འཇམ་དབྱངས་མཁྱེན་བརྩེའི་དབང་པོའི་བཀའ་འབུམ།

འཇམ་དབྱངས་མཁྱེན་བརྩེའི་དབང་པོའི་བཀའ་འབུམ།

གླེགས་བམ་དྲུག་པ། ཆ༽

འཇམ་དབྱངས་མཁྱེན་བརྩེའི་དབང་པོ།

Nitartha international

Images scanned by BDRC

གངས་ལྗོངས་རྒྱལ་བསྟན་རིས་མེད་ཀྱི་མངའ་བདག་ངོ་མཚར་བཀའ་བབས་བདུན་ལྡན་ཀུན་གཟིགས་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོའི་བཀའ་འབུམ་འདི་ནི་ OCR བྱེད་སའི་གཞི་དེ་བོད་རྫོང་སར་བཀྲ་ཤིས་ལྷ་རྩེར་རྫོང་སར་བ་ཁྲ་འབུ་བློ་གྲོས་ཕུན་ཚོགས་མཆོག་གིས་དཔེ་གཟུགས་པོད་ཉེར་ལྔ་ཅན་ཞིག་པར་དུ་བསྐྲུན་གནང་བ་དེ་ཡིན་པས་ཁོང་གི་རྨད་དུ་བྱུང་བའི་མཛད་རྒྱས་ལ་ཡི་རུང་དང་བསྔགས་བརྗོད་ཞུ།

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

སྒོམ་རིམ་བར་པའི་ས་བཅད།

― JKT006_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་རིམ་བར་པའི་ས་བཅད་བཞུགས་སོ།།

― JKT006_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མཀ་མ་ལ་ཤཱི་ལཱ་ཡ། སློབ་དཔོན་དེ་ཉིད་ཀྱིས་མཛད་པའི་སྒོམ་རིམ་ལ། ལོ་ཙཱ་བས་བཀོད་པའི་མཚན་དོན་དང་ཕྱག་མཆོད་བཤད་པ། རྩོམ་པ་པོས་བཀོད་པའི་གཞུང་དོན་དངོས། བསྟན་བཅོས་བརྩམས་ཟིན་པའི་མཇུག་གི་དོན་ཏོ། །གཉིས་པ་ལ་བཞི། གང་གིས་བསྒོམ་པའི་རིམ་པ། འབྲས་བུ་ཐམས་ཅད་མཁྱེན་པ་རྒྱུ་རྐྱེན་ལ་རགས་ལས་པར་བསྟན་པ། དེའི་རྒྱུ་རྐྱེན་ལ་སློབ་ཚུལ་བཤད་པ། དེ་དག་གི་དོན་མདོར་བསྡུས་ཏེ་བསྟན་པའོ། །གཉིས་པ་ལ་གསུམ། རྒྱུ་མེད་པ། རྒྱུ་ལ་ལྟོས་པ་མ་ལྟོས་པ། རྒྱུ་ནོར་བ་རྒྱུ་རྐྱེན་དང་མ་ཚང་བ་ལས་མི་འབྱུང་བར་བསྟན་པའོ། །གསུམ་པ་ནི། བཀའ་བཞིན་དུ་བསྟན་པ་ལ་ཉེས་སྐྱོན་མེད་པར་བསྟན་པ། རྒྱུ་གསུམ་གྱིས་འདུ་ཚུལ་བཅོམ་

― JKT006_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་འདས་ལུང་གིས་བསྟན་པ། ལུང་དོན་རྒྱས་པར་བཤད་པའོ། །གསུམ་པ་ལ་གསུམ། སྙིང་རྗེ་བསྒོམ་པ། བྱང་སེམས་བསྒོམ་པ། ཐབས་ཀྱིས་མཐར་ཕྱིན་པར་བྱ་བའོ། །གཉིས་པ་ལ་གསུམ། དོན་དམ་བྱང་སེམས་ལ་འབད་པར་གདམས། དེའི་ངོ་བོ་བསྟན། དེ་འགྲུབ་པའི་རྒྱུ་བཤད་པའོ། །དེ་ལ་གསུམ། ཏིང་ངེ་འཛིན་ཐམས་ཅད་ཞི་ལྷག་ཏུ་འདུ་བས་དེ་གཉིས་ཟུང་འབྲེལ་དུ་བསྒོམ་དགོས་པར་བསྟན་པ། ཞི་གནས་བསྒོམས་པའི་རིམ་པ་དངོས། ལྷག་མཐོང་བསྒོམ་པའི་རིམ་པ་བསྟན་པའོ། །དང་པོ་ལ་གཉིས། ཞི་གནས་དང་། ལྷག་མཐོང་གི་ཚོགས་དང་བསྒོམ་པ་དངོས་སོ། །དེ་ལ་གསུམ། སྦྱོར་བའི་བྱ་བ། དངོས་གཞི་དམིགས་པ་ལ་གནས་པ། དམིགས་པ་ལ་

― JKT006_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་སོར་རྟོག་ཚུལ། རྗེས་བྱིངས་རྒོད་སེལ་ཚུལ་ལོ། །གཉིས་པ་ལ་གཉིས། ཞི་གནས་ཀྱི་ངོ་བོ་དང་། དེའི་དམིགས་པ་བསྟན་པའོ། །དེ་ལ་གསུམ། སྡེ་སྣོད་ཀྱི་དོན་ལ། ཕུང་ཁམས་སྐྱེ་མཆེད་ལ། སངས་ཀྵརྒྱས་ཀྱི་སྐུ་གཟུགས་ལ་དམིགས་པའོ། །གཉིས་པ་ལྷག་མཐོང་བསྒོམ་ཚུལ་ལ། བསྒོམས་པའི་འཐད་པ་དང་། སྒོམ་རིམ་དངོས་སོ། །དེ་ལ་གཉིས། གང་ཟག་དང་། ཆོས་ཀྱི་བདག་མེད་བསྒོམ་ཚུལ་ལོ། །དེ་ལ་གསུམ། སོ་སོར་རྟོག་པའི་ཤེས་རབ་ལ་བརྟེན་ནས་མི་གནས་པའི་བསམ་གཏན་བསྒོམ་པ། རྣམ་གཡེང་སེལ་བའི་སྒོ་ནས་མི་གཡོ་བའི་ལྷག་མཐོང་བསྒྲུབ་པ། རྗེས་བསམ་པ་དེ་ནས་ཇི་ལྟར་བྱའོ། །དང་པོ་ལ་གསུམ། ཤེས་རབ་ཀྱིས་སོ་སོར་བརྟགས་ནས་བསྒོམ་པ། ཡིད་ལ་མི་བྱེད་པ་ཙམ་གྱིས་བསྒོམ་པ་གང་ཞིག་དགག་པ། སོར་རྟོག་ལས་བྱུང་བའི་མི་རྟོག་པའི་མེས་རྟོག་པའི་བུད་ཤིང་བསྲེགས་པར་བསྟན་གང་གིས་ཚེ་པའོ། །དང་པོ་ལ་གསུམ། སེམས་སུ་ཤེས་པས་ཕྱི་དོན་ཆོས་བདག་མེད་པ་དགག་པ། སྒྱུ་མ་བཞིན་དུ་སྣ་ཚོགས་སྣང་བས་སེམས་སུ་བདེན་པར་དགག་པ། བཙལ་ན་མི་རྙེད་པས་སྒྱུ་མ་ཙམ་དུའང་མི་དམིགས་པར་བསྟན་དཔེ་དེ་ལྟར་པའོ། །གསུམ་པ་ཐབས་ཀྱིས་མཐར་ཕྱིན་པར་བྱ་བ་ལ། ཐབས་དང་མ་བྲལ་བའི་ཕར་ཕྱིན་དྲུག་གི་སྤྱོད་པ་ཉམས་སུ་བླངས་ཚུལ་གཞན་ཡང་། གོམས་པས་ཐབས་ཤེས་ཟུང་འབྲེལ་དུ་འགྲོ་

― JKT006_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ། གོམས་པའི་འབྲས་བུ་འགྲུབ་ཚུལ་ལོ། །དེ་ལ་བཞི། མོས་སྤྱོད་དུ་ཇི་ལྟར་འབྱུང་བའི་ཕན་དེ་ལྟར་ཡོན། ས་དཔེ་དེ་ལྟར་དང་པོ། སྒོམ་དཔེ་ཇི་ལྟར་ལམ། སངས་རྒྱས་ཀྱི་སར་ཇི་ལྟར་འབྱུང་བའི་ཕན་ཡོན་ནོ། །བཞི་པ་མདོར་བསྡུས་ཏེ་བསྟན་པ་ནི། དེ་བས་ན་བཅོམ་ལྡན་འདས་ཀྱིས། །སོགས་སོ། །གསུམ་པ་མཇུག་གི་དོན་ལ། ལམ་ངན་པ་ཕྲག་དོག་མེད་པའི་བློ་གཟུ་བོས་འདོར་བར་རིག་པ། དབུ་མའི་ལམ་བཤད་པའི་དགེ་བ་འགྲོ་བ་ལ་བསྔོ་བའོ། །ཤུ་བྷཾ།། །

སངས་རྒྱས་གསང་བའི་ལམ་རྣམ་བཀོད་ཀྱི་ལེའུ་དང་པོའི་བསྡུས་དོན།

― JKT006_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

༈ །།ན་མོ་གུ་ར་བེ། དཔལ་ལྡན་སྲིད་དང་ཞི་བའི་ཐིག་ལེར་མི་ཕྱེད་རྡོ་རྗེའི་མཚན་དཔེ་ནི། །བརྟན་བསྡུས་རྟོགས་པའི་སེམས་དཔར་ཡོངས་ཤར་རྣམ་ཀུན་མཆོག་ལྡན་ཡེ་ཤེས་ཀྱིས། །ཐབས་ཤེས་ཟུང་འཇུག་སྒྱུ་འཕྲུལ་དྲྭ་བའི་ཟློས་གར་གསར་པ་ལྷུར་ལེན་པའི། །སྐུ་གསུམ་དབྱེར་མེད་ཧེ་རུ་ཀ་དཔལ་དེ་རིང་བདག་ལ་རྩེ་དགེས་སྐྱོངས། །གང་གི་ཞལ་ལུང་བདུད་རྩིའི་བརླན་ཆགས་པས། །ཕྱེ་བའི་ཞལ་དོན་ལམ་རིམ་ཨུཏྤ་ལ། །གྲུབ་པའི་སློབ་དཔོན་རྣམས་ཀྱི་རྗེས་འབྲངས་ནས། །གཟུར་གནས་རྣ་བའི་རྒྱན་དུ་དགོད་ལ་ཕྱོགས། །དཔལ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བའི་མན་ངག་ལམ་གྱི་རིམ་པ་རིན་པོ་ཆེ་རྣམ་པར་བཀོད་པ་འདི་འཆད་པ་ལ་བཞི་སྟེ། མཚན་གྱི་དོན། འགྱུར་ཀྱི་ཕྱག །གཞུང་གི་དོན། མཇུག་གི་དོན་ནོ། །དང་པོ་ནི། རྒྱ་གར་འཕགས་

― JKT006_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཡུལ་དུ་སྐད་རིགས་ཆེན་པོ་རྣམ་པ་བཞི་ཡོད་པ་ལས། ལེགས་སྦྱར་སཾ་སྐྲྀ་ཏ་མི་སྐད་དུ་བསྟན་བཅོས་འདིའི་མཚན་ལ། གུ་རྒྱ་མནྟ་བཛྲ་ཡ་ན་ཨུ་པ་དེ་ཤ་པ་ཐཀྲ་མ་རཏྣ་བི་ཨུ་ཧ་ནཱ་མའོ། །དེ་ཉིད་བོད་སྐད་དུ་བསྒྱུར་ན། གསང་སྔགས་རྡོ་རྗེ་ཐེག་པའི་མན་ངག་ལམ་གྱི་རིམ་པ་རིན་པོ་ཆེ་རྣམ་པར་བཀོད་པ་ཞེས་བྱ་བ། ཞེས་འབྱུང་སྟེ། དོན་ནི། ཐུན་མོང་གི་ཡུལ་དུ་མ་གྱུར་པའི་གསང་བ་དམ་པ་དེ་ལ་ཡིད་ཤེས་བདེ་མྱུར་གྱིས་སྐྱོབ་པར་བྱེད་བའི་ཕྱིར་སྔགས་དང་མི་ཕྱེད་པ་དང་མི་ཤིགས་པ་དང་ཐོགས་པ་མེད་པའི་རང་བཞིན་སངས་རྒྱས་ཐམས་ཅད་ཀྱི་སྐུ་གསུང་ཐུགས་དབྱེར་མི་ཕྱེད་པ་གང་ཡིན་པ་ལ། རྒྱུ་དང་འབྲས་བུ་ལྷུན་གྲུབ་ཏུ་སྤྱོད་པར་བྱེད་པའི་ལམ་འདིས་འདོང་བར་བྱེད་པས་ན་རྡོ་རྗེ་ཐེག་པ་སྟེ། དེ་ཉིད་ལས་བརྩམས་ཏེ་ཚེགས་ཆུང་ངུས་དོན་དཔག་ཏུ་མེད་པ་རྟོགས་སླ་བའི་ཐབས་སུ་གྱུར་པའི་མན་ངག །བགྲོད་བྱའི་ཕྱིར་ལམ། དེའང་རིམ་པ་བཞིན་དུ་འཇུག་པས་ན་རིམ་པ། འབྱུང་བར་དཀོན་པ་རིན་པོ་ཆེ་ལྟ་བུ་སྟེ། གདུལ་བྱའི་དབང་ཤེས་ཀྱི་རྒྱུད་ལ་མངོན་སུམ་རྣམ་པར་བཀོད་པའི་ཕྱིར་ན་ཡོན་ཏན་གྱི་སྒོ་ནས་བཏགས་པའོ། །གཉིས་པ་ནི། དཔལ་གྱི་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །ཞེས་པ་ནི་ལོ་པཎ་གཉིས་ཀྱིས་འགྱུར་མཛད་པའི་སྔ་ལོགས་སུ་འདོད་པའི་ལྷ་ལ་ཕྱག་འཚལ་བས་དགོས་པ་འགྲུབ་པར་བྱེད་པའི་ཕྱིར་

― JKT006_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

འདོད་པའི་ལྷ་ལ་ཕྱག་འཚལ་བའོ། །གསུམ་པ་ལ་གསུམ་སྟེ། མན་ངག་རྩོམ་པ་ལ་འཇུག་པ་ཀླད་ཀྱི་དོན་དང་། མན་ངག་རྩོམ་པ་རང་གི་ངོ་བོ་གཞུང་གི་དོན་དང་། མན་ངག་བརྩམས་པ་མཐར་ཕྱིན་པ་མཇུག་གི་དོན་བསྟན་པའོ། །དང་པོ་ལ་གཉིས་ཏེ། མཆོད་པར་བརྗོད་པ་དང་། བརྩམ་པར་དམ་བཅའ་བའོ། །དང་པོ་ནི། བར་ཆད་བསལ་ཞིང་ཚོགས་རྫོགས་པ་སོགས་དགོས་ཆེད་དུ་མ་དང་ལྡན་པའི་ཕྱིར་གཞུང་བརྩམ་པའི་ཐོག་མར་ལྷག་པའི་ལྷ་དཔལ་རྡོ་རྗེ་སེམས་དཔའ་ལ་ཕྱག་འཚལ་བ་སྟེ། འདི་ལ་དབྱེ་ན་བཞི་སྟེ། མཚན་གྱི་ཟུར་དང་པོ་དཔལ་གྱི་དོན་ལ་གཉིས། ཐུན་མོང་དང་ཐུན་མོང་མ་ཡིན་པའོ། །དང་པོ་ནི། འཇིག་རྟེན་གྱི་ཕུན་སུམ་ཚོགས་པ་ཐམས་ཅད་ཀྱི་བསྟེན་པ་ལའང་དཔལ་འབྱོར་གྱི་སྒྲས་བསྙད་པ་བཞིན། ཐེག་པ་འོག་མའི་རང་སའི་འབྲས་བུ་ལའང་དཔལ་དུ་བཏགས་ཏེ། དེ་ཡང་རྟོགས་པ་བདག་གི་དཔལ་ནི་ཆོས་ཉིད་ཕྱོགས་རེ་རྟོགས་པ་དང་། ཐུགས་རྗེ་གཞན་གྱི་དཔལ་ནི་དེས་གདུལ་བྱའི་དོན་ཕྱོགས་རེ་བྱེད་པའོ། །གཉིས་པ་ནི། སྔ་མའི་དཔལ་དེ་རྣམས་ཀྱི་དཔལ་དུ་གྱུར་པ་ནི་རྣམ་པ་གསུམ་སྟེ། འཁོར་འདས་སྣང་སྲིད་ཀྱི་ཆོས་ཐམས་ཅད་ཆོས་ཉིད་དེ་བཞིན་ཉིད་ཀྱིས་ཁྱབ་པར་བཞུགས་པ་གནས་པ་གཞིའི་དཔལ། དེ་ལ་གློ་བུར་གྱི་དྲི་མ་བྲལ་ཏེ་གཞི་འབྲས་དབྱེར་མི་ཕྱེད་པའི་གོ་འཕང་མངོན་དུ་བྱས་

― JKT006_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

པ་རྟོགས་པ་མཆོག་གི་དཔལ། དེས་མཐའ་ཡས་པའི་གདུལ་བྱའི་དོན་དུ་གཟུགས་སྐུ་གཉིས་ཀྱི་ཕྲིན་ལས་བསམ་གྱིས་མི་ཁྱབ་པ་རྣམ་པར་འཕྲུལ་པ་ནི་ཐུགས་རྗེ་གཞན་གྱི་དཔལ་ཏེ། དེ་ཉིད་གང་ལ་ལྡན་པ་ནི་དཔལ་རྡོ་རྗེ་སེམས་དཔའོ། །མཚན་གྱི་ཟུར་གཉིས་པ་གཉིས་སུ་མེད་པའི་ཡེ་ཤེས་དེ་ལ་རྡོ་རྗེར་འཇོག་པའི་རྒྱ་མཚན་ནི་ལྟ་སྟེ། དང་པོ་ཕྲིན་ལས་ཀྱི་སྒོ་ནས་འཇོམས་པའི་རྡོ་རྗེ་ནི། ཇི་ལྟར་ཐུན་མོང་རྫ་ས་ཀྱི་རྡོ་རྗེ་ཕ་ལམ་ལའང་ཆོས་བདུན་དང་ལྡན་པ་བཞིན་དུ། གཉིས་མེད་ཀྱི་ཡེ་ཤེས་དེས་ཀྱང་གློ་བུར་གྱི་ཀུན་དཀྲིས་ཐམས་ཅད་འཇོམས་པར་བྱེད་པའི་ཕྱིར་རྡོ་རྗེ་ལྟ་བུའི་ཡེ་ཤེས་སོ། །གཉིས་པ་ངོ་བོའི་སྒོ་ནས་རྒྱུ་རྐྱེན་འདུས་མ་བྱས་པའི་ཕྱིར་འདུས་མ་བྱས་པའི་རྡོ་རྗེའོ། །གསུམ་པ་ཡོན་ཏན་གྱི་སྒོ་ནས་འབྲས་ཆོས་ཉེར་ལྔ་པོ་ཐམས་ཅད་མ་བཙལ་བར་ངང་གིས་རྫོགས་པའི་ཕྱིར་བཙལ་བ་མེད་པའི་རྡོ་རྗེའོ། །བཞི་པ་མཚན་ཉིད་ཀྱི་སྒོ་ནས། དང་པོར་རྒྱུ་རྐྱེན་དང་བྲལ་བའི་ཕྱིར། མཐའ་མ་ཡང་རྒྱུ་རྐྱེན་གྱིས་མི་ཤིགས་པ་སྟེ་སྐྱེ་འཇིག་མེད་པའི་རྡོ་རྗེའོ། །ལྔ་པ་རང་བཞིན་གྱི་སྒོ་ནས། དབྱིངས་གཟོད་ནས་དག་པའི་ཀློང་དུ་རིག་པའི་ཡེ་ཤེས་འདུ་འབྲལ་སྤངས་པའི་ཕྱིར་དབྱེར་མེད་པའི་རྡོ་རྗེའོ། །དེ་ལྟར་གཉིས་མེད་ཀྱི་ཡེ་ཤེས་དེ་ཉིད་རྒྱུ་མཚན་ལྔ་ཡིས་རྡོ་རྗེར་གྲུབ་པ་ཉིད་དོ། །མཚན་གྱི་ཟུར་གསུམ་པ་སེམས་ཞེས་པ། སཱ་ཏཱའི་སྒྲ་ལས་དྲངས་ན།

― JKT006_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཧཱ་སྭ་ཏཱ་ནི་སེམས་ཆེན་པོ། བཱའི་སྒྲ་ལས་དྲངས་ན་མ་ཧཱ་བཱི་ར་ནི་དཔའ་བོ་སྟེ། དེ་ལ་སྔ་མར་དོན་བཞི་སྟེ། དང་པོ་སྣང་ཚུལ་གྱི་སྒོ་ནས་ལྟ་བའི་སེམས་ནི། སྣང་སྟོང་གཉིས་སུ་མེད་པའོ། །གཉིས་པ་རང་བཞིན་གྱི་སྒོ་ནས་སྤྱོད་པའི་སེམས་ནི། སེམས་ཉིད་ངང་གིས་འོད་གསལ་བའོ། །གསུམ་པ་ངོ་བོའི་སྒོ་ནས་སྒོམ་པའི་སེམས་ནི། རྣམ་པར་རྟོག་པས་མི་གཡོ་བའོ། །བཞི་པ་འབྲས་བུའི་སྒོ་ནས་ཁྱད་པར་དུ་གྱུར་པའི་སེམས་ནི། གློ་བུར་གྱི་རྣམ་པར་རྟོག་པས་སྤང་བའི་ཕྱིར་མི་སེམས་ཤིང་། བླ་ན་མེད་པའི་ཡེ་ཤེས་དང་ལྡན་པས་སེམས་ཆེན་པོ་སྟེ་རྟག་ཆད་ཀྱི་མཐར་མ་ལྷུང་པའོ། །མཚན་གྱི་ཟུར་བཞི་པ་དཔའ་བོ་ནི། ཞི་རྒྱས་དབང་དྲག་གི་ཕྲིན་ལས་རྣམ་པ་བཞིས་བདུད་བཞི་བཅོམ་པས་དཔའ་བོ་སྟེ། དེ་ཡང་རིམ་པར། ཉོན་མོངས་པ་ཡེ་ཤེས་ལྔར་ཞི་བས་ཉོན་མོངས་པའི་བདུད། ཕུང་པོ་ལྔ་རིགས་ལྔའི་ངོ་བོར་རྣམ་པར་དག་ཅིང་ཡོན་ཏན་རྒྱས་པས་ཕུང་པོའི། གཉིས་མེད་ཀྱི་དོན་དབང་དུ་བྱས་པས་ལྷའི་བུའི། སྐྱེ་མེད་ཀྱི་དོན་མངོན་དུ་སྤྱོད་པས་འཆི་བདག་གི་བདུད་བཅོམ་པའོ། །དེ་ལྟ་བུའི་དཔལ་རྡོ་རྗེ་སེམས་དཔའ་རང་བཞིན་བདེན་པ་དབྱེར་མེད་པ་ཉིད་འཇིག་རྟེན་པ་དང་། འཇིག་རྟེན་ལས་འདས་པ་ཐེག་པ་འོག་མའི་དཀྱིལ་འཁོར་གྱི་གཙོ་བོ་ཀུན་ལས་ཆེས་ཁྱད་པར་དུ་གྱུར་པ་ཁ་སྦྱོར་ཡན་ལག་བདུན་ལྡན་གྱི་ངོ་བོར་བཞུགས་

― JKT006_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱིར་ལྷ་ཡི་ལྷ་དང་ལྷའི་ལྷ་སོགས་ལ་བཤད་པ་རྒྱས་པ་ཞིག་ཡོད་དེ། མངོན་བརྗོད་བླ་མ་ལས་ཤེས། ཡང་ལྷ་སྟེ་གང་ལ་ཕྱག་འཚལ་བའི་ཡུལ་ལོ། །གང་གིས་ཕྱག་འཚལ་ན། གཞུང་མཛད་པ་པོ་སློབ་དཔོན་སངས་རྒྱས་གསང་བས་སོ། །ཚུལ་ཇི་ལྟར་འཚལ་ན་གསུམ་སྟེ། སྤྱོད་པ་རབ་ཀྱི། སྒྲུབ་པ་ཐབས་ཀྱི། མི་ཕྱེད་འདྲེས་པའི་ཕྱག་དང་གསུམ་ལས། འདིར་མི་ཕྱེད་པ་སྟེ། ཕྱག་འཚལ་ཡུལ་དང་འཚལ་མཁན་དགོངས་པ་གཉིས་སུ་མེད་པར་གྱུར་ཀྱང་། རྣམ་པ་ཙམ་དུ་དད་པའམ་མོས་པའི་ཚུལ་གྱིས་རང་ཞལ་མཇལ་བ་ལ་དེའི་ཐ་སྙད་བཞག་པའི་ཕྱིར་ལྟ་བ་མཇལ་བའི་ཕྱག་གོ །དགོས་པ་ནི་སྟོན་པ་དང་བསྟན་བཅོས་ལ་དད་པར་བྱ་བ་དང་། ཚོགས་རྫོགས་པ་དང་། མཐར་ཕྱིན་པའི་ཆེད་དུའོ། །གཉིས་པ་ཁས་བླངས་པས་དམ་བཅའ་ཡལ་བར་མི་འདོར་བའི་བརྩམ་པར་དམ་བཅའ་བ་ལ་གཉིས། ལོ་རྒྱུས་ཀྱི་སྒོ་ནས་བརྩམ་པར་དམ་བཅའ་བ་འཐད་པ་དང་བཅས་པ་དང་། བསྡུས་ཚུལ་གྱི་སྒོ་ནས་བཤད་པར་དམ་བཅའ་བ་དངོས་སོ། །དང་པོ་ལ་གཉིས་ཏེ། གསང་སྔགས་མི་ཡུལ་དུ་ཇི་ལྟར་དར་བའི་ཚུལ་དང་། དེ་ཚོགས་སྒྲུབ་ཀྱི་སྒོ་ནས་འབྲས་བུ་ཐོབ་པའི་ཚུལ་ལོ། །དང་པོ་ལའང་གཉིས་ཏེ། གསང་བདག་གིས་རིགས་ཅན་དྲྭ་མ་ལྔ་ལ་གསུངས་པའི་དུས་དང་། རྒྱལ་པོ་ཛལ་གསང་སྔགས་གནང་བའི་དུས་བསྟན་པའོ། །དང་པོ་ནི། བདག་ཅག་གི་སྟོན་

― JKT006_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མྱ་ངན་ལས་འདས་ནས་ལོ་ཉི་ཤུ་རྩ་བརྒྱད་ལོན་པ་ན་དམ་པའི་རིགས་ཅན་དྲྭ་མ་ལྔ་པོས་ནང་དུ་ཡང་དག་པར་འཇོག་པ་ལས་རང་རང་གི་མངོན་པར་ཤེས་པས་མཁྱེན་ནས། རྒྱ་གར་ཤར་ཕྱོགས་ཟ་ཧོར་གྱི་ཡུལ་དང་ཉེ་བའི་ལངྐའི་ཡུལ། སྔོན་བཅོམ་ལྡན་འདས་ལངྐའི་རྒྱལ་པོ་སྒྲ་སྒྲོགས་ཀྱི་བུ་མགྲིན་བཅུས་སྤྱན་དྲངས་ནས་བློ་གྲོས་ཆེན་པོས་ཞུས་པའི་ངོར་ལང་གཤེགས་ཀྱི་མདོ་གསུངས་པའི་གནས་ཏེ། ཡུལ་དེ་སྔོན་སྲིན་པོས་བཟུང་ཞིང་། ཕྱིས་རྒྱལ་པོ་རཱ་མ་ཎས་བཅོམ་ཞིང་། སྐབས་ཤིག་དེད་དཔོན་སེང་གེ་བཟང་པོས་བཟུང་བས་སིངྒ་ལའི་གླིང་དུའང་གྲགས་པ་སྟེ། དེའི་ནང་ཚན་དྲག་ཡོན་ཏན་གསུམ་དང་ལྡན་པའི་ཤུལ་ཅན་གྱི་རི་མ་ལ་ཡ་གནམ་ལྕགས་ཡོད་པའི་རྩེ་མོར་འདུས་ཏེ་གདུང་ཚིག་ཉི་ཤུ་རྩ་གསུམ་བཏོན་པས། སྟོན་པ་རིགས་དྲུག་པ་ཀུན་ཏུ་བཟང་པོ་ཉིད་ཀྱིས་མངོན་པར་མཁྱེན་ནས། དམ་པའི་མཛོད་གསུམ་གྱི་གསང་བ་འཛིན་པའི་བདག་པོ་ལག་ན་རྡོ་རྗེའི་རྣམ་རོལ་དུ་བསྟན་པས། རྫུ་འཕྲུལ་གྱི་ཞབས་ཀྱིས་སྐད་ཅིག་ལ་གནས་དེར་གཤེགས་ཏེ། ལྷ་གྲགས་ལྡན་ཆོས་སྐྱོང་བློ་གྲོས་མཐའ་ཡས། ཀླུ་རྒྱལ་མགྲིན་པ་ནག་པོ་བློ་གྲོས་རྒྱ་མཚོ། གནོད་སྦྱིན་སྐར་མདའ་གདོང་བློ་གྲོས་དད་སེལ། སྲིན་པོ་ལངྐའི་བདག་པོ་བློ་གྲོས་ཐབས་ལྡན། མི་དགེ་སློང་ལི་ཙཱ་བི་དྲི་མེད་གྲགས་པ་བློ་གྲོས་རབ་ཞི་སྟེ་གསང་སྔགས་ཉན་པའི་སྣོད་དང་སྐལ་བར་ལྡན་པ་

― JKT006_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་པའི་ཚོགས་ལ། སྟོན་པ་ཤཱཀྱའི་དབང་པོས་མདོ་སྡེ་གདམས་ངག་འབོགས་པའི་རྒྱལ་པོ་ལ་སོགས་པ་ལས། ང་ནི་འདི་ནས་མི་སྣང་ནས། །ལོ་ནི་བརྒྱ་དང་བཅུ་གཉིས་ན། །ལྷ་གནས་གསུམ་དུ་གྲགས་པ་ཡི། །བསྟན་པའི་སྙིང་པོ་དམ་པ་ཞིག །འཛམ་གླིང་ཤར་ལྷོའི་ཕྱོགས་མཚམས་ཀྱི། །རྒྱལ་པོ་ཛཞེས་བྱ་བ་ལ། །ལག་ན་རྡོ་རྗེའི་མཐུས་སྣང་འགྱུར། །ཞེས་ཇི་ལྟར་ལུང་བསྟན་པའི་བདེན་པའི་འབྲས་བུ་མངོན་སུམ་སྨིན་པའི་དུས་དེར། སྔར་འོག་མིན་སོགས་སུ་གསུངས་པ་ཉིད་སླར་ཡང་བཟླས་ཏེ་སྟོན་པར་མཛད་ཅིང་། དེ་རྣམས་སྲིན་པོ་བློ་གྲོས་ཐབས་ལྡན་གྱིས་གསེར་གྱི་གླེགས་བམ་ལ་བཻཌཱུརྱ་ཞུན་མས་བྲིས་ནས་དགོངས་པའི་རྩལ་བདུན་གྱིས་ནམ་མཁར་སྦས་སོ། །གཉིས་པ་ནི། དེའི་ཚེ་དེའི་དུས་ན་ཧོ་རའི་རྒྱལ་པོ་ཨ་པརྙ་མུ་ཞེས་པའི་བུ་ཐེག་པ་མཆོག་གི་རིགས་ཅན་རྒྱལ་པོ་ཛཞེས་བྱ་བ་ཉིད་ཕྱི་རྒྱུད་ཀྱི་སྒྲུབ་པ་ལ་བཞུགས་པའི་ཚེ་རྨི་ལྟས་ངོ་མཚར་བ་བདུན་ཤར་ཏེ། ཇི་སྐད་དུ། སྐུ་གསུང་ཐུགས་རྟགས་ཐིམ་པ་དང་། །རིན་ཆེན་གླེགས་བམ་བབས་པ་དང་། །ཆོས་ཀྱི་བགྲོ་བ་བྱས་པ་དང་། །ཀུན་གྱིས་དམ་པར་བསྒྲགས་པ་དང་། །མཆོད་པ་ཆེན་པོ་བྱས་པ་དང་། །རིན་ཆེན་ཆར་དུ་འབབ་པ་དང་། །སངས་རྒྱས་ས་ལ་ལུང་བསྟན་པའོ། །ཞེས་པའི་ཉིང་འཁྲུལ་ཇི་ལྟ་བ་དང་མཐུན་པར་བསྐྱེད་པ་མ་ཧཱ་ཡོ་གའི་རྒྱུད་ཀྱི་གླེགས་བམ་

― JKT006_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

བབས་ཏེ། དེ་ཉིད་སྔོན་གྱི་བསོད་ནམས་དང་། སངས་རྒྱས་ཀྱི་ཐུགས་རྗེས་འབྲེལ་ནས་སྣང་བའི་གླེགས་བམ་ལ་དགའ་བ་ཁྱད་པར་ཅན་སྐྱེས་ནས་དབང་པོས་མངོན་སུམ་དུ་བརྟགས་པས་བརྡ་མ་འཇལ་ཏེ། དགེ་སློང་ཀུ་ཀུ་རཱ་ཛ་ལ་བསྲིངས་པས་དེས་ཀྱང་མ་འཚལ་བར་སླར་བསྲིངས་པས། རྒྱལ་པོ་ཉིད་ཀྱིས་སླར་ཡང་གསོལ་བ་བཏབ་པས་རྡོ་རྗེ་སེམས་དཔའ་ཞལ་མཐོང་གི་ལེའུ་ཐུགས་ཀྱི་སྒྲུབ་པའི་ཐབས་དེ་མངོན་པར་རྟོགས་ཏེ། དེ་ཉིད་ཀྱི་སྒོ་ནས་ཟླ་བ་དྲུག་ཏུ་སྒྲུབ་པ་མཛད་པར། རྡོ་རྗེ་སེམས་དཔའ་དེ་ཉིད་ཀྱིས་གྲུབ་སྟེ་ཞལ་མཇལ་བས། རིགས་ཀྱི་བུ་ཅི་འདོད་ཅེས་གསུངས་པ་ན། གླེགས་བམ་འདི་རྣམས་རྟོགས་པར་འཚལ་ལོ་ཞུས་པས། རིགས་ཀྱི་བུ་རང་གི་ཕུང་པོ་སྦྱོངས་དང་། གསང་བའི་བདག་པོས་ལུང་སྟོན་པར་འགྱུར་རོ། །ཞེས་མི་སྣང་བར་གྱུར་ཏོ། །དེ་ནས་ཕྱག་ན་རྡོ་རྗེས་རྗེས་སུ་བཟུང་སྟེ་སྒྲིབ་པ་སྦྱངས་ནས་གསང་སྔགས་ཀྱི་ལམ་བསྟན་པས་ཐམས་ཅད་མཁྱེན་པའི་དངོས་གྲུབ་ཉིད་དུས་དེ་ཙམ་ནས་ཐོབ་ཅིང་ལུང་གི་ཆོས་ལ་མངའ་བསྒྱུར། སྣོད་རྒྱལ་པོ་ཛ༠ལ་དོན་དམ་ངེས་པའི་ཐེག་པ་བཅུད་ཏན་སྡེ་བཅོ་བརྒྱད་ཀྱིས་དུས་དེ་ཙམ་ནས་བློ་གྲོས་རྒྱས་པར་བྱས་པས་རྟོགས་པའི་ཡོན་ཏན་ཕུལ་དུ་བྱུང་བ་ཐོབ། འདོད་པའི་བསམ་པ་གླེགས་བམ་རྟོགས་པར་བརྣག་པའང་དེ་ནས་གྲུབ་ཅིང་། ཚེ་རབས་ཀུན་ཏུ་སྨོན་

― JKT006_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལྷ་དཔལ་ཕྱག་ན་རྡོ་རྗེ་དང་དུས་དེ་རུ་མཇལ་ཏེ་དོན་གཉིས་ལྷུན་གྱིས་གྲུབ་པར་གྱུར་ཏོ། །གཉིས་པ་ཚོགས་སྒྲུབ་ཀྱི་སྒོ་ནས་འབྲས་བུ་ཐོབ་ཚུལ་ནི། དེ་ལྟར་གསང་སྔགས་ཀྱི་ཐེག་པ་རིན་པོ་ཆེ་འཇིག་རྟེན་དུ་བྱུང་བའི་རྗེས་དེ་ནས་འཕགས་པའི་ཡུལ་དབུས་འགྱུར་འཆང་བྱང་ཆུབ་སྙིང་པོ་རྡོ་རྗེ་གདན་སྟེང་གི་བྱང་ཤར་མཚམས། འཛམ་བུའི་རྐང་འཐུང་གིས་ཉེ་བར་མཚན་པའི་ཤར་གྱི་ཕྱོགས་དང་བྱང་གི་ཕྱོགས་གཉིས་ཀྱི་མཚམས་སུ། ཕྱག་ན་རྡོ་རྗེའི་ཕོ་བྲང་དུ་བྱིན་གྱིས་བརླབས་པའི་གནས་ཀྱི་དམ་པ་ཨ་སུ་རའི་བྲག་ཕུག་ཅེས་ནང་རིན་པོ་ཆེ་ཟུར་བརྒྱད་པའི་དབྱིབས་ཅན། སྒོ་ཟླ་གམ་དུ་གནས་པ་ན། དཔལ་གསང་བ་འཛིན་པའི་བདག་པོས་ཞབས་ཀྱིས་བཅགས་པའི་བཀྲ་ཤིས་ཤིང་བྱིན་རླབས་ཆེ་བའི་གནས་ཀྱི་དམ་པ་སྟེ་མཆོག་གི་བསམ་གཏན་གྱི་ཁང་བུ་དེ་རུ། ཟ་ཧོར་གྱི་དགེ་སློང་ཀུ་ཀུ་རཱ་ཛ་སྟེ་ཁྱིའི་རྒྱལ་པོར་གྲགས་པ་ཚོམ་བུ་ཁྲི་ཕྲག་འབུམ་དུ་བཤད་དང་བཅས་པ། རྒྱལ་པོ་ཛཉིད་ཀྱི་སྲས་ཨིནྡྲ་བྷཱུ་ཏི་སྟེ་འབྱུང་པོའི་དབང་པོ་ཚོམ་བུ་ཁྲི་ཕྲག་དང་བཅས་པ། སིངྒ་ལའི་རྒྱལ་པོའི་སྲས་ཨུ་པ་རཱ་ཛ་སྟེ་ཉེ་བའི་རྒྱལ་པོ་ཚོམ་བུ་སྟོང་ཕྲག་དང་བཅས་པ། །ཨིནྡྲ་བྷུ་ཏིའི་སྲས་མོ་གོ་མ་ས་སྟེ་མཐོ་རིས་ལྡན་མའམ། གོ་མ་དེ་བཱི་སྟེ་རྡོ་རྗེ་ཅན་གྱི་ལྷ་མོ་འཁོར་ཚོམ་བུ་ལྔ་བརྒྱ་དང་བཅས་པ་སྟེ། དེ་ལ་སོགས་པ་རྣམས་དཔལ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་གསང་བ་སྙིང་

― JKT006_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་དཀྱིལ་འཁོར་དུ་ཕན་ནུས་ཟབ་མོའི་དབང་རྣམས་ལེགས་བར་ཐོབ་ནས་ཐོས་བསམ་གྱི་ལྟ་བ་རྟོགས་ཤིང་། ཚོགས་ལམ་གྱི་རྣལ་འབྱོར་བཞི་མཐར་ཕྱིན་ནས་སྦྱོར་ལམ་ཞི་ཁྲོའི་ཚོམ་བུ་ཚོགས་ཀྱི་དཀྱིལ་འཁོར་རྒྱས་འབྲིང་བསྡུས་གསུམ་གང་ཡང་རུང་བ་མངོན་པར་བསྒྲུབས་ཏེ། གནས་སྐབས་ལམ་གྱུར་གྱི་འབྲས་བུ་རིག་འཛིན་བཞི་དང་། དེ་ལ་བརྟེན་ནས་མཐར་ཐུག་མི་སློབ་པའི་སྐུ་གསུམ་རྡོ་རྗེ་འཆང་གི་གོ་འཕང་དུ་མངོན་སུམ་དུ་གཤེགས་པར་མཛད་དོ། །གཉིས་པ་དམ་བཅའ་བ་དངོས་ལ། ལུང་མཆོག་བླ་མ་ལས། ཐོས་ཆུང་གསར་བུ་ཡིད་ཆེས་བསྐྱེད་པའི་ཕྱིར། །མན་ངག་རྩིས་མགོ་ལྔ་ཡིས་ཀླད་ནས་གཞོམ། །ཞེས་གསུངས་པ་དང་མཐུན་པར་འཆད་ན། དང་པོ་ཁུངས་བཙུན་ཅིང་ཡིད་ཆེས་པར་བྱ་བའི་ཕྱིར་སློབ་དཔོན་གང་གིས་མཛད་པ་ནི། དེ་ལྟར་རྨད་དུ་བྱུང་བའི་ལོ་རྒྱུས་ཕུན་སུམ་ཚོགས་པ་དེ་ལྟ་བུ་དང་ལྡན་པའི་ཕྱིར་ན། ཆོས་ཉིད་ཀྱི་བདེན་པ་མངོན་སུམ་དུ་གཟིགས་ཤིང་ཡི་དམ་གྱི་ལྷའི་ཞལ་མཐོང་བ་དང་། རིམ་པར་བརྒྱུད་པའི་ཕྱི་མ་སྲས་མོ་གོ་མ་དེ་ཝཱིས་རྗེས་སུ་བཟུང་ཞིང་སྒྱུ་འཕྲུལ་གྱི་ཕྱོགས་ལ་ལྷག་པར་མཁས་པས་ན་བསྟན་བཅོས་བརྩམས་པའི་མཚན་ཉིད་གསུམ་ཀ་དང་ལྡན་པ་བུདྡྷ་གུལྟ་སྟེ་སངས་རྒྱས་གསང་བར་གྲགས་པ་སངས་རྒྱས་ཀྱི་མཚན་ཐོབ་པ་ངས་བཤད་པར་བྱའོ། །གཉིས་པ་བརྩམས་པ་དོན་ཡོད་

― JKT006_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱ་བའི་ཕྱིར་དགོས་ཆེད་གང་གི་ཕྱིར་དུ་མཛད་པ་ནི། དམ་པ་སྟེ་གསང་སྔགས་རྡོ་རྗེ་ཐེག་པ་མཉན་པའི་སྐལ་བ་དང་ལྡན་པ་ཡ་རབས་དྲྭ་མའི་ངང་ཚུལ་ཅན། གནུབས་ནམ་མཁའི་སྙིང་པོ། རླངས་སུ་ཏ་གོ་ཆ། གཉགས་ཁམས་པའི་ལྷ། བྲན་ཀ་མུ་ཏི་བི། སློབ་དཔོན་སྦ་ཁྲི་གཞེར་དང་ལྔ་བརྒྱུད་ནས་དེ་ཡི་རྗེས་སུ་འབྱུང་འགྱུར་མ་འོངས་པའི་སྐལ་བ་དང་ལྡན་པ་རྣམས་ཀྱི་ཕྱིར་དུའོ། །གསུམ་པ་བཀའ་དང་མི་འགལ་ཞིང་ཐེག་པའི་གཞུང་ཚུགས་པའི་ཕྱིར་རྒྱུད་གང་ནས་བཏུས་ཤིང་ཕྱོགས་གར་གཏོགས་པ་ནི། སྒྱུ་འཕྲུལ་དྲྭ་བ་ལེའུ་སྟོང་ཕྲག་བརྒྱ་པའི་རྒྱུད་ལ་བརྟེན་ནས། དུས་གསུམ་གྱི་སངས་རྒྱས་ཐམས་ཅད་ཀྱི་བགྲོད་པ་གཅིག་པའི་གཤེགས་ཤུལ་གྱི་མན་ངག་ཟབ་མོ་ཉེ་བར་བརྩམས་པའོ། །བཞི་པ་སྟོན་པ་ལ་མཚན་ངེས་ཤིང་དོན་གྱི་མདོ་ཆིངས་རྟོགས་པར་བྱ་བའི་ཕྱིར་མཚན་ཅི་ལ་བཏགས་པ་ནི། སྤྱིར་ལམ་ནི་བགྲོད་པར་བྱ་བ་སྟེ། དེ་ཡང་ཐེག་པ་ཐུན་མོང་དང་། ཐུན་མོང་མ་ཡིན་པ་གཉིས་སོ། །མཆོག་ནི་ཐེག་པ་འོག་མ་ལས་ཉེ་བ་དང་། བདེ་བ་དང་། - རྫོགས་པ་གསུམ་གྱིས་ཁྱད་པར་དུ་བྱས་པ་སྟེ། དེ་ལྟ་བུའི་དོན་སྟོན་པའི་ལམ་འདི་ཉིད་ལའང་ལམ་མཆོག་གི་རིམ་པའི་སྒྲས་སྨོས་པའི་ཕྱིར་མཚན་ལ་འདོགས་ལུགས་ལྔ་ལས་ངོ་བོའི་སྒོ་ནས་བཏགས་པའོ། །ལྔ་པ་དོན་ཁོང་དུ་ཆུད་པར་སླ་བའི་ཕྱིར་དངོས་པོའི་དོན་ངེས་པར་བསྟན་པ་ནི་འོག་ཏུ།

― JKT006_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་ཡེ་ཤེས་རང་གནས་དང་། །སོགས་ཀྱིས་འཆད་དོ། །དེས་ན་དེ་ལྟ་བུའི་ལམ་འདི་བརྩམ་པར་རིགས་པ་སྟེ། ཉོན་མོངས་པ་དང་། དུས་དང་། ཚེ་དང་། ལྟ་བ་དང་། སེམས་ཅན་གྱི་སྙིགས་མར་གྱུར་པའི་ཕྱིར་ཉོན་མོངས་རྒྱུད་དྲག་ཅིང་གཉེན་པོ་སྟོབས་ཞན་པའི་དུས་ཀྱི་ཚེ་འདིར་ནི། སྤོང་འགེགས་སྦྱོང་བསྒྱུར་གྱི་ལམ་གྱིས་ཐུལ་བ་མིན་ཏེ། གསང་སྔགས་རྡོ་རྗེ་ཐེག་པ་བླ་མེད་ཀྱི་ལམ་ཁོ་ནས་འདུལ་བའི་དུས་ལ་བབ་པའི་ཕྱིར་བསྟན་པར་བྱའོ། །ཞེས་པ་སྟེ། རྒྱུད་གཞན་ལས་ཀྱང་། རྩོད་ལྡན་བཞི་པ་བླ་མེད་རྒྱུད། །ཅེས་དང་། ཧེ་རུ་ཀ་དཔལ་གཟུགས་བྱས་ན། །སྙིགས་མའི་དུས་སུ་འགྲུབ་པར་འགྱུར། །ཞེས་སོགས་རྒྱ་ཆེར་བསྟན་པ་དང་དགོངས་པ་མཐུན་ནོ། །སྤྱི་དོན་གཉིས་པ་མན་ངག་རྩོམ་པ་རང་གི་ངོ་བོ་ལ་གཉིས། གང་ལ་སྦྱིན་པར་བྱ་བའི་མན་ངག་གི་སྣོད་བསྟན་པ་དང་། གང་སྦྱིན་པར་བྱ་བའི་མན་ངག་རང་གི་ངོ་བོའོ། །དང་པོ་ལ་གསུམ། སྣོད་ཀྱི་དགོས་ཆེད། སྣོད་བསྟན་པའི་ཐབས། སྣོད་ཀྱི་བྱེ་བྲག་གོ། །དང་པོ་ལ་གཉིས་ཏེ། གཞན་སེལ་བའི་དགོས་ཆེད་སྣོད་ངན་གྱིས་མི་འགྲུབ་པར་སྤྱི དཔེའི་སྒོ་ནས་བསྟན་པ་དང་། དོན་དུ་གཉེར་བའི་དགོས་ཆེད་བླ་མ་བཀུར་ཐབས་ཕན་ཡོན་དང་བཅས་པའོ། །གཞན་དུ། རྒྱུད་ཀྱི་མན་ངག་མེད་ན་རང་ཉམས་ཀྱིས་མི་རྟོགས་པས་མན་ངག་དང་ལྡན་པའི་བླ་

― JKT006_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བརྟེན་དགོས་པ་དང་། མན་ངག་མི་ཉམས་པར་བྱ་བའི་ཕྱིར་སྣོད་བརྟག་ཅིང་སྦྱིན་མི་སྦྱིན་གྱི་དམིགས་བསལ་དང་། སྣོད་ལྡན་ལ་སྦྱིན་པའི་མན་ངག་རང་གི་ངོ་བོ་བསྟན་པའོ། །དང་པོ་ལ་གཉིས། བརྒྱུད་པའི་མན་ངག་མེད་པར་རང་ཉམས་ཀྱིས་མི་རྟོགས་པ་དང་། དེས་ན་བརྒྱུད་པའི་བླ་མ་མན་ངག་དང་ལྡན་པར་བརྟེན་དགོས་པའོ། །དང་པོ་ནི། སྤྱན་བཟང་པོ་སྟེ་མིག་མི་གསལ་འདི་ཨུ་མུ་ཏྲ་ཤ་ཀ་སྟེ་ལོང་བ་རང་གི་མིང་དུ་བཤད་པས་བརྟག་བས་འགྲོ་བའི་མཐུ་མེད་པ་དེ་ལོང་བར་གྱུར་པ་ཡི། དམིགས་བུ་སྟེ་ལམ་མཁན་བྲལ། རང་དགར་འགྲོ་བའི་ཉམས་མེད་དེ་ལམ་སྟོར་བས་ལམ་ལས་བགྲོད་ཅིང་འདོད་པའི་གནས་སུ་ཕྱིན་པར་ནམ་ཡང་མི་ནུས་ཏེ། །དེ་བཞིན་དུ་བླ་མ་མེད་པར་བློ་རྩིང་པོ་མ་སྦྱངས་ཤིང་མ་དུལ་བའི་དམུ་རྒོད་དེ་ལྟ་བུའི་རང་བཟོའི་ཉམས་ཀྱིས་གསང་བ་སྙིང་པོའི་དོན་རྟོགས་ཤིང་མཐར་ཕྱིན་པར་མི་འགྱུར་ཏེ། འདི་ལྟར་བུ་ལ་ཤིང་སྟེ་ཐང་ཤིང་སྨུག་པོར་གྲགས་པར་གནས་སྐབས་མེ་ཏོག་དང་མཐར་ཐུག་གི་འབྲས་བུ་གཉིས་མེད་པ་བཞིན་དོན་གཉིས་འགྲུབ་པར་མི་འགྱུར་རོ། །གཉིས་པ་ལ་གཉིས། བླ་མ་བཀུར་བའི་ཐབས་དང་། བཀུར་བའི་ཡོན་ཏན་ནོ། །དང་པོ་ནི། རྒྱུ་མཚན་དེ་བས་ན་བླ་མ་རྡོ་རྗེ་སློབ་དཔོན་དེ་ཉིད་རྒྱུད་ལུང་ནས་ཇི་ལྟར་བཤད་པ་བཞིན་བླ་མ་དང་སངས་རྒྱས་མཉམ་པ་དང་། ཐ་མི་དད་པ་དང་། ལྷག་པའི་ཚུལ་གྱིས་

― JKT006_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

བཀུར་ཞིང་། སློབ་དཔོན་གྱིས་སློབ་བུ་བརྟག་པར་བྱ་བའི་ཕྱིར་སྐྱོ་བར་བྱས་ཏེ་མཚངས་འདྲུ་བ་དང་། ཞེ་གཅོད་པའི་ཚིག་ངན་ཇི་ལྟར་སྨྲ་ཡང་བཟོད་པ་སྟེ། ཅིའི་ཕྱིར་ན། གནས་སྐབས་འཇིག་རྟེན་གྱིས་མཐོང་བའི་གདུང་བ་ཅི་བྱུང་ཡང་ཁུར་དུ་མི་བལྟ་སྟེ། བཏགས་སྤྱོ་ཞེ་གཅོད་པ་ལ་སོགས་པ་དེ་ཀུན་མཐར་ཐུག་སངས་རྒྱས་ཐོབ་པར་བྱ་བའི་ཡུན་གྱི་དོན་དུ་བཟོད་པར་འོས་པའོ། །གཉིས་པ་ལ་གཉིས། བླ་མ་ཁུར་བའི་ཡོན་ཏན་གདམས་ངག་གནང་བ་དང་། དེའི་ཡོན་ཏན་སངས་རྒྱས་ཐོབ་པའོ། །དང་པོ་ནི། དེ་ལྟ་བུའི་དཀའ་བ་དང་དུ་བླངས་ནས་བླ་མ་དམ་པའི་ཞབས་པད་ལ་ལྟེམ་རྐྱངས་མེད་པར་བསྟེན་པར་ནུས་ན། ནམ་ཞིག་སྟོན་པ་རྡོ་རྗེ་རྒྱལ་པོ་སློབ་དཔོན་དེ་ཉིད་ཐུགས་རྗེ་གཡོས་ནས་མན་ངག་སྦྱིན་པར་ཞལ་གྱིས་འཆེས་པས་ཉམས་ཀྱི་གནང་བ་ཐོབ་པར་འགྱུར་ཏེ། དེའི་ཚེ་ན། རྒྱུད་ཆེན་གསང་བ་སྙིང་པོའི་གཞུང་གི་ལེའུ་ལས། རྒྱལ་སྲིད་དང་ནི་རང་གི་ལུས། །བུ་དང་ཆུང་མ་ནོར་གྱི་དབྱིག །རབ་ཏུ་གཅེས་དང་ཡིད་འཐད་དབུལ། །ཞེས་གསུངས་པའི་ཡོན་ཕུལ་ནས་ནན་ཏན་གྱིས་གསོལ་བ་བཏབ་པས་སློབ་དཔོན་གྱི་ཐུགས་ཀྱི་ཉིང་ཁུའི་གདམས་ངག་རྣམས་སློབ་བུ་དེ་ལ་སྟེར་བར་འགྱུར་རོ། །གཉིས་པ་ནི། མན་ངག་ཐོབ་པའི་གང་ཟག་དེ་ཡིས་ཅང་ཤེས་ལ་སོགས་པའི་བཞོན་པ་བཟང་པོ། མྱུར་བ་དང་། བདེ་བ་དང་།

― JKT006_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟན་པ་ལ་ཞོན་ནས་འགྲོ་བར་འདོད་པའི་གནས་སུ་སྐད་ཅིག་ལ་གེགས་མེད་པར་ཕྱིན་པར་བྱེད་པ་བཞིན་དུ། གསང་བ་བླ་ན་མེད་པའི་རྫུ་འཕྲུལ་རྟ་དང་། སྟོབས་གླང་པོ་ཆེར་མཚུངས་པའི་ཐེག་པ་ལ་ཞོན་པས། རྒྱུ་ཤེས་པའི་མཚན་ཉིད་ལྟ་བ་མཐོང་ཞིང་། རྐྱེན་འཇུག་པའི་མཚན་ཉིད་ཚོགས་ལམ་རྣལ་འབྱོར་བཞི་དང་། སྦྱོར་ལམ་བར་ཆད་མེད་པ་ཚོམ་བུ་ཚོགས་སྒྲུབ་ལ་བརྟེན་ནས། གནས་སྐབས་ཀྱི་འབྲས་བུ་མཐར་ཕྱིན་པ་རིག་འཛིན་བཞིའི་ལམ་ལ་བཀོད་ནས། མཐར་གྱིས་སྐུ་དང་ཡེ་ཤེས་ཕྲིན་ལས་རྒྱ་མཚོ་ལྟ་བུ་ལ་དབང་འབྱོར་པ་བྱང་ཆུབ་སྙིང་པོའི་གནས་སུ་ཕྱིན་པར་བྱེད་པའོ། །གཉིས་པ་བརྟག་པ་ལ། སྣོད་བརྟག་པའི་ཚུལ་དངོས་དང་། སྣོད་དང་ལྡན་པ་ལ་སྦྱིན་ཅིང་། སྣོད་དང་མི་ལྡན་པ་ལ་མི་སྦྱིན་པའི་ཚུལ་ལོ། །དང་པོ་ནི། སྣོད་བཅུད་འཛོམ་ན་ཟབ་མོའི་ལམ་གྱི་དངོས་གྲུབ་མྱུར་དུ་ཐོབ་པའི་ཕྱིར་དེ་བས་ན་བླ་མ་རྡོ་རྗེ་སློབ་དཔོན་སློབ་བུ་ཡལ་བར་མི་འདོར་བོའི་གཉེར་དང་ལྡན་པས་ཐོག་མར་སྣོད་བརྟག་པ་གལ་ཆེ་སྟེ། དེ་ཡང་རྒྱང་ནས་རིགས་དང་། ངང་ཚུལ་བཟང་ངན་དང་། དད་པ་དང་། ཤེས་རབ་ཆེ་ཆུང་གཞན་ལ་དྲིས་པ་དང་། དྲུང་དུ་སྒོ་གསུམ་གྱི་བྱ་བྱེད་བརྩོན་འགྲུས་སོགས་བརྟག་པ་དང་། ཀུན་འདུས་དང་རྔམས་གློག་སོགས་ལས་གསུངས་པ་ལྟར། བྱིས་པ་གཙང་མའི་སེམས་ལ་པྲ་ཕབ་སྟེ་བརྟག་པ་དང་། ལས་

― JKT006_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་མཁའ་འགྲོ་ལ་གཏོར་མ་བྱིན་པས། དེ་ཡིས་གསང་སྔགས་སྟོན་དུ་རུང་མི་རུང་གི་ལྟས་ཉམས་དང་རྨི་ལམ་སོགས་སུ་སྟོན་པས་བརྟག་པ་དང་། མཚངས་ནས་འདྲུ་བ་དང་སྤྲོ་བར་བྱ་བས་དད་པ་སོགས་ལྡོག་གམ་མི་ལྡོག་པར་བརྟག་པ་སྟེ། དེ་ལྟར་བརྟག་ཐབས་རྣམ་པ་ལྔ་ཡི་སྒོ་ནས་ལན་གཅིག་མ་ཡིན་པར་ཅི་ནས་ཀྱང་བརྟག་པར་བྱའོ། །གཉིས་པ་ནི། དེ་ལྟར་བརྟགས་པས་སྣོད་བཟང་པའི་མཚན་ཉིད་དང་ལྡན་ན་ཐེག་དམན་དུ་བློ་མི་ལྡོག་ཅིང་། གསང་བ་མཆོག་གི་ལམ་འདིར་ཡིད་བརྟན་པར་བྱ་བའི་ཆེད་དུ་དབང་བསྐུར་བ་སྔོན་དུ་འགྲོ་བས་དམ་ཚིག་དང་སྡོམ་པས་རྒྱུད་སྨིན་ཅིང་བརྟས་པར་བྱས་པ་ཡི། ཤིཀྵ་སྟེ་སློབ་མ་གང་ཡིན་པ་དེའི་ལག་ཏུ་མན་ངག་ཟབ་མོ་འདི་གདམས་ཤིང་གཏད་པར་བྱའོ། །གསུམ་པ་ལ་གཉིས་ཏེ། སྣོད་ངན་ལ་མི་སྦྱིན་ཅིང་འཚམས་པར་དོན་བྱ་བ་དང་། བྱིན་པའི་ཉེས་དམིགས་སོ། །དང་པོ་ནི། གལ་ཏེ་ངན་པའི་མཚན་ཉིད་ཀྱི་རྟགས་མཐོང་བའམ་མངོན་སུམ་དུ་ཤེས་པས་རྟགས་འདི་ལྟར་འབྱུང་སྟེ། ཚེ་འདིའི་འདོད་པ་ཕྲ་མོའི་རྒྱུར་དམིགས་ནས་ཆོས་བྱེད་པ་དང་། འཇིག་རྟེན་གྱི་ཁེ་དང་རྙེད་བཀུར་ལ་སོགས་པ་ཐོབ་པའི་རྒྱུར་ཆོས་བྱེད་ཅིང་། ཁྱད་པར་མན་ངག་གི་བཅུད་ཆེན་བརྗེད་ངས་ཀྱིས་མི་ཐུབ་པར་འཛག་པ་ནི་སྣོད་ཞབས་རྡོལ་ལྟ་བུ། རང་གིས་མ་རྟོགས་པར་གཞན་ལ་འདོམས་པར་རིངས་པ་

― JKT006_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་གསང་སྒོ་ཡལ་བར་དོར་བས་བཅུད་དབོ་བ་སྟེ་སྣོད་གཞོག་རལ་ལྟ་བུའི་སྐྱོན། མན་ངག་ཟབ་མོ་བསྟན་ཀྱང་མི་གོ་བ་ནི་མི་ཆགས་པ་སྟེ་སྣོད་ཁ་སྦུབས་ལྟ་བུའི་སྐྱོན། གྲུབ་མཐའ་གཞན་དང་འདྲེས་ནས་རང་གི་ཆོས་ལ་ཐེ་ཚོམ་ཟ་བ་ནི་མ་རུངས་པར་བྱེད་པ་སྟེ་སྣོད་དུག་ཅན་ལྟ་བུའི་སྐྱོན་ཏེ་བཞི་དང་། གཞན་ཡང་ཟང་ཟིང་གི་དངོས་པོ་མཐའ་མ་དེ་ཉིད་བླ་མ་ལ་གཏོང་ཞིང་དབུལ་ཏེ་རང་གི་ཡིད་ལ་མཛའ་བ་དེ་ཉིད་མི་ཕུལ་བར་ཕུག་ཏུ་འཆིང་སྟེ་མི་སྦྱིན་པ་དང་། སེམས་རྒྱུད་ལ་གཡོ་སྒྱུ་ཤས་ཆེ་བ་ཅན། དངོས་སུ་དགའ་བ་དང་གུས་པ་ལྟར་བྱེད་ཅིང་། འགལ་བ་ལྟག་སྤྲོད་ཀྱི་རྣམ་པས་ལྐོག་ཏུ་སྐུར་པ་འདེབས་པ་དང་། བླ་མས་མ་མཐོང་བའི་ལྐོག་ཏུ་གྱུར་པའི་ཚེ་ན་རང་གང་དགའ་བར་བྱེད་ཅིང་དམ་ཚིག་མི་སྲུང་བ་དང་། ངག་ལ་རིགས་ངེས་ཏེ་བཟང་པོར་བློ་ཡང་བསམ་པ་ལ་མི་ངེས་པར་གཅིག་ཤོས་སེམས་པ། བུད་མེད་ཡིན་ཡང་སེམས་འདོད་ཆགས་ཀྱི་གཞན་དབང་དུ་སོང་བས། གཉེན་པོ་ངོ་ཚ་མེད་པར་གང་འདོད་པ་རང་གར་ཤོར་བའི་ཕྱལ་བ་སྟེ། འདི་ཉིད་སྐྱེས་པ་ལའང་མཚུངས་སོ། །མུན་པའི་ཁྲོད་དང་མི་མེད་པའི་ལྐོག་ཏུ་གང་དང་ཕྲད་པར་འདོད་ཆགས་སྤྱོད་པ་མངོན་པར་སྙེགས་པ་སྟེ། མདོར་ན་གང་ཟག་ཕོ་མོ་གང་ཡིན་ཡང་རུང་སྟེ། ཏནྟ་སྟེ་རྒྱུད་ཀྱི་རྡོ་རྗེའི་གནས་ཆེན་པོ་རྣམས་ལས་སྣོད་དུ་མ་བསྔགས་པ་རྣམས་ལ་ནི། བསྐལ་པར་ལུས་

― JKT006_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གྲིབ་མ་བཞིན་དུ་འཁོར་བར་འགྱུར་ཡང་། བླ་ན་མེད་པའི་ཐུགས་ཀྱི་བདེ་བ་སྟེ་དུས་གསུམ་གྱི་རྒྱལ་བའི་དགོངས་བཅུད་མཐར་ཐུག་པ་འདི་རླུང་ཕྱོགས་ཙམ་དུའང་སྤྲོ་བར་མི་བྱའོ། །འོ་ན་ཐུགས་རྗེ་གཏན་ནས་མེད་དམ། གདམས་ངག་མི་སྦྱིན་ནམ་ཞེ་ན། གདུལ་བྱ་སོ་སོའི་བློ་དང་འཚམས་པར་ལྷའི་སྐུ་བསྒོམ་པའི་ཐབས་ཐུན་མོང་ཙམ་བསྟན་པ་དང་། རྩ་བ་དང་ཡན་ལག་གི་དམ་ཚིག་གཅན་གཟན་གྱི་འཕྲང་དང་འདྲ་བ་སྦྱིན་ཅིང་། ཐེག་པ་ཐུན་མོང་བའི་ལམ་ནས་རིམ་པར་བློ་འཁྲིད་པར་བྱ་སྟེ། འདིའི་ཚུལ་གཞན་དུའང་། དང་པོར་གསོ་སྦྱོང་སྦྱིན་པར་བྱ། །དེ་རྗེས་བསླབ་པའི་གནས་བཅུ་ཉིད། །སོགས་དང་མཐུན་པ་ཉིད་དོ། །གཉིས་པ་ནི། དེ་ལྟར་མིན་པར་རང་དགར་བསྟན་ན། བེའུ་བཟང་ངན་གཉིས་སྦྲེལ་ནས་གཡང་སར་གཏོང་ན་གཅིག་ཤོས་ལྷུང་བའི་ཞར་ལ་གཅིག་པོ་ཡང་བསྒྱུར་བ་བཞིན་དཔོན་སློབ་གཉིས་ཀ་ངན་སོང་དུ་འགྲོ་བར་འགྱུར་བ་དང་། སློབ་དཔོན་དེས་ཟས་ནོར་གྱི་འདོད་པའི་ཁེ་ལ་བསམ་པས་བློ་འཕྲོགས་ཏེ། མི་ཆོས་ལ་བློ་གཅམ་ཞིང་འཕྱར་བས་འཆལ་བར་གཏོང་བའི་མཐུས། སྣོད་ཀྱི་སྐྱོན་ཚུ མ་རྟོགས་པར་སྤྲོས་ན་བསིལ་བའི་ཚལ་སོགས་གདོད་ནས་གྲུབ་པའི་དུར་ཁྲོད་ཀྱི་གླིང་བརྒྱད་ཀྱི་ལས་ལས་གྲུབ་པའི་མ་མོ་དང་མཁའ་འགྲོ་མ་རྣམས་དུར་ཁྲོད་ཀྱི་རོ་ལ་འདུས་པ་བཞིན་དུ་འདུས་ནས། ཉམས་པ་

― JKT006_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་དེའི་ཤ་ཟ་ཞིང་སྲོག་ལ་ཆད་པ་འབེབས་ནས་མྱུར་དུ་འཆི་བའི་དུས་བྱེད་ལ། དེའི་འོག་ཏུའང་ངན་སོང་དུ་ལྟུང་བའི་སྐྱོན་ཆེན་པོ་འགྱུར་བའི་ཕྱིར་ཞིབ་ཏུ་བརྟག་པ་གཅེས་སོ། །སྤྱི་དོན་གསུམ་པ་སྣོད་ལྡན་ལ་སྦྱིན་པའི་མན་ངག་རང་གི་ངོ་བོ་བསྟན་པ་ལ་གཉིས། ལུས་མདོར་བསྟན་པ་དང་། ཡན་ལག་རྒྱས་པར་བཤད་པའོ། །དང་པོ་ནི། དེ་ལྟར་བརྟགས་པས་སྐལ་བ་དང་ལྡན་པར་མཐོང་བའི་སློབ་མའི་ཕྱིར་གང་སྦྱིན་པར་བྱ་བའི་མན་ངག་གི་ལམ་གྱི་རིམ་པ་ནི་གཞི་ལམ་འབྲས་གསུམ་གྱི་སྒོ་ནས་དཀྲི་བ་སྟེ། དང་པོ་ནི། གཟོད་མ་ནས་བྲལ་ཐོབ་སྤངས་པའི་རང་བྱུང་གི་ཡེ་ཤེས་ལམ་དང་འབྲས་བུ་ཐམས་ཅད་ཀྱི་ཁྱབ་བྱེད་བདེན་གཉིས་དབྱེར་མེད་ཆེན་པོར་རང་རྒྱུད་ལ་གནས་པ་གང་ཡིན་པ་སྟེ་ལེའུ་དང་པོས་སྟོན་ནོ། །གཉིས་པ་ལ་གསུམ་སྟེ། རྒྱུ་ཤེས་པའི་མཚན་ཉིད་ལྟ་བ། རྐྱེན་འཇུག་པའི་མཚན་ཉིད་ཏིང་ངེ་འཛིན། ལམ་གྱུར་གྱི་འབྲས་བུ་རིག་འཛིན་བཞིའོ། །དང་པོ་ནི། ཡེ་ནས་གནས་པའི་དོན་དེ་ཉིད་ཤེས་རབ་ཀྱི་སྤྱན་གྱིས་ཕྱིན་ཅི་མ་ལོག་པར་མཐོང་བ་སྟེ་ལེའུ་གཉིས་པས་རྒྱས་པར་སྟོན། གཉིས་པ་ནི། དེར་འཇུག་ཅེས་དབང་རྣོན་གཅིག་ཅར་འཇུག་པའི་ཚུལ་ལེའུ་དང་པོའི་སྟོད་དང་། དབང་རྟུལ་རིམ་གྱིས་འཇུག་པ་ལ་ཚོགས་སྦྱོར་གཉིས་ལས། དང་པོ་ལ་སྟོང་པ་ཆེན་པོ་དང་། སྙིང་རྗེ་སྒྱུ་མ་དང་། ཕྱག་རྒྱ་གཅིག་པ་དང་།

― JKT006_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྒྱ་སྤྲོས་པ་སྟེ་རྣལ་འབྱོར་བཞི་པོ་རྣམས་རིམ་པར་ལེའུ་གསུམ་པ་ནས་དྲུག་པའི་བར་གྱིས་སྟོན། སྦྱོར་ལམ་བར་ཆད་མེད་པའི་ལམ་དུ་ཚོགས་ཀྱི་སྒྲུབ་པ་ནི་ལེའུ་བདུན་པས་སྟོན་ནོ། །གསུམ་པ་ལ། མཐོང་ལམ་དུ་ཡིད་ཀྱི་རྣམ་པ་ལྷ་སྐུར་སྨིན་པ་དང་། རང་གི་ཚེ་ལ་མི་འཆི་བར་དབང་བསྒྱུར་བ་དང་། སྒོམ་ལམ་དུ་རང་བཞིན་གྱི་ཕྱག་རྒྱ་མངོན་དུ་བྱེད་ཅིང་། མཚན་མའི་ཕྱག་རྒྱ་ཡིད་ལ་བྱེད་པ་དང་། མཐར་ལམ་དུ་སྐུ་གསུང་ཐུགས་ཡོན་ཏན་ལྷུན་གྱིས་གྲུབ་པ་སྟེ་རིག་འཛིན་བཞི་པོ་ནི་ལམ་དུ་གྱུར་པའི་འབྲས་བུ་སྟེ་ལེའུ་བརྒྱད་པས་སྟོན། གསུམ་པ་མཐར་ཐུག་གི་འབྲས་བུ་མི་སློབ་པའི་གོ་འཕང་མངོན་དུ་བྱས་པ་ནི་ལེའུ་དགུ་པས་རྒྱས་པར་སྟོན་པ་སྟེ། དེ་ལྟར་རིམ་པ་བཞིན་དུ་བརྗོད་པར་བྱ་བ་སྟེ། བརྗོད་བྱའི་དོན་ལ་བཅུ་གཉིས་དང་། རྗོད་བྱེད་ཀྱི་ཚིག་ལ་ལེའུ་དགུ་ཡོད་དོ། །གཉིས་པ་ཡན་ལག་རྒྱས་པར་བཤད་པ་ལ་གསུམ་སྟེ། གཞི་ཡེ་ཤེས་རང་ལ་གནས་པ་དང་། ལམ་རང་གནས་རྟོགས་ཤིང་གོམས་པར་བྱ་བའི་ཐབས་དང་། འབྲས་བུ་རང་གནས་མངོན་དུ་བྱེད་པའི་སངས་རྒྱས་ཀྱི་དགོངས་པའོ། །དང་པོ་ལ་གསུམ་སྟེ། མདོར་བསྟན་པ་དང་། རྒྱས་པར་བཤད་པ་དང་། ལེའུའི་མཚན་ནོ། །དང་པོ་ནི། མདོར་བསྟན་པ་ལེའུ་དགུ་པོ་དེ་ལ། དང་པོ་གཞི་ཡེ་ཤེས་རང་གནས་ཉིད་ལའང་སྤྲོས་ཏེ་རྒྱས་པར་བཤད་པའི་གཞི་ཡི་གནས་

― JKT006_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་དེ་ཉིད་སྐལ་བ་དང་ལྡན་པ་དེ་ཡིས་ཐོག་མ་ཉིད་དུ་ཤེས་པར་བྱ་བའི་ཡུལ་ལོ། །གཉིས་པ་ལ་གསུམ་སྟེ། རང་བཞིན་ཡེ་ཤེས་རང་ལ་གནས་ཚུལ། དེ་མ་རྟོགས་པར་འཁྲུལ་པའི་ཚུལ། འཁྲུལ་ཡང་ལམ་དང་འབྲས་བུ་ལ་གནས་པའི་ཚུལ་ལོ། །དང་པོ་ལའང་གཉིས་ལས། དང་པོ་གཞི་ཆོས་ཀུན་རང་སྣང་ལ་འཁོར་འདས་གཉིས་སུ་མེད་པར་བསྟན་པ་ནི། ཕྱོགས་བཅུ་དུས་བཞིའི་རང་བཞིན་འདི་ཆོས་ཅན། དེ་བཞིན་གཤེགས་པའི་ངོ་བོ་ཉིད་ཡིན་པར་ཐལ། འཁོར་བ་སེམས་ཉིད་རང་སྣང་ཙམ་ཡིན་པའི་ཕྱིར། དེ་སྐད་དུའང་མདོ་ལས། དེ་བཞིན་གཤེགས་ཉིད་དེ་ཡི་ཕྱིར། །འགྲོ་ཀུན་དེ་ཡི་སྙིང་པོ་ཅན། །ཞེས་སོ། །སེམས་ཉིད་དེ་ཡང་བརྟགས་ན་དངོས་པོར་གྲུབ་པའི་བདག་དང་བདག་གིར་འཛིན་པ་རྡུལ་ཙམ་ཡང་གྲུབ་པ་མེད་དེ། དེའི་ཕྱིར་རིན་པོ་ཆེའི་གླིང་དུ་ས་རྡོ་ཕལ་པ་མི་རྙེད་པ་བཞིན་དུ་དེ་བཞིན་གཤེགས་པའི་རྣམ་པར་འཕྲུལ་པ་ལས་སྣང་སྲིད་བསམ་ཡས་སུ་ཤར་བའི་ཕྱིར་མ་དག་པའི་དངོས་པོར་ནམ་ཡང་མི་དམིགས་སོ། །འོ་ན་མྱང་འདས་ཕྱོགས་གཅིག་པའི་མཐར་ལྷུང་ངོ་ཞེ་ན། རྒྱུ་འཁོར་བའི་རང་བཞིན་ཕྱོགས་གཅིག་ཏུ་མི་དམིགས་པའི་ཕྱིར། དེ་ལ་ལྟོས་པའི་འབྲས་བུ་ཆོས་ཉིད་མྱ་ངན་ལས་འདས་པ་ཡང་ཕྱོགས་གཅིག་ཏུ་ཡོད་པ་མ་ཡིན་ཏེ། འཁོར་འདས་དབྱེར་མེད་པ་མཐའ་གཉིས་ལས་གྲོལ་བ་ནི་གདོད་མའི་སྤྱི་གཞི་ཆེན་

― JKT006_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་སྟེ། ཧེ་བཛྲ་ལས། འདི་ཉིད་འཁོར་བ་ཞེས་བྱ་སྟེ། །འདི་ཉིད་མྱ་ངན་འདས་པའང་ཡིན། །འཁོར་བ་སྤངས་ནས་གཞན་དུ་ནི། །མྱ་ངན་འདས་པ་ཐོབ་མི་འགྱུར། །ཞེས་སོ། །དེ་ལས་མ་རྟོགས་པ་སེམས་ཅན་རྣམས་འཁྲུལ་པའི་གཞི་ནི་ལྷན་ཅིག་སྐྱེས་པའི་མ་རིག་པ་དང་། རྟོགས་པ་སངས་རྒྱས་ཀྱི་གྲོལ་གཞི་ནི་སྟོང་ཉིད་རྟོགས་པའི་ཤེས་རབ་ཏུ་བཞག་སྟེ། དོན་གྱིས་འདིར་ཡང་བདེན་གཉིས་དབྱེར་མེད་ཀྱིས་ཁྱབ་པའི་དགོངས་པ་ལོངས་པར་བྱའོ། །གཉིས་པ་འཁོར་འདས་ཐ་དད་པའི་སྐྱོན་བརྗོད་པ་ལ་གཉིས་ཏེ། དང་པོ་འཁོར་བ་རང་བཞིན་ཐ་དད་པའི་སྐྱོན་ནི། དེ་ལྟར་མྱ་ངན་ལས་འདས་པའི་རིགས་དང་། འཁོར་བའི་རྒྱུད་གཉིས་ངོ་བོ་ཐ་དད་པར་གྲུབ་པ་མེད་པས། གནས་ལུགས་བྱང་ཆུབ་ཀྱི་སེམས་བདེན་གཉིས་ཟུང་འཇུག་མཆོག་གི་ངོ་བོ་དེ་ལ་འཁོར་འདས་ཀྱི་རྫས་ཐ་དད་དུ་ངེས་སོ་ཞེ་ན། འཁོར་བ་དེ་ཡང་དག་པའི་ལམ་གྱིས་མྱ་ངན་ལས་འདས་པར་བསྒྱུར་ཞིང་བཅོས་སུ་མེད་དེ། དེ་ཐ་དད་པ་ཡིན་པའི་ཕྱིར་རོ། །གཉིས་པ་ངོ་བོ་ཐ་དད་པའི་སྐྱོན་དཔེ་དང་བཅས་པ་ནི་ཡང་དག་པའི་ས་ལ་གཤེགས་པའི་སངས་རྒྱས་དང་། ལོག་པར་རྟོག་པས་སྲིད་པར་འཁྲུལ་པའི་སེམས་ཅན་གཉིས་སོ། །ངོ་བོ་ཉིད་ཀྱིས་རྫས་ཐ་དད་དུ་གནས་པར་གྱུར་ན། དེ་ལ་ལམ་གྱིས་བཅོས་ཤིང་མྱ་ངན་ལས་འདས་པར་བསྒྱུར་དུ་མེད་དེ། དཔེར་ན་

― JKT006_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

མཆིང་བུ་ལ་ཕྱག་མཆོད་བྱས་ན་ནོར་བུ་རིན་པོ་ཆེ་དང་མཚུངས་པའི་དགོས་འདོད་འབྱུང་བར་མི་འགྱུར་བ་བཞིན་དུ་འཁོར་བ་ལས་མྱང་འདས་འབྱུང་བར་ནམ་དུའང་མི་རིགས་པའི་ཕྱིར་རོ། །གཉིས་པ་མ་རྟོགས་འཁྲུལ་པའི་ཚུལ་ནི། དེ་བས་འཁོར་འདས་དབྱེར་མེད་པ་ཡིན་པ་དེ་ལྟ་ནའང་གློ་བུར་གྱི་རྣམ་པར་རྟོག་པའི་ཀུན་དཀྲིས་ཀྱི་ཚུལ་འདི་བཞིན་དུ་འཁྲུལ་པས་འཁོར་བའི་རྒྱ་མཚོ་མུ་མཐའ་མེད་པར་འཁྱམས་པ་སྟེ། རྒྱུ་༡ལྷན་ཅིག་སྐྱེས་པའི་མ་རིག་པས་རང་ངོ་མ་ཤེས་ཤིང་། ཀུན་ཏུ་བརྟགས་པའི་མ་རིག་པས་ལོག་པར་རྟོག་པ་སྣ་ཚོགས་པ་ཞགས་པ་དང་འདྲ་བས་འཁོར་བའི་རྒྱུ་བྱས། ལས་༢དགེ་སྡིག་བར་མ་གསུམ་དང་། །རྩ་བའི་ཀུན་དཀྲིས་ཉོན་མོངས་ལྔ་སྟེ་བརྒྱད་ཀྱིས་འཁོར་བའི་གནས་རིགས་མཐོ་དམན་དུ་འཕེན་པའི་རྐྱེན་གྱིས་སོ། །འཁོར་༣ཚུལ་མ་རིག་པ་ལས་འདུ་བྱེད་དང་། དེ་ལས་རྣམ་པར་ཤེས་པ་དང་། མིང་གཟུགས་དང་། སྐྱེ་མཆེད་དྲུག་དང་། རེག་པ་དང་། ཚོར་བ་དང་། སྲེད་པ་དང་། ལེན་པ་དང་། སྲིད་པ་དང་། སྐྱེ་བ་དང་། རྒ་ཤིའི་བར་དུ་བཅུ་གཉིས་པོ་འཁོར་ལོ་བཞིན་དུ་འབྱུང་བས་སྲིད་པའི་གནས་སུ་ཡང་དང་ཡང་དུ་བསྐྱལ་ཞིང་། འབྲས་༤བུ་ནི་རྟེན་ཕྱི་སྣོད་འཇིག་རྟེན་གྱི་སྣང་བ་དང་། བརྟེན་པ་ནང་བཅུད་སེམས་ཅན་གྱི་ལུས་ལོངས་སྤྱོད་འདོད་པ་སོགས་ཐ་དད་པས། གནས་སྐབས་བདེ་བ་ལྟར་སྣང་བ་

― JKT006_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ནི་ཁྱབ་པ་འདུ་བྱེད་ཀྱི་སྡུག་བསྔལ། ད་ལྟར་བདེ་ཡང་སྐད་ཅིག་གིས་འགྱུར་བ་ནི་འགྱུར་བའི་སྡུག་བསྔལ། སྡུག་བསྔལ་གྱི་སྟེང་དུ་སྡུག་བསྔལ་གྱིས་གདུང་བ་ནི་སྡུག་བསྔལ་གྱི་སྡུག་བསྔལ་ཏེ་། དེ་ལྟ་བུའི་ཚུལ་གྱིས་གནས་རིས་གསུམ་པོ་ཐམས་ཅད་ཉམ་ཐག་པར་བྱས་པས་ཐར་པ་ཐམས་ཅད་མཁྱེན་པའི་ལམ་དང་བྲལ་བའོ། །དུས་ནི་འཁོར་བ་དང་པོ་བརྩམས་པའི་ཐོག་མ་མེད་པ་ནས་དུས་བཞིའི་དུས་ཀུན་ཏུ་ཉམས་ཀྱང་། ལ་བཟླ་༦བ་ནི། རང་བཞིན་བདེ་གཤེགས་སྙིང་པོ་ཉིད་ལས་གཞན་དུ་ཉམས་པའམ་དམན་པར་གྱུར་པ་ནམ་ཡང་མེད་པའོ། །གསུམ་པ་འཁྲུལ་པ་ཡང་ལམ་དང་གཞན་ན་མེད་པར་བསྟན་པ་ལ་གཉིས་ཏེ། དཔེ་དང་སྦྱར་ཏེ་མདོར་བསྟན་པ་དང་། དོན་རྒྱས་པར་བཤད་པའོ། །དང་པོ་ནི། དེ་ལྟར་འཁྲུལ་པའི་གནས་སྐབས་ནའང་། དཔེར་ན་རྒྱལ་པོའི་ཕྲུ་གུ་དམངས་སུ་འཁྱམས་ཀྱང་རྒྱལ་པོའི་རིགས་ལས་འགྱུར་བ་མེད་པ་དེ་བཞིན་དུ་སེམས་ཅན་ཐམས་ཅད་ཀྱང་ཆོས་དབྱིངས་གནས་པའི་རིགས་ལ་འཕོ་འགྱུར་གྱི་མཚན་མ་མ་དམིགས་ཏེ། རྒྱལ་བ་བྱམས་པས། ཇི་ལྟར་སྔར་བཞིན་ཕྱིས་དེ་བཞིན། །འགྱུར་བ་མེད་པའི་ཆོས་ཉིད་དོ། །ཞེས་སོ། །རྒྱུ་དེས་ན་ཤུལ་ཏེ་ལམ་དང་། དོན་ཏེ་དེའི་འབྲས་བུའང་རང་ལས་གཞན་མིན་ཏེ། དཔེར་ན་འཕྲུལ་དགའི་ལྷ་རྣམས་ཀྱིས་རང་གིས་སྤྲུལ་པའི་ཡོ་བྱད་ལ་རང་གིས་

― JKT006_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

ལོངས་སྤྱད་པའི་ཚུལ་དེ་རང་ཉིད་ལས་གཞན་པའི་རྫས་ཐ་དད་པས་བསྡུས་པ་མ་ཡིན་པ་བཞིན་ནོ། །གཉིས་པ་ལ་གཉིས་ཏེ། མདོར་བསྟན་པ་དང་། རྒྱས་པར་བཤད་པའོ། །དང་པོ་ལ་གཉིས་ཏེ། ལམ་རང་ལ་གནས་ཚུལ་དང་། འབྲས་བུ་རང་ལ་གནས་ཚུལ་ལོ། །དང་པོ་ལ་བཞི་སྟེ། བསྟན་པ་རང་ལ་གནས་པའི་ཚུལ་དང་། གླིང་གཞི་རང་ལ་གནས་པའི་ཚུལ་དང་། གྲོལ་ལམ་རྒྱུད་དོན་རང་ལ་གནས་པའི་ཚུལ་དང་། ཐབས་ལམ་རང་ལ་གནས་པའི་ཚུལ་ལོ། །དང་པོ་ལ་གཉིས་ཏེ། ཀུན་རྫོབ་ལམ་དང་འབྲས་བུ་གཞན་ན་མེད་དེ་རང་ལ་གནས་པ་དང་། དོན་དམ་དུ་དང་། དབྱེར་མེད་དུའོ། །དང་པོ་ལ་གསུམ་སྟེ། ཀུན་རྫོབ་ཏུ་གཞི་ཡེ་ཤེས་ལྔ་རང་ལ་གནས་པ་དང་། ལམ་རང་ལ་གནས་པ་དང་། འབྲས་བུ་རང་ལ་གནས་པའོ། །དང་པོ་ནི། དེ་ཡང་རྒྱས་པར་སྤྲོ་ན། ཀུན་རྫོབ་དང་། དོན་དམ་པ་དང་། དབྱེར་མེད་པ་རྣམ་པ་གསུམ་དུ་གནས་པའི་ཚུལ་བཞག་པར་བྱ་སྟེ། དེ་ལ་དང་པོ་མཚོན་བྱ་དོན་གྱི་བསྟན་པ་རང་ལ་གནས་པའི་ཚུལ་ནི། དེ་ཡང་འགྲོ་བ་རྒྱུད་ལྔ་བསྐྱེད་པའི་ཡི་གེ་དྲུག་ལ་དེ་ཉིད་སྦྱོང་བྱེད་སྤྱི་བོ་ལ་སོགས་པའམ། སྙིང་གའི་རྩ་འདབ་ལྔ་ལ་ཨོཾ་ཨཱཿཧཱུྃ་སྭཱ་ཧཱ་སྟེ་ཡི་གེ་ལྔར་གནས་པ་ནི་ཡེ་ཤེས་ལྔ་ཡིན་པའི་ཕྱིར་ཐབས་ཆེན་པོ་སྟེ། འགྲོ་བ་ཀུན་ལ་རང་བཞིན་གྱིས་གནས་པའོ། །གཉིས་པ་མཚོན་བྱེད་ཚིག་གི་བསྟན་པ་གནས་ཚུལ་

― JKT006_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། སྤྱི་བོ་བདེ་ཆེན་གྱི་རང་བཞིན་ཐིག་ལེ་ཧཾ་ཡིག་གི་གཟུགས་སུ་གནས་པའི་འཁོར་ལོ། མགྲིན་པ་རོ་དྲུག་གི་ལོངས་སྤྱོད་ཉམས་སུ་མྱོང་པའི་འཁོར་ལོ། སྙིང་ག་ཆོས་ཅན་དང་ཆོས་ཉིད་ཀྱི་དྲན་པ་འཕྲོ་འདུ་བྱེད་པའི་འཁོར་ལོ། ལྟེ་བ་ལུས་ཐམས་ཅད་སྐྱེད་པར་བྱེད་པའི་ཕྱིར་སྤྲུལ་པའི་འཁོར་ལོ་སྟེ་དཀྱིལ་འཁོར་བཞི་དང་། གཡས་རོ་མ་དྲི་ཆུ་རྒྱུ་བ། གཡོན་རྐྱང་མ་ཁྲག་རྒྱུ་བ། དབུས་དབུ་མ་བྱང་སེམས་རྒྱུ་བ་སྟེ་གཟུང་བ་དང་། འཛིན་པ་དང་། གཉིས་ཀ་སྤངས་པའི་སྲོག་ཤིང་གི་ཚུལ་དུ་གནས་པའི་རྩ་གསུམ་དང་བཅས་པའི་གནས་དེ་ན། ཀཱ་ལི་སྟེ་སྒྲ་ཡི་ཡི་གེ་དང་། ཨཱ་ལི་སྟེ་དབྱངས་ཀྱི་ཡི་གེའི་ཕྲེང་བ། སྤྱི་བོ་རྩ་འདབ་སོ་གཉིས་ན་ཀཱ་ལི་སོ་གཉིས་གཡོན་སྐོར་ཨཱ་ལི་ཚར་གཉིས་གཡས་སྐོར་དང་། དང་། མགྲིན་པའི་རྩ་འདབ་བཅུ་དྲུག་ན་ཨཱ་ལི་བཅུ་དྲུག་གཡས་སྐོར་དང་། སྙིང་གའི་རྩ་འདབ་བརྒྱད་ན་ཨ་ཀ་ཙ་ཊ་ཏ་པ་ཡ་ཤ་སྟེ་མ་ནིང་གི་ཡི་གེ་བརྒྱད་དང་། ལྟེ་བའི་རྩ་འདབ་རེ་གཉིས་ན་སྒྲ་ཡིག་སོ་གཉིས་གཡས་སྐོར་དང་གཡོན་སྐོར་དུ་ལྡན་པའོ། །གཉིས་པ་གླེང་གཞི་རང་ལ་གནས་ཚུལ་ལ་གསུམ་སྟེ། གསང་བའི་གླེང་གཞི་རང་ལ་གནས་པའི་ཚུལ་ལ། ཨེས་མཚོན་པའི་ཡུམ་གྱི་པདྨོ་སྒོ་གྲུ་གསུམ། ཁྱམས་གྲུ་བཞི། སྐྱེ་གནས་ཟླ་གམ། དབྱིངས་ཕྱུག་གི་སྣེ་རྩ་ཟླུམ་པོ་སྟེ་དེ་ནི་གསང་བའི་སྟོན་འཁོར་བཞུགས་པའི་གནས་དང་། ཡབ་ཀྱི་རྡོ་

― JKT006_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་རྩེ་མོར་ཀུན་རྫོབ་ཀྱི་ཐིག་ལེ་ཝཾ་ཡིག་གི་གཟུགས་སུ་གནས་པ་བདེ་བ་གསལ་བར་སྟོན་པའི་ཕྱིར་སྟོན་པ། མ་དཱ་ན་མ་ནུ་ཞེས་པའི་སྒྲ་ལས་ཡིད་སྡོམ་བྱེད་དེ་འདུ་ཤེས་གསུམ་ལྡན་གྱི་སྡོམ་པ་ལ་ཞུགས་པས་མཚན་རྟོག་སྡོམ་པར་བྱེད་པ་གསང་བའི་རྣམ་ཤེས་ཀྱིས་རེག་བདེ་ཉམས་སུ་མྱོང་བར་བྱེད་པའི་ཆ་ནས་འཁོར། པ་ར་མ་ཡཱ་ན་ཞེས་པའི་སྒྲ་ལས་དྲངས་ན་ཐབས་བདེ་བ་ཆེན་པོའི་ཡེ་ཤེས་ཀྱིས་བཅུ་དྲུག་གི་དགའ་བ་རྣམ་པ་བཞིའི་རང་བཞིན་ལྷན་ཅིག་སྐྱེས་པ་ནི་ངེས་དོན་གྱི་ཐེག་པ་སྟེ་ཆོས། ཡེ་ཤེས་དེ་ཉམས་སུ་མྱོང་བའི་ཚེ་དུས་འདི་ཞེས་མཚོན་དུ་མེད་པ་ནི་དུས་ཕུན་སུམ་ཚོགས་པ་སྟེ་དེ་ཉིད་ཡུམ་གྱི་མཁའ་གསང་དུ་ལྡན་པའོ། །འདི་ནི་བཤད་རྒྱུད་ཐལ་བ་དང་སྦྱར་ནས་བཤད་པའོ། །གཉིས་པ་ནང་གི་གླེང་གཞི་རང་ལ་གནས་པའི་ཚུལ་ནི་སྙིང་ག་ཆོས་ཀྱི་འཁོར་ལོའི་དབུས་ན་རྩ་འདབ་བརྒྱད་ཡོད་པ་ལ་རིགས་བསྡུ་ན། ཨེ་སོགས་ལས་བཞིའི་དབྱིབས་སུ་གནས་པ་ནི་གནས། དེའི་སྙིང་པོར་འབྱུང་བ་ལྔའི་རླུང་ལྔའི་དྭངས་མའི་སྒྲོམ་བུའི་དབུས་ན་མི་ཤིགས་པའི་ཐིག་ལེ་བི་ཡིག་གི་གཟུགས་སུ་ཡོད་པ་ནི་སྟོན་པ། མ་མ་ནུའི་སྒྲ་ལས་དྲངས་ན་ཡིད་དེ། དེས་མཚོན་པའི་ཀུན་གཞི་དང་། ཡིད་དང་། ཉོན་ཡིད་དང་། སྒོ་ལྔའི་རྣམ་ཤེས་རྣམས་རྩ་འདབ་བཞི་པོར་གནས་པ་འཁོར། ཡཱ་པ་ར་མཱཏྲ་ཡཱ་ནའི་སྒྲ་ལས་དྲངས་ན་སྟེང་སྒོའི་ལམ་ཉམས་

― JKT006_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་བླངས་པ་ལས་ཡེ་ཤེས་ནམ་མཁའི་གཟུགས་ཅན་མངོན་སུམ་དུ་སྐྱེས་པ་ནི་ངེས་དོན་གྱི་ཆོས། དེའི་ཚེ་སྐྱེ་འགགས་གནས་གསུམ་གྱི་མཚན་མ་དང་བྲལ་བ་བསམ་གྱིས་མི་ཁྱབ་པ་ནི་དུས་ཕུན་སུམ་། ཚོགས་པ་སྟེ། ཐབས་ལམ་སྟེང་སྒོ་དང་སྦྱར་ནས་བཤད་རྒྱུད་རྒྱ་མཚོའི་རྗེས་སུ་འབྲང་བའི་བཤད་པའོ། །གསུམ་པ་གླེང་གཞིའི་ངེས་ཚིག་ནི། དེ་ལྟ་བུའི་ཕུན་སུམ་ཚོགས་པ་ལྔ་འཛོམ་པའི་དུས་ན་ཏན་སྟེ་རྒྱུད་ཀྱི་དོན་འབྱིན་པར་བྱེད་པས་ན་ནི་དཱ་ན་སྟེ་ངེས་པར་སྦྱིན་པའམ་གླེང་གཞི་ཞེས་ཀྱང་བྱའོ། །གཉིས་པ་གྲོལ་ལམ་རྒྱུད་དོན་རང་ལ་གནས་ཚུལ་ལ་བརྒྱད་དེ། དང་པོ་ཏིང་ངེ་འཛིན་རང་ལ་གནས་པའི་ཚུལ་ནི། དེ་ལྟ་བུའི་རྒྱུད་དོན་དེ་ནི་སྙིང་ག་ཆོས་ཀྱི་འཁོར་ལོ་དེ་ཉིད་ན་གནས་ཏེ། མདུན་དུ་ཆོས་ཉིད་ཀྱི་རྩ་གསུམ་དཀར་པོ་ཟླུམ་པོའི་ནང་དུ་ཐིག་ལེ་མི་རྟོག་པའི་ཚུལ་དུ་གནས་པ་ནི་སྟོང་པ་ཆེན་པོའི་ཏིང་འཛིན། གཡས་སུ་ཡེ་ཤེས་ཀྱི་རྩ་གཅིག་སེར་པོ་གྲུ་བཞི་པའི་ནང་དུ་ཐིག་ལེ་མ་འགག་པར་གནས་པ་ནི་སྙིང་རྗེ་སྒྱུ་མ། གཡོན་ན་ཡོན་ཏན་གྱི་རྩ་གཅིག་མདོག་དམར་པོ་ཟླ་གམ་གྱི་དབྱིབས་སུ་ཐིག་ལེ་ཁྱབ་པར་གནས་པ་ནི་ཕྱག་རྒྱ་གཅིག་པ། རྒྱབ་ན་རྩ་གསུམ་གཉིད་རྨུགས་ཀྱི་ལས་བྱེད་པ་ནི་རང་རྒྱུད་པའི་རྩ་ཞེས་དབྱིབས་གྲུ་གསུམ་དམར་ནག་གི་རྣམ་པར་ཐིག་ལེ་སྣ་ཚོགས་པའི་ཚུལ་དུ་གནས་པ་ཕྱག་རྒྱ་སྤྲོས་པའི་ཏིང་ངེ་འཛིན་ཏེ། དེ་

― JKT006_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་རྩ་འདབ་བརྒྱད་པོ་ཉིད་ཀྱི་དངོས་པོ་ནི། རྣལ་འབྱོར་བཞི་ཡི་ལམ་གྱི་རིམ་པར་རང་བཞིན་གྱིས་གྲུབ་པས་རྟོགས་ཤིང་གོམས་པའི་སྦྱོར་བས་མངོན་སུམ་དུ་འཆར་བའི་རྟེན་ནམ་གནས་བྱེད་པའོ། །གཉིས་པ་ཕྲིན་ལས་བཞི་རང་ལ་གནས་ཚུལ་ལ་གཉིས་ཏེ། ཕྲིན་ལས་བཞི་རང་ལ་གནས་ཚུལ་དངོས་དང་། སྦྱིན་སྲེག་རང་ལ་གནས་ཚུལ་ལོ། །དང་པོ་ལའང་གཉིས་ཏེ། ནང་ལྟར་གནས་ཚུལ་དང་། གསང་བ་ལྟར་གནས་ཚུལ་ལོ། །སྔ་མ་ལའང་གཉིས་ཏེ། དང་པོ་ཆོས་ཀྱི་འཁོར་ལོ་ལ་གནས་ཚུལ་ནི། སྔར་སྨོས་པའི་རྩ་འདབ་རིགས་བཞིར་སྣོད་ཀྱི་འོད་དེ་ཁ་དོག་དཀར་པོ་དང་། དབྱིབས་ཟླུམ་པོ་ལ་སོགས་པ་ནི་ཞི་རྒྱས་དབང་དྲག་གི་ཕྲིན་ལས་བཞིར་གནས་པའོ། །གཉིས་པ་ཕྱི་འཁོར་ལོ་བཞི་ལ་གནས་ཚུལ་ནི། གཞང་ཁ་རླུང་ཟླ་གམ། ལྟེ་བ་ཆུ་ཟླུམ་པོ། སྙིང་ཁ་ས་གྲུ་བཞི། ལྐོག་མ་མེ་གྲུ་གསུམ་མམ། ཡང་ན། ལྟེ་བ་ས། སྙིང་ག་ཆུ། མགྲིན་པ་མེ། སྤྱི་བོ་རླུང་སྟེ། དེ་ལྟར་གྱི་གནས་བཞི་པོར་འབྱུང་བ་བཞི་གནས་པས་ཕྲིན་ལས་རྣམ་པ་བཞི་བྱེད་པའོ། །གཉིས་པ་ནི། གསང་བ་དབྱིངས་ཕྱུག་གི་མཁའ་ལ་སྒོ་གྲུ་གསུམ་སོགས་ལས་བཞིའི་དབྱིབས་སུ་རང་བཞིན་གྱིས་ལྡན་པའང་ཕྲིན་ལས་རྣམ་པ་བཞིའོ། །གཉིས་པ་སྦྱིན་སྲེག་ནི། སུམ་མདོར་རཾ་ལས་མེ། སྒྲོམ་མདོར་ཡཾ་ལས་རླུང་། དེ་བསྐྱོད་པས་མེ་འབར། གཡས་ཀྱི་རྩ་རོ་མ་ནི་།

― JKT006_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

དགང་གཟར། གཡོན་རྐྱང་མ་ནི་བླུགས་གཟར། དབུས་ཀྱི་ཨ་ཝ་དྷུ་ཏི་ནི་མེ་ལྷ། ཡེ་ཤེས་སྙིང་པོ་ནི་སྲེག་ལྷ། ཉོན་མོངས་ལ་སོགས་པའི་རྣམ་པར་རྟོག་པའི་ཚོགས་ནི་སྲེག་རྫས་ཏེ། དེ་ལྟར་སྦྱིན་སྲེག་ཀྱང་ཡེ་ནས་རང་ལ་གནས་ཤིང་ལྡན་པའོ། །གསུམ་པ་བསྙེན་སྒྲུབ་རང་ལ་གནས་ཚུལ་ནི། ཆོས་ཉིད་ཀྱི་རྩ་ཡི་ཐིག་ལེ་དེ་བཞིན་ཉིད་ཀྱི་ངོ་བོ་སྟེ་བསྙེན་པ། ཡེ་ཤེས་ཀྱི་རྩའི་ཐིག་ལེ་ཀུན་སྣང་གི་ངོ་བོ་སྟེ་ཉེ་བསྙེན། ཡོན་ཏན་གྱི་རྩའི་ཐིག་ལེ་ཕྱག་རྒྱ་གཅིག་པའི་ངོ་བོ་སྟེ་སྒྲུབ་པ། རང་རྒྱུད་ཀྱི་རྩ་ཡི་ཐིག་ལེ་ཕྱག་རྒྱ་སྤྲོས་པའི་ཏིང་ངེ་འཛིན་གྱི་ངོ་བོ་སྒྲུབ་ཆེན་ཏེ། དེ་ལྟར་རང་བཞིན་གྱིས་ལྡན་པ་ཉིད་དོ། །དེ་ཡང་ཇི་ལྟར་རྫོགས་པའི་ཚུལ་ནི། རྩ་འདབ་ཐིག་ལེས་གང་བ་བསྙེན་པ། དེ་ལས་བདེ་བ་འབྱུང་བ་ཉེ་བསྙེན། དེ་ལྟར་ངོས་ཟིན་ནས་ཉམས་སུ་བླངས་པ་སྒྲུབ་པ། བདེ་བ་རྒྱས་པ་དེ་མངོན་སུམ་ཉམས་སུ་མྱོང་བ་ནི་སྒྲུབ་པ་ཆེན་པོའོ། །བཞི་པ་དཀྱིལ་འཁོར་རང་ལ་གནས་ཚུལ་ནི། སྙིང་གའི་རྩ་བཞིའམ། དེ་ལས་གྱེས་པའི་འདབ་མ་བརྒྱད་དང་ལྡན་པའི་ཤིང་སྟེ་རྩའི་མཎྜ་ལ་ཞེས་པ་ནི་བདེ་བ་ཆེན་པོའི་སྙིང་པོ་ལེན་ཅིང་འཛིན་པར་བྱེད་པས་ན་དཀྱིལ་འཁོར་རོ། །ལྔ་པ་དབང་རང་ལ་གནས་ཚུལ་ནི། གནས་པ་རྩ་དང་། བརྟེན་པ་ཐིག་ལེ་དག་ལ། ཕྱི་ཕན་པའི་དབང་བཅུ། ནང་ནུས་པ་འཇུག་པའི་དབང་ལྔ། གསང་བ་ཟབ་

― JKT006_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

མོའི་དབང་གསུམ་རྣམས་རང་བཞིན་གྱིས་ལྡན་པ་སྟེ། དེའང་ཞིབ་ཏུ་དབྱེ་ན། དང་པོ་ནི། རྣམ་ཤེས་ཚོགས་བརྒྱད་ཡེ་ཤེས་ལྔར་གནས་པ་དབུ་རྒྱན། རྩ་རོ་རྐྱང་གཡས་གཡོན་ན་དར་འཕྱངས་ཀྱི་ཚུལ་དུ་གནས་པ་ཅོད་པན། འཁོར་ལོ་བཞིར་ཐབས་ཤེས་ཀྱི་ཡི་གེ་ཕྲེང་བའི་ཚུལ་དུ་སྤེལ་བར་གནས་པ་ཕྲེང་བ། སྤྱི་བོའི་ཧཾ་ལས་ལུས་མགོ་མཇུག་ཁྱབ་པའི་རྩའི་དྲྭ་བས་འབྲེལ་པ་གོ་ཆ། རྣམ་ཤེས་དང་དབང་པོ་མི་སྒྲིབ་པར་རང་གསལ་བ་རྒྱལ་མཚན། རྟོག་ཚོགས་ལྷའི་དཀྱིལ་འཁོར་དུ་གནས་པ་ཕྱག་རྒྱ། ཀླད་པ་བདེ་ཆེན་གྱི་འཁོར་ལོའི་འདབ་མ་ཧཾ་ཡིག་ལ་གདུགས་རྩིབ་ཀྱི་ཚུལ་དུ་བརྟེན་པ་གདུགས། རྩ་གནས་འཁོར་ལོ་བཞི་ཐིག་ལེས་གང་བ་བུམ་པ་དམ་ཚིག་ལྔ་རང་བཞིན་གྱིས་གནས་ཤིང་བཟའ་བཏུང་ལ་ལོངས་སྤྱོད་པ་བཟའ་བཏུང་། ཡིག་འབྲུ་ལྔ་རང་བཞིན་གྱིས་གནས་པ་སྙིང་པོའི་དབང་ངོ་། །གཉིས་པ་ནི། རྣ་བའི་རྩའི་འདོམ་རྩ་ན་སྒྲ་ཐོས་པའི་ཐིག་ལེའི་ཚུལ་དུ་ཡོད་པ་ཉན་པའི། མགྲིན་པ་དང་ལྕེ་ལས་སྒྲ་འབྱུང་བ་ཐིག་ལེ་དབྱངས་ཡིག་དང་ཨོ་གནས་པ་འཆད་པའི། ཨ་བ་དྷ་ཏི་དང་། སྲོག་གི་མི་ཤིགས་པའི་ཐིག་ལེ་རྣམ་པར་མི་རྟོག་པ་སྒོམ་པའི། སྙིང་གའི་རྩ་འདབ་བཞིར་ལས་བཞི་ལྷུན་གྲུབ་ཏུ་གནས་ཤིང་ཡན་ལག་བཞིས་བྱ་བ་བྱེད་པ་ཕྲིན་ལས་ཀྱི། རྩ་དང་ཐིག་ལེའི་བྱ་བ་ཐམས་ཅད་བྱེད་ཅིང་། ཡན་ལག་ལྔ་རིགས་ལྔ་དང་ཆོས་

― JKT006_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་རང་ལ་རྫོགས་པས་རྡོ་རྗེ་རྒྱལ་པོ་བཀའ་རབ་འབྱམས་ཀྱི་དབང་རང་ལ་གནས་པའོ། །གསུམ་པ་ནི། རྩ་འདབ་ཐམས་ཅད་ཀུན་བྱང་ཆུབ་སེམས་ཀྱིས་གང་བ་གསང་བའི། དེ་ལས་བདེ་བ་ཆེན་པོ་སྐྱེ་བས་ཤེས་རབ་ཡེ་ཤེས་ཀྱི། དེ་ཉིད་བདེ་སྟོང་ཟུང་དུ་འཇུག་པས་བཞི་པའི་དབང་ངོ་། །དྲུག་པ་མཆོད་པ་རང་ལ་གནས་ཚུལ་ལ་གསུམ་སྟེ། དང་པོ་གསང་བའི་མཆོད་པ་རང་ལ་གནས་ཚུལ་ནི། ཐབས་ཤེས་སྙོམས་པར་འཇུག་པའི་དགའ་བས་དྲངས་པའི་རང་བཞིན་གསང་བའི་ལྷ་མོ་བཅུ་གཉིས་སུ་ཤར་བའི་ཚུལ་ནི། འགུགས་པ་ལྕགས་ཀྱུ་མ། འཛིན་པ་ཞགས་པ་མ། སྡོམ་པ་ལྕགས་སྒྲོག་མ། བསྐྱོད་པ་དྲིལ་བུ་མ། ཆས་ཀྱིས་སྒེག་པ་ལ་སྱ། ཐུགས་འཕྲེང་བ་མཱ་ལྱ། ཨ་ཧཾ་གི་སྒྲ་གྲགས་པ་གཱི་རྟི། ཕྱག་རྒྱ་བསྐྱོད་པ་ནི་རྟི། བདེ་བས་རྒྱུད་ཚིམས་པ་དྷ་པེ། འཐོར་བ་པུཉྫ། གསལ་བར་བྱེད་པ་མར་མེ། བསིལ་དྲོད་སྙོམས་པ་གནྡྷེའོ། །གཉིས་པ་འདོད་ཡོན་དབང་པོ་དྲུག་གིས་ཉམས་སུ་མྱོང་བའི་གཟུགས་སྒྲ་དྲི་རོ་རེག་བྱ་དང་། གསུམ་པ་དམ་རྫས་ཀྱི་མཆོད་པ་རང་ལ་ལྡན་པ་ནི། ལྟེ་བའི་རྩ་བ་ནས་ཤ་ཆེན། ལོང་ཁའི་རྩ་བ་ནས་དྲི་ཆེན། དྷ་ཏི་ནས་བྱང་སེམས། རྐྱང་མ་ནས་དྲི་ཆུ། རོ་མ་ནས་རཀྟ་སྟེ་ལྔ་པོ་རང་བཞིན་གྱིས་གནས་པའོ། །བདུན་པ་དམ་ཚིག་རང་ལ་གནས་པ་ནི། གོང་དུ་བསྟན་པ་དེ་དག་རང་ལ་གནས་ཤིང་དེ་

― JKT006_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་མི་འདའ་བར་ཆོ་ག་གསུམ་གྱི་རང་བཞིན་གཟོད་མ་ནས་ལྷག་པར་གནས་པའི་ཕྱིར་ས་མ་ཡ་སྟེ་དམ་ཚིག་གོ །བརྒྱད་པ་སྤྱོད་པ་རང་ལ་གནས་པ་ནི། སྒོ་གསུམ་གྱི་རང་བཞིན་ཕྱི་ལྟར་ན་ལུས། ངག་ཡིད་གསུམ་དངོས་དང་། ནང་ལྟར་ན་རྩ་རླུང་ཐིག་ལེ། གསང་བ་ཡུམ་གྱི་པདྨ་དང་ཐབས་ཀྱི་རྡོ་རྗེ། གསང་བའི་རྣམ་ཤེས་སམ། ཡང་ན། ཕྱི་ལུས། ནང་ངག །གསང་བ་ཡིད་ཀྱི་འདུ་བྱེད་ཀྱི་སྤྱོད་ཡུལ་ཐམས་ཅད་རྒྱལ་བའི་མཛད་པ་ཉག་གཅིག་ཏུ་ཤར་བས་རང་བཞིན་ངང་གིས་གནས་པའོ། །གཉིས་པ་ཐབས་ལམ་རང་ལ་གནས་ཚུལ་ནི། གཞན་ལུས་ལ་བརྟེན་པའི་འདོད་ཆགས་རང་ག་མ་དེས་འཁོར་བའི་ཁམས་འགྲུབ་པར་བྱེད་ལ། གཅིག་ཤོས་ཏེ་ཐབས་ཀྱིས་ཟིན་པས་ནི་བདེ་སྟོང་ཟུང་འཇུག་གི་རང་བཞིན་ཤིན་ཏུ་རྣམ་པར་དག་པའི་ཡེ་ཤེས་འགྲུབ་པའི་ཉེ་རྒྱུ་བྱེད་པའི་ཕྱིར་ཐབས་ལམ་གཞི་འང་རང་ལ་གནས་པའོ། །གཉིས་པ་འབྲས་བུ་རང་ལ་གནས་ཚུལ་ལ་གཉིས་ཏེ། དང་པོ་རྟོག་ཚོགས་ལྷའི་དཀྱིལ་འཁོར་དུ་གནས་པ་དང་ལུང་དང་རིག་པས་སྒྲུབ་པ་ནི། ཆོས་ཀུན་ངོ་བོའི་འདུས་མ་བྱས་པའི་ཡེ་ཤེས་དང་མི་ཕྱེད་པར་གནས་པའི་ཕྱིར་རྡོ་རྗེ་ཕུང་པོ་ལྔ་དང་། དེའི་ཡན་ལག་འབྱུང་བ་ལྔ་པོ་ཀུན་རྫོགས་པའི་སངས་རྒྱས་ཡབ་ཡུམ་ལྔར་གྲགས་པ་སོགས་རྟོག་པ་ཞེ་གཉིས་ལྟར་གྱུར་པའི་ཚུལ་རྒྱུད་ཀྱི་རྡོ་རྗེའི་གནས་ལས་གསལ་བ་ལྟར། དེ་

― JKT006_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

ཡི་རིག་པས་དེ་ཙམ་དུ་མ་ཟད་དངོས་པོར་སྣང་བ་འདི་ཀུན་གྱི་གཟུང་བའི་ཡུལ་ལ་ཆགས་པ་རྣམས་རྡོ་རྗེ་བཙུན་མོ་དང་། ནང་འཛིན་པའི་སེམས་ལ་ཆགས་པ་རྣམས་རྡོ་རྗེ་སེམས་དཔའི་ཚུལ་གྱིས་འབྲས་བུར་གྲུབ་པ་སྟེ། དེ་ལ་བསྒོམས་པའི་བྱེད་ལས་དང་རང་གི་ངོ་བོས་ཀྱང་འབྲས་བུ་གཟོད་ནས་གནས་པའོ། །གཉིས་པ་ལྷག་པ་ཀུན་རྫོབ་ཀྱི་མཚན་ཉིད་དཔེའི་སྒོ་ནས་བསྟན་པ་ནི། ཆུ་ཟླ་སྒྱུ་མ་སྤྲུལ་པ་བཞིན། །ཅེས་པའི་དཔེ་གསུམ་པོས་ནི། འདི་ལྟར་ཕུང་པོ་ལྔ། ཁམས་བཅོ་བརྒྱད། སྐྱེ་མཆེད་བཅུ་གཉིས་རྣམས་རྒྱུ་རྐྱེན་གྱིས་རང་རྒྱུད་པར་གྲུབ་པ་མེད་ཀྱང་རྟེན་འབྲེལ་རྣམས་འདུས་ནས་སྒྱུ་མ་ལྟ་བུར་གྲུབ་པ་ནི་ལོག་རྟོག་སྒྱུ་མ། ཡུལ་དམ་ཚིག །བྱེད་པ་ལས། གསལ་བ་ཆོས། སྟོང་པ་ཕྱག་རྒྱ་ཆེན་པོ་བཞི་ཡེ་ནས་རྫོགས་པས་ལྷའི་དཀྱིལ་འཁོར་གྱི་ཕྱག་རྒྱར་མ་འདྲེས་ཤིང་སྣང་ལ་རང་བཞིན་མེད་པ་ཆུ་ཟླ་ལྟ་བུར་གསལ་བ་ཕྱག་རྒྱ་སྒྱུ་མ། དེ་ལྟ་བུའི་ལྷའི་སྐུ་དེ་ཡང་གདུལ་བྱའི་མོས་པ་དང་མཐུན་པར་ཅིར་ཡང་འཆར་བས་སྣ་ཚོགས་སུ་འགྱུར་ཞིང་། བསམ་པ་ལྟར་སྣང་བས་ཅིར་ཡང་འགྲུབ་ཀྱང་འགྲོ་འོང་མ་དམིགས་པ་སྤྲུལ་པ་ལྟ་བུ་ནི་རིག་པ་སྒྱུ་མའོ། །འདི་ལ་འཆད་ཚུལ་གཞན་ཡང་སྣང་ཞིང་། དཔེ་ལ་ལར་གཞི་རྫོགས་ཞེས་བྲིས་པ་ལྟར་ན་ཕུང་ཁམས་སྐྱེ་མཆེད་རྣམས་ལྷའི་དཀྱིལ་འཁོར་དུ་གཞི་ནས་རྫོགས་པའི་དོན་དུ་འཆད་དགོས་པར་

― JKT006_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་ངོ་། །གོང་གི་སྒྱུ་མ་གསུམ་པོ་དེའི་རྣམ་པ་ལ་མིང་གི་རྣམ་གྲངས་གཞན་དངོས་པོ་སྒྱུ་མ་དང་། ཡང་དག་སྒྱུ་མ་དང་། ཐབས་སྒྱུ་མ་ཞེས་ཀྱང་བརྗོད་དོ། །ཡང་ཕུང་ཁམས་སྐྱེ་མཆེད་རྣམས་ཆུ་ཟླ། སྒྱུ་མ། །སྤྲུལ་པ་བཞིན་དུ་སྣང་ལ་རང་བཞིན་མེད་པ་ལྷའི་དཀྱིལ་འཁོར་དུ་ཡེ་ནས་གནས་པས། དཀྱིལ་འཁོར་བཞི་རྫོགས་ཕྱག་རྒྱ་མ་འདྲེས་པར་གསལ་ཞིང་། དེ་ཉིད་བསམ་པ་བཞིན་དུ་བསྒོམས་ཤིང་ཉམས་སུ་བླངས་པས། ཅི་ལྟར་བསམ་པ་བཞིན་དུ་འབྱུང་བར་བཤད་པའང་སྣང་ངོ་། །གཉིས་པ་ལྷག་པ་དོན་དམ་གྱི་ཡེ་ཤེས་རང་ལ་གནས་པའི་ཚུལ་ལ་དྲུག་སྟེ། འདི་ལའང་དོན་དམ་རང་ལ་གནས་པའི་ཚུལ་ལ་བཞི། དོན་དམ་དུ་གཞི་ཡེ་ཤེས་རང་ལ་གནས་པ་དང་། འབྲས་བུ་རང་ལ་གནས་པ་གཏན་ཚིགས་དང་བཅས་པ་དང་། ལམ་རང་ལ་གནས་པ་གཏན་ཚིགས་དང་བཅས་པ་དང་། དེས་ན་དོན་དམ་ཀུན་གྱི་དངོས་གཞིར་བསྟན་པའོ། །དང་པོ་ལ་གསུམ་སྟེ། དོན་དམ་ལ་ཆོས་ཀུན་མ་འདྲེས་པར་ཡོངས་སུ་རྫོགས་པ་དང་། དོན་དམ་ལ་དཀོར་བདུན་ངོ་བོ་ཉིད་ཀྱིས་རྒྱུར་གནས་པ་དཔེ་དང་བཅས་པ། དོན་དམ་ལྷག་པའི་ཆོས་སྐུར་གནས་པའོ། །བཞི་པ་ལ་གཉིས། རང་བྱུང་གི་ཡེ་ཤེས་ཀུན་གྱི་ངོ་བོ་ཉིད་ཀྱི་རྒྱུར་གནས་པ་དང་། དེའི་མིང་གི་རྣམ་གྲངས་བཤད་པའོ། །ཞེས་སྣང་ངོ་། །དང་པོ་ལྷག་པའི་དོན་དམ་ལ་ཆོས་ཀུན་མ་འདྲེས་ཡོངས་སུ་རྫོགས་པར་བསྟན་པ་ནི། ཀུན་རྫོབ་དོན་དམ་དབྱེར་མེད་གསུམ་དུ་བསྟན་པའི་བར་མ་དོན་དམ་པའི་དབང་དུ་བྱས་ན། བགྲོད་བྱའི་ཆོས་ལམ་དང་།

― JKT006_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་པ་འབྲས་བུའི་ཆོས་རྣམས་ཐམས་ཅད་ཀྱང་རང་ལ་གནས་པར་ཐལ། གང་ཡང་རིགས་རྒྱུད་དང་སོ་སོའི་ཕྱོགས་སུ་རྟག་པར་གྲུབ་པ་མིན་པས། ཆོས་ཀུན་རང་གི་སེམས་སུ་འདུས་པའི་ཕྱིར་རོ། །དེ་བཞིན་དུ་ཤེས་བྱའི་ཆོས་ཀུན་ཀྱང་དེ་དང་དེ་བཞིན་དུ་མཚུངས་ཏེ། འདོད་ཁམས་སུ་ཕོ་མོ་གཉིས་ཀྱི་གཟུགས་དང་། མ་ནིང་གི་མཚན་མ་སྟེ་གསུམ། གཟུགས་ཁམས་རགས་པའི་ལུས་རྟེན་ཡོད་པ་དང་། ཁམས་གོང་མར་མེད་པ་སྟེ། དེ་ལྟ་བུའི་སྲིད་པ་གསུམ་གྱི་གནས་མཐོ་དམན་དང་། སོ་སོའི་ནང་ཚན་གྱི་རིས་དང་། སྡེ་ཚན་གྱི་ཆ་ཤས་མ་འདྲེས་པར་སྣང་བ་ཐམས་ཅད་དོན་དམ་པར་དངོས་པོར་གྲུབ་པའི་ཆོས་རྡུལ་ཙམ་ཡང་ཡོད་པ་མིན་ཏེ་ཐམས་ཅད་ཡུལ་མེད་རང་གསལ་ཉག་གཅིག་གི་ངང་དུ་རྫོགས་པ་སྟེ་རྣམ་པ་ཀྱེ་རྡོར་དུ་གསལ་ཀུན་གྱི་མཆོག་དང་ལྡན་པའི་ཡེ་ཤེས་ཞེས་བྱའོ། །གཉིས་པ་ལྷག་མ་དོན་དམ་གྱི་ངོ་བོ་ཆོས་ཉིད་ཀྱི་རྒྱུ་རུ་བསྟན་པ་ནི། ཆོས་ཀུན་ངོ་བོ་གཉིས་སུ་མེད་པ་ཡུལ་ཅན་དང་བྲལ་བཞིན་དུ་རང་བཞིན་གང་དུའང་མ་འགག་པ་ཡོངས་སུ་རྫོགས་པ་དང་ལྡན་པའི་དོན་དམ་པའི་བདེན་པའི་མཆོག་དེ་ལ་སྐུ་གསུང་ཐུགས་ཡོན་ཏན་ཕྲིན་ལས་ལྔ་ཡི་འབྲས་བུའི་དོན་དམ་པ་དང་། རང་བཞིན་ཡེ་ཤེས་དོན་དམ་པ་དང་། ངོ་བོ་ཉིད་དབྱིངས་དོན་དམ་པ་སྟེ་རྒྱས་པར་དབྱེ་ན་བདུན་དང་། བསྡུ་ན་དབྱིངས་ཡེ་འབྲས་བུའི་དོན་དམ་

― JKT006_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གསུམ་པོ་ལ་འཁོར་འདས་ཀྱི་ཆོས་ཀུན་རྫོགས་པར་གནས་ཏེ། དཔེར་ན་དཔག་བསམ་གྱི་ཤིང་དང་། ནོར་བུ་རིན་པོ་ཆེ་ལ་དགོས་འདོད་འབྱུང་བའི་རྒྱུ་རང་བཞིན་དུ་གནས་པ་ལྟར། བདུན་ནམ་གསུམ་པོ་དེ་ཀུན་ངོ་བོ་ཉིད་ཀྱི་རྒྱུར་གནས་པའོ། །གསུམ་པ་ལྷག་པ་དོན་དམ་དེ་ཉིད་ཆོས་སྐུར་གནས་པར་བསྟན་པ་ནི། འཇིག་རྟེན་གྱི་ཁམས་ཕྱི་བརྟན་པ་སྣོད་དང་། ནང་གཡོ་བ་བཅུད་ཀྱི་འགྲོ་བ་ཐམས་ཅད་ཀྱང་རང་ཨཱ བྱུང་གི་ཡེ་ཤེས་ལས་རང་སྣང་བ་ཙམ་ཉིད་ན་ངོ་བོ་དངོས་པོར་གྲུབ་པ་མེད་པ་དེ་ཉིད་ལྷག་པའི་ཆོས་སྐུ་ཆེན་པོ་ཡིན་ཏེ། ཆོས་ཀུན་ངོ་བོའི་སྟོང་པ་གང་། །རྡུལ་བྲལ་ཆོས་ཀྱི་སྐུ་རུ་བཤད། །ཅེས་གསུངས་པ་བཞིན་ཏེ། དེ་ཡང་རང་བཞིན་ངང་གིས་དེ་ལྟར་དུ་གནས་པ་ལས་བཅོས་མ་གློ་བུར་བའི་འདུ་བྱེད་པ་ལས་གྱུར་པ་མ་ཡིན་ནོ། །བཞི་པ་ལྷག་པའི་དོན་དམ་དེ་ལ་ལམ་དང་འབྲས་བུ་གཞན་ན་མེད་པར་བསྟན་པ་ནི། དེ་ལས་གཞན་པའི་འབྲས་བུ་གུད་ནས་ཐོབ་བྱ་རྡུལ་ཙམ་ཡང་མེད་དེ། ཅིའི་ཕྱིར་ན་ཆོས་ཀུན་ཀྱང་འབྲས་བུའི་ངོ་བོར་གདོད་ནས་སྨིན་ཟིན་པའི་ཕྱིར་དེ་ལས་གཞན་དུ་བགྲོད་པར་བྱ་བའི་ཡུལ་མེད་པས་སོ། །དེ་ལྟར་ན་དོན་དམ་དེ་ཉིད་ལམ་གྱི་ཡང་ངོ་བོ་ཡིན་ཏེ། དེ་ལ་འཇུག་པར་བྱེད་པ་གཞི། གནས་ཤིང་གོམས་པར་བྱེད་པ་ལམ། རང་བཞིན་ཁམས་ཀྱི་ཡོན་ཏན་མངོན་སུམ་དུ་འབྱིན་པ་འབྲས་བུ་སྟེ། ལམ་གྱི་གཞི་

― JKT006_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་འབྲས་གསུམ་ཡང་ཆེད་དུ་བྱ་བ་གོང་གི་ལྡོག་ཆ་ཁོ་ན་ལས་སྒྲོ་བཏགས་ཏེ་ཕྱེ་བ་ཡིན་ནོ། །ལྔ་པ་ལྷག་པ་དོན་དམ་དེ་ཉིད་ཆོས་ཀུན་གྱི་རང་བཞིན་དང་རྒྱུ་ཡིན་པར་བསྟན་པ་ལ་གཉིས། སྤྱིར་བསྟན་པ་དང་། བྱེ་བྲག་ཏུ་བསྟན་པའོ། །དང་པོ་སྤྱིར་བསྟན་པ་ནི། འཇིག་རྟེན་དྲུག་གིས་བསྡུས་པའི་ཕྱོགས་བཅུ་མ་ལུས་པ་ཐམས་ཅད་ལ། རང་བྱུང་གི་ཡེ་ཤེས་ཆེན་པོ་དེ་ཡིས་ཏིལ་ལ་ཏིལ་མར་བཞིན་ཀུན་ཏུ་ཁྱབ་པར་ཧེ་བཛྲ་ལས་གསལ་གནས་ཏེ། རང་བྱུང་གི་ཡེ་ཤེས་དེ་ཉིད་དངོས་པོ་དང་མཚན་མར་གྲུབ་པ་མེད་པར་ཕྱོགས་དང་རིས་སུ་མ་ཆད་པར་སྣང་བས། ཆོས་ཀུན་ལ་རྒྱས་འདེབས་པའི་ཕྱག་རྒྱ་དང་རྒྱུ་ཡི་ཚུལ་དུ་གནས་པ་ཡིན་པའི་ཕྱིར་རོ། །དེས་ན་ཆོས་ཐམས་ཅད་དེ་ལྟ་བུའི་ངང་དུ་གནས་ཤིང་འབྱུང་བར་ངེས་སོ། །གཉིས་པ་བྱེ་བྲག་ཏུ་བསྟན་པ་ནི། དོན་དམ་བཅོས་བསླད་མེད་པ་ཇི་ལྟ་བར་གནས་པའི་དེ་བཞིན་ཉིད་བསམ་གྱིས་མི་ཁྱབ་པའི་དབྱིངས། རང་བཞིན་འོད་གསལ་བའི་ཡེ་ཤེས་ཏེ། དེ་ཉིད་མ་འགག་པར་ཐབས་ཀྱི་ཕྱག་རྒྱ་སྣ་ཚོགས་སུ་སྣང་བས་འཁོར་འདས་ཀུན་གྱི་ངོ་བོ་ཉིད་ཀྱི་རྒྱུའོ། །དྲུག་པ་རྒྱུ་ཡི་མིང་གི་རྣམ་གྲངས་བསྟན་པ་ནི། དོན་དམ་པ་དེ་ལ་མིང་གི་རྣམ་གྲངས་སུ། རང་གི་ངོ་བོ་མཚན་མར་གྲུབ་པ་མེད་པ་ལས། ཀུན་རྫོབ་ཏུ་སྣ་ཚོགས་འབྱུང་བའི་རྒྱུ་ཡིན་པས་ན་མེད་པའི་རྒྱུ་དང་། འཁོར་འདས་ཀྱི་ཆོས་ཀུན་མ་

― JKT006_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེས་པ་ཟད་པར་གནས་པས་ཡོངས་སུ་རྫོགས་པ་ཞེས་ཀྱང་བརྗོད་དོ། །ཀྱང་གི་སྒྲས་ནི། དེ་བཞིན་ཉིད་དང་། ཡང་དག་པའི་མཐའ་དང་། ཆོས་ཀྱི་དབྱིངས་དང་། སྟོང་པ་ཉིད་སོགས་མཐའ་ཀླས་པ་དག་སྡུད་པའོ། །གསུམ་པ་ལྷག་པ་བདེན་པ་དབྱེར་མེད་ཀྱི་ཡེ་ཤེས་རང་ལ་གནས་པའི་ཚུལ་བསྟན་པ་ལ་བཞི་སྟེ། གཞི་འཁོར་འདས་ཆོས་ཀུན་བདེན་པ་དབྱེར་མེད་དུ་གཅིག་པའི་དཔེ་དོན་དང་། བདེན་པ་དབྱེར་མེད་དུ་བརྗོད་པའི་དགོས་ཆེད་དང་། བདེན་པ་གཉིས་མེད་ཡེ་ཤེས་སུ་རང་སྣང་དུ་བསྟན་པ་དང་། ལམ་དང་འབྲས་བུའང་བདེན་པ་གཉིས་མེད་ལས་གཞན་དུ་མེད་པར་བསྟན་པའོ། །དང་པོ་ནི། གསུམ་པ་བདེན་པ་དབྱེར་མེད་དུ་བསྟན་པ་ལ། བདེན་པ་དེ་གཉིས་པོ་ཐ་དད་པའི་དངོས་པོར་ཞེན་པའི་བློས། ཀུན་རྫོབ་འཁོར་བ་དང་། དོན་དམ་མྱ་ངན་ལས་འདས་པ་ཞེས་ཆོས་ཐ་དད་དུ་གདགས་སུ་ཡོད་པ་མ་ཡིན་ཏེ། ཅིའི་ཕྱིར་ཞེ་ན། ཡེ་གདོད་མ་ནས་འཁོར་འདས་ཞེས་རིགས་རྒྱུད་སོ་སོར་གྲུབ་པའི་རྟག་པ་ཞིག་མིན་པས་སོ། །བྱེ་བྲག་ཏུ་གནས་རིགས་སོ་སོའི་གཟུགས་སྒྲ་དྲི་རོ་རེག་བྱ་དང་ཆོས་ཀྱི་བྱེ་བྲག་ཐ་སྙད་དུ་བཏགས་པ་ཀུན། ཀུན་རྫོབ་ཙམ་དུ་འཇའ་ཚོན་ལྟར་མ་འདྲེས་པར་ཤར་ཡང་། དོན་དམ་དུ་ནམ་མཁའ་ལྟར་རོ་གཅིག་པའི་ཕྱིར་རྣམ་གྲངས་སུ་འཛིན་པ་དང་བྲལ་བའོ། །འཁོར་བ་གཟུགས་དང་སྒྲ་ལ་སོགས། །འཁོར་

― JKT006_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཚོར་བ་ལ་སོགས་པ། །འཁོར་བ་དབང་པོ་རྣམས་ཉིད་དོ། །འཁོར་བ་ཞེ་སྡང་ལ་སོགས་པ། །འདི་རྣམས་ཆོས་ནི་མྱ་ངན་འདས། །ཞེས་སོ། །དེ་ལྟར་མ་འདྲེས་པར་སྣང་བ་དེ་ཡང་རང་བྱུང་གི་ཡེ་ཤེས་འདུས་མ་བྱས་པ་ཉིད་འདུས་བྱས་སུ་སྣང་ལ། འདུས་བྱས་སུ་སྣང་བའི་དུས་ནའང་འདུས་མ་བྱས་པ་དང་ངོ་བོ་དབྱེར་མི་ཕྱེད་པས་ན་རྡོ་རྗེའོ། །གཉིས་པ་ནི། རང་བཞིན་བདེན་པ་དབྱེར་མེད་ཀྱི་དོན་དེ་རྒྱལ་བ་ཡང་དག་པར་རྫོགས་པའི་སངས་རྒྱས་སྒམ་པོས་མ་མཛད། འགྲོ་སེམས་སེམས་ཅན་གྱི་ཤེས་པ་སྒྲིན་པོས་མ་བཅོས་པར་རང་བཞིན་ངང་གིས་བདེན་པ་དབྱེར་མེད་པར་གནས་པ་དེའང་། གནས་ལུགས་ལ་སྣང་སྟོང་དབྱེར་མེད་དུ་འཛིན་པ་ཙམ་ཡང་བྲལ་ཀྱང་། དེ་ལྟར་མ་རྟོགས་པར་དེ་ལྟ་བུའི་མིང་ཚིག་ལ་མཚན་མར་ཞེན་པ་རྣམས་ཀྱི་བློ་རྒྱུད་དགྲོལ་བའི་ཕྱིར་དུ་དོན་དབྱེར་མེད་དུ་བསྟན་པ་ཙམ་ལས། ཐ་སྙད་ཀྱི་ཚིག་དང་བདེན་གཉིས་དབྱེར་མེད་པར་འཛིན་པའི་བསམ་བརྗོད་ལས་རིང་དུ་འདས་པ་སྟེ། མདོ་ལས། ཡི་གེ་མེད་པའི་ཆོས་རྣམས་ལ། །ཉན་ཅིང་འཆད་པར་བྱེད་པའང་ཡིན། །ཅེས་དང་། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །ཅེས་སོགས་དང་མཐུན་པའོ། །གསུམ་པ་ལ་གསུམ་སྟེ། དང་པོ་ཡུལ་ཤེས་གཉིས་མེད་རང་སྣང་དུ་བསྟན་པ་ནི། འོ་ན་ཤེས་བྱ་དང་ཤེས་བྱེད་ཀྱི་ཡུལ་སེམས་སོ་སོར་སྣང་

― JKT006_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

བ་འདི་ཅི་ཞིག་ཡིན་ཞེ་ན། ཡུལ་དང་ཤེས་པར་སྣང་བ་དེ་ཡང་རྒྱུ་རྐྱེན་དང་བྲལ་བའི་རང་བྱུང་གི་ཡེ་ཤེས་དེ་རང་སྣང་བར་ཟད་དོ། །གཉིས་པ་རྒྱུ་འབྲས་གཉིས་མེད་དུ་བསྟན་པ་ནི། རྒྱུ་མེད་པ་ལས་འབྲས་བུ་མི་འབྱུང་བའི་ཕྱིར། རྒྱུ་སེམས་ཅན་ལས་འབྲས་བུ་སངས་རྒྱས་འབྱུང་བ་ལྟར་སྣང་ཡང་། དོན་དུ་གཉིས་སུ་མེད་དེ་ཐམས་ཅད་ལ་རང་བྱུང་གི་ཡེ་ཤེས་ཀྱིས་ཁྱབ་པའི་ཕྱིར། སེམས་ཀྱི་རང་བཞིན་འོད་གསལ་གང་ཡིན་པ། །དེ་ནི་ནམ་མཁའ་བཞིན་དུ་འགྱུར་བ་མེད། །ཅེས་སོགས་གསུངས་པའི་ཕྱིར་རོ། །གསུམ་པ་ཕྱི་ནང་ངམ་སྣོད་བཅུད་གཉིས་མེད་དུ་བསྟན་པ་ནི། ཕྱི་ཕུང་པོ་དང་། ནང་ཤེས་པའམ། ཕྱི་སྣོད་དང་ནང་བཅུད་ལ་སོགས་པའི་གཟུང་འཛིན་གྱི་རྫས་རྟེན་དང་བརྟེན་པར་བཅས་པ་མ་འགག་པར་གསལ་བ་ཡང་དོན་དམ་པར་ན་བདེན་པ་དབྱེར་མེད་ཀྱི་ངང་དུ་རྫོགས་པའོ། །བཞི་པ་ནི། དེ་ལྟར་ཆོས་ཀུན་ཡེ་ཤེས་རང་ལ་གནས་པ་དེ་ལྟ་བུ་བདེན་གཉིས་དབྱེར་མེད་ཀྱི་གནས་ཚུལ་ཇི་ལྟ་བ་བཞིན་ཡིན་ཏེ། ལམ་དང་འབྲས་བུ་ཀུན་གྱི་དངོས་པོ་སྟེ་ངོ་བོར་གྱུར་པའི་འབྲེལ་བ་ནི། ངོ་བོ་བདག་གཅིག་གིས་འབྲེལ་བའི་ཕྱིར། འབྲས་བུ་ཐོབ་པར་བྱེད་པ་འོག་མའི་ཐབས། སྤོང་བ། འགོག་པ། སྦྱོང་བ། བསྒྱུར་བ་ལ་སོགས་པ་ལས་ཆོས་ཁྱད་པར་དུ་འཕགས་པ་ཆོས་ཀུན་མཉམ་པར་བལྟ་བའི་ཕྱིར་མ་ཧཱ་ཡོ་ག་སྟེ་རྣལ་འབྱོར་ཆེན་པོའི་

― JKT006_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ཉམས་སུ་བླངས་པས། གཞི་འབྲས་དབྱེར་མེད་པའི་གོ་འཕང་མངོན་སུམ་དུ་བྱེད་དེ། དེ་ཡང་གཞན་ནས་ཐོབ་པ་མ་ཡིན་ཏེ། རང་གི་ངོ་བོའི་ཆོས་ཉིད་ལས་བྱུང་བར་ཟད་དོ། །དེ་སྐད་དུའང་། རྨོངས་ཕྱིར་འཁོར་བའི་གཟུགས་ཅན་ཉིད། །རྨོངས་མེད་འཁོར་བ་དག་པ་ནི། །འཁོར་བ་མྱ་ངན་འདས་པར་འགྱུར། །བྱང་ཆུབ་སེམས་ནི་མྱ་ངན་འདས། །ཞེས་སོགས་རྒྱ་ཆེར་བསྟན་པ་བཞིན་ནོ། །གཉིས་པ་ལེའུའི་མཚན་བསྟན་པ་ནི། ཀུན་རྫོབ་དོན་དམ་དབྱེར་མེད་པ་ལྷག་པའི་ཡེ་ཤེས་ཆེན་པོ་རང་རྒྱུད་ལ་ལྷུན་གྲུབ་ཏུ་བཞུགས་པའི་ལུས་དང་སེམས་དངོས་པོའི་གནས་ལུགས་གསལ་བར་བྱེད་པའི་ལེའུ་སྟེ་པ་རི་ཙྪེ་དཾ་གཞུང་གི་ཚིག་རྣམས་གཅོད་མཚམས་འཛིན་པར་བྱེད་པ་སྟེ། དེ་ཡང་རིམ་པར་ཕྱེ་བ་དགུ་ལས་དང་པོའོ།།

སྔོན་འགྲོ་དང་དངོས་གཞིའི་ལམ་སྤྱིར་འཇུག་པའི་ཟིན་བྲིས་ལས་དང་པོ་པ་ལ་ཕན་པའི་ཚིག་གི་བདུད་རྩི་།

― JKT006_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

སྔོན་འགྲོ་དང་དངོས་གཞིའི་ལམ་སྤྱིར་འཇུག་པའི་ཟིན་བྲིས་ལས་དང་པོ་པ་ལ་ཕན་པའི་ཚིག་གི་བདུད་རྩི་ཞེས་བྱ་བ་བཞུགས་སོ། །ན་མོ་གུ་རུ་བྷྱ༔ དེ་ལ་འདིར་རྟེན་གྱི་གང་ཟག་ཐར་པ་དང་ཐམས་ཅད་མཁྱེན་པའི་གོ་འཕང་ཐོབ་པར་འདོད་པ་རྣམས་ཀྱིས། ཚེ་འདིའི་བདེ་སྐྱིད་དང་། འཁོར་བའི་བདེ་བ་དང་། རང་དོན་ཡིད་བྱེད་ལ་མ་ཆགས་པ་གསུམ་གྱིས་བློ་སྦྱངས་ཏེ་མྱུར་ལམ་རྡོ་རྗེ་ཐེག་པའི་ལམ་ཟབ་མོ་ལ་ནན་ཏན་དུ་བསླབ་པར་བྱ་བ་ཡིན་ཏེ། དང་པོ་གསུམ་གྱི་དབང་དུ་བྱས་ན། དལ་འབྱོར་རྙེད་དཀའ་

― JKT006_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

བསམ་པས་འཆི་བ་མི་རྟག་པའི་གཞི་ཐེང་བ་དང་། འཆི་བ་མི་རྟག་པ་བསྒོམས་པས་ཚེ་འདིའི་མངོན་ཞེན་ལྡོག་པ་དང་། འཁོར་བའི་ཉེས་དམིགས་ཤེས་པས་སྲིད་པའི་ཕུན་ཚོགས་ལ་ངེས་པར་འབྱུང་བ་དང་། །ལས་རྒྱུ་འབྲས་བསམ་པས་བླང་དོར་གྱི་འཇུག་ལྡོག་མ་འཆོལ་བ་དང་། དཀོན་མཆོག་ལ་སྐྱབས་སུ་འགྲོ་བས་ལམ་ལོག་པ་ལས་བློ་ལྡོག་པ་དང་། བྱང་ཆུབ་ཏུ་སེམས་བསྐྱེད་པས་ལམ་དམན་པ་ལས་ཁྱད་པར་དུ་བྱ་བ་སྟེ་དྲུག་ལས། དང་པོ་ནི། ད་རེས་རང་གཞན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་བསྒྲལ་བའི་ཕྱིར་དམ་པའི་ཆོས་རྣམ་པར་དག་པ་ཞིག་བསྒྲུབ་དགོས། དེ་བསྒྲུབ་པའི་རྟེན་ནི་དལ་འབྱོར་གྱི་མི་ལུས་འདི་ཁོ་ན་ལས་གཞན་དུ་མ་དམིགས་ཤིང་། རྟེན་འདི་ཡང་། ངོ་བོ་དང་། རྒྱུ་དང་། གྲངས་དང་། དཔེ་རྣམས་ཀྱི་སྒོ་ནས་ཞིབ་མོར་བསམ་ན་ད་ལན་ཙམ་མ་གཏོགས་ཕྱིས་ནས་ཡང་ནས་ཡང་དུ་རྙེད་པར་དཀའ་བའི་ཚུལ། ངན་སོང་གསུམ་དུ་སྐྱེས་ན་ནི་སྡུག་བསྔལ་གྱི་སྡུག་བསྔལ་དོས་དྲགས་པས་མི་ཁོམས། ལྷ་རྣམས་ནི་འདོད་ཡོན་ལ་གཡེང་བས་མི་ཁོམས། སངས་རྒྱས་མ་བྱོན་པའི་ཞིང་ངམ། བྱོན་ཀྱང་ཆོས་མ་དར་བའི་མཐའ་འཁོབ་ཀླ་ཀློའམ། ལས་འབྲས་ལ་ཡིད་མི་ཆེས་པའི་ལོག་ལྟ་ཅན་དང་། ཆོས་ཀྱི་བླང་དོར་མི་ཤེས་པའི་གླེན་ཅིང་ངག་ལྐུག་པ་རྣམས་སུ་སྐྱེས་ན་ཆོས་ཀྱི་སྣང་བ་དང་བྲལ་བས་ན་མི་ཁོམས་

― JKT006_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

པ་སྟེ། སྐྱོན་གྱི་ལྡོག་ཆ་བརྒྱད་པོ་དེ་དང་བྲལ་བའི་མི་ལུས་ནི་ཆོས་སྒྲུབ་པའི་ལོང་ཡོད་དུ་ཁོམས་པས་ངོ་བོ་དལ་བ་ཞེས་བྱ་ལ། དེའི་ཁྱད་པར་གྱི་ཆོས་མིའི་ལུས་སུ་སྐྱེས་པ་གཞིར་བཞག་ནས། དེ་ཡང་ཡུལ་དབུས་ཆོས་དར་སར་སྐྱེས་པ། དབང་པོ་སྒོ་ལྔ་ཚང་བ། མཚམས་མེད་ལྔ་ལས་གང་ཡང་རུང་བ་མ་བྱས་པས་ལས་མཐའ་མ་ལོག་པ། སངས་རྒྱས་ཀྱི་གསུང་རབ་ལ་དད་པས་འཇུག་པ་གནས་ལ་དད་པ་སྟེ་རང་རྒྱུད་ཀྱིས་བསྡུས་པའི་འབྱོར་བ་ལྔ་དང་། སངས་རྒྱས་འཇིག་རྟེན་དུ་བྱོན་པ། དེས་ཆོས་གསུངས་པ། གསུངས་པའི་བསྟན་པ་གནས་པ། བསྟན་པའི་རྗེས་སུ་བདག་གཞན་འཇུག་པ་ཡོད་པ། ཆོས་དང་༡ ཟང་ཟིང་གི་མཐུན་རྐྱེན་སྦྱོར་བ་ཡོད་པ་སྟེ་གཞན་རྒྱུད་ཀྱིས་བསྡུས་པའི་འབྱོར་པ་ལྔ་ལས། རང་འབྱོར་དང་དལ་བ་ནི་གནས་གཅིག་པ་ཡིན་ལ། དེ་ལྟ་བུའི་ཁྱད་ཆོས་མཐའ་དག་ཚང་བ་ཤིན་ཏུའང་དཀོན་པས་ན་ངོ་བོའི་སྒོ་ནས་རྙེད་པར་དཀའ་བ་ཡིན་ནོ། །དེ་ཙམ་དུ་དཀའ་བའང་སེམས་ཅན་གྱི་ནང་ནས་ངན་སོང་གི་རྒྱུ་སྡིག་པའི་ལས་བྱེད་པ་ནི་ཤིན་ཏུ་མང་། མཐོ་རིས་ཀྱི་རྒྱུ་དགེ་བ་བྱེད་པ་ནི་ཆེས་ཉུང་། དེ་ལས་ཀྱང་དལ་འབྱོར་གྱི་ལུས་སྐྱོན་མེད་པའི་རྒྱུ་ཚུལ་ཁྲིམས་རྣམ་པར་དག་པ་བསྲུང་བ་ནི་སྲིད་མཐའ་ཙམ་དུ་འདུག་པས་ན་རྒྱུ་ཡི་སྒོ་ནས་ཀྱང་རྙེད་པར་དཀའ་ལ། རྒྱུ་དེས་བསྐྱེད་པའི་འབྲས་བུ་རང་གི་ངོས་ནས་ཀྱང་།

― JKT006_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

ངན་སོང་གསུམ་ནི་ས་ཆེན་པོའི་རྡུལ་བཞིན་དུ་མཐའ་མེད། མཐོ་རིས་ནི་སེན་མོའི་སྟེང་གི་རྡུལ་བཞིན་ཤིན་ཏུ་ཉུང་བར་ལུང་ལས་གསུངས་པར་མ་ཟད། མཐོང་ཆོས་སུའང་ངན་སོང་གསུམ་གྱི་ནང་ནས་ཉུང་ཤོས་དུད་འགྲོ་བྱིངས་ན་གནས་པ་ནི་ཆང་འགགས་ཀྱི་སྦང་མ་བཞིན་བསམ་གྱིས་མི་ཁྱབ། ཁ་འཐོར་ཀྱང་ས་གཞི་རི་ཀླུང་ཁེངས་པ་ཙམ་དུ་འདུག་སྟེ། དཔེར་ན་དབྱར་དུས་སྔོ་ཕུང་གཅིག་ལ་གནས་པའི་སེམས་ཅན་ཀྱང་མཐའ་མི་འདུག །དེ་ལ་ལྟོས་ན་ལྷ་དང་མིའི་འགྲོ་བ་ནི་སྲིད་མཐའ་ཙམ་དང་། དེ་ལས་ཀྱང་སྤྱིར་མིའི་འགྲོ་བ་དང་། ཁྱད་པར་ཆོས་ལྡན་གྱི་མི་ལུས་ནི་སྲིད་མཐའ་ཙམ་དུ་འདུག་པས་གྲངས་ཀྱི་སྒོ་ནས་ཀྱང་རྙེད་པར་དཀའ་བ་དང་། གཞན་ཡང་རྒྱ་མཚོ་ཆེན་པོ་མཐའ་མེད་པར་གཉའ་ཤིང་བུ་ག་གཅིག་པ་ཕྱོགས་ཐམས་ཅད་དུ་བསྐྱོད་པ་ཞིག་ཡོད་པའི་དབང་དུ་བྱས་ཏེ་དེའི་སྟེང་ན་རུ་སྦལ་ལོང་བ་ལོ་བརྒྱ་ཕྲག་རེ་ན་རྒྱ་མཚོའི་སྟེང་དུ་ལན་རེ་འོང་བའི་མགྲིན་པ་གཉའ་ཤིང་གི་བུ་གར་ཚུད་པའི་སྐབས་ཀྱང་སྲིད་མོད་ཀྱི། མི་ལུས་ཐོབ་པ་ནི་དེ་ལས་ཀྱང་དཀའ་བར་ལུང་ལས་གསུངས་པས་མཚོན་དཔེ་ཡི་སྒོ་ནས་ཀྱང་རྙེད་པར་དཀའ་ཞིང་། རྙེད་དཀའ་བ་ཁོ་ནར་མ་ཟད། རྙེད་ན་དོན་གྱི་མཆོག་ཆེན་པོ་དང་ལྡན་པ་ཡིན་ཏེ། རང་ཉིད་ཀྱི་བསམ་སྦྱོར་གྱིས་ནུས་ན་ཚེ་འདིའི་བདེ་སྐྱིད་དང་། ཕྱི་མ་ལྷ་མིའི་གོ་འཕང་དང་། ཐེག་པ་འོག་མའི་མྱང་

― JKT006_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

འདས་དང་། བླ་ན་མེད་པའི་བྱང་ཆུབ་རྣམས་ཀྱང་བདེ་བླག་ཏུ་བསྒྲུབ་ནུས་པའི་ཕྱིར་ཡིད་བཞིན་གྱི་ནོར་བུ་ལག་ཏུ་ལོན་པའི་དཔེས་བརྒྱ་སྟོང་གི་ཆར་ཡང་མི་མཚོན་པ་འདི་ལྟ་བུ་ཞིག་ཐོབ་པའི་སྐབས་སུ། རྟེན་དེ་ལ་སྙིང་པོ་ལོན་པའི་ཆོས་རྣམ་པར་དག་པ་ཞིག་ཅི་ནས་ཀྱང་བསྒྲུབ་པར་བྱ་དགོས་སོ། །གཉིས་པ་ནི། ཆོས་དེ་ཡང་མྱུར་དུ་བརྩོན་པས་བསྒྲུབ་དགོས་ཀྱི། ལེ་ལོ་དང་ཕྱི་བཤོལ་གྱི་དབང་དུ་སོང་ན་སྤྱིར་འདུས་བྱས་ཐམས་ཅད་མི་རྟག་པས་ཁྱབ་ཅིང་། བྱེ་བྲག་ཏུ་སེམས་ཅན་གྱི་ཁམས་ན་སྐྱེས་ནས་མ་ཤི་བར་ཚེ་ཐར་དུ་ལུས་པ་སུ་ཡང་མེད། ད་ལྟའི་རང་དང་བཅས་པའི་འགྲོ་བ་ཐམས་ཅད་ཀྱང་འཆི་བ་ལས་མ་འདས། དེ་ཡང་ན་སོ་རྒན་གཞོན་བར་མའི་རྩིས་གདབ་མེད་པར་འཆི་བ་གློ་བུར་དུ་འོང་བས་ནམ་འཆི་ཆ་མེད། ལུས་ནི་ཆུའི་ལྦུ་བ་ལྟར་སྲན་ཆུང་། དབུགས་ནི་སྟོན་ཀའི་ན་བུན་བཞིན་དུ་ཡལ་སྐྱེན། སེམས་ནི་དམུས་ལོང་ཐང་སྟོང་དུ་འཁྱམས་པ་བཞིན་གར་འགྲོའི་རང་དབང་མེད། ཕན་དུ་རེ་བའི་ཟས་གོས་ཚུན་ཆད་ཀྱིས་ཀྱང་འཆི་བའི་རྐྱེན་བྱེད་པས་འཆི་རྐྱེན་མང་། དུས་ལ་བབས་པ་ན་ཐབས་གང་གིས་ཀྱང་མི་བཟློག་པས་གསོན་རྐྱེན་ཉུང་། མདོར་ན་ཚེ་འདི་ཕྱི་གཉིས་ཀྱི་བར་ལ་དབུགས་ཕྲེང་ཕྲེང་བ་འདི་ཀ་ལས་མེད། འདི་ནམ་ཆད་ན་ཚེ་ཕྱི་མར་སླེབས་པས་སང་དང་ཚེ་ཕྱི་མའང་གང་སྔ་མི་ཤེས། སྐབས་དེར་ལོངས་

― JKT006_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་དང་དབང་ཕྱུག་སྟོབས་དང་སྙན་གྲགས་ལ་སོགས་པ་ཆེན་པོས་ཁྱབ་པ་ཞིག་ཡོད་ཀྱང་རྡུལ་ཕྲ་རབ་ཙམ་ཡང་རྗེས་སུ་མི་འབྲང་ཞིང་། དམ་པའི་ཆོས་མ་གཏོགས་གཞན་གང་གིས་ཀྱང་མི་ཕན་པས་མི་ཚེ་ཡུད་ཙམ་པ་སྤྲིན་བར་གྱི་ཉི་ཞུར་ལྟ་བུ་འདི་ལ་ཚེ་འདིའི་བདེ་སྐྱིད་སྙན་གསུམ་ལ་མ་ཆགས་པར་འཆི་ཆོས་གཤའ་མ་ཞིག་དེ་རིང་ནས་བྱ་བར་ཐག་བཅད་ཅིང་ལག་ཏུ་བླང་ངོ་། །གསུམ་པ་ནི། དེ་ལྟར་ཤི་བའི་རྗེས་སུ་ཅང་མེད་དུ་སོང་ན་དྲགས་མོད། རང་ཅག་ལས་ཉོན་མ་ཟད་པ་རྣམས་ལས་དང་ལས་ཀྱི་འབྲས་བུ་འབའ་ཞིག་ལ་བརྟེན་ནས་རང་དབང་མེད་པར་འཁོར་བའི་གནས་སུ་ཡང་ནས་ཡང་དུ་སྐྱེ་དགོས། འཁོར་བའང་ངན་འགྲོ་དང་བདེ་འགྲོ་གཉིས་ལས་མི་འདའ། དེ་ལས་ངན་སོང་གསུམ་དུ་སྐྱེས་ན་སེམས་ཅན་དམྱལ་བ་པ་རྣམས་ལ་ཚ་གྲང་གཅོད་གཏུབ་ཀྱི་སྡུག་བསྔལ། ཡི་དྭགས་རྣམས་ལ་བཀྲེས་སྐོམ་བྲེལ་ཕོངས་ཀྱི་སྡུག་བསྔལ། དུད་འགྲོ་རྣམས་ལ་གླེན་ལྐུགས་བཀོལ་སྤྱོད་ཀྱི་སྡུག་བསྔལ་ཏེ་བཟོད་པར་དཀའ་བའི་སྡུག་བསྔལ་ཡུན་རིང་ལ་དོས་དྲགས་པས་མནར་བ་དང་། གལ་ཏེ་བདེ་འགྲོར་སྐྱེས་སུ་ཟིན་ཀྱང་། མི་རྣམས་ལ་སྐྱེ་རྒ་ན་འཆི་སོགས་རྩ་བ་དང་ཡན་ལག་གི་སྡུག་བསྔལ་བསམ་གྱིས་མི་ཁྱབ། ལྷ་མ་ཡིན་རྣམས་ཕྲག་དོག་གི་དབང་གིས་འཐབ་ཅིང་རྩོད་པས་ལུས་སེམས་སྐད་ཅིག་ཀྱང་རྣལ་དུ་མི་གནས། ཁམས་འོག་མའི་ལྷ་

― JKT006_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་འཆི་འཕོ་བའི་སྔ་ལྟས་ཀྱིས་ཆེས་ཆེར་གདུང་བ་སྟེ་འགྱུར་བའི་སྡུག་བསྔལ་དང་། ཁམས་གོང་མའི་ལྷ་རྣམས་ཟག་བཅས་ཀྱི་དགེ་བའི་འཕེན་ཤུགས་རྫོགས་པ་ན་ལོག་པར་ལྟ་བས་སེམས་བསླད་དེ་གནས་རིས་འོག་མ་རྣམས་སུ་ལྟུང་བའི་ཕྱིར་ཁྱབ་པ་འདུ་བྱེད་ཀྱི་སྡུག་བསྔལ་ཏེ། མདོར་ན་མེའི་རང་བཞིན་ཚ་བ་ལས་མ་འདས་པ་བཞིན། འཁོར་བའི་གནས་རིས་མཐོ་དམན་གང་དུ་སྐྱེས་ཀྱང་སྡུག་བསྔལ་གསུམ་གྱི་གནས་དང་། གྲོགས་དང་། ཡོ་བྱད་ཀྱི་རང་བཞིན་ཁོ་ན་ལས་མ་འདས་པར་ཤེས་ནས་ངེས་འབྱུང་གི་བློ་ཤུགས་དྲག་ཏུ་བསྐྱེད་པར་བྱའོ། །བཞི་པ་ནི། དེ་ལྟ་བུའི་འཁོར་བ་ལས་ཐར་པའི་འཇུག་སྒོ་ནི་ལས་འབྲས་སྨིན་ཚུལ་ལ་ཡིད་ཆེས་ཤིང་བླང་དོར་མ་ནོར་བ་ཞིག་དགོས་ཏེ། སྤྱིར་ལས་འབྲས་ལ་དབྱེ་ན་བསམ་གྱིས་མི་ཁྱབ་ཀྱང་། བསྡུ་ན་མི་དགེ་བ་དང་། དགེ་བ་དང་། ལུང་མ་བསྟན་གྱི་ལས་གསུམ་དུ་འདུས་པ་ལས། དང་པོ་མི་དགེ་བའི་ལས་ལ་གཙོ་ཆེ་བའི་དབང་དུ་བྱས་ན་ལུས་ངག་ཡིད་ཀྱི་ལས་ལམ་རྣམ་པ་བཅུར་བཞག་སྟེ། དེའང་བསམས་བཞིན་དུ་སྲོག་ཆགས་ཕྲ་མོ་གྲོག་སྦུར་ཡན་ཆད་ཀྱི་སྲོག་གཅོད་པ། གཞན་གྱི་ནོར་ལ་མཐུ་དང་འཇབ་བུའི་སྒོ་ནས་མ་བྱིན་པར་ལེན་པ། འཁྲིག་པ་སྤྱོད་པའི་ཡུལ་མ་ཡིན་པ་བསྟེན་པའི་འདོད་པས་ལོག་པར་གཡེམ་པ། བདེན་པ་ལས་གཞན་དུ་འདུ་ཤེས་བསྒྱུར་ནས་སྨྲས་

― JKT006_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཕ་རོལ་པོ་མགོ་རྨོངས་པར་བྱེད་པའི་རྫུན་སྨྲ་བ། གཞན་གྱི་ཡིད་ལ་ཟུག་རྔུ་བསྐྱེད་པའི་ཚིག་རྩུབ་འབྱིན་པ། ཕན་ཚུན་མཛའ་བ་དག་དབྱེ་བའི་ཕྲ་མ་སྨྲ་བ། ཚིག་སྔ་མ་གསུམ་ལས་གཞན་པའི་བཞད་གད་སོགས་ཉོན་མོངས་པ་སྐྱེད་པའི་ངག་འཁྱལ། གཞན་གྱི་དཔལ་འབྱོར་སོགས་རང་གིས་ཐོབ་པར་འདོད་པའི་བརྣབ་སེམས། ཕ་རོལ་པོ་ཉེས་པར་གྱུར་ན་ཅི་མ་རུང་སྙམ་པའི་གནོད་སེམས། ལས་འབྲས་ཀྱི་རྣམ་གཞག་ཀུན་རྫོབ་ཏུའང་མེད་པར་སེམས་པའི་ལོག་ལྟ་རྣམས་ཀུན་སློང་ཤུགས་ཆེ་འབྲིང་ཆུང་གསུམ་དང་། ཞེ་སྡང་དང་། འདོད་ཆགས་དང་། གཏི་མུག་ལས་རྗེས་སུ་སྐྱེས་པའི་དབང་གིས་ངན་སོང་གསུམ་དུ་རིམ་པར་སྐྱེ་བ་ནི་རྣམ་སྨིན་གྱི་འབྲས་བུ་ཡིན་ལ། བྱེད་པ་རྒྱུ་མཐུན་གྱིས་རྣམ་སྨིན་གྱི་འཕེན་པ་ཟད་ནས་མཐོ་རིས་སུ་སྐྱེས་ཀྱང་སྲོག་གཅོད་པ་སོགས་ལ་དེ་དང་དེའི་བག་ཆགས་ཀྱི་ནུས་པ་སད་པས་སླར་ཡང་སྡུག་བསྔལ་གྱི་རྒྱུ་མུ་མཐའ་མེད་པ་འདུ་བྱེད་པ་དང་། མྱོང་བ་རྒྱུ་མཐུན་གྱིས། སྲོག་གཅོད་པས་ཚེ་ཐུང་བ། མ་བྱིན་བླངས་པས་ལོངས་སྤྱོད་དབུལ་བ། འདོད་ལོག་གིས་ཁྱིམ་ཐབས་དགྲ་ཟླ་དང་བཅས་པ། རྫུན་གྱིས་བདེན་པར་མི་འཛིན་པ། ཕྲ་མས་མཛའ་བཤེས་དང་བྱེ་བ། ཚིག་རྩུབ་ཀྱིས་མི་སྙན་པ་ཐོས་པ། ངག་འཁྱལ་གྱིས་ཚིག་མི་བཙུན་པ། བརྣབ་སེམས་ཀྱིས་རེ་བ་འཇོམས་པ། གནོད་སེམས་ཀྱིས་ཡིད་

― JKT006_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་མི་འོང་བ། ལོག་ལྟས་ལྟ་བ་ངན་པ་རྒྱུད་ལ་སྐྱེ་བ་རྣམས་དང་། བདག་པོའི་འབྲས་བུ་ཕྱིའི་ཡུལ་ལ་སྨིན་ཏེ། སྲོག་གཅོད་སོགས་ཀྱི་གོ་རིམ་དང་མཚུངས་པར། ས་ཕྱོགས་གཟི་ཆུང་སེར་ཆར་མོད། །རྡུལ་འཁྲིག་དྲི་ང་མཐོ་དམན་ཅན། །ཚྭ་སྒོ་ཅན་སོགས་དུས་ལོག་དང་། །འབྲས་བུ་ཕྲ་ཁ་ཆུང་དུ་མེད། །ཅེས་སོ། །དགེ་བ་ནི། སྲོག་གཅོད་སྤངས་པ་སོགས་བཅུ་སྟེ། སོ་སོའི་འབྲས་བུར། ཀུན་སློང་ཤུགས་ཆེ་འབྲིང་ཆུང་བའི་དབང་གིས་རྣམ་སྨིན་གྱི་འབྲས་བུ་མཐོ་རིས་གསུམ་དང་། བྱེད་པ་རྒྱུ་མཐུན་རང་རང་གི་ལས་ལ་སྤྲོ་བས་བདེ་བ་ནས་བདེ་བར་འགྲོ་བའི་རྒྱུ་བྱེད་པ་དང་། མྱོང་བ་རྒྱུ་མཐུན་ཚེ་རིང་ཞིང་འབྱོར་པ་ལྡན་པ་སོགས་དང་། བདག་པོའི་འབྲས་བུར་ས་ཕྱོགས་གཟི་མདངས་ཆེ་བ་རྣམས་སུ་སྐྱེ་བས་མཚོན་མི་དགེ་བའི་འབྲས་བུ་རྣམས་ལས་ལྡོག་སྟེ་འབྱུང་བ་ཡིན་ལ། ལུང་མ་བསྟན་ནི། དགེ་མི་དགེའི་ལས་གང་ཡང་མིན་པའི་འགྲོ་འཆག་ཉལ་འདུག་སོགས་ཏེ། དེའི་འབྲས་བུ་ཡང་བདེ་སྡུག་གང་ཡང་འབྱིན་མི་ནུས་པའོ། །ཚུལ་དེ་ལྟ་བས་ན། སྡུག་བསྔལ་གྱི་རྒྱུ་མི་དགེ་བ་སྲོག་དང་བསྡོས་ཏེ་སྤང་ཞིང་། བདེ་བའི་རྒྱུ་དགེ་བ་ཆ་ཕྲ་མོ་ནས་ཀྱང་ཅི་ནུས་སུ་བསྒྲུབ། ལུང་མ་བསྟན་གྱི་ལས་རྣམས་ཀྱང་བསམ་སྦྱོར་གང་ཡང་རུང་བའི་སྒོ་ནས་དགེ་བར་བསྒྱུར་བའི་ཐབས་ལ་མཁས་པར་བྱའོ། །ལྔ་པ་ནི། དཔེར་ན་ནག་ཅན་བཙོན་

― JKT006_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

དོང་དུ་ཚུད་པ་གནས་སྐབས་སུ་ཆད་ལས་སྣ་ཚོགས་ཀྱིས་མནར་ཞིང་། མཐར་གསོད་པར་ངེས་པས་དེ་ལས་སྐྱོབ་ནུས་པ་ཞིག་ཕ་འབོད་མ་འབོད་བྱེད་པ་ལྟར། རང་རེ་རྣམས་ཀྱང་ཟག་བཅས་ཀྱི་དགེ་བས་མཐོ་རིས་གསུམ་ཙམ་དུ་སྐྱེས་ཀྱང་སྡུག་བསྔལ་གྱི་རང་བཞིན་ལས་མ་འདས་པས། འཁོར་བའི་སྡུག་བསྔལ་མཐའ་དག་སྐྱོབ་ནུས་པའི་སྐྱབས་གནས་ཞིག་ལ་བློ་གཏོད་ནས་སྐྱབས་སུ་འགྲོ་དགོས་ཤིང་། དེ་ཡང་གང་ལ་སྐྱབས་སུ་འགྲོ་བའི་ཡུལ་ནི། བླ་མ་དང་དཀོན་མཆོག་རིན་པོ་ཆེ་རྣམ་པ་གསུམ་ཁོ་ན་ཡིན་ལ། གང་གིས་སྐྱབས་སུ་འགྲོ་བའི་གང་ཟག་ནི། རང་ཉིད་ཀྱིས་ཐོག་དྲངས་པའི་སེམས་ཅན་ཐམས་ཅད་ཀྱིས། ཇི་ལྟར་སྐྱབས་སུ་འགྲོ་བའི་ཚུལ་ནི། འདི་ནས་བྱང་ཆུབ་མ་ཐོབ་ཀྱི་བར་དུ་སྐྱིད་སྡུག་ལེགས་ཉེས་ཅི་བྱུང་ཡང་ཁྱེད་ཁོ་ན་མཁྱེན་ནོ་སྙམ་པའི་རེ་ལྟོས་ལིང་སྐྱུར་གྱི་ཚུལ་གྱིས་བློ་རྩེ་གཅིག་ཏུ་གཏོད་པ་དང་དེ་ལྟར་སྐྱབས་སུ་སོང་བའི་བསླབ་བྱ་ནི། དུས་རྟག་ཏུ་དཀོན་མཆོག་གསུམ་རྗེས་སུ་དྲན་པས་སྐྱབས་སུ་འགྲོ་བ་དང་། རྐྱེན་ཇི་ལྟ་བུ་བྱུང་ཡང་དཀོན་མཆོག་གསུམ་མི་གཏོང་ཞིང་། སྐྱབས་དང་རེ་ལྟོས་གཞན་ནས་མི་འཚོལ་བ་སོགས་རྒྱ་ཆེར་ཤེས་པར་བྱའོ། །དྲུག་པ་ནི། འདི་ལྟར་ནམ་མཁའ་ལ་ཤར་གྱི་ནམ་མཁའ་གཅིག་པུའི་མཐའ་ཡང་ཚད་བཟུང་དུ་མེད་པ་བཞིན་ཕྱོགས་ཐམས་ཅད་ཀྱི་ནམ་མཁའ་ལའང་ཚད་མེད། དེ་ཐམས་ཅད་

― JKT006_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཅན་གྱི་ཁམས་ཀྱིས་ཁྱབ། དེ་རེ་རེས་ཀྱང་རང་གི་སྐྱེ་བ་ཐོག་མ་མ་མཆིས་པ་ནས་ཕ་མ་ཡང་ཡང་བྱས་ཤིང་། བྱས་རེས་བཞིན་དུ་གནོད་པ་ཐམས་ཅད་ལས་བསྐྱབས། བརྩེ་བའི་སེམས་ཀྱིས་བཟུང་། བྱམས་པའི་སྤྱོད་པས་བསྐྱངས། ཕན་པ་ཅི་ནུས་སུ་བསྒྲུབས་པའི་དྲིན་ཅན་ཁོ་ན་ཡིན་པས། འདི་ཐམས་ཅད་འཁོར་བ་སྡུག་བསྔལ་གྱི་གསེབ་ཏུ་བཞག་ནས། རང་གཅིག་པུ་ཐར་པས་ཅི་ཞིག་ཕན།། དེ་བས་ན་འདི་དག་བདེ་བ་འདོད་ཅིང་སྡུག་བསྔལ་མི་འདོད་པ་ཤ་སྟག་ཏུ་སྣང་བས། བདེ་བ་དང་ལྡན་ཅིང་སྡུག་བསྔལ་དང་བྲལ་བ་བདག་གིས་བྱའོ་སྙམ་པའི་བྱམས་པ་དང་སྙིང་རྗེ་ལྷག་བསམ་གྱི་བློ་ཁྱད་པར་ཅན་སྔོན་དུ་འགྲོ་བས། དེའི་ཆེད་དུ་བདག་གིས་རྫོགས་པའི་སངས་རྒྱས་ཀྱི་གོ་འཕང་ཐོབ་པར་བྱ། དེའང་རྒྱུ་མེད་རྐྱེན་མེད་ལས་མི་འབྱུང་བས། རྒྱུ་རྐྱེན་གྱི་གཙོ་བོ་ཚུལ་ཁྲིམས་རྣམ་པར་དག་པས་གཞི་བཟུང་། ཐོས་བསམ་སྒོམ་གསུམ་གྱིས་རྒྱུད་སྦྱངས། ཁྱད་པར་ངེས་འབྱུང་དང་། བྱང་ཆུབ་ཀྱི་སེམས་དང་། ཡང་དག་པའི་ལྟ་བ་དང་། རྡོ་རྗེའི་རྣལ་འབྱོར་ཟབ་མོའི་ཐབས་ལ་བརྟེན་ནས་ཚེ་འདི་ཁོ་ནར་ཟུང་འཇུག་གི་གོ་འཕང་མངོན་དུ་བྱའོ་སྙམ་པའི་བསམ་སྦྱོར་གྱིས་དུས་འདའ་བར་བྱའོ། །དེ་རྣམས་ནི་རྫོགས་པ་ཆེན་པོ་སྙིང་ཏིག་གི་སྐབས། མི་རྟག་སྡུག་བསྔལ་བྱང་སེམས་སྦྱང་། །ཞེས་དང་། གསུང་ངག་རིན་པོ་ཆེར་སྔོན་འགྲོ་

― JKT006_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་བ་གསུམ་གྱིས་གཞི་བཅའ་བ་དང་། བྱང་ཆུབ་ལམ་གྱི་རིམ་པའི་སྐྱེས་བུ་གསུམ་གྱི་བློ་སྦྱངས་དང་། ཕྱག་ཆེན་སོགས་ཀྱིས་བློ་ལྡོག་བཞི་སྐྱབས་སེམས་དང་བཅས་པ་སྟེ་ཐེག་པ་འོག་མ་གཉིས་དང་ཐུན་མོང་བའི་ལམ་མཐའ་དག་རྫོགས་པར་བསྟན་པ་ཡིན་ནོ། །གཉིས་པ་རྡོ་རྗེ་ཐེག་པ་ཐུན་མོང་མ་ཡིན་པའི་ཉམས་ལེན་ནི། རྡོ་རྗེ་རྩེ་མོ་ལས། སྨིན་པ་དང་ནི་གྲོལ་བའི་ལམ། །སངས་རྒྱས་བྱང་ཆུབ་བསྟེན་པའི་ཆོས། །ཞེས་སྨིན་གྲོལ་ཡན་ལག་དང་བཅས་པར་འདུ་བ་ལས། འདིར་བླ་མེད་ཐུན་མོང་མ་ཡིན་པའི་དབང་དུ་བྱས་ཏེ། རྒྱུ་དུས་ཀྱི་དབང་བཞི་ཕྱིན་ཅི་མ་ལོག་པས་རྒྱུད་སྨིན་ནས་ལམ་ལ་འཇུག་པ་ལའང་སྔོན་འགྲོ་དང་དངོས་གཞི་གཉིས་ཀྱི་དང་པོ་ལ་སྡིག་སྒྲིབ་སྦྱོང་བྱེད་རྡོར་སེམས་ཀྱི་སྒོམ་བཟླས། ཚོགས་བསགས་པའི་ཐབས་མཎྜལ་གྱི་རིམ་པ། བྱིན་རླབས་མྱུར་དུ་འཇུག་པར་བྱེད་པ་བླ་མའི་རྣལ་འབྱོར་ཏེ་གསུམ་ལས། དང་པོ་ནི། དངོས་གཞིའི་ཉམས་རྟོགས་སྐྱེ་བའི་འགལ་རྐྱེན་ནི་སྡིག་སྒྲིབ་ཡིན་ལ། དེ་སྦྱོང་བྱེད་ཀྱི་ཐབས་བསམ་གྱིས་མི་ཁྱབ་ཀྱང་། མཐར་ཐུག་པ་རྡོ་རྗེ་སེམས་དཔའི་སྒོམ་བཟླས་ཏེ། དེ་ཡང་སྟོབས་བཞི་ལས་ཐུན་མོང་མ་ཡིན་པའི་སྐྱབས་ཡུལ་བསྒོམ་པ་གཞན་རྒྱུད་དང་། བྱང་ཆུབ་ཀྱི་སེམས་བསྒོམ་པ་རང་རྒྱུད་ཀྱི་རྟེན་གྱི་སྟོབས། སེམས་ཅན་ཐམས་ཅད་དོན་དམ་པར་རང་བཞིན་གྱིས་རྣམ་པར་དག་པའི་སངས་

― JKT006_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་ཀྱི་སྙིང་པོ་ཅན་ཡིན་ནའང་། གནས་སྐབས་དེ་ལྟར་མ་རྟོགས་པའི་དབང་གིས་སྔར་བསགས་པའི་སྡིག་ལྟུང་ལ་འགྱོད་སེམས་ཤུགས་དྲག་ཏུ་བསྐྱེད་པ་སུན་འབྱིན་པའི་སྟོབས། ད་ནི་ཕྱིན་ཆད་སྲོག་ལ་བབས་ཀྱང་སྡིག་པའི་ལས་མི་བྱ་སྙམ་པ་ཉེས་པ་ལས་ལྡོག་པའི་སྟོབས། སྔར་བྱས་ཀྱི་གཉེན་པོར་བླ་མ་རྡོ་རྗེ་སེམས་དཔའི་རྣལ་འབྱོར་བསྒོམ་ཞིང་གསང་སྔགས་ཟབ་མོ་བཟླ་བ་དང་། བདུད་རྩི་འབེབས་སྦྱོངས་གི་དམིགས་པས་བཀྲུ་བ་དང་། ཡེ་ཤེས་ཀྱི་མེས་བསྲེག་པ་སོགས་དམིགས་རྣམ་ཁྱད་པར་ཅན་བསྟེན་གོམས་སུ་བྱ་བ་གཉེན་པོ་ཀུན་ཏུ་སྤྱོད་པའི་སྟོབས་ཏེ། དེ་ལྟ་བུའི་སྒོ་ནས་སྡིག་པ་དག་པའི་རྟགས་མ་བྱུང་གི་བར་དུ་འབད་ཅིང་། རྒྱུན་དུའང་རྣལ་འབྱོར་འདི་དང་མ་བྲལ་བར་བྱའོ། །གཉིས་པ་ནི། ཉམས་རྟོགས་སྐྱེ་བའི་མཐུན་རྐྱེན་ནི་ཚོགས་བསགས་པ་ཡིན་ཅིང་། དེ་ལའང་འཇུག་སྒོ་བསམ་གྱིས་མི་ཁྱབ་ཀྱང་། མདོ་སྔགས་ཟུང་འཇུག་གི་ཚོགས་བསགས་པའི་ཐབས་ཁྱད་པར་ཅན་མཎྜལ་འདིར་འདུ་བས། རིན་པོ་ཆེ་སོགས་ཀྱིས་མཎྜལ་ཕྱིས་ལ་དྲི་བཟང་པོའི་ཆུས་བྱུགས་པར་བརླན་དང་བཅས་པའི་མེ་ཏོག་གི་ཚོམ་བུ་བཀོད་ཅིང་། རྒྱུ་རང་གི་ལུས་ལོངས་སྤྱོད་དགེ་ཚོགས་རྒྱ་མཚོ་དང་བཅས་པ་ལས་བྱུང་བ། ངོ་བོ་གླིང་བཞི་རི་རབ་དང་བཅས་པའི་བཀོད་པ་མཛེས་ཤིང་འབྱོར་བའི་ཁྱད་པར་བསམ་གྱིས་མི་ཁྱབ་པས་

― JKT006_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱན་པ། ཡུལ་ནམ་མཁའི་མཐའ་ཐམས་ཅད་ཁྱབ་པ། དུས་འཁོར་བ་ཇི་སྲིད་མ་སྟོང་གི་བར་དུ་རྒྱུན་མི་འཆད་པར་བསམས་ལ་བླ་མ་དང་དཀོན་མཆོག་གསུམ་ལ་ལྟོས་མེད་དུ་ཕུལ་བས་བདག་གཞན་སེམས་ཅན་ཐམས་ཅད་ཚོགས་གཉིས་རྫོགས་པར་བལྟ་བའོ། །གསུམ་པ་ནི། རྟོགས་པ་རང་གི་ངོ་བོ་མཐར་ཐུག་པ་ནི་ལྷན་ཅིག་སྐྱེས་བའི་ཡེ་ཤེས་མངོན་དུ་བྱ་བ་ཉིད་ཡིན་ལ། དེ་བླ་མའི་བྱིན་རླབས་དང་། བྱིན་རླབས་འཇུག་པ་མོས་གུས་ཁོ་ན་ལ་རགས་ལས་པས། རང་ལ་ལམ་དངོས་སུ་སྟོན་པའི་བླ་མ་དེ་ཉིད་སྤངས་རྟོགས་ཀྱི་ངོས་ནས་སངས་རྒྱས་དང་མཚུངས་ཤིང་། བཀའ་དྲིན་གྱི་ངོས་ནས་སངས་རྒྱས་ལས་ལྷག་པར་ཐག་བཅད་ཅིང་ངེས་ཤེས་བསྐྱེད་པར་བྱ་སྟེ། དེ་ཡང་སངས་རྒྱས་བསྒྲུབ་པའི་ཉེར་ལེན་གྱི་རྒྱུ་ནི་སྤྲོས་བྲལ་བདེ་བར་གཤེགས་པའི་སྙིང་པོ་ཉིད་ཡིན་ལ། ལྷན་ཅིག་བྱེད་རྐྱེན་ནི་སངས་རྒྱས་ཀྱི་བྱིན་རླབས་ཡིན་ཅིང་། བྱིན་རླབས་དེ་རང་རྒྱུད་ལ་འཇུག་པ་ནི་མོས་གུས་ཀྱི་ཉེར་ལེན་ཡིན་མོད། ད་ལྟ་སངས་རྒྱས་དངོས་ནི་མི་བཞུགས་པས། རང་ལ་སྣང་བའི་སངས་རྒྱས་ནི་བླ་མ་མཚན་ཉིད་དང་ལྡན་པ་དེ་ཡིན་ལ། དེའི་རྒྱུ་མཚན་ཀྱང་བླ་མའི་ཞལ་ནས་ཆོས་རྣམ་པར་རིག་བྱེད་སློབ་མའི་རྒྱུད་ལ་འཕོ་བ་ནི་སངས་རྒྱས་ཀྱི་བསྟན་པ་ཡིན་ཅིང་། གལ་ཏེ་དེ་སངས་རྒྱས་ཀྱི་བསྟན་པ་མ་ཡིན་ན་སྟོན་པ་སངས་རྒྱས་མྱ་ངན་ལས་འདས་

― JKT006_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱི་ལོར་དེ་ནས་བསྟན་པ་རྒྱུན་ཆད་པར་བྱེད་དགོས་ན་དེ་ལྟར་འདོད་པ་ནི་སུ་ཞིག་ཡོད། དེས་ན་སངས་རྒྱས་ཀྱི་ཡེ་ཤེས་བདག་པོར་སོང་བ་ལས་ཆོས་ཀྱི་རྣམ་པར་རིག་བྱེད་སློབ་མའི་རྒྱུད་ལ་འཕོ་བར་ནུས་པ་ཡིན་གྱི། སངས་རྒྱས་ཀྱི་ཡེ་ཤེས་བདག་པོར་མ་སོང་ན་ཆོས་ཚིག་གཅིག་ཀྱང་སྨྲ་བར་མི་ནུས་སོ། །དེ་ལྟར་བླ་མའི་གསུང་དེ་སངས་རྒྱས་ཀྱི་གསུང་ཡིན་ཙ་ན། སྐུ་དང་ཐུགས་ཀྱང་སངས་རྒྱས་ཀྱི་སྐུ་དང་ཐུགས་ཡིན་པ་ལས་འོས་ཅི་ཡོད། འོན་ཀྱང་མཚན་དཔེ་ཀུན་རྫོགས་སུ་མི་མཐོང་བ་ནི་རང་གི་བློ་གྲོས་ཀྱི་སྐྱོན་ཏེ་མཁྲིས་ནད་ཅན་ལ་དུང་དཀར་སེར་པོར་སྣང་བ་བཞིན་ནོ་སྙམ་དུ་བསམས་ལ་སངས་རྒྱས་དངོས་སུ་ཐག་བཅད། དེར་མ་ཟད་རང་རེ་རྣམས་ལས་ཉོན་གྱི་དབང་གིས་སངས་རྒྱས་དངོས་ཀྱི་སྐུ་མཇལ་ཞིང་གསུང་ཐོས་པའི་སྐབས་མེད་པས། བླ་མས་དེའི་བྱ་བ་མཐའ་དག་རྫོགས་པར་མཛད་པའི་ཕྱིར་བཀའ་དྲིན་ཆེས་ལྷག་པར་ངེས་ཤེས་བསྐྱེད་ནས། རྒྱུ་དུས་ཀྱི་དབང་གི་དུས་སུ་བླ་མའི་ཕུང་ཁམས་སྐྱེ་མཆེད་གདན་གསུམ་ཚང་བའི་ལྷར་བཞེངས་ཤིང་ངོ་སྤྲད་པ་ལྟར་རྡོ་རྗེ་འཆང་སོགས་ལྷར་བསྐྱེད་པའམ། བླ་མ་སྐུ་དངོས་སུ་བསྒོམས་ཀྱང་རུང་སྟེ། ཁྲོམ་ཚོགས་སམ། ཐོ་བརྩེགས་སམ། ཀུན་འདུས་ནོར་བུ་ལུགས་གང་ཡང་རུང་བར་གསལ་བཏབ་ཅིང་། དེ་ཡང་སྐུ་མཚན་དཔེའི་གཟི་བྱིན་དང་ལྡན་པ། གསུང་ཆོས་

― JKT006_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྒྲ་དབྱངས་སྒྲོག་པ། ཐུགས་ཟབ་གསལ་དབྱེར་མེད་བདེ་ཆེན་གྱི་ཡེ་ཤེས་ཀྱི་རང་བཞིན། ཡོན་ཏན་དང་ཕྲིན་ལས་བདག་རྒྱུད་བྱིན་གྱིས་རློབ་པའི་བདག་ཉིད་ཆེན་པོར་མངོན་སུམ་དུ་བཞུགས་པར་བསམས་ལྷ ལ་མོས་གུས་མཆི་མ་འཁྲུགས་པ་དང་བཅས་ཏེ་གསོལ་བ་གདབ་པའི་མཐར་དབང་བཞི་བླང་བ་དང་དེ་ཁོ་ན་ཉིད་ལ་བློ་བཞག་པར་བྱའོ། །གཉིས་པ་དངོས་གཞི་ལ། སྔགས་ལམ་གྱི་སྦྱང་བྱར་གྱུར་པའི་སྡུག་བསྔལ་ནི་དོན་དུ་ཐ་མལ་གྱི་སྣང་ཞེན་ཉིད་ཡིན་ལ། སྣང་ཙམ་དེ་ཉིད་ལྷར་བྱིན་གྱིས་བརླབ་པའི་ཕྱིར་བསྐྱེད་རིམ་དང་དེར་ཞེན་པའི་རྟོག་པ་ཡེ་ཤེས་སུ་སྒྱུར་བར་བྱེད་པ་ལ་རྫོགས་རིམ་སྟེ། རིམ་པ་གཉིས་སུ་ལམ་མཐའ་དག་འདུ་བ་ན། ཐོག་མར་བུམ་དབང་གི་ལམ་བསྐྱེད་པའི་རིམ་པ་མཐར་སོན་པས་སྔགས་ཀྱི་ཚོགས་ལམ་ཆེན་པོའི་བར་དུ་བགྲོད་ནས། དེ་ལ་གསང་དབང་གི་ལམ་རླུང་དང་གཏུམ་མོས་བོགས་དབྱུང་བས་སྦྱོར་ལམ་དྲོད་དང་རྩེ་མོ་དག་ཐོབ། ཤེར་དབང་གི་ལམ་ཡིད་དང་། དངོས་ཀྱི་ཕྱག་རྒྱའི་ཉེ་རྒྱུས་ལྷན་སྐྱེས་དཔེ་ཡི་ཡེ་ཤེས་བཟོད་པ་དང་ཆོས་མཆོག་དག་བསྐྱེད་པའི་མཐར། མཐོང་ལམ་ས་དང་པོར་དབང་བཞི་པའི་ལམ་རྫོགས་པ་ཆེན་པོ་ཀ་དག་དོན་གྱི་ཡེ་ཤེས་མངོན་སུམ་དུ་རྟོགས། དེ་ཉིད་རིག་གདངས་རྡོ་རྗེ་ལུ་གུ་རྒྱུད་དང་ཟུང་དུ་འབྲེལ་བར་བསྒོམས་པས་ས་ལྷག་མ་རྣམས་མིག་འཕྲུལ་ལྟ་བུར་བགྲོད་

― JKT006_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་མཐར་ཆོས་ཅན་གྱི་སྣང་བ་ཐམས་ཅད་ཤིན་ཏུ་རྣམ་པར་དག་པའི་འོད་གསལ་གྱི་དབྱིངས་སུ་ཟད་ནས། སླར་མི་སློབ་པའི་ཟུང་འཇུག་འཕོ་བ་ཆེན་པོའི་སྐུས་ནམ་མཁའ་ཇི་སྲིད་ཀྱི་བར་དུ་འགྲོ་བའི་དོན་མཛད་པ་སྟེ། དེ་དག་གི་གྲངས་ངེས་པ་དང་། གོ་རིམ་ངེས་པ་དང་། སྔ་ཕྱིའི་འབྲེལ་པ་དང་། ཇི་ལྟར་བསྒོམ་པའི་གནད་སོགས་མཁས་ཤིང་དངོས་གྲུབ་བརྙེས་པའི་རྡོ་རྗེའི་སློབ་དཔོན་དམ་པའི་ཞལ་ལས་ལྷརྟོགས་པར་བྱ་ཞིང་། འདིར་བཤད་པའང་ལམ་སོ་སོ་མཐར་ཕྱིན་པའི་ངེས་རྫོགས་ཀྱི་དབང་དུ་བྱས་ཀྱི། མོས་སློབ་རྗེས་མཐུན་པ་ལ་ནི་དེ་ལྟ་བུའི་ཁྱབ་པ་མེད་པའི་ཕྱིར་དངོས་བཏགས་ཀྱི་རིམ་པའང་བློ་གྲོས་ཞིབ་མོས་ཕྱེད་པར་བྱ་བ་ཤིན་ཏུ་གལ་ཆེའོ། །ཞེས་པའང་སྔོན་འགྲོ་དང་དངོས་གཞིའི་ལམ་སྤྱིར་འཇུག་པའི་གོ་དོན་ཅུང་ཟད་སྨོས་པ་སྟེ། འདི་ཙམ་གྱིས་ཀྱང་ལས་དང་པོ་པ་ལས་ཀྱང་ཆེས་དང་པོར་གྱུར་པའི་བློ་གྲོས་ཤིན་ཏུ་དམན་པ་རྣམས་ལ་ཕན་པ་རྒྱ་ཆེན་པོ་འབྱུང་བའི་རྒྱུར་གྱུར་ཅིག །སརྦ་མངྒ་ལཾ།། །།

གསང་སྔགས་སྔ་འགྱུར་པའི་ལུགས་ཀྱི་དབང་བསྐུར་བའི་ཆོ་གའི་ཟིན་ཐུན།

― JKT006_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ན་མོ་གུ་ར་ཝེ། གང་མཚན་དྲན་པའི་སྣང་བ་ཡིས། །གློ་བུར་འཁྲུལ་པའི་མུན་བསལ་ནས། །ལྷན་སྐྱེས་སྐུ་བཞིའི་ལམ་མཆོག་ལ། །འགོད་མཛད་ཁྱབ་བདག་བླ་མས་སྐྱོངས། །རྡོ་རྗེ་ཐེག་པའི་ལམ་ཐམས་ཅད་ཀྱི་སྔོན་དུ་འགྲོ་བ་མངོན་པར་དབང་བསྐུར་བའི་ཆོ་ག་ལ་ཉེ་བར་འོས་པའི་ཟིན་ཐུན་ཅུང་ཟད་ཅིག་སྤྲོ་བ་ལ། །

― JKT006_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

ཧེ་རུ་ཀ་འདུས་པ་ལས། གང་གིས་གང་ལ་དབང་བསྐུར་བས། །རྒྱུད་དག་ནུས་པ་ཐོབ་ཕྱིར་དབང་། །ཞེས་གསུངས་པ་ལྟར། གང་གིས་དབང་བསྐུར་བ་པོ་སློབ་དཔོན་དང་། གང་ལ་དབང་བསྐུར་བ་སློབ་མའི་མཚན་ཉིད། གང་བསྐུར་བ་དབང་གི་རབ་དབྱེ། དེ་ལྟར་བསྐུར་བ་ལས་བྱུང་བའི་དག་ཐོབ་ཀྱི་འབྲས་བུའོ། །དང་པོ་ནི། ལམ་རིམ་ལས། སྟོན་པ་མཛོད་ལྡན་ཆུ་བོ་རྫོགས། །གཉེར་ལྡན་རྒྱུད་དང་ལས་ལ་མཁས། །མན་ངག་དྲོད་དང་བརྒྱད་འཆང་བ། །ཞེས་སོ། །གཉིས་པ་ནི། རྡོ་རྗེ་སེམས་དཔའ་སྒྱུ་འཕྲུལ་དྲྭ་བས། སྟོན་པ་མཆོད་བརྩོན་རྟོགས་པ་གསལ། །དམ་ཚིག་སྔགས་དང་ཕྱག་རྒྱ་རྣམས། །མ་ཉམས་ཤེས་ཤིང་ཡོ་བྱད་ལྡན། །ཅེས་དང་། བྱེ་བྲག་ཏུ། དད་བརྩོན་བརྟུལ་ཞུགས་ལྡན་རྟོགས་ནས། །ཕན་པའི་དབང་སྦྱིན་ནུས་པའི་དབང་། །རིམ་པ་བཞིན་དུ་སྦྱིན་པར་བྱ། །ཞེས་སོ། །གསུམ་པ་ལ་གཉིས་ཏེ། རྣམ་གཞག་སྤྱིར་བསྟན་པ་དང་། ས་བཅད་བྱེ་བྲག་ཏུ་སྨོས་པའོ། །དང་པོ་ལའང་། ངོ་བོ། ངེས་ཚིག །དབྱེ་བ། ཇི་ལྟར་བསྐུར་བའི་ཚུལ། བསྐུར་བའི་ཡོན་ཏན། མ་བསྐུར་བའི་སྐྱོན་ནོ། །དང་པོ་ནི། གཞི་དང་ལམ་དང་འབྲས་བུའི་དབང་བཞི་རུ། །གདོད་ནས་གྲུབ་པ་རྩ་རླུང་ཐིག་ལེའི་རྟེན། །རང་ཆས་ཉིད་དེ་མཚུངས་པར་ལྡན་པ་དང་། །ལྷན་ཅིག་བྱེད་པའི་རྒྱུ་ནི་རྣམ་པ་གཉིས། །སྣོད་དུ་རུང་

― JKT006_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་སློབ་མ་རྒྱུ་ཡི་རྐྱེན། །ལྟ་དགོངས་ལྡན་པའི་སློབ་དཔོན་བདག་པོའི་རྐྱེན། །ནུས་པའི་ཆོ་ག་མཁྱེན་པ་དམིགས་པའི་རྐྱེན། །རྟེན་ཅིང་འབྲེལ་འབྱུང་དེ་མ་ཐག་པའི་རྐྱེན། །རྒྱུ་གཉིས་རྐྱེན་བཞི་ཚོགས་། པས་དབང་བསྐུར་འགྲུབ། །ཅེས་གསུངས་པ་ལྟར། མཚུངས་ལྡན་གྱི་རྒྱུ་གདོད་ནས་རང་ཆས་སུ་བཞུགས་པའི་ཆོས་ཉིད་དང་། ལྷན་ཅིག་བྱེད་རྒྱུ་རབ་གནས་དང་ལྡན་པའི་དབང་རྫས་རྣམས་ལ་བརྟེན་ནས། རྒྱུའི་རྐྱེན་དད་བརྩོན་བརྟུལ་ཞུགས་སོགས་སྣོད་དུ་རུང་བའི་སློབ་མར། བདག་པོའི་རྐྱེན་ཕན་ནུས་ཟབ་མོའི་དབང་བསྐུར་ནུས་པའི་སློབ་དཔོན་གྱིས། དམིགས་པའི་རྐྱེན་རྫས་སྔགས་ཏིང་ངེ་འཛིན་གསུམ་འཛོམས་པའི་ནུས་པ་ཁྱད་པར་ཅན་དང་ལྡན་པས། དེ་མ་ཐག་པའི་རྐྱེན་དབང་སྔ་མ་སྔ་མས་གོ་ཕྱེ་ནས་ཕྱི་མ་ཕྱི་མ་འབྱུང་བ་སྟེ། དེ་ལྟ་བུའི་རྒྱུ་རྐྱེན་ལ་བརྟེན་ནས་གོ་འཕང་གི་ཆོས་རྒྱུད་ལ་འཇོག་པས་གློ་བུར་གྱི་དྲི་མ་བསལ་ཏེ་ཐར་པའི་མྱུ་གུ་མངོན་པར་སྐྱེ་བའམ། སྐྱེ་ངེས་ཀྱི་ས་བོན་རྒྱུད་ལ་འཇོག་པར་བྱེད་པའི་ཚུལ་ཅན་ནོ། །གཉིས་པ་ནི། ཨ་བྷི་ཥིཉྩའི་སྒྲ་ལས་དྲངས་ན་མངོན་པར་གཏོར་བ་དང་། ཨ་བྷི་ཥེ་ཀ་ཏིའི་སྒྲ་ལས་དྲངས་ན་མངོན་པར་བླུགས་པ་སྟེ། སྦྱང་བྱ་སྒོ་གསུམ་གྱི་དྲི་མ་གཏོར་ཞིང་། སྦྱངས་འབྲས་སྐུ་བཞིའི་འབྲས་བུ་ཐོབ་རུང་དང་། སྦྱོང་བྱེད་ལམ་སྒོམ་རུང་གི་སྐལ་བ་རྒྱུད་ལ་འཇོག་པའི་ཕྱིར་དེ་སྐད་དུ་

― JKT006_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

བཏགས་ཏེ། ཧེ་བཛྲ་ལས། གཏོར་དང་བླུགས་པ་ཞེས་བྱ་བ། །དེས་ན་དབང་ཞེས་བརྗོད་པ་ཡིན། །ཅེས་སོ། །གསུམ་པ་ནི། རྒྱུད་སྡེ་སོ་སོའི་དབང་གི་རིམ་པ། ཡེ་ཤེས་ཐིག་ལེར། ཆུ་ཡི་དབང་དང་དབུ་རྒྱན་དག །བྱ་བའི་རྒྱུད་ལ་རབ་ཏུ་གྲགས། །སོགས་དང་། བྱེ་བྲག་རྣལ་འབྱོར་བླ་ན་མེད་པའི་རིང་ལུགས་ལྟར་ན། གསང་བའི་སྙིང་པོའི་རྒྱུད་ཕྱི་མར། སློབ་དཔོན་གསང་བ་ཤེས་རབ་དང་། །དེ་མ་ཐག་པ་བཞི་པ་སྟེ། །དབང་ནི་རྣམ་པ་བཞི་ཡིས་ཀྱང་། །སྐལ་བར་ལྡན་པ་སྨིན་པར་བྱ། །རྣམ་རྟོག་དྲི་མ་དག་བྱའི་ཕྱིར། །དབང་བསྐུར་རྣམ་པ་བཞི་ཡིན་ནོ། །ཞེས་པ་ལྟར་སྦྱང་གཞི་ཕྲ་བ་གཉུག་མའི་སྐུ་རྡོ་རྗེ་སོགས། སྦྱང་བྱ་ཕུང་ཁམས་སྐྱེ་མཆེད་རགས་པར་སྣང་བ། སྦྱོང་བྱེད་བུམ་པའི་དབང་རྗེས་འབྲངས་དང་བཅས་པ། སྦྱངས་འབྲས་སངས་རྒྱས་ཐམས་ཅད་ཀྱི་ཐུགས་རྗེའི་རང་གཟུགས་སྤྲུལ་པའི་སྐུ་སོགས་བཞིར་གནས་པས་མཚོན་ཏེ་དབང་བཞི་སོ་སོར་རིམ་པར་ཕྱེ་བ་ལ་རྣམ་གྲངས་མཐའ་ཀླས་པ་ཐམས་ཅད་དོན་གྱིས་འདུ་བའི་འཐད་པ་རྒྱས་པར་འཆད་དུ་ཡོད་དོ། །བཞི་པ་ནི། བསྙེན་པ་དང་ནི་ས་ཡི་ཆོ་ག་དང་། །སྟ་གོན་དང་ནི་སློབ་མ་འཇུག་ཅིང་སྨིན། །མངོན་རྟོགས་བཞི་པོ་རེ་རེ་ཉིད་ལ་ཡང་། །བཞི་བཞིར་དབྱེ་བའི་ཡན་ལག་མ་ཚང་ན། །ཆོ་ག་ཉམས་པས་སྨིན་པར་ནུས་མ་ཡིན། །ཅེས་གསུངས་པའི་དོན། དང་པོ་བསྙེན་

― JKT006_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་ཡང་། འདུས་པར། བསྙེན་པའི་དམ་ཚིག་སྦྱོར་བ་དང་། །ཉེ་བར་སྒྲུབ་པ་འབྱུང་བ་དང་། །སྒྲུབ་པ་དོན་གྱི་དམ་ཚིག་དང་། །སྒྲུབ་པ་ཆེན་པོ་དག་དང་བཞི། །ཞེས་དང་། དེའི་དོན་ཀྱང་རྒྱུད་ཕྱི་མར། དང་པོ་སྟོང་པ་བྱང་ཆུབ་སེམས། །གཉིས་པ་ས་བོན་བསྡུ་བའོ། །གསུམ་པ་ལ་ནི་གཟུགས་རྫོགས་པ། །བཞི་པ་ལ་ནི་ཡིག་འབྲུ་དགོད། །རྡོ་རྗེ་རྣམ་བཞི་འདི་དག་གིས། །ཐ་མལ་སྒྲུབ་པའི་བསྙེན་པ་བྱ། །ཞེས་པས་དམ་ཚིག་པ་བསྐྱེད་པ་བསྙེན་པ། སྐྱེ་མཆེད་སྐུ་གསུང་ཐུགས་བྱིན་གྱིས་བརླབས་པ་ཉེར་སྒྲུབ། ཡེ་ཤེས་པ་གཞུགས་སྒྲུབ་པ། རིགས་བདག་གིས་རྒྱས་འདེབས་པ་སྒྲུབ་ཆེན་ནོ། །ཞེས་བཤད། བསྙེན་པ། ཉེ་བསྙེན། སྒྲུབ་པ། སྒྲུབ་ཆེན་ནོ། །གཉིས་པ་སྟ་གོན་ལའང་། གནས་ཁང་རྙིང་པའི་དབང་དུ་བྱས་ཏེ་ས་བརྟག་པ་དོར་བའི་འཕྲོས། བླང་བ། སྦྱོང་བ། བཟུང་བ། སྲུང་བའོ། །གསུམ་པ་སྟ་གོན་ལ། ས་ལྷ་དང་། དཀྱིལ་འཁོར་གྱི་ལྷ་དང་། བུམ་པ་དང་། སློབ་མ་སྟ་གོན་དང་བཞི་སྟེ། དང་པོ་ནི། ས་ཆོག་གི་སྐབས་སུ་ཡོད་པས་སྐབས་འདིར་མི་བྱེད་པ་མང་མོད། འོན་ཀྱང་ལྷག་པའི་ཉེས་པ་མེད་དེ་རྡོར་ཕྲེང་ལས་དེ་ལྟར་བསྟན་པའི་ཕྱིར་རོ། །བཞི་པ་སློབ་མ་འཇུག་ཅིང་སྨིན་པ་ལའང་། སློབ་དཔོན་རང་ཉིད་དཀྱིལ་འཁོར་དུ་འཇུག་ཚུ པ། སློབ་མ་འཇུག་པར་གནང་བ་ནོད་པ། ནོད་ནས་དཀྱིལ་འཁོར་དུ་ཞུགས་པ། ཞུགས་པ་ལ་དབང་བསྐུར་བའོ། །ལྔ་པ་ནི། སྒྱུ་འཕྲུལ་དྲྭ་བར། དུས་འདི་ཕྱིན་ཆད་རྒྱལ་བའི་སྲས། །ངན་སོང་ཐམས་

