― GTN003_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཏུ་སྤྱོད་པ་སྟོན་པའི་ཆོ་ག་གཉིས་བསྡོམས་པར། ༼པྲ་ལྷོ་ཉང་སོ་ཅ༽ བམ་པོ་གཅིག །ཆོས་ཀྱི་འཁོར་ལོའི་མདོ། ༼སོ༽ ལས་ཀྱི་རྣམ་པར་སྨིན་པའི་འབྲས་བུ་བསྟན་པ། ༼སོ༽ ལས་རྣམ་འབྱེད། ༼པྲ་ལྷོ་ཉང་སོ་ཆ༽ བམ་པོ་གཉིས། འདིར་གསན་ཡིག་ཏུ་ལས་རྣམ་འབྱེད་ཆུང་བ་བྱ་བ་ཞིག་འདུག་ཀྱང་ཡི་གེ་མེད་ལ་ལུང་རྒྱུན་ཡང་ལྔ་པའི་གསན་ཡིག་ཏུ་མེད་གསུང་། ལས་ཀྱི་རྣམ་པར་འགྱུར་བ། ༼སོ༽ ཤོ་ལོ་ཀ་ཉིས་བརྒྱ་བདུན་ཅུ། ༼ཧ་པར།༽ ལས་བརྒྱ་ཐམ་པ་བམ་པོ་དྲུག་ཡོད་པ་ལས་ཉེར་དྲུག་པ་ཡན་དང་། སྡོམ་གྱི་ཚིགས་སུ་བཅད་པ་བཅུ་ཡོད་པ་ལས། ཚིགས་སུ་བཅད་པ་བདུན་པའི་གཏམ་བརྒྱུད་དང་པོ་ཡན། ༼པྲ་ལྷོ་ཉང་སོ༽ ༼ཨ་པར།༽ གོང་གི་འཕྲོ་ཡོངས་རྫོགས། མཛངས་བླུན་ཞེས་བྱའི་མདོ་བམ་པོ་བཅུ་གཉིས། ༼པྲ་ལྷོ་ཉང་སོ་ཅ༽ ལེའུ་ང་གཅིག །ཀུན་ཏུ་རྒྱུ་སེན་རིང་གིས་ཞུས་པ། ༼པྲ་ལྷོ་ཉང་སོ་ཆ༽ ཤོ་ལོ་ཀ་སོ་བདུན། བྱམས་པའི་མདོ། ༼པྲ་ལྷོ་ཉང་སོ་ཆ༽ བྱམས་པ་ལུང་བསྟན་པ། ༼པྲ་ལྷོ་ཉང་སོ༽ ཤོ་ལོ་ཀ་བརྒྱད། ༼ཨཾ་པར།༽ གང་པོ་ལ་སོགས་པའི་རྟོགས་བརྗོད་བརྒྱ་པ། ༼པྲ་ལྷོ་ཉང་སོ་ཆ༽ བམ་པོ་ཉེར་གཉིས། སངས་རྒྱས་ཀྱི་རྟོགས་བརྗོད་ཤེས་ལྡན་གྱི་མདོ། ༼པྲ་ལྷོ་ཉང་སོ་ཆ༽ ཤོ་ལོ་ཀ་བཅོ་ལྔ། ཕག་མོའི་རྟོགས་བརྗོད། ༼པྲ་ལྷོ་ཉང་སོ་ཅ༽ ཤོ་ལོ་ཀ་བརྒྱ། མ་ག་དྷ་བཟང་མོའི་རྟོགས་བརྗོད། ༼སོ༽ ༼ཨ་པར།༽ བསོད་ནམས་སྟོབས་ཀྱི་རྟོགས་བརྗོད། ༼པྲ་ལྷོ་ཉང་སོ་ཆ༽ བམ་པོ་

― GTN003_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས། ཟླ་འོད་ཀྱི་རྟོགས་བརྗོད། ༼སོ༽ དཔལ་གྱི་སྡེའི་རྟོགས་བརྗོད། ༼སོ༽ གསེར་མདོག་གི་སྔོན་གྱི་སྦྱོར་བ་བསྟན་པ། ༼པྲ་ལྷོ་ཉང་སོ་ཆ༽ ཤོ་ལོ་ཀ་བཅུ་བདུན། རྒྱལ་བུ་དོན་གྲུབ་ཀྱི་མདོ། ༼པྲ་ལྷོ་ཉང་སོ་ཆ༽ བམ་པོ་གཅིག །ཚངས་པའི་དྲ་བའི་མདོ། ༼ཉང་སོ༽ བམ་པོ་གཉིས། ཐབས་ལ་མཁས་པ་ཆེན་པོ་སངས་རྒྱས་དྲིན་ལན་བསབ་པའི་མདོ། ༼པྲ་ལྷོ་ཉང་སོ་ཆ་ཏ༽ བམ་པོ་ཕྱེད་བརྒྱད། ལེའུ་དགུ། ལེགས་ཉེས་རྒྱུ་འབྲས་བསྟན་པ། ༼པྲ་ལྷོ་ཉང་སོ༽ དགེ་དང་མི་དགེའི་ལས་ཀྱི་རྣམ་སྨིན་བསྟན་པ། ༼ད༽ བམ་པོ་གཅིག །ཟླ་བའི་སྙིང་པོས་ཞུས་པའི་མདོ་ལས་བསྟན་པ་གནས་པ་དང་། འཇིགས་པའི་ཚུལ་ལུང་བསྟན་པ། ༼སོ༽ བམ་པོ་གཅིག །རི་གླང་རི་ལུང་བསྟན་པ། ༼པྲ་ལྷོ་ཉང་སོ་ཆ༽ བམ་པོ་གཅིག །སྟག་རྣའི་རྟོགས་བརྗོད། ༼སོ༽ བམ་པོ་གཉིས། མིག་བཅུ་གཉིས་པའི་མདོ་ ༼པྲ་ལྷོ་ཉང་སོ་ཆ༽ རྣམས་ཀྱིས་མདོ་མང་པུསྟི་ཀ་སོ་གཉིས་རྫོགས་པ་ལེགས་པར་ནོད་པ་ལ། པྲ།༽ རྟགས་ཅན་རྣམས་ཀྱི་བརྒྱུད་པ་ནི། མཉམ་མེད་ཤཱཀྱའི་རྒྱལ་པོ། འཕགས་པ་ཀུན་དགའ་བོ། ཀྲྀཥྞིའི་གོས་ཅན། ཤ་ནའི་གོས་ཅན། ཉི་མའི་ལུང་པ། རྒྱལ་རིགས་ཐམས་ཅད་མཁྱེན་པའི་བཤེས་གཉེན། འཕགས་པ་ཀླུ་སྒྲུབ། ཨརྱ་དེ་བ། འཇམ་དཔལ། རིན་ཆེན་འབྱུང་གནས་ཞི་བ། རྡོ་རྗེ་གདན་པ་ཆེ་ཆུང་འབྲིང་གསུམ། པཎ་ཆེན་ཤཱཀྱ་ཤྲཱི། དཔལ་ཆོས་བཟང་། དཔལ་པདྨ་ཅན། མཁན་པོ་གཞོན་ནུ་ཡེ་ཤེས། རོང་པ་ཤེས་རབ་སེངྒེ། བག་སྟོན་གཞོན་ནུ་ཚུལ་ཁྲིམས། བླ་མ་མགོན་པོ་འབུམ། སྤྲུག་སྟོན་བསོད་ནམས་རྒྱལ་མཚན། མཁན་ཆེན་ཤེས་རབ་རྡོ་རྗེ། ཆོས་

― GTN003_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་བ་ཆོས་དཔལ་ཤེས་རབ། སློབ་དཔོན་བསོད་ནམས་སེངྒེ། ཚལ་བ་རིན་ཆེན་གྲགས་དོན། དགྲ་བཅོམ་རིན་ཆེན་གྲགས་པ། རྗེ་ཤཱཀྱ་རྒྱལ་མཚན། ཁུ་སྟོན་ཀུན་དགའ་རྣམ་རྒྱལ། ཆེན་པོ་བློ་གྲོས་རྒྱལ་མཚན། འབུམ་རམས་པ་རིན་ཆེན་ཆོས་འབངས། ཆོས་རྗེ་ཚུལ་ཁྲིམས་དབང་ཕྱུག །དཔའ་བོ་ཆོས་རྒྱལ་དོན་གྲུབ། སྤྱན་སྔ་དཀོན་མཆོག་འབངས། སེམས་དཔའ་གྲགས་པ་དོན་གྲུབ། བླ་མ་ཚོགས་གཉིས་དཔལ་གྲུབ། ཉང་བློ་མཆོག་རྡོ་རྗེ། མགོན་པོ་བསོད་ནམས་མཆོག་ལྡན། རབ་འབྱམས་ཆོས་རྗེ་རིན་ཆེན་རྒྱ་མཚོ། ཀུན་དགའ་བསྟན་པ་དར་རྒྱས། རྡོ་རྗེ་འཛིན་པ་ཀུན་དགའ་དར་རྒྱས། སྡེ་སྣོད་འཛིན་པ་འབུམ་རབ་འབྱམས་པ་ཨོ་རྒྱན་སྐལ་བཟང་། འགྱུར་མེད་སྐལ་བཟང་འཕེལ་རྒྱས་བཟང་པོ། ཐེག་མཆོག་བསྟན་འཛིན། ཀུན་བཟང་རྣམ་རྒྱལ། པདྨ་རིན་ཆེན། རྣམ་འདྲེན་མཆོག་སྤྲུལ་པདྨ་གསང་སྔགས་བསྟན་འཛིན་ཆོས་རྒྱལ། དེས་བཀའ་དྲིན་དུ་སྩལ་བའོ། ། བརྒྱུད་པ་འདི་ལ་ཧོར་ཁོང་ཡོད་ཚུལ་ལ་བརྟེན་ནས། ལྷོ།༽ རྟགས་ཅན་རྣམས་ཀྱི་བརྒྱུད་པ་ནི། པཎ་ཆེན་ཤཱཀྱ་ཤྲཱི་ནས། ལྷོ་ནག་ཐམས་ཅད་མཁྱེན་པ། ཀོ་ནག་རལ་གྲི། རྗེ་སྟན་ཟས་གཙང་། ཤངས་པ་གྲགས་སེང་། ཞལ་སྔ་བ་བསོད་ནམས་རིན་ཆེན། མཁན་པོ་གཞོན་ནུ་ཡེ་ཤེས། སེ་སྟོན་འབྱུང་ལྡན་འོད་ཟེར། མང་མཁར་བ་བྱང་ཆུབ་སེངྒེ། ཁང་ཀུན་དགའ་འོད་ཟེར། བག་སྟོན་མན་པྲ་རྟགས་ཅན་ལྟར་རོ། །འདི་ལ་གསན་ཡིག་ངེས་ཏིག་མ་བྱུང་བར་བརྟེན་བག་སྟོན་གྱིས་ས་སྐྱ་ཡང་དགོན་པ་བློ་ཆེན་སངས་རྒྱས་སྲས་ལ་གསན་པ།

― GTN003_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

ཉང་༽ གི་རྟགས་ཅན་གྱི་བརྒྱུད་པ་ནི། ཐུབ་པའི་དབང་པོ། མི་ཕམ་པ། ཐོགས་མེད་སྐུ་མཆེད། སངས་རྒྱས་བསྐྱངས། སངས་རྒྱས་ཡེ་ཤེས་ཞབས། མར་མེ་མཛད་བཟང་པོ། དྲི་མེད་སྦས་པ། རིན་ཆེན་རྡོ་རྗེ། དྷརྨ་ཨ་ཀ་ར། ཤཱནྟི་པ། དེ་ལ་ཛྙཱ་ན་ཤྲཱི་དང་། པུཎྱཻ་ཤྲཱི་གཉིས་ཀྱིས་གསན། གཉིས་ཀ་ལ་སུ་མ་ཏི་ཀིརྟིས་གསན། དེ་ནས་རོང་ཟོམ་ཆོས་བཟང་། མངའ་བདག་ཉང་ཏིང་འཛིན་བཟང་པོ། ཉང་ཉི་མ་འོད་ཟེར། ལྷོ་པ་ཐམས་ཅད་མཁྱེན། ཀོ་ནག་རལ་གྲི། ཤངས་པ་གྲགས་སེང་། ཞང་ཀུན་དགའ་འབུམ། ཕྱག་ཁུར་བ་དཀོན་མཆོག་ཡེ་ཤེས། བག་སྟོན་མན་པྲ་རྟགས་ཅན་ལྟར་རོ། ། གྲུབ།༽ རྟགས་ཅན་རྣམས་ལ་ཚོགས་གཉིས་དཔལ་གྲུབ་དང་སྨན་ལུང་པའི་བར་ན་གྲུབ་པ་རྡོ་རྗེ་བཞུགས་སོ། །བག་སྟོན་གྱིས་མདོ་སྡེ་བྱེ་བྲག་ཏུ་གསན་པ་གསན་ཡིག་གཞན་དུ་གསལ་ལྟར་རོ། ། ང་།༽ རྟགས་ཅན་རྣམས་ཀྱི་བརྒྱུད་པ་ལུགས་གཅིག་ནི། ཐུབ་པའི་དབང་པོ། འཇམ་དཔལ། རིན་ཆེན་འབྱུང་གནས་ཞི་བ། བལ་པོའི་པཎ་ཆེན་ཞི་བ་བཟང་པོ། འགྲོ་ཤཱཀྱ་འོད། ཁྱུང་པོ་གྲགས་སེང་། ཤེའུ་དགོན་པ་བ། བྱང་ཆད་པ་དཀོན་མཆོག་ཤེས་རབ། མང་མཁར་དཀོན་མཆོག་སྐྱབས། བརྡའ་སྟོན་བསོད་ནམས་ཡོན་ཏན། གྲུབ་ཐོབ་ཡོན་ཏན་དཔལ། འགྲོ་མགོན་འཕགས་པ། ཁུར་ཡེ་ཤེས་རྒྱལ་མཚན། བག་སྟོན། མགོན་པོ་འབུམ། བསོད་ནམས་རྒྱལ་མཚན། ཤེས་རྡོར་བ་མན་པྲ་རྟགས་ཅན་དང་འདྲ། ཡང་ན། འགྲོ་མགོན་འཕགས་པ་ནས། ཚད་མའི་

― GTN003_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་བུ། བུ་སྟོན་རིན་ཆེན། མཁན་ཆེན་ཤེས་རྡོར་བ་མན་གོང་དང་འདྲ། ཁ་།༽ རྟགས་ཅན་རྣམས་ཀྱི་བརྒྱུད་ལུགས་གཅིག་ནི། ཐུབ་པའི་དབང་པོ། བྱམས་པ། ཐོགས་མེད། དབྱིག་གཉེན། རྣམ་གྲོལ་སྡེ། སེངྒེ་བཟང་པོ། སངས་རྒྱས་ཡེ་ཤེས་ཞབས། ཤཱནྟི་པ། པུཎྱཻ་ཤྲཱི། སྟེང་པ་ལོ་ཙཱ་བ། ཁྱུང་པོ་གྲགས་སེང་། ལྷ་རྗེ་གྲགས་སྐྱབས། འོར་སྟོན་ལྷ་དབང་། སོ་སྟོན་ཆོས་ཀྱི་ཤེས་རབ། དབུས་པ་སངས་རྒྱས་འབུམ། ལོ་མཆོག་པ། ར་ས་བ་སྟོན་མཆོག །བག་སྟོན་གཞོན་ཚུལ། བླ་མ་མགོན་པོ་འབུམ། བླ་མ་བསོད་ནམས་རྒྱལ་མཚན། མཁན་ཆེན་ཤེས་རྡོར་བ་མན་པྲ་རྟགས་ཅན་ལྟར་རོ། ། ག༽ རྟགས་ཅན་རྣམས་ཀྱི་བརྒྱུད་པ་ནི་ལུགས་གཅིག་ནི། སྟོན་པ་ཉི་མའི་གཉེན། སྤྱན་རས་གཟིགས། བྱམས་པ་མགོན་པོ་སོགས། གསེར་གླིང་པ་ཆོས་གྲགས། ཇོ་བོ་དཱི་པཾ་ཀཱ་ར། ནག་ཚོ་ཚུལ་ཁྲིམས་རྒྱལ་བ། པོ་ཏོ་བ། ཤ་ར་བ། བྱ་ཡུལ་མུས་སྨན། དཔལ་ལྡན་གྲོ་ཆོ་ཆེ། མཚམས་ཆེན་པ། བྱང་ཆེན་པ། བག་སྟོན་པ། མགོན་པོ་འབུམ། བླ་མ་དམ་པ། མཁན་ཆེན་ཤེས་རྡོར་བ་མན་པྲ་རྟགས་ཅན་དང་འདྲ། ང་།༽ རྟགས་ཅན་རྣམས་ཀྱི་བརྒྱུད་ལུགས་གཅིག་ནི། ཐུབ་པའི་དབང་པོ། འཇམ་དབྱངས། ཀླུ་སྒྲུབ། ཀླུའི་བྱང་ཆུབ། ཌོམྦི་པ། འཇམ་དཔལ་གྲགས་པ། རིན་འབྱུང་ཞི་བ། རྡོ་རྗེ་གདན་པ་ཆེ་འབྲིང་ཆུང་གསུམ། སཱོ་མ་ཤྲཱི་བྷཱ་དྲ། བྷཻ་ནཱ་ཏྱུ་ཤྲཱི། ཁྲོ་ལོ་བྱམས་པའི་དཔལ། ལྷོ་པ་ཀུན་མཁྱེན། སྤང་ཁང་པ། ཤངས་པ་གྲགས་སེང་། ཞལ་སྔ་བསོད་ནམས་རིན་ཆེན། མཁན་ཆེན་གངས་པ། ཤེས་རྡོར་དཔལ། དགེ་

― GTN003_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

སློང་ཀུན་དགའ་ཉི་མ། བག་སྟོན། མགོན་པོ་འབུམ། སྤྲུ་སྟོན་བསོད་ནམས་རྒྱལ་མཚན། ཤེས་རྡོར་བ་མན་པྲ་རྟགས་ཅན་དང་འདྲ། ཅ།༽ རྟགས་ཅན་རྣམས་ཀྱི་བརྒྱུད་ལུགས་གཅིག་ནི། སངས་རྒྱས་བྱམས་པ། ཀླུ་སྒྲུབ་སྙིང་པོ། སྐལ་ལྡན་གྲགས་པ། ཟླ་བ་གྲགས་པ། འཇམ་དཔལ་གྲགས་པ། ཆོས་ཀྱི་གྲགས་པ། ཏཻ་ལོ། ན་རོ། ཞི་བའི་བཤེས་གཉེན། ཛྙཱ་ན་ཤྲཱི། གཉན་ལོ་དར་མ་གྲགས། ཁྱུང་པོ་གྲགས་སེང་། འཁོར་སྟོན་ལྷ་དབང་། སོ་སྟོན་ཆོས་ཀྱི་ཤེས་རབ། ཞང་དར་མ་སེངྒེ། རོང་པ་ཆོས་མགོན། དབུས་པ་སངས་རྒྱས། ལོ་མཆོག་པ། བག་སྟོན། མགོན་པོ་འབུམ། སྤྲུ་སྟོན། མཁན་པོ་ཤེས་རྡོར་བ་མན་པྲ་རྟགས་ཅན་ལྟར་རོ། ། ཆ།༽ རྟགས་ཅན་རྣམས་ཀྱི་བརྒྱུད་ལུགས་གཅིག་ནི། དེ་བཞིན་གཤེགས་པ། འཇམ་དཔལ། སངས་རྒྱས་ཡེ་ཤེས། མར་མེ་མཛད་བཟང་པོ། སྨན་པའི་ཞབས། རྒྱལ་བའི་བྱིན། རཏྣ་ཤྲཱི། ཤནྟི་བཛྲ། ཀརྨ་བཛྲ། པུཎྱཻ་ཤྲཱི། ཛ་ཡ་ཤྲཱི། བི་ཛ་ཡ་རཀྵི་ཏི། ཐར་ལོ་ཉི་མ་རྒྱལ་མཚན། ཕག་ཁུར་བ་དཀོན་མཆོག་བླ་མ། བག་སྟོན་པ། མགོན་པོ་འབུམ། སྤྲུ་སྟོན་པ། མཁན་ཆེན་ཤེར་རྡོར་བ་མན་པྲ་རྟགས་ཅན་ལྟར་རོ། །སཱ་ལུ་ལྗང་པའི་མདོའི་བརྒྱུད་ཚུལ་གཞན་དུ་གསལ། ཇ།༽ རྟགས་ཅན་རྣམས་ཀྱི་བརྒྱུད་པ་ལུགས་གཅིག་ནི། ཐུབ་པའི་དབང་པོ། ཕྱག་རྡོར། ཛེ་ཏ་རི། རྡོ་རྗེ་གདན་པ་གསུམ། བ་རི་ལོ་ཙཱ། གཉན་སྟོན། གྲགས་པ་རྒྱལ་མཚན། གཉན་རིན་ཆེན་གྲགས། དཀོན་མཆོག་སེངྒེ། དེ་སྲས་རྟོག །དབུས་

― GTN003_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སངས་རྒྱས་འབུམ། ལོ་མཆོག་པ། བློ་ཆེན། བདེ་ཅན་ཡེ་ཤེས་མགོན་པོ། བདེ་ཅན་སེངྒེ་རྒྱལ་མཚན། གར་ཐིག་པ་བསོད་ནམས་རྒྱལ་མཚན། མཁན་ཆེན་ཤེས་རྡོར་བ་མན་པྲ་རྟགས་ཅན་ལྟར་རོ། ། ཉ།༽ རྟགས་ཅན་རྣམས་ཀྱི་བརྒྱུད་ལུགས་གཅིག་ནི། སངས་རྒྱས། ཕྱག་རྡོར། རྡོ་རྗེ་གདན་པ་གསུམ། པུཎྱཻ་ཤྲཱི། སྟེང་པ་ལོ་ཙཱ། སོ་ཀུན་མཁྱེན། སོ་འཛམ་གླིང་རྒྱན། ལྷོ་བ་ཀུན་མཁྱེན། ཀོ་ནག་རལ་གྲི། ཇོ་བསྟན་ཟས་གཙང་། ཤངས་པ་གྲགས་སེང་། རིན་ཆེན་འབུམ། བདེ་ཅན་ཡེ་ཤེས་མགོན་པོ། གར་ཐིག་པ། ཤེས་རྡོར་བ་མན་པྲ་རྟགས་ཅན་ལྟར་རོ། ། སྒོ།༽ རྟགས་ཅན་རྣམས་ཀྱི་བརྒྱུད་ལུགས་གཅིག་ནི། གངས་དཀར་རྡོ་རྗེ་གདན་པ་ཡན་གོང་ལྟར་ལས། མཁས་གྲུབ་རིག་པའི་གློག་འཕྲེང་། བླ་མ་བསྟན་པ་རྒྱ་མཚོ། འབྲུག་པ་ངག་དབང་ཆོས་རྒྱལ། གཅུང་ངག་གི་དབང་ཕྱུག །རྗེ་ངག་དབང་ནོར་བུ། ལྷ་རྩེ་བ་ངག་དབང་བཟང་པོ། བླ་མ་ཀུན་དགའ་བློ་གྲོས། ཁུ་སྟོན་ངག་དབང་རྣམ་རྒྱལ། རྗེ་བཀའ་འགྱུར་བ་མན་འདྲ། ཡང་ན་ཚལ་གྲགས་དོན་པ་ནས། རྔོག་བྱང་ཆུབ་དཔལ། མཁན་ཆེན་ཀུན་རྒྱལ་བ། སྨན་རྒྱལ་བ་ནམ་མཁའ་དབང་ཕྱུག །འབུམ་རམས་པ་མན་པྲ་རྟགས་ཅན་སོགས་སྤྱི་ལྟར་ལས། བླ་མ་ཚོགས་གཉིས་པ་དང་སྨན་ལུང་པའི་བར་ན་དྷཱི་ཚ་སྤྲུལ་སྐུ་འཇིག་རྟེན་དབང་ཕྱུག་བཞུགས། ཏ།༽ རྟགས་རྣམས་ཀྱི་བརྒྱུད་ལུགས་གཅིག་ནི། ཐུབ་པའི་དབང་པོ། འཇམ་

― GTN003_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ། ཀླུ་སྒྲུབ། པཎྜི་ཏ་བྱང་ཆུབ་བཟང་པོ། འཇམ་དཔལ་སྤྲུལ་ཞུ་ཐུན། གྱིམ་བཙུན་ཇ། རྟེན་ཞི་དུ་གོ་བཞིན། གྱིའི། ཧའི་ཧྲ་ཐའི། གྱི་ཧུ། སོན་ཆེན་གྱིར། །སེང་ག་སེང་། གྱིང་ཧུ། དབུས་པ་སངས་རྒྱས། ལོ་མཆོག་པ། ར་ས་བ། སྟོན་ཤཱཀྱ། བག་སྟོན། མགོན་པོ་འབུམ། ཆོས་རྗེ་བླ་མ་དམ་པ། ཤེས་རྡོར་བ་མན་པྲ་རྟགས་ཅན་དང་འདྲ། མྱང་འདས་རྒྱ་ནག་འགྱུར་གྱི་བརྒྱུད་ལུགས་གཅིག་ནི། མགོན་པོ་འབུམ་ཡན་བཤད་མ་ཐག་པ་ལྟར་ལ། སྤྲུ་སྟོན་པ། མཁན་ཆེན་ཤེས་རྡོ། རབ་འབྱམས་པ་ཆོས་དཔལ་ཤེས་རབ། མཐའ་རྩེའི་མཁན་ཆེན་གྲགས་པ་རྡོ་རྗེ། ཚལ་གྲགས་དོན་པ་མན་པྲ་རྟགས་ལྟར་རོ། ། ཡང་ན། མཁན་ཆེན་ཤེས་རྡོར་ནས། འབྲི་ཁུང་ལོ་ཙཱ་བ། མཚོ་དཀར་བ། ཁམས་པ་བྱང་རྒྱལ། བླ་མ་བསོད་ནམས་ཤེས་རབ། བླ་མ་གཞོན་ནུ་དར། ཚལ་གྲགས་དོན་པ་མན་པྲ་རྟགས་ཅནལྟར་རོ། ། གཡུང་དྲུང་གི་རྟགས་ཅན་རྣམས་ཀྱི་བརྒྱུད་ལུགས་གཅིག་ནི། ལོ་ཙཱ་བ་མཆོག་ལྡན་ཡན་གོང་ལྟར་ལ། དེས་བསོད་ནམས་སེངྒེ། གར་ཐིག་པ། མཁན་ཆེན་ཤེས་རྡོར་བ། མན་གྱི་ལུགས་གཉིས་མྱང་འདས་རྒྱ་ནག་འགྱུར་དང་འདྲ། རཏྣའི།༽ རྟགས་ཅན་གྱི་བརྒྱུད་ལུགས་གཅིག་ནི། སངས་རྒྱས། བྱམས་པ། ཐོགས་མེད་སྐུ་མཆེད། པཎ་ཆེན་བློ་བརྟན། རིག་པའི་ཁུ་བྱུག །ཁ་ཆེ་དགོན་པ་བ། དཔའ་བོའི་སྡེ། དཱི་པཾ་ཀ་ར་བྷ་དྲ། བི་མ་གུཔྟ། རཏྣ་བཛྲ། ཤཱནྟི་པ། སུ་མ་ཏི་ཀིརྟི། སྨྲྀ་ཏི་ཛྙཱ་ན། རོང་ཟོམ་ལོ་ཙཱ་བ། ལྷོ་ཁྱུང་སྟོན་གྲགས། སྤྲུ་སྟོན་བསོད་དབང་། ཀོ་
ནག་པ། བླ་མ་གྲགས་སེང་། བླ་མ་ཤངས་ཚུལ། སློབ་དཔོན་ཡོན་ཏན་དཔལ། སྙེ་མདོ་ཀུན་དགའ་དོན་གྲུབ། རྗེ་རང་བྱུང་རྡོ་རྗེ། རྗེ་རྒྱལ་བ་དཔལ། སློབ་དཔོན་བརྩོན་སེང་། བློ་གྲོས་སེངྒེ། འཇམ་དཔལ་ཆོས་རྡོར། ཚལ་གྲགས་དོན་པ་མན་བཤད་མ་ཐག་པ་བཞིན་ནོ། །དེ་དག་ནི་མདོའི་ཐེག་པའི་འཁོར་ལོ་རིམ་པ་གསུམ་གྱི་དམ་པའི་ཆོས་རྣམས་ཇི་ལྟར་ཐོབ་པའི་ཚུལ་ལོ།། །།

