 བསམ་གཏན་ཡེ་ཤེས་གླིང་པའི་གཏེར་ཆོས་སྐོར།གླེགས་བམ་ལྔ་པ། ཅ༽བསམ་གཏན་ཡེ་ཤེས་གླིང་པའམ་ཧོར་བླ་གཞན་ཕན་བཟང་པོ། རྒྱ་སྤྲུལ་ལུང་རིག་གླིང་པ། ཨོ་རྒྱན་ཉི་མ། མགོ་སྤྲུལ་ཆོས་དབྱིངས་ཀུན་གསལ་རྒྱ་མཚོ། རས་པ་གསལ་སྟོབས། མནྟྲ། དྷེ་ཝ་བཛྲ་བ། རྡོ་གྲུབ་འཇིགས་མེད་ཕྲིན་ལས་འོད་ཟེར། ཆ་མདའ་རབ་བློ།སྔ་འགྱུར་མདོ་ཁམས་གཡུ་ཁོག་དཔེ་ཚོགས།མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། ། གསང་བདག་རྡོ་རྗེ་གཏུམ་པོའི་གསོལ་འདེབས་ཨོ་རྒྱན་ཉི་མས་མཛད་པ།༄༅། གསང་བདག་རྡོ་རྗེ་གཏུམ་པོའི་གསོལ་འདེབས་བཞུགས་སོ།། གདོད་མའི་མགོན་པོ་ཀུན་བཟང་ཡབ་ཡུམ་དང་། །ངེས་པ་ལྔ་ལྡན་ལོངས་སྐུ་སྟོན་མཆོག་ལྔ། །རྒྱལ་ཀུན་ཐུགས་ཀྱི་ངོ་བོ་གསང་བའི་བདག །གསོལ་བ་འདེབས་སོ་བྱིན་རླབས་དབང་བསྐུར་སྩོལ། །རྒྱལ་ཀུན་འདུས་ཞལ་པདྨ་ཐོད་ཕྲེང་རྩལ། །བདེ་ཆེན་དགའ་བཞིའི་དབང་ཕྱུག་མཁར་ཆེན་བཟའ། །དངོས་གྲུབ་མཆོག་བརྙེས་ཁྲི་སྲོང་ལྡེའུ་བཙན་ལ། །གསོལ་བ་འདེབས་སོ་བྱིན་རླབས་དབང་བསྐུར་སྩོལ། །ལྷ་སྲིན་བྲན་ཁོལ་རླང་ཆེན་དཔལ་སེང་དང་། །བརྟུལ་ཞུགས་མཐར་ཕྱིན་མཁར་ཆེན་དཔལ་དབང་ཕྱུག །སྐད་གཉིས་སྨྲ་བ་ལོ་ཆེན་ཀླུ་དབང་ལ། ། གསོལ་བ་འདེབས་སོ་བྱིན་རླབས་དབང་བསྐུར་སྩོལ། །ཟབ་གཏེར་མངའ་བདག་ལུང་རིག་གླིང་པ་རྩལ། །ཆོས་ཀྱི་བདག་པོ་རིག་འཛིན་བཟང་པོའི་མཚན། །སྐྱབས་ཀུན་ཡོངས་འདུས་རྩ་བའི་བླ་མ་ལ། །གསོལ་བ་འདེབས་སོ་བྱིན་རླབས་དབང་བསྐུར་སྩོལ། །གདུལ་དཀའི་གཤེད་དུ་ཆེར་ཁྲོས་ཁྲོ་བོའི་རྒྱལ། །གསང་བདག་གཏུམ་པོའི་དཀྱིལ་འཁོར་ལྷ་ཚོགས་དང་། །མཁའ་འགྲོ་དམ་ཅན་བསྲུང་མའི་ཚོགས་བཅས་ལ། །གསོལ་བ་འདེབས་སོ་བྱིན་རླབས་དབང་བསྐུར་སྩོལ། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །གཉིས་འཛིན་ལས་ཀྱི་རང་མདངས་དུག་གསུམ་གདོན། །ཆོས་ཉིད་མཉམ་པ་ཆེན་པོར་རང་གྲོལ་ནས། །རང་རིག་དོན་གྱི་གསང་བདག་ཞལ་མཐོང་ཤོག །ཅེས་པའང་གཏེར་ཆེན་ཆོས་ཀྱི་རྒྱལ་པོ་རིག་འཛིན་ལུང་རིག་གླིང་པར་འབོད་པའི་དག་སྣང་དགོངས་གཏེར་འཁྲུལ་མེད་དུ་ཕབ་པའི་གསང་བདག་གཏུམ་པོའི་ཐུགས་སྒྲུབ་ཀྱི་གསོལ་འདེབས་འདི་འདྲ་དགོས་ཞེས་དམ་པ་དེ་ཉིད་ཀྱིས་བསྐུལ་ངོར། རིག་འཛིན་གོང་མའི་བརྒྱུད་འཛིན་ཨོ་རྒྱན་ཉི་མ་ཞེས་པས་སྤེལ་བ་ཛ་ཡནྟུ། གཏུམ་པོའི་ཐུགས་སྒྲུབ་སྙིང་པོའི་གསོལ་འདེབས་དངོས་གྲུབ་གཏེར་མཛོད།༄༅། གཏུམ་པོའི་ཐུགས་སྒྲུབ་སྙིང་པོའི་གསོལ་འདེབས་དངོས་གྲུབ་གཏེར་མཛོད་བཞུགས༔ ཨེ་མ་ཧོ༔ ཀུན་བཟང་རྡོར་སེམས་དགའ་རབ་ཤྲཱི་སེང༔ ཛྙཱ་ན་སུ་ཏྲ་བི་མ་པད་འབྱུང་དང༔ ཡེ་ཤེས་མཚོ་རྒྱལ་འབངས་རིགས་ཉི་ཤུ་ལྔ༔ གསོལ་བ་འདེབས་སོ་མཆོག་ཐུན་སིདྡྷི་ཧོ༔ ཟབ་གཏེར་ལུང་བསྟན་གྲུབ་དབང་བྱང་ཆུབ་གླིང༔ ཟབ་མོའི་གཏེར་འབྱིན་འགྲོ་འདུལ་ལུང་རིག་གླིང༔ ལུང་ཟིན་སྐལ་ལྡན་ཆོས་ཀྱི་བདག་པོ་སོགས༔ གསོལ་བ་འདེབས་སོ་མཆོག་ཐུན་སིདྡྷི་ཧོ༔ དཀྱིལ་འཁོར་གཙོ་མཆོག་ལག་ན་རྡོ་རྗེ་དང༔ རིགས་བདག་མི་བསྐྱོད་བཅོམ་ལྡན་རྡོ་རྗེ་སེམས༔ ཕྱོགས་སྐྱོང་གདོན་འདུལ་ཁྲོ་རྒྱལ་ཡབ་ཡུམ་བཅུ༔ ས་བདག་ཀླུ་འདུལ་པཉྩ་ག་རུ་ཊ༔ སྒོ་སྲུང་རིགས་བཞི་གཙང་རིས་མགོན་པོ་དང༔ དབང་ཕྱུག་ཉེར་བརྒྱད་བཀའ་དང་གཏེར་གྱི་བདག༔ དཀྱིལ་འཁོར་འཁོར་ལོའི་ལྷ་ཚོགས་ཐམས་ཅད་ལ༔ གསོལ་བ་འདེབས་སོ་མཆོག་ཐུན་སིདྡྷི་ཧོ༔ དེ་ལྟར་གསོལ་བ་བཏབ་པའི་མཐུ་བྱིན་གྱིས༔ གཟའ་ཀླུ་ས་བདག་གདོན་བགེགས་ལོག་འདྲེན་ཚོགས༔ སྔོན་ལས་འཕྲལ་རྐྱེན་གནོད་འཚེ་ཀུན་ཞི་ཞིང༔ ཚེ་འདི་ཉིད་ལ་རིག་འཛིན་མཆོག་གྲུབ་ནས༔ གསང་བདག་རྡོ་རྗེ་འཛིན་དང་དབྱེར་མེད་པར༔ མཐའ་ཡས་འགྲོ་བའི་དཔལ་དུ་འགྱུར་བར་ཤོག༔ ཀཱ་ཡ་ཝཀྐ་ཙིཏྟ་སིདྡྷི་ཧོ༔ ཞེས་པ་འདི་ཡང་བསམ་གཏན་ཡེ་ཤེས་གླིང་པས་སོ༔ གཏུམ་པོའི་ཐུགས་སྒྲུབ་སྙིང་པོ་རྒྱ་སྤྲུལ་གཏེར་བྱོན།• དག་སྣང་མཚོ་རྒྱལ་དགོངས་པའི་གསང་མཛོད་ལས༔ གཏུམ་པོའི་ཐུགས་སྒྲུབ་སྙིང་པོ་བཞུགས༔ གསང་ཆེན་དཀྱིལ་འཁོར་ལྷ་ཡི་གཙོ༔ རྡོ་རྗེ་འཛིན་རྒྱལ་སྐུ་ལ་འདུད༔ མི་བརྗེད་གཟུངས་ཐོབ་མཚོ་རྒྱལ་ངས༔ སྐྱབས་མཆོག་གུ་རུ་པདྨ་ལ༔ གསང་ཆེན་རྒྱུད་ལུང་མན་ངག་ཞུས༔ ས་གཏེར་དག་སྣང་དགོངས་པའི་གཏེར༔ འཁྲུལ་མེད་བཅོ་བརྒྱད་རྩིས་རྒྱས་གདབ༔ ཁྱད་པར་དག་སྣང་དགོངས་གཏེར་ཆོས༔ གུ་རུ་རྗེ་དང་བདག་ཉིད་ཀྱིས༔ སྤྲུལ་པའི་གང་ཟག་མང་པོ་ལ༔ སྨོན་ལམ་གཏད་རྒྱ་ཡང་ཡང་བྱས༔ རིག་འཛིན་མཁའ་འགྲོ་སྲུང་མར་བཅོལ༔ དུས་བབ་ལས་ཅན་བུ་ལ་གཏོད༔ ས་མ་ཡཱ༔ རྒྱ་རྒྱ་རྒྱ༔ གཏུམ་པོའི་ཐུགས་སྒྲུབ་སྙིང་པོ་འདི༔ ཚིག་ཉུང་དོན་ཟབ་བྱིན་རླབས་ཆེ༔ སྤྲོས་མེད་གང་ཟག་རྒྱུན་ཁྱེར་བདེ༔ མྱུར་དུ་རྟགས་མཚན་ཡིད་ཆེས་འབྱུང་༔ དཀྱིལ་འཁོར་རྡུལ་ཚོན་རས་བྲིས་ཚོམ༔ གང་རུང་སྐབས་དང་བསྟུན་པའི་དབུས༔ དྲག་པོའི་གཏོར་མ་ཐོག་མདེལ་དབྱིབས༔ རང་འདྲའི་འཁོར་བཞི་དེ་མཐར་བཅུ༔ ཕྱོགས་བཞིར་བཞི་སྟེ་བཅུ་དགུ་ལ༔ མེ་རི་རྒྱན་ལྡན་དར་ནག་གདུགས༔ གཏུམ་པོའི་སྐུ་དང་བཅས་པ་ནི༔ ལྕགས་སམ་བྷནྡྷའི་སྣོད་དུ་འགོད༔ གཡས་གཡོན་སྨན་རཀ་མཐའ་བསྐོར་དུ༔ ཁྲག་ཆབ་དབང་པོའི་མེ་ཏོག་སོགས༔ ཉེར་སྤྱོད་རྣམ་ལྔའི་རྫས་སུ་བཤམས༔ བཀའ་སྲུང་སྡེ་བརྒྱད་ཀུན་འདུས་པའི༔ གཟའ་གཏོར་གཡས་གཅུས་ལྷ་གྲངས་བཤོས༔ དར་ཚོན་ལིང་ག་མིག་གིས་སྤྲས༔ ཤ་ཁྲག་ཆང་ཕུད་གསེར་སྐྱེམས་སོགས༔ མ་ཚང་མེད་པར་འདུ་བྱས་ལ༔ རྣལ་འབྱོར་བདེ་བའི་སྟན་ལ་འདུག༔ མདུན་མཁར་གསང་བའི་བདག་པོ་ལ༔ སྐྱབས་ཡུལ་ཀུན་གྱིས་བསྐོར་བར་དམིགས༔ ཁྱེད་ཤེས་དད་པས་གཞི་བཟུང་ནས༔ དང་པོ་སྐྱབས་སུ་འགྲོ་བ་ནི༔ ན་མོ༔ བདག་དང་ཁམས་གསུམ་སེམས་ཅན་ཀུན༔ བྱང་ཆུབ་སྙིང་པོ་མ་ཐོབ་བར༔ གསང་བདག་སྐྱབས་ཡུལ་ལྷ་ཚོགས་ལ༔ སྒོ་གསུམ་གུས་པས་སྐྱབས་སུ་མཆི༔ གཉིས་པ་སྨོན་འཇུག་སེམས་བསྐྱེད་ནི༔ ཧོ༔ ཕ་མ་འགྲོ་དྲུག་མ་ལུས་པ༔ རྣམ་མཁྱེན་སངས་རྒྱས་ལ་འགོད་ཕྱིར༔ བཛྲ་པཱ་ཎི་བསྒྲུབ་ནས་ནི༔ ལོག་འདྲེན་འདུལ་བར་སེམས་བསྐྱེད་དོ༔ གསུམ་པ་ཡན་ལག་བཅུ་བ་ནི༔ ཧོ༔ སྐྱབས་ཡུལ་ལྷ་ཚོགས་སྤྱན་འདྲེན་གཤེགས༔ མདུན་མཁར་དྲེགས་པའི་ཁྲི་ལ་བཞུགས༔ རྟག་ཏུ་མི་འབྲལ་སྐྱབས་སུ་འཛིན༔ རང་རིག་གསང་བདག་དཔའ་བོ་ལ༔ རང་ཞལ་མཇལ་བས་ཕྱག་འཚལ་ལོ༔ སྣང་སྲིད་འདོད་ཡོན་མཆོད་པར་འབུལ༔ སྡིག་ལྟུང་སྐྱེ་མེད་ཀློང་དུ་བཤགས༔ འཁོར་འདས་མཉམ་བརྡལ་རྗེས་ཡི་རངས༔ ཟབ་གསལ་གཉིས་མེད་ཆོས་འཁོར་བསྐོར༔ གཉུག་མ་འཕོ་མེད་བཞུགས་གསོལ་འདེབས༔ དགེ་རྩ་ཆོས་དབྱིངས་ཀློང་དུ་བསྔོ༔ བཞི་བ་བགེགས་ལ་བཀའ་བསྒོ་ནི༔ ཧཱུྃ་ཧཱུྃ༔ བདག་མེད་བདག་ཏུ་བཟུང་བའི་འདྲེ༔ ཡུལ་མེད་རྟོག་བྲལ་ཀློང་དུ་དེངས༔ ཀུན་བརྟགས་གླུད་དང་གཏོར་མས་བརྔན༔ དམ་ལས་འདའ་ན་རྡུལ་དུ་རློགས༔ ཧཱུྃ་བཞིའི་སྔགས་དང་རོལ་མོས་བསྐྲད༔ ལྔ་བ་ཆོས་ཉིད་སྲུང་འཁོར་ནི༔ ཧཱུྃ་ཧཱུྃ༔ ཡེ་དག་རང་བབ་སྟོང་པའི་ངང་༔ བློ་འདས་ཁྱབ་བརྡལ་འོད་གསལ་སྦུབས༔ རྩོལ་བྲལ་འགྱུར་མེད་རྡོ་རྗེའི་གུར༔ གནས་ལུགས་ལྟ་བས་མཚམས་བཅད་དོ༔ བཛྲ་རཀྵ་རཀྵ་ཧཱུྃ༔ དྲུག་པ་བྱིན་ཆེན་དབབ་པ་ནི༔ སྤོས་རོལ་དབྱངས་བཅས་འདི་སྐད་དོ༔ ཧཱུྃ་ཧཱུྃ༔ སྐུ་གསུམ་དག་པའི་ཕོ་བྲང་ནས༔ རྒྱལ་ཀུན་ཐུགས་ཀྱི་མཛོད་འཛིན་པ༔ གསང་བདག་ཕྱག་རྡོར་ལྷ་ཚོགས་རྣམས༔ གནས་འདིར་བྱིན་ཆེན་དབབ་ཏུ་གསོལ༔ ཨོཾ་བཛྲ་པཱ་ཎི་ཛྙཱ་ན་ཨ་བེ་ཤ་ཡ་ཕེཾ་ཕེཾ༔ ཧཱུྃ་གི་སྣང་གླུ་ཡང་ཡང་ལེན༔ བདུན་པ་མཆོད་རྫས་བྱིན་བརླབ་ནི༔ ཧཱུྃ་ཧཱུྃ༔ ཕྱི་ནང་གསང་བའི་མཆོད་པ་རྣམས༔ ངོ་བོ་ཟག་མེད་བདུད་རྩི་ལ༔ རྣམ་པ་ཀུན་བཟང་མཆོད་པའི་སྤྲིན༔ ལྷ་ཚོགས་དགྱེས་སྐོང་ཆེན་པོར་གྱུར༔ ཨོཾ་བཛྲ་ཨརྒྷཾ་ནས་ཤཔྟ་སརྦ་པཉྩ་ཨ་མྲྀ་ཏ་རཀྟ་བྷ་ལིང་ཏ་པཱུ་ཛ་ཧོ༔ དེ་ཡིས་སྔོན་འགྲོའི་ཆོས་བདུན་རྫོགས༔ ས་མ་ཡཱ༔ དངོས་གཞི་དང་པོ་ལྷ་བསྐྱེད་ནི༔ ཧཱུྃ་ཧཱུྃ༔ བློ་འདས་སྟོང་པ་ཆེན་པོའི་ངང་༔ མ་རྟོགས་འགྲོ་ལ་སྙིང་རྗེའི་གདངས༔ རང་རིག་གནམ་ལྕགས་རྡོ་རྗེའི་སྦུབས༔ ཧཱུྃ་མཐིང་མེ་རི་འབར་བར་བསྒོམ༔ ཧཱུྃ་ཧཱུྃ༔ ཧཱུྃ་ལས་འོད་ལྔའི་འདུ་འཕྲོ་བསྒྱུར༔ རང་བྱུང་འབྱུང་བ་ཡུམ་ལྔའི་ཀློང༔ བྷྲུཾ་འཕྲོས་ལྕང་ལོ་ཅན་གྱི་ཞིང་༔ དུར་ཁྲོད་རབ་འཇིགས་ཐོད་པའི་མཁར༔ ཀླུ་བརྒྱད་ཀ་གདན་རུས་སྦལ་བསྣོལ༔ ལྷ་བརྒྱད་ཀ་བ་རྔམས་ཤིང་བརྗིད༔ གཟའ་བརྒྱད་གདུང་མ་རྒྱུ་སྐར་དྲལ༔ མི་རོའི་རྒྱལ་མཚན་ཞིང་ལྤགས་འཕན༔ སྒོ་གྲུ་རྟ་བབས་ཙིཏྟའི་ཏོག༔ མཚན་ཉིད་ཡོངས་རྫོགས་གཞལ་ཡས་དབུས༔ ཧཱུྃ་ཧཱུྃ༔ དབུས་སུ་ཆོས་འབྱུང་དམར་ནག་ཀློང་༔ པདྨ་ཉི་མའི་གདན་གྱི་ཁར༔ གཟའ་ཀླུ་དྲེགས་པ་ཕོ་མོའི་སྟེང་༔ རང་རིག་རྡོ་རྗེ་ཧཱུྃ་དང་བཅས༔ མཁའ་ལས་གནམ་ལྕགས་ཐོག་ལྟར་བབ༔ འོད་ཟེར་འཕྲོ་འདུས་རྒྱལ་བ་མཆོད༔ བྱིན་རླབས་བསྡུས་ཤིང་དྲེགས་ཚོགས་བཏུལ༔ འགྲོ་དྲུག་ལས་ཉོན་སྒྲིབ་པ་སྦྱངས༔ རྒྱལ་ཀུན་ཐུགས་དང་དབྱེར་མེད་ངང་༔ སྐད་ཅིག་གནས་འགྱུར་དྲན་རྫོགས་སུ༔ གསང་བདག་རྡོ་རྗེ་གཏུམ་པོ་མཐིང་༔ ཞལ་གཅིག་ཁྲོ་གཏུམ་བལྟར་མི་བཟོད༔ ཕྱག་གཡས་གནམ་ལྕགས་རྡོ་རྗེ་ཡིས༔ ལོག་འདྲེན་བདུད་བཞིའི་མགོ་བོ་འགེམས༔ གཡོན་པས་ལོག་འདྲེན་དུག་སྦྲུལ་གཟུགས༔ ཤིན་ཏུ་རྔམས་པར་ཞལ་དུ་གསོལ༔ ཞབས་གཉིས་དྲག་པོའི་ཚུལ་དུ་བགྲད༔ སྐུ་སྟོད་གླང་ཆེན་ཀོ་རློན་དང་༔ སྐུ་སྨད་སྟག་གི་ཤམ་ཐབས་གསོལ༔ སྐེད་པར་མི་ལྤགས་ཁྲག་འཛགས་དཀྲིས༔ སྦྲུལ་རིགས་ལྔ་ཡིས་ཡན་ལག་བརྒྱན༔ ཐོད་སྐམ་རིགས་ལྔས་དབུ་རྒྱན་མཛེས༔ ཐོད་རློན་ལྔ་བཅུའི་དོ་ཤལ་བརྗིད༔ སྨ་ར་སྨིན་མ་མེ་རུ་འབར༔ དབུ་སྐྲ་ཁམ་སེར་སྦྲུལ་གྱིས་བཅིངས༔ རིགས་བདག་མི་བསྐྱོད་ལོངས་སྐུའི་ཆས༔ ༼ཀ༽ཧཱུྃ་ཧཱུྃ༔ ཕྱི་རོལ་འཁོར་ལོ་རྩིབས་བཞི་ལ༔ གཏུམ་པོ་རིགས་བཞི་ཕྱོགས་ཀྱི་མདོག༔ ཁྲོ་བོའི་ཆས་ཀུན་ཡོངས་སུ་རྫོགས༔ རྡོ་རྗེ་རིན་ཆེན་པདྨ་དང་༔ རྒྱ་གྲམ་རང་རྟགས་མཁའ་ལ་ཕྱར༔ གཡོན་རྣམས་དྲིལ་བུ་དཀུ་ལ་བརྟེན༔ པད་ཉི་དྲེགས་པའི་གདན་ལ་འགྱིང་༔ ཧཱུྃ་ཧཱུྃ༔ དེ་ཡི་ཕྱི་རོལ་རྩིབས་བཅུ་ལ༔ པད་ཉི་ཕྱོགས་སྐྱོང་གདན་གྱི་ཁར༔ མཐིང་ནག་ཧཱུྃ་གི་འཕྲོ་འདུ་ལས༔ རང་བྱུང་སྤྲུལ་པའི་ཁྲོ་རྒྱལ་བཅུ༔ ཤེས་རབ་ཁྲོ་མོ་བཅུ་དང་འཁྲིལ༔ ཀུན་ཀྱང་རྡོ་རྗེ་སྡིགས་མཛུབ་ཅན༔ ཁྲོ་ཆས་ཡོངས་སུ་རྫོགས་པར་བསྐྱེད༔ ཧཱུྃ་ཧཱུྃ༔ སྒོ་བཞིར་ཛཿཧཱུྃ་བཾ་ཧོ་ལས༔ རྣམ་རྒྱལ་གཤིན་རྗེ་རྟ་མཆོག་དཔལ༔ བདུད་རྩི་འཁྱིལ་དང་སྒོ་བ་བཞི༔ ཕྱག་གཡས་རྡོ་རྗེ་རིན་པོ་ཆེ༔ པདྨ་རྒྱ་གྲམ་དབྱུག་པ་ཕྱར༔ ཕྱག་གཡོན་ལྕགས་ཀྱུ་ཞགས་པ་དང་༔ ལྕགས་སྒྲོག་དྲིལ་བུ་ཐུགས་ཀར་བསྣམས༔ ཁྱམས་ལ་དབང་ཕྱུག་ཉེར་བརྒྱད་སོགས༔ སྤྲུལ་དང་ཡང་སྤྲུལ་བསམ་མི་ཁྱབ༔ ཀུན་ཀྱང་རྒྱལ་ཀུན་ཐུགས་གསང་ལས༔ དུ་མར་འཆར་ཞིང་གཅིག་ཏུ་སྡུད༔ གཙོ་འཁོར་གནས་གསུམ་ཡི་གེ་ལས༔ འོད་འཕྲོས་ཡེ་ཤེས་སྤྱན་དྲངས་གྱུར༔ གཉིས་པ་ལྷ་ཚོགས་སྤྱན་འདྲེན་ནི༔ ཧཱུྃ་ཧཱུྃ༔ འོག་མིན་ལྕང་ལོ་ཅན་གྱི་གནས༔ གནམ་ལྕགས་འབར་བའི་རྩེ་མོ་ནས༔ གསང་བདག་ཕྱག་ན་རྡོ་རྗེ་ལ༔ གཏུམ་པོ་བཞི་དང་ཁྲོ་བོ་བཅུ༔ དབང་ཕྱུག་ཉེར་བརྒྱད་སྒོ་བ་བཞི༔ བཀའ་ཉན་སྲུང་མ་རྒྱ་མཚོར་བཅས༔ མོས་གུས་གདུང་བས་སྤྱན་འདྲེན་ན༔ ཐུགས་རྗེའི་ཤུགས་ཀྱིས་གཤེགས་སུ་གསོལ༔ གནས་འདིར་དྲག་པོའི་བརྟུལ་ཞུགས་ཀྱིས༔ སྐུ་ལས་བསྐལ་མེ་ལྷབས་སེ་ལྷབ༔ ཧཱུྃ་ཕཊ་དྲག་སྔགས་འུ་རུ་རུ༔ དར་གྱི་ཅོད་པཎ་པུ་རུ་རུ༔ རུས་པའི་རྒྱན་ཆ་ཁྲ་ལ་ལ༔ ཁྱུང་གི་གཤོག་སྒྲ་ལྡི་རི་རི༔ བར་ཆད་རྐྱེན་རྣམས་བཟློག་པ་དང་༔ མཆོག་ཐུན་དངོས་གྲུབ་སྩོལ་བའི་ཕྱིར༔ ཐོགས་མེད་རྫུ་འཕྲུལ་ཤུགས་ཀྱིས་བསྐྱོད༔ མཐུ་སྟོབས་རྩལ་གྱིས་གཤེགས་སུ་གསོལ༔ ཨོཾ་བཛྲ་པཱ་ཎི་ག་རུ་ཊ་ཀྲོ་ཏ་ཛྙཱ་ན་བཛྲ་ས་མ་ཡཱ་ཛཿཛ༔ སྤོས་དང་ཚིལ་ཆེན་དུད་པས་བདུག༔ རོལ་མོའི་སྒྲ་འཁྲོལ་གདུང་ཤུགས་བསྐྱེད༔ གསུམ་པ་བཞུགས་སུ་གསོལ་བ་ནི༔ ཧཱུྃ་ཧཱུྃ༔ དུར་ཁྲོད་དྲག་པོའི་གཞལ་མེད་ཁང་༔ པད་ཉི་སྡེ་བརྒྱད་གདན་སྟེང་དུ༔ གསང་བདག་གཏུམ་པོའི་ལྷ་ཚོགས་རྣམས༔ དགྱེས་ཤིང་བརྟན་པར་བཞུགས་སུ་གསོལ༔ ཨོཾ་བཛྲ་པཱ་ཎི་ག་རུ་ཊ་ཀྲོ་ཏ་ཛྙཱ་ན་བཛྲ་ས་མ་ཡཱ་ཛཿཧཱུྃ་བཾ་ཧོ༔ བཞི་བ་གུས་ཕྱག་འཚལ་བ་ནི༔ ཧཱུྃ་ཧཱུྃ༔ སྲིད་རྩ་གཏི་མུག་གཟའ་ཀླུ་གདོན༔ འཇོམས་མཛད་གསང་བའི་བདག་པོ་མཆོག༔ གཙོ་འཁོར་སྤྲུལ་བར་བཅས་པ་ལ༔ སྒོ་གསུམ་གུས་པས་ཕྱག་འཚལ་ལོ༔ ཨ་ཏི་པཱུ་ཧོ༔ པྲ་ཏིཥྩ་ཧོ༔ ལྔ་བ་མཆོད་པའི་བྱེ་བྲག་ལ༔ གསུམ་སྟེ་དང་པོ་ཕྱི་མཆོད་ནི༔ ཧཱུྃ༔ རྨད་བྱུང་ཐུགས་གསང་འགྱུར་མེད་ལྷ༔ བཛྲ་པཱ་ཎིའི་ལྷ་ཚོགས་ལ༔ དངོས་འབྱོར་ཡིད་ལས་བྱུང་བ་ཡི༔ ཀུན་བཟང་རྣམ་རོལ་མཆོད་པའི་སྤྲིན༔ མཛེས་སྡུག་ཡིད་འོང་མེ་ཏོག་བཞད༔ དྲི་ཞིམ་ངད་ལྡན་བདུག་པའི་སྤོས༔ མུན་སེལ་སྣང་གསལ་མར་མེ་འབར༔ ག་བུར་དྲི་བཟང་སྦྱར་བའི་ཆབ༔ ཞིམ་མངར་རོ་བརྒྱ་ལྡན་པའི་ཟས༔ སྙན་འཇེབས་རོལ་མོའི་སྒྲ་དབྱངས་འབུལ༔ བཞེས་ནས་བདག་གཞན་སེམས་ཅན་ཀུན༔ ཡེ་ཤེས་ལྔ་ལྡན་མྱུར་འགྲུབ་ཤོག༔ ཨོཾ་བཛྲ་ཨརྒྷཾ་ནས་ཤཔྟ་པྲ་ཏིཥྩ་པཱུ་ཛ་མེ་གྷ་ས་མུ་ཏྲ་སྥ་ར་ཎ་ས་མ་ཡེ་ཨཱཿཧཱུྃ༔ གཉིས་པ་ནང་མཆོད་འབུལ་བ་ནི༔ ཧཱུྃ་ཧཱུྃ༔ གསང་བདག་དཀྱིལ་འཁོར་ལྷ་ཚོགས་ལ༔ ཞིང་བཅུའི་དབང་པོའི་མེ་ཏོག་འབུལ༔ ཚིལ་ཆེན་བསྲེགས་པའི་དུད་སྤྲིན་འབུལ༔ ཞུན་ཆེན་སྦྱར་བའི་སྒྲོན་མེ་འབུལ༔ ཁྲག་མཁྲིས་དང་སྦྱར་དྲི་ཆབ་འབུལ༔ ཤ་ཁྲག་རུས་པའི་ཞལ་ཟས་འབུལ༔ རྐང་གླིང་ཐོད་པའི་རོལ་མོ་འབུལ༔ བཞེས་ནས་ཚོགས་དྲུག་ཞེན་པ་ཡིས༔ བཅིངས་པའི་འགྲོ་དྲུག་དབྱིངས་གྲོལ་མཛོད༔ ཤཔྟ་རཱུ་པ་གནྡྷེ་ར་ས་སྤར་ཤེ་དྷརྨ་དྷརྟུ་པཱུ་ཛ་ཧོ༔ གསུམ་པ་གསང་མཆོད་ལ་ཡང་ལྔ༔ དང་པོ་སྨན་གྱི་མཆོད་པ་ནི༔ ཧཱུྃ་ཧྲཱིཿ རང་བྱུང་བྷནྡྷའི་སྣོད་མཆོག་ཏུ༔ རིགས་ལྔ་ཡབ་ཡུམ་སྦྱོར་བའི་བཅུད༔ རྩ་བརྒྱད་སྟོང་སྦྱར་བདུད་རྩི་སྨན༔ གསང་བདག་དཀྱིལ་འཁོར་ལྷ་ཚོགས་ལ༔ འབུལ་ལོ་དགྱེས་པར་བཞེས་ནས་ཀྱང་༔ འགྲོ་ཀུན་དུག་ལྔ་གནས་དག་ནས༔ སྐུ་ལྔའི་དཔལ་ཡོན་མངོན་གྱུར་མཛོད༔ ཨོཾ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ བརྒྱུད་པའི་ལྷ་ལ་འདི་བཞིན་འབུལ༔ ཨོཾ་ཨཱཿཧཱུྃ༔ སྣང་སྟོང་ཟུང་འཇུག་ཀུན་ཏུ་བཟང་༔ མ་འགགས་རང་རྩལ་རིགས་ལྔའི་གཙོ༔ རིག་འཛིན་རྒྱལ་པོ་རྡོ་རྗེ་ཆོས༔ སྨན་མཆོད་འབུལ་ལོ་དངོས་གྲུབ་སྩོལ༔ ཨོཾ་སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ཨོ་རྒྱན་མཁས་པ་པདྨ་འབྱུང་༔ འཛམ་གླིང་རྒྱལ་པོ་ཁྲི་སྲོང་རྗེ༔ སྐད་གཉིས་སྨྲ་བ་བཻ་རོའི་ཞབས༔ སྨན་མཆོད་འབུལ་ལོ་དངོས་གྲུབ་སྩོལ༔ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ཕུར་པའི་རྣལ་འབྱོར་རླངས་དཔལ་སེང་༔ དབྱངས་ཅན་རྣམ་རོལ་མཚོ་རྒྱལ་མ༔ ཡི་དམ་གསང་བདག་ཌཱཀྐིའི་ཚོགས༔ སྨན་མཆོད་འབུལ་ལོ་དངོས་གྲུབ་སྩོལ༔ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ དེ་ནས་སྨན་ལས་དངོས་གྲུབ་བླངས༔ ཀཱ་ཡ་སིདྡྷི་ཨོཾ༔ ཝཀྐ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ གནས་གསུམ་ཐིག་ལེ་ལྕེ་ལ་མྱང༔ གཉིས་པ་རཀྟའི་མཆོད་པ་ནི༔ ཧཱུྃ་ཧཱུྃ༔ སྲིད་པའི་རྩ་བ་ཆགས་པ་ཆེ༔ མ་སྤང་གནས་དག་དམར་ཆེན་པོ༔ གསང་བདག་དཀྱིལ་འཁོར་ལྷ་ལ་འབུལ༔ ཞིང་བཅུའི་སྙིང་ཁྲག་བཞེས་ནས་ཀྱང་༔ ཁམས་གསུམ་ཡོངས་སྒྲོལ་དངོས་གྲུབ་སྩོལ༔ མ་ཧཱ་རཀྟ་ལ་ཁ་རཾ་ཁཱ་ཧི༔ གསུམ་པ་གཏོར་མའི་མཆོད་པ་ནི༔ ཧཱུྃ་ཧཱུྃ༔ སྣང་བ་ཀུན་བརྟགས་གཏོར་གཞོང་དུ༔ སྲིད་པ་དུག་གསུམ་གཏོར་མས་བཀང་༔ རྣམ་དག་དཀྱིལ་འཁོར་ལྷ་ལ་འབུལ༔ སྒོ་གསུམ་ཞེན་རྟོག་གནས་དག་མཛོད༔ མ་ཧཱ་བྷ་ལིང་ཏ་ཁ་རཾ་ཁཱ་ཧི༔ བཞི་བ་སྦྱོར་མཆོད་འབུལ་བ་ནི༔ ཧཱུྃ་ཧཱུྃ༔ ཡུལ་དྲུག་ལྷ་མོ་སྟོང་པའི་ཡུམ༔ ཚོགས་དྲུག་ཞེན་བྲལ་སྣང་བའི་ཡབ༔ མཉམ་སྦྱོར་ཡེ་གྲོལ་གསང་མཆོད་འདི༔ གསང་བདག་དཀྱིལ་འཁོར་ལྷ་ལ་འབུལ༔ མ་ཧཱ་མུ་ཏྲ་ཛྙཱ་ན་སུ་ཁ་པཱུ་ཛ་ཧོ༔ ལྔ་བ་སྒྲོལ་བའི་མཆོད་པ་ནི༔ ཧཱུྃ་ཧཱུྃ༔ ལོག་རྟོག་དགྲ་བགེགས་མ་ལུས་པ༔ མཚན་འཛིན་རྟོག་པའི་འཁོར་བར་འཁྱམས༔ བདག་མེད་ལྟ་བའི་ཐུགས་རྗེས་བསྒྲལ༔ ཟབ་གསང་སྒྲོལ་བའི་དམ་ཚིག་འདིས༔ དཀྱིལ་འཁོར་ལྷ་ཚོགས་མཉེས་གྱུར་ཅིག༔ མ་ཏྲཾ་རུ་ཏྲ་པྲ་བན་ཙཀྲ་པྲ་བེ་ཤ་ཡ་ཕཊ་ཁཱ་ཧི༔ དྲུག་པ་བསྟོད་ཅིང་བཤགས་པ་ནི༔ ཧཱུྃ་ཧཱུྃ༔ ཆོས་སྐུ་སྤྲོས་མེད་མཁའ་དབྱིངས་ལས༔ གཟུགས་སྐུ་རྡོ་རྗེ་གཏུམ་པོར་ཤར༔ བདུད་བཞི་འཇོམས་མཛད་ཁྲོ་བོའི་རྒྱལ༔ གསང་བའི་བདག་པོར་ཕྱག་འཚལ་བསྟོད༔ སྐུ་མདོག་མཐིང་ནག་ཁྲོ་ཞིང་གཏུམ༔ ཞལ་གདངས་མཆེ་གཙིགས་རྔམས་ཤིང་བརྗིད༔ དུག་སྦྲུལ་རིགས་ལྔས་སྐུ་ལ་བརྒྱན༔ ཉོན་མོངས་མ་སྤངས་རང་སར་གྲོལ༔ ཕྱག་གཡས་རྩེ་ལྔ་མཁའ་ལ་ཕྱར༔ སྡེ་བརྒྱད་བྲན་དུ་བཀོལ་ལ་བསྟོད༔ གཡོན་པས་དུག་སྦྲུལ་ཞལ་དུ་གསོལ༔ ཀླུ་གདོན་མ་ལུས་ཟས་སུ་ཟ༔ གཟའ་བརྒྱད་ཀླུ་བརྒྱད་གདན་དུ་བཏིང་༔ ཚོགས་བརྒྱད་མ་སྤངས་གནས་སུ་དག༔ ཞབས་གཉིས་གྱད་ཀྱི་སྟབས་སུ་བགྲད༔ སྣང་སྲིད་ཟིལ་གྱིས་གནོན་ལ་བསྟོད༔ དབུ་སྐྲ་དམར་སེར་མཁའ་ལ་གཟེངས༔ ཐོད་སྐམ་རིགས་ལྔའི་ཅོད་པཎ་རྩེར༔ རིགས་བདག་མི་བསྐྱོད་རྡོ་རྗེ་བཞུགས༔ སྙན་ཆ་སྦྲུལ་གྱི་མདུད་པས་སྤྲས༔ དར་སྔོན་སྟོད་གཡོག་གླང་ལྤགས་གསོལ༔ སྐུ་སྨད་སྟག་ཤམ་དཀྲིས་ལ་བསྟོད༔ དམར་ནག་མེ་ཡི་ཀློང་ན་བཞུགས༔ ཧཱུྃ་ཕཊ་ང་རོས་ས་གསུམ་གཡོ༔ སྙིང་རྗེ་ཁྲོས་པས་ཞེ་སྡང་གི༔ སྡང་མིག་ལོག་འདྲེན་སྤ་བཀོང་ཞིང་༔ བསྐལ་བཟང་སངས་རྒྱས་ཐམས་ཅད་ཀྱི༔ ནུས་སྟོབས་གཅིག་བསྡུས་ཁྱེད་ལ་བསྟོད༔ ཧཱུྃ་ཧཱུྃ༔ གཏུམ་པོ་ཉིད་ཀྱི་ཡེ་ཤེས་བཞིའི༔ རྩལ་ལས་ཤར་བས་གདོན་བཞི་འདུལ༔ བཛྲ་རཏྣ་པདྨ་ལས༔ ཞི་རྒྱས་དབང་དྲག་ཆོ་འཕྲུལ་འགྱེད༔ སྐུ་བཞི་ཡེ་ཤེས་མངོན་གྱུར་པའི༔ རིགས་བཞིའི་དཔའ་བོར་ཕྱག་འཚལ་བསྟོད༔ ཁྱུང་གི་བསྐྱེད་པ་དང་འབྲེལ་ན༔ ཧཱུྃ་ཧཱུྃ༔ གཏི་མུག་འཇོམས་མཛད་ཧེ་རུ་ཀ༔ བྷུདྡྷ་ཁྱུང་ཆེན་རྒྱལ་རིགས་འདུལ༔ རྒྱལ་ཀུན་སྐུ་ཡི་བྱིན་རླབས་རྫོགས༔ བདུད་འདུལ་མཁའ་ལྡིང་རྒྱལ་པོར་བསྟོད༔ འདོད་ཆགས་འཇོམས་མཛད་ཧེ་རུ་ཀ༔ པདྨ་ཁྱུང་ཆེན་བྲམ་ཟེ་འདུལ༔ རྒྱལ་ཀུན་གསུང་གི་བྱིན་རླབས་རྫོགས༔ བདུད་འདུལ་མཁའ་ལྡིང་རྒྱལ་པོར་བསྟོད༔ ཞེ་སྡང་འཇོམས་མཛད་ཧེ་རུ་ཀ༔ རྡོ་རྗེ་ཁྱུང་ཆེན་དམངས་རིགས་འདུལ༔ རྒྱལ་ཀུན་ཐུགས་ཀྱི་བྱིན་རླབས་རྫོགས༔ བདུད་འདུལ་མཁའ་ལྡིང་རྒྱལ་པོར་བསྟོད༔ ང་རྒྱལ་འཇོམས་མཛད་ཧེ་རུ་ཀ༔ རཏྣ་ཁྱུང་ཆེན་རྗེ་རིགས་འདུལ༔ རྒྱལ་ཀུན་ཡོན་ཏན་བྱིན་རླབས་རྫོགས༔ བདུད་འདུལ་མཁའ་ལྡིང་རྒྱལ་པོར་བསྟོད༔ ཕྲག་དོག་འཇོམས་མཛད་ཧེ་རུ་ཀ༔ ལས་ཀྱི་ཁྱུང་ཆེན་གདོལ་རིགས་འདུལ༔ རྒྱལ་ཀུན་ཕྲིན་ལས་བྱིན་རླབས་རྫོགས༔ བདུད་འདུལ་མཁའ་ལྡིང་རྒྱལ་པོར་བསྟོད༔ ཧཱུྃ་ཧཱུྃ༔ སྟེང་གདོན་འདུལ་མཛད་ཁྲོ་བོའི་རྒྱལ༔ ཧཱུྃ་ཀར་ཡབ་ཡུམ་སྤྲུལ་བར་བཅས༔ མ་ལུས་འཁོར་དང་བཅས་ལ་བསྟོད༔ ལྷ་གདོན་ཟིལ་གནོན་དངོས་གྲུབ་སྩོལ༔ དྲི་ཟ་འདུལ་མཛད་ཁྲོ་བོའི་རྒྱལ༔ རྣམ་རྒྱལ་ཡབ་ཡུམ་སྤྲུལ་པར་བཅས༔ མ་ལུས་འཁོར་དང་བཅས་ལ་བསྟོད༔ འབྱུང་པོ་འདུལ་བའི་ཕྲིན་ལས་མཛོད༔ གཤིན་རྗེ་འདུལ་མཛད་ཁྲོ་བོའི་རྒྱལ༔ ཡ་མནྟ་ཀ་སྤྲུལ་པར་བཅས༔ མ་ལུས་འཁོར་དང་བཅས་ལ་བསྟོད༔ གཤིན་རྗེའི་གདོན་འདུལ་ཕྲིན་ལས་མཛོད༔ ཀླུ་གདོན་འདུལ་མཛད་ཁྲོ་བོའི་རྒྱལ༔ རྟ་མཆོག་ཡབ་ཡུམ་སྤྲུལ་བར་བཅས༔ མ་ལུས་འཁོར་དང་བཅས་ལ་བསྟོད༔ ཀླུ་གདོན་འདུལ་བའི་ཕྲིན་ལས་མཛོད༔ གནོད་སྦྱིན་འདུལ་མཛད་ཁྲོ་བོའི་རྒྱལ༔ བདུད་རྩི་ཡབ་ཡུམ་སྤྲུལ་པར་བཅས༔ མ་ལུས་འཁོར་དང་བཅས་ལ་བསྟོད༔ གནོད་སྦྱིན་འདུལ་བའི་ཕྲིན་ལས་མཛོད༔ མེ་ལྷ་འདུལ་མཛད་ཁྲོ་བོའི་རྒྱལ༔ དབྱུག་སྔོན་ཡབ་ཡུམ་སྤྲུལ་འཁོར་བཅས༔ མ་ལུས་འཁོར་དང་བཅས་ལ་བསྟོད༔ སྲེག་བྱེད་གདོན་འདུལ་ཕྲིན་ལས་མཛོད༔ སྲིན་པོ་འདུལ་མཛད་ཁྲོ་བོའི་རྒྱལ༔ མི་གཡོ་ཡབ་ཡུམ་སྤྲུལ་འཁོར་བཅས༔ མ་ལུས་འཁོར་དང་བཅས་ལ་བསྟོད༔ མི་ཟན་གདོན་འདུལ་ཕྲིན་ལས་མཛོད༔ རླུང་ལྷ་འདུལ་མཛད་ཁྲོ་བོའི་རྒྱལ༔ གཞན་གྱིས་མི་ཐུབ་སྤྲུལ་ཡུམ་བཅས༔ མ་ལུས་འཁོར་དང་བཅས་ལ་བསྟོད༔ གཡོ་བྱེད་གདོན་འདུལ་ཕྲིན་ལས་མཛོད༔ དབང་ལྡན་འདུལ་མཛད་ཁྲོ་བོའི་རྒྱལ༔ གསུམ་རྒྱལ་ཡབ་ཡུམ་འཁོར་དང་བཅས༔ མ་ལུས་འཁོར་དང་བཅས་ལ་བསྟོད༔ དབང་ལྡན་གདོན་འདུལ་ཕྲིན་ལས་མཛོད༔ ས་བདག་འདུལ་མཛད་ཁྲོ་བོའི་རྒྱལ༔ སྟོབས་ཆེན་ཡབ་ཡུམ་སྤྲུལ་པར་བཅས༔ མ་ལུས་འཁོར་དང་བཅས་ལ་བསྟོད༔ འོག་གདོན་གཞོམ་པའི་ཕྲིན་ལས་མཛོད༔ བསྡུས་ན་ཚིག་འདིས་བསྟོད་ཀྱང་རུང་༔ ཧཱུྃ་ཧཱུྃ༔ གདོན་བཅུ་འདུལ་མཛད་ཁྲོ་བོའི་རྒྱལ༔ མི་དགེ་བཅུ་སྤངས་ཕར་ཕྱིན་རྫོགས༔ ཤེས་རབ་ཡུམ་འཁྲིལ་ཕྲ་ཐབས་འགྱེད༔ འཁོར་དང་བཅས་ལ་གུས་པས་བསྟོད༔ སྒོ་སྲུང་བཞི་དང་སྤྲུལ་པའི་འཁོར༔ བྱིན་རླབས་ཆར་འབེབས་དངོས་གྲུབ་སྩོལ༔ རྩ་གསུམ་སྲུང་མ་དཀར་ཕྱོགས་སྐྱོང་༔ ཡོངས་རྫོགས་ལྷ་ལ་ཕྱག་འཚལ་བསྟོད༔ གཏད་དཀྲུག་སྐབས་བསྟོད་བསྐུལ་ནི༔ ཧཱུྃ༔ དད་པ་དང་ནི་དམ་ཚིག་གིས༔ ཚུར་གཤེགས་ཚུར་བྱོན་རྡོ་རྗེ་འཆང༔ ཤར་གྱི་ཕྱོགས་ནས་ཆོས་སྐྱོང་ནི༔ ཁྲོ་བོ་ཆེན་པོ་རྣམ་པར་རྒྱལ༔ སྐུ་མདོག་དཀར་པོ་འགྱིང་བག་ཅན༔ ཕྱག་ན་རང་རྟགས་རྡོ་རྗེ་བསོར༔ ཁྱེད་ལ་ཕྲིན་ལས་བཅོལ་བ་ནི༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་རྫོགས་ཕྱིར་དུ༔ གདོན་རྣམས་མ་ལུས་བསལ་བ་དང༔ བྱད་རྣམས་མ་ལུས་དགྲོལ་བ་དང༔ དུག་རྣམས་མ་ལུས་དབྱུང་བ་དང༔ ནད་རྣམས་མ་ལུས་ཕན་བྱེད་ཅིང༔ སྒྲུབ་པའི་འབྲས་བུ་མཆིས་པར་མཛོད༔ ཧཱུྃ༔ ལྷོ་ཡི་ཕྱོགས་ནས་ཆོས་སྐྱོང་ནི༔ ཁྲོ་བོ་ཆེན་པོ་གཤིན་རྗེ་གཤེད༔ སྐུ་མདོག་སེར་པོ་བཞད་ཚུལ་ཅན༔ ཕྱག་གཡས་རང་རྟགས་རིན་ཆེན་བསྣམས༔ ཁྱེད་ལ་ཕྲིན་ལས་བཅོལ་བ་ནི༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་རྫོགས་ཕྱིར་དུ༔ གདོན་རྣམས་མ་ལུས་བསལ་བ་དང༔ བྱད་རྣམས་མ་ལུས་དགྲོལ་བ་དང༔ དུག་རྣམས་མ་ལུས་དབྱུང་བ་དང༔ ནད་རྣམས་མ་ལུས་ཕན་བྱེད་ཅིང༔ སྒྲུབ་པའི་འབྲས་བུ་མཆིས་པར་མཛོད༔ ཧཱུྃ༔ ནུབ་ཀྱི་ཕྱོགས་ནས་ཆོས་སྐྱོང་ནི༔ ཁྲོ་བོ་ཆེན་པོ་རྟ་མཆོག་དཔལ༔ སྐུ་མདོག་དམར་ལ་འོད་ཟེར་འཕྲོ༔ ཕྱག་ན་རང་རྟགས་པདྨ་བསྣམས༔ ཁྱེད་ལ་ཕྲིན་ལས་བཅོལ་བ་ནི༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་རྫོགས་ཕྱིར་དུ༔ གདོན་རྣམས་མ་ལུས་བསལ་བ་དང༔ བྱད་རྣམས་མ་ལུས་དགྲོལ་བ་དང༔ དུག་རྣམས་མ་ལུས་དབྱུང་བ་དང༔ ནད་རྣམས་མ་ལུས་ཕན་བྱེད་ཅིང༔ སྒྲུབ་པའི་འབྲས་བུ་མཆིས་པར་མཛོད༔ ཧཱུྃ༔ བྱང་གི་ཕྱོགས་ནས་ཆོས་སྐྱོང་ནི༔ ཁྲོ་བོ་ཆེན་པོ་བདུད་རྩི་འཁྱིལ༔ སྐུ་མདོག་སྔོན་པོ་གཏུམ་ལ་རྔམ༔ ཕྱག་ན་རང་རྟགས་རྒྱ་གྲམ་བསྣམས༔ ཁྱེད་ལ་ཕྲིན་ལས་བཅོལ་བ་ནི༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་རྫོགས་ཕྱིར་དུ༔ གདོན་རྣམས་མ་ལུས་བསལ་བ་དང༔ བྱད་རྣམས་མ་ལུས་དགྲོལ་བ་དང༔ དུག་རྣམས་མ་ལུས་དབྱུང་བ་དང༔ ནད་རྣམས་མ་ལུས་ཕན་བྱེད་ཅིང༔ སྒྲུབ་པའི་འབྲས་བུ་མཆིས་པར་མཛོད༔ ཧཱུྃ༔ སྟེང་འོག་ཕྱོགས་མཚམས་ཆོས་སྐྱོང་དྲུག༔ དབྱུག་སྔོན་འདོད་རྒྱལ་མི་གཡོ་མགོན༔ རྣམ་རྒྱལ་ཧཱུྃ་ཀར་སྟོབས་པོ་ཆེ༔ རང་རང་སྐུ་མདོག་ཕྱག་མཚན་བསྣམས༔ རྣལ་འབྱོར་ཕྲིན་ལས་བཅོལ་བ་ནི༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་རྫོགས་ཕྱིར་དུ༔ གདོན་རྣམས་མ་ལུས་བསལ་བ་དང༔ བྱད་རྣམས་མ་ལུས་དགྲོལ་བ་དང༔ དུག་རྣམས་མ་ལུས་དབྱུང་བ་དང༔ ནད་རྣམས་མ་ལུས་ཕན་བྱེད་ཅིང༔ བསྒྲུབ་པའི་འབྲས་བུ་མཆིས་པར་མཛོད༔ ཡིག་བརྒྱ་བརྗོད༔ བདུན་པ་འཛབ་ཀྱི་དམིགས་པ་ནི༔ ཧཱུྃ་ཧཱུྃ༔ བདག་ཉིད་གཏུམ་པོའི་ཐུགས་ཀ་རུ༔ གནམ་ལྕགས་རྩེ་ལྔའི་ལྟེ་བ་ནི༔ སྦུབས་སྟོང་རབ་ཏུ་ཡངས་པའི་ནང་༔ འཇའ་ཚོན་འོད་དུ་འཁྲིགས་པའི་ཀློང་༔ རྩ་གསུམ་ཀུན་འདུས་པདྨ་འབྱུང་༔ པད་ཟླ་ཉི་མའི་གདན་དབུས་སུ༔ རྡོ་རྗེ་འཆང་གི་རྣམ་པར་བཞུགས༔ ཡེ་ཤེས་སེམས་དཔའ་སྐུ་མདོག་མཐིང་༔ ཐབས་ཤེས་རྡོ་རྗེ་དྲིལ་བུ་བསྣོལ༔ ཀུན་ཏུ་བཟང་མོ་ཡུམ་དང་འཁྲིལ༔ ལོངས་སྐུའི་རྒྱན་རྫོགས་ཐུགས་ཀ་རུ༔ པད་ཉིར་མཐིང་ནག་ཡི་གེ་ཧཱུྃ༔ བཀྲག་མདངས་འོད་དུ་ལམ་མེར་འབར༔ སྔགས་ཕྲེང་བཻ་ཌཱུར་ཞུན་མའི་མདངས༔ བཀླགས་ཕྱོགས་འཁོར་ལ་དམིགས་པ་གཏད༔ ཡེངས་མེད་གསང་སྔགས་རྒྱལ་པོ་བཟླ༔ ཏིང་འཛིན་མེ་ལ་བཟླས་པ་རླུང་༔ དེ་ཕྱིར་རབ་ཏུ་བསྒྲིམ་ལྷོད་འཚམས༔ རྣལ་འབྱོར་ལྡན་པས་རྒྱུད་བཞིན་བྱ༔ ཨོཾ་བཛྲ་པཱ་ཎི་ཙནྟྲ་མ་ཧཱ་རོ་ཥ་ཎ་ཧཱུྃ་ཧཱུྃ་ཕཊ༔ སྔགས་འབྲུ་བཅོ་ལྔ་འབྲུ་འབུམ་བཟླ༔ དེ་ནི་བསྙེན་པའི་དམིགས་པའོ༔ སྒྲུབ་པ་ལྷ་དང་རང་ཉིད་ནི༔ དབྱེར་མེད་ཆུ་ལ་ཆུ་བཞིན་དུ༔ ཉེ་བར་བསྙེན་ཕྱིར་དམིགས་གནད་ནི༔ རང་ཉིད་གཏུམ་པོའི་ཐུགས་ཀའི་ཡེ་ཤེས་སེམས༔ མ་ཧཱ་གུ་རུ་རྡོ་རྗེ་འཆང་ཆེན་ཉིད༔ དགྱེས་པའི་སྐུ་དང་ཐུགས་ཀའི་སྔགས་ཕྲེང་ལས༔ འོད་ཟེར་ཡར་འཕྲོས་རྒྱལ་བ་སྲས་དང་བཅས༔ མཆོད་ཅིང་བསྟོད་ནས་ཀུན་གྱི་བྱིན་རླབས་ནི༔ འབྲུ་གསུམ་ཁ་དོག་གསུམ་ལྡན་ཆར་ལྟར་བབས༔ ཁྱད་པར་གནས་མཆོག་ལྕང་ལོ་ཅན་གྱི་ཞིང་༔ དཀྱིལ་འཁོར་གཙོ་བོ་གསང་བའི་བདག་པོ་ཡི༔ མཐུ་སྟོབས་ནུས་པ་སྐུ་དང་སྔགས་ཕྱག་མཚན༔ ཆར་བཞིན་བབས་ནས་རང་ལ་ཐིམ་པ་ཡིས༔ ལྷ་ཉིད་རང་ལ་རང་ཉིད་ལྷ་ཡི་སྐུ༔ ཕྱི་ནང་བརྟན་གཡོ་ལྷ་སྔགས་ཏིང་འཛིན་ངང་༔ གསང་སྔགས་རྒྱལ་པོ་འདི་ཉིད་ཤུབ་བུར་བཟླ༔ ཨོཾ་ཨཱཿཧཱུྃ་བཛྲ་པཱ་ཎི་མ་ཧཱ་གུ་རུ་པདྨ་ཐོད་ཕྲེང་རྩལ་གུ་རུ་དྷེ་ཝ་ཌཱཀྐཱི་ནི་སརྦ་སིདྡྷི་ཕ་ལ་ཧཱུྃ༔ ཁྱུང་དང་འབྲེལ་ན་ག་རུ་ཊ་ཡང་གདགས༔ ས་མ་ཡཱ༔ ལས་སྦྱོར་དྲག་པོའི་དམིགས་པ་ནི༔ རང་ཉིད་ལྷ་ཡི་སྐུ་སྔགས་འཁོར༔ ཡེ་ཤེས་མེ་ཡི་ཚྭ་ཚྭ་འཕྲོས༔ སྡེ་བརྒྱད་ལོག་འདྲེན་བྱད་ཕུར་དཔུང་༔ རྩྭ་སྦུར་མེ་ལ་བསྲེགས་པ་བཞིན༔ ལུས་གདོན་གློ་བུར་གདོན་དང་བཅས༔ མིང་མེད་རྡུལ་དུ་བརླགས་ནས་ཀྱང་༔ ཆོས་ཉིད་སྟོང་པའི་ངང་མདངས་སུ༔ རང་བབས་ཆེན་པོའི་གནས་ལུགས་བསྐྱངས༔ རྩ་སྔགས་ཤམ་བུར་སྤྱི་འདུལ་སྔགས༔ ཨོཾ་བཛྲ་ཙཎྜ་སརྦ་དུཥྚཾ་ད་ཀ་ཧ་ན་ད་ཧ་པ་ཙ་ཧཱུྃ་ཕཊ༔ འབུམ་ཕྲག་བཟླ་ཞིང་ཁྲོ་བཅུའི་སྔགས༔ ཁྲི་ཕྲག་རེ་རེ་ཁྱུང་སྒྲུབ་དང་༔ འབྲེལ་ཚེ་རིགས་ལྔར་ལྔ་སྟོང་བཟླ༔ སྒོ་སྲུང་ཛཿཧཱུྃ་བཾ་ཧོ་སྟོང་༔ དེ་ཚེ་དངོས་ཉམས་རྨི་ལམ་དུ༔ གསང་བདག་སྐུ་དང་ཕྱག་མཚན་མཐོང་༔ གསུང་ཐོས་ཏིང་འཛིན་ཉམས་རྟོགས་འབར༔ གོ་གྱོན་མཚོན་ཐོགས་ཆུ་ཆེན་བརྒལ༔ རང་ཉིད་མི་མིན་ཀུན་གྱིས་བཀུར༔ ཉི་ཟླ་ཤར་དང་སྒྲུབ་རྫས་ལ༔ བག་རྡུལ་མི་འབྱུང་རྨི་ལམ་ལྟས༔ དགེ་བའི་ཕྱོགས་སུ་འགྱུར་བའི་ཚེ༔ མཚན་མའི་རྟགས་མཚན་བྱུང་བ་ཡིན༔ དེ་ཚེ་མཆོད་བསྟོད་སྔོན་འགྲོ་བས༔ དངོས་གྲུབ་ལེན་པའི་ཚིག་འདི་བརྗོད༔ ཧཱུྃ༔ གསང་བདག་དཔའ་བོ་རྡོ་རྗེ་འཛིན༔ སྔོན་ནས་ལས་ཀྱིས་འབྲེལ་བའི་ལྷ༔ ཐུགས་རྗེ་ཆེན་པོས་དགོངས་སུ་གསོལ༔ དང་པོ་བསྙེན་ནས་བར་དུ་བསྒྲུབས༔ ད་ལྟ་རྟགས་མཚན་དངོས་སུ་བྱུང་༔ དངོས་གྲུབ་སྩོལ་བའི་དུས་ལ་བབས༔ འགྱུར་མེད་སྐུ་ཡི་དཀྱིལ་འཁོར་ནས༔ སྲ་བརྟན་རྡོ་རྗེ་ཆོས་བདུན་ལྡན༔ བར་ཆད་བགེགས་ཀྱིས་མི་ཚུགས་པའི༔ ལུས་ལ་སྐུ་ཡི་དངོས་གྲུབ་སྩོལ༔ འགགས་མེད་གསུང་གི་དཀྱིལ་འཁོར་ནས༔ མི་ཤིགས་ནཱ་དའི་སྒྲ་དབྱངས་ཀྱིས༔ བར་ཆད་བདུད་རིགས་སྤ་བཀོང་བའི༔ ངག་ལ་གསུང་གི་དངོས་གྲུབ་སྩོལ༔ འཁྲུལ་མེད་ཐུགས་ཀྱི་དཀྱིལ་འཁོར་ནས༔ རང་སྣང་དབང་དུ་འདུ་བ་དང་༔ བར་ཆད་ལོག་འདྲེན་ཟིལ་གྱིས་གནོན༔ ཡིད་ལ་ཐུགས་ཀྱི་དངོས་གྲུབ་སྩོལ༔ རྩ་སྔགས་ཤམ་བུར་སྔགས་འདི་གདགས༔ ཀཱ་ཡ་ཝཀྐ་ཙིཏྟ་སརྦ་སིདྡྷི་ཕ་ལ་ཧཱུྃ༔ སྒྲུབ་རྫས་གནས་གསུམ་གཏུགས་ཤིང་མྱང༔ རིག་འཛིན་དམིགས་པས་དབང་བཞི་བླངས༔ དེ་ལྟར་གཏུམ་པོའི་ཐུགས་སྒྲུབ་འདི༔ ཐེ་ཚོམ་མེད་པའི་སྐལ་ལྡན་གྱིས༔ ལུང་བཞིན་བརྩོན་པས་ཉམས་བླངས་ན༔ བར་ཆད་བདུད་ལས་རྣམ་རྒྱལ་ནས༔ དུས་མིན་འཆི་བའི་གེགས་ལས་ཐར༔ གཟའ་ཀླུ་སྡེ་བརྒྱད་གང་གིས་ཀྱང་༔ བསྐལ་པའི་མེ་ཕུང་ཆེན་པོར་མཐོང་༔ དཔག་ཚད་རྒྱང་གྲགས་ཕྱོགས་མི་ཉེ༔ དུས་བབས་ཚེ་འཕོས་ལྕང་ལོ་ཅན༔ གསང་བདག་དཔའ་བོའི་ཞལ་མཐོང་ནས༔ རྣལ་འབྱོར་བློ་ཡི་རིམ་པ་བཞིན༔ ས་བཅུའི་ཡོན་ཏན་མཐར་ཕྱིན་འགྱུར༔ ས་མ་ཡཱ༔ རྒྱ་རྒྱ་རྒྱ༔ ཡེ་ཤེས་ཁྱུང་གི་གབ་ཐིག་རྒྱ་སྤྲུལ་གསུང་།དག་སྣང་མཚོ་རྒྱལ་དགོངས་མཛོད་ལས༔ ཡེ་ཤེས་ཁྱུང་གི་གབ་ཐིག་ནི༔ བདག་ཉིད་གཞུང་ལྟར་གཏུམ་པོར་བསྐྱེད༔ ༼ཁ༽ཧཱུྃ་ཧཱུྃ༔ སྤྱི་བོར་ཟླ་སྟེང་ཨོཾ་དཀར་ལས༔ བྷུདྡྷ་རིགས་ཀྱི་བྱ་ཁྱུང་དཀར༔ ཕྱག་གཡས་འཁོར་ལོ་རྩིབས་བརྒྱད་བསྐོར༔ གཡོན་པས་རྒྱལ་རིགས་སྦྲུལ་དཀར་གསོལ༔ སྤུ་གྲིའི་སྒྲོ་གཤོག་མེ་སྟག་འཕྲོ༔ ལྕགས་རྭ་གསེར་མིག་མཆུ་སྡེར་ནི༔ ཤིན་ཏུ་རྣོ་ཞིང་དྲག་ཏུ་བགྲད༔ མགྲིན་པར་པདྨའི་ལྟེ་བར་ཨཱ༔ འོད་འཕྲོས་པདྨ་རིགས་ཀྱི་ཁྱུང་༔ དམར་པོ་ཕྱག་གཡས་པདྨ་བསྣམས༔ གཡོན་པས་བྲམ་ཟེ་སྦྲུལ་དམར་གསོལ༔ སྤུ་གྲིའི་སྒྲོ་གཤོག་མེ་སྟག་འཕྲོ༔ ལྕགས་རྭ་གསེར་མིག་མཆུ་སྡེར་ནི༔ ཤིན་ཏུ་རྣོ་ཞིང་དྲག་ཏུ་བགྲད༔ ཐུགས་ཀར་རྡོ་རྗེའི་ལྟེ་བར་ཧཱུྃ༔ འོད་ཞུ་རྡོ་རྗེ་རིགས་ཀྱི་ཁྱུང་༔ མཐིང་ནག་ཕྱག་གཡས་རྩེ་ལྔ་ཕྱར༔ གཡོན་པས་དམངས་རིགས་སྦྲུལ་སྔོན་གསོལ༔ སྤུ་གྲིའི་སྒྲོ་གཤོག་མེ་སྟག་འཕྲོ༔ ལྕགས་རྭ་གསེར་མིག་མཆུ་སྡེར་ནི༔ ཤིན་ཏུ་རྣོ་ཞིང་དྲག་ཏུ་བགྲད༔ ལྟེ་བར་རིན་ཆེན་ལྟེ་བར་སྭཱ༔ ཡོངས་གྱུར་རིན་ཆེན་རིགས་ཀྱི་ཁྱུང་༔ སེར་པོ་ཕྱག་གཡས་ནོར་བུ་བསྣམས༔ གཡོན་པས་རྗེ་རིགས་སྦྲུལ་སེར་གསོལ༔ སྤུ་གྲིའི་སྒྲོ་གཤོག་མེ་སྟག་འཕྲོ༔ ལྕགས་རྭ་གསེར་མིག་མཆུ་སྡེར་ནི༔ ཤིན་ཏུ་རྣོ་ཞིང་དྲག་ཏུ་བགྲད༔ གསང་བར་རྒྱ་གྲམ་ལྟེ་བར་ཧཱ༔ འོད་ཞུ་ཀརྨ་རིགས་ཀྱི་ཁྱུང་༔ ལྗང་ཁུ་རལ་གྲི་མེ་འབར་གདངས༔ གཡོན་པས་གདོལ་རིགས་སྦྲུལ་ནག་གསོལ༔ སྤུ་གྲིའི་སྒྲོ་གཤོག་མེ་སྟག་འཕྲོ༔ ལྕགས་རྭ་གསེར་མིག་མཆུ་སྡེར་ནི༔ ཤིན་ཏུ་རྣོ་ཞིང་དྲག་ཏུ་བགྲད༔ ཕྱི་རོལ་ལས་མཁན་ཁྲོ་བཅུ་སོགས༔ གཞུང་ལྟར་བསྐྱེད་པ་མན་ངག་གོ༔ ཤིན་ཏུ་བསྡུས་པར་དགའ་བ་ལ༔ གཙོ་བོ་གཅིག་པུའི་མངོན་རྟོགས་བསྒོམ༔ གཞལ་ཡས་ཟླ་གམ་སྒོ་གཅིག་པ༔ རྣལ་འབྱོར་རིག་པས་འཕྲུལ་བར་བྱ༔ འདི་ནི་ཀླུ་འདུལ་ཟབ་གནད་ཡིན༔ སྔགས་ཀྱི་གབ་ཐིག་གཙོ་སྔགས་ཤམ༔ ག་རུ་ཊ་ཙ་ལེ་ཙ་ལེ་ཧཱུྃ༔ ཡང་ན་ཁྱུང་ཆེན་རིགས་ལྔའི་སྔགས༔ གཞན་ལས་བྱུང་བཞིན་བཟླ་བར་བྱ༔ དམིགས་པའི་གབ་ཐིག་ཁྱུང་ལྔ་ལ༔ འོད་ཟེར་མེ་དང་དུད་སྤྲིན་འཁྲིགས༔ སྡེ་བརྒྱད་སྤྱི་དང་ཁྱད་པར་དུ༔ གང་གནོད་ཀླུ་འམ་ལུས་གདོན་རྣམས༔ རྩྭ་སྦུར་མེ་དང་འཕྲད་པ་བཞིན༔ རྣམ་སྨིན་ལུས་རྟེན་བུན་བུན་བསྲེགས༔ མཐར་ནི་སྙིང་རྗེ་ཐུན་གཅིག་བསྒོམ༔ མི་དམིགས་ལྟ་བའི་དཔའ་གདེངས་བསྐྱེད༔ འདི་ནི་ཤིན་ཏུ་ཟབ་པའི་ཕྱིར༔ བརྡ་རིས་སྙིང་མཛོད་སྒྲོམ་དུ་སྦོས༔ དུས་བབས་ལས་ལྡན་ལག་ཏུ་སྤྲོད༔ བཀའ་སྲུང་གཟའ་བདུད་ཆེན་པོ་ཡིས༔ རྟག་ཏུ་སྲུངས་ཤིག་ས་མ་ཡཱ༔ གུ་ཧྱ༔ བརྡ་ཐིམ༔ བདག་འདྲ་མཚོ་སྐྱེས་རྡོ་རྗེའི་བྱིན་རླབས་སྙིང་གི་བུམ་པར་བསྐྱིལ་བའི་སྐལ་ལྡན་ལུང་རིག་གླིང་པས་བྲིས་པ་ཛ་ཡནྟུ༔ ཁྱུང་གི་བཟླས་དམིགས།༄༅། རྩ་བསྙེན་སྒྲུབ་སྔགས་གང་རུང་གི་གཤམ་དུ་སྦྱར་ཆོག་པའི་ཁྱུང་གི་བཟླས་དམིགས་ནི༔ བདག་ཉིད་གསང་བདག་ཏིང་འཛིན་ངང་༔ གནས་ལྔར་བྱ་ཁྱུང་རིགས་ལྔ་ཡི༔ ཐུགས་ཀར་ཉི་སྟེང་རང་མདོག་གི༔ ཁྲོཾ་མཐར་སྔགས་ཕྲེང་གཡོན་དུ་འཁོར༔ ཐུགས་སྲོག་སྐུ་དང་སྒྲོ་གཤོག་ལས༔ འོད་ཟེར་མེ་དང་དུད་སྤྲིན་འཁྲིགས༔ སྡེ་བརྒྱད་སྤྱི་དང་ཁྱད་པར་དུ༔ གང་གནོད་ཀླུ་འམ་ལུས་གདོན་རྣམས༔ རྩྭ་སྦུར་མེ་དང་འཕྲད་པ་བཞིན༔ རྣམ་སྨིན་ལུས་རྟེན་བུན་བུན་བསྲེགས༔ མ་ཡེངས་དམིགས་པའི་འཕྲོ་འདུ་དང་༔ སྟོང་ཉིད་སྙིང་རྗེའི་ངང་ནས་བཟླ༔ རྩ་སྔགས་གཤམ་དུ༔ ཨོཾ་བྷུདྡྷ་བཛྲ་རཏྣ་པདྨ་ཀརྨ་ཁྲོཾ་ག་རུ་ཊཱ་ཙ་ལེ་ཙ་ལེ་ཧཱུྃ་ཕཊ༔ ཅི་འགྲུབ་མཐར་སྤྲོ་ན་ཁྱུང་ལྔའི་རང་སྔགས་འདོན༔ ཞེས་པའང་དགོས་པ་ཆེ་ཕྱིར་ཕན་མིང་པས་བྲིས་པ་དུས་གསུམ་ཀུན་ཏུ་དགེ་བར་གྱུར་ཅིག་གུ༔ མཚམས་ལྷ་བསྐྱེད་ཆོག་སྲིད་གསུམ་ཟིལ་གནོན།བཀའ་འདུས་ཆོས་ཀྱི་རྒྱ་མཚོ་ཡི༔ མཚམས་ལྷ་བསྐྱེད་ཆོག་སྲིད་གསུམ་ཟིལ་གནོན་བཞུགས༔ ཨོཾ་སྭཱ་བྷ་ཝས་སྦྱངས་ལ༔ ཕྱི་ནང་གི་ཆོས་ཐམས་ཅད་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་པདྨ་ཉི་ཟླ་གཟའ་ཀླུ་ཕོ་མོ་བསྣོལ་བའི་སྟེང་དུ་རིག་རྩལ་འགགས་མེད་ཀྱི་ལྷ་མཆོག་རྒྱལ་ཀུན་ཐུགས་ཀྱི་སྲས་པོ་གསང་བདག་ཕྱག་ན་རྡོ་རྗེ་སྐུ་མདོག་མཐིང་ནག་ཞལ་གཅིག་ཕྱག་གཉིས་སྤྱན་གསུམ་མཆེ་བ་བཞི་གཙིགས་པ༔ ཕྱག་གཡས་གསེར་རྡོར་རྩེ་དགུ་ནམ་མཁའ་ལ་ཕྱར་བ༔ ཕྱག་གཡོན་སྡིགས་མཛུབ་རྩེ་ལ་མེ་འབར་ཞིང་དུག་སྦྲུལ་འཛིན་པ༔ སྐུ་སྟོད་ལ་སེང་གླང་གི་ཀོ་བ་སྐུ་སྨད་ལ་སྟག་གཟིག་གི་ཤམ་ཐབས་གསོལ་བ༔ སྐུ་སྐེད་ལ་ཞིང་ཆེན་གཡང་གཞི་ཀླུབས་པ༔ དབུ་ལ་ཐོད་སྐམ་ལྔ་དང་སྦྲུལ་གྱི་ཆུན་པོས་བརྒྱན་པ༔ སྐུ་ལ་དུར་ཁྲོད་ཆས་བརྒྱད་དང་དཔལ་གྱི་ཆས་བཅུ་སྤྲས་པ༔ཞབས་གཉིས་བརྐྱང་བསྐུམ་དྲེགས་པ་ཕོ་མོའི་རོ་བརྫིས་ནས་སྐུ་ལ་སྒྲོལ་བྱེད་ཀྱི་མཚོན་ཆ་སྣ་ཚོགས་དང་མེ་ཡི་ཚྭ་ཚྭ་སྐར་ལྟར་འཁྲུགས་ཅིང་བྱ་ཁྱུང་དང་ལྕགས་སྡིག་རྡུལ་ལྟར་འཚུབས་པ༔ དེ་ལྟ་བུའི་སྲིད་གསུམ་འགྲན་ཟླ་བྲལ་བའི་བདག་ཉིད་ཅན་དུ་གྱུར༔ ཨོཾ་བཛྲ་པཱ་ཎི་ཙནྚ་མ་ཧཱ་རོ་ཥ་ཎ་ཧཱུྃ་ཕཊ༔ ཅེས་གསལ་དག་བརྟན་གསུམ་གྱི་ངང་ནས་བགེགས་ལ་བཅོལ་ལོ༔ བདེན་བརྗོད།༄༅། གནས་འོག་མིན་དག་པ་སྐུ་གསུམ་གྱི་ཞིང་ན། ཆོས་སྐུ་སྣང་བ་མཐའ་ཡས། ལོངས་སྐུ་རྒྱལ་བ་རིགས་ལྔ། སྤྲུལ་སྐུ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། རིག་འཛིན་ཤྲཱི་སིང་ཧ། ཨོ་རྒྱན་པདྨ་འབྱུང་གནས། མཁའ་འགྲོ་ཡེ་ཤེས་མཚོ་རྒྱལ། མཁར་ཆེན་དཔལ་གྱི་དབང་ཕྱུག ཨ་ཙར་ཡེ་ཤེས་དབྱངས་ཉིད། གྲུབ་དབང་བྱང་ཆུབ་རྡོ་རྗེ། འགྲོ་འདུལ་ལུང་རིག་གླིང་པ། གཏེར་ཆེན་བསམ་གཏན་གླིང་པ། བརྒྱུད་འཛིན་ཆོས་ཀྱི་བདག་པོ་ལ་སོགས་པའི་རྒྱ་བོད་རིག་འཛིན་གྲུབ་ཐོབ་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་། ཁྱད་པར་དུ་དུར་ཁྲོད་གསང་ཆེན་རོལ་བའི་དཀྱིལ་འཁོར་ཆེན་པོ་ནས། གསང་བདག་ཕྱག་ན་རྡོ་རྗེ། སྤྲུལ་བའི་བྱ་ཁྱུང་རིགས་ལྔ། རིགས་བདག་མི་བསྐྱོད་རྡོ་རྗེ། བདུད་འདུལ་ཁྲོ་བཅུ་ཡབ་ཡུམ། ཁྲོ་བོ་བཞི། སྒོ་མ་བཞི། གཙང་རིས་དཔལ་མགོན་སྤྲུལ་པ་ཡང་སྤྲུལ་དང་བཅས་པ་རྣམས་ཀྱི་བཀའ་བདེན་པ་དང། ལྷ་ལས་ལྷག་པའི་གསང་སྔགས་བཀའ་ཡི་སྲུང་མ་དྲང་སྲོང་སྨུག་ནག་འོད་འཕྲོ། གདོང་མོ་བཞི། གཟའ་ཆེན་བརྒྱད། རྒྱུ་སྐར་ཉི་ཤུ་རྩ་བརྒྱད། དྲེགས་པ་ལྷ་སྲིན་སྡེ་བརྒྱད། ཡང་སྤྲུལ་གྲངས་ལས་འདས་པ། གཏེར་སྲུང་ཡིད་བཞིན་ནོར་བདག་ལ་སོགས་པའི་བཀའ་གཏེར་གྱི་བསྲུང་མ་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱི་བཀའ་བདེན་པ་དང་། བདེན་པ་ཆེན་པོ་དེ་དག་གི་མཐུ་དང་ནུས་པ་ལ་བརྟེན་ནས་དེང་འདིར་བདག་དང་བསྲུང་བྱ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་འབྱུང་པོའི་ཚོགས་སྤྱི་དང་། བྱེ་བྲག་ཏུ་ཡང་གསང་བའི་དཀྱིལ་འཁོར་གཉན་པོ་ཞལ་ཕྱེས། མཆོག་དང་ཐུན་མོང་གི་དངོས་གྲུབ་སྒྲུབ་པ་ལ་བར་དུ་གཅོད་པར་བྱེད་པའི་བགེགས་ཚོགས་ལོག་པར་འདྲེན་པ་ཐམས་ཅད་འདོད་ཡོན་ལྔ་དང་ལྡན་པའི་གཏོར་མ་འདིས་མགུ་ཞིང་ཚིམ་པར་གྱིས་ལ་འདིར་མ་གནས་པར་གཞན་དུ་དེངས་ཤིག གལ་ཏེ་མི་འགྲོ་འདུག་པའི་ཚེ་ན་བདག་ཉིད་དྲེགས་པ་ཀུན་འདུལ་ཀྱི་སྤྲུལ་པའི་ཁྲོ་ཚོགས་མཚོན་ཆ་མེ་དཔུང་གི་ཚྭ་ཚྭ་ཐོ་རོ་རོ་འཕྲོས་པས་གནོད་བྱེད་ཨ་མུ་ཀའི་ཚོགས་རྣམས་རྡུལ་དུ་བརླག་པར་འགྱུར་ཏ་རེ། ཧཱུྃ་བཞིའི་སྔགས་དང་གུལ་ཡུངས་བདུག་བྲབ་བྱས་ལ་བསྲུང་བའི་འཁོར་ལོ་ལ་འཇུག་གོ། མཚམས་ལྷ་བསྐྱེད་བསྡུས་པ།༄༅། སྭ་བྷ་ཝས་སྦྱངས། རང་ཉིད་སྐད་ཅིག་གིས་གསང་བདག་རྡོ་རྗེ་གཏུམ་པོ་སྐུ་མདོག་མཐིང་ནག་ཞལ་གཅིག་ཕྱག་གཉིས་ཕྱག་གཡས་གནམ་ལྕགས་རྡོ་རྗེ་རྩེ་ལྔ་མཁའ་ལ་ཕྱར་བ། གཡོན་པས་དུག་སྦྲུལ་ཞལ་དུ་གསོལ་བ། ཞབས་གཉིས་དྲག་པོའི་འདོར་སྟབས་སུ་བགྲད་པ་ཁྲོ་བོའི་ཆས་ཐམས་ཅད་ཀྱིས་ཡོངས་སུ་བརྒྱན་པའི་སྐུར་གྱུར། ཨོཾ་བཛྲ་པཱ་ཎི་ཙནྜ་མ་ཧཱ་རོ་ཥ་ཎ་ཧཱུྃ་ཧཱུྃ་ཕཊ༔ ཚོགས་མཆོད་ཡིད་བཞིན་ཆར་འབེབས་རྒྱ་སྤྲུལ་གསུང་།གསང་བདག་ཐུགས་ཀྱི་སྒྲུབ་པ་ལས༔ ཚོགས་མཆོད་ཡིད་བཞིན་ཆར་འབེབས་བཞུགས༔ གསང་བདག་དཔའ་བོའི་སྐུ་ལ་འདུད༔ རྣལ་འབྱོར་ཉམས་ཆགས་བསྐང་བ་དང་༔ བར་ཆད་སེལ་དང་ཚོགས་རྫོགས་ཕྱིར༔ ཚོགས་མཆོད་འདི་བཞིན་འབད་པ་གཅེས༔ ཚོགས་རྫས་ཤ་ཆང་བཤོས་ཁུར་བ༔ ཇ་ཆང་ལ་སོགས་ཅི་འབྱོར་བཤམས༔ ནང་མཆོད་ཆུ་གཙང་བདུད་རྩི་འཁྱིལ༔ སྔགས་ཀྱིས་བསངས་ཤིང་འདི་སྐད་དོ༔ ཧཱུྃ་ཧཱུྃ༔ ཚོགས་ཀྱི་དངོས་འཛིན་བག་ཆགས་མ་ལུས་པ༔ བདག་ཉིད་གསང་བདག་ཐུགས་ལས་འཕྲོས་པ་ཡི༔ རཾ་ཡཾ་ཁཾ་གིས་མ་དག་བསྲེགས་གཏོར་བཀྲུས༔ ཨོཾ་ཨཱཿཧཱུྃ་གིས་སྦྱངས་སྤེལ་བདུད་རྩིར་བསྒྱུར༔ རཾ་ཡཾ་ཁཾ༔གསུམ། ཨོཾ་ཨཱཿཧཱུྃ་གསུམ། ཚོགས་ཞིང་སྤྱན་འདྲེན་ནི༔ ཨེ་མ་ཧོ༔ དག་པ་སྐུ་གསུམ་ཞིང་ཁམས་སོ་སོ་ནས༔ ཆོས་སྐུ་ལོངས་སྐུ་སྤྲུལ་སྐུ་བརྒྱུད་པར་བཅས༔ ཐུགས་རྗེས་དབང་གིས་གནས་འདིར་གཤེགས་སུ་གསོལ༔ ལྕང་ལོ་ཅན་དང་མེ་རི་འབར་བ་ནས༔ གསང་བདག་རྡོ་རྗེ་གཏུམ་པོ་དཀྱིལ་འཁོར་གཙོ༔ སྤྲུལ་པའི་ཁྱུང་ལྔ་ཁྲོ་བཅུ་ཡབ་ཡུམ་དང་༔ ཕྲ་ཐབས་སྤྲུལ་བར་བཅས་པ་ཐམས་ཅད་ཀུན༔ ཚོགས་ཀྱི་མཆོད་པ་འབུལ་ཕྱིར་སྤྱན་འདྲེན་གཤེགས༔ གནས་གསུམ་མཁའ་འགྲོ་བཀའ་གཏེར་སྲུང་མའི་ཚོགས༔ དགྱེས་ཤིང་བརྩེ་བའི་ཐུགས་ཀྱིས་ཉེར་དགོངས་ལ༔ ཚོགས་ཀྱི་མཆོད་པ་བཞེས་ཕྱིར་སྤྱན་འདྲེན་གཤེགས༔ ཚོགས་ཕུད་རིམ་པ་གསུམ་དུ་སྤྲོས་ཏེ༔ ཚོགས་རྫས་མཆོད་པའི་ལྷ་མོས་གནམ་ས་བར་སྣང་གང་བའི་དཀྱིལ་འཁོར་གྱི་ལྷ་ཚོགས་ལ་མཆོད་པ་འབུལ་བར་དམིགས་ཏེ༔ ཧཱུྃ༔ རྩ་གསུམ་ཡོངས་རྫོགས་གསང་བདག་གཏུམ་པོའི་ལྷ༔ མ་ལུས་འཁོར་དང་བཅས་པ་ཐམས་ཅད་ལ༔ འདོད་ཡོན་དྲུག་ལྡན་ཚོགས་ཀྱི་མཆོད་པ་འབུལ༔ བཞེས་ནས་མཆོག་དང་ཐུན་མོང་དངོས་གྲུབ་སྩོལ༔ ག་ན་ཙཀྲ་པུ་ཛ་ཁཱ་ཧི༔ བར་བ་བཤགས་པ་ནི༔ ཧཱུྃ༔ ཕྱག་རྡོར་དཀྱིལ་འཁོར་ལྷ་ཚོགས་སྤྱན་སྔ་རུ༔ བདག་སོགས་གསང་སྔགས་སྒོར་ཞུགས་ཐམས་ཅད་ཀྱིས༔ རྩ་བ་ཡན་ལག་ཉམས་ཆག་ཉེས་ལྟུང་ཀུན༔ མི་འཆབ་མི་སྦེད་ཚོགས་ཀྱི་མཆོད་པས་བཤགས༔ དག་ཚངས་མཆོག་གི་དངོས་གྲུབ་དམ་པ་སྩོལ༔ ཡི་གེ་བརྒྱ་པས་ནོངས་བཤགས་སྡོམ་སེམས་བྱ༔ གཞན་ཡང་སྐབས་འདིར་བསྐང་བཤགས་ཅི་རིགས་འབུལ༔ ཐ་མ་འགུག་བསྟིམས་ཚོགས་རྫས་དགྲ་བགེགས་དམིགས༔ ཕུར་བུ་གདེངས་ཤིང་ཚིག་འདིས་བསྒྲལ་བར་བྱ༔ ཧཱུྃ་ཧཱུྃ༔ དུས་གསུམ་སངས་རྒྱས་སྟོང་རྩའི་སྐུ་བསྲུང་བ༔ བདག་ཉིད་གསང་བདག་གཏུམ་པོ་ཁྲོས་པའི་རྩལ༔ སྤྲུལ་པའི་སྲས་མཆོག་བཛྲ་ཀཱི་ལ་ཡས༔ དགྲ་བགེགས་དུག་ལྔའི་ཕུང་པོ་རྡུལ་དུ་རློག༔ རྣམ་ཤེས་རིག་པ་ཆོས་ཀྱི་དབྱིངས་སུ་སྤར༔ ཨོཾ་བཛྲ་ཀཱི་ལི་ཀི་ལ་ཡ་བཛྲ་པཱ་ཎི་སརྦ་ཤ་ཏྲུཾ་དགྲ་བགེགས་འབྱུང་པོ་ཐམས་ཅད་མཱ་ར་ཡ་ཧཱུྃ་ཕཊ༔ གཏུབ་ཅིང་བདུད་རྩིར་དམིགས་ཏེ་གཏོར་མ་ལྷར་གསལ་བའི༔ དབང་པོ་དྲུག་ལ་ཟག་མེད་བདེ་བསྐྱེད་དམིགས༔ ཧཱུྃ་ཧཱུྃ༔ དགྲ་བགེགས་བསྒྲལ་བའི་ཕུང་པོ་ཚོགས་ཀྱི་རྫས༔ དུག་གསུམ་ཤ་ཁྲག་རུས་པ་མ་ལུས་ཀུན༔ སྐུ་གསུམ་བདག་ཉིད་ལྷ་ཚོགས་ཞལ་དུ་བསྟབས༔ དུག་གསུམ་དབྱིངས་གྲོལ་བདེ་ཆེན་མཆོག་ཐོབ་ཤོག༔ རུ་ཏྲ་ཧ་ལ་པཉྩ་མ་ཧཱ་མཾ་ས་ཙིཏྟ་རཀྟ་ཀེཾ་ནི་རི་ཏི་ཁཱ་ཧི༔ དམིགས་མེད་བསྒྲལ་མཐའ་སྐྱེ་འགག་བྲལ་བར་བཞག༔ སློབ་བུས་ཚོགས་རྫས་བརྡ་ཡིས་འབུལ་ཞིང་བླངས༔ དཀྱིལ་འཁོར་བདག་པོས་མཉམ་པའི་ངང་དུ་རོལ༔ དེ་ནས་ཚོགས་ཀྱི་ལྷག་མ་ཁ་ཕྲུ་བཏབ༔ ལྷག་མགྲོན་སྤྱན་འདྲེན་ཚིག་འདིས་འབུལ་བར་བྱ༔ ཧཱུྃ༔ སྔོན་ཚེ་དཔལ་ཆེན་དཀྱིལ་འཁོར་མུ་རན་ལ༔ གནས་པར་དམ་བཅས་ཕྱི་མཚམས་བར་ཆད་སྲུང་༔ དབང་ཕྱུག་གིང་ལང་མ་སྲིང་བྲན་དང་བཅས༔ འདོད་ཡོན་ཚོགས་ཀྱི་ལྷག་མ་འདི་བཞེས་ལ༔ ཕྱི་ནང་ཉེར་འཚེ་མ་ལུས་ཞི་བར་མཛོད༔ ཨུ་ཙུཥྚ་བྷ་ལིང་ཏ་ཁཱ་ཧི༔ བསྐུལ་གཏོར་རཀྟས་བྲན་ཅིང་འདི་བཞིན་བསྐུལ༔ ཧཱུྃ་ཧཱུྃ༔ སྐྱེ་མེད་ཆོས་སྐུའི་མཁའ་དབྱིངས་སྟོང་པ་ལས༔ འགགས་མེད་གསལ་སྣང་སྙིང་རྗེས་ཁྲོས་པའི་ཉམས༔ བདུད་བཞིའི་གཡུལ་ངོར་དཔའ་བའི་ཧེ་རུ་ཀ༔ གསང་བདག་རྡོ་རྗེ་འཛིན་པའི་ལྷ་ཚོགས་རྣམས༔ བཞེངས་བཞུད་གཉིས་འཛིན་རྟོག་པ་མི་མངའ་ཡང་༔ ལོག་རྟོག་འཁྲུལ་བའི་དབང་ཤོར་ཞིང་བཅུའི་དགྲ༔ བསྟན་དང་འགྲོ་ལ་འཚེ་བའི་བགེགས་ཀྱི་སྡེ༔ དོན་དམ་རིག་པའི་ཀློང་དུ་སྒྲོལ་བའི་ཕྱིར༔ བཞེངས་ཤིག་དམིགས་མེད་ཐུགས་རྗེའི་ཀློང་ནས་བཞེངས་༔ བསྐུལ་ལོ་མྱུར་མགྱོགས་མཐུ་སྟོབས་རྩལ་དང་བཅས༔ མཛོད་ཅིག་དྲག་པོའི་ལས་ཆེན་བཅུ་གཉིས་ཀྱིས༔ ད་ལྟ་ཉིད་དུ་སྒྲོལ་བའི་ཕྲིན་ལས་མཛོད༔ ཅེས་བསྐུལ་དྲག་སྔགས་ཟོར་དུ་བརྡེག༔ ཆད་མདོའི་ཐ་ཚིག་བསྒྲག་པ་ནི༔ གཏོར་མ་སྨན་རཀ་བསངས་ཆུས་བྲན༔ ཧཱུྃ་ཧཱུྃ༔ སྔོན་ཚེ་འདས་དུས་བསྐལ་པ་ཐོག་མའི་དུས༔ རང་རིག་རང་གྲོལ་ཆོས་སྐུའི་སྟོན་པ་ཡིས༔ ཡེ་ཤེས་རང་སྣང་རིགས་ལྔའི་འཁོར་ཚོགས་ལ༔ བརྗོད་བྲལ་འོད་གསལ་དགོངས་པས་ཆོས་བསྟན་ཚེ༔ རིག་རྩལ་འགགས་མེད་འགྱུ་བ་རང་གྲོལ་བའི༔ ཉམས་རྟོགས་དམ་བཅས་ཇི་ལྟར་ཕུལ་བ་བཞིན༔ རྣམ་རྟོག་འགྱུ་བ་རང་གྲོལ་གཏོར་མ་བཞེས༔ འཁོར་འདས་མཉམ་བརྡལ་མཆོག་གི་ཕྲིན་ལས་མཛོད༔ ཧཱུྃ་ཧཱུྃ༔ དེ་འོག་དུར་ཁྲོད་མེ་རི་འབར་བ་རུ༔ བདག་མེད་རྟོགས་པའི་དཔལ་ཆེན་ཧེ་རུ་ཀས༔ སྤྲུལ་པ་བདག་རྟོག་རུ་ཏྲ་སྡེ་གསུམ་བསྒྲལ༔ རིག་འཛིན་མཁའ་འགྲོ་རྣལ་འབྱོར་ཕོ་མོ་ཡིས༔ གསང་ཆེན་རྒྱུད་སྡེ་བཤད་སྒྲུབ་བཀའ་བསྡུ་ཚེ༔ དབང་ཕྱུག་ཉེར་བརྒྱད་སྔགས་སྲུང་རྒྱ་མཚོ་ཡིས༔ གསང་ཆེན་བསྟན་པ་འཛིན་སྐྱོང་སྤེལ་བ་དང་༔ རྣལ་འབྱོར་སྒྲུབ་པོའི་བར་ཆད་བསལ་ལོ་ཞེས༔ ཇི་ལྟར་ཁས་བླངས་དམ་བཅའ་དེ་བཞིན་དུ༔ གཏོར་མ་བཞེས་ལ་ལས་བཞིའི་ཕྲིན་ལས་མཛོད༔ ཧཱུྃ་ཧཱུྃ༔ དེ་འོག་རྩོད་ལྡན་སྙིགས་མའི་དུས་ཀྱི་ཚེ༔ འཇམ་དབྱངས་ཆོས་རྒྱལ་ཚངས་པའི་མེ་ཏོག་གིས༔ རྒྱལ་ཀུན་སྤྱི་གཟུགས་རྡོ་རྗེ་ཐོད་ཕྲེང་རྩལ༔ གདོང་དམར་བོད་ཀྱི་ཡུལ་དུ་སྤྱན་དྲངས་ནས༔ ཟབ་ཆོས་སྨིན་གྲོལ་གདམས་པ་དཔག་མེད་ཀྱིས༔ ཆོས་རྒྱལ་རྗེ་དང་ཇོ་མོ་མཁར་ཆེན་བཟའ༔ རླངས་ཆེན་དཔལ་སེང་རྡོ་རྗེ་བདུད་འཇོམས་དང་༔ ནམ་མཁའི་སྙིང་པོ་ལང་གྲོ་མཁས་པ་སོགས༔ སྐལ་ལྡན་མང་པོ་ཐར་ལམ་མཆོག་ལ་བཀོད༔ ཁྱད་པར་གསང་བ་ཐུགས་སྒྲུབ་གཏུམ་པོའི་ཆོས༔ མཚོ་རྒྱལ་རྗེ་འབངས་ཉི་ཤུ་རྩ་ལྔ་ལ༔ བཀའ་གཏད་སྨོན་ལམ་གཏད་རྒྱས་བཏབ་པའི་ཚེ༔ སྡེ་བརྒྱད་གཙོ་བོ་ཁྱབ་འཇུག་ཆེན་པོ་སོགས༔ སྔགས་སྲུང་དམ་ཅན་རྒྱ་མཚོ་མ་ལུས་པས༔ རྣལ་འབྱོར་བར་ཆད་སེལ་བར་མ་ཆད་དམ༔ ཟབ་ཆོས་བརྒྱུད་འཛིན་སྲུང་བར་མ་ཆད་དམ༔ དུས་འཁྲུགས་རྒུད་པ་བསལ་བར་མ་ཆད་དམ༔ ཞིང་བཅུའི་ཤ་ཁྲག་གཏོར་མ་འདི་བཞེས་ལ༔ ཐ་ཚིག་བཞིན་དུ་ཕྲིན་ལས་འགྲུབ་པར་མཛོད༔ ཅེས་དང་༔ ཧཱུྃ༔ དེ་འོག་དུས་སྙིགས་སུམ་ཅུའི་ཁ་རལ་ལ༔ ཨོ་རྒྱན་ཐུགས་སྤྲུལ་ཇོ་མོ་མཚོ་རྒྱལ་མའི༔ ཕྲིན་ལས་རྣམ་རོལ་ལུང་རིག་གླིང་པ་ལ༔ རང་སྣང་རྔ་ཡབ་དཔལ་རིའི་ཕོ་བྲང་དུ༔ དབང་ཆེན་རྟ་མཆོག་དཀྱིལ་འཁོར་ཞལ་ཕྱེ་ནས༔ པད་འབྱུང་རྡོ་རྗེ་སྲིན་པོའི་སྒྱུ་འཕྲུལ་གྱིས༔ དབང་བསྐུར་ལུང་བསྟན་གསང་བའི་མིང་བཏགས་ནས༔ དགོངས་གཏེར་ཟབ་མོས་དབུགས་དབྱུང་མཛད་པའི་ཚེ༔ དུད་སོལ་ལྷ་མོ་དྲང་སྲོང་ཆེན་པོ་སོགས༔ སྲུང་མ་དམ་ཅན་མ་ལུས་ཀུན་འདུས་ནས༔ རྣལ་འབྱོར་སྒྲུབ་པོར་སྡོང་གྲོགས་མཛད་དོ་ཞེས༔ ཇི་ལྟར་ཞལ་བཞེས་དམ་བཅས་དེ་བཞིན་དུ༔ ཐ་ཚིག་རྗེས་བསྐུལ་གཏོར་མ་འདི་བཞེས་ལ༔ འགལ་རྐྱེན་སོལ་ལ་མཐུན་རྐྱེན་འགྲུབ་པར་མཛོད༔ ཅེས་བརྗོད་གཏོར་མ་གཙང་སར་གཤེགས༔ བསྟན་མ་སྐྱོང་མའི་གཏོར་མ་ལ༔ བདུད་རྩིས་བྲན་ཅིང་འབྲུ་གསུམ་སྔགས༔ བརྗོད་པས་བྱིན་གྱིས་བརླབས་བྱས་ནས༔ ཧཱུྃ་ཧཱུྃ༔ སྔོན་ཚེ་བདག་ཉིད་ཨོ་རྒྱན་མཁན་པོ་ལ༔ བར་ཆད་བརྩམས་ཤིང་དམ་འོག་ཟིལ་མནན་ཚེ༔ བོད་དུ་རྟག་ཆད་ལོག་རྟོག་བསྲུང་བ་དང་༔ ཐུབ་བསྟན་བསྲུང་ཞིང་རྣལ་འབྱོར་སྐྱོང་ངོ་ཞེས༔ རྡོ་རྗེ་གཡུ་བུན་ཚེ་རིང་དྲག་མོ་རྒྱལ༔ བསྟན་མ་བཅུ་གཉིས་སྤྲུལ་པར་བཅས་པ་ཡིས༔ གཙང་ལྡན་གསེར་སྐྱེམས་བཤོས་བུ་བཤལ་ཆུ་བཞེས༔ ཐ་ཚིག་བཞིན་དུ་ཅི་བཅོལ་འགྲུབ་པར་མཛོད༔ མ་མ་ཧྲིང་ཧྲིང་བྷ་ལིང་ཏ་ཁཱ་ཧི༔ གཏོར་མ་གཤེགས་ཤིང་བཤལ་ཆུ་ཕྱོགས་བཅུར་གཏོར༔ གཏོར་གཞོང་འོག་ཏུ་དམ་སྲི་འགུགས་ཤིང་གནོན༔ ཧཱུྃ་ཧཱུྃ༔ བདག་ཉིད་གསང་བདག་དཔའ་བོའི་བརྟུལ་ཞུགས་ཀྱིས༔ རྒབ་འདྲེ་འབྱུང་པོ་ཞབས་ཀྱི་འོག་ཏུ་མནན༔ རི་རབ་གླིང་བཞི་འབར་བའི་ཟོམ་དུ་སྦ༔ མཐའ་མེད་རྒྱ་མཚོ་ཆེན་པོའི་གཏིང་དུ་བསྐྱུར༔ ཡེ་ཤེས་མེ་དཔུང་འབར་བའི་ཀློང་དུ་བསྲེག༔ ཇི་སྲིད་བྱང་ཆུབ་ལམ་མཆོག་མ་རྙེད་བར༔ ནམ་ཡང་ཁྱོད་ལ་གཏོང་བའི་སྐལ་བ་མེད༔ དེ་བས་བྱང་ཆུབ་མྱུ་གུ་བསྐྱེད་པར་བགྱིས༔ ཨོཾ་ལཾ༔ ཨཱ་ལཾ༔ ཧཱུྃ་ལཾ༔ སྟྭཾ་བྷ་ཡ་ནན༔ མཆོད་བསྟོད་བྱ་ཞིང་ཚེ་འགུགས་རྒྱས་གདབ་བྱ༔ ནོངས་བཤགས་ཚིག་འདིས་ཉེས་པ་ཡང་ཡང་བཤགས༔ ཧཱུྃ་ཧཱུྃ༔ བདག་གི་ཚེ་རབས་འཁོར་བ་ཐོག་མེད་ནས༔ ལུས་ངག་ཡིད་ཀྱིས་མ་རིག་ཅི་བསགས་པ༔ དཀྱིལ་འཁོར་ལྷ་ཚོགས་སྤྱན་སྔར་བཤགས་ཤིང་སྡོམ༔ ཉམས་ཆག་མ་ལུས་དབྱིངས་སུ་བསྐང་བ་དང་༔ ཚེ་འདིར་རྡོ་རྗེ་འཆང་གི་གྲལ་འཁོད་ནས༔ ཉམས་པ་རྣམས་ཀྱི་སྐྱབས་སུ་བདག་མཛོད་ཅིག༔ ཡི་གེ་བརྒྱ་བ་ཅི་མང་གནོང་འགྱོད་བྱ༔ ལྷ་ཚོགས་རྟེན་ལ་བསྟིམ་མམ་གཤེགས་གསོལ་བྱ༔ བདག་བསྐྱེད་ལྷ་ཡི་བསྡུ་རིམ་བྱ་བ་ནི༔ ཧཱུྃ༔ ཕྱི་སྣོད་འོད་ཞུ་གཞལ་ཡས་ལྷ་ལ་བསྟིམས༔ ལྷ་ཡང་འོད་དུ་ཡལ་ནས་ཐུགས་སྲོག་དང་༔ གཙོ་མཆོག་ཏིང་ངེ་འཛིན་གྱི་སེམས་དཔར་བསྟིམས༔ རིམ་ཡལ་ཐིག་ལེ་ནཱ་ད་ཕྲ་བའི་དབྱིངས༔ སྟོང་གསལ་སྤྲོས་པ་བྲལ་བའི་དབྱིངས་སུ་བཞག༔ ཨ་ཨ༔ དེ་ནས་རྒྱུན་སྤྱོད་གསང་བདག་སྐུར་གསལ་བའི༔ གནས་གསུམ་ཡི་གེ་ཨོཾ་ཨཱཿཧཱུྃ༔ རྗེས་ཐོབ་བར་ཆད་བསྲུང་༔ དགེ་བའི་རྩ་བ་ཡོངས་བསྔོ་འདི་བཞིན་བྱ༔ ཧཱུྃ་ཧཱུྃ༔ དགེ་བའི་རྩ་བ་འདིས་མཚོན་དུས་གསུམ་གྱི༔ ལེགས་ཚོགས་ཐམས་ཅད་བྱང་ཆུབ་སེམས་ཀྱི་རྩིས༔ གཅིག་ཏུ་བསྡུས་ནས་རྣམ་མཁྱེན་རྒྱུ་རུ་བསྔོ༔ བདག་གཞན་གསང་བདག་དཔའ་བོའི་གོ་འཕང་མཆོག༔ ད་ལྟ་མྱུར་འགྲུབ་དོན་གཉིས་ལྷུན་གྲུབ་ཤོག༔ བཀྲ་ཤིས་ཚིགས་སུ་བཅད་པ་འདི་བཞིན་དུ༔ མེ་ཏོག་སིལ་མས་ཕྱོགས་ཀུན་དགེ་ལེགས་ཀྱི༔ སྣང་བ་ཆེན་པོས་དགའ་སྟོན་ཁྱབ་པར་བསམ༔ ཧཱུྃ་ཧཱུྃ༔ མཆོག་གསུམ་བླ་མ་ཡི་དམ་གསང་བདག་གི༔ སྐུ་གསུང་ཐུགས་ཀྱི་བཀྲ་ཤིས་གང་ལགས་པ༔ གསང་སྔགས་ལམ་ཞུགས་རྣལ་འབྱོར་མ་ལུས་པ༔ ཚེ་འདིར་བྱང་ཆུབ་འགྲུབ་པའི་བཀྲ་ཤིས་ཤོག༔ གནས་སྐབས་བར་ཆད་རྐྱེན་ལས་གྲོལ་བ་དང་༔ ཚེ་བསོད་དཔལ་འབྱོར་ཡར་ངོའི་ཟླ་ལྟར་རྒྱས༔ ཆོས་མཐུན་བསམ་པ་མ་ལུས་མྱུར་འགྲུབ་ནས༔ བསྙེན་སྒྲུབ་མཐའ་རུ་ཕྱིན་པའི་བཀྲ་ཤིས་ཤོག༔ བསྟན་འཛིན་སྐྱེས་བུའི་སྐུ་ཚེ་མཐའ་རུ་ཕྱིན༔ བསྟན་པ་འཛིན་སྐྱོང་སྤེལ་བའི་ཐུགས་བཞེད་འགྲུབ༔ ཟབ་གཏེར་ཉམས་བླངས་གྲུབ་འབྲས་མངོན་གྱུར་ནས༔ ཕྲིན་ལས་རྣམ་བཞི་འགྲུབ་པའི་བཀྲ་ཤིས་ཤོག༔ ས་མ་ཡཱ༔ དེ་ལྟར་གཏུམ་པོའི་ཐུགས་སྒྲུབ་འདི༔ ཨོ་རྒྱན་མཁས་པ་བདག་ཉིད་ཀྱིས༔ ཐུགས་ཀྱིས་བརྣག་པའི་ཟབ་ཆོས་དེ༔ མཚོ་རྒྱལ་སྙིང་གི་སྒྲོམ་དུ་སྦོས༔ དུས་བབས་བྱི་བའི་ལོ་ཤར་ཚེ༔ ཁྱོད་སྤྲུལ་དམ་པར་ཉམས་གྲིབ་དང་༔ ཀླུ་གཉན་གློ་བུར་རྐྱེན་བྱུང་བ༔ སེལ་བའི་ཐབས་སུ་ཉམས་སྣང་དུ༔ དག་སྣང་གདམས་པ་མང་དུ་འབྱུང་༔ མ་སྤེལ་ཆུ་སྲིན་ཁ་བཞིན་སྡོམས༔ འཕགས་མཆོག་སྤྲུལ་པའི་སྐྱེས་བུ་ལ༔ སྨོན་ལམ་རྟེན་འབྲེལ་དུས་འཛོམས་ཚེ༔ དྲན་པའི་རྣམ་རོལ་ལུང་གསལ་དང་༔ ལྷན་དུ་སྤེལ་བས་གེགས་ཞི་ནས༔ རང་གཞནབདེ་ལ་འགོད་པར་ངེས༔ དུས་བབས་ཆོས་ཡིན་ཉམས་ལོངས་དང་༔ བྱིན་རླབས་མི་བསླུ་ཨོ་རྒྱན་བཀའ༔ དེ་ཚོམ་ཅན་ལ་གུ་ཧྱ་རྒྱ༔ ས་མ་ཡཱ༔ བདག་འདྲ་ཚེ་རབས་ཀུན་ཏུ་པདྨ་ཀཱ་རས་བྱིན་གྱིས་བརླབས་ཤིང་ཁྱད་པར་བྱི་བའི་ལོར་གྲུབ་དབང་དང་དབྱེར་མེད་པ་མཚོ་སྐྱེས་རྡོ་རྗེ་རྨི་ལམ་འོད་གསལ་གྱི་སྣང་བར་མཇལ་བའི་དགེ་མཚན་རང་ལ་ཡིད་ཆེས་སུ་བྱུང་བ་ལ་ཐོག་མའི་རྟེན་འབྲེལ་གྱི་དགའ་སྟོན་དུ་སྒྲོལ་མའི་ཆོ་ག་དབང་ཆོག་དང་བཅས་པ་གཅིག་ཏུ་ཕབ་སྟེ་གཞན་རང་གི་སྙིང་ལ་སྦས་ནས་ཡོད་པ་ཕྱིས་སྒྲ་རྒྱལ་འབྲུག་གི་ལོར་རང་གི་སྐྱབས་མཆོག་བླ་མ་རྡོ་རྗེ་འཛིན་པ་ཆེན་པོས་ལྐོག་གྱུར་མངོན་དུ་གཟིགས་པའི་བཀའ་ཕེབས་ལ་བརྟེན་ནས་དགེ་སྦྱོང་ལུང་རྟོགས་བསྟན་པའི་ཉི་མས་སུག་བྲིས་སུ་བགྱིས་ནས་ཕུལ་བས་འགྲོ་ཀུན་གསང་བདག་རྡོ་རྗེ་འཛིན་པའི་གོ་འཕང་མངོན་དུ་བྱས་ནས་བདུད་བཞིའི་གཡུལ་ལས་རྒྱལ་བའི་རྒྱུར་གྱུར་ཅིག སརྦ་དཱ་ཀ་ལ་ཎཾ་བྷ་ཝནྟུ།། གསང་བདག་གཏུམ་པོའི་ཐུགས་སྒྲུབ་སྙིང་པོའི་བསྐང་བ་མགོ་སྤྲུལ་གྱིས་མཛད་པ།༄༅། གསང་བདག་གཏུམ་པོའི་ཐུགས་སྒྲུབ་སྙིང་པོའི་བསྐང་བ་བཞུགས། བསྐང་རྫས་རྣམས་ནམ་མཁའ་མཛོད་ཀྱི་སྔགས་དང་ཕྱག་རྒྱས་བྱིན་གྱིས་བརླབས་ལ། །གདུང་དབྱངས་རོལ་མོ་བཅས་པས་འདི་བཞིན་བྱའོ། །ཧཱུྃ་ཧཱུྃ། ཆོས་དབྱིངས་སྐྱེ་མེད་སྤྲོས་བྲལ་ངང་ཉིད་ལས། །འགགས་མེད་སྒྱུ་འཕྲུལ་གར་གྱིས་རྣམ་རོལ་བའི། །བླ་མ་ཡི་དམ་མཁའ་འགྲོ་ཆོས་སྐྱོང་ཚོགས། །རང་བཞིན་དབྱིངས་ནས་བསྐང་བའི་གནས་འདིར་གཤེགས། །ཚོགས་ཁང་གཞལ་ཡས་འདི་ལ་བརྟན་པར་བཞུགས། །ཕྱི་ནང་གསང་གསུམ་བསྐང་རྟེན་རྫས་ཀྱིས་མཆོད། །ལུས་ངག་ཡིད་གསུམ་དད་གུས་ལྡན་པས་བསྟོད། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཧཱུྃ་ཧཱུྃ། སྐུ་གསུམ་ཞིང་ནས་འགྲོ་དོན་སྐུར་སྣང་བ། །ཀུན་བཟང་རིགས་ལྔ་གསང་བདག་པདྨ་འབྱུང་། །མཚོ་རྒྱལ་མངའ་བདག་རླངས་ཆེན་དཔལ་སེང་དང་། །དཔལ་གྱི་དབང་ཕྱུག་ཀླུ་དབང་ལུང་རིག་གླིང་། །རིག་འཛིན་བཟང་པོ་མ་ཏིའི་མཚན་ཅན་སོགས། །དྲིན་ཆེན་རྩ་རྒྱུད་བླ་མའི་ཐུགས་དམ་བསྐང་། །ཁྱེད་རྣམས་ཐུགས་དམ་བསྐང་བའི་དམ་རྫས་ནི། །དངོས་འབྱོར་ཡིད་སྤྲུལ་ཕྱི་ནང་གསང་མཆོད་ཚོགས། །བསྐང་རྫས་སྒྲུབ་རྫས་རྟེན་རྫས་སྣ་ཚོགས་དང་། །བདུད་རྩི་སྨན་དང་རཀྟ་བྷ་ལིང་ཏ། །འདོད་ཡོན་ལོངས་སྤྱོད་བཟའ་བཏུང་ཚོགས་འཁོར་སོགས། །རབ་འབྱམས་ནམ་མཁའི་ཁྱོན་ཀུན་ཡོངས་བཀང་བའི། །རྨད་བྱུང་མཆོད་སྤྲིན་རྒྱ་མཚོས་ཐུགས་དམ་བསྐང་། །ཐུགས་དམ་བསྐང་ལ་མཆོག་ཐུན་དངོས་གྲུབ་སྩོལ། །ཧཱུྃ་ཧཱུྃ། གནས་མཆོག་ལྕང་ལོ་ཅན་གྱི་ཕོ་བྲང་ནས། །རྒྱལ་བ་ཀུན་གྱི་ཕྲིན་ལས་གཅིག་བསྡུས་པའི། །གསང་སྔགས་རིགས་སྔགས་ཀུན་གྱི་མངའ་བདག་རྗེ། །བདུད་སྡེ་དཔུང་འཇོམས་ལོག་འདྲེན་ཚར་གཅོད་པའི། །བཅོམ་ལྡན་དཔལ་ཆེན་ཁྲོ་བོ་ཡོངས་ཀྱི་རྒྱལ། །གསང་བདག་རྡོ་རྗེ་འཛིན་པའི་ཐུགས་དམ་བསྐང་། །ཁྱེད་རྣམས་ཐུགས་དམ་བསྐང་བའི༴སོགས་ནས། དངོས་གྲུབ་སྩོལ། །ཧཱུྃ་ཧཱུྃ། ཁྲོ་རྒྱལ་ཆེན་པོའི་སྐུ་ཡི་གནས་ལྔ་ནས། །སྐུ་གསུང་ཐུགས་ཡོན་ཕྲིན་ལས་སྤྲུལ་པའི་ཁྱུང་། །དཀར་སེར་དམར་ལྗང་མཐིང་མདོག་ཀླུ་རིགས་གསོལ། །ས་བདག་ཀླུ་གཉན་དྲེགས་པའི་སྲོག་སྙིང་འདྲེན། །དུག་ལྔའི་གདོན་ཚོགས་ཡེ་ཤེས་ལྔར་སྒྲོལ་བའི། །བྱ་ཁྱུང་རིགས་ལྔའི་ཚོགས་ཀྱི་ཐུགས་དམ་བསྐང་། །ཁྱེད་རྣམས་ཐུགས་དམ་བསྐང་བའི༴སོགས་ནས། དངོས་གྲུབ་སྩོལ། །ཧཱུྃ་ཧཱུྃ། དཔལ་ཆེན་ཁྲོ་རྒྱལ་ཐུགས་ཀྱི་སྤྲུལ་པ་ལས། །ཕྱོགས་བཞིའི་འཁོར་ལོ་འབར་བའི་རྩིབས་སྟེང་དུ། །པད་ཉི་དྲེགས་པ་ཕོ་མོ་བསྣོལ་བའི་ཁར། །ཉོན་མོངས་བདུད་བཞི་འཇོམས་མཛད་ཡེ་ཤེས་སྐུ། །ཁྲོ་བོའི་ཆས་རྫོགས་རང་རྟགས་ཕྱག་རྒྱ་བསྣམས། །གསང་བདག་གཏུམ་པོ་རིགས་བཞིའི་ཐུགས་དམ་བསྐང་། ། ཁྱེད་རྣམས་ཐུགས་དམ་བསྐང་བའི༴སོགས་ནས། དངོས་གྲུབ་སྩོལ། །ཧཱུྃ་ཧཱུྃ། ཕྱོགས་བཅུའི་དྲེགས་པ་ཕོ་མོའི་གདན་སྟེང་ནས། །བདུད་དཔུང་འཇོམས་མཛད་ཡེ་ཤེས་ཁྲོ་བོའི་སྐུ། །ཧཱུྃ་དཀར་རྣམ་རྒྱལ་དབྱུག་སྔོན་གཤིན་རྗེ་གཤེད། །མི་གཡོ་རྟ་མགྲིན་འདོད་རྒྱལ་བདུད་རྩི་འཁྱིལ། །ཁམས་གསུམ་རྣམ་རྒྱལ་སྟོབས་ཆེན་ཁྲོ་བོ་བཅུ། །མ་ལུས་འཁོར་དང་བཅས་པའི་ཐུགས་དམ་བསྐང་། ། ཁྱེད་རྣམས་ཐུགས་དམ་བསྐང་བའི༴སོགས་ནས། དངོས་གྲུབ་སྩོལ། །ཧཱུྃ་ཧཱུྃ། གཞལ་ཡས་ཆེན་པོའི་ཕྱོགས་བཞིའི་སྒོ་བཞི་ནས། །བདུད་བཞི་འདུལ་མཛད་ཏ་ཀྲྀཏ་སྒོ་བ་བཞི༔ ཁྲོ་བོའི་ཆ་ལུགས་དཀར་སེར་དམར་ལྗང་མདོག །རིགས་རྒྱ་གཡས་དང་རང་རྟགས་གཡོན་ན་བསྣམས། །ཞི་རྒྱས་དབང་དྲག་ཕྲིན་ལས་སྒྲུབ་པའི་ལྷ། །རང་རང་སྤྲུལ་འཁོར་བཅས་པའི་ཐུགས་དམ་བསྐང་། ། ཁྱེད་རྣམས་ཐུགས་དམ་བསྐང་བའི༴སོགས་ནས། དངོས་གྲུབ་སྩོལ། །ཧཱུྃ་ཧཱུྃ། དཀྱིལ་འཁོར་ཕྱི་རིམ་འཁོར་ཡུག་ལ་གནས་པའི། །དབང་ཕྱུག་ཆེན་མོ་ཉི་ཤུ་རྩ་བརྒྱད་དང་། །ཚངས་པ་བརྒྱ་བྱིན་རྒྱལ་ཆེན་ཕྱོགས་སྐྱོང་བཅུ། །ལྷ་བརྒྱད་ཀླུ་བརྒྱད་གཟའ་བརྒྱད་ནོར་སྲུང་བརྒྱད། །རྒྱུ་སྐར་ཉི་ཤུ་རྩ་བརྒྱད་ལ་སོགས་པའི། །གཙང་རིས་དཔལ་མགོན་འཁོར་བཅས་ཐུགས་དམ་བསྐང་། ། ཁྱེད་རྣམས་ཐུགས་དམ་བསྐང་བའི༴སོགས་ནས། དངོས་གྲུབ་སྩོལ། །ཧཱུྃ་ཧཱུྃ། རྒྱལ་བསྟན་དྲི་མེད་སྐྱོང་བར་ཞལ་བཞེས་པའི། །དཔལ་མགོན་ཕྱག་དྲུག་སྔགས་སྲུང་རལ་གཅིག་མ། །དུད་སོལ་ལྷ་མོ་གཟའ་བདུད་རཱ་ཧུ་ལ། །དམ་ཅན་རྡོར་ལེགས་བཙན་རྒོད་དྲག་པོ་རྩལ། །ཚེ་རིང་མཆེད་ལྔ་གནོད་སྦྱིན་མི་ཐུང་སོགས། །གཙོ་འཁོར་སྤྲུལ་པར་བཅས་པའི་ཐུགས་དམ་བསྐང་། །ཁྱེད་རྣམས་ཐུགས་དམ་བསྐང་བའི༴སོགས་ནས། དངོས་གྲུབ་སྩོལ། །ཧཱུྃ་ཧཱུྃ། བདེ་སྟོང་ཡེ་ཤེས་ཆེན་པོའི་རོལ་པ་ལས། །རང་བྱུང་རང་ཤར་མཆོད་པའི་སྤྲིན་ཆེན་པོ། །བླ་མེད་ལྷ་ཚོགས་དགྱེས་པ་སྐོང་བའི་རྫས། །ཕྱོགས་ཀྱི་འཁོར་ལོའི་ཁྱོན་ཀུན་འགེང་བ་འདིས། །རྩ་རྒྱུད་བླ་མ་རྣམས་ཀྱི་ཐུགས་དམ་བསྐང་། །ཡི་དམ་ཞི་ཁྲོ་རབ་འབྱམས་ཐུགས་དམ་བསྐང་། །མ་ཚོགས་མཁའ་འགྲོ་རྒྱ་མཚོའི་ཐུགས་དམ་བསྐང་། །དམ་ཅན་ཆོས་སྐྱོང་སྲུང་མའི་ཐུགས་དམ་བསྐང་། །བསྐང་དུ་མེད་དེ་སྐྱེ་མེད་དབྱིངས་སུ་བསྐང་། །སྦྱོར་དུ་མེད་དེ་ཟུང་འཇུག་ཆེན་པོར་སྦྱོར། །སྒྲོལ་དུ་མེད་དེ་མཉམ་ཉིད་ཀློང་དུ་སྒྲོལ། །ཡེ་སྦྱོར་ཡེ་སྒྲོལ་ཆེན་པོས་ཐུགས་དམ་བསྐང་། །དེ་ལྟར་ཐུགས་དམ་བསྐང་བའི་བྱིན་རླབས་ཀྱིས། །བདག་གི་ཉམས་ཆགས་སྡིག་སྒྲིབ་ཀུན་དག་ནས། །ནད་གདོན་བར་ཆད་རྐྱེན་རྣམས་ཞི་བ་དང་། །ཚེ་དབང་ལོངས་སྤྱོད་བསོད་ནམས་རྒྱས་པར་མཛོད། །ཁམས་གསུམ་སྲིད་གསུམ་མ་ལུས་དབང་དུ་སྡུས། །གནོད་བྱེད་དགྲ་བགེགས་འབྱུང་པོ་རྡུལ་དུ་རློགས། །མདོར་ན་ཡིད་ལ་གང་ལྟར་འདོད་པའི་དོན། །རྩོལ་བ་མེད་པར་ལྷུན་གྱིས་གྲུབ་པ་དང་། །རྡོ་རྗེ་འཛིན་གྱི་གོ་འཕང་མྱུར་ཐོབ་ནས། །མཁའ་མཉམ་འགྲོ་བའི་མགོན་དུ་འགྱུར་བར་ཤོག །ཞེས་བརྗོད་ཅིང་སྡོམ་གསུམ་ཉམས་ཆགས་བཤགས་པ་ཟག་མེད་བདུད་རྩིའི་ཁྲུས་བུམ་དང་ཡིག་བརྒྱ་བཟླའོ། །ཡིག་རྙིང་གཞིར་བཞག་ལ་མགོ་སྤྲུལ་པས་ཁ་བསྐང་བྱས་པ་དགེ་བར་གྱུར་ཅིག །སརྦ་མངྒ་ལཾ། གསང་བདག་གོས་སྔོན་གསོལ་འདེབས་བྱིན་རླབས་གཏེར་བུམ།གསང་བདག་གོས་སྔོན་གསོལ་འདེབས་བྱིན་རླབས་གཏེར་བུམ་བཞུགས༔ ཨོཾ་སྭ སྟི༔ ཁྱབ་བདག་སྟོན་པ་ཀུན་བཟང་ཆེ་བའི་མཆོག༔ རིགས་བརྒྱའི་སྤྱི་གཟུགས་བཅོམ་ལྡན་རྡོ་རྗེ་སེམས༔ རྒྱལ་ཐབས་དབང་འབྱོར་དགའ་རབ་རྡོ་རྗེ་ལ༔ གསོལ་བ་འདེབས་སོ་དབང་བསྐུར་བྱིན་གྱིས་རློབས༔ ཨ་ཏིས་རྒྱུད་གྲོལ་རིག་འཛིན་འཇམ་དཔལ་བཤེས༔ ཟབ་དོན་མངོན་གཟིགས་རིག་འཛིན་ཤྲཱི་སེང༔ གྲུབ་བརྒྱའི་གཙུག་རྒྱན་པདྨ་ཐོད་ཕྲེང་རྩལ༔ གསོལ་བ་འདེབས་སོ་རྟོགས་པ་མངོན་གྱུར་སྩོལ༔ གཏེར་གྱི་གཉེར་འཛིན་ཛྙཱ་ན་ས་ག་ར༔ དབང་གི་སྣོད་ལྡན་ཨ་ཙར་ཡེ་ཤེས་དབྱངས༔ བརྒྱུད་པ་ཀུན་རྫོགས་འགྲོ་འདུལ་ལུང་རིག་གླིང༔ གསོལ་བ་འདེབས་སོ་མཆོག་གི་ས་ལམ་སྩོལ༔ དག་སྣང་མཛོད་འཛིན་རིག་འཛིན་གཞན་ལ་ཕན༔ ཆོས་དབང་སྐྱེ་ཐོབ་པདྨ་གར་གྱི་དབང༔ དྲིན་ཆེན་རྩ་རྒྱུད་བླ་མའི་ཚོགས་རྣམས་ལ༔ གསོལ་བ་འདེབས་སོ་དོན་གཉིས་ལྷུན་གྲུབ་སྩོལ༔ དཀྱིལ་འཁོར་གཙོ་བོ་ཐུགས་མཆོག་གོས་སྔོན་ཅན༔ ཡེ་ཤེས་ལྔ་ལྡན་ཕྲིན་ལས་ཁྱུང་གི་སྡེ༔ བཀའ་ཉན་ལས་བྱེད་སྲུང་མ་རྒྱ་མཚོའི་ཚོགས༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ རྩེ་གཅིག་གསོལ་བཏབ་མི་མཐུན་གཡུལ་ལས་རྒྱལ༔ གཟའ་ཀླུ་ས་བདག་མ་རུངས་བདུད་ཚོགས་གཞོམ༔ རྟོགས་པའི་ཡེ་ཤེས་གཉུག་མའི་ཞལ་མཐོང་ནས༔ གསང་བདག་དཔའ་བོའི་གོ་འཕང་མངོན་གྱུར་ཤོག༔ ཅེས་པ་གསང་བདག་གོས་སྔོན་གྱི༔ གསོལ་འདེབས་གཏེར་གྱི་བུམ་པ་འདི༔ བལ་མོ་ཤཱཀྱ་དེ་ཝཱ་ཡིས༔ ཟློས་པའི་གར་སྒྱུར་ཆོས་ལ་དབང༔ བཞིན་ལ་སྨེ་བས་བརྒྱན་པའི་བུ༔ སྨེ་བའི་ཕྲེང་བ་སེ་རལ་ཁ༔ དམ་ལྡན་རྡོ་རྗེ་ཡོན་ཏན་ལ༔ བསམ་གཏན་ཡེ་ཤེས་གླིང་པས་བྲིས༔ བསྟན་འགྲོའི་གསོས་སུ་འགྱུར་བར་ཤོག༔ མངྒ་ལམ༔ གསང་བདག་གོས་སྔོན་བདག་བསྐྱེད་དྲེགས་པའི་སྲོག་འཕྲོག་གདུག་པ་དམ་འདོགས་ཀྱི་གཏེར་གཞུང་།བཀའ་འདུས་ཆོས་ཀྱི་རྒྱ་མཚོ་ལས༔ གསང་བདག་གོས་སྔོན་བདག་བསྐྱེད་དྲེགས་པའི་སྲོག་འཕྲོག་གདུག་པ་དམ་འདོགས་བཞུགས༔ པདྨ་ཐོད་ཕྲེང་རྩལ་ལ་འདུད༔ དྲང་སྲོང་ཁྱབ་འཇུག་གཉེན་པོའི་ལྷ༔ གསང་བདག་སྒྲུབ་པ་སྤྲོས་མེད་འདི༔ མཚོ་རྒྱལ་སྟངས་དཔྱལ་ཁྱོད་ལ་གདམས༔ ཟབ་པའི་ཡང་བཅུད་མིག་གི་འབྲས༔ རང་ཉམས་ལོངས་ལ་གཏེར་དུ་སྦས༔ མ་འོངས་སུམ་ཅུ་ཁ་རལ་དུས༔ རྒྱ་བོད་འཁྲུག་རྩོད་ས་གཡོ་འབྱུང༔ མི་རྣམས་བལ་ལྟར་གཡེང་བས་འཁྱེར༔ རྒྱ་འདྲེ་འགོང་པོས་ཚ་རེག་གཏོང༔ ས་བདག་ཀླུ་ཡིས་ཞ་གྲུམ་དང༔ གཉན་དང་འབྱུང་བ་མེ་ཆུ་དང༔ བས་ལྡག་སན་ད་ཆུ་བུར་རྡོལ༔ མི་འདོད་སྣ་ཚོགས་འབྱུང་བའི་ཚེ༔ སེམས་ཅན་རྒུད་པ་སེལ་བའི་བུ༔ གཏེར་སྟོན་བདུན་གྱིས་བསྔགས་པ་བརྗོད༔ མཁའ་འགྲོའི་སྤྲུལ་པས་རྗེས་སུ་བཟུང༔ ཨ་ཙར་སྤྲུལ་པ་གར་མཁན་ལོ༔ བྱང་ཆུབ་སེམས་ལྡན་རྣལ་འབྱོར་པ༔ འཕགས་པའི་གནས་ལ་དབང་བ་འབྱུང༔ དེ་དུས་ཟབ་གཏེར་འདི་ཉིད་སྤྲོད༔ བཀའ་སྲུང་ཁྱབ་འཇུག་ར་ཧུ་ལ༔ གཏེར་སྲུང་ལྷ་བཙན་གཉེར་ཁ་གྱིས༔ ས་མ་ཡཱ༔ དབེན་པའི་གནས་ལ་ཡོ་བྱད་བཤམས༔ བདེ་བའི་གདན་ལ་བག་ཕེབས་ནས༔ མི་རྟག་སྐྱོ་ཤས་རྒྱུད་བརླན་ཅིང༔ བྱང་ཆུབ་སེམས་སྦྱངས་གདེང་བསྐྱེད་ལ༔ དང་པོ་སྐྱབས་འགྲོ་སེམས་བསྐྱེད་སྦྱང༔ ཧཱུྃ་ཧཱུྃ༔ བསླུ་བ་མེད་པའི་དཀོན་མཆོག་རིན་ཆེན་གསུམ༔ སྐྱབས་ཀྱི་མཆོག་བརྟེན་བྱང་ཆུབ་བར་དུ་བསྙེན༔ མ་རྒན་འགྲོ་དྲུག་འཁྲུལ་པའི་སེམས་ཅན་ཀུན༔ ཡང་དག་རྡོ་རྗེའི་སར་འགོད་སེམས་བསྐྱེད་འཚལ༔ མཆོག་གསུམ་ཕྱག་འཚལ་མཆོད་ཚོགས་འབུལ༔ མི་དགེ་བཤགས་སྦྱང་དགེ་རྗེས་རང༔ ཆོས་འཁོར་བསྐོར་ཞིང་རྟག་བཞུགས་གསོལ༔ དགེ་ཚོགས་རྣམ་མཁྱེན་ཐོབ་ཕྱིར་བསྔོ༔ དེ་ནས་བདག་ཉིད་ལྷ་ཡི་ཏིང་འཛིན་གྱིས༔ ཧཱུྃ་ཧཱུྃ་ཧཱུྃ༔ ཐམས་ཅད་སྟོང་ཞིང་སྤྲོས་བདག་མེད༔ སྒྱུ་མའི་རྩལ་མདངས་འགག་མེད་ཀྱི༔ ཀློང་ལས་ཤར་བའི་ས་བོན་ཧཱུྃ༔ མཐིང་ནག་མེ་འབར་ཐོག་བབས་འཕྲོས༔ སྤྲོ་བསྡུ་དོན་གཉིས་བྱས་པའི་མཐར༔ ཚུར་འདུས་འོད་ཀྱི་ཕུང་པོ་ལས༔ བདག་ཉིད་ཕྱག་རྡོར་གཏུམ་པོའི་སྐུ༔ མཐིང་ནག་དཔའ་ལ་སྒེག་པའི་གཟུགས༔ ཁྲོ་ཆས་ཡོངས་རྫོགས་སྤྱན་གསུམ་ལྡན༔ ཕྱག་གཡས་གསེར་རྡོར་ཐུགས་ཀར་འཛིན༔ གཡོན་པས་དྲིལ་བུ་དཀྲོལ་ཐབས་བསྣམས༔ སྦྲུལ་རིགས་ལྔ་ཡིས་སྐྲ་ཆིངས་བྱས༔ རྒྱལ་རིགས་དཀར་ཕྲེང་རྗེ་རིགས་སེར༔ ཕྱག་ཞབས་གདུ་བུ་དམངས་རིགས་དམར༔ སྐེད་ཆིངས་གདོལ་ནག་དོ་ཤལ་བརྒྱན༔ དཔའ་བོ་སྟག་ཤམ་འདོར་སྟབས་བསྒྲད༔ ས་བདག་གན་རྐྱལ་བསྣོལ་མར་བརྫིས༔ ཞལ་ནས་བྷ་ཏ་ལི་ཧཱུྃ་ཛ༔ ཧི་ལུ་མ་ཧཱ་ཕྲུམ་ཕུ་ཡི༔ སྒྲ་བསྒྲགས་ཐུགས་སྲོག་ས་བོན་ཧཱུྃ༔ སྔགས་ཕྲེང་ལས་འཕྲོས་འོད་ཟེར་མཐིང་༔ ལྕགས་ཀྱུའི་རྣམ་པ་དཔག་ཏུ་མེད༔ ཕྱོགས་བཅུར་འཕྲོས་པས་གཟའ་གཉན་ཀླུ༔ སྡེ་བརྒྱད་དབང་སྡུད་ལས་ལ་བཀོལ༔ ནག་ཕྱོགས་མི་མིན་བདུད་ཀྱི་སྡེ༔ ཁྲོ་ཆུང་སྤྲུལ་པས་རྡུལ་དུ་བརླག༔ ནུས་པས་མཐུ་སྟོབས་གསང་བདག་གི༔ གནས་གསུམ་འབྲུ་གསུམ་ལས་འོད་འཕྲོས༔ བདེ་གཤེགས་རྒྱལ་བ་སྲས་བཅས་དང༔ ཁྱད་པར་འོག་མིན་ལྕང་ལོ་ཅན༔ གསང་ཆེན་ལྷུན་གྲུབ་གནས་མཆོག་ནས༔ ཕྱག་རྡོར་གཏུམ་པོའི་ལྷ་ཚོགས་རྣམས༔ བསྒོམས་འདྲའི་ཡེ་ཤེས་སྤྱན་དྲངས་བསྟིམས༔ དབང་བསྐུར་གཉིས་སུ་མེད་པར་གྱུར༔ བཛྲ་པ་ཎི་ས་མ་ཡཱ་ཛ༔ ཛཿཧཱུྃ་བཾ་ཧོ༔ ན་མོ་ན་མ་ཡ་ཏི༔ ཨོཾ་བཛྲ་ཨརྒྷཾ་སོགས་ནས་ཤཔྟ་པུ་ཛ་ཧོ༔ མ་ཧཱ་པཉྩ་རཀྟ་བྷ་ལིང་ཏ་ཁཱ་ཧི༔ ཧཱུྃ་ཧཱུྃ༔ ལྕང་ལོ་ཅན་གྱི་གནས་མཆོག་དམ་པ་རུ༔ གསང་སྔགས་རིག་སྔགས་ཀུན་གྱི་བདག་པོ་སྟེ༔ ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པའི༔ གསང་བདག་རྡོ་རྗེ་བསྣམས་ལ་ཕྱག་འཚལ་བསྟོད༔ ཅེས་དང་འཛབ་ནི༔ བདག་ཉིད་ལྷར་གསལ་ཐུགས་སྲོག་སྔགས་ཕྲེང་ལས༔ འོད་ཟེར་བ་ཐག་གཟེངས་ལྟར་ཕྱོགས་བཅུར་སྤྲོས༔ འཕགས་མཆོད་བྱིན་བསྡུས་སེམས་ཅན་ཀུན་དོན་བྱས༔ མི་མིན་ནག་ཕྱོགས་སྡེ་ཚོགས་ཆམ་ལ་ཕབ༔ འོད་ཟེར་ཚུར་འདུས་རང་ཐིམ་སྣང་སྲིད་ཀུན༔ གསང་བདག་ཞིང་ཁམས་ལྷ་སྔགས་ཡེ་ཤེས་ཀྱི༔ རོལ་པར་འབྱམས་ཀླས་ཏིང་འཛིན་ཡེང་མེད་ངང༔ ཨོཾ་བཛྲ་པཱ་ཎི་ཧཱུྃ༔ བཟླས་མཐར་བྱ་ཁྱུང་སྤྲོས༔ དམིགས་པ་སྔགས་ཀྱི་རིམ་པ་ནི༔ ཨོཾ་བཛྲ་ཁྲོཾ་ག་རུ་ཎ་ཙ་ལེ་ཙ་ལེ་ཧཱུྃ་ཕཊ༔ ཞེས་བརྗོད་རྐྱེན་གྱིས་གསང་བདག་གི༔ ཡེ་ཤེས་ལྔ་ཡི་རོལ་རྩལ་ལས༔ ཤར་བའི་བྱ་ཁྱུང་རིགས་ལྔར་སྤྲུལ༔ སྐུ་མདོག་དཀར་སེར་དམར་ལྗང་མཐིང༔ སྤྱན་གསུམ་དམར་ཟླུམ་ཁྲག་ལྟར་ཁོལ༔ གནམ་ལྕགས་རྭ་ལ་རྡོ་རྗེའི་མཆུ༔ ཟངས་ཀྱི་སྡེར་མོའི་དབལ་དང་ལྡན༔ གཤོག་བརྡབ་སྟོང་གསུམ་གཡོ་ཞིང་འགུལ༔ ལྔ་ཀའང་སྦྲུལ་རིགས་ཟས་སུ་ཟ༔ ཡང་སྤྲུལ་ཁྱུང་གིས་ནམ་མཁའ་གང༔ ཀླུ་གཉན་ས་བདག་འདར་ཞིང་འཁུམ༔ ཞལ་ནས་ཁྱུང་སྐད་ལྷང་ལྷང་སྒྲོག༔ གཟའ་ཀླུ་སྡེ་བརྒྱད་དྲེགས་པ་ཀུན༔ དབང་དུ་བསྡུས་ཤིང་ལས་ལ་བཀོལ༔ དམ་ཚིག་གཉན་པོའི་བཀའ་ལ་ཉན༔ བཀའ་བསྒོའི་ཚུལ་གྱིས་སྔགས་འདི་བསྙེན༔ དེ་ཡིས་གང་འདོད་ལས་འགྲུབ་ཅིང༔ གང་ལ་དམིགས་པ་ཐོགས་མེད་འགྲུབ༔ གཉན་ནད་སྲུང་བའི་མཆོག་ཏུ་འགྱུར༔ ཁ་ཆར་གཅོད་དང་འབེབས་པ་དང༔ ལོ་ཉེས་སད་སེར་བཙའ་འབུ་སྲིན༔ མ་རུངས་གདུག་པ་སྲུང་བ་ལ༔ འདི་ཉིད་གཅིག་ཆོག་རྒྱལ་པོ་ཡིན༔ འདི་ནི་ཟབ་པའི་མཐར་ཐུག་གོ༔ བཅུད་ལས་བཅུད་གྱུར་གསང་བའི་ཆོས༔ ཕན་པའི་ཡོན་ཏན་བརྗོད་ལས་འདས༔ ངེས་པར་མི་བསླུ་ལག་ཏུ་ལོངས༔ དེ་ཕྱིར་རྟགས་མཚན་མ་བྱུང་ན༔ རྩ་གསུམ་བྱིན་རླབས་རྫུན་དུ་ཟད༔ དེ་ཕྱིར་ཐེ་ཚོམ་རྟོག་པ་སྤོང༔ ས་མ་ཡཱ༔ རྗེས་སུ་མཆོད་བསྟོད་སྤྱི་དང་མཐུན༔ དགེ་བ་འགྲོ་ལ་བསྔོ་བ་ནི༔ ཧཱུྃ་ཧཱུྃ༔ བདག་གཞན་དུས་གསུམ་དགེ་བསགས་པ༔ མཁའ་མཉམ་འགྲོ་དྲུག་དོན་དུ་བསྔོ༔ གནས་སྐབས་སྡུག་བསྔལ་ཀུན་ཞི་ཞིང༔ མཐར་ཐུག་སངས་རྒྱས་མྱུར་འགྲུབ་ཤོག༔ ལྷར་སྣང་དབྱིངས་སུ་བསྡུ་བ་ནི༔ ཧཱུྃ་ཨཱཿ འཁོར་འདས་ཆོས་ཀུན་རིག་པའི་རྩལ༔ སངས་རྒྱས་མ་བཅོས་ལྷུན་གྱིས་གྲུབ༔ སྣང་སྟོང་འོད་གསལ་དབྱིངས་སུ་བསྡུ༔ ཨཱ་ཨཱ༔ ཅིར་སྣང་ལྷ་སྐུའི་ཕྱག་རྒྱར་རྫོགས༔ ཧཱུྃ་ཧཱུྃ་ཧཱུྃ་བཛྲ་ཕཊ༔ ཤིས་པས་མཐའ་བརྒྱན་བྱ་བ་ནི༔ ཧཱུྃ་ཧཱུྃ༔ ཡོན་ཏན་སྲིད་ན་འགྲན་བྲལ་བ༔ དཀོན་མཆོག་གསུམ་གྱི་བཀྲ་ཤིས་ཤོག༔ མཛད་པ་རྨད་དུ་བྱུང་བ་ཡི༔ རྩ་བ་གསུམ་གྱི་བཀྲ་ཤིས་ཤོག༔ འགྲོ་འདུལ་རིགས་གསུམ་སེམས་དཔའ་ཡི༔ སྐུ་གསུམ་བླ་མེད་བཀྲ་ཤིས་ཤོག༔ ཐུགས་རྗེས་གདུལ་དཀའ་འདུལ་མཛད་པ༔ པདྨ་འབྱུང་གནས་བཀྲ་ཤིས་ཤོག༔ མཐུ་སྟོབས་བརྟུལ་ཞུགས་རྨད་བྱུང་བ༔ གསང་བདག་དཔའ་བོའི་བཀྲ་ཤིས་ཤོག༔ ས་བདག་ཀླུ་གཉན་འདུལ་བའི་ལྷ༔ ཁྱུང་ཆེན་རིགས་ལྔའི་བཀྲ་ཤིས་ཤོག༔ འགྲོ་ལ་ཕན་བདེའི་མཆོག་སྩོལ་བའི༔ དཀར་ཕྱོགས་སྐྱོང་བའི་བཀྲ་ཤིས་ཤོག༔ བདག་སོགས་གར་གནས་ས་ཕྱོགས་སུ༔ མི་ཕྱུགས་ནད་རིམས་ཀུན་ཞི་ཞིང༔ བདེ་སྐྱིད་དཔལ་གྱིས་མངོན་པར་འཚོ༔ དམ་ཆོས་འཕེལ་རྒྱས་བཀྲ་ཤིས་ཤོག༔ ས་མ་ཡཱ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདིའང་ཁོ་བོ་སྤྲུལ་མིང་ས་ར་ཧི་ཏས་ཏཱ་རེ་མི་འགྱུར་དགའ་བའི་ཚལ་ནས་གདན་དྲངས་པའི་གསང་བདག་གོས་སྔོན་གདུག་པ་དམ་འདོགས་ཞེས་པའི་སྒྲུབ་ཐབས་རྒྱུན་ཁྱེར་བཀའ་སྲུང་དང་བཅས་པ་འདི་ཉིད་སྔོན་སྨོན་ལས་འཕྲོ་བཟང་པོས་མཚམས་སྦྱར་བའི་སོག་པོ་དཔལ་གྱི་ཡེ་ཤེས་ཀྱི་གསང་གསུམ་མི་ཟད་རྒྱན་གྱི་འཁོར་ལོའི་ཟློས་གར་ལས་བྱུང་བའི་ཆོས་དབང་སྐྱེ་བ་ཐོབ་པའི་སྤྲུལ་པའི་སྐུ་རིན་པོ་ཆེ་མཚན་བརྗོད་པར་དཀའ་ནའང་དོན་གྱི་སླད་དུ་སྨོས་ན་པདྨ་གར་གྱི་དབང་ཕྱུག་ཞེས་བྱ་བའི་དངོས་གྲུབ་ཀྱི་སྐལ་བར་ཤོག་སེར་ལས་ཆུ་སྟོད་ཟླ་བའི་ཚེས་གསུམ་ཉིན་ནགས་ཁྲོད་བཀྲ་ཤིས་འཁྱིལ་ནས་ཞལ་བཤུས་དེ་དག་པར་ཕབ་པའི་ཡི་གེ་པ་ནི་ལུང་རྟོགས་བསྟན་འཛིན་གྱིས་བགྱིས་པའི་དགེ་བའི་མཐུ་ལ་བརྟེན་ནས་དམ་པ་རིན་པོ་ཆེའི་སྐུ་ཚེ་བསྐལ་བ་རྒྱ་མཚོར་བརྟན་ཅིང་འགྲོ་ཀུན་གསང་བའི་བདག་པོའི་གོ་འཕང་ཐོབ་པར་གྱུར་ཅིག་གུ༔ མངྒ་ལཾ༔ ཡང་གསང་བདག་གོས་སྔོན་བདག་བསྐྱེད་དྲེགས་པའི་སྲོག་འཕྲོག་གདུག་པ་དམ་འདོགས་རས་པ་གསལ་སྟོབས་ཀྱིས་ཁྲིགས་སུ་བསྡེབས་པ།བཀའ་འདུས་ཆོས་ཀྱི་རྒྱ་མཚོ་ལས༔ གསང་བདག་གོས་སྔོན་བདག་བསྐྱེད་དྲེགས་པའི་སྲོག་འཕྲོག་གདུག་པ་དམ་འདོགས་བཞུགས༔ པདྨ་ཐོད་ཕྲེང་རྩལ་ལ་འདུད༔ དྲང་སྲོང་ཁྱབ་འཇུག་གཉེན་པོའི་ལྷ༔ གསང་བདག་གོས་སྔོན་འཆང་བ་ཡི༔ སྒྲུབ་ཐབས་གདུག་པ་དམ་འདོགས་འདི༔ མཚོ་རྒྱལ་སྟངས་དཔྱལ་ཁྱོད་ལ་གདམས༔ ཟབ་པའི་ཡང་བཅུད་མིག་གི་འབྲས༔ རང་ཉམས་ལོངས་ལ་གཏེར་དུ་སྦས༔ མ་འོངས་སུམ་ཅུ་ཁ་རལ་དུས༔ རྒྱ་བོད་འཁྲུགས་རྩོད་ས་གཡོ་འབྱུང༔ མི་རྣམས་བལ་ལྟར་གཡེང་བས་འཁྱེར༔ རྒྱ་འདྲེ་འགོང་པོས་ཚ་རེག་གཏོང༔ ས་བདག་ཀླུ་ཡིས་ཞ་གྲུམ་དང༔ གཉན་དང་འབྱུང་བ་མེ་ཆུ་དང༔ བས་ལྡག་སན་ད་ཆུ་བུར་རྡོལ༔ མི་འདོད་སྣ་ཚོགས་འབྱུང་བའི་ཚེ༔ སེམས་ཅན་རྒུད་པ་སེལ་བའི་བུ༔ གཏེར་སྟོན་བདུན་གྱིས་བསྔགས་པ་བརྗོད༔ མཁའ་འགྲོའི་སྤྲུལ་པས་རྗེས་སུ་བཟུང༔ ཨ་ཙཱར་སྤྲུལ་པ་གར་མཁན་ལོ༔ བྱང་ཆུབ་སེམས་ལྡན་རྣལ་འབྱོར་པ༔ འཕགས་པའི་གནས་ལ་དབང་བ་འབྱུང༔ དེ་དུས་ཟབ་གཏེར་འདི་ཉིད་སྤྲོད༔ བཀའ་སྲུང་ཁྱབ་འཇུག་རཱ་ཧུ་ལ༔ གཏེར་སྲུང་ལྷ་བཙན་གཉེར་ཁ་གྱིས༔ ས་མ་ཡཱ༔ དེ་ལ་དབེན་པའི་གནས་སུ་ནི༔ དཀྱིལ་འཁོར་རྒྱལ་བཀའ་མི་འཛོལ་ལམ༔ ཡང་ན་བཀོད་ལེགས་ལུག་ཕྱིང་སྟེང༔ ལྷ་གྲངས་དང་མཉམ་ཚོམ་བུ་བཀྲམ༔ རྩ་གསུམ་གཏོར་མ་སྤྱི་ལྟར་ལ༔ རིན་ཆེན་སྣོད་མཆོག་འབྲུ་ཡིས་བཀང༔ གདན་ཟླུམ་སུམ་བརྩེགས་བང་རིམ་སྟེང༔ གསང་བདག་སྒྲུབ་པའི་གཏོར་མ་ནི༔ བླ་གཏོར་རྩེ་རྒྱལ་པད་འདབ་མཛེས༔ བརྗིད་ལྡན་དར་མཐིང་སྐུ་ཙཀ་བཙུག༔ དེ་མཐར་ཁྲོ་བཅུ་སྒོ་བཞི་དང༔ གཟའ་ཆེན་བརྒྱད་དང་ཀླུ་ཆེན་བརྒྱད༔ ཁྲོ་བཅུ་ཟླུམ་གཏོར་སྒོ་བཞི་ནི༔ ལས་བཞིའི་གཏོར་མ་རེ་རེ་དང༔ གཟའ་ཀླུའི་གཏོར་མ་གཞན་བྱུང་ལྟར༔ གདན་མཐར་དཔལ་མགོན་བདུན་ཅུ་ལ༔ གཏོར་རིལ་ལྷ་གྲངས་མཉམ་པ་བཞག༔ དེ་མཐར་ཕྱི་ནང་མཆོད་ཚོགས་བཀྲམ༔ འོས་པའི་ཆས་རྣམས་སྟ་གོན་བྱ༔ རང་ཉིད་བདེ་བའི་གདན་ལ་རོལ༔ ངེས་ཤེས་ལྡན་པས་ཆོས་ལ་འཇུག༔ དང་པོ་སྐྱབས་འགྲོའི་རིམ་པ་ནི༔ ཧཱུྃ་ཧཱུྃ༔ བསླུ་མེད་དཀོན་མཆོག་རིན་ཆེན་རྣམ་པ་གསུམ༔ བླ་མ་ཡི་དམ་མཁའ་འགྲོ་ཆོས་སྐྱོང་དང༔ ཁྱད་པར་གསང་བདག་དཀྱིལ་འཁོར་ལྷ་ཚོགས་ལ༔ སྐྱབས་ཀྱི་མཆོག་བསྟེན་བྱང་ཆུབ་བར་དུ་བསྙེན༔ ལན་གསུམ༔ གཉིས་པ་སེམས་བསྐྱེད་པ་ནི༔ ཧཱུྃ་ཧོ༔ ལས་སྣང་གིས་བསླུས་གྲོང་ཁྱེར་དྲུག་པོའི་ཀློང༔ མ་རྒན་འགྲོ་དྲུག་འཁྲུལ་བའི་སེམས་ཅན་ཀུན༔ བཟོད་མེད་གདུང་ཤུགས་དྲག་པོས་རྒྱུད་བསྐུལ་ནས༔ ཡང་དག་རྡོ་རྗེའི་སར་བཀོད་སེམས་བསྐྱེད་དོ༔ ལན་གསུམ༔ གསུམ་པ་ཡན་ལག་བདུན་པ་ནི༔ ཧཱུྃ་ཧཱུྃ༔ མཆོག་གསུམ་ཕྱག་འཚལ་མཆོད་ཚོགས་འབུལ༔ མི་དགེ་བསགས་སྦྱངས་རྗེས་ཡི་རང༔ ཆོས་འཁོར་བསྐོར་ཞིང་རྟག་བཞུགས་གསོལ༔ དགེ་ཚོགས་རྣམ་མཁྱེན་ཐོབ་ཕྱིར་བསྔོ༔ ཞེས་བརྗོད་ཅིང་ཚོགས་ཞིང་རང་ལ་བསྟིམས༔ བཞི་བ་དཀར་གཏོར་གཏོང་བ་ནི༔ ཨ་ཀ་རོས་བྱིན་གྱིས་རླབས་ལ་འདི་བཞིན་གྱེར༔ ཧཱུྃ་ཧཱུྃ༔ སྔོན་ཚེ་རིག་འཛིན་པདྨ་ཐོད་ཕྲེང་གི༔ བཀའ་གཏེར་སྲུང་མ་རྡོ་རྗེའི་ཆོས་སྐྱོང་དང༔ ཚངས་པ་བརྒྱ་བྱིན་རྒྱལ་ཆེན་ཕྱོགས་སྐྱོང་བཅུ༔ ལྷ་ཀླུ་བརྒྱད་དང་གཟའ་ཆེན་ནོར་སྲུང་བརྒྱད༔ རྒྱུ་སྐར་ཉེར་བརྒྱད་འཇིགས་བྱེད་ཆེན་པོ་དགུ༔ གཙང་རིས་དཔལ་མགོན་ལྷ་མོ་བསྟན་མ་དང༔ གནས་ཡུལ་འདི་ཡི་དཀར་ཕྱོགས་ཡོད་དོ་ཅོག༔ མ་ལུས་མཆོད་པའི་མགྲོན་ལ་གཤེགས་སུ་གསོལ༔ རིན་ཆེན་སྣོད་དུ་གཏམས་པའི་དཀར་གསུམ་བཤོས༔ འདོད་ཡོན་ལྔ་ལྡན་བདུད་རྩི་གསེར་སྐྱེམས་བཞེས༔ རིག་འཛིན་བརྒྱུད་པའི་སྤྱན་སྔར་ཁས་བླངས་བཞིན༔ སྔགས་འཆང་བདག་གི་ལས་བཞི་སྒྲུབ་པ་ལ༔ ཀོ་ལོང་རུ་ང་ཕྲག་དོག་གནོད་འཚེ་སྤོངས༔ བྱང་ཆུབ་སེམས་ལྡན་སྒྲུབ་པའི་བར་ཆད་སོལ༔ རྣམ་བཞི་ལས་ཀྱི་དངོས་གྲུབ་མྱུར་དུ་སྩོལ༔ རྣལ་འབྱོར་བཅོལ་པའི་ཕྲིན་ལས་གྲུབ་པར་མཛོད༔ གཏོར་སྐྱེམས་གཤེགས་གསོལ་བྱ༔ དེ་ནས་བགེགས་གཏོར་འབྲུ་གསུམ་གྱིས་བྱིན་གྱིས་རླབས༔ ཧཱུྃ་ཧཱུྃ༔ ང་ནི་ཡེ་ནས་མ་གྲུབ་ཆོས་ཀྱི་སྐུ༔ མཐའ་བརྒྱད་སྤྲོས་བྲལ་གསང་བདག་ཧེ་རུ་ཀ༔ མ་དག་འཁྲུལ་འབྱམས་གློ་བུར་ཀུན་བརྟགས་པའི༔ བགེགས་ཞེས་མིང་དུ་བཏགས་པའི་ཚོགས་རྣམས་ཀྱིས༔ འདོད་ཡོན་ལྔ་ལྡན་གཏོར་མས་ཚིམ་གྱིས་ལ༔ སྒྲུབ་བྲལ་མི་དབང་ཆོས་དབྱིངས་ཀློང་དུ་དེངས༔ བགེགས་འཇིགས་སྔགས་དང་གུལ་ཡུངས་བདུག་བྲབ་བྱ༔ ལྔ་བ་བསྲུང་འཁོར་བསྒོམ་པ་ནི༔ ཧཱུྃ་ཧཱུྃ༔ སྣང་བའི་ཡུལ་ཀུན་གསང་ཆེན་རོལ་པའི་ཁྲོད༔ བཅུད་ཀྱི་སྐྱེ་འགྲོ་རིག་རྩལ་ལྷ་རུ་གསལ༔ སྒྲ་རུ་གྲགས་པ་ཚངས་དབྱངས་དྲུག་ཅུའི་གདངས༔ བསྲུང་བྱ་སྲུང་བྱེད་མེད་པའི་རིག་གྲོལ་གྱིས༔ ཨོཾ་བཛྲ་རཀྵ་རཀྵ་བྷྲུཾ༔ དྲུག་པ་བྱིན་ཆེན་དབབ་པ་ནི༔ སྤོས་རོལ་དབྱངས་དང་བཅས་ཏེ་འདི་བཞིན་གྱེར༔ ཧཱུྃ་ཧཱུྃ༔ ངོ་བོ་རང་བཞིན་ཐུགས་རྗེའི་དཀྱིལ་འཁོར་ནས༔ སྐུ་གསུམ་བླ་མ་རྣམས་ཀྱིས་བྱིན་ཕོབ་ཅིག༔ དགོངས་པ་བརྡ་དང་གང་ཟག་སྙན་ནས་བརྒྱུད༔ བརྒྱུད་པ་གསུམ་ལྡན་བླ་མས་བྱིན་ཕོབ་ཅིག༔ སྐུ་གསུམ་དག་པ་དབྱིངས་ཀྱི་མཁའ་ཀློང་ནས༔ རྩ་གསུམ་ཞི་ཁྲོ་རབ་འབྱམས་བྱིན་ཕོབ་ཅིག༔ སྣང་སྲིད་དག་པ་གསུམ་ལྡན་ཞིང་ཁམས་སུ༔ རྒྱ་བོད་རིག་འཛིན་རྣམས་ཀྱིས་བྱིན་ཕོབ་ཅིག༔ རང་ལུས་གདན་གསུམ་ལྷ་ཡི་དཀྱིལ་འཁོར་ནས༔ ཡི་དམ་ཕྱག་རྡོར་ལྷ་ཚོགས་བྱིན་ཕོབ་ཅིག༔ བཀའ་དང་བསྟན་པ་བསྲུང་བའི་གཞལ་ཡས་ནས༔ བཀའ་སྲུང་དམ་ཅན་རྒྱ་མཚོས་བྱིན་ཕོབ་ཅིག༔ བདག་གནས་ཡོ་བྱད་འདི་ལ་བྱིན་ཆེན་ཕོབ༔ སྔགས་འཆང་རྣལ་འབྱོར་ཡོངས་ལ་དབང་བཞི་བསྐུར༔ མཆོག་དང་ཐུན་མོང་དངོས་གྲུབ་དུས་འདིར་སྩོལ༔ ཨ་ཨ་ཕཻཾ་ཕཻཾ་ཧྲིང་ཧྲིང་ཛ་ཛ༔ ཞེས་བརྗོད་ཐ་མལ་རྟོག་པ་འགགས༔ ཆོས་སྐུའི་རང་ཞལ་དལ་ཅིག་མཐོང༔ བདུན་པ་མཆོད་པ་བྱིན་གྱིས་རླབས་པ་ནི༔ རཾ་ཡཾ་ཁཾ༔ ཨོཾ་ཨཱཿཧཱུྃ༔ ཀ་དག་མཁའ་ཀློང་ཡངས་པའི་ངོས༔ མེ་ཏོག་བདུག་སྤོས་མར་མེ་དྲི༔ ཞལ་ཟས་རོལ་མོའི་བྱེ་བྲག་དང༔ སྨན་རཀ་གཏོར་གསུམ་གླུ་གར་བསྒྱུར༔ ཀུན་བཟང་མཆོད་པའི་རྣམ་རོལ་སྤེལ༔ ཨོཾ་བཛྲ་ཨརྒྷཾ་སོགས་ནས་ཤཔྟ་མ་ཧཱ་པཉྩ་རཀྟ་བྷ་ལིང་ཏ་པུ་ཛ་ཨཱཿཧཱུྃ་ཧྲཱིཿཋ༔ དེ་ནས་བརྒྱད་པ་ཏིང་འཛིན་རྣམ་གསུམ་ནི༔ ཧཱུྃ་ཧཱུྃ་ཧཱུྃ༔ ཐམས་ཅད་སྟོང་ཞིང་སྤྲོས་བདག་མེད༔ སྒྱུ་མའི་རྩལ་མདངས་འགགས་མེད་ཀྱི༔ ཀློང་ལས་ཤར་བའི་ས་བོན་ཧཱུྃ༔ དེ་ལས་བྷྲཱུྃ་ཆད་འོད་གོང་གྱུར༔ ཡོངས་གྱུར་དུར་ཁྲོད་གཞལ་མེད་ཁང༔ མཚན་ཉིད་ཡོངས་རྫོགས་ཕོ་བྲང་དབུས༔ པདྨ་ཉི་ཟླ་གཟའ་ཀླུའི་ཁར༔ རྒྱུ་ཡི་ཡི་གེ་གདན་ལ་བབས༔ མཐིང་ནག་མེ་འབར་ཐོག་བབས་འཕྲོས༔ སྤྲོ་བསྡུ་དོན་གཉིས་བྱས་པའི་མཐར༔ ཚུར་འདུས་འོད་ཀྱི་ཕུང་པོ་ལས༔ བདག་ཉིད་ཕྱག་རྡོར་གཏུམ་པོའི་སྐུ༔ མཐིང་ནག་དཔའ་ལ་སྒེག་པའི་གཟུགས༔ ཁྲོ་ཆས་ཡོངས་རྫོགས་སྤྱན་གསུམ་ལྡན༔ ཕྱག་གཡས་གསེར་རྡོར་ཐུགས་ཀར་འཛིན༔ གཡོན་པས་དྲིལ་བུ་དཀྲོལ་ཐབས་བསྣམས༔ སྦྲུལ་རིགས་ལྔ་ཡིས་སྐྲ་ཆིངས་བྱས༔ རྒྱལ་རིགས་དཀར་ཕྲེང་རྗེས་རིགས་སེར༔ ཕྱག་ཞབས་གདུ་བུ་དམངས་རིགས་དམར༔ སྐེད་ཆིངས་གདོལ་ནག་དོ་ཤལ་བརྒྱན༔ དཔའ་བོ་སྟག་ཤམ་འདོར་སྟབས་བསྒྲད༔ ས་བདག་གན་རྐྱལ་བསྣོལ་མར་བརྫིས༔ ཞལ་ནས་བྷ་ཏ་ལི་ཧཱུྃ་ཛ༔ ཧི་ལི་མ་ཧཱ་ཕྲུམ་ཕུ་ཡི༔ སྒྲ་བསྒྲགས་ཐུགས་སྲོག་ས་བོན་ཧཱུྃ༔ སྔགས་ཕྲེང་ལས་འཕྲོས་འོད་ཟེར་མཐིང༔ ལྕགས་ཀྱུའི་རྣམ་པ་དཔག་ཏུ་མེད༔ ཕྱོགས་བཅུར་འཕྲོས་པས་གཟའ་གཉན་ཀླུ༔ སྡེ་བརྒྱད་དབང་བསྡུས་ལས་ལ་བཀོལ༔ ནག་ཕྱོགས་མི་མིན་བདུད་ཀྱི་རིགས༔ ཁྲོ་ཆུང་སྤྲུལ་པས་རྡུལ་དུ་བརླག༔ འདུས་པས་མཐུ་སྟོབས་གསང་བདག་གི༔ གནས་གསུམ་འབྲུ་གསུམ་ལས་འོད་འཕྲོས༔ བདེ་གཤེགས་རྒྱལ་བ་སྲས་དང་བཅས༔ ཁྱད་པར་འོག་མིན་ལྕང་ལོ་ཅན༔ གསང་ཆེན་ལྷུན་གྲུབ་གནས་མཆོག་ནས༔ ཕྱག་རྡོར་གཏུམ་པོའི་ལྷ་ཚོགས་རྣམས༔ བསྒོམ་འདྲའི་ཡེ་ཤེས་སྤྱན་དྲངས་བསྟིམས༔ དབང་བསྐུར་གཉིས་སུ་མེད་པར་གྱུར༔ བཛྲ་པ་ཎི་ས་མ་ཡཱ་ཛ༔ ཛཿཧཱུྃ་བཾ་ཧོ༔ ཞེས་པས་སྤོས་དུད་གཏོང་ཞིང་རོལ་མོ་བསྒྲགས༔ གདུང་བའི་དབྱངས་ཀྱིས་འདི་བཞིན་གྱེར༔ ཧཱུྃ་ཧཱུྃ༔ སྐུ་གསུམ་རང་གསལ་ཕོ་བྲང་ནས༔ མ་བཅོས་སྟོང་གསལ་གཤིས་ཀྱི་ལྷ༔ གསང་བདག་གཏུམ་པོ་གཙོ་དང་འཁོར༔ བཞེངས་བཞུད་མཚན་མ་མེད་མོད་ཀྱང༔ ཐུགས་དམ་ཆེན་པོས་གཤེགས་སུ་གསོལ༔ བཛྲ་ས་མ་ཡཱ་ཕཻཾ་ཛ༔ དེ་ནས་བཞུགས་སུ་གསོལ་བ་ནི༔ ཧཱུྃ་ཧཱུྃ༔ གདན་གསུམ་དཀྱིལ་འཁོར་ཆེན་པོའི་དབུས༔ པད་ཉི་དྲེགས་པ་གཟའ་ཀླུའི་ཁར༔ གསང་བདག་གཏུམ་པོའི་ལྷ་ཚོགས་རྣམས༔ འཇིགས་རུང་གར་གྱིས་བཞུགས་སུ་གསོལ༔ ཨོཾ་བཛྲ་ས་མ་ཡཱ་ཏིཥྛ་ལྷན༔ ཧཱུྃ་ཧཱུྃ༔ ཀ་དག་ལྟ་བའི་ཀློང་ཡངས་སུ༔ ལྷུན་གྲུབ་རང་མདངས་སྟོང་གསལ་ལྷ༔ ཐུགས་རྗེ་འགགས་མེད་ཕྱག་རྡོར་སྐུ༔ གཉིས་མེད་ལ་བཟླས་ཕྱག་བགྱི་འོ༔ ན་མོ་ན་མ་ཡ་ཏི༔ དེ་ནས་མཆོད་རྫས་འབུལ་བ་ནི༔ ཧཱུྃ་ཧྲཱིཿ ཕྱི་མཆོད་མེ་ཏོག་བདུག་སྤོས་དང༔ མར་མེ་དྲི་ཆབ་ཞལ་ཟས་རོལ༔ ནང་མཆོད་སྨན་རཀ་གཏོར་གསུམ་དང༔ གསང་མཆོད་བདེ་སྟོང་གླུ་གར་དབྱངས༔ ཕྱག་རྡོར་གཏུམ་ཆེན་ལྷ་ལ་འབུལ༔ བཞེས་ནས་མཆོག་ཐུན་དངོས་གྲུབ་སྩོལ༔ བཛྲ་ཨརྒྷཾ་སོགས་ཤཔྟ་པུ་ཛ་ཧོ༔ མ་ཧཱ་པཉྩ་ཨ་མྲི་ཏ་རཀྟ་བྷ་ལིང་ཏ་མ་ཧཱ་གུ་ཧྱ་པུ་ཛ་ཧོ༔ སླར་ཡང་གསང་གསུམ་བསྟོད་པ་ནི༔ ཧཱུྃ་ཧཱུྃ༔ ངོ་བོ་ཀ་དག་ཆོས་སྐུ་བརྗོད་ལས་འདས༔ རང་བཞིན་ལྷུན་གྲུབ་ལོངས་སྐུ་འོད་དུ་གསལ༔ ཐུགས་རྗེ་འགགས་མེད་སྤྲུལ་སྐུས་འགྲོ་བ་འདྲེན༔ སྐུ་གསུམ་བདག་ཉིད་གསང་བདག་ལྷ་ལ་བསྟོད༔ སྐུ་ཡི་སྐྱོན་སྤངས་བརྡ་དོན་རྟགས་ཀྱིས་སྤྲས༔ གསུང་གི་སྐྱོན་སྤངས་ཚངས་པའི་དབྱངས་ཀྱི་གདངས༔ ཐུགས་ཀྱི་སྐྱོན་སྤངས་ཆོས་རྣམས་མ་འདྲེས་མཁྱེན༔ གསང་གསུམ་ཡོན་ཏན་རྫོགས་ལ་ཕྱག་འཚལ་བསྟོད༔ རྒྱལ་ཀུན་ཐུགས་མཆོག་གསང་བདག་རྡོ་རྗེ་འཛིན༔ གསང་སྔགས་རིག་སྔགས་ཀུན་གྱི་བདག་པོ་སྟེ༔ ལོག་འདྲེན་བགེགས་ཀྱི་ཚོགས་རྣམས་འཇོམས་མཛད་པ༔ བཅོམ་ལྡན་རྡོ་རྗེ་བསྣམས་ལ་ཕྱག་འཚལ་བསྟོད༔ དེ་ནས་ནོངས་བཤགས་ནི༔ ཧཱུྃ་ཧོ༔ ཐོག་མེད་དུས་ནས་རང་རིག་ལྷ༔ རང་ངོ་མ་ཤེས་འཁོར་བར་འཁྱམས༔ ད་ནི་གཟིགས་པའི་ཡེ་ཤེས་ཆེ༔ བཤག་བྱ་བཤགས་བྱེད་བྱང་ཆུབ་བོ༔ ཨོཾ་བཛྲ་ས་མ་ཡཱ་ཤུདྡྷེ་ཨཱ༔ ནོངས་བཤགས་བྱ་ཞིང་རང་ཞལ་བལྟ༔ དེ་ནས་འཛབ་ཀྱི་བསྐུལ་བ་ནི༔ བདག་ཉིད་ལྷར་གསལ་ཐུགས་སྲོག་སྔགས་ཕྲེང་ལས༔ འོད་ཟེར་བ་ཐག་གཟེངས་ལྟར་ཕྱོགས་བཅུར་སྤྲོས༔ འཕགས་མཆོད་བྱིན་བསྡུས་སེམས་ཅན་ཀུན་དོན་བྱས༔ མི་མིན་ནག་ཕྱོགས་སྡེ་ཚོགས་ཆམ་ལ་ཕབ༔ འོད་ཟེར་ཚུར་འདུས་རང་ཐིམ་སྣང་སྲིད་ཀུན༔ གསང་བདག་ཞིང་ཁམས་ལྷ་སྔགས་ཡེ་ཤེས་ཀྱི༔ རོལ་པར་འབྱམས་ཀླས་ཏིང་འཛིན་ཡེངས་མེད་ངང༔ ཨོཾ་བཛྲ་པཱ་ཎི་ཙཎྜ་མ་ཧཱ་རོ་ཥ་ཎ་ཧཱུྃ་ཕཊ༔ ཅི་ནུས་བཟླས་མཐར་བྱ་ཁྱུང་སྤྲོས༔ དམིགས་པ་སྔགས་ཀྱི་རིམ་པ་ནི༔ ཨོཾ་བཛྲ་ཁྲོཾ་ག་རུ་ཎ་ཙ་ལེ་ཙ་ལེ་ཧཱུྃ་ཕཊ༔ ཅེས་བརྗོད་རྐྱེན་གྱིས་གསང་བདག་གི༔ ཡེ་ཤེས་ལྔ་ཡི་རོལ་རྩལ་ལས༔ ཤར་བའི་བྱ་ཁྱུང་རིགས་ལྔར་སྤྲུལ༔ སྐུ་མདོག་དཀར་སེར་དམར་ལྗང་མཐིང༔ སྤྱན་གསུམ་དམར་ཟླུམ་ཁྲག་ལྟར་ཁོལ༔ གནམ་ལྕགས་རྭ་ལ་རྡོ་རྗེའི་མཆུ༔ ཟངས་ཀྱི་སྡེར་མོའི་དབལ་དང་ལྡན༔ གཤོག་བརྡབ་སྟོང་གསུམ་གཡོ་ཞིང་འགུལ༔ ལྔ་ཀའང་སྦྲུལ་རིགས་ཟས་སུ་ཟ༔ ཡང་སྤྲུལ་ཁྱུང་གིས་ནམ་མཁའ་གང༔ ཀླུ་གཉན་ས་བདག་འདར་ཞིང་འཁུམ༔ ཞལ་ནས་ཁྱུང་སྐད་ལྷང་ལྷང་སྒྲོག༔ གཟའ་ཀླུ་སྡེ་བརྒྱད་དྲེགས་པ་ཀུན༔ དབང་དུ་བསྡུས་ཤིང་ལས་ལ་བཀོལ༔ དམ་ཚིག་གཉན་པོའི་བཀའ་ལ་ཉན༔ བཀའ་བསྒོའི་ཚུལ་གྱིས་སྔགས་འདི་བསྙེན༔ ཨོཾ་བཛྲ་ཁྲོཾ་ག་རུ་ཎ་ཙ་ལེ་ཙ་ལེ་ཧཱུྃ་ཕཊ༔ ཨོཾ་བུདྡྷ་ཁྲོཾ་ག་རུ་ཎ་ཙ་ལེ་ཙ་ལེ་ཧཱུྃ་ཕཊ༔ ཨོཾ་རཏྣ་ཁྲོཾ་ག་རུ་ཎ་ཙ་ལེ་ཙ་ལེ་ཧཱུྃ་ཕཊ༔ ཨོཾ་པདྨ་ཁྲོཾ་ག་རུ་ཎ་ཙ་ལེ་ཙ་ལེ་ཧཱུྃ་ཕཊ༔ ཨོཾ་ཀརྨ་ཁྲོཾ་ག་རུ་ཎ་ཙ་ལེ་ཙ་ལེ་ཧཱུྃ་ཕཊ༔ དེས་ནི་གང་འདོད་ལས་འགྲུབ་ཅིང༔ གང་ལ་དམིགས་པ་ཐོགས་མེད་འགྲུབ༔ གཉན་ནད་སྲུང་བའི་མཆོག་ཏུ་འགྱུར༔ ཁ་ཆར་གཅོད་དང་འབེབས་པ་དང༔ ལོ་ཉེས་སད་སེར་བཙའ་འབུ་སྲིན༔ མ་རུང་གདུག་པ་སྲུང་བ་ལ༔ འདི་ཉིད་གཅིག་ཆོག་རྒྱལ་པོ་ཡིན༔ འདི་ནི་ཟབ་པའི་མཐར་ཐུག་གོ༔ བཅུད་ལས་བཅུད་གྱུར་གསང་བའི་མཆོག༔ ཕན་པའི་ཡོན་ཏན་བརྗོད་ལས་འདས༔ ངེས་པར་མི་བསླུ་ལག་ཏུ་ལོངས༔ ཡིད་ཆེས་རྟགས་མཚན་མ་བྱུང་ན༔ རྩ་གསུམ་བྱིན་རླབས་རྫུན་དུ་ཟད༔ དེ་ཕྱིར་ཐེ་ཚོམ་རྟོག་པ་སྤོངས༔ ས་མ་ཡཱ༔ ཚོགས་མཆོད་བསོད་ནམས་དཔལ་སྟེར་རས་པ་གསལ་སྟོབས་ཀྱིས་ཁྲིགས་སུ་བསྡེབས་པ།གསང་བདག་གོས་སྔོན་འཆང་བའི་ཚོགས་མཆོད་བསོད་ནམས་དཔལ་སྟེར་བཞུགས༔ ན་མོ་བཛྲ་པ་ཎིའི་སྐུ་ལ་འདུད༔ དེ་ལ་ཚོགས་མཆོད་རིམ་པ་ལ༔ དཀར་གསུམ་མངར་གསུམ་ཟས་སྣའི་རིགས༔ ཤ་ཆང་སྒོག་སོགས་གསང་སྔགས་རྫས༔ འོ་ཞོ་སྦྲང་རྩི་བཏུང་བའི་རིགས༔ མ་ཚང་མེད་པར་སྟ་གོན་བྱ༔ བདག་ཉིད་གསང་བདག་ཏིང་འཛིན་གྱིས༔ ཚོགས་འཁོར་བྱིན་གྱིས་རླབས་པ་ནི༔ ཧཱུྃ་ཧཱུྃ༔ བདག་ཉིད་ལྷར་གསལ་ཐུགས་ཀ་ནས༔ ཡི་གེ་རཾ་ཡཾ་ཁཾ་གསུམ་འཕྲོས༔ ཚོགས་ཀྱི་ཉེས་སྐྱོན་བསྲེགས་གཏོར་བཀྲུས༔ སླར་ཡང་ཨོཾ་དཀར་ཨཱཿདམར་དང་༔ ཧཱུྃ་མཐིང་ལས་ནི་འོད་ཟེར་གྱིས༔ ཚོགས་འཁོར་བྱིན་གྱིས་རླབས་ནས་ཀྱང༔ མི་ཟད་ནམ་མཁའ་མཛོད་ལྟ་བུ༔ ལྷ་ཚོགས་དགྱེས་པ་བསྐང་ཕྱིར་རློབས༔ དེ་ནས་སྤོས་རོལ་དབྱངས་ཀྱིས་ནི༔ ཚོགས་ཞིང་སྤྱན་འདྲེན་འདི་ལྟར་གྱེར༔ ཧཱུྃ་ཧཱུྃ༔ སྐུ་གསུམ་རང་གསལ་ཕོ་བྲང་དང༔ འོག་མིན་གསང་ཆེན་དུར་ཁྲོད་ནས༔ ཐུགས་མཆོག་ཕྱག་རྡོར་གཤེགས་སུ་གསོལ༔ ལྕང་ལོ་ཅན་གྱི་ཕོ་བྲང་ནས༔ གསང་བདག་གཏུམ་པོ་གཤེགས་སུ་གསོལ༔ གདུག་པ་འདུལ་བའི་ཚོགས་ཁང་ནས༔ དྲེགས་པ་ཀུན་འདུལ་གཤེགས་སུ་གསོལ༔ རི་རབ་འབར་བའི་རྩེ་མོ་ནས༔ ཁྱུང་ཆེན་རིགས་ལྔ་གཤེགས་སུ་གསོལ༔ ཁྲག་ཞག་རྦ་ཀློང་འཁྲུགས་པ་ནས༔ རྡོ་རྗེ་ཐོག་རྒོད་གཤེགས་སུ་གསོལ༔ དཀྱིལ་འཁོར་མུ་མཐའ་མེད་པའི་ཞིང༔ བླ་མ་ཡི་དམ་མཁའ་འགྲོ་དང༔ ཆོས་སྲུང་དམ་ཅན་གཏེར་བདག་སོགས༔ མ་ལུས་འཁོར་དང་བཅས་པ་རྣམས༔ ཚོགས་ཀྱི་མཆོད་པ་བཞེས་ཕྱིར་དུ༔ སྤྱན་འདྲེན་གནས་འདིར་གཤེགས་ནས་ཀྱང༔ ཚོགས་ཁང་གཞལ་ཡས་བྱིན་གྱིས་རློབས༔ ཡོ་བྱད་རྫས་ལ་བཅུད་ཅིག་སྩོལ༔ སྔགས་འཆང་བདག་ལ་དབང་བཞི་སྐུར༔ མཆོག་ཐུན་དངོས་གྲུབ་དུས་འདིར་སྩོལ༔ ཨོཾ་བཛྲ་ས་མ་ཡཱ་ཛ་ཛཿཕཻཾ་ཕཻཾ༔ དེ་ནས་ཚོགས་ཕུད་འབུལ་བ་ནི༔ ཧཱུྃ་ཧཱུྃ༔ གསང་བདག་བྱ་ཁྱུང་རིགས་ལྔ་དང༔ བླ་མ་ཡི་དམ་མཁའ་འགྲོའི་ཚོགས༔ ཁྱབ་འཇུག་ཐོག་རྒོད་གཙོ་དང་འཁོར༔ བླ་མེད་མཆོག་གི་དམ་རྫས་འདི༔ གཉིས་མེད་བླང་དོར་མེད་པར་བཞེས༔ མ་ཧཱ་ས་མ་ཡཱ་གྷ་ན་ཙཀྲ་པཱུ་ཛ་ཧོ༔ དེ་ནས་བཤགས་པ་བྱ་བ་ནི༔ ཧཱུྃ་ཧཱུྃ༔ ཚེ་རབས་སྔོན་ནས་ད་ལྟའི་བར༔ མ་རིག་དགྲ་གཉེན་ཕྱོགས་རིས་བཟུང་༔ རང་རིག་གསང་བདག་ལྷ་ཚོགས་ལ༔ ཞལ་ཟས་ཚོགས་ཀྱི་མཆོད་པས་བཤགས༔ ཨོཾ་བཛྲ་ས་མ་ཡཱ་ཤུདྡྷེ་ཨཱ༔ ཞེས་དང་ཡི་གེ་བརྒྱ་པས་ནོངས་པ་བཤགས༔ སླར་ཡང་བསྐང་རྫས་བྱིན་རླབས་བྱ་ཞིང་རྔ་གཤང་དབྱངས་ཀྱིས་གྱེར༔ ཧཱུྃ་ཧྲཱིཿ ཀ་དག་བདེ་བ་ཆེན་པོ་ནས༔ ཀུན་བཟང་ཡབ་ཡུམ་ཐུགས་དམ་བསྐང༔ ལྷུན་གྲུབ་རོལ་པ་ཆེན་པོ་ནས༔ རིགས་ལྔ་ཡབ་ཡུམ་ཐུགས་དམ་བསྐང༔ མ་འགགས་སྤྲུལ་བའི་ཞིང་ཁམས་ནས༔ རྡོར་འཆང་དགའ་རབ་ཐུགས་དམ་བསྐང༔ ཆོས་དབྱིངས་རྣམ་དག་ཞིང་ཁམས་སུ༔ བཤེས་གཉེན་ཤྲཱྀ་སེང་ཐུགས་དམ་བསྐང་༔ བདེ་ཆེན་པདྨ་འོད་གླིང་ནས༔ ཕ་ཅིག་མཚོ་སྐྱེས་ཐུགས་དམ་བསྐང༔ དྷུ་མ་ཐ་ལའི་གནས་མཆོག་ནས༔ མ་ཅིག་མཁའ་འགྲོའི་ཐུགས་དམ་བསྐང༔ བསམ་ཡས་མི་འགྱུར་ཁང་བཟང་ནས༔ རྗེ་འབངས་ཉེར་ལྔའི་ཐུགས་དམ་བསྐང༔ སྨོན་ལམ་དུས་འཚམས་ཟབ་གཏེར་བདག༔ གཏེར་སྟོན་བརྒྱ་རྩའི་ཐུགས་དམ་བསྐང༔ བྱིན་དངོས་འབྱུང་བའི་ཞིང་ཁམས་ནས༔ རྡོ་རྗེ་སློབ་དཔོན་ཐུགས་དམ་བསྐང༔ བརྩེ་གདུང་འདུ་འབྲལ་མེད་ཀློང་ནས༔ མཆེད་ལྕམ་འདུས་པའི་ཐུགས་དམ་བསྐང༔ ཚེ་རབས་ལས་ཀྱིས་འབྲེལ་བ་ཡི༔ སྙིང་རྗེའི་མགྲོན་རིགས་ཐུགས་དམ་བསྐང༔ ས་དང་ལམ་གྱི་རིམ་པ་ནས༔ ལྷ་སྲིན་སྡེ་བརྒྱད་ཐུགས་དམ་བསྐང༔ ཁྱེད་རྣམས་ཐུགས་དམ་བསྐངས་ནས་ཀྱང༔ བར་ཆད་རྐྱེན་ངན་བཟློག་ཏུ་གསོལ༔ མཐུན་རྐྱེན་བསམ་དོན་བསྒྲུབ་ཏུ་གསོལ༔ དེ་ནི་བརྒྱུད་པའི་རིམ་པའོ༔ དེ་ནས་ལྷ་ཚོགས་བསྐང་བ་ནི༔ ཧཱུྃ་ཧཱུྃ༔ འོག་མིན་གསང་ཆེན་རོལ་བ་ནས༔ གསང་བདག་ཕྱག་རྡོར་ཐུགས་དམ་བསྐང༔ མེ་རི་འབར་བའི་རྩེ་མོ་ནས༔ འཕགས་པ་གོས་སྔོན་ཐུགས་དམ་བསྐང༔ ལྕང་ལོ་ཅན་གྱི་གནས་མཆོག་ནས༔ རྡོ་རྗེ་གཏུམ་པོའི་ཐུགས་དམ་བསྐང་༔ གདུག་པ་འདུལ་བའི་ཞིང་ཁམས་ནས༔ དྲེགས་པ་ཀུན་འདུལ་ཐུགས་དམ་བསྐང༔ རི་རབ་འབར་བའི་རྩེ་མོ་ནས༔ ཁྱུང་ཆེན་རིགས་ལྔའི་ཐུགས་དམ་བསྐང༔ རྒྱལ་ཀུན་སྤྱི་མྱེས་རིགས་ཀྱི་བདག༔ མི་བསྐྱོད་རྡོ་རྗེའི་ཐུགས་དམ་བསྐང༔ རབ་འབྱམས་དཀྱིལ་འཁོར་ཡངས་པ་ནས༔ དཀྱིལ་འཁོར་ལྷ་ཚོགས་ཐུགས་དམ་བསྐང༔ ཧཱུྃ༔ ཁྲག་ཞག་རྦ་ཀློང་འཁྲུགས་པ་ནས༔ རྡོ་རྗེ་ཐོག་རྒོད་ཐུགས་དམ་བསྐང༔ ལས་བཞིའི་ཕྲིན་ལས་སྒྲུབ་པ་མོ༔ གདོང་ཅན་བཞི་ཡི་ཐུགས་དམ་བསྐང༔ བཀའ་ཡིས་མངག་པའི་ཕོ་ཉ་བ༔ གཟའ་ཆེན་བརྒྱད་ཀྱི་ཐུགས་དམ་བསྐང༔ དཀྱིལ་འཁོར་མུ་རན་སྐྱོང་བ་ཡི༔ རྒྱུ་སྐར་ཉེར་བརྒྱད་ལྷ་སྲིན་དང༔ བཀའ་ཉན་ལས་བྱེད་ཐུགས་དམ་བསྐང༔ ཨོ་རྒྱན་ཆེན་པོས་གཉེར་བྱང་གཏད༔ ལྷ་བཙན་ཡིད་བཞིན་ཐུགས་དམ་བསྐང༔ གཏེར་གནས་མི་འགྱུར་དགའ་ཚལ་ནས༔ བཀའ་འདུས་རྒྱ་མཚོའི་ཐུགས་དམ་བསྐང༔ སྨོན་ལམ་དུས་བབས་ཟབ་གཏེར་བདག༔ ཛྙཱ་ན་དྭཱི་པའི་ཐུགས་དམ་བསྐང༔ སྔོན་སྨོན་ལས་ཀྱིས་འབྲེལ་བ་ཡི༔ ཆོས་བདག་སྐྱེས་བུའི་ཐུགས་དམ་བསྐང༔ ཧཱུྃ༔ དེ་ལྟར་ཐུགས་དམ་བསྐང་བའི་རྫས༔ མེ་ཏོག་བདུག་སྤོས་མར་མེ་དྲི༔ ཞལ་ཟས་རོལ་མོའི་བྱེ་བྲག་ནི༔ རྐང་ཆེན་དུང་གི་གླིང་བུ་དང༔ མཆོག་ཆེན་ཐོད་རྔ་ཅང་ཏིལ་སྒྲ༔ མ་ཧཱ་མཾ་ས་རཀྟ་དང༔ ཀོ་རོ་ཙ་ན་བྷ་སུ་ཏ༔ ཨ་མྲྀ་ཏ་དང་བྱང་སེམས་དང༔ ཏ་ན་ག་ན་སྦྱོར་སྒྲོལ་སོགས༔ ཕྱི་ནང་གསང་བ་བསྐང་བསྒྲུབ་རྫས༔ ཐུགས་དམ་གཉེན་པོ་བསྐང་གྱུར་ཅིག༔ གཡར་དམ་གཉེན་པོ་སོར་སྩོལ་ཅིག༔ བསྐང་བྱ་སྐོང་བྱེད་མཐའ་ལས་གྲོལ༔ བཤག་བྱ་བཤགས་བྱེད་ཡུལ་ལས་འདས༔ འཁོར་གསུམ་ཡང་དག་རྒྱས་གདབ་པོ༔ དེས་ནི་ལྟ་སྒོམ་སྤྱོད་པའི་རོ་ལ་མྱོང༔ དེ་ནས་ཚོགས་བསྒྲལ་བྱ་བ་ནི༔ འགུག་གཞུག་བྱ་ཞིང་བརྟུལ་ཞུགས་བསྐྱེད༔ ཛ༔ ཆོས་ཀྱི་དབྱིངས་ལས་མ་གཡོས་ཀྱང༔ བཞེངས་ཤིག་ཕྱག་རྡོར་གཏུམ་པོའི་ཚོགས༔ དུག་གསུམ་ལས་བསྐྲུན་དགྲ་དང་བགེགས༔ མཚན་མའི་རྟེན་ལ་མྱུར་དུ་ཁུག༔ བྱད་མ་བསྒྲལ་བའི་དུས་ལ་བབས༔ རྣམ་ཤེས་སྐྱེ་མེད་དབྱིངས་སུ་ཕཊ༔ ཕུང་པོ་ལྷག་མེད་རྡུལ་ཕྲན་ཐོངས༔ དབྱིངས་རིག་ཕུར་བུས་བསྒྲལ་ཞིང་ཕུང་པོ་ཞལ་བསྟབས་བྱ་བ་ནི༔ ཧོ༔ གསང་བདག་གཏུམ་ཆེན་བྱ་ཁྱུང་དང༔ བཀའ་སྲུང་ལས་བྱེད་དྲེགས་ཚོགས་ལ༔ དུག་གསུམ་དགྲ་བགེགས་ཤ་ཁྲག་རུས༔ མཐའ་རྩ་སྐྱེ་རྒྱུད་ཞལ་དུ་སྟོབས༔ བཞེས་ཤིག་རོལ་ཅིག་ཁ་རཾ་ཁཱ་ཧི༔ དེ་ནས་དྲང་བ་ནི༔ གསང་ཡུམ་རིག་མས་གླུ་ཡིས་བསྐུལ༔ ཧོ༔ རྡོ་རྗེ་སློབ་དཔོན་སངས་རྒྱས་སྐུ༔ ཐབས་མཆོག་ཆེན་པོའི་རྫས་ལ་རོལ༔ སྤང་བླང་དགག་སྒྲུབ་བྲལ་བ་ཡི༔ ཡེ་གྲོལ་རྒྱལ་པོས་བཞེས་སུ་གསོལ༔ དེ་ནས་སློབ་དཔོན་གྱིས་རྩེ་གསུམ་རྒྱ་ཡིས་འདི་བཞིན་གྱེར༔ ཨ་ལ་ལ་ཧོ༔ སླར་ཡང་མཆེད་ལྕམ་ཡོངས་འདུས་ཚོགས་ལ་རོལ༔ ལས་གཡོག་གིས་ལྷག་མ་བསྡུས་ནས་ཁ་ཕྲུ་བྲན༔ ཕཻཾ་ཛ༔ ཧཱུྃ་བྷྱོ༔ དཔལ་ཆེན་དཀྱིལ་འཁོར་མུ་རན་ལ༔ གནས་པའི་དབང་ཕྱུག་གིང་ལང་ཀ༔ བཀའ་ཡི་ཕ་འབབ་ལྷག་མར་སྐྱོངས༔ སྔོན་གྱི་དམ་བཅའ་ཇི་བཞིན་དུ༔ རྟགས་དང་མཚན་མས་བྱད་མ་སྒྲོལ༔ ལས་བཞིའི་ཕྲིན་ལས་གྲུབ་པར་མཛོད༔ ཨུ་ཙུཥྚ་བ་ལིང་ཏ་ཁཱ་ཧི༔ ཞེས་པས་ལྷག་མ་གཤེགས༔ དེ་ནས་དཀྱིལ་འཁོར་ལྷ་ཚོགས་ཀྱི་ཐུགས་དམ་དབྱིངས་ནས་བསྐུལ་བ་ལ༔ རྣལ་འབྱོར་བས་ལྟ་བའི་གདེང་བསྐྱེད༔ བརྟུལ་ཞུགས་ཀྱི་སྤྱོད་པའི་སྟང་སྟབས་ཀྱིས༔ ཧཱུྃ་བྷྱོ་ཛ༔ བཞེངས་ཤིག་བཞེངས་ཤིག་ཆོས་ཀྱི་དབྱིངས་ནས་བཞེངས༔ བསྐུལ་ལོ་བསྐུལ་ལོ་སེམས་ཅན་དོན་ལ་བསྐུལ༔ མཛོད་ཅིག་མཛོད་ཅིག་དྲག་པོའི་ཕྲིན་ལས་མཛོད༔ ཐུགས་དམ་གནད་ནས་བསྐུལ་བའི་ལྷ་ཚོགས་ནི༔ གསང་བདག་ཕྱག་ན་རྡོ་རྗེ་སྐུར་བཞེངས་ཤིག༔ འཕགས་པ་གོས་སྔོན་འཆང་བ་སྐུར་བཞེངས་ཤིག༔ རིགས་སྔགས་གྲུབ་པ་གཏུམ་པོ་སྐུར་བཞེངས་ཤིག༔ དྲེགས་པ་ཀུན་འདུལ་རྒྱལ་པོ་སྐུར་བཞེངས་ཤིག༔ བྱ་རྒྱལ་མཁའ་ལྡིང་རྒྱལ་པོ་སྐུར་བཞེངས་ཤིག༔ རིགས་བདག་མི་བསྐྱོད་རྡོ་རྗེ་སྐུར་བཞེངས་ཤིག༔ གཏུམ་ཆེན་རྔམས་པ་ཁྲོ་བཞི་སྐུར་བཞེངས་ཤིག༔ བདུད་འདུལ་ཁྲོ་བཅུ་ཡབ་ཡུམ་སྐུར་བཞེངས་ཤིག༔ ཚད་མེད་སྒོ་སྐྱོང་རྣམ་བཞི་སྐུར་བཞེངས་ཤིག༔ ཐུགས་དམ་རྒྱུད་བསྐུལ་བསྟོད་དོ་ཕྲིན་ལས་མཛོད༔ ཧཱུྃ་བྷྱོ་ཛ༔ ཀྵ༔ ཁྲག་ཞག་རྦ་ཀློང་འཁྲུག་པའི་ཀློང་དཀྱིལ་ནས༔ གསང་བདག་བཀའ་ཡི་ཐ་ཚིག་མནོས་པ་བཞིན༔ དྲང་སྲོང་ཁྱབ་འཇུག་ཆེན་པོ་སྐུར་བཞེངས་ཤིག༔ བཀའ་ཡི་ཕོ་ཉར་མངགས་པའི་བང་རྩལ་ཅན༔ སྲིང་མོ་གདོང་ཆེན་རྣམ་བཞི་སྐུར་བཞེངས་ཤིག༔ བསྟན་པའི་གཞུག་གཉེར་རེ་ཞིང་ལྟོས་པའི་ལྷ༔ སྤྲུལ་པ་གཟའ་ཆེན་བརྒྱད་པོ་སྐུར་བཞེངས་ཤིག༔ དཀྱིལ་འཁོར་ཕྱི་རིམ་སྐྱོང་བའི་གཡར་དམ་ཅན༔ སྡེ་བརྒྱད་རྒྱུ་སྐར་ཉེར་བརྒྱད་སྐུར་བཞེངས་ཤིག༔ ཨོ་རྒྱན་ཆེན་པོས་བཀའ་ཡི་གཉེར་བྱང་གཏད༔ ལྷ་བཙན་ཡིད་བཞིན་ནོར་བདག་སྐུར་བཞེངས་ཤིག༔ ས་དང་ལམ་གྱི་རིམ་པའི་ལས་སྣང་གྲུབ༔ ལྷ་སྲིན་སྡེ་བརྒྱད་དམག་ཚོགས་དབྱིངས་ནས་བཞེངས༔ ལྷ་ཚོགས་ཆོས་ཉིད་ཞི་ལས་མ་གཡོས་ཀྱང༔ དཔལ་ཆེན་རྔམས་པའི་ཁྲོ་གར་ཤིགས་སེ་ཤིག༔ ཞལ་ནས་བྷྱོ་བཟློག་སྔགས་སྒྲ་ལྡི་རི་རི༔ ཐུགས་དབྱིངས་བརྗོད་བྲལ་ཡེ་ཤེས་ཏ་ལ་ལ༔ ཕྱག་ན་མཚོན་ཆ་སྣ་ཚོགས་ཡུགས་སེ་ཡུག༔ མ་ངེས་བརྟུལ་ཞུགས་སྤྱོད་པའི་ཆོ་རོལ་འགྱེད༔ གཟུང་འཛིན་འཁྲུལ་བའི་དགྲ་གདོན་ཐལ་བར་བརླག༔ མ་རིག་གིས་བྱུང་ལས་ཉོན་རྡུལ་དུ་རློགས༔ ལྟོ་ཧོར་ལྟ་ལོག་དམག་ཚོགས་དགྲ་ལ་བཟློག༔ མཐའ་བཞི་དུས་ཀྱི་འཁྲུག་ལྷོང་དགྲ་ལ་བཟློག༔ བན་སྔགས་བོན་གྱིས་བྱད་བཅུག་དགྲ་ལ་བཟློག༔ གཟུགས་ཅན་གཟུགས་མེད་གདོན་སྣ་དགྲ་ལ་བཟློག༔ མཛེ་རིགས་བཅོ་བརྒྱད་ནད་རྣམས་དགྲ་ལ་བཟློག༔ མི་ནད་ཕྱུགས་ནད་ཡུལ་འདྲེ་དགྲ་ལ་བཟློག༔ རྒྱལ་བསེན་འབྱུང་པོའི་འཚུབ་ལྷོང་དགྲ་ལ་བཟློག༔ མདོར་ན་སྲིད་འདིར་མི་མཐུན་མ་ལུས་ཀུན༔ བཟློག་ཅིང་བསྒྱུར་བའི་ཐུགས་དམ་དུས་ལ་བབས༔ དུས་ལ་བབ་པོ་ལྷ་ཚོགས་མཐུ་རྩལ་ཅན༔ མ་གཡེལ་བཅོལ་པའི་ཕྲིན་ལས་གྲུབ་པར་མཛོད༔ ཅེས་པས་ཐུགས་དམ་གནད་ནས་བསྐུལ་ལོ༔ དེ་ནས་ཐ་ཚིག་བསྒྲགས་པ་ནི༔ གཏོར་མ་བཤམས་ཤིང་སྨན་རཀ་བྲན༔ ཧཱུྃ་བྷྱོ༔ སྔོན་ཚེ་ཐོག་མ་བར་དང་ཐ་མའི་དུས༔ ཀུན་བཟང་རིགས་ལྔ་རྡོར་འཆང་དགའ་རབ་སོགས༔ རང་རང་འཁོར་ལ་ཆོས་སྟོན་འཆད་སྤེལ་ཚེ༔ དྲེགས་པ་ཅན་གྱི་སྲོག་སྙིང་གཏའ་རུ་བཟུང་༔ དེ་ཚེ་ཁས་བླངས་རང་མཐུན་གཏོར་མས་མཉེས༔ ཐ་ཚིག་བསྒྲགས་པ་བཞིན་དུ་ཕྲིན་ལས་མཛོད༔ ཧཱུྃ་བྷྱོ༔ དེ་འོག་བསྟན་པ་གཉིས་བྱོན་བོད་དར་དུས༔ ཨོ་རྒྱན་ཆེན་པོ་པདྨ་འབྱུང་གནས་ཀྱིས༔ ཐུགས་ཀྱི་གཟུང་མ་མཁར་ཆེན་མཚོ་རྒྱལ་དང་༔ འབངས་མཆོག་གྲུབ་པ་ཨ་ཙར་ཡེ་ཤེས་དབྱངས༔ རྗེ་འབངས་ཉེར་ལྔ་ལ་སོགས་ལས་ཅན་ལ༔ བཀའ་འདུས་ཆོས་ཀྱི་སྡེ་སྣོད་ཞལ་ཕྱེ་ཚེ༔ སྨུག་ནག་འོད་འཕྲོ་ལྷ་བཙན་ཡིད་བཞིན་སོགས༔ དཀར་ཕྱོགས་ལྷ་ཀླུ་དྲེགས་པའི་ཚོགས་རྣམས་ཀྱིས༔ རང་རང་གཟུགས་བསྟན་སྲོག་སྙིང་དངོས་སུ་ཕུལ༔ དེ་ཚེ་ཁས་བླང་རང་མཐུན་གཏོར་མས་མཉེས༔ ཐ་ཚིག་བསྒྲགས་པ་བཞིན་ཏུ་ཕྲིན་ལས་མཛོད༔ ཧཱུྃ་བྷྱོ༔ ད་དུས་སྙིགས་མ་སུམ་ཅུ་ཁ་རལ་དུས༔ ཨ་ཙར་སྤྲུལ་པ་བསམ་གཏན་གླིང་པ་ལ༔ ཚེ་རབས་བླ་མ་ཨོ་རྒྱན་ཆེན་པོ་དང༔ ཌཱཀྐིའི་རྣམ་རོལ་ལུང་རིག་གླིང་པ་ཡིས༔ ཞལ་གཟིགས་ལུང་བསྟན་དབུགས་དབྱུང་གཟེངས་བསྟོད་མཛད༔ མ་སྲིང་མཁའ་འགྲོའི་ཟབ་ཆོས་བརྡ་རིས་སྤྲད༔ གཏེར་གནས་སྒྲུབ་གནས་དཀར་ཆག་མངོན་བྱུང་ཚེ༔ སྨུག་ནག་འོད་འཕྲོ་གཏེར་སྲུང་ལྷ་བཙན་དབང་༔ དཀར་ཕྱོགས་ལྷ་ཀླུ་ཡུལ་གཞི་གནས་བདག་གིས༔ རང་རང་གཟུགས་བསྟན་བསྟན་འགྲོ་སྐྱོང་ངོ་ཞེས༔ དེ་ཚེ་ཁས་བླངས་རང་མཐུན་གཏོར་མས་མཉེས༔ ཐ་ཚིག་བསྒྲགས་པ་བཞིན་དུ་ཕྲིན་ལས་མཛོད༔ ཨ་ཡ་མ་དུ་རུ་ཙ་ཤ་ན་བྷ་ལིང་ཏ་ཁཱ་ཧི༔ དེ་ནས་བསྟན་མ་སྐྱོང་བ་ནི༔ ཧཱུྃ་ཧཱུྃ༔ དཔལ་གནས་མ་དང་ཡང་དག་ཤེས་ལ་སོགས༔ མཚོ་སྐྱེས་རྡོ་རྗེའི་བཀའ་ཉན་བསྟན་མའི་ཚོགས༔ བཤལ་ཆུའི་གཏོར་མ་བཞེས་ལ་འཇིག་མཐར་ལྟ༔ ལོག་རྟོག་རྨིང་ནས་འདོན་པའི་ཕྲིན་ལས་མཛོད༔ མ་མ་སྲིང་འགྲོ་བྷ་ལིང་ཏ་ཁཱ་ཧི༔ དེས་ནི་གཏོར་མ་གཙང་སར་གཤེགས༔ དེ་ནས་རྟ་བྲོ་བརྡུང་བ་ནི༔ ཧཱུྃ་ཧཱུྃ་ཧཱུྃ༔ གཏོར་གཞོང་སྐུ་གསུམ་ཡེ་ཤེས་རི་རབ་འོག༔ མ་རིག་གསུམ་གྱིས་བསྐྲུན་པའི་དམ་སྲིའི་རིགས༔ ནམ་ཡང་ལྡང་མེད་སྟོང་ཉིད་བཅོ་བརྒྱད་ཀྱིས༔ མ་རིག་རྩད་ནས་གཅོད་པའི་བྲོ་བརྡུང་ངོ༔ ཨོཾ་ལཾ༔ ཨཱ་ལཾ༔ ཧཱུྃ་ལཾ༔ སྟྭཾ་བྷ་ཡ་ནན༔ དེ་ནས་མཆོད་བསྟོད་བྱ་ཞིང་དངོས་གྲུབ་བསྐུལ་བ་ནི༔ ཧཱུྃ་ཧཱུྃ༔ དུས་གསུམ་བདེ་བར་གཤེགས་པ་དང༔ གསང་བདག་བཛྲ་པཱ་ཎི་ཡི༔ བཀའ་ཡི་བསྲུང་མ་གཙོ་དང་འཁོར༔ རྣལ་འབྱོར་ལུས་ངག་ཡིད་གསུམ་ལ༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ནད་གདོན་ཞི་ཞིང་ཚེ་བསོད་རྒྱས༔ སྣང་བ་དབང་སྡུད་ལོག་འདྲེན་གཞོམ༔ རབ་འབྱམས་ཕྲིན་ལས་དངོས་གྲུབ་སྩོལ༔ རྩ་སྔགས་གཤམ་དུ༔ ཀཱ་ཡ་ཝཀྐ་ཙིཏྟ་སརྦ་སིདྡྷི་ཧྲཱིཿ དགེ་རྩ་འགྲོ་ལ་བསྔོ་བ་ནི༔ ཧཱུྃ་ཧཱུྃ༔ བདག་གཞན་དུས་གསུམ་དགེ་བསགས་པ༔ མཁའ་མཉམ་འགྲོ་དྲུག་དོན་དུ་བསྔོ༔ གནས་སྐབས་སྡུག་བསྔལ་ཀུན་ཞི་ཞིང་༔ མཐར་ཐུག་སངས་རྒྱས་མྱུར་འགྲུབ་ཤོག༔ ལྷར་སྣང་དབྱིངས་སུ་བསྡུ་བ་ནི༔ ཧཱུྃ་ཨ༔ འཁོར་འདས་ཆོས་ཀུན་རིག་པའི་རྩལ༔ སངས་རྒྱས་མ་བཅོས་ལྷུན་གྱིས་གྲུབ༔ སྣང་སྟོང་འོད་གསལ་དབྱིངས་སུ་བསྡུ༔ ཨ་ཨ༔ ཅིར་སྣང་ལྷ་སྐུའི་ཕྱག་རྒྱར་རྫོགས༔ ཧཱུྃ་ཧཱུྃ་ཧཱུྃ་བཛྲ་ཕཊ༔ ཤིས་པས་མཐའ་བརྒྱན་བྱ་བ་ནི༔ ཧཱུྃ་ཧཱུྃ༔ ཡོན་ཏན་སྲིད་ན་འགྲན་བྲལ་བ༔ དཀོན་མཆོག་གསུམ་གྱི་བཀྲ་ཤིས་ཤོག༔ མཛད་པ་རྨད་དུ་བྱུང་བ་ཡི༔ རྩ་བ་གསུམ་གྱི་བཀྲ་ཤིས་ཤོག༔ འགྲོ་འདུལ་རིགས་གསུམ་སེམས་དཔའ་ཡི༔ སྐུ་གསུམ་བླ་མེད་བཀྲ་ཤིས་ཤོག༔ ཐུགས་རྗེས་གདུལ་དཀའ་འདུལ་བ་པོ༔ པདྨ་འབྱུང་གནས་བཀྲ་ཤིས་ཤོག༔ མཐུ་སྟོབས་བརྟུལ་ཞུགས་རྨད་བྱུང་བ༔ གསང་བདག་དཔའ་བོའི་བཀྲ་ཤིས་ཤོག༔ ས་བདག་ཀླུ་གཉན་འདུལ་བའི་ལྷ༔ ཁྱུང་ཆེན་རིགས་ལྔའི་བཀྲ་ཤིས་ཤོག༔ འགྲོ་ལ་ཕན་བདེའི་མཆོག་སྩོལ་བའི༔ དཀར་ཕྱོགས་སྐྱོང་བའི་བཀྲ་ཤིས་ཤོག༔ བདག་སོགས་གར་གནས་ས་ཕྱོགས་སུ༔ མི་ཕྱུགས་ནད་རིགས་ཀུན་ཞི་ཞིང༔ བདེ་སྐྱིད་དཔལ་གྱིས་མངོན་པར་འཚོ༔ དམ་ཆོས་འཕེལ་རྒྱས་བཀྲ་ཤིས་ཤོག༔ ས་མ་ཡཱ༔ རྒྱ་རྒྱ་རྒྱ༔ བརྡ་ཐིམ༔ ཞེས་པ་འདི་ཡང་ཁོ་བོ་སྤྲུལ་མིང་ས་ར་ཧི་ཏས་ཏཱ་རེ་མི་འགྱུར་དགའ་བའི་ཚལ་ནས་གདན་དྲངས་པའི་གསང་བདག་གོས་སྔོན་གདུག་པ་དམ་འདོག་ཞེས་བྱ་བའི་སྒྲུབ་ཐབས་རྒྱུན་ཁྱེར་བཀའ་སྲུང་དང་བཅས་པ་འདི་ཉིད་སྔོན་སྨོན་ལས་འཕྲོ་བཟང་པོས་མཚམས་སྦྱར་བའི་སོག་པོ་དཔལ་གྱི་ཡེ་ཤེས་ཀྱི་གསང་གསུམ་མི་ཟད་རྒྱན་གྱི་འཁོར་ལོའི་ཟློས་གར་ལས་བྱུང་བའི་ཆོས་དབང་སྐྱེས་ཐོབ་སྤྲུལ་པའི་སྐུ་པདྨ་གར་གྱི་དབང་ཕྱུག་ཞེས་བྱ་བའི་དངོས་གྲུབ་ཀྱི་སྐལ་བར་ཤོག་སེར་ལས་ཆུ་སྟོད་ཟླ་བའི་ཚེས་གསུམ་ཉིན་ནགས་ཁྲོད་བཀྲ་ཤིས་འཁྱིལ་ནས་ཞལ་བཤུས་ཏེ་དག་པར་ཕབ་པའི་ཡི་གེ་པ་ནི་ལུང་རྟོགས་བསྟན་འཛིན་གྱིས་བགྱིས་པ་དེ་ཉིད་ལ་ཞབས་པད་དུ་འཁོད་པའི་སློབ་འབངས་ཐ་ཤལ་རས་མིང་འཛིན་པ་གསལ་སྟོང་གིས་རང་བློས་ཁ་སབ་ཏེ་ཅུང་ཟད་རྒྱས་སུ་བཀོད་པས་ཟབ་ཆོས་འདི་ཉིད་ཀྱི་བསྟན་པ་ཕྱོགས་དུས་གནས་སྐབས་སུ་དར་ཞིང་རྒྱས་ནས་བསྟན་འཛིན་སྐྱེས་བུའི་སྐུ་ཚེ་བསྟན་ཞིང་བསྟན་པའི་སྦྱིན་བདག་འབྱོར་ལྡན་དཔལ་ལ་འགྲན་ཅིང་འགྲོ་ཀུན་གསང་བའི་བདག་པོའི་གོ་འཕང་ཐོབ་པར་གྱུར་ཅིག༔ མངྒ་ལཾ༔ ཕྲེང་བ་བྱིན་རླབས།ཡང་གསང་མཁའ་འགྲོའི་ཐུགས་ཐིག་ལས༔ ཀུན་ལ་སྦྱར་དུ་རུང་བ་ཡི༔ སྔགས་ཀྱི་ཕྲེང་བ་བྱིན་རླབས་ནི༔ དངོས་གྲུབ་འབྱུང་བའི་གཏེར་ཁ་ཡིན༔ སྔགས་འདྲེན་རྣལ་འབྱོར་སྙིང་ལ་ཆོངས༔ སྔགས་ཀྱི་དམ་ཚིག་མང་ན་ཡང༔ སྔགས་ཕྲེང་དམ་ཚིག་རྩ་བ་ཡིན༔ ཀུན་གྱི་སྤྱི་ཆིངས་ཨེ་མ་ཧོ༔ ལས་བཞིའི་ཕྲེང་བ་གང་ཡིན་པ༔ བ་ཡི་རྣམ་ལྔ་དྲི་བཟང་དྲུག༔ བསྲེས་པའི་གཙང་ཆུས་ལེགས་བཀྲུས་ཏེ༔ སྭཱ་བྷ་ཝས་སྟོང་པར་སྦྱང༔ སྟོང་པའི་ངང་ལས་སྔགས་ཕྲེང་དེ༔ ཕྲེང་ཐག་འོད་ལྔའི་ཟེར་ཐིག་ཀློང༔ མདོ་འཛིན་ཡི་དམ་དཔལ་ཆེན་པོ༔ ཕྲེང་བ་འཁོར་གྱི་རྣམ་པར་གསལ༔ ཡེ་ཤེས་ལྷ་ཚོགས་སྤྱན་དྲང་བསྟིམས༔ གུ་རུ་དྷེ་ཝ་ཌཱཀྐི་ནི་ས་པ་རི་ཝ་ར་བཛྲ་ས་མ་ཡཱ་ཛ་ཛ༔ ཛཿཧཱུྃ་བཾ་ཧོ༔ ཏིཥྛ་ལྷན༔ ཨོཾ་རུ་ཙི་ར་མ་ཎི་པྲ་ཝརྡྷ་ན་ཡེ་སྭཱཧཱ༔ དབྱངས་དང་གསལ་བྱེད་རྟེན་འབྲེལ་སྙིང༔ བདུན་བདུན་བརྗོད་པས་སྔགས་ཕྲེང་ལ༔ མེ་ཏོག་འཐོར་ཞིང་རབ་ཏུ་གནས༔ ཤིས་པ་བརྗོད་པས་མཐའ་བརྒྱན་ནོ༔ དེ་ནས་སྔགས་འབྲུ་གཅིག་བགྲང་ཡང༔ བརྒྱ་སྟོང་ཁྲི་འབུམ་འགྱུར་དང་བཅས༔ བྱིན་རླབས་ཡེ་ཤེས་འབྱུང་བར་འགྱུར༔ ས་མ་ཡཱ༔ བཙུན་པ་རིག་འཛིན་དོན་འགྲུབ་ཀྱི༔ ཕྲེང་བ་བྱིན་རླབས་ཆ་རྐྱེན་དུ༔ རྣལ་འབྱོར་ས་ར་ཧི་ཏ་ཡིས༔ ལྷག་བསམ་དག་པས་བྲིས་པ་དགེ༔ སྒྲུབ་བསྙེན་ལས་སྦྱོར་རས་པ་གསལ་སྟོང་གིས་ཁ་བསྐང་བ།ཟབ་ཆོས་བཀའ་འདུས་ཟུར་ཡིག་ལས༔ གསང་བདག་གདུག་པ་དམ་འདོགས་ཀྱི༔ སྒྲུབ་བསྙེན་ལས་སྦྱོར་ཟུར་དུ་གབ༔ ལས་ཅན་གཅིག་གིས་འདི་ན་སྤེལ༔ སྒྲུབ་པའི་གཞུང་བསྲང་བསྙེན་ཚར་དུས༔ སྒྲུབ་བསྙེན་ལས་སྦྱོར་འདི་ལ་འབུངས༔ གསང་བདག་རྣལ་འབྱོར་ཧེ་རུ་ཀས༔ གསལ་དག་བརྟན་གསུམ་གདེང་ལྡན་གཅེས༔ དེ་ནས་སྒྲུབ་པའི་བསྙེན་པ་ནི༔ ཧཱུྃ༔ བདག་ཉིད་རྡོ་རྗེ་གཏུམ་པོ་ཡི༔ ཐུགས་ཀར་པདྨ་ཉི་ཟླའི་སྟེང༔ ཡེ་ཤེས་སེམས་དཔའ་ཚོན་གང་བ༔ རྒྱན་མེད་བཻཌཱུར་མདོག་ལྟ་བུ༔ དེ་ཡི་ཐུགས་ཀར་ཉི་དཀྱིལ་ནི༔ སྲན་མ་ཕྱེད་པ་ཙམ་གྱི་སྟེང༔ སྲོག་ཡིག་སྤུས་བྲིས་ལྟ་བུར་གསལ༔ དེའི་མཐར་རྩ་བའི་སྔགས་ཀྱིས་བསྐོར༔ རྒྱལ་མཆོད་འགྲོ་བའི་སྡིག་སྒྲིབ་སྦྱངས༔ རྒྱལ་བསེན་གཟའ་ཀླུ་ས་བདག་སྡེ༔ མ་རུངས་ནག་ཕྱོགས་དམ་ལ་བཞག༔ མ་ཡེངས་མི་བསྒོམ་འཛབ་འདི་བགྲང༔ ཧཱུྃ་ཧཱུྃ་ཧཱུྃ༔ ཨོཾ་བཛྲ་པཱ་ཎི་ཙནྜ་མ་ཧཱ་རོ་ཥ་ཎ་ཧཱུྃ་ཕཊ༔ ཅེས་པ་མ་ཡེངས་གྲངས་འཁྱོལ་ན༔ ཚེ་འདིར་མི་མཐུན་གཡུལ་ལས་རྒྱལ༔ མཐར་ཐུག་གསང་བའི་བདག་པོ་ཡི༔ གསང་གསུམ་མི་ཟད་རྒྱན་འཁོར་ལ༔ དབང་འབྱོར་འབྲས་བུ་གཡུར་དུ་ཟ༔ ས་མ་ཡཱ༔ དེ་ནས་ལས་ལ་སྦྱོར་བ་ནི༔ ཧཱུྃ༔ བདག་ཉིད་གསང་བདག་རྡོ་རྗེ་འཛིན༔ རྒྱལ་ཀུན་མཐུ་བྱིན་གཅིག་བསྡུས་པའི༔ སྐུར་གསལ་ཐུགས་ཀར་པད་ཉིའི་སྟེང༔ ཧཱུྃ་མཐིང་ལས་ནི་འོད་ཟེར་འཕྲོས༔ ཁྲོ་མཚོན་མེ་དཔུང་ལྕགས་སྡིག་དང༔ བྱ་ཁྱུང་སྒྲོལ་བྱེད་རྣམ་པ་རུ༔ སྟེང་འོག་ཕྱོགས་མཚམས་ཀུན་ཏུ་ནི༔ ཆར་སྤྲིན་རླུང་གིས་གཏོར་བཞིན་ཁྱབ༔ བདག་ཅག་དཔོན་སློབ་བསྲུང་བྱ་ལ༔ བསམ་ངན་སྦྱོར་རྩུབ་སྦྱར་བའི་དུག༔ བན་སྔགས་བོན་གྱིས་བྲུབ་དང་མནན༔ བསྲེགས་འཕང་ཟོར་ལས་སྡེ་བརྒྱད་གཏད༔ གཟུགས་ཅན་གཟུགས་མེད་བྱད་མ་མཁན༔ མི་ཕྱུགས་སྲིད་ལ་འཚེ་བ་ཡི༔ དམ་སྲིའི་རིགས་གྱུར་གང་ཡང་རུང༔ མིང་གི་ལྷག་ཙམ་མེད་པ་རུ༔ བརླག་མཛད་མནན་གཏད་བཅིངས་པ་ཀུན༔ རྩྭ་སྦུར་མེར་འཕྲད་གྲོལ་བར་མཛོད༔ ཧཱུྃ་ཧཱུྃ་ཧཱུྃ༔ ཨོཾ་བཛྲ་པཱ་ཎི་ཙནྜ་མ་ཧཱ་རོ་ཥ་ཎ་ཧཱུྃ་ཕཊ༔ ཕ་རོལ་གྱི་སྣང་སྲིད་ལྷ་སྲིན་སྡེ་བརྒྱད་བན་སྔགས་བོན་གྱི་བྱད་མ་ལྷ་སྲུང་གིས་བདག་ཅག་དཔོན་སློབ་བསྲུང་བྱ་མི་ནོར་འཁོར་དང་བཅས་པའི་ལུས་ངག་ཡིད་གསུམ་བྲུབ་པ་དང་། བཅིངས་པ་དང་། མནན་གཏད་བྱད་དུ་བཅུག་པ་ཐམས་ཅད་ཕྱེ་ཕྱེ་ཁྲོལ་ཁྲོལ་མ་མ་རཀྵ་ཀུ་རུ་ཡེ་བྷྲུཾ་སྭཱཧཱ༔ ཞེས་པ་བརྒྱ་སྟོང་ཁྲི་འབུམ་གནད་དང་བསྟུན༔ མནན་གཏད་གང་ཡང་མི་གྲོལ་མེད༔ དགྲ་འདྲེ་བྱད་མས་འཚེ་མི་སྲིད༔ ཟབ་པའི་ཡང་ཟབ་མཐར་ཐུག་ཡིན༔ ཡེ་ཤེས་མཁའ་འགྲོའི་སྙིང་གི་ཁྲག༔ ཨ་ཙར་སྟངས་དཔྱལ་ཐུགས་བཅུད་ཆོས༔ མ་འོངས་འགྲོ་བའི་དོན་ཆེད་དུ༔ ཏཱ་རེ་མི་འགྱུར་དགའ་ཚལ་དུ༔ བྲག་དམར་མདའ་སྒྲོའི་དབྱིབས་རྫོངས་སུ༔ མི་ཤིགས་རྒྱས་བཏབ་གཏེར་དུ་སྦས༔ དྲང་སྲོང་སྨུག་ནག་ལྷ་བཙན་ཟུང༔ སྲུང་མར་བསྒོས་ཤིང་གཉེར་དུ་གཏད༔ མ་འོངས་སུམ་ཅུ་ཁ་རལ་དུས༔ སྟངས་དཔྱལ་ཟུང་གི་སྲས་གཅིག་འབྱུང༔ བྷ་དྲའི་མཚན་ཅན་རིག་པ་འཛིན༔ སྐལ་ལྡན་དེ་དང་འཕྲད་པར་ཤོག༔ དམ་མེད་ལོག་ལྟ་ཅན་ལ་གསང་རྒྱ༔ དད་ལྡན་སྐྱེས་བུས་ལོངས་སུ་སྤྱོད་རྒྱ༔ ཕུན་སུམ་ཚོགས་པ་ལྔ་ཡི་རྒྱ༔ ཅེས་པ་འདིའང་ཡབ་རྗེ་རིན་པོ་ཆེ་བསམ་གཏན་ཡེ་ཤེས་གླིང་པས་ཏཱ་རེ་མི་འགྱུར་དགའ་ཚལ་ནས་གདན་དྲངས་པའི་བརྡ་ཡིག་ལ་སློབ་འབངས་སུ་གྱུར་པའི་རས་མིང་གསལ་སྟོང་གིས་དག་སྣང་རི་མོའི་ལམ་དུ་ཏཱ་རེ་མི་འགྱུར་ལྷུན་གྱིས་གྲུབ་པའི་དགའ་ཚལ་དུ་རྟེན་འབྲེལ་བཟང་པོས་མཚམས་སྦྱར་ནས་ཡིག་རིས་སུ་བཀོད་པས་འགྲོ་རྣམས་གསང་བདག་དཔའ་བོའི་གོ་འཕང་ཐོབ་པའི་རྒྱུར་གྱུར་ཅིག༔ སརྦ་མངྒ་ལམ་ཛ་ཡནྟུ༔ ཀླུ་རྒྱལ་དགའ་བོའི་སྒྲུབ་ཐབས་ཕན་བདེའི་མྱུ་གུ།ཡང་གསང་ཌཱཀྐིའི་ཐུགས་ཐིག་ལས༔ ཀླུ་རྒྱལ་དགའ་བོའི་སྒྲུབ་ཐབས་ཕན་བདེའི་མྱུ་གུ་བཞུགས༔ གསང་བའི་བདག་པོ་ལ་ཕྱག་འཚལ༔ གསང་འཛིན་དཔའ་བོའི་བཀའ་ཉན་པ༔ ཀླུ་རྒྱལ་མཐའ་ཡས་སྒྲུབ་ཐབས་སྟོན༔ རཏྣའི་གཞོང་པ་འབྲུ་ཡིས་བཀང༔ དཀར་དམར་སྨན་གྱི་ཕྱེ་ཟན་ལ༔ རི་རབ་བང་རིམ་བཞི་པའི་སྟེང༔ མ་ཧཱ་གསེར་གྱི་རུས་སྦལ་བཀོད༔ མཐའ་ལ་མཚོ་རྫིང་ལྟེང་ཀ་ཤིང༔ སྟེང་དུ་པདྨ་འདབ་བརྒྱད་དབུས༔ ཀླུ་རྒྱལ་མཐའ་ཡས་རང་གཟུགས་ནི༔ མངོན་རྟོགས་ཇི་བཞིན་ལེགས་པར་བཀོད༔ དེ་མཐར་ཀླུ་བདུན་རང་གཟུགས་སམ༔ ཡང་ན་ཀླུ་བཤོས་བདུན་གྱིས་བསྐོར༔ དེའི་མཐར་བཤོས་བུ་ཟླུམ་པོ་བཅུ༔ འབྲང་རྒྱས་བརྒྱད་ཀྱིས་ལེགས་པར་བསྐོར༔ སྤར་ཁ་སྨེ་བ་བླ་ཁམས་སོགས༔ ས་བདག་ལྷ་ཀླུའི་བཅའ་བཤོས་དང༔ ཀླུ་ནོར་ཉེར་གཅིག་གཟུགས་རྣམས་བཀོད༔ དཀར་གསུམ་མངར་གསུམ་རིལ་བུ་དང༔ ཤེལ་ཚིགས་འབྲུ་སྣའི་རིགས་བྱེད་བསགས༔ ཀླུ་གཉན་གནས་པའི་ས་སྣ་དང༔ མཚོ་དང་ཆུ་མིག་ཆུ་སྣ་བསྡུས༔ འབྲི་བརྒྱའི་མར་ཆུར་ཞིང་བརྒྱའི་འབྲུ༔ མི་དཔོན་དབང་ཐང་བསོད་ནམས་ཆེ༔ ལས་བསླང་དཀོར་རྫས་གཡང་རྟེན་བསགས༔ ཀླུ་ཡི་སྐྱེད་ཚལ་ནང་དུ་བླུག༔ ཕྱི་རུ་ཀླུ་ཡི་ཤིང་སྒྲོམ་ཁང་བཟང་ནི༔ དཔལ་གྱི་བེ་འུ་དགུ་ཐོག་ཕུབ༔ དེ་སྟེང་ནམ་ལྔ་ཙིཏྟ་ཐུགས༔ ཡིད་བཞིན་ནོར་བུའི་ཏོག་གིས་སྤྲས༔ མཐའ་ལ་འདོད་རྫས་སྣ་བདུན་དང༔ རྫས་རྟགས་རང་མཐུན་རྒྱང་བུས་མཛེས༔ ཀླུ་བརྒྱད་ཕྱག་མཚན་བྲིས་འབུར་གཟུགས༔ ཤིང་རྩི་དར་ཚོན་བལ་གྱིས་བརྒྱན༔ མཆོད་རྫས་རྒྱང་བུ་བཅུ༔ ཕྱག་མཚན་རྒྱང་བུ་བརྒྱད༔ རྫས་རྟགས་སྣ་བདུན༢༣༔ ཀུན་ལ་རང་མཐུན་འདོད་གསོལ་བྲི༔ རྣལ་འབྱོར་ཤ་ཆང་སྒོག་ཙོང་སྤང༔ གསོ་སྦྱོང་ལ་གནས་གོས་གཙང་བགོ༔ སྐྱབས་སེམས་ཚོགས་བསགས་མཆོད་པའི་རྫས༔ བྱིན་རླབས་དྲི་བཟང་དུད་པ་གཏོང༔ མདུན་བསྐྱེད་རྟེན་དང་བརྟེན་པར་གསལ༔ ཐམས་ཅད་དག་མཉམ་ཆེན་པོའི་ངང༔ ཨོཾ་སྭ་བྷ་ཝ་སོགས། ཆོས་རྣམས་མི་དམིགས་སྟོང་པའི་ངང་ཉིད་ལས༔ འགགས་མེད་གསལ་ཆ་སྙིང་རྗེའི་འོད་མདངས་རྩལ༔ འབྱུང་བ་རིམ་བརྩེགས་བང་རིམ་བཞི་ཡི་དབུས༔ མ་ཧཱ་གསེར་གྱི་རུས་སྦལ་རྒྱས་པའི་མཐའ༔ མཚོ་དང་ནེའུ་གསིང་སྐྱེད་ཚལ་ལྟ་ན་སྡུག༔ ཕོ་བྲང་དཔལ་གྱི་བེ་འུ་དགུ་ཐོག་སྟེང༔ གཡང་གི་ནོར་བུ་བཻཌཱུར་འོད་འབར་ཏོག༔ བ་ལང་མིག་དང་ལྗོན་ཤིང་པ་ཏྲ་རིས༔ ཀླུ་ནོར་སྣ་ཚོགས་འདབ་ཆགས་རི་དྭགས་བྲེལ༔ འཇའ་ཚོན་མེ་གྷའི་རྦ་ཀློང་དབྱར་རྔ་ལྡིར༔ བསིལ་ཞིང་འཇམ་པའི་སྦྲང་ཆར་འཇོ་བའི་གནས༔ སྣ་ཚོགས་པདྨ་འདབ་བརྒྱད་གྱེས་པའི་སྟེང༔ དབུས་ཀྱི་གདན་ལ་ཡི་གེ་ཕུ་པྲ་ལྗང༔ གསལ་འཚེར་འོད་ཀྱིས་འབྱུང་བཞིའི་བཅུད་བསྡུས་ཤིང༔ འཕྲོ་འདུས་ཡོངས་གྱུར་ཀླུ་རྒྱལ་མཐའ་ཡས་དགའ༔ སྐུ་མདོག་ལྗང་གསལ་དྭངས་ཤེལ་འཇའ་སྤྲིན་འཁྱུད༔ ཕྱག་བཞིའི་རྩ་ཕྱག་གཉིས་མཉམ་ཐལ་མོ་སྦྱར༔ ཡིད་བཞིན་ནོར་མཆོག་དགོས་འདོད་ཆར་འབེབས་བསྣམས༔ གཡས་འོག་པད་འཛིན་སྙན་གྱི་ཐད་སོར་གྱེས༔ གཡོན་འོག་ནེའུ་རྐྱལ་པུས་མོའི་སྟེང་དུ་བསྙིལ༔ སྦྲུལ་མགོ་འབར་བ་སྟོང་གི་གདེངས་ཀ་ཅན༔ སྤྱན་གཉིས་དྭངས་ཤེལ་རིན་ཆེན་སྒྲོན་མེ་འབར༔ སྐུ་སྟོད་དར་དང་པད་སྔོན་སྟོད་གཡོགས་གསོལ༔ སྐུ་སྨད་ལྟོ་འཕྱེ་གདུག་པ་སེར་ཁྲ་འཁྱིལ༔ རུས་སྦལ་པད་སྟེང་གཡས་སུ་འཁྱིལ་བར་བསྒོམས༔ དེའི་ཕྱིར་སྣ་ཚོགས་པདྨའི་ཟེའུ་འབྲུའི་སྟེང༔ སངས་རྒྱས་བཀའ་ཉན་ཀླུ་ཆེན་ར་ཛཱ་བདུན༔ འཁོར་རྣམས་གཏེར་གཞུང་དུ་ཅུང་ཟད་བསྡུས་པས༔ ཆགས་མེད་རིན་པོ་ཆེས༔ ལྷོ་ཕྱོགས་ཀླུ་རྒྱལ་འཇོག་པོ་ནི༔ སྐུ་མདོག་སྔོ་ལ་འོད་ཟེར་འབར༔ ཕྱག་མཚན་ཨུཏྤལ་སྔོན་པོ་བསྣམས༔ ནུབ་ཕྱོགས་ཀླུ་རྒྱལ་སྟོབས་རྒྱུ་ནི༔ སྐུ་མདོག་དམར་ལ་འོད་ཟེར་འབར༔ ཕྱག་མཚན་ཕྱག་ན་སྤྲིན་ཕུང་བསྣམས༔ བྱང་ཕྱོགས་ཀླུ་རྒྱལ་རིགས་ལྡན་ནི༔ སྐུ་མདོག་ལྗང་ལ་འོད་ཟེར་འབར༔ ཕྱག་མཚན་རིན་ཆེན་སྡོང་བུ་འཛིན༔ ཤར་ལྷོ་ཀླུ་རྒྱལ་ནོར་རྒྱས་ནི༔ སྐུ་མདོག་དཀར་སེར་ཕྲེང་བ་བསྣམས༔ ལྷོ་ནུབ་ཀླུ་རྒྱལ་དུང་སྐྱོང་ནི༔ སྐུ་མདོག་དམར་ལྗང་འོད་ཟེར་འབར༔ ཕྱག་མཚན་ཕྱག་ན་འབུད་དུང་བསྣམས༔ ནུབ་བྱང་ཀླུ་རྒྱལ་པདྨ་ནི༔ སྐུ་མདོག་དམར་ལ་འོད་ཟེར་འབར༔ ཕྱག་ན་མེ་ཏོག་པདྨ་འཛིན༔ བྱང་ཤར་ཀླུ་རྒྱལ་ཆུ་ལྷ་ནི༔ སྐུ་མདོག་དཀར་ལ་འོད་ཟེར་འབར༔ ཕྱག་མཚན་ཨུཏྤལ་ཞགས་པ་བསྣམས༔ ཀུན་ཀྱང་སྦྲུལ་མཇུག་གཡས་སུ་འཁྱིལ༔ དབུ་ལ་སྦྲུལ་གྱི་གདེངས་ཀས་སྤྲས༔ སྐུ་སྟོད་དར་དཔྱངས་སྟོད་གཡོག་ནི༔ རང་མདོག་རིན་ཆེན་རྒྱན་ཆས་སྤུད༔ གཏེར་གཞུང་ནི༔ མཐའ་བསྐོར་ཕྱོགས་སྐྱོང་ས་བདག་ཀླུ་གཉན་དང༔ སྤར་ཁ་སྨེ་བ་བླ་ཁམས་ལོ་རྒྱལ་དྲུག༔ ས་བདག་ཙང་ཀུན་དུས་བཞིའི་ལྷ་མོས་བསྐོར༔ ལྷ་ཚོགས་རྣམས་ཀྱི་སྤྱི་མགྲིན་སྙིང་ལྟེ་གསང༔ ཏྲཾ་སེར་ཕུ་ལྗང་པྲ་སྔོན་སཱ་མཐིང་ཀ༔ དུ༔ནག་ཀླུ་རིགས་ལྔ་ཡི་ས་བོན་གྱིས༔ མཚན་པ་ལས་འཕྲོས་འོད་ཀྱིས་ཀླུ་རྒྱལ་ཚོགས༔ འཁོར་དང་བཅས་པའི་ཐུགས་དམ་རྒྱུད་བསྐུལ་ནས༔ སྔོན་གྱི་ཐ་ཚིག་དྲན་བཞིན་གནས་འདིར་བྱོན༔ དེ་ནས་སྤྱན་འདྲེན་པ་ནི༔ ཨོཾ༔ དུས་གསུམ་བདེ་གཤེགས་སྲས་བཅས་སྤྱན་སྔ་རུ༔ སངས་རྒྱས་བསྟན་པ་སྲུང་བར་དམ་བཅས་པའི༔ ཀླུ་རྒྱལ་དགའ་བོ་མཐའ་ཡས་འཁོར་དང་བཅས༔ མཆོད་པའི་གནས་མཆོག་བཀོད་པའི་དཀྱིལ་འཁོར་འདིར༔ གཞལ་ཡས་ཁང་གི་དམ་ཚིག་ལྷ་རྣམས་ལ༔ ཡེ་ཤེས་པ་རྣམས་དབྱིངས་ནས་སྤྱན་འདྲེན་ནོ༔ ཀུན་མཁྱེན་རྒྱལ་བའི་བསྟན་པ་རབ་ཏུ་བསྲུང༔ འགྲོ་དྲུག་སེམས་ཅན་བདེ་བས་རབ་འཚོ་ཞིང༔ དབུལ་བའི་སྡུག་བསྔལ་རབ་ཏུ་སེལ་བའི་ཕྱིར༔ ཀླུ་དབང་རབ་མཆོག་འཁོར་བཅས་སྤྱན་འདྲེན་གཤེགས༔ སྔོན་གྱི་ཐུགས་བསྐྱེད་གཡར་དམ་དགོངས་མཛོད་ལ༔ རྒྱལ་ཁམས་སྤྱི་དང་ཁྱད་པར་ཡུལ་ལྗོངས་འདིར༔ མི་འདོད་རྐྱེན་ངན་སད་སེར་ཐན་པ་དང༔ མི་ཕྱུགས་ནད་རིམས་བཟློག་ཕྱིར་གཤེགས་སུ་གསོལ༔ ཨོཾ་བྷ་ཏ་ལི་བྷ་ཏ་ལི་ཧཱུྃ་ཧཱུྃ་ཛ་ཛ༔ ནཱ་ག་རཱ་ཛ་ཕུ་ཕཻཾ་ཨེ་ཧྱ་ཧི༔ མ་ཧཱ་ཀ་རུ་ཎི་ཀ་དྲི་ཤ་ཡཱ་ཧོ༔ ཛཿཧཱུྃ་བཾ་ཧོ༔ བཞུགས་གསོལ་ནི༔ ཨོཾ༔ ཀླུ་དབང་རྒྱལ་པོ་མ་ཧཱ་ཨ་ནན་ཏྱ༔ ཀླུ་ཆེན་བརྒྱད་དང་ས་བདག་ལོ་སྐོར་དང༔ སྤར་ཁ་སྨེ་བ་ཞག་ཚེས་དབང་བྱེད་ཚོགས༔ མ་ལུས་འཁོར་དང་བཅས་པ་ཐམས་ཅད་ཀུན༔ ཕན་བདེའི་སེམས་ཀྱིས་དགྱེས་པར་བཞུགས་སུ་གསོལ༔ ཨོཾ་ཧི་ལི་ཧི་ལི་མ་ཧཱ་ཕྲུཾ་ཕུ་སྭཱ་ཧཱ༔ པདྨ་ཀ་མ་ལ་ཡེ་སྟྭཾ༔ ནཱ་ག་ར་ཛ་ས་མ་ཡཱ༔ ཏིཥྛ་ལྷན༔ གུས་པས་ལྷ་ཕྱག་འཚལ་བ་ནི༔ ཨོཾ༔ གསང་བའི་བདག་པོ་ལག་ན་རྡོ་རྗེ་ཡི༔ སྤྱན་སྔར་ཁས་བླངས་བསྟན་འགྲོ་སྐྱོང་བའི་མགོན༔ ཀླུ་ཡི་རྒྱལ་པོ་ཆེན་པོ་འཁོར་བཅས་ལ༔ རང་ལས་རང་ཤར་འཕྲུལ་དགའི་ལྷ་བཞིན་འདུད༔ ཕུ་པྲ་ནཱ་ག་རཱ་ཛ་ན་མོ༔ མཆོད་པ་འབུལ་བ་ལ་བཅུ་གཅིག་ལས༔ དང་པོ་ནི༔ ཨོཾ༔ ནཱ་ག་རཱ་ཛ་མ་ཧཱ་ཨ་ནན་ཏྱ༔ ཀླུ་རྒྱལ་སཔྟ་གཞན་ཡང་ལྷ་ཀླུ་གཉན༔ དཀར་ཕྱོགས་སྐྱོང་བའི་སྡེ་ཚོགས་ཐམས་ཅད་ལ༔ མཆོད་ཡོན་ཞབས་བསིལ་མེ་ཏོག་བདུག་སྤོས་དང༔ མར་མེ་དྲི་ཆབ་ཞལ་ཟས་རོལ་མོའི་ཚོགས༔ ཐུན་མོང་ཕྱི་ཡི་མཆོད་པས་མཉེས་གྱུར་ཅིག༔ བཞེས་ནས་སངས་རྒྱས་བསྟན་པ་དར་བ་དང༔ བྱད་མ་ལྷ་སྲུང་རང་གཤེད་རང་ལ་ཕོབ༔ མནན་གཏད་ས་ཆུའི་སྦྱོར་བ་བཀྲོལ་དུ་གསོལ༔ ཨོཾ་ནཱ་ག་རཱ་ཛ་ཕུ་པྲ་ས་པཱ་རི་ཝ་ར་ཨརྒྷཾ་ནས་ཤཔྟ་པྲ་ཏིཤྩ་ཡེ་སྭཱ་ཧཱ༔ ༼ཀ༽གཉིས་པ་ཀླུ་སྨན་བདུད་རྩི་འབུལ༔ གསུམ་པ་དཀྱིལ་འཁོར་མཆོད་རྫས་འབུལ༔ བཞི་པ་སྨན་སྣ་འབུལ༔ ལྔ་པ་མེ་ཏོག་སྣ་ཚོགས་འབུལ༔ དྲུག་པ་དཀར་གསུམ་འབུལ༔ བདུན་པ་མངར་གསུམ་འབུལ༔ བརྒྱད་པ་ཤིང་རྩི་འབུལ༔ དགུ་བ་དར་ཚོན་ཁང་བཟང་ཤིང་རིས་འབུལ༔ བཅུ་པ་རིན་ཆེན་སྣ་ཚོགས་དང་ཤེལ་ཚིགས་འབུལ༔ བཅུ་གཅིག་པ་བསིལ་བའི་ཆབ་གཏོར་ཀླུ་གཏོར་འབུལ་བ་ནི༔ ཨོཾ༔ ཀླུ་ཡི་རྒྱལ་པོ་མཐའ་ཡས་ལ་སོགས་པའི༔ ས་བདག་ཀླུ་གཉན་རིགས་སུ་གྱུར་ཚད་ལ༔ ཚ་བའི་གདུང་བ་བསིལ་བར་བྱེད་པ་ཡི༔ རྣམ་དག་བདུད་རྩི་ཆབ་ཀྱི་གཏོར་མ་འདི༔ འབུལ་ལོ་བཞེས་ནས་ས་བདག་ལྷ་ཀླུ་གཉན༔ བྱེ་ཚན་འབབས་སོགས་ཚ་ཞིང་སྲེག་པའི་ནད༔ སྡུག་བསྔལ་ཞི་ཞིང་བསིལ་བའི་ཆར་འབེབས་ཤིང༔ དགའ་ཞིང་བདེ་བས་རྟག་ཏུ་འཚོ་བ་དང༔ འཇིག་རྟེན་སྤྱི་དང་ཡུལ་རིའི་རྒྱལ་ཁམས་འདིར༔ ཆར་ཆུ་དུས་འབེབས་འབྲུག་སྒྲ་སྙན་ལྡིར་ཞིང༔ ཐོག་སེར་གློག་གི་ཟེར་སོགས་མི་འབྱུང་ཞིང༔ ཐམས་ཅད་བདེ་བར་འཚོ་བའི་ཕྲིན་ལས་མཛོད༔ ཨོཾ་ནཱ་ག་རཱ་ཛ་ས་པཱ་རི་ཝ་ར་ཨ་མྲི་ཏ་ཛ་ཧུ་པྲ་ཏིཤྩ་ཡེ་སྭཱཧཱ༔ ཀླུ་གཏོར་གཞན་ཡང་ཕུལ༔ ཡི་དྭགས་ལ་ཆུ་སྦྱིན་བྱ༔ བསྟོད་པ་བྱ་བ་ནི༔ ཨོཾ༔ སྔོན་ཚེ་སྟོན་པ་སངས་རྒྱས་གསང་བདག་སྤྱན་སྔ་རུ༔ འཁོར་དང་བཅས་པ་སྐྱོང་བར་ཁས་བླངས་པའི༔ ཀླུ་རྒྱལ་མཐའ་ཡས་ཐ་ཚིག་འཆང་བའི་བདག༔ སངས་རྒྱས་བསྟན་པ་སྐྱོང་ལ་ཕྱག་འཚལ་བསྟོད༔ སྟོན་པའི་ཞལ་མཐོང་བཀའ་ཡི་འབངས་གྱུར་པ༔ ཀླུ་ཆེན་བདུན་དང་གཞན་ཡང་ས་བདག་གཉན༔ སྤར་ཁ་སྨེ་བ་དུས་བཞིའི་བདག་པོ་སོགས༔ འཇིག་རྟེན་སྐྱོང་བ་ཀུན་ལ་ཕྱག་འཚལ་བསྟོད༔ འཛམ་གླིང་སྤྱི་དང་གངས་ལྗོངས་ཡུལ་ཁམས་འདིར༔ གནས་པའི་ཀླུ་གཉན་ས་བདག་མ་ལུས་ཚོགས༔ དཀར་ཕྱོགས་སྐྱོང་ཞིང་དངོས་གྲུབ་གཏེར་མཛད་པའི༔ མཆོད་བསྟོད་འོས་པ་ཀུན་ལ་ཕྱག་འཚལ་བསྟོད༔ ཐུགས་དམ་བསྐུལ་ཞིང་བཟླས་པ་ནི༔ བདག་ཉིད་ཡི་དམ་དུ་གསལ་བའི་ཐུགས་ཀ་ནས་འོད་ཟེར་དམར་པོ་གློག་གི་ཞགས་པ་ལྟ་བུ་འཕྲོས༔ ཀླུ་རྒྱལ་འཁོར་དང་བཅས་པའི་ཐུགས་དམ་ཀྱི་རྒྱུད་བསྐུལ༔ སྔོན་གྱི་དམ་ཚིག་དྲན་ནས་ཅི་བསྒོ་བའི་ལས་བསྒྲུབ་ཅིང་མནན་པ་བཏོན༔ གཏད་པ་ཁྲོལ༔ བཅིངས་པ་བཤིགས་ཤིང་གང་འདོད་པའི་དངོས་གྲུབ་ཐམས་ཅད་རྩོལ་མེད་དུ་ཐོབ་པར་བསམ་ལ༔ ཨོཾ་ནཱ་ག་རཱ་ཛ་ཕུ་པྲ་སྭཱ་ཧཱ༔ ས་བདག་ཀླུ་གཉན་གྱིས་བཅིངས་པ་དང་བསྡམས་པ་ཕྱེ་ཕྱེ་ཁྲོལ་ཁྲོལ༔ དངོས་གྲུབ་བསྐུལ་བའི་དོན་ཡིན་ན་རྩ་སྔགས་གཤམ་ནི༔ རཏྣ་སརྦ་བ་སུ་སིདྡྷི་ཕ་ལ་ཧོ༔ འདོད་དོན་ཐམས་ཅད་ཡིད་བཞིན་འགྲུབ༔ དེ་ནས་ཀླུ་དགའ་བའི་ཕྱག་རྒྱ་དང་བཅས་སྔགས་འདི་བཟླ༔ ཨོཾ་ཧི་ལི་ཧི་ལི་མ་ཧཱ་ཧི་ལི་ཕྲུཾ་ཕུ་སྭཱཧཱ༔ ཅི་ནུས་བཟླ༔ གཞན་ཡང་ཆགས་མེད་འཁྲུགས་བཅོས་སྔགས་ནི༔ ཨོཾ་ཀྵི་ཧི་རཱ་ཛ་པྲི་ཐི་དྷེ་ཝི་སྭཱཧཱ༔ ཅི་ནུས་བཟླ༔ ཨོཾ་ཀྵི་ཧི་རཱ་ཛ་པྲི་ཐི་དྷེ་ཝི་སརྦ་སིདྡྷི་སྭཱཧཱ༔ ལོ་ལེགས་ཕྱིར་བཟླས་སོ༔ འཁྲུགས་བཅོས་ཡིན་ན༔ ཨོཾ་ཨ་ཀ་ནི་ནི་ཀ་ནི༔ ཨ་བྷི་ལ༔ མ་དྷ་ལ༔ མ་ཡེ་སྭཱཧཱ༔ ཕོག་ཐུག་ཤོར་ན་འདི་བཟླའོ༔ ཨ་ལས་སུ་རཀྴ་འདུས༔ ཨ་ལས་མ་རཀྵ་འདུས༔ ཧཱུྃ་ཧཱུྃ་དྷ་དྷ་དུ་མ་ཡི་ཏ་ཙ་ཀེ་ཧཱུྃ་ཕཊ༔ ས་བདག་ཀླུ་གཉན་གྱི་གདུག་པ་ཞི་བར་གྱུར་ཅིག༔ ནད་པ་ཡིན་ན་འདི་བཟླའོ༔ ཨོཾ་ཀྵི་ཧི་རཱ་ཛ་པྲི་ཐི་དྷེ་ཝི་བྷུ་མི་པ་ཏི་སརྦ་རོ་ག་ཤནྟིཾ་ཀུ་རུ་ཡེ་སྭཱཧཱ༔ དེ་ནས་འབྲུ་སྣ་དང་མེ་ཏོག་སྣ་ཚོགས་གཏོར་ལ་ཕྲིན་ལས་གསོལ༔ ཨོཾ༔ དགོངས་སུ་གསོལ་ལོ་ཀླུ་རྒྱལ་མཐའ་ཡས་ཆེ༔ དགོངས་སུ་གསོལ་ལོ་ཀླུ་ཡི་རྒྱལ་པོ་བརྒྱད༔ དགོངས་སུ་གསོལ་ལོ་ཀླུ་གཉན་ས་བདག་ཚོགས༔ སྔོན་ཚེ་བཅོམ་ལྡན་སངས་རྒྱས་སྤྱན་སྔ་རུ༔ དཀོན་མཆོག་བསྟན་སྲུང་སེམས་ཅན་བདེ་སྐྱིད་སྤེལ༔ འཇིག་རྟེན་སྐྱོང་བ་ཁས་བླངས་ཀླུ་ཡི་རྒྱལ༔ མཐའ་ཡས་ཀླུ་ཆེན་བདུན་ལ་སོགས་པ་ཡི༔ ས་བདག་ཀླུ་གཉན་ཡུལ་འདིར་གཉུག་གནས་དང༔ མཁའ་རྒྱུ་དུས་བཞི་ལྷ་མོ་མི་མིན་ཚོགས༔ མ་ལུས་རྣམས་ལ་ཕྲིན་ལས་བཅོལ་བ་ནི༔ ཀུན་མཁྱེན་རྒྱལ་བའི་བསྟན་པ་རིན་པོ་ཆེ༔ ཕྱོགས་དུས་གནས་སྐབས་དར་རྒྱས་ཡུན་རིང་ཞིང༔ བསྟན་འཛིན་སྐྱེས་བུ་ཕྱོགས་རིས་མ་ཆད་པ༔ ཐུགས་མཐུན་ཁྲིམས་གཙང་བསླབ་གསུམ་ཉམས་ལེན་ཞིང་༔ སྡེ་གསུམ་ཀློང་དགུ་རྒྱུད་སྡེ་བཞི་དྲུག་གི༔ འཆད་ཉན་མི་ཉམས་གོང་ནས་གོང་འཕེལ་མཛོད༔ འཇིག་རྟེན་ཁམས་སུ་སྡུག་བསྔལ་མཐའ་དག་ཞི༔ བདེ་སྐྱིད་དཔལ་གྱིས་མངོན་པར་འཚོ་བར་མཛོད༔ སེམས་ཅན་རྒྱུད་ལ་ཡང་དག་དགེ་བཅུ་ལྡན༔ མི་དགེའི་ལས་བཅུ་དྲི་མ་དག་མཛད་གསོལ༔ ཞིང་ལ་སད་སེར་འབུ་སྲིན་དུས་མིན་ཆར༔ མི་མཐུན་ལོ་ནད་མཐའ་དག་ཞི་བར་མཛོད༔ དུས་ལ་བབས་པའི་ལོ་ཏོག་མ་སྨིན་པས༔ ཆར་གྱི་རྒྱུན་ཆེན་ལེགས་པར་འབེབས་མཛོད་གསོལ༔ འབྲུ་བཅུད་སྨིན་སྦོམ་རགས་ལ་བལྟས་ཚིམ་ཞིང༔ འབྲུ་དྲུག་དམ་པ་གཡུར་དུ་ཟ་དབང་སྩོལ༔ མ་རུངས་ཕྱུགས་ནད་གློ་གོར་ཧོན་གསུམ་དང༔ སྐེ་འགགས་ཁ་ཚ་གོད་ཡམས་ཞི་བར་མཛོད༔ འཛད་མེད་རིན་ཆེན་གཏེར་གྱིས་མངོན་འཚོ་ཞིང༔ སྟོབས་རྩལ་ཀླུ་དང་བསོད་ནམས་མཉམ་པར་མཛོད༔ ཀླུ་རྒྱལ་མཐའ་ཡས་འཁོར་བཅས་སྒྲུབ་ཡིག་འདི༔ གང་དུ་གནས་ཤིང་འབྲི་ཀློག་སྤེལ་བའི་ཡུལ༔ མཐུན་རྐྱེན་དངོས་གྲུབ་ཆར་ལྟར་འབེབས་པ་དང༔ དགེ་ཞིང་བཀྲ་ཤིས་མཚན་ལྟས་བསྟན་དུ་གསོལ༔ བདག་གི་གཙོར་བྱས་ཉམས་ལེན་གང་ཟག་ཀུན༔ བར་ཆད་བདུད་དགྲའི་གཡུལ་ལས་རྣམ་རྒྱལ་ཞིང༔ ས་གསུམ་འགྲོ་བའི་སྣང་བ་དབང་བསྡུས་ནས༔ ཡིད་ལ་འདོད་པའི་རེ་བ་སྐོང་དུ་གསོལ༔ དེ་ནས་འབྲུ་སྣ་ཀུན་འཐོར་ལ༔ འདོད་དོན་ཁྱད་པར་དུ་གསོལ་བ་ནི༔ ཡོན་བདག་རྣམས་ཀྱིས་ཀླུ་མདོས་ལ་འབྲུ་སྣ་གཏོར༔ ཧོ་དགོངས་སུ་གསོལ་ལོ༔ མཐོ་བ་མི་མངོན་ནམ་མཁའི་དབྱིངས་ན་བཞུགས་པའི་དྲང་སྲོང་ཁྱབ་འཇུག་སྨུག་ནག་འོད་འཕྲོ༔ དྲང་སྲོང་གི་མགོན་པོ་ཉི་མ་དང་ཟླ་བ༔ མིག་དམར་དང་ལྷག་པ༔ ཕུར་བུ་དང་པ་སངས༔ སྤེན་པ་དང་སྒྲ་གཅན་འཛིན༔ གཟའ་བརྒྱད་གདོང་མོ་བཞི་དང་བཅས་པ་རྣམས་དང༔ ཁྱད་པར་དུ་འོག་ཕྱོགས་ཀླུ་རྒྱལ་མཐའ་ཡས༔ ཀླུ་རྒྱལ་འཇོག་པོ༔ སྟོབས་རྒྱུ༔ རིགས་ལྡན༔ ནོར་རྒྱས༔ དུང་སྐྱོང་༔ པདྨ༔ ཆུ་ལྷ་སོགས་གཟའ་ཀླུ་དྲེགས་པ་སྡེ་བརྒྱད་ཁྱེད་རྣམས༔ སྔོན་ཚེ་སངས་རྒྱས་རིན་ཆེན་སྙིང་པོ༔ རྣམ་འདྲེན་བུ་རམ་ཤིང་པ༔ གསང་འཛིན་ལག་ན་རྡོ་རྗེ༔ རིག་འཛིན་ཡབ་སྲས་བརྒྱུད་པ་སོགས་ཀྱི་སྤྱན་སྔར་བསྟན་འཛིན་གྱི་སྐྱེས་བུ་བསྲུང་བ་དང༔ བསྟན་དགྲའི་གཤེད་མ་སྒྲོལ་བར་ཁས་བླངས་དམ་བཅས་པ་བཞིན་དུ་དམ་ཚིག་གཉན་པོ་དྲན་པར་གྱིས་ལ༔ ད་ལྟ་རྣལ་འབྱོར་པ་བདག་གིས་ལྷ་སྔགས་ཏིང་འཛིན་བདེན་པའི་མཐུས༔ ཁྱེད་རྣམས་བརྔན་གསོལ་མཆོད་སྦྱིན་བྱས་པའི་མཐུ་དང་ནུས་པ་ལ་བརྟེན་ནས༔ སྤྱིར་སངས་རྒྱས་བསྟན་པའི་སྤྱི་དགྲ༔ སྒོས་དཔལ་ལྡན་བླའི་སྐུ་དགྲ༔ ཁྱད་པར་དུ་རྣལ་འབྱོར་པ་བདག་ཅག་བསྲུང་བྱ་འཁོར་དང་བཅས་པ་རྣམས་ལ་བསམ་ངན་སྦྱོར་རྩུབ་ཤོམ་པའི་དགྲ་བོ་ས་ཆུ་མེ་རླུང་འབྱུང་བའི་འཁྲུལ་འཁོར༔ ཏིང་འཛིན་དགོངས་པའི་གཟེར་གྱིས་བཅིངས་པའི་བན་བོན་བྱད་མ་རྦོད་གཏོང་མཁན་གྱི་སྟེང་དུ༔ ལྷ་སྲིན་དྲེགས་པའི་དམག་ཚོགས་འཁོར་དང་ཡང་འཁོར༔ སྤྲུལ་པ་ཡང་སྤྲུལ་ཁྱེད་རྣམས་ཀྱི་མཐུ་དང་རྩལ་གྱི་ནུས་པ་ཕྱུང་ལ་སྒྲུབ་པའི་རྟགས་མྱུར་དུ་སྟོན་ཅིག༔ བྱད་མ་རང་གཤེད་རང་ལ་ཕོབ་ཅིག༔ རང་སྲོག་རང་གིས་ཆོད་ཅིག༔ བཟུང་བ་ཐོངས་ལ་གཏད་པ་ཁྲོལ་ཅིག༔ བསྡམས་པ་ཀློད་ལ་མནན་པ་ཐོངས་ཤིག༔ བཅིངས་པ་ཁྲོལ་ལ་རྦོད་གཏོང་ཟློག་ཅིག༔ ཁྲམ་ཁ་སྒྱུར་ཅིག་ཟློག་ཅིག་མ་རཱ་ཡ༔ རེ་ཞིང་ལྟོས་པའི་སྲུང་མ་ཁྱེད་རྣམས་བཀའ་དང་དམ་ལས་མ་འདའ་བར་རྣལ་འབྱོར་པ་བདག་ཅག་བསྲུང་བྱ་འཁོར་དང་བཅས་པ་རྣམས་ཀྱི་ལུས་དང་གྲིབ་མ་བཞིན་ཏུ་འགྲོགས་ནས་འགོ་ཞིང་སྡོང་གྲོགས་རྒྱ་ཆེན་པོ་མཛད་དུ་གསོལ༔ ཞེས་འདོད་དོན་གསོལ་ནས་འཐོར་རོ༔ སྤྱི་ལ་འདོད་གསོལ་འདི་ལྟར༔ ཨོཾ་ཀླུ་ཡི་རྒྱལ་པོ་ཆེན་པོ་མཐའ་ཡས་འཁོར་དང་བཅས་པ་རྣམས་ཀྱིས་སྔོན་ཚེ་བཅོམ་ལྡན་འདས་སངས་རྒྱས་གསང་བདག་ཕྱག་ན་རྡོ་རྗེའི་སྤྱན་སྔར་བསྟན་པ་དང༔ འཇིག་རྟེན་སྐྱོང་བར་ཁས་བླངས་པའི་དམ་ཚིག་དྲན་པར་མཛོད་ལ༔ གང་འདོད་པའི་ཕྲིན་ལས་དེ་བཞིན་དུ་འགྲུབ་པར་མཛད་དུ་གསོལ༔ གཞན་ཡང་འཇིག་རྟེན་སྐྱོང་བའི་དམ་ཚིག་ཅན༔ རིག་འཛིན་ཡབ་སྲས་བརྒྱུད་པ་དང་བཅས་པའི་བཀའ་དང་དམ་ལས་མ་འདའ་བར༔ ས་བདག་ཀླུ་གཉན་སྡེ་བརྒྱད་དྲེགས་པའི་ཚོགས་དང་བཅས་པ་རྣམས་ཀྱིས་རྣལ་འབྱོར་པ་བདག་གི་ལས་བྱད་གཏད་བཀྲོལ་བའི་ལས་འདི་ཞེས་བྱ་བ་འགྲུབ་པར་མཛད་དུ་གསོལ༔ བཀའ་དང་དམ་ལས་མ་འདའ་ཞིག༔ གལ་ཏེ་མི་ཉན་ཞིང་བར་དུ་གཅོད་ན་སྤྲུལ་པའི་ཁྲོ་ཚོགས་རྣམས་དྲག་ཏུ་ཁྲོས་ནས་མེ་དཔུང་བྱ་ཁྱུང་ལྕགས་སྡིག་གི་ཚོགས་གྲངས་མེད་པ་ཕྱོགས་བཅུར་འཕྲོས་ནས་དམ་ལ་མི་གནས་པ་རྣམས་ཀྱི་མགོ་བོ་ཨརྫ་ཀའི་དོག་པ་བཞིན་དུ་འགས་པར་འགྱུར་རོ༔ དེ་བས་ན་ཕན་བདེ་བྱང་ཆུབ་ཀྱི་སེམས་དང་ལྡན་པའི་ངང་ནས་ཕྲིན་ལས་གང་བཅོལ་ཐོགས་མེད་དུ་འགྲུབ་པར་མཛད་དུ་གསོལ༔ གང་འདོད་པའི་དོན་ལ་གསོལ་བ་བཏབ་ན་འགྲུབ་པར་འགྱུར་རོ༔ སྔོན་ཀླུའི་དམ་ཚིག་གི་ཁྱད་པར་ལའོ༔ ས་མ་ཡཱ༔ རྒྱ་རྒྱ་རྒྱ༔ དཀར་ཕྱོགས་སྐྱོང་བའི་ཀླུ་རྣམས་ལ༔ ཨོཾ༔ བླ་མ་མཆོག་གསུམ་སོགས་ཀྱིས་དངོས་གྲུབ་བསྐུལ༔ ནག་ཕྱོགས་ཀྱི་ཀླུ་རྣམས་ལ་ཆོས་ཀྱི་སྦྱིན་པ་བྱའོ༔ ལས་མཐའ་གྲུབ་ནས་ཀླུ་གཏོར་མཚོའམ་ཆུ་མིག་གི་སར་ཁ་ཕྱོགས་ལ༔ གཤེགས་གསོལ་ནི༔ ཀྱཻ༔ ཀླུ་ཡི་རྒྱལ་པོ་ཆེན་པོ་ཐ་ཚིག་ཅན༔ མཐའ་ཡས་གཙོར་བྱས་ཀླུ་ཆེན་བརྒྱད་པོ་དང༔ གཞན་ཡང་ས་བདག་ལྷ་ཀླུ་གཉན་གྱི་ཚོགས༔ དཀར་ཕྱོགས་སྐྱོང་བ་འཁོར་དང་ཡང་འཁོར་རྣམས༔ བྱམས་བརྩེའི་སྟོབས་ཀྱིས་བདག་ལ་དགོངས་སུ་གསོལ༔ ད་ནི་བདག་གི་ལས་རྣམས་ཐམས་ཅད་འགྲུབ༔ ལོངས་སྤྱོད་དངོས་གྲུབ་ཐམས་ཅད་དེ་རིང་ཐོབ༔ ཀླུ་རྒྱལ་མཐའ་ཡས་འཁོར་བཅས་བཀའ་དྲིན་ཆེ༔ ད་ནི་བདག་གིས་གཏང་རག་དུས་ལ་བབས༔ རིན་ཆེན་སྣ་ཚོགས་འབྲུ་སྨན་སྣ་ཚོགས་དང༔ དཀར་གསུམ་མངར་གསུམ་ཤིང་ཏོག་རོ་དྲུག་ཟས༔ ཞོ་དང་འོ་མ་ཀླུ་སྨན་བདུད་རྩི་སྐྱེམས༔ རང་གཟུགས་གཏོར་མ་ཤིང་རིས་དར་ཚོན་བལ༔ འཇའ་འོད་འཁྱིལ་བའི་ཁང་བཟང་རིམ་དགུས་རྒྱན༔ ཕུན་ཚོགས་ལོངས་སྤྱོད་གཏེར་གྱིས་རབ་ཏུ་གཏམས༔ ཤེལ་ཚིགས་དཀར་སྟོང་ནག་པོ་ཁྲ་བོ་འབུམ༔ ཤོག་ཤོག་དོང་ཙེ་ཇ་མར་ཐུད་དང་ཕྲུམ༔ སྤྱན་གཟིགས་ལོངས་སྤྱོད་སྣ་ཚོགས་གཏང་རག་འབུལ༔ མི་མཐུན་ལོ་ཟླ་ཞག་དང་ཟ་མའི་ཀེགས༔ འབྱུང་བའི་དགྲ་གཤེད་ཐམས་ཅད་ཞི་བར་མཛོད༔ སྤར་ཁ་སྨེ་བ་ཟླ་ཁམས་མི་མཐུན་པ༔ གནམ་སྒོ་བཅུ་གསུམ་ལོ་རྒྱལ་དྲུག་ཅུ་ཡང༔ མ་འཁྲུག་མ་གནོད་ཞི་ཞིང་མཐུན་གྱུར་ཅིག༔ བདག་དང་རྒྱུ་སྦྱོར་ཡོན་བདག་མི་ནོར་ཀུན༔ ས་བདག་གཉན་དང་ཀླུ་ལ་གཏད་པ་ཁྲོལ༔ བཅིངས་བ་ཤིག་ལ་གཏད་ཀྱི་ཐ་རམ་ཁྲོལ༔ བྱད་མ་བན་བོན་རང་གཤེད་རང་ལ་ཕོབ༔ མི་ཤེས་རྨོངས་པའི་དབང་དུ་གྱུར་པ་ཡིས༔ ཤིང་གཉན་བཅད་དང་ས་བརྐོས་བྲག་གཉན་བཤིགས༔ ཆུ་བཅུས་རྡོ་བཅགས་གནས་ཁང་གསར་བརྩིགས་སོགས༔ མངོན་ཤེས་མེད་པའི་སྐྱོན་ཅན་ནོངས་པ་བཤགས༔ རུ་ང་ཕྲག་དོག་གདུག་རྩུབ་མ་མཛད་པར༔ ཕན་བདེ་བྱང་ཆུབ་སེམས་དང་ལྡན་པའི་ངང༔ ཕོག་ཐུག་འགལ་འཁྲུལ་ཉམས་ཆགས་སོར་ཆུད་ནས༔ བདག་ཅག་འཁོར་དང་བཅས་པའི་མགོན་སྐྱབས་མཛོད༔ རང་རང་གནས་སུ་ད་ནི་གཤེགས་རེ་རན༔ སྐྱེ་མེད་ཆོས་དབྱིངས་མཁའ་རུ་བཛྲ་མཱུ༔ སླར་ཡང་ཐུགས་རྗེའི་དབང་གིས་འབྱོན་པར་འཚལ༔ ཅི་འདོད་དངོས་གྲུབ་མ་ལུས་སྩོལ་བ་དང༔ ཕན་བདེའི་དགེ་མཚན་འཕེལ་བའི་ཕྲིན་ལས་མཛོད༔ ཅེས་ཀླུ་གཏོར་མཚོའམ་ཆུ་མིག་གི་སར་བསྐྱལ་ལ་འདོད་དོན་དངོས་གྲུབ་ཞུ་བའི་འདོད་གསོལ་ཅི་ཤེས་བརྗོད་པར་བྱའོ༔ དེ་ནས་བཀྲ་ཤིས་བརྗོད་པ་ནི༔ ཧྲཱིཿ བཀའ་དྲིན་སྲིད་ན་འགྲན་ཟླ་བྲལ༔ དཀོན་མཆོག་གསུམ་གྱི་བཀྲ་ཤིས་ཤོག༔ མཛད་པ་བླ་ན་མེད་པ་མཆོག༔ སྟོན་པ་སངས་རྒྱས་བཀྲ་ཤིས་ཤོག༔ མཐུ་སྟོབས་བརྟུལ་ཞུགས་རྨད་བྱུང་བ༔ ཕྱག་ན་རྡོ་རྗེའི་བཀྲ་ཤིས་ཤོག༔ འཇིག་རྟེན་མཆོད་འོས་དཀར་ཕྱོགས་སྐྱོང༔ ལྷ་ཀླུ་གཉན་གྱི་བཀྲ་ཤིས་ཤོག༔ འགྲོ་ལ་ཕན་བདེའི་མཆོག་སྩོལ་བའི༔ ཀླུ་རྒྱལ་མཐའ་ཡས་བཀྲ་ཤིས་ཤོག༔ བདག་སོགས་གར་གནས་ས་ཕྱོགས་སུ༔ མི་ཕྱུགས་ནད་རིམས་ཀུན་ཞི་ཞིང༔ ཆར་ཆུ་དུས་འབེབས་ལོ་ཕྱུགས་ལེགས༔ དམ་ཆོས་འཕེལ་བའི་བཀྲ་ཤིས་ཤོག༔ ས་མ་ཡཱ༔ ཀླུའི་མཆོད་ཕྲེང་།༄༅། ༼ཁ༽ གཉིས་པ་ནི། མཆོད་ཕྲེང་གི་ཚེ་དུང་དཀར་འབུད། ཧོ༔ ཀླུ་རྒྱལ་མཐའ་ཡས་འཁོར་བཅས་ལ༔ བདུད་རྩི་ཀླུ་སྨན་འབུལ་བ་ནི༔ བྱང་སེམས་དཀར་དམར་བདུད་རྩིའི་བཅུད༔ ག་པུར་ཛ་ཏི་གུར་གུམ་དྲི༔ ཙནྡན་དཀར་དམར་བཟང་པོ་དྲུག༔ དབང་ལག་ཆུ་སྲིན་སྡེར་མོ་དང༔ སྙིང་དང་གླ་གོར་མཁལ་མ་ཞོ༔ སྦུར་ལེན་སྒྲོ་མདངས་སྦྲུལ་ཤུན་དང༔ ཐང་ལོ་སྨྱུག་ལོ་རྡོ་རྒྱུས་ཚོགས༔ གུ་གུལ་དཀར་མོ་རྒྱ་མཚོའི་ལྦུ༔ སླེ་ཏྲེས་ལི་ཤི་སུག་སྨེལ་དང༔ ཟི་ར་དཀར་ནག་ཏིལ་དཀར་ནག༔ སྤང་སྤོས་ཐལ་ཀ་རྡོ་རྗེ་དང༔ གསོ་མ་ར་ཙ་རྒུན་འབྲུམ་ཤིང༔ མངར་སོགས་ཀླུ་སྨན་སྣ་ཚོགས་རིགས༔ མཆོད་པར་འབུལ་ལོ་བདག་ཅག་གི༔ ནད་རིགས་མ་ལུས་ཞི་བར་མཛོད༔ ཨོཾ་ནཱ་ག་རཱ་ཛ་ས་པཱ་རི་ཝ་ར་སརྦ་པཉྩ་ཨ་མྲི་ཏ་པཱུ་ཛ་མེ་གྷ་ཨཱཿཧཱུྃ༔ གསུམ་པ་ནི༔ ཧོ༔ ཕྱི་ནང་གསང་བའི་མཎྜལ་དང༔ དཀྱིལ་འཁོར་མཆོད་རྫས་ཡོ་བྱད་ཚོགས༔ འཕན་གདུགས་རྒྱལ་མཚན་དར་ཚོན་འཕུར༔ གཞན་ཡང་བཀོད་པའི་བྱེ་བྲག་ཚོགས༔ ནཱ་ག་འཁོར་དང་བཅས་ལ་འབུལ༔ ཨོཾ་ནཱ་ག་རཱ་ཛ་ཕུ་པྲ་ས་པཱ་རི་ཝ་ར་མཎྜལ་པཱུ་ཛ་ཨཱཿཧཱུྃ༔ བཞི་པ་ནི༔ ཨོཾ༔ རྩ་བ་བརྒྱད་ལ་ཡན་ལག་སྟོང༔ ཨ་པར་སྐྱུར་སོགས་ཨ་ག་རུ༔ འབྱུང་བའི་བཅུད་བསྡུས་སྨན་གྱི་རིགས༔ ཀླུ་རྒྱལ་མཐའ་ཡས་འཁོར་བཅས་ལ༔ འབུལ་བས་རྣལ་འབྱོར་ཡོན་མཆོད་ཀྱི༔ ཚེ་བསོད་དཔལ་འབྱོར་རྒྱས་པ་དང༔ གཞན་གྱིས་སྦྱོར་བའི་བྱད་གཏད་ཀུན༔ ནཱ་ག་འཁོར་བཅས་བཀྲོལ་དུ་གསོལ༔ ཨོཾ་ནཱ་ག་རཱ་ཛ་ཕུ་པྲ་ས་པཱ་རི་ཝ་ར་སརྦ་པཉྩ་བཻ་ཥ་ཛྱཻ་ཨ་མྲི་ཏ་པཱུ་ཛ་ཧོ༔ ལྔ་པ་ནི༔ ཧོ༔ ཀླུ་ཡི་རྒྱལ་པོ་འཁོར་བཅས་ལ༔ མེ་ཏོག་སྣ་ཚོགས་འབུལ་བ་ནི༔ ཨུཏྤལ་ལྷ་མེ་ཙམ་པ་ཀ༔ མི་ཡི་མེ་ཏོག་སུ་ཊ་ཀླུ༔ ནཱ་ག་མེ་ཏོག་ཤིང་ཏོག་རིགས༔ སྤྱན་མའི་མཁའ་ཀློང་ཡངས་པ་རུ༔ མེ་ཏོག་དཀར་སེར་དམར་ལྗང་ཚོགས༔ ཀླུ་རིགས་ལྔ་རྣམས་མཉེས་གྱུར་ཅིག༔ ནཱ་ག་འཁོར་བཅས་མཉེས་ནས་ཀྱང༔ རྣལ་འབྱོར་བདག་ཅག་འཁོར་བཅས་ལ༔ ལྷ་ཡི་གཏད་དང་ཀླུ་ཡི་གཏད༔ སྡེ་བརྒྱད་སོ་སོར་གང་གཏད་ཀྱང༔ ད་ལྟ་ཉིད་དུ་བཀྲོལ་དུ་གསོལ༔ ཨོཾ་ནཱ་ག་རཱ་ཛ་ས་པཱ་རི་ཝ་ར་པུཥྤེ་པཱུ་ཛ་ཧོ༔ དྲུག་པ་ནི༔ ཨོཾ༔ ནཱ་ག་རཱ་ཛ་འཁོར་བཅས་ལ༔ སྔོན་ཚེ་རྒྱལ་བས་བྱིན་རླབས་རྫས༔ འོ་ཞོ་འབྲུ་མར་དཀར་གསུམ་ཚོགས༔ ཀླུ་རྒྱལ་མཐའ་ཡས་འཁོར་བཅས་མཆོད༔ རྣལ་འབྱོར་དཔོན་སློབ་འཁོར་བཅས་ལ༔ འབྱུང་བཞིའི་མནན་གཏད་བཀྲོལ་དུ་གསོལ༔ ཨོཾ་ནཱ་ག་རཱ་ཛ་ས་པཱ་རི་ཝ་ར་ཨཥྚ་མངྒ་ལཾ་པཱུ་ཛ་ཧོ༔ བདུན་པ་ནི༔ ཧོ༔ ཀླུ་རྒྱལ་མཐའ་ཡས་འཁོར་བཅས་ལ༔ ཀ་ར་བུ་རམ་སྦྲང་རྩིའི་རིགས༔ ནཱ་ག་འཁོར་དང་བཅས་ལ་འབུལ༔ བདག་ཅག་ཀླུ་ལ་གཏད་པ་དཀྲོལ༔ ཚེ་དང་བསོད་ནམས་རྒྱས་པར་མཛོད༔ ཨོཾ་ནཱ་ག་རཱ་ཛ་ས་པཱ་རི་ཝ་ར་ར་ས་པཱུ་ཛ་ཧོ༔ བརྒྱད་པ་ནི༔ ཧཱུྃ༔ སངས་རྒྱས་བསྟན་སྲུང་ཀླུ་ཡི་རྒྱལ༔ ནཱ་ག་རཱ་ཛ་འཁོར་བཅས་ལ༔ ཤིང་རྩི་སྣ་ཚོགས་འབུལ་བའི་མདོར༔ ཙནྡན་དཀར་དམར་ཨ་ཀ་རུ༔ ལྷ་ལོ་སྨན་ཤིང་སུར་དཀར་ཤུག༔ སྟག་པ་འོམ་བུ་སྤེན་དཀར་དང༔ ཉ་བྲུག་དུང་ལོ་བྲ་མ་སོགས༔ ཕ་ཤིང་མ་ཤིང་བུ་ཤིང་ཚོགས༔ ཡན་ལག་ལོ་འདབ་དཔག་བསམ་ལྗོན༔ ཀླུ་རྒྱལ་འཁོར་དང་བཅས་ལ་འབུལ༔ ལོ་ཕྱུགས་ཕུན་ཚོགས་དངོས་གྲུབ་སྩོལ༔ བདག་ཅག་བྱད་གཏད་བཀྲོལ་བར་མཛོད༔ ཨོཾ་ནཱ་ག་རཱ་ཛ་ས་པཱ་རི་ཝ་ར་ན་མཿསརྦ་ཏ་ཐ་ག་ཏ་བྷྱོ་བྷི་ཤྭ་སོགས༔ དགུ་པ་ནི༔ ཧཱུྃ༔ ཀླུ་རྒྱལ་མཐའ་ཡས་འཁོར་བཅས་ལ༔ དར་ཚོན་བལ་ཚོན་ཁང་བཟང་དང༔ ཤིང་རིས་ཟ་འོག་དགུ་བརྩེགས་ཀླུབས༔ རྒྱ་བོད་ཧོར་སོག་བལ་པོའི་དར༔ ཟི་ཧུན་རས་སྐུད་སྣ་ཚོགས་དར༔ ནེའུ་སིང་ལྗོན་པ་ནོར་བུའི་ཏོག༔ ཚ་བའི་བསིལ་ཁང་གྲང་བའི་དྲོད༔ ཡན་ལག་མཚོ་དཀྱིལ་པདྨའི་ཚལ༔ འབྲུག་དང་ཆུ་སྲིན་ཀླུ་ནོར་རིགས༔ གཞན་ཡང་བྱ་རིགས་རི་དྭགས་ཚོགས༔ ཡང་དག་གཅན་གཟན་སྲིད་ནོར་ཚོགས༔ བཀྲ་ཤིས་རྫས་རྟགས་རིན་ཆེན་བདུན༔ ཀུན་བཟང་མཆོད་པར་འདྲེན་བགྱིད་པའི༔ ངོ་མཚར་མཆོད་པའི་སྤྲིན་ཚོགས་ཀུན༔ ནཱ་ག་འཁོར་དང་བཅས་ལ་འབུལ༔ མནན་གཏད་ས་ཆུའི་འཁྲུལ་འཁོར་བཀྲོལ༔ ཚེ་བསོད་ཀླུ་ལ་འགྲན་བགྱིས་ནས༔ ཡིད་ལ་འདོད་པ་ཀུན་འགྲུབ་མཛོད༔ ཨོཾ་ནཱ་ག་རཱ་ཛ་ས་པཱ་རི་ཝ་ར་ཝཥྚ་སརྦ་པཱུ་ཛ་ཧོ༔ བཅུ་པ་ནི༔ ཧོ༔ མཐའ་ཡས་འཇོག་པོ་དུང་སྐྱོང་དང༔ རིགས་ལྡན་ལ་སོགས་འཁོར་བཅས་ལ༔ རིན་ཆེན་སྣ་ཚོགས་འབུལ་བ་ནི༔ གསེར་དངུལ་ཟངས་ལྕགས་གཡུ་བྱུར་དུང༔ ས་ལེ་སྦྲམ་དང་ར་ག་གཟི༔ ཨིནྜ་སྦུར་ལེན་མུ་ཏིག་ཚོགས༔ འབྲུ་དྲུག་སྟར་ག་རྒུན་འབྲུམ་དང༔ ཤེལ་ཚིགས་ཁྲི་དཀར་སྟོང་ནག་ཚོགས༔ ཀླུ་ཡི་ཚོགས་རྣམས་མཉེས་ཕྱིར་འབུལ༔ བཞེས་ནས་སངས་རྒྱས་བསྟན་པ་དར༔ བྱད་མ་ལྷ་སྲུང་རྡུལ་དུ་བརླག༔ མནན་གཏད་ཀླུ་ཡི་སྦྱོར་བ་བཀྲོལ༔ རྣལ་འབྱོར་བསམ་དོན་འགྲུབ་པར་མཛོད༔ ཨོཾ་ནཱ་ག་རཱ་ཛ་ས་པཱ་རི་ཝ་ར་རཏྣ་སརྦ་པཱུ་ཛ་ཧོ༔ བཅུ་གཅིག་པ་ཀླུ་གཏོར་འབུལ་བ་ནི༔ སྨིན་གླིང་ལས། རྡོ་རྗེ་གནོད་སྦྱིན་གྱི་རྒྱས༔ ཨོཾ་བཛྲ་ཡཀྵ་ཧཱུྃ༔ ཞེས་བསངས༔ རྡོ་རྗེ་མེའི་རྒྱས༔ ཨོཾ་བཛྲ་ཛྭ་ལ་སོགས་ཀྱིས་སྦྱངས་ཏེ༔ རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ་གཏོར་མ་ཀླུ་རྣམས་དགའ་བར་བྱེད་པའི་འདོད་ཡོན་བདུད་རྩིའི་རང་བཞིན་དུ་གྱུར་པར་བསམ་ལ། རྡོ་རྗེ་བསྡམས་པ་འདེགས་པའི་རྒྱས༔ ཨ་ཀ་རོ་ལན་གསུམ་གྱིས་སྤེལ་ལ༔ འདོད་རྒྱལ་གྱི་ཕྱག་རྒྱས་བཅིངས་ཏེ༔ རང་གི་སྙིང་ག་ནས་འོད་ཟེར་འཕྲོས་པས་ཀླུའི་ཚོགས་འཁོར་བཅས་སྤྱན་དྲངས་བར་བསམ་ལ༔ ཨོཾ་བ་ཏ་ལི་བ་ཏ་ལི་མ་ཧཱ་བ་ཏ་ལི་ཧཱུྃ་ཧཱུྃ་ཛ་ཛ་སྭཱཧཱ༔ ཨོཾ༔ ཀླུ་རྒྱལ་མཐའ་ཡས་ནོར་རྒྱས་བུ༔ འཇོག་པོ་དང་ནི་སྟོབས་ཀྱི་རྒྱུ༔ པདྨ་པདྨ་ཆེན་པོ་དང༔ དུང་སྐྱོང་དང་ནི་རིགས་ལྡན་ནོ༔ ལྷ་མོ་ལྷ་མོ་ཆེན་པོ་དང༔ ཟླ་བའི་སྤྱི་གཙུག་སྤྱི་གཙུག་ཆེ༔ དབྱུག་འཛིན་དབྱུག་འཛིན་ཆེན་པོ་དང༔ སོག་མ་མེ་དང་ཧུ་ལུཎྜ༔ དགའ་བོ་དང་ནི་ཉེ་དགའ་བོ༔ རྒྱ་མཚོ་རྒྱ་མཚོ་ཆེན་པོ་དང༔ ཚ་བ་ཚ་བ་ཆེན་པོ་དང༔ དཔལ་གྱི་འོད་དང་འོད་པོ་ཆེ༔ རིན་ཆེན་འོད་དང་གཟུགས་མཛེས་དང༔ གཟུགས་མཛེས་ཆེན་པོ་སྦྲུལ་བཟང་དང༔ ལྟོ་འཕྱེ་ཆེན་པོ་ཚི་ལི་དང༔ ཚི་ལི་ཆེན་པོ་རྣམ་དག་ནི༔ མཆོད་པའི་གནས་འདིར་གཤེགས་སུ་གསོལ༔ ཨོཾ་ཨཱ་གཙྪ་ཨཱ་གཙྪ་མ་ཧཱ་ནཱ་ག་ཨ་དྷི་པ་ཏ་ཡེ་སརྦ་བྷུརྦྷུ་ཝ་ཕྲུཾ་ཕུ་སྭཱཧཱ༔ ཞེས་མདུན་དུ་བྱོན་པར་བསམ་ལ༔ པདྨ་ཀ་མ་ལ་ཡེ་སྟྭཾ༔གྱིས་གདན་ཕུལ༔ ཆགས་མེད་ལས༔ ཀླུ་རྒྱལ་སངས་རྒྱས་བཅོམ་ལྡན་འདས༔ བདེ་གཤེགས་ཀླུ་དབང་རྒྱལ་པོ་དང༔ སྤྲིན་ཆེན་མདོ་ལས་གསུངས་པ་ཡི༔ སངས་རྒྱས་རྣམས་ལ་ཕྱག་འཚལ་ལོ༔ ཆུ་མིག་འདིར་གནས་ཀླུ་འདི་ཡི༔ ནད་དང་སྡུག་བསྔལ་ཀུན་ཞི་ཞིང༔ མཐུ་སྟོབས་གཟི་བརྗིད་རབ་འཕེལ་ནས༔ འདིར་ནི་ཆུ་ཆེར་འབབ་གྱུར་ཅིག༔ ཨོཾ་ནཱ་ག་གི་ཤེ་ཕུད་ཡ་དེང་ནཱ་ག་གི་ཤེ་པྲ་མརྡྷ་ན་ཡེ་སྭཱཧཱ༔ ནཱ་ག་ར་ཙ་བཾ༔ ཆུ་མིག་སྐམ་པོ་གསོ་ན་ནི༔ སྔགས་འདི་ཁྲི་ཕྲག་འདོན་པར་བཤད༔ འཕྲལ་དུ་བརྒྱ་རྩ་བཟླས་པས་ཆོག༔ ཨོཾ་མ་ཧཱ་ནཱ་ག་ཨ་དྷི་པ་ཏ་ཡེ་གྷྲིཧྞེ་དཾ་ཨརྒྷཾ་སྭཱཧཱ༔ དེ་བཞིན་དུ༔ པུཥྤཻ༔ དྷུ་པཾ༔ དཱི་པཾ༔ གནྡཾ༔ སོགས་ཀྱིས་མཆོད༔ ཀླུ་དགའ་བར་བྱེད་པའི་རྒྱས༔ ཨོཾ་ཧི་ལི་ཧི་ལི་མ་ཧཱ་ཧི་ལི་ཕྲུཾ་ཕུ་སྭཱ་ཧཱ༔ ཞེས་སེ་གོལ་དང་བཅས་པས་ལན་གསུམ་དང༔ ཨོཾ་བྷཀྵ་ཡ་བྷཀྵ་ཡ་ས་མ་ཡཱ་ཏིཥྛ་ཕྲུཾ་ཕུ་སྭཱཧཱ༔ ལན་གསུམ་གྱིས་གཏོར་མ་བསྔོ༔ ཨོཾ༔ ཀླུ་ཡི་རྒྱལ་པོ་སོགས༔ ཡེ་དྷརྨ་དང༔ སྡིག་པ་ཅི་ཡང་སོགས་ཡིན༔ ཆོས་ཀྱི་སྦྱིན་པ་བྱ༔ ཀླུ་ཆེན་པོ་བརྒྱད་སོགས་ཀླུ་ཡི་རིགས་སུ་གྱུར་པ་ཐམས་ཅད་དང་༔ བྱེ་བྲག་བདག་ཅག་ལ་གནོད་ཅིང་ལན་ཆགས་པ་ཐམས་ཅད་མཉེས་ཤིང་ཚིམ་ནས་གནོད་འཚེ་དང་གདུག་སེམས་ཞི་སྟེ་ཕན་པ་བྱང་ཆུབ་ཀྱི་སེམས་དང་ལྡན་པར་གྱུར་ཅིག༔ ཅེས་སྨོན་ལམ་གདབ་བོ༔ རང་ཉིད་ཐུགས་རྗེ་ཆེན་པོ་སོགས། ཀླུ་སྨན་འབུལ་བ།༈ ཧཱུྃ་ཕུ༔ ཀླུ་ཡི་རྒྱལ་པོ་ཆེན་པོ་ཝ་རུ་ཎ༔ བཀའ་ཡི་འབངས་གྱུར་ཀླུ་གཉན་ས་བདག་ཚོགས༔ འདིར་བྱོན་དཀར་གསུམ་ཀླུ་སྨན་མཆོད་པ་བཞེས༔ རྣལ་འབྱོར་ལམ་གྱི་བར་ཆད་ཞི་བ་དང༔ མཐུན་རྐྱེན་འབད་མེད་ལྷུན་གྱིས་གྲུབ་པར་མཛོད༔ ཞིང་ལ་བཙའ་སད་སེར་བ་མི་འབྱུང་ཞིང༔ ལོ་ལེགས་འབྲུ་འཕེལ་ཕྱྭ་གཡང་བདེ་ལེགས་སྩོལ༔ མི་སྙིང་མི་ལག་སྒུལ་ལ་འབྲུ་ནོར་བསྡུས༔ ཀླུ་ཡི་སྟོབས་དང་དཔལ་ལ་འགྲན་པར་མཛོད༔ ཨོཾ་ཕུ་པྲ་ནཱ་ག་ར་ཛཱ་ཝ་རུ་ཎ་ས་པཱ་རི་ཝ་ར་ཨེ་དཾ་བྷ་ལིང་ཏ་ཁ་ཁཱ་ཧི་ཁཱ་ཧི༔ བླ་མ་ནས་སྤྲུལ་པའི་སྐུའི་བཞེད་སྐོང་དུ་བྲིས་དགེ་ལེགས་འཕེལ༔ བསྟོད་བསྡུས།༈ བསྟོད་པ་ནི༔ བདེ་གཤེགས་རྣམ་སྣང་ལ་སོགས་གྲུབ་དབང་བཀའ༔ དམ་བཞག་རྗེ་རིགས་ཀླུ་ཆེན་ཡུམ་སྲས་མོ༔ ཀླུ་འཁོར་བརྒྱད་སོགས་འཁོར་དང་བཅས་ལ་བསྟོད༔ རྣལ་འབྱོར་འདོད་པའི་རེ་འབྲས་མཆིས་པར་མཛོད༔ ཀླུ་རྒྱལ་མཆོད་པའི་ཆ་ལག་ལས་ཚོགས་སྤྲིན་གྱི་རོལ་མོ།ཀླུ་རྒྱལ་མཆོད་པའི་ཆ་ལག་ཏུ༔ ལས་ཚོགས་སྤྲིན་གྱི་རོལ་མོ་སྟོན༔ ས་མ་ཡཱ༔ ལས་མཐའ་བསམ་གྱིས་མི་ཁྱབ་ཀྱང༔ མདོར་བསྡུས་ཕྱིར་དུ་སཔྟ་སྟོན༔ དང་པོ་ཆར་འབེབས་རིམ་པ་ནི༔ བདག་བསྐྱེད་མདུན་བསྐྱེད་ཅི་བཞིན་ལས༔ གནད་དུ་སྦྱོར་བའི་རིམ་པ་ནི༔ རྩ་སྔགས་གཤམ་དུ༔ ཨོཾ་ནཱ་ག་རཱ་ཛ་ཕུ་ཕེཾ་ཕུ་དྲིག་མ་ཧཱ་ན་ཡ་སྤྲིན་བསྡུས་ཆར་ཕོབ་ནཱ་ག་ཕུ་སྭཱཧཱ༔ སྤྲིན་སྡུད་སྔགས་ནི༔ ཨོཾ་མ་ཧཱ་པཱ་ལ༔ སུརྱ་ནན༔ སྤྲིན་བསྡུས་བསྡུས༔ ཨོཾ་ཕུ་པྲ་ནཱ་ག་རཱ་ཛ་ཆུ་སྤྲིན་ནག་པོ་བསྡུས་བསྡུས༔ ནཱ་ག་ར་ཙ་སྤྲིན་འཐིབས་འཐིབས༔ རྨུག་རྨུག༔ ཤིན་ཏུ་སྒྲིབས་ཤིག་སྭཱཧཱ༔ རླུང་ནོན་གཞན་དང་མཐུན་པའམ༔ ཡང་ན༔ ཆར་གཅོད་བསྐལ་བའི་མེ་དཔུང་ཡོད༔ རི་ཀླུང་ཐམས་ཅད་མེ་དཔུང་དང༔ ནམ་མཁའ་ཁྱུང་གིས་གང་བར་བསམ༔ རྩ་སྔགས་གཤམ་དུ༔ ཧཱུྃ་ཁྲོཾ་རཾ་ཡཾ༔ སྔགས་དང་དམིགས་པ་ཟབ་མོ་ཡིས༔ སྲིད་པའི་ཆར་ཡང་གཅོད་པ་ན༔ ལམ་ཆར་ཙམ་ལ་སྨོས་ཅི་དགོས༔ ས་མ་ཡཱ༔ དགྲ་ལ་ཐོག་སེར་འབེབས་པའི་ཐབས༔ སྦལ་བའི་ཁྲག་དང༔ མུ་ཟི་ནག་པོ༔ སྤྱང་བྲུན༔ ར་དུག༔ གུ་གུལ་རྣམས་སྦྱར་ནས་དུ་བས་བདུག་ལ་སྔགས་འདི་ལན་བརྒྱར་བཟླས་པས་ཐོག་སེར་དྲག་ཏུ་འབེབས་པར་འགྱུར་རོ༔ ཨོཾ་ཕུ་ནཱ་ག་ར་ཙ་ཨ་ཡ་མ་དུ་རུ་ཙ་ཤ་ནི་དྲི་འདུས་འདུས༔ སེར་བ་ཕོབ་ཕོབ༔ ཐོག་ཕོབ་ཕོབ༔ མ་ནོར་དགྲ་ལ་ཕོབ་ཅིག༔ དགྲ་བོ་འདི་ཞེས་བྱ་བའི་ཐོག་ཏུ་ཕོབ་ཅིག༔ ཅེས་བཟླས་ལ༔ མཚོ་གཉན་རི་གཉན་གྱི་སར་བྱའོ༔ སེར་བ་བསྲུང་བའི་གོ་ཆ་ལ་ནི༔ གང་བསྲུང་བའི་ཡུལ་དེ་ཉིད་གནམ་ལྕགས་རྡོ་རྗེའི་གུར་ཁང་བསྒོམ༔ རང་ཉིད་གསང་བདག་གམ་བྱ་ཁྱུང་བསྒོམ་ལ༔ རྩ་སྔགས་ཁྱུང་སྔགས་གཉིས་ཀྱི་མཐའ་ལ༔ རྐང་གླིང་ལན་བདུན་འབུད༔ སྡེ་བརྒྱད་སྲོག་གཟིར་སྔགས་འདི་བཟླ༔ ཨོཾ་བཛྲ་མ་ཧཱ་ཀྲོ་ཏ་ར་ཛ༔ སརྦ་རཀྵ་རཀྵ་སྭཱཧཱ༔ སེར་བའི་རྒྱུ་ལམ་ཆོད་ཅིག༔ སེར་བའི་སྣ་འདྲེན་མི་མིན་ཐམས་ཅད་ཀྱི་གཡུལ་ངོ་ཟློག་ཅིག༔ སངས་རྒྱས་ཀྱི་བདེན་པས་སེར་བ་ཆོད་ཅིག༔ ཆོས་ཀྱི་བདེན་པས་སེར་བ་ཆོད་ཅིག༔ དགེ་འདུན་གྱི་བདེན་པས་སེར་བ་ཆོད་ཅིག༔ དཀོན་མཆོག་གསུམ་གྱིས་སེར་ཁང་ཤིག་ཅིག༔ གཞིག་ཅིག༔ གཞིལ་ཅིག༔ ཅེས་བཟླས་ལ་རྣོ་སོ་ནི༔ རྡོ་དཀར་ནག་དང༔ ཡུངས་དཀར་ནག་གཏོར་ལ༔ སེར་བའི་སྣ་འདྲེན་པའི་སྡེ་བརྒྱད་གང་ཡིན་པ་ཐམས་ཅད་ཀྱི་སྲོག་རྩ་ཆོད་ཅིག༔ སྙིང་རྩ་ཕྱུངས་ཤིག༔ སྙིང་འུར་འུར༔ མྱག་མྱག༔ སོད་སོད༔ དྲི་མཱ་ར་ཡ་ཕཊ༔ ཧཱུྃ་ཧཱུྃ་ཧཱུྃ་གི་སྒྲ་དང་བཅས་པས་བཟློག་པར་འགྱུར༔ ས་མ་ཡཱ༔ ཀླུ་ཡི་གཡང་འགུགས་གཡང་རྫས་གཏད་པ་དགོས་འདོད་མྱུར་སྩོལ།ཀླུ་ཡི་གཡང་འགུགས་གཡང་རྫས་གཏད་པ་དགོས་འདོད་མྱུར་སྩོལ་བཞུགས༔ སྒྲུབ་པ་པོས་མདའ་དར་བཟུང་ལ༔ ཨེ་མ་ཧོ༔ བསླུ་མེད་སྐྱབས་གནས་དཀོན་མཆོག་རིན་ཆེན་གསུམ༔ སྐུ་གསུམ་རིགས་འདུས་རྒྱབ་བརྟེན་རྩ་བ་གསུམ༔ རྣམ་འདྲེན་ཟས་གཙང་སྲས་སོགས་སངས་རྒྱས་སྟོང༔ ཐུགས་བསྐྱེད་སྨོན་ལམ་ཕྱྭ་གཡང་འདིར་ཁུག་ཅིག༔ ཁྱད་པར་འཇིག་རྟེན་སྐྱོང་བའི་དམ་ཚིག་ཅན༔ རྒྱལ་རིགས་དཀར་པོས་འབྱུང་བ་ནམ་མཁའི་གཡང༔ སྐད་ཅིག་ཉིད་ལ་གནས་འདིར་བཅུད་བསྡུས་ལ༔ སྦྱིན་བདག་མི་ནོར་སྦྲ་ཁྱིམ་ཞིང་ཁང་འདིར༔ མི་ཡི་ཚེ་བསྲིང་ཕྱུགས་ལ་གཡང་བརྟེན་ཅིག༔ ཡུལ་ལ་བཀྲ་ཤིས་ཁྱིམ་ལ་བྱིན་ཆགས་ཤོག༔ རྗེ་རིགས་སེར་པོས་སྲ་བ་ས་ཡི་གཡང༔ སྐད་ཅིག་ཉིད་ལ་གནས་འདིར་བཅུད་བསྡུས་ལ༔ སྦྱིན་བདག་མི་ནོར་སྦྲ་ཁྱིམ་ཞིང་ཁང་འདིར༔ མི་ཡི་ཚེ་བསྲིང་ཕྱུགས་ལ་གཡང་བརྟེན་ཅིག༔ ཡུལ་ལ་བཀྲ་ཤིས་ཁྱིམ་ལ་བྱིན་ཆགས་ཤོག༔ བྲམ་ཟེ་དམར་པོས་གསལ་བྱེད་མེ་ཡི་གཡང༔ སྐད་ཅིག་ཉིད་ལ་གནས་འདིར་བཅུད་བསྡུས་ལ༔ སྦྱིན་བདག་མི་ནོར་སྦྲ་ཁང་ལྷས་མལ་འདིར༔ མི་ཡི་ཚེ་བསྲིང་ཕྱུགས་ལ་གཡང་བརྟེན་ཅིག༔ ཡུལ་ལ་བཀྲ་ཤིས་ཁྱིམ་ལ་བྱིན་ཆགས་ཤོག༔ དམངས་རིགས་ལྗང་གུས་གཡོ་བྱེད་རླུང་གི་གཡང༔ སྐད་ཅིག་ཉིད་ལ་གནས་འདིར་བཅུད་བསྡུས་ལ༔ སྦྱིན་བདག་མི་ནོར་སྦྲ་ཁང་ལྷས་མལ་འདིར༔ མི་ཡི་ཚེ་བསྲིང་ཕྱུགས་ལ་གཡང་བརྟེན་ཅིག༔ ཡུལ་ལ་བཀྲ་ཤིས་ཁྱིམ་ལ་བྱིན་ཆགས་ཤོག༔ གདོལ་བ་ནག་པོས་འཁྲུགས་བྱེད་ཆུ་ཡི་གཡང༔ སྐད་ཅིག་ཉིད་ལ་གནས་འདིར་བཅུད་བསྡུས་ལ༔ སྦྱིན་བདག་མི་ནོར་སྦྲ་ཁང་ལྷས་མལ་འདིར༔ མི་ཡི་ཚེ་བསྲིང་ཕྱུགས་ལ་གཡང་བརྟེན་ཅིག༔ ཡུལ་ལ་བཀྲ་ཤིས་ཁྱིམ་ལ་བྱིན་ཆགས་ཤོག༔ ནཱ་ག་ཀླུ་ཡི་སྡེ་ཚོགས་འཁོར་བཅས་ཀྱིས༔ རང་རང་ལས་ལ་གྲུབ་པའི་གཡང་ཁུག་ལ༔ སྦྱིན་བདག་མི་ནོར་སྦྲ་ཁང་ལྷས་མལ་འདིར༔ མི་ཡི་ཚེ་བསྲིང་ཕྱུགས་ལ་གཡང་བརྟེན་ཅིག༔ ཡུལ་ལ་བཀྲ་ཤིས་ཁྱིམ་ལ་བྱིན་ཆགས་ཤོག༔ ཕྱི་ལྟར་བརྟན་པ་སྣོད་ཀྱི་འཇིག་རྟེན་ལ༔ གནས་པའི་ནོར་བུའི་རིགས་སུ་གྱུར་པ་ཡི༔ ཕྱྭ་དང་གཡང་གི་དངོས་གྲུབ་ཆར་བཞིན་ཕོབ༔ ནང་ལྟར་གཡོ་བ་བཅུད་ཀྱི་སེམས་ཅན་གྱི༔ ཚེ་དང་བསོད་ནམས་དཔལ་འབྱོར་སྙན་གྲགས་ཀྱི༔ ཕྱྭ་དང་གཡང་གི་དངོས་གྲུབ་ཆར་བཞིན་ཕོབ༔ གསང་བ་སྒྱུ་འཕྲུལ་ཆོས་སྐུའི་ཀློང་ལས་ཤར༔ རེ་དང་དོགས་པའི་རྣམ་རྟོག་མེད་མོད་ཀྱང༔ མ་དག་གདུལ་བྱའི་བསམ་པ་རྫོགས་བྱའི་ཕྱིར༔ ཀུན་འདུས་རི་ཀླུང་ཕྱྭ་གཡང་འདིར་ཁུག་ཅིག༔ གཡང་འདིས་བྱད་མ་རྦོད་གཏོང་ཕྱིར་ལ་བཟློག༔ གཡང་འདིས་དཔལ་ལྡན་བླ་མའི་ཞབས་པད་བརྟན༔ གཡང་འདིས་བདག་ཅག་དཔོན་སློབ་མཐུན་ཞིང་འགྲོགས༔ གཡང་འདིས་མཆོག་ཐུན་དངོས་གྲུབ་ཆར་བཞིན་ཕོབ༔ གཡང་འདིས་ཚེ་གཅིག་རྫོགས་སངས་རྒྱས་པར་མཛོད༔ རྒྱས་གདབ་ནི༔ ཧཱུྃ༔ བཀྲ་ཤིས་ཁྱིམ་གྱི་ལྷ་མོས་མཁའ་ཕྱེ་ཞིག༔ འདོད་འབྱུང་ཡིད་བཞིན་ནོར་བུའི་གཏེར་ཆེན་འདི༔ རྫོགས་ལྡན་དཔལ་ལ་སྤྱོད་པའི་རྟེན་དུ་སྦ༔ འགྱུར་མེད་སྐུ་གསུང་ཐུགས་ཀྱི་རྒྱས་གདབ་བོ༔ ཤར་དུ་སྟག་སྐྱ་ལྷོ་རུ་འབྲུག་སྔོན་པོ༔ ནུབ་ཏུ་བྱ་དམར་བྱང་དུ་རུས་སྦལ་སེར༔ གཡང་གི་ར་བ་སྒོ་བཞིས་སྲུང་མ་གྱིས༔ ཕྱི་ཡི་བར་ཆད་ནང་དུ་མ་གཏོང་ཞིག༔ ནང་གི་དངོས་གྲུབ་ཕྱི་རུ་མ་གཏོང་ཞིག༔ བདེ་གཤེགས་རིན་ཆེན་མང་གི་སྐུ་འགྲུབ་ཤོག༔ འདིར་ནི་གཟུགས་དང་སོགས་བཛྲ་ཡེ་སྭཱཧཱ༔ དགེའོ༔ མངྒ་ལཾ༔ ཁྱབ་འཇུག་འོད་འཕྲོ་ཆེན་པོའི་བརྒྱུད་པའི་གསོལ་འདེབས་མུ་ཏིག་དོ་ཤལ།བཀའ་འདུས་ཆོས་ཀྱི་རྒྱ་མཚོའི་བཀའ་སྲུང་ཁྱབ་འཇུག་འོད་འཕྲོ་ཆེན་པོའི་བརྒྱུད་པའི་གསོལ་འདེབས་མུ་ཏིག་དོ་ཤལ་བཞུགས༔ ཨོཾ་སྭ་སྟི༔ སྐུ་གསུམ་ངོ་བོ་འཕགས་པ་དེ་བཞིན་གཤེགས༔ ཡེ་སངས་རྒྱས་པའི་སངས་རྒྱས་རིན་ཆེན་སྙིང༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ བསྟན་དགྲ་གནོད་བྱེད་སྒྲོལ་བར་བྱིན་གྱིས་རློབས༔ བསགས་སྦྱངས་མཐར་ཕྱིན་སྟོན་པ་ཟས་གཙང་སྲས༔ རྒྱལ་བའི་རྒྱལ་ཚབ་རྡོ་རྗེ་རིན་ཆེན་རྩལ༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ བསྟན་དགྲ་གནོད་བྱེད་སྒྲོལ་བར་བྱིན་གྱིས་རློབས༔ རྡོ་རྗེ་སེམས་དཔའ་དགའ་རབ་རྡོ་རྗེ་དང༔ ཀླུ་སྒྲུབ་སྙིང་པོ་ཤནྟིཾ་གརྦྷའི་ཞབས༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ བསྟན་དགྲ་གནོད་བྱེད་སྒྲོལ་བར་བྱིན་གྱིས་རློབས༔ ཨོ་རྒྱན་ཡབ་ཡུམ་འབངས་རིགས་ཉི་ཤུ་ལྔ༔ དཔལ་གྱི་དབང་ཕྱུག་ཨ་ཙར་ཡེ་ཤེས་དབྱངས༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ བསྟན་དགྲ་གནོད་བྱེད་སྒྲོལ་བར་བྱིན་གྱིས་རློབས༔ གཏེར་ཆེན་བླ་མ་རིག་འཛིན་ལུང་རིག་གླིང༔ ཟབ་མོ་དག་སྣང་མངའ་བདག་གཞན་ལ་ཕན༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ བསྟན་དགྲ་གནོད་བྱེད་སྒྲོལ་བར་བྱིན་གྱིས་རློབས༔ བརྒྱུད་གསུམ་རྩ་བ་གསུམ་གྱི་བྱེད་པོ་མཆོག༔ བཀའ་དྲིན་གསུམ་ལྡན་བླ་མའི་ལྷ་ཚོགས་ལ༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ བསྟན་དགྲ་གནོད་བྱེད་སྒྲོལ་བར་བྱིན་གྱིས་རློབས༔ དཀྱིལ་འཁོར་གཙོ་བོ་གསང་བདག་རྡོ་རྗེ་འཛིན༔ བཀའ་ཡི་གཉེར་འཛིན་ཁྱབ་འཇུག་འོད་འཕྲོ་བ༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ བསྟན་དགྲ་གནོད་བྱེད་སྒྲོལ་བར་བྱིན་གྱིས་རློབས༔ བསྟན་པའི་གཞུག་གཉེར་རེ་ཞིང་ལྟོས་པའི་ལྷ༔ དྲང་སྲོང་གཟའ་བརྒྱད་སེམས་དཔའ་ཆེན་པོ་ལ༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ བསྟན་དགྲ་གནོད་བྱེད་སྒྲོལ་བར་བྱིན་གྱིས་རློབས༔ བཀའ་ཡི་ཕོ་ཉ་མངགས་པའི་བང་རྩལ་ཅན༔ སྟག་སྲིན་ལ་སོགས་གདོང་མོ་མཆེད་སྡེ་བཞི༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ བསྟན་དགྲ་གནོད་བྱེད་སྒྲོལ་བར་བྱིན་གྱིས་རློབས༔ དཀྱིལ་འཁོར་ཕྱི་རིམ་སྐྱོང་བའི་གཡར་དམ་ཅན༔ སྡེ་བརྒྱད་རྒྱུ་སྐར་ཉི་ཤུ་རྩ་བརྒྱད་ལ༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ བསྟན་དགྲ་གནོད་བྱེད་སྒྲོལ་བར་བྱིན་གྱིས་རློབས༔ ཨོ་རྒྱན་ཆེན་པོས་བཀའ་ཡི་གཉེར་བྱང་གཏད༔ གཏེར་སྲུང་ལྷ་བཙན་ཡིད་བཞིན་ནོར་བུ་ལ༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ བསྟན་དགྲ་གནོད་བྱེད་སྒྲོལ་བར་བྱིན་གྱིས་རློབས༔ གཏེར་གནས་ཏཱ་རེ་མི་འགྱུར་དགའ་ཚལ་ནས༔ ཟབ་ཆོས་བཀའ་འདུས་རྒྱ་མཚོའི་སྡེ་སྣོད་ལ༔ གསོལ་བ་འདེབས་སོ་མཐུ་ནུས་དངོས་གྲུབ་སྩོལ༔ བསྟན་དགྲ་གནོད་བྱེད་སྒྲོལ་བར་བྱིན་གྱིས་རློབས༔ དེ་ལྟར་གསོལ་བ་བཏབ་པའི་བྱིན་རླབས་ཀྱིས༔ ནད་གདོན་དགྲ་བགེགས་བྱད་མ་དབྱིངས་སུ་བཟློག༔ ཚེ་བསོད་སྟོབས་འབྱོར་མངའ་ཐང་སྙན་གྲགས་སྤེལ༔ ཁམས་གསུམ་སྲིད་པའི་ཟས་ནོར་དབང་སྡུད་མཛོད༔ དྲེགས་ཚོགས་བྲན་བཀོལ་མཐུ་ནུས་དངོས་གྲུབ་སྩོལ༔ ལས་བཞིའི་ཕྲིན་ལས་གང་བརྩམ་མྱུར་འགྲུབ་མཛོད༔ དྲང་སྲོང་ཆེན་པོའི་བརྒྱུད་འདེབས་འདི༔ ཡེ་ཤེས་མཁའ་འགྲོའི་བརྡ་ལས་བྱུང༔ དུས་སྙིགས་རྒུད་པ་སེལ་བའི་ཆེད༔ སྔོན་སྨོན་ཟབ་མོའི་འཕྲོ་མཐུད་པའི༔ སློབ་བུ་ཀར་སྟོད་བསོ་མཆོག་གིས༔ ལེགས་བསྐུལ་བཞེད་པ་སྐོང་བའི་ཕྱིར༔ གཏེར་སྟོན་བསམ་གཏན་ཡེ་ཤེས་གླིང༔ གང་དེས་ཡི་གེའི་རིས་སུ་ཕབ༔ བསྟན་དགྲ་སྒྲོལ་བའི་མཚོན་ཆར་ཤོག༔ ས་མ་ཡཱ༔ གུ་ཧྱ༔ ཤུ་བྷཾ༔ སྐྱབས་སེམས་མཆོད་རྫས་བྱིན་རླབས་མནྟྲའི་མིང་གིས་མཛད་པ།༄༅། ཧཱུྃ་ཧྲཱིཿ དེང་བཟུང་བྱང་ཆུབ་སྙིང་པོའི་བར། །བླ་མ་ཡི་དམ་མཁའ་འགྲོ་དང་། །ཆོས་སྐྱོང་དྲེགས་པའི་སྡེ་ཚོགས་ལ། །སྐྱབས་སུ་མཆི་འོ་ཐུགས་རྗེས་ཟུང་།། ལན་གསུམ། ཧཱུྃ་ཧོ། དྲང་སྲོང་ཆེན་པོའི་དཀྱིལ་འཁོར་དུ། །དྲེགས་པའི་སྲོག་སྒྲུབ་ཟབ་མོ་ལ། །བརྟེན་ནས་བསྟན་འགྲོ་སྐྱོང་ལ་བརྩོན། །ཚད་མེད་བཞི་ཡིས་གཞན་དོན་བྱ།། ལན་གསུམ། རཾ་ཡཾ་ཁཾ། ཨོཾ་ཨཱཿཧཱུྃ། ཀ་དག་མཁའ་ཀློང་ཡངས་པའི་ངོས། །དངོས་བཤམས་ཡིད་ལས་སྤྲུལ་པ་ཡི། །སྨན་རཀ་གཏོར་མ་བསྐང་སྒྲུབ་རྫས། །རྔ་ཌཱ་གཟུགས་སྒྲ་དྲི་རོ་རེག །འཛད་མེད་མཆོད་སྤྲིན་ཆེན་པོར་གྱུར།། ཨོཾ་བཛྲ་པུཥྤེ་སོགས་ནས་རུ་པ་ཤཔྟ་གྷནྡྷེ་ར་ས་སྤཪྴེ་སརྦ་པུ་ཛ་ཨཱཿཧཱུྃ༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧྲཱིཿཋ༔ ཨོཾ་ཨཱཿཧཱུྃ་མ་ཧཱ་བྷ་ལིང་ཏ་སོགས། ཨོཾ་ཨཱཿཧཱུྃ་མ་ཧཱ་རཀྟ་སོགས་ལན་གསུམ་རེ་བརྗོད་པས་བྱིན་གྱིས་རླབས། གཏེར་མ་གཞིར་བཞག་ལ་ཁ་བསྐང་མནྟྲའི་མིང་པས་སོ།། ཁྱབ་འཇུག་རཱ་ཧུ་ལའི་སྒྲུབ་ཐབས་གློག་ཞགས་དམར་པོ་བསྟན་དགྲ་སྒྲོལ་བའི་མཚོན་ཆ།བཀའ་འདུས་ཆོས་ཀྱི་རྒྱ་མཚོའི་ཟབ་གསང་ཕག་མོའི་བཀའ་སྲུང་ཁྱབ་འཇུག་རཱ་ཧུ་ལའི་སྒྲུབ་ཐབས་གློག་ཞགས་དམར་པོ་བསྟན་དགྲ་སྒྲོལ་བའི་མཚོན་ཆ་བཞུགས་སོ༔ དབང་ཆེན་ཁྲག་འཐུང་རཱ་ཛ་དང༔ གསང་བའི་བདག་པོ་གོས་སྔོན་འཆང་༔ དབྱིངས་ཡུམ་ཌཱཀྐི་ཝ་ར་ཧི༔ ཀུན་འདུས་བླ་མར་གུས་བཏུད་དེ༔ བདག་འདྲ་ཨོ་རྒྱན་མཁན་པོ་ཡིས༔ ཕྱི་རབས་རྣལ་འབྱོར་དོན་ཆེད་དུ༔ ཁྱབ་འཇུག་ཆེན་པོའི་བསྐང་གསོ་བསྟན༔ བསྐལ་པ་དུས་ཀྱི་ཐ་མ་ལ༔ བསྟན་པ་འཛིན་པའི་གྲོགས་སུ་ཤོག༔ ཤིན་ཏུ་མི་སྲུན་གཏེར་སྲུང་ཆེ༔ དྲང་སྲོང་སྒྲུབ་པའི་རྣལ་འབྱོར་པས༔ སྔར་བཅོལ་ཞུ་སྐྱེམས་འབུལ་བ་དང༔ ཕྱིས་བཅོལ་གཏང་རག་གཏོང་བ་དང༔ འཁུ་ལྡོག་བརྩམས་དང་ནང་འདྲེས་ཤིང༔ མ་ཉན་གནད་ལ་དབབ་རྗེས་སམ༔ ལས་ལ་བསྐུལ་ཞིང་ཉམས་ཆག་བསྐངས༔ རྟག་ཏུ་གསོལ་ཞིང་བསྐང་བ་ནི༔ བརྒྱལ་ནད་མགོ་འཁོར་སྨྱོ་འབོག་སོགས༔ དམ་ཚིག་འཁུ་ལྡོག་བྱུང་བ་ན༔ གསོལ་ཞིང་བསྐང་བའི་ལས་རིམ་ནི༔ ཕྱི་ནང་གསང་བའི་མཆོད་སྒྲུབ་ལས༔ འདི་ནི་ཟབ་པའི་མཐར་ཐུག་གོ༔ ར་བ་བཞི་ཡི་ཚེས་བརྒྱད་དམ༔ མིན་ཡང་དུར་ཁྲོད་འཇིགས་པའི་སར༔ ཡར་མར་གཟའ་སྐར་ལེགས་པ་དང༔ སྡེ་བརྒྱད་རྒྱུ་བའི་དུས་གཉན་ལ༔ རབ་ནི་དཀྱིལ་འཁོར་འགྲིགས་ཆགས་སམ༔ མིན་ཡང་འབྲས་ཚོམ་ལྷ་གྲངས་དགོད༔ སྣོད་གཙང་ལྕགས་སམ་བསེ་ཕོར་དུ༔ བཤོས་བུ་དམར་ནག་གྲུ་གང་ལ༔ བཤོས་ཕྲན་བརྒྱད་དང་སྐྱུ་གུ་བརྒྱད༔ རིལ་བུ་བརྒྱད་དང་སྨན་རཀ་དགོད༔ ལིང་དམར་སྙིང་དང་རྒྱུ་ཞགས་དང༔ མེ་རི་མིག་མང་རིས་ཀྱིས་བརྒྱན༔ མདུན་དུ་བསྐང་གཏོར་རྒྱས་པར་བཤམས༔ དར་ནག་སྐུ་རྟེན་བླ་རྡོ་བཅིང༔ ཚོགས་དང་མཐུན་རྫས་འབྱོར་ཚད་བཤམས༔ རྣལ་འབྱོར་ལྷ་ཡི་དལ་དུ་ཞུགས༔ བསྙེན་སྒྲུབ་སྔོན་དུ་ལེགས་གྲུབ་ནས༔ དེ་ནས་གསང་བདག་ཏིང་འཛིན་གྱིས༔ ཧཱུྃ་ཧཱུྃ་ཧཱུྃ༔ ང་ཉིད་ལྷ་ཡི་ང་རྒྱལ་བསྐྱེད༔ མདུན་དུ་མེ་རླུང་དུད་སྤྲིན་ཀློང༔ སྒྲུབ་གཏོར་མི་དམིགས་ཡོངས་གྱུར་ལས༔ ཀྵ་ཡིག་མེ་རི་འབར་བ་ཉིད༔ དྲང་སྲོང་ཁྲོས་པ་རཱ་ཧུ་ལ༔ རྣམ་འགྱུར་ཆ་ལུགས་མ་འདྲེས་གསལ༔ འཁོར་དུ་གཟའ་བརྒྱད་གདོང་མོ་བཞི༔ རྒྱུ་སྐར་ལྷ་སྲིན་སྡེ་བརྒྱད་ཚོགས༔ ལྷ་མིའི་ཁྲོམ་ཚོགས་ལྟད་མོ་བཞིན༔ འདུད་ཅིང་ཅི་བགྱིའི་བཀའ་ཉན་བསམ༔ བདག་ཉིད་ཐུགས་ཀའི་ཧཱུྃ་མཐིང་ལས༔ འོད་ཟེར་ལྕགས་ཀྱུ་ལྟར་འཕྲོས་པས༔ རང་བཞིན་དབྱིངས་སོགས་གར་བཞུགས་ནས༔ གཟའ་ཚོགས་རང་དབང་མེད་པར་བཀུགས༔ དམ་ཚིག་དྲན་བཞིན་རྟེན་ལ་བསྟིམ༔ འབོད་སྔགས་རོལ་མོ་དབྱངས་དང་བཅས༔ ཧྲཱིཿཤག་རུ་རག་རཾ་ནཱ་ག་ཙིཏྟ་ཏྲཾ༔ མ་མ་ཡོམ་ཟ་འགྲམ་ཧ་ཧ་ག་ཤ་ལ་ཛ་ཛ༔ རཱ་ཧུ་ལ་པྲ་མ་ན་ཛཿཧཱུྃ་བཾ་ཧོ༔ བཛྲ་ཨཾ་ཀུ་ཤ་ཡ་ཛ་ཛ༔ རྟགས་ཐོན་བཟླ༔ དམ་ལ་བསྐུལ་བ་འདི་བཞིན་ནོ༔ ཧཱུྃ་ཛ༔ དུར་ཁྲོད་རབ་རྔམས་རྩུབ་འགྱུར་ཚལ༔ ཁྲག་ཞགས་རྦ་ཀློང་འཁྲུགས་པ་ནས༔ དྲང་སྲོང་ཁྱབ་འཇུག་རཱ་ཧུ་ལ༔ སྲིན་པོའི་གཟུགས་ཀྱིས་གདུག་པ་ཅན༔ ཚར་གཅོད་བྱང་ཆུབ་སེམས་དཔའ་ཆེ༔ འབོད་པའི་དུས་སུ་མཚན་གསོལ་བ༔ གཟའ་མཆོག་རྒྱལ་པོ་སྒྲ་གཅན་འཛིན༔ བསྟན་པའི་བཀའ་སྲུང་ཚོགས་ཀྱི་རྗེ༔ ཉམས་པ་ཚར་གཅོད་ལས་ཀྱི་གཙོ༔ རིག་འཛིན་སྲོག་ཤིང་གཏེར་གྱི་བདག༔ རྣལ་འབྱོར་དགྲ་ལྷ་ཐུགས་དམ་ཅན༔ གཙུག་ལག་བསྟན་སྲུང་མཐུ་བོ་ཆེ༔ ཞལ་དགུ་བྱ་རོག་གཙུག་ཏོར་རྔམས༔ བསྟན་པའི་དགྲ་བོ་ཞལ་དུ་གསོལ༔ གློག་འདྲའི་རལ་གྲི་ཞགས་པ་ཡིས༔ སྡང་བྱེད་དགྲ་བོའི་སྐྱེ་རྒྱུད་ཆོད༔ ཆུ་སྲིན་རྒྱལ་མཚན་བསྒྲེངས་བ་ཡིས༔ སྲིད་པ་གསུམ་ཡང་དབང་དུ་བསྡུ༔ རཱ་ཡི་མདའ་གཞུ་བསྣམས་པ་ཡིས༔ དམིགས་པའི་དགྲ་བོ་རྩད་ནས་གཅོད༔ སྤྱན་སྟོང་མེ་དཔུང་སྡང་མིག་གིས༔ དགྲ་དང་བགེགས་ལ་འབྲུ་ཚུགས་བལྟ༔ སྐུ་སྨད་རེ་འབྱམས་འཁྱིལ་བ་ཡིས༔ སྟོང་གསུམ་ཁམས་ཡང་གཡོ་བར་བྱེད༔ ལྟོ་བའི་ཞལ་གདངས་ཧཱུྃ་ཕཊ་སྒྲོགས༔ ལྷ་སྲིན་དྲེགས་ཚོགས་ལས་ལ་འགྱེད༔ སྐུ་མདོག་དུད་ཁ་འཇིགས་པ་ཡིས༔ ཁམས་གསུམ་སྲིད་གསུམ་ཟིལ་གྱིས་གནོན༔ ཞལ་འཛུམ་ལྷ་ཡིས་རྣལ་འབྱོར་ལ༔ གྲུབ་གཉིས་དངོས་གྲུབ་འཇོ་བར་བྱེད༔ སྤྲུལ་པའི་གཟའ་བདུད་ནག་པོ་ཁྱོད༔ སྲིད་འདིར་འགྲན་ཟླ་དང་བྲལ་ཞིང༔ ལས་སུ་སངས་རྒྱས་བསྟན་པ་སྲུང༔ དམ་ལ་གནས་པའི་གང་ཟག་དང༔ པདྨའི་གདུང་འཚོབ་གཏེར་ལ་དབང༔ བྱང་ཆུབ་སྒྲུབ་པའི་རྣལ་འབྱོར་སྐྱོང༔ བདུད་དང་དྲེགས་པ་བྲན་དུ་ཁོལ༔ གཟའ་བདུད་འདིར་བྱོན་རྟེན་ལ་བཞུགས༔ བསྟན་པ་སྲུང་ཕྱིར་གུས་འདུད་བགྱི༔ ཨོཾ་ཀེ་ཏ་ཀེ་ཏ་རཱ་ཧུ་ལ་ཀྵ་ནཱ་ག་རཀྵ་ས་པཱ་རི་ཝ་ར་ཨེ་ཧྱ་ཧི་བཛྲ་ས་མ་ཡཱ་ཛཿཛ༔ ས་མ་ཡཱ་ཏིཥྛ་ལྷན༔ ན་མ་ཡ་ཏི༔ དེ་ནས་ཁྱབ་འཇུག་རཱ་ཧུ་ལའི༔ བསྐང་བཤགས་བཟློག་རིམ་འདི་བཞིན་གྱེར༔ ཧཱུྃ་ཛ༔ བདག་ནི་རིག་འཛིན་སྒྲུབ་པ་པོ༔ པདྨའི་བསྟན་པའི་མངའ་བདག་པོ༔ ཁྱོད་ནི་དྲང་སྲོང་དམ་ཚིག་ཅན༔ ཕོ་བྲང་རིན་ཆེན་མཛེས་པ་འདིར༔ རྒྱུ་བཟང་བཀོད་ཅིང་བསྟར་བ་ཡི༔ འབྲུ་གཏོར་བཟང་པོའི་བཤོས་བུ་ལ༔ དར་དང་ཟ་འོག་རིན་ཆེན་སྤུད༔ བཅུད་ལྡན་ངར་གྱི་སྐྱེམས་བུ་འབུལ༔ རྟ་གཡག་རྔ་མོང་བྱ་མོའི་ཚོགས༔ གསེར་དངུལ་དར་ཟབ་དབྱིག་དང་བཅས༔ ཤ་ཆང་དཀར་དམར་ར་གསུར་རྣམས༔ གཟའ་བདུད་འཁོར་དང་བཅས་ལ་འབུལ༔ གསོལ་ཅིག་རོལ་ཅིག་དགྱེས་པར་མཛོད༔ ཧཱུྃ་ཛ༔ རྣལ་འབྱོར་ལྷ་སྔགས་ཏིང་འཛིན་གྱིས༔ རྣམ་པར་འཕྲུལ་བ་ལས་བྱུང་བའི༔ བདག་པོས་བཟུང་དང་མ་བཟུང་བའི༔ ཕྱི་ནང་གསང་བ་དེ་ཁོ་ན༔ མེ་ཏོག་བདུག་སྤོས་མར་མེ་དྲི༔ ལྷ་བཤོས་རོ་བརྒྱ་རོལ་མོའི་ཚོགས༔ ཛ་གད་ཕུད་དང་སྨན་གཏོར་ཁྲག༔ རྐང་ཆེན་དུང་གི་གླིང་བུའི་སྒྲ༔ རྟ་ནག་ཁྱི་ནག་གཡག་ནག་དང༔ ལུག་ནག་བདུད་བྱ་ཕོ་རོག་སོགས༔ མཐུན་རྫས་ཡོངས་སུ་ཚོགས་པ་དང༔ རྣལ་འབྱོར་དགོངས་ཀློང་དག་པ་ཡིས༔ གཟའ་བདུད་ཁྱབ་འཇུག་རཱ་ཧུ་ལ༔ ཡབ་ཡུམ་སྲས་ཀྱི་ཐུགས་དམ་བསྐང༔ ལྗང་སྔོན་དྲག་པོའི་ཐུགས་དམ་བསྐང༔ དྲང་སྲོང་སེར་དཀར་ཐུགས་དམ་བསྐང༔ བདུད་པོ་རོག་ཏིའི་ཐུགས་དམ་བསྐང༔ བྷི་ཏྲི་བ་ཏྲིའི་ཐུགས་དམ་བསྐང༔ ཧ་ལིང་ཀ་ཡི་ཐུགས་དམ་བསྐང༔ དུ་བ་མཇུག་རིང་ཐུགས་དམ་བསྐང༔ ཁྱབ་འཇུག་རཱ་ཛཱའི་ཐུགས་དམ་བསྐང༔ སྒྲ་གཅན་འཛིན་གྱི་ཐུགས་དམ་བསྐང༔ གདོང་མོ་སྡེ་བཞིའི་ཐུགས་དམ་བསྐང༔ པ་སངས་གཟའ་བརྒྱད་ཐུགས་དམ་བསྐང༔ ཉེར་བརྒྱད་རྒྱུ་སྐར་ཐུགས་དམ་བསྐང༔ ལྷ་སྲིན་སྡེ་བརྒྱད་ཐུགས་དམ་བསྐང༔ ཡང་འཁོར་དམག་ཚོགས་ཐུགས་དམ་བསྐང༔ བསྐང་ངོ་མཆོད་དོ་མངའ་གསོལ་ལོ༔ ཁྱེད་ཅག་ཐུགས་དམ་བསྐང་མཛོད་ལ༔ རིག་འཛིན་རྣལ་འབྱོར་སྒྲུབ་པ་པོའི༔ ཆག་ཆེ་ཉམ་ང་བཟློག་ཏུ་གསོལ༔ ཕུར་ཁ་ཟོར་ཁ་བཟློག་ཏུ་གསོལ༔ རྦོད་གཏོང་རྦད་འདྲེ་བཟློག་ཏུ་གསོལ༔ བྱད་གཏད་ཁྲམ་གསུམ་བཟློག་ཏུ་གསོལ༔ དལ་ཡམ་དུས་འཁྲུགས་བཟློག་ཏུ་གསོལ༔ ནད་རིམ་རྐྱེན་ཁ་བཟློག་ཏུ་གསོལ༔ ཐན་ལྟས་ཆོ་འཕྲུལ་བཟློག་ཏུ་གསོལ༔ སྡེ་བརྒྱད་གདོང་ཐུག་བཟློག་ཏུ་གསོལ༔ མདོར་ན་མི་མཐུན་གནོད་པའི་ཚོགས༔ མ་ལུས་བཟློག་པའི་དུས་ལ་བབས༔ བསྟན་པ་སྲུང་བའི་དམ་ཚིག་ཅན༔ བཟློག་ཅིང་བསྒྱུར་བའི་ཕྲིན་ལས་མཛོད༔ རྩ་གསུམ་སྲུང་མ་ཁྱབ་འཇུག་གི༔ རྩ་བ་ཡན་ལག་དམ་ཚིག་དང༔ ཕྱི་ནང་གསང་བ་ཡང་གསང་གི༔ ཉམས་ཆག་ཉེས་ལྟུང་ཅི་བསགས་པ༔ གནོང་ངོ་འགྱོད་དོ་བཤགས་པར་བགྱི༔ མི་འཆབ་མི་སྦེད་སླན་ཆད་སྡོམ༔ དག་ཚངས་མཆོག་གི་དངོས་གྲུབ་སྩོལ༔ ཨོཾ་ས་མ་ཡཱ༔ ཨཱཿས་མ་ཡཱ༔ ཧཱུྃ་ས་མ་ཡཱ༔ བཛྲ་ས་ཏྭ་སོགས་ཡི་གེ་བརྒྱ་པ་ཉེར་གཅིག་གམ༔ བདུན་ལྔ་གསུམ་སོགས་ལོང་སྐབས་བསྟུན༔ དེས་ནི་སྲུང་མའི་ཐུགས་དམ་སྐོང༔ རྐྱེན་དང་བར་དུ་གཅོད་པ་བཟློག༔ ཉམས་ཆག་ཉེས་པ་སོར་ཆུད་ནས༔ ལས་བཞིའི་དངོས་གྲུབ་ཐོགས་མེད་འགྲུབ༔ ས་མ་ཡཱ༔ རྒྱ༔ ཕག་མོ་ཟབ་པའི་བཀའ་སྲུང་ཁྱབ་འཇུག་མཆོད་ཕྲེང་བསྡུས་པ་གློག་གི་ཕྲེང་བ་གསལ་བྱེད་དང་པོའི་མིང་གིས་སྦྱར་བ།བཀའ་འདུས་ཆོས་ཀྱི་རྒྱ་མཚོ་ལས༔ ཕག་མོ་ཟབ་པའི་བཀའ་སྲུང་ཁྱབ་འཇུག་མཆོད་ཕྲེང་བསྡུས་པ་གློག་གི་ཕྲེང་བ་བཞུགས༔ གསང་བའི་བདག་པོ་གོས་སྔོན་འཆང༔ རྡོ་རྗེ་ཕག་གདོང་ཁྲོས་མ་ནག༔ ལྷ་སྲིན་སྲིན་རྒྱལ་ཐོད་ཕྲེང་རྩལ༔ རྣམ་གསུམ་དབྱེར་མེད་བླ་མར་འདུད༔ དྲང་སྲོང་མཆོད་པའི་ལས་རིམ་ལ༔ སྤྲོས་མེད་རྒྱུན་གྱི་ནར་མར་ཆོག༔ མར་ངོའི་ཚེས་དང་དགུ་གཉན་ནམ༔ ཡང་ན་ཡར་ཚེས་དུས་སྦྱོར་ལ༔ མགོ་བརྩམ་སྒྲུབ་པ་དབང་མནོས་ཤིང༔ དད་དང་དམ་ཚིག་ལྡན་པས་བརྩོན༔ གང་འདོད་ལས་ལ་ཐོག་ལས་མྱུར༔ འདི་ནི་རྩ་གསུམ་བདག་ཉིད་ཡིན༔ དྲེགས་པ་གཞན་དང་ཟླ་བྲལ་བ༔ འདི་འགྲུབ་དྲེགས་ཚོགས་ལས་ལ་བཀོལ༔ བསྲུང་མའི་མཐར་ཐུག་འདི་ཁོ་ན༔ མིག་དང་སྙིང་ལས་གཅེས་པར་བསྟེན༔ བསྟན་པའི་ལྕགས་རིར་འགྱུར་ངེས་སོ༔ ས་མ་ཡཱ༔ སྨན་རཀ་གཏོར་གསུམ་བཟའ་བཅའི་རིགས༔ གྱ་ནོམ་བཤམས་ལ་སྔགས་རྒྱ་ཡིས༔ བྱིན་རླབས་བསྲུང་མའི་དགྱེས་པ་བསྐྱེད༔ རང་ཉིད་གསང་བདག་ཏིང་འཛིན་གྱིས༔ སྤྱན་འདྲེན་འབོད་པའི་སྔགས་ཀྱིས་འགུགས༔ ཧྲཱིཿཤག་རུ་རག་རཾ་ནཱ་ག་ཙིཏྟ་ཏྲཾ༔ མ་མ་ཡོམ་ཟ་འགྲམ་ཧ་ཧ་ག་ཤ་ལ་ཛ་ཛ༔ རཱ་ཧུ་ལ་པྲ་མ་ན་ཛཿཧཱུྃ་བཾ་ཧོ༔ བཛྲ་ཨཾ་ཀུ་ཤ་ཡ་ཛ་ཛ༔ ཞེས་པས་མདུན་རྟེན་རྫས་དང་དབྱེར་མེད་བསམ༔ རྔ་བརྡུང་དབྱངས་ཀྱིས་འདི་བཞིན་གྱེར༔ ཧཱུྃ་ཧཱུྃ་ཛཿ ཀྵ༔ གསང་འཛིན་ལག་ན་རྡོ་རྗེ་དང༔ རྒྱལ་དབང་མཚོ་སྐྱེས་པདྨ་ཡི༔ བཀའ་ཉན་དམ་བསྲུང་དྲེགས་པའི་གཙོ༔ ཀླུ་སྲིན་བཤོས་པའི་མཐུ་བོ་ཆེ༔ ཐུགས་མཆོག་སངས་རྒྱས་རྣམ་འཕྲུལ་གར༔ དྲང་སྲོང་ཁྱབ་འཇུག་རཱ་ཧུ་ལ༔ ཡབ་ཡུམ་སྲིང་བཞི་ལྷ་སྲིན་དང༔ སྡེ་བརྒྱད་རྒྱུ་སྐར་ཉེར་བརྒྱད་བཅས༔ བཞེངས་ཤིག་བཞེངས་ཤིག་དབྱིངས་ནས་བཞེངས༔ བསྐྱོད་ཅིག་ཁྲག་མཚོའི་ཀློང་ནས་བསྐྱོད༔ མ་ལུས་འཁོར་བཅས་འདིར་གཤེགས་ཤིག༔ དྲང་སྲོང་འོད་ཕུང་ཁྱུགས་སེ་ཁྱུག༔ གཟའ་ཆེན་བརྒྱད་པོ་ཤ་ར་ར༔ གདོང་མོ་རྣམ་བཞི་ཁེངས་སེ་ཁེང༔ སྡེ་བརྒྱད་ལས་ལ་ཡ་ལ་ལ༔ རྒྱུ་སྐར་ཉེར་བརྒྱད་དཔུངས་སེ་དཔུང༔ འུར་འུར་ཆེམ་ཆེམ་སྐུ་བསྐྱོད་ལ༔ དམ་ཚིག་གཉན་པོའི་གདན་ལ་བཞུགས༔ མཐུན་རྫས་དཔག་མེད་ལོངས་སྤྱོད་དང༔ ཤ་ཁྲག་སྨན་གཏོར་རཀྟ་སྨན༔ བཟའ་བཅའ་བཏུང་བའི་དངོས་ཚོགས་ཀུན༔ དྲང་སྲོང་འཁོར་དང་བཅས་ལ་འབུལ༔ ཨོཾ་བཛྲ་ཨརྒྷཾ་པ་དྱཾ་སོགས་ནས། ཤཔྟ་མ་ཧཱ་པཉྩ་ཨ་མྲྀ་ཏ་གནོད་བྱེད་དགྲ་བགེགས་བྱད་མ་དང་བཅས་པའི་མ་ཧཱ་མཾ་ས་རཀྟ་ཙིཏྟ་གོ་རོ་ཙ་ན་བ་སུ་ཏ་ཀེཾ་ནི་རི་ཏི་བ་ལིང་ཏ་ཁ་རཾ་ཁཱ་ཧི༔ བྷྱོ༔ དཀྱིལ་འཁོར་ཀུན་གྱི་བསྲུང་མའི་གཙོ༔ དམ་ཚིག་ཅན་གྱི་ལྷ་ཆེན་པོ༔ དྲང་སྲོང་ཁྱབ་འཇུག་འཁོར་དང་བཅས༔ ཁྱོད་ལ་ཞུ་ཞིང་གསོལ་བ་ནི༔ ཕུད་གཏོར་མཆོད་སྐོང་འདི་བཞེས་ལ༔ སྔགས་འཆང་བདག་གི་དཀོར་བདག་མཛོད༔ མི་ནོར་དགོན་གནས་འཁོར་ལོངས་སྤྱོད༔ བཅོལ་ལོ་གཏད་དོ་ཁྱོད་ཀྱིས་སྲུངས༔ ཉིན་དུས་བྱ་ར་མ་གཡེལ་ཅིག༔ མཚན་དུས་མེལ་ཚེ་མ་ཞན་ཅིག༔ དགྲ་བྱུང་སྐྱོབས་ལ་འགྱེལ་ན་སློང༔ ཇག་ཆོམ་སྒྲོལ་ལ་ཅེ་སྤྱང་སྲུངས༔ མ་ཚོར་སྟོན་ལ་རྒྱབ་བརྟེན་མཛོད༔ སངས་རྒྱས་བསྟན་པ་བསྲུང་བ་དང༔ བླ་མའི་སྐུ་དགྲ་འདུལ་བའི་ཕྱིར༔ རྣལ་འབྱོར་དགྲ་སྒྲོལ་མཐུ་དཔུང་སྐྱེད༔ ཕྲིན་ལས་མ་གཡེལ་སྡོང་གྲོགས་མཛོད༔ ཀྵ༔ དགོངས་ཤིག་དྲང་སྲོང་འཁོར་བཅས་དགོངས༔ གསོན་ཅིག་ལྷ་སྲིན་སྡེ་བརྒྱད་གསོན༔ མཛོད་ཅིག་དྲག་པོའི་ཕྲིན་ལས་མཛོད༔ དཀའ་བ་དང་བླང་ལྕི་བའི་ཁུར་ཆེན་བླངས༔ ལུས་སྲོག་གཟན་བོར་ཤ་ཁྲག་འབེན་ལ་བཙུགས༔ མོས་པ་བསྐྱེད་ནས་སངས་རྒྱས་སྟན་ལ་དད༔ བླ་མའི་བཀའ་བསྒྲུབ་དམ་པའི་གྲལ་ལ་བསྙེགས༔ ཉམས་ལ་གནད་བསྣུན་བྲག་ཕུག་ཞྭ་ལྟར་གྱོན༔ ཁྱོད་གསོལ་ཁྱོད་མཆོད་བརྟེན་ཅིང་བསྒྲུབ་པའི་ལྷ༔ སུ་ལ་མི་རེ་དྲང་སྲོང་ཁྱོད་ལ་རེ༔ སུ་ལ་མི་ལྟོས་སྡེ་བརྒྱད་སྲུང་མར་ལྟོས༔ ཡེ་ཤེས་སྤྱན་གྱིས་ལེགས་ཉེས་དྲང་ཤན་ཕྱེས༔ ཉམས་པའི་དགྲ་བོ་སྡིག་ཅན་ཤན་པ་རྣམས༔ རང་དབང་མེད་པར་འགུགས་བསྒྲལ་སྤར་བར་མཛོད༔ སངས་རྒྱས་བསྟན་བཤིགས་དཀོན་མཆོག་དབུ་འཕང་སྨད༔ གསང་སྔགས་དམ་དབྲལ་རྣལ་འབྱོར་དགྲ་རུ་ལངས༔ ཡོངས་ལ་འཚེ་ཞིང་དཀོར་རྐུན་གཙུག་ལག་བཤིགས༔ དགེ་འདུན་སྡེ་བཅོམ་དོ་བརྡོ་ཕོད་བཙུགས་ཤིང་༔ ལྷ་སྲུང་ཆོས་སྐྱོང་ཁྱོད་ལ་མཐུ་མེད་ཟེར༔ རྣལ་འབྱོར་རིག་འཛིན་བདག་ལ་ལྷ་མེད་ཟེར༔ སངས་རྒྱས་བཀའ་བཅགས་རྒྱུ་འབྲས་ཁྱད་དུ་བསད༔ མི་དགེ་བཅུ་སྤྱོད་བསྟན་དགྲ་ལས་ངན་འདི༔ ཚེ་བསོད་དུས་ཐེམས་མ་བཞག་མྱུར་དུ་སོད༔ ཐུགས་དམ་དུས་ལ་བབ་པོ་ས་མ་ཡཱ༔ བསད་སྔགས་བཟླ་ཞིང་ཐལ་མོ་རྡེབ༔ དགྲ་སྒྲོལ་མཚོན་ཆ་འདི་ཁོ་ན༔ ཨོ་རྒྱན་མཁན་པོ་པདྨ་ཡིས༔ མ་འོངས་སངས་རྒྱས་བསྟན་པ་དང༔ ད་ལྟ་མ་སྤེལ་ཌཱཀྐི་མ༔ ཡེ་ཤེས་མཚོ་རྒྱལ་སྟངས་དཔྱལ་གྱི༔ སྤྲུལ་པ་སུམ་ཅུའི་དུས་སུ་འབྱུང༔ སྦས་པའི་གང་ཟག་བྱང་སེམས་ཅན༔ ཏཱ་རེའི་གནས་ཀྱི་བདག་པོ་འབྱུང༔ བསྲུང་ཕྱིར་བརྡ་ཡིག་བྲག་ལ་སྦོས༔ ཤིན་ཏུ་གསང་བའི་མན་ངག་ཆོས༔ གསང་ཐུབ་བྱིན་རླབས་མེ་ལྕེའི་དབལ༔ བཞིན་ཏུ་འབྱུང་བས་འདི་ཉིད་བསྒྲུབ༔ ཕྱི་མ་མཁའ་སྤྱོད་ཞིང་ལ་སྦྱོར༔ ས་ལམ་བར་ཆད་དབྱིངས་སུ་སོལ༔ ཟབ་པའི་ཡང་ཞུན་རྒྱ༔ ཕུན་སུམ་ཚོགས་པ་ལྔ་ཡི་རྒྱ༔ དྷ་ཐིམ༔ གུ་ཧྱ༔ ཅེས་དྲང་སྲོང་ཁྱབ་འཇུག་སྒྲུབ་ཐབས་གསོལ་བསྡུས་འདི་ཆོས་ཀྱི་བདག་པོ་མདོ་མང་སྤྲུལ་པའི་སྐུ་སོགས་ཆོས་ལ་དབང་བ་རྣམས་ཀྱིས་བསྐུལ་བ་ལ་བརྟེན་ནས་ལྡན་མ་རྩེ་མང་གི་ཟློས་གར་གསལ་བྱེད་དང་པོའི་མིང་ཅན་གྱིས་དག་པར་ཕབ་པའི་དགེ་བས་སངས་རྒྱས་བསྟན་པ་དང་དེ་འཛིན་གྱི་རྣལ་འབྱོར་སྲུང་བའི་མཚོན་ཆར་གྱུར་ཅིག༔ སརྦ་ཛ་གད་དཾ༔ རཱ་ཧུ་ལའི་འཁྲུགས་འགྲམ་བཤགས་པ་བདུད་རྩིའི་ཁྲུས་བུམ།ཡང་གསང་མཁའ་འགྲོའི་ཆ་ལག་ཏུ༔ རཱ་ཧུ་ལའི་འཁྲུགས་འགྲམ་བཤགས་པ་བདུད་རྩིའི་ཁྲུས་བུམ་བཞུགས༔ ཧཱུྃ་བྷྱོ༔ རིག་རྩལ་ཀློང་ལས་ཤར་བའི་ལྷ༔ ས་བརྒྱད་སེམས་དཔའི་སྤྲུལ་པ་པོ༔ དྲང་སྲོང་ཆེན་པོ་རཱ་ཧུ་ལ༔ ཡབ་ཡུམ་སྤྲུལ་པ་འཁོར་དང་བཅས༔ འདིར་བྱོན་ཚོགས་གཏོར་མཆོད་པ་བཞེས༔ དམ་ཚིག་ཉམས་པའི་ཉེས་ལྟུང་གིས༔ སྲུང་མ་འཁྲུགས་འགྲམ་གང་བྱུང་བ༔ གནོང་འགྱོད་བློ་ཡིས་གཏང་རག་གཏོང༔ ཚོགས་གཏོར་རྫས་ཀྱིས་ཉེས་ལྟུང་བཤགས༔ སྡོམ་སེམས་བརྟན་པོས་སོར་རུ་ཆུད༔ དག་ཚང་མཆོག་གི་དངོས་གྲུབ་སྩོལ༔ སྲུང་མ་སེམས་ཀྱི་རྩལ་ཡིན་པས༔ འཁྲུགས་འགྲམ་གཞན་ན་དབེན་མོད་ཀྱང༔ སྣང་ཙམ་བཤགས་པའི་ཆོ་འཕྲུལ་གྱིས༔ རང་ཤར་ཀློང་དུ་དག་མཛོད་ཅིག༔ བཤག་བྱ་བཤགས་བྱེད་གཉིས་མེད་གྲོལ༔ ཨ་ལ་ལ་ཧོ་ས་མ་ཡཱ༔ ཡི་གེ་བརྒྱ་པ་སོགས་བཤགས་ཚིག་གཞན་ཡང་སྤྲོ་འོ༔ རཱ་ཧུ་ལའི་མངའ་གསོལ་རྡོ་རྗེའི་ཕྲེང་བ།བཀའ་འདུས་ཆོས་ཀྱི་རྒྱ་མཚོ་ལས༔ བཀའ་སྲུང་རཱ་ཧུ་ལའི་མངའ་གསོལ་རྡོ་རྗེའི་ཕྲེང་བ་བཞུགས༔ རྡོ་རྗེ་ཕག་མོ་ལ་ཕྱག་འཚལ་ལོ༔ ཕག་མོའི་ཟབ་ཐིག་བཀའ་སྲུང་གི༔ མངའ་གསོལ་རྡོ་རྗེའི་ཕྲེང་བ་འདི༔ ཉམས་སུ་ལེན་པའི་གང་ཟག་གིས༔ རྩ་གསུམ་དམ་ཚིག་ལ་གནས་ཤིང༔ དབང་ཐོབ་སྲུང་མ་ཀུན་འདུས་ཀྱི༔ ངེས་ཤེས་བསྐྱེད་ཅིང་དུས་གཉན་ལ༔ ཕྱི་ནང་མཆོད་རྫས་དྲེགས་པ་ཡི༔ རང་མཐུན་རྫས་བསགས་སྤོས་གསུར་གཏོང༔ སྙན་པའི་དབྱངས་ཀྱིས་ཚིག་འདི་གྱེར༔ ཛ༔ ཀ་དག་སྤྲོས་བྲལ་ཆོས་སྐུ་བརྗོད་ལས་འདས༔ ཁ་དོག་མ་འགགས་རྩལ་སྣང་བདེ་བ་ཆེ༔ ག་དར་དྭངས་ཤེལ་ངོས་སུ་གཟུགས་འཕོས་ལྟར༔ ང་བདག་གཟུང་འཛིན་སྐྱོན་བྲལ་གཟའ་མཆོག་ཤར༔ ཅ་ཅོའི་སྙན་པའི་ཚིག་གིས་སྤྱན་འདྲེན་ན༔ ཆ་ལུགས་མཁའ་ལ་སྣང་བའི་འཇའ་ཚོན་བཞིན༔ ཇ་ཆང་སྐྱེམས་ཕུད་འདོད་རྫས་བཞེས་པའི་སླད༔ ཉ་ཟླའི་མདངས་འཛིན་དཔའ་བོ་ད་ཚུར་བྱོན༔ ཏ་ཐ་ག་ཏའི་བསྟན་སྲུང་གཙོ་བོ་ཁྱོད༔ ཐ་མལ་འབྱུང་པོ་མ་ཡིན་ཡེ་ཤེས་པ༔ ད་ལྟ་དྲེགས་ཚོགས་གཙུག་ན་མངོན་མཐོ་བའི༔ ནཱ་ག་སྲིན་པོ་ལས་བསྐྲུན་རཱ་ཧུ་ལ༔ པ་ཝ་སངས་སོགས་གཟའ་བརྒྱད་ལས་ལ་འགྱེད༔ ཕ་རོལ་དགྲ་བགེགས་བྱད་མའི་དོན་སྙིང་འབྱིན༔ བ་དན་དཀར་པོ་མཁའ་ལ་སྤུད་བཞིན་འགྲོ༔ མ་ལུས་བསྟན་དགྲའི་གཤེད་མར་མངའ་གསོལ་ལོ༔ ཙ་རི་ལ་སོགས་གནས་སྲུང་དཀོར་གྱི་བདག༔ ཚ་གྲང་དབལ་གྱིས་གཞན་སྣང་ཟིལ་གནོན་མཛད༔ ཛ་ཡའི་བསྟན་སྲུང་ཁྱབ་འཇུག་དུག་གི་བདག༔ ཝ་འདྲའི་ལོག་རྟོག་གཞོམ་པར་མངའ་གསོལ་ལོ༔ ཞྭ་བཞིན་གཙུག་ཏུ་མཆོག་གསུམ་སྲུང་མ་བརྟེན༔ ཟ་ཐང་ལོངས་སྤྱོད་འབྱོར་བས་བསྟན་པ་གསོ༔ འ་འོལ་ཙམ་མིན་ཡང་དག་ལྟ་ལ་དད༔ ཡ་མཚན་སྦྱིན་བདག་སྲུང་མར་མངའ་གསོལ་ལོ༔ རྭ་ཡི་མདའ་གཞུ་ཆུ་སྲིན་སྦྲུལ་ཞགས་འཛིན༔ ལ་ལ་ཙམ་མིན་སྐྱེ་འགྲོའི་སྲོག་དབུགས་བདག༔ ཤ་ཟ་སྲིན་རྒྱལ་པདྨའི་གཡར་དམ་ཅན༔ ས་མ་ཡཱ་སྲུང་མཆོག་ཁྱོད་མངའ་གསོལ་ལོ༔ ཧ་ལའི་སེམས་ལྡན་ཁ་དཀར་ཞེ་ནས་གནག༔ ཨ་ཏིའི་བསྟན་འཛིན་ཡོངས་ཀྱི་ཚེ་ཆོས་སྲིད༔ ཀ་ཆ་དཀོར་ནོར་འཕྲོག་བཅོམ་རློམ་པ་ཡི༔ དགྲ་འདྲེའི་དབང་པོ་སྣུབ་པར་མངའ་གསོལ་ལོ༔ བསྟན་དང་འགྲོ་ལ་བདེ་སྐྱིད་འབྱུང་བའི་གཞི༔ བྱང་ཆུབ་སེམས་ཀྱིས་བསྐྲུན་པའི་རྣམ་དཀར་གྱི༔ དགེ་བའི་དབང་ཕྱུག་ཚོགས་ཀྱི་ཞིང་མཆོག་སྡེ༔ མི་ཉམས་ཡར་ཟླའི་མཆེད་པོར་མངའ་གསོལ་ལོ༔ ནོར་འཛིན་ཁྱོན་ལ་བཀྲ་ཤིས་དཔལ་གྱིས་འབྱོར༔ བྱེས་ཀྱི་འགྲོ་ལ་ཕུན་ཚོགས་སྣང་བ་ཤར༔ བདག་དང་བུ་སློབ་ཡོན་བདག་ལྟོས་བཅས་ཀུན༔ སྡེ་བཞིའི་དཔལ་གྱིས་འཚོ་བར་མངའ་གསོལ་ལོ༔ ས་མ་ཡཱ༔ ཞེས་འདི་ཡང་གསང་སྙིང་གི་ཁྲག༔ ཕག་མོའི་བཀའ་སྲུང་དྲེགས་པའི་དབང༔ མ་རུང་བསྟན་དགྲ་བརླག་མཛད་པའི༔ ཁྱབ་འཇུག་དུག་བདག་རཱ་ཧུ་ལ༔ རྣོ་མྱུར་དྲག་རྩལ་ཐོག་ལས་རྔམ༔ སྙིང་གི་དམ་གཙང་ལས་བཅོལ་འགྲུབ༔ དཀོར་སྲུང་སྡེ་བརྒྱད་དུ་ཡོད་ཀྱང༔ དབང་པོའི་མིག་ལྟར་སྲུང་མ་འདི༔ ལག་ཏུ་བླངས་པ་ཙམ་གྱིས་ཀྱང༔ ཡིད་ཆེས་རྟགས་མཚན་མ་བྱུང་ན༔ ཡང་གསང་ཟབ་ཆོས་རྫུན་དུ་ཟད༔ འདི་ནི་སྲུང་མ་མཐར་ཐུག་ཏུ༔ ངེས་ཤེས་རྙེད་ལ་དང་དུ་ལོངས༔ དཔེར་ན་མཁའ་ཡི་ཙཎྜ་སྟེ༔ སྒྲ་གཅན་དུག་གིས་སྒྲིབ་པ་ན༔ ཆུ་སྣོད་སྟོང་གི་ཟླ་གཟུགས་ཡང༔ མ་བཟུང་པ་རུ་སྟོང་སྲོག་ཐོབ༔ དེ་བཞིན་སྲུང་མ་འདི་འགྲུབ་ན༔ དྲེགས་པ་ཡོངས་ཀྱི་སྟོང་སྲོག་འཐོབ༔ ས་མ་ཡཱ༔ ཕུན་སུམ་ཚོགས་པ་ལྔ་ཡི་རྒྱ༔ གུ་ཧྱ༔ དྲང་སྲོང་དམ་བསྒྲགས་ཕྲིན་ལས་གསོལ་བ།དྲང་སྲོང་ཁྱབ་འཇུག་ཆེན་པོ་ལ༔ དམ་བསྒྲགས་ཕྲིན་ལས་གསོལ་བ་ནི༔ ཧཱུྃ་ཛ༔ བདག་ནི་རིག་འཛིན་སྒྲུབ་པ་པོ༔ བདག་ནི་སྔགས་འཆང་དམ་ཚིག་ལྡན༔ དམ་ལ་གནས་ཤིང་ལྷ་ལ་འཕྲེང༔ ཁྱོད་ནི་སྲུང་མ་ཐུགས་དམ་ཅན༔ ཁྱོད་ནི་དྲག་ཤུལ་མཐུ་སྟོབས་བདག༔ དགོངས་ཤིག་སྙན་གསོན་རཱ་ཧུ་ལ༔ སྔོན་ཚེ་བསྐལ་བའི་དང་པོ་ལ༔ སངས་རྒྱས་རིན་ཆེན་སྙིང་པོ་དང༔ རྣམ་འདྲེན་སྟོན་པ་ཟས་གཙང་སྲས༔ རྡོར་འཆང་དགའ་རབ་པད་འབྱུང་གི༔ སྤྱན་སྔར་ཁས་བླངས་དམ་བཅས་པའི༔ ཐ་ཚིག་གཉན་པོ་མི་དྲན་ནམ༔ རིན་ཆེན་སྙིང་པོའི་སྤྱན་སྔ་རུ༔ བྲམ་ཟེའི་ཁྱེ་འུ་ཁྱབ་འཇུག་སྤྲིན༔ བསྟན་ལ་གནོད་པར་བཤམས་པའི་དགྲ༔ རྩད་ནས་གཅོད་པར་ཁས་བླངས་ཤིང༔ སྟོན་པའི་སྤྱན་སྔར་མ་འོངས་དུས༔ བླ་མར་གཤེ་ཞིང་སྔགས་ལ་ཕྲ༔ དབེན་གནས་བཅོམ་ཞིང་དཀོར་ལ་ཟླ༔ ཉམས་པའི་སྲོག་རྩ་གཅོད་ཁས་བླངས༔ རྡོ་རྗེ་འཆང་གི་སྤྱན་སྔ་རུ༔ སངས་རྒྱས་བསྟན་པ་སྲུང་བ་དང༔ དམ་ལྡན་རྣལ་འབྱོར་འཚོ་སྐྱོང་ཞིང༔ ཞིང་བཅུའི་གཤེད་དབབ་སྒྲོལ་ལ་སོགས༔ དགའ་རབ་པད་འབྱུང་རྩ་རྒྱུད་ཀྱི༔ བླ་མའི་སྤྱན་སྔར་ཁས་བླངས་པའི༔ དམ་ཚིག་མནོས་པ་མི་དྲན་ནམ༔ ང་ནི་དམ་ལྡན་རིག་པ་འཛིན༔ ཁྱོད་ནི་དྲང་སྲོང་དམ་མ་ཉམས༔ ཁས་བླངས་བཞིན་དུ་ཕྲིན་ལས་མཛོད༔ དུས་ལས་མ་འདའ་ས་མ་ཡཱ༔ ཧཱུྃ་ཛ༔ཀྵཿ དམ་ཚིག་སྲུང་ཕྱིར་གནས་འདིར་བྱོན༔ དོ་ནུབ་ཆད་དང་ཐོ་ལ་བྱོན༔ དོ་ནུབ་མནའ་ཆད་ཁྲིམས་ལ་བྱོན༔ གྲོགས་པོར་བྱས་སོ་གཞུང་མ་ངན༔ མཛའ་བོར་བྱས་སོ་ཁྲེལ་མ་འཇུག༔ མནའ་ཐོ་བྱས་སོ་མནའ་མ་ཟ༔ རྗེ་བོར་བྱས་སོ་དབང་མ་ཆེ༔ བྲན་ལྟར་བསྐུལ་ལོ་རྒྱུད་མ་ངན༔ དམ་ཚིག་གཉན་ལ་མ་འདའ་བར༔ གཟའ་བདུད་ཁྱབ་འཇུག་རཱ་ཧུ་ལ༔ རིག་འཛིན་རྣལ་འབྱོར་བདག་ཅག་གི༔ དམ་ཚིག་འདའ་བར་མ་ཆད་དམ༔ དེ་ཕྱིར་དམ་ལས་མ་གཡེལ་བར༔ ཁྱབ་འཇུག་འཁོར་བཅས་ད་ཚུར་བྱོན༔ རྣལ་འབྱོར་བདག་གིས་བགོ་བ་ཡི༔ བཅོལ་པའི་ལས་ནི་མ་བསྒྲུབས་ན༔ བདེ་གཤེགས་རྒྱལ་བའི་བཀའ་དང་འགལ༔ རྣལ་འབྱོར་སྒྲུབ་པོ་ཡིད་ཡང་ཆད༔ མནའ་ཆད་ཁྲིམས་དང་འགལ་བྱས་ན༔ དམ་ཚིག་གཉན་པོའི་ཆད་པ་འོངས༔ བཀའ་ཡི་དམོད་པ་སྡིག་པར་མཆིས༔ མ་འདའ་བཛྲ་ས་མ་ཡཱ༔ ཨི་ཏན་ཏི་ནི་ན་ར་ཀན༔ ཧཱུྃ་ཛ༔ ཀྱཻ༔ དྲང་སྲོང་ཁྱབ་འཇུག་འཁོར་བཅས་གསོན༔ བདག་ཉིད་ཡི་དམ་བཀའ་མཆིས་ཀྱིས༔ གྲོགས་ལ་གཞུང་མེད་མི་སྲིད་ཀྱི༔ ཆོས་སྐྱོང་མཐུ་མེད་མི་སྲིད་ཀྱི༔ ཆད་དོན་མི་སྒྲུབ་མི་སྲིད་ཀྱི༔ རིག་འཛིན་རྣལ་འབྱོར་སྒྲུབ་པ་པོས༔ བསྐང་རྫས་མཆོད་ཚོགས་གཏད་དཀྲུགས་སྐབས་མདོས་རྫས་མཆོད་ཚོགས་རྒྱ་ཆེན་འདིས༔ ཐུགས་དམ་གཉན་པོ་བསྐངས་ནས་ཀྱང༔ རྣལ་འབྱོར་བསམ་པ་ཡིད་བཞིན་སྒྲུབ༔ སངས་རྒྱས་བསྟན་པ་གཉེར་དུ་གཏད༔ ནུབ་མེད་ཕྱོགས་བཅུར་རྒྱས་པར་མཛོད༔ བསྟན་འཛིན་ཚོགས་རྣམས་གཉེར་དུ་གཏད༔ ཕྱོགས་ལས་རྣམ་རྒྱལ་ཕྲིན་ལས་མཛོད༔ རྒྱུད་འཛིན་བུ་སློབ་གཉེར་དུ་གཏད༔ དམ་གཙང་མཐའ་རྒྱས་ཕྲིན་ལས་མཛོད༔ རྒྱལ་ཁམས་མི་ཕྱུགས་གཉེར་དུ་གཏད༔ རྫོགས་ལྡན་དཔལ་ལ་འགྲན་པར་མཛོད༔ ཆོས་འཁོར་སྡེ་ཚོགས་གཉེར་དུ་གཏད༔ བཤད་སྒྲུབ་ལས་ཀྱི་ཕྲིན་ལས་མཛོད༔ ཆོས་རྒྱལ་སྲིད་ནོར་གཉེར་དུ་གཏད༔ དགྲ་གདོན་གཡུལ་ངོ་ཕམ་པར་མཛོད༔ དབེན་གནས་སྒྲུབ་བརྩོན་གཉེར་དུ་གཏད༔ འདུ་འཛི་དབྱིངས་སྒྲོལ་དངོས་གྲུབ་སྩོལ༔ དད་ཅན་སྦྱིན་བདག་གཉེར་དུ་གཏད༔ མི་ཕྱུགས་རིགས་རྒྱུད་དར་བར་མཛོད༔ བདག་ཅག་མི་ནོར་གཉེར་དུ་གཏད༔ བཙན་ཕྱུག་འཕན་དར་འཛོམས་པར་མཛོད༔ མདོར་ན་ཡིད་ལ་གང་བཅོལ་བའི༔ དོན་དེ་ཡིད་བཞིན་དཔལ་ལ་སྤྱོད༔ བྱེས་སུ་འགྲོ་ན་བསུ་སྐྱེལ་དང༔ ཡུལ་དུ་འདུག་ན་རྫི་བོ་མཛོད༔ ཟས་ཀྱི་ངོ་ཞིག་ཁྱོད་ཀྱིས་མཛོད༔ ཆད་པའི་གཞུང་འདི་བདག་གིས་སྲོང༔ གྲོགས་ཀྱི་ཚིག་འདི་ཁྱོད་ཀྱིས་ཉོན༔ སྒྲུབ་པའི་གཞུང་འདི་ངས་ཀྱང་བསྲང༔ བཅོལ་ལོ་གཏད་དོ་ཐུགས་དམ་ཅན༔ གསོལ་ལོ་མཆོད་དོ་སྲུང་མའི་ཚོགས༔ སོད་ཅིག་ཐུལ་ཅིག་དགྲ་དང་བགེགས༔ གཏད་དོ་གཉེར་རོ་མཐུ་མ་ཆུང༔ ཁྱོད་དང་བདག་གི་དམ་ཚིག་ནི༔ བསྐལ་བ་ཞིག་ཀྱང་མི་འབྲལ་ལོ༔ རྒྱང་ངེ་གཡེལ་ལེ་མ་མཛད་པར༔ བརྩེ་གདུང་གདུང་སེམས་ཆེ་བར་མཛོད༔ མཐུ་སྟོབས་རྫུ་འཕྲུལ་ཇི་ལྟ་བར༔ རྣལ་འབྱོར་བཅོལ་པའི་ཕྲིན་ལས་མཛོད༔ བཏང་སྙོམ་ལེ་ལོ་མ་མཛད་པར༔ བཀའ་དང་དམ་ལ་མ་འདའ་ཞིག༔ དུས་ལ་བབ་པོ་རཱ་ཧུ་ལ༔ གཟའ་བརྒྱད་གདོང་བཞི་རྒྱུ་སྐར་དང༔ ལྷ་སྲིན་སྡེ་བརྒྱད་མཐུ་རྩལ་ཅན༔ ཁྱོད་རྣམས་ཐུགས་དམ་དུས་ལ་བབས༔ བདག་ཅག་ལ་སྡང་དགྲ་དང་བགེགས༔ བླ་མ་དམ་པའི་སྐུ་ལ་བསྡོས༔ སངས་རྒྱས་བསྟན་པ་ཐབས་ཀྱིས་བཤིག༔ དབེན་གནས་གཉན་པོའི་དཀོར་ལ་བརྐུས༔ ལྷ་སྲུང་གཉན་པོ་ཁྱད་དུ་བསད༔ བདག་ཅག་རྣམས་ལ་དོ་རུ་བསྡོས༔ དྲང་སྲོང་ཁྱོད་ནི་མི་གཉན་བྱས༔ སྡང་བའི་དགྲ་བོ་དམ་ཉམས་འདི༔ ཕ་ཁུ་སྤུན་ཟླ་ཁྱོ་ཤུག་དང༔ ཤ་དང་རུས་པས་འབྲེལ་ཡང་བསྒྲལ༔ སློབ་བུ་དམ་ལོག་ཡོན་གྱི་བདག༔ ངོ་ལོག་རྒྱབ་སྟོན་ཤག་རོགས་དང༔ སྙིང་གྱུ་ཆུང་མ་རྐུན་ཇག་ཤོམ༔ དམིགས་པའི་ཡུལ་དུ་གྱུར་པའི་དགྲ༔ སྒྲོལ་བའི་ལས་ལ་མ་གཡེལ་མཛོད༔ ཆོས་སྐྱོང་ཁྱོད་ལ་མཐུ་མེད་ཟེར༔ གཟའ་བདུད་ཆེན་པོ་མཐུ་རྩལ་ཅན༔ བསིལ་བའི་ཚལ་དང་དུར་ཁྲོད་བརྒྱད༔ ནམ་མཁའི་དབྱིངས་ནས་ཀི་ཡིས་ཐོབ༔ ལྷ་སྲིན་སྡེ་བརྒྱད་དམག་ཡར་བསྡུས༔ ཁྱབ་འཇུག་ཆེན་པོས་དམག་དཔོན་མཛོད༔ གཟའ་ཆེན་བརྒྱད་པོས་དམག་སྣ་དྲོངས༔ དགྲ་བགེགས་སྟེང་དུ་དམག་དཔུང་བསྐྱེད༔ འུར་འུར་ཆེམ་ཆེམ་དབྱིངས་ནས་བསྐྱོད༔ སྲོག་གཅོད་སྲིན་མོ་གདོང་བཞིས་མཛོད༔ བླ་རྐུན་ཇག་པ་ལས་ལ་ཁྱེ༔ དགྲ་བོའི་བླ་ཁུག་དོན་སྙིང་རོལ༔ ཕོ་རྒྱུད་མོ་རྒྱུད་དགུ་རྒྱུད་དག༔ རྩད་ནས་ཆོད་ཅིག་ས་མ་ཡཱ༔ གནད་ནས་བསྐུལ་ལོ་ཐུགས་དམ་ཅན༔ བཅོལ་པའི་ཕྲིན་ལས་གྲུབ་པར་མཛོད༔ དེ་ནས་བཟླས་པ་བྱ་བ་ནི༔ དྲང་སྲོང་ཁྱབ་འཇུག་གཙོ་དང་འཁོར་དུ་བཅས་པའི་ཐུགས་ཀར་ཀྵ་དང་ཏྲི་ཡིག་སོགས་ཀྱི་མཐར་སྔགས་ཀྱིས་བསྐོར་བ༔ བདག་གི་ཐུགས་ཀའི་འོད་ཀྱིས་བསྐུལ་བས་ཅི་འདོད་པའི་ཕྲིན་ལས་རབ་འབྱམས་གང་ལ་དམིགས་པ་ཐོགས་མེད་དུ་འགྲུབ་པར་བསམ་ལ༔ ཨོཾ་ཀྵ་རཀྴ་རཱ་ཧུ་ལ་པྲ་མ་ཎི་ས་མ་ཡཱ་ཛཿཛ༔ ཞེས་འདི་རྩ་བའི་བསྙེན་པའོ༔ ཧྲཱིཿཤག་རུ་རག་རཾ་ནཱ་ག་ཙིཏྟ་ཏྲཾ་མ་མ་ཡོམ་ཟ་འགྲམ་ཧ་ཧ་ག་ཤ་ལ་ཛ་ཛ༔ དེ་ནི་སྒྲུབ་པའི་སྙིང་པོའོ༔ དེ་ནས་ལས་ལ་སྦྱོར་བ་ནི༔ ཧྲཱིཿཤག་རུ་རག་རཾ་ནཱ་ག་ཙིཏྟ་ཏྲཾ་མ་མ་ཡོམ་ཟ་འགྲམ་ཧ་ཧ་ག་ཤ་ལ་ཛ་ཛ༔ ཨ་ཡ་མ་དུ་རུ་ཙ་ཤ་ན་སརྦ་ཀརྨ་བྷྱོ་ཛ༔ རྦད༔ ས་མ་ཡཱ༔ དྲེགས་པ་སྤྱིའི་སྲོག་སྔགས་གཅིག་ཆོག་རྒྱལ་པོ་འདི་ལ་ཡི་དམ་ལྟ་བའི་གདེངས་དང་ལྡན་པས་ཐུན་བཟུང་ལ་ཁྲི་བརྒྱད་བཟླས་ན་ཁྱབ་འཇུག་དངོས་སུ་འོང་བ་ཐ་ཚིག་གོ༔ ས་མ་ཡཱ༔ རྗེས་ལ་ལས་སྦྱོར་སྤྱི་ལྟར་བྱ༔ ཡོངས་རྫོགས་བསྟོད་པའི་ལས་ཁྲིགས་ནི༔ ཧཱུྃ་ཛ༔ དུར་ཁྲོད་རབ་འཇིགས་རྦ་ཀློང་འཁྲིགས༔ སྲིན་པོའི་གཟུགས་ཀྱིས་གདུག་པ་འདུལ༔ ཚར་གཅོད་བྱང་ཆུབ་སེམས་དཔའ་སྟེ༔ དྲང་སྲོང་ཆེ་ལ་ཕྱག་འཚལ་བསྟོད༔ སྐུ་མདོག་དུད་ཁ་འཇིགས་པའི་གཟུགས༔ དབུ་དགུ་བྱ་རོག་གཙུག་ཏོར་མཛེས༔ ཕྱག་བཞི་མདའ་གཞུ་ཆུ་སྲིན་ཞགས༔ ཞལ་གདངས་སྡང་མིག་འཁྲུགས་ལ་བསྟོད༔ ཞེ་སྡང་ལས་གྱུར་དགྲ་བགེགས་སྒྲོལ༔ ཡཀྴ་ཛྭ་ལར་ཕྱག་འཚལ་བསྟོད༔ འདོད་ཆགས་ཀླུ་གདོན་འདུལ་བའི་གཤེད༔ རྡོ་རྗེ་གློག་འགྱུར་ཕྱག་འཚལ་བསྟོད༔ མ་མོ་རོལ་པའི་དུར་ཁྲོད་བདག༔ ལྗང་སྔོན་དྲག་པོར་ཕྱག་འཚལ་བསྟོད༔ དགྲ་ལྷ་ཡོངས་ཀྱི་དཔའ་བོ་ཆེ༔ དྲང་སྲོང་དཀར་སེར་ཕྱག་འཚལ་བསྟོད༔ དམུ་བདུད་ཚོགས་ཀྱི་དབུས་ན་རོལ༔ བདུད་པོ་ར་ཙར་ཕྱག་འཚལ་བསྟོད༔ སྲིན་མོའི་ཚོགས་ཀྱི་མངའ་བདག་མོ༔ བྷི་ཏྲི་བྷ་ཏྲར་ཕྱག་འཚལ་བསྟོད༔ དམུ་འགྲམ་ཚོགས་པའི་མཐུ་བོ་ཆེ༔ དམུ་བདུད་ནག་པོར་ཕྱག་འཚལ་བསྟོད༔ གཤིན་རྗེ་ཡོངས་ཀྱི་དམག་གི་བདག༔ དུ་བ་མཇུག་རིང་ཕྱག་འཚལ་བསྟོད༔ ཀླུ་བཙན་བསྡོང་བའི་དྲག་ཤུལ་ཅན༔ ཁྱབ་འཇུག་ཆེན་པོར་ཕྱག་འཚལ་བསྟོད༔ སྡེ་བརྒྱད་དབུས་ན་མངོན་མཐོ་བའི༔ སྒྲ་གཅན་འཛིན་ལ་ཕྱག་འཚལ་བསྟོད༔ ཕྱོགས་བཞིའི་དགྲ་གདོན་འདུལ་བའི་དབང༔ ཟོར་གདོང་ཁྱིམ་བྱ་ཟེར་མོའི་མགོ་དྲེད་གདོང་གླང་གི་གདོང༔ ཆུ་སྲིན་གདོང་སོགས་བཞི་ལ་བསྟོད༔ བཀའ་དང་བསྟན་ལ་འཁུ་བ་སྒྲོལ༔ ཕྱོགས་བཞི་མཚམས་བརྒྱད་ལས་མཁན་རྗེ༔ སྤྲུལ་པའི་གཟའ་ཆེན་བརྒྱད་ལ་བསྟོད༔ ནམ་མཁའ་ཡངས་པའི་ད་ལ་ནས༔ རྒྱུ་སྐར་ཉི་ཤུ་རྩ་བརྒྱད་བསྟོད༔ འཇིག་རྟེན་ཁམས་ཀྱི་ལེགས་ཉེས་མཁན༔ ལྷ་སྲིན་སྡེ་བརྒྱད་ཚོགས་ལ་བསྟོད༔ རབ་འབྱམས་མུ་མཐའ་མེད་པ་ནས༔ རེ་ཏི་རྡོར་ལེགས་ཤན་དམར་ནག༔ ཚེ་འཛིན་ཕོ་ཉ་འཛུལ་མེད་སོགས༔ ཡང་སྤྲུལ་དྲེགས་པ་ཀུན་ལ་བསྟོད༔ མ་འདའ་བཛྲ་ས་མ་ཡཱ༔ ཞེས་བརྗོད་གཏོར་སྐྱེམས་གཙང་སར་གཤེགས༔ རྟེན་ལ་བསྟིམ་མམ་གཤེགས་གསོལ་བྱ༔ དེ་ནས་འཁོར་འདས་མཉམ་པར་བརྡལ༔ སྒོམ་མེད་ཡེངས་མེད་ལྷུག་པར་འཇོག༔ དྲེགས་པ་རང་གི་སེམས་རྩལ་ཤེས༔ སྟོང་སྲོག་བླ་རྡོ་དེ་ཀ་རང༔ མི་འགྱུར་གཟེར་གྱིས་གདམ་པར་མཛོད༔ ས་མ་ཡཱ༔ འདི་ནི་ཤིན་ཏུ་གཉན་པ་དང༔ དྲེགས་ཚོགས་ཡོངས་ཀྱི་དེད་དཔོན་ཡིན༔ ཁྱབ་བརྡལ་མ་ཡིན་གསང་བར་བྱོས༔ ཐུན་མོང་མ་ཡིན་ཆིག་རྒྱུད་མཛོད༔ འདི་མིན་དྲེགས་པ་བརྟེན་མི་དགོས༔ ཀུན་གྱི་མཐར་ཐུག་འདི་ཁོ་ན༔ རྩ་གསུམ་བདག་ཉིད་འདི་བསྒྲུབ་འཚལ༔ ཁོག་པའི་སྙིང་དང་མིག་ལྟར་བསྟེན༔ ཁྱབ་བརྡལ་སྤྱད་ན་སྲོག་ལ་འོང༔ སྲོག་གཅོད་ཟབ་དགུའི་ཨ་ཐམ་རྒྱ༔ སྔོན་དུ་པདྨས་མཚོ་རྒྱལ་དང༔ ཨ་ཙར་སྣང་བའི་འོད་ལ་གདམས༔ ད་ལྟ་མ་སྤེལ་བརྡ་རུ་ཐོབ༔ ཕག་མོ་ཟབ་ཐིག་གཉེར་དུ་གཏོད༔ པདྨ་བཀོད་ཀྱི་ཅིག་ཤོས་གནས༔ དམུ་རྡོའི་ཉེ་གནས་མཁའ་སྤྱོད་ཞིང༔ ཏཱ་རེ་བྲག་ལ་གཏེར་དུ་སྦོས༔ མ་འོངས་མཁའ་འགྲོའི་ཡང་སྤྲུལ་དང༔ ཨ་ཙར་གསལ་སྣང་ཐུགས་ཀྱི་སྤྲུལ༔ སྦས་པའི་རྣལ་འབྱོར་བྱང་སེམས་ལྡན༔ མཁས་སམ་བླུན་ནམ་འབྱེད་དཀའ་ཞིང༔ མདོ་སྔགས་ལྟ་བའི་ཁུར་ལ་དབང༔ བསམ་གཏན་ཡེ་ཤེས་དཱི་པ་དང༔ འཕྲད་པའི་སྨོན་ལམ་གཏད་རྒྱས་ཐོབ༔ དེ་ནས་ད་ལྟའི་དབང་གྲལ་དུ༔ སྨིན་པའི་སྐལ་ལྡན་རྩ་བ་ལྔ༔ ཡན་ལག་བརྒྱད་གསུམ་དག་ལ་གཏོད༔ ལན་ཅིག་འགྲོ་ལ་ཕན་པ་འབྱུང༔ བྱིན་རླབས་མྱུར་བ་མེ་ཡི་དབལ༔ གང་ལ་དམིགས་པའི་སྙིང་ལ་གཟན༔ གསང་རྒྱ་བཀའ་རྒྱ་མ་འཕྱུག་ན༔ འགྲོ་དོན་འབྱུང་བ་སོམ་ཉི་ཅི༔ ཕུན་སུམ་ཚོགས་པ་ལྔ་ཡི་རྒྱ༔ དྲང་སྲོང་ལས་ལ་བསྐུལ་བ་ལོག་འདྲེན་སྒྲོལ་བའི་མཚོན་ཆ།དེ་ནས་ལས་ལ་བསྐུལ་བའི་ཐབས༔ ལོག་འདྲེན་སྒྲོལ་བའི་མཚོན་ཆ་སྟོན༔ བཛྲ་ཝ་ར་ཧི་ལ་འདུད༔ དྲང་སྲོང་དགྲ་ལ་རྦད་པའི་དུས༔ དགུ་གཉན་སྲོད་ཀྱི་ས་རུབ་དུས༔ གཏོར་མ་ནག་པོ་སྲིན་ཞལ་ཅན༔ མིག་དགུ་བཏོད་ལ་མཚེ་ཡུངས་རྩང༔ མེ་རི་དཔལ་འབར་རུ་མཚོན་གྱི༔ རྒྱན་ཅན་མདུན་དལ་སྟེགས་ལ་བཀོད༔ དགྲ་བགེགས་བླ་སྲོག་འགུག་གཞུག་བྱ༔ དེ་ནས་རྔ་བརྡུང་དྲག་རོལ་དང༔ རྔམ་པའི་དབྱངས་བཅས་འདི་སྐད་དོ༔ ཛཿཛཿཛཿ ཆོས་སྐུ་ཀུན་བཟང་ལོངས་སྐུ་ནི༔ རྡོར་འཆང་རྡོར་སེམས་དགའ་རབ་རྗེ༔ ཤྲཱི་སེང་ཛྙཱ་ན་སུ་ཏྲ་དང༔ པདྨ་ཐོད་ཕྲེང་མཚོ་རྒྱལ་མ༔ དམ་པ་ལབ་སྒྲོན་ལ་སོགས་པའི༔ རྩ་རྒྱུད་བླ་མས་བཀའ་བསྒོས་བཞིན༔ བཞེངས་ཤིག་མི་མངོན་དབྱིངས་ནས་བཞེངས༔ མ་གཡེལ་ལས་ལ་ད་ཆས་ཤིག༔ བསྐུལ་ལོ་བསྐུལ་ལོ་དགྲ་ལ་བསྐུལ༔ མཛོད་ཅིག་མཛོད་ཅིག་ལས་མཛོད་ཅིག༔ བསྐུལ་ལོ་རྦད་དོ་གཟའ་བདུད་རྒྱལ༔ ཡབ་ཡུམ་སྲས་གསུམ་དགྲ་ལ་རྒྱུག༔ གདོང་མོ་མཆེད་བཞི་དགྲ་ལ་རྦད༔ ལྷ་སྲིན་སྡེ་བརྒྱད་དམག་ལ་ཆས༔ སྤྱི་དང་བྱེ་བྲག་བསྟན་པ་ལ༔ གནོད་པར་ཤོམ་པའི་ཞིང་བཅུ་དང༔ ཉམས་པ་བདུན་ལྡན་དམག་ཇག་དགྲ༔ སྒོས་སུ་བདག་ལ་མི་འཚམས་པའི༔ དམིགས་པའི་ཡུལ་གྱུར་གང་ཡིན་པའི༔ བླ་ཚེ་སྲོག་དབུགས་སྐྱེ་མཆེད་དང༔ ཆེ་རྒྱུད་ཆུང་རྒྱུད་མི་ནོར་དཀོར༔ མེ་སྟག་ཆུ་ཡིས་བསད་བཞིན་ཐོང༔ དོ་ནུབ་ཉིད་ལས་མི་འགྱང་བར༔ བསད་རྟགས་དོན་སྙིང་ཁྱེར་ལ་ཤོག༔ ལོ་ཟླར་བཞག་པའི་ལོང་མེད་ཀྱི༔ ད་ལྟ་ཉིད་དུ་ཧུར་ཐུམ་སོད༔ སྙིང་ཁྲག་དྲོན་མོ་ཧུབ་ཀྱིས་འཐུང༔ ཀླད་པ་དཀར་པོ་ཞོ་ལྟར་དཀྲུགས༔ དབང་པོའི་དྭངས་འབྲས་ཐང་ལ་ཕྱུང༔ གཟའ་ཀླུ་སྲིན་པོས་མགོ་སྐོར་ཐོང༔ ཁ་རླངས་ནད་ཡམས་ཁ་ཕྲུ་ཐོབ༔ མདའ་གཞུ་དགྲ་བོའི་སྙིང་ལ་བརྡེགས༔ མགོ་དགུས་དགྲ་ལ་ལྟས་ངན་སྟོན༔ ཕོ་རོག་སྟོང་སྒྲས་ཆོ་ངེ་ཐོབ༔ སྤྱན་སྟོང་བསྟན་པའི་བྱ་ར་མཛོད༔ རང་འོད་མེ་འབར་ཚ་ཚྭ་ཡིས༔ དགྲ་བོའི་ཡུལ་ཁམས་གཞོབ་དུ་བསྲེག༔ དྲང་སྲོང་ཁྱབ་འཇུག་རཱ་ཧུ་ལ༔ གདོང་བཞི་ལྷ་སྲིན་སྡེ་བརྒྱད་ཚོགས༔ ཤ་ཁྲག་དམར་གཏོར་སྐྱེམས་ཕུད་བཞེས༔ བསྟན་བཤིག་དགྲ་བོ་ཟས་སུ་གཏད༔ ཟོས་ལྷག་མེད་པའི་ས་ལ་གཏུག༔ བཀའ་དམ་གཉན་པོའི་ཁྲིམས་དེ་ཡིན༔ མ་འདའ་བཛྲ་ས་མ་ཡཱ༔ ཧཱུྃ་ཛཿ ཡང་ཅིག་གསོན་དང་སྲུང་མའི་ཚོགས༔ ཆོས་ལ་བདེན་མེད་ཟེར་ཙ་ན༔ ཁྱེད་ལ་དམ་ཚིག་ཁྲེལ་མེད་དམ༔ བདག་ལ་དམ་མེད་ཟེར་ཙ་ན༔ ཁྱེད་ལ་བརྩེ་གདུང་སེམས་མེད་དམ༔ ཆོས་སྐྱོང་མཐུ་མེད་ཟེར་ཙ་ན༔ ཁྱོད་ལ་ལས་ཀྱི་མཐུ་མེད་དམ༔ མ་གཡེལ་མ་འགྱང་རཱ་ཧུ་ལ༔ བཀའ་སྡོད་གདོང་མོ་མཆེད་སྡེ་བཞི༔ རྒྱུ་སྐར་ཉི་ཤུ་རྩ་བརྒྱད་དང༔ ཡང་འཁོར་ལྷ་སྲིན་དམག་གི་ཚོགས༔ རིག་འཛིན་བརྒྱུད་པའི་བཀའ་མཆིད་བཞིན༔ མ་ནོར་མ་ཤོར་དགྲ་དང་བགེགས༔ གཏད་དོ་གཉེར་རོ་བདག་གིས་གཏད༔ སོད་ཅིག་ཐུལ་ཅིག་མཱ་ར་ཡ༔ དུས་ལ་བབ་པོ་མཐུ་རྩལ་ཅན༔ གཏོར་མ་འདི་དང་དགྲ་བོ་གཉིས༔ མཉམ་པར་བཞེས་ལ་ཕྲིན་ལས་མཛོད༔ བདག་གི་བཀའ་ལས་འདས་གྱུར་ན༔ ཁྱོད་ཀྱང་དམ་ཚིག་ཉམས་ཏ་རེ༔ མནར་མེད་གནས་སུ་འཚོད་ཏ་རེ༔ ཁྲོ་མཆོག་རྒྱལ་པོས་བརླག་ཏ་རེ༔ བསྟན་པ་ཉམས་དམན་འགྱུར་ཏ་རེ༔ དེ་བས་དམ་ལས་མ་འདའ་བར༔ བསྟན་སྲུང་དྲེགས་པའི་དྲང་སྲོང་ཁྱོད༔ མཱ་ར་ཡ་ཡི་ལས་མཛོད་ཅིག༔ དེ་ཡིས་ཕྲིན་ལས་ཐོགས་མེད་འགྲུབ༔ གང་ལ་དམིགས་པ་བྲག་རུལ་ལ༔ གནམ་ལྕགས་ཐོག་གིས་བཤིག་ལྟར་གཏོང༔ དགྲ་སོད་བདག་རྒྱལ་ནང་དུ་བྱམས༔ འདི་མེད་དགྲ་བོས་བདེ་མི་སྟེར༔ འདི་ལྡན་སུས་ཀྱང་བརྫི་མི་ནུས༔ སྙིང་ལས་གཅེས་ཕྱིར་ཕག་ཏུ་སྦོས༔ དམ་མེད་ངོ་བསྟོད་ཅན་དག་གི༔ ལག་ཏུ་ཤོར་ན་རང་གཞན་ཕུང༔ དམ་ལྡན་བསྟན་པའི་དཔལ་དུ་སྦྱིན༔ བསྟན་པ་སྲུང་བའི་མཚོན་ཆར་ཤོག༔ ས་མ་ཡཱ༔ དྲང་སྲོང་ཆེན་པོའི་སྒོ་ནས་དགྲ་ལ་ལྟས་ངན་གཏོང་ཐབས།དགྲ་ལ་ལྟས་ངན་གཏོང་བའི་ཐབས༔ དྲང་སྲོང་འགྲུབ་པའི་གང་ཟག་གིས༔ དུས་གཉན་དྲང་སྲོང་རྒྱུ་བའི་དུས༔ རང་མཐུན་རྫས་བསགས་མཆོད་གསོལ་དང༔ ལས་སྔགས་འདི་ཉིད་རྟགས་ཐོན་བཟླ༔ ཧྲཱིཿཤག་རུ་རཾ་ན་ག་ཙིཏྟ་ཏྲཾ༔ མ་མ་ཡོམ་ཟ་འགྲམ་ཧ་ཧི་ཡོ་ཀི་ཤ་ལ་ཛ༔ སྔགས་ཤམ་དུ༔ ཀིང་ཀ་ར་ཁྱོད་ད་ཡང་རྒྱུགས་ཤིག་རྒྱུགས་ཤིག༔ རྦད་རྦད༔ སོད་སོད༔ ར་ཧུ་ལ་ཤྲྀ་ཏྲི་དགྲ་བོ་ཆེ་གེ་བཟློག་བྷྱོ་རྦད་སོད་ཅིག༔ རཀྴ་ར་ཧུ་ལ་ཀིང་ཀ་ར་དགྲ་བོ་ཆེ་གེའི་ཡུལ་དུ་ལྟས་ངན་སྣ་ཚོགས་མི་སྡུག་པ་དགུས་བརྒྱན་པ་དུས་ད་ལྟ་ཉིད་དུ་ཐོངས་ཤིག༔ ལྟས་ངན་རྣམས་ཀྱིས་དགྲ་ལ་མི་སྐད་སྨྲོས་ཤིག༔ མི་ནག་ལག་སྦྲེལ་རང་འཐག་རང་འཁོར་མེ་འབར་འོད་འཁྱག་ཀུ་ཀུས་ངུ་འབོད་ཕོ་རོག་སྡེར་འཛིང་གནམ་དགྲ་སྐྱིན་འདིང་བཙའ་སད་འབུ་སྲིན་གཡས་གཅུས་གཡོན་ལོག་སྣ་ཚོགས་དགྲ་བོའི་ཡུལ་དུ་ཐོངས་ཤིག༔ རྒྱུགས་ཤིག་བྱེར་ཅིག་ཕྱེས་ཤིག་རེངས་ཤིག་ལྐུགས་ཤིག་མཱ་ར་ཡ་རྦད་རྦད་བྷྱོ་རྒྱུག་སོད༔ ས་མ་ཡཱ༔ ཞེས་འདིས་ཡུལ་ཁམས་ཐན་ལྟས་འགེངས༔ ལག་ཏུ་ལེན་པའི་སྦྱོར་བ་དང༔ ཡི་དམ་བསྙེན་སྒྲུབ་ཐེམས་པ་དང༔ དམིགས་པའི་མདའ་ཡིས་འབེན་ལ་ནི༔ བརྟེན་ཏུ་ནུས་པའི་གང་ཟག་གིས༔ འདི་ཉིད་ལག་ཏུ་བླང་ཙམ་གྱིས༔ ཡིད་ཆེས་རྟགས་མཚན་འབྱུང་བར་འགྱུར༔ ཕྲིན་ལས་ཐོག་མེད་འགྲུབ་པར་ངེས༔ ཆོས་རྒྱུད་འཛིན་པའི་གྲོགས་སུ་ཤོག༔ གུ་ཧྱ༔ བརྡ་ཐིམ༔ ཕུན་སུམ་ཚོགས་པ་ལྔ་ཡི་རྒྱ༔ གསེར་སྐྱེམས་བདུད་རྩིའི་ཟེགས་མ།༄༅། ཟབ་ཆོས་བཀའ་འདུས་ཆ་ལག་ཏུ། །གཏོར་མའི་གསེར་སྐྱེམས་བདུད་རྩིའི་ཟེགས་མ་བཞུགས། །གསང་བདག་རྣལ་འབྱོར་ཧེ་རུ་ཀས། །དྲག་པོའི་ལས་ལ་སྦྱོར་བའི་སྐབས། །གཏོར་སྐྱེམས་ཟག་མེད་བདུད་རྩིར་བསྒྱུར། །ལྟ་སྒོམ་སྤྱོད་པའི་བརྟུལ་ཞུགས་བསྐྱེད། །འཆམ་སྟབས་དབྱངས་དང་བཅས་ཏེ་གྱེར།། རཾ་ཡཾ་ཁཾ། ཨོཾ་ཨཱཿཧཱུྃ། ཧཱུྃ། དགོངས་པ་བརྡ་དང་སྙན་བརྒྱུད་བླ་མ་དང་། །བྱ་སྤྱོད་རྣལ་འབྱོར་བླ་མེད་རྒྱུད་སྡེའི་ལྷ། །གནས་ཡུལ་ཞིང་སྐྱོང་མ་སྲིང་མཁའ་འགྲོའི་ཚོགས། །གཏོར་སྐྱེམས་འདི་བཞེས་རྣལ་འབྱོར་མཐུ་དཔུང་བསྐྱེད། །རྒྱལ་ཀུན་མཐུ་སྟོབས་གཅིག་བསྡུས་ཧེ་རུ་ཀཿ གསང་སྔགས་རིག་སྔགས་གྲུབ་པ་རྡོ་རྗེ་འཛིན། །ཡེ་ཤེས་ལྔ་སྤྲུལ་ཕྲིན་ལས་ཁྱུང་གི་སྡེ། །གཏོར་སྐྱེམས་འདི་བཞེས་རྣལ་འབྱོར་མཐུ་དཔུང་བསྐྱེད། །ལྷ་ལས་ལྷག་པའི་གསང་སྔགས་བཀའ་སྲུང་གཙོ། །དྲང་སྲོང་འོད་འཕྲོ་གཟའ་བརྒྱད་གདོང་མོ་བཞི། །སྡེ་བརྒྱད་རྒྱུ་སྐར་ལྷ་བཙན་ནོར་བདག་རྣམས། །གཏོར་སྐྱེམས་འདི་བཞེས་རྣལ་འབྱོར་མཐུ་དཔུང་བསྐྱེད། །སྔགས་འཆང་བདག་གིས་བསྙེན་ཅིང་སྒྲུབ་པའི་ལྷ། །མགོན་པོ་ཕོ་རྒྱུད་ལྷ་མོ་མོ་རྒྱུད་དང་། །བཀའ་གཏེར་སྲུང་མ་དམ་ཅན་རྒྱ་མཚོ་དང་། །འགོ་ཞིང་སྐྱོབ་པའི་ལྷ་སྲུང་ཐམས་ཅད་ཀྱིས། །གཏོར་སྐྱེམས་འདི་བཞེས་རྣལ་འབྱོར་མཐུ་དཔུང་བསྐྱེད། །སྔོན་ཚེ་བརྒྱུད་གསུམ་བླ་མའི་སྤྱན་སྔ་རུ། །ཁས་བླང་དམ་བཅའ་བོར་བའི་ལྷ་སྲིན་དང་། །སྡེ་བརྒྱད་དཀར་ཕྱོགས་ཡུལ་གཞི་གནས་ཀྱི་བདག །ལོ་ཟླ་ཞག་དུས་ཚེས་དབང་ཐམས་ཅད་ཀྱིས། །གཏོར་སྐྱེམས་འདི་བཞེས་རྣལ་འབྱོར་མཐུ་དཔུང་བསྐྱེད། །བསྙེན་ཅིང་སྒྲུབ་པའི་རྩ་གསུམ་སྲུང་མ་གསོན། །ཞིང་བཅུ་ཚང་བའི་བྱད་མ་ལྷ་སྲུང་ལ། །མངོན་སྤྱོད་དྲག་པོའི་ཕྲིན་ལས་མི་མཛད་ཚེ། །བསྟན་དང་འགྲོ་བའི་བདེ་སྐྱིད་ནུབ་ལ་ཉེ། །ཐུགས་བསྐྱེད་དམ་བཅའ་མ་གཡེལ་ས་མ་ཡཱ། །སྔགས་འཆང་ཡིད་ལ་དམིགས་པའི་བྱད་མ་དགྲ། །སྐད་ཅིག་ཡུད་ཙམ་འགུགས་བསྒྲལ་སྤར་བར་གྱིས། །བཅོལ་པའི་ཕྲིན་ལས་མྱུར་དུ་འགྲུབ་པར་མཛོད།། ས་མ་ཡཱ༔ རྒྱ་རྒྱ་རྒྱ༔ ཞེས་པའང་སྤྲང་བཙུན་པདྨའི་མིང་པས་སྤེལ་བ་དགེ་ལེགས་འཕེལ༔ ཤུ་བྷཾ༔ གསེར་སྐྱེམས་དང་ཟོར་གྱི་འཆམ་ཡིག༄༅། གསེར་སྐྱེམས་འཆམ་ཡིག་ནི། ཐང་ཐང་དང་པོ་ལ་དར། ཐང་ཐང་གསུམ་པ་ལ་དར། ཟིལ་འབེབས་དུས་ཕུད་སྐོང་། སྦྲམ་གཡས་བཅག་མདའ། ཐང་ཐང་ལ་རྐང་གཡོན་ཆས་ཐོགས། ༡གཡས་སྐོར། གི་ཞེས་གཡོན་བཏེགས། ༢གཡས་བཏེགས། ༣ གཡོན་བཏེགས། ཐང་ལ་ཕར་འགྲོ་ནས་ཁ་ཕྱིར་འཁོར་ཐང་ལ་གཡས་བཅག་མདའ། གཡོན་ཆས་ཐོགས། ༡ གཡས་བཏེགས། གི་ཞེས་གཡོན་བཏེགས། ༢ གཡས་བཏེགས། ༣ གཡོན་སྐོར། ཐང་ཐང་གཡས་ནང་དུ་བཞག་ནས་ཚུར་འཐེན། སྦྲམ་གཡས་བཅག་མདའ་དེ་བཞིན་ནོ།། ༈ ཟོར་འཆམ་ལ། ཟིལ་འབེབས་གོམ་ཞུགས་སྐོར་བ་བྱས་མཐར་པུ་རམ་གསུམ་ལ་གཡས་གཡོན་གཡས་གསུམ་བཅག་མདའ། ༡ གཡས་བཏེགས་ཕྱི་སྐོར། ༢ ལག་གཡོན་བཏེགས། ༣ ལག་གཡོན་བཏེགས་བཞིན་ལག་གཉིས་ཟོར་རྫས་ཁ་སྦུབ་གྱེན་སྐོར་སྟེང་སིག་བཅས་མཆོང་། བཞི་ལ་གཡས་འཐེང་འཁྱོལ་གཡོན་གོམ་ལྷག ༥ གཡས་བཏེགས། ༦ ལག་སྐོར་གཡོན་བཏེགས་མར་སྐོར། ༧ ལག་གཡོན་བཏེགས་བཞིན་ཟོར་རྫས་ཁ་སྦུབ་མར་མཆོང་། ༨ ལག་གཡས་འཐེང་འཁྱོལ་ཟོར་རྫས་ཡར་བཏེགས། ༩ གཡས་ཀྱིས་གཡོན་དུ་སྐོར། ཐང་རྐང་གཡས་ལ་འགྲོ། ཐང་རྐང་གཡས་བཅག་མདའ། ལག་ཟོར་རྫས་ལྡོག་མགོ་ནས་གཡོན་ཁྱེར་གཡོན་འགྲོ། ཐང་ལག་གཡས་ཀྱིས་དབུས་ལ་དེ་བཞིན་ནོ། །ཡུལ་དུ་ཟོར་ཐང་གཡས་ཀྱིས་གཡོན་སྐོར། ཐང་ལ་བཅག་མདའ་སྦྲམ་གསུམ་ལ་སྔོན་ལྟར་རོ།། དྲང་སྲོང་ཆེན་པོའི་སྒྲོལ་ལས་གནམ་ལྕགས་སྒྱོགས་རྡོ།བཀའ་འདུས་ཆོས་ཀྱི་རྒྱ་མཚོ་ལས༔ དྲང་སྲོང་ཆེན་པོའི་སྒྲོལ་ལས་གནམ་ལྕགས་སྒྱོགས་རྡོ་བི་ཛ་ཧ་རམ༔ རྡོ་རྗེ་ཕག་གདོང་ནག་མོ་དང༔ གསང་བའི་བདག་པོ་ཐོད་ཕྲེང་རྩལ༔ སྐྱབས་གནས་མཆོག་གྱུར་ལ་བཏུད་ནས༔ སྒྲོལ་བའི་ལས་མཐའ་བྲི་བར་བྱ༔ བདག་འདྲ་ཨོ་རྒྱན་པད་འབྱུང་ངས༔ ཕྱི་ནང་བླ་མ་སྟོང་རྩ་བསྟེན༔ མཆོག་གི་བླ་མ་བརྒྱ་རྩ་བརྒྱད༔ དེ་ཡི་ནང་ནས་གྲུབ་བརྙེས་པ༔ སློབ་དཔོན་ཤནྟིཾ་གརྦྷ་ལ༔ འཇིག་རྟེན་མཆོད་བསྟོད་གདམས་ངག་ཞུས༔ ཁྱད་པར་གསང་བདག་དངོས་སྤྲུལ་པར༔ དྲང་སྲོང་ཆེན་པོའི་ཟབ་ཆོས་ཞུས༔ ཁོག་པའི་ནང་གི་ཁྲག་ལྟ་བུ༔ འཕགས་ཡུལ་བསྟན་པ་སྐྱོང་བའི་ཚེ༔ ཕྱི་པ་མུ་སྟེགས་སྡེ་ཚོགས་ཀུན༔ དྲང་སྲོང་ཆེན་པོའི་སྒྲོལ་ལས་ཀྱིས༔ ཆམ་ལ་ཕབ་ཅིང་སངས་རྒྱས་ཀྱི༔ བསྟན་པ་བླ་ན་མཐོ་བར་མཛད༔ དེ་ནས་བོད་ཡུལ་གངས་ཅན་འདིར༔ གསང་སྔགས་བསྟན་པ་ཉི་ལྟར་སྦར༔ དེ་དུས་བསྟན་པའི་བྱ་ར་བ༔ ཁྱབ་འཇུག་རྡོ་རྗེ་ཐོག་རྒོད་རྩལ༔ མ་འོངས་སྙིགས་མ་ལྔ་བདོའི་དུས༔ ང་ཡི་བསྟན་པ་ཉམ་དམའ་ཞིང༔ སྡིག་སྤྱོད་སྐྱེ་བོ་མགོ་འཕང་མཐོ༔ ཆོས་བྱེད་སྡུག་ལ་གཏོད་པ་འབྱུང༔ བསྟན་དགྲ་དམ་ཉམས་ལུང་པ་འགེང༔ དེ་ཡི་དབང་གིས་ལྷ་སྲིན་འཁྲུགས༔ དཀར་ཕྱོགས་ཕམ་ཞིང་ནག་ཕྱོགས་དར༔ འཇིག་རྟེན་སྐྱེ་བོའི་བདེ་སྐྱིད་བཅོམ༔ འབྱུང་བའི་བཅུད་ཉམས་ཚེ་བསོད་འགྲིབ༔ དེ་དུས་ལྷ་མཆོག་དྲང་སྲོང་འདི༔ རིག་པའི་སྐྱེས་བུས་ཉམས་སུ་ལོངས༔ ལས་བཞི་ལྷུན་གྱིས་གྲུབ་པ་འབྱུང༔ ཨ་ཙར་ཁྱོད་ཀྱིས་ཡི་གེར་ཐོབ༔ ད་ལྟ་མ་སྤེལ་ཏཱ་རེ་ཡི༔ གནས་ལ་འཕྱུག་མེད་རྒྱས་ཐོབ་ལ༔ མ་འོངས་འགྲོ་དོན་དུས་བབ་ཚེ༔ སྤྲུལ་པའི་སྲས་དང་འཕྲད་པར་ཤོག༔ བརྒྱུད་འཛིན་ཆོས་ཀྱི་བདག་པོ་ལ༔ གཏད་ནས་རྟེན་འབྲེལ་མ་འཕྱུག་ན༔ དོན་གཉིས་དཔལ་ལ་སྤྱོད་པ་འོང༔ ས་མ་ཡཱ༔ དེ་ནས་གང་དུ་བསྒྲུབ་པའི་གནས༔ དྲག་ཤུལ་འཇིགས་སུ་རུང་བ་དང༔ སྡེ་བརྒྱད་རྒྱུ་ལམ་དྲང་སྲོང་གི༔ དུས་གཉན་རྣམས་སུ་མགོ་བརྩམས་ཏེ༔ ཐོད་པ་འམ་ནི་ལྕགས་སྣོད་དུ༔ དཔལ་གཏོར་ཐོག་མདེལ་ལྟ་བུ་ལ༔ མིག་མང་གློག་ཞགས་བྱ་དམར་ལིང༔ མེ་རི་རླུང་རི་མཚེ་ཡུངས་རྩང༔ བ་སུ་ཏ་ཡི་ཞགས་པས་དཀྲིས༔ རང་འདྲའི་འཁོར་ཚོགས་ལྷ་གྲངས་བསྐོར༔ མཎྜལ་དུག་ཁྲག་གིས་གདབ་པའི༔ མདའ་གང་མེ་རི་རྡོ་ར་རྩང༔ དེ་དབུས་ཆོས་འབྱུང་དབུས་སུ་ཧོམ༔ དགྲ་བོའི་ལིང་ག་སྤྱི་ལྟར་ལ༔ ཆས་གཞུགས་ལ་སོགས་གནད་ལྡན་བྱ༔ སྔགས་པས་སྔགས་ཆས་སྒྲོལ་བའི་ཆས༔ མ་ཚང་མེད་པ་འདུ་བྱས་ལ༔ གསང་བདག་དཔའ་བོའི་ཏིང་འཛིན་གྱིས༔ བསྟན་ལ་འཁུ་རྣམས་སྒྲོལ་འདོད་བློས༔ ཧཱུྃ་བྷྱོ་ཛ༔ རྩ་རྒྱུད་བླ་མ་ཡི་དམ་ཞི་ཁྲོའི་ལྷ༔ དཔའ་བོ་མཁའ་འགྲོ་དམ་ཅན་རྒྱ་མཚོའི་ཚོགས༔ ཀུན་གྱི་སྤྱི་དཔལ་དྲང་སྲོང་ཁྱབ་འཇུག་ཆེ༔ བཀའ་སྡོད་གདོང་མོ་གཟའ་བརྒྱད་རྒྱུ་སྐར་ཚོགས༔ ལྷ་སྲིན་སྡེ་བརྒྱད་དྲེགས་པའི་དམག་དཔུང་དགོངས༔ དུས་གསུམ་རྒྱལ་བའི་བསྟན་པའི་གཞུག་གཉེར་དང༔ རླབས་ཆེན་བྱང་ཆུབ་སེམས་ལ་བློ་སྦྱངས་ནས༔ བསྟན་འགྲོར་སྨན་པའི་ཕན་བདེ་སྤེལ་བ་ལ༔ དམིགས་པའི་དགྲ་དང་དམ་སྲིའི་གླགས་བལྟས་པས༔ བསྙེན་སྒྲུབ་མཆོད་པའི་སྲུང་མ་མ་གཡེལ་བར༔ ཁྲོ་འཁྲུགས་རྔམ་པའི་ཡུས་ཀྱིས་སྐུ་བསྐྱོད་ལ༔ དམ་ཉམས་དགྲ་བགེགས་སྒྲོལ་བའི་ཕྲིན་ལས་མཛོད༔ བདག་ནི་མ་ཉེས་བསྟན་ལ་གུས་མཆོད་བྱས༔ བླ་མའི་བཀའ་བསྒྲུབ་སྒོ་གསུམ་དོན་ཡོད་པར༔ ལྷ་བསྒོམ་སྔགས་བཟླས་བྱང་ཆུབ་སེམས་གཉིས་བསྒོམ༔ བསམ་སྤྱོད་གང་གིས་ཉེས་པར་མ་བྱས་ཀྱང༔ ཉམས་པའི་རཱུ་ཏྲས་ཡང་ཡང་འཚེ་བྱེད་པས༔ འདི་ལ་མངོན་སྤྱོད་ཕྲིན་ལས་མ་མཛད་ན༔ དབྱིངས་ནས་ཐུགས་རྗེ་ཆེ་ཡང་དོན་གོ་ཆུང༔ ལེགས་ཉེས་སྟངས་འཛིན་སྲུང་མ་རྫུན་དུ་ཟད༔ མི་འདའ་རྡོ་རྗེའི་དམ་ཚིག་ཉམས་ཏ་རེ༔ མཐུ་སྟོབས་ནུས་པའི་སྟོབས་མངའ་བཤད་ཚོད་ཙམ༔ དམ་ཉམས་དགྲས་བརྙས་རྣལ་འབྱོར་ཡིད་ཀྱང་ཆད༔ དེ་ཕྱིར་ཐབས་ཀྱིས་དྲག་པོའི་སྐུར་བཞེངས་ལ༔ ད་ལྟ་སྐད་ཅིག་ཡུད་ཙམ་འདི་ཉིད་ལ༔ བསྟན་དགྲའི་མགོ་འཁོར་ལྐུག་རེང་ཧུར་ཐུམ་སོད༔ ཉིད་ཀྱིས་གཟུ་དང་དཔང་པོ་དྲང་ཤན་གྱིས༔ དམ་རྫས་བདུད་རྩི་གསེར་སྐྱེམས་གཡུ་སྐྱེམས་དང༔ ཤ་ཁྲག་དམར་གྱི་གཏོར་མ་འདི་བཞེས་ལ༔ མངོན་སྤྱོད་དམོད་པའི་ལས་ལ་ཐོགས་མེད་མཛོད༔ ཕུད་གཏོར་མཆོད་ཅིང་སླར་ཡང་དམར་གཏོར་ལ༔ འགུག་གཞུག་བྱས་ཤིང་སྲུང་མ་སྤྱི་དང་ནི༔ ཕོ་ཉ་དགོས་བསྐུལ་གྲུབ་རྗེས་ཨེ་ཁཾ་བསྐྱེད༔ ཨེ་མཎྜ་ལ་བྷྲུཾ༔ ཞེས་བརྗོད་པས་སྲུང་མའི་མདུན་དུ་གྲུ་གསུམ་གྱི་ཁང་སྒྲོམ་ཕྱི་ནག་ལ་ནང་རྩུབ་པ་ལོགས་གཟར་ལ་གཏིང་ཟབ་པ༔ ཕྱོགས་མཚམས་ཐམས་ཅད་དུ་གཅན་གཟན་ཁྲོ་བོས་ངར་སྐད་སྒྲོག་ཅིང་སྡེ་བརྒྱད་ཐོག་ལྟར་རྒྱུ་བ༔ དུག་གསུམ་འདུས་པའི་མེ་ཆུ་རླུང་གསུམ་འཁྲུགས་ཤིང་དུག་ལྔ་འདུས་པའི་སྡུག་བསྔལ་ཆར་བཞིན་འབེབས་པ༔ ཁ་ཁྱེར་དོག་ཅིང་གནམ་སྒོ་བུག་པའི་སྐར་ཁུང་ཅན་དེའི་ནང་དུ༔ ད་ལྟ་དམིགས་པའི་ཐད་དུ་ལང་བའི་དགྲ་བོ་གཟུགས་བྱད་ཚང་བ་ཉམ་ཐག་པ༔ ཉོན་མོངས་པ་ཁ་ནས་སྨྲེ་སྔགས་ཙེར་ཙེར་འདོན་ཅིང་ཡན་ལག་སྒྲོགས་སུ་བཅུག་པ༔ ལྕགས་ཀྱུས་སྙིང་ལ་གཟེར་ཞིང༔ ཞགས་པས་སྐེ་ནས་བཅིངས་ཤིང༔ ལས་མཁན་དྲེགས་པའི་དམག་ཚོགས་ལག་ན་མཚོན་ཆ་ཐོག་པ་མང་པོ་རྒྱུག་ཅིང་གར་རྩེ་བ༔ རྒྱོབ་སོད་གཏུབ་གསུམ་གྱི་ངར་སྒྲ་མི་སྙན་པར་སྒྲོགས་ཤིང༔ ཤིན་ཏུ་སྐྱི་གཡའ་ཞིང་འཇིགས་སུ་རུང་བ་བལྟར་མི་བཟོད་པའི་ཁྲི་མུན་དུ་བསྒོམ་ལ་འགུག་གཞུག་སྤྱི་ལྟར་བྱ༔ དེ་ནས་ཉེས་པ་བསྒྲགས་པ་ནི༔ ཀྱཻ༔ སྔོན་གྱི་ལས་ངན་རྒྱུས་བསྐྱེད་པའི༔ དགྲ་བགེགས་གནོད་བྱེད་བྱད་མ་ཁྱོད༔ འགུགས་བསྒྲལ་སྤར་བའི་དུས་ལ་བབ༔ ཁྱོད་ཀྱིས་མ་ཉེས་བྱ་བ་མེད༔ སངས་རྒྱས་བསྟན་པ་གཉན་པོ་བཤིག༔ དཀོན་མཆོག་གསུམ་གྱི་དབུ་འཕང་སྨད༔ མི་དགེ་བཅུ་པོ་དང་དུ་བླངས༔ རྣམ་དཀར་ལས་འབྲས་ཁྱད་དུ་བསད༔ སེམས་ཅན་བདེ་བཅོམ་བླ་མར་གཤེ༔ རྣལ་འབྱོར་བདག་གི་དགྲ་རུ་ལངས༔ ཁྱོད་ནི་བསྒྲལ་བའི་ཞིང་ཡིན་ཏེ༔ དེ་སྔོན་འགྲོ་ལ་འཚེ་བྱེད་པའི༔ རྒྱུ་འབྲས་བསླུ་མེད་ཁྱོད་ལ་སྨིན༔ སྡུག་བསྔལ་མྱོང་བའི་དུས་ལ་བབ༔ གཞན་གནོད་སྦྱོར་ཤོམ་གཅིག་བྱས་ན༔ རྣམ་སྨིན་བཞི་ཡི་འབྲས་བུ་ལྡན༔ སྙིང་རྗེས་བསྒྲལ་བའི་དམ་ཚིག་ནི༔ བསད་ཅིང་མནན་པ་མ་ཡིན་ཞིང༔ ཁྱོད་ཀྱི་གཟུགས་ཕུང་བརླགས་ནས་ཀྱང༔ བསྒྲལ་ནས་གྲོལ་བར་བྱ་བའི་ཕྱིར༔ རྣམ་ཤེས་དག་པའི་མཁའ་རུ་སྤར༔ ཁྱོད་ནི་སྐལ་བ་བཟང་པོར་བྱས༔ ད་རུང་ལས་ངན་བསག་དྲག་ན༔ བསྐལ་བའི་མཐར་ཡང་ཐར་དུས་མེད༔ དེ་བས་རྒྱལ་བའི་སྲས་སུ་བསྐྲུན༔ ཐུགས་རྗེའི་ཐབས་ཀྱིས་སྒྲོལ་བར་བྱ༔ དེ་ནས་ཕོ་ཉ་བསྐུལ་བ་ནི༔ ཧཱུྃ་ཧཱུྃ་ཧཱུྃ༔ བདག་ཉིད་གཉེན་པོ་སྟོབས་ཀྱི་ལྷ་གསང་བདག་ཕྱག་ན་རྡོ་རྗེར་གསལ་བའི་མདུན་བསྐྱེད་ཁྱབ་འཇུག་རྡོ་རྗེ་ཐོག་རྒོད་དུག་གི་སྤུ་གྲིའི་ཐུགས་ཀར་ཀྵཿདམར་ནག་ལས༔ ཛཿཧཱུྃ་བཾ་ཧོ་འབྲུ་བཞི་དྲག་ལ་རྩུབ་པའི་རྣམ་པར་འཕྲོས་པས་རྒྱལ་བ་མཆོད་ཅིང་འགྲོ་བའི་དོན་བྱས༔ ཚུར་འདུས་ཡོངས་སུ་གྱུར་པ་ལསཿ ཚད་མེད་པ་བཞིའི་ལྷ་མོ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་མ་རང་རང་སོ་སོའི་ཕྱོགས་མདོག་ཅན་སྐུ་ཆེ་ལ་ཡན་ལག་རགས་པ་རང་འདྲའི་སྤྲུལ་པ་གྲངས་མེད་འཕྲོས་པས་སྟོང་གསུམ་ཁྱབ་པའི་སྡང་དགྲ་བྱད་མ་ལྷ་སྲུང་དང་བཅས་པ་ཐམས་ཅད་འགུག་འཆིང་སྡོམ་མྱོས་བྱས་ཏེ་མཚོན་ཆ་སྣ་ཚོགས་ཀྱིས་བཅད་གཏུབ་བརྡུང་བརྡེག་རྣམ་སྨིན་ཉམས་སུ་མྱོང་བའི་ལས་སྣ་ཚོགས་སྡུག་བསྔལ་གྱི་སྡུག་བསྔལ་དེ་ལས་མནར་དུ་མེད་པའི་ལས་མཛད་དེ་མདུན་གྱི་གཟུགས་ལ་ཐིམ་པར་བསྒོམ་མོ༔ འབོད་རྦད་བསད་གསུམ་གྱི་སྔགས་དང་སྦྲགས་ཏེ༔ ཨོཾ་བཛྲ་ཨཾ་ཀུ་ཤ་ཡ་ཛ༔ རཏྣ་པ་ཤ་ཧཱུྃ༔ པདྨ་སྥོ་ཊ་བཾ༔ ཀརྨ་གནྚེ་ཧོ༔ བཛྲ་ཨ་བེ་ཤ་ཡ་ཨ༔ བཛྲ་པྲ་ཝེ་ཤ་ཡ་ཕཊ༔ འགོ་བའི་ལྷ་ལྔ་སྐྱོབ་པའི་ལྷ་དགུ་ཐམས་ཅད་བྱ་རོག་རྡོས་བདས་པ་བཞིན་དུ་ཐོངས་ཤིག་མཱ་ར་ཡ་ཕཊ༔ ཨུ་ཙ་ཏ་ཡ་ཕཊ༔ བྱ་འུག་གི་སྒྲོ་དང་ཐལ་མོ་རྒྱབ་སྤྲད་དེ་དབྱེ༔ དེ་ནས་ཐུན་བརྡེག་པ་ནི༔ ཧཱུྃ་ཛ༔ ཡུངས་དཀར་གཟའ་བརྒྱད་རྒྱུ་སྐར་སྤྲིན༔ དཀར་ནག་རྡོ་ཐུན་གདོང་མོ་བཞི༔ ཟངས་ལྕགས་ཕྱེ་མ་སྡེ་བརྒྱད་དམག༔ ཞིང་བཅུའི་དམ་ཉམས་དགྲ་བགེགས་ཀྱི༔ སྲོག་གི་རྩ་ལ་མཱ་ར་ཡ༔ སྐྱིན་འདིང་སེར་བ་འདྲིལ་བཞིན་དུ༔ ཤ་ཁྲག་རུས་གསུམ་ཕྱེ་མར་རློགས༔ འབོད་རྦད་བསད་པའི་སྔགས་ཀྱིས་བརྡེག༔ དེ་ནས་སླར་ཡང་རྦད་ཅིང་བསྐུལ༔ དོན་དམ་ཆོས་ཉིད་ཕུར་བ་ཡི༔ རྩལ་ལས་བྱང་ཆུབ་སེམས་ཕུར་འབྱུང༔ དེ་ཡི་ཀུན་སྣང་མཚན་མ་ཡི༔ ཕུར་པ་བྱུག་བདུག་བྲབ་གསུམ་བྱ༔ ཧཱུྃ་ཧཱུྃ༔ རང་ཉིད་གསང་བའི་བདག་པོ་ཡི༔ བཀའ་ཉན་དྲང་སྲོང་ཁྱབ་འཇུག་གི༔ མཁའ་ལས་ཀྵ༔ཡིག་དུད་ཁ་སྤྲོས༔ སྤྲོ་བསྡུ་དོན་གཉིས་བྱས་པའི་སྲས༔ སྐུ་སྟོད་སྲིན་པོ་ཁྲོས་པའི་གདོང༔ བྱ་རོག་གཙུག་ཏོར་སྟོང་སྒྲ་སྒྲོག༔ སྐེད་པ་རྒྱ་མདུད་མཁའ་སྤྱོད་སྤྲུལ་པའི་ཞིང༔ དཔའ་བོ་མཁའ་འགྲོ་ཆོས་སྐྱོང་ཁྲོམ་ལྟར་འཚོགས༔ ཆུ་སྲིན་ཁ་ནས་འབྲུག་སྟོང་ལྡི་རི་རི༔ བྱད་མའི་བླ་ཡིད་རྣམ་ཤེས་འཁྱམས་པར་བྱེད༔ སྐུ་སྨད་གནམ་ལྕགས་ཕུར་བུ་ཟུར་གསུམ་པ༔ ཟ་གསོད་ཁྲ་ཐབས་བདུད་སྲིན་ཉི་ཁྲི་འགྱེད༔ བྱད་མའི་ཤ་ཁྲག་ཧབ་ཐོབ་ཧུབས་སེ་ཧུབ༔ བར་མཚམས་དུག་སྦྲུལ་ཆུན་པོ་ཉི་ལི་ལི༔ སྣ་ཚོགས་ནད་ཀྱི་ཆར་བ་དགྲ་ལ་འབེབས༔ ཐབས་མཆོག་སྒྲོལ་བའི་སྲས་མཆོག་ཀཱི་ལ་ཡ༔ ལན་གསུམ་གཡས་སུ་བསྐོར་ཞིང་བཏབ་པ་ཡིས༔ བྱད་མའི་ཚེ་དཔལ་ངོ་བོ་ནྲྀ་ཡིག་གི༔ རྣམ་པར་བདག་ལ་བསྡུས་པས་བཀྲག་མདངས་རྒྱས༔ ལན་གསུམ་གཡོན་ཏུ་བསྐོར་ཞིང་བཏབ་ཙ་ན༔ བྱད་མའི་རྣམ་ཤེས་དྭངས་མ་ཨ་དཀར་གྱི༔ རྣམ་པ་ཕུར་རྩེས་བླངས་ཏེ་ཁོང་སེང་བརྒྱུད༔ ཀླད་ལ་ལན་གསུམ་བསྐོར་ཞིང་འདྲིལ་བ་ཡིས༔ གསང་བདག་རྡོར་འཆང་མཁའ་རུ་རྒྱས་གདབ་ཕཊ༔ དྲག་སྔགས་མེ་དཔུང་དང་སྦྲགས་ཚེ་ཁྲུས་ཀྱི་དགོངས་གནད་ཟབ་མོས་འཚེངས་བ་རྣམ་གསུམ་འགྲུབ༔ སྒྲོལ་བའི་ལས་ལ་མཚོན་ཆས་གནད་ལ་དབབ༔ ཛ༔ ལྷ་སྲིན་སྡེ་བརྒྱད་འཁྲུགས་པའི་དམག་དཔུང་གིས༔ སྤུ་གྲི་མེ་འབར་རླུང་ལྟར་འཚུབ་བྱེད་པས༔ བྱད་མའི་སྐེ་ནས་བཟུང་ཞིང་དུམ་བུར་གཏུབ༔ དྲང་སྲོང་ཁྱབ་འཇུག་ཚོགས་རྣམས་ཁྲོ་འཁྲུགས་ཀྱི༔ ངར་ལྡན་དགྲ་བོའི་ལྔ་ཕུང་རྡུལ་ཕྲན་གཞིག༔ ལྷག་མ་རྗེས་ཤུལ་ཐལ་བ་རླུང་ལ་སྐུར༔ འབོད་རྦད་བསད་པའི་སྔགས་དང་ཕུར་བ་ཡིས༔ དྲག་སྔགས་སྤུ་གྲི་རེག་གཅོད་འབར་བས་གཏུབ༔ ལྡང་མེད་ལྟ་བའི་གདེངས་ཀྱིས་དཔའ་ཟིལ་ཆོམ༔ དེ་ནས་གཏུན་དུ་བརྡུང་བ་འདི་སྐད་དོ༔ ཧཱུྃ་ཧཱུྃ༔ བརྡུངས་ཤིག་རྡོ་རྗེ་འབར་བས་བརྡུངས༔ བདག་མེད་ཡུམ་གྱི་མཁའ་རུ་བྲུབ༔ གཟུང་འཛིན་འཆིང་བའི་བྱད་མ་དགྲ༔ གཟུགས་ཕུང་དུག་ལྔ་ཕྱེ་མར་འཐག༔ རོ་གཅིག་རྟོགས་པའི་ཀློང་དུ་བསྟིམ༔ ཡེ་ཤེས་ལྔ་རུ་རྒྱས་གདབ་བོ༔ པདྨ་ཨ་ཀོ་ཊ་ཡ་ཁ་ཐཾ་ནན་ནན༔ དྲང་སྲོང་ཁྲོས་པའི་ཞལ་ཧོམ་དུ༔ དགྲ་བགེགས་བྱད་མ་སྟོབ་པར་བྱ༔ ཧོ་དགོངས་སུ་གསོལ་ལོ༔ ལན་གསུམ༔ མི་མངོན་ནམ་མཁའི་དབྱིངས་ན་བཞུགས་པའི་བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་དམ་ཅན་ཆོས་སྐྱོང་སྲུང་མའི་ཚོགས་རྣམས་དང༔ ཁྱད་པར་དུ་སྡེ་བརྒྱད་ཀྱི་དམག་དཔོན་ཁྱབ་འཇུག་དུག་གི་སྤུ་གྲི་མེ་འབར་འོད་འཕྲོ༔ སྤྲུལ་པའི་གཟའ་བརྒྱད་གདོང་མོ་སྡེ་བཞི༔ རྒྱུ་སྐར་ཉེར་བརྒྱད༔ ལྷ་སྲིན་སྡེ་བརྒྱད༔ སྤྲུལ་པ་ཡང་སྤྲུལ་རྣམས་ཀྱིས་དམ་ཉམས་བྱད་མ་འདིའི་ཤ་ལ་རོལ་ཅིག༔ ཁྲག་ལ་འཐུང་ཞིག༔ རུས་པ་འཆོས་ཤིག༔ སྲོག་གི་རྩ་བ་ཆོད་ཅིག༔ ལོ་དང་ཟླ་བར་མ་འགྱང༔ ཞག་དང་ཟ་མར་མ་འཇོག༔ ནམ་མཁའ་སྟོང་པ་ལ་ཚད་མ་འཛུགས༔ ཚེ་ཕྱི་མ་ལ་དུས་མ་འདེབས༔ སྐྱེ་འཆི་ལ་ཁག་མ་འཇོག༔ ལས་དབང་ལ་སྙད་མ་འདོག༔ ཚེ་བསོད་དབང་ཐང་དང་དུས་ཀྱི་དབང་དུ་མ་བཏང་བར་དུས་ད་ལྟ་ཉིད་དུ་སྡེ་བརྒྱད་དྲེགས་པའི་ལྷ་ཚོགས་རྣམས་ཀྱི་ཞལ་དུ་སྟོབས་ཤིག༔ བཞེས་ཤིག༔ རོལ་ཅིག༔ ལྷག་མ་མ་ལུས་པ་ཞལ་དུ་སྟོབས་ཤིག༔ ཅེས་འབོད་རྦད་བསད་པའི་སྔགས་སྡེ་བརྒྱད་སྲོག་གཟེར་དམར་པོའི་སྔགས་སོགས་དགོས་གལ་དང་བསྟུན་ཏེ་བརྗོད༔ དར་ནག་གཡབ༔ ཐལ་མོ་དང་དུལ་མོ་རྡེབ༔ ཕ་རོལ་དཔུང་འཇོམས་རོལ་མོ་དང་རྩ་གནད་བསྟུན་ན༔ ལྷ་ཆེན་ཚངས་པ་ཡིན་ཡང་འཇོམས༔ ཕལ་བའི་དགྲ་འདྲེ་སྨོས་ཅི་དགོས༔ རྗེས་ལ་མི་དམིགས་སྟོང་པར་བལྟ༔ ཐུན་གཏོར་འབུལ་ཞིང་ཕྱི་ནང་གི༔ སྒོ་དབྱེ་གསེར་སྐྱེམས་དཀར་གཏོར་གཏོང༔ ཧཱུྃ་ཧཱུྃ༔ གསང་བདག་དཔའ་བོའི་བཀའ་ཉན་པ༔ ཁྱབ་འཇུག་སྨུག་ནག་འོད་འཕྲོ་ཡི༔ ཕོ་བྲང་ཕྱི་ཡི་སྒོ་སྲུང་བ༔ རྒྱལ་པོ་ཆེན་པོ་མཆེད་སྡེ་བཞི༔ ཡུལ་འཁོར་སྲུང་དང་འཕགས་སྐྱེས་པོ༔ སྤྱན་མི་བཟང་དང་རྣམ་ཐོས་སྲས༔ དྲི་ཟ་གཤིན་རྗེ་ཀླུ་གནོད་སྦྱིན༔ ཁྱེད་རྣམས་རྗེ་ཁོལ་དཔུང་ཚོགས་ཀྱིས༔ གཏོར་མ་གསེར་སྐྱེམས་འདི་བཞེས་ལ༔ གཏོར་མའི་ཟོར་ལམ་དགྲ་ལ་བསྒྱུར༔ སྒོ་བས་སྒོ་ཕྱེ་ཤ་ར་ར༔ འཕྲང་བས་འཕྲང་བསལ་སི་ལི་ལི༔ དོ་ནུབ་ཟོར་གྱི་དཔུང་སྐྱེད་ཅིག༔ མཚམས་བཞི་རང་རང་ཕྱོགས་སྐྱོང་བ༔ མེ་ལྷ་སྲིན་པོ་རླུང་ལྷ་དང༔ དབང་ལྡན་ལ་སོགས་དྲེགས་པའི་དམག༔ ཡུལ་རི་གཞི་བདག་གཉན་པོ་དང༔ དབེན་རི་སྲུང་མ་འཁོར་བཅས་རྣམས༔ མཆོད་སྦྱིན་གསེར་སྐྱེམས་གཏོར་མ་བཞེས༔ ཟོར་ལམ་ཕྱེས་ལ་ཟོར་སྣ་དྲོངས༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ་ཧཱུྃ༔ ཕོ་བྲང་ནང་གི་སྒོ་སྲུང་མ༔ ལྕགས་ཀྱུ་ཞགས་པ་ལྕགས་སྒྲོག་དྲིལ༔ ཤར་ལྷོ་ནུབ་བྱང་སྒོ་ཕྱེ་ལ༔ ཞི་རྒྱས་དབང་དྲག་ལས་མཛོད་ཅིག༔ ཕྱོགས་བཞི་ལྷ་སྲིན་སྡེ་བརྒྱད་ཀྱི༔ དྲེགས་པའི་དམག་གཡོས་དཔུངས་སེ་དཔུང༔ དགྲ་བགེགས་ཐལ་བ་རྡུལ་དུ་རློགས༔ ཟོར་འདི་མ་ཡོ་མ་བཟུར་ཅིག༔ དེ་ནས་ཟོར་སོགས་འཕེན་པ་ནི༔ སོ་སོར་འཕེན་ན་སྤྱི་ལྟར་ལེགས༔ གཅིག་ཆོག་རྒྱལ་པོ་འདི་བཞིན་གྱིས༔ ཟོར་ལམ་བསྒྲིགས་ཤིང་སྨན་རཀ་བྲན༔ རྣལ་འབྱོར་བརྟུལ་ཞུགས་སྔགས་ལ་ཕྱོགས༔ གསེར་སྐྱེམས་ཐོགས་ལ་རྔམ་སྒྲ་ཡི༔ དབྱངས་དང་རོལ་མོ་འདི་བཞིན་གྱེར༔ ཧཱུྃ་བྷྱོ་ཛ༔ ཀྵ༔ འོག་མིན་དབྱིངས་ན་བཞུགས་པ་དོན་གྱི་སྐུ༔ ངེས་པ་ལྔ་ལྡན་རིགས་ལྔ་ལོངས་སྤྱོད་རྫོགས༔ འགགས་མེད་ཐབས་མཁས་གང་འདུལ་སྤྲུལ་པའི་སྐུ༔ སྐུ་གསུམ་སྟོན་པ་བླ་མ་གཟུ་དང་དཔང༔ བཞི་བཅུ་རྩ་གཉིས་རྒྱལ་བ་ཐུགས་དམ་ཅན༔ རྒྱུད་བཞི་ཐེག་རིམ་ཀུན་འདུས་ཡི་དམ་ལྷ༔ གནས་ཡུལ་ཞིང་བཞུགས་མ་སྲིང་མཁའ་འགྲོའི་ཚོགས༔ རྩ་གསུམ་རྒྱལ་བ་རྒྱ་མཚོ་གཟུ་དང་དཔང༔ ཕོ་རྒྱུད་མོ་རྒྱུད་གཉིས་མེད་མ་ནིང་རྒྱུད༔ རྒྱུད་གསུམ་དྲེགས་པ་མ་མགོན་སྡེ་བརྒྱད་དང༔ ཁྱད་པར་དྲང་སྲོང་ཁྱབ་འཇུག་འོད་འཕྲོ་བ༔ གཟའ་བརྒྱད་གདོང་མོ་རྒྱུ་སྐར་གཟུ་དང་དཔང༔ སློབ་དཔོན་ཕ་མེས་རྒྱུད་དང་ཞང་པོ་ཡི༔ སྲུང་མ་འགོ་བའི་ལྷ་ལྔ་སྐྱོབ་པའི་ལྷ༔ ལེའུའི་ལྷ་དང་མི་ནས་འགྲོགས་པའི་ལྷ༔ དཀར་ཕྱོགས་གཞི་བདག་དང་བཅས་གཟུ་དང་དཔང༔ ངས་ནི་མ་ཉེས་དམ་ཉམས་དགྲ་ཡིས་ཉེས༔ དཀོན་མཆོག་སྐྱབས་སུ་བསྟེན་ནས་བསྙེན་བསྒྲུབ་བརྩམ༔ ཚོགས་བསགས་སྒྲིབ་སྦྱངས་འགྲོ་ལ་དགེ་བསྐུལ་བྱས༔ བྱང་ཆུབ་སེམས་མཆོག་སྒོམ་པར་དམ་བཅས་ཀྱང༔ བྱད་མ་དགྲ་བགེགས་འདི་ཡིས་མ་སྟེར་རོ༔ རྣལ་འབྱོར་བདག་གིས་དམན་པའི་ས་བཟུང་ཞིང༔ ཧྲུལ་པོའི་གོས་གྱོན་བདེན་པའི་གླེང་བསླངས་ཀྱང༔ འཁོར་སློབ་མངའ་རིས་འབངས་དང་ཆུང་མར་བརྙས༔ འགྲོ་ལམ་རྩང་བཙུགས་ཟ་ལམ་དུག་སྦྱོར་གཡོས༔ བཙན་བཙུགས་གླེང་འདེབས་མི་བཟད་ནོར་རྫས་འཕྲོག༔ ཉེས་མེད་ཁྲིམས་འཇུག་མཐོང་ཐོས་ཞེ་ལ་བརྣག༔ དཀོར་ལ་འཇབས་ཤིང་ངོ་ལ་གཤེ་ཞིང་སྡང༔ མཐུ་གཏད་མདོ་སྒྲུབ་རླུང་འཁོར་བསྲེག་མནན་བྱེད༔ མ་ཉེས་ཤག་འདེབས་རྔོན་རྒྱ་ཆོས་ཁྲིམས་བཤིགས༔ སངས་རྒྱས་བསྟན་པའི་ག་དར་སྨག་གིས་སློང༔ དཔལ་ལྡན་བླ་མའི་སྐུ་ཡི་རྒྱལ་མཚན་བསྒྱེལ༔ རྣལ་འབྱོར་བདག་གི་ཁ་རྗེ་སད་ལ་བསྐུར༔ རྒྱལ་ཁམས་བདེ་སྐྱིད་ཉི་མ་སྤྲིན་གྱིས་བསྒྲིབ༔ དམ་པའི་ཆོས་ལ་བདེན་མེད་ལོག་ཆུས་འཁྱུད༔ འཕགས་ཚོགས་དགེ་འདུན་སྐྱབས་ཀྱི་ཁྲི་རྐང་བཅག༔ ཕ་མ་རྒན་རབས་བཀུར་བའི་ངོ་སོ་མེད༔ གཙུག་ལག་ཆོས་གྲྭ་བརྟེན་པའི་རྨིང་རྡོ་ཆད༔ ཆོས་ལྡན་རྒྱལ་པོའི་རྒྱལ་སྲིད་དམངས་སུ་ཕབ༔ མ་རབས་སྡིག་སྤྱོད་སྐྱེ་བོའི་རྩེ་འཛིན་ངོམ༔ ཁམས་གསུམ་རྒྱལ་ཁམས་ཕོངས་པའི་ཕུང་སྲི་འདི༔ བསྒྲལ་བའི་ཞིང་བཅུ་དངོས་དང་མཚུངས་པས་ན༔ དྲང་སྲོང་ཁྱབ་འཇུག་ཐུགས་དམ་གནད་ནས་བསྐུལ༔ མ་གཡེལ་མ་འདའ་རྔམ་པའི་སྐུར་བཞེངས་ནས༔ དེ་རིང་འཕང་བ་ཟོར་གྱི་དཔུང་བསྐྱེད་ལ༔ བྱད་མའི་དུས་མཐའ་བསྟུང་བའི་ལས་མཛོད་ཅིག༔ དེ་ནས་སྔགས་པས་འཆམ་སྟབས་དང་བསྟུན་ཏེ༔ ཟོར་ཆེན་བཀྱགས་བཅུག་ལ༔ ཧཱུྃ་བྷྱོ་ཛ༔ ཀྵ༔ སྡེ་བརྒྱད་དམག་དཔོན་རཱ་ཧུ་ལ༔ ཁྱབ་འཇུག་དུག་མདའ་དམར་པོ་ཆེ༔ དབུ་དགུ་ལྷ་སྲིན་སྡེ་བརྒྱད་འཁྲུགས༔ ཕྱག་བཞིའི་རལ་གྲི་ཆུ་སྲིན་དང༔ མདའ་གཞུས་དགྲ་བགེགས་སྙིང་ལ་བརྡེག༔ བྱ་རོག་མགོ་ཡིས་ལྷ་དམག་འདྲེན༔ ལྟོ་ཞལ་གདངས་བས་གཉན་དམག་བསྐུལ༔ སྦྲུལ་གྱི་མཇུག་མས་ཀླུ་དམག་བཀྱེ༔ མེ་འབར་མིག་མང་འོད་གློག་འཁྱུག༔ གཟའ་བརྒྱད་གདོང་མོ་ཕོ་ཉར་འགྱེད༔ ཁྲོ་འཁྲུགས་རྔམ་པའི་ང་རོ་ཡིས༔ རྒྱུ་སྐར་སྡོང་ཟླ་མདའ་ལྟར་འཕེན༔ དྲག་པོ་དཔལ་གྱི་གཏོར་ཟོར་འདི༔ འཕེན་པ་ལས་མཁན་གིང་གིས་འཕེན༔ འཕེན་ནི་ཁྱབ་འཇུག་ཆེན་པོས་འཕེན༔ འཕེན་པ་སུ་ལ་ཕོག་པར་མཆིས༔ ཡིད་ལ་དམིགས་པའི་སྟེང་དུ་རྒྱོབ༔ སྒྲུབ་པའི་དཔལ་གཏོར་ཟུར་གསུམ་པ༔ ཆེ་ཆུང་སྟོང་གསུམ་ཁྱོན་དུ་བརྡལ༔ ནད་མཚོན་དུག་གི་རླངས་པ་འཕྱུར༔ དྲག་པོའི་ཐུན་རྫས་ཐོ་རོ་རོ༔ མེ་རླུང་འཚུབ་མ་འུ་རུ་རུ༔ ཐོག་སེར་གློག་འོད་ཁྱུགས་སེ་ཁྱུག༔ མཚོན་གྱི་ཆར་པ་སི་ལི་ལི༔ དུག་གི་རླངས་པ་ཐུ་ལུ་ལུ༔ ནད་ཀྱི་ནད་ཞག་འཁྱིལ་ལེ་བ༔ ཁྲག་ཆུ་ཁོལ་བ་ཤ་ར་ར༔ མཚེ་ཡུངས་རྩང་མདའ་ཟེངས་སེ་ཟེང་༔ དུག་ལྔ་འདུས་པའི་གཏོར་ཟོར་འདི༔ སྡང་བའི་དགྲ་དང་གནོད་པའི་བགེགས༔ ཡིད་ལ་དམིགས་པའི་སྟེང་དུ་རྒྱོབ༔ གནམ་ནས་ཐོག་མདའ་ལྷུང་ལྟར་རྒྱོབ༔ ས་ནས་སྒྱོགས་མདའ་འཕང་ལྟར་རྒྱོབ༔ མཁའ་ནས་སྡེ་བརྒྱད་སྐུ་བསྐྱོད་ལ༔ གདོང་ཐུག་སྤྲོད་ལ་རྡུལ་དུ་རློགས༔ མངོན་སྤྱོད་དྲག་པོའི་ཕྲིན་ལས་ཀྱི༔ སྒྲོལ་བྱེད་དྲག་པོའི་གཏོར་ཟོར་འདི༔ ཉམས་པའི་དགྲ་བོའི་སྙིང་ལ་རྒྱོབ༔ འབོད་རྦད་བསད་པའི་སྔགས་ཀྱིས་འཕེན༔ ཞེས་དྲག་པོ་གཏོར་མའི་ཟོར་མདའ་འདི༔ གཏད་ཡུལ་ཕྱོགས་སུ་སྟོངས་པར་འགྱུར༔ སྡེ་བརྒྱད་འདུས་པའི་ཟོར་ཡིན་པས༔ བསྟན་ལ་སྡང་བ་མ་གཏོགས་པ༔ རང་འདོད་ཡིད་བྱེད་ཙམ་ལ་ནི༔ བསྐུལ་ན་རང་གི་སྲོག་ལ་འོང༔ དེ་ཕྱིར་སེམས་བསྐྱེད་ལྡན་པས་སྒྲུབ༔ ས་མ་ཡཱ༔ ཡེ་ཤེས་ཁྱུང་གིས་ཕྱི་ལམ་བཅད༔ བསྲུང་བའི་གོ་ཆ་བགོ་བར་བྱའོ༔ ལས་རྗེས་མི་མངོན་མཐའ་བསྡུ་བྱ༔ མནྟྲ་གུ་ཧྱ༔ ཕུན་སུམ་ཚོགས་པ་ལྔ་ཡི་རྒྱ༔ དེ་ནས་རྗེས་ཀྱི་ལས་རིམ་ནི༔ ཚེ་བསྐུལ་དངོས་གྲུབ་ལེན་པ་དང༔ གཤེགས་གསོལ་དགེ་བསྔོ་ཤིས་པ་བརྗོད༔ དང་པོ་ཚེ་བསྐུལ་དངོས་གྲུབ་ནི༔ ཧཱུྃ་ཛ༔ མི་མངོན་དབྱིངས་ཀྱི་ད་ལ་ནས༔ དྲང་སྲོང་ཁྱབ་འཇུག་ཆེན་པོ་ནི༔ འཆི་མེད་ཚངས་པའི་ཚེ་ཡི་བདག༔ འཁོར་འདས་སྣང་སྲིད་ཚེ་བཅུད་སྡུད༔ འཆི་མེད་སྟོབས་བཅུའི་དབང་ཕྱུག་ཆེ༔ བདག་དང་བསྲུང་བྱའི་བླ་དང་ཚེ༔ ལྷ་སྲིན་སྡེ་བརྒྱད་ཀྱིས་བསྡུས་ནས༔ མི་དགེའི་དབང་གིས་ཟད་ཅིང་འཐོར༔ བན་བོན་བྱད་མས་བྲུབ་དང་གཞོམ༔ རྫས་སྔགས་ནུས་པས་ཉམས་པ་རྣམས༔ རྩ་གསུམ་སྲུང་མ་ཁྱབ་འཇུག་གི༔ མཐུ་སྟོབས་ནུས་པས་འདིར་ཁུག་ལ༔ འབྱུང་ལྔའི་དབྱིངས་སུ་འཁྱམས་པའི་ཚེ༔ ཡུམ་ཆེན་སྡེ་ལྔའི་ཀློང་དུ་བསྟིམ༔ ཚེ་བསོད་བཀྲག་མདངས་ཡར་ཟླ་བཞིན༔ འཕེལ་ཞིང་རྒྱས་པའི་ཚེ་དཔལ་སྩོལ༔ ཨོཾ་ཀྵ་རཀྴ་རཱ་ཧུ་ལ་པྲ་མ་ན་ས་པཱ་རི་ཝཱ་ར་མ་མ་ཨ་ཡུརྫྙཱ་ན་ཚེ་བྷྲུཾ་ནྲི་ཛ་སརྦ་སིདྡྷི་ཧཱུྃ༔ མདའ་དར་གཡབ་ཅིང་ཚེ་རྫས་བྱིན༔ དངོས་གྲུབ་བསྐུལ་བའི་ཚིག་འདི་བརྗོད༔ ཧཱུྃ་ཧཱུྃ༔ དུས་གསུམ་བདེ་བར་གཤེགས་པ་དང༔ གསང་བདག་བཛྲ་པཱ་ཎི་ཡི༔ བཀའ་ཡི་བྱ་ར་ཐ་ཚིག་བདག༔ དྲང་སྲོང་ཆེན་པོ་འཁོར་བཅས་ཀྱིས༔ རྣལ་འབྱོར་ལུས་ངག་ཡིད་གསུམ་ལ༔ སྐུ་གསུང་ཐུགས་ཀྱི་དངོས་གྲུབ་སྩོལ༔ ནད་གདོན་ཞི་བའི་དངོས་གྲུབ་སྩོལ༔ ཚེ་བསོད་རྒྱས་པའི་དངོས་གྲུབ་སྩོལ༔ སྣང་བ་དབང་འདུས་དངོས་གྲུབ་སྩོལ༔ ལོག་འདྲེན་གཞོམ་པའི་དངོས་གྲུབ་སྩོལ༔ རབ་འབྱམས་ཕྲིན་ལས་དངོས་གྲུབ་སྩོལ༔ རྩ་སྔགས་གཤམ་དུ༔ ཀཱ་ཡ་ཝཀྐཱ་ཙིཏྟ་སརྦ་སིདྡྷི་ཧྲཱིཿ དེ་ནས་རྟེན་ལ་བརྟན་བཞུགས་དང༔ མེད་ན་དབྱིངས་ལ་གཤེགས་གསོལ་ནི༔ ཧཱུྃ༔ རང་རིག་སེམས་ཀྱི་རང་རྩལ་ལས༔ རྩ་གསུམ་སྲུང་མའི་གཟུགས་བསྐྱེད་པ༔ སྐྱེ་མེད་སྟོང་པའི་དབྱིངས་སུ་གཤེགས༔ ཁྱབ་བརྡལ་ལྷུན་གྱིས་གྲུབ་པ་ཡི༔ གཞོན་ནུ་བུམ་སྐུའི་སྦུབས་སུ་གཤེགས༔ སླར་ཡང་སེམས་ཅན་དོན་ལ་ནི༔ ཆད་མཐའ་ལས་བསལ་འབྱོན་འཚལ་ལོ༔ དེ་ནས་དགེ་རྩ་འགྲོ་ལ་བསྔོ༔ ན་མོ་བདག་གིས་རྩ་གསུམ་སྲུང་མ་ལ༔ བསྙེན་སྒྲུབ་ལས་སྦྱོར་བགྱིས་དང་བགྱིད་རྩལ་བའི༔ ཟག་བཅས་ཟག་མེད་དགེ་རྩ་འདི་ཡི་མཐུས༔ ཕྲིན་ལས་རབ་འབྱམས་མ་ལུས་མྱུར་འགྲུབ་ཅིང༔ འགྲོ་དོན་ཕྱམ་གཅིག་རྫོགས་པའི་སངས་རྒྱས་ནས༔ ཀ་དག་འགྱུར་བ་མེད་པའི་ས་ཐོབ་ཤོག༔ ཤིས་པ་བརྗོད་པས་མཐའ་ལ་བརྒྱན༔ ཨེ་མ་ཧོ༔ བསླུ་མེད་སྐྱབས་གནས་དཀོན་མཆོག་རྩ་གསུམ་ལྷ༔ མཆོག་ཐུན་དངོས་གྲུབ་སྩོལ་བའི་བཀྲ་ཤིས་ཤོག༔ དམ་ཅན་ཆོས་སྲུང་ཁྱབ་འཇུག་རཱ་ཧུ་ལས༔ མཐུ་རྩལ་རྨད་བྱུང་སྟོན་པའི་བཀྲ་ཤིས་ཤོག༔ དགེ་བསྙེན་གཉུག་གནས་དགྲ་ལྷ་གནས་གཞི་བདག༔ ཕན་གྲོགས་ལེགས་ཉེས་འཚོ་བའི་བཀྲ་ཤིས་ཤོག༔ གཏེར་གནས་མི་འགྱུར་ཏཱ་རེའི་དགའ་ཚལ་ནས༔ བཀའ་འདུས་ཆོས་ཀྱི་རྒྱ་མཚོའི་བཀྲ་ཤིས་ཤོག༔ སྔོན་སྦྱང་ལས་འཕྲོ་ཟབ་མོའི་གཏེར་ལ་དབང༔ ཆོས་བདག་ལས་ཅན་སྐྱེས་བུའི་བཀྲ་ཤིས་ཤོག༔ ཡུལ་ཕྱོགས་ཀུན་ཏུ་བདེ་སྐྱིད་དཔལ་གྱིས་འཚོ༔ ཅི་བསམ་ཆོས་བཞིན་འགྲུབ་པའི་བཀྲ་ཤིས་ཤོག༔ ས་མ་ཡཱ༔ དེ་ལྟར་དྲེགས་པ་ཅན་གྱི་སྒྲུབ་སྐོར་འདི༔ མ་འོངས་བསྟན་དང་འགྲོ་བའི་དོན་ཕྱིར་དུ༔ པདྨས་བཀོད་དོ་ལྷག་ཆད་འགལ་འཁྲུལ་མེད༔ ཉམས་སུ་ལོངས་ཤིག་མ་འོངས་སྐལ་ལྡན་རྣམས༔ འདི་ནས་རིང་འདས་རྩོད་ལྡན་དུས་ཀྱི་མཐར༔ ཏཱ་རེའི་བྲག་ལ་སྦས་པའི་གཏེར་ཁ་འདི༔ མི་བཞག་འདོན་པའི་རྟགས་དེར་བསྟན་ནས་ཀྱང༔ ཨ་ཙར་སྤྲུལ་པའི་སྲས་དང་འཕྲད་པར་ཤོག༔ ཉམས་སུ་ལོངས་ལ་ཆོས་ཀྱི་བདག་པོས་སྤེལ༔ བསྟན་དང་འགྲོ་ལ་ཕན་པའི་རྟེན་འབྲེལ་ཡོད༔ གསང་སྔགས་བསྟན་པ་བསྲུང་བའི་བཙས་སུ་ཤོག༔ ས་མ་ཡཱ༔ མནྟྲ་གུ་ཧྱ༔ ཕུན་སུམ་ཚོགས་པ་ལྔ་ཡི་རྒྱ༔ འགུགས་པ་ལྡེབ་ཤར།༄༅། འགུག་པ་དང་འགུག་སྔགས༔ ན་མོ་སངས་རྒྱས་ཆོས་དང་དགེ་འདུན་གསུམ་གྱི་བཀའ་བདེན་པ་དང༔ བླ་མ་ཡི་དམ་མཁའ་འགྲོ་གསུམ་གྱི་བཀའ་བདེན་པ་དང༔ ཆོས་སྐུ་ལོངས་སྐུ་སྤྲུལ་སྐུ་གསུམ་གྱི་བཀའ་བདེན་པ་དང༔ ངོ་བོ་རང་བཞིན་ཐུགས་རྗེ་གསུམ་གྱི་བཀའ་བདེན་པ་དང༔ གཞི་དང་ལམ་དང་འབྲས་བུ་གསུམ་གྱི་བཀའ་བདེན་པ་དང༔ ལྟ་བ་སྒོམ་པ་སྤྱོད་པ་གསུམ་གྱི་བཀའ་བདེན་པ་དང༔ གསང་སྔགས་རིག་སྔགས་གཟུངས་སྔགས་གསུམ་གྱི་བཀའ་བདེན་པ་དང༔ སྙིང་པོ་ཕྱག་རྒྱ་ཏིང་འཛིན་གསུམ་གྱི་བཀའ་བདེན་པ་དང༔ གསང་བདག་ཕྱག་ན་རྡོ་རྗེ༔ རིགས་བདག་མི་བསྐྱོད་རྡོ་རྗེ༔ ཁྲོ་རྒྱལ་གཏུམ་པོ་བཞི༔ སྤྲུལ་པའི་བྱ་ཁྱུང་རིགས་ལྔ༔ བདུད་འདུལ་ཁྲོ་རྒྱལ་བཅུ༔ སྒོ་སྐྱོང་ཁྲོ་མོ་བཞི༔ སྤྲུལ་པ་ཡང་སྤྲུལ་ཕྱག་བརྙན་དང་བཅས་པ་རྣམས་ཀྱི་བཀའ་བདེན་པ་དང༔ ལྷ་ལས་ཁྱད་པར་དུ་གསང་སྔགས་ཀུན་གྱི་སྲུང་མ༔ བཀའ་སྲུང་ཁྱབ་འཇུག་ཆེན་པོ༔ གཟའ་བརྒྱད་གདོང་མོ་བཞི་དང༔ རྒྱུ་སྐར་ཉི་ཤུ་རྩ་བརྒྱད་ཀྱི་ལྷ་ཚོགས་འཁོར་དང་བཅས་པ་རྣམས་ཀྱི་བཀའ་བདེན་པ་དང༔ བདེན་པ་ཆེན་པོའི་མཐུས་བཀའ་རྐུན་ལོག་པའི་དམ་ཉམས༔ སྤྱིར་སངས་རྒྱས་བསྟན་པའི་སྤྱི་དགྲ༔ སེམས་ཅན་ཡོངས་ལ་འཚེ་བ༔ སྒོས་དཔལ་ལྡན་བླ་མའི་སྐུ་དགྲ༔ ཁྱད་པར་དུ་རིག་འཛིན་རྣལ་འབྱོར་པ་བདག་ཅག་དཔོན་སློབ་ཡོན་མཆོད་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་བྱད་མ་སྲིད་གསུམ་འཇིག་རྟེན་གང་རུང༔ སྔགས་པ་ནུས་མཐུ་ཅན་གྱི་གུར་ཁང་གང་ན་གནས་ཀྱང༔ སྐད་ཅིག་ཡུད་ཙམ་གཅིག་གིས་བྱིའུ་ཆུང་ཁྲས་དེད་པའམ༔ ཉ་མོ་སྲམ་གྱིས་བཤོར་བའམ༔ ཉེས་ཅན་བཙོན་དུ་ཁྲིད་པ་ལྟར་གཟུགས་ལིངྒ་མིང་བྱང་བུ་འདི་ལ་ཁུག་ཅིག༔ རྩ་སྔགས་དང༔ འགུགས་སྔགས་བཟླ༔ ཛཿཧཱུྃ་བཾ་ཧོ༔ ཨོཾ་བཛྲ་ཨཾ་ཀུ་སོགས༔ བྱུག་བདུག་བྲབ་གསུམ་ལྡེབ་ཤར།༄༅། གཟི་བརྗིད་བསྐྱེད་ཕྱིར་གུ་གུལ་གྱིས་བདུག་ལ༔ ཨོཾ་བཛྲ་ཀཱི་ལི་ཀཱི་ལ་ཡ་སུ་རུ་སུ་རུ་པྲ་སུ་རུ་པྲ་སུ་རུ་ཨ་དྷི་ཏིཥྛ་མུག་མུག་ཧ་ལ་དགྲ་བགེགས་འབྱུང་པོའི་ཙིཏྟ་མྱོགས་མཱ་ར་ཡ་ཧཱུྃ་ཕཊ༔ ཡུངས་དཀར་གྱིས་བྲབ་ཅིང༔ ཨོཾ་བཛྲ་ཀཱི་ལི་ཀཱི་ལ་ཡ་མ་གུ་ཏ་ལ་མ་གུ་ཏ་ལ་པྲ་ཏ་ལ་ཤ་ཏ་ར་ཙ་ཧཱུྃ་དགྲ་བགེགས་འབྱུང་པོ་མཱ་ར་ཡ་ཧཱུྃ་ཕཊ༔ རཀྟས་བྱུགས་ཤིང༔ ཨོཾ་བཛྲ་ཀཱི་ལི་ཀཱི་ལ་ཡ་རཀྟ་ཛྭ་ལ་མཎྜལ་ལ་མཎྜལ་ལ་རཀྵ་རཀྵ་དགྲ་བགེགས་ཝ་ཤཾ་ཀུ་རུ་མཱ་ར་ཡ་ཧཱུྃ་ཕཊ༔ ཅེས་བརྗོད་པས་རྫི་དུག་གི་དུད་སྤྲིན་གསེབ་ནས་ཁྲོ་ཆུང་སེར་ལྟར་འབེབས་ཤིང་ཐོག་ལྟར་ལྷུང་བས་དགྲ་བགེགས་ཐམས་ཅད་ཐལ་བར་བརླག་ཅིང་རྣམ་ཤེས་དབང་དུ་བསྡུས་པར་བསམ་མོ༔ ཧཱུྃ༔ གུ་གུལ་བྱིན་བསྐྱེད་དགྲ་བགེགས་གདུག་པ་སྒྲོལ༔ ཡུངས་དཀར་དཔལ་བསྐྱེད་རཀྟས་གཟི་མདངས་བསྐྱེད༔ མི་ཟད་ཁྲོ་རྒྱལ་འབར་བའི་སྟོབས་འདུས་པས༔ མཐུ་རྩལ་དཔལ་དང་ནུས་པ་ལྡན་པར་གྱུར༔ ཨོཾ་བཛྲ་སོགས། འབོད་རྦད་བསད་སྔགས་ལྡེབ་ཤར།༄༅། འབོད་སྔགས༔ ཧྲཱིཿཤག་རུ་རག་རཾ་ནཱ་ག་ཙིཏྟ་ཏྲཾ༔ མ་མ་ཡོམ་ཟ་འགྲམ་ཧ་ཧ་ག་ཤ་ལ་ཛ་ཛ༔ རཱ་ཧུ་ལ་པྲ་མ་ན་ཛཿཧཱུྃ་བཾ་ཧོ༔ བཛྲ་ཨཾ་ཀུ་ཤ་ཛ་ཛ༔ རྦད་སྔགས༔ ས་ར་ཧོ་ར་ཏི་བྱེར༔ ཟོན་ཟོན༔ གནོད་བྱེད་དགྲ་བགེགས་མཱ་ར་ཡ་རྦད་རྦད༔ བསད་སྔགས༔ ཧྲཱིཿཤག་རུ་རཾ་ནཱ་ག་ཙིཏྟ་ཏྲཾ༔ མ་མ་ཡོམ་ཟ་འགྲམ་ཧ་ཧི་ཡོ་ཀི་ཤ་ལ་ཛ༔ པྲ་ཤ་པྲ་ཤ༔ ཧ་ཧ་ཚལ་པ་ཚལ་པ་༔ དུམ་བུ་དུམ་བུ༔ ཉིལ་ཉིལ༔ འུར་འུར༔ རྒྱུག་རྒྱུག༔ རཱ་ཧུ་ལ་དགྲ་བོའི་ཤ་ཁྲག་རུས་པ་ནང་རོལ་ལ་རྦད༔ རྩ་རྒྱུས་པགས་པ་ལ་རྦད༔ བླ་ཚེ་སྲོག་ལ་རྦད༔ དྲང་སྲོང་ཁྱབ་འཇུག་གི་བཟློག་པ་མི་མཐུན་གཡུལ་འཇོམས།བཀའ་འདུས་ཆོས་ཀྱི་རྒྱ་མཚོ་ལས༔ དྲང་སྲོང་ཁྱབ་འཇུག་གི་བཟློག་པ་མི་མཐུན་གཡུལ་འཇོམས་བཞུགས༔ རྡོ་རྗེ་ཕག་མོ་ལ་ཕྱག་འཚལ་ལོ༔ མ་འོངས་དུས་ཀྱི་རྣལ་འབྱོར་ལ༔ སྔོན་ལས་འཕྲལ་རྐྱེན་ངན་པ་ཡིས༔ གཞན་གྱིས་དམོད་པའི་བྱད་ཕུར་ལྟས༔ སྡེ་བརྒྱད་སྤྱི་ཡི་ནད་རིམས་དང༔ དལ་ཡམས་དུས་འཁྲུགས་འགོ་བའི་ནད༔ མི་འདོད་ཐན་ལྟས་གང་བྱུང་བ༔ སེལ་ཕྱིར་བཟློག་པའི་རིམ་པ་སྟོན༔ ས་མ་ཡཱ༔ དུར་ཁྲོད་འཇིགས་སུ་རུང་བའི་སར༔ དྲང་སྲོང་སྒྲུབ་པའི་རྣལ་འབྱོར་པས༔ དུར་ཁྲོད་ས་ལ་དཀྱིལ་འཁོར་ནི༔ མ་ཊཾ་ལྟོ་བར་ཐིག་གདབ་རྗེས༔ དབུས་སུ་ཆོས་འབྱུང་ཀྵ་ཡིག་མཚན༔ དེ་ཕྱིར་རྩིབས་བརྒྱད་དེ་ཡི་ཕྱིར༔ རྩིབས་བཞི་རྩིབས་མཆན་རྣམས་སུ་ནི༔ ཀྵ་བརྒྱད་གདོང་བཞི་རྒྱུ་སྐར་གྱི༔ མིང་ཡིག་དང་པོ་ས་བོན་འབྲི༔ ཡང་ན་ཚོམ་བུ་འགོད་ཀྱང་རུང༔ ཁྱམས་སུ་དུར་ཁྲོད་མེ་རྡོ་ར༔ དེ་སྟེང་མཉྫུའི་ཁྲིའུའི་ཁར༔ ཁྱབ་འཇུག་གཏོར་མ་ཐོག་དབལ་དབྱིབས༔ ལྷ་གྲངས་འཚམས་པའི་གཏོར་མས་བསྐོར༔ སྲིན་པོའི་ཞལ་གྱིས་མཚན་པ་ལ༔ མེ་རི་ལིངྒ་བྱ་དམར་དང༔ རྩང་དང་རྒྱུ་མའི་ཞགས་པས་དཀྲིས༔ རུ་མཚོན་རྒྱན་ལྡན་དེ་ཡི་རྩེར༔ ལྟས་ངན་བཟློག་པའི་ཁྱུང་གཟུགས་བཀོད༔ མཐའ་བསྐོར་སྨན་རཀ་དྲག་མཆོད་བཤམས༔ བསྙེན་སྒྲུབ་ལས་སྦྱོར་གནད་དུ་སྨིན༔ དགྲ་བགེགས་འགུགས་བསྟིམ་བསྒྲལ་བའི་རྗེས༔ དར་ནག་གཡབ་ཅིང་ཚིལ་གསུར་བདུག༔ རྔམ་པའི་དབྱངས་ཀྱིས་འདི་སྐད་དོ༔ བྷྱོ་ཛ༔ ཀྵ༔ དུར་ཁྲོད་རབ་འཇིགས་རྩུབ་འགྱུར་དྲག་པོའི་ཚལ༔ ཐོད་མཁར་གྲུ་གསུམ་དགྲ་བགེགས་རོ་ཡི་སྟེང༔ གསང་བདག་རྡོ་རྗེ་འཛིན་པའི་བཀའ་ཉན་པ༔ དྲང་སྲོང་ཁྱབ་འཇུག་ཆེན་པོ་འོད་འཕྲོ་བ༔ རྔམ་པའི་སྐུ་ལ་མེ་རི་མེ་དཔུང་འབར༔ དྲག་ཤུལ་དཔུང་གི་ང་རོས་ལྷ་སྲིན་འདུལ༔ སྙིང་རྗེ་ཞེ་སྡང་ཁྲོ་ཉམས་བྱམས་བརྩེའི་ཐུགས༔ རང་བཞིན་ཞི་བའི་དབྱིངས་སུ་བསྟོད་ཅིང་བསྐུལ༔ ཚོགས་བརྒྱད་རང་གར་ཡན་པའི་དགྲ་གདོན་བགེགས༔ སྣ་ཚོགས་ཐབས་ཀྱིས་འདུལ་ཕྱིར་གཟའ་ཆེན་བརྒྱད༔ འཇིག་རྟེན་རང་རྒྱུད་དྲེགས་པའི་སྐུར་སྟོན་མཛད༔ སྡེ་དཔོན་ཆེན་པོ་བརྒྱད་ལ་བསྟོད་ཅིང་བསྐུལ༔ ཉོན་མོངས་ཉེས་པའི་རྟོག་པ་འཇོམས་ལ་དཔའ༔ ལེགས་ཉེས་སྟངས་འཛིན་བསྟན་དགྲའི་སྲོག་ལ་རྔམ༔ དམ་ལྡན་བུ་བཞིན་སྐྱོང་བའི་དྲང་སྲོང་ཆེ༔ བསྟན་སྲུང་དམ་ཅན་རྒྱ་མཚོར་བསྟོད་ཅིང་བསྐུལ༔ ཁྱེད་རྣམས་ལས་ལ་བསྐུལ་འོས་བྲན་མིན་ཀྱང༔ སྙིགས་མའི་སེམས་ཅན་ཉོན་མོངས་ལས་ཀྱིས་མནར༔ ལྷ་ཀླུ་སྡེ་བརྒྱད་འཁྲུགས་པའི་དལ་ཡམས་འབེབས༔ ཕན་ཚན་སྡང་སེམས་སྔགས་བོན་བྱད་ཕུར་གཟན༔ ནག་ཕྱོགས་དམ་མེད་གསར་བྱུང་གདུག་འདྲེས་འཚེ༔ རང་གི་སྲུང་མ་བདུད་བབས་ཐན་ལྟས་མང༔ བསླུ་མེད་རྒྱུ་འབྲས་འཆོལ་འདྲའི་དུས་ངན་འདིར༔ བཟློག་བསྒྱུར་དྲག་པོའི་ལས་ལ་མ་དགོངས་ན༔ ད་ལྟ་རྩ་གསུམ་ལྷ་ཚོགས་རྗེ་བཞིན་བསྟེན༔ མཁའ་འགྲོ་ཆོས་སྐྱོང་མཛའ་བའི་གྲོགས་སུ་རེ༔ དྲང་སྲོང་ཆེན་པོ་དཀོར་སྲུང་གཉེར་དུ་གཏད༔ རྒྱལ་བསྟན་བཤད་སྒྲུབ་ཆོས་ལ་རྟག་པར་བརྩོན༔ དམ་ལྡན་རྣལ་འབྱོར་བདག་འདྲའི་གང་ཟག་གིས༔ མགོན་སྐྱབས་གཞན་ནས་བཙལ་བའི་སྐབས་མེད་པས༔ དེ་ཕྱིར་མི་མཐུན་བཟློག་པའི་མཐུ་དཔུང་བསྐྱེད༔ བར་ཆད་བདུད་སྡེ་འཇོམས་པའི་དཔའ་རྩལ་ཕྱུང༔ དྲག་པོའི་ལས་ཀྱིས་བཟློག་ཅིང་བསྒྱུར་བར་མཛོད༔ བྷྱོ་ཛ༔ ཀྵ༔ ཆོས་དབྱིངས་སྤྲོས་པ་བྲལ་བའི་ངང་ཉིད་ལས༔ སྙིགས་མའི་བསྟན་དགྲ་སྒྲོལ་བའི་མཐུ་བོ་ཆེ༔ སྙིང་རྗེའི་རང་གཟུགས་ཞེ་སྡང་རྣམ་རོལ་ལས༔ དྲང་སྲོང་ཁྱབ་འཇུག་སྨུག་ནག་འོད་འཕྲོ་བ༔ སྐུ་མདོག་དུད་ཁ་རྔམ་ཞིང་འཇིགས་པར་བསྟན༔ འཕོ་འགྱུར་མེད་པ་ཆོས་དབྱིངས་ལྷུན་གྲུབ་རྟགས༔ སྣང་བའི་འཁྲུལ་འདྲེ་བདག་མེད་ཀློང་དུ་བཟློག༔ དབུ་དགུའི་འཇིགས་རྔམ་སྲིན་པོའི་གད་རྒྱངས་ཅན༔ རིམ་དགུའི་ཐེག་པའི་བསྟན་དགྲ་སྒྲོལ་བའི་རྟགས༔ སྟོང་ཉིད་རྟོག་འཛིན་མཚན་མ་དབྱིངས་སུ་བཟློག༔ དམར་ཟླུམ་སྤྱན་སྟོང་ཁྲག་མཚོ་ཁོལ་བ་ནི༔ ཆོས་ཀུན་མ་འདྲེས་སོ་སོར་མཁྱེན་པའི་རྟགས༔ སོ་སོར་ཞེན་པའི་རྟོག་ཚོགས་དགྲ་ལ་བཟློག༔ བྱ་རོག་གཙུག་ཏོར་སྟོང་སྒྲ་སྒྲོག་པ་ནི༔ ཆོས་ཀུན་ཐེག་པ་གཅིག་ཏུ་རྫོགས་པའི་རྟགས༔ རྩོལ་བྲལ་དགོངས་པའི་བར་ཆད་དགྲ་ལ་བཟློག༔ ཕྱག་བཞི་མདའ་གཞུ་ཆུ་སྲིན་སྦྲུལ་ཞགས་བསྣམས༔ རྟག་ཆད་མུ་བཞི་མཐར་འཛིན་དབྱིངས་གྲོལ་རྟགས༔ གཞི་རྩ་མ་རིག་སྡང་བའི་དགྲ་ལ་བཟློག༔ ལྟོ་ཞལ་འཇིགས་རུང་མཁའ་ལ་གདངས་པ་ནི༔ གསང་ཆེན་བསྟན་དགྲ་ལྟོ་བར་རྔུབ་པའི་རྟགས༔ ཤ་ཟ་ཁྲག་འཐུང་ལྟས་ངན་དགྲ་ལ་བཟློག༔ མི་ལྤགས་གཡང་གཞི་ལྡིང་ཐབས་གྱོན་པ་ནི༔ བསྟན་ལ་འཁུ་བའི་ཉམས་པ་སྒྲོལ་བའི་རྟགས༔ འདོད་ཆགས་སྲེད་པའི་འཁྲུལ་སྣང་དགྲ་ལ་བཟློག༔ སྐུ་སྨད་ལྟོ་འཕྱེ་གདུག་པ་སྦྲུལ་དུ་འཁྱིལ༔ གཏི་མུག་འཐུམ་པའི་ལས་སྣང་གྲོལ་བའི་བརྡ༔ ས་བདག་ཀླུ་གཉན་གནོད་གདུག་དགྲ་ལ་བཟློག༔ ཆུ་སྲིན་རབ་འབར་ཁྲི་ལ་རོལ་བ་ནི༔ གཏུམ་རྔམ་རབ་འཇིགས་སྡེ་བརྒྱད་འདུལ་བའི་རྟགས༔ མ་རིག་ངར་འཛིན་འཇིགས་ཚོགས་དགྲ་ལ་བཟློག༔ སྤྲིན་ནག་རྦ་ཀློང་ཐོག་སེར་འཕྲོ་བ་ནི༔ དྲེགས་པ་སྡེ་བརྒྱད་དབུས་ན་མཐོ་བའི་རྟགས༔ བན་བོན་སྡེ་བརྒྱད་བྱད་སྣ་དགྲ་ལ་བཟློག༔ དམར་ནག་འཚུབས་མའི་དབུས་ན་རབ་བརྗིད་དཔའ༔ སྲིད་གསུམ་ལྷ་མིའི་མངའ་བདག་ཆེ་བའི་རྟགས༔ ཁམས་གསུམ་འཁྲུལ་སྣང་གཡོ་འཁྲུགས་དགྲ་ལ་བཟློག༔ སྐུ་ནི་རབ་འཇིགས་འོད་ཟེར་ཁམས་གསུམ་ཁྱབ༔ གསུང་གི་ང་རོ་ཧ་ཧིའི་གད་རྒྱངས་སྒྲོགས༔ ཐུགས་ནི་མི་གཡོ་རབ་ཞི་བྱང་སེམས་ལྡན༔ སྐུ་གསུམ་དྲེགས་པའི་བཀའ་ཆད་དགྲ་ལ་བཟློག༔ དྲང་སྲོང་ཁྱབ་འཇུག་སྨུག་ནག་འོད་འཕྲོ་བའི༔ སྐུ་གསུང་ཐུགས་ཡོན་ཕྲིན་ལས་བདེན་པའི་སྟོབས༔ མཐུ་ནུས་སྟོབས་ཀྱིས་མི་བཟློག་གང་ཡང་མེད༔ མཐུ་ནུས་སྟོབས་ཀྱིས་བྱད་མ་རྦོད་གཏོང་བཟློག༔ ལྷ་ཡིས་དམོད་པའི་བྱད་མ་རྦད་གཏོང་བཟློག༔ ཀླུ་ཡིས་དམོད་པའི་བྱད་མ་རྦོད་གཏོང་བཟློག༔ བཙན་གྱིས་དམོད་པའི་བྱད་མ་རྦོད་གཏོང་བཟློག༔ བདུད་ཀྱིས་དམོད་པའི་བྱད་མ་རྦོད་གཏོང་བཟློག༔ མ་མོས་དམོད་པའི་བྱད་མ་རྦོད་གཏོང་བཟློག༔ ཐེའུ་རང་དམོད་པའི་བྱད་མ་རྦོད་གཏོང་བཟློག༔ རྒྱལ་འགོང་དམོད་པའི་བྱད་མ་རྦོད་གཏོང་བཟློག༔ གཟའ་ཡིས་དམོད་པའི་བྱད་མ་རྦོད་གཏོང་བཟློག༔ དྲི་ཟ་ལས་བྱུང་བྱད་མ་རྦོད་གཏོང་བཟློག༔ གཤིན་རྗེ་ལས་བྱུང་བྱད་མ་རྦོད་གཏོང་བཟློག༔ ཀླུ་དབང་ལས་བྱུང་བྱད་མ་རྦོད་གཏོང་བཟློག༔ གནོད་སྦྱིན་ལས་བྱུང་བྱད་མ་རྦོད་གཏོང་བཟློག༔ མེ་ལྷ་ལས་བྱུང་བྱད་མ་རྦོད་གཏོང་བཟློག༔ སྲིན་པོ་ལས་བྱུང་བྱད་མ་རྦོད་གཏོང་བཟློག༔ རླུང་ལྷ་ལས་བྱུང་བྱད་མ་རྦོད་གཏོང་བཟློག༔ དབང་ལྡན་ལས་བྱུང་བྱད་མ་རྦོད་གཏོང་བཟློག༔ བན་བོན་དམོད་པའི་བྱད་མ་རྦོད་གཏོང་བཟློག༔ འདབ་ཆགས་ལས་བྱུང་ཐན་ལྟས་ཆོ་འཕྲུལ་བཟློག༔ སྡེར་ཆགས་ཅན་གཟན་ཐན་ལྟས་ཆོ་འཕྲུལ་བཟློག༔ རྟ་དྲེལ་རྨིག་ཟླུམ་ཐན་ལྟས་ཆོ་འཕྲུལ་བཟློག༔ མཛོ་གླང་རྭ་ཅན་ཐན་ལྟས་ཆོ་འཕྲུལ་བཟློག༔ སྦལ་སྦྲུལ་ཆུ་གནས་ཐན་ལྟས་ཆོ་འཕྲུལ་བཟློག༔ སྦྲ་ཁང་ཡོ་བྱད་ཐན་ལྟས་ཆོ་འཕྲུལ་བཟློག༔ ལུས་ལས་བྱུང་བའི་ཐན་ལྟས་ཆོ་འཕྲུལ་བཟློག༔ ངག་ལས་བྱུང་བའི་ཐན་ལྟས་ཆོ་འཕྲུལ་བཟློག༔ ཡིད་ལས་བྱུང་བའི་ཐན་ལྟས་ཆོ་འཕྲུལ་བཟློག༔ གོས་ལས་བྱུང་བའི་ཐན་ལྟས་ཆོ་འཕྲུལ་བཟློག༔ མདོ་སྔགས་བསྟན་གཉིས་ཐན་ལྟས་ཆོ་འཕྲུལ་བཟློག༔ མདོར་ན་སྲིད་དང་ཞི་བའི་ཁམས་རྣམས་སུ༔ ཡ་རབས་སྲོལ་ཉམས་མ་རབས་བསམ་སྤྱོད་སོགས༔ ལྔ་བདོའི་དུས་རྟགས་ཤར་བའི་ཐན་ལྟས་རྣམས༔ བཟློག་བསྒྱུར་བཅོལ་པའི་ཕྲིན་ལས་གྲུབ་པར་མཛོད༔ འབོད་རྦད་བསད་པའི་སྔགས་རྣམས་དང༔ རང་གཞན་ལས་བྱུང་བཟློག་སྔགས་བསྒྲགས༔ དམར་གཏོར་འཕེན་ཞིང་དམར་སྦྲེང་བྱ༔ ས་མ་ཡཱ༔ ཧཱུཾ་བྷྱོ་ཛ༔ ཕྱི་ལྟར་གཟའ་བརྒྱད་པ་སངས་སྤེན་པ་དང༔ མིག་དམར་ཕུར་བུ་ལྷག་པ་ཉི་ཟླའི་ཟེར༔ སྒྲ་གཅན་ཁྱབ་འཇུག་དྲེགས་པ་སྡེ་ཆེན་བརྒྱད༔ ནང་ལྟར་རྣམ་ཤེས་ཚོགས་བརྒྱད་ཡོངས་སུ་དག༔ གསང་བ་བྱང་ཆུབ་སེམས་དཔའ་མཆེད་སྡེ་བརྒྱད༔ བསྟན་འགྲོའི་དཔལ་མགོན་གཉེན་དུ་གང་འདུལ་སྐུ༔ རིན་ཆེན་སྙིང་པོའི་མདུན་དེར་ཐུགས་བསྐྱེད་ནས༔ དྲེགས་པའི་སྐུར་བསྟན་གདུག་པ་དམ་ལ་བཏགས༔ ཐ་ཚིག་རྗེས་དགོངས་མཐུ་དང་ནུས་པ་བསྐྱེད༔ མཐུ་ནུས་སྟོབས་ཀྱིས་མི་བཟློག་གང་ཡང་མེད༔ གཟའ་བརྒྱད་འཁོར་བཅས་མཐུ་སྟོབས་དྲག་རྩལ་གྱིས༔ ཆགས་ཆེ་ཉམ་ང་མཐའ་དག་དགྲ་ལ་བཟློག༔ ལོ་ཀེག་ཟླ་ཀེག་ངན་པ་དགྲ་ལ་བཟློག༔ ཟ་མའི་བདུན་ཟུར་ངན་པ་དགྲ་ལ་བཟློག༔ རྦོད་གཏོང་རྦད་འདྲེ་ངན་པ་དགྲ་ལ་བཟློག༔ འབྱུང་བའི་གཙུག་ལག་ངན་པ་དགྲ་ལ་བཟློག༔ བརྟག་པའི་རྟེན་འབྲེལ་ངན་པ་དགྲ་ལ་བཟློག༔ རྨི་ལྟས་མཚན་མ་ངན་པ་དགྲ་ལ་བཟློག༔ ཡས་ཀྱི་བདུད་དུ་གཡོས་པ་དགྲ་ལ་བཟློག༔ མས་ཀྱི་སྲི་རུ་ལངས་པ་དགྲ་ལ་བཟློག༔ བར་གྱི་རྐྱེན་གྱུར་ངན་པ་དགྲ་ལ་བཟློག༔ ཕ་ཚན་རྒྱ་འདྲེ་ལངས་པ་དགྲ་ལ་བཟློག༔ དར་ཚན་སྟོང་འདྲེ་ལངས་པ་དགྲ་ལ་བཟློག༔ མ་བུའི་བྱུར་འདྲེ་ངན་པ་དགྲ་ལ་བཟློག༔ ཕ་ཁུའི་རྒབ་འདྲེ་ལངས་པ་དགྲ་ལ་བཟློག༔ ལྟག་པའི་བདུད་དུ་བབས་པ་དགྲ་ལ་བཟློག༔ དཔྲལ་བའི་གཤེད་དུ་འཁོར་བ་དགྲ་ལ་བཟློག༔ ཕོ་བདུད་དལ་ཁ་ངན་པ་དགྲ་ལ་བཟློག༔ མོ་བདུད་དལ་ཁ་ལངས་པ་དགྲ་ལ་བཟློག༔ སྤྱི་བདུད་དལ་ཁ་འབེབས་པ་དགྲ་ལ་བཟློག༔ སྔགས་པའི་སྔགས་ཟོར་བྱད་ཁ་དགྲ་ལ་བཟློག༔ བོན་པོས་བཙོ་ཟོར་འཕེན་པ་དགྲ་ལ་བཟློག༔ ཕུར་བུའི་དབལ་ཟོར་འཕེན་པ་དགྲ་ལ་བཟློག༔ དྲང་སྲོང་དམོད་མོ་འདོར་བ་དགྲ་ལ་བཟློག༔ ཕུང་ཤིག་གཏད་སེལ་འཁོར་ལོ་བསྐོར་བ་བཟློག༔ ལྟས་ངན་ཆོ་འཕྲུལ་ངན་སྔགས་དགྲ་ལ་བཟློག༔ མི་མཐུན་རྐྱེན་གྱི་ཕྱོགས་རྣམས་དགྲ་ལ་བཟློག༔ འབོད་རྦད་བསད་པའི་སྔགས་ཀྱི་གཤམ༔ བཟློག་པའི་སྔགས་ཀྱིས་གཏོར་མ་འཕེན༔ དམར་སྦྲེང་བྱ་ཞིང་དར་ནག་གཡབ༔ ཆགས་ཆེ་ཉམ་ང་ཐམས་ཅད་བཟློག༔ ས་མ་ཡཱ༔ ཧཱུྃ་བྷྱོ་ཛ༔ ཕྱི་ལྟར་གདོང་མོ་མཆེད་སྡེ་བཞི༔ ནང་ལྟར་མུ་བཞི་གནས་དག་བརྡ༔ གསང་བ་ཚད་མེད་ཡེ་ཤེས་བཞི༔ སྒྱུ་འཕྲུལ་བསྟན་པའི་གཉེན་གཅིག་པོ༔ བཀའ་ཡི་སྲུང་མ་སྡེ་བཞི་ཡི༔ མཐུ་རྩལ་རྨད་བྱུང་བསམ་མི་ཁྱབ༔ བསམ་མི་ཁྱབ་པའི་ནུས་མཐུ་ཡིས༔ སྔགས་འཆང་རྣལ་འབྱོར་འཁོར་བཅས་ལ༔ གནོད་ཅིང་འཚེ་བར་བྱེད་པ་ཡི༔ ལྟས་ངན་བརྒྱད་ཅུ་རྩ་གཅིག་བཟློག༔ ཡེ་འདྲོག་སུམ་བརྒྱ་དྲུག་ཅུ་བཟློག༔ དུས་མིན་འཆི་བའི་འཇིགས་བརྒྱད་བཟློག༔ གློ་བུར་བདུན་བརྒྱ་ཉི་ཤུ་བཟློག༔ བགེགས་རིགས་སྟོང་ཕྲག་བརྒྱད་ཅུ་བཟློག༔ གདོན་རིགས་ཉི་ཁྲི་ཆིག་སྟོང་བཟློག༔ སྐེག་ཆེན་སུམ་བརྒྱ་དྲུག་ཅུ་བཟློག༔ ལྷ་ཆེན་དྲག་པོའི་གདུག་རྩུབ་བཟློག༔ ལྷ་མ་ཡིན་གྱི་སྒྱུ་སྟོབས་བཟློག༔ མགོན་པོའི་སྤར་བུ་བསྐོར་བ་བཟློག༔ གཤིན་རྗེའི་འཁྲུལ་འཁོར་བསྐོར་བ་དགྲ་ལ་བཟློག༔ དྲང་སྲོང་བྲམ་ཟེའི་དམོད་པ་དགྲ་ལ་བཟློག༔ གཟའ་ཡི་ཀིང་ཀཾ་འཕེན་པ་དགྲ་ལ་བཟློག༔ བཙན་ནད་གཟེར་ཁ་འཕེན་པ་དགྲ་ལ་བཟློག༔ ས་བདག་ཀླུ་ཡི་གདུག་རྩུབ་དགྲ་ལ་བཟློག༔ བནྡྷེའི་འབུམ་སྐོར་བྱེད་པ་དགྲ་ལ་བཟློག༔ སྔགས་པའི་སྔགས་ཟོར་འཕེན་པ་དགྲ་ལ་བཟློག༔ བོན་གྱི་བཙོ་དམར་འཕེན་པ་དགྲ་ལ་བཟློག༔ མུ་སྟེགས་ངན་སྔགས་བྱེད་པ་དགྲ་ལ་བཟློག༔ བྱད་ཕུར་རྦོད་གཏོང་ཟུག་པ་དགྲ་ལ་བཟློག༔ མནན་གཏད་བསྲེག་འཕང་བྱེད་པ་དགྲ་ལ་བཟློག༔ མོ་རྩིས་རྨི་ལམ་ངན་པ་དགྲ་ལ་བཟློག༔ སྔ་ཞགས་མདའ་ལྟར་འཕེན་པ་དགྲ་ལ་བཟློག༔ ཕྱི་ཞགས་གྲུ་གུ་འཐུལ་བ་དགྲ་ལ་བཟློག༔ མི་མཐུན་གནོད་པའི་ཕྱོགས་ཀུན་དགྲ་ལ་བཟློག༔ བཟློག་གོ་དམར་ཆེན་གཏོར་མས་ཟློག༔ བསྒྱུར་རོ་གདོང་མོ་བཞི་ཡིས་བསྒྱུར༔ ཟོར་རོ་དགྲ་དང་བགེགས་ལ་ཟོར༔ དྲང་སྲོང་ཁྱབ་འཇུག་ལྷ་ཚོགས་རྣམས༔ ཤ་ཁྲག་དམར་གཏོར་འདི་བཞེས་ལ༔ བྱད་དང་རྦོད་གཏོང་བསྒྱུར་བ་དང༔ བཅོལ་པའི་ཕྲིན་ལས་འགྲུབ་པར་མཛོད༔ འབོད་རྦད་བསད་པའི་སྔགས་ཟློག་བཅས༔ སྲིད་གསུམ་མི་མཐུན་གཡུལ་ངོ་བཟློག༔ ས་མ་ཡཱ༔ ཧཱུྃ་བྷྱོ་ཛ༔ དྲང་སྲོང་ཆེན་པོ་ཁྱབ་འཇུག་འོད་འཕྲོ་ཡི༔ བཀའ་ཉན་དྲེགས་པ་སྡེ་བརྒྱད་ཡོངས་རྫོགས་ཀྱིས༔ གསར་བྱུང་གདུག་འདྲེ་ཆམ་འབེབས་དཔའ་ཟིལ་ཅན༔ བསྟན་དགྲ་གདོན་བགེགས་རྨང་མེད་འཇོམས་མཛད་རྣམས༔ ཐུགས་དམ་དབྱིངས་ནས་བསྐུལ་ལོ་ཕྲིན་ལས་མཛོད༔ བཀའ་ཉན་དམོད་པའི་དྲེགས་པ་སྡེ་བརྒྱད་པོ༔ སྐུ་ནི་མ་ངེས་སྤྲུལ་པའི་གར་སྒྱུར་མཁན༔ གསུང་ནི་དྲག་སྔགས་དམོད་པའི་བགེགས་ལ་བཟློག༔ ཐུགས་ནི་རྔམ་ཞིང་བསྟན་པའི་བྱ་ར་བ༔ གཙུག་ལག་ཆོས་འཁོར་དགེ་འདུན་སྡེ་རྣམས་སྲུང༔ སངས་རྒྱས་བསྟན་བཤིག་དམ་ལོག་སྲོག་གི་གཤེད༔ རེ་འགའ་མ་ངེས་ཆོ་འཕྲུལ་སྤྲུལ་བསྒྱུར་ངོམ༔ རེ་འགའ་རང་རྟགས་ཕྱག་མཚན་བརྡ་རྟགས་ངོམ༔ སྡེ་བརྒྱད་རང་རང་ཡོངས་ཀྱི་སྣ་དྲོངས་ལ༔ དེ་རིང་བཟློག་བསྒྱུར་དྲག་པོའི་ཕྲིན་ལས་མཛོད༔ བདག་དང་བསྲུང་བྱ་མི་ནོར་འཁོར་བཅས་ལ༔ དངོས་སམ་བརྒྱུད་ནས་བསམ་ངན་དུག་སྦྱོར་ཤོམ༔ གཟུགས་ཅན་སྡང་བའི་དགྲ་བོ་ཐམས་ཅད་ཟློག༔ ཚེ་རྐུ་སྲོག་འཕྲོག་བླ་ལ་འཇབ་པ་ཡི༔ གཟུགས་མེད་གདོན་བགེགས་འཚེ་བ་དགྲ་ལ་བཟློག༔ ཕྱོགས་བཅུའི་གདོན་བགེགས་བཅུ་ལ་སོགས་པ་ཡི༔ གདོན་རིགས་སུམ་བརྒྱ་དྲུག་ཅུ་དགྲ་ལ་བཟློག༔ ཛ་མི་ག་དང་འདོད་པ་ཅན་ལ་སོགས༔ བྱིས་གདོན་བཅོ་ལྔའི་གནོད་པ་དགྲ་ལ་བཟློག༔ དམར་ཡམས་རྒྱུ་གཟེར་ལྟག་ཚད་ལ་སོགས་པ༔ འགོ་བའི་ནད་རིགས་མ་ལུས་དགྲ་ལ་བཟློག༔ བསེ་ཐོམ་ལུ་བ་ལ་སོགས་འཚེར་བཅུའི་ནད༔ ཅང་ཤེས་རྟ་ཡི་ནད་རྣམས་དགྲ་ལ་བཟློག༔ གློ་གོར་ཧོན་གསུམ་ཁ་ཚ་སྟིང་ཚ་སོགས༔ གཡང་མཚོ་ཕྱུགས་ཀྱི་ནད་རྣམས་དགྲ་ལ་བཟློག༔ ར་ལུག་ཕག་དང་སྒོ་ཁྱི་ལ་སོགས་པར༔ གནོད་པའི་ནད་རིགས་མ་ལུས་དགྲ་ལ་བཟློག༔ སད་དང་སེར་བ་བཙའ་ཐན་སྲིན་འབུ་སོགས༔ འབྲུ་དྲུག་ལོ་ཏོག་ནད་རྣམས་དགྲ་ལ་བཟློག༔ འདབ་ཆགས་ཆུ་གནས་རྨིག་ཟླུམ་སྡེར་ཅན་ལས༔ བྱུང་བའི་ཐན་ལྟས་ངན་པ་དགྲ་ལ་བཟློག༔ གཞན་ཡང་མི་མཐུན་གནོད་པའི་རྐྱེན་རྣམས་དང༔ བཀྲ་མི་ཤིས་པའི་དངོས་པོ་ཐམས་ཅད་ཀུན༔ ཁྱད་པར་ལྷ་སྲིན་དྲེགས་པའི་དམོད་བྱད་རྣམས༔ བསྟན་འགྲོའི་སྤྱི་དགྲ་རྣལ་འབྱོར་སྒོས་ཀྱི་དགྲ༔ གདོན་བགེགས་འབྱུང་པོ་དམ་སྲིའི་སྟེང་དུ་བཟློག༔ བཟློག་བསྒྱུར་དུས་ལ་བབ་པོ་ས་མ་ཡཱ༔ ཨ་ཡ་མ་དུ་རུ་ཙ་ཤ་ན་ས་མ་ཡཱ་ཧཱུྃ༔ དགྲ་བགེགས་གནོད་བྱེད་བྷྱོ་བཟློག་རྦད༔ ཅེས་ཐལ་མོ་དང་དུལ་མོ་གདབ༔ གཏོར་མ་འཕེན་ཞིང་དམར་སྦྲེང་བྱ༔ སྡེ་བརྒྱད་ཡོངས་ཀྱི་ཐན་དང་ལྟས༔ འདི་ཡིས་མི་བཟློག་གང་ཡང་མེད༔ ས་མ་ཡཱ༔ དྲང་སྲོང་སྤྲུལ་པའི་བྱ་ཁྱུང་གིས༔ ཐན་ལྟས་ཆོ་འཕྲུལ་བཟློག་པའི་ཐབས༔ འདོན་བསྒོམ་སྦྲགས་ཏེ་འདི་སྐད་གྱེར༔ རྐང་གླིང་རོལ་མོའི་སྒྲ་ཡིས་བསྐུལ༔ ཧཱུྃ་ཁྲོཾ་བྷྱོ༔ ནམ་མཁའ་དབྱིངས་ཀྱི་ད་ལ་ནས༔ བྱ་ཁྱུང་རྒྱལ་པོ་གནས་འདིར་བྱོན༔ ཤ་ཁྲག་དམར་གྱི་གཏོར་མ་བཞེས༔ ཐུགས་དམ་བསྐུལ་ལོ་ཕྲིན་ལས་མཛོད༔ དྲག་པོའི་ཕྲིན་ལས་མཛད་པའི་ཚེ༔ སྤྲུལ་པའི་བྱ་ཁྱུང་མང་པོས་བསྐོར༔ སྤྲུལ་པའི་ཁྱུང་ནི་ཐོག་ལྟར་འབེབས༔ ཡང་སྤྲུལ་ཁྱུང་གིས་དགྲ་སྲོག་གཅོད༔ གཉིས་མེད་སྤྲུལ་པས་དགྲ་བགེགས་བཟློག༔ ཁྱུང་སྐད་དྲག་པོ་འབྲུག་ལྟར་ལྡིར༔ ཀླུ་དང་ས་བདག་རྒྱལ་བསེན་རྣམས༔ རང་དབང་མེད་པར་བརྒྱལ་ཞིང་འབོག༔ ཁྱུང་གིས་རྐན་སྒྲ་དང་པོ་བརྡབ༔ སྟེང་གི་ལྷ་རྣམས་ཞེད་ཅིང་འདར༔ སྟེང་ཕྱོགས་ལྷ་ཡི་གནོད་བྱེད་བཟློག༔ ཁྱུང་གི་རྐན་སྒྲ་གཉིས་པ་ཡིས༔ བར་སྣང་གཉན་རྣམས་སྨྱོ་ཞིང་འབོག༔ བར་སྣང་གཉན་གྱི་གནོད་པ་བཟློག༔ ཁྱུང་གིས་སྐན་སྒྲ་གསུམ་པ་བརྡབ༔ ཀླུ་དང་ས་བདག་རྡུལ་དུ་རློག༔ ས་བདག་ཀླུ་ཡི་གདོན་ཚོགས་བཟློག༔ ཁྱུང་གི་སྒྲོ་གཤོག་དང་པོ་ཡིས༔ གནམ་ས་ཐམས་ཅད་གཡོ་ཞིང་འགུལ༔ གནམ་སའི་གཡོ་འགུལ་ལྟས་ངན་བཟློག༔ ཁྱུང་གི་སྒྲོ་གཤོག་གཉིས་པ་ཡིས༔ རྒྱ་མཚོ་ཀུན་ཀྱང་འཁྲུགས་ཅིང་འཁྱམ༔ ཀླུ་དང་ས་བདག་ལྟས་ངན་བཟློག༔ ཁྱུང་གི་སྒྲོ་གཤོག་གསུམ་པ་ཡིས༔ རི་རབ་སྙིལ་ཞིང་ཉི་ཟླ་འཕེན༔ སྡེ་བརྒྱད་རྒྱུ་སྐར་ལྟས་ངན་བཟློག༔ ཤ་ཟ་ཁྲག་འཐུང་རྡོ་རྗེའི་མཆུ༔ སྲིན་པོ་ཡོངས་ཀྱི་ལྟས་ངན་བཟློག༔ ཁྲོ་ཆུ་ཞུན་མ་འབར་བའི་རྭ༔ ལྷ་རྣམས་ཡོངས་ཀྱི་ལྟས་ངན་བཟློག༔ གཙུག་ན་ནོར་བུ་རིན་ཆེན་འབར༔ གནོད་སྦྱིན་ཡོངས་ཀྱི་ལྟས་ངན་བཟློག༔ རལ་པ་ཁམ་ནག་སྲིད་གསུམ་འཐིབ༔ བདུད་རྣམས་ཡོངས་ཀྱི་ལྟས་ངན་བཟློག༔ སྤྱན་ནས་ཁྲག་གི་རྦ་ཀློང་འཕྱོ༔ མ་མོ་ཡོངས་ཀྱི་ལྟས་ངན་བཟློག༔ སྤུ་ལ་རྡོ་རྗེའི་ཚ་ཚྭ་འཐོར༔ ཐེའུ་རང་ཡོངས་ཀྱི་ལྟས་ངན་བཟློག༔ མཇུག་མས་གནོད་བྱེད་ཕྱགས་ཤིང་འདེད༔ དམུ་རྣམས་ཡོངས་ཀྱི་ལྟས་ངན་བཟློག༔ སྡེར་མོ་ལྕགས་ཀྱུ་དྲག་མེ་མཆེད༔ གཟའ་རྣམས་ཡོངས་ཀྱི་ལྟས་ངན་བཟློག༔ ཀྲང་ཀྲང་ཀྲིང་ཀྲིང་ཁྱུང་སྐད་སྒྲོག༔ རྒྱལ་འགོང་ཡོངས་ཀྱི་ལྟས་ངན་བཟློག༔ སྦྲུལ་རིགས་ལྔ་གསོལ་ཁྱུར་མིད་བཏང༔ ཀླུ་རྣམས་ཡོངས་ཀྱི་ལྟས་ངན་བཟློག༔ མེ་གཤོག་བརྡབ་པས་སྲིད་གསུམ་འདར༔ བཙན་རྣམས་ཡོངས་ཀྱི་ལྟས་ངན་བཟློག༔ མཆུ་ཡིས་མཆུ་ཅན་ལྟས་ངན་བཟློག༔ རྭ་ཡིས་རྭ་ཅན་ལྟས་ངན་བཟློག༔ སྡེར་མོས་སྡེར་ཅན་ལྟས་ངན་བཟློག༔ གཤོག་པས་གཤོག་ཅན་ལྟས་ངན་བཟློག༔ ཁྱུང་ཆེན་འབར་བའི་ཐུགས་དམ་བསྐུལ༔ ག་རུ་ཊ་ཡི་དུས་ལ་བབ༔ དགྲ་བགེགས་ཤ་ཁྲག་གཏོར་མ་བཞེས༔ ཟློག་ཅིག་སྒྱུར་ཅིག་ག་རུ་ཎ༔ བཅོལ་པའི་ཕྲིན་ལས་འགྲུབ་པར་མཛོད༔ ཁྱུང་སྔགས་བཟླ་ཞིང་དར་ནག་གཡབ༔ ཁྱུང་གཟུགས་ཕྱོགས་མཚམས་ཀུན་ཏུ་སྟོན༔ ཐན་ལྟས་མ་ལུས་བཟློག་པར་བསམ༔ ས་མ་ཡཱ༔ རྩང་གི་ཕྲིན་ལས་འདི་བཞིན་གྱེར༔ ཧཱུྃ་བྷྱོ་ཛ༔ ང་ནི་གསང་བདག་ཁྲོ་བོའི་རྒྱལ༔ ཐུགས་མཆོག་འདུས་པའི་ཧེ་རུ་ཀ༔ ཟ་གསོད་སྤྲུལ་པའི་གཟའ་བརྒྱད་དང༔ ཁྱབ་འཇུག་གདོང་མོ་རྒྱུ་སྐར་དང༔ ལྷ་སྲིན་སྡེ་བརྒྱད་སྤྲུལ་ཡང་སྤྲུལ༔ གནོད་བྱེད་གདོན་བགེགས་འགུགས་ཤིང་དྲོངས༔ དྲག་པོའི་ཕྲིན་ལས་དུས་ལ་བབས༔ དུས་ལ་བབ་པོ་ས་མ་ཡཱ༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ་བྷྱོ་ཛ༔ དུར་ཁྲོད་རབ་འཇིགས་རྩུབ་འགྱུར་ཚལ༔ དུག་ཁྲག་དུག་འཇིམ་ལྕགས་རི་ལ༔ དུག་ཤིང་སྐྱེས་པ་རྩད་ནས་བཅད༔ ལྷ་སྲིན་སྡེ་བརྒྱད་གྲངས་སུ་བཤམས༔ རྩང་ཕུར་སྲིན་མོའི་འགྲོས་སུ་བཙུག༔ མི་མཐུན་བཟློག་པའི་བྱང་བུས་བརྒྱན༔ རྩེ་ལ་ཤ་ཆེན་ལིངྒ་བཙུག༔ ཡེ་ཤེས་ལྔ་ལྡན་སྲད་བུས་གཏམས༔ སྡེ་བརྒྱད་འདུ་བའི་རྟེན་དུ་བཙུག༔ དགྲ་བགེགས་འགུགས་པའི་གྲངས་སུ་བཅད༔ ལྟས་ངན་བཟློག་པའི་དྲྭ་བས་སྤྲས༔ དྲག་པོའི་ཕྲིན་ལས་མཛད་པའི་ཚེ༔ ཡེ་ཤེས་རྩང་གི་ཕུར་བུས་བཏབ༔ ཆོས་ཀྱི་དབྱིངས་ནས་ད་བཞེངས་ཤིག༔ ཐུགས་དམ་བསྐུལ་ལོ་ལས་ལ་བསྐྱོད༔ ཕྱི་ནི་ཕུར་བུའི་རང་བཞིན་ལ༔ ནང་ནི་ལས་མཁན་དྲེགས་པའི་རྫོང༔ ཟ་བྱེད་ཕོ་ཉ་ཚུབས་སེ་ཚུབ༔ འགུགས་བྱེད་ཕོ་ཉ་ཤ་ར་ར༔ གསོད་བྱེད་ཕོ་ཉ་ཉི་ལི་ལི༔ ཐུགས་དམ་བསྐུལ་ལོ་ལས་ལ་བསྐྱོད༔ གདོན་བགེགས་འབྱུང་པོ་བཟློག་ཅིང་བསྒྱུར༔ རྩང་ཕུར་ཡར་རྩེ་ཆོས་དབྱིངས་ཁྱབ༔ སངས་རྒྱས་རྣམས་དང་གཉིས་སུ་མེད༔ མ་རིག་འཁྲུལ་པའི་ཉོན་མོངས་བཟློག༔ རྩང་ཕུར་མར་རྩེ་ན་རཀ་ཁྱབ༔ ངན་སོང་གསུམ་དང་གཉིས་སུ་མེད༔ རང་སྣང་འཁྲུལ་པའི་ལས་ངན་བཟློག༔ བར་གྱི་རྐེད་པས་གཉན་ཁམས་ཁྱབ༔ སྟོང་གསུམ་ཀུན་དང་གཉིས་སུ་མེད༔ སྐྱེ་རྒ་ན་འཆིའི་སྡུག་བསྔལ་བཟློག༔ རྩེ་ལ་འདབ་ཆགས་བུ་ཡུག་འཚུབ༔ མཁའ་ལྡིང་རྒྱལ་པོ་བྱ་ཡིས་བཟློག༔ སྐེད་པར་སྟག་སེང་དོམ་དྲེད་ངར༔ སྡེར་ཆགས་གཅན་གཟན་ལྟས་ངན་བཟློག༔ རྩ་བར་སྦལ་སྦྲུལ་སྡོམ་སྡིག་འཕྱོ༔ ཀླུ་དང་དུད་འགྲོའི་ལྟས་ངན་བཟློག༔ རྩེ་ལ་བསྐལ་པའི་མེ་ཆེན་མཆེད༔ བསྲེག་པ་ཧོམ་གྱི་ལས་སྦྱོར་བཟློག༔ རྩ་བར་དུག་གི་རྒྱ་མཚོ་ཁོལ༔ མནན་གཏད་བཅིངས་པའི་མཐུ་ནུས་བཟློག༔ སྐེད་པར་རླུང་ནག་བུ་ཡུག་འཚུབ༔ ཕྲ་མེན་མཁའ་འགྲོའི་ངན་སྔགས་བཟློག༔ རྩེ་ལ་འབྲུག་སྒྲས་ཁམས་གསུམ་ཁྱབ༔ དྲག་པོ་སྔགས་ཀྱི་རྦོད་གཏོང་བཟློག༔ རྩ་བར་ཐོག་ཆེན་སྟོང་གསུམ་གཡོ༔ འཕེན་པ་ཟོར་གྱི་རྦོད་གཏོང་བཟློག༔ སྐེད་པར་ཁྲག་སེར་སྲིད་གསུམ་འཁྲུག༔ བྲབ་པ་ཐུན་གྱི་རྦོད་གཏོང་བཟློག༔ རྩེ་ལ་ཤ་ཆེན་ལིང་གས་བརྒྱན༔ སྡང་བྱེད་དགྲ་བོ་ཐམས་ཅད་བཟློག༔ རྩ་བ་དུག་འཇིམ་ལྕགས་རིས་བསྐོར༔ དུར་སྲི་དུར་ཁ་ལངས་པ་བཟློག༔ སྐེད་པར་བཟློག་པའི་བྱང་བུས་བརྒྱན༔ ལྟས་ངན་བརྒྱད་ཅུ་རྩ་གཅིག་བཟློག༔ ཡེ་འདྲོག་སུམ་བརྒྱ་དྲུག་ཅུ་བཟློག༔ གློ་བུར་བདུན་བརྒྱ་ཉི་ཤུ་བཟློག༔ དུས་མིན་འཆི་བ་རྣམ་བརྒྱད་བཟློག༔ མི་མཐུན་གནོད་པའི་དགྲ་དང་བགེགས༔ ཐམས་ཅད་མ་ལུས་བཟློག་ཅིང་བསྒྱུར༔ བཅོལ་པའི་ཕྲིན་ལས་འགྲུབ་པར་མཛོད༔ ས་མ་ཡཱ༔ ཡང་ཟབ་གདམས་པའི་མན་ངག་གནད༔ ཡེ་ཤེས་མཚོ་རྒྱལ་སྟངས་དཔྱལ་ལ༔ རང་བྱུང་སྤྲུལ་སྐུ་ཨོ་རྒྱན་རྗེས༔ ཤནྟིཾ་གྷརྦྷའི་ཐུགས་བཅུད་ཆོས༔ ཐུགས་ནས་ཐུགས་ཀྱི་ཀློང་དུ་བརྒྱུད༔ ཕལ་ཆེར་ས་ཡི་གཏེར་དུ་བྱས༔ མ་འོངས་དུས་ཀྱི་ཐ་མ་ལ༔ རྒྱ་བོད་ཆོས་ཀྱི་ཚོང་དུས་འགྲིམ༔ མི་རྣམས་བལ་ལྟར་གཡེང་བས་འཁྱེར༔ ལུས་ཆས་ཡ་མ་ཟུང་ལ་སྤྱོད༔ མདོ་སྔགས་ཁྲིམས་ལ་སྤྱོད་པ་བསླུ༔ ཟོག་པོ་ཀུན་ནས་ཀུན་ཏུ་བཀུར༔ ཨ་ཙར་སྟངས་དཔྱལ་སྤྲུལ་པ་ནི༔ ཏཱ་རེ་གནས་ཀྱི་བདག་པོ་འབྱུང༔ དེ་དུས་དྲང་སྲོང་ཆེན་པོ་འདིས༔ བསྟན་དང་བསྟན་འཛིན་སྐྱོང་བར་འགྱུར༔ མི་མཐུན་ཕྱོགས་རྣམས་འདི་ཡིས་བཟློག༔ བསྟན་དགྲ་ལོག་འདྲེན་ཁ་ཕུང་བརླག༔ ལྷ་འདྲེ་བན་བོན་བྱད་གཏད་འགྲོལ༔ བཀའ་འདུས་ཆོས་ཀྱི་བཀའ་སྲུང་ཆེ༔ མན་ངག་གནད་ཀྱི་ཏི་ཀ་ཡིན༔ ས་མ་ཡཱ༔ རྒྱ་རྒྱ་རྒྱ༔ འདིར་སྨྲས་པ༔ བདག་ནི་ལེ་ལོ་དཀོར་ལ་སྤྱད་འདི་ནོངས༔ དལ་འབྱོར་ཆུད་ཟོས་འགྲོ་བའི་མགོ་སྐོར་མཁན༔ ཡིན་པའི་ཟོལ་བསྟན་མཁས་བླུན་ཁྲ་མ་ཁྲོ༔ རེ་འགའ་ཉམས་སྣང་མཁའ་འགྲོའི་བརྡ་གླུ་འཁྲོལ༔ དཀོར་རྫས་ཕལ་ཆེར་ཆུད་ཟོས་ཆེར་མ་བཏང༔ ཡར་མཆོད་མར་སྦྱིན་འདིར་སྣང་བདེན་མེད་རྟོགས༔ ཚེ་རབས་བླ་མ་ཨོ་རྒྱན་ཆེན་པོ་ཡིས༔ རྗེ་འབངས་ཡོངས་ཀྱི་དངོས་གྲུབ་བགོ་སྐལ་དུ༔ བཀའ་འདུས་ཆོས་ཀྱི་གཏེར་ཁ་འདི་གནང་སྤྲོ༔ སྔོན་སྦྱང་སྨོན་ལམ་གཅིག་པུའི་རྟེན་འབྲེལ་ལས༔ ཆོས་བློན་སྐ་བ་དཔལ་བརྩེགས་ཟློས་པའི་གར༔ ད་ལྟ་ཟབ་ཆོས་འདི་ཡི་བཀའ་བབ་སྟེ༔ དམ་པ་དེ་དང་འབྲེལ་བས་འདིར་བཀོད་ཀྱིས༔ རྩ་གསུམ་བསྲུང་མའི་བདག་ཉིད་དྲང་སྲོང་ཡིན༔ ཐེ་ཚོམ་གེགས་མ་ཞུགས་པར་དང་དུ་ལོངས༔ སྒྲུབ་འབྲས་རྟགས་མཚན་མེད་ན་པདྨས་བསླུས༔ བསླུ་བ་མེད་དོ་རྡོ་རྗེའི་ཐ་ཚིག་གོ༔ མཎྜ་གུ་ཧྱ༔ ཅེས་བཀའ་འདུས་ཆོས་ཀྱི་རྒྱ་མཚོའི་བཀའ་བསྲུང་ཁྱབ་འཇུག་ཆེན་པོའི་བཟློག་རིམ་འདི་ཉིད་ཨོ་རྒྱན་ཆེན་པོའི་ལུང་གིས་བསྔགས་པའི་བདག་ཉིད་ཀྱི་ཡོངས་འཛིན་རིན་པོ་ཆེ་མཁས་དབང་གཙུག་གི་ནོར་བུ་གསེར་སྟོད་བླ་མ་ཆོས་གྲགས་དང༔ སློབ་བུ་རིགས་སྔགས་གྲུབ་པ་རིག་གྲོལ༔ བཙུན་པ་པད་བསྟན་དང་ལུང་རྟོགས་སོགས་ཆོས་ལ་དབང་བ་དུ་མས་བསྐུལ་ངོར༔ དུས་མཐའི་གཏེར་སྟོན་སྤྲུལ་པའི་མིང་ཐོགས་ཟོག་པོ་དམ་པའི་ཚུལ་ཅན་ས་ར་ཧི་ཏས་བླ་མ་དམ་པའི་སྐུ་ཚེ་ཞབས་པད་བརྟན་ཅིང་མཛད་ཕྲིན་ཡར་ཟླའི་མཆེད་པོར་འགྱུར་བའི་ཆ་རྐྱེན་དུ་ཕུལ་བ་དུས་གསུམ་དུ་དགེ་བར་གྱུར་ཅིག་གུ། ཟོར་བསྒྲུབ་ལྡེབ་ཤར།༄༅། ཧཱུྃ་ཧ་ཧེ་ཕཊ་བྷྱོ་རཾ༔ གཏོར་མའི་མདོས་གཏོར་གྱི་ཡེ་ཤེས་པ་གཤེགས། དམ་ཚིག་པ་བདག་ལ་བསྟིམ། སླར་ཡང་གཏོར་ཆེན་མདོས་གཏོར་གྱི་དེ་ཉིད་སྐད་ཅིག་གིས་དྲང་སྲོང་གཟའ་མཆོག་ཆེན་པོ་གཟའ་བརྒྱད་གདོང་མོ་བཞི་དང་བཅས་པ། ལྷ་སྲིན་སྡེ་བརྒྱད་དྲེགས་པའི་དམག་ཚོགས་ཐམས་ཅད་ཁྲོ་གཏུམ་འཇིགས་པའི་གཟུགས་ཅན་སྲིད་གསུམ་གང་བ་ནད་མཚོན་དུག་གི་ཆར་འབེབ་པས་དགྲ་བགེགས་སྒྲོལ་བའི་ལས་ལ་རྔམ་པའི་སྐུར་བཞེངས་པར་གྱུར་བར་བསམ་ཞིང་། གཙོ་འཁོར་གྱི་སྔགས་སྤེལ་ཚིག་ཅན་དང་བསད་བཟློག་གི་སྔགས་ཅི་མང་བཟླས་པས་ཟོར་ནུས་ལྡན་དུ་བསྒྲུབ་བོ། ། གཏོར་བཟློག་སྤྱི་ལ་མཁོ་བའི་སྒོ་དབྱེ་སོགས་གསལ་བར་བཀོད་པ་རྗེ་དབོན་པདྨ་ཀུན་གྲོལ་རྣམ་རྒྱལ་གྱིས་མཛད་པ།༄༅། གཏོར་བཟློག་སྤྱི་ལ་མཁོ་བའི་སྒོ་དབྱེ་སོགས་གསལ་བར་བཀོད་པ་བཞུགས་སོ།། ༄༅། གཏོར་མ་འཕེན་དུས་ཀྱི་ཟུར་གསལ་ནི། ཐུན་གཏོར་འབུལ་སྐབས་ལ་བབ་ཚེ་རྟགས་གཏོར་ཡོད་ན་ཁེབ་བསལ་ཞིང་། ཐུན་གཏོར་དང་དྲག་གཏོར་གཉིས་ལ་འགུག་འདྲེན་བརླབས་ནས་མཆོད་བསྟོད་འདོད་གསོལ་སྔར་ལྟར་བྱས་ལ། རྟགས་གཏོར་རམ་ཐུན་གཏོར་གང་ཡིན་དེ་ཉིད་གསེར་སྐྱེམས་དང་བཅས་སྒྲུབ་ཁང་གི་སྟེང་སོགས་ནས་ཟོར་དུ་འཕེན་ཞིང་ཕྱི་སྒོ་བསལ་བ་ནི། རིན་ཆེན་སྣོད་གཙང་ཆང་གིས་གཏམས་པར་རིན་ཆེན་འབྲུ་སྨན་གང་འཛོམས་བཏབ་ནས་བྱིན་གྱིས་བརླབས་ཤིང་འདི་སྐད་དོ། ཧཱུྃ། མི་མངོན་དབྱིངས་ཀྱི་ཕོ་བྲང་ནས། །སྐྱབས་གནས་དཀོན་མཆོག་གཟུ་དང་དཔང་། །དག་པ་དབྱིངས་ཀྱི་གཞལ་ཡས་ནས། །ཡི་དམ་ལྷ་ཚོགས་གཟུ་དང་དཔང་། །མཁའ་སྤྱོད་གནས་ཡུལ་དུར་ཁྲོད་ནས། །མ་ཚོགས་མཁའ་འགྲོ་གཟུ་དང་དཔང་། །བཀའ་དང་དམ་ཚིག་གཞལ་ཡས་ནས། །ཆོས་སྐྱོང་གཏེར་སྲུང་གཟུ་དང་དཔང་། །སྟོང་གསུམ་ཕྱོགས་བཅུའི་འཇིག་རྟེན་ནས། །སྣང་སྲིད་ལྷ་འདྲེ་གཟུ་དང་དཔང་། །ས་ཕྱོགས་ཡུལ་གྲུ་འདི་ཉིད་ཀྱི། །ཡུལ་ལྷ་གཞི་བདག་གཟུ་དང་དཔང་། །གཟུ་དང་དཔང་དུ་ཁྱེད་རྣམས་བཞུགས། །དམ་ཉམས་དགྲ་བོ་ལས་ངན་འདིས། །དང་པོ་སངས་རྒྱས་བསྟན་པ་བཤིགས། །བར་དུ་མི་དགེ་བཅུ་ལ་སྤྱོད། །ད་ལྟ་རྣལ་འབྱོར་བདག་ལ་བསྡོས། །བདག་གིས་མ་ཉེས་ཁོ་ཡིས་ཉེས། །ཉེས་ཅན་དགྲ་བོ་བསྒྲལ་བའི་ཕྱིར། །བསད་ཟོར་བཟློག་ཟོར་འདི་འཕེན་པས། །གསེར་སྐྱེམས་མཆོད་པ་འདི་བཞེས་ལ། །གཏོར་ཟོར་འདི་ཡི་ལམ་ཕྱེས་ཤིག །སུ་ར་ཆང་ལས་ངོ་ཆེ་མེད། །རིན་ཆེན་གསེར་ལས་རིན་ཆེ་མེད། །མེད་པ་རྣམས་ཀྱང་མི་ལ་བཙལ། །སྲ་བ་ཡིན་ཡང་བྲག་ལ་བརྐོས། །དེ་ཕྱིར་གསེར་སྐྱེམས་འདི་བཞེས་ལ། །གཏོར་ཟོར་འདི་ཡི་ལམ་ཕྱེས་ཤིག །སྔགས་ཟོར་འདི་ཡི་ལམ་ཕྱེས་ཤིག །སྟེང་འོག་ཕྱོགས་བཅུར་གནས་པ་ཡི། །ལྷ་འདྲེ་གཞི་བདག་དྲེགས་ཚོགས་ཀུན། །ཟོར་ལམ་ཕྱེས་ལ་སྐུ་སྐྱོད་ཅིག །མཐོ་བས་ཞབས་བསྐུམ་ཐད་སོར་བཟུར། །དམའ་བ་ཐམས་ཅད་དབུ་ཐུམས་ཤིག །དྲག་པོའི་ཟོར་གྱི་འོད་འཕྲོ་ནས། །སྐུ་ལ་དེ་ནི་ཕོག་པར་མཆིས། །དེ་བས་ཐམས་ཅད་སྐུ་བསྐྱོད་ལ། །བདག་གི་མགོན་དང་གྲོགས་མཛོད་ཅིག །ཅེས་བརྗོད་ཅིང་གསེར་སྐྱེམས་མཆོད། དཀར་གཏོར་ཡོད་ན་སྔོན་འགྲོ་ལྟར་བསྔོ། ཟོར་རྫས་རྣམས་དང་གཏོར་ཟོར་ཐོགས་ཏེ། ཧཱུྃ་བྷྱོ། རྣལ་འབྱོར་ཟོར་འཕེན་གང་དུ་འཕེན། །སྡང་དགྲ་གདོན་བགེགས་ཕྱོགས་སུ་འཕེན། །ཡེ་ཤེས་འཇིག་རྟེན་དྲེགས་པའི་ཚོགས། །འཁོར་བཅས་དྲག་པོའི་དམག་དཔུང་བསྐྱེད། །སྡང་དགྲ་གདོན་བགེགས་ཕྱོགས་སུ་ཁྱེར། །དཔའ་བའི་འཁྲུལ་འཁོར་དེར་ཤོམ་ཅིག །སྟེང་གི་ཁྱོ་ལ་གཏོར་ཟོར་ཡ། །བསད་རྟགས་དོན་སྙིང་ཁྱེར་ལ་ཤོག །འོག་གི་ཆུང་མར་ཁྲག་ཟོར་ཡ། །དམར་ཡམས་ནད་ཀྱིས་སོད་ལ་ཤོག །མཆན་གྱི་བུ་ལ་མཚོན་ཟོར་ཡ། །གྲི་འཐབ་ལྕེབ་གྲིར་སོད་ལ་ཤོག །སྒོ་ནོར་ཕྱུགས་ལ་ཟོར་འདི་ཡ། །གློ་གོར་ཧོན་གསུམ་དམག་སྒར་ཐོབ། །ས་གཞིའི་མཁར་ལ་ཟོར་འདི་ཡ། །དྲག་པོའི་ཐོག་གིས་རྡུལ་དུ་རློག །གནོད་བྱེད་འདྲེ་བགེགས་འབྱུང་པོ་དང་། །དགྲ་བོའི་མི་རབས་ལྷ་སྲུང་རྣམས། །དེ་རིང་ཐལ་བ་རྡུལ་དུ་རློགས། །ཞེས་བརྗོད་བཟློག་སྔགས་བཟླ་ཞིང་ཟོར་ལམ་ཕྱོགས་སུ་འཕེན། དེ་ནས་ནང་དུ་ལོག་ནས་གཏོར་མའི་ལྷ་ཚོགས་ལ་མཆོད་བསྟོད་བྱ་ཞིང་། ཡི་གེ་བརྒྱ་པས་བཟོད་པར་གསོལ། གཏོར་རྩེའི་ཙཀླི་བླངས་ཤིང་དབང་དང་དངོས་གྲུབ་ལེན། མདུན་གྱི་ཡེ་ཤེས་པ་རྟེན་ལ་བསྟིམ་པའམ། མདུན་གྱི་ནམ་མཁར་ཕྱག་རྒྱ་དང་བཅས། ཨོཾ་བཛྲ་ཨུཥྛི་ཋ༔ ཞེས་བརྗོད་པས་བཏེགས། དམ་ཚིག་པ་བདག་ལ་བསྟིམ་ནས། སླར་ཡང་གཏོར་ཆེན་དེ་ཉིད་སྐད་ཅིག་གིས་ཁྲག་འཐུང་ཀརྨ་དྲག་པོའི་ལྷ་ཚོགས། བཀའ་སྲུང་སྡེ་བརྒྱད་དྲེགས་པའི་དམག་ཚོགས་ཁྲོ་གཏུམ་འཇིགས་པའི་གཟུགས་ཅན་སྲིད་གསུམ་གང་བ་ནད་མཚོན་དུག་གི་ཆར་འབེབ་པས་དགྲ་བགེགས་སྒྲོལ་བའི་ལས་ལ་རྔམ་པར་གྱུར་པར་བསམས་ཤིང་འདི་སྐད་གྱེར། ཧཱུྃ། ལྷུན་གྲུབ་འོད་གསལ་འདུས་མ་བྱས། །ཆོས་སྐུ་ཀུན་ཁྱབ་རྡོ་རྗེའི་དབྱིངས། །སྟོང་ཆེན་ཐིག་ལེ་ཉག་གཅིག་ལ། །བཞེངས་བཞུད་མཚན་མ་མི་མངའ་ཡང་། །ཆོས་ཀུན་གནས་ལུགས་སྤྲོས་མེད་དབྱིངས། །མ་རྟོགས་འཁྲུལ་པའི་གཟུང་འཛིན་ལས། །རྟེན་འབྲེལ་སྒྱུ་མའི་སྣང་བརྙན་དུ། །རྣམ་པར་ཤར་བའི་དགྲ་བགེགས་བྱུང་། །ལོག་པར་འདྲེན་པའི་བདུད་དཔུང་རྣམས། །ཐུགས་རྗེའི་སྟོབས་ཀྱིས་འདུལ་བའི་ཕྱིར། །ཆོས་དབྱིངས་དྲག་པོའི་གཞལ་ཡས་ནས། །གདུལ་དཀའ་མ་ལུས་འདུལ་བྱེད་རྣམས། །གཏུམ་དྲག་མི་བཟད་ཁྲག་འཐུང་གཙོ། །ཆེ་བཙན་འགྲན་བྲལ་འབར་བའི་སྐུ། །ཁྲོ་བོ་ཁྲོ་མོ་སྐུ་ལ་རྫོགས། །སྐུ་ལ་རྫོགས་ཤིང་སྐུ་ལས་འཕྲོ། །ཁྲོ་ཚོགས་ཕོ་ཉས་སྟོང་གསུམ་འགེངས། །མ་ཚོགས་ཁྲོ་མོས་སྲིད་གསུམ་གཡོ། །སྤྲུལ་པ་ཡང་སྤྲུལ་ཕྱོགས་བཅུར་ཁྱབ། །བཞེངས་ཤིག་བཞེངས་ཤིག་སྐུ་བཞེངས་ཤིག །དབང་དྲག་ཕྲིན་ལས་དུས་ལ་བབས། །བསྟན་དགྲ་བར་ཆད་རྡུལ་དུ་རློགས། །སྤྱི་གཙུག་སྟེང་གི་ནམ་མཁའ་ནས། །དྲིན་ཆེན་མཚུངས་མེད་རྡོ་རྗེ་འཛིན། །དཔལ་ལྡན་རྩ་བའི་བླ་མ་ལ། །ཕྱོགས་བཅུ་དུས་བཞིའི་རྒྱལ་བ་དང་། །དགུ་ལྡན་བརྒྱུད་པའི་བླ་མས་བསྐོར། །མི་མངོན་དབྱིངས་ནས་སྐུར་བཞེངས་ཤིག །ཐུགས་དམ་བསྐུལ་ལོ་འགྲོ་དྲུག་སྒྲོལ། །ཞི་བདེ་བྱང་ཆུབ་ལམ་ལ་སྦྱོར། །དཔལ་མགོན་བདུན་ཅུ་ནག་པོ་སྟོང་། །མགོན་པོ་ཕོ་རྒྱུད་གཡས་ནས་བཞེངས། །དམག་དཔུང་བསྐྱེད་ཅིག་དགྲ་ལ་ཆོས། །དགྲ་གདོན་ཕོ་རྒྱུད་རྡུལ་དུ་རློགས། །མ་མོ་མཁའ་འགྲོ་བྱེ་བ་འབུམ། །ལྷ་མོ་མོ་རྒྱུད་གཡོན་ནས་བཞེངས། །དམག་དཔུང་བསྐྱེད་ཅིག་དགྲ་ལ་ཆོས། །དགྲ་གདོན་མོ་རྒྱུད་རྡུལ་དུ་རློགས། །རྒྱུད་སྡེ་བཞི་དྲུག་དཔལ་ཆེན་དགུ། །ཡི་དམ་རྒྱ་མཚོ་རྒྱབ་ནས་བཞེངས། །དམག་དཔུང་སྐྱེད་ཅིག་དགྲ་ལ་ཆོས། །ཞིང་བཅུའི་དགྲ་གདོན་རྡུལ་དུ་རློགས། །སྣང་སྲིད་ལྷ་སྲིན་སྡེ་བརྒྱད་དང་། །མཆོད་བསྟོད་བསྟེན་པའི་སྲུང་མའི་ཚོགས། །ཕོ་ཉ་ཤ་ཟ་འབུམ་སྡེ་རྣམས། །མདུན་ནས་བསྐྱོད་ཅིག་རུ་མཚོན་ཕྱོར། །སྒོས་དགྲ་ཐལ་བ་རྡུལ་དུ་རློགས། །ཧཱུྃ་བྷྱོ། མཆོག་གསུམ་མཁའ་འགྲོ་ཆོས་སྐྱོང་དགོངས། །ད་དུས་བསྐལ་པའི་ཡང་མཐའ་འདིར། །སངས་རྒྱས་བསྟན་པ་ལྷག་ལ་ཉེ། །དགྲ་གདོན་བུ་ཡུག་རླུང་ལྟར་འཚུབས། །ནད་མཚོན་མུ་གེའི་བསྐལ་པ་དར། །མཆོག་གསུམ་བསྟན་པའི་དབུ་འཕང་དམའ། །ཆོས་མཛད་རྣལ་འབྱོར་སྐྱབས་མགོན་བྲལ། །ཀྱེ་མ་བསྟན་པའི་གཞུག་གཉེར་འདིར། །དབྱིངས་ན་བཞུགས་པའི་རྒྱལ་བ་རྣམས། །ཐུགས་རྗེ་མ་གཡེལ་ཐུགས་བསྐྱེད་དགོངས། །བརྟེན་ཅིང་སྒྲུབ་པའི་རྩ་བ་གསུམ། །མོས་འདུན་བྱེད་པ་སུན་མ་ཕྱུང་། །བསྙེན་བསྒྲུབ་བརྩམ་པའི་ཡིད་མ་གཅོད། །མཆོད་གཏོར་ཕུལ་བའི་ཆོས་སྐྱོང་རྣམས། །གསོལ་མཆོད་བྱས་པ་ཆུད་མ་གསོན། །སྣང་སྲིད་ལྷ་སྲིན་སྡེ་བརྒྱད་རྣམས། །རྒྱལ་བ་རྣམས་ཀྱིས་བཀའ་བསྒོས་ལྟར། །དམ་ཚིག་དྲན་པའི་ཕྲིན་ལས་མཛོད། །མངོན་སྤྱོད་དྲག་པོའི་དུས་ལ་བབས། །ཉམས་པའི་བྱད་མ་དགྲ་བགེགས་འདིས། །བླ་མའི་སྐུ་དང་བསྟན་ལ་བསྡོས། །སྡིག་ལྟུང་མི་དགེ་མཚམས་མེད་སྤྱོད། །ད་ལྟ་བདག་གི་དགྲ་རུ་ལང་། །རྣལ་འབྱོར་བདག་ལ་ལྷ་མེད་ཟེར། །རྩ་གསུམ་སྲུང་མ་མཐུ་མེད་ཟེར། །དེ་ཕྱིར་བསྒྲལ་བའི་ཞིང་བཅུ་འདི། །མཐུ་སྟོབས་དྲག་པོས་མ་བསྒྲལ་ན། །རྗེས་འཇུག་རྣལ་འབྱོར་སུ་ལ་རེ། །སངས་རྒྱས་བསྟན་པ་མི་འཇིག་གམ། །དེ་ཕྱིར་ཐུགས་རྗེའི་ཤུགས་ཕྱུངས་ཤིག །མཐུ་རྩལ་ནུས་པའི་སྟོབས་བསྐྱེད་ཅིག །ཅེས་བརྗོད་ཅིང་བསད་བཟློག་གི་སྔགས་བཟླས་པས་ཟོར་ནུས་ལྡན་དུ་བསྒྲུབ། དམར་གཏོར་ཁྲག་སྐྱེམས་བཅས་པར་དམིགས་བྱ་འགུགས་བསྟིམ་བྱས་པའི་གཏོར་མ་བདུད་རྩིར་སྤེལ་བ་དམག་ལྟོའི་ཚུལ་དུ་ཕུལ་ལ་འདོད་དོན་གསོལ། དེ་ནས་ནང་སྒོ་དབྱེ་བ་ནི། གསེར་སྐྱེམས་བཤམས་ནས་བྱིན་གྱིས་བརླབས་ཏེ་སྙན་པའི་དབྱངས་ཀྱིས་འདི་སྐད་དོ། ཧཱུྃ། རིན་ཆེན་སྣོད་ཀྱི་ཀོང་བུ་རུ། །རང་བྱུང་བདུད་རྩི་ཨ་མྲྀ་ཏ། །གསེར་དངུལ་ལ་སོགས་རིན་ཆེན་ཚང་། །ཨ་བར་ལ་སོགས་སྨན་སྣ་ཚང་། །ནས་འབྲས་ལ་སོགས་འབྲུ་སྣ་ཚང་། །དར་གོས་ལ་སོགས་དར་ཟབ་ཚང་། །འདོད་དགུ་རང་བྱུང་བདུད་རྩིས་གཏམས། །བསྐྱེད་རིམ་ལྷ་བསྒོམས་བྱིན་གྱིས་བརླབས། །བཟླས་པ་སྔགས་ཀྱིས་སྤེལ་ཞིང་བསྒྱུར། །ཏིང་འཛིན་དམིགས་པས་མགྲོན་ལ་བསྔོ། །ཧཱུྃ། རབ་འཇིགས་དྲག་པོའི་དུར་ཁྲོད་ནས། །ལས་བྱེད་ཕོ་ཉ་སྒོ་མའི་ཚོགས། །གསེར་སྐྱེམས་མཆོད་པ་འདི་བཞེས་ལ། །དྲག་པོའི་དབལ་གྱིས་ཟོར་ལམ་ཕྱེས། །སྒོ་བས་སྒོ་ཕྱེས་ཤ་ར་ར། །འཕྲང་བས་འཕྲང་བསྒྲོལ་སི་ལི་ལི། །ཟོར་ལམ་དགྲ་དང་བགེགས་ལ་ཐོངས།། ཧཱུྃ། སྟེང་གི་ཕྱོགས་ཀྱི་ལྷ་རྣམས་དང་། །འོག་གི་ཕྱོགས་ཀྱི་ཀླུ་རྣམས་དང་། །བར་སྣང་གནས་པའི་གཉན་རྣམས་དང་། །གཟའ་དང་རྒྱུ་སྐར་ས་བདག་ཚོགས། །ཕོ་རྒྱུད་མོ་རྒྱུད་སྲུང་མ་རྣམས། །གསེར་སྐྱེམས་མཆོད་པ་འདི་བཞེས་ལ། །ཐམས་ཅད་སྐུ་བཞེངས་ལས་ལ་གཤེགས། །དྲག་པོའི་ཟོར་གྱི་དཔུང་ལ་གཤེགས། །དགྲ་བགེགས་སྒྲོལ་བའི་དམག་ལ་ཆོས། །དམ་ཉམས་སྒྲོལ་བའི་ཕྲིན་ལས་མཛོད། །བཀའ་དང་དམ་ལས་མ་འདའ་ཞིག །གསེར་སྐྱེམས་མཆོད་པ་འདི་བཞེས་ནས། །ལས་དང་གྲོགས་ལ་མ་སྤྱོད་ན། །དྲག་པོའི་ཟོར་གྱི་འོད་འཕྲོས་ཏེ། །ཕོག་ན་རྡུལ་དུ་བརླག་པར་འགྱུར། །དེ་བས་སྔོན་གྱི་དམ་དགོངས་ལ། །གསེར་སྐྱེམས་བཞེས་ལ་ཕྲིན་ལས་མཛོད། །ཟོར་སྣ་དྲོངས་ལ་རུ་མཚོན་ཕྱོར། །དམག་དཔུང་སྐྱེད་ལ་དགྲ་བགེགས་སྒྲོལ། །སྡེ་བརྒྱད་ལྷ་སྲུང་གཞི་བདག་རྣམས། །སྔགས་འཆང་བདག་གི་བཀའ་མ་གཅོག །གསང་སྔགས་ཟབ་མོའི་དམ་མ་བཀྲལ། །བཅོལ་པའི་ཕྲིན་ལས་གྲུབ་པར་མཛོད། །ཅེས་བརྗོད། གསེར་སྐྱེམས་ཀྱི་ཕུད་གཏོར་ཆེན་ལ་འཐོར་ཞིང་ཟོར་འཕེན་ཕྱོགས་སུ་མཆོད་པ་དང་བཅས། དཀྱིལ་འཁོར་གྱི་སྒོ་བཞིའི་མདོས་ཐག་དཔལ་འབར་གྱིས་ནུབ་ནས་ཤར། བྱང་ནས་ལྷོ། ཤར་ནས་ནུབ། ལྷོ་ནས་བྱང་རྣམས་རིམ་པར་བཅད་ནས་སྒོ་ཕྱེ་ཞིང་འཕྲང་བསལ་བར་བསམ་མོ།། བདེ་མཆོག་རྟ་མགྲིན་གཉིས་ཀྱི་ནང་སྒོ་དབྱེ་བ་རང་གཞུང་ལ་ཡོད་པ་དེ་བཏང་བས་འཐུས་ཤིང་། སྔགས་བདག་འབར་མའི་ཟོར་ལམ་དབྱེ་བ་འདི་གའི་ནང་སྒོ་དབྱེ་བའི་མཇུག་ཏུ་བཏགས་སོ།། གཞན་མཐའ་དག་ལ་འདིར་གང་ཡོད་ཀྱིས་ཆོག་ཤེས་པར་མཛད་ཀྱང་རུང་ངོ་།། དེ་ལྟར་སྒོ་དབྱེ་ཚར་བའི་རྗེས་སུ་མདོས་ལམ་འཐེན་ནས་ཕྱག་ལེན་ལྟར་གཏོར་མ་དཔག་སྟེ་རེ་ཕྱར་ལ་སོགས་ནག་པོའི་གདན་གྱི་སྟེང་དུ་ཁྲིའུ་ཁར་བཀོད་ནས་སྨན་རཀ་གིས་བྲན། ཞུན་ཆེན་གྱི་མར་མེ་དང་ཚིལ་ཆེན་གྱི་དཔལ་འབར་རྣམས་བཙུག་གོ།། ༈ དེ་ནས་གླུད་གཏོང་བ་ནི། འབྲུ་སྣའི་ངར་ཕྱེ་ལ་གླུད་གཟུགས་སྐྱེ་མཆེད་དོད་ཅིང་ཡོན་བདག་གི་དྲི་གོས་གཡོག་པ། བཟའ་བཏུང་དཀོར་ནོར་ཚོགས་ཚད་ཀྱིས་བསྐོར། ནམ་རྒྱང་མདའ་འཕང་སོགས་ཀྱིས་བརྒྱན་པ་དང་། ཆང་བུ་མང་ཉུང་ཅི་ཙམ་བསྔོ་འདོད་པ་རྣམས་བཤམས་ཏེ། རཾ་ཡཾ་ཁཾ་གིས་བསངས། ཨོཾ་སྭ་བྷ་ཝས་སྦྱངས། སྟོང་པ་ཉིད་དུ་གྱུར། སྟོང་པའི་ངང་ལས་རིན་པོ་ཆེ་སྣ་ཚོགས་བསྡུས་པ་མིའི་ཕུང་པོ་གཟུགས་བརྙན་དུ་ཤར་བ། ཕུང་ཁམས་སྐྱེ་མཆེད་ཐམས་ཅད་ཡོངས་སུ་རྫོགས་པ། མཆོད་སྦྱིན་གྱི་ལོངས་སྤྱོད་བསམ་གྱིས་མི་ཁྱབ་པའི་ཀ་ཆ་དཀོར་ནོར་དང་བཅས་པ་ནམ་མཁའ་མཛོད་ཀྱི་དཔལ་དང་ལྡན་པ་ཞིག་ཏུ་གྱུར༔ ཨོཾ་ཨཱཿཧཱུྃ༔ གསུམ། དེ་བཞིན་གཤེགས་པ་བཞིའི་མཚན་ནས་བརྗོད་ཅིང་། ན་མཿསརྦ་ཏ་ཐཱ་ག་ཏ་བྷྱོ་བི་ཤོ་མུ་ཁེ་བྷྱ༔ སོགས་ནས་བ་ལིང་ཏ་སྭཱཧཱ༔ བདུན་བརྗོད། མགྲོན་འགུག་པ་ནི། ན་མོ་དཀོན་མཆོག་གསུམ་ལ་ཕྱག་འཚལ་ལོ། དཀོན་མཆོག་གསུམ་གྱི་བཀའ་བདེན་པ་དང་། ཆོས་ཉིད་རང་བཞིན་གྱི་རྣམ་པར་དག་པའི་བདེན་པ་དང་། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང་། ཁྱད་པར་དུ་ཡི་དམ་ཆེ་གེ་མོའི་དཀྱིལ་འཁོར་གྱི་ལྷ་ཚོགས་རྣམས་ཀྱི་བདེན་པ་དང་། བདེན་པ་ཆེན་པོའི་བྱིན་རླབས་ཀྱིས་ཆེ་གེ་མོ་འཁོར་དང་བཅས་པ་ལ་གནོད་ཅིང་འཚེ་བའི་གདོན་བགེགས་འབྱུང་པོ་ཐམས་ཅད་འདོད་ཡོན་གླུད་ཀྱི་གཏོར་མ་བཞེས་པའི་སླད་དུ་འདིར་མཆིས་པར་གྱུར་ཅིག ཨོཾ་བཛྲ་ཨ་ཀཪྴ་ཡ་ཛ། ཛཿཧཱུྃ་བཾ་ཧོ། ཞེས་པས་མགྲོན་བཀུག་ནས་ཆང་བུ་རྣམས་གཏོར་ཐེབ་ཏུ་བཤམས་ཤིང་། རིམ་པས་བྱིན་གྱིས་བརླབས་ནས་ཆུ་དཀར་གྱིས་བྲན་ཞིང་། དེ་བཞིན་གཤེགས་པ་རྣམ་བཞིའི་མཚན་ཚར་རེ་དང་། ན་མཿསརྦ་ཏ་ཐཱ་ག་ཏའི་སྔགས་གསུམ་བདུན་ལྔ་སོགས་གང་རུང་གིས་གླུད་ལ་འབུལ་ལོ། །དེ་ནས་ལྷ་ཡི་ང་རྒྱལ་དྲག་པོ་དང་ལྡན་པས་གནོད་བྱེད་གདོན་བགེགས་ཐམས་ཅད་ཀྱིས་རང་གི་བཀའ་ལ་ཉན་པར་བསམ་སྟེ་འདི་སྐད་དོ།། ཧཱུྃ། ཉོན་ཅིག་གདོན་དང་བགེགས་ཀྱི་ཚོགས། །འདོད་ཡོན་ལྔ་ལྡན་གླུད་གཏོར་འདི། །ཕུང་ཁམས་སྐྱེ་མཆེད་ཐམས་ཅད་ཚང་། །མི་བས་གླུད་བཟང་ཁྱད་པར་འཕགས། །སྔོན་ལས་སྒྲིབ་པ་སྦྱོང་ཕྱིར་བསྔོ། །འཕྲལ་རྐྱེན་ནད་གདོན་ཞི་ཕྱིར་བསྔོ། །ལོ་དགུ་རྒྱུ་སྦྱོར་ཡོན་གྱི་བདག་པོ་ཡི།། ཆེ་གེ་འདི་ཉིད་ཀྱི། །ལུས་ངག་ཡིད་གསུམ་ཚབ་ཏུ་སྦྱིན། །བྱིན་པ་བཞིན་དུ་འདི་ཁྱེར་ལ། །ལུས་སྲོག་བླ་ཚེའི་དོད་པོ་མཛོད། །བསྔོས་པ་བཞིན་དུ་འདི་ལོངས་ལ། །ཁྱོད་ཅག་གནོད་སེམས་གདུག་པ་ཁྲོལ། །གལ་སྲིད་བཀའ་ལ་འགལ་བྱེད་ན། །དྲག་པོའི་ལས་བྱེད་ཕོ་ཉར་འགྱེད། །རྡུལ་ཕྲན་བཞིན་དུ་བརླག་པར་འགྱུར། །དེ་བས་རང་རང་གནས་སུ་དེངས།། སུམྦྷ་ནི་སོགས་བརྗོད་ཅིང་ཐུན་གྱིས་བྲབ། །རང་གི་གནས་ཁང་མི་མཐོང་བའི་སར་བསྐྱལ། །དེ་ནས་ལས་བྱང་གི་ཚོགས་ལྷག་དང་ཆད་མདོ་ཡང་དམག་ལྟོའི་ཚུལ་དུ་གཏོང་ཞིང་གཏོར་ཆེན་དུ་ཕུལ། ཕུད་དང་རཀྟ་སྦྲེང་ཞིང་དར་ཕྱར་རུ་འདྲེན་གྱི་རྣམ་པ་དུ་མས་སྣ་དྲངས་བའི་ཕྱི་བཞིན་དུ་དཀར་གཏོར་ནས་ཟོར་གྱི་རྫས་རྣམས། དེ་རྗེས་ནས་དམ་ཅན་གྱི་གཏོར་མ་དང་དཔལ་གྱི་གཏོར་ཆེན་རྣམས་རིམ་པ་བཞིན་ཁྱེར་ལ་སྒྲུབ་པ་པོ་རྣམས་ལྟ་བའི་གདེང་གྱད་བསྒོམ་པའི་གསལ་སྣང་དང་མ་བྲལ་བའི་རིག་པ་ཧུར་ཕྱུང་ཏེ་དྲག་པོའི་སྔགས་སྒྲ་ཏི་རི་རི་བརྗོད་ཅིང་གཏོར་མ་ཕྱིར་ཁྱེར་ལ། རོལ་མོ་དང་བཅས་པས་དེ་དག་གི་ཕྱི་བཞིན་དུ་སོང་ལ་གོམ་པ་བདུན་ཅུ་འདས་པའི་སར་འཁོད་དེ། གཏོར་མ་ལ་རཀྟ་སྦྲེང་། རྔ་བརྡུང་དུང་འབུད་ཞིང་ལྤགས་གདབ་པ་རྣམས་བྱ་ཞིང་ཟོར་འཆམ་བྱེད་པར་སྤྲོ་ན་ཡང་སྐབས་འདིར་འདོན་པའི་བབ་དང་བསྟུན་ནས་བྱ། ༈ རྡོ་རྗེ་ཕུར་པ་ཆེ་མཆོག་ལས༔ ཟ་ལམ་སྲིན་མོའི་ཟོར་ཟློག་སྲིད་གསུམ་གཡུལ་བཟློག་ཅེས་བྱ་བ་བཞུགས་སོ༔ ཆེ་མཆོག་ཁྲོ་བོ་རོལ་པའི་ལྷ་ལ་འདུད༔ དམོད་པ་ཟོར་གྱི་ལས་རྩོམ་དུས༔ ཟ་ལམ་སྲིན་མོའི་བཟློག་བསྒྱུར་ནི༔ ལྕགས་སམ་རྡོ་བ་གང་རུང་སྟེང༔ སྲིན་མོ་གཙོ་འཁོར་དགུ་པ་འམ༔ ཡང་ན་དམར་གཏོར་དགུ་བཅས་ལ༔ རཀྟ་སྦྲེང་ཞིང་འདི་སྐད་དོ༔ བྷྱོ་བྷྱོ་བྷྱོ༔ སྲིན་མོ་ཟ་ལམ་དཔག་ཚད་བདུན་ཅུའི་མཚམས༔ ཟངས་ཐང་ཟངས་རི་དམར་པོ་མཚོན་ཆར་གཟེངས༔ ཤ་ཟ་གཅན་སྤྱང་དུད་རླུང་ནད་སྤྲིན་གཏིབ༔ ཁྲག་ཞག་རྒྱ་མཚོ་སིལ་སིལ་ཁོལ་བའི་ཀློང་༔ དབྱིངས་ནས་དྲག་མོར་ཁྲོས་པ་དགྲ་ལ་རྔམས༔ ལས་ཀྱི་མ་མོ་དམར་ནག་མཚོན་གྱི་དབལ༔ ཕྱག་གཡས་ཟོར་ཆེན་གཡོན་པ་ཀོང་ཟོར་གདེངས༔ མི་ལྤགས་གཡང་གཞི་རེ་ལྡེའི་ཤམ་ཐབས་ཅན༔ ཡེ་ཤེས་ལས་ཀྱི་མ་བརྒྱད་གཙོ་འཁོར་དགུ༔ སྤྲུལ་པ་ཡང་སྤྲུལ་སྲིད་གསུམ་བུན་ལོང་གཡོ༔ རིགས་སྔགས་དམོད་པའི་ལས་ཀྱི་སྣ་འདྲེན་ཕྱིར༔ དོན་དམ་ཀུན་ཏུ་བཟང་མོའི་ཀློང་ནས་བཞེངས༔ ཤ་ཁྲག་དམར་གྱི་མཆོད་པ་འདི་བཞེས་ལ༔ བཟློག་ཅིང་བསྒྱུར་བའི་ཕྲིན་ལས་དུས་ལ་བབས༔ བྷྱོ༔ བཟློག་མེད་སྟོབས་ལྡན་དམོད་པའི་ལྷ༔ གཙོ་འཁོར་སྤྲུལ་པ་ཡང་སྤྲུལ་བཅས༔ ཕྱོགས་མཚམས་སྲིད་པའི་ཁམས་ཀུན་ཏུ༔ མདོས་ཟོར་དྲག་པོ་གསོར་ཞིང་འཕེན༔ ཟོར་སྣ་ལས་ཀྱི་མ་མོས་དྲོངས༔ ཡེ་ཤེས་མཁའ་འགྲོའི་བཀའ་ཆད་དང༔ ཕྱོགས་སྐྱོང་བཅུ་ཡི་བསུན་ཁ་བཟློག༔ འཁོར་འདས་དམོད་པའི་བྱད་ཟོར་དང༔ སྣང་སྲིད་གཡོ་འཁྲུག་ཐན་དང་ལྟས༔ མི་མཐུན་ཕྱོགས་རྣམས་དགྲ་ལ་བསྒྱུར༔ དགྲ་དཔུང་ཐལ་བའི་རྡུལ་བཞིན་རློག༔ བྷྱོ༔ སྣང་སྲིད་བདག་མོ་དཔལ་འབར་མ༔ ཡེ་ཤེས་ཆེན་པོའི་སྟོབས་དང་ལྡན༔ དབྱིངས་ཀྱི་བཀའ་ཆད་དགྲ་ལ་བཟློག༔ དམོད་པ་ལས་ཀྱི་མཐུ་དང་ལྡན༔ རིག་སྔགས་བྱད་གཏད་དགྲ་ལ་བཟློག༔ སྲིད་པའི་རྣོ་ངར་དབལ་དང་ལྡན༔ ལོ་ཟླ་ཞག་དུས་གདུག་རྩུབ་བཟློག༔ ཕོག་འགྱེལ་དམོད་པའི་དུག་རླངས་ཀྱིས༔ སྣང་བ་ཀུན་ཀྱང་བརྒྱལ་ཞིང་འབོག༔ གཞི་ལ་ཁྱབ་པའི་མ་མོ་ཆེ༔ སྣོད་གཟུགས་འབྱུང་ཁམས་མ་མོར་སྣང༔ རང་བྱུང་རང་ཤར་དྲག་ཏུ་འཁྲུག༔ ཀུན་ཀྱང་མི་ཟད་འདི་འདྲ་སྟེ༔ ལ་ལ་ཡེ་ཤེས་མ་མོའི་ཚུལ༔ ལ་ལ་འཇིག་རྟེན་དྲེགས་པའི་གཟུགས༔ ལ་ལ་ས་མཚམས་གདུག་པ་འདུལ༔ གཡས་པའི་གནམ་ལྕགས་ཟོར་ཆེན་གྱིས༔ དགྲ་ཁམས་ཐལ་བའི་རྡུལ་དུ་རློག༔ གཡོན་པ་ཡམས་ནད་དུག་རླངས་གཏིབ༔ འཇིག་རྟེན་ཀུན་ཀྱང་བརྒྱལ་ཞིང་འབོག༔ སྐུ་ལས་མཚོན་ཆ་འཁྲུག་པ་ཡིས༔ སྣང་སྲིད་ལྷ་འདྲེའི་བྱད་ཁ་བཟློག༔ གཅེར་བུ་མཚན་མ་བསྒྲད་པ་ཡིས༔ ལྷ་སྲིན་དྲེགས་པའི་གདོང་ཐུག་བཟློག༔ མེ་ཡི་ཚྭ་ཚྭ་ཁོལ་ཞིང་འཕྱུར༔ དམ་སྲི་རྒྱལ་འགོང་ཕྱེ་མར་རློག༔ རྐང་པ་ས་ལ་བརྡབས་པ་ཡིས༔ གནམ་ས་གཏོར་ཞིང་དགྲ་དཔུང་བཟློག༔ སྲིད་པ་མཚོན་ཆའི་རང་བཞིན་འཁྲུགས༔ བྷྱོ་བཟློག་རྒྱོབ་སོད་རྔམ་སྒྲ་ལྡིར༔ སྲིད་གསུམ་ལས་ཀྱི་དམག་དཔུང་རྣམས༔ དམར་ཆེན་ཁྲག་མཆོད་འདི་བཞེས་ལ༔ སྡང་བའི་དགྲ་ལ་ཟོར་སྣ་དྲོངས༔ ཟོར་དཔུང་སྣང་སྲིད་མ་མོས་བསྐྱེད༔ མཐའ་དམག་བདུད་ཀྱི་གཡུལ་ངོ་དང༔ ཆགས་ཆེ་ཉམ་ང་དགྲ་ལ་བཟློག༔ དགྲ་བོའི་ཡུལ་གཞིས་རྨིང་མེད་གཏོར༔ མི་རབས་བདུན་རྒྱུད་རྔམ་ཟས་གྱིས༔ མངོན་སྤྱོད་ཆེན་པོའི་དུས་ལ་བབ༔ ལས་ལ་མྱུར་ཞིང་དཔའ་བ་མོ༔ མཱ་ར་ཡ་ཡི་ལས་མཛོད་ཅིག༔ མ་མ་རཀྨོ་སརྦ་ཛྙཱ་ན་ལོ་ཀ་ས་མ་ཡཱ༔ བྷྱོ་བྷྱོ་བྷྱོ༔ བྷྱོ་བྷྱོ་བྷྱོ༔ བྷྱོ་བྷྱོ་བྷྱོ༔ བཟློག་བཟློག༔ མཱ་ར་ཡ་ནྲི་ཏྲི་བྱད་མ་བྷྱོ་བྷྱོ༔ བཟློག་བཟློག༔ ཅེས་བརྗོད༔ མི་ལྤགས་གཡབ་ཅིང་བྷྱོ་ཡིས་གདབ༔ ཡེ་ཤེས་འཇིག་རྟེན་འཁོར་འདས་ཀྱི༔ ཟོར་ཁ་དམོད་ཁ་མི་མཐུན་རིགས༔ ས་བདག་འབུམ་གྱི་གདོང་ཐུག་ཀྱང་༔ ལྡོག་མེད་གདོང་བཟློག་གཅིག་པུ་སྟེ༔ ཤིན་ཏུ་ཟབ་བོ་ས་མ་ཡཱ༔ རྒྱ་རྒྱ་རྒྱ༔ ༈ དེ་ནས་དཀར་གཏོར་བདེ་མཆོག་སྔོན་འགྲོ་ལྟར་བསྔོས་པས་མཇུག་ཏུ་རྒྱབ་ཡིག་བསྒྲགས༔ གསེར་སྐྱེམས་གཟུ་དཔང་སྔོན་དུ་འགྲོ་བའི་བསྒྲལ་ལས་རྒྱས་བསྡུས་གང་རུང་དང་བཞེས་རོལ་ཞལ་བསྟབས་ཕྱག་ལེན་ལྟར་བྱེད༔ དེ་ནས་གང་དུ་འཕེན་པའི་སར་ཁྱེར་ཏེ་དམིགས་པའི་རྟེན་ལིངྒ་ལ་སླར་ཡང་དགྲ་བགེགས་བཀུག་ནས་དམིགས་པའི་འབེན་བཅས་ལ་ཟོར་རྣམས་འཕེན་པ་ནི༔ ཕུད་ཕྱོགས་བཅུར་འཐོར་ཞིང་གཏོར་ཟོར་སོགས་ཟོར་སྣ་ཐམས་ཅད་ཐོགས་ཏེ་ལྟ་བའི་གདེངས་བསྐྱེད༔ བསྐྱེད་རིམ་དྲག་ཏུ་གཟིར་དམིགས་པ་གནད་དུ་བསྣུན་ཅིང་རྔམ་པའི་སྟབས་ཀྱིས་འདི་སྐད་དོ༔ ཧཱུྃ་བྷྱོ༔ ཚངས་པ་ལ་སོགས་ལྷ་ཆེན་བརྒྱད༔ དགའ་བོ་ལ་སོགས་ཀླུ་ཆེན་བརྒྱད༔ ཉི་ཟླ་ལ་སོགས་གཟའ་ཆེན་བརྒྱད༔ སྣང་སྲིད་ལྷ་སྲིན་སྡེ་བརྒྱད་དང༔ ལོ་ཟླ་ཞག་དུས་གཟའ་སྐར་བདག༔ ཡུལ་རིའི་གཞི་བདག་གཉན་པོ་རྣམས༔ མཆོད་སྦྱིན་གསེར་སྐྱེམས་འདི་བཞེས་ལ༔ ཀོ་ལོང་རུ་ང་མཛད་པར༔ ཟོར་ལམ་ཕྱེས་ལ་དམག་དཔུང་བསྐྱེད༔ རུ་མཚོན་ཕྱོར་ལ་ཕྲིན་ལས་སྒྲུབ༔ དགྲ་བགེགས་བྱད་མ་ལྷ་སྲུང་རྣམས༔ མྱུར་དུ་ཟློག་ཅིག་རྡུལ་དུ་རློག༔ གཞན་ལ་མི་དགོས་ཀྱང་དྲག་ཁྲོས་སྐབས་རང་གཞུང་གི་ཟོར་བསྐུལ་དེ་འདིར་བཅུག༔ ཧཱུྃ་བྷྱོ༔ ད་ནི་ཟོར་འཕེན་དགྲ་ལ་འཕེན༔ ད་ནི་ཟོར་འཕེན་བགེགས་ལ་འཕེན༔ ང་ནི་ཁྲག་འཐུང་ཀུན་གྱི་གཙོ༔ འཁོར་འདས་སྐྱེ་འགྲོ་ང་ཡི་དབང༔ ཐམས་ཅད་མ་ལུས་ང་ཡི་བྲན༔ ཟ་གསོད་རྔམ་པའི་ཕོ་ཉ་ནི༔ སྤྲུལ་པ་འབུམ་ཕྲག་གྲངས་མེད་འཕྲོ༔ དམག་ཚོགས་དགྲ་ལ་ཉེ་རེ་རེ༔ དགྲ་བགེགས་ཆམ་ལ་ད་ཕོབ་ཅིག༔ སྡེ་བརྒྱད་ལས་ལ་ཤ་ར་ར༔ དོན་སྙིང་དམར་པོ་ཁྱེར་ལ་ཤོག༔ རྣོ་ངར་མཚོན་ཆ་ཟིངས་སེ་ཟིང༔ མཚོན་གྱི་བུ་ཡུག་དགྲ་ལ་གཡོས༔ ནད་ཀྱི་ན་བུན་ཐུ་ལུ་ལུ༔ བཞི་བརྒྱ་རྩ་བཞིའི་དགྲ་སྲོག་ཆོད༔ མཚོན་གྱི་ཆར་པ་སི་ལི་ལི༔ དམ་ཉམས་དགྲ་བགེགས་སྟེང་དུ་ཕོབ༔ ཀི་སྒྲ་མང་པོ་དི་རི་རི༔ གོ་ཐོགས་མགྱོགས་པའི་རྟ་ལ་ཞོན༔ བསོ་སྒྲ་མང་པོ་ཀྱུ་རུ་རུ༔ མྱུར་མགྱོགས་བང་རྩལ་ལྡན་པས་རྒྱུགས༔ རྒྱོབ་སོད་སྒྲ་སྐད་ལྷངས་སེ་ལྷང༔ ད་སོད་ད་གཏུབས་རྡུལ་དུ་རློགས༔ མེ་རླུང་འཚུབ་མ་འུ་རུ་རུ༔ བསྲེགས་ཤིང་ཐལ་བ་རླུང་གིས་གཏོར༔ མགྱོགས་པའི་རྟ་རྒྱུགས་བྲིངས་སེ་བྲིང༔ སྟོང་གསུམ་བང་གིས་བསྐོར་ལ་སྒྲོལ༔ ཤོ་ཐོགས་རྩིས་མཁན་ཐ་ར་ར༔ རྩིས་ལ་མ་ནོར་དགྲ་བགེགས་ཐོབ༔ ཁྲམ་ཐོགས་བདུད་པོ་ཡེ་རེ་རེ༔ མ་འགྱངས་ཁྲམ་ལ་དགྲ་བགེགས་ཐོབ༔ སྲོག་གཅོད་ཤན་པ་དཔུངས་སེ་དཔུང༔ སྙིང་རྗེ་མེད་པར་མྱུར་དུ་སྒྲོལ༔ ཤ་ཟ་ཁྲག་འཐུང་ལྗིབས་སེ་ལྗིབ༔ རྡུལ་ཙམ་མ་ལུས་ད་ཟོ་ཞིག༔ ཚ་བའི་མེ་ཟོར་ཐོ་རོ་རོ༔ མཐུ་སྟོབས་མེ་ཐུན་འབར་བས་བསྲེག༔ གྲང་བའི་ཆུ་ཟོར་ཆི་ལི་ལི༔ ཐར་མེད་རྒྱ་མཚོའི་ཀློང་དུ་བསྟིམ༔ གཡབ་པའི་རླུང་ཟོར་ཚུབས་སེ་ཚུབ༔ སྤུ་གྲི་རླུང་གི་འཁོར་ལོར་བསྐྱོན༔ ཀོང་གི་ས་ཟོར་ཐིབས་སེ་ཐིབ༔ རི་རབ་གླིང་དགུའི་འོག་ཏུ་ནོན༔ སྔགས་ཀྱི་གཏོར་ཟོར་ཆེམས་སེ་ཆེམ༔ ནད་གདོན་ཐན་ལྟས་ཆར་པ་ཕོབ༔ འཕེན་པའི་རྡོ་ཟོར་ཧྲི་ལི་ལི༔ རྫ་ལྟར་སྙིལ་ལ་དགྲ་བགེགས་རློགས༔ བསད་པའི་མཚོན་ཟོར་ཟིངས་སེ་ཟིང༔ སྣ་ཚོགས་མཚོན་ཆར་དགྲ་ལ་ཕོབ༔ དྲག་པོའི་ཡུངས་ཟོར་ཐོ་རོ་རོ༔ སེར་ཆེན་ལྟར་འདྲིལ་དགྲ་བགེགས་སྒྲོལ༔ ནམ་མཁའི་སྒོང་ཟོར་ཡ་ལ་ལ༔ སྐྱེ་མེད་དབྱིངས་ལ་རྣམ་ཤེས་སྤོར༔ རྣོ་བའི་མདའ་ཟོར་ཀྱུ་རུ་རུ༔ བུ་ཡུག་ལྟར་འཚུབས་དགྲ་བགེགས་སྒྲོལ༔ ཁྲག་ཟོར་ནད་དུ་ཆི་ལི་ལི༔ དམར་ཡམས་ནད་ཀྱིས་ད་སོད་ཅིག༔ མཚེ་ཟོར་མདུང་ལྟར་ཟིངས་སེ་ཟིང༔ དགྲ་བགེགས་དོན་སྙིང་ཚལ་བར་ཁོས༔ ཕོ་རྒྱུད་རྩད་ནས་ཆོད་ལ་ཤོག༔ སྟེང་གི་ཁྱོ་ལ་མདའ་ཟོར་ཡ༔ མོ་རྒྱུད་མངལ་ནས་སྐོམས་ལ་ཤོག༔ འོག་གི་ཆུང་མར་ཟོར་འདི་ཡ༔ འཕེན་པོ་དྲུང་ནས་ཕྱུངས་ལ་ཤོག༔ ཕ་ཚན་སྡེ་ལ་ཟོར་འདི་ཡ༔ རྨང་པོ་རྩད་ནས་ཆོད་ལ་ཤོག༔ མཆན་གྱི་བུ་ལ་ཟོར་འདི་ཡ༔ འདུ་བ་རྣམ་བཞི་ཁོང་ནས་སློང༔ སྲོག་གི་རྩ་ལ་ཟོར་འདི་ཡ༔ ཕུང་ཐལ་སྣ་དགུས་རྗེས་མེད་ཐོངས༔ སྒོ་ཡི་ནོར་ལ་ཟོར་འདི་ཡ༔ ནད་གདོན་བར་ཆད་དམག་སྒར་ཐོབ༔ ལྟས་ངན་ཆོ་འཕྲུལ་སྣ་ཚོགས་ཐོངས༔ ཁ་ཕུང་རྗེས་མེད་རྡུལ་དུ་རློགས༔ བཅོལ་པའི་ཕྲིན་ལས་གྲུབ་པར་མཛོད༔ ཅེས་བསྐུལ་ཞིང༔ ཚ་བའི་མེ་ཟོར། གྲང་བའི་ཆུ་ཟོར། གཡབ་པའི་རླུང་ཟོར། ཀོང་གི་ས་ཟོར། སྔགས་ཀྱི་གཏོར་ཟོར། འཕེན་པའི་རྡོ་ཟོར། བསད་པའི་མཚོན་ཟོར། དྲག་པོའི་ཡུངས་ཟོར། ནམ་མཁའི་སྒོང་ཟོར། རྣོ་བའི་མདའ་ཟོར། ཁྲག་ཟོར། མཚེ་ཟོར་རྣམས་རིམ་པར་བཟློག་པའི་དྲག་སྔགས་བཟླ་བཞིན་པར་འཕེན། དེ་རྗེས་གཏེར་སྲུང་གཏོར་མ། དེ་རྗེས་བཀའ་སྲུང་གཏོར་མ། དེ་རྗེས་གཏོར་ཆེན་རྣམས་རང་རང་གི་བསྐུལ་བཟློག་སྔགས་དང་བཅས་པས་རྡེག་ཅིང་དྲག་པོའི་དམག་དཔུང་དང་ནད་མཚོན་དུག་གི་ཆར་པས་དགྲ་བགེགས་ཀྱི་གཟུགས་ཕུང་བཤིག རྣམ་ཤེས་མར་མེ་བསད་པ་ལྟར་ཡལ། གནས་གཞིས་ལོངས་སྤྱོད་བཅས་ཁ་ཕུང་རྗེས་མེད་དུ་བརླགས་པར་བསམ་ལ། དྲག་སྔགས་དམོད་མོ་དང་བཅས་པའི་ཐལ་མོ་དང་དུལ་མོ་བརྡབ་བོ།། དེ་ནས་གཏོར་གཞོང་རྣམས་བཤལ་བའི་ཕུད་ཀྱིས་བསྟན་མའི་གཏོར་མར་བྲན་བྱིན་གྱིས་བརླབས་ལ་ལས་བྱང་བཞིན་འབུལ། ཟོར་རྗེས་གཅོད་པ་ནི། ཡེ་ཤེས་ཀྱི་བྱ་ཁྱུང་འཇིགས་སུ་རུང་བ་གཅིག་གིས་མཚམས་བཅད་པར་བསམ་ལ། ཧཱུྃ་ཁྲོཾ་བཛྲ་ག་རུ་ཊ་བྷྱོ་བཟློག༔ ཅེས་བཟླས། རྡོ་རྗེ་སློབ་དཔོན་གྱིས་རྟིང་མནན་ཏེ་ཚུར་ལོག་རྡོ་རྗེའི་གུར་ཁང་ཏུ་བདག་གཞན་བསྲུང་བྱ་ཐམས་ཅད་ཚུད་པར་བསམ་ནས་སྲུང་འཁོར་མེ་འཁྱིལ་ལྟ་བུ་ལ་བདག་ནི་འབར་བ་སོགས། བསྒྲུབ་པ་གང་ཡིན་རང་གཞུང་གི་སྲུང་འཁོར་དང་དེ་མིན་དམིགས་པས་གསལ་བཏབ་པས་འཐུས་སོ།། དེ་ནས་ཕྱི་སྒོ་གཅོད་ཕྱིར་གདོང་ཕྱིར་བལྟས་ཏེ་བཟློག་པའི་དྲག་སྔགས་བདུན་ནམ་ཉེར་གཅིག་བཟླས། སྒྲུབ་ཁང་གི་སྒོ་དྲུང་དུ་གྲུ་གསུམ་བྲུས་ལ་ལིང་ག་ཐལ་སོལ་སོགས་བླུག་ཅིང་འགུག་གཞུག་བྱ། མནན་སྔགས་བཟླ་ཞིང་རྡོས་གཡོག་པའི་སྟེང་དུ་གཏོར་གཞོང་ཁ་སྦུབ་མེ་དགྲ་ཆུས་བསད་ཅིང་བྲོ་བརྡུང་། དེ་ནས་གཏོར་གཞོང་ཁ་བཏེགས་ལ་འབྲུ་སྨན་བླུགས། ནང་དུ་ལོག་ནས་ཚེ་གཟུངས་འདོན་ཞིང་ཚེ་འགུགས་བྱེད། གཏང་རག་གི་མཆོད་བསྟོད་དང་ཡིག་བརྒྱས་ནོངས་བཤགས་བྱ་ཞིང་དངོས་གྲུབ་ལེན། ནམ་མཁར་བཞུགས་པའི་ཡེ་ཤེས་པ། ཨོཾ་ཁྱེད་ཀྱི་སོགས་ཀྱིས་གཤེགས་སུ་གསོལ་བའམ་བྲིས་སྐུ་སོགས་ལ་བརྟན་བཞུགས་བྱ། བདག་བསྐྱེད་བསྡུ་ཞིང་བསྔོ་སྨོན་བཀྲ་ཤིས་རྒྱས་པར་བརྗོད་ཅིང་མེ་ཏོག་གི་ཆར་དབབ། ལས་རྗེས་མི་མངོན་པར་བྱ་བ་སོགས་གསང་སྔགས་ཀྱི་སྤྱི་ལུགས་ལྟར་སྤྱད་པར་བྱའོ།། ཅེས་པའང་ཚུལ་ལྡན་སློབ་མ་འགས་བསྐུལ་བ་ལ་བརྟེན་པ་དང་དགུ་གཏོར་སོགས་ལ་མཁོ་བའི་ཕྱིར་པདྨ་ཀུན་གྲོལ་རྣམ་རྒྱལ་གྱིས་ཨོ་རྒྱན་བསམ་གཏན་གླིང་གི་དགེ་གནས་སུ་བྲིས་པའོ།། དགེའོ།། ནམ་མཁའ་མེད་པར་སོགས་ལྡེབ་ཤར།༄༅།། ནམ་མཁའ་མེད་པར་གྱུར་ན་ཡང་། །སྔགས་ཀྱི་དངོས་གྲུབ་མེད་མི་སྲིད། །ལྷ་དང་དྲང་སྲོང་གིས་བཤད་པའི། །རིག་སྔགས་བསླུ་བར་མི་སྲིད་ན། །འདོད་ཆགས་བྲལ་བས་བཤད་པ་ཡི། །གསང་སྔགས་སྦྱོར་བས་བསླུ་བ་ནི། །མ་བྱུང་འབྱུང་བར་མི་འགྱུར་རོ།། ལོ་ཟླ་མ།༄༅། ལོ་དང་ཟླ་བ་ལ་དགྲ་དར་བ་ལ་དགྲ་དར་བ་ཐམས་ཅད་མཱ་ར་ཡ་རྦད་ནན༔ ཞག་དང་ཟ་མ་ལ་ལ་དགྲ་དར་བ་ཐམས་ཅད་མཱ་ར་ཡ་རྦད་ནན༔ སྲོག་ལུས་དབང་ཐང་རླུང་རྟ་ལ་དགྲ་དར་བ་ཐམས་ཅད་མཱ་ར་ཡ་རྦད་ནན༔ དགྲ་མགོ་ཐོག་ཏུ་བབས་པ་ཐམས་ཅད་མཱ་ར་ཡ་རྦད་ནན༔ སྔ་དགྲ་ལག་ཏུ་བརྡར་བ་ཐམས་ཅད་མཱ་ར་ཡ་རྦད་ནན༔ ཕྱི་དགྲ་ཡིད་ལ་སེམས་པ་ཐམས་ཅད་མཱ་ར་ཡ་རྦད་ནན༔ ད་དགྲ་ཁྱི་ལྟར་ཟུག་པ་ཐམས་ཅད་མཱ་ར་ཡ་རྦད་ནན༔ མགོ་ལ་ཏིལ་བརྡུང་བྱེད་པ་ཐམས་ཅད་མཱ་ར་ཡ་རྦད་ནན༔ སེམས་ལ་སྡུག་བསྔལ་གཏོང་བ་ཐམས་ཅད་མཱ་ར་ཡ་རྦད་ནན༔ ལུས་ལ་ན་ཚ་གཏོང་བ་ཐམས་ཅད་མཱ་ར་ཡ་རྦད་ནན༔ སྲོག་ལ་བར་ཆད་གཏོང་བ་ཐམས་ཅད་མཱ་ར་ཡ་རྦད་ནན༔ ཟས་ནོར་ལ་གོད་ཁ་གཏོང་བ་ཐམས་ཅད་མཱ་ར་ཡ་རྦད་ནན༔ རྒྱབ་ནས་འདེད་ཤོམ་བྱེད་པ་ཐམས་ཅད་མཱ་ར་ཡ་རྦད་ནན༔ མདུན་ནས་རྩང་བཞིན་འཛུག་པ་ཐམས་ཅད་མཱ་ར་ཡ་རྦད་ནན༔ ཟུར་ནས་གཅོད་དགོས་ཟེར་བ་ཐམས་ཅད་མཱ་ར་ཡ་རྦད་ནན༔ ཟ་ལམ་དུ་དུག་གཡོས་བྱེད་པ་ཐམས་ཅད་མཱ་ར་ཡ་རྦད་ནན༔ འགྲོ་ལམ་དུ་རྩང་འཛུག་པ་ཐམས་ཅད་མཱ་ར་ཡ་རྦད་ནན༔ བྱམས་པ་གཉེན་གྱིས་བརྗོད་དུ་མ་འཇུག་ཅིག་མཱ་ར་ཡ་རྦད་ནན༔ སྡང་བ་དགྲ་ཡིས་སྒྲོག་ཏུ་མ་འཇུག་ཅིག་མཱ་ར་ཡ་རྦད་ནན༔ མཉན་པའི་གྲུ་ཚུགས་སུ་གླེང་དུ་མ་འཇུག་ཅིག་མཱ་ར་ཡ་རྦད་ནན༔ མགར་གྱི་སོ་མལ་དུ་གླེང་དུ་མ་འཇུག་ཅིག་མཱ་ར་ཡ་རྦད་ནན༔ དགེ་འདུན་གྱི་ཚོགས་གྲལ་དུ་གླེང་དུ་མ་འཇུག་ཅིག་མཱ་ར་ཡ་རྦད་ནན༔ སྔགས་པའི་ཕུར་གྲལ་དུ་གླེང་དུ་མ་འཇུག་ཅིག་ཅིག་མཱ་ར་ཡ་རྦད་ནན༔ བརྒྱ་ཁ་མང་གི་མི་ཁ་ཟུག་པ་ཐམས་ཅད་མཱ་ར་ཡ་རྦད་ནན༔ སྟོང་མིག་མང་གི་བྲ་མཆུ་ངན་པ་ཐམས་ཅད་མཱ་ར་ཡ་རྦད་ནན༔ གཙོ་བོའི་མདུན་ཁང་དུ་གླེང་བ་ཐམས་ཅད་མཱ་ར་ཡ་རྦད་ནན༔ གསོད་ཤོམ་བྱེད་པ་ཐམས་ཅད་མཱ་ར་ཡ་རྦད་ནན༔ རྐུ་ཤོམ་བྱེད་པ་ཐམས་ཅད་མཱ་ར་ཡ་རྦད་ནན༔ འཕྲོག་བཅོམ་བྱེད་པ་ཐམས་ཅད་མཱ་ར་ཡ་རྦད་ནན༔ དམག་ཇག་གྲོས་ངན་ཤོམ་པ་ཐམས་ཅད་མཱ་ར་ཡ་རྦད་ནན༔ ལྐོག་ནས་འབུ་བཞིན་འབུག་པ་ཐམས་ཅད་མཱ་ར་ཡ་རྦད་ནན༔ ངོ་ལ་སྤྲེལ་ལྟར་འཛེགས་པ་ཐམས་ཅད་མཱ་ར་ཡ་རྦད་ནན༔ ཀེག་བདུད་གཤེད་གསུམ་ལ་བབས་པ་ཐམས་ཅད་མཱ་ར་ཡ་རྦད་ནན༔ བྱད་ཁ་ཕུར་ཁ་ཟུག་པ་ཐམས་ཅད་མཱ་ར་ཡ་རྦད་ནན༔ རྦད་འདྲེ་རྦོད་གཏོང་གཏོང་བ་ཐམས་ཅད་མཱ་ར་ཡ་རྦད་ནན༔ མནན་སྲེག་འཕང་གསུམ་བྱེད་པ་ཐམས་ཅད་མཱ་ར་ཡ་རྦད་ནན༔ མི་ཁ་དང་དགྲ་སྣ་རླུང་ལྟར་འཚུབ་པ་ཐམས་ཅད་མཱ་ར་ཡ་རྦད་ནན༔ མི་ཁ་དང་དགྲ་སྣ་མེ་ལྟར་འབར་བ་ཐམས་ཅད་མཱ་ར་ཡ་རྦད་ནན༔ མི་ཁ་དང་དགྲ་ལྟར་ཆུ་ལྟར་འཁྲུགས་པ་ཐམས་ཅད་མཱ་ར་ཡ་རྦད་ནན༔ ཡུལ་མི་ཁྱིམ་མཚེས་ཀྱི་མི་ཁ་ཟུག་པ་ཐམས་ཅད་མཱ་ར་ཡ་རྦད་ནན༔ རྗེ་ཁོལ་སྐྱ་སེར་གྱི་མི་ཁ་ཟུག་པ་ཐམས་ཅད་མཱ་ར་ཡ་རྦད་ནན༔ ཉི་མ་ཕྱོགས་བཞི་མཚམས་བརྒྱད་ཀྱི་དགྲ་འདྲེ་བྱུར་གསུམ་ཐམས་ཅད་མཱ་ར་ཡ་རྦད་ནན༔ རྨི་ལྟས་མཚན་ངན་ཐན་ལྟས་ངན་པ་ཐམས་ཅད་མཱ་ར་ཡ་རྦད་ནན༔ འགབ་འདྲེ་དམ་སྲི་ཟ་འདྲེ་ཤི་གཤེད་འགོང་པོ་སྲི་ངན་བསེ་རག་ངན་པ་ཐམས་ཅད་མཱ་ར་ཡ་རྦད་ནན༔ རྒྱལ་སྲི་བློན་སྲི་ཕོ་སྲི་མོ་སྲི་ཆེ་སྲི་ཆུང་སྲི་གཞོན་སྲི་དུར་སྲི་ངན་པ་ཐམས་ཅད་མཱ་ར་ཡ་རྦད་ནན༔ གོད་སྲི་ཕུང་སྲི་གྱོད་སྲི་བྱེས་སྲི་དགྲ་སྲི་ངན་པ་ཐམས་ཅད་མཱ་ར་ཡ་རྦད་ནན༔ དཀར་འདྲེ་དབུལ་འདྲེ་བང་འདྲེ་ཐབ་འདྲེ་བསེ་རག་འགོང་པོ་ཐེའུ་རང་གོད་འདྲེ་ཕུང་སྲི་ངན་པ་ཐམས་ཅད་མཱ་ར་ཡ་རྦད་ནན༔ སད་སེར་བཙའ་ཐན་འབུ་སྲིན་བྲ་བྱི་ལ་སོགས་གཏོང་བའི་ཟ་འདྲེ་ཕུང་སྲི་ཐམས་ཅད་མཱ་ར་ཡ་རྦད་ནན༔ གནོད་བྱེད་རྒྱལ་བསེན་ཐེའུ་རང་ཤི་འདྲེ་གསོན་འདྲེ་གཅན་གཟན་ཕོ་མོ་ཐམས་ཅད་མཱ་ར་ཡ་རྦད་ནན༔ ནད་མཚོན་མུ་གེ་གཏོང་བའི་འདྲེ་གདོན་རྒྱལ་བསེན་འབྱུང་པོ་ཐམས་ཅད་མཱ་ར་ཡ་རྦད་ནན༔ བདུད་དང་རྣམ་རྟོག་དམ་སྲི་བར་དུ་གཅོད་པ་ཐམས་ཅད་མཱ་ར་ཡ་རྦད་ནན༔ བསྟན་དགྲའི་ལུས་ངག་ཡིད་གསུམ་ཚེ་བླ་སྲོག་གསུམ་དབང་ཐང་རླུང་རྟ་བསོད་ནམས་སྟོབས་ནུས་ལྷ་སྲུང་རྒྱབ་བརྟེན་དང་བཅས་པ་ཐམས་ཅད་མཱ་ར་ཡ་རྦད་ནན༔ གཞན་ཡང་སྣང་སྲིད་ལྷ་སྲིན་སྡེ་བརྒྱད་ཀྱི་ཟ་ཁ་སྟོན་པ་ཐམས་ཅད་མཱ་ར་ཡ་རྦད་ནན༔ བསྐལ་པ་མ་སྟོང་གི་བར་དུ་མ་ལྡང་ཅིག་མཱ་ར་ཡ་རྦད་ནན། ཨོཾ་ལཾ་ཧཱུྃ་ལཾ་སྟྭཾ་བྷ་ཡ་ནན། དགྲ་བགེགས་སརྦ་ཤ་ཏྲུཾ་མཱ་ར་ཡ་རྦད་ནན། གསང་བདག་གོས་སྔོན་འཆང་གི་བཀའ་སྲུང་སྨུག་ནག་འོད་འཕྲོའི་བཞེངས་བསྐུལ་བརྒྱ་བྱིན་མཚོན་རྣོན།བཀའ་འདུས་ཆོས་ཀྱི་ཆ་ལག་ཏུ༔ གསང་བདག་གོས་སྔོན་འཆང་གི་བཀའ་སྲུང་སྨུག་ནག་འོད་འཕྲོའི་བཞེངས་བསྐུལ་བརྒྱ་བྱིན་མཚོན་རྣོན་བི་ཛ་ཧ་རཾ༔ སྐུ་གསུམ་བདག་ཉིད་གསང་བའི་བདག༔ ཧེ་རུ་ཀ་དཔལ་བཀའ་ཉན་པ༔ དྲང་སྲོང་རྡོ་རྗེ་ཐོག་རྒོད་རྩལ༔ ཞིང་བཅུ་བསྒྲལ་བའི་མཚོན་ཆར་བསྔགས༔ བཞེངས་བསྐུལ་བརྒྱ་བྱིན་མཚོན་རྣོན་འདི༔ མ་འོངས་རྩུབ་འགྱུར་ལྔ་བདོའི་དུས༔ པདྨའི་རྗེས་འཇུག་དབུ་འཕང་དམའ༔ བན་སྔགས་བོན་པོས་མཐུ་བྱད་བྱེད༔ ཡོན་ཏན་ཁེ་གྲགས་ཅན་རྣམས་འགུམ༔ ཚེ་ཚད་མི་སླེབ་དུས་མིན་འཆི༔ དཀར་ཕྱོགས་སྐྱབས་ཞན་ནག་ཕྱོགས་དར༔ རྒྱ་འདྲེ་འགོང་པོས་བོད་ཁམས་ཕུང༔ དེ་དུས་དྲང་སྲོང་ཆེན་པོ་འདིའི༔ ཟབ་ཆོས་སྐལ་ལྡན་སྐྱེས་བུས་སྤེལ༔ བསྙེན་དང་བསྒྲུབ་དང་བསྒྲལ་ལས་ཀྱིས༔ ཉིད་ཀྱི་ཐུགས་དམ་ཞལ་བཞེས་ཡོད༔ བསྟན་འགྲོའི་བདེ་སྐྱིད་ལན་གཅིག་འོང༔ དེ་ཕྱིར་བདེ་སྟེར་ས་ག་ར༔ ཨ་ཙར་གསལ་སྣང་ཡིག་རིས་བཀོད༔ པདྨ་ང་ཡི་བྱིན་རླབས་གནས༔ བྲག་དམར་མདའ་སྒྲོའི་ལོགས་སུ་སྦས༔ དུས་བབ་ལས་ཅན་གཅིག་དང་འཕྲད༔ མི་བརྗེད་གཟུངས་ཀྱིས་སྤེལ་བར་འགྱུར༔ ལྷ་བཙན་ཆེན་པོས་སྲུངས་ཤིག་རྒྱ༔ ས་མ་ཡཱ༔ དེ་ལ་ཡི་དམ་ལྷ་ཡི་ལས་གཞུང་བསྲང༔ དྲང་སྲོང་ཆེན་པོའི་བསྒྲལ་ལས་བྱ༔ ཞལ་བསྟབ་བཟློག་ཕྲིན་བཅོལ་བའི་མཐར༔ དམར་གྱི་གཏོར་མ་ལྷ་ཡི་གྲངས༔ ཤ་ཁྲག་དག་གིས་རབ་བརྒྱན་པ༔ དགྲ་བགེགས་བླ་ཡིད་སེམས་གསུམ་པོ༔ འགུག་གཞུག་ལན་མང་རྟགས་ཐོན་བྱ༔ དམག་ལྟོའི་ཚུལ་དུ་ཞལ་བསྟབ་བྱ༔ རྩ་སྔགས་གཤམ་དུ་བྷ་ལིང་གདགས༔ ར་གསུར་བདུགས་ཤིང་མི་ལྤགས་ཀྱི༔ གཡང་གཞི་བརྡབ་ཅིང་ར་ལྤགས་གཡབ༔ སྔགས་པས་རལ་བསིགས་ལྟ་གདེངས་བསྐྱེད༔ མི་རྐང་འབུད་ཅིང་རོལ་མོ་བསྒྲགས༔ དབྱངས་དང་བཅས་ཏེ་འདི་སྐད་དོ༔ ཧཱུྃ་ཧཱུྃ༔ སྐྱེ་མེད་ཆོས་སྐུའི་མཁའ་དབྱིངས་སྟོང་པ་ལས༔ འགགས་མེད་གསལ་སྣང་སྙིང་རྗེ་ཆེར་ཁྲོས་ཉམས༔ བདུད་བཞིའི་གཡུལ་ངོར་དཔའ་བའི་ཧེ་རུ་ཀ༔ གསང་བདག་གོས་སྔོན་འཆང་བའི་ལྷ་ཚོགས་རྣམས༔ བཞེངས་བཞུད་མཚན་མའི་རྟོག་པ་མི་མངའ་ཡང༔ ལོག་རྟོག་འཁྲུལ་བའི་དབང་གྱུར་ཞིང་བཅུའི་དགྲ༔ བསྟན་འགྲོར་འཚེ་བྱེད་བགེགས་དང་བྱད་མའི་སྡེ༔ དོན་དམ་རང་རིག་ཀློང་དུ་སྒྲོལ་བའི་ཕྱིར༔ བཞེངས་ཤིག་སྟོང་གསལ་ཐུགས་རྗེའི་ཀློང་ནས་བཞེངས༔ བསྐུལ་ལོ་མྱུར་མགྱོགས་མཐུ་སྟོབས་བང་དང་བཅས༔ མཛོད་ཅིག་དྲག་པོའི་ལས་ཆེན་བཅུ་གཉིས་ཀྱིས༔ ད་ལྟ་སྐད་ཅིག་མིག་གི་འབྱེད་འཛུམ་ཙམ༔ དགྲ་བགེགས་བྱད་མ་སྒྲོལ་བའི་ཕྲིན་ལས་མཛོད༔ དེ་ནས་བཀའ་སྡོད་བཞེངས་བསྐུལ་དངོས༔ ཧཱུྃ་བྷྱོ་ཛ་ཀྵ༔ སྟོང་ཉིད་རྩལ་ལས་རྟེན་ཅིང་འབྲེལ་འབྱུང་བ༔ འཇིགས་རུང་དུར་ཁྲོད་རབ་འཇིགས་དྲག་པོའི་ཚལ༔ ཁྲག་ཞག་རྦ་ཀློང་འཁྲུགས་པའི་ཀློང་དཀྱིལ་ནས༔ ཀྵཿཡིག་ལས་བྱུང་ཁྱབ་འཇུག་འོད་འཕྲོ་ཆེ༔ སྤྲུལ་པ་ཡང་སྤྲུལ་བཀའ་ཉན་ཕོ་ཉའི་ཚོགས༔ ཐུགས་དམ་ཞལ་བཞེས་བཞིན་དུ་སྐུར་བཞེངས་ཤིག༔ ཧཱུྃ་བྷྱོ་ཛ༔ ཀྵ༔ དབུས་ཕྱོགས་དཀྱིལ་འཁོར་ཆེན་པོ་ད་ལ་རུ༔ ཐོད་མཁར་འཇིགས་རུང་དུར་ཁྲོད་དྲག་པོའི་ཚལ༔ དྲང་སྲོང་སྨུག་ནག་འོད་འཕྲོ་སྐུ་བཞེངས་ཤིག༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ བཟློག་བསྒྱུར་བྱད་གཏད་དཀྲོལ་བའི་འཕྲིན་ལས་མཛོད༔ ཧཱུྃ་བྷྱོ་ཛ༔ ཤར་ཕྱོགས་དཀྱིལ་འཁོར་ཆེན་པོའི་ད་ལ་རུ༔ དྲང་སྲོང་ཆེན་པོ་ས་ཁམས་པ་ཝ་སངས༔ ལྷ་སྲིན་སྡེ་བརྒྱད་དཔུང་དང་བཅས་པ་བཞེངས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ ས་ལ་མནན་པའི་བྱད་གཏད་དཀྲོལ་བར་མཛོད༔ ཧཱུྃ་བྷྱོ་ཛ༔ ལྷོ་ཕྱོགས་དཀྱིལ་འཁོར་ཆེན་པོའི་ད་ལ་རུ༔ དྲང་སྲོང་ཆེན་པོ་རླུང་ཁམས་ཕུར་བུ་པ༔ ལྷ་སྲིན་སྡེ་བརྒྱད་དཔུང་དང་བཅས་པ་བཞེངས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ རླུང་ལ་འཁོར་ལོ་བསྐོར་བའི་བྱད་གཏད་ཁྲོལ༔ ཧཱུྃ་བྷྱོ་ཛ༔ ནུབ་ཕྱོགས་དཀྱིལ་འཁོར་ཆེན་པོའི་ད་ལ་རུ༔ དྲང་སྲོང་ཆེན་པོ་མེ་ཁམས་དམག་དཔོན་རྗེ༔ ལྷ་སྲིན་སྡེ་བརྒྱད་དཔུང་དང་བཅས་པ་བཞེངས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ མེ་ལ་སྦྱིན་སྲེག་བྱེད་པའི་བྱད་གཏད་ཁྲོལ༔ ཧཱུྃ་བྷྱོ་ཛ༔ བྱང་ཕྱོགས་དཀྱིལ་འཁོར་ཆེན་པོའི་ད་ལ་རུ༔ དྲང་སྲོང་ཆེན་པོ་ཆུ་ཁམས་ལྷག་པ་རྒྱལ༔ ལྷ་སྲིན་སྡེ་བརྒྱད་དཔུང་དང་བཅས་པ་བཞེངས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ ཆུ་ལ་ཀླུ་གཏད་བྱེད་པའི་བྱད་གཏད་ཁྲོལ༔ ཧཱུྃ་བྷྱོ་ཛ༔ རང་བྱུང་དཀྱིལ་འཁོར་ཤར་ལྷོའི་མཚམས་འཛིན་པ༔ དྲང་སྲོང་ཆེན་པོ་མེ་ཁམས་སུརྱ་འབར༔ ལྷ་སྲིན་སྡེ་བརྒྱད་དཔུང་དང་བཅས་པ་བཞེངས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ མེ་ལ་བཙོ་བསྲེག་བྱེད་པའི་བྱད་གཏད་ཁྲོལ༔ ཧཱུྃ་བྷྱོ་ཛ༔ རང་བྱུང་དཀྱིལ་འཁོར་ལྷོ་ནུབ་མཚམས་འཛིན་པ༔ དྲང་སྲོང་ཆེན་པོ་ཆུ་ཁམས་ཙཎྜ་ཡ༔ ལྷ་སྲིན་སྡེ་བརྒྱད་དཔུང་དང་བཅས་པ་བཞེངས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ ཆུ་མིག་ཀླུ་གཉན་དག་ལ་གཏད་པ་ཁྲོལ༔ ཧཱུྃ་བྷྱོ་ཛ༔ ནུབ་བྱང་དཀྱིལ་འཁོར་ཆེན་པོའི་མཚམས་འཛིན་པ༔ དྲང་སྲོང་ཆེན་པོ་བེ་འུའི་རྫི་བ་ཞེས༔ ལྷ་སྲིན་སྡེ་བརྒྱད་དཔུང་དང་བཅས་པ་བཞེངས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ རྫས་སྔགས་ནུས་པའི་བྱད་གཏད་དཀྲོལ་བར་མཛོད༔ ཧཱུྃ་བྷྱོ་ཛ༔ བྱང་ཤར་དཀྱིལ་འཁོར་ཆེན་པོའི་མཚམས་འཛིན་པ༔ དྲང་སྲོང་ཆེན་པོ་སྒྲ་གཅན་ཞེས་ཀྱང་བྱ༔ ལྷ་སྲིན་སྡེ་བརྒྱད་དཔུང་དང་བཅས་པ་བཞེངས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ སྡེ་བརྒྱད་སོ་སོར་གཏད་པའི་བྱད་གཏད་དཀྲོལ༔ ཧཱུྃ་བྷྱོ་ཛ༔ དཀྱིལ་འཁོར་ཆེན་པོའི་ཕྱོགས་བཞིའི་སྒོ་སྐྱོང་བ༔ ཟོར་དྲེད་བ་གླང་ཆུ་སྲིན་གདོང་ཅན་བཞི༔ དྲང་སྲོང་རྒྱུ་སྐར་དཔུང་དང་བཅས་པ་བཞེངས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ གཟའ་སྐར་ངན་པའི་དུས་སྦྱོར་བྱད་གཏད་ཁྲོལ༔ ཧཱུྃ་བྷྱོ་ཛ༔ དཀྱིལ་འཁོར་ཆེན་པོ་ཕྱི་ཡི་ཁོར་ཡུག་ལ༔ དཀོན་མཆོག་སྤྱི་དང་ལྷ་སྲིན་སྡེ་བརྒྱད་ནི༔ ཕྱི་ནང་གསང་བ་ཡང་གསང་དྲེགས་པའི་སྡེ༔ རང་རང་དཔུང་དང་བཅས་པ་དབྱིངས་ནས་བཞེངས༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ སྡེ་བརྒྱད་སྤྱི་ལ་གཏད་པའི་མནན་གཏད་ཁྲོལ༔ ཧཱུྃ་བྷྱོ་ཛ༔ དྲང་སྲོང་ཆེན་པོའི་བཀའ་ཉན་ལས་བྱེད་མཁན༔ ཀླུ་ཆེན་སྦལ་མགོ་སྲིན་པོ་རཀྴའི་གདོང༔ ཀླུ་ཆེན་འདྲེ་སྲིན་མི་མིན་ཕོ་ཉར་འགྱེད༔ མདོས་ཡོད་ན༔ སྐུ་གླུད་མདོས་ཆེན་རང་རང་མཐུན་རྫས་བརྔན༔ མེད་ན༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ སྣང་སྲིད་ལྷ་འདྲེའི་གཡུལ་ངོ་དགྲ་ལ་བཟློག༔ ཧཱུྃ་བྷྱོ་ཛ༔ ནམ་མཁའ་ཡངས་པའི་ད་ལ་ཆེན་པོ་རུ༔ ཤར་ལྷོ་ནུབ་བྱང་ཤིང་མེ་ལྕགས་ཁམས་དང༔ ཆུ་ཁམས་དབང་བསྒྱུར་རྒྱུ་སྐར་ཉི་ཤུ་བརྒྱད༔ མཚམས་བཞིར་གནས་པའི་གཟའ་སྐར་ས་ཁམས་བདག༔ རྒྱལ་བློན་འབངས་འཁོར་བཅས་པ་དབྱིངས་ནས་བཞེངས༔ རང་རང་མཐུན་པའི་རྫས་ཀྱིས་རབ་བརྔན་པས༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ སྤར་ཁ་སྨེ་བ་དམེ་ཡུག་གྲིབ་སྐྱ་མདའ༔ བྱད་མ་ལྷ་དང་བཅས་པའི་སྟེང་དུ་བསྒྱུར༔ ཧཱུྃ་བྷྱོ་ཛ༔ གཞན་ཡང་གནས་ཡུལ་ཞིང་སྐྱོང་རྒྱལ་བསྟན་སྲུང༔ ལེགས་ཉེས་སྟངས་འཛིན་དམ་ཚིག་རྗེས་གཅོད་པའི༔ གཙང་རིས་དཔལ་མགོན་སྡེ་དཔོན་སུམ་ཅུ་དང༔ དགེ་བསྙེན་ཉེར་གཅིག་བོད་ཁམས་བསྟན་མ་སྐྱོང༔ དབེན་རི་སྲུང་མ་ཡུལ་གཞི་གནས་ཀྱི་བདག༔ གཏོར་མ་གསེར་སྐྱེམས་མཆོད་པས་རབ་བརྔན་པས༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ རྣལ་འབྱོར་བཅོལ་པའི་འཕྲིན་ལས་གྲུབ་པར་མཛོད༔ ཧཱུྃ་བྷྱོ་ཛ༔ ཨོ་རྒྱན་ཆེན་པོས་བཀའ་ཡི་གཉེར་བྱང་གཏད༔ གཏེར་སྲུང་ཆེན་པོ་ལྷ་བཙན་ཡིད་བཞིན་ནོར༔ གཙོ་འཁོར་སྤྲུལ་པ་ཡང་སྤྲུལ་ཕོ་ཉར་བཅས༔ མི་མངོན་དབྱིངས་ནས་ད་ལྟ་སྐུར་བཞེངས་ཤིག༔ ཤ་ཁྲག་དམར་གྱི་གཏོར་མ་འདི་བཞེས་ལ༔ དོ་ནུབ་བྷྱོ་བཟློག་བྱད་དཀྲོལ་དུས་ལ་བབས༔ རྣལ་འབྱོར་བདག་གི་སྐུ་ཚེ་བསྲིང་བ་དང༔ ཡོན་བདག་འདི་ཡི་བསམ་དོན་འགྲུབ་པ་དང༔ བན་སྔགས་བོན་པོས་བྱད་དང་གཞོམ་དང་བྲུབ༔ ཕུར་ཁ་ཟོར་ལས་རྫས་སྔགས་མནན་གཏད་བྱས༔ ཚེ་སྲོག་བླ་བཀུག་ནག་ཕྱོགས་ལྷ་འདྲེར་གཏད༔ ཚེ་བསྐུམ་བླ་ཁྱེར་མི་ཕྱུགས་སྲོག་དབུགས་སྡུད༔ མི་བདེ་སྣ་འདྲེན་བསྟན་འགྲོ་སྡུག་ལ་གཏད༔ དེ་ཕྱིར་ལྷ་ཁྱོད་ཡེ་ཤེས་སྤྱན་གྱིས་གཟིགས༔ ཉེས་ཞིག་མེད་ན་ངེད་ཀྱིས་དྲག་མི་བསྐུལ༔ བྱད་མ་རང་གཤེད་ཕོབ་ལ་རང་སྲོག་ཆོད༔ བྱད་ཐག་ཆོད་ལ་བྱད་ཁྲམ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་ད་སོད་ཅིག༔ བསམ་ངན་གདུག་རྩུབ་དགྲ་བགེགས་ཆམ་ལ་ཕོབ༔ མདོས་ཡོད་ན༔ སྣང་ཞིང་སྲིད་པའི་མདོས་ཆེན་རྒྱན་སྤྲས་འདི༔ ངོ་བོ་སྟོང་ལ་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་གཏོར་ད་བཞེས་ཤིག༔ རྣམ་བཞིའི་མགྲོན་ཚིམ་ལས་བཞི་ལྷུན་གྱིས་གྲུབ༔ ཡས་བདག་མདོས་བདག་གླུད་བདག་གཤེགས་རེ་རན༔ མདོས་མེད་ན་གོང་གི་འཕྲོར༔ ནད་ཡམས་ཆགས་ཆེ་དགྲ་བགེགས་སྟེང་དུ་བྷྱོ༔ ཕོ་མོའི་དལ་ཁ་སྤྱི་བདུད་མཁའ་ལ་བསྒྱུར༔ ཕ་རོལ་བྱད་མ་ཟློག་པའི་ལས་མཛོད་ཅིག༔ ཧཱུྃ་བྷྱོ་ཛཿཀྵ་རྦད༔ མཆོག་གསུམ་རྩ་གསུམ་བཀའ་གཏེར་དམ་ཅན་སྤྱི༔ ཕྱི་ནང་གསང་བ་ཡང་གསང་དྲེགས་པའི་སྡེ༔ སྣང་ཞིང་སྲིད་པའི་ལྷ་སྲིན་སྡེ་བརྒྱད་ནི༔ ཀུན་གྱི་སྤྱི་རྗེ་ཁྱབ་འཇུག་འོད་འཕྲོ་ཆེ༔ བཞེངས་ཤིག་བཞེངས་ཤིག་མི་མངོན་དབྱིངས་ནས་བཞེངས༔ སྐྱོད་ཅིག་སྐྱོད་ཅིག་ཁྲག་མཚོའི་ཀློང་ནས་བསྐྱོད༔ བསྐུལ་ལོ་བསྐུལ་ལོ་ལས་ལ་ད་བསྐུལ་ལོ༔ མཛོད་ཅིག་མཛོད་ཅིག་དྲག་པོའི་ལས་འདི་མཛོད༔ བསྐུལ་ལོ་རྦད་དོ་གཟའ་བདུད་རཱ་ཧུ་ལ༔ དྲང་སྲོང་སྐུ་ལས་འོད་ཕུང་ཁྱུགས་སེ་ཁྱུག༔ གཟའ་ཆེན་བརྒྱད་པོ་ལས་ལ་ཤ་ར་ར༔ གདོང་མོ་རྣམ་བཞི་ལས་ལ་ཁེངས་སེ་ཁེང༔ ལྷ་སྲིན་སྡེ་བརྒྱད་ལས་ལ་ཡ་ལ་ལ༔ རྒྱུ་སྐར་ཉེར་བརྒྱད་ཚོགས་ནི་དཔུངས་སེ་དཔུང༔ གཏེར་སྲུང་ལྷ་བཙན་དམག་ཚོགས་ཤིགས་སེ་ཤིག༔ འུར་འུར་ཆེམ་ཆེམ་དགྲ་བགེགས་སྟེང་དུ་ཆས༔ ནད་མཚོན་དུག་གི་རླངས་པ་ཐུ་ལུ་ལུ༔ མི་བཟོད་དྲག་པོའི་ཐུན་རྫས་ཐོ་རོ་རོ༔ མེ་རླུང་འཚུབ་མའི་འུར་སྒྲ་འུ་རུ་རུ༔ གཡས་གཅུས་ཡོ་ལང་ཐན་ལྟས་ཡབས་སེ་ཡབ༔ ཕོ་རོག་སྟོང་སྒྲའི་ཆོ་ངེ་ཁྲོངས་སེ་ཁྲོང༔ ཐན་ལྟས་ཆོ་འཕྲུལ་མང་པོ་འཚུབས་སེ་འཚུབ༔ དགྲ་བོ་ཕོ་རྒྱུད་གྲི་རུ་ད་སོད་ཅིག༔ དགྲ་བོ་མོ་རྒྱུད་འགགས་གྲིར་ད་ཐོངས་ཤིག༔ དགྲ་བོའི་བུ་ཆུང་སྲི་ཟས་ད་གཏོད་ཅིག༔ དགྲ་བོའི་ཀ་ཆ་དཀོར་ནོར་དཔའ་ཟས་གྱིས༔ ཁང་ཁྱིམ་ར་བ་ལྷ་འདྲེའི་འདུག་ཁང་གྱིས༔ དགྲ་བོའི་མི་ནོར་མཐའ་རྩ་སྐྱེ་རྒྱུད་དང༔ ཁམས་དང་དབང་པོ་དོན་སྙིང་ནང་རོལ་བཅས༔ དྲང་སྲོང་ཁྱེད་ལ་བརྔན་པའི་ཟས་སུ་འབུལ༔ བཀའ་ཉན་དྲེགས་པའི་ཚོགས་ཀྱི་དཔའ་ཟས་འབུལ༔ ལྷག་མ་ཏིལ་འབྲུ་ཙམ་ཡང་མ་ལུས་པ༔ བཞེས་ཤིག་རོལ་ཅིག་སྟོབས་ཤིག་ས་མ་ཡཱ༔ གཏད་དོ་གཉེར་རོ་ཕྲིན་ལས་འགྲུབ་པར་མཛོད༔ ཕ་རོལ་བྱད་མ་ལྷ་སྲུང་སྡེ་དང་འབངས༔ གཏན་ནས་བརླག་པའི་མཐུ་བྱིན་མ་ཆུང་ཞིག༔ འབྱུང་བཞིའི་ཁམས་ལ་བྱད་གཏད་ད་ཁྲོལ་ཅིག༔ རྣལ་འབྱོར་བདག་དང་ལྟོས་བཅས་ཡོན་མཆོད་ཀུན༔ འབྱོར་དྲུག་རིང་དུ་སྤེལ་བའི་ཕྲིན་ལས་མཛོད༔ ཐུགས་དམ་དུས་ལ་བབ་པོ་ས་མ་ཡཱ༔ རྣལ་འབྱོར་བཅོལ་པའི་ལས་ཀུན་འགྲུབ་པར་མཛོད༔ ས་མ་ཡཱ༔ རྒྱ་རྒྱ་རྒྱ༔ མནྟྲ་གུ་ཧྱ༔ ཟབ་རྒྱ༔ གཏེར་རྒྱ༔ སྦས་རྒྱ༔ བཀའ་རྒྱ༔ གཉན་རྒྱ༔ གབ་རྒྱ༔ གཏད་རྒྱ༔ ཞེས་པའི་རྦད་སྔགས་བསད་སྔགས་བཟློག་སྔགས་འདོན༔ ཁྱད་པར་བཟློག་པ་ཨ་ཐུན་ནག་པོའི་བཟློག་སྔགས༔ ཨོཾ་ཏྲི་ལང་ཤ་རོ་སོགས་ཨུ་ཙ་ཏ་ཡ་ཕཊ༔ རང་གཞུང་གི་བྱད་འགྲོལ་སྔགས་དང་བཟློག་སྔགས་རྣམས་བརྒྱ་རྩ༔ འབྲིང་ཉེར་གཅིག་ལས་མི་ཉུང་བར་བཟླ་དགོས་གནད་ཆེའོ༔ ཐལ་མོ་བརྡབ༔ དུལ་མོ་བརྡབ༔ ར་ལྤགས་གཡང་གཞི་བརྡབ༔ དར་ནག་གཡབ༔ དམོད་བཅོལ་དྲག་ཏུ་བྱ༔ ཧཱུྃ༔ རང་སྣང་འཁྲུལ་པའི་སོགས༔ ཨ་ཨཱ༔ མི་དམིགས་པའི་རྒྱས་གདབ་པའོ༔ དེ་ལྟར་དྲང་སྲོང་ཆེན་པོ་འདིའི༔ བཞེངས་བསྐུལ་བརྒྱ་བྱིན་མཚོན་རྣོན་འདི༔ དམ་ལྡན་སྔགས་པས་གནད་བསྐུལ་ཚེ༔ ཡིད་ཆེས་རྟགས་མཚན་མངོན་སུམ་འོང༔ རྟགས་ནི་རབ་དངོས་ལྷ་ཞལ་མཇལ༔ མེ་སྟག་འཕྲོ་བ༔ དུད་སྤྲིན་བྱུང་བ༔ གཏོར་མ་ཞག་དུ་འཁྱིལ་བ༔ མེ་མཆེད་པ༔ རླུང་ཆེན་ལྡང་བ༔ ཕོ་རོག་གཤོག་སྒྲ་རྡེབ་པ༔ བྱ་རྒོད་ཁ་ལ་ཤ་གཏད་པ༔ བན་དྷེ་དང་སོག་པོའི་ཆས་སུ་སྤྲུལ་ནས་འོང་བ༔ དེ་རྣམས་འབྲིང་པོ་དང༔ ཐ་མའི་རྟགས་སོ༔ ཕ་རོལ་བྱད་ཁ་དཀྲོལ་བའི་རྟགས་ནི༔ གཏོར་ཟོར་འཕེན་པའི་ཕྱོགས་སུ་ནམ་མཁའ་ལ་སྤྲིན་ནག་འཁྲིགས་པ༔ འབྲུག་སྒྲ་དྲག་པོ་སྒྲོག་པ༔ གློག་འགྱུ་བ༔ ཐོག་འཕེན་པ༔ སེར་བ་དྲག་ཏུ་འབབ་པ༔ རླུང་འཚུབ་ཆེན་པོ་ལྡང་བ༔ ས་གཞི་ནས་རྡུལ་འཕྱུར་བ་སོགས་རྟགས་མང་དུ་འོང༔ མ་གྲོལ་ན་ཏིང་འཛིན་རང་ལ་སྡུག་པས་རང་ཉིད་ཡི་དམ་གྱི་བསྐྱེད་རིམ་དང་ལྡན་པས་གཟའི་བསྐུལ་བ་མང་དུ་འདོན༔ གཟའ་མངོན་རྒྱུགས་ཀྱི་སྔགས་མང་འདོན༔ སླར་ཐེབས་པའི་རྟགས་སུ་རང་ཕྱོགས་ལ་ཉི་མ་འཆར་བ༔ སྦྲང་ཆར་འབབ་པ༔ འཇའ་སྤྲིན་འཆར་བ་ལ་སོགས་ལེགས་པའི་ཡོན་ཏན་མང་དུ་འབྱུང༔ དེ་ལྟར་རྟགས་མཚན་མ་བྱུང་ན༔ པདྨའི་ཟབ་ཆོས་རྫུན་དུ་ཟད༔ ཡེ་ཤེས་ཌཱཀྐིའི་སྲོག་གི་ཁྲག༔ ཟབ་པའི་ཡང་ཟབ་མཐར་ཐུག་ཆོས༔ སྐལ་ལྡན་སྐྱེས་བུའི་དཔལ་དུ་བྱིན༔ མ་འོངས་སུམ་ཅུ་ཁ་རལ་དུས༔ ཨ་ཙར་སྤྲུལ་པ་ཕན་པའི་མིང༔ རིག་འཛིན་དེ་ཡིས་གཏེར་ནས་འདོན༔ རྗེས་བཟུང་སྐྱེས་བུས་ཡིག་རིས་བཀོད༔ བསྟན་དང་འགྲོ་བའི་ལྕགས་རིར་འགྱུར༔ ལྷ་བཙན་ཆེན་པོས་བྱ་ར་མཛོད༔ དམ་མེད་ལག་ཏུ་མ་ཤོར་ཅིག༔ དམ་ལྡན་སྐྱེས་བུའི་མཚོན་ཆར་ཤོག༔ ཅེས་ཨོ་རྒྱན་ཆེན་པོའི་གསང་བ་གསུམ་དང་དབྱེར་མེད་པའི་རིག་འཛིན་འགྲོ་འདུལ་བསམ་གཏན་ཡེ་ཤེས་གླིང་པའི་ཟབ་ཆོས་ཀྱི་བརྒྱུད་འཛིན་མཐོན་མཐིང་རལ་བའི་གླེག་བམ་ཅན་ལ་ཟུར་ཟ་ཕྲག་དོག་མཐོ་མནོན་བྱེད་མཁན་དང་བསྟན་པ་དང་སེམས་ཅན་ལ་གནོད་པའི་དགྲ་བགེགས་བྱད་མ་སྡེ་དང་བཅས་པའི་སྲོག་གི་གཤེད་མར་འགྱུར་པའི་རྒྱུར་གྱུར་ཅིག་གུ༔ ཞེས་པའང་སྐྱབས་རྗེ་རིན་པོ་ཆེའི་བརྒྱུད་འཛིན་གསང་བ་སྔགས་ཀྱི་རྣལ་འབྱོར་པ་ཧེ་རུ་ཀ་དཔལ་གྱི་ཆས་འཆང་ལུང་རྟོགས་བསྟན་འཛིན་གྱིས་དྲང་སྲོང་ཆེན་པོའི་བཞེངས་བསྐུལ་འདི་འདྲ་ཞིག་དགོས་ཞེས་བཀས་སྐུལ་ངོར་མི་ལྡོག་ཙམ་དུ་ཁོ་བོ་ཀློང་ཆེན་འོད་གསལ་རྡོ་རྗེས་ཏཱ་རེ་མི་འགྱུར་དགའ་ཚལ་མདོ་སྔགས་བཤད་སྒྲུབ་གླིང་གི་ཆོས་གྲྭ་ནས་རིག་པ་མཉམ་གཞག་གི་སྒྲོམ་ནས་ཇི་བཞིན་སྤེལ་བས་དུས་གསུམ་དུ་དགེ་ཞིང་བཀྲ་ཤིས་པར་གྱུར་ཅིག༔ ཤུ་བྷཾ༔ དགྲ་རྐུན་མགོ་འཁོར་གདམས་པ།དྲང་སྲོང་ཆེན་པོའི་ལས་ཚོགས་ཀྱི༔ མན་ངག་གཏེར་གྱི་བུམ་པ་ལས༔ དགྲ་རྐུན་མགོ་འཁོར་གདམས་པ་སྟོན༔ སློབ་དཔོན་ཁྲག་འཐུང་ནག་པོ་ལ༔ གུས་པས་འདུད་དོ་ཤིས་པ་སྩོལ༔ དགྲ་བོའི་རྗེས་ལ་ཟག་རྫས་དང༔ བག་ཕྱེའི་གཏོར་མ་མཁྱུད་གང་གཅིག༔ ར་ཁྲག་གིས་བྱུག་རང་འཐག་གི༔ མིག་ཏུ་བཞག་ལ་སྔགས་འདི་བགྲང༔ ཞེ་རེ་ཝ་ཏི་ཛ༔ ཞེ་རེ་ཝ་ཏི་ཛ༔ ར་ཛ་མུན་ཐིབ་ཐིབ༔ ཨོཾ་ཙི་པི་ཙི་པི་ཙི་པི་དུ་ནན༔ ཙི་པི་དུ་ནན༔ ཆག་ཆག༔ ཆིངས་ཆིངས༔ རྨུག་རྨུག༔ ཐིབ་ཐིབ༔ དགྲ་བོ་འདི་ཞེས་བྱ་བ་ལ་མགོ་སྐོར་ཅིག༔ དབང་པོ་སྐྱེ་མཆེད་རྣམ་ཤེས་ཚོགས་བརྒྱད་མགོ་སྐོར་ཅིག༔ ལམ་ལོག་ཕྱི་རྗེས་སྙོགས་ཤིག༔ དྲང་སྲོང་ཆེན་པོའི་གྲིབ་ཀྱིས་སྒྲིབས་ཤིག༔ ཁ་འཐུམ་ལྐུགས་རིང་ཐོངས་ཤིག༔ རྦད་ཛ་ཁུག་ཛ༔ མཱ་ར་ཡ་ཛ༔ ཞེས་བཟླས་ཤིང་ཕྱོགས་བཞི་མཚམས་བརྒྱད་ཀུན་ནས་མུན་པ་ནག་པོ་འཐིབ་ནས་གར་ཡང་འགྲོ་ས་མེད་པར་བསྒོམས་ཤིང༔ དྲང་སྲོང་བསྐུལ་བ་གྲངས་སུ་འདོན་ཅིང་དམར་གཏོར་རེ་འཕངས༔ གཏོར་མ་རང་འཐག་གི་སྟེང་དུ་བཞག་ལ་ཕྱི་ལོགས་སུ་བསྐོར༔ སྔགས་འདི་སྟོང་ངམ་བརྒྱ་ལས་མི་དམའ་བར་བཏོན་ན་ཐེ་ཚོམ་མེད༔ དོན་རྣམས་འགྲུབ་ཚེ་རང་འཐག་ཆུས་བཀྲུ༔ གཏོར་མ་མེ་ལ་བསྲེགས༔ དྲང་སྲོང་ཆེན་པོའི་གསོལ་མཆོད་ལ་བརྩོན་པར་བྱའོ༔ ས་མ་ཡཱ༔ རྒྱ་རྒྱ་རྒྱ༔ རྒྱ་གར་གྱི་སློབ་དཔོན་ཁྲག་འཐུང་ཧ་ར་ནག་པོའི་ངན་སྔགས་བྱད་མ་འབུམ་བསྡིགས་དང་མན་ངག་གཏེར་གྱི་བུམ་པར་དགོངས་ཀློང་ལས་མ་དང་ཌཱཀྐིའི་བརྡ་ལས་བྱུང་བས་དགེ་ཞིང་བཀྲ་ཤིས་པར་གྱུར་ཅིག༔ མངྒ་ལཾ༔ དྲང་སྲོང་ཁྱབ་འཇུག་ཆེན་པོའི་བྱད་གཏད་འགྲོལ་བའི་མན་ངག་གནམ་ལྕགས་སྤུ་གྲིའི་འཁོར་ལོ།ཡང་གསང་ཌཱཀྐིའི་ཐུགས་ཐིག་གི་ཆ་ལག་ཟུར་འགེབས་མི་ཟད་རྒྱན་འཁོར་ལས༔ དྲང་སྲོང་ཁྱབ་འཇུག་ཆེན་པོའི་བྱད་གཏད་འགྲོལ་བའི་མན་ངག་གནམ་ལྕགས་སྤུ་གྲིའི་འཁོར་ལོ་བཞུགས༔ ཡང་གསང་ཌཱཀྐིའི་ཐུགས་ཐིག་གི༔ ཟུར་འགེབས་མི་ཟད་རྒྱན་འཁོར་ལས༔ དྲང་སྲོང་ཁྱབ་འཇུག་ཆེན་པོ་ཡི༔ བྱད་གཏད་འགྲོལ་བའི་གདམས་པ་སྟོན༔ བཛྲ་པ་ཎི་ལ་ཕྱག་འཚལ་ལོ༔ གཏད་མནན་འགྲོལ་བའི་བཅའ་ཤོམ་ནི༔ མདུན་དུ་མ་ཊཾ་ལྟོ་བ་ལ༔ དཀྱིལ་འཁོར་ལིང་ཚེ་དགུ་བ་ཡི༔ དབུས་སུ་དྲང་སྲོང་ཁྱབ་འཇུག་དགོད༔ ཤར་ནས་རིམ་བཞིན་པ་ཝ་སངས༔ གཟའ་ཆེན་བརྒྱད་དགོད་དེའི་ཕྱིར་དུ༔ ཕྱོགས་བཞི་གདོང་མོ་བཞི་གཟུགས་དགོད༔ དེ་ཕྱིར་མགྲོན་ཐབས་ལྷ་གྲངས་ལ༔ དམར་གཏོར་གཡས་གཅུས་འཐེབ་ཀྱུ་ནི༔ གྲངས་སུ་བསགས་པ་མན་ངག་ཡིན༔ གཡས་སུ་སྦལ་མགོ་ཁྲག་མིག་དང༔ གཡོན་དུ་རཀྴ་ཛྭ་ལ་ཡི༔ གཟུགས་དགོད་ཕྱོགས་མཚམས་ནམ་མཁའ་ནི༔ རང་གི་ཐུགས་རྟེན་ཕྱག་མཚན་བྲན༔ ཁང་བཟང་སྤྱི་དང་མཐུན་པ་ལ༔ ཕྱི་རིམ་རྩང་བྲན་སྟེང་དུ་ནི༔ གདུགས་ཆེན་རྩིབས་མ་བཅུ་དྲུག་དང༔ ཁྱུང་ཚང་དཔལ་བེ་ཙིཏྟ་ཐུགས༔ ཡེ་ཤེས་ལྔ་ལྡན་མཁའ་ཀློང་དགོད༔ རྣམ་ལྔའི་མཆོད་པ་བསྐང་བའི་རྫས༔ མ་ཚང་མེད་པར་འདུ་བྱས་ལ༔ རྣལ་འབྱོར་བདེ་བའི་གདན་ལ་ནི༔ ལེགས་བསྡད་ཕན་པའི་སེམས་མཆོག་བསྐྱེད༔ གསང་བདག་ལྷ་ཡི་ང་རྒྱལ་བསྐྱེད༔ དྲང་སྲོང་ཆོ་ག་ལས་གཞུང་བསྲང༔ བསྙེན་སྒྲུབ་ལས་གསུམ་ཚད་དུ་སྐྱོལ༔ དེ་ནས་དམིགས་པའི་ལྡེ་ཁ་ནི༔ རང་ཉིད་གསང་བའི་བདག་པོའི་སྐུར་གསལ་ཞིང་ཐུགས་ཀའི་ས་བོན་ལས་འོད་ཟེར་འཕྲོ་འདུས་དོན་གཉིས་བྱས༔ འཁོར་འདས་ལམ་གསུམ་གྱི་མཐུ་ནུས་སྟོབས་རྩལ་བདག་ལ་འདུས་པར་བསམ༔ ཨོཾ་བཛྲ་པཱ་ཎི་ཙནྜ་མ་ཧཱ་རོ་ཥ་ཎ་ཁྲོཾ་བཛྲ་ག་རུ་ཌ་ཧཱུྃ་ཕཊ༔ ཅི་ལྟར་ནུས་པ་དེ་བཞིན་བཟླ༔ དེ་ནས་མདུན་གྱི་རྟེན་གཞི་བསྐྱེད་པ་ནི༔ ཨོཾ་སྭ་བྷ་ཝ་སོགས༔ མདུན་གྱི་བཅས་རྣམས་མི་དམིགས་པ་སྟོང་པ་ཉིད་དུ་གྱུར༔ སྟོང་པའི་ངང་ལས་འབྱུང་བ་རིམ་བརྩེགས་རི་གླིང་འཁོར་ཡུག་ལྗོན་ཤིང་ཆུ་མཚོས་བརྒྱན་པ༔ རྟེན་གཞི་མི་མགོའི་སྐུ་མཁར་མེ་དཔུང་ཁྲག་མཚོའི་དབུས་སུ་ཆུ་སྲིན་མི་བཟད་རྔམ་པ་རབ་ཏུ་ཁྲོས་པའི་སྟེང་དུ༔ སྲིད་གསུམ་ལྟོ་ལ་བྲུབ་པའི་ཀླུ་སྲིན་དྲེགས་པའི་ཁྱུ་མཆོག་དྲང་སྲོང་ཁྱབ་འཇུག་སྨུག་ནག་འོད་འཕྲོ་དབུ་དགུ་བྱ་རོག་སྟོང་སྒྲ་སྒྲོག་པའི་མགོ་བོ་མགུལ་བ་ཡན་ཆད་ཐོན་པ༔ སྐུ་སྟོད་ལྷ་ཡི་ལུས་པོ་སྤྲིན་དམར་དུད་རླུང་དང་གཡང་གཞི་ལྡིང་སྟབས་སུ་གྱོན་པ༔ སྐུ་སྨད་སྦྲུལ་མཇུག་སྔོ་ཁྲ་ཆུ་སྲིན་གྱི་སྤོ་ལ་གཡས་འཁྱིལ་དུ་བཞུགས་པ༔ ཕྱག་བཞིའི་དང་པོ་གཉིས་མདའ་གཞུ་འགེང་ཞིང་ཐ་མ་གཉིས་རལ་གྲི་དང་ཆུ་སྲིན་གྱི་རྒྱལ་མཚན་འཕྱར་བ༔ འགལ་བྱེད་བྱད་མ་ཆམ་ལ་དབབ་ཅིང་བདག་དང་བསྲུང་བྱ་སྡེ་བརྒྱད་ལ་ད་སྔོན་གཏད་པའི་ཁྲམ་བཀྲོལ་ཞིང་མནན་གཏད་བཀྲོལ་བའི་ལས་ལ་དཔའ་བ་ཞིག་ཏུ་གྱུར་པར་བསྒོམ༔ དེའི་འཁོར་དུ་ཤར་དུ་པ་ཝ་སངས་ནི་སྐུ་མདོག་ནག་ལ་སྨུག་པ་ཞབས་གཉིས་བཾ་གྱི་སྟེང་ན་བརྗིད་ཅིང་ཞལ་གདངས་སྤྱན་བསྒྲད་མཆེ་བའི་མྱུ་གུ་གཙིགས་ཤིང་རལ་བ་དམར་སེར་མེ་སྟག་གྱེན་ཏུ་འཕྲོ་བ་ལག་གཉིས་དབྱུག་པ་བགྲང་ཕྲེང་ཐོག་པ་ཤར་ཕྱོགས་ཀྱི་ལྷ་སྲིན་སྡེ་བརྒྱད་ལ་བྱད་གཏད་བྱེད་པ་དཀྲོལ་བའི་ལས་ལ་ཆས་པར་བསྒོམ༔ ལྷོ་རུ་དྲང་སྲོང་ཕུར་བུ་སྐུ་མདོག་ལྗང་སྔོན་ཞབས་གཉིས་སེང་ལྕམ་དཀར་མོའི་སྟེང་ན་འགྱིང་བ༔ ཞལ་གྱིས་ཨམ་གཙིགས་བསྡམ་པ༔ སྨ་ར་དང་སྨིན་མ་མེ་ལྟར་འབར་བ༔ ལག་གཉིས་རལ་གྲི་པོ་ཏི་བསྣམས་པ་ལྷོ་ཕྱོགས་ཀྱི་ལྷ་སྲིན་སྡེ་བརྒྱད་ལ་བྱད་གཏད་བྱེད་པ་དཀྲོལ་བའི་ལས་ལ་ཆས་པར་བསྒོམ༔ ནུབ་ཏུ་དྲང་སྲོང་དམག་དཔོན་ཆེན་པོ་སྐུ་མདོག་དམར་པོ་ཞལ་གྱིས་ཨམ་གཙིགས་བསྡམ་པའི་གྲྭ་ནས་ཁྲག་འཛག་པ༔ སྤྱན་གསུམ་དམར་ལ་འཁྲུག་པ་དབུ་སྐྲ་ཁྲག་ཞག་འཁྱུག་པ༔ ཞབས་མ་ཧེ་ཁམ་པའི་སྟེང་དུ་ཕྱེད་སྐྱིལ་གྱིས་བཞུགས་པ༔ ཕྱག་གཉིས་བཙན་མདུང་ཞགས་པ་བསྣམས་པ་ནུབ་ཕྱོགས་ཀྱི་ལྷ་སྲིན་སྡེ་བརྒྱད་ལ་བྱད་གཏད་བྱེད་པ་དཀྲོལ་བའི་ལས་ལ་ཆས་པར་བསྒོམ༔ བྱང་དུ་དྲང་སྲོང་སྤེན་པ་སྐུ་མདོག་སེར་ནག་ཞལ་གྱིས་རྐན་སྒྲ་ཐག་ཐག་རྡེབ་པ་དམ་ཉམས་པའི་དགྲ་ལ་ནད་ཀྱི་ཁ་ཕྲུ་འདེབས་པ༔ སྤྱན་གསུམ་གྱིས་དུས་གསུམ་ས་ལེར་གཟིགས་པ༔ ཞབས་གཉིས་རླུང་ནག་འཚུབས་མའི་སྟེང་ན་གར་སྟབས་ཀྱིས་བཞུགས་པ༔ ཕྱག་གཉིས་ཁྲམ་ཤིང་དང་རྒྱུ་ཞགས་འཛིན་པ༔ བྱང་ཕྱོགས་ཀྱི་ལྷ་སྲིན་སྡེ་བརྒྱད་ལ་བྱད་གཏད་བྱེད་པ་དཀྲོལ་བའི་ལས་ལ་ཆས་པར་བསྒོམ༔ ཤར་ལྷོར་དྲང་སྲོང་ཉི་མ་སྐུ་མདོག་དམར་སེར་ཞལ་ཁྲོ་འཛུམ་རྔམ་པའི་བདག་ཉིད་སྐུ་ལས་མེ་འོད་གཟའ་སྐར་འཕྲོ་བ༔ རླུང་ནག་འཚུབས་མའི་ནང་ན་རླུང་ལྷའི་རྟ་ལ་ཞོན་ཅིང་ཕྱག་གཉིས་མདུང་དར་དང་ལྗོན་ཤིང་བསྣམས་ནས་ས་ལ་གཏད་པའི་གཏད་པ་དཀྲོལ་བའི་ལས་ལ་ཆས་པར་བསྒོམ༔ ལྷོ་ནུབ་ཏུ་དྲང་སྲོང་ཟླ་བ་རླུང་ནག་སྐུ་མདོག་དུད་ཁ་ཁྲོ་གཉེར་གསུམ་ལྡན་སྦྲུལ་གྱི་ཆུན་འཕྱང་སྣ་ཚོགས་མཛེས་པ་པུཥྤའི་གཙུག་ཏོར་ཅན༔ ཟླ་བ་སེར་པོའི་རྟ་ལ་བཅིབས་ཤིང༔ ཕྱག་གཉིས་སྨན་འབྲུ་མེ་སྒྲོན་བསྣམས་པ་ཆུ་ལ་གཏད་པའི་མནན་པ་དཀྲོལ་བའི་ལས་ལ་ཆས་པར་བསྒོམ༔ ནུབ་བྱང་མཚམས་ཀྱི་དྲང་སྲོང་ལྷག་པ་མིག་སྨན་མདོག་ཅན་ཟུར་ཞལ་གཡོན་གཟིགས་དབུ་སྐྲ་སྦྲུལ་གྱི་ཆུན་པོས་བརྒྱན་ཅིང་ཞབས་གཉིས་དུག་སྦྲུལ་རེ་འབྱམས་ཆེན་པོའི་སྒང་ལ་རེག་པ་མེ་ཆུ་རླུང་དང་དུག་ཆར་འབེབས་པ༔ ཕྱག་གཉིས་ཕུར་བུ་གཏུན་ཤིང་བསྣམས་པ་མེ་ལ་སྦྱིན་སྲེག་བྱེད་པའི་གཏད་པ་དཀྲོལ་བའི་ལས་ལ་ཆས་པར་བསྒོམ༔ བྱང་ཤར་མཚམས་སུ་དྲང་སྲོང་ཆེན་པོ་སྒྲ་གཅན་འཛིན་སྐུ་མདོག་དུད་ཁ་ཞལ་ནས་དུག་གི་རླངས་པ་འཕྱུར་བ༔ ཕྱག་གཉིས་རྭ་ཡི་མདའ་གཞུ་འགེང་བ༔ མི་ལྤགས་ཀྱི་གཡང་གཞི་ལྡིང་ཐབས་སུ་གྱོན་པ་དུག་མེ་དམར་ནག་ཕྱུ་རུ་རུ་འབར་བ་ཞབས་གར་སྟབས་གློག་འོད་ཆིབས་ཤིང་རླུང་ལ་འཁོར་ལོ་བསྐོར་བའི་གཏད་པ་དཀྲོལ་བའི་ལས་ལ་ཆས་པར་བསྒོམ༔ ཕྱོགས་བཞིར་གདོང་མོ་མཆེད་བཞི་རྒྱུ་སྐར་ཉེར་བརྒྱད༔ གཡས་སུ་ཀླུ་བདུད་སྦལ་མགོ་ཁྲག་མིག་སྐུ་སྟོད་དུད་འགྲོའི་གཟུགས་ལ་སྐུ་སྨད་དུག་སྦྲུལ་ནག་པོ༔ ལག་ན་རྭ་ཡི་མདའ་གཞུ་འགེང་བ་ཞིང་བཅུའི་གཤེད་མ༔ ཉམས་པ་ཅན་རྡུལ་དུ་བརླག་པ་མ་ཧཱ་རུས་སྦལ་གྱི་སྟེང་དུ་སྦྲུལ་མཇུག་གཡོན་དུ་འཁྱིལ་བ་ས་བདག་ཀླུ་གཉན་དང་ཀླུ་བརྒྱད་ལ་གཏད་པའི་བྱད་གཏད་དཀྲོལ་བའི་ལས་ལ་རྔམ་པ་གཅིག་བསྐྱེད༔ གཡོན་དུ་སྲིན་པོ་རཀྴ་ཛྭ་ལ་མི་སྲུན་རག་གདོང་གཏུམ་པ་ལུས་ལ་ནད་རིམས་མཛེ་གྲུམ་འཕྲོ་བ་ཞལ་གདངས་མཆེ་གཙིགས་སྤྱན་བསྒྲད་རལ་པའི་གསེབ་ན་མེ་སྟག་ཚ་ཚྭ་འཕྲོ་བ་ཞབས་གཉིས་དམ་སྲི་ཕོ་མོའི་སྟེང་ན་སྒེག་པ་འཇིགས་སུ་རུང་བ༔ ཕྱག་གཉིས་ཐུན་དང་ནད་རྐྱལ་བསྣམས་པ་གཟའ་དང་རྒྱུ་སྐར་ལ་གཏད་པའི་བྱད་གཏད་དཀྲོལ་བའི་ལས་ལ་ཆས་པ་གཅིག་བསྐྱེད༔ དེ་ལྟར་གསལ་བའི་དྲང་སྲོང་ཁྱབ་འཇུག་ཆེན་པོའི་ཐུགས་ཀ་ནས་ཀྵ་སྨུག་ནག་མེ་ཡི་རང་བཞིན་ཚ་ངར་དང་ལྡན་པ་རྩ་བའི་སྔགས་ཀྱིས་བསྐོར་བ་བདག་གི་ཐུགས་ཀ་ནས་འོད་ཟེར་སྤྲིན་གྱི་ལྕུག་མ་ལྟར་འཕྲོས་པས་མདུན་བསྐྱེད་ལ་ཕོག༔ དེའི་ཐུགས་ཀ་ནས་འོད་ཟེར་ཚ་ལ་མྱུར་བ་ལྕགས་ཀྱུ་ལྟར་འཕྲོས་པས་ཕྱོགས་བཅུའི་རྒྱལ་བའི་ཐུགས་རྒྱུད་བསྐུལ༔ མཐུ་སྟོབས་ནུས་པའི་དཔུང་བསྐྱེད་མཐུ་ནུས་བྱིན་རླབས་ཐམས་ཅད་བདག་ལ་ཐིམ༔ དྲེགས་པ་ཅན་རྣམས་ལ་ཕོག་པས་བདག་དང་བསྲུང་བྱའི་ལུས་ངག་ཡིད་གསུམ་བན་བོན་སྔགས་པས་བྱད་དུ་བཅུག་པ་དང་བཅིངས་པ་དང་སྡེ་བརྒྱད་ལ་གཏད་པ༔ ནུས་པ་བཤིགས་པ་ཐམས་ཅད་ཡོངས་སུ་འགྲོལ་བའི་ལས་ལ་ཆས་པར་བསྒོམ་ལ་གཏད་སྤྲུག་པར་བསམ༔ ཨོཾ་བཛྲ་པཱ་ཎི་ཙནྜ་མ་ཧཱ་རོ་ཥ་ཎ་ཧཱུྃ་ཧཱུྃ་ཕཊ༔ ཧྲཱིཿཤག་རུ་རག་རཾ་ནཱ་ག་ཙིཏྟ་ཏྲཾ་མ་མ་ཡོམ་ཟ་འགྲམ་ཧ་ཧ་ག་ཤ་ལ་ཛ་ཛ༔ ཡི་དམ་རྩ་བའི་སྔགས་གཤམ་དུ་དྲང་སྲོང་ཆེན་པོའི་སྔགས་རྣམས་གདགས༔ ལྷ་ལ་གཏད་པ་ཁྲོལ་ཁྲོལ༔ གཤིན་རྗེ་ལ་གཏད་པ་ཁྲོལ་ཁྲོལ༔ མ་མོ་ལ་གཏད་པ་ཁྲོལ་ཁྲོལ༔ བདུད་ལ་གཏད་པ་ཁྲོལ་ཁྲོལ༔ གཟའ་ལ་གཏད་པ་ཁྲོལ་ཁྲོལ༔ བཙན་ལ་གཏད་པ་ཁྲོལ་ཁྲོལ༔ རྒྱལ་པོ་ལ་གཏད་པ་ཁྲོལ་ཁྲོལ༔ ཀླུ་རྒྱལ་རིགས་ལ་གཏད་པ་ཁྲོལ་ཁྲོལ༔ ཀླུ་རྗེ་རིགས་ལ་གཏད་པ་ཁྲོལ་ཁྲོལ༔ ཀླུ་བྲམ་ཟེའི་རིགས་ལ་གཏད་པ་ཁྲོལ་ཁྲོལ༔ ཀླུ་དམངས་རིགས་ལ་གཏད་པ་ཁྲོལ་ཁྲོལ༔ ཀླུ་གདོལ་བའི་རིགས་ལ་གཏད་པ་ཁྲོལ་ཁྲོལ༔ ཀླུ་མོ་དུང་སྐྱོང་ལ་གཏད་པ་ཁྲོལ་ཁྲོལ༔ ཀླུ་མོ་འོད་ལྡན་ལ་གཏད་པ་ཁྲོལ་ཁྲོལ༔ ཀླུ་མོ་མཛེས་བྱེད་ལ་གཏད་པ་ཁྲོལ་ཁྲོལ༔ ཀླུ་མོ་ནོར་འཛིན་ལ་གཏད་པ་ཁྲོལ་ཁྲོལ༔ ཀླུ་མོ་འཆིང་སྡོམ་མྱོས་པའི་རིགས་ལ་གཏད་པ་ཁྲོལ་ཁྲོལ༔ ཀླུ་འཛིན་པ་ལ་གཏད་པ་ཁྲོལ་ཁྲོལ༔ ཀླུ་གྱོང་པོ་ལ་གཏད་པ་ཁྲོལ་ཁྲོལ༔ ཀླུ་ཞ་བོ་དང་འཕྱེ་བོ་ལ་གཏད་པ་ཁྲོལ་ཁྲོལ༔ ཀླུ་གླེན་པ་སྦུར་ལ་གཏད་པ་ཁྲོལ་ཁྲོལ༔ ཀླུ་འཆི་བདག་ནག་པོ་རྙབ་པ་ལག་རིང་ལ་གཏད་པ་ཁྲོལ་ཁྲོལ༔ ལྷ་ཀླུ་ས་བདག་འབྱུང་པོའི་ལག་ཏུ་གཏད་པ་ཁྲོལ་ཅིག༔ ཕྱེས་ཤིག་སྐྱོབས་ཤིག་སྭཱ་ཧཱ༔ ཞེས་ནུས་པ་མ་ཐོན་བར་དུ་བཟླའོ༔ ཡང་ན་བདག་མདུན་རྩ་སྔགས་གཤམ་དུ༔ བན་བོན་སྔགས་པའི་བསམ་སྦྱོར་ངན་པས་ལྷ་སྲིན་སྡེ་བརྒྱད་ལ་མནན་གཏད་བགྱིས་པ་ཕྱེས་ཕྱེས་ཁྲོལ་ཁྲོལ༔ ཆུ་མིག་མགོ་དགུའི་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ ཆུ་མིག་ལུ་མའི་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ གདོལ་བའི་མཚོ་དང་ཆུ་མིག་ལ་གཏད་པ་ཕྱེས་ཕྱེས་ཁྲོལ་ཁྲོལ༔ ས་གཉན་གདོང་སྣའི་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ བྲག་གཉན་སྲོག་ཆགས་གཟུགས་ཀྱི་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ ཤིང་གཉན་ལྷ་འདྲེའི་འདུས་རྫོང་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ མེ་གཉན་སྲེག་པའི་ཟོར་ལ་གཏད་པ་ཕྱེས་ཕྱེས་ཁྲོལ་ཁྲོལ༔ རླུང་གཉན་བསྐོར་བའི་གསེབ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ ལབ་རྩེ་གོང་གི་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ རྒྱ་མཚོ་དུག་རིགས་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ མཆོད་རྟེན་བྱིན་ཆེན་རྩ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ མཁར་རམ་མཆོད་རྟེན་ནག་པོ་མགོ་ཐུར་བསྟན་ཅ་ཏི་ནག་པོའི་ཞབས་སུ་གཏད་པ་ཕྱེས་ཕྱེས་ཁྲོལ་ཁྲོལ༔ སྔགས་པའི་ཐུན་གཏོར་གདོང་ལ་གཏད་པ་ཕྱེས་ཕྱེས་ཁྲོལ་ཁྲོལ༔ འབྲུ་དྲུག་སྔགས་ཀྱི་མདུན་དུ་སྒྲུབ་པ་ཕྱེས་ཕྱེས་ཁྲོལ་ཁྲོལ༔ ཏིང་འཛིན་དགོངས་པའི་གཟེར་གྱིས་བཅིངས་པ་ཕྱེས་ཕྱེས་ཁྲོལ་ཁྲོལ༔ མི་སྲུན་གདུག་པའི་དབལ་གྱིས་གཟིར་བ་ཕྱེས་ཕྱེས་ཁྲོལ་ཁྲོལ༔ བྱད་གཏད་མནན་པའི་ལས་ཀ་ཕྱེས་ཕྱེས་ཁྲོལ་ཁྲོལ་སྭཱ་ཧཱ༔ ཡང་ན་འདི་བཞིན་བཟླས༔ ལྷ་ཡིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ ཀླུ་ཡིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ གཤིན་རྗེས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ གཟའ་ཡིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ བཙན་གྱིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ བདུད་ཀྱིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ རྒྱལ་པོས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ ཐེ་བྲང་གིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ དབང་ཕྱུག་ཡབ་ཡུམ་གྱིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ ཕྲ་མེན་རིགས་བཞིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ མུ་སྟེགས་ངན་སྔགས་མཁན་གྱིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ ནང་པ་སངས་རྒྱས་པས་སྤར་བུ་བསྐོར་བའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ ཞང་ཞུང་བོན་པོས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ རྒྱ་གར་ཨ་ཙ་ར་ཡིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ ཁྲི་འཕོས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ དམ་ལང་དགྲ་བགེགས་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ བིར་ཡ་དགྲ་བགེགས་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ མི་དང་མི་མ་ཡིན་པའི་དགྲ་བགེགས་བྱད་མ་རྦོད་གཏོང་ཁྲོལ་ཅིག་བཟློགབྷྱོ་ཕཊ༔ བྱད་ཐམས་ཅད་ཕྱེ་ཕྱེ༔ གཏད་ཐམས་ཅད་ཕྱུང་ཕྱུང༔ བཅིངས་པ་ཐམས་ཅད་ཁྲོལ་ཁྲོལ༔ དེ་ནས་དེ་རྗེས་མན་ངག་བྱད་འགྲོལ་ཡང་སྙིང་ཟབ་མོ་ཅི་ནུས་གདོན་པ་མན་ངག་ཟབ་བོ༔ ས་མ་ཡཱ༔ རྒྱ་རྒྱ་རྒྱ༔ དྲང་སྲོང་ཁྱབ་འཇུག་ཆེན་པོ་ཡི༔ ཐུགས་དམ་གནད་ནས་རབ་བསྐུལ་ཏེ༔ བྱད་གཏད་དཀྲོལ་ལ་བསྔགས་པར་འོས༔ བདག་ཉིད་ལྟ་བའི་ཏིང་ངེ་འཛིན་༔ གསལ་བརྟན་ཟབ་མོའི་བསྐྱེད་རིམ་གྱིས༔ རྔ་བརྡུང་མི་རྐང་གླིང་བུ་འབུད༔ སྤོས་དཀར་ར་ཚིལ་དུད་པ་བདུག༔ འཇིགས་རུང་རྔམ་པས་འདི་བཞིན་གྱེར༔ རྫས་རྣམས་སྔགས་དྲུག་ཕྱག་དྲུག་གིས་བརླབས༔ ཧཱུྃ་བྷྱོ་ཛཿ རང་བྱུང་རིག་པ་ཆོས་ཀྱི་དབྱིངས༔ རྟེན་ཅིང་འབྲེལ་འབྱུང་སྒྱུ་འཕྲུལ་ལས༔ འཇིགས་རུང་དུར་ཁྲོད་རབ་བརྗིད་རྔམ༔ དེ་དབུས་ཁྲག་མཚོ་རུ་ཏི་བཾ༔ ཀྵཿལས་ཁྱབ་འཇུག་འོད་འཕྲོ་ཆེ༔ འཁོར་དང་ཡང་སྤྲུལ་གསལ་བར་བསྐྱེད༔ ཀྵཿརཀྴ་ར་ཧུ་ལ་པྲ་མ་ཎ་ས་པཱ་རི་ཝ་ར་བཛྲ་ས་མ་ཡཱ་ཛ་ཛ༔ ཧཱུྃ་བྷྱོ་ཛ༔ ཀྱཻ༔ སྟོང་གསུམ་སྟོང་གི་འཇིག་རྟེན་ན༔ དབུས་ཕྱོགས་སྟོང་གི་འཇིག་རྟེན་ན༔ ཐོད་མཁར་འཇིགས་རུང་དུར་ཁྲོད་དབུས༔ དྲང་སྲོང་ཁྱབ་འཇུག་གནས་འདིར་གཤེགས༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ༔ སྟོང་གསུམ་སྟོང་གི་འཇིག་རྟེན་ན༔ ཤར་ཕྱོགས་སྟོང་གི་འཇིག་རྟེན་ན༔ རང་བྱུང་དཀྱིལ་འཁོར་ཤར་དབུས་སུ༔ དྲང་སྲོང་ཆེན་པོ་པ་ཝ་སངས༔ ལྷ་སྲིན་སྡེ་བརྒྱད་དཔུང་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛ༔ ཀྱཻ༔ སྟོང་གསུམ་སྟོང་གི་འཇིག་རྟེན་ན༔ ལྷོ་ཕྱོགས་སྟོང་གི་འཇིག་རྟེན་ན༔ རང་བྱུང་དཀྱིལ་འཁོར་ལྷོ་དབུས་སུ༔ དྲང་སྲོང་ཆེན་པོ་ཕུར་བུ་པ༔ ལྷ་སྲིན་སྡེ་བརྒྱད་དཔུང་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ སྟོང་གསུམ་སྟོང་གི་འཇིག་རྟེན་ན༔ ནུབ་ཕྱོགས་སྟོང་གི་འཇིག་རྟེན་ན༔ རང་བྱུང་དཀྱིལ་འཁོར་ནུབ་དབུས་སུ༔ དྲང་སྲོང་ཆེན་པོ་དམག་དཔོན་རྗེ༔ ལྷ་སྲིན་སྡེ་བརྒྱད་དཔུང་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ སྟོང་གསུམ་སྟོང་གི་འཇིག་རྟེན་ན༔ བྱང་ཕྱོགས་སྟོང་གི་འཇིག་རྟེན་ན༔ རང་བྱུང་དཀྱིལ་འཁོར་བྱང་དབུས་སུ༔ དྲང་སྲོང་ཆེན་པོ་ལག་པ་རྒྱལ༔ ལྷ་སྲིན་སྡེ་བརྒྱད་དཔུང་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང་༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ སྟོང་གསུམ་སྟོང་གི་འཇིག་རྟེན་ན༔ ཤར་ལྷོ་སྟོང་གི་འཇིག་རྟེན་ན༔ རང་བྱུང་དཀྱིལ་འཁོར་ཤར་ལྷོའི་མཚམས༔ དྲང་སྲོང་ཆེན་པོ་སུརྱ་འབར༔ ལྷ་སྲིན་སྡེ་བརྒྱད་དཔུང་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ སྟོང་གསུམ་སྟོང་གི་འཇིག་རྟེན་ན༔ ལྷོ་ནུབ་སྟོང་གི་འཇིག་རྟེན་ན༔ རང་བྱུང་དཀྱིལ་འཁོར་ལྷོ་ནུབ་མཚམས༔ དྲང་སྲོང་ཆེན་པོ་ཙཎྜ་ཡཱ༔ ལྷ་སྲིན་སྡེ་བརྒྱད་དཔུང་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ སྟོང་གསུམ་སྟོང་གི་འཇིག་རྟེན་ན༔ ནུབ་བྱང་སྟོང་གི་འཇིག་རྟེན་ན༔ རང་བྱུང་དཀྱིལ་འཁོར་ནུབ་བྱང་མཚམས༔ དྲང་སྲོང་ཆེན་པོ་བེ་འུའི་རྫི༔ ལྷ་སྲིན་སྡེ་བརྒྱད་དཔུང་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ སྟོང་གསུམ་སྟོང་གི་འཇིག་རྟེན་ན༔ བྱང་ཤར་སྟོང་གི་འཇིག་རྟེན་ན༔ རང་བྱུང་དཀྱིལ་འཁོར་བྱང་ཤར་མཚམས༔ དྲང་སྲོང་ཆེན་པོ་སྒྲ་གཅན་འཛིན༔ ལྷ་སྲིན་སྡེ་བརྒྱད་དཔུང་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ དཀྱིལ་འཁོར་གྱི་ནི་ཕྱོགས་སྐྱོང་བ༔ ཤར་གྱི་སྟག་སྲིན་ཟོར་བའི་གདོང༔ དྲང་སྲོང་རྒྱུ་སྐར་དཔུང་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ དཀྱིལ་འཁོར་གྱི་ནི་ཕྱོགས་སྐྱོང་བ༔ ལྷོ་ཡི་བཾ་སྲིན་དྲེད་མོ་གདོང༔ དྲང་སྲོང་རྒྱུ་སྐར་དཔུང་དང་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་བཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱི་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ དཀྱིལ་འཁོར་གྱི་ནི་ཕྱོགས་སྐྱོང་བ༔ ནུབ་ཀྱི་ཀོང་སྲིན་བ་གླང་གདོང༔ དྲང་སྲོང་རྒྱུ་སྐར་དཔུང་དང་བཅས༔ གནས་འདིར་ན་གཤེགས་སུ་གསོལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་བཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་མཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་བའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ དཀྱིལ་འཁོར་གྱི་ནི་ཕྱོགས་སྐྱོང་བ༔ བྱང་གི་འབྲོག་སྲིན་ཆུ་སྲིན་གདོང༔ དྲང་སྲོང་རྒྱུ་སྐར་དཔུང་དང་བཅས༔ གནས་འདིར་སྤྱན་གཤེགས་སུ་གསོལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ དཀྱིལ་འཁོར་ཕྱི་ཡི་ཁོར་ཡུག་ལ༔ མགྲོན་ཐབས་ལྷ་སྲིན་སྡེ་བརྒྱད་ནི༔ ཕྱི་ནང་གསང་བ་ཡང་གསང་གི༔ དཀོན་མཆོག་སྤྱི་དང་དྲེགས་པའི་སྡེ༔ འདིར་བྱོན་མདོས་གཞིའི་རྟེན་ལ་བཞུགས༔ ཨོཾ་ཨཱ་ཧཱུྃ༔ སྐུ་གསུམ་བརྒྱུད་གསུམ་བླ་མ་དང༔ ཡི་དམ་ཞི་ཁྲོའི་ལྷ་ཚོགས་དང༔ སྐྱབས་གནས་དཀོན་མཆོག་གསུམ་པོ་དང༔ མཁའ་འགྲོ་ནོར་ལྷ་ཆོས་སྐྱོང་སོགས༔ མཆོད་ཡུལ་གོང་མ་ཐམས་ཅད་ལ༔ མཆོད་སྦྱིན་མདོས་ཆེན་དམ་པ་འབུལ༔ གསེར་སྐྱེམས་ཕུད་དང་གཏོར་མས་བརྔན༔ འདི་མན་གསེར་སྐྱེམས་གཡུ་སྐྱེམས་འོ་ཕུད་འབུལ༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་མཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམས་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ ལྷ་ཡི་དབང་པོ་བརྒྱ་བྱིན་དང༔ ཀླུ་ཡི་དབང་པོ་དགའ་བོ་དང༔ ལྷ་མིན་དབང་པོ་ཐག་བཟང་རིས༔ མི་འམ་ཅི་ལྗོན་རྟ་མགོ་ཅན༔ གནོད་སྦྱིན་གང་བ་བཟང་པོ་དང༔ མཁའ་ལྡིང་གསེར་མིག་འཁྱིལ་པ་དང༔ ཆོས་སྐྱོང་མ་ཧཱ་ཀ་ལ་དང༔ དྲི་ཟ་ཟུར་ཕུད་ལྔ་པ་སོགས༔ ཕྱི་ཡི་སྡེ་བརྒྱད་འཁོར་བཅས་ལ༔ མཆོད་སྦྱིན་མདོས་ཆེན་དམ་པ་འབུལ༔ གསེར་སྐྱེམས་ཕུད་དང་གཏོར་མས་བརྔན༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་བཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ ཡབ་གཅིག་བདུད་རྗེ་ནག་པོ་དང༔ བཙན་རྒྱལ་ཡམ་ཤུད་དམར་པོ་དང༔ ཡུལ་ལྷ་ཕྱ་སངས་ཀླུ་སྲས་དང༔ སྲོག་བདག་རྒྱལ་པོ་སྙིང་འབྱིན་དང༔ ཆོས་སྐྱོང་གནོད་སྦྱིན་དམར་པོ་དང༔ ལྷ་མོ་འཇིགས་པའི་གློག་འབྱིན་དང༔ དགེ་བསྙེན་རྡོ་རྗེ་ལེགས་པ་དང༔ དཀར་མོ་ཉི་ཟླའི་ཐོད་ཕྲེང་སོགས༔ ནང་གི་སྡེ་བརྒྱད་འཁོར་བཅས་ལ༔ མཆོད་སྦྱིན་མདོས་ཆེན་དམ་པ་འབུལ༔ གསེར་སྐྱེམས་ཕུད་དང་གཏོར་མས་བརྔན༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་བཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ བདུད་པོ་ཁ་ཐུན་རཀྴ་དང༔ གཤིན་རྗེ་གཤེད་པོ་དམར་པོ་དང༔ ཀླུ་བདུད་ན་ག་རཱ་ཛ་དང༔ གནོད་སྦྱིན་བཤན་པ་གྲི་ཐོགས་དང༔ མ་མོ་སྲིད་པའི་ཁྲམ་འདེབས་དང༔ བཙན་པོ་ཡམ་ཤུད་སྲོག་ལེན་དང༔ བདུད་པོ་རེ་སྡེ་འགོང་ཡག་དང༔ སྲོག་བདག་དུང་གི་ཐོར་ཚུགས་སོགས༔ གསང་བའི་སྡེ་བརྒྱད་འཁོར་བཅས་ལ༔ མཆོད་སྦྱིན་མདོས་ཆེན་དམ་པ་འབུལ༔ གསེར་སྐྱེམས་ཕུད་དང་གཏོར་མས་བརྔན༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་བཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང་༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་གསོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ གཟའ་མཆོག་རྒྱལ་པོ་རཱ་ཧུ་ལ༔ སྐར་མཆོག་ཁྲམ་ཤིང་ཁ་འཐོར་དང༔ བདུད་མཆོག་མ་ནུ་རཀྴ་དང༔ བཙན་མཆོག་གྲི་བཙན་འཐུམ་བུ་དང༔ མ་མཆོག་ལྕེ་སྤྱང་དུང་འཛིན་དང༔ ཀླུ་མཆོག་ཀླུ་རྒྱལ་དུང་སྐྱོང་དང༔ མགོན་མཆོག་ནག་པོ་ལྟེ་དཀར་དང༔ རྒྱལ་མཆོག་ལི་བྱིན་ཧ་ར་སོགས༔ མཆོག་གི་སྡེ་བརྒྱད་འཁོར་བཅས་ལ༔ མཆོད་སྦྱིན་མདོས་ཆེན་དམ་པ་འབུལ༔ གསེར་སྐྱེམས་ཕུད་དང་གཏོར་མས་བརྔན༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་བཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ དཔུང་གཡས་དགྲ་ལྷར་སྤྲུལ་པ་དང༔ དཔུང་གཡོན་མ་མོར་སྤྲུལ་པ་དང༔ མཆུ་སོ་བདུད་དུ་སྤྲུལ་པ་དང༔ མགོ་བོ་སྲིན་པོར་སྤྲུལ་པ་དང༔ མཇུག་མ་དམུ་རུ་སྤྲུལ་པ་དང༔ ལག་གཡས་གཤིན་རྗེར་སྤྲུལ་པ་དང༔ ལག་གཡོན་ཀླུ་བཙན་སྤྲུལ་པ་དང༔ མིག་དང་སྙིང་དང་མཆེ་བ་གསུམ༔ གཟའ་བདུད་ཉིད་དུ་སྤྲུལ་པ་སོགས༔ སྤྲུལ་པའི་སྡེ་བརྒྱད་འཁོར་བཅས་ལ༔ མཆོད་སྦྱིན་མདོས་ཆེན་དམ་པ་འབུལ༔ གསེར་སྐྱེམས་ཕུད་དང་གཏོར་མས་བརྔན༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་བཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མདོས་ཁ་གསོ་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛ༔ ཀྱཻ༔ ས་བདག་ཧལ་ཁྱི་ནག་པོ་དང༔ ཀླུ་བདུད་སྒོ་ར་ནག་པོ་དང༔ ས་ཡི་ལྷ་མོ་བརྟན་མ་དང༔ ཕྱོགས་སྐྱོང་རྒྱལ་ཆེན་སྡེ་བཞི་དང༔ མགོན་པོ་བདུན་ཅུ་རྩ་ལྔ་དང༔ ཡུལ་འདིའི་གཞི་བདག་ཐམས་ཅད་དང༔ ཕོ་ལྷ་དགྲ་ལྷ་སྲོག་ལྷ་དང༔ མ་ལྷ་མ་སྨན་ལ་སོགས་པའི༔ སྣང་སྲིད་སྡེ་བརྒྱད་འཁོར་བཅས་ལ༔ མཆོད་སྦྱིན་མདོས་ཆེན་དམ་པ་འབུལ༔ གསེར་སྐྱེམས་ཕུད་དང་གཏོར་མས་བརྔན༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མཆོད༔ མཁའ་འགྲོ་དམ་ཅན་ཐུགས་དམ་བསྐང་༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ན་ག་རཀྴ་རྦད༔ གཡས་ཀྱི་བཀའ་ཉན་ཀླུ་མཆོག་རྒྱལ༔ སྦལ་མགོ་ཁྲག་མིག་མཐུ་བོ་ཆེ༔ ཀླུ་ཆེན་བརྒྱད་པོ་ལས་ལ་མངག༔ གཉན་དང་གཏོད་སྡེ་ཕོ་ཉར་འགྱེད༔ ཀླུ་ནོར་ཉེར་གཅིག་ཆོ་འཕྲུལ་སྟོན༔ ཁྱེད་རྣམས་དཔལ་གྱི་བཀའ་ཉན་པ༔ སྐུ་གླུད་མདོས་ཆེན་འདི་བཞེས་ཤིག༔ ཀླུ་སྨན་སྐྱེམས་ཕུད་བཤོས་བུས་བརྔན༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿརཀྴ་ཛྭ་ལ་རྦད༔ གཡོན་གྱི་བཀའ་ཉན་སྲིན་པོ་འབར༔ མི་སྲུན་རཀྴའི་གདོང་པ་ཅན༔ ཁྲམ་ཁ་བསྒྱུར་བའི་མཐུ་བོ་ཆེ༔ འདྲེ་སྲིན་མི་མིན་ལས་ལ་མངག༔ དཀར་ཕྱོགས་ཡུལ་ལྷ་ཕོ་ཉར་འགྱེད༔ སྐྱིན་འདིང་སེར་བའི་ཆོ་འཕྲུལ་འགྱེད༔ ཁྱེད་རྣམས་ཁྱབ་འཇུག་བཀའ་ཉན་པ༔ སྐུ་གླུད་མདོས་ཆེན་འདི་བཞེས་ཤིག༔ དམར་ཆེན་ཁྲག་དང་གཏོར་མས་བརྔན༔ དོ་ནུབ་ནམ་གྱི་གུང་ཐུན་ལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ ནམ་མཁའ་ཡངས་པའི་ད་ལ་ནས༔ ཤར་ཕྱོགས་ཤིང་གི་རྒྱུ་སྐར་བདུན༔ རྒྱལ་བློན་འཁོར་བཅས་འདིར་བྱོན་ལ༔ ལོངས་སྤྱོད་མཐུན་པའི་མདོས་འདི་བཞེས༔ ཀོ་ལོང་རུ་ངའི་གདུག་པ་ཁྲོལ༔ དོ་ནུབ་ནམ་གྱི་གུང་ཐུན་ལ༔ ཤིང་ཁམས་སྤར་ཁ་སྨེ་བ་རྩུབ༔ དམེ་གྲིབ་ཡུག་གྲིབ་སྐྱ་མདའ་ཡི༔ མི་མཐུན་གཡུལ་ངོ་དབྱིངས་སུ་སོལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ ནམ་མཁའ་ཡངས་པའི་ད་ལ་ནས༔ ལྷོ་ཕྱོགས་མེ་ཡི་རྒྱུ་སྐར་བདུན༔ རྒྱལ་བློན་འཁོར་བཅས་འདིར་བྱོན་ལ༔ ལོངས་སྤྱོད་མཐུན་པའི་མདོས་འདི་བཞེས༔ ཀོ་ལོང་རུ་ངའི་གདུག་པ་ཁྲོལ༔ དོ་ནུབ་ནམ་གྱི་གུང་ཐུན་ལ༔ མེ་ཁམས་སྤར་ཁ་སྨེ་བ་རྩུབ༔ དམེ་གྲིབ་ཡུག་གྲིབ་སྐྱ་མདའ་ཡི༔ མི་མཐུན་གཡུལ་ངོ་དབྱིངས་སུ་སོལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ ནམ་མཁའ་ཡངས་པའི་ད་ལ་ནས༔ ནུབ་ཕྱོགས་ལྕགས་ཁམས་རྒྱུ་སྐར་བདུན༔ རྒྱལ་བློན་འཁོར་བཅས་འདིར་བྱོན་ལ༔ ལོངས་སྤྱོད་མཐུན་པའི་མདོས་འདི་བཞེས༔ ཀོ་ལོང་རུ་ངའི་གདུག་པ་ཁྲོལ༔ དོ་ནུབ་ནམ་གྱི་གུང་ཐུན་ལ༔ ལྕགས་ཁམས་སྤར་ཁ་སྨེ་བ་རྩུབ༔ དམེ་གྲིབ་ཡུག་གྲིབ་སྐྱ་མདའ་ཡི༔ མི་མཐུན་གཡུལ་ངོ་དབྱིངས་སུ་སོལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ ནམ་མཁའ་ཡངས་པའི་ད་ལ་ནས༔ བྱང་གི་ཆུ་ཁམས་རྒྱུ་སྐར་བདུན༔ རྒྱལ་བློན་འཁོར་བཅས་འདིར་བྱོན་ལ༔ ལོངས་སྤྱོད་མཐུན་པའི་མདོས་འདི་བཞེས༔ ཀོ་ལོང་རུ་ངའི་གདུག་པ་ཁྲོལ༔ དོ་ནུབ་ནམ་གྱི་གུང་ཐུན་ལ༔ ཆུ་ཁམས་སྤར་ཁ་སྨེ་བ་རྩུབ༔ དམེ་གྲིབ་ཡུག་གྲིབ་སྐྱ་མདའ་ཡི༔ མི་མཐུན་གཡུལ་ངོ་དབྱིངས་སུ་སོལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་གསོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེན་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛཿ ཀྱཻ༔ ནམ་མཁའ་ཡངས་པའི་ད་ལ་ནས༔ མཚམས་བཞིར་གནས་པའི་སྐར་ཚོགས་གཟའ༔ ས་ཁམས་ལ་གནས་རྒྱུ་སྐར་ཕྲེང༔ རྒྱལ་བློན་འཁོར་བཅས་འདིར་བྱོན་ལ༔ ལོངས་སྤྱོད་མཐུན་པའི་མདོས་འདི་བཞེས༔ ཀོ་ལོང་རུ་ངའི་གདུག་པ་ཁྲོལ༔ དོ་ནུབ་ནམ་གྱི་གུང་ཐུན་ལ༔ ས་ཁམས་སྤར་ཁ་སྨེ་བ་རྩུབ༔ དམེ་གྲིབ་ཡུག་གྲིབ་སྐྱ་མདའ་ཡི༔ མི་མཐུན་གཡུལ་ངོ་དབྱིངས་སུ་སོལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་གསོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ ཧཱུྃ་བྷྱོ་ཛ༔ ཀྱཻ༔ ས་སྤྱོད་བདེ་ཆེན་གནས་མཆོག་ནས༔ སངས་རྒྱས་བསྟན་སྐྱོང་བཀའ་ཡི་འཁོར༔ ལེགས་ཉེས་སྟངས་འཛིན་དམ་ཚིག་ཅན༔ གཙང་རིས་དཔལ་མགོན་བདུན་ཅུའི་ཚོགས༔ སྤྲུལ་པ་འཁོར་དང་ཡང་འཁོར་བཅས༔ གནས་འདིར་སྤྱན་འདྲེན་གཤེགས་སུ་གསོལ༔ མཆོད་སྦྱིན་མདོས་ཆེན་འདི་བཞེས་ཤིག༔ གསེར་གཡུའི་སྐྱེམས་དང་གཏོར་མས་བརྔན༔ ཞིང་བཅུ་ཚང་དང་ཉམས་པ་བདུན༔ སྐུ་དགྲ་རྣམ་ལྔ་ཆམ་ལ་ཕོབ༔ དོ་ནུབ་ནམ་གྱི་གུང་ཐུན་ལ༔ ས་ཁམས་སྤར་ཁ་སྨེ་བ་རྩུབ༔ དམེ་གྲིབ་ཡུག་གྲིབ་སྐྱ་མདའ་ཡི༔ མི་མཐུན་གཡུལ་ངོ་དབྱིངས་སུ་སོལ༔ ཡོན་བདག་བསམ་པ་འགྲུབ་པ་དང༔ རྣལ་འབྱོར་སྐུ་ཚེ་བསྲིང་བ་དང༔ བན་བོན་བྱད་མ་གཞོམ་པ་དང༔ ཕུར་ཁ་ཟོར་སྣ་ཕྱིར་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་རྒྱ་ཤིགས་ལ་བྱད་ཐག་ཆོད༔ བྱད་ཁྲམ་ཆོག་ལ་ཐ་རམ་ཁྲོལ༔ བྱད་མ་ཁྲག་སྐྱུག་གྲི་རུ་སོད༔ བསམ་ངན་གདུག་རྩུབ་དགྲ་ལ་ཟོར༔ སྣང་སྲིད་མདོས་ཆེན་རྒྱན་གྱིས་བརྒྱན༔ མདོས་ཀྱི་ངོ་བོ་སྟོང་པ་ཉིད༔ མདོས་ཀྱི་རང་བཞིན་ལྷུན་གྱིས་གྲུབ༔ རང་བྱུང་ལྷུན་གྲུབ་མདོས་ཆེན་འདིས༔ བླ་མ་ཡི་དམ་དཀོན་མཆོག་མཆོད༔ མཁའ་འགྲོ་དམ་ཅན་ཐུགས་དམ་བསྐང༔ ལྷ་སྲིན་སྡེ་བརྒྱད་མཉེས་གྱུར་ཅིག༔ རྣལ་འབྱོར་བདག་ཅག་འཁོར་བཅས་ཀྱི༔ ལན་ཆགས་ཤ་འཁོན་དག་གྱུར་ཅིག༔ རིགས་དྲུག་འདོད་པ་ཚིམ་གྱུར་ཅིག༔ འགལ་རྐྱེན་བར་ཆད་དབྱིངས་སུ་སོལ༔ ལས་བཞི་ལྷུན་གྲུབ་དངོས་གྲུབ་སྩོལ༔ ཡས་བདག་རྣམས་ཀྱིས་ཡས་བཞེས་ཤིག༔ མདོས་བདག་རྣམས་ཀྱིས་མདོས་ཁྱེར་ཅིག༔ ནད་ཁ་ཡམས་ཁ་དགྲ་ལ་བསྒྱུར༔ ཆགས་ཆེ་ཉམ་ང་བགེགས་ལ་བྷྱོ༔ ཕོ་བདུད་དལ་ཁ་གཡས་སུ་བསྒྱུར༔ མོ་བདུད་དལ་ཁ་གཡོན་དུ་བསྒྱུར༔ སྤྱི་བདུད་དལ་ཁ་མཁའ་ལ་བསྒྱུར༔ བཟློག་བསྒྱུར་བཅོལ་པའི་ཕྲིན་ལས་མཛོད༔ ཀྵཿརཀྴ་ར་ཧུ་ལ་པྲ་མ་ཎ་དགྲ་བགེགས་བྱད་མ་བཟློག་བྷྱོ་རྦད༔ སྤྲོ་ན་འདིར་གཟའི་གཉེར་གཏད་འདོན༔ ཆོས་སྦྱིན་འདོན༔ དྲང་སྲོང་ཁྱབ་འཇུག་གཙོར་བསྔགས་པའི༔ སྡེ་བརྒྱད་ལྷ་སྲིན་འབྱུང་པོ་ཡི༔ དྲེགས་ཚོགས་ལ་བརྟེན་གཏད་མནན་འགྲོལ༔ ཡང་བཅུད་གདམས་པའི་ཉིང་ཁུ་འདི༔ རང་བྱུང་སྤྲུལ་སྐུ་ཆོས་རྒྱལ་རྗེ༔ པདྨ་རྒྱལ་པོས་མཚོ་རྒྱལ་དང༔ ཨ་ཙར་ཡེ་ཤེས་དབྱངས་ལ་གདམས༔ མ་འོངས་རྩུབ་འགྱུར་ལྔ་བདོའི་དུས༔ རིག་འཛིན་གཞན་ལ་ཕན་པའི་བུ༔ མཁའ་འགྲོའི་སྤྲུལ་པས་ལེགས་པར་སྤེལ༔ ཆོས་ལ་དབང་བས་ཞལ་ཤེས་དཔྱོད༔ འཕྱུག་མེད་འཁྲུགས་པ་དཀྱུས་སུ་དྲོངས༔ བྱད་གཏད་འགྲོལ་བའི་མན་ངག་ནི༔ ས་སྟེང་དཀོན་པའི་མན་ངག་ཡིན༔ དྲང་སྲོང་ཆེན་པོས་བཀའ་འདི་སྲུངས༔ བཀའ་རྐུན་ལོག་པའི་སྙིང་ཁྲག་འཐུང༔ ཆོས་ལ་དབང་བ་སྲུངས་ཤིག་རྒྱ༔ དེ་དང་དེ་ཡི་རྗེས་འབྲེལ་དུ༔ དྲག་པོའི་ཁྲམ་ཤིང་ཕྱི་བདར་གྲུབ༔ ལག་ལེན་སྔོན་གྱི་མཐོང་བརྒྱུད་བཞིན༔ འཕྱུག་མེད་ཟུར་དུ་བཀོལ་ལ་ལྟོས༔ འཆི་བསླུ་གཤིན་རྗེའི་ཚོང་པ་ཟློག༔ བཀའ་གཏེར་གང་འོས་དཀྱུས་བཞིན་བྱ༔ དེས་ནི་སྣང་སྲིད་ལྷ་འདྲེ་ཡི༔ མནན་གཏད་ཁྲམ་ཁ་མི་བཟློག་མེད༔ ལེགས་པའི་ངོ་མཚར་རྨད་བྱུང་གཏེར༔ འབྱུང་འགྱུར་གཏེར་གྱི་ཁྱད་ཆོས་ཡིན༔ བདེན་རྫུན་ལག་ཏུ་ལོངས་དང་གསལ༔ ས་མ་ཡཱ༔ བརྡ་ཐིམ༔ གུ་ཧྱ༔ དྲང་སྲོང་ཆེན་པོའི་མདོས་ཀྱི་སྒོ་དབྱེ་ཚད་མེད་བཞིའི་གསང་ལམ་ནི༔ ཛ༔ ཤར་ཕྱོགས་སྒོ་མ་བྱམས་པའི་ལྕགས་ཀྱུ་ཅན༔ མེ་ལོང་ཡེ་ཤེས་མདོས་ཀྱི་སྒོ་ཕྱེས་ལ༔ ཞེ་སྡང་རྒྱལ་འགོང་སྟེང་དུ་མདོས་སྣ་བསྒྱུར༔ རྡོ་རྗེ་འབར་བས་དགྲ་གདོན་ཆམ་ལ་ཕོབ༔ ཧཱུྃ༔ ལྷོ་ཕྱོགས་སྒོ་མ་སྙིང་རྗེའི་ཞགས་པ་ཅན༔ མཉམ་ཉིད་ཡེ་ཤེས་མདོས་ཀྱི་སྒོ་ཕྱེས་ལ༔ ང་རྒྱལ་གཤིན་རྗེའི་སྟེང་དུ་མདོས་སྣ་དྲོངས༔ ནོར་བུ་འབར་བས་དགྲ་གདོན་ཆམ་ལ་ཕོབ༔ བཾ༔ ནུབ་ཕྱོགས་སྒོ་མ་དགའ་བའི་ལྕགས་སྒྲོག་ཅན༔ སོར་རྟོག་ཡེ་ཤེས་མདོས་ཀྱི་སྒོ་ཕྱེས་ལ༔ འདོད་ཆགས་མོ་གདོན་སྟེང་དུ་མདོས་སྣ་དྲོངས༔ པདྨའི་མཚོན་གྱིས་དགྲ་གདོན་ཆམ་ལ་ཕོབ༔ ཧོ༔ བྱང་ཕྱོགས་སྒོ་མ་བཏང་སྙོམ་དྲིལ་བུ་ཅན༔ བྱ་གྲུབ་ཡེ་ཤེས་མདོས་ཀྱི་སྒོ་ཕྱེས་ལ༔ ཕྲག་ཏོག་དམ་སྲིའི་སྟེང་དུ་མདོས་སྣ་དྲོངས༔ རྒྱ་གྲམ་བརྗིད་པས་དགྲ་གདོན་ཆམ་ལ་ཕོབ༔ རྣལ་འབྱོར་བདག་གིས་སྔགས་དང་ཕྱག་རྒྱ་ཡིས༔ བྱིན་གྱིས་བརླབས་པའི་མདོས་རྫས་གསེར་སྐྱེམས་འདི༔ སྣང་སྲིད་ལྷ་སྲིན་དཀར་ཕྱོགས་སྐྱོང་རྣམས་བཞེས༔ རྣལ་འབྱོར་བདག་གི་གཟུ་དང་དཔང་པོ་མཛོད༔ དྲང་སྲོང་དྲེགས་པ་སྡེ་བརྒྱད་མདོས་ཟོར་འདི༔ མི་བསྲུན་དམ་སྲི་བྱད་མའི་སྟེང་དུ་བྷྱོ༔ བྱད་མ་ཚང་དཀྲུགས་གཏད་མནན་བཅིངས་པ་ཁྲོལ༔ མི་མཐུན་གཡུལ་ལས་རྒྱལ་བའི་ཕྲིན་ལས་མཛོད༔ དེ་ནས་མདོས་ཀྱི་ལམ་བསྟན་ནི༔ རྣལ་འབྱོར་སྔགས་ཀྱི་ཆས་སུ་ཞུགས༔ དཀར་གཏོར་གསེར་སྐྱེམས་ཕུད་རྒོད་ཀྱི༔ ཟེགས་མ་ཕྱོགས་སུ་གཏོར་བྱས་ནས༔ ཀྱཻ༔ མདོས་ཀྱི་ལམ་བསྟན་གང་དུ་སྟོན༔ མདོས་ཀྱི་ལམ་བསྟན་ཤར་དུ་སྟོན༔ དྲི་ཟ་ལས་བྱུང་གཏད་མནན་ཁྲོལ༔ ཤར་གྱི་བྱད་མ་རྦོད་གཏོང་བཟློག༔ ཀྱཻ༔ མདོས་ཀྱི་ལམ་བསྟན་གང་དུ་སྟོན༔ མདོས་ཀྱི་ལམ་བསྟན་ལྷོ་རུ་སྟོན༔ གཤིན་རྗེ་ལས་བྱུང་གཏད་མནན་ཁྲོལ༔ ལྷོ་ཡི་བྱད་མ་རྦོད་གཏོང་བཟློག༔ ཀྱཻ༔ མདོས་ཀྱི་ལམ་བསྟན་གང་དུ་སྟོན༔ མདོས་ཀྱི་ལམ་བསྟན་ནུབ་ཏུ་སྟོན༔ ཀླུ་དབང་ལས་བྱུང་གཏད་མནན་ཁྲོལ༔ ནུབ་ཀྱི་བྱད་མ་རྦོད་གཏོང་བཟློག༔ ཀྱཻ༔ མདོས་ཀྱི་ལམ་བསྟན་གང་དུ་སྟོན༔ མདོས་ཀྱི་ལམ་བསྟན་བྱང་དུ་སྟོན༔ གནོད་སྦྱིན་ལས་བྱུང་གཏད་མནན་ཁྲོལ༔ བྱང་གི་བྱད་མ་རྦོད་གཏོང་བཟློག༔ ཀྱཻ༔ མདོས་ཀྱི་ལམ་བསྟན་གང་དུ་སྟོན༔ མདོས་ཀྱི་ལམ་བསྟན་མཚམས་སུ་སྟོན༔ མེ་ལྷ་སྲིན་པོ་རླུང་ལྷ་དང༔ དབང་ལྡན་ས་བདག་ལས་བྱུང་མནན༔ མཚམས་བཞིའི་བྱད་མ་རྦོད་གཏོང་བཟློག༔ སྡེ་བརྒྱད་དམག་དྲོངས་ཟ་བའི་འདྲེ་ལ་དྲོངས༔ ལྷ་སྲིན་དམག་དྲོངས་གནོད་པའི་བགེགས་ལ་དྲོངས༔ བྱད་མ་ལྷ་སྲུང་གཞོམ་པའི་དཔའ་རྩལ་ཕྱུངས༔ གནོད་བྱེད་དགྲ་གདོན་བཟློག་པའི་ནུས་མཐུ་སྐྱེད༔ མ་འདའ་བཛྲ་དྲང་སྲོང་ཁྱབ་འཇུག་བྷྱོ༔ ཅེས་ལོ་བདུད་འདྲེ་ལྔའི་ཕྱོགས་སུ་འམ༔ མནན་གཏད་བྱེད་པའི་ཕྱོགས་སུ་བསྐྱལ༔ རྟགས་མཚན་མྱུར་དུ་འབྱུང་བར་འགྱུར༔ ས་མ་ཡཱ༔ རྒྱ་རྒྱ་རྒྱ༔ ཕྱི་ལམ་བཅད་པ་ནི༔ ཧཱུྃ་བྷྱོ་ཛ༔ ང་ནི་གསང་བདག་རྡོ་རྗེ་འཛིན༔ སངས་རྒྱས་ཀུན་གྱི་གསང་བ་འཛིན༔ ཁྲོ་མཆོག་རྒྱལ་པོ་བི་ད་ར༔ འཇིག་རྟེན་དྲེགས་པ་ཡོངས་ཀྱི་རྗེ༔ ལྷ་སྲིན་སྡེ་བརྒྱད་སྲོག་ལ་དབང༔ ཧཱུྃ་ཧཱུྃ་ཧཱུྃ༔ སྒྱུ་འཕྲུལ་བཀའ་ཡི་བསྲུང་མ་ཆེ༔ དྲང་སྲོང་ཁྱབ་འཇུག་འོད་འཕྲོ་བ༔ སྨུག་ནག་དུད་ཁ་འཇིགས་པའི་གཟུགས༔ མེ་འབར་ཐོག་སེར་གློག་འོད་འཁྱུག༔ གཟའ་བརྒྱད་གདོང་མོ་སྐར་ལྟར་བཀྲ༔ ཁྱེད་རྣམས་རྫུ་འཕྲུལ་སྟོབས་ལ་དབང༔ གདུག་རྩུབ་དྲག་པོས་ཕྱི་ལམ་ཆོད༔ ཁྱུང་གི་ཚྭ་ཚྭ་ཕྱོགས་ཀུན་འཁྲིགས༔ ས་བདག་ཀླུ་ཡི་གདུག་པ་བཟློག༔ ལྷ་སྲིན་གདུག་པའི་ཕྱི་ལམ་ཆོད༔ མི་མཐུན་བགེགས་ཀྱི་ཕྱི་ལམ་ཆོད༔ ཆོས་སྲིད་བར་ཆད་ཕྱི་ལམ་ཆོད༔ བཀྲ་མི་ཤིས་པའི་ཕྱི་ལམ་ཆོད༔ ཐན་ལྟས་ཆོ་འཕྲུལ་ཕྱི་ལམ་ཆོད༔ མདོར་ན་འཇིག་རྟེན་འདི་དག་ལ༔ ལུས་སེམས་བདེ་བ་འཕྲོག་བྱེད་པའི༔ བར་དུ་གཅོད་པ་ཐམས་ཅད་དང༔ མི་མཐུན་གཡུལ་ངོ་དབྱིངས་སུ་སོལ༔ མི་མིན་ནག་ཕྱོགས་གཡོན་དུ་ཕམ༔ འགོ་བའི་ལྷ་སྲུང་གཡས་སུ་རྒྱལ༔ སངས་རྒྱས་ཆོས་ཀྱི་བསྟན་པ་དར༔ མུ་སྟེགས་ལོག་རྟོག་གཡོན་དུ་ཕམ༔ རྣལ་འབྱོར་བདག་ཅག་གྱེན་དུ་རྒྱལ༔ མི་ཁ་བྱུར་འདྲེ་གཡོན་དུ་ཕམ༔ སངས་རྒྱས་བདུད་ལས་རྒྱལ་བ་ལྟར༔ རྒྱལ་ལོ་རྒྱལ་ལོ་ལྷ་རྒྱལ་ལོ༔ ཅེས་དང་གཞན་ནས་བྱུང་བ་བཞིན༔ རྒྱལ་དབྱངས་བཀྲ་ཤིས་སྨོན་ལམ་བྱ༔ རང་བྱུང་དགོངས་ཀློང་ཡངས་པ་ནས༔ རིག་རྩལ་རྡོ་རྗེའི་བརྡ་གླུ་འཁྲོལ༔ སྐྱེ་མེད་དག་པའི་བརྡ་རིས་ལས༔ ལྷུན་གྲུབ་ཡི་གེའི་གཟུགས་སུ་བསྟན༔ མ་དང་ཌཱཀྐིས་གནང་བ་བྱིན༔ སྔོན་སྦྱངས་སྨོན་ལམ་དག་པའི་བུ༔ ཆོས་བདག་སྐྱེས་བུའི་དཔལ་དུ་སྦྱིན༔ ཨ་ལ་ལ་ཧོ་ས་མ་ཡཱ༔ བཀའ་བསྲུང་དྲེགས་པ་ཁྱབ་འཇུག་གིས༔ འཚོས་ཤིག་སྤེལ་ཅིག་དམ་ཚིག་ཅན༔ བཀའ་རྐུན་ལོག་པའི་དབང་པོ་སྣུབས༔ ཡ་རབས་སྐལ་ལྡན་སྲུངས་ཤིག་རྒྱ༔ མནྟྲ་གུ་ཧྱ༔ བརྡ་ཐིམ༔ ཅེས་རང་བྱུང་དགོངས་ཀློང་ཡངས་པའི་བརྡ་རིས་ལས་བབས་པ་དུས་ངན་སྙིགས་མའི་འགྲོ་བ་སྐྱོབས་པའི་ཟབ་ཆོས་དྲང་སྲོང་ཁྱབ་འཇུག་ཆེན་པོའི་ལས་མཐའ་གཏད་མནན་བཀྲོལ་བའི་མན་ངག་འདི་ཉིད་ཆོས་ཀྱི་བདག་པོ་རིག་གྲོལ་སོགས་ལས་ཅན་གྱི་སྐྱེས་བུ་ཚོས་བསྐུལ་ངོར་མཁའ་འགྲོའི་གསང་མཛོད་ལ་དབང་བའི་སྤྲུལ་པའི་གཏེར་སྟོན་གཞན་ཕན་ཐུབ་བསྟན་ཉི་མ་དཔལ་བཟང་པོས་སུ་བདེ་རིག་འཛིན་ཆོས་གླིང་ནས་སུག་བྲིས་བགྱིས་ཏེ་ལེགས་པར་ཕབ་པས་ཕྱོགས་ཀུན་ཏུ་དར་ཞིང་རྒྱས་པར་གྱུར་ཅིག་གུ། བྷ་ཝན་ཏུ། ཁྲམ་ཤིང་འབྲི་ཐབས།༄༅། ཁྲམ་ཕྱིས་བརྡར་གྱི་བྱང་བུ་དམར་ནག་རྣམས་ལ། དྲང་སྲོང་ཁྱབ་འཇུག་འོད་འཕྲོ་དང་རྩ་གསུམ་སྲུང་མའི་ཡོན་བདག་མིང་འདི་ཞེས་བྱ་བ་ཁྲམ་ལ་ཐེབས་སོ། རྒྱབ་དམར་པོ་བྱ། གཅིག་ལ་ཁྲམ་རིས་བྲི། རྒྱབ་ནག་པོ་བྱ། ཁྲམ་ཡིག་དང་ཁྲམ་རིས་གཉིས་ངོ་སྤྲད་ལ་བསྣོལ། རྩང་ཐུར་གཉིས་རེ་བཅས་ཚོན་སྐུད་སྣ་ལྔས་བཅིང་ལ། གདུགས་ཀྱི་རྩིབ་མའི་ཞབས་ཚོན་སྐུད་པ་ཏྲའི་སྟེང་དུ་ཕྱོགས་བཞི་མཚམས་བརྒྱད་ལ་བཀྲམ་ཏེ་བཀོད། གཟའ་གཞན་གྱི་ཁ་བསྒྱུར་ཡང་འགྲེས་སོ། དྲེགས་པ་སྡེ་བརྒྱད་ཀྱི་ཁྲམ་ཕྱི་བཞར་བཀྲུ་བ།ཡང་གསང་མཁའ་འགྲོའི་ཆ་ལག་ཐུགས་ཐིག་ལས༔ དྲང་སྲོང་དྲེགས་པ་སྡེ་བརྒྱད་ཀྱི་ཁྲམ་ཤིང་ཕྱི་བ་ཕྱིས་བཞར་བཀྲུ་བ་སོགས་ལག་ལེན་ལྟར་དུ༔ ཧཱུྃ་ཛཿ ཀྵཿ རྣལ་འབྱོར་སྔགས་འཆང་བདག་ཅག་དང༔ རྒྱུ་སྦྱོར་ཡོན་བདག་མི་ནོར་འཁོར༔ བདག་ལ་ལྟོས་བཅས་བསྲུང་བྱ་ལ༔ རྒྱ་གར་ཆོས་ཀྱི་བྱད་ཟོར་དང༔ རྒྱ་ནག་གཙུག་ལག་བྱད་ཟོར་གཏད༔ ནང་པ་སངས་རྒྱས་བྱད་ཟོར་གཏད༔ ཞང་ཞུང་བོན་པོའི་བྱད་ཟོར་གཏད༔ བནྡྷེ་ཡོངས་ཀྱི་བྱད་ཟོར་གཏད༔ སྔགས་པ་ཕུར་ཐོགས་བྱད་ཟོར་གཏད༔ མུ་སྟེགས་སྡེ་དྲུག་བྱད་ཟོར་གཏད༔ དྲང་སྲོང་བརྒྱད་ཀྱི་བྱད་ཟོར་གཏད༔ སྣང་སྲིད་ལྷ་འདྲེའི་བྱད་ཟོར་གཏད༔ དྲང་སྲོང་ཁྱབ་འཇུག་འོད་འཕྲོ་དང༔ རྩ་གསུམ་སྲུང་མའི་བདེན་མཐུ་ཡིས༔ བྱད་ཐག་ཆོད་ལ་བཅིངས་པ་ཁྲོལ༔ ཁྲམ་བྱང་ཕྱིས་ལ་ཁྲམ་རིས་ཞོར༔ ཁྲམ་ཤིང་ཆོག་ལ་ཁྲམ་སྣ་བཟློག༔ ཁྲམ་ཁ་བསྒྱུར་ལ་བྱད་མ་སོད༔ ཁྲམ་གྱི་ཐ་རམ་བཀྲོལ་དུ་གསོལ༔ ཁྲམ་གྱི་ཡི་གེ་འཁྲུད་དུ་གསོལ༔ ཕོ་བདུད་ཁྲམ་ཁ་གཡས་སུ་བསྒྱུར༔ མོ་བདུད་ཁྲམ་ཁ་གཡོན་དུ་བསྒྱུར༔ སྤྱི་བདུད་ཁྲམ་ཁ་མཁའ་ལ་བསྒྱུར༔ བཅོལ་པའི་ཕྲིན་ལས་འགྲུབ་པར་མཛོད༔ ཨོཾ་སྒྲ་གཅན་འཛིན་སརྦ་ཁྲམ་ཁ་ཕྱེས་ཤིག་སྒྱུར་ཅིག་ཤནྟིཾ་ཀུ་རུ་སྭཱཧཱ༔ ཧཱུྃ་ཛཿ ཀྵཿ རྣལ་འབྱོར་སྔགས་འཆང་བདག་ཅག་དང༔ རྒྱུ་སྦྱོར་ཡོན་བདག་མི་ནོར་འཁོར༔ བདག་ལ་ལྟོས་བཅས་བསྲུང་བྱ་ལ༔ རྒྱ་གར་ཆོས་ཀྱི་བྱད་ཟོར་དང༔ རྒྱ་ནག་གཙུག་ལག་བྱད་ཟོར་གཏད༔ ནང་པ་སངས་རྒྱས་བྱད་ཟོར་གཏད༔ ཞང་ཞུང་བོན་པོའི་བྱད་ཟོར་གཏད༔ བནྡྷེ་ཡོངས་ཀྱི་བྱད་ཟོར་གཏད༔ སྔགས་པ་ཕུར་ཐོགས་བྱད་ཟོར་གཏད༔ མུ་སྟེགས་སྡེ་དྲུག་བྱད་ཟོར་གཏད༔ དྲང་སྲོང་བརྒྱད་ཀྱི་བྱད་ཟོར་གཏད༔ སྣང་སྲིད་ལྷ་འདྲེའི་བྱད་ཟོར་གཏད༔ དྲང་སྲོང་ཁྱབ་འཇུག་འོད་འཕྲོ་དང༔ དྲང་སྲོང་ཕུར་བུ་འཁོར་དང་བཅས༔ རྩ་གསུམ་སྲུང་མའི་བདེན་མཐུ་ཡིས༔ བྱད་ཐག་ཆོད་ལ་བཅིངས་པ་ཁྲོལ༔ ཁྲམ་བྱང་ཕྱིས་ལ་ཁྲམ་རིས་ཞོར༔ ཁྲམ་ཤིང་ཆོག་ལ་ཁྲམ་སྣ་བཟློག༔ ཁྲམ་ཁ་བསྒྱུར་ལ་བྱད་མ་སོད༔ ཁྲམ་གྱི་ཐ་རམ་བཀྲོལ་དུ་གསོལ༔ ཁྲམ་གྱི་ཡི་གེ་འཁྲུད་དུ་གསོལ༔ ཕོ་བདུད་ཁྲམ་ཁ་གཡས་སུ་བསྒྱུར༔ མོ་བདུད་ཁྲམ་ཁ་གཡོན་དུ་བསྒྱུར༔ སྤྱི་བདུད་ཁྲམ་ཁ་མཁའ་ལ་བསྒྱུར༔ བཅོལ་པའི་ཕྲིན་ལས་འགྲུབ་པར་མཛོད༔ ཨོཾ་སྒྲ་གཅན་འཛིན་སརྦ་ཁྲམ་ཁ་ཕྱེས་ཤིག་སྒྱུར་ཅིག་ཤནྟིཾ་ཀུ་རུ་སྭཱཧཱ༔ ཧཱུྃ་ཛཿ ཀྵཿ རྣལ་འབྱོར་སྔགས་འཆང་བདག་ཅག་དང༔ རྒྱུ་སྦྱོར་ཡོན་བདག་མི་ནོར་འཁོར༔ བདག་ལ་ལྟོས་བཅས་བསྲུང་བྱ་ལ༔ རྒྱ་གར་ཆོས་ཀྱི་བྱད་ཟོར་དང༔ རྒྱ་ནག་གཙུག་ལག་བྱད་ཟོར་གཏད༔ ནང་པ་སངས་རྒྱས་བྱད་ཟོར་གཏད༔ ཞང་ཞུང་བོན་པོའི་བྱད་ཟོར་གཏད༔ བནྡྷེ་ཡོངས་ཀྱི་བྱད་ཟོར་གཏད༔ སྔགས་པ་ཕུར་ཐོགས་བྱད་ཟོར་གཏད༔ མུ་སྟེགས་སྡེ་དྲུག་བྱད་ཟོར་གཏད༔ དྲང་སྲོང་བརྒྱད་ཀྱི་བྱད་ཟོར་གཏད༔ སྣང་སྲིད་ལྷ་འདྲེའི་བྱད་ཟོར་གཏད༔ དྲང་སྲོང་ཁྱབ་འཇུག་འོད་འཕྲོ་བ༔ པ་ཝ་སངས་ནི་འཁོར་དང་བཅས༔ རྩ་གསུམ་སྲུང་མའི་བདེན་མཐུ་ཡིས༔ བྱད་ཐག་ཆོད་ལ་བཅིངས་པ་ཁྲོལ༔ ཁྲམ་བྱང་ཕྱིས་ལ་ཁྲམ་རིས་ཞོར༔ ཁྲམ་ཤིང་ཆོག་ལ་ཁྲམ་སྣ་བཟློག༔ ཁྲམ་ཁ་བསྒྱུར་ལ་བྱད་མ་སོད༔ ཁྲམ་གྱི་ཐ་རམ་བཀྲོལ་དུ་གསོལ༔ ཁྲམ་གྱི་ཡི་གེ་འཁྲུད་དུ་གསོལ༔ ཕོ་བདུད་ཁྲམ་ཁ་གཡས་སུ་བསྒྱུར༔ མོ་བདུད་ཁྲམ་ཁ་གཡོན་དུ་བསྒྱུར༔ སྤྱི་བདུད་ཁྲམ་ཁ་མཁའ་ལ་བསྒྱུར༔ བཅོལ་པའི་ཕྲིན་ལས་འགྲུབ་པར་མཛོད༔ ཨོཾ་སྒྲ་གཅན་འཛིན་སརྦ་ཁྲམ་ཁ་ཕྱེས་ཤིག་སྒྱུར་ཅིག་ཤནྟིཾ་ཀུ་རུ་སྭཱཧཱ༔ ཧཱུྃ་ཛཿ ཀྵཿ རྣལ་འབྱོར་སྔགས་འཆང་བདག་ཅག་དང༔ རྒྱུ་འབྱོར་ཡོན་བདག་མི་ནོར་འཁོར༔ བདག་ལ་ལྟོས་བཅས་བསྲུང་བྱ་ལ༔ རྒྱ་གར་ཆོས་ཀྱི་བྱད་ཟོར་དང་༔ རྒྱ་ནག་གཙུག་ལག་བྱད་ཟོར་གཏད༔ ནང་པ་སངས་རྒྱས་བྱད་ཟོར་གཏད༔ ཞང་ཞུང་བོན་པོའི་བྱད་ཟོར་གཏད༔ བནྡྷེ་ཡོངས་ཀྱི་བྱད་ཟོར་གཏད༔ སྔགས་པ་ཕུར་ཐོགས་བྱད་ཟོར་གཏད༔ མུ་སྟེགས་སྡེ་དྲུག་བྱད་ཟོར་གཏད༔ དྲང་སྲོང་བརྒྱད་ཀྱི་བྱད་ཟོར་གཏད༔ སྣང་སྲིད་ལྷ་འདྲེའི་བྱད་ཟོར་གཏད༔ དྲང་སྲོང་ཁྱབ་འཇུག་འོད་འཕྲོ་བ༔ དྲང་སྲོང་དམག་དཔོན་ཆེན་པོ་དང༔ རྩ་གསུམ་སྲུང་མའི་བདེན་མཐུ་ཡིས༔ བྱད་ཐག་ཆོད་ལ་བཅིངས་པ་ཁྲོལ༔ ཁྲམ་བྱང་ཕྱིས་ལ་ཁྲམ་རིས་ཞོར༔ ཁྲམ་ཤིང་ཆོག་ལ་ཁྲམ་སྣ་བཟློག༔ ཁྲམ་ཁ་བསྒྱུར་ལ་བྱད་མ་སོད༔ ཁྲམ་གྱི་ཐ་རམ་བཀྲོལ་དུ་གསོལ༔ ཁྲམ་གྱི་ཡི་གེ་འཁྲུད་དུ་གསོལ༔ ཕོ་བདུད་ཁྲམ་ཁ་གཡས་སུ་བསྒྱུར༔ མོ་བདུད་ཁྲམ་ཁ་གཡོན་དུ་བསྒྱུར༔ སྤྱི་བདུད་ཁྲམ་ཁ་མཁའ་ལ་བསྒྱུར༔ བཅོལ་པའི་འཕྲིན་ལས་འགྲུབ་པར་མཛོད༔ ཨོཾ་སྒྲ་གཅན་འཛིན་སརྦ་ཁྲམ་ཁ་ཕྱེས་ཤིག་སྒྱུར་ཅིག་ཤནྟིཾ་ཀུ་རུ་སྭཱ་ཧཱ༔ ཧཱུྃ་ཛཿ ཀྵཿ རྣལ་འབྱོར་སྔགས་འཆང་བདག་ཅག་དང༔ རྒྱུ་སྦྱོར་ཡོན་བདག་མི་ནོར་འཁོར༔ བདག་ལ་ལྟོས་བཅས་བསྲུང་བྱ་ལ༔ རྒྱ་གར་ཆོས་ཀྱི་བྱད་ཟོར་དང༔ རྒྱ་ནག་གཙུག་ལག་བྱད་ཟོར་གཏད༔ ནང་པ་སངས་རྒྱས་བྱད་ཟོར་གཏད༔ ཞང་ཞུང་བོན་པོའི་བྱད་ཟོར་གཏད༔ བནྡྷེ་ཡོངས་ཀྱི་བྱད་ཟོར་གཏད༔ སྔགས་པ་ཕུར་ཐོགས་བྱད་ཟོར་གཏད༔ མུ་སྟེགས་སྡེ་དྲུག་བྱད་ཟོར་གཏད༔ དྲང་སྲོང་བརྒྱད་ཀྱི་བྱད་ཟོར་གཏད༔ སྣང་སྲིད་ལྷ་འདྲེའི་བྱད་ཟོར་གཏད༔ དྲང་སྲོང་ཁྱབ་འཇུག་འོད་འཕྲོ་བ༔ དྲང་སྲོང་ལྷག་པ་བློན་པོའི་རྒྱལ༔ རྩ་གསུམ་སྲུང་མའི་བདེན་མཐུ་ཡིས༔ བྱད་ཐག་ཆོད་ལ་བཅིངས་པ་ཁྲོལ༔ ཁྲམ་བྱང་ཕྱིས་ལ་ཁྲམ་རིས་ཞོར༔ ཁྲམ་ཤིང་ཆོག་ལ་ཁྲམ་སྣ་བཟློག༔ ཁྲམ་ཁ་བསྒྱུར་ལ་བྱད་མ་སོད༔ ཁྲམ་གྱི་ཐ་རམ་བཀྲོལ་དུ་གསོལ༔ ཁྲམ་གྱི་ཡི་གེ་འཁྲུད་དུ་གསོལ༔ ཕོ་བདུད་ཁྲམ་ཁ་གཡས་སུ་བསྒྱུར༔ མོ་བདུད་ཁྲམ་ཁ་གཡོན་དུ་བསྒྱུར༔ སྤྱི་བདུད་ཁྲམ་ཁ་མཁའ་ལ་བསྒྱུར༔ བཅོལ་པའི་ཕྲིན་ལས་འགྲུབ་པར་མཛོད༔ ཨོཾ་སྒྲ་གཅན་འཛིན་སརྦ་ཁྲམ་ཁ་ཕྱེས་ཤིག་བསྒྱུར་ཅིག་ཤནྟིཾ་ཀུ་རུ་སྭཱཧཱ༔ ཧཱུྃ་ཛཿ ཀྵཿ རྣལ་འབྱོར་སྔགས་འཆང་བདག་ཅག་དང༔ རྒྱུ་སྦྱོར་ཡོན་བདག་མི་ནོར་འཁོར༔ བདག་ལ་ལྟོས་བཅས་བསྲུང་བྱ་ལ༔ རྒྱ་གར་ཆོས་ཀྱི་བྱད་ཟོར་དང༔ རྒྱ་ནག་གཙུག་ལག་བྱད་ཟོར་གཏད༔ ནང་པ་སངས་རྒྱས་བྱད་ཟོར་གཏད༔ ཞང་ཞུང་བོན་པོའི་བྱད་ཟོར་གཏད༔ བནྡྷེ་ཡོངས་ཀྱི་བྱད་ཟོར་གཏད༔ སྔགས་པ་ཕུར་ཐོགས་བྱད་ཟོར་གཏད༔ མུ་སྟེགས་སྡེ་དྲུག་བྱད་ཟོར་གཏད༔ དྲང་སྲོང་བརྒྱད་ཀྱི་བྱད་ཟོར་གཏད༔ སྣང་སྲིད་ལྷ་འདྲེའི་བྱད་ཟོར་གཏད༔ དྲང་སྲོང་ཁྱབ་འཇུག་འོད་འཕྲོ་བ༔ ཉི་མ་ཟླ་བ་སྤེན་པ་དང༔ རྒྱུ་སྐར་ཉེར་བརྒྱད་ལྷ་སྲིན་པོ༔ སྡེ་བརྒྱད་རང་འཁོར་དྲེགས་པའི་དམག༔ རྩ་གསུམ་སྲུང་མའི་བདེན་མཐུ་ཡིས༔ བྱད་ཐག་ཆོད་ལ་བཅིངས་པ་ཁྲོལ༔ ཁྲམ་བྱང་ཕྱིས་ལ་ཁྲམ་རིས་ཞོར༔ ཁྲམ་ཤིང་ཆོག་ལ་ཁྲམ་སྣ་བཟློག༔ ཁྲམ་ཁ་བསྒྱུར་ལ་བྱད་མ་སོད༔ ཁྲམ་གྱི་ཐ་རམ་བཀྲོལ་དུ་གསོལ༔ ཁྲམ་གྱི་ཡི་གེ་འཁྲུད་དུ་གསོལ༔ ཕོ་བདུད་ཁྲམ་ཁ་གཡས་སུ་བསྒྱུར༔ མོ་བདུད་ཁྲམ་ཁ་གཡོན་དུ་བསྒྱུར༔ སྤྱི་བདུད་ཁྲམ་ཁ་མཁའ་ལ་བསྒྱུར༔ བཅོལ་པའི་ཕྲིན་ལས་འགྲུབ་པར་མཛོད༔ ཨོཾ་སྒྲ་གཅན་འཛིན་སརྦ་ཁྲམ་ཁ་ཕྱེས་ཤིག་སྒྱུར་ཅིག་ཤནྟིཾ་ཀུ་རུ་སྭཱ་ཧཱ༔ དྲེགས་པ་སུམ་ཅུ་བསྡུས་པ།དྲེགས་པ་སུམ་ཅུའི་ཁྲམ་བསྡུ་ན། ལྷ་དང་མ་མོ་མུ་སྟེགས་བདུད༔ སྲོག་བདག་གཤིན་རྗེ་བཙན་རྒྱལ་པོ༔ ཀླུ་དང་གནམ་སྨན་གནོད་སྦྱིན་ཚོགས༔ མེ་ལྷ་རླུང་ལྷ་ཆུ་ལྷ་ཀླུ༔ ཐེའུ་རང་དམུ་བདུད་འཆི་བདག་རིགས༔ ནད་རིམ་སྲོག་བདུད་རྒྱུ་སྐར་གཟའ༔ འབྱུང་པོ་ཕོ་བདུད་མོ་བདུད་དང༔ སྤྱི་བདུད་ཆུང་བདུད་མ་ཡམ་སོགས༔ སྡེ་དཔོན་ཁྲམ་ལ་བཏབ་པ་ན༔ སོགས། དྲེགས་པ་སུམ་ཅུའི་ཁྲམ་ཤིང་།སྤྲོ་ན་དྲེགས་པ་སུམ་ཅུའི་ཁྲམ་ཤིང་ནི༔ ཧཱུྃ༔ ང་ནི་དཔལ་ཆེན་ཧེ་རུ་ཀ༔ རྒྱལ་བ་རིགས་ལྔ་དབུ་ལ་བཞུགས༔ སྣང་སྲིད་ལྷ་འདྲེ་ཁྱེད་རྣམས་ཀྱིས༔ ཁྲམ་ཤིང་འདི་ལ་གདུག་པའི་ཁྲམ་སྣ་འདུ༔ མདོས་བདག་ཕོ་མོ་ཁྱེད་རྣམས་ཀྱིས༔ བདུད་ཀྱི་ཁྲམ་ཤིང་ཕྱག་ན་བསྣམས༔ ཀླུ་ཡི་ཁྲམ་ཤིང་ཕྱག་ན་བསྣམས༔ བཙན་གྱི་ཁྲམ་ཤིང་ཕྱག་ན་བསྣམས༔ བདུད་ཀྱི་ཁྲམ་ཤིང་ད་ཕྱིས་ཤིག༔ མ་མོའི་ཁྲམ་ཤིང་ད་ཕྱིས་ཤིག༔ གཤིན་རྗེའི་ཁྲམ་ཤིང་ད་ཕྱིས་ཤིག༔ ཀླུ་ཡི་ཁྲམ་ཤིང་ད་ཕྱིས་ཤིག༔ སྲོག་བདག་རྒྱལ་པོའི་ཁྲམ་ཤིང་ད་ཕྱིས་ཤིག༔ སྨྱོ་འབོག་རྒྱལ་པོའི་ཁྲམ་ཁ་ད་ཕྱིས་ཤིག༔ བན་བོན་ངན་སྔགས་ཁྲམ་ཁ་ད་ཕྱིས་ཤིག༔ མ་སྲིང་དམོད་མོའི་ཁྲམ་ཁ་ད་ཕྱིས་ཤིག༔ རྨིས་ལྟས་མཚན་ལྟས་ངན་པའི་ཁྲམ་ཁ་ད་ཕྱིས་ཤིག༔ དཀོན་མཆོག་གསུམ་གྱི་བདེན་པ་དང༔ ཡི་དམ་ཆོས་སྐྱོང་མཐུ་སྟོབས་ཀྱིས༔ སྣང་སྲིད་ལྷ་འདྲེའི་ཁྲམ་ཤིང་བཟློག༔ བདུད་དང་གཤིན་རྗེའི་ཁྲམ་ཤིང་བཟློག༔ བཙན་དང་རྒྱལ་པོའི་ཁྲམ་ཤིང་བཟློག༔ ཀླུ་དང་ས་བདག་ཁྲམ་ཤིང་བཟློག༔ ནད་དང་རིམས་ཀྱི་ཁྲམ་ཤིང་བཟློག༔ བྱད་ཁ་ཕུར་ཁའི་ཁྲམ་ཤིང་བཟློག༔ ཁྲམ་ཁ་ཕྱིས་ལ་ཤོ་རྡོ་གཏོར༔ ནད་ཁ་བཟློག་ལ་རིམས་ཁ་བཟློག༔ བདུད་ཀྱི་ཞགས་པ་ཆོད་ལ་གཤིན་རྗེའི་ཁྲམ་ཁ་ཞོར༔ སྡང་བའི་དགྲ་ལ་མདོས་ཁ་ཕོབ༔ གནོད་པའི་བགེགས་ལ་ཕུར་པས་ཐོབ༔ བྱད་མ་ལྷ་སྲུང་དང་བཅས་པའི་སྟེང་དུ་ཕུར་ཁ་ཟོར་ཁ་ཕོབ༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ གཤིན་རྗེའི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ ལྷ་ཡི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ མ་མོའི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ མུ་སྟེགས་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་གྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ མུ་སྟེགས་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ སྲོག་བདག་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ དགེ་བསྙེན་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ བཙན་གྱི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ བདུད་ཀྱི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ རྒྱལ་པོའི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ ཀླུ་ཡི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ གནམ་སྨན་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ གནོད་སྦྱིན་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ མེ་ལྷའི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ རླུང་ལྷའི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ ཆུ་ལྷའི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ ཀླུ་སྲིན་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ ཐེའུ་རིང་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ དམུ་ཡི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ འཆི་བདག་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ ནད་རིམས་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ སྲོག་བདུད་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ རྒྱུ་སྐར་གྱི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ གཟའ་ཡི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ འབྱུང་པོའི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ ཕོ་བདུད་ཀྱི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ མོ་བདུད་ཀྱི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ སྤྱི་བདུད་ཀྱི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ ཆུང་བདུད་ཀྱི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ ཧཱུྃ༔ གསང་བདག་ཕྱག་རྡོར་ཡོངས་རྫོགས་བྱིན་རླབས་ཅན༔ བདག་ཅག་སྔགས་འཆང་དཔོན་སློབ་དང༔ རྒྱུ་སྦྱོར་ཡོན་བདག་འཁོར་བཅས་རྣམས༔ མ་ཡམས་ཀྱི་ཁྲམ་ལ་བཏབ་པ་ན༔ ཁྲམ་ཁ་ཕྱིས་ལ་ཁྲམ་སྣ་ཞོར༔ ཁྲམ་ཤིང་ཆོག་ལ་དགྲ་བགེགས་ནོན༔ ཁྲམ་ཁ་སྡང་བའི་དགྲ་ལ་བསྒྱུར༔ ཁྲམ་ཁ་གནོད་པའི་བགེགས་ལ་བསྒྱུར༔ ཁྲམ་ཁ་ཟ་བའི་འདྲེ་ལ་བསྒྱུར༔ ཁྲམ་ཁ་ཕུང་བའི་སྲི་ལ་བསྒྱུར༔ བྱད་མ་རང་གཤེད་རང་ལ་ཕོབ༔ བྱད་མ་རང་མཐུ་རང་ལ་བཟློག༔ བྱད་མ་ཐལ་བ་རྡུལ་དུ་རློག༔ བཅོལ་པའི་ཕྲིན་ལས་འགྲུབ་པར་མཛོད༔ དེ་ནས་བདུད་ཀྱི་ཁྲམ་ཁ་ཕྱུང་བ་ནི༔ ཀྱཻ༔ བདུད་ཀྱི་རྒྱལ་པོ་མཐུ་བོ་ཆེ༔ ཡེ་ཤེས་གཉན་གྱི་ཡང་རྩལ་ཅན༔ བདུད་ཀྱི་རྒྱལ་པོ་མདོས་ལ་གཤེགས༔ རེ་སྡེ་མགོ་ཉག་མན་ཆད་དང༔ ནག་པོ་སྟག་ཐོད་ཡན་ཆད་དུ༔ བདུད་རིགས་རྣམས་ཀྱིས་ཕྱག་བགྱིས་ཀྱང༔ བདུད་ཀྱི་རྒྱལ་པོས་སྤྱན་མི་གཟིགས༔ འགྱིང་ཞིང་ཁྲོ་ཚུལ་འདོར་སྟབས་སྟོན༔ བདུད་རྣམས་ཀུན་གྱི་ཡང་བདུད་དེ༔ མི་བཟད་བདུད་རིགས་ཨ་ལ་ལ༔ བདུད་ཀྱི་ཚོགས་རྣམས་བཀའ་ནོན་མཛོད༔ མདོས་འདི་བདུད་ཀྱི་ཕྱག་ཏུ་འབུལ༔ བདུད་ཀྱི་ལག་ནས་མི་ཚུར་ཐོངས༔ རྒྱུ་སྦྱོར་ཡོན་གྱི་བདག་པོ་འདི༔ བདུད་ཀྱི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ བདུད་ཀྱི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ བདུད་ཀྱི་ཁྲམ་ཁ་དགྲ་ལ་སྤོས༔ དེ་ནས་བཙན་གྱི་ཁྲམ་ཁ་ཕྱུང་བ་ནི༔ ཀྱཻ༔ བཙན་གྱི་རྒྱལ་པོ་མཐུ་བོ་ཆེ༔ ཡེ་ཤེས་གཉན་གྱི་ཡང་རྩལ་ཅན༔ བཙན་གྱི་རྒྱལ་པོ་མདོས་ལ་གཤེགས༔ སྐྱེས་བུ་ལུང་བཙན་མན་ཆད་དང༔ ཤོར་བ་ཁྲི་ཐོག་ཡན་ཆད་དུ༔ བཙན་ཁམས་མང་པོས་གུས་ཕུལ་ཀྱང༔ བཙན་གྱི་རྒྱལ་པོས་སྤྱན་མི་གཟིགས༔ འགྱིང་ཞིང་འདོར་སྟབས་ཁྲོས་ཚུལ་སྟོན༔ བཙན་རྣམས་ཀུན་གྱི་ཡང་བཙན་དེ༔ མི་བཟད་བཙན་རིགས་ཨ་ལ་ལ༔ བཙན་གྱི་ཚོགས་ལ་བཀའ་ནོན་མཛོད༔ མདོས་འདི་བཙན་གྱི་ཕྱག་ཏུ་འབུལ༔ བཙན་གྱི་ལག་ནས་མི་ཚུར་ཐོངས༔ རྒྱུ་སྦྱོར་ཡོན་གྱི་བདག་པོ་འདི༔ བཙན་གྱི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱང༔ བཙན་གྱི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ བཙན་གྱི་ཁྲམ་ཁ་དགྲ་ལ་སྤོས༔ དེ་ནས་དམུའི་ཁྲམ་ཁ་ཕྱུང་བ་ནི༔ ཀྱཻ༔ དམུ་བདུད་རྒྱལ་པོ་མཐུ་བོ་ཆེ༔ ཡེ་ཤེས་གཉན་གྱི་ཡང་རྩལ་ལྡན༔ དམུ་བདུད་རྒྱལ་པོ་མདོས་ལ་གཤེགས༔ དམུ་རྗེ་བཙན་པོ་མན་ཆད་དང༔ དམུ་བཙན་རོལ་པ་ཡན་ཆད་དུ༔ དམུ་རྣམས་ཀུན་གྱིས་ཕྱག་བགྱིད་ཀྱང༔ དམུ་བདུད་རྒྱལ་པོས་སྤྱན་མི་གཟིགས༔ འདོར་སྟབས་འགྱིང་ཞིང་ཁྲོ་ཚུལ་སྟོན༔ དམུ་རྣམས་ཀུན་གྱི་ལུས་དཔོན་ཏེ༔ མི་བཟད་དམུ་བདུད་ཨ་ལ་ལ༔ དམུ་ཡི་ཚོགས་རྣམས་དམ་ལ་ཤོག༔ མདོས་འདི་དམུ་ཡི་ཕྱག་ཏུ་བཞེས༔ དམུ་ཡི་ལག་ནས་མི་ཚུར་ཐོངས༔ རྒྱུ་སྦྱོར་ཡོན་གྱི་བདག་པོ་འདི༔ དམུ་ཡི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ དམུ་ཡི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ དམུ་ཡི་ཁྲམ་ཁ་དགྲ་ལ་སྤོས༔ དེ་ནས་དགེ་བསྙེན་གྱི་ཁྲམ་ཁ་ཕྱུང་བ་ནི༔ ཀྱཻ༔ སྐྱེས་བུ་ཆེན་པོ་མཐུ་བོ་ཆེ༔ ཡེ་ཤེས་གཉན་གྱི་ཡང་རྩལ་ཅན༔ སྐྱེས་བུ་ཆེན་པོ་མདོས་ལ་གཤེགས༔ རྡོ་རྗེ་ལག་པ་མན་ཆད་དང༔ མགར་བ་ནག་པོ་ཡན་ཆད་དུ༔ དམ་ཅན་ཚོགས་ཀྱིས་ཕྱག་བགྱི་ཡང༔ སྐྱེས་བུ་ཆེན་པོས་སྤྱན་མི་གཟིགས༔ འགྱིང་ཞིང་ཁྲོ་ཚུལ་འདོར་སྟབས་སྟོན༔ དམ་ཅན་ཡོངས་ཀྱི་སྡེ་དཔོན་ཏེ༔ དགེ་བསྙེན་འཁོར་བཅས་ཨ་ལ་ལ༔ དགེ་བསྙེན་ཚོགས་རྣམས་བཀའ་ནོན་མཛོད༔ མདོས་འདི་དགེ་བསྙེན་ཕྱག་ཏུ་བཞེས༔ དམ་ཅན་ལག་ནས་མི་ཚུར་ཐོངས༔ བདག་དང་རྒྱུ་སྦྱོར་ཡོན་བདག་རྣམས༔ སྐྱེས་བུའི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ སྐྱེས་བུའི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ སྐྱེས་བུའི་ཁྲམ་ཁ་དགྲ་ལ་སྤོས༔ དེ་ནས་ཀླུའི་ཁྲམ་ཁ་ཕྱུང་བ་ནི༔ ཀྱཻཿ ཀླུ་ཡི་རྒྱལ་པོ་མཐུ་བོ་ཆེ༔ ཡེ་ཤེས་གཉན་གྱི་ཡང་རྩལ་ཅན༔ ཀླུ་རིགས་མང་པོས་ཕྱག་བགྱིད་ཀྱང༔ ཀླུ་ཡི་རྒྱལ་པོས་སྤྱན་མི་གཟིགས༔ འགྱིང་ཞིང་འདོར་སྟབས་ཁྲོས་ཚུལ་སྟོན༔ ཀླུ་རྣམས་ཀུན་གྱི་སྡེ་དཔོན་ཏེ༔ གཙང་མའི་ཀླུ་རིགས་ཨ་ལ་ལ༔ ཀླུ་ཡི་ཚོགས་རྣམས་བཀའ་ནོན་མཛོད༔ མདོས་འདི་ཀླུ་ཡི་ཕྱག་ཏུ་བཞེས༔ ཀླུ་ཡི་ལག་ནས་མི་ཚུར་ཐོངས༔ བདག་དང་རྒྱུ་སྦྱོར་ཡོན་བདག་འདི༔ ཀླུ་ཡི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ ཀླུ་ཡི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ ཀླུ་ཡི་ཁྲམ་ཁ་དགྲ་ལ་སྤོས༔ དེ་ནས་ཐེའུ་རང་གི་ཁྲམ་ཁ་ཕྱུང་བ་ནི༔ ཀྱཻ༔ ཐེའུ་རང་རྒྱལ་པོ་མཐུ་བོ་ཆེ༔ ཡེ་ཤེས་གཉན་གྱི་ཡང་རྩལ་ལྡན༔ ཐེའུ་རང་སྡེ་དཔོན་མདོས་ལ་གཤེགས༔ དཀར་པོ་སྤྱན་གཅིག་མན་ཆད་དང༔ ཐེའུ་རང་མངལ་རྐུན་ཡན་ཆད་དུ༔ བགེགས་རིགས་མང་པོས་ཕྱག་བགྱིད་ཀྱང༔ ཐེའུ་རང་རྒྱལ་པོས་སྤྱན་མི་གཟིགས༔ དོར་སྟབས་འགྱིང་ཞིང་ཁྲོས་ཚུལ་སྟོན༔ ཐེའུ་རང་ཀུན་གྱི་གཙོ་བོར་མཛད༔ ཐེའུ་རང་ཚོགས་རྣམས་ཨ་ལ་ལ༔ ཐེའུ་རང་ཚོགས་ལ་བཀའ་ནོན་མཛོད༔ མདོས་འདི་ཐེའུ་རང་ཕྱག་ཏུ་བཞེས༔ བགེགས་ཀྱི་ལག་ནས་མི་ཚུར་ཐོངས༔ བདག་དང་རྒྱུ་སྦྱོར་ཡོན་བདག་འདི༔ བགེགས་ཀྱི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ བགེགས་ཀྱི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ ཐེའུ་རང་ཁྲམ་ཁ་དགྲ་ལ་སྤོས༔ དེ་ནས་གཤིན་རྗེའི་ཁྲམ་ཁ་ཕྱུང་བ་ནི༔ ཀྱཻ༔ གཤིན་རྗེའི་རྒྱལ་པོ་མཐུ་བོ་ཆེ༔ ཡེ་ཤེས་གཉན་གྱི་ཡང་རྩལ་ཅན༔ གཤིན་རྗེའི་རྒྱལ་པོ་མདོས་ལ་གཤེགས༔ ཡ་མ་ར་ཛ་མན་ཆད་དང༔ གཤིན་རྗེ་ཐོད་དབྱུག་ཡན་ཆད་དུ༔ གཤིན་རྗེ་སྟོང་ཕྲག་ཕྱག་བགྱིད་ཀྱང༔ གཤིན་རྗེ་རྒྱལ་པོས་སྤྱན་མི་གཟིགས༔ འགྱིང་ཞིང་དོར་སྟབས་ཁྲོས་ཚུལ་སྟོན༔ གཤིན་རྗེ་ཡོངས་ཀྱི་སྡེ་དཔོན་ཏེ༔ མི་བཟད་གཤིན་རྗེ་ཨ་ལ་ལ༔ གཤིན་རྗེའི་ཚོགས་ལ་བཀའ་ནོན་མཛོད༔ མདོས་འདི་གཤིན་རྗེའི་ཕྱག་ཏུ་བཞེས༔ གཤིན་རྗེ་ལག་ནས་མི་ཚུར་ཐོངས༔ རྒྱུ་སྦྱོར་ཡོན་གྱི་བདག་པོ་འདི༔ གཤིན་རྗེའི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ གཤིན་རྗེའི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ གཤིན་རྗེའི་ཁྲམ་ཁ་དགྲ་ལ་སྤོས༔ དེ་ནས་གཟའི་ཁྲམ་ཁ་ཕྱུང་བ་ནི༔ ཀྱཻ༔ གཟའ་ཡི་རྒྱལ་པོ་ཐུ་བོ་ཆེ༔ ཡེ་ཤེས་གཉན་གྱི་ཡང་རྩལ་ཅན༔ གཟའ་བདུད་རྒྱལ་པོ་མདོས་ལ་གཤེགས༔ ཁྱབ་འཇུག་ཆེན་པོ་མན་ཆད་དང༔ སྒྲ་གཅན་འཛིན་པ་ཡན་ཆད་ཀྱི༔ གཟའ་རིགས་ཚོགས་ཀྱིས་ཕྱག་བགྱིད་ཀྱང༔ གཟའ་བདུད་རྒྱལ་པོས་སྤྱན་མི་གཟིགས༔ འགྱིང་ཞིང་འདོར་སྟབས་ཁྲོས་ཚུལ་སྟོན༔ གཟའ་རྣམས་ཀུན་གྱི་ཡང་རྗེ་སྟེ༔ མི་བཟད་གཟའ་མཆོག་ཨ་ལ་ལ༔ གཟའ་བདུད་ཚོགས་ལ་བཀའ་ནོན་མཛོད༔ མདོས་འདི་གཟའ་བདུད་ཕྱག་ཏུ་བཞེས༔ གཟའ་བདུད་ལག་ནས་མི་ཚུར་ཐོངས༔ རྒྱུ་སྦྱོར་ཡོན་གྱི་བདག་པོ་འདི༔ གཟའ་ཡི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ གཟའ་ཡི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ གཟའ་ཡི་ཁྲམ་ཁ་དགྲ་ལ་སྤོས༔ དེ་ནས་རྒྱལ་པོའི་ཁྲམ་ཁ་ཕྱུང་བ་ནི༔ ཀྱཻ༔ རྒྱལ་པོ་ཆེན་པོ་མཐུ་བོ་ཆེ༔ ཡེ་ཤེས་གཉན་གྱི་ཡང་རྩལ་ཅན༔ རྒྱལ་པོ་ཆེན་པོ་མདོས་ལ་གཤེགས༔ བེ་དཀར་རྒྱལ་པོ་མན་ཆད་དང༔ བེ་ཐེ་བསེན་མོ་ཡན་ཆད་དུ༔ རྒྱལ་པོའི་ཚོགས་ཀྱིས་ཕྱག་བགྱིད་ཀྱང༔ རྒྱལ་པོ་ཆེན་པོས་སྤྱན་མི་གཟིགས༔ འགྱིང་ཞིང་དོར་སྟབས་ཁྲོས་ཚུལ་སྟོན༔ རྒྱལ་པོ་ཀུན་གྱི་སྤྱི་རྗེ་སྟེ༔ མི་བཟད་རྒྱལ་ཆེན་ཨ་ལ་ལ༔ རྒྱལ་ཕྲན་ཚོགས་ལ་བཀའ་ནོན་མཛོད༔ མདོས་འདི་རྒྱལ་པོའི་ཕྱག་ཏུ་བཞེས༔ རྒྱལ་པོའི་ལག་ནས་མི་ཚུར་ཐོངས༔ རྒྱུ་སྦྱོར་ཡོན་གྱི་བདག་པོ་འདི༔ རྒྱལ་པོའི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ རྒྱལ་པོའི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ རྒྱལ་པོའི་ཁྲམ་ཁ་དགྲ་ལ་སྤོས༔ དེ་ནས་ལྷའི་ཁྲམ་ཁ་ཕྱུང་བ་ནི༔ ཀྱཻ༔ ལྷ་ཡི་རྒྱལ་པོ་མཐུ་བོ་ཆེ༔ ཡེ་ཤེས་གཉན་གྱི་ཡང་རྩལ་ཅན༔ ལྷ་ཡི་རྒྱལ་པོ་མདོས་ལ་གཤེགས༔ དབང་ཕྱུག་ཆེན་པོ་མན་ཆད་དང་༔ གཞོན་ནུ་གདོང་དྲུག་ཡན་ཆད་དུ༔ ལྷ་ཕྲན་སྟོང་གིས་ཕྱག་བགྱིད་ཀྱང༔ ལྷ་ཡི་དབང་ཕྱུག་སྤྱན་མི་གཟིགས༔ ཕྱག་ལན་མི་སྟེར་ཁྲོས་ཚུལ་སྟོན༔ ལྷ་རྣམས་ཡོངས་ཀྱི་སྡེ་དཔོན་མཛད༔ མི་བཟད་ལྷ་ཆེན་ཨ་ལ་ལ༔ ལྷ་ཕྲན་ཚོགས་ལ་བཀའ་ནོན་མཛོད༔ མདོས་འདི་ལྷ་ཡི་རྒྱལ་པོས་བཞེས༔ ལྷ་ཡི་ལག་ནས་མི་ཚུར་ཐོངས༔ རྒྱུ་སྦྱོར་ཡོན་གྱི་བདག་པོ་འདི༔ ལྷ་ཡི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ ལྷ་ཡི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ ལྷ་ཡི་ཁྲམ་ཁ་དགྲ་ལ་སྤོས༔ དེ་ནས་གནོད་སྦྱིན་ཁྲམ་ཁ་ཕྱུང་བ་ནི༔ ཀྱཻ༔ གནོད་སྦྱིན་རྒྱལ་པོ་མཐུ་བོ་ཆེ༔ ཡེ་ཤེས་གཉན་གྱི་ཡང་རྩལ་ཅན༔ གནོད་སྦྱིན་རྒྱལ་པོ་མདོས་ལ་གཤེགས༔ གནོད་སྦྱིན་རྒྱལ་པོ་མན་ཆད་དང༔ ཀ་ལ་ཡཀྴ་ཡན་ཆད་དུ༔ གནོད་སྦྱིན་སྟོང་གིས་ཕྱག་འཚལ་ཡང༔ གནོད་སྦྱིན་སྡེ་དཔོན་སྤྱན་མི་གཟིགས༔ མཁའ་ལ་འགྱིང་ཞིང་ཁྲོས་ཚུལ་སྟོན༔ གནོད་སྦྱིན་ཡོངས་ཀྱི་སྤྱི་རྗེ་སྟེ༔ མི་བཟད་གནོད་སྦྱིན་ཨ་ལ་ལ༔ གནོད་སྦྱིན་ཚོགས་རྣམས་བཀའ་ནོན་མཛོད༔ མདོས་འདི་གནོད་སྦྱིན་སྡེ་དཔོན་བཞེས༔ གནོད་སྦྱིན་ལག་ནས་མི་ཚུར་ཐོངས༔ རྒྱུ་སྦྱོར་ཡོན་གྱི་བདག་པོ་འདི༔ གནོད་སྦྱིན་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ གནོད་སྦྱིན་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ གནོད་སྦྱིན་ཁྲམ་ཁ་དགྲ་ལ་སྤོས༔ དམ་ཉམས་དགྲ་བོ་ཁྲམ་ལ་ཐོབ༔ རྩིས་དང་ཤོ་རྡིལ་དགྲ་ལ་ཁྲོམ༔ ཁྲམ་ཤིང་དམར་པོ་དགྲ་ལ་སྤོས༔ འདི་ཡན་ཆད་སྣང་སྲིད་ལྷ་འདྲེ་ཕོ་རྒྱུད་རྣམས་ཀྱི་ཁྲམ་ཁ་ཕྱུང་བའོ༔ དེ་ནས་ལྷ་འདྲེ་མོ་རྒྱུད་རྣམས་ཀྱི་ཁྲམ་ཁ་ཕྱུང་བ་ལ་བཞི་ལས༔ དེ་ནས་བདུད་མོའི་ཁྲམ་ཁ་ཕྱུང་བ་ནི༔ ཀྱཻ༔ བདུད་ཀྱི་མི་མོ་མཐུ་མོ་ཆེ༔ ཡེ་ཤེས་གཉན་གྱི་ཡང་རྩལ་ལྡན༔ བདུད་མོ་ཆེན་མོ་མདོས་ལ་གཤེགས༔ རེ་སྡེ་མགོ་ཉག་མན་ཆད་དང༔ ནག་པོ་སྟག་ཐོད་ཡན་ཆད་དུ༔ བདུད་མོ་ཀུན་གྱིས་ཕྱག་བགྱིད་ཀྱང༔ བདུད་མོ་ཆེན་མོས་སྤྱན་མི་གཟིགས༔ འགྱིང་ཞིང་འདོར་སྟབས་ཁྲོས་ཚུལ་སྟོན༔ མ་བདུད་ཀུན་གྱི་སྒྲོལ་བྱེད་མ༔ མིབཟད་བདུད་མོ་ཨ་ལ་ལ༔ བདུད་མོ་རྣམས་ལ་བཀའ་ནོན་མཛོད༔ གླུད་འདི་བདུད་ཀྱི་རྒྱལ་མོས་བཞེས༔ མ་བདུད་ལག་ནས་མི་ཚུར་ཐོངས༔ བདག་ཅག་ཡོན་བདག་འཁོར་བཅས་རྣམས༔ བདུད་མོའི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ བདུད་མོའི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ བདུད་མོའི་དལ་ཁ་དགྲ་ལ་སྤོས༔ དེ་ནས་བཙན་མོའི་ཁྲམ་ཁ་ཕྱུང་བ་ནི༔ ཀྱཻ༔ བཙན་གྱི་མ་མོ་མཐུ་མོ་ཆེ༔ ཡེ་ཤེས་གཉན་གྱི་ཡང་རྩལ་ལྡན༔ བཙན་མོ་ཆེན་མོ་མདོས་ལ་གཤེགས༔ ཡ་བ་སྐྱ་གཅིག་མན་ཆད་དང༔ ཤོར་བ་འབྲེང་ཐོགས་ཡན་ཆད་དུ༔ བཙན་རྣམས་ཀུན་གྱིས་ཕྱག་བགྱིད་ཅིང༔ བཙན་མོ་ཆེན་མོས་སྤྱན་མི་གཟིགས༔ འགྱིང་ཞིང་འདོར་སྟབས་ཁྲོས་ཚུལ་སྟོན༔ བཙན་རྣམས་ཀུན་གྱི་སྒྲོལ་གིང་མོ༔ མི་བཟད་བཙན་བདུད་ཨ་ལ་ལ༔ བཙན་གྱི་ཚོགས་ལ་བཀའ་ནོན་མཛོད༔ གླུད་འདི་བཙན་རྣམས་རྒྱལ་མོས་ཁྱེར༔ བཙན་གྱི་ལག་ནས་མི་ཚུར་ཐོངས༔ བདག་དང་རྒྱུ་སྦྱོར་ཡོན་བདག་འདི༔ བཙན་མོའི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ བཙན་མོའི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ བཙན་མོའི་ཁྲམ་ཁ་དགྲ་ལ་སྤོས༔ དེ་ནས་མ་མོའི་ཁྲམ་ཁ་ཕྱུང་བ་ནི༔ ཀྱཻ༔ མ་མོའི་རྒྱལ་མོ་མཐུ་མོ་ཆེ༔ ཡེ་ཤེས་གཉན་གྱི་ཡང་རྩལ་ལྡན༔ མ་མོ་ཆེན་མོ་མདོས་ལ་གཤེགས༔ གནམ་ལྷ་དཀར་མོ་མན་ཆད་དང༔ གྲོང་རྒྱུག་སྲི་རྐུན་ཡན་ཆད་དུ༔ མ་མོ་སྟོང་སྡེས་ཕྱག་བགྱིད་ཀྱང༔ མ་མོ་ཆེན་མོས་སྤྱན་མི་གཟིགས༔ འགྱིང་ཞིང་འདོར་ཐབས་ཁྲོས་ཚུལ་སྟོན༔ མ་མོ་ཀུན་གྱི་སྒྲོལ་གིང་མོ༔ མི་བཟད་མ་མོ་ཨ་ལ་ལ༔ མཁའ་འགྲོའི་ཚོགས་ལ་བཀའ་ནོན་མཛོད༔ གླུད་འདི་སྲིད་པའི་རྒྱལ་མོས་བཞེས༔ མ་མོའི་ལག་ནས་མི་ཚུར་ཐོངས༔ རྒྱུ་སྦྱོར་ཡོན་གྱི་བདག་པོ་འདི༔ མ་མོའི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ མ་མོའི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ མ་མོའི་ཁྲམ་ཁ་དགྲ་ལ་སྤོས༔ དེ་ནས་བསྟན་མའི་ཁྲམ་ཁ་ཕྱུང་བ་ནི༔ ཀྱཻ༔ བསྟན་མའི་རྒྱལ་མོ་མཐུ་མོ་ཆེ༔ ཡེ་ཤེས་གཉན་གྱི་ཡང་རྩལ་ལྡན༔ བསྟན་མ་ཆེན་མོ་མདོས་ལ་གཤེགས༔ ཀོང་བཙན་དེ་མོ་མན་ཆད་དང༔ འབྲོག་སྲིན་འཁོར་འདུལ་ཡན་ཆད་དུ༔ བསྟན་མ་ཀུན་གྱིས་ཕྱག་བགྱིད་ཀྱང༔ བདུད་མོ་ཆེན་མོས་སྤྱན་མི་གཟིགས༔ འགྱིང་ཞིང་དོར་སྟབས་ཁྲོས་ཚུལ་སྟོན༔ བསྟན་མ་ཡོངས་ཀྱི་སྒྲོལ་གིང་མོ༔ མི་བཟད་བསྟན་མའི་ཚོགས་འདུས་ཨ་ལ་ལ༔ བསྟན་མའི་ཚོགས་ལ་བཀའ་ནོན་མཛོད༔ གླུད་འདི་བསྟན་མའི་རྒྱལ་མོས་ལོངས༔ བསྟན་མའི་ལག་ནས་མི་ཚུར་ཐོངས༔ བདག་དང་རྒྱུ་སྦྱོར་ཡོན་བདག་འདི༔ བསྟན་མའི་ཁྲམ་ལ་མ་འདེབ་ཅིག༔ ཁྲམ་ལ་བཏབ་ན་ཁྲམ་ལས་ཕྱུང༔ བསྟན་མའི་རྩིས་ལ་མ་འདེབ་ཅིག༔ རྩིས་ལ་བཏབ་ན་རྩིས་ལས་ཕྱུང༔ བསྟན་མའི་ཁྲམ་ཁ་དགྲ་ལ་སྤོས༔ བསྒྱུར་རོ་བཟློག་གོ་དགྲ་ལ་བྷྱོ༔ ཁྲམ་ཐོགས་བདུད་བཞིས་ཁྲམ་ལས་ཕྱུང༔ ཤོ་ཐོགས་རྩིས་པས་རྩིས་ལས་ཕྱུང༔ སྲོག་གཅོད་ཤན་པས་མི་སྲོག་ཐོང༔ ཁྲམ་ཐོགས་གིང་བཞིས་མཚོན་དབལ་བཟློག༔ དགྲ་བགེགས་ཁྲམ་དང་རྩིས་ལ་ཐོབ༔ སྲོག་གཅོད་སྙིང་ཕྱུང་ཤ་རུས་གཏུབ༔ བཅོལ་པའི་ཕྲིན་ལས་གྲུབ་པར་མཛོད༔ སྤྱི་དོན་གསུམ་པ་གླུད་མདོས་བྱ་བ་ནི༔ དང་པོ་བསྐྱེད་པ་ནི༔ ཨོཾ་སྭ་བྷཱ་ཝས་སྦྱངས༔ སྟོང་པའི་ངང་ལས་བདག་ཉིད་ཧེ་རུ་ཀའི་ཐུགས་ཀ་ནས་འོད་ཟེར་འཕྲོས་པས་ངར་མི་ལ་ཕོག༔ ཡོངས་སུ་གྱུར་པ་ལས་ངར་མི་གཟི་བརྗིད་ཕུན་སུམ་ཚོགས་པ་དང་ལྡན་པར་གྱུར་པར་བསམ༔ ཡང་འོད་ཟེར་འཕྲོས་བདག་དང་ཡོན་བདག་རྣམས་ཀྱི་ལུས་ངག་ཡིད་གསུམ་ལ་ཕོག་པས་སྡིག་སྒྲིབ་ཐམས་ཅད་མར་བུད་ནས་ངར་མི་ལ་ཐིམ་པས་ངར་མིས་ཡོན་བདག་གི་གླུད་དུ་འགྲོ་ཟེར་བར་བསམ༔ དེ་ནས་ཏིང་ངེ་འཛིན་དང་ལྡན་པས་བདེན་པ་བདར་བ་ནི༔ ན་མོ་དཀོན་མཆོག་གསུམ་ལ་ཕྱག་འཚལ་ལོ༔ དཀོན་མཆོག་གསུམ་གྱི་བཀའ་བདེན་པ་དང༔ ཆོས་ཉིད་རང་བཞིན་གྱིས་རྣམ་པར་དག་པའི་བདེན་པ་དང༔ ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༔ ཁྱད་པར་དུ་ཡང་གསང་བདག་ཕྱག་ན་རྡོ་རྗེའི་དཀྱིལ་འཁོར་གྱི་ལྷ་ཚོགས་འཁོར་དང་བཅས་པའི་བདེན་པ་དང་༔ བདེན་པ་ཆེན་པོའི་བྱིན་རླབས་ཀྱིས༔ བསྲུང་བྱ་མི་ནོར་འཁོར་དང་བཅས་པ་རྣམས་ལ་གནོད་ཅིང་འཚེ་བར་བྱེད་པའི་གདོན་བགེགས་ལོག་པར་འདྲེན་པ་ཐམས་ཅད་གླུད་ཀྱི་གཏོར་མ་རྒྱ་ཆེན་པོ་ལེན་པའི་སླད་དུ་འདིར་མཆིས་པར་གྱུར་ཅིག༔ ཨོཾ་སརྦ་བྷུ་ཏ་ཨ་ཀཪྴ་ཡ་ཛ༔ ལན་གསུམ་དང༔ སྔགས་དྲུག་ཕྱག་དྲུག་གིས་འདོད་ཡོན་སྣ་ཚོགས་སུ་བྱིན་གྱིས་བརླབ་ལ་འདི་སྐད་དོ༔ ཡོན་བདག་གི་བླ་ཟོག་ཟངས་ཀྱི་གའུར་བཅུག་ལ་བྱད་ཐག་གིས་བཅིངས་ནས་སྡེ་བརྒྱད་མདོས་ནང་བཞག༔ ཉིན་ཐ་མར་བླ་མས་མདའ་དར་བཟུང༔ མཆོད་དཔོན་གྱིས་བླ་ཟོག་བླངས་ཏེ་བླ་མས་ཡོན་བདག་ལ་གཏད༔ ཧཱུྃ༔ ང་ནི་དཔལ་ཆེན་འབར་བའི་སྐུ༔ ང་ནི་ཆེ་མཆོག་ཧེ་རུ་ཀ༔ ང་ནི་འབྱུང་པོ་ཀུན་གྱི་གཤེད༔ སྣང་སྲིད་ལྷ་འདྲེ་ཐམས་ཅད་དང༔ གླུད་བདག་འབྱུང་པོ་ཐམས་ཅད་ཀུན༔ མ་ལུས་བདག་གི་བཀའ་ལ་ཉོན༔ ཀྱཻ༔ ཤར་ཕྱོགས་ལྷ་གདོན་དབང་པོ་དང༔ གཤིན་རྗེ་དང་ནི་ཆུ་ལྷ་དང༔ གནོད་སྦྱིན་དང་ནི་དབང་ལྡན་དང༔ མེ་ལྷ་སྲིན་པོ་རླུང་གི་ལྷ༔ ཉི་མ་ཟླ་བ་གཟའ་སྐར་དང༔ འོག་ཕྱོགས་ས་བདག་མ་ཡམས་དང༔ ཕྱོགས་སྐྱོང་ལག་ནས་མི་བླ་བསླུ༔ གླུད་མདོས་གཙང་མ་འདི་བཞེས་ཤིག༔ ཡུལ་འཁོར་སྲུང་དང་འཕགས་སྐྱེས་པོ༔ སྤྱན་མི་བཟང་དང་རྣམ་ཐོས་སྲས༔ དྲི་ཟ་གྲུལ་བུམ་ཀླུ་གནོད་སྦྱིན༔ འབུམ་ཕྲག་མང་པོའི་འཁོར་གྱིས་བསྐོར༔ རྒྱལ་ཆེན་ལག་ནས་མི་བླ་བསླུ༔ གླུད་མདོས་གཙང་མ་འདི་བཞེས་ཤིག༔ དུ་བ་མཇུག་རིང་ལ་སོགས་པ༔ གཟའ་བདུད་ལག་ནས་མི་བླ་བསླུ༔ གླུད་མདོས་གཙང་མ་འདི་བཞེས་ཤིག༔ མཐའ་ཡས་འཇོག་པོ་ལ་སོགས་པ༔ ཀླུ་བདུད་ལག་ནས་མི་བླ་བསླུ༔ གླུད་མདོས་གཙང་མ་འདི་བཞེས་ཤིག༔ པརྞ་ཤ་བ་རི་ལ་སོགས༔ ནོར་སྲུང་ལག་ནས་མི་བླ་བསླུ༔ གླུད་མདོས་གཙང་མ་འདི་བཞེས་ཤིག༔ སྨིན་དྲུག་སྣར་མ་ལ་སོགས་པ༔ རྒྱུ་སྐར་ལག་ནས་མི་བླ་བསླུ༔ གླུད་མདོས་གཙང་མ་འདི་བཞེས་ཤིག༔ བདུད་བཙན་ཡ་བདུད་མ་ཡམས་དང༔ མ་མོ་མཁའ་འགྲོ་འགོང་པོ་དང༔ ཐེའུ་རང་ཡུལ་འདྲེ་དམན་མོ་དང༔ སྡེ་བརྒྱད་ལག་ནས་མི་བླ་བསླུ༔ གླུད་མདོས་གཙང་མ་འདི་བཞེས་ཤིག༔ རྐོས་རྗེ་དྲང་དཀར་མན་ཆད་དང༔ ཐེའུ་རང་རྐང་གཅིག་ཡན་ཆད་ཀྱི༔ ལྷ་སྲིན་སྡེ་བརྒྱད་འཁོར་བཅས་ལ༔ བདག་དང་རྒྱུ་སྦྱོར་ཡོན་བདག་གིས༔ མ་བསད་པ་ཡི་སྟོང་དུ་འབུལ༔ མ་བརྐུས་པ་ཡི་འཇལ་དུ་འབུལ༔ སྔོན་ཚེ་རྒྱལ་པོ་འཁོར་ལོ་དྲུག་པ་ཡིས༔ གྲོང་ཁྱེར་དེ་ནི་བཅུ་གསུམ་ནས༔ འབྲུ་སྣ་བཅུ་གསུམ་བསྡུས་ནས་སུ༔ བྲེ་དང་ཕུལ་དང་སྲང་ལ་འཇལ༔ སྔགས་དང་ཕྱག་རྒྱས་བྱིན་གྱིས་བརླབས༔ ལེགས་ཀྱང་ཡོན་བདག་སྐུ་ཡི་གླུད༔ མཛེས་ཀྱང་ཡོན་བདག་གསུང་གི་གླུད༔ སྡུག་ཀྱང་ཡོན་བདག་ཐུགས་ཀྱི་གླུད༔ ཁྱོད་ནི་སྣང་སྲིད་ལྷ་འདྲེར་འབུལ༔ ཕྱིན་ཆད་གནོད་པར་མ་བྱེད་ཅིག༔ དེ་ནས་མདུན་དུ་གཏོར་ཁྲིའི་ཁར་ཆད་མདོ་ཐེབ་ཙེར་བཤམས་ལ་བྱིན་གྱིས་བརླབ་པ་ནི༔ ཨོཾ་སྭ་བྷཱ་ཝ་སོགས། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བའི་ནང་དུ༔ ལན་ཆགས་གླུད་ཀྱི་གཏོར་མ་རིན་ཆེན་སྣ་ལྔ་ལས་རྒྱུ་བྱས་པ༔ ཁོག་སྟོད་གསེར་ལས་བྱས་པ༔ ཁོག་སྨད་དངུལ་ལས་བྱས་པ༔ སྐེད་པ་མཆོང་ལས་བྱས་པ༔ ལུང་ཐང་གི་མིག༔ མགྲོན་བུའི་སོ༔ བྱི་རུའི་ལྕེ༔ ལག་པ་གཡས་པ་གསེར༔ ལག་གཡོན་པ་དངུལ༔ རྐང་གཡས་ལྕགས༔ རྐང་གཡོན་ཟངས་ལས་བྱས་པ༔ ཁ་ནས་སྙན་པའི་གླུ་ལེན་པ༔ ལག་ནས་འདོད་པའི་ཡས་ཐོགས་པ༔ འགྲོ་མཁས་ལུས་པོ་ལྡེམ་ལྡེམ༔ སྨྲ་མཁས་ངག་སྙན་ཀྱུ་རུ་རུ་བྱེད་པ༔ འདོད་པའི་ཡོན་ཏན་ལྔ་དང་ལྡན་པ་འདི་བསྔོ་ཞིང་འབུལ་བའི་གནས་སུ་གྱུར་པ་ནི༔ བདུད་ཕོ་རེ་ལྡེ་མགོ་ཉག༔ ཤན་པ་གྲི་ཐོགས༔ ཁ་ལ་འགྲེང་ཡུག༔ ཁྲོ་རྒྱལ་ཆེན་པོ༔ རྔམ་ཤོད་ནག་པོ༔ གཏུམ་མོ་ལག་རིང༔ འགྲོ་བ་བང་མགྱོགས༔ གནམ་ཐོགས་རྩོལ་པོ༔ ངམ་རྗེ་རྩོལ་པོ༔ ལྟ་བ་མིག་རྣོ༔ ཉན་པ་རྣ་གསང༔ སྣོམ་པ་དྲི་ཚོར༔ འཆི་བདག་གཤིན་རྗེ་རྣམས་ཀྱིས་གཙོར་བྱས་པའི་ལྷ་སྲིན་འབྱུང་པོ་བགེགས་རིགས་སྟོང་ཕྲག་བརྒྱད་ཅུའི་ཚོགས་དང་བཅས་པ་རྣམས་ལ་བསྔོའོ༔ སཾ་བྷ་ར་དང༔ མཚན་བཞི༔ ལན་ཆགས་གླུད་ཀྱི་གཏོར་མ་འདི་བསྔོས་པས༔ རྣལ་འབྱོར་བདག་ཅག་ཡོན་མཆོད་འཁོར་དང་བཅས་པས༔ བསད་བསད་བཅད་བཅད་སྲོག་གི་ལན་ཆགས༔ བརྡུང་བརྡུང་བཙོག་བཙོག་ན་ཚའི་ལན་ཆགས༔ བརྐུས་བརྐུས་འཕྲོག་འཕྲོག་རྒྱུའི་ལན་ཆགས༔ མཐོ་བ་མཁར་ཕབ་པ༔ དམའ་བ་ཡུལ་འཕྲོག་པ༔ མི་རྟ་གྲི་རུ་བསད་པ་ལ་སོགས་པའི་ལན་ཆགས་ཐམས་ཅད་བྱང༔ བུ་ལོན་ཐམས་ཅད་སོད༔ ཤ་འཁོན་ཐམས་ཅད་སྦྱངས་ནས༔ མྱུར་དུ་རྣམ་པ་ཐམས་ཅད་མཁྱེན་པ་སངས་རྒྱས་ཀྱི་གོ་འཕང་ཐོབ་པར་གྱུར་ཅིག༔ ཅེས་ལན་བཅུའམ་བདུན་ནམ་གསུམ་སོགས་སྐབས་དང་བསྟུན་ནས་གླུད་མདོས་སུ་འབུལ༔ འདོད་གསོལ་ནི༔ ཀྱཻ༔ ཉོན་ཅིག་འཆི་བདག་གཤིན་རྗེའི་ཚོགས༔ ཁྱོད་ནི་ལས་ཀྱི་རྫུ་འཕྲུལ་ཅན༔ འགྲོ་བའི་སྲོག་བདག་ཆེན་པོ་ཁྱོད༔ ལོ་བདུད་ལོ་གཤེད་བཅུ་གཉིས་དང༔ མ་རུང་གཤིན་རྗེའི་འཁོར་གྱིས་བསྐོར༔ བགེགས་ཀྱི་རྒྱལ་པོ་འཁོར་བཅས་ལ༔ ཐོག་མ་མེད་ནས་ད་ལྟའི་བར༔ བུ་ལོན་ཤ་འཁོན་ལན་ཆགས་དང༔ སྟོང་རིན་གང་ཡོད་འཇལ་ཟིན་གྱི༔ བདག་དང་བསྲུང་བྱ་འཁོར་བཅས་ལ༔ ལུས་ངག་ཡིད་གསུམ་བར་ཆད་དང༔ ཚེ་སྲོག་བར་ཆད་ཞི་བར་མཛོད༔ མ་གནོད་བདུད་ཀྱི་ཁྲམ་ཕྱིས་ཤིག༔ མ་བཅིངས་འཆི་བདག་ཞགས་པ་ཁྲོལ༔ མ་བསད་བདུད་ཀྱི་ཁྲམ་ཁ་བསྒྱུར༔ མཆོད་སྦྱིན་རྒྱ་ཆེན་འདི་བཞེས་ལ༔ དུས་དང་དུས་མིན་འཆི་བ་སོགས༔ འགལ་རྐྱེན་ཅི་ཡང་མ་མཛད་པར༔ བཅོལ་པའི་ཕྲིན་ལས་གྲུབ་པར་མཛོད༔ ཉིན་བཞིན་ཆོས་སྦྱིན་བྱའོ༔ འདིའི་མཚམས་བཀྱག་འཇལ་བྱའོ༔ ཉང་རལ་བདེར་འདུས་དང་གུ་རུ་ཆོས་དབང་གི་གཏེར་ཁ་ནས་གྲུབ་ཆེན་རིན་པོ་ཆེས་ཆོག་སྒྲིག་བྱས་པ་ལས། གཏད་དཀྲུགས་ཆ་ལག་ཏུ་དྲེགས་མདོས་དང་གླུད་མདོས་ཁྲམ་མདོས་ལས་ཁོལ་དུ་ཕྱུང་བའོ།། ཨ་རྒོང་ཞུ་ལན་སྣང་སྲིད་བརྡ་གླུ།ཨ་རྒོང་ཞུ་ལན་སྣང་སྲིད་བརྡ་གླུ༔ ནམ་མཁའ་མཛོད་ཀྱིས་བརླབས་ལ་འདི་སྐད་དང་པོ་ཡར་ལ་ཞུ༔ ༼༡ ཀྱེ༔ ང་ཨ་རྒོང་རྒྱལ་པོའི་ཞལ་ན་རེ༔ ཁྱེད་རྣལ་འབྱོར་དམ་པ་སྙན་ཅིག་གསོན༔ འབྲུ་མཆོག་ངར་གྱི་མི་བོ་ཆེ༔ ཡོན་བདག་གླུད་དུ་འགྲོ་དགོས་ན༔ དཔྲལ་བའི་མིག་དང་ཁོག་པའི་སྙིང༔ རྣ་བ་སྣ་དབང་ལྕེ་དང་སོ༔ ང་ལ་སྐྱེ་མཆེད་མེད་མོད་ཀྱང༔ དེ་སོགས་ཁྱེད་ཀྱིས་གནང་བར་ཞུ༔ ༼༢ ཀྱེ༔ ང་ཨ་རྒོང་རྒྱལ་པོའི་ཞལ་ན་རེ༔ ཁྱེད་རྣལ་འབྱོར་དམ་པ་སྙན་ཅིག་གསོན༔ ཡོན་བདག་གླུད་དུ་འགྲོ་དགོས་ན༔ མགོ་ཞྭ་རྐང་ལྷྭམ་ལུས་གོས་དང༔ སྐེ་རག་ལྷམ་སྒྲོག་གསེར་གཡུའི་རྒྱན༔ གང་ཡང་མེད་པས་གནང་བར་ཞུ༔ ༼༣ ཀྱེ༔ ང་ཨ་རྒོང་རྒྱལ་པོའི་ཞལ་ན་རེ༔ ཁྱེད་རྣལ་འབྱོར་དམ་པ་སྙན་ཅིག་གསོན༔ ཡོན་བདག་གླུད་དུ་འགྲོ་དགོས་ན༔ ནོར་དང་བག་མ་གྲོགས་པོ་དང༔ འཁོར་འབངས་ལོངས་སྤྱོད་དངོས་པོ་མེད༔ དེ་སོགས་ཁྱེད་ཀྱིས་གནང་བར་ཞུ༔ ༼༤ ཀྱེ༔ ང་ཨ་རྒོང་རྒྱལ་པོའི་ཞལ་ན་རེ༔ ཁྱེད་རྣལ་འབྱོར་དམ་པ་སྙན་ཅིག་གསོན༔ ང་ཡོན་བདག་གླུད་དུ་འགྲོ་དགོས་ན༔ ཅི་དང་གང་གི་གླུད་འདི་དག༔ སུ་དང་གང་ལ་ཇི་ལྟར་འཇལ༔ སྔགས་འཆང་རྒྱལ་པོས་གསུང་དུ་གསོལ༔ ༼༥ ཀྱེ༔ ང་ཨ་རྒོང་རྒྱལ་པོའི་ཞལ་ན་རེ༔ ཁྱེད་རྣལ་འབྱོར་དམ་པ་སྙན་ཅིག་གསོན༔ ང་ཡོན་བདག་ཁམས་དང་སྐྱེ་མཆེད་དང༔ འབྱུང་ལྔའི་གླུད་དུ་འགྲོ་དགོས་ན༔ འབྱུང་བ་ལྔ་ལ་ཇི་ལྟར་འཇལ༔ ཡོན་བདག་རྐྱེན་ངན་ཇི་ལྟར་བསལ༔ ང་རང་རྗེས་མེད་གང་དུ་འགྲོ༔ གྲོལ་བའི་གནད་དོན་ཅི་དང་ཅི༔ བཀྲ་ཤིས་སྨོན་ལམ་ཇི་ལྟར་ལེགས༔ སྔགས་འཆང་རྒྱལ་པོས་གསུང་དུ་གསོལ༔ ཞུ་ལེན་རྗེས་ནས་མར་གནང་ནི༔ ༼༡ ཀྱཻ༔ ང་སྔགས་འཆང་རྒྱལ་པོའི་ཞལ་ན་རེ༔ ཨ་རྒོང་རྒྱལ་པོ་ཚུར་གསོན་དང༔ ཁྱོད་ལ་དགོས་པ་བདག་གིས་སྟེར༔ ཞོ་ཤའི་སྙིང་དང་མུ་ཏིག་ཀླད༔ ལུང་ཐང་མིག་ལ་མགྲོན་བུའི་སོ༔ བྱི་རུའི་ལྕེ་ལ་ལེ་བརྒན་རྣ༔ བསུང་ཞིམ་སྣ་ལ་དབང་པོའི་ལག༔ ཟངས་ལྕགས་རྐང་དང་སྐྱེ་མཆེད་ལྔ༔ རྐང་པས་སྟངས་སྟབས་ལག་གར་བསྒྱུར༔ ཨ་རྒོང་ངར་གྱི་མི་བོ་ཆེ༔ ཁམས་དང་སྐྱེ་མཆེད་ཡོངས་རྫོགས་ཚང༔ སྣང་སྲིད་ལྷ་འདྲེ་ཡོངས་ལ་བསྔོ༔ ཕྱིན་ཆད་མ་འཁོར་མ་གནོད་ཅིག༔ ༼༢ ཀྱཻ༔ ང་སྔགས་འཆང་རྒྱལ་པོའི་ཞལ་ན་རེ༔ ཨ་རྒོང་རྒྱལ་པོ་ཚུར་གསོན་དང༔ ཁྱོད་ལ་དགོས་པ་བདག་གིས་སྟེར༔ མགོ་ལ་ཝ་ཞྭ་ཤིགས་སེ་ཤིག༔ རྒྱབ་ལ་དར་གོས་འཇོ་སེ་འཇོ༔ ཞབས་ལ་རྒྱ་ལྷྭམ་གད་དེ་གད༔ ལག་པ་གདུ་བུ་ཁྲོ་ལོ་ལོ༔ མགུལ་ལ་དོ་ཤལ་སི་ལི་ལི༔ རིན་ཆེན་རྒྱན་ཆ་སྤུངས་སེ་སྤུང༔ སྣང་སྲིད་ལྷ་འདྲེའི་ཚོགས་ལ་བསྔོ༔ ཕྱིན་ཆད་མ་འཁོར་མ་གནོད་ཅིག༔ འདི་ལ་གནོད་པ་མ་བྱེད་ཅིག༔ ༼༣ ཀྱཻ༔ ང་སྔགས་འཆང་རྒྱལ་པོའི་ཞལ་ན་རེ༔ ཨ་རྒོང་རྒྱལ་པོ་ཚུར་གསོན་དང༔ ཁྱོད་ལ་དགོས་པ་བདག་གིས་སྟེར༔ བརྒྱན་བརྒྱན་དེ་ནི་སྤུར་སྤུར་ནས༔ སྐྱེས་བུ་དམག་ལ་ཆས་པ་འདྲ༔ ན་ཆུང་བག་མར་ཆས་པ་འདྲ༔ རྒྱལ་པོའི་བང་མཛོད་ཕྱེས་པ་འདྲ༔ རྒྱ་ནག་རྒྱལ་པོའི་ལོངས་སྤྱོད་ནི༔ དར་ཟབ་རི་ལྟར་སྤུངས་པ་ནི༔ ཁྱོད་ལ་གོས་ཀྱི་སྐལ་བར་བསྔོ༔ རྒྱ་གར་ཡུལ་ནས་གསེར་དངུལ་གཡུ༔ སངས་རྒྱས་བསྟན་པའི་ཀ་དར་དེ༔ ཁྱོད་ཀྱི་དཀོར་གྱི་སྐལ་བར་བསྔོ༔ སྟག་གཟིག་ཡུལ་ནས་རྟ་གླང་གནག༔ ཁྱོད་ལ་ནོར་གྱི་སྐལ་བར་བསྔོ༔ ཡུལ་གྱི་ཐ་གྲུ་རིན་ཆེན་གླིང༔ མཛེས་པའི་ན་རི་འཕྱོར་བོའི་རྒྱན༔ ཁྱོད་ལ་བག་མའི་སྐལ་བར་བསྔོ༔ འབྲུ་དྲུག་ངར་གྱི་མི་ཆེན་ལ༔ སྔགས་དང་ཕྱག་རྒྱས་བྱིན་རླབས་པ༔ རེ་རེ་ལ་ཡང་བརྒྱ་སྟོང་འཕྲོས༔ ཁྱོད་ལ་གྲོགས་ཀྱི་ཚུལ་དུ་བསྔོ༔ གླུད་ལ་གཙོ་དང་འབངས་སུ་སྤྲུལ༔ ཁྱེད་ལ་འབངས་ཀྱི་རྣམ་པར་བསྔོ༔ འགོང་པོ་ཐེའུ་བྲང་སྤུན་དགུ་དང༔ དམ་སྲི་ཡང་གཡོག་ཚུལ་དུ་བསྔོ༔ སྣང་སྲིད་ལྷ་འདྲེ་ཡོངས་ལ་བསྔོ༔ ཕྱིན་ཆད་མ་འཁོར་མ་གནོད་ཅིག༔ ༼༤ ཀྱཻ༔ ང་སྔགས་འཆང་རྒྱལ་པོའི་ཞལ་ན་རེ༔ ཨ་རྒོང་རྒྱལ་པོ་ཚུར་གསོན་དང༔ ཁྱོད་ཕྱོགས་བཞིར་འགྲོ་ལ་ཆས་ཙ་ན༔ ཤར་གྱི་ས་བདག་ཕོ་མོ་དང༔ དྲི་ཟའི་དམག་ཚོགས་ཕྱིར་ཟློག་ཅིག༔ ལྷོ་ཕྱོགས་རྒྱལ་ཆེན་ཕོ་མོ་དང༔ གཤིན་རྗེའི་དམག་ཚོགས་ཕྱིར་ཟློག་ཅིག༔ ནུབ་ཕྱོགས་རྒྱལ་བཙན་ཕོ་མོ་དང༔ ཀླུ་དབང་དམག་ཚོགས་ཕྱིར་ཟློག་ཅིག༔ བྱང་ཕྱོགས་བདུད་རྗེ་ཕོ་མོ་དང༔ གནོད་སྦྱིན་དམག་ཚོགས་ཕྱིར་ཟློག་ཅིག༔ མདོས་དང་གླུད་གྱི་སྒོ་ཕྱེ་ལ༔ ངར་གྱི་མི་ཆེན་བྲན་འཁོར་གཡོག༔ རང་རང་བགྲོད་པའི་ཡས་ལམ་ལ༔ ཞུགས་ཏེ་ཐོགས་མེད་འགྲོ་བར་གྱིས༔ ལྷ་འདྲེའི་ཁ་ཁོག་ངོ་ལོངས་ལ༔ ཡོན་བདག་གླུད་དུ་ད་སོང་ཅིག༔ ཕྱིན་ཆད་མ་འཁོར་མ་གནོད་ཅིག༔ ༼༥ ཀྱཻ༔ ང་སྔགས་འཆང་རྒྱལ་པོའི་ཞལ་ན་རེ༔ ཨ་རྒོང་རྒྱལ་པོ་ཚུར་གསོན་དང༔ ཁྱོད་ཡོན་བདག་གླུད་དུ་ད་འགྲོ་དགོས༔ མི་བརྒྱ་ལས་ལྷག་གླུད་བཟང་གཅིག༔ ལྷ་ཕྲུག་བུ་མོའི་རྣམ་འགྱུར་ངོམ༔ སྣང་སྲིད་ལྷ་འདྲེའི་ཡས་ལེན་ཚེ༔ རང་རང་འདོད་པའི་ཡོན་ལྔར་སྤྲུལ༔ འབྱུང་བ་ནམ་མཁའི་ཁམས་ལ་ནི༔ སེམས་ཀྱི་གླུད་དུ་མཁའ་ལ་བསྔོ༔ འབྱུང་བ་ས་ཡི་ཁམས་ལ་ནི༔ ཤ་ཡི་གླུད་དུ་ས་ལ་འབུལ༔ འབྱུང་བ་ཆུ་ཡི་ཁམས་ལ་ནི༔ ཁྲག་གི་གླུད་དུ་ཆུ་ལ་འཇལ༔ འབྱུང་བ་རླུང་གི་ཁམས་ལ་ནི༔ དབུགས་ཀྱི་གླུད་དུ་རླུང་ལ་འཇལ༔ འབྱུང་ལྔའི་ལྷ་འདྲེ་འཁོར་དང་བཅས༔ གླུད་དང་ཆང་བུ་འདི་ཁྱེར་ལ༔ འཁོར་འདིར་གནོད་པ་མ་བྱེད་ཅིག༔ ཡོན་བདག་ཚེ་རིན་སྲོག་གི་གླུད༔ མི་ཕྱུགས་ར་བ་གང་གི་གླུད༔ ཁ་རྗེ་བསོད་ནམས་ཉམས་པའི་གླུད༔ མཐུ་གཏད་སྣ་འདྲེན་རྒྱབ་བརྟེན་གྱི༔ ལྷ་འདྲེའི་ཚོགས་ལ་གླུད་དུ་འབུལ༔ ཨ་རྒོང་ཁྱོད་ཀྱིས་རྐྱེན་ཁ་བསྒྱུར༔ ཡོན་བདག་བསམ་པ་འགྲུབ་པ་དང༔ བཀྲ་ཤིས་བདེ་ལེགས་མཛད་དུ་གསོལ༔ གཤེགས་སོ་བཞུད་དོ་ཤ་ར་ར༔ ཞི་ཞིང་བྱམས་པའི་སེམས་ཀྱིས་ནི༔ མ་འཁོར་མ་གནོད་གཙྪ་མུ༔ ཞེས་བསམ་གཏན་ཡེ་ཤེས་གླིང་པས་ཕབ་པའོ༔ ཕག་མོའི་ཟབ་ཁྲིད་ཀྱི་ཆ་ལག་འཆི་བསླུ་གཤིན་རྗེའི་དཔུང་འཇོམས།བཀའ་འདུས་ཆོས་ཀྱི་རྒྱ་མཚོ་ལས༔ ཕག་མོའི་ཟབ་ཁྲིད་ཀྱི་ཆ་ལག་འཆི་བསླུ་གཤིན་རྗེའི་དཔུང་འཇོམས་བཞུགས༔ བཀའ་འདུས་ཆོས་ཀྱི་རྒྱ་མཚོ་ལས༔ ཕག་མོའི་ཟབ་ཁྲིད་ཆ་ལག་ཏུ༔ འཆི་བསླུ་གཤིན་རྗེའི་དཔུང་འཇོམས་སྟོན༔ ཆོས་ལ་དབང་བས་བདག་པོ་མཛོད༔ རྡོ་རྗེ་ཕག་མོ་ལ་ཕྱག་འཚལ༔ རྐྱེན་ངན་བར་ཆད་དུས་མིན་གྱི༔ འཆི་བསླུ་གཤིན་རྗེའི་དཔུང་འཇོམས་ལ༔ སྔོན་འགྲོ་དངོས་གཞི་རྗེས་དང་གསུམ༔ དང་པོ་ལག་ལེན་བཅའ་གཤོམ་ནི༔ གནས་ནི་ཡིད་དང་མཐུན་པ་རུ༔ ཕྱི་ནང་གསང་གསུམ་མཆོད་པ་བཤམས༔ རྩ་བ་གསུམ་གྱི་ལྷ་ཚོགས་རྣམས༔ བསྙེན་སྒྲུབ་ཚོགས་བསྐང་ཚུལ་ལྡན་བྱ༔ ལྷོ་ཕྱོགས་མདུན་གཞི་མ་ཊཾ་གཟུགས༔ བཀོད་པའི་སྟེང་དུ་གཤིན་རྗེ་ནི༔ ཨ་ཝ་གླང་མགོ་སྨུག་ནག་རྔམ༔ ཨམ་གཙིགས་སྤྱན་གསུམ་ཁྲོ་གཉེར་ངོམ༔ དམར་སེར་རལ་པ་གྱེན་དུ་འཁྱིལ༔ ཕྱག་གཉིས་ཁྲམ་ཤིང་ཞགས་པ་བསྣམས༔ འདོར་སྟབས་མ་ཊཾ་སྙིང་གར་བཀོད༔ གཡས་སུ་རཀྴ་ཕག་གི་མགོ༔ སྔོན་པོ་ཁྲམ་ཤིང་ཞགས་པ་བསྣམས༔ གཡོན་དུ་སྲོག་བདག་སྦྲུལ་མགོ་དམར༔ ཕྱག་གཉིས་ཁྲམ་ཤིང་ཞགས་པ་བསྣམས༔ མ་ཊཾ་ཡན་ལག་རྣམ་བཞི་ལ༔ ལོ་སྐོར་བཅུ་གཉིས་གཟུགས་བརྙན་བཀོད༔ ཕྱོགས་བཞི་ཕྱོགས་མདོག་མཚམས་བཞི་སེར༔ ༼ཤིང་སྒྲོམ་༽ཁང་བཟང་དཔལ་བེ་ཞལ་ནམ་བྲན༔ ༼ཤིང་སྒྲོམ་༽གླུད་ལ་ཁང་བཟང་ནམ་ལྔ་བྲན༔ མགོ་ཐོག་ཡོན་བདག་ཨ་རྒོང་བཀོད༔ གོས་རྒྱན་ལོངས་སྤྱོད་དུ་མས་སྤུད༔ ཕོ་མོ་གང་ཡིན་རང་ཆས་ཀླུབ༔ ཕོ་ཤིང་མོ་ཤིང་ཟུང་ལ་ནི༔ རང་ལོའི་གྲངས་ཀྱི་ཁྲམ་རིས་བཀོད༔ གཟུགས་ཀྱི་ཕྲག་གོང་དག་ཏུ་དགོད༔ དེ་ཡི་ལོགས་སུ་གཏོར་མ་དང༔ འབྲུའི་ཆན་ཆང་བུ་རིལ་བུ་སོགས༔ མཁོ་དགུའི་འབྱོར་ཚོགས་རྒྱ་མཚོ་བཤམས༔ ཕོ་མོའམ་ནད་པ་མདུན་དུ་བོས༔ རང་ཉིད་ལྷར་གསལ་ང་རྒྱལ་བསྒོམ༔ སྐྱབས་སེམས་སྔོན་སོང་སྔགས་ཀྱིས་སྦྱངས༔ སྟོང་པ་ཉིད་དུ་གྱུར༔ སྟོང་པའི་ངང་ལས་མདུན་དུ་མ་ཊཾ་དགྲ་བགེགས་ཀྱི་ཁོག་པའི་དབུས་སུ་འཆི་བདག་གཤིན་རྗེའི་རྒྱལ་པོ་ཨ་བ་གླང་གི་མགོ་ཅན་སྐུ་མདོག་ནག་པོ་ཞལ་གྱིས་ཨམ་གཙིགས་བསྡམ་པ༔ ཁྲམ་ཤིང་དང་ཞགས་པ་བསྣམས་པ༔ སྐྲ་དམར་སེར་གྱེན་དུ་བརྫེས་པ༔ ཐོད་སྐམ་དང་རྡོ་རྗེའི་ཏོག་གིས་མཛེས་པ༔ ཞབས་འདོར་སྟབས་སུ་བསྒྲད་པ༔ སྐུ་ལ་མི་ལྤགས་ཀྱི་གཡང་གཞི་དང་དར་ནག་ལྡིང་ཐབས་སུ་མནབས་པ༔ དེའི་གཡས་སུ་ཚེ་བདག་རཀྴ་ཕག་མགོ་སྔོ་ནག་ལག་གཉིས་ཁྲམ་ཤིང་དང་ཞགས་པ་བསྣམས་པ༔ ཁ་གདངས་ཤིང་མིག་བསྒྲད་པ༔ མཆེ་བ་གཙིགས་པ་ཞབས་འདོར་སྟབས་ཅན་སྟག་ཤམ་དང༔ གཡང་གཞི་ཀླུབ་པ༔ མི་མགོའི་དོ་ཤལ་འཕྱངས་བ༔ གཡོན་ཕྱོགས་སུ་སྲོག་བདག་ཞེ་སྡང་སྦྲུལ་མགོ་སྐུ་མདོག་དམར་ནག་གཟིག་ཤམ་རུས་རྒྱན་དར་དཔྱངས་ཅན་ཁྲམ་ཤིང་དང་ཞགས་པ་བསྣམས་པ༔ དེའི་མཐའ་བསྐོར་མ་ཊཾ་གི་ཡན་ལག་བཞིའི་གདན་ལ་ལོ་སྐོར་བཅུ་གཉིས་བྱི་བ་ནས་ཕག་གི་བར་དུ་རང་རང་མགོ་ཅན་ཁྲམ་ཤིང་དང་ཞགས་པ་བསྣམས་པ་ཆ་བྱད་རྣམ་འགྱུར་རང་སྐལ་བཞིན་གསལ་བའོ༔ མ་ཊཾ་གི་མགོ་བོའི་གདན་ཁར་ཡོན་བདག་གི་འདྲ་གླུད་གཟུགས་མཛེས་ཤིང་ལང་ཚོ་ངོམ་པ་གོས་རྒྱན་རིན་པོ་ཆེ་སྣ་ཚོགས་ཀྱིས་སྤུད་ཅིང༔ སྨྲ་མཁས་ཤིང་ཤེས་རིག་བཀྲ་བ༔ འགྲོ་མཁས་ཤིང་ལྡེམ་ལྡེམ་བྱེད་ཅིང༔ སྣང་སྲིད་ལྷ་འདྲེ་ལ་ཤགས་འདེབས་པ༔ ལག་གཉིས་ང་འགྲོའི་ཕྱག་རྒྱ་བྱེད་ཅིང་ལྷ་ཕྲུག་བུ་མོ་བརྒྱ་ཡིས་ཆར་ཡང་མི་ཕོད་པ༔ ཀ་ཆ་དང་དཀོར་ནོར་མང་པོ་སྤུངས་ཤིང་ཟད་པ་མེད་པའི་གཏེར་དང་ལྡན་པར་སྒོམ༔ དེ་རྣམས་ཀྱི་མཐའ་བསྐོར་དུ་སྣང་ཞིང་སྲིད་པའི་ལྷ་འདྲེ་བཀའ་ཡི་ལྷ་མ་སྲིན་སྡེ་བརྒྱད༔ ནད་བདག་ཕོ་མོ༔ གླུད་བདག་ཕོ་མོ༔ གྲིབ་བདག་ཕོ་མོ༔ ལན་ཆགས་དང་ཡས་བདག་ཕོ་མོ་ཐམས་ཅད་ཁྲོམ་འཚོགས་པ་ལྟར་དམིགས་ཤིང༔ དེ་ལྟར་བསྐྱེད་ནས་བགེགས་འགུགས་པ་ནི༔ རང་ཉིད་ལྷར་གསལ་བའི་ཐུགས་ཀ་ནས་སྤྲུལ་པའི་འོད་ཟེར་ཕོ་ཉ་ལྕགས་ཀྱུ་ཞགས་པ་ལྕགས་སྒྲོག་དྲིལ་བུ་ཐོགས་པ་དཔག་ཏུ་མེད་པ་འཕྲོས་ནས་འཆི་བདག་གཤིན་རྗེའི་རྒྱལ་པོ་འཁོར་དང་བཅས་པ་རང་དབང་མེད་པར་བདེན་པའི་སྟོབས་དང་བཅས་པས་བཀུག་ནས་མདུན་གྱི་གཟུགས་ལ་ཐིམ་པར་གྱུར༔ ན་མོ་རྗེ་བཙུན་སོགས་ནས། བདེན་པ་ཆེན་པོའི་སྟོབས་ལ་བརྟེན་ནས་ཆེ་གེ་མོའི་ལུས་ངག་ཡིད་གསུམ་ཚེ་དང་སྲོག་ལ་བར་དུ་གཅོད་པར་བྱེད་པའི་འཆི་བདག་ཨ་བ་གླང་མགོ༔ ཚེ་བདག་རཀྴ་ཕག་མགོ༔ སྲོག་བདག་ཞེ་སྡང་སྦྲུལ་མགོ༔ ལོ་བདུད་ལོ་གཤེད་བཅུ་གཉིས༔ བགེགས་རིགས་སྟོང་ཕྲག་བརྒྱད་ཅུ༔ གནས་གདོན་ལུས་གདོན༔ ནད་བདག་ཡམས་བདག༔ རིམས་བདག༔ གེག་ལྷོག་གཟེར་གསུམ་བཀའི་ལྷ་སྲིན་སྡེ་བརྒྱད་ལ་སོགས་པ༔ གནོད་ཅིང་འཚེ་བར་བྱེད་པའི་འབྱུང་པོ་མི་དང་མི་མ་ཡིན་པ་ཐམས་ཅད་མཐོ་རི་བོའི་རྩེ༔ དམའ་རྒྱ་མཚོའི་གཏིང༔ ས་འོག་ས་སྟེང་ས་བླ་གར་གནས་ཀྱང་རང་དབང་མེད་པར་རྟེན་གཟུགས་ཀྱི་ཕུང་པོ་འདི་རྣམས་ལ་ཁུག་ཅིག༔ ཏྲི་ཛཿཏྲི་བཛྲ་ཨཾ་ཀུ་ཤ་ཡ་ཛ་ཛ༔ ཛཿཧཱུྃ་བཾ་ཧོ༔ རཱུ་པ་དང་གཉིས་སུ་མེད་པར་གྱུར་ཅིག༔ སླར་ཡང་ཁྲོ་བོའི་ང་རྒྱལ་གྱིས༔ ཧཱུྃ་ཧཱུྃ་ཧཱུྃ༔ ཞེས་རང་དབང་མེད་པར་བཀུགས་ལ་བཀའ་ཉན་གུས་འདུད་བྱེད་པར་བསམ༔ རིག་པ་ངར་བསྐྱེད་ལ་རོལ་མོ་དབྱངས་དང་བཅས་པས༔ ཧཱུྃ༔ ང་ནི་འཇམ་དཔལ་གཤིན་རྗེ་གཤེད༔ ང་ནི་པདྨ་ཧེ་རུ་ཀ༔ ང་ནི་གསང་འཛིན་རྡོ་རྗེ་འཆང༔ ང་ནི་བཅོམ་ལྡན་ཚེ་དཔག་མེད༔ ང་ནི་རྡོ་རྗེ་གཞོན་ནུ་ཆེ༔ ཁམས་གསུམ་འདི་ན་སུ་ཡང་རུང༔ ང་ཡི་བཀའ་ལ་མ་འདའ་ཞིག༔ གལ་ཏེ་བཀའ་ལས་འདའ་བྱེད་ན༔ མ་ལུས་རྡུལ་དུ་བརླག་པར་བྱེད༔ ལོ་དགུ་རྣལ་འབྱོར་བདག་ཅག་འཁོར་བཅས་ལ༔ ཞེས་ནི་བྱ་བ་ལ༔ གནོད་ཅིང་འཚེ་བར་བྱེད་པའི་བགེགས༔ འཆི་བདག་ཨ་བ་གླང་མགོ་དང༔ ཚེ་བདག་རཀྴ་ཕག་གི་མགོ༔ སྲོག་བདག་ཞེ་སྡང་སྦྲུལ་གྱི་མགོ༔ དེ་འཁོར་ལོ་བདུད་ལོ་གཤེད་དང༔ སྣང་སྲིད་ལྷ་སྲིན་སྡེ་བརྒྱད་དང༔ བགེགས་རིགས་སྟོང་ཕྲག་བརྒྱད་ཅུའི་ཚོགས༔ གནོད་པར་བྱེད་པ་གང་ཡང་རུང༔ དཀོན་མཆོག་གསུམ་གྱི་བདེན་པ་དང༔ ཡི་དམ་ལྷ་ཡི་ཏིང་འཛིན་དང༔ ཁྲོ་བོ་ཁྲོ་མོའི་མཐུ་རྩལ་དང༔ སྔགས་དང་ཕྱག་རྒྱའི་བདེན་པ་ཡིས༔ རང་དབང་མེད་པར་འདིར་ཁུག་ཅིག༔ གནོད་བྱེད་སརྦ་སུ་ཏྲི་པྲེ་ཏུ་ཨ་ཀཪྴ་ཡཱ་ཛ་ཛ༔ ཞེས་ལན་བདུན་ལྔ་གསུམ་ལ་སོགས་འགུགས་རྟགས་མ་ཐོན་བར་དུ་བྱའོ༔ དེ་ནས་འཆི་བདག་འཁོར་བཅས་བག་ཕེབས་ནས་རྡོ་རྗེ་སློབ་དཔོན་ལ་འདུད་ཅིང་བཀའ་ལ་ཉན་པར་བསམ༔ དེ་ནས་ཆང་བུ་དང་དཀར་གསུམ་མངར་གསུམ་སོགས་བྲན་ལ༔ སྭ་བྷ་ཝས་སྦྱངས༔ ཏྲཾ་ལས་རིན་པོ་ཆེ་ལས་གྲུབ་པའི་སྣོད་ཀྱི་ནང་དུ་དཀར་གསུམ་མངར་གསུམ་གྱི་ཆང་བུ་གླུད་གཏོར་རྣམས་འདོད་པའི་ཡོན་ཏན་ལྔ་དང་ལྡན་པར་གྱུར༔ ཨོཾ་ཨཱཿཧཱུྃ༔ དང་ཁ་འབར་མའི་སྔགས་ཀྱིས་གཏེར་དུ་བསྔོ༔ འདོད་པའི་ཡོན་ཏན་ཕུན་སུམ་ཚོགས་པར་གྱུར༔ མཆོད་སྦྱིན་གྱི་གླུད་གཏོར་འདོད་པའི་ཡོན་ཏན་ལྔ་དང་ལྡན་པ་འདི་ཉིད་འཆི་བདག་གཤིན་རྗེ་ཨ་བ་གླང་མགོ༔ ཚེ་བདག་རཀྴ་ཕག་མགོ༔ སྲོག་བདག་ཞེ་སྡང་སྦྲུལ་མགོ༔ ལོ་བདུད་ལོ་གཤེད་བཅུ་གཉིས༔ བཀའི་ལྷ་མ་སྲིན་སྡེ་བརྒྱད་འཁོར་དང་བཅས་པ་རྣམས་ལ་འབུལ་ལོ༔ འཆི་བའི་ནད་གདོན་བར་ཆད་ཐམས་ཅད་མྱུར་དུ་ཞི་བར་མཛད་དུ་གསོལ༔ དེ་ནས་བདེན་པའི་སྟོབས་བརྗོད་པ་ནི༔ ན་མོ་དཀོན་མཆོག་གསུམ་གྱི་བདེན་པ་དང༔ གསང་སྔགས་དང༔ རིག་སྔགས་དང༔ གཟུངས་སྔགས་དང༔ སྙིང་པོ་ཏིང་ངེ་འཛིན་གྱི་བདེན་པ་དང༔ དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི་བདེན་པ་དང༔ སྔགས་འཆང་རྣལ་འབྱོར་པ་བདག་གི་སྔགས་དང་ཕྱག་རྒྱ་ཏིང་ངེ་འཛིན་གྱི་བདེན་སྟོབས་ཀྱིས༔ དེ་རིང་བསྒྲུབ་བྱ་འདི་འཆི་བདག་གི་ཞགས་པ་ལས་ཐར་བར་གྱུར་ཅིག༔ གཤིན་རྗེའི་ཁྲམ་ལས་ཐར་བར་གྱུར་ཅིག༔ ཅེས་བརྗོད་པས་མི་མཐུན་པའི་ཕྱོགས་ཐམས་ཅད་དུད་རླངས་ཀྱི་རྣམ་པས་ལུས་ནས་ཐོན་ཏེ་གླུད་ལ་ཐིམ་པའི་མོས་པ་མཛོད་ཅིག༔ དེ་འདྲ་བརྒྱ་སྟོང་ངམ་ནད་པའི་ལོ་གྲངས་བསྔོ་ཞིང་ཕྱག་ལེན་ཐེབས་པར་བྱའོ༔ འདིར་གླུད་བསྔོ་ཞིང་རྫོངས་འདེབས་ནི༔ ཧོ༔ འཆི་བདག་ཨ་བ་གླང་མགོ༔ རཀྴ་ཕག་མགོ༔ སྲོག་བདག་སྦྲུལ་མགོ༔ བཀའི་ལྷ་སྲིན་འཁོར་དང་བཅས་པ་རྣམས་ལ་ལོངས་སྤྱོད་ཀྱི་དངོས་པོ་བྲེ་གཅིག་བཅུ་བརྒྱ་སྟོང་ཁྲི་འབུམ་བྱེ་བ་ས་ཡ་གྲངས་མེད་པའི་བར་དུ་འབུལ་ལོ༔ བསྒྲུབ་བྱ་འདི་ཉིད་ཀྱི་ཚེ་དང་སྲོག་གི་གླུད་དུ་བཞེས་ལ་གནོད་པའི་བསམ་སྦྱོར་སྤངས་ནས་ཕན་པ་དང་བདེ་བ་བྱང་ཆུབ་ཀྱི་སེམས་དང་ལྡན་པར་མཛད་དུ་གསོལ༔ རྒྱ་སྲང༔ ཧོ༔ འཆི་བདག་ཨ་བ་གླང་མགོ༔ རཀྴ་ཕག་མགོ༔ སྲོག་བདག་སྦྲུལ་མགོ༔ བཀའི་ལྷ་སྲིན་འཁོར་དང་བཅས་པ་རྣམས་ལ་ཤ་མར༔ ཐུད་བུ་རམ་སོགས་ལོངས་སྤྱོད་ཀྱི་དངོས་པོ་སྲང་གཅིག་བཅུ་བརྒྱ་སྟོང་ཁྲི་འབུམ་བྱེ་བ་ས་ཡ་གྲངས་མེད་པའི་བར་དུ་འབུལ་ལོ༔ བསྒྲུབ་བྱ་འདི་ཉིད་ཀྱི་ཚེ་དང་སྲོག་གི་གླུད་དུ་བཞེས་ལ་གནོད་པའི་བསམ་སྦྱོར་སྤངས་ནས་ཕན་པ་དང་བདེ་བ་བྱང་ཆུབ་ཀྱི་སེམས་དང་ལྡན་པར་མཛད་དུ་གསོལ༔ དེ་ནས་བདེན་སྟོབས་ཀྱི་ཕྲིན་ལས་བཅོལ་བ་ནི༔ ན་མོ་དཀོན་མཆོག་གསུམ་གྱི་བདེན་པ་དང༔ གསང་སྔགས་དང༔ རིག་སྔགས་དང༔ གཟུངས་སྔགས་དང༔ སྙིང་པོ་ཏིང་ངེ་འཛིན་གྱི་བདེན་པ་དང༔ དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི་བདེན་པ་དང༔ སྔགས་འཆང་རྣལ་འབྱོར་པ་བདག་ཅག་གི་སྔགས་དང་ཕྱག་རྒྱ་ཏིང་ངེ་འཛིན་གྱི་བདེན་སྟོབས་ཀྱིས༔ དེ་རིང་མཆོད་སྦྱིན་གྱི་གཏོར་མ་རྒྱ་ཆེན་པོ་འདིས༔ བདག་ཅག་འཁོར་དང་བཅས་པ་རྣམས་ལ་དུས་འདི་ནས་བཟུང་སྟེ་ནམ་སྙིང་པོ་བྱང་ཆུབ་མ་ཐོབ་ཀྱི་བར་དུ་ནད་ཀྱི་རིགས་སུ་གྱུར་པ༔ གདོན་གྱི་རིགས་སུ་གྱུར་པ༔ རྨི་ལམ་ངན་པ་དང༔ མཚན་ལྟས་ངན་པ་དང༔ དུས་མ་ཡིན་པའི་འཆི་བ་ལ་སོགས་ཏེ་མི་མཐུན་པའི་ཕྱོགས་ངན་པ་ཐམས་ཅད་ཞི་བར་མཛད་དུ་གསོལ༔ མཐུན་ཞིང་དགེ་བའི་རིགས་སུ་གྱུར་པ་ཚེ་རིང་བ་དང༔ ནད་མེད་པ༔ བཀྲ་ཤིས་བདེ་ལེགས་ཀྱི་ཡོན་ཏན་ཐམས་ཅད་ལྷུན་གྱིས་གྲུབ་པར་མཛད་དུ་གསོལ༔ ཞེས་བསྔོའོ༔ དེ་ནས་ཡང་རང་ཉིད་སྔགས་ཆས་སྤྲས༔ ཞྭ་གོས་ལ་སོགས་ནག་པོ་བྱ༔ གདོང་ལ་རོ་སོལ་ནག་པོ་བྱུགས༔ ཤ་ཆེན་བསུར༔ གཏོར་སྣོད་བྷན་དྷ་ནག་པོའི་ནང་དུ༔ ལིངྒ་ཆང་བུ་ནག་པོ་བཞག་ལ༔ ཁྲག་ཆང་གིས་བྲན༔ དགྲ་བགེགས་བྱད་མ་ཚེ་རྐུ་སྲོག་འཕྲོག་རྣམས་བདེན་སྟོབས་ཀྱིས་བཀུག་ལ་བསྟིམ༔ ན་མོ་དཀོན་མཆོག་གསུམ་གྱི་བདེན་པ་དང༔ གསང་སྔགས་དང༔ རིག་སྔགས་དང༔ གཟུངས་སྔགས་དང༔ སྙིང་པོ་ཏིང་ངེ་འཛིན་གྱི་བདེན་པ་དང༔ དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ཀྱི་བདེན་པ་དང༔ སྔགས་འཆང་རྣལ་འབྱོར་པ་བདག་ཅག་གི་སྔགས་དང་ཕྱག་རྒྱ་ཏིང་ངེ་འཛིན་གྱི་བདེན་སྟོབས་ཀྱིས༔ དེ་རིང་མཆོད་སྦྱིན་གཏོར་མ་རྒྱ་ཆེན་པོ་འདིས༔ བདག་འཁོར་དང་བཅས་པ་རྣམས་ལ་དུས་འདི་ནས་བཟུང་སྟེ་ནམ་སྙིང་པོ་བྱང་ཆུབ་མ་ཐོབ་ཀྱི་བར་དུ་ཚེ་སྲོག་ལ་བར་དུ་གཅོད་པར་བྱེད་པའི་བྱད་མ་ལྷ་སྲུང་དང་བཅས་པའི་གནོད་བྱེད་ཐམས་ཅད་རང་བྱད་རང་ལ་ལོག་པར་གྱུར་ཅིག༔ རང་གཤེད་རང་ལ་འབེབས་པར་གྱུར་ཅིག༔ རང་སྲོག་རང་གིས་གཅོད་པར་གྱུར་ཅིག༔ རང་ཤ་རང་གིས་ཟ་བར་གྱུར་ཅིག༔ རང་སྨ་རང་ལ་འབེབས་པར་གྱུར་ཅིག༔ རང་ཁྲག་རང་གིས་འཐུང་བར་གྱུར་ཅིག༔ ཕུང་བར་གྱུར་ཅིག༔ བརླགས་པར་གྱུར་ཅིག༔ མེད་པར་གྱུར་ཅིག༔ སྟོང་པར་གྱུར་ཅིག༔ གཤིན་རྗེ་མི་བཟད་འབར་བའི་ཞལ་དུ་བསྟབ་པོ་ཁ་རཾ་ཁཱ་ཧི༔ གལ་ཆེ་ཞིང་བྱད་ཡོད་མཁན་ལ་གྲངས་གསོག༔ ལིངྒ་རེ་དང་གཏོར་མ་རེ་སྤྲད་ལ༔ གཤིན་རྗེ་འཁོར་དང་བཅས་པ་ལ་ཕུལ་ལོ༔ དེ་ནས་སྐུ་གླུད་རྒྱན་ལྡན་ལ་བསང་སྦྱངས༔ ཞུས་ལེན་གླུད་རབ་དང་བཅས་རང་གཞན་བཀའ་གང་རུང་ནས་བྱུང་བ་ལྟར་བཏང༔ དེ་ནས་གཏོར་བསྐུལ་སྨན་རཀ་བྲན༔ གཤིན་རྗེའི་ཞལ་བསྒྱུར་དར་ཕྱར་དུང་འབུད༔ རྩ་གསུམ་སྲུང་མའི་བསྐུལ་བ་སོགས་འདོན་ནོ༔ སྒོ་དབྱེ་གཟུ་དཔང་གསེར་སྐྱེམས་གཏོང༔ ལོ་བདུད་དམ་དགྲ་བགེགས་བྱད་མའི་ཕྱོགས་སུ་འཕེན་པར་བྱ༔ རྔ་བརྡུང་བཀའ་བསྒོའི་ཚུལ་གྱིས་འདི་བཞིན་བརྗོད༔ ཧཱུྃ་བྷྱོ་ཡ༔ འཆི་བདག་གཤིན་རྗེ་འཁོར་དང་བཅས༔ ལྷ་སྲུང་གནོད་སྦྱིན་ལ་སོགས་ཏེ༔ གདོན་བགེགས་རིགས་སུ་གྱུར་པ་རྣམས༔ གང་ཟག་ཆེ་གེ་མོ་ཞེས་བྱ་ལ༔ ཡང་ན་རྣལ་འབྱོར་བདག་ཅག་ཡོན་མཆོད་ལ༔ གནོད་པར་གྱུར་པ་གང་ཡང་རུང༔ སེམས་ཅན་ཆེན་པོ་ཁྱོད་ཉོན་ཅིག༔ གདོད་མ་ཉིད་ནས་དངོས་པོར་གོལ༔ དངོས་པོ་མེད་ལ་ཡོད་པར་བཟུང༔ རྟག་པར་བཟུང་ཞིང་འཛིན་པར་བཅས༔ དཔེར་ན་ཟོ་ཆུའི་ཁྱུད་མོ་འདྲ༔ སླར་ཡང་ལོག་ཅིང་ངན་སོང་འཁྱམས༔ ཁྱོད་ཀྱི་སེམས་དང་ང་ཡི་སེམས༔ ཁྱོད་ཀྱིས་སོ་སོར་འཛིན་པ་ཡང༔ འཁྲུལ་པ་ཡིན་ཏེ་ངན་སོང་རྒྱུ༔ ང་ཉིད་ཀུན་ཏུ་བཟང་པོ་ལ༔ ཁྱོད་ཀྱིས་རྫུ་འཕྲུལ་ཅི་བསྟན་ཡང༔ ང་ལ་གཡོ་བ་རྡུལ་ཙམ་མེད༔ སླར་ཡང་རང་སེམས་བརླག་པའི་རྒྱུ༔ སེམས་ཅན་ཀུན་ལ་མ་འཚེ་ཞིག༔ སེམས་ཅན་ཀུན་ལ་འཚེ་བ་ན༔ སེམས་ཅན་སངས་རྒྱས་རྒྱུ་ཡིན་ཏེ༔ སངས་རྒྱས་སྐུ་ལ་ཁྲག་ཕྱུང་ན༔ འགྲོ་བ་སེམས་ཅན་མ་ལུས་ཀུན༔ སྡུག་བསྔལ་ཆེན་པོ་ཆར་མི་ཕོད༔ གནོད་པར་བྱེད་ན་སྲིན་པོར་སྐྱེས༔ དཔལ་ཆེན་སྐུ་ཡིས་བསྒྲལ་ལ་རེ༔ རྟག་པར་བཟུང་ན་མུ་སྟེགས་ཡིན༔ བཅོམ་ལྡན་འདས་ཀྱིས་འདུལ་ལ་རེ༔ ང་རུ་བཟུང་ན་གཤིན་རྗེ་ཡིན༔ ཁྲོ་རྒྱལ་ཞབས་ཀྱིས་བཅག་ལ་རེ༔ དུག་ལྔ་བདག་ཏུ་བལྟས་པ་ན༔ རིགས་དྲུག་སྡུག་བསྔལ་འབྱུང་བའི་རྒྱུ༔ རིགས་ལྔ་རྒྱལ་བས་འདུལ་ལ་རེ༔ སྒོ་གསུམ་སྒྲིམ་ལ་གུས་པས་ཉོན༔ འདི་རུ་གནོད་པ་མ་བྱེད་ཅིག༔ ཇི་ལྟར་ས་བོན་གང་བཏབ་པ༔ འབྲས་བུ་དེ་ལྟར་སྨིན་པ་ཡི༔ དགེ་བའི་འབྲས་བུ་མཐོ་རིས་ཐོབ༔ སྡིག་པའི་འབྲས་བུ་ངན་སོང་ལྷུང༔ དེ་བས་ཡང་དག་དོན་ལ་སོམས༔ ཧཱུྃ༔ ཉོན་ཅིག་འཆི་བདག་གཤིན་རྗེའི་ཚོགས༔ ཁྱེད་རྣམས་རྫུ་འཕྲུལ་ལས་ཀྱི་ཤུགས༔ ཡོངས་ལ་གནོད་ཅིང་འཚེ་བར་བྱེད༔ གཤིན་པོ་རྩིས་སུ་འདེབས་པ་དང༔ གསོན་པོ་བསྐོས་ལ་ཕབ་པ་འོ༔ དགེ་སྡིག་ཤན་ཐང་འབྱེད་པ་པོ༔ འཁོར་དང་བཅས་པ་ཁྱེད་རྣམས་ལ༔ དེ་རིང་རྒྱུ་སྦྱོར་ཡོན་བདག་འདིས༔ ཚེ་དང་སྲོག་གི་གླུད་འབུལ་ལོ༔ དགྱེས་ཤིང་མགུ་བར་གྱུར་ནས་ཀྱང༔ བཟུང་བ་ཐོངས་ལ་བཅིང་པ་ཁྲོལ༔ བཀའ་དང་དམ་ལས་མ་འདའ་བར༔ མཆོད་སྦྱིན་གླུད་གཏོར་འདི་སྣོམས་ལ༔ ལྷོ་ཕྱོགས་གཤིན་རྗེའི་གནས་སུ་སོང༔ ཕྱིན་ཆད་འཁོར་འདིར་མ་གནོད་ཅིག༔ སྔོན་གྱི་ལན་ཆགས་ཤ་འཁོན་ཡང༔ མཆོད་སྦྱིན་འདི་ཡིས་འཁོར་བར་གྱིས༔ བདག་ཉིད་ཆེན་པོའི་བཀའ་བཅག་ན༔ རྡུལ་དུ་བརླག་པར་གདོན་མི་ཟ༔ འདི་ཕྱི་གང་དུའང་ཕོང་པར་འགྱུར༔ དེ་བས་རང་རང་གནས་སུ་དེངས༔ ང་ཡིས་མཚམས་བཅད་ཚུན་ཆད་ལ༔ སུ་ཡང་འདའ་བར་མ་བྱེད་ཅིག༔ གནོད་བྱེད་འབྱུང་པོ་མཱ་ར་ཡ་ཕཊ༔ ཅེས་ཆོས་བཤད་བཀའ་བསྒོ་བྱ༔ ཟོར་བརྡེག་ཆད་ཐོ་གཏོང༔ གོ་གྱོན་མཚོན་ཐོགས་བསྭོ་སྒྲ་སྒྲོག༔ དམིགས་བསལ་ཆུ་བོའི་གཞུང་ལ་བསྐྱལ༔ རྗེས་སུ་པྲ་བརྟགས་པ་ནི༔ གཏོར་མ་ཁ་ཡར་ལ་བསྒྱུར་ན་བཟློག་པ་བསྐྱར༔ ཁ་ཕྱིར་གྱུ་ན་བཟང༔ འཕྲེད་དུ་བསྒྱུར་ན་ཉེས་ཆེར་མི་འབྱུང་ངོ༔ འདིས་ནི་ཕན་པ་ཆེན་པོ་འབྱུང༔ ཆག་སྒོ་ཇི་ལྟར་ཆེ་ཡང་ལན་གསུམ་བསྐྱར་ན་མི་བཟློག་མི་སྲིད༔ དེས་མ་བཟློག་ན་ཚེ་དུས་ལ་བབ་པ་ཡིན་པས་སངས་རྒྱས་དངོས་ཀྱིས་ཀྱང་བཟློག་མི་ནུས་སོ༔ འདི་གང་བྱུང་དེས་ཆོག་མི་རུང༔ བཀའ་ཤིན་ཏུ་གཉན༔ རྣལ་འབྱོར་པ་ལྟ་བའི་གདེངས་དང་ལྡན་པའམ༔ ཡང་ན་ཡི་དམ་བསྙེན་ཚད་ཐེབས་པ་མ་གཏོགས་རང་ལ་འཁུ་ལྡོག་ཡོང་བས་གཟོབ་ཅིག༔ དྲང་སྲོང་ཁྱབ་འཇུག་ཆེན་པོ་དང་ལྷ་བཙན་དགྲ་ལྷའི་རྒྱལ་པོས་གཏེར་འདི་འཚོས་ཤིག་སྲུངས་ཤིག༔ ཕུན་སུམ་ཚོགས་པ་ལྔ་ཡི་རྒྱ༔ མནྟྲ་གུ་ཧྱ༔ བརྡ་ཐིམ༔ ཞེས་བཀའ་འདུས་ཆོས་ཀྱི་རྒྱ་མཚོའི་ཆ་ལག་འཆི་བ་བསླུ་བའི་ཆོ་ག་རྣལ་འབྱོར་པ་ས་ར་ཧི་ཏས་བོད་ཡིག་ཏུ་བསྒྱུར་པ་དགེའོ༔ རྒྱལ་དབྱངས་དཔའ་བོའི་གད་རྒྱང་།༄༅།། རྒྱལ་དབྱངས་དཔའ་བོའི་གད་རྒྱང་བཞུགས། ཨེ་མ་ཧོ། སྲིད་གསུམ་འཁྲུལ་བའི་བདེ་ལ་ཡིད་དབྱུང་ནས། །མཆོག་གསུམ་སྐྱབས་སུ་བརྟེན་པའི་རྣལ་འབྱོར་བདག །ཚེ་རབས་གཏན་གྱི་དགྲ་བགེགས་གཡུལ་ངོ་ལས། །ད་ནི་རྒྱལ་ལོ་རྣལ་འབྱོར་གཡས་སུ་རྒྱལ། །ཀུན་འབྱུང་རྒྱུ་འབྲས་མ་ལུས་གཡོན་དུ་ཕམ། །སྨོན་འཇུག་བྱང་ཆུབ་སེམས་ལ་བློ་སྦྱངས་ནས། །གཞན་ཕན་ལམ་དུ་འཁྱེར་བའི་རྣལ་འབྱོར་བདག །ཉོན་མོངས་ཤེས་བྱའི་སྒྲིབ་ཚོགས་གཡུལ་ངོ་ལས། །ད་ནི་རྒྱལ་ལོ་རྣལ་འབྱོར་གཡས་སུ་རྒྱལ། །ཁམས་གསུམ་འཁོར་བའི་སྡུག་བསྔལ་གཡོན་དུ་ཕམ། །དབང་བཞིའི་ཡེ་ཤེས་བཞི་ཡིས་རྒྱུད་སྨིན་ནས། །བསྐྱེད་རྫོགས་ལམ་དུ་སློབ་པའི་རྣལ་འབྱོར་བདག །ཐ་མལ་སྣང་ཞེན་བདུད་བཞིའི་གཡུལ་ངོ་ལས། །ད་ནི་རྒྱལ་ལོ་རྣལ་འབྱོར་གཡས་སུ་རྒྱལ། །སྒོ་གསུམ་འཁྲུལ་བའི་བག་ཆགས་གཡོན་དུ་ཕམ། །ཡང་དག་བསླབ་པ་གསུམ་གྱིས་རྒྱུད་བསྡམས་ནས། །སྒོ་གསུམ་དགེ་ལ་བརྩོན་པའི་རྣལ་འབྱོར་བདག །མེད་བཞིན་སྣང་བ་འཁྲུལ་བའི་དགྲ་འདྲེ་ལས། །ད་ནི་རྒྱལ་ལོ་རྣལ་འབྱོར་གཡས་སུ་རྒྱལ། །སྡང་དགྲ་གདོན་བགེགས་ནད་རིགས་གཡོན་དུ་ཕམ། །བདག་ཅག་སྐྱབས་སུ་བརྟེན་པའི་བསྲུང་བྱ་རྣམས། །མཆོག་གསུམ་ལྷ་དང་སྲུང་མའི་མཐུ་བྱིན་གྱིས། །སྔོན་ལས་འཕྲལ་རྐྱེན་བར་ཆད་གཡུལ་ངོ་ལས། །འགོ་བའི་ལྷ་ལྔ་དང་བཅས་གཡས་སུ་རྒྱལ། །བར་ཆད་བདུད་དང་ལོག་འདྲེན་གཡོན་དུ་ཕམ། །ད་ནི་རྒྱལ་ལོ་རྟག་ཏུ་བདག་ཅག་རྒྱལ། རྒྱལ་ལོ་རྒྱལ་ལོ་ལྷ་རྒྱལ་ལོ།། ཞེས་པའང་དམ་པའི་བཀའ་བཞིན་རྒྱ་སྤྲུལ་མིང་གིས་བྲིས་པ་དགེ་ལེགས་འཕེལ། གཟའ་ཀླུའི་དུག་སྦྱོང་རྨ་བྱ་ཆེན་མོའི་ཞལ་ལུང་བདུད་རྩིའི་བུམ་བཟང་།དམ་ཆོས་ཡང་ཟབ་པདྨའི་ཐུགས་ཐིག་ལས༔ གཟའ་ཀླུའི་དུག་སྦྱོང་རྨ་བྱ་ཆེན་མོའི་ཞལ་ལུང་བདུད་རྩིའི་བུམ་བཟང་བཞུགས༔ རང་བྱུང་དབྱིངས་ཀྱི་མཁའ་འགྲོ་མ༔ རིགས་སྔགས་རྨ་བྱ་ཆེན་མོར་འདུད༔ ཟབ་ཆོས་སྒྲོལ་མའི་ཆ་ལག་ཏུ༔ དུག་སྦྱོང་རྨ་བྱའི་ཞལ་ལུང་བསྟན༔ ས་མ་ཡཱ༔ འདི་ལ་སྤྱི་དོན་རྣམ་པ་གསུམ༔ སྦྱོར་བ་དངོས་གཞི་རྗེས་དང་གསུམ༔ དང་པོ་དབེན་ཅིང་ཉམས་དགའི་སར༔ མཎྚལ་རྡུལ་ཚོན་རས་བྲིས་ནི༔ གང་རུང་སྒྲོལ་མ་རང་གཞུང་ལ༔ ལྷ་གནས་འདབ་བཞི་འདབ་བཅུ་དྲུག༔ ལྷ་ཚོན་མདོག་བསྒྱུར་རབ་འབྲིང་ཐ༔ སྐུ་དང་སྔགས་བྱང་འབྲུ་ཚོམ་དགོད༔ དབུས་སུ་བུམ་པ་བཟང་དྲུག་དང་༔ ཀླུ་སྨན་ཕྱི་རྒྱུད་བདུད་རྩི་ལྔ༔ གཞན་ཡང་བདུད་རྩི་ཤིང་ལྔ་ཡི༔ ཁུ་བ་བག་ཙམ་བསྲེས་པ་ལ༔ བ་ཡི་འོ་མ་ཅུང་ཟད་བསྲེས༔ སུམ་ཆ་བཀང་ཞིང་ཁ་རྒྱན་དུ༔ རྨ་བྱའི་སྒྲོ་དང་སྐུ་རྟེན་གཟུགས༔ ཤར་དུ་ལྷ་གྲངས་བཤོས་ཟླུམ་དཀར༔ རྒྱན་མཛེས་དཀར་མངར་རྫས་ཀྱིས་བསྐོར༔ ལྷོ་རུ་བདུད་རྩི་ཤིང་ལྔ་ཡི༔ ཆུན་པོ་རྨ་བྱའི་སྒྲོ་མདོངས་བཞག༔ ནུབ་ཏུ་དར་སྣ་ལྔའི་ཅོད་པན༔ བྱང་དུ་འབྱུང་བཞིའི་བྱབ་རྫས་བཤམས༔ སྒྲོལ་མའི་ཆོ་གའི་གཞུང་བསྲང་ལ༔ བསྙེན་པ་ཁ་གསོ་མཆོད་བསྟོད་བྱ༔ མདུན་རྟེན་རྫས་ལ་ཆབ་ཀྱིས་བསངས༔ ཨོཾ་སྭ་བྷ་ཝ༴སོགས། མདུན་རྟེན་མི་དམིགས་སྟོང་པའི་ངང༔ ཕོ་བྲང་ཆེན་པོ་པོ་ཊ་ལ༔ ཡིད་འོང་མཚོ་རྫིང་སྨན་སྣས་བཀང་༔ སྐྱེད་ཚལ་ཕོ་བྲང་དུག་སེལ་བའི༔ རིན་ཆེན་སྣ་ཚོགས་ལས་གྲུབ་པའི༔ མདངས་ལྡན་སྒོ་གྲུ་རྟ་བབས་དང་༔ མཚན་ཉིད་ཡོངས་རྫོགས་ལྟེ་བ་རུ༔ པདྨ་ཟླ་བ་འདབ་བཞི་བརྒྱད༔ བཅུ་དྲུག་གདན་གྱི་དབུས་ཉིད་དུ༔ རང་ཉིད་འཕགས་མའི་ཐུགས་ཀ་ནས༔ མཱུཾ་ཡིག་ལྗང་གུའི་འཕྲོ་འདུ་ལས༔ འཕགས་མཆོད་འགྲོ་བའི་ལས་ཉོན་དང་༔ གཟའ་ཀླུ་སྡེ་བརྒྱད་དུག་ཀུན་བཅོམ༔ གདན་ཁར་སྐད་ཅིག་དྲན་རྫོགས་སུ༔ རྨ་བྱ་ཆེན་མོ་མརྒད་མདངས༔ ལྗང་གུ་འོད་ཟེར་ཕུང་པོར་འབར༔ ཞལ་གསུམ་ཞི་འཛུམ་གཡས་གཡོན་དབུས༔ དཀར་དམར་ལྗང་གསུམ་བཞད་པའི་ཚུལ༔ ཕྱག་དྲུག་གཡས་གཡོན་དང་པོ་གཉིས༔ རྒྱ་གྲམ་རྨ་བྱའི་སྒྲོ་ཕོན་དང་༔ ཟག་མེད་བདུད་རྩིའི་བུམ་པ་འཛིན༔ བར་བ་གཉིས་ཀྱིས་མདའ་དང་གཞུ༔ ཐ་མས་མཆོག་སྦྱིན་ཨུཏྤལ་བསྣམས༔ ཞབས་གཉིས་རྟ་བབས་སྐྱིལ་མོ་ཀྲུང་༔ ལོངས་སྤྱོད་རྫོགས་སྐུའི་རྒྱན་ཀུན་སྤྲས༔ གཏི་མུག་ལས་གྱུར་ནད་དང་དུག༔ གྲིབ་རིགས་མ་ལུས་འཇོམས་པའི་སྐུ༔ སྲིད་པ་གསུམ་ན་འགྲན་བྲལ་བའི༔ བདག་ཉིད་ཅན་དུ་གསལ་བ་ཡི༔ དབུ་རྒྱན་དོན་གྲུབ་ཞི་ཁྲོའི་ཉམས༔ རྒྱ་གྲམ་དྲིལ་འཛིན་དམ་ཚིག་སྒྲོལ༔ ལྗང་སྐྱ་ཨུཏྤལ་འཛིན་པས་འཁྱུད༔ ཡབ་ཡུམ་ལོངས་སྐུའི་རྒྱན་ཀུན་རྫོགས༔ ཤར་དུ་མཱུཾ་ཡིག་དཀར་པོ་ལས༔ རྡོ་རྗེ་རིགས་ཀྱི་རྨ་བྱ་དཀར༔ ཕྱག་གཡས་རྡོ་རྗེ་རྩེ་ལྔ་དང་༔ རྨ་བྱའི་སྒྲོ་ཆུན་ཞབས་སྐྱིལ་ཀྲུང༔ ཞེ་སྡང་ལས་གྱུར་རྒྱལ་རིགས་ཀླུ༔ གཟའ་སོགས་སྡེ་བརྒྱད་ཐམས་ཅད་ཀྱི༔ མཐོང་བའི་དུག་རིགས་ནད་དང་གྲིབ༔ མ་ལུས་འཇོམས་པའི་སྐུ་རུ་གསལ༔ ལྷོ་རུ་མཱུཾ་ཡིག་སེར་པོ་ལས༔ རིན་ཆེན་རྨ་བྱ་ཆེན་མོ་སེར༔ ཕྱག་གཡས་འདོད་འབྱུང་རིན་ཆེན་དང་༔ རྨ་བྱའི་སྒྲོ་ཆུན་ཞབས་ཕྱེད་སྐྱིལ༔ ང་རྒྱལ་ལས་གྱུར་རྗེ་རིགས་དང༔ གཟའ་སོགས་སྡེ་བརྒྱད་ཐམས་ཅད་ཀྱི༔ ཐོས་པའི་དུག་རིགས་ནད་དང་གྲིབ༔ མ་ལུས་འཇོམས་པའི་སྐུ་རུ་གསལ༔ ནུབ་ཏུ་མཱུཾ་ཡིག་དམར་པོ་ལས༔ ཆགས་བྲལ་རྨ་བྱ་ཆེན་མོ་དམར༔ ཕྱག་གཡས་པདྨ་འདབ་སྟོང་དང༔ རྨ་བྱའི་སྒྲོ་ཆུན་ཞབས་ཙོག་པུ༔ འདོད་ཆགས་ལས་གྱུར་དམངས་རིགས་ཀླུའི༔ དྲན་པའི་དུག་རིགས་ནད་དང་གྲིབ༔ མ་ལུས་འཇོམས་པའི་སྐུ་རུ་གསལ༔ བྱང་དུ་མཱུཾ་ཡིག་སྔོན་པོ་ལས༔ བདེ་གཤེགས་རྨ་བྱ་མཐིང་ཤུན་མདོག༔ ཕྱག་གཡས་འཁོར་ལོ་རྨ་བྱའི་སྒྲོ༔ ཞབས་གཉིས་གཙོ་མོའི་ངང་ཚུལ་ཅན༔ གདོལ་རིགས་ཀླུ་དང་གཟའ་བདུད་སོགས༔ སྡེ་བརྒྱད་ཡོངས་ཀྱི་རེག་པའི་དུག༔ མ་ལུས་འཇོམས་པའི་སྐུ་རུ་གསལ༔ འཁོར་གྱི་རྨ་བྱ་རིགས་བཞི་ཡི༔ ཕྱག་གཡོན་བདུད་རྩིའི་བུམ་པ་བསྣམས༔ ལོངས་སྐུའི་རྒྱན་རྫོགས་ཞི་འཛུམ་བཞད༔ རྡོ་རྗེ་སེམས་དཔའ་རིན་འབྱུང་དང༔ སྣང་མཐའ་རྣམ་པར་སྣང་མཛད་ཀྱིས༔ དབུ་བརྒྱན་རིགས་ཀྱི་བདག་པོར་བཞུགས༔ ཕྱོགས་མཚམས་བརྒྱད་པོར་པད་ཟླའི་སྟེང༔ སྐད་ཅིག་དྲན་རྫོགས་སེམས་དཔའ་བརྒྱད༔ ཤར་དུ་མིག་གི་དབང་པོ་ལས༔ བྱུང་བའི་དུག་རིགས་འཇོམས་མཛད་པའི༔ ས་སྙིང་དཀར་པོ་མྱུ་གུ་དྲིལ༔ སྒེག་མོ་མེ་ལོང་འཛིན་དང་འཁྲིལ༔ ལྷོ་རུ་རྣ་བའི་དབང་པོ་ལས༔ བྱུང་བའི་དུག་རིགས་འཇོམས་མཛད་པའི༔ ནམ་སྙིང་སེར་པོ་རལ་གྲི་དྲིལ༔ ཕྲེང་ཐོགས་སེར་མོ་དགྱེས་པར་འཁྲིལ༔ ནུབ་ཏུ་སྣ་ཡི་དབང་པོ་ལས༔ བྱུང་བའི་དུག་རིགས་འཇོམས་མཛད་པའི༔ སྤྱན་གཟིགས་དམར་པོ་པདྨ་དྲིལ༔ གླུ་མ་སྒྲ་སྙན་འཛིན་དང་འཁྲིལ༔ བྱང་དུ་ལྕེ་ཡི་དབང་པོ་ལས༔ བྱུང་བའི་དུག་རིགས་འཇོམས་མཛད་པའི༔ ཕྱག་རྡོར་ལྗང་གུ་རྡོ་རྗེ་དྲིལ༔ གར་མ་གར་རྒྱ་མཛད་པས་འཁྲིལ༔ ཤར་ལྷོར་འབྱུང་བ་ས་ཡི་དུག༔ སེལ་མཛད་བྱམས་པ་དཀར་སེར་འཛུམ༔ ཀླུ་ཤིང་དྲིལ་འཛིན་དྲི་ཆབ་མ༔ དཀར་སྐྱ་དུང་ཕོར་འཛིན་དང་འཁྲིལ༔ ལྷོ་ནུབ་འབྱུང་བ་ཆུ་ཡི་དུག༔ སེལ་མཛད་འཇམ་དཔལ་དམར་སེར་འཛུམ༔ རལ་གྲི་དྲིལ་འཛིན་སྤོས་མ་དམར༔ སྤོས་ཕོར་དྲི་ཞིམ་འཛིན་དང་འཁྲིལ༔ ནུབ་བྱང་འབྱུང་བ་མེ་ཡི་དུག༔ སེལ་མཛད་ཀུན་བཟང་ལྗང་སེར་བཞད༔ གླེགས་བམ་དྲིལ་འཛིན་མེ་ཏོག་མ༔ དམར་སེར་པདྨ་འཛིན་དང་འཁྲིལ༔ བྱང་ཤར་འབྱུང་བ་རླུང་གི་དུག༔ སེལ་མཛད་སྒྲིབ་སེལ་ལྗང་གུ་འཛུམ༔ སྣང་གསལ་ཉི་ཟླའི་དཀྱིལ་འཁོར་འཛིན༔ མར་མེ་མ་དམར་མཛེས་འཛུམ་འཁྲིལ༔ ཀུན་ཀྱང་ཕྱག་གཡོན་བདུད་རྩིའི་བུམ༔ འཁོར་ལོས་བསྒྱུར་བའི་ཆ་བྱད་ལ༔ རྨ་བྱའི་སྒྲོ་ཡི་སྟོད་གཡོག་བཀླུབས༔ དབང་པོ་ལྔ་དང་ཡུལ་ལྔ་ཡི༔ དུག་དང་སྡེ་བརྒྱད་མ་ལུས་པའི༔ གྲིབ་དང་ནད་གདོན་འཇོམས་པར་གསལ༔ དེ་ཡི་ཕྱི་རོལ་པད་ཉི་ལ༔ མཁའ་ལྡིང་བཅུ་དྲུག་དཀར་སེར་དམར༔ ལྗང་སྔོན་མ་ངེས་སྣ་ཚོགས་མདོག༔ རྡོ་རྗེའི་ལུས་ལ་གནམ་ལྕགས་མཆུ༔ སྤུ་གྲིའི་སྒྲོ་གཤོག་ཉི་ཟླའི་སྤྱན༔ དུག་རིགས་གསོལ་ཞིང་དུག་ཀུན་འཇོམས༔ མཆེ་སྡེར་མི་བཟད་ཀླུ་རིགས་བརྫིས༔ རེ་འགའ་འཕགས་པའི་གནས་བསྟན་ཚུལ༔ ཆགས་བྲལ་ཉན་ཐོས་གཟུགས་སུ་སྟོན༔ གཞན་ཡང་ཁྲོ་བོ་ཆེན་པོ་བཅུ༔ ཕྱོགས་སྐྱོང་གདོན་འདུལ་བར་ཆད་སྲུང༔ མ་བསྐྱེད་ཡོངས་གྲུབ་དཀྱིལ་འཁོར་ལྷ༔ མ་འདྲེས་ཡོངས་རྫོགས་ཆེན་པོ་ལ༔ བསྐྱེད་རྫོགས་བཟླས་པ་མི་འཚལ་ཡང༔ འགྲོ་བའི་རྣམ་རྟོག་དུག་འཇོམས་ཕྱིར༔ སྒྱུ་མ་ཆུ་ཟླ་དབང་གཞུ་ལྟར༔ གསལ་དྭངས་བདེ་སྟོང་ངང་དུ་བསྒོམ༔ གཙོ་འཁོར་ཀུན་གྱི་གནས་གསུམ་དུ༔ ཨོཾ་དཀར་ཨཱ༔དམར་ཧཱུྃ་མཐིང་དང༔ མཱུཾ་ཡིག་རང་མདོག་གསལ་བ་ལས༔ འོད་ཟེར་འཇའ་ཚོན་ལྟར་འཕྲོས་པས༔ དབང་ལྷ་རྒྱལ་བ་རིགས་མཆོག་ལྔ༔ མདུན་གྱི་ནམ་མཁར་སྤྱན་དྲངས་པའི༔ ཐུགས་ལས་ཡུམ་ལྔས་ཤེལ་བུམ་ནས༔ བདུད་རྩིས་ཁྲུས་བྱས་སྒྲིབ་ཀུན་བཀྲུས༔ ཆུ་ལྷག་ཡར་ལུད་གཙོ་མོ་ལ༔ ལས་རབ་གཞན་བཞིར་རང་རིགས་དང་༔ སེམས་དཔའ་བརྒྱད་ལ་དོན་ཡོད་གྲུབ༔ གཙོ་བོར་གྱུར་པས་དབུ་བརྒྱན་གྱུར༔ སླར་ཡང་གཙོ་མོའི་ཐུགས་སྲོག་ལས༔ འོད་འཕྲོས་ཕྱོགས་བཅུའི་རབ་འབྱམས་དང༔ རྒྱལ་བ་སྲས་དང་བཅས་པ་ཀུན༔ དུག་འཇོམས་རྨ་བྱའི་ལྷ་ཚོགས་ཀྱི༔ རྣམ་པར་སྤྱན་དྲངས་ས་མ་ཛ༔ སྤོས་རོལ་གདུང་བའི་དབྱངས་དང་བཅས༔ མོས་གུས་དྲག་པོས་འདི་བཞིན་བསྐུལ༔ ཧཱུྃ་ཧྲཱིཿ བདེ་གཤེགས་རྒྱལ་བ་ཞི་ཁྲོ་གཙོ་དང་འཁོར༔ སེམས་ཅན་དོན་ལ་རྟག་ཏུ་ཐུགས་བརྩེ་བས༔ མ་ཡིས་བུ་བཞིན་བྱམས་པས་སྐྱོང་མཛད་པ༔ སྙན་ཚིག་གདུང་བའི་ང་རོས་བསྐུལ་མིན་ཡང༔ སྙིགས་དུས་འགྲོ་བ་གཟའ་ཀླུ་སྡེ་བརྒྱད་སོགས༔ མ་རུང་གདུག་པའི་དུག་རླངས་ཀྱིས་མནར་བས༔ བརྩེ་ཆེན་ཁྱེད་རྣམས་ཐུགས་རྗེས་ཉེར་བསྐུལ་ན༔ ཚད་མེད་མཁྱེན་བརྩེའི་ཤུགས་ཀྱིས་གནས་འདིར་སྤྱོན༔ ཁྱད་པར་རྨ་བྱ་ཆེན་མོ་དུག་སེལ་ལྷ༔ སྔོན་ནས་བྱ་དཀའི་སྤྱོད་པ་མཐར་སོན་ནས༔ དྲན་པ་ཙམ་གྱིས་སྡུག་བསྔལ་སེལ་བའི་སྨན༔ རྨད་བྱུང་ཐུགས་རྗེའི་ཤུགས་ཀྱིས་གཤེགས་སུ་གསོལ༔ ཞེ་སྡང་ལས་གྱུར་ནད་གདོན་གྲིབ་དང་དུག༔ འཇོམས་མཛད་རྡོ་རྗེ་རིགས་ཀྱི་ལྷ་ཚོགས་ཀུན༔ མེ་ལོང་ཡེ་ཤེས་ཀློང་ནས་སྐུར་བསྐྱོད་ལ༔ བརྩེ་ཆེན་ཐུགས་ཀྱིས་སྤྱན་འདྲེན་གཤེགས་སུ་གསོལ༔ ང་རྒྱལ་ལས་གྱུར་ནད་གདོན་གྲིབ་དང་དུག༔ འཇོམས་མཛད་རིན་ཆེན་རིགས་ཀྱི་ལྷ་ཚོགས་ཀུན༔ མཉམ་ཉིད་ཡེ་ཤེས་ཀློང་ནས་སྐུར་བསྐྱོད་ལ༔ བརྩེ་ཆེན་ཐུགས་ཀྱིས་སྤྱན་འདྲེན་གཤེགས་སུ་གསོལ༔ འདོད་ཆགས་ལས་གྱུར་ནད་གདོན་གྲིབ་དང་དུག༔ འཇོམས་མཛད་པདྨ་རིགས་ཀྱི་ལྷ་ཚོགས་ཀུན༔ སོར་རྟོག་ཡེ་ཤེས་ཀློང་ནས་སྐུར་བསྐྱོད་ལ༔ བརྩེ་ཆེན་ཐུགས་ཀྱིས་སྤྱན་འདྲེན་གཤེགས་སུ་གསོལ༔ ཕྲག་དོག་ལས་གྱུར་ནད་གདོན་གྲིབ་དང་དུག༔ འཇོམས་མཛད་ལས་ཀྱི་རིགས་ཀྱི་ལྷ་ཚོགས་ཀུན༔ བྱ་གྲུབ་ཡེ་ཤེས་ཀློང་ནས་སྐུར་བསྐྱོད་ལ༔ བརྩེ་ཆེན་ཐུགས་ཀྱིས་སྤྱན་འདྲེན་གཤེགས་སུ་གསོལ༔ གཏི་མུག་ལས་གྱུར་ནད་གདོན་གྲིབ་དང་དུག༔ འཇོམས་མཛད་བདེ་གཤེགས་རིགས་ཀྱི་ལྷ་ཚོགས་ཀུན༔ ཆོས་དབྱིངས་ཡེ་ཤེས་ཀློང་ནས་སྐུར་བསྐྱོད་ལ༔ བརྩེ་ཆེན་ཐུགས་ཀྱིས་སྤྱན་འདྲེན་གཤེགས་སུ་གསོལ༔ མིག་དང་གཟུགས་ལས་བྱུང་བའི་ནད་གདོན་དུག༔ འཇོམས་མཛད་ས་སྙིང་ཡབ་ཡུམ་གཤེགས་སུ་གསོལ༔ ཐོས་འཛིན་སྒྲ་ལས་བྱུང་བའི་ནད་གདོན་དུག༔ འཇོམས་མཛད་ནམ་སྙིང་ཡབ་ཡུམ་གཤེགས་སུ་གསོལ༔ སྣ་དང་དྲི་ལས་བྱུང་བའི་ནད་གདོན་དུག༔ འཇོམས་མཛད་སྤྱན་གཟིགས་ཡབ་ཡུམ་གཤེགས་སུ་གསོལ༔ ལྕེ་དང་རོ་ལས་བྱུང་བའི་ནད་གདོན་དུག༔ འཇོམས་མཛད་ཕྱག་རྡོར་ཡབ་ཡུམ་གཤེགས་སུ་གསོལ༔ འབྱུང་བ་ས་ལ་བརྟེན་པའི་གྲིབ་གདོན་དུག༔ སེལ་མཛད་བྱམས་པ་ཡབ་ཡུམ་གཤེགས་སུ་གསོལ༔ འབྱུང་བ་ཆུ་ལ་བརྟེན་པའི་གྲིབ་གདོན་དུག༔ སེལ་མཛད་འཇམ་དཔལ་ཡབ་ཡུམ་གཤེགས་སུ་གསོལ༔ འབྱུང་བ་མེ་ལ་བརྟེན་པའི་གྲིབ་གདོན་དུག༔ སེལ་མཛད་ཀུན་བཟང་ཡབ་ཡུམ་གཤེགས་སུ་གསོལ༔ འབྱུང་བ་རླུང་ལ་བརྟེན་པའི་གྲིབ་གདོན་དུག༔ སེལ་མཛད་སྒྲིབ་སེལ་ཡབ་ཡུམ་གཤེགས་སུ་གསོལ༔ ཉོན་མོངས་ཉེ་བའི་རྒྱུ་རྐྱེན་ལོག་པའི་དུག༔ དབྱུང་མཛད་མཁའ་ལྡིང་བཅུ་དྲུག་གཤེགས་སུ་གསོལ༔ ཕྱོགས་སྐྱོང་བཅུ་ཡི་གདོན་དུག་འཇོམས་པའི་ཕྱིར༔ གདོན་འདུལ་ཁྲོ་ཆེན་བཅུ་པོ་གཤེགས་སུ་གསོལ༔ གཞན་ཡང་ལྷ་དང་དྲང་སྲོང་བདེན་ཚིག་གྲུབ༔ དུག་སེལ་སྨན་གྱི་ལྷ་ཚོགས་འཁོར་དང་བཅས༔ གདུང་བའི་ང་རོས་སྙན་གསན་དབབ་ལགས་ན༔ ཀུན་མཁྱེན་ཡེ་ཤེས་སྤྱན་གྱིས་ཉེར་གཟིགས་ནས༔ བརྩེ་ཆེན་ཐུགས་རྗེའི་ཤུགས་ཀྱིས་གཤེགས་སུ་གསོལ༔ ཨོཾ་མ་ཧཱ་མ་ཡུ་རི་ས་པཱ་རི་ཝ་ར་ཛྙཱ་ན་བཛྲ་ཨ་བེ་ཤ་ཡ་ཕེཾ་ཕེཾ༔ དེ་ནས་དམ་ཡེ་བརྟན་པར་བཞུགས་གསོལ་ནི༔ ཧཱུྃ་ཧྲཱིཿ སྣང་བརྟགས་ཀུན་རྟོག་བློ་ཡིས་བསྐྱེད༔ ཡོངས་གྲུབ་ཡེ་ཤེས་དབྱིངས་ཀྱི་ལྷ༔ ཐབས་ཤེས་འདུ་འབྲལ་མེད་པའི་ཚུལ༔ ལྕགས་ལ་གསེར་འགྱུར་ཇི་བཞིན་དུ༔ དམ་ཚིག་རྟེན་ལ་ཡེ་ཤེས་ལྷ༔ དབྱེར་མེད་བརྟན་པར་བཞུགས་སུ་གསོལ༔ ཛྙཱ་ན་བཛྲ་ས་མ་ཡཱ་ཏིཥྛ་ལྷན༔ བརྡ་དོན་དྲན་པས་ཕྱག་འཚལ་ནི༔ ཧོ༔ ཡེ་ནས་རང་རིག་ཡེ་ཤེས་ལྷ༔ གློ་བུར་སྒྲིབ་བྲལ་ཆོས་ཀྱི་སྐུར༔ སྲི་ཞུའི་བསྙེན་བཀུར་མི་འཚལ་ཡང༔ རྨི་ལམ་ལྟ་བུའི་ལས་ཉོན་མཐུས༔ སྲིད་གསུམ་སྡུག་བསྔལ་ཡོངས་གཞོམ་ཕྱིར༔ འཆི་མེད་བདུད་རྩི་སྨན་གྱི་ལྷར༔ འཕྲུལ་དགའི་ཚུལ་གྱིས་གུས་ཕྱག་འཚལ༔ ཨ་ཏི་པུ་ཧོ༔ པྲ་ཏིཙྪ་ཧོ༔ དངོས་བཤམས་ཡིད་སྤྲུལ་མཆོད་ཚོགས་འབུལ་བ་ནི༔ ཧཱུྃ་ཧྲཱིཿ གཙང་ཞིང་གཙང་མར་བཤམས་པ་ཡི༔ ལྷ་རྫས་མཆོད་ཡོན་ཞབས་བསིལ་འདི༔ རྨ་བྱ་ལྷ་མོའི་ཚོགས་ལ་འབུལ༔ ནད་དུག་གདོན་རྣམས་འཇོམས་ཕྱིར་བཞེས༔ ཨོཾ་ཨཱརྱ་ཏཱ་རེ་མ་ཧཱ་མ་ཡུ་རི་ས་པཱ་རི་ཝ་ར་ཨརྒྷཾ་པ་དྱཾ་པྲ་ཏཱིཙྪ་པཱུ་ཙ་མེ་གྷ་ས་མུ་ཏྲ་སྥ་ར་ཎ་ས་མ་ཡེ་ཨཱཿཧཱུྃ༔ ཧཱུྃ་ཧྲཱིཿ གཙང་ཞིང་གཙང་མར་བཤམས་པ་ཡི༔ ལྷ་རྫས་མེ་ཏོག་བདུག་པའི་སྤོས༔ རྨ་བྱ་ལྷ་མོའི་ཚོགས་ལ་འབུལ༔ ནད་དུག་གདོན་རྣམས་འཇོམས་ཕྱིར་བཞེས༔ ཨོཾ་ཨཱརྱ་ཏཱ་རེ་མ་ཧཱ་མ་ཡུ་རི་ས་པཱ་རི་ཝ་ར་པུཥྤེ་དྷུཔྤེ་པྲ་ཏཱིཙྪ་པཱུ་ཙ་མེ་གྷ་ས་མུ་ཏྲ་སྥ་ར་ཎ་ས་མ་ཡེ་ཨཱཿཧཱུྃ༔ ཧཱུྃ་ཧྲཱིཿ གཙང་ཞིང་གཙང་མར་བཤམས་པ་ཡི༔ ལྷ་རྫས་མར་མེ་དྲི་ཆབ་འདི༔ རྨ་བྱ་ལྷ་མོའི་ཚོགས་ལ་འབུལ༔ ནད་དུག་གདོན་རྣམས་འཇོམས་ཕྱིར་བཞེས༔ ཨོཾ་ཨཱརྱ་ཏཱ་རེ་མ་ཧཱ་མ་ཡུ་རི་ས་པཱ་རི་ཝ་ར་ཨ་ལོ་ཀེ་གྷནྡྷེ་པྲ་ཏཱིཙྪ་པཱུ་ཙ་མེ་གྷ་ས་མུ་ཏྲ་སྥ་ར་ཎ་ས་མ་ཡེ་ཨཱཿཧཱུྃ༔ ཧཱུྃ་ཧྲཱིཿ གཙང་ཞིང་གཙང་མར་བཤམས་པ་ཡི༔ ལྷ་རྫས་བཟང་པོའི་ཞལ་ཟས་འདི༔ རྨ་བྱ་ལྷ་མོའི་ཚོགས་ལ་འབུལ༔ ནད་དུག་གདོན་རྣམས་འཇོམས་ཕྱིར་བཞེས༔ ཨོཾ་ཨཱརྱ་ཏཱ་རེ་མ་ཧཱ་མ་ཡུ་རི་ས་པཱ་རི་ཝ་ར་ཨེ་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི༔ ཧཱུྃ་ཧྲཱིཿ བླ་མ་ཡི་དམ་མཁའ་འགྲོ་དང༔ རིགས་སྔགས་རྨ་བྱ་ཆེན་མོ་དང༔ རིགས་བཞིའི་རྨ་བྱ་ཆེན་མོ་དང༔ སེམས་དཔའ་བརྒྱད་དང་མཁའ་ལྡིང་ཁྱུང༔ བཅུ་དྲུག་གདོན་འདུལ་ཁྲོ་བོ་བཅུ༔ དཀྱིལ་འཁོར་འཁོར་ལོའི་ལྷ་ཚོགས་ལ༔ མཆོད་སྦྱིན་གཏོར་མ་རྒྱ་ཆེན་འདི༔ གཟུགས་བཟང་སྒྲ་སྙན་དྲི་ཞིམ་པ༔ རོ་མངར་རེག་བྱ་འཇམ་ལ་སོགས༔ འདོད་པའི་ཡོན་ཏན་ལྔ་ལྡན་པའི༔ དཀར་གསུམ་གཏོར་མ་འདི་འབུལ་བས༔ ཐུགས་རྒྱུད་མཉེས་ཤིང་ཚིམ་གྱུར་ཅིག༔ བདག་ཅག་དཔོན་སློབ་ཡོན་མཆོད་ཀུན༔ ལྷ་ཡི་གདོན་དང་ཀླུ་ཡི་གདོན༔ བར་གདོན་བཙན་དང་གཉན་ས་བདག༔ ཤ་ཟ་རིམས་ཡམས་གདོན་ལས་བསྲུང༔ ནད་གདོན་བྱད་ལས་གྲོལ་བར་མཛོད༔ ལྷ་སྲིན་སྡེ་བརྒྱད་གདུག་སེམས་ཁྲོལ༔ མི་མཐུན་ཕྱོགས་ལས་རྒྱལ་བར་ཤོག༔ ཇི་ལྟར་དགེ་སློང་ས་རི་བཞིན༔ རྐྱེན་དང་བར་ཆད་ཐམས་ཅད་ལས༔ མྱུར་དུ་གྲོལ་ཞིང་འཚོ་བར་ཤོག༔ བསྟོད་པ་ནི༔ ཧཱུྃ་ཧྲཱིཿ རིགས་སྔགས་རྨ་བྱ་ཆེན་མོ་ནི༔ སྐུ་མདོག་ལྗང་གུ་མརྒད་མདོག༔ ཞལ་གསུམ་སྐུ་གསུམ་དཀར་ལྗང་དམར༔ ཕྱག་དྲུག་ཕར་ཕྱིན་ཡོངས་སུ་རྫོགས༔ རང་རྟགས་ཕྱག་མཚན་འགྲོ་བ་འདུལ༔ བརྡ་རྟགས་ཡོན་ཏན་རྫོགས་ལ་བསྟོད༔ ཧཱུྃ་ཧྲཱིཿ སངས་རྒྱས་ཀུན་གྱི་ཕྲིན་ལས་མགོན༔ དོན་ཡོད་གྲུབ་པ་ཞི་ཁྲོའི་ཉམས༔ དམ་ཚིག་སྒྲོལ་དང་གཉིས་སུ་མེད༔ ཐབས་ཤེས་ལོངས་སྤྱོད་རྫོགས་ལ་བསྟོད༔ ཧཱུྃ་ཧྲཱིཿ ཤར་དུ་བཛྲ་རྨ་བྱ་དཀར༔ ཞེ་སྡང་ནད་གདོན་འཇོམས་ལ་བསྟོད༔ ལྷོ་རུ་རཏྣ་རྨ་བྱ་སེར༔ ང་རྒྱལ་ནད་གདོན་འཇོམས་ལ་བསྟོད༔ ནུབ་ཏུ་པདྨ་རྨ་བྱ་དམར༔ འདོད་ཆགས་ནད་གདོན་འཇོམས་ལ་བསྟོད༔ བྱང་དུ་བུདྡྷ་རྨ་བྱ་མཐིང༔ གཏི་མུག་ནད་གདོན་འཇོམས་ལ་བསྟོད༔ ཧཱུྃ་ཧྲཱིཿ མིག་དང་རྣ་བ་སྣ་དང་ལྕེ༔ དབང་པོ་ལས་བྱུང་ནད་གདོན་དུག༔ མ་ལུས་འཇོམས་མཛད་སེམས་དཔའ་ཆེ༔ ས་སྙིང་ནམ་མཁའི་སྙིང་པོ་དང༔ སྤྱན་གཟིགས་ཕྱག་རྡོར་སྟངས་དཔྱལ་བརྒྱད༔ ཡུལ་དང་ཡུལ་སྣང་དག་ལ་བསྟོད༔ ཧཱུྃ་ཧྲཱིཿ ས་ཆུ་མེ་རླུང་འབྱུང་བ་བཞིས༔ བསྐྱེད་པའི་སྦྱར་དང་ལྷན་སྐྱེས་དུག༔ སེལ་མཛད་བྱམས་པ་མཉྫུ་ཤྲཱི༔ ཀུན་བཟང་སྒྲིབ་པ་རྣམ་པར་སེལ༔ སྣང་སྟོང་གཉིས་མེད་ཡུམ་དང་འཁྲིལ༔ སར་གནས་སེམས་དཔའ་རྣམས་ལ་བསྟོད༔ ཧཱུྃ་ཧྲཱིཿ མཁའ་ལྡིང་བཅུ་དྲུག་དཀར་སེར་དམར༔ ལྗང་སྔོན་མ་ངེས་སྣ་ཚོགས་མདོག༔ རྡོ་རྗེའི་ལུས་ལ་གནམ་ལྕགས་མཆུ༔ སྤུ་གྲིའི་སྒྲོ་གཤོག་ཉི་ཟླའི་སྤྱན༔ གཟའ་ཀླུ་ས་བདག་ལས་བྱུང་དུག༔ འཇོམས་མཛད་སྣ་ཚོགས་ཁྱུང་ལ་བསྟོད༔ ཧཱུྃ་ཧྲཱིཿ གཞན་ཡང་ཁྲོ་བོ་ཆེན་པོ་བཅུ༔ ཕྱོགས་སྐྱོང་གདོན་འདུལ་བར་ཆད་སྲུང༔ རང་བྱུང་རང་ཤར་དཀྱིལ་འཁོར་ལྷར༔ མ་འདྲེས་ཡོངས་སུ་རྫོགས་ལ་བསྟོད༔ དེ་ནས་བཟླས་པ་ནི༔ བདག་ཉིད་འཕགས་མའི་ཐུགས་ལས་འོད་ཟེར་འཕྲོས༔ མདུན་བསྐྱེད་རྨ་བྱ་ཆེན་མོའི་ཐུགས་རྒྱུད་བསྐུལ༔ དེ་ཉིད་ཐུགས་ལས་འོད་འཕྲོས་འཁོར་རྣམས་བསྐུལ༔ རང་རང་ཐུགས་སྲོག་སྔགས་ལས་འོད་ཟེར་འཕྲོས༔ ཕྱོགས་བཅུའི་རྒྱལ་བ་མཆོད་ཅིང་བྱིན་རླབས་བསྡུས༔ ལྷ་སྲིན་དྲེགས་པའི་སྲོག་འཕྲོག་བྲན་དུ་བཀོལ༔ འགྲོ་དྲུག་སྒྲིབ་སྦྱངས་བདེ་བའི་ས་ལ་བཀོད༔ རྒྱུ་སྦྱོར་བསྲུང་བྱའི་ནད་གདོན་སྡིག་སྒྲིབ་སྦྱངས༔ མི་མཐུན་གཡུལ་རྒྱལ་འཕགས་མའི་གསང་གསུམ་གྱིས༔ ལྷ་སྔགས་ཡེ་ཤེས་སྣང་གྲགས་རྟོག་པ་སྦྱོངས༔ ཨོཾ་ཨཱརྱ་ཏཱ་རེ་ཏུཏྟ་རེ་ཏུ་རེ་མ་ཧཱ་མ་ཡུ་རི་བཱིདྱ་ར་ཛྙཱེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ རིགས་སྔགས་ཆེན་མོའི་རྩ་བའི་ཛཔ྄༔ འབུམ་ཕྲག་བཅུ་གཉིས་བསྙེན་པའི་གྲངས༔ དུས་ཀྱི་བསྙེན་པ་ཟླ་བ་དགུ༔ མཚན་མའི་བསྙེན་པ་རྟགས་དང་སྦྱར༔ དེ་ནས་བསྒྲུབ་པའི་སྙིང་པོ་ནི༔ རྨ་བྱ་ཆེན་མོའི་རིགས་སྔགས་དང༔ བྷི་ས་བཅོ་བརྒྱད་རྒྱུད་གཞུང་བཞིན༔ རྟགས་མཚན་མ་བྱུང་བར་དུ་བཟླ༔ གདོན་བགེགས་འཇོམས་ཤིང་མཐོང་ཐོས་དང༔ དྲན་རེག་ལྷ་སྲིན་གནོད་གདུག་ཞི༔ ཕན་པའི་ཡོན་ཏན་བརྗོད་མི་ལང༔ ས་རིའི་རྒྱུད་བཞིན་ཕན་ཡོན་འབྱུང༔ དེ་ནས་ལས་སྦྱོར་དམིགས་པའི་ཛཔ༔ ཨོཾ་མ་ཧཱ་པཉྩ་མ་ཡུ་རི་བཱིདྱ་ར་ཛྙཱེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ༔ དེ་ནས་སེམས་དཔའ་བརྒྱད་ཀྱི་སྔགས༔ གཞན་ནས་བྱུང་ལྟར་ཡང་ཡང་མཇུག༔ བི་ཥ་ཏ་ར་ཤནྟིཾ་ཀུ་རུ་སྭཱཧཱ༔ སླར་ཡང་འབྱུང་ལྔས་སྦྱང་བའི་སྔགས༔ ཨོཾ་ཨེ་ཧོ་ཤུདྡྷེ་ཤུདྡྷེ༔ ཡཾ་ཧོ་ཤུདྡྷེ་ཤུདྡྷེ༔ རཾ་ཧོ་ཤུདྡྷེ་ཤུདྡྷེ༔ བཾ་ཧོ་ཤུདྡྷེ་ཤུདྡྷེ༔ ལཾ་ཧོ་ཤུདྡྷེ་ཤུདྡྷེ་སྭཱཧཱ༔ དེ་མཐར་དུག་སྦྱང་དྲག་སྔགས་ནི༔ ཁཾ་ཧ་ལ་ཧ་ལ་ཏྲག་ཁཾ༔ ཕུ་རུ་ཕུ་རུ་ཏྲག་ཁཾ༴སོགས་ ཐུ་ལུ་ཀུ་ལུ་ཡེ་སྭཱ་ཧཱ༔ སརྦ་པ་པཾ་ཨ་པ་ན་ཡེ་སྭཱ་ཧཱ༔ ཅེས་པའི་འཁོར་དང་ལས་སྦྱོར་སྔགས༔ མི་ཚིག་བར་མ་ཆོད་པ་རུ༔ བརྒྱ་སྟོང་ཁྲི་ལ་སོགས་པ་བཟླ༔ ཕན་ཡོན་རྒྱུད་ནས་གསུངས་བཞིན་འཐོབ༔ ཟབ་པའི་མཐར་ཐུག་རྒྱ༔ རྗེས་ལ་མཆོད་བསྟོད་ནོངས་པ་བཤགས༔ དངོས་གྲུབ་བསྐུལ་བའི་རིམ་པ་ནི༔ ཧཱུྃ་ཧྲཱིཿ རིགས་སྔགས་རྨ་བྱ་ཆེན་མོ་དང་༔ རིགས་བདག་བཅོམ་ལྡན་བཅོམ་ལྡན་དོན་ཡོད་གྲུབ༔ རིགས་བཞིའི་མ་ཧཱ་མ་ཡུ་རི༔ བྱང་ཆུབ་སེམས་དཔའ་ཉེ་སྲས་བརྒྱད༔ མཁའ་ལྡིང་བཅུ་དྲུག་ཁྲོ་བོ་བཅུ༔ ཕྱོགས་སྐྱོང་དཔལ་མགོན་དཀར་ཕྱོགས་ཀྱི༔ ལྷ་དང་སྲུང་མའི་ཐུགས་རྒྱུད་བསྐུལ༔ བསྙེན་དང་སྒྲུབ་པ་ལས་སྦྱོར་ཐེམས༔ དངོས་གྲུབ་སྩོལ་བའི་དུས་ལ་བབས༔ དུག་རྣམས་མ་ལུས་འཇོམས་པ་དང༔ ནད་གདོན་མ་ལུས་སེལ་བར་མཛོད༔ དགྲ་བགེགས་མ་ལུས་བྱེར་ཞིང་གཏོར༔ དངོས་གྲུབ་མ་ལུས་ད་སྩོལ་ཅིག༔ རྩ་སྔགས་ཤམ་དུ། ཀ་ཡ་སིདྡྷི་ཨོཾ༔ ཝཀྐ་སིདྡྷི་ཨཱ༔ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲི༔ ལྷ་ཚོགས་རྟེན་ལ་བསྟིམ་པའམ༔ ཡང་ན་ཆོས་ཀྱི་དབྱིངས་སུ་གཤེགས༔ ལྷ་ཚོགས་བསྡུ་བའི་རིམ་པ་ནི༔ རང་གི་ཐུགས་ནས་འོད་འཕྲོས་པས༔ སྣོད་བཅུད་དཀྱིལ་འཁོར་ལྷ་ལ་བསྡུ༔ ལྷ་ཡང་མི་དམིགས་ངང་ལ་བཞག༔ དེ་ཡི་ངང་ལས་རང་བྱུང་བ༔ རང་ཤར་ཡེ་ཤེས་ཆེན་པོའི་སྐུ༔ རྒྱུན་གྱི་སྤྱོད་ལམ་ཨེ་མ་ཧོ༔ དེ་ནས་ཤིས་པས་མཐའ་ལ་བརྒྱན༔ ཨོཾ༔ ཕུན་སུམ་ཚོགས་པ༴སོགས། ཨོཾ༔ རིགས་སྔགས་རྨ་བྱ་ཆེན་མོ་ཡིས༔ མ་རིག་དུག་འཇོམས་བཀྲ་ཤིས་ཤོག༔ རྨ་བྱ་ཆེན་མོ་རྣམ་པ་ལྔས༔ དུག་ལྔ་རང་གྲོལ་བཀྲ་ཤིས་ཤོག༔ འགྲོ་འདུལ་སེམས་དཔའ་སེམས་མའི་ཚོགས༔ དབང་ཡུལ་གནས་དག་བཀྲ་ཤིས་ཤོག༔ མཁའ་ལྡིང་རྒྱལ་པོ་བཅུ་དྲུག་གིས༔ གཉིས་རྟོག་འཇོམས་པའི་བཀྲ་ཤིས་ཤོག༔ ཕྱོགས་སྐྱོང་ཁྲོ་བོ་ཆེན་པོ་བཅུས༔ མི་དགེ་བཅུ་འཇོམས་བཀྲ་ཤིས་ཤོག༔ དཔལ་མགོན་གཙང་རིས་དཀར་ཕྱོགས་ཀྱིས༔ དགེ་ལེགས་སྣང་བའི་བཀྲ་ཤིས་ཤོག༔ འདིར་ནི་རྒྱལ་བ་དགྲ་རྒྱལ་བདེན་གང་གིས༔ ཤིན་ཏུ༴སོགས། ཛ་ཡ་ཛ་ཡ་སུ་ཛ་ཡ༔ དེ་ལྟར་དུ་འགྲུབ་པར་བྱེད་པ་ཡང༴སོགས། དེ་དེ་བཞིན་དུ་འགྲུབ་པར་གྱུར་ཅིག དམ་ཆོས་པདྨའི་ཐུགས་ཐིག་གི༔ ཡང་ཟབ་སྒྲོལ་མའི་ཆ་ལག་ཏུ༔ དུག་འཇོམས་རྨ་བྱའི་ཞལ་ལུང་བསྟན༔ བཞག་བྲ་མངོན་དགའི་གནས་རིའི་ཞོལ༔ བཀའ་བརྒྱུད་གོང་མའི་གདན་ས་རུ༔ ལྷ་དང་བླ་མས་ཞལ་གཟིགས་ནས༔ ཡེ་ཤེས་མཁའ་འགྲོས་བརྡ་རིས་སྤྲད༔ རིག་འཛིན་ལུང་རིག་གླིང་པ་ཡི༔ གཏེར་མཇུག་མ་ཚང་ཁ་བསྐང་དུ༔ ལེགས་ཕབ་སྔོན་སྦྱང་འཕྲོ་ལྡན་པ༔ རྨ་ཐོག་རིན་ཆེན་ཟློས་པའི་གར༔ ཡོངས་འཛིན་བླ་མའི་གདུང་འཚོབ་རྗེ༔ དེ་ཝི་ཨ་ཡུའི་མཚན་མཚན་འཆང་བ༔ ཆོས་ལ་དབང་བས་བསྐུལ་བའི་ངོར༔ བསམ་གཏན་ཡེ་ཤེས་གླིང་པ་ཡིས༔ མི་ལྡོག་ཙམ་དུ་ཐོལ་བྱུང་དང༔ ཐོགས་མེད་ཚུལ་དུ་ཡིག་རིས་བཀོད༔ འགྲོ་ཀུན་ཉེས་ཕོངས་དུག་རྣམས་ཀུན༔ མ་ལུས་འཇོམས་པའི་རྒྱུར་གྱུར་ནས༔ བཀྲ་ཤིས་སྣང་བས་སྲིད་ས་གསུམ༔ ཡོངས་ལ་ཁྱབ་པའི་དགེ་ལེགས་སྩོལ༔ རྨ་བྱ་ཆེན་མོའི་སྒོ་ནས་གཟའ་ཀླུའི་དུག་དབྱུང་བདུད་རྩིའི་ཆུ་རྒྱུན།• དམ་ཆོས་ཡང་ཟབ་པདྨའི་ཐུགས་ཐིག་ལས༔ རྨ་བྱ་ཆེན་མོའི་སྒོ་ནས་གཟའ་ཀླུའི་དུག་དབྱུང་བདུད་རྩིའི་ཆུ་རྒྱུན་བཞུགས༔ • ཨོ་རྒྱན་ཐོད་ཕྲེང་རིགས་ལྔ་དང་༔ རིགས་སྔགས་ལྷ་མོའི་ཚོགས་ལ་འདུད༔ རྨ་བྱ་ཆེན་མོའི་དུག་དབྱུང་ཐབས༔ ཡར་གཞི་གོང་ལྟར་ལེགས་པར་བསྒྲུབ༔ མཆོད་བསྟོད་དངོས་གྲུབ་དབང་ཡིད་བླངས༔ དེ་ནས་བསྲུང་བྱ་མདུན་དུ་བོས༔ ལས་བུམ་དུག་སྣའི་ཆུ་ཡིས་དགང༔ གཟའ་ཀླུའི་གཟུགས་དང་འདྲ་གླུད་བཤམས༔ སླ་ངའི་ནང་དུ་དུག་ཤིང་གི༔ མེ་ཐབ་ཟླུམ་པོར་བརྩིགས་པའི་དབུས༔ མེ་ཡི་རྟེན་གཞི་ཏིང་ལོ་བཞག༔ དུག་སྣ་ཚོགས་པའི་བསྲེག་རྫས་བཤམས༔ འདོན་སྒོམ་རིམ་པ་འདི་བཞིན་ནོ༔ ཁྲུས་བུམ་ནང་དུ་ཟླ་སྟེང་མཾ་ཡིག་མཐར༔ སྔགས་ཕྲེང་འཁོར་ལས་བདུད་རྩིའི་རྒྱུན་བབས་པས༔ བུམ་ཆུ་དག་བྱེད་ནུས་པའི་མཐུ་ལྡན་བསམ༔ ཨོཾ་ཨ་མྲྀ་ཏ་བི་ལོ་ཀི་ནི་གརྦྷ་སཾ་རཀྵ་ན་ཨ་ཀརྴ་ནི་ཧཱུྃ་ཕཊ༔ ཅི་ནུས་བཟླས་མཐར་ཁྲུས་སྔགས་བརྒྱས༔ རྣོ་སོ་གདགས་ལ་འོད་ཞུ་བྱ༔ བསྲུང་བྱའི་གནས་ལྔར་དུག་ལྔའི་ངོ་བོ་ནི༔ ཐིག་ལེ་ནག་པོ་ལྔ་ལ་སྒོ་གསུམ་གྱི༔ སྡིག་སྒྲིབ་ཉམས་ཆགས་དུག་ནད་བྱད་འཁོན་སོགས༔ ཉེས་སྒྲིབ་བག་ཆགས་མ་ལུས་འདུས་པར་དམིགས༔ ཁྱེད་རང་རྐང་མཐིལ་གཉིས་ལ་ཡཾ་ལྗང་གསལ༔ དེ་ལས་རླུང་གཡོས་ལྟེ་བར་རཾ་ཡིག་ལ༔ བརྒྱབ་པས་མེ་འབར་མེ་ལྕེས་ཐིག་ལེ་དེད༔ བུ་ག་རྣམས་ནས་རླུང་ནག་ཕྱུར་རེ་བྱུང༔ མདུན་གྱི་དུག་རྫས་རྣམས་ལ་སིབ་སིབ་ཐིམ༔ དུག་རྫས་ཡེ་ཤེས་བདུད་རྩིའི་རྣམ་པ་རུ༔ འབྲུ་གསུམ་སྔགས་ཀྱིས་བསྲེག་རྫས་ཕུན་ཚོགས་གྱུར༔ ཨོཾ་ཨཱ༔ཧཱུྃ༔ གསུམ་སོགས་ཅི་ནུས་བརྗོད༔ མེ་ཐབ་སྦྱངས་ཤིང་མེ་སྦར་ལ༔ རཾ་ཛྭ་ལ་རཾ༔ ཧཱུྃ་གསུམ་གྱིས་རླུང་གཡབ༔ མདུན་དུ་ཧཱུྃ་ལས་ཞི་བའི་ཐབ་ཁུང་ནང༔ ཏིང་ལོ་ལས་སྐྱེས་རཾ་ལས་འབར་བའི་དབུས༔ ངོ་བོ་རིག་པའི་རྒྱལ་མོ་ཏཱ་རེ་མ༔ རྣམ་པ་རྨ་བྱ་ཆེན་མོ་ཡོངས་སུ་རྫོགས༔ ཞལ་གདངས་སྐུ་ལས་མེ་འབར་འོད་ནག་འཕྲོས༔ བསྲུང་བྱའི་ལུས་ངག་ཡིད་ཀྱི་སྡིག་སྒྲིབ་དང༔ ནད་གདོན་འཁོན་གྲིབ་དུག་རྣམས་བསྡུས་ནས་སུ༔ བྱ་སྒྲོ་མེ་ལ་བསྲེག་བཞིན་མ་དག་སྦྱངས༔ དག་པ་བདུད་རྩིའི་རང་བཞིན་ཁ་ཏོག་ནག༔ ལྷ་མོའི་ཞལ་དུ་ཕུལ་བས་དགྱེས་པར་བཞེས༔ ཞེས་པས་བསྙེན་སྒྲུབ་ལས་སྦྱོར་སྔགས༔ ཁྱད་པར་གཅིག་ཆོག་སྔགས་འདིས་འབུལ༔ ཨོཾ་མ་ཧཱ་མ་ཡུ་རི་དཱ་ན་པ་ཏི་ཧ་ལ་ཕུད་ཕུད་ཛྭ་ལ་ཁཱ་ཧི༔ ཅེས་པ་གྲངས་སུ་བཟླས་ལ་ཕུལ༔ མཐར་ནི་མཆོད་བསྟོད་ཕྲིན་ལས་བཅོལ༔ ཨོཾ་འཇིགས་བརྒྱད་གཡུལ་འཇོམས་ཏཱ་རེ་དཔའ་མོ་ཡུམ༔ རིགས་སྔགས་མཐུ་གྲུབ་རྨ་བྱ་ཆེན་མོ་དང༔ གཟུངས་སྔགས་ལྷ་མོ་འཁོར་དང་བཅས་རྣམས་ཀྱིས༔ བསྲེག་བླུགས་འདི་བཞེས་བསྲུང་བྱ་འདི་ཉིད་ཀྱི༔ འཁོན་གྲིབ་ནད་གདོན་དུག་སོགས་ཉེར་འཚེ་རྣམས༔ གཟའ་ཀླུ་ས་བདག་གཉན་གྱི་བསམ་སྦྱོར་དུག༔ ཐུགས་རྗེ་མེ་ཡིས་ཞི་བའི་ཕྲིན་ལས་མཛོད༔ ཡུངས་དཀར་ཐབ་གཏོར་འདོད་གསོལ་འདེབས༔ དེ་ནས་གཟའ་ཀླུའི་དུག་སྦྱང་བ༔ རང་མདུན་གྲུ་གསུམ་དམར་ནག་རྒྱ་མཚོའི་དབུས༔ དྲང་སྲོང་གཟའ་རྒོད་མིག་དམར་འོད་འཕྲོ་བ༔ དབུ་དགུ་བྱ་རོག་གདོང་ཅན་མིག་མང་འཕྲོ༔ ཕྱག་གཉིས་ཐལ་སྦྱར་བཀའ་ཉན་ལས་བྱ་ཞིང༔ ལྟོ་ཞལ་གདངས་བས་སྡེ་བརྒྱད་ཡོངས་ཀྱི་དུག༔ བསྲུང་བྱ་ལ་ཕོག་ལྟོ་བའི་ཞལ་གྱིས་རྔུབས༔ འཁོར་དུ་གཟའ་གདོན་རྒྱུ་སྐར་འབྱུང་པོས་བསྐོར༔ ཀླུ་བདུད་མགོ་དགུ་ཁྱུང་གཤོག་བྱ་སྡེར་ཅན༔ མི་ལུས་ནག་པོ་རེ་འབྱམས་མཇུག་སྒྲོ་ཅན༔ ཁ་གདངས་མཆེ་གཙིགས་ལྟོ་བ་རབ་ཡངས་པ༔ མི་མཐུན་དུག་རིགས་ཟ་ཞིང་གནས་པར་བསམ༔ ༧ ན་མོ་དཀོན་མཆོག་རྩ་བ་གསུམ་གྱི་བདེན་པ་དང༔ རྗེ་བཙུན་སྒྲོལ་མ་ཉེར་གཅིག་བྱིན་རླབས་དང༔ རིགས་སྔགས་རྨ་བྱ་ཆེན་མོའི་ནུས་མཐུ་དང༔ གཙང་རིས་དཔལ་མགོན་ཡོངས་ཀྱི་མཐུ་སྟོབས་ཀྱིས༔ ནད་གདོན་འཁོན་གྲིབ་གཟའ་ཀླུ་དུག་བདག་རྣམས༔ སྐད་ཅིག་ཙམ་གྱིས་གཟུགས་བརྙན་འདི་ལ་ཁུག༔ འདོད་ཡོན་ལྔ་རུ་བྱིན་གྱིས་བརླབས་པའི་རྫས༔ གླུད་གཏོར་དུག་རྫས་འདི་ཡིས་ཚིམ་གྱུར་ཅིག༔ ཁ་འབར་མ་ཡི་སྔགས་ཀྱིས་བསྔོ༔ དེ་ནས་དུག་ཆུས་ཁྲུས་ཀྱིས་ཡོན་བདག་བཀྲུ༔ མདུན་བསྐྱེད་རྨ་བྱ་ཆེན་མོའི་ཕྱག་མཚན་གྱི༔ བུམ་པ་ལས་བྱུང་བདུད་རྩིའི་ཆུ་རྒྱུན་གྱིས༔ བསྲུང་བྱའི་སྤྱི་བོ་ནས་བཟུང་རྐང་མཐིལ་བར༔ བཀྲུས་པས་གཟའ་ཀླུ་ས་བདག་མཐོང་ཐོས་དང༔ དྲན་རེག་བཅིངས་པའི་དུག་རྣམས་ནག་ཉིལ་བྱུང་༔ འཁོན་གྲིབ་དུག་རྣམས་སྦལ་སྦྲུལ་རྣམ་པ་རུ༔ གཟའ་ཀླུའི་ཁ་རུ་བཏབ་པས་ཁྱུར་མིད་ཟོས༔ རྨ་བྱའི་སྒྲོ་ཡིས་བྱབ་པས་དུག་རྣམས་བསྡུས༔ འབྱུང་བཞིའི་རྫས་ཀྱིས་བྲབ་པས་གཟའ་ཀླུ་མྱོས༔ སྦྱིན་བདག་ནད་གདོན་འཁོན་གྲིབ་དུག་རྣམས་སྦྱོང༔ ལུས་སེམས་ཤེལ་གོང་བཞིན་དུ་དག་པར་གྱུར༔ ལྷ་སྔགས་རིགས་སྔགས་འབྱུང་བཞིའི་སྔགས་ཀྱིས་བྱབ༔ འོ་སྣང་སྲིད་གཟའ་ཀླུ་གདུག་པ་ཅན་གྱི་བསམ་པའི་དུག་དང་། སྦྱོར་བའི་དུག་དང་། རེག་པའི་དུག་དང་། ཁ་རླང་གི་དུག་དང་། བཅིངས་བའི་དུག་དང་། ཉོན་མོངས་པའི་དུག་དང་། སྦྱར་བའི་དུག་དང་། རང་བཞིན་གྱི་དུག་དང་། དབྱིག་དུག་དང་། ཚ་གྲང་གི་དུག་དང་། འབྱུང་བ་བཞིའི་དུག་དང་། སྲོག་ཆགས་ཀྱི་དུག་དང་། རྫས་ཀྱི་དུག་དང་། བཟའ་བཏུང་གི་དུག་དང་། རྒྱུ་བ་དང་མི་རྒྱུ་བའི་དུག་དང་། བགེགས་གདུག་པ་ཅན་གྱི་དུག་དང་། ནད་དང་ཡམ་གྱི་དུག་དང་། རྫས་སྔགས་འཕྲུལ་འཁོར་གྱི་དུག་དང་། རྒྱུ་འདོད་ཆགས་ཞེ་སྡང་གཏི་མུག་ཕྲག་དོག་ང་རྒྱལ་གྱི་དུག་དང་། རྐྱེན་མི་དགེ་བ་བཅུ་དང་མཚམས་མེད་པ་ལྔ་ལ་སོགས་པ་ལས་གྱུར་པའི་དུག་ཐམས་ཅད་ཕུད་ཕུད་ཧ་ལ་ཧ་ལ་མ་ཧཱ་ཧ་ལ་སྥུ་ཊ་སྥུ་ཊ་ཁྲོལ་ཁྲོལ་ཤིག་ཤིག་སྭཱཧཱ། དུག་ཐམས་ཅད་འདིར་མ་འདུག་ཤིག༔ སྦྱིན་པ་པོའི་གན་དུ་སོང་ཤིག༔ འཛིན་པ་པོའི་གན་དུ་སོང་ཞིག༔ ས་ཆུ་མེ་རླུང་འབྱུང་བའི་གན་དུ་སོང་ཞིག༔ དྲེགས་པ་སྡེ་བརྒྱད་སོ་སོ་རང་རང་གི་གན་དུ་སོང་ཞིག༔ ཤནྟིཾ་ཀུ་རུ་ཡེ་སྭཱཧཱ༔ དེ་སོགས་བརྒྱ་རྩ་བརྒྱད་ཀྱིས་དུག་ཁྲུས་བྱ༔ མི་ཕྱུགས་གང་ལའང་བཏང་བས་བདེ་བར་འཚོ༔ ས་མ་ཡཱ༔ དེ་ནས་ཕྱག་མཚན་གྱིས་བྱབ་པ་ནི༔ བདག་མདུན་རིག་པའི་ལྷ་མོའི་ཕྱག་གཡས་ཀྱིས༔ རྨ་བྱའི་སྒྲོ་མདངས་བྱབ་པས་སྦྱིན་བདག་གི༔ དུག་རྣམས་ཙེན་གྱིས་བླངས་ཏེ་གཟའ་ཀླུ་ཡི༔ ཁ་རུ་བཏབ་པས་སིབ་སིབ་རྔུབ་པར་བསམ༔ གོང་གི་སྔགས་བརྗོད་སྒྲོ་ཡིས་བྱབ༔ གཟའ་ཀླུ་དུག་གིས་མྱོས་ནས་ལིང་ལིང་འབར༔ དུག་ཆུ་རྫས་དང་བཅས་པའི་བསྲེག་བླུགས་འདི༔ རིགས་སྔགས་རྨ་བྱ་ཆེན་མོའི་ཞལ་དུ་བསྟབ༔ དགྱེས་པར་བཞེས་ནས་རྨ་བྱའི་གར་སྟབས་ཀྱིས༔ རང་བཞིན་གནས་གཤེགས་ཐབ་དང་དམ་ཚིག་ལྷ༔ མི་དམིགས་ནམ་མཁའི་འཇའ་ལྟར་ཡལ་བར་བསམ༔ གཟའ་ཀླུ་ཁྲུས་ཆུ་དང་བཅས་ཐབ་ཏུ་དོར༔ དེ་རྣམས་ཐམས་ཅད་མཚམས་སུ་བསྐྱལ༔ མི་གཙང་ཉམས་གྲིབ་དུག་རྣམས་ཞི་བར་འགྱུར༔ བྱབ་བཀྲུས་བསྲུང་གསུམ་གཞན་ནས་བྱུང་ལྟར་བྱ༔ སླར་ཡང་གནོད་པ་ཕྱིར་མི་ལྡོག་པའི་ཆེད༔ རྣམ་རྒྱལ་བུམ་པའི་ཆུ་ཡིས་དབང་བསྐུར་བྱ༔ དང་པོ་གསོལ་བ་འདེབས་པ་འདི་བཞིན་བརྗོད༔ ཧོ༔ རིག་པའི་ལྷ་མོ་བདག་ལ་བརྩེ་བས་དགོངས༔ སྐུ་གསུང་ཐུགས་ཀྱི་དངོས་གྲུབ་མ་ལུས་སྩོལ༔ ཞེས་པས་ལན་གསུམ་གསོལ་བ་གདབ༔ ཧཱུྃ་ཧྲཱིཿ བཀྲ་ཤིས་བུམ་པ་ཡེ་ཤེས་བཞུགས་པའི་གནས༔ རིག་པའི་རྒྱལ་མོ་རྨ་བྱ་ཆེན་མོ་ཡི༔ སྐུ་གསུང་ཐུགས་ནས་བདུད་རྩིའི་རྒྱུན་བབས་པས༔ སྐལ་ལྡན་རིགས་ཀྱི་བུ་ལ་དབང་བསྐུར་བས༔ སྒོ་གསུམ་རྡོ་རྗེ་གསུམ་དུ་གྱུར་ནས་ནས་སུ༔ ཉོན་མོངས་དུག་ཚོགས་རང་བཞིན་མེད་པར་དག༔ རིག་པའི་རྒྱལ་མོ་ཉིད་དང་མཚུངས་པར་ཤོག༔ ཨོཾ་མ་ཧཱ་མ་ཡུ་རི་བིདྱཱ་ར་ཛྙཱ་ཀ་ལ་ཤ་ཨ་མྲྀ་ཏ་ཨ་བྷི་ཥིཉྩ་ཧཱུྃ༔ བུམ་པ་མགོར་བཞག་བུམ་ཆུ་བླུད༔ གཏོར་མ་སྐུ་རྟེན་སྤྱི་བོར་བཞག་ལ་བཀའ་ཡང་བསྒོ༔ ཨོཾ༔ ཡོངས་ལ་གཏོར་བས་གཏོར་ཞེས་བྱ༔ ཀུན་ལ་ཁྱབ་པས་མ་ཞེས་བྱ༔ ཤེས་པ་དྲུག་ལྡན་གཏོར་མའི་དབང༔ སློབ་བུ་ཁྱོད་ལ་བསྐུར་བར་བྱ༔ རྒྱལ་བ་སྲས་བཅས་བྱིན་རླབས་དང༔ རིག་པའི་རྒྱལ་མོའི་ནུས་མཐུ་ཡིས༔ འགྲོ་བ་འདི་ལ་བསྲུང་ཟིན་གྱིས༔ སུས་ཀྱང་གནོད་པ་མ་བྱེད་ཅིག༔ རྩ་སྔགས་གཤམ་དུ། བཛྲ་རཀྵ་རཀྵ་བྷྲུཾ༔ བསྒྲུབ་རྫས་བཟའ་བཏུང་ལག་ཏུ་སྟེར༔ བཀྲ་ཤིས་ཚེ་བརྟེན་དཔལ་གྱི་ཟས༔ བདུད་རྩི་སྨན་གྱིས་འཚོ་བར་ཤོག༔ རིག་པའི་རྒྱལ་མོས་བྱིན་བརླབས་པས༔ བཏུང་བ་འདི་སྤྱོད་དུག་རྣམས་ལས༔ གྲོལ་འགྱུར་ཐེ་ཚོམ་བྱ་མི་དགོས༔ ཨ་མྲྀ་ཏ་གརྦྷ་པཉྩ་ཨ་ཡུ་སིདྡྷི་ཧོ༔ མཐའ་ལ་བཀྲ་ཤིས་རྫས་རྟགས་སོགས༔ ལེགས་པའི་རྟེན་གྱིས་ཤིས་པ་བརྗོད༔ དགེ་བསྔོ་གཏང་རག་འབུལ་བ་དང་༔ སྨོན་ལམ་ཟབ་མོས་མཚམས་སྦྱོར་རོ༔ གཟའ་ཀླུའི་དུག་དབྱུང་མང་ཡོད་ཀྱང༔ འདི་ནི་ཟབ་པའི་མཐར་ཐུག་ཡིན༔ ཨོ་རྒྱན་ཡབ་ཡུམ་མཁར་ཆེན་གྱི༔ སྲས་པོའི་སྙིང་ཐིག་མ་འོངས་དུས༔ འགྲོ་བ་སྐྱོབ་པའི་བཙས་སུ་བཞག༔ བཞི་བཅུ་ཁ་རལ་ཡང་མཐའི་དུས༔ རྣམ་གསུམ་དབྱེར་མེད་སྤྲུལ་པའི་སྲས༔ རིག་འཛིན་ལུང་རིག་གླིང་པ་ཡིས༔ སྙིང་མཛོད་སྨུག་པོའི་སྒྲོམ་ནས་བཏོན༔ སྐལ་བ་ལྡན་ལ་གཏད་རྒྱ་མཛད༔ དེ་ཡི་འདས་རྗེས་ཐོབ་པའི་བུ༔ ཨ་ཙར་སྤྲུལ་པའི་གང་ཟག་ལ༔ བརྡ་དོན་ལུང་དུ་བསྟན་པའི་ཚེ༔ གཏེར་མཇུག་དགོངས་པའི་རྩལ་དུ་ནི༔ བུམ་པ་གང་བྱོས་ཚུལ་དུ་བབས༔ འགྲོ་ལ་ཕན་པའི་རྟེན་འབྲེལ་དང༔ བསྟན་པའི་གསོས་སུ་འགྱུར་ངེས་པའི༔ ཐ་ཚིག་སྔོན་གྱི་སྨོན་ལམ་ཡོད༔ ས་མ་ཡཱ༔ ཅེས་པའི་རྨ་བྱ་ཆེན་མོའི་ཞལ་ལུང་གི་མཇུག་ཅུང་ཟད་མ་ཚང་བ་དེ་ཉིད་རིག་འཛིན་གཏེར་སྟོན་བླ་མ་རིན་པོ་ཆེའི་བརྒྱུད་པ་གསེར་གྱི་ཉག་ཐག་དམ་པ་དབོན་ལྷ་མོ་ཚེ་རིང་གིས་ལྷ་རྫས་སྲིད་དུ་རིང་བ་དང་། ཁ་ཏོག་ལྔ་ལྡན་ལེགས་པའི་འཐག་དྲུབ་དབང་གཞུ་ལྟ་བུ་གནང་ནས་རྨ་བྱའི་ཞལ་ལུང་འདིའི་མཇུག་སྐྱོང་དགོས་གསུངས་པའི་བཀའ་ནན་དེ་ཉིད་ལྡོག་མི་ཕོད་པས་དག་སྣང་བན་བུན་ཙམ་ལ་བརྟེན་ནས་དབོན་ཉིད་ཀྱི་ཞབས་འདེགས་སུ་འཁོད་པའི་སྤྲུལ་མིང་བྷུ་སུ་ཀུ་ཧོར་བན་གཞན་ཕན་པས་སུག་བྲིས་བགྱིས་ཏེ་ཕུལ་བས་དམ་པ་རིན་པོ་ཆེའི་ཞབས་པད་བསྐལ་བརྒྱར་བརྟན་ཅིང་ཡངས་པའི་རྒྱལ་ཁམས་ཐམས་ཅད་བདེ་བའི་རྒྱུར་གྱུར་ནས་མཐར་ཐུག་འགྲོ་ཀུན་གདོད་མའི་གཞི་ལ་གྲོལ་ཞིང་རང་བྱུང་རིག་པའི་རྒྱལ་མོ་མངོན་དུ་བྱེད་པའི་འབྲས་བུ་གཡུར་དུ་ཟ་བར་ཤོག་ཅིག་གུ ། སེམས་དཔའ་ཡབ་ཡུམ་བརྒྱད་ཀྱི་སྔགས།སེམས་དཔའ་ཡབ་ཡུམ་བརྒྱད་ཀྱི་སྔགས་ལ། ཐོག་མར་ས་སྙིང་ཡབ་ཡུམ་རྩ་སྔགས་ནི། ཀྵི་ཧི་རཱ་ཛ་ཡ་སྭཱ་ཧཱ༔ ཧཱུྃ་ལ་སྱ་ས་མ་ཡཱ་སྟྭཾ༔ གཤམ་དུ། བི་ཥ་ད་ར་ཤནྟིཾ་ཀུ་རུ་སྭཱ་ཧཱ༔ ནམ་སྙིང་ཡབ་ཡུམ་རྩ་སྔགས། ཏྲཾ་ཨ་གྷརྦྷ་ཡ་སྭཱ་ཧཱ༔ ཏྲཾ་མ་ལྱ་ས་མ་ཡཱ་སྟྭཾ༔ གཤམ་དུ། བི་ཥ་ད་ར་ཤནྟིཾ་ཀུ་རུ་སྭཱཧཱ༔ སྤྱན་གཟིགས་ཡབ་ཡུམ་རྩ་སྔགས། ཧྲཱིཿཧ་ཧཱུྃ་པདྨ་བྷ་ཏ་མ་སྭཱ་ཧཱ༔ ཧྲཱི་གྷིརྟི་ར་ག་ཡ་ཧོ་ཧཾ༔ གཤམ་དུ། བི་ཥ་ད་ར་ཤནྟིཾ་ཀུ་རུ་སྭཱཧཱ༔ ཕྱག་རྡོར་ཡབ་ཡུམ་རྩ་སྔགས། ཛྷིཾ་ཀུ་རུ་པ་ཎི་ཧྲཱིཿསྭཱ་ཧཱ༔ ཨ་ནིརྟི་ར་ག་ཡ་མེ་སྟྭཾ༔ གཤམ་དུ། བི་ཥ་ད་ར་ཤནྟིཾ་ཀུ་རུ་སྭཱཧཱ༔ བྱམས་པ་ཡབ་ཡུམ་རྩ་སྔགས། མཻ་ཏྲི་དྷ་ར་ནི་སྭཱ་ཧཱ༔ ཧོ་གྷནྡྷེ་ཙིཏྟ་ཡ་ཧོ༔ གཤམ་དུ། བི་ཥ་ད་ར་ཤནྟིཾ་ཀུ་རུ་སྭཱཧཱ༔ འཇམ་དཔལ་ཡབ་ཡུམ་རྩ་སྔགས། མུཾ་ཤྲཱི་ཨ་རཾ་གྷ་ཡ་སྭཱ་ཧཱ༔ ཛ་དྷུཔྤེ་པྲ་ཝེ་ཤ་ཡ་སྟྭཾ༔ གཤམ་དུ། བི་ཥ་ད་ར་ཤནྟིཾ་ཀུ་རུ་སྭཱཧཱ༔ ཀུན་བཟང་ཡབ་ཡུམ་རྩ་སྔགས། ཧཱུྃ་སྭཱ་ར་ཙ་ཡ་སྭཱ་ཧཱ༔ ཧཱུྃ་པུཥྤེ་ཨ་ཝེ་ཤ་ཡ་སྟྭཾ༔ གཤམ་དུ། བི་ཥ་ད་ར་ཤནྟིཾ་ཀུ་རུ་སྭཱཧཱ༔ སྒྲིབ་སེལ་ཡབ་ཡུམ་རྩ་སྔགས། ཐླྷིཾ་ས་རཾ་པ་ཡ་སྭཱ་ཧཱ༔ བཾ་དྷི་པཾ་སུ་ཀི་ནི་ས་མ་ཡཱ་སྟྭཾ༔ གཤམ་དུ། བི་ཥ་ད་ར་ཤནྟིཾ་ཀུ་རུ་སྭཱཧཱ༔ ༈ མཁའ་ལྡིང་བཅུ་དྲུག་གི་སྔགས། ཨོཾ་བཛྲ་ཁྲོཾ་ག་རུ་ཎ་ཙ་ལེ་ཙ་ལེ་ཧཱུྃ་ཕཊ༔ གཤམ་དུ། བི་ཥ་ད་ར་ཤནྟིཾ་ཀུ་རུ་སྭཱཧཱ༔ ཁྲོ་བོ་བཅུའི་རྩ་སྔགས། ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ༔ ཧཱུྃ་ཧཱུྃ་ཧཱུྃ་ཧཱུྃ༔ གཤམ་དུ། བི་ཥ་ད་ར་ཤནྟིཾ་ཀུ་རུ་སྭཱཧཱ༔ སླར་ཡང་འབྱུང་ལྔ་དང་དུག་སྦྱང་གི་སྔགས་སོགས་ཀྱི་རྣོ་སོ་གདགས་པར་བྱ། ཅེས་རས་མིང་པས་གཏེར་གཞུང་གི་ཞལ་གསུང་ལྟར་གཞན་ནས་བྱུང་བ་ལྟར་བྲིས་པ་དགེ་ལེགས་འཕེལ་བའི་རྒྱུར་གྱུར་ཅིག ། རྨ་བྱ་ཆེན་མོའི་སྔགས།༈ ཨོཾ་མ་ཧཱ་མ་ཡུ་རི་བིདྱཱ་ར་ཛྙེ་ཧཱུྃ་ཧཱུྃ་ཕཊ་ཕཊ་སྭཱ་ཧཱ། ཨོཾ་ཨེ་ཀ་བྷི་ས་ཕུད་ཕུད་སྭཱ་ཧཱ། ཨ་ཝ་བྷི་ས་ཕུད་ཕུད་སྭཱ་ཧཱ། དེ་ཙོ་བྷི་ས་ཕུད་ཕུད་སྭཱ་ཧཱ། བྷ་ཡུ་བྷི་ས་ཕུད་ཕུད་སྭཱ་ཧཱ། རཱ་ཛ་བྷི་ས་ཕུད་ཕུད་སྭཱ་ཧཱ། སརྦ་བྷི་ས་ཕུད་ཕུད་སྭཱ་ཧཱ། དེ་ཝ་བྷི་ས་ཕུད་ཕུད་སྭཱ་ཧཱ། ན་ག་བྷི་ས་ཕུད་ཕུད་སྭཱ་ཧཱ། ཨ་སུ་ར་བྷི་ས་ཕུད་ཕུད་སྭཱ་ཧཱ། ག་རུ་ཊ་བྷི་ས་ཕུད་ཕུད་སྭཱ་ཧཱ། ཀུ་བེ་ར་ བྷི་ས་ཕུད་ཕུད་སྭཱ་ཧཱ། གནྡྷརྦ་བྷི་ས་ཕུད་ཕུད་སྭཱ་ཧཱ། རཀྴ་བྷི་ས་ཕུད་ཕུད་སྭཱ་ཧཱ། ཡཀྴ་བྷི་ས་ཕུད་ཕུད་སྭཱ་ཧཱ། མ་ནུ་བྷི་ས་ཕུད་ཕུད་སྭཱ་ཧཱ། མ་ནུ་སྨ་ར་བྷི་ས་ཕུད་ཕུད་སྭཱ་ཧཱ། བྷུ་མི་པ་ཏི་བྷི་ས་ཕུད་ཕུད་སྭཱ་ཧཱ། སརྦ་བྷི་རི་བྷི་ས་ཕུད་ཕུད་སྭཱ་ཧཱ། སརྦ་ཀླག་ཤ་བྷི་ས་ཕུད་ཕུད་སྭཱ་ཧཱ། ཚིནྡྷ་ཚིནྡྷ་ཧཱུྃ་ཕཊ། བྷིནྡྷ་བྷིནྡྷ་ཧཱུྃ་ཕཊ། ད་ཧ་ད་ཧ་ཧཱུྃ་ཕཊ། པ་ཙ་པ་ཙ་ཧཱུྃ་ཕཊ། ཁ་ཁ་ཁ་ཧཱི་ཁ་ཧཱི། ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། སརྦ་བྷི་ས་ཨ་པ་ན་ཡེ་སྭཱ་ཧཱ། ཁཾ་ཧ་ལ་ཧ་ལ་དྲག་ཁཾ། ཕུ་རུ་ཕུ་རུ་དྲག་ཁཾ། ཀུ་ཀུ་ལ་ནི་སྲི་ཐོད། པྲཾ་པྲཾ། དྲཾ་དྲཾ། མཾ་མཾ། ཀླང་ཀླང་། ཡ་བ་བྷ་དེ་ཐུ་ལུ་ཀུ་ལུ་ཡེ་སྭཱ་ཧཱ། དྲང་སྲོང་ཆེན་པོའི་བཀའ་གཏད་ལོ་རྒྱུས།༄༅། འོ། ནམ་མཁའ་དང་མཉམ་པའི་སེམས་ཅན་ཐམས་ཅད་སངས་རྒྱས་ཀྱི་གོ་འཕང་འཐོབ་པར་བྱ། དེའི་ཆེད་དུ་དྲང་སྲོང་ཆེན་པོའི་བཀའ་གཏད་ཚུལ་བཞིན་ནོད་པར་བྱའོ་སྙམ་དུ་སེམས་བསྐྱེད་ནས། ཆོས་ལ་ཉན་པའི་ཀུན་སློང་དང་ཀུན་སྤྱོད་ཀྱི་རིམ་པ་རྣམས་དམ་པའི་སྐྱེས་བུ་མཁས་པའི་དབང་པོ་རྣམས་ཀྱིས་ཇི་སྐད་གསུངས་པ་བཞིན་ཁྱེད་རང་རྣམས་ཀྱིས་ཐུགས་ལ་འཇོག་པར་ཞུ་འཚལ། ད་ལམ་གྱི་ཆོས་དང་གང་ཟག་གི་ལོ་རྒྱུས་མདོར་བསྡུས་ཙམ་འཆད་ན། ད་ལམ་ཆོས་འདི་ཉིད་འབྱུང་ཁུངས་དང་། གཏེར་ནས་ཇི་ལྟར་བཏོན་ཚུལ་གྱི་རིམ་པ་རྣམས་ནི། འདིར་བཅོམ་ལྡན་འདས་གསང་བའི་བདག་པོ་ཕྱག་ན་རྡོ་རྗེ་ཉིད་གདུག་པ་ཅན་འདུལ་བ་དང་། བསྟན་པ་གཉན་པོ་སྲུང་བའི་ཆེད་དུ་དྲེགས་པ་ཅན་ཐམས་ཅད་ཀྱི་རྗེ་བོའི་ཚུལ་དུ་སྐུར་བཞེངས་པ་གཟའ་བདུད་ཆེན་པོ་རཱ་ཧུ་ལ་ཞེས་བྱ་བ། རྒྱལ་བའི་བསྟན་སྲུང་ཐམས་ཅད་ཀྱི་ནང་ནས་མཐུ་ནུས་ལྷག་པར་ཆེ་ཞིང་དྲག་རྩལ་མྱུར་མགྱོགས་ཀྱི་ཕྲིན་ལས་དང་ལྡན་པ་འདི་ཉིད་སྤྱིར་རྡོ་རྗེ་ཐེག་པའི་རྒྱུད་སྡེ་དུ་མ་ནས་བསྟན་པ་དང་། ཁྱད་པར་སྒོས་རྒྱུད་བྱ་རོག་མགོ་བརྩེགས་ཀི་ཀང་རོག་ཏིའི་རྒྱུད་སོགས་ལས་གསུངས་ཤིང་། དེ་ཡང་སློབ་དཔོན་ཆེན་པོ་པདྨ་འབྱུང་གནས་ཉིད་ཚང་ཚིང་འཁྲིགས་པའི་དུར་ཁྲོད་ན་བཞུགས་པ་ལས། གནས་དེའི་བྲག་སྦྲུལ་ནག་ཁ་གདངས་པ་འདྲ་བ་ནས་མེ་དང་རླུང་ནག་འཚུབ་པ་གཟིགས་ཏེ་དེ་བརྐོས་པས་བསེའི་གའུ་སྦྲུལ་གྱི་རྒྱས་བཏབ་པ་གཅིག་གི་ནང་ནས་འདིའི་སྒྲུབ་ཐབས་རྣམས་བྱུང་ངོ། དེར་མི་རེང་ལག་པ་ཁྲག་གིས་དམར་བ་སྤྱང་ཀི་ལ་ཞོན་པ་གཅིག་དངོས་སུ་འོང་ནས། བདག་སློབ་དཔོན་ཆེན་པོ་ཤྲཱི་སེང་ཧས་སྲོག་སྙིང་ཕྲོག་ཏེ་དམ་ལ་བཏགས་པ་ལགས་སོ། །སློབ་དཔོན་ཆེན་པོ་ཉིད་ཀྱིས་བཀའ་ནོད་ཅིང་དུས་སྙིགས་མ་ལ་སངས་རྒྱས་ཀྱི་བསྟན་པ་སྲུང་བར་བགྱིའོ། །ཞེས་ཁས་བླངས་དམ་བཅས་པ་བཞིན་སློབ་དཔོན་ཆེན་པོས་གསང་སྔགས་བཀའ་ཡི་སྲུང་མར་བསྐོས་ཤིང་གཉེར་དུ་གཏད་ནས་ཕྱི་རབས་ཀྱི་དོན་དུ་བསྙེན་སྒྲུབ་ལས་གསུམ་གྱི་མན་ངག་རྣམས་རྣོ་མྱུར་ཟབ་ཅིང་འདྲིལ་བའི་སྙིང་པོར་བསྡུས་པར་མཛད་པ་ཡིན་ཏེ༔ བདག་འདྲ་པདྨ་འབྱུང་གནས་ཀྱིས༔ ལྔ་བརྒྱ་དུས་ཀྱི་ཐ་མ་ལ༔ དྲང་སྲོང་གཟའ་ཡི་བསྟན་པ་འབྱུང༔ དེ་དུས་མཆོད་སྒྲུབ་སུས་བརྩོན་པ༔ སྲུང་སྐྱོབ་ཕ་བུ་ལྟར་དུ་བྱེད༔ ལུས་དང་གྲིབ་མ་བཞིན་དུ་འགྱུར༔ ཕྲིན་ལས་གང་བཅོལ་བྲན་ལྟར་ཉན༔ དེ་ཕྱིར་དབང་བསྐུར་དམ་པ་འདི༔ སྙིང་གི་བུ་ལ་བཞག་པ་ཡིན༔ ཞེས་གསུངས་པ་བཞིན་དུས་སྙིགས་མ་སུམ་ཅུ་ཁ་རལ་གྱི་དུས་སུ། ཌཱཀྐི་མཚོ་རྒྱལ་དང་། ཨ་ཙར་ས་ལེ་འོད་སོགས་ཀྱི་སྨོན་ལམ་གཅིག་ཏུ་བཟླུམས་པའི་སྤྲུལ་པའི་སྐུ་འགྲོ་འདུལ་བསམ་གཏན་ཡེ་ཤེས་གླིང་པ་དང་། བསྟན་འཛིན་གྱི་སྐྱེས་བུ་ཆོས་ཀྱི་བདག་པོ་རྣམས་དང་རྟེན་འབྲེལ་དུས་ལ་བབ་པའི་ཚེ། ཕྱི་ནང་གསང་བའི་བར་ཆད་སེལ་བ་དང་། བསྟན་པ་སྲུང་བའི་མངའ་བདག་དྲང་སྲོང་ཁྱབ་འཇུག་སྨུག་ནག་འོད་འཕྲོའི་བཀའ་གཏད་ཟབ་མོ་སྦྱིན་པ་ལ་སློབ་དཔོན་གྱིས་བགྱི་འོས་རྣམས་བླ་མ་དམ་པ་རྣམས་ཀྱི་ཕྱག་བཞེས་ལས་ཇི་ལྟར་བྱུང་བ་བཞིན་ལྷག་ཆད་མེད་པར་སྔོན་དུ་གྲུབ་ཟིན། ད་སློབ་མ་ཁྱེད་རང་རྣམས་ཀྱི་ངོ་སྐལ་དུ་གྱུར་པ་ལ་བླ་མ་དང་དྲང་སྲོང་ཆེན་པོ་དབྱེར་མེད་པའི་དྲུང་དུ་སྨིན་བྱེད་དབང་བསྐུར་གྱི་རིམ་པ་ཞུ་བའི་ཡོན་དུ་མཚོན་ཆ་སོགས་ཞི་རྒྱས་དབང་དྲག་གི་སྒྲུབ་པའི་ལས་ལ་དམིགས་པའི་རྫས་ཀྱི་མཎྜལ་ཕུལ། དྲང་སྲོང་བླ་རྡོ་འབྲི་ཐབས།ཡང་གསང་ཌཱཀྐིའི་ཐུགས་ཐིག་ལས༔ ཟུར་འགེབ་མི་ཟད་རྒྱན་འཁོར་བསྟན༔ དེ་ལ་དྲང་སྲོང་བླ་རྡོ་ནི༔ འདབ་ཆགས་རྙི་ལ་འཇུག་ཐབས་བསྟན༔ ཧེ་རུ་ཀ་དཔལ་ལ་བཏུད་དེ༔ དྲང་སྲོང་སྲོག་འཁོར་བླ་རྡོ་ནི༔ ཉ་སྟོང་ཚེས་བརྒྱད་དུས་བཟང་ལ༔ དྲང་སྲོང་རྒྱུ་བའི་དུས་དག་དུ༔ ཆེ་བཙན་དྲེགས་པ་ལས་འོང་བའི༔ ལེབ་ཤོག་དྲི་བྲལ་གཙང་མའི་ངོས༔ དྲི་བཟང་སྨན་གྱིས་སྦག་ཏུ་བཅུག༔ དྲང་སྲོང་ཁྱབ་འཇུག་སྣང་བརྙན་ནི༔ མངོན་རྟོགས་ཅི་བཞིན་བྲིས་པའི་ལྟོར༔ འཁོར་ལོ་རྩིབས་བརྒྱད་མུ་ཁྱུད་གསུམ༔ དང་པོའི་དབུས་སུ་སྲོག་ཡིག་མཐར༔ གཡས་སྐོར་རྩ་བའི་བསྙེན་པ་ཤམ༔ དྲང་སྲོང་ཆེན་པོ་འཁོར་དང་བཅས༔ བདག་ཅག་རྣལ་འབྱོར་འཆང་བ་པོའི༔ ནད་གདོན་ཞི་ཞིང་ཚེ་བསོད་རྒྱས༔ སྣང་བ་དབང་འདུས་ལོག་འདྲེན་སྒྲོལ༔ མཆོག་ཐུན་དངོས་གྲུབ་སིདྡྷི་ཧཱུྃ༔ རྩིབས་བརྒྱད་སྡེ་བརྒྱད་སྲོག་བསྙེན་བཀོད༔ རྩིབས་མཆན་བཞི་ལ་གདོང་མོ་བཞི༔ མ༔ སྟག་སྲིན་ཟོར་བའི་གདོང་དཀར་སེར་ལྕགས་ཀྱུ་དང་ཞགས་པ༔ ར༔ བཾ་སྲིན་དྲེད་གདོང་སེར་ནག་ཐོད་དབྱུག་སྦྲུལ་ཞགས༔ ཙ༔ ནུབ་ཏུ་གོང་སྲིན་བ་གླང་གི་གདོང་ཅན་དམར་ནག་དགྲ་སྟྭ་དང་ཞགས་པ༔ ཤ༔ བྱང་དུ་འབྲོག་སྲིན་ཆུ་སྲིན་གདོང་ཅན་ལྗང་ནག༔ མཚམས་བཞི་རྒྱུ་སྐར་ཉེར་བརྒྱད་དང༔ སྦལ་མགོ་སྲིན་མོ་ཛྭ་ལ་ཡི༔ གཟུགས་སམ་ཡང་ན་སྲོག་སྔགས་ གཡས་སུ་ཡབ་ལ་ཛ༔ གཡོན་དུ་ཡུམ་ལ་ཕུ༔ འབྲི༔ ཕྱི་རིམ་དབྱངས་གསལ་སྦྲགས་ཏེ་འབྲི༔ དེའི་ཕྱིར་རྟེན་འབྲེལ་སྙིང་པོ་བཀོད༔ དེའི་ཕྱིར་མེ་དུད་རླུང་ཐོག་སེར༔ འཇིགས་པའི་རི་མོའི་པ་ཏྲ་བཀོད༔ རབ་ཏུ་གནས་ཤིང་ལེགས་པར་བསྒྲུབ༔ དྲི་བཟང་སེལ་མེད་དམ་རྫས་བྱུག༔ ཕ་ཝཾ་ལོང་བུ་ཀྵ་ཡིག་མཚན༔ སྲོག་སྙིང་དྲིལ་ལ་འཆང་བར་བྱ༔ ཟ་འོག་དམར་ཁྲའི་ཁུག་མར་བཅུག༔ མཆན་གྱི་འོག་ཏུ་གདག་པར་བྱ༔ དྲང་སྲོང་དྲེགས་པའི་དམ་ཚིག་དང༔ གནད་ཡིག་རྒྱུད་སྡེ་གཞན་དང་མཐུན༔ ཁྱབ་འཇུག་སྲོག་ལ་དབང་ཐོབ་འགྱུར༔ སྲུང་མ་ལུས་དང་གྲིབ་བཞིན་འགྲོག༔ ཚེ་ཆོས་སྲིད་ནོར་གང་ལ་དབང༔ མ་དང་ཌཱཀྐིའི་སྙིང་ཁྲག་ཡིན༔ བཛྲ་ས་མ་ཡཱ༔ ལས་སྐལ་ལྡན་པའི་དཔལ་དུ་ཤོག༔ བསྟན་པ་སྲུང་བའི་མཚོན་ཆ་ཡིན༔ དམ་མེད་ལག་ཏུ་མ་ཤོར་ཞིག༔ མནྟྲ་གུ་ཧྱ༔ དྲང་སྲོང་སྨུག་ནག་འོད་འཕྲོའི་བཀའ་གཏད་ཀྱི་མཚམས་སྦྱོར་དྲང་སྲོང་དགྱེས་པའི་མཆོད་སྤྲིན་དྷེ་ཝ་བཛྲ་བས་བསྒྲིགས་པ།༄༅། དྲང་སྲོང་སྨུག་ནག་འོད་འཕྲོའི་བཀའ་གཏད་ཀྱི་མཚམས་སྦྱོར་དྲང་སྲོང་དགྱེས་པའི་མཆོད་སྤྲིན་ཞེས་བྱ་བ་བཞུགས། ཁྲུས་དང་བགེགས་བསྐྲད་མཚམས་གཅོད་བཅས་གྲུབ་མཐར། ནམ་མཁའ་དང་མཉམ་པའི་སེམས་ཅན་ཐམས་ཅད་སངས་རྒྱས་ཀྱི་གོ་འཕང་ལ་འགོད་པར་བྱའོ་སྙམ་པའི་ཐུགས་བསྐྱེད་གསལ་བཏབ་སྟེ་གསན་འཚལ། གང་གསན་པར་བྱ་བའི་ཆོས་ཀྱི་རིམ་པ་ནི། འདིར་བཅོམ་ལྡན་འདས་གསང་བའི་བདག་པོ་ཉིད་དྲེགས་པ་ཅན་འདུལ་བ་དང་། བསྟན་པ་གཉན་པོ་སྲུང་བའི་ཆེད་དུ་དྲེགས་པ་ཐམས་ཅད་ཀྱི་རྗེ་བོའི་སྐུར་བཞེངས་པ་གཟའ་བདུད་ཆེན་པོ་རཱ་ཧུ་ལ་དྲང་སྲོང་སྨུག་ནག་འོད་འཕྲོ་ཞེས་བྱ་བ། རྒྱལ་བའི་བསྟན་སྲུང་ཐམས་ཅད་ཀྱི་ནང་ནས་ནུས་མཐུ་ལྷག་པར་ཆེ་ཞིང་དྲག་རྩལ་མྱུར་མགྱོགས་ཀྱི་ཕྲིན་ལས་དང་ལྡན་པ་འདི་ཉིད། སྤྱིར་རྡོ་རྗེ་ཐེག་པའི་རྒྱུད་སྡེ་དུ་མ་དང་། བྱེ་བྲག་སྒོས་རྒྱུད་བྱ་རོག་མགོ་བརྩེགས། ཀིང་ཀང་རོག་ཏིའི་རྒྱུད་སོགས་ལས་གསུངས་པ་དང་། ཁྱད་པར་པདྨ་བཀའ་ཡི་ཐང་ཡིག་ལས། དེ་ནས་སློབ་དཔོན་བསམ་ཡས་བྱོན་པའི་ལམ༔ ལོ་ཧི་ཏའི་འགྲམ་དགོངས་པར་བཞུགས་པའི་དུས༔ དྲང་སྲོང་ཆེན་པོ་སྨུག་ནག་འོད་འཕྲོ་བ༔ སྔགས་པ་དར་བབ་ཅིག་གི་ཆ་ལུགས་བྱས༔ མོག་རོ་རྟ་ཞོན་སླར་བབས་ཁྲིད་ནས་བྱུང་༔ དེ་ཡི་ངད་རླངས་སློབ་དཔོན་སྐུ་ལ་ཕོག༔ ཅུང་ཟད་གྲིབ་བྱུང་མེ་ལོང་ཧས་བཏབ་བཞིན༔ གྲིབ་བཙན་སྲིན་པོ་འདྲ་བ་སྔགས་པའི་ཆས༔ རྟ་ནི་མོག་རོ་ཁྲིད་ཁྱོད་སུ་ཡིན་གསུངས༔ ཞྭ་མོ་སྐྱ་ལྷེབ་ཕུད་ནས་འདི་སྐད་ཟེར༔ དྲག་ཅིང་ཁྲོ་གཏུམ་གཟུགས་ཅན་སྲོག་ལེན་པ༔ ཕ་ནི་སྲིན་པོ་མ་ནི་ཀླུ་མོ་ཡིན༔ སློབ་དཔོན་ཞལ་ནས་དྲང་སྲོང་འོད་འཕྲོ་ཁྱོད༔ ང་ཡི་དགེ་བསྙེན་བཀོལ་བདེ་ཡིན་འདུག་པ༔ མགོ་དགུ་ཡོད་པའི་རྒྱུ་མཚན་ཇི་ལྟར་ཡིན༔ སྤྱི་གཙུག་བྱ་རོག་མགོ་ཡོད་ཇི་ལྟར་ཡིན༔ རོ་སྟོད་མི་རུ་ཡོད་པ་ཇི་ལྟར་ཡིན༔ རོ་སྨད་སྦྲུལ་དུ་ཡོད་པ་ཇི་ལྟར་ཡིན༔ གཡས་པའི་རྭ་ཡི་མདའ་གཞུ་ཇི་ལྟར་ཡིན༔ གཡོན་པ་སྦྲུལ་ཞགས་ཐོགས་པ་ཇི་ལྟར་ཡིན༔ མགོ་ལུས་མེད་པར་མིག་ཡོད་ཇི་ལྟར་ཡིན༔ སྐུ་མདོག་དུད་ཁར་འོང་བ་ཇི་ལྟར་ཡིན༔ ཞལ་ནས་ཐོག་སེར་འོང་བ་ཇི་ལྟར་ཡིན༔ སྤྱིར་ན་གཟའ་ལ་ཕོ་མོ་དུ་ཡོད་པ༔ མ་ནིང་གཟའ་ཞེས་བྱ་བ་ཅི་ལ་ཟེར༔ དྲང་སྲོང་ཟེར་ནས་སེམས་ཅན་ལ་གནོད་ཅི༔ གཟའ་ལ་འབྱུང་བ་ལྔ་ཀ་ཚང་ལགས་སམ༔ ཞེས་གསུངས་སྨུག་ནག་འོད་ཟེར་འཕྲོ་ན་རེ༔ ང་ལ་མགོ་དགུ་ཡོད་པའི་རྒྱུ་མཚན་ནི༔ ཀིང་ཀང་ཆེན་པོ་བརྒྱད་ནི་དུས་གཅིག་རྒྱུ༔ སྤྲུལ་པ་ལྷ་སྲིན་སྡེ་བརྒྱད་ཡིན་པའི་རྟགས༔ སྤྱི་གཙུག་བྱ་རོག་མགོ་ཡོད་རྒྱུ་མཚན་ནི༔ ང་ནི་འདོད་ཆགས་གྲང་བའི་ནད་དང་བསྡོངས༔ སྟེང་ལྷའི་འཇིག་རྟེན་ཀུན་ལ་དབང་སྒྱུར་རྟགས༔ རོ་སྟོད་མི་རུ་ཡོད་པའི་རྒྱུ་མཚན་ནི༔ ཡབ་ཀྱི་ཆ་འཛིན་ལྷ་མིན་དབང་བསྒྱུར་རྟགས༔ རོ་སྨད་སྦྲུལ་དུ་ཡོད་པའི་རྒྱུ་མཚན་ནི༔ ང་ནི་ཞེ་སྡང་ཚ་བའི་ནད་དང་བསྡོངས༔ ཡུམ་གྱི་ཆ་འཛིན་འོག་ཀླུར་དབང་བསྒྱུར་རྟགས༔ གཡས་ན་རྭ་ཡི་མདའ་གཞུ་བསྣམས་པ་ནི༔ ང་ནི་གཏི་མུག་འདུས་པའི་ནད་དང་བསྡོངས༔ ལྷ་དང་ལྷ་མིན་འཐབ་པའི་བར་བྱེད་རྟགས༔ གཡོན་ན་སྦྲུལ་གྱི་ཞགས་པ་བསྣམས་པ་ནི༔ ང་ཡི་ལུས་ལ་རེག་དུག་མཐོང་བའི་དུག༔ གང་མ་ཉན་པ་དུག་སྦྲུལ་འཆིང་བའི་རྟགས༔ མགོ་ལུས་མེད་པར་མིག་གིས་གང་བ་ནི༔ ཚེ་འདིར་ལེགས་པར་བྱས་དང་ཉེས་པར་བྱས༔ འཇིག་རྟེན་གསུམ་ལ་བྱ་ར་བྱེད་པའི་རྟགས༔ སྐུ་མདོག་དུད་ཁར་འོང་པའི་རྒྱུ་མཚན་ནི༔ དུག་ལྔ་ལུས་ལ་རང་བཞིན་རྒྱས་པ་དང་༔ ཉི་མའི་ཟེར་ཕོག་ཚད་པ་སངས་པའི་རྟགས༔ ཞལ་ནས་ཐོག་སེར་འོང་བའི་རྒྱུ་མཚན་ནི༔ ཚ་གྲང་མ་སྙོམས་བསྒུལ་བསྐྱོད་བྱས་པ་དང་༔ ཁས་བླངས་སངས་རྒྱས་བསྟན་པ་བསྲུང་བའི་རྟགས༔ ཕོ་གཟའ་མོ་གཟའ་དུ་ཡོད་ཅེས་པ་ནི༔ གདུག་ཅན་ཕོ་གཟའ་བརྒྱད་ཡོད་མོ་གཟའ་བཞི༔ བྱང་སེམས་ཕོ་གཟའ་གསུམ་དང་མོ་གཟའ་གསུམ༔ མ་ནིང་གཟའ་གཅིག་ངོ་མི་ཤེས་པ་ཡོད༔ དྲང་སྲོང་ཟེར་ནས་སེམས་ཅན་གནོད་པ་ནི༔ ང་ཡིས་གནོད་པ་བསྐྱལ་བ་ཅུང་ཟད་མེད༔ ལོ་གཅིག་ལན་གཉིས་ལྷ་དང་ལྷ་མིན་འཁྲུག༔ བཅོ་ལྔར་ལྟད་མོ་བལྟས་པས་ཟླ་འོད་འགྲིབ༔ ང་དང་རྒྱང་ཐག་རིང་ཞིང་མཐོ་དམན་ཆེ༔ སྐྱེན་པོས་མདའ་འཕངས་ལྟ་བུར་རྒྱུ་བ་ཡིན༔ སེམས་ཅན་ཀུན་ལ་ང་ཡི་དུག་རླངས་ཕོག༔ གཟའ་ལ་འབྱུང་བ་ལྔ་ཀ་ཚང་ཡོད་དེ༔ ཡབ་ནི་སྲིན་པོ་ཞེ་སྡང་མེ་ཡི་དུག༔ ཡུམ་ནི་ཀླུ་མོ་འདོད་ཆགས་ཆུ་ཡི་དུག༔ སྲས་ནི་སྒྲ་གཅན་གཏི་མུག་ས་ཡི་དུག༔ འཁོར་ནི་བསྡོངས་ཟླ་ཕྲག་དོག་རླུང་གི་དུག༔ ཐམས་ཅད་ཡོ་ལོག་ང་རྒྱལ་ནམ་མཁའི་དུག༔ སེམས་ཅན་བསོད་ནམས་དམན་ལ་འཕོག་པ་ཡིན༔ ཁྱོད་ཀྱི་དུག་ཕོག་ཇི་ལྟར་འོང་ཞེས་གསུངས༔ དྲང་སྲོང་སྨུག་ནག་འོད་འཕྲོའི་ཞལ་ནས་ནི༔ དུག་ཕོག་མདོག་སེར་མེ་ལྕེ་རིས་སུ་ཡོད༔ ཁ་ལྐུགས་ལྦུ་སྐྱུག་བྱོལ་སོང་སྐད་ཀྱང་འདོན༔ ཡན་ལག་མཉེན་དང་རེངས་དང་སྟོབས་ཆུང་ཡོང་༔ ངོ་སྦྲིད་གྲོད་པ་ཆེ་ཞིང་ལུས་བཅུད་ཤོར༔ འོན་ལྐུགས་ཐོལ་སྨྲ་དགོད་དང་འཚེར་བ་ཡོང་༔ གཞོགས་བཤལ་མིག་རྩ་གྲུང་དང་དབང་པོ་ཉམས༔ ཁ་མིག་ལག་པ་མི་ཟུག་བྱ་བྱེད་མང་༔ ཨིག་དང་གློ་འབྱུང་ཁ་མིག་ལྟག་པར་ཡོ༔ ཁ་ཁྲག་སྣ་ཁྲག་སྦྲིད་དང་ངུ་བ་འབྱུང་༔ ཞ་འཕྱེ་ལྕེ་བསྐམས་དྲི་མི་ཞིམ་པ་མནམ༔ ཁ་ནས་ཅལ་ཅོལ་གཏམ་ནི་ངེས་མེད་ཟེར༔ དེ་རྣམས་ང་ཡི་དུག་ཟེར་ཕོག་པའི་རྟགས༔ ངའི་དུག་ཕོག་ན་རྫས་སྔགས་ཏིང་ངེ་འཛིན༔ མདོས་དང་འཁོར་ལོས་དུག་ནི་དབྱུང་བར་བྱས༔ ང་ཞུད་འཁོར་དང་མི་གཙང་གྲིབ་ལ་གཟབ༔ རྫས་དང་སྨན་དང་འབྱུང་བ་ལྔ་ཡི་ཁྲུས༔ ཕས་ཀྱིས་རྦད་དང་སྒྲུབ་ལས་བྱེད་མི་འདོད༔ ངའི་དུག་ཕོག་ནས་བྱེར་ན་བཙོན་དུ་གཟུང་༔ ཚ་ཞིང་བསྲེག་པ་མེ་དུག་བཙོན་དུ་གཟུང་༔ ཡང་ཞིང་གཡོ་བ་རླུང་དུག་བཙོན་དུ་གཟུང་༔ གྲང་ཞིང་བསིལ་བ་ཆུ་དུག་བཙོན་དུ་གཟུང་༔ ལྕི་ཞིང་འཐིབས་པ་ས་དུག་བཙོན་དུ་གཟུང་༔ སློབ་དཔོན་རྣམ་ཐར་སྐྱེས་རབས་གསུང་དུ་སྒྲོགས༔ ཞེས་ཟེར་སློབ་དཔོན་རྡོ་རྗེ་མགོ་ཐོག་བཞག༔ ལྕེ་ལ་བདུད་རྩི་བཞག་ནས་དམ་ཚིག་བྱིན༔ ངན་སྔགས་མི་འདྲ་བརྒྱ་དང་རྩ་བརྒྱད་མཛད༔ ཤེས་ལ་མཚན་ཆེ་རྣོ་མྱུར་ཐོག་འདྲ་བ༔ སངས་རྒྱས་བསྟན་པ་སྲུང་བའི་གཉེར་ཆེན་གཏད༔ ཕན་ཐབས་བཅོས་ཐབས་རྫས་སྲུང་སྔགས་སྲུང་དང་༔ འབོད་རྦད་བསད་པ་ཕྱི་རབས་ཆ་རྐྱེན་སྦས༔ ཁྱབ་འཇུག་གཟའ་ཡིས་ཁས་བླངས་དམ་བཅས་སོ༔ ཞེས་སློབ་དཔོན་ཆེན་པོས་བཀའ་ཡི་བསྲུང་མར་བསྐོས་ཤིང་བསྟན་པ་གཉེར་དུ་གཏད་ནས་ཕྱི་རབས་ཀྱི་དོན་དུ་བསྙེན་སྒྲུབ་ལས་གསུམ་གྱི་མན་ངག་རྣམས་རྣོ་མྱུར་ཟབ་ཅིང་འདྲིལ་བའི་སྙིང་པོར་བསྡུས་པར་མཛད་པ་ཡིན་ཏེ། བདག་འདྲ་པདྨ་འབྱུང་གནས་ཀྱིས༔ ལྔ་བརྒྱ་དུས་ཀྱི་ཐ་མ་ལ༔ དྲང་སྲོང་གཟའ་ཡི་བསྟན་པ་འབྱུང༔ དེ་དུས་མཆོད་སྒྲུབ་སུས་བརྩོན་པ༔ སྲུང་སྐྱོབས་སྲི་ཞུ་བུ་ལྟར་བྱེད༔ ལུས་དང་གྲིབ་མ་བཞིན་དུ་འགྱུར༔ ཕྲིན་ལས་གང་བཅོལ་བྲན་ལྟར་ཉན༔ དེ་ཕྱིར་དབང་བསྐུར་དམ་པ་འདི༔ སྙིང་གི་བུ་ལ་བཞག་པ་ཡིན༔ ཞེས་གསུངས་པ་ལྟར། གཏེར་ཁ་འདི་ཉིད་ཀྱི་དབང་དུ་བྱས་ན། རིག་འཛིན་གསང་སྔགས་གླིང་པའི་གཏེར་ལུང་ལས། དེ་ལ་སྐལ་ལྡན་གཉིས་པ་གཡུ་ཁྲོམ་ཡུལ༔ ལྕམ་སྤྲུལ་ཞེས་བྱ་ལྕགས་ཁམས་སྤྲེའུའི་ལོ༔ གཞན་ཕན་མིང་ཅན་རྫོགས་ཆེན་རྣལ་འབྱོར་པ༔ མ་ངེས་སྤྱོད་པས་འགྲོ་དོན་མཐའ་རུ་འཁྱོལ༔ ཞེས་སོགས་གཏེར་ཁ་དུ་མ་ནས་འཁྲུལ་མེད་རྡོ་རྗེའི་བཀའ་ལུང་གིས་ཡང་ཡང་བསྔགས་པའི་སྐྱེས་བུ་ཆེན་པོ། མདོ་དབུས་ཁམས་གསུམ་དུ་མཁའ་འགྲོ་ཡེ་ཤེས་མཚོ་རྒྱལ་གྱི་སྤྲུལ་པ་ཉི་ཤུ་རྩ་གཅིག་འབྱུང་བར་ལུང་བསྟན་པ་ལས། མདོ་ཁམས་སྨད་ཕྱོགས་སུ་བྱོན་པའི་མཚོ་རྒྱལ་ཌཱཀྐིའི་རྗེ་མོའི་ཡོན་ཏན་གྱི་སྤྲུལ་པ་རྩོད་བྲལ་དུས་བབ་ཀྱི་གཏེར་སྟོན་ཆེན་པོ་བསམ་གཏན་ཡེ་ཤེས་གླིང་པས་ཏཱ་རེ་མི་འགྱུར་དགའ་ཚལ་ནས་ཁྲོམ་གཏེར་དུ་བཞེས་པའི་དྲང་སྲོང་ཁྱབ་འཇུག་སྨུག་ནག་འོད་འཕྲོའི་བཀའ་གཏད་རབ་འབྱམས་ཕྲིན་ལས་འདི་ཉིད་བསྐུར་བ་སྐབས་སུ་བབ་པ་ལ། བདག་གིས་བགྱི་བར་འོས་པ་རྣམས་བླ་མ་དམ་པའི་ཕྱག་ལེན་བཞིན་སྔོན་དུ་གྲུབ་ཟིན། ད་སྐལ་ལྡན་རྡོ་རྗེའི་སློབ་མ་ཁྱེད་རང་རྣམས་ཀྱི་ངོ་སྐལ་དུ་གྱུར་པ་བླ་མ་དང་དཔལ་གསང་བའི་བདག་པོ་དབྱེར་མེད་པའི་དྲུང་དུ་མཎྚལ་འབུལ་བར་མཛོད། མཎྚལ་ཕུལ་མཐར། དེ་ནས་ཕྱག་སྙིམ་པ་མེ་ཏོག་དང་བཅས་ཏེ་མི་ཕྱེད་དད་པའི་གདུང་ཤུགས་དྲག་པོའི་སྒོ་ནས་གསོལ་བ་འདེབས་པ་འདིའི་རྗེས་ཟློས་གྱིས། ཀྱཻ་ཧོ་བླ་མ་སོགས། ལན་གསུམ། དེ་ནས་དཀོན་མཆོག་གསུམ་ལ་སྐྱབས་སུ་འགྲོ་བ་འདི་ཡི་རྗེས་ཟློས་མཛོད། ཧཱུྃ་ཧྲཱིཿ དེང་བཟུང་བྱང་ཆུབ་སོགས། ལན་གསུམ། དེ་ནས་བྱང་ཆུབ་མཆོག་ཏུ་སེམས་བསྐྱེད་པ་འདི་ཡི་རྗེས་ཟློས་མཛོད། ཧཱུྃ་ཧོ༔ དྲང་སྲོང་ཆེན་པོའི་སོགས། དེ་ནས་ཚོགས་བསགས་ཡན་ལག་བདུན་པ་འདི་ཡི་རྗེས་ཟློས་མཛོད། ཧཱུྃ་ཧཱུྃ༔ མཆོག་གསུམ་ཕྱག་འཚལ་སོགས། ཐོབ་ཕྱིར་བསྔོ། དེ་ནས་རང་གི་མདུན་དུ་རྡོ་རྗེ་སློབ་མ་སོགས། བཀའ་གཏད་གཞུང་ལྟར་ཡིག་ཆུང་གིས་མཚམས་སྦྱར་ཏེ་གཞུང་ལྟར། དེ་ནས་བླ་རྡོ་དང་སྲོག་འཁོར་ཐོགས་ལ། འོད་མཚན་སྟོང་འབར་གྱི་དབང་མཇུག་གི་བཀའ་གཏད་ལ་ཁ་བསྒྱུར་ཏེ། ཨོཾ་ཨཱཿཧཱུྃ༔ ཆོས་སྐུ་སྣང་བ་མཐའ་ཡས། ལོངས་སྐུ་ཕྱག་ན་པདྨོ། སྤྲུལ་སྐུ་ཕྱག་ན་རྡོ་རྗེ། ཡང་སྤྲུལ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། རིག་འཛིན་ཤྲི་སིངྷ། པཎ་ཆེན་ཡེ་ཤེས་མདོ་སྡེ། རྒྱལ་སྲས་པདྨ་འབྱུང་གནས། མཁར་ཆེན་ཡེ་ཤེས་མཚོ་རྒྱལ། ལོ་ཆེན་དཔལ་གྱི་དབང་ཕྱུག མཁས་གྲུབ་ཨ་ཙར་ས་ལེ། གྲུབ་ཆེན་རྒྱལ་བ་མཆོག་དབྱངས། རྗེ་འབངས་ཉི་ཤུ་རྩ་ལྔ། ཡང་སྤྲུལ་གཏེར་སྟོན་བརྒྱ་རྩ། གྲུབ་དབང་བྱང་ཆུབ་རྡོ་རྗེ། སྐལ་ལྡན་ལུང་རིག་གླིང་པ། བསམ་གཏན་ཡེ་ཤེས་གླིང་པ། བརྒྱུད་འཛིན་ཆོས་ཀྱི་བདག་པོ་ལ་སོགས་པའི་རྩ་བརྒྱུད་ཀྱི་བླ་མ་དམ་པ་རྣམས་ཀྱི་བཀའ་དང་དམ་ཚིག་ལ་གནས་པའི་དྲང་སྲོང་སྨུག་ནག་འོད་འཕྲོ་འཁོར་དང་བཅས་པ་ཁྱེད་རྣམས་ཀྱིས་རྡོ་རྗེ་སློབ་མ་འདི་རྣམས་ཀྱི་ཉིན་གསུམ་གྱི་བྱ་ར་མཛོད། མཚན་གསུམ་གྱི་མེལ་ཚེ་མཛོད་ལ་བཞི་བརྒྱ་རྩ་བཞིའི་ནད། སྟོང་ཕྲག་བརྒྱད་ཅུའི་བགེགས། ཁྱད་པར་དུ་བན་བོན་སྔགས་པའི་མཐུ་བྱད། དུག་མཚོན་གཡུལ་ཤོམ་སོགས་གཟུགས་ཅན་གྱི་དགྲ། གཟུགས་མེད་ཀྱི་བགེགས་རྣམས་ཀྱི་དབང་དུ་མ་བཏང་བར་མི་མཐུན་པའི་ཕྱོགས་ཐམས་ཅད་ལས་བསྲུང་ཞིང་སྐྱོབས་པའི་ཕྲིན་ལས་མཛོད། ཚེ་བསོད་དཔལ་འབྱོར་མངའ་ཐང་། ཐོས་བསམ་སྒོམ་གསུམ་སོགས་ཆོས་དང་སྲིད་ཀྱི་ལེགས་ཚོགས་ཐམས་ཅད་འཕེལ་ཞིང་རྒྱས་པར་མཛད་དུ་གསོལ། དེ་ནས་ཕྲིན་ལས་གཉེར་དུ་གཏད་པ་ནི། ཧཱུྃ་ཛཿ བདག་ནི་རིག་འཛིན་སྒྲུབ་པ་པོ༔ སོགས་ནས། མ་འདའ་བཛྲ་ས་མ་ཡཱ༔ ཞེས་དང་། ཧཱུྃ་ཛཿ ཀྱེ་དྲང་སྲོང་ཁྱབ་འཇུག་འཁོར་བཅས་གསོན༔ སོགས་ནས། བཅོལ་པའི་ཕྲིན་ལས་འགྲུབ་པར་མཛོད༔ ཅེས་ཕྲིན་ལས་བཅོལ་ཞིང་གཉེར་གཏད་བྱ། དེ་ནས་དྲང་སྲོང་ཆེན་པོའི་ལས་རབ་འབྱམས་ལ་དབང་བར་བྱ་བའི་ཕྱིར་དུ་དྲག་པོའི་ལས་ཀྱི་མཐའ་གཏད་རྣམས་སྦྱིན་པ་ལས། དང་པོ་ཉམས་པ་སྒྲོལ་བའི་ལས་མཐའ་གཏད་པ་ནི། དྲང་སྲོང་ཆེན་པོའི་སྒྲོལ་ལས་གནམ་ལྕགས་སྒྱོགས་རྡོ་ལས། ན་མོ་སངས་རྒྱས་ཆོས་དང་དགེ་འདུན་གསུམ་གྱི་སོགས། བཛྲ་ཨངྐུ་ཤ་ཛཿསོགས། ཧཱུྃ་ཛཿ ཡུངས་དཀར་གཟའ་བརྒྱད་སོགས། བྱུག་བདུག་བྲབ་གསུམ། ཧཱུྃ་ཧཱུྃ༔ རང་ཉིད་གསང་བའི་སོགས། རྒྱས་གདབ་ཕཊ༔ དྲག་སྔགས་སོ་ལྔས་ཕུར་བུ་གདབ། རལ་གྲི་ཐོགས་ལ། ཛཿ ལྷ་སྲིན་སྡེ་བརྒྱད་སོགས། འབོད་རྦད་བསད་སྔགས་བཅས་པས་གཏུབ། དེ་ནས་གཏུན་ཏུ་བརྡུང་བ་ནི། ཧཱུྃ་ཧཱུྃ༔ བརྡུངས་ཤིག་རྡོ་རྗེ་སོགས། ཧོ་དགོངས་སུ་གསོལ་ལོ། ལན་གསུམ། མི་མངོན་ནམ་མཁའི་སོགས། མ་ལུས་པ་སྟོབས་ཤིག དེ་ནས་གཏོར་ཟོར་མདའ་ཟོར་སོགས་བཀའ་གཏད་གཞུང་གི་ཡིག་ཆུང་གིས་མཚམས་སྦྱར་ནས་གཞུང་ལྟར། མཇུག་གི་མོས་པ་མཛོད་བར་མཐར་ཆགས་སུ་འདོན། མཐའ་རྟེན་སོགས་སྤྱི་ལྟར་བྱའོ།། ཅེས་པ་འདི་ཡང་སྤྲུལ་པའི་གཏེར་སྟོན་ཆེན་པོ་བསམ་གཏན་ཡེ་ཤེས་གླིང་པའི་ཟློས་གར་མཆོག་སྤྲུལ་རྟ་ཁྱུང་རོལ་པའི་རྡོ་རྗེས་ཆུ་དབར་ཏཱ་རེའི་གནས་མདུན་དུ་ཧོར་བླའི་གཏེར་ཆོས་ཡོངས་རྫོགས་ཀྱི་དབང་ལུང་གནང་སྐབས་བཀའ་ནན་ཆེན་པོས་བསྐུལ་བ་ལྡོག་ཏུ་མ་ནུས་པར་དྷེ་ཝ་བཛྲ་བས་ཆུ་སྦྲུལ་ཧོར་ཟླ་དང་པོའི་ཡར་ཚེས་བཅུའི་ཉིན་བྲིས་པ་སརྦ་མང་ག་ལཾ། དྲང་སྲོང་ཆེན་པོ་ཁྱབ་འཇུག་སྨུག་ནག་འོད་འཕྲོའི་བཀའ་གཏད་གཏོར་དབང་རབ་འབྱམས་ཕྲིན་ལས།དྲང་སྲོང་ཆེན་པོ་ཁྱབ་འཇུག་སྨུག་ནག་འོད་འཕྲོའི་བཀའ་གཏད་གཏོར་དབང་རབ་འབྱམས་ཕྲིན་ལས་བཞུགས༔ གསང་བདག་གོས་སྔོན་ཧྱ་གྲཱི༔ མཁའ་ལྡིང་ག་རུ་ཎ་པད་འབྱུང༔ དབྱེར་མེད་མཚུངས་བྲལ་བླ་མ་ལ༔ ཕྱག་འཚལ་བདག་རྒྱུད་དགེ་བར་མཛོད༔ སྔོན་འགྲོ་དངོས་རྗེས་རྣམ་གྲངས་གསུམ༔ དང་པོ་བཀོད་ལེགས་མཆོད་རྫས་བཤམས༔ བར་དུ་སྐྱབས་སེམས་ལས་གཞུང་བསྲང༔ ཐ་མ་སློབ་བུ་བུམ་ཆུས་བཀྲུས༔ མཎྜལ་འབུལ་ཞིང་གསོལ་བ་གདབ༔ ཀྱཻ་ཧོ་བླ་མ་རྡོ་རྗེ་འཛིན༔ བདག་ཅག་སྐལ་ལྡན་བུ་ལ་དགོངས༔ དཀོན་མཆོག་སངས་རྒྱས་བསྟན་སྲུང་ཕྱིར༔ དྲང་སྲོང་ཆེན་པོའི་བཀའ་གཏད་ཞུ༔ ལན་གསུམ་དེ་ནས་རྡོ་རྗེ་སློབ་དཔོན་གྱིས༔ ཆོས་སྐྱོང་ལོ་རྒྱུས་ཆེ་བ་བརྗོད༔ དེ་རྗེས་སྐྱབས་འགྲོ་སེམས་བསྐྱེད་དང༔ ཡན་ལག་བདུན་གྱིས་རང་རྒྱུད་སྦྱོང༔ དེ་ནས་རང་གི་མདུན་དུ་རྡོ་རྗེ་སློབ་མ་དེ་ཉིད་གསང་བའི་བདག་པོ་ཕྱག་རྡོར་མཚན་ཉིད་དང་ལྡན་པར་བསྐྱེད་ཅིང་ཆ་བྱད་ཡོངས་སུ་རྫོགས་པའི་ལྷ་སྐུར་ལམ་གྱིས་གསལ་བའི་མདུན་དུ་གཏོར་མ་འདི་ཉིད་ཁྱབ་འཇུག་རྡོ་རྗེ་ཐོག་རྒོད་སྨུག་ནག་འོད་འཕྲོར་སྐད་ཅིག་གིས་གསལ་བ་རྗེ་ཁོལ་གྱི་རྣམ་པ་དེང་ནས་བྱང་ཆུབ་མ་ཐོབ་ཀྱི་བར་དུ་ས་ལམ་གྱི་བར་ཆད་སེལ་ཞིང་བཀའ་དང་དམ་ཚིག་གཉན་པོ་བསྲུང་ཞིང་ལེགས་ཉེས་ཀྱི་སྟངས་འཛིན་ཅིང་དམ་ཚིག་གི་རྗེས་གཅོད་པར་ཁས་བླངས་ཤིང་དམ་ལ་གནས་པའི་འདུན་པ་གཏོད་ཅིག༔ ཧཱུྃ༔ ང་ནི་རང་བྱུང་གསང་བདག་གི༔ ཡང་སྤྲུལ་བསྟན་པའི་བྱ་ར་བ༔ དམ་ཚིག་ཅན་གྱི་ལྷ་ཆེན་པོ༔ རྡོ་རྗེ་སློབ་དཔོན་འདི་ཉིད་ཀྱི༔ ལུས་དང་གྲིབ་ལྟར་འགྲོགས་པ་དང་༔ ཕྲིན་ལས་གང་བཅོལ་འགྲུབ་པར་མཛོད༔ བསྟན་དགྲ་དམ་ཉམས་རྡུལ་དུ་རློགས༔ སངས་རྒྱས་བསྟན་པའི་ག་དར་མཛོད༔ ལོག་ལམ་མུ་སྟེགས་ལོག་རྟོག་ཆོམ༔ སྐུ་ལ་བསྡོ་བའི་རིགས་རྒྱུད་ཆོད༔ ལོག་ལྟའི་དཔུང་ཚོགས་ཆམ་ལ་ཕོབ༔ མ་གཡེལ་མ་འདའ་ས་མ་ཡཱ༔ སྐུ་གསུང་ཐུགས་ཀྱི་བྱིན་རླབས་ཡེ་ཤེས་དབང༔ སྐལ་ལྡན་སློབ་བུ་འདི་ལ་འབེབས་མཛད་གསོལ༔ ཧྲཱིཿཤག་རུ་རཾ་སོགས་རྩ་སྔགས་མཐར་བྷ་ལིང་ཏ་ཏིཥྛ་ཀཱ་ཡ་ཝཀྐཱ་ཙིཏྟ་ཨ་བྷི་ཥིཉྩ་ཧཱུྃ༔ གཏོར་མ་གནས་གསུམ་དུ་གཏུག༔ དེ་ནས་དྲང་སྲོང་སྐུ་གཟུགས་སློབ་མའི་སྤྱི་བོར་བཞག་ལ་དབང་བསྐུར་བ་ནི༔ ཧཱུྃ༔ ཆོས་སྐྱོང་ཡོངས་ཀྱི་ཡང་སྙིང་ནི༔ གཞན་གྱིས་མི་ཐུབ་གཟའ་བདུད་ཆེ༔ རིགས་ཀྱི་བུ་ལ་དབང་བསྐུར་བས༔ དུག་ལྔ་ཡེ་ཤེས་ལྔ་ཡི་སྐུ༔ སྣང་སྟོང་གཟའ་བདུད་སྐུ་གྲུབ་ནས༔ གདུག་ཅན་སྡང་སེམས་འདུལ་བར་ཤོག༔ ཧྲཱིཿཤག་རུ་སོགས་ནས་མུར་ཏི་ཀ་ཨ་བྷི་ཥིཉྩ་ཧཱུྃ༔ ཀྵ་ནཱ་ག་རཀྴ་དཱ་ན་པ་ཏི་རཀྵ་རཀྵ་ཀུ་རུ་བྷྲུཾ༔ ཕྱག་མཚན་རྟགས་ཀྱི་དབང་སྐུར་ནི༔ ཕྱག་མཚན་རེ་རེ་བཞིན་གཏད་དེ་རྗེས་གནང་ནི༔ ཧཱུྃ་བྷྱོ་ཛ༔ ཕྱག་མཚན་ཆུ་གྲི་འབར་བ་འདིས༔ དགྲ་སྲོག་གཅོད་པའི་དབང་ཐོབ་ཤོག༔ ཆུ་སྲིན་གདུག་པའི་རྒྱལ་མཚན་འདིས༔ བསྟན་དགྲ་རེངས་བའི་དབང་ཐོབ་ཤོག༔ རེ་འབྱམས་རྔམ་པའི་ཞགས་པ་འདིས༔ དམ་ལོག་འཆིང་བའི་དབང་ཐོབ་ཤོག༔ ཐབས་མཆོག་གཞུ་ཡི་དབང་བསྐུར་བས༔ དམ་ཉམས་ཕོ་རྒྱུད་གྲི་རུ་སོད༔ ཤེས་རབ་མདའ་ཡི་དབང་སྐུར་བས༔ ཉམས་པའི་མོ་རྒྱུད་མངལ་ནས་སྐོམས༔ གཉིས་མཉམ་རྒྱུད་ཀྱི་དབང་བསྐུར་བས༔ ཉམས་པ་བདུན་ལྡན་སྐྱེ་རྒྱུད་ཆོད༔ མེ་རླུང་འཚུབས་མའི་དབང་སྐུར་བས༔ གནོད་བྱེད་བསྲེག་ཅིང་གཏོར་བར་ཤོག༔ ལྟོ་ཞལ་འཇིགས་རུང་འདི་གཏད་པས༔ དགྲ་བགེགས་ཞལ་གྱི་ཧོམ་དུ་དྲོངས༔ མིག་མང་འོད་འཕྲོ་འདི་གཏད་པས༔ ཐོག་སེར་དྲག་པོས་དགྲ་ཁམས་རློག༔ དཔའ་བོའི་དམག་ཆས་འགྲུབ་པར་ཤོག༔ དྲང་སྲོང་ལས་ལ་ཐོགས་མེད་གྱུར༔ སྐལ་ལྡན་ལས་ཅན་བུ་ཁྱོད་ལ༔ ཡབ་ཡུམ་སྲས་འཁོར་གཟའ་ཆེན་བརྒྱད༔ གདོང་མོ་རྒྱུ་སྐར་ཉེར་བརྒྱད་སོགས༔ སྤྲུལ་པ་སྣ་ཚོགས་རྗེས་གནང་བསྐུར༔ དྲག་པོ་མཐུ་ཡི་དབང་ཐོབ་ཤོག༔ ཧྲཱིཿཤག་རུ་རཾ་སོགས་ཀཱ་ཡ་ཝཀྐཱ་ཙིཏྟ་སིདྡྷི་ཨ་བྷི་ཥིཉྩ་ཧཱུྃ༔ དེ་ནས་སྒྲུབ་རྫས་རྟེན་རྫས་དང་༔ བླ་རྡོ་སྒྲུབ་ཡིག་ལག་ཏུ་གཏད༔ བཀའ་གཏད་བརྒྱུད་པའི་སྨོན་ལམ་དང༔ འདོད་གསོལ་ཕྲིན་ལས་གཉེར་གཏད་བྱ༔ མཐའ་རྟེན་བསྒྲལ་ལས་སྤྱི་འགྲོས་སམ༔ ཡང་ན་རང་གཞུང་དག་ལས་ཤེས༔ སློབ་བུའི་ཞལ་སྤྲོ་ཤིས་པ་བརྗོད༔ ས་མ་ཡཱ༔ དེ་ནས་གཏོར་ཟོར་མདའ་ཟོར་དང་༔ མཚོན་ཟོར་ཡུངས་ཟོར་དྲག་ཟོར་ནི༔ སྐལ་ལྡན་རིགས་ཀྱི་སློབ་བུ་ལ༔ གཏད་དེ་སྡང་བའི་དགྲ་ལ་ཟོར༔ ཧཱུྃ་བྷྱོ་ཛ༔ སྐལ་ལྡན་རིགས་ཀྱི་བུ་ཁྱོད་ལ༔ ལས་གཏོར་རྡོ་རྗེ་ཕ་ལམ་གཏད༔ སྲུང་མ་མཆོད་ཅིང་ཉམས་པ་སྒྲོལ༔ ནད་དང་མཚོན་གྱི་བསྐལ་པ་འཁྲུགས༔ གདེང་པ་ཙམ་གྱིས་དགྲ་བགེགས་བརླག༔ བསོར་བ་ཙམ་གྱིས་རི་རབ་འཐོར༔ འཕང་ན་སྟོང་གསུམ་སྲིད་པ་འཇོམས༔ ཕྲིན་ལས་ཐོགས་མེད་འགྲུབ་པར་མཛོད༔ ཧྲཱིཿཤག་རུ་རཾ་སོགས། པྲ་ཤ་པྲ་ཤ༔ ཧ་ཧ་ཚལ་པ་ཚལ་པ༔ དུམ་དུམ་ཉིལ་ཉིལ༔ འུར་འུར་རྒྱུག་རྒྱུག༔ རཱ་ཧུ་ལ་དགྲ་བོའི་ཤ་ཁྲག་རུས་པ་ནང་རོལ་ལ་རྦད༔ ཤ་རུས་པགས་པ་ལ་རྦད༔ བླ་ཚེ་སྲོག་ལ་རྦད༔ ཡིག་འབྲུ་སོ་བཞི་ཡོད་པ་ལས༔ དགྲ་བོ་འདི་ཞེས་བྱ་བའི་སོགས་དམོད་བཅོལ་གང་ཤེས་བསྒྲགས་པར་བྱ༔ དེས་ནི་རྟགས་དང་མཚན་མ་འབྱུང་༔ བསད་སྔགས་ཟོར་དང་སྦྲགས་ཏེ་བཟླ༔ ཆེ་གེ་མོ་ཁཱ་ཧི་ཁཱ་ཧི༔ ས་ར་ཧོ་ར་ཏི་བྱེར༔ ཟོན་ཟོན༔ གནོད་བྱེད་དགྲ་བགེགས་མཱ་ར་ཡ་རྦད་རྦད༔ རྦད་སྔགས་འདི་ཡང་གོང་བཞིན་བཟླ༔ དེ་ནས་མདའ་ཟོར་ཐོགས་ལ༔ ཧཱུྃ་བྷྱོ་ཛ༔ སྐལ་ལྡན་རིགས་ཀྱི་བུ་ཁྱོད་ལ༔ ལས་ཀྱི་མདའ་ཟོར་ཐོག་མདེལ་གཏད༔ སྲུང་མའི་ཕྱག་མཚན་དགྲ་བགེགས་སྒྲོལ༔ གནམ་ལྕགས་ཐོག་གི་ཚ་ཚྭ་འཕྲོ༔ གཞུ་འདི་བརྡུང་བས་ལྷ་སྲིན་འདུ༔ མདའ་འདི་འཕང་པས་དགྲ་བགེགས་བརླགས༔ ཉམས་པའི་སྙིང་ལ་མཱ་ར་ཡ༔ ཕྲིན་ལས་ཐོགས་མེད་འགྲུབ་པར་མཛོད༔ འབོད་སྔགས་བསད་པའི་སྔགས་ཀྱིས་བརྡེག༔ དེ་ནས་མཚོན་ཟོར་ཐོགས་ལ༔ ཧཱུྃ་བྷྱོ་ཛ༔ སྐལ་ལྡན་རིགས་ཀྱི་བུ་ཁྱོད་ལ༔ ལས་ཀྱི་མཚོན་ཟོར་འདི་གཏད་པས༔ དྲང་སྲོང་ཆེན་པོའི་ཕྱག་གི་ཆ༔ དགྲ་བགེགས་སྲོག་གི་སྤུ་གྲི་ཡི༔ ཁྲོ་ཆུང་མཚོན་ཐོགས་སྐར་ལྟར་འཁྲིགས༔ དགྲ་བགེགས་ལྔ་ཕུང་རྩད་ནས་ཆོད༔ ཕྲིན་ལས་ཐོག་མེད་འགྲུབ་པར་མཛོད༔ འབོད་རྦད་བསད་གསུམ་དྲག་སྔགས་བཟླ༔ དེ་ནས་མེ་དཔུང་དྲག་པོའི་ཟོར་ཐོགས་ལ༔ ཧཱུྃ་བྷྱོ་ཛ༔ སྐལ་ལྡན་རིགས་ཀྱི་བུ་ཁྱོད་ལ༔ ལས་ཀྱི་མེ་དཔུང་ཟོར་འདི་གཏད༔ དྲང་སྲོང་སྐུ་ལས་འཕྲོས་པའི་མེ༔ དམར་ནག་རབ་འཇིགས་འུར་བའི་ཀློང༔ གཟའ་བརྒྱད་རྒྱུ་སྐར་མདའ་ལྟར་འཕེན༔ ཉམས་པའི་དགྲ་བོ་ལྐུགས་ཧྲིལ་དང༔ ཧུར་ཐུམ་དྲག་པོས་རྦད་ཀྱིས་སོད༔ མེ་དཔུང་འབར་བའི་གཞོབ་ཀྱིས་བསྲེགས༔ དགྲ་ཁམས་བསྟན་བཤིགས་བརླག་པར་མཛོད༔ འབོད་རྦད་བསད་པའི་སྔགས་ཀྱིས་བརྡེག༔ དེ་འདྲའི་ཟོར་དབང་ཟབ་མོ་འདི༔ སྐལ་བ་ལྡན་ལ་བསྐུར་བར་བྱ༔ དེ་ནས་ངེས་པ་དོན་གྱི་དབང༔ ཁྱེད་རང་དྲང་སྲོང་སྨུག་ནག་འོད་འཕྲོ་ཇི་ལྟ་བ་བཞིན་གསལ་བའི་ཐུགས་ཀར་གསང་བའི་བདག་པོ་གོས་སྔོན་ཅན་ཞལ་གཅིག་ཕྱག་གཉིས་འདོར་སྟབས་རུས་རྒྱན་ཅན༔ དེའི་ཐུགས་ཀར་ངོ་བོ་བླ་མ་ལ་རྣམ་པ་ཨོ་རྒྱན་པདྨའི་སྐུར་གསལ་བའི་ཐུགས་མཆོང་གུར་སྨུག་པོའི་དབུས་སུ་སྲོག་ཡིག་ཀྵ་མེ་དཔུང་དུད་སྤྲིན་འཐིབས་པའི་ཀྵ་མིག་ཏུ་ཨ་མཐིང་ཀའི་འོད་ཀྱི་རང་བཞིན་ཅན་ལ་སེམས་འཛིན་ཏུ་བཅུག་ལ་སྣང་སེམས་དབྱེར་མེད་རྩ་གསུམ་བདག་ཉིད་དྲང་སྲོང་དྲེགས་པའི་སྲོག་ལ་དབང་ཐོབ་པའི་མོས་པ་མཛོད༔ མཐའ་མར་དོན་གྱི་དབང་སྐུར་བའོ༔ ས་མ་ཡཱ༔ དྲང་སྲོང་བརྟེན་པའི་དམ་ཚིག་བསྒྲགས༔ སློབ་བུས་མི་འདའ་བསྒྲུབ་པར་བཞེས༔ སངས་རྒྱས་བསྟན་པ་སྲུང་བ་དང༔ མི་མཐུན་བར་ཆད་བཟློག་པར་འགྱུར༔ གུ་ཧྱ༔ འབོད་རྦད་བསད་སྔགས་ལྡེབ་ཤར།༄༅། འབོད་སྔགས༔ ཧྲཱིཿཤག་རུ་རག་རཾ་ནཱ་གེ་ཙིཏྟ་ཏྲཾ༔ མ་མ་ཡོཾ་ཟ་འགྲམ་ཧ་ཧ་ག་ཤ་ལ་ཛ་ཛ༔ རཱ་ཧུ་ལ་པྲ་མ་ན་ཛཿཧཱུྃ་བཾ་ཧོ༔ བཛྲ་ཨཾ་ཀུ་ཤ་ཛ་ཛ༔ རྦད་སྔགས༔ ས་ར་ཧོ་ར་ཏི་བྱེར༔ ཟོན་ཟོན༔ གནོད་བྱེད་དགྲ་བགེགས་མཱ་ར་ཡ་རྦད་རྦད༔ བསད་སྔགས༔ ཧྲཱིཿཤག་རུ་རཾ་ན་ག་ཙིཏྟ་ཏྲཾ༔ མ་མ་ཡོམ་ཟ་འགྲམ་ཧ་ཧི་ཡོ་ཀི་ཤ་ལ་ཛ༔ པྲ་ཤ་པྲ་ཤ༔ ཧ་ཧ་ཚལ་པ་ཚལ་པ་དུམ་དུམ༔ ཉིལ་ཉིལ༔ འུར་འུར༔ རྒྱུག་རྒྱུག༔ རཱ་ཧུ་ལ་དགྲ་བོའི་ཤ་ཁྲག་རུས་པ་ནང་རོལ་ལ་རྦད༔ རྩ་རྒྱུས་པགས་པ་ལ་རྦད༔ བླ་ཚེ་སྲོག་ལ་རྦད༔ མཇུག་ཏུ་ཟློག་སྔགས༔ ར་ཧུ་ལ་ནྲྀ་ཏྲི་དགྲ་བོ་ཆེ་གེ་མོ་བཟློག་བྷྱོ་རྦད་སོད་ཅིག༔ ལས་ཚོགས་སྤུ་གྲི་རབ་འབར།ཟུར་འགེབ་མི་ཟད་རྒྱན་འཁོར་ལས༔ དྲང་སྲོང་ཆེན་པོའི་ལས་ཚོགས་སྤུ་གྲི་རབ་འབར་བཞུགས༔ མ་ཅིག་མཁའ་འགྲོའི་ཚོགས་ལ་ཕྱག་འཚལ་ལོ༔ དེ་ལ་འདིར་སྦྱོར་དངོས་རྗེས་གསུམ་ལས༔ སྦྱོར་བ་འགུག་སྔགས་གཟུ་དཔང་བྱ༔ དགྲ་གཟུགས་མིང་རུས་ཚང་བར་འབྲི༔ སྲོག་ཡིག་མཐའ་བསྐོར་སྔགས་འདི་བྲི༔ ཨོཾ་ཡཀྴ་རཀྴ་རཱ་ཧུ་ལ་དགྲ་བོའི་སྲོག་ལ་དུང་དུང༔ ནཱ་ག་རཀྴ་རཱ་ཧུ་ལ་དགྲ་བོའི་སྲོག་ལ་རྦད་རྦད༔ མཱ་ར་ཡ་སོད་སོད༔ ཅེས་བྲི༔ མཐའ་བསྐོར་དམོད་བཅོལ་གང་ཤེས་བྲི༔ རོ་ལྟེབ་བྱ་ཞིང་ལིང་ཁྲུས་བསངས༔ ཟག་རྫས་བྱུག་ལ་ཐོད་ངན་གཞུག༔ དེ་ནས་འགུག་གཞུག་དྲག་པོ་བྱ༔ འགུགས་སྔགས་རྟགས་མཚན་ཐོན་པར་བཟླ༔ ཨོཾ་བཛྲ་ཡཀྴ་རཀྵ་ཛྙཱ་ན་རཱ་ཧུ་ལ་མཱ་ར་ཡ་དགྲ་བོའི་སྲོག་ལ་རྦད་རྦད༔ ན་ག་རཀྴ་ཀྲོ་ཏ་ཀེ་ཏ་རཱ་ཧུ་ལ་དགྲ་བོའི་སྲོག་ལ་རྒྱུག་རྒྱུག་བྲིང་བྲིང་ཐུམ་རི་ལི་ལི་ཛ༔ དྲང་སྲོང་སྨུག་ནག་འོད་འཕྲོ་འཁོར་དང་བཅས་པ་དགྲ་བོའི་སྟེང་དུ་ཆས་ཆས་མཱ་ར་ཡ་སོད་སོད༔ ཨོཾ་རཀྴ་རཱ་ཧུ་ལ་དགྲ་བོའི་སྙིང་ལ་ཟུངས་ཟུངས༔ མཱ་ར་ཡ་ཁུག་རྣྲི་ཏྲི་ཛཿ འགུག་པའི་རྟགས་མཚན་འདི་ལྟར་རོ༔ ལིང་ཀ་འགུལ་དང་ཚག་སྒྲ་འབྱུང༔ རླུང་ནག་འཚུབ་དང་མེ་དཔུང་མཆེད༔ རྦད་པའི་ལས་ལ་ཐུག་པ་ཡི༔ རྦད་ཅིང་གཟིར་བའི་ལས་སྔགས་ནི༔ ཨོཾ་བཛྲ་ཛྙཱ་ན་རཀྴ་རཱ་ཧུ་ལ་པྲ་མ་ཕུ་ཀྵ་ནཱ་ག་དགྲ་བོའི་སྲོག་ལ་རྦད་རྦད༔ ཨེ་ནྲྀ་ཏྲི་ཧུར་ཐུམ་རྦད༔ རཀྴ་རཱ་ཧུ་ལ་ཀ་ལ་རུ་པ་དགྲ་བོའི་ཙིཏྟ་ཟུངས་ཟུངས་རྨུག་རྨུག་ཨེ་མ་བྷྱོ་བྷྱོ༔ ཡཀྴ་རཀྴ་ནཱ་ག་རཱ་ཧུ་ལ་ཁཾ་ཁཾ་ལཾ་ལཾ་རྡུལ་ཙི་ནི་ར་ཕྱེ་མ་ཕྱེ་མ་མཱ་ར་ཡ་དགྲ་བོ་རྦད་ཐུན་བྷྱོ༔ རྟགས་མཚན་མ་བྱུང་བར་དུ་བཟླ༔ རྟགས་ནི་རྟུག་དྲི་ངན་པ་དང༔ དྲང་སྲོང་དངོས་སུ་མཐོང་བ་དང༔ མེ་ཏོག་སྐར་མདའ་རྒྱུག་པ་མཐོང༔ རྨི་ལམ་བན་དེ་ཨ་ཙ་ར༔ སོག་པོ་བྱིས་པ་རྒྱུག་ཀྱང་སྲིད༔ ཕོ་རོག་སྟོང་སྒྲ་གཤོག་ལྡིང་དང༔ སེམས་ནི་འཕྱོ་ཞིང་ཚབ་ཚུབ་སློང༔ བསད་པའི་ལས་ཀྱི་སྦྱོར་བ་རན༔ དེ་ལ་སྦྱོར་བའི་འཁོར་ལོའི་སྔགས༔ ཨོཾ་བཛྲ་ཛྙཱ་ན་རཱ་ཧུ་ལ་འུར་བ་འུར་བ་དགྲ་བོའི་སྲོག་རྩ་ཆོད་ཆོད༔ ཨོཾ་ཡཀྴ་རཀྴ་རཱ་ཧུ་ལ་དགྲ་བོའི་སྙིང་རྩ་ཕྱུངས་ཕྱུངས༔ སྲོག་རྩ་དྲོང་དྲོང༔ ཨོཾ་ཀེ་ཏ་ཀེ་ཏ་རཱ་ཧུ་ལ་དགྲ་བོའི་སྲོག་རྩ་ལ་ཡཾ་ཡཾ༔ ཨོཾ་ཡཀྴ་ཀྲོ་ཏ་རཱ་ཧུ་ལ་དགྲ་བོའི་སྲོག་རྩ་ཆོད་ཅིག་འུབ་འདུས་ཨེ་ཧུར་ཐུམ་རྦད་བྷྱོ༔ ཁྱབ་འཇུག་སྨུག་ནག་འོད་འཕྲོ་རཱ་ཧུ་ལ་འཁོར་དང་བཅས་པ་རྒྱུག་རྒྱུག་དགྲ་བོའི་སྲོག་སྙིང་ཁྱེར་ལ་ཤོག༔ ཨེ་རྦད་སོད་ཡ༔ བསད་པའི་ལས་སྔགས་གཞན་ཡང་བཟླ༔ གྲུབ་པའི་རྟགས་མཚན་མང་པོ་འབྱུང༔ དགའ་བྲོ་ཁུ་འཕྲིག་མི་བྱ་ཞིང༔ རང་བཞིན་གཤིས་ཀྱི་ངང་མདངས་སྐྱོང༔ ས་མ་ཡཱ༔ དེ་ནས་དང་པོ་ཧོམ་བསྐྱེད་ནི༔ ཨེ་ནྲྀ་ཏྲི་བྷྱོ་ཛཿ མཎྜལ་གྲུ་གསུམ་རང་ཉིད་གསང་བའི་བདག་པོའི་མདུན༔ དུར་ཁྲོད་དྲག་པོ་འཇིགས་སུ་རུང་བའི་དབུས་གྲུ་གསུམ་གྱི་ཁང་སྒྲོམ་ཁ་དོག་ཅིང་གཏིང་ཟབ་པ༔ ཁ་ན་ཞེ་སྡང་གི་མེ་འབར་བ༔ འོག་ན་འདོད་ཆགས་ཀྱི་ཆུ་རླབས་འཁྲུགས་པ༔ བར་ན་ཕྲག་དོག་གི་རླུང་ནག་འཚུབས་པ༔ ནང་ན་གཏི་མུག་གི་སྨག་ནག་ཅིང་གཤིན་རྗེའི་ཕོ་ཉ་མང་པོ་རྒྱུག་ཅིང་གར་རྩེ་བ༔ དྲེགས་པ་ཡོངས་ཀྱི་བཤན་ཁང༔ སྡེ་བརྒྱད་རྒྱུ་བའི་སྲང་སྒོ༔ ལས་ཀྱི་བཙོན་ར་ཡ་ང་བ་དེའི་ནང་དུ་ནྲྀ་ལས་ཞིང་བཅུ་ཚངས་བའི་བྱད་མ་ཉམས་པ་བདུན་ལྡན་གྱི་དགྲ་བོ༔ སྔོ་བ་སྐྱ་བ་རིད་པ་ཉམ་ཐག་པ༔ རྐང་ལག་ལྕགས་སྒྲོག་གིས་བསྡམས་ནས་གན་རྐྱལ་དུ་གནས་པ༔ སྲོག་གཅོད་དྲག་པོའི་དམག་གིས་བསྐོར་བ༔ མི་སྙན་བརྡུང་ཆོམ་རྒྱོབ་སོད་ཀྱི་སྒྲ་དི་རི་རི་སྒྲོག་ཅིང་མཚོན་ཆའི་ཆར་འབེབས་པ༔ ནད་ཀྱི་ན་བུན་འཚུབ་པ༔ གདོན་གྱི་ཚང་བཅའ་བ༔ དུག་གི་རླངས་པ་འཕྲོ་བ༔ དེ་ལས་མནར་དུ་མེད་པའི་གནས་སུ་ཚུད་པར་གྱུར༔ འགུག་འདྲེན་རྟགས་ཐོན་བྱ་བ་གནད༔ གཉིས་པ་གཟུ་དཔང་བསྐུལ་བ་ནི༔ གཏོར་མ་སྐྱེམས་ཕུད་ཆབ་ཀྱིས་སྦྱང་༔ ཨོཾ་ཨཱཿཧཱུྃ༔གིས་བྱིན་གྱིས་རླབས༔ ཧཱུྃ་བྷྱོ་ཀྵ་ཛ༔ མཆོག་གསུམ་རྒྱལ་བ་སྲས་བཅས་དགོངས༔ རྩ་གསུམ་ཆོས་སྐྱོངས་གཟུ་དང་དཔང༔ ངས་ནི་མ་ཉེས་མ་ཡོའོ༔ རྡོ་རྗེ་ཐེག་པ་ཉམས་བླངས་ནས༔ ཚེ་གཅིག་བྱང་ཆུབ་སྒྲུབ་སྙམ་ཡང་༔ དམ་ཉམས་འདི་ཡིས་མ་སྟེར་རོ༔ འཇིག་རྟེན་བྱ་བ་རྒྱབ་བོར་ནས༔ ཆོས་དང་མཐུན་པའི་ལས་བྱས་ཀྱང༔ དགྲ་བོ་འདི་ཡིས་མ་སྟེར་རོ༔ དམ་ཅན་སྲུང་མ་གཟུ་དང་དཔང༔ དྲང་སྲོང་ཆེན་པོ་སྙན་གསོན་ཅིག༔ རང་གཅིག་དོན་ལ་མ་གཉེར་ཞིང༔ འགྲོ་ཀུན་དོན་དུ་སེམས་བསྐྱེད་ཀྱང༔ ཆོས་སྒྲུབ་པ་ལ་བར་ཆད་བྱེད༔ ཕུང་བྱེད་དམ་ཉམས་ཁོ་ཡིས་ཉེས༔ སངས་རྒྱས་བསྟན་པ་གཉན་པོ་བཤིག༔ རྡོ་རྗེ་སློབ་དཔོན་སྐུ་དགྲ་བྱས༔ སེམས་ཅན་ཡོངས་ལ་བདེ་མི་སྟེར༔ རྣལ་འབྱོར་བདག་གི་དགྲ་རུ་ལངས༔ འདི་ནི་བསྒྲལ་བའི་ཞིང་ཡིན་ནོ༔ མངོན་སྤྱོད་དྲག་པོའི་དུས་ལ་བབས༔ ཀྱེ་མ་དགོངས་ཤིག་གཟུ་དཔང་ལྷ༔ ད་དུས་ལྔ་བརྒྱའི་ཐ་མ་ལ༔ སངས་རྒྱས་བསྟན་པའི་གཞུག་གཉེར་འདིར༔ སྨོན་ལོག་བདུད་ཀྱི་ཆོ་འཕྲུལ་ལས༔ སྡང་བྱེད་དམ་ཉམས་དགྲ་བྱུང་གི༔ ཡོངས་ལ་འཚེ་ཞིང་བསྟན་པ་བཤིག༔ ཆོས་མཛད་སྔགས་ཀྱི་རྣལ་འབྱོར་ལ༔ དོ་བསྡོ་ཕོད་བཙུག་བྱེད་པའི་དུས༔ བསྐུལ་བའི་ལས་ཀྱིས་མཐུ་མེད་ན༔ ཆོས་སྐྱོང་དམ་ཅན་སྲུང་མ་རྣམས༔ མཆོད་བསྒྲུབ་བརྟེན་པ་དོན་རེ་ཆུང༔ སྔོན་ཚེ་པདྨ་འབྱུང་གནས་ཀྱིས༔ གསང་སྔགས་བསྟན་པའི་སྲུང་མར་བཞག༔ མཚན་ཡང་དམ་ཅན་ཆོས་སྐྱོང་དང༔ དྲང་སྲོང་ཆེན་པོ་ཞེས་ཀྱང་གསོལ༔ བརྣག་པའི་ལས་ལ་མཐུ་མ་ཆུང༔ མིང་དང་མཐུན་པའི་ལས་གྱིས་ཤིག༔ གཏོར་མ་སྐྱེམས་ཕུད་འདི་བཞེས་ལ༔ དགྲ་སྲོག་གཅོད་པའི་ཕྲིན་ལས་མཛོད༔ ཞེས་གཏོར་སྐྱེམས་དགྲ་ཕྱོགས་ལ་ཕུལ༔ རང་གཞུང་བསྐུལ་བ་དབྱངས་རོལ་དང༔ ཁྲོ་འཁྲུགས་རྔམ་པའི་སྟོབས་ཀྱིས་བསྐུལ༔ ཁྱབ་འཇུག་གཏོར་མ་ཟོར་དུ་འཕེན༔ ར་ལྤགས་བརྡབ་ཅིང་རལ་པ་བསིགས༔ རྦད་སྔགས་བཟླ་ཞིང་སྨྲེང་འདི་གྱེར༔ ཧཱུྃ་བྷྱོ་ཀྵ་ཛཿ དྲང་སྲོང་འོད་འཕྲོ་ལས་ལ་ཆས༔ གདོང་མོ་མཆེད་བཞི་ལས་ལ་ཆས༔ གཟའ་ཆེན་བརྒྱད་པོ་ལས་ལ་ཆས༔ རྒྱུ་སྐར་ཉེར་བརྒྱད་ལས་ལ་ཆས༔ དྲེགས་པ་སྡེ་བརྒྱད་ལས་ལ་ཆས༔ ཡུལ་ལྷ་གཞི་བདག་ལས་ལ་ཆས༔ སྣང་སྲིད་ལྷ་འདྲེ་ལས་ལ་ཆས༔ དམར་གཏོར་ཁྲག་སྐྱེམས་འདི་བཞེས་ལ༔ ཀུན་ཀྱང་བདག་གི་སྡོང་གྲོགས་མཛོད༔ ཉེས་བྱེད་དམ་ཉམས་དགྲ་བོ་འདི༔ མྱུར་བར་སོད་ལ་དབང་པོ་སྣུབ༔ མིང་མེད་བརླག་པའི་ཕྲིན་ལས་མཛོད༔ དྲེགས་བསྐུལ་དམག་འགྱེད་ལ་སོགས་བྱ༔ ས་མ་ཡཱ༔ གཅིག་བརྒྱུད་མན་ངག་ཟབ་མོའི་སྔགས༔ ཀུན་ལ་སྤེལ་ན་དམྱལ་བར་ལྷུང༔ གཅེས་པའི་མིག་ལྟར་བཙའ་ཤེས་གྱིས༔ གབ་པའི་སྔགས་ནི་འདི་ཡིན་ནོ༔ ཧྲཱིཿཤག་རུ་རཾ་ནཱ་ག་ཙིཏྟ་ཏྲཾ༔ མ་མ་ཡོམ་ཟ་འགྲམ༔ ཧ་ཧེ་ཡོ་ཀི་ཤ་ལ་ཛ་ཛ༔ དགྲ་བོའི་སྲོག་ལ་ནྲྀ་ཏྲི་ཧུར་ཐུཾ་མཱ་ར་ཡ་རྦད༔ ཨོཾ་ཡཀྴ་རཀྴ་རཱ་ཧུ་ལ་ཨུ་ལ་ར་ཙ་དགྲའི་སྲོག་རྩ་ཆོད༔ ཅེས་འདི་སྟོང་ཕྲག་ཙམ་བཟླས་ན༔ གང་ལ་དམིགས་པ་ཞག་བདུན་ཚུན༔ བསད་རྟགས་དོན་སྙིང་དངོས་སུ་འོང༔ ནམ་མཁའི་བྱ་ལ་དམིགས་ཀྱང་ལྷུང༔ གཞན་ལ་མ་སྤེལ་བཀའ་ཆད་ཡོད༔ གཅིག་ནས་གཅིག་ཏུ་བརྒྱུད་པ་ལས༔ འཆལ་ན་མི་རུང་རྒྱ༔ ཁྱབ་འཇུག་ལས་ལ་རྒྱུག་པའི་ཐབས༔ ཤནྟིཾ་གརྦྷ་ལ་ཕྱག་འཚལ༔ བདག་འདྲ་མཚོ་སྐྱེས་རྡོ་རྗེ་ཡིས༔ དྲག་སྔགས་སློབ་དཔོན་ཉིད་ལ་ཞུས༔ ཕངས་མེད་ནོར་གྱིས་རིག་པ་བསླུས༔ བསྒྲུབ་པའི་བསྐུལ་བ་སྔོན་སོང་ནས༔ བསད་པའི་སྔགས་མཇུག་མདེའུའི་སྔགས༔ ཁྱབ་འཇུག་མངོན་དུ་རྒྱུག་པའི་སྔགས༔ ཨོཾ་བཛྲ་ཛྙཱ་ན་རཱ་ཧུ་ལ་དགྲ་བོའི་སྲོག་ལ་རྒྱུག༔ ཨོཾ་ཀེ་ཏ་ཀེ་ཏ་རཱ་ཧུ་ལ་འུར་བ་འུར་བ་རྒྱུག་རྒྱུག༔ ཨོཾ་ཡཀྴ་རཀྴ་རཱ་ཧུ་ལ་ཨུ་ར་ལིང་སརྦ་ཝ་ས་ལས་དགྲ་བོའི་སྙིང་ལ་རྦད་རྦད༔ རཱ་ཧུ་ལ་དགྲ་བོའི་སྲོག་ལ་རྦད་རྦད༔ རྩ་ལ་རྦད་རྦད༔ ལྤགས་པ་རྦད་ཐུམ་ཛ༔ ཡཀྴ་རཀྴ་ནཱ་ག་རཱ་ཧུ་ལ་ཨ་ཡ་མ་ར་ཙ་དགྲ་བོའི་མིང་སྨོས༔ སྲོག་རྩ་ལ་རྦད་ཆོད་ཡ༔ ཁ་ཕོར་རཀྴ་ཙིཏྟ་རྦད༔ མཱ་ར་ཡ་སོད་སོད༔ དོན་བྷྱོ་རྦད་ཐུམ་ཛ་ཛ༔ འདིས་ནི་སྨྱོ་འབོག་བརྒྱལ་ནུས་ཞིང༔ མི་འདོད་ཆོ་འཕྲུལ་ངེས་པར་འབྱུང༔ སྟོང་ཕྲག་གསུམ་ལས་བཟླ་མི་རུང༔ དེ་ལས་མང་ན་སྲོག་ལ་འོང༔ སྔགས་འདི་སྨྲ་བཅད་ཤུབ་བཟླས་གཅེས༔ རྟགས་ནི་ལིང་ག་འགུལ་ཞིང་འཕར༔ སྒྲུབ་ཁང་རྟུག་དྲི་བྲུན་དྲིས་གང༔ ཁྱབ་འཇུག་རྒྱུ་བའི་གཟུགས་མཐོང་ངོ༔ བྱ་རྒོད་ཁྭ་ལ་ཤ་གཏད་སོགས༔ མ་ངེས་རྟགས་མང་འབྱུང་བར་འགྱུར༔ ས་མ་ཡཱ༔ གུ་ཧྱ༔ བརྡ་ཐིམ༔ ཨོ་རྒྱན་པདྨའི་བཀའ་རྒྱ༔ ཡེ་ཤེས་མཁའ་འགྲོའི་དམ་རྒྱ༔ བཀའ་ཡི་སྲུང་མའི་རཀྴ་རྒྱ༔ སྨུག་ནག་འོད་འཕྲོའི་གཉན་རྒྱ༔ ཆོས་བདག་རྣམས་ལ་གཏད་རྒྱ༔ དམ་མེད་ལོག་ལྟ་ཅན་ལ་གསང་རྒྱ༔ སྐལ་ལྡན་སྐྱེས་བུ་ཡོངས་ལ་སྤེལ་རྒྱ༔ ས་མ་ཡཱ༔ རྒྱ་རྒྱ་རྒྱ༔ ཞེས་དྲང་སྲོང་ཆེན་པོའི་ལས་ཚོགས་རགས་རིམ་འདི་རང་བྱུང་ཀློང་གི་མཛོད་ལས་བསྒྱུར་ཏེི་སློབ་བུ་གསལ་སྟོང་ལ་གཅིག་བརྒྱུད་དུ་མཛད་དེ་གཏད་པ་བསྟན་དང་འགྲོ་ལ་གནོད་པའི་བསྟན་དགྲ་རྣམས་ཚར་གཅོད་པར་མཛད་པའི་རྒྱུར་གྱུར་ཅིག༔ སྤྲུལ་སྐུ་ས་ར་ཧི་ཏའི་ཐུགས་གཏེར་ཡང་དག་གོ༔ ཤུ་བྷཾ༔ ཆར་འགོག་བསྐལ་མེའི་ཚ་དབལ།ཟུར་འགེབ་མི་ཟད་རྒྱན་འཁོར་ལས༔ ཆར་འགོག་བསྐལ་མེའི་ཚ་དབལ་སྟོན༔ ས་མ་ཡཱ༔ རང་ཉིད་གསང་བདག་ང་རྒྱལ་གྱིས༔ སྐུ་ལས་སྐྱེས་པའི་མེ་དཔུང་དང༔ མེ་སྟག་ཁྱུང་གི་ཚ་ཚྭ་འཕྲོས༔ ལོག་འདྲེན་མི་མཐུན་ཐན་ཆར་བདག༔ བསྲེག་བཅོམ་བསྐྲད་པའི་ལས་བྱེད་བསམ༔ ཨོཾ་བཛྲ་ཙནྜ་མ་ཧཱ་རོ་ཥ་ཎ་ཧཱུྃ་ཕཊ༔ ཁྲོཾ་ག་རུ་ཌ་ཙ་ལེ་ཙ་ལེ་ཧཱུྃ་ཕཊ༔ རཾ་ཛྭ་ལ་ཕཊ༔ གཤམ་དུ༔ ཆར་བདག་ནོན༔ ཆར་སྤྲིན་གཏོར༔ ཉི་མའི་འོད་ཟེར་འབར་འབར་བ་ཡ་བི་ཡེ་འུར་འུར་ཧཱུྃ་ཧཱུྃ་ཕཊ་ཕཊ༔ བརྒྱ་སྟོང་ཁྲི་སོགས་གལ་དང་བསྟུན༔ ཀླུ་གཉན་འཁྲུགས་དང་སྡེ་བརྒྱད་ཆར༔ འབྱུང་བའི་ཉེན་སོང་ཆར་རྒྱུན་འཆད༔ དམིགས་སྔགས་ཁོ་ནས་ཆོག་པ་འདི༔ ཨ་ཙར་སྤྲུལ་པའི་ཁྱད་ཆོས་ཡིན༔ ཐེ་ཚོམ་མེད་ལ་བསླུ་བ་མེད༔ ལོག་རྟོག་ཅན་ལ་ཨ་ཐམ་རྒྱ༔ དེ་ནས་གསོལ་བ་འདེབས་པ་ནི༔ ཆོས་སྐུ་ཀུན་བཟང་ལོངས་སྐུ་རྡོ་རྗེ་སེམས༔ སྤྲུལ་སྐུ་དགའ་རབ་རྡོ་རྗེ་ལ་སོགས་པའི༔ དགོངས་བརྒྱུད་བླ་མ་རྣམས་ལ་གསོལ་བ་འདེབས༔ ཁ་ཆར་རྐྱེན་བཟློག་ཕན་བདེའི་སུརྱ་ངོམས༔ ཆོས་སྐུ་སྣང་མཐའ་ལོངས་སྐུ་སྤྱན་རས་གཟིགས༔ སྤྲུལ་སྐུ་བདེ་ཆེན་རྒྱལ་པོ་ལ་སོགས་པའི༔ བརྡ་བརྒྱུད་རིག་འཛིན་རྣམས་ལ་གསོལ་བ་འདེབས༔ ཁ་ཆར་རྐྱེན་བཟློག་ཕན་བདེ་སུརྱ་ངོམས༔ ཆོས་སྐུ་རིགས་ལྔ་ལོངས་སྐུ་རིགས་གསུམ་མགོན༔ སྤྲུལ་སྐུ་ཐུབ་དྲུག་འགྲོ་འདུལ་རིག་པ་འཛིན༔ སྙན་བརྒྱུད་བླ་མ་རྣམས་ལ་གསོལ་བ་འདེབས༔ ཁ་ཆར་རྐྱེན་བཟློག་ཕན་བདེའི་སུརྱ་ངོམས༔ རྒྱན་དྲུག་མཆོག་གཉིས་གྲུབ་ཆེན་བརྒྱད་ཅུ་དང༔ གཏད་རབས་བདུན་དང་རྗེ་འབངས་ཉི་ཤུ་ལྔ༔ ཡེར་བའི་གྲུབ་ཆེན་གསར་རྙིང་མཁས་གྲུབ་ཚོགས༔ བསྟན་པའི་མངའ་བདག་རྣམས་ལ་གསོལ་བ་འདེབས༔ ཁ་ཆར་རྐྱེན་བཟློག་ཕན་བདེའི་སུརྱ་ངོམས༔ ཀློང་ཆེན་རབ་འབྱམས་གར་དབང་འཇིགས་མེད་གླིང༔ གྲུབ་དབང་བྱང་ཆུབ་རྡོ་རྗེ་རྫོགས་ཆེན་པ༔ མི་འགྱུར་ནམ་མཁའི་རྡོ་རྗེ་རྒྱལ་བའི་སྲས༔ གཞན་ཕན་མཐའ་ཡས་སོགས་ལ་གསོལ་བ་འདེབས༔ ཁ་ཆར་རྐྱེན་བཟློག་ཕན་བདེའི་སུརྱ་ངོམས༔ ལུང་རིག་གླིང་པ་བདུད་འཇོམས་གྲོ་ལོད་རྩལ༔ མཁའ་སྤྱོད་གླིང་དང་རྡོ་རྗེ་དཔལ་བཟང་པོ༔ པདྨ་དྲག་རྩལ་གླིང་དང་མཁན་རྣམ་རྒྱལ༔ གསང་སྔགས་གླིང་པ་ཡོངས་འཛིན་དགེ་བའི་བཤེས༔ བསམ་གཏན་ཡེ་ཤེས་གླིང་པར་གསོལ་བ་འདེབས༔ ཁ་ཆར་རྐྱེན་བཟློག་ཕན་བདེའི་སུརྱ་ངོམས༔ པདྨ་འོད་འབར་གུ་རུ་དྲག་པོ་རྩལ༔ མཁའ་འགྲོ་སེང་གདོང་སྒྲོལ་མ་ཉི་ཤུ་གཅིག༔ མ་མགོན་ལྕམ་དྲལ་ཚེ་རིང་མཆེད་ལྔ་དང༔ བསྟན་མ་བཅུ་གཉིས་མགུར་ལྷ་བཅུ་གསུམ་དང༔ དགེ་བསྙེན་ཉེར་གཅིག་དཀར་ཕྱོགས་སྐྱོང་བའི་ལྷ༔ ལེའུའི་ལྷ་སྲུང་ཚོགས་ལ་གསོལ་བ་འདེབས༔ ཁ་ཆར་རྐྱེན་བཟློག་ཕན་བདེའི་སུརྱ་ངོམས༔ རྒྱལ་བསེན་ཡུལ་འདྲེ་ཐན་ཆར་མཚང་ནས་ཐོན༔ བསམ་སྦྱོར་ངན་པའི་ཆར་བདག་རྨང་ནས་རློག༔ ཆར་སྤྲིན་ནག་པོའི་དཔུང་ཚོགས་རླུང་གིས་ཤིག༔ བསམ་པའི་དོན་ལྡན་ཉི་མའི་དཀྱིལ་འཁོར་ལ༔ རང་གཞན་སྣང་བ་སྐྱིད་པའི་ཤིས་པ་སྩོལ༔ ཞེས་པའི་ཆར་ཆོད་ལས་ཚོགས་འདི༔ རང་བྱུང་ཀློང་གི་མཛོད་ལས་བསྒྱུར༔ དོན་གྱི་མིང་གི་བཞེད་སྐོང་དུ༔ ཟོག་པོ་ས་ར་ཧི་ཏས་བྲིས༔ དགེ་བས་ས་གསུམ་ཡོངས་གང་ཤོག༔ མངྒ་ལཾ༔ ངག་བཀྲོལ་གནམ་ལྕགས་སྤུ་གྲི་འཁོར་མ།ཡང་གསང་མཁའ་འགྲོའི་ཐུགས་ཐིག་ལས༔ ངག་བཀྲོལ་གནམ་ལྕགས་སྤུ་གྲི་འཁོར་མ་བཞུགས༔ རང་བྱུང་ལྷ་ལ་ཕྱག་འཚལ་ལོ༔ ངག་བཀྲོལ་སྤུ་གྲི་འཁོར་མ་འདི༔ ཡར་མར་དུས་ཚེས་བཟང་པོ་ལ༔ སྐྱབས་འགྲོ་སེམས་བསྐྱེད་མཎྜལ་སྟོང༔ གཙུག་ཏོར་ལྷ་མོ་ལ་དམིགས་ཏེ༔ བརྐྱང་ཕྱག་བརྒྱ་སྟོང་ཁྲི་སོགས་འཚལ༔ ཡི་གེ་བརྒྱ་པས་ལས་སྒྲིབ་སྦྱངས༔ དེ་ནས་དུས་རྒྱུན་ནམ་ལོང་སྐབས༔ ཐོ་རངས་ངག་ཚིག་མ་འདྲེས་གོང༔ རང་ཉིད་རྡོ་རྗེ་ཁྲོ་བོ་ནི༔ སྐུ་མདོག་མཐིང་ནག་མེ་དཔུང་འབར༔ ཕྱག་མཚན་སྣ་ཚོགས་མཚོན་ཆ་བསྣམས༔ ཞབས་གཉིས་མེ་དཔུང་ཀློང་དུ་འགྱིང༔ ཞལ་གདངས་མཆེ་གཙིགས་སྤྱན་གསུམ་པ༔ སྤྱི་བོར་རྣམ་སྣང་མགྲིན་པ་རུ༔ སྣང་མཐའ་སྙིང་ཁར་རྡོར་སེམས་གསལ༔ མགྲིན་པའི་དབུས་སུ་ཉི་ཟླ་འབར༔ ལྕེ་ནི་གནམ་ལྕགས་རལ་གྲི་ཡི༔ འཆང་བཟུང་ཡི་གེ་དྷི་ཧྲཱིཿམཚན༔ ཡུ་བ་པདྨའི་སྦུབས་སུ་ནུབ༔ མེ་དཔུང་འུར་འུར་ཆེམ་ཆེམ་འབར༔ བྱད་དང་མི་གཙང་ཐམས་ཅད་སྦྱངས༔ དང་པོ་དབྱངས་གསལ་སྒྲ་དག་སྟོང༔ དེ་ནས་རྟེན་འབྲེལ་སྙིང་པོ་བརྒྱ༔ དེ་ནས་ངག་ལ་དབང་བསྐུར་བརྒྱ༔ དེ་རྗེས་དྲག་སྔགས་མུ་སྟེགས་ཀྱི༔ བཟློག་པ་ཨ་ཐུན་ནག་པོ་འདོན༔ དེ་ནས་རང་སྔགས་གཟུངས་ཐུང་ནི༔ ཏདྱ་ཐཱ༔ ཨོཾ་ཨ་ན་ལེ་ཨ་ན་ལེ༔ ཁ་ས་མེ་ཁ་ས་མེ༔ སོ་མེ་སོ་མེ༔ བྷེ་རེ་བྷེ་རེ༔ ཤ་མེ་ཤ་མེ༔ ཀི་ཡ་ཀི་ཡ༔ ངག་བཅིངས་པ་ཕྱེ་ཕྱེ་ཁྲོལ་ཁྲོལ༔ ངག་ལྐུགས་པ་ཕྱེ་ཕྱེ་ཁྲོལ་ཁྲོལ༔ ངག་འཛིན་པ་ཕྱེ་ཕྱེ་ཁྲོལ་ཁྲོལ༔ ངག་དིག་པ་ཕྱེ་ཕྱེ་ཁྲོལ་ཁྲོལ༔ ངག་འགག་པ་ཕྱེ་ཕྱེ་ཁྲོལ་ཁྲོལ༔ ངག་འཛེར་བ་ཕྱེ་ཕྱེ་ཁྲོལ་ཁྲོལ༔ ངག་ནུས་ཞན་པ་ལས་རྒྱལ་བར་གྱུར་ཅིག༔ ངག་ནུས་རྒུད་པ་ལས་རྒྱལ་བར་གྱུར་ཅིག༔ ངག་ནུས་སྟོབས་ཕྲོག་པ་ལས་རྒྱལ་བར་གྱུར་ཅིག༔ ཛ་ཡ་ཛ་ཡ་བི་ཛ་ཡ༔ ཨོཾ་ཧཱུྃ་ཏྲིག་ཁྲོཾ་བྷྱོ༔ མ་ནི་མ་ར་ནི་བྷྱོ༔ མ་ར་དུ་ན་བྷྱོ༔ རཀྨོ་རཀྴན་ཏིང་ཡ་རཀྴ་བྷྱོ༔ མཱ་ར་ཡ༔ ཡ་མ་རཱ་ཛ་ཀཱི་ལ་ཡ་བྷྱོ༔ ཨོཾ་ཨཱཿཧཱུྃ༔ ཀཱ་ཡ་ཝཀྐཱ་ཙིཏྟ་ཡཀྵ་བཛྲ་ཚིནྡྷ་ཚིནྡྷ་ཙ་ཧ་ཙ་ཧ༔ ཤནྟིཾ་ཤནྟིཾ་ཤག་ཤག་ཕྱེ་ཕྱེ་ཡལ་ཡལ་སྟཾ་བྷ་ཡ་ནན༔ མོ་ཧ་ཡཱ་བྱེར༔ ཛཾ་བྷ་ཡཱ་བྱེར༔ ཡར་བྷྱོ་ཡར་བཟློག༔ བན་བོན་སྔགས་པ་ལྷ་སྲིན་སྡེ་བརྒྱད་ཀྱིས་ལུས་ངག་ཡིད་གསུམ་བཅིངས་པ་མནན་པ་གཏད་པ་ཐམས་ཅད་ལས་གྲོལ་བར་གྱུར་ཅིག༔ ན་མོ་རཏྣ་ཏྲཱ་ཡ་ཡ༔ ལུས་ངག་ཡིད་གསུམ་བཅིངས་པ་མནན་པ་གཏད་པ་སརྦ་ཕྱེ་ཕྱེ་ཁྲོལ་ཁྲོལ༔ མ་མ་རཀྵ་རཀྵ་ཀུ་རུ་བྷྲུཾ་སྭཱཧཱ༔ དེ་ནས་གཤམ་གྱི་འདོད་གསོལ་ནི༔ གྲིབ་གདོན་རྣམ་འཇོམས་གཟུངས་རིང་ཐུང༔ རྩོག་རྨུག་སྨེ་བརྩེགས་གཟུངས་སྔགས་འདོན༔ ཉམས་པའི་གྲིབ་དང་དམ་གྲིབ་ལ༔ ཡིག་བརྒྱ་ཀཾ་ཀ་ངན་སོང་སྦྱོང༔ སྔགས་དང་ས་ག་ར་ཡི་གཟུངས༔ སེལ་མེད་དམ་རྫས་སྐར་ཆུ་དང༔ བྱད་བཀྲོལ་རྫས་ཀྱི་ཆུ་ལ་ནི༔ གྲངས་སུ་བགྲངས་ལ་བཀྲུ་འཐུང་བྱ༔ གནད་དང་ལྡན་ན་ལྷ་ཆེན་པོ༔ སྟོབས་ལྡན་གང་གིས་བྲུབ་ཀྱང་འགྲོལ༔ དམ་གྲིབ་ཉམས་གྲིབ་བྱང་བར་འགྱུར༔ ལུས་ངག་མི་དགེས་ཉམས་པའི་ཚོགས༔ བ་མོར་ཉི་ཟེར་ཕོག་ལྟར་འདག༔ ཡོན་ཏན་བསམ་གྱིས་མི་ཁྱབ་ཀྱང༔ བརྗོད་པའི་གྲངས་སུ་འཁྱོལ་བར་དཀའ༔ འདི་ཉིད་སྒྲུབ་པས་གསང་བར་བྱ༔ འཆལ་ན་དྲེགས་པས་སྙིང་ཁྲག་འཐུང༔ མ་འདའ་སྙིང་ལ་གུ་ཧྱ་ཡ༔ ཞེས་པའི་ངག་འགྲོལ་འཁོར་མ་འདི༔ རང་བྱུང་ཀློང་གི་མཛོད་ལས་མངོན༔ རིག་པའི་རྩལ་དུ་ཕབ་པ་ལགས༔ ཡེ་ཤེས་མཁའ་འགྲོས་གནང་བ་ལས༔ ལས་ལྡན་སློབ་བུ་ཀརྨ་དང༔ བསོ་མཆོག་ཀུན་བཟང་བཛྲ་སོགས༔ དད་ལྡན་དེ་ལ་རྟེན་འབྲེལ་དུ༔ ལེགས་ཕབ་འགྲོ་བའི་ངག་སྒྲིབ་དང༔ ཉེས་སྐྱོན་སེལ་བའི་ཤིས་པ་སྩོལ༔ ༈ ཁ་སྐོང་བསྔོ་སྨོན་བཀྲ་ཤིས་ནི༔ དུས་གསུམ་དགེ་ཚོགས་ཟག་བཅས་ཟག་མེད་མཐུས༔ འགྲོ་རྣམས་གཞིར་གྲོལ་དམ་པའི་སྐུ་འཚོ་གཞེས༔ ཚེ་རབས་ཕྲེང་བར་ཁྱོད་ཀྱིས་རྗེས་བཟུང་ནས༔ གང་ཐུགས་རྣམ་མཁྱེན་ཉིད་དང་རོ་གཅིག་ཤོག༔ བཀྲ་ཤིས་ནི༔ སྐུ་གསུམ་མངོན་གྱུར་རང་རིག་འདུས་མ་བྱས༔ ལྟ་སྒོམ་སྤྱོད་གསུམ་ཡེང་མེད་ལ་བཟླས་ཏེ༔ དུག་གསུམ་གནས་དག་བླ་མེད་ཧེ་རུ་ཀ༔ འགྲོ་ཀུན་ཁྱབ་བརྡལ་འབྲས་བུའི་བཀྲ་ཤིས་ཤོག༔ སྔགས་བཙུན་སྙིང་གྲོགས་ལུང་རྟོགས་ཀྱིས༔ བསྐུལ་ངོར་བློ་རབ་པ་དེས་སོ༔ དགེའོ༔ གསང་བདག་གོས་སྔོན་ཧཱུྃ་སྒྲུབ་ཟབ་མོ།རྫོགས་ཆེན་ཡང་གསང་ཧཱུྃ་གི་སྐོར་ལས༔ གསང་བདག་གོས་སྔོན་ཧཱུྃ་སྒྲུབ་ཟབ་མོ་བཞུགས༔ བཛྲ་པཱ་ཎི་ལ་བཏུད་ནས༔ རྫོགས་ཆེན་ཧཱུྃ་གི་ཆོས་སྐོར་ལས༔ གསང་བའི་བདག་པོའི་ལུས་དཀྱིལ་འབྲི༔ དཔལ་གྱི་གནས་ལུང་རི་ཡི་ཞོལ༔ གསང་བདག་ལག་ན་རྡོ་རྗེ་ཡིས༔ ཧཱུྃ་སྒྲུབ་ཟབ་མོ་བདག་ལ་གནང༔ དེ་ཉིད་མི་བརྗེད་གཟུངས་ཀྱིས་བཟུང༔ དུས་བབས་ལས་ཀྱི་ཌཱཀྐི་དང༔ ཆོས་ལ་དབང་བའི་དགོངས་བཞེད་བཞིན༔ ཆགས་ཐོགས་མེད་པར་འདི་ན་སྤེལ༔ ས་མ་ཡཱ༔ དཀྱིལ་འཁོར་ཡོ་བྱད་སྤྲོས་པ་བསྐྱུང༔ བདག་ལུས་གྲུ་བཞི་འདོམ་གང་བ༔ ལྷ་ཡི་གཞལ་ཡས་ཁང་ཆེན་པོར༔ རིག་པ་སྐུ་གསུམ་ངོ་བོ་ཉིད༔ གསང་བའི་བདག་པོའི་རང་བཞིན་ཏེ༔ ཉེ་ཉོན་རྣམ་ཤེས་ཚོགས་བརྒྱད་པོ༔ རྩ་བའི་ཁྲོ་བཅུ་མགྲོན་ཐབས་ཀྱི༔ ལྷ་དང་གཙང་རིས་དཔལ་མགོན་སོགས༔ གདན་གསུམ་ཚང་བའི་དཀྱིལ་འཁོར་ལྷ༔ རང་བྱུང་རང་ཤར་ཆེན་པོར་གསལ༔ མ་འདྲེས་ཡོངས་རྫོགས་ཨེ་མ་ཧོ༔ ཧཱུྃ༔ སྐུ་གསུམ་རང་གསལ་ཕོ་བྲང་ནས༔ གསང་བའི་ལྷ་གཅིག་རྡོ་རྗེ་འཛིན༔ བཞེངས་བཞུད་མཚན་མ་མེད་མོད་ཀྱང༔ ཐུགས་དམ་ཆེན་པོས་གཤེགས་སུ་གསོལ༔ བཀོད་ལེགས་སྤྲུལ་པའི་གདན་ལ་བཞུགས༔ ཕྱག་བྱ་ཕྱག་བྱེད་བྲལ་བས་འདུད༔ ཚོགས་དྲུག་ཡུལ་སྣང་དག་པས་མཆོད༔ ཞེན་བྲལ་མཆོག་གི་དངོས་གྲུབ་ཞུ༔ སྒོ་གསུམ་གཟུང་འཛིན་བྲལ་བས་བསྟོད༔ རང་རིག་ཐུགས་གསང་ཡེ་ཤེས་སེམས༔ གསང་བདག་ཐུགས་དབུས་ཉི་ཟླའི་སྟེང༔ ཧཱུྃ་མཐིང་མཐའ་མར་ཧཱུྃ་ཕྲེང་གིས༔ གཡོན་དུ་འགལ་མེ་ཇི་བཞིན་པར༔ གཡོན་བསྐོར་མེ་སྟག་ཚ་ཚྭ་འཕྲོ༔ རྒྱལ་མཆོད་འགྲོ་བའི་སྡིག་སྒྲིབ་སྦྱང༔ རྒྱལ་བསེན་གཟའ་ཀླུ་ས་བདག་སྡེ༔ མ་རུངས་ནག་ཕྱོགས་དམ་ལ་བཞག༔ ཧཱུྃ་ཧཱུྃ་ཧཱུྃ༔ ཧཱུྃ་ནི་ལྔ་སྟོང་ཁྲི་བཅུ་བཟླ༔ གང་བརྩམས་ཞི་རྒྱས་དབང་སོགས་འགྲུབ༔ ཅི་འདོད་ཡིད་བཞིན་དཔག་བསམ་བཞིན༔ ཕན་པའི་ཡོན་ཏན་བརྗོད་མི་ལང༔ ཟབ་པའི་མཐར་ཐུག་ཧཱུྃ་གི་སྐོར༔ འདི་ཉིད་ཉམས་སུ་སུས་བསྟར་བ༔ ཚེ་འདིར་གྲོལ་བའི་གདམས་ངག་ཟབ༔ གཟའ་ཀླུ་རྒྱལ་བསེན་ཉེ་མི་ནུས༔ འཕོས་ཚེ་རྡོ་རྗེ་འཆང་དབང་འགྲུབ༔ བཛྲ་ས་མ་ཡཱ༔ མཐར་ནི་ཧཱུྃ་གིས་དབྱིངས་སུ་བསྡུ༔ ཕཊ་ཀྱིས་ལྡང་ཞིང་དགེ་བ་བསྔོ༔ ཤིས་པ་བརྗོད་པས་མཐའ་ལ་བརྒྱན༔ ཆོས་ལ་དབང་བའི་རིགས་ལྡན་གྱིས༔ མཐུན་རྐྱེན་སྦྱར་ཞིང་མཚོ་རྒྱལ་གྱིས༔ རྟེན་འབྲེལ་བརྡ་སྒོ་འབྱེད་པའི་ལན༔ ལེགས་པར་དགོངས་ཀློང་ཡངས་པ་ནས༔ ཐོལ་བྱུང་ཚེས་བཅུའི་ཐུན་ལ་སྤེལ༔ བསྟན་པའི་རྩ་ལག་དམ་པར་ཤོག༔ དྲང་སྲོང་ཆེན་པོའི་མེ་མཆོད་ཡེ་ཤེས་རབ་འབར་རྡོ་གྲུབ་གསུང་།༄༅། དྲང་སྲོང་ཆེན་པོའི་མེ་མཆོད་ཡེ་ཤེས་རབ་འབར་ཞེས་བྱ་བ་བཞུགས། ༄༅། བཛྲ་པ་ཎི་ན་མོ། དྲང་སྲོང་ཆེན་པོའི་ཕྲིན་ལས་ཀྱི། །མེ་མཆོད་དགྲ་བསྲེག་འདི་ལྟ་སྟེ། །ཡི་དམ་གཞུང་བསྲང་ལྟ་སྒོམ་དང་། །དྲང་སྲོང་ཕྲིན་ལས་གང་རུང་དུ། །དགུ་སྟོང་ལ་སོགས་དུས་ཆེན་ནམ། །གང་རུང་དུས་སུ་དྲག་ཤིང་གིས། །གྲུ་གསུམ་བརྩིགས་ལ་མེ་སྦར་ཏེ། །གཟའ་བདུད་ཆེན་པོའི་རྟེན་བརྟེན་པ། །དངོས་ཀྱི་འདུན་པ་སེམས་པའི་ངང་། །བསྲེག་རྫས་ལིངྒ་ཤ་ཁྲག་རུས། །ལྕགས་ཟངས་ཕྱེ་མ་རའི་ཤ་ཁྲག། །ཚ་བ་གསུམ་དང་དུག་རིགས་སོགས། །ཁྱད་པར་ཉུང་ཏིལ་དགྲར་དམིགས་ནས། །འགུགས་བསྒྲལ་སྦྱང་སྤེལ་ཞལ་བསྟབ་དུས། །འདོན་སྒོམ་སྦྲག་མར་མ་གཡེང་ངང་། །ཨེ་རཾ༔ སྣང་ཞིང་སྲིད་པའི་ཆོས་སོ་ཅོག །མི་དམིགས་མཁའ་ལྟར་དག་པའི་དབྱིངས། །ཡུམ་ལྔའི་མཁར་རྫོང་སྣང་བའི་མདངས། །ཅིར་ཡང་འཆར་བའི་རྫུ་འཕྲུལ་ལས། །རབ་འཇིགས་དུར་ཁྲོད་སྐྱི་གཡའ་བ། །དུག་གསུམ་ལས་གྲུབ་བསྐལ་པའི་མེ། །དམར་ནག་མཐིང་གསུམ་འབར་འཁྲུགས་པ། །ང་རྒྱལ་ཕྲག་དོག་རླུང་གིས་བསྐྱོད། །འུར་སྒྲ་ཆེམ་སྒྲ་རྦད་སོད་སྒྲ། །འབྲུག་སྟོང་ལྡིར་བཞིན་སྲིད་པའི་གནས། །ཡུད་ཙམ་གྱིས་བསྲེགས་ནུས་པའི་ལྕེ། །གནམ་ལྕགས་འབུམ་ཆར་ལས་ལྷག་པའི། །གསང་བདག་མཐུ་སྟོབས་ཚ་དབལ་ཟེར། །མངོན་སུམ་ཡེ་རྫོགས་མེ་དཔུང་དབུས། །སྐད་ཅིག་དྲན་རྫོགས་དབྱིངས་ཀྱི་ལྷ། །དྲང་སྲོང་གཟའ་མཆོག་རཱ་ཧུ་ལ། །དམར་ནག་འཇིགས་པའི་ཞལ་དགུ་དང་། །དབུ་གཙུག་བྱ་རོག་ཅོད་པན་ངོམ། །ཕྱག་བཞིའི་དང་པོ་མདའ་དང་གཞུ། །འགེངས་ཤིང་གསོད་ལ་རིངས་པ་བཞིན། །གཡས་འོག་སྦྲུལ་ནག་ཞགས་པ་ལས། །དམར་ནག་འོད་ཟེར་གློག་ཞགས་ལྟར། །མྱུར་མགྱོགས་ཛ་ཡི་འཚུབས་མ་ཅན། །མ་རུངས་སེམས་ཅན་དངང་པར་བྱེད། །གཡོན་འོག་ཆུ་སྲིན་རྒྱལ་མཚན་ལས། །ཀླུ་བདུད་ཕོ་ཉ་གྲངས་མེད་འགྱེད། །སྐུ་སྨད་སྦྲུལ་མཇུག་འཁྱིལ་བ་ལ། །ནད་དུག་མཚོན་གྱི་ན་བུན་འཐིབ། །སྐུ་ལུས་མིག་གིས་གང་བ་ལས། །མཐོང་རེག་དུག་གི་ཚྭ་ཚྭ་འཕྲོ། །འཁོར་དུ་གདོང་མོ་རྣམ་བཞི་དང་། །གཟའ་བརྒྱད་རྒྱུ་སྐར་ཉི་ཤུ་བརྒྱད། །ཕྱི་ནང་གསང་བ་ཡང་གསང་གི། །ལྷ་སྲིན་སྡེ་བརྒྱད་སྤྲུལ་འཁོར་བཅས། །བསྐལ་པའི་མེ་བཞིན་དབལ་ངར་ལྡན། །ཉི་མ་འབུམ་ལས་གཟི་བརྗིད་འབར། །འཆི་བདག་དཔུང་ལས་བཟོད་དཀའ་བ། །མངོན་སུམ་གསལ་བའི་གནས་གསུམ་དུ། །ཨོཾ་དཀར་ཨཱཿདམར་ཧཱུྃ་མཐིང་གསལ། །སྤྱན་འདྲེན་རྒྱས་གདབ་རིག་པའི་རྩལ། །ཧཱུྃ། སྐྱེ་མེད་ཀུན་བཟང་དགོངས་ཀློང་ནས། །འགག་མེད་དཔལ་ཆེན་གསང་བདག་གི། །རོལ་རྩལ་གཟའ་མཆོག་རཱ་ཧུ་ལ། །སྲིད་ཞི་སྡེ་བརྒྱད་སྤྲུལ་འཁོར་བཅས། །འབར་འཁྲུགས་མེ་ཡི་ཀློང་ཆེན་འདིར། །གཤེགས་བཞུད་མཚན་མ་ལས་འདས་ཕྱིར། །དྲག་པོའི་འཕྲུལ་གྱིས་སྣང་བར་མཛོད།། ཧཱུྃ། གནམ་སའི་ཞལ་ལ་གློག་དམར་ལྗགས། །གངས་རིའི་མཆེ་བ་སྟོང་གསུམ་ལྟོ། །ཟ་རྔམ་མིད་པའི་ཆུ་སྲིན་གྲེར། །བསྟན་འགྲོར་འཚེ་བའི་ཉམས་པ་བདུན། །བསྒྲལ་བའི་ཞིང་བཅུར་གཏོགས་པའི་དགྲ། །རྩྭ་ཕུང་ལྕགས་སྲེག་འཕྲད་བཞིན་དུ། །ལྷག་མེད་མྱུར་དུ་ཛྭ་ལ་རཾ། །ཁྱད་པར་སྔ་འགྱུར་བསྟན་པ་ལ། །ཕྲག་དོག་དབང་གིས་སྨོད་སྐུར་འདེབས། །བསྟན་འཛིན་སྐྱེས་བུར་འཚེ་བའི་རིགས། །སྒོས་སུ་བླ་མའི་སྐུ་དགྲ་ལངས། །དངོས་དང་བརྒྱུད་ནས་ངན་གཡོ་ཤོམ། །བསམ་ངན་སྦྱོར་རྩུབ་འཆང་བའི་དགྲ། །སྦྲང་བུ་མེ་དཔུང་འཕྲད་པ་བཞིན། །ལྷག་མེད་མྱུར་དུ་ཛྭ་ལ་རཾ། །རྣལ་འབྱོར་བདག་ཅག་འཁོར་བཅས་ལ། །བསམ་ངན་འཆང་དང་སྦྱོར་ངན་བྱེད། །ཁ་དཀར་སྙིང་ནག་ཁ་མཆུ་འབེབས། །དགྲ་ཇག་ཆོམ་རྐུན་སྣ་འདྲེན་པ། །མི་འདོད་མ་རུངས་བྱེད་པ་ཀུན། །ལོ་ཏོག་སེར་བས་གཞོམ་པ་བཞིན། །རྡུལ་དུ་རློགས་ཤིག་ཛྭ་ལ་རཾ། །རྣམ་མཁྱེན་ཐར་པའི་ལམ་མཆོག་ཏུ། །ཞུགས་པའི་གེགས་བྱེད་ཚོགས་བརྒྱད་ལས། །བྱུང་བའི་ཉོན་མོངས་བརྒྱད་ཁྲིའི་དམག །ལྷག་མཐོང་དྲང་སྲོང་ཡེ་ཤེས་མེས། །བསྲེག་པར་མཛོད་ཅིག་ཛྭ་ལ་རཾ། །རང་རིག་རང་བྱུང་ཀུན་བཟང་ཞལ། །སྒྲིབ་བྱེད་ལྷན་སྐྱེས་ཀུན་བརྟག་གི། །འཁྲུལ་ལས་བྱུང་བའི་གཟུང་འཛིན་སྨག །དྲང་སྲོང་ཡེ་ཤེས་ཉི་མའི་མེས། །བསལ་བར་མཛོད་ཅིག་ཛྭ་ལ་རཾ། །མདོར་ན་འཁོར་བར་ཁྲིད་པའི་དགྲ། །མ་རིག་ལས་བྱུང་ཁྲོ་སྡང་སེམས། །ཀུན་སློང་མི་དགེ་འཐབ་རྩོད་བརྩོན། །དམག་འཁྲུགས་སྣ་འདྲེན་ལུས་ཅན་མནར། །ཡུལ་ཁམས་ཕུང་སྦྱོར་ལས་བྱེད་ཀུན། །སྡོང་ཟླ་སྣ་འདྲེན་བསྐལ་པའི་མེས། །འཇིག་རྟེན་སྲེག་བཞིན་ལྷག་མེད་དུ། །ཚིག་པར་མཛོད་ཅིག་ཛྭ་ལ་རཾ། །མེད་པར་མཛོད་ཅིག་ཛྭ་ལ་རཾ། །སྟོང་པར་མཛོད་ཅིག་ཛྭ་ལ་རཾ། །འབོད་རྦད་བསད་སྔགས་མང་བརྗོད་རྗེས། དམོད་བཅོལ་འདི་ཡིས་ཕྲིན་ལས་བཅོལ། ཧོ། དྲང་སྲོང་ཆེན་པོ་གཟའ་མཆོག་རཱ་ཧུ་ལ་འཁོར་གདོང་མོ་རྣམ་བཞི། སྤྲུལ་པའི་གཟའ་བརྒྱད། རྒྱུ་སྐར་ཉེར་བརྒྱད། ཕྱི་ནང་གསང་བའི་ལྷ་སྲིན་སྡེ་བརྒྱད་སྤྲུལ་པ་ཡང་འཁོར་དང་བཅས་པ་ཁྱེད་རྣམས་ཀྱིས་སྔོན་ཀུན་བཟང་རྡོ་རྗེ་འཆང་ཆེན་པོ། སངས་རྒྱས་རིན་ཆེན་སྙིང་པོ། གསང་བདག་ཕྱག་ན་རྡོ་རྗེ། སློབ་དཔོན་པདྨ་འབྱུང་གནས། ཀུན་མཁྱེན་དྲི་མེད་འོད་ཟེར། རིག་འཛིན་འཇིགས་མེད་གླིང་པ་རྣམས་ཀྱི་བཀའ་དང་དམ་ཚིག་དྲན་པར་མཛོད་ལ། སངས་རྒྱས་ཀྱི་བསྟན་པ་བཤིགས་པ། དཀོན་མཆོག་གི་དབུ་འཕང་སྨད་པ། བླ་མའི་སྐུ་ལ་བསྡོ་བ། རྣལ་འབྱོར་པས་བྱང་ཆུབ་སྒྲུབ་པའི་གེགས་སུ་གྱུར་པ། སེམས་ཅན་གྱི་བདེ་སྐྱིད་འཕྲོག་པ། འཇིག་རྟེན་ཁམས་སུ་འཁྲུགས་རྩོད་ཀྱི་གཞི་འདིང་ཞིང་སྣ་འདྲེན་པར་བྱེད་པའི་བསྒྲལ་བའི་ཞིང་བཅུ་དང་། ཉམས་པ་བདུན་ལ་གཏོགས་པའི་དགྲ་སྡེ་དཔུང་དང་ཟླ་དང་གྲོགས་དང་བཅས་པའི་རིགས་སུ་གྱུར་ཚད་དྲང་སྲོང་ཆེན་པོའི་མཐུ་སྟོབས་རྩལ་གྱི་མེ་དཔུང་ཆེན་པོས་མྱུར་བ་ཉིད་དུ་བསྲེག་པའི་ཕྲིན་ལས་མཛོད་ཅིག ཧཱུྃ། དྲང་སྲོང་གཟའ་མཆོག་རཱ་ཧུ་ལ། །གདོང་མོ་རྣམ་བཞི་སྤྲུལ་འཁོར་བཅས། །དགྲ་བགེགས་བསྒྲལ་བསྲེག་ལས་སྒྲུབ་པ། །མཐུ་སྟོབས་ནུས་རྩལ་ལྡན་ལ་བསྟོད།། ཡིག་བརྒྱས་ནོངས་པ་བཤགས། ཡེ་ཤེས་པ་རྟེན་ལ་བསྟིམ། དམ་ཚིག་པ་འབར་བའི་རྣམ་པར་གྱུར་ནས། བདག་ཡི་དམ་དུ་གསལ་བའི་ཞབས་གཡོན་དུ་ཐིམ་པར་བསམ། དགེ་བ་འདིས་མཐུས་བསྟན་འགྲོའི་དགྲ། །ལྷག་མེད་བཅོམ་ནས་ཕན་དང་བདེའི། །བསྐལ་པ་རྫོགས་ལྡན་གསར་པའི་ཚེ། །བསྟན་དང་འགྲོ་ལ་མངོན་པར་ཤོག །འདི་ཉིད་སྔགས་ཀྱི་རྣལ་འབྱོར་པ། །འཇིགས་མེད་ཕྲིན་ལས་འོད་ཟེར་ལ། །དྲང་སྲོང་གཟའ་མཆོག་རཱ་ཧུ་ལས། །སྤྲུལ་པའི་ཚུལ་དུ་གསུངས་ལྟར་བྲིས། །དགེ་བས་བསྟན་འགྲོའི་འཚེ་བ་ཀུན། །ལྷག་མེད་བཅོམ་ནས་སངས་རྒྱས་ཤོག ། དགེའོ།། གཏད་ཕྱུང་ངག་འདོན་ཟུར་བཀོལ།གཏད་ཕྱུང་ངག་འདོན་ཁོལ་དུ་ཕྱུང་བ་བཞུགས༔ རང་ཉིད་གསང་བའི་བདག་པོའི་སྐུར་གསལ་ཞིང་ཐུགས་ཀའི་ས་བོན་ལས་འོད་ཟེར་འཕྲོ་འདུས་དོན་གཉིས་བྱས༔ འཁོར་འདས་ལམ་གསུམ་གྱི་མཐུ་ནུས་སྟོབས་རྩལ་བདག་ལ་འདུས་པར་བསམ༔ ཨོཾ་བཛྲ་པཱ་ཎི་ཙནྜ་མ་ཧཱ་རོ་ཥ་ཎ་ཁྲོཾ་བཛྲ་ག་རུ་ཌ་ཧཱུྃ་ཕཊ༔ ཅི་ལྟར་ནུས་པ་དེ་བཞིན་བཟླ༔ མདུན་གྱི་རྟེན་གཞི་བསྐྱེད་པ་ནི༔ སྭ་བྷ་ཝས་སྦྱངས༔ སྟོང་པའི་ངང་ལས་མདུན་དུ་དྲང་སྲོང་སྨུག་ནག་འོད་འཕྲོའི་གཙོས་གཟའ་བརྒྱད་གདོང་མོ་བཞི་དང༔ གཡས་སུ་ཀླུ་བདུད་སྦལ་པ་མགོ་དགུ༔ གཡོན་དུ་སྲིན་པོ་རཀྴ་ཛྭ་ལ་སོགས་གཙོ་འཁོར་ཐམས་ཅད་སྐུ་མདོག་ཕྱག་མཚན་མ་འདྲེས་ཡོངས་སུ་རྫོགས་པ་བྱད་མ་རྦོད་གཏོང་ཐམས་ཅད་བཟློག་པའི་ལས་ལ་དཔའ་བ་ཞིག་ཏུ་བསྐྱེད་དོ༔ དེ་ལྟར་གསལ་བའི་དྲང་སྲོང་ཁྱབ་འཇུག་ཆེན་པོའི་ཐུགས་ཀ་ནས་ཀྵཿསྨུག་ནག་མེ་ཡི་རང་བཞིན་ཚ་ངར་ལྡན་པ་རྩ་སྔགས་ཀྱིས་བསྐོར་བ་བདག་གི་ཐུགས་ཀ་ནས་འོད་ཟེར་སྤྲིན་གྱི་ལྕུག་མ་ལྟར་འཕྲོས་པས་མདུན་བསྐྱེད་ལ་ཕོག༔ དེའི་ཐུགས་ཀ་ནས་འོད་ཟེར་ཚྭ་ལ་མྱུར་བ་ལྕགས་ཀྱུ་ལྟར་འཕྲོས༔ ཕྱོགས་བཅུའི་རྒྱལ་བའི་ཐུགས་རྒྱུད་བསྐུལ༔ མཐུ་སྟོབས་ནུས་པའི་དཔུང་བསྐྱེད་མཐུ་ནུས་བྱིན་རླབས་ཐམས་ཅད་བདག་ལ་ཐིམ༔ དྲེགས་པ་ཅན་རྣམས་ལ་ཕོག་པས་བདག་དང་བསྲུང་བྱའི་ལུས་ངག་ཡིད་གསུམ་བན་བོན་སྔགས་པས་བྱད་དུ་བཅུག་པ་དང་བཅིངས་པ་དང་སྡེ་བརྒྱད་ལ་གཏད་པ་ནུས་པ་བཤིགས་པ་ཐམས་ཅད་ཡོངས་སུ་འགྲོལ་བའི་ལས་ལ་ཆས་པར་བསྒོམ་ལ་གཏད་སྤྲུག་པར་བསམ༔ ཨོཾ་བཛྲ་པཱ་ཎི་ཙནྜ་མ་ཧཱ་རོ་ཥ་ཎ་ཧཱུྃ་ཧཱུྃ་ཕཊ༔ ཧྲཱིཿཤག་རུ་རག་རཾ་ནཱ་ག་ཙིཏྟ་ཏྲཾ་མ་མ་ཡོམ་ཟ་འགྲམ་ཧ་ཧ་ག་ཤ་ལ་ཛ་ཛ༔ ཅི་ནུས་བཟླས་མཐར༔ ལྷ་ལ་གཏད་པ་ཁྲོལ་ཁྲོལ༔ གཤིན་རྗེ་ལ་གཏད་པ་ཁྲོལ་ཁྲོལ༔ མ་མོ་ལ་གཏད་པ་ཁྲོལ་ཁྲོལ༔ བདུད་ལ་གཏད་པ་ཁྲོལ་ཁྲོལ༔ གཟའ་ལ་གཏད་པ་ཁྲོལ་ཁྲོལ༔ བཙན་ལ་གཏད་པ་ཁྲོལ་ཁྲོལ༔ རྒྱལ་པོ་ལ་གཏད་པ་ཁྲོལ་ཁྲོལ༔ ཀླུ་རྒྱལ་རིགས་ལ་གཏད་པ་ཁྲོལ་ཁྲོལ༔ ཀླུ་རྗེ་རིགས་ལ་གཏད་པ་ཁྲོལ་ཁྲོལ༔ ཀླུ་བྲམ་ཟེའི་རིགས་ལ་གཏད་པ་ཁྲོལ་ཁྲོལ༔ ཀླུ་དམངས་རིགས་ལ་གཏད་པ་ཁྲོལ་ཁྲོལ༔ ཀླུ་གདོལ་བའི་རིགས་ལ་གཏད་པ་ཁྲོལ་ཁྲོལ༔ ཀླུ་མོ་དུང་སྐྱོང་ལ་གཏད་པ་ཁྲོལ་ཁྲོལ༔ ཀླུ་མོ་འོད་ལྡན་ལ་གཏད་པ་ཁྲོལ་ཁྲོལ༔ ཀླུ་མོ་མཛེས་བྱེད་ལ་གཏད་པ་ཁྲོལ་ཁྲོལ༔ ཀླུ་མོ་ནོར་འཛིན་ལ་གཏད་པ་ཁྲོལ་ཁྲོལ༔ ཀླུ་མོ་འཆིང་སྡོམ་མྱོས་པའི་རིགས་ལ་གཏད་པ་ཁྲོལ་ཁྲོལ༔ ཀླུ་འཛིན་པ་ལ་གཏད་པ་ཁྲོལ་ཁྲོལ༔ ཀླུ་གྱོང་པོ་ལ་གཏད་པ་ཁྲོལ་ཁྲོལ༔ ཀླུ་ཞ་བོ་དང་འཕྱེ་བོ་ལ་གཏད་པ་ཁྲོལ་ཁྲོལ༔ ཀླུ་གླེན་པ་སྦུར་ལ་གཏད་པ་ཁྲོལ་ཁྲོལ༔ ཀླུ་འཆི་བདག་ནག་པོ་རྙབ་པ་ལག་རིང་ལ་གཏད་པ་ཁྲོལ་ཁྲོལ༔ ལྷ་ཀླུ་ས་བདག་འབྱུང་པོའི་ལག་ཏུ་གཏད་པ་ཁྲོལ་ཅིག༔ ཕྱེས་ཤིག་སྐྱོབས་ཤིག་སྭཱ་ཧཱ༔ ཞེས་ནུས་པ་མ་ཐོན་བར་དུ་བཟླའོ༔ ཡང་ན་བདག་མདུན་རྩ་སྔགས་གཤམ་དུ༔ བན་བོན་སྔགས་པའི་བསམ་སྦྱོར་ངན་པས་ལྷ་སྲིན་སྡེ་བརྒྱད་ལ་མནན་གཏད་བགྱིས་པ་ཕྱེས་ཕྱེས་ཁྲོལ་ཁྲོལ༔ ཆུ་མིག་མགོ་དགུའི་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ ཆུ་མིག་ལུ་མའི་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ གདོལ་བའི་མཚོ་དང་ཆུ་མིག་ལ་གཏད་པ་ཕྱེས་ཕྱེས་ཁྲོལ་ཁྲོལ༔ ས་གཉན་གདོང་སྣའི་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ བྲག་གཉན་སྲོག་ཆགས་གཟུགས་ཀྱི་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ ཤིང་གཉན་ལྷ་འདྲེའི་འདུས་རྫོང་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ མེ་གཉན་སྲེག་པའི་ཟོར་ལ་གཏད་པ་ཕྱེས་ཕྱེས་ཁྲོལ་ཁྲོལ༔ རླུང་གཉན་བསྐོར་བའི་གསེབ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ ལབ་རྩེ་གོང་གི་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ རྒྱ་མཚོ་དུག་རིགས་ཁ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ མཆོད་རྟེན་བྱིན་ཆེན་རྩ་ལ་གཏད་པ་ཕྱེས་ཕྱེས་ཁྲོལ་ཁྲོལ༔ ཅ་ཏི་ནག་པོའི་ཞབས་སུ་གཏད་པ་ཕྱེས་ཕྱེས་ཁྲོལ་ཁྲོལ༔ སྔགས་པའི་ཐུན་གཏོར་གདོང་ལ་གཏད་པ་ཕྱེས་ཕྱེས་ཁྲོལ་ཁྲོལ༔ འབྲུ་དྲུག་སྔགས་ཀྱི་མདུན་དུ་སྒྲུབ་པ་ཕྱེས་ཕྱེས་ཁྲོལ་ཁྲོལ༔ ཏིང་འཛིན་དགོངས་པའི་གཟེར་གྱིས་བཅིངས་པ་ཕྱེས་ཕྱེས་ཁྲོལ་ཁྲོལ༔ མི་སྲུན་གདུག་པའི་དབལ་གྱིས་གཟིར་བ་ཕྱེས་ཕྱེས་ཁྲོལ་ཁྲོལ༔ བྱད་གཏད་མནན་པའི་ལས་ཀ་ཕྱེས་ཕྱེས་ཁྲོལ་ཁྲོལ་སྭཱ་ཧཱ༔ ཡང་ན་འདི་བཞིན་བཟླས༔ ལྷ་ཡིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ ཀླུ་ཡིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ གཤིན་རྗེས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ གཟའ་ཡིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ བཙན་གྱིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ བདུད་ཀྱིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ རྒྱལ་པོས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ ཐེ་བྲང་གིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ དབང་ཕྱུག་ཡབ་ཡུམ་གྱིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ ཕྲ་མེན་རིགས་བཞིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ མུ་སྟེགས་ངན་སྔགས་མཁན་གྱིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ ནང་པ་སངས་རྒྱས་པས་སྤར་བུ་བསྐོར་བའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ ཞང་ཞུང་བོན་པོས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ རྒྱ་གར་ཨ་ཙ་ར་ཡིས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ ཁྲི་འཕོས་དམོད་པའི་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ དམ་ལང་དགྲ་བགེགས་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ བིར་ཡ་དགྲ་བགེགས་བྱད་མ་རྦོད་གཏོང་ཁྲོལ་ཅིག་བཟློག་བྷྱོ་ཕཊ༔ མི་དང་མི་མ་ཡིན་པའི་དགྲ་བགེགས་བྱད་མ་རྦོད་གཏོང་ཁྲོལ་ཅིག་བཟློགབྷྱོ་ཕཊ༔ བྱད་ཐམས་ཅད་ཕྱེ་ཕྱེ༔ གཏད་ཐམས་ཅད་ཕྱུང་ཕྱུང༔ བཅིངས་པ་ཐམས་ཅད་ཁྲོལ་ཁྲོལ༔ དེ་ནས་དེ་རྗེས་མན་ངག་བྱད་འགྲོལ་ཡང་སྙིང་ཟབ་མོ་ཅི་ནུས་གདོན་པ་མན་ངག་ཟབ་བོ༔ ས་མ་ཡཱ༔ རྒྱ་རྒྱ་རྒྱ༔ གསང་བདག་རྡོ་རྗེ་གཏུམ་པོ་དང་བཀའ་སྲུང་ཁྱབ་འཇུག་ཆེན་པོའི་སྒོ་ནས་བྱད་གཏད་བཀྲོལ་བའི་མན་ངག་གི་ལག་ལེན་ཟིན་བྲིས་མཐོང་བ་ཀུན་གསལ་ཆ་མདའ་རབ་བློས་མཛད་པ།༄༅། བཀའ་འདུས་ཆོས་ཀྱི་རྒྱ་མཚོའི་ཆོས་ཚན་གསང་བདག་རྡོ་རྗེ་གཏུམ་པོ་དང་བཀའ་སྲུང་ཁྱབ་འཇུག་ཆེན་པོའི་སྒོ་ནས་བྱད་གཏད་བཀྲོལ་བའི་མན་ངག་གི་ལག་ལེན་ཟིན་བྲིས་མཐོང་བ་ཀུན་གསལ་བཞུགས་སོ།། ༄༅། ན་མོ་གུ་རུ་དྷེ་ཝ་ཌཱཀྐི་ནི། ཆོས་ཉིད་ཞི་ལས་མ་གཡོས་ཀྱང་། །སྙིང་རྗེའི་འདུལ་དཀའ་འདུལ་བའི་གཉེན། །གསང་འཛིན་ལག་ན་རྡོ་རྗེ་དང་། །བཀའ་ཉན་ཁྱབ་འཇུག་ཆེན་པོའི་སྒོས། །བྱད་གཏད་མནན་གསུམ་བཀྲོལ་བའི་ཚེ། །བླ་མ་དབུ་མཆོད་རྣམ་གསུམ་ལ། །མཁོ་བའི་བཅའ་གཤོམ་མདོས་བྲན་སོགས། །ཡོ་བྱད་ལག་ལེན་འདོན་འགྲིགས་ཀྱི། །ཟིན་བྲིས་མཐོང་བ་ཀུན་གསལ་བྲི། །ལྷ་དང་བླ་མས་གནང་བ་སྩོལ། །ཞེས་མཆོད་པར་བརྗོད་པས་མདུན་བསུས་ནས། དེ་ལ་འདིར་ཐོག་མར་བཅའ་གཤོམ་གྱི་རིམ་པ་ལ་དང་པོ་ནི། ཡར་གཞི་དཀྱིལ་འཁོར་རྡུལ་ཚོན་ནམ༔ རས་བྲིས་ཚོམ་བུ་གང་རུང་དབུས༔ ལྕགས་སམ་བྷནྡྷའི་སྣོད་ནང་དུ༔ དྲག་པོའི་གཏོར་མ་ཐོག་མདེལ་དབྱིབས༔ རང་འདྲའི་འཁོར་བཞི་དེ་མཐར་བཅུ༔ ཕྱོགས་བཞིར་བཞི་བཞི་བཅུ་དྲུག་ལ༔ མེ་རི་རྒྱན་ལྡན་དར་ནག་གདུགས༔ གཏུམ་པོའི་སྐུ་བཙུགས་གཡས་གཡོན་དུ་སྨན་རཀ གང་བདེར་ཚེ་རིལ་ཚེ་ཆང་མདའ་དར་བུམ་པ་འགོད། གཡས་སུ་བཀའ་སྲུང་སྡེ་བརྒྱད་ཀུན་འདུས་པའི༔ གཟའ་གཏོར་སྣོད་གཙང་ལྕགས་སམ་བསེ་ཕོར་དུ༔ བཤོས་བུ་དམར་ནག་གཡས་གཅུས་གྲུ་གང་གཙོ་འཁོར་དགུ༔ མཚམས་སུ་སྐྱུ་གུ་བརྒྱད་དང་རིལ་བུ་བརྒྱད༔ སྨན་རཀ་ལིང་དམར་སྙིང་དང་རྒྱུ་ཞགས་དང༔ མེ་རི་མིག་མང་རིས་ཀྱིས་བརྒྱན༔ མདུན་དུ་བསྐང་གཏོར་རྒྱས་པར་བཤམས༔ དར་ནག་སྐུ་རྟེན་བླ་རྡོ་བཅིང༔ དེ་མཐར་རྟ་གཡག་རྔ་མོང་བྱ༔ གསེར་བརྡར་ཤ་ཆང་དཀར་དམར་གསུར༔ གཡོན་དུ་བསྐུལ་གཏོར་ནག་པོ་སྲིན་ཞལ་ཅན་མིག་དགུ་བཏོད་ལ་མཚེ་ཡུངས་རྩང་མེ་རི་དཔལ་འབར་རུ་མཚོན་བརྒྱན། ཆོས་སྐྱོང་ཕོ་རྒྱུད་མོ་རྒྱུད་ཀྱི་གཏོར་མ་གཡས་གཡོན་དག་ཏུ་འགོད། བང་རིམ་གོང་མར་རྩ་གསུམ་དང་ཆད་བསྟན་ཕུར་བུ་གདན་བཅས་བསྒྲལ་ཆས་འགོད། བང་རིམ་འོག་མར་ཞི་དྲག་གི་མཆོད་པ་རྣམ་ལྔ་སྤྱི་ལྟར་རོ། །གཞན་ཡང་སྔོན་གཏོར་རྒྱུན་གཏོར་དང་། ཚོགས་རྫས་ཆད་བསྟན་གང་དགོས་བསགས། དེའི་མདུན་དུ་བཟློག་དཀྱིལ་ནི། དུར་ཁྲོད་འཇིགས་སུ་རུང་བའི་སར༔ དྲང་སྲོང་སྒྲུབ་པའི་རྣལ་འབྱོར་བས༔ དུར་ཁྲོད་ས་ལ་དཀྱིལ་འཁོར་ནི༔ མདའ་གང་མཎྜལ་དུག་ཁྲག་གིས་སྦགས་པའི། མ་ཊཾ་ལྟོ་བར་ཐིག་གདབ་རྗེས༔ དབུས་སུ་ཆོས་འབྱུང་ཀྵཿཡིག་མཚན༔ དེ་ཕྱིར་རྩིབས་བརྒྱད་དེ་ཡི་ཕྱིར༔ རྩིབས་བཞི་རྩིབས་མཆན་རྣམས་སུ་ནི༔ ཀྵཿབརྒྱད་གདོང་བཞི་རྒྱུ་སྐར་གྱི༔ མིང་ཡིག་དང་པོ་ས་བོན་འབྲི༔ ཡང་ན་ཚོམ་བུ་འགོད་ཀྱང་རུང༔ ཁྱམས་སུ་དུར་ཁྲོད་མེ་རྡོ་ར༔ དེ་སྟེང་མཉྫུའི་ཁྲིའུའི་ཁར༔ ཐོད་པ་འམ་ནི་ལྕགས་སྣོད་དུ༔ ཁྱབ་འཇུག་གཏོར་མ་ཐོག་དབལ་དབྱིབས༔ ལྷ་གྲངས་གཙོ་བོར་སྲིན་ཞལ་མཚན༔ མེ་རི་ལིངྒ་བྱ་དམར་དང༔ རྩང་དང་རྒྱུ་མའི་ཞགས་པས་དཀྲིས༔ རུ་མཚོན་རྒྱན་ལྡན་དེ་ཡི་རྩེར༔ ཁྱུང་བཙུག་སྨན་རཀ་དྲག་མཆོད་བཤམས༔ དབུས་སུ་ཆོས་འབྱུང་དབུས་སུ་ཧོམ༔ དགྲ་བོའི་ལིངྒ་སྤྱི་ལྟར་ལ༔ ཆས་གཞུགས་ལ་སོགས་གནད་ལྡན་བྱ༔ རྣལ་འབྱོར་སྔགས་པའི་ཆས་སུ་ཞུགས༔ མདུན་བསྐྱེད་མདོས་ཀྱི་བཅའ་བྲན་སྐོར་ལ༔ དང་པོ་མདོས་ཆེན་ཤིང་སྒྲོམ་ཁ་ཁྱེར་ཐོད་སྐམ་མི་མགོའི་སྐུ་མཁར་ཅན་གྱི་ནང་དུ་མ་ཊཾ་ལྟོ་བར་དཀྱིལ་འཁོར་ལིང་ཚེ་དགུ་པའི་དབུས་སུ་ཆུ་སྲིན་མི་བཟད་རྔམ་པའི་སྟེང་དུ་དྲང་སྲོང་སྨུག་ནག་དབུ་དགུ་བྱ་རོག་གི་མགོ། སྐུ་སྟོད་ལྷ་ཡི་ལུས་ལ་སྤྲིན་དམར་རླུང་དང་གཡང་གཞི། སྐུ་སྨད་སྦྲུལ་མཇུག་སྔོ་ཁྲ་གཡས་འཁྱིལ། ཕྱག་བཞིའི་དང་པོ་གཉིས་མདའ་གཞུ། ཐ་གཉིས་རལ་གྲི་ཆུ་སྲིན་ཀྱི་རྒྱལ་མཚན། ཤར་དུ་པ་ཝ་སངས་ནག་སྨུག་ཞབས་གཉིས་བཾ་གྱི་གདན་ལ་བརྗིད་ཅིང་ཞལ་གདངས་སྤྱན་བསྒྲད་མཆེ་བ་གཙིགས་པ་རལ་པ་དམར་སེར་གྱེན་དུ་འཕྲོ་བ། ལག་གཉིས་དབྱུག་པ་བགྲང་ཕྲེང་ཅན། ལྷོར་ཕུར་བུ་ལྗང་སྔོན་སེང་ལྕམ་དཀར་མོ་ཆིབས་ཤིང་ཨམ་གཙིགས་བསྡམ་ཞིང་སྨ་ར་སྨིན་མ་མེ་ལྟར་འབར་བ། ལག་གཉིས་རལ་གྲི་པོ་ཏི་ཅན། ནུབ་ཏུ་དམག་དཔོན་དམར་པོ་ཨམ་གཙིགས་བསྡམ་ཞིང་མ་ཧེ་ཁམ་པའི་སྟེང་ན་ཕྱེད་སྐྱིལ། ཕྱག་གཉིས་བཙན་མདུང་ཞགས་པ་ཅན་ནོ། །བྱང་དུ་སྤེན་པ་སེར་ནག་རླུང་ནག་ཆིབས་ནས་གར་སྟབས་ཀྱིས་བཞུགས་པ་ཕྱག་གཉིས་ཁྲམ་ཤིང་རྒྱུ་ཞགས། ཤར་ལྷོར་ཉི་མ་དམར་སེར་རླུང་ལྷའི་རྟ་ལ་ཆིབས་པ། ཕྱག་གཉིས་མདུང་དར་ལྗོན་ཤིང་། ལྷོ་ནུབ་ཟླ་བ་དུད་ཁ་སྦྲུལ་ཆུན་ཟླ་བ་སེར་པོའི་རྟ་ལ་ཆིབས་པ། སྨན་འབྲུ་མེ་སྒྲོན་བསྣམས་པ། ནུབ་བྱང་ལྷག་པ་ནག་པོ་རེ་འབྱམས་ཆིབས་ནས་ཟུར་ཞལ་གཡོན་གཟིགས་དབུ་སྐྲ་སྦྲུལ་གྱི་ཆུན་པོས་བརྒྱན་པ། ཕྱག་གཉིས་ཕུར་བུ་གཏུན་ཤིང་བསྣམས་པ། བྱང་ཤར་སྒྲ་གཅན་འཛིན་སྐུ་མདོག་དུད་ཁ། ཕྱག་གཉིས་རྭ་ཡི་མདའ་ཞུ་འགེང་བ་མི་ལྤགས་གཡང་གཞི་གྱོན་པ། ཞབས་གར་སྟབས་གློག་འོད་ཆིབས་པའོ། །ཕྱོགས་བཞིར་གདོང་མོ་བཞི་ནི། ཟོར་གདོང་ཁྱིམ་བྱའི་མགོ། དྲེད་གདོང་། གླང་གདོང་། ཆུ་སྲིན་གདོང་བཞིའོ། །རྒྱུ་སྐར་ཉེར་བརྒྱད་སྡེ་བརྒྱད་མགྲོན་ཐབས་ལྷ༔ དམར་གཏོར་གཡས་གཅུས་སྐྱུ་གུ་ནི༔ གྲངས་སུ་བསགས་པ་མན་ངག་ཡིན༔ གཡས་སུ་ཡབ་ཀླུ་བདུད་སྦལ་མགོ་ཁྲག་མིག་སྐུ་སྟོད་དུད་འགྲོའི་གཟུགས་ལ་སྐུ་སྨད་སྦྲུལ་མཇུག ལག་གཉིས་རྭ་ཡི་མདའ་གཞུ་འགེང་བ་མ་ཧཱ་གསེར་གྱི་རུས་སྦལ་གྱི་སྟེང་དུ་སྦྲུལ་མཇུག་གཡོན་དུ་འཁྱིལ་བ། གཡོན་དུ་ཡུམ་སྲིན་མོ་རཀྴ་ཛྭ་ལ་མི་སྲུན་གཏུམ་པ་ཞལ་གདང་མཆེ་གཙིགས་སྤྱན་བསྒྲད་ཞབས་གཉིས་དམ་སྲི་ཕོ་མོའི་སྟེང་ན་སྒེག་པ། ཕྱག་གཉིས་ཐུན་དང་ནད་རྐྱལ་བསྣམས་པའོ།། དེ་ནས་ཕྱིའི་རྟེན་གཞི་རི་རབ་གླིང་བཞི་མི་མགོའི་ཕོ་བྲང་གི་སྟེང་དུ་ཁང་བཟང་དེ་སྟེང་རྩང་བྲན། སྟེང་དུ་གདུགས་ཆེན་རྩིབས་མ་བཅུ་དྲུག་དང་ཁྱུང་ཚང་། ཕྱོགས་བཞིར་དཔལ་བེའུ་གྱེན་འགྲེང་ཕྱོགས་མདོག་བཞི། དེ་སྟེང་ཙིཏྟ་ཐུགས་ནམ། དེ་སྟེང་གཙོ་བོའི་ཞལ་ནམ་སྨུག་ནག་འཛུག༔ རྒོད་སྒྲོ་དར་འཕན་སོགས་ཀྱིས་བརྒྱན། ཁང་བཟང་དཀྱིལ་དུ་ཕྱག་མཚན་མདའ་གཞུ་རྒྱལ་མཚན་བྲན་ལ་དངོས་གྲུབ་ཀྱི་རྟེན་དུ་བཞག ཤིང་སྒྲོམ་ཟུར་བཞིར་ནམ་ཕྱེད་ཕྱོགས་མདོག་འཕུར་བྱེད་གཤོག་པ་བཞི། འགྲོ་བྱེད་རྐང་པ་བཞིའི་ཤིང་སྒྲོམ་མདུང་བཞིའོ།། ཕོ་བྲང་གི་ཁ་ཁྱེར་ཕྱོགས་མཚམས་བརྒྱད་དུ་ནམ་མཁའ་གླིང་བཞི་མ་བརྒྱད་ཆེ་བ༔ ཕོ་བྲང་གི་འདབས་སུ་མགྲོན་ཐབས་ཀྱི་ལྷ་སྡེ་བརྒྱད་དང་། གཡས་གཡོན་དུ་ཡབ་ཡུམ་སྦལ་མགོ་རཀྴ་ཛྭ་ལ་རྣམས་ལ་ནམ་མཁའ་འབྲིང་པོ་ཕྱེད་དཀར་ཕྱེད་ནག་བཅུ། ཤིང་སྒྲོམ་གྱི་ཁ་ཁྱེར་ལ་དཔལ་མགོན་བདུན་ཅུ་ལ་ནམ་མཁའ་ཆུང་བ་བདུན་ཅུ་འཛུགས། ཤིང་སྒྲོམ་ནང་དུ་དྲེགས་པའི་སྡེ་དཔོན་སུམ་ཅུའི་རྒྱང་བུ་འཇའ་རིས་འདོད་གསོལ་ཅན་རྒྱས་བསྡུས་ཅི་རིགས་པ་བཙུག་གོ ། ༈ ཁྲམ་ཕྱི་བརྡར་གྱི་བྱང་བུ་དམར་ནག་རྣམས་ལ། དྲང་སྲོང་ཁྱབ་འཇུག་འོད་འཕྲོ་དང་རྩ་གསུམ་སྲུང་མའི་ཡོན་བདག་མིང་འདི་ཞེས་བྱ་བ་ཁྲམ་ལ་ཐེབས་སོ།། རྒྱབ་དམར་པོ་བྱ། ལྷ་ཁྲམ་ཡིན། གཅིག་ལ་ཁྲམ་རིས་བྲི། རྒྱབ་ནག་པོ་བྱ། བདུད་ཁྲམ་ཡིན། ཁྲམ་ཡིག་དང་ཁྲམ་རིས་གཉིས་ངོ་སྤྲོད་ལ་བསྣོལ་རྩང་ཐུར་གཉིས་རེ་བཅས་ཚོན་སྐུད་སྣ་ལྔས་བཅིངས་ལ་དེ་ལྟར་གཟའ་ཡི་ཁྲམ་དྲུག སྡེ་དཔོན་ཁྲམ་བསྡུའི་གཤིན་རྗེའི་ཁྲམ་གཅིག གཞན་ཉེར་དགུ་ལ་ཁྲམ་གཅིག་བཅས་ཁྲམ་བརྒྱད་པོ་ཤིང་སྒྲོམ་ནང་ཕྱོགས་དང་མཚམས་ལ་བཀྲམ་སྟེ་བཞག་གོ། །བླ་བསླུའི་རྟེན་རིན་པོ་ཆེའི་གའུའི་ནང་དུ་ཡོན་བདག་གི་བླ་ཟོག་གང་ཡིན་གྱི་གཟུགས་ཤོག་གུར་བྲིས་ཏེ་བཅུག ཚོན་སྐུད་ཀྱིས་བཅིང་ལ་ཤིང་སྒྲོམ་ནང་བཞག ཚོན་སྐུད་སྣེ་མོ་ཁང་བཟང་ལ་བཏག་གོ ། བླ་ཟོག་དཔེར་ན་ཝ་ཤུལ་ལྟ་བུ་ལ་ཤ་བ། མར་པ་རྐྱང་། རུས་མི་གོ་བ་དང་རྒྱུས་མེད་པ་རྣམས་ལྡོང་ལ་སྨོས་ཞེས་ས་ཁམས་ཤ་བ་ཡིན་པས་ཤ་བ་བྲིས་ལ་བཞག་གོ ། གཡས་སུ་ཀླུ་མདོས་བཅའ་བྲན་ལ༔ ཤིང་སྒྲོམ་ཁ་ཁྱེར་སྐྱེད་ཚལ་དང༔ ལྗོན་ཤིང་པ་ཏྲས་བརྒྱན་པའི་དབུས༔ རཏྣའི་གཞོང་པ་འབྲུ་ཡིས་བཀང༔ དཀར་དམར་སྨན་གྱི་ཕྱེ་ཟན་ལ༔ རི་རབ་བང་རིམ་བཞི་པའི་སྟེང༔ མ་ཧཱ་གསེར་གྱི་རུ་སྦལ་བཀོད༔ མཐའ་ལ་མཚོ་རྫིང་ལྟིང་ཀ་ཤིང༔ སྟེང་དུ་པདྨ་འདབ་བརྒྱད་དབུས༔ ཀླུ་རྒྱལ་མཐའ་ཡས་ཞལ་གཅིག་ཕྱག་བཞིའི་དང་པོ་གཉིས་ཐལ་སྦྱར་བར་ཡིད་བཞིན་ནོར་བུ། གཡས་འོག་སྙན་ཐད་པདྨ་འཛིན། གཡོན་འོག་ནེའུ་རྐྱལ་པུས་སྟེང་། སྐུ་མདོག་ལྗང་གསལ་སྦྲུལ་མགོ་འབར་བ་སྟོང་གི་གདེང་ཀ སྐུ་སྟོད་དར་དང་པད་སྔོན་སྟོད་གཡོག སྐུ་སྨད་ལྟོ་འཕྱེ་གདུག་པ་སེར་ཁྲ་རུས་སྦལ་པད་སྟེང་གཡས་སུ་འཁྱིལ་བ། དེ་མཐར་ཀླུ་བདུན་རང་གཟུགས་སམ་ཡང་ན་ཀླུ་བཤོས་བདུན་གྱིས་བསྐོར། དེའི་མཐར་བཤོས་ཟླུམ་བཅུ། འབྲང་རྒྱས་བརྒྱད་ཀྱིས་ལེགས་པར་བསྐོར། སྤར་ཁ་སྨེ་བ་བླ་ཁམས་སོགས། ས་བདག་ལྷ་ཀླུའི་བཅའ་བཤོས་དང་། ཀླུ་ནོར་ཉེར་གཅིག་ནི། སྦྲུལ། ཉ། ལྕོང་མོ། སྨྲིག་བུ། རྩང་པ། དུང་། ཆུ་སྲིན། རུས་སྦལ། སྡོམ། སྡིག་པ། རྟ་བླ། མགྲོན་བུ། ཉ་ལྕིབས། ཆུ་རྟ། ཆུ་ལུག ཆུ་ར། ཆུ་བྱ། སྲམ། ཆུ་སྲེག ཆུ་བྱི། ཆུ་གླང་སྟེ་ཉེར་གཅིག་འགོད། དཀར་གསུམ་མངར་གསུམ་རིལ་བུ་དང༔ ཤེལ་ཚིགས་འབྲུ་སྣའི་རིགས་བྱེད་བསགས༔ ཀླུ་གཉན་གནས་པའི་ས་སྣ་དང༔ མཚོ་དང་ཆུ་མིག་ཆུ་སྣ་བསྡུས༔ འབྲི་བརྒྱའི་མར་ཆུར་ཞིང་བརྒྱའི་འབྲུ༔ མི་དཔོན་དབང་ཐང་བསོད་ནམས་ཆེ༔ ལས་བསླང་དཀོར་རྫས་གཡང་རྟེན་བསགས༔ ཀླུ་ཡི་སྐྱེད་ཚལ་ནང་དུ་བླུགས༔ ཕྱི་རུ་ཀླུ་ཡི་ཁང་བཟང་ནི༔ དཔལ་བེའུ་དགུ་ཐོག་ཕུབ་པའི་སྟེང༔ ནམ་ལྔ་ཙིཏྟ་ཐུགས་དང་ནི༔ ཡིད་བཞིན་ནོར་བུའི་ཏོག་གིས་སྤྲས༔ ཀུན་ལ་རྩང་བྲན། མཐའ་ལ་འདོད་རྫས་སྣ་བདུན་དང༔ རྫས་རྟགས་རང་མཐུན་རྒྱང་བུ་མཛེས༔ ཕྱིའི་མཆོད་རྫས་རྒྱང་བུ་འཇའ་རིས་བཅུ། ཀླུ་བརྒྱད་ཕྱག་མཚན་རྒྱང་བུ་བརྒྱད། ཀུན་ལ་རང་མཐུན་འདོད་གསོལ་བྲིས༔ ཤིང་རྩི་དར་ཚོན་བལ་གྱིས་བརྒྱན༔ ཤོག་ཤོག་དུང་ཚེ་ཀླུ་སྨན་བསགས༔ གཏང་རག་རྒྱང་བུ་སོགས་ཀྱང་བྲི༔ ལྷོ་ཕྱོགས་ཀྱི་གཡོན་དུ་གཤིན་རྗེའི་བཅའ་བཤམས་ནི། གཤིན་རྗེའི་ཤིང་སྒྲོམ་ཁ་ཁྱེར་ལ་ཙི་བྷ་ར་དང་པ་ཏྲ་དྲྭ་ཕྱེད་ཁང་བཟང་རྩེར་ནམ་མཁའ་ལྔ་བྲན་ནོ། །ཕྱོགས་བཞིར་ནམ་མཁའ་ཕྱོགས་མདོག་དང་ཟུར་བཞིར་ནམ་ཕྱེད་བཞི་དང་ཕོ་བྲང་གི་ཁ་ཁྱེར་ལ་ནམ་མཁའ་ཁོང་ནག་གསུམ་བྲན་པའི་ནང་དུ། གཞི་མའི་སྟེང་དུ་མ་ཊཾ་གཟུགས༔ བཀོད་པའི་སྟེང་དུ་གཤིན་རྗེ་ནི༔ ཨ་ཝ་གླང་མགོ་སྨུག་ནག་རྔམ༔ ཨམ་གཙིགས་སྤྱན་གསུམ་ཁྲོ་གཉེར་ངོམ༔ དམར་སེར་རལ་པ་གྱེན་ཏུ་འཁྱིལ༔ ཕྱག་གཉིས་ཁྲམ་ཤིང་ཞགས་པ་བསྣམས༔ འདོར་སྟབས་མ་ཊཾ་སྙིང་གར་བཀོད༔ གཡས་སུ་རཀྴ་ཕག་གི་མགོ༔ སྔོན་པོ་ཁྲམ་ཤིང་ཞགས་པ་བསྣམས༔ གཡོན་དུ་སྲོག་བདག་སྦྲུལ་མགོ་དམར༔ ཕྱག་གཉིས་ཁྲམ་ཤིང་ཞགས་པ་བསྣམས༔ མ་ཊཾ་ཡན་ལག་རྣམ་བཞི་ལ༔ ལོ་སྐོར་བཅུ་གཉིས་གཟུགས་བརྙན་བཀོད༔ ཕྱོགས་བཞི་ཕྱོགས་མདོག་མཚམས་བཞི་སེར༔ མཐའ་ལ་འདོད་རྫས་རྒྱང་བུ་ནི༔ སྐྱ་སེར་བུད་མེད་སོགས་ཀྱི་རྒྱང་བུ་དང༔ ལྷ་རྫས་རོལ་མོའི་རིགས་བྱེད་གོ་མཚོན་ཚོགས༔ མདའ་འཕང་བུད་མེད་རྒྱན་གྱི་ཆས༔ རིན་ཆེན་རིགས་བྱེད་རི་དྭགས་ཚོགས༔ ཡང་དག་ཁང་བཟང་འཇའ་རིས་སོགས༔ བཟའ་བཅའ་བཏུང་བའི་ཚོགས་ཀྱི་རྒྱང་བུས་སྐོར༔ ནང་དུ་ལན་ཆགས་སྐྱུ་གུ་གྲངས་མེད་བསགས༔ དེའི་མདུན་སྐུ་གླུད་མདོས་ཀྱི་བཅའ་གཤོམ་ནི། ཤིང་སྒྲོམ་ནང་དུ་ཡོན་བདག་དང༔ སྐྱ་སེར་བུད་མེད་ཨ་རྒོང་བཀོད༔ གོས་རྒྱན་ལོངས་སྤྱོད་དུ་མས་སྤུད༔ ཕོ་མོ་གང་ཡིན་རང་ཆས་ཀླུབ༔ ཕོ་ཤིང་མོ་ཤིང་ཟུང་ལ་ནི༔ རང་ལོའི་གྲངས་ཀྱི་ཁྲམ་རིས་བཀོད༔ གཟུགས་ཀྱི་ཕྲག་གོང་དག་ཏུ་དགོད༔ དེ་ཡི་ལོགས་སུ་གཏོར་མ་དང༔ འབྲུ་ཆན་ཆང་བུ་རིལ་བུ་སོགས༔ མཁོ་དགུའི་འབྱོར་ཚོགས་རྒྱ་མཚོར་བཤམས༔ དེ་ཕྱིར་ཁང་བཟང་རྩེར་ནམ་ལྔ༔ མཐའ་ལ་ཕོ་མོའི་རྒྱང་བུས་བསྐོར༔ ཀུན་ལ་ཤོག་ཤོག་དུང་ཚེ་ཤོག་འཕན་བྱ་རིགས་སྣ་ཚོགས་སྒྲོ་དང། དར་ཟབ་འཕན་གདུགས་སྣ་ཚོགས་དང་། དེ་ནས་ཡོ་བྱད་དགོས་རིགས་ནི། མདོས་ཆེན་ཀླུ་མདོས་གཤིན་རྗེ་གསུམ་ལ་མདོས་གདན་གསུམ། མདོས་སྙིང་གསུམ། རས་ཆ་དང་། གཅན་གཟན་པགས་རིགས་སོགས་འཆི་བའི་སྲོག་རིན་ལྟ་བུའི་འབྱོར་ཚད་བསགས། རྫས་འབུལ་གདན་གསུམ་མམ་གཅིག འབྲུ་སྣ་འབྲུ་ཆན་སྣ་ཚོགས། གླུད་ལ་དམིགས་རྟེན་དང་ཞྭ་གོས་ལྷྭམ་གསུམ། མཐའ་དཀྲིས་གསུམ། མདོས་ཀྱི་བཅའ་སྒྲོན་དང་མདོས་སྒྲོན། ཉིན་བཞིན་མདོས་ཁ་གསོ་རྫས་མདོས་གཡག་མདོས་ལུག ཁྲམ་ཕྱིས་ལ་ཁྲམ་གདན་གཉིས། ཁྲམ་ཕྱི་བ་ལ་གཅན་གཟན་པགས་པ་སྣ་དང་སྡེར་བཞི་མ་ཉམས་པ། ཁྲམ་སྣེ་བཟློག་ཕྱིར་ཚོན་སྐུད་བཅད་པ་དང་ཁྲམ་བཅགས་ཕྱིར་སྟྭ་རེ་དང་རལ་གྲི། སྨན་དང་དུག་གི་ཟང་ང་གཉིས། ཁྲམ་བཀྲུ་རྫས་བལ་འདབ་དཀར་ནག་གཉིས། དྲི་བཟང་དང་སྨན་སྣ་ཚོགས། དུག་རིགས་དགུ་ལ་སོགས་པའི་དུག་སྣ་ཚོགས་བསགས་དགོས་སོ།། མདོར་ན་རྒྱུ་བསོད་ནམས་ཀྱི་ཚོགས་མ་རྫོགས་པར་འབྲས་བུ་ཡེ་ཤེས་ཀྱི་ཚོགས་མི་རྫོགས་པས། རྟེན་འབྲེལ་རྫས་ཡིན་པས་ཚང་དགོས། ནུས་པ་སྔགས་ཡིན་པས་ཐེངས་དགོས་ཟེར་བ་ལྟར་ཡོན་མཆོད་གཉིས་ཀྱི་སེམས་ལ་ངེས་པར་གནད་ལ་ཐེང་པར་བྱ་དགོས་སོ། །དེ་ཡན་ཆད་ཀྱིས་བཅའ་གཤོམ་མདོས་བྲན་གྱི་རིམ་པ་མདོར་བསྡུས་ཙམ་སོང་ནས། ད་ནི་མདོས་རྣམས་སོ་སོ་ལ། བསྐང་རྫས་འདོད་རྫས།་གླུད་རྫས་འབུལ། དང་པོ་མདོས་ཆེན་མདུན་དུ་ཁྲིའུའི་ཁར། མཆོད་གདན་སྟེང་དུ་སྨན་རཀ་གཏོར་གསུམ་བཤམས། དེའི་མདུན་དྲག་པོའི་རྣམ་ལྔའི་མཆོད་པ་བཤམས། འབུལ་རྫས་སྨན་རཀ་གཏོར་གསུམ་ཉེར་དགུ་རེ། དཀར་གཏོར་སྐྱུ་གུ་བཅས་པ་ཉེར་དགུ་རེ། ཆན་དང་འབྲུ་སྣ་ཤ་སྣ་མདོས་རྫས་ཉེར་དགུ་རེ། ལན་ཆགས་ཐེབ་ཀྱུ་དང་བཅས་ཉེར་དགུ་བཤམས། མགྲོན་ཐབས་ཀྱི་ལྷ་རྣམས་ལ་གསེར་སྐྱེམས་དང་དཀར་གཏོར་བདུན། གཡས་ཀྱི་བཀའ་ཉན་ལ་སྐྱེམས་ལ་ཀླུ་སྨན་བཏབ་པ་དང་ཀླུ་བཤོས། གཡོན་གྱི་བཀའ་ཉན་ལ་ཁྲག་གི་གསེར་སྐྱེམས་དང་དམར་གཏོར། དཔལ་མགོན་བདུན་ཅུ་ལ་གསེར་གཡུའི་སྐྱེམས་དང་དམར་གཏོར། ལིང་རོའི་ལྷག་མ་འམ་ལིང་ཆུང་འབུལ་བར་བྱའོ། བདུག་རྫས་སྤོས་དཀར་ར་ཚིལ། དེ་ནས་ཀླུ་མདོས་མདུན་དུ་ཅོག་ཁྲིའི་སྟེང་མཆོད་གདན་བཏང་བའི་སྟེང་མཆོད་པའི་རིམ་པ་ནི། དང་པོ་རྣམ་ལྔ། གཉིས་པ་ཀླུ་སྨན། གསུམ་པ་དཀྱིལ་འཁོར་མཆོད་རྫས། བཞི་པ་སྨན་སྣ་ཚོགས། ལྔ་པ་མེ་ཏོག་སྣ་ཚོགས། དྲུག་པ་དཀར་གསུམ། བདུན་པ་མངར་གསུམ། བརྒྱད་པ་ཤིང་རྩི། དགུ་པ་དར་ཚོན། བཅུ་པ་རིན་ཆེན་སྣ་ཚོགས། བཅུ་གཅིག་པ་ཀླུ་གཏོར། བདུག་རྫས་དྲི་བཟང་། ཉིན་ཐ་མར་གཏང་རག་རྒྱང་བུ། ཀླུ་སྨན། སྐྱེམས། ཀླུ་གཟུགས་སམ་ཡང་ན་ཀླུ་བཤོས་རྒྱབ་ཡོལ་མ་སྔོན་པོ་སྦྲུལ་དཀྲིས། ཤོག་ཤོག་དུང་ཚེ་ཤེལ་ཚིགས་སྣ་ཚོགས་བཤམས། དེ་ནས་གཤིན་རྗེའི་མདུན་རྫས་གདན་སྟེང་ཐེབ་ཚེ་བཅུ་ཡི་ནང་འབྲུ་ཆན་རྫས་སྣ་བཅུ་རེ། ངར་གླུད་བཅུ་རེ། ཡང་རྫས་འཇལ་བཅུ་རེ། ཉིན་བཞིན་ཁམ་ཕོར་བཅུ། ཉིན་ཐ་མར་ཁམ་ཕོར་བཅུའི་ནང་གཏོར་མ་རེ་དང་ཆན། བྲེ་དང་སྲང་ལ་བཏེགས་འཇལ་རྫས་འབྲུ་སྣ་ཚོགས། རིན་པོ་ཆེའི་རིགས་སྣ་ཚོགས། དར་ཟབ་གོས་ཕྲུག དཀར་གསུམ་མངར་གསུམ། ཤ་མར། ཐུད་ཆང་བུ་མཁོ་དགུའི་འབྱོར་བ་རྒྱ་མཚོ། བྱད་ཐག་ནག་པོ། ཁྲམ་བཀྲོལ་རྒྱུ་ཁྲམ་རིས་བཅུ། ལྗང་མའི་རྒྱང་བུ། གཏོར་མ་ནག་པོ་དང་ལིངྒ་ནག་པོ་ཡོན་བདག་གི་ལོ་གྲངས། ཁྲག་ཆང་བྲན། གདན་དཀར་གཉིས། སྤོས་མེ་ཉ་ཤ། སྔགས་ཆུ། ཤ་ཆེན་གསུར་རྫས། བླ་བསླུའི་རྫས་ངར་གླུད་བཅུ་ལ་ནམ་མཁའ་གླིང་བཞི་མ་བཅུ། སྒོ་དབྱེ་གསེར་སྐྱེམས་དང་སྲིད་ཧུའི་དཀར་གཏོར་ཆེ་བ་གཅིག་གོ། དེ་ནས་ཡོན་བདག་གི་ལོ་བདུད་འདྲེ་ལྔའི་ཕྱོགས་སམ་བྱད་མ་རྦོད་གཏོང་གི་ཕྱོགས་སུ་མདོས་ཟོར་དུ་འཕེན་ནོ། །གཤིན་རྗེའི་མདོས་ནི་ལྷོ་ཕྱོགས་ཀྱི་གྲོང་ཟད་པའི་མཐའ་འམ། ལོ་བདུད་དམ། དགྲ་བགེགས་བྱད་མའི་ཕྱོགས་སུ་འཕེན་ནོ།། ཟོར་འཕེན་ཚེ་རྣལ་འབྱོར་བ་རྣམས་ཀྱིས་གདོང་ལ་རོ་སོལ་བྱུགས། རྡོ་རྗེ་སློབ་དཔོན་གྱིས་བེར་དང་ཞྭ་ནག་སྤྲད་དེ་ཟོར་གྱི་སྔ་རོལ་དུ་བརྟག་གཏོར་དང་། ཟོར་དམིགས་ཀྱི་ས་བཙལ་ཕྱིར་མདའ་གཞུ་སྤྲད་དེ་མདའ་བབས་སར་མདོས་ཁང་བརྩིག་གོ། ཕྱར་དར་དང་། ཁྱད་པར་གཟའི་ཕྱར་དར་ཕྱར་ལ་དུང་འབུད་དོ།། ཡང་ན་གཤིན་རྗེའི་མདོས་དང་གླུད་མདོས་གཉིས་ཆུ་བོའི་གཞུང་ལ་བསྐྱལ་ལོ།། ལས་མཐའ་གྲུབ་ནས་ཀླུ་མདོས་མཚོའམ་ཆུ་མིག་གི་སར་ཁ་ཕྱོགས་ལ་ཀླུ་མཁར་སོགས་བརྩིགས་ཏེ་དེའི་ནང་ཀླུ་ཐེབས་དང་བསྟུན་ཏེ་མཆོད་ན་དངོས་གྲུབ་མྱུར་བ་མྱོང་གྲུབ་ལེགས་སོ། ཀླུ་མདོས་ནང་འཁོར་གྱི་ཀླུ་བདུན་གྱི་གཟུགས་བརྙན་བཅའ་ན། ལྷོ་ཕྱོགས་ཀླུ་རྒྱལ་འཇོག་པོ་སྐུ་མདོག་སྔོན་པོ། ཕྱག་ན་ཨུཏྤལ་སྔོན་པོ། ནུབ་ཕྱོགས་སྟོབས་རྒྱུ་དམར་པོ་སྤྲིན་ཕུང་བསྣམས་པ། བྱང་ཕྱོགས་རིགས་ལྡན་སྐུ་མདོག་ལྗང་གུ། ཕྱག་མཚན་རིན་ཆེན་སྡོང་བུ། ཤར་ལྷོ་ནོར་རྒྱས་སྐུ་མདོག་དཀར་སེར་ཕྲེང་བ་བསྣམས་པ། ལྷོ་ནུབ་དུང་སྐྱོང་སྐུ་མདོག་དམར་ལྗང་འབུད་དུང་བསྣམས་པ། ནུབ་བྱང་པདྨ་སྐུ་མདོག་དམར་པོ་ཕྱག་མཚན་པདྨ་མེ་ཏོག བྱང་ཤར་ཆུ་ལྷ་སྐུ་མདོག་དཀར་པོ་ཨུཏྤལ་ཞགས་པ་བསྣམས་པ། ཀུན་ཀྱང་སྦྲུལ་མཇུག་གཡས་སུ་འཁྱིལ་བ། དབུ་ལ་སྦྲུལ་མགོ་བདུན་རེའི་གདེངས་ཀ་ཅན། སྐུ་སྟོད་དར་དཔྱངས་སྟོད་གཡོག་རང་མདོག་གི་རིན་པོ་ཆེའི་རྒྱན་གྱིས་སྤྲས་པའོ།། སྣ་སེལ་བ་ལ་བསང་བརྔན། བསང་གཏོར། ཆབ་གཏོར་བསྒྲིག་གོ།། དེ་ཡན་ཆད་ཀྱིས་བཅའ་བཤམས་དང་མདོས་བྲན་བཤམས་བཀོད་རིམ་པ་སོང་ནས། ༈ དངོས་གཞི་ཆོ་གའི་ལས་འགྲིགས་ལ། ཐོག་མར་དུག་ཕྱུང་། ཚིག་བདུན་གསོལ་འདེབས་དང་བསམ་ལྷུན་སོགས། ཆོ་ག་ཡོངས་རྫོགས་བཀའ་བརྒྱད་ཀྱི་གདངས་རོལ་གྱིས་འགེབ། དེ་ནས་གཏུམ་པོའི་ཐུགས་སྒྲུབ་ཀྱི་གསོལ་འདེབས། རོལ་ཌཱ་དྲིལ་དུང་དཀར། སྐྱབས་སེམས་ཡན་ལག་བདུན་པ། ཚོགས་ཞིང་འོད་ཞུ། དེ་ནས་སྔོན་གཏོར་དུང་དཀར། བགེགས་གཏོར་དུང་ཆེན་རྐང་དུང་བཀའ་བསྒོ་ནས་བཟུང་བཟླས་པ་ཡན་ལས་བྱང་དཀྱུས་ལྟར་རྗེས་བསྙེན་བསྟོད་དུས། དབྱངས་གསལ་ཡིག་བརྒྱ་རྟེན་འབྲེལ་སྙིང་པོ་རྣམས་ཀྱི་མཐར། མཆོད་པ་ནི། གཞུང་གི། ཧཱུྃ་རྨད་བྱུང་སོགས་དང་། བསྟོད་པ་ནི། ཧཱུྃ་ཧཱུྃ༔ ཆོས་སྐུ་སྤྲོས་མེད་སོགས་ཤློ་ཀ་གཅིག ཧཱུྃ་ཧཱུྃ༔ གཏུམ་པོ་ཉིད་ཀྱི་སོགས་ནས། དཔའ་བོར་ཕྱག་འཚལ་བསྟོད་དང་། ཧཱུྃ་ཧཱུྃ༔ གདོན་བཅུ་འདུལ་མཛད་སོགས་ནས། ཡོངས་རྫོགས་ལྷ་ལ་ཕྱག་འཚལ་བསྟོད་བར་ཀྱིས་བསྟོད་ལ། དངོས་གྲུབ་བསྐུལ་བ་ནི། ཧཱུྃ༔ གསང་བདག་དཔའ་བོ་སོགས་སིདྡྷི་ཕ་ལ་ཧཱུྃ༔ བརྗོད་མཐར། ཀླུ་མཆོད་ནི། ཀླུ་མདོས་ཀྱི་མདུན་དུ་མཆོད་རྫས་རྣམས་ལེགས་པར་བཤམས་ནས། ཐོག་མར་ཡིག་བརྒྱ་བརྗོད་ཁ་ཆབ་བཀྱེ། སྐྱབས་སེམས། སངས་རྒྱས་ཆོས་དང་སོགས། འགྲོ་རྣམས་བསྒྲལ་འདོད་སོགས། ཚད་མེད་བཞི་བསྒོམ་པ་དང་བཅས། ཡན་ལག་བདུན་པ་དང་། དྲི་བཟང་དུད་པ་གཏོང་། སྭ་བྷཱ་ཝས་སྦྱངས་ལ། བཅོས་ཀྱི་འདོན་རྟས། ཆོས་རྣམས་མི་དམིགས་སོགས། ཏིང་ཤག་འཁྲོལ་བཞིན། ཕྱག་འཚལ་ཡན་གྲུབ་རྗེས། མཆོད་པའི་རྣམ་གྲངས་འབུལ་བ་ལ། དང་པོ་ཕྱི་མཆོད་རྣམ་ལྔ་འབུལ་ཏེ། ཨོཾ་ན་ག་རཱ་ཛ་སོགས་བསིལ་རོལ། གཉིས་པ་ཀླུ་སྨན་འབུལ་བ་ནི། དུང་དཀར་འབུད་བཞིན། ཧོ༔ ཀླུ་རྒྱལ་མཐའ་ཡས་སོགས་ཨཱཿཧཱུྃ༔ རོལ། གསུམ་པ་དཀྱིལ་འཁོར་མཆོད་རྫས་འབུལ་བ་ནི། ཧོ༔ ཕྱི་ནང་གསང་སོགས་ནས་ཨཱཿཧཱུྃ༔ རོལ། བཞི་པ་སྨན་སྣ། ཨོཾ༔ རྩ་བ་བརྒྱད་སོགས་ནས་པུཙྪ་ཧོ༔ རོལ། ལྔ་བ་མེ་ཏོག་སྣ་ཚོགས་འབུལ། ཧོ༔ ཀླུའི་རྒྱལ་པོ་སོགས། རོལ་མོ། དྲུག་པ་དཀར་གསུམ་ཕུལ་ལ། ཨོཾ་ནཱ་ག་སོགས། བདུན་པ་མངར་གསུམ་འབུལ་ལ། ཧོ༔ ཀླུ་རྒྱལ་སོགས། བརྒྱད་པ་ཤིང་རྩི་ཕུལ་ལ། ཧོ༔ སངས་རྒྱས་སོགས། དགུ་བ་དར་ཚོན། ཧཱུྃ༔ ཀླུ་རྒྱལ་སོགས། བཅུ་བ་རིན་ཆེན་སྣ་ཚོགས། ཧོ༔ མཐའ་ཡས་འཇོག་པོ་སོགས། བཅུ་གཅིག་པ་ཀླུ་གཏོར་འབུལ་བ་ནི། ཀླུ་གཏོར་བཤམས་ལ། ཨོཾ་བཛྲ་ཡཀྵ་སོགས། ཨོཾ་བཛྲ་ཛྭ་ལ་སོགས། རིན་པོ་ཆེའི་སྣོད་ཡངས་ཤིང་སོགས། ཨ་ཀ་རོ་ལན་གསུམ། རང་གི་སྙིང་ག་ནས་སོགས་ནས། ཨོཾ༔ ཀླུའི་རྒྱལ་པོ་མཐའ་ཡས་སོགས། ནཱ་ག་ར་ཛའི་སྔགས་ལན་གསུམ་བཅས། ཡེ་དྷར་དང་། སྡིག་པ་ཅི་ཡང་མི་བྱ་སོགས་དང་། ཀླུ་ཆེན་བརྒྱད་སོགས་ནས། བྱང་ཆུབ་ཀྱི་སེམས་དང་ལྡན་པར་གྱུར་ཅིག་བར་དང་། རང་ཉིད་ཐུགས་རྗེ་ཆེན་པོ་སོགས། ཡི་དྭགས་ཆུ་སྦྱིན། བདེ་བའི་མཆོག་ལ་རེག་པར་གྱུར་ཅིག་བར་བརྗོད། ན་མོ་བདག་གི་བསམ་པའི་སོགས། ཐོགས་པ་མེད་པར་འབྱུང་གྱུར་ཅིག ཨོཾ༔ སྔོན་ཚེ་སྟོན་པ་སོགས། རྩ་སྔགས། ཨོཾ་ན་ག་ར་ཛ་སོགས། ས་བདག་ཀླུ་གཉན་གྱི་གཤམ་འདོགས་ཅན་ཅི་འགྲུབ་བཟླས། དངོས་གྲུབ་བསྐུལ་བ་ཅི་ནུས་དང་། ཨོཾ་ཧི་ལི་ཧི་ལི་སོགས་ཅི་ནུས་བཟླས། གཞན་དམིགས་བསལ་གྱིས་སྔགས་ཚན་རྣམས་དགོས་གལ་དང་བསྟུན་ཏེ་བཟླ་བ་གཞུང་གསལ་བཞིན་ནོ། །དེ་ནས་འབྲུ་སྣ་དང་མེ་ཏོག་སྣ་ཚོགས་གཏོར་ལ་ཕྲིན་བཅོལ་ནི། ཨོཾ་དགོངས་སུ་གསོལ་ལོ་སོགས། སྐོང་དུ་གསོལ་ཞེས་འབྲུ་སྣ་ཡོན་མཆོད་ཀུན་གྱིས་འཐོར། དེ་ནས་ཡོན་མཆོད་ཀུན་གྱིས་འབྲུ་སྣ་ཐོགས་ལ། གཏད་དཀྲུག་གི་ཁྱད་པར་འདོད་གསོལ་ནི། ཧོ༔ དགོངས་སུ་གསོལ་ལོ་མཐོ་བ་མི་མངོན་སོགས་ནས་མཛད་དུ་གསོལ༔ ནས་འཐོར། སྤྲོ་ན་སྤྱིའི་འདོད་གསོལ་ཀྱང་འདོན། ཨོཾ༔ བླ་མ་མཆོག་གསུམ་སོགས་ཀྱི་དུས་ཆབ་ལ་དངོས་གྲུབ་བླངས། ཆོས་སྦྱིན། མ་རྙེད་ཡོངས་སུ༴སོགས། ཡིག་བརྒྱ། ཁྱེད་ཀྱིས་སེམས་ཅན་སོགས། མཆོད་སྦྱིན་གནས་འདིར་སོགས། བཀྲ་ཤིས་ནི། ནས་བཀྲམ། ཧྲཱིཿ བཀའ་དྲིན་སྲིད་ན་སོགས། བསོད་ནམས་རི་བོ་སོགས། འབད་དང་སྩོལ་བས་སོགས། བཤད་སྒྲུབ་བསྟན་པ་སོགས་ཀྱིས་མཐའ་བརྒྱན་པར་བྱའོ། གཟའི་མཆོད་ཕྲེང་གཙོ་བོར་བྱས་པའི་གཏོར་བསྔོས་ཡོངས་རྫོགས་སྤྱི་ལྟར། གཏོར་འབུལ། རྟ་མགྲིན་གྱི་བསྡུ་རིམ་བཀྲ་ཤིས་ཡན་བྱས་ལ། བཤགས་ཚིག་སྔོན་དུ་འགྲོ་བས་ཚོགས་མཆོད་བཤགས་བསྒྲལ་གསུམ་བསྐང་བ་བཅས་རྫོགས་ནས། དྲང་བ་བྱས་ལ། བསམ་ལྷུན་རྒྱས་བསྡུས་རྣམས་བཏོན་མཐར། མཆོད་རྫས་རྣམས་གོ་རིམ་བཞིན་བཤམས་ལ། དེ་ནས་གཏད་དཀྲུག་ནི། རང་ཉིད་གསང་བའི་བདག་པོ་ཉིད་སོགས་མཐུ་དཔུང་བསྐྱེད་པའི་སྔགས་ཅི་ནུས་བཟླ། མདུན་གྱི་རྟེན་གཞི་བསྐྱེད་པ་ནི། མདོས་ལ་ཆབ་བྲན་ཏེ། ཨོཾ་སྭ་བྷཱ་ཝ་སོགས་མདུན་གྱི་བཅས་རྣམས་སོགས་གཏད་དཀྲུག་པར་བསམ༔ ཡི་དམ་རྩ་སྔགས་ལ་དྲང་སྲོང་སྔགས་ཤམ་འདོག་ཅན་ཅི་འགྲུབ་བཟླས་ལ། ལྷ་ལ་གཏད་པ་ཁྲོལ་ཁྲོལ་སོགས། གཏད་ཕྱུང་། གཏད་ཁྲོལ་ཚན་གྲངས་གསུམ་པོ་ཅི་འགྲུབ་བཟླ། དེ་ནས་བྱད་དཀྲོལ་ཡང་སྙིང་ཟབ་མོ། སྐྱབས་སེམས། ཚོགས་བསགས། སྒྲིབ་སྦྱོང་ཡིག་བརྒྱ་བཅས་སྔོན་དུ་སོང་མཐར། རང་ཉིད་རྡོ་རྗེ་ཁྲོ་བོ་སོགས་དབྱངས་གསལ་ཡེ་དྷར། ངག་བྱིན་རླབས་སྔགས་རྣམས་བཏོན་ལ། ཏདྱ་ཐཱ༔ ཨོཾ་ཨ་ན་ལེ་སོགས། ཀུ་རུ་བྷྲུཾ་སྭཱ་ཧཱ་བར་ཅི་ནུས་དང་། རང་ཉིད་དབང་ཕྱུག་སོགས་དང་། ཨོཾ་ཏྲི་ལིང་སོགས་ཅི་འགྲུབ་དང་། ཧཱུྃ༔ རང་སྣང་སོགས། བསྔོ་སྨོན་བཀྲ་ཤིས་ནི། དུས་གསུམ་དགེ་ཚོགས་སོགས་དཀྱུས་ལྟར་བྱ། ཡང་མདོས་རྫས་ལ་ཆབ་བྲན་ཏེ། སྔགས་དྲུག་ཕྱག་དྲུག་གིས་བྱིན་གྱིས་བརླབས། སྤོས་དཀར་ར་ཚིལ་བདུག་ལ། ཐུགས་དམ་གནད་ནས་བསྐུལ་བ་ནི། དྲེགས་པའི་མདོས་འདོན་གྱིས། ཧཱུྃ་བྷྱོ་ཛ༔ རང་བྱུང་སོགས་དང་། མདོས་ཀྱི་འགྲེས་བྱང་སྐབས་གནས་འདིར་སྤྱན་འདྲེན་དུས་དར་གཡུག སྣང་སྲིད་མདོས་ཆེན་དུས་མདོས་ཁ་གསོ། བླ་མ་ཡི་དམ་དུས་རོལ་མོ་སྒྲོག་བཞིན། གཟའ་བརྒྱད་སོ་སོར་གོ་རིམ་མ་འཆོལ་བར། སྨན་རཀ་གཏོར་གསུམ་འབུལ། ནས་འཐོར། ལྷ་སྲིན་སྡེ་བརྒྱད་དུས་དཀར་གཏོར་སྐྱུ་གུ་བཅས་གོང་ལྟར་འབུལ། ལན་ཆགས་ཤ་འཁོན་དུས་ཆན་དང་འབྲུ་སྣ་སྣ་ཚོགས་འབུལ། རིགས་དྲུག་འདོད་པ་ཚིམས་དུས་ལན་ཆགས་འཐེབ་ཀྱུ་གོང་ལྟར་འབུལ། ཕོ་བདུད། མོ་བདུད། སྤྱི་བདུད་ཅེས་འདོན་དུས་ཐལ་མོ་གཡས་གཡོན་དབུས་གསུམ་བརྡབ་པར་བྱའོ།། མགྲོན་ཐབས་ཀྱི་ལྷ་རྣམས་ནི། དྲེགས་པའི་གླུད་འདོན་གྱིས། ཧཱུྃ་བྷྱོ་ཛ༔ དཀྱིལ་འཁོར་ཕྱི་ཡི་སོགས། གསེར་སྐྱེམས་ཕུད་དང་སོགས་དུས་གསེར་སྐྱེམས་དང་དཀར་གཏོར་རིམ་བཞིན་ཕུལ། གཡས་ཀྱི་བཀའ་ཉན་གྱི་ཀླུ་སྨན་སྐྱེམས་ཕུད་དུས་སྐྱེམས་ལ་ཀླུ་སྨན་བཏབ་པ་དང་ཀླུ་བཤོས་འབུལ། གཡོན་གྱི་བཀའ་ཉན་གྱི་དམར་ཆེན་ཁྲག་དང་དུས་ཁྲག་སྐྱེམས་དང་དམར་གཏོར་འབུལ། དཔལ་མགོན་བདུན་ཅུ་ལ་གསེར་གཡུའི་སྐྱེམས་ཀྱི་དུས་གསེར་གཡུའི་སྐྱེམས་དང་དམར་གཏོར། ལིང་རོའི་ལྷག་མ་འབུལ། སྤྲོ་ན་སྐབས་འདིར་གཟའི་གཉེར་གཏད་མཆོད་ཕྲེང་ལྟར་འདོན། ལན་ཆགས་ཤ་འཁོན་གྱི་བདག་པོ་རྣམས་ལ་ཆོས་སྦྱིན་བྱའོ།། གཤིན་རྗེ་ནི། རྫས་རྣམས་གོང་རིམ་བཞིན་བཤམས་ལ། ཡོན་བདག་མདུན་དུ་བོས་ལ། སྐྱབས་སེམས། བསང་སྦྱངས་བྱས་ལ། སྟོང་པའི་ངང་ལས་སོགས་ནས་འགུགས་པ་ལན་གསུམ་དང་། ཧཱུྃ་ཧཱུྃ་ཧཱུྃ༔ ཞེས་པས་བཀུགས་ལ། དྲེགས་པའི་གླུད་འདོན་གྱིས། ཧཱུྃ༔ ང་ནི་འཇམ་དཔལ་སོགས། ཛཿཛཿདང་། འཆི་བདག་འཁོར་བཅས་སོགས། དྲེགས་པ་སུམ་ཅུའི་ནང་གི་ངར་གླུད་བྱིན་རླབས། ཨོཾ་སྭ་བྷཱ་ཝ་སོགས། སྟོང་པའི་ངང་ལས་བྷྲུྃ་ལས་སོགས་ནས། རྣམས་ལ་བསྔོའོ༔ བར་དང་། གཤིན་རྗེའི་ནང་གི། སྭ་བྷཱ་ཝས་སྦྱངས་ལ། ཏྲཾ་ལས་རིན་པོ་ཆེ་སོགས། རྫས་འཇལ་བཅུ་ཚན། འབྲུ་གསུམ་དང་ཁ་འབར་མའི་སྔགས་ཉེར་གཅིག་རེ་དང་། འདོད་པའི་ཡོན་ཏན་སོགས་དང་། ཞི་བར་མཛད་དུ་གསོལ་གྱི་བར་ལན་བཅུ་འབུལ། དེ་ནས་དྲེགས་པ་སུམ་ཅུའི་ནང་གླུད་འཇལ། སམ་བྷ་ར་བདུན་དང་མཚན་བཞི་དང་། ལན་ཆགས་གླུད་ཀྱི་སོགས་ནས་གོ་འཕང་ཐོབ་པར་གྱུར་ཅིག་བར་ལན་བཅུ་འབུལ། འདོད་གསོལ་ནི། བཀའ་བརྒྱད་གླུད་འདོན་གྱིས། ཧཱུྃ༔ ཉོན་ཅིག་འཆི་བདག་སོགས་ནས་ཕྲིན་ལས་གྲུབ་པར་མཛོད་ཀྱི་བར་དང། ཉིན་བཞིན་ཆོས་སྦྱིན་བྱའོ།། ལྷག་མ། གཏོར་འགུགས། བསྐུལ་བ་ཆད་བརྟན་བྲོ་བརྡུང་ཚེ་འགུགས་རྒྱས་གདབ་རྗེས་ཆོག་སྤྱི་ལྟར་བྱའོ།། དེ་རྗེས་ལས་བྱང་བསྙེན་བསྟོད་བར་བྱས་ལ། མདོས་ཀྱི་མཐུ་དཔུང་བསྐྱེད་པ་ནས་གཏད་ཕྱུང་མཇུག་གི་ཐམས་ཅད་ཁྲོལ་ཁྲོལ་བར་དང་། དགེ་བ་འདི་ཡིས་མ་རིག་སོགས། དེ་ནས་ལས་བྱང་ནང་། བཟོད་གསོལ་ནས་བཀྲ་ཤིས་བར་བྱ་བ་ནི་ཉིན་དང་པོ་དང་གཉིས་པའི་ཆོ་གའི་ལས་རིམ་མོ། ༈ ཉིན་གསུམ་པ་ལ་ཚོགས་ཀྱི་མཆོད་བཤགས་ཀྱི་འཕྲོར་བསྐང་བ། སྨད་ལས། དྲང་བ། གཏད་དཀྲུག་ནས་གླུད་མཇུག་བར་སྔར་ལྟར་ལ། ལྷག་མ། བཟློག་པ་དར་ནག་གཡབ་ཅིང་ཚིལ་གསུར་བདུག ཐུན་གཏོར་ཆད་བརྟན་སོགས་རྗེས་ཆོག་སྔར་ལྟར་བྱ་བ་ཉིན་གསུམ་པའི་ཆོ་གའི་ལས་འགྲིགས་སོ།། ཉིན་ཐ་མའི་ལས་རིམ་ནི། དཀར་གཏོར་ལ་སྲིད་ཧུ་བཙུགས་ནས་མདོས་མདུན་བཤམས། བསྙེན་བསྟོད་འཕྲོར་ཇ་བཞེས། ཆོ་གའི་རིམ་པ་སོགས་སྔར་ལྟར་ལས་གཏོར་བསྔོས་མཇུག་གང་ཞིག་ཡིད་ལ་དྲན་པ་སོགས་ཀྱིས་ཇ་ཕུད་མཆོད། ཚོགས་བསྐང་ནས་མདོས་མཇུག་གི་བར་སྔར་ལྟར། ཇ་བཞེས། མཆོད་གཞིའི་མདུན་དུ་ཁྲམ་གདན་སྟེང་དུ་ཁྲམ་ཤིང་རྣམས་གོ་རིམ་མ་ནོར་བར་བཀྲམ་ལ། ཁྲམ་ཕྱི་བརྡར་དང་གཅོག་པའི་རྫས་གཅན་གཟན་པགས་པ། རལ་གྲི། སྟྭ་རེ། སྨན་དུག་གི་ཟང་ང་གཉིས་ཀྱི་ནང་རང་རང་གི་རྫས་སྨན་ཟང་ནང་བཟང་དྲུག་དང་དྲི་བཟང་སྨན་སྣ་གང་འཛོམས། དུག་ཟང་ནང་དུག་སྣ་ཚོགས་ཚད་རྣམས་མ་ནོར་བར་བཏབ་པའི་ཆུ་དཀར་ནག་གིས་སོ་སོར་གང་བར་བཤམས། ཁྲམ་བཀྲུ་རྫས་བལ་འདབ་དཀར་ནག་གཉིས་བཅས། འཆི་བསླུའི་རྫས་འཇལ། རྫོངས་འདེབས། བཏེག་འཇལ་རྫས་རྣམས་དང་། བྲེ་སྲང་སོགས་གོ་རིམ་བཞིན་བསྒྲིགས། མདུན་དེར་སྟན་ནག་པོའི་ཁར་ཡོན་བདག་རྣམས་བྱད་ཐག་སྣ་ལྔས་མེ་ཐབ་དྲུག་ཆིང་ངམ་ལན་བཅུར་དཀྲིས་ལ། གཞན་ཡང་ཉེ་ལོག་ཏུ་སྟན་དཀར། སྤོས་མེ། ཉ་ཤ། སྔགས་ཆུ་སོགས་མཁོ་ཆས་རྣམས་ཚང་བར་བྱས་ལ། གཤིན་རྗེའི་སྐྱབས་སེམས་ནས། རྫས་འཇལ་དང་པོའི་བར་སྔར་ལྟར། དྲེགས་པ་སུམ་ཅུའི་ནང་། ངར་གླུད་ནི། སྭ་བྷཱ་ཝས་སྦྱངས། སྟོང་པའི་ངང་ལས་བདག་ཉིད་ཧེ་རུ་ཀ་སོགས་འགུག་གཞུག་ལན་གསུམ། དེ་ནས་གཤིན་རྗེའི་རྫས་འཇལ་དང་པོ་ནི། སྭ་བྷ་ཝ་སོགས། ཏྲཾ་ལས་རིན་པོ་ཆེ་ལས་སོགས། གཏོར་མ་ཁམ་ཕོར་རྫས་བཅས་སྔགས་དང་འདོད་པའི་ཡོན་ཏན་སོགས་ཀྱིས་བསྔོས་ལ། ན་མོ་དཀོན་མཆོག་གསུམ་སོགས་བདེན་བརྡར་བཅས། འཆི་བདག་གི་ཞགས་པའི་དུས་ཞགས་པ་གཅིག་བཀྲོལ། གཤིན་རྗེའི་ཁྲམ་ལས་དུས་ཁྲམ་གཅིག་བཀྲོལ་ལ་གཤིན་རྗེའི་མདུན་དུ་ཕུལ། ཐིམ་པའི་མོས་པ་མཛོད་བར་ལན་བཅུར་འབུལ། དེ་ནས་རྫོངས་འདེབས་ནི། འཇལ་རྫས་རྣམས་བྲེ་ལ་འཇལ་ཏེ་སམ་བྷ་ར་བདུན། ཧོ་འཆི་བདག་ཨ་ཝ་གླང་མགོ་སོགས་ནས་སེམས་དང་ལྡན་པར་མཛད་དུ་གསོལ་བར་ལན་བཅུའམ་ཡོན་བདག་གི་ལོ་གྲངས་འབུལ་རྗེས་ལས་རྡོར་གྱིས་བྲེ་ཆག་སོང་ཞེས་པའི་ལན་དུ། བྱིང་འདྲེན་གྱིས་ལན་ཆགས་བྱང་ངོ། །བུ་ལོན་སོད་དོ། །ཤ་འཁོན་དག་གོ་ཞེས་ལན་སྦྱིན། བཏེག་རྫས་རྣམས་སྲང་ལ་བཏེགས་ཏེ་གོང་ལྟར་ལན་བཅུའམ་ལོ་གྲངས་འབུལ། ལས་རྡོར་གྱིས་སྲང་ཆག་སོང་ཞེས་པའི་དུས་སྔར་ལྟར་ལན་སྦྱིན། བདེན་པའི་སྟོབས་ཀྱིས་ཕྲིན་ལས་བཅོལ་བ་ནི། ན་མོ་དཀོན་མཆོག་གསུམ་གྱི་སོགས་ལྷུན་གྱིས་གྲུབ་པར་མཛད་དུ་གསོལ། དེ་ནས་ཁྱད་པར་བྱད་དཀྲོལ་གྱི་རྫས་འབུལ་ནི། སློབ་དཔོན་རང་ཉིད་སྔགས་ཆས་སྤྲས། ཞྭ་གོས་ནག་པོ་བྱ་གདོང་ལ་རོ་སོལ་བྱུགས། ཤ་ཆེན་གསུར་དུད་གཏོང་། གཏོར་སྣོད་བྷནྡྷ་ནག་པོའི་ནང་དུ་ལིངྒ་ཆང་བུ་ནག་པོ་བཞག་སྟེ་ཁྲག་ཆང་གིས་བྲན་ལ། ནམ་མཁའ་མཛོད་སྔགས་ལན་གསུམ། ན་མོ་དཀོན་མཆོག་གསུམ་གྱི་སོགས། ཁ་རཾ་ཁཱ་ཧི་དུས་གཤིན་རྗེའི་ནང་འབུལ་བ་ལན་བཅུའམ་ཡོན་བདག་གི་ལོ་གྲངས་འབུལ། འདིར་གཟའ་དང་དྲེགས་པ་སུམ་ཅུའི་ཁྲམ་ཕྱིས་ནས་བླ་བསླུས་ན་དགོངས་པར་འཐད་སྙམ། དྲེགས་པ་སུམ་ཅུའི་ནང་བླ་བསླུ་དང་གླུད་འཇལ་བ་ནི། གླུད་བཅུ་ཚན་ནམ་མཁའ་བཅས་སྔགས་དྲུག་ཕྱག་དྲུག་གིས་བྱིན་གྱིས་རླབས་ལ། བླ་མས་མདའ་དར་ཐོགས་ལ་དྲེགས་པའི་གླུད་འདོན་གྱིས། ཧཱུྃ༔ ང་ནི་དཔལ་ཆེན་སོགས། སྡེ་བརྒྱད་ལག་ནས་མི་བླ་བསླུ་ཞེས་པའི་དུས་མཆོད་དཔོན་གྱིས་བླ་རྟེན་གའུ་བླངས་ཏེ་རྡོ་རྗེ་སློབ་དཔོན་ལ་ཕུལ་ཏེ་ཡར་གཞིའི་མདུན་ལྷ་ཁྲམ་སྟེང་དུ་བཞག གཏང་རག་གི་གླུད་བཅུ་ཚན། སྭ་བྷཱ་ཝ། སྟོང་པའི་ངང་ལས་སོགས་སམ་བྷཱ་ར་བདུན་དང་། མཚན་བཞི་ལན་ཆགས་གླུད་ཀྱི་གཏོར་མ་སོགས་ཐོབ་པར་གྱུར་ཅིག་ཡན་ནས། སམ་བྷ་ར་མན་ཆད་ལན་བཅུ་འདོན། དེ་ནས་འདོད་གསོལ་ནི། བཀའ་བརྒྱད་གླུད་འདོན་རྟས། ཀྱེ་ཉོན་ཅིག་སོགས་ནས་གྲུབ་པར་མཛོད་དང་ཆོས་སྦྱིན་བྱ། ༼ཀ༽ཁྲམ་ཕྱིས་ལ་གཙོ་བོ་ཁྲམ་དང་། གཅན་གཟན་པགས་པ། རལ་གྲི་རྣམས་བླ་མར་ཕུལ་ལ། དྲེགས་པའི་གླུད་འདོན་གྱིས། ཧཱུྃ་ཛ༔ཀྵཿ རྣལ་འབྱོར་སྔགས་སོགས་བྱད་ཐག་ཆོད་དུས་བླ་མས་རལ་གྲིས་བྱད་ཐག་བཅད། ཁྲམ་བྱང་ཕྱིས་ལ་དུས་གཅན་གཟན་པགས་པས་ཕྱི། ཁྲམ་རིས་ཞོར་དུས་རལ་གྲིས་ཁྲམ་རིས་བཞར། ཁྲམ་ཤིང་ཆོག་དུས་བདུད་ཁྲམ་བཅག་སྟེ་མཆོད་གཡོག་གི་ལག་ཏུ་གཏད་ལ་དེས་སྟྭ་རེས་གཏུབ་དུག་ཆུས་བཀྲུས་ལ་གཤིན་རྗེའི་མདུན་དུ་ཕུལ། ལྷ་ཁྲམ་ཡོན་བདག་ལ་གཏད་དེ་སྨན་ཆུས་བཀྲུས་ཏེ་ཁྲམ་གདན་བླ་བསླུའི་རྩར་བཙུགས། ཁྲམ་སྣ་བཟློག་ལ་དུས་བླ་མས་ཐལ་རྡེབ། ཕོ་བདུད། མོ་བདུད། སྤྱི་བདུད་གསུམ་ལ་གཅན་གཟན་པགས་པས་བླ་མས་གཡས་གཡོན་དབུས་གསུམ་ལ་བརྡབ། བཅོལ་པའི་ཕྲིན་ལས་མཇུག་སྔགས་དུས་ཟིལ་འབེབས་དང་སུམ་རྡུང་། གཞན་ཁྲམ་ལྔ་པོ་དེ་ཡི་འགྲེས་སུ་བྱའོ།། སྡེ་དཔོན་སུམ་ཅུའི་ཁྲམ་ཕྱིས་ནི། དང་པོ་གཤིན་རྗེའི་ཁྲམ་ཕྱི་བ་ནི། འདུལ་རོལ་མཐར། ཧཱུྃ༔ ང་ནི་དཔལ་ཆེན་སོགས་འདུལ་འདོན། གནོད་པའི་བགེགས་ལ་སོགས་ཟིལ་འབེབས་ནང་བྱད་མ་ལྷ་སྲུང་དང་བཅས་པའི་སོགས་འདོན་མཐར། སུམ་རྡུང་བྱས་ལ། དྲེགས་པའི་གླུད་འདོན་གྱིས། ཧཱུྃ༔ གསང་བདག་ཕྱག་རྡོར་སོགས། གཤིན་རྗེའི་ཁྲམ་ཕྱི། གྲུབ་པར་མཛོད་བར་བྱ། སྡེ་དཔོན་སུམ་ཅུའི་ཁྲམ་བསྡུས་ཕྱི་བ་ནི། ཧཱུྃ༔ ང་ནི་གསང་བདག་སོགས། གྲུབ་པར་མཛོད་ཡན་ཆད་ཡང་བསྐྱར་ཚུལ་དུ་དམིགས་བསལ་ལྟར་བྱའོ། དེ་ནས་བྱེ་བྲག་ཏུ་ཁྲམ་ཁ་ཕྱུང་བ་ནི། འདུལ་འདོན་བཅས། ཀྱཻ༔ བདུད་ཀྱི་རྒྱལ་པོ་སོགས་ནས། རང་ཚན་ལ་འདུལ་རོལ་དང་སྦྲགས་ཏེ། བསྟན་མའི་ཁྲམ་ཁ་ཕྱུང་བའི་མཇུག་ཡན་རྫོགས་པར་བྱ། དེ་ནས་ཞུས་ལེན་ནི། ༼ཁ༽ཡང་ན་བླ་བསླུས་རྗེས་ཞུས་ལེན་ཀྱང་འཐད། དང་པོ་བྱིང་འདྲེན་གྱིས་ནམ་མཁའ་མཛོད་ཀྱི་སྔགས་གསུམ་རྒྱ་བཅས་འཕྲལ། དང་པོ་ཡར་ཞུ་ནི། ཀྱེ་ང་ཨ་རྒྷོང་རྒྱལ་པོའི་ཞེས་ཞུ། མར་ལ། ཀྱཻ་ང་སྔགས་འཆང་རྒྱལ་པོའི་སོགས། ཡར་ཞུ་མར་གནང་རྣམས་སྤེལ་མར་བྱས་མཐར། མཇུག་ཏུ་ཆོས་སྦྱིན་བྱ། ཁྲུས་བྱ། བསྲུང་བའི་དུས་གདན་ནག་བསལ། གདན་དཀར་བཏིང་ཡོན་བདག་འདུག སྔགས་ཆུ་བླུད། སྲུང་སྐུད་འདོག་གོ། ལྷག་མ། ཇ་བཞེས། བཟློག་པ་ཆ་ཚང་། ཐུན་གཏོར་གྲུབ་རྗེས། མཆོད་བསྟོད། བཟོད་གསོལ། ཡིག་བརྒྱ། ཨོཾ། འཇིགས་པ་བརྒྱད་སྐྱོབ་ཀྱིས་དངོས་གྲུབ་ལེན། མདོས་ཀྱི་དངོས་གྲུབ་ཞུ། སྨད་ལས་མཇུག་གི། ཧཱུྃ་ཧཱུྃ༔ དུས་གསུམ་བདེ་གཤེགས་སོགས་ཀྱི་དུས་གཟའི་ཕྱག་མཚན་ཆུ་སྲིན་རྒྱལ་མཚན་དང་མདའ་གཞུ་སོགས་དངོས་གྲུབ་ཏུ་ལེན། ཀླུ་མདོས་ཏོག་གི་ནོར་བུ་གཡང་རྟེན་དཀྱིལ་དུ་སྦ། ཀླུའི་ཕྱག་མཚན་པདྨ་ནེའུ་རྐྱལ་ཅན་དང་ཤིང་རྩི་བླང་ལ། སློབ་དཔོན་མདའ་དར་ཐོགས། ཀླུའི་གཡང་འགུགས། རྫས་གཏད། གཡང་སྒོ་བསྡམ་པ། རྒྱས་གདབ་ནི། ཨེ་མ་ཧོ༔ བསླུ་མེད་སྐྱབས་སོགས། ཧཱུྃ༔ བཀྲ་ཤིས་ཁྱིམ་གྱི་ལྷ་མོ་སོགས། དང་པོ་ཆོས་ཀྱི་དབྱིངས་ཀྱི་སོགས། གཡང་རྟེན་ལ་རྒྱས་གདབ་བྱ། གཏོར་མར་སྒོམ་པའི་ཡེ་ཤེས་པ་སོགས་དང་། ཧཱུྃ་ཧ་ཧེ་ཕཊ་ཀྱིས་གཤེགས། དམ་ཚིག་པ་བདག་ལ་བསྟིམ། སླར་ཡང་མདོས་གཏོར་དེ་ཉིད་སོགས་མཐར་གཙོ་འཁོར་སྔགས་སྤེལ་ཚིག་ཅན་བསད་བཟློག་གི་སྔགས་ཅི་མང་བཟླས། ཟོར་ནུས་ལྡན་དུ་བསྒྲུབ། དེ་ནས་གཏོར་མའི་ཕྱི་སྒོ་དབྱེ་བ་ནི། གསེར་སྐྱེམས་བྱིན་རླབས། སྡེ་བརྒྱད་མཆོད་པ། ཧཱུྃ་ཧཱུྃ༔ གསང་བདག་དཔའ་བོའི་སོགས་ནས་གྲུབ་པར་མཛོད། ཕུད་མཆོད། ནང་སྒོ་ནི། ཧཱུྃ་ཧཱུྃ༔ ཕོ་བྲང་ནང་གི་སོགས་དང་། མདོས་ཀྱི་སྒོ་དབྱེ་ནི། ཛ༔ ཤར་ཕྱོགས་སྒོ་མ་སོགས་ནས་ཕྲིན་ལས་མཛོད་བར་དང་། དེ་ནས་ཀླུའི་སྒོ་དབྱེ་འདོན། བཞེངས་བསྐུལ་ནི། གཏོར་ལམ་འཐེན་ལ། སྨད་ལས་ནང་གི། ཧཱུྃ་བྷྱོ་ཛ་ཀྵ༔ འོག་མིན་དབྱིངས་ནས་ཞེས་འདོན་དུས་སྔོན་དུ་དཀར་གཏོར་སྲིད་ཧུ་སྐྱེམས་བཅས། དེ་འཕྲོར་གླུད་མདོས། གཤིན་རྗེ། མདོས་ཆེན། གཏོར་མ། ཆད་མདོ་རྣམས་རིམ་པར་བསྒྲིག་ལ། གཏོར་འགུགས་ལན་གསུམ། ཡི་དམ་བསྐུལ་བ། གཟའ་བསྐུལ། ཆད་ཐོ་འདོན་མཐར་གཏོར་ཆེན་ནང་ཕུལ་རྗེས། གསེར་སྐྱེམས་ཟིལ་འབེབས་དུས་མཆོད་ལ་སྲིད་ཧུའི་རྒྱབ་ཡིག་བཀླག གླུད་བཏང་། གཤིན་རྗེའི་ལམ་བསྟན་ནི། ཧཱུྃ་བྷྱོ༔ འཆི་བདག་གཤིན་རྗེ་སོགས། མཱ་ར་ཡ་ཕཊ་ཀྱི་དྲག་སྔགས་བཅས་ཆུ་བོའི་གཞུང་ལ་བསྐྱལ་ནས་པྲ་བརྟགས་པར་བྱའོ།། དེ་ནས་གཏོར་ཆེན་བཏེགས་ལ། དྲག་འདོན་ཆེ་བའི་གདངས་ཀྱིས། ཧཱུྃ་བྷྱོ་ཛ་ཀྵ༔ སྡེ་བརྒྱད་དམག་དཔོན་སོགས་ནས། སྙིང་ལ་རྒྱོབ་ཅེས་མཐར་འབོད་རྦད་བསད་སྔགས་བཅས་གཏོར་མ་མདོས་ནང་འཕེན། དེ་ནས་རྣལ་འབྱོར་སྔགས་ཆས་སུ་ཞུགས་ལ། གསེར་སྐྱེམས་ཕྱོགས་བཞིར་འཐོར་བཞིན་མདོས་ཀྱི་ལམ་བསྟན་ནི། དྲེགས་པའི་གླུད་འདོན་གྱིས། ཀྱེ༔ མདོས་ཀྱི་ལམ་བསྟན་སོགས་ནས། བྷྱོ༔ དགོངས་གསོལ་མ་དང་། ཡང་ན་ལོ་ཟླ་མ་འདོན། ཕ་རོལ་དཔུང་འཇོམས་བཅས། ཡོན་བདག་གི་ལོ་བདུད་འདྲེ་ལྔའི་ཕྱོགས་སམ། ཡང་ན་མནན་གཏད་བྱེད་པའི་ཕྱོགས་སུ་བསྐྱལ་ལོ།། དེ་ནས་ཡེ་ཤེས་བྱ་ཁྱུང་གིས་ཕྱི་ལམ་བཅད་པ་ནི། ཡེ་ཤེས་བྱ་ཁྱུང་གི་སྔགས་དང་ཧཱུྃ་ཧཱུྃ་ཧཱུྃ་བདུད་པྲ་མ་སོགས། ཤིང་རྩི་རྣམས་ཀ་བ་ལ་བཅིང་། མདོས་ཀྱི་མཇུག་གི། ཧཱུྃ་བྷྱོ་ཛ༔ ང་ནི་གསང་བདག་སོགས་ནས་ལྷ་རྒྱལ་ལོ་ཞེས་པའི་བར་བྱ། བསྟན་མ། བྲོ་བརྡུང་། ཀླུའི་སྒོ་དབྱེ་འདིར་བྱས་ཀྱང་རུང་། རྒྱལ་དབྱངས་ནི། ཨེ་མ་ཧོ༔ སྲིད་གསུམ་འཁྲུལ་པའི་བདེ་ལ་སོགས། ལྷ་རྒྱལ་ལོ། སྤྲོ་ན་ཕྱག་རྡོར་གྱི་དབང་སྐུར། མིན་ཡང་ཚེ་འགུགས། ཡི་དམ་གཞུང་གི་ཚེ་འགུགས་དང་གཟའི་ཚེ་བསྐུལ། སྨད་ལས་ནང་། ཧཱུྃ་ཛ༔ མི་མངོན་སོགས་ཚེ་རྗས། བླ་རྟེན། གཟའི་ཕྱག་མཚན་རྣམས་དངོས་གྲུབ་ཀྱི་ཚུལ་དུ་ཡོན་བདག་ལ་གཏད། རྒྱས་གདབ་སོགས་བྱའོ།། ཇ་བཞེས། དེ་ནས་བསང་གཏོང་། གུ་རུ་དྷེ་ཝ་ཌཱཀྐི་སོགས་ཀྱིས་གཏོར་མ་འབུལ། གསོལ་ཁ་མཆོད། སྔར་གྱི་ལྷ་ཁྲམ་དང་སྨན་ཆུ་རྣམས་བསང་ནང་ལ་མཆོད། ཡང་ན་ལྷ་ཁྲམ་དང་སྨན་ཆུ་རི་གཙང་སར་མཆོད། རྟ་མགྲིན་དང་གཟའི་རྗེས་ཆོག་ནི། རྟ་མགྲིན་གྱི། ཧཱུྃ་ཧྲཱིཿ པདྨ་དབང་ཆེན་སོགས་ནས་མཆོད་བསྟོད། དངོས་གྲུབ། བཟོད་གསོལ། ཡིག་བརྒྱ། དབྱངས་གསལ། གཟུངས་སྔགས་བཟླ། ལྷ་ཚོགས་རྟེན་ལ་བསྟིམ་མཾ་གཤེགས་གསོལ་ནི། བཛྲ་མུ༔ གཟའི་གཤེགས་གསོལ། ཧཱུྃ༔ རང་རིག་སེམས་ཀྱི་སོགས། རྟ་མགྲིན་ནང་། ཧཱུྃ་ཧྲཱིཿ དགེ་འདིས་སོགས་ནས་མངོན་གྱུར་ཤོག གཟའི་ནང་གི། ན་མོ་བདག་གི་སོགས། བཀྲ་ཤིས་ནི། རྟ་མགྲིན་ནང་། ཧཱུྃ་ཧྲཱིཿ ཆོས་སྐུ་དེ་བཞིན་སོགས། ཧཱུྃ་ཧྲཱིཿ རྒྱལ་ཀུན་སོར་རྟོག་སོགས། གཟའི་བཀྲ་ཤིས། ཨེ་མ་ཧོ༔ བསླུ་མེད་སྐྱབས་སོགས་ཀྱིས་མཐའ་བརྒྱན་པར་བྱའོ།། དེ་ནས་ཀླུ་མདོས་གཤེགས་གསོལ་ནི། གཏང་རག་རྫས་གསར་བ། རིན་ཆེན་སྣ་ཚོགས། འབྲུ་སྨན་སྣ་ཚོགས། དཀར་གསུམ་མངར་གསུམ། ཤིང་ཏོག་ཇ་མར་ཐུད་སོགས་རོ་དྲུག་ཟས། འོ་ཞོ་ཀླུ་སྨན་བདུད་རྩི་སྐྱེམས། ཀླུ་གཟུགས་སམ་ཡང་ན་ཀླུ་བཤོས་རྒྱབ་ཡོལ་ཅན་སྔོན་པོ་སྦྲུལ་དཀྲིས། ཤིང་རིས་དར་ཚོན་བལ་ཚོན་འཇའ་རིས་ཁང་བཟང་། ཤོག་ཤོག་དུང་ཚེ། ཤེལ་ཚིགས། རྒྱན་སྣ་ཚོགས་ཡོན་བདག་གིས་འབུལ་ལ། ཀྱཻ༔ ཀླུ་ཡི་རྒྱལ་པོ་ཆེན་པོ་སོགས། ཕྲིན་ལས་མཛོད་བར། མཚོའམ་ཆུ་མིག་ཏུ་གཤེགས་ལ། གོང་གི་སྤྱིའི་འདོད་གསོལ། ཨོཾ༔ ཀླུ་ཡི་རྒྱལ་པོ་སོགས་ཀྱིས་འདོད་དོན་གསོལ། བསྔོ་སྨོན་ནི། སངས་རྒྱས་སྐུ་གསུམ་བརྙེས་སོགས། བཀྲ་ཤིས་ནི། ཧྲཱིཿ བཀའ་དྲིན་སྲིད་ན་སོགས་དང་། བསོད་ནམས་རི་བོ་སོགས། འབད་དང་སྩོལ་བས་སོགས། བཤད་སྒྲུབ་བསྟན་པ་སོགས། བཀྲ་ཤིས་ཅི་རིགས་བྱའོ།། དེ་ནས་ཡི་དམ་གྱི་གཏང་རག་མཆོད་བསྟོད་ནས་བཟུང་བཀྲ་ཤིས་མཐའ་བརྒྱན་སྤྱི་ལྟར་བྱའོ།། ཀླུ་མདོས་ཕྱི་ཉིན་གཤེགས་ན། གསང་བདག་གམ་སྤྱན་གཟིགས་བདག་བསྐྱེད་བསྡུས་པ་འདོན་མཐར། ཀླུ་གཏོར་བསྡུས་པ་བཏོན་རྗེས་གོང་ལྟར་གཤེགས། ༈ བསྙེན་རྒྱུན་པ་དང་། གཏད་ཕྱུང་། སྣ་སེལ་བ་གསུམ་གྱི་འདོན་འགྲིགས་ནི། བསྙེན་རྒྱུན་པ་དང་གཏད་ཕྱུང་བ་གཉིས་ཀྱིས། གསང་བདག་གོས་སྔོན་གྱི་ལས་བྱང་བཏོན་ནས། བསྙེན་རྒྱུན་པས་བསྙེན་རྒྱུན་བཟུང་། གཏད་ཕྱུང་བས་མཆོད་བསྟོད་དངོས་གྲུབ་ལེན། སྤྲོ་ན། གཟའི་མཆོད་ཕྲེང་འདོན་མཐར། གཏད་ཕྱུང་གཏད་དཀྲུག་བསགས་ནས། ཉིན་ཐ་མར་མདོས་ཀྱི་སྒོ་དབྱེའི་མགོར་རྗེས་བསྡུ་བྱས་ལ། བསྙེན་རྒྱུན་པའི་གྲལ་ལ་འདུག་ནས། བསྙེན་རྒྱུན་པ་དང་། གཉིས་ཀས་སྒྲུབ་ཁོག་པ་དང་མཉམ་དུ་རྗེས་ཆོག་བྱའོ།། སྣ་སེལ་བས། སྤྲོ་ན་བཅའ་བྲན་གྱི་སྔོན་ནམ་མིན་ཡང་ཆོ་གའི་སྔོན་དུ། བསང་དང་བརྔན་བཀྱག དུས་རྒྱུན་སྔ་མོར་རྒྱུན་བསང་། བཀྲ་ཤིས་བརྩེགས་པ། ཉེས་པ་ཀུན་སེལ། གནམ་ས་སྣང་བརྒྱད། ཀླུ་ཡི་དཔང་སྐོང་། ཀླུ་གཏོར། ཆུ་གཏོར། སྡེ་བརྒྱད་མཆོད་པ། གསོལ་ཁ། གཙུག་ཏོར་ནག་མོ། གདུགས་དཀར། ཕྱིར་བཟློག་ངན་སྔགས་འཁོར་ལོ། རྣམ་འཇོམས་ཟབ་མདོ་སོགས་འདོན་ནོ།། ཉིན་ཐ་མར་ཚེ་མདོ། ཚེ་གཟུངས། གཡང་འབོད། གཡང་འགུགས་སོགས་འདོན་པ་ལགས་སོ།། འདིར་སྨྲས་པ། སངས་རྒྱས་གཉིས་པ་དཔལ་ལྡན་པདྨ་སྐྱེས། །བསྔགས་པའི་ཏཱ་རེ་མི་འགྱུར་དགའ་ཚལ་ནས། །འཁྲུལ་བྲལ་བསམ་གཏན་ཡེ་ཤེས་གླིང་པ་དེས། །གདན་དྲངས་ཆོས་ཀྱི་རྒྱ་མཚོ་འདི་ཉིད་རྨད། །སྔོན་དུས་བདེ་གཤེགས་རིན་ཆེན་སྙིང་པོ་དང་། །གསང་བའི་བདག་པོས་དམ་བཞག་གཡར་དམ་ཅན། །ཨ་ཏིའི་སྲུང་མ་མི་སྡུག་རཱ་ཧུ་ལ། །མཐུ་སྟོབས་བསྐལ་མེ་འབར་བའི་མེ་དཔུང་གིས། །བྱད་མ་རྦོད་གཏོང་ལོག་འདྲེན་ཚང་ཚིང་ནགས། །ཡུད་ཀྱིས་གཞོམ་ལ་སྲིད་ན་འགྲན་ཟླ་བྲལ། །དེ་ཕྱིར་དེ་ཡི་སྒྲུབ་ཕྲིན་གྱེར་གཞུང་སོགས། །གནས་གསུམ་མཁའ་འགྲོའི་ཞལ་རླངས་མ་ཡལ་བའི། །ཤོག་སེར་མ་བུའི་ཟ་མ་ཏོག་འཁྱིལ་བཞིན། །བླུན་པོས་འོལ་ཚོད་སྒྲོགས་ལ་དགོས་དོན་ཆུང་། །དེ་ཕྱིར་རྣམ་དག་ཕྱག་བཞེས་དམ་པའི་ལུགས། །རིག་འཛིན་བླ་མའི་ཞལ་ལུང་ཇི་ལྟ་བུར། །བྲིས་འདི་ཟབ་དོན་གནས་ལ་འཕྱུག་མེད་སྙམ། །དེ་ཕྱིར་བློ་དང་ལྡན་པའི་རྗེས་འཇུག་གིས། །འདི་བཞིན་ཉམས་སུ་ལོངས་དང་དོན་ཀུན་འགྲུབ། །ཉེས་འགལ་མཆིས་ན་རྩ་གསུམ་སྲུང་མར་འཆགས། །དགེ་བས་རྒྱལ་བསྟན་རྒྱས་པའི་རྒྱུར་གྱུར་ཅིག །ཅེས་པའི་ཟིན་བྲིས་མཐོང་བ་ཀུན་གསལ་ཞེས་བྱ་བ་འདི་ཉིད་བསྟན་པའི་སྦྱིན་བདག་སྨར་མགོན་པོ་ཚང་ནས་དྲང་སྲོང་སྨུག་ནག་འོད་འཕྲོའི་སྒོ་ནས་གཏད་དཀྲུགས་གསུངས་སྐབས་སུ་སློབ་བུ་རྣམས་ནས་བསྐུལ་བར་བརྟེན་གཏེར་ཆེན་རིན་པོ་ཆེའི་ཞལ་སྔ་ནས་ཀྱང་གུ་རུའི་ཐུགས་ཀྱི་གཟུངས་མ་བལ་མོ་ཤཱཀྱ་དེ་ཝའི་སྒྱུ་འཕྲུལ་དང་། ཆོས་ཀྱི་བདག་པོར་དབུགས་དབྱུང་། མངའ་གསོལ་ལུང་བསྟན་ཐོབ་པའི་རིག་པ་འཛིན་པ་སྔགས་ནག་པ་བློ་གྲོས་རབ་གསལ་ནས་སྐབས་ཅི་རིགས་པར་བྲིས་པས་བསྟན་དང་འགྲོ་ལ་ཕན་ཐོགས་རྒྱ་ཆེན་པོ་འབྱུང་བར་གྱུར་ཅིག །མངྒ་ལཾ།། འདིར་དཔེའུ་རིས་ལྡེབ་བཞི་ཡོད། |