― JKT006_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་མེད་པ་དང་། །ཚེ་རིང་བདེ་བ་ཕུན་སུམ་ཚོགས། །མཐོ་རིས་ཐར་པའི་བདག་པོར་འགྱུར། །ཞེས་དང་། གསང་བ་མཛོད་ལས། དབང་བསྐུར་ཡང་དག་སྦྱིན་ལྡན་ན། །སོགས་སོ། །དྲུག་པ་ནི། སྔ་མ་ལས། སློབ་དཔོན་མཉེས་པར་མ་བྱས་ཤིང་། །དབང་རྣམས་ཐོབ་པར་མ་བྱས་ན། །ཉན་པ་ལ་སོགས་བརྩོན་པ་ནི། །འབྲས་བུ་མེད་ཅིང་བརླག་པར་འགྱུར། །ཞེས་སོ། །གཉིས་པ་ས་བཅད་བྱེ་བྲག་ཏུ་སྨོས་པ་ལ། སྔོན་འགྲོ། དངོས་གཞི། རྗེས་སོ། །དང་པོ་ལའང་། ཧེ་རུ་ཀ་འདུས་པར། དང་པོ་ས་ཡི་ཆོ་ག་སྟེ། །གཉིས་པ་ལ་ནི་སྟ་གོན་གནས། །གསུམ་པ་འཇུག་པའི་ཆོ་ག་བྱ། །ཞེས་པ་ལྟར་ས་ཆོག་དང་། སྟ་གོན་གཉིས། སྔ་མ་ལའང་དངོས་དང་། ཡན་ལག་གཉིས། དང་པོ་ནི། ༡༽ས་ཡི་ལྷ་མོར་བསླང་བ་༡དང་། །འོད་ཀྱིས་སྦྱངས་༢ཤིང་རྡོ་རྗེར་བཟུང་༣། །བཛྲ་རཀྟས་༤ བསྲུང་བའོ། །ཞེས་བཞིའོ། ། གཉིས་པ་ནི་ཐིག་ལས་ཏེ། ཐིག་༢སྐུད་རིགས་༡ལྔའི་ངོ་བོ་བཟུང་། །ནམ་མཁར་ཡེ་ཤེས་༢ཐིག་གདབ་པས། །དེ་ལས་བྱུང་བའི་ཐིག་སྐུད་ཀྱིས། །ས་༣གཞིར་ཚངས་ཐིག་ལ་སོགས་གདབ། །ཅེས་སོ། །གཉིས་པ་སྟ་གོན་ལའང་དངོས་དང་། ཡན་ལག་གཉིས། དང་པོ་ནི། ལྷ་༡དེ་གནས་རྣམས་སུ་ཚོམ་བུ་བཀོད། །དེ་ཉིད་ལྷར་༡བསྐྱེད་གནང་༢པ་ནོད། །སེམས་༣མ་རྡོ་རྗེའི་རྒྱ་ཡིས་བཏེགས། །དམ་ཚིག་

― JKT006_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་ཏེ་ནོངས་༥པ་བཤགས། །བུམ་༢༽པ་བཅུད་ལྡན་ལྷར་༡བསྐྱེད་ལ། །བཟླས་༢བྱས་འོད་ཞུ་༣བདུད་རྩིར་༤བསམ། །དེ་ནས་སློབ་མ་༣གྲལ་ལ་འཁོད། །ཁྲུས་༡བྱས་བགེགས་༢ཕྲལ་སྲུང་༣འཁོར་བསྒོམ། །ལོ་རྒྱུས་༤མཚམས་སྦྱར་མཎྜལ་ཕུལ། །ངེས་འབྱུང་ཚིག་གིས་བློ་༦བཅོས་ལ། །གསོལ་༧འདེབས་སྤྲོ་རབསྐྱེད་ཉེན་པར་བསྐུལ། །ཐུན་༩མོང་ཁྱད་པར་སྡོམ་པ་༡༠སྡོམ་པ་གསུམ་ལ་སོགས་བྱིན། །ལྷར་༡༡བསྐྱེད་སྐྱེ་མཆེད་བྱིན་༡༢གྱིས་བརླབས། །དེ་ནས་དངོས་གྲུབ་ལྟས་མཐོང་ཕྱིར། །སོ་ཤིང་དོར་དང་༡༣རྨི་ལམ་བརྟག༡༤ །སྔ་མ་བྱིན་༡རླབས་དོར་བ་༢དང་། །དངོས་གྲུབ་མཚན་མ་བཤད་༣པར་བྱ། །ཕྱི་མའི་སྔོན་འགྲོ་རྣམ་གསུམ་སྟེ། །བསལ་བའི་ཕྱིར་དུ་ཁྱོར་༡ཆུ་དང་། །བར་ཆད་བསྲུང་ཕྱིར་རྡོ་རྗེའི་སྐུ་༢། །རྩེ་མོར་༣མི་འཁྲུགས་ཀུ་ཤ་སྦྱིན། །མི་ལྡོག་ཕྱིར་ན་ཆོས་༡༥ཀྱང་བཤད། །དགེ་བ་བསྔོ་ལ་༡༦རང་གནས་བཏང་། །དངོས་གཞིར་རྨི་ལམ་དྲི་ཞིང་༤དཔྱད་།། །ངན་ན་བཟློག་པའི་ཐབས་༦སོགས་བསྟན། །དེ་ལྟར་ལྟ་བུམ་སློབ་མ་ཡི། །སྟ་གོན་ཉེ་བར་བསྡུས་བའོ། །ཞེས་སོ། །གཉིས་པ་ལ་རེ་ཁཱ་འགྱེད་པ་དང་། རྒྱན་དགྲམ་པ་གཉིས་པ་དངོས་གཞི་ལ་གཉིས། དེ་ཡང་། ཚོན་༡ དེ་རྣམས་རིགས་ལྔར་བྱིན་༡བརླབས་པ། །མཆོད་༢བསྟོད་འོད་ཞུས་༣བྲིས་པའི་རྗེས་༤། །སྟ་གོན་སྐབས་ཀྱི་ཡེ་ཤེས་པ། །ཛཧཱུྃ་བཾ་ཧོས་

― JKT006_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

དལ་ལ་བསྟིམ། །ཐིག་ཚོན་༦ལྷག་མའི་ཡེ་ཤེས་གཤེགས། །དཀྱིལ་༢འཁོར་རྒྱན་མཆོད་མཆོད་༡རྫས་དང་། །དབང་༢རྫས་ཚང་བར་འདུ་བྱའོ། །གསུམ་པ་འཇུག་པའི་ཆོ་ག་ལའང་། དཀྱིལ་འཁོར་སྒྲུབ་ཅིང་མཆོད་པ་སྔོན་དུ་འགྲོ་བས། སློབ་དཔོན་རང་ཉིད་འཇུག་པ། སློབ་མ་འཇུག་པར་གསོལ་བ་གདབ་པ། འཇུག་པ། དབང་བསྐུར་བའོ། །དང་པོ་ནི། སོ་སོའི་ལས་ཀྱི་གཞུང་བསྲངས་ལ། བདག་མདུན་བུམ་གསུམ་དབྱེར་མེད་༡བསྐྱེད། །བཟླས་༢དང་རྣམ་བུམ་༣ལས་བུམ་༤ལ། །དམིགས་བསལ་བཟླས་ཤིང་མཆོད་༦ཅིང་བསྟོད་༧། །དུང་ཆོས་ཕུལ་༨ལ་འོད་དུ་ཞུ། །ནོངས་༩པ་བཤགས་ཤིང་དགེ་བ་༡༠བསྔོ། །ཟློ ཞེས་སོ། །གཉིས་པ་ནི། སློབ་མ་ཇི་ལྟར་བྱ་བ་བཞིན། །བླངས་སམ་བསྐྱེད་རྫོགས་མཐུ་བསྟན་པས། །རིག་པའི་མེ་ཏོག་དོར་བ་ཡིས། །བདག་ཉིད་འཇུག་པ་བླང་བར་བྱ། །ཞེས་སོ། །གསུམ་པ་ནི། ལས་བུམ་ཆུས་བཀྲུ་མིག་དར་འཆིང་། །མེ་ཏོག་གཏད་༣ཅིང་གསོལ་བ་༤གདབ། །དྲི་ཞིང་༥ལན་གདབ་༦སྤྲོ་བ་བསྐྱེད། །ཕྱིར་༧འབྲང་བགེགས་བསྐྲད་སྲུང་འཁོར་རབསྒོམ། །མཎྜལ་༩ཕུལ་ཞིང་འཇུག་པའི་ཡོན་དུ་ཐུན་མོང་དང་༡༠། །ཁྱད་༡༡པར་སྡོམ་པ་སྔར་ལྟར་བྱིན། །ཐམས་ཅད་༡ ༢རྣལ་འབྱོར་སེམས་བསྐྱེད་ལ། །དམ་༡༣བཞག་རིགས་༡༤ལྔའི་སྡོམ་པ་བཟུང་། །ཞེས་སོ། །བཞི་པ་ནི། ཕྱི་ལྟར་༡༽གསོལ་

― JKT006_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

གདབ་༡ནང་དུ་བཅུག་༢། །སྐུ་གསུང་ཐུགས་༣ཀྱི་ཕྱག་རྒྱས་ཞུགས། །ནང་༤ དེ་ལྟར་འཇུག་པའི་དངོས་གཞི་ནི། །སྲས་སུ་བྱ་ཕྱིར་ལྷར་༡བསྐྱེད་ལ། །ཡེ་ཤེས་༢དབབ་ཅིང་བརྟན་༣པར་བྱ། །གདོང་༤གཡོགས་ཕྱེ་ཞིང་དཀྱིལ་འཁོར་བསྟན་པ། །རྟེན་དང་བརྟེན་པའི་དག་སྦྱོར་འཆད། །ཅེས་སོ། །ལྔ་པ་ནི། ཞུགས་༥༽ནས་དབང་བསྐུར་བྱ་བའི་སླད། །མཎྜལ་༡ཕུལ་ཞིང་དངོས་གཞི་ལ། །དབང་༢གི་ངོ་བོ་ངེས་ཚིག་དང་། །རྣམ་གྲངས་དབྱེ་བསྡུ་བཤད་པའི་རྗེས། །ཐོག་མར་སྤྲོས་༡བཅས་བུམ་དབང་ལ། །ཕན་༡ནུས་གཉིས་༢ལས་དང་པོ་ནི། །དཀྱིལ་༡འཁོར་ལྷ་ལ་མཆོད་༢བསྟོད་དང་། གསོལ་༣གདབ་སྔོན་དུ་འགྲོ་བ་ཡིས། །མི་བསྐྱོད་ཆུ་དང་༤ རིན་འབྱུང་གི། །དབུ་༦རྒྱན་སྣང་མཐའི་༧རྡོ་རྗེ་སྟེ། །དོན་གྲུབ་རདྲིལ་བུ་རྣམ་སྣང་༩མིང་། །དེ་ལ་སློབ་མའི་དབང་ཞེས་ཏེ། །གསང་སྔགས་ཕྱི་པའི་དབང་ཡོངས་རྫོགས། །གཉིས་༢པ་རང་དོན་ཉན་སྒོམ་དང་། །གཞན་དོན་འཆད་ཕྲིན་གཉིས་ཀ་ལ། །རྡོ་རྗེ་རྒྱལ་༡པོའི་དབང་བསྐུར་ཏེ། །སྐུ་གསུང་ཐུགས་ཀྱི་དམ་ཚིག་བྱིན། །སྤྲོ་ན་མངའ་གསོལ་སོགས་ཀྱང་བྱ། །རྗེས་འབྲེལ་བུམ་པའི་དབང་༢བསྐུར་དང་། །སྐུ་ཡི་རྗེས་༣གནང་ཉིད་ཀྱང་བྱིན། །གཉིས་༢པ་སྤྲོས་མེད་ཟབ་མོ་ནི། །མཆོག་དབང་གོང་མ་གསུམ་ཡིན་ཏེ། །གསང་༡དབང་རྗེས་འབྲེལ་བཟླས་༢ལུང་དང་། །

― JKT006_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེར་༣དབང་དགའ་བཞིའི་ཡེ་ཤེས་ཀྱི། །ངོ་༤ སྤྱོད་བཞི་པ་ཚིག་དབང་ལ། །ཀ་དག་བརྡས་༥མཚོན་ངོ་སྤྲོད་༦གདབ། །ལྷུན་༧གྲུབ་རིག་པའི་རྩལ་དབང་བསྐུར། །བཀའ་ལུང་རྫོགས་པར་བྱ་བའི་ཕྱིར། །རྒྱུད་ཀྱི་བཀའ་རོགཏད་འབོགས་པའོ། །ཞེས་སོ། །དེ་དག་གི་རྗེས་འབྲེལ་གྱི་རིམ་པ་ནི། ཤིས་པར་བྱ་ཕྱིར་བཀྲ་༡ཤིས་༢རྫས། །རྟགས་༣བརྒྱད་སྦྱིན་ནམ་ཤིས་པ་༤བརྗོད། །དམ་ཚིག་དབྱེ་བ་རྒྱས་པར་བཤད། །དེ་ཉིད་བསྡུས་ཏེ་ཁས་བླང་གཞུག །གཏང་རག་མཎྜལ་ལུས་༨ཀྱང་དབུལ། །དགེ་བ་༩བསྔོ་ཞིང་རང་གནས་༡༠བཏང་། །ཞེས་སོ། །གསུམ་པ་རྗེས་ཀྱི་ལས་ཁྲིགས་ནི། །ཚོགས་ལ་རོལ་ཞིང་སྤྱོད་པ་བསྐྱང་། །རྡོ་རྗེའི་གླུ་གར་བྱ་བ་དང་། །དངོས་གྲུབ་བླངས་ཤིང་རྡུལ་ཚོན་ཉིད། །ཨ་ཀཱ་རོས་བསྡུ་ཆུ་ཀླུང་བསྐུར། །བསྔོ་སྨོན་ཤིས་བརྗོད་ལ་སོགས་བྱ། །ཞེས་པ་སྟེ་རགས་རིམ་ཙམ་མོ། །དེ་ལྟར་རྡུལ་ཚོན་གྱི་ཕྱོགས་ལ་བརྟེན་པའི་ཟིན་ཐོ་རགས་པར་བཀོད་པའོ། །བཞི་པ་ནི། རྒྱུ་ལམ་འབྲས་གསུམ་སྟེ། དབང་མཆོག་རང་ལ་གནས་པ་ཁམས་དྲུག་གི། །རྟེན་དང་འབྱོར་པ་རྒྱུ་ཡི་དབང་ཡིན་ཏེ། །སློབ་དཔོན་ཉིད་ཀྱི་ཆོ་གས་བསྐུར་བ་དང་། །རང་གི་དམིགས་པས་འདྲིས་པ་ལམ་གྱི་དབང་། །རྒྱུ་དུས་འོད་ཟེར་ཆེན་པོའི་དབང་བཞིན་དུ། །རང་སེམས་སྐུ་བཞིར་སྨིན་པ་འབྲས་བུའི་དབང་། །ཞེས་གསུངས་པ་

― JKT006_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་ཏེ་གོ་སླའོ། །ལྔ་པ་ནི། སྦྱང་གཞི་ཐོབ་བྱ་རང་ལ་གནས་པ་ཤིན་ཏུ་ཕྲ་བ་མི་ཤིགས་པའི་བདག་ཉིད་ཅན་གྱི་སྐུ་གསུང་ཐུགས་ཡེ་ཤེས་རྡོ་རྗེ་སྟེ། དེ་ལ་སྦྱང་བྱ་གློ་བུར་གྱི་དྲི་མ་ལུས་ངག་ཡིད་གསུམ་ཀུན་གཞི་དང་བཅས་པ་ཐམས་ཅད། སྦྱོང་བྱེད་རྡོ་རྗེ་རྩེ་མོ་ལས། སྨིན་པ་དང་ནི་སོགས་ལྟར་གཉིས་ལས། དང་པོའང་བུམ་གསང་ཤེས་རབ་ཡེ་ཤེས་བཞི་དང་། གཉིས་པ་བསྐྱེད་རིམ་སོགས་ལམ་བཞི། ལམ་དེའི་སྔོན་དུ་འགྲོ་བའི་ལྟ་བ་བཞི། དེ་ལས་བྱུང་བའི་གྲུབ་མཐའ་བཞི། གྲུབ་མཐའ་མ་སྙོགས་ན་འདའ་ཀ་མ་བཞི་སྟེ། དེ་ལྟ་བུས་སྦྱང་བ་ནི་དག་པ་དང་། དེས་འབྲས་བུ་རྩའི་འགྲོས་ཐིམ་དབྱིབས་ཀྱི་ལམ་དག་པ་སྐུ་རྡོ་རྗེ་སྤྲུལ་པའི་སྐུ་སོགས་ཐོབ་པའོ། །མཁས་མང་ལེགས་བཤད་བདུད་རྩི་ཡིས། །ཕྱེ་བའི་སྨིན་བྱེད་རྣམ་བཤད་ནི། །བདུད་རྩིར་བཅས་པའི་ཨུཏྤལ་ལ། །སྐལ་བཟང་མགུལ་པའི་རྒྱན་དུ་གྲུབ། །རྡོ་རྗེ་ཐེག་པའི་ལམ་གྱི་སྔོན་འགྲོ་མངོན་པར་དབང་བསྐུར་བའི་ཟིན་བྲིས་ལེའུ་ཚན་ནོ།། ༈ །།ན་མོ་བཛྲ་སཏཱ་་གུ་རུ་བྷྱ༔ སྟ་གོན་གྱི་སྐབས་སུ། སློབ་དཔོན་དྲིལ་བུ་པས། དབང་བསྐུར་དཀྱིལ་འཁོར་སྔོན་འགྲོ་བར། །རྡོ་རྗེ་འཆང་གིས་གསུངས་པ་སྟེ། །ཞེས་པ་ལྟར་དབང་བསྐུར་བ་དེའང་དཀྱིལ་འཁོར་སྔོན་དུ་འགྲོ་བ་ཅན་ཡིན་ལ། དེ་ཡང་ངོ་བོ་ནི། བཀོད་པ་ལྷའི་འཁོར་ལོ་རྫོགས་པར་སྣང་བའོ། །ངེས་ཚིག་ནི།

― JKT006_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

མཎྜལ་ཞེས་པའི་སྒྲ་ལས་དྲངས་ན་སྙིང་པོའི་ཡོན་ཏན་གྱི་གཞི་ལེན་ཅིང་འཛིན་པར་བྱེད་པས་དཀྱིལ་འཁོར་རོ། །དབྱེ་ན། ཆོས་དོན་ལ། དབྱེ་བ་རང་བཞིན་ཏིང་འཛིན་དང་། །གཟུགས་བརྙན་དཀྱིལ་འཁོར་རྣམ་པ་གསུམ། །ཞེས་པ་རང་བཞིན་ཡེ་ཤེས་ཀྱི་དཀྱིལ་འཁོར། རིག་པ་ཉམས་ཀྱི་དཀྱིལ་འཁོར། ཀུན་རྫོབ་གཟུགས་བརྙན་གྱི་དཀྱིལ་འཁོར་གསུམ་ལས། སྔ་མ་གཉིས་ནི་སློབ་དཔོན་འཕགས་ས་ཐོབ་པ་རྣམས་ཀྱི་སྤྱོད་ཡུལ་ཡིན་ལ། ཏིང་ངེ་འཛིན་རྗེས་མཐུན་ཐོབ་པས་ནི། དྲིལ་བུ་པས། རི་མོར་བྱ་བའི་ལས་དང་ནི། །ཐིག་དང་ཚོན་དགྱེའི་རིམ་པ་བསྟན། །འགྲོ་བ་འདི་དག་རང་བཞིན་གྱིས། །གྲུབ་པའི་དཀྱིལ་འཁོར་གཉིས་མེད་པའོ། །ཞེས་སྐལ་དམན་འཇུག་པ་ལ་རྡུལ་ཚོན། འབྲིང་ལ་རས་བྲིས། རབ་ལ་ཚོམ་བུ། ཡང་རབ་བླ་མའི་ལུས་ཀྱི་དཀྱིལ་འཁོར་ལ་བརྟེན་པའི་ཚུལ་དང་བཞི་ལས། འདིར་བླ་མ་རྣམས་ཀྱི་ཕྱག་བཞེས་ལྟར་ཕྱི་དཀྱིལ་གསུམ་གང་རུང་ལ་འཇུག་པའི་སྒོ་ནི། ཧེ་རུ་ཀ་འདུས་པར། དང་པོར་ས་ཡི་ཆོ་ག་སྟེ། །སོགས་གསུངས་པའི་ནུབ་དང་པོ་ས་ཆོག་དང་། གཉིས་པ་ལྷ་དང་བུམ་པ་སྟ་གོན་སྔོན་དུ་སོང་ནས། ད་ལམ་སློབ་མ་སྟ་གོན་གྱི་སོགས་སྦྲེལ་ལོ། །དངོས་གཞིའི་སྐབས། སྤྱིར་གསང་སྔགས་སྔ་འགྱུར་རྡོ་རྗེ་ཐེག་པ་ལ་བཀའ་བབས་ཆུ་བོ་བཞི་ཞེས་གྲགས་ཤིང་། དེ་ཡང་བསྡུ་ན། གཞི་རྒྱུད་སྦྱང་གཞི་བདེ་

― JKT006_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

གཤེགས་སྙིང་པོའི་ཁམས་ཉིད། ལམ་རྒྱུད། འཇུག་པའི་སྒོ་ནི་སྨིན་པར་བྱེད་པའི་དབང་། །གྲོལ་བར་བྱེད་པའི་བསྐྱེད་རྫོགས་རྣམ་པ་གཉིས། མཐུན་པའི་གྲོགས་སུ་དམ་ཚིག་སྤྱོད་པ་གསུམ། །སྔགས་ཀྱི་ལམ་མཆོག་རྣལ་མར་ངེས་པ་ལས། །ཞེས་པ་ལྟར་འཇུག་སྒོ་སྨིན་བྱེད་དབང་བཞི་དང་། དེ་དང་རྗེས་སུ་མཐུན་པའི་ལམ་ལ། བུམ་དབང་གི་དེ་ཁོ་ན་ཉིད་བསྐྱེད་རིམ་དང་། མཆོག་དབང་གསུམ་གྱི་ལྟཉམས་ལེན་རྫོགས་རིམ། དེ་གཉིས་ཀའི་མཐུན་པའི་གྲོགས་སུ་དམ་ཚིག་དང་སྡོམ་པའི་ཀུན་སྤྱོད། དེ་དག་གི་བླང་དོར་འཇུག་ལྡོག་གི་གནས་སྒྲ་ཇི་བཞིན་པར་ཤེས་པར་བྱ་བའི་ཕྱིར་རྒྱུད་ཀྱི་བཤད་པ་སྟེ། དེ་ལྟ་བུའི་ལམ་གྱི་རྒྱུན་གོམས་པས་མཐར་འབྲས་རྒྱུད་ཤིན་ཏུ་དག་པ་གཉིས་ལྡན་སྐུ་བཞི་དབྱེར་མི་ཕྱེད་པའི་གོ་འཕང་ལ་སྦྱོར་ཚུལ་རྒྱས་པར་འཆད་དོ། ༈ །དམ་ཚིག་རྣམ་དབྱེ་རྒྱས་པར་འཆད་ན། དེ་ལྟར་དབང་བཞི་མཐའ་བརྟེན་བཅས་པ་ལེགས་པར་གྲུབ་པ་དེ་དག་གི་གནས་སྐབས་སུ་ཐོབ་ཅིང་ཁས་བླངས་པའི་དམ་ཚིག་དང་སྡོམ་པའི་ཚོགས་ལ་སྙིང་ནས་གཅེས་སྤྲས་སུ་བྱ་བ་ནི་དངོས་གྲུབ་དང་ཡོན་ཏན་ཐམས་ཅད་ཀྱི་སྲོག་ཤིང་ལྟ་བུ་སྟེ། སྤྱི་མདོ་ལས། དམ་ཚིག་འདི་ལ་གནས་པ་ན། །བླ་མེད་བྱང་ཆུབ་རྣམ་སྨིན་པས། །དགེ་བའི་སྲོག་འཛིན་དམ་པའོ། །ཞེས་གསུངས་པའི་ཕྱིར་རོ། །དེས་ན་དེ་དག་གི་བླང་དོར་གྱི་འཇུག་

― JKT006_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡོག་ཤེས་པར་བྱ་བའི་སླད་དུ་གྲངས་དང་རིམ་པའི་རྣམ་དབྱེ་ཅུང་ཟད་སྙན་དུ་གསོལ་ན་གསུམ་སྟེ། ངོ་བོ། ངེས་ཚིག །དབྱེ་བའོ། །དང་པོ་ནི། བསྲུང་བྱའི་དོན་སྔགས་ཀྱི་བརྟུལ་ཞུགས་བཟང་པོ་ལས་མི་འདའ་བར་བསྡམས་པའི་ལྷག་བསམ་ཁྱད་པར་ཅན་ས་བོན་དང་བཅས་པའོ། །གཉིས་པ་ནི། ས་མ་ཡའི་སྒྲ་ལས་དྲངས་ན་དངོས་སུ་ཡལ་གམ་བཅས་པའི་ཐ་ཚིག་ལ་འཇུག་པས་ཇི་ལྟར་བཅས་པ་ལས་འདའ་བར་བྱ་བ་མ་ཡིན་པའམ། བསྲུངས་མ་བསྲུངས་ཀྱི་ཁེ་ཉེན་གྱིས་དམ་ཚིག་ཏུ་བཞག་པའང་ཡོད་དེ། རྡོ་རྗེ་ལས། དམ་ཚིག་འདི་ལས་གང་འདའ་བ། །རྡོ་རྗེ་ཅན་ཡང་འཚིག་པར་འགྱུར། ཞེས་སོ། །གསུམ་པ་ལ་གཉིས་ཏེ། གསང་སྔགས་གསར་རྙིང་ཐུན་མོང་དུ་གྲགས་པའི་རྩ་བ་དང་ཡན་ལག་གི་ལྟུང་བ་དང་། སྔ་འགྱུར་རྡོ་རྗེ་ཐེག་པའི་རིང་ལུགས་ནང་རྒྱུད་སྡེ་གསུམ་ཁོ་ན་ལ་གྲགས་པའི་ཐུན་མོང་མ་ཡིན་པའོ། །དང་པོ་ལའང་། རིགས་ལྔའི་སྡོམ་པ་དང་། རྩ་བ་དང་ཡན་ལག་གི་ལྟུང་བའོ། །དང་པོ་ལ་ཐུན་མོང་ལྟར་ན། སངས་རྒྱས་རྣལ་འབྱོར་སྨོན་འཇུག་ཚུལ་ཁྲིམས་གསུམ། །མི་བསྐྱོད་རྡོར་དྲིལ་ཕྱག་རྒྱ་བླ་མ་བཟུང་། །རིན་འབྱུང་ཆོས་ནོར་མི་འཇིགས་བྱམས་པ་སྦྱིན། །སྣང་མཐའ་ཐེག་པ་གསུམ་འཛིན་ཆོས་རྣམས་བཤད། །དོན་གྲུབ་མཆོད་བསྟོད་ཕྲིན་ལས་ཀུན་ལ་གུས། །ཞེས་དང་། ཁྱད་པར་བླ་མེད་རིགས་ལྔའི་སྡོམ་པ་ནི། །རྡོ་

― JKT006_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའི་རིགས་གྱུར་སྲོག་ལ་འཚེ་བ་དང་། །ཞིང་བཅུ་ལས་གཞན་རླུང་རྟོག་དབུ་མར་གསོད། །རིན་ཆེན་རིགས་ལ་མ་བྱིན་བླང་བྱ་ནི། །མཚན་ལྡན་གཟུངས་དང་སྐལ་མེད་སྐྱེ་བོའི་ནོར། །རྫོགས་པའི་བྱང་ཆུབ་རང་སྟོབས་མཐུ་ཡིས་བླང་། །པདྨའི་རིགས་ལ་རི་དྭགས་མིག་ཅན་མཆོད། །སྟོང་པ་ཉིད་ཀྱི་བུད་མེད་ཀུན་ཏུ་སྤྱོད། །ལས་ཆོས་དམ་ཚིག་ཕྱག་རྒྱ་ཆེན་པོ་བསྟེན། །འདོད་པའི་ཡོན་ཏན་སྒྱུ་མ་ལྟ་བུར་སྤྱོད། །ཅེས་སོ། །གཉིས་པ་ནི། སློབ་དཔོན་སྨོད་པར་མི་བྱ་ཞིང་། །བདེ་གཤེགས་བཀའ་ལས་འདས་མི་བྱ། །རྡོ་རྗེ་སྤུན་ལ་སྨད་མི་བྱ། །སེམས་ཅན་རྣམས་ལ་བྱམས་པ་དང་། །བྱང་ཆུབ་སེམས་ནི་དོར་མི་བྱ། །སྐལ་མེད་དེ་ཉིད་བསྟན་མི་བྱ། །བདག་གི་ཕུང་པོ་སྨད་མི་བྱ། །ཆོས་ཉིད་ལ་ནི་སུན་མི་དབྱུང་། །གདུགས་ལ་བྱམས་པ་རྟག་ཏུ་སྤང་། །ཆོས་ཀྱི་ཚད་བཟུང་མི་བྱའོ། །དད་ལྡན་སེམས་ཅན་བསླུ་མི་བྱ། །རྟག་ཏུ་དམ་ཚིག་བསྟེན་པར་བྱ། །བུད་མེད་ཉིད་ལའང་སྨད་མི་བྱ། །ཞེས་སོ། །གསུམ་པ་ནི། དབང་དང་དམ་ཚིག་སྡོམ་པས་མ་སྦྱངས་པས། །ཐ་མལ་བུད་མེད་རིག་མར་བསྟེན་པ་དང་། །མཚན་ཉིད་ཚུ་འགལ་བའི་དྲན་པའི་ཁྲོན་པ་ནས། །ཆོ་ག་མ་ཡིན་བཞིན་པས་བདུད་རྩི་ལེན། །དབང་མ་ཐོབ་དང་ལྷག་པར་འདི་མེད་ལ། །སྐུ་གཟུགས་གླེགས་བམ་ཕྱག་མཚན་ཕྱག་རྒྱ་སྟོན། །ཚོགས་ཀྱི་འཁོར་ལོའི་དུས་ན་

― JKT006_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

འཐབ་རྩོད་དང་། །བབ་ཅོལ་ཀྱལ་ཀས་བརྟུལ་ཞུགས་ཐ་མལ་སྦྱར། །སྣོད་ལྡན་དམ་ཆོས་འདྲི་ལ་ཤེས་བཞིན་དུ། །དེ་ལས་འགལ་བའི་བསྙོན་དོར་ལན་དུ་ལྡོག །སྔགས་ཀྱི་ལྟ་སྤྱོད་བཀུར་ཞིང་ཉམས་སད་པའི། །ཉན་ཐོས་ནང་དུ་ཞག་བདུན་ལོངས་པར་བསྡད། །སྔགས་རྒྱུད་དེ་ཉིད་ཆོ་ག་མི་ཤེས་བཞིན། །རྡོ་རྗེ་འཛིན་པ་ང་རྒྱལ་རྫུན་དང་འགྲོགས། །དབང་བསྐུར་ཐོང་ཀྱང་སྔགས་ལ་མ་དད་པའི། །ཐེ་ཚོམ་ཅན་ལ་སླར་ཡང་གསང་བ་འཆད། །ཅེས་སོ། །གཉིས་པ་ལའང་གསུམ་སྟེ། རྒྱུད་ལུང་གཉིས་པོ་ཆེ་ལས་བསྟན་པའི་རྩ་བ་དང་། ཡན་ལག་གི་དམ་ཚིག་དང་། མན་ངག་རྫོགས་པ་ཆེན་པོའི་རིང་ལུགས་རང་བཞིན་ལྟ་བའི་དམ་ཚིག་བཞིའོ། །དང་པོ་ནི། དམ་ཚིག་རྣམ་པར་བཀོད་པའི་གྲུབ་མཐའ་ནི། །རྩ་བ་བླ་མའི་སྐུ་གསུང་ཐུགས་གསུམ་ལ། །ཕྱི་ནང་གསང་བའི་དམ་ཚིག་གསུམ་ཚན་གསུམ། །སྲོག་གཅོད་མི་ཚངས་སྤྱོད་དང་རྐུ་སྤོང་བ། །ཕ་མ་སྤུན་སྲིང་རང་ལུས་ཆོས་གང་སྨོད། །བླ་མའི་གྲིབ་འགོམ་ཡུམ་གཙེས་སྤུན་སྲིང་བརྡེག །གསུང་གི་གསུམ་ལ་རྫུན་སྨྲ་ཚིག་རྩུབ་སྤངས། །ཆོས་སྒྲས་དོན་སེམས་གནས་ལུགས་སྒོམ་མི་བཀུར། །བླ་མའི་ཡུམ་དང་སྤུན་སྲིང་ཚིག་མི་བརྙས། །ཐུགས་ཀྱི་གསུམ་ལ་ཡིད་ཀྱི་རྣམ་གསུམ་དང་། །སྤྱོད་དང་སྒོམ་དང་ལྟ་བ་ལོག་པ་སྤང་། །༡བླ་མ་ལྷ་༢མཆེད་ལྷ་སྒོམ་ཐུན་ཀུན་སེམས། །ཞེས་ཏེ།

― JKT006_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཡང་རྩ་བ་རྡོ་རྗེ་གསུམ་གྱི་དམ་ཚིག་ལ་བླ་མ་ཞེས་སྨོས་པ་ནི། རང་གི་སྒོ་གསུམ་སངས་རྒྱས་ཀུན་འདུས་བླ་མའི་རྡོ་རྗེ་གསུམ་དང་དབྱེར་མི་ཕྱེད་པར་བསྡམས་པས་སམ། ཡང་ན་གུ་རུའི་སྒྲ་ལས་དྲངས་ན་ལྕི་བ་སྟེ་ཉམས་ན་སྦྱང་དཀའ་བའི་དོན་ནོ། །གཉིས་པ་ནི། ཐབས་ཀྱི་དབང་གྱུར་ཡན་ལག་ཉི་ཤུ་ལྔ། །ཏན་གན་མ་བྱིན་ལེན་རྫུན་ཀྱལ་བའི་ཚིག །སྤྱད་བྱ་ལྔ་ནི་གནང་བཀག་ཤེས་པས་སྤྱོད། །འདོད་ཆགས་ཞེ་སྡང་ལ་སོགས་ཉོན་མོངས་ལྔ། །མི་སྤོང་ལྔ་ནི་རང་རྒྱུད་པ་དང་བྲལ། །དྲི་ཆེན་དྲི་ཆུ་མཱི་ས་རཀྟ་ཟིལ། །དང་ལེན་ལྔ་ལ་གཙང་རྨེའི་གཉིས་རྟོག་འདྲལ། །ཕུང་པོ་འབྱུང་ཡུལ་དབང་པོ་ཁ་དོག་ལྔ། །ཤེས་བྱ་ལྔ་ནི་ཤེས་རབ་སྟོབས་ཀྱིས་སྤྱོད། །རྡོ་རྗེ་རིན་ཆེན་པདྨ་ལས་དེ་བཞིན། །བསྒྲུབ་བྱ་ལྔ་ནི་རྟོགས་གོམས་མཐུ་ཡིས་བསྒྲུབ། །ཅེས་སོ། །གཞན་ཡང་སྲུང་མཚམས་མེད་པར་གཅིག་ཅར་བའི་དམ་ཚིག་དང་། བསྲུང་མཚམས་ཅན་རིམ་གྱིས་པའི་དམ་ཚིག་གཉིས། ཕྱི་མ་ལའང་། ཞི་རྒྱུད་ལས། དཀྱིལ་འཁོར་འདིར་ནི་གང་བཞུགས་པ། །བསྲུང་ཞིང་བསྡམ་པར་བྱ་བ་དག །སྤྱི་དང་ཁྱད་པར་ལྷག་པ་ཡིས། །རྣམ་པར་དབྱེ་བས་བཟུང་བྱ་སྟེ། །ཞེས་དང་། བཤགས་ལེར། སྤྱི་དང་ཁྱད་པར་སོགས་པ་ལྟར། དང་པོ་ནི། སོ་བྱང་དང་ཕྱི་རྒྱུད་ཀྱི་སྡོམ་པའི་སྲུང་མཚམས་སུ་གྲགས་པ་རྣམས་དང་། དུས་ཀྱི་འཁོར་ལོའི་

― JKT006_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟུལ་ཞུགས་ཉེར་ལྔ། རིགས་ལྔའི་སྡོམ་པ་སོགས་སོ། །གཉིས་པ་ནི། ཐུན་མོང་མ་ཡིན་པའི་རྩ་བ་དང་ཡན་ལག་བཤད་མ་ཐག་པའོ། །གསུམ་པ་ནི། ཞི་རྒྱུད་ལས། གཅན་གཟན་རྒྱལ་པོའི་ཁྲི་མི་གཞིག །སོགས་ལྡེམ་དགོངས་ཀྱི་སྒྲས་བསྟན་པ་ཉི་ཤུ་སྟེ་འདི་ནི་སྤྱི་དང་ཁྱད་པར་ལ་གནས་པའི་སྔགས་པས་སྒྲུབ་པ་སོགས་ཀྱི་དུས་སུ་བསྲུང་བར་བྱ་བ་ཡིན་པས་ལྷག་པའི་སྒྲས་བསྟན་ནོ། །གསུམ་པ་ནི། རྡོ་རྗེ་སེམས་དཔལ་ནམ་མཁའ་ཆེ་ལས། མེད་དང་གཅིག་པུ་ཕྱལ་བ་ལྷུན་གྲུབ་སྟེ། །བསྲུང་བར་བྱ་བའི་ཚུལ་ཁྲིམས་ཀུན་དང་བྲལ། །ཞེས་དང་། རང་བཞིན་མེད་པས་མེད་པ་ཞེས་སུ་བཤད། །སེམས་སུ་ཀུན་གཅིག་གཅིག་པུར་བརྟགས་པ་ཡིན། །དངོས་སུ་མི་སྤོང་ཡེ་ཤེས་མི་འགག་པས། །དེ་ལ་ཕྱལ་བ་ཞེས་སུ་གྲགས་པ་སྟེ། །ཇི་ལྟར་སྣང་བའི་ཆོས་རྣམས་ཐམས་ཅད་ཀུན། །ཡིད་ཆེས་བྱང་ཆུབ་སེམས་སུ་རྫོགས་པའི་ཕྱིར། །ལྷུན་གྱིས་རྫོགས་པ་ཞེས་སུ་ང་ཡིས་བསྟན། །ཅེས་སོ། །དེ་ལྟར་ཡང་། དང་པོ་སྡོམ་པ་མ་ཐོབ་པ་ཐོབ་པར་བྱ་བའི་ཕྱིར་དབང་བསྐུར་བླང་། བར་དུ་མི་ཉམས་པར་བསྲུང་བའི་ཕྱིར་བསྲུང་མཚམས་ཤེས་པ་དང་། བསླབ་པ་བཅའ་བ་པོ་དང་བཅས་པའི་བསླབ་པ་བཅས་ལ་གུས་པ་དང་། བག་མེད་པ་དང་བྲལ་བར་དྲན་དང་ཤེས་བཞིན་ལྡན་པ་དང་། རང་རྒྱུད་ཀྱི་ཉོན་མོངས་པ་འབུར་འཇོམས་སུ་བྱས་པས་

― JKT006_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

― JKT006_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ལས། རྩ་བའི་དམ་ཚིག་ཉམས་གྱུར་ན། སྒྲུབ་པ་ཐམས་ཅད་ལོག་པར་འགྱུར། །ཡིད་དུ་མི་འོང་སྣ་ཚོགས་པའི། །འབྲས་བུ་མི་འདོད་བཞིན་དུ་འདུ། །ཡན་ལག་དམ་ཚིག་ཉམས་གྱུར་ན། །འབྲས་བུ་མེད་ཅིང་ངན་སོང་ལྟུང་། །ཞེས་སོ། །ལྔ་པ་ནི། སྔ་མར་རྒྱལ་བའི་རིག་པ་འཛིན་པ་དེ། །འཇིག་རྟེན་གཙོ་དང་འཁོར་གྱིས་བཀུར། །དམ་པ་མཆོག་དང་དམ་པ་ཡི། །སྲས་སུ་དགོངས་ནས་བྱིན་གྱིས་རློབས། ཞེས་སོ། །དེས་ན་སྡོམ་འབྱུང་ལས། ཅི་སྟེ་དངོས་གྲུབ་མཆོག་འདོད་ན། །སྲོག་ནི་ཡོངས་སུ་བཏང་ཡང་སླ། །འཆི་བའི་དུས་ལ་བབས་ཀྱང་སླ། །རྟག་ཏུ་དམ་ཚིག་བསྲུང་བར་བྱ། །ཞེས་གསུངས་པ་རྣམས་ལ་དྲན་པ་ཉེ་བར་བཞག་ནས་ཇི་ལྟར་དམ་བཅས་པའི་རྡོ་རྗེ་ཐེག་པའི་འདུལ་བ་ལ་ཚུལ་བཞིན་དུ་ཅི་ནུས་ཀྱིས་བསླབས་ཤིང་བསྲུང་བར་བྱའོ་སྙམ་པས་མདོར་བསྡུས་ཏེ་ཁས་བླང་བ་འདིའི་རྗེས་ཟློས་མཛོད། རྩ་བ་སྐུ་གསུང་ཐུགས་སོགས་སོ། །ཞེས་པ་རྣམས་ཀྱང་དབང་གི་སྤྱི་དོན་དང་འབྲེལ་བའི་ཟིན་ཐུན་རགས་པ་ཙམ་མོ། །སརྦ་མངྒ་ལཾ།། ༈ །།སྤྱི་མདོ་ལས། སྐུ་དང་གསུང་ཐུགས་རྡོ་རྗེ་ཡི། །བསྲུང་དང་སྤྱད་དང་ཡིད་འོང་དང་། །མི་འདོར་ཤེས་བྱ་བསྒྲུབ་པ་དང་། །ཞེས་དང་། སྒྱུ་དྲྭར། བླ་མེད་མི་སྤོང་བླ་མ་བཀུར། །སྔགས་དང་ཕྱག་རྒྱ་རྒྱུན་མི་བཅད། །ཡང་དག་ལམ་དུ་ཞུགས་ལ་བྱམས། །གསང་བའི་དོན་ཕྱིར་སྨྲ་

― JKT006_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

མི་བྱ། །ཞེས་པ་ནི། བླ་མ་བཀུར་བ་དང་། མཆེད་ལ་བྱམས་པ་གཉིས་སྐུ། སྔགས་དང་ཕྱག་རྒྱ་རྒྱུན་མི་ཆད་པ་གསུང་། བླ་ན་མེད་པའི་བྱང་ཆུབ་ཀྱི་སེམས་མི་སྤོང་བ་དང་གསང་བ་མི་སྨྲ་བ་རྣམས་ཐུགས་ཀྱི་དམ་ཚིག་ཏུ་འདུ་ཞིང་། ཡན་ལག་ཀྱང་། གཏི་མུག་ཆགས་དང་ཞེ་སྡང་དང་། །ང་རྒྱལ་ཕྲག་དོག་མི་སྤོང་ངོ་། །ཞེས་དང་། དཀར་རྩི་དམར་རྩི་དྲི་ཤ་ཆེན། །དག་པའི་སྣོད་ཆུ་མི་འདོར་རོ། །ཞེས་པ་རྣམས་ནི་ཡན་ལག་ཏུ་འདུའོ། ༈ །སློབ་དཔོན་སངས་རྒྱས་གསང་བས། དག་པ་ཁྲུས་ནས་མ་བཏོན་པར། །གསང་སྔགས་དབང་གི་སྒོ་མི་དབྱེ། །བྱུར་དང་མི་ཤིས་མི་བསལ་བར། །གསང་སྔགས་དབང་གི་གྲལ་མ་སྟོན། །སྲུང་བའི་འཁོར་ལོ་མ་བསྒོམས་པར། །གསང་སྔགས་དབང་གི་ཆོས་མི་འཆད། །ཅེས་སོ།། །

སྒྱུ་འཕྲུལ་སྤྱི་དོན་གསང་བདག་ཞལ་ལུང་གི་བསྡུས་དོན།

― JKT006_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

༈ །།ཨོཾ་སྭ་སྟི། སྤྱི་དོན་གསང་བདག་ཞལ་ལུང་གི་ས་བཅད་ལ། སྔོན་འགྲོ་སྤྱིའི་རྣམ་བཞག་འཆད་པ་དང་། བྱེ་བྲག་རྒྱུད་ཀྱི་དོན་བཤད་པ། དང་པོ་ལའང་། གང་བཤད་བྱའི་ཆོས། དེ་གང་གིས་འཆད་པའི་མན་ངག །དེ་ཇི་ལྟར་འཆད་པའི་ཚུལ་དང་གསུམ། དང་པོ་ལའང་། སྤྱིར་ཆོས་ཀྱི་སྒྲ་གང་ལ་འཇུག་པ། དེ་ལས་ཤེས་བྱའི་ཆོས་དང་། དམ་པའི་ཆོས། བཤད་ཆོས་ངོས་བཟུང་བ་བཞི། གཉིས་པ་ལ། རང་གི་མཚན་ཉིད་འཛིན་པའི་ཆོས་དང་། རྣམ་པར་དཀར་བའི་ཆོས་གཉིས། གསུམ་པ་ལ།

― JKT006_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་ཉིད་དང་དབྱེ་བ། དབྱེ་བ་ལུང་དང་། རྟོགས་པ། བཞི་པ་ལ། ངོ་བོ། མཚན་ཉིད། སྒྲ་དོན། དབྱེ་བ། སྐབས་དོན། ངོས་བཟུང་བ། དབྱེ་བ་ལ་བཀའ་དང་བསྟན་བཅོས་གཉིས། གཉིས་ཀ་ལ། །མཚན་ཉིད། སྒྲ་དོན། དབྱེ་བ། དབྱེ་བ་ལ། བདག་རྐྱེན་དུས་སྡེ་སྣོད་གཉེན་པོ་དབང་པོའི་སྒོ་ནས་དབྱེ་བ་ལྔ། ཕྱི་མ་ལ། ངོ་བོ། སྒྲ་དོན་དང་དབྱེ་བ། ཕྱི་མ་ལའང་སྤྱི་དང་བྱེ་བྲག །བྱེ་བྲག་ལ་འཇིག་རྟེན་པ་དང་། འཇིག་རྟེན་འདས་པའི་གཉིས། སྔ་མ་ལ་སོར་བཞག་ལྷ་མི། འཕྲོས་དོན་མ་རྟོགས་ལོག་རྟོག་ཕྱོགས་རྟོགས་བཤད་པ། ཕྱི་མ་ལ། འཕགས་ཚུལ་དང་། དབྱེ་བ་རྒྱས་པར་བཤད་པ། དབྱེ་བ་ལ། རྒྱུ་མཚན་ཉིད་དང་། འབྲས་བུ་སྔགས་ཀྱི། དང་པོ་ལ་ཉན་རང་བྱང་གསུམ། ཕྱི་མ་ལ། ཀྲི་ཡོག་སྡེ་གསུམ། ནང་རྒྱུད་སྡེ་གསུམ་སྟེ་རིམ་པ་དགུ། སོ་སོ་ལ། ངོ་བོ། ངེས་ཚིག་དབྱེ། ཕྱི་མ་ལ། འཇུག་སྒོ། ལྟ་བ། ཚུལ་ཁྲིམས། སྒོམ་པ། སྤྱོད་པ། འབྲས་བུ་དྲུག །ཐེག་དགུའི་ལྟ་རིམ་ལ་རྩོད་པ་སྤང་བ། གཉིས་པ་བསྟན་བཅོས་ལ། རྣམ་བཞག་སྤྱི། བྱེ་བྲག་ཏུ་རྒྱུད་འདིའི་དགོངས་འགྲེལ་ངོས་བཟུང་བ། དང་པོ་ལའང་། མཚན་ཉིད། སྒྲ་དོན། དབྱེ་བ། གཉིས་པ་ལ། རྒྱུད་སྤྱི་ལ་འཇུག་པའི་དང་། རྒྱུད་གནས་སྐབས་ལ་འཇུག་པའི་གཉིས། གཉིས་པ་གང་གིས་འཆད་པའི་མན་ངག་ལ། རྒྱལ་

― JKT006_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

བས་གསུངས་པའི་དང་། དེ་ལ་བརྟེན་ནས་མཛད་པ་གཉིས། དང་པོ་ལ་མ་ཧཱ་ཡོ་ག་སྤྱི་ཡི་འཆད་ཐབས་རྒྱན་བདུན་དང་། ཁྱད་པར་འདི་ཉིད་འཆད་ཐབས་སྤྱི་དོན་ལྔ་བཤད་པ། རྗོད་བྱེད་སྒྲའི་རྒྱུད་བཤད་ཐབས་ལ་དོར་བྱ་སྐྱོན་བརྒྱད། བླང་བྱ་རྒྱུད་གནས་སྐབས་དངོས་པོ་རེ་རེའི་འཆད་ཐབས། རྒྱུད་གཞུང་སྤྱིའི་བཤད་ཐབས་འདྲེན་པའི་ཚིག་བཅུ། གཞན་ཡང་མཚོན་དཔེ་སྦྱར་ཏེ་བཤད་ཚུལ་གསུམ། སྤྱིར་ཚུལ་བཞིའི་སྒོ་ནས་བཤད་པ། བྱེ་བྲག་ཏུ་སློབ་དཔོན་བི་མ་ལའི་འཆད་ཚུལ་བཞི་དང་། གསུམ་འཆད་པ། མན་ངག་གི་འཆད་ཐབས་རྩིས་མགོ་ལྔས་བསྟན་པ་བཅས་སོ། །གསུམ་པ་ཇི་ལྟར་འཆད་པའི་ཚུལ་ནི། སློབ་དཔོན་དང་སློབ་མའི་མཚན་ཉིད། ཇི་ལྟར་ཉན་འཆད་བྱ་ཚུལ། དེ་ལྟར་འཆད་ཉན་བྱས་པའི་འབྲས་བུའོ་འདི་ཡན་ཚེམ་གཅིག་ཡོད་ལགས། །གཉིས་པ་བྱེ་བྲག་རྒྱུད་དོན་བཤད་པ་ལ། སྔོན་བྱུང་ཚུལ། བརྒྱུད་པའི་ལོ་རྒྱུས། རྒྱུད་ཀྱི་ཆེ་བ་བརྒྱད་བཤད་པ། ཆེ་བ་དེ་ལྡན་གྱི་རྒྱུད་དོན་དངོས་བཤད་པའོ། །དང་པོ་ལ། སྟོན་པས་གསུང་ཚུལ་དང་། དེ་ལས་བརྒྱུད་ཚུལ་ལོ། །ཕྱི་མ་ལ་དགོངས་བརྡ་སྙན་གསུམ། གསུམ་པ་རྒྱུད་དོན་དངོས་ལ། རྒྱུད་དབུ་ཞབས་ཐམས་ཅད་ཀྱི་དོན་དགོས་འབྲེལ་ཡན་ལག་བཞི་ལྡན་དུ་འཆད་པ། རྒྱུད་གསུམ་པོར་ཐ་སྙད་ཀྱི་དབང་དུ་བྱས་ཏེ་དབྱེ་བ། དོན་དམ་གྱི་དབང་དུ་བྱས་ཏེ་བསྡུ་བ།

― JKT006_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུས་དོན་གཏན་ལ་དབབ་པ་གསུམ། ཕྱི་མ་ལ་གཞི་ལམ་འབྲས་གསུམ་སྤྱིར་གཏན་ལ་དབབ་པ་དང་། དེ་སོ་སོར་གཏན་ལ་རྒྱས་པར་དབབ་པ་གཉིས། ཕྱི་མ་ལ། གཞི་བཤད་པ། ལམ་བཤད་པ། འབྲས་བུ་བཤད་པའོ། ༈ །དང་པོ་ལ་ངོ་བོ་གཞི་དང་བརྟག་པའི་གཞི་བཤད་པ། དེ་རྒྱུད་དུ་འགྱུར་བའི་འཐད་པའོ། །གཉིས་པ་ལ། བརྗོད་བྱ་དོན་གྱི་རྒྱུད་ལམ་གྱི་ངོ་བོ་དང་། རྗོད་བྱེད་ཚིག་གི་རྒྱུད་ལམ་རྐྱེན་དུ་གྱུར་པ་གཉིས། ཕྱི་མ་ཐབས་གང་གིས་དང་། ཚུལ་ཇི་ལྟར་འཆད་པ་གཉིས། གཉིས་པ་ལ་རྒྱུད་ཀྱི་མཚན་དོན་བཤད་པ་དང་། མཚན་དེ་ལྡན་གྱི་རྒྱུད་བཤད་པ་གཉིས། ཕྱི་མ་དགོས་འབྲེལ་གོང་དུ་སོང་བའི་དབང་དུ་བྱས་ནས། འདིར་དབང་པོ་འབྲིང་སྤྱི་དོན་ལྟར་འཆད་པའི་ནང་ཚན་རྒྱུད་འབྱུང་བའི་རྒྱུ་གླེང་གཞི། རྐྱེན་གླེང་བསླང་། འབྲས་བུ་ཡོངས་ཤེས་རྒྱུད་དོན། གདམས་གཏད་བཞི། དང་པོ་གཉིས་ལ། དགོས་ཆེད། ངོ་བོ། སྒྲ་དོན། རྣམ་གྲངས་བཞི་རེ་དང་། གསུམ་པ་ལ། རྒྱུད་ཀྱི་དངོས་པོར་འཇུག་པའི་གཞུངས་ཚམས་དེ་ལེའུ་གང་གིས་སྟོན་ཚུལ། ཇི་ལྟར་བསྡུས་པའི་དོན་གཏན་ལ་དབབ་པའོ། །ཕྱི་མ་ལ་ལམ་གྱི་ངོ་བོ་དང་། ཆ་རྐྱེན་གཉིས་ལས། འདིར་འཆད་བདེ་ཕྱིར་དང་པོ་ཆ་རྐྱེན་བསྟན་ཏེ། དེ་ཡང་། ལྟ་སྤྱོད་དཀྱིལ་འཁོར་དབང་དམ་ཚིག །ཕྲིན་སྒྲུབ་ཏིང་འཛིན་མཆོད་སྔགས་བཅུ། །ཞེས་པ་ལྟར་

― JKT006_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་ལ་རེ་རེ་བཞིན་དུ། དགོས་ཆེད། ངོ་བོ། སྒྲ་དོན། རྣམ་གྲངས། མ་རྟོགས་པའི་སྐྱོན། རྟོགས་པའི་ཡོན་ཏན་དང་དྲུག་རེས་འཆད་པས་དྲུག་ཅུའོ། །ལམ་གྱི་ངོ་བོ་ལ། གྲོལ་ལམ། ཐབས་ལམ་གཉིས་རེ་རེ་ལའང་དབྱེ་བ། ཁྱད་པར། གཏན་ལ་དབབ་པ་གསུམ་རེ་སྟེ་དྲུག །གསུམ་པ་ལམ་གྱུར་གྱི་འབྲས་བུ་ལ། དབྱེ་བ་དང་། དེ་གཏན་ལ་དབབ་པའོ། །ཕྱི་མ་ལ། རྣམ་སྨིན། ཚེ་དབང་། ཕྱག་རྒྱ། ལྷུན་གྲུབ་བཞི། དེ་རེ་རེ་ལའང་། གང་གི་ཚེ་ཐོབ་པའི་རྒྱུ་དུས། གང་གི་རིག་འཛིན་རང་གི་ངོ་བོ། ཇི་སྙེད་བསྟན་པའི་རྣམ་གྲངས། ཇི་ལྟར་བཞུགས་པའི་ཆ་ལུགས། མངོན་པར་ཤེས་པའི་ཡུལ་དོན། འབྲས་བུ་ལ་ཇི་ལྟར་སྦྱོར་ཚུལ་ཏེ་ཆོས་དྲུག་རེའི་སྒོ་ནས་འཆད་པའོ། ༈ །གསུམ་པ་འབྲས་བུའི་རྒྱུད་ལ། བདག་དོན་གྲུབ་པ་དང་། གཞན་དོན་མཛད་པའོ། །དང་པོ་ལ། ཐོབ་ཚུལ། མཚན་ཉིད། རྣམ་གྲངས་སོ། །ཕྱི་མ་ཡང་། མིང་གི། ངོ་བོའི། སའི་རྣམ་གྲངས་སོ། །གཉིས་པ་ལ། གདུལ་བྱ་ལ་ཐུགས་རྗེས་གཟིགས་ཚུལ། གཟིགས་ནས་ཐུགས་རྗེ་སྐྱེ་ཚུལ། སྐྱེས་ནས་འགྲོ་དོན་མཛད་ཚུལ་ལོ། །དེ་ལྟར་དཔལ་གསང་བའི་སྙིང་པོ་སྤྱི་དོན་གྱི་སྒོ་ནས་གཏན་ལ་ཕབ་པ་གསང་བདག་ཞལ་ལུང་གི་ས་བཅད་ཙམ་འདི་ཡང་རང་བློ་ངེས་ཕྱིར་གཞོན་ནུ་ཨ་བྷཱ་ཡས་བདེ་ཆེན་པདྨ་འོད་གླིང་དུ་དབྱུག་ཟླའི་གྲལ་ཚེས་

― JKT006_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

༢༡དགེ་བར་བཀོད་པའོ།། ༈ །།གསུམ་པ་འབྲས་བུ་ཡོངས་སུ་ཤེས་པ་རྒྱུད་ཀྱི་དོན་འཆད་པའི་སྐབས། རྒྱུད་ཀྱི་དངོས་པོ་ལ་འཇུག་པའི་གཞུང་མཚམས་ངོས་བཟུང་བ་དང་། གཞུང་གི་བབས་བདེ་བླག་ཏུ་རྟོགས་པའི་ཆེད་དུ་ལེའུ་སོ་སོས་དོན་འདི་སྟོན་གྱི་བསྡུ་བ་བཤད་པ། ཇི་ལྟར་བསྡུས་པའི་དོན་གཏན་ལ་དབབ་པའོ། །དང་པོ་ལ་བཤད་ཚུལ་མང་ཡང་། སློབ་དཔོན་ཆེན་པོ་སྒེག་པ་ནི། ལེའུ་གསུམ་པའི་སྟོད་ཡན་ཆད་ཀྱིས་སྤྱི་དང་ཁྱད་པར་གྱི་རྒྱུ་རྐྱེན་རྫོགས་ནས། དེ་ནས་དེ་བཞིན་གཤེགས་པ་ཐམས་ཅད་ཀྱིས་ཆེད་དུ་བརྗོད་པ་འདི་བརྗོད་དོ། །ཞེས་མན་ཆད་ལེའུ་ཕྱེད་དང་བཅུ་དགུས་རྒྱུད་ཀྱི་དངོས་པོ་སྟོན་པར་། བཞེད་དོ། །གཉིས་པ་ནི། ལེའུ་རྣམས་བབས་ཀྱི་བསྡུ་བ་སྤྱིར་བསྟན་པ་དང་། རྒྱུད་དོན་སོ་སོའི་བསྡུ་བ་བྱེ་བྲག་ཏུ་བཤད་པའོ། །དང་པོ་ནི། འགྲེལ་ཆུང་ལས། བྱང་ཆུབ་མཆོག་ལྡན་རྣལ་འབྱོར་དེས། །ཆོས་ཀུན་ངེས་དོན་གཏན་ལ་ཕབ་ལེའུ་གསུམ་པ། ༈ །ངེས་པའི་དོན་ཉིད་རྟོགས་པའི་ཚེ། །མིང་ཙམ་གསལ་བའི་ཆོས་རྣམས་ཀུན། །ཡི་གེ་འཁོར་ལོ་མངོན་སངས་རྒྱས། །ལེའུ་ཞེ་ལྔ། ༈ །མངོན་རྟོགས་ཡི་གེ་དེ་ཉིད་ལས། །ཏིང་འཛིན་རོལ་མོ་མཐའ་ཡས་སྤྲོ།། ༈ །སྤྲོས་ཉིད་དཀྱིལ་འཁོར་བསམ་ཡས་གསལ༦། ༈ །གང་བྱེད་སྔགས་ཀྱི་ཡི་གེ་བརྗོད༧། ༈ དེ་ཉིད་ཐུགས་རྟགས་ཕྱག་རྒྱར་གསལ། ༈ །མ་

― JKT006_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་རྨོངས་ལ་བསྟན་པའི་ཕྱིར། །བཀྲི་དྲང་རྡུལ་ཚོན་བསྟན་པ་གཅེས༩། ༈ །དཀྱིལ་འཁོར་དག་ལ་བརྟེན་པའི་ལས། །དབང་མཆོག་སྦྱིན་པ་མཆོག་ཡིན་༡༠ནོ། ༈ །དབང་མཆོག་རྫོགས་ནས་ཚོགས་ལ་འཇུག༡༡། ༈ །ཚོགས་སྒྲུབ་ཡོན་ཏན་བསམ་མི་ཁྱབ༡༢། ༈ །ཚོགས་མཆོག་རྒྱ་ཆེར་སྤེལ་བ་ཡང་། །མན་ངག་སྙིང་པོ་ཅན་གྱིས་༡༣བྱ། ༈ །ཚོགས་དུས་བསྟོད་པ་གླུ་ཡིས་༡༤བྱ། ༈ ། གལ་ཏེ་ཞི་བས་མི་ཐུལ་ན། །རྡོ་རྗེ་ཁྲོ་བོའི་དཀྱིལ་འཁོར་སྤྲོ༡༥། ༈ །ཁྲོས་པའི་དུས་ཀྱི་སྐུར་བསྟན་ནས༡༦། ༈ །དཀྱིལ་འཁོར་ཉིད་དུ་དགོད་པར་༡༧བྱ། ༈ །དེ་ཉིད་ལ་ནི་མཆོད་པ་འབུལ༡༨། ༈ ། ཞི་ཁྲོ་རབ་འབྱམས་མཆོད་པའི་ཚེ། །སྡོམ་ལ་གནས་པ་ཤིན་ཏུ་༡༩གཅེས། ༈ །དམ་ཚིག་ལྡན་པའི་སྐྱེས་བུ་དེས། །རྣམ་བཞིའི་ལས་ཀྱིས་གཞན་དོན་༢༠བྱ། ༈ །ཁྲོས་པའི་གླུ་ཡིས་བསྟོད་པ་༢༡བྱ། །ཞེས་སོ། །དེ་དག་ལེའུ་གསུམ་པ་ནས་ཉེར་གཅིག་པར་གོ་རིམ་བཞིན་དུ་སྦྱར་རོ། །གཉིས་པ་ལ། ཞི་ཁྲོ་སྤྱི་བྱེ་བྲག་གི་ཆོས་སྟོན་པའི་ལེའུའི་ཚོམས་དང་། རྒྱུད་ཀྱི་དངོས་པོ་བཅུ་ལྟར་སྟོན་པའི་བསྡུ་བའོ། །དང་པོ་ནི། ཞི་བསྟོན་པའི་ལེའུ་དགུ། ཁྲོ་བོ་སྟོན་པའི་ལེའུ་ལྔ། ཐུན་མོང་སྟོན་པའི་ལེའུ་བརྒྱད་དོ། །དེ་དག་གི་སྡོམ་ཚིག་ནི། དང་པོ་གཉིས་པ་གསུམ་པ་རྣམས། །ཞི་བ་སྔོན་བྱུང་ལེའུ་སྟེ། །མཐར་ཕྱིན་

― JKT006_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུའི་ཞི་དཀྱིལ་ཡིན། །བཞི་ལྔ་དྲུག་བདུན་བརྒྱད་པ་དང་། །བཅུ་བཞི་པ་རྣམས་རྗེས་འཇུག་གི །ཞི་བ་ཉམས་ལེན་ལེའུ་ཡིན། ༈ །དེ་བཞིན་ལེའུ་བཅོ་ལྔ་པས། །ཁྲོ་བོ་སྔོན་བྱུང་འབྲས་དཀྱིལ་ཏེ། །བཅུ་དྲུག་བཅུ་བདུན་བཅོ་ལྔ་དང་། །ཉེར་གཅིག་པ་རྣམས་རྗེས་འཇུག་གི །ཁྲོ་བོ་ཉམས་ལེན་ལེའུ་སྟོན། ༈ །ཐུན་མོང་ལེའུ་དགུ་དང་བཅུ། །བཅུ་གཅིག་བཅུ་གཉིས་བཅུ་གསུམ་དང་། །བཅུ་དགུ་ཉི་ཤུ་ཉེར་སྤྱི གཉིས་པ། །བཅུ་གཅིག་བཅུ་གཉིས་གཅིག་བསྡམས་ཏེ། །རིམ་བཞིན་དཀྱིལ་འཁོར་དབང་ཚོགས་སྒྲུབ། །རྫོགས་རིམ་དམ་ཚིག་ཕྲིན་ལས་དང་། །ཐ་མས་གདམས་ཤིང་གཏད་པ་སྟོན། །ཅེས་སོ། །གཉིས་པ་ལ་བཅུ་ལས། དེ་ཁོ་ན་ཉིད་ལྟ་བ་སྟོན་པའི་ལེའུ་བཞི་སྟེ། གཞལ་བྱ་གཏན་ཚིགས་གྲུབ་མཐའ་གསུམ་མདོར་བསྟན་པ་དང་། ཐེག་པ་སྣ་ཚོགས་ཀྱི་ལྟ་བ་ལེའུ་གསུམ་པས་སྟོན། དངོས་གྲུབ་སྒྲུབ་པའི་ལྟ་བ་ལེའུ་ལྔ་པས། ཚད་མ་བཀའ་གཞུང་གི་གཏན་ཚིགས་ལེའུ་བཅུ་གཅིག་པས། ལྟ་བ་དང་འབྲེལ་བའི་མཚན་ཉིད་གསུམ་མདོར་བསྟན་པ་ལེའུ་བཅུ་གཉིས་པས་སྟོན་ནོ། །ཟིན་ཆགས་མེད་པ་སྤྱོད་པ་སྟོན་པའི་ལེའུ་གསུམ་སྟེ། དངོས་གྲུབ་སྒྲུབ་པའི་སྤྱོད་པ་ལྔ་ལས། ཚོགས་སྒྲུབ་ཀྱི་སྤྱོད་པ་ནི་བཅུ་གཅིག་པ་དང་བཅུ་གཉིས་པས་སྟོན་ནོ། །བཀོད་པ་དཀྱིལ་འཁོར་སྟོན་པའི་ལེའུ་དྲུག་སྟེ། ཞི་བ་རང་བཞིན་གྱི་

― JKT006_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྱིལ་འཁོར་དང་པོས། སྐུའི་དཀྱིལ་འཁོར་དྲུག་པས། ཁྲོ་བོ་རང་བཞིན་གྱི་དཀྱིལ་འཁོར་བཅོ་ལྔ་པས། ལྷག་པ་ཏིང་འཛིན་གྱི་དཀྱིལ་འཁོར་བཅུ་བདུན་པས། ཞི་ཁྲོའི་ལྷག་པ་གཟུགས་བརྙན་གྱི་དཀྱིལ་འཁོར་དགུ་པས། ཚོགས་ཀྱི་དཀྱིལ་འཁོར་བཅུ་གཅིག་པ་དང་བཅུ་གཉིས་པས་སྟོན་ནོ། ༈ །རིམ་པ་བགྲོད་པ་དབང་གི་ལེའུ་གཉིས་ཏེ། དབང་གི་དཀྱིལ་འཁོར། དེར་འཇུག་པ། སྣོད་དང་སྦྱར་ཏེ་བསྐུར་ཚུལ་སོགས་དགུ་པས། བསྐུར་ཐབས་དངོས་བཅུ་པས་སྟོན་ནོ། ༈ །མི་འདའ་བ་དམ་ཚིག་སྟོན་པའི་ལེའུ་གཅིག་སྟེ་བཅུ་དགུ་པའོ། ༈ །རོལ་པ་ཕྲིན་ལས། དགུ་པར་མེའི་སྒོ་ནས་ཕྲིན་ལས་བྱ་ཚུལ་ཟུར་ཙམ་དང་། གཙོ་བོར་ཉི་ཤུ་པས་སྟོན། ༈ །དོན་དུ་གཉེར་བ་བསྒྲུབ་པ་ནི། ལེའུ་བརྒྱད་ཀྱིས་སྟོན་ཏེ། ལྔ་པས་བསྒྲུབ་པར་བྱ་བ་དངོས་གྲུབ་ཀྱི་རྣམ་གྲངས། སྒྲུབ་ཐབས་ལ་རིམ་པ་གཉིས་ལས། བསྐྱེད་རིམ་ནི་ལེའུ་བཞི་པ་ལས་ཞི་བའི་རྒྱུ་ཡི་ས་བོན་དང་། དྲུག་པ་ལས་བསྐྱེད་བྱ་རྟེན་དང་བརྟེན་པའི་དཀྱིལ་འཁོར། བདུན་པས་བསྐྱེད་པ་རྐྱེན་གྱི་སྔགས། བརྒྱད་པ་ལས་ཕྱག་རྒྱ་བཞི་པ་རྒྱས་གདབ་པ། ཚུ་བཅུ་དྲུག་པ་ཁྲོ་བོའི་བསྐྱེད་སྔགས་དང་། བཅུ་བདུན་པར་བསྐྱེད་བྱ་ཁྲོ་བོའི་དཀྱིལ་འཁོར་རོ། །རྫོགས་རིམ་ནི་ལེའུ་བཅུ་གསུམ་པས་སྟོན་ནོ། ༈ །མི་གཡོ་བ་ཏིང་ངེ་འཛིན་ནི། མཚན་བཅས་བསྐྱེད་རིམ་ནས་

― JKT006_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱུང་ཞིང་། མཚན་མེད་ལྟ་བ་དང་འབྲེལ་ལོ། ༈ །གནས་སུ་སྟོབ་པ་མཆོད་པ་སྟོན་པའི་ལེའུ་ལྔ་སྟེ། ཞི་བ་ཕྱག་རྒྱའི་མཆོད་པ་བརྒྱད་པས། ལྷག་པ་ཏིང་འཛིན་གྱི་མཆོད་པ་དགུ་པས། གླུ་ཡེ་ཤེས་རྒྱན་གྱི་མཆོད་པ་བཅུ་བཞི་པས། སྦྱོར་སྒྲོལ་དམ་རྫས་ཀྱི་མཆོད་པ་བཅོ་བརྒྱད་པས། ཁྲོ་བོ་གཏུམ་ཆེན་གྱི་མཆོད་པ་ལེའུ་ཉེར་གཅིག་པས་སྟོན་ནོ། །འཆི་ཟློས་སྔགས་དང་ཕྱག་རྒྱ་ལས། ཟློས་པ་སྔགས་སྟོན་པའི་ལེའུ་གཉིས་ཏེ། ཞི་སྔགས་བདུན་པ་དང་། ཁྲོ་སྔགས་བཅུ་དྲུག་པས། འཆིང་བ་ཕྱག་རྒྱ་ནི་ལེའུ་བརྒྱད་པས་སྟོན་ནོ། །དེ་དག་ཀྱང་བསྡུ་བ་རགས་རིམ་ཙམ་སྟེ། ལེའུ་སོ་སོ་ནས་ཐོར་བུ་དུམ་ཀ་སྟོན་པ་རྣམས་བསྡུ་ན་ཧ་ཅང་ཡི་གེ་མང་བར་འགྱུར་པའི་ཕྱིར་མ་སྤྲོས་སོ། །གསུམ་པ་གཏན་ལ་དབབ་པ་ལ། དགོས་ཆེད། ངོ་བོ། སྒྲ་དོན། རྣམ་གྲངས་སོ། །དང་པོ་ནི། དངོས་སུ་ལམ་རྒྱུད་རྟོགས་ཤིང་། བརྒྱུད་ནས་དོན་གཉིས་མངོན་དུ་བྱེད་པའི་དགོས་པ་ཡོད་དོ། །གཉིས་པ་ནི། ལམ་དང་། དེའི་ཆ་རྐྱེན་རྣམས་ཏེ་འོག་ཏུ་འཆད་དོ། །གསུམ་པ་ནི། རྒྱུད་ནི་སྔར་བཤད་གྲུབ་ཅིང་། དོན་ནི་བྱ་བའི་སྒྲ་བྱེད་པ་ལ་ཞུགས་པ་སྟེ། ཤེས་བྱ་དང་ཐོབ་བྱ་ནི་དོན་ཡིན་ལ། དེ་ལམ་འདིས་ཤེས་ཤིང་ཐོབ་པར་བྱེད་པའི་དོན་ཏེ། ཁོག་གཞུང་ལས། རྒྱུད་དོན་ཚངས་དང་དོན་འབྲེལ་བས། །རང་བཞིན་རྒྱུད་ཀྱི་མིང་དུ་གྲགས། །མཚོན་བྱེད་རྒྱུད་

― JKT006_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་དེ་བཞིན་ནོ། །ཞེས་སོ། །བཞི་པ་ནི། དེ་ཉིད་ལས། རྒྱུད་དོན་ལམ་དང་ཡན་ལག་སྟེ། །ཞེས་པས། ཤེས་འཇུག་གི་དངོས་གཞིར་གྱུར་པ་ལམ་གྱི་ངོ་བོ་དང་། དེའི་གྲོགས་ཡན་ལག་ཏུ་འདུག་པ་ནི་ཆ་རྐྱེན་ཏེ་གཉིས་སོ། །དེ་ལ་ཆ་རྐྱེན་སྔོན་ལ་འཆད་ན་བདེ་བར་མངོན་པས་ལྟ་བ་སོགས་རེ་རེ་ལའང་དགོས་ཆེད། ངོ་བོ། སྒྲ་དོན། རྣམ་གྲངས། མ་རྟོགས་པའི་སྐྱོན། རྟོགས་པའི་ཡོན་ཏན་ཏེ་དྲུག་རེའི་སྒོ་ནས་རྒྱས་པར་བསྙད་དོ། །སརྦ་མངྒ་ལཾ།།

རྒྱུད་དང་མན་ངག་འཆད་ཚུལ་གྱི་ཟིན་བྲིས།

― JKT006_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་དང་མན་ངག་འཆད་ཚུལ་གྱི་ཟིན་བྲིས་བཞུགས། ན་མོ་གུ་རུ་བཛྲ་དྷཱ་རཱ་ཡ། སྤྱིར་ཁྲིད་གང་འཆད་ཀྱང་མཁས་པ་པཎྜི་ཏའི་དཔྱད་བསྒོམ་གྱི་དབང་དུ་བྱས་ནས་བཤད་བསྒོམ་ཆ་མཉམ་པའི་ཚུལ་གྱི་ཁྲིད་ལུགས་གཅིག་དང་། ཀུ་སཱ་ལིའི་འཇོག་བསྒོམ་གྱི་དབང་དུ་བྱས་ནས་བཤད་པ་བསྡུས་པ་སྔོན་གྱི་ལམ་འབྲས་པ་ཆེན་པོ་རྣམས་ལྟ་བུ་དང་བསྒོམ་པ་གཙོ་བོར་བྱས་ཏེ་ཉམས་སྐྱེ་ཁྲིད་ཀྱི་ལུགས་སུ་བྱས་པའི་ཁྲིད་ལུགས་གཅིག་དང་། བར་སྐབས་སུ་བྱོན་པའི་ལམ་འབྲས་པ་ངོར་པ་ཡབ་སྲས་རྣམས་ལྟ་བུ། བསྟན་པའི་རྒྱུན་ལ་ཕན་པའི་དབང་དུ་བྱས་ནས་ཁྲིད་མང་པོ་ལུང་ཁྲིད་ཀྱི་སྒོ་ནས་ཐོབ་ཁྲིད་དུ་ཁྲིད་གཅིག་ཉམས་ཁྲིད་ཀྱི་ཚུལ་དུ་ཐོབ་ནས་ཁྲིད་ཚུལ་མི་འདྲ་བ་མང་པོ་ལུང་མ་ཁྲིད་དུ་ནོད་པ་ལྟ་བུ། བྱས་པའི་ཁྲིད་ལུགས་གཅིག་སྟེ། ཁྲིད་འཆད་ལུགས་ལ་མི་འདྲ་བ་གསུམ་འབྱུང་བ་བཞིན་དུ་རྒྱུད་ཀྱི་བཤད་པ་བྱ་ཚུལ་ལ་ཡང་སྤྲོས་

― JKT006_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་དགའ་བ་པཎྜི་ཏའི་བཤད་ལུགས་ཀྱི་སྔོན་གྱི་འབྲོག་མིའི་ལོ་ཙཱ་བ་དཔོན་སློབ་རྣམས་དང་ས་སྐྱ་པ་གོང་མ་ཡབ་སྲས་དཔོན་སློབ་རྗེས་འབྲངས་དང་བཅས་པ་ལྟ་བུ། དབང་དུ་བྱས་ནས་རྒྱུད་གང་འཆད་ཀྱང་རྒྱུད་དེ་དང་དེའི་ཐོག་མཐའ་བར་གསུམ་གྱི་ཚིག་དོན་འཕྲོས་དོན་དཀའ་གནས་དང་བཅས་པ་དཔོན་སློབ་གཉིས་ཀས་བསྐྱར་བཤད་ཟིན་ཐུན་དུ་བྱས་ནས་འཆད་པའི་ལུགས་གཅིག་དང་། ཡང་སྤྲོས་པ་ལ་མི་དགའ་བ་རྣལ་འབྱོར་ཀུ་སཱ་ལིའི་བཤད་ལུགས་ཀྱི་དབང་དུ་བྱས་ནས་རྒྱུད་ཀྱི་ཐོག་མཐའ་བར་གསུམ་གྱི་ཚིག་དོན་རྣམས་ལ་ལུང་བཤད་དང་ན་བཟའ་བྲག་ཕུག་པའི་དྲུང་དུ་ཆོས་རྗེ་བླ་མས་རྒྱུད་གསུམ་གསན་ཚུལ་རྗེ་ཀུན་དགའ་བཟང་པོའི་གསུང་རྒྱུན་ཆོས་རྗེ་དཔལ་གྱི་རྒྱུད་བཤད་སྔོན་འགྲོའི་ཟིན་བྲིས་ལས་འབྱུང་བ་ལྟ་བུ། དཀའ་གནས་དང་བསྡུས་དོན་རྣམས་དཔོན་སློབ་གཉིས་ཀས་བསྐྱར་བཤད་ཀྱི་སྒོ་ནས་འཆད་པའི་ལུགས་གཅིག་དང་། བསྟན་པའི་རྒྱུན་ལ་ཕན་པའི་དབང་དུ་བྱས་ནས་མ་འོངས་པའི་གདུལ་བྱ་ལས་འཕྲོ་ཅན་དོན་གཉེར་མཆོག་དང་ལྡན་པ་རྣམས་རྒྱུད་ཀྱི་འཆད་ཉན་དཔོན་སློབ་གཉིས་ཀས་བསྐྱར་བཤད་ཟིན་ཐུན་སོགས་ཀྱིས་གཏན་ལ་འབེབས་རུང་བ་ལུང་རྒྱུན་ཙམ་གྱིས་ཀྱང་རྒྱུད་ཀྱི་བཤད་ལུང་གི་རྒྱུན་མི་འཆད་པ་ལ་དགོངས་ནས་མངའ་རིས་པའི་ཚིག་འབྲེལ། སྤྱི་ཅུ་པའི་བཀའ་འགྲེལ། གཉན་གྱི་མུ་ཏིག་ཕྲེང་བ་སོགས་རྗེ་ས་ཆེན་གྱི་བཀའ་འབུམ་གྱི་ཁྲོད་དུ་བཞུགས་སུ་གསོལ་བ་ལྟ་བུ། ཙམ་ལ་དགོངས་ནས། རྒྱུད་མང་པོའི་ཐོག་མཐའ་བར་གསུམ་གྱི་

― JKT006_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

ཚིག་དོན་ཐམས་ཅད་ལུང་བཤད་ཁོ་ནས་འཆད་པའི་ལུགས་གཅིག་དང་བཅས་པའི་རྒྱུད་འཆད་ལུགས་ཀྱང་མི་འདྲ་བ་གསུམ་ཡོད་པ་ལགས་སོ། །ཞེས་པ་འདི་བླ་མ། རྗེ་བཙུན་དཀོན་མཆོག་ལྷུན་གྲུབ་སོགས་བརྒྱུད་པ་དང་བཅས་པའི་གསུང་དང་། རྗེ་བཙུན་གོང་མ་རྣམས་ཀྱི་གསུང་རབས་ཀྱི་དགོངས་པའི་གནད་བླངས་ཏེ་སྙོམས་ལས་ཀུན་དགའ་མཆོག་ལྡན་གྱིས་ཡི་གེར་བཀོད་པའོ། །སརྦ་མངྒ་ལཾ། །འདི་ལྟ་བུའི་རྒྱུད་དང་མན་ངག་འཆད་ཚུལ་གྱི་ཡིག་ཆུང་ཁྱད་པར་ཅན་འདི་ནི། ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱི་གསུང་བཞིན་དེའི་དངོས་ཀྱི་སློབ་མ་རྗེ་ཀུན་དགའ་མཆོག་ལྡན་གྱིས་ཟིན་བྲིས་སུ་མཛད་པ་ལས་དུས་ཕྱིས་ས་སྐྱ་པ་སྔགས་འཆང་ངག་དབང་ཀུན་དགའ་བསོད་ནམས་ཀྱིས་དག་པར་བྲིས་པའོ།

དགེས་པ་རྡོ་རྗེའི་རྒྱུད་གསུམ་གྱི་དངོས་གཞིའི་བཤད་པ་ཁོག་ཕུབ་གནད་ཀྱི་ལྡེའུ་མིག།

― JKT006_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

མཁན་ཆེན་ངག་དབང་ཆོས་གྲགས་ཀྱིས་མཛད་པའི་དགེས་པ་རྡོ་རྗེའི་རྒྱུད་གསུམ་གྱི་དངོས་གཞིའི་བཤད་པ་ཁོག་ཕུབ་གནད་ཀྱི་ལྡེའུ་མིག་༧༡ལས། དེ་ལ་འདིར་གང་བཤད་པར་བྱ་བའི་ཆོས་ནི་རྗེ་བཙུན་ས་སྐྱ་པ་ཡབ་སྲས་བརྒྱུད་འཛིན་དང་བཅས་པ་ལ་བཀའ་བབས་པའི་དཔལ་དགེས་པ་རྡོ་རྗེའི་རྩ་བཤད་ཀྱི་རྒྱུད་གསུམ་ཡིན་ལ། འདིར་འཆད་པར་བྱེད་པ་ལ་སྔོན་འགྲོ་ཚུལ་བཞིའི་རྣམ་གཞག་སྤྱི་རྣམ་དང་ལྗོན་ཤིང་གི་དགོངས་པ་བཞིན་ངེས་པར་བྱས་ཚར་ནས། ད་ནི་རྒྱུད་ཉིད་འཆད་པ་སྐབས་སུ་བབས་ལ། དེ་ཡང་རྒྱས་

― JKT006_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ན་སྐྱེས་སྟོབས་དང་སྦྱངས་པའི་རྣམ་དཔྱོད་དང་ལྡན་པ་དག་གིས་རྗེ་བཙུན་ས་ཆེན་ཡབ་སྲས་ཀྱིས་མཛད་པའི་དཀའ་འགྲེལ། ཉི་འོད། དག་ལྡན། གུར་རྒྱན། གནད་ཀྱི་གསལ་བྱེད་རྣམས་ཀྱི་སྟེང་ནས་ཚིག་དོན་མ་ལུས་པ་འཆད་པ་ཡིན་ཏེ། ངོར་ཆེན་དཀོན་མཆོག་ལྷུན་གྲུབ་ཡན་ཆད་དུ་དེ་ལྟར་བྱུང་བ་ངེས་སོ། །འདིར་ནི་དུས་སྐབས་དང་མཐུན་པའི་གདུལ་བྱའི་དོན་གཉེར་སོགས་དང་བསྟུན་གོང་མའི་གསུང་རབ་དེ་དག་རྒྱབ་བརྟེན་གྱི་ལུང་རྒྱུན་དུ་ངེས་པར་མ་ཆད་པར་བྱས་ལ། ཟིན་ཐུན་གྱི་རིམ་པ་རྣམས་གཞུང་སྔ་ཕྱིའི་འབྲེལ་དང་བརྗོད་བྱ་རགས་པ་སྟོན་ཚུལ་གྱིས་ཁོག་ཕུབ་པའི་སྒོ་ནས་བཤད་ལ། འཆད་པ་པོས་འཆད་སླ་ཞིང་། ཉན་པ་པོས་བཟུང་བདེ་བ་དང་། རྒྱུད་ཀྱི་བཤད་བཀའ་མི་ནུབ་པར་འགྱུར་པའི་དགོས་པ་ཁྱད་པར་ཅན་མཐོང་བས། དགོས་པ་དེ་ལྡན་གྱི་ལུགས་བཞིན་དུ་འཆད་པར་སྤྲོ་བས་འདི་ལ་དོན་གསུམ་སྟེ། རྩ་རྒྱུད་བཤད་པ། ཐུན་མོང་མ་ཡིན་པའི་བཤད་རྒྱུད་གུར་བཤད་པ། ཐུན་མོང་བའི་བཤད་རྒྱུད་དཔལ་ཁ་སྦྱོར་བཤད་པའོ། །ཞེས་སོགས་གསུངས་ནས་བརྟག་༢༩གཉིས་ནི་འཕགས་པའི་དག་ལྡན་བསྡུས་དོན་ས་བཅད་གཞིར་བྱས་ནས་བཤད། གུར་ནི་རྗེ་བཙུན་རིན་པོ་ཆེའི་གུར་རྒྱན་དང་དེའི་བསྡུས་དོན་གཞིར་བཞག་ནས་བཤད། སམྦྷཊ་༦༩ནི་སློབ་དཔོན་རིན་པོ་ཆེའི་འགྲེལ་པ་གནད་ཀྱིས་གསལ་

― JKT006_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་དང་། བསྡུས་དོན་ས་བཅད་སོགས་དང་མཐུན་པར་འཆད་པས་མཆོད་བརྗོད་ཀྱང་དེ་ལྟར་སོ་སོར་ཡོད། དེ་ལ་གནད་ཀྱི་གསལ་བྱེད་ནི་མན་ངག་ལུགས་གཞིར་བཞག་ནས། འགྲེལ་པ་ལུགས་ཀྱང་ཟུར་གྱིས་ཚང་བ་ཡིན། གུར་རྒྱན་ནི་རྒྱུད་རྐྱང་དང་འགྲེལ་པའི་ལུགས་གཉིས་ལས། རྒྱུད་རྐྱང་མན་ངག་གིས་བཤད་པ་ཡིན་ནོ། །ཞེས་བཞེད་དོ།། །།

དཔལ་ཀྱེ་རྡོ་རྗེའི་རྒྱུད་གསུམ་གྱི་སྐབས་ལ་ཉེ་བར་མཁོ་བའི་ཡིག་ཆ།

― JKT006_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

ན་མོ་གུ་རུ་ཤྲཱི་ཧེ་བཛཱ་ཡ། དཔལ་ཀྱེ་རྡོ་རྗེའི་རྒྱུད་གསུམ་གྱི་སྐབས་ལ་ཉེ་བར་མཁོ་བའི་ཡིག་ཆ་ལ། དཀོན་མཆོག་ལྷུན་གྲུབ་ཀྱིས་མཛད་པའི་བརྒྱུད་འདེབས། ཀླུ་སྒྲུབ་རྒྱ་མཚོས་མཛད་པའི་བརྒྱུད་འདེབས་ལམ་རིམ་སྨོན་ལམ་དང་བཅས་པ། རྡོ་རྗེ་འཆང་ཀུན་དགའ་བཟང་པོས་མཛད་པའི་ཀྱེ་རྡོར་རྒྱུད་ཀྱི་བྱུང་ཚུལ་དང་། བླ་མའི་རྣམ་ཐར། དེའི་འགྲེལ་པ་དུ་ཡོད་ཀྱི་དཀར་ཆག་གུ་གེ་པཎྜི་ཏའི་གསལ་བྱེད་དང་བཅས་པ། བསོད་ནམས་རྩེ་མོའི་རྒྱུད་སྡེ་སྤྱི་རྣམ། དེའི་དོན་ཚིགས་བཅད་ལ་དཀོན་མཆོག་ལྷུན་གྲུབ་ཀྱིས་མཛད་པའི་ཚུལ་གསུམ་དང་པོ་གསུམ་མཛེས་རྒྱན། རྗེ་བཙུན་རིན་པོ་ཆེ་གྲགས་པ་རྒྱལ་མཚན་གྱིས་མཛད་པའི་ཚུལ་བཞི་པ་རྒྱུད་ཀྱི་མངོན་རྟོགས་ལྗོན་ཤིང་། དེའི་དོན་རྒྱས་པར་ཕྱེ་བ་དཀོན་མཆོག་ལྷུན་གྲུབ་ཀྱིས་མཛད་པའི་གོང་མའི་དགོངས་རྒྱན། བསྡུས་ཏེ་ཚིགས་སུ་བཅད་པ་ལྗོན་ཤིང་མཛེས་རྒྱན། མཛེས་རྒྱན་གྱི་སྔོན་འགྲོའི་བཤད་པ་བློ་གསལ་རབ་དགའ་དཔལ་

― JKT006_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་དོན་གྲུབ་ནས་མཛད་པ། རྒྱུད་སྡེ་བདུན་ཅུ་རྩ་གཉིས་ཀྱི་བརྒྱུད་ཚུལ་སོགས་ཀྱི་ཚིགས་བཅད་དོན་བརྡ་འགྲོལ་ངེས་པའི་དཔལ་སྟེར་བསོད་ནམས་སེང་གེས་མཛད་པ། འདི་ལ་གུང་རུ། གུ་གེ་པཎྜི་ཏ་སོགས་བཤད་ཚུལ་མི་འདྲ་བ་མང་། ངག་དབང་ཆོས་གྲགས་ཀྱིས་མཛད་པའི་ཚུལ་དང་པོ་གསུམ་གྱི་རྣམ་གཞག་ཉེ་བར་བསྡུས་པ་རྒྱུད་གསུམ་ལ་འཇུག་པའི་སྒོ། མངོན་རྟོགས་ཉེ་བར་བསྡུས་པ་རྒྱུད་གསུམ་སྙིང་པོའི་ལེགས་བཤད་རྣམས་དང་། གཞན་ཡང་མངོན་རྟོགས་སྐབས་སུ་ཉེ་བར་མཁོ་བ་ལ། ཀུན་མཁྱེན་བསོད་ནམས་སེང་གེའི་དབང་ཆུ་ཆེན་མོའི་རྣམ་བཤད། ངོར་ཆེན་གྱིས་མཛད་པའི་སྒྲུབ་ཐབས་དང་གཏོར་མ་ཆོ་གའི་རྣམ་པར་བཤད་པ། མཁས་གྲུབ་དཔལ་ལྡན་དོན་གྲུབ་ཀྱིས་མཛད་པའི་སྦྱིན་སྲེག་གི་རྣམ་བཤད། འཇམ་མགོན་ཨ་མེས་ཞབས་ཀྱི་རབ་གནས་ཀྱི་རྣམ་བཤད། རྗེ་བཙུན་གྲགས་པས་མཛད་པའི་རྩ་ལྟུང་དང་ཧེ་རུ་ཀའི་ཆོས་དྲུག་གི་རྣམ་བཤད་རྣམས་ཀྱིས་སྤྱིའི་དོན་ངེས་པར་བྱས་ནས། བྱེ་བྲག་ཏུ་རྩ་བའི་རྒྱུད་བརྟག་པ་གཉིས་པ་འཕགས་པ་རིན་པོ་ཆེའི་གསུང་མཚན་དང་བཅས་པ། དེའི་འགྲེལ་པ་རྗེ་བཙུན་རིན་པོ་ཆེ་གྲགས་པ་རྒྱལ་མཚན་གྱིས་མཛད་པའི་དག་ལྡན། དེའི་ལུང་འགྲེལ་ཁ་སྐོང་ཤར་ཆེན་ཡེ་ཤེས་རྒྱལ་མཚན་གྱིས་མཛད་པ། ངག་དབང་ཆོས་གྲགས་ཀྱིས་མཛད་པའི་རྒྱུད་གསུམ་དངོས་གཞིའི་བཤད་པ་ཁོག་

― JKT006_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུབ་གནད་ཀྱི་ལྡེའུ་མིག་ཅེས་སོ་སོའི་བསྡུས་དོན། བརྟག་གཉིས་ཀྱི་ཚིག་དོན་རྒྱས་པར་འཆད་པའི་ཊཱི་ཀ་བདུད་རྩིའི་ཆུ་རྒྱུན། དེ་དང་མཐུན་པའི་ས་བཅད་ཁོ་བོས་བགྱིས་པ། སྨོན་ལམ་སྐབས་དབང་བཞི་དང་སྦྱར་བའི་འཆད་སྲོལ་སྨོན་ལམ་དུ་གནང་བ་ཀུན་མཁྱེན་བསོད་ནམས་སེང་གེའི་གསུང་། བཤད་རྒྱུད་རྡོ་རྗེ་གུར་རྗེ་བཙུན་གྱི་གསུང་མཚན་དང་བཅས་པ། དེའི་འགྲེལ་པ་གྲགས་པས་མཛད་པ་གུར་གྱི་རྒྱན། ཆ་མཐུན་རྒྱུད་སཾ་བུ་ཊ་ས་པཎ་གྱི་མཚན་དང་བཅས་པ། དེའི་འགྲེལ་པ་སློབ་དཔོན་བསོད་ནམས་རྩེ་མོས་མཛད་པ་གནད་ཀྱི་གསལ་བྱེད་རྣམས་དང་། རྒྱུད་དང་མན་ངག་གི་འཆད་ཚུལ་ཟིན་བྲིས་དཀོན་མཆོག་ལྷུན་གྲུབ་ཀྱི་གསུང་རྒྱུན། རྒྱུད་སྡེ་སྤྱིའི་རྣམ་གཞག་བློ་གསལ་ངག་གི་འདོད་འཇོ་ཁོ་བོས་བྱས་པ་བཅས་སོ། །འདི་རྣམས་ཀྱི་ལུང་རྒྱུན་གང་ཡོད་ལེགས་པར་མཉན་ནས་རང་སྟོབས་ཀྱི་མཐུས་ཞིབ་ཏུ་དཔྱད་པས་ཚིག་དོན་གྱི་སྒྲོ་འདོགས་ཕལ་ཆེར་ལེགས་པར་ཆོད་ནས། སླར་ཡང་རྗེ་བཙུན་གོང་མ་ལྔ་དང་། ངོར་ཆེན་རྡོ་རྗེ་འཆང་ཆེན་པོའི་གསུང་རབ་ལ་ཡང་ཡང་འདྲིས་པར་བྱས་པས་རྒྱུད་གསུམ་མན་ངག་དང་བཅས་པའི་དོན་ལ་བློ་བྲོས་ཀྱི་སྣང་བ་ཕྱིན་ཅི་མ་ལོག་པ་རྒྱས་པར་འགྱུར་རོ། །གཞན་དུ་རང་ལུགས་ཀྱི་བླ་མ་གོང་མ་རྣམས་ཀྱིས་མཛད་པའི་རྣམ་བཤད་བླ་མ་དམ་པའི་ཉི་ཟེར་སོགས་དང་ཟིན་བྲིས་ཀྱི་ཚོགས་རབ་ཏུ་མང་པོ་

― JKT006_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་ཞིང་། ལུགས་གཞན་བརྟག་གཉིས་ཀྱི་འགྲེལ་པ་བྱང་ཆུབ་སེམས་དཔའ་རྡོ་རྗེ་སྙིང་པོས་མཛད་པ་དང་། མར་པ་ལོ་ཙཱ་བས་མཛད་པའི་ལེའུ་ལྔ་པ་ཡན་གྱི་འགྲེལ་པ་ལས། རྔོག་སྟོན་ཆོས་སྐུ་རྡོ་རྗེའི་གསུང་རྒྱུན་བསྣན་ནས་རྔོག་མདོ་སྡེས་རྒྱས་པར་བྱེད་དེ་འགྲེལ་པ་རིན་ཆེན་རྒྱན་འདྲ་སོགས་ཀྱི་ལུང་རྒྱུན་ཀྱང་ཐོས་ཤིང་། ཀུན་མཁྱེན་བུ་སྟོན་རིན་པོ་ཆེ། ཀརྨ་པ་རང་བྱུང་རྡོ་རྗེ། གྲུབ་ཆེན་གླིང་རས་པདྨ་རྡོ་རྗེ། འབྲུག་པ་པདྨ་དཀར་པོ། མཁས་གྲུབ་དགེ་ལེགས་དཔལ་བཟང་སོགས་ཀྱིས་མཛད་པའི་ཡིག་ཆ་མང་དུ་མཐོང་མོད། རྗེ་བཙུན་འཁྲུལ་པའི་དྲི་མ་ཟད་པ་འཇམ་མགོན་ས་སྐྱ་པ་ཡབ་སྲས་ཀྱི་བཤད་སྲོལ་ནི་གོང་དུ་སྨོས་པ་དེ་རྣམས་ཀྱིས་རྟོགས་ནུས་པའི་ཕྱིར་འདིར་མ་བྲིས་སོ། །ཞེས་པའང་རྒྱུད་གསུམ་མན་ངག་དང་བཅས་པའི་གཞུང་ལུགས་ལ་ཤིན་ཏུ་དད་ཀྱང་། ཡུལ་དང་། དུས་དང་། གང་ཟག་གང་གི་སྒོ་ནས་ཀྱང་ཕུན་སུམ་ཚོགས་པ་མ་ཡིན་པའི་གནས་སྐབས་སུ་སྐྱེས་པས་རྒྱུད་དོན་གྱི་བཤད་སྲོལ་རྒྱས་པར་ཐོས་པའི་སྤྱོད་ཡུལ་དུ་མ་གྱུར་མོད། སྔར་སྨོས་པ་རྣམས་ཀྱི་ལུང་རྒྱུན་གང་བཞུགས་མཉན་ནས། ཡིག་ཆ་དེ་ཀུན་འབད་པས་བཙལ་ཏེ་བསམ་མནོས་ཞུན་མཐར་ཅུང་ཟད་བྱས་པའི་སྐལ་བཟང་ཙམ་ཉམས་སུ་མྱོང་བ། རིས་མེད་པའི་བསྟན་པ་ཐམས་ཅད་ལ་སྙིང་ནས་དད་པའི་བྱ་བྲལ་བ་མཁྱེན་བརྩེའི་དབང་པོས་བྲིས་པ་རྒྱུད་དོན་རྟོགས་པའི་བློ་གྲོས་མཆོག་ཏུ་དགེ་བའི་རྒྱུར་གྱུར་ཅིག །སརྦ་དཱ་མངྒ་ལཾ།།

དཔལ་ཀྱེ་རྡོ་རྗེའི་རྩ་བའི་རྒྱུད་བརྟག་པ་དང་པོའི་བསྡུས་དོན་བདུད་རྩིའི་སྙིང་པོ།

― JKT006_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་ཀྱེ་རྡོ་རྗེའི་རྩ་བའི་རྒྱུད་བརྟག་པ་དང་པོའི་བསྡུས་དོན་བདུད་རྩིའི་སྙིང་པོ་བཞུགས་སོ། །ན་མོ་གུ་ར་ཝེ། མི་ཕྱེད་སྲིད་གསུམ་རོ་གཅིག་རྡོ་རྗེ་སེམས། །ཡེ་ཤེས་ཆེན་པོའི་རོ་ཡིས་རབ་གང་བས། །རྟག་ཏུ་འདུ་འབྲལ་མེད་པའི་དམ་ཚིག་ཅན། །སྟོང་ཉིད་སྙིང་རྗེ་ཟུང་འཇུག་དེས་སྐྱོངས་ཤིག །དུས་གསུམ་གྱི་བདེ་གཤེགས་སྲས་དང་བཅས་པའི་བགྲོད་པ་གཅིག་པུར་གྱུར་པའི་ལམ་ཐབས་དང་ཤེས་རབ་གཉིས་སུ་མེད་པ་དཔལ་ཀྱེ་རྡོ་རྗེའི་རྩ་བའི་རྒྱུད་བརྟག་པ་གཉིས་པ་དང་། བཤད་པའི་རྒྱུད་རྡོ་རྗེ་གུར་དང་། ཆ་མཐུན་ལྔ། གྱི་རྒྱུད་སམྦུ་ཊ་སྟེ། རྒྱུད་གསུམ་གྱི་དངོས་གཞི་ཚིག་གིས་འབྲུ་གཉེར་བའི་སྒོ་ནས་འཆད་པའི་ས་བཅད་དང་དཀའ་བའི་གནས་ཀྱི་ཟིན་ཐུན་རགས་པ་ཞིག་བྲི་བ་ལ་དྲན་པ་ཉེ་བར་བཞག་པར་བྱ་སྟེ། འདི་ལ་གསུམ། རྩ་རྒྱུད་བཤད་པ། བཤད་རྒྱུད་ཐུན་མོང་མིན་པ་གུར་བཤད་པ། ཐུན་མོང་བ་ཁ་སྦྱོར་བཤད་པའོ། །དང་པོ་ནི། བཤད་བྱ་རྒྱུད་ཀྱི་མཚན་བསྟན་པ། དེ་སྒྱུར་བྱེད་ལོ་ཙཱ་བ་རྣམས་ཀྱིས་སྔོན་དུ་རང་གི་སྟོན་པ་ལ་ཕྱག་བྱ་བ་རྣམས་འཕྲོས་དོན་གྱི་ཚུལ་དུ་འཆད་དེ། དེ་ལྟ་བུའི་རྒྱུད་འཆད་པར་བྱེད་པ་ལ་གཉིས། གླེང་གཞི་ཕུན་སུམ་ཚོགས་པའི་ཚུལ་གྱིས་རྒྱུད་ཀྱི་ལུས་རྣམ་པར་བཞག་པ་དང་། གང་བཤད་པའི་

― JKT006_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཕུན་སུམ་ཚོགས་པའི་ཚུལ་གྱིས་རྒྱུད་ཀྱི་ཡན་ལག་རྒྱས་པར་དབྱེ་བའོ། །དང་པོ་ལ་གཉིས་ཏེ། འཁོར་སྟོན་ཐ་དད་ལ་སྦྱར་ཏེ་གླེང་གཞི་ཕུན་སུམ་ཚོགས་པའི་ཚུལ་གྱིས་རྣམ་པར་བཞག་པ་དང་། འཁོར་སྟོན་། ཐ་མི་དད་པ་ལ་སྦྱར་ཏེ་རྒྱུད་ཀྱི་ལུས་རྣམ་པར་བཞག་པ་ལྟར་བཤད་པའོ། །ཕྱི་མ་ལ་གསུམ་སྟེ། བསྐྱེད་རིམ་སྤྱི་དོན་ལ་སྦྱར་བ། སྦས་དོན་ལ་སྦྱར་བ། མཐར་ཐུག་ལ་སྦྱར་བའོ། །བར་མ་ལ་གཉིས་ཏེ། རང་བྱིན་རླབས་ལ་སྦྱར་བ་དང་། དཀྱིལ་འཁོར་འཁོར་ལོ་ལ་སྦྱར་བའོ། །གཉིས་པ་རྒྱས་པར་དབྱེ་བ་ལ་གཉིས་ཏེ། བརྟག་པ་དང་པོ་རྩ་རྒྱུད་དང་། དེ་གསལ་བར་བྱེད་པ་ཕྱི་མ་བཤད་རྒྱུད་ཀྱི་ཚུལ་དུ་བཤད་པའོ། །དང་པོ་ལ་གཉིས་ཏེ། དོན་དངོས་དང་། དེའི་མཚན་སྨོས་པའོ། །དང་པོ་ལ་གང་ལ་དམིགས་ཏེ་བསྒྲུབ་པར་བྱ་བ་འབྲས་བུའི་རྒྱུད་དང་། དེ་ཐོབ་བྱེད་ཐབས་ཀྱི་རྒྱུད་གཉིས། དང་པོ་ལ་གཉིས་ཏེ། འབྲས་བུ་སྐུ་བཞིའི་ངེས་ཚིག་ལ་ཞུས་ཤིང་མཉན་པར་གདམས་པ་དང་། སོ་སོའི་མཚན་གྱི་ངེས་ཚིག་ལ་ཞུས་ལན་ནོ། །གཉིས་པ་ལ་གཉིས་ཏེ། ཐུན་མོང་བའི་ཧེ་རུ་ཀ་གསུམ་གྱི། ཐུན་མོང་མ་ཡིན་པ་ཧེ་རུ་ཀ་བཞི་པའི་ངེས་ཚིག་ལ་ཞུས་ལན་ནོ། །གཉིས་པ་ཐབས་རྒྱུད་ལ་གཉིས། བཤད་པར་དམ་བཅའ་བ་དང་། དོན་དངོས་སོ། །གཉིས་པ་ལ་གཉིས། ལུས་རྣམ་པར་བཞག་པ་དང་། ཡན་ལག་རྒྱས་པར་བཤད་

― JKT006_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །གཉིས་པ་ལ་གསུམ། ཐབས་རྒྱུད་དང་པོར་བསྒོམ་པའི་འཐད་པ། དེས་མི་འཆིང་ཞིང་གྲོལ་བར་བསྟན་པ། ཐབས་རྒྱུད་ཉིད་རྒྱས་པར་དབྱེ་བའོ། །གསུམ་པ་ལ་གཉིས། ཇི་ལྟར་མོས་པར་བྱ་བའི་ཕྱིར་ལྷན་ཅིག་སྐྱེས་པའི་ཡེ་ཤེས་རྟོགས་པའི་ལྟ་བ་བསྟན་པ། དེ་ལྟར་མོས་པར་བྱས་ནས་གནས་པར་བྱ་བའི་ཐབས་རྒྱུད་དོ། །དང་པོ་ལ་གཉིས། དངོས་དོན་དང་། ལེའུའི་མིང་ངོ་། །དང་པོ་ལ་གསུམ་སྟེ། ལྷན་ཅིག་སྐྱེས་པའི་ཡེ་ཤེས་ཀྱི་མཚན་ཉིད། གང་ལ་བརྟེན་ནས་སྐྱེ་བའི་རྟེན། །དེ་མངོན་དུ་བྱེད་པའི་ཐབས་སོ། །གཉིས་པ་ལ་བཞི། ལུས་རྩ་ཡི། རྩ་ཡི་གེའི། ཡི་གེ་བྷ་གའི། ཁམས་བདུད་རྩིའི། སྙིང་པོ་ཡེ་ཤེས་རླུང་གི་དཀྱིལ་འཁོར་རོ། །དང་པོ་ལ། ཞུ་བ་དང་། ལན་གཉིས། ཕྱི་མ་ལའང་བཞི་སྟེ། བྱང་སེམས་འབབ་པའི་རྩ་སོ་གཉིས། དེ་རྣམས་ཀྱི་ནང་ནས་གཙོ་མོ་གསུམ། རྩ་སོ་གཉིས་གསལ་བའི་མིང་གི་རབ་དབྱེ། དེ་དག་སྤྱིའི་མཚན་ཉིད་དོ། །གཉིས་པའི་སྐབས་སུ། རྩ་གསུམ་པོ་གཙོ་བོ་ཡིན་པའི་རྒྱུ་མཚན། གཞི་དུས་སུ། རོ་མས་ལུས། རྐྱང་མས་ངག །དབུ་མས་ཡིད་གྲུབ་པར་བྱེད། ལམ་དུས་སུ་རྐྱང་མས་ཤེས་རབ་མི་རྟོག་པའི་ཉམས་དང་། རོ་མས་ཐབས་བདེ་བའི་ཆ་བསྐྱེད། ཀུན་འདར་མ་ནི་རྡོ་རྗེའི་ལུས་ཀྱི་དབུས་སུ་གནས་ནས་དེར་རླུང་སེམས་ཚུད་པ་ན་གཟུང་འཛིན་གྱི་རྟོག་པ་སྤངས་

― JKT006_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གཉིས་མེད་ཀྱི་ཡེ་ཤེས་བསྐྱེད། འབྲས་དུས། རྩ་གསུམ་སྐུ་གསུམ་དུ་གནས་གྱུར་པ་ཡིན་ནོ། །ཞེས་པའི་དོན་ཏོ། །གསུམ་པའི་སྐབས་རྩ་སོ་གཉིས་སོ་སོའི་ངེས་ཚིག་གི་དོན། རྣམ་རྟོག་གིས་མི་ཕྱེད་པས་དང་། རྣམ་རྟོག་ཕྲ་མོ་མང་པོ་བསྐྱེད་པས། འདོད་ཡོན་ལ་རྩེ་བས་སྐྱེ་གནས་ཀྱི་གཡོན་ནས་བྱང་ཆུབ་སེམས་འབབས་པའི་རྒྱུ་བྱེད་པས། སངས་རྒྱས་ཀྱི་སར་ཐག་ཐུང་བས། སྲིད་ཞིའི་མཐའ་མི་མངོན་པས། བདེ་བ་ཡིད་ལ་བསྒོམས་པས། དྲི་མ་འཁྲུད་པས། ཆགས་སོགས་ཉེས་སྐྱོན་བསྐྱེད་པས། ཡེ་ཤེས་ལ་འཇུག་པས། ཏིང་འཛིན་ཐམས་ཅད་ཀྱི་གཞིར་གྱུར་པས། མི་རྟོག་པས། ཉོན་མོངས་པའི་གདུང་བ་སེལ་བས། དྲོད་བསྐྱེད་པས། བྱང་སེམས་རྐྱང་མ་ནས་འབབས་པས། གཟུང་འཛིན་གྱི་རྣམ་རྟོག་ཀུན་འདར་བར་བྱེད་པས། བདེ་པའི་རོ་མྱང་བས། བྱང་སེམས་ཀྱི་བདེ་ལ་གཞོལ་བས། བདེ་བས་ཡིད་ཚིམས་པར་བྱེད་པས། མི་རྟོག་པའི་ཏིང་འཛིན་མུན་པ་ལྟ་བུའི་གཟུགས་བསྐྱེད་པས། ཐམས་ཅད་དུ་མཉམ་པ་ཉིད་བསྐྱེད་པས། ཡེ་ཤེས་ཀྱི་རྒྱུ་སྟེར་བས། སྡུག་བསྔལ་གྱི་སྦྱོར་བ་དང་བྲལ་བས། ཏིང་ངེ་འཛིན་ཡིད་དུ་འོང་བ་བསྐྱེད་པས། ཡིད་ལ་འདོད་པ་ཐམས་ཅད་གྲུབ་པས། རྣམ་རྟོག་གི་བུད་ཤིང་བསྲེགས་ཏེ་ཡེ་ཤེས་བསྐྱེད་པས། ལུས་ལ་ཁམས་ཀྱིས་ཁྱབ་སྟེ་བདེ་བའི་ཡེ་ཤེས་བསྐྱེད་པས། རྡོ་རྗེ་གསུམ་

― JKT006_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ངོ་བོ་རྩ་གསུམ་ལན་གསུམ་དུ་དཀྲིས་པས། འདོད་ཆགས་ཀྱི་རྣམ་རྟོག་རྒྱས་པར་བྱེད་པས། བདེ་བའི་རྟེན་བྱེད་པས། རྣམ་རྟོག་གི་སྲོག་གཅོད་པར་བྱེད་པས། རྟོག་པའི་འཆིང་བ་དང་བྲལ་བས། །ཞེས་མི་ཕྱེད་ནས་བདུད་འབྲལ་མའི་བར་དུ་སྦྱར་བར་བྱའོ། །བཞི་པ་ལ་ཞུ་བ་དང་ལན་གཉིས། གཉིས་པ་ཤེས་རབ་དོན་དམ་པ་དང་། ཐབས་ཀུན་རྫོབ་ཀྱི་ལས་སོ། །གཉིས་པ་ཡི་གེ་བྷ་གའི་དཀྱིལ་འཁོར་ལ་གཉིས། བཤད་པར་དམ་བཅའ་བ་དང་། དོན་དངོས་སོ། གཉིས་པ་ལ་གསུམ་སྟེ། རྩ་གཉིས་སུ། རྩ་དང་འཁོར་ལོ་གསུམ་དུ། འཁོར་ལོ་བཞིར་བཞག་པའོ། །ཕྱི་མ་ལའང་ཡི་གེ་བཞི་ལྷ་མོ་བཞིར་བཞག་པ་སོགས་བདུན་ཡོད་པ་ལས། དང་༡པོ་ནི། ཡི་གེ་ཨེ་ཡི་རྣམ་པ་ལྟེ་བའི་རྩ་མདུད་གྲུ་གསུམ་དང་དབྱིབས་མཐུན་ཅིང་དེས་གཙོ་ཆེ་བས་ས་རྣམ་པར་དག་པ་ལྷ་མོ་སྤྱན་མར་བརྗོད། དེ་བཞིན་དུ་སྙིང་ག་ཟླུམ་པོ། མགྲིན་པའི་འཁོར་ལོ། སྤྱི་བོའི་འཁོར་ལོ་དང་སྦྱར་བར་བྱའོ། །རྩ་འདབ་ཀྱི་གྲངས་ནི། ལྟེ་བ་དང་པོ་ལུས་ཆགས་པའི་གཞི་ཡིན་ཅིང་། ཐམས་ཅད་སྐྱེད་པའམ་སྤྲུལ་པར་བྱེད་པས་ན་སྤྲུལ་པའི་སྤྱི འཁོར་ལོ་ཞེས་བྱ། འདི་ལ་དབྱུ་གུ་༦༤ དག་པས་པདྨའི་འདབ་མ་དྲུག་ཅུ་རྩ་བཞི་དང་། དེ་བཞིན་དུ་སྙིང་ག་སེམས་གནས་པའི་རྟེན་ཡིན་ཅིང་།་ས དེ་བཞིན་དུ་སྙིང་ག་སེམས་གནས་པའི་རྟེན་ཡིན་ཅིང་། སེམས་ལ་ཆོས་འཆད་དམ་འབྱང་བས་དང་། དེར་ཐུན་ཕྱེད་།

― JKT006_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

༨དག་པའི་རྩ་འདབ་བརྒྱད། མགྲིན་པར་རོ་དྲུག་ལོངས་སྤྱོད་པས་དང་། དེར་འཕོ་བ་བཅུ་དྲུག་དག་པས་འདབ་མ་བཅུ་དྲུག །སྤྱི་བོར་བདེ་ཆེན་ཡེ་ཤེས་ཀྱི་རྟེན་བྱང་སེམས་ཧཾ་གི་རྣམ་པར་གནས་པས་དང་། དེར་ཆུ་༣ ༢ཚོད་དག་པས་འདབ་མ་སོ་གཉིས་སོ། །སྐད་ཅིག་རྣམ་བཞིར་རྣམ་པར་བཞག་པ་ནི། འོ་དང་འཁྱུད་པ་ལ་སོགས་པ་དང་། བདེ་བ་རྫོགས་པ་དང་། བརྟག་དཔྱད་བྱེད་པ་དང་། མཚན་ཉིད་དང་མཚན་གཞི་ལ་སོགས་པར་ཞེན་པའི་རྟོག་པ་དང་བྲལ་བ་སྟེ། རིམ་པར་རྣམ་པ་སྣ་ཚོགས་སོགས་སོ། །བདེན་པ་༤ བཞིར་རྣམ་པར་བཞག་པ་ནི་གོ་སླ། དེ་ཁོ་ན་ཉིད་གཞིར་བཞག་པ་ཡང་ཊཱི་ཀར་གསལ། དགའ་བ་༦བཞིར་རྣམ་པར་བཞག་པ་ནི། རྩོལ་བ་ཆེ་ཞིང་བདེ་བ་ཆུང་བས། རྩོལ་བ་ཆུང་ཞིང་བདེ་བ་ཆེ་བས། སླར་འདོད་པའི་ཆགས་པ་དང་བྲལ་བས། བདེ་སྟོང་ལྷན་ཅིག་སྐྱེས་པའི་ཡེ་ཤེས་གསལ་བས། དགའ་བ་སོགས་སུ་བཞག་པའོ། །སྡེ་པ་༧བཞིར་རྣམ་པར་བཞག་པ་ནི། རང་གི་ཚུལ་ལུགས་མི་འགྱུར་པས། གཞི་ལྔ་དང་དུས་གསུམ་ཐམས་ཅད་རྫས་སུ་ཡོད་པར་སྨྲ་བས། མང་པོས་བཀུར་བའི་རྒྱལ་རྒྱུད་སྟོན་པའི་སྲས་སྒྲ་གཅན་འཛིན་གྱི་ལུགས་སྲོལ་འཛིན་པས། ལྟ་སྤྱོད་མཐུན་པའི་དགེ་འདུན་ཕལ་ཆེར་འདུས་པས་ན་གནས་བརྟན་པ་སོགས་སོ། །གསུམ་པ་ཟླ་བ་དང་། སོགས་དང་། བཞི་པ་འཕོ་བ་བཅུ་དྲུག་

― JKT006_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་སོ། །གསུམ་པ་མངོན་དུ་བྱེད་པའི་ཐབས་ནི་ཉེ་བར་སོགས་སོ། །གཉིས་པ་ལེའུའི་མིང་ནི། རྡོ་རྗེ་རིགས་ཀྱི་སོགས་ཏེ་གོ་སླའོ། །གཉིས་པ་གནས་པར་བྱ་བ་ཐབས་ཀྱི་རྒྱུད་ལ་གཉིས་ཏེ། །གཙོ་བོར་ཐུན་མོང་དང་། མཆོག་གི་དངོས་གྲུབ་སྒྲུབ་པའོ། །དང་པོ་ནི། ལེའུ་འབྲེལ་གཞུང་འགྲེལ་དུ་གསལ་ཞིང་། ས་བཅད་ལ་གསུམ་སྟེ། བཤད་པར་དམ་བཅའ་བ། དོན་དངོས། ལེའུའི་མིང་ངོ་། །གཉིས་པ་ལ་ལྔ་སྟེ། གཏོར་མའི་བཟླས་པའི། བྱིན་གྱིས་བརླབས་པའི། ས་སྦྱང་བའི། ལས་ཀྱི་ཚོགས་ཀྱི་སྔགས་སོ། །གཉིས་པ་ལ་དྲུག །རིགས་ལྔའི་ས་བོན། ཀྱེ་རྡོ་རྗེའི་སྙིང་པོ། དེ་ཉིད་ལྔས་ཁྱད་པར་དུ་བྱེད་པ། གྲོང་ཁྱེར་དཀྲུགས་པ། ལྷ་མོ་བཅོ་ལྔའི་ས་བོན། ཧེ་རུ་ཀ་གསུམ་གྱི་སྔགས་སོ། །ལྔ་པ་ལ་ལྔ་སྟེ། ལྷ་མོ་བརྒྱད་དང་འབྲེལ་བའི་ལས། །ཕྱག་བཅུ་དྲུག་པའི་ལས་ཆར་དབབ་པ། ཕྱག་གཉིས་པའི་ལས་སྤྲིན་དྲལ་བ། ཧེ་རུ་ཀཿབཞི་བདག་མེད་མ་དང་ཐུན་མོང་པའི་ལས། ལས་བསྒྲུབས་པའི་ལྷ་མོ་བདུན་བསྟན་པའོ། །གསུམ་པ་ལ་རྡོ་རྗེ་གྲི་གུག་གི་ཆོ་ག་སོགས་བརྒྱད་དོ། །གཉིས་པ་གཙོ་བོར་མཆོག་སྒྲུབ་པ་ལ་གསུམ་སྟེ། རིམ་པ་གཉིས་ལ་གནས་པར་བྱ་བ། དྲོད་ཐོབ་ནས་སེམས་ཀྱི་བརྟན་གཡོ་བརྟག་པའི་སྤྱོད་པ། རྣལ་འབྱོར་མ་དང་ལྷན་ཅིག་སྐྱེས་པའི་ཡེ་ཤེས་བསྒོམ་པའོ། །དང་པོ་ལའང་རྟེན་བསྐྱེད་

― JKT006_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་དང་། །བརྟེན་པ་རྫོགས་པའི་རིམ་པ་གཉིས། དང་པོ་ལའང་གཉིས་ཏེ། ལྷ་བསྐྱེད་པ་དང་། དབང་བསྐུར་བའོ། །དང་པོ་ནི། སྔགས་ཀྱི་ལེའུ་བཤད་པའི་རྗེས་སུ་སྟེ། འདི་ལ་གསུམ་སྟེ། བཤད་པར་དམ་བཅའ་བ། དོན་དངོས། ལེའུའི་མིང་ངོ་། །གཉིས་པ་ལ་གཉིས། ཧེ་རུ་ཀ་གསུམ་བསྐྱེད་པ་ཐུན་མོང་གི་ཆོ་ག་དང་། སོ་སོའི་ཆོ་གའོ། །དང་པོ་ལ་གསུམ་སྟེ། བསྡུས། འབྲིང་། རྒྱས་པའོ། །དང་པོ་ལ་གཉིས་ཏེ། རྒྱུ་ཚོགས་གཉིས་བསགས་པ་དང་། འབྲས་བུ་དཀྲོངས་བསྐྱེད་ཡན་ལག་བཞི་རྫོགས་སུ་བསྐྱེད་པའོ། །གཉིས་པ་ལ་གསུམ། སྲུང་བའི་འཁོར་ལོ། རྟེན་གདན། བརྟེན་པ་རྡོ་རྗེའི་ཆོ་ག་ལས་བསྐྱེད་པའོ། །གསུམ་པ་ལ་གཉིས་ཏེ། ཚོགས་ཞིང་སྤྱན་དྲངས་ཏེ་མཆོད་པ་དང་། མངོན་བྱང་ལྔ་ལས་ལྷ་བསྐྱེད་པའོ། །གཉིས་པ་ལ་གསུམ། སྐུ། གསུང་། ཐུགས་རྡོ་རྗེ་བསྐྱེད་པའོ། །དང་པོ་ལ་གཉིས། བ ལྷའི་རྣམ་པ་རྒྱན་དང་བཅས་པ་དང་། །འཁོར་གྱི་ལྷ་མོ་དང་གནས་བརྟན་པའོ། །གཉིས་པ་དབང་བསྐུར་བ་ལ་གསུམ་སྟེ། བཤད་པར་དམ་བཅའ། དོན་དངོས། ལེའུའི་མིང་ངོ་། །གཉིས་པ་ལ་དྲུག་སྟེ། དབང་ལྷ་སྤྱན་དྲང་བ། །མཆོད་ཅིང་གསོལ་བ་གདབ་པ། དབང་བསྐུར་བ་དངོས། ཡན་ལག་བཞི་རྫོགས་སུ་བསྟན་པ། ཐུན་གྱི་གྲངས། སྤྱོད་ལམ་གྱི་རྣལ་འབྱོར་རོ། །གཉིས་པ་བརྟེན་པ་རྫོགས་རིམ་ལ་

― JKT006_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ། བཤད་པར་དམ་བཅའ། དོན་དངོས། ལེའུའི་མིང་ངོ་། །གཉིས་པ་ལ་གཉིས་ཏེ། དེ་ཁོ་ན་ཉིད་རྟོགས་པའི་ཐབས་དང་། ཐབས་ལས་བྱུང་བའི་ཕན་ཡོན་ནོ། །དང་པོ་ལ་ལྔ་སྟེ། ཆོས་ཅན་ལ་ཆོས་ཉིད་ཀྱི་དེ་ཁོ་ན་ཉིད། གདབ་བྱ་ལ་འདེབས་བྱེད་ཀྱི་དེ་ཁོ་ན་ཉིད། སྦྱང་གཞི་དང་སྦྱོང་བྱེད་རིགས་དང་རིགས་བདག་ཏུ་གྱུར་པའི་དེ་ཁོ་ན་ཉིད། མཚོན་བྱེད་ལ་མཚོན་བྱའི་དེ་ཁོ་ན་ཉིད། ཕྱག་རྒྱ་དང་ཡེ་ཤེས་བསྲེ་བའི་དེ་ཁོ་ན་ཉིད་དོ། གཉིས་པ་ལ་དྲུག་སྟེ། ཇི་ལྟར་འདེབས་པའི་ཚུལ། དེ་ལྟར་བཏབ་པའི་ཕན་ཡོན། ཕྱག་རྒྱའི་ངེས་ཚིག །འདེབས་བྱེད་རིགས་ཀྱི་བདག་པོ། གདབ་བྱ་དང་འདེབས་བྱེད་ཕན་ཚུན་མཚུངས་བྱེད། གདབ་བྱ་དང་འདེབས་བྱེད་རོ་གཅིག་པའོ། །དང་པོ་ལ་གཉིས་ཏེ། མདོར་བསྟན་པ་དང་། རྒྱས་པར་བཤད་པའོ། །གཉིས་པ་ལ་བཞི། གདབ་བྱ། འདེབས་པའི་ཚུལ། དམ་ཚིག་དང་། དམ་ཚིག་དང་འགལ་བའི་ཉེས་དམིགས་སོ། །གསུམ་པ་ལ་གསུམ་སྟེ། འབྲས་བུ་རིགས་བདག་གི་གྲངས། སྦྱང་གཞི་རིགས་ཀྱི་དབྱེ་བ། རིགས་དང་རིགས་བདག་ཏུ་འགྱུར་བའི་ཚུལ་ལོ། །བཞི་པ་ལ་བཞི་སྟེ། ཉམས་སྣང་སྟོང་ཟུང་འཇུག་ཏུ་བསྲེ་བ། དེ་བཞིན་གཤེགས་པ་རིགས་དྲུག་གི་མཚན་དོན་དང་ཡེ་ཤེས་སུ་བསྲེ་བ། ཡེ་ཤེས་དང་ལྷའི་མིང་དོན་བསྲེ་བ། འབྲས་བུ་དང་ཡེ་ཤེས་བཅོམ་ལྡན་

― JKT006_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

འདས་སུ་བསྲེ་བའོ། །གཉིས་པ་ལ་མདོར་བསྟན་པ་དང་། རྒྱས་པར་བཤད་པའོ། །ལྔ་པ་ལ་དབྱེ་བ་མེད་དོ། །གཉིས་པ་ཐབས་བྱུང་གནས་སྐབས་ཀྱི་ཕན་ཡོན་ལ་ལྔ། ངག་ཏུ་བརྗོད་པ་སྔགས་རྐང་པའི་རྗེས་དཀྱིལ་འཁོར། ལག་པའི་བྱ་བ་ཕྱག་རྒྱ། སེམས་ཀྱི་བསམ་པ་ཏིང་འཛིན། ལྷན་སྐྱེས་ཀྱི་ཡེ་ཤེས་བཟའ་བར་འགྱུར་བའོ། །གསུམ་པ་ལེའུའི་མིང་ནི་དེ་ཁོ་ན་ཉིད་སོགས་སོ། །གཉིས་པ་དྲོད་ཐོབ་ནས་སྤྱོད་པ་བྱ་ཚུལ་ལ། སྤྱོད་པ་ཉིད་ཇི་ལྟར་བྱ་ཚུལ་དང་། གྲོགས་ངོ་ཤེས་པར་བྱ་བའི་བརྡའོ། །དང་པོ་ལ་གསུམ། བཤད་པར་དམ་བཅའ། དོན་དངོས། ལེའུའི་མིང་ངོ་། །གཉིས་པ་ལ་གཉིས། མདོར་བསྟན་དང་། །རྒྱས་བཤད་དོ། །དང་པོ་ལ་ལྔ། སྤྱོད་པའི་དགོས་པ། རྒྱན་གོས། ཁ་ཟས། ལྷའི་རྣལ་འབྱོར། གྲོགས་བསྟན་པའོ། །གཉིས་པ་ལ་གཉིས། སྤྱོད་པའི་སྔོན་དུ་འགྲོ་བ་དྲོད་དང་། དྲོད་ཐོབ་ནས་སྤྱོད་པ་བྱ་བའི་ཚུལ་ལོ། །གཉིས་པ་ལ་ལྔ། གང་གིས་སྤྱོད་པའི་རྟེན་གྱི་གང་ཟག །གང་དང་སྤྱོད་པའི་གྲོགས། རྒྱན་གྱི་རྣམ་དག །ལྷའི་རྣལ་འབྱོར། ཇི་ལྟར་སྤྱོད་པའི་ཚུལ་དངོས་སོ། །གཉིས་པ་ལ་གསུམ། གྲོགས་ཀྱི་མཚན་ཉིད། ཇི་ལྟར་སྐྱོང་བའི་ཐབས། བརྟེན་པའི་ཚུལ་ལོ། །དང་པོ་ལ་གསུམ། རྡོ་རྗེའི་རིགས་མཆོག་ཏུ་བསྟན། ཡང་ན་རང་གི་ལྷའི་རིགས་དང་འབྲེལ་བ། རིགས་གཞན་གང་ལའང་རུང་བའོ། །

― JKT006_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་པ་ལ་གཉིས། བསྟེན་པར་བྱ་བ་དགོས་པ་དང་བཅས་པ་གཟུང་བ་དང་། དམ་ཚིག་དང་སྡོམ་པ་ལས་མི་འདའ་བར་སྤྱད་པའོ། །དང་པོ་ལ་བཞི། དགོས་པ་དང་བཅས་པའི་གླུ་གར། བཟའ་བཏུང་། རྒྱན། ལག་ཆ་དགོས་པ་དང་བཅས་པའོ། །གཉིས་པ་ལ་བདུན། ཕྱིན་ཅི་ལོག་དྲུག་སྤོང་བ། སྤྱོད་པའི་སྔོན་དུ་འགྲོ་བ། རྟོག་པ་དང་བྲལ་བའི་སྤྱོད་པ་དངོས། དངོས་གྲུབ་ཀྱི་རྒྱུ་བླ་མ་ལ་ཕྱག་འཚལ་བ། ལས་གྱི་དམ་ཚིག་ལས་གྲོལ་བ། འཇིགས་པ་དང་བྲལ་བའི་ཀུན་ཏུ་སྤྱོད་པ། ཡེ་ཤེས་ཀྱི་དམ་ཚིག་སྙིང་རྗེ་དང་ལྡན་ཅིང་ཆང་གིས་བཟི་བར་མི་བྱ་བའོ། །གསུམ་པ་ནི། སྤྱོད་པའི་སོགས་སོ། །གཉིས་པ་གྲོགས་ངོ་ཤེས་པར་བྱེད་པའི་བརྡ་ལ་གསུམ་སྟེ། བཤད་པར་དམ་བཅའ་བ། དོན་དངོས། ལེའུའི་མིང་ངོ་། །གཉིས་པ་ལ་གཉིས། ལུས་ཀྱི་བརྡ་དངོས། བརྡས་མཚོན་པའི་གྲོགས་འདུ་བའི་ཚུལ་ལོ། །དང་པོ་ལ་དྲུག །བརྡའི་དགོས་པ། ཕྱག་རྒྱ་དང་ཕྱག་རྒྱའི་ལན། དམ་ཚིག་དང་ལྡན་མི་ལྡན་དབྱེ་བ། དམ་ཚིག་དང་ལྡན་པ་འདུ་བའི་བརྡ། འདུ་གནས་སྤྱིར་བསྟན་པ། དེའི་དུས་སུ་ཇི་ལྟར་བྱ་བའོ། །གཉིས་པ་ལ་གཉིས། དོན་བསྟན་པ་བསྙུན་གྱི་བརྡ་དང་། དོན་མི་སྟོན་པའི་བརྡའོ། །གཉིས་པ་གྲོགས་འདུ་བའི་ཚུལ་ལ་གསུམ། གང་དུ་འདུ་བའི་གནས། ནམ་འདུ་བའི་དུས། འདུས་པའི་བྱ་བའོ། །དང་པོ་ལའང་

― JKT006_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

མདོར་བསྟན་པ་དང་། རྒྱས་པར་བཤད་པ། གཉིས་པ་ལ་བཤད་པར་དམ་བཅའ་བ་དང་། དོན་དངོས། གསུམ་པ་ལ་ཚོགས་ཀྱི་ཡོ་བྱད། རིམ་པ་གཉིས་ཀྱི་ཉམས་ལེན། ཁ་ཟས་ཀྱི་རྣལ་འབྱོར་དགོས་པ་དང་བཅས་པའོ། །གཉིས་པ་ལ་གཉིས། རྣལ་འབྱོར་གཉིས་ལ་བརྟེན་པའི་བསྐྱེད་རིམ། ཧེ་རུ་ཀའི་ངེས་ཚིག་གི་སྒོ་ནས་རྫོགས་རིམ་གྱི་ཡེ་ཤེས་སོ། །དང་པོ་ལ་གཉིས། རྣལ་འབྱོར་དངོས་དང་། དེ་ལྟར་བསྒོམས་པའི་ཕན་ཡོན་ནོ། །དང་པོ་ལ་གཉིས། བདག་ཉིད་བསྒོམས་པའི་རྣལ་འབྱོར་དང་། །གཞན་ལ་བསྒོམས་པའི་རྣལ་འབྱོར་རོ། །གསུམ་པ་ལེའུའི་མིང་ནི། བརྡ་དང་སོགས་སོ། །གསུམ་པ་རྣལ་འབྱོར་མ་དང་ལྷན་སྐྱེས་ཀྱི་དོན་བསྒོམ་པ་ལ་གཉིས་ཏེ། རྣལ་འབྱོར་མའི་འཁོར་ལོ་བསྒོམ་པ་དང་། དེའི་རྣམ་པར་དག་པའོ། །དང་པོ་ལ་སྔར་ལྟར་གསུམ་གྱི། གཉིས་པ་ལའང་བསྐྱེད་པའི་རིམ་པ་བསྒོམ་ཚུལ། རིམ་གཉིས་འབྲེལ་པ་ཅན་དུ་བསྒོམ་ཚུལ། རྫོགས་པའི་རིམ་པ་བསྒོམ་ཚུལ་ལོ། །དང་པོ་ལ་གཉིས། མདོར་བསྟན་དང་། རྒྱས་བཤད་དོ། །གཉིས་པ་ལ་གཉིས། རྟེན་བསྐྱེད་པ་དང་། བརྟེན་པ་བསྐྱེད་པའོ། །དང་པོ་ལ་གཉིས་འབྱུང་བ་བཞི་ལས་གཞལ་ཡས་ཁང་བསྐྱེད་པ་དང་། གདན་བསྒོམས་པའོ། །གཉིས་པ་རྟེན་བསྐྱེད་པ་ལ་གསུམ། མངོན་བྱང་ལྔའི་བསྐྱེད་ཆོག །ལྷ་མོ་རྣམས་གསལ་གདབ་པ། ཁ་དོག་གི་

― JKT006_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་ནས་ཞེན་པ་སྤོང་བའོ། །དང་པོ་ལ་གཉིས། ལྷ་མོ་རྣམས་ཀྱི་མངོན་བྱང་དང་། རྒྱུ་རྡོ་རྗེ་འཛིན་པའི་བསྐྱེད་ཆོག་གོ །དང་པོ་ལ་གསུམ། ཨཱ་ལི་ཀཱ་ལི་ལ་མ་ལྟོས་པ་དང་། ལྟོས་པའི་མངོན་བྱང་། ཡེ་ཤེས་ལྔ་དང་སྦྱར་བའོ། །གཉིས་པ་ལ་གཉིས། གཙོ་མོ་མཉམ་སྦྱོར་ལས་བསྐྱེད་པ་དང་། འཁོར་ཐབས་དང་ཤེས་རབ་ལས་བསྐྱེད་པའོ། །གསུམ་པ་ལ་བཞི། ཕྱོགས་གང་དུ་དགོད་པ། ལྷ་མོ་སོགས་ཀྱི་རྣམ་པ། ཕྱག་མཚན་དང་གདན་གྱི་རྣམ་དག །དེ་ལྟར་བསྒོམས་པའི་ཕན་ཡོན་ནོ། །རིམ་གཉིས་པ་གཉིས་འབྲེལ་པ་ཅན་དུ་བསྒོམ་ཚུལ་ནི། བསྐྱེད་པ་སོགས། གསུམ་པ་རྫོགས་རིམ་བསྒོམ་ཚུལ་ལ་གཉིས། མདོར་བསྟན་དང་། རྒྱས་བཤད་དོ། །གཉིས་པ་ལ་གཉིས། ཇི་ལྟར་བསྒོམ་ཚུལ་དང་། དེ་གདོན་མི་ཟ་བར་སྒོམ་པར་གདམས་པའོ། །དང་པོ་ལ་གཉིས། ལྷན་ཅིག་སྐྱེས་པས་ལྷན་ཅིག་སྐྱེས་པ་བསྒོམ་ཚུལ་དང་། རང་བཞིན་ལྷན་ཅིག་སྐྱེས་པ་བསྒོམ་ཚུལ་ལོ། །དང་པོ་ལ་གསུམ། ལྷན་སྐྱེས་ཡེ་ཤེས་ཀྱི་ངོ་བོ་གཏན་ལ་དབབ་པ། དེ་རྟོགས་པར་བྱེད་པའི་ཐབས། ཐབས་བསྒོམས་པའི་ཕན་ཡོན་ནོ། །དང་པོ་ལ་གསུམ། ལྷན་སྐྱེས་ཀྱི་དབྱེ་བ། ཡེ་ཤེས་དགའ་བཞིའི་ཁྱད་པར། ལྷན་ཅིག་སྐྱེས་པའི་ངོ་བོ་ངེས་པར་བྱ་བའོ། །གཉིས་པ་ལ་བཞི། དཔེ་དང་། ཉམས་མྱོང་གི་སྒོ་ནས་གཏན་ལ་དབབ་པ་དང་། རྣམ་རྟོག་

― JKT006_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། ངོ་བོའི་སྒོ་ནས་བཤད་པའོ། །གཉིས་པ་རྟོགས་བྱེད་ལ་བཞི། ཐབས་གཞན་གྱིས་མི་རྟོགས་པར་བསྟན། རྟོགས་བྱེད་ཀྱི་ཐབས་སྤྱིར་བསྟན། ཉམས་སུ་བླང་ཚུལ། ཡེ་ཤེས་དེ་ཆོས་ཐམས་ཅད་ཀྱི་བདག་ཉིད་བསྟན་པའོ། །གསུམ་པ་ལ་གཉིས་ཏེ། མདོར་བསྟན་དང་། རྒྱས་བཤད་དོ། །གསུམ་པ་ལ་གཉིས། བསོད་ནམས་ཆུང་བས་ཀྱང་འགྲུབ་པ། གོམས་ན་རྒྱུན་མི་འཆད་པའོ། །གཉིས་པ་ལ་རང་བཞིན་ལྷན་སྐྱེས་གསུམ། ཉམས་སུ་བླང་ཚུལ། ཐམས་ཅད་ལ་ཁྱབ་པར་བསྒོམ་པ། དེ་ལ་རྩོད་པ་སྤོང་བའོ། །གསུམ་པ་ལ་གཉིས། འབད་པ་མེད་པར་གྲོལ་བར་ཐལ་བ་དང་། འཁོར་བ་འགྱུར་དུ་མི་རུང་བ་སྤོང་བའོ། །གཉིས་པ་བསྒོམ་པར་གདམས་པ་ལ་གསུམ། བསྒོམས་པའི་ཕན་ཡོན། མ་བསྒོམས་པའི་ཉེས་དམིགས། རྒྱུན་མི་ཆད་དུ་བསྒོམ་པར་གདམས་པའོ། དང་པོ་ལ་གཉིས། སྤང་བྱས་ཟིལ་གྱིས་མི་ནོན་པ་དང་། ཐོབ་བྱ་ཐོབ་པའོ། །གཉིས་པ་ལ་གསུམ། ཐོབ་བྱ་ཡེ་ཤེས་ཀྱི་ངོ་བོ། དེ་དཔེའི་ཡེ་ཤེས་སུ་བསྟན་པ། དེ་བསྟན་པའི་གནས་སྐབས་ཀྱི་ཕན་ཡོན་ནོ། །ཕྱི་མ་ལའང་གཉིས། འབྱུང་བའི་གནོད་པས་མི་བརྫི་བ་དང་། རྟོག་པས་མི་བརྫི་བའོ། །ལེའུའི་མིང་ནི་རྣལ་འབྱོར་མའི་སོགས་སོ། །གཉིས་པ་དེའི་རྣམ་གཞག་ལ་གསུམ། བཤད་པར་དམ་བཅའ། དོན་དངོས། ལེའུའི་མིང་ངོ་། གཉིས་པ་ལ་

― JKT006_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས། མདོར་བསྟན་དང་། རྒྱས་བཤད་དོ། །དང་པོ་ལ་བཞི། དེ་བཞིན་ཉིད་ཀྱི་དག་པ། ལྷ་སོ་སོའི་དག་པ། གློ་བུར་གྱི་དྲི་མ་སྦྱོང་བའི་འཐད་པ། རང་རིག་པའི་དག་པའོ། །གཉིས་པ་རྒྱས་བཤད་ལ་གསུམ། དེ་བཞིན་ཉིད། ལྷ་སོ་སོ། རང་རིག་པའི་དག་པའོ། །དང་པོ་ལ་གསུམ། རང་བཞིན་གྱིས་དག་པས་སྦྱང་དུ་རུང་བ། གློ་བུར་གྱི་དྲི་མས་མ་དག་པར་སྣང་བ། དེ་སྦྱང་བའི་ཕྱིར་བསྟེན་བྱ་བསྟེན་ཚུལ་ལོ། །གཉིས་པ་ལ་གཉིས། མདོར་བསྟན་དང་། རྒྱས་བཤད་དོ། །གཉིས་པ་ལྷ་སོ་སོའི་དག་པ་ནང་གི་ལྷ་མོ་བཅོ་ལྔ། ཕྱིའི་ཕྱོགས་གང་དུ་འགོད། ལྷ་མོ་དྲུག་གི །རྒྱུ་རྡོ་རྗེ་འཆང་གི །མཚམས་མ་བཞིའི། ནང་མ་ལྔའི་དག་པ་སྟེ་དྲུག་གོ །གཉིས་པ་སྨིན་བྱེད་ལ་གཉིས། ལས་དང་པོ་པ་སྨིན་པར་བྱེད་པ་དབང་དང་། དེ་ལ་འཇུག་པར་བྱེད་པ་ལྟ་སྟངས་སོ། །དང་པོ་ལའང་དམ་བཅའ། དོན་དངོས། ལེའུའི་མིང་ངོ་། །གཉིས་པ་ལ་གཉིས་ཏེ། དཀྱིལ་འཁོར་བྲི་ཞིང་དབང་བསྐུར་བའི་ཚུལ་མདོར་བསྟན་པ་དང་། དེ་རྒྱས་པར་བཤད་པའོ། །དང་པོ་ལ་གཉིས། ཇི་ལྟར་བྲི་བ། དེར་དབང་བསྐུར་ཚུལ་ལོ། །དང་པོ་ལ་གསུམ། བྲི་བའི་གནས། རྡུལ་ཚོན་གྱི་ཚོད་བསྟན་པའོ། །དང་པོ་ལ་གཉིས། ས་སྦྱོང་བ་དང་། གནས་ཀྱི་མཚན་ཉིད་དོ། །དབང་བསྐུར་ཚུལ་ལ་གསུམ། དཀྱིལ་འཁོར་སྒྲུབ་པའི་

― JKT006_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་རིག་མ་གཞུག་པ་དང་། གསང་དབང་དང་། ཤེར་དབང་ངོ་། །གསུམ་པར་གསུམ། དབང་གི་རྟེན་ཤེས་རབ། དེ་ལས་སྐྱེས་པའི་ཡེ་ཤེས་ངེས་པར་བྱ་བ། དེ་གོམས་པའི་འབྲས་བུ་གྲུབ་པའི་རྟགས་སོ། །མཚན་ཉིད། དེ་ལ་ལོག་རྟོག་དགག་པ། དགའ་བའི་གོ་རིམ། བྱེ་བྲག་ཏུ་ལྷན་སྐྱེས་ལ་ཐེ་ཚོམ་བསལ་བའོ། །བཞི་པ་ལ་གཉིས། ཐེ་ཚོམ་ཇི་ལྟར་སྐྱེས་པ་དང་། དེ་བསལ་བའོ། །གཉིས་པ་རྒྱས་བཤད་ལ་གཉིས། དཀྱིལ་འཁོར་གྱི་བྱ་བ་དང་། དེར་འཇུག་ཅིང་དབང་བསྐུར་བའོ། །དང་པོ་ལ་བདུན། བྲི་ཞིང་རྒྱན་དགྲམ་པ། བུམ་པ་བཤམས་པ། ཐིག་གདབ་པ། བསྙེན་པ། ས་ཡི་ཆོ་ག །དབང་གི་རྣམ་དག་སྤྱིར་བསྟན་པ། མཚན་མ་དགོད་པའོ། །གཉིས་པ་ལ་གཉིས། སློབ་དཔོན་རང་ཉིད་འཇུག་པ་དང་། སློབ་མ་འཇུག་ཅིང་དབང་བསྐུར་བའོ། །གཉིས་པ་ལ་གཉིས། ཚིག་གི་བཞི་པས་ངོ་སྤྲོད་པ་དང་། དེའི་ངོ་བོ་གཏན་ལ་དབབ་པའོ། །གཉིས་པ་ལ་གསུམ། ལྷན་སྐྱེས་ཡེ་ཤེས་ཀྱི་རང་བཞིན། དེ་རྟོགས་པའི་འབྲས་བུ་ཟུང་འཇུག །དེ་ལམ་དང་ཆོས་ཐམས་ཅད་ཀྱི་བདག་ཉིད་དུ་བསྟན་པའོ། །དང་པོ་ལ་གཉིས། ཞུ་བདེ་ལྷན་སྐྱེས་དང་། རང་བཞིན་ལྷན་སྐྱེས་སོ། །དང་པོ་ལ་བཞི། ཡེ་ཤེས་ཀྱི་མཚན་ཉིད། འབྱུང་བ་བཞི་ལས་སྐྱེས་པའི་ཚུལ། དེ་དཔེའི་ཡེ་ཤེས་སུ་བསྟན་པ།

― JKT006_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷན་སྐྱེས་ཀྱི་ངེས་ཚིག་གོ །གཉིས་པ་ལ་གཉིས། གནས་ལུགས་ཆོས་ཐམས་ཅད་ཀྱི་རང་བཞིན་ཡིན་པ་དང་། སྐྱེ་ཚུལ་འབྱུང་བའི་གོ་རིམ་ཅན་དུ་བསྟན་པའོ། །དང་པོ་ལ་གཉིས། ཞུ་བ་དང་ལན་ནོ། །གཉིས་པ་ལ་གཉིས། ཞུ་བ་དང་། ལན་ནོ། །གཉིས་པ་ལྟ་སྟངས་ལ་གཉིས། ལྟ་སྟངས་ཉིད་ཇི་ལྟར་བྱ་བ་དང་། ཞར་ལས་བྱུང་བ་ལྷའི་རྣལ་འབྱོར་རོ། །དང་པོ་ལ་གསུམ། དངོས་དང་། དེའི་དགོས་པ། དམ་ཚིག་གོ །དང་པོ་ལ་བཞི། སོ་སོའི་མཚན་ཉིད། རླུང་དང་སྦྱར་བ། གྲུབ་པའི་རྟགས། འགྲུབ་པའི་དུས་སོ། །གསུམ་པ་ལ་གཉིས། བསྲུང་བ་དང་། བཟའ་བའི་དམ་ཚིག་གོ །གཉིས་པ་ལ་གཉིས། བཤད་པར་དམ་བཅའ་བ་དང་། དོན་དངོས་སོ། །གཉིས་པ་ལ་གཉིས། རབ་བསམ་པས་དང་། འབྲིང་བསྙེན་པས་འགྲུབ་པའོ། །དེ་ཡན་ཆད་ཀྱིས་བརྟག་པ་དང་པོ་རྩ་རྒྱུད་ཀྱི་ཚུལ་དུ་བཤད་པའི་ས་བཅད་བསྟན་ཟིན་ཏོ།།

ལམ་དུས་ཀྱི་གོ་དོན་རག་རིམ་འགའ་ཞིག་ཕལ་སྐད་དུ་གོ་བདེར་བྲིས་པ།

― JKT006_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་དུས་ཀྱི་གོ་དོན་རག་རིམ་འགའ་ཞིག་ཕལ་སྐད་དུ་གོ་བདེར་བྲིས་པ་བཞུགས། །སཱ་དྷུ་པ་བྱཧོ། བླ་མ་ལ་ཕྱག་འཚལ་ལོ། །དཔལ་ཀྱེ་རྡོ་རྗེའི་གཞི་བསྙེན་སྐབས། སྤྱིར་བཀླགས་པས་ཀུན་ཤེས་སོགས་ལས་ལྟ་རྟོགས་ཀྱིས་གོ་དོན་ཅི་ཤེས་གལ་ཆེ་བ་ལས་ཡི་གེར་བྲི་ཚོད་མ་བྱུང་ཡང་། མདོར་བསྡུས་གོ་དོན་གལ་ཆེ་བ་འདི་ལྟར་ངེས་པར་བྱ་སྟེ། ད་རེས་རྙེད་དཀའ་ཞིང་རྙེད་ན་དོན་ཆེན་པོ་

― JKT006_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ལྡན་པའི་དལ་འབྱོར་གྱི་མི་ལུས་རིན་པོ་ཆེ་འདི་ལྟ་བུ་ཐོབ་ཀྱང་། འཆི་ངེས་ཤིང་ནམ་འཆི་ཆ་མེད། ཤི་བའི་ཚེ་ཆོས་མ་གཏོགས་གང་གིས་ཀྱང་མི་ཕན། འཆི་ནས་འཁོར་བ་མཐོ་དམན་གར་སྐྱེས་ཀྱང་སྡུག་བསྔལ་ཁོ་ནའི་རང་བཞིན་ལས་མ་འདས་པས། ད་རེས་སྡུག་བསྔལ་ཅན་གྱི་འཁོར་བ་དེ་ལས་ཅི་ནས་ཀྱང་ཐར་བ་ཞིག་བྱ། དེ་ཡང་རང་གཅིག་པུ་ཐར་པས་མི་ཕན། སེམས་ཅན་ཐམས་ཅད་ཕ་མ་མ་བྱས་པ་གཅིག་ཀྱང་མེད་པས། རང་གཞན་སེམས་ཅན་ཐམས་ཅད་སངས་རྒྱས་ཀྱི་གོ་འཕང་ཐོབ་པར་བྱ་དགོས་པས། ད་རེས་སངས་རྒྱས་འགྲུབ་པའི་རྒྱུ་ཡི་གཙོ་བོ་དཔལ་ཀྱེ་རྡོ་རྗེའི་བསྙེན་སྒྲུབ་ཟབ་མོ་བགྱི་སྙམ་པ་ཐུན་ཐམས་ཅད་ཀྱི་མགོར་ཡང་ཡང་བསམ་པ་གལ་ཆེ། དེ་ནས་སྐྱབས་སུ་འགྲོ་བའི་སྐབས། གནས་ཁང་དང་ས་ཕྱོགས་ཐམས་ཅད་བདེ་བ་ཅན་ལྟ་བུ་དག་པའི་ཞིང་ཁམས་སུ་གསལ་བཏབ་རང་གི་མདུན་དུ་དཔག་བསམ་གྱི་ལྗོན་ཤིང་ཡལ་ག་དང་། ལོ་འདབ་དང་། མེ་ཏོག་འབྲས་བུ་ཕུན་སུམ་ཚོགས་པ་དབུས་སུ་རྩ་བའི་བླ་མ་དང་ཀྱེ་རྡོ་རྗེ་དབྱེར་མེད་པ་ལྷ་མོ་བརྒྱད་ཀྱིས་བསྐོར་བ། དེའི་རྒྱབ་ཏུ་ཆོས་དཀོན་མཆོག་གླེགས་བམ་བྲག་རི་བརྩེགས་པ་ལྟ་བུ་གསལ་བཏབ། དེ་ཡང་དབུས་ཀྱི་བླ་མ་དང་དབྱེར་མེད་པ་ནི་སངས་རྒྱས་དཀོན་མཆོག །རྒྱབ་ཀྱི་པུསྟི་ཆོས་དཀོན་མཆོག །འཁོར་གྱི་ལྷ་མོ་བརྒྱད་དགེ་འདུན་དཀོན་མཆོག་ཐམས་ཅད་

― JKT006_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་པའི་ངོ་བོ་ཡིན་སྙམ་དུ་མོས་པ་བྱ། དེའི་མདུན་དུ་རང་དང་། རང་གི་ཕ་མ་གཉིས་ཀྱིས་ཐོག་དྲངས་པའི་སེམས་ཅན་ཐམས་ཅད་འཁོད་ནས་སངས་རྒྱས་མ་ཐོབ་བར་དུ་ཅི་མཛད་དཀོན་མཆོག་གསུམ་པོ་ཁྱེད་མཁྱེན་སྙམ་པའི་མོས་གུས་གསོལ་འདེབས་ཀྱི་ངང་ནས་སྐྱབས་འགྲོ་ཅི་ནུས་དང་། མཐར་སྐྱབས་གསོལ་བྱས་པས། འཁོར་དགེ་འདུན་དཀོན་མཆོག་འོད་དཀར་པོར་ཞུ་ནས་རང་དང་སེམས་ཅན་ཐམས་ཅད་ཀྱི་སྤྱི་བོར་ཐིམ། ཆོས་འོད་དམར་པོར་ཞུ་ནས་མགྲིན་པར་ཐིམ། གཙོ་བོ་ཀྱེ་རྡོ་རྗེ་འོད་སྔོན་པོར་ཞུ་ནས་སྙིང་གར་ཐིམ་པས་ལུས་ངག་ཡིད་གསུམ་དཀོན་མཆོག་གསུམ་གྱི་ངོ་བོར་བྱིན་གྱིས་རློབས་སོང་སྙམ་པའི་མོས་པ་བྱ། སེམས་བསྐྱེད་སྐབས། སེམས་ཅན་ཐམས་ཅད་སངས་རྒྱས་ཀྱི་གོ་འཕང་ལ་འགོད་པའི་ཆེད་དུ་བདག་གི་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་ལམ་དུས་ཀྱི་ཉམས་ལེན་བྱའོ་སྙམ་པ་བྱ། རྡོར་སེམས་སྐབས། རང་གི་སྤྱི་བོར་རྡོར་སེམས་བསྒོམ་ཚུལ་སོགས་ངག་འདོན་ལྟར་ལ། བཟླས་པའི་སྐབས། རྡོར་སེམས་ཡབ་ཡུམ་གྱི་སྐུ་ལས་བདུད་རྩིའི་རྒྱུན་འོ་མའི་མདོག་ལྟ་བུ་དཔག་ཏུ་མེད་པ་བྱུང་། རང་གི་ཚངས་བུག་ནས་ཞུགས། ལུས་ཀྱི་ནང་ཐམས་ཅད་གང་། ནད་ཐམས་ཅད་རྣག་ཁྲག །གདོན་ཐམས་ཅད་སྲོག་ཆགས། སྡིག་སྒྲིབ་ཐམས་ཅད་དུད་ཁུ་དང་སོལ་ཁུའི་རྣམ་པར་རྐང་

― JKT006_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

མཐིལ་གཉིས་དང་། གཤང་ལམ་དང་། ཆུ་ལམ་རྣམས་ནས་ཕྱིར་ཐོན་པས་རང་གི་རྒྱུད་ལ་སྔར་ཡོད་པའི་ནད་གདོན་སྡིག་སྒྲིབ་ཉེས་ལྟུང་ཐམས་ཅད་ལྷག་མེད་དུ་དག །དེ་ནས་ལུས་ཀྱི་ནང་ཐམས་ཅད་བདུད་རྩི་དཀར་པོས་ཤེལ་བུམ་ཞོ་ཡིས་གང་བ་ལྟར་སྐྱ་མེར་གྱིས་ཁེངས་པས་རྡོ་རྗེ་སེམས་དཔའི་སྐུ་གསུང་ཐུགས་ཀྱི་བྱིན་རླབས་ཐམས་ཅད་རང་གི་རྒྱུད་ལ་ཞུགས་པར་བསམས་ལ། དེ་ལྟ་བུའི་དམིགས་པ་ཡང་ནས་ཡང་དུ་མ་ཡེངས་པའི་ངང་ཡིག་བརྒྱ་བཟླ། ཚོགས་བསགས་སྐབས། རྡོར་སེམས་རང་ལ་ཐིམ་པའི་རྐྱེན་གྱིས་རང་སྐད་ཅིག་གིས་ཀྱེ་རྡོ་རྗེའི་སྐུར་གྱུར། དེའི་ཐུགས་ཀ་ནས་འོད་ཟེར་དམར་པོ་ལྕགས་ཀྱུ་ལྟ་བུ་འཕྲོས་པས་ཚོགས་ཞིང་མདུན་གྱི་ནམ་མཁར་སྤྱན་དྲངས། དེ་ནས་རང་གི་ལུས་གྲངས་མེད་པར་སྤྲུལ་ནས་ཕྱག་འཚལ། སྙིང་ག་ནས་ལྷ་མོ་བརྒྱད་སྤྲུལ་ནས་མཆོད་པ་ཕུལ། རྒྱུན་བཤགས་དང་སྡོམ་བཟུང་ལན་གསུམ་བྱས་པས་རང་གི་རྒྱུད་ལ་སྔར་ཐོབ་པའི་དམ་ཚིག་དང་སྡོམ་པ་ཐམས་ཅད་གོང་འཕེལ་དུ་བྱས་པར་བསམས། ཚད་མེད་བཞི་བསྒོམ་སྐབས། རང་གི་སྙིང་ག་ནས་འོད་ཟེར་སྔོན་པོའི་རྩེ་ལ་པུཀྐ་སཱི། དཀར་པོའི་རྩེ་ལ་རི་ཁྲོད་མ། དམར་པོའི་རྩེ་ལ་གདོལ་པ་མོ། འོད་སྣ་ལྔའི་རྩེ་ལ་གཡུང་མོ་རྣམས་འཕྲོས་པས། སེམས་ཅན་ཐམས་ཅད་ཚད་མེད་བཞིའི་ངོ་བོ་ལྷ་མོ་བཞིའི་གོ་འཕང་ལ་བཀོད་པར་བསམས།

― JKT006_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུང་འཁོར་སྐབས། ཤུ་ནྱ་ཏའི་སྔགས་བརྗོད་པ་དང་མཉམ་དུ་ཆོས་ཐམས་ཅད་རང་གི་སེམས་སུ་ཐག་བཅད། སེམས་དེ་ཡང་སྒྱུ་མ་ལྟ་བུ་རང་བཞིན་མ་གྲུབ་ཅིང་། བློ་ལས་འདས་པར་བསམས་ལ་དེའི་ངང་དུ་མཉམ་པར་བཞག །དེ་ནས་དེའི་ངང་ལས་སྣ་ཚོགས་རྡོ་རྗེའི་གུར་གཞུང་ལྟར་གསལ་གདབ་པ་སྟེ། དེ་ཡང་དབྱིབས་ལྕགས་རྨོག་ཁ་སྦུབ་པ་ལྟ་བུ་བར་མཚམས་ནས་བསྐལ་པའི་རླུང་ཡང་མི་ཐར་བར་བསམ། དེའི་ནང་དུ་ཐུན་མོང་མ་ཡིན་པའི་སྲུང་འཁོར་འཁོར་ལོ་སེར་པོ་རྩིབས་བཅུ་པ་སིལ་སྙན་ཁ་སྦྱར་བ་ལྟ་བུའི་ནང་དུ་ཁྲོ་བོ་བཅུ་གཅིག་གཞུང་ལྟར་གསལ་གདབ། དབང་བསྐུར་རྒྱས་གདབ་པ་སོགས་གྲུབ་ནས། རང་ཉིད་གཙུག་ཏོར་འཁོར་ལོས་སྒྱུར་བར་གསལ་བའི་ཐུགས་ཀའི་ཧཱུྃ་ལས་འོད་ཟེར་འཕྲོས་པས་བ་སྤུའི་བུ་ག་ཐམས་ཅད་རྡོ་རྗེ་ཕྲ་མོ་དཔག་ཏུ་མེད་པས་གཏམས་པའི་མཐར། ཐུགས་ཀའི་ཧཱུཾ་དེ་རྡོ་རྗེ་སྔོན་པོ་རྩེ་ལྔ་པར་གྱུར་པའི་ལྟེ་བའི་ནང་དུ་རང་སེམས་ཀྱི་ངོ་བོ་ཡི་གེ་ཧཱུྃ་མཐིང་ག །ཧཱུཾ་དེའི་ཀླད་ཀོར་གྱི་ནང་དུ་རྩ་བའི་བླ་མ་མི་བསྐྱོད་པའི་རྣམ་པ་ཅན། གཞན་སྲུང་དགོས་གང་ཡོད་ཐམས་ཅད་ཧཱུྃ་གི་མཐའ་སྐོར་དུ་ཡོད་པ་གསལ་བཏབ་ནས་དེ་དངོས་ཡིན་སྙམ་པའི་མོས་པ་བྱ། ཧཱུྃ་ལན་གསུམ་བརྗོད་པའི་དང་པོའི་ཚེ་བསྲུང་བྱ་རྣམས་གསལ་བཏབ། གཉིས་པའི་ཚེ་འཁོར་ལོའི་རྩིབས་ལ་བར་ཆད་བྱེད་པའི་དགྲ་བགེགས་ཐམས་

― JKT006_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་བཀུག །གསུམ་པའི་ཚེ་འཁོར་ལོ་གཡོན་དུ་འཁོར་བས་བར་ཆད་ཐམས་ཅད་རྡུལ་དུ་བརླག་པར་བསམས་ལ་སྔགས་བཟླ། ༈ །དེ་ནས་དངོས་གཞི་ལ། གཞལ་ཡས་ཁང་བསྐྱེད་པ། རྒྱུ་རྡོ་རྗེ་འཛིན་པ་བསྐྱེད་པ། འབྲས་བུ་རྡོ་རྗེ་འཛིན་པ་བསྐྱེད་པ། ཡེ་ཤེས་པ་དགུག་གཞུག་སོགས་ངག་འདོན་ལྟར་གསལ་ཅི་ཐེབས་བྱ། ཡེ་ཤེས་པ་རང་ལ་ཐིམ་པའི་རྐྱེན་གྱིས་ལུས་དཀྱིལ་གསལ་གདབ། དེ་ཡང་བསྐྱེད་རིམ་གང་བསྒོམས་ཀྱང་རྣམ་པ་གསལ་བ་བར་སྣང་དུ་འཇའ་ཚོན་ཤར་བ་ལྟ་བུ། སྣང་བཞིན་དུ་སྟོང་པ། སྟོང་བཞིན་དུ་སྣང་བ། སྣང་སྟོང་ཟུང་འཇུག་རང་བབས་ཀྱིས་གསལ་ཅི་ཐེབས་བྱ། མཐར་གསལ་ཐེབས་སོང་སྙམ་པའི་དགའ་སྤྲོ་དང་། མ་ཐེབས་སོང་སྙམ་པའི་དོགས་པ་སོགས་རེ་དོགས་གང་ཡང་མི་བྱ་བར། གསལ་ཐེབ་རུང་མ་ཐེབ་རུང་ལྷ་གང་གསལ་གདབ་པ་དེ་དངོས་ཡིན་སྙམ་པའི་མོས་པ་བརྟན་པོ་བྱ་བ་གལ་ཆེ། དེ་ནས་དབང་བླང་བའི་སྐབས། རང་གི་སྙིང་ག་ནས་འོད་ཟེར་འཕྲོས་པས་རྩ་བའི་བླ་མ་མི་བསྐྱོད་པའི་མདུན་དུ་དབང་རྫས་རྣམས་ཀྱང་དངོས་སུ་བཤམས་ཡོད་པའི་མོས་པ་བྱ། དབང་བླང་བའི་ཚེ་བླ་མའི་ཐུགས་ཀ་ནས་ལས་ཀྱི་རྡོ་རྗེ་ཧེ་རུ་ཀ་ཕྱག་གཉིས་པའི་རྣམ་པས་དབང་རྫས་རྣམས་གཏད། བླ་མས་དབང་གི་ཚིག་གསུང་ཞིང་དབང་བསྐུར་བས་དབང་དེ་དང་དེ་རྣམས་ཐོབ་སོང་སྙམ་པའི་མོས་པ་བརྟན་

― JKT006_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་གལ་ཆེ། དེ་ནས་བདུད་རྩི་བྱིན་གྱིས་བརླབས་ལ་མྱོང་བས་མགྲིན་པའི་རྩ་ཁམས་བརྒྱུད་ལུས་ཀྱི་རྩ་ཐམས་ཅད་ལ་ཁྱབ་པས་ཟག་མེད་ཀྱི་བདེ་བ་སྐྱེས་པར་བསམ། རང་གི་སྙིང་ག་ནས་ལྷ་མོ་བརྒྱད་སྤྲོས་ནས། དཀར་མོ་རི་དྭགས་སོགས་ཀྱིས་རང་ཉིད་ལ་མཆོད། ཁྱོད་ནི་རྣལ་འབྱོར་མ་སོགས་ཀྱིས་བསྟོད་པར་བསམ། དག་པ་དྲན་པ་གཞུང་ལྟར་ལ། མདོར་བསྡུ་ན། རང་གིས་གསལ་བཏབ་པའི་དཀྱིལ་འཁོར་ཐམས་ཅད་སངས་རྒྱས་ཀྱི་ཡེ་ཤེས་གང་ལ་གང་འདུལ་དུ་ཤར་བ་ཡིན་སྙམ་པའི་མོས་པ་བྱ། བཟླས་པའི་སྐབས། ཕྲེང་བ་བྱིན་གྱིས་བརླབས་ནས། ཡུམ་གྱི་ཐུགས་ཀའི་ཨོཾ་ཡིག་ལས་སྔགས་ཕྲེང་བོད་ཡིག་དབུ་ཅན་ཕྲེང་བ་ལྟ་བུ་ནར་གྱིས་བྱུང་། ཡབ་ཀྱི་ཞལ་དུ་ཞུགས། ཡབ་ཀྱི་ཐུགས་ཀའི་ཧཱུྃ་ལ་ཐིམ། ཡང་ཧཱུྃ་ལས་སྔགས་ཕྲེང་སྔར་བཞིན་བྱུང་། ཡབ་ཀྱི་གསང་གནས་ནས་ཡུམ་གྱི་གསང་གནས་སུ་ཞུགས། ཡུམ་གྱི་ཐུགས་ཀའི་ཨོཾ་ལ་ཐིམ། ཡང་ཨོཾ་ལས་སྔགས་ཕྲེང་སྔར་བཞིན་བྱུང་ནས་རྒྱུན་མི་འཆད་པར་འཁོར་བར་བསམས་ལ་བཟླ། ཡང་སྔགས་ཕྲེང་ལས་འོད་ཟེར་དཀར་པོ་འཕྲོས། ལུས་ཀྱི་ནང་ཐམས་ཅད་ནད་གདོན་སྡིག་སྒྲིབ་ཐམས་ཅད་ཞི་བར་བསམས་ལ་བཟླ། དེ་བཞིན་འོད་ཟེར་སེར་པོ་འཕྲོས་པས་ཚེ་བསོད་དཔལ་འབྱོར་ཤེས་རབ་ལ་སོགས་པ་རྒྱས་པར་བསམ། འོད་ཟེར་དམར་པོས་སྣོད་བཅུད་ཐམས་

― JKT006_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་དབང་དུ་བསྡུས། འོད་ཟེར་སྔོན་པོས་དགྲ་བགེགས་འབྱུང་པོ་ཐམས་ཅད་ཚར་བཅད། འོད་ཟེར་སྣ་ཚོགས་ཀྱིས་གང་འདོད་པའི་ལས་ཐམས་ཅད་འགྲུབ་པར་བསམས་ལ་བཟླ། ཡང་འོད་ཟེར་དཀར་པོ་ཕྱོགས་བཅུར་འཕྲོས་པའི་རྩེ་ལས་མཆོད་པའི་སྤྲིན་ཕུང་བསམ་གྱིས་མི་ཁྱབ་པ་འཕྲོས། སངས་རྒྱས་ཐམས་ཅད་ལ་མཉེས་པའི་མཆོད་པ་ཕུལ། དེ་དག་གི་བྱིན་རླབས་དང་དངོས་གྲུབ་ཐམས་ཅད་ཚུར་འདུས་རང་ལ་ཐིམ་པར་བསམ། ཡང་འོད་ཟེར་འཕྲོས། སེམས་ཅན་ཐམས་ཅད་ལ་ཕོག་པས་དེ་ཐམས་ཅད་ཀྱི་སྡིག་སྒྲིབ་བག་ཆགས་དང་བཅས་པ་བ་མོ་ལ་ཉི་མའི་ཟེར་གྱིས་ཕོག་པ་ལྟར་སངས་ཀྱིས་དག་པར་བསམས་ལ་བཟླ། ཡང་སྐབས་རེར། འཁོར་འདས་སྣོད་བཅུད་ཐམས་ཅད་དཔལ་ཀྱེ་རྡོ་རྗེའི་དཀྱིལ་འཁོར་གྱི་ལྷ་ཚོགས་མེ་ལོང་ནང་དུ་གཟུགས་བརྙན་ཤར་བ་བཞིན་གསལ་བཏབ་ལ་བཟླ། སྐབས་རེར་རང་དང་སྣོད་བཅུད་ལྷར་གསལ་བ་སོགས་མདོར་ན་སྒྲ་སྐད་ཐམས་ཅད་དཔལ་ཀྱེ་རྡོ་རྗེའི་སྔགས་ཀྱི་སྒྲ་འུར་དིར་གྱིས་སྒྲོག་པར་བསམས་ལ་བཟླ། སྐབས་རེར་རང་སེམས་གསལ་སྟོང་ཟུང་འཇུག་མ་བཅོས་པའི་ངང་དུ་ལྷོད་ཀྱིས་གློད་ལ་བཟླ། མདོར་ན་ཡིད་གཞན་ལ་མ་ཡེངས་པའི་ངང་ནས་བཟླས་པ་བྱ་བ་གལ་ཆེ། ཁ་ཟས་ཟ་བའི་ཚེ། ཨོ་ཨཱཧཱུྃ་གིས་བདུད་རྩིར་བྱིན་གྱིས་བརླབས་ལ་ལུས་དཀྱིལ་གྱི་ལྷ་ཚོགས་མཆོད་པའི་མོས་

― JKT006_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

པས་བཟའ་བཏུང་བྱ། ནུབ་མོ་ཉལ་བའི་ཚེ། དཀྱིལ་འཁོར་རིམ་གྱིས་བསྡུས་ལ་སེམས་མ་བཅོས་པའི་ངང་དུ་གཉིད་དུ་འགྲོ་བར་བྱ། ནངས་པར་ལྡང་བའི་ཚེ། རང་སྐད་ཅིག་གིས་དཔལ་ཀྱེ་རྡོ་རྗེ་གསལ་བའི་ངང་དུ་ལང་། དེ་ནས་མདུན་གྱི་ནམ་མཁར་དབང་ལྷ་སྤྱན་དྲངས་ལ། བུམ་པའི་ཆུས་ཁྲུས་མཛད་པར་མོས་ལ། ཡིག་བརྒྱ་བཟླ་བཞིན་པས་བུམ་ཆུས་ཁ་བཤལ། དེ་ནས་སྐྱབས་འགྲོ་སོགས་ལ་རིམ་པར་འཇུག །དུས་དང་རྣམ་པ་ཐམས་ཅད་དུ་འཁོར་བ་ལ་ངེས་འབྱུང་། བླ་མ་ལ་དད་པ། སེམས་ཅན་ལ་སྙིང་རྗེ། ནམ་འཆི་ཆ་མེད་རྣམས་བསམས་ནས། ཚེ་ཕྱི་མའི་དོན་ཁོ་ནར་ཉམས་ལེན་ལ་རྩེ་གཅིག་ཏུ་འབད་འཚལ། །དེ་ལྟར་གང་དྲན་ཟིན་བྲིས་འདིས་ཀྱང་ལས་དང་པོ་པ་རྣམས་ལ་ཕན་ཐོག་པར་གྱུར་ཅིག །ཅེས་པའང་འཇམ་དབྱངས་མཁྱེན་བརྩེའི་དབང་པོས་སོ།། ༈ །།ཐེག་པའི་སྤྱི་ཆིངས་ཀྱི་འགྲེལ་པ་མཁས་གྲུབ་ཡེ་ཤེས་རྒྱལ་མཚན་གྱིས་མཛད་པ་ལས། བྱ་བའི་རྒྱུད་ཀྱི་དོན་དམ་པའི་ལྟ་བ་ནི། ཕྱི་སྣོད་ཀྱི་འཇིག་རྟེན་ནང་བཅུད་ཀྱི་སེམས་ཅན་སྒྱུ་མ་རྨི་ལམ་ཙམ་དུ་ཆོས་ཅན་དངོས་པོར་སྣང་བ་འདི་རྣམས་དོན་ལ་སེམས་ཉིད་ཡིན་ཅིང་། སེམས་ཉིད་ཀྱང་གདོད་མ་ནས་སྟོང་ཞིང་སྐྱེ་བ་མེད་པ་དོན་དམ་པར་སྤྲོས་པའི་མཐའ་ཡོད་མེད་རྟག་ཆད་བཞི་དང་བྲལ་བ་ལས། ཀུན་རྫོབ་སྒྱུ་མའི་མཚན་ཉིད་དུ་སྣང་བའོ། །གཡུ་

― JKT006_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

ཐང་ལས། རང་སེམས་མཐའ་བཞི་ཡོངས་བྲལ་བས། །རིག་ཕྱིར་ཡེ་ཤེས་གཞན་ན་ཡིན། །ཅེས་སོ། །ཀུན་རྫོབ་ཀྱི་ལྟ་བ་ནི། འཁྲུལ་པའི་རོལ་པ་ཅིར་སྣང་བ་དེ་ཉིད་དེ་བཞིན་གཤེགས་པ་རིགས་གསུམ་མགོན་པོའི་ངོ་བོ་ཉིད་ཡིན་ཏེ། ལྷ་དྲུག་གི་ཆོ་གས་བྱིན་གྱིས་བརླབས་ནས། རིགས་གསུམ་ལྷའི་དཀྱིལ་འཁོར་དུ་སྣང་བར་འདོད་པ། དཔེར་ན་འཇིམ་པ་འདེར་སོ་མ་ཡིན་ཀྱང་། འཇིམ་པ་ལས་གཞན་པའི་འདེར་སོ་མི་འབྱུང་། མཁར་ཆུ་ལུགས་སྐུ་མ་ཡིན་ཀྱང་། མཁར་ཆུ་ལས་གཞན་པའི་སྐུ་མི་འབྱུང་བ་བཞིན། དངོས་པོ་འདི་ལྟར་དུ་སྣང་བ་ཐམས་ཅད་རིགས་གསུམ་མགོན་པོའི་རྒྱུ་མ་ཡིན་ཀྱང་། དེ་ལས་གཞན་པའི་རིགས་གསུམ་མགོན་པོའི་རྒྱུ་མི་འབྱུང་བ་བཞིན་ཡིན་ཏེ། ལ་ཤུན་ལས། མཐོང་བའི་དངོས་པོ་མཐོ་འཇམ་རྩུབ། །དྲུག་བསྐྱེད་རིགས་ཀྱི་དཀྱིལ་འཁོར་དུ། །མཐོང་བ་ཇི་ལྟར་དག་ཅེས་བལྟ། །ཞེས་སོ། །དངོས་པོར་སྣང་བ་འདི་རྣམས་ཀྱང་། རིགས་གསུམ་མགོན་པོའི་སྐུ་མ་ཡིན་ཀྱང་། ལྟ་སྤྱོད་སྒོམ་གསུམ་གྱི་ངོས་ནས་སེམས་དག་པར་བྱས་ནས། མཁར་ཆུ་ལ་སྐུ་སྣང་བ་བཞིན། འཁྲུལ་པ་དག་པ་ཉིད་འཁྲུལ་པའི་ངོ་བོ་ཡེ་ནས་གནས་པར་འདོད་པའོ། །དཔེར་ན་ཆུ་དང་གཤེར་བ་ཇི་ལྟ་བ་བཞིན་ཡིན་ནོ། །ཞེས་གསུངས་སོ།།

མཎྜལ་སོ་བདུན་མའི་ལག་ལེན་དང་རྣམ་གཞག་ཅུང་ཟད་བསྟན་པ།

― JKT006_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

མཎྜལ་སོ་བདུན་མའི་ལག་ལེན་དང་རྣམ་གཞག་ཅུང་ཟད་བསྟན་པ་བཞུགས་སོ། །

― JKT006_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ལ་ཕྱག་འཚལ་ལོ། །མཎྜལ་གྱི་ལག་ལེན་ནི། ཐོག་མར་ཚོགས་ཞིང་གསལ་བཏབ་པའི་མདུན་དུ། སེམས་ཀྱི་རང་བཞིན་དྲི་མ་མེད་པ་མཚོན་ཕྱིར་མཎྜལ་ལེགས་པར་ཕྱིས་ལ། མེ་ཏོག་ཅུང་ཟད་། དང་བཅས་པའི་ལག་པ་གཡོན་པས་བཟུང་། ལག་པ་གཡས་པའི་མཐེབ་མཛུབ་ཀྱིས་མེ་ཏོག་བཟུང་། སོར་མོ་གཞན་རྣམས་བརྐྱངས་པར་དྲི་བཟང་དང་བ་བྱུང་གིས་བྱུགས་ཏེ་མཎྜལ་གྱི་མཐའ་ནས་གཡོན་སྐོར་: དུ་བྱུགས་པའམ། ཡང་ན་སྙིང་རྗེ་བྱང་ཆུབ་སེམས་ཀྱི་རླན་དང་མ་བྲལ་བ་མཚོན་བྱེད་དུ་མཎྜལ་ཆག་ཆག་སྔོན་ནས་བཏབ་ནས་སྲིན་ལག་གིས་མཐའ་བསྐོར་བས་ཕྱིའི་མུ་ཁྱུད་ཀྱི་རྣམ་པ་བགྱིས་ཏེ། ཨོཾ་བཛྲ་བྷུ་མི་ཨཱཧཱུྃ། ཞེས་བརྗོད་པ་ན་མཎྜལ་གྱི་སྟེང་དུ་འབྱུང་བ་རིམ་བརྩེགས་ཀྱི་དཀྱིལ་འཁོར་ཡངས་ཤིང་རྒྱ་ཆེ་བ་དབང་ཆེན་གསེར་གྱི་ས་གཞི་དང་བཅས་པ་ལམ་གྱིས་བྱུང་བར་བསམ། ཨོཾ་བཛྲ་རེ་ཁེ་ཨཱཧཱུཾ། ཞེས་པས་ལྕགས་རི་མུ་ཁྱུད་ཀྱིས་བསྐོར་བའི་དབུས་སུ། ལག་པ་མ་བཏེག་པ་དེ་ཁའི་ཐོག་ནས་གཡས་པའི་མེ་ཏོག་བཞག་སྟེ་ཧཱུྃ་ཞེས་བགེགས་བསལ། སླར་ཡང་དེའི་སྟེང་དུ་ཚོམ་བུ་ཆེ་བ་གཅིག་བཀོད་ལ་རྒྱ་མཚོ་ཆེན་པོའི་དབུས་སུ་རིའི་རྒྱལ་པོ་རི་རབ། ཤར་ཤེལ། ལྷོ་བཻཌཱུརྨ། ནུབ་པདྨ་རཱ་ག །བྱང་གསེར་ལས་གྲུབ་པ། ཤར་དུ་ཚོམ་བུ་བཀོད་ལ་ལུས་འཕགས་པོ་ཆུ་ཤེལ་གྱི་རང་བཞིན་ཟླ་གམ། ལྷོར་ཚོམ་བུ་བཀོད་ལ་

― JKT006_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

འཛམ་བུ་གླིང་བཻཌཱུརྨ་སྔོན་པོ་ལས་གྲུབ་པ་སོག་ཁ། དེ་བཞིན་དུ་ཚོམ་བུ་རེ་རེ་འགོད་པ་དང་སྦྲགས་ནས། ནུབ་ཏུ་བ་ལང་སྤྱོད་པདྨ་རཱ་ག་ལས་གྲུབ་པ་ཟླུམ་པོ། བྱང་དུ་སྒྲ་མི་སྙན་གསེར་ལས་གྲུབ་པ་གྲུ་བཞི། གླིང་རྣམས་ཁ་ཕྱི་རོལ་དུ་གཏད་པའི་དབང་དུ་བགྱིས་ཏེ། ཤར་གྱི་གཡས་སུ་ལུས་དང་། གཡོན་དུ་ལུས་འཕགས། ལྷོའི་གཡས་སུ་རྔ་ཡབ་དང་། གཡོན་དུ་རྔ་ཡབ་གཞན། ནུབ་ཀྱི་གཡས་སུ་གཡོ་ལྡན་དང་། གཡོན་དུ་ལམ་མཆོག་འགྲོ། བྱང་གི་གཡས་སུ་སྒྲ་མི་སྙན་དང་། གཡོན་དུ་སྒྲ་མི་སྙན་གྱི་ཟླ་རྣམས་རང་རང་གི་གླིང་དང་རྒྱུ་དབྱིབས་མཚུངས་པ། ཤར་གླིང་གི་ནང་དུ་རིན་པོ་ཆེའི་རི་བོ་རིན་པོ་ཆེ་སྣ་ཚོགས་ཀྱི་རང་བཞིན་ཅན་རྒྱ་དཔངས་ཚད་མེད་པ། ལྷོ་གླིང་གི་ནང་དུ་དཔག་བསམ་གྱི་ཤིང་གི་སྡོང་པོ་རིན་པོ་ཆེ་སྣ་བདུན་གྱི་རང་བཞིན་ཅན། རྩ་བ་སྡོང་པོ་ཡལ་ག་ལོ་འདབ་མེ་ཏོག་འབྲས་བུ་ཐམས་ཅད་ཕུན་སུམ་ཚོགས་པ་དགོས་འདོད་ཐམས་ཅད་ཡིད་བཞིན་དུ་འབྱུང་བའི་རང་བཞིན་ཅན། ནུབ་གླིང་གི་ནང་དུ་འདོད་འཇོའི་བ་དམར་སེར་གཟུགས་བཟང་ཞིང་ལྟ་ན་སྡུག་པ་འདོད་དགུ་འབད་མེད་དུ་འབྱུང་བ། བྱང་གླིང་གི་ནང་དུ་མ་རྨོས་པའི་ལོ་ཏོག་རོ་བཅུད་ཕུན་སུམ་ཚོགས་པ། རིན་པོ་ཆེའི་རི་བོའི་མདུན་དུ་འཛམ་བུ་ཆུ་བོའི་གསེར་ལས་གྲུབ་པའི་འཁོར་ལོ་རྩིབས་སྟོང་དང་ལྡན་པ་ཉི་མ་གཉིས་ལྟ་བུའི་འོད་ཟེར་འཕྲོ་བ། འདྲེན་

― JKT006_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

པ་པོའི་གང་ཟག་མེད་ཀྱང་རྫུ་འཕྲུལ་གྱི་ཤུགས་ཀྱིས་དཔག་ཚད་འབུམ་ཕྲག་གི་ལམ་ཉིན་གཅིག་ལ་གཅོད་པར་ནུས་པ། དེའི་མཐུའི་ནམ་མཁའི་ལམ་ལས་དཔུང་གི་ཚོགས་ཡན་ལག་བཞི་པ་གླིང་བཞི་དང་སུམ་ཅུ་རྩ་གསུམ་པའི་གནས་སུ་བདེ་བླག་ཏུ་འཁྲིད་པར་ནུས་པ། དཔག་བསམ་གྱི་ཤིང་གི་སྡོང་པོའི་མདུན་དུ་ནོར་བུ་རིན་པོ་ཆེ་བེཟླུརྒྱ་ཟུར་བརྒྱད་པ་དེ་ལས་འཕྲོས་པའི་འོད་ཟེར་གྱིས་དཔག་ཚད་བརྒྱའི་བར་གྱི་ཁོར་ཡུག་ཐམས་ཅད་མཚན་མོའང་ཉིན་མོ་བཞིན་དུ་སྣང་བར་བྱེད་པ། ཚ་བས་གདུད་ན་བསིལ་བ་དང་། ཧ་ཀྱང་བསིལ་ན་དྲོ་བ། གང་དུ་གནས་པའི་ས་ཕྱོགས་དེར་ནད་དང་དུས་མིན་གྱི་འཆི་བ་ཐམས་ཅད་སེལ་ཞིང་། ཡིད་ལ་གང་བསམ་པ་ཕལ་ཆེར་འགྲུབ་པར་འགྱུར་བ། འདོད་འཇོ་བའི་མདུན་དུ་བཙུན་མོ་རིན་པོ་ཆེ་བུད་མེད་ཀྱི་སྐྱོན་ལྔ་དང་བྲལ་ཞིང་། ཡོན་ཏན་བརྒྱད་དང་ལྡན་པ་མཛེས་ཤིང་བལྟ་བས་ཆོག་མི་ཤེས་པ། ལུས་དང་ཁ་ནས་དྲི་ཞིམ་པའི་ངད་འཐུལ་ཞིང་། གང་གིས་རེག་ན་བདེ་བའི་མཆོག་དམ་པ་རྩོལ་བར་ནུས་པ། འདོད་པའི་སྒྱུ་རྩལ་དྲུག་ཅུ་རྩ་བཞི་ལ་མཁས་པ། གང་དུ་གནས་པའི་གླིང་དེར་ཚུ་བཀྲེས་སྐོམ་དང་མྱ་ངན་སེལ་བར་བྱེད་པ། མ་རྨོས་པའི་ལོ་ཏོག་གི་མདུན་དུ་བློན་པོ་རིན་པོ་ཆེ་སའི་བདག་པོའི་ཡིད་ལ་གང་བསམ་རྣམས་མ་སྨྲས་པར་ཤེས་ནས་བསྒྲུབ་པ། གཟུགས་བཟང་ཞིང་སྟོབས་ཆེ་བ་

― JKT006_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

རྩལ་དང་ལྡན་པ། དཔུང་རྣམས་འགྲོ་བ་དང་། གནས་པ་དང་། ལྡོག་པ་ལ་མཁས་པ། དར་དང་རིན་པོ་ཆེས་བརྒྱན་པ། རྔ་ཡབ་གཞན་དང་། ལུས་ཀྱི་བར་གྱི་ཤར་ལྷོ་གླང་པོ་རིན་པོ་ཆེ་ཐལ་དཀར་མཆེ་བ་དྲུག་ལྡན་སྤྱི་གཙུག་དམར་ཞིང་མཐོ་ལ་གདོང་ནོར་བུ་རིན་པོ་ཆེའི་དྲྭ་བས་གཡོགས་པ། གླང་པོ་ཆེ་ཕལ་པ་སྟོང་གི་སྟོབས་དང་ལྡན་པ། དོན་མེད་པར་གཞན་ལ་མི་གནོད་ཅིང་མི་འཁྲུགས་པར་དལ་གྱིས་འགྲོ་ཞིང་། ཕ་རོལ་པོའི་གཡུལ་ལས་རྒྱལ་བར་བྱེད་པ། རྔ་ཡབ་དང་ལམ་མཆོག་འགྲོའི་བར་གྱི་ལྷོ་ནུབ་ཏུ་རྟ་མཆོག་རིན་པོ་ཆེ་ཁ་དོག་སྔོན་པོ་རྨ་བྱའི་མགྲིན་པའི་སྤུ་ལྟར་སྡུག་པ་ནད་མེད་ཅིང་གཟི་བརྗིད་ཆེན་པོ་དང་ལྡན་པ། ཁོ་ལག་ཐམས་ཅད་ཡོངས་སུ་རྫོགས་པ། གལ་ཏེ་བསྒོ་ན་ཉི་མ་གཅིག་ལ་འཛམ་གླིང་ལན་གསུམ་བསྐོར་བར་ནུས་པའི་ཤུགས་འགྲོས་དང་ལྡན་པ། གཡོ་ལྡན་དང་གླིང་ཕྲན་སྒྲ་མི་སྙན་གྱི་བར་གྱི་ནུབ་བྱང་གི་མཚམས་སུ་དམག་དཔོན་རིན་པོ་ཆེ་སྟོབས་དང་ལྡན་པ་གཡུལ་གྱི་བྱ་བ་ལ་མཁས་པ། གོ་ཞུབ་ཀྱིས་སྤྲས་ཤིང་གཟི་བརྗིད་དང་ལྡན་པའམ། རྡོ་རྗེ་རིན་པོ་ཆེ་དང་། མཐོན་ཀ་དང་། མ་རྒད་དང་། གསེར་དང་། དངུལ་དང་། སྨུག་ལ་སོགས་པའི་བང་མཛོད་ནམ་ཡང་འཛད་པ་མེད་པའི་འབྱོར་པ་ཤིན་ཏུ་བརྟན་པ་གཡོ་སྒྱུ་མེད་པ། སྐྱེ་བོ་ཐམས་ཅད་རབ་ཏུ་དགའ་བར་བྱེད་པའི་ཁྱིམ་བདག་རིན་པོ་ཆེ་གདམ་

― JKT006_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཅན་དུ་བཤད་དོ། །སྒྲ་མི་སྙན་གྱི་ཟླ་དང་ལུས་འཕགས་ཀྱི་བར་གྱི་བྱང་ཤར་དུ་དགོས་འདོད་ཐམས་ཅད་འབད་མེད་དུ་སྟེར་བའི་གཏེར་གྱི་བུམ་པ་བཟང་པོ་རྣམས་བསམ། འགའ་ཞིག་གླིང་རྣམས་ཁ་ནང་བསྟན་དུ་བགྱིས་པའི་གཡས་གཡོན་དུ་སྔར་བཤད་པའི་གླིང་ཕྲན་རྣམས་རིམ་པར་འགོད་པར་འདོད་དེ། དེ་ལྟར་ན་ལྷོ་གླིང་རྔ་ཡབ་ཤར་ལྷོར་ཡོད་དགོས་ལ། དེ་ལྟར་ན་སྲིན་པོའི་གླིང་ཡང་ཤར་ལྷོར་ཡོད་དགོས་པས་ཕྱོགས་སྐྱོང་བཅུའི་སྲིན་པོ་ཡང་ཤར་ལྷོར་འབྱུང་དགོས་པ་སོགས་ཆོས་སྤྱི་དང་འགལ་ཅིང་། ལྷག་པར་སིནྡྷ་རྒྱ་མཚོ་མར། ལྷོ་ནུབ་རྔ་ཡབ་གླིང་ཕྲན་སྲིན་པོའི་ཡུལ། །ཅེས་པ་སོགས་ཁུངས་མང་ངོ་། །རྔ་ཡབ་གཞན་ཅེས་པ་སྔར་སྲིན་པོའི་རྒྱལ་པོའི་བུ་ཞིག་གླིང་འདིར་སྤྲུགས་པས་རྔ་ཡབ་གཞན་དུ་ཐོགས་ཤིང་། ལང་དཀར་གཤེགས་པའི་མདོ་ཡང་འདིར་གསུངས་པར་གྲགས། མདོ་ནས་གླིང་སོ་སོའི་ཁ་ཕྱིར་བལྟས་པའི་དབང་དུ་བགྱིས་ནས་མདུན་གང་ཡིན་ལྷོ་དང་། གཡས་གང་ཡིན་ནུབ། རྒྱབ་བྱང་། གཡོན་ཤར་དུ་འབྱུང་བས། དབུས་ཀྱི་རི་རྒྱལ་ལྷུན་པོ་གླིང་བཞི་ཀུན་གྱི་བྱང་ཕྱོགས་སུ་འཇོག་པར་མདོ་ལས་གསུངས་པ་ལྟར་མངོན་པ་ལས་བཤད་དོ། །འཁོར་ལོ་རིན་པོ་ཆེའི་མདུན་དུ་སྒེག་མོ་མ་མཛེས་ཤིང་ལྟ་ན་སྡུག་པ་ལང་ཚོས་ལྷག་པར་སྒེག་པའི་རྣམ་འགྱུར་བསམ་གྱིས་མི་ཁྱབ་པ་སྟོན་ཅིང་འགྱིང་བ། ནོར་བུ་རིན་

― JKT006_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཆེའི་མདུན་དུ་ཕྲེང་བ་མ་ཕྲེང་བ་འཛིན་པ། བཙུན་མོ་རིན་པོ་ཆེའི་མདུན་ན། གླུ་མ་གླུ་ལེན་པ་མ། བློན་པོ་རིན་པོ་ཆེའི་མདུན་དུ་གར་མ་གར་རྩེ་བ། ཤར་ལྷོའི་གླང་པོ་རིན་པོ་ཆེའི་མདུན་དུ་མེ་ཏོག་མ་མེ་ཏོག་འཛིན་པ། ལྷོ་ནུབ་ཀྱི་རྟ་མཆོག་རིན་པོ་ཆེའི་མདུན་དུ་བདུག་སྤོས་མ་བདུག་སྤོས་འཛིན་པ། ནུབ་བྱང་གི་དམག་དཔོན་རིན་པོ་ཆེའི་མདུན་དུ་སྣང་གསལ་མ་མར་མེ་འཛིན་པ། བྱང་ཤར་གྱི་གཏེར་ཆེན་པོའི་བུམ་པའི་མདུན་དུ་དྲི་ཆབ་མ་དྲི་ཆབ་འཛིན་པ། སྒེག་མོ་མའི་མདུན་གྱི་སྟེང་གི་ནམ་མཁར་ཉི་མའི་དཀྱིལ་འཁོར་མེ་ཤེལ་ལས་གྲུབ་པ་དང་། གླུ་མའི་མདུན་གྱི་སྟེང་གི་ནམ་མཁར་ཟླ་བའི་དཀྱིལ་འཁོར་ཆུ་ཤེལ་ལས་གྲུབ་པ། གར་མའི་མདུན་དུ་རིན་པོ་ཆེའི་གདུགས་དཀར་གསེར་གྱི་ཡུ་བ་ཅན་དང་། ཕྲེང་བ་མའི་མདུན་གྱི་སྟེང་གི་ནམ་མཁར་ཕྱོགས་ལས་རྣམ་པར་རྒྱལ་བའི་རྒྱལ་མཚན་དང་། དེ་དག་གི་དབུས་དང་། བར་ཀ མཚམས་རྣམས་སུ་ལྷ་མིའི་འབྱོར་པ་ཕུན་སུམ་ཚོགས་པ་མ་ཚང་བ་མེད་པས་ཕྱུར་བུར་བཀང་སྟེ་གཏམས་པ་རྣམས་སོ། །ཞེས་པའང་མཉྫགྷོ་ཥས་སོ།། །།སརྦ་དཱ་ཀ་ལྱཱ་ཎཾ་བྷ་བ་ཏུ།། །།

བདེན་བཞི་དང་རྟེན་འབྲེལ་གྱི་རྣམ་གཞག་ཚིག་གི་ས་བོན།

― JKT006_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་བཞི་དང་རྟེན་འབྲེལ་གྱི་རྣམ་གཞག་ཚིག་གི་ས་བོན་ཞེས་བྱ་བ་བཞུགས་སོ། །

― JKT006_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་འབྱུང་སྡུག་བསྔལ་རྒྱུ་འབྲས་ཀུན། །ལམ་བདེན་བདུད་རྩིས་སྤངས་པ་ལས། །འགོགས་པ་འཆི་མེད་གྲུབ་པའི་དཔྱིད། །སྟོན་པ་མཆོག་དེས་དགེ་ལེགས་མཛོད། །འདི་ལ་གསུམ་སྟེ། བདེན་བཞི་དང་རྟེན་འབྲེལ་གྱི་རྣམ་གཞག །འཆི་འཕོ་ཇི་ལྟར་བྱེད་པའི་རིམ་པའོ། །དང་པོ་ལའང་། གྲངས་ངེས། གོ་རིམ༑ ངོ་བོའི་ཁྱད་པར། རྒྱུད་གང་ལ་ཡོད་མེད། རྣམ་པ་སྒྲུབ་ཚུལ། སྒྲ་དོན། དགོས་པའོ། །དང་པོ་ནི། ཐར་འདོད་ཀྱི་སྐྱེས་བུས་གཏན་ལ་དབབ་བྱ་དང་། འཇུག་ལྡོག་གི་གཙོ་བོ་ལ་བདེན་པ་བཞིར་གྲངས་ངེས་ཏེ། འཁོར་བར་འཇུག་པའི་རྒྱུ་ཀུན་འབྱུང་། འབྲས་བུ་སྡུག་བདེན། ལྡོག་པའི་རྒྱུ་ལམ་བདེན་དང་། བྲལ་

― JKT006_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་འགོག་བདེན་གཉིས་སུ་ངེས་པའི་ཕྱིར། གཉིས་པ་ནི། བཅོམ་ལྡན་འདས་ཀྱིས་མདོ་སྡེ་དུ་མར་བདེན་བཞི་སྟོན་པའི་གོ་རིམ་གཉིས་སུ་གསུངས་ཏེ། །དེ་ཡང་རྒྱུ་འབྲས་དོན་གྱི་རིམ་པའི་དབང་དུ་བྱས་ན། དང་པོར་ཀུན་འབྱུང་། དེ་ནས་ལམ། སྡུག་བསྔལ། འགོག་བདེན་བསྟན་ལ། མངོན་རྟོགས་སྐྱེ་བའི་རིམ་པའི་དབང་དུ་བྱས་ན། སྡུག་ཀུན་འགོགས་ལམ་གྱི་བདེན་པ་བཞི་རིམ་ཅན་དུ་བསྟན་པའི་ཕྱིར། སྐབས་འདིར་ཕྱི་མའི་དབང་དུ་བྱས་ཏེ་བཤད་ན། རིམ་པ་དེ་ལྟར་བསྟན་པ་ལ་དགོས་པ་ཡོད་དེ། བདེན་བཞིའི་བླང་དོར་ལ་འཇུག་པའི་ཚེ། ཐོག་མར་རང་གཞན་རྣམས་སྐྱེ་རྒ་ན་འཆི་སོགས་འཁོར་བའི་སྡུག་བསྔལ་གྱིས་གཟིར་ཚུལ་ཤེས་

― JKT006_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

པས་དེ་སྤང་འདོད་ཀྱི་བློ་བསྐྱེད་དགོས་པའི་ཕྱིར་སྡུག་བདེན་དུས་དང་པོར་བསྟན། དེ་ནས་དེ་གང་ལས་བྱུང་ན་ཆགས་སོགས་ཉོན་མོངས་ཀྱི་ལས་ཀྱི་ཀུན་འབྱུང་ལས་བྱུང་བར་ཤེས་ནས་དེ་སྤང་འདོད་བསྐྱེད་དགོས་པས་ཀུན་འབྱུང་། དེ་རྗེས་སྡུག་ཀུན་གཉིས་སྤངས་པའི་འགོག་བདེན་ཐར་པ་ལ་ཐོབ་འདོད་ཀྱི་བློ་བསྐྱེད་དགོས་པས་འགོགས་བདེན། དེ་ནས་ཐར་པ་དེ་ཐོབ་པའི་ཐབས་བདག་མེད་མངོན་སུམ་དུ་རྟོགས་པའི་ཤེས་རབ་སོགས་ལམ་བདེན་རང་རྒྱུད་ལ་བསྟེན་དགོས་པས་ལམ་བདེན་དུས་བཞི་པར་བསྟན་པ་སྟེ། དེ་ཡང་དཔེར་ན། དང་པོ་རང་ཅག་ལྟ་བུ་ནད་ཀྱིས་གདུངས་པའི་སྡུག་བསྔལ་དེ་ཤེས་དགོས། དེ་ཤེས་ན་དེའི་རྒྱུ་སྤང་འདོད་སྐྱེ་ལ། དེ་སྐྱེས་ན་ནད་ཀྱི་སྡུག་བསྔལ་དེ་དང་བྲལ་བའི་བདེ་བ་ཐོབ་འདོད་སྐྱེ་ཞིང་། དེའི་ཆེད་དུ་སྨན་བསྟེན་པ་ལ་འཇུག་པ་བཞིན་ཡིན་པའི་ཕྱིར་ཏེ༑ རྗེ་བཙུན་བྱམས་པས། ནད་ནི་ཤེས་བྱ་ནད་ཀྱི་རྒྱུ་ནི་སྤང་བྱ་ལ། །བདེར་གནས་ཐོབ་བྱ་སྨན་ནི་བསྟེན་པར་བྱ་བ་ལྟར། །སྡུག་བསྔལ་རྒྱུ་དང་དེ་འགོག་པ་དང་དེ་བཞིན་ལམ། །ཤེས་བྱ་སྤང་བྱ་རིག་པར་བྱ་ཞིང་བསྟེན་པར་བྱ། །ཞེས་གསུངས་པའི་ཕྱིར་རོ། །རྒྱུ་འབྲས་དོན་གྱི་རིམ་པའི་དབང་དུ་བྱས་ན། ཉོན་མོངས་ཕྱོགས་ཀྱིས་ཀུན་འབྱུང་ལས་སྡུག་བདེན་འབྱུང་། རྣམ་བྱང་གི་ཕྱོགས་ཀྱི་

― JKT006_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་བདེན་ལས་འགོགས་བདེན་ཐོབ་པར་འགྱུར་རོ། །གསུམ་པ་ནི། མཚན་གཞི་ལ་མི་མཐུན་པ་ཆེར་མེད་ཀྱང་། མཚན་ཉིད་བཞེད་ཚུལ་མི་འདྲ་བ་མང་ནའང་། འདིར་གོ་བ་གཙོ་བོར་བྱས་ན། རང་གི་རྒྱུར་གྱུར་པའི་ཀུན་འབྱུང་བདེན་པས་ལག་རྗེས་བཞག་པའི་ཉེར་ལེན་གྱི་ཕུང་པོ་དེ་སྡུག་བདེན་གྱི་མཚན་ཉིད། དེ་ལ་ངོ་བོའི་སྒོ་ནས་དབྱེ་ན། ལུས་ལ་ཚོར་བ་དྲག་པོས་གཟིར་བའི་གནད་གཅོད་ཀྱི་སྡུག་བསྔལ་ལྟ་བུ་སྡུག་བསྔལ་གྱི་སྡུག་བསྔལ། ཟས་བཟང་པོའི་རོ་ལ་སྲེད་ནས་ཚོར་བ་ཉམས་སུ་བདེ་བ་ལྟ་བུ་འགྱུར་བའི་སྡུག་བསྔལ། ལས་ཉོན་གྱི་ལག་རྗེས་བཞག་པའི་ཕུང་པོ་ལྔ་ལྟ་བུ་ཁྱབ་པ་འདུ་བྱེད་ཀྱི་སྡུག་བསྔལ་གསུམ་དང་། གཞན་ཡང་འདོད་ཁམས་ཀྱི་གནས་འདི་ལྟ་བུ་དང་མ་དག་པའི་སྣོད་ཀྱི་འཇིག་རྟེན་དང་། རང་ཅག་ལྟ་བུའི་སོ་སྐྱེས་མ་དག་པའི་བཅུད་ཀྱི་སེམས་ཅན་གཉིས༑ གཞན་ཡང་དམྱལ་བའི་ལྕགས་བསྲེགས་ཀྱི་ས་གཞི་ལྟ་བུ༢། ཉེར་༡ལེན་གྱི་ཕུང་པོ་ལྔ་ལྟ་༢བུ། དེར་གྱུར་པའི་རྣམ་སྨིན་གྱི་འབྲས་བུ་༡དང་། བདག་པོའི་འབྲས་༢བུ་པ། ཡང་མྱོང་ཚུལ་གྱིས་དབྱེ་ན། སྐྱེ་རྒ་ན་འཆིའི་སྡུག་བསྔལ་དང་། དགྲ་སྡང་བ་དང་འཕྲད་ཀྱིས་དོགས་པའི། གཉེན་སྡུག་པ་དང་བྲལ་གྱིས་དོགས་པའི། འདོད་པ་བཙལ་ཀྱང་མི་རྙེད་པའི། གནས་ངན་ལེན་གྱི་སྡུག་

― JKT006_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔལ་དང་བརྒྱད་ཡོད། རང་འབྲས་སྡུག་བསྔལ་བདེན་པ་སྐྱེད་བྱེད་ཀྱི་རིགས་སུ་གནས་པའི་ཉེར་ལེན་གྱི་ཕུང་པོ་དེ་ཀུན་འབྱུང་བདེན་པའི་མཚན་ཉིད། དབྱེ་ན་ཉོན་མོངས་དང་། ལས་དང་། དེ་ལས་གཞན་པའི་ཀུན་འབྱུང་གསུམ། དང་པོ་ནི། དེར་གྱུར་པའི་རྩ་ཉོན་དྲུག་འདོད་ཁྲོ་ང་རྒྱལ་མ་རིག་ཐེ་ཚོམ་ལྟ་བ་དང་། ཉེ་ཉོན་ཉི་ཤུའོ། །གཉིས་པ་ནི། འདོད་པའི་བདེ་འགྲོར་འཕེན་བྱེད་སྲོག་གཅོད་སྤངས་པའི་ལས་དང་། སྦྱིན་པ་བྱིན་པའི་ཟག་བཅས་ཀྱི་ལས་ལྟ་བུ། དེར་གྱུར་པའི་བསོད་ནམས་ཀྱི། ངན་འགྲོར་འཕེན་བྱེད། །སྲོག་གཅོད་དང་མ་བྱིན་ལེན་ལྟ་བུ་བསོད་ནམས་མ་ཡིན་པའི། །གཟུགས་དང་གཟུགས་མེད་ཀྱི་ལྷར་སྐྱེ་བ་འཕེན་བྱེད་ཀྱི་ལས་བསམ་གཏན་བཞི་དང་གཟུགས་མེད་བཞི་བསྒོམ་པ་ལྟ་བུ་མི་གཡོ་བའི་ལས་ཏེ་གསུམ་མོ། །གསུམ་པ་ནི། ཉོན་མོངས་དང་ལས་ཀྱི་ཀུན་འབྱུང་མཚུངས་ལྡན་དུ་གྱུར་པའི་གཙོ་སེམས་ལྟ་བུའོ། །ཡང་ལས་ཀྱི་ཀུན་འབྱུང་ལ་དབྱེ་ན། དེར་གྱུར་པའི་སྒོ་གསུམ་གྱི་ལས་དང་། ལུང་མ་བསྟན་གྱི་ལས་རྣམས་སུ་ཡོད། རང་ཐོབ་བྱེད་ཀྱི་ཐབས་སུ་གྱུར་པའི་ལམ་བདེན་གྱི་བྲལ་བའི་འབྲས་བུར་གྱུར་པའི་སོ་སོར་བརྟགས་འགོག་འགོག་བདེན་གྱི་མཚན་ཉིད་དེ་ལ་སྒྲས་བརྗོད་རིགས་ཀྱི་སྒོ་ནས་དབྱེ་ན། སོ་སོར་བརྟགས་མིན་གྱི་འགོག་པའམ། །