གསང་སྔགས་རྡོ་རྗེ་ཐེག་པའི་སྐོར། རྣལ་འབྱོར་བླ་མེད་རྒྱུད་ལ་ཟུང་འཇུག་གཙོར་སྟོན་གཉིས་མེད་རྒྱུད།

― GTN003_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

༈ རྩ་བའི་ས་བཅད་གཉིས་པ་གསང་སྔགས་རྡོ་རྗེ་ཐེག་པའི་སྐོར་ཇི་ལྟར་ཐོབ་པའི་ཚུལ་ལ་གསར་རྙིང་གཉིས་ལས། འདིར་ཕྱི་འགྱུར་གསར་མའི་རྒྱུད་རྣམས་ཇི་ལྟར་ཐོབ་པའི་ཚུལ་ལ་སྤྱིའི་གོ་རིམ་ཚལ་པ་བཀའ་འགྱུར་ལྟར་གཙོ་ཕལ་རིམ་པས་བཀོད་ཅིང་། བྱེ་བྲག་ཏུ་རྒྱུད་སྡེ་སོ་སོའི་སྒྲིག་ཚུལ། ཀུན་མཁྱེན་བུ་སྟོན་སོགས་ཀྱིས་མཛད་པ་ལྟར་ལེགས་པར་མངོན་པས་དེ་བཞིན་དུ་དགོད་པ་ལ། རྣལ་འབྱོར་བླ་ན་མེད་པའི་རྒྱུད། རྣལ་འབྱོར་གྱི་རྒྱུད། སྤྱོད་པའི་རྒྱུད། བྱ་བའི་རྒྱུད། དང་པོ་རྣལ་འབྱོར་བླ་མེད་ཀྱི་རྒྱུད་ལ། ཟུང་འཇུག་གཙོ་བོར་སྟོན་པ་གཉིས་སུ་མེད་པའི་རྒྱུད། ཤེས་རབ་གཙོ་བོར་སྟོན་པ་མའི་རྒྱུད། ཐབས་གཙོ་བོར་སྟོན་པ་ཕའི་རྒྱུད་དེ་གསུམ་ལས། དང་པོ་ནི། ༼ཀ་པར།༽ འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ། ལེའུ་བཅུ་གཉིས། རྩ་རྒྱུད་ཀྱི་དུམ་བུ་དང་པོ་མདོར་བསྟན། དུས་འཁོར་བསྡུས་རྒྱུད་ལེའུ་ལྔ། དུས་འཁོར་གྱི་རྒྱུད་ཕྱི་མ་རྒྱུད་ཀྱི་སྙིང་པོ། དུས་ཀྱི་འཁོར་ལོའི་མ་རྒྱུད་

― GTN003_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྙིང་པོ་ཤྲཱི་བྷཱ་དྲ་དང་། ལོ་ཙཱ་བ་ཇོ་བནྡེ་ཟླ་བའི་འོད་ཟེར་གྱིས་བསྒྱུར་ཞེས་པ་ལུང་རྒྱུན་མེད་པ། བསྡུས་རྒྱུད་ལས་དཱ་རི་ཀ་པས་ཕྱུང་བའི་དབང་གི་རབ་བྱེད་རྣམས་ཐོབ་པའི་རྒྱུད་པ་ནི། དུས་ཀྱི་འཁོར་ལོ། ཆོས་རྒྱལ་རིགས་ལྡན། སེངྒེ་རྣམ་པར་རྒྱལ་བ། དུས་ཞབས་པ་ཡབ་སྲས་ན་ལེནྟྲ་པ། པཎ་ཆེན་སོ་མ་ནཱ་ཐ། འབྲོ་ལོ་ཙཱ་བ། ལྷ་རྗེ་སྒོམ་པ། སྒྲོ་སྟོན་གནམ་ལ་བརྩེགས། གྲུབ་ཐོབ་ཡུ་མོ་བ། སྲས་དྷརྨེ་ཤྭ་ར། སྤྲུལ་སྐུ་ཇོ་འབུམ། ནམ་མཁའ་འོད་ཟེར། སེ་མོ་ཆེ་བ། འཇམ་གསར་ཤེས་རབ་འོད་ཟེར། བོ་དོང་རིན་ཆེན་རྩེ་མོ། རིན་ཆེན་ཤེས་རབ། བློ་ཆེན་སངས་རྒྱས་སྲས། མཁན་པོ་རྒྱལ་བཟང་དཔལ། གངས་ཁྲོད་པ་གྲགས་དཔལ། ས་བཟང་མ་ཏི་ས་ཆེན། ས་བཟང་འཕགས་པ། བླ་མ་འཇམ་དབྱངས་གྲགས་པ། རི་ཁྲོད་པ་བསོད་ནམས་རྒྱ་མཚོ། ཆོས་རྗེ་དཔལ་ལྡན་རྡོ་རྗེ། ཆོས་རྗེ་དཀོན་མཆོག་འཕེལ། རྗེ་ལྷ་མཆོག་སེངྒེ། ཆོས་རྗེ་དགེ་ལེགས་བཤེས་གཉེན། ཤར་ཁང་པ་ཤེས་རབ་རྒྱལ་མཚན། གྲང་ཏི་པཎ་ཆེན། དེས་དབོན་ནམ་མཁའ་སངས་རྒྱས། མགོན་པོ་བསོད་ནམས་མཆོག་ལྡན། རིན་ཆེན་རྒྱ་མཚོ། ཀུན་དགའ་བསྟན་དར། ཀུན་དགའ་དར་རྒྱས། རྒྱུད་གསུམ་སྨྲ་བ་འབུམ་རབ་འབྱམས་པ་ཨོ་རྒྱན་སྐལ་བཟང་། འགྱུར་མེད་སྐལ་བཟང་། ཐེག་མཆོག་བསྟན་འཛིན་མན་འདྲ། གཞན་ཡང་བརྒྱུད་ཚུལ་མང་དུ་ཡོད་དོ། །༼ཆད་དམ་དཔྱད་འཚལ།༽ གཉིས་མེད་ཧེ་རུ་ཀའི་རིགས་ལ། བདེ་མཆོག །དགྱེས་རྡོར། སངས་རྒྱས་ཐོད་པ། མ་ཧཱ་ཡཱ། ཨཱ་ར་ལི་དང་ལྔ་ལས། དང་པོ་ལ་རྩ་བཤད་གཉིས་ལས། དང་པོ་ནི།

― GTN003_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

ཧེ་རུ་ཀ་མངོན་འབྱུང་ལས། འབུམ་ཕྲག་འབུམ་ཕྲག་གསུམ་ལས་བཤད། །རྒྱུད་ཀུན་སྙིང་པོ་བསྡུས་པ་ཡིན། །ཞེས་རྩ་རྒྱུད་མངོན་བརྗོད་ལེའུ་འབུམ་ཕྲག་གསུམ་པ་ལས། བསྡུས་པའི་ལེའུ་འབུམ་པ་སྟེ། དེ་ལས་བསྡུས་པ་བདེ་མཆོག་ཉུང་ངུའི་རྒྱུད་ལེའུ་ང་གཅིག །ཤོ་ལོ་ཀ་སྟོང་དང་བདུན་བརྒྱ། གཉིས་པ་བཤད་རྒྱུད་ལ། ཐུན་མོང་མ་ཡིན་པ་དང་། ཐུན་མོང་གཉིས་ལས། དང་པོ་ལ། ངེས་པར་བརྗོད་པའི་རྒྱུད་བླ་མའི་བླ་མ་ཞེས་བྱ་བའི་རྒྱུད། ལེའུ་དྲུག་ཅུ་རྩ་དགུ། དེ་གཉིས་ཀྱི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ས་ར་ཧ་པ། ཀླུ་སྒྲུབ། ཤ་ཝ་རི་པ། དྷ་རི་ཀ་པ། རྡོ་རྗེ་དྲིལ་བུ་བ། རུསྦལ་ཞབས། འབར་བ་འཛིན། ཀྲིཥྞི་པ། གུ་ཧྱ་པ། རྣམ་རྒྱལ་ཞབས། བར་མའི་སློབ་དཔོན། ཏཻ་ལོ་པ། ན་རོ་པ། ཕམ་མཐིང་པ་མཆེད། ཀློག་སྐྱ་ཤེས་རབ་བརྩེགས། མར་ལོ་ཙཱ་བ། ས་ཆེན་གོང་མ་ལྔ་། ཞང་དཀོན་མཆོག་དཔལ་བ། བྲག་ཕུག་པ། ཆོས་རྗེ་བླ་མ་དམ་པ། དཔལ་ལྡན་ཚུལ་ཁྲིམས། ཤར་ཆེན་ཡེ་ཤེས་རྒྱལ་མཚན། ངོར་པ་རྡོ་རྗེ་འཆང་། རཏྣའི་ཝརྟ། ལྷ་མཆོག་སེངྒེ་མན་དུས་འཁོར་གྱི་བརྒྱུད་པ་སྔོན་མ་ལྟར། བརྒྱུད་ཚུལ་གཞན་ཡང་ཡོད་དོ། ། ༼ཁ་པར།༽ རྡོ་རྗེ་མཁའ་འགྲོའི་རྒྱུད་ལེའུ་ལྔ་བཅུ་པའི་བརྒྱུད་པ་ནི། རྡོ་རྗེ་འཆང་། རྡོ་རྗེ་རྣལ་འབྱོར་མ། ལོ་ཧཱི་པ། ཌཱོམ་བི་པ། དཱ་རི་ཀ་པ། ཀ་ཙ་ཏ་པ། བཛྲ་གཎྜ། ལྭ་ཝ་པཱ། ཛ་ལནྡ་ར། ཀཧྞ་པ། ཀུ་ཤ་ལ་ནཱ་ཐཿ ཏཻ་ལོ། ནཱ་རོ། བལ་པོ་ཕམ་མཐིང་པ་མཆེད། མ་ཎི་ཀ་ཤྲཱི་ཛྙཱ་ན། ཁ་ཆེ་བྱང་ཆུབ་བཟང་པོ། དེ་བཞི་ཀ་ལ་མར་ངོ་ཆོས་

― GTN003_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་གིས་གསན། དེ་ནས་གཟེངས་བློ་བརྟན། སྲས་དོན་གྲུབ་ཡེ་ཤེས། ཁམས་པ་ཤཱཀ་རྡོར། དབུས་པ་སངས་རྒྱས། མཆོག་ལྡན་ལེགས་པའི་བློ་གྲོས། འཁོན་ཐུགས་རྗེ་རིན་ཆེན། འཇམ་དབྱངས་རིན་ཆེན་རྒྱལ་མཚན། བློ་ཆེན་པ་མན་མཉམ་སྦྱོར་དང་འདྲ། རྡོ་རྗེ་མཁའ་འགྲོའི་རྒྱུད་ཕྱི་མ། ལེའུ་བཅུ་བཞི་པ་ལུང་རྒྱུན་མེད་པ། དཔལ་མཁའ་འགྲོ་རྒྱ་མཚོ་ལེའུ་ལྔ་བཅུ་རྩ་གཅིག་མའི་བརྒྱུད་པ་ནི། རྡོ་རྗེ་འཆང་། རྡོ་རྗེ་རྣལ་འབྱོར་མ། སྤྱན་རས་གཟིགས། བློ་གྲོས་རིན་ཆེན། ཤ་བ་རི་པ། མཻ་ཏྲི་གུཔྟ། རྒྱ་གར་ཕྱག་ན། ཀ་མ་ལ་བཛྲ། ཛ་ཡ་སེ་ན། སུམ་པ་ལོ་ཙཱ་བ། རྗེ་བཙུན་གྲགས་རྒྱལ། ས་པཎ། སྐྱོ་བ་དཔལ། རྒྱལ་ཚ་ཆོས་ཀྱི་དབང་ཕྱུག །ལོ་ཙཱ་བ་མཆོག་ལྡན། བློ་ཆེན་པ། བླ་མ་ཡེ་ཤེས་མགོན་པོ། དར་མ་བཟང་པོ། དོན་རི་བ་གྲགས་དཔལ། སྤང་ཁང་པ་གྲགས་པ། པཎ་ཆེན་མན་མཉམ་སྦྱོར་ལྟར་རོ། །གཞན་ཡང་བརྒྱུད་ཚུལ་ཡོད། བདེ་མཆོག་སྡོམ་འབྱུང་གི་རྒྱུད་ལེའུ་སོ་གསུམ་པའི་བརྒྱུད་པ་ནི། རྡོ་རྗེ་འཆང་། རྣལ་འབྱོར་མ། ལཱུ་ཧི་པ། ད་རི་ཀ་པ། རྡོ་རྗེ་དྲིལ་བུ་པ། ཀུརྨ་པཱ་ད། འབར་བ་འཛིན། ཨ་ནུ་ས་མ་རཀྵི་ཏ། སོ་སོ་རི་པ། ཨ་བྷ་ཡཱ་ཀ་ར། ཤུ་བྷཾ་ཀ་ར་གུཔྟ། པུ་ཙ་རི་པཱ་ད། རཏྣ་རཀྵི་ཏ། ཆག་ལོ་ཙཱ། གོ་ལུང་པ། མདོ་སྡེ་དཔལ། ཤོང་བློ་གྲོས་བརྟན་པ། ལོ་མཆོག་པ། བློ་ཆེན་མན་མཁའ་འགྲོ་རྒྱ་མཚོ་དང་འདྲ། ༼ག་པར།༽ ཁྲག་འཐུང་མངོན་བྱུང་གི་རྒྱུད་ལེའུ་ཞེ་ལྔ་པའི་བརྒྱུད་པ་ནི། རྡོ་རྗེ་

― GTN003_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

འཆང་། ཡེ་ཤེས་མཁའ་འགྲོ། ནག་པོ་སྤྱོད་པ། བནྡྷེ་པ། རྗེ་དྷརྨཱ་པ། རྗེ་བྷ་ཝ་པ། ཛེ་ཏ་རི་པ། ཨ་ནམ་ག་བཛྲ། དྷརྨ་ཀ་ར་མ་ཧི། མེཉྫ་གླིང་པ། བློ་ཆེན་མན་སྡོམ་འབྱུང་ལྟར་རོ། །གཞན་ཡང་བརྒྱུད་ཚུལ་མང་དུ་ཡོད། རྣལ་འབྱོར་མ་ཀུན་ཏུ་སྤྱོད་པའི་རྒྱུད་ལེའུ་བཅུ་བདུན་པའི་བརྒྱུད་པ་ནི། རྡོ་རྗེ་འཆང་། རྡོ་རྗེ་མཁའ་འགྲོ། ལཱུ་ཧི་པ། རྒྱལ་པོ་ཨུརྨ་ཏ། ཀ་པ་དྷ་ར། ཨོཏྱན་ཌཱ་ཀཱི། ཏཻ་ལོ། ནཱ་རོ་པ། ཀྲྀཥྞ་པཎྜི་ཏ། གཉོས་ལོ་ཙཱ་བ། གཉོས་བླ་མ་དཔལ། ཕུག་པ་ཤེས་རབ་གྲགས། ཕུག་པ་ཇོ་འབུམ། སེངྒེ་རྒྱལ་མཚན། སངས་རྒྱས་འབུམ། ལོ་མཆོག་པ་མན་ཁྲག་འཐུང་མངོན་བྱུང་དང་འདྲ། རྣལ་འབྱོར་མ་བཞིའི་ཁ་སྦྱོར་གྱི་རྒྱུད་བརྟག་པ་བདུན་པ། རྡོ་རྗེ་འཆང་། བློ་གྲོས་རིན་ཆེན། ས་ར་ཧ་པ། ཀླུ་སྒྲུབ། ཤ་ཝ་རི། མཻ་ཏྲི་པ། རྒྱ་གར་ཕྱག་ན། བ་རེག་ལོ་ཙཱ་བ། སུམ་པ་འཇམ་མགོན། བ་རེག་རཏྣ་འབར། བ་རེག་འོད་ཟེར། ཇོ་འབུམ། སྟེང་ཕུ་ལུང་བ་ནམ་མཁའ་འགྲོ། བ་རེག་བཀྲ་ཤིས། ལོ་མཆོག་པ། བློ་ཆེན་པ། རྒྱལ་བཟང་དཔལ། སྤང་ཁང་གྲགས་དཔལ། མ་ཏི་པཎ་ཆེན་མན་མཉམ་སྦྱོར་དང་འདྲ། ཕག་མོ་མངོན་བྱང་གི་བརྒྱུད་པ་ནི། རྡོ་རྗེ་འཆང་། ཡེ་ཤེས་མཁའ་འགྲོ། ཏཻ་ལོ། ནཱ་རོ། པྲཛྙཱ་རཀྵི་ཏ། མེ་ཛཱ་གླིང་པ། རྭ་པ་སོགས་སྡོམ་འབྱུང་དང་འདྲ། ཕག་མོ་མངོན་འབྱུང་རྩ་རྒྱུད་ལེའུ་བཅུ་པ་ལུང་རྒྱུན་མེད་པ། དེའི་རྒྱུད་ཕྱི་མ་ལེའུ་གཉིས་པ་ལུང་རྒྱུན་མེད་པ། སྒྱུ་འཕྲུལ་རལ་པ་གྱེན་བརྫེས་ཀྱི་རྒྱུད་རྡོ་རྗེ་རྣལ་འབྱོར་མའི་

― GTN003_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་ཐབས་ཀྱི་བརྒྱུད་པ་ནི། རྡོ་རྗེ་འཆང་། རྣལ་འབྱོར་མ། ལོ་ཀེ་ཤྭ་ར། བློ་གྲོས་རིན་ཆེན། ཤ་བ་རི་ཝ། གཉིས་མེད་རྡོ་རྗེ། མ་ལ་བའི་པཎྜི་ཏ། ཨ་བྷཱ་ཡཱ་ཀ་ར། ཤཱཀྱ་རཀྵི་ཏ། ཀ་ན་ཡ་ཤྲཱི། ཛ་ཡ་སེ་ན། སུམ་ལོ་ཙཱ། རྗེ་བཙུན་བསོད་ནམས་རྩེ་མོ། ས་པཎ། འཕགས་པ། ཞང་དཀོན་མཆོག་དཔལ། བྲག་ཕུག་པ། བླ་མ་དམ་པ། ཐེག་ཆོས་རྗེ། ནམ་མཁའ་བཟང་པོ། ངག་དབང་གྲགས་པ། ཤེས་རབ་རྒྱལ་མཚན། བདག་ཆེན་རྡོ་རྗེ་འཆང་། རྡོ་རིང་པ། ཚར་ཆེན། མཁྱེན་རྩེ། དབང་རབ། བཀའ་འགྱུར་བ་མན་སྔར་ལྟར་དང་འདྲ། གཉིས་པ་བཤད་རྒྱུད་ཐུན་མོང་པར། ཡང་དག་པར་སྦྱོར་བའི་རྒྱུད་བརྟགས་པ་བཅུ་པ། དེའི་རྒྱུད་ཕྱི་མ་དང་བཅས་པའི་བརྒྱུད་པ་ནི། རྡོ་རྗེ་འཆང་། བདག་མེད་མ། བི་པ། ཌོམྦྷི་ཧེ་རུ་ཀ །ཨ་ལ་ལ་བཛྲ། ནགས་ཁྲོད་པ། གརྦྷ་རི་པ། ཛ་ཡ་ཤྲཱི་ཛྙཱ་ན། མི་ཐུབ་ཟླ་བ། དཔའ་བོ་རྡོ་རྗེ། འབྲོག་མི་ལོ་ཙཱ་བ། མངའ་རིས་པ་གསལ་བའི་སྙིང་པོ། སྒྱེ་ཆུ་བ་དགྲ་ལྷ་འབར། ས་ཆེན་གོང་མ་ལྔ། བསོད་ནམས་སེངྒེ། རི་ཕུག་ཤཱཀ་སེང་། བླ་མ་དབང་རྒྱལ། ས་བཟང་པཎ་ཆེན་པ། འཕགས་པ་གཞོན་ནུ། ངོར་ཆེན་ཀུན་དགའ་བཟང་པོ། ཀུན་དགའ་དབང་ཕྱུག །ངོར་པ་དཀོན་མཆོག་འཕེལ་མན་དུས་འཁོར་བརྒྱུད་ཚུལ་དང་འདྲ། བདེ་མཆོག་བཤད་རྒྱུད་ར་ལི་སོ་གཉིས་སུ་གྲགས་པ་ལ་ཐུགས་རྒྱུད་བརྒྱད། གསུང་རྒྱུད་བརྒྱད། སྐུ་རྒྱུད་བརྒྱད། ཁ་འཐོར་གྱི་རྒྱུད་བརྒྱད་དང་པོ་གཉིས་ལས། དང་པོ་བརྒྱད། གསང་བ་རྡོ་རྗེའི་རྒྱུད།• གསང་བ་ཐམས་ཅད་གཅོད་པའི་རྒྱུད།•

― GTN003_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་གྱིས་མི་ཁྱབ་པའི་རྒྱུད།• ནམ་མཁའ་དང་མཉམ་པའི་རྒྱུད།• ནམ་མཁའ་དང་མཉམ་པ་ཆེན་པོའི་རྒྱུད།• སྐུ་གསུང་ཐུགས་ཀྱི་རྒྱུད།• མཁའ་འགྲོ་མ་དྲ་བའི་སྡོམ་པ།• རིན་ཆེན་འཕྲེང་བའི་རྒྱུད།• དམ་ཚིག་ཆེན་པོའི་རྒྱུད།• གཉིས་པ་བརྒྱད་ནི། དཔལ་སྟོབས་པོ་ཆེའི་རྒྱུད།• ཡེ་ཤེས་ཕྲེང་བའི་རྒྱུད། ཡེ་ཤེས་གསང་བའི་རྒྱུད།• ཡེ་ཤེས་འབར་བའི་རྒྱུད།• ཟླ་བའི་ཕྲེང་བའི་རྒྱུད།• རིན་ཆེན་འབར་བའི་རྒྱུད།• ཉི་མའི་འཁོར་ལོའི་རྒྱུད།• ཡེ་ཤེས་རྒྱལ་པོའི་རྒྱུད།• གསུམ་པ་བརྒྱད་ནི། མཁའ་འགྲོ་གསང་བའི་རྒྱུད།• གསང་བ་མེ་འབར་རྒྱུད།• གསང་བ་བདུད་རྩིའི་རྒྱུད།• དུར་ཁྲོད་རྒྱན་གྱི་རྒྱུད།• རྡོ་རྗེ་རྒྱལ་མོའི་རྒྱུད།• ཡེ་ཤེས་གསང་བའི་རྒྱུད།• ཆགས་པའི་རྒྱུད།• མཁའ་འགྲོ་མའི་སྡོམ་རྒྱུད། བཞི་པ་བརྒྱད་ནི། དཔལ་མི་གཡོ་བའི་ཕྲེང་བའི་རྒྱུད།• མཁའ་འགྲོ་གསང་འབར་རྒྱུད། རྡོ་རྗེ་འཇིགས་བྱེད་རྒྱུད།• སྟོབས་ཆེན་ཡེ་ཤེས་རྒྱལ་པོའི་རྒྱུད།• རྡོ་རྗེ་གྲུབ་པ་དྲ་བ་སྡོམ་པའི་རྒྱུད།• སྙིང་པོ་དོན་རྒྱུད།• དུར་ཁྲོད་རྒྱན་རྨད་བྱུང་།• རྒྱུད་ཀྱི་རྒྱལ་པོ་རྙོག་པ་མེད་པ་རྣམས་ལས་སོ་གཅིག་པོའི་ལུང་རྒྱུན་མེད་ལ། རྙོག་པ་མེད་པའི་ལུང་རྒྱུན་ནི། རྡོ་རྗེ་འཆང་ཆེན་པོ། ཡེ་ཤེས་མཁའ་འགྲོ། ཨོ་རྒྱན་ཨ་ར་ལི། སིངྒ་གླིང་གི་བྲམ་ཟེ་མོ། གྷ་ཡ་དྷཱ་ར། འབྲོག་མི་ལོ་ཙཱ་བ། མཚུར་དབང་གི་རྡོ་རྗེ། སྤྲུག་ཐམས་ཅད་མཁྱེན་པ། སྤྲུག་དྷརྨཱ་ཀེ་ཏུ། བྱ་རིན་ཆེན་འོད། བློ་ཆེན་པ་མན་ཕག་མོ་མངོན་འབྱུང་དང་འདྲ། བདེ་མཆོག་ནམ་མཁའ་དང་མཉམ་པའི་རྒྱུད་ལེའུ་གསུམ་པ་ལུང་རྒྱུན་མེད་པ། མགོན་པོ་གསང་བ་དངོས་གྲུབ་འབྱུང་

― GTN003_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་རྒྱུད་ལེའུ་ཉེར་ལྔ་པའི་རྒྱུད་པ་ནི། རྡོ་རྗེ་འཆང་། ཡེ་ཤེས་མཁའ་འགྲོ། ཀླུ་སྒྲུབ། སནྟ་པ་ཆེ་ཆུང་། ཏཻ་ལོ་པ། ནཱ་རོ་པ། ཤེས་རབ་སྲུང་བ། རིན་ཆེན་སྲུང་། འཇམ་དཔལ་གྲགས་པ། ཀུན་ཏུ་དཔལ་བཟང་། རྭ་ཆོས་རབ་སོགས་རྭ་བ་བཞི། ལོ་མཆོག །བློ་ཆེན། རྒྱལ་བཟང་དཔལ། སྤང་ཁང་པ་མན་སྔར་དང་འདྲ། གཉིས་པ་དགྱེས་རྡོར་ལས། ༼ང་པར།༽ ཀྱཻ་རྡོར་རྩ་རྒྱུད་ལས་བཏུས་པ་དགྱེས་པ་རྡོ་རྗེ་ཞེས་བྱ་བའི་རྒྱུད་བརྟག་པ་དང་པོ་ལེའུ་བཅུ་གཅིག །གཉིས་པ་ལེའུ་བཅུ་གཉིས་པ་བཅས་པའི་བརྒྱུད་པ་ནི། རྡོ་རྗེ་འཆང་། བདག་མེད་མ། བི་པ། ཌོམ་བྷི་པ། ཨ་ལ་ལ་བཛྲ། ཝཱ་ན་སི་པ། གརྦྷ་རི་པ། བསོད་སྙོམས་པ་ཛ་ཡ་ཤྲཱི་ཛྙཱ་ན། མི་ཐུབ་ཟླ་བ། དཔའ་བོ་རྡོ་རྗེ། འབྲོག་མི་ལོ་ཙཱ་བ། མངའ་རིས་པ་གསལ་བའི་སྙིང་པོ། འཁོན་སྒྱེ་ཆུ་བ། ས་སྐྱ་གོང་མ་ལྔ། སློབ་དཔོན་གཞོན་སྟོན། རྡོ་རྗེ་རྒྱལ་མཚན། དར་མ་རྒྱལ་མཚན། ས་བཟང་མ་ཏི་པཎ་ཆེན། ས་བཟང་འཕགས་པ་གཞོན་བློ། རྡོ་རྗེ་འཆང་ཀུན་དགའ་བཟང་པོ། རྒྱལ་ཚབ་ཀུན་དགའ་དབང་ཕྱུག །དཀོན་མཆོག་འཕེལ། ལྷ་མཆོག་སེངྒེ། དགེ་ལེགས་བཤེས་གཉེན། ཤེས་རབ་རྒྱལ་མཚན། ནམ་མཁའ་དཔལ་བཟང་། ནམ་མཁའ་སངས་རྒྱས། རྗེ་བཀའ་འགྱུར་བ་མན་འདྲ། བརྟག་གཉིས་ལྟོས་ནས་བཤད་རྒྱུད། འབུམ་ལྔར་ལྟོས་ནས་བསྡུས་རྒྱུད་དུ་བཞེད་པ། མཁའ་འགྲོ་མ་དྲ་བ་རྡོ་རྗེ་གུར་ལེའུ་བཅོ་ལྔ་པའི་བརྒྱུད་པ་ནི། འཕགས་པ་རིན་པོ་ཆེ་ཡན་བརྟག་གཉིས་ལྟར་ལ། དེ་ནས་འུ་ཡུག་བསོད་ནམས་སེངྒེ། ཤཱཀྱ་