― JKT006_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

བརྡར་བརྟགས་པའི་འགོག་པ། དོན་དམ་པའི་འགོག་པ། དེ་བཞིན་དུ་རྒྱན་བཅས་རྒྱན་མེད། ལྷག་བཅས་ལྷག་མེད། ཡོངས་སུ་རྫོགས་པ། ཡོངས་སུ་མ་རྫོགས་པའི་འགོག་པ་རྣམས་སུ་ཡོད་༑ དང་པོ་ནི། སྦྱོར་ལམ་རྩེ་མོ་པའི་རྒྱུད་ཀྱི་ཁོང་ཁྲོས་དགེ་རྩ་གཅོད་པ་སྤངས་པའི་ཆ་དང་། སྦྱོར་ལམ་བཟོད་པ་ནས་ངན་འགྲོར་སྐྱེ་བ་སྤངས་པའི་ཆ་དང་། སོ་སྐྱེའི་རྒྱུད་ཀྱི་འདོད་པའི་ཉོན་མོངས་མངོན་གྱུར་པ་ལ་རེ་ཞིག་ཆགས་པ་དང་བྲལ་བའི་ཆ་དང་། དམན་ལམ་སྔོན་དུ་མ་སོང་བའི་ཐེག་ཆེན་མཐོང་ལམ་བར་ཆད་མེད་ལམ་པའི་རྒྱུད་ཀྱི་བདེན་འཛིན་ཀུན་བརྟགས་འགོག་པའི་ཆ་ལྟ་བུའོ། །གཉིས་པ་དང་འགོག་བདེན་དོན་གཅིག །གསུམ་པ་ནི། མངོན་ཤེས་དྲུག་ཐོབ་པའི་དགྲ་བཅོམ་གྱི་རྒྱུད་ཀྱི་འགོག་བདེན་ལྟ་བུ། བཞི་པ་ནི། མངོན་ཤེས་མ་ཐོབ་པའི་གང་ཟག་གི་རྒྱུད་ཀྱི་འགོག་བདེན་ལྟ་བུ། ལྔ་པ་དང་དྲུག་པ་ནི་ཉེར་ལེན་གྱི་ཕུང་པོ་དང་བཅས་མ་བཅས་སམ། ཐལ་འགྱུར་བ་ལྟར་ན་བདེན་སྣང་གི་ལྷག་མ་དང་བཅས་མ་བཅས་ཀྱི་མྱང་འདས་གཉིས། བདུན་པ་ནི་སློབ་པ་དང་། །བརྒྱད་པ་མི་སློབ་པའི་རྒྱུད་ཀྱི་འགོག་བདེན་ནོ། །རང་གི་བྲལ་འབྲས་སུ་གྱུར་པའི་འགོག་བདེན་གྱི་བྲལ་རྒྱུ་བྱེད་པའི་རིགས་སུ་གནས་པའི་འཕགས་རྒྱུད་ཀྱི་མཁྱེན་པ་ལམ་བདེན་གྱི་མཚན་ཉིད། དེ་ལ་

― JKT006_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་བརྟགས་མ་ཕྱེ་བར་དབྱེ་ན། ཚོགས་ལམ་སོགས་ལྔ། ངོ་བོའི་སྒོ་ནས་ཐེག་གསུམ་འཕགས་རྒྱུད་ཀྱི་ལམ་བདེན་གསུམ་དུ་དབྱེའོ། །འགོག་ལམ་གཉིས་ཇི་ལྟར་ཐོབ་ཚུལ་ནི། རང་གི་ངོ་སྐལ་གྱི་སྤང་བྱ་ཀུན་བརྟགས་དང་ལྷན་སྐྱེས་གང་དངོས་སུ་སྤོང་བའི་གཉེན་པོ་བྱེད་པའི་འཕགས་པའི་ཡེ་ཤེས་ཀུན་གྱིས་ཀྱང་རང་གིས་དངོས་སུ་འཐོབ་པར་འགྱུར་བའི་འགོག་བདེན་རྣམས་ཀྱི་བྲལ་རྒྱུ་བྱས་ནས། །ནམ་ཡེ་ཤེས་དེ་དག་གིས་རང་རང་གིས་སྤང་བྱ་དེ་རྣམས་དངོས་སུ་སྤངས་པ་དེའི་ཚེ། སྤང་བྱ་དེ་ཤེས་རྒྱུད་ཀྱི་སྟེང་དུ་སླར་མི་སྐྱེ་བའི་ཚུལ་གྱིས་སྤངས་པའི་ཚེ་ཐོབ་པར་འགྱུར་བས། དེ་ལ་ནི་འགོག་བདེན་ཞེས་བྱ་ཞིང་། དེ་དང་མཉམ་པའི་རྣམ་གྲོལ་རྣམས་ཀྱང་འགོག་བདེན་གྱི་བྲལ་རྒྱུ་བྱེད་པའི་རིགས་སུ་གནས་པའི་ལམ་བདེན་དུ་འཇོག་པ་ཡིན་ནོ། །བཞི་པ་ནི། སྡུག་ཀུན་གཉིས་སོ་སྐྱེའི་རྒྱུད་ལ་ཡོད་པ་གཙོ་ཆེ་ཞིང་། འགོག་ལམ་གཉིས་འཕགས་རྒྱུད་ཁོ་ན་ལ་ཡོད། མ་དག་པའི་ཞིང་སྡུག་བདེན་ཡིན་ཀྱང་དག་པའི་ཞིང་མིན་པར་གསུངས་པས། བདེ་བ་ཅན་དང་དེའི་སོ་སྐྱེ་རྣམས་ནི་སྡུག་བདེན་མིན་ལ། དེ་ལས་གཞན་པའི་སོ་སྐྱེ་རྣམས་དང་། དེའི་ཉེར་ལེན་ཕུང་པོ་དང་དེ་དག་གི་རྒྱུད་ཀྱི་ལས་ཉོན་རྣམས་ནི་སྡུག་ཀུན་ཅི་རིགས་སུ་ངེས། ཐེག་དམན་འཕགས་པའི་རྒྱུད་ལ་ཉེར་ལེན་གྱི་ཕུང་པོ་

― JKT006_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་པས། སྡུག་བདེན་དང་ལས་ཀྱི་ཀུན་འབྱུང་གཉིས་ཀ་ཡོད་ཀྱང་། ཐེག་ཆེན་འཕགས་རྒྱུད་ལ་སྡུག་ཀུན་གཉིས་ཀ་མེད་པས་དེའི་རྒྱུད་ཀྱི་ལས་དང་ཉོན་མོངས་རྣམས་དང་ཀུན་འབྱུང་མིན་ནོ༑ །འདུ་བྱེད་ཀྱི་སྡུག་བསྔལ་ཁམས་གསུམ་ཀར་ཡོད། གཞན་གཉིས་འདོད་ཁམས་མ་གཏོགས་མེད་དོ། །ལྔ་པ་ནི། བདེན་བཞིའི་རྣམ་པ་མི་རྟག་ལ་སོགས་བཅུ་དྲུག་ཡོད་པ་ལས། སྡུག་བསྔལ་གྱི་བདེན་པའི་རྣམ་པ་མི་རྟག་སྡུག་བསྔལ་སྟོང་པ་བདག་མེད་བཞི་སྟེ། ཉེར་ལེན་གྱི་ཕུང་པོ་ཆོས་ཅན། མི་རྟག་པའི་རྣམ་པ་ཡིན་ཏེ། རེས་འགའ་སྐྱེ་བའི་ཕྱིར། སྡུག་བསྔལ་བ་ཡིན་ཏེ། ལས་ཉོན་གྱི་གཞན་དབང་ཅན་ཡིན་པའི་ཕྱིར། དོན་གཞན་གྱིས་སྟོང་སྟེ། དབང་སྒྱུར་བ་པོའི་བདག་པོའི་དོན་གཞན་གྱིས་སྟོང་པའི་ཕྱིར། བདག་མེད་པའི་རྣམ་པ་ཡིན་ཏེ། རང་དབང་བའི་བདག་མ་གྲུབ་པའི་ཕྱིར༑ དེ་ལྟར་དྲན་ཅིང་བསྒོམས་པས་རིམ་བཞིན་ཉེར་ལེན་གྱི་ཕུང་པོ་ལ་རྟག །བདེ། གཙང་བ། བདག་ཏུ་འཛིན་པའི་ཕྱིན་ཅི་ལོག་བཞི་སྤོང་བར་བྱེད་དོ། །ཀུན་འབྱུང་བདེན་པའི་རྣམ་པར་རྒྱུ་ཀུན་འབྱུང་རབ་སྐྱེ་རྐྱེན་བཞི་སྟེ། ཟག་བཅས་ཀྱི་ལས་ཉོན་གཉིས་ཆོས་ཅན། རྒྱུའི་རྣམ་པ་ཡིན་ཏེ། རང་འབྲས་སྡུག་བསྔལ་གྱི་རྩ་བ་ཡིན་པའི་ཕྱིར། ཀུན་འབྱུང་བ༔ རང་འབྲས་སྡུག་བསྔལ་ཀུན་ཡང་

― JKT006_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

ཡང་བསྐྱེད་པའི་ཕྱིར། རབ་སྐྱེ༔ སྡུག་བསྔལ་དེ་ཤུགས་དྲག་ཏུ་བསྐྱེད་པའི་ཕྱིར། རྐྱེན་གྱི་རྣམ་པ༔ རང་འབྲས་སྡུག་བསྔལ་གྱི་ལྷན་ཅིག་བྱེད་རྐྱེན་ཡིན་པའི་ཕྱིར། དེ་ལྟར་བསྒོམས་པས་རིམ་བཞིན་སྡུག་བསྔལ་རྒྱུ་མེད་དུ། དེ་རྒྱུ་གཅིག་ཁོ་ནས་བྱས་པར། དེ་དབང་ཕྱུག་སོགས་ཀྱིས་བྱས་པར། དེ་རང་བཞིན་གྱིས་རྟག་ལ་གནས་སྐབས་འགྱུར་བར་འཛིན་པའི་རྟོག་པ་རྣམས་སྤོང་བར་བྱེད། འགོག་བདེན་གྱི་རྣམ་པ་ལ་འགོག་ཞི་གྱ་ནོམ་ངེས་འབྱུང་བཞི་སྟེ། སྡུག་ཀུན་གཏན་ནས་སྤངས་པའི་བྲལ་བ་ཆོས་ཅན། འགོག་པའི་རྣམ་པ་ཡིན་ཏེ། སྡུག་བསྔལ་སྤངས་པའི་བྲལ་བ་ཡིན་པའི་ཕྱིར། ཞི་བ༔ ཉོན་མོངས་སྤངས་པའི་བྲལ་བ་ཡིན་པའི༴ གྱ་ནོམ་པ་ཡིན་ཏེ། ཕན་བདེའི་དངོས་པོར་གྱུར་པའི་ཐར་པ་ཡིན་པའི༴ ངེས་འབྱུང་༔ སླར་མི་ལྡོག་པའི་ཐར་པ༴ དེ་ལྟར་བསྒོམས་པས་རིམ་བཞིན། །ཐར་པ་ཡེ་མེད་དུ། ཟག་བཅས་ཀྱི་ཁྱད་པར་འགའ་ཞིག་ཐར་པར། སྡུག་བསྔལ་གྱི་རང་བཞིན་འགའ་ཞིག་ཐར་པར། ཐར་པ་ཡོད་ཀྱང་སླར་ལྡོག་པར་འཛིན་པའི་རྟོག་པ་རྣམས་སྤོང་བར་བྱེད། ལམ་བདེན་གྱི་རྣམ་པ་ལ་ལམ་སྒྲུབ་པ་རིག་པ་ངེས་འབྱིན་བཞི་སྟེ། བདག་མེད་ཀྱི་དོན་མངོན་སུམ་དུ་རྟོགས་པའི་ཡེ་ཤེས་ཆོས་ཅན། ལམ་གྱི་རྣམ་པ་ཡིན་ཏེ། ཐར་པར་བགྲོད་བྱེད་ཀྱི་ལམ་དངོས་སམ་དེར་

― JKT006_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོགས་ཀྱི་ལམ་ཡིན་པའི་ཕྱིར། སྒྲུབ་པ་ཡིན་ཏེ། བདག་མེད་ཅི་རིགས་མངོན་སུམ་དུ་རྟོགས་པའི་ཡེ་ཤེས༔ རིག་པ་ཉོན་མོངས་ཀྱི་གཉེན་པོ་བྱེད་པའི༴ ངེས་འབྱིན་གྱི་རྣམ་པ༴ སྡུག་བསྔལ་སླར་མི་ལྡོག་པར་བྱེད་པའི་ཡེ་ཤེས་ཡིན་པའི་ཕྱིར། དེ་ལྟར་བསྒོམས་པས་རིམ་བཞིན་ཐར་ལམ་ཡེ་མེད་དུ་འཛིན་པ། བསམ་གཏན་གྱི་ངོ་བོ་འགའ་ཞིག་ཐར་ལམ་དུ། ཟག་བཅས་ཀྱི་ཁྱད་པར་འགའ་ཞིག་ཐར་ལམ་དུ། སྡུག་བསྔལ་གཏན་ཟད་པའི་ཐར་ལམ་མེད་པར་འཛིན་པའི་རྟོག་པ་རྣམས་སྤོང་བར་བྱེད་དོ། །དྲུག་པ་ནི། བཞི་པོ་དེ་དག་ལ་འཕགས་པའི་བདེན་པ་ཞེས་བརྗོད་པའི་རྒྱུ་མཚན་ཡོད་དེ། དེ་རྣམས་འཕགས་པ་རྣམས་ཀྱིས་གཟིགས་པ་ལྟར་བདེན་ཅིང་། བྱིས་པ་སོ་སྐྱེས་བཟུང་བ་ལྟར་མི་བདེན་པའི་རྒྱུ་མཚན་གྱིས་དེ་ལྟར་བརྗོད་པའི་ཕྱིར། བདུན་པ་ནི། བདེན་བཞིའི་རྣམ་གཞག་ནི་ཐེག་པ་ཆེ་ཆུང་ཀུན་ཏུ་ལན་དུ་མར་གསུངས་ཤིང་། འཁོར་བར་འཇུག་ལྡོག་གི་གནད་རྣམས་ཐམས་ཅད་མཁྱེན་པས་བསྡུས་པ་ཡིན་པས་རྣམ་གྲོལ་བསྒྲུབ་པ་ལ་ཤིན་ཏུ་གལ་ཆེ་ཞིང་། །ཉམས་ལེན་གྱི་འགགས་སྡོམ་ཡང་ཆེ་བས་རིམ་པ་དེ་ལྟར་དུ་སློབ་དགོས་པའི་ཕྱིར་དགོས་པ་ཤིན་ཏུ་ཆེ་པར་གྲུབ་བོ། །གཉིས་པ་རྟེན་འབྲེལ་བཅུ་གཉིས་ཀྱི་རྣམ་གཞག་བཤད་པ་ལ་བདུན། སྤྱིའི་མཚན་

― JKT006_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད། སོ་སོའི་དབྱེ་བ། བསྡུ་བ། བྱེད་ལས་ཚེ་དུ་ལ་རྫོགས། བསྒོམ་ཚུལ། བསྒོམས་པའི་ཕན་ཡོན་ནོ། །དང་པོ་ནི། སཱ་ལུ་ལྗང་པའི་མདོ་ལས་བསྟན་དོན་རྟེན་འབྲེལ་མདོ་འགྲེལ་སོགས་ལས་རྒྱས་པར་བཤད་པ་ལྟར། དེ་དག་གི་དངོས་བསྟན་ནི་འདུས་བྱས་རྟེན་འབྲེལ་གྱི་དབང་དུ་བྱས་ལ། སྤྱིར་ལྟོས་ནས་གྲུབ་པ་རྟེན་འབྲེལ་གྱི་མཚན་ཉིད། རང་གི་རྒྱུ་རྐྱེན་ལ་ལྟོས་ནས་གྲུབ་པ། འདུས་བྱས་རྟེན་འབྲེལ་གྱི་མཚན་ཉིད་དོ། །གཉིས་པ་ནི། མ་རིག་པ་ནས་རྒ་ཤིའི་བར་དུ་བཅུ་གཉིས་ཏེ། དང་པོ་མ་རིག་པ་ལ། སྤྱིར་ལས་འབྲས་དང་། དེ་ཁོ་ན་ཉིད་ལ་རྨོངས་པའི་མ་རིག་པ་གཉིས་སུ་ཡོད་ལ། སྔ་མས་ནི་ངན་འགྲོ་དང་། ཕྱི་མས་ནི་བདེ་འགྲོ་ངན་འགྲོ་གཉིས་ཀར་འཕེན་པའི་ལས་གསོག །དེ་ཁོ་ན་ཉིད་ལ་རྨོངས་པའི་མ་རིག་པ་ནི། ཐལ་རང་གཉིས་ཀས་བདེན་འཛིན་ཐམས་ཅད་ལ་བྱེད་ཀྱང་ཐལ་འགྱུར་བས་བདེན་འཛིན་ཡིན་ན་མ་རིག་པས་ཁྱབ་ཅེས་བཞེད་པ་དང་། རང་རྒྱུད་པས་ནི་དེ་ལྟར་མི་བཞེད། རང་རྒྱུད་པ་མན་ཆད་ཀྱི་རང་སྡེ་ལྟར་ན། གང་ཟག་རང་རྐྱ་ཐུབ་པའི་རྫས་ཡོད་དུ་འཛིན་པའི་རྟོག་པ་རྣམས་ནི། མ་རིག་པ་ཡིན་པས་ཐལ་རང་གཉིས་ཀྱི་ལུགས་ལ་འཁོར་བའི་རྩ་བ་ངོས་འཛིན་ཚུལ་མི་འདྲའོ། །གང་ལྟར་ནའང་རང་རང་ལུགས་ཀྱི་བདག་མེད་པའི་དེ་ཁོ་ན་ཉིད་

― JKT006_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་དོན་ལ་རྨོངས་པའི་སོ་སྐྱེའི་རྒྱུད་ཀྱི་དེ་འདྲའི་མ་རིག་པ་དེ་འཁོར་བའི་རྩ་བ་ཡིན་པར་བཞེད་པ་ནི་འདྲའོ། །དེས་ན་ཡན་ལག་བཅུ་གཉིས་ཀྱི་ཐོག་མའི་མ་རིག་པ་དང་བདག་མེད་པའི་དེ་ཁོ་ན་ཉིད་ལ་རྨོངས་པའི་མ་རིག་པ་སྟེ། འདི་ལ་ཀུན་བརྟགས་དང་ལྷན་སྐྱེས་གཉིས་ཀ་ཡོད་པར་བཤད་ཀྱང་། འཕགས་པའི་རྒྱུད་ལ་ནི། ཡན་ལག་བཅུ་གཉིས་ཀྱི་ཐོག་མར་གྱུར་པའི་མ་རིག་པ་མེད་དོ། །མཁས་པ་ཕལ་ཆེར་འདུ་བྱེད་ཀྱི་ལས་ཀྱི་རྒྱུའི་ཀུན་སློང་གི་མ་རིག་པ་ལ་ནི་ལས་འབྲས་ལ་རྨོངས་པའི་མ་རིག་པ་མི་སྲིད་ཅེས་བཞེད་སྣང་ཡང་། དུས་ཀྱི་ཀུན་སློང་ལ་ནི་དེ་ཡོད་དོ། །གཉིས་པ་འདུ་བྱེད་ནི་ལས་ཡིན་ལ། དེ་ལའང་བསོད་ནམས་མ་ཡིན་པ། བསོད་ནམས། མི་གཡོ་བའི་ལས་ཏེ་གསུམ་མོ། །གསུམ་པ་རྣམ་ཤེས་ནི། མདོ་ལས། ཚོགས་དྲུག་ཏུ་གསུངས་ཀྱང་འདིར་གཙོ་བོའི་དབང་དུ་བྱས་ན་ཡིད་ཤེས་ཏེ། དེ་ལ་དགེ་མི་དགེའི་ལས་བསགས་པའི་བག་ཆགས་བསྒོས་པའི་ཚེ་འདིའི་རྣམ་ཤེས་ནི་རྒྱུ་དུས་ཀྱི་རྣམ་ཤེས་ཡིན་ལ། ཕྱི་མར་སྐྱེ་གནས་སུ་ཉིང་མཚམས་སྦྱར་བ་ན་འབྲས་དུས་ཀྱི་རྣམ་ཤེས་སུ་འགྱུར་བས། གཉིས་ཀ་ལ་རྣམ་ཤེས་ཀྱི་རྟེན་འབྲེལ་ཞེས་གཅིག་ཏུ་བགྲང་བའོ། །བཞི་པ་མིང་གཟུགས་ཀྱི་མིང་ནི། ཚོར་བ་འདུ་ཤེས་འདུ་བྱེད་རྣམ་ཤེས་ཏེ་གཟུགས་ཅན་མ་ཡིན་པའི་མིང་

― JKT006_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

གཞིའི་ཕུང་པོ་དང་། གཟུགས་ནི་མེར་མེར་པོ་ལ་སོགས་པ་སྟེ། གཟུགས་མེད་དུ་སྐྱེ་ན་གཟུགས་ཀྱི་ས་བོན་ཙམ་ལས་གཟུགས་ནི་མེད་དོ། །ལྔ་པ་སྐྱེ་མཆེད་དྲུག་ནི། མངལ་དུ་སྐྱེ་ན། དང་པོར་རྣམ་ཤེས་ཁུ་ཁྲག་གི་མེར་མེར་པོ་དང་མིང་རྣམས་འཕེལ་ནས་གྲུབ་པའི་མིག་དང་རྣ་བ་ལ་སོགས་པའི་སྐྱེ་མཆེད་རྣམས་ཏེ། ལུས་དང་ཡིད་ཀྱི་སྐྱེ་མཆེད་ནི་སྔར་ནས་ཡོད་དོ། །བརྫུས་ཏེ་སྐྱེས་ན་རྫུས་སྐྱེས་དབང་པོ་རྣམས་གཅིག་ཅར་དུ་འགྲུབ་པས་རིམ་པ་དེ་ལྟར་མེད་ལ། སྒོ་ང་དང་དྲོད་སྐྱེས་ལ་ནི་མངལ་མ་གཏོགས་ཆ་འདྲ་བར་བཤད། དྲུག་པ་རེག་པ་ནི། ཡུལ་དབང་རྣམ་ཤེས་གསུམ་འདུས་པ་ལ་བརྟེན་ནས་ཡུལ་གཟུགས་སོགས་ཡིད་དུ་འོང་མི་འོང་བར་མ་གསུམ། གང་རུང་ཡོངས་སུ་གཅོད་པའི་སེམས་བྱུང་དང་པོ་གྲུབ་པ་སྟེ། འདི་ལ་མིག་ནས་ཡིད་ཀྱི་འདུས་ཏེ་རེག་པའི་བར་ཅི་རིགས་ཡོད་དོ༑ །བདུན་པ་ཚོར་བ་ནི། རེག་པས་ཡུལ་གསུམ་གང་རུང་བཅད་པ་དང་རྗེས་སུ་མཐུན་པར། ཟག་བཅས་ཀྱི་ཚོར་བ་བདེ་སྡུག་བཏང་སྙོམས་གསུམ་གང་རུང་སྐྱེས་པའོ། །འདི་ལའང་སྔར་བཞིན་ཡོད་༑ བརྒྱད་པ་སྲེད་པ་ནི། ཚོར་བ་བདེ་བ་ལ་ནི་མི་འབྲལ་བ་དང་སྡུག་བསྔལ་ལ་འབྲལ་འདོད་ཀྱི་སྲེད་པའམ། བཏང་སྙོམས་གང་རུང་ལ་སྲེད་པ་གང་རུང་སྟེ། འདི་ལ་འདོད་སྲེད། སྲིད་སྲེད།

― JKT006_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

འཇིག་སྲེད་གསུམ། དགུ་པ་ལེན་པ་ནི། སྲེད་པ་དེ་ཉིད་ཆེར་འཕེལ་བའི་འདོད་ཆགས་ཏེ། འདི་ལ་འདོད་པ་ཉེ་བར་ལེན་པ། ལྟ་བ། བརྟུལ་ཞུགས། བདག་ཏུ་སྨྲ་བའི་ཉེར་ལེན་བཞི། དང་པོ་ནི། གཟུགས་སོགས་འདོད་ཡོན་ལ་ཆགས་པ། གཉིས་པ་ནི། འཇིག་ལྟ་མ་ཡིན་པའི་ལྟ་ངན་ལ་ཆགས་པ། གསུམ་པ་ནི། ཚུལ་ཁྲིམས་དང་བརྟུལ་ཞུགས་དམན་ལ་ཆགས་པ། བཞི་པ་ནི། འཇིག་ལྟ་ལ་འདུན་ཞིང་ཆགས་པའི་སྲེད་པ། བཅུ་པ་སྲིད་པ་ནི། སྔར་འདུ་བྱེད་ཀྱི་ལས་ཀྱི་བག་ཆགས་རྣམ་ཤེས་ལ་བསྒོས་པ་དེ་ཉིད་སྲེད་ལེན་གཉིས་ཀྱིས་གསོས་བཏབ་ནས་ཡང་སྲིད་ཕྱི་མ་འདྲེན་པ་ནུས་མཐུ་ཅན་དུ་སོང་བའི་སྐབས་ཀྱི་ལས་ཏེ། སྲིད་པ་ཞེས་པ་ནི་འབྲས་མིང་རྒྱུ་ལ་བཏགས་པའོ། །འདི་ལ་ཁམས་གསུམ་གྱི་ལས་གསུམ། བཅུ་གཅིག་པ་སྐྱེ་བ་ནི། སྲིད་ལས་ཀྱི་མཐུས་སྐྱེ་གནས་བཞི་པོ་གང་རུང་དུ་རྣམ་ཤེས་དང་པོར་ཉིང་མཚམས་སྦྱར་བ་དེ། འདི་ལ་མངལ་དུ་ཉིང་མཚམས་སྦྱར་བ་སོགས་བཞིའམ། ཁམས་གསུམ་གྱི་ཉིང་མཚམས་སྦྱར་བ་གསུམ། འདིའི་སྐྱེ་བ་ཉིང་མཚམས་སྦྱར་མ་ཐག་པའི་གནས་སྐབས་ཀྱི་ཕུང་པོ་ལྔ་དང་། ཁ་ཅིག་མངལ་ནས་ཕྱི་རོལ་དུ་བཙའ་བ་ལ་དེ་འཇོག་མོད། འདིར་ནི་ཉིང་མཚམས་སྦྱར་བའི་ཆ་དང་པོར་འདོད་དོ། །བཅུ་གཉིས་པ་རྒ་ཤི་ལ། རྒ་

― JKT006_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ནི་ཕུང་པོ་སྨིན་ཅིང་གཞན་དུ་འགྱུར་བའི་ཆ་ཡིན་ལ། ཤི་བ་ནི་ཕུང་པོ་རིས་མཐུན་པ་འདོར་བའམ་དོར་བའོ། །དེ་གཉིས་ཡན་ལག་གཅིག་ཏུ་འཇོག་པ་ནི། དེ་གཉིས་གོ་རིམ་མ་ངེས་པའི་རྒྱུ་མཚན་གྱིས་སོ། །མྱ་ངན་དང་སྨྲེ་སྔགས་འདོན་པ་ལ་སོགས་པ་ནི་ཡན་ལག་ཏུ་འགྱུར་བར་མ་ངེས་པར་ཞར་བྱུང་ཙམ་སྟེ་སྐྱོ་བ་བསྐྱེད་པའི་ཆེད་དུ་གསུངས་སོ། །གསུམ་པ་ལ་གཉིས་ཏེ། མདོར་བསྡུ་བ་དང་། ཀུན་ནས་ཉོན་མོངས་པའི་བསྡུ་བའོ། །དང་པོ་ནི། ཡན་ལག་བཅུ་གཉིས་པོ་དེ་རྒྱུ་འབྲས་ཀྱིས་བསྡུས་ཏེ། འཕེན་བྱེད་དང་། འགྲུབ་བྱེད་ཀྱི་རྒྱུ་འབྲས་གཉིས་ཀྱིས་བསྡུས་པའི་ཕྱིར། དེ་ཡང་མ་རིག་པ༑ འདུ་བྱེད། རྒྱུ་དུས་ཀྱི་རྣམ་ཤེས་གསུམ་ནི། འཕེན་བྱེད་ཀྱི་རྒྱུ་དང་། འབྲས་དུས་ཀྱི་རྣམ་ཤེས་དང་མིང་གཟུགས་སྐྱེ་མཆེད་དྲུག །རེག་པ་ཚོར་བ་སྟེ་ཕྱེད་དང་ལྔ་ནི་འཕངས་པའི་འབྲས་བུ་དང་། སྲེད་ལེན་སྲིད་པ་གསུམ་འགྲུབ་བྱེད་ཀྱི་རྒྱུ་དང་། སྐྱེ་རྒ་གཉིས་ནི། གྲུབ་པའི་འབྲས་བུའི་ཡན་ལག་ཏུ་འདུའོ། །གང་འཕང་ན། འབྲས་དུས་ནི་རྣམ་ཤེས་ནས་ཚོར་བའི་བར་ཡན་ལག་ཕྱེད་ལྔའོ། །གང་གིས་འཕངས་ན། མ་རིག་པའི་རྐྱེན་གྱིས་འདུ་བྱེད་ཀྱི་ལས་ཀྱིས་སོ། །ཇི་ལྟར་འཕངས་ན་རྒྱུ་དུས་ཀྱི་རྣམ་ཤེས་ལ་ལས་ཀྱི་བག་ཆགས་བསྒོས་པའི་ཚུལ་གྱིས་སོ། །འཕངས་པའི་དོན་ནི། སྲེད་པ་

― JKT006_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་འགྲུབ་བྱེད་ཡོད་ན་འབྲས་བུ་དེ་རྣམས་འགྲུབ་རུང་དུ་བྱས་པའོ། །གང་གིས་འགྲུབ་པར་བྱེད་ན་སྲིད་པའི་རྐྱེན་གྱི་ལེན་པས་སོ། །གང་འགྲུབ་ན་སྐྱེ་བ་དང་རྒ་ཤིའོ། །ཇི་ལྟར་འགྲུབ་པར་བྱེད་ཅེ་ན། འདུ་བྱེད་ཀྱིས་རྣམ་ཤེས་ལ་བསྒོས་པའི་ལས་ཀྱི་བག་ཆགས་དེས་ནུས་མཐུ་ཅན་དུ་བྱས་པའི་ཚུལ་གྱིས་སོ། །དེས་ན་འདིའི་འཕངས་པའི་ཡན་ལག་དང་གྲུབ་པའི་ཡན་ལག་དོན་གཉིས་ངོ་བོ་གཅིག་གོ །གཉིས་པ་ནི། མ་རིག་སྲེད་ལེན་གསུམ་ཉོན་མོངས་པའི་ཀུན་འབྱུང་། འདུ་བྱེད་དང་སྲིད་ལེན་གཉིས་ལས་ཀྱི་ཀུན་འབྱུང་འབྲས་དུས་ཀྱི་རྣམ་ཤེས་སོགས་བདུན་ནི་སྡུག་བདེན་དུ་འདུའོ། །བཞི་པ་བྱེད་ལས་ནི། མ་རིག་པས་དེ་ཁོ་ན་ཉིད་ལ་སྒྲིབ། འདུ་བྱེད་ཀྱིས་ཡང་སྲིད་ཕྱི་མའི་ས་བོན་འདེབས། རྣམ་ཤེས་ཀྱིས་སྐྱེ་གནས་སུ་འཁྲིད། མིང་གཟུགས་ཀྱིས་ལུས་འཛིན། སྐྱེ་མཆེད་ཀྱིས་ལུས་རྫོགས། རེག་པས་ཡུལ་གྱི་འགྱུར་བ་སྤྱོད། ཚོར་བས་རྣམ་སྨིན་སྤྱོད། སྲེད་པས་ཕུང་པོ་སླར་སྡུད། ལེན་པས་ཕུང་པོ་འགྲུབ་པ་ལ་སྦྱོར། སྲིད་པས་ཕྱི་མའི་ཕུང་པོ་མངོན་དུ་འགྱུར༑ །སྐྱེ་བ་དང་རྒ་ཤིས་རང་རང་གང་ལ་ལྡན་པའི་གང་ཟག་དེ་སྡུག་བསྔལ་བར་བྱེད་དོ། །ལྔ་པ་ནི། མྱུར་ན་ཚེ་གཉིས་དང་། བུལ་ན་གསུམ་གྱིས་རྫོགས་ལ། ཁ་ཅིག་ཚེ་བཞིར་རྫོགས་པའང་

― JKT006_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་ཅེས་གསུངས། དང་པོ་སྐྱེས་ནས་མྱོང་འགྱུར་གྱི་དབང་དུ་བྱས་པ་སྟེ། དཔེར་ན་མི་འགའ་ཞིག་མ་རིག་པས་ཀུན་ནས་བསླངས་ཏེ། རྒྱུ་དུས་ཀྱི་རྣམ་ཤེས་ཀྱིས་འདོད་ལྷར་སྐྱེ་བའི་འདུ་བྱེད་ཀྱི་ལས་བསགས། ལས་དེ་འཆི་ཀ་ཚུན་སྲེད་ལེན་གཉིས་ཀྱིས་གསོས་བཏབ་ནས་སྲིད་ལས་ནུས་ལྡན་དུ་བྱས་ཏེ་སྐྱེ་བ་བླངས་ན་ཚེ་སྔ་མར་ཕྱེད་དྲུག །ཕྱི་མ་ལྷར་བསྐྱེད་པའི་ཚེ་འབྲས་དུས་ཀྱི་རྣམ་ཤེས་སོགས་ཕྱེད་བདུན་འགྲུབ་པར་འགྱུར་བས་སོ། །གཉིས་པ་ནི། ལན་གྲངས་གཞན་ལ་མྱོང་འགྱུར་གྱི་དབང་དུ་བྱས་པ་སྟེ། དཔེར་ན་མི་ཞིག་གིས་རྟེན་དེ་ཡང་མ་རིག་པའི་སྟོབས་ཀྱིས་རྣམ་ཤེས་ཀྱི་སྟེང་དུ་ལས་ཀྱི་བག་ཆགས་བཞག་པས་དེ་ལ་སྲེད་ལེན་གཉིས་ཀྱིས་གསོས་མ་བཏབ་པར་དུད་འགྲོར་སྐྱེས། རྟེན་དེ་ལ་སྲེད་ལེན་གཉིས་ཀྱིས་གསོས་བཏབ་ནས་སྲིད་ལས་ནུས་པ་ཅན་དུ་བྱས་ནས་འདོད་ལྷར་སྐྱེས་ཀྱི་སྐྱེ་བ་བླངས་པའི་ཚེ། ཡན་ལག་དང་པོ་གཉིས་ཚེ་དང་པོ། སྲེད་ལེན་སྲིད་པ་གསུམ་གཉིས་པ། ལྷག་མ་རྣམས་ཚེ་གསུམ་པ་ལ་རྫོགས་པ་བཞིན་ནོ། །གསུམ་པ་སླར་ལེན་ན་ནི་སྲེད་པས་གསོས་བཏབ་ཀྱང་༑ ལེན་པས་གསོས་མ་བཏབ་པ་ཞིག་འདོད་དགོས་སོ། །འདི་དག་ནི་ཐེག་པ་ཆེན་པོའི་དབང་དུ་བྱས་པ་སྟེ། མདོ་སྡེ་དང་། །བྱེ་སྨྲ་བའི་ལུགས་ཅུང་ཟད་མི་འདྲ་པ་ཡོད་དོ། །གསུམ་པ་ནི།

― JKT006_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

ཡན་ལག་དང་པོར་རིག་པ་འཁོར་རྩར་འགྱུར་ཚུལ་སྤྱི་དང་། ཁྱད་པར་དེའི་རྐྱེན་གྱིས་འདུ་བྱེད་འབྱུང་བ་ནས། སྐྱེ་བའི་རྐྱེན་གྱིས་རྒ་ཤི་འབྱུང་བའི་བར་ནི་ཉོན་མོངས་ཕྱོགས་ཀྱི་རྟེན་འབྲེལ་ལུགས་མཐུན་དང་། རྒ་ཤི་གང་ནས་འབྱུང་ན་སྐྱེ་བ་ལས་འབྱུང་བ་ནས། འདུ་བྱེད་མ་རིག་པ་ལས་འབྱུང་བའི་བར་ནི་ཉོན་མོངས་པའི་ཕྱོགས་ཀྱི་རྟེན་འབྲེལ་ལུགས་ལྡོག །མ་རིག་པ་འགག་པ་ནས་འདུ་བྱེད་འགགས་ནས། སྐྱེ་བ་འགགས་པ་ནས་རྒ་ཤི་འགགས་པའི་བར་རྣམ་བྱང་ཕྱོགས་ཀྱི་རྟེན་འབྲེལ་ལུགས་མཐུན་དང་། གང་འགགས་པས་རྒ་ཤི་འགག་སྙམ་ན། སྐྱེ་བུ་འགགས་པས་རྒ་ཤི་འགགས་སོ་ཞེས་པ་ནས། མ་རིག་པ་འགགས་པས་འདུ་བྱེད་འགགས་པའི་བར་ནི་རྣམ་བྱང་ཕྱོགས་ཀྱི་རྟེན་འབྲེལ་ལུགས་ལྡོག་ཏུ་བསྒོམ་པར་བྱའོ། །དེ་ལའང་དང་པོ་གཉིས་ལྟར་བསམ་པ་ནི། རིམ་བཞིན་སྡུག་ཀུན་གཉིས་ཤེས་པར་བྱེད་པ་ཡིན་ལ། ཕྱི་མ་གཉིས་ལྟར་བསམ་པ་ནི། འགོག་ལམ་གཉིས་སྒོམ་པར་བྱེད་པ་ཡིན་ནོ། །བདུན་པ་ནི། འཕགས་པ་ཀླུས། རྟེན་ཅིང་འབྲེལ་བར་འབྱུང་འདི་རྒྱལ་བ་ཡི། །གསུང་གི་མཛོད་ཀྱི་གཅེས་པ་ཟབ་མོ་སྟེ། །གང་གིས་འདི་ནི་ཡང་དག་མཐོང་བ་དེས། །སངས་རྒྱས་དེ་ཉིད་རིག་པ་རྣམས་མཆོག་མཐོང་། །ཞེས་སོགས་ཕན་ཡོན་དཔག་ཏུ་མེད་དོ། །གསུམ་

― JKT006_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

པ་འཆི་འཕོ་ཇི་ལྟར་བྱེད་ཚུལ་ལ་གཉིས་ཏེ། དངོས་དང་། ཞར་བྱུང་ངོ་། །དང་པོ་ལ་ལྔ། འཆི་བའི་རྐྱེན། འཆི་བའི་སེམས། དྲོད་སྡུད་ཚུལ། བར་དོ་འགྲུབ་ལུགས། སྐྱེ་སྲིད་དུ་ཉིང་མཚམས་སྦྱོར་ཚུལ་ལོ། །དང་པོ་ལ་གཉིས། ཚེ་ཟད་ནས་དུས་ཀྱིས་འཆི་བ་དང་། མ་ཟད་ཀྱང་དུས་མིན་གྱི་འཆི་བའོ། །ཕྱི་མ་ལའང་། བསོད་ནམས་ཟད་ནས་ནད་སོགས་ཀྱིས་འཆི་བ་དང་། གཞན་ཡང་དུས་མིན་གྱི་འཆི་རྐྱེན་དགུ་མདོ་ལས་གསུངས་སོ། །གཉིས་པ་ནི། དགེ་མི་དགེ་ལུང་མ་བསྟན་གྱི་སེམས་གསུམ་ཅི་རིགས་སུ་འབྱུང་ལ། སྤྱིར་དགེ་བ་བྱེད་པ་རྣམས་དགེ་སེམས་དང་། མི་དགེ་བ་བྱེད་པ་རྣམས་སྡིག་པ་བྱུང་མོད། དམིགས་བསལ་ལ་མ་ངེས་ཤིང་། དེ་དག་འདུ་ཤེས་རགས་པ་རྒྱུ་བའི་ཚེ་ཡིན་གྱི། ཕྲ་མོའི་སྐབས་སུ་ནི་ལུང་མ་བསྟན་གྱི་སེམས་ཁོ་ནར་འགྱུར་རོ། །གསུམ་པ་ནི། མི་དགེ་བ་ཆེན་པོ་བྱེད་པ་རྣམས་དྲོད་སྟོད་ནས་དང་། དགེ་བ་ཆེན་པོ་བྱེད་པ་རྣམས་ཀྱི་དྲོད་སྨད་ནས་སྡུད་ལ། གཉིས་ཀའང་དྲོད་སྙིང་གའི་བར་བསྡུས་ཏེ་རྣམ་ཤེས་འཕོའོ། །བཞི་པ་ནི། རྣམ་ཤེས་ཕྱིར་འཕོ་བ་དང་བར་ཆད་མེད་པར་སྲང་མདའི་མཐོ་དམན་བཞིན་དུ་བར་དོ་འགྲུབ་སྟེ། འགྲོ་བ་གང་དུ་སྐྱེ་བར་འགྱུར་བ་དེའི་ལུས་དབྱིབས་ཅན་དུ་འགྱུར་རོ། །འོན་ཀྱང་གཟུགས་མེད་ཁམས་སུ་སྐྱེ་བའི་ཚེ་

― JKT006_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

བར་དོ་མེད་དོ། །ལྔ་པ་ལ་གཉིས། དངོས་དང་། འཕྲོས་དོན་ནོ། །དང་པོ་ནི། མངལ་དུ་སྐྱེ་ན། བར་དོ་བ་དེས་རང་དང་རིས་མཐུན་པའི་སེམས་ཅན་དག་མཐོང་ནས་དེ་དག་ལ་ལྟ་བ་དང་། རྩེ་བ་སོགས་བྱེད་ལ། ཕ་མའི་ཁུ་ཁྲག་ལ་ཕྱིན་ཅི་ལོག་ཏུ་མཐོང་པའི་བློས་དེ་དང་ཉེ་བར་ལྷགས་པ་ན་བུད་མེད་དེའི་དབང་པོ་ཙམ་ཞིག་མ་གཏོགས་གཞན་གང་ཡང་མི་སྣང་བར་གྱུར་པས་ཁྲོས་ཏེ་ཤི་འཕོས་ནས་ཉིང་མཚམས་སྦྱོར་རོ། །ཉིང་མཚམས་སྦྱར་མ་ཐག་གི་རྣམ་ཤེས་ནི། ཡིད་ཤེས་ཁོ་ན་སྟེ་གཞན་ནི་དེའི་ཚེ་མེད་དོ། །དེར་མེར་མེར་པོ་དང་། དེ་ལས་གཞན་པའི་འབྱུང་བ་ཆ་ཕྲ་བ་རྣམས་དང་འདྲེས་ནས་རིམ་གྱིས་འཕེལ་ཏེ། ཞག་བདུན་ཕྲག་སོ་བརྒྱད་ལྷག་ཙམ་ནས་ཕྱིར་བཙའ་བར་འགྱུར་ཏེ། འདི་དག་གི་རྣམ་གཞག་ཞིབ་པ་ནི་དགའ་བོ་མངལ་འཇུག་གི་མདོ་ལས་རྒྱས་པར་འབྱུང་ངོ་། །དམྱལ་བ་ཕལ་ཆེར་དང་དུད་འགྲོ་དང་ཡི་དྭགས་དང་མི་དང་འདོད་གཟུགས་ཀྱི་ལྷར་སྐྱེ་ན་ནི། རང་དང་རིས་མཐུན་པའི་སེམས་ཅན་མཐོང་སྟེ། དེར་སོང་ན་སྐྱེ་གནས་ལ་ཁྲོས་པའི་རྐྱེན་གྱིས་བར་སྲིད་འགགས་ནས་སྐྱེ་སྲིད་དུ་ཉིད་མཚམས་སྦྱོར་ལ། འོན་ཀྱང་ལུག་དང་ཕག་དང་བྱ་རི་དྭགས་མང་པོ་གསོད་པའི་སྡིག་ཅན་དམྱལ་བར་སྐྱེ་ངེས་པ་རྣམས་ལ་བར་སྲིད་ནས་ལུག་དང་ཕག་སོགས་དེ་དག་རྨི་

― JKT006_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་བཞིན་དུ་མཐོང་ནས་སྔོན་གོམས་ཀྱི་དགའ་བས་དེར་རྒྱུག་གོ། །དེ་ནས་སྐྱེ་བའི་གནས་ལ་ཁྲོས་པས་བར་སྲིད་འགགས་ཏེ་སྐྱེ་སྲིད་དུ་འཕོ་བར་འགྱུར་རོ། སྒོང་སྐྱེས་ནི་ཕལ་ཆེར་མངལ་སྐྱེས་དང་འདྲ་ཞིང་༑ དྲོད་གཤེར་སྐྱེ་ན་དྲི་དང་། རྫུས་སྐྱེས་ཀྱིས་གནས་འདོད་ཅིང་། ཚ་དམྱལ་དུ་སྐྱེ་ན་དྲོད་དང་། གྲང་དམྱལ་དུ་སྐྱེ་ན་བསིལ་བར་འདོད་པས་རྐྱེན་བྱས་ནས་ཉིང་མཚམས་སྦྱོར་བར་བཤད་དོ། །གཉིས་པ་ནི། དབུ་མ་པའི་ལུགས་ཀྱི་དབང་དུ་བྱས་པའི་རྟེན་འབྲེལ་ཡན་ལག་བཅུ་གཉིས་ཀྱི་སྒོ་ནས་འཁོར་བར་འཁོར་ཚུལ་ལེགས་པར་ཤེས་དགོས། དེ་ཡང་ཕུང་པོ་འདི་ཉིད་བདག་མ་ཡིན་ལ། ཕུང་པོ་འདི་ལས་དོན་གཞན་པའི་གང་ཟག་རང་རྐྱ་ཐུབ་པའི་བདག་ཞིག་འཇིག་རྟེན་ཕ་རོལ་ཏུ་འགྲོ་བ་མ་ཡིན་གྱི། ཕུང་པོ་ལ་བརྟེན་བཏགས་པའི་ང་ཙམ་ཞིག་སྒྱུ་མ་ལྟ་བུའི་ཆོས་རྟེན་འབྲེལ་བཅུ་གཉིས་ལ་བརྟེན་པའི་ཚུལ་གྱིས་ཀུན་རྫོབ་ཙམ་དུ་འཁོར་བར་འཁོར་བའི་ཚུལ་ལེགས་པར་ཤེས་པར་བྱའོ། །དེ་ལྟར་འཁོར་བའི་ཚེ་རྣམ་ཤེས་འདི་ཉིད་འདི་ནས་ཕྱི་མར་ཉིང་མཚམས་སྦྱོར་ཚུལ་དང་། དེ་ལ་དཔེ་ཅི་འདྲ་ཞིག་ཡོད་ཅེ་ན། ཐེག་པ་ཆེན་པོའི་ལུགས་ཀྱི་རྣམ་ཤེས་ཕྱི་མར་ཉིང་མཚམས་སྦྱོར་ཚུལ་མདོ་ལས་བཤད་པའི་དོན་གོ་སླ་བར་བརྗོད་ན། བླ་མས་སློབ་མར། ན་མོ་བུདྡྷཱ་ཡ་ལྟ་བུའི་ཁ་ཏོན་བློ་ཐོག་

― JKT006_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ངག་གིས་བསླབ་ནས་སློབ་མ་དེས་བློར་བཟུང་ནས་བརྗོད་ཚེ། སློབ་དཔོན་གྱི་ངག་སློབ་མ་ལ་འཕོས་པ་མ་ཡིན་ཏེ། ཡིན་ན་བླ་མ་ལ་སླར་དེ་འདྲའི་ངག་བརྗོད་རྒྱུ་མེད་པར་འགྱུར་རོ། །སློབ་མས་བླ་མའི་གསུང་ལ་མ་བརྟེན་པར་བྱུང་བའང་མིན་ཏེ། ཡིན་ན་རྒྱུ་མེད་པར་འགྱུར་བའི་ཕྱིར་རོ། །དཔེ་དེ་བཞིན་ཤི་ནས་ཕྱི་མར་ཉིང་མཚམས་སྦྱོར་ཚེ་འཆི་ཀའི་རྣམ་ཤེས་དེ་ཉིད་ངོ་བོས་འགྱུར་མེད་དུ་ཕྱི་མའི་རྣམ་ཤེས་སུ་འཕོ་བ་མ་ཡིན་ཏེ། ཡིན་ན་དེ་རྟག་པར་འགྱུར་བས་སྐྱེ་བ་ལེན་པ་ཡང་མི་འཐད་དོ། །ཕྱི་མའི་རྣམ་ཤེས་དེ་འཆི་ཀའི་རྣམ་ཤེས་དེ་ལ་མ་བརྟེན་པར་མི་འབྱུང་སྟེ། འབྱུང་ན་རྒྱུ་ཐོ། མེད་པར་ཐལ་བའི་ཕྱིར་རོ། །དེ་ལྟར་ནའང་བླ་མས་བརྗོད་པའི་རྒྱུ་ལས་སློབ་མའི་ངག་འབྱུང་བ་ལྟར་སྔ་མའི་རྣམ་ཤེས་ཀྱི་རྒྱུན་ལས་ཕྱི་མའི་རྣམ་ཤེས་ཉིད་འབྱུང་ལ། བླ་མའི་ངག་དང་སློབ་མའི་ངག་གཅིག་ཏུ་མི་རུང་བ་བཞིན་ཚེ་འདིའི་འཆི་ཀ་མའི་རྣམ་ཤེས་དང་། ཕྱི་མར་ཉིང་མཚམས་སྦྱར་བའི་རྣམ་ཤེས་གཉིས་གཅིག་མ་ཡིན་ཞིང་། སློབ་མའི་ངག་དེ་བླ་མའི་ངག་ཐོས་པ་ལས་བྱུང་བ་ལྟར། ཕྱི་མའི་རྣམ་ཤེས་ཡང་སྔ་མའི་རྣམ་ཤེས་ལ་བརྟེན་ནས་བྱུང་བ་ཡིན་གྱི། གློ་བུར་དུ་གཞན་བྱུང་བའང་མིན་ནོ། །དེ་བཞིན་དུ་མར་མེ་ལས་མར་མེ་གཉིས་པ་ཆད་པ། མེ་ལོང་དུ་བྱེད་འཆར་བ། ལྷ་སྐུ་

― JKT006_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་སྤར་གྱི་རྒྱ་ལས་དེ་འདྲའི་རི་མོ་འབྱུང་བ། མེ་ཤེལ་ལས་མེ་འབྱུང་བ། ས་བོན་ལས་མྱུ་གུ་འབྱུང་བ། ཤིང་ཏོག་སོགས་སྐྱུར་མོ་མཐོང་བས་འགྲམ་ཆུ་ལྡང་བ་དང་། སྒྲ་གྲགས་པ་ལས་བྲག་ཅ་འབྱུང་བ་རྣམས་ལའང་སྔར་བཤད་པའི་རིག་པས་སྦྱར་བར་བྱའོ། །འཆི་འཕོ་ཐ་སྙད་དུ་ཡོད་ཀྱང་དོན་དམ་པར་མེད་པར་རྟོགས་པས་མཐའ་གཉིས་དང་བྲལ་བའི་དབུ་མའི་ལམ་དུ་གྲུབ་པ་ཡིན་པ་བཞིན་འདུས་བྱས་ཐམས་ཅད་ཀྱི་སྐྱེ་བ་དང་འགག་པ་ལའང་དེ་བཞིན་དུ་སྦྱར་བར་བྱའོ། །གཉིས་པ་ཞར་བྱུང་ནི། བླ་མེད་ཀྱི་ལུགས་ལ་བདེན་འཛིན་གྱི་མ་རིག་པས་འཁོར་བར་འཁྱམས་པའི་རྩ་བ་བྱས་ཏེ། །ཤིན་ཏུ་ཕྲ་བའི་རླུང་སེམས་ཙམ་ལ་བརྟེན་ནས་བཏགས་པའི་ང་ཉིད་ཀྱི་སྟེང་དུ་ལས་ཀྱི་བག་ཆགས་བསྒོས་ནས་ཕྱི་མར་སྐྱེ་བ་རྣམས་སུ་ཉིང་མཚམས་སྦྱོར་བར་འགྱུར་བ་ཡིན་ཏེ། རྡོ་རྗེ་ཕྲེང་བར། སྐྱེ་དང་གནས་དང་འཇིག་པ་དང་། །སྲིད་པ་བར་མར་གནས་པ་སྟེ། །ཇི་སྲིད་འཇིག་རྟེན་གྱིས་བཏགས་པས། །སེམས་ནི་རླུང་གི་རྣམ་འཕྲུལ་ལོ། །ཞེས་གསུངས་པའི་ཕྱིར། ཅེས་པའང་ཉེར་འཁོའི་ལེའུ་ཚན་ནོ། །ཤུ་བྷཾ།།

གྲུབ་པའི་མཐའ་བརྗོད་པའི་ཚིགས་སུ་བཅད་པ་གཞན་གསོས་དགའ་བའི་རོལ་མོ།

― JKT006_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་པའི་མཐའ་བརྗོད་པའི་ཚིགས་སུ་བཅད་པ་གཞན་གསོས་དགའ་བའི་རོལ་མོ་ཞེས་བྱ་བ། སུ་ཤེ་ཡནྟ། གཉིས་མེད་གསུང་བའི་ཡེ་ཤེས་ནཱ་དའི་སྒྲ། །ཚིག་གི་སྒྲིབ་བྲལ་

― JKT006_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པ་ཐམས་ཅད་ཕྱིར། །གདུལ་བྱའི་བློ་དང་འཚམས་པར་འཆར་བཟོད་པའི། །ཚུལ་འདིས་རྟག་ཏུ་ཁྱེད་ལ་དགེ་གྱུར་ཅིག །ཇི་ལྟར་ལྷན་ཅིག་སྐྱེས་དང་ཀུན་བརྟག་པའི། །བདག་ཏུ་འཛིན་པ་གཅིག་དང་དུ་མ་བྲལ། །གཞི་མེད་འཁྲུལ་པར་རིག་པའི་སྣང་བ་ཡིས། །ཉེས་ཀུན་རྩ་བའི་མུན་པ་འཇིལ་བར་ཤོག །ཡུལ་དང་ཡུལ་ཅན་ཕྱོགས་དང་དུས་ཀྱི་མཐའ། །རྡུལ་དང་ཤེས་པ་ཉིད་དུ་རྣམ་བཏགས་པས། །བདེན་གཉིས་ཚུལ་ལ་འཇུག་པའི་བློ་གྲོས་སྒོ། །ཐོག་མར་འབྱེད་ལ་ངལ་བ་མེད་གྱུར་ཅིག །ཆོས་ཀུན་སྣང་ཡུལ་དང་ནི་མངོན་སུམ་པའི། །སྤྱི་དང་རང་གི་མཚན་ཉིད་ལ་བརྟེན་ནས༑ །ཀུན་རྫོབ་དོན་དམ་དབྱེ་བ་ལ་མཁས་པའི། །རིག་ཚུལ་པདྨོ་མཆོག་ཏུ་དགོད་པར་ཤོག །ཕྱི་དོན་རྨི་ལམ་ཡུལ་གྱི་སྣང་ཆ་ལྟར། །སེམས་ཀྱིས་བཏགས་པའི་རི་མོར་ངེས་བྱས་ནས། །དེ་ཡང་གཉིས་སུ་མེད་པའི་ཡེ་ཤེས་སུ། །འཇུག་པས་ཐེག་མཆོག་ལམ་ལ་བསྙེན་གྱུར་ཅིག །ཨེ་མ་སྣང་ཚུལ་བརྟེན་ནས་བྱུང་བ་དང་། །གནས་ལུགས་སྤྲོས་པའི་མཐའ་ལས་འདས་པ་དང་། །གཉིས་ཀ་ཟུང་འཇུག་འགལ་མེད་རྟོགས་པ་ཡིས། །བསམ་གྱིས་མི་ཁྱབ་སྤྱོད་ཡུལ་མངོན་གྱུར་ཤོག །དེ་ཚེ་བདེ་བའི་ཐབས་ཀྱིས་དྲངས་པའི་ཡུལ། །འཁོར་འདས་རྣམ་དབྱེར་མེད་པའི་འོད་གསལ་དང་། །ཟུང་

― JKT006_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

འཇུག་སྒྱུ་མའི་ལྷ་སྐུ་མི་ཕྱེད་པས། །འཆི་མེད་རྟག་པ་དམ་པ་ཉིད་གྱུར་ཅིག །སརྦ་སིདྡྷཱན་བོ་བྱཱནྟུ།།

གྲུབ་མཐའ་བཞིའི་བདེན་གཉིས་ཀྱི་ལེགས་བཤད་སྙིང་པོའི་རྒྱན།

― JKT006_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་མཐའ་བཞིའི་བདེན་གཉིས་ཀྱི་ལེགས་བཤད་སྙིང་པོའི་རྒྱན་ཅེས་བྱ་བ་བཞུགས་སོ། །ན་མོ་མུ་ནིན་ཡ། བདེན་པ་གཉིས་ཀྱི་རྣམ་གཞག་ཅུང་ཟད་འཆད་ན་བཞི་སྟེ། དང་པོ་བྱེ་སྨྲ་བས། མཛོད་ལས། བཅོམ་པའམ་བློས་གཞིག་པ་ན་དེར་འཛིན་གྱི་བློ་འདོར་དུ་རུང་བའི་ཆོས། ཀུན་རྫོབ་བདེན་པའི་མཚན་ཉིད། མཚན་གཞི་ནི་བུམ་པ་དང་བུམ་ནང་གི་ཆུ་ལྟ་བུ་སྟེ། བུམ་པ་ནི་རྡུལ་དང་བཅོམ་པ་ན་བུམ་པའི་བློ་མི་འཇུག་ལ། ཆུ་ནི་བློས་རྡུལ་རྫས་ཀྱི་ཆོས་གཞན་བསལ་བས་ནི་བློ་མི་འཇུག་པ་སྟེ། ཀ་བ་ལ་སོགས་པ་ལའང་མཚོན་ནོ། །བཅོམ་པའམ་བློས་གཞིག་པ་ན་དེར་འཛིན་གྱི་བློ་འདོར་དུ་མི་རུང་བའི་ཆོས། དོན་དམ་བདེན་པའི་མཚན་ཉིད། དེའི་མཚན་གཞི་ནི། གཟུགས་དང་༑ རྡུལ་ཕྲ་རབ་དང་། འདུས་མ་བྱས་ལྟ་བུ་སྟེ། གཟུགས་དེ་རྡུལ་དུ་བཤིག་ཀྱང་གཟུགས་ཀྱི་བློ་མི་འདོར་ལ། རྡུལ་ཕྲ་རབ་ནི་དེ་ལས་ཤིན་ཏུ་བཤིག་རྒྱུ་མེད་ཅིང་། འདུས་མ་བྱས་པ་ཙམ་བློས་གཞིག་ཀྱང་དེ་ལས་མ་འདས་སོ། །གཉིས་པ་མདོ་སྡེ་པས་རྣམ་འགྲེལ་ལས། དོན་དམ་བྱེད་པ་ནུས་པ་གང་། །དེ་འདིར་དོན་དམ་ཡོད་པ་ཡིན། །གཞན་ནི་ཀུན་རྫོབ་ཡོད་པ་སྟེ། །དེ་དག་རང་སྤྱིའི་

― JKT006_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་ཉིད་བཤད། །ཅེས་པས། དོན་དམ་པར་དོན་བྱེད་ནུས་པའི་ཆོས་དོན་དམ་བདེན་པའི་མཚན་ཉིད། མཚན་གཞི་ནི་བུམ་པ་དང་ཀ་བ་ལ་སོགས་པ་ལྟ་བུ་སྟེ། ལུགས་འདིར་དོན་དམ་བདེན་པ། མི་རྟག་པ། དངོས་པོ། འདུས་བྱས། རང་མཚན་རྣམས་དོན་གཅིག་མིང་གི་རྣམ་གྲངས། ཕན་གནོད་སོགས་ཀྱི་དོན་བྱེད་ནུས་པ་ཞིག་དོན་དམ་བདེན་པར་འདོད་དེ། དེ་ཡང་དངོས་པོ་རྣམས་བདེན་གྲུབ་ཏུ་འདོད་པའི་དབང་གིས་ཡིན་ནོ། དོན་དམ་པར་དོན་བྱེད་མི་ནུས་པའི་ཆོས། ཀུན་རྫོབ་བདེན་པའི་མཚན་ཉིད། མཚན་གཞི་ནི། ནམ་མཁའ་དང་ཆོས་གང་ཡིན་ཀྱང་དེ་དང་གཅིག་དང་ཐ་དད་སོགས་ཀུན་བརྟགས་ཀྱི་རིགས་རྣམས་ལྟ་བུ་སྟེ། ཀུན་རྫོབ་བདེན་པ། རྟག་པ་དངོས་མེད་ཀྱི་ཆོས། འདུས་མ་བྱས། སྤྱི་མཚན་རྣམས་དོན་གཅིག་ཅིང་། ལུགས་འདིར་འདུས་མ་ས་ཐམས་ཅད་ཀུན་རྫོབ་ཀྱི་བདེན་པ་ཡིན་པས། སྟོང་ཉིད་ཀྱང་ཀུན་རྫོབ་ཀྱི་བདེན་པའོ། །གསུམ་པ་སེམས་ཙམ་པས་ནི། བདེན་གཉིས་སོ་སོའི་མཚན་ཉིད། དབྱེ་བ་སོགས་ཕལ་ཆེར་རང་རྒྱུད་པ་དང་མཐུན་པ་ཡོད་ཀྱང་། མཚན་གཞི་ལ་མི་མཐུན་པ་ཡོད་དེ། སེམས་ཙམ་པས། གཟུགས་ཕྱི་རོལ་གྱི་དོན་གྱིས་སྟོང་པ་དང་། ངོ་བོ་དང་ཁྱད་པར་ལ་ཀུན་བརྟགས་པའི་ཀུན་

― JKT006_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟགས་རང་གི་མཚན་ཉིད་ཀྱིས་མ་གྲུབ་པ། དོན་དམ་བདེན་པའི་མཚན་གཞིར་འདོད་ལ། རང་རྒྱུད་པས་དེ་ལྟར་མི་བྱེད་དོ། །གཞན་ཡང་འདི་པས་དོན་དམ་བདེན་པ་ཐམས་ཅད་བདེན་གྲུབ་ཏུ་འདོད་པ་ཡིན་ཏེ། དེས་ཡོངས་གྲུབ་དང་གཞན་དབང་གང་རུང་ཡིན་ཞིང་། བདེན་གྲུབ་ཡིན་པས་ཁྱབ་པར་བཞེད་པའི་ཕྱིར། ཡོངས་གྲུབ་རྣམས་ནི་གནས་ལུགས་མཐར་ཐུག་ཡིན་པས་ན་བདེན་གྲུབ་དང་༑ གཞན་དབང་རྣམས་ཀྱིས་རང་གི་འབྲས་བུ་བསྐྱེད་པའི་དོན་བྱེད་ནུས་པས་ན་བདེན་གྲུབ་ཏུ་བཞེད་པའི་ཕྱིར་རོ། །བཞི་པ་དབུ་མ་པར། རང་རྒྱུད་པའི་འདོད་པ་ཕལ་ཆེར་ཐལ་འགྱུར་བ་དང་འདྲ་ཡང་། རྣམ་པ་གཅིག་ཏུ་ན། ཁྱོད་གང་གིས་རྙེད་པའི་ཚད་མ་ལ་ལྟོས་ཏེ་མཐར་ཐུག་དཔྱོད་པའི་རིག་ཤེས་ཚད་མར་སོང་བ་དོན་དམ་དང་། ཁྱོད་གང་གིས་རྙེད་པའི་ཚད་མ་ལ་ལྟོས་ཏེ་ཐ་སྙད་དཔྱོད་པའི་རིག་ཤེས་ཚད་མར་སོང་བ། ཀུན་རྫོབ་བདེན་པའི་མཚན་ཉིད་དུ་འདོད། མཚན་གཞི་ནི་གཟུགས་སོགས་བློས་གཅོད་མེད་སྣང་བའི་དབང་གིས་བཞག་ཙམ་དུ་གྲུབ་པ་དེ། ཀུན་རྫོབ་བདེན་པ་དང་། དེའི་དབང་གིས་བཞག་ཙམ་མ་ཡིན་པར་ཡུལ་རང་གི་སྡོད་ལུགས་ཀྱི་ངོས་ནས་མ་གྲུབ་པ་དེ། དོན་དམ་བདེན་པའི་མཚན་གཞིར་འདོད་ཅིང་། གཞན་ཡང་ཀུན་རྫོབ་ལ། རང་ཉིད་གཙོ་བོར་སྣང་ཡུལ་

― JKT006_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བྱེད་པའི་བློ་ལ་སྣང་བ་དེ་ལྟར་གྲུབ་པའི་ཀུན་རྫོབ་ཡང་དག་ཀུན་རྫོབ་ཀྱི་མཚན་ཉིད། མཚན་གཞི་ནི་ཆུ་དང་། ཀ་བུམ་ལྟ་བུ་དང་། འདུས་མ་བྱས་དང་། ཤེས་པ་རྣམས་དང་། ཁ་དོག་ཐམས་ཅད་ལྟ་བུའོ། །རང་ཉིད་གཙོ་བོར་སྣང་ཡུལ་དུ་བྱེད་པའི་བློ་ལ་སྣང་བ་དེ་ལྟར་མ་གྲུབ་པར། ལོག་པའི་ཀུན་རྫོབ་ཀྱི་མཚན་ཉིད། མཚན་གཞི་ནི། སྨིག་རྒྱུའི་ཆུ། མེ་ལོང་གི་གཟུགས་བརྙན། སྒྱུ་མའི་རྟ་གླང་། རྨི་ལམ་གྱི་མི་ལྟ་བུའོ། །གཞན་ཡང་ཐལ་རང་གཉིས་ཀྱི་བདེན་པ་གཉིས་ཀྱི་ཁྱད་པར་ལ་དབྱེ་བ་ཕྲ་མོ་མང་ངོ་། །ཐལ་འགྱུར་བས་དབྱེ་གཞི་ཤེས་བྱ་ལ། དབྱེ་ངོ་བདེན་པ་གཉིས་སུ་གྲངས་ངེས་ཤིང་། དེ་ཡང་བདེན་རྫུན་གཉིས་སུ་གྲངས་ངེས་པ་གང་ཞིག །གཞི་གཅིག་གི་སྟེང་དུ་བདེན་པ་རྣམ་གཅོད་ལ་ཁེགས་ན་བརྫུན་པ་ཡིན་པ་ཡོངས་གཅོད་ལ་གྲུབ། བརྫུན་པ་ཡོངས་གཅོད་ལ་གྲུབ་ན་བདེན་པ་རྣམ་གཅོད་ལ་ཁེགས་པའི་ཕྱིར་ཏེ། དེ་གཉིས་ཕན་ཚུན་སྤངས་འགལ་གྱི་དངོས་འགལ་ཡིན་པའི་ཕྱིར་རོ། །ཆོས་ཐམས་ཅད་ཀྱི་སྟེང་དུ་རང་བཞིན་གྱིས་མེད་པ་དོན་དམ་དང་། ཐ་སྙད་དུ་ཡོད་པ་ཀུན་རྫོབ་པའི་ངོ་བོ་གཉིས་ཡོད་པ་ཡིན་པས་ན། རང་ཉིད་འཇལ་བའི་མཐར་ཐུག་དཔྱོད་པའི་རིག་ཤེས་ཚད་མས་རྙེད་དོན། དོན་དམ་བདེན་པའི་མཚན་ཉིད། མཚན་གཞི་ནི་མྱུ་གུ་རང་

― JKT006_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་གྱིས་མེད་པ་ལྟ་བུ། མཐར་ཐུག་དཔྱོད་པའི་ཚད་མ་ནི། དོན་དམ་དཔྱོད་བྱེད་ཀྱི་ཚད་མ་ཡིན་ལ། དེའང་གཟུགས་སོགས་ཀྱི་དོན་དམ་པའི་གནས་ལུགས་མཐོང་བའི་ཚད་མ་ཞིག་ལ་བྱེད་པ་སྟེ། །འོན་ཀྱང་སངས་རྒྱས་འཕགས་པའི་རྒྱུད་ཀྱི་དོན་དམ་དཔྱོད་པའི་ཚད་མའི་རྙེད་དོན་ལ། སྤྱིར་དོན་དམ་དཔྱོད་པའི་ཚད་མའི་རྙེད་དོན་ཡིན་པས་མ་ཁྱབ་བྱས་ན་བདེའོ། །དོན་དམ་བདེན་པའི་ངོ་བོའམ་སྟོང་གཞིའི་སྒོ་ནས་དབྱེ་ན་གང་ཟག་གི་བདག་མེད་ཕྲ་མོ་དང་། ཆོས་ཀྱི་བདག་མེད་ཕྲ་མོ་གཉིས་སམ། སྟོང་ཉིད་བཅུ་དྲུག་གམ། སྒྲས་བརྗོད་རིགས་ཀྱི་སྒོ་ནས་དབྱེ་ན། རྣམ་གྲངས་པ་དང་། རྣམ་གྲངས་མ་ཡིན་པའི་དོན་དམ་བདེན་པ་གཉིས་སོ། །ཐ་སྙད་དཔྱོད་པའི་ཚད་མའི་རྙེད་དོན་ཀུན་རྫོབ་བདེན་པའི་མཚན་ཉིད། མཚན་གཞི་ནི་མྱུ་གུ་ལྟ་བུ། ཐ་སྙད་དཔྱོད་པའི་ཚད་མ་ནི་ཀུན་རྫོབ་དཔྱོད་བྱེད་ཀྱི་ཚད་མའོ། །དེ་ལ་དབྱེ་ན། ལུགས་འདིར་སྤྱིར་ཡང་ལོག་གི་དབྱེ་བ་མི་བྱེད་ཀྱང་། འཇིག་རྟེན་ཤེས་ངོ་ལ་ལྟོས་ནས་དབྱེ་སྟེ། དེ་ཡང་ཡུལ་ཅན་གྱི་བློ་ཕུག་འཁྲུལ་རྒྱུ་མ་རིག་པས་བསླད་པར་མཚུངས་ཀྱང་། འཕྲལ་གྱི་འཁྲུལ་རྒྱུས་བསླད་མ་བསླད་ཀྱི་དབང་གིས་དེ་ལྟར་བཞག་པའི་ཕྱིར་རོ། །སྤྱིར་དང་པོ་ནི། མཐུན་པའི་ཡུལ་དང་། ཡུལ་ཅན་དོན་དམ་བདེན་པ་གཉིས། དང་པོ་ནི། མྱུ་

― JKT006_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

གུ་བདེན་སྟོང་སྒྱུ་མ་བཞིན་དུ་སྣང་བའི་ཆ་ལྟ་བུ། གཉིས་པ་ནི། དེ་རྟོགས་པའི་རྗེས་དཔག་ཚད་མ་ལྟ་བུ། འདི་གཉིས་དོན་དམ་བདེན་པ་བཏགས་པ་ཙམ་ལས་དངོས་མིན། ཕྱི་མ་ལའང་སྒྲས་བརྗོད་རིགས་ཀྱིས་དབྱེ་ན། ཡུལ་དང་ཡུལ་ཅན་དོན་དམ་བདེན་པ་གཉིས། དང་པོ་ནི། སྟོང་ཉིད་ལྟ་བུ་སྟེ། དོན་དམ་བདེན་པ། ཇི་ལྟ་བ། སྟོང་ཉིད། ཡོངས་གྲུབ། ཡང་དག་མཐའ། །ཆོས་དབྱིངས་རྣམས་དོན་གཅིག །གཉིས་པ་ནི། སློབ་པའི་རྒྱུད་ཀྱི་སྟོང་ཉིད་མངོན་སུམ་རྟོགས་པའི་ཡེ་ཤེས་ལྟ་བུ་སྟེ། འདི་རྣམ་གྲངས་མ་ཡིན་པའི་དོན་དམ་དངོས་ཡིན་ཅེས་ཁ་ཅིག་བཞེད་ཀྱང་། དོན་དམ་དངོས་ནི་མིན་ནོ། །ཀུན་རྫོབ་ལ་དབྱེ་བ་མི་བྱེད་དེ། ཀུན་རྫོབ་ལ་སྣང་བ་ལྟར་གྲུབ་མ་གྲུབ་གཉིས་ཀྱི་དབྱེ་བ་མེད་པའི་ཕྱིར་ཏེ། ཀུན་རྫོབ་ཡིན་ན་སྣང་བ་ལྟར་མ་གྲུབ་པས་ཁྱབ་པའི་ཕྱིར་རོ། །སྒྲ་དོན་ནི། བུམ་པ་བདེན་སྟོང་དེ་ལ་དོན་དམ་བདེན་པ་ཞེས་བརྗོད་པའི་རྒྱུ་མཚན་ཡོད་དེ། དེ་བློ་དོན་དམ་སྟོང་ཉིད་མངོན་སུམ་དུ་རྟོགས་པའི་མཉམ་གཞག་ཡེ་ཤེས་ཀྱི་གཟིགས་ངོར་བདེན་ཅིང་གླུདོན་དམ་པར་བདེན་པ་ན་དེ་སྐད་བརྗོད་པའི་ཕྱིར། མཉམ་གཞག་གི་ཡེ་ཤེས་དེར་ཡུལ་ཅན་དོན་དམ་ཞེས་བརྗོད་པའི་ཡུལ་དོན་དམ་གྱི་བདེན་པ་ཇི་ལྟ་བ་བཞིན་གཟིགས་པའི་རྒྱུ་མཚན་གྱིས་དེ་ལྟར་

― JKT006_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

བརྗོད་པའི་ཕྱིར། བུམ་པ་དེ་ལ་ཀུན་རྫོབ་ཀྱི་བདེན་པ་ཞེས་བརྗོད་པའི་རྒྱུ་མཚན༴ བློ་ཀུན་རྫོབ་ཀྱི་བདེན་འཛིན་ངོར་བདེན་ཡང་། དོན་དམ་གནས་ཚོད་ལ་བརྫུན་པས་དེ་ལྟར་བརྗོད་པའི་ཕྱིར། །བདེན་འཛིན་ལ་ཀུན་རྫོབ་ཅེས་བརྗོད་པའི༴ དེ་ཁོ་ན་མཐོང་བ་ལ་སྒྲིབ་པར་བྱེད་པའི་ཕྱིར། བདེན་གཉིས་ངོ་བོ་ཐ་དད་པར་མི་རུང་སྟེ་འབྲེལ་མེད་དོན་གཞན་དུ་འགྱུར་བའི་ཕྱིར། བུམ་པ་བདེན་སྟོང་བསྒོམས་པས་བདེན་འཛིན་སྤོང་མི་ནུས་པར་ཐལ། ཐ་དད་གཏན་མེད་ཀྱི་གཅིག་པ་མ་ཡིན་ཏེ། དེ་ལྟར་ན་བུམ་པ་མཐོང་བས་ཀྱང་བུམ་པའི་ཆོས་ཉིད་མངོན་སུམ་དུ་རྟོགས་པར་ཐལ། འདོད་ན། སོ་སྐྱེས་མིག་ཤེས་ཀྱིས་ཀྱང་སྟོང་ཉིད་མངོན་སུམ་དུ་རྟོགས་པར་ཐལ། འདོད་མི་ནུས་ཏེ། འཕགས་ལམ་བསྐྱེད་པ་དོན་མེད་དུ་འགྱུར་བའི་ཕྱིར་རོ། །དེས་ན་བདེན་གཉིས་ངོ་བོ་གཅིག་ལ་ལྡོག་པ་ཐ་དད་མེད་ཅིང་། མེད་ན་མི་འབྱུང་བའི་འབྲེལ་པར་གྲུབ་པ་ཡིན་ལ། ཆོས་ཐམས་ཅད་རང་བཞིན་གྱིས་སྟོང་པ་དང་། དེའང་དེ་རྣམས་ཀྱི་སྟེང་ནས་འཇོག་པར་བཤེས་དགོས་སོ། །དེ་ལྟར་བདེན་གཉིས་ཀྱི་རྣམ་གཞག་ཤེས་པ་ལ་དགོས་པ་ཡོད་དེ། རྒྱལ་བའི་གསུང་རབས་ཀྱི་དགོངས་པ་ཤེས་ཏེ་ཚོགས་རྫོགས་ནས་འཚང་རྒྱ་བ་དང་། ཐ་སྙད་ཀྱི་ཀུན་རྫོབ་ཀྱི་འཇོག་ཚུལ་ལ་བརྟེན་ནས་དོན་དམ་པ་རྟོགས་

― JKT006_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འགྱུར་བ་དང་། གཞི་བདེན་གཉིས་ཀྱི་རྣམ་གཞག་ཤེས་ནས་ལམ་ཚོགས་གཉིས་བསགས་པས་འབྲས་བུ་སྐུ་གཉིས་གྲུབ་པར་འབྲེལ་བའི་ཕྱིར། མ་ཤེས་པ་ལ་སྐྱོན་ཡོད་དེ། དཔལ་ལྡན་ཟླ་བས། ཐ་སྙད་བདེན་པ་ཐབས་སུ་གྱུར་པ་དང་། །དོན་དམ་བདེན་པ་ཐབས་བྱུང་གྱུར་པ་སྟེ། །དེ་གཉིས་རྣམ་དབྱེ་གང་གིས་མི་ཤེས་པས། །དེ་ནི་རྣམ་རྟོག་ལོག་པའི་ལམ་ངན་ཞུགས། །ཞེས་གསུངས་པའི་ཕྱིར། དེས་ན་བདེན་གཉིས་ཀྱི་གནས་ཚུལ་ལུང་དང་རིགས་པ་དུ་མས་གཏན་ལ་དབབ་པ་ཤིན་ཏུ་གཅེས་སོ། །ཞེས་པའང་ཉེར་མཁོའི་ལེའུ་ཚན་ནོ། །ཤུ་བྷཾ།།

རྟེན་ཅིང་འབྲེལ་བར་འབྱུང་བའི་སྙིང་པོའི་རྣམ་བཤད།

― JKT006_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་ཅིང་འབྲེལ་བར་འབྱུང་བའི་སྙིང་པོའི་རྣམ་བཤད་བཞུགས། །ན་མཤཱཀྱ་མུ་ན་ཡེ། གང་གིས་ཆོས་རྣམས་རྒྱུ་ལས་རབ་ཏུ་བྱུང་། །རྒྱུ་རྣམས་དེ་ནི་དེ་བཞིན་གཤེགས་པས་གསུངས། །དེ་རྣམས་ཀྱང་གང་འགོག་པ་ཨེ་ཝཾ་དུ། །སྨྲ་བ་པོ་ནི་དགེ་སྦྱོང་ཆེན་པོ་ཡིན། །ཅེས་པའི་དོན། རྒྱུ་ལས་བྱུང་བའི་ཆོས་སྡུག་བསྔལ་དེ་རྒྱུ་ཉོན་མོངས་དང་ལས་ཀྱི་ཀུན་འབྱུང་སྟེ་འཁོར་བ་རྒྱུ་འབྲས་དང་། དེ་རྣམས་སྤོང་བར་བྱེད་པ་ལམ་བདེན་འགོག་པ་འགོག་བདེན་གཉིས་ཐར་པའི་རྒྱུ་འབྲས་སོ། །དེའི་ཕྱིར་མཐའ་བཞི་ལས་རྣམ་པར་གྲོལ་བའི་རྣམ་པར་དག་པའི་སེམས་ཀྱི་རང་བཞིན་ལ་བརྟེན་ནས། སྒྱུ་མ་ལྟ་བུའི་ལས་དང་

― JKT006_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲས་བུ་འབྲེལ་ནས་འབྱུང་བ་དེ་ཉིད་ཨེ་ཝཾ་དུ་གསུངས་པ་ཁོ་ན་དགེ་སྦྱོང་ཆེན་པོ་ཡིན་གྱི། གཞན་ནི་མ་ཡིན་ཏེ། གང་གི་སྟོང་དང་རྟེན་འབྱུང་དག །དབུ་མའི་ལམ་དུ་དོན་གཅིག་པར། །གསུང་མཆོག་མཚུངས་པ་མེད་པ་ཡིས། །ཐུབ་དབང་དེ་ལ་ཕྱག་འཚལ་ལོ། །ཞེས་པས་བསྟན། འདི་ཉིད་དམ་ཆོས་ཐམས་ཅད་ཀྱི་སྙིང་པོ་ཡིན་པའི་ཕྱིར་རྟེན་འབྲེལ་སྙིང་པོ་སྟེ། དྲི་མེད་འོད་དུ། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་སྔོན་དུ་འགྲོ་བ་ནི་ཡེ་དྷརྨཱའོ། །ཞེས་གསུངས། དེའི་དོན་འཁོར་དང་པོའི་གདུལ་བྱ་ཉན་ཐོས་པ་དག་གིས་ཉེར་ལེན་གྱི་ཕུང་པོ་ལྔའི་ཆོས་ཅན་གྱི་འཁོར་བ་སྡུག་བསྔལ་གྱི་བདེན་པ་དང་། དེའི་རྒྱུ་གང་ཟག་གི་བདག་ཏུ་འཛིན་པའི་མཚན་ཉིད་ཅན་གྱིས་འཇིགས་ཚོགས་ལ་ལྟ་བ་ཀུན་འབྱུང་གི་བདེན་པར་ཤེས་ནས་དེ་འགོག་པར་བྱ་བའི་ཕྱིར། ཤིན་ཏུ་སྦྱངས་པའི་ཞི་གནས་དང་༑ བདེན་བཞིའི་རྣམ་པ་བཅུ་དྲུག་བསྒོམས་པའི་ལྷག་མཐོང་ལམ་བདེན་དང་། དེའི་འབྲས་བུ་ལྷག་བཅས། ལྷག་མེད་ཀྱི་མྱང་འདས་འགོག་བདེན་དུ་རྟོགས་སོ། །དེའི་སྟེང་དུ་ཀུན་འབྱུང་གི་གཙོ་བོ་གཟུང་བ་བདེན་འཛིན་དང་། ལམ་བདེན་བདེན་བཞིའི་རྣམ་པའི་སྟེང་དུ་རྟེན་འབྲེལ་ཟབ་མོ་ལྷག་པར་བསྒོམ་པར་ང་རྒྱལ་དག་གིས་སོ། །རྒྱུའི་ཐེག་པ་ཆེན་པོ་དག་ལས་འཁོར་ལོ་བར་པའི་འདུལ་

― JKT006_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

བར་བྱ་བ་དག་གིས་འདུ་བྱེད་སྡུག་བསྔལ་གྱི་གཙོ་བོ་དང་། དེའི་རྒྱུ་ཆོས་ཀྱི་བདག་ཏུ་འཛིན་པའི་མཚན་ཉིད་ཀུན་འབྱུང་གི་དང་། བྱང་ཆུབ་ཏུ་སེམས་བསྐྱེད་ནས་ཕ་རོལ་ཏུ་ཕྱིན་པའི་སྤྱོད་པའི་སྒོ་ནས་སློབ་པ་ལམ་བདེན། མི་གནས་པའི་མྱང་འདས་འགོག་བདེན་དུ་འདོད་ལ། དབུ་མའི་ལྟ་བ་ལ་དད་ཅིང་མོས་ལ་བཟོད་པ་ཡོད་དུ་ཟིན་ཀྱང་ཕ་རོལ་ཏུ་ཕྱིན་པ་ལ་སྤྱོད་པའི་སྒོ་ཐམས་ཅད་རང་བཞིན་མེད་པའི་ཤེས་རབ་ཀྱིས་མ་ཟིན་པ་དག་ལ་དམིགས་པ་ཅན་གྱི་བྱང་སེམས་སམ། དབང་པོ་རྟུལ་པོ་ཞེས་བྱའོ། །ཕར་ཕྱིན་ཐམས་ཅད་ལ་རང་བཞིན་མེད་པའི་ཤེས་རབ་ཀྱིས་ཟིན་པར་སྤྱོད་པ་དག་ལ་ནི་ཐབས་ལ་མཁས་པར་སྤྱོད་པའི་བྱང་སེམས་སམ། དབང་རྣོན་ཞེས་བྱའོ། །དེ་ལྟ་བུའི་བྱང་སེམས་དེ་གཉིས་ལ་ཤེས་རབ་ཀྱི་ཁྱད་པར་གྱིས་བྱང་ཆུབ་ཐོབ་པ་ལ་མྱུར་བུལ་ཆེ་བ་བྱུང་སྟེ། བྱམས་པས། རྫོགས་པའི་བྱང་ཆུབ་རྣོན་པོ་ཡིས། །རྟོགས་བླ་རྟུལ་པོས་རྟོགས་དཀར་བཞེད། །ཅེས་གསུངས་སོ། །འཁོར་ལོ་ཐ་མའི་རྗེས་སུ་འབྲངས་པ་དེ་བཞིན་གཤེགས་པའི་སྤྱོད་ཡུལ་ལ་ཞུགས་པ་སྙིང་པོའི་ཐེག་པ་ལ་རྟོན་པ་དག་གིས་ཀུན་འབྱུང་གི་གཙོ་བོ་བདེ་གཤེགས་སྙིང་པོ་རྣམ་ཤེས་ཀྱི་དྲི་མ་བཅས་པ་དང་། དེས་འཕངས་པའི་འདུ་བྱེད་ཀྱི་སྡུག་བསྔལ་སེམས་པའི་རྣམ་པར་འགྱུར་བ་གློ་བུར་གྱི་དྲི་

― JKT006_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་ཆོས་ཅན་དང་། དེ་འགོག་པ་མོས་པ། ཤེས་རབ། སྙིང་རྗེ། ཏིང་ངེ་འཛིན་གྱི་སྒོ་བཞི་ལ་ལམ་བདེན་དང་། གཙང་། བདག །བདེ་བ། རྟག་པའི་ཕ་རོལ་ཏུ་ཕྱིན་པ་བཞིའི་རང་བཞིན་འགོག་བདེན་དང་། རྒྱུད་སྡེ་ཕྱི་མ་དག་ཏུ་བག་ཆགས་བགོ་བའི་གཞིར་གྱུར་པ་ཀུན་གཞིའི་རྣམ་ཤེས་ཀུན་འབྱུང་གི་གཙོ་བོ་དེས་བརྟགས་པའི་སྒོ་གསུམ་ཐ་མལ་པ་སྡུག་བསྔལ། དེ་ཡེ་ཤེས་སུ་བསྒྱུར་བའི་དབང་བསྐུར་སྔོན་དུ་འགྲོ་བའི་སྔགས་ལམ་དང་། གཉིས་སུ་མེད་པའི་ཡེ་ཤེས་འདུས་མ་བྱས་འགོག་པར་བཤད་དོ། །སྔགས་ནི། སློབ་དཔོན་སངས་རྒྱས་གསང་བས། ལྷ་དང་། དེའི་མཚན་མ་དང་། དེའི་སྙིང་པོ་ལ་སོགས་པའི་རིག་པ་ལ་སྔགས་ཞེས་བསམ་གཏན་ཕྱི་མའི་འགྲེལ་པར་གསུངས་པ་ཉིད་དོ། །བླ་མེད་ཀྱི་རྒྱུད་དུ། རང་བཞིན་ལྷན་སྐྱེས་ཀྱི་ཡེ་ཤེས་མ་བཅོས་ངོ་མ་ཤེས་པ་ཉིད་འཁོར་བ་དང་༑ དེའི་རྒྱུ་འཕོ་བའི་བག་ཆགས་ཀུན་འབྱུང་གིས་གཙོ་བོ་དང་། སྨིན་བྱེད་དུ་གྲོལ་བའི་རིམ་པ་གཉིས་ཀྱིས་མ་ཡེངས་པ་ལམ་བདེན་དང་། ཁ་སྦྱོར་ཡན་ལག་བདུན་ལྡན་གྱི་སྐུ་འགོག་བདེན་དུ་བསྟན་ཏོ། །དེ་དག་གིས་ནི་མདོ་ཙམ་དུ་སྨོས་པ་སྟེ། རྒྱས་པར་སྡེ་སྣོད་དང་རྒྱུད་སྡེ་སོ་སོའི་སྟེང་དུ་རྟོགས་པར་བྱའོ། །ཞེས་དང་། རྫོགས་པའི་སངས་རྒྱས་ཀུན་གྱི་གསུང་གིས་བསྙད་པའི་སྡེ་སྣོད་རྒྱུད་།

― JKT006_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

སྡེ་རྒྱ་མཚོའི་དེ་ཁོ་ན་ཉིད་དུ་ཤེས་ནས་བྲིས་པའོ། །སརྦ་མངྒ་ལཾ།།

ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྣང་བའི་གསལ་བྱེད་ངེས་དོན་སྣང་བ།

― JKT006_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྣང་བའི་གསལ་བྱེད་ངེས་དོན་སྣང་བ་ཞེས་བྱ་བ་བཞུགས་སོ། །ན་མོ་པྲཛྙཱ་པཱ་ར་མི་ཏཱ་ཡ། སྣ་ཚོགས་སྤྲོས་པའི་འཆིང་བ་མ་ལུས་ཀུན། །རྣམ་ཐར་སྒོ་གསུམ་དབྱིངས་སུ་རོ་གཅིག་པས། །བསམ་གྱིས་མི་ཁྱབ་བརྗོད་དུ་མེད་པའི་དབྱིངས། །ཡུམ་ཆེན་ཤེས་རབ་ཕ་རོལ་ཕྱིན་ལ་འདུད༑ །བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པའི་སྙིང་པོ་འདི་འཆད་པ་ལ་དོན་གསུམ་སྟེ། ཀླད་དང་། གཞུང་དང་། མཇུག་གོ། །དང་པོ་ལའང་མཚན་དོན་དང་། དངོས་དོན་ནོ། དང་པོ་ནི། ལེགས་སྦྱར་གྱི་སྐད་དུ། བྷ་ག་ཝ་ཏི་ནི་བཅོམ་ལྡན་འདས་མ། པྲཛྙཱ་ཤེས་རབ། པཱ་ར་ཕ་རོལ། མི་ཏ་ཕྱིན་པ། ཧྲི་ད་ལ་སྙིང་པོ་སྟེ། དེའང་བསལ་བྱའི་ཆོས་ཐམས་ཅད་བཅོམ་པའམ། བླང་བྱའི་ཡོན་ཏན་ཐམས་ཅད་དང་ལྡན་པ། ཉན་རང་སོ་སྐྱེའི་ས་ལས་ཡང་དག་པར་འདས་ཤིང་། དུས་གསུམ་གྱི་དེ་བཞིན་གཤེགས་པ་ཐམས་ཅད་སྐྱེད་པའི་མ། སོ་སྐྱེའི་ཤེས་རབ་ལས་མཆོག་ཏུ་གྱུར་པའི་ཉན་རང་གི་ཤེས་རབ་སྟེ། དེ་ལས་ཀྱང་ཕ་རོལ་ཏུ་ཕྱིན་པས་བླ་ན་མེད་པའི་ཤེས་རབ་དང་ལྡན་པ། གྲོགས་ཉ་འཕྲོག་པ་ལའོ། །ཞེས་པའི་བྱིངས་དོན་ལས་སྙིང་པོ་སྟེ། དཔེར་ན་འོ་མ་ལས་མར་

― JKT006_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

དཀྲོགས་པ་བཞིན་དུ། འདིར་ཡང་འཁོར་ལོ་བར་པ་མཚན་ཉིད་མེད་པའི་སྡེ་སྣོད་ཀྱི་བརྗོད་བྱ་རྒྱ་ཆེ་བ་ཐམས་ཅད་གཅིག་ཏུ་བསྡུས་པའི་ཕྱིར་རོ། །གཉིས་པ་ལའང་བསྡུས་ཏེ་བསྟན་པ་དང་། རྒྱས་པར་བཤད་པའོ། །དང་པོ་ནི། འདི་སྐད་བདག་གིས་ཐོས་པ་དུས་གཅིག་ན། ཞེས་པ་གཅིག་པུ་ལའང་ཕུན་སུམ་ཚོགས་པ་ལྔ་ག་སྦྱར་དུ་ཡོད་དེ། འདི་སྐད་ཅེས་པ་སྟོན་པ། བདག་གིས་ཞེས་འཁོར། །ཐོས་པ་ཆོས། དུས་གཅིག་དུས། ན་ཞེས་གནས་གཞིའི་སྒྲ་སྟེ། དེས་ན་གནས་ཕུན་སུམ་ཚོགས་པར་རིག་པར་བྱའོ། །གཉིས་པ་བཅོམ་ལྡན་འདས་ཞེས་པས་སྟོན་པ་ཕུན་སུམ་ཚོགས་པ་སྟེ་མཚན་དོན་སྔར་སྨོས་པ་ལྟར་དང་། བྱ་རྒོད་ཕུང་པོའི་རི་ལ་ཞེས་པས་གནས་ཕུན་སུམ་ཚོགས་པ་སྟེ། ཏིང་འཛིན་རྒྱལ་པོར། སངས་རྒྱས་དག་ནི་བྱེ་བ་ཕྲག་སྟོང་དང་། །དེ་བས་ལྷག་པ་གངྒའི་བྱེ་མ་སྙེད། །ཀུན་ཀྱང་བྱ་རྒོད་ཕུང་པོ་འདིར་བཞུགས་ཏེ། །ཞེས་གསུངས་པའི་ཕྱིར་རོ། །དགེ་སློང་གི་དགེ་འདུན་སོགས་ཀྱིས་འཁོར་ཕུན་སུམ་ཚོགས་པ་བསྟན་ཏེ། དེའང་ཉན་ཐོས་ཀྱི་དགེ་འདུན་གྲངས་ཀྱིས་ཆེ་བ་ལྔ་སྟོང་དང་། ཡོན་ཏན་གྱིས་ཆེ་བ་ཟག་པ་ཟད་པ། ཉོན་མོངས་པ་མེད་པ། དབང་དང་ལྡན་པ། སེམས་ཤིན་ཏུ་རྣམ་པར་གྲོལ་བ། ཤེས་རབ་ཤིན་ཏུ་རྣམ་པར་གྲོལ་བ་སོགས་མདོ་གཞན་ལས་གསུངས་

― JKT006_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། དེ་བཞིན་དུ་བྱང་ཆུབ་སེམས་དཔའི་དགེ་འདུན་གྲངས་ཀྱིས་ཆེ་བ་བྱེ་བ་ཁྲག་ཁྲིག །ཡོན་ཏན་གྱིས་ཆེ་བ་རིག་པ་དང་གྲོལ་བའི་ཆོས་ལ་དབང་འབྱོར་བ་དང་། ཐབས་ཤེས་ཀྱི་དོན་ལ་མ་རྨོངས་ཤིང་ས་ཐོབ་པ་ཤ་སྟག་གོ། །ཐབས་གཅིག་ཏུ་བཞུགས་ཏེ་ཞེས་པས་དུས་ཕུན་སུམ་ཚོགས་པ་སྟེ། དེ་ལྟ་བུའི་ངོ་མཚར་བའི་ཆོས་ཐམས་ཅད་སྐབས་འདིར་ཡོངས་སུ་རྫོགས་པའི་ཕྱིར་རོ། །དེ་ནས་བཅོམ་ལྡན་འདས་ཟབ་མོ་སྣང་བ་ཞེས་སོགས་ཀྱིས་ཆོས་ཕུན་སུམ་ཚོགས་པ་བསྟན་ཏེ། བརྒྱད་སྟོང་ལས། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཟབ་སྟེ། སུས་ཀྱང་བསྒོམ་པར་བགྱི་བ་མ་ལགས། ཞེས་སོགས་ཀྱིས་བསྟན་པ་ལྟར་ཤིན་ཏུ་རྟོགས་པར་དཀའ་ཞིང་བསམ་གྱིས་མི་ཁྱབ་པའི་ཟབ་མོའི་དོན་མངོན་དུ་སྣང་བར་བྱེད་པའི་སྒྲ་དོན་འབྲེལ་བའོ། །ཏིང་ངེ་འཛིན་ལ་སྙོམས་པར་ཞུགས་པ་ནི་ཟབ་མོ་སྟོང་པ་ཉིད་ཡུལ་སྣང་གཟུགས་ཀྱི་རྣམ་པར་ཤར་བ་ཟུང་འཇུག་ཆེན་པོའི་ཏིང་ངེ་འཛིན་གྱིས་ནང་དུ་ཡང་དག་པར་འཇོག་པའི་དུས་ཏེ་སྤྱོད་ལམ་སོགས་དུས་གསུམ་པོ་མ་འདྲེས་པའོ༑ །འོ་ན་འདི་ཉིད་གང་གིས་འཆད་ཅེ་ན། ཡང་དེའི་ཚེ་ཞེས་སོགས་ཀྱིས་སྨོས་ཏེ། རང་དོན་དུ་ཉོན་མོངས་པ་ཐམས་ཅད་སྤངས་པས་བྱང་། གཞན་དོན་དུ་རྟོགས་པའི་ཡོན་ཏན་ཐམས་ཅད་བརྙེས་

― JKT006_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ཆུབ། དེ་གཉིས་ཀྱི་དོན་ལ་རྟག་ཏུ་མི་འདའ་བར་སེམས་དཔའ་བར་གནས་པས་བྱང་ཆུབ་སེམས་དཔའ་དང་། འཕགས་པ་ནི་ཐེག་དམན་ཞི་བདེའི་ལམ་ལས་རིང་དུ་འདས་པའི་ཕྱིར་དང་། སྤྱན་ཟླ རས་གཟིགས་ནི་སྙིང་རྗེ་ཆེན་པོའི་སྤྱན་གྱིས་འགྲོ་བ་ཀུན་ལ་རྟག་ཏུ་གཟིགས་པའམ། ཡེ་ཤེས་ཀྱི་སྤྱན་གྱིས་ཆོས་ཉིད་ཀྱི་བདེན་པ་ལ་རྟག་ཏུ་གཟིགས་པ་སྟེ་སྔ་མ་ནི་ཁྱད་པར་གྱི་ཆོས་སུ་གཞག་པའོ། །དབང་ཕྱུག་ནི་སྟོང་པ་ཉིད་དང་སྙིང་རྗེ་ཟུང་དུ་འཇུག་པའི་ཡེ་ཤེས་ལ་དབང་འབྱོར་བའི་ཕྱིར་རོ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོའི་སྤྱོད་པ་འདི་ལ་རྣམ་པར་ལྟ་བའི་དོན་ནི་འོག་ཏུ་འབྱུང་བ་ལྟར་རིག་པར་བྱའོ། །འོ་ན་དེ་ཉིད་ཀྱིས་འཆད་པ་ཡིན་ན་སངས་རྒྱས་ཀྱི་གསུང་མ་ཡིན་པའི་ཕྱིར་བཀའི་གྲངས་སུ་མི་འགྲོའམ་སྙམ་ན་མ་ཡིན་ཏེ། དེ་ནས་སངས་རྒྱས་ཀྱི་མཐུས་ཞེས་སོགས་སྨོས་ཏེ། འདི་ལྟར་རྡོ་རྗེ་སྙིང་པོའི་སྤྱི་བོར་ཕྱག་བཞག་སྟེ་སྐུས་བྱིན་གྱིས་བརླབས་པས་མདོ་སྡེ་ས་བཅུ་པ་བཤད་པ་དང་། མ་སྐྱེས་དགྲའི་འགྱོད་པ་སེལ་བར་འཇམ་དཔལ་དབྱངས་ལ་གསུང་གིས་རྗེས་སུ་གནང་བ་བྱིན་པས་དེ་ཉིད་ཀྱི་མདོ་བྱུང་བ་ལྟར༑ འདིར་ཡང་ཏིང་ངེ་འཛིན་ལ་སྙོམས་པར་ཞུགས་པའི་ཐུགས་ཀྱི་ཡེ་ཤེས་ཀྱིས་བྱིན་གྱིས་བརླབས་པས་འཆད་པའི་སྤོབས་པ་སྐྱེས་པ་སྟེ། སྡུད་པ་ལས། རྒྱལ་བའི་ཉན་ཐོས་པ་དག་ཇི་སྙེད་ཆོས་

― JKT006_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོན་དང་། །འཆད་དང་རིག་པ་དག་དང་བདེན་པར་བརྗོད་པ་དང་། །མཆོག་འཕགས་བདེ་བར་བྱེད་དང་དེ་ཡི་འབྲས་ཐོབ་པ། །དེ་དག་ཀུན་ཀྱང་དེ་བཞིན་གཤེགས་པའི་སྐྱེས་བུའི་མཐུ། །ཞེས་བསྟན་པ་ལྟར་བྱིན་གྱིས་བརླབས་པའི་བཀའ་ངོས་བཟུང་པའོ། །གཉིས་པ་གཞུང་གི་དོན་ལ་བཞི། ལམ་ཟབ་མོའི་ཚུལ་དངོས་བསྟན་པ། དེ་ཐབས་སྔགས་ཀྱིས་ཟིན་དགོས་པར་བསྟན་པ། དེ་ལྟར་བསྒོམ་པའི་ཚུལ་ལ་བསླབ་པར་བྱ་བར་གདམས་པ། དེ་ལ་རྗེས་སུ་བསྔགས་པ་བརྗོད་པའོ། །དང་པོ་ལའང་ཞུས་པའི་ཚུལ་དང་། དེ་བསྟན་པ། བསྔགས་པ་བརྗོད་པའོ། །དང་པོ་ནི། ཚེ་དང་ལྡན་པ་ཤཱ་རིའི་བུས་སོགས་ནས། ཞེས་སྨྲས་པ་དང་ཞེས་པའི་བར་ཏེ་རྟོགས་པར་སླའོ། །གཉིས་པ་ནི། བྱང་ཆུབ་སེམས་དཔའ་སོགས་ནས། མ་ཐོབ་པ་ཡང་མེད་དོ། །ཞེས་པའི་བར་ཏེ། དེའང་འདི་ལྟར་གཟུགས་ལ་ངོ་བོ་ངོས་འཛིན་བྲལ་བས་སྟོང་པ་ཉིད་ཉམས་སུ་མྱོང་བའི་ཕྱིར་གཟུགས་སྟོང་པ། ཉམས་མྱོང་ནི་སྟོང་པ་ཉིད་ཀྱང་གཟུགས་ཀྱི་རྣམ་པར་ཤར་བས་སྟོང་པ་ཉིད་ཀྱང་གཟུགས། དེའི་ཕྱིར་ན་གཟུགས་ཀྱང་སྟོང་པ་ཡིན་ལ། སྟོང་པ་ཉིད་ཀྱང་གཟུགས་ལས་གཞན་མ་ཡིན་པའི་ཕྱིར་སྣང་སྟོང་ཟུང་འཇུག་གི་ལམ་མཚན་ཉིད་བཞི་ལྡན་དུ་ཤར་བ་སྟེ། རིམ་པར་སྣང་མེད་དང་། སྣང་བཅས་

― JKT006_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། སྣང་སྟོང་གཉིས་མེད་ཀྱི་རྣལ་འབྱོར་དུ་བཞག་ལ། དེས་ན་ཆོས་ཐམས་ཅད་ཀྱང་སྐྱེ་འགག་གནས་གསུམ་དང་བྲལ་བའི་སྨྲ་བསམ་བརྗོད་དུ་མེད་པའི་སྟོང་པ་ཉིད་ཡུམ་ཤེར་ཕྱིན་གྱི་ངོ་བོ་ཉིད་ཡིན་མོད་ཀྱི། འོན་ཀྱང་མཚན་མ་དང་བཅས་པའི་སྟོང་བ་ཉིད་དུ་བསྒོམས་པས། ཇི་སྐད་དུ། སྟོང་པ་ཉིད་ལ་ལྟ་ཉེས་ན། །ཤེས་རབ་ཆུང་རྣམས་ཕུང་བར་འགྱུར། །ཞེས་དང་། སྡུད་པ་ལས། ཕུང་འདི་ཨཱསྟོང་ཞེས་རྟོག་ནའང་བྱང་ཆུབ་སེམས་དཔའ་དེ། །མཚན་མ་ལ་སྤྱོད་སྐྱེ་མེད་གནས་ལ་དད་མ་ཡིན། །ཅེས་སོ། །དེས་ན་སྟོང་པ་དང་མི་སྟོང་པ་ལ་སོགས་པའི་མཚོན་དོན་གྱི་ཡུལ་ཐམས་ཅད་ལས་འདས་པས་མཚན་ཉིད་མེད་པ། དེ་ཉིད་རྒྱུ་དང་རྐྱེན་ལ་རག་མ་ལས་པས་མ་སྐྱེས་པ། སྐྱེ་བ་མེད་པའི་ངོ་བོ་དེ་ལས་ཀྱང་རང་རྩལ་ཅིར་ཡང་སྣང་དུ་རུང་བས་རང་མདངས་མ་འགག་པ། དེའི་གཤིས་ལུགས་ཇི་བཞིན་པ་ཉིད་ལ་ལམ་བདེན་གྱིས་བྲལ་བྱའི་དྲི་མ་ཐམས་ཅད་མི་གནས་པས་དྲི་མ་མེད་པ། དྲི་མ་དེ་ཉིད་ཀྱང་ཡེ་ནས་མེད་པ་ལས་འཕྲལ་དུ་རྟོག་པས་བསལ་དུ་མེད་པས་དྲི་མ་དང་བྲལ་བ་མེད་པ། སྟོང་པ་ཉིད་ཀྱི་གཤིས་ལུགས་དེ་ཉིད་ཡེ་ནས་ལྷུན་གྱིས་གྲུབ་པའི་སངས་རྒྱས་ཡིན་ཕྱིར་སྤངས་རྟོགས་ཀྱི་ཡོན་ཏན་ཀྱང་རང་བྱུང་དུ་སྣང་བས་ན་བྲི་བ་མེད་པ། དེ་ལྟར་གཟོད་ནས་གནས་པ་དེ་ལ་གློ་

― JKT006_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

བུར་དུ་གསར་བསྣན་གྱི་ཡོན་ཏན་བཞག་ཏུ་མེད་པའི་ཕྱིར་གང་བ་མེད་པ་སྟེ། དེ་དག་གི་རྒྱབ་སྐྱོར་དུ་ལུང་རིག་གི་འཐད་པ་བསམ་གྱིས་མི་ཁྱབ་པ་ཞིག་ཡོད་མོད་ཀྱི། འདིར་ཟབ་མོའི་དོན་བློ་དམན་དག་གིས་རྟོགས་པ་ལ་ཚིག་ཉུང་ངུས་འདོམས་པས་ཤེས་པར་སླ་བའི་ཕྱིར་སྐབས་སུ་མ་བབས་པས་སྤྲོས་པ་བསྐྱུང་ངོ་། །དེ་ལྟ་བས་ན་སྟོང་པ་ཉིད་གཟོད་ནས་གྲོལ་བའི་གཤིས་སུ་དབང་ཡུལ་རྟེན་དང་བརྟེན་པའི་འབྲེལ་བ་མེད་པའི་ཚུལ་དེའང་དབང་པོ་དྲུག་རྟོག་པ་མེད་པར་ཤར་བས་སྣང་བཅས་ཀྱི་རྣལ་འབྱོར། ཡུལ་སྣང་རང་སྣང་གི་རོལ་པར་ཤེས་པས་སྣང་མེད་ཀྱི་རྣལ་འབྱོར། རྣམ་ཤེས་ཚོགས་དྲུག་གི་འཛིན་པ་རྩ་བ་ནས་ཆོད་པས་ཟུང་འཇུག་གི་རྣལ་འབྱོར་ཏེ་རིག་སྟོང་ཉིད་ཀྱི་གཤིས་ལ་མེད་ཀྱང་རྩལ་སྣང་གློ་བུར་བ་ཤར་བས་སོ། །དེ་ལྟ་བུའི་བཞུགས་ཚུལ་གྱི་ངོ་བོ་དེ་ལྷན་སྐྱེས་ཀྱི་མ་རིག་པས་བསྒྲིབས་ཤིང་། འདུ་བྱེད་ཀྱིས་སླད་མའི་ལས་བསགས་པ་ལས་རྣམ་ཤེས་ཀྱིས་རྩལ་ཤར་ནས་སྣང་བའི་སྤུ་རིས་ཕྱེས་ཏེ་མིང་དང་གཟུགས་ལ་བཟུང་། དེ་ཉིད་གང་གིས་བཟུང་ན་སྐྱེ་མཆེད་དྲུག་གིས་བཟུང་། དེར་དབང་པོ་ཡུལ་གྱི་རྣམ་པ་དང་རེག་ཅིང་དེའི་མཐུས་ཚོར་བ་རྣམ་པ་གསུམ་མྱངས་ཤིང་སྲེད་པ་སྐྱེས། སྲིད་པར་འཁོར་བའི་ལས་བྱས་པའི་འབྲས་བུ་ལུས་ལེན་པ་དང་། སྐྱེ་བ་དང་ན་

― JKT006_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

ཤི་རྣམས་བྱུང་བ་རྟེན་འབྲེལ་ལུགས་འབྱུང་སྟེ། འཁོར་བའི་རང་བཞིན་བསམ་གྱིས་མི་ཁྱབ་པ་ཉིད་རྣམ་བྱང་འཕགས་པའི་ཡན་ལག་གིས་ལྡོག་སྟེ། དེའང་རིག་པའི་ངོ་བོ་སྤྲོས་བྲལ་དུ་མཐོང་བས་མ་རིག་པ་ཡུལ་མེད་དུ་དག །འདུ་བྱེད་རྩ་ནས་ཞིག །རྣམ་ཤེས་རང་སྟོང་དུ་སོང་། མིང་དང་གཟུགས་སུ་མ་བཟུང་། སྐྱེ་མཆེད་ཀྱི་སྒོ་འགེགས། ཡུལ་དབང་ལ་མ་རེག་པ་ནས་རིམ་པར་འབྲེལ་དང་བཅས་པའི་ཕྱི་མ་རྣམས་ཀྱང་ལྡོག་སྟེ་སྟོང་པ་ཉིད་དུ་དག་པའི་མཐུས། འཁོར་བའི་རྒྱུ་ཀུན་འབྱུང་གི་ཉོན་མོངས་དང་། དེའི་འབྲས་བུ་སྡུག་བསྔལ་བསམ་གྱིས་མི་ཁྱབ་པ་མྱང་འདས་ཀྱི་རྒྱུད་འཐོབ་པའི་ལམ་དང་། དེའི་འབྲས་བུ་ཞི་བའི་འགོག་པ་ཐམས་ཅད་ཀྱང་མེད་པ་སྟེ། ཇི་ལྟར་སྟོང་པའི་ཚུལ་ནི་རྣལ་འབྱོར་གསུམ་སྟེ་སྔར་བསྟན་པ་ལྟར་རིག་པར་བྱའོ། །དབྱིངས་གཟོད་ནས་དག་པའི་ཀློང་དུ་རིག་པའི་ཡེ་ཤེས་ཟུང་འཇུག་ཏུ་ཐིམ་པས་མཁྱེན་པའི་ཡེ་ཤེས་རང་རྒྱུད་པ་ཤར་དུ་མེད་པའི་ཕྱིར་ཡེ་ཤེས་མེད། དེ་ལྟ་བུའི་དོན་ཟབ་མོ་ཡོངས་གྲུབ་སྒྲོ་སྐུར་དང་བྲལ་བའི་གནས་ལུགས་སངས་རྒྱས་ཆོས་ཀྱི་སྐུ་མཐོང་བ་ལས་གཞན་འབྲས་བུ་མཐར་ཐུག་གདོད་ཐོབ་ཏུ་མེད་པས་ཐོབ་པ་མེད། འོན་ཀྱང་གཤིས་ཆོས་སྐུ་དེའི་སོ་སོ་ཡང་དག་པར་རིག་པའི་རང་རྩལ་སྐུ་དང་ཡེ་ཤེས་ཀྱི་སྒྱུ་འཕྲུལ་ལྷུན་གྱིས་གྲུབ་པ་ཚང་

― JKT006_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་སྟོན་ནུས་པའི་ཕྱིར་མ་ཐོབ་པ་ཡང་མེད་པ་སྟེ། འཕགས་པ་ཀླུ་སྒྲུབ་ཀྱིས། གང་ཞིག་གཅིག་མིན་དུ་མ་ཡང་མིན་རང་དང་གཞན་ལ་ཕན་པ་ཕུན་ཚོགས་ཆེན་པོའི་གཞིར་གྱུར་པ། །དངོས་མེད་ཉིད་མིན་དངོས་པོ་མ་ཡིན་ནམ་མཁའ་བཞིན་དུ་རོ་མཉམ་རྟོགས་པར་དཀའ་བའི་རང་བཞིན་ཅན། །གོས་པ་མེད་ཅིང་རྣམ་འགྱུར་མེད་པ་ཞི་ཞིང་མི་མཉམ་མཉམ་པ་ཁྱབ་པ་སྨྲོས་མེད་པ། །སོ་སོ་རང་གིས་རིག་བྱ་རྒྱལ་བ་རྣམས་ཀྱི་ཆོས་སྐུ་དེ་ལ་བདག་ནི་ཕྱག་འཚལ་ལོ། །ཞེས་གསུངས་པ་བཞིན་ནོ། །གསུམ་པ་ལའང་གཉིས། ལམ་ལ་གནས་པ་རྣམས་འདི་ལ་བརྟེན་ནས་ལམ་འགོག་པ་ལས་ལྡོག་པ། མི་སློབ་པ་ན་བགྲོད་པ་རྣམས་ཀྱང་འདི་ལ་མ་བརྟེན་པར་མི་ཕྱིན་པའི་ཚུལ་ལོ། །དང་པོ་ནི། ཤཱ་རིའི་བུ་དེ་ལྟ་བས་ན་སོགས་ནས། མཐར་ཕྱིན་ཏེ་ཞེས་པའི་བར་ཏེ། དེའང་དཔལ་ལྡན་ནཱ་གརྫུ་ནས་དབུ་མ་བཤེས་པའི་སྤྲིང་ཡིག་ཏུ། དྲན་པ་ཉེ་བར་མ་བཞག་རྣམས་ཀྱིས་ནི། །ཕྱིན་ཅི་ལོག་བཞིར་ལྟ་བ་ཕུང་ཁྲོལ་བ། །ཞེས་གསུངས་པ་བཞིན་འདི་ལྟར་དངོས་པོའི་གནས་ལུགས་ཇི་ལྟ་བ་ལས་གཞན་དུ་གྱུར་པའི་བདག་ཏུ་ལྟ་བའི་ལས་ཀྱི་ཀུན་འབྱུང་སླར་ཡང་སྤེལ་བའི་ཕྱི་རོལ་པ་རྣམས་ཀྱིས་གཟུགས་བདག་ཡིན་པ་དང་། བདག་གཟུགས་དང་ལྡན་པ་དང་། གཟུགས་ལ་བདག་གནས་པ་

― JKT006_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། བདག་ལ་གཟུགས་གནས་པར་འདོད་པ་བཞི་པོ་ལས་དབྱེ་བའི་འཇིག་ཚོགས་ལ་ལྟ་བའི་རི་བོ་ཉི་ཤུ་དང་། དེ་ལས་ཀྱང་སུམ་བརྒྱ་དྲུག་ཅུ་སོགས་སུ་འདོད་པའི་ལོག་རྟོག་ཐམས་ཅད་ཀྱང་གང་གི་རྣལ་འབྱོར་གསུམ་དང་ལྡན་པ་ཕུང་པོ་ལྔ་མྱོང་བ་མཚན་ཉིད་བཞི་ལྡན་གྱི་རིག་པས་བཅོམ་སྟེ། དེའང་གཟུགས་བདག་མ་ཡིན་ཏེ། བདག་ཉིད་རྟག་ཀྱང་གཟུགས་མི་རྟག་པའི་ཕྱིར་དང་། བདག་གཟུགས་མ་ཡིན་ཏེ་བདག་ཉིད་ཀྱིས་མི་འདོད་བཞིན་དུ་གཟུགས་འཇིག་པས་ན་གཟུགས་བདག་ལ་མི་དབང་བའི་ཕྱིར་རོ། །དེ་བཞིན་དུ་བདག་ལ་གཟུགས་ངོ་བོ་ཉིད་ཀྱིས་གནས་ཀྱང་མི་རུང་སྟེ། །བདག་གི་འདོད་པས་གཟུགས་ལ་འཇུག་ལྡོག་མི་ནུས་པའི་ཕྱིར་རོ། །བདག་ལ་གཟུགས་ངོ་བོ་ཉིད་ཀྱིས་ཡོད་ན་བདག་མེད་བཞིན་དུ་ཡང་ཕྱི་ཡི་གཟུགས་སོགས་མཐོང་ཆོས་སུ་གནས་པའི་ཕྱིར་མི་རུང་སྟེ༑ སྔ་མ་ལས། གཟུགས་ནི་བདག་མ་ཡིན་ཅེས་གསུངས་ཏེ་བདག །གཟུགས་དང་མི་ལྡན་གཟུགས་ལ་བདག་གནས་མིན། །བདག་ལ་གཟུགས་མི་གནས་ཏེ་དེ་བཞིན་དུ། །ཕུང་པོ་ལྷག་མ་བཞི་ཡང་སྟོང་རྟོགས་བགྱི། །ཞེས་གསུངས་ཤིང་། མཚན་ཉིད་ཞིབ་ཏུ་རྟོགས་པར་འདོད་ན་དེའི་ཊི་ཀ་འཕགས་ཡུལ་གྱི་སློབ་དཔོན་བློ་གྲོས་ཆེན་པོས་མཛད་པ་ལས་རྟོགས་པར་བྱའོ། །དེས་ན་བྱང་ཆུབ་

― JKT006_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་དཔའ་རྣམས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པའི་དགོངས་པ་འདི་ལ་གནས་པས་སེམས་ཉིད་ཀྱི་དོན་སྒྲིབ་པ་མེད་པར་མཐོང་བའི་ཕྱིར་རོ། །ཟབ་མོའི་དོན་ལ་སེམས་སྐྲག་པ་མེད་དེ། །ཅིའི་ཕྱིར་ན་ཕྱིན་ཅི་ལོག་བཞི་དེ་ལས་རྣམ་པར་འདས་པའི་ཕྱིར་རོ། །དེས་ན་མྱུར་དུ་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་དུ་སྦྱོར་བས་བདག་མེད་ཀྱི་ཡེ་ཤེས་རྟོགས་པའི་མཐུ་ཁོ་ནའོ། །གཉིས་པ་ནི། དུས་གསུམ་དུ་བཞུགས་ཤིང་གཤེགས་དང་གཤེགས་པར་འགྱུར་བའི་རྒྱལ་བ་ཐམས་ཅད་ཀྱིས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་བརྟེན་ནས་རྫོགས་པའི་སངས་རྒྱས་ཀྱི་གོ་འཕང་བརྙེས་པ་ཡིན་ཏེ། སྡུད་པ་ལས་ཀྱང་། གཟུགས་མེད་ཚོར་བ་མེད་ཅིང་འདུ་ཤེས་སེམས་པ་མེད། །དེ་ལ་རྣམ་ཤེས་གནས་ནི་རྡུལ་ཙམ་ཡོད་མིན་ན། །དེ་ཆོས་ཀུན་ལ་མི་གནས་གནས་པ་མེད་པར་སྤྱོད། །ཡོངས་སུ་བཟུང་མེད་བདེ་གཤེགས་རྣམས་ཀྱི་བྱང་ཆུབ་ཐོབ། །ཅེས་སོ། །གཉིས་པ་ནི། དེ་ལྟ་བས་ན་ཤེས་རབ་ཀྱི་ཕ་རོལ་ཏུ་ཕྱིན་པའི་སྔགས་ཞེས་སོགས་ནས། བོ་དྷི་སྭཱ་ཧཱ་ཞེས་པའི་བར་ཏེ། དེའང་མནྟ་ཞེས་པའི་སྒྲ་ལས་དྲངས་ན་སྔགས་ཏེ། དེ་ཉིད་ཡིད་སྐྱོབ་ལ་འཇུག་ཕྱིར་འདིར་ཡང་མཚན་མ་དང་བཅས་པའི་བདག་ཏུ་འཛིན་པའི་ཡིད་ཀྱིས་འཁོར་བ་ལས་ལྟུང་བ་སྐྱོབ་

― JKT006_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིང་བགྲོད་བྱ་ཐམས་ཅད་ཀྱི་མཐར་ཐུག་ཏུ་ཕྱིན་པར་བྱེད་པས་ན་ཤེས་རབ་ཀྱི་ཕ་རོལ་ཏུ་ཕྱིན་པའི་སྔགས། ཐོག་མ་མེད་པ་ནས་འཁྲུལ་པའི་མ་རིག་པ་སྤྲོས་བྲལ་གྱིས་དག་པས་ན་རིག་པ་ཆེན་པོའི་སྔགས༔ ཟབ་མོ་སྟོང་པ་ཉིད་ཀྱི་གནས་ལུགས་སྒྲོ་སྐུར་དང་བྲལ་བའི་ངོ་བོ་ལས་གོང་དུ་ཐོབ་བྱ་གཞན་མེད་པའི་ཕྱིར་བླ་ན་མེད་པའི་སྔགས། མི་མཉམ་པ་དང་མཉམ་པའི་ཡོན་ཏན་ལྡན་པའི་སངས་རྒྱས་ཀྱི་གོ་འཕང་དང་མཉམ་པར་བྱེད་པས་མི་མཉམ་པ་དང་མཉམ་པར་བྱེད་པའི་སྔགས། སྡུག་བསྔལ་གྱི་རྩ་བ་སྲིད་པའི་རྒྱུ་འབྲས་བདག་ཏུ་ལྟ་བའི་ཚོགས་ཐམས་ཅད་འཇོམས་པར་བྱེད་པས་ན་སྡུག་བསྔལ་ཐམས་ཅད་རབ་ཏུ་ཞི་བར་བྱེད་པའི་སྔགས་དེ་དག་ཀྱང་མི་བསླུ་བར་སྟོན་པའི་ཕྱིར་མི་ལྡན་པས་ན་བདེན་པར་ཤེས་པར་བྱ་སྟེ། ཞེས་སོ། །སྔགས་དོན་དངོས་ནི། ཏད་ཐུ་ནི་འདི་ལྟ་སྟེ། ཨོཾ་ནི་བཀྲ་ཤིས་པ་དང་དམ་བཅའ་བ་མཆོག་སྟེར་བ་སོགས་ཀྱི་དོན་ལ་འཇུག་པར་གསུངས། ག་ཏེ་ཞེས་ལམ་ལ་མ་ཞུགས་པའི་སོ་སྐྱེ་རྣམས་ཚོགས་ལམ་དུ་སོང་། ག་ཏེ་གཉིས་པ་ནི་ཚོགས་ལམ་ནས་སྦྱོར་ལམ་དུ་སོང་ཞེས་པའི་དོན་དང་། པ་ར་ག་ཏེ་ནི་དེ་ནས་མཆོག་ཏུ་སོང་ཞེས་སྦྱོར་ལམ་ནས་མཐོང་ལམ་དུ་སོང་། པཱ་ར་སཾ་ག་ཏེ་ནི་དེ་ནས་ཡང་དག་པར་སོང་ཞེས་མཚན་འཛིན་དང་བྲལ་བའི་སློབ་པའི་ལམ་དུ་

― JKT006_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

སོང་། བོ་དྷི་ཡེ་སྭཱ་ཧཱ་ནི་བྱང་ཆུབ་ཀྱི་གཞི་ཚུགས་ཞེས་པས་ལམ་བདེན་ཀྱི་སྤྲོས་པ་ཐམས་ཅད་ལས་འདས་པའི་མི་སློབ་པའི་ལམ་དུ་རྟག་པ་རྒྱུན་གྱི་འཁོར་ལོར་གཡོ་མེད་པར་སོང་ཞེས་པའི་དོན་།། དུ་སྦྱར་ཏེ་དེ་དག་གི་རྣམ་དབྱེ་རྒྱས་པ་ནི་འདིར་ཡི་གེས་འཇིགས་ལ། ཤེས་པར་འདོད་ན་ཐེག་པ་ཆེན་པོའི་མདོ་སྡེ་རྒྱན་དང་དེའི་ཊཱི་ཀ་སོགས་ལས་རྟོགས་པར་བྱའོ། །གསུམ་པ་ནི། ཤཱ་རིའི་བུ་སོགས་ནས༑ བསླབ་པར་བྱའོ་ཞེས་པའི་བར་ཏེ། དེའང་བྱང་ཆུབ་སེམས་དཔའ་གང་སུ་དག །བདག་ཏུ་ལྟ་བའི་རི་བོ་ཐམས་ཅད་བཅོམ་ཞེས་ཕྱིར་མི་ལྡོག་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལྟ་བུ་ལ་ཅི་ནས་ཀྱང་བསླབ་པར་བྱའོ། །ཞེས་སོ། །དེའང་ཅིའི་ཕྱིར་ཟབ་མོ་ཞེས་བསྟན་ཅེ་ན། བརྒྱད་སྟོང་པ་ལས། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་གང་བྱང་ཆུབ་ཏུ་སེམས་བསྐྱེད་ནས་བསྐལ་པ་གངྒའི་ཀླུང་གི་བྱེ་མ་སྙེད་དུ་སྦྱིན་པ་བྱིན། ཚུལ་ཁྲིམས་བསྲུངས། བཟོད་པ་བསྒྲུབས། བརྩོན་འགྲུས་བརྩམས། བསམ་གཏན་ལ་མཉམ་པར་བཞག་སྟེ། དེ་རྒྱ་ཆེར་ཡང་དག་པར་ཞུགས་པར་གྱུར་ཅིང་བླ་ན་མེད་པ་ཡང་དག་པར་མངོན་པར་རྫོགས་པར་འཚང་རྒྱ་བའི་སེམས་ཆེར་བསྐྱེད་པར་གྱུར་ཀྱང་། གལ་ཏེ་ཤེས་རབ་ཀྱི་ཕ་རོལ་ཏུ་ཕྱིན་པ་འདིས་ཡོངས་སུ་མ་ཟིན་ཅིང་ཐབས་མཁས་པ་

― JKT006_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བྲལ་བར་གྱུར་ན་འདི་ལྟར་ཉན་ཐོས་ཀྱི་སའམ། རང་སངས་རྒྱས་ཀྱི་སར་ལྷུང་ངོ་། །ཞེས་སོ། །འོ་ན་ཐབས་ཀྱི་ལམ་ལྔ་པོ་དེ་དོན་མེད་དུ་འགྱུར་རམ་སྙམ་ན་མ་ཡིན་ཏེ། ཡན་ལག་འདི་དག་ནི་ཟབ་མོའི་དོན་འདི་ཉིད་རྟོགས་པར་བྱ་བའི་ཆེད་དུ་སྟེ། སྤྱོད་འཇུག་ལས། ཡན་ལག་འདི་དག་ཐམས་ཅད་ནི། །ཐུབ་པས་ཤེས་རབ་དོན་དུ་གསུངས། །ཞེས་པས་ཀྱང་ཤེས་སོ། །བཞི་པ་ནི། དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་སོགས་ནས། དེ་བཞིན་གཤེགས་པ་རྣམས་ཀྱང་རྗེས་སུ་ཡི་རང་ངོ་ཞེས་པའི་བར་རོ། །དེའང་འཕགས་པ་སྤྱན་རས་གཟིགས་དང་དགྲ་བཅོམ་ཤཱ་རིའི་བུ་གཉིས་པོའི་འདྲི་བ་དང་ལན་ལྡོན་པའི་ཚུལ་གྱིས་གསུངས་བ་དེ་ངེས་པའི་དོན་ཇི་ལྟར་ཡིན་ཞེ་ན། དེ་ནི་ཐེ་ཚོམ་མེད་པ་ཉིད་དུ་བསྟན་པའི་ཕྱིར། དེ་བཞིན་གཤེགས་པ་ཐམས་ཅད་ཀྱིས་ཇི་སྐད་གསུངས་པ་དང་གཉིས་སུ་མེད་པ་སྟེ་ཐམས་ཅད་ཀྱང་རྗེས་སུ་ཡི་རང་བར་མཛད་དོ་ཞེས་བསྔགས་པ་བརྗོད་པའོ། །གསུམ་པ་མཇུག་གི་དོན་ནི། བཅོམ་ལྡན་འདས་ཀྱིས་ཞེས་པ་ནས། མངོན་པར་བསྟོད་དོ་ཞེས་པའི་བར་ཏེ། དེའང་འཁོར་རྣམས་ཀྱི་ཐེ་ཚོམ་སེལ་ཞིང་སྤོབས་པ་བསྐྱེད་པའི་ཚིག་དེ་སྐད་ཅེས་བཀའ་སྩལ་བ་དང་། འདུས་པའི་ཚོགས་ཐ་དད་པ་ཐམས་ཅད་ཀྱང་དགའ་ཞིང་མགུ་ནས་གུས་པས་སངས་

― JKT006_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་ཀྱི་ཡོན་ཏན་ལ་མངོན་པར་བསྟོད་དོ། །ཞེས་པའི་དོན་ནོ། །དེ་དག་གི་གོང་འོག་གི་མཚམས་སྦྱོར་བའི་ཚིག་རྣམས་དང་འགྱུར་བྱང་སོགས་ནི་རྟོགས་པར་སླ་བས་མ་སྨོས་སོ། །འདིར་ཉམས་སུ་ལེན་ཚུལ་ཅུང་ཟད་བརྗོད་ན། ཡུམ་བར་མ་ལས། རབ་འབྱོར་འདི་ལྟར་ཆོས་ཐམས་ཅད་ནི་སྟོང་པ་ཉིད་ཀྱི་ངོ་བོ་ཉིད་དོ། །ཆོས་ཐམས་ཅད་ནི་མཚན་མ་མེད་པའི་ངོ་བོ་ཉིད་དོ། །ཆོས་ཐམས་ཅད་ནི་སྨོན་པ་མེད་པའི་ངོ་བོ་ཉིད་དོ། །ཞེས་བསྟན་པ་ལྟར་གོང་དུ་སྨོས་པ་བཞིན་ཕུང་པོ་ལྔ་དང་དབང་ཤེས་ཀྱི་སྤྲོས་པས་མ་གོས་པའི་ཆོས་ཉིད་བསམ་གྱིས་མི་ཁྱབ་པ་མྱོང་བ་མཚན་ཉིད་བཞི་ལྡན་གྱི་ལ། བདག་མེད་པའི་སྟོང་པ་ཉིད་དེ་ཉིད་སྐྱེ་འགག་གནས་གསུམ་གྱི་ཐ་སྙད་དང་བྲལ་བའི་ཕྱིར་རོ། །མཚན་མ་མེད་པ་ནི། འདི་ལྟར་གཤིས་སྤྲོས་བྲལ་གྱི་སྟེང་དུ་བློ་བྱ་བྲལ་འཇོག་པས་འཁོར་གསུམ་གྱི་རྟོག་ཚོགས་ཐམས་ཅད་བསྒོམ་དུ་མེད་པའི་རང་མདངས་སུ་ཐིམ་ནས་ནམ་མཁའ་ལྟ་བུའི་དགོངས་པ་མངོན་དུ་གྱུར་པ་སྟེ། བརྒྱད་སྟོང་པ་ལས། བཅོམ་ལྡན་འདས་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ནམ་མཁའ་བསྒོམ་པ་ལགས་སོ། །བཅོམ་ལྡན་འདས་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཆོས་ཐམས་ཅད་མི་བསྒོམ་པ་ལགས་སོ། །ཞེས་སོགས་ཀྱིས་བསྟན་ཏོ། །དེ་ལྟར་སྟོང་ཉིད་

― JKT006_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་མོ་དེ་ལ་གོམས་པ་མཐར་ཕྱིན་པས་སྨྲ་བསམ་བརྗོད་མེད་ཤེས་རབ་ཀྱི་ཕ་རོལ་ཏུ་ཕྱིན་པ་དུས་གསུམ་གྱི་རྒྱལ་བའི་ཡུམ་དུ་གྱུར་པའི་རང་ཞལ་འདུ་འབྲལ་མེད་པར་མཇལ་བས། དེ་ལས་གོང་དུ་སངས་རྒྱས་ཀྱི་འབྲས་བུ་ཞེས་ཐོབ་ཏུ་མེད་པས་སྨོན་པ་མེད་པ་ཞེས་བྱ་སྟེ། སྡུད་པ་ལས། གང་ལ་ཤེས་རབ་ཕ་རོལ་ཕྱིན་མཆོག་མི་དམིགས་ཤིང་། །བྱང་ཆུབ་སེམས་དཔའ་མི་དམིགས་བྱང་ཆུབ་སེམས་མི་དམིགས། །དེ་སྐད་ཐོས་ནས་རྨོངས་པ་མེད་ཅིང་མི་སྐྲག་པ། །བྱང་ཆུབ་སེམས་དཔའ་དེ་ནི་བདེ་གཤེགས་ཤེས་རབ་སྤྱོད། །ཅེས་སོ། །དེའང་རིམ་པར་ལྟ་སྒོམ་འབྲས་བུའི་ཆོས་སུ་བཞག་པ་སྟེ་རྣམ་པར་ཐར་པའི་སྒོ་གསུམ་དུ་བརྗོད་ལ། འདི་ལྟར་འཁྲུལ་པའི་སྣང་བ་ཐམས་ཅད་ནི་སེམས་ཀྱིས་བྱས་ཤིང་། ངོ་བོ་མ་གྲུབ་བཞིན་དུ་བདག་ཏུ་བཟུང་བས་འཁོར་བར་འཁྱམས་པ་སྟེ། སྤྱོད་འཇུག་ལས༑ ལྕགས་སྲེགས་གཞི་སུ་ཡིས་བྱས། །མེ་ཚོགས་དེ་དག་གང་ལས་བྱུང་། །དེ་འདྲ་དེ་དག་ཐམས་ཅད་ནི། །སྡིག་སེམས་ལགས་པར་ཐུབ་པས་གསུངས། །ཞེས་བསྟན་པའི་ཕྱིར་སྟོང་ཉིད་ཀྱི་གཤིས་ལུགས་ལ་འཁོར་འདས་ཀྱི་འཇུག་ལྡོག་གི་ཚུལ་ལེགས་པར་ཚང་བས་དེས་ན་བསམ་གྱིས་མི་ཁྱབ་པའི་དོན་ལ་མཉམ་པར་བཞག་ཅིང་། རྗེས་ཐོབ་ཏུ་དེ་ལྟར་མ་རྟོགས་པའི་སེམས་ཅན་རྣམས་ལ་

― JKT006_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

དམིགས་པའི་སྙིང་རྗེ་ཆེན་པོ་དང་། གཟུགས་སུ་སྣང་བ་ཐམས་ཅད་སྣང་སྟོང་དབྱེར་མེད་ཆུ་ཟླ་ལྟ་བུ། སྒྲར་གྲགས་པ་ཐམས་ཅད་གྲགས་སྟོང་དབྱེར་མེད་བྲག་ཅ་ལྟ་བུ། ཡིད་ཀྱི་རྟོག་ཚོགས་ཐམས་ཅད་རིག་སྟོང་དབྱེར་མེད་སྒྱུ་མ་ལྟ་བུར་ལམ་དུ་ཁྱེར་བའི་ཐབས་མཁས་ཀྱིས་ཟིན་པར་བྱ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པ་ལས། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་གཉིས་དང་ལྡན་ན་བདུད་སྡིག་ཅན་རྣམས་སམ་བདུད་ཀྱི་རིས་ཀྱིས་དེ་ཡི་ཚེ་ཐུབ་པར་དཀའོ། །གཉིས་པོ་གང་ཞེ་ན། འདི་ལྟ་སྟེ། དེས་སེམས་ཅན་ཐམས་ཅད་ཡོངས་སུ་མ་བཏང་བ་ཡིན༑ དེས་ཆོས་ཐམས་ཅད་སྟོང་པ་ཉིད་དུ་རྟོགས་པ་ཡིན་ནོ། །ཞེས་དང་། གཞན་དུའང་། སྟོང་ཉིད་སྙིང་རྗེའི་སྙིང་པོ་ཅན། །སྤྱོད་པས་བསོད་ནམས་དག་པར་འགྱུར། །ཞེས་སོ། །དེ་ལྟར་ཉམས་སུ་ལེན་ཚུལ་དེ་བཞིན་དུ་ལྡན་པས་མདོ་བཀླགས་ལ། དེ་ཡང་སྦྱོར་བ་སེམས་བསྐྱེད་ཀྱི་རྩིས་ཟིན་པར་བྱས་ནས། དངོས་གཞི་དབང་པོ་རབ་ཀྱིས་སྟོང་པ་ཉིད་ཇི་ལྟ་བའི་གནས་ལུགས་བརྗོད་དུ་མེད་པའི་ཡེ་ཤེས་ཀྱི་ངང་ནས་དང་། འབྲིང་གིས་ཆོས་ཐམས་ཅད་སྒྱུ་མ་ལྟ་བུར་རྟོགས་པས་དང་། ཐ་མས་ཀྱང་དང་པོར་སྟོང་པ་ཉིད་ཀྱི་དོན་དྲན་པར་བྱས་པའི་རྗེས་སྒྲ་ལ་མ་ཡེངས་པར་སེམས་གཏད་དེ་

― JKT006_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

འདོན་ལ་རྗེས་ཐོབ་བསྔོ་བས་མཚམས་སྦྱོར་བ་སྟེ་དམ་པ་གསུམ་གྱིས་ཟིན་པ་ནི་ཤིན་ཏུ་གཅེས་ཤིང་། དེའང་ཆོས་ཐམས་ཅད་སེམས་ཀྱི་རོལ་རྩལ་དུ་རྟོགས་པས་ཕྱིའི་སྒྲོ་འདོགས་ཆོད། སེམས་ཉིད་སྐྱེ་འགག་གནས་གསུམ་དང་བྲལ་བའི་སྟོང་པ་ཉིད་ཀྱི་ངོ་བོར་རྟོགས་པས་ནང་གི་སྒྲོ་འདོགས་ཆོད། དེ་ཡང་བསམ་གྱིས་མི་ཁྱབ་པའི་ཡེ་ཤེས་བསྒོམ་བྱ་སྒོམ་བྱེད་ལས་འདས་པའི་རིག་སྟོང་རྗེན་པ་ལྷག་གེར་མཐོང་བས་གསང་བའི་སྒྲོ་འདོགས་ཆོད་དེ་རེ་དོགས་སྒྲོ་སྐུར་དང་བྲལ་བའི་དོན་ཕྱིར་མི་ལྡོག་པར་མཐོང་བ་ནི་ཉམས་ལེན་ཀུན་གྱི་སྙིང་པོའོ། །བདག་ཏུ་ལྟ་བའི་ཞགས་པ་རིང་བཅད་ནས། །སྤྲོས་བྲལ་ཤེས་རབ་ཕ་རོལ་ཕྱིན་རྟོགས་ཕྱིར། །ལེགས་པར་གསུངས་པའི་དོན་གྱི་དེ་ཁོ་ན། །རིང་མིན་འགྲོ་རྣམས་ཀུན་གྱིས་མངོན་གྱུར་ཤོག །ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་སྣང་བའི་དོན་འགྲེལ་ཤིན་ཏུ་བསྡུས་པ་འདི་ནི་བློ་དམན་དག་གིས་ཁ་ཏོན་དུ་བགྱིད་པ་ལའང་དོན་གྱི་ཕྱོགས་ཙམ་མཐོང་བར་གྱུར་ཀྱང་བསོད་ནམས་ཆོས་མཆོག་ཏུ་གྱུར་པར་སེམས་ཏེ་གཞོན་ནུ་ཨ་བྷཱ་ཡས་རང་ལོ་བཅུ་བདུན་པར་ཁྲི་ཀ་གཞན་ལ་བརྟགས་དཔྱད་མ་བྱུང་ཡང་གང་ཤར་ཡུད་ཙམ་ལ་སྦྱར་བས་སྨན་པར་གྱུར་ཅིག། ༈ །།བླ་མ་ལ་ཕྱག་འཚལ་ལོ། །ཇི་སྐད་དུ། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་

― JKT006_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །ཞེས་གསུངས་པ་ལྟར། རང་གི་སེམས་ཀྱི་གནས་ལུགས་བློ་ཡིས་བསམ་པར་མི་ནུས་ཤིང་། ངག་ཏུ་བརྗོད་པ་དང་བྲལ་ཡང་གསལ་རིག་ཙམ་མི་འགགས་པར་ཉམས་སུ་མྱོང་བ་འདི་ཀ་ལྟ་བ་ཁས་ལེན་དང་བྲལ་བ་ཡིན། དེའི་ངང་ལས་རྣམ་པར་རྟོག་པ་ཅི་ཤར་ཡང་། ཤར་ཙམ་ཉིད་ནས་ཆུ་ལ་རི་མོ་བྲིས་པ་ལྟར་རང་ཡལ་རྗེས་མེད་དུ་སོང་བའི་རིག་པའི་རང་མདངས་ཟང་ཐལ་སྒྲིབ་གཡོགས་དང་བྲལ་བ་ཉིད་མ་ཡེངས་ཙམ་དུ་སྐྱོང་བ་ལས་གཞན་པའི་བཅས་བཅོས་སྤང་བླང་གང་ཡང་མི་བྱེད་པ་ནི་སྒོམ་པ་ཉམས་མྱོང་དང་འབྲེལ་བ་ཡིན། འགྲོ་འཆག་ཉལ་འདུག་དང་བསྐྱེད་རིམ་བཟླས་བརྗོད་སོགས་ཆོས་སྤྱོད་རྣམ་བཅུས་མཚོན་པའི་སྤྱོད་ལམ་ཅི་བྱེད་ཀྱང་རང་རིག་གསལ་སྟོང་བརྗོད་མེད་ཀྱི་ཉམས་དང་མ་བྲལ་བའི་ངང་ནས་ལས་རྒྱུ་འབྲས་ཀྱི་བླང་དོར་ཚུལ་བཞིན་དུ་བྱ་བ་ནི་སྤྱོད་པ་དུས་ཚོད་དང་འབྲེལ་བ་ཡིན། དེ་ལྟ་བུའི་ལམ་ཐབས་ཤེས་ཡ་མ་བྲལ་བ་ལ་གོམས་པས་མཐར་ཉོན་མོངས་དང་ཤེས་བྱའི་སྒྲིབ་པ་རིམ་གྱིས་སྤངས་ཏེ་རང་དོན་ཆོས་སྐུ་མངོན་དུ་གྱུར། གཞན་དོན་གཟུགས་སྐུ་རྒྱུན་མི་འཆད་པ་ནི་ཐོབ་བྱའི་འབྲས་བུ་གཞན་དོན་དང་འབྲེལ་བ་ཡིན་ནོ། །མདོར་ན་དུས་དང་རྣམ་པ་ཀུན་ཏུ་ད་ལྟའི་ཤེས་པ་སྐད་ཅིག་

― JKT006_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

མ་གཉུག་མ་བསམ་བརྗོད་དང་བྲལ་བ་འདི་གའི་རང་ནས་བསྐྱེད་རིམ་བཟླས་བརྗོད། མཆོད་སྦྱིན་ཚོགས་གསོག་སོགས་བསོད་ནམས་ཀྱི་ཚོགས་སྤྱི་དང་། ཁྱད་པར་དུ་འཁོར་བ་ལ་ངེས་འབྱུང་། །སེམས་ཅན་ལ་སྙིང་རྗེ། བླ་མ་ལ་མོས་གུས། ནམ་འཆི་ཆ་མེད་ཀྱི་བློ་སྣ་དུང་དུང་པས་ལས་རྒྱུ་འབྲས་ཀྱི་འདོར་ལེན་ལ་ངོས་ལྐོག་མེད་པར་བསླབ་པ་ནི་རྒྱལ་བ་སྲས་བཅས་དགྱེས་པའི་ལམ་མ་ནོར་བ་ལགས་པས་ཐུགས་ངེས་འཚལ། །ཞེས་པའང་ས་མ་དྷི་བྷ་དྲའི་ཕྲིན་ལན་དུ་མཉྫགྷོ་ཥས་བྲིས་པའི་དགེ་བས་ཆོས་ཐམས་ཅད་ཀྱི་གནས་ལུགས་འཁོར་འདས་དབྱེར་མེད་ཀྱི་ཡེ་ཤེས་མངོན་སུམ་དུ་རྟོགས་པའི་རྒྱུར་གྱུར་ཅིག །སརྦ་དཱ་མངྒ་ལཾ།།

དབུ་མའི་གཏན་ཚིགས་ཆེན་པོ་རྣམ་པ་ལྔ་ལས་བརྩམས་པའི་ཟིན་བྲིས་རིགས་པའི་ས་བོན།

― JKT006_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

དབུ་མའི་གཏན་ཚིགས་ཆེན་པོ་རྣམ་པ་ལྔ་ལས་བརྩམས་པའི་ཟིན་བྲིས་རིགས་པའི་ས་བོན་ཅེས་བྱ་བ་བཞུགས་སོ། །ན་མོ་མཉྫགྷོ་ཥཱ་ཡ། དབུ་མའི་གཏན་ཚིགས་ཆེན་པོ་རྣམ་པ་ལྔ་ནི། རྒྱུ་ལ་དཔྱད་པ་རྡོ་རྗེ་གཟེགས་མ། འབྲས་བུ་ལ་དཔྱད་པ་ཡོད་མེད་སྐྱེ་བྲལ། གཉིས་ཀ་ལ་དཔྱད་པ་མུ་བཞི་སྐྱེ་འགོག །ངོ་བོ་ལ་དཔྱད་པ་གཅིག་དང་དུ་བྲལ་ཏེ་བཞི་ནི་ཡོད་པ་སྒྲོ་འདོགས་དང་། རྟེན་འབྲེལ་ཆེན་པོའི་གཏན་ཚིགས་ནི་མེད་པ་སྐུར་འདེབས་ཀྱི་མཐའ་སྤོང་བར་བྱེད་པ་སྟེ། དེ་ལ་དང་པོ་ནི། སློབ་དཔོན་ཀླུ་སྒྲུབ་ཀྱིས་དབུ་མ་རྩ་བ་ལས། བདག་།

― JKT006_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་མ་ཡིན་གཞན་ལས་མིན། །གཉིས་ལས་མ་ཡིན་རྒྱུ་མེད་མིན། །དངོས་པོ་གང་དག་གང་ལས་ཀྱང་། །སྐྱེ་བ་ནམ་ཡང་ཡོད་མ་ཡིན། ཞེས་པས། ཇི་ལྟར་སྣང་བཞིན་པ་ཆོས་ཅན། །དངོས་པོ་མེད་པར་ཐལ། དོན་དམ་པར་བདག་དང་གཞན་དང་། གཉིས་ཀ་དང་། རྒྱུ་མེད་པ་ལས་སྐྱེ་བ་དང་བྲལ་བའི་ཕྱིར་རྨི་ལམ་བཞིན་ནོ། །དེ་ཡང་རྒྱུ་ཡོད་པ་ལས་སྐྱེ་ན། བདག་ལས་བདག་སྐྱེ་བ་མ་གྲུབ་སྟེ། བསྐྱེད་བྱ་སྐྱེད་བྱེད་དུ་རྫས་འགལ་བའི་ཕྱིར་དང་། ཐོབ་ཟིན་པ་སྐྱེ་བ་དགོས་པ་མེད་པའི་ཕྱིར་དང་། སྐྱེ་བ་ཐུག་མེད་དུ་ཐལ་བའི་ཕྱིར་རོ། །གཞན་ལས་གཞན་སྐྱེ་བའང་མ་གྲུབ་སྟེ། །རང་བཞིན་ཐ་དད་པའི་རྒྱུ་ལས། རང་བཞིན་ཐ་དད་པའི་འབྲས་བུ་སྐྱེ་ན་མར་མེའི་འོད་ལས་ཀྱང་མུན་པ་འཐུག་པོ་འབྱུང་བར་ཐལ་ཏེ་གཞན་ཡིན་པའི་ཕྱིར་དང་། རྒྱུར་གྱུར་མ་གྱུར་ཐམས་ཅད་ལས་འབྲས་བུ་ཡིན་མིན་ཐམས་ཅད་སྐྱེ་བར་འགྱུར་བའི་ཕྱིར་རོ། །བདག་གཞན་རེ་རེ་བ་ལས་མི་སྐྱེ་སྟེ། གཉིས་ཀ་ལས་སྐྱེའོ་ཞེ་ན། བཤད་མ་ཐག་པའི་ཉེས་པ་མཐའ་དག་ཐོག་ཏུ་བབ་པའི་ཕྱིར་རོ། །དངོས་པོ་གང་ཡང་རྒྱུ་མེད་དེ། ངོ་བོ་ཉིད་ལས་སྐྱེ་བའོ་ཞེ་ནའང་ཧ་ཅང་ཐལ་ཏེ། ནམ་མཁའ་ལས་ཀྱང་ཨུཏྤལ་གྱི་དགའ་ཚལ་སྐྱེ་བར་འགྱུར་བའི་ཕྱིར་དང་། འཇིག་རྟེན་པ་དག་འབྲས་བུ་འབྱུང་བའི་

― JKT006_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེད་དུ་ས་བོན་གདབ་པ་ལ་སོགས་པའང་དོན་མེད་པར་ཐལ་བའི་ཕྱིར་རོ། །གཉིས་པ་ནི། སྔ་མ་ལས། མེད་དམ་ཡོད་པའི་དོན་ལ་ཡང་། །རྐྱེན་ནི་རུང་བ་མ་ཡིན་ཏེ། །མེད་ན་གང་གིས་རྐྱེན་དུ་། འགྱུར༑ །ཡོད་ན་རྐྱེན་གྱིས་ཅི་ཞིག་བྱ། །ཞེས་པས། དངོས་སྣང་སྣ་ཚོགས་འདི་ཆོས་ཅན། དངོས་པོ་མེད་པར་ཐལ། ངོ་བོ་ཡོད་མེད་སྐྱེ་བ་དང་བྲལ་བའི་ཕྱིར ར་རོ། །དེ་ཡང་བུམ་ཡོད་དུས་སུ་སྐྱེ་ན་གྲུབ་ཟིན་པའི་ཕྱིར་སྐྱེ་བར་མི་འཐད་ལ། མེད་དུས་སུ་སྐྱེ་ན་མེད་པ་ལས་ཡོད་པ་སྐྱེ་མི་སྲིད་དེ་རྫས་ཤིན་ཏུ་འགལ་བའི་ཕྱིར་རོ། །གསུམ་པ་ནི། བདེན་གཉིས་ལས། དུ་མས་དངོས་པོ་གཅིག་མི་བྱེད། །དུ་མས་དུ་མ་བྱེད་མ་ཡིན། །གཅིག་གིས་དུ་མའི་དངོས་མི་བྱེད། གཅིག་གིས་གཅིག་བྱེད་པ་ཡང་མིན། །ཞེས་པས། སྣང་ཙམ་ཆོས་ཅན། དངོས་པོ་མེད་པར་ཐལ། དོན་དམ་པར་གཅིག་ཤོས་ལས་གཅིག་ཤོས་དང་། གཅིག་ལས་དུ་མ་དང་། དུ་མ་ལས་དུ་མ་དང་། དུ་མ་ལས་གཅིག་སྐྱེ་བས་སྟོང་པའི་ཕྱིར། དངོས་པོ་མེད་པ་ལ་ནམ་མཁའ་ཞེས་བཏགས་པ་བཞིན་ནོ། །ནི་པ་ནི། དབུ་མ་རྒྱན་ལས། གཅིག་གམ་དུ་མའི་རང་བཞིན་དང་། །བྲལ་བས་རང་བཞིན་མེད་པ་ཡིན། །ཅེས་པས། དོན་དུ་སྣང་བ་འདི་ཆོས་ཅན། དངོས་དང་དངོས་མེད་གང་དུའང་མ་གྲུབ་།

― JKT006_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཐལ། གཅིག་དང་དུ་མ་ལས་འདས་པའི་ཕྱིར་ཆུ་ཟླ་བཞིན་ནོ། །དེའང་རང་བཞིན་གྱིས་གཅིག་ཏུ་གྲུབ་ན་ཆ་བཅས་ཀྱི་གཅིག་ཏུ་གྲུབ་དགོས་པའི་ཕྱིར་མི་འཐད་ལ། དེ་མ་གྲུབ་པས་དེས་བརྩམས་པའི་དུ་མའང་མི་འགྲུབ་པའི་ཕྱིར་རོ། །ལྔ་པ་ནི། རྩ་བ་ལས། རྟེན་ཅིང་འབྲེལ་འབྱུང་གང་ལགས་པ། །དེ་ནི་སྟོང་པ་ཉིད་དུ་བཤད། །དེ་ནི་བརྟེན་ནས་གདགས་པ་སྟེ། །དེ་ནི་དབུ་མའི་ལམ་ཡིན་ནོ། །ཞེས་པས། སྣང་ཙམ་ཆོས་ཅན། དངོས་པོ་མ་གྲུབ་པར་ཐལ། རྟེན་འབྲེལ་ཡིན་པའི་ཕྱིར། གཟུགས་བརྙན་བཞིན་ནོ། །དེའང་རྟེན་འབྲེལ་ཡིན་པ་ལ་སྟོང་ཉིད་ཡིན་པས་ཁྱབ་སྟེ། །ཤིང་བུ་དང་རིག་སྔགས་གཉིས་ཚོགས་པའི་རྒྱུ་རྐྱེན་ལ་བརྟེན་ནས་རྟ་གླང་སོགས་སུ་སྣང་དུས་ནས་རྟ་གླང་གི་དངོས་པོས་སྟོང་པ་བཞིན་དུ་རྟག་པ་དང་ཕྲ་བ་གང་ལའང་རྣམ་པ་གཞན་དུ་འགྱུར་དུས་རྣམ་པ་འགྱུར་བས་རྫས་སྔ་མས་སྟོང་ལ། རང་བཞིན་སྔ་མ་ལས་རྫས་ལོགས་སུ་མེད་པས་ཕྱི་མས་སྟོང་སྟེ། འདི་ལྟར་རྟ་གླང་སོགས་སུ་སྣང་དུས་རྣམ་པ་ཤིང་བུ་དང་རིག་སྔགས་སུ་མེད་པས་སྟོང་ལ། ངོ་བོ་རྟ་གླང་དུ་མ་གྲུབ་པས་སྟོང་པ་བཞིན་ནོ། །ཚུལ་འདི་ཉིད་ཀྱི་རིགས་པས་རི་རབ་སྐྱེས་པ་བུད་མེད་སོགས་ཇི་ལྟར་སྣང་བཞིན་པའི་དངོས་པོ་འདི་ཀུན་རང་སྣང་རྡུལ་ཕྲན་གྱི་ཚོགས་པ་ལས་རགས་པར་གྲུབ་པ་

― JKT006_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པས་སྟོང་ལ། ཕྲ་བ་སྐད་ཅིག་གི་རང་བཞིན་རྒྱུན་གྱིས་སྟོང་པའི་ཕྱིར་རྟེན་འབྲེལ་གྱི་རྐྱེན་ལས་མ་འགག་པར་སྣང་ལ། སྣང་ཙམ་གྱི་དུས་ཉིད་ནས་རང་རང་གི་ངོ་བོས་གྲུབ་པའི་རང་བཞིན་རྡུལ་ཙམ་ཡང་མེད་པར་ཤེས་པ་ནི་སྣང་སྟོང་ཟུང་འཇུག་དབུ་མའི་ལམ་རྨད་དུ་བྱུང་བ་སྟེ། ཀླུའི་རྒྱལ་པོ་མ་དྲོས་པས་ཞུས་པའི་མདོ་ལས། གང་ཞིག་རྐྱེན་ལས་སྐྱེས་པ་དེ་མ་སྐྱེས། དེ་ལ་སྐྱེ་བའི་རང་བཞིན་ཡོད་མ་ཡིན། །རྐྱེན་ལ་རགས་ལས་གང་དེ་སྟོང་པར་བཤད། །གང་གིས་སྟོང་ཉིད་ཤེས་དེ་བག་ཡོད་ཡིན། །ཅེས་གསུངས་པའི་ཕྱིར་རོ། །དེ་ལྟར་ན་ཆོས་གང་ཡང་རང་བཞིན་གྱིས་གང་དུའང་མ་གྲུབ་པའི་ཕྱིར། དགག་བྱ་རང་མཚན་པ་མེད་ནའང་། རེ་ཞིག་ཕ་རོལ་གྱིས་མེད་པ་ལ་ཡོད་པར་སྒྲོ་བཏགས་པ་ལ་སོགས་པའི་བདེན་ཞེན་དང་བཅས་པའི་དམ་བཅའ་མཐའ་དག་གི་རིགས་པ་འདི་རྣམས་གང་ཡང་རུང་བ་རེ་རེས་ཀྱང་ཕྱེ་མའི་རྡུལ་བཞིན་དུ་འཐག་པས་ན། དབུ་མ་པ་ཀུན་ལས་འཕགས་པར་སངས་རྒྱས་བཅོམ་ལྡན་འདས་ཀྱིས་སེང་གེའི་སྒྲ་ཆེན་པོས་བཀའ་སྩོལ་བའི་དོན་ལ་དྲན་པ་ཉེ་བར་བཞག་སྟེ་རྣམ་དཔྱོད་ཀྱི་པདྨོ་ཅིར་ཡང་རྒྱས་པར་བྱ་བ་ནི་དལ་བའི་རྟེན་ལ་སྙིང་པོ་ལེན་པའི་ཐབས་ཐམས་ཅད་ཀྱི་ནང་ནས་རྩེ་མོར་གྱུར་པའོ། །ཞེས་མཆོག་ཏུ་གདམས་པར་བྱས་སོ། །སརྦ་དཱ་ཤེ་ཡོ་བྷ་བ་ཏུ།། །།

དམ་པའི་ཆོས་འདུལ་བ་ལས་བརྩམས་པའི་ཚིགས་སུ་བཅད་པ།

― JKT006_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

༈ དམ་པའི་ཆོས་འདུལ་བ་ལས་བརྩམས་པའི་ཚིགས་སུ་བཅད་པ་ནི། དམ་ཆོས་འདུལ་བ་གང་ཆེན་མཚོ། །དགག་སྒྲུབ་གནང་བའི་རླབས་ཕྲེང་ཅན། །གཏིང་མཐའ་མེད་པ་བདུད་རྩིའི་མཆོག །བྱང་ཆུབ་བར་དུ་ཐོབ་གྱུར་ཅིག །ས་གསུམ་འཇིག་རྟེན་སྣང་བའི་ཕུལ། །ཐུབ་མཆོག་ཞལ་གྱི་བུམ་བཟང་ལས། །དྲང་སྲོང་ལྷུང་བའི་ནགས་ཚལ་དུ། །བདེན་བཞིའི་ཟིལ་དངར་ཐོག་མར་དབྱེ། །སླར་ཡང་ཡུལ་དང་དུས་དང་ནི། །གང་ཟག་སོ་སོའི་ངོར་བྱས་ཏེ། །གཅིག་ཏུ་བཀག་དང་གཅིག་ཏུ་གནང་། །རྗེས་སུ་བཅས་དང་བསྒྲུབས་པ་ཡི། །ཚུལ་གནས་ཁྲིམས་ཀྱི་དྲིལ་ཆེན་བསྒྲགས༑ །དེ་ཚེ་ཡིད་སྲུབ་དཔུང་བཅས་ཀུན། །མྱ་ངན་ཁོང་བུར་ཚུད་པ་དང་། །ལྷར་བཅས་དགའ་བའི་འཛུམ་དཀར་གྲོལ། །ཨེ་མ་གང་ལས་ཚུལ་གང་གིས། །ཇི་ལྟར་ངེས་པར་གང་དུ་འབྱུང་། །དེ་ལྟའི་ཚུལ་ལ་ལེགས་དཔྱད་ན། །ལམ་འདིའི་བརྗོད་བྱ་གསལ་བར་མཐོང་། །མཐའ་དང་ཟད་དུ་མེད་པ་ཡི། །སྡུག་བསྔལ་འབྱུང་གནས་འཁོར་བ་ལས། །གདོན་བྱེད་ཚུལ་ཁྲིམས་རྣམ་དག་པས། །ཏིང་ངེ་འཛིན་དང་ཤེས་རབ་སྐྱེ། །དེ་ཡང་ཡོན་ཏན་མཐའ་དག་གི །རྟེན་དང་གནས་དང་འབྱུང་ཁུངས་ཀྱི། །སོ་སོར་ཐར་པའི་སྡོམ་པ་ཡང་། །ཡང་དག་བླང་དང་སྲུང་བ་དང་། །ཕྱིར་ཞིང་བཅོས་པའི་

― JKT006_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

གཞི་བཅུ་བདུན། །འཆད་དང་སྒྲུབ་ལ་ཐོགས་མེད་པས། །འགྱོད་པ་མེད་པའི་ཚུལ་ཁྲིམས་ཀྱིས། །སེམས་ནི་རྣམ་པར་གཡེང་ལས་བཟློག །དེ་ཚེ་ཆོས་རབ་རྣམ་འབྱེད་པའི། །སོ་སོར་རྟོག་པའི་ཡེ་ཤེས་མེས། །སྲིད་པའི་རྩ་བ་བསྲེགས་བྱས་ཏེ། །ཉོན་མོངས་དགྲ་རྣམས་བཅོམ་པ་ལས། །བྱང་ཆུབ་གསུམ་གྱི་འབྲས་བུར་འགྲུབ། །དེ་བས་ཡང་སྲིད་ཐམས་ཅད་དུ། །རྙེད་དཀའ་དལ་རྟེན་དོན་ཡོད་པའི༑ །ཚུལ་གནས་ཁྲིམས་ཀྱིས་དགེ་བྱས་པས། །རྣམ་པར་གྲོལ་བ་ཉིད་གྱུར་ཅིག། །།

ཤེས་རབ་ཀྱི་ཕ་རོལ་ཏུ་ཕྱིན་པའི་ཚིགས་སུ་བཅད་པ།

― JKT006_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཤེས་རབ་ཀྱི་ཕ་རོལ་ཏུ་ཕྱིན་པའི་ཚིགས་སུ་བཅད་པ་ནི། གང་དུ་ཆོས་རྣམས་རོ་གཅིག་པའི། །ཡེ་ཤེས་ཆེན་པོ་ཐུགས་ཆུད་པས། །བསམ་གྱིས་མི་ཁྱབ་སེང་གེའི་སྒྲ། །སྟོན་མཛད་ཐུབ་པའི་དབང་པོས་སྐྱོངས། །བྱིས་པའི་བློ་ཡིས་བརྟག་དཀའ་བ། །ཟབ་མོ་ཤེས་རབ་ཕ་རོལ་ཕྱིན། །སོ་སོ་རང་གིས་རིག་བྱ་གང་། །ཤེས་བྱ་ཀུན་གྱི་གནས་ལུགས་ཏེ། །ཡོད་མེད་རྟག་ཆད་སྐྱེ་འགགས་སོགས། །སྤྲོས་པའི་མཐའ་ལ་མི་གནས་པ། །ནམ་མཁའ་ལྟ་བུའི་མཚན་ཉིད་ཅན། །གཟོད་ནས་ཤིན་ཏུ་ཞི་བ་ཉིད། །དེ་ལྟར་ན་ཡང་དངོས་འདི་ཀུན། །བློ་བུར་རྐྱེན་ལས་སྐྱེས་པ་སྟེ། །རྐྱེན་ལ་ལྟོས་གང་སྟོང་ཉིད་ཅེས། །ཚིག་གི་བདུད་རྩི་ལྷག་པར་དབྱེ། །ཨེ་མ་སྣང་ཚུལ་རྟེན་འབྲེལ་དང་། །གཤིས་ལུགས་བསམ་

― JKT006_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

དཔྱོད་ལས་འདས་པ། །ཟུང་འཇུག་འགལ་མེད་རྟོགས་པ་ནི། །རྒྱལ་བ་རྣམས་ཀྱི་ཡུམ་ཞེས་བཤད། །གཞི་ལམ་རྣམ་མཁྱེན་ཤེས་པ་ཡི། །ཐོས་བསམ་ཕ་རོལ་སོན་པ་ན། །ཉམས་ལེན་སྦྱོར་བཞིའི་ཚུལ་ཅན་གྱིས། །ལམ་ལྔའི་དེ་ཉིད་མངོན་དུ་བྱེད། །རྟེན་དང་བརྟེན་པར་བཅས་པ་ཡི། །སྐུ་དང་ཡེ་ཤེས་ཕྲིན་ལས་ཀྱི། །འབྲས་བུ་མཁའ་དང་སྙོམས་འཇུག་པ། །རྒྱལ་བ་རྣམས་ཀྱི་སྤྱོད་ཡུལ་ལོ། །གསུང་གི་ཟླ་བ་གཅིག་པུ་ཉིད། །ཟབ་དང་རྒྱ་ཆེའི་བདུད་རྩིའི་དཔྱིད། །ཅིར་ཡང་འཇོ་བའི་ལམ་འདི་ནི། །རྣམ་གཉིས་ཤིང་རྟའི་སྲོལ་གྱིས་ཕྱེ། །དེ་ཕྱིར་དཔྱད་པས་དག་པ་དང་། །ཟབ་མོའི་དོན་ལ་རྟོན་པ་དང་། །འཕགས་དང་མཁས་པས་རབ་བསྔགས་པའི། །ཚུལ་འདིར་རྟག་ཏུ་བརྩོན་གྱུར་ཅིག །ཅེས་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་ཉེ་བར་བསྡུས་པའི་ཚིགས་སུ་བཅད་པ་དགུ་པའོ། །ཤུ་བྷཾ།། །།

ཏིང་འཛིན་རྣམ་གསུམ་ལས་བརྩམས་པའི་ཚིགས་སུ་བཅད་པ།

― JKT006_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

༈ ཏིང་འཛིན་རྣམ་གསུམ་ལས་བརྩམས་པའི་ཚིགས་སུ་བཅད་པ་ནི། སེམས་ཀྱི་རྡོ་རྗེ་འཇམ་པའི་དབྱངས། །དེ་དང་གཉིས་མིན་བླ་མ་ལ། །བཏུད་ནས་ཚིག་གི་བདུད་རྩི་ཡིས༑ །དོན་གྱི་པདྨོ་ཅུང་ཟད་དབྱེ། །བདག་དང་ཕུང་པོ་རྣམ་རིག་དང་། །དཔྱད་པ་ཙམ་གྱིས་མི་མཚོན་པའི། །གཟོད་ནས་སྟོང་ཉིད་འདུས་མ་བྱས། །འཁོར་འདས་ཀུན་ལ་ཁྱབ་པར་གནས། །དེ་

― JKT006_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

སླད་སྟོང་དང་རྟེན་འབྱུང་གཉིས། །འགལ་མེད་རྟོགས་པའི་རིག་ཤེས་དང་། །གང་གིས་མྱོང་བ་དབྱེར་མེད་པའི། །དེ་བཞིན་ཉིད་ལས་མཉམ་བཞག་པས། །ཆོས་ཅན་ཆོས་ཉིད་ལྟ་བ་ཀུན། །བློ་ཡི་མདུན་ན་མི་གནས་པ། །གཞི་དོན་གཉུག་མའི་ཡེ་ཤེས་ནི། །སྙིང་གི་དབུས་སུ་སད་པར་བྱ། །གང་ཚེ་སྣང་ཙམ་བདེ་ཆེན་གྱི། །རྣམ་རོལ་འགགས་པ་མ་མཆིས་ཀྱང་། །བདེན་ཞེན་དབུ་མར་འཇིག་པའི་མོད། །དམིགས་མེད་སྙིང་རྗེའི་སྒྱུ་ཐབས་ངོམས། །སྟོང་ཉིད་སྤྲོས་པ་བརྟུལ་པའི་དབྱིངས། །རིག་རྩལ་ཀུན་ཏུ་སྣང་བ་ཡང་། །གསལ་དང་སྣང་བ་མི་ཕྱེད་པ། །ཟུང་འཇུག་ངེས་པའི་ལམ་དུ་འདོད། །ཐབས་དེས་གཞན་ལ་སྨན་པ་ཡི། །གཟུགས་སྐུའི་འབྲས་བུ་འབྱུང་བའི་རྒྱུ། །རྡོ་རྗེ་མི་ཤིགས་ནཱ་དའི་སྤྲིན། །ཡི་གེའི་འཁོར་ལོ་ཆེན་པོར་རྫོགས། །དེ་ལས་གཟུང་དང་འཛིན་པའི་ཆོས། །འོད་གསལ་མེ་ཡིས་བསྲེགས་པ་ལས། །སྐུ་དང་ཡེ་ཤེས་འབྱམས་ཀླས་པའི། །དག་པའི་ཆོ་འཕྲུལ་བསམ་མི་ཁྱབ། །གཅིག་པུ་ཉིད་ཀྱང་དུ་མར་སྣང་། །སྣང་དུས་ཉིད་ནས་ཅིར་མི་དམིགས། །གང་གིས་ཚུལ་འདི་གོམས་པ་ཡིས། །ཚོགས་གཉིས་སྟན་ཐོག་གཅིག་ཏུ་རྫོགས། །ཨེ་མ་རྡོ་རྗེའི་ཚིག་གི་རྒྱུད། །བྱིས་པའི་བློ་ཡིས་རྟོགས་མིན་གྱིས། །གང་ཤར་སྨྲ་ལ་ཉེས་པ་ཀུན། །རྡོ་རྗེ་ཅན་གྱིས་

― JKT006_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

བཟོད་པར་མཛོད། །དགེ་བས་བརྟན་གཡོ་ཀུན་གྱི་དངོས། །དེ་བཞིན་ཉིད་ཀྱི་དབྱིངས་སིམ་ནས། །ཟུང་འཇུག་བདེ་ཆེན་ཡེ་ཤེས་སྐུས། །ཡིད་ཅན་རྒྱ་མཚོ་སྨིན་གྱུར་ཅིག །སརྦ་དཱ་ཐེ་ཡོ་། བྷ་བ་ཏུ།། །།

གཞི་ལམ་འབྲས་བུའི་སྨོན་ལམ་གྱི་ཚིགས་སུ་བཅད་པ།

― JKT006_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

༈ གཞི་ལམ་འབྲས་བུའི་སྨོན་ལམ་གྱི་ཚིགས་སུ་བཅད་པ་ནི། མཁའ་ཁྱབ་སྲས་བཅས་རྒྱལ་བའི་ཡེ་ཤེས་སྐུ། །དྲན་པས་རྨོངས་པའི་གདུང་བ་ཀུན་སེལ་བ། །དཔལ་ལྡན་བླ་མ་འཇམ་པའི་རྡོ་རྗེ་ཡིས། །དགེ་ལེགས་ཤིས་པའི་མེ་ཏོག་ཆར་དུ་བསྙིལ། །གང་དུ་དངོས་ཀུན་བྱེ་མདོ་སེམས་གསུམ་སྣང་དང་དབུ་མ་རང་རྒྱུད་སྟོང་པ་གཉིས། །ཐལ་འགྱུར་ཟུང་འཇུག་རྟེན་ཅིང་འབྲེལ་བར་འབྱུང་བའི་ཚུལ། །བློ་ཡི་མདུན་ན་ལྷན་ཅིག་མི་གནས་པའི། །སྔགས་ཀྱི་ཁྱད་པར་ཟབ་གསལ་དབྱེར་མེད་གཞི་དོན་རྟོགས་གྱུར་ཅིག །ཉེས་ཀུན་རྩལ་ཕྱི་རོལ་པ་དང་དངོས་སྨྲ་སྡེ་གསུམ་བདག་ཏུ་འཛིན་པ་དང་། །དབུ་མ་རང་རྒྱུད་སྟོང་པ་ཕྱོགས་གཅིག་འཆེལ་ལས་ཕྱིར་ཕྱོགས་ཏེ། ཐལ་འགྱུར་བ་སྤྲོས་བྲལ་ལྟ་དང་ཤེས་རབ་དམིགས་མེད་ཐབས་སྙིང་རྗེ་དང་། །སྔགས་ལམ་རིམ་གཉིས་ཐབས་བྲོལ་ལམ་གྱི་བགྲོད་པ་མཐར་ཕྱིན་ཤོག །ཆོས་སྐུ་ཤིན་ཏུ་ཞི་བའི་ཡེ་ཤེས་གཅིག་པུ་ཉིད། །གང་འདུལ་སྒྱུ་འཕྲུལ་དྲ་བའི་གཟུགས་སྐུ་གཉིས་འཆང་བ། །ཕྲིན་ལས་འཇུག་པ་བསམ་གྱིས་མི་ཁྱབ་པའི། །རང་དོན་དོན་དམ་པ་དང་གཞན་དོན་བརྡ་ཡི་སྐུ་གཉིས་ལ་བརྟེན་ནསོ་དོན་གཉིས་འབྲས་བུ་

― JKT006_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

མྱུར་དུ་ཐོབ་གྱུར་ཅིག །སྡེ་སྣོད་དང་རྒྱུད་སྡེ་རྒྱ་མཚོའི་གཞི་ལམ་འབྲས་བུའི་དེ་ཁོ་ན་ཉིད་ཕྱིན་ཅི་མ་ལོག་པར་རྟོགས་པའི་སྐལ་པ་བཟང་པོར་གྱུར་ཅིག།

རྒྱུ་དང་འབྲས་བུའི་ཐེག་པའི་མཐར་ཐུག་གི་འབྲས་བུའི་རྣམ་པར་བཞག་པ་ངོ་མཚར་སྣང་བ།

― JKT006_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་དང་འབྲས་བུའི་ཐེག་པའི་མཐར་ཐུག་གི་འབྲས་བུའི་རྣམ་པར་བཞག་པ་ངོ་མཚར་སྣང་བ་ཞེས་བྱ་བ་བཞུགས་སོ། །ན་མོ་གུ་རུ་བྷྱ༔ ཐེག་པ་ཆེན་པོ་དང་གསང་སྔགས་ཀྱི་འབྲས་བུའི་ཐོབ་ཚུལ་ཅུང་ཟད་བཤད་ན་གཉིས་ལས། དང་པོ་ནི། །སྤོང་ལམ་གྱི་དབང་དུ་བྱས་པ་དག་ལ་ཀུན་ཏུ་འོད་སངས་རྒྱས་ཀྱི་སར་བཞག་ནས་བཤད་པར་བྱ་སྟེ། འདི་སངས་རྒྱས་པ་ངོ་བོ་ཉིད་ཀྱི་སྐུ་རང་བཞིན་དང་། འདིས་སངས་རྒྱས་པ་ཆོས་ཀྱི་སྐུ་བྱང་ཆུབ་ཕྱོགས་མཐུན་ཚད་མེད་པ་ལ་སོགས་པའི་ཡོན་ཏན་གྱིས་ཕྱེ་བ་ཅན་དག་རྫས་དང་ལྡོག་པའི་དབྱེ་བས་གཅིག་དང་ཐ་དད་དུ་སྨྲ་བའི་དབང་གིས་སྐུ་གསུམ་མམ་བཞིར་འདོད་པ་དག་གང་ཡིན་ཡང་རུང་། ངོ་བོ་དངོས་པོ་སྤྱིའམ་སེམས་ཀྱི་རང་བཞིན་དྲི་མ་མེད་པའི་ཡོན་ཏན་དེ་ཉིད་ཀྱིས་ཕྱེ་བས་མངོན་དུ་གྱུར་པ་ནི་དྲི་མ་མཐའ་དག་དག་ཅིང་ཡོན་ཏན་རྣམ་པ་ཐམས་ཅད་པའི་དོན་གྱིས་སངས་རྒྱས་དངོས་ཡིན་ཅིང་༑ དེ་ནི་སངས་རྒྱས་རང་ཁོ་ནའི་སྤྱོད་ཡུལ་ཅན་ཡིན་པས་སྒྲིབ་པ་དང་བཅས་པ་རྣམས་ཀྱི་སྤྱོད་ཡུལ་དུ་མི་འགྱུར་ལ། འོན་ཀྱང་སངས་རྒྱས་རྣམས་ནི་གཞན་དོན་འབའ་ཞིག་གིས་རབ་ཏུ་བྱེ་བའི་

― JKT006_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར། སྨོན་ལམ་དང་ཐུགས་རྗེའི་འཕེན་པ་ཚད་མེད་པས་ཡིད་བཞིན་གྱི་ནོར་བུས་རེ་བ་བཀང་བ་ལྟར། ཡེ་ཤེས་ཀྱི་སྐུ་དེ་ཉིད་བདག་པོར་གྱུར་པའི་ཚུལ་གྱིས་སྐུ་གསུང་ཐུགས་ཀྱི་སྣང་བརྙན་སེམས་ཅན་རང་གི་རྒྱུད་ཀྱི་ཁྱད་པར་ཡོངས་སུ་སྨིན་པའི་ཉེར་ལེན་ལས་སྣང་བ་དག་འབྱུང་བ་ཡིན་ཏེ། རེ་ཞིག་ཉོན་སྒྲིབ་རྣམ་པར་དག་ཀྱང་། ཤེས་སྒྲིབ་ཀྱིས་བཟུང་བའི་ཁྱད་པར་ཅན་ས་བཅུའི་བྱང་སེམས་དག་ལ་ལོངས་སྤྱོད་རྫོགས་པའི་སྐུ་ངེས་པ་ལྔ་ལྡན་དུ་སྣང་བ་ཡིན་ལ། ཉོན་སྒྲིབ་ཙམ་གྱིས་དག་པའམ། དེས་མ་དག་ཀྱང་སྤྱིར་རྒྱུད་ཡོངས་སུ་དག་པ་དག་ལ། དེའི་ཆ་མཐུན་སྤྲུལ་པའི་སྐུ་གསུང་ཐུགས་དང་མཛད་པའི་ཁྱད་པར་དག་སྣང་ལ། དེ་ལའང་རིགས་ཅན་སོ་སོའི་རྒྱུད་ཀྱི་ཁྱད་པར་ལས། ཐེག་པ་ཆེན་པོ་པ་རྣམས་ལ་སྐུ་གསུང་ཐུགས་ཀྱི་གསང་བ་བསམ་གྱིས་མི་ཁྱབ་པ། དག་པར་ཆུད་པ་རྣམས་ལ་ཕལ་ཆེན་སོགས་ལས་འབྱུང་བ་ལས་ནི་དམན་ལ། ཉན་རང་ལ་སོགས་པ་ལ་ལྟོས་ཏེ་ནི། དེ་དག་བསམ་གྱིས་ལོངས་པ་དག་སྣང་བ་སྟེ། དེའང་ཉན་ཐོས་རྣམས་ལ་རང་གི་རྒྱུད་ཁོ་ནའི་རྐྱེན་གྱིས་སྡུག་བསྔལ་གྱི་ཕུང་པོའི་ལྷག་མ་ཅན། འཇིག་རྟེན་དང་འཇིག་རྟེན་ལས་འདས་པའི་ཤེས་པ་དག་ཀྱང་མཉམ་པར་བཞག་པ་ལས་མངོན་དུ་མཛད་དེ་ཤེས་བྱ་རིམ་གྱིས་མཁྱེན་པ་ཅན་དང་། མཁྱེན་

― JKT006_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཇི་ཙམ་པས་མངོན་རྟགས་སུ་གྱུར་པའི་ཆོས་བདེན་བཞིས་བསྡུས་པ་དག་གསུངས་ཤིང་། ཡོངས་སུ་མྱ་ངན་འདས་པ་ན་ཕུང་པོ་ལྷག་མ་མེད་པའི་དབྱིངས་སུ་ཤེས་བརྗོད་ཀྱི་རྒྱུན་ཆད་དེ་སྙོམས་པར་ཞུགས་བ་ཙམ་དུ་སྣང་ལ། དེ་ལས་ཀྱང་སྐལ་བ་དམན་པ་རང་ཅག་ལྟ་བུ་རྣམས་ལ་ནི་ད་ལྟར་སློབ་དཔོན་གྱི་གཟུགས་སུ་སྣང་བ་ལས་ཆོས་དེ་དང་དེ་སྟོན་པ་ལའང་སངས་རྒྱས་ཀྱི་ཡེ་ཤེས་བདག་པོར་གྱུར་པ་ཡིན་ནོ། །གཉིས་པ་ནི། གོང་མའི་བུམ་དབང་ནས་རྒྱུད་སྡེ་འོག་མའི་བར་བསྒྱུར་བའི་ལམ་དུ་བྱས་པ་དག་ལ། པདྨོ་ཅན་གྱི་སར་བཞག་ནས། དེ་ལའང་བཞི་ལས། དང་པོ་བྱ་བའི་རྒྱུད་དུ་ནི། ལྷའི་རྣལ་འབྱོར་དང་། ལྷ་དེ་དང་དེ་དག་གི་དམ་ཚིག་ཕྱག་རྒྱ་བཅིངས་པ་ལས། གཙོ་བོར་བཟླས་པའི་བསམ་གཏན་གང་ཡང་རུང་བ་ལ་འབད་པ། རིག་པ་འཛིན་པའི་སའི་གནས་ལུས་ལོངས་སྤྱོད་དུ་སྣང་བ་དང་། གཙོ་བོར་གཞན་དོན་གྱི་སྒོ་རྣམས་གཟུངས་ཉིད་དུ་སྣང་བས་བྱེད་ཅིང་། གཞན་དག་ཕྱག་རྒྱས་ཀྱང་འགྲུབ་པ་སྟེ། དེ་ཡང་བདག་གི་དེ་ཁོ་ན་ཉིད་མངོན་དུ་གྱུར་པ་ལས་སྣང་བ་ནི་སྐུ་དང་། གཟུངས་སྔགས་གསུང་། ཕྱག་རྒྱ་ཐུགས་སམ་རང་སའི་སྐུ་གསུམ་མམ་བཞིར་འགྱུར་ལ། དེ་དག་ལྷར་སྣང་བའི་དབང་གཙོ་བོར་བཟུང་བ་ལས་ནི་འཇིག་རྟེན་ལས་འདས་པའི་རིགས་གསུམ་དང་།

― JKT006_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་སྐུའམ་མཛད་པའི་དབྱེ་བས་དེ་དག་གི་འཁོར་འཇིག་རྟེན་པའི་རིགས་གསུམ་སྟེ་དྲུག་གིས་བསྡུས་ཤིང་། དེའི་གཙོ་བོའི་དབང་བསྟན་པ་ཉེ་བར་བཟུང་ནས། རྗོད་བྱེད་གྱི་རྒྱུད་རྣམས་ཀྱང་དྲུག་ལ་སོགས་པར་སྔོན་གྱི་སློབ་དཔོན་རྣམས་ཀྱིས་ཕྱེ་བ་ཡིན་ནོ། །གཉིས་པ་སྤྱོད་རྒྱུད་དུ། འཇིག་རྟེན་པའི་སེམས་བརྒྱ་དྲུག་ཅུ་ལ་སོགས་པ་ལས་ཡང་དག་པར་འདས་ཏེ། མོས་སྤྱོད་པའི་ས་ལ་འཇུག་གནས་ལྡང་གསུམ་མངོན་དུ་བྱས་ཏེ། དེ་ཉིད་ལྷ་དང་སྔགས་ཀྱི་བསམ་གཏན་གཙོ་བོར་གྱུར་པ་དང་སྦྱོར་བ་དག་པ་ལ་འཇུག་པ་སོགས་སུ་གོམས་པ་ལས་ཇི་ལྟར་རིགས་པར་བདེན་པ་མཐོང་ཞིང་། མངོན་ཤེས་ལ་སོགས་པ་གྲུབ་པའི་ས་བཅུར་ཕྱེ་བ་དག་བགྲོད་པའི་མཐར་ཀུན་ཏུ་སངས་རྒྱས་པའི་སར་ཡི་གེ་བཞི་ཡི་རིམ་གྱིས་མངོན་པར་བྱང་ཆུབ་པ་བཞི་མངོན་དུ་བྱས་པ་ལས། སེམས་གསུམ་གྱི་དེ་ཁོ་ན་ཉིད་མངོན་པར་བྱང་ཆུབ་པ་དྲི་མ་མེད་པའི་མཚན་ཉིད་ཅན་ལས། ལམ་དུ་ཇི་ལྟར་བསྒྱུར་བ་དང་མཐུན་པའི་སྐུ་མི་ཟད་པ་སྙིང་རྗེ་ཆེན་པོའི་སྙིང་པོ་ཅན་ཡོན་ཏན་གྱི་ཆོས་མ་ལུས་པ་རྟེན་དང་བརྟེན་པའི་ལྷར་སྣང་བས་རབ་ཏུ་ཕྱེ་བའི་འཁོར་ལོ་སྣང་བ་དང་། གསུང་མི་ཟད་པ་ཡི་གེ་འཁོར་ལོའི་དཀྱིལ་འཁོར་དུ་འབྲས་བུའི་ཡོན་ཏན་ཐམས་ཅད་ཡི་གེའི་དཀྱིལ་འཁོར་དུ་སྣང་བ་དང་། ཐུགས་མི་ཟད་པ་

― JKT006_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱག་རྒྱའི་དཀྱིལ་འཁོར་དུ་དེ་དག་ཕྱག་རྒྱར་སྣང་བ་སྟེ། རགས་པའི་སྐུ་གསུམ་མམ་བཞི་ལ་སོགས་པར་ཡང་འགྱུར་ལ། འབྲས་བུའི་དཀྱིལ་འཁོར་གསུམ་པོ་དེ་དག་གི་དབང་ལས་རིགས་ཀྱང་གསུམ་དུ་ཕྱེ་ཞིང་རྗོད་བྱེད་ལ་ཡང་ངོ་། །གསུམ་པ་རྣལ་འབྱོར་གྱི་རྒྱུད་དུ། སྲིད་པ་ཐ་མ་པར་གྱུར་པ་ན་འོག་མིན་དུ་མངོན་བྱང་ལྔ་མངོན་དུ་བྱས་པ་ལས་ལོངས་སྐུར་གྱུར་ཏེ། སྐད་ཅིག་མ་དེ་ཉིད་ཀྱི་ཚེ་ན་དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་རང་བཞིན་གྱིས་འོད་གསལ་བའི་ཡེ་ཤེས་ཀྱི་འབྱུང་གནས་སུ་གྱུར་པའི་བར་གྱིས་ཐོག་མཐའ་མེད་པའི་བྱང་ཆུབ་ཀྱི་སེམས་ཆེན་པོ་མངོན་དུ་གྱུར་ཏེ། །རིགས་ཐམས་ཅད་ཀྱི་ཆོས་སྟོན་པ་པོར་དབང་ཐོབ་ནས། ལོངས་སྐུ་ལས་སྤྲུལ་པའི་རིགས་ལྔ་ལས་སྐུ་རྩ་དཀྱིལ། གསུང་ཆོས། ཐུགས་གཟུངས། ཕྲིན་ལས་ལས་ཀྱི་དཀྱིལ་འཁོར་གྱི་བར་དག་དུམ་བུ་བཞིས་འདུལ་བའི་གདུལ་བྱའི་རྒྱུད་དང་འཚམས་པར་རིགས་སོ་སོར་སྣང་ཞིང་། དེ་ཡང་རྒྱས་བསྡུས་བར་གསུམ་ལ་མོས་པའི་ཁྱད་པར་ལས། དཀྱིལ་འཁོར་རྒྱས་པ་དང་། ཕྱག་རྒྱ་བཞི་གཅིག་སོགས་སུ་བྱུང་སྟེ། ཐམས་ཅད་སྐུ་གསུང་ཐུགས་ཕྲིན་ལས་ཀྱི་ཆོས་མཐའ་དག་ལྷ་དང་ཡི་གེ་ལ་སོགས་པར་སྣང་བ་ཉིད་ལམ་དུས་སུ་ལམ་གྱི་ཆོས་མཐའ་དག་དེ་དང་དེར་བསྒྱུར་ཞིང་། གཞི་ཆོས་མཐའ་དག་དེ་དང་དེར་བསྒྱུར་ཞིང་། གཞི་ལ་ལྟོས་ཏེ་ཉོན་།

― JKT006_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

མོངས་བསྒྱུར་བར་ཡང་སོང་བས་ལམ་འབྲས་མངོན་རྟོགས་མཐུན་པར་འབྱུང་ཞིང་། དེ་ཐམས་ཅད་ཀྱང་སྐུ་གསུང་ཐུགས་ཡོན་ཏན་ཕྲིན་ལས་ཀྱི་དབྱེ་བས་རིགས་ལྔར་འདུ་ཞིང་། གདུལ་བྱའི་དབང་གི་དབྱེ་བསྡུའི་རྗོད་བྱེད་དུམ་བུ་བཞིར་གནས་པ་ཡིན་ནོ། །བཞི་པ་རྣལ་འབྱོར་བླ་མེད་ཀྱི་རྒྱུད་དུ། བུམ་དབང་སྣང་སྐབས་ཀྱི་འབྲས་བུའི་སྣང་བ། རང་གི་ཕུང་ཁམས་སྐྱེ་མཆེད་ཁོ་ནའི་གནས་སྐབས་ཀྱི་འཁྲུལ་པ་བསྒྱུར་བ་ལས་བྱུང་བའི་རིགས་གཅིག་ནས། རིགས་བརྒྱའི་བར་གྱི་དཀྱིལ་འཁོར་རྟེན་དང་བརྟེན་པའི་ངོ་བོར་སྣང་བ་དང་། རིགས་དེ་དག་ཀྱང་རྩ་ཁམས་ཀྱི་དབྱེ་བ་ཁོ་ན་ལས་སྣང་བས༑ དེའི་རླུང་བཅིངས་པ་ལས་བྱུང་བའི་ངག་སྔགས་དང་། ཡིད་རང་སའི་བདེ་སྟོང་དགའ་བའི་མཚན་ཉིད་ཅན་རྣམས་ནི་སྐུ་གསུང་ཐུགས་སམ། སྐུ་གསུམ་དང་བཞིར་ཕྱེ་བ་རང་སའི་དབང་དུ་བྱས་པ་དག་ཡིན་ལ། གསང་བའི་དབང་གི་བྱང་ཆུབ་ནི། ངག་རྡུལ་གྱི་ཆོས་དག་པ་ལ་བཞག་ཕྱིར། ཡི་གེའི་འཁོར་ལོ་ཚོགས་ཆེན་གྱི་ས་སྟེ། རྩ་དག་པའི་བདག་རྐྱེན་གྱི་སྣོད་བཅུད་ཀྱི་སྣང་བ་ཐམས་ཅད་པར་ཤར་བའི་སྣ་ཚོགས་གཟུགས་དང་། གཙོ་བོར་རླུང་དག་པའི་ཆོས་ཕུང་བརྒྱད་ཁྲི་བཞི་སྟོང་ལ་སོགས་པར་འགྱུར་བས་སྐད་རྣམ་པ་ཐམས་ཅད་པའམ་ལོངས་སྐུའི་སྐད་ཅེས་བྱ་ལ། དེ་ཡང་མགོན་པོ་

― JKT006_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིའི་རྒྱུ་བའི་ངེས་པ་དང་། འཁོར་ལོ་དྲུག་ཡོན་ཏན་གསུམ་གྱིས་ཕྱེ་བ་རྣམས་ལ་སྟོབས་བཅུ། མི་འཇིགས་པ་བཞི། མ་འདྲེས་པ་བཅོ་བརྒྱད་རྣམས་སུ་འཇོག་གོ །དེ་བཞིན་དུ་ཤེར་དབང་གི་སྐབས༑ དེ་མཐའ་དག་ཞུ་བའི་བདེ་བ་ཉིད་ཀྱི་རྒྱུ་འབྲས་ཀྱི་ཆོས་ལ་བརྩི་སྟེ། དེ་ཡང་ཐུགས་མི་ཕྱེད་པ་ལྷན་སྐྱེས་ཀྱི་ཆོས་ལ་བཞག་པའི་ཕྱིར། རྡོ་རྗེ་འཆང་བར་བསྙད་ལ། འདི་དག་ཏུ་ནི་འདོད་པའི་གནས་སྐབས་བཅུ་དང་། ཁམས་ལས་བྱུང་བའི་དགའ་བ་སོགས་ཐིག་ལེའི་གནས་སྐབས་བཞི་དང་། འཁོར་ལོ་དྲུག་ཏུ་ཐིམ། ལོངས་སྤྱོད་པའི་བདག་པོའི་ཐིག་ལེའམ། ཡང་ན་དཀར་དམར་དུ་འདྲེས་པའི་དུས་ཉིད་ཀྱི་འབྱུང་བཞི་དག་ཁམས་དྲུག་ཡོན་ཏན་གསུམ་གྱིས་ཕྱེ་བ་རྣམས་ལ་སྟོབས་སོགས་དང་། དེའི་རྟེན་གྱི་ངོས་ནས་མཚན་སོགས་ལྔར་ཕྱེ་བ་དག་སྟེ། རིམ་པ་དེ་འདྲ་བས་སྐུ་བཞིའམ༑ གསུམ་ལ་སོགས་པར་འགྱུར་རོ། །མྱ་ངན་ལས་འདས་པའི་ཕྱོགས་དབང་བཞི་པའི་ལམ་གྱི་ངེས་པ་ལས་ནི། བདེ་གཤེགས་ཐམས་ཅད་བགྲོད་གཅིག་གི་ལམ་གྱི་འབྲས་བུ་མཐར་ཐུག་པ་ཡེ་ཤེས་བླ་མའི་སའི་ངེས་པ་ཉིད་ཀྱིས། གཞིའི་གནས་ཚུལ་བསལ་བཞག་ཐམས་ཅད་དང་བྲལ་བ་དེ་ཉིད། ཁམས་རླུང་མི་གཡོ་བ་ལས་བྱུང་བའི་འཁྲུལ་པའི་དྲི་མ་ཕྲ་བས་ཀྱང་མ་བསླད་པའི་ངོ་བོ་མངོན་དུ་

― JKT006_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

གྱུར་པ་སྟེ། དེའང་རིས་སུ་མ་ཆད་པས་མཁའ་ལྟར་ཀུན་ལ་ཁྱབ་པ། རང་གི་ངོ་བོ་སྐྱེ་འགག་བྲལ་བ་ཉིད་ཀྱིས་ཟད་པ་མེད་པའང་ཞིང་ཁམས་ཀྱི་རྣམ་པར་དབྱེ་བ་དང་བྲལ་བ་ཤེས་བརྗོད་ཀྱི་ཡུལ་མ་ཡིན་པས་ཞིང་དང་མཛད་པ་སོགས་གྲངས་སུ་བགྲང་བ་ལས་ཡང་དག་པར་འདས་ཤིང་། རྒྱ་ཆད་ཕྱོགས་ལྷུང་མེད་པའི་སེམས་ཀྱི་རང་ཆས་མངོན་དུ་གྱུར་པའི་གནས་སྐབས་ཡིན་པའི་ཕྱིར། སྔར་བསྟན་པའི་ལས་འབྲས་སྲིད་དོ་ཅོག་དང་། དེར་མ་ཟད་བརྟན་གཡོ་ཐམས་ཅད་ཀྱི་ངོ་བོ་བདག་པོར་གྱུར་པ་རྣམས་ཉིད་ཀྱིས་ལྷུན་གྲུབ་ཏུ་འཆར་བ་ཡིན་ནོ། །གནས་སྐབས་སུ་སོ་སོར་བཞག་པ་ཐམས་ཅད་བླ་དང་བཅས་པ་ཞེས་བྱ་ལ། སོ་སོ་དེ་ལྟ་བུ་སྦྱངས་པ་ལས། མཐར་བགྲོད་པ་གཅིག་པའི་ངེས་པར་འབྱུང་བ་གཅིག་པུ་ཉིད་བདེ་བ་ཆེན་པོའི་ས་ཞེས་བྱ་ལ། གཞི་ཡི་གནས་སྐབས་ཀྱི་འཁྲུལ་པ་བཞི་རྣམ་པར་དག་པ་བྱས་པ་ལས་གདོད་མའི་སྒྲིབ་པ་མེད་པ་སོགས་མངོན་དུ་གྱུར་པ་ཉིད་ལ། ཇི་ལྟར་རིགས་པར་རིམ་པ་བཞིན་དུ་སྒྱུ་འཕྲུལ་དྲྭ་བ་དང་། རྣམ་པ་ཉི་ཤུ་དང་། རྣམ་པ་ལྔ་དང་། སྐད་ཅིག་གཅིག་གིས་བྱང་ཆུབ་པའི་མཚན་ཉིད་ཅན་གྱི་སྐུ་བཞི་དང་། དམ་ཚིག་སེམས་དཔའ་ལ་སོགས་པའི་སེམས་དཔའ་བཞི་དང་། གཞི་ལམ་རྣམ་པར་དག་པ་རྣམ་པ་ཐམས་ཅད་མཁྱེན་པ་ཉིད་དམ།

― JKT006_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་བཞིའི་དབྱེ་བས་སྐུ་བཞིར་ཡང་རྣམ་པར་བཞག་པ་སྟེ། མདོར་ན་སེམས་ཀྱི་ཐབས་ཡན་ལག་བདུན་ལྡན་སྒྲིབ་བྲལ་དེ་ཉིད་མངོན་དུ་གྱུར་པ་ལས་སྐུ་གསུང་ཐུགས་རྣམ་པ་ཐམས་ཅད་པར་འཆར་ཞིང་། ཕྱིན་ལས་རྣམ་པ་ཐམས་ཅད་པ་འཁོར་བ་ཇི་སྲིད་དུ་འབྱུང་ལ། རང་གི་ངོ་བོ་ཉིད་ལ་བཞག་པ་ཐམས་ཅད་བྲལ་ཞིང་ཅི་ཡང་འབྱུང་བ་མེད་པ་ཞེས་བྱ་བ་ཡིན་ནོ། །འདི་ལྟར་མཉམ་སྦྱོར་གྱི་བྱེ་ཀར། སངས་རྒྱས་ཀྱི་ས་ཀུན་ཏུ་འོད་དང་། པདྨོ་ཅན་དང་། ཡི་གེའི་འཁོར་ལོ་ཚོགས་ཆེན་གྱི་ས་དང་། རྡོ་རྗེ་འཆང་དབང་དང་། ཡེ་ཤེས་བླ་མའི་ས་དང་། བདེ་བ་ཆེན་པོའི་ས་རྣམས་རིམ་པ་བཞིན་དུ་སྦྱངས་ཤིང་། གཅིག་ཅར་ཐོབ་པའོ། །ཞེས་དང་། མཚན་བརྗོད་ལས། ཐེག་པ་གསུམ་གྱི་ངེས་འབྱུང་ལ། །ཐེག་པ་གཅིག་གི་འབྲས་བུར་གནས། །ཞེས་གསུངས་སོ།། ༈ །།རྒྱུད་སྡེ་བཞི་ལས། དང་པོ་བྱ་རྒྱུད་ཀྱི་ལམ་རིམ་ནི། རྟེན་གྱི་གང་ཟག་སོར་སྡོམ་དང་། བྱང་སེམས་ཀྱིས་རྒྱུད་སྦྱངས་པ་ཞིག་སྤྱོད་པ་གསུམ་པོ་ཉམས་སུ་བླངས་པ་སྟེ། འདི་ཕར་ཕྱིན་དུ་མ་བཤད་ཅིང་། ཕར་ཕྱིན་ལས་བཤད་པའི་ལམ་ཐམས་ཅད་ཀྱི་སྟེང་། འདི་ལྷག་པར་བརྒལ་ནས་ཉམས་སུ་བླངས་པས་འབྲས་བུ་འགྲུབ་པ་ཡིན་པ་ལ་ཁྱད་པར་དུ་འཕགས་སོ། །དེ་ལ་དང་པོ་འཇུག་པའི་སྤྱོད་པ་ནི། སྤྱི་

― JKT006_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུད་ནས་གསུངས་པའི་ཆོ་ག་རིགས་གསུམ་སྤྱིའམ། སོ་སོའི་དཀྱིལ་འཁོར་དུ་དབང་བསྐུར་ནས་སྔགས་ཀྱི་སྡོམ་ལྡན་དུ་བྱེད་པ་དང་། སྦྱོར་བའི་སྤྱོད་པ་ནི། བདག་གི་དེ་ཁོ་ན་ཉིད་སྟོང་པ་སྔོན་དུ་འགྲོ་བར་བྱས། མདུན་དུ་རང་འདོད་པའི་དཀྱིལ་འཁོར་གྱི་ལྷ་ཚོགས་སྤྱན་དྲངས། དེ་ལ་མཆོད་བསྟོད་སོགས་མཚན་བཅས་ཀྱི་རྣལ་འབྱོར་ཉམས་སུ་ལེན་པ་དང་། སྒྲུབ་པའི་སྤྱོད་པ་ནི། །བསམ་གཏན་ཕྱི་མ་ལས་གསུངས་པ་ལྟར། མཐུན་རྐྱེན་འཛོམ་པའི་གནས་སུ་འགལ་རྐྱེན་སྤངས་ནས། མེར་གནས། སྒྲ་གནས། སྒྲ་མཐའི་དེ་ཉིད་སོགས་མཚན་མེད་ཀྱི་ཏིང་འཛིན་ཉམས་སུ་ལེན་པ་སྟེ༑ དེ་ལྟར་སྤྱོད་པ་དང་པོས་རྟེན་གྱི་གང་ཟག་དང་། ཕྱི་མས་ལམ་དངོས་བསྟན་ལ། གཉིས་པོ་དེས་གནས་སྐབས་ཀྱི་འབྲས་བུ་ས་དང་པོའི་བར་དུ་བསྒྲུབས་ནས། མཐར་ཐུག་གི་འབྲས་བུ་བྲལ་སྨིན་གྱི་ཡོན་ཏན་དྲུག་ཅུ་རྩ་བཞིས་བརྒྱན་པའི་སྐུ་གསུམ་ཐོབ་པར་བཤད་དོ། །གཉིས་པ་སྤྱོད་རྒྱུད་ཀྱི་ལམ་རིམ་ནི། རྒྱུ་རྟེན་གྱི་གང་ཟག །རྐྱེན་ལམ་གྱི་རིམ་པ། འབྲས་བུ་སངས་རྒྱས་ཀྱི་སའོ། །དང་པོ་ནི༑ རིགས་ཀྱི་གཙོ་བོ་ལུས་ངག་ཡིད་གསུམ་ཕུན་སུམ་ཚོགས་པ་གསུམ་དང་ལྡན་པའོ། །གཉིས་པ་ལ་ཕར་ཕྱིན་གྱི་ལམ་གྱིས་རྒྱུད་སྦྱངས་པ་དང་། དེ་ནས་རྒྱུད་ལ་འཇུག་པའི་ཚུལ་གཉིས། དང་པོ་

― JKT006_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། ཐོག་མར་འདིར་འཇུག་པ་ལ་བྱང་ཆུབ་ཀྱི་སེམས་དང་། ཕར་ཕྱིན་དྲུག་སོགས་ཀྱིས་རྒྱུད་སྦྱངས་པ། ཕྱི་མ་ངེས་པར་དགོས་པ་ཕྱག་ན་རྡོ་རྗེ་དབང་བསྐུར་བའི་རྒྱུད་དུ་གསུངས་སོ། །གཉིས་པ་ལ་སྤྱོད་པ་གསུམ་སྟེ། དང་པོ་ལ་ཕྱི་འཇུག་དཀྱིལ་འཁོར་དུ་ཞུགས་ཤིང་དབང་བླངས་པར་དམ་ཚིག་དང་སྡོམ་པ་ལ་གནས་པར་བྱ་བ་དང་། ནང་འཇུག་ལ་མཚན་བཅས་འཇིག་རྟེན་དང་། མཚན་མེད་འདས་པའི་རྣལ་འབྱོར་གཉིས། དེ་ལ་མཚན་མེད་ནི་ངོ་བོ་ཉིད་མེད་པར་རྟོགས་པའི་ཏིང་འཛིན་ལ་སེམས་ཇི་སྲིད་འདོད་ཀྱི་བར་དུ་གནས་པའོ། །མཚན་བཅས་ནི། ཐོག་མར་བདག་གནས་རྣལ་འབྱོར་སྲུང་བ་སོགས་སྔོན་དུ་འགྲོ་བའི་བདག་གི་སྒོ་ནས་བདག་གི་དེ་ཁོ་ན་སྟོང་པ་ཉིད་བསྒོམས་ཏེ། དེའང་སྒྱུ་མ་ལྟ་བུ་དང་། ནམ་མཁའ་ལྟ་བུ་རིམ་བཞིན་བསྒོམས་ནས་རང་བཞིན་མེད་པར་གཏན་ལ་ཕབ་པའོ། །དེ་ནས་ལྷའི་སྐུར་བསྐྱེད་ལ་སྔགས་དང་ཕྱག་རྒྱ་ལ་སོགས་པས་བྱིན་གྱིས་བརླབ། དེ་ནས་གཞི་གཉིས་པ་རང་གི་མདུན་དུ་སངས་རྒྱས་ཀྱི་སྐུ་བསྐྱེད་པའི་ཐུགས་ཀར་སྔགས་བཀོད་ནས་ཏིང་ངེ་འཛིན་བརྟན་པར་བྱེད་པའོ། །སྦྱོར་བའི་སྤྱོད་པ་ལའང་། མཚན་བཅས་ཕྱིའི་བཟླས་བརྗོད་ཡན་ལག་བཞི་དང་། ནང་གི་བཟླས་བརྗོད་ཡན་ལག་བཞི་རྣམས་ཡིན་ལ། མཚན་མེད་ལྷའི་སྐུ་ཡང་

― JKT006_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

བཏགས་པ་ཙམ་དུ་ཤེས་པར་བྱས་ནས་རང་རིག་པ་ཙམ་ལ་གནས་ནས་ཡིད་བཟླས་བྱེད་པའོ། །སྒྲུབ་པའི་སྤྱོད་པ་ལས། ཕྱིའི་དངོས་གྲུབ་རལ་གྲི་ལ་སོགས་པའི་རྫས་བླངས་ནས་རིག་པ་འཛིན་པ་ལ་སོགས་པའི་དངོས་གྲུབ་སྒྲུབ་པ་ཡིན་ལ། ནང་གི་དངོས་གྲུབ་ནི། ནང་གི་འབྱུང་བཞིའི་དཀྱིལ་འཁོར་བསྒོམས་པས་མངོན་ཤེས་ཉེར་ལྔ་དང་། ཞར་ལ་མཚན་བཅས་ཀྱི་དངོས་གྲུབ་རྣམས་ཀྱང་འགྲུབ་བོ། །འབྲས་བུ་སངས་རྒྱས་ཀྱི་ས་ནི། གང་གིས་སྒྲུབ་པའི་རྒྱུ་དང་། དེས་གྲུབ་པའི་འབྲས་བུ་གཉིས། དང་པོ་ནི། སྤྱིར་རྒྱུའི་གཙོ་བོ་གསུམ་དང་། ཁྱད་པར་ཆོས་ཀྱི་འདུ་ཤེས་བརྒྱད་ཀྱིས་འཇིག་རྟེན་ལས་འདས་པའི་ལམ་འཇུག་ཅིང་། དེ་ནས་འཇིག་རྟེན་འདས་པའི་ལམ་འགྲུབ་པའི་ཚུལ་དང་། དབང་རྟུལ་གང་ཟག་གི་བདག་མེད་རྟོགས་པའི་དང་། དབང་རྣོན་ཆོས་ཀྱི་བདག་མེད་རྟོགས་པའི་སྒོ་ནས་འཇུག་པ་གཉིས། དང་པོ་ནི། འཇིག་རྟེན་པའི་སེམས་བརྒྱ་དང་དྲུག་ཅུ་བསྐལ་པ་གསུམ་གྱིས་འདས་པའི་གང་ཟག་གི་བདག་མེད་རྟོགས་པའི་སེམས་སྐྱེ་བ་ཡིན་ལ། དབང་རྣོན་ནི་བསྐལ་པ་གཉིས་ཀྱིས་འཇིག་རྟེན་ལས་འདས་པ་ཆོས་ཀྱི་བདག་མེད་རྟོགས་པའི་སེམས་སྐྱེ་བ་ཡིན་ནོ། །དེ་ནས་སེམས་དེ་ཉིད་ཀྱིས་ས་བཅུ་པའི་བར་དུ་བགྲོད་པ་ནི་རྒྱུའོ། །གཉིས་པ་ནི། དཔའ་བོ་

― JKT006_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོས་ཏིང་ངེ་འཛིན་གྱིས་བདུད་བཞི་བཅོམ་སྟེ་ཁམས་གསུམ་ལས་འདས་ཏེ་འོག་མིན་སྟུག་པོ་བཀོད་པར་མངོན་བྱང་ལྔའི་ཚུལ་གྱིས་སངས་རྒྱས་པར་བཤད་དོ། །གསུམ་པ་རྣལ་འབྱོར་གྱི་རྒྱུད་ཀྱི་མངོན་རྟོགས་ནི། རྒྱུ་རྒྱུད། ཐབས་རྒྱུད། འབྲས་རྒྱུད་གསུམ་སྟེ། དང་པོ་ནི། ཐོག་མ་དང་ཐ་མ་མེད་པའི་བྱང་ཆུབ་ཀྱི་སེམས་རང་བཞིན་གྱི་འོད་གསལ་བ་ཉིད་ཡིན་ལ། དེ་ནི་རྒྱུན་མི་འཆད་པས་ཨཱ། རྒྱུད་དོ། །གཉིས་པ་ནི། རང་བཞིན་གྱི་དྲི་མ་བྲལ་བ་དེ་མངོན་དུ་བྱེད་པའི་ཐབས་ཤེས་ཀྱི་རྣལ་འབྱོར་ཡན་ལག་དང་བཅས་པ་སྟེ། འདི་ལ་སློབ་མའི་དང་། སློབ་དཔོན་གྱི་རིགས་ཅན་གྱི་ལམ་གཉིས་ལས། དང་པོ་ནི། རིག་པའི་དབང་ཙམ་སྟེར་ཞིང་། དེ་ཡང་སྦྱང་བ་མ་བྱས་ན་དམ་ཚིག་འཛིན་མི་ནུས་པས་དམ་ཚིག་མི་སྦྱིན་ཅིང་། ཡི་དམ་གྱི་སྒོམ་བཟླས་ཙམ་སྦྱིན། སྦྱང་བ་བྱས་པ་ནི། དེ་དང་འབྲེལ་བའི་དམ་ཚིག་ཀྱང་བསྲུངས་ནུས་པས་དམ་ཚིག་སྦྱིན། དངོས་གྲུབ་ཀྱི་ཡེ་ཤེས་གང་འདོད་པ་ལ་སློབ་ཏུ་འཇུག །གཉིས་པ་ནི། རྡོ་རྗེ་སློབ་དཔོན་དུ་དབང་བསྐུར་བའང་བྱ་ཞིང་། དེ་ནས་རྗེས་སུ་འབྲེལ་བའི་དམ་ཚིག་ལ་བསླབ་པ་དང་། དཀྱིལ་འཁོར་དང་ལྷའི་དེ་ཁོ་ན་ཉིད་བཅུ་ལ་བསླབ་པ་དང་། སློབ་མ་གཞུག་པ་སོགས་སློབ་དཔོན་གྱི་ལས་དང་། དངོས་གྲུབ་ཀྱི་ཡེ་ཤེས་དང་། ཕྱག་རྒྱའི་

― JKT006_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་དང་། རྩ་བའི་རྒྱུད་དང་། ཕྱི་མ་དང་། ཕྱི་མ་ཕྱི་མའི་རྒྱུད་ལ་སོགས་པའི་སྒྲུབ་པའི་ཚུལ་ཐམས་ཅད་ལ་བསླབ་པར་བྱ་བའོ། །འབྲས་བུའི་རྒྱུད་ནི། གནས་སྐབས་སུ་དངོས་གྲུབ་ནི་ཡེ་ཤེས་ཇི་ལྟར་འདོད་པ་ལ་སྦྱོར་ཞིང་། མཐར་ཐུག་ཁམས་གསུམ་ལས་འདས་པའི་འོག་མིན་ཆེན་པོར་མངོན་བྱང་ལྔའི་ཆོ་འཕྲུལ་སྐུ་བཞི་དབྱེར་མེད་པའི་གོ་འཕང་བརྙེས་པའོ། །བཞི་པ་བླ་མེད་ཀྱི་རྒྱུད་ལ་སློབ་དཔོན་གྱིས་མངོན་པར་རྟོགས་པ་ལས། དང་པོ་ཕ་རྒྱུད་གསང་འདུས་ལ། ཤདྨ་ཝ་རྨས་རྒྱུ་ཐབས་འབྲས་བུའི་རྒྱུད་གསུམ་གྱི་མངོན་རྟོགས་དང་། སློབ་དཔོན་ཀླུ་སྒྲུབ་ཀྱིས་རིམ་པ་དྲུག་གམ། །ལྔའམ༑ གཉིས་ཀྱི་མངོན་རྟོགས་དང་། འཕགས་པ་ལྷས་གང་ཟག་གི་རིམ་པ་འཇུག་ཚུལ་དང་བསྟུན་པའི་མངོན་རྟོགས་དགུ་དང་། སློབ་དཔོན་སྐལ་བཟང་རྡོ་རྗེས། སྨིན་བྱེད་དབང་། གྲོགས་དམ་ཚིག ༑རྒྱུད་ཀྱི་བཤད་པ། བྱང་ཆུབ་འགྲུབ་པའི་རྒྱུ་བྱང་སེམས། མཐར་ཕྱིན་པའི་ཐབས་སྤྱོད་པ་སྟེ་ལྔ་གཞི་ལམ་འབྲས་གསུམ་གྱིས་བསྡུས་པར་འཆད་པ་དང་། སློབ་དཔོན་ལེགས་ལྡན་འབྱེད་ཀྱིས། ལམ་རྒྱུད་ཀྱི་མངོན་པར་རྟོགས་པ། སྨིན་བྱེད་དབང་བཞི། གྲོལ་བྱེད་བསྐྱེད་རིམ། རྫོགས་རིམ་རིམ་ལྔ། སྤྱོད་པ་གསུམ། འབྲས་བུ་མཆོག་ཐུན་གཉིས་སུ་བསྡུས་ཏེ་བཤད་པ་དང་། དགྲ་ནག་གི་

― JKT006_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲེལ་པར། དབང་། དམ་ཚིག །བསྙེན་པ་དང་། སྒྲུབ་པ། འབྲས་བུ་དང་ལས་ཚོགས་ཏེ་གཞི་ལམ་འབྲས་གསུམ་གྱིས་བསྡུས་པའི་མངོན་རྟོགས་དྲུག་ཏུ་བཤད་པ་སོགས་སོ། །གཉིས་པ་མ་རྒྱུད་བདེ་མཆོག་ལ། གྲུབ་ཆེན་ལཱུ་ཧི་པས། རྣལ་འབྱོར་ཀུན་སྤྱོད་ཀྱི་རྒྱུད་ལ་བརྟེན་ནས། སྔོན་དུ་འགྲོ་བ་ཉམས་སུ་ལེན་པ་དང་གང་ཟག་གི་ཀུན་སྤྱོད། དེས་ཉམས་སུ་བླང་བ་ལམ་གྱི་ཀུན་སྤྱོད་དེས་གྲུབ་པ་འབྲས་བུའི་ཀུན་སྤྱོད་དེ་སྤྱིའི་མངོན་རྟོགས་གསུམ་གྱི། དང་པོ་ལ་གང་ཟག་དྲུག་དང་། གཉིས་པ་ལམ་ལ་ལམ་གྱི་གཙོ་བོ་སྐུ་གསུམ་ལམ་བྱེད་ཀྱི་མངོན་རྟོགས་དང་། ཡན་ལག་ལ་དང་པོ་གཉིས་རྫོགས་པར་བྱེད་པའི་ཡན་ལག་ལྔ་དང་། གསུམ་ཀ་རྫོགས་བྱེད་ཀྱི་ཡན་ལག་ལྔ་སྟེ་བཅུ། གསུམ་པ་འབྲས་བུ་ལ། མཆོག་དང་། ཐུན་མོང་དང་། ཕྱག་རྒྱ་ཆེན་པོའི་མངོན་རྟོགས་གསུམ་སྟེ། ཉི་ཤུ་རྩ་གཉིས་སུ་འབྱེད་པར་གསུངས་པ་དང་། སློབ་དཔོན་ནག་པོ་སྤྱོད་པས་སྦྱིན་བྱ་དབང་བཞི། ཉམས་སུ་བླང་བྱ་རིམ་གཉིས་གྲོགས་དང་བཅས་པ་དང་། ཉམས་སུ་བླངས་པ་ལས་བྱུང་བའི་འབྲས་བུ་སྟེ་མངོན་རྟོགས་གསུམ་དུ་བསྟེན་པ་སོགས་བསམ་གྱིས་མི་ཁྱབ་ལ། གསུམ་པ་ཐབས་དང་ཤེས་རབ་གཉིས་སུ་མེད་པའི་རྒྱུད་དཔལ་ཀྱེ་རྡོ་རྗེ་ལ། གཙོ་བོར་སློབ་དཔོན་ཌོམྦྷི་ཧེ་རུ་ཀས་རྒྱུད་གསུམ་ལས་ཕྱེ་

― JKT006_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་མངོན་རྟོགས་སུམ་ཅུ་རྩ་བརྒྱད་དང་། སློབ་དཔོན་ནག་པོ་པ་རྗེས་འབྲངས་དང་བཅས་པས། རྒྱུད་གསུམ་ལ་ལམ་གྱི་དངོས་གཞི་ཕར་ཕྱིན་དང་ཐུན་མོང་དུ་བྱེད་པའི་ཚེ་མངོན་པར་རྟོགས་པ་ལྔ་བཅུ་རྩ་བདུན། དངོས་གཞི་རིམ་གཉིས་ལ་བཞག་པའི་ཚེ་ལྔ་བཅུ་རྩ་དྲུག །ཡང་རྒྱུད་གསུམ་ལས་མངོན་རྟོགས་འབྱེད་ཚུལ་གཞན་ལྔ་བཅུར་བྱེད་པ་སྟེ་གསུམ་དུ་བཞེད་པ་དང་། དུས་ཀྱི་འཁོར་ལོར་འཇུག་པའི་རིམ་པ་དང་བསྟུན། འཇིག་རྟེན་གྱི་ཁམས། ནང་རྡོ་རྗེའི་ལུས། གཞན་ཡང་བཅུ་གཅིག་སྔོན་དུ་འགྲོ་བ་ལ། ཐུན་མོང་དང་མཆོག་གི་དངོས་གྲུབ་བསྒྲུབ་པའི་ཕྱིར་བསྐྱེད་པའི་རིམ་པ་ཡན་ལག་བཞི་དང་། རྫོགས་པའི་རིམ་པ་སྦྱོར་བ་ཡན་ལག་དྲུག་ཏུ་བསྟན་པ་སོགས་སོ། །ཤུ་བྷཾ།།

རྗེ་བཙུན་ས་སྐྱ་པ་ཡབ་སྲས་ཀྱིས་བཞེད་པའི་ལྟ་བའི་རྣམ་གཞག་འཁྲུལ་མེད་དུ་སྟོན་པ་ཚིག་དོན་གྱི་ས་བོན།

― JKT006_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བཙུན་ས་སྐྱ་པ་ཡབ་སྲས་ཀྱིས་བཞེད་པའི་ལྟ་བའི་རྣམ་གཞག་འཁྲུལ་མེད་དུ་སྟོན་པ་ཚིག་དོན་གྱི་ས་བོན་ཅེས་བྱ་བ་བཞུགས་སོ། །ན་མོ་གུ་རུ་བྷྱ༔ དཔལ་ས་སྐྱ་པ་ཆེན་པོའི་གསུང་ངག་ལམ་འབྲས་སོགས་ལས་ལྟ་བའི་བཞེད་ཚུལ་སྙིང་པོར་དྲིལ་བ་ནི་གཉིས་ཏེ། སྣང་བ་གསུམ་གྱི་སྐབས་སུ་བསྟན་པའི་དབུ་མའི་ལྟ་བ་དང་། རྒྱུད་གསུམ་གྱི་སྐབས་སུ་བསྟན་པའི་ཡེ་ཤེས་ཕྱག་རྒྱ་ཆེན་པོའི་རབ་ཏུ་བྱེད་པའོ། །དང་པོ་ལའང་འཕགས་པ་ཀླུ་སྒྲུབ་དང་། མགོན་པོ་བྱམས་པའི་མན་ངག་གཉིས་

― JKT006_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། དང་པོ་ནི། སློབ་དཔོན་ཨཱརྱ་དེ་བས། བསོད་ནམས་མ་ཡིན་དང་པོར་བཟློག །བར་དུ་བདག་ནི་བཟློག་པ་དང་། །ཐ་མ་ལྟ་གཞི་ཀུན་བཟློག་པ། །གང་གིས་ཤེས་དེ་མཁས་པ་ཡིན། །ཅེས་པའི་དོན། ཐོག་མར་མ་དག་པའི་སྣང་བ་ལ་བརྟེན་ངེས་འབྱུང་བསྐྱེད་པ་དང་། ཉམས་ཀྱི་སྣང་བའི་ནང་ནས་བྱམས་སྙིང་རྗེ་ཀུན་རྫོབ་བྱང་ཆུབ་ཀྱི་སེམས་བསྒོམ་པ་རྣམས་ཀྱིས་བསོད་ནམས་མ་ཡིན་པའི་ལས་བཟློག་ནས་མངོན་པར་མཐོ་བའི་གོ་འཕང་ལ་བཀོད། བར་དུ་དོན་དམ་བྱང་ཆུབ་ཀྱི་སེམས་བསྒོམ་པའི་ཚེ། བདེན་འཛིན་གྱི་སྤྲོས་པ་གཅོད་པས་བདག་ཏུ་འཛིན་པ་བཟློག་ནས་ཐར་པའི་ས་ལ་བཀོད་དེ། དེ་ཡང་རང་རྒྱུད་ཀྱི་ཕུང་པོ་ལྔར་བདེན་པར་འཛིན་པའི་བདེན་འཛིན་ངོས་བཟུང་། འདི་ལྟར་གལ་ཏེ་བདེན་པར་གྲུབ་ན། རྒྱུ་རྐྱེན་གང་ལའང་མ་ལྟོས་པར་ཐོག་མ་ཉིད་དུ་གྲུབ་དགོས་པའི་ཕྱིར༑ འདི་དག་རྒྱུ་རྐྱེན་འབའ་ཞིག་ལས་གྲུབ་པར་འདུག་པས་བདེན་པར་གྲུབ་པ་མི་འདུག་སྙམ་དུ་ཐག་བཅད། དེ་ལ་སེམས་བཟུང་ནས། དང་པོ་བསྒྲིམས་ཏེ་བདེན་འཛིན་གྱི་རྣམ་རྟོག་ཚར་བཅད། བར་དུ་བདེན་མེད་ཀྱི་སྟེང་དུ་སེམས་ལྷོད་ཀྱིས་ཀློད། མཐར་རེས་འཇོག་གམ། ཡང་ན་རང་སོ་བཟུང་སྟེ་ལྟ་བའི་དྲན་ཤེས་མཉམས་པའི་ངང་ཧད་དེ་ཕྱད་དེ་བཞག །དེ་ལ་ཡིད་ཆེས་རྙེད་པས། ཆོས

― JKT006_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་བདེན་མེད་དུ་ཁྲོལ་གྱིས་འགྲོའོ། །དེའི་ཚེ་སྔར་ཞི་གནས་སྐྱེས་པ་ལ་ལྟ་བའི་གནད་ཀྱིས་ཟིན་པས་ཟུང་འཇུག་ཏུ་འགྲོའོ། །ཐ་མ་ལས་ཉོན་གཉིས་བདེན་འཛིན་རྣམ་རྟོག་ལས་བྱུང་། །དེ་ཡང་སྤྲོས་པའམ་མཚན་འཛིན་ལས་བྱུང་བས་ན། བདེན་མེད་ཡིན་སྙམ་པའི་ལྟ་བའི་གཞི་དེ་ཡང་བཟློག་པ་ཐམས་ཀྱིས་ཟིན་པས་ཐམས་ཅད་མཁྱེན་པའི་ཡེ་ཤེས་འབྱུང་སྟེ། དེས་ན་རྟེན་འབྲེལ་གྱི་གནད་ལས་ཆོས་ཐམས་ཅད་བདེན་མེད་དུ་ངེས་པ་དྲངས་པ་དེའི་རྒྱུན་མི་མཐུད་པར། ཡུལ་སྟོང་པ་ཉིད་དེ་ནི་ཡོད་མེད་ལ་སོགས་པ་གང་དུའང་བཟུང་དུ་མེད་དེ། དེ་གཉིས་སུ་འཛིན་པའི་བློ་ཅན་གྱི་སྤྱོད་ཡུལ་མ་ཡིན་པའི་ཕྱིར་རོ་སྙམ་དུ་ཐག་བཅད་དེ། ཡུལ་སྤྲོས་པས་མ་རིག་པར་བློའི་ལྟ་བ་ཐམས་ཅད་སྤངས་ཏེ། འཛིན་མེད་དུ་ཕྱམ་མེར་བཞག་གོ །དེའི་ཕྱིར་རྗེ་བཙུན་འཇམ་དཔལ་དབྱངས་ཀྱིས། འཛིན་པ་བྱུང་ན་ལྟ་བ་མིན། །ཅེས་པ་ལྟ་རིམ་བར་གྱི་བདེན་འཛིན་དང་། ཐ་མའི་ཚེ་མཚན་འཛིན་སྤོང་བའི་དོན་ཏོ། །གཉིས་པ་ནི། གཞི་དུས་ཀྱི་རང་བཞིན་འོད་གསལ་སྤྲོས་པ་དང་བྲལ་བ་ནི་འཁོར་ཀླུའདས་གཉིས་ཀའི་རྒྱུ་ཡིན་ལ། དེ་ངོས་མ་ཟིན་པར་གཟུང་འཛིན་གཉིས་སུ་ཤར་བའི་ཉོན་མོངས་པ་མངོན་གྱུར་བག་ཉལ་དང་བཅས་པ་འདི་འཁོར་བའི་རྩ་བ་ལྷན་སྐྱེས་ཀྱི་མ་རིག་པ་ཡིན་པས། འདིའི་

― JKT006_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

རྩ་བ་བཅད་དེ་དབྱིངས་སུ་བསྟིམ་དགོས། དེ་ལ་གཟུང་བའི་འཁྲུལ་སྣང་བཅད་པ་དང་། འཛིན་པའི་འཁྲུལ་སྣང་བཅད་པ་གཉིས། དང་པོ་ལ་གསུམ། དྲོད་སྣང་བ་ཐོབ་པའི་ཏིང་ངེ་འཛིན་ཚོལ་བ། རྩེ་མོ་སྣང་བ་མཆེད་པའི་ཏིང་ངེ་འཛིན་ཚོལ་བ། བཟོད་པ་གཟུགས་མེད་རྟོགས་པའི་ཏིང་ངེ་འཛིན་ཚོལ་བའོ། །དང་པོ་ནི། གཟུང་འཛིན་གཉིས་བྲལ་གྱི་ཡེ་ཤེས་རང་རིག་སྤྲོས་པའི་མཐའ་ཐམས་ཅད་ལས་འདས་པ་ཞིག་རང་རྒྱུད་ལ་གནས་ཀྱང་། ཕྱི་དོན་འདི་དག་རང་སེམས་ལས་ལོགས་སུ་བཟུང་བས་སྒྲིབ་པ་ཡིན་པས་དེ་བསལ་དགོས། བསལ་ཚུལ་ཡང་། འདི་དག་སེམས་ཀྱི་འཁྲུལ་སྣང་ཙམ་ཡིན་གྱི། དོན་དུ་ལོགས་སུ་བདེན་གྲུབ་རྡུལ་ཙམ་ཡང་མེད་དོ་ཞེས་ཐག་བཅད་ནས་མྱོང་བ་འདོན་པས། ཕྱི་དོན་འདི་དག་རང་སེམས་ཀྱི་འཁྲུལ་ངོ་ཙམ་ལས་དོན་དུ་བདེན་པར་གྲུབ་པ་མི་འདུག་སྙམ་དུ་ངེས་ཤེས་སྐྱེ་བའི་གསལ་སྣང་ཅུང་ཟད་འབྱུང་ངོ་། །གཉིས་པ་ནི། གསལ་སྣང་དེ་ཆེས་ཆེར་མཆེད་ནས་མྱོང་བ་ཤིན་ཏུ་གསལ་པོ་འབྱུང་བའོ། །གསུམ་པ་ནི། སླར་ཡང་འབད་པས། རང་རྒྱུད་ཀྱི་སེམས་སྒྲིབ་བྱེད་གཟུང་བྱའི་འཁྲུལ་སྣང་མངོན་གྱུར་པ་དག་ནས་སེམས་གསལ་སྣང་གི་དྭངས་ཆ་དང་བདེ་བ་ལྷག་པར་སྐྱེ་བའོ། །དེའི་ཚེ་ནང་འཛིན་པའི་འཁྲུལ་སྣང་མ་ནུབ་ཀྱང་། ཕྱི་གཟུང་བའི་འཁྲུལ་

― JKT006_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་ནུབ་སྟེ། བདེན་ཞེན་ཅུང་ཟད་ཀྱང་མི་འབྱུང་བས་སྣང་བ་ཐོབ་པའི་ཏིང་ངེ་འཛིན་ཅེས་ཀྱང་བྱའོ། །གཉིས་པ་ནི། སླར་ཡང་འབད་པས། ནང་འཛིན་བྱེད་སེམས་ཀྱི་འཁྲུལ་སྣང་དེ་ཡང་ནུབ་སྟེ། རང་སེམས་འོད་གསལ་གསལ་སྣང་ཆེས་ཆེར་དོད་པ་དེ་མངོན་སུམ་དུ་མཐོང་བ་ལྟ་བུའི་ཉམས་འཆར་ཏེ། དེ་ནི་ཆོས་མཆོག་བར་ཆད་མེད་པའི་ཏིང་འཛིན་ཡིན་ལ། དེའི་ཚེ་ལྷན་སྐྱེས་ཀྱི་མ་རིག་པ་མ་དག་ཀྱང་། དེ་ལས་བྱུང་བའི་གཟུང་འཛིན་གྱི་འཁྲུལ་སྣང་མངོན་གྱུར་པ་ཕལ་ཆེར་དག་པའི་འོད་གསལ་ཤར་ཏེ། མཐོང་ལམ་སྐྱེ་བ་བར་ཆད་མེད་པར་བདེ་བླག་ཏུ་འགྲུབ་བོ། །སླར་ཡང་འབད་པས། གཟུང་འཛིན་གཉིས་ཀྱི་སྤྲོས་གཞི་ལྷན་སྐྱེས་ཀྱི་མ་རིག་པ་བག་ཉལ་མ་དག་ཀྱང་། མངོན་དུ་གྱུར་པ་དག་སྟེ། རང་རིག་རང་གསལ་གྱི་ཡེ་ཤེས་རྗེན་ནེ་ཡེ་རེ་བ་མཐོང་བའི་གསལ་སྣང་དང་ཡེ་ཤེས་སྐྱེ་སྟེ། སྣང་མཆེད་ཐོབ་གསུམ་གྱི་འཁྲུལ་སྣང་མངོན་གྱུར་པ་ནུབ། དེའི་གཉེན་པོ་སྣང་མཆེད་ཐོབ་གསུམ་གྱི་གསལ་སྣང་རིམ་བཞིན་ཤར། དེའི་རྗེས་སུ་ལྷན་སྐྱེས་ཀྱི་མ་རིག་པ་མངོན་གྱུར་རགས་པ་ཡང་ནུབ་སྟེ་འོད་གསལ་ཆེན་པོ་འཇིག་རྟེན་ཆོས་མཆོག་གི་སྐབས་སོ། །དེ་ལྟར་བསྒོམས་པའི་མཐར། ལྷན་སྐྱེས་ཀྱི་མ་རིག་པ་བག་ཉལ་དང་བཅས་པ་དག་པའི་ཆ་ཤས་གཅིག་མངོན་དུ་མཐོང་

― JKT006_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ནི་ས་དང་པོ་སྟེ། དེ་ནས་རིམ་བཞིན་ས་བཅུ་པའི་སྒྲིབ་བྱེད་ཀྱི་མ་རིག་པ་ཆ་ཤས་རེ་རེ་དག་པས་གསལ་སྣང་ཇེ་ཆེར་གྱུར་ཏེ། ས་བཅུ་གཅིག་པར་སངས་རྒྱས་པའི་ཚེ་དག་པ་གཉིས་ལྡན་གྱི་འོད་གསལ་བློའི་ཡུལ་ལས་འདས་པ་མངོན་སུམ་མཐོང་བ་ཡིན་ནོ། །གཉིས་པ་རྒྱུད་གསུམ་གྱི་སྐབས་སུ་བསྟན་པའི་ཡེ་ཤེས་ཕྱག་རྒྱ་ཆེན་པོ་བ་ངོ་སྤྲད་ཅིང་ཉམས་སུ་བླངས་པ་སྟེ། འདི་ལ་བཞི་སྟེ། ཐོག་མར་མྱོང་བ་འདོན་པའི་གཞི་སེམས་བཙལ་བ་དང་། དེ་གསལ་སྟོང་ཟུང་འཇུག་ཏུ་ངོ་སྤྲད་པ་དང་། དེ་ཉིད་གཉུག་མ་ལྷན་སྐྱེས་ཀྱི་ཡེ་ཤེས་སུ་བསྒྲུབ་པ་དང་། དེའི་དོན་བསྒོམས་པས་ཉམས་སུ་བླང་བའོ། །དང་པོ་ནི། བློ་ཁ་ནང་དུ་ཕྱོགས་ཏེ། རང་གི་སེམས་གང་དུ་འདུག །ཁ་དོག་དང་དབྱིབས་ཇི་ལྟར་འདུག་སོགས་ཞིབ་ཏུ་དཔྱད་ཅིང་གཞིག་གོ །གཉིས་པ་ནི། དེ་ལྟར་བརྟག་ན་ངེས་པ་མི་རྙེད་ཀྱང་ཐ་སྙད་དུ་སེམས་གསལ་རིག་ཙམ་དུ་མ་འགག་པར་ངོས་ཟིན་ཏེ་ནང་ནས་རང་བྱུང་གི་ཉམས་ཅུང་ཟད་ཤར་བ་ན། གསལ་བ་སེམས་ཀྱི་མཚན་ཉིད་ཅེས་བྱ་སྟེ། སེམས་ཀྱི་ཡོན་ཏན་སུམ་ཆ་གཅིག་རྟོགས་པ་ཡིན། དེའི་ངོ་བོ་ལ་བརྟགས་པས་སྐྱེ་འགག་གནས་གསུམ་དང་བྲལ་བའི་སྟོང་ཉིད་ལ་ངེས་ཤེས་རྙེད་པ་ན་སྟོང་པ་སེམས་

― JKT006_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་རང་བཞིན་ཅེས་བྱ་སྟེ། སེམས་ཀྱི་ཡོན་ཏན་སུམ་ཆ་གཅིག་རྟོགས་པ་ཡིན། དེ་ལྟར་རྟོག་པར་ཉམས་སུ་མྱོང་བའི་ཚེ། ཅང་མེད་ཀྱི་སྟོང་པ་མ་ཡིན་པར་ཅི་ཡང་འཆར་དུ་རུང་བའི་གསལ་རིག་ཙམ་དུ་འདུག་ལ། དེའི་ངོ་བོ་ལ་བལྟས་པས་རང་བཞིན་གང་དུའང་གཟུང་དུ་མི་འདུག་པས་སྟོང་པ་ཉིད་དུ་ཐག་ཆོད། དེ་གཉིས་ཀྱང་ཡ་བྲལ་མ་ཡིན་པར་གསལ་བཞིན་དུ་སྟོང་། སེམས་ཀྱི་རང་བཞིན་སྟོང་པ། སྟོང་པ་ཚོལ་མཁན་གྱི་འགྱུ་བ་གསལ་བ། གསལ་བའི་དུས་ན་སྟོང་པ། སྟོང་པའི་ངང་ནས་གསལ་བ་རང་ཤར་དུ་བྱུང་བའི་གསལ་སྟོང་ཟུང་འཇུག་ཏུ་ཐག་ཆོད་པ་ལ་ཟུང་འཇུག་ཏུ་ལ་བཟླ་བ་ཞེས་བྱ། འདི་ལ་གོ་ཡུལ་ཙམ་མིན་པའི་མྱོང་བ་རྣལ་མ་ཞིག་ཤར་ཚེ་ཅིར་སྣང་འཁོར་འདས་དབྱེར་མེད་ཀྱི་རོལ་པར་འཆར་ཞིང་། བཅོས་མིན་སེམས་ཀྱི་ངོ་བོ་ཞེས་གསལ་སྟོང་ཟུང་འཇུག་གི་ཡོན་ཏན་ཆ་ཚང་བར་རྟོགས་པའོ། །གསུམ་པ་ནི། གཉུག་མ་ལྷན་སྐྱེས་ཀྱི་ཡེ་ཤེས་ངོ་སྤྲད་པས། ཡེ་ཤེས་དེ་ནི་རང་སེམས་སྤྱི་ཙམ་པ་འདི་དང་། འཁྲུལ་སྣང་གི་སེམས་འདི་ལ་ངོས་འཛིན་པ་མ་ཡིན་ཏེ༑ གཞི་དུས་ཀྱི་གསལ་སྟོང་ཟུང་འཇུག་འཁྲུལ་མེད་ཞིག་ལ་བཞག་གོ། །དེ་ལ་མདོ་རྒྱུད་རྣམས་སུ། བདེ་གཤེགས་སྙིང་པོ་དང་། རྣམ་བྱང་གི་སེམས་དང་། རང་བཞིན་གྱིས་འོད་གསལ་བའི་

― JKT006_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་དང་། སེམས་ཀྱི་རྡོ་རྗེ་ཞེས་སོགས་མིང་གི་རྣམ་གྲངས་དུ་མར་བཏགས་ཤིང་། ཀུན་གཞི་རྒྱུ་རྒྱུད་ཅེས་ཀྱང་བྱའོ། །རང་རྒྱུད་ལ་སྣང་བའི་ལྷན་སྐྱེས་སེམས་འཁྲུལ་པ་ནི་གློ་བུར་འཁོར་བ་སྦྱང་བྱ་ཡིན་ནོ། འོ་ན་ཇི་ལྟ་བ་ཞིག་གོ་ཞེས་རྟོག་པ་ལ། གློ་བུར་གྱི་སེམས་འཁོར་བ་དེའི་རང་བཞིན་ཡང་ཡིན་ལ། དེ་དག་ཐོག་མ་མེད་པ་ནས་འགྲོགས་ཀྱང་སྔར་ངོ་མ་འཕྲོད་པའི་ལྷན་སྐྱེས་ཀྱི་ཡེ་ཤེས་ནི་མྱང་འདས། དེ་གཉིས་རྣམ་པ་སོ་སོར་སྒྲོ་བཏགས་ཀྱང་ངོ་བོའི་ཆ་ནས་སོ་སོར་འབྱེད་མི་ཤེས་པ་ནི་རྒྱུ་དུས་ཀྱི་ལྟ་བ་འཁོར་འདས་དབྱེར་མེད་ཅེས་བྱ་ཞིང་། དེ་ངོ་འཕྲོད་པའི་གཟུང་འཛིན་གཉིས་བྲལ་གྱི་ཡེ་ཤེས་རང་སེམས་གསལ་སྟོང་ཟུང་འཇུག་ལ་མཉམ་པར་འཇོག་པ་ལ་ལམ་དུས་ཀྱི་ལྟ་བ་འཁོར་འདས་དབྱེར་མེད་ཀྱང་བཞེད་དོ། །བཞི་པ་ནི། གནད་གསུམ་གྱི་སྒོ་ནས་བརྟེན་ཅིང་བོགས་དབྱུང་བར་བྱེད་དགོས་པས། དང་པོ་ཡུལ་སྣང་སེམས་སུ་བསྒྲུབ་པ་ནི་ཕྱི་རོལ་གྱི་ཡུལ་སྣང་འདི་ཐམས་ཅད་རང་སེམས་བག་ཆགས་ཀྱིས་དཀྲུགས་པའི་འཁྲུལ་སྣང་ཁོ་ན་ལས་བདེན་པར་གྲུབ་པ་མེད་པའི་ཚུལ་ལུང་དང་དཔེས་གཏན་ལ་ཕབ་སྟེ་བསྒོམས་པས་ཡུལ་སྣང་སེམས་སུ་ཐག་ཆོད་པའི་ངེས་པ་རྙེད་ནས་ལྟ་བའི་སྟེང་དུ་འཛིན་པ་མ་ཞུགས་པར་བྱས་ཏེ་གསལ་ལ་རྙོག་པ་མེད་པར་བཞག །དེས་ཕྱི་དོན་བདེན་མེད་

― JKT006_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་རྟོགས་པས་སེམས་ཙམ་རྣམ་རྫུན་པའི་ལྟ་བ་དང་ཚུལ་མཚུངས་ཤིང་། རང་བཞིན་གསལ་བའི་ཆ་ལ་བརྟེན་ཅིང་བོགས་འབྱིན་པར་བྱེད་དོ། །གཉིས་པ་སེམས་སྣང་སྒྱུ་མར་བསྒྲུབ་པ་ནི། ཕྱི་རོལ་གྱི་གཟུང་པའི་ཡུལ་ནི་འཛིན་བྱེད་ཀྱི་སེམས་འཁྲུལ་པས་བསླད་པའི་འཁྲུལ་སྣང་ཡིན་ལ། གཟུང་བའི་ཡུལ་མ་གྲུབ་པ་བཞིན་དུ་འཛིན་བྱེད་ཀྱི་སེམས་ཀྱང་མ་གྲུབ་བོ་སྙམ་དུ་ལུང་དང་དཔེས་གཏན་ལ་ཕབ་ནས་རང་བཞིན་སྟོང་པའི་ཆ་ལ་བརྟན་ཅིང་བོགས་འབྱིན་ནོ། །འོན་ཀྱང་གཟུང་འཛིན་འཁྲུལ་པའི་ཆ་བདེན་མེད་དུ་རྟོགས་ཀྱང་། དེ་གཉིས་ལས་གཞན་པའི་གསལ་སྟོང་ལ་བདེན་པར་འཛིན་པ་ཡོད་པའི་ཕྱིར་སེམས་ཙམ་རྣམ་རྫུན་པའི་ལྟ་བ་དང་ཚུལ་མཚུངས་སོ། །གསུམ་པ་སྒྱུ་མ་རང་བཞིན་མེད་པར་བསྒྲུབ་པ་ནི། གཟུང་འཛིན་ཐམས་ཅད་བདེན་པར་མེད་ནའང་། དེ་ལས་རྫས་གཞན་པ་ཞིག་བདེན་པར་གྲུབ་བམ་སྙམ་ན། དེའང་རང་བཞིན་མེད་པར་བསྟན་པ་ལ་གཉིས་ཏེ། རྟེན་འབྲེལ་དུ་བསྒྲུབ་པ་དང་། བརྗོད་བྲལ་དུ་བསྒྲུབ་པའོ། །དང་པོ་ནི། འདུས་བྱས་ཐམས་ཅད་རྟེན་འབྲེལ་གྱི་གནད་ཀྱིས་བདེན་པར་མ་གྲུབ། འདུས་མ་བྱས་རྣམས་ཀྱང་འདུས་བྱས་ལ་ལྟོས་ནས་བཞག་པའམ། འདུས་བྱས་བདེན་སྟོང་གི་ཆ་ལ་འདུས་མ་བྱས་ཞེས་བཞག་པ་ཡིན་ཏེ། དེ་ལས་ལོགས་སུ་བདེན་

― JKT006_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

པར་གྲུབ་པ་མ་དམིགས་ཏེ། ཀླུ་སྒྲུབ་ཀྱིས། འདུས་བྱས་རབ་ཏུ་མ་གྲུབ་པས། །འདུས་མ་བྱས་ཀྱང་ཇི་ལྟར་འགྲུབ། །ཅེས་གསུངས། དེས་རྟེན་འབྲེལ་གྱི་རྟག་ལས་ཆོས་ཐམས་ཅད་རང་བཞིན་མེད་པར་ལུང་དང་དཔེའི་སྒོ་ནས་བསྒྲུབ་པ་རྟག་ཆད་ཀྱི་མཐའ་དང་བྲལ་བའི་དབུ་མའི་ལམ་རྨད་དུ་བྱུང་བ་རྟོགས་པ་ནི་ཕར་ཕྱིན་དང་ཆ་མཉམ་གྱི་ལྟ་བ་ཞེས་བྱ། དེ་ལྟར་ཐོས་བསམ་གྱི་སྒྲོ་འདོགས་ཆོད་ཅིང་། སྒོམ་པས་ཉམས་སུ་མྱོང་བའི་བདེན་སྟོང་ཡང་གཉུག་མའི་སེམས་གསལ་བ་དང་ཟུང་འཇུག་ཏུ་ཉམས་སུ་མྱོང་བ་ནི་འཁོར་འདས་དབྱེར་མེད་དོ། །གཉིས་པ་ནི། དེ་ལྟར་ཉམས་སུ་བླངས་པས། ཡུལ་སྣང་སེམས། སེམས་སྒྱུ་མ། སྒྱུ་མ་རྟེན་འབྲེལ་དུ་ཐག་ཆོད་དེ། འགལ་བར་སྣང་བ་ལྟ་བུའི་ཆོས་རྣམས་མི་འགལ་བར་ཉམས་སུ་མྱོང་ཞིང་ངེས་པ་སྐྱེ། སྐྱེས་པ་དེའི་རང་བཞིན་ཇི་ལྟ་བ་བརྗོད་དུ་མེད་པའི་ཕྱིར་བརྗོད་བྲལ་ཞེས་བཏགས་པ་ཙམ་མོ། །དེས་ན་རང་གི་ངོ་བོ་བརྗོད་དུ་མེད་ཀྱང་བླ་མའི་མན་ངག་དང་ལུང་རིགས་ཀྱི་སྒོ་ནས་གསལ་སྟོང་དབྱེར་མེད་ཀྱི་དོན་གོ་ཞིང་། བསམ་དུ་མེད་པའི་དབྱིངས་སུ་ཐིམ་པས་མ་བསྒོམས་པའི་རང་བཞིན་མངོན་དུ་འགྱུར་ཞིང་། མ་མཐོང་བའི་མཐོང་བ་ཆེན་པོ་ལ་བརྟེན་ནས་གནས་ལུགས་བཅིངས་པ་མེད་པར་རྟོགས་པས་གྲོལ་ཏེ། དོན་དམ་པ་འཚང་རྒྱ་

― JKT006_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

རུ་མེད་ཀྱང་། ཀུན་རྫོབ་སྨོན་ལམ་དང་སྙིང་རྗེའི་དབང་གིས་སངས་རྒྱས་པའི་ཚུལ་བསྟན་ནས་འགྲོ་བ་རྣམས་སྨིན་པར་བྱེད་དོ། །འདིའི་སྐབས་སུ་ཐུན་མོང་དང་། ཐུན་མོང་མ་ཡིན་པའི་དཔེ་བཞི་བཞི་སྟེ་བརྒྱད་དུ་གསུངས་པའི། སྔ་མ་ལ་བརྟེན་ནས་ཡུལ་སྣང་སེམས། སེམས་སྒྱུ་མ། སྒྱུ་མ་རང་བཞིན་མེད་པ་ཙམ་དུ་རྟོགས་པས། སྤང་བྱ་དང་པོ་མ་རིག་པའི་དུག་ཐོན་པ་ཙམ་ལས། འཁོར་བའི་རྩ་བ་རྣམ་རྟོག་རྒྱུན་ཆགས་རྩོལ་བའི་དུག་མི་ཐོན་པས་རྒྱུ་དུས་ཀྱི་ལྟ་བ་དུག་ཅན་ཅེས་བྱ་བ། ཡུལ་རྟོགས་པ་ཙམ་ལ་ལྟ་བར་བཞག་པའོ། །དཔེ་ཕྱི་མ་རྣམས་དང་། དབང་དང་རིམ་གཉིས་ལས་བྱུང་བའི་ཡེ་ཤེས་ནི་རྣམ་རྟོག་རྒྱུན་ཆགས་ཀྱི་རྩོལ་བའི་དུག་འདོན་ནུས་པས་ལམ་དུས་ཀྱི་ལྟ་བ་དུག་མེད་ཅེས་བྱ། དོན་གྱི་ཡེ་ཤེས་མཚོན་པར་ནུས་པས་དཔེའི་ཡེ་ཤེས་ཞེས་ཀྱང་བྱ་སྟེ། ཉམས་མྱོང་ཏིང་ངེ་འཛིན་ལ་ལྟ་བར་བཞག་པ་ཡིན་ནོ། །དེ་ལྟར་ཉམས་སུ་བླངས་ནས་སེམས་འཁྲུལ་འབྱམས་སུ་མི་འཆོར་བར་ཅིར་སྣང་ཡེ་ཤེས་ཀྱི་རོལ་པར་འཆར་བ་དང་། འཁྲུལ་སྣང་ཤར་སྲིད་ནའང་ལྟ་བའི་དྲན་འདུན་གྱིས་ཆབ་རོམ་ཆུར་ཞུ་བ་ལྟར། འཁྲུལ་སྣང་ཐམས་ཅད་ཡེ་ཤེས་སུ་འཆར་བར་བྱེད་པ་ནི་ཐུན་མོང་མ་ཡིན་པའི་ཁྱད་ཆོས་ཏེ། མདོར་ན་ཐ་སྙད་དུ་སྣང་བ་སེམས་སུ་ཁས་ལེན་པ་ནི་རྒྱུད་དང་

― JKT006_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་པའི་སློབ་དཔོན་ཆེན་པོ་རྣམས་ཀྱི་དགོངས་པ་ཡིན་ལ། དེ་ཉིད་བདེན་མེད་དུ་སྒྲུབ་པ་ཙམ་གྱིས་ཕུང་པོ་རྣམ་དཔྱད་ཀྱི་སྟོང་ཉིད་ཅེས་སྙིང་པོ་མེད་པའི་ཕྱིར། བརྗོད་བྲལ་ལྷན་ཅིག་སྐྱེས་པའི་ཡེ་ཤེས་སུ་ངོ་སྤྲོད་ནི་བླ་མེད་ཀྱི་ཐུན་མོང་མ་ཡིན་པའི་ཁྱད་ཆོས་ཏེ། འཇམ་དཔལ་གྱིས། ཕུང་པོ་རྣམ་དཔྱོད་སྟོང་ཉིད་ནི། །ཞེས་སོགས་གསུངས་པའང་འདི་ལ་དགོངས་སོ། །དཔལ་ས་སྐྱ་པའི་བཞེད་ཚུལ་གྱི་ལྟ་སྒོམ་གྱི་རྣམ་གཞག་ཉུང་ངུར་དྲིལ་བ་ཤུ་བྷཾ།།

གཞན་སྟོང་དབུ་མའི་རྣམ་གཞག་སྙིང་པོར་དྲིལ་བ།

― JKT006_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་སྟོང་དབུ་མའི་རྣམ་གཞག་སྙིང་པོར་དྲིལ་བ་བཞུགས། །ཀུན་མཁྱེན་ཇོ་ནང་པ་ཆེན་པོའི་བཞེད་པ་གཞན་སྟོང་དབུ་མའི་སྲོལ་ཅུང་ཟད་འཆད་ན༑ དོན་དམ་བདེན་པ་ནི་སྐྱེ་འཇིག་མེད་ཅིང་འདུས་མ་བྱས་པ་སྟེ། རྟེན་འབྲེལ་ལས་འདས་པའོ། །ཀུན་རྫོབ་བདེན་པ་ནི་སྐྱེ་ཞིང་འཇིག་པའི་ཆོས་ཅན་རྒྱུ་དང་རྐྱེན་ལ་རགས་ལས་ཏེ་འདུས་བྱས་སོ། །འཁོར་འདས་གཉིས་ལས་འཁོར་བ་ནི། སྡུག་བསྔལ་གསུམ་མམ་བརྒྱད་ཀྱིས་བསྡུས་པ་སྟེ་ཟག་པ་དང་བཅས་པའོ། །མྱ་ངན་ལས་འདས་པ་ཆེན་པོ་ནི། སྡུག་བསྔལ་རྒྱུ་དང་བཅས་པ་ཐམས་ཅད་ལས་ཡང་དག་པར་འདས་པ་ཟག་མེད་ཀྱི་བདེ་བ་ཆེན་པོ་རྒྱུན་ཆད་མེད་པའོ། །རྣམ་ཤེས་དང་ཡེ་ཤེས་གཉིས་ལས། རྣམ་ཤེས་ནི་མུན་པ་མུན་ནག་དུག་ལྟ་བུ་སྤང་བར་བྱ་བ་སྟེ་ཀུན་རྫོབ་རང་སྟོང་། རང་བྱུང་

― JKT006_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

གི་ཡེ་ཤེས་འོད་སྟོང་པའི་རྣམ་པ་བདུད་རྩི་ལྟ་བུ་སྟེ། སྤང་བར་བྱ་བ་མ་ཡིན་པས་དོན་དམ་གཞན་སྟོང་། རྣམ་ཤེས་ཀྱི་རང་སྣང་ནི། ཀུན་རྫོབ་ཀྱི་ཁམས་གསུམ་བསྡུས་པ་སྡུག་བསྔལ་དང་སྐད་ཅིག་ལས་མ་འདས་ཏེ། ལས་དང་ཉོན་མོངས་ཀྱིས་སྤྲུལ་སྡུག་བསྔལ་གྱི་རང་བཞིན་ནོ། །རང་བྱུང་ཡེ་ཤེས་ཀྱི་རང་སྣང་ནི། དོན་དམ་པའི་ཁམས་གསུམ་པ་སྡུག་བསྔལ་དང་སྐད་ཅིག་ལས་འདས་པ་སྟེ༑ རྒྱུ་རྐྱེན་གང་གིས་ཀྱང་མ་བསྐྱེད་ཅིང་སྡུག་བསྔལ་མེད་པའི་བདེ་བ་ཆེན་པོ་རྒྱུན་ཆད་མེད་པའོ། །རྣམ་ཤེས་དང་དེའི་རང་སྣང་ནི། སྨྲ་བསམ་བརྗོད་དུ་ཡོད་ཅིང་རྟོག་གེའི་སྤྱོད་ཡུལ་དུ་རུང་བ་སྟེ། ཆ་ཤས་དང་བཅས་ཤིང་དཔེ་དང་བཅས་པའོ། །རང་བྱུང་གི་ཡེ་ཤེས་དང་དེའི་རང་སྣང་ནི་སྨྲ་བསམ་བརྗོད་དུ་མེད་པ་སྟེ། རྟོག་གེའི་སྤྱོད་ཡུལ་ལས་ཡང་དག་པར་འདས་པའོ། །ཆ་ཤས་མེད་ཅིང་དཔེར་བྱ་ཀུན་ལས་འདས་པ་ཉིད་དོ། །བདེ་གཤེགས་སྙིང་པོ་དང་། གློ་བུར་གྱི་དྲི་མ་གཉིས་ལས། བདེ་གཤེགས་སྙིང་པོ་ནི་འོད་གསལ་ཆོས་གྱི་སྐུ་སྟེ། གཉུག་མ་ལྷན་སྐྱེས་གཞོམ་དུ་མེད་ཅིང་འཇིག་པ་མེད་པའི་བདེ་བ་ཆེན་པོ་མཁའ་ལྟར་ཁྱབ་པའོ། །གློ་བུར་དྲི་མ་ནི་ཁམས་གསུམ་པའི་སེམས་དང་སེམས་ལས་བྱུང་བ་དབུགས་རྒྱུ་བ་དང་བཅས་པ་གང་འཕོ་བའི་བག་ཆགས་མ་སྤངས་པའོ། །དེ་བས་ན་

― JKT006_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

བདེན་པ་གཉིས་དང་འཁོར་འདས་གཉིས། རྣམ་ཤེས་ཡེ་ཤེས་གཉིས། སོ་སོའི་རང་སྣང་དང་བཅས་པ་ནི་ཁྱད་ཤིན་ཏུ་ཆེ། སྟོང་ཉིད་ཀྱང་གཉིས་ཏེ། ཀུན་རྫོབ་རྟེན་འབྲེལ་ལས་མ་འདས་པའི་སྟོང་པ་ཉིད་དོ། །དེ་ཡང་དང་པོ་ནི་ཆོས་ཅན་གྲོ་བུར་བ་གསོག་གསོབ་རྫན་པ་སྟེ། རང་རང་ངོ་བོས་སྟོང་བ་ཀུན་རྫོབ་སྟོང་ཉིད་དོ། །གཉིས་པ་ནི། ཆོས་ཉིད་འགྱུར་བ་མེད་པས་རང་བཞིན་བདེན་པ་ཡང་དག་མི་བསླུ་བ་སྟེ། རང་རང་གིས་མི་སྟོང་ཡང་། རང་ལས་གཞན་ཀུན་རྫོབ་ཀྱིས་སྟོང་པ་དོན་དམ་སྟོང་ཉིད་དོ། །དེ་ཡང་ཆོས་སྐུ་དང་སྟོང་པ་མུ་གཉིས་ཏེ། སྟོང་ཉིད་ཡིན་ཡང་ཆོས་སྐུ་མ་ཡིན་པ་དང་། སྟོང་ཉིད་ཡིན་ལ་ཆོས་སྐུ་ཡིན་པའོ། །དང་པོ་ནི། ཆོས་ཅན་ཀུན་རྫོབ་རང་སྟོང་སྟེ་གཤིས་ཀྱི་གནས་ལུགས་ལ་ནམ་ཡང་མ་གྲུབ་ཅིང་དཔྱད་མི་བཟོད་པའོ། །གཉིས་པ་ནི། ཆོས་ཉིད་དོན་དམ་གཞན་སྟོང་དེ་ནམ་ཡང་མེད་པ་མ་ཡིན་ཞིང་དཔྱད་བཟོད་པའོ། །ངོ་བོ་ཉིད་གསུམ་ལས། ཀུན་བརྟགས་གཞན་དབང་གཉིས་ནི་གློ་བུར་བའི་ཆོས་ཏེ་ཀུན་རྫོབ་རང་སྟོང་། ཡོངས་གྲུབ་རྣམ་པ་གཉིས་ནི། ཆོས་ཀྱི་དབྱིངས་ཀྱི་ཡེ་ཤེས་ཏེ་དོན་དམ་གཞན་སྟོང་། ཕྱི་ནང་གཞན་གསུམ་ལས། ཕྱི་སྣོད་ཀྱི་འཇིག་རྟེན་དང་། ནང་བཅུད་ཀྱི་སེམས་ཅན་ནི་

― JKT006_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བའི་ཆོས་ཅན་གློ་བུར་བ་སྟེ་ཀུན་རྫོབ་རང་སྟོང་། གཞན་བདེ་གཤེགས་སྙིང་པོ་ནི། ཆོས་ཉིད་གཉུག་མ་འཕོ་འགྱུར་མེད་པ་སྟེ་དོན་དམ་གཞན་སྟོང་། སྤྱིར་གྱིས་གཞི་ལམ་འབྲས་གསུམ་ལས༑ གཞི་ནི་འཁོར་འདས་ཐམས་ཅད་ཀྱི་གནས་སུ་གྱུར་པ་བདེ་གཤེགས་སྙིང་པོ་ཀུན་གཞིའི་ཡེ་ཤེས་ཏེ། སྐྱོན་གྱི་ཆ་རྣམས་སྦྱང་བའི་གཞི་དང་། ཡོན་ཏན་གྱི་ཆ་རྣམས་མངོན་དུ་གྱུར་པའི་གཞིའོ། །ལམ་གྱི་གཞི་དེ་ལ་སྐྱོན་གྱི་ཆ་རྣམས་ཟད་པར་བྱེད་ཅིང་། ཡོན་ཏན་གྱི་ཆ་རྣམས་མངོན་དུ་བྱེད་པའི་ཐབས་སུ་གྱུར་པ་ཚོགས་གཉིས་འཁོར་དང་བཅས་པ་སྟེ། ཡེ་ཤེས་ཀྱི་ཚོགས་ཀྱིས་ཆོས་སྐུའི་ཡོན་ཏན་གདོད་ནས་ལྷུན་གྲུབ་རྟག་པར་གནས་པའི་སྒྲིབ་གཡོགས་སེལ་བར་བྱེད་ཅིང་། བསོད་ནམས་ཀྱི་ཚོགས་ཀྱིས་གཟུགས་སྐུའི་ཡོན་ཏན་སྔོན་མེད་རིམ་གྱིས་སྐྱེད་པར་བྱེད་པའོ། །འབྲས་བུ་ནི། བྲལ་འབྲས་ཆོས་སྐུ་དོན་དམ་དེ་ཁོ་ན་ཉིད་ཀྱི་སྐུ་བསྐྱེད་འབྲས་གཟུགས་སྐུ་ཀུན་རྫོབ་བརྡ་ཡི་སྐུ་སྟེ། རང་གི་དོན་དང་གཞན་གྱི་དོན་ཕུན་སུམ་ཚོགས་པའི་གནས་སོ། །དེ་ལྟར་ཆོས་སྐུ་དྲི་མ་དང་བྲལ་བའི་གཞི་ནི་རང་བཞིན་གྱི་རིགས་ཆོས་ཀྱི་དབྱིངས་རྣམ་པ་ཀུན་ལྡན་རྣམ་པ་མེད་པ་སྟེ། གཏེར་ཆེན་པོ་སྔར་ནས་ཡོད་པ་ལྟ་བུའོ། །གཟུགས་སྐུ་བསྐྱེད་པའི་ས་བོན་བྱས་པའི་རིགས་ནི། དགེ་བའི་རྩ་བ་གསར་དུ་

― JKT006_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

བྱེད་པ་འབྲས་བུ་བཟང་པོ་ཅན་གྱི་ལྗོན་ཤིང་སྔོན་མེད་རིམ་པས་བསྐྱེད་པ་ལྟ་བུའོ། །དེ་ཡང་རང་བཞིན་གྱི་རིགས་ལ་བརྟེན་ནོ། །ཁྱད་པར་སྦྱང་གཞི་སྦྱང་བྱ་སྦྱོང་བྱེད་སྦྱངས་འབྲས་བཞི་ལས། སྦྱང་གཞི་ནི། ཀུན་གཞི་ཡེ་ཤེས་ཀྱི་སྙིང་པོ་དྲི་བཅས་དེ་བཞིན་ཉིད་དེ། སྤྲིན་ཚོགས་འཁྲིགས་པའི་ནམ་མཁའ་དང་། །འདམ་གྱིས་གཡོགས་པའི་ནོར་བུ་ལྟ་བུའོ། །སྦྱང་བྱ་དྲི་མ་ནི་སྤུབས་ལ་ཞེན་པའི་ཀུན་༧གཞིའི་རྣམ་ཤེས་འཁོར་དང་བཅས་པ་སྟེ་སྤྲིན་ཚོགས་དང་འདམ་རྫབ་ལྟ་བུའོ། །སྦྱོང་བྱེད་ནི་འཕོ་བའི་སྐད་ཅིག་འགག་པར་བྱེད་པའི་ཐབས་མཆོག་འཁོར་དང་བཅས་པ་སྟེ། སྤྲིན་གཏོར་བའི་རླུང་དང་། །འདམ་རྫབ་འཁྲུད་པའི་ཆུ་རྒྱུན་ལྟ་བུའོ། །སྦྱངས་འབྲས་ནི་འཕོ་བའི་སྐད་ཅིག་འགགས་པའི་གཞི་ལ་འཕོ་མེད་བདེ་སྟོང་རང་བྱུང་གི་ཡེ་ཤེས་གདོད་ནས་ལྷུན་གྲུབ་རྟག་པར་བཞུགས་པ་དེ་མངོན་དུ་གྱུར་པ་སྟེ༑ སྤྲིན་ཚོགས་སམ། ནམ་མཁའ་དག་པའམ། དྲི་བྲལ་དགོས་དགུ་ཚང་བ་ལྟ་བུའོ། །དེ་བས་ན་ཐམས་ཅད་མཁྱེན་པས་གསུངས་པའི་ལུང་རིགས་མན་ངག་གི་རྗེས་སུ་འབྲངས་ནས་སྦྱང་བྱ་དྲི་མ། སྦྱང་གཞི། དག་བྱེད་དབྱེར་མེད་གཅིག་ཏུ་མི་བཞེད་དོ། །དགག་གཞི་དོན་དམ་གཞན་སྟོང་ལས་རྟེན་འབྲེལ་ལས་འདས་པ། འཁོར་ལོ་ཕྱི་མར་གསལ་བར་བསྟན་པ་ཉིད། སྔགས་སུ་དགའ་བ་བཞི་

― JKT006_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། ཉོན་མོངས་ཆེན་པོ་དང་། སེམས་དཔའ་ཆེན་པོ་དང་། རྡོ་རྗེ་དང་། ཐིག་ལེ་དང་། དེ་ཁོ་ན་ཉིད་དང་། ཕྱག་རྒྱ་ཆེན་པོ་དང་། རྡོ་རྗེ་སེམས་དཔའ་དང་། ཨེ་ཝཾ་གི་ཡི་གེ་ལ་སོགས་པ་རྣམ་པ་མང་པོའི་མིང་ནས་འགྱུར་མེད་མཆོག་གི་བདེ་བ་ཆེན་པོ་བསྟན་ཏེ། དེའི་ཕྱིར་རྒྱུ་སྟོང་ཉིད་དང་། འབྲས་བུ་བདེ་བ་ཆེན་པོ་གཙོ་བོར་སྟོན་པས་ན་དེ་དང་དེའི་ཐེག་པར་བཞག་སྟེ། དོན་དབྱེར་མེད་གཅིག་ཏུ་གསུངས་པ་དག་གོ །དོན་གཅིག་ནའང་། ཞེས་སོགས་དང་། དེ་ལྟར་ནའང་མཐར་ཐུག་གི་དོན་སྔགས་སུ་གསལ་ལ། མཚན་ཉིད་ཐེག་པར་མི་གསལ་བ་དང་དེ་མངོན་དུ་བྱེད་པའི་ཐབས་ཟབ་མི་ཟབ་ལ་སོགས་པའི་སྒོ་ནས་འབྲས་བུ་ཐོབ་པ་ལ་ཉེ་རིང་གི་ཁྱད་པར་འཕགས་པས། མ་རྨོངས་དང་། སོགས་གསུངས་སོ། །གཞན་དག་ངོ་མ་ཤེས་ན་རྣམ་རྟོག་ཤེས་ན་ཆོས་སྐུ། མ་ཤེས་ན་རྣམ་ཤེས། ཤེས་ན་ཡེ་ཤེས་སོགས་སྨྲ་བ་ནི། ངོ་མ་ཤེས་ན་མུན་པ། ཤེས་ན་སྣང་བ། ངོ་མ་ཤེས་ན་སྤྲིན་གྱི་ཚོགས། ཤེས་ན་ནམ་མཁའ་དྭངས་པ་སོགས་སྨྲ་བ་དང་མཚུངས། དེ་བཞིན་དུ་སྣང་སྲིད་ཐམས་ཅད་ཕྱག་རྒྱ་ཆེན་པོ། འདུས་བྱས་ཐམས་ཅད་རང་བྱུང་ཡེ་ཤེས། འཁོར་འདས་ཐམས་ཅད་སེམས་ཀྱིས་བྱས་པས་སངས་རྒྱས་མིང་སྟོང་ཞེས་པ་ལ་སོགས་འདོན་པ་རྣམས་ཀྱང་ཐུབ་པའི་

― JKT006_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་དང་མི་མཐུན་པ་ཁོ་ན་སྟེ། དེས་ན་འདིར་ཀུན་རྫོ་བ་རྫུན་པ་ཡིན་པའི་བཟློག་ཕྱོགས་ཀྱིས་དོན་དམ་བདེན་གྲུབ་ཏུ་སོང་བས་འགྱུར་བ་མེད་པའི་སྒྲས་སྨོས་པ་དེ་འཁོར་ལོ་ཐ་མར་ཚིག་རྒྱས་ལ་དོན་མདོར་བྱས་པའི་ཚུལ་གྱིས་བསྟན་པ་ས་བཅུའི་དབང་ཕྱུག་མ་ཕམ་པས་འབྱེད་གཉིས། མདོ་རྒྱན། རྒྱུད་བླ་རྣམས་སུ་ཤིན་ཏུ་ཞིབ་པར་བཀྲལ་བ་ཐོགས་མེད་སྐུ་མཆེད་ཀྱིས་ཕྱེ་བ་ནི་མདོ་ཕྱོགས་ལྟ་བ་མཐར་ཐུག་པ་ངེས་དོན་དབུ་མ་ཆེན་པོ་ཞེས་བྱ། དེ་ཉིད་སྔགས་སུ་རྒྱུད་སྡེ་ཐམས་ཅད་ཀྱི་རྩེ་མོར་བདེ་བ་ཆེན་པོའི་ཡེ་ཤེས་ཀྱིས་ཁྱད་པར་བྱས་པའི་འགྱུར་མེད་བདེ་ཆེན་ཞེས་བསྟན་པ་གང་ཞིག །རང་གི་འགྲེལ་པ་དྲི་མེད་འོད་དང་། བདེ་མཆོག་དང་དགྱེས་པ་རྡོ་རྗེ་གཉིས་དེ་དང་མཐུན་པར་གཏན་ལ་དབབ་པ་ཕྱག་རྡོར་སྟོང་འགྲེལ་དང་། རྡོ་རྗེ་སྙིང་འགྲེལ་ཏེ་བྱང་ཆུབ་སེམས་དཔའ་འགྲེལ་པ་སྐོར་གསུམ་གྱིས་ཆེས་ཆེར་གསལ་བ་ཉིད། གངས་རིའི་ཡུལ་འདིར་མ་ཕམ་གཉིས་པ་ཀུན་མཁྱེན་ཡུ་མོ་པ་དང་། མཁས་ཤིང་གྲུབ་བརྙེས་ཇོ་ནང་པ་ཤེས་རང་རྒྱལ་མཚན་ཡབ་སྲས། པད་དཀར་འཆང་བ་རང་བྱུང་རྡོ་རྗེ། རྣམ་དཔྱོད་ཟླ་མེད་པའི་པཎྜི་ཏ་ཤཱཀྱ་མཆོག་ལྡན་སོགས་ཀྱིས་རྒྱ་ཆེར་བཀྲལ་ཞིང་ཐུགས་ཉམས་སུ་བསྟར་བས་གྲུབ་པའི་རྒྱལ་སར་གཤེགས་པ་ཤ་སྟག་གི་ཕྱིར་ཕུང་པོ་རྣམ་དཔྱོད་ཀྱི་སྟོང་ཉིད་ཆུ་།

― JKT006_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་ལྟ་བུ་ལ་སྙིང་པོར་རློམ་པའི་རྟོག་གེ་བ་འགའ་རེ་མ་མགུ་ཡང་དོན་ལ་རྟོན་པའི་བློ་གྲོས་ཀྱི་མིག་ཅན་རྣམས་ཀྱིས་ལེགས་སོའི་དབུགས་དབྱུང་ཕྱོགས་གཅིག་ཏུ་བགྱིད་པ་ལགས་སོ། །ཞེས་པའང་མཉྫགྷོ་ཥས་སོ།།

རྗེ་བཙུན་བློ་བཟང་གྲགས་པའི་ལྟ་གྲུབ་ཀྱི་བཞེད་ཚུལ་མདོ་ཙམ།

― JKT006_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་བཙུན་བློ་བཟང་གྲགས་པའི་ལྟ་གྲུབ་ཀྱི་བཞེད་ཚུལ་མདོ་ཙམ་བཞུགས་སོ། །ན་མོ་མཉྫགྷོཥཱ་ཡ། འཇམ་དཔལ་དབྱངས་ཀྱིས་གསང་བའི་མཛོད་ཆེན་པོ་བྱིན་ཅིང་། ཤིང་རྟ་ཆེན་པོའི་གཞུང་ལུགས་ལ་བརྟེན་ནས་མདོ་སྔགས་ཐམས་ཅད་གདམས་པར་ཤར་བ་རྗེ་བཙུན་བློ་བཟང་གྲགས་པའི་དཔལ་གྱིས་ལྟ་གྲུབ་ཇི་ལྟར་བཞེད་ཚུལ་རྒྱས་པ་ནི། བྱང་ཆུབ་ལམ་རིམ་ཆེན་མོ་དང་། རྩ་ཡོ འཇུག་གི་རྣམ་བཤད། དྲང་ངེས་རྣམ་འབྱེད། སྲས་ཀྱི་ཐུ་བོ་གཉིས་ཀྱིས་མཛད་པའི་སྟོང་ཐུན་སྐལ་བཟང་མིག་འབྱེད་དང་། ལྟ་ཁྲིད་ལྟ་ངན་མུན་སེལ། ཁྱད་པར་སྔགས་ཀྱི་བདེ་སྟོང་སྦྱོར་ཚུལ་གསང་བ་འདུས་པའི་རིམ་ལྔ་གསལ་སྒྲོན་སོགས་ལས་ཤེས་པར་བྱ་བ་ལས་སྨོས་ཀྱིས་མི་ལངས་ཀྱང་། མདོར་བསྡུ་ན། འཁོར་འདས་ཀྱི་ཆོས་ཐམས་ཅད་རང་རང་གི་གདགས་གཞིའི་ངོས་ནས་དོན་དམ་པར་གྲུབ་པ་རྡུལ་ཙམ་ཡང་མི་དམིགས་ཀྱང་གདགས་གཞིའི་སྟེང་དུ་མི་དང་རྟོག་པས་ཕར་བཞག་ཙམ་དེ་ཐ་སྙད་དུ་ཚད་མས་གྲུབ་ལ། ཆོས་ཐམས་ཅད་རང་རང་གི་ངོ་བོས་སྟོང་པའི་རྒྱུ་མཚན་གྱིས་ཐ་སྙད་དུ་

― JKT006_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་དང་དེར་སྣང་ཞིང་བྱ་བྱེད་སོགས་འཐད་ལྡན་དུ་འཇོག་ཤེས་པས། རང་བཞིན་གྱིས་གྲུབ་པ་ཐ་སྙད་དུ་ཡང་ཁེགས་ཀྱང་། ལས་འབྲས་ལ་སོགས་པའི་བྱ་བྱེད་ཐམས་ཅད་གཞན་ངོ་ཙམ་ལ་སྐྱེལ་མི་དགོས་པར་རང་ལུགས་ལ་ཡང་ཚད་གྲུབ་ཏུ་ཁས་བླངས་པས་ཆོག་པར་མ་ཟད། རྟེན་འབྲེལ་གྱི་ཆོས་ལ་ངེས་པ་དྲངས་པ་ཉིད་ཀྱིས་རང་བཞིན་མེད་པ་ལ་ངེས་པ་ཆེར་འགྲོ་བས་སྟོང་དང་རྟེན་འབྱུང་གཅིག་༧གྲོགས་གཅིག་འཁྱེར་ཤེས་པ་ཞིག་སོང་ཞེས་གསུངས། གཞན་དུ་ན་སྔ་རབས་པ་དག་དོན་དམ་དཔྱོད་བྱེད་ཀྱི་རིག་པས་དཔྱད་ནས་དགག་བྱ་མ་ལུས་པ་ཁེགས་པ་དང་། བཀག་པའི་ཤུལ་དུ་ལས་འབྲས་བྱ་བྱེད་སོགས་བསྙོན་མེད་དུ་འཇོག་ཤེས་པའི་གཉིས་ཚོགས་དེ་སུས་ཀྱང་མ་རྟོགས་པས་རྣམ་པར་འཁྱམས་སོ། །དེ་ལྟར་རྟོགས་ནས་ཉམས་སུ་བླངས་པའི་ཚེ་དང་། འཇོག་སྒོམ་ཁོ་ན་མ་ཡིན་པར་སྐབས་སུ་གང་བབས་ཀྱིས་སྤེལ་བ་དང་། ཁྱད་པར་ལས་དང་པོ་པའི་དུས་སུ་ངའོ་སྙམ་པའི་འཛིན་སྟང་དམ་སྲིང་པ་དེ་ཡུལ་དུ་བྱས་ནས་དེ་འགོགས་བྱེད་ཀྱི་རིག་པས་བཀག་པའི་གསལ་བའི་ངར་དང་མ་བྲལ་བ་ཅིས་ཀྱང་གལ་ཆེ་སྟེ། གཞན་དུ་ན་འབེན་མ་མཐོང་བའི་མདའ་བཞིན་དུ་དོན་མེད་པར་འགྱུར་བའི་ཕྱིར་རོ། །འདི་ལྟར་གྱི་ལྟ་སྒོམ་གྱི་གནད་རྣམ་པར་དག་པ་རྙེད་ཅིང་། བསོད་ནམས་ཀྱི་ཚོགས་མཐའ་

― JKT006_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

ཡས་པས་གྲོགས་བྱས་ནས་ཉོན་ཤེས་སྒྲིབ་པ་རགས་པ་སྤང་ནུས་ཀྱང་། ཕྲ་མོ་སྤང་མི་ནུས་པས་འཚང་རྒྱ་བ་ལ་ཡུན་རིང་དུ་འགོར་བས། དེས་ན་སྙིགས་དུས་ཀྱི་ཚེ་ཐུང་གཅིག་ལ་ཤེས་སྒྲིབ་མ་ལུས་པ་སྤང་ནུས་པའི་རྡོ་རྗེ་ཐེག་པ་བླ་མེད་ཀྱི་ལམ་ལ་འཇུག་ཅིང་། དེར་ཞུགས་མཁན་གྱི་གང་ཟག་ཀྱང་ཕར་ཕྱིན་ཐེག་པའི་དབང་པོ་རྣོ་ཤོས་ལས་ཀྱང་ཆེས་རྣོ་བ་ཞིག་དགོས་པས། དེ་འདྲ་བའི་གདུལ་བྱ་དེས་དབུ་མ་ཐལ་འགྱུར་བས་ཇི་ལྟར་བཀྲལ་བའི་སྟོང་པ་ཉིད་དམིགས་རྣམ་དག་རྙེད་པའི་ཚེ། བླ་མེད་ཀྱི་དབང་བསྐུར་བ་ཟབ་མོ་དང་། བསྐྱེད་པའི་རིམ་པ་སྔོན་དུ་འགྲོ་བས། རྫོགས་རིམ་རླུང་སྦྱོར་དང་གཏུམ་མོ་སོགས་ལ་བརྟེན་ནས་རླུང་དབུ་མར་ཞུགས་གནས་ཐིམ་གསུམ་བྱས་པའི་ནུས་པས། ཡིད་བདེ་བའི་ངོ་བོར་སོང་དེ་བས་སྔར་གྱི་ཡུལ་སྟོང་པ་ཉིད་དུ་རྟོགས་པ་དེ་གང་ཞིག །ཡུལ་བདེ་བ་ཆེན་པོ་དང་། ཡུལ་ཅན་སྟོང་ཉིད་རྟོགས་པའི་ལྷག་མཐོང་ཟུང་དུ་འཇུག་པ་ནི་རྒྱུད་སྡེ་རྣམས་དང་། གྲུབ་པའི་སློབ་དཔོན་རྣམས་ཀྱིས་བཞེད་པའི་བདེ་སྟོང་ཟུང་འཇུག་མ་ནོར་བ་ཡིན་པས། ཤིང་རྟ་ཆེན་པོ་ཀླུ་སྒྲུབ་ཀྱིས་ཇི་ལྟར་བཀྲལ་བའི་དོན་དཔལ་ལྡན་ཟླ་བས་གསལ་བར་མཛད་པའི་གཞུང་ལ་མ་བརྟེན་པར་སྔགས་བླ་མེད་ཀྱིས་ཀྱང་གྲུབ་པ་ཐོབ་པར་མི་སྲིད་དེ། དེའི་ཉམས་ལེན་མཐར་ཐུག་པ་ནི་བདེ་

― JKT006_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་ཟུང་འཇུག་ཡིན་ན། གང་གི་ཡ་གྱལ་དུ་བཞག་པའི་སྟོང་པ་ཉིད་དམིགས་རྣམ་དག་རྙེད་ཚུལ་མ་བསྟན་པའི་ཕྱིར་རོ། །དེས་ན་སེམས་ཙམ་དུའང་མ་སོན་པའི་ལྟ་བས་སྔགས་བླ་མེད་ཀྱི་བདེ་བ་དང་སྦྱོར་བའི་སྟོང་ཉིད་དུ་མི་རུང་ཞིང་། དེ་མི་རུང་བས་ན་བསྐྱེད་རྫོགས་ཙམ་སྒོམ་ལོ་བྱས་ཀྱང་སྲོག་མེད་པའི་གཟུགས་བརྙན་དུ་སོང་བས་ན་ཆོས་སྐུའི་ལག་རྗེས་འཇོག་རྒྱུ་མེད་པས་གྱི་ན་ཙམ་དུ་ཟད་ཅིང་། །ལྟ་བ་རྣམ་པར་དག་པ་འདིར་བསྟན་པ་བཞིན་རྙེད་ནས་བདེ་བ་ཆེན་པོའི་ཐབས་ཀྱིས་ཟིན་པ་དང་། ཁྱད་པར་དེའི་སྟེང་ཚེ་འདིར་མཚན་དཔེས་སྤྲས་པའི་རྡོ་རྗེའི་སྐུ་ཐོབ་པར་བྱེད་པ་ནི་སྒྱུ་མའི་སྐུ་སྒྲུབ་ཚུལ་ཤེས་མི་ཤེས་ཁོ་ན་ལ་རག་ལས་པས་དེའི་ངོས་འཛིན་འགོས་ལུགས་སུ་གསལ་བར་མ་གསུངས་ཤིང་། མར་ལུགས་པ་དག །ལུས་ལྷ་སྐུ་ལ་བྱས་ནས་དེ་སྣང་ལ་རང་བཞིན་མེད་པར་ངོ་སྤྲོད་བྱེད་པ་ཙམ་དུ་འདོད་ཀྱང་། འདིར་ནི་སྒྱུ་ལུས་ཀྱི་སྒྲུབ་གཞི་གཏན་ལ་དབབས་ནས་སེམས་དབེན་ལ་གནས་པའི་རྣལ་འབྱོར་པ་དེས་ནང་གི་རྐྱེན་རྡོར་བཟླས་དང་། ཕྱིའི་རྐྱེན་ཕྱག་རྒྱ་དང་སྙོམས་པར་ཞུགས་པས་ས་ཆུ་ལ་ཐིམ་པ་སོགས་ཀྱི་རིམ་པས་རླུང་སེམས་གཉིས་འཆི་རིམ་ཇི་ལྟ་བ་བཞིན་དུ་ཞུགས་པའི་སེམས་དབེན་སྟོང་པ་གསུམ་དུ་བསྒྱུར་ནས། སེམས་དབེན་མཐར་ཐུག་འོད་གསལ་ལས་ལུགས་ལྡོག་ཏུ་ལྡང་

― JKT006_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ན། དེའི་བཞོན་པ་གཉུག་མའི་རླུང་དེ་ཡིས་རིགས་འདྲ་ཕྱི་མ་དེ་མ་དག་པའི་སྒྱུ་ལུས་སུ་ལྡང་ཚུལ་གསལ་བར་བཤད་དོ། །དེས་ན་ཐུན་མོང་པའི་ལམ་ངེས་འབྱུང་། བྱང་སེམས། ཡང་དག་པའི་ལྟ་བ་གསུམ་ལ་སྔ་མ་སྔ་མ་ལ་མྱོང་བ་ཐོབ་ནས་ཕྱི་མ་ཕྱི་མ་བསྒོམས་ཤིང་། ལྟ་བའི་དཔྱད་པ་ཡོངས་སུ་རྫོགས་པ་ན་སྔགས་བླ་མེད་ལ་ཞུགས་ཏེ་བདེ་སྟོང་ཟུང་འཇུག་གི་ལྷན་ཅིག་སྐྱེས་པའི་ཡེ་ཤེས་དང་། སྒྱུ་ལུས་ཀྱི་གནད་ཁྱད་པར་ཅན་ལ་བརྟེན་ནས་ཚེ་འདི་ཉིད་ལ་ཕྱག་རྒྱ་ཆེན་པོ་མཆོག་གི་དངོས་གྲུབ་ལ་སྦྱོར་བ་ཡིན་ནོ། །ཞེས་གསུངས་སོ། །ཞེས་པའང་རང་ཉིད་ཀྱི་བརྗེད་ཐོར་ཟིན་བྲིས་སུ་བགྱིས་པ་ཤུ་བྷཾ།།

ཞལ་གདམས་ཀྱི་འགྲེལ་ཆུང་གསང་སྔགས་སྙེ་མ།

― JKT006_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་གདམས་ཀྱི་འགྲེལ་ཆུང་གསང་སྔགས་སྙེ་མ་བཞུགས་སོ། །ན་མོ་གུ་རུ་ཝེ། འཇིགས་བྲལ་བདེ་ཆེན་རྟག་ཏུ་རབ་ཞི་འགྱུར་མེད་བདེ་བའི་ཕྱག་རྒྱས་འཁྱུད། །ཐར་པའི་གླིང་མཆོག་རྨད་བྱུང་ལ་སྦྱོར་བདེན་གཉིས་གསུང་གི་གསང་བར་རྫོགས། །བརྟན་གཡོའི་དངོས་ཀུན་རོ་གཅིག་བསྡོམས་པའི་ཟག་བྲལ་ཧེ་རུ་ཀ་ཡི་དངོས། །རྣམ་པ་ཀུན་གྱི་མཆོག་དང་ལྡན་པའི་ཀུན་མཁྱེན་རྗེ་དེར་སྙིང་ནས་འདུད། །དེ་ལ་འདིར་རྗེ་བཙུན་མཁྱེན་བརྩེའི་འོད་ཟེར་གྱི་ཞལ་སྔ་ནས་སྩལ་བའི་བསྐྱེད་རྫོགས་ཀྱི་གདམས་པ་ཚིག་ཉུང་ལ་ཟབ་བཅུད་འདྲིལ་བའི་གནད་བསྡུས་རྡོ་རྗེའི་ཚིག་རྐང་

― JKT006_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ཅུང་ཟད་འགྲོལ་བ་ལ་ལྔ་ལས། དང་པོ་སྤྲོས་བྲལ་རང་བྱུང་གི་ཡེ་ཤེས་ཤིན་ཏུ་རྣལ་འབྱོར་གྱི་དགོངས་པ་སྟོན་པ་ལ་ཚིག་རྐང་བཞི་སྟེ། ཨེ་མ་ཧོ། ཆོས་ཉིད་མངོན་སུམ་མཇལ་བ་སྤྲོས་བྲལ་གྱི་བླ་མ༑ །གཏད་མེད་དྲན་པས་ལྟ་བ་མོས་གུས་ཀྱི་མཐར་ཐུག །ཐིག་ལེ་ཕྱི་ན་མི་བཞུགས་ཤེལ་སྦུག་གི་ཟེར་གདངས། །འོད་གསལ་རྫོགས་ཆེན་བསྒོམ་ན་དེ་ལྟར་དུ་མཛོད་ཅིག །ཅེས་པ་སྟེ། ཨེ་མ་ཧོ་ཞེས་པ་ནི་ངོ་མཚར་བའི་སྒྲ་དོན་ལ་གནས་ཕྱིར། འདི་ཉིད་བླ་ན་མེད་པའི་གསར་ལམ་མཐར་ཐུག་པ་ཐམས་ཅད་གནད་གཅིག་ཏུ་འདྲིལ་བའི་གདམས་པ་ཟབ་མོ་ཡིན་པའི་ཕྱིར་རོ། །ཆོས་ཉིད་མངོན་སུམ་མཇལ་བ་ནི་སྔོན་གྱི་སྨོན་ལམ་དག་པས་མཚམས་སྦྱར་ཏེ། རྟོགས་པ་དོན་བརྒྱུད་དང་ལྡན་པའི་བླ་མ་དམ་པ་ཡང་དག་ལམ་གྱི་ས་མཁན་གཅིག་པུར་གྱུར་པ་ཞིག་མཇལ་ནས་བཟུང་། དེ་ལ་རྩེ་གཅིག་གི་དད་འདུན་དྲག་པོས་རྐྱེན་བྱས། བླ་མའི་ཐུགས་རྒྱུད་ཀྱི་རྟོགས་པ་སློབ་མ་ལ་གཉིས་སུ་མེད་པར་འདྲེས་པའི་མཐུས་སྤྲོས་བྲལ་གྱི་ཡེ་ཤེས་རྒྱ་ཆད་ཕྱོགས་ལྷུང་དང་བྲལ་བ། ཚིག་དང་དཔེ་ཡིས་མི་མཚོན་པ་ཆོས་ཉིད་དེ་བཞིན་ཉིད་ཀྱི་ངོ་བོ་གང་ཟག་རྫོགས་པ་ཆེན་པོར་མངོན་དུ་གྱུར་པ་ནས་བཟུང་དེ་ལ་བསལ་བཞག་དང་ཡིན་མིན་གྱི་སྒྲོ་བཏགས་ཐམས་ཅད་སྤངས་ནས། རང་ངོ་གཉུག་མའི་རང་

― JKT006_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

མདངས་སྐྱོང་བས་བློས་བྱས་ཀྱི་མཐའ་ཐམས་ཅད་དང་བྲལ་བ་ཤེས་རབ་ཀྱི་ཕ་རོལ་ཏུ་ཕྱིན་པའི་དགོངས་པ་སྒྲ་ཇི་བཞིན་པར་མཐོང་བ་སྟེ། འཕགས་པ་ཀླུས། གང་ཞིག་རྟེན་ཅིང་འབྲེལ་བར་འབྱུང་༑ །འགགས་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། །ཐ་དད་དོན་མིན་དོན་གཅིག་མིན། །སྤྲོས་པ་ཉེར་ཞིའི་ཆོས་བསྟན་པ། །ཞེས་གསུངས་པ་ལྟར་༑ བླ་མ་ཆོས་སྐུའི་རང་ཞལ་མངོན་སུམ་མཇལ་བ་གང་ཞིག་གཞི་ལྟ་བའི་ངོ་བོ་བརྗོད་པའོ། །དེ་ལྟར་མཐོང་ནས་ཀྱང་བློ་ཡི་གཏད་སོ་དང་བཅས་པའི་འཆིང་བས་བཅིངས་པ་ནི། རྣལ་མའི་དོན་མ་ཡིན་པའི་ཚུལ། སེང་གེ་རྩལ་རྫོགས་ལས། བསམ་གཏན་བསྒོམས་པས་ཆོས་ཉིད་དོན་མི་མཐོང་། །རང་སྣང་ཏིང་འཛིན་བསམ་པའི་ཕྱོགས་དང་བྲལ། །སྤྲོས་བྲལ་ཆོས་ཉིད་ནམ་མཁའི་མཐའ་དང་མཉམ༑ །དམིགས་པ་དག་གི་ཡུལ་ལ་འཛིན་རྟོག་མེད། །མཐའ་བཞི་བྲལ་བའི་སངས་རྒྱས་རང་རིག་ཡིན། །ཡོད་མེད་མཐའ་ལས་འདས་པ་ཆོས་ཀྱི་སྐུ། །ཞེས་དང་། ཉེ་བའི་སྙིང་པོའི་རྒྱུད་ལས། བསམ་གཏན་བྱང་ཆུབ་དོན་ལ་གང་རེག་པ། །སྒོམ་མོ་སྙམ་པའི་ནད་ཀྱིས་ཟིན་ཏ་རེ། །སངས་རྒྱས་ཡུལ་དུ་བསྟན་པ་འཁྲུལ་པའི་ལམ། །བདེ་གཤེགས་ཡུལ་ནི་ཚིག་གིས་མཚོན་དུ་མེད། །ཅེས་སོ། །

― JKT006_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་ན་ཡོངས་གྲུབ་དྲན་པའི་རྩིས་ཆེད་དུ་བཀག་པ་ཡང་མ་ཡིན། ཐ་མལ་འཁྲུལ་པའི་དབང་དུ་སོང་བ་མ་ཡིན་པར་འཇོག་ཏུ་མེད་པའི་མཉམ་གཞག་རྩིས་གདབ་མེད་པའི་རྗེས་ཐོབ། ཐིམ་ལ་མ་རྨུགས་པ་ཤིན་ཏུ་ཕྲ་བའི་ཡེ་ཤེས་སྣང་ངོ་ལ་མ་འགགས་ཀྱང་། རིག་ངོ་ལ་དེ་དང་དེར་འཛིན་གྱིས་འདུ་ཤེས་ཟད་པའི་ངང་དུ་བསྒོམ་དང་མི་བསྒོམ་གྱི་གཏད་སོ་བྲལ་བའི་ཡང་དག་གི་དྲན་པས་ལྟ་བ་ནི་བསྒོམ་མོ་ཞེས་པ་ཐ་སྙད་ཙམ་དུ་མཚོན་ཏེ། རྒྱལ་བ་བྱམས་པས། འདི་ལ་བསལ་བར་བྱ་བ་དང་། །བཞག་པར་བྱ་བ་ཅུང་ཟད་མེད། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །ཅེས་དང་། བརྒྱད་སྟོང་པ་ལས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་མི་བསྒོམ་པའི་ཚུལ་དུ་བསྒོམ་པར་བྱའོ། །ཞེས་པ་ལ་སོགས་པ་བསམ་གྱིས་མི་ཁྱབ་པ་བཀའ་སྩལ་བའི་ཕྱིར། དེ་ལྟ་བུའི་དོན་ལ་གོམས་པར་བྱེད་པ་ནི་མོས་གུས་ཐམས་ཅད་ཀྱི་མཐར་ཐུག་པའང་ཡིན་ཏེ། ནམ་མཁའ་རིན་པོ་ཆེའི་མདོ་ལས། ཅི་ལྟར་ཆུ་ལ་ཆུ་བཞག་དང་། །ཇི་ལྟར་མར་ལ་མར་བཞག་ལྟར། །རང་གི་རང་རིག་ཡེ་ཤེས་ནི། །ལེགས་མཐོང་གང་ཡིན་འདིར་ཕྱོགས་མིན། །ཞེས་གསུངས་པ་བཞིན་བསྒོམ་པའི་ངོ་བོ་མདོར་བསྟན་པའོ། །དེ་ལྟར་གཞི་ལྟ་བ་དང་ལམ་སྒོམ་པ་ལ་བརྟེན་ནས་མངོན་སུམ་ཁྲེགས་ཆོད་ཀྱི་

― JKT006_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་ལ་གོམས་པ་དག་ནི་ཐོད་རྒལ་གྱི་སྐུ་དང་ཐིག་ལེའི་བཀོད་པ་ཡང་ཕྱི་རོལ་ན་གནས་པ་མ་ཡིན་ཏེ། རང་གི་སྙིང་དབུས་ནས་མིག་ཏུ་འབྲེལ་བའི་རང་བྱུང་གི་རྩ་རྒྱུ་རྐྱེན་ལ་འདས་པ། ཀ་ཏི་ཤེལ་སྦུག་ཅན་གྱི་གདངས་ལས་འཕྲོས་པའི་འཇའ་ཟེར་ཡིན་ཏེ། གསེར་ཕྲེང་ལས། རིན་ཆེན་རྒྱ་མཚོར་འབྲེལ་བའི་རྩ། །དཀར་འཇམ་ཁོག་པ་སྟོང་པ་ཉིད། །ཐིག་ལེ་ཁྲག་གིས་མ་གོས་པ། །ཡེ་ཤེས་ཆེན་པོ་དེ་ནས་རྒྱུ། །ཞེས་དང་། མན་ངག་གི་རྒྱུད་ཕྱི་མ་ལས་ཀྱང་། སྙིང་ནས་མིག་ཏུ་འབྲེལ་པ་ཡིས། །རང་བྱུང་གསང་བ་ཆེན་པོའི་རྩ། །ཀ་ཏི་ཤེལ་གྱི་སྦུ་གུ་ཅན། །ཅེས་གསུངས་པའི་ཕྱིར་ནང་དབྱིངས་བརྗོད་པ་དང་བྲལ་བའི་མདངས་ལས་རིག་པ་རྡོ་རྗེ་ལུ་གུ་རྒྱུད་ཀྱི་འཆར་སྒོ་ལ་གཟིར་བ་ཙམ་ཉིད་ཀྱང་དོན་དུ་དབྱིངས་རིག་དབྱེར་མེད་ཀྱི་དགོངས་པ་ལ་ལ་བཟླ་བ་སྟེ་སྤྱོད་པའི་ངོ་བོར་སྨྲས་པའོ༑ །དེ་ལྟར་ལྟ་སྒོམ་སྤྱོད་པ་གསུམ་ནི། ཟབ་མོའི་ལམ་ཀུན་གྱི་སྙིང་པོ་ཡིན་ཏེ། ཅིའི་ཕྱིར་ན་བླ་ན་མེད་པའི་མན་ངག་འདི་ཉིད་ལ་མངོན་དུ་གོམས་པ་དག་ནི། འདི་ལྟར་ངོ་བོ་རྟག་པ་མ་ཡིན་ཏེ་སྤྲོས་པ་ཐམས་ཅད་དང་བྲལ་བའི་ནང་གསལ་གཞོན་ནུ་བུམ་སྐུ་ཀུན་གཞི་ལས་ཁྱད་ཆོས་དྲུག་གིས་འཕགས་པའི་ཡེ་ཤེས། རང་བཞིན་ཆད་པ་མ་ཡིན་ཏེ་ཕྱི་གསལ་གྱི་རང་མདངས་སྐུ་དང་ཡེ་ཤེས་ཀྱི་

― JKT006_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

བཀོད་པ་མ་འགགས་པར་འཆར་བ། ཐུགས་རྗེ་བསམ་གྱིས་མི་ཁྱབ་པ་སོ་སོའི་སྐྱེ་བོའི་བློ་ལས་འདས་པ་ཉིད་ཀྱི་ངང་དུ་གྲོལ་བ་ཐོབ་པ་སྟེ། རྒྱུད་ལས། རྟག་པ་མ་ཡིན་ཡེ་ཤེས་སྐུ། །ཆད་པ་མ་ཡིན་གསལ་བའི་གདངས། །གཉིས་ཀ་མ་ཡིན་ཟུང་འཇུག་སྦུབས། །ཞེས་གསུངས་པ་ལྟར། གཞི་ལམ་འབྲས་གསུམ་གྱི་ཐ་སྙད་ཐམས་ཅད་རང་རིག་བཅོས་བསྒྱུར་དང་བྲལ་བ་ཉག་གཅིག་ལ་རྫོགས་པའི་ཕྱིར་ཐེག་པ་ཆེན་པོ་ཟད་པ་ཉིད་དངོས་སུ་བསྟན་པའི་འབྲས་བུའི་མཐུས་ཤིན་ཏུ་རྣལ་འབྱོར་ལ་གོམས་པར་འདོད་པ་དག་གིས་དེ་ལྟར་དུ་མཛོད་ཅིག་ཅེས་བསྐུལ་བའོ། །གཉིས་པ་རྩ་རླུང་ཐིག་ལེའི་ལམ་ལ་བརྟེན་ནས་བདེ་སྟོང་ཟུང་འཇུག་རྣམ་ཀུན་མཆོག་ལྡན་གྱི་གོ་འཕང་མངོན་དུ་བྱ་བའི་ཕྱིར། རྗེས་སུ་རྣལ་འབྱོར་གྱི་དོན་སྟོན་པར་བྱེད་པ་ལ་ཚིག་རྐང་བཞི་སྟེ། བཀོད་པ་བྱང་ཆུབ་སེམས་མཆོག་བདེ་སྟོང་གི་ཌ་ཀི །གཡོ་བའི་རླུང་གི་འགྲེམས་པ་ཐབས་ལམ་གྱི་རྩ་བ། །གནས་ཡུལ་ཕྱི་ན་མི་བཞུགས་རྩ་འཁོར་དང་དབྱེར་མེད། །བདེ་ཆེན་ཨ་ནུ་བསྒོམ་ན་དེ་ལྟར་དུ་མཛོད་ཅིག །ཅེས་པ་སྟེ། ཕ་རྒྱུད་རྣམས་སུ་རླུང་ལྔ་རྣམ་པར་དག་པས་གསལ་སྟོང་གི་ཡེ་ཤེས་བསྐྱེད་པ་དང་། མ་རྒྱུད་རྣམས་སུ་ཁམས་ལ་ཞུ་བདེ་འཕེལ་བས་བདེ་སྟོང་གི་ཡེ་ཤེས་མངོན་དུ་བྱེད་པ་དང་། གཉིས་མེད་ཀྱི་རྒྱུད་རྣམས་སུ་

― JKT006_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

འོད་གསལ་ཐིག་ལེ་ཆེན་པོའི་རྣལ་འབྱོར་ལམ་དུ་ཁྱེར་བས་སྤྲོས་བྲལ་གྱི་དོན་མ་ནོར་བར་རྟོགས་པར་འདོད་པ་དག་ཀྱང་གནས་པ་རྩ། གཡོ་བ་རླུང་། བཀོད་པ་བྱང་སེམས་ཏེ་གསུམ་ལ་བསྟེན་པ་ཡིན་ཅིང་། དེའི་ཚུལ་ཐོག་མར་བཀོད་པ་བྱང་ཆུབ་ཀྱི་སེམས་ནི། རོ་མ་ལས་འབབས་པའི་ཉི་མའི་རྡུལ་བདེ་བ་ཐབས་ཀྱི་ངོ་བོ་དང་། རྐྱང་མ་ལས་འབབས་པའི་ཟླ་བའི་བདུད་རྩི་སྟོང་པ་ཤེས་རབ་ཀྱི་རང་བཞིན་ཏེ། ཇི་སྐད་དུ། རྡོ་རྗེ་ཕྲེང་བ་ལས། སྟོང་ཕྲག་ཉི་ཤུ་རྩ་བཞི་ནི། །ཟླ་བ་འབབས་པ་རྐྱང་མའི་རིགས། །སྟོང་ཕྲག་ཉི་ཤུ་རྩ་བཞི་ནི། །ཉི་མ་འབབས་པ་རོ་མའི་རིགས། །ཞེས་པ་ལྟར་༑ དེ་ཉིད་མཉམ་སྦྱོར་དུ་འཁྲིལ་བའི་ཟུང་འཇུག་གི་བདེ་བ་ལ་བརྟེན་ནས་དགའ་བ་བཞིའི་ཡེ་ཤེས་ཐོབ་པར་བྱེད་པས་ན་ཁམས་བདེ་ཆེན་རྒྱལ་པོ་ཞེས་བྱ་སྟེ། ཧེ་བཛྲ་ལས། ཁུ་བའི་རྣམ་པ་བཅོམ་ལྡན་འདས། །དེ་ཡི་བདེ་བ་འདོད་མར་བརྗོད། །ཅེས་དང་། ཡོན་ཏན་རིན་པོ་ཆེའི་མཛོད་ལས་ཀྱང་། རྩ་མདུད་ནང་ན་དྭངས་མ་དཀར་དམར་གཉིས། །དཔའ་བོ་དང་ནི་རྣལ་འབྱོར་མའི་ཚུལ་དུ། །འཁྱིལ་ཞིང་སྦྱོར་བས་བདེ་སྟོང་མཆོད་པ་ལེན། །ཞེས་པ་ལྟར། རྩ་དང་ཁམས་ཀྱི་རྒྱུ་བ་གཉིས་ཀྱང་དབུ་མའི་མཁའ་རུ་འགྲོ་བ་ལས། ཌཱ་ཀི་ཞེས་བརྡར་བཏགས་པ་སྟེ། དེ་ལྟར་ཐིག་ལེའི་གནས་ཚུལ་

― JKT006_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ནས་དེ་ཉིད་འགྲོ་འོང་གི་ཁ་ལོ་བ་ནི་གཡོ་བ་རླུང་སྟེ། རགས་པ་ཉིན་ཞག་ཕྲུགས་རེ་ལ་ཉི་ཁྲི་ཆིག་སྟོང་དྲུག་བརྒྱ་དང་། ཕྲ་བ་ཀུན་རྟོག་བརྒྱད་ཁྲི་བཞི་སྟོང་གི་བཞོན་པ་ཉིད་དུ་གནས་ཤིང་། དེར་མ་ཟད་ཕྱིའི་རླུང་སྲོག་འཛིན། མེ་མཉམས། ཁྱབ་བྱེད། གྱེན་རྒྱུ། ཐུར་སེལ་ལྡར་གནས་ཤིང་། ནང་ལྟར་ས་ཆུ་མེ་རླུང་ནམ་མཁའ་སྟེ་འབྱུང་བ་ཆེན་པོ་ལྔ་ཡི་ཁ་དོག་ཏུ་སྣང་བ་དང་། གསང་བ་ཡེ་ཤེས་རྣམ་པ་ལྔའི་རྟེན་ཏེ་རགས་པའི་ཆོས་དང་འགལ་བ་ཉིད་དོ། །དེ་ཉིད་གནད་དུ་སོང་ན་ཐིག་ལེ་དྷ་ཏིའི་དབྱིངས་སུ་འགྲེམས་པར་བྱེད་ཅིང་། དྭངས་མའི་རླུང་ལྔ་དབུ་མར་ཚུད་པས་ཟད་པར་གྱི་ཏིང་ངེ་འཛིན་དང་། ཡོན་ཏན་རྫུ་འཕྲུལ་སྣ་ཚོགས་པ་འགྲུབ་པར་བྱེད་ཅིང་། མཐར་ཐུག་མི་སློབ་ལམ་གྱི་གོ་འཕང་མངོན་དུ་གྱུར་ནས། གཙུག་ཏོར་གྱི་འཁོར་ལོ་ཡོངས་སུ་སྨིན་མཐུས་སངས་རྒྱས་རྣམས་ལ་འབྲས་བུའི་དབང་འོད་ཟེར་ཆེན་པོ་ནོད་དེ་ཡེ་ཤེས་ཆེན་པོའི་སྤྱོད་ཡུལ་མངོན་དུ་ཐོབ་པ་སྟེ། འདུས་པའི་རྒྱུད་ལས། དེ་ཚེ་ཡང་དག་རང་ངོ་སྤྲོད། །རླུང་རིག་རང་དང་དེར་སངས་རྒྱས། །ཞེས་པ་ལ་སོགས་པས་མཚོན། གསང་སྔགས་ཀྱི་ལམ་མཐའ་ཡས་པ་ལས་སྟོན་པའོ། །དེ་ཡང་ཐིག་ལེ་དང་རླུང་གི་རྟེན་ནི་གནས་པ་རྩ་ཡི་འཁོར་ལོ་སྟེ། དེ་ཡང་ལུས་རྡོ་རྗེ་ཕུང་པོའི་གྲོང་ཁྱེར་འདི་སྐྱེས་པའི་ཐོག་

― JKT006_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

མར་མིག་དང་ལྟེ་བའི་རྩ་མདུད་ཆགས་པའི་རྗེས་ཐོག་དྭངས་མ་གྱུར་པའི་རྩ་དབུ་རྐྱང་རོ་གསུམ་ཀ་བ་ལྟ་བུར་གནས་པ་སྟེ། དཔལ་དང་པོའི་སངས་རྒྱས་ལས། དེ་ནི་མཐུར་དུ་རྩེ་གསུམ་སྟེ། །དེ་བཞིན་གྱེན་དུའང་རྩེ་གསུམ་མོ། །སྒྲ་གཅན་རྩེ་མོ་དབུས་ན་གནས། །ཉི་མའི་གཙོ་མོ་གཡས་པ་སྟེ། །ཟླ་བའི་རྩེ་མོ་གཡོན་པའོ། །ཆུ་དང་མེ་དང་ནམ་མཁའ་རླུང་། །གཡས་གཡོན་དབུ་མའི་བར་སྣང་གནས། །གསང་བ་ལྕི་བ་ཁུ་བ་རྒྱུ། །ལྕགས་སྒྲོག་བཅིངས་པ་ལྟ་བུའི་རྩ། །སྲིད་དང་ཐུར་སེལ་ལམ་གསུམ་ཉིད། །ཅེས་པ་ལྟར་རོ་རྐྱང་གཉིས་ནི་གཡས་གཡོན་ན་གནས་ཤིང་། མོ་ལ་དེ་ལས་གོ་ལྡོག་ལ། དབུ་མ་ནི་གཟུང་འཛིན་རྣམ་པར་སྤང་པའི་ཕྱིར་དབུས་སུ་གནས་ཏེ། བརྟག་པ་གཉིས་པར། ཀུན་འདར་མ་ནི་དབུས་གནས་སུ། །གཟུང་དང་འཛིན་པ་རྣམ་པར་སྤངས། །ཞེས་སོ། །དེའང་ཐབས་ཤེས་ཀྱི་རྩ་གཉིས་པོས་དྷཱ་ཏིར་མདུད་པ་ཉེར་གཅིག་ཏུ་བྱས་ཏེ། ཁ་སྦྱོར་དུ་འབྲེལ་བའི་ཚུལ་ཡང་། རྡོ་རྗེ་ཕྲེང་བར། དྲུག་ཅུ་རྩ་བཞིར་བརྒྱད་འདབ་བྱ། །སྟེང་དང་འོག་དང་ཁ་བསྡམས་ནས༑ །སླར་ཡང་ཁ་སྦྱོར་ཚུལ་དུ་གནོས། །ཞེས་པས་བསྟན་ཅིང་། དེ་བཞིན་དུ་ཕྱི་རུ་ལུས་ངག་ཡིད་གསུམ། ནང་དུ་དུག་གསུམ། གསང་བ་སྐུ་གསུམ་རྟེན་ཡི་གེ་གསུམ་དུ་གནས་ཤིང་འཁོར་ལོའི་

― JKT006_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

གྲངས་ངེས་ཀྱང་། དང་པོའི་སངས་རྒྱས་དུས་ཀྱི་འཁོར་ལོ་རུ་དྲུག་ཏུ་གསུངས་ཏེ། སོ་སོའི་ཁ་སྦྱོར་གྱི་མཚམས་སུ་འཕོ་བ་བཅུ་གཉིས་དང་། རྟེན་འབྲེལ་བཅུ་གཉིས་གནས་ཤིང་ཁམས་ལུགས་ལྡོག་གི་འགྲོས་ཀྱི་རླུང་དང་རྟེན་འབྲེལ་ཆ་རེ་ལྡོག་སྟེ། ས་བཅུ་གཉིས་ཀྱི་ཡོན་ཏན་རྫོགས་པའི་མཐའ་རུ་ཐིག་ལེ་ནམ་མཁའི་ཁམས་དང་འདྲེས་པའི་ཚེ་ན་མངོན་པར་སངས་རྒྱས་པར་འགྱུར་བར་བཞེད་ཅིང་། དེ་བཞིན་སྙིང་ག་ཞི་བའི་འཁོར་ལོ་དང་། སྤྱི་གཙུག་ཁྲོ་བོའི་འཁོར་ལོ་གཉིས་ལ་སོ་སོའི་ལྷ་གྲངས་དང་མཉམ་པའི་རྩ་འདབས་ཀྱིས་འབྲེལ་བ་ནི། ཐབས་ལམ་དང་གྲོལ་ལམ་སྟེང་འོག་གི་སྒོ་གཉིས་སུ་གསུངས་ཤིང་། གཞན་ཡང་སྐུ་བཞི་དང་། སྐུ་ལྔ། ཕ་རོལ་ཏུ་ཕྱིན་པ་དྲུག་ལ་སོགས་པ་སོ་སོ་སྦྱང་གཞི་དང་སྦྱོང་བྱེད་སྦྱངས་འབྲས་ཀྱི་ཚུལ་དུ་འཁོར་ལོའི་རྩ་འདབས་སུ་གནས་པར་བཞེད་དོ། །དེ་ལྟར་རྡོ་རྗེའི་ལུས་ཀྱི་རྩ་ཐིག་རླུང་གསུམ་གྱི་གནད་ལ་འདྲེན་འགྲེམས་ཀྱི་འཁྲུལ་འཁོར་ལ་སོགས་ཀྱིས་གནད་དུ་བསྣུན་པས། ཁམས་ཀྱི་ཞུ་བདེ་འཕེལ་པའི་བྱེད་ལས་ལ་བརྟེན་ནས། ཇི་སྐད་དུ། འཁོར་ལོ་སྡོམ་པར། རྣལ་འབྱོར་མ་ཡི་ཀླ་ཀློའི་སྐད། །སུ་ལ་སོགས་པ་གང་གསུངས་ཀྱང་། །ཕྱི་དང་ནང་གི་བདག་ཉིད་དེ། །ཞེས་པ་ལྟར་བཟོད་ནས་ཡོངས་གྲུབ་ཏུ་གནས་པའི་རྟེན་ལུས་ཀྱི་དཀྱིལ་

― JKT006_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་སྤྱི་བོ་ཛ་ལནྡྷ་ར་ལ་སོགས་པ་དང་། བརྟེན་པ་རྩ་ཡི་འཁོར་ལོ་སྐུ་ལྔའི་གནས་ཡུལ་དུ་དབང་བསྒྱུར་བས་ན་ཕྱི་རོལ་དུ་མི་བཞུགས་པར་རང་ལ་དབྱེར་མེད་དུ་རྫོགས་པའི་ཕྱིར། མཚན་འཛིན་གྱི་བདེ་བ་ལས་འདས་པའི་ཟུང་འཇུག་ཆོས་སྐུའི་རྒྱལ་ས་ཆེན་པོར་མངོན་དུ་བྱེད་པའི་ལམ་ལུང་ཨ་ནུ་ཡོ་ག་ལ་གོམས་པར་འདོད་པ་དག་གིས་དེ་ལྟར་དུ་མཛོད་ཅེས་བསྐུལ་བའོ། །གསུམ་པ་བསྙེན་སྒྲུབ་ཡན་ལག་བཞི་ཡི་ཚུལ་ལ་བརྟེན་ནས་རིག་འཛིན་རྣམ་པ་བཞི་ཡི་ཐེམ་སྐས་སུ་བགྲོད་པའི་རྣལ་འབྱོར་ཆེན་པོའི་དོན་བསྟན་པ་ལ་ཚིག་རྐང་བཞི་སྟེ། གཡོ་ཐོབ་གོམས་བརྟན་མཐར་ཕྱིན་ལྷུན་གྲུབ་ཀྱི་ཡི་དམ། །དཀྱིལ་འཁོར་གསུམ་གྱི་སྒོམ་པ་བསྐྱེད་རིམ་གྱི་སྙིང་པོ། །ཞི་ཁྲོ་ཕྱི་ན་མི་བཞུགས་ལྷན་སྐྱེས་ཀྱི་རང་གདངས། །མ་ཧཱ་ཡོ་ག་བསྒོམ་ན་དེ་ལྟར་དུ་མཛོད་ཅིག །ཅེས་པ་སྟེ། དེ་ཡང་དཔལ་སྒྱུ་འཕྲུལ་དྲྭ་བ་ལས། སྐྱེ་གནས་བཞི་པོ་སྦྱང་བྱའི་ཕྱིར། །བསྐྱེད་པའང་དེ་བཞིན་རྣམ་པ་བཞི། །སྤྲོས་བཅས་སྤྲོས་པ་མེད་པ་དང་། །ཤིན་ཏུ་སྤྲོས་པ་མེད་པའོ། །ཞེས་པ་ལྟར་དབང་པོ་ཡང་རབ་ཀྱིས་རང་བཞིན་གདོད་ནས་ལྷ་ཡི་ཕྱག་རྒྱུར་རང་རྩལ་རྫོགས་པའི་ཡེ་ཤེས་ཀྱི་སྒྱུ་འཕྲུལ་རང་བྱུང་དུ་ཤར་བས་རྫུས་སྐྱེས་དང་རྗེས་མཐུན་དང་རབ་ཀྱིས་དབྱིངས་དང་ཡེ་ཤེས་ཟུང་དུ་འཇུག་པས་སྙིང་པོ་དྲན་ཙམ་

― JKT006_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་ལྷའི་སྐུར་ལྡང་ནུས་པས་ན་དྲོད་གཤེར་སྐྱེས་ཀྱི་ཆ་མཐུན། རྟོག་བཅས་རྣམས་ལ་བདག་སྲས་དང་གཞན་སྲས་ཀྱི་སྒོ་ནས་སྒོམ་པར་འདོད་པས་སྒོང་སྐྱེས་དང་མངལ་སྐྱེས་ཀྱི་ཆར་དབྱེ་བ་སོགས་དང་། །ཞན་ཡང་ཕ་རྒྱུད་ལྟར་ཕྱག་མཚན་ས་བོན་སྐར་སྨིན་པ་སྟེ་རྡོ་རྗེའི་ཆོ་ག་གསུམ་དང་། མ་རྒྱུད་ལྟར་མངོན་བྱང་ལྔ་སྟེ། ཟླ་ཉི་ཕྱག་མཚན་ས་བོན་གྱིས་མཚན་པ་དང་དེ་རོ་གཅིག་ཏུ་འདྲེས་ཤིང་ས་ཡོངས་སུ་རྫོགས་པ་སྟེ་སྦྱང་གཞི་སྦྱོང་བྱེད་སྦྱངས་འབྲས་ཀྱི་ཚུལ་དུ་གནས་ཤིང་། གཉིས་ཀར་ཏིང་འཛིན་རྣམ་པ་གསུམ་གྱི་གཞིར་བརྟེན་ཅིང་དག་རྫོགས་སྨིན་གསུམ་གྱིས་ཁྱབ་པའོ། །དེ་ལྟར་གཞི་བསྐྱེད་རིམ་འགྲུབ་པའི་རྒྱུ་ཤེས་ནས། ལམ་ཇི་ལྟར་བསྒོམ་པའི་ཚུལ་ནི། ཐོག་མར་ཐོད་སྐུ་ལ་སོགས་པའི་རྟེན་ལ་རྩེ་གཅིག་པས་བལྟས་པས། དང་པོ་འདུ་བྱེད་ལོང་ལོང་དུ་གཡོས་པ་ནི་གཡོ་བའི་ཉམས་སོ། །སླར་དེ་ལས་གོམས་པ་ཇེ་ཞིག་ན་རྣམ་འགྱུར་ཇི་ལྟ་བའི་བག་ཆགས་བརྟས་པས་ཡིད་ཡུལ་དུ་བཀྲ་ལམ་མེ་གསལ་བ་ཐོབ་པའི་ཉམས་ཞེས་བྱའོ། །དེའི་ཚེ་ན་སྐུ་དེ་ཉིད་ཐོགས་བཅས་ཀྱི་རྣམ་པ་དང་བྲལ་བ་འཇའ་ཚོན་ནམ་མེ་ལོང་ནང་གི་གཟུགས་བརྙན་བཞིན་ཕྱི་གསལ་ནང་གསལ་དུ་རྩལ་སྦྱངས་པས། ལྷ་དེ་ཉིད་ཉལ་བའམ། ལངས་པའམ། ཤིན་ཏུ་རགས་པའམ། ཤིན་ཏུ་ཕྲ་བ་ལ་སོགས་པ་གང་ལྟར་

― JKT006_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒོམ་ཀྱང་བཏུབ་པ་ནི་གོམས་པའི་ཉམས་སུ་བརྗོད་ལ། དེ་ནས་བསྒོམ་བྱ་དང་སྒོམ་བྱེད་ཀྱི་གཉིས་འཛིན་སྤངས་པའི་ཕྱིར། ལྷའི་རྣམ་པ་རང་སེམས་དབྱེར་མེད་དུ་འདྲེས་ཏེ་བསྒོམས་པས་རྟོག་པ་གང་གིས་ཀྱང་བར་མ་ཆོད་པར་ཇི་སྲིད་བརྟན་པར་འདོད་པའི་བར་དེ་སྲིད་དུ་སྡོད་པ་ནི་བརྟན་པའི་ཉམས་ཏེ། དེ་ལས་ཀྱང་གསལ་བརྟན་གྱི་ཚད་བརྒྱད་ཐོབ་ནས་ཉིན་མཚན་ཀུན་ཏུ་ཡུལ་རྐྱེན་གང་གིས་ཀྱང་མི་འཕྲོག་པར་དཀྱིལ་འཁོར་གང་གི་དབང་ཕྱུག་ཆེན་པོར་རྩལ་རྫོགས་པ་ནི་མཐར་ཕྱིན་པ་སྟེ་སྣང་བ་ལྷ་ཡི་དཀྱིལ་འཁོར་དང་འདྲེས་པ་ཡིན་ཏེ། པཎྜི་ཏ་དྲི་མེད་བཤེས་གཉེན་གྱི་ཕྱག་རྒྱ་བསམ་གཏན་གྱི་འགྲེལ་པ་ལས། གཡོ་ཐོབ་གོམས་བརྟན་མཐར་ཕྱིན་ལྔ། །ཏིང་འཛིན་ཉམས་ཀྱི་སྐྱེ་ཚུལ་ཡིན། །ཅེས་གསུངས་པ་བཞིན་ནོ། །དེ་དག་ཀྱང་རང་སེམས་ཀྱི་ངོ་བོར་ལྷུན་གྱིས་གྲུབ་པར་རྫོགས་པ་ནི་བྲལ་ཐོབ་སྤངས་པའི་གཉུག་མ་དོན་གྱི་ཡི་དམ་ཡིན་ཏེ། ཇི་སྐད་དུ། ལྷ་ཉིད་རང་ལ་རང་ཉིད་ལྷ། །རང་དང་ལྷན་ཅིག་སྐྱེས་པ་སྟེ། །དམ་ཚིག་ཡེ་ཤེས་གཉིས་མེད་པས། །སྤྱན་འདྲེན་བཞུགས་གསོལ་འདིར་མི་དགོས། །རང་ལས་སྤྲུལ་ཞིང་རང་དབང་བསྐུར། །རང་རིག་རྩ་བ་གསུམ་དུ་གནས། །ཞེས་སོ། །དེ་ལྟར་རིམ་པའི་སོ་མཚམས་ལེགས་པར་ཕྱེད་ནས། ཁྱད་པར་གནད་དུ་དྲིལ་བའི་

― JKT006_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

ཉམས་ལེན་ཉིད་དཀྱིལ་འཁོར་རྣམ་པ་གསུམ་གྱིས་བསྟན་ཏེ། དེའང་སྐུ་ཕྱག་རྒྱའི་རྣལ་འབྱོར་དུ་གསལ་བཏབ་པའི་ཚུལ་ནི་ཡི་དམ་གང་རུང་གི་སྐུར་ལམ་གྱིས་གསལ་ནས། ཞི་བ་ལ་ཚུལ་དགུ་དང་། །ཁྲོ་བོ་ལ་གར་དགུས་དཔའ་ཞིང་སོ་སོར་དག་བྱ་དང་དག་བྱེད་དག་འབྲས་ཚུལ་བཞིན་ཉམས་སུ་བླང་བ་ནི་བསྐྱེད་རིམ་སྣང་སྟོང་ཟུང་འཇུག་གི་དཀྱིལ་འཁོར་ཏེ། སྒྲུབ་ཐབས་ཀུན་ཏུ་བཟང་པོ་ལས། ཐ་མལ་རྣམ་རྟོག་རྒྱུན་འདི་མ་གཏོགས་པ། །སྲིད་པའི་སྡུག་བསྔལ་ཅི་ཡང་ཡོད་མ་ཡིན། །དེས་ན་དེ་དག་གཞོམ་པར་བྱ་བའི་ཕྱིར། །ཐབས་ཀྱི་དཀྱིལ་འཁོར་འཁོར་ལོ་བསྒོམ་པའོ། །ཞེས་གསུངས་པ་ལྟར་དང་། དེ་ལས་སྣང་བའི་ཡུལ་ཀུན་ཞི་ཁྲོའི་རོལ་གར་དུ་བལྟ་བ་ནི་སྣང་བ་སྐུ་ཡི་ལམ་ཁྱེར་རོ། །ངག་སྲོག་རྩོལ་འབྲུ་གསུམ་བཟླ་བའམ། ཡང་ན་ཡི་དམ་གྱི་སྙིང་པོ་སྐྱོན་བཅུ་སྤངས་ལ་བཟླ་བའི་ཚུལ་གསུམ་དང་ལྡན་པས་ཡང་ཡང་དུ་བསྒྱུར་བ་ནི་ཡེ་ཤེས་ལྷ་དང་ཉེ་བར་འགྱུར་བའི་ཕྱིར་ཏེ། རྡོ་རྗེ་གུར་ལས། སངས་རྒྱས་བྱང་ཆུབ་སེམས་དཔའ་དང་། །མཁའ་འགྲོ་མ་དང་རང་བཙུན་མོ། །མངོན་སུམ་དུ་ནི་བྱ་བའི་ཕྱིར། །སྔགས་ཀྱི་སྙན་གསན་དབབ་པ་ཡིན། །ཅེས་པ་ལྟར། གྲགས་སྟོང་ཟུང་འཇུག་ངག་སྔགས་ཀྱི་དཀྱིལ་འཁོར་རོ། །དེ་ལས་ཀྱང་བཟང་ངན་གྱི་སྒྲ་ཀུན་སྔགས་ཀྱི་རོལ་

― JKT006_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ལྟ་བ་གྲགས་པ་གསུང་གི་ལམ་ཁྱེར་ཞེས་བྱའོ། །བསྐྱེད་རྫོགས་ཀྱི་ཏིང་ངེ་འཛིན་དེ་དག་ཀྱང་ངོ་བོ་ལ་སྐྱེ་འགག་གནས་གསུམ་བྲལ་ཞིང་འདི་ལྟ་བུའོ་སྙམ་པའི་དྲན་འཛིན་ཀྱང་རང་ངོར་ཡུལ་མེད་རྩ་བྲལ་དུ་སོང་བའི་ཕྱིར་གནས་པས་ཕན་མ་བཏགས། འགྱུ་བས་གནོད་མ་བསྐྱལ། ལུང་མ་བསྟན་གྱི་འཁྲུལ་པར་མ་འཁྱམས། རྟག་ཆད་ཀྱི་རྒྱ་རལ། བསྒོམ་དང་མི་བསྒོམ་ཀྱི་གཏད་སོ་མེད་པའི་ངང་དུ་མཉམ་པར་གྲོལ་བ་ནི་སངས་རྒྱས་ཐམས་ཅད་ཀྱི་ཐུགས་ཀྱི་རང་བཞིན་ཡིན་པའི་ཕྱིར། དོན་འདི་མ་རྟོགས་ན་བསྐྱེད་རྫོགས་ལམ་ཟབ་ཅི་དང་ཅི་ལྟ་བུས་ཀྱང་ཤེས་བྱའི་སྒྲིབ་པ་ལས་གྲོལ་བ་མིན་ཏེ། འཁོར་གསུམ་རྣམ་པར་རྟོག་པའི་ཕྱིར་རོ། །དེ་སྐད་དུ། འཕགས་པ་སྡུད་པ་ལས། གང་ཞིག་དཔག་ཚད་ལྔ་བརྒྱ་ཡོད་པའི་རི་ཡི་སུལ། །སྦྲུལ་གྱིས་གང་བར་བྱས་ནས་ལོ་མང་གནས་བྱས་ཀྱང་། །དབེན་པ་འདི་མི་ཤེས་པའི་བྱང་ཆུབ་སེམས་དཔའ་ནི། །ལྷག་པའི་ང་རྒྱལ་རྙེད་ནས་འགྲོ་བར་གནས་པ་བཞིན། །ཅེས་སོ། །དེས་ན་ཆོས་ཉིད་ཇི་བཞིན་གཉུག་མའི་གནས་ལུགས་རྟོགས་པ་ནི་རིག་སྟོང་སྤྲོས་བྲལ་ཐུགས་འོད་གསལ་གྱི་དཀྱིལ་འཁོར་རོ། །དེ་ལས་ཀྱང་ཚོགས་དྲུག་གི་ཡུལ་ཀུན་ལྟ་སྟངས་ཀྱིས་ཕྱིར་མ་འཆིང་། དྲན་འཛིན་གྱིས་ནང་དུ་མི་སྡུད། ཤར་བ་དང་གྲོལ་བ་དུས་མཉམ་

― JKT006_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ངང་དུ་ལྷུག་པར་བཞག་པ་ནི་དྲན་རྟོག་ཐུགས་ཀྱི་ལམ་ཁྱེར་ཏེ། རིག་འཛིན་དགའ་རབ་རྡོ་རྗེས། ཤར་བའི་དུས་ན་མཉམ་ཤར་བཟང་ངན་མེད། །གྲོལ་བའི་དུས་ན་མཉམ་གྲོལ་བཟང་ངན་མེད། །གནས་པའི་དུས་ན་མཉམ་གནས་བཟང་ངན་མེད། །ཅེས་པ་ལྟར་རོ། །དེ་གོམས་པར་བྱེད་པ་ནི་བསྐྱེད་རིམ་ཐམས་ཅད་ཀྱི་སྙིང་པོ་ཡིན་ཏེ། སྣང་ཞེན་གྱི་ཡུལ་ཀུན་རྡོ་རྗེ་གསུམ་མམ་མངོན་བྱང་ལྔས་བསྐྱེད་པའི་ལྷ་སྐུའི་ཕྱག་རྒྱ་ཉག་གཅིག་ཏུ་རྫོགས། སྒྲ་གྲགས་པ་ཐམས་ཅད་ཡི་གེའི་འཁོར་ལོར་སྨིན་ནས་དབུ་མའི་དབྱིངས་སུ་ཐིམ་སྟེ་བདེ་ཆེན་བརྗོད་མེད་ནཱ་དའི་རང་བཞིན་དུ་དག །དྲན་རྟོག་ཡིད་ཀྱི་འགྱུ་འཕྲོ་ཐམས་ཅད་ཟབ་ཞི་སྤྲོས་བྲལ་གཉུག་མའི་སྦུབས་སུ་ཉེ་བར་ཞི་བས་ན་ཐུགས་ཀྱི་རྡོ་རྗེར་སྨིན་པའོ། །དེ་ལྟ་བུའི་དོན་ལ་སྒྲ་ཇི་བཞིན་པར་གོམས་པ་དག་གིས་ནི་ཞི་བ་དང་ཁྲོ་བོ་ལ་སོགས་པ་མཐའ་ཡས་མཐའ་དག་ཀྱང་རང་ལས་ཕྱི་རོལ་ན་ལོགས་སུ་གྲུབ་པ་མེད་དེ། ཕུང་ཁམས་གཤེགས་པ་གཤེགས་མ། ཚོགས་དབང་སེམས་དཔའ་སེམས་མ། ཡན་ལག་ཁྲོ་བོ་ཁྲོ་མོ་སྟེ་གདན་གསུམ་ལྷ་ཡི་སྐུ་རུ་གནས་པ་ཉིད་ཀྱི་ཕྱིར་བརྗོད་མེད་དོན་གྱི་བཤགས་པ་ལས་ཀྱང་། སྣང་སྲིད་རྣམ་དག་ལྷ་དང་ལྷ་མོའི་དབྱིངས། །བྱུང་དང་འབྱུང་འགྱུར་ཡབ་ཡུམ་ལྷུན་རྫོགས་པ། །ཞེས་པ་ལྟར། རང་དང་།

― JKT006_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷན་ཅིག་སྐྱེས་ཤིང་རང་ལས་ཤར་བ་ཡིན་ཏེ། གང་དཀྱིལ་འཁོར་གསུམ་དང་ལྡན་པའི་རྣལ་འབྱོར་ཆེན་པོ་ལ་ཞུགས་ནས་གོམས་པར་འདོད་པ་དག་གིས་དེ་ལྟར་དུ་མཛོད་ཅིག་ཅེས་བསྐུལ་བའོ༑ །དེ་ལྟར་བསྐྱེད་པ་དང་རྫོགས་པའི་རིམ་པ་ནི་རང་ལ་གནས་པའི་ཡེ་ཤེས་ཆེན་པོ་མངོན་དུ་བྱེད་པའི་ཐབས་ཚུལ་ཏེ། དེའི་ཁྱད་པར་གང་ཞེ་ན། ལྷ་སྐུ་སྣང་སྟོང་ཟུང་འཇུག་གི་བསྐྱེད་རིམ་ཆོ་གའི་ཁྱད་པར་གཞུང་ལས་གསུངས་པའི་བསྐྱེད་ཆོག་ཚང་བ། རང་འབྲས་ཀྱི་ཁྱད་པར་སྔགས་ཀྱི་མཐུ་བསྐྱེད་ནུས་པ། ངོ་བོའི་ཁྱད་པར་ཞུ་བདེ་དང་སྟོང་པ་ཉིད་ཀྱི་རང་བཞིན། བྱེད་ལས་ཀྱི་ཁྱད་པར་དག་རྫོགས་སྨིན་གསུམ་ཚང་བའོ། །དེ་ལས་ཁྱད་པར་དུ་གྱུར་པ་རྫོགས་རིམ་གྱི་མཚན་ཉིད་ནི། རྒྱུ་ཡི་ཁྱད་པར་རྡོ་རྗེ་ལུས་ཀྱི་རྩ་ཐིག་རླུང་གསུམ་ལ་གནད་དུ་བསྣུན་པ། བྱེད་ལས་ཀྱི་ཁྱད་པར་རྩ་རླུང་ཐིག་ལེ་འཁྲུལ་པའི་བག་ཆགས་ཐམས་ཅད་དབུ་མར་དག་བྱེད། རྣམ་པའི་ཁྱད་པར་འདུ་འབྲལ་མེད་པའི་བདེ་བ་དང་སྟོང་གཟུགས་ཀྱི་ཕྱག་རྒྱ་གཉིས་མི་ཕྱེད་པའི་རྫོགས་རིམ་གྱི་ཁྱད་པར་གསུམ་ལྡན་འདི་ཁ་ཅིག་གིས་མི་བཞེད་པའང་ཡོད་ལ། དེ་ལྟར་གཉིས་ཆར་དགོས་པའི་ཚུལ་ནི། བསྐྱེད་རིམ་གྱིས་འཇིག་རྟེན་གྱི་དངོས་གྲུབ་ཐོབ་ཅིང་སྣོད་བཅུད་ཐ་མལ་དུ་འཛིན་པ་སྤངས་ཏེ། གཟུགས་སྐུའི་རྟེན་འབྲེལ་

― JKT006_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲིགས་པ་ཡིན་ཅིང་། རྫོགས་རིམ་གྱིས་མཆོག་གི་དངོས་གྲུབ་ཐོབ་ཅིང་འཕོ་བའི་བག་ཆགས་ཀྱི་དྲི་མ་སྤངས་ཤིང་མཐར་ཐུག་ལྷན་སྐྱེས་ཀྱི་སྐུའི་རྟེན་འབྲེལ་བསྒྲིགས་པ་ཡིན་ལ། དེ་སྐད་དུ། གསང་སྙིང་གི་རྒྱུད་ཕྱི་མར། འཇིག་རྟེན་པ་ཡི་དངོས་གྲུབ་ནི། །བསྐྱེད་པའི་རིམ་པ་སྦྱོར་བས་ཐོབ། །འཇིག་རྟེན་འདས་པའི་དངོས་གྲུབ་ནི། །རྫོགས་པའི་རིམ་པའི་སྦྱོར་བས་སོ། །ཞེས་སོ། །གྲངས་ངེས་ཀྱི་སྒོ་ནས་སྐྱེ་བ་ཀུན་རྫོབ་དང་འཆི་བ་དོན་དམ་གྱི་བདེན་པ་ལམ་དུ་བྱས་ནས་སྦྱོང་བ་ནི་བསྐྱེད་རིམ་དང་རྫོགས་རིམ་དུ་བསྟན་ཏེ། ཡེ་ཤེས་རྡོ་རྗེའི་ཀུན་ལས་བཏུས་པར། སྐྱེ་བ་ཀུན་རྫོབ་བདེན་པ་ཞེས་བྱ་སྟེ། །འཆི་བ་ཡང་ནི་དོན་དམ་བདེན་པ་ཡིན། །བདེན་གཉིས་འདི་ལ་རྣམ་པར་ངེས་བྱས་ནས། །བཤད་པ་གཉིས་ཀྱི་དབྱེ་བ་གསུངས་པ་ཡིན། །ཞེས་སོ། །དེའི་ཕྱིར་ན། སྔོན་དུ་རྒྱུད་སྦྱངས་པ་ལ་བསྐྱེད་རིམ་དང་། །གནས་ལུགས་དངོས་བསྒོམ་པ་ལ་རྫོགས་རིམ་སྟེ། །རིམ་པར་འཇུག་པའི་ཚུལ་ཡང་། རིམ་ལྔ་ལས། བསྐྱེད་པའི་རིམ་ལ་ལེགས་གནས་ཤིང་། །རྫོགས་པའི་རིམ་པར་འདོད་།པ་རྣམས། །ཐབས་འདི་རྫོགས་པའི་སངས་རྒྱས་ཀྱིས། །སྐས་ཀྱི་རིམ་པ་ལྟ་བུར་གསུངས། །ཞེས་དང་། ཌོམྦྷི་ཧེ་རུ་ཀས་ཀྱང་། བློ་བཟང་དང་པོ་བསྐྱེད་པའི་རིམ་པ་སྒོམ་པར་བྱེད་དང་ལག་པའི་

― JKT006_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ། །སྔགས་ནི་རྣམ་དག་གུག་བསྐྱེད་ཆོ་ག་ངེས་པར་དྲན་པ་འབྲལ་མི་བྱ། །ཕྱི་ནས་བློ་བཟང་རང་ཤི་སྐད་ཅིག་རྒྱུན་དུ་དེ་ཉིད་གཅིག་པའི་སེམས་དང་ལྡན། །རྫོགས་པའི་རིམ་པ་བསྒོམས་པས་སྲིད་པ་ནམ་ཡང་ལྷན་ཅིག་སྐྱེས་པ་རྟག་ཏུ་བསམ། །ཞེས་གསུངས་པའི་ཕྱིར་རོ། །དེ་ལྟར་བསྐྱེད་རིམ་དང་རྫོགས་རིམ་ལ་བརྟེན་ནས་ཟུང་འཇུག་རྫོགས་པ་ཆེན་པོའི་དོན་མངོན་དུ་མ་མཐོང་ན་སྤྲོས་པ་བྲལ་བའི་ཡེ་ཤེས་ཆེན་པོ་མ་མཐོང་བའི་ཕྱིར། ཐེག་པ་རིམ་པ་བརྒྱད་དང་དེ་ལ་བརྟེན་པའི་སྡོམ་པ་གསུམ་དང་། ཕ་རོལ་ཏུ་ཕྱིན་པ་དྲུག་སོགས་དམིགས་བཅས་དམིགས་མེད་ཐབས་ཚུལ་ཐམས་ཅད་བློ་ཡི་བྱི་དོར་ལས་མ་འདས་པས་ན་ཀུན་ཀྱང་ལམ་འདིའི་བཞོན་པ་ཉིད་དུ་གནས་ཏེ། འཇམ་དཔལ་མཚན་བརྗོད་ལས། ཐེག་པ་གསུམ་གྱི་ངེས་འབྱུང་ལ། །ཐེག་པ་གཅིག་གིས་འབྲས་བུར་གནས། །ཞེས་དང་། ཨིནྡྲ་བྷུ་ཏིའི་དབང་གི་འཁོར་ལོའི་མན་ངག་ལས། རང་བཞིན་གྱིས་ནི་འོད་གསལ་བ། །རྫོགས་པ་ཆེན་པོའི་མཐར་ཐུག་པ། །མན་ངག་ཀུན་གྱི་མཆོག་གི་མཆོག །དེ་སྒྲུབ་ཐབས་སུ་གསུངས་པར་ཟད། །ཅེས་སོ། །མདོར་ན་ཉོན་མོངས་པའི་སྒྲིབ་པའི་ཚོགས་ནི་བློ་དང་བཅས་པས་སྦྱངས་ལ། འཁོར་གསུམ་རྣམ་པར་རྟོག་པའི་ཤེས་བྱའི་སྒྲིབ་པ་བློ་དང་བྲལ་བས་སྦྱངས་ཏེ། སྒྲིབ་

― JKT006_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཡོངས་སུ་སྤངས་པས་རྫོགས་པའི་སངས་རྒྱས་ཀྱི་གོ་འཕང་མངོན་དུ་བྱེད་པའི་ཕྱིར་ན། འདིར་ཡང་དེ་ལྟར་དུ་བསྟན་པར་རིག་པར་བྱའོ། །བཞི་པ་གསང་སྔགས་ཀྱི་རྩ་བ་ནི་དམ་ཚིག་ཡིན་ཅིང་། །གལ་ཏེ་དེ་ལ་ཉམས་ཆག་བྱུང་ན་གནས་སྐབས་དང་མཐར་ཐུག་ཀུན་ཏུ་སྡུག་བསྔལ་གྱི་རྒྱུ་རུ་འགྱུར་པའི་ཚུལ། གསང་སྙིང་ལས། རྩ་བའི་དམ་ཚིག་ཉམས་གྱུར་ན། །སྒྲུབ་པ་ཐམས་ཅད་ལོག་པར་འགྱུར༑ །ཡིད་དུ་མི་འོང་སྣ་ཚོགས་པའི། །འབྲས་བུ་མི་འདོད་བཞིན་དུ་འདུ། །ཞེས་སོ། །དེའི་ཕྱིར་ན། དེ་ཉིད་སྦྱོང་བའི་ཐབས་ཚུལ་མང་དུ་ཡོད་པ་ལས། འདིར་ཟབ་མོ་ལྟ་བའི་ཀློང་བཤགས་དང་འབྲེལ་བར་སྟོན་པ་ལ་ཚིག་རྐང་བཞི་སྟེ། ཡེ་ནས་སྲུང་མཚམས་བྲལ་བ་དམ་ཚིག་གི་ཁྱད་ཆོས། །ཉམས་མཁན་རྩད་གདར་ཆོད་པ་ཆོས་ཉིད་ཀྱི་གཤིས་ལུགས། །ཉམས་བྱ་གདོད་ནས་དག་པ་ཀ་དག་གི་ངོ་བོ། །ལྟ་བའི་ཀློང་བཤགས་བསྒོམ་ན་དེ་ལྟར་དུ་མཛོད་ཅིག །ཅེས་པས་བསྟན་ཏེ། དེ་ཡང་དང་པོ་གཞི་དམ་ཚིག་གི་ངོ་བོ་བཤད་པ་ནི། བསྲུང་དུ་མེད་པའི་གཅིག་ཅར་བའི་དམ་ཚིག་དང་། བསྲུང་མཚམས་ཅན་རིམ་གྱིས་པའི་དམ་ཚིག་གཉིས་ལས། འདིར་སྔ་མ་ལྟར་ཏེ། ཡེ་ནས་སངས་རྒྱས་དང་སེམས་ཅན་ལས་འདས་པའི་རང་རིག་རྗེན་པ་འཁྲུལ་གྲོལ་གྱི་སྒྲོ་མ་བཏགས་པའི་དབྱིངས་ཀྱི་

― JKT006_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

རང་བཞིན་ཉག་གཅིག་ལས་གཞན་དུ་འཕོ་འགྱུར་བྲལ་བ་ནི་གཅིག་པུའི་དམ་ཚིག །དེ་ཡི་ཆོས་ཉིད་བློ་ལས་འདས་པ་ནི་ཕྱལ་བའི་དམ་ཚིག །ཤེས་བྱའི་མཐའ་ལ་ཐུག་པ་མེད་ཅིང་ཕྱོགས་རིས་ལ་ཆད་པ་བྲལ་བ་ནི་བཏང་སྙོམས་ཀྱི་དམ་ཚིག་གམ། བསྲུང་བྱ་དང་སྲུང་བྱེད་གཉིས་སུ་ཤར་བའི་གཟུང་འཛིན་གྱི་དྲྭ་བས་བཅིངས་པ་མེད་པ་ནི་མེད་པའི་དམ་ཚིག་སྟེ། དེ་དག་ཀྱང་ཡེ་བསྲུང་ལྷུན་གྲུབ་ཆེན་པོའི་ངང་དུ་སྲུང་མཚམས་དང་བྲལ་བ་རྟག་པ་རྒྱུན་གྱི་འཁོར་ལོར་མི་གཡོ་བ་ནི་བླང་དོར་མེད་པའི་ངོ་བོ་ཉིད་དེ། ཀུན་མཁྱེན་རྒྱལ་པོ་ལྟ་བ་ནམ་མཁའ་དང་མཉམ་པའི་རྒྱུད་ལས། ཀྱེ། ཀུན་བྱེད་ང་ཡི་དགོངས་པའི་དམ་ཚིག་ནི། །མ་ཡེངས་དྲན་པ་དངོས་པོ་ཡེ་ཤེས་སུ། །མ་བཅོས་སུས་ཀྱང་མ་བྱས་རང་བྱུང་སྟེ། །རིག་པས་དབང་བསྒྱུར་བསྲུང་དང་བསྲུང་དུ་མེད། །ཅེས་དང་། སྤྱི་མདོ་ལས། བསྲུང་བྱ་བསྲུང་དུ་མེད་པ་ནི། །ཆོས་ཉིད་དམ་ཚིག་དམ་པ་ཡིན། །ཅེས་དང་། འཕགས་པ་འཇམ་དཔལ་གྱིས། །དེ་ལ་དཀྱིལ་འཁོར་སྦྱིན་སྲེག་དང་། །གཏོར་མ་བཟླས་པ་བགྲང་ཕྲེང་དང་། །སྐྱིལ་མོ་ཀྲུང་དང་སྟངས་སྟབས་སོགས། །སྤྲོས་བྲལ་རྣམ་པར་བསླུ་བ་སྟེ། །བྱ་བ་མ་ཡིན་དགག་པའང་མིན། །ཅེས་དང་། ཐིག་ལེ་མཉམ་གནས་ཀྱི་རྒྱུད་ལས། བདེ་བ་ཆེན་པོའི་ངང་གནས་ན། །

― JKT006_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་ཚིག་མེད་ཅིང་སྡོམ་པའང་མེད། །བྱ་བ་བྱེད་དང་རྩོལ་བའང་མེད། །ནམ་མཁའ་ལྟ་བུར་འགྲུབ་པར་འགྱུར། །ཞེས་དང་། དཔལ་ནཱ་རོ་ཏ་པས་ཀྱང་། རྒྱལ་པོ་དམ་ཚིག་མ་བཅོས་པ། །བསྲུང་ལྷ བ་མེད་པའི་ཚུལ་གྱིས་བསྲུང་། །ཞེས་བསྟན་ལ། དེ་བཞིན་དུ་ཐེག་པ་ཆེན་པོར་མ་ཟད་ཐུན་མོང་གི་མདོ་སྡེ་རྣམས་ལས་ཀྱང་གསལ་པར་གསུངས་ཏེ། སྡུད་པ་ལས། སེམས་ཅན་འདི་དག་ཁྲིམས་ལྡན་འདི་དག་ཁྲིམས་འཆལ་ཅེས། །སྣ་ཚོགས་འདུ་ཤེས་ཞུགས་པ་ཤིན་ཏུ་ཚུལ་ཁྲིམས་འཆལ། །ཚུལ་ཁྲིམས་ཉམས་ཤིང་དེ་ལ་ཡང་དག་ཚུལ་ཁྲིམས་མེད། །གང་ལ་བདག་གི་འདུ་ཤེས་སེམས་ཅན་འདུ་ཤེས་མེད། །འདུ་ཤེས་འདོད་ཆགས་བྲལ་ལ་སྡོམ་མིན་ག་ལ་ཡོད། །ཅེས་དང་། བློ་གྲོས་རབ་གསལ་གྱིས་ཞུས་པའི་མདོ་ལས་ཀྱང་། བསླབ་པ་དང་ཚུལ་ཁྲིམས་ཇི་ལྟར་བསྲུང་བར་བགྱི། འཇམ་དཔལ་གྱིས་སྨྲས་པ། དགེ་སློང་རྣལ་འབྱོར་སྤྱོད་པ་ཚུལ་ཁྲིམས་དང་། ཚུལ་ཁྲིམས་འཆལ་བ་དང་། ཚུལ་ཁྲིམས་བསྲུང་བ་ལ་སོགས་པའི་འདུ་ཤེས་སྣ་ཚོགས་པ་དང་ལྡན་པ་ནི་ལྟ་བའི་བདེ་བ་ཉམས་སུ་མྱོང་ནས་སླར་ངན་སོང་དུ་འཁོར་བར་འགྱུར་རོ། །གང་ལ་སྡོམ་པ་དང་སྡོམ་པ་མིན་པའི་རློམ་སེམས་མེད་ཅིང་རྟོག་པ་མེད་པ་དེ་ནི་མྱ་ངན་ལས་འདས་པའི་ཚུལ་ཁྲིམས་རྣམ་པར་དག་པ་ཡིན་ནོ་ཞེས་

― JKT006_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པ་ལྟར། ཐེག་པའི་རྒྱལ་པོའི་ཁྱད་ཆོས་བླ་ན་མེད་པ་ཤེས་པར་བྱའོ། །དེ་ལྟར་གོམས་པའི་རྣལ་འབྱོར་པ་དག་ལ་དམ་ཚིག་ཉམས་ཆགས་ཞིག་བྱུང་ཟིན་ཀྱང་། དེའི་ངོ་བོ་ལ་བལྟས་པས་སྐྱེ་འགག་གནས་གསུམ་དང་བྲལ་བའི་ངང་གནས་རྗེན་པ་གང་དུའང་མིང་བཏགས་ཟད་པའི་ཡེ་ཤེས་སྙོམས་བྱེད་ལས་འདས་པ་མ་བཅོས་གཉུག་མའི་གཤིས་ལུགས་སོ་མ་ངང་བཞག །རྒྱ་ཡན། ལྷུན་འབྱམས། ཅོག་གཞག་སྟེ་ཀུན་ཏུ་བཟང་པོའི་ཆོས་ལྔ་དང་ལྡན་པའི་དབྱིངས་སུ་རྩད་གདར་ཆོད་པས། ལྟ་བ་མཐོན་པོས་ཕན་མ་བརྟགས། རྣམ་རྟོག་ངན་པས་གནོད་མ་བསྐྱལ། ངེས་ཤེས་ཀྱི་བློ་དང་བྲལ་བ་ཞིག་བྱུང་ན་སྐྱོན་གྱིས་གོས་པ་མ་ཡིན་ཏེ། ཀུན་མཁྱེན་གྱིས། མ་བཅོས་ལྷུག་པ་ཡེ་གྲོལ་ཟང་ཀ་མ། །ཅོག་གཞག་ཅེར་མཐོང་བསམ་ཡུལ་འདས་པ་འདི། །སོ་མ་གཉུག་མ་ཇི་བཞིན་ཆོས་ཉིད་ངང་། །ཡེ་བཞིན་རྣམ་དག་ཕྱོགས་ལྷུང་ཀུན་དང་བྲལ། །དུས་བཞི་འཕོ་འགྱུར་མེད་པའི་དོན་ལ་ཞོག །རེ་དོགས་ཆེད་འཛིན་ཞིག་ནས་རྣལ་མའི་དོན། །སུས་ཀྱང་བཅོས་སུ་མེད་པའི་གཞི་བྲལ་ངང་༑ །དམིགས་བསལ་གདོད་ནས་དག་པར་ཤེས་པར་བྱ། །གནས་ལུགས་ཡེ་གཞི་ལྷུན་གྲུབ་བཅོས་བསླད་མེད། །མཁའ་ལྟར་རྣམ་དག་ཕྱོགས་ལྷུང་ཀུན་དང་བྲལ། །དེ་ཉིད་རྟོགས་པ་རྣལ་འབྱོར་

― JKT006_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་གྱི་གཞི། །ཕྱོགས་བྲལ་ནམ་མཁའ་དྲྭ་བས་གུད་མ་བཅད། །མ་རྟོགས་སྐྱོན་རྣམས་སོ་སོར་བཟུང་ལས་བྱུང་། །དེ་བས་བསམ་འདས་ཕྱམ་བརྡལ་མཁྱེན་པར་མཛོད། །ཅེས་གསུངས། དེ་བཞིན་དུ་ཐར་པ་ཆེན་པོའི་ཕྱོགས་སུ་རྒྱས་པའི་མདོ་ལས། གང་ཞིག་བཤགས་པ་བྱེད་འདོད་ན། །དྲང་པོར་འདུག་ལ་ཡང་དག་ལྟོས། །ཡང་དག་མཐོང་ན་རྣམ་པར་གྲོལ། །དེ་ནི་འགྱོད་ཚངས་མཆོག་ཡིན་ནོ། །ཞེས་པ་ལྟར་དམ་ཚིག་བསྲུང་བ་དང་ཉམས་པ་ཐམས་ཅད་ཆོས་ཉིད་ཀྱི་གཤིས་ལུགས་སྤྲོས་པ་དང་བྲལ་བར་མཉམ་པར་གྲོལ་བ་ཡིན་ནོ། །འབྲས་བུ་དང་ཉམས་བྱའི་དམ་ཚིག་ཀྱང་གདོད་ནས་རྣམ་པར་དག་པ་ཡིན་ཏེ་བྱ་རྩོལ་དང་རེ་དོགས་ལས་འདས་པའི་ཕྱིར་རོ། །དེ་སྐད་དུའང་བརྗོད་མེད་དོན་གྱི་བཤགས་པར། དོན་དམ་གཉིས་མེད་སྤྲོས་དང་བྲལ་བ་ལ། །རྣམ་རྟོག་གང་ཡང་དམིགས་པར་མི་འགྱུར་ཏེ། །ཞེས་དང་། འཁོར་ལོ་བཅུ་པའི་མདོ་ལས། ཁྱིམ་ན་གནས་ཤིང་སྐྲ་དང་ཁ་སྤུ་ཡང་མ་བྲེགས། ཆོས་གོས་ཀྱང་མ་གོན། ཚུལ་ཁྲིམས་ཀྱང་མནོས་པ་མེད་ཀྱང་འཕགས་པའི་ཆོས་ཉིད་དང་ལྡན་པ་དེ་ནི་དོན་དམ་པའི་དགེ་སློང་ཞེས་བྱའོ། །ཞེས་སོ། །དེའི་ཕྱིར་ན་ཀུན་ཏུ་བརྟགས་པའི་བློའི་རྣམ་པར་རྟོག་པའི་ཆོས་སྤང་སྒྱུར་གྲོལ་གསུམ་གྱི་ཚོགས་གང་ཡང་དམིགས་པར་མ་གྱུར་པའི་

― JKT006_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

ངང་དུ་གྲོལ་བ་ཡིན་ནོ། །དེ་ལྟར་གཞི་ལམ་འབྲས་གསུམ་གྱི་སྒོ་ནས་སྟོན་པའི་ལམ་འདི་ལ་བརྟེན་ནས་སྤྲོས་བྲལ་གྱི་ལྟ་བ་རྣམ་པར་དག་པའི་ཀློང་དུ་བཤགས་བྱ་དང་བཤགས་བྱེད་ལས་འདས་པར་དམ་ཚིག་ཉམས་ཆག་གི་རྒྱུ་འབྲས་ཐམས་ཅད་དག་པར་འདོད་པ་དག་གིས་དེ་ལྟར་དུ་མཛོད་ཅིག་ཅེས་བསྐུལ་བའོ། །ལྔ་པ་ཐབས་ཀྱི་ཆེ་བ་བླ་ན་མེད་པའི་རྡོ་རྗེའི་ཐེག་པ་ལ་ཚུལ་བཞིན་དུ་ཞུགས་ཀླུནས་དེའི་འབྲས་བུ་སྟོན་པའི་ཕྱིར་དུ་ཚིག་རྐང་བཞི་སྟེ། ཟབ་མོའི་སྙན་བརྒྱུད་བསྒོམ་པ་ཉམས་ལེན་གྱི་གནད་འགགས། །དབུ་མའི་རྩ་མདུད་གྲོལ་བ་ལམ་རྟགས་ཀྱི་ཡོན་ཏན། །ས་ལམ་ཕྱི་ན་མི་བཞུགས་རང་རིག་ལ་རྫོགས་འདུག །སངས་རྒྱས་ལག་བཅང་བསྒོམ་ན་དེ་ལྟར་དུ་མཛོད་ཅིག །ཅེས་པ་ལྟར། བདག་ཅག་གི་སྟོན་པ་ཐབས་མཁས་ལ་ཐུགས་རྗེ་ཆེ་བ་དག་གིས་སེམས་ཅན་རྣམས་ཀྱི་ཁམས་དབང་བསམ་པའི་རིམ་པ་དང་རྗེས་སུ་མཐུན་པར་ཐེག་པའི་ཐབས་ཚུལ་བསམ་གྱིས་མི་ཁྱབ་པར་བསྟན་པ་དེ་དག་ཀྱང་བླ་ན་མེད་པའི་ལམ་འདིར་དགོངས་བརྡ་སྙན་བརྒྱུད་གསུམ་ལས་བྱུང་བ་ཡིན་ཏེ༑ དེ་ལས་ཀྱང་ཟབ་མོ་སྙན་དུ་བརྒྱུད་པ་ནི་ཀུན་གྱི་སྤྱོད་ཡུལ་དུ་གྱུར་ཅིང་། ཁྱད་པར་རླུང་དང་རིག་པའི་གནད་ལ་སོགས་པ་ལ་བརྟེན་ནས་སྐད་ཅིག་གིས་གྲོལ་བ་ཐོབ་པའི་ཆོས་ཚུལ་དེ་དག་གི་འབྱུང་

― JKT006_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཀྱང་དགེ་བའི་བཤེས་གཉེན་ཁོ་ན་ལ་རག་ལས་ཏེ། སྡུད་པ་ལས། སངས་རྒྱས་ཆོས་རྣམས་དགེ་བའི་བཤེས་ལ་བསྟེན་ཏོ་ཞེས། །ཡོན་ཏན་ཀུན་གྱི་མཆོག་མངའ་རྒྱལ་བས་དེ་སྐད་གསུངས། །ཞེས་སོ། །དེའི་ཕྱིར་ན་སྨིན་གྲོལ་གྱི་གནད་ལས་བྱུང་བའི་ལམ་བསྐྱེད་རྫོགས་བསྒོམ་པ་ཁོ་ན་ལ་གནད་འགག་གཅིག་ཏུ་དྲིལ་བ་ཡིན་ཏེ། ཐུན་མོང་གི་ལམ་ལས་ཀྱང་། ཚུལ་གནས་ཐོས་དང་བསམ་ཨཱལྡན་པས། །སྒོམ་པ་ལ་ནི་རབ་ཏུ་སྦྱོར། །ཞེས་སོ། །དེ་ཡི་ཕྱིར་ན་བསྐྱེད་རིམ་ལ་བརྟེན་ནས་བསྙེན་སྒྲུབ་ཡན་ལག་བཞི་ཡོངས་སུ་རྫོགས་པས་རིག་འཛིན་རྣམ་པ་བཞིའི་གོ་འཕང་མངོན་དུ་བྱེད་པ་དང་། །ཁྱད་པར་རྫོགས་རིམ་ལ་བརྟེན་ནས་འཁོར་ལོ་བཞི་པོའི་རླུང་སེམས་ལས་སུ་རུང་བས་ཚོགས་སྦྱོར་མཐོང་སྒོམ་གྱི་ལམ་བཞིའི་ཡོན་ཏན་འཆར་ཞིང་། དབུ་མ་ལ་རོ་རྐྱང་གི་མདུད་པ་ཉི་ཤུ་རྩ་གཅིག་ཡོད་པའི་གཉིས་གཉིས་གྲོལ་བས་ས་བཅུ་པོ་རེ་རེའི་ཡོན་ཏན་འཆར་ལ། ཐ་མ་གྲོལ་བས་མི་སློབ་པའི་ལམ་གྱི་ཡོན་ཏན་མངོན་དུ་གྱུར་ནས་སངས་རྒྱས་ཀྱི་ས་འགྲུབ་པར་བཞེད་དེ། ངེས་བརྗོད་རྩེ་མོ་ལས། རོ་མ་རྐྱང་མ་ཀུན་འདར་མ། །མདུད་པ་འཁོར་བའི་འཁྲུལ་སྣང་སྟེ། །གྲོལ་བས་ཡེ་ཤེས་མྱ་ངན་འདའ། །ཞེས་དང་། ཡིད་བཞིན་རིན་པོ་ཆེའི་མཛོད་ལས། འཁོར་ལོ་བཞི་པོའི་རླུང་

― JKT006_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ལས་རུང་ཚེ། །ལམ་བཞིའི་ཡོན་ཏན་རིམ་པར་འཆར་བ་སྟེ། །དབུ་མའི་མདུད་པ་གཉིས་གཉིས་གྲོལ་བ་ལས། །ས་བཅུའི་ཡོན་ཏན་ནང་ནས་འཆར་བར་བཞེད། །ཅེས་སོ། །དེའི་ཕྱིར་ན་ཐུན་མོང་དང་ཐུན་མོང་མ་ཡིན་པའི་ལམ་རྟགས་དང་དེ་ལ་སྐྱེས་པའི་ཡོན་ཏན་ཏེ། རྒྱུ་འབྲས་ཀྱི་ཚུལ་དུ་གནས་པ་ཐམས་ཅད་འགྲུབ་པར་བྱེད་པ་ཡིན་ནོ། །ཁྱད་པར་ཐེག་མཆོག་གི་རྒྱལ་པོ་རྫོགས་པ་ཆེན་པོ་ལ་ས་ལམ་གྱི་ཡོན་ཏན་ཐམས་ཅད་ལོགས་སུ་གྲུབ་པ་མེད་དེ། རང་རིག་ཉག་གཅིག་ལ་རྫོགས་པའི་ཚུལ། ཀུན་བྱེད་རྒྱལ་པོར། ལྟ་བ་བསྒོམ་མེད་དམ་ཚིག་བསྲུང་དུ་མེད། །ས་ལ་སྦྱང་མེད་ལམ་ལ་བགྲོད་དུ་མེད། །ཕྲིན་ལས་རྩོལ་མེད་དབང་ལ་བསྐུར་དུ་མེད། །སྒོ་གསུམ་རྩོལ་མེད་དཀྱིལ་འཁོར་བསྐྱེད་དུ་མེད། །རྒྱུ་འབྲས་གཉིས་མེད་ནམ་མཁའ་ལྟ་བུའོ། །ཞེས་གསུངས་ལ། རྣམ་པ་ཙམ་དུ་ཕར་ཕྱིན་གྱི་སྒོ་དང་བསྟུན་ནས་གནས་ལུགས་ཡེ་གྲོལ་ལས་ལམ་གྱིས་འགྱུར་བ་བརྩི་བའི་ཚུལ་ནི། རིག་པ་རང་ཤར་ཆེན་པོའི་རྒྱུད་ལས་ཇི་ལྟར་བསྟན་པ་བཞིན་དང་། དེ་བཞིན་དུ་ཀློང་གསལ་ལས། བདེན་པ་མཐོང་བའི་གང་ཟག་གིས། །དང་པོའི་ས་ནས་བཅུ་དྲུག་བར། །རིམ་གྱིས་ཉམས་སུ་བླངས་པས་འབྱུང་། །གཞན་དང་སྒོ་བསྟུན་གནས་སྐབས་ཀྱི། །ཡོན་ཏན་འབྲས་བུའི་

― JKT006_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ་ཚུལ་ལོ། །ཞེས་གསུངས་པ་ལྟར་རོ། །དེ་ལྟར་ཉོན་མོངས་པའི་དྲི་མ་ཐམས་ཅད་དང་བྲལ་ཞིང་ཐམས་ཅད་མཁྱེན་པའི་ཡོན་ཏན་ཐམས་ཅད་ཡོངས་སུ་རྫོགས་པ་སངས་རྒྱས་ཀྱི་གོ་འཕང་མྱུར་དུ་ཐོབ་པར་འདོད་པས། འདི་ལ་གོམས་པར་གྱིས་ཤིག །ཅེས་བསྐུལ་བའོ། །དེ་ལྟར་རིམ་པ་སྔ་མ་གསུམ་གྱིས་བསྐྱེད་རྫོགས་ཟུང་འཇུག་གི་ཚུལ་ལེགས་པར་བསྟན་ཅིང་། ཕྱི་མ་གཉིས་ཀྱི་དམ་ཚིག་དང་འབྲས་བུའི་ལམ་གསལ་བར་གདམས་པའོ། །བསྐྱེད་རྫོགས་ཟུང་འཇུག་ཉི་གཞོན་འཆར་ཀའི་རྡུལ། །སྐལ་བཟང་བློ་གྲོས་ཨུཏྤལ་གིས་བཏུང་པས། །གྲུབ་པ་གཉིས་ཀྱི་སྦྲང་རྩིའི་བཅུད་ལེན་གྱིས། །ཕན་བདེའི་ལང་ཚོ་རྒྱས་བྱེད་འདི་རྨད་བྱུང་། །དེ་ལས་གྲུབ་པའི་དགེ་བ་གང་། །རྙོག་བྲལ་ཤར་གྱི་ཐིག་ལེའི་གཟུགས། །ཆོས་དབྱིངས་ཆུ་གཏེར་ལ་བསྔོས་པས། །སྒྲིབ་གཉིས་ཚ་གདུང་བཅིལ་གྱུར་ཅིག ༑ཅེས་ཀུན་མཁྱེན་ཆོས་ཀྱི་རྒྱལ་པོ་རིག་འཛིན་འཇིགས་མེད་གླིང་པའི་ཞལ་སྔ་ནས་སྩལ་བའི་ཉམས་སུ་ལེན་བྱའི་རྡོ་རྗེའི་ཐོལ་གླུའི་དོན་འགྲེལ་ཉུང་ངུ་འདི་ནི་དོན་གཉེར་ཅན་གྱི་ངོར་གཞོན་ནུ་ཨ་བྷཱ་ཡས་རང་ལོ་བཅུ་དྲུག་པར་སྦྱར་བའོ། །སརྦ་ས་མན་མངྒ་ལཾ།།

ལམ་འབྲས་བུ་དང་བཅས་པའི་དམིགས་རིམ་བསྡུས་ཏེ་ཉམས་སུ་བླང་ཚུལ།

― JKT006_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་འབྲས་བུ་དང་བཅས་པའི་དམིགས་རིམ་བསྡུས་ཏེ་ཉམས་སུ་བླང་ཚུལ་བཞུགས་སོ། །ན་མོསཏྰ་རུ་པཱ་ད་ཡ། གསུང་ངག་ཉམས་ཁྲིད་རྫོགས་ནས་

― JKT006_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

མན་ངག་འཆག་མེད་དུ་བསྐྱང་ཚུལ་ལ་གཉིས་ཏེ། དམིགས་པ་ཐམས་ཅད་བསྡུས་ནས་འཆག་མེད་དུ་བསྐྱང་ཚུལ་དང་། ཉམས་ལེན་རེ་རེའི་སྟེང་དུ་དམིགས་པ་ཐམས་ཅད་ཚང་ཚུལ་ལོ། །དང་པོ་ནི། དམིགས་པ་ཐམས་ཅད་བསྡུ་ན། རྒྱས་པར་བརྒྱ་དང་བཅུ་དགུ། འབྲིང་པོར་སོ་གསུམ། བསྡུ་ན་བཞི་སྟེ་དབང་བཞི་གདན་ཐོག་གཅིག་མ་ལྟར་རོ། །གཉིས་པ་ནི། ཐུན་མོང་མ་ཡིན་པའི་བིར་སྲུང་ལྟ་བུ་ཚུལ་མི་འདྲ་བ་མང་པོ་ཡོད་ཀྱང་། འདིར་ལམ་དུས་ཉམས་སུ་ལེན་པའི་སྐབས་སུ་མན་ངག་མང་པོ་ཚང་ཚུལ་མདོ་ཙམ་བཤད་ན་ལྔ་སྟེ། དམིགས་པ་ཐམས་ཅད་རྫོགས་པར་ཚང་ཚུལ། །ལམ་འབྲས་ཀྱི་གཙོ་བོའི་དམ་ཚིག་ལྔ་ཚང་ཚུལ། རྩ་བ་དང་ཡན་ལག་གི་ལྟུང་བ་རང་འགགས་སུ་འགྲོ་ཚུལ། ལམ་འབྲས་ཀྱི་དམ་ཚིག་ཉི་ཤུ་ཚང་ཚུལ། ཐ་མལ་གྱི་ཀུན་སྤྱོད་ཐམས་ཅད་སྔགས་ལམ་དུ་འགྱུར་ཚུལ། སྔགས་བདག་སྔགས་དང་མི་འབྲལ་བའི་ཕན་ཡོན་ཏེ་དྲུག་གོ། །དང་པོ་ནི། སྔོན་འགྲོ་སྣང་གསུམ་གྱི་ཐོག་མར་སྐྱབས་སེམས་ཡོད་པ་དེ། འདིར་སྒྲུབ་ཐབས་ཀྱི་དབུ་ནས་འབྱུང་བ་དེས་ཚང་༑ དེ་བཞིན་དུ། མ་དག་པའི་སྣང་བའི་སྐབས་ཀྱི་འཁོར་བའི་ཉེས་དམིགས། རྒྱུ་འབྲས། དལ་འབྱོར་རྙེད་དཀའ་དྲན་པའི་དམིགས་པ་རྣམས། འདིར་སེམས་ཅན་ཐམས་ཅད་ལ་དམིགས་པའི་

― JKT006_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་རྗེ་བསྒོམ་པའི་སྐབས་སུ། སེམས་ཅན་གྱི་སྡུག་བསྔལ་སོགས་ཡིད་ལ་དྲན་པར་བྱེད་པས་ཚང་། ཉམས་སྣང་གི་སྐབས། བྱམས་སྙིང་རྗེ། སྨོན་འཇུག་དོན་དམ་གྱི་བྱང་སེམས་ཡོད་པ་རྣམས། །འདིར་ཡང་ཚད་མེད་བཞི་བསྒོམ་པ་བྱམས་སྙིང་རྗེ། ཡན་ལག་བདུན་པ་དང་རིགས་ལྔའི་སྡོམ་བཟུང་གི་སྐབས་སུ་སྨོན་འཇུག་ཡེ་ཤེས་ཚོགས་གཉིས་དོན་དམ་བྱང་སེམས་རྣམས་ཚང་། དག་སྣང་གི་སྐབས་སུ་བདེ་བར་གཤེགས་པའི་ཡོན་ཏན་ཡིད་ལ་དྲན་པའི་དམིགས་པ་ནི། སྐྱབས་འགྲོ་སོགས་ཀྱི་སྐབས། སངས་རྒྱས་ཡོན་ཏན་དྲན་ནས་དེའི་གོ་འཕང་ཐོབ་པར་འདོད་པས་སྐྱབས་སུ་འགྲོ་བའི་ཕྱིར་ཚང་༑ དངོས་གཞི་རྒྱུད་གསུམ་གྱི། ཀུན་གཞི་རྒྱུ་རྒྱུད། རྒྱུ་རིགས་སྤང་བྱ་ལ་ལྟོས་པ་རང་གྲུབ་དང་། རྐྱེན་ལ་བལྟོས་པ་ནི་སྔར་བྱམས་སོགས་ཐུན་མོང་བའི་ལམ་རྣམ་འབྱུང་བས་ཚང་། ལུས་ཐབས་རྒྱུད་ལ། གཞི་དམ་ཚིག་ལ་གནས་པར་བྱ་བ་དང་། ལམ་ཉམས་སུ་བླང་བ་གཉིས་ཀྱི། དང་པོ་དམ་ཚིག་མ་ཐོབ་པ་ཐོབ་པར་བྱེད་པ་དབང་དང་། ཐོབ་པ་མི་ཉམས་པར་སྲུང་བ་དམ་ཚིག་གི་ཚོགས་བསྐྱང་བ་གཉིས་ཀྱི། དང་པོ་ལ་གསུམ་ལས། སྟ་གོན་དང་། ཕྱི་ནང་གི་འཇུག་པ་ནི། ཚོགས་ཞིང་སྤྱན་སྔར་རིགས་ལྔའི་སྡོམ་བཟུང་ལན་གསུམ་བྱས་པས་ཚང་། དངོས་གཞི་ལུས་དཀྱིལ་ལ་བརྟེན་

― JKT006_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་དབང་བཞི་རྫོགས་པར་བླངས་པས་ཚང་། གཉིས་པ་ལ། བསྲུང་། བཟའ། མི་འབྲལ་བ། བསྟེན་པའི་དམ་ཚིག་བཞི་ལས། དང་པོ་ནི། རྩ་བ་དང་ཡན་ལག་གི་ལྟུང་བ་སྲུང་བས་ལྟུང་བ་རང་འགགས་སུ་འགྲོ། གཉིས་པ་ནི། བདུད་རྩི་མྱོང་བའི་ཡན་ལག་དང་། ཁ་ཟས་སྦྱིན་སྲེག་གི་ཚུལ་དུ་རོལ་པས་ཚང་། གསུམ་པ་ནི། ནང་དོན་གྱི་རྡོར་དྲིལ་ལམ་དུ་གསུངས་པ་དེས་ཚང་། བཞི་པ་ནི། བསྐྱེད་རྫོགས་ལམ་གྱི་གཙོ་བོ་ཡིན་པས་ཚང་ངོ་། །གཉིས་པ་ལམ་ཉམས་སུ་བླང་བ་ལ། ལྟ་བ་འཁོར་འདས་དབྱེར་མེད་དང་། ཐབས་ལམ་དབང་བཞིའི་ལམ་གཉིས་ལས། དང་པོ་ནི། ཡེ་ཤེས་ཚོགས་བསག་གི་སྐབས་སུ་ཚང་། དེ་ཡང་རྒྱས་པར་འཁོར་འདས་དབྱེར་མེད་ཀྱི་འཁྲིད་བཞིན་བསྒོམས་ལ། སྤྱིར་བསྐྱེད་རྫོགས་གང་བསྒོམ་ཀྱང་ཐད་སོར་ལྟ་བ་ལ་གནས་པར་བྱ། གཉིས་པ་ལ་བཞི་ལས། དང་པོ་བུམ་དབང་གི་ལམ་བསྐྱེད་རིམ་ལ་བྱ་བ་དང་། སེམས་འཛིན་གཉིས་ལས། དང་པོ་ནི། སྒྲུབ་ཐབས་ཚང་བར་ཤར་བསྒོམ་དང་། བཟླས་པ་དང་། མཆོད་གཏོར་གྱི་རྣལ་འབྱོར་བྱས་པས་ཚང་། གཉིས་པ་ནི། སྤྱན་དབུས་མར་སེམས་འཛིན་པ་སོགས་ཀྱིས་ཚང་། གཉིས་པ་གསང་དབང་གི་ལམ་ལ། གཏུམ་མོའི་དམིགས་པ་རྒྱས་པར། གཞུང་ཁྲིད། དེའང་བསྡུ་ན་།

― JKT006_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ་བཞི་ལྡན། དེའང་བསྡུ་ན་དམིགས་པ་གཅིག་སྟེ། འདིར་བསྐྱེད་རིམ་གྱི་རྗེས་སུ་འཁོར་ལོ་བཞི་ལྡན་གྱི་དམིགས་པ་གཙོ་བོ་ཡིན་པས་ཚང་། ཤེར་དབང་གི་ལམ། རང་འོད་ཀྱི་ཡུམ་དང་བཅས་པའི་བདེ་བ་བསྒོམ་པ་དང་། དབང་བཞི་པའི་ལམ། བདེ་བ་དེ་ཡང་སྟོང་པར་ཤར། སྟོང་པ་ཉིད་ཡིན་བཞིན་བདེ་བར་ཤར། དེའང་བདེ་སྟོང་ཟུང་དུ་འཇུག་ཡེ་ཤེས་འདི་ནི་ལ་སེམས་མཉམ་པར་འཇོག་པས་ཚང་ངོ་། །གཉིས་པ་ནི། རང་གཞན་གྱི་དོན་གཉིས་སྒྲུབ་པར་བྱེད་པ་བྱང་ཆུབ་སེམས་གཉིས་དང་མི་འབྲལ་བ། ཕུང་པོ་ལྔ་དུལ་བ། ཁམས་བཞི་འདུས་པ། སྐྱེ་མཆེད་དྲུག་ཡུལ་སྲུང་བའི་དམ་ཚིག་དང་ལྔ་ལས། དང་པོ་དོན་དམ་ཡེ་ཤེས། གཉིས་པ་ཀུན་རྫོབ་བྱང་སེམས། གསུམ་པ་གཙོ་བོ་ཡབ་ཡུམ་ཕྱོགས་བཞིའི་ལྷ་མོ་དང་བཅས་པ། བཞི་པ་ཁམས་སྦྱོང་བྱེད་པུཀྐ་སཱི་ཡི་སོགས་མཚམས་བཞིའི་ལྷ་མོ། ལྔ་པ་མིག་ཏུ་གཏི་མུག་རྡོ་རྗེ་མ་སོགས་བསྒོམ་པས་ཚང་། གསུམ་པ་ནི། བླ་མ་དང་དཀྱིལ་འཁོར་གྱི་གཙོ་བོ་དབྱེར་མེད་དུ་བསྒོམས་ནས་སྐྱབས་སུ་འགྲོ་བ་དང་། ཚོགས་ཞིང་གི་སྐབས་སུ་རིགས་བདག་ཏུ་བྱས་པ་དང་། མི་བསྐྱོད་པའི་སྡོམ་བཟུང་སྐབས་སློབ་དཔོན་བཟུང་བ་རྣམས་ཀྱིས་རྩ་བའི་ལྟུང་བ་དང་པོ་རང་འགགས་སུ་འགྲོ། ལུང་རྟོགས་ཀྱིས་བསྡུས་པའི་ཆོས་ཐམས་

― JKT006_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་སྐྱབས་ཡུལ་དུ་བྱས་པ་དང་། འོད་དཔག་མེད་ཀྱི་སྡོམ་པ་བཟུང་བས་ལྟུང་བ་གཉིས་པ་རང་ཟ འཁོར་གྱི་ལྷ་མོ་དང་གྲོགས་དམ་ཚིག་ཅན་དགེ་འདུན་དུ་བྱས་པས་གསུམ་པ༴ སེམས་ཅན་ལ་ཚད་མེད་བཞི་བསྒོམ་པས་བཞི་པ སྨོན་འཇུག་ཡང་ཡང་བྱས་པས་ལྔ་པ༴ དྲུག་པ་གཉིས་པའི་ཁོངས་སུ་འདུ། བསྐྱེད་རྫོགས་ཀྱི་ལམ་གསང་བའི་ཚུལ་དུ་སྤྱོད་པས་བདུན་པ༔ ཕུང་པོ་གཤེགས་པ་འབྱུང་བ་གཤེགས་མར་བསྒོམ་པས་བརྒྱད་པ༔ ཡེ་ཤེས་ཀྱི་ཚོགས་བསགས་སྟོང་པ་ཉིད་བསྒོམ་པ་ལ་བརྟེན་ནས་ཆོས་ཐམས་ཅད་སྟོང་པ་ཉག་གཅིག་གི་རོལ་པར་འབྱམས་པས་དགུ་པ༴ སྲུང་འཁོར་སྐབས་བསྟན་ལ་གནོད་པའི་དགྲ་བགེགས་ལོག་འདྲེན་ཐམས་ཅད་ཚར་གཅོད་པས་བཅུ་པ༴ ཡེ་ཤེས་ཚོགས་བསག་གི་རྗེས་ལྷ་དང་གཞལ་ཡས་གསལ་སྟོང་ཟུང་འཇུག་ཏུ་བསྒོམ་པས་བཅུ་གཅིག་པ༴ མ་བསྒྲལ་བསྒྲལ་སོགས་སེམས་ཅན་བློ་ཚོད་དང་མཐུན་པར་ཆོས་བསྟན་པས་བཅུ་གཉིས་པ༔ ཁ་ཟས་སོགས་ཀྱི་བཅུ་གསུམ་པ༴ འཁོར་གྱི་ལྷ་མོ་དགེ་འདུན་དུ་བྱས་པ་དང་། དབང་གསུམ་པའི་སྐབས་སུ་རིག་མའི་དམ་ཚིག་ལ་བསྟེན་པས་བཅུ་བཞི་པ་རང་འགགས་སུ་འགྲོ། དེས་ན་ཡན་ལག་གི་ལྟུང་བ་མི་འབྱུང་། ཅུང་ཟད་བྱུང་ཡང་ལམ་གྱི་ཐུན་བཞིར་དབང་བླངས་པས་སོར་ཆུད་པའི་དགོས་

― JKT006_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཡོད་དོ། །ཕྱི་མ་གསུམ་ནི་རྟོགས་པར་སླ་བས་མ་བཤད་ཅིང་། དོན་དུ་གཉེར་ན་རྗེ་རྡོ་རྗེ་འཆང་གི་གསུང་སྒྲོས་འདུལ་བ་བཟང་པོས་མཛད་པ་སོགས་ལས་ཤེས་པར་བྱོས་ཤིག །ས་མཔ་མེ་ཐེ།

འཆི་མེད་གྲུབ་པའི་བདེན་ཚིག་གི་རྣམ་འགྲེལ་ཉུང་ངུ་ཚིག་དོན་གྱི་ས་བོན།

― JKT006_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

འཆི་མེད་གྲུབ་པའི་བདེན་ཚིག་གི་རྣམ་འགྲེལ་ཉུང་ངུ་ཚིག་དོན་གྱི་ས་བོན་ཅེས་བྱ་བ་བཞུགས་སོ། །ཐམས་ཅད་མཁྱེན་པའི་ཡེ་ཤེས་སྐུ། །རྒྱལ་སྲས་འཇམ་དཔལ་གཞོན་ནུའི་དངོས། །གཞན་%ཕན་ཕ་མཐའ་ཡས་པ་ཡིས། །བྱང་ཆུབ་བར་དུ་སྐྱོང་གྱུར་ཅིག །དེ་ལ་འདི་སྐད་ཅེས་རྗེས་སུ་ཐོས་ཏེ། གང་གི་ཚེ་གཟོད་མ་ནས་ཤིན་ཏུ་རྣམ་པར་དག་པའི་ཡེ་ཤེས་རིགས་ཐམས་ཅད་ཀྱི་ཁྱབ་བྱེད་ཀུན་ཏུ་འཆང་བའི་གོ་འཕང་ལས་གཞར་ཡང་མ་གཡོས་བཞིན་དུ། མི་སློབ་པའི་ཟུང་འཇུག་དག་པ་སྒྱུ་མའི་སྣང་བརྙན་ཅིར་ཡང་འཆར་བ་ལས། རེ་ཞིག་བཅོམ་ལྡན་འདས་གཟུགས་ཀྱི་རྒྱལ་པོའི་མཚན་གཞན་དུ་བསྒྱུར་བ་ནི། འཇིག་རྟེན་གྱི་མིག་གཅིག་པུ་བེ་རོ་ཙ་ན་རཀྴི་ཏ་སོགས་མཁས་པ་དང་། གྲུབ་པའི་སྐྱེ་སྲིད་བགྲང་ལས་འདས་པ་བཟུང་བའི་མཐར། ཆེས་ཆེར་ཤིན་ཏུ་སྙིགས་མའི་དུས་འདིར་རྒྱལ་བའི་བསྟན་པ་སྤྱི་དང་། བྱེ་བྲག་རྡོ་རྗེ་ཐེག་པ་ནང་རྒྱུད་སྡེ་གསུམ་གྱི་བསྟན་པའི་མེ་རོ་གསར་དུ་སློང་བའི་ཤིང་རྟ་ཆེན་པོ་རྒྱལ་བའི་སྲས་པོ་གཞན་ཕན་མཐའ་ཡས་འོད་ཟེར་ཞེས་བྱ་བ་སྨྲ་བའི་ཁྱུ་མཆོག་

― JKT006_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

རླབས་པོ་ཆེའི་གནས་ཐོབ་པའི་ཉིན་མོར་བྱེད་པ་ཞིག་འཇིག་རྟེན་དུ་ཤར་བར་གྱུར་ཏོ། །དེའི་ཚེ་དེའི་དུས་ན་རིག་པ་དང་གྲོལ་བའི་ཡོན་ཏན་རྨད་དུ་བྱུང་བ་དཀྱིལ་འཁོར་རྒྱ་མཚོའི་རྡོ་རྗེའི་སློབ་དཔོན་པདྨ་དབང་རྒྱལ་རྡོ་རྗེ་ཞེས་བྱ་བ་སྔ་འགྱུར་གྱི་བསྟན་འཛིན་བྱེ་བའི་དབུས་ན་མངོན་པར་མཐོ་བ་གང་དེས་འདི་སྐད་ཅེས་རྗེས་སུ་དགོངས་ཏེ། ཀྱེ་མ་དེང་གི་དུས་འདི་ནི་ཧ་ཅང་སྙིགས་མར་སྤྱོད་པས་ཡིད་སྲུབས་ཀྱི་ཚོགས་སྟོབས་རྒྱས་པའི་མཐུས། འཇིག་རྟེན་གསུམ་ན་རྙེད་པར་དཀའ་བའི་བཤེས་གཉེན་དམ་པ་འདི་ལྟ་བུ་ཞིག་བཞུགས་སུ་ཟིན་ཀྱང་ཡུན་རིང་དུ་འཚོ་ཞིང་གཞེས་པར་དཀའ་བས་ན། བླ་མ་ལ་བདག་གིས་ནི་རྗེ་རང་ཉིད་ཀྱི་ཐུགས་རྒྱུད་བསྐུལ་ཏེ་བདེན་ཚིག་གི་བདུད་རྩིས་འཆི་མེད་གྲུབ་པའི་པདྨོ་གསར་དུ་བཞད་པར་བགྱིའོ་སྙམ་དུ་དགོངས་སོ། །དགོངས་ནས་ཀྱང་གསུང་གི་ཟིལ་མངར་མཎྜལ་གྱི་རྟེན་དང་བཅས་ཏེ་གསོལ་བ་བཏབ་པ་ན། འཇམ་མགོན་བླ་མ་ཉིད་ཀྱིས་ཀྱང་ཚིག་ཉུང་ཞིང་དོན་བསམ་གྱིས་མི་ཁྱབ་པའི་ཚིགས་སུ་བཅད་པ་འདི་ཉིད་སྩལ་བས་དགེ་མཚན་གྱི་སྣང་བ་ཅིར་ཡང་བྱས་པར་གྱུར་ཏོ་ཞེས་གྲགས་སོ། །དེ་ནས་ཅུང་ཞིག་ལོན་པ་ན། སླར་ཡང་རྗེ་ཉིད་ཀྱི་ཞབས་རྡུལ་སྤྱི་བོའི་རྒྱན་དུ་འཛིན་པའི་བློ་གསལ་རིག་པར་སྨྲ་བ་དག་གིས། ཁོ་བོ་ཅག་ལ་ཚིག་དང་དོན་གྱི་ཆ་

― JKT006_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་བར་གྱིས་ཤིག་ཅེས་མཉན་པར་འོས་པའི་ངག་གིས་མཚམས་སྦྱར་ནའང་མི་མཁས་པ་དང་། མ་སྦྱངས་པ་དང་། རྣམ་པར་གཡེང་བའི་གཞན་དབང་གིས་སྨྲ་བར་འོས་པའི་སྐབས་མ་མཆིས་མོད། །དེ་ལྟར་ནའང་དམ་པའི་གསུང་རྣར་གཟོན་བགྱིད་པར་ཕོངས་ནས་ཚིག་འགྲེལ་མདོར་བསྡུས་སུ་འཆད་པ་ལ་གསུམ། ཀླད་དང་། གཞུང་དང་། མཇུག་གི་དོན་ནོ། །དང་པོ་ནི། ཨོཾ་སྭ་སྟི། ཞེས་པ་སྟེ༑ ཚིག་རྒྱན་གྱི་གཞུང་ལས། ཤིས་བརྗོད་ཕྱག་བྱ་རོས་བོ་ནི། །ངེས་པར་བསྟན་པའང་དེ་ཡི་སྒོ། །ཞེས་བསྟན་བཅོས་རྩོམ་པ་ལ་འཇུག་པའི་སྒོ་གསུམ་དུ་གསུངས་པའི་ནང་ཚན་ལེགས་སྦྱར་གྱི་སྐད་དུ་ཤིས་པར་བརྗོད་པའི་ཚིག་གིས་མདུན་བསུ་བ་སྟེ། དེ་ཡང་གང་གིས། བ།ང་ལ། ཇི་ལྟར་ཤེས་པར་བྱ་བའི་ཚུལ་ཏེ་གསུམ་ལས། དང་པོ་ནི། ཨོཾ་ཞེས་པ་སཾ་སྐྲྀ་ཏའི་གཞུང་མིང་དང་རྟགས་རྗེས་སུ་སྟོན་པའི་བསྟན་བཅོས་ལས་དོན་དུ་མ་ཅན་གྱི་སྡེ་ཚན་དུ་བཀླགས་ཤིང་། དེ་དང་མཐུན་པར་རྒྱུད་རྡོ་རྗེ་རྩེ་མོ་ལས། ཨོཾ་ནི་ཅི་ཞིག་ཡིན་པར་བཤད། །མཆོག་དང་ནོར་སྟེར་དཔལ་དང་གཡང་། །སྐལ་བཟང་རྣམ་པ་དང་ལྡན་པ།. །དམ་བཅའ་བ་དང་བཀྲ་ཤིས་དོན། །ནོར་པུ་འཛིན་པའི་སྙིང་པོ་ཡིན། །ཅེས་དོན་བདུན་ལ་འཇུག་ཅིང་རིག་སྔགས་ཀྱི་ནོར་བུ་འཛིན་པར་གསུངས་པ་ལས། འདིར་རེ་

― JKT006_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་བཀྲ་ཤིས་པའི་འཇུག་པའི་དབང་དུ་བྱས་ཏེ་བཤད་ན། འཇམ་དཔལ་སྒྱུ་འཕྲུལ་དྲྭ་བ་ལས། ཆོས་༡ཤེས་བཀྲ་ཤིས་བཀྲ་ཤིས་༢འབྱུང་། །བཀྲ་ཤིས་༣ཀུན་གྱི་བཀྲ་ཤིས་༤པ། །གྲགས་༥པའི་བཀྲ་ཤིས་སྙན་གྲགས་དགེ། །ཞེས་སྤྱིར་བཀྲ་ཤིས་པའི་ཚིག་གཅིག་ཉིད་བཤད་པའི་གཞིར་བཞག་སྟེ། ངོ་བོ་དང་། བྱེད་ལས། འབྲས་བུ་དང་། དེའི་ཁྱད་པར་དང་མཐར་ཕྱིན་པ་སྟེ་རྣམ་པ་ལྔའི་སྒོ་ནས་ཚོགས་སྦྱོར་མཐོང་སྒོམ་མི་སློབ་པའི་ལམ་ལྔར་བྱེ་བྲག་ཏུ་འཇུག་པའི་ཚུལ་རྒྱ་ཆེར་བཤད་དུ་ཡོད་ལ། དེ་ལྟ་བུའི་ལམ་ལྔ་མཐར་ཕྱིན་པ་ནི་རྫོགས་པའི་སངས་རྒྱས། ལམ་རང་གི་ངོ་བོ་ནི་འགོག་པ་དང་། དེས་མཚོན་པར་བྱེད་པ་ལམ་བདེན་གྱི་དམ་ཆོས། དེ་དག་སྒྲུབ་ཅིང་འཆད་པར་བྱེད་པ་དགེ་འདུན། དེ་གསུམ་ངོ་བོ་དབྱེར་མེད་པའི་བླ་མ་སྟེ། མདོར་ན་བླ་མ་དང་དཀོན་མཆོག་གསུམ་མཚོན་པར་བྱེད་པས་ན་གང་གིས་ཤིས་པར་བྱེད་པ་པོའོ། །གཞན་ཡང་འདི་ལ་ཐུན་མོང་རིག་བྱེད་ཀྱི་གཞུང་ལས་གྲགས་པའི་ངེས་ཚིག་གི་བཤད་པ་དང་། ཁྱད་པར་གསང་སྔགས་ནང་གི་ངེས་དོན་དང་སྦྱར་བའི་བཤད་པ་རྒྱ་ཆེར་མཆིས་ཀྱང་ཡི་གེས་འཇིགས་པས་མ་སྤྲོས་སོ། །གཉིས་པ་ནི། དངོས་སུ་གཞུང་བསྐུལ་ཞིང་རྩོམ་པ་པོ་དང་། བརྒྱུད་ནས་ཉམས་སུ་ལེན་པ་མཐའ་དག་གོ། །

― JKT006_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་པ་ནི། སྭ་སྟི། ཞེས་པ་སྟེ་མིང་གི་གཙུག་ལག་ལས། སྭ་སྟི་ཤིས་པ་དགེ་ལེགས་དང་། །བསོད་ནམས་དང་ནི་ཤིན་ཏུ་དགའ། །ཞེས་དོན་དུ་མ་ལ་འཇུག་པར་བཤད་པས། སྐབས་འདིར་བདེ་ལེགས་སུ་གྱུར་ཅིག །ཅེས་གནས་སྐབས་སུ་མངོན་པར་མཐོ་བའི་བདེ་བ་དང་། མཐར་ཐུག་ངེས་པར་ལེགས་པའི་གོ་འཕང་ལ་དབང་འབྱོར་བའི་བཀྲ་ཤིས་དང་དགེ་མཚན་གྱི་སྣང་བས་ཡོངས་སུ་ཁྱབ་པར་གྱུར་ཅིག །ཅེས་སྨོན་པའི་ཚིག་གིས་མཐར་བརྒྱན་པའོ། །གཉིས་པ་གཞུང་གི་དོན་ལ་གསུམ་ལས། དང་པོར་གཙོ་བོར་བསྐྱེད་པ་མ་ཧཱ་ཡོ་གའི་གཞུང་དང་སྦྱར་བ་ནི། སྣང་བཏགས་ཆོས་ཀུན་བདེན་པས་སྟོང་པ་དང་། །ཞེས་སོགས་ཚིགས་བཅད་གཅིག་སྟེ། དེ་ཡང་སྙིང་པོའི་རྒྱུད་ཕྱི་མ་ལས། རྒྱུད་ནི་རྒྱུན་ཆགས་ལ་བཤད་དེ། །ཐབས་དང་རྒྱུ་ལས་འབྲས་བུའོ། །ཞེས་གསུངས་པ་ལྟར་གཞི་ལམ་འབྲས་བུའི་རྒྱུད་ཀྱི་ངེས་གསང་དང་སྦྱར་ན། དང་པོ་ནི། འདི་ལྟར་ཆོས་ཐམས་ཅད་གནས་ལུགས་དོན་དམ་པའི་ངོས་ནས་སྤྲོས་པའི་མཐའ་བ་གང་དུའང་མ་གྲུབ་ཀྱང་། སྣང་ཚུལ་ཀུན་རྫོབ་ཀྱི་ངོས་ནས་རྒྱུ་རྐྱེན་སྣ་ཚོགས་པའི་རྟེན་འབྲེལ་ལས་རྨི་ལམ་དང་སྒྱུ་མ་ལྟར་ཤར་ཅིང་། ཤར་དུས་ཉིད་ནས་དེ་དང་དེར་འདོགས་བྱེད་ཀྱི་བློས་ཕར་སོ་སོར་བཏགས་པ་ཙམ་མ་གཏོགས། གང་ཟག་དང་ཆོས་ཀྱིས་

― JKT006_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ཏུ་ཕྱེ་བའི་དོན་རང་གི་ངོས་ནས་གཅིག་དང་དུ་མའམ། རྒྱུ་དང་འབྲས་བུ་ལ་སོགས་པ་གང་དུ་གྲུབ་པའི་རིག་པས་དཔྱད་ན་བདེན་པའི་དངོས་པོར་གྲུབ་པ་རྡུལ་ཙམ་ཡང་མ་མཆིས་པའི་ཕྱིར་སྟོང་པ་དང་། རྟེན་འབྱུང་དབྱེར་མེད་པའི་དོན་ལ་ངེས་ཤེས་གཏིང་ཚུགས་པ་ཉིད་གཞིར་བཞག་སྟེ། དེ་ལྟ་བུའི་འོད་གསལ་སྟོང་པ་ཉིད་ཀྱི་གནས་ལུགས་གང་ཞིག་སངས་རྒྱས་ཐམས་ཅད་ཀྱི་ཆོས་ཀྱི་སྐུ་ཡིན་པའི་རྒྱུ་མཚན་གྱིས། སྟོང་གཞི་ཆོས་ཅན། གཟུགས་ཀྱི་སྐུར་བསྒྲུབ་སྟེ་ཀུན་རྫོབ་ཏུ་ཡང་ཆོས་ཐམས་ཅད་འཁོར་འདས་དབྱེར་མེད་ལྷག་པའི་ཆོས་སྐུ་ཆེན་པོར་གཏན་ལ་དབབ་པ་ནི་སྔགས་ཀྱི་ཁྱད་ཆོས་ཏེ། སྒྱུ་འཕྲུལ་ལས། ཐབས་ཀྱི་ཐེག་པ་ཆེན་པོ་ནི། །རྣམ་པར་བྱང་དང་སྡུག་བསྔལ་དག །ཀུན་རྫོབ་ཏུ་ཡང་དབྱེར་མེད་དེ། །ལྟ་བ་མཐོ་དམན་དེ་ཙམ་མོ། །ཞེས་སོ། །དེས་ན་སྣང་བས་བཏགས་པའི་ཆོས་ཀུན་བདག་གཉིས་ཀྱི་བདེན་པས་སྟོང་པའི་སྟོང་ཉིད་ཆོས་སྐུ་དང་། དེའི་སྟོང་གཞི་ཆོས་ཅན་གཟུགས་ཀྱི་སྐུ་མཉམ་པར་སྦྱོར་བ་སྟེ་དབྱེར་མེད་པའི་ཡེ་ཤེས་ནི་གཞིའི་གནས་ལུགས་འོད་གསལ་མཆོག་གི་རྡོ་རྗེ་སེམས་དཔའ་ཞེས་བྱ་སྟེ། སྤྱིར་འོད་གསལ་ལ་གཞི་ལམ་འབྲས་གསུམ་དང་། ལམ་ལའང་སྤྱི་སྦས་དཔེ་དོན་མཐར་ཐུག་སོགས་སུ་དབྱེ་བ་ལས། འདིར་སྐབས་དོན་སྔ་མ་

― JKT006_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་བཟུང་ཞིང་། དེ་ཉིད་ལས་གཞན་པའི་བསྒྲུབ་བྱ་ཁྱད་པར་ཅན་གུད་ན་མ་དམིགས་ཤིང་སྤྲོས་པའི་འགྱུར་བ་སྤངས་པའི་ཕྱིར་མཆོག་ཏུ་མི་འགྱུར་བའི་ཡེ་ཤེས་དང་། རྡོ་རྗེ་ཤེས་རབ་སྟོང་པ་ཉིད་དང་༑ སེམས་དཔའ་སྙིང་རྗེ་ཆེན་པོ་ལ་འཇུག་པས། སྐབས་འདིར་ཀཱ་རུ་ཎའི་སྒྲ་དོན་གཞན་བདེ་པ་འགོག་པ་སྟེ། ཟག་བཅས་ཀྱི་བདེ་བ་སྤངས་པའི་ཟག་མེད་བདེ་བའི་ཡེ་ཤེས་རང་ཆས་སུ་བཞུགས་པ་ལ་བདེ་སྟོང་ཟུང་འཇུག་གི་སྒྲས་ཀྱང་སྨོས་པ་ཉིད་གང་རྟོགས་པར་བྱ་བའི་གཞི་ཉིད་དུ་རྣམ་པར་འཇོག་གོ། །དེ་ལས་གཞན་ཡང་རང་རྒྱུད་དུ་གྲུབ་པའི་ལྷ་དང་། གཞན་རྒྱུད་དུ་གྲུབ་པའི་ལྷ་ལ་མཆོག་དམན་བལྟ་མིན་གྱི་སྒོ་ནས་ཕྱི་རྒྱུད་སྡེ་གསུམ་གྱི་ལྟ་བ་འཇོག་ཚུལ་དང་། དེ་ཡི་དབང་གིས་མཚན་བཅས་ལྷ་བསྒོམ་པ་དང་། མཚན་མེད་ལྷར་སྣང་སྒྱུ་མ་ལ་བརྟེན་ནས་བལྟས་པ་ལ་སོགས་པའི་བདེ་བས་ཡེ་ཤེས་འདྲེན་ཚུལ་སོགས་ཁྱད་པར་ཅན་འཆད་དུ་ཡོད་ཀྱང་རེ་ཞིག་དེ་ཙམ་མོ། །གཉིས་པ་ལམ་ནི། རྟེན་གྱི་གང་ཟག་ངེས་འབྱུང་དང་སྙིང་རྗེ་ཆེན་པོས་རྒྱུད་འབྱོངས་པའི་རྡོ་རྗེའི་སློབ་མ་དད་བརྩོན་བརྟུལ་ཞུགས་དང་ལྡན་པས། རང་བཞིན་བརྒྱད་ལྡན་གྱི་རྡོ་རྗེ་སློབ་དཔོན་ལས། རྒྱུ་གཉིས་དང་རྐྱེན་བཞིའི་སྦྱོར་བས་ཕན་ནུས་ཟབ་མོའི་དབང་གིས་རྒྱུད་སྨིན་པར་བྱས་ཏེ་དམ་ཚིག་དང་སྡོམ་པའི་ཀུན་

― JKT006_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་ལ་གནས་པ་གཞིར་བཞག་ནས་ལམ་ལ་འཇུག་པར་བྱའོ། །དེ་ལ་ལམ་ཐམས་ཅད་ཐབས་ཤེས་སམ་ཐབས་གྲོལ་གཉིས་སུ་འདུ་བའི་ཚུལ་དང་། དེ་གཉིས་ཀྱང་སྤྱོད་ཚུལ་ཤས་ཆེ་ཆུང་ལས་ཡ་བྲལ་མ་ཡིན་པ་དང་། སྒྱུ་འཕྲུལ་རང་ལུགས་དབང་གསུམ་པའི་ཉམས་ལེན་ཁོ་ན་ཐབས་ལམ་དུ་བཞག་པའང་ཐབས་ཁྱད་པར་ཅན་གྱི་ཕྱིར་སྤྱི་མིང་བྱེ་བྲག་ལ་བཏགས་པའི་ཚུལ་རྣམས་ཀྱང་ཁོང་དུ་ཆུད་པར་གཅེས་ལ། འདིར་ནི་སྐབས་དོན་གྲོལ་ལམ་ཉིད་ཅུང་ཟད་བཤད་ན། མ་ཧཱ་ཡོ་ག་ཏན་སྡེ་བཅོ་བརྒྱད་ཀྱི་རྩ་བའི་རྒྱུད་གསང་བ་སྙིང་པོ་ལས། ཤེས་འཇུག་མཚན་ཉིད་འབྱོར་པའི་གཟུངས། །འབྲས་བུ་སྨིན་བྱེད་རྒྱུ་དང་རྐྱེན། །ནུས་མཐུ་ཅན་དུ་གང་གྱུར་པ། །རིག་འཛིན་རྒྱལ་བའི་ཞིང་དུ་གྲགས། ཞེས་གསུངས་པའི་དོན། སྔར་སྨོས་པ་ལྟར་རྒྱུ་ཤེས་པའི་མཚན་ཉིད་ལྟ་བ་ལུང་རིག་མན་ངག་གི་སྒོ་ནས་གཏན་ལ་ཕབ་སྟེ། རྐྱེན་འཇུག་པའི་མཚན་ཉིད་སྣང་ལུགས་ཀུན་རྫོབ་ཀྱི་བདེན་པ་གཙོ་བོར་ལམ་དུ་བྱེད་པ་བསྐྱེད་རིམ་དང་། གནས་ལུགས་དོན་དམ་གྱི་བདེན་པ་གཙོ་བོར་ལམ་དུ་བྱེད་པ་རྫོགས་རིམ་སྟེ། དེ་སོ་སོར་སྟོང་པ་ཆེན་པོ་དང་། སྙིང་རྗེ་སྒྱུ་མ་དང་། ཕྱག་རྒྱ་གཅིག་པ་དང་། ཕྱག་རྒྱ་སྤྲོས་བཅས་དང་། ཚོམ་བུ་ཚོགས་སྒྲུབ་རྣམས་ཚུལ་བཞིན་དུ་ཉམས་སུ་བླངས་པ་སྟེ། དེ་ཡང་

― JKT006_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ལམ་དུ་རིམ་པ་སྔ་མ་གཉིས་དང་བསྐྱེད་རིམ་ཕྱག་རྒྱ་གཅིག་པ་དང་འབྲེལ་བའི་དབེན་གསུམ་ལ་མཉམ་པར་བཞག་པས་ལྷར་སྣང་སྒྱུ་མ་ལ་སེམས་རྩེ་གཅིག་པའི་སྣང་ཕྱོགས་དང་། རྣམ་པ་དེས་དབེན་པའི་སྟོང་ཉམས་སུ་འབྱམས་པ་སྟོང་ཕྱོགས་ཏེ་ཉམས་སྐྱོན་ཅན་གཉིས་དང་། འོད་གསལ་དུ་སོགས་ཀྱི་ཉམས་ཤར་བ་ཟུང་འཇུག་གི་ངོ་བོ་ཉིད་ནི་ཉམས་སྐྱོན་མེད་དེ། དེ་ཉིད་ནས་སྦྱོར་ལམ་དྲོད་ཀྱི་སྣེ་ཟིན་ཅིང་། བསྐྱེད་རིམ་ཕྱག་རྒྱ་སྤྲོས་བཅས་དང་འབྲེལ་བར་སྒྱུ་ལུས་དག་རིམ་པར་བསྒོམ་ཞིང་དཔེའི་ཡེ་ཤེས་ཡང་ཡང་བསྐྱང་སྟེ། ཚོམ་བུ་ཚོགས་སྒྲུབ་ཀྱི་སྤྱོད་པའི་ཉེ་རྒྱུས་བོགས་དབྱུང་བས། སྔར་རྒྱུ་དུས་སུ་བླ་མས་ངོ་སྤྲད་པ་དང་། ཐོས་བསམ་ཙམ་ལས་སྐྱེས་པའི་འཁོར་འདས་དབྱེར་མེད་དམ་བདེན་པ་དབྱེར་མེད་པའི་དོན་གྱི་ཡེ་ཤེས་མངོན་སུམ་དུ་རྟོགས་པ་ལ་གྲུབ་མཐའ་འཁོར་འདས་དབྱེར་མེད་ཅེས་འཇོག་ཅིང་། མི་འགྱུར་བའི་འབྲས་བུ་རླུང་སེམས་ཙམ་ལས་གྲུབ་པའི་སྒྱུ་མའི་སྐུ་རྣམ་པར་སྨིན་པ་དང་། དེ་ཉིད་འོད་གསལ་དུ་བཅུག་པས་མཐོང་ལམ་མངོན་དུ་བྱས་ནས་ལམ་མཆོག་ཡོངས་སུ་རྫོགས་པའི་ཚེ་དབང་རིག་འཛིན་དག་ཐོབ་ལ། དེ་ནས་སྒོམ་ལམ་དངོས་དང་། མི་སློབ་པའི་ལམ་གྱི་ཉེར་བསྡོགས་སློབ་པའི་ཟུང་འཇུག་གིས་བསྡུས་པའི་ཕྱག་ཆེན་དང་ལྷན་གྲུབ་རིག་འཛིན་

― JKT006_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

དག་རིམ་བཞིན་དུ་ཐོབ་པར་འགྱུར་རོ། །གསུམ་པ་འབྲས་བུ་ནི། སློབ་པའི་ཟུང་འཇུག་ཉིད་འབྲས་བུའི་འོད་གསལ་དུ་སྦྱངས་ཤིང་། མི་སློབ་པའི་ཟུང་འཇུག་གི་སྐུ་ཁ་སྦྱོར་ཡན་ལག་བདུན་དང་ལྡན་པ། རིགས་ཐམས་ཅད་ཀྱི་ཁྱབ་བྱེད་ཀུན་བཟང་རྡོ་རྗེ་འཆང་ཆེན་པོའི་གོ་འཕང་མངོན་དུ་བྱས་པའང་བླ་མའི་ཐུགས་རྣམ་པར་མི་རྟོག་པའི་ངོ་བོ་གསལ་སྟོང་ཟུང་འཇུག་གི་ལྡོག་པ་ལས་ཤར་བའི་ཚུལ་སོ་སོ་དང་རིག་པའི་ཡེ་ཤེས་ཀྱིས་ཁོང་དུ་ཆུད་པའི་བདེན་པས། རྒྱལ་བའི་སྲས་བྱང་ཆུབ་སེམས་དཔའ་རིག་པ་འཛིན་པ་བྱེ་བའི་ཁྱུ་མཆོག་ཁྱོད་ཉིད་ཞབས་ཀྱི་པདྨོ་བསྐལ་པ་རྒྱ་མཚོར་བརྟན་ཅིང་ཆོས་ཀྱི་འཁོར་ལོ་དུས་རྟག་ཏུ་བསྐོར་བར་གྱུར་ཅིག །ཅེས་ཤིས་པར་བརྗོད་པའི་རྒྱན་དུ་བྱས་པ་སྟེ། ཚིག་རྒྱན་གྱི་གཞུང་ལས། མངོན་པར་འདོད་པའི་དངོས་པོ་ལ། །སྨོན་པ་ཤིས་བརྗོད། ཅེས་གསུངས་པའི་ཕྱིར་རོ། །གཉིས་པ་གཙོ་བོར་རྫོགས་པ་ཨ་ནུ་ཡོ་གའི་གཞུང་དང་སྦྱར་བ་ནི། མ་དག་རླུང་སེམས་དྷ་ཏིའི་གཞན་དབང་དུ། །ཞེས་སོགས་ཚིགས་སུ་བཅད་པ་གཅིག་སྟེ། དེ་ཡང་ཨ་ནུའི་མདོ་ལུང་། ཐམས་ཅད་ཀྱི་རྩ་རྒྱུད་ཀུན་འདུས་རིག་པ་ལས། བྱ་བ་རྒྱུ་ཡི་རྣལ་འབྱོར་དང་། བྱེད་པ་རྐྱེན་གྱི་རྣལ་འབྱོར་དང་། བྱ་བྲལ་འབྲས་བུའི་རྣལ་འབྱོར་རོ། །ཞེས་རྒྱུ་རྐྱེན་འབྲས་བུའི་རྣལ་འབྱོར་གསུམ་དུ་