― GTN003_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

སེངྒེ། དབང་ཕྱུག་རྒྱལ་མཚན། མ་ཏི་མན་འདྲ། རྒྱུད་ཕྱི་མ་ཕྱག་ཆེན་ཐིག་ལེ་ལེའུ་ཉེར་བརྒྱད། ཕྱི་མའི་ཕྱི་མ་ཡེ་ཤེས་སྙིང་པོ་ལེའུ་བཞི་བཤད་པའི་རྒྱུད། ཡེ་ཤེས་ཐིག་ལེ་ལེའུ་སུམ་ཅུ་པ་སྟེ་གསུམ་གྱི་བརྒྱུད་པ་ནི། རྡོ་རྗེ་འཆང་། ཡེ་ཤེས་མཁའ་འགྲོ། ཨིནྟྲ་བྷུ་ཏི། ཤྲཱི་བྷ་ཡ་ཏི། སིདྡྷ་བཛྲ། དབུ་མ་པ། ཛྙཱ་ན་བྷོ་དྷི། ཤྲཱི་ཡོ་བྷུ་ཏི། པདྨ་བཛྲ། ཌོམ་བྷི་པ། ཡན་ལག་འབར་མའི་ཞབས། བུང་བའི་པདྨ། ཨིནྟྲ་བྷུ་ཏི། ལཀྵྨི་ཀ་ར། རཏྣ་བཛྲ། པྲཛྙཱ་གུ་ཧྱེ། མཁན་པོ་དཀོན་མཆོག་རྒྱལ་པོ། དཀར་པོ་རྣམ་གསུམ། ས་པཎ། ཁང་སྟོན། བློ་ཆེན། རྒྱལ་བཟང་དཔལ། སྤང་ཁང་པ། མ་ཏི་མན་དུས་འཁོར་དང་འདྲ། འབྲས་བུའི་རྒྱུད་དེ་ཁོ་ན་ཉིད་ཀྱི་སྒྲོན་མ་རྣལ་འབྱོར་ཆེན་མོའི་རྒྱུད་ཀྱི་བརྒྱུད་པ་ནི། རྡོ་རྗེ་འཆང་། བློ་གྲོས་རིན་ཆེན། ས་ར་ཧ། ཀླུ་སྒྲུབ། ཤ་བ་རི་པ། མཻ་ཏྲི་པ། རྒྱ་གར་ཕྱག་ན། གཙང་ཤོད་པ། གསུམ་པ་འཇམ་མགོན། རཏྣ་འབར། བ་རེག་འོད་ཟེར། ཇོ་བོ་འབུམ། སྟེང་ཕུ་ལུང་པས། བ་རེག་བཀྲ་ཤིས། ལོ་མཆོག་བློ་ཆེན་རྒྱལ་བཟང་པ། སྤང་ཁང་པ། མ་ཏི་མན་མཉམ་སྦྱོར་དང་འདྲ། གསུམ་པ་སངས་རྒྱས་ཐོད་པའི་སྐོར་ལ། སངས་རྒྱས་ཐོད་པ་ལེའུ་བཅུ་བཞིའི་བརྒྱུད་པ་ནི། རྡོ་རྗེ་འཆང་། ཡེ་ཤེས་མཁའ་འགྲོ། ལོ་ཧི་པ། ཏཻ་ལོ། ནཱ་རོ། དྷ་ར་ཤྲཱི། གྷ་ཡ་དྷ་ར། དེ་ལ་འབྲོག་མི་དང་འགོས་གཉིས་ཀས། དེས་གཉིས་ཀ་ལ་མཚུར་སྟོན་དབང་གི་རྡོ་རྗེ། དེ་ནས་སྤྲུག་སྟོན་ཐམས་ཅད་མཁྱེན་པ། སྤྲུག་དྷཱརྨཱ་ཀེ་ཏུ། ཇོ་སྟན་གཉལ་པ། བློ་ཆེན་པ། དབང་ཕྱུག་རྒྱལ་མཚན། སྤང་ཁང་པ་གྲགས་དཔལ།

― GTN003_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཏི་པཎ་ཆེན་མན་མཉམ་སྦྱོར་དང་འདྲ། བཞི་པ་མ་ཧཱ་མ་ཡཱའི་སྐོར་ནི། སྒྱུ་འཕྲུལ་ཆེན་མོ་ཞེས་བྱ་བའི་རྒྱུད་ཀྱི་རྒྱལ་པོ་ལེའུ་གསུམ་པའི་རྒྱུད་པ་ནི། རྡོ་རྗེ་འཆང་། རྡོ་རྗེ་སྙིང་པོ། ཡེ་ཤེས་མཁའ་འགྲོ། ཀུ་ཀུ་རི་པ། པདྨ་བཛྲ། ཌོམ་བྷི་པ། ཏཻ་ལོ་པ། ནཱ་རོ་པ། ཤཱནྟ་བྷ་དྲ། མལ་གྱོ་ལོ་ཙཱ། རྔོག་ཆོས་སྐུ་རྡོ་རྗེ། རྔོག་ཇོ་སྲས། རྔོག་མདོ་སྡེ། རྔོག་ཚ་ཆོས་སྐུ། རྔོག་ཚ་དཀོན་མཆོག་དཔལ། ཀློག་སྐྱ་དབང་ཕྱུག་གྲགས། ཤེས་རབ་དཔལ། འཕགས་པ་རིན་པོ་ཆེ། བློ་ཆེན་པ། མར་པོ་རྒྱལ་བཟང་དཔལ། སྤང་ཁང་པ་གྲགས་དཔལ། མ་ཏི་པཎ་ཆེན་ཡན་མཉམ་སྦྱོར་ལྟར་རོ། །ལྔ་པ་ཨ་ར་ལིའི་སྐོར་ལ་རྡོ་རྗེ་ཨ་ར་ལིའི་རྒྱུད་ཀྱི་རྒྱལ་པོ་ལེའུ་དགུ་པ། རི་གི་ཨཱ་ར་ལའི་རྒྱུད་ཀྱི་རྒྱལ་པོ་ལེའུ་ལྔ་པ་གཉིས་ཀྱི་བརྒྱུད་པ་ནི་ར་ལི་རྙོག་མེད་ལྟར་རོ། ། གསུམ་པ་རྣམ་སྣང་གི་རིགས་ཀྱི་རྒྱུད་ལ། དཔལ་གདན་བཞི་པ་ཞེས་བྱ་བའི་རྣལ་འབྱོར་རྒྱུད་ཀྱི་རྒྱལ་པོ་གསེར་གྱི་ཆར་པར་གྲགས་པ་རབ་བྱེད་བཅུ་དྲུག་པ། དེའི་བཤད་རྒྱུད་སྔགས་ཀྱི་ཆ་ལེའུ་བརྒྱད་པ་གཉིས་ཀྱི་རྒྱུད་པ་ནི། རྡོ་རྗེ་འཆང་། ཏཻ་ལོ། ནཱ་རོ། མར་པ། ཆོས་བློ། རྔོག་ཆོས་རྡོར། མདོ་སྡེ། རྩག་ཆོས་རྒྱལ། ཕྱག་རྒྱ་སེངྒེ། རིན་ཆེན་འབུམ། བསོད་ནམས་བྱ་ནག་རིན་ཆེན། བློ་ཆེན་མན་མ་ཧཱ་མཱ་ཡཱ་དང་འདྲ། གདན་བཞིའི་རྣམ་བཤད་རྣལ་འབྱོར་མ་རྒྱུད་ཀྱི་རྒྱལ་པོ་ལེའུ་བརྒྱ་དང་གསུམ་ལུང་རྒྱུན་མེད་པ། གཏུམ་པོ་ཁྲོ་བོ་ཆེན་པོའི་རྒྱུད་ཆེན་པོའི་རྒྱུད་ཀྱི་རྒྱལ་པོ་དཔའ་བོ་གཅིག་པ།

― GTN003_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

༼ཅ་པར།༽ མི་གཡོ་བ་རྟོག་པའི་རྒྱུད་ལེའུ་བདུན་པ། ཁྲོ་བོའི་རྒྱལ་པོ་གསང་སྔགས་གསང་བ་ལེའུ་ལྔ་པ། མི་གཡོ་བའི་གསང་རྒྱུད་ལེའུ་བཞི་པ་སྟེ་གསུམ་གྱི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ཛེ་ཏཱ་རི། རྡོ་རྗེ་གདན་པ་ཆེ་འབྲིང་ཆུང་གསུམ། བ་རི་ལོ་ཙཱ་བ། རྗེ་བཙུན་ཡབ་སྲས། ཆོས་རྗེ་ཁུ་དབོན། འོད་ཟེར་རྒྱལ་མཚན། བློ་ཆེན་པ། དབང་ཕྱུག་རྒྱལ་མཚན། སྤང་ཁང་པ་གྲགས་པ་མན་མཉམ་སྦྱོར་ལྟར་རོ། ། གཏུམ་པོ་ཁྲོ་བོ་ཆེན་པོ་རྒྱུད་ཀྱི་རྒྱལ་པོ་དཔའ་བོ་གཅིག་པའི་བརྒྱུད་པ་ནི། རྡོ་རྗེ་འཆང་། བི་ཛ་ལ་རཀྵི་ཏ། ཛོ་ཀི་པཎྜི་ཏ། གཉིས་ཀ་ལ་རཏྣ་ཤྲཱིས། དེ་ནས་ཤུད་ཀེ་ལོ་ཙཱ་བ། ལོ་མཆོག །བློ་ཆེན། རྒྱལ་བཟང་དཔལ། སྤང་ཁང་པ། མ་ཏི་པཎ་ཆེན་མན་མཉམ་སྦྱོར་དང་འདྲའོ། ། བཞི་པ་རྡོ་རྗེ་ཉི་མའི་རིགས་ཀྱི་རྒྱུད་ནི། རྡོ་རྗེ་བདུད་རྩི་ཉུང་ངུའི་རྒྱུད་ལེའུ་བཅུ་གཅིག་པའི་བརྒྱུད་པ་ནི། རྡོ་རྗེ་འཆང་། ཡེ་ཤེས་མཁའ་འགྲོ། ཛ་ལནྡྷ་ར། ཀནྡྷ་པ། ཀུ་ཤ་ལ་ནཱ་ཐ། བི་ཛ་ཡ་པཱ་ད། ཏཻ་ལོ་པ། ནཱ་རོ་པ། སནྡ་པ། མར་པ། རོ་མཉམ་རྡོ་རྗེ། གསེར་སྡེ་དགོན་པ་བ། དྭགས་པོ་ཤ་བ་གླིང་པ། ཞང་རོ་ཉ་བ། སྦྲག་གཙང་པ། རྒྱ་གར་གྲགས་པ། སྲས་ཡོན་ཏན་གྲགས་པ། ཤཱཀྱ་རྡོ་རྗེ། སྲས་ཆོས་གྲགས། སངས་རྒྱས་འབུམ། ལོ་མཆོག །བློ་ཆེན་པ་མན་མ་ཧཱ་མཱ་ཡ་དང་འདྲ། ལྔ་པ་པདྨ་གར་དབང་གི་རིགས་ཀྱི་རྒྱུད་ནི། རིགས་ཀྱི་འཇིག་རྟེན་མགོན་པོ་ལྔ་བཅུ་པ་ལེའུ་གསུམ་༼རྒྱལ་དབང་གིས་ལེའུ་བཞི་པ་བྱས་འདུག་༽པའི་བརྒྱུད་པ་ནི། རྫོགས་

― GTN003_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སངས་རྒྱས། འཇམ་དཔལ་དབྱངས། ཛེ་ཏཱ་རི། རྡོ་རྗེ་གདན་པ་ཆེ་འབྲིང་ཆུང་གསུམ། བ་རི་ལོ་ཙཱ་བ། མཆིམས་བརྩོན་སེང་། མཆིམས་དོན་ནེ། མཆིམས་ཆོས་སེང་། བློ་གྲོས་བརྟན་པ། དབུས་པ་སངས་རྒྱས་འབུམ། ལོ་མཆོག །བློ་ཆེན། བདེ་ཅན་ཡེ་མགོན། གར་ཐིག་པ་བསོད་རྒྱན། མཁན་ཤེས་རྡོར། ཆོས་དཔལ་ཤེས་རབ། གྲགས་པ་རྡོ་རྗེ་འཆང་། གྲགས་པ་དོན་གྲུབ། ཤཱཀྱ་རྒྱལ་མཚན། རྡོ་རྗེ་གདན་པ། རྔོག་ཤེས་གྲགས། གྲགས་པོ་ཆེ། ཐུགས་སྲས་ཀུན་དགའ་རྒྱ་མཚོ། རྔོག་དཔལ་འབྱོར་དོན་གྲུབ། རྗེ་འཇམ་དབྱངས་འོད་ཟེར། བསོད་ནམས་མཆོག་ལྡན་མན་འདྲ། སྒྲོལ་མ་ཀུ་རུ་ཀུལླེའི་རྟོག་པ་ལེའུ་ལྔའི་བརྒྱུད་པ་ནི། སངས་རྒྱས། སྤྱན་རས་གཟིགས། ཀུ་ལེ་ཀ་ཛི་ཧི། ཀྲིཥྞ་པ་ཆེ་ཆུང་། ནག་ཚོ་ལོ་ཙཱ་བ། སྤྲུག་རྒྱ་གར་བ། སྤྲུག་ཕྱི་མ། ལོ་མཆོག་པ། བློ་ཆེན་པ། རྒྱལ་བཟང་དཔལ། སྤང་ཁང་པ་གྲགས་དཔལ། མ་ཏི་པཎ་ཆེན་མན་དུས་འཁོར་ལྟར་རོ། ། དྲུག་པ་རྟ་མཆོག་གི་རིགས་ཀྱི་རྒྱུད་ལ། སྒྲོལ་མ་ཕྱག་འཚལ་ཉེར་གཅིག་གི་བསྟོད་པ་ཕན་ཡོན་བཅས་པའི་བརྒྱུད་པ་ནི། རྗེ་བཙུན་སྒྲོལ་མ། ཀྲྀཥྞ་པ། ཝཾ་གུ་པཎྜི་ཏ། དཱ་ན་ཤཱི་ལ། ཁུ་རྣལ་འབྱོར། གཞོན་ནུ་དབང་ཕྱུག །བསོད་ནམས་ལྷུན་གྲུབ། ལོ་མཆོག་པ། བློ་ཆེན་པ། རྒྱལ་བཟང་དཔལ། སྤང་ཁང་པ། ས་བཟང་མ་ཏི། ས་བཟང་འཕགས་པ། སྣར་ཐང་ཀུན་དགའ་རྒྱལ་མཚན། ཤེས་རབ་རྒྱ་མཚོ། དཔལ་ལྡན་རྡོ་རྗེ། བསོད་ནམས་སེངྒེ། རྡོ་རྗེ་རྒྱལ་མཚན། ནམ་མཁའ་གཟི་བརྗིད།

― GTN003_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

འཇམ་དབྱངས་མཁྱེན་བརྩེ། བསོད་ནམས་ཆོས་འཕེལ། གཉིས་ཀ་ལ་དབང་ཕྱུག་རབ་བརྟན། དེ་ནས་རྗེ་བཀའ་འགྱུར་བ་མན་འདྲ། ཕུར་པ་རྩ་དུམ་གྱི་བརྒྱུད་པ་ནི། ཀུན་ཏུ་བཟང་པོ། རྡོ་རྗེ་སེམས་དཔའ། ཨོ་རྒྱན་ཆེན་པོ། སྣ་ནམ་རྡོ་རྗེ་བདུད་འཇོམས། འཁོན་ཀླུའི་དབང་པོ། འཁོན་དགེ་སྐྱབས། འཁོན་དགེ་མཆོག །ཤཱཀྱ་བློ་གྲོས། འཁོན་དཀོན་མཆོག་རྒྱལ་པོ། དཀར་པོ་རྣམ་གསུམ། ས་པཎ། ཁང་སྟོན། སྐྱོ་པ་དཔལ། རྒྱ་ཚ་ཆོས་ཀྱི་དབང་ཕྱུག །ལོ་མཆོག །བློ་ཆེན། རྒྱལ་བཟང་དཔལ། སྤང་ཁང་པ། མ་ཏི་མན་དུས་འཁོར་བརྒྱུད་ཚུལ་དང་འདྲ། མགོན་པོ་མངོན་བྱུང་ལེའུ་ལྔ་བཅུ་བའི་བརྒྱུད་པ། རྡོ་རྗེ་འཆང་། ཡེ་ཤེས་མཁའ་འགྲོ་མ། ཀླུ་སྒྲུབ། སེནྡེ་པ་ཆེ་བ། ཆུང་བ། ཏཻ་ལོ། ནཱ་རོ། པྲཛྙཱ་རཀྵི་ཏ། རཏྣ་རཀྵི་ཏ། མཉྫུ་ཀཱིརྟི། ས་མནྟ་ཤྲཱི་བྷ་དྲ། རྭ་ཆོས་རབ། རྭ་དར་མ་སེངྒེ། རྭ་ཤེས་རབ་རྒྱལ་མཚན། ལོ་མཆོག་པ། བློ་ཆེན་དཔལ། རྒྱལ་བཟང་དཔལ། སྤང་ཁང་པ། མ་ཏི་མན་གོང་མ་རྣམས་ལྟར་རོ། །བདུན་པ་རིགས་དྲུག་པ་ཁྱབ་བདག་རྡོ་རྗེ་འཆང་གི་རྒྱུད་ལ། ཇི་བཞིན་བརྙེས་པ་ནམ་མཁའ་དང་མཉམ་པའི་རྒྱུད་ལེའུ་ལྔ་པ་ལུང་རྒྱུན་མེད་པ། གསུམ་པ་ཐབས་གཙོ་བོར་སྟོན་པ་ཕའི་རྒྱུད་ལ་དྲུག་ལས། དང་པོ་མི་སད་པའི་རིགས་གཙོ་བོར་སྟོན་པའི་རྒྱུད་ལ། གསང་འདུས་རྩ་རྒྱུད་ལེའུ་བཅུ་བདུན་པ། དེའི་རྒྱུད་ཕྱི་མ་ལེའུ་གཅིག་པ་གཉིས་ཀྱི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ས་ར་ཧ་པ། ཀླུ་སྒྲུབ། ཨཱརྱ་དེ་ཝ། ཏཻ་ལོ། ནཱ་རོ། མར་པ། མཚུར་སྟོན་དབང་རྡོར།

― GTN003_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོན་གདངས་པ་ཀིརྟི། འགར་སྟོན། ཇོ་སྲས། ཨང་ཕུག་རི་སྟོན། སེངྒེ་རྫོང་པ། ཁྱུང་སྟོན་ཞིག་པོ། མཁན་པོ་ཚུལ་ཁྲིམས་སྙིང་པོ། ཆོས་སྡིང་མཁན་པོ་རྡོ་རྗེ་འཆང་། ཆོ་སྡིང་པ་འོག་མ། ཤྲཱི་ཟུར་ཕུག་པ་དར་མ་བཟང་པོ། མཁན་པོ་བཀྲ་ཤིས་རྒྱལ་མཚན། ས་བཟང་མ་ཏི་མན་དུས་འཁོར་དང་འདྲ། གསང་འདུས་བཤད་རྒྱུད་དགོངས་པ་ལུང་བསྟན་ལེའུ་བཅུ་གཉིས། བཤད་རྒྱུད་རྡོ་རྗེ་ཕྲེང་བ་ལེའུ་རེ་བརྒྱད། ལྷ་མོ་བཞིས་ཞུས་པ་ལེའུ་བཞི། ཡེ་ཤེས་རྡོ་རྗེ་ཀུན་ལས་བཏུས་པ་ལེའུ་གཉིས་བཞི་ཀའི་བརྒྱུད་པ་རྩ་རྒྱུད་དང་འདྲ། ༼ཆ་པར།༽ ཡེ་ཤེས་རྡོ་རྗེ་ཀུན་བཏུས་ཆེ་བ་རབ་བྱེད་ཞེ་གཅིག་པ་ལུང་རྒྱུན་མེད་པ། རྡོ་རྗེ་སྙིང་པོ་རྒྱན་གྱི་རྒྱུད་ལེའུ་ཞེ་གཅིག་མ་ལུང་རྒྱུན་མེད་པ། གཉིས་མེད་རྣམ་རྒྱལ་ལེའུ་ཉེར་གཉིས་པ་ལུང་རྒྱུན་མེད་པ། གཉིས་མེད་རྣམ་རྒྱལ་ཆེན་པོ་ལེའུ་དོན་བདུན་ལུང་རྒྱུན་མེད་པ། ༼ཇ་པར།༽ ལག་ན་རྡོ་རྗེ་གོས་སྔོན་ཅན་དྲག་པོ་གསུམ་འདུལ་རྩ་རྒྱུད་བཤད་རྒྱུད་དྲག་པོ་གསུམ་འདུལ་ལེའུ་གསུམ་པ་གཉིས་ཀྱི་བརྒྱུད་པ་ནི། རྡོ་རྗེ་འཆང་། ཡེ་ཤེས་མཁའ་འགྲོ་སེང་གདོང་མ། ས་ཝ་རི་པ། ཛ་ཝ་རི་པ། དེ་བ་པུརྞ་མ། མ་ཏི། འགར་ཆོས་བཟང་། བཤེས་གཉེན་དངོས་གྲུབ། དམར་ཆོས་ཀྱི་རྒྱལ་མཚན། ཤེས་རབ་རྡོ་རྗེ། ཐུབ་པ་ཤེས་རབ། བརྩོན་འགྲུས་རྡོ་རྗེ། དམར་ཆོས་ཀྱི་རྒྱལ་པོ། གན་ཆག་པ་དབང་ཕྱུག་རྒྱལ་མཚན། འཇིམས་རྒྱལ་མཚན་དཔལ། ཀུན་སྤངས་ཆོས་གྲགས་པ། མ་ཏི་མན་མཉམ་སྦྱོར་དང་འདྲ།

― GTN003_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་གདེངས་རྒྱུད་རྒྱུད་ལེའུ་བཅོ་ལྔ་པ། རྡོ་རྗེ་གདེངས་རྒྱུད་ཁམས་གསུམ་རྣམ་རྒྱལ་ཞེས་ལེའུ་གཅིག །གཏུམ་པོ་གསང་རྒྱུད་ལེའུ་ཉེར་བཞི་པ། དེའི་རྒྱུད་ཕྱི་མ་ལེའུ་བཅུ་བཞི་པ། ཕྱི་མའི་ཕྱི་མ་ལེའུ་བརྒྱད་པ། རྨི་ལམ་མཐོང་བ་རྣམས་ཀྱི་བརྒྱུད་པ། སངས་རྒྱས། ཕྱག་རྡོར། ཡེ་ཤེས་དབང་ཕྱུག །ལས་ཀྱི་རྡོ་རྗེ། ཐང་ལོ་པ། ཀརྞ་རི་པ། ཝ་ལ་ཙནྟྲ། རས་ཆུང་པ། རྡོ་རྗེ་གྲགས་པ། འགྲོ་སྒོམ། ཟངས་རི། རྒྱ་རས། རླུང་རི། འབུམ་གྲགས། ཤེས་རབ་རྒྱལ་མཚན། བླ་མ་རིན་ཆེན་འོད། བློ་ཆེན་པ། རྒྱལ་བཟང་དཔལ། སྤང་ཁང་པ། ས་བཟང་མ་ཏི་མན་མཉམ་སྦྱོར་དང་འདྲ། ཕྱག་རྡོར་དྲག་པོ་མེ་ལྕེའི་རྒྱུད་ལེའུ་བཅོ་ལྔ་པ། བརྒྱུད་ཚུལ་གོང་མ་ལྟར་རོ། །རྡོ་རྗེ་སྙིང་པོ་ལྕེ་དབབ་པའི་གཟུངས་ལུང་རྒྱུན་མེད་པ། གསང་བ་བསྟན་པ་ལེའུ་བདུན་ལུང་རྒྱུན་མེད་པ། གསང་བ་མངོན་པར་བསྟན་པའི་རྒྱུད་ལེའུ་ཉེར་གཅིག་པ་ལུང་མེད་པ། བདེ་ཁྲོས་ལེའུ་བཅུ་བདུན་པ་ལུང་རྒྱུན་མེད་པ། གཉིས་པ་རྣམ་སྣང་རིགས་ཀྱི་ཁྲོ་བོའི་སྐོར་ལ། རྣམ་སྣང་སྒྱུ་དྲྭ་ལེའུ་བཅུ་པའི་བརྒྱུད་པ་ནི། སངས་རྒྱས་ཤཱཀྱ་ཐུབ་པ། ཕྱག་རྡོར། རབ་གསལ་ཟླ་བ། ཛྙཱ་ན་བཛྲ། ཨ་ནནྟ་གརྦྷ། བཛྲ་བོ་དྷི། མུཀྟི་ཀོ་ཥ། ཤྲཱ་དྷ་ཀ་ར། ལོ་ཆེན་རིན་ཆེན་བཟང་པོ། ལོ་ཆུང་ལེགས་པའི་ཤེས་རབ། སུམ་སྟོན་ཡེ་ཤེས་འབར། འོད་སྟོན། ལྷའི་དབང་ཕྱུག །སངས་རྒྱས་འབར། ལྷོ་པ་ཐམས་ཅད་མཁྱེན་པ། ཆོས་ཀྱི་སེངྒེ། ཉག་སྟོན་ཆོས་མགོན། སངས་རྒྱས་འབུམ། ལོ་མཆོག་མན་ལ་རྒྱུད་རྣམ་སྣང་གི་གཏུམ་པོ་ཁྲོ་ཆེན་དང་འདྲ། རྣམ་སྣང་རིགས་ཀྱི་ཁྲོ་བོའི་སྐོར་ལ། གཤིན་རྗེ་ནག་པོའི་རྒྱུད་