― JKT006_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་པའི། དང་པོ་ནི། ཆོས་ཐམས་ཅད་ཀྱི་གནས་ལུགས་དབྱིངས་སྟོང་པ་ཉིད་དང་རིག་པའི་ཡེ་ཤེས་དབྱེར་མེད་པའོ། །གཉིས་པ་ནི། ལམ་གྱི་རྩོལ་བ་དང་བཅས་པའི་བྱེད་པས་གོང་མའི་ལམ་སྟེགས་སམ་རྐྱེན་དུ་གྱུར་པ་མཚན་ཉིད་སྡེ་གསུམ་མོ། །གསུམ་པ་ནི། བདེན་གཉིས་དབྱེར་མེད་དུ་རྟོགས་པས་འབྲས་བུ་གཞན་ནས་མི་འཚོལ་བ་སྔགས་ཕྱི་ནང་གི་ཐེག་པ་སྟེ། དེ་ལས་ཁྱད་པར་མདོ་རང་ལུགས་ཀྱི་ལམ་ལ། ཐབས་ངེས་པ་དང་། ཤེས་རབ་རྣམ་པར་གྲོལ་བའི་ལམ་རྗེས་འབྲངས་དང་བཅས་པ་ལས་འདིར་ཕྱོགས་གཅིག་ཏུ་མདོར་བསྡུས་ཏེ་འཆད་ན། ཐུན་མོང་གི་ལམ་གྱིས་རྒྱུད་སྦྱངས་ཤིང་། སྨིན་བྱེད་ཀྱི་དབང་ཕྱི་ནང་སྒྲུབ་གསང་བཞིས་བསྡུས་པ་ལས་ཀྱང་། གཉིས་པ་དང་གསུམ་པ་དག་རྩལ་དུ་བཏོན་པས་རྒྱུད་སྨིན་ཅིང་སྤྱི་དང་བྱེ་བྲག་གི་དམ་ཚིག་རྣམ་པར་དག་པས། ཆོས་ཐམས་ཅད་ཀྱི་གཤིས་ལུགས་དཀྱིལ་འཁོར་རྣམ་གསུམ་མ་འདྲེས་ཡོངས་རྫོགས་སུ་གནས་པ་ཉིད་གྲོལ་ལམ་རྟོག་དཔྱོད་ཀྱི་རྗེས་སུ་འཇུག་པ་ལྟ་བས་གཏན་ལ་ཕབ་སྟེ། དོན་གྱི་རྗེས་སུ་འཇུག་པ་རྣམ་པར་མི་རྟོག་པའི་ཡེ་ཤེས་དང་། ཡི་གེའི་རྗེས་སུ་འཇུག་པ་བསྐྱེད་རིམ་ཇི་རིགས་པ་དང་འབྲེལ་བའི་སྒོ་ནས་གཙོ་བོར་ཐབས་ལམ་གྱི་རྫོགས་རིམ་ལ་འཇུག་པ་སྟེ། དེ་ཡང་དགའ་བ་བཞིས་དྲངས་པའི་ལྷན་

― JKT006_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་དཔེ་ཡི་འོད་གསལ་ཉིད་བསྒྲུབ་བྱར་བྱས་ཏེ། སྒྲུབ་བྱེད་ཀྱི་ཐབས་སྟེང་འོག་གི་སྒོ་གཉིས་ལས། འདིར་སྔ་མ་ལྟར་བཤད་ན། འཁོར་བར་འཆིང་བྱེད་ཀྱི་གཙོ་བོ་མ་དག་པའི་ལས་ཀྱི་རླུང་ཉི་ཁྲི་ཆིག་སྟོང་དྲུག་བརྒྱ་དང་། གཟུང་འཛིན་གྱི་སེམས་རྟོག་ཚོགས་བརྒྱད་ཁྲི་བཞི་སྟོང་ས་བོན་དང་བཅས་པ། ཁྱབ་བྱེད་རླུང་གི་རྣལ་འབྱོར་བདུན་དང་། རྣམ་པར་མི་རྟོག་པའི་ཡེ་ཤེས་ཟུང་འབྲེལ་ལས་མཉམ་པར་འཇོག་པ་སོགས་བྱེད་པ་སྡོམ་པའི་ཐབས་ཀྱིས་དྷ་ཏི་སྟེ་གཟུང་འཛིན་གཉིས་སྤངས་པའི་འོད་གསལ་གྱི་རྩ་དབུ་མའི་དབྱིངས་སུ་ཐིམ་ནས་རྣམ་པར་རྟོག་པ་ཡེ་ཤེས་ཀྱི་གཞན་དབང་དུ་གྱུར་པ་དང་། ནང་གི་ཉི་མ་ལྟེ་འོག་གི་གཏུམ་མོར་ཕན་པ་སྟེ་གནས་སྐོབས་སུ་ཚིམ་པ་དང་། མཐར་ཐུག་དེ་ལས་སྐྱེས་པའི་བདེ་སྟོང་དགའ་བ་བཞིའི་ཡེ་ཤེས་ཀྱི་དཔྱིད་ཆེན་པོ་སྦྱིན་པར་མཛད་པ་ནང་གི་ཟླ་བ་ཧཾ་ཡིག་བྱང་ཆུབ་ཀྱི་སེམས་བདུད་རྩིར་ཞུ་བའི་བཏུང་བ། ཁྱབ་བྱ་གཏུམ་མོའི་འབར་འཛག་གིས་འཁོར་ལོ་བཞིར་རིམ་པར་དྲངས་པའི་མཐར་རྡོ་རྗེ་ནོར་བུའི་རྩེ་མོའི་རྒྱུན་མཐའ་རུ་སོང་ནས། སླར་རླུང་འཕོ་བ་དང་བྲལ་བའི་སྟོབས་ཀྱིས་ཕྱིར་འཛག་མེད་དུ་འཆིང་བ་དང་། བཟློག་ཁྱབ་བསྲེ་བའི་སྦྱོར་བས་བགྲང་ཡས་པའི་རྩའི་འཁོར་ལོ་ཐམས་ཅད་ཁྱབ་པས་དཔེ་ཡི་ཡེ་ཤེས་ཡང་ཡང་དྲངས་པ་དང་།

― JKT006_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་རིག་གི་ཕྱག་རྒྱའི་ཉེ་རྒྱུས་མཚམས་སྦྱོར་བ་དང་བཅས་པས་ཚོགས་ལམ་འདུན་པ་སེམས་པ་དང་། སྦྱོར་ལམ་རིག་ཆེན་འབྱེད་པ་དག་ཐོབ། དོན་གྱི་ཡེ་ཤེས་ཕྱོགས་གཅིག་པ་མཐོང་ལམ་དབུགས་ཆེན་འབྱིན་པ་མངོན་སུམ་དུ་བྱས། དེ་ལས་ལངས་པ་ན་སྒོམ་ལམ་ལུང་ཆེན་ཐོབ་པ་དང་། མཐར་ལམ་རྩལ་ཆེན་རྫོགས་པ་དག་བགྲོད་ནས། རྟེན་དེ་ལ་འདོད་ཆགས་ཆེན་པོའི་དབང་གིས་ཁུ་རྡུལ་རླུང་གསུམ་ཕྲ་མོ་སྟེང་འོག་ཏུ་འགགས་པའི་དེ་མ་ཐག་པར་འགྱུར་བདེ་མྱོང་བའི་རིག་ཤེས་ཀྱང་རྒྱུན་ཆད་དེ་སེམས་རྟོག་མེད་ཆོས་ཀྱི་སྐུ་དང་། ལུས་ཟག་མེད་འཇའ་ཚོན་གྱི་སྐུ་དབྱེར་མེད་པའི་མི་སློབ་པའི་ཟུང་འཇུག་གི་གོ་འཕང་མངོན་སུམ་དུ་བརྙེས་པ་གང་ཁྱོད། དོན་དམ་པར་སྐྱེ་འགག་ལ་སོགས་པའི་མཚན་མ་མ་དམིགས་ཀྱང་། ཀུན་རྫོབ་ཚུ་རོལ་མཐོང་བའི་བྱིས་པ་སོ་སོ་སྐྱེ་བོའི་བློ་ཅན་རྣམས་ཀྱི་ངོར་ཡང་འཕོ་འགྱུར་གྱི་མཚན་མ་མི་གཞེས་པར་མཐའ་ཡས་པའི་བསྐལ་པ་རྒྱ་མཚོར་དུས་རྟག་ཏུ་ཞབས་པད་བརྟན་པར་ཤོག་ཅིག་ཅེས་མངོན་པར་འདོད་པའི་དོན་ལ་སྨོན་པའི་ཚིག་གིས་མཐའ་བརྒྱན་པའོ། གསུམ་པ་གཙོ་བོར་རྫོགས་པ་ཆེན་པོ་ཨ་ཏི་ཡོ་གའི་གཞུང་དང་སྦྱར་བ་ནི། དོན་དམ་ཀ་ནས་དག་པའི་སྤྲོས་བྲལ་དང་། །ཞེས་སོགས་ཚིགས་བཅད་གཅིག་སྟེ། དེའང་འོད་གསལ་རྫོགས་པ་ཆེན་པོ་མན་

― JKT006_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

ངག་སྡེ་རྒྱུད་བཅུ་བདུན་གྱི་རྩ་བ་སྒྲ་ཐལ་འགྱུར་ལས། ཡེ་ཤེས་རང་རིག་གནས་པ་ལ། །གསུམ་གྱི་ཚུལ་གྱིས་དབྱེར་མེད་དོ། །ཞེས་གཞི་ཀ་དག་དང་ལྷུན་གྲུབ་ཟུང་འཇུག་གི་ཚུལ་གཏན་ལ་ཕབ་ནས། ལམ་ཁྲེགས་ཆོད་དང་ཐོད་རྒལ་དབྱེར་མེད་པར་ཉམས་སུ་བླངས་པས། འབྲས་བུ་སྐུ་དང་ཡེ་ཤེས་རང་ཤར་བའི་ཕྱིར་གཞི་ལམ་འབྲས་གསུམ་དུ་རྣམ་པར་བཞག་པ་ལས། དང་པོ་ནི། །གཞི་ངེས་པ་དང་མ་ངེས་པར་འདོད་པ་སོགས་ཕྱོགས་རེར་འཆེལ་བ་གཞན་དག་ལུང་རིག་གིས་བསལ་ནས། ཀ་དག་གི་ཡེ་གཞི་ཉིད་སྐྱོན་མེད་དུ་ཁས་བླངས་པ་སྟེ། དེ་ཡང་དོན་དམ་པར་ཆོས་ཐམས་ཅད་ཀྱི་ངོ་བོ་ཀ་ནས་ཏེ་ཟོད་མ་ནས་རྣམ་པར་དག་པས་ཡོད་མེད་རྟག་ཆད་སྐྱེ་འགག་གཅིག་དང་དུ་མ་སོགས་གཉིས་སྣང་དང་བཅས་པའི་བློ་ཡི་ཡུལ་གང་དུའང་མ་གྲུབ་པའི་སྤྲོས་བྲལ་སྟོང་པ་ཉིད་དང་། དེའི་རང་བཞིན་གསལ་ཆ་རྟེན་ཅིང་འབྲེལ་བར་འབྱུང་བའི་ཚུལ་འགག་མེད་ལྷུན་གྱིས་གྲུབ་པར་འཆར་བའང་། ཐུགས་རྗེ་རང་རིག་པའི་ཆོས་ཅན་དུ་མཐོང་ནས་གཟུང་འཛིན་གྱི་ཆོས་ཟད་པའམ། དེ་ལས་གཞན་དུ་སྒྲོ་བཏགས་པའི་དབང་གི་གྲོལ་འཁྲུལ་གྱི་འཇུག་ལྡོག་བྱེད་པ་སྟེ། རྡོ་རྗེ་སེམས་དཔའ་སྙིང་གི་མེ་ལོང་གི་རྒྱུད་ལས། གཞི་དེ་ཡང་ངོ་བོ་སྟོང་པ། རང་བཞིན་གསལ་བ། ཐུགས་རྗེ་

― JKT006_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཅན་ལ་སྣང་ནུས་པའོ། །ཞེས་གསུངས་པའི་ཕྱིར་རོ། །གཉིས་པ་ནི། ཐུན་མོང་གི་གྲུབ་མཐས་བློ་བསྒྱུར་བ་སྔོན་དུ་སོང་བས། དབང་བཞི་པ་ཉིད་ལས་རིམ་པར་ཕྱེ་བའི་སྤྲོས་བཅས་ལ་སོགས་པའི་དབང་བཞི་དང་དེའི་གཞི་རྟེན་དམ་ཚིག་གི་ཀུན་སྤྱོད་ཁྱད་པར་ཅན་གྱིས་གོ་ཕྱེ་ནས་ཁྲེགས་ཆོད་དང་ཐོད་རྒལ་གྱི་ལམ་ཟབ་མོར་འཇུག་པར་བྱ་སྟེ། དང་པོ་ནི། ཐལ་འགྱུར་ལས། ཤེས་རབ་ཕ་རོལ་ཕྱིན་པའི་མཐའ། །སྣང་བ་ཐད་དཀར་གཅོད་ལ་འདུས། །ཞེས་གསུངས་པ་ལྟར། གྲོལ་ལུགས་བཞིའི་སྒོ་ནས་ཆོས་ཐམས་ཅད་ཀྱི་གནས་ལུགས་སྟོང་པའི་འོད་གསལ་གྱི་ངང་དུ་ཡུལ་ཡུལ་ཅན་གྱི་སྤྲོས་པ་ཐད་ཀར་གཅོད་པ་སྟེ། གནས་ལུགས་དེ་ཉིད་གཟོད་མ་ནས་སྤྲོས་པའི་ཆོས་ཀྱིས་གོས་མ་མྱོང་བའི་ཕྱིར། ཡེ་གྲོལ། དེ་ལྟར་ཡིན་པ་ལ་གཟོད་གཉེན་པོས་བསྐྱར་ནས་དགྲོལ་དུ་མེད་པའི་ཕྱིར་རང་གྲོལ། གཟུང་འཛིན་གྱི་མཚན་མ་ཐད་ཀར་གཅོད་པ་ཅེར་གྲོལ། དུས་གསུམ་དུ་ཤེས་བྱ་བློའི་ཡུལ་དང་། ལྷན་ཅིག་མི་གནས་པའི་ཕྱིར་མཐའ་གྲོལ་ལོ། །གཉིས་པ་ནི། སྒྲོན་མ་བཞི་ལ། གནད་དྲུག་གིས་ཉམས་སུ་བླངས་པས། རང་འབྲས་སྣང་བ་བཞི་མཐར་ཕྱིན་པ་སྟེ། དེ་ཡང་སེམས་ཀྱི་ཆོས་ཉིད་རང་བཞིན་རྣམ་པར་དག་ཅིང་ཅིར་ཡང་འཆར་དུ་རུང་བ་ཤེས་རབ་རང་བྱུང་། སྙིང་ནས་

― JKT006_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

མིག་ཏུ་འབྲེལ་བའི་རྩ་རྒྱང་ཞགས་ཆུ། སྤྲིན་བྲལ་ནམ་མཁར་མཐིང་ཞུན་ལྟ་བུའི་འོད་ཟླུམ་དག་པ་དབྱིངས་རྡོ་རྗེ་ལུ་གུ་རྒྱུད་གསེར་སྐུད་ལྡིང་བ་ལྟ་བུ་ཐིག་ལེ་སྟོང་པའི་སྒྲོན་མ་ཞེས་ངེས་པར་བྱས་ནས། བཅའ་བ་ལུས། འཁྲིད་པ་དབྱིངས། འགྲོ་འོང་རླུང་། འཆར་བྱེད་སྒོ། འཆར་བྱ་ཡུལ། རྩ་བ་སེམས་ཀྱི་གནད་རྣམས་རྡོ་རྗེ་སློབ་དཔོན་གྱི་གསུང་གི་བདུད་རྩིས་ཇི་ལྟར་སྐབས་དབྱེ་བ་བཞིན་བརྩོན་པས། དྭངས་པའི་ཆུ་ལ་ཉི་མ་འཆར་བའི་འོད་སྟེང་གི་ནམ་མཁའ་ལ་ཕོག་པ་བཞིན་རིག་གདངས་རྡོ་རྗེ་ལུ་གུ་རྒྱུད་མཐོང་བ་ཆོས་ཉིད་མངོན་སུམ་དུ་སྣང་བའི་འོད་གསལ་གང་ཞིག །རང་རིག་པའི་རྩལ་ལས་གཞན་དུ་མ་དམིགས་པའི་ཕྱིར་གཉིས་སུ་འཛིན་པའི་མཐའ་སྤངས་ཏེ་སྣང་སྟོང་གི་འོད་གསལ་ཟུང་འབྲེལ་དུ་བསྐྱངས་པས། སྣང་བའི་འོད་གསལ་ཉིད་ཆེས་ཆེར་མཆེད་པ་ཉམས་གོང་འཕེལ་དང་། རིག་གདངས་ཀྱི་འཕེལ་ཆ་དེ་ལས་བོགས་དབྱུང་དུ་མེད་པར་ཐོབ་པ་རིག་པ་ཚད་ཕེབས་དང་། ལྟོས་གཞིའི་ཆོས་ཅན་གྱི་འཇུག་པ་ཟད་པས་དེ་ལ་ལྟོས་པའི་ཆོས་ཉིད་ཀྱང་ངོ་བོ་ཉིད་ཀྱིས་རང་བཞིན་མ་གྲུབ་པས་ཆོས་ཉིད་ཟད་པ་སྟེ་ལམ་སྣང་བ་བཞི་རིམ་གྱིས་བགྲོད་པའི་མཐར། གསུམ་པ་ནི། རང་བཞིན་རྫོགས་པ་ཆེན་པོ་ཞེས་གཞི་ལམ་འབྲས་གསུམ་གྱི་ལྡོག་ཆ་ཐ་དད་པ་ལས། འདིར་ཕྱི་

― JKT006_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་དབང་དུ་བྱས་ན། གཞི་དེ་ལས་འཕགས་པའི་གཞི་སྣང་ཁྱད་ཆོས་དྲུག་ལྡན་རང་བཞིན་ཀ་དག་གི་ཡེ་ཤེས་གཅིག་པུའི་ཀློང་དུ་མི་སློབ་པའི་ཟུང་འཇུག་ལོངས་སྐུ་རྣམ་པ་གཉིས་དང་། སྤྲུལ་པའི་སྐུ་གསུམ་སོགས་སྐུ་དང་ཡེ་ཤེས་རྒྱ་མཚོ་ལྟ་བུ་ས་བོན་གྱི་ཚུལ་དུ་རྫོགས་པ་མངོན་སུམ་དུ་བྱས་པ་ན། དེ་ལས་གོང་དུ་འཐོབ་བྱ་གཞན་མ་དམིགས་པའི་ཕྱིར་ཆེན་པོའི་སྒྲས་སྨོས་པའམ། ཡང་མ་ཧཱ་སནྣི་ཞེས་པའི་སྒྲ་ལས་དྲངས་ན་མཉམ་པའི་བློ་ཆེན་པོ་སྟེ། སྐུ་གསུམ་མཉམ་པ་ཉིད་ནང་དབྱིངས་གཞོན་ནུ་བུམ་སྐུར་གྲགས་པ་ངོ་བོ་ཉིད་ཀྱི་སྐུ་དང་། དེའི་ལྡོག་ཆ་ཟག་པ་མེད་པའི་བློའམ་ཡེ་ཤེས་ཀྱི་རྣམ་རོལ་སྐུ་གསུམ་དང་། རྟག་ཅིང་ཁྱབ་དང་ལྷུན་གྱིས་གྲུབ་པའི་ཕྲིན་ལས་ཆེན་པོ་ལ་དབང་འབྱོར་པའི་ཕྱིར་རྒྱུན་གྱིས་རྟག་པ་འཕོ་བ་ཆེན་པོའི་གོ་འཕང་ལས་གཞར་ཡང་མི་གཡོ་བའི་ཚུལ་གདུལ་བྱ་ཐུན་མོང་བའི་སྣང་ངོར་ཀྱང་མངོན་དུ་མཛད་ནས་འཆི་མེད་རྡོ་རྗེའི་གཟུགས་སྐུ་ནམ་མཁའ་ཇི་སྲིད་བར་དུ་བཞུགས་པར་གྱུར་ཅིག་ཅེས་བདེན་པའི་ཚིག་གིས་མཚམས་སྦྱར་བའོ། །མདོར་ན་ཚིགས་སུ་བཅད་པ་འདི་གསུམ་དུ་སྔ་འགྱུར་རྡོ་རྗེ་ཐེག་པ་ནང་རྒྱུད་སྡེ་གསུམ་གྱི་བརྗོད་བྱ་མཐའ་དག་དངོས་ཤུགས་ཇི་རིགས་པའི་སྒོ་ནས་འདུས་པས་ན། དེ་དང་དེའི་གཞུང་སོ་སོ་དང་སྦྱར་བའི་བཤད་པ་དང་། བྱེ་བྲག་ཏུ་

― JKT006_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་རྫོགས་སྡེ་གསུམ་དང་། དབང་བཞིའི་ལམ་འབྲས་བུ་དང་བཅས་པ་དག་ཕན་ཚུན་ལྟོ་སྦྱར་ཏེ། ཐུན་མོང་བ་དང་མི་འགལ་ཞིང་། ཐུན་མོང་མ་ཡིན་པ་དག་མ་འདྲེས་པའི་ཚུལ་གྱིས་རྒྱ་ཆེར་སྤྲོས་པས་ཆོག་གོ། །ཞར་ལ་གསོལ་འདེབས་འདི་ཉིད་ཉམས་སུ་བསྟར་བའི་སྐབས་ཀྱི་དམིགས་རྣམ་ཅུང་ཟད་བཤད་ན། ངེས་འབྱུང་དང་། ལྷག་པའི་བསམ་པས་གཞི་བཟུང་ཞིང་། བླ་མའི་རྣམ་ཐར་ལ་མི་ཕྱེད་དད་པའི་གདུང་ཤུགས་དྲག་པོས་རྒྱུད་བསྐུལ་ཏེ། མདུན་གྱི་ནམ་མཁར་ཡིད་འཕྲོག་མཆོད་པའི་སྤྲིན་ཕུང་སྣ་ཚོགས་པའི་དབུས་སུ། རྗེ་བཙུན་བླ་མ་དམ་པ་ཉིད་ད་ལྟའི་སྐུ་ཡི་རྣམ་པ་ཇི་ལྟ་བ་ལ། གཞོན་ཚུལ་མཚན་དཔེའི་གཟི་བྱིན་མཆོག་ཏུ་འབར་ཞིང་། ན་བཟའ་གཟབ་འཕྱོར་གྱི་རྣམ་པ་ཅན་དུ་བསྒོམ་པ་ནི་རྟེན་འབྲེལ་གྱི་གནད་ཡིན་པས། དེ་ལྟར་ལེགས་པར་གསལ་ཐེབས་པ་དང་། །སྤྲོ་ན་ཡན་ལག་བདུན་པ་སྔོན་དུ་འགྲོ་བས། ཚིག་དོན་ཡིད་ལ་དྲན་བཞིན་པའམ། དེ་ཙམ་མི་ནུས་ཀྱང་ཞབས་པད་བརྟན་པར་སྙིང་ཐག་པ་ནས་གསོལ་བ་ལན་ཇི་ལྟར་རིགས་པ་གདབ་པས། རྗེ་བཙུན་བླ་མས་ཀྱང་དགྱེས་བཞིན་དུ་ཞལ་གྱིས་བཞེས་ཏེ། སྐུ་ཡི་ཆ་ཐམས་ཅད་ནས་འོད་ཟེར་བསམ་གྱིས་མི་ཁྱབ་པ་འཕྲོས་པས། འཁོར་འདས་ལམ་གསུམ་གྱི་ཚེ་བསོད་དཔལ་འབྱོར་ཡེ་ཤེས་ཐམས་ཅད་འོད་

― JKT006_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེར་བདུད་རྩིའི་རྣམ་པར་སྤྱན་དྲངས་ནས་ཐིམ་པའི་སྐད་ཅིག་དེ་ཉིད་ལ་མགོན་པོ་ཚེ་དཔག་ཏུ་མེད་པའི་སྐུར་གྱུར་ཏེ་ཇི་སྲིད་འཁོར་བ་མ་སྟོང་བར་དུ་ཆོས་འཁོར་བསྐོར་བཞིན་དུ་བཞུགས་པར་བསམས་ལ་བསྔོ་སྨོན་གྱིས་རྒྱས་གདབ། རང་དོན་དུ་ཚེ་སྒྲུབ་བྱེད་ནའང་།. ཕྱག་གི་བུམ་པ་ལས་འཆི་མེད་བདུད་རྩིའི་རྒྱུན་དཔག་ཏུ་མེད་པ་བབས། རང་གི་སྤྱི་བོ་ནས་ཞུགས། ལུས་ཀྱི་ནང་གང་། ནད་གདོན་སྡིག་སྒྲིབ་ཐམས་ཅད་དག་ཅིང་འཆི་མེད་ཚེའི་དངོས་གྲུབ་ཐོབ་པར་བསམས་ལ་ཚེ་གཟུངས་བཟླ་བའང་བྱ་ཞེས་མན་ངག་རིག་པ་རྣམས་ཀྱིས་གསུངས་སོ། །གསུམ་པ་མཇུག་གི་དོན་ནི། ཞེས་པའང་མཆོག་གི་རྡོ་རྗེའི་སློབ་དཔོན་སོགས་སྦྱར་བྱང་གི་མཇུག་བསྡུ་བ་སྟེ་གོ་སླ་བས་མ་སྤྲོས་སོ། །འཆི་མེད་གྲུབ་པའི་རྡོ་རྗེའི་ཚིག །ཅུང་ཟད་བཤད་པའི་ལེགས་བྱས་ཀྱིས། །ཁྱབ་བདག་འཇམ་དབྱངས་བླ་མ་ཆེའི། །ཞབས་པད་བསྐལ་བརྒྱར་བརྟན་གྱུར་ཅིག །ཅེས་པའང་རིས་མེད་པའི་ཡོངས་འཛིན་དམ་པ་རྣམས་ཀྱི་གསུང་གི་བདུད་རྩི་མང་དུ་ཐོབ་ཀྱང་སྙོམས་ལས་ཁོ་ནའི་གཞན་དབང་དུ་གྱུར་པའི་ཀུན་རྨོངས་ཀུན་ཏུ་རྒྱུ་འཇམ་དབྱངས་མཁྱེན་བརྩེའི་དབང་པོས། རྗེ་བླ་མ་ཉིད་ཀྱི་གསུང་འགའ་ཞིག་མཐོང་བ་དང་། ཅུང་ཟད་ཐོས་པ་ཉིད་གཞིར་བྱས་ཏེ་ཨོ་རྒྱན་སྨིན་གྲོལ་གླིང་ངེས་པ་དོན་གྱི་དགའ་

― JKT006_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཚལ་ཆེན་པོར་ཟིན་བྲིས་སུ་ཤིན་ཏུ་སྙིང་པོར་དྲིལ་བའི་ཚུལ་གྱིས་ཤར་མར་སྤེལ་བ་སྟེ། ནོངས་པའི་ཚོགས་རྣམས་ཡེ་ཤེས་གཟིགས་པ་དམ་པས་བསལ་དུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། ༈ །།སྦྱངས་པའི་ཡོན་ཏན་བཅུ་གཉིས་ཀྱི་རྣམ་པར་བཤད་པའི་ལེའུ་ཚན་ནོ། །ན་མཤཱཀྱ་མུ་ན་ཡེ། སྤྱིར་སྦྱངས་པའི་ཡོན་ཏན་ལ་བཅུ་གཉིས་ཡོད་དེ། ཟས་ཀྱི་དབང་དུ་བྱས་པ་གསུམ། གོས་ཀྱི་དབང་དུ་བྱས་པ་གསུམ། གནས་མལ་གྱི་དབང་དུ་བྱས་པ་དྲུག་ཡོད་པས་སོ། །ཟས་ཀྱི་དབང་དུ་བྱས་པ་གསུམ་ནི། བསོད་སྙོམས་པ་དང་། སྟན་གཅིག་པ་དང་། ཟས་ཕྱིས་མི་ལེན་པའོ། །དང་པོ་ལ་རྙེད་པས་ཆོག་པའི་བསོད་སྙོམས་པ་དང་། མཐར་གྱིས་སློང་བའི་བསོད་སྙོམས་པ་གཉིས་སུ་ཕྱེ་ན་སྦྱངས་པའི་ཡོན་ཏན་བཅུ་གསུམ་དུ་འགྱུར། གོས་ཀྱི་དབང་དུ་བྱས་པ་གསུམ་ནི། ཆོས་གོས་གསུམ་པ་དང་། ཕྱིར་བ་པ་དང་། ཕྱགས་དར་ཁྲོད་པའོ། །གནས་མལ་གྱི་དབང་དུ་བྱས་པ་དྲུག་ནི། དགོན་པ་དང་། ཤིང་དྲུང་པ་དང་། བླ་གབ་མེད་པ། དུར་ཁྲོད་པ་དང་། ཙོག་པུ་དང་། གཞི་ཇི་བཞིན་པའོ། །ཁ་ཅིག་ཕྱི་མ་གཉིས་སྤྱོད་ལམ་གྱི་དབང་དུ་བྱས་པར་མཛད་ནས། གནས་མལ་གྱི་དབང་དུ་བྱས་པ་བཞི་ཡིན་ཞེས་ཟེར། དེ་དག་སོ་སོའི་ངོ་བོ་གང་ཞེ་ན། རྙེད་པས་ཆོག་པའི་

― JKT006_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

བསོད་སྙོམས་པ་ནི། འདྲིས་པའི་ཁྱིམ་ནས་ཇི་ཙམ་རྙེད་པ་ཟ་བར་བྱེད་པ་ཡིན་ལ། མཐར་གྱིས་སློང་བའི་བསོད་སྙོམས་པ་ནི། ཁྱིམ་རྣམས་སུ་རིམ་གྱིས་བརྒྱུད་དེ་བསོད་སྙོམས་ཇི་ཙམ་རྙེད་པ་ཟ་བར་བྱེད་ཀྱི། བདག་གིས་འདི་ནས་བཟའ་བ་དང་བཅའ་བ་བཟང་པོ་ཐོབ་བོ་སྙམ་ནས་མགོ་འཕང་བསྟོད་དེ་མི་འགྲོའོ། །སྟན་གཅིག་པ་ནི། སྟན་གཅིག་པོ་དེ་ལ་འདུག་ནས་ཇི་ཙམ་ཟ་བ་དེ་ཙམ་དུ་ཟ་བར་བྱེད་ཀྱི། དེ་ལས་ལངས་ནས་མི་ཟ་བའོ། །ཟས་ཕྱིས་མི་ལེན་པ་ནི། ཟས་ཀྱི་ཕྱིར་འདུག་ནས་ཇི་ཙམ་གྱིས་བདག་འཚོ་བའི་ཟས་ཐམས་ཅད་མ་བླངས་ཀྱི་བར་དུ་མི་ཟ་ཞིང་། འདིས་འཚོའོ་སྙམ་པ་དང་ཐམས་ཅད་གཅིག་ཅར་དུ་བླངས་ནས་ཟ་བའོ། །ཆོས་གོས་གསུམ་པ་ནི། སྣམ་སྦྱར། བླ་གོས། མཐང་གོས་གསུམ་གྱིས་འཚོ་བར་བྱེད་ཅིང་། དེ་ལས་ལྷག་པའི་གོས་མི་འཆང་བ་དང་། ཕྱིང་བ་པ་ནི༑ ཆོས་གོས་གསུམ་མམ། གོས་ལྷག་པ་གཅིག་འཆང་བ་ཐམས་ཅད་བལ་ལས་བྱས་པ་ཤ་སྟག་འཆང་གི། དེ་ལས་གཞན་མི་འཆང་བ་དང་། ཕྱགས་དར་ཁྲོད་པ་ནི། ལམ་པོ་ཆེ་ལ་སོགས་པར་བོར་བའི་བཤང་གཅིན་སོགས་ཀྱིས་རེག་པ་མི་གཙང་བ་རྣམས་བོར་ཏེ། རུང་བ་རྣམས་བླངས་ཏེ་བཀྲུས་དྲུབས་ཁ་དོག་བཟང་པོར་བསྒྱུར་ནས་འཆང་བར་བྱེད་པ་དང་། དགོན་པ་བ་ནི་གྲོང་དང་གྲོང་

― JKT006_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

བརྡལ་ལ་སོགས་པས་དབེན་པའི་དགོན་པ་དང་། ནགས་འདབས་ལ་སོགས་པར་གནས་པ་དང་། ཤིང་དྲུང་པ་ནི་ཤིང་ལྗོན་པའི་དྲུང་དུ་གནས་འཆའ་ཞིང་རྟེན་པར་བྱེད་པ་དང་། བླ་གབ་མེད་པ་ནི། སྟེང་གི་ཐོག་མ་བཀབ་ཅིང་མ་གཡོགས་པའི་ཕྱོགས་སུ་གནས་འཆའ་བར་བྱེད་པ་དང་། དུར་ཁྲོད་པ་ནི། གང་དུ་སྐྱེའོ་ཤིའོ་ཅོག་འདོང་བའི་དུར་ཁྲོད་དུ་གནས་འཆའ་བར་བྱེད་པ་དང་། །ཙོག་པུ་པ་ནི། ཁྲིའམ། ཁྲིའུ་འམ། རྩྭའི་སྟེང་དུ་ཙོག་པུར་འདུག་སྟེ། ཁྲི་ལ་སོགས་པར་རྒྱབ་བམ། གློས་མི་བསྟེན་པ་དང་། གཞི་ཇི་བཞིན་པ་ནི། རྩྭ་དང་ལོ་མ་ལ་སོགས་པ་བཏིང་བ་ལ་མལ་འཆའ་ཞིང་། ལན་གཅིག་ཇི་ལྟར་བཏིང་བ་མལ་འཆའ་བར་བྱེད་ཀྱི། ཡང་ཡང་དུ་བརྗེ་ཞིང་མི་འཆོས་པའོ། །དེ་དག་ནི་ཉན་ཐོས་ཀྱི་ས་ལས་ཇི་ལྟར་འབྱུང་བ་བཞིན་ཡིན་ནོ། །ཡང་ཕྱིང་བ་པ་མ་གཏོགས་པ་རྣམས་ལ་ཆུང་ངུ་། འབྲིང་། ཆེན་པོ་གསུམ་གསུམ་ཡོད་དེ། བསོད་སྙོམས་པ་ལ་གསུམ་ལས། ཆུང་ངུ་ནི། གྲོང་དུ་ཕྱིན་པ་ན་ཀུན་དགའ་ར་བར་རྙེད་པ་ལེན་པར་བྱེད་པ་དང་། འབྲིང་ནི་དེར་མི་ལེན་པར་ལམ་བར་དུ་རྙེད་པ་ལེན་པར་བྱེད་པ་དང་། ཆེན་པོ་ནི། དེར་ཡང་མི་ལེན་པར་གྲོང་ཁྱེར་གྱི་ཉེ་སྐོར་དུ་ཕྱིན་ནས་རྙེད་པ་ལེན་པར་བྱེད་པའོ། །སྟན་གཅིག་པ་ལ་ཡང་གསུམ་ལས།

― JKT006_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུང་ངུ་ནི། ཉན་པ་ལས་བཤད་པ་བཞིན་དང་། འབྲིང་ནི་སྟན་གཅིག་པོ་དེ་མ་སྤངས་ཀྱི་བར་དུ་ཟས་ཟོས་ནས་ཟས་བསོད་པ་བྱུང་ན་ལེན་པ་དང་། ཆེན་པོ་ནི། ཟོས་ནས་ཟས་བསོད་པ་ཡང་ལེན་པར་མི་བྱེད་པའོ། །ཟས་ཕྱིས་མི་ལེན་པ་ལ་ཡང་གསུམ་ལས། ཆུང་ངུ་ནི་ཁ་ལ་སོགས་པ་མ་བཀྲུས་ཀྱི་བར་དུ་ལེན་པར་བྱེད་པ་དང་། འབྲིང་ནི། ཟས་ཟ་བཞིན་དུ་གཞན་གྱིས་བསྟབས་པ་ལེན་ལ། ཁ་ལ་སོགས་པ་བཀྲུས་ནས་མི་ལེན་པ་དང་། ཆེན་པོ་ནི། སྔར་ཟས་ཐམས་ཅད་གཅིག་ཅར་དུ་བླངས་ནས་ཟས་ཟ་བཞིན་དུ་མི་ལེན་པའོ། །ཆོས་གོས་གསུམ་པ་ལ་ཡང་གསུམ་ལས། ཆུང་ངུ་ནི། ཆོས་གོས་གསུམ་དང་རས་ཆེན་གཡན་པ་དགབ་པ་སྟན་དང་གདིང་བ་བཅས་འཆང་བར་བྱེད་པ་དང་། འབྲིང་ནི། རས་ཆེན་སོགས་བཞི་རང་གིས་བྱིན་གྱིས་བརླབས་པ་མི་འཆང་ལ། གཞན་གྱིས་བྱིན་གྱིས་བརླབས་པ་ལ་ལོངས་སྤྱོད་པར་བྱེད་པ་དང་། ཆེན་པོ་ནི། ཆོས་གོས་གསུམ་ཙམ་འཆང་གི། དེ་ལས་ལྷག་པར་མི་འཆང་བའོ། །ཕྱགས་དར་ཁྲོད་པ་ལ་ཡང་གསུམ་ལས། ཆུང་ངུ་ནི། བྱི་བས་ཟོས་པ༑ ཚིག་པ། དུམ་བུར་བཅད་པ། གཞན་གྱིས་རང་གི་ཆེད་དུ་བྱས་པ་ལེན་པ་དང་། འབྲིང་ནི། རང་གི་ཆེད་དུ་བྱས་པ་མི་ལེན་པར། མ་ངེས་པར་བོར་བ་ལེན་པ་དང་། ཆེན་པོ་ནི། དེ་དག་མི་

― JKT006_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

ལེན་པར། དུར་ཁྲོད་དང་། ཕྱགས་དར་ཁྲོད་དང་། ལམ་པོ་ཆེར་ལྷུང་བ་ལེན་པའོ། །དགོན་པ་པ་ལ་ཡང་གསུམ་ལས། ཆུང་ངུ་ནི། གྲོང་ལས་གཞུ་འདོམ་ལྔ་བརྒྱས་བཅད་པའི་སར་གནས་པ་དང་། འབྲིང་ནི། གྲོང་ལས་གཞུ་འདོམ་སྟོང་ཕྲག་གཉིས་ཀྱིས་བཅད་པའི་སར་གནས་པ་དང་། ཆེན་པོ་ནི། གྲོང་ལས་གཞུ་འདོམ་སྟོང་ཕྲག་བརྒྱད་ཀྱིས་བཅད་པའི་སར་གནས་པའོ། །ཤིང་དྲུང་པ་ལ་ཡང་གསུམ་ལས། ཆུང་ངུ་ནི། ཤིང་དྲུང་ངོ་བཞི་པོ་ཐམས་ཅད་སྐྱོར་བར་གནས་པ་དང་། འབྲིང་ནི། དེར་ངོས་ཅུང་ཟད་སྐྱོར་བར་གནས་པ་དང་། ཆེན་པོ་ནི། དེར་ངོས་ཐམས་ཅད་ནས་མ་སྐྱོར་བར་གནས་པའོ། །བླ་གབ་མེད་པ་ལ་ཡང་གསུམ་ལས། ཆུང་ངུ་ནི། སྟེང་གི་ངོས་གསུམ་གཡོགས་ལ། གཅིག་མ་གཡོགས་པར་གནས་པ་དང་། འབྲིང་ནི། སྟེང་ངོས་གཅིག་གཡོགས་ལ་གསུམ་མ་གཡོགས་པར་གནས་པ་དང་། ཆེན་པོ་ནི། སྟེང་གི་ངོས་ཐམས་ཅད་མ་གཡོགས་པར་གནས་པའོ། །དུར་ཁྲོད་པ་ལ་ཡང་གསུམ་ལས། ཆུང་ངུ་ནི། སྔོན་དུར་ཁྲོད་ཡིན་ལ། ད་ལྟ་དུར་ཁྲོད་མ་ཡིན་པར་གནས་པ་དང་། འབྲིང་ནི། རོ་ཅུང་ཟད་སྐྱེལ་བའི་སར་གནས་པ་དང་། ཆེན་པོ་ནི། སྐྱེ་བོ་ཤིའོ་ཅོག་སྐྱེལ་བའི་སར་གནས་པའོ། །ཙོག་པུ་པ་ལ་ཡང་གསུམ་ལས། ཆུང་ངུ་ནི།

― JKT006_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

ངོས་གཉིས་སྙེས་ནས་གནས་པ་དང་། འབྲིང་ནི། ངོས་གཅིག་སྙེས་ནས་གནས་པ་དང་། ཆེན་པོ་ནི་ངོས་ཐམས་ཅད་ལ་མ་སྙེས་པར་གནས་པའོ། །གཞི་ཇི་བཞིན་པ་ལ་གསུམ་ལས། ཆུང་ངུ་ནི་ལན་། གསུམ་མལ་འཆའི་གཞན་མི་བྱེད་པ་དང་། འབྲིང་ནི། ལན་གཉིས་སུ་མལ་འཆའི་གཞན་མི་བྱེད་པ་དང་། ཆེན་པོ་ནི། ལན་གཅིག་སྟན་བཏིང་བ་ལ་མལ་འཆའི། ཡང་དང་ཡང་དུ་མི་བརྗེ་མི་འཆོས་པའོ༑ །དེ་དག་ལ་ཅིའི་ཕྱིར་སྦྱངས་པའི་ཡོན་ཏན་ཞེས་བྱ་ཞེ་ན། དཔེར་ན། བལ་མ་རྨེལ་བ་དེའི་ཚེ་སྐུད་པ་མི་རུང་ལ། རྨེལ་ནས་རུང་བ་དེ་བཞིན་དུ། བསོད་སྙོམས་དང་། ཆོས་གོས་དང་། །གནས་མལ་ལ་ཆགས་པའི་ཚེ་སེམས་ལས་སུ་མི་རུང་ལ། ཡོན་ཏན་འདི་དག་གིས་ཚངས་སྤྱོད་ལ་གནས་པར་བྱ་བའི་ཕྱིར། སེམས་ལས་རུང་དུ་སྦྱོང་བར་བྱེད་པས་དེ་སྐད་ཅེས་བྱའོ། །སྦྱངས་པའི་ཡོན་ཏན་བཅུ་གཉིས་པོ་འདི་དག་བསྟེན་པ་ལ་དགོས་པ་ཅི་ཡོད་ཅེ་ན། ཟས་ཀྱི་དབང་དུ་བྱས་པ་གསུམ་བསྟེན་པ་ལ་དགོས་པ་ཡོད་དེ། ཟས་བཟང་པོ་ལ་ཆགས་པ་སྤང་པའི་ཕྱིར་དུ་བསོད་སྙོམས་པ་དང་། །ཟས་མང་པོ་ལ་ཆགས་པ་སྤང་བའི་ཕྱིར་དུ་སྟན་གཅིག་པ་དང་། ཟས་ཕྱིས་མི་ལེན་པ་གཉིས་བརྟེན་པར་བྱ་བ་ཡིན་པའི་ཕྱིར། གོས་ཀྱི་དབང་དུ་བྱས་པ་གསུམ་བསྟེན་པ་ལ་དགོས་པ་ཡོད་དེ། གོས་མང་

― JKT006_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ལ་ཆགས་པ་སྤང་བའི་ཕྱིར་དུ་ཆོས་གོས་གསུམ་པ་དང་། གོས་འཇམ་ཞིང་རེག་ན་བདེ་བ་ལ་ཆགས་པ་སྤང་བའི་ཕྱིར་དུ་ཕྱིང་བ་པ་དང་། གོས་བཟང་པོ་ལ་ཞེན་པ་དགག་པའི་ཕྱིར་དུ་ཕྱགས་དར་ཁྲོད་པ་བསྟེན་པར་བྱ་བ་ཡིན་པའི་ཕྱིར། གནས་མལ་གྱི་དབང་དུ་བྱས་པ་དྲུག་བསྟེན་པ་ལ་དགོས་པ་ཡོད་དེ། འདུ་འཛི་ལ་ཆགས་པ་སྤང་བའི་ཕྱིར་དགོན་པ་དང་། གནས་ལ་ཆགས་པ་སྤང་བའི་ཕྱིར་ཤིང་དྲུང་པ་དང་། བླ་གབ་མེད་པ་དང་། དུར་ཁྲོད་པ་སྟེ་གསུམ་དང་། དུར་ཁྲོད་པ་ནི་འཁྲིག་པ་ལ་ཆགས་པ་སྤང་པའི་ཕྱིར་ཡང་ཡིན་ལ། གློས་འབེབས་པ་དང་ཉལ་བའི་བདེ་བ་ལ་ཆགས་པ་སྤང་བའི་ཕྱིར་ཙོག་པུ་པ་དང་། སྟན་འདིང་བ་དང་གབ་པ་ལ་ཆགས་པའི་གཉེན་པོར་གཞི་ཇི་བཞིན་པ་བསྟེན་པར་བྱ་བ་ཡིན་པའི་ཕྱིར་རོ། །སྦྱངས་པའི་ཡོན་ཏན་བཅུ་གཉིས་པོ་བརྟེན་པ་འདི་དག་ལ་ཕན་ཡོན་ཅི་ཡོད་ཅེ་ན། འདི་ལ་སྤྱིར་བསྟན་པ་དང་། སོ་སོར་ཕྱེ་ནས་བསྟན་པ་གཉིས་ལས། དང་པོ་ནི། འདི་དག་བསྟེན་པ་ལ་ཕན་ཡོན་ཡོད་དེ། གྲགས་པ་དང་རྙེད་བཀུར་ཚུལ་འཆོས་དང་ཁ་།གསགས་ཆགས་སྡང་སོགས་རིམ་གྱིས་སྤང་བར་འགྱུར་བ་དང་། བསོད་སྙོམས་དང་ཆོས་གོས་གནས་མལ་ངན་ངོན་ཙམ་གྱིས་ཆོག་ཤེས་པ་འཕགས་པའི་རིགས་ལ་གནས་པར་འགྱུར་བ་དང་། ཡོ་བྱད་

― JKT006_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

བསྙུངས་པར་འགྱུར་བ་དང་། སངས་རྒྱས་དང་ཉན་ཐོས་ཀྱིས་བསྔགས་པར་འགྱུར་བའི་ཕན་ཡོན་ཡོད་པའི་ཕྱིར་རོ། །གཉིས་པ་ནི། བསོད་སྙོམས་པ་ལ་ནི་ང་རྒྱལ་མེད་ཅིང་། བརྙས་པ་བཟོད་པ་དང་༑ ཟས་ཀྱིས་ཕོངས་པ་མེད་པ་དང་། ཟས་བཟང་པོ་དོན་དུ་གཉེར་བའི་སྡུག་བསྔལ་མི་འབྱུང་བའི་ཕན་ཡོན་ཡོད་དོ། །སྟན་གཅིག་པ་ལ་ཡང་ཟས་གཉིས་པ་ཚོལ་བ་དང་། བྱིན་ལེན་ཡང་དང་ཡང་དུ་བྱེད་པའི་གནོད་པ་མི་འབྱུང་བ་དང་། ཟོས་པ་འཇུ་ཞིང་གནོད་པ་ཆུང་བ་དང་། ལྡང་བ་ཡང་ཞིང་བདེ་བར་གནས་པའི་ཕན་ཡོན་ཡོད་དོ། །ཟས་ཕྱིས་མི་ལེན་པ་ལ་ཡང་། ཆོག་ཤེས་པ་དང་། ཟས་ལ་བརྐམ་ཆགས་མེད་པ་དང་། ཟས་ཡང་དང་ཡང་དུ་ཚོལ་བའི་གནོད་པ་མེད་པ་དང་། བསམ་གཏན་དང་ཀློག་པ་ལ་མི་གནོད་པའི་ཕན་ཡོན་ཡོད་དོ། །ཆོས་གོས་གསུམ་པ་ལ་ཡང་། ཆོས་གོས་ལྷག་པོ་ཚོལ་བའི་སྡུག་བསྔལ་མེད་པ་དང་། གོས་ཞག་བཅུ་འཆང་ཡང་ལྟུང་བ་མི་འབྱུང་བ་དང་། གོས་ལྷག་པ་བྱིན་གྱིས་རློབས་པའི་ལས་མི་འབྱུང་བ་དང་། ཡོ་བྱད་བསྙུངས་ཤིང་རྣལ་འབྱོར་དང་རྗེས་སུ་།མཐུན་པའི་ཕན་ཡོན་ཡོད་དོ། །ཕྱིང་བ་པ་ལ་ཡང་། གོས་བཟང་པོ་ལ་སྲེད་པ་མེད་པས། དེ་ཚོལ་བའི་སྡུག་བསྔལ་མེད་པ་དང་། དེ་ལ་བརྟེན་ནས་ཆར་དང་ཚ་གྲང་ལ་སོགས་པའི་གནོད་པ་བཟོད་

― JKT006_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕན་ཡོན་ཡོད་དོ། །ཕྱགས་དར་ཁྲོད་པ་ལ་ཡང་། གོས་ཀྱི་ཕྱིར་ཁྱིམ་པ་རྣམས་དང་མི་འདྲེ་བ་དང་། ཆོམ་རྐུན་པས་གླགས་མི་བལྟ་ཞིང་། གོས་བསྲུང་བའི་ཕྱིར་སྡུག་བསྔལ་མེད་པ་དང་། ཕྱོགས་གང་དུ་ཕྱིན་ཀྱང་གོས་ཀྱིས་མི་བྲེལ་བ་དང་། ལོག་འཚོའི་སྐྱོན་གྱིས་མི་གོས་པའི་ཕན་ཡོན་ཡོད་དོ། །དགོན་པ་བ་ལ་ཡང་། གྲོང་གི་འདུ་འཛི་ལ་གནས་པས། ཏིང་ངེ་འཛིན་ཐོབ་པ་དང་༑ བསྲུང་བར་མི་ནུས་ལ། འདུ་འཛི་སྤངས་ནས་དགོན་པར་མཉམ་པར་བཞག་པས། ཏིང་ངེ་འཛིན་ཐོབ་པ་དང་། བསྲུང་བར་ནུས་པ་དང་། དགེ་བ་ལ་མངོན་དུ་ཕྱོགས་པ་དང་། འགྱོད་པ་མེད་པར་འཆི་བའི་དུས་བྱེད་པའི་ཕན་ཡོན་ཡོད་དོ། །ཤིང་དྲུང་པ་ལ་ཡང་། གནས་མལ་ཚོལ་བའི་སྡུག་བསྔལ་མེད་པ་དང་། གཞན་དང་རྩོད་གཞི་མེད་པ་དང་། ཤིང་གི་ཡལ་ག་དང་ལོ་མའི་དུས་ཀྱི་འགྱུར་ལྡོག་ལ་བརྟེན་ནས་འདུས་བྱས་མི་རྟག་པར་རྟོགས་པ་དང་། གནས་མལ་ལ་ཆགས་པ་མེད་ཅིང་ཐོགས་མེད་དུ་རྒྱུ་བའི་ཕན་ཡོན་ཡོད་དོ། །བླ་གབ་མེད་པ་ལ་ཡང་། གནས་མལ་ཚོལ་བ་དང་སྦ་བ་དང་བྱི་དོར་བྱེད་པའི་སྡུག་བསྔལ་མེད་པ་དང་། རྒྱུ་སྐར་གྱི་འགྲོ་འདུག་ལ་བརྟེན་ནས་འདུས་བྱས་མི་རྟག་པར་རྟོགས་པ་ལ་སོགས་པའི་ཕན་ཡོན་ཡོད་དོ། །དུར་ཁྲོད་པ་ཡང་། དུར་ཁྲོད་དུ་མི་རྟག་པ་

― JKT006_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། མི་གཙང་བ་བསྒོམ་པ་ལ་བརྟེན་ནས་འདོད་ཆགས་སོགས་བག་མེད་པ་མི་འབྱུང་བ་དང་། ལུས་སྲོག་ལ་བལྟ་བ་བསྲབ་པར་འགྱུར་བ་དང་། དེ་ལ་བརྟེན་པའི་རྒྱགས་པ་སྤང་པའི་ཕན་ཡོན་ཡོད་དོ། །ཙོག་པུ་པར་ཡང་། །སེམས་གཉིད་དང་མལ་བདེ་བའི་དབང་དུ་མི་འགྲོ་བ་དང་། ལུས་ལ་ཆགས་པ་བསྲབ་པར་འགྱུར་བ་དང་། ལྡང་བ་ཡང་ཞིང་རྨི་ལམ་ཉུང་བ་དང་། གནས་མལ་འཚོལ་བ་དང་འཆོས་པའི་བྱ་བ་ཉུང་བའི་ཕན་ཡོན་ཡོད་དོ། །གཞི་ཇི་བཞིན་པ་ལ་ཡང་། ལན་གཅིག་ཇི་ལྟར་སྟན་བཅས་པས་ཆོག་ཤེས་ནས་གནས་མལ་འཚོལ་བའི་སྡུག་བསྔལ་མེད་པ་དང་། གནས་མལ་ལ་ཆགས་པ་མེད་པ་དང་། དོན་ཉུང་བ་དང་བྱ་བ་ཉུང་བ་ལ་སོགས་པའི་ཕན་ཡོན་རྣམས་ཡོད་དོ། །འོ་ན་སྦྱངས་པའི་ཡོན་ཏན་འདི་དག་གང་ལས་འཐོབ་ཅེ་ན། མཛོད་ལས། ལྷག་མའི་རྣམ་རིག་མིན་ཞིང་དང་། །ལེན་དང་གུས་པར་བྱེད་ལས་འཐོབ། །ཅེས་པ་ལྟར། དགེ་སློང་ལྟ་བུ་ལས་ལེན་པར་བྱེད་པ་ལས་འཐོབ་བོ། །ཚུལ་ཇི་ལྟར་ན། ཡུལ་དེ་ཕྱག་འོས་ཡིན་ན་ཕྱག་འཚལ། མདུན་དུ་ཙོག་པུར་འདུག་སྟེ། ཐལ་མོ་སྦྱར་ནས་བཙུན་པ་དགོངས་སུ་གསོལ། བདག་མིང་འདི་ཞེས་བགྱི་བ། དུས་འདི་ནས་བཟུང་སྟེ། ཇི་སྲིད་འཚོའི་བར་དུ་ཆོས་གོས་བཞི་སྤངས་ཏེ། ཆོས་གོས་གསུམ་པ་ཡང་

― JKT006_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

དག་པར་ལེན་ཏེ། བདག་ཆོས་གོས་གསུམ་པའི་ཡི་དམ་དང་ལྡན་པར་བཙུན་པས་བཟུང་དུ་གསོལ། །ཞེས་ལན་གསུམ་དང་། མཇུག་ཏུ་ཐབས་ལེགས་བྱའོ། །དེ་བཞིན་དུ་གཞན་རྣམས་ལ་ཡང་ཇི་ལྟར་རིགས་པ་ཤེས་པར་བྱའོ། །འོ་ན་སྦྱངས་པའི་ཡོན་ཏན་འདི་དག་གི་ཡི་དམ་གང་གིས་འཇིག་པའམ་གཏོང་བ་ཡིན་ཞེ་ན། མཛོད་ལས། བར་མ་ཤུགས་བླངས་བྱ་བ་དང་། །དེ་ཚེ་རྩ་བ་ཆད་པ་ལས། །ཞེས་བཤད་པ་ལྟར། འདི་ཙམ་དུ་ཞེས་བླངས་པ་ནི་བླངས་པ་ཆད་པ་དང་། བླངས་ཀྱང་བྱ་བ་ཇི་བཞིན་མི་བྱེད་ན་བྱ་བ་ཆད་པ་དང་། ཚེ་ཆད་པ་དང་། དགེ་རྩ་ཆད་པས་གཏོང་བ་དང་། །མི་བརྡ་འཕྲོད་པའི་དྲུང་དུ་བསམ་པ་ཐག་པས་ཕུལ་བས་ཀྱང་གཏོང་ལ། འབུལ་ཚུལ་ནི། ཚེ་དང་ལྡན་པ་དགོངས་སུ་གསོལ། བདག་མིང་འདི་ཞེས་བྱ་བས་ཆོས་གོས་གསུམ་པའི་ཡི་དམ་ཡང་དག་པར་བླངས་པ་ལས། ཆེ་གེ་མོའི་རྐྱེན་གྱིས་དེ་ཉིད་སླར་འབུལ་ལོ། །ཚེ་དང་ལྡན་པ་བདག་ཆོས་གོས་གསུམ་པའི་ཡི་དམ་མ་མཆིས་པར་བཟུང་དུ་གསོལ། །ཞེས་པ་ལྟ་བུའོ། །འོ་ན་འདི་དག་ལ་གནང་བ་ཡོད་དམ་མེད་ཅེ་ན། ཡོད་དེ། འདི་དག་ནི་གོས་དང་ཟས་དང་གནས་མལ་ལ་ལྷག་པར་ཆགས་པའི་གཉེན་པོར་གསུངས་པ་ཡིན་པས། སྦྱོར་བའི་དུས་སུ་འབད་རྩོལ་གྱིས་བསྒྲུབས་མི་དགོས་ཤིང་།

― JKT006_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་གཞིའི་དུས་སུ་ཆགས་ཞེན་མེད་ན། གོས་སྲང་འབུམ་རི་བ་དང་། ཁང་པ་བརྩེགས་པ་ལྔ་བརྒྱ་པ་དང་། ཟས་རོ་བརྒྱ་པ་ལ་ལོངས་སྤྱད་པར་ཆོག་པར་གསུངས་པའི་ཕྱིར། དེ་ལྟར་ཡང་མདོ་རྩ་བ་ལས༑ མྱ་ངན་ལས་འདས་པའི་བསམ་པས་རབ་ཏུ་བྱུང་བ་ཚུལ་ཁྲིམས་དང་ལྡན་པ་ལ་ནི་གོས་སྟོང་ཕྲག་བརྒྱ་པ་དང་། ཟས་རོ་བརྒྱ་པ་དང་། ཁང་པ་བརྩེགས་པ་ལྔ་བརྒྱ་པ་ཡང་འོས་སོ། །ཞེས་གསུངས་སོ། །དེ་ལྟ་བུའི་གནང་བཀག་འབྱུང་བའི་རྒྱུ་མཚན་ཡོད་དེ། རབ་ཏུ་བྱུང་བ་རྣམས་ཀྱིས་འདོད་པ་བསོད་ཉམས་ཀྱི་མཐའ་དང་། ངལ་ཞིང་དུབ་པའི་མཐའ་སྤངས་ནས་དབུ་མའི་ལམ་ལ་གནས་པར་བྱ་དགོས་པའི་ཕྱིར་རོ། །ཞེས་པའང་ཉེར་མཁོའི་ལེའུ་ཚན་ནོ།། ༈ །།ན་མོ་ཨཱརྱ་ཏཱ་ར་ཡེ། ལྷ་མོ་ལ་གུས་སོགས་ཚིག་རྐང་བཞིའི་དོན། ལྷ་རྗེ་དཔོན་དང་བདག་བྲན་གྱི་ཚུལ་དུ་བྱས་ནས་གུས་པ་ཆེན་པོས་བསྙེན་པར་བྱ་བ་ནི་བྱ་བའི་རྒྱུད་ཀྱི་ཉམས་ལེན། བདག་ཀྱང་ཐ་མལ་པ་མ་ཡིན་པར་ཡང་དག་པའི་ལྷར་བལྟ་ཞིང་མདུན་བསྐྱེད་དང་སྤུན་གྲོགས་ཀྱི་ཚུལ་གྱིས་དངོས་གྲུབ་ལེན་པ་སྤྱོད་རྒྱུད་ཀྱི་ལམ་རིམ། བློ་ལྡན་ནི་ཆོས་ཐམས་ཅད་ཀྱི་གནས་ལུགས་སྟོང་པར་རྟོགས་པ་སྟེ། དེའི་ངང་ལས་རབ་ཏུ་དད་པ་ཞེས་ལྷ་དང་བདག་དབྱེར་མེད་པར་རྟོགས་པའི་ཚུལ་གྱིས་བཟླས་བརྗོད་དང་འོད་ཟེར་སྤྲོ་

― JKT006_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡུ་སོགས་ཀྱིས་སངས་རྒྱས་ཀྱི་མཛད་པ་ད་ལྟ་ནས་བསྒྲུབས་པ་ཡོ་གའི་རྣལ་འབྱོར། སྲོད་ནི་ཉི་མ་ནུབ་པས་མཚོན་པ་ཐ་མལ་གྱི་རྣམ་རྟོག་དབྱིངས་སུ་ནུབ་སྟེ། སྣོད་བཅུད་དག་པ་རབ་འབྱམས་ཆེན་པོར་བསྒྱུར་བའི་བསྐྱེད་རིམ་དང་། ཐོ་རངས་ནི་ཉི་མ་འཆར་བའི་སྔོན་དུ་འགྲོ་བས་མཚོན་ཏེ། ཡེ་ཤེས་སྐྱེ་བའི་ཉེར་བསྡོགས་རྫོགས་རིམ་སྟེ་ཐ་མལ་གྱི་རྣམ་རྟོག་དང་། གྱ་ནོམ་ལྷར་ཞེན་པའི་རྟོགས་པ་དེ་དང་དེ་ཀ་རིམ་གཉིས་སུ་ལངས་པར་བྱ་བ་ནི་རྣལ་འབྱོར་བླ་མེད་ཀྱི་སྙིང་པོ། དེ་ལྟ་བུའི་རྒྱུད་སྡེ་ཆེན་པོ་བཞི་དང་འབྲེལ་བའི་ལམ་ཉམས་སུ་ལེན་པ་ལ་དྲན་པ་ཉེ་བར་བཞག་པས་གནས་སྐབས་དང་མཐར་ཐུག་གི་འཇིགས་པ་ཐམས་ཅད་འཕྲོག་སྟེ་ཐར་པ་ཐམས་ཅད་མཁྱེན་པའི་གོ་འཕང་ལ་འཇོག་པ་སྟེ། འདི་ལྟ་བུས་ནི་ལམ་འབྲས་དངོས་གཞི་ཞར་ལ་བསྟན་པས་རྒྱུད་ཐམས་ཅད་ཀྱི་བརྗོད་བྱ་ཚང་ལ་མ་ནོར་བ་རྫོགས་པ་ཡིན་ནོ། །འདི་ཡང་མྱུར་མ་དཔའ་མོ་དང་། །དབྱེར་མེད་ཛྙཱ་ན་སཱ་ག་རས། །བྱིན་རླབས་ཉིན་མོའི་བློ་གྲོས་ཀྱིས། །ཨུཏྤལ་ཅུང་ཟད་འཛུམ་ལས་བྱུང་། །སིདྡྷི་རསྟུ་༑ །གཞན་ཡང་བསྟོད་རྒྱུད་ཀྱི་དོན་ཟབ་ཅིང་རྒྱ་ཆེ་བར་རྟོགས་སོ།།

མཆོད་སྦྱིན་གཏོར་མའི་ཆོ་ག་ལས་འཕྲོས་པའི་ཟིན་བྲིས།

― JKT006_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་སྦྱིན་གཏོར་མའི་ཆོ་ག་ལས་འཕྲོས་པའི་ཟིན་བྲིས་བཞུགས། ན་མོ་གུ་ར་ཝེ། བྱམས་པའི་བདུད་རྩིའི་བརླན་

― JKT006_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་ཤིང་། །ཀུན་དགའི་མེ་ཏོག་འཛུམ་འབར་བས། །བསྟན་འཛིན་འཆི་མེད་ཚལ་མཛེས་པའི། །བླ་མ་ཕྱག་ན་པདྨོས་སྐྱོངས། །རྡོ་རྗེའི་རྣལ་འབྱོར་གྲུབ་པའི་གཟིས། །གཉིས་སྣང་མུན་པ་གཏན་བཅོམ་པས། །འཇམ་དཔལ་ཡེ་ཤེས་སེམས་དཔའ་དངོས། །རྣམ་འདྲེན་བཟང་པོས་དགེ་ལེགས་སྩོལ། །འདི་ན་ཆོས་བཞིན་སྤྱོད་པའི་རིམ། །མཆོད་སྦྱིན་གཏོར་མའི་ཆོ་ག་ལས། །བརྩམས་ཏེ་ལེགས་བཤད་གཏམ་གྱི་སྒོ། །ཅུང་ཟད་དབྱེ་བར་དམ་བཅའོ། །དེ་ཡང་རྣམ་པར་འདྲེན་པ་སྲས་དང་སློབ་མར་བཅས་པ་གང་གིས་གཤེགས་པའི་ཤུལ་ལམ་སྔར་གྲགས་པའི་ཕྱི་མོ་ཐོས་བསམ་དང་བསོད་ནམས་ཀྱི་ཚོགས་ལ་གཙོ་བོར་སྤྱོད་པའི་ཕྱིར་ཚོགས་ལམ་སློབ་པའི་སས་བསྡུས་པ་ཆོས་སྤྱོད་གཏོར་མའི་རྣལ་འབྱོར་འདི་ལ་རེ་ཞིག་ཉེ་བར་བསྡུ་ན་རྣམ་པ་ལྔ་སྟེ། ངོ་བོ། ངེས་ཚིག །དབྱེ་བ། ཇི་ལྟར་ལག་ཏུ་བླང་བའི་ཚུལ། དེའི་འབྲས་བུའོ། །དང་པོ་ནི། འདི་ལྟར་གཞི་དུས་སུ་ཀུན་རྫོབ་དང་དོན་དམ་དབྱེར་མེད་པའི་ཚུལ་ལ་རྗེས་སུ་དམིགས་པས། ལམ་དུས་སུ་བསོད་ནམས་དང་ཡེ་ཤེས་ཀྱི་ཚོགས་ལ་གཙོ་བོར་སྤྱོད་པའི་མཐུས་གློ་བུར་གྱི་སྒྲིབ་གཉིས་རྒྱུ་དང་བཅས་པ་བསལ་ཏེ། འབྲས་བུ་སྐུ་གཉིས་ཀྱི་གོ་འཕང་ལ་འགོད་པའི་ཐབས་མཁས་ཀྱི་ཁྱད་པར་བསམ་གྱིས་མི་ཁྱབ་པ་ལས་གཙོ་བོར་

― JKT006_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

སྔ་མའི་ཕྱོགས་སུ་གཏོགས་པའོ། །གཉིས་པ་ནི། བ་ལི་ཏ་ཞེས་པ་བ་ལ་སྟོབས་བྱེད་པའི་བྱིངས་དོན་ལས་དྲངས་ན་ཟད་མི་ཤེས་པའི་འདོད་དགུའི་རོལ་མོས་མཆོད་པ་དང་། སྦྱིན་པར་བྱ་བའི་ཡུལ་དུ་གཏོགས་པའི་མགྲོན་ཐམས་ཅད་ཀྱི་སྤྱོད་ཡུལ་ལ་ཟག་པ་མེད་པའི་བདེ་བས་སྟོབས་སྐྱེད་པར་བྱེད་པའི་ཕྱིར་དེ་སྐད་དུ་བྱ་ལ། གཞན་དུ་གསང་སྔགས་ཐུན་མོང་མ་ཡིན་པའི་ལུགས་སུ་ཡི་གེ་ཁ་ཕྲལ་ནས་བདེ་སྟོང་ཟུང་འཇུག་གི་དོན་དུ་བཤད་པ་སོགས་ནི་སྐབས་འདིར་མི་འབྲེལ་ཞིང་། ཆགས་པ་མེད་པས་གཏོར་བ་སོགས་ནི་བོད་སྐད་ཁོ་ནའི་དབང་དུ་བྱས་ན་རུང་གི་ལེགས་པར་སྦྱར་བ་ལ་སྦྱོར་དུ་མི་རུང་ངོ་། །གསུམ་པ་ནི། རྒྱལ་བ་ཐབས་མཁས་ལ་ཐུགས་རྗེ་ཚད་མེད་པའི་བདག་ཉིད་ཅན་དེས་གདུལ་བྱ་རྣམས་མངོན་མཐོ་དང་ངེས་ལེགས་ཀྱི་གོ་འཕང་ལ་དཀྲི་བའི་སླད་དུ་ཚོགས་གསོག་པའི་སྒོ་མཐའ་ཡས་པ་ཞིག་གསུངས་པ་ལས། སྐབས་སུ་བབས་པ་འདི་ཉིད་ཀྱང་མདོ་རྒྱུད་ཐམས་ཅད་ནས་ལན་གཅིག་མ་ཡིན་པར་བསྔགས་ཤིང་། བྱེ་བྲག་ཏུ་ཁ་འབར་མའི་གཟུངས་སོགས་ལས་དམིགས་ཀྱིས་བསལ་བ་ལྟར་རྒྱ་གར་འཕགས་པའི་ཡུལ་དུ་འཕགས་པ་ཀླུ་སྒྲུབ་སོགས་དང་། བོད་དུའང་རྗེ་བཙུན་དམ་པ་སངས་རྒྱས། དཔལ་ལྡན་ཨ་ཏི་ཤ །བ་རི་ལོ་ཙཱ་བ་རིན་ཆེན་གྲགས་སོགས་མཁས་ཤིང་

― JKT006_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་པ་བརྙེས་པ་དུ་མས་ཕྱག་ལེན་གྱིས་གཏན་ལ་ཕབ་སྟེ་འདོམས་པར་མཛད་པའི་ཚུལ་དང་རྗེས་སུ་མཐུན་པར། བརྒྱ་རྩ་དང་། ཆབ་གཏོར་ཤཱཀ་ཐུབ་མ་དང་། འཇམ་དཔལ་མ་དང་། འབྱུང་བཞི་དང་། བྲུལ་གཏོར་དང་། ཀླུ་གཏོར་ལ་སོགས་པའི་དབྱེ་བ་མང་དུ་བྱུང་བ་བཞིན། དེང་སང་གི་བར་དུ་ས་དགེ་ཇོ་ཞལ་དྭགས་ཤངས་དང་གསང་སྔགས་སྔ་འགྱུར་བ་སོགས་རང་རང་གི་གྲུབ་མཐའ་འཛིན་པ་རྣམས་ཀྱིས་ཀྱང་སོ་སོའི་ཕྱག་ལེན་གྱི་ཁྱད་པར་ཅུང་ཟད་ཙམ་ལས་ཐམས་ཅད་ཀྱིས་ཁྱབ་མཉམ་དུ་མཛད་པ་ཉིད་དོ། །བཞི་པ་ནི། དེ་ལྟ་བུའི་གཏོར་མའི་རྣལ་འབྱོར་ཉིད་ཇི་ལྟར་བྱ་བའི་ཚུལ་དངོས་ནི་རང་རང་གི་གཞུང་ལས་འབྱུང་བ་དང་། གཏོར་མའི་རྣལ་འབྱོར་ལྕེ་སྒོམ་པ་དང་། ཆོས་ཀྱི་རྗེ་བློ་གྲོས་རྒྱལ་མཚན་དང་། རང་ལུགས་ཀྱི་རྣམ་པར་བཤད་པ་རྟ་ནག་མཁན་ཆེན་ཆོས་སྐྱོང་རྣམ་རྒྱལ་གྱིས་མཛད་པ་སོགས་ལས་ཤིན་ཏུ་གསལ་བའི་ཕྱིར་མ་བྲིས་ཤིང་། དེ་དག་གི་ཚིག་ཟིན་ལ་བློ་གྲོས་གསར་བུ་དག་དོགས་པ་སྐྱེ་བའི་གནས་རྣམས་ཅུང་ཟད་ཅིག་གསལ་བར་བྱ་བ་ལ་གསུམ་སྟེ། སྦྱོར། དངོས། རྗེས་ཀྱི་སྐབས་ལས་འཕྲོས་པའོ། །དང་པོ་ལའང་མཆོད་པའི་ཡོ་བྱད་ལ་བགེགས་མི་འཇུག་ཅིང་མཐའ་ཀླས་སུ་སྤེལ་བའི་ཕྱིར་བྱིན་གྱིས་བརླབས་པ་དང་། དགེ་སྦྱོར་གང་བྱེད་ཀྱང་

― JKT006_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

དམ་པ་གསུམ་གྱི་རྩིས་ཟིན་པ་ཤིན་ཏུ་གཅེས་པའི་ཕྱིར་དཀོན་མཆོག་གསུམ་ལ་སྐྱབས་སུ་འགྲོ་ཞིང་སེམས་བསྐྱེད་པ་དང་། མགྲོན་རྣམས་དབང་དུ་བྱ་བའི་ཕྱིར་རང་ལྷར་བསྐྱེད་ཅིང་བཟླས་པ་བྱ་བ་དང་། ཚོགས་བསགས་པའི་ལམ་ཐམས་ཅད་གཅིག་ཏུ་བཟླུམ་པའི་སླད་མགྲོན་རྣམས་སྤྱན་དྲངས་ཤིང་ཡན་ལག་བདུན་པ་འབུལ་བ་དང་བཅས་པ་སྟེ་ལྔ་ལས། དང་པོ་མཆོད་པ་བྱིན་རླབས་ཀྱི་སྐབས་སུ་གཞན་གོ་སླ་ཞིང་། སྔགས་དོན་རྣམས་ཅུང་ཟད་འགྲེལ་ན། གསང་བའི་སྔགས། ཨོཾ་ཞེས་པ་སྔགས་ཀྱི་མགོ་འདྲེན་པ་སྟེ། རྡོ་རྗེ་རྩེ་མོ་ལས། ཨོཾ་ནི་ཅི་ཞིག་ཡིན་པར་བཤད། །མཆོག་དང་ནོར་སྟེར་དཔལ་དང་གཡང་། །སྐལ་བཟང་རྣམ་པ་དང་ལྡན་པ། །དམ་བཅའ་བ་དང་བཀྲ་ཤིས་དོན། །ནོར་བུ་འཛིན་པའི་སྙིང་པོ་ཡིན། །ཅེས་སོ། །བཛྲ་ཨ་མྲྀ་ཏ་ཀུཎྜ་ལཱི། རྡོ་རྗེ་བདུད་རྩི་འཁྱིལ་བ་སྟེ་ལས་ཀྱི་ཁྲོ་བོའི་མཚན་སྔགས། ཧ་ན་ཧ་ན། སྣུན་སྣུན་ཏེ་ལས་ལ་བསྐུལ་བ། ཧཱུྃ་ཕཊ། ཅེས་པ་རྒྱུད་སྔ་མ་ལས། ཧཱུྃ་ཞེས་བྱ་བ་ཅི་ཡིན་བརྗོད། །སྡུག་བསྔལ་འཆོས་ཤིང་འཇོམས་པར་བྱེད། །སྲིད་པའི་ཞགས་པ་གཅོད་བྱེད་ཅིང་། །གདུག་པ་བསྔངས་ཤིང་གསོད་བྱེད་པ། །ཧཱུྃ་ནི་མཆོག་ཏུ་དྲན་པར་བྱ། །ཡི་གེ་ཕཊ་ནི་ཅི་ཡིན་བརྗོད། །གདུག་དང་སྡུག་བསྔལ་འཇོམས་བྱེད་ཅིང་། །བདེ་བ་དག་

― JKT006_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་འགུགས་པར་བྱེད། །ཕཊ་ནི་འཇོམས་བྱེད་སྒྲ་ཡིན་ཏེ། །གྲོགས་དང་བཅས་པ་འཇོམས་པར་བྱེད། །ཅེས་སོ། །སྦྱོང་བའི་སྔགས། ཨོཾ་ནི་སྔར་སྨོས་ཟིན་པ་ལྟར་དང་། སྭ་བྷ་ཝ། རང་བཞིན། །ཤུདྡྷ དག་པ་རྣམས། སརྦ་དྷརྨཱ༔ ཆོས་ཐམས་ཅད། སྭ་བྷ་ཝ། རང་བཞིན། ཤུདྡྷོ་ཉཧཾ། དག་པ་བའོ། །ཞེས་པར་འགྱུར་ཏེ་ཆོས་ཐམས་ཅད་གཟོད་ནས་དག་པའི་བདག་ཉིད་ལ་ངེས་ཤེས་བརྟན་པོས་དངོས་པོར་འཛིན་པ་ཐམས་ཅད་སྦྱོང་བའི་དོན་ནོ། །ཉེར་སྤྱོད་བདུན་གྱི་སྔགས། ཨཧཱུྃ། མཆོད་ཡོན་ཏེ་སྦྲང་རྩི་དང་ཀ་ར་ལ་སོགས་པ་སྦྱར་བ་མངར་བའི་ཆུའོ། །པཱ་དྱེ་ཞབས་བསིལ་ཏེ་འདག་ཆལ་གྱིས་བསྒོས་པའི་ཆུ་སྟེ་ཞབས་བཀྲུ་པའི་ཡོ་བྱད་དོ། །པུཝེ མེ་ཏོག་མ་སྟེ་ཆུ་སྐྱེས་དང་ཐང་སྐྱེས་ལ་སོགས་པ་འཛིན་པའི་མཆོད་པའི་ལྷ་མོའོ། །དྷ་པེ། བདུག་སྤོས་མ་སྟེ་ལྷན་སྐྱེས་དང་སྦྱར་བྱུང་གི་དྲི་ཞིམ་པོ་ཐོགས་པ་མའོ། །ཨཱ་ལོ་ཀེ། སྣང་གསལ་མ་སྟེ་རང་བྱུང་དང་བཅོས་མའི་སྣང་བྱེད་ཀྱི་ཚོགས་འཛིན་པའོ། །གནྡྷེ། དྲི་ཆབ་མ་སྟེ་གུར་གུམ་དང་། ག་བུར་དང་། ཙནྡན་ལ་སོགས་པ་བསིལ་ཞིང་དྲི་བཟང་དང་ལྡན་པའི་སྨན་བཏབ་པའི་དྲིའི་ཆབ་ཐོགས་པའོ། །ནེ་ཝི་ད། ཞལ་ཟས་མ་སྟེ་རོ་བརྒྱ་དང་ལྡན་པའི་བཤོས་གཙང་སོགས་བཟའ་བཏུང་གི་རིགས་མཐའ་ཀླས་པ་སྟོབ་པའོ། །

― JKT006_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

ཤསྡ། རོལ་མོ་སྟེ་འབུད་དཀྲོལ་རྒྱུད་གསུམ་གྱིས་བསྡུས་པའི་རོལ་མོའི་ཚོགས་རྣམས་སོ། །དེ་དག་གི་ཐོག་མར་བཛྲ་སྦྱར་བ་ནི་རྡོ་རྗེ་སྟེ། དེ་ལྟ་བུའི་མཆོད་པ་ཐམས་ཅད་ཀྱང་འཇིག་རྟེན་གྱི་རྫ་ས་ཕལ་པའི་རྣམ་པ་ལས་འདས་པ་ཡེ་ཤེས་ཀྱི་སྤྱོད་ཡུལ་འབའ་ཞིག་ཏུ་བྱིན་གྱིས་བརླབ་པའི་ཕྱིར་རོ། །ཐོག་མཐར་ཨོ་ཨཱཧུཾ་ཞེས་སྦྱར་བ་ནི། ཨོཾ་གྱིས་མ་དག་པའི་དངོས་པོ་ཐམས་ཅད་སྦྱང་བ་དང་། ཨཱཋཡིས་དག་པའི་དངོས་པོ་དེའང་མཁའ་ཁྱབ་ཏུ་སྤེལ་བ་དང་། ཧཱུྃ་གིས་ཇི་ལྟར་སྤེལ་བ་དེ་ཡང་མགྲོན་སོ་སོའི་ཐུགས་ལ་གང་བཞེད་དེ་ངོར་འཆར་བའི་འདོད་དགུའི་སྤྲིན་དུ་བསྒྱུར་བའོ། །གཞན་ཡང་། རྣམ་པར་བཤད་པ་མང་དུ་ཡོད་མོད་ཀྱི་རེ་ཞིག་དེ་ཙམ་མོ། །མཆོད་པའི་སྤྲིན་གྱི་གཟུངས་ལས། ཨོ་སྔགས་ཀྱི་མགོ་འདྲེན་པ། བཛྲ་དྷརྨཱ་ར་ཎ་རྒྱུན་ཆགས་པའི་བྱིངས་ལས་ཨི་ཊ་དང་ལྟ་བྱིན་པས་གྲུབ་ར་ཎི་ཏ། རྡོ་རྗེའི་ཆོས་རྒྱུན་ཆགས་པ། པྲ་ར་ཎི་ཏ། རབ་ཏུ་རྒྱུན་ཆགས་པ། སཾ་པྲ་ར་ཎི་ཏ། ཡང་དག་པར་རབ་ཏུ་རྒྱུན་ཆགས་པ། སརྦ་བུདྡྷ་ཀྵེ་ཏྲ། སངས་རྒྱས་ཐམས་ཅད་ཀྱི་ཞིང་། པྲ་ཙ་ལི་ཏེ། རབ་ཏུ་ཁྱབ་པར་བྱེད་པ། པྲ་ཛྙཱ་པཱ་ར་མི་ཏ། ཤེས་རབ་ཀྱི་ཕ་རོལ་ཏུ་ཕྱིན་པ། ནཱ་ད་སཾ་བྷ་ཝེ། སྒྲ་ཡི་འབྱུང་གནས་མ། བཛྲ་སཏཱ། རྡོ་རྗེ་སེམས་དཔའ། ཧྲི་ད་ཡ། སྙིང་པོ། སནོཥ་ཎི། དགྱེས་པ་དམ་པ།

― JKT006_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

ཧཱུཾ་ཧཱུཾ་ཧཱུཾ། ཧོ་ཧོ་ཧོ། བདེ་བར་གཤེགས་པ་རིགས་དྲུག་གི་དེ་ཁོ་ན་ཉིད་ཀྱི་ཡེ་ཤེས་ཆེན་པོ་མཚོན་པར་བྱེད་པ། ཨཁཾ་སྭཱ་ཧཱ། ནམ་མཁར་ཁྱབ་པའི་གཞི་ཚུགས་སོ། །ཞེས་པ་སྟེ་དེ་རྣམས་ཀྱི་དོན་ཡང་ཅུང་ཟད་བཀྲལ་ནུས་མོད་ཀྱི་ཡི་གེས་འཇིགས་པས་མ་བྲིས་སོ། །གཉིས་པ་ཆོས་ཐམས་ཅད་ཀྱི་གཞི་རྟེན་སྐྱབས་སུ་འགྲོ་བ་ནི། ཡུལ་བླ་མ་དང་དཀོན་མཆོག་གསུམ་ལ། བྱེད་པོ་རང་གིས་བྱང་དྲངས་ཡ པའི་སེམས་ཅན་ཐམས་ཅད། དུས་འདི་ནས་བྱང་ཆུབ་སྙིང་པོའི་བར་དུ་དགོས་ཆེད་འཁོར་བའི་སྡུག་བསྔལ་རྒྱུ་དང་བཅས་པ་ལས་བསྒྲལ་བའི་ཕྱིར་དུ་སྐྱབས་སུ་གསོལ་བའོ། །གསུམ་པ་ཐེག་པ་ཆེན་པོའི་ཆོས་ཀྱི་རྩ་བ་བྱང་ཆུབ་མཆོག་ཏུ་སེམས་བསྐྱེད་པ་ནི་ནམ་མཁའ་ལ་མཐའ་མེད་པ་བཞིན་སེམས་ཅན་ལ་མཐའ་མེད། མཐའ་མེད་པའི་སེམས་ཅན་ཐམས་ཅད་རང་གི་ཕ་མར་མ་གྱུར་པ་གཅིག་ཀྱང་མེད་ཅིང་། ཕ་མ་བྱས་རེས་བཞིན་ད་ལྟའི་ཕ་མ་ལྟར་གནོད་པ་ལས་བསྐྱབས་ཤིང་ཕན་པས་བསྐྱངས་པའི་དྲིན་ཆེན་ཤ་སྟག་ཡིན་ལ། དེ་ཐམས་ཅད་རྣམ་གྲོལ་གཏན་གྱི་བདེ་བ་ལ་འགོད་པའི་ཕྱིར་དུ་བདག་གིས་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པར་བྱ། དེའི་ཆེད་དུ་ཚོགས་གསོག་པའི་སྒོ་ཁྱད་པར་ཅན་ཆོས་སྤྱོད་གཏོར་མའི་རྣལ་འབྱོར་ཉམས་སུ་བླང་བར་བགྱིའོ། །སྙམ་པའི་ངང་

― JKT006_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་སེམས་བསྐྱེད་པ་དངོས་དང་སྨོན་པའི་བསླབ་བྱའི་གཙོ་བོ་ཚད་མེད་བཞི་བསྒོམ་པ་དག་བྱའོ། །བཞི་པ་རང་ཉིད་ལྷག་པའི་ལྷར་བསྐྱེད་པ་ནི། སྭ་བྷཱ་བས་ཆོས་ཐམས་ཅད་གཟོད་ནས་སྟོང་པའི་དོན་ལ་མཉམ་པར་བཞག་པའི་ངང་། དེ་ལས་སྐད་ཅིག་གིས་ཕུང་ཁམས་སྐྱེ་མཆེད་ཐམས་ཅད་འཕགས་པ་ཐུགས་རྗེ་ཆེན་པོའི་སྐུར་ཡན་ལག་བཞི་རྫོགས་ཀྱིས་བསྐྱེད་པ་སྟེ། དེ་ཡང་ཐབས་ཤེས་གཉིས་སུ་མེད་པ་མཚོན་པའི་པད་ཉི་ཟླ་བའི་གདན་གྱི་སྟེང་དུ་ཐུགས་སྲོག་ཧིདཀར་པོ་ཡོངས་སུ་གྱུར་པ་ལས་དམ་ཚིག་པ་རྫོགས་པར་གསལ་འདེབས་པ་བསྙེན་པ། སྒོ་གསུམ་སྐུ་གསུང་ཐུགས་ཡེ་ཤེས་རྡོ་རྗེས་རྒྱས་གདབ་པ་ཉེར་སྒྲུབ། ཡེ་ཤེས་པ་སྤྱན་དྲངས་ཏེ་བཅུག་པ་སྒྲུབ་པ། དབང་བསྐུར་བསྒྲུབ་ཆེན་ནོ། །དེ་རྣམས་ཀྱི་སྐབས་སུ་སྔགས་དོན་ཅུང་ཟད་འབྲེལ་ན། ཨོཾ་བཛྲ་ས་མཱ་ཛ༔ རྡོ་རྗེ་བསྡུ་བ༑ ཛཧཱུྃ་བཾ་ཧོ༔ འགུགས་འཆིང་བསྡམས་ཤིང་དགྱེས་པ་བསྐྱེད་པ། ཨོཾ་སརྦ་ཏ་ཐཱ་ག་ཏ་ཨ་བྷི་ཥི་ཟླ་ཏུ་ཚྭ། དེ་བཞིན་གཤེགས་པ་ཐམས་ཅད་ཀྱིས་བདག་ལ་མངོན་པར་དབང་བསྐུར་བ་སྩལ་དུ་གསོལ༑ །ཞེས་པ་སྟེ་རང་གིས་དབང་ལྷ་ལ་དབང་བསྐུར་བར་གསོལ་བ་གདབ་པ། ཨོ་བཛཱི་བྷ་བ་ཨ་བྷི་ཥིཉྩ་ཧཱུྃ། །རྡོ་རྗེ་ཅན་གྱི་ངོ་བོར་དབང་བསྐུར་རོ། །ཞེས་པ་སྟེ་དབང་ལྷ་རྣམས་ཀྱིས་དེ་སྐད་

― JKT006_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་ནས་དབང་བསྐུར་བའི་ཚིག་གོ །དེ་ལྟར་བསྐྱེད་གྲུབ་ཟིན་ནས་ལྷ་ཉེར་བར་བསྙེན་པས་ཐུགས་རྒྱུད་བསྐུལ་བའི་བཟླས་པ་བྱ་ཞིང་འདོད་དོན་གསོལ་བ་ནི་གོ་སླ་ལ། ཨོཾ་མ་ཎི་པདྨེ་ཧཱུྃ། ཞེས་པའི་དོན། ཨོ་ཀྱེ་ནོར་བུ་པདྨ་ཧཱུྃ། །ཞེས་འཕགས་པའི་ཕྱག་མཚན་ལས་བརྩམས་ཏེ་མཚན་ནས་བོད་པའི་སྔགས་ཡིན་ལ། གཞན་དུ་རྣམ་པར་བཤད་པ་མཐའ་ཀླས་པར་སྤྲོ་བར་བྱ་བར་ཡོད་དོ། །ལྔ་པ་མགྲོན་རྣམས་སྤྱན་དྲངས་ཤིང་ཡན་ལག་བདུན་པ་དབུལ་པ་ལ་སྤྱན་དྲངས་པའི་ཚིག་དོན་ནི་གོ་སླ་ཞིང་། ཨོཾ་པདྨ་ཀ་མ་ལཱ་ཡ་ཧཱུཾ། ཁྱོད་ཀྱི་པདྨའི་ཆེད་དུ་པདྨ་ཞེས་པ་སྟེ། དོན་ནི་ཁྱོད་ཀྱི་ཞབས་པད་ཀྱི་ཆེད་དུ་པདྨའི་གདན་དབུལ་བར་བགྱིའོ། །ཞེས་སོ། །ཡན་ལག་བདུན་པ་ནི། འདི་ལྟར་ཡུལ་གྱི་ཡོན་ཏན་ཚད་མེད་པ་རྗེས་སུ་དྲན་པའི་དད་པས་བསྐུལ་ཏེ་རང་ལུས་ཞིང་གི་རྡུལ་ཕྲ་རབ་ཏུ་སྤྲུལ་ནས་སྒོ་གསུམ་གུས་པའི་བསྙེན་བཀུར་བགྱིད་པ་ང་རྒྱལ་གྱི་གཉེན་པོ་ཕྱག་འཚལ་བའི་ཡན་ལག །རང་གཞན་གྱི་ལུས་ལོངས་སྤྱོད་དགེ་ཚོགས་རྒྱ་མཚོ་དང་བཅས་པས་མཚོན་བླ་ན་ཡོད་མེད་ཀྱི་མཆོད་པའི་སྤྲིན་ཕུང་རྣམ་པ་ནམ་མཁའི་མཐའ་དང་མཉམ་པ། ངོ་བོ་བཟང་ཞིང་དགེ་བ། དུས་འཁོར་བ་སྲིད་དུ་རྒྱུན་མི་ཆད་པར་འབྱུང་བར་སྤྲུལ་ཏེ་ཕུལ་བ་འདོད་ཆགས་ཀྱི་གཉེན་པོར་མཆོད་པའི་ཡན་ལག །བདག་

― JKT006_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

དང་འགྲོ་བ་ཀུན་གྱིས་བཅས་པ་དང་རང་བཞིན་གྱི་ཉམས་པའི་སྡིག་ལྟུང་སྔར་བྱས་པ་ཐམས་ཅད་ལ་དུག་འཐུང་བ་ལྟ་བུའི་འགྱོད་སེམས་དང་། ཕྱིན་ཆད་སྲོག་ལ་བབ་ཀྱང་མི་བྱེད་སྙམ་པའི་སྡོམ་སེམས་ཀྱིས་མཐོལ་ཞིང་འཆགས་པ་ཞེ་སྡང་གི་གཉེན་པོར་བཤགས་པའི་ཡན་ལག །འཕགས་དང་སོ་སྐྱེའི་རྒྱུད་ཀྱིས་བསྡུས་པའི་ཟག་བཅས་དང་ཟག་མེད་ཀྱི་དགེ་བའི་རྩ་བ་ཐམས་ཅད་ལ་ཡང་ནས་ཡང་དུ་དགའ་བ་བསྒོམ་པ་ཕྲག་དོག་གི་གཉེན་པོ་རྗེས་སུ་ཡི་རང་བའི་ཡན་ལག །ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པའི་བདེ་བར་གཤེགས་པ་སྲས་དང་བཅས་པར་སེམས་ཅན་ཐམས་ཅད་ལམ་དང་ལམ་གྱི་འབྲས་བུ་ལ་བཀྲི་བའི་སླད་དུ་ཁམས་དབང་བསམ་པའི་རིམ་པ་དང་མཐུན་པར་ཟབ་ཅིང་རྒྱ་ཆེ་བའི་ཆོས་སྟོན་པར་གསོལ་བ་གདབ་པ་གཏི་མུག་གི་གཉེན་པོར་ཆོས་ཀྱི་འཁོར་ལོ་བསྐོར་བར་བསྐུལ་བའི་ཡན་ལག །གང་ཞིག་གདུལ་བྱ་རྟག་འཛིན་ཅན་རྣམས་ཀྱི་སྣང་ངོར་རྣམ་པར་འདྲེན་པའི་ཚོགས་ཞི་བའི་དབྱིངས་སུ་སྙོམས་པར་ཞུགས་པ་ལ་དགྱེས་པ་རྣམས་ནི་འཁོར་བ་ཇི་སྲིད་དུ་བཞུགས་པར་གསོལ་བ་འདེབས་པ་ལོག་ལྟའི་གཉེན་པོར་མྱ་ངན་ལས་མི་འདའ་བར་གསོལ་བ་གདབ་པའི་ཡན་ལག །དེ་ལྟར་བསོད་ནམས་ཀྱི་ཚོགས་སུ་གྱུར་པ་དེ་རྣམས་ཀྱིས་མཚོན་ཏེ། བདག་གཞན་གྱི་དུས་

― JKT006_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་དུ་བསགས་པའི་དགེ་བའི་རྩ་བ་ཐམས་ཅད་སེམས་ཅན་གྱི་དོན་དུ་བླ་ན་མེད་པའི་བྱང་ཆུབ་ཆེན་པོར་ཡོངས་སུ་བསྔོ་བ་ནི་ཐེ་ཚོམ་གྱི་གཉེན་པོར་བསྔོ་བའི་ཡན་ལག་སྟེ། དེ་རྣམས་ཀྱི་ཚིག་ཕལ་ཆེར་ནི་གོ་སླ་ཞིང་རྒྱས་པར་བཤད་དུ་ག་ལ་ལངས་ཏེ་གཞུང་འགྲེལ་གཞན་དུ་ཤེས་རབ་ཀྱི་མིག་སྒྲུབ་པར་བྱོས་ཤིག །གཉིས་པ་དངོས་གཞི་ལ། ཛམ་སེར་ནག་དང་། བརྒྱ་རྩ་དངོས་དང་། ཞར་བྱུང་དུ་དབྱུ་གུ་དྲུག་ཅུ་རྩ་བཞི་དང་། ཡི་དྭགས་ཀྱི་ཆེད་དུ་ཆུ་སྦྱིན་པ་སྟེ་བཞི་ལས། དང་པོའི་སྐབས་སུ་སྔགས་དོན་འགའ་ཞིག་ཅུང་ཟད་འགྲེལ་ན། ཛཾ་བྷ་ལ་ཞེས་པ་ནི་ཛཾ་བྷ་ལུས་རྣམ་པར་ཉམས་པ་དང་། ལ་འཛིན་པའི་བྱིངས་དོན་ལས་བསྒྲུབས་པ་སྟེ། ལོ་ཙཱ་བ་སྔ་མ་རྣམས་ཀྱིས་སྒྲ་བསྡུས་ཏེ་རྨུགས་འཛིན་ཅེས་པར་བསྒྱུར། དོན་དུ་རྟོལ་མའི་སོ་ཅན་ཅེས་པ་སྟེ། འདིའི་ཚེམས་དེ་ལྟར་ཡོད་པས་སོ། །བི་ཛ་པཱུ་ར་ཀ་ནི་ས་བོན་གྱིས་གང་བ་ཅན་ཞེས་པ་སྟེ་ཤིང་ཏོག་སེར་པོ་སྙིམ་པ་ཁ་སྦྱར་ཙམ་པ་རོ་བཅུད་ཕུན་སུམ་ཚོགས་པ་ཞིག་གོ། །ཧཱུཾ་ཧཱུཾ་ཛྭ་ཏྭཾ་ཧཱུྃ་ཞེས་པ་ནི་རིམ་པར། མེ་ལོང་། མཉམ་ཉིད། སོར་རྟོག་བྱ་གྲུབ། ཆོས་དབྱིངས་ཡེ་ཤེས་ཀྱི་ས་བོན་ནོ། །ཨོཾ་ཛ་བྷ་ལ་ཛ་ལེནྡྲ་ཡེ་སྭཱ་ཧཱ། ཞེས་པ་ནི་རྨུགས་འཛིན་ཆུའི་དབང་པོའི་ཆེད་དུ་གཞི་ཚུགས། ཨཱརྨ་ཛམྦྷ་ལ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་པ་

― JKT006_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། འཕགས་པ་རྨུགས་འཛིན་གཏོར་མ་ཟོ་ཟོ། ཟོ་ཞིག །ཟོ་ཞིག །ཅེས་པའོ། །ས་པ་རི་ཝཱ་ར་ནི་འཁོར་དང་བཅས་པའོ། །ཨོ་ཨིནྡྲ་ནི་མུ་ཁཾ་བྷ་མ་རི་སྭཱ་ཧཱ། ཞེས་པ་ནི། དབང་པོ་གཡོ་བའི་ཞལ་ཅན་ལ་གཞི་ཚུགས། ཞེས་པ་སྟེ་མགྲིན་པའི་མེའི་འཁོར་ལོ་བརྗོད་པའོ། །ཛམྦུ་ནི་ཛཾ་བྷ་ལའི་སྒྲ་བསྡུས་པ་སྟེ་སྙིང་པོའོ། །ན་མོ་རཏྣ་ཏྲ་ཡཱ་ཡ། དཀོན་མཆོག་གསུམ་ལ་ཕྱག་འཚལ་ལོ། །ན་མོ་མ་ཎི་བྷ་དྲྭ་ཡ། ནོར་བུ་བཟང་པོ་ལ་ཕྱག་འཚལ་ལོ། །མ་ཧཱ་ཡཀྵ་སེ་ནཱ་པ་ཏ་ཡེ། གནོད་སྦྱིན་གྱི་སྡེ་དཔོན་ཆེན་པོའི་ཆེད་དུ། ཏདྱཐཱ། འདི་ལྟ་སྟེ། ཨོཾ་ཛམྦྷ་ལ་ཛ་ལེནྡྲ་ཡ་སྭཱ་ཧཱ་ནི་སྔར་ལྟར་རོ། །ཚ ཛཾ་བྷ་ལ་སིདྡྷི་ཕ་ལ་ཧོ༔ རྨུགས་འཛིན་དངོས་གྲུབ་འབྲས་བུས་ཚིམ་པར་མཛོད་ཅིག །ཅེས་པའོ། །འདིའི་ཆོ་གའི་འགྲོས་ནི་གཉིས་ཀ་མཐུན་པར་ཡན་ལག་བཞི་རྫོགས་སུ་བསྐྱེད་ཅིང་། གཏོར་མ་འབུལ་བ་དང་། ཉེར་སྤྱོད་ཀྱིས་མཆོད་ཅིང་བསྟོད་ནས་གསོལ་བ་གདབ་པ་དང་། ཐུན་མོང་དུ་དངོས་གྲུབ་བླངས་ཤིང་གསོལ་བ་གདབ་པས་བསྡུས་པའོ། །འདི་གཉིས་ལ་དམིགས་ཀྱིས་བཀར་ཏེ་འབུལ་བའི་དོན་ཅི་ཞེ་ན། སྔོན་བཅོམ་ལྡན་འདས་ལ་ལྷས་བྱིན་གྱིས་རྒྱོགས་འཕངས་པའི་ཚེ་ཛཾ་བྷ་ལས་བསྒྲིབས་པས་རྡོའི་ཚལ་བུ་སྤྱི་བོར་ཕོག་པས་རྨ་བྱུང་བ་ལ་དེའི་ཟུག་རྔུ་ཞི་སླད་རྗེས་འཇུག་རྣམས་

― JKT006_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱིས་ཀྱང་ཆུ་སྦྱིན་པར་བྱས་ན་ནོར་གྱི་དངོས་གྲུབ་སྟེར་བར་བཤད་པ་དང་། གཅིག་ཤོས་ཀྱང་འཕགས་པས་དབུལ་པོའི་དོན་དུ་མགྲིན་པར་མེའི་འཁོར་ལོ་དང་ལྡན་པར་སྤྲུལ་པས་དེའི་ཚེ་དཔལ་ཞི་སླད་ཆུ་ཕུལ་ན་དབྱིག་གི་ཆར་འབེབས་པར་གསུངས་པ་སྟེ། ཐུགས་རྗེ་ཆེན་པོ་པདྨ་དྲྭ་བའི་རྒྱུད་ལས། ཛཾ་བྷ་ལ་ནི་ཆུ་ཡིས་མཆོད། །ཡི་དྭགས་རྣམས་ཀྱང་ཆུས་ཚིམ་བྱ། །ཞེས་སོགས་ཁུངས་མང་ཞིང་ཐུན་མོང་མ་ཡིན་པའི་རྒྱུད་སྡེ་རྣམས་ལས་ཀྱང་བསྟན་ཏོ། །གཉིས་པ་བརྒྱ་རྩ་དངོས་ལ། སྤྱིར་མགྲོན་རིགས་ཐམས་ཅད་བསྡུ་ན། མཆོད་ཡུལ་དང་། སྦྱིན་ཡུལ་གཉིས་སུ་འདུ་ཞིང་། དེ་ཡང་སྔ་མ་བཞི་ནི་མཆོད་ཡུལ་དང་། ལྷག་མ་ནི་སྦྱིན་ཡུལ་ལོ། །དེ་ལས་ཅུང་ཟད་སྤྲོས་ན་བཞི་སྟེ། དཀོན་མཆོག་སྲི་ཞུའི་མགྲོན། མགོན་པོ་ཡོན་ཏན་གྱི་མགྲོན་དང་། བགེགས་རིགས་ལན་ཆགས་ཀྱི་མགྲོན་དང་། རིགས་དྲུག་སྙིང་རྗེའི་མགྲོན་ནོ། །དེ་ལས་ཕྱེ་ན། དང་པོ་ལ་མགྲོན་ཚན་གཅིག །གཉིས་པ་ལ་གསུམ། གསུམ་པ་ལ་བཞི། བཞི་པ་ལ་བཞི་སྟེ་བཅུ་གཉིས་ལས། སྤྱིའི་སྔགས་དོན། ན་མ་སུ། །ཕྱག་འཚལ་ལོ། །སརྦ་ཏ་ཐཱ་ག་ཏ། དེ་བཞིན་གཤེགས་པ་ཐམས་ཅད། ཨ་ཝ་ལོ་ཀི་ཏེ། ཀུན་ཏུ་གཟིགས་པ་མ། ཨོཾ་སཾ་བྷ་ར་སཾ་བྷ་ར་ཧཱུཾ། ཨོ་ཡང་དག་པར་རྒྱས་པར་གྱུར་ཅིག །ཡང་དག་པར་

― JKT006_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་པར་གྱུར་ཅིག་ཧཱུཾ། ཞེས་པ་སྟེ། དོན་ནི། དེ་བཞིན་གཤེགས་པ་ཐམས་ཅད་གཟིགས་པ་ལ་ཕྱག་འཚལ་བ་སྔོན་དུ་འགྲོ་བའི་བདེན་སྟོབས་ཀྱིས་མཆོད་པའི་སྤྲིན་ཕུང་མཆོག་ཏུ་དག་པ་མགྲོན་སོ་སོའི་སྤྱན་ལམ་དུ་གང་བཞེད་དེ་དེའི་ངོར་འཆར་བའི་འདོད་པའི་ཡོན་ཏན་རྣམ་པ་ཐམས་ཅད་པའི་རང་བཞིན་དུ་དུས་འདིར་རྒྱས་ཤིང་། དུས་གཞན་ཐམས་ཅད་དུའང་རྒྱས་པར་གྱུར་ཅིག་ཅེས་པ་སྟེ། དེ་ལས་གཞན་པའི་འགྲེལ་ཚུལ་ཕལ་ཆེར་ནི་བླུན་པོའི་གཏམ་དུ་ངེས་པ་རྙེད་ལ། སཾ་བྷ་ར་ཞེས་པའང་ཉེར་བསྒྱུར་སཾ་སྔོན་མའི་བྷིནྱ་འགེབས་པ་ལ་པཉྩ་མའི་ཧི་ཕྱིས་པ་སོགས་ཀྱིས་བསྒྲུབས་པས་སྨོན་ཚིག་ཏུ་བསྒྱུར་བ་ཁོ་ན་འཐད་དམ་རྟོགས་སོ། །འདོད་པའི་ཡོན་ཏན་ལྔ་སོགས་ལའང་ཤིན་ཏུ་རྒྱས་པར་བཤད་དུ་ཡོད་ཀྱང་བློ་དམན་རྣམས་ཀྱིས་བསྒོམས་དོན་ལ་འབྱོར་པ་དཀའ་ཞིང་། །དེ་ལས་གཞན་བདག་གིས་ནི་མཁྱེན་སླ་བའི་ཕྱིར་སྨྲ་བ་མང་པོ་ལ་འཛེམས་སོ། །བྱེ་བྲག་མགྲོན་ཚན་དང་པོའི་སྐབས། རྩ་བ་ནི་རང་ལ་དབང་བསྐུར་རྒྱུད་བཤད་མན་ངག་གནང་བའི་བླ་མ་དངོས་དང་བརྒྱུད་པ་ནི་ཡང་དག་པར་རྫོགས་པའི་སངས་རྒྱས་ནས་བཟུང་སྟེ་དེ་ཉིད་ཀྱི་བར་རོ། །ཡི་དམ་ནི་འདོད་པའི་དངོས་གྲུབ་སྟེར་བར་བྱེད་པ་ལ་སོགས་དོན་ཚན་དྲུག་གི་སྒོ་ནས་ལྷར་འཇོག་པ་རྣམས་ཏེ། ངོ་བོ་ནི་རྒྱུད་

― JKT006_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

སྡེ་བཞིས་བསྡུས་པའི་དཀྱིལ་འཁོར་གྱི་ལྷའོ། །སངས་རྒྱས་དཀོན་མཆོག་ནི་རང་དོན་དུ་སྤངས་པ་ཆོས་ཀྱི་སྐུ་དང་། གཞན་དོན་དུ་རྟོགས་པ་གཟུགས་ཀྱི་སྐུ་བརྙེས་པས་ཕུན་སུམ་ཚོགས་པའི་ཡོན་ཏན་དྲུག་དང་ལྡན་པ་སྟེ། མཚན་གཞི་ནི་དུས་གསུམ་གྱི་སངས་རྒྱས་ལ་སོགས་པའོ། ཆོས་དཀོན་མཆོག་ནི། འགོག་བདེན་རྟོགས་པའི་ཆོས་དང་། ལམ་བདེན་ལུང་གི་ཆོས་ཟག་མེད་ཀྱི་ཡོན་ཏན་དྲུག་དང་ལྡན་པ་སྟེ། སྔ་མའི་མཚན་གཞི་ནི་དྲན་པ་ཉེ་བར་བཞག་པ་བཞི་སོགས་དང་། ཕྱི་མའི་མཚན་གཞི་ནི་གསུང་རབ་ཡན་ལག་བཅུ་གཉིས་ལ་སོགས་པ་རྣམས་སོ། །དགེ་འདུན་དཀོན་མཆོག་ནི། དམ་པའི་དོན་གྱི་གནས་ལུགས་མངོན་སུམ་དུ་རིག་པ་དང་། སྤང་བྱ་ཉོན་མོངས་པའི་ཡུལ་ལས་གྲོལ་བའི་ཡོན་ཏན་དྲུག་ལྡན་ཏེ། མཚན་གཞི་ནི། ཐེག་ཆེན་གྱི་སྐབས་སུ་ཉེ་བའི་སྲས་བརྒྱད་དང་། ཐེག་དམན་གྱི་སྐབས་སུ་གང་ཟག་མཆོག་བརྒྱད་ལ་སོགས་པའོ། །མགྲོན་ཚན་གཉིས་པའི་སྐབས་སུ་གཞན་ལམ་ཙམ་གོ་སླ་ལ། དཔལ་མགོན་བདུན་ཅུ་རྩ་ལྔའི་གྲངས་ངེས་ཅུང་ཟད་ཙམ་ཕྱེ་ན། ལྷ་ཆེན་པོ་བརྒྱད་ནི། ཤར་དུ་དབང་ཕྱུག་ཆེན་པོ། ལྷོར་ལྷའི་དབང་པོ། ནུབ་ཏུ་ཚངས་པ། བྱང་དུ་ཁྱབ་འཇུག །ཤར་ལྷོར་འདོད་པའི་རྒྱལ་པོ། ལྷོ་ནུབ་ཏུ་ཚོགས་ཀྱི་བདག་པོ། ནུབ་བྱང་ཧྥདྷི་རཱི་ཊི་སྟེ་དབང་

― JKT006_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱུག་གི་འཁོར་རབ་ཏུ་འཇོམས་བྱེད་ཀྱི་ནང་ཚན་དུ་གཏོགས་པ། བྱང་ཤར་དུ་གཞོན་ནུ་ཀཱནྟི་ཀ་སྟེ་དབང་ཕྱུག་གི་བུ་ཆུང་བ་གཞོན་ནུ་གདོང་དྲུག་སྟེ་ལྷའི་དམག་དཔོན་རྣམས་སོ། །ཀླུ་ཆེན་པོ་བརྒྱད་༡༦ནི། ཤར་དུ་ནོར་རྒྱས་དཀར་པོ་ཨུཏྤལ་སྔོན་པོས་མཚན་པ། ལྷོར་པདྨ་དཀར་པོ་དབུ་ལ་ཐིག་ལེ་གསུམ་གྱིས་མཚན་པ། ནུབ་ཏུ་ཀརྐོ་ཊ་སྔོན་པོ་མགྲིན་པར་རི་མོ་གསུམ་གྱིས་མཚན་པ། བྱང་དུ་འཇོག་པོ་དམར་པོ་དཔལ་བེའུས་མཚན་པ། ཤར་ལྷོར་དུང་སྐྱོང་སེར་པོ་ཐིག་ལེས་མཚན་པ། ལྷོ་ནུབ་ཏུ་རིགས་ལྡན་དཀར་པོ་ཟླ་ཕྱེད་གདེངས་ཀས་མཚན་པ། ནུབ་བྱང་དུ་མཐའ་ཡས་སྣ་ཚོགས་མདོག་སྟེ་རྨ་བྱའི་མགྲིན་པ་ལྟ་བུའི་པདྨས་མཚན་པ། བྱང་ཤར་དུ་པདྨ་ཆེན་པོ་དཀར་པོ་རྩེ་གསུམ་གྱིས་མཚན་པ་སྟེ། འདིའི་གནས་ཚུལ་ནི་སྤྱིར་བཏང་གི་དབང་དུ་བྱས་ཀྱི་འཆད་ཚུལ་གཞན་ཡང་ཡོད་དོ། །ཕྱོགས་སྐྱོང་༢༦བཅུ་ནི། ཤར་དུ་བརྒྱ་བྱིན། ཆུང་བ། ལྷོར་གཤིན་རྗེ། ནུབ་ཏུ་ཆུ་བདག །བྱང་དུ་གནོད་སྦྱིན། ཤར་ལྷོར་མེ་ལྷ། ལྷོ་ནུབ་ཏུ་སྲིན་པོ། ནུབ་བྱང་དུ་རླུང་ལྷ། བྱང་ཤར་དུ་དབང་ལྡན་ཏེ་དབང་ཕྱུག་ཆེན་པོ་ཆུང་བའོ། །སྟེང་དུ་ཚངས་པ་ཆུང་བ་དང་། འོག་ཏུ་ས་ཡི་ལྷ་མོ་རྣམས་སོ། །རྒྱལ་པོ་ཆེན་པོ་སྡེ་བཞི་ནི། ཤར་ཕྱོགས་དྲི་ཟའི་རྒྱལ་པོ་ཡུལ་འཁོར་སྲུང་། ལྷོ་ཕྱོགས་།

― JKT006_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུལ་བུམ་གྱི་རྒྱལ་པོ་འཕགས་སྐྱེས་པོ། ནུབ་ཕྱོགས་ཀླུའི་རྒྱལ་པོ་སྤྱན་མི་བཟང་། བྱང་ཕྱོགས་གནོད་སྦྱིན་གྱི་རྒྱལ་པོ་རྣམ་མང་ཐོས་སྲས་རྣམས་སོ། །གཟའ་ཆེན་པོ་བརྒྱད་ནི། ཉི་མ། ཟླ་བ། མིག་དམར་༑ ལྷག་པ། ཕུར་བུ། པ་ཝ་སངས། སྤེན་པ། སྒྲ་གཅན་ཏེ་བརྒྱད་ལ་བྱ་ཞིང་། སོ་སོའི་ཁ་དོག་དང་མཚན་མ་སོགས་ནི་རྒྱུད་སྡེ་སོ་སོ་དང་དཀར་རྩིས་ཀྱི་གཞུང་སོགས་སུ་ཐ་དད་པ་འབྱུང་པའི་ཕྱིར་མ་སྨོས་སོ། །རྒྱུ་སྐར་ཉེར་༦༦བརྒྱད་ནི། སྨིན་དྲུག་སྣར་མ་མགོ་ལག་དང་། །ནབས་སོ་རྒྱལ་ཏེ་ཤར་སྐར་བདུན། །མཆུ་གྲེ་དབོ་དང་མེ་བཞི་ནག །ས་རི་ས་ག་བྱང་སྐར་བདུན། །ལྷ་མཚམས་སྣོན་སྣུབས་ཆུ་སྟོད་སྨད། །གྲོ་བཞིན་བྱི་བཞིན་ནུབ་སྐར་བདུན། །མོན་གྲེ་མོན་གྲུ་ཁྲུམས་སྟོད་སྨད། །ནམ་གྲུ་ཐ་སྐར་བྲ་ཉེ་ལ། །ལྷོ་སྐར་བདུན་ཏེ་ཉེར་བརྒྱད་དོ། །འཇིགས་བྱེད་ཆེན་པོ་དགུ་ནི། ཤང་དུ་དབང་ཕྱུག་འཇིགས་བྱེད། ལྷོར་བརྒྱ་བྱིན་འཇིགས་བྱེད། ནུབ་ཏུ་ཀུ་བེ་ར་སྟེ་ལུས་ངན་འཇིགས་བྱེད། བྱང་དུ་ཡེ་ཤེས་འཇིགས་བྱེད། ཤར་ལྷོར་ཁྱབ་འཇུག་འཇིགས་བྱེད། ལྷོ་ནུབ་ཏུ་སྲིན་པོ་འཇིགས་བྱེད། ནུབ་བྱང་དུ་ཀཱ་ལ་སྟེ་ནག་པོ་འཇིགས་བྱེད། བྱང་ཤར་དུ་ཚོགས་བདག་འཇིགས་བྱེད། སྟེང་དུ་ཚངས་པ་འཇིགས་བྱེད་དེ། དེ་དག་ཤིན་ཏུ་ཁྲོས་པའི་གཟུགས་འཆང་བ་

― JKT006_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་དུ་བལྟའོ། །དེ་ལྟར་བསྡོམས་པས་བདུན་ཅུ་རྩ་ལྔ་པོ་གང་ཡིན་པ་ནི་གཙང་རིས་ཀྱི་མགོན་པོ་བདུན་ཅུ་རྩ་ལྔ་ཞེས་བྱ་སྟེ་དཀར་ཕྱོགས་སྐྱོང་བའི་ཆོས་སྲུང་ཐམས་ཅད་ཀྱི་གཙོ་བོ་ལྟ་བུར་ཤེས་། །པར་བྱའོ། །མགྲོན་ཚན་གསུམ་པའི་སྐབས། རིག་པ་ནི་མིག་སྨན་དང་སྔགས་དང་བཅུད་ཀྱིས་ལེན་པ་ལ་སོགས་པ་སྟེ་དེ་འཛིན་པས་ཐུན་མོང་གི་གྲུབ་པའི་ཡོན་ཏན་ལ་དབང་འབྱོར་པ་འདོད་པ་དང་གཟུགས་ན་སྤྱོད་པའི་སས་བསྡུས་པ་རྣམས་སོ། །དགེ་སྦྱོང་ནི་ཤ་མ་ཎ་སྟེ་ཡང་དག་པར་བླངས་པའི་དཀའ་ཐུབ་ཀྱིས་ངལ་བར་བྱས་པ་རྣམས་ལ་བྱའོ། །བྲམ་ཟེ་ནི་མི་རིགས་བཞིའི་བྱེ་བྲག་སྟེ། མཆོད་སྦྱིན་དང་། སྲིད་སྲུངས་དང་། སྙན་ཚིག །ངེས་བརྗོད། དེ་རིག་བྱེད་བཞིའི་ཆོས་ལུགས་འཛིན་པས་གནས་སྐབས་སུ་གཞན་ལ་ཕན་པ་སྒྲུབ་པའི་བརྟུལ་ཞུགས་ཅན་དག་གོ །དྲང་སྲོང་ནི་རི་ཊི་ཞེས་པའི་སྒྲ་ལས་དྲངས་ན་ཡེ་ཤེས་སམ་འཁོར་བའི་ཕ་རོལ་ཏུ་འགྲོ་བར་བྱེད་པ་སྟེ། དེ་དག་གི་ངང་ཚུལ་ཀྱང་། རིག་སྔགས་ཀྱི་རྒྱལ་མོ་རྨ་བྱ་ཆེན་མོར། ཀུན་དགའ་བོ་དྲང་སྲོང་རྙིང་པ་བརྟུལ་ཞུགས་གྲུབ་པ་རིག་སྔགས་གྲུབ་པ། གྲགས་པ་འབར་བ། ཀླུང་དང་རི་ལ་གནས་པ། དམོད་པའི་མཚོན་ཅན། དཀའ་ཐུབ་དྲགས་པ། རྫུ་འཕྲུལ་དང་ལྡན་པ། མངོན་པར་ཤེས་པ་ལྔ་དང་ལྡན་པ། ནམ་མཁའ་

― JKT006_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་འགྲོ་བ་དེ་དག་གི་མིང་བརྗོད་ཀྱི་ཁྱོད་ཀྱིས་ཟུངས་ཤིག །འདི་ལྟ་སྟེ། དྲང་སྲོང་ཆེན་པོ་རྒྱས་པ་ཞེས་བྱ་བ་དང་། དྲང་སྲོང་ཆེན་པོ་གཡོན་ཕྱོགས་པ་ཞེས་བྱ་བ་དང་། ཞེས་སོགས་མང་དུ་འབྱུང་བ་བཞིན༑ འདི་དག་གི་མཚན་གཞི་ནི་མིས་བྱིན་ལ་སོགས་པ་ལྷའི་དྲང་སྲོང་དང་། རྒྱུན་ཤེས་ལ་སོགས་པ་རྒྱལ་པོའི་དྲང་སྲོང་དང་། འོད་སྲུང་ལ་སོགས་པ་བྲམ་ཟེའི་དྲང་སྲོང་རྣམས་ལ་བྱ་ཞིང་། མངོན་པར་ཤེས་པ་ལྔའང་། རྫུ་འཕྲུལ་ལྷ་ཡི་རྣ་བ་དང་། །གཞན་སེམས་ཤེས་དང་སྔོན་གནས་དྲན། །ལྷ་ཡི་མིག་སྟེ་མངོན་པར་ཤེས། །ལྔ་པོ་ཐུན་མོང་ཉིད་དུ་དྲན། །ཅེས་འབྱུང་ངོ་། །མགྲོན་ཚན་བཞི་པའི་སྐབས་སུ། ལྷན་ཅིག་སྐྱེས་པའི་ལྷ་ནི་འཚོ་བའི་ལྷ། །སྲུང་བའི་ལྷ། སྐྱོབ་པའི་ལྷ། འགོ་བའི་ལྷ། འགྲོགས་པའི་ལྷ་ལྔའོ། །རྣམ་ཐོས་སྲས་ནི་དྲང་སྲོང་རྣམ་མང་ཐོས་པའི་བུ་སྟེ་དྲང་དོན་དུ་བྱང་ཕྱོགས་གནོད་སྦྱིན་གྱི་དབང་པོར་གནས་ཤིང་། ངེས་དོན་དུ་ས་བརྒྱད་པའི་བྱང་ཆུབ་སེམས་དཔར་བཤད་དོ། །ནོར་རྒྱུན་མ་ནི་འདི་ལ་གསོལ་བ་བཏབ་པ་ཙམ་གྱིས་དབྱིག་གི་ཆར་འབེབས་པར་བྱེད་པའི་འཕགས་མའོ། །ཚོགས་ཀྱི་བདག་པོ་ནི་དབང་ཕྱུག་ཆེན་པོའི་བུ་ཆེ་བ་སྟེ་གླང་པོའི་གདོང་པ་ཅན་ནོ། །མགྲོན་ཚན་ལྔ་པ་ནས་མར་མགྲོན་དུ་གཏོགས་ཕྱིར། མཚན་བཞི་སྔོན་དུ་འགྲོ་དགོས་ཏེ། དེ་

― JKT006_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དེ་བཞིན་གཤེགས་པ་རིན་ཆེན་མང་ནི་ཤཱཀྱ་ཐུབ་པ་སྟེ་དེ་ལ་ཕྱག་འཚལ་བས་མགྲོན་རྣམས་ཀྱི་སེར་སྣའི་ལས་བཅོམ་ཞིང་ལོངས་སྤྱོད་ཕུན་སུམ་ཚོགས་པ་ཐོབ་པ་དང་། གཟུགས་མཛེས་དམ་པ་ནི་སྤྱན་རས་གཟིགས་ཏེ་དེ་ལ་ཕྱག་འཚལ་བས་གཟུགས་ངན་པ་ཐམས་ཅད་སྤངས་ནས་ཕུན་སུམ་ཚོགས་པའི་གཟུགས་དང་ལྡན་པར་འགྱུར་བ་དང་། སྐུ་འབྱམས་ཀླས་ནི་འཕགས་པ་འཇམ་དཔལ་ཏེ། །དེ་ལ་ཕྱག་འཚལ་བས་ནད་དང་སྡུག་བསྔལ་ཀུན་བཅོམ་ནས་ཟས་ཀྱི་རོ་བྲོ་བ་མཆོག་ཏུ་འགྱུར་བ་དང་། འཇིགས་པ་དང་བྲལ་བ་ནི་ཕྱག་ན་རྡོ་རྗེ་སྟེ། དེ་ལ་ཕྱག་འཚལ་བས་ཕན་ཚུན་བརྡེག་འཚོག་ལ་། སོགས་པའི་འཇིགས་པ་ཀུན་དང་བྲལ་ནས་གནོད་འཚེ་ཐམས་ཅད་ཞི་བར་བྱེད་བའོ། །འདི་དག་གི་ངོས་འཛིན་ཚུལ་འདྲ་མིན་གཞན་ཡང་སྣང་ནའང་འདིར་ཡོངས་སུ་གྲགས་པ་ལྟར་བྲིས་པའོ། །བྱེ་བྲག་མངོན་ཚན་གྱི་ངོས་འཛིན་ལ། རྡོ་རྗེ་གདན་ནི་རྣམ་པར་འདྲེན་པ་ཐམས་ཅད་བྱང་ཆུབ་ཀྱི་སྙིང་པོ་མངོན་དུ་མཛད་པའི་གནས་ཏེ། དེ་ནི་འཛམ་བུ་པྲིཀྵས་མཚན་པའི་ལྷོ་ཕྱོགས་ཀྱི་གླིང་འདིའི་ལྟེ་བའོ། །དེས་གཙོ་བོར་བྱས་པའི་ཤར་ན་རྗེ་བཙུན་འཇམ་དཔལ་དབྱངས་ཀྱི་ཞིང་ཁམས་རི་བོ་རྩེ་ལྔ། ལྷོ་ན་དཔལ་ལྡན་འབྲས་སྤུངས་ཀྱི་མཆོད་རྟེན། ནུབ་ན་ཨོ་རྒྱན་མཁའ་འགྲོའི་གླིང་། བྱང་ན་རིགས་ལྡན་

― JKT006_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་པའི་ཕོ་བྲང་ཤམྦྷ་ལ་སོགས་སོ། །བོད་ཁམས་ནི་ཡུལ་དྲུག་གི་ནང་ཚན་གངས་ཅན་གྱི་ལྗོངས་ཏེ། དེའི་གཞི་བདག་གི་གཙོ་བོ་བརྟན་མ་བཅུ་གཉིས་ལ་རིགས་བསྡུ་ན་གསུམ་སྟེ། དང་པོ་བདུད་མོ་བཞི་ནི། བྱང་གནམ་མཚོ་ན་རྡོ་རྗེ་ཀུན་གྲགས་མ། ལྷོ་བོད་ལྷ་རིའམ་ལ་སྟོད་ན་རྡོ་རྗེ་གཡའ་མ་སྐྱོང་། ལ་ཕྱི་གངས་ཀྱི་ར་བའམ་གནོད་སྦྱིན་གངས་ལ་རྡོ་རྗེ་ཀུན་བཟང་མ། ཡར་འབྲོག་སྒང་གི་མཚོ་ན་རྡོ་རྗེ་བགེགས་ཀྱི་གཙོ་མོའོ། །གནོད་སྦྱིན་མོ་བཞི་ནི། ལྷ་ཕུ་གངས་ཀྱི་རི་ལ་རྡོ་རྗེ་སྨན་གཅིག་མ། གཙང་དབུས་རུ་མཚམས་ཇོ་མོ་ཁ་རག་ན་རྡོ་རྗེ་ཁྱང་བཙུན་མ། བྱང་སྟོད་དང་དམར་མཚོ་ན་རྡོ་རྗེ་མཁའ་ལྡིང་ཀླུ་མོ། རྨ་ཆེན་སྤོམ་ར་ན་རྡོ་རྗེ་དྲག་མོ་རྒྱལ་རྣམས་སོ། །སྨན་མོ་བཞི་ནི། ཀོང་ཡུལ་བྲེ་སྣ་ན་ཀོང་བཙུན་དེ་མོ་རྡོ་རྗེ་བོད་ཁམས་སྐྱོང་། གཉལ་དང་ལོ་རོར་བཙན་ལ་རོལ་པའི་རྡོ་རྗེ་སྨན་གཅིག་མ། གཙང་སྟོད་ཇོ་མོ་ནགས་རྒྱལ་ན་རྡོ་རྗེ་གཡར་མོ་བསིལ། མོན་ཤ་འུག་སྟག་སྒོའམ། མདོ་ཁམས་གཡུ་རིའི་གནས་ན་རྡོ་རྗེ་གཡུ་སྒྲོན་མ་རྣམས་སོ། །འདི་དག་གི་གནས་དང་མཚན་གྱི་རྣམ་གྲངས་ལ་གཏེར་གཞུང་སོ་སོར་མི་འདྲ་བ་སྣ་ཚོགས་འབྱུང་ཡང་ངོ་བོ་གཅིག་པར་སེམས་སོ། །གཞན་ཡང་བོད་ཀྱི་ལྗོངས་འདིར་ཡུལ་གྱི་བྱེ་བྲག་ཇི་ལྟར་ཡོད་ཅེ་ན། པུ་རང་། མང་ཡུལ། ཟངས་དཀར་

― JKT006_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་སྐོར་གཅིག །ལི། བྲུ་ཤ །སྦལ་ཏེ་སྐོར་གཅིག །ཞང་ཞུང་། ཁྲི་སྡེ་སྟོད་སྨད་བར་གསུམ་སྐོར་གཅིག་སྟེ་དེ་རྣམས་ལ་སྟོད་མངའ་རིས་སྐོར་གསུམ་རྫིང་དང་འདྲ་བ་ཞེས་བྱའོ། །དབུས་ན་དབུ་རུ་དང་གཡོ་རུ། གཙང་ན་གཡས་རུ་དང་རུ་ལག་གཉིས་ཏེ་བར་དབུས་གཙང་རུ་བཞི་ཡུར་བ་དང་འདྲ་བ། རྡུལ་རྫ་ཟལ་མོ་སྒང་། ཚ་བ་སྒང་། སྨར་ཁམས་སྒང་། སྤོ་འབོར་སྒང་། དམར་རྫ་སྒང་། མི་ཉག་ར་བ་སྒང་སྟེ་སྨད་མདོ་ཁམས་སྒང་དྲུག་ཞིང་ས་དང་འདྲ་བའི་ཐ་སྙད་བྱེད་པ་རྣམས་སོ། །མགྲོན་ཚན་དྲུག་པའི་སྐབས། གནོད་སྦྱིན་གྱི་སྡེ་དཔོན་ཆེན་པོ་གང་བ་བཟང་པོ་དང་། །ནོར་བུ་བཟང་པོ་དང་། སོགས་ཁོང་ནས་ཛཾ་བྷ་ལ་དང་། ཀུ་བེ་ར་དང་། ཡང་དག་ཤེས་དང་། འབྲོག་གནས། ལྔས་རྩེན། པི་ཙི་ཀུཎྜ་ལཱི་སྟེ་རྟ་བདག་བརྒྱད་ལ་སོགས་པའོ། །ཕྱོགས་མཚམས་སྲུང་པར་བྱེད་པའི་གནོད་སྦྱིན་ཉི་ཤུ་རྩ་བརྒྱད་ནི། རིག་སྔགས་ཀྱི་རྒྱལ་མོ་རྨ་བྱ་ཆེན་མོ་ལས་བྱུང་པ་ལྟར་ན། ཤར་དུ་རིང་པོ་དང་། མིག་བཟང་དང་། གང་པོ་དང་། སེར་སྐྱ་སྟེ་བཞི། ལྷོར་སེང་གེ་དང་༑ ཉེ་བའི་སེང་གེ་དང་། དུང་ཅན་དང་། དགའ་བོ་སྟེ་བཞི། ནུབ་ཏུ་སེང་གེ་དང་། སེང་གེའི་རལ་པ་དང་། བླ་མ་དང་། སེར་སྐྱ་སྟེ་བཞི། བྱང་དུ་འཛིན་པ་དང་། འཛིན་དགའ་དང་།

― JKT006_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩོན་སྐྱོང་དང་། ཁྱབ་འཇུག་སྟེ་བཞི། ཕྱོགས་མཚམས་སུ། ལྔ་སྤྱོད་དང་། ཚིགས་ལྔ་སེར་པོ་དང་། རི་མཉམ་དང་། གསེར་ཅན་ཏེ་བཞི། ས་ལ་ས་པ་དང་། ཤིན་ཏུ་སངས་དང་། ནག་པོ་དང་ཉེ་ནག་སྟེ་བཞི། བར་སྣང་ལ་ཉི་མ་དང་ཟླ་བ་དང་། མེ་དང་། རླུང་སྟེ་བཞིར་བགྲངས་སོ། །གནོད་སྦྱིན་མཐུ་བོ་ཆེ་སུམ་ཅུ་རྩ་གཉིས་ཀྱང་། སྔ་མ་ལས། ཀུན་དགའ་བོ་ཁྱོད་ཀྱིས་རྣམ་ཐོས་ཆཀྱི་བུའི་ཆོས་ཀྱི་སྨན་གང་དག་སེམས་ཅན་རྣམས་སྲུང་ཞིང་ཡོངས་སུ་སྐོང་བར་བྱེད་པ། འཇིག་རྟེན་ན་ཡམས་ཀྱི་ནད་དང་གནོད་པ་དང་འཁྲུག་འཇིག་རྟེན་ན་ཕན་པར་བྱེད་པ། །འཇིག་རྟེན་ན་རྒྱུ་བ་རྣམས་ཀྱི་མིང་ཟུངས་ཤིག །འདི་ལྟ་སྟེ། དབང་པོ་དང་། ཟླ་བ་དང་། ཆུ་ལྷ་དང་། སྐྱེ་རྒུའི་བདག་པོ་དང་། བྷ་ར་ངྷ་ཛ་དང་། དབང་ལྡན་དང་། ཙནྡན་དང་། འདོད་པའི་གཙོ་བོ་དང་། མགྲིན་ངན་དང་། མགུལ་ངན་དང་། ས་ཊི་དང་། ནོར་བུ་དང་། ནོར་བུ་སྤྱོད་དང་། སྒྲ་རབ་དང་། ཉེ་ལྔ་པོ་དང་། རི་མཉམ་དང་། གསེར་ཅན་དང་། གང་པོ་དང་། སེང་ལྡེང་དང་། གཡོན་ཅན་དང་། མགྲིན་ངན་དང་། བ་ལང་སྐྱོང་དང་། འབྲོག་གནས་དང་། མིའི་རྒྱལ་པོ་དང་། རྒྱལ་བའི་ཁྱུ་མཆོག་དང་། ཚིག་ལྔ་སེར་པོ་དང་། བཞིན་བཟང་དང་། གནོད་སྦྱིན་

― JKT006_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

རིང་པོ་འཁོར་དང་བཅས་པ་དང་། དྲི་ཟ་སྣ་ཚོགས་སྡེ་དང་། འབྲས་བུ་གསུམ་པ་དང་། མགུལ་གསུམ་པ་དང་། ལྕགས་མདུང་༣ ༢རིང་པོ་དར་ལྡན་པ་སྟེ་གནོད་སྦྱིན་ཆེན་པོ་རྣམས་སོ། །ཞེས་འབྱུང་ངོ་། །འཕྲོག་མ་ནི་གནོད་སྦྱིན་མ་གཅིག་ལ་བུ་ལྔ་བརྒྱ་ཡོད་པ་མཐུ་རྩལ་ཤིན་ཏུ་ཆེ་བས་ཉིན་བཞིན་དུ་འཛམ་བུ་གླིང་པའི་སེམས་ཅན་མང་པོའི་སྲོག་ལ་འཚེ་བ་ཅན་ཏེ། དེ་ཉིད་བཅོམ་ལྡན་འདས་ཀྱིས་ཐབས་ལ་མཁས་པའི་སྒོ་ནས་བཏུལ་ཞིང་གཞན་ལ་མི་འཚེ་བའི་དམ་བཅའ་འཛིན་དུ་གཞུག་པ་དང་། སླད་ནས་རྗེས་འཇུག་ཐམས་ཅད་ཀྱིས་ཆང་བུ་སྦྱིན་པར་གསུངས་པ་སོགས་འདུལ་བ་ལས་ཀྱང་རྒྱ་ཆེར་འབྱུང་ཞིང་། རིག་སྔགས་ཀྱི་རྒྱལ་མོ་བསིལ་བའི་ཚལ་ཆེན་པོའི་མདོ་ལས་ཀྱང་། འཕྲོག་མ་ཅེས་བྱའི་གནོད་སྦྱིན་མོ། །འཇིགས་པར་བགྱིད་པ་སྟོབས་ཆེན་མོ། །དེ་ཡི་བུ་ནི་ལྔ་བརྒྱ་རྣམས༑ །འཇིགས་བགྱིད་གནོད་སྦྱིན་མཐུ་རྩལ་ཅན། །ཅེས་སོགས་གསུངས་སོ། །མགྲོན་ཚན་བདུན་པའི་སྐབས། བགེགས་རིགས་སྟོང་ཕྲག་བརྒྱད་ཅུ་ནི། པཎྜི་ཏ་ལོ་ཀ་ནཱ་ཐའི་བཞེད་པ་འགོས་ལོ་ཐམས་ཅད་མཁྱེན་པ་གཞོན་ནུ་དཔལ་གྱིས། ཕྲག་དོག་དང་དེའི་རྩ་བ་འདོད་ཆགས་ལས་སྐྱེས་པའི་མོ་གདོན་ལྷན་སྐྱེས་སྟོབས་ཆེན། ༩༠ སྟོབས་ཆུང་། ༩༠ ཀུན་བརྟགས་སྟོབས་ཆེན། ༩༠༠

― JKT006_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབས་ཆུང་། ༩༠ སྟེ་བསྡོམས་པས། ༣༦༠ ང་རྒྱལ་དང་དེའི་འབྲས་བུ་ཞེ་སྡང་ལས་སྐྱེས་པའི་ཕོ་གདོན་ལྷན་སྐྱེས་སྟོབས་ཆེ་ཆུང་བསྡོམས་པས། ༡༨༠ ཀུན་བརྟགས་སྟོབས་ཆེ་ཆུང་། ༡༨༠ སྟེ། ༣༦༠ གཏི་མུག་ལས་སྐྱེས་པའི་མ་ནིང་ངམ་ཀླུ་གདོན་ལྷན་སྐྱེས་སྟོབས་ཆེ་ཆུང་། ༡༨༠ ཀུན་བརྟགས་སྟོབས་ཆེ་ཆུང་། ༡༨༠ སྟེ། ༣༦༠ དེ་ལྟར་རྩ་བའི་ཉོན་མོངས་པ་ལྔ་ལས་སྐྱེས་པའི་ཕོ་མོ་མ་ནིང་གི་གདོན་ནམ་བགེགས་ཀྱི་རིགས་རེ་ཞིག་སྟོང་ཕྲག་གཅིག་དང་བརྒྱད་ཅུ་སྟེ་གཞན་དུ་ན་བསམ་གྱི་མི་ཁྱབ་པར་བལྟའོ། །བྱིས་པའི་གདོན་ཆེན་བཅོ་ལྔ་ནི། འཇམ་པ་པོ། རི་དྭགས་རྒྱལ་པོ། སེམས་བྱེད༑ རྗེད་བྱེད། ཁུ་ཚུར་ཅན། མ་མོ། ཛ་ལི་ཀ །འདོད་པ་ཅན། ནམ་གྲུ། སྲུལ་པོ། མ་དགའ་བྱེད། བྱ། གཉའ་ལག་ཅན། བཞིན་རྒྱས། མིག་འཕྱང་སྟེ་གཙོ་བོར་སྐྱེས་མ་ཐག་པ་ནས་ལོ་བཅོ་ལྔའི་བར་དུ་གནོད་པར་བྱེད་པ་བ་གླང་ལ་སོགས་པའི་གཟུགས་འཛིན་པ་རྣམས་སོ། །མགྲོན་ཚན་བརྒྱད་པའི་སྐབས། འགྲོ་བ་རིགས་དྲུག་ནི། དམྱལ་བ་ཡི་དྭགས་དུད་འགྲོ་སྟེ་ངན་སོང་དང་། །ལྷ་ལྷ་མིན་མི་སྟེ་མཐོ་རིས་གསུམ་སྟེ་དྲུག་གོ། །ལམ་རྒྱུད་ལྔ་ནི། དམྱལ་བ་གདུང་བའི་ལམ། ཡི་དྭགས་འགོག་པའི་ལམ། དུད་འགྲོ་མུན་པའི་ལམ། མི་འདོད་པའི་ལམ། ལྷ་གཡེང་བའི་ལམ་སྟེ་

― JKT006_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

འདིའི་སྐབས་སུ་ལྷ་མིན་ནི་སྟོད་རིས་ལྷ་དང་། སྨད་རིས་དུད་འགྲོར་བསྡུའོ། །སྐྱེ་གནས་རྣམ་པ་བཞི་ནི། སྒོང་སྐྱེས། མངལ་སྐྱེས། དྲོད་གཤེར་སྐྱེས། བརྫུས་སྐྱེས་ཏེ་བཞིའོ། །དེ་དག་ཀྱང་གང་ཞེ་ན། སློབ་དཔོན་ཀླུའི་བློས་འདི་སྐད་དུ་འཆད་དེ། སྒོ་ང་ལས་སྐྱེས་པ་གང་ཞེ་ན། སེམས་ཅན་གང་སྒོ་ང་ལས་སྐྱེ་བར་འགྱུར་བའོ། །དེ་དག་གང་ཞེ་ན། ངང་པ་དང་། ཁྲུང་ཁྲུང་དང་། །རྨ་བྱ་དང་། ཤ་རི་ཀ་ལ་སོགས་པའོ། །མངལ་ནས་སྐྱེས་པ་གང་ཞེ་ན། སེམས་ཅན་མངལ་ནས་སྐྱེས་པ་སྟེ། དེ་དག་ཀྱང་གང་ཞེ་ན། རྟ་དང་། བ་ལང་དང་། མ་ཧེ་དང་། བོང་བུ་དང་། ཕག་དང་༑ མི་ལ་སོགས་པའོ། །དྲོད་གཤེར་ལས་སྐྱེས་པ་གང་ཞེ་ན། སེམས་ཅན་གང་དག་དྲོད་ལས་སྐྱེས་པ་སྟེ། དེ་དག་ཀྱང་གང་ཞེ་ན། སྲིན་བུ་དང་། ཕྱེ་མ་ལེབ་དང་། མཆུ་སྦྲང་ལ་སོགས་པའོ༑ །བརྫུས་ཏེ་སྐྱེས་པ་གང་ཞེ་ན། སེམས་ཅན་གང་དག་དབང་པོ་མ་ཚང་བ་མེད་ཅིང་། མ་རྫོགས་པ་མེད་པ་ཡན་ལག་དང་ཉིང་ལག་ཐམས་ཅད་དང་ལྡན་པ་གཅིག་ཅར་སྐྱེས་པ་སྟེ། དེ་དག་ཀྱང་གང་ཞེ་ན། ལྷ་དང་། དམྱལ་བ་དང་། ཡི་དྭགས་དང་། སྲིད་པ་བར་མ་དང་། བསྐལ་པ་དང་པོའི་མི་ལ་སོགས་པའོ། །ཞེས་ཤིན་ཏུ་གསལ་བར་བཤད་དོ། །ཕ་རོལ་ཏུ་ཕྱིན་པ་དྲུག་ནི་སྦྱིན་པ་ལ་

― JKT006_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་པ་སྟེ། དེའང་གཞན་གྱི་དབུལ་བ་སེལ་བའི་ཕྱིར་གཏོང་བ་ནི་སྦྱིན་པའི་ངོ་བོ་སྟེ། དབྱེ་ན། ཆོས། ནོར། མི་འཇིགས་པའི་སྦྱིན་པ་གསུམ་མོ། །གང་ལ་སྤོང་བའི་སེམས་ཁྱད་པར་ཅན་ཐོབ་པ་ནི་ཚུལ་ཁྲིམས་ཀྱི་ངོ་བོ་སྟེ། དབྱེ་ན་ཉེས་སྤྱོད་སྡོམ་པ། དགེ་བ་ཆོས་སྡུད། སེམས་ཅན་དོན་བྱེད་ཀྱི་ཚུལ་ཁྲིམས་གསུམ་མོ། །གནོད་པའི་ཡུལ་གྱིས་བརྫི་བར་མི་ནུས་པ་ནི་བཟོད་པའི་ངོ་བོ་སྟེ། དབྱེ་ཡིན༑ གཞན་གྱི་ལོག་སྒྲུབ་དང་། ཆོས་ཕྱིར་དཀའ་སྤྱད་དང་། སྟོང་ཉིད་ཟབ་མོའི་དོན་ལ་མི་སྐྲག་པའི་བཟོད་པ་དང་གསུམ་མོ། །དཀར་པོའི་ཕྱོགས་ལ་འཇུག་པ་མི་ཞུམ་པ་ནི་བརྩོན་འགྲུས་ཀྱི་ངོ་བོ་སྟེ། དབྱེ་ན། བསམ་པ་གོ་ཆའི། སྦྱོར་བ་ཆོས་སྡུད་ཀྱི། སེམས་ཅན་དོན་བྱེད་ཀྱི་བརྩོན་འགྲུས་གསུམ་མོ། །གང་དུ་སེམས་རྣམ་པར་མི་གཡེར་པའི་རྩེ་གཅིག་པ་ནི་བསམ་གཏན་གྱི་ངོ་བོ་སྟེ། དབྱེ་ན༑ བྱིས་པ་ཉེར་སྤྱོད་ཀྱི། དོན་རབ་འབྱེད་པའི། དེ་བཞིན་གཤེགས་དགའི་བསམ་གཏན་ཏེ་གསུམ་མོ། །ཆོས་རབ་ཏུ་རྣམ་པར་འབྱེད་པའི་བློ་གྲོས་ནི་ཤེས་རབ་ཀྱི་ངོ་བོ་སྟེ། དབྱེ་ན། ཐོས་བསམ་སྒོམ་པའི་ཤེས་རབ་གསུམ་མོ། །དེ་དག་མདོར་བསྡུས་པ་སྟེ་རྒྱས་པར་མཐའ་ཀླས་སོ། །མགྲོན་ཚན་དགུ་པའི་སྐབས་ཡི་དྭགས་ཕྱི་ཡི་སྒྲིབ་པ་ཅན་ནི། ལྗོན་པའི་འབྲས་བུ་དང་ཆུ་ཀླུང་ལ་སོགས་པའི་

― JKT006_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

བཟའ་བཏུང་གི་ཚོགས་ཡིད་དུ་འོང་བ་མཐོང་ཡང་ཉེ་བར་སླེབས་པ་ན་མཚོན་ཆ་ཐོགས་པས་བསྲུངས་བའམ། རྣག་ཁྲག་སོགས་སུ་མཐོང་བས་སྡུག་བསྔལ་པའོ། །ནང་གི་སྒྲིབ་པ་ཅན་ནི། །ཟས་གོས་ཀྱི་དངོས་པོ་ནམ་ཡང་མི་རྙེད་ཅིང་། གལ་ཏེ་ཅུང་ཟད་རྙེད་དུ་ཟིན་ཀྱང་ཁ་ཁབ་མིག་ཙམ་ནས་མི་ཤོང་། དེར་ཤོང་ཡང་མགྲིན་པ་རྟ་རྔ་ཙམ་ནས་མི་ཐར། དེ་ལས་ཐར་ཡང་ལྟོ་བ་ཡུལ་ལྗོངས་ཙམ་ཡོད་པའི་ཕྱིར་ཁེངས་མི་ནུས་པ་སོགས་སྡུག་བསྔལ་ལོ། །མེ་ལྕེའི་འཁོར་ལོ་ཅན་ནི་མགྲིན་པ་ན་མེ་ཡི་འཁོར་ལོ་དང་ལྡན་པས་ཟས་སྐོམ་ལ་སོགས་པ་མཐོང་ཡང་ཁའི་དུགས་ཀྱིས་བསྐམ་པར་འགྱུར་པའོ༑ །ཟས་སྐོམ་གྱི་སྒྲིབ་པ་ཅན་ནི་ཟས་སྐོམ་རྣམས་མགྲིན་པར་སོང་མ་ཐག་ནས་མདག་མེ་འབར་བའམ་ཁྲོ་ཆུ་ཁོལ་མར་སོང་ནས་ལུས་བསྲེགས་པ་རྣམས་སོ། །འདི་ཉིད་རིགས་དྲུག་གི་ནང་དུ་འདུས་མོད་ཀྱང་། དམིགས་ཀྱིས་བཀར་བ་ནི་སྦྱིན་ཡུལ་གྱི་གཙོ་བོ་ལྟ་བུར་གྱུར་པ་དང་། ཕན་ཡོན་ལྷག་པར་ཆེ་བའི་ཕྱིར་རོ། །མགྲོན་ཚན་བཅུ་པ་ནི་གོ་སླ་ཞིང་། ལྷག་མ་གཉིས་ཀྱང་རྣམ་གྲངས་སོགས་རྟོགས་དཀའ་བའི་གནས་སུ་མ་གྱུར་པས་མ་བྲིས་སོ། །དེ་ལྟ་བུའི་མགྲོན་སོ་སོར་འབུལ་བའི་མངོན་པར་རྟོགས་པའང་འདི་ཡིན་ཏེ། ཡར་མགྲོན་གྱི་སྐབས། གཏོར་མ་དེ་འབྲུ་གསུམ་གྱིས་སྦྱངས་སྤེལ་

― JKT006_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྱུར་གསུམ་དུ་བྱས། སྤྱིར་སྤྱོད་པར་དབང་བ་ཤུགས་ལྡན་འོད་ཀྱི་སྔགས་ན་མསྶརྦ་སོགས་ཀྱིས་གཏོར་མ་དངོས་དང་། ཨགྷོ་སོགས་ཀྱིས་ཉེར་སྤྱོད་བདུན་ཕུལ་ཏེ། བྱེ་བྲག་ཏུ་སོ་སོའི་མཚན་ནས་སྨོས་ཞིང་འབུལ་བ་དང་། འདོད་དོན་གསོལ་བ་གདབ་པ་རྣམས་བྱ་ཞིང་། མར་མགྲོན་གྱི་སྐབས་ཀྱང་ཉེར་སྤྱོད་ཀྱི་ཚབ་ཏུ་མཚན་བཞི་བརྗོད་པ་མ་གཏོགས་གཞན་འདྲའོ། །གསུམ་པ་དབྱུ་གུ་དྲུག་ཅུ་རྩ་བཞིའི་གཏོར་མ་ནི། འདི་ལྟར་ཉིན་ཞག་རེ་ལ་དབྱུ་གུའི་སྦྱོར་བས་བརྟག་པའི་ཚེ་ཆུ་ཚོད་དྲུག་ཅུ་རྩ་བཞི་སྟེ། དེ་རེ་རེ་ལ་རྡོ་རྗེ་ཕོ་ཉ་མོ་རེ་རེ་གནས་ཤིང་། དེ་དག་ལ་གཏོར་མ་བསྔོས་པས་དེ་སྲིད་ཀྱི་བར་ཆད་རྣམས་སྲུང་པར་བྱེད་པར་བཤད་པའི་རྗེས་སུ་འབྲང་བའོ། །སྔགས་དོན་ནི། ཐེག་ཆེན་ཆོས་ཀྱི་རྒྱལ་པོས་མཛད་པའི་རྩ་རྒྱུད་བརྟག་གཉིས་ཀྱི་ཊི་ཀ་དག་ལྡན་སྙེ་མར། ཨོཾ་ཞེས་པ་ནི་སྔགས་ཀྱི་མགོ་འདྲེན་པའོ། །ཨ་ཀཱ་རོ་ཞེས་པ་ནི་ཨ་ཡི་ཡི་གེ། མུ་ཁཾ་ཞེས་པ་སྒོའམ་དང་པོ་ཡིན་ལ། དེའང་དབྱིབས་ཀྱི་ཨ་ནི་ཨ་ཤད་ལྟ་བུ་སྟེ། དེ་མེད་ན་ཡི་གེའི་གཟུགས་མི་ཐུབ་པས་ཡི་གེ་ཐམས་ཅད་ཀྱི་སྒོའམ་དང་པོ། བརྗོད་པའི་ཨ་བརྗོད་པ་ཐམས་ཅད་ཀྱི་སྲོག་ཡིན་པས་སྒྲ་ཐམས་ཅད་ཀྱི་སྒོའམ་དང་པོ། ནང་ལྟར་བཤད་པའི་ཨ་ལྟེ་བར་གནས་པ་སྟེ་དང་པོ་ལུས་འགྲུབ་པ་ན་ལྟེ་བའི་ཨ་ཐོག་མར་ཆགས་པས་

― JKT006_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་གྲུབ་པའི་སྒོའམ་དང་པོ། དོན་གྱི་ཨ་སེམས་ཉིད་སྐྱེ་བ་མེད་པ་ཆོས་ཐམས་ཅད་ཀྱི་སྒོའམ་དང་པོ། སརྦ་དྷརྨ་ཎཱི་ཎཾ། ཞེས་པ་ཆོས་ཐམས་ཅད་ཀྱི། ཨདྱ་ནུཏྤན་ན་ཏྭ་ཏ། ཞེས་པ་ནི་གདོད་མ་ནས་སྐྱེ་བ་མེད་པའི་སྒོ་ཅན་ཏེ་འབྱུང་ཞིང་ཐིམ་པའི་གནས་ཡིན་ལ། བདག་དང་མགྲོན་དང་གཏོར་མ་བྱིན་གྱིས་བརླབ་པའི་ཕྱིར་ཨོཾ་ཨཱཧུཾ་ཞེས་པའོ། །རྣམ་རྟོག་འཇོམས་པས་ན་ཕཊ། དེ་ཁོ་ན་ཉིད་དུ་སེམས་ཞི་བར་བྱེད་པས་ན་སྭཱ་ཧཱ། ཞེས་གསུངས་སོ། །རྟེན་འབྲེལ་སྙིང་པོ་ནི་སྔགས་བོད་སྐད་དུ་བསྒྱུར་ན། ཆོས་རྣམས་གང་དག་སོགས་ཚིགས་བཅད་གཅིག་འབྱུང་སྟེ། ཡེ། གང་རྣམས། དྷམཱ། ཆོས་རྣམས། ཧེ་ཏུ། རྒྱུ། པྲ་བྷ་ཝ། བྱུང་བ། ཧེ་ཏུན། རྒྱུ། ཏེ་ཎཾ། དེ་རྣམས་ལ། ཏ་ཐཱ་ག་ཏོ། དེ་བཞིན་གཤེགས་པ། ཧི། རྐང་པ་ཁ་སྐོང་། ཨ་བ་ད་ཏྲ། གསུངས་སོ། །ཏེ་ཏཱཾ། དེ་རྣམས་ལ། ཡོ། གང་། ནི་རོ་དྷ། འགོག་པ། ཨེ་ཝཾ། འདི་སྐད། བཱ་དཱ། གསུངས། མ་ཧཱ་ཤྲ་མ་ཎཿ དགེ་སྦྱོང་ཆེན་པོ། ཞེས་པ་སྟེ། འདི་རྣམས་ནང་པའི་ཚུལ་ལུགས་ལས་མི་འདའ་བར་བྱེད་པ་ལྟ་བ་བཀའ་རྟགས་ཀྱི་ཕྱག་རྒྱ་བཞིའམ། འཕགས་པའི་བདེན་པ་བཞི་དང་སྦྱར་ནས་ལམ་ཡོངས་སུ་རྫོགས་པའི་དོན་རྒྱ་ཆེ་བར་འཆད་དུ་ཡོད་མོད་ཀྱང་རེ་ཞིག་ཡི་གེས་འཇིགས་སོ། །བཞི་པ་ཆུ་

― JKT006_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱིན་གྱི་སྐབས་གཞན་ནི་གོ་སླ་ལ། སྔགས་དོན། ཨོཾ་ཨཱཿཧཱུྃ་ནི་བྱིན་གྱིས་རློབ་པའི་སྔགས། ཨོཾ་ཨཱཧཱིཧཱུྃ་ནི་འཕགས་པ་སྤྱན་རས་གཟིགས་ཀྱི་སྐུ་གསུང་ཐུགས་ཡེ་ཤེས་རྡོ་རྗེའི་ས་བོན། ཨོཾ་མ་ཎི་པདྨེ་ཧཱུྃ་ནི་སྙིང་པོ། །ཨོཾ་ཛ་ལ་མི་དཾ་སརྦ་པྲ་ཏེ་བྷུསྭཱ་ཧཱ། ཆུ་འདི་ཡི་དྭགས་ཀྱི་ཆེད་དུ་གཞི་ཚུགས་ཞེས་པ་སྟེ་བསྔོ་བའི་སྔགས་དངོས། ཨོཾ་ནི་སྔགས་ཀྱི་མགོ་འདྲེན་པ། ན་མོ་རཏྣ་ཏྲ་ཡཱ་ཡ། དཀོན་མཆོག་གསུམ་ལ་ཕྱག་འཚལ་ལོ། །ཨོཾ་ཀཾ་ཀ་ནི་ཀཾ་ཀ་ནི། སྡིག་པ་རྣམས་སྡིག་པ་རྣམས། རོ་ཙ་ནི་རོ་ཙ་ནི། སྲེག་སྲེག །ཁྲོ་ཊ་ནི་ཏྲོ་ཊ་ནི། ཆོད་ཆོད། ཏྲཱ་ས་ནི་ཏྲཱ་ས་ནི། སྐྲག་པར་གྱིས་སྐྲག་པར་གྱིས། །པྲ་ཏི་ཧ་ན་པྲ་ཏི་ཧ་ན། སོ་སོར་ཆོམས་སོ་སོར་ཆོམས། སརྦ་ཀརྨ་པ་རཾ་པ་ར་ཎི། ལས་གཅིག་ནས་གཅིག་ཏུ་བརྒྱུད་པ་ཐམས་ཅད། སརྦ་སཱ་ཏཱ་ནཱཉྩ་སྭཱ་ཧཱ། བདག་དང་སེམས་ཅན་ཐམས་ཅད་ལ་གཞི་ཚུགས༑ ཞེས་པ་སྟེ། ཡི་དྭགས་ཀྱི་འགྲོ་བ་རྣམས་ཀྱི་སྒྲིབ་པ་སྦྱང་བའི་སླད་དུ་དང་། ཨོཾ་ཛྙཱ་ན་ཨ་ཝ་ལོ་ཀི་ཏེ། ཡེ་ཤེས་ཀུན་ཏུ་གཟིགས་པ། ན་མསྶ་མནྟ་སྤ་ར་ཎ་ར་སྨི་སཾ་བྷ་ཝ་ས་མ་ཡ། ཕྱག་འཚལ་ལོ། །ཀུན་ནས་འགྲོ་བའི་འོད་ཟེར་འབྱུང་གནས་དམ་ཚིག །མ་ཧཱ་མ་ཎི། ནོར་བུ་ཆེན་པོ། དུ་རུ་དུ་རུ། སྔར་བསྒྱུར་བ་མ་མཐོང་བས་དེ་བཞིན་གཤེགས་པའི་བརྡར་རྟོགས་སོ། །ཧྲི་ད་ཡ། །

― JKT006_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་པོ། ཛཱ་ལ་ནི། འབར་བ་རྣམས། སྭཱ་ཧཱ། གཞི་ཚུགས། ཞེས་པ་ཡེ་ཤེས་སྐར་མདའི་སྙིང་པོ་སྟེ་འགྱུར་སྔགས་སོ། །དེ་ལྟར་དངོས་གཞིའི་རིམ་པ་རྣམས་བཤད་ཟིན་ནས། གསུམ་པ་རྗེས་ལ་མཆོད་པའི་ཡོ་བྱད་མ་འབྱོར་བ་དང་། འབྱོར་ཀྱང་ཉམས་པ་དང་བཅས་པ་ལ་སོགས་པའི་ཉེས་ཚོགས་རྣམས་བཤགས་པ་དང་། སྐབས་ཀྱི་དོན་རེ་ཞིག་གྲུབ་ཟིན་ནས་མགྲོན་རྣམས་གཤེགས་སུ་གསོལ་བ་དང་། འཇིག་རྟེན་པའི་བགེགས་རིགས་ཀྱི་གནོད་པ་བསྲུང་བ་ལ་སོགས་པའི་སླད་སྒོ་གསུམ་རྡོ་རྗེ་གསུམ་དུ་རྒྱས་གདབ་པ་དང་། ཐོག་མཐའ་བར་གསུམ་དུ་དགེ་ལེགས་ཀྱི་རྒྱུན་ཆེན་པོས་ཁྱབ་པར་བྱ་བའི་ཕྱིར་ཤིས་པ་བརྗོད་པ་དང་། དགེ་བའི་རྩ་བ་བར་མ་དོར་ཆུད་མི་ཟ་ཞིང་བྱང་ཆུབ་ཀྱི་བར་དུ་གོང་འཕེལ་དུ་འགྱུར་པའི་ཕྱིར་བསྔོ་བ་དང་། དོན་དེ་མྱུར་དུ་འགྲུབ་པར་བྱ་བའི་ཕྱིར་བདེན་ཚིག་གིས་སྨོན་ལམ་བཏབ་པ་སྟེ་དྲུག་ལས། དང་པོའི་སྐབས། ཡི་གེ་བརྒྱ་པའི་སྔགས་དོན་ནི། བོད་སྐད་དུ་བསྒྱུར་ན། ཨོཾ་བཛྲ་སཏྭ་ས་མ་ཡ། ཨོ་རྡོ་རྗེ་སེམས་དཔའི་དམ་ཚིག་ནི། མ་ནུ་པཱ་ལ་ཡ་བཛྲ་སཏྭ། རྗེས་སུ་སྐྱོངས་ཤིག་རྡོར་སེམས་ཀྱེ། ཏེ་ནོ་པ་ཏིཥྛ་དྲི་དྷོ་མེ་བྷ་ཝ། ཁྱོད་ཀྱིས་བདག་ལ་བརྟན་པར་བཞུགས། །སུ་ཏོ་ཁྱོ་མེ་བྷ་ཝ། ཤིན་ཏུ་ཚིམ་པར་བདག་མཛོད་ཅིག །སུ་པོ་བྱོ་མེ་བྷ་

― JKT006_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

ཝ། ལེགས་པར་རྒྱས་པར་བདག་མཛོད་ཅིག །ཨ་ནུ་རཀྟ་མེ་བྷ་ཝ། བདག་ལ་རྗེས་སུ་ཆགས་པར་མཛོད། །སརྦ་སིདྡྷི་མྨེ་པྲ་ཡཙྪ། དངོས་གྲུབ་ཐམས་ཅད་བདག་ལ་སྩོལ། །སརྦ་ཀརྨ་སུ་ཙ་མེ། ལས་རྣམས་ཐམས་ཅད་ལ་ཡང་བདག །ཙིཏྟཾ་ཤྲཱི་ཡ་ཀུ་རུ། སེམས་ལ་དགེ་ལེགས་སུ་མཛོད་ཅིག །ཧཱུྃ་ཧ་ཧ་ཧ་ཧ་ཧོ༔ ཞེས་པ་ནི་ཡེ་ཤེས་དྲུག་གི་དེ་ཁོ་ན་ཉིད་མཚོན་པར་བྱེད་པ་རྡོ་རྗེ་སེམས་དཔའི་རྗེས་ཆགས་ཀྱི་བཞད་སྒྲ་སྟེ་དེ་བཞིན་གཤེགས་པའི་བརྡར་གྱུར་པའི་ཕྱིར་འཇིག་རྟེན་གྱི་བསྟན་བཅོས་དང་མཐུན་པར་བསྒྲུབ་ཅིང་བསྒྱུར་བ་སོགས་ནི་བླུན་པོའི་སྙིང་ཁམས་སོ། །བྷ་ག་ཝཱན་སརྦ་ཏ་ཐཱ་ག་ཏ། །བཅོམ་ལྡན་དེ་བཞིན་གཤེགས་ཀུན་གྱི། །བཛྲ་མཱ་མེ་མུཉྩ། རྡོ་རྗེར་བདག་ནི་མ་འདོར་ཅིག བཛྲ་བྷ་ཝ། རྡོ་རྗེ་ཅན་དུ་མཛད་དུ་གསོལ། །མ་ཧཱ་ས་མ་ཡ་སཏྭ་ཨཱཿ དམ་ཚིག་སེམས་དཔའ་ཆེན་པོ་ཞེས་པ་སྟེ། དེ་དག་གི་དོན་ཀྱང་རྒྱུད་ཀྱི་རྡོ་རྗེའི་གནས་ཆེན་པོ་རྣམས་དང་སྦྱར་ནས་འཆད་ན་ཅུང་ཟད་འཆད་དུ་ནུས་པ་ཙམ་དུ་ཡོད་མོད་ཀྱི་རེ་ཞིག་ངལ་བ་མ་བྱས་ལ། ཤེས་པར་འདོད་ན་སླར་འཆད་པར་བགྱིའོ། །དགོས་པ་ནི། མངོན་བརྗོད་བླ་མའི་ལེའུ་ཉེར་ལྔ་པ་ལས། ཐོག་མ་བར་དང་ཐ་མ་ནི། །དམ་ཚིག་ཉམས་པ་བསྐང་བ་དང་། །དཔའ་བོ་དང་ནི་རྣལ་འབྱོར་མའི། །འཁོར་ལོ་

― JKT006_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

དག་ནི་བསྟན་པའི་ཕྱིར། །ཡི་གེ་བརྒྱ་པའི་གསང་སྔགས་བཟླས། །ཞེས་པས་མཚོན་རྒྱུད་སྡེ་དུ་མ་ནས་ལན་གཅིག་མ་ཡིན་པར་བསྔགས་སོ། །གཉིས་པའི་སྐབས། བཛྲ་མུ ཞེས་པ་ནི་རྡོ་རྗེར་འཆིང་བ་སྟེ་ཡེ་ཤེས་ཀྱི་དབྱིངས་སུ་གཤེགས་ཤིག་པའི་དོན། སརྦ་བྷ་ཏ་གཙྪ ནི་འབྱུང་པོ་ཐམས་ཅད་སོང་ཞིག །སརྦ་པྲ་ཏི་གཙྩ ནི་ཡི་དྭགས་ཐམས་ཅད་སོང་ཞིག །ཅེས་པའོ། །གསུམ་པ་མན་ཆད་ཀྱི་སྐབས་སུ་སྔགས་དོན་སོགས་གོ་དཀའ་བའི་གནས་ཆེར་མ་མཆིས་སོ། །དེ་ལྟར་ཆོས་སྤྱོད་གཏོར་མའི་རྣལ་འབྱོར་ལ་སོགས་པས་མཚོན་མདོར་ན་དགེ་བའི་ཕྱོགས་སུ་གཏོགས་སོ་ཅོག་ཐམས་ཅད་དམ་པ་གསུམ་གྱི་རྩིས་ཟིན་པ་ཁོ་ན་ཤིན་ཏུ་གཅེས་ཏེ། རྗེ་བཙུན་རིན་པོ་ཆེ་གྲགས་པ་རྒྱལ་མཚན་གྱི་ཞལ་སྔ་ནས། དམིགས་མེད་འཇིགས་དང་བྲལ་བའི་སྐྱབས་སུ་འགྲོ། །ཚད་མེད་དམིགས་ཡུལ་སྤངས་པའི་སེམས་བསྐྱེད་བྱ། །དེ་ཡི་ཆོས་ཉིད་རང་བཞིན་ནམ་མཁའ་འདྲ། །བསགས་པའི་མེད་པའི་དགེ་རྩ་བྱང་ཆུབ་བསྔོ། །ཞེས་གསུངས་པ་ལྟར། སྦྱོར་བ་ལམ་མིན་སོ་སྐྱེ་དང་། ལམ་གོལ་མུ་སྟེགས་པ་ལས་ལྡོག་ཅིང་། ཡང་དག་པའི་ལམ་གྱི་གཞི་རྟེན་སྐྱབས་སུ་འགྲོ་བ་དང་། ཐེག་དམན་ཉན་རང་གི་ལམ་ལས་ལྡོག་ཅིང་ཐེག་པ་ཆེན་པོའི་ལམ་གྱི་སྙིང་པོ་གཞན་ཕྱིར་བྱང་ཆུབ་ཏུ་སེམས་བསྐྱེད་

― JKT006_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །དངོས་གཞི། མདོ་སྡེ་རྒྱན་ལས། སྦྱིན་པ་ལེན་པོ་གཏང་བྱ་གཏོང་པོས་སྟོང་། །ཞེས་སོགས་ཕར་ཕྱིན་དྲུག་ཀ་ལ་སྦྱར་བ་ལྟར། གཏོར་མ་ལྟ་བུ་ལ་མཚོན་ཀྱང་མཆོད་སྦྱིན་གྱི་ཡུལ་མགྲོན་རིགས་མཆོག་དམན་དང་། མཆོད་སྦྱིན་གྱི་རྫས་དངོས་འབྱོར་དང་ཡིད་སྤྲུལ་མཆོད་སྦྱིན་བྱེད་པ་པོ་རང་ཉིད་དང་བཅས་པའི་འཁོར་གསུམ་པོ་འཇིག་རྟེན་ཕལ་པས་སྟོན་མོ་སྟོབ་པ་ལྟ་བུའི་བདེན་འཛིན་རང་རྒྱུད་པས་སྟོང་པའི་ཞེན་མེད་སྒྱུ་མ་ལྟ་བུའི་ངང་ནས་བྱ་བ་དང་། རྗེས་སུ་དེ་ལྟར་བསགས་པའི་དགེ་བའི་རྩ་བ་ཐམས་ཅད་ཡུལ་ཆོས་ཀྱི་དབྱིངས་སུ། བྱེད་པ་པོ་རང་ཉིད་ཀྱིས། དགོས་ཆེད་འགྲོ་ཀུན་བྱང་ཆུབ་ཐོབ་པའི་ཕྱིར་དུ་འཁོར་གསུམ་གྱི་མཚན་མ་རྡུལ་ཙམ་མ་དམིགས་ཀྱང་། སྟོང་པ་དང་རྟེན་འབྱུང་འགལ་མེད་ཀྱི་ཚུལ་གྱིས་ཡོངས་སུ་བསྔོ་བས་རྒྱས་གདབ་པ་སྒྲ་ཇི་བཞིན་པའམ་དེ་ཙམ་བློར་མ་ཆུད་ཀྱང་། སྔོན་འཕགས་པ་འཇམ་དཔལ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་ལ་སོགས་པ་རྣམས་ཀྱིས་ཇི་ལྟར་འཁོར་གསུམ་ཡང་དག་གི་བསྔོ་བ་མཛད་པ་དེ་བཞིན་དུ་བདག་གིས་ཀྱང་བསྔོ་བར་བགྱིའོ་སྙམ་པའི་འདུན་པ་རྣམ་པར་དག་པ་དང་མ་བྲལ་བར་བྱ་སྟེ། བཟང་པོ་སྤྱོད་པར། འཇམ་དཔལ་དཔའ་བོས་ཇི་ལྟར་མཁྱེན་པ་དང་། །སོགས་དང་མཐུན་པའོ། །

― JKT006_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་པ་ཕན་ཡོན་ནི། དེ་ལྟར་སྦྱོར་དངོས་རྗེས་གསུམ་ཚང་བའི་ཉམས་སུ་ལེན་པའི་ཚུལ་ཇི་ལྟ་བ་དང་རྗེས་སུ་མཐུན་པར་གཏོར་མའི་རྣལ་འབྱོར་ལ་བརྩོན་པས་གནས་སྐབས་དང་མཐར་ཐུག་ཏུ་ཕན་ཡོན་བཅུ་གསུམ་འབྱུང་སྟེ། དེ་ཡང་སྒྲུབ་པ་པོ་ཚེ་རིང་བ་དང་། བར་ཆད་སེལ་བ་དང་། མདངས་དང་ལྡན་པ་དང་། ནད་ཞི་བ་དང་། བསོད་ནམས་ཆེ་བ་དང་། ལོངས་སྤྱོད་འཕེལ་བ་དང་། །སྦྱིན་པའི་མཐའ་རྫོགས་པ་དང་། བསམ་པའི་དོན་བདེ་བླག་ཏུ་གྲུབ་པ་དང་། གཟི་བརྗིད་དང་མཐུ་སྟོབས་ཆེ་བ་དང་། སྡིག་སྒྲིབ་འབྱོང་བ་དང་། མི་མ་ཡིན་དབང་དུ་འདུ་བ་དང་། གནས་སྐབས་ལྷ་། མིའི་གོ་འཕང་ཐོབ་པ་དང་། མཐར་ཐུག་བླ་ན་མེད་པ་རྫོགས་པའི་སངས་རྒྱས་ཀྱི་སར་འགྲོ་བའོ། །ཞེས་གཏོར་མའི་རྣལ་འབྱོར་ལྕེ་སྒོམ་པའི་ཞལ་སྔ་ནས་གསུངས་ཤིང་། དེར་མ་ཟད་མདོ་རྒྱུད་བསྟན་བཅོས་དུ་མ་ནས་གསུངས་པའི་ལུང་མཐའ་ཡས་ལ། མདོར་ན། དངོས་པོ་གཏོང་བ་སྦྱིན་པ། གཙང་སྦྲ་དང་ལྡན་ཅིང་གནོད་འཚེ་སྤངས་པ་ཚུལ་ཁྲིམས། སྦྱོར་འཇུག་གི་དཀའ་བ་དང་དུ་ལེན་ནུས་པ་བཟོད་པ། གཏོང་བ་ལ་སྤྲོ་ཞིང་ལེ་ལོ་མེད་པ་བརྩོན་འགྲུས། དེའི་དུས་སེམས་གཞན་དུ་མི་གཡེང་བར་དམིགས་པ་ལ་རྩེ་གཅིག་ཏུ་སྡུད་པ་བསམ་གཏན། ཆོ་ག་སོགས་ནོར་འཁྲུལ་མེད་ཅིང་འཁོར་

― JKT006_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ཡང་དག་ཏུ་རྟོགས་པ་ཤེས་རབ་སྟེ་ཕ་རོལ་ཏུ་ཕྱིན་པ་དྲུག་ཀའི་ཉམས་ལེན་ཚང་བའི་ཕྱིར་ན་རྫོགས་པའི་བྱང་ཆུབ་སྒྲུབ་པའི་ལམ་གྱི་སྲོག་ཤིང་གཅིག་ཏུ་རིག་པར་བྱའོ། །དེ་ལྟར་ཆུ་གཏོར་བརྒྱ་རྩ་ཡན་ལག་དང་བཅས་པའི་སྐབས་སུ་སྔགས་དོན་སོགས་གོ་དཀའ་ཞིང་རྣམ་བཤད་གཞན་དུ་ཞལ་མི་གསལ་བ་རྣམས་ཅུང་ཟད་བཀྲལ་བ་སྟེ། གཞན་དུ་གང་དུ་གཏང་བའི་གནས། གང་གིས་གཏོང་པའི་སྒྲུབ་པ་པོ། དུས་ནམ་ཙམ་གཏོང་བ། དེའི་ཚེ་ཇི་ལྟར་འདུ་བར་བྱ་བའི་རྫས་དང་། སོ་སོའི་ཆོ་གའི་རིམ་པ་སྔགས་དང་ཕྱག་རྒྱ་དང་ཏིང་ངེ་འཛིན་ལ་སོགས་པས་མཚོན་པ་རྣམས་ནི་རྣམ་པར་བཤད་པ་དག་ལས་ཀྱང་གསལ་ཞིང་། ལྷག་པར་མཐོང་བ་བརྒྱུད་པའི་ཕྱག་ལེན་ཁོ་ན་གཙོ་བོར་བཟུང་དགོས་པའི་ཕྱིར་མ་བྲིས་ལ། ཁྱད་པར་ས་སྐྱ་པ་རང་གི་ལུགས་སྲོལ་ཐུན་མོང་མ་ཡིན་པ་དཀར་ཆ་བཞི་དང་། རྗེ་བཙུན་དམ་པ་སངས་རྒྱས་ཀྱིས་བཀྲལ་བའི་འབྱུང་བཞིའི་རྟེན་འབྲེལ་གྱི་གཏོར་མ་དང་། དབོན་སྟོད་སྐྱེར་སྒང་པ་ཆོས་ཀྱི་སེང་གེ་ལ་འཕགས་པ་ཐུགས་རྗེ་ཆེན་པོས་མངོན་སུམ་དུ་གནང་བ་དཀོར་སྒྲིབ་སྦྱོང་བའི་ཐབས་ཁྱད་པར་ཅན་བྲུལ་གཏོར་ཆ་ལྔ་དང་། དཔལ་ཆེན་རྒུ་ལོས་མཛད་པའི་ཀླུ་གཏོར་སོགས་ཀྱི་སྐབས་རྣམས་སུའང་འཕྲོས་པར་འོས་པ་ཇི་སྙེད་ཅིག་ཡོད་མོད་ཀྱང་སྐབས་སུ་མ་

― JKT006_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

བབ་པས་མ་སྨོས་སོ། །དེ་ལྟར་གཅིག་ཏུ་གཞན་དག་ལ། །ཕན་པའི་སེམས་ཀྱིས་ཀུན་བསླངས་ཏེ། །ཆོས་སྤྱོད་གཏོར་མའི་ཆོ་ག་ལས། །འཕྲོས་པའི་ཟིན་བྲིས་ཅུང་ཟད་སྤྲོས། །གང་གི་འབད་པ་ལས་ཐོབ་པའི། །དགེ་ཚོགས་ཀུནྡའི་འོད་ལྟ་བུས། །སྲིད་པའི་གདུང་བ་ཡོངས་བཅིལ་ཏེ། །ཞི་བའི་བཅུད་ལེན་འཇོ་གྱུར་ཅིག །སརྦ་དཱ་མངྒ་ལཾ།།

ཆུ་སྦྱིན་སྐབས་ཀྱི་སྨོན་ལམ་གྱི་དོན་ཅུང་ཟད་བཤད་པ།

― JKT006_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་སྦྱིན་སྐབས་ཀྱི་སྨོན་ལམ་གྱི་དོན་ཅུང་ཟད་བཤད་པ་བཞུགས་སོ། །ཨོཾ་སྭ་སྟི། ཆུ་སྦྱིན་གྱི་སྐབས། ཀླུའི་རྒྱལ་པོ་དགའ་བོ་དང་སོགས་ཀྱི་སྨོན་ལམ་གྱི་དོན་ལ། གང་གིས་ཆེད་དུ་བསྔོ་ཞིང་སྨོན་ལམ་གདབ་པའི་ཡུལ་སྦྱིན་པའི་བདག་པོའི་མིང་ནས་སྨོས་པ་དང་། དེའི་ཆེད་དུ་བསྔོ་སྨོན་བྱ་བ་དངོས་ཏེ་གཉིས་ལས། དང་པོ་ནི། མདོ་སྡུད་པ་ལས། འཛམ་བུའི་གླིང་འདིར་ཆུ་ཀླུང་ཇི་སྙེད་གཅིག་འབབ་ཅིང་། །མེ་ཏོག་འབྲས་ལྡན་སྨན་དང་ནགས་ཚལ་སྐྱེད་བྱེད་པ། །མ་དྲོས་གནས་པའི་ཀླུ་དབང་ཀླུ་བདག་བརྟེན་གནས་ཏེ། །དེ་ནི་ཀླུ་ཡི་བདག་པོ་དེ་ཡི་མཐུ་དཔལ་ཡིན། །ཅེས་གསུངས་པ་ལྟར། སྤྱིར་བརླན་ཅིང་གཤེར་བ་ཆུའི་བྱེད་ལས་ལ་བརྟེན་ནས། མེ་ཏོག་དང་འབྲས་བུ་སོགས་སྣོད་བཅུད་ཀྱི་དཔལ་ཕུན་སུམ་ཚོགས་པར་སྐྱེད་པའི་བྱེད་པ་པོ་ནི་ཀླུའི་རྒྱལ་པོ་འཁོར་དང་བཅས་པའི་མཐུ་ཁོ་ན་ཡིན་ཅིང་། ཁྱད་པར་སྐབས་འདིར་

― JKT006_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་ཡི་སྦྱིན་པ་རྒྱ་ཆེན་པོ་ལ་བརྟེན་ནས་ཡི་དྭགས་རྣམས་ཚིམ་པར་བྱས་པའི་ཕྱིར། སྦྱིན་རྒྱུའི་དངོས་པོ་མཚོ་དང་། རྫིང་བུ་སོགས་ཆུའི་རིགས་སུ་གཏོགས་པ་ཐམས་ཅད་ཀྱི་བདག་པོ་ནི་ཀླུའི་རྒྱལ་པོ་དགའ་བོ་སོགས་ཀླུ་རྣམས་ཡིན་པས་ན། སྦྱིན་པ་འདི་ལ་བརྟེན་ནས་སྦྱིན་བདག་ཀླུ་ཡི་རྒྱལ་པོ་དགའ་བོ་དང་། འཇོག་པོ་དང་། ཉེ་དགའ་བོ་སྟེ་དངོས་སུ་མིང་སྨོས་པ་གསུམ་གྱིས་མཚོན། སྲིད་པ་འདི་ན་བརླན་ཅིང་གཤེར་བའི་ཆུ་ཀླུང་། ཆུ་མིག་རྫིང་བུ་སོགས་ཀྱི་བདག་པོ་ཀླུ་རྣམས་དམིགས་ཡུལ་དུ་བྱ་བའོ། །གཉིས་པ་ནི། དེ་རྣམས་ཀྱི་རྒྱུད་ལ་ལམ་ལྔ་རིམ་གྱིས་རྫོགས་ནས་སངས་རྒྱས་ཀྱི་གོ་འཕང་ཐོབ་པར་སྨོན་པ་སྟེ། དེ་ལ་དང་པོ་སྦྱིན་པ་དམ་པ་ནི་ཚོགས་ལམ་གྱི་སྐབས་ཡིན་ཏེ། སྦྱིན་པ་ཙམ་ལམ་ལ་མ་ཞུགས་པའི་འཇིག་རྟེན་པ་རྣམས་ལའང་ཡོད་མོད། བྱང་ཆུབ་གསུམ་གྱི་རྒྱུར་འགྲོ་བའི་སྦྱིན་པ་དམ་པ་མེད་ལ། ཚོགས་ལམ་དུ་ཞི་གནས་དང་ལྷག་མཐོང་གི་རྩིས་ཟིན་པའི་བསོད་ནམས་དང་ཡེ་ཤེས་ཟུང་དུ་འབྲེལ་བས་འཇིག་རྟེན་པ་ལས་ཁྱད་པར་དུ་འཕགས་པའི་ཚོགས་གསོག་ཚུལ་ཡོད་པའི་ཕྱིར༑ གཉིས་པ་སེམས་ཀྱི་རྒྱན་ནི་སྦྱོར་ལམ་གྱི་སྐབས་ཡིན་ཏེ། དེའི་སྐབས་སུ་སྟོང་ཉིད་རྗེས་མཐུན་རྟོགས་པའི་མཐུས་དགེ་བའི་རྩ་བ་མཐའ་དག་བྱང་ཆུབ་ཀྱི་རྒྱུར་འགྱུར་ངེས་པས། སྤོས་ཀྱི་གླང་པོ་

― JKT006_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་ལ་གསེར་གྱི་དྲ་བས་མཛེས་པ་ལྟར་རྣལ་འབྱོར་པའི་སེམས་འབྱོང་བ་ལ་དགེ་བའི་རྩ་བ་རྣམས་ཀྱིས་ཤིན་ཏུ་མཛེས་པའི་རྒྱན་བྱེད་པའི་ཕྱིར། གསུམ་པ་སེམས་ཀྱི་ཡོ་བྱད་ནི་མཐོང་ལམ་གྱི་སྐབས་ཡིན་ཏེ། དེའི་སྐབས་སུ་ཆོས་ཉིད་སྤྲོས་བྲལ་གྱི་གནས་ལུགས་མངོན་སུམ་དུ་རྟོགས་པས་ཚོགས་གཉིས་དངོས་སུ་ཟུང་དུ་འབྲེལ་བའི་སྟོབས་ཀྱིས་བྱང་ཆུབ་ཀྱི་ཡན་ལག་བདུན་གྱི་འབྱོར་པས་རྣལ་འབྱོར་པའི་སེམས་རབ་ཏུ་ཕྱུག་པར་བྱེད་པའི་ཕྱིར། བཞི་པ་རྣལ་འབྱོར་གྱི་ཚོགས་ནི་སྒོམ་ལམ་གྱི་སྐབས་ཡིན་ཏེ། དེའི་ཚེ་ས་དང་པོའི་ཡེ་ཤེས་གོམས་པར་བྱས་པའི་རྒྱུན་གོང་ནས་གོང་དུ་འཕེལ་བར་བྱེད་ཅིང་། འཕགས་པའི་ལམ་ཡན་ལག་བརྒྱད་སོགས་རྣལ་འབྱོར་པའི་ནང་ཏིང་ངེ་འཛིན་གྱི་ཚོགས་མཐའ་དག་རབ་ཏུ་རྫོགས་པར་བྱེད་པའི་ཕྱིར། ལྔ་པ་དོན་གྱི་མཆོག་ནི་མི་སློབ་པའི་ལམ་གྱི་སྐབས་ཡིན་ཏེ། བསྒྲུབ་བྱའི་དོན་མཐར་ཕྱིན་པའི་མཆོག་བརྙེས་པའི་ཕྱིར་རོ། །དེའི་ཡོན་ཏན་གྱི་ཁྱད་པར་ཇི་ལྟ་བུ་ཞེ་ན། ཤེས་བྱའི་རྣམ་པ་ཐམས་ཅད་མཁྱེན་ཅིང་། སྒྲིབ་གཉིས་མཐའ་དག་སྤངས་པ་སོགས་རྫོགས་པའི་སངས་རྒྱས་ཀྱི་སྐུ་དང་ཡེ་ཤེས་དང་། ཡོན་ཏན་དང་། ཕྲིན་ལས་རྒྱ་མཚོ་ལྟ་བུ་ལ་དབང་འབྱོར་པ་སྟེ། དེ་ལྟ་བུའི་གོ་འཕང་རིན་པོ་ཆེ་ཐོབ་པར་གྱུར་ཅིག་ཅེས་སྨོན་ལམ་གདབ་

― JKT006_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

པའོ། །ཞེས་ཁྲོ་ཕུ་ལོ་ཙཱ་བ་སོགས་གསུངས་ལ། གཞན་བཤད་ཚུལ་མི་འདྲ་བ་མངོན་པ་ནས། སྦྱིན་པ་དམ་པ་སེམས་ཀྱི་རྒྱན་རྫུ་འཕྲུལ། སེམས་ཀྱི་ཡོ་བྱད་འཕགས་ལམ་ཡན་ལག་བརྒྱད། རྣལ་འབྱོར་གྱི་ཚོགས་ཏིང་ངེ་འཛིན། དོན་གྱི་མཆོག་མྱང་འདས་ལ་བཤད་དོ། །ཞེས་པའང་མཉྫ་གྷོཥས་བརྗེད་བྱང་དུ་བྲིས་པ་དགེ། །།

གངས་རིའི་ཁྲོད་ཀྱི་ཀློག་པ་ཉན་བཤད་པ་རྣམས་ཀྱི་སྙན་དུ་བསྲིངས་པ་ཐོས་བསམ་འཆི་མེད་བདུད་རྩི།

― JKT006_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

གངས་རིའི་ཁྲོད་ཀྱི་ཀློག་པ་ཉན་བཤད་པ་རྣམས་ཀྱི་སྙན་དུ་བསྲིངས་པ་ཐོས་བསམ་འཆི་མེད་བདུད་རྩི་ཞེས་བྱ་བ་བཞུགས་སོ།།

― JKT006_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབས་བཅུའི་དབང་ཕྱུག་ཤཱཀྱ་སེང་གེ་ལ་ཕྱག་འཚལ་ལོ། །གང་གིས་བྱང་ཆུབ་སྤྱོད་པའི་དུས་ནས་སྤང་བླང་ཁྲིམས་ཀྱིས་རྒྱུད་བསྡམས་ཏེ། །མཁྱེན་གསུམ་ལ་བརྟེན་སྦྱོར་བཞིའི་ལམ་གྱིས་ཆོས་སྐུའི་གོ་འཕང་མངོན་གྱུར་ནས། །གཞན་ཕྱིར་བདེན་གཉིས་ཟུང་འཇུག་ལས་བརྩམས་སྐྱོབ་པ་ཉིད་གཟིགས་ལམ་གསུངས་པས། །བྲལ་སྨིན་སྐུ་དང་ཡེ་ཤེས་མཆོག་སྦྱིན་ཤཱཀྱའི་གཙོ་བོས་དགེ་ལེགས་མཛོད། །སྡེ་སྣོད་རྒྱུད་སྡེ་ཡན་ལག་དང་བཅས་པའི། །ལུང་གི་དམ་ཆོས་ཉན་དང་འཆད་འདོད་རྣམས། །བཤེས་གཉེན་དམ་པ་སྤྱི་བོའི་ཐོད་བཞིན་བསྟེན། །རྒྱལ་བའི་བཀའ་དང་ཚད་ལྡན་མཁས་པའི་གཞུང་། །རྣམ་དཔྱོད་བརྩོན་པས་ཐོས་དང་བསམ་པར་བྱ། །ལོག་པའི་སྲོལ་ལ་ཉིན་མཚན་

― JKT006_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོར་ཡུག་ཏུ། །ནན་གྱིས་བསླབ་ཀྱང་ངལ་པ་དོན་མེད་པས། །དེ་ཕྱིར་མཁས་པའི་བཤད་སྲོལ་འདི་ཡིན་ཅེས། །ཕྱོགས་ཀྱི་བཤེས་གཉེན་རྣམས་ལ་འདི་བསྲིངས་སོ། །གངས་ཅན་འགྲོ་མང་གཙུག་གི་ཁྲིར་འཁོད་པ། །སྤྱན་རས་གཟིགས་དབང་ས་སྐྱོང་སྤྲུལ་པའི་སྐུ། །སྔོན་གྱི་ཆོས་རྒྱལ་ལྷ་གཅིག་བཙན་པོ་དེ། སྲོང་བཙན་སྒམ་པོ། གངས་རིའི་ཁྲོད་ཀྱི་སྟོན་པ་དང་པོ་ཡིན། །གངས་ཅན་སྨྲ་བའི་སྲོལ་འབྱེད་སམྦྷོ་ཊ། །དགྲ་བགེགས་ལོག་འདྲེན་ཚར་གཅོད་བཛྲ་ཧཱུྃ། །མདོ་སྔགས་བསྟན་པའི་གཞིར་གྱུར་པ་གོར་ཞབས། །མཚུངས་བྲལ་བོད་ཀྱི་སྒྲ་བསྒྱུར་སྐ་ཅོག་ཞང་། །སྔ་འགྱུར་ལོ་པཎ་སྐྱེས་མཆོག་གི་སྐོར་ཕལ་མོ་ཆེར་ཟུར་དུ་གསལ། རྒྱལ་བས་ལུང་བསྟན་སྤྲུལ་པའི་ལོ་ཆེན་གཉིས། །རིན་ཆེན་བཟང་

― JKT006_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་དང་། རྔོག་བློ་ལྡན་ཤེས་རབ། །གནས་ལྔ་རིག་པའི་མཐར་སོན་ས་སྐྱ་པ། །ཡོངས་རྫོགས་བསྟན་པའི་མངའ་བདག་རིན་ཆེན་གྲུབ། །བྱང་ཕྱོགས་བཤད་རྒྱུན་འདེགས་པའི་ཀ་ཆེན་བཅུ། །དྲང་སྲོང་ཆེན་པོ་ཐམས་ཅད་གཟིགས་པ་ཡིས། །འགྲོ་ཀུན་བྱང་ཆེན་དཀྲི་བའི་ཐེམས་སྐས་སུ། །འཁོར་ལོ་རྣམ་གསུམ་འདུལ་མདོ་མངོན་རྒྱུད་སྡེ་བཞི་བྱ་སྤྱོད་རྣལ་འབྱོར་བླ་མེད་ལ་སོགས། །མདོ་སྔགས་ཆོས་ཀྱི་དྲིལ་ཆེན་འཛམ་གླིང་བསྒྲགས། །ལེགས་གསུངས་འདུལ་བའི་ཕོ་བྲང་ནང་ཞུགས་ནས། །ཉིས་བརྒྱ་ལྔ་བཅུ་ཕམ་པ་བཞི། ལྷག་མ་བཅུ་གསུམ། སྤང་ལྟུང་སུམ་ཅུ། ལྟུང་བྱེད་འབའ་ཞིག་དགུ་བཅུ། སོར་བཤགས་སྡེ་བཞི། ཉེས་བྱས་བརྒྱ་དང་བཅུ་གཉིས་རྣམས་སོ།། སྤང་བའི་ཚུལ་ཁྲིམས་དང་། བཅུ་བདུན་ལུང་ལས་བླང་བྱ་འཇུག་པའི་ཚུལ་ཁྲིམས་ཏེ། །འཁོར་ལོ་དང་པོའི་ལམ་གྱི་རིམ་པའོ། །འཕགས་པའི་ཡུལ་དུ་བསྡུ་བ་གཉིས་པའི་རྗེས། །མདོ་ལུང་དགོངས་འགྲེལ་གྱེས་པ་བཅོ་བརྒྱད་བྱུང་སྡེ་པ་ཐ། །རབ་བྱུང་གསོ་སྦྱོང་གཞི་དང་ནི། །དགག་དབྱེ་དབྱར་དང་ཀོ་སྤགས་བཞི། །སྨན་དང་གོས་དང་སྲ་བརྐྱང་དང་། །ཀོ་ཤམྦྷི་དང་ལས་ཀྱི་གཞི། །དམར་སེར་ཅན་དང་གང་ཟག་དང་། །སྤོ་དང་གསོ་སྦྱོང་བཞག་པ་དང་། །གནས་མལ་དང་ནི་རྩོད་པ་དང་། །དགེ་འདུན་དབྱེན་རྣམས་བསྡུས་པ་ཡིན། །མཆན། དད་རིམ་པར་བསྡུས་པ་ལས། །ཤར་ནུབ་རི་དང་གངས་རིར་གནས། །འཇིག་རྟེན་འདས་པར་སྨྲ་བ་དང་། །རྟག་པར་སྨྲ་བའི་སྡེ་སྣོད་ནི། །ལྔ་ཚན་དགེ་འདུན་ཕལ་ཆེན་པ། །བཞི་པ་དང་ནི་འོད་སྲུངས་སྡེ། །ས་སྟོན་སྡེ་

― JKT006_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཆོས་སྲུང་སྡེ། །མང་ཐོས་གོས་དམར་སློབ་པ་དང་། །རྣམ་པར་ཕྱེ་སྟེ་སྨྲ་བ་ནི། །ཐམས་ཅད་ཡོད་པར་སྨྲ་བའི་སྡེ། །རྒྱལ་བྱེད་ཚལ་གནས་འཇིགས་མེད་རི། །གཙུག་ལག་ཁང་ཆེན་གནས་བརྟན་པའོ། །ས་སྒྲོགས་རིགས་དང་སྲུང་བ་པ། །གནས་མ་བུ་ཡི་སྡེ་རྣམས་ནི། །ཀུན་གྱིས་བཀུར་བ་རྣམ་པ་གསུམ། །ཡུལ་དོན་སློབ་དཔོན་བྱེ་བྲག་གིས། །ཐ་དད་རྣམ་པ་བཅོ་བརྒྱད་གྱུར། །ཞེས་པ་སྟེ། དེ་ལས་ས་སྟོན་སྡེ་པའམ་དཔེ་སྟོན་སྡེ་པ་དང་། འཇིག་རྟེན་འདས་པར་སྨྲ་བ་གཉིས་ནི་མདོ་སྡེ་པ་དང་། ལྷག་མ་བཅུ་དྲུག་པོ་བྱེད་སྨྲ་བའི་གྲུབ་མཐའ་འཛིན་པ་ཁོ་ནའོ། །ཡོད་སྨྲའི་དགོངས་འགྲེལ་ཡོན་ཤཱཀ་རྣམ་གཉིས་དང་། བཤེས་གཉེན་དྲུག་སོགས་འཕགས་ཡུལ་མཁས་རྣམས་སོ། །གངས་རིའི་ཁྲོད་འདིར་བཤད་སྲོལ་རྣམ་གསུམ་སྨད་འདུལ། སྟོད་འདུལ། །ཁ་ཆེ་ལུགས། བྱུང་། ཀུན་གྱི་བཀའ་བབས་བུ་སྟོན་རིན་དྲི་མེད་བཤེས་གཉེན་ཁྱད་པར་བཤེས་གཉེན། དགེ་ལེགས་བཤེས་གཉེན། དགེ་བའི་བཤེས་གཉེས། ཚུལ་ཁྲིམས་བཤེས་གཉེན། ཆོས་ཀྱི་བཤེས་གཉེན་རྣམས་སོ། །ཆེན་གྲུབ། འདི་ལ། སྒྲ་ཚད་པ། ལུང་མང་པོ། གོང་གསུམ་པ། ཁྱུང་ལྷས་པ་སོགས་བུ་ཆེན་བྱུང་། ཁ་བ་ཅན་འདིར་འཕགས་མཆོག་གཉིས་པར་གྱུར། །ཐར་འདོད་རྣམས་ཀྱང་སྲོལ་དེའི་རྗེས་སུ་ཞུགས། མཁྱེན་གསུམ་མངོན་རྟོགས་རྒྱན་ལས་ཐོས་བསམ། །ཤེས་རབ་ཕ་རོལ་ཕྱིན་པ་ནི། །དངོས་པོ་བརྒྱད་ཀྱིས་ཡང་དག་བཤད། །རྣམ་ཀུན་མཁྱེན་༡ཉིད་ལམ་ཤེས་༢ཉིད། །དེ་ནས་ཐམས་ཅད་ཤེས་༣པ་ཉིད། །རྣམ་ཀུན་༡མངོན་རྫོགས་རྟོགས་པ་དང་། །རྩེ་མོར་

― JKT006_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

༢ཕྱིན་དང་མཐར་༣གྱིས་པ། །སྐད་གཅིག་༤གཅིག་མངོན་རྫོགས་བྱང་ཆུབ། །ཆོས་ཀྱི་༡སྐུ་དང་དེ་རྣམས་བརྒྱད། ཞེས་སྐབས་བརྒྱད་མངོན་རྟོགས་དོན་གཉིས་ཀྱིས་འཆད་དོ། །སྐྱ་བ་འཛིན་མཁས་ཤིང་། །ཉམས་ལེན་སྦྱོར་བཞིའི་གཟིངས་ལ་བརྟེན་ནས་ནི། །ཆོས་སྐུ་ལྷུན་པོའི་མཛེས་པ་བལྟ་བ་ཡི། །འཁོར་ལོ་བར་པའི་སྦས་དོན་ལམ་རིམ་དེ། །དགའ་ལྡན་གནས་སུ་མི་ཕམ་ཆོས་རྗེས་བཀྲལ། །འཕགས་པའི་ཡུལ་དུ་བཀའ་བབས་རྣམ་པ་དྲུག །བདེ་བའི་འབྱུང་གནས་དགའ་ལྡན་ལྷ་ཡུལ། ལོངས་སྤྱོད་ཀྱི་འབྱུང་གནས་འོག་ཀླུ་ཡུལ། རིག་པའི་འབྱུང་གནས་ཤར་ཕྱོགས་བྷངྒ་ལ། ཡོན་ཏན་གྱི་འབྱུང་གནས་ལྷོ་ཕྱོགས་བེ་ཏཱའི་ཡུལ། བྱིན་རླབས་ཀྱི་འབྱུང་གནས་ནུབ་ཕྱོགས་ཨོ་རྒྱན་ཡུལ། ངོ་མཚར་གྱི་འབྱུང་གནས་བྱང་ཕྱོགས་བི་ཤྭ་ཀ་ཙནྡན་གྱི་གླིང་ནས་བརྒྱུད་པ་སྟེ་དྲུག་གོ། །རྒྱན་གྱི་དགོངས་འགྲེལ། ཐོགས་མེད་སྐུ་མཆེད་སོགས། བཤད་སྲོལ་རྣམ་མང་ཡང་། །གང་དེ་འགྲེལ་ལ་འཕགས་འཕགས་པ་གྲོལ་སྡེ་དང་། སློབ་དཔོན་སེངྒེ་བཟང་པོ། སེང་ཁྱད་པར་འཕགས། དེ་དག་བཞེད་གཞུང་རྔོག་ལོའི་ཐུགས་མཚོར་བབས། །ཤེར་ཕྱིན་རྒྱས་མཛད་འབྲེ་ཨར་རྣམ་གཉིས་ཀྱི། རྔོག་ལོའི་སློབ་མ་འབྲེ་ཤེས་རབ་འབར་དང་། དེའི་སློབ་མ་ཨར་བྱང་ཆུབ་ཡེ་ཤེས། འཆད་རྩོམ་ཉི་ཟླའི་འོད་ཟེར་འབུམ་ཕྲག་གིས། གངས་ཅན་མུན་པའི་ནགས་ཁྲོད་གསལ་བར་མཛད། །པས་ན་དེའི་རྗེས་སུ་ཞུགས། རྟག་ཆད་མཐར་ལྟའི་གཡངས་སུ་མ་ལྷུང་ཞིང་། །བདེན་གཉིས་

― JKT006_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

ཟུང་འཇུག་ལྟ་བའི་ཐེམ་སྐས་ལ་འཛེགས་ནས། །ངེས་དོན་ཆོས་སྐུའི་ཁང་བཟང་བགྲོད་པ་ཡི། །འཁོར་ལོ་བར་པའི་དངོས་བསྟན་ལམ་རིམ་དེ། །རྒྱ་གར་ཡུལ་དུ་འཕགས་མཆོག་ཀླུ་ཡིས་བཀྲལ། །ལེགས་ལྡན་འབྱེད་དང་སངས་རྒྱས་བསྐྱངས་གཉིས་ཀྱིས། །ཀླུ་སྒྲུབ་ཞབས་ཀྱི་དགོངས་པ་འགྲེལ་ཚུལ་ལས། །འཕགས་པའི་ཡུལ་དུ་ཐལ་རང་སྲོལ་གཉིས་གྱེས། །གངས་རིའི་ཁྲོད་འདིར་ཐམས་ཅད་མཁྱེན་པ་རྔོག་ལོའི་སློབ་མ་དཔལ་ལྡན་ཕྱུ་པ་ཆོས་ཀྱི་སེང་གེ་འདི་ལ་སློབ་མ་སེང་ཆེན་བརྒྱད། ཇོ་སྲས་གསུམ། ཤེས་རབ་ཅན་གསུམ། གྲུབ་ཐོབ་གསུམ་སོགས་བྱུང་། རང་རྒྱུད་པ་རྣམས་དེའི་རྗེས་སུ་ཞུགས། ཡིས། །རང་རྒྱུད་མཁས་པའི་སྲོལ་ཆེན་དར་བར་མཛད། བསྙེངས་བྲལ་ཟླ་བའི་ལེགས་བཤད་མ་ཉམས་པ། །གང་བབས་བཤད་སྲོལ་ཕུལ་ཕྱིན་པ་ཚབ་ལུགས། །ལོ་ཙཱ་བ་ཉི་མ་གྲགས་པ་ལ་སློབ་མ། ཚིགས་ལ་མཁས་པ་གང་པ་ཤེའུ། དོན་ལ་མཁས་པ་གཙང་པ་འབྲེ་སྐུར། གཉིས་ཀ་ལ་མཁས་པ་རྨ་བྱ་ཞང་བརྩོན། གཉིས་ཀ་ལ་མི་མཁས་པ་ཞང་ཐག་སག་པ་སྟེ་པ་ཚབ་བུ་བཞིར་གྲགས་པ་བྱུང་། ཐལ་འགྱུར་བའི་སྲོལ་འཛིན་པ་རྣམས་དེའི་རྗེས་སུ་ཞུགས། །ཀླུ་སྒྲུབ་དགོངས་པ་ས་གསུམ་འཕགས་པ་ཡི། །རིག་པས་བཀྲལ་བའི་ལེགས་བཤད་བདུད་རྩིའི་རྒྱུན། །གྲུབ་པའི་དབང་ཕྱུག་དཔལ་ལྡན་ཆོས་སྐྱོང་དང་། །འཇམ་དབྱངས་རྣམ་འཕྲུལ་ས་ཆེན་ཐུགས་མཚོར་བབས། །གཟུང་བའི་ཆོས་ཀུན་ནམ་ཡང་ཡོད་མིན་ཅིང་། །འཛིན་བྱེད་ཤེས་པའང་

― JKT006_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

འཁྲུལ་པར་གདོན་མི་ཟ། །གཉིས་མེད་ཡེ་ཤེས་སྦྱང་གཞིར་བཞག་པ་སྟེ། །འཁོར་ལོ་ཐ་མའི་ལམ་གྱི་རིམ་པའོ། །མི་ཕམ་མགོན་དང་ཀླུ་སྒྲུབ་སྙིང་པོ་ཡིས། །བྱམས་པའི་ཆོས་བཞི་མདོ་སྡེ་རྒྱན། རྒྱུད་བླ་མ། ཆོས་ཉིད་རྣམ་འབྱེད། དབུས་མཐའ་རྣམ་འབྱེད་བསྟོད་ཚོགས་གཞུང་གིས་བཀྲལ། །ཐོགས་མེད་མཆེད་ཀྱི་གསུང་རབ་ཉི་འོད་ཀྱིས། །འཁོར་ལོ་ཐ་མའི་ངེས་དོན་ཆེས་ཆེར་གསལ། །གངས་རིའི་ཁྲོད་འདིར་མི་ཕམ་རྒྱལ་བ་དང་། །ཐོགས་མེད་མཆེད་ཀྱི་གཞུང་བཟང་ངོ་མཚར་ཅན། །དབུ་སེམས་སོ་སོར་འགྲེལ་བྱེད་རྣམ་མང་ཡང་། །གང་དེ་དབུ་མའི་གཞུང་དུ་གདོན་མི་ཟ། །ཆོས་མངོན་པ་འོག་མ་རྒྱ་མཚོ་ལྟ་བུའི་བཀའ་བབས་འབན་དཀོན་མཆོག་རྡོ་རྗེ་རོག་ཆོས་ཀྱི་བརྩོན་འགྲུས་ཐོ་གར་གནམ་ལྡེམས་ཀུན་དགའ་རྡོ་རྗེ། །བྱམས་ཆོས་གཞུང་གི་ངེས་དོན་འགྲེལ་པ་ལ། །བཤད་དང་སྒྲུབ་པའི་བཀའ་བབས་རྣམ་པ་གཉིས། །དེ་དག་རིམ་བཞིན་རྔོག་བློ་ལྡན་ཤེས་རབ་དང་བཙན་ཁ་བོ་ཆེ་གཉིས་ལ་བབས། །ཐོས་བསམ་སྒོམ་པས་སོ་སོར་ཁྱད་པར་འཕགས། །ཆོས་ཀུན་རིག་པའི་ལམ་ནས་ལེགས་དྲངས་ཏེ། །གནས་སྐབས་གསུང་རབ་ཀུན་ལ་ལྟ་བའི་མིག ། མཐར་ཐུག་ཀུན་མཁྱེན་སྒྲུབ་པའི་ལམ་གྱི་སྲོལ། །སློབ་དཔོན་ཕྱོགས་ཀྱི་གླང་པོ་དང་དེའི་སློབ་མ་རྒོལ་བ་དབང་ཕྱུག་སྡེའི་སློབ་མ་ཆོས་ཀྱི་གྲགས་པའི་རིང་ལུགས་བླ་ན་མེད། །འཕགས་པའི་ཡུལ་དུ་སྡེ་བདུན་རྣམ་འགྲེལ། རྣམ་ངེས།

― JKT006_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་ཐིག་སྟེ་གཙོ་བོ་གསུམ་དང་། གཏན་ཚིགས་ཐིགས་པ། འབྲེལ་པ་བརྟག་པ། རྒྱུད་གཞན་གྲུབ་པ། རྩོད་པའི་རིག་པ་སྟེ་ཡན་ལག་གི་བསྟན་བཅོས་བཞིའོ། དགོངས་འགྲེལ་ལ། །ལྷ་ཤཱཀ་བྲམ་ཟེ་རྒྱན་དང་ཆོས་མཆོག་སོགས། །ཆོས་གྲགས་སློབ་མ་ཀུན་མཁྱེན་ལྷ་དབང་བློ། དེའི་སློབ་མ་ཤཱཀྱ་བློ་གྲོས། གཞན་ཡང་བྲམ་ཟེ་བདེ་བྱེད་དགའ་བ། རྒྱན་མཁན་པོ་ཤེར་འབྱུང་སྤས་པ། སློབ་དཔོན་ཆོས་མཆོག་གམ་པཎ་ཆེན་རྒྱལ་རྔ་བདུན་པ་སོགས་སོ། །ལ་ལ་ཚིག་ཉུང་འགའ་ཞིག་དཔྱོད་ལྡན་མཁས་པས་བྱས་པའང་ཡོད། །ངོ་བོ་ཉིད་མེད་རྔོག་ལོ་རྣལ་འབྱོར་སྤྱོད་པ་ས་པཎ་དང་། །འཇིག་རྟེན་གྲགས་སྡེའི་ཕྱིས་བྱོན་དབུ་མར་འགྲེལ་པ་ཡི། །གངས་རིའི་ཁྲོད་འདིར་བཤད་སྲོལ་རྣམ་པ་གསུམ། །ཀུན་ལས་ཁྱད་འཕགས་ས་སྐྱ་པ་ཡི་ལུགས། །ས་སྐྱ་པཎ་ཆེན་ལ་སློབ་མ་ཤར་ནུབ་གུང་གསུམ། ལྷོ་དམར་གཉིས། གྲུབ་ཚོགས་གཉིས་སོགས་བྱུང་། ཚད་མའི་སྲོལ་དེའི་རྗེས་སུ་ཞུགས། སྡེ་སྣོད་མང་ཐོས་གྲགས་ལྡན་མཁས་རྣམས་ཀྱང་། །ལེགས་སྦྱར་མི་ཤེས་འཕགས་ཡུལ་མཁས་པའི་གཞུང་། །རང་བཞིན་རྐྱེན་དང་རྣམ་དབྱེའི་འཇུག་ཚུལ་སོགས། །གང་འཆད་དེ་ལ་སུ་ཞིག་ཡིད་རྟོན་བྱེད། །རྒྱལ་བའི་བཀའ་དང་དགོངས་འགྲེལ་བསྟན་བཅོས་ལ། །རྣམ་དཔྱོད་བརྩོན་པས་ཐོས་པའི་ཕ་མཐར་སོན། །ཐ་སྙད་གཙུག་ལག་སྨྲ་མཁས་བློ་ལྡན་དེ། །གཟུར་གནས་མཁས་མང་ཚོགས་པའི་མདུན་སར་མཛེས། །སྒྲ་སྙན་བཟོ་གསོ་སྒྲ་ཚད་ནང་རིག་པ་

― JKT006_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ་རིག་གནས་ཆེ་བ་ལྔ་དང་། སྐར་རྩིས་སྙན་ངག་སྡེབ་སྦྱོར་མངོན་བརྗོད་ཟློས་གར་རྣམས་ལ་ཆུང་བ་ལྔ་ཞེས་གྲགས་སོ། །སྡེབ་སྦྱོར་ཟློས་གར་མངོན་བརྗོད་སོགས། །ཐ་སྙད་གཙུག་ལག་ཉན་དང་འཆད་འདོད་ན། །སྐད་གཉིས་སྨྲ་བའི་གཙུག་རྒྱན་ཤངས་སྟོན་རྡོ་རྗེ་རྒྱལ་མཚན་དང་། །དཔང་ལོ་ཙཱ་བློ་གྲོས་བརྟན་པ་གསུམ་པའི་བཤད་སྲོལ་རྨད་དུ་བྱུང་། །རྒྱུ་གཞི་རྒྱུད་ལམ་ཐབས་རྒྱུད་འབྲས་བུ་མི་འཕྲོག་རྒྱུད་གསུམ་གཏན་དབབས་ནས། །སྦྱོར་དང་དཀྱིལ་འཁོར་༡དང་ལས་༢རྒྱལ་མཆོག་རྣམ་གཉིས་རྫོགས་རིམ་འཕགས་ལུགས་ལ་རིམ་པ་ལྔ་སྟེ། །ཀླུ་སྒྲུབ་ཞབས་ཀྱིས། རྡོར་བཟླས། སེམས་ལ་དམིགས་པ། སྒྱུ་ལུས། འོད་གསལ། ཟུང་འཇུག་ལྔ་དང་། ཟླ་གྲགས་ཀྱིས། རྟེན་བསྐྱེད་རིམ། གསང་གཞི་དབེན་གསུམ། སྒྱུ་ལུས་དངོས། འོད་གསལ། ཟུང་འཇུག་ལྔ་ལ་བཞེད། ཡེ་ཤེས་ཞབས་ལུགས་ལ་ཐིག་ལེ་བཞི་སྟེ། དགའ་བའི་ཡེ་ཤེས་ཀྱི་དབང་དུ་བྱས་ནས་སྙིང་གའི་ཐིག་ལེ། མཆོག་དགའ་ཡེ་ཤེས་ཀྱི་དབང་དུ་བྱས་ནས་ནོར་བུར་བསྐྱེད་རིམ་རྟེན། གསང་གཞི་དབེན་གསུམ། བའི་ཐིག་ལེ། དངོས་སྒྱུ་ལུས། དགའ་བྲལ་གྱི་ཡེ་ཤེས་ཀྱི་དབང་དུ་བྱས་ནས་གནས་བཞིར་སྤྲུལ་པའི་ཐིག་ལེ། ལྷན་ཅིག་སྐྱེས་དགའི་ཡེ་ཤེས་ཀྱི་དབང་དུ་བྱས་ནས་སྙིང་གར་མི་ཤིགས་པའི་ཐིག་ལེ་བསྒོམ་ཚུལ་སོགས་བསྐྱེད་རྫོགས་ལམ་བསྒོམ་པ། །དཔལ་ལྡན་འདུས་པའི་ལམ་གྱི་རིམ་པའོ། །འདུས་པའི་རྒྱུད་ལ་ཀླུ་སྒྲུབ་ཡབ་སྲས་དང་། །ཡེ་ཤེས་ཞབས་ཀྱིས་

― JKT006_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

རིམ་པར་བཀྲལ་བ་ལ། །འཕགས་པའི་ཡུལ་དུ་འདུས་པ་འཕགས་ལུགས་དང་། །ཡེ་ཤེས་ཞབས་ལུགས་རྒྱ་བོད་མཁས་རྣམས་བཞེད། །བོད་འདིར་འཕགས་ལུགས་ལ་ལོ་ཆེན་འགོས་དང་མར་པ་ལོ་ཙཱ་བ་ཆོས་ཀྱི་བློ་གྲོས་རོང་པ་འགར་དགེ་ཆག་ཆོས་རྗེ་དཔལ་དཔྱལ་ཆོས་བཟང་དང་། །ཡེ་ཤེས་ཞབས་ལུགས་ལ་ལོ་ཆེན་རིན་བཟང་གཉོས་རྡོ་རྗེ་བླ་མ་དང་རྭ་རྡོ་རྗེ་གྲགས་ལུགས་སོགས། །གངས་ཅན་འདིར་ཡང་འདུས་པའི་སྲོལ་རྣམས་བྱུང་། །འགོས་ལོའི་ཙཱ་བ་ཁུག་པ་ལྷས་པ་ཙས་ལུགས་བཟང་བརྒྱུད་འཛིན་གྱི་སློབ་མ་རྒྱུད་ཀྱི་ཀ་བ་ཚུགས་པ་བཞི། མན་ངག་གི་གདུང་མ་ཐེག་པ་བརྒྱད། ལས་ཚོགས་དང་ཕྲིན་ལས་ལ་མཁས་པ་དྲལ་ཕྱམ་གཤིབས་པ་ལྟར་དཔག་ཏུ་མེད་པ་ཡོད་དོ། །འོད་སྟོང་ཅན། །ཕྱི་ནང་རང་ལུས་དཀྱིལ་འཁོར་ལྷ་ཡི་ཚོགས། །རྩ་ཡིག་བདུད་རྩི་དཔའ་བོ་རྣལ་འབྱོར་མ། །རིམ་པ་ལྔ་དང་བདེ་མཆོག་ལཱུ་ཧི་པའི་རྫོགས་རིམ་ལ། རྡོ་རྗེ་སེམས་དཔའ་བསྡུ་བ། ཡི་གེ་བསྡུ་བ། ཐིག་ལེ་བསྡུ་བ་སྟེ་བསྡུ་བ་གསུམ་སོགས་དང་། དྲིལ་བུ་པར། བདག་བྱིན་གྱིས་བརླབས་པའི། སྣ་ཚོགས་རྡོ་རྗེའི། ནོར་བུ་འགེངས་པའི། ཛ་ལནྡྷ་རའི། བསམ་གྱིས་མི་ཁྱབ་པའི་རིམ་པ་སྟེ་ལྔའོ། །རིམ་བཞིའི་རྣལ་འབྱོར་ནི་ནག་པོ་པའི་ལུགས་ཏེ། ཤེས་བྱ་རྒྱུད་ཀྱི་རིམ་པ། ཉམས་ལེན་སྔགས་ཀྱི་རིམ་པ། ཡེ་ཤེས་སྐྱེ་བའི་རིམ་པ། འབྲས་བུ་གསང་བའི་རིམ་པའོ། །སོགས། །འཁོར་ལོ་སྡོམ་པའི་ལམ་གྱི་རིམ་པའོ། །རྣལ་འབྱོར་གསང་མཐའ་འཁོར་ལོ་བདེ་མཆོག་རྒྱུད། །ལཱུ་ཧི་པ་དང་གྲུབ་ཆེན་དྲིལ་བུ་པ། །

― JKT006_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

ནག་པོའི་ཞབས་ཀྱིས་རིམ་པར་བཀྲལ་བ་ལས། །འཕགས་པའི་ཡུལ་དུ་ལཱུ་དྲིལ་ནག་གསུམ་ལུགས། །གྲུབ་ཆེན་མལ་དང་མར་པ་དོ་པ་ཆོས་ཀྱི་དབང་པོ་པུ་ཧྲང་པ་ལོ་ཆུང་གྲགས་མཆོག་ཤེས་རབ། །རོང་པ་འགར་དགེ་གཡག་སྡེ་ལོ་ཙཱ་བ་བསོད་ནམས་བཟང་པོ་རྣམ་གཉིས་སྦལ་སྣ་སྦལ་སྤང་སྣ་པའི་ལུགས་ལ་སོགས། །བདེ་མཆོག་སྲོལ་རྣམས་བོད་ཡུལ་ལྗོངས་སུ་བབས། །རྗེ་བཙུན་མལ་གྱོ་ལོ་ཙཱ་བ་བློ་གྲོས་གྲགས་པ་གྱིས་གཞུང་བསྒྱུར་གཏན་ལ་ཕབ། །རྒྱུ་རིགས་སྤང་བྱ་རྐྱེན་ལ་ལྟོས་པ་རྒྱུར་གནས་སྤྱོད་དང་སྐྱབས་སེམས་གསོ་སྦྱོང་གཏན་ཁྲིམས་ལྟ་བ་གྲུབ་མཐའ་བཞིའི་རྒྱུད་སྡེ་བཞིར། །རིམ་ཞུགས་སྨིན་བྱེད་ལྟ་བ་བསྐྱེད་རྫོགས་སྤྱོད་དང་ཉེ་རྒྱུ་མཆོག་ཐུན་བཟླས་དང་གཏོང་མ་སྦྱིན་སྲེག་རབ་གནས་ལས་ཚོགས་རབ་འབྱམས་མངོན་རྟོགས་དང་། །གྲོགས་དམ་ཚིག་དང་སྡོམ་པ་བཅས་གནས་སྐབས་དང་མཐར་ཐུག་གི་འབྲས་བུ་རྣམ་གཉིས་ལ་སྦྱོར་བ། །དགྱེས་པ་རྡོ་རྗེའི་ལམ་གྱི་རིམ་པའོ། །དགྱེས་རྡོར་རྒྱུད་ལ་མཚོ་སྐྱེས་ནག་པོ་པ། །མི་ཐུབ་ཟླ་བ་རིན་ཆེན་འབྱུང་གནས་དང་། །ནཱ་རོ་པ་དང་མེ་ཏྲིའི་ལུགས་རྣམས་ཏེ། །འཕགས་པའི་ཡུལ་དུ་དགྱེས་རྡོར་སྲོལ་ཆེན་དྲུག་དང་། །ཁ་ཆེ་སྙན་གྲགས་བཟང་པོའི་ལུགས་ཏེ་ལུགས་སྲོལ་ཡོངས་སུ་རྫོགས་པ་བདུན་དུའང་བཞེད་ལ། སྤྱིར་འགྲེལ་བྱེད་ནི་རྡོ་རྗེ་སྙིང་པོ་སོགས་བཅུ་གཉིས་བྱུང་བར་གྲགས་སོ། །འབྲོག་མི་ལོ་ཙཱ་བ་ཤཱཀྱ་ཡེ་ཤེས་འགོས་ཀྱི་གྱོ་ཟླ་བའི་འོད་ཟེར་མར་པ་ཆོས་ཀྱི་བློ་གྲོས་དཔྱལ་ཀུན་དགའ་རྡོ་རྗེ་རམས་ལྡིང་བ་སངས་རྒྱས་འབྱུང་གནས། ལུགས་

― JKT006_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས། །གངས་རིའི་ཁྲོད་འདིར་བཤད་སྲོལ་རྣམ་མང་ཡང་། །སྔ་མ་གསུམ་ག་ཡ་དྷཱ་ར་དང་། ཕྱི་མ་ནཱ་རོ་པའི་བརྒྱུད་འཛིན་ནོ། །འབྲོག་མིའི་ལུགས་བཟང་དཔལ་ལྡན་ས་སྐྱ་པས། །བཤད་དང་སྒྲུབ་པའི་རྒྱལ་མཚན་རྩེ་ལ་བཀོད། །ཕྱི་འཇིག་རྟེན་༡ཁམས་དང་ནང་ལུས་༢རྣམ་དག་དང་། །གཞན་བྱིས་པ་འཇུག་པའི་དབང་བདུན། གོང་མ་བཞི་བཅས་བཅུ་གཅིག་དབང་༣བསྐུར་བསྐྱེད་རིམ་གྱིས་ཐུན་༤མོང་དངོས་གྲུབ་དང་། །རྫོགས་རིམ་གྱིས་ལམ་༥མཆོག་དངོས་གྲུབ་ཚེ་འདིར་སྒྲུབ་བྱེད་པ། །དཔལ་ལྡན་དུས་འཁོར་ལམ་གྱི་རིམ་པའོ། །གོང་གི་དོན་ཚན་ལྔ་པོ་དུས་འཁོར་བསྡུས་རྒྱུད་ལེའུ་ལྔས་རིམ་པར་སྟོན། ཐབས་ཤེས་གཉིས་མེད་དུས་ཀྱི་འཁོར་ལོའི་རྒྱུད། །ཟླ་བཟང་ལ་སོགས་སྤྲུལ་པའི་ཆོས་རྒྱལ་བདུན་ནི། རྩ་རྒྱུད་ལས། ཟླ་བཟང་ལྷ་དབང་གཟི་བརྗིད་ཅན། །ཟླ་བས་བྱིན་དང་ལྷའི་དབང་ཕྱུག །སྣ་ཚོགས་གཟུགས་དང་ལྷ་དབང་ལྡན། །ཅེས་སོ། །འཇམ་དཔལ་གྲགས་སོགས་རིགས་ལྡན་དཔེ་གཅིག་ལ། ཟླ་བཟང་ལ་སོགས་སྤྲུལ་པའི་ཆོས་རྒྱལ་དྲུག །པདྨ་དཀར་སོགས་རིགས་ལྡན་ཉེར་ལྔ་དང་། །ཞེས་པའང་སྣང་། ཉེར་ལྔ་ནི། སྔ་མར། གྲགས་པ་རིགས་ལྡན་རིགས་ཀྱང་སྟེ། །དེ་ནས་རིགས་ལྡན་པདྨ་དཀར། །བཟང་པོ་རིགས་ལྡན་གསུམ་པ་སྟེ། །དེ་བཞིན་བཞི་པ་རྣམ་རྒྱལ་ལོ། །བཤེས་གཉེན་བཟང་པོ་རིན་ཆེན་ཕྱག །བདུན་པ་ཁྱབ་འཇུག་སྦས་པའོ། །ཉི་མ་གྲགས་དང་ཤིན་ཏུ་བཟང་། །རྒྱ་མཚོ་རྣམ་རྒྱལ་རྒྱལ་དཀའ་དང་། །རིགས་ལྡན་ཉི་མ་བཅུ་གཉིས་པ། །སྣ་ཚོགས་གཟུགས་དང་ཟླ་བའི་འོད། །མཐའ་ཡས་དང་ནི་ས་སྐྱོང་དང་། །དཔལ་

― JKT006_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་སེང་གེ་རྣམ་པར་གནོན། །སྟོབས་པོ་ཆེ་དང་མ་འགགས་པ། །མི་ཡི་སེང་གེ་དབང་ཕྱུག་ཆེ། །མཐའ་ཡས་རྣམ་རྒྱལ་རིགས་ལྡན་དང་། །གྲགས་པ་རིགས་ལྡན་དེ་ནས་སླར། །དེ་སྲས་འཁོར་ལོ་ཆེན་པོ་ཅན། །རིགས་ལྡན་དྲག་པོ་འབྱུང་འགྱུར་ཏེ། །སྨྲ་མཁས་རྟ་མཆོག་ཏིང་འཛིན་གྱིས། །ཀླ་ཀློའི་ཆོས་ནི་མཐར་བྱེད་པའོ། །ཞེས་སོ། །དང་། །དུས་ཞབས་པ་དང་ཙི་ལུ་པཎ་ཆེན་གྱིས། །སྔ་མ་རྣམས་ཀྱིས་ཤམྦྷ་ལ་དང་ཕྱི་མ་གཉིས་ཀྱིས་འཕགས་པའི་ཡུལ་དུ་སྤེལ། །གྱི་གྱོ་ལོ་ཙཱ་བ་ཟླ་བའི་འོད་ཟེར། རྩྭ་དང་མི་བསོད་སྙོམས་པ་སངས་རྒྱས་གྲགས་དང་རྭ་ཆོས་རབ་འབྲོ་ཤེས་རབ་གྲགས་རྣམ་པ་གཉིས། །ཆག་ཆོས་རྗེ་དཔལ་དཔྱལ་ཀུན་དགའ་རྡོ་རྗེ་རོང་པ་གྲྭ་ལོ་རྣམ་རྒྱལ་རྡོ་རྗེ། ཇོ་ནང་པ་ཞལ་ལུ་བུ་སྟོན་རིན་པོ་ཆེ་ལུགས་སོགས་ཀྱིས། །ལུགས་སྲོལ་མཐའ་ཡས་པ་སྟེ། བསྡུས་རྒྱུད་རྩ་འགྲེལ་ཁོ་ན་ལའང་འགྱུར་འགོ་ཉེར་ལྔ་ཙམ་བྱུང་བས་མཚོན་ནོ། །གངས་ཅན་བསྟན་པའི་པད་ཚལ་གསལ་བར་མཛད། །རྭ་འབྲོའི་བཤད་སྲོལ་ཉི་ཟླའི་འོད་རིས་ཅན། །སྤྱིར་བོད་ཡུལ་འདིར། གསང་འདུས་མར་འགོས་གཉོས་གསུམ། འཇིགས་བྱེད་རྭ་སྐྱོ་ཞང་གསུམ། བདེ་མཆོག་མལ་མར་ལོ་གསུམ། ཀྱེ་རྡོར་འཕྲོག་འགོས་མར་གསུམ། དུས་འཁོར་རྭ་འབྲོ་རྩ་གསུམ་ལས་གཙོ་བོར་བྱུང་ཞེས་གཟུར་གནས་ཀྱི་མཁས་པ་ཀུན་ལ་གཏམ་དུ་གྲགས་སོ། །སློབ་མའི་དབང་ལྔ་སྔོན་དུ་འགྲོ་བས་སློབ་དཔོན་དབང་༦བསར་ཕྱིར་མི་ལྡོག་པའི་དམ་ཚིག་གསུམ་བཟུང་བ། གསང་དཀྱིལ་དུ་གསང་བའི་འཇུག་པས་ཞུགས་ཤིང་མཐོང་བ། ལྷ་དང་དཀྱིལ་འཁོར་གྱི་དེ་ཉིད། སློབ་དཔོན་གྱི་ལས་རིམ་རྣམས་ཤེས་པར་བྱ་བ། ཐུན་མོང་མ་ཡིན་པའི་ཆོས་འཆད་རྗེས་གནང་། ལུང་བསྟན་དབུགས་

― JKT006_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱུང་གཟེངས་བསྟོད་དེ་དྲུག་རང་རྒྱུད་སྨིན་བྱས་ནས། །བདག་མདུན་གཉིས་ཀ་དག་པའི་སྐུ་རུ་བསྐྱེད། །ཡེ་ཤེས་སྤྱན་དྲངས་དེ་ཉིད་ང་རྒྱལ་བཟུང་། །རྣལ་འབྱོར་རྒྱུད་ཀྱི་ལམ་གྱི་རིམ་པའོ། །རྣལ་འབྱོར་རྒྱུད་ཀྱི་དགོངས་པ་འགྲེལ་པ་ལ། །རྒྱ་གར་དུ་དོན་ལ་མཁས་པ་སངས་རྒྱས་གསང་བ་ཚིག་ལ་མཁས་པ་ཤཱཀྱ་བཤེས་གཉེན་དང་། །ཚིག་དོན་གཉིས་ཀ་ལ་མཁས་པ་ཡོངས་རྫོགས་པཎ་ཆེན་ཀུན་དགའ་སྙིང་པོ་སྟེ། །བཤེས་གཉེན་རྣམ་གསུམ་བསྟན་པའི་རྒྱན་དུ་ཤར། །བོད་ཡུལ་འདིར་དང་པོའི་སྲོལ་འབྱེད་ལོ་ཆེན་རིན་ཆེན་བཟང་པོ་རྒྱ་གར་དུ་ལན་གསུམ་བྱོན། བརྒྱུད་པར་བཅས། སྐུ་ཚེའི་སྟོད་དུ་ལག་ལེན་ཀུན་སྙིང་དང་། བཤད་པ་ཤཱཀྱ་གཤེས་གཉེན་གྱི་ལུགས་ལྟར་མཛད་པས། ཕྱིས་ཡོ་ག་སྨད་ལུགས་དང་། སྐུ་ཚེའི་མཇུག་ཏུ་བཤད་པ་དང་ལག་ལེན་གཉིས་ཀ་ཀུན་སྙིང་གི་ལུགས་ཁོ་ན་མཛད་པ་ལས་ཡོ་ག་སྟོད་ལུགས་སུ་གྲགས་པ་བྱུང་། སློབ་མ་མང་ཡང་ཐུགས་སྲས་ཀྱི་མཆོག་བཞི་སྟེ། ལོ་ཆུང་ལེགས་པའི་ཤེས་རབ། མང་ནང་གི་གུར་ཤིང་བརྩོན་འགྲུས་རྒྱལ་མཚན། གྲྭ་པ་གཞོན་ནུ་ཤེས་རབ། སྐྱི་ནོར་ཛྷཱ་ན་རྣམས་སོ། །བར་དུ་དར་མཛད་རྩྭ་སྐྱ་བ་སྣུར་ཉི་མ་འོད་ཟེར་འཛིམ་པ་བློ་ཆེན་གསུམ་སོགས་དང་། ཇོ་བོ་དང་རིན་བཟང་གི་བརྒྱུད་འཛིན་རྣམས། །ཐ་མར་སྤེལ་མཛད་ཀུན་མཁྱེན་བུ་སྟོན་རིན་ཆེན་གྲུབ། །གང་འདི་སྙིགས་དུས་རྒྱལ་བ་གཉིས་པའོ། །ཆུ་ཅོད་པན། མཐའ་རྟེན་དང་བཅས་པའི་དབང་སོགས་ཀྱིས་རང་རྒྱུད་སྨིན་བྱས་ནས། །མདུན་བསྐྱེད་ཐུགས་ཀར་ཡིག་འབྲུའི་ས་བོན་བཀོད། །རྗེ་

― JKT006_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་ལྟ་བུར་དངོས་གྲུབ་ལེན་བྱེད་པ། །བྱ་བའི་རྒྱུད་ཀྱི་ལམ་གྱི་རིམ་པའོ། །བྱ་རྒྱུད་ཀྱི་དབང་རྣམས་ཀྱི་སྟེང་རྡོ་རྗེ་དྲིལ་བུའི་དབང་གིས་སྨིན་བྱས་ནས། །བདག་མདུན་གཉིས་ཀའི་ཐུགས་ཀར་ཡིག་འབྲུ་བཀོད། །གྲོགས་པོ་ལྟ་བུར་དངོས་གྲུབ་ལེན་བྱེད་པ། །སྤྱོད་པའི་རྒྱུད་ཀྱི་ལམ་གྱི་རིམ་པའོ། །དེ་ལྟ་བུའི་བྱ་སྤྱོད་ཤིང་རྟའི་སྲོལ་འབྱེད་པ། །བྱ་རྒྱུད་ལ་སློབ་དཔོན་བྱང་ཆུབ་མཆོག་དང་། །སྤྱོད་རྒྱུད་ལ་སློབ་དཔོན་སངས་རྒྱས་གསང་བའི་བཤད་སྲོལ་ཕུན་སུམ་ཚོགས། །གངས་ཅན་འདིར་ཡང་བྱ་སྤྱོད་རྒྱུད་སྡེ་ལ། །ངོ་མཚར་བཤད་པའི་བརྒྱུད་འཛིན་བླ་མ་བ་རི་ལོ་ཙཱ་བ་རིན་ཆེན་གྲགས་སོགས་བགྲང་ཡས་བྱོན། །ཡང་རྒྱ་གར་དུ་ཕྱིས་ཇོ་བོ་ཛྷཱ་ན་ཤྲཱི་དང་། པུཎྱ་ཤྲཱི་གཉིས་ལུང་མང་བར་གྲགས་ལ། བོད་འདིར་སྟེང་བ་ལོ་ཙཱ་བ་ཚུལ་ཁྲིམས་འབྱུང་གནས། བ་རི་ལོ་ཙཱ་བ་རིན་ཆེན་གྲགས་སོགས་དང་། ཕྱིས་སུ་ཤབས་བག་སྟོན་གཞོན་ནུ་ཚུལ་ཁྲིམས་ཀྱི་ཐུགས་བསྐྱེད་དང་བརྩོན་འགྲུས་ཀྱི་མཐུ་ཕུན་སུམ་ཚོགས་པ་ལ་བརྟེན་ནས་སྡེ་སྡོད་རྒྱུད་སྡེ་དང་བཅས་རྒྱལ་བའི་བཀའ་འགྱུར་རོ་ཅོག་ཡོངས་སུ་རྫོགས་པ་ཕལ་མོ་ཆེའི་ལུང་ཚང་བར་བཞུགས་སོ། །འཕགས་པའི་ཡུལ་དང་གངས་རིའི་ཁྲོད་འདིར་ཡང་། །མདོ་སྔགས་གཉིས་ཀྱི་འགྲོས་ཆེན་མ་འཁྲུལ་པ། །སྔོན་རབ་མཁས་པས་བཀྲལ་བའི་བཤད་སྲོལ་ཏེ། །དུས་གསུམ་རྒྱལ་བ་ཀུན་གྱི་བཞེད་གཞུང་ཡིན། །འོན་ཀྱང་བྱང་ཕྱོགས་གངས་རིའི་ཁྲོད་འདི་རུ། །ལོག་པའི་གཞུང་ལུགས་རྣམ་དག་རྒྱུད་སྡེ་རུ། །མངོན་ཞེན་དམ་པོས་འབད་ནས་ཉན་

― JKT006_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། །གཞན་ལ་འཆད་པའི་མཁས་རློམ་མང་ཞིག་བྱུང་། །འགའ་ཞིག་གྲགས་འདོད་ཆང་གིས་རབ་མྱོས་ནས། །རྒྱལ་བའི་བཀའ་ས་འགྱུར་གྱི་རྒྱུད་ལུང་མན་ངག་དང་ཚད་ལྡན་གཞུང་རྣམས་དང་། །དེ་དག་སྒྱུར་བྱེད་ལོ་པཎ་པད་འབྱུང་བི་མ་བེ་རོ་སོགས་མཁས་རྣམས་ལ། །བརྩད་ཅིང་རྒོལ་བའི་ལོག་རྟོག་མང་ཞིག་མཐོང་། །ཁ་ཅིག་འདི་ན་རང་བཟོའི་སྦྱོར་བ་ཡིས། །སྔོན་རབས་མཁས་པས་བཀྲལ་བའི་བཤད་སྲོལ་རྣམས། །མི་མངོན་ནམ་མཁའི་དབྱིངས་སུ་རབ་བཅིངས་ནས། །རང་འདོད་གྲུབ་མཐའི་རྒྱུ་སྐར་བགྲང་ཡས་འཆར། །གསང་ཆེན་རྒྱུད་དང་དབུ་སེམས་ཤིང་རྟའི་སྲོལ། །ཀླུ་སྒྲུབ་དགོངས་པ་ཐལ་རང་སྲོལ་། གཉིས་ཀྱིས། །ལེགས་པར་བཀྲལ་བའི་བཤད་སྲོལ་ཟླ་མེད་པ། །དེ་དག་ཕལ་ཆེར་འཁྱོག་པོའི་ལམ་དུ་བཀྲལ། །ཚད་ལྡན་གཞུང་བཞིན་འཆད་པའི་མཁས་རྣམས་ཀྱིས། །སྔོན་རབས་མཁས་པའི་བཤད་སྲོལ་གཞུང་བསྲངས་ནས། །འཆད་རྩོད་རྩོམ་པས་ཐུབ་བསྟན་བཟུང་བ་ན། །ཀུན་མཁྱེན་རྒྱལ་བའི་བསྟན་པ་གཉིས་ཤིག་བྱུང་། །ཉན་བཤད་ཐུབ་བསྟན་འཛིན་པར་རློམས་རྣམས་ཀྱང་། །གཞན་གཞུང་འཇིག་དང་རང་གཞུང་བསྒྲུབ་པའི་ཕྱིར། །ཁུངས་མེད་ཚིག་ཕྲེང་ཝུ་བའི་ཟོལ་གྱིས་ནི། །རང་ཕྱོགས་འཕྱར་བའི་རྩོད་པས་ཐུབ་བསྟན་དཀྲུགས། །ལ་ལ་རྒྱལ་བའི་བཀའ་དང་དགོངས་འགྲེལ་གྱི། །ཚད་ལྡན་གཞུང་གི་ཉན་

― JKT006_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་ཀུན་དོར་ནས། །རང་རང་འདོད་པས་སྦྱར་བའི་གཞུང་ལུགས་ལ། །ཉན་བཤད་བགྱིད་པས་ཚེ་ལོ་འདའ་བ་མཚར། །ཚེ་འདིའི་ཆེ་ཐབས་རྙེད་བཀུར་ལྷུར་བླངས་ནས། །ཕ་རོལ་བརྙས་དང་ཕྲག་དོག་འགྲན་སེམས་ཀྱིས། །རང་ཉིད་བསྒོམ་དང་གཞན་ལ་འདོམས་ཀྱང་རུང་། །སྒོ་གསུམ་བྱ་བ་ཕལ་ཆེར་དོན་མེད་ཡིན། །དེ་ཕྱིར་བློ་གསལ་ཀློག་པ་ལྷུར་ལེན་རྣམས། །རང་གཞན་གྲུབ་མཐའི་རྣམ་དབྱེ་ལེགས་རྟོགས་ནས། །སྔར་བཤད་མཁས་པས་བཀྲལ་བའི་བཤད་སྲོལ་ལ། །རྣམ་དཔྱོད་བརྩོན་པས་ཐོས་པའི་ཕ་མཐར་སྐྱོལ། །རིག་པའི་གནས་ལ་ཐོས་བསམ་མཐར་ཕྱིན་ནས། །ཐོས་པའི་དོན་རྣམས་དོན་ཡོད་བྱ་བའི་ཕྱིར། །ཏིང་འཛིན་བསྒོམ་པའི་བྱ་བ་ལྷུར་བླངས་ནས། །དབེན་པའི་གནས་སུ་རང་རྒྱུད་སྨིན་པར་མཛོད། །རང་རྒྱུད་སྨིན་ནས་འཁོར་མང་དབུས་སུ་ནི། །དྲི་མེད་གཞུང་ལ་རིག་གྲོལ་སྤོབས་པ་ཡིས། །རྩོད་རྩོམ་མཁས་པའི་བྱ་བ་རྣམ་གསུམ་གྱིས། །གཅིག་ཏུ་བསྟན་པ་འབའ་ཞིག་ལྷག་པར་དགོངས། །འཆད་པ་རྣ་བའི་བདུད་རྩི་ལྷ་ཡི་དབྱངས། །འཇིགས་མེད་སྤོབས་པ་མི་ཟད་ཆུ་བོའི་རྒྱུན། །རྩོམ་ཕྲེང་ཐུབ་བསྟན་མཛེས་པའི་ཁང་བཟང་རྒྱན། །དེ་དག་གསུམ་གྱིས་གཞན་ལ་འདོམས་པར་མཛོད། །དགོས་༡བསྡུས་༢ཚིག་༣དོན་མཚམས་༤ སྦྱོར་བརྒལ་ལན་༥བཅས། །བསྒྲུབ་དང་སུན་འབྱིན་ཚེར་མ་དབྱུང་ལ་མཁས། །སྒྲ་གནས་

― JKT006_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་ནི་ཇི་སྐད་དུ། །སྒྲ་སྐད་མིང་དང་མཚན་མ་དང་། །བརྡ་དང་ཐ་སྙད་ཚིག་དོན་བརྒྱད། །ཅེས་པས། སྒྲ་ནི། ཟིན་པའི་སྒྲ་སེམས་ཅན་དུ་སྟོན་པའོ། །སྐད་ནི། ལེགས་སྦྱར་སོགས་བཞིའོ། །མིང་ནི། མངོན་པའི་ལུགས་ཀྱིས་ཡི་གེ་འདུས་པ་དང་། །བརྡ་སྤྲོད་པས་བྱིངས་ལ་རྐྱེན་སྦྱར་ཞིང་རྣམ་དབྱེ་མ་སྦྱར་བའོ། །མཚན་མ་ནི། མིང་དེས་མཚོན་པར་བྱེད་པའོ། །བརྡ་ནི། ཐ་སྙད་སྔར་མེད་པ་ལ་གློ་བུར་དུ་འདོད་པས་སྦྱར་བ་སྟེ། ཡལ་ག་དང་ལོ་མ་ལྡན་པའི་མིང་ལ་ཤིང་ཞེས་བཏགས་པས། མིང་མིང་ཅན་དུ་འབྲེལ་བར་གོ་བས་ལྟ་བུའོ། །ཐ་སྙད་ནི། དེ་ཉིད་ལ་འཇུག་ལྡོག་བྱེད་པའི་ཕྱིར་བརྗོད་པ་སྟེ། གདུང་འདེགས་ནུས་པའི་ཤིང་ལ་ཀ་བ་ཞེས་བཏགས་པ་ལྟ་བུའོ། །ཚིག་ནི། མངོན་པའི་ལུགས་ཀྱི་མིང་འདུས་པ་དང་། བརྡ་སྤྲོད་པ་བྱིངས་དང་མིང་ལ་ཏིང་སུ་པྲ་ཀྱི་རྐྱེན་སྦྱར་བ་ལ་འདོད་དོ། །དོན་ནི། ཆོས་གང་ཞིག་རང་རང་གི་གནས་ལུགས་ཇི་ལྟར་གནས་པ་སྟེ། མེའི་ངོ་བོ་ཚ་བ་ལྟ་བུའོ། །ཀྱི་ཚིག་སྦྱོར་ཀུན་ཚང་བའི། །འཆད་རྩོད་རྩོམ་པའང་དེ་ལྟར་ཚིམས་པར་མཛོད། །ནེ་ཙོའི་འདོན་པས་མཁས་པར་རློམ་པ་དང་། །ཚུལ་འཆོས་སྤྱོད་པས་བཙུན་པར་འཆོས་པ་དང་། །སྟོང་པའི་འུད་ཀྱིས་བཟང་པོར་བརྫུ་བ་ཡི། །ཀློག་པ་བ་དེ་འཇིག་རྟེན་སྒྱུ་མ་མཁན། །འགྲོ་ཀུན་སྲིད་པའི་མཚོ་ལས་བསྒྲལ་བའི་ཕྱིར། །གཅིག་ཏུ་བསྟན་པ་འབའ་ཞིག་ཉེར་དགོངས་ནས། །རྣམ་དག་གཞུང་ལུགས་ཉན་དང་འཆད་པ་ཡི། །ཀློག་པ་བ་དེ་ལྷ་མིའི་མཆོད་གནས་ཡིན། །མདོར་ན་སྔོན་རབས་མཁས་པའི་བཤད་སྲོལ་ལ། །ཉན་བཤད་མཛོད་དང་ཕྱོགས་ཀྱི་

― JKT006_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

བཤེས་གཉེན་རྣམས། །ལུས་ཀྱིས་ཐལ་སྦྱར་ངག་གིས་བསྟོད་པ་དང་། །ཡིད་ཀྱིས་རྗེས་སུ་ཡི་རངས་ལན་བརྒྱར་བསྒོམ། །ལ་ལར་མདོ་དང་འགའ་ཞིག་སྔགས་གཞུང་ཙམ། །གཞན་དག་སྒྲ་ཚད་ཙམ་ཞེས་ཕྱོགས་རེའི་མིག །ཕྱོགས་ལས་རྣམ་པར་རྒྱལ་བ་རནྟའི་ཞབས། །རིག་གནས་ཀུན་ལ་སྤོབས་པ་དགེ་བ་ཅན། །ས་གསུམ་འགྲན་ཟླ་བྲལ་བ་ཆོས་ཀྱི་རྗེ། །ཁྱོད་གསུང་ལན་བརྒྱར་མྱོང་བའི་བསོད་སྙོམས་པས། །ཀུན་ནས་མདངས་སྡུག་ནགས་ཀྱི་སྨན་ལྗོངས་ན། །བླ་མ་དམ་པའི་ཡོན་ཏན་རྗེས་སུ་དྲན། །འགའ་ཞིག་ལོག་པའི་གཞུང་ལུགས་དག་པར་འཆད། །ཁ་ཅིག་རྣམ་དག་གཞུང་ལུགས་ལོག་པར་བལྟ། །དེ་ཕྱིར་དེ་དག་ཀུན་ལ་སྙན་བསྐུལ་དུ། །ཅུང་ཟད་ཞུས་མོད་ཐུགས་ཀྱིས་བཟོད་པར་གསོལ། །འདི་བསྲིངས་དགེ་བས་བདག་ཀྱང་ཕྱི་མའི་དུས། །དམ་པས་རྗེས་བཟུང་རྣམ་དང་གཞུང་ལུགས་ལ། །ཉན་དང་བཤད་དང་ཀློག་པ་ལྷུར་བླངས་ནས། །ཐོས་དང་བསམ་པས་བཤད་རྒྱུན་འཛིན་པར་ཤོག །གང་འདི་རྒྱ་བོད་མཁས་པའི་བཤད་སྲོལ་རྣམས། །མང་དུ་ཐོས་པ་ནགས་ཀྱི་ཀློག་པ་པྲཛྙཱ་རསྨི་བས། །རཏྣ་ཀཱུ་ཊའི་ས་འཛིན་ཕོ་བྲང་འཕྱིར་བར་སྟག་རྩེ་ནས། ཉན་བཤད་འཛིན་པའི་བཤེས་གཉེན་ཀུན་ལ་སྤྲིངས། །སརྦ་དཱ་ཀ་ལྱཱ་ཎཾ་བྷ་བ་ཏུ།།

གངས་རིའི་ཁྲོད་ཀྱི་སྤོང་བ་བསམ་གཏན་པ་རྣམས་ཀྱི་སྙན་དུ་བསྲིངས་པ་བསྒོམ་པ་འཆི་མེད་བདུད་རྩི།

― JKT006_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

གངས་རིའི་ཁྲོད་ཀྱི་སྤོང་བ་བསམ་གཏན་པ་རྣམས་ཀྱི་སྙན་དུ་བསྲིངས་པ་བསྒོམ་པ་འཆི་མེད་བདུད་རྩི་ཞེས་བྱ་བ། སྐུ་བཞིའི་དབང་ཕྱུག་དཔལ་རྡོ་རྗེ་འཆང་ལ་ཕྱག་འཚལ་ལོ། །སྐྱེས་བུ་གསུམ་གྱི་ལམ་གྱིས་རྒྱུད་སྦྱངས་ཀ་དག་ལྷུན་གྲུབ་དབྱེར་མེད་དང་། །བདེ་སྟོང་ཟུང་འཇུག་དབང་བཞིའི་ལམ་བསྒོམ་ཕྱག་རྒྱ་ཆེན་པོར་མཉམ་བཞག་པས། །གཟུང་འཛིན་འཁྲུལ་པ་རང་སར་ཞི་བ་མཆོག་ཏུ་མི་འགྱུར་ཡེ་ཤེས་ཀྱིས། །རྡོ་རྗེ་གསུམ་གྱི་གོ་འཕང་སྦྱིན་མཁས་ཁྱབ་བདག་བླ་མས་དགེ་ལེགས་མཛོད། །རྒྱལ་བའི་གསུང་རབ་ཀུན་གྱི་སྙིང་པོའི་ཕུལ། །རྟོགས་པའི་དམ་ཆོས་ཉམས་སུ་ལེན་འདོད་ན། །སུམ་ལྡན་བླ་མ་སངས་རྒྱས་དངོས་སུ་བསྒོམ། །གྲུབ་ཐོབ་གོང་མའི་སྙན་བརྒྱུད་གདམས་པ་ལ། །དྲན་འདུན་དྲག་པོས་རྩེ་གཅིག་ཉམས་སུ་ལོངས། །ལོག་པའི་གདམས་པ་ཉིན་མཚན་ཁོར་ཡུག་ཏུ། །ཉམས་སུ་བླངས་ཀྱང་ངལ་བ་དོན་མེད་པས། །དེ་ཕྱིར་གྲུབ་ཆེན་གདམས་པ་འདི་ཡིན་ཞེས། །ཕྱོགས་ཀྱི་སྒོམ་ཆེན་རྣམས་ལ་འདི་བསྲིངས་སོ། །རྒྱལ་བས་ལུང་བསྟན་གངས་ཅན་འགྲོ་བའི་མགོན། །གཅིག་ཏུ་བསྟན་པ་འབའ་ཞིག་ཉེར་དགོངས་པའི། །སྔོན་གྱི་ཆོས་རྒྱལ་ཡེ་ཤེས་འོད་ཀྱང་ངོ་། །ལྷ་གཅིག་བཙན་པོ་དེ། །གངས་རིའི་ཁྲོད་འདིར་སྟོན་པ་གཉིས་པ་ཡིན། །ཞུ་ཆེན་ལོ་ཙཱ་བ་གོར་བེ་རོ་དང་། །རྒྱལ་བའི་གདུང་འཚོབ་འབྲོམ་སྟོན་ཨུ་པ་སཱི། །མཁས་གྲུབ་ཆེན་པོ་ཁྱུང་པོ་རྣལ་འབྱོར་པ། །སྐད་གཉིས་སྨྲ་བ་བླ་ཆེན་འབྲོག་མི་དང་། །

― JKT006_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

རྣལ་འབྱོར་དབང་ཕྱུག་རྗེ་བཙུན་མར་པའི་ཞབས། །གྲུབ་པའི་སར་བཞུགས་དམ་པ་རྒྱ་གར་དང་། །གྱི་གྱོ་ལོ་ཙཱ་མཁས་གྲུབ་ཨོ་རྒྱན་པ། །བྱང་ཕྱོགས་སྒྲུབ་བརྒྱུད་འདེགས་པའི་ཀ་ཆེན་བརྒྱད། །དཔལ་ལྡན་རྡོ་རྗེ་འཆང་ནས་ལེགས་འོངས་པའི། །གངས་རིའི་ཁྲོད་འདིར་སྒྲུབ་བརྒྱུད་སྲོལ་ཆེན་བརྒྱད། །དེ་དག་གྲུབ་ཐོབ་གོང་མའི་གཤེགས་ཤུལ་ཡིན། །ཐར་འདོད་རྣམས་ཀྱང་ལམ་དེའི་རྗེས་སུ་ཞུགས། །སེམས་སྡེ་ཚོགས་དྲུག་ཡུལ་དུ་སྣང་བ་གང་ཤར་ཡང་། །གདོད་ནས་གྲུབ་པའི་གཉུག་མའི་ཡེ་ཤེས་ཏེ། །རང་ཞལ་བལྟ་ཞིང་ཀློང་སྡེ་བསྒོམ་མེད་མ་ཡེངས་པར། །མན་ངག་སྡེ་སྣང་བཞིའི་ཆོས་ཉིད་མངོན་སུམ། ཉམས་སྣང་གོང་འཕེལ། རིག་པ་ཚད་ཕེབས། ཆོས་ཉིད་ཟད། དོན་ལ་མཉམ་པར་འཇོག་པ་ཉིད། །རྫོགས་ཆེན་ཞེས་པའི་དོན་ནི། མ་ཧཱ་སནྟིའི་སྒྲ་ལས་དྲངས་ན་ཡང་དག་པའི་བསམ་གཏན་ཆེན་པོ་ཞེས་པར་འགྱུར་ཏེ། ཐེག་བརྒྱད་བློ་ཡི་གྲུབ་མཐའ་ལས་འདས་པའི་གནས་ལུགས་གཅིག་པུའི་ཀློང་དུ་འཁོར་འདས་ཀྱི་ཆོས་ཐམས་ཅད་རང་ཤར་བའི་ཡེ་ཤེས་བླ་ན་མེད་པའི་དོན་ནོ། །དབྱེ་ན། ཆོས་ཐམས་ཅད་སེམས་ཉིད་གཅིག་པུའི་རོལ་པར་རྒྱུ་རྐྱེན་རྩོལ་སྒྲུབ་ལས་འདས་པར་རྟོགས་པས་སྤང་བྱའི་མཐའ་ལས་གྲོལ་བ་ཕྱི་སེམས་སྡེ། དེ་ལའང་ནང་གསེས་སུ་འབྲས་བུ་སེམས་ཀྱི་བྱུང་སར་འདོད་པ་སོགས་བདུན་ནོ། །ཆོས་ཅན་ཐམས་ཅད་ཆོས་ཉིད་ཀུན་ཏུ་བཟང་མོའི་ཀློང་ལས་འགྲོ་འོང་མེད་པའི་ཕྱིར་སྐུ་གསུམ་རང་ཆས་ཀྱི་དབྱིངས་ལས་མི་འགྱུར་བར་རྟོགས་པས་གཉེན་པོའི་མཐའ་ལས་གྲོལ་བ་ནང་བྱ་བྲལ་ཀློང་གི་སྡེ། དེ་ལའང་

― JKT006_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

དཀར་ནག་ཁྲ་གསུམ་རབ་འབྱམས་ཀྱི་ཀློང་སྡེ་བཞིའོ། །གཞི་ལམ་འབྲས་གསུམ་གྱི་ཆོས་ཐམས་ཅད་ཀ་དག་དང་ལྷུན་གྲུབ་དབྱེར་མེད་པའི་དོན་རང་གི་མཚན་ཉིད་ཡིན་ལུགས་ལྟར་རྟོགས་པས་སྤང་གཉེན་གཉིས་ཀའི་མཐའ་ཡས་གྲོལ་བ་གསང་བ་ཟབ་པ་མན་ངག་གི་སྡེ། དེ་ལའང་། ཁ་གཏམ། ཁ་འཐོར། རྒྱུད་རང་གཞུང་དུ་བསྟན་པ་དང་གསུམ་མོ། །དེ་སྐད་དུའང་བཀོད་པ་ཆེན་པོ་ལས། ཡིད་ཅན་རྣམས་ལ་སེམས་ཀྱི་སྡེ། །ནམ་མཁའ་ཅན་ལ་ཀློང་གི་སྡེ། །རིམ་རྩོལ་བྲལ་ལ་མན་ངག་གོ། །ཞེས་སོ། །ཆོས་ཀྱི་ཉམས་ལེན་གཙོ་བོ་ཡིན། །རྟེན་གཞིའི་གཙོ་བོ་རྒྱུད་མ་ཧཱ་ལུང་ཨ་ནུ་མན་ངག་ཨ་ཏི་ཡོ་ག་གསུམ། །ཤྲཱི་སེང་ཧ་དཔལ་གྱི་སེང་གེའི་ཁྱད་པར་གདམས་པ་མཆོག །དང་པོར་བཀའ་བབས་སྔགས་འཆང་བེ་རོ་ཡིས། །ཐུགས་ཉམས་བཞེས་ནས་གངས་རིའི་ཁྲོད་འདིར་སྤེལ། །བ་ཡིན་ཏེ། དེ་ཡང་སེམས་ཕྱོགས་རྣམས་མངའ་བདག་ཁྲི་སྲོང་ལྡེའུ་བཙན། རྒྱལ་མོ་གཡུ་སྒྲ་སྙིང་པོ། གསང་སྟོན་ཡེ་ཤེས་བླ་མ། སྤང་སངས་རྒྱས་མགོན་པོ། ལི་ཟ་ཤེས་རབ་སྒྲོན་མ་ལ་གསུངས་པ་སྟེ་རིམ་པ་ལྔར་གྲགས་ཤིང་། བེ་རོ་དང་གཡུ་སྒྲ་གཉིས་ཀ་ལས། གཉགས་ཛྙཱ་ན་ཀུ་མཱ་རས་གསན་པ་སོགས་ལས་དང་། ཀློང་སྡེ་ནི། བེ་རོས་སྤང་མི་ཕམ་མགོན་པོ་ལ་གསུངས་ནས་དར་བ་སོགས་མཐའ་ཡས། མན་ངག་གི་སྡེ་སྙིང་ཐིག་གི་སྐོར་ནི། ཤྲཱི་སེང་ཧ་ནས། མཁས་པ་ཡེ་ཤེས་མདོ། པཎ་ཆེན་བི་མ་ལ་མི་ཏྲ། དེས་མངའ་བདག་དང་ཉང་བན་སོགས་ལ་གསུངས་པ་དང་། སློབ་དཔོན་ཆེན་པོ་པདྨས་ཤྲཱི་སེང་ཧ་ལ་གསན་ནས། མཁའ་འགྲོ་མཚོ་རྒྱལ་ལ་གདམས་པ་སོགས་ཕྱིས་ཀུན་མཁྱེན་ཆོས་ཀྱི་རྒྱལ་པོ་དྲི་མེད་འོད་ཟེར་གྱི་བཀའ་དྲིན་ལས་རྒྱ་ཆེར་དར་རོ། །

― JKT006_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུས་ཉུང་རྨ་དང་འཁོན་ཟུར་གནུབས་མྱོས་དང་། །སྲིད་རོང་དཔྱལ་དང་སྐྱོ་སྟོན་གཡུང་ལ་སོགས། །སྔ་འགྱུར་རྙིང་མའི་བཀའ་བརྒྱུད་བགྲང་ཡས་བྱོན། །དཔལ་ལྡན་ཟུར་པོ་ཆེ་ཤཱཀྱ་འབྱུང་གནས་ཀྱིས། མྱང་ཡེ་འབྱུང་། ལྕེ་ཤཱཀ་མཆོག །རོག་ཤཱཀ་འབྱུང་སོགས་བླ་མ་མང་དུ་བསྟེན། མདོ་སྒྱུ་སེམས་གསུམ་ལ་མཁས་པའི་ཕུལ་དུ་ཕྱིན། རྩ་རྒྱུད་དང་བཤད་རྒྱུད་འགྲེལ་པ་དང་སྒྲུབ་ཐབས་ལུང་མན་ངག་སོ་སོར་ཕྱེ་སྟེ་བཤད་པ་ལ། སློབ་མ་རྩེ་མོ་བཞི། རྩེ་ལྐོག་བརྒྱད། སྒོམ་ཆེན་བརྒྱ་རྩ་བརྒྱད་སོགས་བྱུང་བའི་གཙོ་བོ་ནི་ཟུར་ཆུང་ཤེས་རབ་གྲགས་པ་དང་། དེའི་རིགས་ཀྱི་སྲས་སྒྲོ་ཕུག་པ་ཤཱཀྱ་སེང་གེ་སྟེ་ཟུར་མེས་དབོན་གསུམ་དུ་གྲགས། འདི་རྣམས་ཀྱི་རིང་ལ་གསང་སྔགས་སྔ་འགྱུར་གྱི་ཕྲིན་ལས་ནམ་མཁའ་དང་མཉམ་པར་སོང་བས་བོད་ཁམས་ཨོཎཱི་ཡཱ་ནའི་ཡུལ་དང་མཚུངས་པར་གླེངས་སོ། །པ་རྫོགས་ཆེན་བསྟན་པའི་རྒྱན། །དལ་འབྱོར་རྙེད་དཀའ་མི་རྟག་འཆི་བ་དང་། །ལས་འབྲས་བསླུ་མེད་འཁོར་བའི་ཉེས་དམིགས་དང་། །བྱང་ཆུབ་སེམས་གཉིས་ནན་གྱིས་སྒོམ་བྱེད་པ། །བཀའ་གདམས་ཞེས་རྒྱལ་བའི་བཀའ་ཐམས་ཅད་གང་ཟག་གཅིག་འཚང་རྒྱ་བའི་གདམས་ངག་ཏུ་ཤར་བའི་ཆོས་ཀྱི་ཉམས་ལེན་གཙོ་བོ་ནི་ཡིན། །གཞུང་གདམས་མན་ངག་གསུམ་དུ་གྲགས་པའི། གཞུང་གདམས་གཉིས་ལ་ལྟ་སྤྱོད་གཙོ་བོར་སྟོན་པའི་གཞུང་སོ་སོར་ཡོད་ལ། གཉིས་ཀ་ཟུང་འབྲེལ་དུ་སྟོན་པ་ནི་བྱང་ཆུབ་ལམ་གྱི་སྒྲོན་མ་དང་། མན་ངག་ནི་ཇོ་བོ་ཡབ་སྲས་ཀྱི་གསང་ཆོས་གླེགས་བམ་རིན་པོ་ཆེའོ། །དེ་ལས་ལམ་སྒྲོན་གྱི་བརྗོད་བྱ་ནི། གཞུང་ལས། ཆུང་དང་འབྲིང་དང་མཆོག་གྱུར་པའི། །སྐྱེས་བུ་གསུམ་དུ་ཤེས་པར་བྱ། །

― JKT006_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ་ལྟར་སྐྱེས་བུ་གསུམ་གྱི་ལམ་རིམ་སྟེ། དེ་ཡང་སྐྱེས་བུའི་སྐད་དོད་པུ་རུ་ཥ་ཞེས་པ་ནུས་ལྡན་ལ་འཇུག་པས། ཚེ་ཕྱི་མ་ཕན་ཆད་ཀྱི་དོན་སྒྲུབ་ནུས་པ་ཞིག་ལ་སྐབས་འདིར་བསྟན་གྱི་སྐྱེས་བུ་ཞེས་བྱ། དེ་ལའང་ཚེ་འདིའི་ཞེན་པ་ལོག་ནས་ཕྱི་མ་རང་ཉིད་ཁོ་ན་འཁོར་བདེའི་ཆེད་དུ་ལས་འབྲས་ཀྱི་བླང་དོར་སྒྲུབ་ནུས་པ་ནི་སྐྱེས་བུ་ཆུང་ངུ་སྟེ། འདི་ཡི་ལམ་གྱི་དངོས་གཞིར་མི་རྟག་པ། ངན་སོང་གི་ཉེས་དམིགས། སྐྱབས་འགྲོ། ལས་འབྲས་བཅས་དམིགས་སྐོར་བཞིའོ། །འཁོར་བ་མཐའ་དག་ལས་ཞེན་པ་ལོག་ནས་དེ་ལས་ཐར་པའི་ཆེད་དུ་ལམ་བསླབ་པ་གསུམ་ལ་ཚུལ་བཞིན་དུ་བསྒྲུབ་ནུས་པ་ནི་སྐྱེས་བུ་འབྲིང་སྟེ། འདི་ལ་ཐེག་པའི་སྒོ་ནས་ཉན་རང་གཉིས། བསྒོམ་བྱའི་སྒོ་ནས་བདེན་བཞི་དང་རྟེན་འབྲེལ་གཉིས། གང་ཟག་གི་བདག་མེད་རགས་ཕྲ་གཉིས་སོགས་སོ། །སྲིད་ཞིའི་མཐར་གཉིས་ཀར་སྐྱོན་དུ་མཐོང་ནས་འགྲོ་ཀུན་སངས་རྒྱས་ཀྱི་ས་ལ་འགོད་པའི་ཁུར་འཁྱེར་ནུས་པ་ནི་སྐྱེས་བུ་ཆེན་པོ་སྟེ། འདི་ལའང་ལྟ་བའི་སྒོ་ནས་དབུ་སེམས་དང་། ཐེག་པའི་སྒོ་ནས་མདོ་སྔགས་གཉིས་སུ་དབྱེ་ལ། ལམ་གྱི་ཁྱད་པར་སེམས་བསྐྱེད་པ་སྔོན་དུ་འགྲོ་བས་རྒྱལ་སྲས་ཀྱི་སྤྱོད་པ་སྤྱི་དང་བྱེ་བྲག་ལ་བསླབ་ཚུལ་འབྲས་བུ་དང་བཅས་པའོ། །བཤེས་གཉེན་བསྟེན་ཚུལ་དང་། དལ་འབྱོར་གྱི་ཆོས་སྐོར་ནི་གསུམ་ཀའི་ལམ་གྱི་གཞི་རྟེན་དུ་བཞེད་དོ། །གསང་ཆོས་གླེགས་བམ་རིན་པོ་ཆེའི་བརྗོད་བྱ་ནི། གཞུང་ལས། སྐྱབས་གནས་བླ་མ་དྲན་པར་མཛོད། ལུས་ནི་ལྷ་ཡི་རང་བཞིན་ཏེ། །ངག་ནི་བཟླས་བརྗོད་རྒྱུན་པར་མཛོད། །འགྲོ་བ་མ་ལུས་ཕ་མར་སོམས། །སེམས་ཀྱི་གནས་ལུགས་སྟོང་པར་དཔྱོད། །ལྔ་པོ་འདི་ཡི་སྐྱེ་བར་ནས། །དགེ་རྩ་ཐམས་ཅད་དག་པར་མཛོད། ཅེས་རྗེས་དྲན་ལྔའོ། །རྟེན་

― JKT006_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

གཞིའི་གཙོ་བོ་མངོན་རྟོགས་རྒྱན་སོགས་རྒྱ་ཆེན་སྤྱོད་པའི་གཞུང་། །ལྷ་གཅིག་ཇོ་བོའི་ཁྱད་པར་གདམས་པ་མཆོག །དང་པོར་བཀའ་བབས་རྒྱལ་སྲས་འབྲོམ་སྟོན་རྒྱལ་བའི་འབྱུང་གནས་ཀྱིས། །ཐུགས་ཉམས་བཞེས་ནས་གངས་རིའི་་འདིར་སྤེལ། བ་ཡིན་ཏེ། དེ་ཡང་ཇོ་བོ་རྗེ་དཔལ་ལྡན་ཨ་ཏི་ཤའི་དུས་སུ་བསྟན་པའི་དབུ་བརྙེས། སྟོན་པ་རིན་པོ་ཆེའི་སྲོལ་འབྱེད། སྐུ་མཆེད་གསུམ་གྱིས་དར་ཞིང་རྒྱས། གླང་ཤར་བྱ་ཡུལ་བ་སོགས་ཀྱི་དུས་ཤིན་ཏུ་དར་བ་ལས། པུ་ཏོ་བ་ནས་བརྒྱུད་པ་ལ་གཞུང་པ། སྤྱན་སྔ་བ་ནས་བརྒྱུད་པ་ལ་གདམས་ངག་པ། ཕུ་ཆུང་བ་ནས་བརྒྱུད་པ་ལ་མན་ངག་པ། གུང་ཐང་ནག་ཚོ་ལོ་ཙཱ་བས་ཚུལ་ཁྲིམས་རྒྱལ་བའི་སློབ་མ་རོང་པ་ཕྱག་སོར་བ་ནས་བརྒྱུད་པ་ལ་ནག་ཚོའི་བཀའ་བརྒྱུད་དུ་གྲགས་པའི་ཚུལ་ལ། བཀའ་གདམས་གཞུང་དྲུག་སྐྱེས་༡ཚོམས་དད་པའི། བསླབ་༣སྤྱོད་སྤྱོད་པའི། ས་༥རྒྱན་པཏིང་ངེ་འཛིན་གྱི་གཞུང་། ཉན་བཤད་གཞུང་པ་དང་། །ཉམས་ལེན་བདེན་བཞིའི་སྡུག་བསྔལ་ཀུན་འབྱུང་འགོག་པ་ལམ་ཁྲིད་བསྡུས་གདམས་ངག་པ། །གུང་ཐང་ནག་ཚོའི་བཀའ་བརྒྱུད་གདམས་པ་འོག །བཤད་སྒྲུབ་ཆུ་བོ་གཉིས་ལྡན་གཞུང་པ་མཆོག །སྡོང་པོ་ལྟ་བུ་ཐབས་ལམ་བདེ་དྲོད་རབ་འབར། སྒྱུ་ལུས་ཆགས་སྡང་རང་གྲོལ། རྨི་ལམ་ཉིད་འཁྲུལ་རང་དག །འོད་གསལ་གཏི་མུག་རང་སངས། འཕོ་བ་མ་བསྒོམ་སངས་རྒྱས། བར་དོ་རྒྱལ་བ་ལོངས་སྐུ་སྟེ་ཆོས་དྲུག་ཡལ་ག་ཕྱག་རྒྱ་ཆེན་པོ་གའུ་མ། །ལོ་མ་སྣང་བ་ལ་བརྟེན་ནས་བླ་མ། ཡི་དམ། སྒྱུ་མ་ལམ་དུ་ཁྱེར་བ་སྟེ་འཕྱུགས་མེད། ལམ་ཁྱེར་རྣམ་གསུམ་མེ་ཏོག་མཁའ་སྤྱོད་དཀར་དམར་

― JKT006_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

།གཉིས། །འབྲས་བུ་ལུས་སེམས་འཆི་མེད་སྒོམ་རིམ་དེ། །གསེར་ཆོས་ལྔའམ། ཁྲིད་ཆེན་ལྔར་གྲགས་པའི་ནི་གུའི་ཆོས་སྐོར་རྣམས་ནི། །བཀའ་བརྒྱུད་ཤངས་པའི་ཉམས་ལེན་གཙོ་བོ་ཡིན་ལ། །གཞན་ཡང་སུ་ཁའི་ཆོས་སྐོར་རྡོ་རྗེ་གདན་པའི་ཆོས་སྐོར། མེ་ཏྲི་པའི་ཆོས་སྐོར། རཱ་ཧུ་ལའི་ཆོས་སྐོར། དེར་མ་འདུས་པའི་མན་ངག་འཐོར་བུ་དང་བཅས་ཤངས་ཆོས་ཀྱི་སྐོར་བསམ་གྱིས་མི་ཁྱབ་པ་ཞིག་ཡོད་དོ། །དེ་ཡང་བདེ་བས་ཐབས་བྱས་པའི་སྟོང་ཉིད་ཕྱག་རྒྱ་ཆེན་པོའི་ཡེ་ཤེས་མངོན་དུ་གྱུར་པ་ནི་བསྒྲུབ་བྱའི་སྙིང་པོ་སྟེ། རྩ་བ་རྡོ་རྗེའི་ཚིག་རྐང་ལས། ལམ་གྱི་མཆོག་གྱུར་འདི་ཉིད་ཉམས་ལེན་རྣམས། །གཞན་གྱི་དུས་མིན་འདིའམ་བར་མ་དོར། །བདེ་སྟོང་དབྱེར་མེད་སྐུ་གསུམ་རང་ཤར་ནས། །རྣམ་པར་དག་པའི་མཁའ་སྤྱོད་ཉིད་དུ་འགྲོ། །ཞེས་སོ། །རྟེན་གཞིའི་གཙོ་བོ་འཁོར་ལོ་སྡོམ་པའི་རྒྱུད། །དང་གཞན་ཡང་། དགྱེས་རྡོར། གསང་འདུས། མ་ཧཱ་མ་ཡ། རྡོ་རྗེ་འཇིགས་བྱེད་རྣམས་ཀྱང་ངོ་། །ནཱ་རོ་པའི་ལྕམ་ཡེ་ཤེས་མཁའ་འགྲོ་ནི་གུ་མའི་ཁྱད་པར་གདམས་པ་མཆོག །དང་པོར་བཀའ་བབས་སྐུ་གསང་བ་འདུས་པ། གསུང་མ་ཧཱ་མཱ་ཡ། ཐུགས་དགྱེས་མཛད་རྡོ་རྗེ། ཡོན་ཏན་འཁོར་ལོ་སྡོམ་པ། ཕྲིན་ལས་རྡོ་རྗེ་འཇིགས་མཛད་དེ་ཡེ་ཤེས་དཀྱིལ་འཁོར་ལྔའི་ངོ་བོ་དང་གཉིས་སུ་མེད་པར་བཞུགས་པའི་མཁས་གྲུབ་ཁྱུང་པོ་རྣལ་འབྱོར་བརྩོན་འགྲུས་མགོན་ཡིས། །ཐུགས་ཉམས་བཞེས་ནས་གངས་རིའི་ཁྲོད་འདིར་སྤེལ། །རྡོ་རྗེ་འཆང་། ནི་གུ་མ། ཁྱུང་པོ། སྨོ་གཅོག་པ། སྐྱེར་སྒང་པ། སངས་རྒྱས་གཉན་སྟོན། སངས་རྒྱས་སྟོན་པ་སྟེ། བརྒྱུད་རིམ་བདུན་དུ་ཆིག་བརྒྱུད་བཀའ་རྒྱས་བཏབ། །

― JKT006_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་སྟོན་པས་སྐལ་ལྡན་ཡོངས་ལ་སྤེལ། །དབུས་ཤངས་འཇག་པ་ཚུལ་ཁྲིམས་མགོན་དང་ཉང་བསམ་སྡིང་པ་མཁས་བཙུན་གཞོན་ནུ་གྲུབ་སོགས་བཀའ་བརྒྱུད་རྣམ་མང་གྱེས། །ཉམས་ལེན་རྒྱུན་གྱི་འཛུག་ལེགས་ཁྱད་པར་འཕགས། །གསུང་ངག་རིན་པོ་ཆེ་ལ་ཚད་མ་བཞི་དང་སྙན་བརྒྱུད་བཞིའི་སྒོ་ནས་སློབ་མ་དཀྲི་བའི་ཚུལ་རྣམ་པ་བཞི་ལས། གཞུང་ཤིང་རྒྱས་པ་གཞུང་ཇི་ལྟར་བ་བཞིན་དཀྲི་པའི་དབང་དུ་བྱས་ན། རྗེ་ས་སྐྱ་པ་ཆེན་པོས། སྣང་བ་གསུམ་གྱིས་ལམ་གྱི་གཞི་བཅས་ཏེ། །ཉམས་བླངས་མ་ལུས་རྒྱུད་གསུམ་དག་གིས་ཤེས། །ཞེས་གསུངས་པ་ལྟར། ལམ་གྱི་གཞི་བཅའ་ཕར་ཕྱིན་དང་ཐུན་མོང་བ་སྣང་བ་གསུམ་གྱིས་རྒྱུད་སྦྱངས་པ་སྔོན་དུ་འགྲོ་བས། སྔགས་ལམ་ཐུན་མོང་མ་ཡིན་པའི་ཐོག་མར་རྒྱུ་དུས་ཀྱི་དབང་བསྐུར་ནས། །གཞི་དམ་ཚིག་ལ་གནས་པར་བྱ་བ་དང་། ལམ་དངོས་ལ་རྒྱུད་གསུམ་ལས། ཀུན་གཞི་རྒྱུ་རྒྱུད་ལ་འཁོར་འདས་དབྱེར་མེད་ཀྱི་ལྟ་བ་གསལ་སྟོང་ཟུང་འཇུག་ཏུ་ངོ་སྤྲད་ཅིང་བསྒོམ་པ། ལུས་ཐབས་རྒྱུད་ལ་དབང་བཞི་དང་རྗེས་སུ་འབྲེལ་བའི་ལམ་བཞི་ལས། བུམ་དབང་གི་ལམ་ཕྱི་ནང་བསྐྱེད་རིམ་དང་། །ལམ་དུས་ཀྱི་དབང་བསྐུར་ནས་དེའི་དོན་ཟབ་མོ་ཉིན་ཞག་རེ་ལ་ཐུན་བཞིར་བསྒོམ་པ་དང་། །གསང་དབང་གི་ལམ་རླུང་དང་གཏུམ་མོ། ཤེར་དབང་གི་ལམ་ཕོ་ཉའི་ལམ། དབང་བཞི་པའི་ལམ་རྡོ་རྗེའི་རྦ་རླབས་ཏེ་རྫོགས་རིམ་གྱི་ལམ་གསུམ་བསྒོམས་པས་དཔེ་དང་དོན་གྱི་ཡེ་ཤེས་འདྲེན་པར་བྱེད་པ་དང་། །འབྲས་བུ་སྐུ་ལྔ་མངོན་དུ་འགྱུར་བའི་ཚུལ་སོགས་མདོར་ན་ལམ་གྱི་དུས་ནས་འབྲས་བུ་ཐོབ་རུང་དུ་གནས་པས་གཞི་ལམ་འབྲས་གསུམ་དབྱེར་མེད་པའི་དོན་སྟོན་པ། ལམ་འབྲས་ཆོས་ཀྱི་ཉམས་ལེན་གཙོ་

― JKT006_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

བོ་ཡིན། །རྟེན་གཞིའི་གཙོ་བོ་དགྱེས་པ་རྡོ་རྗེའི་རྩ་བཤད་ཀྱི་རྒྱུད་གསུམ་ལ་བརྟེན་ནས་ས་དྲུག་གི་བདག་ཉིད་གྲུབ་ཆེན་བིརླ་པས་ཤར་ཕྱོགས་ནག་པོ་པའི་དོན་དུ་ལམ་འབྲས་རྡོ་རྗེའི་ཚིག་རྐང་མཛད། འདི་ལ་འབྲོག་མི། གྱི་གྱོ། འབྲོམ་གསུམ་གྱིས་། རྒྱ་དཔེ་དང་བསྟུན་ནས་བསྒྱུར། ཆ་གན་དང་ཇོ་ནང་ཀུན་སྤངས་པས་རྒྱ་དཔེ་ལ་མ་གཏུགས་པར་གོ་རིམ་དཀྲུགས་པའི་འགྱུར་བཅོས་མཛད་པ་དང་། གཟུངས་ཀྱི་དཔལ་བའི་ཡིག་ཆར་པཎྜིཏ་རཱ་ཧུ་ལའི་འགྱུར་ཡང་ཡོད་པར་གསུངས་པས། དེ་ལྟར་ན་འགྱུར་མགོ་དྲུག་གོ། །སྤྲིན་འཛིན་ག་ཡདྷ་རའི་ཁྱད་པར་གདམས་པ་མཆོག །དང་པོ་བཀའ་བབས་བླ་ཆེན་འབྲོག་མི་ཡིས། །ཐུགས་ཉམས་བཞེས་ནས་གངས་རིའི་ཁྲོད་འདིར་སྤེལ། །གྱི་གྱོ་འབྲོམ་དང་ཞང་སྟོན་ཞྭ་མ་ལུགས། །ཀོ་བྲག་མར་ལམ་ཆ་གན་ཇོ་ནང་ལུགས། །དབང་རྒྱལ་ས་ལུགས་ལྕེ་སྒོམ་མཐའ་རྩ་༢ལུགས། །སྟེ་གཙོ་ཆེ་བའི་ལུགས་སྲོལ་བཅུ་གཉིས་དང་། དེ་ལས་འཕྲོས་པའི་རྣམ་གྲངས་མི་གཅིག་པ་བཅོ་བརྒྱད་དུ་གྲགས་ཏེ། དེ་ཡང་འབྲོག་མི་དང་གྱི་༡གྱོ་ལས་བརྒྱུད་པ་གཉིས་ཀྱི། སྔ་མ་ལ་འབྲོག་མིའི་སྲས་ཨིནྡྲ་དང་རྡོ་རྗེ་ལས་བརྒྱུད་པའི་ལམ་འབྲས། ཐུགས་ཀྱི་སྲས་འབྲོམ་སྟོན་དེ་བེ་༣ལས་བརྒྱུད་པའི་ལམ་འབྲས། སེ་མ་ཁར་ཆུང་བ་ནས་འཕེལ་བ་ལ་རབ་འབྲིང་ཐ་གསུམ་ལས། འབྲིང་དུ་ཐོབ་པ་ཞྭ་མ་ནས་འཕེལ་བ་ལ། ཕོ་རྒྱུད་མོ་རྒྱུད་བསྲེས་རྒྱུད་དང་གསུམ། ཕོ་རྒྱུད་ལའང་། རྗེ་ཁམ་བུ་བ་ནས་འཕེལ་བའི་སློབ་བརྒྱུད་༤དང་། སྲས་ཞྭ་མ་ཙནྡྲ་ནས་འཕེལ་བའི་སྲས་བརྒྱུད་(དེ་གཉིས། མོ་རྒྱུད་ལ་ཡང་། ཞྭ་མའི་སློབ་མ་ཉང་༦བསྒོམ། སྟོན་གཡུང་༧པ། དཔོན་མོ་ཤེས་རརབ། ཚུལ་ཁྲིམས་ལས་འཕེལ་པའི་

― JKT006_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་ཏེ་གསུམ། བསྲེས་རྒྱུད་ལས། ཞྭ་མ་ཕོ་མོ་བསྲེས་པ་དུམ་བུ་ཀོ་བྲག་༩པའི་ལུགས། ཞྭ་མ་ཕོ་མོ་གཉིས་ས་ལུགས་དང་གསུམ་བསྲེས་པས་ཆ་གན་༡༠གྱི་ལུགས། འབྲོག་མི་ལུགས་དང་གྱི་གྱོ་ལུགས་བསྲེས་པ་ཇོ་ནང་ཀུན་སྤངས་༡༡པའི་ལུགས། ལམ་འབྲས་སྦྱོར་དྲུག་རྫོགས་ཆེན་གསུམ་བསྲེས་པ་ལ་སྟོད་དབང་རྒྱལ་༡༢གྱི་ལུགས། རབ་ཏུ་ཐོབ་པ་ཞང་གི་བརྒྱུད་པར། ས་ལུགས་ལ་སྔ་བུ་ཕག་གྲུ་༡༣ལུགས། ལྕེ་སྒོམ་ལུགས་༡༤གཉིས། ཕྱི་བུ་ལ་ཉེ་བརྒྱུད་༡༥དང་། རིང་རྒྱུད་༡༦གཉིས། འབྲོག་མིའི་ཇོ་སྲས་གཉིས་དང་ཞང་སྟོན་མཆེད་གཉིས་སྡེ་བཞིའི་གསུང་གཅེས་པ་བསྡུས་པ་མང་ལམ་ཞིག་པོའི་༡༧ལུགས། སེ་སྟོན་ལས་ཐ་མར་ཐོབ་པ་བྱང་ཆུབ་ཡེ་ཤེས་ཀྱིས་ཞིང་༡༨ཕུག་པར་གདམས་པའི་ལུགས་ཏེ་བཅོ་བརྒྱད་པོ་ཐམས་ཅད་འབྲོག་མི་དང་། གྱི་གྱོའི་བརྒྱུད་འཛིན་ཁོ་ན་ལས་བྱུང་བ་ཡིན་ལ། དེ་རྣམས་ཀྱི་ནང་ནས་ཕྱིས་སུ་ས་ལུགས་དང་། ཞྭ་ལུགས་གཉིས་དར་རྒྱས་ཆེ་བ་ལས་ཀྱང་ཆོས་ལུགས་རྒྱ་མཚོའི་མཐར་སོན་ས་སྐྱ་པ། །གང་དེ་སྒྲུབ་བརྒྱུད་བསྟན་པའི་གཙུག་གི་རྒྱན། །ཕྱག་རྒྱ་ཆེན་པོ་ཞེས་པའི་ངོ་བོ་ནི། འཁོར་འདས་ཐམས་ཅད་ལ་ཁྱབ་པ་ཟབ་གསལ་གཉིས་སུ་མེད་པའི་ཡེ་ཤེས་ཁྱད་པར་བདུན་ལྡན་ནོ། །ངེས་ཚིག་ནི། མ་ཧཱ་མུ་དྲའི་སྒྲ་ལས་དྲངས་ན། འཁོར་འདས་ལམ་གསུམ་གྱི་ཆོས་ཐམས་ཅད་འདི་ལས་མི་འདའ་བས་ཕྱག་རྒྱ་དང་། དེ་ལས་གོང་དུ་ཆོས་གཞན་མེད་པས་ན་ཆེན་པོ་ཞེས་བྱ་སྟེ་གཞི་མཐུན་པའི་བསྡུ་བའོ། །དབྱེ་ན། གཞི་ལམ་འབྲས་གསུམ་ལས། དང་པོ་ནི། གནས་ལུགས་ཀྱི་དོན་དེ་ཉིད་རྟོགས་མ་རྟོགས་ལས་གྲོལ་འཁྲུལ་གཉིས་སུ་བྱུང་བས་ན། འཁོར་འདས་ཀྱི་ཆོས་ཀུན་དེ་ལས་མི་འདའ་བས་ཕྱག་རྒྱ། དེ་ཉིད་ལས་གཞན་པའི་ཆོས་ཀྱི་སྐུ་ཞེས་བཙལ་དུ་མེད་པས་

― JKT006_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ། གཉིས་པ་ནི། བླ་མའི་མན་ངག་གིས་ངོ་སྤྲད་ནས་ཉམས་སུ་བླངས་པའི་ཚེ་ནའང་། ཤེས་དང་ཤེས་བྱ་ཐམས་ཅད་དེའི་གདངས་ལས་མི་འདའ་བས་ཕྱག་རྒྱ། དེ་ལས་གཞན་པའི་སངས་རྒྱས་ཀྱི་ཡེ་ཤེས་བཙལ་དུ་མེད་པས་ཆེན་པོ། གསུམ་པ་ནི། ལམ་གྱིས་གློ་བུར་བའི་དྲི་མ་སྦྱངས་པས་གཞིའི་བཞུགས་ཚུལ་མངོན་དུ་གྱུར་པའི་སྐབས། སྐུ་དང་ཡེ་ཤེས་ཀྱི་རྣམ་རོལ་ཐམས་ཅད་དེ་ལས་མི་འདའ་བས་ཕྱག་རྒྱ། མཐར་ཐུག་པའི་གོ་འཕང་ཡིན་པས་ཆེན་པོའོ། །མདོར་ན་སྣང་སེམས་དབྱེར་མེད་ལྷན་ཅིག་སྐྱེས་པ་ཡིད་ལ་མི་བྱེད་པ་ཕྱག་རྒྱ་ཆེན་པོའི་འབྲས་བུ་ལ་སྦྱོར་བའི་མདོ་སྔགས་ཀྱི་གསེང་ལམ་ཁྱད་པར་ཅན་ཏེ། རྗེ་བཙུན་སྒམ་པོ་བས། སེམས་ཉིད་ལྷན་ཅིག་སྐྱེས་པ་ཆོས་ཀྱི་སྐུ། །སྣང་བ་ལྷན་ཅིག་སྐྱེས་པ་ཆོས་སྐུའི་འོད། །དེ་ཕྱིར་སྣང་སེམས་དབྱེར་མེད་ལྷན་ཅིག་སྐྱེས། །ཞེས་དང་། སེམས་དང་རྣམ་རྟོག་ཆོས་སྐུ་གསུམ། །དང་པོ་ལྷན་ཅིག་སྐྱེས་པ་སྟེ། །གདམས་པས་གཅིག་ཏུ་སྦྱོར་བའི་ཕྱིར། །ལྷན་ཅིག་སྐྱེས་སྦྱོར་མི་ཟེར་རམ། །ཞེས་སོ། །དེ་ལྟ་བུའི་དོན་ཉམས་སུ་བླངས་པའི་དུས་སུ་དྭངས་མའི་ཤེས་པ་སྟེ་ཐ་མལ་གྱི་ཤེས་པ་མ་བཅོས་པ་ཉིད། །ཏེ་ལོ་པས། ཀྱེ་ཧོ་འདི་ནི་རང་རིག་ཡེ་ཤེས་ཏེ། །ངག་ཚིག་ལས་འདས་ཡིད་ཀྱི་སྤྱོད་ཡུལ་མིན། །ཏེ་ལོ་ང་ཡིས་ཅི་ཡང་བསྟེན་དུ་མེད། །རང་གིས་རང་ལ་མཚོན་ཏེ་ཤེས་པར་བྱོས། །ཞེས་གསུངས་པ་ལྟར་གཞི་ལྟ་བའི་གནས་ལུགས། རང་ངོ་ཤེས་ནས་མི་༡མནོ་མི་བསམ་༢མི་དཔྱད་༣ཅིང་། །མི་༤བསྒོམ་མི་སེམས་༥རང་བབས་བཞག །ཅེས་པའི་ཚུལ་གྱིས་མ་ཡེངས་དྲན་འདུན་དང་། །བཅས་ལམ་བསྒོམས་པས་ཉམས་སུ་བླང་བ་ནི་ལམ་གྱི་དངོས་གཞི་དང་། དེའི་ཡན་ལག་རྡོ་རྗེའི་ལུས་ལ་གནད་དུ་བསྣུན་པའི་ཐབས་ལམ་ཟབ་མོ་བསྒོམས་

― JKT006_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ལྟ་སྤྱོད་ཟུང་དུ་སྦྲེལ་བ་སྟེ། །དེ་ཡང་རྒྱུད་དང་འབྲེལ་བའི་ཐབས་ལམ་ལ་བཀའ་ཡང་དག་པའི་ཚད་མར། གཏུམ་མོ་ལས་ཀྱི་ཕྱག་རྒྱ་དང་། །སྒྱུ་མ་རྨི་ལམ་འོད་གསལ་དང་། །བར་དོ་འཕོ་བ་གྲོང་འཇུག་གོ །ཞེས་གཏུམ་མོ་ལམ་གྱི་རྩ་བ། ལས་རྒྱ་ལམ་གྱི་བོགས་ཀྵ འདོན། སྒྱུ་ལུས་ལམ་གྱི་སྲོག་ཤིང་། རྨི་ལམ་ལམ་གྱི་དྲོད་ཚད། འོད་གསལ་ལམ་གྱི་སྙིང་པོ། བར་དོ་ལམ་གྱི་བློ་ཆེད། འཕོ་བ་ལམ་གྱི་སུན་མ། གྲོང་འཇུག་ལམ་གྱི་ཆད་མཐུད་དེ་ཆོས་བརྒྱད་དང་། བྱིན་རླབས་དང་འབྲེལ་པ་སྙན་བརྒྱུད་ལ། ལས་རྒྱ་དང་། གྲོང་འཇུག་མ་གཏོགས་ཆོས་དྲུག་དང་། གཞན་ཡང་འཕོ་བ་བར་དོའི་ཁོངས་སུ་བསྡུས་པའི་ཆོས་ལྔ་དང་། འཁོར་ལོ་བཞི་སོགས་ཀྱི་དབང་དུ་བྱས་པའི་གཏུམ་མོ། སྒྱུ་ལུས། འོད་གསལ། རྨི་ལམ་སྟེ་བཞི་དང་། རྩ་བ་དང་ཡན་ལག་གི་ཆོས་གཉིས་སུ་བསྡུ་བ་སོགས་བཀའ་བརྒྱུད་དྭགས་པོའི་ཉམས་ལེན་གཙོ་བོ་ཡིན། །རྟེན་གཞིའི་གཙོ་བོ་བྱིན་རླབས་ཅན་མ་རྒྱུད་བདེ་མཆོག་སྟེ། །བཀའ་བབས་ཆུ་བོ་བཞི་འདུས་གྲུབ་ཆེན་ཏེ་ལོ་ཤེས་རབ་བཟང་པོའི་སློབ་མ། བྱང་སྒོ་སྲུང་བའི་པཎྜི་ཏ་ནཱ་རོ་ཏཱ་པའི་སྟེ་མི་མཆོག་ཞབས་སམ། རྩོད་མེད་ཞབས་ཞེས་གྲགས་པ་ཁྱད་པར་གདམས་པ་མཆོག །དང་པོར་བཀའ་བབས་དགྱེས་མཛད་རྡོ་རྗེ་མི་ཡི་དངོས་སྣང་རྗེ་བཙུན་མར་པ་ལོ་ཙཱ་བ་ཆོས་ཀྱི་བློ་གྲོས་ཡིས། །ཐུགས་ཉམས་བཞེས་ནས་གངས་རིའི་ཁྲོད་འདིར་སྤེལ་བ་ལས། །སློབ་མའི་གཙོ་བོ་མཚུར་རྔོག་མེས་གསུམ་གྱི་བཤད་པ་དང་། མི་ལས་སྒྲུབ་པའི་སྲོལ་བཟུང་། དེའི་སློབ་མ་ཉི་ཟླ་ལྟ་བུ་དྭགས་པོ་རིན་པོ་ཆེ་དང་། རས་ཆུང་པ་གཉིས། སྔ་མའི་སློབ་མ་ཕག་གྲུའི་ཐུགས་སྲས་རྒྱལ་ཚ་རིན་པོ་ཆེ་དང་། ཀུན་ལྡན་རས་ཆུང་མཆེད་

― JKT006_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ལས་འཕེལ་བའི་ཁྲོ་ཕུ་པ་དང་གླིང་རས་སློབ་མ་གཙང་པ་རྒྱ་རས་ཡེ་ཤེས་རྡོ་རྗེ་ལས་དཔལ་ལྡན་འབྲུག་པ་དང་། །དྭགས་པོའི་སློབ་མས་སྒོམ་ཚུལ་གྱི་ཐུགས་སྲས་ཞང་འགྲོ་བའི་མགོན་པོ་ལས་ཚལ་པ་བཀའ་བརྒྱུད་དྭགས་པོའི་སློབ་མ་སྤྱན་རས་གཟིགས་ཀྱི་སྤྲུལ་སྐུ་ཀརྨ་པ། །དུས་གསུམ་མཁྱེན་པ་ལས་ཀཾ་ཚང་བཀའ་བརྒྱུད། ཕག་གྲུའི་སློབ་མ་འབྲི་གུང་པ་རིན་ཆེན་དཔལ་ལས་འབྲི་གུང་བཀའ་བརྒྱུད། སྟག་ལུང་ཐང་པ་བཀྲ་ཤིས་དཔལ་ལས་སྟག་ལུང་བཀའ་བརྒྱུད་དེ་འབྲི་སྟག་རྣམ་གཉིས་སྐལ་ལྡན་ཟུར་བ་ཡེ་ཤེས་སེང་གེའི་སློབ་མ་རྒྱལ་བ་གཡའ་བཟང་བ་ལས་གཡའ་བཟང་བཀའ་བརྒྱུད། བཀའ་བརྒྱུད་དེ་རྣམས་ཕལ་ཆེར་གྱི་འབྱུང་གནས། འགྲོ་མགོན་ཕག་མོ་གྲུ་པ་རྡོ་རྗེ་རྒྱལ་པོའི་གདན་ས་པ་སྤྱན་སྔ་རིན་པོ་ཆེ་ལས་ཕག་གྲུ་བཀའ་བརྒྱུད་དེ། །མདོར་ན་ཕྱག་རྒྱ་ཆེན་པོ་ལ་བཤད་པ་དང་། ཉམས་ལེན་གྱི་སྲོལ་གཉིས་ལས། དང་པོ་ནི། ཇོ་བོ། མར་པ། དངུལ་ཆུ་བེརོ། ཀོང་ནི་རུ་པ། རྒྱ་གར་ཕྱག་ན། བལ་པོ་ཨ་སུ། རས་ཆུང་བ། མངའ་རིས་ནག་པོ་སྟེ་བརྒྱད་ཙམ་བྱུང་བ་ལས། སྔོན་དར་རྒྱས་ཆེ་ནའང་། །དེང་སང་ཆེར་མི་སྣང་ལ། ཕྱི་མ་ཉམས་ལེན་སྒྲུབ་བརྒྱུད་ཀྱི་སྲོལ་རྨད་དུ་བྱུང་བ་ནི་ས་གསུམ་མཉམ་མེད་དྭགས་པོའི་བཀའ་བརྒྱུད་དེ། དེའི་བཤད་སྒྲུབ་ཉམས་ལེན་གྱིས། །གངས་ཅན་རི་སུལ་ཕལ་ཆེར་མཛེས་པར་བྱས་པ་ལས་ཀྱང་། །དཔལ་ལྡན་འབྲུག་པ་བཀའ་བརྒྱུད་ནི། རྗེ་རྒོད་ཚང་པ་ལས་སྟོད་འབྲུག་གནམ་གྱི་སྐར་མ་ལྟ་བུ་དང་། རྒྱལ་བ་ལོ་རས་པ་ལས་སྨད་འབྲུག་སའི་དྲེགས་པ་ལྟ་བུ་བྱུང་བས་མཚོན། མི་ཕྱེད་འབྲུག་པ། འབྲུག་ཕྱེད་སྤྲང་པོ། སྤྲང་ཕྱེད་གྲུབ་ཐོབ་ཅེས་ཀུན་ལ་རླུང་ལྟར་དུ་གྲགས་པས་བརྒྱུད་འཛིན་ཆུ་བོའི་

― JKT006_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་ལྟ་བུ་སྟེ། །དེ་རྣམས་ཀྱི་ཉམས་བཞེས་ནི། ལྟ་བ་གཙོ་བོར་བཏོན་པ་གདམས་ངག་ཕྱག་རྒྱ་ཆེན་པོ། སྒོམ་པ་གཙོ་བོར་བཏོན་པ་གདམས་ངག་ནཱ་རོ་ཆོས་དྲུག །སྤྱོད་པ་གཙོ་བོར་བཏོན་པ་གདམས་ངག་འབྱུང་བ་རོ་སྙོམས། འབྲས་བུ་གཙོ་བོར་བཏོན་པ་གདམས་ངག་རྟེན་འབྲེལ། ཀུན་ལ་གཅེས་པའི་གདམས་ངག་ལམ་ཟབ་བླ་སྒྲུབ་ལྔ་ནི་གཞུང་ཆོས་ལྟ་བུ་དང་། གཞན་གདམས་ངག་བསམ་གྱིས་མི་ཁྱབ་པ་ནི་ཟུར་འདེབས་ལྟ་བུར་མཛད་དོ། །སྤྱིར་བཀའ་བརྒྱུད་ཅེས་པའི་སྒྲ་དོན་ནི། རྗེ་དྭགས་པོ་རིན་པོ་ཆེ་བསོད་ནམས་རིན་ཆེན་གྱིས་དང་པོར་བཀའ་གདམས་པའི་ཆོས་ཀྱི་བདུད་རྩི་གསོལ་ནས། ཕྱིས་ཕྱག་རྒྱ་ཆེན་པོའི་བརྒྱུད་པ་རིན་པོ་ཆེ་ལ་ཞུགས་ནས་རྟོགས་པ་བརྙེས་པས་བཀའ་ཕྱག་ཆུ་བོ་གཉིས་འདྲེས་ཀྱི་གཞུང་བཟུང་བའི་ཕྱིར་དེ་སྐད་ཅེས་བརྗོད་དོ། །གཟུང་བའི་ཆོས་ཀུན་རང་རང་ངོ་བོས་སྟོང་། །འཛིན་པའི་སེམས་ཀྱང་སྤྲོས་བྲལ་སྟོང་པ་ཉིད། །སྤྲོས་མེད་ངང་ནས་གསལ་སྟོང་མི་གཡོ་བ། །ཞི་བྱེད་ཆོས་ཀྱི་ཉམས་ལེན་གཙོ་བོ་ཡིན་ཏེ། །དེ་ཡང་སྤྱིར་ལམ་འདི་ལ་དབང་པོའི་རིམ་པས་འཁྲིད་ཚུལ་བསམ་གྱིས་མི་ཁྱབ་ཀྱང་རེ་ཞིག་འི བདུན་རྫོགས་བདུན་གྱི་མན་ངག་ལྟར་ན། ཟབ་མོ་བརྡ་ཡི་དབང་བཞིས་སྨིན་པར་བྱ་བ་སྔོན་དུ་སོང་ནས། དབང་བོ་རབ་གཟུང་འཛིན་ལས་འདས་པའི་གཉུག་མའི་སེམས་མ་བཅོས་པའི་གནས་ལུགས་མངོན་སུམ་དུ་མཐོང་བས་གཅིག་ཅར་དུ་འཚང་རྒྱ་བར་བྱེད་པ་དཀར་༡ཁྲིད་རིག་པ་གཅེར་མཐོང་གི་གནད། འབྲིང་སྒོ་གསུམ་ཆ་མཉམ་གྱི་ཐིག་ལེ་སྦྱང་བ་བླ་མ་སྐུ་༤བཞིའི་ལམ་རྫོགས་པས་ཐོད་རྒལ་དུ་སྐུ་བཞིར་གྲུབ་པ་སྨར་༢ཁྲིད་མོས་གུས་ཆིག་ཆོད་ཀྱི་གནད། ཐ་མ་རིམ་འཇུག་གི་ལམ་ལྔ་ཐོབ་ལས་ནག་ཁྲིད་གདམས་ངག་ཕྲ་ཆོད་པའི་གནད་དང་གསུམ་

― JKT006_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

ལས། ཕྱི་མ་ལའང་། ཕྱི་མཚན་ཉིད་ཀྱི་གདམས་པ་སྐབས་བརྒྱད་རྩ་བ་གཅིག་ཏུ་བསྡུས་ནས་ལམ་ལྔ་གདན་གཅིག་ཏུ་ཉམས་སུ་བླངས་པ་ལ་བརྟེན་ནས་ཚོགས་ལམ་བློ་སྦྱོང་གིས་ལམ་༣བགྲོད། ཕ་རྒྱུད་གཡོ་བའི་རླུང་སྤར་འཛིན་གྱི་ལམ་རིམ་ལྔ་གདན་གཅིག་ཏུ་རྫོགས་པ་ལ་བརྟེན་ནས་སྦྱོར་ལམ་དཀའ་ཐུབ་ཀྱི་སྲང་དུ་བཅུག །མ་རྒྱུད་བདེ་བ་ཉམས་ཀྱི་གདམས་ངག་ཕྱག་རྒྱ་བཞི་གདན་རྫོགས་སུ་བསྒོམ་པ་ལ་བརྟེན་ནས་མཐོང་ལམ་གྱིས་རྗེས་བཅད། སྙིང་པོ་དོན་གྱི་གདམས་པ་རྣལ་འབྱོར་བཞི་༦ལམ་ཏིང་ངེ་འཛིན་བཞི་གདན་རྫོགས་སུ་བསྒོམ་པ་ལ་བརྟེན་ནས་སྒོམ་ལམ་རོ་སྙོམས་ཀྱི་བོགས་དབྱུང་། རིག་པ་རང་གྲོལ་གྱི་གདམས་པ་སྦྱོར་བ་ཡན་༧ལག་དྲུག་གདན་རྫོགས་སུ་བསྒོམ་པ་ལ་བརྟེན་ནས་མཐར་ཕྱིན་བྱ་བྲལ་གྱི་ལམ་ཐོབ་པར་བྱ་བའོ། །ཞི་བྱེད་ཅེས་པའི་སྒྲ་དོན་ནི། བོད་དུ་བྱོན་པའི་འཁྲིད་ཚུལ་ཕལ་མོ་ཆེས་སློབ་མ་མི་དགེ་བ་ལས་བཟློག་ཏུ་བཅུག་ནས་གཟོད་དེའི་སེམས་རྒྱུད་ཀྱི་ཉོན་མོངས་སྦྱོང་བར་བྱེད་པ་གཙོ་ཆེ་ལ། འདིར་ནི་སྔོན་ལས་ཀྱི་དབང་གིས་ལུས་དམན་པ་དང་། ནད་བུ་ཅན་དུ་གྱུར་པ་སོགས་སྡུག་བསྔལ་རྣམས་འཕྲལ་འཕྲལ་དུ་ཞི་བར་བྱས་ནས་རྣལ་འབྱོར་ལ་སྦྱོར་བཟོད་པར་བྱེད་པས་ན་དམ་ཆོས་སྡུག་བསྔལ་ཞི་བྱེད་ཅེས་བྱ་སྟེ། ཡུམ་ལས། སྡུག་བསྔལ་ཐམས་ཅད་རབ་ཏུ་ཞི་བར་བྱེད་པའི་སྔགས། ཞེས་དང་། འཇམ་དཔལ་སྒྱུ་དྲྭ་ལས། སྡུག་བསྔལ་གསུམ་གྱིས་སྡུག་བསྔལ་ཞི། །སྲིད་གསུམ་མཐའ་ཡས་གྲོལ་གསུམ་ཐོབ། །སྒྲིབ་པ་ཀུན་ལས་རྣམ་པར་གྲོལ། །མཁའ་ལྟར་མཉམ་པ་ཉིད་ལ་གནས། །ཞེས་སོགས་གསུངས་པ་ལ་བརྟེན་ནས་བཏགས་པར་མཛད་ཅིང་། ངོ་བོ་ཕ་རོལ་ཏུ་ཕྱིན་པ་སྔགས་དང་རྗེས་སུ་མཐུན་པ་ཞེས་མདོ་རྒྱུད་ཐམས་ཅད་ཀྱི་ཟབ་གནད་གཅིག་ཏུ་དྲིལ་བའི་གདམས་པ་ཁྱད་པར་ཅན་ནོ། །

― JKT006_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་གཞིའི་གཙོ་བོ་སྤྱི་མདོ་ཤེར་ཕྱིན་རྒྱས་འབྲིང་བསྡུས་གསུམ་སོགས་དང་། སྒོས་མདོ་ཆུ་ཀླུང་རོལ་བའི་མདོ། །རྒྱ་གར་བེ་ཏཱའི་ཡུལ་གྱི་ཙ་ར་སེང་ངར་འཁྲུངས་པའི་མཁས་པ་ཆེན་པོ་ཀ་མ་ལ་ཤཱི་ལའམ་འགྲོ་བའི་མགོན་པོ་དམ་པ་སངས་རྒྱས་ཞེས་བྱ་བ་གྲུབ་ཐོབ་ཕོ་མོ་ལྔ་བཅུ་རྩ་བཞི་ལས་གདམས་པ་ཟབ་མོ་མཐའ་དག་གསན་ནས་རྩེ་གཅིག་ཏུ་བསྒྲུབ་པ་ལ་གཞོལ་བས། ཐུགས་དམ་བདེར་གཤེགས་བཅུ་གཉིས་དང་། ངོ་མཚར་མཁའ་སྤྱོད་ཀྱི་བླ་མ་སུམ་ཅུ་རྩ་དྲུག་སོགས་ཀྱི་ཞལ་གཟིགས། ཐུན་མོང་གི་དངོས་གྲུབ་གྲུབ་པ་ཆེན་པོ་བརྒྱད་དང་། མཆོག་གི་དངོས་གྲུབ་མཐོང་ལམ་ཆེན་པོའི་ཡེ་ཤེས་བརྙེས་པ་དེ་ཉིད་ཀྱི་ཁྱད་པར་གདམས་པ་མཆོག །བོད་ཡུལ་འདིར་བརྡ་དང་གསུང་གིས་གཞན་ལ་གདུལ་བྱ་སོ་སོའི་དབང་པོ་དང་འཚམས་པར་སྔ་ཕྱི་བར་གསུམ་དུ་བསྟན་པ་ལས། །གངས་རིའི་ཁྲོད་འདིར་བརྒྱུད་པ་རིམ་པ་གསུམ། །བརྒྱུད་པ་དང་པོ་དམ་པས་ཁ་ཆེ་ཛྙ་ན་གུ་ཧྱ་ལ་ཞི་བྱེད་སྒྲོན་མའི་སྐོར་གསུམ་སོགས་གནང་ཞིང་། དེ་དང་དམ་པ་གཉིས་ཀས་རྗེ་བཙུན་ཨོང་པོ་ལོ་ཙཱ་བ་ལ་གནང་བ་དང་། ཛྙཱ་ན་གུ་རྒྱས་པུ་ཧྲང་ལོ་ཆུང་ལ་བཤད་པ་སོགས་དང་། །བརྒྱད་པ་བར་པ་རྨ་ཆོས་ཀྱི་ཤེས་རབ་ལ་ཕྱག་ཆེན་སྐོར་སོ་ཆུང་དགེ་འདུན་འབར་ལ་རིག་པ་ཅེར་མཐོང་གི་མན་ངག །ཀམ་ཚུལ་ཁྲིམས་རྒྱལ་མཚན་ལ་རྟོག་པ་ལམ་ཁྱེར་གདམས་ངག་གནང་བ་སོགས་རྨ་སོ་ཀམ་གསུམ་ཕྲན་དང་བཅས་པ་དང་། །བརྒྱུད་པ་བླ་མ་དམ་པ་ཕྱར་ཆེན་ལ་ཤེར་ཕྱིན་བསྒོམ་ཡོད་བསྒོམ་མེད་གཉིས་སུ་ངོ་སྤྲད་ནས་ཆོ་ལུ་དང་། མདོ་སྦྱོར་དང་། དོན་སྡེ་པ་གསུམ་གྱིས་སྤྲོས་པ་བཅད། དམ་པ་ཕྱར་ཆུང་ལ་སྔགས་དང་ཕར་ཕྱིན་གཉིས་མེད་ཀྱི་གདམས་པས་ངོ་སྤྲད་དེ། བསྙེན་སྒྲུབ་བཞིའི་སྲང་དུ་བཅུག །

― JKT006_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

བཛྲ་ཀྲོ་དྷ་བྱིན་རླབས་ཀྱི་ལམ་པ་ཡིན་གསུངས་ནས་རྟག་ཏུ་གསོལ་བ་འདེབས་སུ་བཅུག །བྱང་ཆུབ་སེམས་དཔའ་ཀུན་དགའ་ནི་གང་ཟག་རིམ་གྱིས་པ་ཡིན་གསུངས་ནས། བློ་སྦྱོང་གནང་ནས་དཀའ་ཐུབ་ཀྱི་སྲང་རྐྱང་ཁུག་ལམ་ལྔས་བསྡུས་པ་ལ་བཅུག་པ་སྟེ། སྒོ་བའི་རྣལ་འབྱོར་པ་བཞི་ཡིས་མཚོན་བུ་ཆེན་བདུན་གྱི་ལུགས་དང་། མ་ཇོ་ཉི་ཤུ་རྩ་བཞི་སོགས་གྲུབ་པའི་སྐྱེས་བུ་བགྲང་ལས་འདས་པ་བྱོན་པས་སོ་སོའི་ལུགས། །སྲོལ་ཕྲ་མོ་བསམ་གྱིས་མི་ཁྱབ་ཀྱང་། སྐྱེ་བ་ལྔར་དམ་པས་རྗེས་སུ་བཟུང་ཞིང་། ང་དང་དགོངས་པ་མཉམ་པ་ཀུན་དགའ་ཡིན་ཅེས་བསྔགས་པ་ཆིག་བརྒྱུད་ཀྱི་མངའ་བདག་དམ་པ་ཀུན་དགའ་ཞེས་ཐུགས་སྲས་མཆོག་ཏུ་གྱུར་པས་གང་གིས་པ་ཚབ་བསྒོམ་པ་དང་། དེས་རྒྱལ་བ་ཏེ་ནེ། དེས་རོག་ཤེས་རབ་སེང་གེ་སྐུ་མཆེད་ལ་གནང་བ་སོགས་ཤིན་ཏུ་དར་རྒྱས་ཆེ་བར་བྱུང་བ་ནི་ལུགས་སྲོལ་ཁྱད་པར་དུ་འཕགས་པ་ཞིག་ཡིན་ལ། །སྤྱིར་བརྒྱུད་པ་བར་པ་བཀའ་ཐ་མ་དང་། བརྒྱུད་པ་ཐ་མ་སྔགས་དང་གཙོ་བོར་མཐུན་ནོ། །སོར་སྡུད་བསམ་གཏན་སྟོང་གཟུགས་འཆར་བ་དང་། །སྲོག་རྩོལ་འཛིན་པས་སྲོག་གནས་འགོག་པར་བྱེད། །རྗེས་དྲན་ཏིང་འཛིན་བདེ་ཆེན་བསྐྱེད་པ་དེ། །སྦྱོར་དྲུག་ཆོས་ཀྱི་ཉམས་ལེན་གཙོ་བོ་ཡིན་ཏེ། །དེ་ཡང་དུས་འཁོར་རྩ་རྒྱུད་ལས། སོ་སོར་སྡུད་དང་བསམ་གཏན་དང་། །སྲོག་རྩོལ་དེ་བཞིན་འཛིན་པ་དང་། །རྗེས་སུ་དྲན་དང་ཏིང་ངེ་འཛིན། །སྦྱོར་བ་ཡན་ལག་དྲུག་ཏུ་འདོད། །ཅེས་གསུངས་པ་ལྟར། བསྒྲུབ་བྱ་ནི་དེ་བཞིན་གཤེགས་པའི་གསང་བ་གསུམ་དང་། སྒྲུབ་བྱེད་སྦྱོར་བ་ཡན་ལག་དྲུག་ཡིན་ལ། ཇི་ལྟར་བསྒྲུབ་ཚུལ་ནི། སོར་བསམ་གཉིས་ཀྱིས་དབུ་མ་སྦྱངས་ཤིང་རྡོ་རྗེའི་སྐུ་རྣམ་པ་ཐམས་ཅད་པ་སྒྲུབ། སྲོག་

― JKT006_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

རྩོལ་གྱིས་དེར་རོ་རྐྱང་གི་རླུང་འཛུད་ཅིང་། འཛིན་པས་དེ་བརྟན་པར་བྱས་པས་རྡོ་རྗེའི་གསུང་རྣམ་པ་ཐམས་ཅད་པ་སྒྲུབ། རྗེས་དྲན་གྱིས་ཕྱག་རྒྱ་ལ་བརྟེན་ནས་བྱང་སེམས་བཞུ་བ་དེ་ཟག་བྲལ་གྱི་ངང་དུ་བཟུང་བའི་འགྱུར་མེད་ཀྱི་བདེ་བ་དང་། ཏིང་འཛིན་གྱིས་དེ་ཉིད་ཁ་སྦྱོར་ཏེ་གཟུགས་ཀྱི་སྐུ་དང་དབྱེར་མེད་དུ་བྱས་པས་བདེ་སྟོང་ཟུང་འཇུག་རྡོ་རྗེའི་ཐུགས་རྣམ་པ་ཐམས་ཅད་བསྒྲུབ་པའོ། །གཞན་ཡང་སོར་བསམ་གཉིས་སྐུ་རྡོ་རྗེའི་རྣལ་འབྱོར་བསྙེན་པའི་ཡན་ལག །སྲོག་འཛིན་གཉིས་གསུང་རྡོ་རྗེའི་རྣལ་འབྱོར་ཉེར་སྒྲུབ་ཀྱི་ཡན་ལག །རྗེས་དྲན་ཐུགས་རྡོ་རྗེའི་རྣལ་འབྱོར་སྒྲུབ་པའི་ཡན་ལག །ཏིང་ངེ་འཛིན་ཡེ་ཤེས་རྡོ་རྗེའི་རྣལ་འབྱོར་སྒྲུབ་ཆེན་གྱི་ཡན་ལག་གམ། སོར་བསམ་གཉིས་གཟུགས་སྒྲུབ་ཀྱི་ཡན་ལག །སྲོག་འཛིན་གཉིས་སྲོག་སྒྲུབ་ཀྱི་ཡན་ལག །རྗེས་དྲན་བདེ་བ་སྒྲུབ་པའི་ཡན་ལག །ཏིང་ངེ་འཛིན་བདེ་བ་སྒྲུབ་པའི་ཡན་ལག་ཅེས་ཀྱང་བྱའོ། །དེ་ཡང་དུས་ཞབས་སྙན་བརྒྱུད་ལས། ཀུན་ལ་དྲུག་དྲུག་ཅེས་བྱ་སྟེ། །ཞེས་གསུངས་པ་ལྟར། ཡན་ལག་དྲུག་པོ་རེ་རེ་ལའང་། ངོ་༡བོ་ངེས་༢ཚིག་དབྱེ་བ་༣དང་། །རིགས་༤བདག་བསྐྱེད་(ཐབས་འབྲས་༦བུའོ། །ཞེས་དོན་ཚན་དྲུག་དྲུག་གི་སྒོ་ནས་གཏན་ལ་འབེབས་ཚུལ་སོགས་རྒྱས་པར་བསྙེན་སྒྲུབ་ཡན་ལག་བཞི་ཡི་རྣམ་གཞག་ཏུ་བཤད་པ་ལྟར་དང་བླ་མ་གོང་མ་རྣམས་ཀྱིས། སྔོན་འགྲོ་ལྟོས་མེད་དྲུག་ལྡན། དངོས་གཞི་རྣལ་འབྱོར་དྲུག་ལྡན། རྗེས་སྲུང་སྡོམ་དྲུག་ལྡན་ཅེས་པའི་ཆིངས་ཀྱང་མཛད་དོ། །རྟེན་གཞིའི་གཙོ་བོ་དཔལ་དུས་ཀྱི་འཁོར་ལོ་རྩ་བའི་རྒྱུད་སྟོང་ཕྲག་བཅུ་གཉིས་པ་དང་། དེ་ལས་འཇམ་དཔལ་གྱི་སྤྲུལ་པ་རིགས་ལྡན་གྲགས་པ་མཉེ་བར་བསྡུས་པའི་རྒྱུད། །ལེའུ་ལྔ་པའི་བདག་ཉིད་འགྲེལ་ཆེན་དང་བཅས་པ་སྟེ། ཐོག་མར་སྤྲུལ་པའི་རིགས་

― JKT006_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་རྣམས་ཀྱི་ཤམྦྷ་ལར་དར་རྒྱས་སུ་མཛད། དེ་ནས་འཕགས་ཡུལ་དུ་ཙི་ལུ་པཎྜི་ཏས་སྤེལ་ཞིང་། དེའི་སློབ་མ་པིཎྜི་ཨཱ་ཙརྱ་སྟེ་སློབ་དཔོན་བསོད་སྙོམས་པར་གྲགས་པ་དང་། དེའི་སློབ་མ་དུས་ཞབས་པཎ་ཆེན་ཏེ། དུས་འཁོར་ཞབས་པ་ཆེན་པོའམ། ཙི་ལུ་པ་ཆུང་བར་ཡང་གྲགས་པ་དེས། སྤྲུལ་པའི་རིགས་ལྡན་ལས་ཀྱང་དངོས་སུ་དབང་བཤད་མན་ངག་མཐའ་དག་གསན་ནས་ཁྱད་པར་གྱི་གདམས་པ་མཆོག །འདི་རྩལ་དུ་བཏོན་ནས་འཆད་པར་མཛད་པ་ལས། སློབ་མའི་མཆོག་ཨ་ཝདྡྷ་ཏི་པ། ངག་གི་དབང་ཕྱུག ། ཤྲཱི་བྷ་དྲ་བོ་དྷི། ན་ལེནྡྲ་པ་སྟེ་འདི་གསུམ་ཀ་ལ་དུས་ཞབས་པ་ཆུང་བར་སོ་སོར་གྲགས་པ་སོགས་མཁས་ཤིང་དངོས་གྲུབ་བརྙེས་པ་བསམ་གྱིས་མི་ཁྱབ་པ་ཞིག་བྱོན། བོད་ཡུལ་འདིར་དང་པོར་བཀའ་བབས་ཀྱི་གྱོ་ལོ་ཙཱ་ཟླ་བའི་འོད་ཟེར་ཡིས། །དུས་ཞབས་པ་ཆུང་བ་ཤྲཱི་བྷ་དྲ་བོ་དྷི་སྤྱན་དྲངས་ནས་རྒྱུད་འགྲེལ་རྫོགས་པར་བསྒྱུར་ཅིང་། རང་གིས་ཐུགས་ཉམས་བཞེས་ནས་གངས་རིའི་ཁྲོད་འདིར་སྤེལ་བ་ལས་སློབ་མ་ཁྲོམ་ལོ་ཙཱ་བ་པདྨ་འོད་ཟེར་སོགས་བུ་ཆེན་བཞིར་གྲགས་པ་བྱུང་། ཁྲོམ་ལོས་བླ་མའི་གསུང་ཟིན་བྲིས་སུ་མཛད་པ་ལས་བརྒྱུད་པའི་གྱི་གྱོ་ལུགས་དང་། ནཱ་ལནྡྲ་པའི་སློབ་མ་མཉྫ་ཀཱི་རྟི། དེའི་སློབ་མ་བལ་པོ་ས་མནྟ་བྷཾ། དེ་ལས་རྭ་ལོ་ཙཱ་བ་ཆོས་རབ་ཀྱིས་གསན་པའི་རྭ་ལུགས་དང་། དེ་བཞིན་དུ། ནཱ་ལེནྡྲ་པ། ཁ་ཆེ་ཟླ་གཞོན་འབྲོ་ཤེས་རབ་གྲགས། སྒོམ་པ་དཀོན་མཆོག་སྲུང་སོགས་ལས་བརྒྱུད་པའི་འབྲོ་ལུགས། ནཱ་ལེནྡྲ་པའི་སློབ་མ་རྩ་མི་བསོད་སྙོམས་པ་སངས་རྒྱས་གྲགས་ནས་བརྒྱུད་པའི་རྩ་མི་ལུགས། དེའི་སློབ་མ་སེ་ལོ་ཙཱ་བ་གཞོན་ནུ་ཚུལ་ཁྲིམས་དང་། དེ་ལས་གཉོས་དར་མ་འོད་ཀྱིས་གསན་པ་སོགས་གཉོས་ལུགས། ནཱ་ལནྡྲ་པ། ཨ་

― JKT006_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

བྷ་ཡཱ་ཀཱ་ར། ནིངྐ་ལི་ཀ །བལ་པོའི་པཎྜི་ཏ་རེ་བེནྡྲ། ཆག་ལོ་ཆོས་རྗེ་དཔལ་སོགས་ལས་བརྒྱུད་པ་ཆག་ལོ་ལུགས། ཨ་བྷཱ་ཡ། བིཥྛ་ཏཱ་དཔེ། ཁ་ཆེ་པཎ་ཆེན་ཤཱ་ཀྱ་ཤྲཱི། དཔྱལ་ཆོས་ཀྱི་བཟང་པོ་སོགས་ལས་བརྒྱུད་པའི་པཎ་ཆེན་ལུགས་སམ་དཔྱལ་ལོ་ལུགས། རྭ་ཆོས་རབ་ནས། ཡེ་ཤེས་སེང་གེ །འབུམ་སེང་རོང་། །པ་ཧྥ་ལོ་རྣམ་རྒྱལ་རྡོ་རྗེ་སོགས་ལས་བརྒྱུད་པའི་རོང་ལུགས། རྩྭ་མི་ནས་ཁམས་པ་གྲྭ་ལོ་གཞོན་ནུ་དཔལ་ལ་བརྒྱུད་པ་དང་། དེ་ཉིད་ཀྱི་ཞང་ཚལ་པ་ལ་གནང་པའི་ཚལ་ལུགས། གྲུབ་ཆེན་ཤཱ་བ་རི་དབང་ཕྱུག་གིས་པཎ་ཆེན་བིབྷཱུ་ཏི་ཙནྡྲ་ལ་དངོས་སུ་བསྩལ་ཞིང་། དེས་ཀོ་བྲག་པ་བསོད་ནམས་རྒྱལ་མཚན་ལ་གནང་བ་ཀོ་བྲག་ལུགས། མནྡྲཀཱི་རྟི་དང་། ཨ་བྷཱ་ཡས་གཉན་ལོ་དང་། གྲྭ་ལོ་གཉིས་ལ་གསུངས་ཤིང་། དེ་གཉིས་ཀ་ལས་བླ་མ་འགོས་ཀྱིས་གསན་པ་སོགས་འགོས་ལུགས། ཆག་ཆོས་རྗེ་དཔལ། གོ་ལུང་པ་མདོ་སྡེ་དཔལ། མཁས་གྲུབ་ཨོ་རྒྱན་པ། སྙེ་མདོ་ཀུན་དགའ་དོན་གྲུབ། རྗེ་རང་བྱུང་པ་སོགས་ལས་བརྒྱུད་པ་ཀར་ལུགས། གྲུབ་ཐོབ་སེ་མོ་ཆེ་བ་ནས། བོ་དོང་པ་རིན་ཆེན་རྩེ་མོ། སྟག་སྡེབ་སེང་གེ་རྒྱལ་མཚན། དེ་དང་གོ་ལུང་པའི་སློབ་མ་ཤོང་སྟོན་ལོ་ཙཱ་བ་རྡོ་རྗེ་རྒྱལ་མཚན་དང་། དཔང་བློ་གྲོས་བརྟན་པ་སོགས་ལས་བརྒྱུད་པ་དང་། །ཁམས་པ་གྲྭ་ལོ་ནས་ས་ཆེན་ལ་གནང་བའི་ས་ལུགས་རྣམས་དང་། ཁྱད་པར་དུས་ཀྱི་འཁོར་ལོ་གངས་ཅན་ཁྲོད་འདིར་ཤིན་ཏུ་དར་བར་མཛད་པ་ནི་ཇོ་ཞལ་གཉིས་ཏེ། དེ་ཡང་སྒོམ་པ་དཀོན་མཆོག་སྲུང་ནས། སྒྲོ་སྟོན་གནམ་ལ་བརྩེགས། གྲུབ་ཐོབ་ཡུ་མོ་བ། སྲས་དྷ་རྨེ་ཤྭ་ར། ནམ་མཁའ་འོད། གྲུབ་ཐོབ་སེ་མོ་ཆེ་བ། འཇམ་གསར་བ། ཀུན་མཁྱེན་ཆོས་འོད། ཀུན་སྤངས་ཐུགས་རྗེ་བརྩོན་འགྲུས། བྱང་སེམས་རྒྱལ་ཡེ། ཡོན་ཏན་རྒྱ་མཚོ། ཀུན་མཁྱེན་

― JKT006_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

དོལ་བུ་པ་ཤེས་རབ་རྒྱལ་མཚན་སོགས་ལས་བརྒྱུད་པ་ཇོ་ནང་ལུགས་དང་། ཆོས་འོད་ནས། འཕགས་འོད། བུ་སྟོན་རིན་ཆེན་གྲུབ་ལ་བརྒྱུད་པ་སོགས་བུ་ལུགས་ཏེ། ལུགས་འདི་གཉིས་ཀས་དང་པོར་རྭ་པའི་བརྒྱུད་པ་ལས་གསན་ཅིང་། ཕྱིས་འབྲོ་ལུགས་ལ་ཡང་དག་པར་ཞུགས་པས་གཙོ་བོར་རྭ་འབྲོའི་བརྒྱུད་པ་འཛིན་མོད། གཞན་དུ་སྦྱོར་དྲུག་མི་འདྲ་བ་ཕལ་ཆེར་གྱི་བཀའ་བབས་པ་དང་། དེར་མ་ཟད་ལུགས་སྲོལ་ཕྲན་ཚེགས་ནི་ལྐོག་ཕྲེང་བའི་ལུགས་དང་། ཀུན་སྤངས་པའི་སློབ་མ་ལ་སྟོད་དབང་རྒྱལ་ལུགས། །སོགས་མང་དུ་བྱོན་པ་སྟེ། མདོར་ན་རྒྱ་གར་འཕགས་པའི་ཡུལ་དུ་དུས་ཞབས་པ་ཆེ་ཆུང་། ཤ་བ་རི། དཔེ་མེད་མཚོ། ཉི་མ་དཔལ་ཡེ་ཤེས། ནཱ་རོ་པ། ཁ་ཆེ་པཎ་ཆེན་གྱི་ལུགས་སོགས་དང་། བོད་འདིར་དར་བ་ལ། གྱི་ཇོ། འབྲོ། རྭ། དིང་རིང་ཆོས་གྲགས་ཏེ་སྔོན་བྱོན་བཞི། མན་ལྷོ ལུང་གུ་རུ། ཐར་ལོ། ཨོ་རྒྱན་པ། བི་བྷུ་ཏི་ཙནྡྲ་སྟེ་བར་བྱོན་བཞི། ཤ་བ་རི་ཐོག་མཐར་བར་གསུམ། ཕྱིས་བྱོན་རྒྱ་གར་ཤར་ཕྱོགས་པཏྟཱ་ག་རིའི་པཎྜི་ཏ་ཆེན་པོ་ནགས་ཀྱི་རིན་ཆེན་ལས་བྱུང་བས་མཚོན་དེ་སོགས་ཟབ་ལམ་རྨད་དུ་བྱུང་བ་འདི་གངས་ཅན་གྱི་འཛིན་མར་ཁྱབ་པར་ཤར། །བ་ལས་ཀྱང་། རྡོ་རྗེའི་རྣལ་འབྱོར་ཟབ་མོའི་ཉམས་ལེན་ཆུ་བོའི་རྒྱུན་ལྟར་བར་མ་ཆད་པ་དང་ལྡན་པ་ནི་ཀུན་མཁྱེན་ཇོ་ནང་པ་ཡིན་ཏེ། ཀུན་སྤངས་རིན་པོ་ཆེར་བྱང་སེམས་རྒྱལ་ཡེ་སོགས་ཀུན་སྤངས་བུ་བཞིར་གྲགས་པ་དང་། ཀུན་མཁྱེན་དོལ་བུ་པར་ཀུན་མཁྱེན་ཆོས་གྲགས། ཕྱོགས་ལས་རྣམ་རྒྱལ། ཉ་དབོན་ཀུན་དགའ་དཔལ། མ་ཏི་རྣམ་གཉིས་སོགས་བསྟན་འཛིན་ཆེན་པོ་བསམ་གྱིས་མི་ཁྱབ་པ་ཞིག་བྱོན་ནས། སློབ་བརྒྱུད་མཁས་ཤིང་སྦྱོར་བ་ཡན་ལག་དྲུག་གི་རྣལ་འབྱོར་ལྷུར་ལེན་པ་མང་པོས་སྟོད་

― JKT006_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

མངའ་རིས་ནས་བཟུང་དབུས་གཙང་ཁམས་གསུམ་གྱི་རི་སུལ་ཕལ་ཆེར་གང་བས་ངེས་དོན་གྱི་བསྟན་པ་ཉིན་མོ་ལྟར་མཛད་དོ། །ལུས་རྩ་དག་པར་བྱེད་པ་སྐུ་ཡི་རྡོ་རྗེ་བསྙེན་པའི་ཡན་ལག་ལ་ལུས་གནད་བྱེད་པ་བཅིངས་པའི་རྣལ་འབྱོར་རྒྱུ་སོར་སྡུད་དེའི་བྱེད་ལས། འབྲས་བུ་བསམ་གཏན་སྡེ་གསུམ་གྱི་སྒོ་ནས་གཏན་ལ་དབབ་པ་དང་། །ངག་རླུང་དག་པར་བྱེད་པ་གསུང་གི་རྡོ་རྗེ་སྒྲུབ་པའི་ཡན་ལག་རྡོར་བཟླས་ཞེས་འཇུག་ལྡང་གནས་གསུམ་འབྲུ་གསུམ་གྱི་སྔགས་སུ་སྦྱར་བའི་རྣལ་འབྱོར་སྔོན་དུ་འགྲོ་བས་རྒྱུ་སྲོག་རྩོལ་དང་། དེའི་འབྲས་བུ་འཛིན་པ་དེ་གཉིས་ཀྱི་བྱེད་ལས། བྱེད་ལས་ཀྱིས་བསྒྲུབས་པའི་འབྲས་བུ་དང་བཞིའི་སྒོ་ནས་གཏན་ལ་དབབ་པ་དང་། ཡིད་ཐིག་ལེ་དག་པར་བྱེད་པ་ཐུགས་ཀྱི་རྡོ་རྗེ་སྒྲུབ་པ་ཆེན་པོའི་ཡན་ལག་ལ། འཇིག་རྟེན་པའི་ལས་རྫོགས་པར་བསྟན་པ་རྗེས་དྲན་དབང་པོ་རབ་གཏུམ་མོ། འབྲིང་རང་ལུས། ཐ་མ་གཞན་ལུས་ལ་བརྟེན་པ་གསུམ། འཇིག་རྟེན་ལས་འདས་པའི་ལམ་རྫོགས་པར་བསྟན་པ་ཏིང་ངེ་འཛིན་དམིགས་བཅས་དང་དམིགས་མེད་ཀྱི་བདེ་བ་ཆེན་པོ་གཉིས་སུ་མེད་པ་རང་རིག་པའི་བདེ་བ་ལ་སེམས་རྩེ་གཅིག་ཏུ་གནས་པས་དྭངས་མ་ཐིག་ལེ་ཕྱི་རོལ་དུ་འཕོ་རྒྱུ་ཐམས་ཅད་རྡོ་རྗེ་ནོར་བུ་ནས་ཕྱིར་འཛག་པ་མེད་པར་འཆིང་། །བ་རྣམས་ནི། གྲུབ་པའི་སློབ་དཔོན་ཨོ་ཌི་ཡཱ་ན་པ་ལས་བྱུང་བའི་རྡོ་རྗེ་གསུམ་གྱི་བསྙེན་སྒྲུབ་ཅེས་གྲགས་པའི་ཟབ་ཆོས་ཀྱི་ཉམས་སུ་ལེན་བྱའི་གཙོ་བོ་ཡིན་པའི་ཚུལ། དཔལ་གསང་བ་འདུས་པ་ལས། ཁྱོད་ཀྱི་ལུས་སེམས་ལྟ་བུ་དང་། སེམས་ལུས་ལྟ་བུ་དང་པ། སེམས་ཚིག་ཏུ་བརྗོད་པ་ལྟ་བུར་བསྐྱེད་ཅིག །ཅེས་གཞི་དུས་སུ་རྡོ་རྗེ་གསུམ་མི་ཕྱེད་པའི་འབྲེལ་བཀོད་ནས། ལམ་དུས་སུ་རྡོ་རྗེ་གསུམ་དབྱེར་མེད་པའི་རྣལ་

― JKT006_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་བསྒོམས་པས། འབྲས་དུས་སུ་གསང་བ་གསུམ་གྱི་བདག་ཉིད་མངོན་དུ་བྱེད་པའི་གདམས་ངག་ཁྱད་པར་ཏེ། རྡོ་རྗེའི་ཚིག་རྐང་ལས། རྩ་སྦྱངས་པས་ནི་ལུས་ཀྱི་དྲི་མ་དག །རླུང་སྦྱངས་བས་ནི་ངག་གི་དྲི་མ་དག །འཛག་མེད་ཐོབ་པས་ཡིད་ཀྱི་བག་ཆགས་བཅོམ། །འཁོར་ལོའི་མདུད་པ་དགའ་བཞིའི་འགྲོས་ཀྱིས་བཤིག །མ་རིག་གཉིད་ནི་བརྒྱལ་བ་ལོག་པས་དྭངས། །ཆགས་བྲལ་ཉམས་པ་ཞེ་སྡང་ཟད་པའི་སེམས། །ཆགས་པ་དག་པས་བདེ་བ་ཆེན་པོར་གྲོལ། །ཅེས་གསུངས་པ་ལྟར་རོ། །དེ་ལྟ་བུའི་ལམ་འདིའི་རྟེན་གཞིའི་གཙོ་བོ་ནི་མ་རྒྱུད་བདེ་མཆོག་འཁོར་ལོ་དང་། གཉིས་སུ་མེད་པ་དཔལ་དུས་ཀྱི་འཁོར་ལོའི་རྒྱུད་གཉིས་ལ་བརྟེན་ནས། །སངས་རྒྱས་ཐམས་ཅད་ཀྱི་ཤེས་རབ་སྟོང་པ་ཉིད་རྣམ་ཀུན་མཆོག་ལྡན་ཡེ་ཤེས་སྒྱུ་མའི་གཟུགས་སུ་ཤར་བའི་རྗེ་བཙུན་རྡོ་རྗེ་རྣལ་འབྱོར་མས་ལེགས་པར་བཀྲལ་བའི་ཁྱད་པར་ཅན་གྱི་གདམས་པ་མཆོག་ཏུ་གྱུར་པ། །གང་ཞིག་དང་པོར་བཀའ་བབས་མཁས་གྲུབ་ཨོ་རྒྱན་དང་། །ཐུགས་ཉམས་བཞེས་ནས་གངས་རིའི་ཁྲོད་འདིར་སྤེལ་བ་ཡིན་ཏེ། །དེ་ཡང་གྲུབ་ཆེན་རིན་ཆེན་དཔལ་ཞེས་རྒྱལ་བ་རྒོད་ཚང་པའི་སློབ་མ་བརྟུལ་ཞུགས་རང་དང་མཉམ་པར་བསྔགས་པ་དེ་ཉིད་མཐོང་ལམ་གྱི་བདེན་པ་མངོན་སུམ་དུ་གཟིགས་པ་སྤྱོད་པས་མཐར་ཕྱིན་པར་བྱ་བའི་ཕྱིར་ཛ་ལནྡྷར་སོགས་གནས་ཆེན་མང་པོར་བྱོན། ལྷག་པར་ཨོ་ཌི་ཡཱ་ན་ཞེས་གྲགས་པ་རྡོ་རྗེ་ཐེག་པའི་གན་མཛོད་ཆེན་པོར་བཞུགས་པ། སྤྲུལ་པའི་ཞིང་ཡེ་ཤེས་ཀྱི་མཁའ་འགྲོ་མ་རྣམས་ཀྱི་དགའ་བའི་ཚལ་ཆེན་པོ་དེར་དཔལ་ཡེ་ཤེས་པའི་ཞབས་འབྲིང་དང་བཅས་བྱོན་པས། ཡུལ་དེའི་དབུས་དྷ་མ་ཐ་ལར་རིགས་བཞིའི་མཁས་འགྲོས་བྱིན་གྱིས་བརླབས།

― JKT006_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་པར་ཀ་བོ་ཀའི་གནས་སུ་མཁའ་སྤྱོད་རྡོ་རྗེ་བཙུན་མོའི་ཞལ་ནས་གདམས་ངག་འདི་སྩལ་ཏེ་སྐལ་ལྡན་རྣམས་ལ་རྡོ་རྗེ་སེམས་དཔའི་གསེང་ལམ་སྟོན་པའི་ས་མཁན་ཆེན་པོར་གྱུར། གཞན་དག་ལས་ལམ་བསྡུས་པ་སོགས་རྩ་བ་དང་ཡན་ལག་གི་གདམས་པ་རྫོགས་པར་གསན་པས་མཆོག་དང་ཐུན་མོང་གི་དངོས་གྲུབ་བརྙེས། བོད་དུ་བྱོན་ནས་ཤར་གངས་སུ་ཡི་དམ་རྡོ་རྗེ་བཙུན་མོས་སྣོད་ལྡན་གྱི་སློབ་མར་ལུང་བསྟན་ཐོབ་པ། གཡའ་བཟང་པའི་སློབ་མ་སྣུབས་འདུལ་བ་འཛིན་པའི་དབོན་མཁར་ཆུ་རིན་པོ་ཆེ། །ཞེས་གྲགས་པ་དེས་གསོལ་བ་བཏབ་ནས་མཁའ་འགྲོ་མའི་བཀའ་རྒྱ་གྲོལ་ཏེ། གཞུང་ཐོག་མར་ཡི་གེར་བཀོད། དེ་ནས་བཟུང་སྐལ་ལྡན་ཡོངས་ལ་རྒྱ་ཆེར་སྤེལ་བ་ལས། ཁྲིད་གཉེར་བ་རྟོགས་ལྡན་ཟླ་བ་སེང་གེ་དང་དཔལ་ལྡན་སྦ་ཏྲ་པྲ། །མཁས་བཙུན་བསོད་ནམས་འོད་ཟེར། །རྣམ་དཔྱོད་མཚུངས་མེད་རྗེ་བཙུན་ཟུར་ཕུག་པ། །རིན་ཆེན་དཔལ། གཞན་ཡང་རྒྱལ་བ་རང་བྱུང་བ། སྙེ་མདོ་ཐམས་ཅད་མཁྱེན་པ་སྐུ་མཆེད། ཆག་ལོ་དབོན་པོ་སོགས་མཁས་གྲུབ་མང་དུ་བྱོན་ཅིང་། ཕྱིས་སུ་ངེས་པར་ཐམས་ཅད་མཁྱེན་པ་བུ་སྟོན་རིན་པོ་ཆེ་དང་། དཔལ་ལྡན་བླ་མ་དམ་པ་བསོད་ནམས་རྒྱལ་མཚན་སོགས་ཚད་མའི་སྐྱེས་བུ་མང་པོས་ཀྱང་འཆད་ཉན་བསྒོམ་སྒྲུབ་ཀྱིས་གཏན་ལ་ཕབ་པར་མཛད་པའི་ལམ་དྲི་མ་མེད་པ་ཡིན་ལ། སློབ་ཚོགས་རྣམས་ཀྱི་ནང་ནས་བརྒྱུད་འཛིན་ལུང་བསྟན་ཐོབ་ཕྱིར་དང་པོ་མཁར་ཆུ་རིན་པོ་ཆེ་ལས་བརྒྱུད་པ་ཉིད་མཆོག་ཏུ་གྱུར་པའོ། །དེ་ལྟར་སྒྲུབ་བརྒྱུད་ཀྱི་ལམ་སྲོལ་རྣམས་བཀའ་བབས་བརྒྱད་དུ་བསྡུས་པ་དེ་ཡང་གཙོ་ཆེ་བ་དང་། ལམ་སྲོལ་ཡོངས་སུ་རྫོགས་པའི་དབང་དུ་བྱས་པ་ཡིན་གྱི། གཞན་ལམ་སྲོལ་ཕྲན་ཚེགས་ནི་མཐའ་མ་བྱུང་། ལམ་འབྲས། ནི་གུ། བསྙེན་སྒྲུབ་རྣམས་

― JKT006_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་རྡོ་རྗེའི་ཚིག་རྐང་རྩོད་མེད་སྣང་། ནཱ་རོའི་རྡོ་རྗེའི་ཚིག་རྐང་ནི་མར་པ་དོ་པས་མཛད་པར་མཁས་གྲུབ་ཆེན་པོ་རྣམས་བཞེད་པས་དཔྱད་བྱའི་གནས་སོ། །གཏེར་བྱོན་དུ་གྲགས་ཀྱང་རྒྱུད་སྡེ་དང་མ་འབྲེལ་བ་དང་ཡི་དམ་ལུང་བསྟན་དུ། ཁས་ལེན་ཡང་རྫུན་གྱི་ཕྲེང་བ་བསྡེབས་ཐོས་བསམ་དང་སྒོམ་པ་འཆི་མེད་ཀྱི་བདུད་རྩིས་བཟུང་བའི་གཏམ་གྱི་ཨུཏྤལ་དཔྱོད་ལྡན་ཡོངས་ཀྱི་རྣ་བའི་རྒྱན་དུ་འོས་བ་འདི་ཉིད་ཀྱི་ཐོག་མར་བསྟན་བཅོས་སོ་སོའི་ལུས་རྣམ་པར་བཞག་པ་དང་མཐུན་པའི་མཆོད་བརྗོད་དང་ནས་སྨྲ་བའི་བཅོས་མའི་སྙན་བརྒྱུད་དུ་གྲགས་པ་རྣམས་ཀྱིས་མཚོན། །མདོར་ན་མཁས་གྲུབ་གོང་མའི་སྲོལ་དང་མི་མཐུན་པ། །དེ་དག་རྡོ་རྗེ་འཆང་གི་བཀའ་བརྒྱུད་མིན། །གླེང་གཞིའི་རིམ་པར་ཕྱེ་བ་སྟེ་དང་པོའོ། །གླེང་གཞིའི་སྐབས་ཀྱི་མཆན་ཆུང་རགས་པ་སོགས། མང་དུ་ཐོས་པའི་དཔྱིད་གཙུག་ལག་སྨྲ་བའི་ཉི་མའི་བློ་གྲོས་ཀྱི་སྣང་བས་ཅུང་ཟད་གསལ་བར་བྱས་པ་སྟེ། རྒྱས་པར་ལོགས་སུ་འཆད་པར་སྤྲོ་བ་ཉིད་དོ། །སརྦ་དཱ་ཀ་ལྱཱ་ཎཾ་བྷ་བ་ཏུ།། །།

བྱང་ཆུབ་སྤྱོད་པའི་སྨོན་ལམ་ཕན་བདེའི་ལྗོན་པའི་ཟིན་བྲིས།

― JKT006_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་སྤྱོད་པའི་སྨོན་ལམ་ཕན་བདེའི་ལྗོན་པའི་ཟིན་བྲིས་བཞུགས་སོ། །

― JKT006_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོཾ་སྭ་སྟི་སིདྡྷཾ། སྲས་བཅས་རྒྱལ་བ་ཐམས་ཅད་ཀྱི། །མཁྱེན་བརྩེ་ནུས་པའི་ཡོན་ཏན་ཀུན། །གཅིག་བསྡུས་འཇམ་མགོན་བླ་མ་ཡིས། །ཤིས་པའི་མེ་ཏོག་དེང་འདིར་སྩོལ། །ཅེས་ཚིག་གི་ཨུཏྤལ་སྔོན་དུ་གཏོར་ནས། འདིར་བྱང་ཆུབ་སྤྱོད་པའི་སྨོན་ལམ་ཕན་བདེའི་ལྗོན་པའི་སྐབས་སུ་གོ་དཀའ་བ་འགའ་ཞིག་ཟིན་ཐོར་བཏབ་པ་ལ། ཐོག་མར་སངས་རྒྱས་ཞེས་པ། རྒྱ་སྐད་དུ་བུདྡྷ་སྟེ། དེ་སངས་པའམ་རྒྱས་པ་གང་རུང་ལ་འཇུག་པས། ཉོན་མོངས་པ་སངས་རྒྱས་པའམ་མཁྱེན་པ་གཉིས་ཀྱི་ཡེ་ཤེས་རྒྱས་པ་ན་སངས་རྒྱས་ཞེས་བྱ། བདེན་པ་གཉིས་ལས་ཀུན་རྫོབ་བདེན་པ་ནི་འདུས་བྱས་ཀྱི་ཆོས་གཙོ་བོར་གསུངས་པ་དང་། དོན་དམ་བདེན་པ་ནི་

― JKT006_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་མ་བྱས་སྟོང་ཉིད་གནས་ལུགས་གཙོ་བོར་གསུངས་པ་རྣམས་ཏེ། དཔེར་ན་ཕར་ཕྱིན་དྲུག་ལ། མཚོན་ན་སྦྱིན་སོགས་ལྔ་ཀུན་རྫོབ་དང་། ཤེས་རབ་དོན་དམ། རྡོ་རྗེ་ཐེག་པ་བླ་མེད་ལ་མཚོན་ན། བསྐྱེད་རིམ་ཀུན་རྫོབ་དང་རྫོགས་རིམ་དོན་དམ་གྱི་བདེན་པ་ལྟ་བུའོ། ༈ །རིག་གྲོལ་གྱི་ཡོན་ཏན་དྲུག་དང་ལྡན་པ་ནི༑ ཐེག་པ་ཆེན་པོའི་དགེ་འདུན་མཐོང་ལམ་ས་དང་པོ་ཐོབ་པ་ཡན་ཆད་རྣམས་ཇི་ལྟ་བ་རིག་པ་ནི་ཆོས་ཐམས་ཅད་རང་བཞིན་གྱིས་རྣམ་པར་དག་པ་གཟིགས་པ། ཇི་སྙེད་རིག་པ་ནི་སེམས་ཅན་ཐམས་ཅད་བདེ་གཤེགས་སྙིང་པོས་ཁྱབ་པར་གཟིགས་པ། ཡེ་ཤེས་གཟིགས་པ་ནི་སོ་སོར་ཡང་དག་པར་རིག་པའི་ཡེ་ཤེས་ལ་དབང་འབྱོར་

― JKT006_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

བ། ཆགས་སྒྲིབ་ལས་གྲོལ་བ་ནི་སེམས་ཅན་ལ་བདེན་པར་འཛིན་པ་ལས་གྲོལ་བ། ཐོགས་སྒྲིབ་ལས་གྲོལ་བ་ནི་ཤེས་བྱ་ཇི་སྙེད་པ་མི་མཁྱེན་པའི་རྨོངས་པའི་བློ་ལས་གྲོལ་བ། དམན་སྒྲིབ་ལས་གྲོལ་བ་ནི་རང་དོན་ཡིད་བྱེད་ཀྱི་བསམ་པ་དང་དམན་པ་དང་འབྲས་བུ་དམན་པ་སོགས་ལས་གྲོལ་བའོ། ༈ །ཚོགས་གཉིས་ནི། འདུས་བྱས་ཀྱི་དགེ་རྩ་ཐམས་ཅད་ལ་བསོད་ནམས་ཀྱི་ཚོགས་དང་། འདུས་མ་བྱས་ཀྱི་དགེ་བའི་རྩ་བ་ཡེ་ཤེས་ཀྱི་ཚོགས་སོ། ༈ །གང་ཟག་གི་བདག་ནི་ངའོ་སྙམ་པའི་ངར་འཛིན་ལྷན་སྐྱེས་དང་། དེ་ལ་བརྟེན་ནས་ངའི་དགྲ། ངའི་གཉེན་སོགས་སྣ་ཚོགས་སུ་བསམ་པ་ནི་ང་ཡི་བའོ༑ །ཆོས་ཀྱི་བདག་ནི་ཕྱི་གཟུང་བའི་ཡུལ་དང་། ནང་འཛིན་པའི་སེམས་ལ་དངོས་པོ་དང་མཚན་མར་ཞེན་པའོ། ༈ །བཤགས་པ་ལ་སྟོབས་བཞི་གཅེས་ལ། ཚོགས་ཀྱི་ཞིང་གསལ་བཏབ་པ་སོགས་རྟེན་གྱི་སྟོབས་ཏེ་བཤགས་ཡུལ། སྔར་བྱས་ཀྱི་སྡིག་པ་ལ་ངོ་ཚ་ཞིང་སྐྱག་པས་འགྱོད་སེམས་བསྐྱེད་པར་རྣམ་པར་སུན་འབྱིན་པའི་སྟོབས། དེའི་གཉེན་པོར་བཤགས་པ་བྱ་བ་དང་། ལྷ་སྒོམ་སྔགས་བཟླས་སོགས་གཉེན་པོ་ཀུན་ཏུ་སྤྱོད་པའི་སྟོབས། དེའི་རྗེས་སུ་སྡིག་པ་དག་པའི་ངེས་ཤེས་བསྐྱེད་ནས། ཕྱིན་ཆད་སྲོག་ལ་བབ་ཀྱང་མི་བྱེད་སྙམ་དུ་དམ་བཅའ་བ་ཉེས་སྤྱོད་སྡོམ་པའི་སྟོབས་

― JKT006_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

སོ། ༈ །འགྲོ་བའི་ཁམས་ཞེས་པ་ཉོན་མོངས་པ་ཤས་ཆེ་ཆུང་སྟེ། དེ་ཡང་འདོད་ཆགས་ཤས་ཆེ་བ་འདུལ་བ། ཞེ་སྡང་ཤས་ཆེ་བ་མདོ་སྡེ། གཏི་མུག་ཤས་ཆེ་བ་མངོན་པའི་སྡེ་སྣོད། དེ་བཞིན་དུ་དབང་པོ་རྟུལ་པོ་རྣམས་ལ་ཉན་ཐོས། འབྲིང་ལ་རང་རྒྱལ། ཆེན་པོ་རྣམས་ལ་ཐེག་ཆེན། བསམ་པ་ཟབ་པ་ལ་མོས་པ་རྣམས་ལ་ལྟ་བའི་ཕྱོགས་དང་། རྒྱ་ཆེ་བ་རྣམས་ལ་ས་དང་ཕ་རོལ་ཏུ་ཕྱིན་པ་ལ་སོགས་པ་སྤྱོད་པའི་ཕྱོགས་དང་། གཉིས་ཀ་ལ་མོས་ཤིང་དབང་པོ་ཤིན་ཏུ་རྣོན་པོ་རྣམས་ལ་གསང་སྔགས་རྡོ་རྗེ་ཐེག་པའི་ཆོས་ཀྱི་འཁོར་ལོ་བསྐོར་བར་གསོལ་བ་གདབ་པའོ། ༈ །མཛད་པ་བཅུ་གཉིས་ནི། མགོན་པོ་བྱམས་པས། སྐྱེ་བ་མངོན་པར་སྐྱེ་བ་༡དང་། །དགའ་ལྡན་༢གནས་ནས་འཕོ་བ་དང་། །ལྷུམས་སུ་ཞུགས་དང་བལྟམས་༣པ་དང་། །བཟོ་ཡི་གནས་ལ་མཁས་༤ པ་དང་། །བཙུན་མོའི་འཁོར་དགྱེས་རོལ་པ་༥དང་། །ངེས་༦འབྱུང་དཀའ་བ་༧སྤྱད་པ་དང་། །བྱང་༨ཆུབ་སྙིང་པོར་གཤེགས་པ་དང་། །བདུད་སྡེ་༩འཇོམས་པར་རྫོགས་པ་ནི། །བྱང་༡༠ཆུབ་ཆོས་ཀྱི་འཁོར་༡༡ལོ་བསྐོར། །མྱ་ངན་འདས་༡༢པར་གཤེགས་མཛད་རྣམས། །ཡོངས་སུ་མ་དག་ཞིང་རྣམས་སུ། །སྲིད་པ་ཇི་སྲིད་གནས་པར་སྟོན། །ཅེས་སོ། ༈ །བསྔོ་བའི་ཡུལ་ནི་ཆོས་ཀྱི་དབྱིངས། བསྔོ་བྱ་

― JKT006_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་དུག་གསུམ་མ་འདྲེས་པའི་དགེ་རྩ། བསྔོ་བའི་འབྲས་བུ་ནི་རང་གཞན་སེམས་ཅན་ཐམས་ཅད་བླ་ན་མེད་པའི་བྱང་ཆུབ་ཐོབ་པའི་ཆེད་དུ་སྟེ། དེ་ཡང་འཁོར་གསུམ་མི་དམིགས་པའི་ཤེས་རབ་ཀྱི་རྩིས་ཟིན་པ་གཅེས་སོ། །དེ་ལ་འཁོར་གསུམ་ཡོངས་སུ་དག་པའི་བསྔོ་བ་དངོས་ནི་འཕགས་པ་ས་ཐོབ་རྣམས་ཀྱི་སྤྱོད་ཡུལ་ཡིན་ཀྱང་། རྗེས་མཐུན་སངས་རྒྱས་དང་བྱང་ཆུབ་སེམས་དཔའ་རྣམས་ཀྱིས་འཁོར་གསུམ་ཡོངས་སུ་དག་པའི་བསྔོ་བ་ཇི་ལྟར་མཛད་པ་བཞིན་དུ་བདག་གིས་ཀྱང་ཡོངས་སུ་བསྔོ་བར་བགྱིའོ་སྙམ་པའོ། །བསྔོ་སྨོན་གྱི་ཁྱད་པར་ལ། བསྔོ་བ་ནི་དགེ་བའི་རྩ་བ་སྔོན་དུ་སོང་བས་ཁྱབ་ལ། །སྨོན་ལམ་ནི་དུས་ནམ་དུའང་འདོད་པའི་འབྲས་བུ་ལ་སྨོན་པའོ། ༈ །ཡན་ལག་བདུན་པ་ནི་བསགས་སྦྱངས་སྤེལ་གསུམ་གྱི་གནད་བསྡུས་པ་སྟེ། ཕྱག་འཚལ། མཆོད་འབུལ། ཆོས་འཁོར་བསྐུལ་བ༑ མྱ་ངན་ལས་མི་འདའ་བར་གསོལ་བ་འདེབས་པ་རྣམས་ནི་ཚོགས་བསགས། བཤགས་པ། སྒྲིབ་སྦྱངས། རྗེས་སུ་ཡི་རང་བ་དང་། བསྔོ་བ་ནི་དགེ་བའི་རྩ་བ་གོང་ནས་གོང་དུ་སྤེལ་བའི་ཐབས་ཁྱད་པར་ཅན་ཏེ། དེ་ལྟ་བུའི་ལམ་ལ་བརྟེན་ནས་རང་རྒྱུད་བསོད་ནམས་ཀྱི་ཚོགས་རླབས་པོ་ཆེ་དང་ལྡན་པར་བྱས་ནས། སྨོན་ལམ་དངོས་ལ་འཇུག་པས་གེགས་མེད་ཅིང་མྱུར་དུ་འགྲུབ་པ་སོགས་དགོས་

― JKT006_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

པ་མཐའ་ཀླས་སོ། ༈ །སྨོན་ལམ་དངོས་ནི། འདི་ལྟར་དལ་འབྱོར་རྙེད་དཀའ་དྲན་ནས་དམ་པའི་ཆོས་ལ་བློ་ཐོག་མར་ཕྱོགས་པ་ནས་བཟུང་སྟེ། སངས་རྒྱས་ཀྱི་གོ་འཕང་ཐོབ་པའི་རང་འབྲས་འགྲོ་བའི་དོན་འབད་རྩོལ་མི་མངའ་བར་འབྱུང་བའི་བར་གྱི་ཐེག་པ་ཆེན་པོའི་ལམ་དང་འབྲས་བུའི་ཆོས་ཐམས་ཅད་ཡོངས་སུ་རྫོགས་པ་བརྗོད་བྱར་བྱས་པ་སྟེ། དེ་ཡང་དལ་འབྱོར་རྙེད་དཀའ་བསམ་པ་ལའང་། རྙེད་པར་དཀའ་བ་བསམ་པ་དང་། ཕན་འདོགས་ཆེ་བར་བསམ་པའོ། །དང་པོ་ལའང་། རྒྱུ། གྲངས། དཔེ། ངོ་བོའི་སྒོ་ནས་རྙེད་པར་དཀའ་བའི་ཚུལ་ལོ། །དང་པོ་ནི། །དལ་འབྱོར་གྱི་རྟེན་ཐོབ་པའི་རྒྱུ་ཚུལ་ཁྲིམས་རྣམ་པར་དག་པ་ལ་རག་ལས་ཀྱང་། དེ་སྲུང་མཁན་ཉིན་སྐར་ལས་ཀྱང་དཀོན་པས་འབྲས་བུ་དལ་འབྱོར་ཐོབ་པའང་དཀོན་ནོ། །གཉིས་པ་ནི། མདོ་ལས། དམྱལ་བ་ནི་ས་ཆེན་པོའི་རྡུལ་ཙམ་མོ། །ཡི་དྭགས་ནི་ཁ་བ་བུ་ཡུག་འཚུབས་པ་ཙམ་མོ། །དུད་འགྲོ་ནི་ཆང་ངར་མའི་སྦང་མ་ཙམ་མོ། །མི་ནི་སེན་མོའི་སྟེང་གི་རྡུལ་ཙམ་མོ། །ཞེས་སོགས་རྒྱ་ཆེར་གསུངས༑ གསུམ་པ་ནི། སྤྱོད་འཇུག་ལས། དེ་ཉིད་ཕྱིར་ན་བཅོམ་ལྡན་གྱིས། །རྒྱ་མཚོ་ཆེར་གཡེངས་གཉའ་ཤིང་གི། །བུ་གར་རུས་སྦལ་མགྲིན་ཆུད་ལྟར། །མི་ཉིད་ཤིན་ཏུ་ཐོབ་དཀའ་

― JKT006_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས། །ཞེས་གསུངས་པ་ལྟ་བུའོ། །བཞི་པ་ནི། ངོ་བོ་དལ་བ་བརྒྱད་དང་། ཁྱད་པར་འབྱོར་པ་བཅུ་མཐའ་དག་མ་ཚང་ན་དལ་འབྱོར་གྱི་ལུས་ཞེས་གདགས་སུ་མི་རུང་བས། དེ་ཚང་བ་ཤིན་ཏུ་དཀོན་ནོ། །དེ་ལ་དལ་བ་བརྒྱད་ནི། མི་ཁོམ་པ་བརྒྱད་དུ་མ་སྐྱེས་པས་ཆོས་བྱེད་དུ་ཁོམ་པའི་ཕྱིར་དལ་བ་ཞེས་བྱ། མི་ཁོམ་པ་བརྒྱད་ནི། དམྱལ་༡བ་ཡི་དྭགས་༢དུད་༣འགྲོ་དང་། །ཚེ་རིང་ལྷ་དང་ཀླ་ཀློ་དང་། །ལོག་༦ལྟ་སངས་རྒྱས་ཀྱིས་༧སྟོངས་པ། །ལྐུགས་རཔ་འདི་དག་མི་ཁོམ་བརྒྱད། །ཅེས་སྔ་མ་བཞི་ལ་མི་མ་ཡིན་པའི་མི་ཁོམ་པ་བཞི་དང་། ཕྱི་མ་བཞི་ལ་མིར་གྱུར་པའི་མི་ཁོམ་པ་བཞི་ཞེས་བྱའོ། །འབྱོར་པ་བཅུ་ནི། མི་ཉིད་༡དབུས་༢སྐྱེས་དབང་༣པོ་ཚང་། །ལས་མཐའ་༤མ་ལོག་བསྟན་༥ལ་དད། །ཅེས་རང་འབྱོར་ལྔ་དང་། སངས་རྒྱས་བྱོན་༦དང་དེས་ཆོས་གསུངས༧། བསྟན་པ་གནས་རདང་དེ་རྗེས་༩འཇུག །གཞན་ཕྱིར་སྙིང་༡༠ནི་བརྩེ་བའོ། །ཞེས་གཞན་འབྱོར་ལྔ་སྟེ་བཅུའོ། །གཉིས་པ་དེ་ལྟ་བུའི་དལ་འབྱོར་གྱི་རྟེན་དེ་རྙེད་ན། ཚེ་འདིའི་བདེ་བ་དང་། ཚེ་ཕྱི་མའི་མཐོ་རིས་དང་། ཐེག་པ་འོག་མ་མྱང་འདས་དང་། བླ་ན་མེད་པའི་བྱང་ཆུབ་ཀྱང་བསྒྲུབ་པར་ནུས་པའི་ཕྱིར་ཡིད་བཞིན་གྱི་ནོར་བུ་རྙེད་པ་ལས་ཀྱང་ཆེས་ཁྱད་པར་དུ་འཕགས་པས་ན། སློབ་དཔོན་ཞི་བ་

― JKT006_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷས། དལ་འབྱོར་འདི་ནི་ཤིན་ཏུ་རྙེད་པར་དཀའ། སྐྱེས་བུའི་དོན་འགྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་བསྒྲུབ་ན། །ཕྱིས་འདི་ཡང་དག་འབྱོར་པ་ག་ལ་འགྱུར། །ཞེས་གསུངས་པ་ལྟར། ད་རེས་དལ་འབྱོར་གྱི་རྟེན་ཁྱད་པར་ཅན་འདི་རྙེད་པའི་སྐབས་སུ་སྙིང་པོ་ལེན་པའི་དམ་པའི་ཆོས་རྣམ་པར་དག་པ་ལ་འབད་དགོས་ཤིང་། དེ་ཡང་ལམ་ཚུལ་བཞིན་དུ་སྟོན་པའི་དགེ་བའི་བཤེས་གཉེན་ལ་རག་ལས་པས། ཐོག་མ་ཁོ་ནར་མཚན་ཉིད་ལྡན་པའི་བླ་མ་དམ་པ་བསམ་པ་དང་། སྦྱོར་བ་གཉིས་ཀྱི་སྒོ་ནས་གུས་པས་བསྟེན། མཉེས་པ་གསུམ་དང་། རབ་སྒྲུབ་པ། འབྲིང་མོས་གུས༑ ཐ་མ་ཟང་ཟིང་། ལུས་ངག་ཡིད་གསུམ་ལོངས་སྤྱོད་དང་བཅས་དོན་ཡོད་རྣམ་པ་བཞིའི་སྒོ་ནས་མཉེས་པར་བྱས་ཏེ། ཐོས་བསམ་སྒོམ་གསུམ་ལ་རིམ་བཞིན་དུ་འབད་པས་རང་དོན་ཚགས་སུ་ཚུད་ནས། སླར་ཡང་འཆད་རྩོད་རྩོམ་གསུམ་གྱི་སྒོ་ནས་རྒྱལ་བའི་བསྟན་པ་ལ་བྱ་བ་བྱེད་ནུས་པའི་བར་དུ་བསླབ་པར་བྱའོ། ༈ །ཚེ་མི་རྟག་པར་བསམ་པ་ནི། དེ་ལྟ་བུའི་དལ་འབྱོར་རྟེན་གྱི་ཕུན་སུམ་ཚོགས་པ་ཐོབ་ཏུ་ཟིན་ཀྱང་། མདོ་རྒྱ་ཆེ་རོལ་པ་ལས། སྲིད་གསུམ་མི་རྟག་སྟོན་ཀའི་སྤྲིན་དང་འདྲ། འགྲོ་བའི་སྐྱེ་འཆི་གར་ལ་ལྟ་དང་མཚུངས། །སྐྱེས་བུའི་ཚེ་འགྲོ་ནམ་མཁའི་གློག་འདྲ་སྟེ། །རི་གཟར་འབབ་ཆུ་

― JKT006_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་དུ་མྱུར་མགྱོགས་འགྲོ། །ཞེས་གསུངས་པ་ལྟར། ཕྱི་སྣོད་ནང་བཅུད་དུས་བཞི་དགྲ་གཉེན་བར་མའི་འགྱུར་ལྡོག་སོགས་གང་བསམས་ཀྱང་ངེས་པར་༡འཆི། ཚེ་ཚད་ངེས་པ་མེད་ཅིང་། འཆི་བའི་རྐྱེན་མང་། གསོན་པའི་རྐྱེན་ཉུང་བས་ནམ་འཆི་ཆ་མེད། ཤི་བའི་ཚེ་ཟས་ནོར། གཉེན་འཁོར། ཁ་དྲག་སྟོབས་འབྱོར་སོགས་གང་ཡང་རྗེས་སུ་མི་འབྲང་ཞིང་། ཕན་པ་དམ་པའི་ཆོས་མ་གཏོགས་མེད་པས་ན། ངེས་པར་མྱུར་དུ་དམ་པའི་ཆོས་ཁོ་ན་བསྒྲུབ་པའི་བློ་བསྐྱེད། ༈ །ལས་རྒྱུ་འབྲས་བསམ་པ་ནི། ཤི་ནས་མེད་དུ་མི་འགྲོ་བར་ལས་ཁོ་ནའི་རྗེས་སུ་འབྲངས་ཏེ། དེའི་འབྲས་བུ་ལ་ལོངས་སྤྱོད་པའི་ཚུལ། རྒྱལ་པོ་ལ་གདམས་པའི་མདོ་ལས། དུས་ཀྱིས་ཉེན་ཏེ་རྒྱལ་པོ་འགྲོ་འགྱུར་ན། །ལོངས་སྤྱོད་མཛའ་དང་གཉེན་བཤེས་རྗེས་མི་འབྲངས། །སྐྱེས་བུ་དག་ནི་གང་ནས་གར་འགྲོ་ཡང་། །ལས་ནི་ལུས་དང་གྲིབ་མ་བཞིན་དུ་འབྲངས། །ཞེས་གསུངས། དེས་ན་མི་དགེ་བའི་ལས་༡༠བསམ། དེའི་འབྲས་བུ་བསམ། དགེ་མི་དགེ་རེ་རེ་ལའང་། རྣམ་སྨིན། བདག་པོ། དབང་། སྐྱེས་བུ་བྱེད་པའི་འབྲས་བུ། དེ་སྤོང་བར་བསམ། དགེ་བའི་ལས་བསམ། དེའི་འབྲས་བུ་བསམ། དེ་སྒྲུབ་པར་བསམ། ལུང་མ་བསྟན་གྱི་ལས་བསམ། དེའི་འབྲས་བུ་མེད་པར་བསམ། དེས་ན་དེ་དགེ་བ་ལ་

― JKT006_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྱུར་བའི་ཚུལ་བསམ་པ་རྣམས་ཀྱིས་སྤང་བླང་ཚུལ་བཞིན་དུ་བྱ། མི་དགེ་བ་བཅུ་ལ་གཞི་བསམ་སྦྱོར་མཐར་ཐུག་བཞི་ཚང་དགོས་མི་དགོས་དབྱེ་བ་ནི། ལུས་ཀྱི་མི་དགེ་བ་གསུམ་ལ་ནི། །རྣམ་པ་ཀུན་ཏུ་ཡན་ལག་བཞི་ཀ་ཚང་དགོས་ལ། ངག་གི་མི་དགེ་བ་ལས། རྫུན་ནི་ཡན་ལག་བཞི་དང་། ཕྲ་མ་དང་ཚིག་རྩུབ་ནི། གཞི། སྦྱོར་བ། མཐར་ཐུག་གསུམ་དང་། ངག་འཁྱལ་ནི་བསམ་པ་དང་། སྦྱོར་བ་སྟེ་ཡན་ལག་གཉིས་ཀྱིས་རྫོགས་པར་འགྱུར་རོ། །ཡིད་ཀྱི་གཞི་གསུམ་ནི་གཞི་དང་། བསམ་པ་གཉིས་ཁོ་ནས་རྫོགས་པར་འགྱུར་བའོ། ༈ །མི་དགེ་བའི་ལས་བཅུ་ལས་གཞན་གོ་སླ་ཞིང་། རྫུན་སྨྲ་བ་ནི། ཕ་རོལ་པོ་དེ་ཉིད་བསླུ་བའི་བསམ་པས་མི་བདེན་པར་སྨྲ་བ། ངག་འཁྱལ་ནི། ངག་གི་མི་དགེ་བ་གསུམ་ལས་གཞན་པའི་ཆགས་སྡང་རྨོངས་གསུམ་བསྐྱེད་པའི་དོན་མེད་ཀྱི་གཏམ་སྣ་ཚོགས། ལོག་ལྟ་དངོས་ནི་རྟག་ཆད་ཀྱི་ལྟ་བ། རྗེས་མཐུན་སྒྲོ་འདོགས་དང་སྐུར་འདེབས་སོ། །དེ་ལྟར་མི་དགེ་བ་བཅུའི་ལས་ཀྱི་ལམ་ངོ་ཤེས་ནས། དེའི་རྣམ་སྨིན་གྱི་འབྲས་བུ་ནི་ངན་སོང་གསུམ་དང་། རྒྱུ་མཐུན་ལ་གཉིས་ལས་མྱོང་བ་རྒྱུ་མཐུན་གྱི་འབྲས་བུར་མི་དགེ་བ་བཅུར་རིམ་པ་བཞིན། ཚེ་ཐུང་༡ལོངས་སྤྱོད་དབུལ་༢བ་དང་། །ཁྱིམ་༣ཐབས་དགྲར་བཅས་སྐུར་༤པ་མང་། །

― JKT006_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

བཤེས་༥འབྲལ་ཚིག་མི་སྙན་༦པ་ཐོས། །ཚིག་༧མི་བཙུན་དང་རེ་བ་འཇོམས། །རྟག་ཏུ་༩འཇིགས་བཅས་ལྟ་༡ངན་འཕྲད། །ཅེས་སོ། །བྱེད་པ་རྒྱུ་མཐུན་ནམ་སྐྱེས་བུས་བྱེད་པའི་འབྲས་བུར། མི་དགེ་བ་གང་གོམས་པ་དེ་ལ་ཚེ་རབས་ཀུན་ཏུ་རང་བཞིན་གྱིས་སྤྲོ་བ། བདག་པོའི་འབྲས་བུར། ས་ཕྱོགས་༡གཟི་ཆུང་སེར་ཆར་༢མང་། །རྡུལ་༣འཁྲིགས་དྲི་ང་༤མཐོ་དམན་༥ཅན། །ཚ་སྒོ་༦ཅན་སོགས་དུས་ལོག་༧དང་། །འབྲས་བུ་ཕྲ་ཁ་༩ཆུང་དུའང་༡༠མེད། །ཅེས་སོ་སོར་སྨིན་པས་མཚོན་རྣམ་པ་ཀུན་ཏུ་སྡུག་བསྔལ་གྱི་རྒྱུར་འགྱུར་བས་སྤོང་བ་ལ་བསླབ་པ་དང་། དེའི་སྤོང་བ་ནི་དགེ་བ་བཅུ་སྟེ། དེའི་རྣམ་སྨིན་གྱི་འབྲས་བུ་མཐོ་རིས་གསུམ་དང་། རྒྱུ་མཐུན་གྱི་འབྲས་བུ་སོགས་སྔ་མ་ལས་ལྡོག་སྟེ་འབྱུང་བའི་ཚུལ་ཤེས་པར་བྱས་ནས་དང་དུ་བླངས། འགྲོ་འཆག་ཉལ་འདུག་སོགས་ལུང་མ་བསྟན་གྱི་ལས་རྣམས་སྤྱོད་ཡུལ་ཡོངས་སུ་དག་པའི་མདོ་སྡེ་ལྟར་དགེ་བའི་ཕྱོགས་སུ་བསྒྱུར་བ་ལ་བསླབ་པར་བྱའོ། །གཞན་ཡང་ལས་ལ་དབྱེ་ན། བྱས་ལ་མ་བསགས་པའི་ལས་དང་། བྱས་ཤིང་བསབ།ས་པའི་ལས་གཉིས། སེམས་པའི་ལས་དང་བསམ་པའི་ལས་གཉིས། འཕེན་བྱེད་ཀྱི་ལས་དང་རྫོགས་བྱེད་ཀྱི་ལས་གཉིས། བསོད་ནམས་དང་། བསོད་ནམས་མ་ཡིན་པ་དང་། མི་གཡོ་བའི་

― JKT006_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་གསུམ། ལས་དཀར་རྣམ་སྨིན་ནག་པ། ལས་ནག་རྣམ་སྨིན་དཀར་བ། གཉིས་ཀ་དཀར་བ། གཉིས་ཀ་ནག་པ་སྟེ་མུ་བཞི། བྱེ་བྲག་ཏུ་དགེ་བའི་ལས་ལའང་། མཐོ་རིས་ལ་དམིགས་པ་བསོད་ནམས་ཆ་མཐུན་དང་། མྱང་འདས་ལ་དམིགས་པ་ཐར་པ་ཆ་མཐུན་གཉིས་སོ། །ལས་དེ་དག་སྟོབས་ཆེ་ཆུང་གི་དབྱེ་བའང་། རྟག་ཏུ་༡བྱེད་པ་དང་། མངོན་པར་ཞེན་༢པ་དང་། གཉེན་པོ་མེད་པ་༣དང་། ཡོན་ཏན་གྱི་ཞིང་མཁན་སློབ་སོགས་དང་། ཕན་འདོགས་ཀྱི་ཡུལ་༥ཕ་མ་སོགས་ལ་བསྟེན་པ་རྣམས་ནི་ཆེ། དེ་ལས་ལྡོག་པ་ནི་ཆུང་ངོ་། །སྟོབས་ཆེ་ཆུང་ལ་བརྟན་ནས་འབྲས་བུ་མྱོང་ཚུལ་ཡང་། མཐོང་ཆོས་མྱོང་འགྱུར། སྐྱེས་ནས་མྱོང་འགྱུར། ལན་གྲངས་གཞན་ལ་མྱོང་འགྱུར་སོགས་ཀྱང་ཁོང་དུ་ཆུད་པར་བྱའོ། ༈ །འཁོར་བའི་ཉེས་དམིགས་བསམ་པ་ནི། དེ་ལྟར་ལས་ཀྱི་འབྲས་བུ་འཁོར་བ་མཐོ་དམན་གང་དུ་སྐྱེས་ཀྱང་སྡུག་བསྔལ་གྱི་རང་བཞིན་ལས་མ་འདས་པའི་ཚུལ། འདུལ་བ་ལུང་ལས། སྲིད་སྲིད་མ་རིག་དབང་གིས་སྐྱེ་བོ་རྣམས། །མི་དང་ལྷ་དང་ངན་སོང་རྣམ་།གསུམ་པོ། །འགྲོ་བ་ལྔ་པོ་དག་ཏུ་མི་མཁས་འཁོར། །དཔེར་ན་རྫ་མཁན་འཕང་ལོ་འཁོར་བ་བཞིན། །སྲིད་གསུམ་རྒ་དང་ནད་ཀྱི་སྡུག་བསྔལ་འབར། །འདི་ན་འཆི་མེད་རབ་འབར་མགོན་མེད་དེ། །

― JKT006_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

སྲིད་ལས་བྱུང་བ་འགྲོ་བ་རྟག་ཏུ་རྨོངས། །བུམ་པར་ཆུད་པའི་བུང་བ་འཁོར་བ་བཞིན། །ཞེས་གསུངས་ཏེ། དེ་ཡང་ངན་སོང་གསུམ་ནི་སྡུག་བསྔལ་གྱི་སྡུག་བསྔལ། མི་དང་། ལྷ་མ་ཡིན་དང་། །འདོད་ཁམས་ཀྱི་ལྷ་རྣམས་ཀྱི་གཙོ་བོར་འགྱུར་བའི་སྡུག་བསྔལ་དང་། གཟུགས་ཁམས་དང་གཟུགས་མེད་ཀྱི་ཁམས་ནི་ཁྱབ་པ་འདུ་བྱེད་ཀྱི་སྡུག་བསྔལ་ལས་མ་འདས། དེའི་དང་པོ་དམྱལ་བའང་། ཆུ་༡བུར་ཆུ་བུར་བརྡོལ་བ་དང་། །ཨ་ཆུ་༣ཀྱི་ཧུད་༤སོ་ཐམ་(དང་། །ཨུཏྤལ་༦པདྨ་༧པད་ཆེ་རིགས། །ཞེས་གྲང་དམྱལ་བརྒྱད་དང་། ཡང་སོས་༡ཐིག་ནག་༢བསྡུས་འཇོམས་༣དང་། །ངུ་འབོད་༤ ངུ་འབོད་ཆེན་པོ་(དང་། །ཚ་བ༦རབ་ཚ་༧མནར་རམེད་བརྒྱད། །ཅེས་ཚ་དམྱལ་བརྒྱད་དང་། དེའི་ཕྱོགས་བཞིར། མེ་༡མ་མུར་དང་རོ་མྱགས་༢འདམ། །སྤུ་གྲིའི་ལམ་༣སོགས་ཆུ་བོ་༤ ཡིན། །ཅེས་བཞི་དང་། དེ་སྟེང་རལ་གྲིའི་ལོ་མའི་ནགས་ཚལ་དང་། །ཤལ་མ་ལིའི་རི་བོ་སྟེ་དྲུག་ནི་ཉེ་འཁོར་བའོ། །གཞན་ཉི་ཚེ་བའི་བྱེ་བྲག་བསམ་གྱིས་མི་ཁྱབ་པ་རྣམས་སོ། །ཡི་དྭགས་ལ་བྱིངས་ན་གནས་པ་དང་། མཁའ་ལ་རྒྱུ་བ་གཉིས། དང་པོ་ལའང་ཕྱིའི་སྒྲིབ་པ་ཅན་སོགས་གསུམ་སྟེ། སེམས་ཉིད་ངལ་གསོའི་དོན་ཁྲིད་ལས། ཕྱིའི་སྒྲིབ་པ་ཅན་ནི་ལུས་རིད་ཅིང་ཡན་ལག་ཕྲ་བ་བཟའ་བཏུང་གི་སྒྲ་མི་

― JKT006_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོས་ཤིང་། རྟག་ཏུ་བཀྲེས་སྐོམ་གྱིས་གདུང་བ། གཞན་གྱིས་འཚེ་ཞིང་ཡིད་དུ་མི་འོང་བ། རྒྱ་མཚོ་དང་ནགས་འདབས་སོགས་མཐོང་ཡང་མཐོང་མ་ཐག་སྐམ་པའོ། །ནང་གི་སྒྲིབ་པ་ཅན་ནི། །གློ་སྙིང་ནས་མེ་འབར་བ། ཁ་སྣ་ནས་དུ་བ་འཐུལ་བའོ། །སྒོས་ཁུར་གྱི་སྒྲིབ་པ་ཅན་ནི། །ཡི་དྭགས་རེ་རེའི་ལུས་ལ་མང་པོ་གནས་བཅས་ནས། དེའི་ཁྲག་དང་ཤ་ལ་ཟ་བར་སྣང་བས་སྡུག་བསྔལ་བའོ༑ །ཞེས་གསུངས་ཤིང་། གཞན་ཡང་འདི་ལ་བཞེད་པ་འདྲ་མིན་མང་པོ་སྣང་ངོ་། །དུད་འགྲོ་བྱིངས་གནས་དང་། ཁ་འཐོར་བ་གཉིས། མི་ནི་གླིང་བཞིར་གཏོགས་པའི་འགྲོ་བ་རྣམས་ཏེ། དེ་ལའང་རྩ་བའི་སྡུག་བསྔལ། སྡུག་བསྔལ་གྱི་སྡུག་བསྔལ། འགྱུར་བ་དང་། ཁྱབ་པ་འདུ་བྱེད་ཀྱི་སྡུག་བསྔལ་གསུམ། ཁྱད་པར་སྐྱེ་རྒ་ན་འཆི་བཞི། བྱེ་བྲག་ཏུ། དགྲ་སྡང་༡འཕྲད་ཅིང་གཉེན་དང་འབྲལ་༢། །འདོད་པ་མི་འགྲུབ་༣མི་འདོད་༤ འབྱུང་། །ཞེས་ཡན་ལག་གི་སྡུག་བསྔལ་བཞི་སོགས་སོ། །ལྷ་མ་ཡིན་རྣམས་ལ། དུས་རྟག་ཏུ་ལྷའི་དཔལ་འབྱོར་ལ་སྡང་བའི་ཕྲག་དོག་གིས་ལུས་སེམས་བདེ་བར་སྐད་ཅིག་ཀྱང་མི་གནས་པ་དང་། འདོད་ཁམས་པའི་ལྷ་རྣམས་ལ། བཤེས་སྤྲིངས་ལས། ལུས་ཀྱི་ཁ་དོག་མི་སྡུག་གྱུར་པ་དང་། །སྟན་ལ་མི་དགའ་༢མེ་ཏོག་ཕྲེང་༣རྙིང་དང་། །གོས་ལ་དྲི་

― JKT006_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཆགས་༤ དང་ལུས་ལ་ནི། །སྔོན་ཆད་མེད་པའི་རྡུལ་(འབྱུང་ཞེས་བྱ་བ། །མཐོ་རིས་འཆི་འཕོ་སྤྲོན་བྱེད་སྔ་ལྟས་ལྔ། ཞེས་པ་ལྟར་འཆི་འཕོ་ལྟུང་བའི་སྡུག་བསྔལ་ཡུན་རིང་དུ་མྱོང་བ་དང་། གཟུགས་། དང་གཟུགས་མེད་ཀྱི་ཁམས་རྣམས་ཟག་བཅས་ཀྱི་དགེ་བའི་འཕེན་ཤུགས་རྫོགས་ནས་སླར་ཡང་ངན་སོང་དུ་ལྟུང་བ་སོགས་སྡུག་བསྔལ་བསམ་གྱིས་མི་ཁྱབ་པའི་ཚུལ་ཤེས་ནས། ཐར་པའི་གོ་འཕང་བསྒྲུབ་འདོད་ཀྱི་བློ་བཅོས་མིན་དུ་བསྐྱེད་པར་བྱའོ། ༈ །དེ་ལྟར་ཐར་པ་དོན་དུ་གཉེར་ནས། དམ་པའི་ཆོས་སྒྲུབ་པ་ལའང་། འགལ་རྐྱེན་བདུད་བཞི་དང་བྲལ་ཞིང་། མཐུན་རྐྱེན་དག་པ་ལྔ་ཚང་བ་ཞིག་དགོས་པའི་ཚུལ་འགྲེལ་པར་གསལ་བ་ལྟར་ལ། ཉོན་མོངས་པའི་བདུད་ཀྱི་གཉེན་པོར་རང་རྒྱུད་ཀྱི་ཉོན་མོངས་པ་ཤས་གང་ཆེ་བ་རྟགས་ནས་དེ་ཉིད་འབུར་འཇོམས་སུ་བྱེད་པ་དང་། ཕུང་པོའི་བདུད་ནི་གཉེན་པོ་གཟུང་འཛིན་གྱི་ཞེན་པ་སྤོང་བ་དང་། ལྷའི་བུའི་བདུད་ཀྱི་གཉེན་པོར་ཅིས་ཀྱང་དགོས་མེད་ཀྱི་བློ་སྣ་བསྟུང་བ་དང་། འཆི་བདག་གི་བདུད་ཀྱི་གཉེན་པོར་ཕྱི་ནང་གི་འཆི་བ་བསླུ་བའི་ཐབས་སོགས་ལ་འབད་པར་བྱ་བའི་ཚུལ་ཡང་ཤེས་དགོས་སོ། །དེ་ཡན་ཆད་ལ་ཕྱག་རྫོགས་ཀྱི་ཁྲིད་ཕལ་ཆེར་དུ་ཚེ་འདི་ལ་མངོན་པར་ཞེན་པ་ལ་བློ་ལྡོག་པའི་ཐབས་དལ་འབྱོར་རྙེད་དཀའ་དང་། ལེ་ལོ་

― JKT006_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྙོམ་ལས་ལས་བློ་ལྡོག་པའི་ཐབས་འཆི་བ་མི་རྟག་པ། དལ་འབྱོར་དོན་མེད་དུ་བྱེད་པ་ལས་བློ་ལྡོག་པའི་ཐབས་ལས་རྒྱུ་འབྲས། སྲིད་པ་ལ་བདེ་བར་འཛིན་པ་ལས་བློ་ལྡོག་པའི་ཐབས་འཁོར་བའི་ཉེས་དམིགས་བསྒོམ་པའི་ཚུལ་ཏེ། ཐུན་མོང་གི་སྔོན་འགྲོ་བློ་ལྡོག་རྣམ་པ་བཞི་ཞེས་གསུངས་པ་དང་། ལམ་འབྲས་ཀྱི་སྔོན་འགྲོ་སྣང་གསུམ་ལས། མ་དག་པའི་སྣང་བར་ཡིད་འབྱུང་བསྐྱེད་པར་འཁོར་བའི་ཉེས་དམིགས་ཀྱི་ཁྲིད་དང་། བརྩོན་འགྲུས་རྩོམ་པ་དལ་འབྱོར་རྙེད་དཀའ་ཞིང་འཇིག་པར་སླ་བའི་ཁྲིད་དང་། བླང་དོར་སྟོན་པ་དཀར་ནག་ལས་འབྲས་ཀྱི་ཁྲིད་རྣམས་དང་། ལམ་རིམ་ལྟ་བུ་ལ་མཚོན་ན། སྐྱེས་བུ་ཆུང་ངུ་དང་། སྐྱེས་བུ་འབྲིང་པོའི་ལམ་གྱི་དོན་ཕལ་ཆེར་ཚང་བ་ཡིན་ནོ། ༈ །དེ་ནས་ལམ་དངོས་ཉམས་སུ་ལེན་པ་ལ། ལམ་གྱི་རྩ་བ་སྐྱབས་འགྲོ་ལ། ཐེག་པ་ཆེ་ཆུང་གཉིས་ལས། འདིར་ཐེག་པ་ཆེན་པོའི་དབང་དུ་བྱས་ཏེ། རྒྱུ་༡ཡུལ་༢གང་ཟག་༣ཚུལ་འབྲས་བུས། །བསླབ་༦བྱ་རྣམ་པ་དྲུག་ཡིན་ནོ། །ཞེས་པས། དང་པོ་རྒྱུ་ནི། རང་ཉིད་འཁོར་བ་ལ་འཇིགས་པ་དང་༑ དཀོན་མཆོག་གི་ཡོན་ཏན་ལ་དད་པ་དང་། གཞན་སེམས་ཅན་ཐམས་ཅད་ལ་དམིགས་པའི་སྙིང་རྗེ་སྟེ་གསུམ་མོ། །ཡུལ་ནི། སངས་རྒྱས་སྐུ་གསུམ་གྱི་བདག་ཉིད། ཆོས་ཐེག་པ་ཆེན་པོའི་སྡེ་

― JKT006_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

སྣོད། དགེ་འདུན་རིག་གྲོལ་གྱི་ཡོན་ཏན་གཉིས་ལྡན་ནོ། །གང་ཟག་ནི། རང་གིས་ཐོག་དྲངས་པའི་སེམས་ཅན་ཐམས་ཅད། ཚུལ་ནི་སངས་རྒྱས་ལ་སྟོན་པ། ཆོས་ལ་ལམ། དགེ་འདུན་ལ་ལམ་སྒྲུབ་པའི་གྲོགས་ཀྱི་ཚུལ་གྱིས་འདི་ནས་བྱང་ཆུབ་བར་སྐྱབས་སུ་འགྲོ་བ། འབྲས་བུ་ནི། གནས་སྐབས་སུ་ལམ་ལོག་པ་ལས་ཁྱད་པར་དུ་འགྱུར་བ། སྡོམ་པ་ཀུན་གྱི་གཞི་རྟེན་དུ་འགྱུར་བ། འདི་ཕྱི་ཀུན་ཏུ་བདེ་ལེགས་ཀྱི་གོ་འཕང་འགྲུབ་པ་སོགས་དང་། མཐར་ཐུག་སྐྱབས་ཡུལ་གྱི་ཡོན་ཏན་རང་ཉིད་ཀྱིས་ཐོབ་པར་འགྱུར་བ་སོགས་མཐའ་ཡས། བསླབ་བྱ་ལ། སྤང་བྱ་གསུམ་ནི། འཇིག་རྟེན་པའི་ལྷ་ལ་སྐྱབས་འགྲོ། སེམས་ཅན་ལ་གནོད་འཚེ། གྲོགས་མུ་སྟེགས་ཅན་དང་འགྲོགས་པ་རྣམས་སྤང་ངོ་། །བསླབ་བྱ་གསུམ་ནི། སངས་རྒྱས་ཀྱི་སྐུའི་རྟེན་སཱཙྪའི་ཆག་དུམ་ཙམ་དང་། ཆོས་ཀྱི་རྟེན་ཡིག་འབྲུ་གཅིག་ཙམ་དང་། དགེ་འདུན་གྱི་གཟུགས་བརྙན་ལྷན་པ་སེར་པོ་བཏབ་པ་ཡན་ལ་དཀོན་མཆོག་དེ་དང་དེ་ཡི་འདུ་ཤེས་བཞག་ནས་གུས་པ་བྱ། ཆ་མཐུན་གསུམ་ནི། སྐྱེས་བུ་དམ་པ་བརྟེན་པ། དམ་པའི་ཆོས་ཉན་པ། དགེ་འདུན་དང་རྗེས་སུ་མཐུན་པར་བསྒྲུབ་པ་རྣམས་སོ། །གཞན་ཡང་ཅི་ཟ་ཅི་འཐུང་གི་ཕུད་ཀྱིས་དཀོན་མཆོག་མཆོད་པ། ཉིན་མཚན་དུས་དྲུག་ཏུ་སྐྱབས་སུ་འགྲོ་

― JKT006_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ལ་བརྩོན་པ་སོགས་བྱའོ། ༈ །དེ་ནས་ཐེག་པ་ཆེན་པོའི་ལམ་གྱི་རྩ་བ་བྱང་ཆུབ་མཆོག་ཏུ་སེམས་བསྐྱེད་པ་ལ་སྨོན་པ་དང་། འཇུག་པ་གཉིས་ལས། དང་པོ་ནི། གཞན་དོན་དུ་སངས་རྒྱས་ཐོབ་པར་འདོད་པ་དང་། ཕྱི་མ་ནི། དེའི་ཆེད་དུ་ལམ་ལ་བསླབ་པའོ། །དེ་ཡང་རྒྱུ་༦འབྲས་༡མན་ངག་བདུན་གྱི་སྒོ་ནས་ཉམས་སུ་བླངས་ཏེ། ཐོག་མར་སེམས་ཅན་ཐམས་ཅད་ལ་ཉེ་རིང་ཆགས་སྡང་དང་བྲལ་བའི་སེམས་བཏང་སྙོམས་པ་ཡུན་རིང་དུ་བསྒོམ་རྗེས། དེ་རྣམས་རང་གི་སྐྱེ་བ་སྔ་མར་ཡང་ཡང་དུ་མར་གྱུར་པའི་ཚུལ་ཤེས་པ་དང་། དེའི་དུས་སུ་ཕན་བཏགས་ཤིང་གནོད་པ་ལས་བསྐྱབས་པའི་དྲིན་དྲན་པ་དང་། དྲིན་ལན་འཇལ་འདོད་ཀྱི་བློ་བསྐྱེད་ནས་ཕན་བདེ་བསྒྲུབ་པ་དམ་བཅའ་༣བ་དང་། བདེ་བ་རྒྱུ་དང་བཅས་པ་དང་འཕྲད་འདོད་ཀྱི་བྱམས་པ་དང་། སྡུག་བསྔལ་རྒྱུར་བཅས་བྲལ་འདོད་ཀྱི་སྙིང་རྗེ་དང་། བདེ་བ་དང་ལྡན་ཅིང་སྡུག་བསྔལ་དང་བྲལ་བར་བདག་གིས་བྱའོ་སྙམ་པའི་ལྷག་བསམ་༦གྱི་རྒྱུ་ལ་བརྟེན་ནས། འབྲས་བུ་བྱང་ཆུབ་སེམས་དངོས་ལ་སྨོན་འཇུག་གཉིས་ལས། སེམས་ཅན་ཐམས་ཅད་ཀྱི་དོན་དུ་བདག་གིས་རྫོགས་པའི་སངས་རྒྱས་ཀྱི་གོ་འཕང་དེ་ཅི་ནས་ཀྱང་ཐོབ་པར་བྱ་སྙམ་པའི་སྨོན་པ་དང་། དེའི་ཆེད་དུ་ལམ་གྱི་རིམ་པ་ཚུལ་བཞིན་དུ་བསྒྲུབ་པ་

― JKT006_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་འཇུག་པའོ། །དེ་ལྟར་ཡང་། མར་༡ཤེས་དྲིན་དྲན་འདྲིན་༣བཟོ་དང་། བྱམས་པ་སྙིང་རྗེ་ལྷག་བསམ་༦རྒྱུ། །བྱང་༧ཆུབ་སེམས་ནི་འབྲས་བུའོ། །ཞེས་སོ། །གཞན་ཡང་ཚད་མེད་པ་བཞི་དང་། བདག་གཞན་མཉམ་པ་དང་། བརྗེ་བ་དང་། གཅེས་པ་ལ་བློ་སྦྱོང་བའི་ཚུལ་སོགས་ཀྱང་ཤེས་པར་བྱས་ནས་བྱང་ཆུབ་ཀྱི་སེམས་ལ་མྱོང་བ་ཐོན་པ་ནི། སྨོན་འཇུག་གི་སེམས་བསྐྱེད་ཆོ་གའི་སྒོ་ནས་བཟུང་བར་བྱའོ། ༈ །དེ་ནས་སྡོམ་པ་བཟུང་ནས་སྲུང་བའི་ཚུལ་ནི། སྤྱིར་སྨོན་པའི་བསླབ་བྱ་ཚད་མེད་བཞི་ཡི་སྒོ་ནས་སེམས་ཅན་ལ་ཕན་པའི་སླད་དུ་བྱང་ཆུབ་བསྒྲུབ་པའི་བློ་སྦྱང་བ་དང་། །འཇུག་པའི་བསླབ་བྱ་ནི་ཕ་རོལ་ཏུ་ཕྱིན་པ་དྲུག་ལ་བརྩོན་པས་རང་རྒྱུད་སྨིན་ནས། བསྡུ་བའི་དངོས་པོ་བཞིས་སེམས་ཅན་གྱི་དོན་སྒྲུབ་པའི་ཐབས་ལ་མཁས་པར་བྱའོ། ༈ །དེ་ཡང་ཕར་ཕྱིན་དྲུག་གི་ཐོག་མར་སྦྱིན་པ་ལའང་གསུམ་སྟེ། ཟང་ཟིང་ཆོས་དང་མི་འཇིགས་སྦྱིན། །ཅེས་སོ། །ཟང་ཟིང་གི་སྦྱིན་པ་ལའང་གསུམ་སྟེ། གཏོང་དང་གཏོང་བ་ཆེན་པོ་དང་། །ཤིན་ཏུ་གཏོང་བ་རྣམ་གསུམ་མོ། །ཞེས་སོ། ༈ །ཚུལ་ཁྲིམས་ལ་གསུམ་ལས། ཉེས་སྤྱོད་སྡོམ་པའི་ཚུལ་ཁྲིམས་ནི། སྤྱིར་མི་དགེ་བའི་ཕྱོགས་ཐམས་ཅད་སྤོང་བ་སྟེ། དེ་ཡང་སོ་ཐར་གྱི་དབང་དུ་བྱས་ན། དུས་ཁྲིམས་དང་། གཏན་

― JKT006_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲིམས་གཉིས་ལས། དང་པོ་ནི། བསྙེན་གནས་ཡན་ལག་བརྒྱད་པ་སྲུང་བའོ། །གཉིས་པ་ནི། སོ་སོར་ཐར་པ་རིགས་བདུན་ཏེ། སྐྱབས་གསུམ་སྔོན་དུ་འགྲོ་ཅན་གྱི་དགེ་བསྙེན་ཕ་མ་གཉིས། དགེ་ཚུལ་ཕ་མ་གཉིས། དགེ་སློབ་མ། དགེ་སློང་ཕ་མ་༧གཉིས་སོ། །དེ་རྣམས་ཀྱང་། བསམ་པ་ཚེ་འདིར་རྒྱལ་པོའི་ཆད་པ་དང་དཔྱ་ཁྲལ་སོགས་ལ་འཇིགས་ནས་དེ་ལས་སྐྱོབ་པའི་ཆེད་དུ་བླངས་པ་འཇིགས་སྐྱོབ། ཚེ་ཕྱི་མར་འཇིག་རྟེན་ལྷ་མིའི་གོ་འཕང་དང་། ཚེ་འདིར་ཡང་ཁ་ཟས་རྒྱབ་གོས་སོགས་ཀྱི་བདེ་སྐྱིད་ལ་དམིགས་ནས་བླངས་པ་སོགས་ལེགས་སྨོན་ཏེ། འདི་གཉིས་ནི་། ཐར་པའི་རྒྱུར་མི་འགྲོ་ཞིང་། འཁོར་བ་སྡུག་བསྔལ་གྱི་རྒྱ་མཚོ་ལས་རང་ཉིད་གཅིག་པུར་ཐར་འདོད་ཀྱིས་བླངས་པ་ངེས་འབྱུང་གི་ཚུལ་ཁྲིམས་ཏེ་ཐེག་དམན་གྱི་སོ་ཐར་མཚན་ཉིད་པ་དང་། དེ་ལ་བྱང་ཆུབ་སེམས་ཀྱིས་ཟིན་པ་ན་ཐེག་ཆེན་སོ་ཐར་དུ་འགྱུར་བ་ལ། དེ་ཡང་དང་པོར་བླངས་པའི་དུས་འཇིགས་སྐྱོབ་དང་། ལེགས་སྨོན་གྱི་ཚུལ་ཁྲིམས་ཡིན་ཀྱང་། ཕྱིས་ངེས་འབྱུང་ནམ་སྐྱེས་པ་ན་ངེས་འབྱུང་དང་༑ བྱང་སེམས་ནམ་སྐྱེས་པ་ན་ཐེག་པ་ཆེན་པོའི་སོ་ཐར་དུ་འགྲོ་བ་ཡིན་པས་གནད་འདི་ལ་མཁས་པར་བྱའོ། །བྱང་སེམས་ཀྱི་དབང་དུ་བྱས་ན། དབུ་མ་ལུགས་དང་། སེམས་ཙམ་ལུགས་ཀྱི་

― JKT006_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

བསླབ་བྱ་གཉིས་ལས། དང་པོ་ནི། རྣམ་ངེས་ལས། དཀོན་མཆོག་དཀོར་༡འཕྲོག་དང་ནི་ཆོས་༢སྤོང་ལས། །ཚུལ་ལྡན་ཚུལ་འཆལ་ཁྲིམས་༣གནོད་བསླབ་འབེབས་སོགས། །མཚམས་མེད་༤ལས་བྱེད་ལོག་ལྟ་ལྔ་རྒྱལ་པོ། །གྲོང་༡ལྗོངས་གྲོང་༢ཁྱེར་༣གྲོང་བརྡལ་༤ ཡུལ་འཁོར་རྣམས། །འཇོམས་པར་བྱེད་པ་བློན་པོར་ངེས་པ་ལྔ། །མ་སྦྱངས་༡སྟོང་ཉིད་བརྗོད་སྔས་ཉན་ཐོས་སྨོན། །རྫོགས་བྱང་ཕྱིར་ལྡོག་ཐེག་དམན་སེམས་བསྐྱེད་དང་། །སོ་ཐར་སྤངས་ནས་ཐེག་ཆེན་སློབ་པ་དང་། །ཉན་ཐོས་ཐེག་པས་ཆགས་སོགས་མི་ཟློག་པས། །དེ་ཟློག་དེ་ཡི་འབྲས་བུ་མེད་པར་བྱས། །ཕྲག་དོག་དབང་གིས་བདག་བསྟོད་གཞན་སྨོད་དང་། །རྙེད་དང་བཀུར་སྟིའི་ཆེད་དུ་བདག་འཚོང་དང་། །དགེ་སློང་ཆད་པས་གཅོད་འཇུག་སུག་འབུལ་དང་། །སྤོང་བའི་ལོངས་སྤྱོད་ཁ་ཏོན་པ་ལ་སྦྱིན། །ཞི་གནས་འདོར་འཇུག་ཕལ་ལ་འབྱུང་ངེས་བརྒྱད། །དེ་དེར་འབྱུང་ཉེས་བཞག་གི་ཀུན་ལ་ནི། །མིང་དུ་བཅོ་བརྒྱད་རྫས་སུ་བཅུ་བཞི་སྟེ། །སྨོན་འཇུག་སེམས་བཏང་དེ་རྣམས་རྩ་ལྟུང་ཡིན། ཅེས་རྩ་ལྟུང་ཉི་ཤུ་དང་། གཉིས་པ་ནི། ཐོགས་མེད་ལུགས་ཀྱི་སྨོན་པའི་བསླབ་བྱ་ལ། སེམས་ཅན་བློས་མི་བཏང་དང་ཕན་ཡོན་དྲན། །ཚོགས་བསགས་བྱང་སེམས་སྦྱངས་ལ་བརྩོན་པ་དང་། །དཀར་ནག་ཆོས་

― JKT006_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱད་བླང་དོར་སྨོན་པའི་ཡིན། །མཆོད་འོས་བསླུ་དང་འགྱོད་མེད་འགྱོད་པ་བསྐྱེད། །དམ་པར་སྐུར་འདེབས་འགྲོ་ལ་གཡོ་སྒྱུ་སྤྱོད། །ནག་པོའི་ཆོས་བཞི་སྤོང་ཞིང་ལྡོག་པ་ནི། །དཀར་པོའི་ཆོས་བཞི་ཡིན་པས་ཀུན་ཏུ་སྤྱད། །རྙེད་བཀུར་ལྷག་ཞེན་བདག་བསྟོད་གཞན་སྨོད་དང་། །སེར་སྣས་ཟང་ཟིང་ཆོས་དང་ནོར་མི་སྟེར། །ཁྲོ་བས་གཞན་འཚེ་བཤད་སྦྱང་གིས་མི་ལྡོག །གཡོམ་ལས་ཆོས་ལྟར་བཅོས་མོས་སྟོན་པ་བཞི། །རྩ་ལྟུང་བཞི་སྟེ་འཇུག་པའི་བསླབ་བྱའོ། །ཞེས་གསུངས་པ་ལྟར་སྨོན་པའི་བསླབ་བྱ་སེམས་ཅན་བློས་མི་བཏང་བ་སོགས་བཞི་དང་། བྱང་ཆུབ་སེམས་མི་བརྗེད་པའི་ཐབས་སུ་དཀར་ནག་ཆོས་བརྒྱད་ལ་བླང་དོར་བྱ་ཞིང་། འཇུག་པའི་བསླབ་བྱ་རྩ་ལྟུང་བཞི་སྲུང་བའོ། །དགེ་བ་ཆོས་སྡུད་ཀྱི་ཚུལ་ཁྲིམས་ནི། ཚོགས་གཉིས་དང་འབྲེལ་བའི་ཕར་ཕྱིན་དྲུག་སོགས་དགེ་བའི་ཆོས་རྒྱ་མཚོ་ལྟ་བུར་སྒྲུབ་ཅིང་། དེའི་མི་མཐུན་པའི་ཕྱོགས་སྤོང་བ་ལ་བསླབ་པར་བྱའོ། །སེམས་ཅན་དོན་བྱེད་ཀྱི་ཚུལ་ཁྲིམས་ནི། བསམ་པ་དགེ་བའི་རྩ་བ་ཆེ་ཆུང་ཅི་བསྒྲུབ་ཀྱང་གཞན་དོན་ལ་དམིགས་པ་དང་། སྦྱོར་བ་བསྡུ་དངོས་བཞིའི་སྒོ་ནས་སེམས་ཅན་གྱི་དོན་སྒྲུབ་ཅིང་། གཞན་དོན་ཡལ་བར་དོར་བའི་བློ་སྤང་བའོ། ༈ །བཟོད་པ་རྣམ་པ་གསུམ་ལས། གནོད་བྱེད་ལ་ཇི་མི་སྙམ་པའི་

― JKT006_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

བཟོད་པ་ནི། རང་ཕྱོགས་ལ་ཕ་རོལ་པོས་ཇི་ལྟ་བུའི་གནོད་པ་བྱེད་ཀྱང་། ཁོ་རང་སེམས་འཁྲུལ་བའི་དབང་གིས་བདག་ལ་འདི་ལྟ་བུའི་གནོད་པ་བྱས་པས་ཕྱི་མར་ངན་སོང་གི་སྡུག་བསྔལ་མྱོང་དགོས་པ་སྙིང་རེ་རྗེ་སྙམ་པ་མ་གཏོགས། སེམས་འཁྲུགས་པ་དང་། གནོད་ལན་བྱེད་པ་དང་། འཁོན་དུ་འཛིན་པ་སོགས་མི་བྱའོ། །སྡུག་བསྔལ་དང་དུ་ལེན་པའི་བཟོད་པ་ནི། ཆོས་བསྒྲུབ་པའི་ཕྱིར་དུ་ཚ་གྲང་ལྟོག་སྐམ་སོགས་འཕྲལ་གྱི་དཀའ་བ་ཇི་ལྟ་བུ་སྤྱད་དགོས་བ་བྱུང་ཡང་། ཕུག་བླ་ན་མེད་པའི་བྱང་ཆུབ་ཐོབ་པའི་དོན་དུ་འགྲོ་བས་པདྨའི་མཚོ་ལ་ངང་མོ་འཇུག་པ་ལྟར་སྤྲོ་བས་དང་དུ་བླངས་པའོ། །ཆོས་ལ་ངེས་རྟོག་གི་བཟོད་པ་ནི། སྙིང་རྗེ་ཆེན་པོས་སེམས་ཅན་གྱི་དོན་རྒྱ་ཆེན་པོ་སྒྲུབ་པ་དང་། ཤེས་རབ་ཆེན་པོས་ཆོས་ཐམས་ཅད་ཀྱི་དེ་ཁོ་ན་ཉིད་ཟབ་མོའི་དོན་ལ་མི་སྐྲག་པའོ། ༈ །བརྩོན་འགྲུས་རྣམ་པ་གསུམ་ལས། བསམ་པ་གོ་ཆའི་བརྩོན་འགྲུས་ནི། ཐོག་མར་ཆོས་ལ་འཇུག་པའི་ཚེ་ན། སེམས་ཅན་ཐམས་ཅད་བྱང་ཆུབ་ལ་འགོད་པའི་སླད་དུ་བསྐལ་པ་གྲངས་མེད་དུ་མར་དགེ་བའི་རྩ་བ་རྒྱ་ཆེན་པོ་བསྒྲུབ་པའི་སྙིང་སྟོབས་བསྐྱེད་པའོ། །སྦྱོར་བ་ཆོས་སྡུད་ཀྱི་བརྩོན་འགྲུས་ནི། བྱང་ཆུབ་འགྲུབ་པའི་རྒྱུ་ཐོས་བསམ་སྒོམ་གསུམ་ལ་སོགས་པ་དགེ་ཚོགས་རྒྱ་མཚོ་ལྟ་བུ་ལ། དང་པོར་མ་

― JKT006_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུམ་པར་འཇུག །བར་དུ་མི་འཁྲུགས་པར་བསྒྲུབ། ཐ་མར་གཅིག་འགྲུབ་ཀྱང་ཆོག་ཤེས་མེད་པར་དགེ་བའི་རྒྱུན་གོང་འཕེལ་དུ་བྱའོ། །སེམས་ཅན་དོན་བྱེད་ཀྱི་བརྩོན་འགྲུས་ནི། ཉིན་དང་མཚན་མོ་སོགས་དུས་དང་རྣམ་པ་ཀུན་ཏུ་བསམ་སྦྱོར་གང་ཡང་རུང་བས་བརྒྱུད་དང་དངོས་ཀྱི་སྒོ་ནས་སེམས་ཅན་གྱི་ཕན་བདེ་སྒྲུབ་པའི་ཐབས་ཁོ་ན་ལ་བརྩོན་པའོ། ༈ །བསམ་གཏན་གྱི་ཕ་རོལ་ཏུ་ཕྱིན་པ་ལའང་གསུམ་ལས། བྱིས་པ་ཉེར་སྤྱོད་ཀྱི་བསམ་གཏན་ནི། ལམ་ལ་མ་ཞུགས་པའི་རྒྱུད་ལ་རང་ཡོད་པའི་ཏིང་ངེ་འཛིན་ཏེ། དབྱེ་ན། འདོད་ཁམས་ཀྱི་རྣམ་རྟོག་སྤོང་བ་ལ། བསམ་གཏན་བཞི་དང་༑ གཟུགས་ཁམས་ཀྱི་རྣམ་རྟོག་སྤོང་བ་ལ་གཟུགས་མེད་པའི་སྙོམས་འཇུག་བཞིའོ། །དེ་ལ་དང་པོ་ནི། ཕྱི་གཟུང་བའི་ཡུལ་དང་། ནང་འཛིན་པའི་སེམས་ལ་ཆེད་དུ་འཛིན་པའི་རྣམ་རྟོག་མེད་ལ༑ བསྒོམ་བྱ་སྒོམ་བྱེད་ཀྱི་དཔྱོད་པ་དང་བཅས་པ་ནི་བསམ་གཏན་དང་པོ། རྟོག་དཔྱོད་མེད་ལ་དགའ་བའི་ཏིང་ངེ་འཛིན་གྱི་རོ་མྱོང་བའི་འཛིན་པ་དང་བཅས་པ་ནི་བསམ་གཏན་གཉིས་པ། སེམས་གཡོ་བ་མེད་ལ་དབུགས་འབྱུང་རྔུབ་དང་བཅས་པ་ནི་བསམ་གཏན་གསུམ་པ། རྣམ་རྟོག་ཐམས་ཅད་དང་བྲལ་བའི་གསལ་སྟོང་གོ་མ་འགག་པ་ནི་བསམ་གཏན་བཞི་པའི་དངོས་གཞིའོ། །གཉིས་པ་ནི། །