― GTN003_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

ལེའུ་བཅོ་བརྒྱད་པའི་བརྒྱུད་པ་ནི། རྡོ་རྗེ་འཆང་། ཡེ་ཤེས་མཁའ་འགྲོ། མ་ལི་ཏ་བཛྲ། ཏཻ་ལོ། ནཱ་རོ། ཤེས་རབ་སྲུང་བ། མེཉྫ་གླིང་པ། རྭ་རྡོ་རྗེ་གྲགས། རྭ་ཆོས་རབ། རྭ་དྷརྨཱ་སེངྒེ། རྭ་དཀོན་མཆོག་སེངྒེ། རྭ་ཤེས་རབ་རྒྱལ་མཚན། བློ་ཆེན། རྒྱལ་བཟང་དཔལ། སྤང་ཁང་པ། མ་ཏི་མན་དུས་འཁོར་ལྟར་རོ། ། རྡོ་རྗེ་འཇིགས་བྱེད་ཀྱི་རྒྱུད་རྟོག་པ་བདུན་པའི་བརྒྱུད་པ་ནི། རྡོ་རྗེ་འཇིགས་བྱེད། ཡེ་ཤེས་ཀྱི་མཁའ་འགྲོ་མ། ལ་ལཱི་ཏ་བཛྲ། ཡེ་ཤེས་འབྱུང་གནས་སྦས་པ། པདྨ་བཛྲ། བལ་པོ་བྷ་རོ། རྭ་པ་ལྔ། རྒ་ལོ། རྒྱལ་རྣམ་རྒྱལ་རྡོ་རྗེ། ཤེས་རབ་སེངྒེ། བག་སྟོན། ཚུལ་ཁྲིམས་རྒྱལ་མཚན། ཤེས་རབ་དཔལ་བཟང་། རྒ་ལོ་གཉིས་པ་དགེ་བ་རྒྱལ་མཚན། ཤེས་རབ་ཟླ་བ། རྗེ་བཙུན་རྡོ་རིང་པ། ཚར་ཆེན། མཁྱེན་བརྩེ། བསླབ་གསུམ་རྒྱལ་མཚན། རྡོ་རྗེ་འཆང་དབང་ཕྱུག་རབ་བརྟན། རྗེ་བཀའ་འགྱུར་བ་མན་འདྲ། གཤིན་རྗེ་གཤེད་ནག་པོའི་རྒྱུད་རྟོག་པ་གསུམ་པ། རྟོག་པ་བཞི་པ། གཏམ་རྒྱུད་ཀྱི་རྟོག་པ། ལས་མཁན་ཏེའུ་ལོ་པ་ཆུ་བྱའི་རྟོག་པ་རྣམས་བརྒྱུད་ཚུལ་གོང་འདྲ། གཤེད་ནག་འཁོར་ལོའི་རྒྱུད་ཀྱི་བརྒྱུད་པ་ནི། རྡོ་རྗེ་འཆང་། འཇམ་དཔལ། བུདྡྷ་ཛྙཱ་ན། དཱི་བ་དྷཱི་པ་ཡ། ལ་ལཱི་ཏ་བཛྲ། པུ་པོ་ཏ་པ། ཤིན་པ་ཨ་བ་ལི་ན་པ། གུ་ཎ་བྷ་དྲ། ཝཱ་རི་ཤྭ་རི་ཥིརྟི། དེ་ཝཱ་ཀ་ར་ཙནྜ། ཨ་མོ་གྷ་བཛྲ། ཁང་ལོ་ཙཱ་བ། པྲཛྙཱ་གུ་རུ། སཾ་གྷ་བྷ་དྲ། ཁང་གཙང་འོད་པོ་ཆེ། རྡོ་རྗེ་རྩེ་མོ། ཉི་མ་འོད། རིན་ཆེན་རྣམ་རྒྱལ། གཡུལ་ལས་རྣམ་རྒྱལ་བྱང་ཆུབ། འཇིམས་རིན་ཆེན་ཤེས་རབ། སངས་

― GTN003_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་བཟང་པོ། བློ་ཆེན་པ། གཉིས་ཀ་ལ་རྒྱལ་བཟང་དཔལ། དེ་ལས་སྤང་ཁང་པ། མ་ཏི་མན་དུས་འཁོར་གྱི་བརྒྱུད་པ་ལྟར་རོ། ། གཤེད་དམར་གྱི་རྒྱུད་ལེའུ་བཅུ་དགུ་པའི་བརྒྱུད་པ་ནི། གཤིན་རྗེ་གཤེད། བྲམ་ཟེ་དཔལ་འཛིན། བི་ར་ཌི་པ། གྷམྦྷི་ར་མ་ཏི། ནི་སྐ། ལམ་ཀ་དེ་ཝ། ཏེ་ཝིནྟྲས་གྷ། ཆག་ལོ་ཙཱ། དཔལ་གྱི་རྒྱལ་མཚན། ཀློག་སྐྱ་པ། དོན་རི་བ་གྲགས་དཔལ། སྤང་ཁང་པ། མ་ཏི་མན་དུས་འཁོར་ལྟར་རོ། །ཡང་གཤེད་དམར་གྱི་རྒྱུད་ལེའུ་ཉེར་གཉིས་པ་ལུང་རྒྱུན་མེད་པ། གསུམ་པ་རིན་པོ་ཆེའི་རིགས་ཀྱི་རྒྱུད་བོད་དུ་བསྒྱུར་བ་མ་རྙེད་ཅེས་བུ་སྟོན་གསུངས། བཞི་པ་པདྨ་རིགས་ཀྱི་རྒྱུད་ནི། རལ་པ་གཅིག་པ་བརྟགས་པའི་རྒྱུད་ཀྱི་བརྒྱུད་པ་ནི། རྡོ་རྗེ་འཆང་། ཁར་ས་པཱ་ཎི། བློ་གྲོས་རིན་ཆེན། ཏཻ་ལོ་པ། ནིསྐ། ལམ་མ་ཤྲཱི། མི་ཏྲ་ཛོ་ཀི །ཁྲོ་ལོ་བྱམས་དཔལ། དབོན་སྟོན་པ། རིན་ཆེན་སེངྒེ། བུ་སྟོན། གཞོན་བསོད་ནམས། རིན་ཆེན་དོན་གྲུབ། ལེགས་པ་ཚུལ་ཁྲིམས། རྒྱལ་མཚན་ཤེས་རབ། མཁྱེན་རབ་ཆོས་རྗེ། རིན་ཆེན་མཆོག་གྲུབ། ཚུལ་ཁྲིམས་བཟང་མོ། མངའ་རིས་ལེགས་ལྡན་རྡོ་རྗེ། བླ་མ་ཨོ་རྒྱན་རྒྱལ་པོ། པཎ་ཆེན་ཀུན་དགའ་བཀྲ་ཤིས་པ་བཀའ་འགྱུར་བ་གཉིས་ཀར་རིན་ཆེན་རྒྱ་མཚོས་གསན་པ་མན་འདྲ། ལྔ་པ་ལས་ཀྱི་རིགས་ཀྱི་རྒྱུད་ནི་མ་རྙེད་དོ། དྲུག་པ་རྡོ་རྗེ་འཆང་གི་རིགས་ཀྱི་རྒྱུད་ལ། ཟླ་གསང་ཐིག་ལེའི་རྒྱུད་ཀྱི་བརྒྱུད་པ་ནི་མཉམ་སྦྱོར་ལྟར་རོ། །

རྣལ་འབྱོར་གྱི་རྒྱུད་ཐབས་གཙོ་བོར་སྟོན་པའི་རྒྱུད།

― GTN003_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གཉིས་པ་རྣལ་འབྱོར་གྱི་རྒྱུད་ཐབས་གཙོ་བོར་སྟོན་པ་དང་། ཤེས་རབ་གཙོ་བོར་སྟོན་པའི་རྒྱུད་གཉིས། དང་པོ་ལ་རྩ་བཤད་ཆ་མཐུན་གསུམ་ལས་དང་པོ་ནི། ༼ཉ་པར།༽ དེ་ཁོ་ན་ཉིད་བསྡུས་པ་རྩ་བའི་རྒྱུད་དུམ་བུ་བཞི་པ་རྒྱུད་ཕྱི་མ། ཕྱི་མའི་ཕྱི་མ་རྒྱུད་ཉེར་བར་བསྡུས་པ་བཅས་བམ་པོ་དགུ་ལྷག་གི་བརྒྱུད་པ་ནི། སངས་རྒྱས། ཕྱག་རྡོར། རབ་གསལ་ཟླ་བ། རྒྱལ་པོ་སྒྲ་གཅན་འཛིན། སྭོ་སྟི་ཕ་ལ། ཡེ་ཤེས་རྡོ་རྗེ། ༼པྲཛྙཱ་སིདྡྷི༽ བཞི་ཀ་ལ་སློབ་དཔོན་ཀུན་དགའ་སྙིང་པོས་གསན། དེ་ནས་པྲཛྙཱ་བ་ལི་ཏ། ༼པྲཛྙཱ་བོ་དྷི།༽ རབ་འབྱོར་བསྐྱངས། ༼དྷརྨཱ་ཕ་ལ༽ རིན་ཆེན་བཟང་པོ། བརྩོན་འགྲུས་རྒྱལ་མཚན། ཉི་མ་ཤེས་རབ། ཉི་མ་སེངྒེ། སྐྱ་རྩ་སྟོན་གྲགས། མཉམ་གད་པ་ཆེན་པོ་གླན་ཆོས་ཀྱི་འབྱུང་གནས །རྩ་སྐྱ་ཤཱཀྱ་འབུམ། སངས་རྒྱས་འབུམ། ལོ་མཆོག །བློ་ཆེན། རྒྱལ་བཟང་དཔལ། སྤང་ཁང་པ། མ་ཏི་མན་མཉམ་སྦྱོར་དང་འདྲ། གཉིས་པ་ནི། ཡོ་ག་བཤད་རྒྱུད་རྡོ་རྗེ་རྩེ་མོ་རོག་པ་བཅུ་པ་རྡོ་རྗེ་མཚན་བརྒྱས་གསོལ་བ་བཏབ་པ་ཡན་ཆད་རྟོག་པ་ཕྱེད་དྲུག །བམ་པོ་བཅུ་གཉིས་པའི་བརྒྱུད་པ་ནི། སངས་རྒྱས། བྱམས་པ། གམ་ག་དྷ་ར། ས་མཱནྟ་བྷ་དྲ། ཛྙཱ་ན་ཤྲཱི། ཉི་མ་ཤེས་རབ། ཉི་མ་སེངྒེ། རྡོ་རྗེ་སེངྒེ། གླན་ཆོས་འབྱུང་། རྩ་སྐྱ་ཤཱཀྱ་འབུམ། རིན་ཆེན་ཤེས་རབ། ལོ་མཆོག །བློ་ཆེན་མན་དེ་ཉིད་བསྡུས་པ་དང་འདྲ། ༼ཏ་པར།༽ ཐམས་ཅད་གསང་བའི་རྒྱུད་ཀྱི་བརྒྱུད་པ་ནི། སངས་རྒྱས། ཕྱག་རྡོར། རབ་གསལ་ཟླ་བ། དེའི་སློབ་མ་པད་དཀར་ཡེ་ཤེས། ༼ཛྙཱ་ན་ཤྲཱི༽ སྒྲ་གཅན་

― GTN003_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན། ཉི་མའི་སྙིང་པོ། རྒྱལ་རིགས་ས་ར་ཧ། ལྔ་ཀ་སློབ་དཔོན་ཀུན་སྙིང་གིས། དེ་ནས་ཏ་ཐ་ག་ཐཱ་བཛྲ། ཤྲཱངྷ་ཀ་ར་ཝརྨ། རིན་ཆེན་བཟང་པོ། ལེགས་པའི་ཤེས་རབ། ས་ཆེན་གོང་མ་ལྔ། བློ་ཆེན་མན་དེ་ཉིད་བསྡུས་པ་དང་འདྲ། འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་རྒྱུད་ཀྱི་ཕྱི་མ་དང་བཅས་པའི་བརྒྱུད་པ་ནི། རྩ་སྐྱ་ཤཱཀྱ་འབུམ་ཡན་དེ་ཉིད་བསྡུས་པ་ལྟར་ལ། དེས་འཇིམས་རིན་ཆེན་ཤེས་རབ། བློ་ཆེན་བག་སྟོན། མགོན་པོ་འབུམ། བྲམ་ཟེ་ནམ་མཁའ་རྒྱལ་མཚན། མ་ཏི་མན་དེ་ཉིད་བསྡུས་པ་དང་འདྲ། གསུམ་པ་ནི། ངན་སོང་སྦྱོང་བ་གཟི་བརྗིད་ཀྱི་རྒྱལ་པོ། རྟོག་པ་བམ་པོ་གསུམ་པའི་བརྒྱུད་པ་ནི། ཤཱཀྱའི་རྒྱལ་པོ། ཕྱག་རྡོར། རབ་གསལ་ཟླ་བ། རབ་འབྱོར་བསྐྱངས། ཀུན་དགའ་སྙིང་པོ། ཤེས་རབ་བསྐྱངས། ཤཱནྟིངྒརྦྷ། དགེ་མཚན་བཤེས་གཉེན། བདེ་བའི་རྡོ་རྗེ། དད་བྱེད་གོ་ཆ། ལོ་ཆེན་རིན་ཆེན་བཟང་པོ། བྲག་སྟེང་པ། ཡོན་ཏན་ཚུལ་ཁྲིམས། མར་པ་ལོ་ཙཱ། ས་ཆེན། གཉགས་སྟོན་དབང་རྒྱལ། རྗེ་བཙུན་གྲགས་པ། ས་པཎ། འཕགས་པ། ཞང་དཀོན་མཆོག་དཔལ། རྒྱལ་བ་བྲག་ཕུག་པ། རི་ཁྲོད་པ་བློ་བརྟན། དཔལ་ལྡན་ཚུལ་ཁྲིམས། ཤར་ཆེན་པ། ངོར་ཆེན་པ། ཡོངས་འཛིན་དཀོན་མཆོག་འཕེལ། ལྷ་མཆོག་སེངྒེ་མཉམ་སྦྱོར་ལྟར་རོ། །དེའི་བཤམས་སུ་མངོན་སྤྱོད་ཀྱི་ལས་ཞེས་པ་ལུང་རྒྱུན་མེད་པ། ངན་སོང་ཐམས་ཅད་སྦྱོང་བའི་སྙིང་པོའི་གཟུངས། ངན་སོང་སྦྱོང་བ་གཟི་བརྗིད་ཀྱི་རྒྱལ་པོ་བརྟག་པ་ཕྱོགས་གཅིག་པ་གཉིས་ཀའི་བརྒྱུད་པ་ནི། རྩ་སྐྱ་ཤཱཀྱ་འབུམ་
ཡན་དེ་ཉིད་བསྡུས་པ་ལྟར་ལ། དེས་འཇིམས་རིན་ཆེན་ཤེས་རབ། བླ་མ་འཇམ་དབྱངས་པ། སེངྒེ་རྒྱལ་མཚན་ནས་རྡོ་རྗེ་གདན་པ་ཡན་གཏུམ་པོ་གསང་རྒྱུད་ཕྱི་མ་དང་འདྲ། དེས་མཁས་གྲུབ་རིག་པའི་གློག་འཕྲེང་། བླ་མ་བསྟན་པ་རྒྱ་མཚོ། རྗེ་ངག་དབང་ཆོས་རྒྱལ། ངག་དབང་གྲགས་པ་རྒྱལ་མཚན། ངག་དབང་ནོར་བུ། ངག་དབང་བཟང་པོ། ཀུན་དགའ་བློ་གྲོས། དཔལ་འབྱོར་གླིང་པ། བཀའ་འགྱུར་བ་མན་འདྲ། རབ་གནས་མདོར་བསྡུས་ཀྱི་བརྒྱུད་པ་ནི། རིན་བཟང་ཡན་དེ་ཉིད་བསྡུས་པ་ལྟར་ལ། དེ་ཕྱིན་ཡོན་ཏན་ཚུལ་ཁྲིམས། མར་ལོ། ས་ཆེན་གོང་མ་ལྔ། བསོད་ནམས་སེངྒེ། ཁུ་སྟོན། ལོ་མཆོག་མན་འདྲ།

ཤེས་རབ་གཙོ་བོར་སྟོན་པའི་རྒྱུད།

― GTN003_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་ནི་ཤེས་རབ་གཙོ་བོར་སྟོན་པའི་རྒྱུད་ལ། དཔལ་མཆོག་དང་པོ་ཞེས་བྱ་བ་ཐེག་པ་ཆེན་པོ་རྟོག་པའི་རྒྱལ་པོ་དུམ་བུ་དང་པོ་ཤེར་དུམ། དུམ་བུ་གཉིས་པ་རྩ་བའི་རྒྱུད། རྟོག་པ་ཐམས་ཅད་ཀྱི་རྒྱུད་ཕྱི་མ་རྩ་བའི་རྒྱུད་དང་གསང་བ། རས་བྲིས་ཀྱི་ཆོ་ག །ཕྱག་རྒྱའི་རྒྱུད། རྟོག་པ་ཐམས་ཅད་ཀྱི་རྒྱུད། ཕྱི་མའི་རྩ་བའི་རྟོག་པ། རྟོག་པ་ཐམས་ཅད་སྒྲུབ་པའི་ཆོ་ག །ཕྱག་རྒྱའི་རྒྱུད་ཐམས་ཅད་ཀྱི་དོན་གཏན་ལ་འབེབས་པ་རྟོག་པ་ཐམས་ཅད་བསྡུས་པའི་མཆོག་ཏུ་གསང་བའི་ཆོ་ག་དང་རྒྱུད་ཉེ་བར་སྡུད་པ་དང་བཅས་པ་ནི། དེ་ཉིད་བསྡུས་པ་དང་འདྲ། ཤེར་ཕྱིན་ཚུལ་བརྒྱ་ལྔ་བཅུ་པ་ནི། ཤེར་ཕྱིན་སྐབས་སུ་སོང་ཀྱང་འདིར་ཡང་དཔལ་མཆོག་ཤེར་དུམ་དང་མཚུངས་ཕྱིར་སྔགས་སུ་བཀྲལ།
༼ཐ་པར།༽ རྡོ་རྗེ་སྙིང་པོ་རྒྱན་གྱི་རྒྱུད། ཤེར་ཕྱིན་སྒོ་ཉེར་ལྔ་པ། གསང་བ་རྒྱན་གྱི་བཀོད་པ། གསང་བ་ནོར་བུའི་ཐིག་ལེ་གསུམ་གའི་བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ས་ར་ཧ། ཀླུ་སྒྲུབ། ཨཱརྱ་དེ་བ། མ་ཏཾ་གི་པ། བི་ཁྱཱ་ཏ་དེ་བ། པཎ་ཆེན་ཤཱཀྱ་ཤྲཱི། སུ་ག་ཏ་ཤྲཱི། ས་པཎ། སྐྱོབ་པ་དཔལ། རྒྱ་ཚ་ལུང་མང་པོ། ཆོས་ཀྱི་གྲགས་པ། ལོ་ཙཱ་བ་མཆོག་ལྡན། བློ་ཆེན་སངས་རྒྱས། རྒྱལ་བཟང་དཔལ། སྤང་ཁང་བ། མ་ཏི་པཎ་ཆེན་མན་དེ་ཉིད་བསྡུས་པ་དང་འདྲ།

སྤྱོད་པའི་རྒྱུད་ལ་རིགས་གསུམ་ལས།

― GTN003_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་སྤྱོད་པའི་རྒྱུད་ལ་རིགས་གསུམ་ལས། དང་པོ་དེ་བཞིན་གཤེགས་པའི་རིགས་ནི། རྣམ་སྣང་མངོན་བྱང་གི་རིམ་པར་ཕྱེ་བ་ཉི་ཤུ་རྩ་དྲུག །རྒྱུད་ཕྱི་མ་རིམ་པར་ཕྱེ་བ་བདུན་པ་གཉིས་ཀྱི་བརྒྱུད་པ་ནི། སངས་རྒྱས། འཇམ་དཔལ། ཛེ་ཏ་རཱི། མྱ་ངན་མེད་པའི་དཔལ། རོལ་པའི་རྡོ་རྗེ། བ་རི་ལོ་ཙཱ་བ། ས་ཆེན་གོང་མ་ལྔ། བློ་ཆེན། སེངྒེ་རྒྱལ་མཚན། གར་ཐིག་པ་བསོད་ནམས་རྒྱལ་མཚན། མཁན་ཆེན་ཤེས་རྡོར་བ། ཆོས་སྒོ་བ་ཆོས་ཤེ། ཐེལ་གྲགས་རྡོར། དབུས་གླིང་པ་གྲགས་དོན། རྔོག་བྱང་ཆུབ་དཔལ་མན་ངན་སོང་སྦྱོང་བ་བརྟགས་པ་ཕྱོགས་གཅིག་པའི་བརྒྱུད་པ་ཕྱི་མ་དང་འདྲ། ཁྲོ་བོ་མི་གཡོ་བའི་རྟོག་པ་སྟོབས་དཔག་ཏུ་མེད་པའི་བརྒྱུད་པ་ནི། སངས་རྒྱས། འཇམ་དཔལ་དབྱངས། ཛེ་ཏཱ་རི། ཨ་ཤྭ་ཀ་ཤྲཱི། ལ་ལཱི་ཏ་བཛྲ། ཨ་མོ་གྷ་བཛྲ། བ་རི་ལོ་ཙཱ་བ། མཆིམས་བརྩོན་འགྲུས་སེངྒེ། མཆིམས་ཆོས་ཀྱི་སེངྒེ། མཆིམས་བློ་གྲོས་བརྟན་པ། དབུས་པ་བློ་གསལ། ལོ་ཙཱ་བ་མཆོག་ལྡན། བློ་ཆེན་པ། བག་སྟོན།
གཞོན་ཚུལ། རྡོ་རྗེ་གླིང་པ། མགོན་པོ་འབུམ། རི་ཕུག་པ། ས་བཟང་མ་ཏི་མན་རྩ་རྒྱུད་དེ་ཉིད་བསྡུས་པ་ལྟར་རོ། །གཉིས་པ་པདྨའི་རིགས་ཀྱི་རྒྱུན་མི་བཞུགས།

བྱ་བའི་རྒྱུད་ལ།

― GTN003_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ། རྡོ་རྗེ་རིགས་ཀྱི་རྒྱུད་ལ། ༼ད་པར།༽ ཕྱག་ན་རྡོ་རྗེ་དབང་བསྐུར་བའི་དུམ་བུ་གསུམ་པ། གྲོང་ཁྱེར་དཔལ་ཡོན་ཅན་དུ་གསུངས་པ་གཉིས་ལ་བམ་པོ་བཅུ་གཉིས་ཡོད་པའི་བརྒྱུད་པ་ནི། སངས་རྒྱས། ཕྱག་རྡོར། ཛེ་ཏཱ་རི། མྱ་ངན་མེད་པའི་དཔལ། རོལ་པའི་རྡོ་རྗེ། པུཎྱཻ་ཤྲཱི། སྟེང་པ་ལོ་ཙཱ་བ། སོ་ཆོས་ཀྱི་ཤེས་རབ། ལྷོ་པ་ཀུན་མཁྱེན། ཏིང་འཛིན་དཔལ་བཟང་། སངས་རྒྱས་འབུམ། རྒྱ་ཚ་ཆོས་དབང་གཉིས་ཀ་ལ་ལོ་མཆོག་པས་གསན། དེ་ནས་རྭ་སྟོན་ཤཱཀྱ། བག་སྟོན། མགོན་པོ་འབུམ། བྲམ་ནམ་མཁའི་རྒྱལ་མཚན། མ་ཏི་པཎ་ཆེན་མན་དེ་ཉིད་བསྡུས་པ་དང་འདྲ། ལྷ་མོ་བརྒྱད་ཀྱི་གཟུངས་ལུང་རྒྱུན་མེད་པ། ཕྱག་རྡོར་གོས་སྔོན་ཅན་གྱི་རྒྱུད་ལེའུ་བཅུ་གསུམ་ལུང་རྒྱུན་མེད་པ། གོས་སྔོན་ཅན་རྡོ་རྗེ་ས་འོག་གི་རྒྱུད་ལེའུ་བདུན་པའི་བརྒྱུད་པ་ནི། རྡོ་རྗེ་འཆང་། ཕྱག་རྡོར། སྤྱོད་མཛད་ཆོས་ཀྱི་རྡོ་རྗེ། ཀུན་ཏུ་བཟང་པོ། འགྲོ་བཟང་སྙིང་པོ། རཏྣ་བཛྲ། བྲམ་ཟེ་དཔལ་ལྡན། ཏེ་ཛ་དེ་ཝ། ཟང་དཀར་ལོ་ཙཱ་བ། གྲགས་པ་སེངྒེ། སངས་རྒྱས་དོན་གྲུབ། དཔལ་ལྡན་སེངྒེ། རྒྱལ་ཚ་ལུང་མང་པོ། ལོ་མཆོག་མན་དེ་ཉིད་བསྡུས་པ་དང་འདྲ། རྡོ་རྗེ་ས་གསུམ་དུ་རྒྱུ་བའི་རྟོག་པ་ལྔ་པ་ལུང་མེད་པ། གོས་སྔོན་ཅན་འཇིག་རྟེན་གསུམ་འདུལ་གྱི་

― GTN003_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ལུང་རྒྱུན་མེད་པ་རྣམས་སོ། ། བཞི་པ་བྱ་བའི་རྒྱུད་ལ། སོ་སོའི་རྒྱུད་དང་། སྤྱི་རྒྱུད་གཉིས་ལས། དང་པོ་ལ། དེ་བཞིན་གཤེགས་པའི་རིགས། པདྨའི་རིགས། རྡོ་རྗེའི་རིགས། ནོར་ཅན་གྱི་རིགས། རྒྱས་པའི་རིགས། འཇིག་རྟེན་པའི་རིགས་དང་དྲུག་གི་དང་པོ་ལ། རིགས་ཀྱི་གཙོ་བོ། བདག་པོ་ཡུམ། གཙུག་ཏོར། ཁྲོ་བོ། ཁྲོ་མོ། ཕོ་ཉ་མོ། དེ་བཞིན་གཤེགས་པའི་རིགས་སུ་བསྡུས་པའི་བྱང་སེམས་གནས་གཙང་མའི་ལྷ་ལ་སོགས་པའི་རྒྱུད་དང་བརྒྱད་ཀྱི་དང་པོ་ནི། དམ་ཚིག་གསུམ་བཀོད་པའི་རྒྱུད་ལེའུ་བཅུ་དགུ་པའི་བརྒྱུད་པ་ནི། སངས་རྒྱས། ཕྱག་རྡོར། རབ་གསལ་ཟླ་བ། ཡེ་ཤེས་རྡོ་རྗེ། ཀུན་དགའ་སྙིང་པོ། པྲཛྙཱ་བོ་དྷི། མུ་ཏི་ཀོ་ཥ། ཤུདྡྷ་ཀ་ར། རིན་ཆེན་བཟང་པོ། རྔོག་ལོ། ཡེ་ཤེས་འབར། འཁོར་སྟོན་ལྷ་དབང་། སངས་རྒྱས་འབར། ཏིང་ངེ་འཛིན་དཔལ་བཟང་། ཆོས་ཀྱི་སེངྒེ། ཆོས་མགོན། སངས་རྒྱས་འབུམ། ལོ་མཆོག །བློ་ཆེན། བདེ་ཅན་པ། གར་ཐིག་པ། ཤེས་རྡོར་བ། ཆོས་སྒོ་བ། གྲགས་རྡོར་བ། གྲགས་དོན་པ། ཤཱཀྱ་རྒྱལ་མཚན། རྔོག་ཤེས་རབ་གྲགས། ཀུན་དགའ་རྒྱ་མཚོ། དཔལ་འབྱོར་དོན་གྲུབ། རྔོག་འཇམ་དབྱངས་འོད་ཟེར། བཀའ་འགྱུར་པ། རིག་འཛིན་པདྨ་ཕྲིན་ལས། རིན་ཆེན་རྒྱ་མཚོ་མན་འདྲ། བདེ་གཤེགས་བདུན་གྱི་སྔོན་གྱི་སྨོན་ལམ་ཁྱད་པར་རྒྱས་པ་སྨན་ལྷའི་བསྔོ་སྨོན་ཁྱད་པར་རྒྱས་པ་གཉིས་ཀྱི་བརྒྱུད་པ་ནི། སངས་རྒྱས། ཀུན་དགའ་བོ། ཀྲྀཥྞའི་གོས་ཅན། ཤ་ནའི་གོས་ཅན། ཉི་མ་གུང་པ། ཐམས་ཅད་མཁྱེན་པའི་བཤེས་