― JKT006_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཐམས་ཅད་ནམ་མཁའ་ལྟ་བུ་ཡིན་ནོ་སྙམ་དུ་བློས་བཏགས་ནས་དེ་ལ་སེམས་མཉམ་པར་འཇོག་པ་ནི་ནམ་མཁའ་མཐའ་ཡས། རྣམ་པར་ཤེས་པ་མཐའ་ཡས་ཤིང་ཕྱོགས་མེད་པ་ཡིན་ནོ་སྙམ་དུ་བློས་བཏགས་ནས་དེ་ལ་མཉམ་པར་འཇོག་པ་ནི་རྣམ་ཤེས་མཐའ་ཡས། འདུ་ཤེས་གསལ་རིག་ཙམ་པ་འདི་ཡོད་པའང་མ་ཡིན་མེད་པའང་མ་ཡིན་སྙམ་དུ་བློས་བཏགས་ནས་དེ་ལ་འཇོག་པ་ནི་ཡོད་མིན་མེད་མིན། སེམས་འདི་ཅིའི་ངོ་བོར་ཡང་མ་གྲུབ་པ་སྟེ་མེད་ཅིང་སྟོང་པ་ཡིན་ནོ་སྙམ་དུ་བློས་བཏགས་ནས་དེ་ལ་འཇོག་པ་ནི་ཅིའང་མེད་པའི་སྐྱེ་མཆེད་དོ། །དེའི་སྟེང་དུ་ཐམས་ཅད་ཀྱི་གཟུགས་གཟུགས་མེད་གཉིས་ཀ་རྟོག་པ་སྤོང་བ་ལ་འགོག་པའི་སྙོམས་འཇུག་སྟེ། ཚོགས་དྲུག་ཡུལ་ལ་འཇུག་པ་ནང་དུ་བཀག་ཅིང་། རླུང་སེམས་ཀྱི་རྒྱུ་བ་རྒྱུན་ཆད་པ་ལ་ཇི་ཙམ་མཉམ་པར་བཞག་པའི་ངང་དུ་གནས་པ་ནི་ཏིང་ངེ་འཛིན་མཐར་ཐུག་པ་སྟེ། འདི་ལའང་དབྱེ་ན། སོ་སོར་རྟག་འགོག་དང་། བརྟག་མིན་འགོག་གཉིས་སོ། །དེ་ལྟར་ཡང་བསམ་གཏན་བཞི། གཟུགས་མེད་བཞི། འགོག་པ་དང་བཅས་སྙོམས་འཇུག་དགུ། ཞེས་སོ། །དེ་ལས་བསམ་གཏན་བཞིའི་སྙོམས་པར་འཇུག་པ་ནི་ལྷག་མཐོང་གི་རྟེན་གཞིར་གྱུར་པའི་ཞི་གནས་དང་། གཟུགས་མེད་ཀྱི་སྙོམས་འཇུག་བཞི་ནི་ཏིང་ངེ་འཛིན་གྱི་གོལ་ས་

― JKT006_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན་པས་བླང་དོར་བྱེད་པར་བྱ་ལ། འགོག་པའི་སྙོམས་འཇུག་ནི་ཉན་ཐོས་དགྲ་བཅོམ་པ་དང་། རང་སངས་རྒྱས་རྣམས་འཇུག་ཅིང་ལྡང་བའི་གནས་དང་། བྱང་སེམས་རྣམས་ཀྱང་ས་དང་པོ་ཐོབ་ནས་འཇུག་ནུས་མོད་ཀྱང་། གཞན་དོན་ལས་གཡེལ་བའི་ཕྱིར་ཞག་བདུན་ལས་ལྷག་པར་མི་འཇུག་པ་ཡིན་ནོ། །བསམ་གཟུགས་ཀྱི་སེམས་དངོས་གཞི་ཐོབ་པའམ། རྗེས་མཐུན་ལུས་སེམས་ཤིན་ཏུ་སྦྱངས་པའི་ཞི་གནས་ཙམ་ཐོབ་ཀྱང་། རྣམ་པར་རྟོག་པའི་རློམ་སེམས་དང་། རོ་མྱོང་བ་མེད་པས་ན་མཐོང་བའི་ཆོས་ལ་བདེ་བར་གནས་པའི་བསམ་གཏན་ཞེས་བྱའོ། །དོན་རབ་འབྱེད་པའི་བསམ་གཏན་ནི། ལམ་ཞུགས་ཚོགས་སྦྱོར་གྱི་རྒྱུད་ན་ཡོད་པའི་ཏིང་ངེ་འཛིན་ཏེ། སྔར་སྨོས་པའི་ཞི་གནས་རྐྱང་པ་ཙམ་མ་ཡིན་པར་དོན་རབ་ཏུ་རྣམ་པར་འབྱེད་པ་སྟེ་སོ་སོར་རྟོག་པའི་ལྷག་མཐོང་དང་ཟུང་འབྲེལ་དུ་བསྒོམ་པ་ལ་བརྟེན་ནས་ཇི་སྐད་བཤད་པའི་ཚོགས་སྦྱོར་གྱི་ཡོན་ཏན་ཁྱད་པར་འཕགས་པ་རྣམས་རིམ་གྱིས་ཐོབ་སྟེ་མངོན་ཤེས་ཕྲ་མོ་ལ་བརྟེན་ནས་གཞན་དོན་ཀྱང་ཅི་རིགས་པར་བསྒྲུབ་ནུས་པའོ༑ །དེ་བཞིན་གཤེགས་དགེའི་བསམ་གཏན་ནི། མཐོང་ལམ་ས་དང་པོ་ཡན་ཆད་འཕགས་རྒྱུད་ཀྱི་ཏིང་ངེ་འཛིན་ཟག་པ་དང་བྲལ་བ་དེ་བཞིན་གཤེགས་པའི་ཡེ་ཤེས་དང་སྙོམས་པར་འཇུག་པའོ། །

― JKT006_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟ་བུའི་བསམ་གཏན་བསྒོམ་པའི་ཚུལ་ནི། གནས་དབེན་པར་བསམ་གཏན་གྱི་སྤྱོད་ལམ་དང་ལྡན་པས་དམིགས་པའི་རྟེན་གང་ཡང་རུང་བ་ལ་སེམས་བྱིངས་རྒོད་ཀྱི་སྐྱོན་སྤངས་ཏེ་རྩེ་གཅིག་ཏུ་མཉམ་%པར་བཞག་པས་སེམས་གཞན་དུ་མི་འཕྲོ་བའི་ཞི་གནས་ཐོབ་པ་ནི་བྱིས་པ་ཉེར་སྤྱོད། སོ་སོར་རྟོག་པའི་ཤེས་རབ་ཀྱིས་བདག་མེད་ཀྱི་དོན་གཏན་ལ་ཕབ་ནས་ཁས་ལེན་ཐམས་ཅད་དང་བྲལ་བའི་ལྷག་ཡ མཐོང་མངོན་དུ་གྱུར་པ་ན། དེའི་ངང་དུ་མཉམ་པར་འཇོག་པའི་ཞི་ལྷག་ཟུང་འབྲེལ་གྱི་ལམ་སྒྲུབ་པ་ནི་དོན་རབ་འབྱེད་པ། དེ་ཡུན་རིང་དུ་གོམས་པས་མཐོང་ལམ་ས་དང་པོ་ཐོབ་ནས་དེ་བཞིན་གཤེགས་དགེའི་བསམ་གཏན་དུ་གནས་འགྱུར་བ་ཡིན་ལ། དེའང་ས་དང་པོ་ནས་བདུན་པའི་བར་དུ་མཉམ་གཞག་རྣམ་པར་མི་རྟོག་པའི་ངང་ལ་གནས། རྗེས་ཐོབ་གཟུང་འཛིན་གྱི་ཆ་དང་བཅས་པའི་ཕྱིར་མཉམ་རྗེས་ཐ་དད་ལ། ས་བརྒྱད་པ་ནས་བཟུང་སྟེ་མཉམ་རྗེས་སོ་སོ་མེད་དོ། །གཞན་དུ་ཞི་གནས་རྐྱང་པ་ཙམ་གྱི་སེམས་ཀྱི་གནས་ཆ་ཇི་ཙམ་བརྟན་ཀྱང་བསམ་གཏན་བཞི་དང་། ཞི་གནས་དང་མ་འབྲེལ་ཞིང་ལྷག་མཐོང་མཚན་ཉིད་པས་མ་ཟིན་པའི་དཔྱོད་ཡུལ་ཇི་ལྟར་ཆེ་ཡང་གཟུགས་མེད་བཞིའི་ཏིང་ངེ་འཛིན་ཙམ་ལས་མ་འདས་པའི་ཚུལ་ཤེས་པའང་ཤིན་ཏུ་གལ་ཆེའོ། ༈ །ཤེས་རབ་ཀྱི་ཕ་རོལ་ཏུ་ཕྱིན་

― JKT006_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལའང་། འབྲས་བུ། ཀུན་རྫོབ་སྒྱུ་མ་ལྟ་བུར་རྟོགས་པའི་ཤེས་རབ་སོགས་གསུམ་དང་། དེའི་རྒྱུ་ཐོས་བསམ་སྒོམ་པའི་ཤེས་རབ་སྟེ་གསུམ་ལས། ཐོག་མར་ཐོས་པ་བྱ་བའི་ཡུལ་ནི། །རིག་པའི་གནས་ལྔ་ཡན་ལག་དང་བཅས་པ། སྒྲ་ཚད་བཟོ་གསོ་བ་ནང་དོན་རིག་པ་ལྔའོ། །ཁྱད་པར་ནང་རིག་པ་གསུང་རབ་དགོངས་འགྲེལ་དང་བཅས་པ་སྟེ། དེ་རྣམས་ཀྱི་དོན་དགེ་བའི་བཤེས་གཉེན་ལ་བརྟེན་པའོ༑ །བསམ་པ་ནི། ལེགས་པར་མཉན་པའི་དོན་དེ་ཉིད་མཐའ་དྲུག་དང་ཚུལ་བཞིའི་སྒོ་ནས་འགལ་འབྲེལ་དཔྱད་པ་སྟེ། དེ་ལ་མཐའ་དྲུག་ནི། དགོངས་༡དང་དགོངས་༢མིན་དྲང་༣ངེས་༤དོན། །སྒྲ་ཇི་བཞིན་དང་མ་༦ཡིན་པའོ། །དེའི་དགོངས་པ་ལའང་གཉིས་ཏེ། དགོངས་༡དང་ལྡེམ་༢པོར་དགོངས་པའོ། །དང་པོ་ལའང་བཞི་སྟེ། མཉམ་པ་༡ཉིད་དང་དོན་གཞན་༢དང་། །དུས་གཞན་༣གང་ཟག་བསམ་༤པར་དགོངས། །གཉིས་པ་ལའང་བཞི་སྟེ། གཞུག་༡དང་མཚན་༢ཉིད་གཉེན་༣པོ་དང་། །བསྒྱུར་བ་ལྡེམ་༤པོར་དགོངས་པའོ། །ཁྱད་པར་དུ་རྡོ་རྗེ་ཐེག་པའི་རྒྱུད་སྡེ་རྣམས་ནི་ཚུལ་བཞིས་གཏན་ལ་ཕབ་སྟེ། ཚིག་༡སྤྱི་༢སྦས་༣དང་མཐར་༤ཐུག་དོན། །ཅེས་སོ། །སྒོམ་པ་ནི། སྤྱིར་ཐོས་བསམ་གྱིས་སྒྲོ་འདོགས་ཆོད་པའི་དོན་རྣམས་བླང་དོར་གྱི་སྒོ་ནས་རྩེ་གཅིག་ཏུ་ཉམས་སུ་

― JKT006_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

ལེན་པ་དང་། ཁྱད་པར་བདག་མེད་ཀྱི་དོན་གཏན་ལ་ཕབ་ནས་རྣམ་པར་མི་རྟོག་པའི་ཡེ་ཤེས་སྒོམ་པ་འཇུག་པར་བྱའོ། །འདི་ལ་གཉིས། གང་ཟག་གི་བདག་མེད་བསྒོམ་ཚུལ་དང་། ཆོས་ཀྱི་བདག་མེད་བསྒོམ་ཚུལ་ལོ། །དང་པོ་ནི། གང་ཟག་གི་བདག་ཅེས་པ་ཕུང་པོ་ལ་སོགས་པ་ལ་དམིགས་ནས་ང་དང་ང་ཡིར་བར་འཛིན་པའི་སེམས་ཏེ། དེ་ལ་སོ་སོ་སྐྱེ་བོ་རྣམས་ཀྱིས་བདེན་པར་ཞེན་ཅིང་མུ་སྟེགས་པ་རྣམས་ཀྱིས་རྟག་གཅིག་རང་དབང་ཅན་དུ་འདོད་པས་ཉོན་མོངས་དང་ལས་སྣ་ཚོགས་པ་བསྐྱེད་ནས་འཁོར་བར་འཁྱམས་པའི་ཕྱིར། དེ་མེད་པར་བསྒྲུབ་པ་ནི། གལ་ཏེ་དེ་ལྟ་བུའི་བདག་དེ་རང་བཞིན་གྱིས་གྲུབ་ན། ཕུང་པོ་དང་གཅིག་ཏུ་གྲུབ་བམ། ཐ་དད་དུ་གྲུབ། གཅིག་ཏུ་གྲུབ་ན་ཕུང་པོ་སྐྱེ་འཇིག་བྱེད་པ་བཞིན་དུ་བདག་ཀྱང་སྐྱེ་འཇིག་བྱེད་པར་འགྱུར་ལ། ཐ་དད་དུ་གྲུབ་ན་ཕུང་པོ་ལས་གཞན་པའི་བདག་མི་རྙེད་པའི་ཕྱིར་དང་། དེ་བཞིན་དུ་བདག་དེ་ཡོད་ན། ལུས་དང་། མིང་དང་། སེམས་གང་ཡང་རུང་བ་ཡིན་དགོས་ལ། ལུས་ནི་བདག་མ་ཡིན་ཏེ་འབྱུང་བཞི་འདུས་པ་ལས་བྱུང་བའི་ཕྱིར་དང་། མིང་ནི་བདག་མ་ཡིན་ཏེ་གློ་བུར་དུ་བཏགས་པའི་ཕྱིར་དང་། སེམས་ཀྱང་བདག་མ་ཡིན་ཏེ་དུས་གསུམ་གྱི་དངོས་པོར་མ་གྲུབ་པའི་ཕྱིར་རོ། །ཞེས་པ་ལ་སོགས་པའི་རིགས་ཚུལ་དུ་

― JKT006_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

མས་གང་ཟག་གི་བདག་མེད་གཏན་ལ་ཕབ་པ་སྟེ། འདི་ཙམ་ནི་ཉན་ཐོས་བྱེ་མདོ་གཉིས་ཀྱི་ལྟ་བའི་དངོས་གཞི་ཡིན་ནོ། །གཉིས་པ་ལ། ཆོས་ནི་ཕྱི་གཟུང་བའི་ཡུལ་དང་། ནང་འཛིན་པའི་སེམས་ཏེ། བདག་ནི་དེ་ལ་དངོས་པོ་དང་མཚན་མར་ཞེན་པའོ། །དེ་མེད་པར་སྒྲུབ་པ་ལའང་གཉིས་ཏེ། གཟུང་བ་རང་བཞིན་མེད་པར་སྒྲུབ་པ་དང་། འཛིན་པ་རང་བཞིན་མེད་པར་སྒྲུབ་པའོ། །དང་པོ་ནི། ནང་པ་སངས་རྒྱས་པའི་གྲུབ་མཐའ་སྨྲ་བ་ལ་ཐེག་དམན་དང་། ཐེག་ཆེན་གཉིས་ལས། ཐེག་དམན་ལ་ཉན་ཐོས་བྱེ་བྲག་སྨྲ་བ་དང་། མདོ་སྡེ་པ་གཉིས། ཐེག་ཆེན་ལ་སེམས་ཙམ་པ་དང་༑ དབུ་མ་པ་གཉིས་སོ། །དེ་ལ་ཐོག་མར་ཉན་ཐོས་བྱེ་བྲག་ཏུ་སྨྲ་བས། ཤེས་བྱ་ཐམས་ཅད་གཞི་ལྔར་གཏན་ལ་ཕབ་སྟེ། སྣང་བ་༡གཟུགས་དང་༢གཙོ་བོ་སེམས། །དེ་འཁོར་སེམས་༣ལས་བྱུང་བ་དང་། །ལྡན་མིན་འདུ་༤བྱེད་འདུས་མ་བྱས།། །ཞེས་སོ། །གཞི་དེ་དག་ཐམས་ཅད་བདེན་གྲུབ་ཏུ་བཞེད་དེ། རྡུལ་ཕྲ་རབ་འདུས་པའི་བདག་ཉིད་ཅན་གྱི་ཕྱི་དོན་རགས་པ་དང་། ཤེས་པའི་རྒྱུན་གྱི་དངོས་པོ་རྣམས་བཏགས་ཡོད་ཀུན་རྫོབ་ཀྱི་བདེན་པ་དང་། བཟུང་བ་རྡུལ་ཕྲན་ཆ་མེད་དང་། ཤེས་པ་སྐད་ཅིག་ཆ་མེད་རྫས་ཡོད་དོན་དམ་པར་འདོད་པའི་ཕྱིར་ཆོས་ཀྱི་བདག་གཟུང་འཛིན་

― JKT006_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ཀ་གཏན་ནས་མ་སྤངས་ལ། མདོ་སྡེ་པས། རིག་མིན་གྱི་གཟུགས་མ་གཏོགས་གཟུགས་སེམས་སེམས་བྱུང་གསུམ་བདེན་པར་འདོད་ནའང་། རིག་མིན་གྱི་གཟུགས་ནི་གཞིག་ཅིང་གཞོམ་དུ་མི་རུང་བ་དང་། ལྡན་མིན་གྱི་འདུ་བྱེད་ནི་གཟུགས་སེམས་སེམས་བྱུང་གི་གནས་སྐབས་ལ་བཏགས་པ་ཙམ་ལས་རྫས་གཞན་དུ་མེད་པ་དང་། འདུས་མ་བྱས་རྒྱུ་རྐྱེན་གྱིས་མ་བསྐྱེད་པའི་ཕྱིར་དེ་རྣམས་རྫས་སུ་མི་འདོད་པས་ཆོས་ཁམས་ཕྱོགས་གཅིག་བདག་མེད་དུ་རྟོགས་པས་ཁྱད་པར་འཕགས་པ་ཡིན་ནོ། །གང་ལྟར་ཡང་དེ་དག་གིས་བཏགས་པའི་གཟུང་བ་ཕྱི་རོལ་གྱི་དོན་རྡུལ་ཕྲན་ཆ་མེད་དུ་འདོད་པ་དགག་པ་ནི། དེ་གཅིག་ཏུ་ཡོད་དམ། དུ་མར་ཡོད། གཅིག་ཏུ་ཡོད་ན་ཕྱོགས་ཆའི་དབྱེ་བ་ཡོད་དམ་མེད། ཡོད་ན་ཕྱོགས་བཞི་སྟེང་འོག་སྟེ་ཆ་དྲུག་ཏུ་སོང་བས་རྡུལ་ཕྲན་ཆ་མེད་ཀྱི་དམ་བཅའ་ཉམས་ལ༑ མེད་ན་དངོས་པོ་ཐམས་ཅད་རྡུལ་ཕྲན་གཅིག་ཏུ་འགྱུར་བས་རགས་པ་བརྩམ་མི་ནུས་པའི་ཕྱིར་རོ། །དུ་མ་ཡོད་དོ་ཞེ་ན། རྩོམ་གཞིའི་རྡུལ་ཕྲན་གཅིག་མ་གྲུབ་པས། དེས་རྩོམ་པའི་དུ་མའང་མི་འགྲུབ་བོ། །འོ་ན་གཟུགས་སོགས་མངོན་སུམ་སྣང་བ་འདི་རྣམས་ཅི། དེ་ནི་སེམས་འཁྲུལ་པའི་དབང་གིས་བྱུང་བ་རྨི་ལམ་གྱི་སྣང་ཆ་བཞིན་ཏེ་དོན་ལ་བདེན་པར་མ་གྲུབ་པའི་ཚུལ། ཕལ་པོ་ཆེ་ལས།

― JKT006_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱེ་རྒྱལ་བའི་སྲས་དག་ཁམས་གསུམ་པོ་འདི་ནི་སེམས་ཙམ་མོ། །ཞེས་གསུངས་པའི་ཕྱིར་དང་། རིགས་པའང་། དངོས་གཅིག་ཡིད་ནི་ཐ་དད་ཕྱིར། །དོན་མ་གྲུབ་པར་འདོད་པ་ཡིན། །ཅེས་སོགས་རྒྱ་ཆེར་གསུངས་སོ། །གཉིས་པ་འཛིན་པ་རང་བཞིན་མེད་པར་སྒྲུབ་པ་ལ། སྤྱིར་སེམས་ཙམ་པ་རྣམས་ཀྱིས། ཆོས་རྣམས་ཐམས་ཅད་ཡུལ་ཀུན་བརྟག་དང་། ཡུལ་ཅན་གཞན་དབང་དང་༑ གཉིས་སུ་མེད་པའི་ཆོས་ཉིད་ཡོངས་གྲུབ་སྟེ་མཚན་ཉིད་གསུམ་དུ་གཏན་ལ་ཕབ་ནས། སྔ་མ་གཉིས་ཀུན་རྫོབ་དང་། ཕྱི་མ་དོན་དམ་པའི་བདེན་པར་འདོད། བྱེ་བྲག་ཏུ་རྣམ་བདེན་པས། སྔར་སྨོས་པ་ལྟར་ཕྱི་དོན་བདེན་པར་མ་གྲུབ་ཀྱང་། དོན་སྣང་གི་སེམས་བདེན་གྲུབ་ཏུ་འདོད་པ་དགག་པའི་ཚུལ་ནི། གཟུང་བའི་ཡུལ་མ་གྲུབ་ན། དེ་འཛིན་བྱེད་ཀྱི་ཤེས་པའང་བདེན་པར་མ་གྲུབ་སྟེ། རྨི་ལམ་གྱི་སྣང་བ་དང་། དེ་མྱོང་མཁན་གྱི་ཤེས་པ་གཉིས་ཀ་སད་ནས་ཅིར་ཡང་མ་གྲུབ་པ་བཞིན་ནོ། །ཞེས་པ་ལ་སོགས་པ་ལེགས་པར་དཔྱད་དེ་བདེན་མེད་དུ་གཏན་ལ་ཕབ་ནས། རྣམ་རྫུན་པ་རྣམས་ཀྱི་ཤེས་པའང་གཟུང་འཛིན་གཉིས་ཀྱིས་སྟོང་པའི་ཤེས་པ་རང་རིག་རང་གསལ་ཙམ་བདེན་པར་གྲུབ་པ་འདོད་དོ། །དེ་ཡང་མི་འཐད་དེ། དེ་ལྟ་བུའི་གཉིས་སྣང་གི་ཤེས་པ་དེ་ཡོད་ན་གཅིག་ཏུ་

― JKT006_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་དམ། དུ་མར་ཡོད། གཅིག་ཏུ་ཡོད་ན་དུས་གསུམ་གྱི་ཆ་ཤས་ཡོད་དམ་མེད། ཡོད་ན་གཅིག་ཏུ་མི་འཐད་དེ་དུ་མར་འགྱུར་ལ། མེད་ན་དངོས་མེད་དུ་འགྱུར་བའི་ཕྱིར་དང་། དུ་མར་ཡོད་དོ་ཞེ་ན༑ རྩོམ་གཞིའི་གཅིག་མ་གྲུབ་པས། དེས་རྩོམ་པའི་དུ་མའང་མ་གྲུབ་ལ། གཅིག་དང་དུ་མ་གང་རུང་དུ་མེད་ན་མེད་པས་ཁྱབ་པའི་ཕྱིར་རོ། །གཞན་ཡང་འདས་པའི་སེམས་ནི་ཞིག་པས་དངོས་པོར་མི་རུང་། མ་འོངས་པའི་སེམས་ནི་མ་སྐྱེས་པས་དངོས་པོར་མི་རུང་། ད་ལྟར་བའི་སེམས་ནི་ཁ་དོག་དང་དབྱིབས་སུ་མ་གྲུབ། གཅིག་དང་དུ་མ་ལས་འདས། ལུས་ཀྱི་ཕྱི་ནང་གང་དུའང་མི་གནས། བཙལ་ན་གང་ཡང་མི་རྙེད་པའི་ཕྱིར་བདེན་པར་མ་གྲུབ་སྟེ། མདོར་ན་སྐྱེ་འགག་གནས་གསུམ་དང་བྲལ་བ་ནམ་མཁའ་ལྟ་བུའོ། །ཞེས་ལེགས་པར་དཔྱད་པས་རྟག་པའི་མཐའ་ལས་གྲོལ་བ་ན་ཆད་མཐའ་བསལ་བ་ནི། འོ་ན་སེམས་མེད་པ་ཉིད་གནས་ལུགས་ཡིན་ནམ་ཞེ་ན། དེ་ཡང་མ་ཡིན་ཏེ། སེམས་དེ་སྔར་དངོས་པོར་ཡོད་ལ། ཕྱིས་མེད་པར་འགྱུར་ན་དངོས་མེད་དུ་རུང་མོད་ཀྱང་། གདོད་ནས་ཡོད་མ་མྱོང་བའི་ཕྱིར། དེ་བཀག་པའི་མེད་པའང་མ་གྲུབ་ལ། ཡོད་མེད་གཉིས་ཀ་ལས་འདས་པའི་མཐའ་གཉིས་ཀ་མ་གྲུབ། དེ་མ་གྲུབ་པས་གཉིས་ཀ་བཀག་པའི་གཉིས་མིན་དུའང་མི་འགྲུབ་

― JKT006_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕྱིར་གདོད་ནས་སེམས་ཀྱི་ཆོས་ཉིད་མཐའ་བཞིའི་སྤྲོས་པ་དང་བྲལ་བར་རྟོགས་པ་ནི་དབུ་མ་རང་རྒྱུད་པ་རྣམས་ཀྱི་བཞེད་པ་སྟེ། ཡེ་ཤེས་སྙིང་པོ་ཀུན་ལས་བཏུས་ལས། ཡོད་མིན་མེད་མིན་ཡོད་མེད་མིན། །གཉིས་ཀའི་བདག་ཉིད་མིན་པའང་མིན། །མཐའ་བཞི་རྣམ་པར་གྲོལ་བ་ཡི། །དེ་ཉིད་དབུ་མ་པ་ཡི་རིག །ཅེས་སོ། །མཐར་ཐུག་སྤྲོས་བྲལ་དུ་འཛིན་པའང་གནས་ལུགས་སུ་འདོད་པ་མ་ཡིན་ཏེ། དགག་བྱ་མཐའ་བཞི་སོ་སོ་ནས་གྲུབ་པ་མེད་པས། དེ་བཀག་པའི་མཐའ་བྲལ་ཅེས་བྱ་བ་ཞིག་ཀྱང་དོན་ལ་གྲུབ་པ་མེད་པའི་ཕྱིར། ཁས་ལེན་ཐམས་ཅད་དང་བྲལ་བ་ནི། ནང་པ་སངས་རྒྱས་པའི་གྲུབ་མཐའ་སྨྲ་བ་རྣམས་ཀྱི་རྩེ་མོར་གྱུར་པ་དབུ་མ་ཐལ་འགྱུར་པའི་དགོངས་པར་གནས་པའི་ཚུལ། འཕགས་པ་ཀླུས། ང་ལ་ཁས་ལེན་མེད་པས་ན། །ང་ནི་སྐྱོན་མེད་ཁོ་ན་ཡིན། །ཅེས་དང་། སྒྲ་གཅན་འཛིན་གྱི་ཡུམ་ལ་བསྟོད་པ་ལས། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །ཅེས་སོ། །དེ་ལྟར་ལུང་རིགས་ཀྱིས་དཔྱད་པའི་མཐར་བརྗོད་བྲལ་དུ་གཏན་ལ་དབབ་པ་དང་༑ སྒོམ་པས་ཉམས་སུ་མྱོང་བས་བརྗོད་བྲལ་དུ་གཏན་ལ་ཕེབ་པ་གཉིས་མཐར་གྱིས་རོ་གཅིག་ཏུ་གྱུར་ནས་བློས་བྱས་གཟུང་འཛིན་གྱི་སྤྲོས་པ་ལས་གྲོལ་བ་ན་ལྟ་བའི་དཔྱད་པ་རྫོགས་པའི་ཚུལ།

― JKT006_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་མཁྱེན་པྲཛྙཱ་རསྨིས། གང་ཤར་སེམས་དང་སེམས་ཉིད་རང་ལུས་སོགས། །ཕྱི་ནང་ཀུན་ཏུ་རྣམ་པར་བཙལ་བ་ན། །བཙལ་བས་མ་རྙེད་ཡུལ་ཅན་ཤེས་རབ་སོགས། །གནས་སྐབས་ཤིན་ཏུ་བལྟ་བར་འདོད་ན་ཡང་། །བློས་བྱས་གཟུང་འཛིན་སྤྲོས་པ་ཀུན་བྲལ་བའི། །གཉུག་མའི་ཡེ་ཤེས་རང་ངོ་འཕྲོད་པ་ཡི། །ཤེས་པ་གསལ་དྭངས་རྟོག་མེད་ཡེ་ཤེས་དེ། །སྒྲུབ་བརྒྱུད་ཀུན་གྱི་ལྟ་བའི་གཙོ་བོ་ཡ ཡིན༑ །ཅེས་གསུངས་པ་ལྟར་རོ། །མདོར་ན་བློས་བརྟགས་ཤིང་དཔྱད་པས་དམིགས་པའི་ཡུལ་དུ་སྣང་བ་ནི་ཀུན་རྫོབ་ཀྱི་བདེན་པ་སྟེ། དེ་རྣམས་ཐ་སྙད་ཙམ་དུ་རང་རང་གི་རྒྱུ་ལ་བརྟེན་ནས་འབྲས་བུར་འབྲེལ་བར་འབྱུང་བའི་ཚུལ་རྫིང་བུར་ཤར་བའི་ཟླ་བའི་གཟུགས་བརྙན་ནམ། སྒྱུ་མ་མཁན་གྱིས་སྤྲུལ་པའི་རྟ་དང་གླང་པོ་ལྟར་ཤེས་ཤིང་། དེ་ལྟར་སྣང་དུས་ཉིད་ནས་དོན་དམ་པ་མཚན་མར་གྲུབ་པ་རྡུལ་ཙམ་ཡང་མ་དམིགས་པའི་སྤྲོས་བྲལ་སྟོང་ཉིད་ནམ་མཁའི་དབྱིངས་ལྟ་བུར་རྟོགས་པ་ལ་བརྟེན་ནས་སྣང་བ་དེ་ཉིད་བདེན་པས་སྟོང་པ་ལ། སྟོང་པའི་དུས་ཉིད་ནས་སྣང་བ་མི་འགག་པ་ཟུང་དུ་འཇུག་པའི་ཚུལ་གྱིས་འཁོར་འདས་སྣང་སྲིད་ཀྱིས་བསྡུས་པའི་ཆོས་ཐམས་ཅད་གཞི་དབུ་མ་བདེན་གཉིས་ཟུང་འཇུག་ཏུ་རྟོགས་པས་རྟག་ཆད་ཀྱི་དྲྭ་བ་མཐའ་དག་གཅིག་ཅར་དུ་འཇིག་པར་བྱེད་པ་ནི་

― JKT006_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

རིགས་པའི་རྒྱལ་པོ་རྟེན་འབྲེལ་གྱི་རིགས་པ་སྟེ། སློབ་དཔོན་ཀླུས། རྟེན་ཅིང་འབྲེལ་བར་འབྱུང་བ་གང་། །དེ་ནི་སྟོང་པ་ཉིད་དུ་བཤད། །དེ་ནི་བརྟེན་ནས་གདགས་པ་སྟེ། །དེ་ཉིད་དབུ་མའི་ལམ་ཡིན་ནོ། །གང་ཕྱིར་རྟེན་འབྱུང་མ་ལགས་པའི། །ཆོས་འགའ་ཡོད་པ་མ་ཡིན་པ། །དེ་ཕྱིར་སྟོང་ཉིད་མ་ཡིན་པའི། །ཆོས་འགའ་ཡོད་པ་མ་ཡིན་ནོ། །ཞེས་དང་། ཀུན་རྫོབ་དང་ནི་དོན་དམ་དག །སོ་སོའི་ཆར་ནི་ཤེས་གྱུར་ནས། །གང་དུ་ཡང་དག་འདྲེས་གྱུར་པ། །ཟུང་དུ་འཇུག་པ་ཞེས་བཤད་དོ། །ཞེས་དང་། ཡུམ་ལས། གཟུགས་སྟོང་པའོ། །སྟོང་པ་ཉིད་ཀྱང་གཟུགས་སོ། །གཟུགས་ལས་ཀྱང་སྟོང་པ་ཉིད་གཞན་མ་ཡིན་ནོ། །སྟོང་པ་ཉིད་ལས་ཀྱང་གཟུགས་གཞན་མ་ཡིན་ནོ། །ཞེས་པ་ནས་རྣམ་པ་ཐམས་ཅད་མཁྱེན་པའི་བར་དུ་གསུངས་པ་རྣམས་ལ་ངེས་ཤེས་མཆོག་ཏུ་བསྐྱེད་ནས་ཐོས་བསམ་གྱིས་སྒྲོ་འདོགས་གཅོད་པ་དང་། སྒོམ་པས་ཉམས་སུ་ལེན་པ་ལ་ཅི་ནུས་སུ་འབད་པས། དེ་ལྟར་མ་རྟོགས་པའི་སེམས་ཅན་རྣམས་ལ་སྙིང་རྗེ་ཆེན་པོ་རྩོལ་མེད་དུ་སྐྱེ་བས་ཅི་བྱེད་གཞན་དོན་དུ་འགྱུར་པའི་ཐབས་མཁས་པའང་ངང་གིས་འབྱུང་བས་ན། གནས་ལུགས་ཀྱི་དོན་ལ་ཇི་ཙམ་ངེས་ཤེས་དང་མྱོང་བ་སྐྱེས་པ་དེ་ཙམ་དུ་སྙིང་རྗེ་སྐྱེ་ལ། དེས་བསོད་ནམས་དང་ཡེ་ཤེས་ཀྱི་

― JKT006_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས་ཟུང་འབྲེལ་དུ་རྫོགས་པ་ནི་ཐེག་པ་ཆེན་པོའི་ལམ་མ་ནོར་བ་ཡིན་ཏེ། སློབ་དཔོན་ཞི་བ་ལྷས། སྟོང་ཉིད་སྙིང་རྗེའི་སྙིང་པོ་ཅན། །སྤྱོད་པས་བསོད་ནམས་དག་པར་འགྱུར། །ཞེས་སོ། །དེ་ལྟ་བུའི་ལྷག་མཐོང་རྣམ་པར་མི་རྟོག་པའི་ཡེ་ཤེས་ཉམས་སུ་ལེན་པའི་ཚུལ་ནི། བསྒོམ་བྱའི་དོན་ལ་ཐོས་བསམ་གྱི་སྒྲོ་འདོགས་ལེགས་པར་ཆོད་ནས། དབེན་པའི་གནས་སུ་བདེ་བའི་སྟན་ལ་བསམ་གཏན་གྱི་སྤྱོད་ལམ་དང་ལྡན་པས་འདུག་སྟེ། བསོད་ནམས་ཡན་ལག་བདུན་པ། ཀྱི་ཚོགས་བསགས་པ་དང་། བྱང་ཆུབ་མཆོག་ཏུ་སེམས་བསྐྱེད་པ་སྔོན་དུ་འགྲོ་བས། གཟུང་འཛིན་གྱི་མཚན་མ་འབྱུང་བའི་གཞི་གང་ཟག་དང་ཆོས་ཀྱི་བདག་གཉིས། དཔྱད་པའི་ཡུལ་དུ་བྱས་ནས་ཡུལ་ཅན་དོན་དམ་དཔྱོད་པའི་རིག་ཤེས་ཚད་མས་སྔར་སྨོས་པ་ལྟར་དཔྱད་པའི་མཐར་བརྗོད་བྲལ་དུ་གཏན་ལ་ཕེབ་པ་ནས། དེའི་ངང་དུ་མཚན་འཛིན་གྱི་རྣམ་པར་རྟོག་པ་གཞན་སྤངས་ཏེ་ཡུལ་ཅན་རོ་གཅིག་པའི་གསལ་སྟོང་དབྱེར་མེད་ཀྱི་ངང་དུ་མཉམ་པར་བཞག་པ་ནི་དོན་དམ་སྤྲོས་བྲལ་མཁའ་ལྟར་རྟོགས་པའི་ཤེས་རབ་སྟེ། ཀུན་མཁྱེན་པྲཛྙཱ་རསྨིས། སྦྱོར་བའི་དུས་སུ་མཚན་མ་འབྱུང་བའི་གཞི། །དེ་ཉིད་དཔྱད་པའི་རྟེན་དུ་ངེས་བྱས་ནས། །མཐའ་བཞི་རྣམ་གྲོལ་དངོས་གཞིའི་དུས་སུ་ནི། །གསལ་སྟོང་འཛིན་མེད་སྔོན་རབ་

― JKT006_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

མཁས་པའི་ལུགས། །ཞེས་དང་། དཔྱད་དང་འཇོག་པའི་སྒོམ་ཚུལ་ཅི་ཡང་རུང་། །རང་གི་མཚན་ཉིད་རང་བཞིན་འོད་གསལ་བ། །གསལ་དྭངས་ཤར་ལ་བསྒོམ་མེད་མ་ཡེངས་པ། །སྒྲུབ་བརྒྱུད་ཀུན་གྱི་སྒོམ་པའི་གཙོ་བོ་ཡིན། །ཅེས་སོ། །དེ་ལྟར་མཉམ་པར་བཞག་པ་ཉིད་ཞི་ལྷག་ཟུང་འཇུག་ཀྱང་ཡིན་ཏེ། རིགས་པས་དཔྱད་ནས་བརྗོད་བྲལ་དུ་གཏན་ལ་ཕབ་པ་ནི་ལྷག་མཐོང་དེའི་ངང་དུ་གསལ་སྟོང་རྣམ་པར་མི་རྟོག་པའི་ཚུལ་གྱིས་འཇོག་པ་ནི་ཞི་གནས། དེ་གཉིས་ཀྱང་ངོ་བོ་དབྱེར་མེད་པ་ཟུང་འཇུག་ཏུ་ཤེས་པར་བྱའོ། །ཐུན་ལས་ལྡང་བ་དང་དགེ་བ་བསྔོ་ཞིང་སྨོན་ལམ་གདབ། ཐུན་མཚམས་ཀུན་ཏུ། གང་ཤར་གྱི་སྣང་བ་ཐམས་ཅད་རང་རང་གི་རྒྱུ་རྐྱེན་རྟེན་འབྲེལ་འཚོགས་པ་ལས་འབྱུང་བ་རྨི་ལམ་དང་སྒྱུ་མ་ལྟ་བུར་ཤེས་པས་ཆད་མཐའ་ལས་གྲོལ། དེ་ཡང་རྟེན་འབྲེལ་ཡིན་པའི་རྟགས་ཀྱིས་དོན་དམ་པར་རང་བཞིན་མ་གྲུབ་པར་སོང་བས་རྟག་མཐའ་ལས་གྲོལ། སྣང་སྟོང་གཉིས་གདོད་མ་ནས་ཟུང་དུ་འཇུག་པས་བརྗོད་བྲལ་ལ་ངེས་ཤེས་མཆོག་ཏུ་འདྲོངས་པ་ནི་ཀུན་རྫོབ་སྒྱུ་མ་ལྟ་བུར་ཤེས་པའི་ཤེས་རབ་སྟེ། ཀུན་མཁྱེན་བླ་མས། མཉམ་གཞག་དུས་ཀྱི་ཉམས་ལེན་དེ་ལྟ་ནའང་། །རྗེས་ཐོབ་དུས་སུ་གང་ཤར་སྣང་ཆ་ཀུན། །རྨི་ལམ་སྒྱུ་མའི་དྲན་འདུན་དྲག་པོ་ཡིས། །

― JKT006_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་པར་བསྒོམས་ན་སྣང་སྟོང་དབྱེར་མེད་འཆར། །ཞེས་སོ། །དེའི་ངང་ནས་སྣང་ཆ་ཀུན་རྫོབ་ཀྱི་བདེན་པ་ལ་བརྟེན་ནས། གནས་ལུགས་མ་རྟོགས་པའི་འགྲོ་བ་རྣམས་བསྒྲལ་འདོད་ཀྱི་བསམ་པས་ཐབས་བསོད་ནམས་ཀྱི་ཚོགས་རྒྱ་ཆེན་པོ་ལ་འབད་ཅིང་། སྟོང་ཆ་དོན་དམ་གྱི་བདེན་པས་དེ་ཐམས་ཅད་ཀྱང་འཁོར་གསུམ་གྱི་བདེན་འཛིན་ལས་གྲོལ་བ་ནི་ལམ་དབུ་མ་ཐབས་ཤེས་ཟུང་འཇུག་གི་དོན་མ་ནོར་བ་དང་། ཁྱད་པར་གཞན་དོན་སྒྲུབ་ཚུལ་མཁས་པའི་ཤེས་རབ་ཅེས་ཤེས་རབ་རྣམ་པ་གསུམ་དུ་བཞག་གོ །ལམ་གྱི་དབུ་མ་དེས་ཚོགས་ལམ་ནས་བརྩམས་ཏེ་ལམ་ལྔ་རིམ་པར་བགྲོད་པའི་འབྲས་བུ་རང་དོན་དུ་ཆོས་ཀྱི་སྐུ་སྤྲོས་པ་ཐམས་ཅད་དང་བྲལ་བ་ལས་མ་གཡོས་བཞིན་དུ། གཞན་དོན་གཟུགས་སྐུ་རྣམ་པ་གཉིས་ཀྱིས་འཁོར་བ་ཇི་སྲིད་ཀྱི་བར་དུ་སྨོན་ལམ་དང་སྙིང་རྗེའི་རྟེན་འབྲེལ་གྱིས་ཡིད་བཞིན་གྱི་ནོར་བུ་ལྟར་ཕན་བདེའི་ཕྲིན་ལས་འབད་མེད་ལྷུན་གྲུབ་ཏུ་འབྱུང་བ་ནི་འབྲས་བུ་དབུ་མ་སྐུ་གཉིས་ཟུང་འཇུག་གི་ཚུལ་ཏེ། སློབ་དཔོན་ཀླུས། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང་། །བསོད་ནམས་ཡེ་ཤེས་ལས་བྱུང་བའི། །དམ་པ་གཉིས་པོ་ཐོབ་པར་ཤོག །ཅེས་སོ། །དེ་ལྟར་བསམ་པ་བྱང་ཆུབ་མཆོག་ཏུ་སེམས་བསྐྱེད་ནས། སྦྱོར་བ་ཐབས་

― JKT006_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ཟུང་དུ་འབྲེལ་བའི་ཕ་རོལ་ཏུ་ཕྱིན་པ་དྲུག་ལྡན་དུ་ཉམས་སུ་བླངས་པ་ལ་བརྟེན་ནས། ལམ་ལྔ་ས་བཅུ་རིམ་གྱིས་བགྲོད་དེ་རྣམ་པ་ཐམས་ཅད་མཁྱེན་པའི་ཡེ་ཤེས་ཐོབ་པའི་ཚུལ་ཅུང་ཟད་། བཤད་ན། སྤྱིར་རྣམ་པར་གྲོལ་བའི་འཇུག་ངོགས་སུ་གྱུར་པ་ལམ་གྱི་མཚན་ཉིད། དེ་ལ་དབྱེ་ན། ཚོགས་ལམ། སྦྱོར་ལམ། མཐོང་ལམ། སྒོམ་ལམ། མི་སློབ་པའི་ལམ་སྟེ་ལྔ་ལས། ཐོག་མར་ཚོགས་ལམ་ལའང་། མཚན་ཉིད། སྒྲ་དོན། དབྱེ་བའོ། །དང་པོ་ནི། བདག་མེད་དོན་སྤྱིའི་ཚུལ་གྱིས་རྟོགས་པའི་ལས་དང་པོ་པའི་མཁྱེན་པ་དེ་ཚོགས་ལམ་གྱི་མཚན་ཉིད། གཉིས་པ་ནི། སཾ་བྷ་ཡ།ར་མཱརྒ་ཞེས་པའི་སྒྲ་ལས་དྲངས་ན། གཙོ་བོར་ཐོས་བསམ་དང་། བསོད་ནམས་དང་ཡེ་ཤེས་ཀྱི་ཚོགས་གཉིས་ལ་བསྟེན་གོམས་བྱེད་པས་དེ་སྐད་ཅེས་བྱ་ཞིང་། ཐར་པ་ཆ་མཐུན་གྱི་ལམ་དང་། ལས་དང་པོ་པའི་མངོན་རྟོགས་རྣམས་དོན་གཅིག་གོ། །གསུམ་པ་དབྱེ་ན་ཆུང་འབྲིང་ཆེ་གསུམ་སྟེ། དང་པོ་ནི། དྲན་པ་ཉེར་བཞག་བཞི་བསྒོམ་པ་སྦྱོར་ལམ་ལ་འཇུག་པར་མི་ངེས་པའོ། །གཉིས་པ་ནི། །ཡང་དག་པ་སྤོང་བ་བཞིའི་བརྩོན་འགྲུས་རྩོམ་པས་སྦྱོར་ལམ་ལ་འཇུག་པའི་དུས་ངེས་པའོ། །གསུམ་པ་ནི། རྫུ་འཕྲུལ་གྱི་རྐང་པ་བཞིའི་ཏིང་ངེ་འཛིན་ལ་གནས་པའི་ཚེ། དེ་ཉིད་དུ་སྦྱོར་ལམ་དྲོད་སྐྱེ་

― JKT006_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ངེས་པའོ། །དེ་ལ་དྲན་པ་ནི་ལུས་ལ་སོགས་པ་རང་དང་སྤྱིའི་མཚན་ཉིད་ཚུལ་བཞིན་དུ་ཤེས་པ་དང་། ཡང་དག་པར་འཇོག་པ་ནི་དེའི་ངང་དུ་རྩེ་གཅིག་གིས་མཉམ་པར་བཞག་པ་སྟེ། འདི་ལ་དངོས་པོ་ཡོངས་སུ་རྟོགས་པའི་ལམ་ཞེས་ཀྱང་བྱའོ། །ཇི་ལྟར་བསྒོམ་པའི་ཚུལ་ལ། ལུས་དྲན་པ་ཉེར་བཞག་ནི། མཉམ་གཞག་ཏུ། ཕྱི་ནང་གི་ལུས་རང་བཞིན་གྱིས་མ་གྲུབ་པ་ནམ་མཁའ་ལྟ་བུ་དང་། རྗེས་ཐོབ་ཏུ་དུར་ཁྲོད་ཀྱི་གཟུགས་བརྙན་ལྟར་མི་གཙང་བ་དང་། བདེན་མེད་སྒྱུ་མའི་དཔེ་བརྒྱད་ཀྱི་ཚུལ་དུ་གཏན་ལ་ཕབ་ནས་བསྒོམ་པའོ། །ཚོར་བ་དྲན་པ་ཉེར་བཞག་ནི། མཉམ་གཞག་ཏུ། ཕྱི་ནང་གི་ཚོར་བ་བདེ་སྡུག་བར་མའི་རྣམ་པར་ཤར་བ་ཐམས་ཅད་གདོད་ནས་མ་སྐྱེས་པ་དང་། རྗེས་ཐོབ་ཏུ་ཚོར་བ་སྡུག་བསྔལ་བ་ནི་སྡུག་བསྔལ་དང་། བདེ་བ་ལྟར་སྣང་བ་ནི་འགྱུར་བ་དང་། བཏང་སྙོམས་རྣམས་ནི་ཁྱབ་པ་འདུ་བྱེད་ཀྱི་སྡུག་བསྔལ་ཁོ་ན་ལས་མ་འདས་པར་ཤེས་ཤིང་། སྙིང་པོ་མེད་པར་གཏན་ལ་ཕབ་ནས་བསྒོམ་པའོ། །སེམས་དྲན་པ་ཉེར་བཞག་ནི། མཉམ་བཞག་ཏུ། སེམས་ཀྱི་ཆོས་ཉིད་རང་བཞིན་གྱིས་སྟོང་པ་ཉིད་སྤྲོས་པའི་མཐའ་ཐམས་ཅད་དང་བྲལ་བ་དང་། རྗེས་ཐོབ་ཏུ་ཅིར་ཡང་མ་འགགས་ཤིང་གང་དུའང་མི་གནས་པར་གཏན་ལ་ཕབ་ནས་བསྒོམ་པའོ། །ཆོས་དྲན་པ་

― JKT006_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

ཉེར་བཞག་ནི། མཉམ་བཞག་ཏུ། འཁོར་འདས་ཀྱི་ཆོས་ཐམས་ཅད་སྟོང་ཞིང་བདག་མེད་པར་མཉམ་པ་ཉིད་དང་། རྗེས་ཐོབ་ཏུ་རང་རང་གི་རྒྱུ་རྐྱེན་རྟེན་འབྲེལ་ཚོགས་པ་ལས་བྱུང་བ་སྒྱུ་མ་ལྟ་བུར་གཏན་ལ་ཕབ་ནས་བསྒོམ་པའོ། །དེ་ལྟར་བསྒོམ་པའི་དགོས་པ་ནི། མཐོང་ལམ་གྱི་བདེན་པ་བཞི་ལ་འཇུག་པར་བྱ་བའི་ཕྱིར་ཏེ། ལུས་དྲན་པ་ཉེ་བར་བཞག་པ་ལས་ནི་སྡུག་བསྔལ་ཤེས་པ་ལ་འཇུག་སྟེ། ལུས་འདུ་བྱེད་ཀྱི་སྡུག་བསྔལ་གྱིས་རབ་ཏུ་ཕྱེ་བར་རྟོགས་པའི་ཕྱིར། ཚོར་བ་དྲན་པ་ཉེར་བཞག་ལས་ནི་ཀུན་འབྱུང་སྤོང་བ་ལ་འཇུག་སྟེ། ཀུན་འབྱུང་གི་གཙོ་བོ་སྲིད་པའི་ཚོར་བ་གསུམ་གྱི་རྒྱུ་ཅན་དུ་རྟོགས་པའི་ཕྱིར། སེམས་དྲན་པ་ཉེར་བཞག་པ་ལས་ནི་འགོག་པ་མངོན་དུ་བྱ་བ་ལ་འཇུག་སྟེ། དེ་ལས་བདག་དང་བྲལ་བའི་རྣམ་པར་ཤེས་པ་སྐད་ཅིག་གིས་འཇིག་པར་རྟོགས་པས་མྱ་ངན་ལས་འདས་པའི་ཚེ་བདག་ཆད་ཀྱིས་དོགས་པའི་སྐྲག་པ་མེད་པའི་ཕྱིར། ཆོས་དྲན་པ་ཉེ་བར་བཞག་པ་ལས་ནི། ལམ་གྱི་བདེན་པ་བསྒོམ་པ་ལ་འཇུག་སྟེ། ཉོན་མོངས་པའི་ཆོས་རྣམས་སྤང་བྱ་དང་། རྣམ་པར་བྱང་པའི་ཆོས་རྣམས་བླང་བྱར་རྟོགས་པའི་ཕྱིར་རོ། །བརྩོན་འགྲུས་ཀྱིས་དགེ་བ་བསྐྱེད་ཅིང་མི་དགེ་བའི་ཆོས་རྣམས་སྤོང་བས་ན་ཡང་དག་པར་སྤོང་བ་བཞི་སྟེ། རྩོལ་བ་ལས་བྱུང་བའི་ལམ་

― JKT006_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་བྱའོ། །བསྒོམ་ཚུལ་ནི། མི་དགེ་བའི་ཆོས་སྔར་མ་སྐྱེས་པ་༡རྣམས་མི་བསྐྱེད་ཅིང་། སྐྱེས་པ་རྣམས་ཡང་དག་༢པར་སྤོང་བ་དང་། དགེ་བའི་ཆོས་སྔར་མ་སྐྱེས་པ་༣རྣམས་བསྐྱེད་ཅིང་། སྐྱེས་པ་རྣམས་གོང་ནས་༤ གོང་དུ་ཡང་དག་པར་སྤེལ་བ་སྟེ། དེ་རེ་རེ་ལའང་། འདུན་པ་བསྐྱེད་པ་དང་། འབད་པ་དང་། བརྩོན་འགྲུས་རྩོམ་པ་དང་། སེམས་རབ་ཏུ་འཛིན་པ་དང་། རབ་ཏུ་འཇོག་པའི་ཚུལ་གྱིས་བསྒོམ་པའོ། །སྤྱན་དང་མངོན་ཤེས་དང་རྫུ་འཕྲུལ་ལ་སོགས་པ་འགྲུབ་པའི་རྒྱུ་ཞི་ལྷག་ཟུང་འབྲེལ་གྱི་ཏིང་ངེ་འཛིན་ལས་སུ་རུང་བར་གོམས་པར་བྱེད་པ་ནི་རྫུ་འཕྲུལ་གྱི་རྐང་པ་བཞི་སྟེ། ཏིང་ངེ་འཛིན་ཡོངས་སུ་སྤྱོད་པའི་ལམ་ཞེས་ཀྱང་བྱའོ། །བསྒོམ་ཚུལ་ནི། ཉེས་པ་ལྔའི་གཉེན་པོར་སྤོང་བའི་འདུ་བྱེད་བརྒྱད་དང་ལྡན་པའི་ཏིང་ངེ་འཛིན་སྒོམ་པར་བྱེད་པ་སྟེ། ཉེས་པ་ལྔ་ནི། དབུས་མཐར༑ ལེ་ལོ་དང་ནི་གདམས་ངག་རྣམས། །བརྗེད་དང་བྱིངས་དང་རྒོད་པ་དང་། །འདུ་མི་བྱེད་དང་འདུ་བྱེད་དེ། །འདི་དག་ཉེས་པ་ལྔར་འདོད་དོ། །ཞེས་སོ། །གཉེན་པོ་བརྒྱད་ནི། ལེ་ལོའི་གཉེན་པོ་བཞི་སྟེ། དངོས་རྩོལ་བ། གནས་འདུན་པ། རྒྱུ་དད་པ། འབྲས་བུ་ཤིན་སྦྱངས་སོ། །གདམས་ངག་བརྗེད་པའི་གཉེན་པོ་དྲན་པ། བྱིངས་རྒོད་ཀྱི་གཉེན་པོར་ཤེས་བཞིན། གཉེན་པོ་

― JKT006_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་པར་འདུ་མི་བྱེད་པའི་གཉེན་པོར་མངོན་པར་འདུ་བྱེད་པ། བྱིངས་རྒོད་ཞི་ནས་ཀྱང་སེམས་མངོན་པར་འདུ་བྱེད་པའི་གཉེན་པོར་འདུ་བྱེད་བཏང་སྙོམས་རྣམས་སོ། །དེ་ལ་དབྱེ་ན། །བསམ་གཏན་གྱི་འབྲས་བུ་ལ་མངོན་པར་དད་ཅིང་གུས་པའི་འདུན་པས་ཏིང་ངེ་འཛིན་ལ་སྦྱོར་བས་སེམས་ལས་སུ་རུང་བ་ཐོབ་བ་འདུན་པའི་རྫུ་འཕྲུལ་གྱི་རྐང་༡པ། རྒྱུན་དུ་སྦྱོར་བའི་བརྩོན་འགྲུས་ཀྱི་སེམས་ལས་སུ་རུང་བ་ཐོབ་པ་བརྩོན་འགྲུས་ཀྱི་རྫུ་འཕྲུལ་ཀྱི་རྐང་༢པ། སྔོན་དུ་ཏིང་ངེ་འཛིན་ལ་སེམས་པའི་བག་ཆགས་དང་ལྡན་པས་སེམས་ལས་སུ་རུང་བ་ཐོབ་པ་སེམས་ཀྱི་རྫུ་འཕྲུལ་གྱི་རྐང་༣པ། །དགེ་བའི་བཤེས་གཉེན་ཐོབ་པའི་དམིགས་པ་རྣམས་བསམ་བྱུང་གི་ཤེས་རབ་ཀྱིས་རྣམ་པར་འབྱེད་པ་ལ་བསླབ་པས་སེམས་ལས་སུ་རུང་བ་ཐོབ་པར་སྤྱོད་པའི་རྫུ་འཕྲུལ་གྱི་རྐང་པ་སྟེ་བཞིའོ། །དེ་ལྟ་བུའི་ཚོགས་ལམ་ཆེན་པོ་མཐར་ཕྱིན་ནས་ཆོས་རྒྱུན་གྱི་ཏིང་ངེ་འཛིན་ཐོབ། སངས་རྒྱས་སྤྲུལ་པའི་སྐུའི་ཞལ་མཐོང་ཞིང་གདམས་ངག་ཉན་པ་སོགས་ལ་དབང་བ་ཡིན་ནོ། །གཉིས་པ་སྦྱོར་ལམ་ལའང་གསུམ་ལས། དང་པོ་མཚན་ཉིད་ནི། ཚོགས་ལམ་ནས་བྱུང་བའི་བདག་མེད་དོན་སྤྱིའི་ཚུལ་གྱིས་རྟོགས་པ་དེ་སྦྱོར་ལམ་གྱི་མཚན་༨ཉིད། གཉིས་པ་སྒྲ་དོན་ནི། པྲ་ཡོ་ག་མཱརྒ་ཞེས་པའི་སྒྲ་ལས་དྲངས་

― JKT006_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

ན། མཐོང་ལམ་ཆོས་ཀྱི་དབྱིངས་དོན་དམ་པ་མངོན་སུམ་དུ་མཐོང་བ་ལ་སྦྱོར་བར་བྱེད་པས་ན་སྦྱོར་ལམ་སྟེ། ངེས་འབྱེད་ཀྱི་ཡན་ལག་དང་། ངེས་འབྱེད་ཆ་མཐུན་རྣམས་དོན་གཅིག་གོ །གསུམ་པ་ལྷདབྱེ་ན་ཆུང་འབྲིང་ཆེ་གསུམ་ལས། དང་པོ་ནི། དྲོད་༡དང་རྩེ་༢མོ་གཉིས་ཏེ། མཐོང་ལམ་སྐྱེ་བའི་དུས་མ་ངེས་པའོ། །གཉིས་པ་ནི། ༣བཟོད་པ་སྟེ་ཚེ་ཕྱི་མ་ལ་མཐོང་ལམ་སྐྱེ་བར་ངེས་པའོ། །གསུམ་པ་ནི། ཆོས་༤མཆོག་ཆེན་པོ་སྟེ་ཚེ་དེ་ཉིད་ལ་མཐོང་ལམ་སྐྱེ་བར་ངེས་པའོ། །དེ་ཡང་མཐོང་ལམ་རྣམ་པར་མི་རྟོག་པའི་ཡེ་ཤེས་ཀྱི་སྔ་ལྟས་སུ་གྱུར་བས་དྲོད། དགེ་བའི་རྩ་བ་གཡོ་བ་རྣམས་ཀྱི་རྩེ་མོར་གྱུར་པས་རྩེ་མོ། སྟོང་པ་ཉིད་ལ་མི་སྐྲག་པས་བཟོད་པ། འཇིག་རྟེན་པའི་ཆོས་ཀྱི་ནང་ནས་མཆོག་ཏུ་གྱུར་པས་ཆོས་མཆོག་སྟེ། དེ་སོ་སོར་དྲོད་སྣང་བ་ཐོབ་པའི་ཏིང་ངེ་འཛིན། རྩེ་མོ་སྣང་བ་མཆེད་པའི་ཏིང་ངེ་འཛིན། བཟོད་པ་དེ་ཁོ་ན་ཉིད་ལ་ཕྱོགས་གཅིག་བཞུགས་པའི་ཏིང་ངེ་འཛིན། ཆོས་མཆོག་དེ་མ་ཐག་པའི་ཏིང་ངེ་འཛིན་ཞེས་ཀྱང་བྱ་ཞིང་། ནང་གསེས་སུ་ཆུང་འབྲིང་ཆེ་གསུམ་གྱི་དབྱེ་བས་ངེས་འབྱེད་ཆ་མཐུན་བཅུ་གཉིས་སུ་བཞེད་པ་དང་། གཞན་ཡང་གཟུང་བ་རང་བཞིན་མེད་པར་རྟོགས་པ་དྲོད་དང་། རྩེ་མོ་འཛིན་པ་རང་བཞིན་མེད་པར་རྟོགས་པ་བཟོད་པ་དང་ཆོས་མཆོག་

― JKT006_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་ཀྱང་གསུངས་སོ། །བསྒོམ་ཚུལ་ནི། དྲོད་རྩེ་གཉིས་སུ་དབང་པོ་ལྔ་དང་། བཟོད་ཆོས་གཉིས་སུ་སྟོབས་ལྔ་བསྒོམ་སྟེ། དེའང་བདེན་པ་བཞིའི་མི་རྟག་པ་ལ་སོགས་པའམ། ཆོས་ཐམས་ཅད་བདེན་པ་གཉིས་སུ་ཤེས་པའི་དོན་ལ་དམིགས་ཏེ། དད་པའི་དབང་༡པོས་བདེན་པ་རྣམས་ལ་ཡིད་ཆེས་པ་དང་། བརྩོན་༢འགྲུས་ཀྱིས་བདེན་པ་རྟོགས་པའི་ཕྱིར་དུ་སྤྲོ་བ་དང་། དྲན་༣པས་དམིགས་པ་མི་བརྗེད་པ་དང་། ཏིང་༤ངེ་འཛིན་གྱིས་དམིགས་པ་ལ་སེམས་རྩེ་གཅིག་ཏུ་སྦྱོར་བ་དང་། ཤེས་རབ་ཀྱིས་བདེན་པ་རྣམས་ཀྱི་རང་བཞིན་ཤེས་པའི་ཚུལ་གྱིས་བསྒོམས་པས་བདེན་པ་མངོན་པར་རྟོགས་པ་ལ་དབང་བར་བྱེད་པས་ན་དབང་པོ་ཞེས་བྱའོ། །སྟོབས་ལྔ་ནི། དད་པའི་དབང་པོ་སོགས་ཀྱི་རྒྱུན་གོམས་པས། རང་རང་གི་མི་མཐུན་པའི་ཕྱོགས། མ་དད། ལེ་ལོ། བརྗེད་ངེས། རྣམ་གཡེང་། ཤེས་བཞིན་མ་ཡིན་པ་རྣམས་ཀྱིས་ཅུང་ཟད་ཙམ་ཡང་བར་དུ་གཅོད་པར་མི་ནུས་པའི་ཕྱིར་དད་པའི་སྟོབས་སོགས་ལྔ་སྟེ། བསྒོམ་ཚུལ་ནི་སྔ་མ་དང་འདྲའོ། །འདི་དག་གི་ཡོན་ཏན་ཀྱང་། རྩེ་མོ་ཐོབ་པས་དགེ་བའི་རྩ་བ་རྒྱུན་མི་འཆད། །བཟོད་པ་ཐོབ་ནས་ངན་སོང་ཡང་མི་ལྟུང་། །ཞེས་སོགས་དང་། ཚོགས་ལམ་ཆེན་པོ་ལས་ཁྱད་པར་དུ་འཕགས་པའི་ཚུལ་ནི་མཐོང་ལམ་ལ་ཉེ་བ་དང་། ཡེ་

― JKT006_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ཀྱི་དྲོད་བརྟན་པར་གྱུར་པ་སོགས་ཀྱིས་ཕྱེ་བ་ཡིན་ནོ། །གསུམ་པ་མཐོང་ལམ་ལའང་གསུམ་ལས། དང་པོ་མཚན་ཉིད་ནི། བདག་མེད་མངོན་སུམ་གསར་དུ་རྟོགས་པའི་མཁྱེན་པ་དེ་མཐོང་ལམ་གྱི་མཚན་ཉིད། གཉིས་པ་སྒྲ་དོན་ནི། དན་ན་མཱརྒ་ཞེས་པའི་སྒྲ་ལས་དྲངས་ན། སྔར་མ་མཐོང་བའི་ཆོས་ཀྱི་དབྱིངས་དང་པོར་མཐོང་བས་ན་མཐོང་བ་དང་། ཐར་པའི་འཇུག་ངོགས་ཡིན་པས་ན་ལམ་སྟེ༑ བདེན་པ་མངོན་པར་རྟོགས་པ་དང་། ངེས་འབྱེད་རྣམས་དོན་གཅིག་གོ །གསུམ་པ་དབྱེ་ན། ངོ་བོའི་སྒོ་ནས་སྐད་ཅིག་མ་བཅུ་དྲུག་ཏུ་ཡོད་དེ། བདེན་པ་བཞི་སོ་སོར་ཆོས་བཟོད། ཆོས་ཤེས། རྗེས་བཟོད། རྗེས་ཤེས་ཏེ་བཞི་བཞིར་དབྱེ་བས་སོ། །དེ་ལ་ཆོས་ཤེས་པའི་བཟོད་པ་ནི་ལམ་རྣམས་ལ་དམིགས་ནས་སོ་སོའི་མཐོང་སྤངས་ཀྱི་སྒྲིབ་པ་སྤངས་པའོ། །ཆོས་ཤེས་པ་ནི་སྒྲིབ་པ་སྤངས་ནས་ཀྱང་རྣམ་པར་གྲོལ་བ་ཉམས་སུ་མྱོང་བའོ། །རྗེས་སུ་ཤེས་པའི་བཟོད་པ་ནི། སྐད་ཅིག་མ་དང་པོ་གཉིས་པོ་འཕགས་པའི་ཆོས་རྣམས་ཀྱི་རྒྱུར་རྟོགས་པའོ། །རྗེས་སུ་ཤེས་པ་ནི། དེ་ཉིད་རང་རིག་པའི་ཚུལ་གྱིས་ངེས་པར་འཛིན་ཅིང་མྱོང་བར་བྱེད་པའོ། །འདི་དག་ཉན་ཐོས་བྱེ་སྨྲ་བས་སྐད་ཅིག་བཅུ་དྲུག་ཏུ་སྐྱེ་བར་འདོད་པ་སོགས་དང་། ཐེག་ཆེན་ཐུན་མོང་བ་འགའ་ཞིག་ཀྱང་བཅུ་དྲུག་ནས་གཅིག་གི་

― JKT006_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ཅི་རིགས་སུ་སྐྱེ་བར་འདོད་ལ། ཐེག་ཆེན་ཐུན་མོང་མ་ཡིན་པ་ལྟར་ན། མདོ་ལས། མི་སྐྱེ་བའི་ཆོས་ལ་བཟོད་པ་ཐོབ་པ། ཞེས་གསུངས་པས་དོན་དམ་པར་མཐོང་ལམ་སྐྱེ་བར་མི་བཞེད་ཅིང་། ཀུན་རྫོབ་ཏུ་རྟེན་ཅིང་འབྲེལ་བར་འབྱུང་བ་ཙམ་ལ་དགོངས་ནས་མཐོང་ལམ་སྐྱེ་བའི་རྣམ་གཞག་བྱེད་དོ། །སྤང་བྱའི་ངོས་ནས་དབྱེ་ན། ཉོན་སྒྲིབ་ཀུན་བརྟག་དང་། ཤེས་སྒྲིབ་གཟུང་འཛིན་རགས་པ་རྣམས་མཐོང་སྤངས་ཏེ། དེ་རྣམས་སྤོང་བའི་གཉེན་པོ་ཆོས་བཟོད་བཞི་ནི་བར་ཆད་མེད་པའི་ལམ། ཆོས་ཤེས་བཞི་ནི་རྟེན་གཉེན་པོ་རྣམ་པར་གྲོལ་བའི་ལམ། རྗེས་བཟོད་བཞི་དང་རྗེས་ཤེས་བཞི་ནི་ཐག་པ་སྲིངས་པའི་གཉེན་པོ་ཁྱད་པར་ཅན་གྱི་ལམ་སྟེ་རྩ་འདོན་གྱི་ཚུལ་དུ་སྤོང་བར་བྱེད་པའོ། །རྟེན་གྱི་ངོས་ནས་དབྱེ་ན། མཐོང་བའི་ལམ་བྱང་ཆུབ་ཟག་པ་མེད་པའི་ཡན་ལག་ཏུ་གྱུར་པས་ན་བྱང་ཆུབ་ཀྱི་ཡན་ལག་བདུན་ཅེས་བྱ་སྟེ། ཆོས་རབ་ཏུ་རྣམ་པར་༡འབྱེད་པ་ནི་གཙོ་བོ་ཡང་ཡིན་ལ་ཡན་ལག་ཀྱང་ཡིན་ནོ། །གཞན་དྲུག་པོ་ནི། དེའི་གྲོགས་སུ་གྱུར་པ་ན་ཡན་ལག་བདུན་ཅེས་བྱའོ། །དེ་ལ་དྲན་པ་ནི་དམིགས་པ་མ་བརྗེད་པ་སྟེ་ཤེས་རབ་ཀྱི་གནས་སོ། །ཆོས་རབ་ཏུ་རྣམ་༢པར་འབྱེད་པ་ནི་ཐེག་པ་ཆེན་པོའི་བདེན་པ་བཞི་ལ་དམིགས་བའི་ཆོས་བཟོད་ཆོས་ཤེས་རྗེས་བཟོད་

― JKT006_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་ཤེས་འཁོར་དང་བཅས་པའི་མཚན་ཉིད་སོ་སོར་འབྱེད་པའི་ཤེས་རབ་གང་ཡིན་པ་སྟེ་རང་བཞིན་གྱི་ཡན་ལག་གོ །བརྩོན་འགྲུས་༣ནི་དེའི་རང་བཞིན་ལ་སྤྲོ་བས་ཞུགས་པ་ལ་བརྟེན་ནས་སོ་སོ་སྐྱེ་བོའི་གནས་ནས་ངེས་པར་འབྱུང་ཞིང་། དེ་ལས་འདའ་བར་བྱེད་པའི་ཕྱིར་ངེས་པར་འབྱུང་བའི་ཡན་ལག་གོ །དགའ་༤བ་ནི། ས་དང་པོ་མཐོང་བའི་དགའ་བ་དེས་ལུས་དང་སེམས་ལ་ཕན་འདོགས་ཤིང་ཚིམ་པར་བྱེད་པ་སྟེ་ཕན་འདོགས་པའི་ཡན་ལག་གོ། །ཤིན་ཏུ་༥སྦྱངས་པ་ནི། ལུས་སེམས་ལས་སུ་རུང་བ་སྟེ་གང་འདོད་དུ་བཀོལ་དུ་བཏུབ་པས་ཉོན་མོངས་པ་མེད་པའི་གཞིའོ། །ཏིང་༦ངེ་འཛིན་ནི། དམིགས་པ་ལ་སེམས་རྩེ་གཅིག་པ་ལས་གཞན་དུ་མ་གྱུར་པའི་ཕྱིར་ཉོན་མོངས་པ་མེད་པའི་གནས་སོ། །བཏང་༧སྙོམས་ནི། སེམས་དང་སེམས་བྱུང་གི་རྙོགས་མ་བྱིངས་རྒོད་ཀྱི་སྐྱོན་དང་བཅས་པ་རང་སར་ཞི་བ་སྟེ། ཉོན་མོངས་པ་མེད་པའི་ངོ་བོ་ཉིད་དོ། །དེ་ལྟར་འདི་གསུམ་ལ་ཉོན་མོངས་པ་མེད་པའི་ཡན་ལག་ཅེས་བྱའོ། །སའི་དབང་དུ་བྱས་ན། འཇིག་རྟེན་ལས་འདས་པའི་ཡེ་ཤེས་ཐོག་མར་བྱས་པ་དེའི་ཚེ་རང་གི་ངོ་སྐལ་གྱི་སྤང་བྱ་སྤོང་བ་དང་། བདག་མེད་གཉིས་མངོན་སུམ་དུ་རྟོགས་པས་བྱང་ཆུབ་ལ་ཉེ་བ་དང་། གཞན་དོན་ལ་འགྲུབ་པར་མཐོང་བའི་རབ་ཏུ་དགའ་བ་རྒྱ་ཆེན་པོ་སྔོན་

― JKT006_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

ཆད་མ་མྱོང་བ་ཐོབ་པས་ས་དང་པོ་རབ་ཏུ་དགའ་བ་སྟེ། ཡོན་ཏན་བརྒྱ་ཕྲག་བཅུ་གཉིས་ལ་དབང་འབྱོར་བ་ཡིན་ནོ། །དེ་ལ་ཡོན་ཏན་བརྒྱ་ཕྲག་བཅུ་གཉིས་ནི། དུས་སྐད་ཅིག་མ་གཅིག་ལའང་༡སངས་རྒྱས་བརྒྱའི་ཞལ་བལྟ་བ་དང་། སངས་རྒྱས་བརྒྱས་བྱིན་གྱིས་བརླབས་༢པར་ཤེས་པ་དང་། སྤྲུལ་པ་བརྒྱ་༣འགྱེད་པ་དང་། ལུས་བསྐལ་པ་༤བརྒྱར་སྟོན་པ་དང་། སྔོན་དང་ཕྱི་མའི་ལ། གནས་བརྒྱ་ལ་ཡེ་ཤེས་ཀྱི་གཟིགས་པ་འཇུག་པ་དང་། ཏིང་ངེ་འཛིན་བརྒྱ་༦ལ་སྙོམས་པར་འཇུག་ཅིང་ལྡང་བ་དང་། སེམས་ཅན་༧བརྒྱ་སྨིན་པར་བྱེད་པ་དང་། ཞིང་ཁམས་བརྒྱ་གཡོ་བར་རབྱེད་པ་དང་། ཞིང་ཁམས་བརྒྱ་འོད་ཀྱིས་༩གསལ་བར་བྱེད་པ་དང་། ཆོས་ཀྱི་སྒོ་བརྒྱ་༡༠འབྱེད་པ་དང་། རང་གི་ལུས་བརྒྱར་༡༡སྟོན་པ་དང་། ལུས་རེ་རེ་ལའང་འཁོར་ཕུན་སུམ་ཚོགས་པ་བརྒྱ་༡༢བརྒྱས་བསྐོར་བ་སྟོན་པ་རྣམས་སོ། །བཞི་པ་སྒོམ་ལམ་ལའང་གསུམ་སྟེ། དང་པོ་མཚན་ཉིད་ནི། བདག་མེད་མངོན་སུམ་རྟོགས་ཟིན་རྒྱུན་ལྡན་དུ་གོམས་པར་བྱེད་པའི་མཁྱེན་པ་དེ་སྒོམ་ལམ་གྱི་མཚན་ཉིད། གཉིས་པ་སྒྲ་དོན་ནི། བྷ་ཝན་མཱརྒ་ཞེས་པའི་སྒྲ་ལས་དྲངས་ན། མཐོང་བའི་དོན་སྒོམ་པར་བྱེད་པས་བསྒོམ་ལམ། གསུམ་པ་དབྱེ་ན། སྤང་བྱའི་ངོས་ནས། ཉོན་སྒྲིབ་ལྷན་སྐྱེས་དང་། ཤེས་སྒྲིབ་

― JKT006_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུང་འཛིན་གྱི་རྟོག་པ་ཕྲ་བ་རྣམས་ནི་བསྒོམ་སྤངས་ཏེ། དེའི་གཉེན་པོར་བསྒོམ་ལམ་ཆུང་འབྲིང་ཆེ་གསུམ་དང་། དེ་རེ་རེ་ལའང་ཆུང་ངུའི་ཆུང་ངུ་སོགས་དབྱེ་བས་དགུ་སྟེ་ས་གཉིས་པ་ནས་བཅུ་པའི་བར་རོ། །དེ་དག་གི་འཁོར་དུ་གཏོགས་པའི་དགེ་བ་ནི། འཕགས་པ་རྣམས་ཀྱིས་བགྲོད་པར་བྱ་བའི་འཇུག་ངོགས་སུ་གྱུར་པའི་ལམ་ལ་འཕགས་པའི་ལམ་ཡན་ལག་བརྒྱད་ཅེས་བྱ་སྟེ། དེ་ལ་ཡང་༡དག་པའི་ལྟ་བ་ནི། ས་གཉིས་པ་ཡན་ཆད་ཀྱི་ཟག་པ་མེད་པའི་ཤེས་རབ་སྟེ། དེས་ཆོས་ཀྱི་དབྱིངས་ལ་རྣམ་པར་མི་རྟོག་པའི་ཡེ་ཤེས་ཀྱིས་འདི་ལྟར་མཐོང་ངོ་སྙམ་དུ་དམིགས་ཤིང་དཔྱོད་པས་ན་ཡོངས་སུ་དཔྱོད་པའི་ཡན་ལག་གོ །ཡང་དག་པའི་རྟོག་༢པ་ནི། ཆོས་རྣམས་ཀྱི་རང་དང་སྤྱིའི་མཚན་ཉིད་མ་ནོར་བ་བརྟགས་པ་སྟེ་གཞན་གོ་བར་བྱེད་པའི་ཡན་ལག་གོ །ཡང་དག་པའི་ངག་༣ནི། རང་གིས་ལ། ཇི་ལྟར་རྟོགས་པ་དེ་བཞིན་དུ་གཞན་ལ་འཆད་པར་བྱེད་པས་ཇི་ལྟར་དྲིས་པ་དེ་བཞིན་དུ་ལུང་སྟོན་པས་ན་ལྟ་བ་རྣམ་པར་དག་པ་དང་། ཡང་དག་པའི་ལས་ཀྱི་མཐའ་༤ནི། སྲོག་གཅོད་ལ་སོགས་པའི་མི་དགེ་བ་ཅུང་ཟད་ཀྱང་མི་བྱེད་པས་སྤྱོད་པ་ཕུན་སུམ་ཚོགས་པའི་ཕྱིར་ཚུལ་ཁྲིམས་རྣམ་པར་དག་པ་དང་། ཡང་དག་པའི་འཚོ་བ་༥ནི། ལོག་འཚོ་སྤངས་ཏེ་དེ་བཞིན་གཤེགས་པས་ཇི་ལྟར་གནང་བ་བཞིན་

― JKT006_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ལོངས་སྤྱོད་པས་འཚོ་བ་རྣམ་དག་ཏུ་ཡིད་ཆེས་པས་ན། འདི་གསུམ་ནི་གཞན་ཡིད་ཆེས་པར་བྱེད་པའི་ཡན་ལག་གོ །ཡང་དག་པའི་རྩོལ་བ་༦ནི་བསྒོམ་ལམ་གྱིས་སྤང་བར་བྱ་བའི་ཉོན་མོངས་པ་རྣམས་སྤོང་བའི་ཆེད་དུ་བརྩོན་འགྲུས་རྩོམ་པ། ཡང་དག་པའི་དྲན་༧པ་ནི། ཉེ་བའི་ཉོན་མོངས་པ་བྱིངས་རྒོད་ཀྱི་གཉེན་པོའི་དམིགས་པ་མ་བརྗེད་པ། ཡང་དག་པའི་ཏིང་ངེ་འཛིན་ནི། བསམ་གཏན་བཞི་པའི་ས་ལ་བརྟེན་ནས་མངོན་པར་ཤེས་པ་ལ་སོགས་པའི་ཡོན་ཏན་རྒྱ་ཆེར་བསྒྲུབ་པ་སྟེ། འདི་གསུམ་ནི་མི་མཐུན་པའི་ཕྱོགས་ཀྱི་གཉེན་པོའི་ཡན་ལག་གོ །ཡོན་ཏན་གྱི་ཁྱད་པར་ནི། ས་དང་པོའི་ཡོན་ཏན་བརྒྱ་ཕྲག་བཅུ་གཉིས་གཞིར་བཞག་པའི་སྟེང་དུ་ས་གཉིས་པ་ལ་ཡོན་ཏན་དེ་དག་སྟོང་དུ་འགྱུར་བས་མཚོན་རིམ་བཞིན་དུ་གོང་ནས་གོང་དུ་འཕེལ་བའི་ཚུལ་ཤེས་པར་བྱའོ། །ལྔ་པ་མི་སློབ་པའི་ལམ་ལའང་གསུམ་ལས། དང་པོ་མཚན་ཉིད་ནི། རང་གི་རྟོགས་པ་མཐར་ཐུག་པ་དེ་མི་སློབ་པའི་ལམ་གྱི་མཚན་ཉིད། གཉིས་པ་སྒྲ་དོན་ནི། ནིཥྛ་མཱརྒ་ཞེས་པའི་སྒྲ་ལས་དྲངས་ན། སྤང་བྱ་སྤོང་བ་དང་། ཤེས་བྱ་ཤེས་པ་མཐར་ཕྱིན་པར་བྱེད་པས་ན་མཐར་ཕྱིན་པའམ། མི་སློབ་པའི་ལམ་མོ། །གསུམ་པ་དབྱེ་ན། གནས་སྐབས་ཀྱི་མི་སློབ་པའི་ལམ་དང་། མཐར་ཐུག་གི་མི་སློབ་པའི་

― JKT006_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་གཉིས་ལས། དང་པོ་ནི། ཉན་རང་གཉིས་ཀྱི་མི་སློབ་པའི་ས་སྟེ། དེ་ནི་གོང་དུ་འགྲོ་བ་དང་བཅས་པའི་ཕྱིར་ལམ་མཚན་ཉིད་པ་དང་འབྲས་བུ་བཏགས་པ་བ་ཡིན་ནོ། །གཉིས་པ་ནི། ཐེག་པ་ཆེན་པོའི་མི་སློབ་པའི་ས་སྟེ། དེ་ལས་གོང་དུ་སྤངས་རྟོགས་ཀྱི་ཁྱད་པར་གཞན་ཐོབ་ཏུ་མེད་པའི་ཕྱིར་ལམ་བཏགས་པ་བ་དང་། འབྲས་བུ་མཚན་ཉིད་པ་ཡིན་ནོ། །དེའི་ངོ་བོ་ནི་རྡོ་རྗེ་ལྟ་བུའི་ཏིང་ངེ་འཛིན་ལ་བརྟེན་ནས་ཉོན་མོངས་པ་བག་ཆགས་དང་བཅས་པ་གཏན་ནས་སྤངས་ཤིང་། ཟད་པ་དང་མི་སྐྱེ་བ་ཤེས་པའི་ཡེ་ཤེས་མཐར་ཐུག་པ་ཐོབ་པ་སྟེ། རྣམ་པ་ཐམས་ཅད་མཁྱེན་པ་ཉིད་དོ། །དེ་ལྟ་བུའི་ལམ་ལྔ་ལས། ཚོགས་སྦྱོར་དུ་གཙོ་བོར་མིང་ལ་འཇུག །མཐོང་ལམ་དུ་དོན་ལ་འཇུག །བསྒོམ་ལམ་དུ་དོན་གོམས་པ་ལ་འཇུག །མི་སློབ་པའི་ལམ་དུ་དོན་མཐར་ཕྱིན་པ་ལ་འཇུག་གོ ༈ །གཉིས་པ་ས་བཅུའི་རྣམ་པར་བཞག་པ་ལའང་གསུམ་ལས། དང་པོ་མཚན་ཉིད་ནི། རྟོགས་པའི་ཡོན་ཏན་གྱི་རྟེན་དུ་གྱུར་པ་སའི་མཚན་ཉིད། སྒྲ་དོན་ནི། བྷ་མི་ཞེས་པའི་སྒྲ་ལས་དྲངས་ན། གོང་མའི་ཡོན་ཏན་ཐོབ་པའི་རྟེན་དུ་འགྱུར་ཞིང་། ས་དེ་ཉིད་ཡོན་ཏན་གྱི་གཞི་ཡིན་པས་ན་ས་ཞེས་བྱའོ། །གསུམ་པ་དབྱེ་ན། སྤྱིར་ཐེག་པ་ཆེ་ཆུང་གི་དབྱེ་བ་དང་། ཐེག་ཆེན་ལའང་སོ་སོ་སྐྱེ་བོ་དང་། །

― JKT006_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

འཕགས་པའི་ས་གཉིས་ལས་འདིར་སྐབས་སུ་བབས་པ་ཐེག་ཆེན་འཕགས་པའི་ས་ལ། སློབ་པའི་ས་དང་མི་སློབ་པའི་ས་གཉིས། དང་པོ་ནི། རབ་ཏུ་དགའ་བ་ལ་སོགས་པ་བཅུ་སྟེ། དེ་དག་གི་མཚན་ཉིད་དང་སྒྲ་དོན་ཟུང་དུ་འབྲེལ་བར་བཤད་ན། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་ནས་སེར་སྣའི་རྒྱུ་འབྲས་སྤོང་བ་ས་དང་པོའི་མཚན་ཉིད། དེའི་ཚེ་སྔོན་མ་མཐོང་བའི་ཆོས་ཉིད་མཐོང་བས་བྱང་ཆུབ་ཏུ་ཉེ་བ་དང་། སེམས་ཅན་གྱི་དོན་རྒྱ་ཆེན་པོ་འགྲུབ་པར་མཐོང་བས་རབ་ཏུ་དགའ་བ་ཁྱད་པར་ཅན་སྐྱེ་བའི་ཕྱིར་རབ་ཏུ་དགའ་བ་ཞེས་བྱའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་ནས་འཆལ་ཚུལ་གྱི་རྒྱུ་འབྲས་སྤོང་བ་ས་གཉིས་པའི་མཚན་ཉིད། དེའི་ཚེ་རྨི་ལམ་ཙམ་དུའང་འཆལ་བའི་ཚུལ་ཁྲིམས་ཀྱི་དྲི་མ་མེད་པས་དྲི་མ་མེད་པ་ཞེས་བྱའོ། །བཟོད་པའི་ཕར་ཕྱིན་ཡོངས་སུ་རྫོགས་ནས་ཁོང་ཁྲོའི་རྒྱུ་འབྲས་སྤོང་བ་ས་གསུམ་པའི་མཚན་ཉིད། དེའི་ཚེ་འཇིག་རྟེན་ལས་འདས་པའི་ཡེ་ཤེས་ཀྱི་སྣང་བ་ཚད་མེད་པས་ན་འོད་བྱེད་པ་ཞེས་བྱའོ། །བརྩོན་འགྲུས་ཀྱི་ཕར་ཕྱིན་ཡོངས་སུ་རྫོགས་ནས་ལེ་ལོའི་རྒྱུ་འབྲས་སྤོང་བ་ས་བཞི་པའི་མཚན་ཉིད། དེའི་ཚེ་ཉོན་མོངས་པའི་བུད་ཤིང་མ་ལུས་པ་བསྲེག་ནུས་པའི་བྱང་ཆུབ་ཕྱོགས་ཀྱི་ཆོས་ཀྱི་འོད་ཤིན་ཏུ་འཕྲོ་བས་ན་འོད་འཕྲོ་

― JKT006_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཞེས་བྱའོ། །བསམ་གཏན་གྱི་ཕར་ཕྱིན་ཡོངས་སུ་རྫོགས་ནས་རྣམ་པར་གཡེང་བའི་རྒྱུ་འབྲས་སྤོང་བ་ནི་ས་ལྔ་པའི་མཚན་ཉིད། དེའི་ཚེ་སེམས་ཅན་གྱི་དོན་ཀྱང་རྒྱུན་མི་འཆད་ཅིང་། རང་གི་ངོ་བོ་རྣམ་པར་མི་རྟོག་པའི་ཡེ་ཤེས་ལས་ཀྱང་ཉམས་པ་མེད་པ་སྟེ། འདི་གཉིས་ཟུང་འབྲེལ་དུ་སྤྱོད་པ་དེ་ཤིན་ཏུ་དཀའ་བའི་ཕྱིར་སྦྱངས་དཀའ་བ་ཞེས་བྱའོ། །ཤེས་རབ་ཀྱི་ཕར་ཕྱིན་ཡོངས་སུ་རྫོགས་ནས་ཤེས་འཆལ་གྱི་རྒྱུ་འབྲས་སྤོང་བ་ནི་ས་དྲུག་པའི་མཚན་ཉིད། དེའི་ཚེ་སོ་སོར་རྟོག་པའི་ཤེས་རབ་ཀྱིས་འཁོར་འདས་ཀྱི་ཆོས་ཐམས་ཅད་མངོན་སུམ་དུ་མཐོང་བས་མངོན་དུ་གྱུར་པ་ཞེས་བྱའོ། །ཐབས་ཀྱི་ཕར་ཕྱིན་ཡོངས་སུ་རྫོགས་ནས་ཐབས་ལ་མི་མཁས་པའི་རྒྱུ་འབྲས་སྤོང་བ་ནི་ས་བདུན་པའི་མཚན་ཉིད། དེའི་ཚེ་བགྲོད་པ་གཅིག་པའི་ལམ་ས་བརྒྱད་པ་དང་འདབས་འབྲེལ་བས་ཉེ་ཞིང་འཁོར་འདས་ཀྱི་མཐའ་ལས་རིང་དུ་སོང་བས་ན་རིང་དུ་སོང་བ་ཞེས་བྱའོ། །སྟོབས་ཀྱི་ཕར་ཕྱིན་རྫོགས་ནས་སྟོབས་ལ་སྒྲིབ་པའི་རྒྱུ་འབྲས་སྤོང་བ་ནི་ས་བརྒྱད་པའི་མཚན་ཉིད། དེའི་ཚེ་མཉམ་རྗེས་ཀུན་ཏུ་རྣམ་པར་མི་རྟོག་པའི་ཡེ་ཤེས་མཚན་མའི་ཆོས་ལས་འདས་ཤིང་རྩོལ་བས་མི་བསྐྱོད་པའི་ཕྱིར་མི་གཡོ་བ་ཞེས་བྱའོ། །སྨོན་ལམ་གྱི་ཕར་ཕྱིན་འདི་ལ་ལར་ས་བརྒྱད་པ་སྨོན་ལམ་དང་། དགུ་པ་སྟོབས་ཀྱི་ཕ་རོལ་ཏུ་ཕྱིན་པས་རྫོགས་པར་

― JKT006_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པའང་ཡོད། མཆན། རྫོགས་ནས་སྨོན་པའི་དོན་མི་འགྲུབ་པའི་རྒྱུ་འབྲས་སྤོང་བ་ནི་ས་དགུ་པའི་མཚན་ཉིད། དེའི་ཚེ་སོ་སོ་ཡང་དག་པར་རིག་པ་བཞི་ལ་དབང་འབྱོར་བའི་བློ་གྲོས་ཕུན་སུམ་ཚོགས་པ་དང་ལྡན་པའི་ཕྱིར་ན་ལེགས་པའི་བློ་གྲོས་ཞེས་བྱའོ། །ཡེ་ཤེས་ཀྱི་ཕར་ཕྱིན་ཡོངས་སུ་རྫོགས་ནས་ཤེས་བྱའི་སྒྲིབ་པའི་རྒྱུ་འབྲས་སྤོང་བ་ནི་ས་བཅུ་པའི་མཚན་ཉིད། དེའི་ཚེ་ཏིང་ངེ་འཛིན་དང་གཟུངས་ཀྱི་སྤྲིན་ལས་འཇིག་རྟེན་གྱི་ཁམས་མཐའ་ཡས་པར་གདུལ་བྱ་སོ་སོའི་སྐལ་པ་དང་འཚམས་པར་ཆོས་ཀྱི་ཆར་འབེབས་ནུས་པའི་ཕྱིར་ཆོས་ཀྱི་སྤྲིན་ཅེས་བྱའོ། །དེ་ལའང་ནང་གསེས་སུ་ས་དང་པོ་ནས་བདུན་པའི་བར་ལ་མ་དག་ས་བདུན་ཅེས་བྱ་སྟེ། མཉམ་རྗེས་ཐ་དད་དུ་འཛིན་པའི་དྲི་མ་དང་བཅས་པའི་ཕྱིར། ས་བརྒྱད་པ་ནས་བཅུ་པའི་བར་ལ་དག་པ་ས་གསུམ་ཞེས་བྱ་སྟེ། ཐ་དད་དུ་འཛིན་པའི་དྲི་མ་ལས་འདས་པའི་ཕྱིར་རོ། །དེ་ལྟ་བུའི་ལམ་དང་ས་དེ་དག་ཀྱང་། དོན་དམ་སེམས་བསྐྱེད་ལ་བརྟེན་ནས་ཤེས་རབ་སྟོང་པ་ཉིད་བསྒོམས་པས་ཉེར་ལེན་གྱི་རྒྱུ་དང་། ཐབས་སྙིང་རྗེ་ཆེན་པོས་ལྷན་ཅིག་བྱེད་རྐྱེན་བྱས་ནས་ལམ་ལྔ་འགྲུབ། ཀུན་རྫོབ་སེམས་བསྐྱེད་ལ་བརྟེན་ནས་ཐབས་སྙིང་རྗེས་ཉེར་ལེན་གྱི་རྒྱུ་དང་། ཤེས་རབ་སྟོང་པ་ཉིད་ཀྱིས་ལྷན་ཅིག་བྱེད་པའི་རྐྱེན་བྱས་ནས་ས་བཅུ་ཐོབ་

― JKT006_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། སངས་རྒྱས་པ་ན་ཡང་ལམ་མཐར་ཐུག་པ་ཆོས་སྐུ་དང་། ས་མཐར་ཐུག་པ་གཟུགས་ཀྱི་སྐུ་ཡིན་ནོ། །གཉིས་པ་མི་སློབ་པའི་ས་ནི། སྤངས་པ་དང་ཡེ་ཤེས་ཕུན་སུམ་ཚོགས་པའི་རང་བཞིན་མཐར་ཕྱིན་པ་དེ་སངས་རྒྱས་ཀྱི་སའི་མཚན་ཉིད། དེའི་མིང་ནི་བཅུ་གཅིག་པ་ཀུན་ཏུ་འོད་ཅེས་བྱའོ། །སྐུ་ལས་འོད་ཟེར་མང་པོ་བཀྱེ་བས་གདུལ་བྱ་རྣམས་སྨིན་པ་དང་། གསུང་དམ་པའི་ཆོས་འོད་དང་འདྲ་བས་མངོན་མཐོ་དང་ངེས་ལེགས་ཀྱི་ལམ་སྣང་བར་མཛད་པའི་སྟོན་པ་གཅིག་པུར་གྱུར་པའི་ཕྱིར་ཀུན་ཏུ་འོད་ཅེས་བྱའོ། །མཆན། དབྱེ་ན་རྟེན་སྐུ་གསུམ། བརྟེན་པ་ཡེ་ཤེས་བཞི། ཡོན་ཏན་དང་ཕྲིན་ལས་ཀྱི་ཚོགས་བསམ་གྱིས་མི་ཁྱབ་པ་དང་བཅས་པ་ལ་དབང་འབྱོར་བ་སྟེ། དང་པོ་རྟེན་སྐུ་ལའང་དབྱེ་ན་གཉིས་ཏེ། རང་དོན་མཐར་ཕྱིན་ཆོས་ཀྱི་སྐུ་དང་། གཞན་དོན་མཐར་ཕྱིན་གཟུགས་ཀྱི་སྐུའོ། །དང་པོ་ནི། དབྱིངས་རང་བཞིན་རྣམ་པར་དག་པའི་ཡེ་ཤེས་དང་། ལམ་གློ་བུར་གྱི་སྒྲིབ་གཉིས་དག་པའི་ཡེ་ཤེས་གཉིས་དབྱེར་མེད་པར་རང་བཞིན་གྱིས་ཟུང་དུ་འཇུག་ཅིང་དྲི་མ་ཐམས་ཅད་དང་བྲལ་བའི་དག་པ་གཉིས་ལྡན་གྱི་ཡེ་ཤེས་ནམ་མཁའ་ལྟ་བུ་མངོན་དུ་གྱུར་པ་སྟེ་སངས་རྒྱས་འཕགས་པའི་ཐུགས་རྒྱུད་ཀྱི་འགོག་ལམ་བདེན་པ་རྣམས་དང་དོན་གཅིག་གོ། །གཉིས་པ་ལའང་གཉིས་ཏེ། ལོངས་སྤྱོད་རྫོགས་པའི་སྐུ་དང་། སྤྲུལ་པའི་སྐུའོ། །དང་

― JKT006_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ནི། དེ་ལྟ་བུའི་ཆོས་ཀྱི་སྐུའི་ཡེ་ཤེས་ལས་མ་གཡོས་བཞིན་དུ། གནས་ངེས་པ་༡འོག་མིན་ཆེན་པོ་སྟུག་པོ་བཀོད་པར། སྟོན་པ་ངེས་༢པ་མཚན་དང་དཔེ་བྱད་ཀྱི་དཔལ་དུ་འབར་བའི་ལོངས་སྤྱོད་རྫོགས་སྐུ་རྣམ་པར་སྣང་མཛད་ཆེན་པོས་འཁོར་ངེས་པ་༣དག་པའི་གདུལ་བྱ་ས་བཅུའི་སེམས་དཔའ་འབའ་ཞིག་ལ། ཆོས་ངེས་པ་༤ ཐེག་པ་ཆེན་པོའི་ཆོས་ཀྱི་འཁོར་ལོ། དུས་ངེས་པ་རྟག་པ་རྒྱུན་གྱི་འཁོར་ལོར་བསྐོར་བར་མཛད་པའི་ཕྱིར་ངེས་པ་ལྔ་དང་ལྡན་པའོ། ༈ །གཉིས་པ་སྤྲུལ་པའི་སྐུ་ནི། ངོ་བོ་གོང་དུ་བཤད་མ་ཐག་པའི་ལོངས་སྐུའི་བདག་རྐྱེན་ལས་བྱུང་བ། དུས་རྒྱུན་མི་འཆད་པ་སྲིད་པ་ཇི་སྲིད་གནས་ཀྱི་བར་དུ། ཡུལ་ནམ་མཁའི་མཐའ་དང་མཉམ་པའི་གདུལ་བྱ་གང་ན་གནས་པ་ན། ཚུལ་གང་ལ་གང་འཚམས་པའི་ཕན་བདེའི་མཛད་པ་བླ་ན་མེད་པས། ཕྲིན་ལས་སེམས་ཅན་གྱི་དོན་འབའ་ཞིག་ལྷུན་གྱིས་གྲུབ་པར་མཛད་པ་སྟེ། དེ་ལའང་དབྱེ་ན། སྐྱེ་བ་སྤྲུལ་པའི་སྐུ་དགའ་ལྡན་ན་བཞུགས་པ་ལྟ་བུ། མཆོག་༢གི་སྤྲུལ་པའི་སྐུ་ཤཱཀྱ་ཐུབ་པ་ལྟ་བུ། བཟོའི་སྤྲུལ་པའི་སྐུ་དྲི་ཟའི་རྒྱལ་པོ་རབ་དགའ་འདུལ་བའི་དོན་དུ་པི་ཝང་ལེན་པ་སོགས་དུ་མ་སྟེ། མདོར་ན་ཆོས་ཀྱི་སྐུ་རྣམ་པར་མི་རྟོག་པ་ནམ་མཁའ་ལྟ་བུའི་ངང་ནས། ལོངས་སྤྱོད་རྫོགས་པའི་སྐུ་ཟླ་བ་ལྟ་བུ་ལས། སྤྲུལ་པའི་

― JKT006_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་ཆུ་ཟླ་ལྟར་ཅིར་ཡང་འཆར་བས་གདུལ་བྱའི་འདོད་པ་རྫོགས་པར་མཛད་པ་སྟེ་ངོ་བོ་བདག་གཅིག་གི་འབྲེལ་བའོ། །དེ་ལས་གཙོ་བོར་སྔགས་ཀྱི་སྡེ་སྣོད་རྣམས་སུ་སྐུ་བཞིར་གསུངས་པ་ནི། སྐུ་གསུམ་པོ་རྣམས་ཐ་དད་ཀྱང་། རང་བཞིན་དབྱེར་མི་ཕྱེད་པ་ཟུང་དུ་འཇུག་པ་ལ་ངོ་བོ་ཉིད་སྐུའི་ཐ་སྙད་མཛད་ཅིང་། མངོན་རྟོགས་རྒྱན་ལས། འདིར་གཤེགས་པའི་ཆོས་སྐུ་ལ་ངོ་བོ་ཉིད་སྐུའི་ཐ་སྙད་མཛད་དེ༑ གཟུགས་སྐུ་གཉིས་ཀྱི་ངོ་བོར་གྱུར་པ་ལ་དགོངས་སོ། །གཉིས་པ་བརྟེན་པ་ཡེ་ཤེས་ལའང་གཉིས་ཏེ། མཚན་ཉིད་དང་དབྱེ་བའོ། །དང་པོ་ནི། ཆོས་གང་ཞིག་ལ་སྒྲིབ་བྱེད་ཀྱི་དྲི་མ་དང་བྲལ་ནས་རང་གི་གནས་ལུགས་མངོན་སུམ་དུ་གྱུར་པ་ཡེ་ཤེས་ཀྱི་མཚན་ཉིད། དབྱེ་ན། མདོ་ལས་གསུངས་པའི་ཡེ་ཤེས་བཞི་དང་། སྔགས་ལས་དེ་ཐམས་ཅད་ཀྱི་ཁྱབ་བྱེད་ཆོས་ཀྱི་དབྱིངས་ལའང་ཡེ་ཤེས་ཀྱི་སྒྲས་སྨོས་པ་ལྔའོ། །དེ་ལ་ཆོས་ཐམས་ཅད་ཀྱིས་ཆོས་ཉིད་ཀུན་གཞི་ཉིད་དབྱིངས་སུ་ནུབ་པ་ཆོས་ཀྱི་དབྱིབས་ཀྱི་ངོ་བོ། མཚན་ཉིད་ནི། དབྱིངས་རང་བཞིན་གྱིས་རྣམ་པར་དག་པ་ལ་སྤང་བྱ་གློ་བུར་གྱི་དྲི་མ་ཕྲ་མོའང་དག་པའོ། །ཆོས་ཅན་གསལ་བའི་ཆ་ཀུན་གཞིའི་རྣམ་པར་ཤེས་པ་དབྱིངས་སུ་ནུབ་པ་མེ་ལོང་ལྟ་བུའི་ཡེ་ཤེས་༣ཀྱི་ངོ་བོ། མཚན་ཉིད་ནི། ངོ་བོ་ང་དང་ང་ཡིར་འཛིན་པ་༡མེད་པ། །

― JKT006_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་ཡོངས་སུ་༢རིས་མ་ཆད་པ། དུས་རྟག་༣ཏུ་རྒྱུན་མ་ཆད་པ། ཆོས་ཅན་ཤེས་བྱ་༤ ཀུན་ལ་མ་རྨོངས་པ། ཡུལ་གྱི་རྣམ་པ་མེད་པས་ཡུལ་ལ་མངོན་དུ་མི་ཕྱོགས་པ་སྟེ་ཆོས་ལྔ་དང་ལྡན་པ་གང་ཞིག །ཡེ་ཤེས་གཞན་ཐམས་ཅད་ཀྱི་འཆར་གཞིར་གྱུར་པའོ། །ཡིད་ཀྱི་འདི་སྐུ་གསུམ་ལ་འཇུག་པའི་མདོའི་རྗེས་སུ་འབྲངས་པ་སྟེ། གཞན་དུ་ཡིད་ཤེས་གནས་གྱུར་པ་སོར་རྟོག་དང་། ཉོན་ཡིད་གནས་གྱུར་པ་མཉམ་ཉིད་ཡེ་ཤེས་སུའང་བཤད་དོ། །མཆན། རྣམ་ཤེས་དབྱིངས་སུ་ནུབ་པ་མཉམ་པ་༡ཉིད་ཀྱི་ངོ་བོ། མཚན་ཉིད་ནི། ཆོས་ཐམས་ཅད་མཉམ་པ་ཉིད་དུ་ཐུགས་སུ་ཆད་པས་སྲིད་ཞིའི་མཐའ་གཉིས་ལ་མི་གནས་ཤིང་། བྱམས་པ་ཞི དང་སྙིང་རྗེ་ཆེན་པོ་མཚུངས་པར་ལྡན་པས་སེམས་ཅན་གྱི་མོས་པ་དང་འཚམས་པར་སངས་རྒྱས་ཀྱི་སྐུར་སྟོན་པའོ། །ཉོན་མོངས་པ་ཅན་གྱི་ཡིད་དབྱིངས་སུ་ནུབ་པ་སོ་སོར་རྟོག་༤པའི་ཡེ་ཤེས་ཀྱི་ངོ་བོ། །མཚན་ཉིད་ནི། འཁོར་འདས་ཀྱི་ཆོས་ཐམས་ཅད་མ་འདྲེས་པར་མཁྱེན་ཅིང་། གཟུངས་དང་ཏིང་ངེ་འཛིན་གྱི་འབྱུང་གནས་སུ་གྱུར་པས་བྱང་ཆུབ་སེམས་དཔའི་འཁོར་རྣམས་ལ་ཟག་མེད་ཀྱི་ཆོས་སྟོན་ཅིང་ཐེ་ཚོམ་གྱི་དྲྭ་བ་གཅོད་པའོ། །སྒོ་ལྔའི་རྣམ་ཤེས་དབྱིངས་སུ་གྲུབ་པ་བྱ་རབ་གྲུབ་པའི་ཡེ་ཤེས་ཀྱི་ངོ་བོ། མཚན་ཉིད་ནི། འཇིག་རྟེན་གྱི་ཁམས་ཀུན་ཏུ་སྤྲུལ་པ་དཔག་ཏུ་མེད་པས་སེམས་ཅན་གྱི་

― JKT006_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་བསམ་གྱིས་མི་ཁྱབ་པ་སྒྲུབ་པར་མཛད་པའོ། །གསུམ་པ་ཡོན་ཏན་དང་ཕྲིན་ལས་བཤད་པ་ལ་གཉིས་ཏེ། བྲལ་སྨིན་གྱི་ཡོན་ཏན་བསྡུས་ཏེ་བསྟན་པ་དང་། དེ་ལས་གཞན་པའི་ཡོན་ཏན་དང་ཕྲིན་ལས་བསམ་གྱིས་མི་ཁྱབ་པར་བསྟན་པའོ། །དང་པོ་ལའང་གཉིས་ཏེ། རང་དོན་དོན་དམ་པ་ཆོས་ཀྱི་སྐུའི་དོན་གྱི་སྐུ་ཞེས་བྱ་བ་སྟོབས་བཅུ། མི་འཇིགས་པ་བཞི། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དེ་སྤང་བྱའི་ཉོན་མོངས་པ་དང་བྲལ་བའི་འབྲས་བུ་སུམ་ཅུ་རྩ་གཉིས་དང་ལྡན་པ་དང་། གཞན་དོན་ཀུན་རྫོབ་ཀྱི་སྐུའམ་བརྡའི་སྐུ་ཞེས་བྱ་བ་བསོད་ནམས་ཀྱི་ཚོགས་རྒྱ་མཚོ་ལྟ་བུའི་རྣམ་པར་སྨིན་པའི་འབྲས་བུ་མཚན་བཟང་པོ་སུམ་ཅུ་རྩ་གཉིས་ཏེ། རྣམ་པ་གཉིས་པོ་བསྡོམས་པས་སྐུ་གཉིས་ལ་མངའ་བའི་བྲལ་སྨིན་གྱི་ཡོན་ཏན་དྲུག་ཅུ་རྩ་བཞི་ཞེས་བྱ་སྟེ། རྒྱུད་བླ་མ་ལས། རང་དོན་གཞན་དོན་དོན་དམ་སྐུ་དང་ནི། །དེ་ལ་བརྟེན་པའི་ཀུན་རྫོབ་སྐུ་ཉིད་དེ། །བྲལ་དང་རྣམ་པར་སྨིན་པའི་འབྲས་བུ་ནི། །ཡོན་ཏན་དབྱེ་བ་དྲུག་ཅུ་བཞི་དག་དང་། །ཞེས་སོགས་རྒྱ་ཆེར་གསུངས་པ་ལྟར་རོ། །དེ་ལ་དང་པོ་བྲལ་བའི་འབྲས་བུ་སུམ་ཅུ་རྩ་གཉིས་ལའང་སྡེ་ཚན་གསུམ་ལས། དང་པོ་དེ་བཞིན་གཤེགས་པའི་སྟོབས་བཅུ་ནི། སངས་རྒྱས་འཕགས་པ་རྣམས་ཀྱིས་མཁྱེན་པའི་བྱེ་བྲག་གང་ཞིག །མི་

― JKT006_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་ཕྱོགས་ཀྱིས་བརྫི་བར་མི་ནུས་པ་སྟོབས་ཀྱི་མཚན་ཉིད། དབྱེ་ན། སྦྱིན་པ་ལས་ལོངས་སྤྱོད་འབྱུང་བས་གནས་དང་། སེར་སྣ་ལས་དེ་འབྱུང་བ་གནས་མ་ཡིན་པ་སོགས་འཁོར་འདས་ཀྱིས་བསྡུས་པའི་རྒྱུ་འབྲས་ཀྱི་ཡུལ་ལ་ཆགས་ཐོགས་མེད་པའི་མཁྱེན་པ་གནས་དང་གནས་མ་ཡིན་པ་མཁྱེན་པའི་སྟོབས༡། དགེ་སྡིག་གི་ངོ་བོ་དང་རབ་དབྱེ་སོགས་ཕྲ་ཞིང་ཕྲ་བ་ནས་མ་འདྲེས་པར་མཁྱེན་ཅིང་མ་བྱས་པའི་ལས་དང་མི་འཕྲད་ཅིང་། བྱས་པ་ཆུད་མི་ཟ་བ་དང་། ལས་བདག་གིར་བྱ་བ་སྟོན་པ་ལ་མཁས་པ་ལས་ཀྱི་རྣམ་པར་སྨིན་པ་མཁྱེན་པའི་སྟོབས༢། གདུལ་བྱ་དབང་པོ་མཆོག་རྣོན་པོ་དང་། མཆོག་མ་ཡིན་པ་འབྲིང་པོ་དང་། རྟུལ་པོའི་བྱེ་བྲག་ཇི་བཞིན་དུ་མཁྱེན་པ་དབང་པོ་མཆོག་དང་མཆོག་མ་ཡིན་པ་མཁྱེན་པའི་སྟོབས་༣། གདུལ་བྱའི་འཇིག་རྟེན་གྱི་ཁམས་ཏེ་རིགས་སྣ་ཚོགས་ལ་ངེས་པ་དང་། མ་ངེས་པ་དང་། ངེས་པ་ལའང་ཐེག་པ་གསུམ་གྱི་རིགས་གང་དུ་གཏོགས་པ་མཁྱེན་པ་ཁམས་སྣ་ཚོགས་པ་མཁྱེན་པའི་སྟོབས་། གདུལ་བྱ་རྣམས་ཐེག་པ་གསུམ་གང་ལ་མོས་པ་སོགས་མོས་པའམ་བསམ་པ་སྣ་ཚོགས་པ་མཁྱེན་པ་མོས་པ་སྣ་ཚོགས་པ་མཁྱེན་པའི་སྟོབས།། མངོན་མཐོ་དང་། ངེས་ལེགས་ཀུན་ཏུ་འགྲོ་བའི་ལམ་ཐེག་པ་གསུམ་དང་། བསོད་ནམས་དང་། མི་

― JKT006_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

གཡོ་བའི་ལས་དང་། དེ་ལས་བཟློག་པ་སོགས་ཆགས་ཐོགས་མེད་པར་མཁྱེན་པ་ཀུན་ཏུ་འགྲོ་བའི་ལམ་མཁྱེན་པའི་སྟོབས༦། བསམ་གཏན་བཞི་དང་། རྣམ་ཐར་བརྒྱད་དང་། མཐར་གྱིས་གནས་པའི་སྙོམས་པར་འཇུག་པ་དགུ་སོགས་ལས་ཀུན་ནས་ཉོན་མོངས་དང་། རྣམ་པར་བྱང་བའི་ཁྱད་མ་འདྲེས་པར་མཁྱེན་པ་ཀུན་ཉོན་དང་རྣམ་བྱང་མཁྱེན་པའི་སྟོབས༧། རང་གཞན་གྱི་སྔོན་གནས་ཚེ་རབས་དུ་མ་རྗེས་སུ་དྲན་པ་སྔོན་གནས་རྗེས་དྲན་མཁྱེན་པའི་སྟོབས། ལྷའི་མིག་གི་མངོན་པར་ཤེས་པ་ལ་བརྟེན་ནས་འགྲོ་བ་རྣམས་ད་ལྟ་ནས་མ་འོངས་པར་འཇུག་པའི་འཆི་འཕོ་དང་སྐྱེ་བའི་གནས་སྐབས་མ་འདྲེས་པར་གཟིགས་པ་འཆི་འཕོ་དང་སྐྱེ་བ་མཁྱེན་པའི་སྟོབས༩། བྱང་ཆུབ་གསུམ་གྱི་ཉན་རང་སངས་རྒྱས་སྤང་བྱ་དང་ཟག་པ་ཟད་པའི་གནས་སྐབས་རྣམས་མ་འདྲེས་པར་མཁྱེན་པ་ཟག་པ་ཟད་པ་མཁྱེན་༡༠པའི་སྟོབས་ཏེ་སྟོབས་བཅུའོ། །གཉིས་པ་མི་འཇིགས་པ་བཞི་ནི། དེ་བཞིན་གཤེགས་པ་མང་པོའི་ནང་དུ་བྱོན་ནས་རང་ཉིད་ཀྱིས་ཞལ་གྱིས་བཞེས་པ་དེ་ལ་གཞན་དག་གིས་ཆོས་མཐུན་གྱི་རྒོལ་བའི་སྐབས་མི་རྙེད་པས་བག་ཚ་བ་མེད་པ་ནི་མི་འཇིགས་པའི་མཚན་ཉིད། དབྱེ་ན། བདག་ཉིད་མངོན་པར་རྫོགས་པར་སངས་རྒྱས་སོ་ཞེས་ཆོས་ཐམས་ཅད་ཀྱི་རང་བཞིན་མ་འདྲེས་པར་རྟོགས་

― JKT006_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ཞལ་གྱིས་བཞེས་པ། གཞན་དག་གིས་འདི་མ་རྟོགས་སོ་ཞེས་ཆོས་མཐུན་གྱི་རྒོལ་བའི་གནས་མེད་པས་རྟོགས་༡པ་ཕུན་སུམ་ཚོགས་པ་ལ་མི་འཇིགས་པ་དང་། ངས་ནི་སྒྲིབ་གཉིས་བག་ཆགས་དང་བཅས་པ་སྤངས་ཞེས་ཟག་པ་མ་ལུས་པ་ཟད་པར་ཞལ་གྱིས་བཞེས་པ་ལ། ཆོས་མཐུན་གྱི་རྒོལ་བ་མེད་པས་སྤངས་པ་ཕུན་༢སུམ་ཚོགས་པ་ལ་མི་འཇིགས་པ་སྟེ། འདི་གཉིས་ནི་རང་རྒྱུད་ལ་མངའ་བའི་ཡོན་ཏན་ཡིན་པས་རང་དོན་ཕུན་སུམ་ཚོགས་པ་ལ་མི་འཇིགས་པའོ། །གདུལ་བྱ་གཞན་ལ་ལམ་སྟོན་པ་ན། ཆགས་སོགས་ཉོན་མོངས་པ་རྣམས་ལམ་གྱི་གེགས་སོ་ཞེས་སྟོན་པ་ལ་ཆོས་མཐུན་གྱི་རྒོལ་བ་མེད་པར་བར་ཆད་ཀྱི་ཆོས་༣སྟོན་པ་ལ་མི་འཇིགས་པ་དང་། དད་སོགས་རྣམ་བྱང་གི་ཆོས་རྣམས་འཁོར་བ་ལས་ངེས་པར་འབྱུང་བའི་ལམ་མོ་ཞེས་སྟོན་པ་ལ་ཆོས་མཐུན་གྱི་རྒོལ་བ་མི་འཇུག་པ་ངེས་པར་འབྱུང་བའི་ལམ་༤ སྟོན་པ་ལ་མི་འཇིགས་པ་སྟེ། འདི་གཉིས་ནི་གཞན་ལ་ཕན་པར་བྱ་བའི་ཕྱིར་བཤད་པ་ཡིན་པས་གཞན་དོན་ཕུན་སུམ་ཚོགས་པ་ལ་མི་འཇིགས་པའོ། ༈ །གསུམ་པ་མ་འདྲེས་པ་བཅོ་བརྒྱད་ནི། ཆོས་གང་ཞིག་ཉན་རང་བྱང་སེམས་རྣམས་ལ་མི་མངའ་བས། ཕལ་དང་ཐུན་མོང་དུ་གྱུར་པ་མ་ཡིན་པའི་ཕྱིར་སངས་རྒྱས་ཁོ་ནའི་ཡོན་ཏན་གྱི་ཁྱད་པར་ནི་མ་འདྲེས་པའི་

― JKT006_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་ཉིད། དབྱེ་ན། སྤྱོད་ལམ་མ་འདྲེས་པ་དྲུག༦ །རྟོགས་པ་མ་འདྲེས་པ་༡༢དྲུག །ཕྲིན་ལས་མ་འདྲེས་པ་༡༥གསུམ། ཡེ་ཤེས་མ་འདྲེས་པ་གསུམ་༡༨སྟེ་བཅོ་བརྒྱད་ལས། སྡེ་ཚན་དང་པོ་སྤྱོད་ལམ་མ་འདྲེས་པ་དྲུག་ནི། གནས་མ་ཡིན་པའི་བྱ་བ་ལ་ལམ་ནོར་བ་སོགས་འཇུག་པ་མི་མངའ་བས་སྐུ་འཁྲུལ་༡པ་མེད་པ། དོན་མེད་དུ་སྨྲ་བ་སོགས་མི་མངའ་བས་གསུང་ཅ་ཅོ་མེད་༢པ། བརྗེད་ངེས་ཀྱིས་བྱ་བ་ཤོར་བ་དང་། དུས་ལས་ཡོལ་བ་མི་མངའ་བས་ཐུགས་དྲན་པ་ཉམས་༣པ་མེད་པ། སྤྱོད་ལམ་ཐམས་ཅད་དུ་མཉམ་རྗེས་ཐ་དད་དུ་འཛིན་པ་མེད་པས་མཉམ་པར་མ་བཞག་པ་མེད་པ། འཁོར་བ་ལ་གཅིག་ཏུ་སྡུག་བསྔལ་བ་དང་། མྱ་ངན་ལས་འདས་པ་འབའ་ཞིག་བདེ་བར་འཛིན་པ་མེད་པས་འཁོར་འདས་༥ཐ་དད་ཀྱི་འདུ་ཤེས་མེད་པ། གདུལ་བྱའི་རྒྱུད་ལ་ཕྲིན་ལས་འཇུག་ཏུ་རུང་མི་རུང་གི་ཡུལ་སོ་སོར་མ་བརྟག་པར་དེ་ཡལ་བར་འདོར་བའི་བཏང་སྙོམས་མི་མངའ་བས་མ་བརྟགས་པའི་བཏང་སྙོམས་མི་མངའ་བའོ། །རྟོག་པ་མ་འདྲེས་པ་དྲུག་ནི། དུས་ཐམས་ཅད་དུ་སེམས་ཅན་གྱི་།དོན་མཛད་པའི་འདུན་པ་ཉམས་༧པ་མི་མངའ་བ། གདུལ་བྱ་གང་ན་ཡོད་པའི་གནས་སུ་གཤེགས་པའི་བརྩོན་འགྲུས་ཉམས་པ་རམི་མངའ་བ། སེམས་ཅན་འདུལ་བའི་ཐབས་ནམ་ཡང་མ་བརྗེད་པས་

― JKT006_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

དྲན་པ་ཉམས་༩པ་མི་མངའ་བ། ཆོས་ཐམས་ཅད་ཀྱི་དེ་ཁོ་ན་ཉིད་ལ་མཉམ་པར་འཇོག་པའི་ཏིང་ངེ་འཛིན་ཉམས་༡༠པ་མི་མངའ་བ། སེམས་ཅན་གྱི་བསམ་པ་དང་སྤྱོད་པ་ཇི་ལྟ་བ་བཞིན་དུ་ཆོས་སྟོན་པའི་མཁྱེན་པ་མི་ཟད་པའི་ཕྱིར་ཤེས་རབ་༡༡ཉམས་པ་མི་མངའ་བ། སྒྲིབ་གཉིས་བག་ཆགས་དང་བཅས་པ་སྤངས་པས། འཁོར་བ་ཇི་སྲིད་དུ་སེམས་ཅན་གྱི་དོན་མཛད་པའི་ཕྲིན་ལས་མི་ཟད་པའི་ཕྱིར་རྣམ་པར་༡༢གྲོལ་བ་ཉམས་པ་མི་མངའ་བའོ། །ཡེ་ཤེས་མ་འདྲེས་པ་གསུམ་ནི། འདས་པ་༡༣དང་། མ་འོངས་པ་༡༤དང་། ད་ལྟ་བ་༡༥སྟེ་དུས་གསུམ་གྱི་ཆོས་རྣམས་འདོད་པ་ཙམ་གྱིས་ཤེས་པས་ཆགས་པ་མེད་པ་དང་། རྣམ་པ་ཐམས་ཅད་དུ་ཤེས་པས་ཐོགས་པ་མེད་པར་གཟིགས་པའོ། །ཕྲིན་ལས་མ་འདྲེས་པ་གསུམ་ནི། སྤྱོད་ལམ་རྣམ་པ་བཞི་དང་སྐུའི་ཆ་བྱད་ཙམ་གྱིས་ཀྱང་གདུལ་བྱ་དཔག་ཏུ་མེད་པ་འདུལ་༡༦བ་སྐུའི་ཕྲིན་ལས། གསུང་རྣམ་པ་ཐམས་ཅད་པས་གདུལ་བྱའི་སྐལ་པ་དང་འཚམས་པར་ཆོས་སྟོན་པ་གསུང་༡༧གི་ཕྲིན་ལས། རྣམ་པར་རྟོག་པའི་སྤྲོས་པ་ཐམས་ཅད་དང་བྲལ་ཡང་། ཐུགས་རྗེ་ཆེན་པོའི་ཡེ་ཤེས་སེམས་ཅན་གྱི་རྗེས་སུ་འཇུག་པ་ཐུགས་༡༨ཀྱི་ཕྲིན་ལས་སོ། །དེ་རྣམས་ཀྱིས་བྲལ་བའི་ཡོན་ཏན་སུམ་ཅུ་རྩ་གཉིས་བཤད་ནས། ༈ །གཉིས་པ་རྣམ་སྨིན་གྱི་

― JKT006_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་མཚན་བཟང་སོ་གཉིས་ནི། ཕྱག་ཞབས་འཁོར་ལོས་མཚན་པ་ལ་སོགས་པ་གང་ལ་མངའ་བ་དེ་སྐྱེས་བུ་ཆེན་པོར་མཚོན་པར་བྱེད་པ་མཚན་གྱི་མཚན་ཉིད། དབྱེ་ན། སྤྱིར་མདོ་ཐ་དད་ཀྱི་དགོངས་པ་ཅུང་ཟད་འདྲ་མིན་བཤད་ནའང་། མངོན་རྟོགས་རྒྱན་ལས། ཕྱག་ཞབས་འཁོར་ལོས་༡མཚན་དང་རུས་སྦལ་གྱི་ལྟོ་བ་ལྟར་ཞབས་མཐིལ་མཉམ་པ་ཞབས༢། །ཕྱག་དང་ཞབས་སོར་༣དྲ་༧བས་འབྲེལ་བ་དང་། །ཕྱག་ནི་ཞབས་བཅས་འཇམ་༤ཞིང་གཞོན་ཤ་ཆགས། །འདི་ཡི་སྐུ་ནི་བདུན་༥དག་མཐོ་བ་དང་། །ཕྱག་ཞབས་ཀྱི་བོལ་བཞི། ཕྲག་གོང་གཉིས། ལྟག་པ་སྟེ་བདུན་པོ་ཤས་ཁེངས་པས་གཤོང་བ་མེད་པ། སོར་མོ་རིང་༦དང་རྟིང་ཡངས་༧རིང་བ་སྐུ་ཆེ་རདྲང་། །ཞབས་ཀྱི་ལོང་བུ་འབུར་༩མི་མངོན་སྤུ་ནི་གྱེན་དུ་༡༠ཕྱོགས། །བྱིན་པ་ཨེརྱ་༡༡ཡའི་འདྲ་རི་དྭགས་བསེ་ཁ་སྒོའི་བྱིན་པ་ལྟར་རྒྱས་ཤིང་ཟླུམ་ལ་ཇེ་ཕྲར་སོང་བ་ཕྱག་རིང་༡༢མཛེས༑ །འདོམ་གྱི་སྦ་བ་༡ ༣སྟེ་གསང་གནས་སྦུབས་སུ་ནུབ་པའི་མཆོག །པགས་པ་གསེར་༡༤ མདོག་ལྟར་ཤིན་ཏུ་དྭག་པ་པགས་པ་སྲབ་༡༥པ་དང་། །སྤུ་ནི་རེ་རེ་ནས་གཡས་༡༦སུ་ལེགས་པར་འཁྱིལ་ཞིང་འཁྲུངས་པ་དང་། །ཞལ་མཛོད་སྤུས་༡༧དེའི་སྨིན་མཚམས་སུ་མཛོད་སྤུ་དཀར་པོས་རྒྱན་རོ་སྟོད་སེང་གེའི་འདྲ༡༨། །ཇེ་རྒྱས་སུ་སོང་བ། འདི་ཡི་དཔུང་༡༩པའི་མགོ་ཟླུམ་ཐལ་༢༠གོང་སྟེ་བྲང་མཉམ་ཞིང་རྒྱས། །འདི་ལ་

― JKT006_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

ཟས་རོ་མི་ཞིམ་༢༡པའང་རོ་མཆོག་བརྒྱ་ལྡན་གྱི་ཐོབ་པ་སྣང་། །སྐུ་ནི་ཤིང་ནྱ་༢༢གྲོ་དྷ་ལྟར་ཆུ་སྟེ་སྲིད་དང་ཞེང་ཞེས་ཕན་ཚུན་གྱི་བར་གབ། །གཙུག་ཏོར་དབུར་ལྡན་༢༣ལྗགས་༢༤ རིང་མཛེས་པ་དང་། །ཚངས་དབྱངས་༢༥ གསུང་ཤེས་ཤིང་རྣམ་པར་ཤེས་པ་འགྱུར་བ། མཉན་པར་འོས་ཤིང་མི་མཐུན་པ་མེད་པར་ཟབ་ཅིང་རྗེས་སུ་སྒྲོགས་པ། གདངས་མི་ཕྲ་ཞིང་རྣ་བར་སྙན་པ། མ་འཁྲུགས་ཤིང་གསལ་བ་སྟེ་ཡན་ལག་ལྔ་དང་ལྡན་པའོ། །འགྲམ་པ་སེང་གེའི་འདྲ་༢༦དང་ཚེམས། །མཐའ་ཟླུམ་ཞིང་རྒྱས་པ། ཤིན་ཏུ་དཀར་༢༦དང་ཚད་༢༨མཉམ་ཐུགས་ཏེ་བར་མཚམས་མ་དོད་པས་བཟང་༢༩བ་དང་། །གྲངས་ནི་བཞི་བཅུ་ཐམ་པ་ཚང་བ་༣༠དང་། །སྤྱན་ནི་མཐོན་༣༡མཐིང་དཀར་ནག་གི་མཚམས་འདྲེས་པ་སྤྱན་རྫ་མ་བ་༣༢མཆོག་གི། །འདྲ་བ་སྟེ་ཐད་ཀ་ཐད་ཀར་ལེགས་པར་གཞོལ་ཞིང་མ་འདྲེས་པ་འདི་དག་སུམ་ཅུ་རྩ་གཉིས་མཚན། །ཅེས་སོ། །ཞར་ལ་མཚན་གྱི་འཁོར་དུ་གཏོགས་པ་དཔེ་བྱད་ནི། སངས་རྒྱས་རྣམས་ཀྱི་ནང་གི་ཐུགས་རྒྱུད་ཀྱི་ཡོན་ཏན་གཞན་རྣམས་ལ་གོ་བར་བྱེད་པའི་དཔེ་ལྟ་བུར་གྱུར་པ་དཔེ་བྱད་ཀྱི་མཚན་ཉིད། དབྱེ་ན། མངོན་རྟོགས་རྒྱན་ལས། །ཐུབ་པའི་སེན་མོ་ཟངས་༡མདོག་དང་། །མདོག་སྣམ་༢པ་དང་སེན་མོ་ལ་ཤང་ཤོང་མེད་པ་མཐོ་དང་༣སོར་མོ་རྣམས། །ཟླུམ་༤རྒྱས་།བྱིན་གྱིས་སྟེ་རིམ་གྱིས་ཕྲ་བ་༦དང་། །ལུས་ཀྱི་རྩ་ཕྱི་ནས་མི་མངོན་༧དང་རྩ་ལ་

― JKT006_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

མདུད་པ་རམེད། །ལོང་བུ་༩མི་མངོན་ཞབས་༡༠རིང་ཐུང་མེད་པ་མཉམ་དང་། །སེང་༡༡གེ་སྟབས་སུ་བརྗིད་པར་གླང་ཆེན་༡༢སྟབས་སུ་ཐད་ཀར་བྱ་དང་༡ ༣ནི། །ངང་པའི་སྟབས་སུ་ནམ་མཁར། །སེམས་ཅན་གྱི་སྣ་འདྲེན་པ་༡༤ཁྱུ་མཆོག་སྟབས་གཤེགས་སྐོར་ཕྱོགས་ཀྱི་ལམ་དང་མཐུན་པར་གཡས་༡༥ཕྱོགས་དང་། །མཛེས་༡༦གཤེགས་དྲང་༡༧པོར་གཤེགས་པ་དང་འཁྲིལ་༡༨བག་ཆགས། །སྐུ་བྱི་དོར་བྱས་༡༩འདྲ་རིམ་པར་༢༠རིང་ཐུང་༧སོགས་འཚམས། །གཙང་དང་༢༡འཇམ་༢༢དང་དྲི་མ་དག་༢༣པའི་སྐུ། །མཚན་ནི་ཡོངས་སུ་རྫོགས་པ་༢༤ དང་། །སྐུ་ནི་ཁོ་ལག་ཡངས་༢༥ ཤིང་བཟང་། །སྐུ་གོམ་པ་ཆེ་ཆུང་སྙོམས་པ་༢༦དང་སྤྱན་གཉིས་ནི། །དག་༢༧དང་སྐུ་གཞོན་ཤ་ཅན་ཉིད་དང་༢༨། །སྐུ་༢༩ཤ་ཞུམ་མེད་དང་རྒྱས་༣༠པ་དང་། །ཤ་མི་ལྷོད་པ་ཤིན་ཏུ་གྲིམ་༣༡པའི་སྐུ་ཉིད་དང་། །ཡན་ལག་ཤིན་ཏུ་༣༢རྣམ་འབྱེས་པ་སྟེ་རིང་ཐུང་ཕྲ་སྦོམ་སྐབས་ཕྱེད་པ་དང་། །མཁྱེན་པའི་༣༣གཟིགས་པ་སྒྲིབ་མེད་དག་༣༤ པ་དང་། །དཀུ་སྟེ་སྐེད་སྐབས་དབྱིབས་ཟླུམ་༣༥དཀུ་སྐབས་ཕྱིན་པས་རྐེད་པ་སྐབས་ཕྱིན་པ་དཀུ་མ་རྙོངས་པ་༢༦སྟེ་ཧ་ཅང་མི་རིང་བ་དང་། །ལྟེ་བར་མཐོ་དམའ་མེད་པས་ཕྱང་ངེ་བ་དང་༣༧ལྟེ་བ་ནི། །ལྟེ་བའི་རི་མོ་ཟབ་༣༨དང་གཡས་ཕྱོགས་༣༩འཁྱིལ་བ་དང་། །སྤྱོད་ལམ་ཀུན་ནས་ལྟ་ན་སྡུག་༤༠པ་དང་། །ཀུན་སྤྱོད་གཙང་དང་༤༡སྐུ་ལ་ནི། །སྨེ་བ་གནག་བག་མེད་

― JKT006_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

༤༢པ་དང་། །ཕྱག་ནི་ཤིང་བལ་༤ ༣ལྟར་འཇམ་དང་། །ཕྱག་རིས་མདངས་༤༤འོད་ཟབ་༤༥རིང་དང་༤༦། །ཞལ་ནི་ཧ་ཅང་༧མི་རིང་དང་། །མཆུ་ནི་བིལླ་ལྟར་༤༨དམར་དང་། །ལྗགས་༤༩མཉེན་པ་དང་སྲབ་པ་༥༠དང་། །དམར་(༡དང་གསུང་འབྲུག་༥༢གི་སྒྲ་ལྟར་ཟབ་པ་ཉིད་དང་། །གསུང་མཉེན་འཇམ་༥༣དང་མཆེ་བ་ཟླུམ།༤། །རྩེ་མོ་རྣོ་དང་།།དཀར་དང་༥༦མཉམ་པ་༥༧དང་། །བྱིན་༥༨གྱིས་ཏེ་རྩ་བ་ནས་རྩེ་མོའི་བར་རིམ་གྱིས་ཕྲ་དང་ཤངས་༥༩མཐོ་དང་། །ཤངས་སྣབ་སོགས་མི་གཙང་བ་མེད་པས་མཆོག་ཏུ་༦༠དག་པ་དག་དང་ནི། །སྤྱན་༦༡ཡངས་པ་དང་རྫི་མ་སྟུག༦༢ །འཐུག་པ། སྤྱན་གྱི་དབྱིབས་པདྨའི་འདབ་༦༣མ་རྫོགས་པ་འདྲ་བ་དང་། །སྨིན་མ་གཡས་གཡོན་འབྲེལ་པ་ཚུགས་༦་རིང་དང་འཇམ་༦༥པ་དང་། །སྣུམ་༦༦དང་སྤུ་ནི་༦༧མཉམ་པ་དང་། །ཕྱག་རིང་པོར་རྒྱས་དང་སྙན་༦༩མཉམ་དང་། །སྙན་གྱི་སྒྲ་ལ་འཇུག་པའི་མཐུ་ཉམས་༧༠པ་རྣམ་པར་སྤངས་པ་དང་། །དཔྲལ་བར་ལེགས་པར་འབྱེས་༧༡པ་སྟེ་སྐུ་མཚམས་ཕྱེད་པ་དང་། །དཔྲལ་བར་དབྱེས་༧༢རྒྱ་ཁྱོན་ཆེ་བ་དང་དབུ་རྒྱས་༧༣ཤིང་ཟླུམ་པ་དང་། །དབུ་སྐྲ་རྡོ་བུང་༧༤ བ་ལྟར་གནག་དང་། །༧།སྟག་དང་འཇམ་༧༦དང་མ་འཛིངས་༧༧མ་འདྲེས་པ་དང་། །རྩུབ་པས་གྱེན་དུ་མ་བརྗེས་པ་མི་༧༨གཤོར་དྲི་ཞིམ་པས་སྐྱེས་བུ་ཡི། །ཡིད་ནི་འཕྲོག་པར་༧༩བྱེད་པ་དང་། །ཕྱག་

― JKT006_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

ཞབས་ཀྱི་མཐེ་བོང་ལ་དཔལ་གྱི་བེའུ་༨༠དང་མཐིལ་ལ་བཀྲ་ཤིས་ནི། །སངས་རྒྱས་དཔེ་བྱད་བཟང་པོར་བཞེད། །ཅེས་དཔེ་བྱད་བཟང་པོ་བརྒྱད་ཅུའོ། །དེ་ལྟར་བྲལ་སྨིན་གྱི་ཡོན་ཏན་དྲུག་ཅུ་རྩ་བཞི་ལེགས་པར་བཤད་ནས། ༈ །གཉིས་པ་ཡོན་ཏན་དང་ཕྲིན་ལས་ཀྱི་ཁྱད་པར་མཐའ་ཀླས་པར་བསྟན་པ་ནི། རེ་ཞིག་སྡེ་ཚན་བསྡུ་ན། ཟག་པ་མེད་༡པའི་ཕུང་པོ་ལྔ། །སྤྱན་ལྔ་༢མངོན་པར་ཤེས་༣པ་དྲུག ། སོ་སོར་རིག་བཞི་གཟུངས་༥སྒོ་བཞི། །ཟད་པར་༦བཅུ་དང་ཟིལ་༧གནོན་བརྒྱད། །ཐུགས་རྗེ་ཆེ་དང་༨ཉོན་མོངས་༩མེད། །སྨོན་ནས་༡༠མཁྱེན་ནས་དབང་༡༡བཅུ་དང་། །གཞན་ཡང་ཡོན་ཏན་༡༢མཐའ་ཀླས་ཤིང་། །ཕྲིན་ལས་བསམ་མི་ཁྱབ་པར་༡༣བསྟན། །ཅེས་སྡེ་ཚན་བཅུ་གསུམ་ལས་དང་པོ་ཟག་མེད་ཀྱི་ཕུང་པོ་ལྔ་ནི། ཟག་པ་སྟེ་ཉོན་མོངས་པ་མེད་པའི་དགེ་བའི་རྩ་བ་ཡོངས་སུ་བསགས་པ་མཐར་ཕྱིན་པ་གང་ཞིག །རང་སའི་སྒྲིབ་གཉིས་མཐའ་དག་དང་བྲལ་བ་ཟག་མེད་ཀྱི་ཕུང་པོའི་མཚན་ཉིད། དབྱེ་ན། བྱང་ཆུབ་སེམས་དཔའི་བླང་དོར་གྱི་སྤྱོད་པ་ཡོངས་སུ་རྫོགས་ནས་མཐར་ཕྱིན་པ་ཚུལ་ཁྲིམས་༡ཀྱི་ཕུང་པོ། སྒྱུ་མ་ལྟ་བུ་དང་། དཔའ་བར་འགྲོ་བར་ལ་སོགས་པ་ཏིང་ངེ་འཛིན་༢གྱི་ཕུང་པོ། ཆོས་ཐམས་ཅད་ཀྱི་མཚན་ཉིད་མ་ནོར་བར་ཁོངས་སུ་ཆུད་པ་ཤེས་རབ་ཀྱི་ཕུང་

― JKT006_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

༣པོ། སྒྲིབ་གཉིས་བག་ཆགས་དང་བཅས་པ་སྤངས་པ་རྣམ་པར་གྲོལ་བའི་ཕུང་པོ། དེ་ལ་བརྟེན་ནས་ཡེ་ཤེས་མངོན་སུམ་དུ་རྟོགས་པ་རྣམ་པར་གྲོལ་བའི་ཡེ་ཤེས་གཟིགས་༥པའི་ཕུང་པོ་སྟེ་ལྔའོ༑ །གཉིས་པ་སྤྱན་ནི། དེ་བཞིན་གཤེགས་པའི་གཟིགས་པ་རྣམ་པ་ཐམས་ཅད་དུ་སྒྲིབ་པ་མེད་པ་སྤྱན་གྱི་མཚན་ཉིད། དབྱེ་ན། སངས་རྒྱས་༡ཆོས་༢དང་ཤེས་རབ ༣་སྤྱན། །ལྷ་༤དང་ཤ་ཡི་སྤྱན་༥ཏེ་ལྔ། །ཞེས་པས། མངོན་པར་བྱང་ཆུབ་པའི་ཡེ་ཤེས་ཀྱིས་ཤེས་བྱ་ཐམས་ཅད་མ་སྒྲིབ་པར་གཟིགས་པ་སངས་རྒྱས་༦ཀྱི་སའི་སྤྱན་དང་། འཕགས་པ་གསུམ་གྱི་དབང་པོ་རྣོ་རྟུལ་དང་རྒྱུད་ཀྱི་སྤངས་རྟོགས་སོགས་མ་འདྲེས་པར་གཟིགས་པ་ཆོས་ཀྱི་སྤྱན་༢དང་། ཆོས་ཐམས་ཅད་ལ་གང་ཟག་དང་ཆོས་ཀྱི་བདག་མེད་པ་མངོན་སུམ་དུ་རྟོགས་པ་ཤེས་རབ་༣ཀྱི་སྤྱན་དང་། སེམས་ཅན་ཐམས་ཅད་ཀྱི་འཆི་འཕོ་དང་སྐྱེ་བ་ཇི་ལྟ་བ་བཞིན་དུ་ཤེས་པ་ལྷའི་སྤྱན་༤དང་། སྟོང་གསུམ་གྱི་འཇིག་རྟེན་གྱི་ཁམས་ཐམས་ཅད་ཀྱི་གཟུགས་ཕྲ་རགས་རྣམས་མངོན་སུམ་དུ་གཟིགས་པ་ཤའི་སྤྱན་ནོ། །གསུམ་པ་མངོན་པར་ཤེས་པ་ནི། ཆོས་གང་ཞིག་མངོན་སུམ་དུ་གྱུར་པ་མངོན་ཤེས་ཀྱི་མཚན་ཉིད། དབྱེ་ན། རྫུ་༡འཕྲུལ་ལྷ་ཡི་རྣ་བ་༢དང་། །གཞན་༣སེམས་ཤེས་དང་སྔོན་གནས་དྲན། །ལྷ་ཡི་མིག་དང་ཟག་པ་

― JKT006_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

༦ཟད༑ །ཅེས་པས། འཇིག་རྟེན་གྱི་ཁམས་གཡོ་བ་དང་། མང་པོ་གཅིག་ཏུ་བསྡུ་ཞིང་། གཅིག་དུ་མར་བསྒྱུར་བ་སོགས་རྫུ་འཕྲུལ་གྱི་བཀོད་པ་བསམ་གྱིས་མི་ཁྱབ་པ་ལ་དབང་འབྱོར་པ་རྫུ་འཕྲུལ་གྱི་མངོན་ཤེས༡། འཇིག་རྟེན་གྱི་ཁམས་ཀྱི་སྒྲ་ཆེ་ཆུང་ཐམས་ཅད་ཐོས་ཤིང་། དོན་ཇི་ལྟ་བ་བཞིན་དུ་རྟོགས་པ་ལྷའི་རྣ་བའི་མངོན་ཤེས༢། གང་ཟག་གཞན་གྱི་རྒྱུད་ཉོན་མོངས་པ་དང་བྲལ་བ་དང་། མ་ཨཱ བྲལ་བ་སོགས་བག་ལ་ཉལ་བའི་གནས་མཐའ་དག་མངོན་སུམ་དུ་ཤེས་པ་གཞན་སེམས་ཤེས་པའི་མངོན་ཤེས༣། རང་གཞན་གྱི་ཚེ་རབས་སྔ་མ་དུ་མ་དང་། དེའི་གནས་སྐབས་ཇི་ལྟ་བ་བཞིན་དུ་དྲན་པ་སྔོན་གནས་རྗེས་དྲན་གྱི་མངོན་ཤེས་༤། བསྐལ་པ་སྟེ་སྒྲིབ་བྱེད་ཀྱིས་བར་ཆོད་པ་དང་། མ་བསྐལ་པ་སྟེ་སྒྲིབ་བྱེད་ཀྱིས་བར་མ་ཆོད་པའི་གཟུགས་ཕྲ་རགས་ཐམས་ཅད་མངོན་སུམ་དུ་གཟིགས་པ་ལྷའི་མིག་གི་མངོན་ཤེས། མཐོང་བས་སྤོང་བ་དང་། བསྒོམ་པས་སྤོང་བའི་སྒྲིབ་གཉིས་སྤོང་བའི་ཐབས་དང་། དེ་དག་སྤོང་བའི་ཟད་པ་དང་མི་སྐྱེ་བ་ཤེས་པའི་རྣམ་གྲོལ་གྱི་ཡེ་ཤེས་ཇི་ལྟ་བ་བཞིན་དུ་གཟིགས་པ་ཟག་པ་ཟད་པའི་མངོན་ཤེས་༦ཏེ་དྲུག་གོ། །བཞི་པ་སོ་སོ་ཡང་དག་པར་རིག་པ་ནི། ཟག་པ་མེད་པའི་ཤེས་རབ་ཀྱིས་ཆོས་སྣ་ཚོགས་པའི་མཚན་ཉིད་མ་འདྲེས་པར་ཇི་ལྟ་བ་བཞིན་དུ་

― JKT006_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

གཟིགས་པ་སོ་སོ་ཡང་དག་པར་རིག་པའི་མཚན་ཉིད། དབྱེ་ན། ཆོས་༡དང་དོན་༢དང་ངེས་༣ཚིག་དང་། །སྤོབས་༤པ་སོ་སོ་ཡང་དག་རིག །ཅེས་པས། བཤད་བྱ་མཁྱེན་༤པ་གཉིས་དང་། འཆད་བྱེད་མཁྱེན་པ་གཉིས་ཏེ་བཞི་ལས། དང་པོ་ནི། འཁོར་འདས་ཀྱིས་བསྡུས་པའི་ཆོས་ཐམས་ཅད་ཀྱི་མིང་གི་རྣམ་གྲངས་མ་འདྲེས་པར་མཁྱེན་པ་ཆོས་༡སོ་སོ་ཡང་དག་པར་རིག་པ། དེ་རྣམས་ཀྱི་རང་དང་སྤྱིའི་མཚན་ཉིད་ཇི་ལྟ་བ་བཞིན་མཁྱེན་པ་དོན་༢སོ་སོ་ཡང་དག་པར་རིག་པ། གཉིས་པ་ནི། སེམས་ཅན་སྣ་ཚོགས་ཀྱི་སྐད་དང་། སྒྲ་དང་། བརྡ་མཁྱེན་པས་སོ་སོའི་སྐད་དུ་ཆོས་སྟོན་པ་ལ་མཁས་པ་ངེས་པའི་ཚིག་སོ་སོ་ཡང་༣དག་པར་རིག་པ། ཆོས་ཐམས་ཅད་ཀྱི་ངོ་བོ་དང་། རྣམ་པ་དང་། རབ་ཏུ་དབྱེ་བ་སོགས་མ་འདྲེས་པར་མཁྱེན་པས་ཇི་བཞིན་སྨྲ་བ་ལ་ཐོགས་པ་མེད་པ་སྤོབས་༤པ་སོ་སོ་ཡང་དག་པར་རིག་པའོ། །ལྔ་པ་གཟུངས་ནི། དྲན་པ་མ་ཉམས་པ་དང་། ཤེས་བཞིན་དུ་འཇུག་པས་ཆོས་ཀྱི་ཚིག་དང་དོན་མི་བརྗེད་པར་འཛིན་པ་གཟུངས་ཀྱི་མཚན་ཉིད། དབྱེ་ན༑ བཟོད་པ་ཐོབ་པའི་རྒྱུ་༡དང་ནི། །སྔགས་༢དང་ཆོས་༣དང་དོན་༤ གྱི་གཟུངས། །ཞེས་པས། ཆོས་གང་ལ་དམིགས་ནས་སྟོང་པ་ཉིད་དུ་བསྒོམས་པས་གནས་ལུགས་མངོན་སུམ་དུ་རྟོགས་པ་དང་

― JKT006_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འབྲལ་བ་བཟོད་པའི་རྒྱུར་གྱུར་པའི་གཟུངས༡། ཚིག་ཙམ་གྱི་སྒོ་ནས་ཇི་ལྟར་འདོད་པའི་དོན་ཐམས་ཅད་བདེ་བླག་ཏུ་བྱེད་པ་སྔགས་༢ཀྱི་གཟུངས། གང་ཐོས་པའི་ཆོས་ཀྱི་ཚིག་ཐམས་ཅད་མི་བརྗེད་པར་འཛིན་པར་ཆོས་༣ཀྱི་གཟུངས། དེའི་དོན་མི་བརྗེད་པ་དོན་༤གྱི་གཟུངས་ཏེ་གཟུངས་ཀྱི་སྒོ་བཞི་ཞེས་བྱའོ། ༈ །དྲུག་པ་ཟད་པར་ནི། བསམ་གཏན་ལ་བརྟེན་ནས་དམིགས་པའི་སྣང་བ་མཐའ་ཡས་པ་སྤྲོ་བར་བྱེད་པའི་ཏིང་ངེ་འཛིན་ཤེས་རབ་མཚུངས་ལྡན་དང་བཅས་པ་ཟད་པར་གྱི་མཚན་ཉིད། དབྱེ་ན། ས་ཆུ་མེ་རླུང་འབྱུང་བ་བཞི། །སྔོ་སེར་དམར་དཀར་ཁ་དོག་བཞི། །ནམ་མཁའ་དང་ནི་རྣམ་ཤེས་ཏེ། །ཟད་པར་སྐྱེ་མཆེད་རྣམ་པ་བཅུ། །ཞེས་པས། དམིགས་ཡུལ་ས་༡དང་། ཆུ་༢དང་། མེ་༣དང་། རླུང་༤སྟེ་འབྱུང་བ་བཞི། སྔོན་པོ། སེར་པོ། དམར་པོ༧། དཀར་པོ་སྟེ་ཁ་དོག་བཞི་དང་། ཆོས་ཀྱི་སྐྱེ་མཆེད་དུ་གཏོགས་པ་ནམ་མཁའ་༩དང་། ཡིད་ཀྱི་སྐྱེ་མཆེད་དུ་གཏོགས་པ་རྣམ་༡༠ཤེས་ཏེ་བཅུ་ལ་དམིགས་ནས་རྒྱུན་མི་འཆད་པར་ཁྱབ་པར་སྤྲོ་བས་དེ་དང་དེར་སྣང་བར་བྱེད་པའི་ཏིང་ངེ་འཛིན་དང་། ཤེས་རབ་མཚུངས་ལྡན་དང་བཅས་པ་ལ་ཟད་པར་སའི་སྐྱེ་མཆེད་སོགས་རྣམ་པ་བཅུའོ། །བདུན་པ་ཟིལ་གནོན་ནི། བསམ་གཏན་ལ་བརྟེན་ནས་དབྱིབས་དང་ཁ་དོག་ཇི་

― JKT006_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་འདོད་པ་དེ་བཞིན་དུ་དབང་བྱེད་པ་དང་། རང་བཞིན་གྱིས་དམིགས་པ་ཟིལ་གྱིས་གནོན་པ་ཟིལ་གྱིས་གནོན་པའི་མཚན་ཉིད། དབྱེ་ན། གཟུགས་མེད་གཟུགས་སུ་འདུ་ཤེས་པས། །ཆུང་༡དང་༢ཆེན་༣པོ་ཟིལ་༤གནོན་བཞི། །གཟུགས་མེད་ཤེས་པས་ཁ་༦དོག་བཞི། །ཟིལ་གྱིས་གནོན་པས་དེ་རྣམས་བརྒྱད། །ཅེས་པས། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་ཆུང་༡ངུ་དག་ལ་དེ་ལྟར་བལྟ་ཞིང་གཟུགས་དེ་དག་ཟིལ་གྱིས་མནན་ནས་ཤེས། ཟིལ་གྱིས་མནན་ནས་མཐོང་བ་དང་། དེ་བཞིན་དུ་ཕྱི་རོལ་གྱི་གཟུགས་༢ཆེན་པོ་ལ་དེ་ལྟར་དུ་བལྟ་བ་དང་། །ནང་གཟུགས་སུ་འདུ་ཤེས་པས་ཕྱི་རོལ་གྱི་གཟུགས་ཆུང་ངུ་དང་༣། ཆེན་༤པོ་སྔར་བཞིན་ཟིལ་གྱིས་མནན་པ་དང་། ནང་གཟུགས་མེད་ཁོ་ནར་འདུ་ཤེས་པས་ཕྱི་རོལ་གྱི་ཁ་དོག་གི་གཟུགས་སྔོན་པོ་དང་།། སེར་༦པོ་དང་། དམར་༧པོ་དང་། དཀར་པོ་རྣམས་སྔར་བཞིན་ཟིལ་གྱིས་མནན་པ་སྟེ་བརྒྱད་དོ། །བརྒྱད་པ་ཐུགས་རྗེ་ཆེན་པོ་དང་ལྡན་པ་ནི། །སངས་རྒྱས་ཀྱི་ཡེ་ཤེས་ནི་སྐྱེ་བོ་ཐམས་ཅད་ལ་བརྩེ་བའི་ཐུགས་རྗེ་ཆེན་པོ་དང་ལྡན་པ་ཡིན་ཏེ། སྐྱེ་བོ་མཐའ་དག་ལ་གནས་སྐབས་དང་མཐར་ཐུག་ཏུ་ཕན་པའི་བསམ་པ་དང་རྟག་ཏུ་ལྡན་པའི་ཕྱིར། དགུ་པ་ཉོན་མོངས་པ་མེད་པ་ནི། སངས་རྒྱས་

― JKT006_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཏིང་ངེ་འཛིན་ནི་ཉོན་མོངས་པ་མེད་པའི་ཏིང་ངེ་འཛིན་ཡིན་ཏེ། ཕ་རོལ་གྱི་རྒྱུད་དུ་གཏོགས་པའི་ཉོན་མོངས་པ་དྲུང་ནས་འབྱིན་པར་མཛད་པའི་སེམས་རྩེ་གཅིག་པ་ཡིན་པའི་ཕྱིར། བཅུ་པ་སྨོན་ནས་མཁྱེན་པ་ནི། སངས་རྒྱས་ཀྱི་ཡེ་ཤེས་ནི་དགོངས་མ་ཐག་ཏུ་མཁྱེན་པའི་མངོན་ཤེས་སོ། །སྨོན་ནས་མཁྱེན་པ་ཡིན་ཏེ། གདུལ་བྱའི་དོན་དུ་དུས་འཁོར་བ་ཇི་སྲིད་པ་དང་། རྣམ་པར་གྲོལ་བ་ཇི་སྲིད་པའི་གནས་སྐབས་སུ་འཇུག་ནུས་པའི་ཕྱིར། དེ་ཡང་ཉན་རང་ལས་ཁྱད་པར་ལྔས་འཕགས་པ་ཡིན་ཏེ། །འབད་རྩོལ་གྱི་མཚན་མ་མེད་པར་ལྷུན་གྱིས་གྲུབ་པ་༡དང་། དངོས་པོ་གང་ལའང་མ་ཞེན་པས་ཡུལ་ཀུན་ལ་ཆགས་༢པ་སྤངས་པ་དང་། སྒྲིབ་པ་སྤངས་པས་ཡུལ་ཀུན་ལ་ཐོགས་༣པ་མེད་པ་དང་། འཁོར་བ་ཇི་སྲིད་བར་རྟག་ཏུ་གནས་པ་དང་། སོ་སོ་ཡང་དག་པར་རིག་པའི་སྒོ་ནས་གདུལ་བྱའི་འདྲི་བ་ཀུན་ལ་ལན་ལྡོན་པས་ཐེ་ཚོམ་སེལ་བར་མཛད་པའི་ཕྱིར་རོ། །བཅུ་གཅིག་པ་དབང་བཅུ་ནི། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ་ལ་བརྟེན་ནས་རང་གཞན་གྱི་དོན་སྒྲུབ་པའི་ཡོན་ཏན་ལ་མི་མཐུན་པའི་ཕྱོགས་ཀྱིས་བརྫི་བར་མི་ནུས་པར་དབང་འབྱོར་བ་ནི་དབང་བཅུའི་མཚན་ཉིད། དབྱེ་ན། ཚེ་དང་སེམས་དང་ཡོ་བྱད་དང་། །ལས་དང་སྐྱེ་བ་མོས་པ་དང་། །སྨོན་ལམ་རྫུ་འཕྲུལ་ཡེ་ཤེས་

― JKT006_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས། །འདི་དག་ཐུབ་པའི་དབང་བཅུར་བཞེད། །ཅེས་པས། ཚེའི་འདུ་བྱེད་བྱིན་གྱིས་བརླབས་ནས་བསྐལ་པའམ་བསྐལ་པ་ལས་ལྷག་པའི་བར་དུ་འཚོ་བར་འདོད་ཀྱང་གནས་པར་ཚེ་ལ་༡དབང་བ་དང་། ཏིང་ངེ་འཛིན་གྱི་སྒོ་གྲངས་མེད་པ་ལ་ཇི་ལྟར་འདོད་པ་བཞིན་དུ་སྙོམས་འཇུག་ནུས་པ་སེམས་༢ལ་དབང་བ་དང་། ནམ་མཁའ་མཛོད་ཀྱི་རང་བཞིན་ཟད་མི་ཤེས་པའི་ཡོ་བྱད་ལ་མངའ་བརྙེས་པས་ཇི་ལྟར་འདོད་པའི་ལོངས་སྤྱོད་ཀྱི་ཆར་འབེབས་ནུས་པ་ཡོ་བྱད་༣ལ་དབང་བ་སྟེ། འདི་གསུམ་ནི་སྦྱིན་པའི་འབྲས་བུའོ། །བཟོ་དང་སྒྱུ་རྩལ་ལ་སོགས་པ་སྒོ་གསུམ་གྱི་ལས་ཇི་ལྟར་འདོད་པ་བསྒྲུབ་པར་ནུས་པ་ལས་༤ལ་དབང་བ་དང་། སེམས་ཅན་ལ་ཕན་པའི་སླད་གང་དང་གང་དུ་འདོད་པའི་གནས་སུ་བསམས་བཞིན་དུ་སྐྱེ་བ་འཛིན་ནུས་པ་སྐྱེ་བ་ལ་དབང་༥བ་སྟེ། འདི་གཉིས་ནི་ཚུལ་ཁྲིམས་ཀྱི་འབྲས་བུའོ། །འཇིག་རྟེན་གྱི་ཁམས་ཐམས་ཅད་སངས་རྒྱས་ཀྱི་སྐུས་གང་བ་དང་། ས་གཞི་གསར་དུ་བསྒྱུར་བ་སོགས་ཇི་ལྟར་འདོད་པ་དེ་བཞིན་དུ་བསྒྱུར་བར་ནུས་པ་མོས་པ་ལ་དབང་བ་སྟེ་བཟོད་པའི་འབྲས་བུའོ། །བྱང་ཆུབ་ཆེན་པོའི་གོ་འཕང་བརྙེས་པས་གདུལ་བྱའི་དོན་ཕུན་སུམ་ཚོགས་པ་འབད་མེད་དུ་བསྒྲུབ་པར་ནུས་པ་ནི་སྨོན་ལམ་ལ་དབང་བ་སྟེ་བརྩོན་འགྲུས་ཀྱི་འབྲས་བུའོ། །

― JKT006_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

གདུལ་བྱ་གང་ལ་གང་གིས་འདུལ་བར་མཁྱེན་ནས་རྫུ་འཕྲུལ་བསམ་གྱིས་མི་ཁྱབ་པ་སྟོན་པར་ནུས་པ་རྫུ་འཕྲུལ་ལ་དབང་བ་སྟེ་བསམ་གཏན་གྱི་འབྲས་བུའོ། །སོ་སོ་ཡང་དག་པར་རིག་པས་ཤེས་བྱ་ཐམས་ཅད་ལ་ཆགས་ཐོགས་མེད་པར་མཁྱེན་ནུས་པ་ཡེ་ཤེས་ལ་དབང་བ་དང་། གསུང་རབ་ཡན་ལག་བཅུ་གཉིས་ལ་སོགས་པ་ཆོས་ཀྱི་སྒོ་བསམ་གྱིས་མི་ཁྱབ་པ་སྟོན་པར་ནུས་པ་ཆོས་༡༠ལ་དབང་བ་སྟེ༑ འདི་གཉིས་ནི་ཤེས་རབ་ཀྱི་འབྲས་བུའོ། །བཅུ་གཉིས་པ་ཡོན་ཏན་མཐའ་ཡས་པར་བསྟན་པ་ནི། ཇི་སྐད་བཤད་པའི་ཡོན་ཏན་དེ་རྣམས་ནི་མཚོན་པ་ཙམ་སྟེ། གཞན་དུ་སངས་རྒྱས་ཀྱི་ཡོན་ཏན་སྐུ་གསུང་ཐུགས་ཀྱི་གསང་བ་བསམ་གྱིས་མི་ཁྱབ་པའི་མཐའ་ནི། །བྱང་ཆུབ་སེམས་དཔའ་ས་བཅུ་པ་ལ་གནས་པ་རྣམས་ཀྱིས་ཀྱང་རྟོགས་པར་མི་ནུས་པའི་ཕྱིར། དཀོན་མཆོག་བརྩེགས་པ་ལས། །བསྐལ་པ་བྱེ་བ་མང་པོར་མངོན་བརྗོད་ཀྱང་། །སངས་རྒྱས་ཡེ་ཤེས་ཚད་རྙེད་མི་འགྱུར་ཏེ། །ཞེས་དང་། གང་ཞིག་ང་ཡི་ཚིག་ལ་ཡིད་ཆེས་ནས། །རྒྱལ་བའི་ཡེ་ཤེས་ཕུང་པོར་དབང་བྱས་ཏེ། །སངས་རྒྱས་ཉིད་ཀྱིས་མཁྱེན་ཅེས་ཚིག་ཏུ་བརྗོད། །ཅེས་སོགས་རྒྱ་ཆེར་གསུངས་པ་ལྟར་དང་། གཞན་ཡང་སངས་རྒྱས་ཀྱི་སྐུའི་ཡོན་ཏན་མཚན་དང་དཔེ་བྱད། གསུང་གི་ཡོན་ཏན་དབྱངས་ཀྱི་ཡན་ལག་དྲུག་

― JKT006_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

ཅུ་རྩ་བཞི། ཐུགས་ཀྱི་ཡོན་ཏན་ཟག་མེད་ཀྱི་ཡོན་ཏན་སྡེ་ཚན་ཉི་ཤུ་རྩ་གཅིག་སྟེ། བྱང་ཕྱོགས་སོ་བདུན། ཚད་མེད་བཞི། རྣམ་ཐར་བརྒྱད༣། སྙོམས་འཇུག་དགུ། ཟད་པ་བཅུས། །ཟིལ་གནོན་བརྒྱད༦། ཉོན་མོངས་མེད་༧པའི་ཏིང་ངེ་འཛིན། སྨོན་ནས་མཁྱེན་པའི་༨ཡེ་ཤེས། མངོན་ཤེས་དྲུག༩ །སོ་སོ་ཡང་དག་༡༠པར་རིག་པ་བཞི། ཡོངས་སུ་དག་པ་༡༡བཞི། དབང་བཅུ་༡༢༑ སྟོབས་བཅུ༡༣། མི་འཇིགས་པ་བཞི༡༤། སྲུང་བ་མེད་པ་གསུམ༡༥། དྲན་པ་ཉེར་བཞག་གསུམ༡༦། བསྙེལ་བ་མི་མངའ་བའི་ཆོས་ཉིད༡༧། བག་ཆགས་ཡང་དག་པར་༡༨བཅོམ་པ། ། ཐུགས་རྗེ་ཆེན་པོ་བསམ་གྱིས་མི་ཁྱབ་༡༩པ། མ་འདྲེས་པ་བཅོ་བརྒྱད༢༠། རྣམ་པ་ཐམས་ཅད་མཁྱེན་༢༡པ་རྣམས་སོ། །ཕྲིན་ལས་ཀྱི་ཡོན་ཏན་ལམ་གྱི་རྟེན་མངོན་མཐོ་ལ་དགོད་པ་དང་། ངེས་ལེགས་ཀྱི་རྒྱུ་ལམ་ལ་འགོད་པ། ངེས་ལེགས་ཀྱི་ངོ་བོ་ལམ་གྱི་འབྲས་བུ་ལ་འགོད་པ་སྟེ་གསུམ་ལ་ནང་གསེས་སུ་ཉི་ཤུ་རྩ་བདུན་དུ་ཕྱེ་སྟེ། དེ་རྣམས་ཕལ་ཆེར་སྔར་བཤད་ཟིན་ལ། ལྷག་མ་རྣམས་ནི་མདོ་སྡེ་རིན་པོ་ཆེ་རྣམས་དང་། མངོན་པར་རྟོགས་པ་རྒྱན་རྩ་འགྲེལ་སོགས་ལས་ཤེས་པར་བྱའོ། ༈ །བཅུ་གསུམ་པ་ཕྲིན་ལས་བསམ་གྱིས་མི་ཁྱབ་པ་ལ་གཉིས་ཏེ། སྤྱིར་བསྟན་པ་དང་། བྱེ་བྲག་ཏུ་

― JKT006_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པའོ། །དང་པོ་ནི། དེ་ལྟར་ཡོན་ཏན་མཐའ་ཡས་པ་ལ་བརྟེན་ནས་དེ་བཞིན་གཤེགས་པའི་ཕྲིན་ལས་དུས་འཁོར་བ་ཇི་སྲིད་ཀྱི་བར་དུ་མཛད་པ་རྒྱུན་མི་འཆད་པས་རྟག་པ་༡དང་། ཡུལ་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ལ་སྙོམས་པར་འཇུག་པས་ཁྱབ་པ་༢དང་། ངོ་བོ་གནས་སྐབས་མངོན་མཐོའི་ལམ་ལ་འགོད་པའི་ཕྱིར་ཕན་པ་དང་། མཐར་ཐུག་ངེས་པར་ལེགས་ཡཔ་བྱང་ཆུབ་ཀྱི་གོ་འཕང་ལ་འགོད་པའི་ཕྱིར་བདེ་བ་སྟེ། དོན་རྣམ་པ་གཉིས་པོ་འབད་རྩོལ་མེད་པར་འབྱུང་བས་ལྷུན་གྱིས་གྲུབ་པའི་ཕྲིན་ལས་བསམ་གྱིས་མི་ཁྱབ་པ་ལ་དབང་འབྱོར་བའི་ཚུལ། རྟག་ཅིང་ཁྱབ་དང་ལྷུན་གྲུབ་པའི། །ཡོན་ཏན་ཕ་རོལ་ཕྱིན་པ་འབྲས། །ཞེས་སོ། །གཉིས་པ་བྱེ་བྲག་ཏུ་སྨོན་པ་ནི། མཁྱེན་རབ་འཇམ་དཔལ་དབྱངས་ལྟར་ཚད་མེད་ཅིང་། །ཞེས་སོགས་གློ་ཀ་དྲུག་པོའི་དངོས་བསྟན་རྣམས་ནི་གོ་སླ་ཞིང་། དོན་གཞན་ལ་དགོངས་པའི་ཚུལ་རྒྱ་ཆེར་བཤད་དུ་ཡོད་ཀྱང་འདིར་མ་སྨོས་སོ། །གསུམ་པ་མཇུག་གི་དོན་ནི། དེ་ལྟར་སྨོན་ལམ་བཏབ་པའི་དོན་དེ་རྣམས་དེ་དེ་བཞིན་དུ་འགྲུབ་པའི་ཕྱིར་བདེན་ཚིག་བརྗོད་པ་དང་། གནས་སྐབས་དང་མཐར་ཐུག་གི་ལེགས་ཚོགས་ལྷུན་གྱིས་གྲུབ་པའི་སླད་དུ་ཤིས་པ་བརྗོད་པ། སྐྱབས་གསུམ་བཀའ་སྡོད་བདེན་པའི་བྱིན་རླབས་

― JKT006_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །སོགས་ཤློ་ཀ་གཉིས་ཀྱི་དོན་ནི་གོ་སླའོ། །དེ་རྣམས་ཀྱིས་བྱང་ཆུབ་སྤྱོད་པའི་སྨོན་ལམ་ཕན་བདེའི་ལྗོན་པ་རྩ་འགྲེལ་གྱི་སྐབས་སུ་གོ་དཀའ་བའི་གནས་རྣམས་ཅུང་ཟད་གཏན་ལ་ཕབ་པ་སྟེ༑ མདོར་བསྡུ་ན་སྨོན་ལམ་དངོས་གཞིའི་དོན་ནི་འདི་ཡིན་ཏེ། རྟེན་གྱི་གང་ཟག་གཅིག་ཐོག་མར་ལམ་ལ་འཇུག་པའི་ཚེ། ཆོས་ལ་འཇུག་པའི་སྒོ་དལ་འབྱོར་རྙེད་དཀའ་ནས་བཟུང་སྟེ་འཁོར་བའི་ཉེས་དམིགས་བར་གྱི་ཉན་རང་དང་ཐུན་མོང་པའི་ལམ་ལ་བརྟེན་ནས་ཁམས་གསུམ་ལས་ངེས་པར་འབྱུང་པའི་བློ་བཅོས་མིན་དུ་སྐྱེས་པ་ན། རང་གཅིག་པུ་ཙམ་མ་ཡིན་པར་མཐའ་ཡས་པའི་སེམས་ཅན་ཐམས་ཅད་ཀྱི་དོན་དུ་བསྟན་པ་ལ་འཇུག་པའི་སྒོ་ཐེག་པ་ཆེན་པོའི་སྐྱབས་འགྲོ་ནས་བཟུང་སྟེ་སྨོན་འཇུག་བྱང་སེམས་ལ་བློ་སྦྱོང་བའི་བར་དུ་བསླབས་ནས་མྱོང་བ་སྐྱེས་པ་ནི་ཚོགས་ལམ་གྱི་སྣེ་ཟིན་པ་སྟེ། དེ་ནས་དབང་པོའི་རིམ་པ་དང་མཐུན་པར། རབ་གྲངས་མེད་གསུམ། འབྲིང་བདུན། ཐ་མ་སོ་གཉིས་ནས་བྱང་ཆུབ་ཀྱི་གོ་འཕང་འགྲུབ་པ་ཡིན་ཏེ། དེ་ཡང་གྲངས་མེད་གསུམ་ལ་མཚོན་ན། གྲངས་མེད་དང་པོས་ཚོགས་སྦྱོར་གཉིས་རྫོགས། གཉིས་པས་མཐོང་ལམ་ས་དང་པོ་ནས་བཟུང་ས་བདུན་པའི་བར་མ་དག་ས་བདུན་དང་། གསུམ་པས་དག་པ་ས་གསུམ་བགྲོད་ནས་སློབ་ལམ་རྣམས་རྫོགས་

― JKT006_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་། སྒྲིབ་གཉིས་བག་ཆགས་དང་བཅས་པ་མི་སྐྱེ་བའི་ཆོས་ཅན་དུ་བྱས་ནས། དེའི་གཉེན་པོ་ལ་སློབ་མི་དགོས་པར་མི་སློབ་ལམ་དུ་ཕྱིན་ཏེ་བླ་ན་མེད་པའི་བྱང་ཆུབ་བསྙེས་པ་ཡིན་ནོ། །དེ་ལྟར་ནའང་བྱང་སེམས་དབང་པོ་ཤིན་ཏུ་རྣོན་པོ་རྣམས་ཀྱིས་ནི་བསྐལ་པ་མང་པོའི་ཚོགས་ཀྱང་ཐབས་ལ་མཁས་པས་སྐད་ཅིག་ལ་འདུམ་པ་དང་། ཁྱད་པར་མཐོང་ལམ་ཐོབ་ནས་འདོད་ན་ཞག་བདུན་གྱིས་ཀྱང་འཚང་རྒྱ་བར་ནུས་པའི་ཕྱིར་མཐའ་གཅིག་ཏུ་མ་ངེས་སོ། །དེ་རྣམས་ནི་མདོ་ལམ་རྐྱང་པའི་ཚུལ་ཏེ། སྔགས་དང་ཟུང་དུ་འབྲེལ་བ་ནི། སྨོན་པ་དང་འཇུག་པའི་བྱང་ཆུབ་ཀྱི་སེམས་ལ་བློ་སྦྱོང་བ་ཡན་ཐུན་མོང་ལྟར་ལ། དེ་ནས་སེམས་ཅན་གྱི་དོན་ཁོ་ནར་མྱུར་དུ་སངས་རྒྱས་པར་འདོད་པས། སྨིན་བྱེད་ཀྱི་དབང་བསྐུར་བ་དང་། དམ་ཚིག་དང་སྡོམ་པས་རྒྱུད་དག་པར་བྱ་བ་སྔོན་དུ་འགྲོ་བས། །མཚན་བཅས་མཚན་མེད་ཀྱི་རྣལ་འབྱོར་རམ། བསྐྱེད་རྫོགས་ཀྱི་ཐབས་ལ་བརྟེན་ལམ་ལྔ་ས་བཅུ་མིག་འཕྲུལ་ལྟར་བགྲོད་ནས་ཟུང་འཇུག་རྡོ་རྗེ་འཆང་ཆེན་པོའི་གོ་འཕང་ཐོབ་པར་འགྱུར་བ་སྟེ། དེའི་ཚུལ་ནི་འོག་ཏུ་སྔགས་ཀྱི་སྨོན་ལམ་ལས་འཆད་པར་འགྱུར་རོ། །ཕར་ཕྱིན་ཐེག་པའི་སྙིང་པོའི་ཕུལ། །བྱང་ཆུབ་སྤྱོད་པའི་སྨོན་ལམ་ལས། །བརྩམས་ཏེ་ཅུང་ཟད་བཤད་པའི་དགེས། །འགྲོ་ཀུན་

― JKT006_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་མཁྱེན་བརྙེས་ཤོག །ཅེས་པའང་བྱང་ཆུབ་སྤྱོད་པའི་སྨོན་ལམ་ཕན་བདེའི་ལྗོན་པ་རྩ་འགྲེལ་གྱི་སྐབས་སུ་གོ་དཀའ་བའི་གནས་རྣམས་ཅུང་ཟད་གསལ་བར་ཕྱེ་སྟེ་ཟིན་བྲིས་སུ་བཏབ་པ་སརྦ་དཱ་ཀལྱཱ་ཎཾ་བྷ་བ་ཏུ།། །།དགེའོ།། །།དགེའོ།། །།དགེའོ།། །།

གསང་བ་སྔགས་ཀྱི་སྨོན་ལམ་འདོད་འཇོའི་དགའ་སྟོན་གྱི་འགྲེལ་བཤད་བདུད་རྩིའི་ཀླུང་ཆེན།

― JKT006_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་བ་སྔགས་ཀྱི་སྨོན་ལམ་འདོད་འཇོའི་དགའ་སྟོན་གྱི་འགྲེལ་བཤད་བདུད་རྩིའི་ཀླུང་ཆེན་ཞེས་བྱ་བ་བཞུགས་སོ། །

― JKT006_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

ཧེ་རུ་ཀ་དཔལ་རྡོ་རྗེ་འཆང་ལ་ཕྱག་འཚལ་ལོ། །ཟུང་འཇུག་འོད་གསལ་འདུས་མ་བྱས་པའི་དབྱིངས། །ངེས་པ་ལྔ་ལྡན་ལོངས་སྤྱོད་རྫོགས་པའི་སྐུ། །གང་འདུལ་གདུལ་བྱའི་མོས་ངོར་སྤྲུལ་པའི་གར། །སྟོན་མཛད་དཔལ་ལྡན་བླ་མར་གུས་ཕྱག་འཚལ། །བེ་རོའི་རྣམ་འཕྲུལ་འགྲོ་འདུལ་གླིང་པ་ཡི། །འཆོས་སྐྱོབ་གཉིས་ལྡན་བདུད་རྩིའི་ཀླུང་ཆེན་ལས། །སྔགས་ཀྱི་སྨོན་ལམ་འདོད་འཇོའི་དགའ་སྟོན་ཉིད། །གོ་གསལ་ཉུང་ངུའི་ངག་གིས་འདི་ན་འགྲོལ། །འདི་ལ་བཞི། མཚན་གྱི་དོན༑ མཆོད་པར་བརྗོད་པ། གཞུང་གི་དོན། མཇུག་གི་དོན་ཏོ། །དང་པོ་ནི། གསང་བ་སྔགས་ཀྱི་སྨོན་ལམ་འདོད་འཇོའི་དགའ་སྟོན་ཅེས་བྱ་བ་བཞུགས་སོ།

― JKT006_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་པ། ཉན་རང་སོགས་གདུལ་བྱ་ཐུན་མོང་བའི་སྣོད་དུ་མ་གྱུར་པས་གསང་བ་སྟེ། ཀུན་མཁྱེན་རང་བྱུང་རྡོ་རྗེས། ཕྱི་ནང་ཉན་ཐོས་སྤྱོད་ཡུལ་མིན། །མཐའ་དྲུག་གིས་བཅིངས་ནང་གི་དོན། །ཅེས་གསུངས་པ་ལྟར་རོ། །ཡིད་ཤེས་བདེ་མྱུར་གྱི་སྒོ་ནས་སྐྱོབས་པར་བྱེད་པས་ན་སྔགས་ཏེ། ཇི་སྐད་དུ་ཡང་། འདོད་པའི་ལོངས་སྤྱོད་ལྔ་པོ་ལ། །ཅི་བདེ་བར་ནི་སྤྱད་པས་འགྲུབ། །ཅེས་སོ། །དེའི་ལམ་དང་འབྲས་བུའི་ཆོས་ཐམས་ཅད་རང་གི་དོན་ལ་ཡོངས་སུ་རྫོགས་པར་སྨོན་པས་ན་སྨོན་ལམ་དེ་གྲུབ་པའི་འབྲས་བུ་སྔགས་ཀྱི་དངོས་གྲུབ་དམན་འབྲིང་མཆོག་ལ་བརྟེན་ནས་གནས་སྐབས་དང་མཐར་ཐུག་གི་འདོད་པ་ཐམས་ཅད་ཡིད་བཞིན་དུ་འཇོ་བས་

― JKT006_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་སྟོན་སྤེལ་བར་བྱེད་པས་ན་གཞུང་འདིའི་མཚན་ལ་དེ་སྐད་ཅེས་བྱ་བ་སྟེ་དཔེའི་སྒོ་ནས་མཚན་དུ་བཏགས་པའོ། །གཉིས་པ་ནི། དུས་གསུམ་རྒྱལ་བ་སྲས་བཅས་མ་ལུས་དང་། །འགྲོ་བའི་སྐྱབས་གྱུར་པདྨ་སཾ་བྷ་ཝ། །སྲིད་ཞིའི་རྒུད་པ་ཀུན་སེལ་རཏྣའི་ཞབས། །མི་འབྲལ་སྙིང་ནས་གུས་པས་ཕྱག་བགྱིའོ། །ཞེས་པ་ནི། འདས་མ་འོངས་ད་ལྟའི་དུས་གསུམ་གཤེགས་པ་དང་བཞུགས་པ་དང་འབྱོན་པར་འགྱུར་པའི་བདུད་བཞིའི་དགྲ་ལས་རྒྱལ་བའི་རྒྱལ་བ་སྟེ་སངས་རྒྱས་དཀོན་མཆོག་དང་། དེ་དག་གི་སྲས་བྱང་ཆུབ་སེམས་དཔའ་ཉན་རང་དང་བཅས་པ་ནི་དགེ་འདུན་དཀོན་མཆོག་དང་། དེ་དག་གི་རྒྱུད་ལ་བཞུགས་པའི་འགོགས་ལམ་གྱི་བདེན་པ་ནི་ཆོས་དཀོན་མཆོག །འགོགས་བདེན་ནི་སངས་རྒྱས་འཕགས་པའི་རྒྱུད་ཀྱི་སྒྲིབ་གཉིས་སྤངས་པའི་སྤངས་ཆ། ཉན་ཐོས་དགྲ་བཅོམ་པའི་རྒྱུད་ཀྱི་ཉོན་སྒྲིབ་སྤངས་པའི་སྤངས་ཆ། ལམ་བདེན་ནི་སངས་རྒྱས་འཕགས་པའི་ཐུགས་རྒྱུད་ཀྱི་རྣམ་མཁྱེན། ཉན་ཐོས་དགྲ་བཅོམ་པའི་ཐུགས་རྒྱུད་ཀྱི་སྟོང་ཉིད་མངོན་སུམ་དུ་རྟོགས་པའི་མཁྱེན་པ་རྣམས་སོ༑ །དེ་དག་གིས་སྤྱིར་དཀོན་མཆོག་གསུམ་ལ་ཕྱག་མཛད་པའོ། །འགྲོ་བ་ལྷ་དང་བཅས་པའི་སྐྱབས་གནས་གཅིག་པུར་གྱུར་པ་པདྨ་སཾ་བྷ་ཝ་སྟེ། པདྨ་ཡང་དག་པར་འབྱུང་བའམ་པདྨའི་འབྱུང་གནས་

― JKT006_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། ཐོག་མར་པད་སྡོང་ལས་འཁྲུངས་པར་མ་ཟད། ཨིནྡྲ་བོ་དྷིས་སྤྱན་དྲངས་པའི་ལམ་གང་དུ་བཞག་པར་པདྨ་རེ་འཁྲུངས་པས་མཚན་དུ་དེ་ལྟར་གསོལ་བར་གྲགས། སློབ་དཔོན་རྡོ་རྗེ་གདན་པས། དགེ་སློང་ལུས་ལ་ཕྱག་རྒྱར་ལྡན། །ལྷོ་ནུབ་སྲིན་པོའི་ཁ་གནོན་མཛད། །པདྨ་ཀ་ར། ཞེས་གསུངས་པའི་གྲུབ་བརྙེས་ཀྱི་སློབ་དཔོན་དམ་པ་སྟེ། དེ་དག་གིས་བྱེ་བྲག་ཏུ་གངས་ཅན་འགྲོ་བའི་སྐྱབས་གནས་ལ་ཕྱག་མཛད་པའོ། །སྲིད་དང་ཞི་བའི་མི་མཐུན་པའི་རྒུད་པ་ཐམས་ཅད་སེལ་བའི་བྱེད་པོ་ཡིད་བཞིན་གྱི་ནོར་བུ་རིན་པོ་ཆེ་དང་ཆོས་མཚུངས་པ་ཆོས་རྒྱལ་རིན་ཆེན་ཕུན་ཚོགས་ཏེ། པདྨ་གླིང་པའི་གཏེར་ལུང་ལས། རྒྱ་གར་རིག་འཛིན་ཧཱུྃ་ཀ་ར༔ འབྲི་ཡི་ཕྱོགས་སུ་རཏྣའི་མིང་༔ ཞེས་དང་། འབྲི་ཞེས་བྱ་བ་ཁ་བའི་ཀློང་གསེབ་ཏུ༔ རྨུ་རྒོད་འགྲོ་འདུལ་བྱང་ཆུབ་སེམས་ལྡན་པ༔ ཐུགས་རྗེ་ཆེན་པོས་བྱིན་གྱིས་བརླབས་པའི་བུ༔ ཞེས་གསུངས་པ་ལྟར་རོ། །དེ་དག་གིས་ཁྱད་པར་དུ་རྩ་བའི་བླ་མ་ལ་ཕྱག་མཛད་པའོ། །དེའང་ཕྱག་མཛད་པའི་ཚུལ་ནི་རབ་ལྟ་བ་མཇལ་བའི་ཕྱག་སྟེ་དུས་གསུམ་འདུ་འབྲལ་མེད་པར་ཡིད་རབ་ཏུ་དྭངས་བའི་སྒོ་ནས་སོ། །དེའང་སློབ་དཔོན་ཀླུ་སྒྲུབ་ཀྱིས། ཇི་ལྟར་ཆུ་ལ་ཆུ་བཞག་དང་། །ཇི་ལྟར་མར་ལ་མར་བཞག་ལྟར། །རང་གི་རང་རིག་ཡེ་ཤེས་ནི། །

― JKT006_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

ལེགས་མཐོང་གང་ཡིན་འདིར་ཕྱག་མིན། །ཅེས་སོ། །གསུམ་པ་ལ་གཉིས། མི་རྟག་པའི་གཏམ་གྱིས་བློ་ཆོས་ལ་བསྐུལ་བ་དང་། ལམ་གྱི་རིམ་པ་དངོས་རྒྱུད་ལ་བརྟེན་པའོ། །དང་པོ་ནི། ཚེ་འདིའི་ལོངས་སྤྱོད་རྨི་ལམ་དགའ་སྟོན་བཞིན། །ལང་ཚོའི་དཔལ་ཡང་འཇའ་ཚོན་ལྟ་བུ་སྟེ། །ཚེ་སྲོག་མི་རྟག་གློག་གི་ཟློས་གར་བཞིན། །འཇིག་རྟེན་ཕུན་ཚོགས་ཀུན་ལ་དབང་བསྒྱུར་ཀྱང་། །སྟོན་དུས་ཡྻ མཛེས་པའི་སྤྲིན་དཀར་ཕུང་པོ་བཞིན། །སྐད་ཅིག་མི་རྟག་འཇིག་པའི་ཚུལ་ཅན་དུ། །མཐོང་ནས་སྲིད་པར་ཡིད་ནི་འབྱུང་བར་ཤོག །ཅེས་པ་སྟེ། ཚེ་འདིར་སྣང་གི་ལོངས་སྤྱོད་གནས་གྲོགས་སོགས་རྨི་ལམ་གྱི་དགའ་སྟོན་ལྟ་བུ་སྟེ། ཏིང་འཛིན་རྒྱལ་པོ་ལས། ཇི་ལྟར་རྨི་ལམ་ན་ཡང་འདོད་པ་སྟེན་པ། །སྐྱེས་བུ་སད་པར་གྱུར་ན་མི་མཐོང་སྟེ། །བྱིས་པ་ཤིན་ཏུ་འདོད་ལ་ཆགས་ཤིང་ཞེན། །ཆོས་རྣམས་ཐམས་ཅད་དེ་བཞིན་ཤེས་པར་གྱིས། །ཞེས་སོ། །དེ་བཞིན་དུ་གཟུགས་དང་ལང་ཚོ་ཁ་དོག་རྒྱན་གོས་ཀྱི་དཔལ་འབྱོར་ཀུན་འཇའ་ཚོན་ལྟ་བུར་སྙིང་པོ་མེད་དེ། ཇི་སྐད་དུ་ཡང་། མི་རྟག་ལུས་ལ་སྙིང་པོ་མེད། །ནམ་མཁར་ཤར་བའི་འཇའ་ཚོན་འདྲ། །བདེན་པར་བཟུང་ཀྱང་ཡལ་ནས་འགྲོ། །ཞེས་སོ། །སྐྱེས་བུའི་ཚེ་སྲོག་ནི་མི་རྟག་སྟེ་རླུང་དམར་ནང་གི་མར་མེའམ་བར་སྣང་དུ་གློག་འགྱུ་བ་

― JKT006_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་སྐད་ཅིག་གིས་མི་རྟག་སྟེ། རྗེ་བདག་ཉིད་ཆེན་པོས། དལ་བའི་རྟེན་འདི་ཡིད་བཞིན་ནོར་ལས་ལྷག །རྙེད་དཀའ་འཇིག་སླ་ནམ་མཁའི་གློག་དང་འདྲ། །ཞེས་སོ། འཇིག་རྟེན་ཚེ་འདིའི་ཕུན་ཚོགས་འཁོར་ལོས་སྒྱུར་རྒྱལ་དུ་གྱུར་ཏེ་གླིང་བཞི་ལ་མངའ་དབང་བསྒྱུར་ཀྱང་སྙིང་པོ་མེད་དོ། །སྟོན་དུས་ཀྱི་སྤྲིན་དཀར་ཕུང་པོ་དབྱིབས་ངོ་མཚར་བ་སྣ་ཚོགས་ཤར་ཡང་ད་ལྟ་རང་ཡོད་འཕྲོ་ལ་མེད་འགྲོ་བ་ལྟར་ཤེས་པར་བྱ་སྟེ། མགོན་པོ་ཀླུས། བརྒྱ་བྱིན་འཇིག་རྟེན་མཆོད་འོས་གྱུར་ནས་ཀྱང་། །ལས་ཀྱི་དབང་གིས་ཕྱིར་ཡང་ས་སྟེང་ལྷུང་། །འཁོར་ལོས་བསྒྱུར་བ་ཉིད་དུ་གྱུར་ནས་ཀྱང་། །འཁོར་བ་དག་ན་ཡང་བྲན་ཉིད་དུ་འགྱུར། །ཞེས་སོ། །དེ་ལྟར་སྐད་ཅིག་ཀྱང་མི་སྡོད་ཅིང་འགྱུར་བའི་ཚུལ་རིག་ནས་སྲིད་པ་སྟེ་འཁོར་བ་ནས་ཡིད་དབྱུང་སྟེ་ངེས་འབྱུང་གི་བསམ་པ་རྣམ་པར་དག་པ་རྒྱུད་ལ་སྐྱེ་བར་ཤོག་ཅིག་པ་སྟེ། ཇི་སྐད་དུ་ཡང་། །དལ་འབྱོར་རྙེད་དཀའ་ཚེ་ལ་ལོང་མེད་པ། །ཡིད་ལ་གོམས་པས་ཚེ་འདིའི་སྣང་ཞེན་ལྡོག །ཅེས་སོ། །དེ་དག་གིས་འཆི་བ་མི་རྟག་པ་དང་ངན་འགྲོའི་སྡུག་བསྔལ་སོགས་སྐྱེས་བུ་ཆུང་ངུའི་ལམ་དང་། ཐར་པ་དོན་གཉེར་གྱི་བློ་བསྐྱེད་པ་སོགས་སྐྱེས་བུ་འབྲིང་གི་ལམ་རྣམས་བསྟན་པ་ཡིན་ཏེ། བྱང་ཆུབ་ལམ་གྱི་སྒྲོན་མ་ལས། གང་ཞིག་ཐབས་ནི་གང་

― JKT006_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

དག་གིས། །འཁོར་བའི་བདེ་བ་ཙམ་དག་ལ། །རང་ཉིད་དོན་དུ་གཉེར་བྱེད་པ། །སྐྱེས་བུ་དེ་ནི་ཐ་མར་ཤེས། །སྲིད་པའི་བདེ་ལ་རྒྱབ་ཕྱོགས་ཤིང་། །སྡིག་པའི་ལས་ལས་ལྡོག་བདག་ཉིད། །གང་ཞིག་རང་ཞི་ཙམ་དོན་གཉེར། །སྐྱེས་བུ་དེ་ནི་འབྲིང་ཞེས་བྱ། །ཞེས་གསུངས་པ་ལྟར་རོ། །གཉིས་པ་ལ་གཉིས། ལམ་གྱི་རྩ་བ་བཤེས་གཉེན་བསྟེན་ཚུལ། བསྟེན་ནས་ལམ་ལ་ཇི་ལྟར་སློབ་པའི་ཚུལ་ལོ། །དང་པོ་ནི། བདེ་ལེགས་དངོས་གྲུབ་ཀུན་གྱི་འབྱུང་གནས་ནི། །མཚན་ཉིད་ཀུན་ལྡན་ཐེག་མཆོག་བཤེས་གཉེན་ཏེ། །དྲན་པ་ཡིས་ཀྱང་སྲིད་ཞིའི་འཇིགས་འཕྲོག་ལ། །མི་ཕྱེད་དད་པས་ཚུལ་བཞིན་བསྟེན་པར་ཤོག །ཅེས་པ་གནས་སྐབས་མངོན་མཐོའི་བདེ་བ་དང་། མཐར་ཐུག་ངེས་ལེགས་ཀྱི་འབྲས་བུའམ། དངོས་གྲུབ་ཐམས་ཅད་ཀྱི་འབྱུང་གནས་ནི་མདོ་རྒྱུད་ནས་ཇི་སྐད་བཤད་པའི་མཚན་ཉིད་ཀུན་ལྡན་གྱི་བླ་མ་ཐེག་པ་མཆོག་གི་བཤེས་གཉེན་བསྟེན་དགོས་ཏེ། ཡོན་ཏན་རིན་པོ་ཆེའི་སྡུད་པ་ལས། སློབ་མ་བཟང་པོ་བླ་མར་གུས་ལྡན་དེ་དག་གིས། །བླ་མ་མཁས་པ་དག་ལ་རབ་ཏུ་བསྟེན་པར་བྱ། །ཅི་ཕྱིར་ཞེ་ན་མཁས་པའི་ཡོན་ཏན་དེ་ལས་འབྱུང་། །ཞེས་གསུངས་པས་སོ། །ཇི་ལྟ་བུ་ཞིག་བསྟེན་ཅེ་ན། དྲན་པ་ཙམ་གྱིས་ཀྱང་སྲིད་ཞིའི་འཇིགས་པ་འཕྲོག་པ་སྟེ་ཞི་བར་བྱེད་པ་

― JKT006_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་བཙལ་དགོས་ཏེ། བསྟན་བཅོས་ཤེས་བྱ་ཀུན་ཁྱབ་ལས། འཐད་པ་ལུང་རིགས་དཔེ་ཡི་སྒོ་ནས་བཙལ། །ཅེས་པ་ལྟར་རོ། །དེ་ཡང་ཐེག་ཆེན་དགེ་བའི་བཤེས་གཉེན་ཆོས་བཅུ་ལྡན་དང་༑ སྔགས་ཀྱི་རྡོ་རྗེ་སློབ་དཔོན་དེ་ཉིད་བཅུ་ལྡན་དེ། བསམ་སྦྱོར་ཕུན་སུམ་ཚོགས་པའི་སྒོ་ནས་ལེགས་པར་བསྟེན་ནས་མི་ཕྱེད་པའི་དད་པ་བརྟན་པོ་སྟེ་བདུད་ལས་ཀྱིས་དད་པ་ལྡོག་ཏུ་མི་བཏུབ་པ་སྟེ་ཚུལ་བཞིན་དུ་བསྟེན་པར་ཤོག་ཅིག་པའོ། །གཉིས་པ་ལ་གཉིས། ལམ་གྱི་རྩ་བ་སྤྱིར་བསྟན་པ་དང་། སོ་སོའི་ལམ་རྒྱས་པར་བཤད་པའོ། །དང་པོ་ནི། །དེ་ལྟར་དགེ་བའི་བཤེས་ལས་རྙེད་པའི་དོན༑ །རྟེན་གྱི་སྐྱབས་གྱུར་བླ་མ་དཀོན་མཆོག་གསུམ། །ཡིད་ལ་འབྲལ་མེད་གདུང་བས་གསོལ་འདེབས་ཤིང་། །འགྲོ་ཀུན་ཕ་མར་ཤེས་པའི་སྙིང་རྗེ་ཡིས། །ཀུན་གྱི་སྡུག་བསྔལ་རང་གིས་ལེན་པ་དང་། །བདག་གི་བདེ་དགེ་མ་ལུས་གཞན་ལ་བཏང་། །བླ་མེད་བདེ་ལ་བདག་གིས་འགོད་བྱ་ཞེས། །སེམས་ནི་བྱང་ཆུབ་དམ་པར་བསྐྱེད་བྱས་ནས། །ཕྱིན་དྲུག་སྤྱོད་པས་ཉིན་མཚན་འདའ་བར་ལྷཤོག ༑ཅེས་པ་ནི་དེ་ལྟར་དགེ་བའི་བཤེས་གཉེན་བསྟེན་ནས་ཐོག་མར་དེ་ལས་རྙེད་པའི་དོན་ཞི་བདེ་དོན་གཉེར་ཙམ་མ་ཡིན་པར་སྐྱེས་བུ་ཆེན་པོའི་སྐྱབས་འགྲོའི་གནད་མ་འཁྲུལ་བར་ཤེས་པར་བྱས་

― JKT006_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

ཏེ། གནས་སྐབས་ཙམ་མ་ཡིན་པའི་གཏན་གྱི་སྐྱབས་གནས་སུ་འོས་པ། བླ་མ་དང་དཀོན་མཆོག་གསུམ་ལ་སྙིང་ཐག་པ་ནས་སྐྱབས་སུ་འགྲོ་ཞིང་། དེ་ནས་ཐེག་པ་ཆེན་པོའི་ལམ་གྱི་རྩ་བ་སེམས་ཅན་ཐམས་ཅད་ཕ་མར་ཤེས་པར་བྱས་ཏེ། རྗེ་བཙུན་བཞད་པ་རྡོ་རྗེས། འགྲོ་དྲུག་སེམས་ཅན་ཕ་མ་ལ། །བྱས་པ་དྲིན་དུ་མི་གཟོ་ན། །ཐེག་པ་དམན་པར་གོལ་བའི་སྐྱོན། །དེ་ཕྱིར་བརྩེ་བ་ཆེན་པོ་ཡིས༑ །བྱང་ཆུབ་སེམས་ལ་འབད་ཀྱང་འཚལ། །ཅེས་གསུངས་པ་ལྟར། འགྲོ་ཀུན་ཕ་མར་ཤེས་ནས་སྙིང་རྗེ་ཆེན་པོས་མ་གྱུར་སེམས་ཅན་ཀུན་གྱི་སྡུག་བསྔལ་རང་གིས་ལེན་པ་དང་། བདག་གི་བདེ་བ་དགེ་བའི་རྩ་བ་གཞན་ལ་བཏང་ནས་བླ་ན་མེད་པའི་བདེ་བ་དམ་པ་ལ་བདག་གིས་དགོད་པར་བྱའོ་ཞེས་ལྷག་བསམ་ཚད་མེད་པ་དང་ལྡན་པའི་སྨོན་སེམས་བསྐྱེད་ཅིང་། འཇུག་པའི་སྤྱོད་པ་སྦྱིན་སོགས་ཕར་ཕྱིན་དྲུག་ལ་ཉིན་མཚན་དུས་འདའ་བར་ཤོག་ཅིག་སྨོན་པའོ། །དེའི་ལམ་སྤྱིའི་རྩ་བ་སྐྱབས་སུ་འགྲོ་བ་དང་། བྱེ་བྲག་ཐེག་ཆེན་གྱི་རྩ་བ་སེམས་བསྐྱེད་པ་གཉིས་བསྟན་ཏོ། །གཉིས་པ་ལ་གཉིས། རྒྱུ་མཚན་ཉིད་ཀྱི་ཐེག་པ་དང་། འབྲས་བུ་གསང་སྔགས་རྡོ་རྗེ་ཐེག་པ་ལ་བསླབ་ཚུལ་ལ་སྨོན་པའོ། །དང་པོ་ལ་གཉིས། སྐྱེས་བུ་གསུམ་གྱི་ལམ་གྱིས་བློ་སྦྱོང་བའི་ཚུལ་ལ་སྨོན་པ་དང་། སྡེ་

― JKT006_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

སྣོད་གསུམ་གྱི་སྒྲུབ་པ་ཉམས་ལེན་སྙིང་པོར་དྲིལ་བས་སྨོན་པའོ། །དང་པོ་ལ་གསུམ། སྐྱེས་བུ་ཆུང་ངུ་། འབྲིང་། ཆེན་པོའི་ལམ་ལ་སྨོན་པའོ། །དང་པོ་ནི། མངོན་མཐོ་སྒྲུབ་བྱེད་རྒྱལ་བའི་གསུང་རབས་ཀུན། །དོན་རྣམས་སྐྱེས་བུ་ཆུང་ངུའི་ལམ་དང་ནི། །ཞེས་པ་ནི། ཕྱི་མ་མངོན་མཐོ་ལྷ་མིའི་གོ་འཕང་ཐོབ་པའི་རྒྱུ་མི་དགེ་སྤང་ཞིང་དགེ་བཅུའི་ལམ་བསྒྲུབ་པ་དང་། དུས་ཁྲིམས་ཀྱི་བསླབ་པ་ལ་གནས་པ་སོགས་ཏེ། རིན་ཆེན་ཕྲེང་བ་ལས། དང་པོ་མངོན་པར་མཐོ་བའི་ཆོས། །ཕྱིས་ནས་ངེས་པར་ལེགས་པ་འབྱུང་། །ཞེས་སོ། །གཉིས་པ་ནི། ཐར་པ་སྒྲུབ་པའི་ཐབས་ལ་བརྩོན་པ་ཡི། །ཆོས་ཀྱི་རྣམ་གྲངས་ཀུན་གྱི་བརྗོད་བྱའི་དོན། །སྐྱེས་བུ་འབྲིང་གི་ལམ་གྱི་རིམ་པ་སྟེ། །ངེས་པར་འབྱུང་བས་སྲིད་ལས་གྲོལ་བར་ཤོག །ཅེས་པ་ནི། རང་དོན་ཞི་བདེ་ཙམ་ལ་དམིགས་ནས་ཐར་པའི་གོ་འཕང་གཉེར་བ་སྐྱེས་བུ་འབྲིང་གི་ལམ་སྟེ། གཉིས་ཀའང་ཐེག་པ་ཆེན་པོའི་ལམ་སྟེགས་ཡིན་པས་དེ་དག་ལ་བརྟེན་ནས་ངེས་འབྱུང་གི་བློ་ཁྱད་པར་ཅན་བསྐྱེད་ཅིང་། སྲིད་པའི་སྡུག་བསྔལ་ཨཱབཙོན་དོང་ལྟ་བུ་ལས་གྲོལ་བར་ཤོག་ཅིག་སྨོན་པའང་ལས་དང་པོ་པའི་ལམ་གྱི་འཇུག་ངོགས་ཁྱད་པར་ཅན་ཏེ། ཇི་སྐད་དུའང་། རྣམ་དག་ངེས་འབྱུང་མེད་པར་སྲིད་མཚོ་ཡི། །བདེ་འབྲས་དོན་གཉེར་

― JKT006_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

ཞི་བའི་ཐབས་མེད་པས། །སྲིད་ལ་བརྐམས་པ་ཡིས་ཀྱང་ལུས་ཅན་རྣམས། །ཀུན་ནས་འཆིང་ཕྱིར་ཐོག་མར་ངེས་འབྱུང་བཙལ། །ཅེས་གསུངས་པས་སོ། །གསུམ་པ་ནི། རྣམ་མཁྱེན་གོ་འཕང་མྱུར་དུ་སྒྲུབ་པའི་ཐབས། །རྒྱུ་དང་འབྲས་བུའི་ཐེག་ཆེན་རྣམ་གཉིས་ལས། །ཇི་བཞིན་གསུང་བའི་གསང་བ་མ་ལུས་པ། །སྐྱེས་བུ་ཆེན་པོའི་ལམ་གྱི་རིམ་པ་སྟེ། །བདག་གིས་མ་ལུས་ཉེ་བར་བླངས་པ་ལས༑ །ཆོས་རྣམས་ཐམས་ཅད་རྨི་ལམ་སྣང་བ་བཞིན། །སྣང་ཙམ་དེ་ལ་ཡུལ་གྱི་སྟེང་ཉིད་དུ། །གྲུབ་པའི་ངོ་བོ་རྡུལ་ཙམ་མ་མཆིས་ཀྱང་། །ལས་འབྲས་བསླུ་བ་མེད་པར་ངེས་རྙེད་ནས། །བདེན་གཉིས་ཟབ་མོའི་གནད་ལ་གོམས་པར་ཤོག །ཅེས་པ་ནི། དེ་ལས་གཞན་དོན་དུ་རྣམ་པ་ཐམས་ཅད་མཁྱེན་པའི་གོ་འཕང་བསྒྲུབ་པར་སྟོན་པ་རྣམས་ནི་རྒྱུ་ཕ་རོལ་ཏུ་ཕྱིན་པ་དང་། འབྲས་བུ་གསང་སྔགས་རྡོ་རྗེའི་ཐེག་པ་ཆེན་པོ་གཉིས་ཡིན་ལ། དེ་གཉིས་ལས་གསུངས་པའི་སྤྱོད་པ་རྒྱ་ཆེ་བ་དང་། དོན་ཟབ་པའི་གསང་བ་མ་ལུས་པའི་སྐྱེས་བུ་ཆེན་པོའི་ལམ་གྱི་རིམ་པ་སྟེ། དེ་ཉམས་སུ་བླངས་པས་མཉམ་གཞག་གི་དོན་ཆོས་ཐམས་ཅད་རྨི་ལམ་གྱི་སྣང་བ་ལྟར་སྣང་ཙམ་ཉིད་ནས་ཡུལ་རང་ངོ་ནས་བདེན་པར་གྲུབ་པ་རྡུལ་ཙམ་ཡང་མེད་པར་རྟོགས་ཀྱང་། རྗེས་ཐོབ་ཀྱི་ཆ་ནས་ལས་འབྲས་བསླུ་བ་མེད་

― JKT006_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

པར་ངེས་པ་རྙེད་ནས་བདེན་གཉིས་ཐ་དད་དུ་མི་འཛིན་པའི་ལམ་ཟབ་མོ་ལ་གོམས་པར་ཤོག་ཅིག་ཅེས་སྨོན་པའོ། །གཉིས་པ་ལ་གསུམ། འདུལ་བ། མདོ་སྡེ། མངོན་པའི་སྡེ་སྣོད་ལ་སློབ་པར་སྨོན་པའོ། །དང་པོ་ནི། འཁོར་ལོ་དང་པོ་འདུལ་བའི་སྡེ་སྣོད་ལས། ཉིས་བརྒྱ་ལྔ་བཅུ་སྤོང་བའི་ཚུལ་ཁྲིམས་དང་། །བཅུ་བདུན་བླང་བྱ་འཇུག་པའི་ཚུལ་ཁྲིམས་ཏེ། །ཀུན་གྱི་རྩ་བ་འགྲམ་གཞི་བརྟན་པོ་ནི། །ལྷག་པའི་ཚུལ་ཁྲིམས་འདུལ་སྡེ་ལ་གནས་ཤིང་། །ཞེས་པས། གཏན་ཁྲིམས་སོ་ཐར་རིས་བདུན་གྱི་ཡ་གྱལ། ཉིས་བརྒྱ་ལྔ་བཅུ་རྩ་གསུམ་གྱི་འདུལ་ཁྲིམས་ལ་གནས་པ་དང་། འཇུག་པའི་བསླབ་བྱ་གཞི་བཅུ་བདུན་ཏེ། འདུལ་བ་ལུང་ལས། རབ་བྱུང་གསོ་སྦྱོང་གཞི་དང་ནི། །དགག་དབྱེ་དབྱར་དང་ཀོ་ལྤགས་དང་། །སྨན་དང་གོས་དང་སྲ་བརྐྱང་དང་། །ཀོའུ་ཤམྦྷི་དང་ལས་ཀྱི་གཞི༑ །དམར་སེར་ཅན་དང་གང་ཟག་དང་། །སྤོ་དང་གསོ་སྦྱོང་བཞག་པ་དང་། །གནས་མལ་དང་ནི་རྩོད་པ་དང་། །དགེ་འདུན་དབྱེན་རྣམས་བསྡུས་པ་ཡིན། །ཅེས་གསུངས་པ་ལྟར་བསླབ་པ་ཡོངས་སུ་སྦྱོང་བ་སོགས་རང་རྒྱུད་བསྡམས་པ་ནི་ཡོན་ཏན་ཀུན་གྱི་རྟེན་རྩིག་པའི་འགྲམ་གཞི་བརྟན་པོ་དང་ལྡན་པའི་དཔེ་ལྟར་ལྷག་པའི་ཚུལ་ཁྲིམས་རྣམ་དག་ལ་སྨོན་པ་སྟེ། དབྱིག་གཉེན་ཞབས་ཀྱིས། །

― JKT006_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུལ་གནས་ཐོས་དང་བསམ་ལྡན་པས། སྒོམ་པ་ལ་ནི་རབ་ཏུ་སྦྱོར། །ཅེས་སོ། །གཉིས་པ་ནི། བྱིང་རྒོད་དྲི་ཡི་བཞོན་པས་མི་གཡོ་བའི། །མངོན་རྟོགས་རིན་ཆེན་རྣམ་བཞིའི་རང་བཞིན་ཅན། །ཏིང་འཛིན་འཆི་མེད་རི་བོར་གནས་པའི་གཞི། །ཟབ་ཡང་མདོ་སྡེའི་གནས་ལ་འཇོག་པ་དང་། །ཞེས་པས། དེ་ལ་འཁོར་ལོ་བར་པའི་ངེས་བརྗོད་རྣམ་པར་ཐར་པའི་སྒོ་གསུམ་ནི་ལམ་གྱི་ངོ་བོ་ཡིན་ལ། དེའི་རང་བཞིན་བྱིང་རྒོད་ཀྱི་རླུང་གིས་མི་གཡོ་བའི་བསམ་གཏན་གྱི་མངོན་རྟོགས་ནི་རིན་ཆེན་གཞི་ལས་གྲུབ་པའི་རི་དབང་གི་སྟེང་ན་འཆི་མེད་ཀྱི་གྲོང་ཁྱེར་ལྟར་བརྟན་པའི་ཏིང་ངེ་འཛིན་གྱི་ཆོས་ཉིད་ནི་གཏིང་དཔག་དཀའ་བས་ཟབ་པ། རྒྱ་ཆེ་བས་ཡངས་པའི་དོན་ལ་མཉམ་པར་འཇོག་ཅིང་། རྗེས་ཐོབ་ལ་ཕ་རོལ་ཏུ་ཕྱིན་པ་དྲུག་དང་མི་འགལ་བར་སྤྱོད་པ་ནི་ལྷག་པའི་ཏིང་ངེ་འཛིན་གྱི་བསླབ་པ་ཡིན་ནོ༑ །གསུམ་པ་ནི། ཆོས་མངོན་གསལ་བའི་རྣམ་དབྱེ་མིག་སྟོང་ལྡན། །གནས་ལུགས་རྟོགས་པའི་ཡེ་ཤེས་ལག་ཉལ་གྱིས། །མཐར་ལྟའི་དམིགས་པ་འདུལ་བྱེད་ལྷ་ཡི་དབང་། །ཆོས་མངོན་ལྟ་ན་སྡུག་གི་གྲོང་ཁྱེར་དུ། །སྡེ་སྣོད་གསུམ་གྱི་རྗོད་བྱེད་ཚིག་རྣམས་དང་། །བརྗོད་བྱ་བསླབ་པ་རྣམ་གསུམ་མངོན་གྱུར་ཤོག །ཅེས་པ་ནི། འཁོར་ལོ་ཐ་མ་ཆོས་མངོན་པའི་སྡེ་སྣོད་མཚན་ཉིད་གསུམ་གྱི་

― JKT006_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་དབྱེ་ཤིན་ཏུ་གསལ་བ་བརྒྱ་བྱིན་མིག་སྟོང་ལྡན་གྱི་གཟུགས་སུ་བཀོད་དེ། ཤེས་རབ་ཀྱི་བསླབ་པའི་དེ་ཁོ་ན་ཉིད་ཀྱི་དངོས་པོའི་གནས་ལུགས་མངོན་པར་རྟོགས་པས་ན་དེའི་ཡེ་ཤེས་ལ་དབང་པོའི་ལག་ན་ཉལ་བ་དྲང་སྲོང་ཞོ་འཐུང་གི་རུས་པ་ཕ་ལམ་གྱི་རང་བཞིན་ལས་གྲུབ་པའི་རྡོ་རྗེས་ཡོད་མེད་རྟག་ཆད་མཐར་ལྟའི་དམིགས་པ་འདུལ་བར་བྱེད་པས་ན་ལྷའི་དབང་པོ་དང་སྦྱར་བ་སྟེ། རྗོད་བྱེད་སྡེ་སྣོད་གསུམ་དང་། བརྗོད་བྱ་བསླབ་པ་གསུམ་ལ་སྨོན་ནས་མངོན་དུ་འགྱུར་བར་ཤོག་ཅིག་པའོ། །གཉིས་པ་འབྲས་བུ་གསང་སྔགས་རྡོ་རྗེ་ཐེག་པ་ལ་སློབ་པར་སྨོན་པའི་ཚུལ་ལ་གཉིས། ལམ་ལ་སྨོན་པ་དང་། འབྲས་བུ་ལ་སྨོན་པའོ། །དང་པོ་ལ་གཉིས། ལམ་གྱི་རྩ་བ་མཚན་ཉིད་དང་ལྡན་པའི་རྡོ་རྗེ་སློབ་དཔོན་བསྟེན་ཚུལ་དང་། བསྟེན་ནས་ལམ་ལ་བསླབ་ཚུལ་ལ་སྨོན་པའོ། །དང་པོ་ནི། དེ་ལྟར་རྒྱུ་ཡི་ཐེག་པས་རྒྱུད་སྦྱངས་ནས། །འབྲས་བུ་སྨིན་གྲོལ་རྡོ་རྗེ་ཐེག་པའི་ལམ། །ཉམས་ལེན་དྲོད་རྟགས་སྣང་བཞི་མངོན་གྱུར་ནས། །དམ་ཚིག་དབང་དང་ཤེས་རབ་རྒྱུན་འཆད་ཅིང་། །མན་ངག་ལུང་བཞིན་ཉམས་ཆགས་སྐོང་མཛད་པའི། །མཐོང་ཐོས་དྲན་རེག་སློབ་དཔོན་རྣམ་བཞི་ལས། །ཞེས་པ་ནི། དེ་ལ་ཐར་པ་དང་རྣམ་མཁྱེན་གྱི་ལམ་མཁན་ནི་བླ་མ་འབའ་ཞིག་ལ་རག་ལས་

― JKT006_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

པས་རང་ཉིད་ཀྱིས་ཐོག་མར་ལམ་གྱི་རྩ་བ་བླ་མ་བསྟེན་པར་གསུངས་ཤིང་། བླ་མ་དེ་ཡང་རྡོ་རྗེ་ཐེག་པའི་སྨིན་གྲོལ་གྱི་ལམ་ལ་ཉམས་ལེན་མཐར་ཕྱིན་ནས་རང་དོན་དུ་དྲོད་རྟགས་ཐོབ་པ། ཁྱད་པར་དུ་ཐེག་པ་མཆོག་གི་སྣང་བཞིའི་ལམ་རྟགས་མངོན་དུ་གྱུར་པ་ཞིག་བསྟེན་ལ། དེ་ལ་དམ་ཚིག་གི་གནང་བཀག་དང་འབྲེལ་བ་དབང་༡། ཐོས་བསམ་གྱི་ཤེས་རབ་དང་འབྲེལ་བ་རྒྱུད༢། མན་ངག་གི་གོམས་པ་དང་འབྲེལ་བའི་ལུང་༣། འགལ་རྐྱེན་དང་ཉམས་ཆགས་བསྐང་༤བ་བཞིར་སྟོན་པའང་། དང་པོ་ལྷ་དང་གཞལ་ཡས་ཁང་ལ་སོགས་པའི་དེ་ཁོ་ན་ཉིད་མངོན་སུམ་དུ་སྟོན་པས་ན་མཐོང་བ་དང་༡གཉིས་པས་གཞི་ལམ་འབྲས་གསུམ་གྱི་རྒྱུད་དོན་དབང་ཤེས་ལ་སྦྱོར་བས་ཐོས་པ་དང་། གསུམ་པས་དེ་ཁོ་ན་ཉིད་ཀྱི་གནས་ལུགས་རང་ལ་གནས་པ་ངོ་སྤྲོད་ཅིང་ལམ་གྱི་ངོ་བོ་དྲན་པ་ལ་སྦྱོར། བཞི་པས་ཉམས་ན་བཤགས་ཐབས་སྟོན་ཅིང་དག་ཚངས་ལ་རེག་ཏུ་འཇུག་པས་རྣམ་གྲངས་བཞིར་བསྟན་པ་ཡིན་ཅིང་། དྲུག་ཏུ་བསྟན་པ་སོགས་ཀྱང་ཡོད་དེ། གཤིན་རྗེ་དགྲ་ནག་གི་འགྲེལ་པ་ལྷན་ཅིག་སྐྱེས་སྣང་ལས། དམ་ཚིག་ཀློག་པ་སྦྱིན་པ་དང་། །འཆད་བྱེད་མན་ངག་སྟོན་པ་དང་། །དབང་བསྐུར་བ་དང་ལས་བྱེད་དང་། །དེ་རྣམས་སློབ་དཔོན་ཞེས་བཤད་དོ། །ཞེས་སོ། །གཉིས་པ་ལ་

― JKT006_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས། ཉམས་སུ་བླང་བྱའི་ལམ་སྤྱིར་བསྟན་པ་དང་། བྱེ་བྲག་ཏུ་བཤད་པའོ། །དང་པོ་ནི། རྒྱུད་སྡེ་བཞི་དང་རྫོགས་པ་ཆེན་པོའི་ལམ། །ལེགས་པར་བཤད་པའི་སྨིན་གྲོལ་ལམ་གྱི་གནད་། །ཅེས་བྱ་སྤྱོད་རྣལ་འབྱོར་བླ་མེད་བཞི་དང་། ཐེག་པའི་རྩེ་མོ་རྫོགས་པ་ཆེན་པོའི་སྨིན་གྲོལ་གཉིས་ཀྱི་ལམ་གནད་རིམ་པར་ནོད་ནས་བསྟེན་གོམས་བྱ་ཞེས་སྤྱིར་བསྟན་ཏོ། །གཉིས་པ་ལ་དྲུག ༑ཀྲི་ཡ། ཨུ་པ། ཡོ་ག །མ་ཧཱ། ཨ་ནུ། ཨ་ཏིའི་ལམ་ལ་སྨོན་པའོ། །དང་པོ་ནི། ཆུ་དབང་སོགས་ཀྱིས་རང་རྒྱུད་སྨིན་བྱས་ནས། །མདུན་བསྐྱེད་ཐུགས་ཀར་ཡིག་འབྲུ་ས་བོན་བཀོད། ཕྱི་ཡི་སྤྱོད་ལམ་དྲང་སྲོང་རྗེས་མཐུན་ཅིང་། །ནང་གི་ཉི་མ་རྣལ་འབྱོར་སྙིང་ལ་ཤར། །ལྷ་མོ་རྣམས་དང་ཕན་ཚུན་བལྟས་པ་ལས། །བྱུང་བའི་བདེ་བ་ལམ་བྱེད་ཀྲི་ཡའི་རྒྱུད། །རྗེ་དཔོན་ལྟ་བུར་དངོས་གྲུབ་ལེན་པ་དང་། །ཞེས་པས། དེ་ལ་སྔགས་སྡོམ་གྱི་ལམ་སྟེགས་སུ་བྱང་སྡོམ་ནི་ངེས་པར་དགོས་ལ། དེའི་སྟེང་དུ་སྔགས་ཕྱི་ནང་སོ་སོའི་དམ་ཚིག་དང་སྡོམ་པའི་གནང་བཀག་དང་མི་འགལ་བས་ཆུ་དང་ཅོད་པན་གྱིས་དབང་གི་སྨིན་པར་བྱ་སྟེ། ཡེ་ཤེས་གསང་བའི་རྒྱུད་ལས། བུམ་པ་ཆུ་ཡི་དབང་བསྐུར་བ། །བྱ་བའི་རྒྱུད་ལ་ཞུགས་པ་སྟེ། །ཞེས་སོ། །མདུན་བསྐྱེད་ཀྱི་ཐུགས་ཀར་ཡིག་འབྲུ་དང་

― JKT006_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་པའི་ལྷའི་རྣལ་འབྱོར་བསྒོམ་པ་དང་། ཕྱིའི་སྤྱོད་ལམ་ནི་ཁྲུས་དང་། གཙང་སྦྲ་དང་། དཀར་གསུམ་བཟའ་བ་དང་། སྨྱུང་བར་གནས་པའི་སྒོ་ནས་རྫོགས་ལྡན་དུས་ཀྱི་འདོད་པའི་ཀུན་སྤྱོད་ལྷ་མོ་ཕན་ཚུན་བལྟས་པ་ཙམ་གྱིས་བདེ་བ་ལམ་དུ་བྱེད་ཅིང་། མདུན་བསྐྱེད་ལས་རྗེ་དཔོན་ཚུལ་དུ་དངོས་གྲུབ་ལེན་པའོ། །གཉིས་པ་ནི། རྡོ་རྗེ་དྲིལ་བུའི་དབང་གིས་སྨིན་བྱས་ནས། །བདག་མདུན་གཉིས་ཀའི་ཐུགས་ཀར་ཡིག་འབྲུ་བཀོད། །ཕྱི་རོལ་བྱ་བའི་ཐབས་དང་ནང་གི་ནི། །ཟབ་མོའི་རྣལ་འབྱོར་ཆ་ལ་མཉམ་པར་སྤྱོད། །འཛུམ་ཞིང་དགོད་པའི་བདེ་བ་རྣམ་རོལ་པ། །ཡན་ལག་བཞི་ལ་གཞོལ་བ་ཨུ་པའི་རྒྱུད། །གྲོགས་པོ་ལྟ་བུར་དངོས་གྲུབ་ལེན་པར་བྱེད། །བྱ་སྤྱོད་གནས་ལ་ཚུལ་བཞིན་སྤྱོད་པར་ཤོག །ཅེས་པ་ནི། སྤྱོད་པའི་རྒྱུད་ལ། རྡོ་རྗེ་དྲིལ་བུ་མིང་དབང་དང་བཅས་པས་སྨིན་༣ པར་བྱ་སྟེ། ཡེ་ཤེས་ཐིག་ལེ་ལས། རྡོ་རྗེ་དྲིལ་བུ་དེ་བཞིན་མིང་། །སྤྱོད་པའི་རྒྱུད་ལ་རབ་ཏུ་གསལ། །ཅེས་སོ། །བདག་མདུན་གཉིས་ཀ་ལྷའི་རྣམ་རོལ་དུ་གསལ་བའི་བཟླས་སྒོམ་དང་། ཕྱིའི་སྤྱོད་ལམ་བྱ་རྒྱུད་དང་མཐུན་ཅིང་། ནང་གི་རྣལ་འབྱོར་ཡོ་ག་ལྟར་བསྒོམ་པར་འདོད་པའི་ཀུན་སྤྱོད། ལྷ་མོ་དང་ཕན་ཚུན་འཛུམ་ཞིང་དཀོད་པའི་བདེ་བ་ལམ་དུ་བྱེད་པ། རྣལ་འབྱོར་ཡན་ལག་བཞི་ནི།

― JKT006_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་སྣང་མངོན་བྱང་ལས། ཡི་གེ་དང་ནི་ཡི་གེ་སྦྱར། །དེ་བཞིན་གཞི་ལ་གཞིར་གྱུར་ཉིད། །ཅེས་པས་སོ། །མདུན་བསྐྱེད་ལས་གྲོགས་པོ་ལྟ་བུ་དངོས་གྲུབ་ལེན་པའོ། །དེ་ལྟར་བྱ་སྤྱོད་གཉིས་ཀྱི་མཚན་བཅས་མཚན་མེད་སོགས་ཀྱི་རྣལ་འབྱོར་ལ་ཚུལ་བཞིན་དུ་གནས་ཤིང་གོམས་པར་ཤོག་ཅིག་པའོ། །གསུམ་པ་ནི། སློབ་དཔོན་དབང་བསྐུར་རང་རྒྱུད་སྨིན་བྱས་ནས། །བདག་མདུན་གཉིས་ཀ་དག་པའི་ལྷ་རུ་བསྐྱེད། །ཡེ་ཤེས་སྤྱན་དྲངས་དེ་སྲིད་ང་རྒྱལ་བཟུང་། །ཕྱག་རྒྱ་བཞི་ཡི་རྒྱ་ལས་མི་འདའ་ཞིང་། །ཏིང་འཛིན་གསུམ་གྱི་ལང་ཚོས་སྙིང་ལ་འགྲོགས། །ལག་པའི་པདྨོ་འབྲེལ་བའི་བདེ་བས་ཚིམས། །ནང་གི་རྣལ་འབྱོར་གཙོ་བོར་གྱུར་པ་ཡི། །ཡོ་གའི་ལམ་གྱི་གཞི་ལ་རྣམ་གྲོལ་ཤོག །ཅེས་པ་ནི། དབང་སྔ་མའི་སྟེང་དུ་རྡོ་རྗེ་སློབ་དཔོན་གྱི་དབང་གིས་སྨིན་པར་བྱ་སྟེ། ཇི་ལ་འབྱོར་རྒྱུད་དུ་གསལ་བར་བྱ། །ཞེས་སོ། །བདག་མདུན་གཉིས་ཀ་ལྷར་བསྐྱེད་ནས་ཡེ་ཤེས་པ་དགུག་ཅིང་གཞུག །ལྷར་སྣང་ལ་ང་རྒྱལ་བཟུང་། ནས་དམ་ཚིག་གི་ཕྱག་རྒྱ་དང་། ཆོས་རྒྱ། ལས་རྒྱུ། ཕྱག་རྒྱ་ཆེན་པོ་བཞིས་བཅིང་ཞིང་གདུལ་བྱའི་ཉོན་མོངས་པ་གཏི་མུག་དང་། ཞེ་སྡང་། འདོད་ཆགས། སེར་སྣ་བཞི་འདུལ་ཕྱིར་དུ་མ་བུ་བཞིའི་

― JKT006_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

ཐ་སྙད་ཀྱི་སྨོན་པའི་ལྷར་སྣང་གི་དུམ་བུ་རེ་ལ་རྒྱས་འབྲིང་བསྡུས་གསུམ་གྱི་ཏིང་ངེ་འཛིན་གསུམ་གྱི་ལང་ཚོས་སྙིང་ལ་འགྲོགས་ནས་སམ། དང་པོ་སྦྱོར་བ༡། དཀྱིལ་འཁོར་རྒྱལ་མཆོག ༢ །ལས་རྒྱལ་མཆོག་༣སྟེ་ཏིང་འཛིན་གསུམ་དང་། འདོད་པའི་ཀུན་སྤྱོད་ཀྱང་གཉིས་ལྡན་དང་མཚུངས་པས་ལག་བཅངས་ཀྱི་རྣམ་པ་ལམ་དུ་བྱེད་ལ། །ཕྱིའི་སྤྱོད་པ་གྲོགས་ཙམ་དུ་བསྟེན་པ་ལས། །ཙོ་བོར་ནང་གི་རྣལ་འབྱོར་ལ་བརྩོན་པ་སྟེ། ཡོ་གའི་ལམ་གྱི་གཞི་ལ་རྣམ་པར་གྲོལ་བར་ཤོག་ཅིག་ཅེས་སྨོན་པའོ། །བཞི་པ་ལ་དྲུག །ནང་པ་ཐབས་རྒྱུད་གསང་བ་བླ་མེད་ཀྱི་དོན་ལ་སྤྱིར་སྨོན་པ༡། འཆི་སྲིད་ཆོས་སྐུར་སྦྱོང་བར། བར་སྲིད་ལོངས་སྐུར་སྦྱོང་བ༣། སྐྱེ་སྲིད་སྤྲུལ་སྐུར་སྦྱོང་བ། བདེ་སྟོང་གི་ལྷ་སྐུ།། འདུས་པའི་རིམ་ལྔ་མཐར་ཕྱིན་པར་སྨོན་པའོ། །དང་པོ་ནི། རྒྱུ་དབང་བསྐུར་ནས་རག་པའི་ཕུང་སོགས་རྣམས། །ཕྱི་ནང་སྣོད་བཅུད་གཞལ་ཡས་ལྷ་རྣམས་སུ། །དག་པའི་སྐུ་དང་མཆོག་དབང་གསུམ་བསྐུར་ནས། །བསྐྱེད་རིམ་ཚོགས་ཞིང་སྲུང་འཁོར་སྔོན་འགྲོ་བས། །རིམ་པ་ལྔ་དང་རྗེས་མཐུན་ལམ་གྱི་འགྲོས། །ཞེས་པས། ས་ཆོག་དང་། སྟ་གོན་དང་། རྡུལ་ཚོན་གྱི་བྱ་བ་དང་། ཆོ་གའི་ལམ་རིམ་ལ་སོགས་སྐྱེད་བྱེད་འགྲུབ་པའི་རྒྱུ་ཚོགས་མང་པོ་ལ་བརྟེན་དགོས་པས་ན་བུམ་དབང་

― JKT006_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་འབྲངས་རིག་པའི་དབང་ལྔ་དང་བཅས་པ་ལ་རྒྱུ་དབང་དུ་བཞག་ལ། དག་བྱེད་དེ་རྣམས་ཀྱི་དག་བྱ་སློབ་མའི་རྒྱུད་ཀྱི་རགས་པའི་ཕུང་པོ་ལྔ་ནི་གཤེགས་པ་ལྔ། འབྱུང་བ་ལྔ་ནི་ཡུམ་ལྔ། །དབང་ཡུལ་སེམས་དཔའ་སེམས་མ། མུ་བཞི་ལ་སོགས་པ་སྒོ་བ་ཡབ་ཡུམ་དུ་གནས་དག་པར་བྱེད་ཅིང་། དེ་བཞིན་དུ་ཕྱི་སྣོད་གཞལ་ཡས་ཁང་དང་། ནང་བཅུད་ལྷ་དང་ལྷ་མོའི་རང་བཞིན་དུ་རྣམ་པར་དག་པར་བྱེད་པ། དེའི་སྟེང་དུ་མཆོག་དབང་གོང་མ་གསུམ་ལས། གསང་དབང་གིས་ངག་གི་རླུང་། ཤེར་དབང་གིས་ཡིད་དང་ཐིག་ལེ། བཞི་པས་ཤེས་བྱའི་སྒྲིབ་པ་དག་སྟེ་རྒྱུད་སྨིན་ཅིང་སྐུ་བཞིའི་ས་བོན་ཐེབས། དེ་ནས་རིམ་པ་དང་པོ་བསྐྱེད་རིམ་གྱི་ཚོགས་ཞིང་ལ་བརྟེན་ནས་ཚོགས་བསགས་པ། སྲུང་འཁོར་བསྒོམ་པ་སྔོན་དུ་འགྲོ་བས་དངོས་གཞི་ལུས་ལྷ། ངག་སྔགས། སེམས་དེ་ཁོ་ན་ཉིད་ལ་གཞོལ་བས་སྒོ་གསུམ་རྡོ་རྗེ་གསུམ་དང་། ཀུན་རྫོབ་བདེན་པ་སྒྱུ་ལུས། དོན་དམ་བདེན་པ་འོད་གསལ་ཏེ། ཕ་རྒྱུད་གསང་བ་འདུས་པའི་རིམ་པ་ལྔ་དང་རྗེས་སུ་མཐུན་པ་ཞེས་པས་ལམ་གྱིས་འགྲོས་སྒྲ མཚུངས་སུ་སྦྱར་བ་སྟེ། རིམ་ལྔ་བསྡུས་གསལ་ལས། ལུས་དབེན་སྔགས་དང་སེམས་གསུམ་གྱི། །སྒྱུ་མ་མངོན་པར་བྱང་ཆུབ་པས། །ཟུང་འཇུག་རིམ་པ་ཤེས་པར་འགྱུར། །ཞེས་སོ། ༈ །གཉིས་

― JKT006_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ནི། ཁམས་དྲུག་ལྡན་པའི་མི་རྣམས་ཕུང་ཁམས་སོགས། །རིམ་གྱིས་ཐིམ་ནས་འཆི་བའི་རིམ་པའམ། །ཇི་ལྟར་མཚན་མོ་གཉིད་དུ་སོང་བའི་ཚེ། །ཡུལ་ལྔའི་ཤེས་པ་རིམ་གྱིས་ཡིད་དུ་ཐིམ། །དེ་ཡང་ཀུན་གཞིར་ཐིམ་པས་མི་རྟོག་པ། །རྩེ་གཅིག་སྣང་ཡུལ་མེད་པའི་ངང་དེ་ཉིད། །ཆོས་དབྱིངས་ཐིམ་པས་རང་བཞིན་སྤྲོས་དང་བྲལ། །མཐུན་པར་ལྷག་མོས་འོད་གསལ་དུ་འཇུག་པའི། །བར་འདིར་ཆོས་སྐུའི་རྣལ་འབྱོར་ལ་གནས་ཤིང་། །ཞེས་པ་ནི་འབྱུང་བ་ལ་གནས་ཤིང་། །ཞེས་པ་ནི་འབྱང་བ་ལྔ་དང་དྲི་བཅས་ཡེ་ཤེས་ཏེ་ཁམས་དྲུག་ལྡན་གྱི་མི་རྣམས་ཕུང་ཁམས་ཀྱི་ཚོགས་བྱས་ཤིང་ཐིམ་ཉམས་སུ་མྱོང་བའམ། དེ་དང་རྗེས་མཐུན་མཚན་མོ་གཉིད་དུ་ཕྱོགས་པའི་ཚེ་མཐོང་ཡུལ་གཟུགས་ལ་སོགས་པའི་དབང་པོའི་ཤེས་པ་ལྔ་རིམ་གྱིས་ནུབ་ནས་ཡིད་ཀྱི་རྣམ་པར་ཤེས་པ་ལ་ཐིམ། དེ་ཡང་ཀུན་གཞི་ལུང་མ་བསྟན། སེམས་མེད་པའི་གནས་སྐབས་ལྔའི་གཅིག་ཤོས་ལ་ཐིམ་པས་གཉིད་མཐུག་གང་དུའང་མི་རྟོག་པའི་ངང་དུ་ཐིམ། ཐིམ་པ་དེ་ཉིད་གཟུང་འཛིན་གྱི་ཆར་ཤར་བ་མ་ཡིན་ཡང་གོ་འབྱེད་པའི་ཆ་ནས་རླུང་སེམས་ཀྱིས་མ་བསླད་པའི་རིམ་པ་ནང་གསལ་ལྷུན་གྲུབ་ཆེན་པོར་ཤར་བ་ལ་ཆོས་དབྱིངས་སུ་ཐིམ་པའི་བརྡར་བཏགས་པ་སྟེ། རང་བཞིན་གྱིས་སྤྲོས་པ་དང་བྲལ་བ་དང་མཐུན་པར་ལྷག་མོས་འོད་གསལ་དུ་འཇུག་པའི་

― JKT006_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་ཏེ་འཆི་བ་ཆོས་སྐུའི་རྣལ་འབྱོར་ཞེས་བྱའོ། །དེའང་ཞིབ་ཏུ་བཤད་ན། གང་དུ་འཚང་རྒྱ་བའི་གནས་གཞལ་ཡས་ཁང་བསྐྱེད་པ། དེར་འཚང་རྒྱ་བའི་བརྟེན་པ་ལྷ་བསྐྱེད་པ། ཇི་ལྟར་འཚང་རྒྱ་ཚུལ་ལྷག་མོས་འོད་གསལ་དུ་སྡུད་པ་སྟེ་བསྐྱེད་པ་དང་རྫོགས་པའི་རིམ་པའོ། །དེ་ཡང་ཀྱེ་རྡོར་བརྟག་གཉིས་ལས། བསྐྱེད་པའི་རིམ་པའི་རྣལ་འབྱོར་གྱིས། །བརྟུལ་ཞུགས་ཅན་གྱི་སྤྲོས་པ་བསྒོམ༑ །སྤྲོས་པ་རྨི་ལམ་ལྟར་བྱས་ནས། །སྤྲོས་པ་ཉིད་ཀྱང་སྤྲོས་མེད་བྱ། །ཞེས་གསུངས་པ་ལྟར་རོ། །དེ་ཡང་རྫོགས་པའི་རིམ་པ་ལ། སྦྱང་གཞི་མི་ཐ་མལ་པ་འབྱུང་བ་རིམ་པས་བསྡུས་ཏེ་འཆི་བའི་ཚེ་ཐོག་མར་གཟུགས་ཕུང་། གཞི་དུས་ཀྱི་མེ་ལོང་ལྟ་བུའི་ཡེ་ཤེས་ས་ཁམས། མིག་གི་དབང་པོ། རང་རྒྱུད་ཀྱི་གཟུགས་ཐིམ་པ་རྣམས་འབྱུང་། དེའི་ཕྱི་རྟགས་ནི། གཟུགས་ཕུང་ཐིམ་དུས་ལུས་ཉམ་ཆུང་། མེ་ལོང་ཡེ་ཤེས་ཐིམ་དུས་མིག་མི་གསལ་ཞིང་རབ་རིབ་ཅན་ས་ཁམས་ཐིམ་པས་ལུས་ཤས་ཆེར་བསྐམས་ཤིང་ས་འོག་ཏུ་བྱིངས་པ་ལྟ་བུ། མིག་དབང་ཐིམ་དུས་མིག་འབྱེད་འཛུམ་མི་ཤེས། ལྷརང་རྒྱུད་ཀྱི་གཟུགས་ཐིམ་དུས་ལུས་ཀྱི་མདངས་ཡལ་ཅིང་ཉམས་སྟོབས་ཆུང་། ནང་རྟགས་སུ་སྨིག་རྒྱུ་ལྟ་བུའི་སྣང་བ་འབྱུང་། དབང་ཤེས་འཁོར་གྱི་ཚོར་བ་བདེ་སྡུག་མི་དྲན། དེའི་རྗེས་སུ་ཚོར་བའི་ཕུང་པོ་མཉམ་

― JKT006_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ཡིད་ཤེས་འཁོར་གྱི་ཚོར་བ་བདེ་སྡུག་མི་དྲན། ཡེ་ཤེས། རྣ་བའི་རྣ་བས་སྒྲ་མི་ཐོས་དབང་པོ། ཆུའི་ཁ་ཆུ་དང་རྣག་ཁྲག་སྐམ་ཁམས། རང་རྒྱུད་རྣ་བའི་ནང་གི་འུར་སྒྲ་མི་འབྱུང་། ཀྱི་སྒྲ་རྣམས་ཐིམ། ནང་རྟགས་སུ་དུ་བ་ལྟ་བུའི་སྣང་བ་ཕྱི་རྟགས་སུ་ཉེ་དུ་སོགས་ཀྱི་དོན་མི་དྲན། འབྱུང་། དེའི་རྗེས་སུ་ཉེ་དུ་སོགས་ཀྱི་མིང་མི་དྲན་འདུ་ཤེས་ཀྱི་ཕུང་པོ། མེ་དྲོད་ཡལ་ནས་བཟའ་བཏུང་མི་འཇུ་སོར། རྟོག་ཡེ་ཤེས་མེའི་ཁམས། སྣའི་དབང་པོ། སྣ་སྒོ་ནས་རླུང་ཕྱིར་དྲག་ཏུ་རྒྱུ་ཞིང་ནང་དུ་སྡུད་དཀའ། རང་རྒྱུད་ཀྱི་དྲི་ཐིམ། དྲི་མི་ཚོར། ནང་རྟགས་སུ་མཁའ་སྣང་འཆར། དེའི་རྗེས་སུ་འདུ་བྱེད་ཀྱི་ཕུང་པོ། ལུས་འགུལ་བསྐྱོད་མི་ནུས། བྱ་གྲུབ་ཡེ་ཤེས། ཕྱི་ནང་གི་བྱ་བ་དང་དགོས་པ་རྣམས་མི་དྲན། རླུང་གི་ཁམས། རླུང་བཅུ་རང་གནས་ནས་འཕོ། ལྕེའི་དབང་པོ། སྦོམ་ཞིང་ཐུང་ནག་པོ། རང་རྒྱུད་ཀྱི་རོ་རྣམས་ཐིམ། ལྕེས་རོ་མི་ཚོར། ནང་རྟགས་མར་མེ་ལྟར་འབར་བའི་སྣང་བ་འབྱུང་དེའི་རྗེས་སུ་རླུང་སྣང་བ་ལ་ཐིམ་པའི་སྣང་བ་རང་དུས་སུ་སྟོན་གནམ་གཡའ་དག་པ་ལ་ཟླ་འོད་ཀྱིས་ཁྱབ་པ་ལྟ་བུའི་དཀར་ལམ་པའི་སྣང་བ་འབྱུང་ལ། སྣང་བ་མཆེད་པ་ལ་ཐིམ་པའི་མཆེད་པ་རང་དུས་སུ་སྟོན་གནམ་གཡའ་དག་པ་ལ་ཉི་འོད་ཀྱིས་ཁྱབ་པ་ལྟ་བུའི་སྟོང་སང་དམར་ལམ་པའི་སྣང་བ་འབྱུང་། མཆེད་པ་ཉེར་ཐོབ་ལ་ཐིམ་པའི་ཉེར་ཐོབ་རང་དུས་སུ་སྟོན་གནམ་གཡའ་དག་པ་ལ་མཚན་གྱི་སྨག་

― JKT006_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུག་པོས་ཁྱབ་པ་ལྟ་བུའི་སྟོང་སང་ནག་ལམ་པའི་སྣང་བ་འབྱུང་། ཉེར་ཐོབ་འོད་གསལ་ལ་ཐིམ་པའི་རང་དུས་སུ་སློང་བྱེད་ཀྱི་རྐྱེན་གསུམ་དང་བྲལ་བའི་ཐོ་རངས་ཀྱི་ནམ་མཁའི་རང་མདོག་ཇི་ལྟ་བའི་སྣང་བ་འབྱུང་སྟེ་འཆི་བ་འོད་གསལ་འཆར། འདི་མིང་གི་རྣམ་གྲངས། གཞིའི་ཆོས་སྐུ་དང་། མྱ་ངན་ལས་འདས་པ་དང་། ཀུན་སྟོང་དང་། ཐམས་ཅད་སྟོང་པ་ཞེས་ཀྱང་བྱ་སྟེ། མྱ་ངན་འདས་བཅས་ཀུན་སྟོང་དང་། །ཆོས་ཀྱི་སྐུར་ནི་བཤད་པ་ཡིན། །ཅེས་གསུངས་པའི་ཕྱིར་རོ། །ལྷག་མོས་འོད་གསལ་དུ་བསྡུ་བའི་རྣལ་འབྱོར་ལའང་བསྐྱེད་རིམ་པའི་ཆོས་སྐུ་ཞེས་ཀྱང་ཟེར། སྒྲུབ་པ་པོས་ལྷའི་ངོ་བོ་དབྱེར་མེད་དུ་མོས་ནས་གཉིས་སྣང་གི་སྤྲོས་པ་ཞི་བར་གནས་པའི་རྣལ་འབྱོར་ཡིན་པས་བསྐྱེད་རིམ་པའི་ཞི་གནས་ཞེས་ཀྱང་བྱའོ། །གོང་དུ་ཇི་སྐད་བཤད་པ་དེ་ལྟར་སྦྱང་གཞི་སྦྱོང་བྱེད་ཀྱི་རྣལ་འབྱོར་པ་སྒོམ་པ་ལ་འཆི་བ་ཆོས་སྐུར་འཆར་བའི་རྣལ་འབྱོར་ཞེས་བྱ་སྟེ། གཞིའི་འཆི་རིམ་དང་རྣམ་པ་མཐུན་ཅིང་སྒྲུབ་པ་པོ་རང་ཉིད་ཀྱི་མ་འོངས་པའི་འཆི་བ་སྦྱོང་བར་བྱེད། ལམ་རྫོགས་རིམ་གྱི་སྐབས་སུ་དཔེ་དོན་གྱི་འོད་གསལ་དང་རྣམ་པ་མཐུན། དེ་ལྟ་བུའི་འོད་གསལ་རང་རྒྱུད་ལ་སྐྱེ་བའི་དགེ་རྩ་སྨིན་བྱེད་ཁྱད་པར་ཅན་དུ་འགྱུར། འབྲས་བུ་སངས་རྒྱས་པའི་རྒྱལ་བའི་ཐུགས་ཆོས་ཀྱི་སྐུ་དང་

― JKT006_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་པ་མཐུན་ཅིང་། ད་ལྟ་ནས་འབྲས་བུ་ལམ་བྱེད་ཀྱི་ཚུལ་དུ་བྱས་ནས་བསྒོམ་པའོ། །གསུམ་པ་ནི། གཉིད་དམ་འཆི་བའི་འོད་གསལ་ལུགས་ལྡོག་ཏུ། །སླར་ཡང་མཆེད་པས་ཀུན་གཞིའི་རྣམ་ཤེས་ལས༑ །ཡིད་ཉིད་གཅིག་པུ་ལངས་པས་རྨི་ལམ་སེམས། །དབང་པོ་ཀུན་ཚང་ཡིད་ཀྱི་ལུས་གྲུབ་པ། །ཞེས་པས། གནས་སྐབས་པ་གཉིད་དམ་མཐར་ཐུག་པ་འཆི་བ་གང་ཡིན་ཡང་མཚུངས་ཏེ། རང་བཞིན་གྱི་འོད་གསལ་དེ་སྔར་གྱི་ཀུན་གཞིའི་ངང་དུ་རྨུགས་པ་དེ་ཕྱིར་གསལ་དུ་མཆེད་པས་སྲོག་གི་རླུང་ཤིན་ཏུ་ཕྲ་བ་དང་། ལྷན་ཅིག་པའི་ཀུན་གཞིའི་རྣམ་ཤེས་ལས་ཡིད་ཉིད་གཅིག་པུར་ལངས་པས་རྨི་ལམ་གྱི་ལུས་གྲུབ་པ་ཡིན་ཏེ། མིང་གཞི་འདུས་པའི་ཕུང་པོ་ཅན་བར་དོ་དང་ཆོས་མཚུངས་པའོ། །དེ་ལའང་སྦྱང་གཞི་བར་དོའི་རྣམ་གཞག་ལ། འཆི་བ་འོད་གསལ་གྱི་བཞོན་པར་གྱུར་པའི་རླུང་གི་ཉེར་ལེན་དང་། སེམས་ཀྱི་ལྷན་ཅིག་བྱེད་རྐྱེན་བྱས་པ་ལ་བརྟེན་ནས་འཛམ་བུ་གླིང་པའི་མིར་སྐྱེ་འགྱུར་གྱི་བར་དོ་རླུང་གི་ལུས་ཅན་བཞིན་ལག་གི་རྣམ་པ་ཅན་ཕུང་པོ་རྙིང་པ་ལས་གོས་ལོགས་སུ་བྱེ་བའི་ཚུལ་གྱིས་དངོས་གནས་ལ་གྲུབ་པ་དེ་འབྱུང་ཞིང་། དེ་དང་དུས་མཉམ་དུ་ལུགས་ལྡོག་གི་ཉེར་ཐོབ་ནས་སྨིག་རྒྱུའི་བར་གྱི་རྟགས་རྣམས་འབྱུང་ལ། འཆི་བ་འོད་གསལ་འགགས་པ། བར་དོ་གྲུབ་པ། །

― JKT006_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་ལྡོག་གི་ཉེར་ཐོབ་སྐྱེས་པ་གསུམ་དུས་མཉམ་དུ་འབྱུང་ངོ་། །བར་དོ་དེ་ཡང་དབང་པོ་ཀུན་ཚང་བ། ཡན་ལག་དང་ཉིད་ལག་གཅིག་ཅར་རྫོགས་པ། རི་རབ་སོགས་ལ་ཐོགས་མེད་དུ་འགྲོ་ནུས་པ། ལས་ཀྱི་རྫུ་འཕྲུལ་སངས་རྒྱས་ཀྱིས་ཀྱང་དགག་མི་ནུས་ཏེ། མངོན་པ་མཛོད་ལས། དབང་པོ་ཀུན་ཚང་ཐོགས་མེད་རྒྱུ། །ལས་ཀྱི་རྫུ་འཕྲུལ་ཤུགས་དང་ལྡན། །ཞེས་གསུངས་པའི་ཕྱིར༑ མིང་གི་རྣམ་གྲངས། དྲི་ཟ། སྲིད་པ་བར་མ། ཡིད་ལས་བྱུང་། སྲིད་ཚོལ་དྲི་ཟའི་སེམས་ཅན་ཞེས་བྱ་བ་རྣམས་སོ། །དེའི་ནང་ནས་འཛམ་བུ་གླིང་པའི་མིར་སྐྱེ་བའི་བར་དོ་ནི་བྱིས་པ་ལོ་ལྔ་དྲུག་ལོན་པའི་བོངས་ཚོད་དུ་མཛོད་འགྲེལ་ལས་གསུངས། ངན་འགྲོའི་བར་དོ་ནི་མཚན་མོ་མུན་ནག་གིས་ཁྱབ་པ་ལྟ་བུ། བདེ་འགྲོའི་བར་དོ་ནི་མཚན་མོ་ཟླ་འོད་ཀྱིས་ཁྱབ་པའམ། སྣམ་བུ་དཀར་པོ་བརྐྱངས་པ་ལྟ་བུའི་རྣམ་པ་ཅན་དུ་སའི་དངོས་གཞི་ལས་གསུངས། དེའང་དམྱལ་བར་སྐྱེ་འགྱུར་གྱི་བར་དོ་ནི་སྡོང་དུམ་ཚིག་པ་ལྟ་བུ། ཡི་དྭགས་ཀྱི་བར་དོ་ནི་ཆུ་ལྟ་བུ། དུད་འགྲོའི་བར་དོ་ནི་དུ་བ་ལྟ་བུ༑ འདོད་པའི་ལྷ་མིའི་བར་དོ་ནི་གསེར་ལྟ་བུ། གཟུགས་ཁམས་སུ་སྐྱེ་བའི་བར་དོ་ནི་དཀར་པོ་མངལ་འཇུག་ལས་གསུངས། གཟུགས་མེད་དུ་སྐྱེ་བ་ལ་བར་དོ་མི་འབྱུང་ཞིང་། དེ་ནས་གནས་གཞན་

― JKT006_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་སྐྱེ་ན་བར་དོ་འབྱུང་ངོ་། །ངན་འགྲོའི་བར་དོ་སྤྱི་བོའི་ཚུགས་ཐུར་དུ་འགྲོ་བ་དང་། མིའི་བར་དོ་ཐད་ཀ །ལྷའི་བར་དོ་སྟེང་དུ་འགྲོ་བ་སའི་དངོས་གཞི་ལས་གསུངས་སོ། །ཚེ་ཚད་ཞག་བདུན་རེ་དང་། དེའི་ནང་དུ་སྐྱེ་གནས་རྙེད་ན་སྐྱེ་བ་ལེན་ཅིང་། མ་རྙེད་ན་བདུན་ཕྲག་རེ་ནས་འཆི་ལ། ཡང་ལུས་གྲུབ་སྟེ་བདུན་ཕྲག་བདུན་ཚན་ལ་སྐྱེ་བ་ངེས་པར་ལེན་པ། བདུན་ཕྲག་རེའི་ནང་དུ་སྐྱེ་བ་ལེན་པ་ཡང་ཡོད་པས་བར་འདའ་བ་ཡང་ཁས་ལེན་ཅིང་། བར་དོའི་རྟེན་ལ་འཆི་ཆུང་ཇི་ཙམ་བྱས་ཀྱང་བར་སྲིད་རང་དུ་བསྡུ་ལ། སྲིད་པ་བཞི་ནི། འཆི་བ་དང་། སྐྱེ་བ་གཉིས་ཀྱི་བར་དུ་འབྱུང་བའི་སྲིད་པ་ནི་བར་སྲིད། སྐྱེས་ནས་འཆི་བ་ལ་མངོན་དུ་ཕྱོགས་པའི་བར་ནི་སྔོན་དུས་ཀྱི་སྲིད་པ། འཆི་བ་འོད་གསལ་ཉམས་སུ་མྱོང་བའི་དུས་ནི་འཆི་སྲིད། ཉིང་མཚམས་སྦྱར་ནས་མ་བཙས་པའི་བར་ནི་སྐྱེ་སྲིད་དུ་བྱེད་པའོ། །རྟེན་ངན་པའི་བར་དོ་གྲུབ་ནས་རྟེན་བཟང་པོར་མི་ལྡོག་པར་མཛོད་ལས་གསུངས་ཀྱང་། ཀུན་ལས་བཏུས་སུ། ཅི་སྟེ་ན་ཟློག་གོ་ཞེས་གསུངས་པ་ལྟར་འདིར་ཁས་བླང་ངོ་། །བར་དོ་བ་དེས་རང་གི་སྔ་མའི་ལུས་རྟེན་རྙིང་པ་མཐོང་ཡང་དེ་ལ་མི་འཇུག་པ་ནི། འབྲེལ་པ་ལས་སྟོབས་ཀྱིས་ཆད་པས་འཇུག་འདོད་ཀྱི་བློ་མི་སྐྱེ་བར་སའི་དངོས་གཞི་ལས་གསུངས་ཤིང་། ཡང་བར་དོ་རིགས་

― JKT006_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

མཐུན་དང་། ལྷའི་མིག་གིས་མཐོང་བ་མཛོད་ལས་གསུངས་སོ། །བར་དོ་སྒྱུ་ལུས་ལོངས་སྐུར་ལྡང་བའི་མན་ངག་ལ་སྨོན་པ་དངོས་ནི། དེ་མཚུངས་སྐད་ཅིག་མངོན་བྱང་ལྔ་ལས་ནི། །དང་པོའི་མགོན་པོ་ལེགས་པར་བསྐྱེད་པའི་ཚུལ། །བར་དོ་སྒྱུ་ལུས་ལོངས་སྐུར་ལྡང་བར་ཤོག །ཅེས་པས། དེ་དང་མཚུངས་ལྡན་རྣམ་བྱང་བསྐྱེད་པའི་རིམ་པ་གདན་པདྨ་ལས་མངོན་པར་བྱང་ཆུབ་པ། །གསུང་ཡིག་འབྲུ་ལས། ཐུགས་ཕྱག་མཚན་ལས། སྐུ་ཡོངས་སུ་རྫོགས་པ་ལས། ངོ་བོ་ཉིད་ཡེ་ཤེས་སེམས་དཔའ་ལས་མངོན་པར་བྱང་ཆུབ་པའི་དང་པོའི་མགོན་པོ་རིགས་ཐམས་ཅད་པའི་བདག་ཉིད་ཅན་དུ་ལྡང་བ་ནི་བར་དོ་སྒྱུ་ལུས་ལོངས་སྐུར་ལྡང་བའི་ཚུལ་བསྐྱེད་པའི་རིམ་པ་ལོངས་སྐུ་དང་པོ་མགོན་པོ་མངོན་བྱང་ལྔའི་སྒོ་ནས་བསྐྱེད་པ་ནི། མདོར་བྱས་ལས། འོད་གསལ་བར་ནི་རབ་ཞུགས་ནས༑ །ལྡང་བ་ཡང་ནི་བརྟག་པར་བྱ། །སྔགས་ཀྱི་སྐུ་ཡི་སྦྱོར་བ་ཡིས། །ལྷ་ཡི་གཟུགས་ལ་དམིགས་པར་བྱ། །ཞེས་སོགས་གསུངས་པ་ལྟར་རོ། །དེ་ལྟར་བསྒོམས་པ་ལ་བར་དོ་ལོངས་སྐུར་ཁྱེར་བའི་རྣལ་འབྱོར་ཞེས་བྱ་སྟེ། གཞི་ལ་འཛམ་བུ་གླིང་པའི་བར་དོ་དང་ཆོས་མཐུན་ཅིང་སྒྲུབ་པ་པོ་རང་ཉིད་ཀྱི་མ་འོངས་པའི་བར་དོ་སྦྱོང་བར་བྱེད། ལམ་རྫོགས་རིམ་གྱི་སྐབས་སུ་དག་མ་དག་གི་སྒྱུ་ལུས་

― JKT006_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་དང་རྣམ་པ་མཐུན་ཅིང་། དེ་གཉིས་མྱུར་དུ་འགྲུབ་པའི་དགེ་རྩ་སྨིན་བྱེད་ཁྱད་པར་ཅན་དུ་འགྱུར། འབྲས་བུ་ལོངས་སྤྱོད་རྫོགས་པའི་སྐུ་དང་རྣམ་པ་མཐུན་ཅིང་ད་ལྟ་ནས་འབྲས་བུ་ལམ་བྱེད་ཀྱི་ཚུལ་དུ་བྱས་ནས་བསྒོམས་སྒྱུ་ལུས་ལོངས་སྐུར་ལྡང་བར་ཤོག་ཅིག་པའོ། །བཞི་པ་ནི། སླར་ཡང་སད་པའི་གནས་སྐབས་ཉིན་སྣང་དུ། །གདན་གསུམ་ལྷ་ཡི་སྐུ་རུ་ངེས་བྱས་ནས། །བར་དོའི་ལུས་དེ་མ་ཡི་མངལ་དུ་ནི། །ཞུགས་ཚུལ་དང་པོའི་མགོན་པོ་མི་བསྐྱོད་པའི། །སྐུ་ལས་ཞུགས་པས་རྡོ་རྗེའི་སེམས་བསྐྱེད་ཅིང་། །དེ་ལས་ལུས་དཀྱིལ་བཀོད་ཅིང་སྒོ་གསུམ་དག །བྱིན་གྱིས་བརླབས་ཤིང་སེམས་དཔའ་སུམ་བརྩེགས་སུ། །བྱས་ནས་རིག་མའི་འདོད་ཡོན་རྣམ་རོལ་ལས། །ཉིན་སྣང་སྐྱེ་ཤི་བར་དོ་གོམས་འདྲིས་ཀྱིས། །སྐྱེ་བ་སྤྲུལ་སྐུའི་རྣལ་འབྱོར་ལམ་བྱེད་ཤོག །ཅེས་པས་སད་པའི་གནས་སྐབས་དང་ཉིན་མོའི་སྣང་བ་ཐམས་ཅད་ཐམས་ཅད་དུ་བར་སྲིད་ཀྱི་ལུས་མའི་མངལ་དུ་ཉིང་མཚམས་སྦྱོར་བའི་བག་ཆགས་སྦྱོང་ཕྱིར་འཁོར་བའི་འདྲ་འབག་ལམ་དུ་བྱེད་པའོ། །ཕུང་ཁམས་གཉིས་གཤེགས་པ་གཤེགས་མ། སྐྱེ་མཆེད་སེམས་དཔའ་སེམས་མ། ཡན་ལག་ཁྲོ་བོ་ཁྲོ་མོའི་གདན་ཏེ་གདན་གསུམ་ཚང་པའི་སྐུར་ངེས་པར་བྱས། མངལ་དུ་འཇུག་ཀའི་སྲིད་བཅས་ཀྱི་ཤེས་པ་དེ་ཉིད་མགོན་

― JKT006_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་མི་བསྐྱོད་པ་ལ་སོགས་པའི་བསྐྱེད་རིམ་སྒྱུ་མ་ལྟ་བུའི་ལྷ་སྐུར་ལྡང་བའི་སྔོན་དུ་གཞུང་ལྟར་རྡོ་རྗེའི་རྣལ་འབྱོར་དུ་སེམས་བསྐྱེད་ཅིང་། དེ་ལ་ལུས་དཀྱིལ་བཀོད་ཚུལ་སོ་སོའི་ལུགས་ལྟར་རམ། །དོན་གྱི་ངག་དྲན་དང་། སྒོ་གསུམ་བྱིན་གྱིས་བརླབ། དམ་ཡེ་ཏིང་ངེ་འཛིན་སེམས་དཔའ་སུམ་བརྩེགས་ཀྱི་བསྐྱེད་རིམ་ལ་གནས་པས་ཤེར་དབང་ལྟར་རིག་མའི་འདོད་ཡོན་ལ་རྣམ་པར་རོལ་ནས་ཕ་མའི་འདུ་འཕྲོད་ལ་ཆགས་སྡང་སྤང་ཞིང་། དེ་ཡང་བར་དོར་ཚུལ་དེ་ལྟ་བུ་གྲུབ་པ་ལ་ད་ལྟའི་ཉིན་སྣང་ཐམས་ཅད་སྐྱེ་ཤི་བར་དོ་གསུམ་གང་རུང་དུ་གྲོལ་བྱེད་ཀྱི་གོམས་འདྲིས་ལ་སློབ་པ་ནི། སྐྱེ་བ་སྤྲུལ་སྐུའི་རྣལ་འབྱོར་ལམ་དུ་བྱེད་པ་ལ་སྨོན་པའོ། །སྦྱང་གཞི་མངལ་དུ་སྐྱེ་བ་ལེན་ཚུལ་མདོ་ཙམ་སྨོས་ན། ཕོ་མོ་གཉིས་སྙོམས་འཇུག་གི་ཚེ་བར་དོ་ཤི་བའི་རླུང་སེམས་ཕའི་ཁའམ། སྤྱི་བོ་ནས་འཇུག་སྟེ། རྡོར་ཕྲེང་ལས། སྔོན་ལས་རླུང་གི་རྣམ་ཤེས་ནི། །བརྒྱ་ལ་གང་ཚེ་འགྲོ་འགྱུར་ན། །ཕ་ཡི་ཁ་ལ་མཚུངས་པར་ལྡན། །ཅེས་སོ། །བར་དོ་ཤི་བའི་རླུང་སེམས་མངལ་དུ་འཇུག་ཅིང་། དེ་དང་དུས་མཉམ་དུ་སྨིག་རྒྱུ་ནས་འོད་གསལ་བར་གྱི་རྟགས་རྣམས་འབྱུང་ལ། འོད་གསལ་འགགས་པ་དང་བར་དོའི་རླུང་སེམས་མངལ་དུ་སྐྱེ་བ་བླངས་པ་དང་། ལུགས་ལྡོག་གི་ཉེར་ཐོབ་སྐྱེས་པ་རྣམས་དུས་མཉམ་ཞིང་། །

― JKT006_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་མཆེད་པ་ནས་སྨིག་རྒྱུའི་བར་གྱི་རྟགས་རྣམས་འབྱུང་། དེ་ནས་མེར་མེར་པོ་སོགས་ཞག་བདུན་ཕྲག་སོ་ལྔའི་ནང་དུ་ཕུང་ཁམས་སྐྱེ་མཆེད་ཡན་ལག་ཉིང་ལག་རྣམས་རྫོགས། བདུན་ཕྲག་སོ་དྲུག་པ་ལ་ཕྱིར་འབྱུང་འདོད་སྐྱེ། སོ་བདུན་པ་ལ་མངལ་ལ་དྲི་མི་ཞིམ་ཞིང་མི་གཙང་བའི་བློ་འབྱུང་། སོ་བརྒྱད་པ་ལ་ལས་རླུང་གིས་མགོ་མཇུག་ལྡོག་ནས་ཕྱིར་བཙས་ཏེ་མིག་ཤེས་ཀྱི་ཡུལ་དུ་གྱུར་ནས། བྱིས་པ། གཞོན་ནུ། དར་བབ། རྒན་པོའི་སྐབས་རྣམས་འབྱུང་ངོ་། །རང་བཞིན་གྱི་གནས་དེ་བཞིན་གཤེགས་པ་ཡབ་ཡུམ་སེམས་ཅན་འདུལ་བའི་ཕྱིར་དུ་སྙོམས་པར་ཞུགས་པ་ནི་ཕ་མ་གཉིས་སྙོམས་པར་འཇུག་པ་དང་ཆོས་མཐུན། བྱང་ཆུབ་ཀྱི་སེམས་ལས་གྲུབ་པའི་མི་བསྐྱོད་པས་ནམ་མཁའི་ཁམས་ཐམས་ཅད་ཁྱབ་པ་ནི་གཞི་ལ་བྱང་སེམས་དཀར་དམར་ཞུ་བས་ཕ་མ་གཉིས་ཀྱི་རྩ་སྟོང་ཕྲག་དོན་གཉིས་ཀྱི་ནང་གང་བ་དང་ཆོས་མཐུན་དེས་སེམས་ཅན་ཐམས་ཅད་ལ་བྱིན་གྱིས་བརླབས་པས་ཟག་པ་མེད་པའི་བདེ་བ་དང་ཡིད་བདེ་བ་དང་ཐོབ་པ་ནི་སེམས་ཅན་དུ་འདོགས་པའི་གཞི། ཕ་མ་གཉིས་ཀྱི་ཕུང་སོགས་བདེ་བས་བརྒྱལ་བ་དང་ཆོས་མཐུན། མི་བསྐྱོད་པ་ཐམས་ཅད་གཞལ་ཡས་ཁང་གི་ནང་དུ་གཅིག་ཏུ་འདྲེས་པ་ནི་ཁུ་ཁྲག་མངལ་དུ་འདྲེས་པ་དང་ཆོས་མཐུན། དེ་ལ་དང་པོའི་མགོན་

― JKT006_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཞུགས་པ་ནི་བར་དོར་ཤི་ནས་སྐྱེ་གནས་སུ་ཞུགས་པ་དང་ཆོས་མཐུན། ལུས་རྟེན་གཞལ་ཡས་ཁང་དུ་བསྒོམ་པ་ལ་ལམ་དང་འབྲས་བུ་གཉིས་མ་གཏོགས་གཞི་ལ་ཆོས་མཐུན་སྦྱོར་རྒྱུ་མེད་ཀྱང་། བརྟེན་པ་ལྷ་བསྒོམ་པ་ལ་ཕུང་པོ་ལྔ་རིགས་ལྔར་བསྒོམ་པ་ནི་མངལ་གྱི་སེམས་ཅན་དེའི་ཕུང་པོ་ལྔ་གྲུབ་པ་དང་། ཁམས་བཞི་ཡུམ་བཞིར་བསྒོམ་པ་ནི་དེའི་ཁམས་བཞི་གྲུབ་པ་དང་། མིག་སོགས་སེམས་དཔར་བསྒོམ་པ་ནི་དེའི་མིག་སོགས་དབང་པོ་ལྔ་གྲུབ་པ་དང་། ཡུལ་ལྔ་རྡོ་རྗེ་མ་ལྔར་བསྒོམ་པ་ནི་དེའི་གཟུགས་སོགས་སྐྱེ་མཆེད་གྲུབ་པ་དང་། ཡན་ལག་ཁྲོ་བོར་བསྒོམ་པ་ནི་དེའི་ཡན་ལག་ཉིད་ལག་རྫོགས་པ་ཆོས་མཐུན། སྐུ་བྱིན་རླབས་ནི། དེའི་སྐྲ་བ་སྤུ་སེན་མོ་སོགས་ལུས་ཀྱི་གནས་སྐབས་རྫོགས་པ་དང་། གསུང་བྱིན་རླབས་ནི་དེའི་ངག་སྨྲ་བའི་གནས། བྱེད་པ་ལྕེ་རྐན་གྲུབ་པ་དང་༑ ཐུགས་བྱིན་རླབས་ནི་ཡིད་ཤེས། ཡུལ་ལ་འཇུག་པའི་དྲན་པ་རྫོགས་པར་གྲུབ་པ་དང་། སེམས་དཔའ་སུམ་བརྩེགས་བསྒོམ་པ་ནི་དེའི་རག་པ་གནས་སྐབས་པ་དང་། ཕྲ་བ་གཉུག་མའི་ལུས་གྲུབ་པ་དང་། རིགས་བདག་གིས་རྒྱས་འདེབས་པ་ནི་མངལ་གྱི་སེམས་ཅན་དེ་ཕྱིར་བཙས་པ་དང་ཆོས་མཐུན་དུ་སྦྱར་རོ། །གཞི་ལ་བར་དོ་འཛམ་བུ་གླིང་པའི་མངལ་སྐྱེས་ཁམས་དྲུག་ལྡན་པར་སྐྱེ་བ་

― JKT006_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

ལེན་པ་དང་ཆོས་མཐུན་ཅིང་། སྒྲུབ་པ་པོ་རང་ཉིད་ཀྱི་མ་འོངས་པའི་སྐྱེ་བ་སྦྱོང་བར་བྱེད། ལམ་རྫོགས་རིམ་གྱི་སྐབས་སུ་དག་དང་མ་དག་གི་སྒྱུ་ལུས་གཉིས་ཀྱི་ལམ་དུས་ཀྱི་ཕྲ་རགས་ཀྱི་སྤྲུལ་སྐུ་འཛིན་པ་དེ་དང་རྣམ་པ་མཐུན་ཅིང་། དེ་ལྟ་བུའི་དགེ་རྩ་སྨིན་བྱེད་ཁྱད་པར་ཅན་དུ་འགྱུར། འབྲས་བུ་སངས་རྒྱས་ཀྱི་སའི་ལོངས་སྤྱོད་རྫོགས་པའི་སྐུ་འདོད་ཁམས་ལ་སོགས་པར་ཕྲ་རགས་ཀྱི་སྤྲུལ་སྐུ་འཛིན་པ་དང་རྣམ་པ་མཐུན། ད་ལྟ་ནས་འབྲས་བུ་ལམ་བྱེད་ཀྱི་ཚུལ་དུ་བྱས་ནས་བསྒོམས་པས་དེ་ལྟ་བུ་མྱུར་དུ་འགྲུབ་པའི་ཐབས་མཁས་ཁྱད་པར་ཅན་དུ་འགྱུར་རོ། །ལུས་དཀྱིལ་ནི། གྲུབ་ཆེན་དྲིལ་བུ་པས། འགྲོ་བ་འདི་དག་རང་བཞིན་གྱིས། །གྲུབ་པའི་དཀྱིལ་འཁོར་གཉིས་མེད་པའོ། །ཞེས་པས་ལུས་དཀྱིལ་གྱི་བསྒྲུབ་གཞི་ལུས་ཀྱི་ཆ་དེ་དང་དེ་རྣམས་ནི། རང་སྐྱེས་ཙམ་ནས་རྫོགས་པར་ཡོད་པས་ན་ལུས་ལ་གནད་དུ་བསྣུན་ནས་བསྒོམས་པས་ཡང་དག་པའི་དོན་མཐོང་བར་འགྱུར་ཞིང་། སྒོམ་པའི་ཚུལ་ཡང་རྒྱུད་རྡོར་ཕྲེང་ལས། ལུས་ཀྱི་གཞལ་ཡས་ཁང་དུ་གྱུར། །སངས་རྒྱས་ཀུན་གྱི་ཡང་དག་བསྟེན། །ཅེས་དཀྱིལ་འཁོར་དང་། ལྷ་བསྒོམ་ཚུལ་ནི། རྩ་རྒྱུད་ལེའུ་བརྒྱད་པ་ལས། ནུ་མའི་དབུས་པར་སྤྱི་གཙུག་མཐའ་ཡི་བར། །ཆོ་ག་ཤེས་ནས་ཡང་ན་རྐང་པའི་བར། །ལྟེ་བ་སྐེད་པ་གསང་བ་རྒྱལ་པའི་

― JKT006_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

སྲས། །རིགས་ལྔ་རྣམས་ནི་དགོད་པར་རབ་ཏུ་བྱ། །ཞེས་དང་། མདོར་བྱས་ལས། བློ་མིག་ཏུ་བཀོད་ནས་ནི། །ས་ཡི་སྙིང་པོ་རྣམ་པར་བསྒོམ། །ཞེས་གསུངས་པ་ལྟར་ལུས་དཀྱིལ་བསྒོམས་ནས་སྒོ་གསུམ་བྱིན་གྱིས་བརླབ་པ་ནི། མདོར་བྱས་ལས། དེ་ལྟར་རིགས་གསུམ་དབྱེ་བ་ཡིས། །སོ་སོར་བྱིན་གྱིས་བརླབས་ནས་ནི། །བློ་དང་ལྡན་པའི་གསང་སྔགས་འདིས། །སླར་ཡང་ཐམས་ཅད་བདག་ཉིད་བྱ། །ཨོཾ་སརྦ་ཏ་ཐཱ་ག་ཏ་ཀཱ་ཡ་ཝཱ་ཀ་ཙིཏྟ་བཛྲ་སྭ་བྷ་ཝ་ཨཏྨ་ཀོཉཧཾ། ཞེས་གསུངས་པ་ལྟར་རོ། །དེ་ལྟར་སྒོ་གསུམ་བྱིན་གྱིས་བརླབས་པའི་དགོས་པ་ནི། རང་གི་སྒོ་གསུམ་ཐ་མལ་གྱི་སྣང་ཞེན་སྦྱང་བ་དང་། རང་དམ་ཚིག་པ་ལ་ཡེ་ཤེས་པ་བཅུག་ནས་ནུས་ལྡན་དུ་བྱ་བ་དང་། དེ་ལ་བརྟེན་ནས་ལམ་རྫོགས་རིམ་དང་མཐུན་པའི་འབྲས་བུའི་སྐབས་ཀྱི་རྡོ་རྗེ་གསུམ་མྱུར་དུ་འགྲུབ་པའི་ཆེད་ཡིན་ནོ། །སེམས་དཔའ་སུམ་བརྩེགས་བསྒོམ་པ་ནི། གསང་འདུས་རྩ་རྒྱུད་ལེའུ་བཅུ་གཉིས་པ་ལས། རྣམ་པའི་མཆོག་རྣམས་ཀུན་ལྡན་པ། །སྐུ་གསུང་ཐུགས་ཀྱི་རྡོ་རྗེ་ཅན། །སྙིང་གར་ཡེ་ཤེས་དམ་ཚིག་དང་། །ཅེས་སོགས་ཀྱིས་བསྟན་པར་བཞེད་ཅིང་། དམ་ཚིག་སེམས་དཔའ་ནི་རགས་པ་གནས་སྐབས་པའི་ལུས་དང་ཆོས་མཐུན། ཡེ་ཤེས་སེམས་དཔའ་ནི་ཕྲ་བ་གཉུག་མའི་ལུས།

― JKT006_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིན་ཏུ་ཕྲ་བའི་རླུང་སེམས་ངོ་བོ་དབྱེར་མེད་དུ་གནས་པའི་རླུང་འོད་ཟེར་ལྔ་པ་དང་ཆོས་མཐུན། ཏིང་ངེ་འཛིན་སེམས་དཔའ་ནི་ཤིན་ཏུ་ཕྲ་བའི་སེམས་དང་ཆོས་མཐུན་ནོ། །དམ་ཚིག་སེམས་དཔའ་ཞེས་པའི་ངེས་ཚིག །དམ་ཚིག་གི་སྐད་དོད་ས་མ་ཡ་ལ། ས་མ་ཏི་ཡང་དག་པར་འགྲོ་བ་དང་། མཱ་ལི་ཏི་འདུ་བ་ལ་འཇུག་པས་ཡེ་ཤེས་པ་རྣམས་ཡང་དག་པར་འགྲོ་བ་དང་འདུ་བའི་གནས་ཡིན་པས་དམ་ཚིག་སེམས་ཅན་གྱི་དོན་ལ་སེམས་པས་སེམས་དཔའ། ཞེས་གསུངས་པས་སོ། །དེའི་ཐུགས་ཀར་ཡེ་ཤེས་སེམས་དཔའ་བསྒོམ་དགོས་ཏེ། མདོར་བྱས་ལས། སྙིང་གའི་དབུས་ན་གནས་པ་ཡི། །ཡེ་ཤེས་སེམས་དཔའ་རྣམ་པར་བསྒོམ། །ཏིང་འཛིན་སེམས་དཔའ་ཞེས་བྱ་བའི། །ཡི་གེ་ཧཱུཾ་ནི་དེ་རུ་དགོད། །ཅེས་པས་སོ། །ཡེ་ཤེས་སེམས་དཔའ་ཞེས་པའི་སྒྲ་དོན་ནི། ཡེ་ཤེས་ཀྱི་རང་བཞིན་ཡིན་པས་ན་ཕྲ་བ་སྟེ་ཡེ་ཤེས་ཀྱི་སེམས་དཔའོ། །ཏིང་འཛིན་སེམས་དཔའ་ཞེས་པ་ནི། གནས་འདི་ལ་རྩེ་གཅིག་ཏུ་དམིགས་ནས་བསྒོམས་པས་ཏིང་ངེ་འཛིན་མཆོག་ལྷན་ཅིག་སྐྱེས་པའི་ཡེ་ཤེས་སྐྱེས་ནས་སྒྲུབ་པ་པོ་ངེས་པར་ལེགས་པ་ལ་སྦྱོར་བས་ན་དེ་སྐད་ཅེས་བྱའོ། །རིགས་བདག་བསྒོམ་པ་ནི། གསང་འདུས་ལེའུ་བཅུ་གཉིས་པར། དབུ་རྒྱན་རྡོ་རྗེ་མཆོག་འཛིན་པ། །ཞེས་པས་བསྟན་ཏོ། །རིག་

― JKT006_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་འདོད་ཡོན་ལ་རོལ་པ་ནི། དེ་ཡང་བདག་ཅག་གི་སྟོན་པས་ཀྱང་སྐུ་གསུམ་གྱི་གོ་འཕང་བརྙེས་ནས་གདུལ་བྱ་དམན་པ་ལ་མོས་པས་ཆགས་བྲལ་གྱི་སྤྱོད་པ། རྒྱ་ཆེན་པོ་ལ་མོས་པ་ལ་ཕ་རོལ་ཏུ་ཕྱིན་པའི་སྤྱོད་པ། ཟབ་མོ་ལ་ལྷག་པར་མོས་པ་ལ་འདོད་ཆགས་ཀྱི་སྤྱོད་པ་སྟེ། རྣམ་པ་གསུམ་བསྟན་པའི་ཕྲིན་ལས་མཛད་པའི་ནང་ནས་ཕྲིན་ལས་ཕྱི་མ་དང་མཐུན་པའོ། །རིག་མ་འདུ་བྱ་བ་མན་ཆད་འབྲས་བུ་སངས་རྒྱས་ཀྱི་མཛད་པ་རྣམ་པ་མཐུན་པ་ཡིན་ཏེ། རིག་མ་འདུ་བྱས་ནས་དཀྱིལ་འཁོར་རྒྱལ་མཆོག་གི་ལྷ་རྣམས་བསྐྱེད་དེ་སྤྲོས། སྤྱི་སྒོས་ཀྱི་མཛད་པ་མཛད་པར་བསྒོམ་པ་ནི་སངས་རྒྱས་སྐུའི་མཛད་པ་དང་རྣམ་པ་མཐུན། དེ་ནས་ཕྲ་མོ་བསྒོམ་པ་ནི་ཐུགས་ཀྱི་མཛད་པ་ནང་དུ་ཡང་དག་འཇོག་པ་ལ་ཞུགས་པ་དང་ཆོས་མཐུན། དེ་ནས་སྔགས་བཟླ་བ་ནི་ཆོས་སྟོན་པའི་གསུང་གི་མཛད་པ་དང་ཆོས་མཐུན། དེ་ནས་གཙོ་བོ་འོད་གསལ་དུ་ཞུགས་པ་ནི་ཞིང་དེར་སྐུ་དངོས་ཀྱི་གདུལ་བྱ་རྫོགས་ནས་མྱ་ངན་ལས་འདས་ཚུལ་སྟོན་པ་དང་ཆོས་མཐུན། དེ་ནས་ཚད་མེད་བཞིའི་ངོ་བོར་གྱུར་པའི་ལྷ་མོ་བཞིས་ཞུ་བ་གླུས་བསྐུལ་ཏེ་བཞེངས་པ་ནི། སླར་ཡང་ཐུགས་རྒྱུད་ཚད་མེད་བཞིས་བསྐུལ་ཏེ་ཞིང་གཞན་དུ་སྤྲུལ་པའི་སྐུའི་མཛད་པ་སྟོན་པ་དང་ཆོས་མཐུན། དེ་ནས་བསྟོད་པ་བྱེད་པ་ནི་སངས་

― JKT006_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་འཇིག་རྟེན་དུ་བྱོན་ནོ་ཞེས་སྙན་པ་བརྗོད་པ་དང་ཆོས་མཐུན། དེ་ནས་མཆོད་པ་ནི་ཞིང་དེའི་གདུལ་བྱ་རྣམས་ཀྱིས་མཆོད་པ་ཕུལ་བ་བདག་གིར་མཛད་པ་དང་ཆོས་མཐུན་པའི་ཕྱིར། དེས་ན་དགོས་པ་དེའི་ཕྱིར་རིག་མ་འདུ་བྱ་བ་ཡིན་ཅིང་། འདུ་བྱ་རྒྱུའི་རིག་མ་ལ། ཕྱག་རྒྱ་ཞེས་བརྗོད་པའི་རྒྱུ་མཚན་ཡོད་དེ། ཐབས་ཀྱི་རྡོ་རྗེས་དེ་ལྟ་བུའི་ཤེས་རབ་ལ་རྒྱས་གདབ་པར་བྱ་བ་ཡིན་པས་དེ་ལྟར་བརྗོད་པའི་ཕྱིར་ཏེ། བརྟག་གཉིས་ལས། རྡོ་རྗེ་འདིས་ནི་གདབ་པ་ཡིས། །དེས་ན་ཕྱག་རྒྱ་བརྗོད་པར་བྱ། །ཞེས་གསུངས་པའི་ཕྱིར། ཕྱག་རྒྱ་ལ་སྒྲས་བརྗོད་རིགས་ཀྱི་སྒོ་ནས་དབྱེ་ན། ལས་རྒྱ་དང་ཡེ་རྒྱ་གཉིས། དང་པོ་ནི། ལས་ཀྱིས་འཕངས་པའི་སྐུ་དང་ནུ་མར་ལྡན་པའི་ཕྱག་རྒྱ་ཡིན་པས་ན་ལས་རྒྱ་ཞེས་བྱ། དེ་ལ་ཡང་ལས་བྱེད་ཚུལ་གྱི་སྒོ་ནས་སམ། རིགས་ལྔ་སོ་སོས་གཙོ་བོར་བསྟན་བྱ་ལྔ། སྨེ་ཤ་ཅན་གཅིག །བཙོ་བླག་མཁན་གཉིས། ཕྲེང་བརྒྱུད་མཁན་གསུམ། གར་མཁན་བཞི། བཟོ་བྱེད་མཁན་གྱི་བུ་མོ་ལྔ། དྷ་ཏཱིའི་མར་སྣའི་དབྱིབས་ཀྱི་སྒོ་ནས་དབྱེ་ན་པདྨ་ཅན་སོགས་རིགས་བཞི། ལམ་མཐོ་དམན་གྱི་སྒོ་ནས་དབྱེ་ན་སྔགས་སྐྱེས། ཞིང་སྐྱེས། ལྷན་སྐྱེས་ཀྱི་ཕོ་ཉ་གསུམ་མོ། །དེ་ལྟ་བུའི་ཕྱག་རྒྱ་དེ་ཉིད་ཐུན་མོང་མ་ཡིན་པའི་སྣོད་རུང་དུ་བྱས་པ། ལྷའི་རྣལ་འབྱོར་ཤིན་ཏུ་བརྟེན་ཅིང་བྱང་སེམས་འཕོ་མེད་དུ་ཕཊ་

― JKT006_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིག་གི་སྟོབས་ཀྱིས་འཛིན་ནུས་པ་ཞིག་དགོས་སོ། །དེ་ལྟར་མིན་ན་ཉེས་པ་ཤིན་ཏུ་ཆེ་སྟེ། ཧེ་རུ་ཀ་མངོན་འབྱུང་ལས། རྣལ་འབྱོར་མེད་པར་རྣལ་འབྱོར་ཆོས། །ཕྱག་རྒྱ་ལ་ནི་བགྲོད་འགྱུར་དང་། །ཡེ་ཤེས་མེད་པར་ཡེ་ཤེས་ཚུལ། །དམྱལ་བར་འགྲོ་བ་ཐེ་ཚོམ་མེད། །ཅེས་གསུངས་པའི་ཕྱིར་རོ། །དེས་ན་ཡུལ་རྟེན་གཉིས་ཀ་མཚན་ཉིད་དང་མི་ལྡན་པའི་རྣལ་འབྱོར་པའི་རྣལ་འབྱོར་པས་ནི་ཡེ་རྒྱ་ལ་བརྟེན་དགོས་ཏེ། རྡོར་སེམས་སྒྲུབ་ཐབས་ལས། ཡང་ན། སྙིང་ག་ནས་ཡེ་ཤེས་ཀྱི་ཕྱག་རྒྱ་མངོན་པར་སྤྲུལ་ཏེ་ཞེས་སོགས་གསུངས་པ་ལྟར་རོ། །རིག་མའི་འདོད་ཡོན་ལ་རོལ་པའི་དགོས་ལཔ་ནི། རྟེན་བརྟེན་པའི་དཀྱིལ་འཁོར་ཐམས་ཅད་བདེ་སྟོང་དབྱེར་མེད་ཀྱི་ཡེ་ཤེས་ཀྱི་རྣམ་རོལ་དུ་འཆར་བ་དང་། རྒྱུད་སྡེ་འོག་མ་གསུམ་ལས་འདས་པའི་འཁོར་རྩའི་བདེན་འཛིན་གྱི་གཉེན་པོ་མཆོག་ཏུ་གྱུར་པ་དང་། བསྐྱེད་རིམ་པའི་ཉོན་མོངས་ལམ་བྱེད་དང་། འདོད་ཡོན་ལམ་བྱེད་ཀྱི་གཙོ་བོར་འགྱུར་བ་དང་། དེ་ལ་བརྟེན་ནས་རྫོགས་པའི་རིམ་པའི་བདེ་ཆེན་འདྲེན་པའི་སྨིན་བྱེད་བླ་ན་མེད་པ་དང་༑ བསྐྱེད་རིམ་པའི་ལམ་གྱི་སྙིང་པོར་གྱུར་པའོ། །ལྔ་པ་ནི། དེ་ལྟར་རིམ་པ་དང་པོ་མཐར་ཕྱིན་ནས། །གསང་བའི་སྣ་རྩེ་ཨ་ཝ་དྷུ་ཏཱིའི་ནང་། །དྭངས་མའི་ཐིག་ལེ་རང་སེམས་དབྱེར་མེད་དུ། །

― JKT006_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུང་བས་མཉམ་གཞག་དགའ་བཞིའི་ཏིང་འཛིན་དང་། །རྗེས་ཐོབ་རིགས་བརྒྱ་རིགས་ལྔ་རིགས་གསུམ་སོགས། །བདེ་སྟོང་དབྱེར་མེད་ལྷ་ཡི་རྣམ་རོལ་བསྒོམ། །ཞེས་པ་ནི། དེ་ལ་རིམ་པ་དང་པོ་བསྐྱེད་རིམ་གྱི་ལམ་ནས་ཕྱི་དོན་སྣང་བའི་བདེན་ཞེན་འགོགས་པ་མཐར་ཕྱིན་ནས། ནང་དོན་བདེ་སྟོང་གི་ལྷ་སྐུ་བསྒྲུབ་ཕྱིར་རང་རྡོ་རྗེ་འཆང་ཡབ་ཡུམ་དུ་གསལ་བའི་དབུས་དྲང་པོར་དབུ་མའི་ཡར་སྣ་སྨིན་མཚམས་དང་མར་སྣ་གསང་གནས་རྩེར་ཟུག་པའི་སྣར་འབར་འཛག་ཞུ་བདེའི་རྐྱེན་གྱིས་དྲངས་པའི་དྭངས་མའི་ཐིག་ལེ་འཕོ་ལ་ཁད་དང་རང་སེམས་དབྱེར་མེད་དུ་བཟུང་བའི་མཉམ་གཞག་ཏུ་དགའ་བ་དང་། མཆོག་དགའ་དང་། ཁྱད་དགའ་དང་། ལྷན་སྐྱེས་ཏེ་དགའ་བ་བཞིའི་ཏིང་འཛིན་བསྒོམ་ཞིང་དེའི་རྗེས་ཐོབ་ཏུ་མས་བརྟན་ལུགས་ལས་ལྡོག་པའི་ཐིག་ལེ་སྙིང་གར་དྲངས་པ་རྣམ་བྱང་གི་སྐུར་སྨིན་པ་ཞི་བ་བཞི་བཅུ་རྩ་གཉིས་དང་། དེའི་གདངས་དུང་ཁང་དུ་ཁྲག་འཐུང་ལྔ་བཅུ་རྩ་བརྒྱད་དུ་ཤར་བའི་རིགས་བརྒྱའམ། ཡང་ན་འཁོར་ལོ་ལྔ་རིགས་ལྔའམ། སྐུ་གསུང་ཐུགས་ཀྱི་གནས་གསུམ་དུ་རིགས་གསུམ་སོགས་སུ་གསལ་བའི་བདེ་སྟོང་དབྱེར་མེད་ཀྱི་ལྷར་སྣང་བསྒོམ་པ་གཞུང་ཚིག་གི་དངོས་བསྟན་ཡིན་ཅེས་མཁས་པ་དག་བཞེད་དོ། །འདུས་པའི་ལུགས་སུ། ཐ་མལ་གྱི་སྣང་ཞེན་རགས་

― JKT006_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལྷའི་རྣལ་འབྱོར་གྱིས་གཅོད་ནུས་པའི་མཚམས་ནས་རྟོག་པའི་རྣལ་འབྱོར་ཕྲ་མོ་ལ་བསླབ་པ་ཐིག་ལེའི་ནང་དུ་དཀྱིལ་འཁོར་ཡོངས་རྫོགས་གསལ་པའི་ཕྲ་མོ་བསྒོམ་པ་དང་། རགས་པ་མཐར་མ་ཕྱིན་ཀྱང་ཕྲ་མོ་ཙམ་ཡང་བསྒོམ་པར་བཞེད་དེ། རྩ་རྒྱུད་ལེའུ་གསུམ་པ་ལས། རིན་ཆེན་ཆེན་པོ་ཁ་དོག་ལྔ། །ཡུངས་ཀར་གྱི་ནི་འབྲུ་ཚད་ཙམ། །སྣ་ཡི་རྩེ་མོར་ནན་ཏན་དུ། །རྣལ་འབྱོར་གྱིས་ནི་རྟག་ཏུ་བསྒོམ། །རིན་ཆེན་བརྟན་པར་གྱུར་ན་སྤྲོ། །བརྟན་པར་མ་གྱུར་མི་སྤྲོའོ། །ཞེས་གསུངས་པ་ལྟར། ཕྱག་མཚན་ལྷ་སྐུ་རིམ་པར་སྤྲོ་བསྡུ་བྱ། མཐར་འཇོག་པ་ན་རྩ་བའི་དམིགས་རྟེན་སྣ་བུག་ནས་དྲངས་ཏེ་སྙིང་གའི་ཏིང་འཛིན་སེམས་དཔའ་ལ་བསྡུ། དེ་བཞིན་དུ་གསང་བའི་སྣ་རྩེའི་ཐིག་ལེ་ལ་སེམས་བརྟན་པ་ན་རྡོ་རྗེ་དང་པདྨ་འདུ་བྱས་ཏེ། ཐིག་ལེ་དེ་ཉིད་ཡུམ་གྱི་པདྨར་ཕྱུང་བའི་ནང་དུ་རྟེན་དང་བརྟེན་པའི་དཀྱིལ་འཁོར་ཡོངས་རྫོགས་བསྒོམ་པ་ལ་སེམས་བརྟན་པའོ། །སྤྱིར་ཕར་ཕྱིན་ཐེག་པའི་སྐབས་སུ་ཡིད་ཤེས་རགས་པས་སྟོང་ཉིད་བསྒོམ། རྒྱུད་སྡེ་འོག་དང་། བལྟས་པ་དང་། དགོད་པ་དང་། ལག་པ་བཅངས་པ་ལས་བྱུང་བའི་བདེ་བའི་སྟོང་ཉིད་བསྒོམ། བླ་མེད་ཀྱི་སྐབས་སུ་བདེན་འཛིན་དང་གཉིས་སྣང་འཁྲུལ་པའི་བག་ཆགས་གཡོ་བྱེད་ཀྱི་རླུང་

― JKT006_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་གར་ཐིམ་པ་ལས་བྱུང་བའི་ལྷན་སྐྱེས་ཀྱི་བདེ་བས་སྟོང་ཉིད་བསྒོམ་པ་ཡིན་པའི་ཕྱིར། དེ་ལྟ་བུའི་ལྷན་སྐྱེས་ཀྱི་བདེ་སྟོང་དབྱེར་མེད་ཀྱི་བདེ་བ་དེ་ཡང་ཕྱི་ནང་གི་རྐྱེན་ཁྱད་པར་ཅན་གཉིས་པོ་གང་རུང་གི་སྒོ་ནས་བསྒྲུབ་དགོས་ཏེ། རང་དང་ཡུལ་རྟེན་མཚན་ཉིད་ཚང་བའི་ལས་རྒྱ་དང་། ཡེ་རྒྱ་གང་རུང་གི་དྷཱ་ཏིའི་མར་སྣ་གཉིས་རྩེ་སྤྲད་དེ་སྙོམས་པར་འཇུག་པ་དང་། ཡང་ན་ནང་རྡོ་རྗེའི་ལུས་ལ་གནད་དུ་བསྣུན་ནས་བསྒྲུབ་དགོས་པའི་ཕྱིར། རྒྱུད་སྡེ་སོ་སོའི་ལམ་སྲོལ་གྱི་གནད་དུ་བསྣུན་ཚུལ་མི་འདྲ་བ་མང་དུ་ཡོད་ཀྱང་། དགའ་བ་བཞི་དང་སྟོང་པ་བཞིས་དྲངས་ནས་ལྷན་སྐྱེས་ཀྱི་བདེ་ཆེན་འདྲེན་པའོ༑ །ལམ་བསྒོམས་པ་དང་མ་བསྒོམས་པའི་གང་ཟག་གཉིས་ཀ་ལ་བྱང་སེམས་སྤྱི་བོ་ནས་རྟགས་ཀྱི་བར་འབབ་པ་ཡོད་ལ། བྱང་སེམས་ཞུ་སླ་བའི་རིགས་འགའ་ཞིག་ལ་དྷུ་ཏིར་དམིགས་པ་གནད་དུ་བསྣུན་མ་ཐག་ཏུ་བྱང་སེམས་འབབ་པ་ཡོད་པས། དེ་དག་ལ་ནི་མན་ངག་གི་སྟོབས་ཀྱིས་བཟློག་པ་དང་འགྲེམས་པ་སོགས་ཤེས་དགོས་ཀྱང་། རླུང་དབུ་མར་ཐིམ་པའི་བྱང་སེམས་འབབ་པ་ལ་ནི་དེ་ལྟར་བྱེད་མི་དགོས་ཏེ། དེ་ལ་ནི་བྱང་སེམས་གཡོ་བྱེད་ཀྱི་རླུང་རྣམས་ཐིམ་ཟིན་པའི་ཕྱིར། དེ་ལྟར་བྱང་སེམས་སྤྱི་བོ་ནས་མགྲིན་པ། སྙིང་ག །ལྟེ་བ། གསང་གནས་སུ་སླེབ་པ་ན་དགའ་བ་བཞིར་

― JKT006_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

འཇོག་པ་རྡོ་རྗེ་ཕྲེང་བ་ལས་བཤད་ཅིང་། དེ་ལྟ་བུའི་དགའ་བ་བཞི་ལ་བྱང་སེམས་དཀར་པོ་འབབ་པའི་ཆ་ནས་དགའ་བ་རེ་རེ་ལ་བཞི་བཞིར་ཕྱེ་ནས་བཅུ་དྲུག་དང་། བྱང་སེམས་དམར་པོ་འབབ་པའི་ཆ་ནས་དགའ་བ་བཞི་པོ་རེ་རེ་ལ་གསུམ་དུ་ཕྱེ་བས་བཅུ་གཉིས་བཤད་དེ། ཕྱག་ཆེན་ཐིག་ལེ་ལས། རི་བོང་མཚན་མའི་ཆ་འདི་རྣམས། །གནས་བཞི་པོ་རེ་རེ་ལ་ཆ་བཞིར་བྱས་པའི་མཚམས་རེར་བདེ་བ་རེ་མྱོང་བ། དགའ་བའི་ཐིག་ལེ་བཅུ་དྲུག་སྟེ། །ཨཱ་ལིའི་ངོ་བོར་ཤེས་པར་བྱ། །འཁོར་ལོ་བཞི་རུ་རིམ་པ་ལས། །ཇི་སྐད་བཤད་རྣམས་དེ་ལྟར་ནའང་། །ཉི་མའི་བཅུ་གཉིས་རྣམས་སུ་བཤད། །གནས་བཞི་པོ་རེ་རེ་ལ་ཆ་གསུམ་དུ་བྱས་པའི་མཚམས་རེ་རྡུལ་འབབ་པའི་སྒོ་ནས། མཆན། །ཅེས་གསུངས་པའི་ཕྱིར་རོ། །དེ་ལྟར་ཡས་བབ་དང་མས་བརྟན་གྱི་དགའ་བཞི་འདྲེན་པར་བྱའོ། །སྔར་བཤད་པའི་ཕྲ་མོའི་རྣལ་འབྱོར་བསྒོམས་པས་རླུང་དབུ་མར་ཞུགས་གནས་ཐིམ་གསུམ་བྱས་པ་ལས་ཀུནྡ་ལྟ་བུའི་བྱང་སེམས་དབུ་མའི་ནང་དུ་བབས་པས་རེག་བྱ་ཁྱད་པར་ཅན་སྐྱེ། དེས་དམིགས་རྐྱེན་བྱས་པས་ལུས་ཚོར་བདེ་བ་སྐྱེ། དེས་དེ་མ་ཐག་རྐྱེན་བྱས་པས་ཡིད་བདེ་སྐྱེ། དེ་དང་སྟོང་ཉིད་ཕྲ་མོ་གཉིས་ཡུལ་ཡུལ་ཅན་དབྱེར་མེད་དུ་སྦྱར་ནས་རྩེ་གཅིག་ཏུ་མཉམ་པར་འཇོག །རྗེས་ཐོབ་ཏུ་གང་ཤར་ཐམས་ཅད་བདེ་སྟོང་གི་རྣམ་རོལ་དུ་འཆར་བ་

― JKT006_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། དེ་ལྟ་བུའི་བདེ་སྟོང་དབྱེར་མེད་ཀྱི་ཡེ་ཤེས་ཀྱི་གཟུགས་རྣམས་ཀྱང་རིགས་བརྒྱ་རིགས་ལྔ་རིགས་གསུམ་དང་། ཁྱད་པར་ལུས་དབེན་མཐར་ཐུག་གསང་ཆེན་རིགས་གཅིག་བསྒོམ་པར་བྱས་ཏེ། བྲམ་ཟེ་ཆེན་པོ་ས་ར་ཧས། གཉིས་སུ་མི་བྱ་གཅིག་ཏུ་བྱ་བ་སྟེ། །རིགས་ལ་བྱེ་བྲག་དག་ཏུ་མ་འབྱེད་པར། །ཁམས་གསུམ་མ་ལུས་འདི་དག་ཐམས་ཅད་ནི། །འདོད་ཆགས་ཆེན་པོ་གཅིག་ཏུ་ཁ་དོག་སྒྱུར་ཅིག་དང་། ཞེས་སོགས་དང་། དེ་རིང་ཉིད་དུ་མགོན་པོ་ད་ལྟ་འཁྲུལ་པ་ཆད། །ཅེས་གསུངས་པའི་ཕྱིར་རོ། །རིགས་བརྒྱ་སོགས་ཀྱི་དབྱེ་ཚུལ་འདུས་པ་ལྟར་ན། བདེ་སྟོང་གི་རྒྱས་བཏབ་པའི་སྒོ་ནས་ཕུང་པོ་རེ་རེ་ལ་ཆ་ཤས་ལྔ་ལྔར་ཕྱེ་སྟེ། དེ་བཞིན་གཤེགས་པ་ལྔ་ལ་རིགས་ལྔ་ལྔར་ཕྱེ་ནས་བསྒོམ་པ་ནི་ཕུང་པོ་ལྔ་རིགས་ལྔར་བསྒོམ་པའི་ལུས་དབེན་ཡིན་ཏེ། རྩ་རྒྱུད་ལས། མདོར་ན་ཕུང་པོ་ལྔ་རྣམས་ནི། །སངས་རྒྱས་ལྔ་ནི་རབ་ཏུ་བསྒྲགས། །ཞེས་པས་སོ། །དེ་བཞིན་དུ་བདེ་སྟོང་གི་རྒྱས་བཏབ་པའི་ཁམས་བཞི་རེ་རེ་ལ་ལྔ་ལྔར་ཕྱེ་སྟེ་ཡུམ་བཞི་ལ་རིགས་ལྔ་ལྔར་ཕྱེ་ནས་བསྒོམ་པ་ནི་ཁམས་བཞིར་བསྒོམ་པའི་ལུས་དབེན་ཡིན་ཏེ། དེ་ཉིད་ལས། ས་ནི་སྤྱན་ཞེས་བྱ་བ་ཡིན། །ཆུ་ཡི་ཁམས་ནི་མཱ་མ་ཀཱི། །མེ་ནི་གོས་དཀར་མོ་ཡིན་ནོ། །རླུང་ནི་སྒྲོལ་མ་རབ་ཏུ་བསྒྲགས། །ཞེས་པས་སོ། །

― JKT006_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་བཞིན་དུ་བདེ་སྟོང་གི་རྒྱས་བཏབ་པའི་སྐྱེ་མཆེད་དྲུག་རེ་རེ་ལ་ལྔ་ལྔར་ཕྱེ་སྟེ་ས་སྙིང་སོགས་དྲུག་པོ་ལ་རིགས་ལྔ་ལྔར་ཕྱེ་ནས་བསྒོམ་པ་ནི་མིག་སོགས་སེམས་དཔར་བསྒོམ་པའི་ལུས་དབེན་ཡིན་ཏེ། དེ་ཉིད་ལས། རྡོ་རྗེའི་སྐྱེ་མཆེད་ཉིད་དག་ཀྱང་། །བྱང་ཆུབ་སེམས་དཔའི་དཀྱིལ་འཁོར་མཆོག །ཅེས་པས་སོ། །དེ་བཞིན་དུ་བདེ་སྟོང་གི་རྒྱས་བཏབ་པའི་གཟུགས་སོགས་ཡུལ་ལྔ་རེ་རེ་ལ་ལྔ་ལྔར་ཕྱེ་སྟེ་རྡོ་རྗེ་མ་ལྔ་ལ་རིགས་ལྔ་ལྔར་ཕྱེ་ནས་བསྒོམ་པ་ནས་ཡུལ་ལྔ་རྡོ་རྗེ་མ་ལྔར་བསྒོམ་པའི་ལུས་དབེན་ཡིན་ཏེ། དེ་ཉིད་ལས། གཟུགས་སྒྲ་ལ་སོགས་སྔགས་པ་ཡི། །ལྷ་ཉིད་དུ་ནི་རྟག་ཏུ་བསྒོམ༑ །ཞེས་གསུངས་པའི་ཕྱིར། དེ་ནས་དམ་པ་རིགས་བརྒྱའི་ལྷ་རྣམས་རིགས་ལྔ་སོ་སོའི་སྐུ་མདོག་དང་། ཕྱག་མཚན་རང་གི་རྩ་བའི་ཕྱག་མཚན་འཛིན་པའོ། །ཁྲོ་བོ་བཅུ་དང་བྱམས་པ་ཀུན་བཟང་གཉིས་ལ་རྡོ་རྗེ་ཕྲེང་བར་ལུས་དབེན་གསུངས་ཀྱང་སྐབས་འདིར་མི་སྟོན་པའི་རྒྱུ་མཚན་ཡོད་དེ། རགས་པ་ཉེར་ལྔའི་སྐྱེ་རིམ་དང་ཐིམ་རིམ་གྱི་དབང་དུ་མཛད་ནས་མ་གསུངས་སོ། །དེས་ན་ལུས་རྒྱུདབེན་གྱི་ལྷ་ལ་རྒྱས་པར་ཕྱེ་ན་བརྒྱ་དྲུག་ཅུ། དེའི་སྟེང་དུ་དབྱེ་གཞིའི་ལྷ་སོ་གཉིས་བསྣན་པས་བརྒྱ་གོ་གཉིས་སོ། །སྒྱུ་འཕྲུལ་སྙིང་པོ་ལ། ལམ་རིམ་ལས། ཉི་ཁྲི་བཞི་སྟོང་དུས་གཅིག་གསལ། །

― JKT006_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་དང་། ཁྲོ་བོ་ལ་སྟོང་བཞི་བརྒྱ་ལྔ་བཅུ་དང་། བདུན་ཁྲི་དྲུག་སྟོང་བརྒྱད་བརྒྱ་ལྔ་བཅུ་དང་། བསམ་ཡས་ལྷུན་གྲུབ་ཀྱི་དཀྱིལ་འཁོར་གསུངས་སོ། །བདེ་སྟོང་གི་རྒྱས་བཏབ་པའི་ས་ཆུ་མེ་རླུང་རྣམ་ཤེས་ལྔ། རྣམ་སྣང་། རིན་འབྱུང་། འོད་དཔག་མེད། དོན་གྲུབ། མི་བསྐྱོད་པ་སྟེ་རིགས་ལྔར་བསྒོམ་པ་ནི་དེ་ཉིད་རིགས་ལྔར་བསྒོམ་པའི་ལུས་དབེན་ཡིན་ཏེ། རྒྱུད་ཕྱི་མ་ལས། དེ་ཉིད་རྣམ་པ་ལྔ་རུ་བཤད། །ཅེས་པས་བསྟན་ཏེ། དམ་པ་རིགས་བརྒྱ་པོ་དེ་ཡང་རིགས་ལྔར་འདུ་ཞིང་། དབེན་གཞི་བརྒྱ་པོ་དེ་ཡང་དབེན་གཞི་ལྔར་འདུ་སྟེ། རྣམ་སྣང་ཉི་ཤུའི་དབེན་གཞི་ནི་རྩ་བའི་རྣམ་སྣང་གི་དབེན་གཞི་སོགས་སུ་འདུ་བའི་ཕྱིར་རོ། །བདེ་སྟོང་གི་རྒྱས་བཏབ་པའི་སྒོ་གསུམ་པོ་རིན་འབྱུང་དང་རྣམ་སྣང་གཉིས་སྐུ་རྡོ་རྗེ། དོན་གྲུབ་དང་འོད་དཔག་མེད་གསུང་རྡོ་རྗེ། རྡོ་རྗེ་འཆང་དང་མི་བསྐྱོད་པ་ཐུགས་རྡོ་རྗེར་བསྡུས་ནས་བསྒོམ་པ་ནི་གསང་བ་རིགས་གསུམ་དུ་བསྒོམ་པའི་ལུས་དབེན་ཡིན་ཏེ། རྒྱུད་ཕྱི་མ་ལས། གསང་བ་རྣམ་པ་གསུམ་དུ་བཤད། །ཅེས་པས་སོ། །དབེན་གཞི་ལྔ་པོ་དེ་ཡང་གསུམ་དུ་འདུ་སྟེ། ལུས་ངག་ཡིད་གསུམ་རྣམ་པར་དག་པ་རྡོ་རྗེ་གསུམ་གྱི་དབེན་གཞིར་འདུ་བས་སོ། །སྒོ་གསུམ་དང་ལྡན་པའི་སྒྲུབ་པ་པོ་རྡོ་རྗེ་གསུམ་དང་ལྡན་པའི་རྡོ་རྗེ་འཆང་གཅིག་ཏུ་བསྒོམ་པ་ནི་

― JKT006_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

གསང་ཆེན་རིགས་གཅིག་གི་ལུས་དབེན་མཐར་ཐུག་ཡིན་ཏེ། རྒྱུད་ཕྱི་མ་ལས། ལྷག་པའི་ལྷ་ནི་གསང་ཆེན་ཏེ། །ཞེས་པས་སོ། །དྲུག་པ་ནི། སླར་ཡང་དབེན་པ་གསུམ་གྱི་རིམ་པ་དང་། །ཀུན་རྫོབ་སྒྱུ་མ་དོན་དམ་འོད་གསལཾ་ཉིད། །བདེན་གཉིས་དབྱེར་མེད་ཟུང་འཇུག་ཉམས་ལེན་རྣམས། །གསང་བ་སྙིང་པོ་དཔལ་ལྡན་འདུས་པ་དང་། །བསྐྱེད་པ་མ་ཧཱ་ཡོ་ག་ཇི་བཞིན་དུ། །བསྐྱེད་རྫོགས་ཟབ་མོའི་དོན་རྣམས་མངོན་གྱུར་ཤོག །ཅེས་པ་ནི། ལུས་དབེན་སྐུ་རྡོ་རྗེ། ངག་དབེན་གསུང་རྡོ་རྗེ། སེམས་དབེན་ཐུགས་རྡོ་རྗེ་གསུམ་གྱི་རྣལ་འབྱོར་ཕྲ་ཏིག་གི་བར་བསྒོམས་པའི་རྗེས་ལ་རྩ་གསུམ་འཁོར་ལོ་དྲུག་གི་བྱེད་པ་བཅིངས་པའི་དྷ་ཏིའི་མར་སྣེར་ཉི་གདན་ལ་རང་སེམས་ཐིག་ལེ་སྔོན་པོའི་རྣམ་པར་ཕབ་པ་ལ་རླུང་སེམས་དབྱེར་མེད་དུ་དྲིལ་བས་དམིགས་པའི་རིམ་པ་ལ་བསླབ་པས་དབུ་མར་རླུང་ཞུགས་གནས་ཐིམ་གསུམ་གྱི་རྟགས་དང་། དེ་བཞིན་དུ་སྣང་མཆེད་ཐོབ་གསུམ། སྟོང་པ་བཞིའི་འོད་གསལ་དང་བཅས་པ་ངོས་བཟུང་ནས་ཆོས་ལོངས་སྤྲུལ་གསུམ་གྱི་བསྲེ་བ་གསུམ་ལ་བསླབ་པ་ནི་རང་ངོའི་མཉམ་གཞག་དང་། དབང་པོ་ཡུལ་ལས་འཇུག་དུས་གང་སྣང་སྟོང་པ་བདེ་བའི་ལྷ་སྐུར་འཆར་བ་ནི་རྗེས་ཐོབ་རྐྱང་པ་ཡིན་ནོ། །རྗེས་ལ་བསྒྲུབ་བྱ་བདེན་པ་གཉིས་ཀྱི་རྫོགས་རིམ་ལས་

― JKT006_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

དང་པོ་ཀུན་རྫོབ་སྒྱུ་མ་ནི་འོད་གསལ་གྱི་བཞོན་པར་གྱུར་པའི་རླུང་གི་ཉེར་ལེན་དང་། རང་སེམས་ལྷན་ཅིག་སྐྱེས་པའི་རྐྱེན་ལས་རླུང་སེམས་ཙམ་ལས་གྲུབ་པའི་རྡོ་རྗེ་འཆང་གི་སྐུ་རྣམ་སྨིན་གྱི་ལུས་རྟེན་འདི་ལ་གོ་ས་གཞན་པ་ཞིག་ལྡང་བ་སྟེ། དེ་ནི་ལོངས་སྐུ་ལྟ་བུའི་བཞིན་ལག་གི་རྣམ་པ་ཅན་ཡིན་ཡང་། རྣམ་འཕྲུལ་དུ་མར་སྟོན་ནུས་ཤིང་། དེའི་བསྒྲུབ་གཞིའང་གཉིད་གྱི་འོད་གསལ་ལས་བྱུང་ཞིང་། །རྨི་ལམ་གྱི་ལུས་ད་ལྟ་རྣམ་སྨིན་གྱི་ལུས་འདི་དང་འབྲེལ་བ་ཅན་ཡིན་ལ། སླད་ཀྱི་བར་དོ་ལོངས་སྐུར་འགྲུབ་པའི་ཉེར་ལེན་དུ་འགྱུར་བས་ན་སྒྱུ་མའི་སྐུ་ཞེས་བརྗོད་ཀྱིས། ལམ་གྱི་གནས་སྐབས་ན་སེམས་བསྐྱེད་ཀྱི་འཕེན་པས་སེམས་ཅན་ཐམས་ཅད་ཀྱི་སྒོ་གསུམ་དང་། སྒྱུ་ལུས་པའི་སྐུ་རྡོ་རྗེ་རྣམ་པར་སྣང་མཛད། གསུང་རྡོ་རྗེ་འོད་དཔག་མེད། ཐུགས་རྡོ་རྗེ་མི་བསྐྱོད་པར་གསལ་བའི་དམ་ཚིག་སེམས་དཔའ་ལ་སོ་སོའི་ཐུགས་ཀར་རིམ་བཞིན་སྐུ་གསུང་ཐུགས་ཀྱི་ཡི་གེ་གསུམ་གསལ་བ་ལ་ཡེ་ཤེས་སེམས་དཔའ། སོ་སོའི་མགོར་ཐིག་ལེ་ནཱ་ད་དང་བཅས་པའི་ཏིང་འཛིན་སེམས་དཔའ་སུམ་བརྩེགས་གསལ་ཞིང་སོ་སོའི་ཏིང་འཛིན་སེམས་དཔའ་ལས་འོད་ཟེར་འཕྲོས་པས་སྣོད་བཅུད་ཐམས་ཅད་འོད་དུ་ཞུ་བ་དམ་ཚིག་སེམས་དཔའ་དང་། དེ་འོད་དུ་ཞུ་བ་ཡེ་ཤེས་སེམས་དཔའ་ལ། དེ་འོད་དུ་ཞུ་བ་ཏིང་།

― JKT006_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་སེམས་དཔའ་ལ་ཐིམ་པའི་ངང་དུ་མཉམ་པར་བཞག་རང་གི་མེ་ལོང་ལ་ཧས་བཏབ་པ་བཞིན་བསྡུ་བ་རིལ་འཛིན། མཆན། པས་ཞུགས་གནས་ཐིམ་གསུམ་གྱི་རྟགས་སྣང་སྨིག་རྒྱུ་དུ་བ་ལ་སོགས་པ་དང་སྣང་མཆེད་ཐོབ་གསུམ་དང་སྟོང་པ་བཞི་འཆར་བའི་ཐམས་ཅད་སྟོང་པ་འོད་གསལ་ལ་མཉམ་པར་འཇོག །ལྷ་སྐུ་རིམ་གྱིས་བསྡུ་བ་ནི་རྗེས་གཞིག་དང་། དེ་ལས་ལྡང་བ་ན་མ་དག་པའི་སྒྱུ་ལུས་དག་པའི་སྒྱུ་ལུས་སུ་བསྒོམ་པའོ། །གཉིས་པ་དོན་དམ་འོད་གསལ་ནི། སྒྱུ་ལུས་ཀྱི་སེམས་དཔའ་སུམ་བརྩེགས། དེ་སྡུད་རིམ་གཉིད་ཀྱི་འོད་གསལ་དུ་བཅུག་པའི་སྟོང་ཉིད་ལ་མཉམ་པར་བཞག་པས་ཞུགས་གནས་ཐིམ་གསུམ་དང་། སྣང་མཆེད་ཐོབ་གསུམ་ཀྱི་རྗེས་སྟོང་བཞིའི་འོད་གསལ་ལྷན་སྐྱེས་ཀྱི་བདེ་བས་ཐབས་བྱས་ཏེ་དངོས་པོའི་གནས་ལུགས་མ་ནོར་བར་རྟོགས་པས་རང་རྒྱུད་ལྡན་གྱི་གང་ཟག་འཕགས་པར་སོང་། བར་ཆད་མེད་ལམ་རྒྱུད་ལ་སྐྱེས་ནས་བདེན་གཉིས་ཟུང་དུ་འཇུག་པའི་རྣལ་འབྱོར་མངོན་དུ་བྱེད་པ་བསྐྱེད་པ། མ་ཧཱ་ཡོ་གའི་བསྐྱེད་རྫོགས་ཟབ་མོའི་དོན་ལ་སྨོན་པ་ཡིན་ནོ། ༈ །རིམ་ལྔ་འདི་སྐུལ་དབྱེ་བསྡུའི་བཞེད་པ་མང་ཡང་། ཀླུ་སྒྲུབ་ཞབས་ཀྱི་རིམ་ལྔའི་མདོར་བསྟན་དུ། རྡོ་རྗེའི་བཟླས་༡པ། སེམས་ལ་དམིགས་༢པ། སྒྱུ་ལུས༣། འོད་གསལ། ཟུང་འཇུག་༥དང་ལྔར་མཛད་པ་ཉིད་

― JKT006_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས་ཆེ་ཞེས་རྗེ་ཕྲིན་ལས་ཞབས་ཀྱིས་གསུངས། དབེན་པ་གསུམ་ནི། ལུས་དབེན་སྐུ་རྡོ་རྗེའི་ཏིང་ངེ་འཛིན་དང་། ངག་དབེན་གསུང་རྡོ་རྗེའི་ཏིང་ངེ་འཛིན་དང་། སེམས་དབེན་ཐུགས་རྡོ་རྗེའི་ཏིང་ངེ་འཛིན་རྣམས་སོ། །དེ་དག་ཀྱང་མཐར་ཐུག་གི་དོན་ལ། སྤྱོད་བསྡུས་ལས། བསྐྱེད་པའི་རིམ་པ་ནས་བརྩམས་ཏེ། ལུས་རྣམ་པར་དབེན་པའི་མཐར་ཐུག་པའི་བར་དུ་རྡོ་རྗེ་གསུམ་ལ་སོགས་པས་ཀྱང་མཚན་ཉིད་ལ་ལྷག་པར་མོས་པ་ཙམ་ལགས་ཏེ། དེ་བས་ན་ལུས་རྣམ་པར་དབེན་པ་ལ་ལྷའི་གཟུགས་མེད་དེ། ལུས་ནི་རྡུལ་ཕྲ་རབ་བསགས་པ་ཙམ་མེད་པའི་ཕྱིར་རོ། །རིག་རྣམ་པར་དབེན་པའི་མཐར་ཐུག་པ་ཡང་འཇུག་པ་ལ་སོགས་པའི་རིམ་གྱིས་རྡོ་རྗེའི་བཟླས་པ་ཙམ་ཡོངས་སུ་ཤེས་པ་སྟེ། དེ་ལའང་ལྷའི་རྣམ་པ་མེད་དེ། སྒྲ་རྣམས་ནི་བྲག་ཆ་ལྟ་བུ་ཡིན་པའི་ཕྱིར་རོ། །སེམས་རྣམ་པར་དབེན་པའི་མཐར་ཐུག་པ་ཡང་རང་བཞིན་གྱིས་སྣང་བ་ཙམ་ཡོངས་སུ་ཤེས་པ་ཙམ་དུ་ཟད་པས། དེར་ཡང་རྣམས་པ་ཐམས་ཅད་ཐམས་ཅད་ཀྱི་མཆོག་དང་ལྡན་པའི་ལྷ་སྐུའི་ངོ་བོ་རྙེད་པར་མི་འགྱུར་ཏེ། སེམས་ནི་སྣང་བ་ཙམ་ཡིན་པའི་ཕྱིར་རོ། །རིགས་པ་འདིས་ནི་ཀུན་རྫོབ་ལ་བརྟེན་ནས་གནས་པ་རྙེད་པ་མི་འགྱུར་རོ། །དེ་བས་ན་ཡེ་ཤེས་ཙམ་ཐ་མལ་གྱི་སྣང་ཞེན་འོད་གསལ་དུ་བསྡུས་པའི་ངང་ནས་རང་གི་སེམས་ལྷ་སྐུར་བསྐྱེད་པ་མཆན། གྱི་ལྷ་ཉིད་དུ་བསྐྱེད་པ་སློབ་དཔོན་གྱི་ཞལ་སྔ་ནས་རྟོགས་པར་བགྱིད་པར་འཚལ་ལོ། །ཞེས་གསུངས་པ་ལྟར། དབེན་གསུམ་མཐར་ཕྱིན་

― JKT006_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བདེན་གཉིས་སོ་སོའི་རྫོགས་རིམ་དང་། བདེན་གཉིས་ཟུང་འཇུག་གི་རྫོགས་རིམ་ལ། བསླབ་པར་བྱ་སྟེ། དང་པོ་ཀུན་རྫོབ་སྒྱུ་མའི་རྫོགས་རིམ་ནི། དེ་ཡང་སེམས་ཅན་རྣམས་ལ་རང་ཆས་སུ་ཡོད་པའི་ཤིན་ཏུ་ཕྲ་བའི་རླུང་སེམས་གཉིས་ནི་སྒྱུ་ལུས་ཀྱི་བསྒྲུབ་གཞི། དེ་ཉིད་ཐབས་ལ་མཁས་པའི་རྣལ་འབྱོར་པ་ལ་སྒྱུ་མའི་སྐུར་ཤར་ནས་འཚང་རྒྱ་བ་ཡིན་ཏེ། རིམ་ལྔ་ལས། འགྲོ་ཀུན་རང་དབང་མེད་པ་སྟེ། །རང་དབང་དུ་ནི་འབྱུང་མ་ཡིན། །དེ་ཡི་རྒྱུ་ནི་འོད་གསལ་བ། །འོད་གསལ་ཐམས་ཅད་སྟོང་པའོ། །སེམས་གང་གིས་ནི་བྱིས་པ་རྣམས། །འཁོར་བའི་འཆིང་བས་བཅིངས་གྱུར་པ། །སེམས་དེ་ཉིད་ཀྱི་རྣལ་འབྱོར་པ། །བདེ་གཤེགས་གནས་སུ་འགྲོ་བར་འགྱུར། །ཞེས་སོ། །མདོར་ན་སེམས་ཅན་སྐྱེ་འཆི་གནས་གསུམ་བར་དོ་དང་བཅས་པ་ཐམས་ཅད་རང་རྒྱུད་ཤིན་ཏུ་ཕྲ་བའི་རླུང་སེམས་ཀྱི་ཆོ་འཕྲུལ་དང་། ཤིན་ཏུ་ཕྲ་བའི་རླུང་སེམས་གཉིས་པོ་དེ་འགྲོ་བ་བཟང་ངན་སྣ་ཚོགས་སུ་འགྲོ་བར་གསུངས་ཏེ། རྡོ་རྗེ་ཕྲེང་བ་ལས། སྐྱེ་དང་གནས་དང་འཇིག་པ་དང་། །སྲིད་པ་བར་མར་གནས་པ་སྟེ། །ཇི་སྨྱུསྲིད་འཇིག་རྟེན་གྱིས་བཏགས་པ། །སེམས་ཀྱི་རླུང་གི་རྣམ་འཕྲུལ་ལོ། །ཞེས་གསུངས་པ་ལྟར་རོ། །རགས་པ་གནས་ཆུའི་ཚ་བ་ལྟ་བུ་སྐབས་པའི་ལུས་དང་། ཕྲ་བའི་ཆུའི་གཤེར་པ་ལྟ་བུ་གཉུག་མའི་ལུས་

― JKT006_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་ལས། ཕྱི་མ་ནི་སྒྱུ་ལུས་ཀྱི་བསྒྲུབ་གཞིའོ། །སྒྱུ་ལུས་དེས། སེམས་ཅན་ཐམས་ཅད་ཀྱི་གཉུག་མའི་ལུས་ཀྱང་རང་གི་སྒྱུ་ལུས་དང་འདྲ་བ་མངོན་སུམ་དུ་མཐོང་ཞིང་། སྣོད་བཅུད་ཐམས་ཅད་ཀྱང་རང་རྒྱུ་རླུང་སེམས་ཙམ་གྱི་རྣམ་འཕྲུལ་དུ་མཐོང་བ་ཡིན་ཏེ། རིམ་ལྔ་ལས། དེ་བས་འདི་ལྟར་འགྲོ་བ་ཀུན། །སྒྱུ་མ་ལྟ་བུ་འདི་བཤད་དེ། །སྒྱུ་མ་ལྟ་བུའི་ཏིང་འཛིན་གནས། །ཐམས་ཅད་དེ་དང་འདྲ་བར་མཐོང་། །ཞེས་པས་སོ། །སྒྱུ་ལུས་དེ་དག་ཀྱང་། དཔེའི་འོད་གསལ་མཐར་ཐུག་འགགས་པ། ལུགས་ལྡོག་གི་ཉེར་ཐོབ་འཆར་བ། མ་དག་པའི་སྒྱུ་མའི་སྐུ་དངོས་གནས་གྲུབ་པ་གསུམ་དུས་མཉམ་དུ་འབྱུང་ལ། དེ་ལྟ་བུའི་སྐུ་སྟེ་སྒྱུ་མའི་དཔེ་བཅུ་གཉིས་ཀྱིས་མཚོན་ནས་སྟོན་པ་སྟེ། དཔེ་བཅུ་གཉིས་ནི། སྒྱུ་མ། ཆུ་ཟླ། མིག་ཡོར། སྨིག་རྒྱུ། རྨི་ལམ། བྲག་ཆའི་སྒྲ། དྲི་ཟའི་གྲོང་ཁྱེར། མིག་འཕྲུལ། ནམ་མཁའི་འཇའ། གློག །ཆུ་བུར། མེ་ལོང་ནང་གི་ཧེ་རུ་ཀའི་གཟུགས་བརྙན་རྣམས་ཡིན་ལ། དེ་ཡང་སྒྱུ་མའི་སྐུ་དེ་ཞལ་ཕྱག་གི་རྣམ་པ་ཅན་དུ་སྣང་ཡང་ཤ་རུས་གདོས་བཅས་ཀྱིས་སྟོང་པས་ན་སྒྱུ་མ་ལྟ་བུ༡། ལོངས་སྐུ་གཅིག་ཉིད་གདུལ་བྱ་གང་ན་ཡོད་པའི་སར་སྤྲུལ་པ་དུ་མ་སྟོན་པས་ཆུ་ཟླ་ལྟ་བུ༢༑ སྒྱུ་མའི་སྐུ་དེ་གྲི་མཚོན་ལ་སོགས་པས་བཅད་ཅིང་གཞིག་ཏུ་མེད་པས་ན་མིག་ཡོར་ཏེ་གྲིབ་མ་ལྟ་བུ༣། སྒྱུ་མའི་སྐུ་དེ་མི་བརྟན་ཅིང་གཡོ་བའི་རང་བཞིན་ཅན་ཞིག་ཡིན་པ་ནི་སྨིག་རྒྱུ་ལྟ་བུ་། སྒྱུ་

― JKT006_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་སྐུ་དེ་བསྒྲུབ་གཞི་སེམས་དབེན་མཐར་ཐུག་གི་དཔེའི་འོད་གསལ་གྱི་རླུང་སེམས་ལས་བྱུང་ཞིང་། ཕུང་པོ་རྙིང་པ་ལས་གོས་ལོགས་སུ་ཕྱེ་བ་དང་། སླར་ཡང་ཕུང་པོ་རྙིང་པ་ལ་འཇུག་པ་ཞིག་ཡིན་པ་ནི་རྨི་ལམ་ལྟ་བུ།། སྒྱུ་མའི་སྐུ་དེ་ཕུང་པོ་རྙིང་པ་དང་རྟེན་ཐ་དད་ཡིན་ཀྱང་ཤེས་རྒྱུད་གཅིག་གིས་བསྡུས་པས་བྲག་ཆའི་སྒྲ་ལྟ་བུ༦། སྒྱུ་མའི་སྐུ་དེ་རྟེན་བརྟེན་པའི་དཀྱིལ་འཁོར་གྱི་རྣམ་པ་ཅན་ཞིག་ཡིན་པས་ན་དྲི་ཟའི་གྲོང་ཁྱེར་ལྟ་བུ༧། སྒྱུ་མའི་སྐུ་དེ་གཅིག་ཉིད་ཡིན་ཡང་དུ་མར་འཆར་ཞིང་དུ་མར་སྣང་བ་ཞིག་ཡིན་པ་ནི་མིག་འཕྲུལ་ལྟ་བུར། སྒྱུ་མའི་སྐུ་དེ་སྔོ་སེར་ལ་སོགས་པ་ཁ་དོག་མ་འདྲེས་པར་སོ་སོར་སྣང་བས་ན་ནམ་མཁའི་འཇའ་ཚོན་ལྟ་བུ༩། སྒྱུ་མའི་སྐུ་དེ་ཕུང་པོ་རྙིང་པའི་ནང་ན་གནས་པའི་སྐབས་སྲིད་པ་ཞིག་ཡིན་པ་ནི་སྤྲིན་ནག་པོའི་གསེབ་ན་གློག་འགྱུ་བ་ལྟ་བུ༡༠། སྒྱུ་མའི་སྐུ་དེ་སེམས་དབེན་མཐར་ཐུག་གི་དཔེའི་འོད་གསལ་ལས་ཆོས་གཞན་གྱིས་བར་མ་ཆོད་པར་ཐོལ་གྱིས་བྱུང་བ་ཞིག་ཡིན་པ་ནི་ཆུ་ལས་༡༡ཆུ་བུར་ཐོལ་གྱིས་བྱུང་བ་ལྟ་བུ། སྒྱུ་མའི་སྐུ་དེ་མཚན་དཔེས་སྤྲས་པའི་རྣམ་པ་ཅན་དུ་སྐད་ཅིག་གིས་གྲུབ་པ་ཞིག་ཡིན་པ་ནི་མེ་ལོང་ནང་གི་ཧེ་རུ་ཀའི་གཟུགས་༡༢བརྙན་ལྟ་བུའོ། །དེ་ལྟ་བུའི་སྒྱུ་ལུས་དེ་འགྲུབ་ན་ཚེ་འདིར་འཚང་རྒྱ་བར་ངེས་ལ། ཡོ་བྱད་གང་དགོས་ཐམས་

― JKT006_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་བསམ་པ་ཙམ་གྱིས་ནམ་མཁའ་ལས་རྙེད་པར་འགྱུར་ཞིང་། ཚངས་པ་དྲག་པོ་ལ་སོགས་པའི་འཇིག་རྟེན་པའི་ལྷ་རྣམས་ཀྱིས་མི་མཐོང་ཞིང་། དེར་མ་ཟད་སྒྱུ་ལུས་མ་ཐོབ་པའི་གང་ཟག་སུས་ཀྱང་མི་མཐོང་བར་སྤྱོད་བསྡུས་ལས་གསུངས་སོ། །དེ་ལ་མ་དག་པའི་སྒྱུ་ལུས་ཞེས་བརྗོད་པའི་རྒྱུ་མཚན་ནི་ཕུང་པོ་རྙིང་པ་དང་འབྲེལ་ཐག་མ་ཆོད་པ་དང་། ལས་ཉོན་གྱི་དབང་གིས་འཁོར་བར་སྐྱེ་བ་ལེན་པས་ཡིན་དེ་ལྟར་བརྗོད་པའོ། །འཁོར་བར་འཁོར་ཞེས་པ་རྟག་པ་མཐའ་བཟུང་གི་སྒོ་ནས་གསུངས་པ་སྟེ། དཔེར་ན་རྒྱལ་བུ་གཞོན་ནུ་དོན་གྲུབ་རབ་ཏུ་མ་བྱུང་ན་འཁོར་ལོས་སྒྱུར་བའི་རྒྱལ་པོར་འགྱུར་ཞེས་རྒྱ་རོལ་ལས་གསུངས་པ་དང་ཚུལ་མཚུངས་ཏེ། གཞོན་ནུ་དོན་གྲུབ་རབ་ཏུ་བྱུང་ངེས་པ་བཞིན་དུ་སྒྱུ་ལུས་པ་དེས་ཀྱང་དོན་དམ་འོད་གསལ་ཚེ་དེ་ལ་མངོན་དུ་བྱེད་པར་ངེས་པས་སྒྱུ་ལུས་ཐོབ་ནས་ཚེ་འདིར་འཚང་རྒྱ་བས་ཁྱབ་པ་ཁས་ལེན་པའི་རྒྱུ་མཚན་ནི་དེས་ཡིན་ནོ། །གཉིས་པ་དོན་དམ་འོད་གསལ་གྱི་རྫོགས་རིམ་ནི། རིམ་པ་གསུམ་པའི་སྒྱུ་ལུས་པས་མཉམ་རྗེས་ཀྱི་དགེ་སྦྱོར་རྣམས་བསྐྱངས་པས་དོན་གྱི་འོད་གསལ་ཐོབ་ཏུ་ཉེ་བ་ན། བླ་མ་ལས་མཚན་ཕྱེད་ཀྱི་དུས་དབང་གསུམ་པ་དངོས་དབང་དང་། དེ་རྗེས་གདམས་ངག་ནོད། ཐོ་རངས་ཕྱི་ནང་གི་ཐ་མར་ཐབས་གཉིས་ལ་བརྟེན་ནས་རིམ་པ་བཞི་

― JKT006_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དོན་གྱི་འོད་གསལ་མངོན་དུ་བྱེད་པ་ཡིན་ནོ། །དེའི་ཚེ་མ་དག་པའི་སྒྱུ་ལུས་འགག་པ། ལྷན་སྐྱེས་ཀྱི་བདེ་བ་ཆེན་པོས་སྟོང་ཉིད་མངོན་སུམ་དུ་རྟོགས་པའི་སྔགས་བླ་མེད་ཀྱི་མཐོང་ལམ་དང་། བླ་མེད་ཀྱི་ས་དང་པོ་ཐོབ་པ། བདེན་འཛིན་ལྷན་སྐྱེས་དང་ཀུན་བརྟག་ས་བོན་དང་བཅས་པའི་དངོས་གཉེན་བར་ཆད་མེད་ལམ་རྒྱུད་ལ་སྐྱེས་པ་རྣམས་དུས་མཉམ་མོ། །དེས་ན་རིམ་པ་བཞི་པའི་། དོན་གྱི་འོད་གསལ་མངོན་དུ་བྱེད་པའི་དུས་ནམ་ཕྱེད་དང་། སློབ་མི་སློབ་ཀྱི་ཟུང་འཇུག་ཐོག་མར་ཐོབ་པའི་དུས་ནི་ཐོ་རངས་ཡིན་པར་ངེས་སོ། །སྤྱོད་བསྡུས་ལས། རིམ་པ་འདི་ཉིད་ཀྱིས་བཅོམ་ལྡན་འདས་དཔལ་ཤཱཀྱ་ཐུབ་པ་ལ་དེ་བཞིན་གཤེགས་པ་ཐམས་ཅད་ཀྱི་སེ་གོལ་གྱི་སྒྲས་བསྐུལ་བར་གྱུར་པས། མི་གཡོ་བའི་ཏིང་ངེ་འཛིན་ལས་བཞེངས་ཏེ་བྱང་ཆུབ་ཀྱི་ཤིང་དྲུང་ལ་བཞུགས་ནས། ནམ་ཕྱེད་ཀྱི་དུས་སུ་འོད་གསལ་བ་མངོན་དུ་མཛད་དེ། སྒྱུ་མ་ལྟ་བུའི་ཏིང་ངེ་འཛིན་ལས་བཞེངས་ནས་འགྲོ་བ་རྣམས་ལ་སྟོན་པར་མཛད་པ་ཡིན་ནོ། །ཞེས་དང་། རྒྱ་ཆེ་རོལ་པ་ལས་ཀྱང་། ཤཱཀྱ་ཐུབ་པ་དེ་བཞིན་གཤེགས། །མངོན་པར་བྱང་ཆུབ་འདི་བཞེད་ནས། །སྟོང་པ་ཆེན་པོས་སངས་རྒྱས་ཉིད། །ཐོབ་པར་བྱ་ཞེས་མངོན་པར་དགོངས། །ནེ་རཉྫནའི་ཆུ་འགྲམ་དུ། །མི་གཡོ་ཏིང་འཛིན་ལ་ཞུགས་

― JKT006_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །དེ་ཚེ་རྒྱལ་བ་མཁའ་རྡོ་རྗེ། །ཏིལ་གྱི་གོང་བུ་གང་བཞིན་བཞུགས། །རྒྱལ་བའི་སྲས་ལ་སེ་གོལ་དང་། །དེ་ལ་དབྱངས་གཅིག་གིས་གསུངས་པ། །བསམ་གཏན་འདི་ནི་རྣམ་དག་མིན། །འདིས་ནི་མཐར་ཐུག་མི་ཐོབ་སྟེ། །ནམ་མཁའི་ངོས་ལྟར་མཆོག་གྱུར་པ། །འོད་གསལ་བ་ནི་དེ་དམིགས་ཤིག །འོད་གསལ་བ་ཡི་གནས་ཐོབ་ནས། །རབ་དགའི་གཟུགས་སུ་སྐྱེ་བར་འགྱུར། །ཞེས་པས་བསྟན་ཏོ། །བདེན་གཉིས་དབྱེར་མེད་ཀྱི་རྫོགས་རིམ་ནི། སྤྱོད་བསྡུས་རྡོ་རྗེ་ཐེག་པ་འདི་ལ་བསྐྱེད་རིམ་ལ་བསླབ་ནས་ས་བརྒྱད་པ་ཐོབ་སྟེ་ཇི་སྲིད་རྫོགས་རིམ་མ་ཐོབ་པ་དེ་སྲིད་དུ་དགེ་བའི་བཤེས་གཉེན་མཉེས་པར་བྱའོ། །སྐུ་དང་གསུང་དང་ཐུགས་མངོན་པར་རྟོགས་ནས་ས་བཅུ་ཐོབ་ཅེས་གསུངས་པའི་ཕྱིར། དེས་ན་བསྐྱེད་རིམ་མཐར་ཕྱིན་པ་ས་བརྒྱད་པ་དང་དོད་ཐུབ་དང་། ངག་དབེན་ས་དགུ་པ་དང་། སེམས་དབེན་སྒྱུ་ལུས་གཉིས་ས་བཅུ་པའི་དཀྱིལ་སྟོད་དང་དོད་ཐུབ་སྦྱོར་བའི་རྒྱུ་མཚན་ཡོད་དེ། ས་བརྒྱད་པར་ཞིང་དག་སྦྱོར་བ་ཐོབ་པ་ལྟར་བསྐྱེད་རིམ་མཐར་ཕྱིན་པས་སྣོད་བཅུད་དག་པའི་འཁོར་ལོའི་རྣམ་རོལ་དུ་བལྟ་ནུས་པ་དང་། ས་དགུ་པར་ཆོས་སྟོན་པའི་ངག་དག་པའི་ཡེ་ཤེས་ཐོབ་པ་ལྟར་ངག་དབེན་གྱི་སྐབས་སུ་ངག་གི་རྩ་བ་རླུང་ལ་དབང་ཐོབ་པ་དང་། བཅུ་པར་ལུས་ངན་པར་

― JKT006_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་བའི་བག་ཆགས་མ་ལུས་བཟང་པོར་བསྒྱུར་ནུས་ཤིང་འོད་ཟེར་ཆེན་པོའི་དབང་བསྐུར་ཐོབ་པ་བཞིན་དུ་སེམས་དབེན་མཐར་ཐུག་གི་རླུང་སེམས་ལྷར་བསྒྱུར་ནུས་པ་དང་། སྒྱུ་ལུས་པས་སངས་རྒྱས་རྣམས་ལས་དབང་བསྐུར་བ་ཐོབ་པས་དེ་ལྟར་སྦྱར་བ་ཡིན་པའི་ཕྱིར། རིམ་པ་ཐ་མ་གཉིས་ས་བཅུ་པའི་དཀྱིལ་སྨད་དང་དོད་ཐུབ་སྦྱོར་བའི་རྒྱུ་མཚན་ཡང་ཡོད་དེ། བསོད་ནམས་ཀྱི་ཚོགས་རྫོགས་པས་སྒྲིབ་པ་སྤོང་བ་ལ་ནུས་མཐུ་ཅན་དུ་གྱུར་པ་དང་། ལམ་གཞན་ལ་གསར་དུ་སློབ་མི་དགོས་པའི་འདོད་པ་མཚུངས་པས་དེ་ལྟར་སྦྱར་བ་ཡིན་ནོ། །དེ་ཡང་ལམ་ཐུན་མོང་བས་རྒྱུད་སྦྱངས་ནས་བསྒོམ་སྟོབས་ཀྱི་ཐོག་མར་རླུང་དབུ་མར་ཞུགས་གནས་ཐིམ་གསུམ་བྱེད་པའི་སྦྱང་བའི་ཡེ་ཤེས་སྐྱེས་ཁམ་ཚུན་ཆད་ཀྱི་ལམ་ཚོགས་ལམ་དང་། བསྒོམ་སྟོབས་ཀྱིས་ཐོག་མར་རླུང་དབུ་མར་ཞུགས་གནས་ཐིམ་གསུམ་བྱེད་པའི་སྣང་བའི་ཡེ་ཤེས་སྐྱེས་པ་ནས་མ་དག་པའི་སྒྱུ་ལུས་དོན་གྱི་འོད་གསལ་དུ་འཇུག་ཁ་མའི་བར་གྱི་ལམ་རྣམས་སྔགས་བླ་མེད་ཀྱི་སྦྱོར་ལམ་དང་། རིམ་པ་བཞི་པའི་དོན་གྱི་འོད་གསལ་ལྷམཐོང་ལམ་ས་དང་པོ་རབ་དགའ་དང་། སློབ་པའི་ཟུང་འཇུག་སྒོམ་ལམ་དེ་ལ་ས་དགུའི་རྣམ་དག་བྱེད་པ་ཡིན་ནོ། །རིམ་པ་གསུམ་པ་སྒྱུ་ལུས་པས་དོན་གྱི་འོད་གསལ་མངོན་ཏུ་མི་བྱེད་ན་འཁོར་བར་

― JKT006_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡོག་སྟེ། སྤྱོད་བསྡུས་ལས། ཇི་སྲིད་དུ་སྣང་བ་གསུམ་མ་དག་པ་དེ་སྲིད་དུ་རྣམ་ཤེས་ཀྱིས་ཀུན་ཏུ་རྟོག་གོ །དེ་ཇི་སྲིད་པ་དེ་སྲིད་དུ་ཉོན་མོངས་པའི་བག་ཆགས་ཀྱི་རྒྱུན་དང་དེས་ནི་ཡང་སྲིད་པ་འགྱུར་བ་ཡིན། རིམ་པ་བཞི་པ་དོན་གྱི་འོད་གསལ་ནས་མི་ལྡོག་སྟེ། དེའི་སྐབས་སུ་འཁོར་བའི་དངོས་གཉེན་ལྷན་སྐྱེས་ཀྱི་བདེ་བས་སྟོང་ཉིད་མངོན་སུམ་དུ་རྟོགས་པའི་ཤེས་རབ་ཡོད་པའི་ཕྱིར་རོ། །རིམ་པ་བཞི་པ་དོན་གྱི་འོད་གསལ་ལས་ལངས་མ་ཐག་ཏུ་སློབ་པའི་ཟུང་འཇུག་གི་སྐུར་དག་པའི་སྒྱུ་ལུས་སུ་སྡང་བ་ལྡང་བ་ཡིན་ཏེ། སྤྱོད་བསྡུས་ལས་སྟོང་པ་བཞི་གཅིག་ཏུ་གྱུར་པ་ལས་ལྡང་བར་བཤད་ཅིང་། རིམ་ལྔ་ལས་ཀྱང་། ཇི་ལྟར་དྭངས་པའི་ཆུ་ཀླུང་ལས། །ཉ་དག་མྱུར་དུ་ལྡང་བ་ལྟར། །དེ་བཞིན་ཐམས་ཅད་སྟོང་གསལ་ལས། སྒྱུ་འཕྲུལ་དྲྭ་བ་འབྱུང་བར་བཤད། ཅེས་སོ། །ཉོན་སྒྲིབ་སྤངས་པས་རྣམ་གྲོལ་ལམ་ཐོབ་པ། རང་བརྒྱུད་ལྡན་གྱི་གང་ཟག་དགྲ་བཅོམ་པར་གྱུར་པ་སྤངས་བཟུང་འཇུག་ཐོབ་པ་དུས་མཉམ། མཆན། རླུང་དབུ་མར་ཞུགས་གནས་ཐིམ་གསུམ་བྱས་པ་ལས་བྱུང་བའི་ལྷན་སྐྱེས་ཀྱི་བདེ་བ་སྤངས་རྟོགས་ཟུང་དུ་འཇུག་པ་སྟེ། རིམ་ལྔ་ལས། ཀུན་རྫོབ་དང་ནི་དོན་དམ་གྱི། །རྣམ་དབྱེ་སོ་སོར་ཤེས་ནས་ནི། །གང་དུ་ཡང་དག་འདྲེས་གྱུར་པ། །ཟུང་དུ་འཇུག་པར་དེ་བཤད་དོ། །ཞེས་གསུངས་སོ། །དེ་ལ་མཚན་གྱི་རྣམ་གྲངས་ནི། སྒྱུ་འཕྲུལ་དྲྭ་བས་མངོན་སངས་རྒྱས་པ་དང་། །

― JKT006_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་བའི་རྒྱ་མཚོའི་ཕ་རོལ་ཏུ་སོན་པ་དང་། བྱ་བ་བྱས་པའི་རྣལ་འབྱོར་པ་ཆེན་པོ་དང་། བདེན་པ་གཉིས་ཀྱི་ཚུལ་ལ་གནས་པ་ཞེས་བྱའོ། ༈ །ལྔ་པ་ལ་གཉིས་བསྐྱེད་དང་། རྫོགས་རིམ་ལ་སྨོན་པའོ། །དང་པོ་ནི། མཚན་ཉིད་ཀུན་ལྡན་བླ་མ་ཡབ་ཡུམ་ལས། །ལམ་དབང་ཟབ་མོས་ལེགས་པར་སྨིན་བྱས་ནས། །རྣམ་དག་དབང་ལྔའི་ཆུ་བོས་སྒྲིབ་གཉིས་ཀྱི། །དྲི་མ་ཀུན་བཀྲུས་སྐུ་བཞིའི་ས་བོན་བཞག །དམ་ཚིག་སྡོམ་པ་ཚུལ་བཞིན་བསྲུངས་པ་ལས། །ཟབ་མོའི་ལམ་བཟང་སྐྱེ་བའི་སྣོད་གྱུར་པས། །མ་དག་སྐྱེ་ཤི་བར་དོའི་སྣང་ཞེན་རྣམས། །ཡིད་ངོར་སྦྱངས་ནས་སྐུ་གསུམ་ལམ་ཁྱེར་བ། །སྦྱང་གཞི་སྦྱོང་བྱེད་ཚང་བའི་བསྐྱེད་རིམ་གྱིས། །རིམ་པ་དང་པོའི་ལམ་ལ་མངོན་གྱུར་ཤོག །ཅེས་པ་ནི། དེ་ལ་གཞི་ལམ་འབྲས་གསུམ་གྱི་རྒྱུད་དོན་ལ་དབང་འབྱོར་པའི་མཚན་ཉིད་ག་པའི་གདན་གསུམ་ལུས་ཀྱི་དཀྱིལ་འཁོར་ལས། སྐྱེ་བོ་ཐ་མལ་དང་ཐེག་པ་དམན་པས་ཐོས་སུའང་མི་རུང་བའི་ལམ་དུས་ཀྱི་གསང་བའི་དབང་ཟབ་མོས་སྨིན་།པར་བྱས་ཤིང་། རྒྱུ་དབང་སྔོན་སོང་ལམ་དབང་དགའ་བཞིའི་ཡེ་ཤེས་དང་འཇུག་པ་གཅིག་པར་གནས་འགྱུར་བའི་རྣམ་དག་དབང་ལྔའི་ཆུ་བོས་ཉོན་སྒྲིབ་ཤེས་སྒྲིབ་གཉིས་ཀྱི་དྲི་མ་ཐམས་ཅད་བཀྲུས།

― JKT006_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་གསུམ་ངོ་བོ་ཉིད་སྐུ་དང་བཅས་པའི་ས་བོན་རྒྱུད་ལ་བཞག །དེ་དག་གི་དུས་སུ་ཁས་བླངས་པའི་དམ་ཚིག་དང་སྡོམ་པའི་གནས་ཚུལ་བཞིན་དུ་བསྲུངས་པ་གང་ཞིག་ལམ་བདེན་རྒྱུད་ལ་སྐྱེ་བའི་སྣོད་དམ་རྟེན་དུ་གྱུར་པས། མ་དག་པ་འཁོར་བའི་གནས་སྐབས་ཀྱི་སྐྱེ་ཤི་བར་དོའི་སྣང་ཞེན་རང་རྒྱུད་པ་རྣམས་དག་པའི་ཡིད་ངོར་སྦྱོང་ཚུལ་ཉིན་སྣང་སད་དུས་ཀྱི་བསྐྱེད་རིམ་སྐྱེ་བ་སྤྲུལ་སྐུ། གཉིད་དུས་ཀྱི་ཡ། སྡུད་རིམ་འཆི་བ་འོད་གསལ་ཆོས་སྐུ། བར་སྲིད་ཀྱི་ཡིད་ལུས་སྒྱུ་ལུས་ལོངས་སྐུ་སྟེ་སྐུ་གསུམ་ལམ་ཁྱེར་ནི། སྐྱེ་གནས་རྣམ་པ་བཞི་དང་མཐུན་པའི་འཁོར་བའི་འདྲ་འབག་ཁུ་རྡུལ་རླུང་གསུམ་དང་བཅས་པ་སྦྱང་གཞིར་བྱས་ནས་སྦྱོང་བྱེད་རྡོ་རྗེའི་ཆོ་ག་གསུམ་དང་ཐུན་མོང་མ་ཡིན་པའི་མངོན་བྱང་ལྔ་ཚང་བས་རྣམ་བྱང་བསྐྱེད་པའི་རིམ་པ་དང་མཐུན་ཅིང་། བུམ་དབང་གི་ལམ་རྫོགས་རིམ་གྱི་སྨིན་བྱེད་ཡིན་པས༑ རིམ་པ་དང་པོའི་ལམ་མངོན་དུ་གྱུར་པར་སྨོན་པའོ། །གཉིས་པ་ནི། ཕྱི་ནང་རང་ལུས་དཀྱིལ་འཁོར་ལྷ་ཡི་ཚོགས། །རྩ་ཡིག་བདུད་རྩི་དཔའ་བོ་རྣལ་འབྱོར་མ། །ཐིམ་ལུགས་བཞི་བསྒོམ་ཡེ་ཤེས་སྐྱེད་བྱེད་ཅིང་། །རྫོགས་རིམ་རྟོག་པ་འདྲེན་པའི་རྒྱུད་སྨིན་བྱས། །ཉི་ཟླའི་ལམ་ནས་དཀྱིལ་འཁོར་བཅུ་ཡི་རླུང་། །སྒྲ་གཅན་ལམ་དུ་ལོག་པའི་ཐབས་མཁས་ཀྱི། །མུན་པའི་ལམ་ནས་འབར་

― JKT006_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཙཎཱ་ལིས། །ཧཾ་ཡིག་རི་བོང་འཛིན་པ་བཞུ་བ་ལས། །ལྷན་སྐྱེས་བདེ་བས་མཉམ་གཞག་དྲངས་པ་ཡིས། །འཁོར་འདས་ཆོས་རྣམས་ཀུན་གྱི་གནས་ལུགས་དང་། །དབྱེར་མེད་གྱུར་པ་དཔེ་ཡི་ཡེ་ཤེས་ཉིད། །སྒྱུ་འཕྲུལ་དྲྭ་བའི་སྐུ་རུ་ལངས་པ་ལས། །མ་དག་སྐྱེ་ཤིའི་འཕྲང་ལས་གྲོལ་བ་ཡི། །རྫོགས་རིམ་ཨ་ནུའི་ལམ་དུ་འཇུག་པར་ཤོག །ཅེས་པ་ནི། དེ་ལ་ཕྱི་སྣོད་སྣང་སྲིད་སྣོད་བཅུད་འཛིན་པ་དང་། ནང་རང་ལུས་ཕུང་ཁམས་སྐྱེ་མཆེད་དུ་ཞེན་པའི་འཁྲུལ་རྟོག་ཐམས་ཅད་དབྱིངས་ནས་རང་བཞིན་གྱིས་སངས་རྒྱས་པའི་གཙོ་དཀྱིལ་གཅིག་ཤོས་ནི་འཁོར་དུ་དག་པའི་ལྷ་ཚོགས་དང་༑ གཞན་རྡོ་རྗེའི་ལུས་ཀྱི་དངོས་པོ་རྩ་དང་ཡི་གེ་དབང་པོ། ཁམས་བདུད་རྩི་ནི་རྣལ་འབྱོར་མ་སྟེ། དེ་གཉིས་འཁྲིལ་སྦྱོར་གྱི་ཚུལ་ལས་བདེ་སྟོང་གི་མཆོད་པ་ལེན་པ། གཞན་ལུས་དང་སྙོམས་འཇུག་གི་ཞུ་བ། དེས་མཆོད་པའི་རྐྱེན་ལས་རླུང་དབུ་མར་ཞུགས་གནས་ཐིམ་གསུམ་འབྱུང་ཞིང་། དེ་ཡང་ཞུགས་པའི་རྟགས་སུ་སྣ་སྒོར་མཉམ་རྒྱུ། གནས་པའི་རྟགས་སུ་རྒྱུ་བ་རང་འགགས། ཐིམ་པའི་རྟགས་སུ་མཁའ་སྣང་། ས་ཆུ་མེ་རླུང་སྟེ་འབྱུང་བ་བཞི་པོ་གཅིག་ལ་གཅིག་ཤོས་ཐིམ་པའི་རྟགས་རིམ་པ་བཞིན། སྨིག་རྒྱུ། དུ་བ། མཁའ་སྣང་དང་། རླུང་སྣང་བ་ལ་ཐིམ་དུ་ཉེ་བ་ནི་མར་མེ་ཐིམ་

― JKT006_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དངོས་ལྟར་དཀར་ལམ། སྣང་བ་མཆེད་པ་ལ་ཐིམ་པས་དམར་ལམ། མཆེད་པ་སྟེ་ཉེར་ཐོབ་ལ་ཐིམ་པས་ནག་ལམ། ཉེར་ཐོབ་འོད་གསལ་ལ་ཐིམ་པས་སྟོན་གནམ་གཡའ་དག་པ་ལྟ་བུ་སྟེ། གྲུབ་ཆེན་ལྭ་བ་པས། དང་པོ་རི་དྭགས་སྲེད་བཞིན་སྣང་བ་སྟེ། །མཚན་མ་གཉིས་པ་དུད་ཁའི་རྣམ་པ་ཅན། །གསུམ་པ་སྲིན་བུ་མེ་ཁྱེར་དང་འདྲ་བ། །བཞི་པ་སྒྲོན་མེ་འབར་བ་ལྟ་བུར་གསལ། །མཚན་མ་ལྔ་པ་རྣམ་པར་མ་བརྟགས་པར། །སྤྲིན་བྲལ་ནམ་མཁའ་ལྟ་བུར་སྣང་བ་ཡིན། །ཅེས་གསུངས་སོ། །དེ་ལ་རི་དྭགས་སྲེད་ནི་སྨིག་རྒྱུའོ། །རྟགས་བཞི་པོ་འདི་སྔ་མ་ལས། ཕྱི་མ་གསལ་དུ་སོང་བ་ལ་སྨིག་རྒྱུ་སོགས་དང་འདྲ་བར་གསུངས་ཀྱི། དེ་རྣམས་དང་འདྲ་བའི་སྣང་བ་འཆར་བ་ཡིན་ཅེས་པ་དང་། ཁ་ཅིག་རྟགས་ཅན་གྱི་ཤེས་པ་བརྟན་གཡོའི་ཚད་ཡིན་ཅེས་པ་དང་། ཁ་ཅིག་དུ་བ་སོགས་དང་འདྲ་བའི་སྣང་བ་འཆར་བ་ལ་བཞེད་པ་གསུམ་བྱུང་བ་ནི་ཕྱི་མ་ཉིད་ལེགས་པ་ཡིན་ནོ། །རླུང་གདུ་ཕུལ་ཆེ་ཆུང་སོགས་ཀྱི་གནད་ཀྱིས་རྒྱ་ཆེ་ཆུང་དང་། བརྟན་མི་བརྟན་སོགས་སྣ་ཚོགས་ཤིག་འོང་བས་མཐའ་གཅིག་ཏུ་མ་ངེས་སོ། །དུ་བ་ལ་སོགས་པ་འདི་རྣམས་ལ་སྲོག་དབུ་མར་སྡུད་པའི་ཐབས་ཁྱད་པར་ཅན་གྱི་སེམས་འཛིན་པ་དང་། དེ་ལྟ་བུ་མིན་པའི་སེམས་མི་རྟོག་པར་འཇོག་པ་བསྐྱངས་པ་

― JKT006_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལའང་འབྱུང་གསུངས་སོ། །སྒྲ་བསྒྱུར་མར་པའི་ལུགས་ཀྱི་རིམ་ལྔའི་རྩ་ཚིག་བསྡུས་གསལ་ལས། དང་པོ་སྨིག་རྒྱུ་ལྟ་བུའི་ཉམས། །འོད་ཟེར་ལྔ་དང་བཅས་པ་འཆར། །གཉིས་པ་ཟླ་བ་ལྟ་བུ་སྣང་བ་དང་། །གསུམ་པ་ཉི་མའི་འོད་ཀྱིས་མཆེད་པ་འཁྲིགས། །ཐུན་མཚམས་ཀྱི་སྨག་ནག་པོས་ཁྱབ་པ་ལྟ་བུ་མཚམས་སྣང་ལས་ནི་ཐོབ་པ་སྟེ། །ཞེས་སོ། །སྨིག་རྒྱུ་ནས་ནམ་མཁའ་སྤྲིན་མེད་ཀྱི་བར་རྣམས་བར་མ་ཆད་དུ་འབྱུང་ངོ་། །ཕྱི་མ་བཞི་ནི་ཐིམ་ལུགས་བཞི་དང་། དཔེ་དོན་གྱི་འོད་གསལ་ལ་ངེས་པ་འདྲེན་པས་ཡེ་ཤེས་བསྐྱེད་ཅིང་། བསྒོམ་པ་ནི་རྫོགས་རིམ་གྱི་རྟོག་པ་འདྲེན་པའི་རྒྱུད་སྨིན་བྱེད་ཡིན་ལ། དེའི་ཐབས་སུ་གྱུར་པ་ནི་ཉི་ཟླའི་ལམ་སྟེ། རོ་རྐྱང་གཉིས་ནས་རྒྱུ་བ་བསྐྱེད་སྡུད་ཀྱི་རྣམ་པས་ཕྱེ་བའི་ས་ལ་སོགས་པ་ཡན་ལག་གི་རླུང་བཅུ་བསྡོམས་པས་དཀྱིལ་འཁོར་བཅུའི་རླུང་ངམ་སྒྲ་གཅན་གྱི་ལམ་དུ་འགོག་པའི་ཐབས་ལ་མཁས་པ་དང་། དེའང་མུན་པའི་ལམ་སྟེགས་དབུ་མའི་མར་སྣ་ནས་འབར་བའི་ཙཎྜ་ལིའམ། གཏུམ་མོའི་མེ་ཡར་སྣའི་ཧཾ་ཡིག་རི་བོང་འཛིན་པ་སྟེ་ཟླ་པའི་རང་བཞིན་གྱི་ཁམས་བཞུ་བ་ལས་རིམ་བཞིན་ཡས་བབས་མས་བརྟན་གྱི་དགའ་བ་བཞི་དང་ཁྱད་པར་ལྷན་ཅིག་སྐྱེས་པའི་བདེ་བ་ཆེན་པོས་མཉམ་གཞག་དྲངས་པ་དེའི་ངང་དུ་འཁོར་འདས་ཀྱི་ཆོས་ཐམས་

― JKT006_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ཀྱི་རྫུན་ཕུགས་རྡིབ་ཅིང་། ཀུན་གྱི་གནས་ལུགས་གཅིག་དང་ཐ་དད་དབྱེར་མེད་དུ་གྱུར་པ་འདི་ནི་ངོ་བོ་ཉིད་ཀྱི་ཡེ་ཤེས་ཡིན་ལ། དེ་ཉིད་ལས་གདུལ་བྱ་གང་ཡོད་ཀྱི་སར་སྤྲུལ་པའི་སྐུ་གཅིག་ཅར་དུ་སྟོན་པའི་ཕྱིར་སྒྱུ་མ་ཡབ། འཕྲུལ་བ་ཡུམ། དྲྭ་བ་འབྲེལ་པ་སྟེ་རླུང་སེམས་ཙམ་ལས་གྲུབ་པའི་སྒྱུ་མའི་སྐུར་ལངས་ནས། མ་དག་པའི་གནས་སྐབས་ཀྱི་སྐྱེ་ཤིའི་འཕྲང་ལས་གྲོལ་པའི་མན་ངག་རྫོགས་པའི་རིམ་པ་ཐམས་ཅད་ཀྱི་དོན་ཨ་ནུ་ཡོ་གའི་ལམ་ལ་འཇུག་པར་སྨོན་པའོ། །བྱང་སེམས་ཞུ་བ་ལ་བརྟེན་ནས་དགའ་བཞི་སྐྱེད་ཚུལ་ནི། བྱང་སེམས་ཞུ་བས་གནས་གང་དུ་སླེབ་པ་ན་ཡས་བབས་ཀྱི་དགའ་བཞི་བསྐྱེད་ཚུལ་ནི། རྒྱུད་རྡོ་རྗེ་ཕྲེང་བ་ལས། དེ་རྗེས་ལུགས་འབྱུང་བཤད་བྱ་སྟེ། །བདེ་ཆེན་འཁོར་ལོ་སྤྱི་བོ་ལ། །དེ་ནི་དགའ་བ་བཤད་པ་ཡིན། །ལོངས་སྤྱོད་འཁོར་ལོར་མཆོག་དགའ་དང་༑ །དགའ་བྲལ་ཆོས་ཀྱི་འཁོར་ལོར་གནས། །སྤྲུལ་པའི་འཁོར་ལོར་ལྷན་ཅིག་སྐྱེས། །དགའ་བ་ཉམས་སུ་མྱོང་བར་བྱེད། །ཅེས་གསུངས་ཏེ། བྱང་སེམས་སྤྱི་བོ་ནས་མགྲིན་པར་སླེབ་པ་ན་དགའ་བ་དང་། མགྲིན་པ་ནས་སྙིང་གར་སླེབ་ན་མཆོག་དགའ་དང་། སྙིང་ག་ནས་ལྟེ་བར་སླེབ་ན་དགའ་བྲལ་དང་། ལྟེ་བ་ནས་གསང་གནས་ནོར་བུའི་རྩེར་སླེབ་པ་ན་ལྷན་ཅིག་སྐྱེས་པའི་དགའ་བ་སྐྱེ་

― JKT006_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། མས་བརྟན་གྱི་སྐྱེས་ཚུལ་ཡང་། རྒྱུད་རྡོར་ཕྲེང་ལས། སྤྲུལ་པའི་འཁོར་ལོར་དགའ་བ་དང་། །མཆོག་དགའ་ཆོས་ཀྱི་འཁོར་ལོར་གནས། །ལོངས་སྤྱོད་བྲལ་བའི་དགའ་བ་དང་། །ལྷན་ཅིག་སྐྱེས་པ་བདེ་བ་ཆེ། །ལུགས་ལྡོག་རིམ་པ་ཞེས་ནི་གསུངས། །མས་བརྟན་གྱི་དུས་སུ་ལྡོག་པ་སྤྱི་བོར་མ་བརྟན་གྱི་བར་དུ་མི་བརྟན་ལ། སྤྱི་བོར་བརྟན་ན་བརྟན་པར་གསུངས་ཏེ། དེ་ཉིད་ལས༑ དེ་ནས་སྲོག་གི་སྟེང་དུ་ཡིད། །དེ་མི་མཐུན་པ་འབབ་པར་འགྱུར། །པདྨའི་ལྟེ་བའི་དབུས་གནས་པ། །གང་དེ་ཕྱི་ནས་བརྟན་གྱུར་པ། །དེ་ཚེ་མགོན་པོ་འགྲོ་མི་འགྱུར། །ཇི་ལྟར་བུ་ག་མེད་སྣོད་དུ། །ཆུ་རྣམས་ཟད་པ་མེད་གནས་ལྟར། །དེ་ཚེ་བདེ་བ་བརྟན་པར་འགྱུར། །བརྟན་པས་ལྷན་ཅིག་སྐྱེས་པའི་དགའ། །དེ་ཕྱིར་སངས་རྒྱས་མི་ཟད་པ། །རྣལ་འབྱོར་པ་ཡིས་ངེས་པར་འཐོབ། །ཅེས་སོ། །སྤྱིར་གཏུམ་མོ་བསྒོམ་པས་དྲོད་སྐྱེད། དྲོད་ལ་བརྟེན་ནས་རྩ་ནང་གི་བྱང་སེམས་ཞུ། དེ་ཞུ་བས་བདེ་བ་སྐྱེ། བདེ་བ་ལ་བརྟེན་ནས་མི་རྟོག་པ་སྐྱེ་བར་གསུངས་ཀྱང་། ལམ་སྒོམ་སྟོབས་ཀྱི་གཏུམ་མེ་འབར་བའི་དགོས་པ་ནི། ལྷན་ཅིག་སྐྱེས་པའི་ཡེ་ཤེས་བསྐྱེད་པའི་ཆེད་ཡིན་ལ། དེ་སྐྱེ་བ་ལ་བྱང་སེམས་ཞུ་ནས་འབབ་པ་དེ་སྤྱིར་ལྟེ་བ་མན་ཆད་དུ་སླེབ་པ་ཞིག་དང་། ཁྱད་པར་ནོར་བུར་

― JKT006_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

སླེབས་ནས་ཕྱིར་མ་འཕོས་པར་རེ་ཞིག་གི་བར་དུ་གནས་པ་ཞིག་མེད་ན་ལྷན་སྐྱེས་མཚན་ཉིད་པ་མི་སྐྱེའོ། །ལྷན་སྐྱེས་རྫོགས་རིམ་པའི་བདེ་ཆེན་དུ་འཇོག་པ་ལ་ནི་རླུང་ཐིམ་པའི་དབང་གིས་གནས་པ་ཞིག་དགོས་སོ། །མཉམ་གཞག་གི་སྐབས་སུ་བདེ་སྟོང་མི་རྟོག་པ་བསྐྱངས་ལ། རྗེས་ཐོབ་ཏུ་སྤྱིར་ལྷན་ཅིག་སྐྱེས་པའི་དགའ་བ་སྐྱེས་ནས། དེ་ལས་ལངས་པའི་དུས་སུ་རང་ཤུགས་ཀྱིས་ཀྱང་ཡུལ་སྣང་བདེ་བར་འཆར་བ་ཞིག་འོང་མོད་ཀྱང་། རྗེས་ཀྱི་སྐབས་སུ་མཉམ་གཞག་གི་བདེ་སྟོང་གིས་ཡུལ་སྣང་གང་ཤར་ཐམས་ཅད་ལ་རྒྱས་བཏབ་ནས་བསྒོམས་ན་བདེ་བ་འབར་བས་ཁྱད་པར་དུ་འགྱུར་བ་དེ་ལྟར་བསྐྱང་ངོ་། །དྲུག་པ་ལ་བཞི། ཕྱི་སེམས་སྡེ། ནང་ཀློང་སྡེ། གསང་བ་མན་ངག་གི་སྡེ་གསུམ་ལ་སྨོན་པ། དེ་དག་གི་དོན་བསྡུ་བའོ། །དང་པོ་ནི། དོན་གྱི་ལྷན་ཅིག་སྐྱེས་པའི་ཡེ་ཤེས་ནི། །ཨ་ཏི་ཡེ་དག་རོ་མཉམ་ཆེན་པོ་ཉིད། །ཡོད་མིན་མེད་མིན་སྟོང་མིན་མི་སྟོང་མིན། །རང་བཞིན་གཤིས་ལ་གཞལ་ན་ཐམས་ཅད་མིན། །མེད་པ་མ་ཡིན་གཉིས་མེད་ཟུང་འཇུག་སྟེ། །རྟག་མིན་ཆད་མིན་སྨྲ་བསམ་བརྗོད་ལས་འདས། །རང་གནས་ཡེ་གནས་རྫོགས་པ་ཆེན་པོ་ནི། །ཀུན་མིན་ཕྱོགས་ཙམ་གཞལ་ན་ཐམས་ཅད་མིན། །བློ་ཡིས་བཀོད་ནས་དྲན་བསམ་བརྗོད་ལས་འདས། །རྣལ་མའི་དོན་ལ་

― JKT006_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་མིང་བརྟགས་པ་ཙམ། །ཇི་ལྟར་སྣང་བ་འདི་ཡང་ཝལ་ལེ་བ། །ཚིག་གིས་མ་བསྐྱེད་ལྷ་སྔགས་ལྷུན་གྱིས་གྲུབ། །གང་ལྟར་བསམ་བརྗོད་འདས་པའི་རང་བཞིན་ཏེ། །ཨ་ཏིའི་དགོངས་དོན་ཚུལ་བཞིན་རྟོགས་པར་ཤོག །བསྐྱེད་པ་མ་ཧཱ་ཡོ་གའི་སྐབས་སུ་རིམ་པ་བཞི་པ་དོན་གྱི་འོད་གསལ། རྫོགས་པ་ཨ་ནུ་ཡོ་གའི་སྐབས་སུ་བདེ་སྟོང་ལྷན་ཅིག་སྐྱེས་པའི་ཡེ་ཤེས་གང་ཡིན་པ་དེ་ཨ་ཏི་ཡོ་ག་རྡོ་རྗེ་སྙིང་པོའི་སྐབས་སུ་ཡེ་གྲོལ་ཀ་དག་གི་ལྟ་བ་ཞེས་བྱ་སྟེ། སྦྱངས་པ་སྔོན་སོང་གི་དབང་པོ་རབ་ཏུ་གྱུར་པ་ལ། ལྟ་སྒོམ་གྱི་མཁྱེན་པ་དང་ལྡན་པའི་བླ་མ་རྡོ་རྗེ་སློབ་དཔོན་གྱིས་ཚིག་དབང་གི་སྐབས་།སུ་ཚིག་གི་ངོ་སྤྲད་པ་ཉིད་ཡིན་ཏེ། དེའི་དོན་མདོ་ཙམ་བཤད་ན། གཤིས་ཡེ་ནས་དག་པས་ཡེ་དག །འཁོར་འདས་སྤངས་བླང་དུ་མི་འབྱེད་པའི་རོ་མཉམ། རྟོག་བྱ་དེ་ལས་ལྷག་པ་མེད་པས་ཆེན་པོ། ཆོས་ཐམས་ཅད་ཀྱི་ཆོས་ཉིད་ཡིན་པས་ཉིད། སྟོང་ཆ་ཀ་དག་གི་ངོས་ནས་གང་གྲུབ་པ་མེད་པའི་ཡོད་མིན་སྣང་ཆ་ལྷུན་གྲུབ་ཀྱི་ངོས་ནས་འཁོར་འདས་ཀྱི་འཆར་གཞི་བྱེད་པས་མེད་མིན། བློ་བྱས་སྤྱོད་ཡུལ་ལས་འདས་པས་སྟོང་མིན། རང་ངོ་ཀ་དག་ཏུ་གནས་པས་མི་སྟོང་མིན། རང་བཞིན་གཉུག་མ་དོན་དམ་པའི་གཤིས་ལ་བློས་གཞལ་ན་གཞལ་བྱའི་ཡུལ་ལས་འདས་པས་ཐམས་ཅད་མིན། གཞི་ཡེ་

― JKT006_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོལ་ཀ་དག་གི་དགོངས་པ་ཆོས་སྐུའི་ཡེ་ཤེས་འགྲོ་ཀུན་ལ་གནས་པ་མེད་པ་མ་ཡིན། དེས་ན་མ་དག་འཁོར་བའི་གནས་སུ་འཁྲུལ་བཞིན་པའི་གནས་སྐབས་སུའང་། ཆོས་ཉིད་སངས་རྒྱས་སུ་གནས་པའི་འཁོར་འདས་གཉིས་མེད་ཟུང་འཇུག་ཆེན་པོར་གནས། དམིགས་བསམ་སྤྲོས་པ་ལས་འདས་པས་རྟག་པ་མ་ཡིན། སོ་སོ་རང་རིག་གི་ཡེ་ཤེས་ཀྱི་སྤྱོད་ཡུལ་ཡིན་པས་ཆད་པ་མ་ཡིན། མིང་ཐམས་ཅད་སྒྲོ་འདོགས་ཡིན་པས་སྨྲ་བའི་ཡུལ་ལས་འདས། རྟོགས་པ་ཐམས་ཅད་འཁྲུལ་པ་ཡིན་པས་བསམ་པའི་ཡུལ་ལས་འདས། ཚིག་ཐམས་ཅད་དངོས་པོ་མེད་པས་བརྗོད་པའི་ཡུལ་ལས་འདས། ཡེ་ནས་རང་བཞིན་གྱིས་གནས་པས་རང་གནས། ཐོག་མ་མེད་པའི་དུས་ནས་གནས་པ་ཡེ་གནས་སྣང་སྲིད་ཆོས་སྐུར་རྫོགས་པས་རྫོགས་པ། ཐེག་པ་ཐམས་ཅད་ཀྱི་རྩེ་རྒྱལ་ཡིན་པས་ཆེན་པོ། མཐའ་བརྒྱད་ཀྱི་སྤྲོས་པ་དང་བྲལ་བས་ཀུན་མིན། སྣང་སྟོང་ཕྱོགས་རེ་ཙམ་ནས་གཞལ་བ་འཁོར་འདས་རང་སར་བདེན་པ་ཐམས་ཅད་ཡིན། དོན་དམ་དཔྱོད་བྱེད་ཀྱི་བློ་ཡིས་གཞལ་ན་དྲན་བསམ་བརྗོད་པ་ལས་འདས་རྣལ་མ་ཆོས་ཉིད་ཀྱི་ངང་ནས་གང་སྒྲུབ་ཀྱི་གྲུབ་མཐའ་ཐམས་ཅད་མིང་ཙམ་བཏགས་པ་ཙམ་ཡིན་པས་དོན་ལ་མ་རེག །ཇི་ལྟར་སྣང་བཞིན་པའི་འཁྲུལ་སྣང་འདི་ཡང་སྒྱུ་མ་དང་། རྨི་ལམ་

― JKT006_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་ཤར་བས་ཝལ་ལེ་བ་དགག་སྒྲུབ་དང་བྲལ། སྙིང་པོ་ཚིག་གིས་མ་བསྐྱེད་པར་ལྷ་སྔགས་ལྷུན་གྲུབ་ཏུ་གནས། གང་དུ་ཅི་ལྟར་བརྟགས་ཀྱང་བསམ་བརྗོད་ཐམས་ཅད་བྲལ་བའི་གནས་ལུགས་གཞོན་ནུ་མ་ལ་པྲ་ཕབ་པ་ལྟར་སོ་སོ་རང་གིས་རིག་པའི་ཡེ་ཤེས་ཀྱི་མཐོང་མེད་ཀྱི་ཚུལ་མཐོང་བ་ཨ་ཏི་ཡོ་ག་སྟེ་ཐེག་རྩེ་ཤིན་ཏུ་རྣལ་འབྱོར་གྱི་དགོངས་དོན་ཕྱིན་ཅི་མ་ལོག་པ་ཚུལ་བཞིན་དུ་རྟོགས་པར་ཤོག་ཅིག་པའོ། །གཉིས་པ་ནང་ཀློང་སྡེའི་དོན་ལ་སྨོན་པ་ནི། ཁྱད་པར་འོད་གསལ་རྡོ་རྗེ་སྙིང་པོའི་དོན། །རང་བཞིན་བབས་ཡིན་སྟོང་པས་ཕན་ཅི་ཡོད། །སོ་མ་རང་བཞག་མ་བཅོས་རང་ག་མ་༑ །ཐ་མལ་ཤེས་པ་རང་གྲོལ་རྒྱལ་བའི་ལམ། །རང་རིག་རང་གྲོལ་གཉེན་པོ་བཅོས་མི་དགོས། །ཡེ་གྲོལ་བསྐྱར་གཞི་མེད་དེ་གདོད་མའི་ངང་། །ཅེར་གྲོལ་ངོ་བོ་མེད་དེ་བདེན་པས་སྟོང་། །རང་གྲོལ་སྙིང་པོ་མེད་དེ་རང་བཞག་ཉིད། །འགྱུ་གྲོལ་རང་སར་དག་སྟེ་སྐད་ཅིག་མ། །ཤར་གྲོལ་དུས་མཉམ་ཡིན་ཏེ་སྔ་ཕྱི་མེད། །མ་བཅོས་རང་བཞག་རང་བབས་ཀ་དག་ཀློང་། །ངོ་བོ་རང་བཞིན་ཐུགས་རྗེའི་དོན་རྟོགས་ཤོག །ཅེས་པས་ཁྱད་པར་འོད་གསལ་སོགས་རང་གི་ངོ་བོ་སྨོས་ཏེ་འཁོར་འདས་ཀྱི་ཆོས་ཐམས་ཅད་ཀུན་ཏུ་བཟང་མོའི་མཁའ་ཀློང་རྣམ་ཐར་གསུམ་ལྡན་གྱི་དབྱིངས་ནས་སངས་

― JKT006_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱས་པའི་དོན་ཁོང་དུ་ཆུད་ནས། དེ་གའི་ངང་ལ་རང་བཞིན་གྱིས་གནས་པའི་རང་བབས་ཡིན་ན། བློས་གསར་བྱུང་དུ་བསྒྲུབས་པའི་སྟོང་པས་ཕན་དུ་ཅི་ཞིག་ཡོད། སོ་མ། ངང་བཞག །མ་བཅོས། །རང་ག་མ་སྟེ། སེམས་ལ་བཅོས་བསླད་མེད་པའི་དོན་བཞི་ལ། ཐ་མལ་གྱི་ཤེས་པའི་སྒྲར་བཏགས་ཏེ། རང་གིས་རང་གྲོལ་སྦྲུལ་གྱི་མདུད་པ་ལྟ་བུ་དེ་ནི་རྒྱལ་བ་ཐམས་ཅད་ཀྱི་ཤུལ་ལམ་ཡིན་པས་རྟོག་དཔྱོད་སྣ་ཚོགས་དང་། སྒྲིམ་གློད་ལ་སོགས་པའི་གཉེན་པོས་བཅོས་མི་དགོས། ཡེ་ནས་གྲོལ་ཚར་བས་བསྐྱར་བའི་གཞི་མེད། ལྟ་སྟངས་གཅིག་གི་ངང་ནས་ཅེར་གྱིས་གྲོལ་བས་ངོ་བོ་ཉིད་མེད་དེ། །བདེན་པ་ཀུན་རྫོབ་པས་སྟོང་། རང་གྲོལ་ལ་གཉེན་པོ་གཞན་མེད་པས་རང་གར་བཞག །འགྱུ་བ་ངོ་ཤེས་ཙམ་ལས་གྲོལ་བས་རང་དག་སྐད་ཅིག་མ། ཤར་ཙམ་ཉིད་ནས་རང་ངོ་ཤེས་པས་ཆུ་ལ་རི་མོ་བྲིས་པ་ལྟར་ཤར་གྲོལ་དུས་མཉམ་ལ་སྔ་ཕྱི་མེད། བློས་སྤུ་ཙམ་མ་བཅོས་པའི་རང་བཞག་རང་བབས་ཀ་ནས་དག་པ་ཞེས་བྱ་སྟེ། ཐོག་མ་ནས་རྣམ་པར་དག་པའི་བྱ་བྲལ་ཀློང་གི་སྡེ་ཆེན་པོ་དེ་ནི། ངོ་བོ་སྟོང་པ། རང་བཞིན་གསལ་བ། ཐུགས་རྗེ་ཀུན་ཁྱབ་སྟེ་སྣ་ཚོགས་པ་གཅིག་ལ་རྣམ་པ་གསུམ་དུ་དབྱེ་བའི་དོན་རྟོགས་པར་ཤོག་ཅིག་སྨོན་པའོ། །དེའང་ཞིབ་ཏུ་བཤད་ན། ཁྱད་པར་འོད་གསལ་རྡོ་རྗེ་

― JKT006_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་པོ་ཡེ་ཇི་བཞིན་པའི་དོན་དམ་སྟོན་པ་ལ་བཞི། ལྟ་བ་ངོ་སྤྲད་པ། སྒོམ་པ་ངང་ལ་བཞག་པ། སྤྱོད་པ་རང་གྲོལ་དུ་གཏོང་པ། འབྲས་བུ་མངོན་དུ་འགྱུར་བའོ། །དང་པོ་ནི། ད་ལྟ་རང་བབས་ཀྱི་ཤེས་པ་ཕྱིར་མི་སྤྲོ་བ་ནང་དུ་བཟུང་། རང་བཞིན་རང་བབས་ཀྱི་ངང་དུ་ལྷོད་ཀྱིས་གློད་ནས་བཞག་པས་མིང་འདོགས་སྤྱོད་པ་ཐམས་ཅད་དང་བྲལ་བར་འཆར་བ་དེ་གཉུག་མའི་ཡེ་ཤེས་རྫོགས་པ་ཆེན་པོ་ཡིན་པས། བློས་བྱས་ཐ་སྙད་ཀྱི་སྟོང་པས་ཕན་མ་བཏགས་པ་གནས་ལུགས་རང་བཞག་ཏུ་དེ་ཉིད་ལྟ་བའོ། །གཉིས་པ་ནི། དེ་ལྟར་གཅེར་མཐོང་རང་གྲོལ་དུ་ཤེས་པའི་ངང་དེ་ཉིད་མ་ཤོར་བར་སྐྱོང་བ་ནི་རང་དྭངས་རྒྱ་མཚོ་དྭངས་པ་ལྟ་བུའི་ཡེ་ཤེས་ལ་འཇོག་མིན་རང་བཞག་པ། དེ་ལས་རང་རྩལ་སྣང་ཞིང་འཕྲོ་ཡང་གཉེན་པོའི་བཅོས་བསྒྱུར་མི་བྱེད་པ་ནི་མ་བཅོས་རང་བབས་ཀྱི་རྩལ་ལས་གང་ཤར་གཤིས་སུ་གྲོལ་ནས་གཉུག་མའི་ངང་དེ་ཉིད་དུ་གནས་པ་ནི་རང་ག་མ། ཡིན་ལུགས་རྗེན་པར་འཇོག་པས་ཐ་མལ་གྱི་ཤེས་པ་དེ་ཉིད་རང་གྲོལ་དུ་གནས་པའི་རྒྱུན་བསྐྱངས་ནས་རྒྱལ་བའི་གོ་འཕང་ཐོབ་ཅིང་ས་ལམ་ཆིག་ཆོད་དུ་འགྱུར་བ་ནི་སྒོམ་པའོ། །གསུམ་པ་ནི། དེ་ལྟར་རང་གནས་རང་བཞག་གི་སྒོམ་པ་སྐྱོང་བའི་ཚེ། དགག་སྒྲུབ་དང་ཆགས་སྡང་གི་བློ་ལྡོག་ཤར་ན་དེ་ཉིད་རང་གྲོལ་དུ་

― JKT006_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོང་བ་ལ་གྲོལ་ལུགས་ཀྱི་གནད་དྲུག་སྟེ། རང་གྲོལ་གཉེན་པོ་མེད་པའི་གནད་ཀྱིས་སྦྲུལ་གྱི་མདུད་པ་ལྟར་གྲོལ་བས་གཞན་གྱིས་བཅོས་མི་དགོས། ཡེ་གྲོལ་བསྐྱར་གཞི་མེད་པའི་གནད་ནམ་མཁའི་མདུད་པ་ལྟར་གྲོལ་བས་གདོད་མའི་ངང་ལ་གནས། ཅེར་གྲོལ་ངོ་བོ་མེད་པའི་གནད་ངོ་ཤེས་ཀྱི་མི་དང་འཕྲད་པ་ལྟར་གྲོལ་བའི་བདེན་པའི་སྒྲོ་འདོགས་ཀྱིས་སྟོང་། རང་གྲོལ་སྙིང་པོ་མེད་པའི་གནད་ཁང་སྟོང་དུ་རྐུན་མ་ཞུགས་པ་ལྟར་གྲོལ་བས་རང་བཞག་ལ་ཐོབ་ཤོར་མེད། འགྲུ་གྲོལ་རང་སར་དག་པའི་གནད་ཆུ་ལ་རི་མོ་བྲིས་པ་ལྟར་གྲོལ་བས་ཤེས་པ་སྐད་ཅིག་མའི་རྒྱུན་མི་མཐུད། ཤར་གྲོལ་དུས་མཉམ་ཡིན་པའི་གནད་ཆུ་ལ་རལ་གྲི་བསྣུན་པ་ལྟར་གྲོལ་བས་རྟོགས་པ་སྔ་ཕྱི་ཁྱད་མེད་པ་ནི་སྤྱོད་པ། བཞི་པ་ནི། དེ་ལྟར་མ་བཅོས་པར་རྟོགས། སྒོམ་པ་རང་བབས་སུ་བཞག །སྤྱོད་པ་རང་བབས་སུ་ལྷོད་པའི་གནས་སྐབས་ན་འབྲས་བུ་ཀ་དག་གི་ཀློང་དུ་གྲོལ་ཏེ། ངོ་བོ་སྟོང་པ་ཆོས་སྐུ། རང་བཞིན་གསལ་བ་ལོངས་སྐུ། ཐུགས་རྗེ་ཀུན་ཁྱབ་སྤྲུལ་པའི་སྐུ་གསུམ་རང་གནས་ཀྱི་ཡེ་ཤེས་མངོན་དུ་གྱུར་ནས་གང་ཟག་གི་མིའི་ལུས་ལ་དགོངས་པ་སངས་རྒྱས་སུ་རྟོགས་པ་ནི་འབྲས་བུའོ། །གསུམ་པ་མན་ངག་སྡེ་ལ་སྨོན་པ་ནི། ཤེས་རབ་རང་བྱུང་སྒྲོན་མའི་དབྱིངས་རུམ་ནང་། །རྒྱང་ཞགས་སྒྲོན་མས་

― JKT006_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་གདངས་སྒོ་ཕྱེས་ནས། །དག་དབྱིངས་སྒྲོན་མས་སྣ་ཚོགས་རྒྱན་བཀྲམ་སྟེ། །ཐིག་ལེ་སྟོང་སྒྲོན་ཞི་ཁྲོའི་དཀྱིལ་འཁོར་རྫོགས། །དང་པོ་རྒྱུ་ཡིས་མ་བསྐྱེད་དབྱིངས་ལྔ་ཤར། །བར་དུ་རྐྱེན་གྱིས་མ་བསྐྱེད་ཚོམ་བུར་གྲུབ། །ཐ་མར་ལྟ་བའི་གནས་དག་དབྱིངས་རིག་འདྲེས། །ཡིད་དཔྱོད་དང་བྲལ་མངོན་སུམ་མཐར་ཕྱིན་ཤོག །ཅེས་པ་ནི། ཤེས་རབ་རང་བྱུང་གི་སྒྲོན་མ་ནི་སོ་སོར་རྟོག་པའི་ཤེས་རབ་ཡིན་ལ། རྒྱང་ཞག་ཆུའི་སྒྲོན་མ་ནི་འཆར་བའི་སྒོ་མིག་གི་དབང་པོ། དག་པ་དབྱིངས་ཀྱི་སྒྲོན་མ་ནི་འཆར་བའི་ཡུལ་ནམ་མཁའ་རྐྱེན་བྲལ། ཐིག་ལེ་སྟོང་པའི་སྒྲོན་མ་ནི་འཇའ་འོད་ཟླུམ་པོར་འཁྱིལ་བ་སྟེ། དེའི་ནང་དུ་རིག་པ་རྡོ་རྗེ་ལུ་གུ་རྒྱུད་བཅིངས་པས་རིམ་བཞིན་རིམ་པ་དེ་བཅུད་དུ་སྨིན་ནས་སྐུ་ཕྱེད་པ་དང་། རྐྱང་པ་དང་མཐར་གྱིས་ཞི་ཁྲོའི་སྐུ་ཡོངས་སུ་རྫོགས་པ་སྟེ། དེ་དག་ཀྱང་སྦྱོར་དྲུག་དང་ཕྲ་ཏིག་ལྟར་རླུང་སྦྱོར་ལ་སོགས་པའི་རྒྱུས་མ་བསྐྱེད། མུན་ཁང་དུ་བཅུད་ལེན་ལ་སོགས་པའི་རྐྱེན་གྱིས་མ་བསྐྱེད་པར་ཆོས་ཉིད་མངོན་སུམ། ཉམས་གོང་འཕེལ། རིག་པ་ཚད་ཕེབས་ཀྱིས་ལ། ཚོམ་བུའི་བར་གྲུབ་ནས་མཐར་གྱི་བལྟ་བྱ་ལྟ་བྱེད་ལས་བྱུང་བའི་ཆོས་ཉིད་ཀྱང་ཟད་ནས་དབྱིངས་རིག་འདྲེས་པའི་དགོངས་པ་ལ་སྦྱོར་བ་ཡིད་དཔྱོད་དང་བྲལ་བའི་དོན་ལ་སྨོན་པའོ། །ཡང་བསྐྱར་གོ་

― JKT006_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

བདེར་བརྗོད་ན། ཤེས་རབ་རང་བྱུང་གི་སྒྲོན་མ་སྤྲོས་བྲལ་གཉུག་མའི་ཡེ་ཤེས་ཀ་དག་ཁྲེགས་ཆོད་ཀྱི་དགོངས་པ་རིག་སྟོང་ཟང་ཐལ་དུ་རྟོགས་པ་དེའི་དབྱིངས་ནས། འོད་གསལ་གྱི་སྣང་བ་དཔག་ཏུ་མེད་པ་འཆར་བའི་སྐབས་སུ་རྒྱང་ཞག་ཆུའི་སྒྲོན་མ་འོད་རྩ་དཀར་གྱི་སྐུད་པ་ལྟ་བུས་རིག་གདངས་འཆར་བའི་སྒོ་ཕྱེ་ནས། དག་པ་དབྱིངས་ཀྱི་སྒྲོན་མ་འོད་ལྔ་འཇའ་ཚོན་གྱི་སྣང་བས་ཞིང་ཁམས་དང་གཞལ་ཡས་ཀྱི་རྒྱན་བཀྲམ་སྟེ། ཐིག་ལེ་སྟོང་པའི་སྒྲོན་མ་འོད་ཁྱིམ་ཟླུམ་པོའི་རྣམ་པ་ལས། ཞི་ཁྲོའི་དཀྱིལ་འཁོར་དུ་འཆར་བ་སྟེ། དེ་ཡང་དང་པོ་ཆོས་ཉིད་མངོན་སུམ་གྱི་སྐབས་སུ་དེ་ཉིད་ཆེར་འཆར་ནས། རིག་པ་ཚད་ཕེབས་ཀྱི་ཚེ་རྐྱེན་གྱིས་མ་བསྐྱེད་པའི་སྣང་ཉམས་རིགས་ལྔ་ཡབ་ཡུམ་ཟུང་དུ་འབྲེལ་བའི་ཚོམ་བུའི་དཀྱིལ་འཁོར་དུ་གྲུབ། ཐ་མ་ཆོས་ཉིད་ཟད་པའི་གནས་སྐབས་སུ་ལྟ་བའི་གནད་དག་སྟེ་རིག་གདངས་ཚད་མེད་ཀྱི་སྣང་ཆ་དབྱིངས་སུ་བསྡུས་ནས། དབྱིངས་རིག་དབྱེར་མེད་དུ་བསྲེས། ཉམས་ཡིད་དཔྱོད་དང་བྲལ་བའི་ཆོས་ཉིད་སྣང་ཉམས་དབང་པོས་མངོན་སུམ་མཐོང་བ་འོད་གསལ་ཐོད་རྒལ་གྱི་ཉམས་ལེན་མཐར་ཕྱིན་དུ་ཤོག་ཅིག་པའོ། །དེ་དག་གི་དོན་བསྡུ་བ་ནི། ཁྲེགས་ཆོད་ལྟ་བས་སྲིད་ཁུངས་གདར་ཤ་བཅད། །ཐོད་རྒལ་བསྒོམས་པས་སྐུ་གསུམ་རྩལ་རྫོགས་ཏེ། །

― JKT006_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

གདོད་ནས་རྣམ་དག་དང་པོའི་སངས་རྒྱས་ཉིད། །དབྱེར་མེད་ཐིག་ལེའི་གཟུགས་སུ་གང་སྣང་བ། །དེ་ལས་སྤྲོས་ཚེ་སྐུ་གསུམ་སྣོད་བཅུད་དང་། །བསྡུས་ཚེ་སྟོང་ཉིད་སྙིང་རྗེ་ཆོས་ཀྱི་སྐུ། །ཐིག་ལེ་ཉག་གཅིག་ཡིད་ཡུལ་གཡོ་མེད་ཤོག །ཅེས་པ་ནི། ཀ་དག་ཁྲེགས་ཆོད་ཀྱི་ལྟ་བས་སྲིད་པའི་ཁུངས་བདག་འཛིན་གྱི་རྩ་བ་བཅད་དེ། རང་གནས་ཆོས་ཉིད་ཀྱི་གདར་ཤ་བཅད། ལྷུན་གྲུབ་ཐོད་རྒལ་གྱི་ལམ་བསྒོམས་པས་སྐུ་གསུམ་རྩལ་རྫོགས་ནས། འབྲས་བུ་གྲོལ་བའི་ཀ་དག་གདོད་མའི་གཞི་རྣམ་པར་དག་པའི་ཆོས་ཉིད་དང་ངོ་བོ་དབྱེར་མེད་པ་གདོད་མའི་སངས་རྒྱས་ཀུན་ཏུ་བཟང་པོའི་དགོངས་པ་འཁོར་འདས་དབྱེར་མེད་ཐིག་ལེ་ཉག་གཅིག་ཏུ་སྣང་བ་དེ་ལས་སྤྲོས་པའི་ཚེ་ན་སྐུ་གསུམ་དག་པའི་ཞིང་ཁམས་སྣོད་བཅུད་དྭངས་པ་མ་འདྲེས་པ་སྣང་ཞིང་། བསྡུས་ཚེ་སྟོང་ཉིད་སྙིང་རྗེ་དབྱེར་མེད་པའི་རང་བཞིན་ཡེ་ཤེས་ཆོས་ཀྱི་སྐུའི་བདག་ཉིད་སྤྲོས་བྲལ་ཐིག་ལེ་ཉག་གཅིག་གི་ཡིད་ཡུལ་ལ་གཡོ་བ་མེད་པར་ཤོག་ཅིག་ཅེས་སྨོན་པའོ། །གཉིས་པ་འབྲས་བུའི་གོ་འཕང་སྤྱོད་ཚུལ་སྨོན་པ་ལ་།གསུམ༑ འབྲས་བུ་སྐུ་གསུམ་དབྱེར་མེད་ལ་སྨོན་པ་དང་། ཕྲིན་ལས་ཀྱི་འཇུག་པ་ལ་སྨོན་པ་དང་། སྔགས་སྤྱོད་ཀྱི་རྟེན་ཁྱད་པར་ཅན་ལ་བརྟེན་ནས་འབྲས་བུ་དོན་དུ་གཉེར་བར་སྨོན་པའོ། །དང་པོ་

― JKT006_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། སླར་ཡང་རྡོ་རྗེ་ལྟ་བུའི་ཏིང་འཛིན་གྱིས། །གཉིས་སྣང་འཁྲུལ་པའི་བག་ཆགས་ཀུན་བཅོམ་ནས། །རིམ་པ་བཞི་པའི་དོན་གྱི་འོད་གསལ་དང་། །དབྱེར་མེད་ལྷན་ཅིག་སྐྱེས་པ་བདེ་བའི་དངོས། །བདེན་གཉིས་ཟུང་དུ་འཇུག་པའི་ཧེ་རུ་ཀ །མཁའ་དབྱིངས་ཤར་བ་དབང་པོའི་གཞུ་བཞིན་དུ། །གསལ་མདངས་འོད་ཟེར་ལྔ་ཡི་དྲ་བ་ཅན། །སྟོབས་བཅུ་མི་འཇིགས་བཞི་དང་སོ་སོར་རིག །མ་འདྲེས་བཅོ་བརྒྱད་རྫོགས་པའི་སངས་རྒྱས་དང་། །བླ་མེད་ཡོན་ཏན་རང་བཞིན་གཞལ་མེད་ལས། །རྣམ་ཀུན་མཆོག་ལྡན་ངོ་བོ་ཆོས་ཀྱི་སྐུ། །རྣམ་པ་ལོངས་སྤྱོད་རྫོགས་སྐུ་གྲངས་མེད་ཀྱི། །སྤྲུལ་པའི་སྤྲིན་འཕྲོ་སྐུ་གསུམ་དབྱེར་མེད་ཤོག །ཅེས་པ་ནི། དེ་ཡང་འཇུག་པ་ལ་དབང་ཐོབ་ནས་གདོད་མའི་ནང་དབྱིངས་སུ་འཇུག་ཁ་མ་དེར། སླར་ཡང་རྡོ་རྗེ་ལྟ་བུའི་ཏིང་ངེ་འཛིན་གཞུ་བདུངས་བ་ལྟ་བུའི་གཉིས་སུ་སྣང་བ་དང་། དེ་ལས་བྱུང་བའི་འཁྲུལ་པའི་བག་ཆགས་ཀྱི་ལྷག་མར་གྱུར་པ་གནས་ངན་ལེན་གྱི་ཤེས་སྒྲིབ་ཕྲ་མོ་ཡན་ཆད་བཅོམ་སྟེ། རིམ་པ་བཞི་པའི་དོན་གྱི་འོད་གསལ་དེ་ཉིད་སློབ་པའི་ཟུང་འཇུག་གི་བསྒྲུབ་གཞི་ཡིན་པས་ངོ་བོ་གཅིག་པའི་ཆ་ནས་དབྱེར་མེད་ལྷན་ཅིག་སྐྱེས་པའི་བདེ་བའི་དངོས་གཞིར་བཤད་ལ། དེ་ཉིད་ལས་མི་སློབ་པའི་ཟུང་འཇུག་ཁ་སྦྱོར་ཡན་ལག་བདུན་ལྡན་གྱི་སྐུར་

― JKT006_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེངས་པ་ལ་མཁའ་དབྱིངས་ཤར་བའི་དབང་པོའི་གཞུ་སྟེ། ནམ་མཁའ་ལ་འཇའ་ཚོན་ཤར་བའི་དཔེས་མཚོན་ནས་ཆོས་སྐུའི་གདངས་ལོངས་སྤྲུལ་གྱི་རྣམ་པའི་གཟུགས་སྐུ་གཉིས་སུ་གྲུབ་པ་ལ་སྟོབས་བཅུ་དང་མི་འཇིགས་པ་བཞི་ལ་སོགས་ཡོན་ཏན་མཐའ་དག་རྫོགས་པའི་སངས་རྒྱས་དང་། དེའི་བླ་ན་མེད་པའི་ཡོན་ཏན་གྱི་རང་བཞིན་གཞལ་དུ་མེད་པ་ཉིད་ལས། གཞོན་ནུ་མ་ལ་པྲ་ཕབ་པའི་སྣང་བ་ལྟར་རྣམ་པ་ཐམས་ཅད་པའི་མཆོག་དང་ལྡན་པའི་ཆོས་ཀྱི་སྐུ་དང་། དེའི་གདངས་རིགས་ལྔ་གངས་ཅན་མཚོ་བཞིན་ལག་གི་རྣམ་པ་ཅན་གྱི་ལོངས་སྤྱོད་རྫོགས་པའི་སྐུ་གྲངས་མེད་པར་ཤར་བ་དང་༑ དེ་ལས་སྤྲུལ་པའི་སྐུ་བསམ་གྱིས་མི་ཁྱབ་པའི་སྤྲིན་འཕྲོ་བ་ཅན་གྱི་སྐུ་གསུམ་ངོ་བོ་དབྱེར་མེད་ཐོབ་པར་ཤོག་ཅིག་ཅེས་སྨོན་པའོ། །གཉིས་པ་ནི། མཁར་ཁྱབ་གཟུགས་བཟུང་བགྲང་ཡས་སེམས་ཅན་ལ། །ཇི་སྙེད་ཁམས་དང་བསམ་པའི་དབྱེ་བ་བཞིན། །རང་རང་སྐད་དུ་རྒྱུ་དང་འབྲས་བུ་ཡི། །ཐེག་པ་གཉིས་ལས་བརྩམས་པའི་ཆོས་ཀྱི་ཚུལ། །ལེགས་པར་སྟོན་ལ་སྐྱོ་ངལ་མེད་པར་ཤོག ༑ཅེས་པ་ནི། དེ་ལྟར་རང་དོན་དུ་སྤངས་རྟོགས་མཐར་ཕྱིན་པའི་སངས་རྒྱས་སྐུ་གསུམ་གྱི་བདག་ཉིད་ཅན་དུ་གྲུབ་ནས། ནམ་མཁས་གར་ཁྱབ་ཏུ་རྣམ་སྨིན་གྱི་གཟུགས་སམ་ལུས་བཟུང་བའི་

― JKT006_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲང་བ་ལས་འདས་པའི་སེམས་ཅན་གྱི་ཁམས་རྒྱ་མཚོ་ལྟ་བུ་ལ་ཇི་སྙེད་དེ་མང་པོའི་སྒྲས་དེ་སྙེད་སོ་སོའི་ཁམས་དང་བསམ་པའི་དབྱེ་བ་ཐ་དད་པ་བཞིན་རང་རང་སོ་སོའི་སྐད་དུ་རྒྱུ་དང་འབྲས་བུའི་ཐེག་པ་གཉིས་ལས་བརྩམས་པའི་ཆོས་ཀྱི་ཚུལ་རྒྱ་མཚོ་ལྟ་བུ་ལེགས་པར་འཆད་ཅིང་ལེགས་པར་སྟོན་པ་ལ་སྐྱོ་དུབ་དང་ངལ་བའི་གནས་མཐའ་དག་བཟོད་པར་ཤོག་ཅིག་པའོ། །གསུམ་པ་ནི། འདི་དང་བར་དོར་མཆོག་གི་གོ་འཕང་ནི། །ངེས་པར་འགྲུབ་པའི་ལམ་བཟང་མ་རེད་ན། །ཟབ་ལམ་འཕོ་བའི་རྣལ་འབྱོར་ལ་གོམས་པས། །རྣམ་ཤེས་མཁའ་སྤྱོད་གནས་སུ་འཕོ་བྱས་ཏེ། །བསྐྱེད་རྫོགས་ལམ་གྱི་རིམ་པས་འཕྲོ་མཐུད་ཤོག །ཅེས་པ་ནི། དེ་ལ་བསྐྱེད་རིམ་གྱི་སྒོ་ནས་རིག་འཛིན་བཞིའི་ལམ་རྫོགས་རིམ་གྱི་སྒོ་ནས། རྨི་ལམ། སྒྱུ་ལུས། བར་དོ། འོད་གསལ་ལ་སོགས་ཀྱི་གདམས་པ་ཉམས་འོག་ཏུ་ཆུད་ནས་ཚེ་འདི་འམ། བར་དོར་མཆོག་གི་གོ་འཕང་བགྲོད་པའི་ལམ་བཟང་གི་དངོས་གྲུབ་མ་བརྙེས་ན། མ་བསྒོམ་པར་འཚང་རྒྱ་བའི་ཟབ་ལམ་འཕོ་བའི་རྣལ་འབྱོར་ལས་འཁོར་བ་དང་འབྲེལ་བའི་སྒོ་བརྒྱད་ཡིག་འབྲུས་བཀག་ལ། གཙུག་ཏོར་རླུང་གི་འཁོར་ལོའི་སྒོ་ཕྱེ་ནས་རྣམ་པར་ཤེས་པ་ཨ་ཡིག་ལ་སོགས་པའི་རྣམ་པས་དག་པ་མཁའ་སྤྱོད་དང་། བདེ་བ་ཅན་དང་། མངོན་པར་དགའ་བ་

― JKT006_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སོགས་རང་བཞིན་སྤྲུལ་པའི་ཞིང་དུ་འཕོས་ནས་བསྐྱེད་རྫོགས་ལམ་ཀྱི་རིམ་པ་འཕྲོ་མཐུད་པར་ཤོག་ཅིག་ཅེས་སྨོན་པའོ། །གསུམ་པ་མཇུག་གི་དོན་ལ་གཉིས། གཞུང་དོན་འབྱེད་པའི་བློ་གྲོས་ཐོབ་པར་སྨོན་པ་དང་། སྐྱེ་བ་དང་ཚེ་རབས་ཐམས་ཅད་དུ་དཔལ་ལྡན་བླ་མ་དང་མི་འབྲལ་བར་སྨོན་པའོ། །དང་པོ་ནི། དེ་ལྟར་རྒྱུ་ལམ་འབྲས་བུའི་ཁྱད་པར་ལས། །སྐུ་དང་ཞིང་ཁམས་འཁོར་དང་མཛད་པ་ནི། །ཡོངས་སུ་དག་པའི་ཡེ་ཤེས་ལམ་ཉིད་དུ། །བྱེད་དང་མི་བྱེད་སྔགས་དང་ཕ་རོལ་ཕྱིན། །སོ་སོར་འབྱེད་པའི་བློ་གྲོས་དང་ལྡན་ཤོག །ཅེས་པ་ནི། རྒྱུ་ལམ་དུ་བྱས་ནས་འབྲས་བུ་ཕྱི་དུས་ན་སྨིན་པ་སྡེ་སྣོད་གསུམ་གྱི་ལམ་དང་། འབྲས་བུ་ལམ་དུ་བྱེད་པ། དཔེར་ན་རང་གི་ལུས་ངག་ཡིད་གསུམ་ལྷའི་སྐུ་གསུང་ཐུགས་ཀྱི་རྣམ་པ་ལམ་བྱེད་དང་། དེ་བཞིན་དུ་སྣོད་གཞལ་ཡས་ཁང་གི་ལམ་ཁྱེར་དང་། བཅུད་ཀྱི་སེམས་ཅན་ལྷ་དང་ལྷ་མོའི་རང་བཞིན་དུ་སྦྱོར་བ་དག་པའི་སྣོད་བཅུད་དང་། འོད་ཟེར་སྤྲོ་བསྡུས་སངས་རྒྱས་ཀྱི་ཕྲིན་ལས་རྣམ་པ་བཞིའི་མཛད་པ་ལམ་དུ་བྱེད་པ་སྟེ། དེ་བས་ན་སངས་རྒྱས་ཀྱི་སྐུ་དང་ཡེ་ཤེས་ཀྱི་ཁམས་ལ་ད་ལྟ་ནས་ཡོངས་སུ་དག་པའི་ཡེ་ཤེས་ཀྱི་ལམ་དུ་བྱེད་ནུས་པ་ནི་འབྲས་བུ་སྔགས་ཀྱི་ཐེག་པ་དང་། དེ་ལྟར་བྱེད་མི་ནུས་པ་ནི་ཕ་རོལ་ཏུ་ཕྱིན་པ་སྟེ། དེ་

― JKT006_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་སོ་སོར་འབྱེད་ནུས་པའི་བློ་གྲོས་ཀྱི་སྤོབས་པ་ཁྱད་པར་ཅན་ཐོབ་པར་ཤོག་ཅིག་པར་སྨོན་པའོ། །གཉིས་པ་ནི། བདག་ཀྱང་འདི་ནས་ཚེ་རབས་ཐམས་ཅད་དུ། །རྗེ་བཙུན་བླ་མ་མཆོག་དང་མི་འབྲལ་ཞིང་། །དེས་གསུངས་གསུང་གི་བདུད་རྩི་མྱོང་བ་དང་། །དེ་དོན་སྒྲུབ་ལ་ཞུམ་པ་མེད་པ་ཡི། །ཚེ་རབས་ཀུན་ཏུ་ཡོངས་འཛིན་དམ་པ་དང་། །ནམ་ཡང་འབྲལ་མེད་རྗེས་སུ་འཛིན་གྱུར་ཅིག །ཅེས་པ་ནི། དམ་པའི་ཆོས་ཀྱི་མཚན་ཉིད་ནི་ཐོག་མཐའ་བར་གསུམ་དུ་དགེ་བ་ཞིག་ཡིན་ལ། དེ་ལྟར་དགེ་བར་བྱེད་པ་བླ་མ་དམ་པ་དགེ་བའི་བཤེས་གཉེན་གཅིག་པུ་ལ་རགས་ལས་ན་དུས་འདི་ནས་བཟུང་སྟེ་ཚེ་རབས་ཐམས་ཅད་དུ་བླ་མ་དང་མཇལ་བའི་རྒྱུ་རྐྱེན་རྟེན་འབྲེལ་ཚོགས་པ་དང་མཇལ་ནས་སྐད་ཅིག་ཀྱང་མི་འབྲལ་བར་ལུས་ངག་གིས་ཞབས་ཏོག་དང་། ཟང་ཟིང་གི་འབུལ་བ་དང་། སྒྲུབ་པའི་རྒྱལ་མཚན་འཛུགས་པ་སྟེ་མཉེས་པ་གསུམ་གྱིས་བརྟེན་ནས་ཅི་གསུང་གི་བཀའ་བསྒྲུབ་ཅིང་། ཁྱད་པར་གསུང་གི་བདུད་རྩི་དམ་པའི་ཆོས་ཀྱི་རོ་མྱངས་ནས་དེའི་སྒྲུབ་པ་ལ་ཞུམ་པ་མེད་པའི་སྙིང་སྟོབས་བསྐྱེད་པས་འདི་ཕྱི་གང་རུང་དུ་དངོས་གྲུབ་རྣམ་གཉིས་ཐོབ་ཅིང་། གལ་ཏེ་ཅུང་ཟད་འགྱངས་ན་རྒྱུ་མཐུན་གྱི་འབྲས་བུ་ལས་སྐྱེ་བ་ཕྱི་མར་ཡང་བླ་མ་མཚན་ཉིད་དང་ལྡན་པ་མཇལ་ནས་རྗེས་སུ་

― JKT006_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་པར་ཤོག་ཅིག་པའོ། །ཅེས་པ་འདི་ནི་མངའ་བདག་ཁྲི་སྲོང་ལྡེའུ་བཙན་གྱི་འབྲས་བུ་མཐར་ཕྱིན་པའི་སྐུ་མ་ཧཱ་པཎྜིཏ་འཇམ་དབྱངས་མཁྱེན་བརྩེའི་དབང་པོའི་ཞལ་སྔ་ནས་ཁྲིད་ལུང་ཟབ་ཅིང་རྒྱ་ཆེ་བ། གནས་མཆོག་འཆི་མེད་དཀར་མོ་སྟག་ཚང་བསམ་འགྲུབ་ཀེའུ་ཚང་གི་གཏེར་གནས་ཀྱི་སྒོ་དབྱེ་བའི་སྐབས་སུ་གནས་དེ་ཉིད་ཀྱི་དབུ་རྩེ་དང་གནས་ཀྱི་སྙིང་པོར། གཏེར་ཆེན་ཆོས་ཀྱི་རྒྱལ་པོ་མཆོག་གྱུར་བདེ་ཆེན་གླིང་པ་ཕྲིན་ལས་འགྲོ་འདུལ་རྩལ་ཡུམ་སྲས་གྲྭ་ཚང་དང་བཅས་པ་ལ། ཐུགས་དགྱེས་བཞིན་པའི་ངང་ནས་བསྩལ་བ་ཉིད་མི་བརྗེད་དྲན་གསོས་ཟིན་བྲིས་བྲི་འོས་ཞེས་མཆེད་ལྷགྲོགས་རྣམས་ཀྱིས་གསུངས་པ་དང་། ཁྱད་པར་ཡེ་ཤེས་ཌཱ་ཀི་བདེ་ཆེན་ཆོས་སྒྲོན་དང་། གནས་འཛིན་དགེ་བཤེས་མཁས་གྲུབ་དྷརྨ་རཱ་ཛ་བཅས་ཀྱི་གསུང་ངོ་མ་ལྡོག་པར་བྲིས་ཀྱང་། ད་ལམ་འཕྲལ་མཁོ་རང་གི་ཡིད་ལ་གོམས་ཕྱིར་བྲིས་པ་ཡིན་པས། ད་དུང་བཅོས་བསྒྱུར་འབྲི་བསྣན་སོགས་མང་དུ་དགོས་པས་དམ་པ་རྣམས་ཐུགས་མི་ཁྲེལ་བར་ཞུ། སརྦ་དཱ་ཀ་ལྱཱ་ཎཾ་བྷ་བ་ཏུ།། །