― GTN003_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

གཉེན། ཀླུ་སྒྲུབ། ཨཱརྱ་དེ་ཝ། འཇམ་དཔལ་གྲགས་པ། རཏྣ་ཨཱ་ཀ་ར་ཤཱནྟི། རྡོ་རྗེ་གདན་པ། མྱ་ངན་མེད་པ། རོལ་པའི་རྡོ་རྗེ། དོན་ཡོད་རྡོ་རྗེ། པཎ་ཆེན་ཤཱཀྱ་ཤྲཱི། དཔལ་མཆོག་བཟང་། དཔྱལ་པདྨ་ཅན། མཁན་པོ་གཞོན་ཡེ། རོང་པ་ཤེས་རབ་སེངྒེ། བག་སྟོན། གཞོན་ཚུལ། བླ་མ་མགོན་འབུམ། སྤྲུག་སྟོན་བསོད་རྒྱལ། མཁན་ཆེན་ཤེས་རྡོར། བླ་མ་ཆོས་དཔལ་ཤེས་རབ། བསོད་ནམས་སེངྒེ། ཚལ་གྲགས་དོན་པ། རཏྣ་ཀིརྟི། ཤཱཀྱ་རྒྱལ་མཚན། རྡོ་རྗེ་གདན་པ་ཀུན་དགའ་རྣམ་རྒྱལ་ནས་བཻ་ཌཱུརྱའི་འོད་ཅེས་བྱ་བའི་གཟུངས། སྨན་ལ་སྔགས་ཀྱིས་གདབ་པ། ༼ཤྲཱི་དྷི་ཝཾ༽ ནོར་བུ་རྒྱས་པའི་གཞལ་མེད་ཁང་གི་ཆོ་ག་ཞིབ་མོའི་རྒྱལ་པོ་བརྒྱུད་པ་ནི། རྡོ་རྗེ་གདན་པ་ཡན་སྨན་མདོ་ལྟར་ལ། དེ་ནས་རིགས་པའི་གློག་ཕྲེང་ནས་ངན་སོང་སྦྱོང་བ་བརྟག་པ་གཅིག་པའི་བརྒྱུད་པ་སྔོན་མ་དང་འདྲ། ༼ན་པར།༽ གསང་བ་རིང་བསྲེལ་ཟ་མ་ཏོག་གི་གཟུངས། བྱང་ཆུབ་སྙིང་པོ་རྒྱན་འབུམ་གཟུངས་གཉིས་ཀའི་བརྒྱུད་པ་ནི། སངས་རྒྱས། ཕྱག་རྡོར། ཛེ་ཏཱ་རི་དགྲ་ལས་རྣམ་རྒྱལ། རྡོ་རྗེ་གདན་པ་གསུམ། བ་རི་ལོ་ཙཱ་རིན་ཆེན་གྲགས། ས་ཆེན་གོང་མ་ལྔ། རྒ་ལོ། རྣམ་རྒྱལ་རྡོ་རྗེ། ཤེས་རབ་སེངྒེ། བག་སྟོན། མགོན་པོ་འབུམ། སྤྲུ་སྟོན་བསོད་རྒྱལ། མཁན་ཆེན་ཤེས་རྡོར། ཆོས་སྒོ་བ་ཆོས་ཤེས། སློབ་དཔོན་བསོད་སེང་། ཚལ་གྲགས་དོན་པ། རིན་ཆེན་གྲགས། ཤཱཀྱ་རྒྱལ་མཚན། རྡོ་རྗེ་གདན་པ། བྱང་ཆུབ་དབང་རྒྱལ། མཁྱེན་པའི་རྩེ་མོ། ཀུན་བཟང་རྩེ་པ་དབང་ཕྱུག་རྒྱལ་མཚན། ཉི་མ་གླིང་པ། ཚུལ་ཁྲིམས་བཀྲ་ཤིས། རྗེ་བཀའ་འགྱུར་བ་མན་འདྲ།

― GTN003_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སྙིང་པོ་རྒྱན་འབུམ་ལས་བཏུས་པའི་གཟུངས། འཕགས་པ་འོད་ཟེར་དྲི་མེད་ཀྱི་གཟུངས། ༼ལུང་བརྒྱུན་ཡོད་མེད་དཔྱད་འཚལ།༽ ༼ཤྲཱི་ཁུ་ཝཾ༽ སངས་རྒྱས་བཅུ་གཉིས་པའི་ ༼ཤྲཱི་ཁུ་ཝཾ༽ སངས་རྒྱས་བདུན་པ། ༼ཤྲཱི་ཁུ་ཝཾ༽ འདི་གཉིས་སྔར་མདོ་མང་སྐབས་སུ་ཡོད། སངས་རྒྱས་ཐམས་ཅད་ཀྱི་ཡན་ལག་ལྡན་པའི་ ༼ཤྲཱི་ཁུ་ཝཾ༽ གཟུངས། སངས་རྒྱས་ཀྱི་སྙིང་པོ་ཞེས་བྱ་བའི་གཟུངས། ༼ཤྲཱི་ཁུ་ཝཾ༽ སངས་རྒྱས་ཀྱི་སྙིང་པོ་ཆོས་ཀྱི་རྣམ་གྲངས་༼ཤྲཱི་ཁུ་ཝཾ༽འཕགས་པ་མེ་ཏོག་བརྩེགས་པའི་༼ཤྲཱི་ཁུ་ཝཾ༽ གཟུངས། འཕགས་པ་དྲི་མ་མེད་པའི་གཟུངས། ༼ཤྲཱི་ཁུ་ཝཾ༽ འཕགས་པ་ཙནྡ་གྱི་ཡན་ལག་ ༼ཤྲཱི་ཁུ་ཝཾ༽ གི་གཟུངས། རྟེན་འབྲེལ་སྙིང་པོའི་༼ཤྲཱི་ཁ་ཝཾ༽ གཟུངས། རྟེན་འབྲེལ་འབྱུང་བ། ༼ཤྲཱི་ཁུ་ཝཾ༽ རྟེན་འབྲེལ་འབྱུང་བའི་སྙིང་པོ། ༼ཤྲཱི་ཁུ་ཝཾ༽ ཡེ་ཤེས་རྟ་ལའི་གཟུངས། ༼ཤྲཱི་ཝཾ༽ ས་ཡི་སྙིང་པོའི་གཟུངས། ༼ཤྲཱི་ཁུ་ཝཾ།༽ གདོན་མི་ཟ་བའི་གཟུངས་ལུང་རྒྱུན་མེད། སྒོ་མཐའ་ཡས་པའི་སྒྲུབ་པའི་གཟུངས་འདི་མདོ་མང་ཁྲོད་ནའང་ཡོད། ༼ཤྲཱི༽ སྒོ་དྲུག་པའི་གཟུངས། ༼ཤྲཱི་ཁུ་ཝཾ༽ ཆོས་ཐམས་ཅད་ཀྱི་ཡོན་ཏན་བཀོད་པའི་རྒྱུད་འདིའི་བརྒྱུད་པ་ནི། སངས་རྒྱས། འཇམ་དབྱངས། ཀླུ་སྒྲུབ། ཨཱརྱ་དེ་ཝ། འཇམ་དཔལ་གྲགས་པ། ཤནྟི་པ། སོ་སོ་རི་པ། ཨ་བྷ་ཡཱ་ཀ་ར། དགེ་བའི་འབྱུང་གནས། རྡོ་རྗེ་གདན་པ་གསུམ། པཎྱཻ་ཤྲཱི། སྟེང་པ་ལོ་ཙཱ་བ། སོ་ཀུན་མཁྱེན། སོ་འཛམ་གླིང་རྒྱན། ལྷོ་པ་ཀུན་མཁྱེན། ཀོ་ནག་པ། གྲགས་སེང་པ། ཀུན་དགའ་འབུམ། ཀུན་ཡེ་ཤེས། གཞོན་ཚུལ། མགོན་པོ་འབུམ། བསོད་རྒྱལ་བ། ཤེས་རྡོར་བ། ཆོས་དཔལ་ཤེས་རབ། བསོད་ནམས་སེངྒེ། གྲགས་དོན་པ།

― GTN003_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་འགྱུར་བ། རྡོ་རྗེ་གདན་པ། རིག་པའི་གློག་ཕྲེང་། བསྟན་པའི་རྒྱ་མཚོ། ངག་དབང་ཆོས་རྒྱལ། ངག་དབང་གྲགས་པ་རྒྱལ་མཚན། ངག་དབང་ནོར་བུ། ངག་དབང་བཟང་པོ། ཀུན་དགའ་བློ་གྲོས། དཔལ་གླིང་ངག་དབང་རྣམ་རྒྱལ། ཁྱབ་བདག་བཀའ་འགྱུར་བ་མན་འདྲ། སྒྲོལ་མ་མཆོག་གི་གཟུངས། ༼ཤྲཱི་ཁུ་ཝཾ༽ ཤེར་ཕྱིན་ཉུང་ངུ་འདི་ཤེར་ཕྱིན་སྣ་ཚོགས་སྐབས་སུ་སོང་། ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོའི་མདོ། ༼དྷི་ཝཾ༽ འདིའང་ཤེར་སྐོར་དུ་སོང་། ནམ་མཁའ་ལ་སོགས་པས་ཞུས་པ། མཚན་བརྒྱ་རྩ་བརྒྱད་པ་ ༼ཤྲཱི་ཁུ་ཝཾ༽ གཟུངས་སྔགས་དང་བཅས་པ། ཐུབ་པའི་གཟུངས། ༼ཤྲཱི་ཁུ་ཝཾ༽ རྣམ་སྣང་གི་གཟུངས། ༼ཤྲཱི་ཁུ་ཝཾ༽ ཟླ་འོད་ཀྱི་གཟུངས། ༼ཤྲཱི་ཁུ་ཝཾ༽ དེ་བཞིན་གཤེགས་པ་སྤྱིའི་གཟུངས་ལུང་རྒྱུན་མེད།• གཙུག་གཏོར་ཅན་གྱི་གཟུངས་• ༼ཤྲཱི་ཁུ་ཝཾ༽ མཆོད་པའི་སྤྲིན་གྱི་གཟུངས།• ༼ཤྲཱི་ཝཾ༽ ཕྱག་དང་།• བསྟོད་པ་དང་།• བྱིན་རླབས་དང་། མཆོད་སྤྲིན་འབྱུང་བ་དང་།• མཆོད་པ་དང་།• བསྙེན་གནས་དང་།• ཕྱག་བྱ་བ།• རིན་ཆེན་བརྡར་བ།༼ཤྲཱི་ཁུ་ཝཾ༽ པདྨའི་སྤྱན།• སུ་རུ་པ།• འཇིགས་བརྒྱད་ལས་གྲོལ་བའི་གཟུངས་•རྣམས་ལུང་རྒྱུན་མེད་པ། ཁྱད་པར་ཅན་གྱི་གཟུངས། ༼ཤྲཱི་ཁུ་ཝཾ༽ གཉིས་པ་དེ་བཞིན་གཤེགས་པའི་རིགས་ཀྱི་འཁོར་ལོའི་རྒྱུད་ལ། འཇམ་དཔལ་རྩ་བའི་རྟོག་པ་སོ་དྲུག་པའི་བརྒྱུད་པ་ནི། སངས་རྒྱས། འཇམ་དཔལ། རབ་གསལ་ཟླ་བ། བྲམ་ཟེ་ར་ཧུ་ལ། སྭོ་སྟི་ཕ་ལ། ཡེ་ཤེས་རྡོ་རྗེ། པྲཛྙཱ་སིདྡྷི། ཀུན་དགའ་སྙིང་པོ། པྲ་བྷུ་ཏི་ཕ་ལ། པྲ་ཛྙཱ་ཝ་ལི་ཏ། ཞི་བའི་སྙིང་པོ། ཀ་ལྱཱ་

― GTN003_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མི་ཏྲ། བདེ་བའི་རྡོ་རྗེ། ཤྲརྡྷ༷་(ཤྲརྟཱ༷་དཔྱད།)ཀ་ར་ལོ་ཆེན་རིན་བཟང་། རྐྱང་པོ་ཆོས་བློ། བྲའོ་ལྷ་འབུམ་ནས་བློ་ཆེན་བར་ཡངས་པའི་གྲོང་ཁྱེར་དུ་འཇུག་པའི་བརྒྱུད་པ་ཕྱི་མ་དང་འདྲ། དེ་ནས་རྒྱལ་བཟང་དཔལ། སྤང་ཁང་པ། མ་ཏི་པཎ་ཆེན་མན་དབང་མདོར་བསྟན་གྱི་བརྒྱུད་པ་སྔོན་མ་དང་འདྲ། ༼པ་པར།༽ འཇམ་དཔལ་དཔའ་བོ་གཅིག་སྒྲུབ་ཀྱི་བརྒྱུད་པ་ནི། སངས་རྒྱས། ཛེ་ཏཱ་རི། རྡོ་རྗེ་གདན་པ་གསུམ། བ་རི་ལོ་ཙཱ་བ། ས་ཆེན་གོང་མ་ལྔ། བློ་ཆེན། རྒྱལ་བཟང་དཔལ། སྤང་ཁང་པ། མ་ཏི་མན་མཉམ་སྦྱོར་དང་འདྲ། འཇམ་དཔལ་གྱིས་ཞལ་ནས་གསུངས་པའི་གཟུངས། དམོད་བཙུག་པ། དམ་བཅའ་བ། མཚན་གཟུངས། ཤེས་རབ་བློ་འཕེལ། འབྲུ་གཅིག་པ། འཇམ་དཔལ་རྣོན་པོ་ལ་བསྟོད་པ། བུ་མོ་བརྒྱད་ཀྱིས་བསྟོད་པ་རྣམས་ཀྱི་བརྒྱུད་པ་ནི། ཚལ་གྲགས་དོན་པ་ཡན་ཤེར་སྙིང་དགོངས་བརྒྱུད་བར་མ་ལྟར་ལ། དེ་མིན་འཇམ་དཔལ་རྩ་རྒྱུད་ཕྱི་མ་དང་འདྲ། ཤེར་ཕྱིན་མཚན་བརྒྱ་རྩ་བརྒྱད་པ། ཀོའུ་ཤི་ཀ་འདི་གཉིས་ཤེར་ཕྱིན་སྣ་ཚོགས་སྐོར་དུ་སོང་། འཕགས་པ་གསེར་འོད་དམ་པ་མཆོག་ཏུ་རྣམ་པར་རྒྱལ་བའི་མདོ་བམ་པོ་བཅུ། ལེའུ་སོ་གཅིག་པའི་ལུང་རྒྱུན་མེད་པ། ༼ཡོད་པ་ཡིན་ནམ།༽ གསེར་འོད་དམ་པ་མདོ་སྡེའི་དབང་གི་རྒྱལ་པོ། བམ་པོ་བཅུ། ལེའུ་ཉེར་དགུ་པའི་བརྒྱུད་པ་ནི། འཇམ་དཔལ་གྱི་མདོ་ཆུང་བརྒྱད་དང་འདྲ། ༼ཕ་པར།༽ གསེར་འོད་དམ་པ་མདོ་སྡེ་དབང་གི་རྒྱལ་པོ་བམ་པོ་ལྔ་ལེའུ་ཉེར་གཅིག་པ་ལུང་རྒྱུན་མེད་པ་༼ཡོད་པ་ཡིན་ནམ།༽ སྟོང་ཆེན་རབ་འབྱམས་བམ་པོ་གཉིས།

― GTN003_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

རྨ་བྱ་ཆེན་མོ་ཤོ་ལོ་ཀ་བདུན་བརྒྱ། རྨ་བྱའི་ཡང་སྙིང་། སོ་སོར་འབྲང་མ། བསིལ་བ་ཚལ་གྱི་མདོ། གསང་སྔགས་ཆེན་མོ་རྗེས་སུ་འཛིན་པ་རྣམས་ཀྱི་བརྒྱུད་པ་ནི། པཎ་ཆེན་བྷུ་མ་ཀཱིརྟི་ཡན་ལུང་རྒྱུན་སླར་ཚོལ། དེ་ནས་མར་ཆོས་དབང་། གཟིངས་བློ། གཟེ་བ་ཇོ་བོད། དོན་གྲུབ་ཡེ་ཤེས། དེ་གཉིས་ཀ་ལ་ཁམས་པ་རྡོ་རྗེས་གསན། དེ་ནས་སངས་རྒྱས་འབུམ། ལོ་མཆོག །སྒྲ་ཚད་པ་རིན་ཆེན་རྣམ་རྒྱལ། ཆོས་རྒྱལ་བ། གར་ཐིག་པ། མཁན་ཤེས་རྡོར། ཆོས་དཔལ་ཤེས་རབ། གྲགས་རྡོར། ཚལ་གྲགས་དོན་པ། ཤཱཀྱ་རྒྱལ་མཚན། རྡོ་རྗེ་གདན་པ། རྒྱ་བྱང་དབང་མཁྱེན་པའི་རྩེ་མོ། དབང་ཕྱུག་རྒྱལ་མཚན། བསོད་ནམས་རྒྱལ་པོ། ངག་དབང་རྣམ་རྒྱལ། བཀའ་འགྱུར་བ། གཉིས་ཀར་རིན་ཆེན་རྒྱ་མཚོས་གསན་པ་མན་འདྲ། འོད་ཟེར་ཅན་གྱི་གཟུངས། ༼ཤྲཱི༽ འོད་ཟེར་ཅན་མའི་རྒྱུད་ལས་བྱུང་བའི་རྟོག་པ་ཇི་སྙེད་པ་ལུང་རྒྱུན་མེད་པ། སྒྱུ་མ་འོད་ཟེར་ཅན་གྱི་དཀྱིལ་ཆོག་ལུང་རྒྱུན་མེད་པ། རིགས་སྔགས་ཀྱི་རྒྱལ་མོ་རྒྱལ་བ་ཅན། ༼ཤྲཱི་ཁུ་ཝཾ༽ རྒྱལ་བ་ཅན་གྱི་གཟུངས། ༼ཤྲཱི་ཝཾ༽ འཕགས་པའི་དབང་བསྐུར་བའི་གཟུངས། ༼ཤྲཱི་ཝཾ༽ དབྱིགས་དང་ལྡན་པའི་གཟུངས། ༼ཤྲཱི་ཁུ་ཝཾ༽ དུག་སེལ་གྱི་རིགས་སྔགས། ༼ཤྲཱི་ཁུ༽ འཕགས་མ་སོར་མོ་ཅན་༼འདི་གཉིས་ལུང་རྒྱུན་ཡོད་མེད་དཔྱད།༽ ༼ཤྲཱི་ཁུ༽ ཆོས་ཐམས་ཅད་ཀྱི་ཡུམ་གཟུངས། ༼ཤྲི་ཁུ༽ གཙུག་གི་ནོར་བུའི་གཟུངས། ༼ཤྲཱི་ཁུ་ཝཾ༽ ཡི་གེ་དྲུག་མའི་གཟུངས། ༼ཤྲཱི་ཁུ་ཝཾ༽ སྟོང་ཕྲག་བརྒྱད་པའི་གཟུངས། ༼ཤྲཱི་ཁུ་ཝཾ༽ སྟོང་ཕྲག་ཉི་ཤུ་པའི་གཟུངས། ༼ཤྲཱི་ཁུ་ཝཾ༽ བརྒྱད་སྟོང་པའི་གཟུངས། ༼ཤྲཱི་ཁུ་ཝཾ༽ ཕྱིན་དྲུག་གི་གཟུངས། ༼ཤྲཱི་ཁུ་ཝཾ༽ ཕྱིན་

― GTN003_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

དྲུག་ཐོབ་པའི་གཟུངས། ༼ཤྲཱི་ཁུ་ཝཾ༽ ཕར་ཕྱིན་བཅུ་ཐོབ་པའི་གཟུངས། ༼ཤྲཱི་ཁུ་ཝཾ༽ ཚད་མེད་བཞི་ཐོབ་པར་འགྱུར་བའི་གཟུངས། ༼ཤྲཱི་ཁུ་ཝཾ༽ ཕར་ཕྱིན་སྟོང་ཕྲག་བརྒྱ་པའི་གཟུངས། ༼ཤྲཱི་ཁུ་ཝཾ༽ ཕལ་ཆེན་གཟུང་བར་འགྱུར་བའི་གཟུངས། ༼ཤྲཱི་ཁུ་ཝཾ༽ སྡོང་པོ་བཀོད་པ་གཟུང་བའི་གཟུངས། ༼ཤྲཱི་ཁུ་ཝཾ༽ ཏིང་འཛིན་རྒྱལ་པོ་གཟུང་བའི་གཟུངས། ༼ཤྲཱི་ཁུ་ཝཾ༽ རྨ་བྱ་ཆེན་མོའི་གཟུངས། ༼ཤྲཱི་ཁུ་ཝཾ༽ སོར་འབྲང་གཟུང་བའི་གཟུངས། ༼ཤྲཱི་ཁུ་ཝཾ༽ ལང་གཤེགས་གཟུང་བའི་གཟུངས། ༼ཤྲཱི་ཁུ་ཝཾ༽ བཞི་པ་རིགས་ཀྱི་གཙུག་ཏོར་ལ། གདུགས་དཀར་ཕྱིར་བཟློག་ཆེན་མོ། ༼ཤྲཱི༽ གདུགས་དཀར་མཆོག་གྲུབ་ཀྱི་བརྒྱུད་པ་ནི། སངས་རྒྱས། འཇམ་དབྱངས། ཛེ་ཏཱ་རི། རྡོ་རྗེ་གདན་པ་གསུམ། བ་རི་ལོ་ཙཱ་བ། གོང་མ་ལྔ། དགའ་ལྡན་པ་བཀྲ་ཤིས། དགའ་ལྡན་པ་ཀུན་བསོད། བག་སྟོན། ཤེས་རྡོར་བ། ཆོས་སྒོ་བ། བསོད་ནམས་སེངྒེ། ཚལ་གྲགས་དོན་པ། རྔོག་བྱང་དཔལ། དུག་སེལ་རིགས་སྔགས་ཀྱི་དགོས་བརྒྱུད་འདྲ། གདུགས་དཀར་ལྷ་ཡུམ་མཆེ་བ་ལུང་རྒྱུན་མེད་པ་། ལྷ་ཡུམ་མ་ཆུང་བ། ༼ཤྲཱི་ཁུ༽ གོང་གི་གཡུང་དྲུང་རྟགས་ཅན་གཉིས་ཀྱི་བརྒྱུད་པ་ནི། བག་སྟོན་ཡན་ངན་འགྲོ་ཡོངས་སྦྱོང་ལྟར་ལ། དེས་མགོན་པོ་འབུམ། སྤྲུ་སྟོན། མཁན་ཆེན་ཤེར་མན་ཤྲཱི་རྟགས་ཅན་སྤྱི་དང་འདྲ། གཙུག་གཏོར་རྣམ་པར་རྒྱལ་བའི་གཟུངས་རྟོག་པ་དང་བཅས་པ། ༼ཤྲཱི༽ གཙུག་གཏོར་རྣམ་རྒྱལ་གྱི་གཟུངས་རྟོག་པ་དང་བཅས་པ་འཆི་བདག་དབྱུག་འཛིན། ༼ཤྲཱི༽ གཙུག་གཏོར་རྣམ་རྒྱལ་གྱི་

― GTN003_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུངས་རྟོག་པ་དང་བཅས་པ་ཆུང་བ། ༼ཤྲཱི༽ ངན་འགྲོ་ཐམས་ཅད་ཡོངས་སུ་སྦྱོང་བ། གཙུག་གཏོར་རྣམ་རྒྱལ་གྱི་གཟུངས་རྣམས་ཀྱི་བརྒྱུད་པ་ནི། སངས་རྒྱས། འཇམ་དཔལ། ཛེ་ཏཱ་རི། རྡོ་རྗེ་གདན་པ་ཆེ་ཆུང་། བ་རི་ལོ་ཙཱ་བ། གོང་མ་ལྔ། བློ་ཆེན། བག་སྟོན། ཤེས་རྡོར། མཁན་རིན་པོ་ཆེ་འཕེལ་རྒྱལ་ཡོན་ཏན་འོད། གྲུབ་པ་ཤེས་རབ། རྒྱ་སྟོན་ཙནྟྲ་དེ་ཝ། བསོད་ནམས་རྒྱ་མཚོ། འཇམ་དབྱངས་ཤེས་རབ་རྒྱ་མཚོ། དཔལ་ལྡན་རྡོ་རྗེ། བསོད་ནམས་སེངྒེ། ནམ་མཁའ་གཟི་བརྗིད། འཇམ་དབྱངས་མཁྱེན་བརྩེ། མཆོད་དཔོན་ཀུན་དགའ་ལེགས་པ། དབང་ཕྱུག་རབ་བརྟན། ཁྱབ་བདག་བཀའ་འགྱུར་བ་མན་འདྲ། དེ་བཞིན་གཤེགས་པ་ཐམས་ཅད་ཀྱི་གཙུག་གཏོར་རྣམ་པར་རྒྱལ་བའི་གཟུངས་རྟོག་པ་དང་བཅས་པའི་རབ་བྱེད་ལུང་རྒྱུན་མེད་པ། གཙུག་གཏོར་དྲི་མེད་སྣང་བའི་གཟུངས། བརྒྱུད་པ་གསང་བ་རིང་བསྲེལ་དང་འདྲ། གཙུག་གཏོར་འབར་བའི་གཟུངས། ༼ཤྲཱི་ཁུ་ཝཾ༽ མཆོད་རྟེན་གཅིག་བཏབ་པ་བྱེ་བར་འགྱུར་བའི་གཟུངས། ༼ཤྲཱི་ཁུ་ཝཾ༽ སྙིང་རྗེས་མཆོག་གི་གཟུངས། ༼ཤྲཱི་ཁུ་ཝཾ༽ ལྔ་པ་གཤེགས་པའི་རིགས་ཀྱི་ཁྲོ་བོ་ཁྲོ་མོ་བརྒྱད་ལ། ཁྲོ་བོ་ཁམས་གསུམ་རྣམ་རྒྱལ་གྱི་རྩ་རྒྱུད་རིམ་པར་ཕྱེ་བ་བཅུ་པ་ལས། རིམ་པར་ཕྱེ་བ་བདུན་པ་ཡན། ༼བ་པར།༽ ཁམས་གསུམ་རྣམ་རྒྱལ་རྩ་རྒྱུད་སྔ་མའི་འཕྲོ་ལས་རིམ་པར་ཕྱེ་བ་བརྒྱད་པ། དེའི་རྒྱུད་ཕྱི་མ་རྟོག་པ་བཅུ། ཕྱི་མའི་ཕྱི་མ་དང་བཅས་བསྡོམས་པའི་ལེའུ་ཉེར་གཅིག་པའི་བརྒྱུད་པ་ནི། རྡོ་རྗེ་འཆང་། ཌཛྙཱ་ཏཱ་ཀ །ལ་ལི་ཏ་བཛྲ། ཨ་མོ་

― GTN003_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

གྷ་བཛྲ་ཆེ་ཆུང་། སྐྱོ་འོད་འབྱུང་། གཙང་ཡང་དག་འབར། རྔོག་རྡོ་རྗེ་རྒྱལ་པོ། གཟེ་བ་དོན་ཡེ། ཁམས་ཤཱཀྱ་རྡོ་རྗེར། སངས་རྒྱས་འབུམ། ལོ་མཆོག །བློ་ཆེན། རྒྱལ་བཟང་དཔལ། སྤང་ཁང་པ། མ་ཏི་མན་མཉམ་སྦྱོར་དང་འདྲ། རྡོ་རྗེ་འཇིགས་བྱེད་ཀྱི་གཟུངས། ༼ཤྲཱི་ཁུ་ཝཾ༽ བེ་ཅོན་ཆེན་པོ་གཟུངས། ༼ཤྲཱི་ཁུ༽ གཞན་གྱི་མི་ཐུབ་པ་རིན་ཆེན་ཕྲེང་བ། ༼ཤྲཱི་ཁུ༽ བར་དུ་གཅོད་པ་སྦྱོང་བའི་གཟུངས། ༼ཤྲཱི་ཁུ་ཝཾ༽ མི་འཇིགས་པ་སྦྱིན་པའི་གཟུངས། ༼ཤྲཱི་ཁུ་ཝཾ༽ འགྲོ་ལྡིང་གི་རིགས་སྔགས། ༼ཤྲཱི་ཁུ་ཝཾ༽ ཚིགས་སུ་བཅད་པ་གཉིས་པའི་གཟུངས། ༼ཤྲཱི་ཁུ་ཝཾ༽ རྒྱལ་མཚན་རྩེ་མོའི་དཔུང་རྒྱན་འདིའི་བརྒྱུད་པ་ནི། སངས་རྒྱས། འཇམ་དཔལ། ས་མནྟ་ཤྲཱི། རྭ་ཆོས་རབ། རྭ་ཡེ་ཤེས་སེངྒེ། རྭ་འབུམ་སེང་། རྒ་ལོ་ཡབ་སྲས། ཨ་ཀ་ར་སིདྡྷི། སངས་རྒྱས་རིན་ཆེན། མཁན་ཤེས་རྡོར་བ་མན་གསེར་འོད་ལྟར་དང་། དེ་ནས་ཚོགས་གཉིས་དཔལ་གྲུབ། གྲུབ་པ་རྡོ་རྗེ་འཆང་། སྨན་ལུང་པ། རྗེ་བཀའ་འགྱུར་བ་མན་འདྲ། ལྷ་མོ་སྐུལ་བྱེད་མའི་གཟུངས། ༼ཤྲཱི་ཁུ་ཝཾ༽ དྲུག་པ་གཤེགས་རིགས་ཀྱི་ཕོ་ཉ་མོའི་རྒྱུད་ལ། སྒོ་བཟང་པོའི་གཟུངས། ༼ཤྲཱི་ཁུ་ཝཾ༽ བུ་མང་པོ་སྟོན་པའི་གཟུངས། ༼ཨེ་ཛྙཱ་ཉི༽ རོ་ལངས་བདུན་པའི་གཟུངས་ལུང་རྒྱུན་མེད་པ། འཕགས་པ་མཚན་མོ་བཟང་པོའི་མདོ། ༼ཤྲཱི་ཁུ་ཝཾ།༽ མདངས་ཕྱིར་འཕྲོག་པའི་གཟུངས། ༼ཤྲཱི་ཁུ༽ མིག་རྣམ་པར་སྦྱོང་བའི་རིགས་སྔགས་ ༼ཤྲཱི་ཛྙཱ་ཉི༽ མིག་ནད་རབ་ཏུ་ཞི་བ། ༼ཨེ་ཛྙཱ་ཉི་ཁྲ༽ གཞང་འབྲུམ་རབ་ཏུ་ཞི་བ་༼ཨེ་ཛྙཱ་ཉི་ཁྲ༽ ནད་ཐམས་ཅད་ཞི་བའི་གཟུངས། ༼ཨེ་ཛྙཱ་ཉི་ཁྲི༽ རིམས་ནད་ཞི་བར་བྱེད་

― GTN003_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གཟུངས། ༼དྷི༽ རིམས་ནད་རབ་ཏུ་ཞི་བ། ༼ཨེ་ཛྙཱ་ཉི་ཁྲ༽ འབྲུམ་ནད་ཞི་བའི་གཟུངས། ༼ཨེ་ཛྙཱ་ཉི་ཁྲ༽ མདངས་ཕྱུར་མི་འཕྲོག་པའི་གཟུངས། ༼ཤྲཱི་ཁུ༽ ཡངས་པའི་གྲོངས་ཁྱེར་དུ་འཇུག་པའི་མདོའི་བརྒྱུད་པ་ནི། སངས་རྒྱས། ཕྱག་རྡོར། ཛེ་ཏཱ་རི། རྡོ་རྗེ་གདན་པ་ཆེ་ཆུང། བ་རི་ལོ་ཙཱ་བ། བུམ་ལོ། འབུམ་ལྔ་ལོ་ཙཱ། ཀོ་ནག །ཞང་སྟོན་ཡབ་སྲས། དཀོན་མཆོག་ཡེ་ཤེས། དཀོན་མཆོག་བླ་མ། བག་སྟོན། མགོན་པོ་འབུམ། ཆོས་དཔལ་ཤེས་རབ། གྲགས་རྡོར་བ། གྲགས་དོན་པ། རྔོག་བྱང་ཆུབ་དཔལ། ཀུན་དགའ་རྒྱལ་མཚན། སྨན་རྒྱལ། ནམ་མཁའ་དབང་ཕྱུག །འབུམ་རམས་པ་རིན་ཆེན་ཆོས་དབང་མན་བཀའ་འགྱུར་སྤྱི་དང་འདྲ། མི་རྒོད་རྣམ་པར་འཇོམས་པའི་གཟུངས། ༼ཨེ་ཛྙཱ་ཉི་ཁྲ༽ བར་གཅོད་སེལ་བའི་གཟུངས། ༼ཤྲཱི་ཝཾ༽ མི་གཡོ་བའི་གཟུངས་ལེའུ་དགུ་པའི་བརྒྱུད་པ་ནི། སྤྱན་རས་གཟིགས། ཨ་ཝ་དྷཱུ་ཏི། ཨ་དྷྭ་གུཔྟ། ཨ་ཤྭ་ཀ་ཤྲཱི། དྷཱརྨ་ཤྲཱི། འགར་ལོ་ཙཱ། ཤེས་རབ་རྒྱལ་མཚན། ཤེས་རབ་རྡོ་རྗེ། རྒྱ་ཡོན་ཏན་བཟང་པོ། ཤཱཀྱ་རྡོ་རྗེ། སངས་རྒྱས་འབུམ། ལོ་མཆོག་བློ་ཆེན། བག་སྟོན། ཤེས་རྡོར་བ། ཆོས་སྒོ་བ། གྲགས་རྡོར། ཚལ་གྲགས་དོན་མན་ལོ་མ་གྱོན་མ་དང་འདྲ། ཁྲོ་རྒྱལ་རྟོག་པ་བསྡུས་པའི་རྒྱུད་ལེའུ་བཅུ་པའི་བརྒྱུད་པ་ནི། རྡོ་རྗེ་འཆང་། སེང་ཧ། དེ་ཡང་། ཌོམ་བྷི་པ། དྷརྨཱ་ཀིརྟི། ཇོ་བོ་རྗེ། འབྲོམ་རྒྱལ་བའི་འབྱུང་གནས། དགོན་པ་བ། སྣེའུ་ཟུར་པ་བྱ་ཡུལ་བ། བསོད་ནམས་སེངྒེ། མགོན་པོ་གྲགས། དབང་ཕྱུག་མགོན་པོ། སངས་རྒྱས་འབུམ་མན་མི་གཡོ་བའི་གཟུངས་དང་འདྲ།

― GTN003_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་པ་གསེར་ཅན་གྱི་གཟུངས། ༼ཤྲཱི་ཁུ་ཝཾ༽ བདུན་པ་དེ་བཞིན་གཤེགས་པའི་རིགས་སུ་བརྒྱུད་པའི་བྱང་སེམས་ལ། སྤྱན་རས་གཟིགས། བྱམས་པ། ནམ་མཁའི་སྙིང་པོ། ཀུན་ཏུ་བཟང་པོ། ལག་ན་རྡོ་རྗེ། འཇམ་དཔལ། སྒྲིབ་སེལ། ས་སྙིང་རྣམས་ཀྱི་མཚན་བརྒྱ་རྩ་བརྒྱད་པ། ༼ཤྲཱི་ཁུ་ཝཾ༽ དེའི་ནང་ལག་ན་རྡོ་རྗེའི་མཚན་བརྒྱ་རྩ་བརྒྱད་པའི་སྒོས་བརྒྱུད་ནི། མཁན་ཆེན་ཤེས་རྡོར་བ་ཡན་སྨན་མདོའི་བརྒྱུད་ཚུལ་གསུམ་པ་ལྟར་ལ། དེ་ནས་ཆོས་དཔལ་ཤེས་རབ། ཚལ་གྲགས་དོན་པ། ཤཱཀྱ་རྒྱལ་མཚན། རྡོ་རྗེ་གདན་པ། རྔོག་ཤེས་རབ་གྲགས། ཁམས་པ་བྲག་པོ་ཆེ་བ། ཀུན་དགའ་རྒྱ་མཚོ། རྔོག་དཔལ་འབྱོར་དོན་གྲུབ། རྔོག་འཇམ་དབྱངས་འོད་ཟེར། རྗེ་བཀའ་འགྱུར་བ་མན་འདྲ། འཇམ་དཔལ་གྱི་མཚན་བརྒྱ་རྩ་བརྒྱད་པའི་བརྒྱུད་པ་འཇམ་དཔལ་མདོ་ཆུང་བརྒྱད་འདྲ། བྱམས་པས་དམ་བཅས་པའི་གཟུངས་འདིའི་བརྒྱུད་པ་ནི། བག་སྟོན་ཡན་གཙུག་གཏོར་རྣམ་རྒྱལ་དང་འདྲ། དེ་ནས་མགོན་པོ་འབུམ། སྤྲུ་སྟོན་པ། ཤེས་རྡོར་པ། ཆོས་རྡོར་བ། ཆོས་སྒོ་བ། བསོད་ནམས་སེངྒེ། ཚལ་གྲགས་དོན་མན་མི་གཡོ་བའི་གཟུངས་དང་འདྲ། དཀྱིལ་འཁོར་བརྒྱ་པའི་གཟུངས་མདོ་མང་སྐབས་སུ་སོང་། བདུད་རྩི་འབྱུང་བའི་གཟུངས་ལུང་རྒྱུན་མེད་པ། ཁ་ནས་མེ་འབར་ལ་སྐྱབས་མཛད་པའི་གཟུངས། ༼ཤྲཱིཁུཝཾ༽ ཁ་ནས་མེ་འབར་མ་དབུགས་བྱུང་བའི་གཏོར་མའི་གཟུངས།༼ཤྲཱིཁུཝཾ༽ འཇུར་གེགས་སེལ་བའི་གཟུངས། ༼ཤྲཱིཁུཝཾ༽ ཡེ་ཤེས་སྐར་མདའི་སྙིང་པོ།༼ཤྲཱིཁུཝཾ༽ ཤེས་རབ་བསྐྱེད་པའི་གཟུངས།༼ཤྲཱིཁུདྷིཝཾ༽ ཐོས་

― GTN003_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འཛིན་པའི་གཟུངས། ༼ཨེཛྙཱཉི༽ བརྒྱད་པ་གནས་གཙང་མའི་ལྷ་ལ་སོགས་པའི་རྒྱུད་ནི། མདོ་འདུས་པ་ཆེན་པོ་ལུང་རྒྱུན་མེད་པ། འཕགས་པ་ཆོས་ཀྱི་རྒྱ་མཚོ། ༼ཤྲཱིཁུཝཾ༽ གེགས་སེལ་འདིའི་བརྒྱུད་ཚུལ་ནི། རྡོ་རྗེ་འཆང་། བཛྲ་པཱ་ཎི། ཨིནྟྲ་བྷུ་ཏི། ཙི་ན་ཀཱིརྟི། བོ་དྷི་སམ་བི་ཏ། རཏྣ་པྲ་ཝརྟ། དྷ་ན་པ་ནི་ཏི། ཤཱནྟི་པ། ཇོ་བོ་རྗེ། རྒྱ་ལོ་ཙཱ་བ་བཙོན་འགྲུས་སེངྒེ། ཉན་ཚོ་སེ་བ་བར་པ། རིན་ཆེན་རྡོ་རྗེ། རཏྣ་ཏ་རཀྵི་ཏ། བ་རོ་པཎ་ཆེན། རོང་པ་ཤེར་སེང་། བག་སྟོན་མན་འཕགས་པ་མི་གཡོ་བའི་གཟུངས་ལེའུ་དགུ་པའི་བརྒྱུད་ཚུལ་དང་གཅིག །མདོ་ཆེན་པོ་ཀུན་ཏུ་རྒྱུ་བ་དང་མ་ཡིན་པ་ལུང་རྒྱུན་མེད་པ། སྤྲིན་ཆེན་པོ་རླུང་གི་དཀྱིལ་འཁོར་དབབ་པའི་ལེའུ་དྲུག་ཅུ་རེ་བཞི་པ་ཁོལ་བྱུང་གི་བརྒྱུད་པ་ནི། སངས་རྒྱས། བྱམས་པ། ཐོགས་མེད་མཆེད། རྣམ་གྲོལ་སྡེ། སེངྒེ་བཟང་པོ། ཡེ་ཤེས་ཞབས། ཤཱནྟི་པ། པུཎྱཻ་ཤྲཱི། སྟེང་ལོ། དྭགས་པོ་བ། ཁྱུང་པོ་གྲགས་སེང་། ལྷ་རྗེ་གྲགས་སྐྱབས། སོ་འོར་སྟོན། སྟོན་ཆོས། སངས་རྒྱས་འབུམ། ལོ་མཆོག །ར་ས་པ་ཏོན་ཤཱཀ །བག་སྟོན། མགོན་པོ་འབུམ་ནས་ཚལ་གྲགས་དོན་པ་མན་བྱམས་པ་དམ་བཅས་པ་དང་འདྲ། དེ་ནས་ཤཱཀྱ་རྒྱལ་མཚན། རྡོ་རྗེ་གདན་པ། ཆེན་པོ་བློ་གྲོས་རྒྱལ་མཚན། འབུམ་རམས་པ་ཁུ་དབོན་མན་འདྲ། སྤྲིན་ཆེན་པོ་རླུང་གི་དཀྱིལ་འཁོར་ཀླུ་ཐམས་ཅད་ཀྱི་སྙིང་པོ་བརྒྱུད་པ་གོང་འདྲ། འདི་གཉིས་མདོ་མང་ཁྲོད་དུའང་ཡོད། ཀླུ་རྒྱལ་གཟི་བརྗིད་ཅན་གྱིས་ཞུས་པ། ༼ཤྲཱིཁུཝཾཡ༽ གཟའ་ཡབ་ཡུམ་གཉིས།

― GTN003_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

༼ཁུ་ཝཾ༽ ནོར་རྒྱུན་མ། ༼ཁུཝཾ༽ ནོར་རྒྱུན་མའི་རྟོག་པ། ༼ཤྲཱིཝཾ༽ རྟོག་པ་ཆུང་བ། ༼ཤྲཱིཝཾ༽ ཚོགས་བདག་སྙིང་པོ། ༼ཝཾ༽ ཚོགས་བདག་གི་རྒྱུད་ལེའུ་བཅོ་ལྔ་པ་གཉིས་ཀྱི་བརྒྱུད་པ་ནི། རྒྱལ་པོ་ཨིནྟྲ་བྷུ་ཏི། རྒྱལ་པོ་གྲགས་པ། བོ་དྷི་ཨ་ཀ་ར། རིན་ཆེན་འོད་ཟེར། ཡང་དག་སྦྱིན། རིན་འབྱུང་ཞི་བ། ཇོ་བོ་རྗེ། རྒྱ་བརྩོན་སེང་། གྲུབ་ཐོབ་ཤོལ་བོ་བ། སངས་རྒྱས་དབོན་སྟོན། སངས་རྒྱས་བསྟོན་ཚུལ། ཁྱུང་ཚང་པ་ཚུལ་ཁྲིམས་རྒྱལ་མཚན། མཁན་ཆེན་ཉི་མ་རྒྱལ་མཚན། དབུ་མ་པ་གྲུབ་བརྩོན་འགྲུས། དཀའ་བཅུ་གཞོན་སེང་། གུར་ཆེན་པ་བཀྲ་ཤིས་བཟང་པོ། ཚལ་མིན་པ་བསོད་ནམས་བཟང་པོ། མཁན་ཆེན་སེངྒེ་དཔལ། བྲག་ཐོག་པ། རྡོ་རྗེ་གདན་པ། སྲས་ཀུན་དགའ་རྒྱལ་པོ། འབྲས་སྤུངས་པ་ཚེ་དབང་བཀྲ་ཤིས། ཚར་པ་བློ་གསལ་རྒྱ་མཚོ། འཇམ་དབྱངས་མཁྱེན་བརྩེ། བསོད་ནམས་ཆོས་འཕེལ། དབང་ཕྱུག་རབ་བརྟན། རྗེ་བཀའ་འགྱུར་བ་མན་འདྲ། ནག་པོ་ཆེན་པོའི་རྒྱུད་ལེའུ་བརྒྱད་པ། ༼ཝཾ༽ མགོན་པོ་ནག་པོའི་གཟུངས། ༼ཝཾ༽ ནག་པོའི་གཟུངས་རིམས་ནད་ཐམས་ཅད་ལས་ཐར་བར་བྱེད་པ། ༼ཝཾ༽ ལྷ་མོ་ནག་མོའི་གཟུངས། ༼ཝཾ༽ ལྷ་མོ་ནག་མོ་བསྟོད་པའི་རྒྱུད། ༼ཝཾ༽ ལྷ་མོ་ནག་མོ་མཚན་བརྒྱ་རྩ་བརྒྱད་པ། ༼ཝཾ༽ ལྷ་མོ་ནག་མོ་ལ་བརྒྱ་བྱིན་གྱིས་བསྟོད་པ། ༼ཝཾ༽ གཉིས་པ་པདྨ་རིགས་ཀྱི་རྒྱུད་ལ་རིགས་ཀྱི་གཙོ་བོ། རིགས་ཀྱི་བདག་པོ། རིགས་ཀྱི་ཡུམ། རིགས་ཀྱི་ཁྲོ་བོ་ཁྲོ་མོ། རིགས་ཀྱི་བཀའ་ཉན་ཏེ་ལྔ་ལས། དང་པོ་ནི། འཕགས་པ་ཚེ་དང་ཡེཤེས་དཔག་ཏུ་མེད་པའི་གཟུངས་ཐུང་༢ཚེ་དང་ཡེ་

― GTN003_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་དཔག་ཏུ་མེད་པའི་མདོ་ༀ་གསུམ་མའི་བརྒྱུད་པ་ནི། སངས་རྒྱས། ཕྱག་རྡོར། ཛེ་ཏཱ་རི། དོན་ཡོད་རྡོ་རྗེ་མཆེད། བ་རི་ལོ་ཙཱ་བ། གོང་མ་ལྔ། རྒྱ་ཚ་ཆོས་དབང་། རོང་པ་ཤེས་རབ་སེངྒེ། བག་སྟོན། མགོན་པོ་འབུམ། ནམ་མཁའ་རྒྱལ་མཚན། མ་ཏི། ས་བཟང། འཕགས་པ། ངོར་པ་རྡོ་རྗེ་འཆང་། ཀུན་དགའ་དབང་ཕྱུག །དཀོན་མཆོག་འཕེལ། དཀོན་མཆོག་ལྷུན་གྲུབ། ནམ་མཁའ་དཔལ་བཟང་། དཔལ་ལྡན་དོན་གྲུབ། རྗེ་བཀའ་འགྱུར་བ་མན་འདྲ། ཚེ་མདོ་ཆུང་བ་ༀ་གཉིས། ༼ཤྲཱི༽ འཆི་མེད་རྔ་སྒྲའི་གཟུངས་བརྒྱུད་པ་གོང་འདྲ། སྣང་བ་མཐའ་ཡས་ཀྱི་གཟུངས་ལུང་རྒྱུན་མེད་པ། སྣང་བ་མཐའ་ཡས་རྗེས་སུ་དྲན་པའི་གཟུངས། ཡོན་ཏན་བསྔགས་པ་དཔག་ཏུ་མེད་པའི་གཟུངས། ༼ཤྲཱིཁུ༽ བདེ་ལྡན་སྙིང་པོའི་གཟུངས། གཡུང་དྲུང་རྟགས་ཅན་གྱི་བརྒྱུད་པ་ནི། སྣང་མཐའ། ཛེ་ཏཱ་རི། བྱང་ཆུབ་དབང་པོ། རིན་ཆེན་བཟང་པོ། རྡོ་རྗེ་གདན་པ། བ་རི་ལོ་ཙཱ་བ། མཆིམས་བརྩོན་སེང་། མཆིམས་ཐམས་ཅད་མཁྱེན་པ། བདེ་བའི་རྡོ་རྗེ། དབུས་པ་བློ་གསལ། ལོ་མཆོག་པ། བློ་ཆེན་པ། བག་སྟོན་མན་མི་གཡོ་བའི་གཟུངས་ལེའུ་དགུ་པའི་བརྒྱུད་པ་ཇི་ལྟ་བའོ། ། གཉིས་པ་རིགས་ཀྱི་བདག་པོ་འཁོར་ལོས་བསྒྱུར་པ་ལ། སྤྱན་རས་གཟིགས་རྩ་རྒྱུད་པདྨ་དྲ་བ་ལེའུ་བཅུ་གཉིས་པའི་བརྒྱུད་པ་ནི། སངས་རྒྱས། འཇམ་དཔལ། ཛེ་ཏཱ་རི། རྡོ་རྗེ་གདན་པ་གསུམ། བ་རི་ལོ་ཙཱ། མཆིམས་པ་ལྔ། སངས་རྒྱས་འབུམ། ལོ་མཆོག་པ། བློ་ཆེན་པ། གར་ཐིག་པ། ཤེས་རྡོར་བ་མན་ལོ་མ་གྱོན་མ་དང་འདྲ། དོན་

― GTN003_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་ཞགས་པའི་སྙིང་པོའི་མདོ་ལུང་རྒྱུན་མེད་པ། དོན་ཡོད་ཞགས་པའི་སྙིང་པོའི་གཟུངས། ༼མ་པར།༽ འཕགས་པ་དོན་ཡོད་ཞགས་པའི་ཆོ་ག་ཞིབ་མོ་བམ་པོ་ཉེར་ལྔ་པ་ཡན་ལུང་རྒྱུན་མེད་པ་༼ཡོད་པ་ཡིན་ནམ་དཔྱད༽། ༼ཙ་པར།༽ སྔ་མའི་འཕྲོས་ཡོངས་རྫོགས་ལུང་རྒྱུན་༼ཡོད་དམ་༽མེད་པ། དོན་ཞགས་ཕ་རོལ་ཕྱིན་དྲུག་རྫོགས་པའི་གཟུངས་འདིའི་བརྒྱུད་པ་ནི། སངས་རྒྱས། འཇམ་དཔལ། ཛེ་ཏཱ་རི། རྡོ་རྗེ་གདན་པ་ཆེ་ཆུང་། བ་རི་བ། ས་ཆེན། རྗེ་བཙུན་གྲགས་པ། ས་པཎ། རྒྱ་ཚ་ཆོས་དབང་། རོང་པ་ཤེར་སེང་མན་འདྲ། ས་བཅུའི་གཟུངས་ཕན་ཡོན་དང་བཅས་པ་ལུང་རྒྱུན་མེད་པ། དོན་ཞགས་རྟོག་པའི་རྒྱལ་པོ་ཆོ་ག་ལུང་རྒྱུན་མེད་པ། སྤྱན་གཟིགས་ཕྱག་སྟོང་མིག་སྟོང་གི་ཆོ་ག་ཞིབ་མོ་བརྒྱུད་པ་དོན་ཞགས་ཕྱིན་དྲུག་རྫོགས་པའི་གཟུངས་དང་འདྲ། ཕྱག་སྟོང་སྤྱན་སྟོང་ཐོགས་པ་མི་མངའ་བའི་གཟུངས་ཆོ་ག་དང་བཅས་པ་བམ་པོ་གསུམ་པའི་བརྒྱུད་པ་ནི། ཕྱག་རྡོར། ཛེ་ཏཱ་རི། རྡོ་རྗེ་གདན་པ་ཆེ་ཆུང་། བ་རི་ལོ་ཙཱ། སུམ་པ་ལོ་ཙཱ། རྒྱ་དྷརྨཱ། ཞང་གྲགས་སེང་། རིན་ཆེན་འབུམ། ཕག་ཁུར་བ་དཀོན་མཆོག་བླ་མ། བག་སྟོན་མན་གོང་དང་འདྲ། སྤྱན་གཟིགས་གསང་མཛོད་ཀྱི་གཟུངས་ལེའུ་དྲུག་པ། ཞལ་གཅིག་པའི་གཟུངས། ཞལ་བཅུ་གཅིག་པའི་གཟུངས་སྔགས་ཀྱི་སྙིང་པོ། སྤྱན་གཟིགས་གཟུངས་དང་སྙིང་པོ་དང་བཞི་ཡི་བརྒྱུད་པ་ནི། སྤྱན་རས་གཟིགས། ཀླུ་སྒྲུབ་ཡབ་སྲས། ཟླ་བ་གྲགས་པ། ལ་ལཱི་ཏ། ཙརྱ་བཛྲ། ཇོ་

― GTN003_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་རྗེ། ནག་ཚོ་ལོ་ཙཱ་བ། རྒྱ་ལྕགས་རི་བ། བལ་པ་ཙ་རི་གོང་པ། ཡོལ་ཆོས་དབང་། གཉན་སྟོན་ཁུག་པ། གནས་བརྟན། གཞོན་ནུ་སེངྒེ། ལ་སྟོད། དབང་ཕྱུག་རིན་ཆེན། ཤཱཀྱ་རྡོ་རྗེ། སངས་རྒྱས་འབུམ། ལོ་མཆོག་པ། བློ་ཆེན། བག་སྟོན་པ་མན་མི་གཡོ་བའི་གཟུངས་དང་འདྲ། ནཱི་ལ་ཀཎྛའི་གཟུངས་ལུང་རྒྱུན་མེད་པ། སྙིང་རྗེ་མི་བཤོལ་བའི་གཟུངས། ཀུན་ཏུ་བཟང་པོའི་གཟུངས་གཉིས་ཀྱི་བརྒྱུད་པ་ནི་དོན་ཞགས་སྙིང་པོའི་མདོ་དང་གཅིག །འཇིག་རྟེན་དབང་ཕྱུག་གི་རྟོག་པ་བརྒྱུད་པ་གོང་འདྲ། པདྨ་ཅོད་པཎ་ལེའུ་བཅུ་གཅིག་པ་བརྒྱུད་པ་དམ་ཚིག་གསུམ་བཀོད་ལྟར། སྤྱན་གཟིགས་སེངྒེ་སྒྲའི་རྒྱུད། ༼ཤྲཱིཁུ༽ སྤྱན་གཟིགས་སེངྒེ་སྒྲའི་གཟུངས། ༼ཤྲཱིཁུ༽ སེང་སྒྲའི་དམ་བཅས་པའི་གཟུངས་བརྒྱུད་པ་ནི། སྤྱན་རས་གཟིགས་ཙནྡྲ་གོ་མི། ནཱ་རོ་པ། ཕམ་མཐིང་པ་སྐུ་མཆེད། ཨ་དྷུ་ལ་དྷ་པ་བཛྲ། མེཉྫ་གླིང་པ། མར་ལོ་ཙཱ་བ། རྗེ་བཙུན་ཡབ་སྲས། ས་པཎ། རྒྱ་ཚ་ཆོས་དབང་། རོང་པ་ཤེར་སེང་། བག་སྟོན་མན་མི་གཡོ་བའི་གཟུངས་ལེའུ་དགུ་པ་འདྲ། སྤྱན་གཟིགས་མཚན་བརྒྱ་རྩ་བརྒྱད་པ་ལུང་རྒྱུན་མེད་པ། ལུས་ཀྱི་དབྱིབས་མཛེས་པའི་གཟུངས། ༼ཤྲཱིཁུཝཾ༽ གཞན་གྱིས་མི་ཐུབ་མི་འཇིགས་སྦྱིན་པ། ༼ཤྲཱིཁུཝཾ༽ གཞན་གྱིས་མི་ཐུབ་པའི་རིག་པ་ཆེན་མོ། སྟོང་འགྱུར་གྱི་གཟུངས། ༼ཨེཛྙཉིཁྲ༽ ཤོ་ལོ་ཀ་བརྒྱ་ལོབས་པའི་གཟུངས་གཉིས་པ་༼དཔྱད།༽ ༼ཨེཛྙཱཉིཁྲ༽ ཤོ་ལོ་ཀ་སྟོང་ལོབས་པའི་གཟུངས་གཉིས། ༼ཨེཛྙཱཉིཁྲ༽ཤོ་ལོ་ཀ་སུམ་སྟོང་ལོབས་པའི་གཟུངས།༼ཨེཛྙཱཉིཁྲ༽མི་བརྗེད་པའི་གཟུངས། ༼ཤྲཱིཁུདྷིཝཾ༽ ཤེས་རབ་བསྐྱེད་པའི་གཟུངས། ༼ཨེཛྙཱཉི༽ ཐོས་

― GTN003_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འཛིན་པའི་གཟུངས། ༼ཨེཛྙཱཉི༽ སངས་རྒྱས་ཞིང་བཀོད་སྟོན་པ་མདོ་མང་ཁྲོད་དུ་སོང་། སྤྱན་གཟིགས་ནོར་བུའི་རྟོག་ཕྱུང་སྨོན་ལམ་ལུང་རྒྱུན་མེད། སྤྱན་གཟིགས་གཟུངས་ཕན་ཡོན་དང་བཅས་ལུང་རྒྱུན་མེད་པ།༼ཡོད་དམ།༽གསུམ་པ་རིགས་ཀྱི་ཡུམ་ལ། སྒྲོལ་མ་རལ་པ་གྱེན་བརྫེས་ལུང་རྒྱུན་མེད་པ། ༼ཚ་པར།༽ གོང་འཕྲོ་སྤྱན་གཟིགས་དབང་ཕྱུག་གི་ཡུམ་བརྒྱུད་པ་ནི་དོན་ཞགས་ཕར་ཕྱིན་རྫོགས་པ་དང་འདྲ། སྒྲོལ་མ་ལས་སྣ་ཚོགས་འབྱུང་བའི་རྒྱུད་ལེའུ་སོ་ལྔ་པའི་བརྒྱུད་པ་ནི། སྒྲོལ་མ་ཀུ་རུ་ཀུལླེའི་བརྒྱུད་པ་བར་མ་ལྟར་ལ། ས་བཟང་མ་ཏི་མན་མཉམ་སྦྱོར་དང་འདྲ། སྒྲོལ་མའི་མཚན་བརྒྱ་རྩ་བརྒྱད་པ། སྒྲོལ་མ་མཆོག་ཅེས་བྱ་བའི་གཟུངས། སྒྲོལ་མའི་གཟུངས། སྒྲོལ་མ་རང་དམ་བཅས་པའི་གཟུངས་རྣམས་ཀྱི་བརྒྱུད་པ་ནི། དབུས་པ་སངས་རྒྱས་འབུམ་ཡན་སྒྲོལ་མ་ལས་སྣ་ཚོགས་འབྱུང་བ་ལྟར་ལ། དེ་ནས་ལོ་མཆོག་པ། བློ་ཆེན་པ། བག་སྟོན། ཤེར་རྡོར་མན་མི་གཡོ་བའི་གཟུངས་ལྟར་རོ། །སྒྲོལ་མ་འཇིགས་པ་བརྒྱད་སྐྱོབས་ཀྱི་མདོ་ལུང་རྒྱུན་མེད་པ། གྲགས་ལྡན་མའི་གཟུངས། ༼ཤྲཱིཁུཝཾ༽ བཞི་པ་རིགས་ཀྱི་ཁྲོ་བོ་ཁྲོ་མོ་ལ། ཧྱ་གྲྀ་བའི་གཟུངས་བརྒྱུད་དོན་ཞགས་ཕར་ཕྱིན་རྫོགས་པ་དང་འདྲ། ཕྱིར་བཟློག་འཕགས་མ་རྣམ་རྒྱལ། པརྞ་ཤ་བ་རིའི་མདོ་ལུང་རྒྱུན་མེད་པ། ལོ་མ་གྱོན་མའི་གཟུངས་བརྒྱུད་པ་ནི། རིག་པའི་ལྷ་མོ། པཎ་ཆེན་རཏྣཱ་ཀ་ར་གུཔྟ། མཉྫུ་ཀིརྟི། ས་མནྟ་ཤྲཱི། རྭ་ཆོས་རབ། རྭ་ཡེ་ཤེས་སེངྒེ། རྭ་འབུམ་སེང་། རྒ་ལོ་ཡབ་སྲས། བག་སྟོན། ཤེར་རྡོར། ཆོས་སྒོ་བ། བསོད་ནམས་སེངྒེ། ཚལ་གྲགས་དོན་པ་

― GTN003_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

མན་མི་གཡོ་བའི་གཟུངས་ལེའུ་དགུ་པའི་བརྒྱུད་པ་དང་འདྲ། ལྔ་པ་རིགས་ཀྱི་བཀའ་ཉན་ཕོ་མོ་ལ། སྒྲ་དབྱངས་ལྷ་མོ་ལ་བསྟོད་པ་སྔགས་དང་བཅས། ༼ཤྲཱིཁུཝཾ༽ འཕགས་པ་ཕྱིར་བཟློག་པ་སྟོབས་ཅན། ༼ཤྲཱིཁུཝཾ༽ ལྷ་མོ་དཔལ་མོ་ལུང་བསྟན་པའི་མདོ། ༼ཤྲཱིཁུཝཾ༽ འཕགས་པ་དཔལ་ཆེན་མོའི་མདོ། ༼ཤྲཱིཝཾ༽ ལྷ་མོའི་མཚན་བཅུ་གཉིས་པ། ༼ཤྲཱིཁུཝཾ༽ མཆོག་ཐོབ་པའི་རིགས་སྔགས་ལུང་བརྒྱུད་མེད་པ། གསུམ་པ་རྡོ་རྗེའི་རིགས་ཀྱི་རྒྱུད་ལ་ལྔ་ལས། དང་པོ་རིགས་ཀྱི་གཙོ་བོ་ནི། འཕགས་པ་ལས་སྒྲིབས་རྣམ་པར་སྦྱོང་བ་མི་འཁྲུགས་པའི་གཟུངས་བརྒྱུད་པ་གསང་བ་རིང་བསྲེལ་དང་འདྲ། གཉིས་པ་རིགས་ཀྱི་བདག་པོ་ལ། འཕགས་པ་རྡོ་རྗེ་ས་འོག་གི་རྒྱུད་ལེའུ་ཉེར་ལྔ་པ། བརྒྱུད་པ་ནི། རྡོ་རྗེ་འཆང་། ཕྱག་ན་རྡོ་རྗེ། ས་ར་ཧ། ཀླུ་སྒྲུབ་ཡབ་སྲས། མ་ཏཻ་གི་པ། བི་ཁྱཱ་ཏ་དེ་བ། ཁ་ཆེ་པཎ་ཆེན། པུ་ག་ཏ་ཤྲཱི། ས་སྐྱ་པཎ་ཆེན། སྐྱོ་བ་དཔལ། རྒྱ་ཚ་ལུང་མང་པོ། ལོ་མཆོག་པ། བློ་ཆེན་པ། རྒྱལ་བཟང་དཔལ། སྤང་ཁང་པ། ས་བཟང་མ་ཏི་པཎ་ཆེན་མན། སངས་རྒྱས་མཉམ་སྦྱོར་སོར་བཞག་གོ། ༼ཛ་པར།༽ ཕྱག་ན་རྡོ་རྗེ་རིག་པ་མཆོག་གི་རྒྱུད། བརྒྱུད་པ་ནི། སངས་རྒྱས་ཕྱག་རྡོར། རབ་གསལ་ཟླ་བ། ཡེ་ཤེས་རྡོ་རྗེ། ཀུན་དགའ་སྙིང་པོ། བྱང་ཆུབ་ཤེས་རབ། གྲོལ་བའི་མཛོད། དད་པའི་འབྱུང་གནས། ལོ་ཆེན་རིན་ཆེན་བཟང་པོ། ལེགས་པའི་ཤེས་རབ། སུམ་སྟོན་ཡེ་ཤེས་འབར། ལོ་སྟོན་ལྷ་དབང་། ནོར་སངས་རྒྱས་འབར། ལྷོ་ཏིང་འཛིན་དཔལ་བཟང་། ཉིག་ཆོས་ཀྱི་སེངྒེ། ཉིག་ཆོས་ཀྱི་

― GTN003_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

མགོན་པོ། སངས་རྒྱས་འབུམ། ལོ་མཆོག་པ། བློ་ཆེན་པ། བག་སྟོན་པ། མགོན་པོ་འབུམ། འབྲོམ་ནམ་མཁའ་རྒྱལ་མཚན། མ་ཏི་མཉམ་སྦྱོར་དང་འདྲ། འབྱུང་པོ་འདུལ་བྱེད་ཀྱི་རྒྱུད་སྟོང་ཕྲག་བཅུ་དྲུག་པ་ལས་ཇི་སྙེད་པ་རིམ་པར་ཕྱེ་བ་གཉིས་པ། བརྒྱུད་པ་ནི། རྡོ་རྗེ་བེ་ཅོན་དང་འདྲ། གོས་སྔོན་ཆོ་ག་དང་བཅས་པའི་གཟུངས། བརྒྱུད་པ་ནི། རྡོ་རྗེ་འཆང་། ལག་ན་རྡོ་རྗེ། ཇོ་བོ་རྗེ་དཱི་པཾ་ཀ་ར་ཤྲཱི་ཛྙཱ་ན། རྒྱ་བཙོན་འགྲུས་སེངྒེ། རོང་པ་འགར་དགེ། འཇང་ཉང་ཕུ་བ། མར་ལོ་ཙཱ་བ། རྗེ་བཙུན་ཡབ་སྲས། ཆོས་རྗེ་ཁུ་དབོན། རྒྱལ་ཆོས་དབང་། རོང་པ་ཤེས་རབ་སེངྒེ། བག་སྟོན་མན་མི་གཡོ་བའི་གཟུངས་ལེའུ་དགུ་པའི་བརྒྱུད་པ་དང་གཅིག །གོས་སྔོན་ཅན་གྱི་མཚན་བརྒྱ་རྩ་བརྒྱད་པ། ༼ཤྲཱི༽ རྡོ་རྗེ་རྣམ་འཇོམས་ཀྱི་གཟུངས། བརྒྱུད་པ་ནི། ཐུབ་པ། འཇམ་དཔལ། ཛེ་ཏཱ་རི། རྡོ་རྗེ་གདན་པ་ཆེ་ཆུང་། བ་རི་བ། གོང་མ་ལྔ། བསོད་ནམས་སེངྒེ། ཤཱཀྱ་སེངྒེ། ལྷ་ལྡིངས་པ་དབང་ཕྱུག་རྒྱལ་མཚན། ས་བཟང་མ་ཏི་པཎ་ཆེན། ས་བཟང་འཕགས་པ། འཇམ་དཔལ་གྲགས་པ། རི་ཁྲོད་པ། བསོད་རྒྱལ། འཇམ་དབྱངས་ཆོས་རྗེ། དཔལ་ལྡན་རྡོ་རྗེ། བྱ་འགྱུར་བ་བསོད་སེང་། རུ་ཐོག་པ་ནམ་མཁའ་གཟི་བརྗིད། ཀུན་མཁྱེན་མཁྱེན་བརྩེ། དབང་ཕྱུག་རབ་བརྟན། རྗེ་བཀའ་འགྱུར་བ་མན་འདྲ། བཤད་རྒྱུད་རི་རབ་ཆེན་མོའི་རྩེ་མོའི་ཁང་པ་བརྩེགས་པའི་གཟུངས། བརྒྱུད་པ་ནི། སངས་རྒྱས། འཇམ་དཔལ། ཀླུ་སྒྲུབ་ཡབ་སྲས། འཇམ་དཔལ་གྲགས་པ། ཤཱནྟི་པ་སོ་སོ་རི་བ། ཨ་བྷ་ཡཱ་ཀ་ར། དགེ་བའི་འབྱུང་གནས། རྡོ་རྗེ་གདན་པ་གསུམ། བ་རི་ལོ་ཙཱ་རིན་ཆེན་གྲགས། གོང་མ་ལྔ། རྒ་ལོ་

― GTN003_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

ཡབ་སྲས། བག་སྟོན། ཐོག་སྟོན། མཁན་རིན་པ། རྒྱ་མ་མི་འགྱུར་བ། རྒྱ་སྟོན་ཟླ་བའི་ལྷ། རི་ཁྲོད་པ། བསོད་ནམས་རྒྱལ་པོ། འཇམ་དབྱངས་ཤེར་རྒྱམ། དཔལ་ལྡན་རྡོ་རྗེ་མན་རྣམ་འཇོམས་དང་འདྲ། གསུམ་པ་རིགས་ཀྱི་ཡུམ་ལ། ༼ཝ་པར།༽ འཕགས་པ་རྡོ་རྗེ་མི་ཕམ་པ་མེ་ལྟར་རབ་ཏུ་རྨོངས་པར་བྱེད་པའི་གཟུངས། བརྒྱུད་པ་ནི། བག་སྟོན་ཡན་རྡོ་རྗེ་རྣམ་འཇོམས་བཤད་རྒྱུད་ལྟར་ལ། དེས་ཤེས་རྡོར་བ། ཆོས་སྒོ་བ། གྲགས་རྡོར་པ། གྲགས་དོན་པ་མན་མི་གཡོ་བའི་གཟུངས་ལེའུ་དགུ་པ་དང་འདྲ། བཞི་པ་རིགས་ཀྱི་ཁྲོ་བོ་ཁྲོ་མོ་ལ། རྡོ་རྗེ་ཕྲ་མོ་ཐོགས་པ་མེད་པའི་གཟུངས་ལུང་རྒྱུན་མེད་པ། ལག་ན་རྡོ་རྗེ་ས་བཅུའི་སྙིང་པོ། ༼ཤྲཱི་ཁུ་ཝཾ༽ བདུད་རྩི་ཐལ་སྦྱོར་གྱི་སྙིང་པོ་བཞི་པ།༼ཤྲཱི༽ ལྔ་པ་རིགས་ཀྱི་ཕོ་ཉ་དང་བཀའ་ཉན་ཕོ་མོ་ལ། ཁྲོ་རྒྱལ་སྨེ་བ་བརྩེགས་པའི་བསྟོད་པ་སྔགས་དང་བཅས་པ། ལུང་རྒྱུན་མེད་པ། འཕགས་པ་སྟོབས་པོ་ཆེ་ཞེས་བྱ་བའི་མདོ། བརྒྱུད་པ་རྒྱལ་མཚན་རྩེ་མོ་ལྟར་རོ། །འཕགས་པ་རྡོ་རྗེ་ལུ་གུ་རྒྱུད། རྡོ་རྗེ་མཆུ་ཞེས་བྱ་བ། ཀླུའི་དམ་ཚིག་ཆེ་བ། ༼ཝཾ༽ རྡོ་རྗེ་གནམ་ལྕགས་མཆུ། ༼ཝཾ༽ འཕགས་པ་ལྕགས་མཆུ། ༼ཝཾ༽ ལྕགས་མཆུ་ནག་པོ། ༼ཝཾ༽ མཆུ་སྡེ་ལྔའི་སྒོས་བརྒྱུད་ནི། སངས་རྒྱས། ཕྱག་རྡོར། ཛེ་ཏཱ་རི། རྡོ་རྗེ་གདན་པ་གསུམ། བ་རི་ལོ་ཙཱ། གོང་མ་ལྔ། རྒ་ལོ་ཡབ་སྲས། བག་སྟོན། ཤེར་རྡོར་བ་མན་མི་གཡོ་བའི་གཟུངས་ལེའུ་དགུ་པ་དང་འདྲ། བཞི་པ་ནོར་ཅན་གྱི་རིགས་ལ། འཕགས་པ་ནོར་བུ་བཟང་པོའི་གཟུངས་ཤོ་ལོ་ཀ་སོ་ལྔ་པ། ༼ཝཾ༽ གནོད་སྦྱིན་ནོར་བཟང་རྟོག་པ། ༼ཤྲི་ཁུ༽ གར་མཁན་བརྟགས་པ་སྔ་

― GTN003_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་གཉིས་ལེའུ་བཅུ་དྲུག ༼ཤྲཱི་ཁུ༽ གནོད་འཛིན་དཔལ་གྱི་གཟུངས། བརྒྱུད་པ་ནོར་བཟང་གཟུངས་ལྟར། གནོད་འཛིན་ཆུ་དབང་སྙིང་རྗེ་ཅན་གྱི་གཟུངས། བརྒྱུད་པ་ནི། ཐུབ་དབང། ཀུན་དགའ་བོ། ཀྲིཥྟའི་གོས་ཅན། ཉི་མ་གུང་པ། ཐམས་ཅད་མཁྱེན་པའི་བཤེས་གཉེན། ཀླུ་སྒྲུབ་ཡབ་སྲས། མཉྫུ་ཤྲཱི་གཱིརྟི། ཤནྟི་པ། རྡོ་རྗེ་གདན་པ་གསུམ། ཁ་ཆེ་པཎ་ཆེན། དཔྱལ་མཆོག་བཟང་། དཔྱལ་པདྨ་ཅན། གཞོན་ནུ་ཡེ་ཤེས། རོང་པ་ཤེར་སེང་། བག་སྟོན་པ། བླ་མ་མགོན་པོ་འབུམ། སྤྲུ་སྟོན་པ། ཤེར་རྡོར་བ། ཆོས་སྒོ་བ། བསོད་ནམས་སེངྒེ། གྲགས་དོན་པ། རཏྣ་ཀཱིརྟི། ཤཱཀྱ་རྒྱལ་མཚན། མཐུ་ཆེན་འཇིགས་མེད་དཔའ་བོ། མ་ཏི་དྷཱ་ཛ། འབུམ་རམས་པ་ཁུ་དབོན། ཆོས་རྒྱལ་དོན་གྲུབ། དཀོན་མཆོག་འབངས། གྲགས་པ་དོན་གྲུབ། ཚོགས་གཉིས་དཔལ་གྲུབ། མཁས་གྲུབ་བློ་མཆོག་རྡོ་རྗེ། དྲིན་ཅན་བཀའ་འགྱུར་བ་མན་འདྲ། གནོད་གནས་ཇི་ལྟར་འབྱུང་བའི་རྟོག་པ། ༼ཤྲཱི་ཁུ༽ གནོད་འཛིན་གྱི་མཚན་བརྒྱ་རྩ་བརྒྱད་པ། ༼ཝཾ༽ ལྔ་པ་རྒྱས་པའི་རིགས་ལ། འཕགས་པ་མེ་ཁ་ལའི་གཟུངས་ལུང་རྒྱུན་མེད་པ། དྲུག་པ་འཇིག་རྟེན་རིགས་ཀྱི་སྐོར་ལ། རིགས་སྔགས་ཀྱི་རྒྱལ་པོ་དབུགས་ཆེན་པོ། ༼ཤྲཱིཁུཝཾ༽ ཕྱོགས་གང་དུའང་ངོས་བཟུང་དཀའ་བའི་གཟུངས་ཕྲན་སྣ་ཚོགས་གཅིག་ཏུ་བསྡུས་པར། རིན་ཆེན་བརྡར་པའི་གཟུངས། ༼ཨེཛྙཱཉི༽ བསྐོར་བ་བྱ་བའི་གཟུངས། ༼ཨེཛྙཱཉི༽ མཆོད་རྟེན་སྐོར་བའི་གཟུངས། ༼ཨེཛྙཱཉི༽ ཡོན་ཡོངས་སུ་སྦྱོང་བའི་གཟུངས། ༼ཨེཛྙཱཉི༽ འདི་གཉིས་ཀྱི་སྒོས་རྒྱུད་རྡོ་རྗེ་རི་རབ་དང་འདྲ། ཕྱག་བྱ་བ། ༼ཨེཛྙཱཉི༽ གོས་བརྒྱ་ཐོབ་པ། ༼ཨེཛྙཱཉི༽ མི་དགའ་བར་

― GTN003_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པའི་གཟུངས། ༼ཨེཛྙཱཉི༽ སྤྱན་རྣམ་པར་དག་པ། ༼ཤྲཱིཁུ༽ ངན་སོང་ཡོངས་སུ་སྦྱོང་བ། ༼ཛྙཱཉི༽ སྐྲན་ཞི་བ། ༼ཨེཛྙཱཉི༽ མ་ཞུའི་ནད་འབྱངས་བ། ༼ཨེཛྙཱཉི༽ སྡང་བ་ཞི་བྱེད་ ༼ཨེཛྙཱཉི༽ སྡིག་པ་ཞི་བྱེད། ༼ཨེཛྙཱཉི༽ ཁྲོས་པ་ཞི་བྱེད་༼ཨེཛྙཱཉི༽ ཀྱི་གཟུངས་གཉིས། ཚིག་བཙན་པའི་གཟུངས། ༼ཨེཛྙཱཉི༽ བདག་སྲུང་བའི་གཟུངས། ༼ཨེཛྙཱཉི༽ ཡིད་དུ་འོང་བ། ༼ཨེཛྙཱཉི༽ མགྲིན་པ་སྙན་པ། ༼ཨེཛྙཱཉི༽ དོན་ཐམས་ཅད་གྲུབ་པ། ༼ཨེཛྙཱཉི༽ ལས་གྲུབ་པ། ༼ཨེཛྙཱཉི༽ དུག་ཞི་བྱེད། ༼ཨེཛྙཱཉི༽ བཅིངས་གྲོལ། ༼ཨེཛྙཱཉི༽ བདུད་སྐྲག་བྱེད། ༼ཨེཛྙཱཉི༽ རྨ་འབྱོར་བྱེད། ༼ཨེཛྙཱཉི༽ མེའི་ཟུག་རྔུ་ཞི་བྱེད། ༼ཨེཛྙཱཉི༽ མཁྲིས་ནད་སེལ་བྱེད། ༼ཨེཛྙཱཉི༽ བད་ཀན་ནད་སེལ། ༼ཨེཛྙཱཉི༽ ཀྵ་ཡའི་ནད་སེལ་བ། ༼ཤྲཱིཁུཝཾ༽ རིམས་དང་སྲོགས་ཆགས་ཀྱིས་མི་ཚུགས་པ།༼ཤྲཱིཁུཝཾ༽མཆིལ་མ་སྣབ་དྲི་ཆུ་རྣམས་སྦྱིན་པར་གཏོང་བའི་གཟུངས་ལུང་རྒྱུན་མེད་པ་གོང་གསལ་དེ་རྣམས་ལས། ཤྲཱི༽ རྟགས་ཅན་རྣམས་ཀྱི་བརྒྱུད་པ་ནི། སངས་རྒྱས། ཕྱག་རྡོར། རྡོ་རྗེ་གདན་པ་གསུམ། པུཎྱཻ་ཤྲཱི། སྟེང་པ་ལོ་ཙཱ། སོ་ཐམས་ཅད་མཁྱེན་པ། སོ་འཛམ་གླིང་རྒྱན། ལྷོ་པ་ཐམས་ཅད་མཁྱེན་པ། ཀོ་ནག་རལ་གྲི། ཇོ་སྟོན་ཟས་གཙང་། ཤངས་པ་གྲགས་པ་སེངྒེ། བླ་མ་རིན་ཆེན་འབུམ། བདེ་ཅན་སེངྒེ་རྒྱལ་མཚན། གར་ཐིག་པ་བསོད་ནམས་རྒྱལ་མཚན། མཁན་ཆེན་ཤེས་རབ་རྡོ་རྗེ། བླ་མ་ཆོས་དཔལ་ཤེས་རབ། རྗེ་གྲགས་པ་རྡོ་རྗེ། དབུས་གླིང་པ་གྲགས་པ་དོན་གྲུབ། བཀའ་འགྱུར་བ་ཤཱཀྱ་རྒྱལ་མཚན། གངས་དཀར་རྡོ་རྗེ་གདན་པ། མཁས་གྲུབ་རིག་པའི་གློག་ཕྲེང་།

― GTN003_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་བསྟན་པ་རྒྱ་མཚོ། རྒྱ་སྟོན་ངག་དབང་ཆོས་རྒྱལ། ངག་དབང་གྲགས་པ་རྒྱལ་མཚན། མང་ཐོས་ངག་དབང་ནོར་བུ། གྲུབ་ཆེན་ངག་དབང་བཟང་པོ། བླ་མ་ཀུན་དགའ་བློ་གྲོས། ཁུ་སྟོན་ངག་དབང་རྣམ་རྒྱལ། རྡོ་རྗེ་འཆང་མགོན་པོ་བསོད་ནམས་མཆོག་ལྡན་ནས་སྔར་ལྟར་རོ། ། ཁུ།༽ རྟགས་ཅན་རྣམས་ཀྱི་བརྒྱུད་པ་ནི། ཁུ་སྟོན་ངག་དབང་རྣམ་རྒྱལ་ནས། རབ་འབྱམས་ཆོས་རྗེ་རིན་ཆེན་རྒྱ་མཚོ་མན་འདྲ། དྷཱི།༽ རྟགས་ཅན་རྣམས་ཀྱི་བརྒྱུད་པ་ནི། འབུམ་རམས་པ་རིན་ཆེན་ཆོས་དབང་ནས། ལྷ་ལུང་པ་ཚུལ་ཁྲིམས་དབང་ཕྱུག །དཔའ་བོ་ཆོས་རྒྱལ་དོན་གྲུབ། སྤྱན་སྔ་དཀོན་མཆོག་འབངས། སེམས་དཔའ་གྲགས་པ་དོན་གྲུབ། སྡོམ་བརྩོན་ཚོགས་གཉིས་དཔལ་གྲུབ། དྷཱི་ཚ་འཇིག་རྟེན་དབང་ཕྱུག །སྨན་ལུང་པ་བློ་མཆོག་རྡོ་རྗེ། རྗེ་བཀའ་འགྱུར་བ་མན་འདྲ། ཝཾ།༽ རྟགས་ཅན་རྣམས་ཀྱི་བརྒྱུད་པ་ནི། བ་རི་ལོ་ཙཱ་བ་ནས། ས་སྐྱ་པ་དཀར་པོ་གསུམ། ས་པཎ། དེ་ལ་རྒྱ་ཚ་ལུངས་མང་པོ་དང་། རྒ་ལོ་རྣམ་རྒྱལ་རྡོ་རྗེ་གཉིས་ཀྱིས་གསན། གཉིས་ཀས་རོང་པ་ཤེར་སེང་། དེས་བག་སྟོན་མན་འདྲ། ཛྙཱ།༽ རྟགས་ཅན་རྣམས་ཀྱི་བརྒྱུད་པ་ནི། བག་སྟོན་གཞོན་ཚུལ་ཡན་གོང་ལྟར་ལ། དེས་ཐོག་སྟོན་ཤེས་རབ་རྡོ་རྗེ། མཁས་རིན་ཆེན་འཕེལ། རྒྱ་མ་ཡོན་ཏན་འོད། མཁན་ཆེན་གྲུབ་པ་ཤེས་རབ། རྒྱལ་སྟོན་ལྷའི་ཟླ་བ། རི་ཁྲོད་པ་བསོད་རྒྱལ། འཇམ་དབྱངས་ཤེར་རྒྱམ། མཁས་གྲུབ་དཔལ་ལྡན་རྡོ་རྗེ། བྱ་འགྱུར་བ་བསོད་ནམས་སེངྒེ།
འགོས་སྟོན་རྡོ་རྗེ་སེངྒེ། རུ་ཐོག་བླ་ཆེན་གཟི་བརྗིད། འཇམ་དབྱངས་མཁྱེན་བརྩེའི་དབང་ཕྱུག །མཆོད་དཔོན་ཀུན་དགའ་ལེགས་པ། རྡོ་རྗེ་འཆང་དབང་ཕྱུག་རབ་བརྟན། རྗེ་བཀའ་འགྱུར་བ་མན་འདྲ། ཨེ།༽ རྟགས་ཅན་རྣམས་ཀྱི་བརྒྱུད་པ་ནི། བག་སྟོན་པ། བླ་མ་མགོན་པོ་འབུམ། བྲམ་ནམ་མཁའ་རྒྱལ་མཚན། ས་བཟང་པཎ་ཆེན། ས་བཟང་འཕགས་པ། ངོར་པ་རྡོ་རྗེ་འཆང་། འཇམ་དབྱངས་ཤེས་རབ་རྒྱ་མཚོ། ཡོངས་འཛིན་དཀོན་མཆོག་འཕེལ། ངོར་ཆེན་དཀོན་མཆོག་ལྷུན་གྲུབ། ཐར་རྩེ་ནམ་མཁའ་དཔལ་བཟང་། སྒྲུབ་ཁང་པ་དཔལ་ལྡན་དོན་གྲུབ། བཀའ་འགྱུར་བ་མན་འདྲ། ཉི།༽ རྟགས་ཅན་རྣམས་ཀྱི་བརྒྱུད་པ་ནི། རྡོ་རྗེ་གདན་པ་ཡན་ཤྲཱི་རྟགས་ལྟར་ལས། དེ་ནས་རྒྱ་སྟོན་བྱང་ཆུབ་དབང་རྒྱལ། མཁྱེན་པའི་རྩེ་མོ། ཀུན་བཟང་རྩེ་བ་དབང་ཕྱུག་རྒྱལ་མཚན། ཉི་གླིང་པ་ཚུལ་ཁྲིམས་བཀྲ་ཤིས། རྗེ་བཀའ་འགྱུར་བ་མན་འདྲ། ཁྲ།༽ རྟགས་ཅན་རྣམས་ཀྱི་བརྒྱུད་པ་ནི། རྡོ་རྗེ་འཆང་། བྲམ་ཟེ་པཉྫ་ན། སྲས་མ་ཧཱ་ཛ་ན། གཉལ་སྟོན། སྟོན་པ་ཡེ་དབང་། སྟག་ཚལ་གདོང་སྔོན་པ། སྤྲུག་སྟོན་འབར་ཐོག །ཕོ་རོག་དྷརྨ་བཛྲ། མདོ་སྡེ་བཙན། མདོ་སྡེ་མགོན། ཡོལ་ལྕགས་སངས་རྒྱས་རྒྱལ་མཚན། བྲའོ་མཁན་ཆེན་ཤེར་རྡོར་བ་མན་དྷཱི་རྟགས་ཅན་ལྟར་རོ། །

བྱ་བ་སྤྱི་རྒྱུད་ལ།

― GTN003_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་པ་བྱ་བ་སྤྱི་རྒྱུད་ལ། དཀྱིལ་འཁོར་སུམ་སྟོང་ལྔ་བརྒྱ་སྤྱིའི་ཆོ་ག །སྟོན་པ་གསང་བ་སྤྱི་བརྒྱུད་པ་ནི། སངས་རྒྱས་ཤཱཀྱ་ཐུབ་པ། ཕྱར་རྡོར། པྲ་ཀ་ཤ་ཙནྟྲ།

― GTN003_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བུ་རཱ་ཧུ་ལ། ཨ་ནན་གརྦྷ། ཏ་ཐཱ་ག་ཏ་བཛྲ། ཤྲ་དྡྷཱ་ཀ་ར་ཝརྟ། ལོ་ཆེན་རིན་ཆེན་བཟང་པོ། ལོ་ཆུང་ལེགས་པའི་ཤེས་རབ། གྲགས་འབྱོར་ཤེས་རབ། རྗེ་བཙུན་ཡབ་སྲས། ཆོས་རྗེ་ཁུ་དབོན། བློ་ཆེན་པ། རྒྱལ་བཟང་དཔལ། སྤང་ཁང་པ། མ་ཏི་མན་དཔུང་བཟང་ལྟར་རོ། ། དཔུང་བཟང་གིས་ཞུས་པའི་ལེའུ་བཅུ་གཅིག་པའི་བརྒྱུད་པ་ནི། སངས་རྒྱས། ཕྱག་རྡོར། ཛེ་ཏཱ་རི་པ། ཤུནྱཏཱ་པ་མ་ཏི། རྡོ་རྗེ་གདན་པ་ཆེ་ཆུང། བིཀྵ་ཏ། ཁ་ཆེ་པཎ་ཆེན། དཱ་ན་ཤྲཱི་ལ། ལོ་མཆོག་པ། བློ་ཆེན་བ། བག་སྟོན་པ། མགོན་པོ་འབུམ། བྲམ་ནམ་མཁའ་རྒྱལ་མཚན། མ་ཏི་མན་མཉམ་སྦྱོར་དང་འདྲ། ལེགས་གྲུབ་རྒྱུད་ཆེན་ལས་སྒྲུབ་ཐབས་རིམ་པར་ཕྱེ་བའི་བརྒྱུད་པ་ནི། བ་རི་ཡན་བསམ་གཏན་ཕྱི་མ་དང་འདྲ། དེ་ནས་ས་ཆེན་ཡབ་སྲས། ཆོས་རྗེ་ཁུ་དབོན། པདྨ་མགོན་པོ། ལོ་མཆོག་པ། བློ་ཆེན། རྒྱལ་བཟང་དཔལ། སྤང་ཁང་བ། ས་བཟང་མ་ཏི་མན་དཔུང་བཟང་གི་བརྒྱུད་ཚུལ་དང་འདྲ། བསམ་གཏན་ཕྱི་མར་གྲགས་པའི་བརྒྱུད་ཚུལ་ནི། སངས་རྒྱས། འཇམ་དཔལ། ཛེ་ཏཱ་རི། རྡོ་རྗེ་གདན་པ་གསུམ། བ་རི་ལོ་ཙཱ། སྐྱུ་རུ་ཨ་སྐྱབས། རྡོ་རྗེ་རྒྱལ་པོ། དོན་གྲུབ་ཡེ་ཤེས། ཤཱཀྱ་རྡོ་རྗེ། སངས་རྒྱས་འབུམ། ལོ་མཆོག་པ། བློ་ཆེན་པ། རྒྱལ་བཟང་དཔལ། གྲངས་ཁྲོད་པ། མ་ཏི་མན་དཔུང་བཟང་གི་བརྒྱུད་པ་དང་འདྲ། གསུམ་པ་བསྔོ་བ་སྨོན་ལམ་ཤིས་བརྗོད་ཀྱི་སྐོར་ལ། དགོངས་རྒྱུད་ཀྱི་ཕྲེང་བ་

― GTN003_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོངས་སུ་བསྔོ་བ་ཆེན་པོའི་བརྒྱུད་པ་ནི། སངས་རྒྱས། བྱམས་པ། ཀླུ་སྒྲུབ། སྐལ་ལྡན་གྲགས་པ། ཟླ་བ་གྲགས་པ། འཇམ་དཔལ་གྲགས་པ། ཆོས་ཀྱི་གྲགས་པ། ཏཻ་ལོ་པ། ནཱ་རོ་པ། ཞི་བའི་བཤེས་གཉེན། ཛྙཱ་ན་ཤྲཱི། གཙན་ལོ་ཙཱ་བ། ཁྱུང་པོ་གྲགས་སེང་། འོད་སྟོན་ལྷ་དབང་། སོ་སྟོན་ཆོས་ཤེས། ཞང་དར་སེང་། རོང་པ་ཆོས་མགོན། སངས་རྒྱས་འབུམ། ལོ་མཆོག་པ། བག་སྟོན། བླ་མ་མགོན་པོ་འབུམ། སྤྲུ་སྟོན་བསོད་རྒྱལ། མཁན་ཤེར་རྡོར་བ། ཆོས་སྒོ་བ། བསོད་ནམས་སེངྒེ། ཚལ་གྲགས་དོན་པ། རིན་ཆེན་གྲགས་པ། ཤཱཀྱ་རྒྱལ་མཚན། ཁུ་སྟོན་རྡོ་རྗེ་གདན་པ། ཆེན་པོ་བློ་གྲོས་རྒྱལ་མཚན། འབུམ་རམས་པ་རིན་ཆེན་ཆོས་དབང་མན་དྷཱི་རྟགས་ཅན་ལྟར་རོ། །འཕགས་པ་ཡོངས་སུ་བསྔོ་བའི་རྒྱལ་པོ། སྔགས་དང་བཅས་པའི་བརྒྱུད་པ་བསམ་གཏན་ཕྱི་མ་དང་འདྲ། གཞན་ཡང་མདོ་སྔགས་ཀྱི་བསྔོ་སྨོན་ཅི་རིགས་པས་མཐའ་བརྒྱན་པ་དེ་ཐམས་ཅད། མདོ་ཁུངས་གང་ནས་ཕྱུང་བ་དེ་དང་དེའི་བརྒྱུད་པ་ལྟར་རོ། ། དེ་དག་ལས་གཟུངས་ཕྲན་འགའ་ཞིག་འགྲོ་ཕན་གྱི་ཆེད་དུ་ཉེར་མཁོར་ཟུར་དུ་བཀོལ་བའི་པུསྟི་ཨེ་ཝཾ་གྱི་རྟགས་ཅན་གཉིས་གཤམ་དུ་བཀོད་པར་གཟུངས་འདུས་ཞེས་གྲགས་ཤིང་ལུང་རྒྱུན་ཡོད་མེད་གོང་གསལ་རྣམས་ཀྱིས་ཤེས་པར་ནུས་ལ། གཞན་དུ་པུསྟི་ཀ་ཤྲཱི་ལཀྵྨཱི་རྟགས་ཅན་གཉིས་ལ། བཀའ་དངོས་མིན་ཀྱང་། བྱིན་རླབས་ཀྱི་གཞིར་བཀོད་པའི་དུས་འཁོར་གྱི་རྒྱས་འགྲེལ་དྲི་མེད་འོད་ཅེས་པ་དང་། དཀར་ཆག་སི་ཏུས་མཛད་པ་བཅས་བཞུགས་ཀྱང་ལུང་རྒྱུན་མི་བཞུགས་ལ།
དེ་ལྟར་རྒྱལ་བཀའ་འགྱུར་རོ་ཅོག་གི་པུསྟི་ཀ་བརྒྱ་ཕྲག་གི་གྲངས་སུ་བཞུགས་པས་ཆོས་ཚན་ཐམས་ཅད་སྔོན་རབས་དམ་པའི་དཀར་ཆག་ཁུངས་མ་ལྟར་དུ་གོ་རིམ་ལེགས་པར་བསྒྲིགས་པ་ཏེ་ལུང་རྒྱུན་འདྲ་མིན་ཡང་ན་བམ་པོ་དག་ལྔ་པ་དང། སྨིན་གླིང་ཡབ་སྲས་ཀྱི་གསན་ཡིག་ཏུ་གསལ་བ་རྣམས་ཡིག་ཚོགས་ཉུང་ཕྱིར་དེ་རྣམས་ནས་རྟོགས་པར་བྱའི་ཡུལ་དུ་བྱས་ཏེ། གཞན་སྤྱི་དང་བྱེ་བྲག་གི་དགོས་བརྒྱུད་ལུང་རྒྱུན་ཡོད་མེད་སོགས་དཔེ་ཅན་དུ་བྱས་ནས། ཁྱད་པར་ཐམས་ཅད་མཁྱེན་པ་ཆེན་པོ་ཞེ་ཆེན་རབ་འབྱམས་གཉིས་པ་འགྱུར་མེད་ཀུན་བཟང་རྣམ་རྒྱལ་བློ་གསལ་རྒྱ་མཚོའི་སྡེ་ཆེན་པོ་ཞེས་གྲགས་པ་གང་དེའི་ལུང་རྒྱུན་ཡོད་མེད་དོགས་སེལ་གནང་བ་སོགས་ལ་བརྟེན་ཏེ། རང་བློས་གང་ལྕོགས་སུ་ཞིབ་དཔྱད་བགྱིས་པས་བློ་ལྡན་རྣམས་ཀྱིས་ཡིད་རྟོན་ཆོག་པར་ཡོད་དོ། །

མཇུག་རྩོམ།

― GTN003_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

འདིར་སྨྲས་པ། ༀ་སྭསྟི་སིདྡྷིརྦྷ་བ་ཏུ། གཟིགས་དང་ལྷུམ་ཞུགས་བལྟམས་དང་སྒྱུ་རྩལ་བསྟན། །རྒྱལ་སྲིད་སྐྱོང་དང་རབ་བྱུང་དཀའ་ཐུབ་མཛད། །སངས་རྒྱས་ཆོས་འཁོར་བསྐོར་དང་བདུད་རྣམས་བཏུལ། །ཆོ་འཕྲུལ་བསྟན་ཞིང་མྱ་ངན་འདས་པ་སོགས། །༡ བཅུ་གཉིས་མཛད་པ་འགྲོ་ལ་བདེ་སྟེར་བ། །

― GTN003_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་ཅག་སྟོན་པ་ཤཱཀྱའི་རིགས་འཁྲུངས་སོགས། །འདས་དང་མ་བྱོན་ད་ལྟར་བཞུགས་བཞིན་གྱི། །རྫོགས་སངས་རྒྱས་པ་རྣམས་ལ་དགྱེས་ཡི་རངས། །༢ དེ་དག་རྣམས་ཀྱི་ཐོག་བར་མཐའ་གསུམ་དུ། །དགེ་བའི་རང་བཞིན་རྣམ་པར་དཀར་བ་ཅན། །ཀུན་ནས་འཚེ་བའི་ཉོན་མོངས་རྒྱུ་བཅས་པ། །འགོག་བྱེད་དུ་གསུངས་དམ་པའི་ཆོས་ལ་འདུད། །༣ གང་བསྟན་ཐོས་བསམ་སྒོམ་པས་འཛིན་མཛད་ཅིང་། །ཚུལ་ཁྲིམས་ལ་གནས་བསླབ་པའི་གཞི་ལ་སྦྱངས། །དམར་སེར་ངུར་སྨྲིག་རྒྱལ་མཚན་འཆང་བའི་མཆོག །འཕགས་ཚོགས་འདུས་པའི་དགེ་འདུན་རྣམས་ལ་བསྔགས། །༤ གང་ཞིག་རྒྱལ་བས་གསུངས་པའི་ཆོས་སོ་ཅོག །དེ་འགྲེལ་མཁས་གྲུབ་ཡོངས་ཀྱི་བསྟན་བཅོས་སོགས། །ཐམས་ཅད་རང་རིག་བདེ་གཤེགས་སྙིང་པོ་གང་། །རྟོགས་བྱེད་ཉིད་དུ་བསྟན་ལས་གཞན་དུ་ཅི། །༥

― GTN003_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

འོན་ཀྱང་ཕྱོགས་སུ་ལྷུང་བའི་མིག་ཅན་འགའ། །རྒྱལ་གསུང་དྲང་ངེས་དགོངས་པར་མ་རེག་བཞིན། །ཤན་འབྱེད་གཏམ་གྱིས་ཆོས་འཁོར་རིམ་པ་གསུམ། །དྲི་མ་ཅན་དུ་བྱས་འདིས་རང་ཡིད་སྐྱོ། །༦ དེས་ན་རྗེ་བཙུན་འཕགས་པ་ཐོགས་མེད་སོགས། །བདེན་པར་གསུངས་པས་དྲང་ངེས་འབྱེད་པ་རུ། །མི་འཇིགས་སེངྒེའི་སྒྲ་ཡིས་ལུང་སྟོན་པར། །བློ་གྲོས་ཕྱོགས་རེ་བ་ཡིས་བསྙོན་དུ་ཅི། །༧ དེ་ཚེ་རྒྱལ་བཀའ་ཡིན་མིན་རྣམ་རྟོག་པས། །བརྟག་དཔྱད་གསུང་གིས་ཐེ་ཚོམ་གཞིར་བཞག་མོད། །རྒྱལ་བསྟན་དབང་བྱས་ཐར་ལམ་རྗེས་མཐུན་དུ། །སྟོན་ན་རྒྱལ་བའི་བཀའ་དང་ཁྱད་མེད་སྒྲོགས། །༨ བྱམས་པས། གང་ཞིག་རྒྱལ་བའི་བསྟན་པ་སོགས་གསུང་པ་ལྟར་རོ། ། དེ་ཕྱིར་འཁོར་ལོ་དང་པོ་དྲང་དོན་དང་། །བར་པ་འདྲེས་མ་ཐ་མ་ངེས་དོན་དུ། །བཞེད་པའི་གྲུབ་མཐའ་བསླད་བྲལ་པུསྟི་ཀཿ །

― GTN003_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་ཕྲག་ཕྲེང་བ་མངོན་པར་གསལ་དེ་རྨད། །༩ དེ་འདྲའི་ཆོས་ཀྱི་ལུང་རྒྱུན་མི་ཉམས་པར། །སྤེལ་ཆེ་སྙན་གྲགས་ཀྱིས་གཙོས་ལོག་སྦྱོར་ཡིད། །མ་གཡོས་བྱང་སེམས་ཁོ་ན་ལྷུར་ལེན་པའི། །རྗེ་བཙུན་མཆོག་གི་སྐུ་དྲིན་གཞལ་དཀའི་ཡུལ། །༡༠ ཕྱི་ན་བསྟན་རྒྱན་འདུལ་བའི་ལུགས་བཞིན་སྤྱོད། །ནང་ན་སྨོན་འཇུག་བྱང་ཆུབ་སེམས་ཀྱིས་འབྱོངས། །གསང་བ་རིམ་གཉིས་ཟབ་མོར་དབང་ཟ་བའི། །གྲུབ་བརྙེས་གང་གི་རྣམ་ཐར་ཐོས་དཀའི་ཕུལ། །༡༡ ཇི་སྙེད་ཤེས་བྱའི་ཆོས་གཟིགས་འཁྲུལ་བྲལ་གྱིས། །ལྐོག་གྱུར་གསལ་སྟོན་སྦས་པའི་ཚུལ་འཛིན་པའི། །དོན་གྱི་རྡོ་རྗེ་འཆང་རྣམས་ཡིད་སྲུབ་ཀྱིས། །ཐུགས་དབྱུང་གཞན་དོན་དག་ལ་དགོངས་གཏད་ན། །༡༢ དེང་དུས་སྙིགས་མ་ལྔ་བདོའི་རང་མཚང་གིས། །

― GTN003_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་རྣམས་ཕལ་ཆེར་ལོག་པར་འདུན་པའི་སྐབས། །རྒྱལ་བསྟན་འཆད་རྩོད་རྩོམ་པས་འཛིན་པ་ནི། །རྒྱལ་བ་དངོས་ལས་ལྷག་པར་ཡོངས་སུ་བསྒྲགས། །༡༣ དཔེར་ན་རྒྱལ་གསུང་རྣམ་དག་ཚུལ་བཞིན་དུ། །ཐོས་པའི་ཕན་ཡོན་བགྲང་བྱར་མི་ནུས་ན། །འདིར་ཚོགས་འདུས་པའི་བསོད་ནམས་རྒྱ་མཚོའི་མཐའ། །འཇལ་འདོད་བློ་གྲོས་བུ་གར་ཆུན་དུ་ཅི། །༡༤ དེ་ཕྱིར་འདི་ལྟའི་ལེགས་བྱས་ཨཱ་དར་ཤར། །དགེ་ལེགས་འབུམ་གྱི་མཚན་མ་རྣམ་བཀྲ་བས། །སྤངས་རྟོགས་ཡོན་ཏན་གྱིས་འབྱོར་རྒྱལ་བའི་བསྟན། །སྤེལ་མཛད་བླ་མའི་ཞབས་པད་བརྟན་གྱུར་ཅིག །༡༥ བསྡུ་བཞི་དཔག་བསམ་གསར་པའི་ཚལ་བརྟེན་པའི། །དད་དང་མོས་པས་བསྡུས་པའི་སློབ་མའི་ཚོགས། །རིག་གྲོལ་གཉིས་ལྡན་འཕགས་པའི་དགེ་འདུན་རྣམས། །དབྱར་མཚོ་ལྟ་བུར་མི་ཉམས་གོང་འཕེལ་ཤོག །༡༦

― GTN003_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་དུས་ཀུན་ནས་བསྟན་པ་འཛིན་སྐྱོང་དང་། །སྤེལ་ལ་འདུན་པའི་བསྟན་འཛིན་སྐྱེས་བུའི་ཚོགས། །ཕྲག་དོག་ཟུར་ཟའི་གནོད་པས་མི་བརྫི་བར། །ཐུགས་མཐུན་ཆོས་བཞིན་འདོད་པ་ཡོངས་རྫོགས་ཤོག །༡༧ ཕྱོགས་ལྷུང་གཏམ་གྱི་སྨད་སྒྲོགས་ཆོས་སྤངས་ལས། །ལས་གྲོལ་ཐེག་དགུས་མཚོན་པའི་བཀའ་གཏེར་རྒྱུན། །ནུབ་མེད་འཁོར་བ་མཐའ་ཅན་མ་གྱུར་བར། །བརྒྱུད་འཛིན་ཡར་ངོའི་ཟླ་ལྟར་འཕེལ་རྒྱས་ཤོག །༡༨ ཕུན་ཚོགས་བསོད་ནམས་དཔལ་གྱིས་ཀུན་ནས་ཕྱུག །བདེ་སྐྱིད་ལྷ་ཡི་དཔལ་ལ་ཅོ་འདྲི་ཞིང་། །མངའ་འབངས་བྱམས་པའི་དཔལ་གྱིས་ལེགས་སྐྱོང་བའི། །མི་དབང་རྣམས་ཀྱི་ཆོས་སྲིད་བརྟན་གྱུར་ཅིག །༡༩ གང་ལ་མི་བདེའི་མཚན་མ་ཀུན་སྐྱེད་པའི། །རྒྱུ་རྐྱེན་མ་ལུས་ཞི་ཞིང་ཕན་དང་བདེའི། །ལེགས་པ་དུ་མའི་དགེ་མཚན་ཕྱོགས་ཀུན་ཏུ། །

― GTN003_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བས་ཇི་ལྟར་སྨོན་ཀུན་འགྲུབ་གྱུར་ཅིག །༢༠ བདག་ཀྱང་སྐྱེ་འདི་ནས་བཟུང་བྱང་ཆུབ་བར། །མགོན་པོ་མཆོག་དང་ནམ་ཡང་མི་འབྲལ་བར། །འཆད་རྩོད་རྩོམ་པས་རྒྱལ་བསྟན་སྤེལ་བྱེད་ཅིང་། །མ་རྒན་འགྲོ་རྣམས་སྒྲོལ་བའི་མཐུ་ལྡན་ཤོག །༢༡ མདོར་ན་རིས་མེད་རྒྱལ་བསྟན་དར་རྒྱས་འགྲོ་རྣམས་ཕན་བདེས་རྟག་འཚོ་ཞིང་། །དགེ་བཅུའི་ཁྲིམས་ལྡན་རྒྱལ་སྲིད་རྣམ་རྒྱས་བསྟན་འཛིན་མཆོག་རྣམས་ཞབས་པད་བརྟན། །དཀར་ཕྱོགས་ལྷ་རྣམས་དགའ་བས་ཆར་འབེབས་ལོ་ཕྱུགས་ལེགས་ཤིང་ནད་རྣམས་ཞི། །ཇི་ལྟར་སྨོན་པའི་དོན་རྣམས་མ་ལུས་མྱུར་བ་ཉིད་དུ་འགྲུབ་གྱུར་ཅིག །༢༢ གང་ཡང་རྒྱལ་རྣམས་འགྲོ་ལ་ཕན་ཕྱིར་བྱང་ཆུབ་སྤྱོད་པ་ཅི་བསགས་པ། །གང་རྣམས་ཐམས་ཅད་རྣམ་མཁྱེན་གོ་སར་དམིགས་མེད་ཉིད་དུ་བསྔོ་བས་མཚོན། །གང་ཞིག་ལེགས་བྱས་འདིས་བསྡུས་འདུས་དང་འདུས་མ་བྱས་དགེ་གཅིག་བསྡོམས་པར། །གང་རྣམས་ཐམས་ཅད་རྣམ་གྲོལ་རྒྱུར་བསྔོ་བསྔོས་པ་བཞིན་དུ་འགྲུབ་གྱུར་ཅིག །༢༣ སྤངས་དང་རྟོགས་པའི་ཡོན་ཏན་ཕུན་ཚོགས་རབ་འབྱམས་རྒྱལ་དང་དེ་སྲས་བཅས། །

― GTN003_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་དམ་འབྲས་བུ་རོ་མཆོག་ཕུན་ཚོགས་ལུང་དང་རྟོགས་པ་དམ་པའི་ཆོས། །ཐོས་དང་བསམ་པའི་རྣམ་དཔྱོད་ཕུན་ཚོགས་བྱང་སེམས་འཕགས་ཚོགས་དགེ་འདུན་བཅས། །མཆོག་གསུམ་དགེ་ལེགས་ཕུན་སུམ་ཚོགས་པའི་བཀྲ་ཤིས་དཔལ་ཀུན་དེང་འདིར་སྩོལ། །༢༤ ཅེས་རྒྱལ་བའི་བཀའ་འགྱུར་རོ་ཅོག་གི་ལུང་རྒྱུན་གྱི་ཐོབ་ཡིག་ཕན་བདེའི་གཏེར་མཛོད་བློ་གསལ་མགྲིན་རྒྱན་ཞེས་པ་འདི་ནི་མཁྱེན་བརྩེ་ནུས་པའི་དབང་ཕྱུག་མཆོག་གི་རྡོ་རྗེ་སློབ་དཔོན་སྒོ་ཆེན་བླ་མ་ཨོ་རྒྱན་བསོད་ནམས་ལགས་ཀྱི་བཀའ་བསྩལ་པ་དང་། ལྷར་བཅས་འགྲོ་བའི་སྐྱབས་མགོན་དཔལ་ལྡན་བླ་མ་དམ་པ་ནས་ཀྱང་བཀའ་གནང་བ་ནོད་པ་ལྟར་རྒྱལ་བ་ཞེ་ཆེན་པའི་མཆོག་སྤྲུལ་ཟུང་གི་བཀའ་དྲིན་ལ་ཉེ་བར་བརྟེན་པའི་སློབ་འབངས་ཐ་ཤལ་སྤྲུལ་མིང་འཆང་བ་འགྱུར་མེད་མཐུ་སྟོབས་རྣམ་རྒྱལ་དཔལ་བཟང་ངམ་ལྔ་རིག་སྨྲ་བ་འཇམ་དཔལ་དགྱེས་པའི་བློ་གྲོས་མཚོ་སྐྱེས་བཞད་པའི་སྒྲ་དབྱངས་སུ་འབོད་པས་རང་གནས་ཞེ་ཆེན་བསྟན་གཉིས་དར་རྒྱས་གླིང་གི་ཉི་འོད་བཀྲ་ཤིས་འཁྱིལ་བར་རྒྱལ་བཀའ་འགྱུར་རོ་ཅོག་གི་ཆོས་གྲྭར་རྫོགས་པར་བགྱིས་པ་འདིས་ཀྱང་དྲི་མེད་རྒྱལ་བའི་བསྟན་པ་ཕྱོགས་དུས་ཀུན་ཏུ་རྒྱས་པའི་རྒྱུར་གྱུར་ཅིག །སརྦ་མངྒ་ལཾ། བྷ་ཝནྟུ། བཀྲ་ཤིས་པར་ཤོག །དགེའོ།། །།

― GTN003_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱང་སྨོན་ཚིག འདི་ལྟར་བགྱིས་པའི་བསོད་ནམས་དགེ་ཚོགས་ཀྱིས། །སངས་རྒྱས་བསྟན་པ་དར་ཞིང་རྒྱས་པ་དང་། །དེ་འཛིན་བྱེད་པའི་སྐྱེས་བུ་དམ་པ་རྣམས། །སྐུ་ཚེ་བརྟན་ཅིང་མཛད་འཕྲིན་རྒྱས་པར་ཤོག །འཇིག་རྟེན་བདེ་ཞིང་ནད་མུག་འཁྲུགས་རྩོད་ཞི། །འབྲེལ་ཐོགས་གཙོར་བྱས་མ་གྱུར་འགྲོ་བ་ཀུན། །ཚོགས་གཉིས་རྫོགས་ཏེ་སྒྲིབ་གཉིས་བྱང་ནས་སུ།། མྱུར་དུ་རྫོགས་པའི་སངས་རྒྱས་ཐོབ་པར་ཤོག །ཅེས་པ་འདི་ནི་ཞེ་ཆེན་དབོན་སྤྲུལ་ལྔ་པའི་མཚན་འཛིན་འགྱུར་མེད་གཞན་ཕན་འོད་ཟེར་ནས་སྨོན་པའོ།། །།