འཇམ་དབྱངས་མཁྱེན་བརྩེའི་དབང་པོའི་བཀའ་འབུམ།

གླེགས་བམ་ཉེར་གསུམ་པ། འ༽

འཇམ་མགོན་བློ་གྲོས་མཐའ་ཡས།

Nitartha International

Images scanned by BDRC

གངས་ལྗོངས་རྒྱལ་བསྟན་རིས་མེད་ཀྱི་མངའ་བདག་ངོ་མཚར་བཀའ་བབས་བདུན་ལྡན་ཀུན་གཟིགས་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོའི་བཀའ་འབུམ་འདི་ནི་ OCR བྱེད་སའི་གཞི་དེ་བོད་རྫོང་སར་བཀྲ་ཤིས་ལྷ་རྩེར་རྫོང་སར་བ་ཁྲ་འབུ་བློ་གྲོས་ཕུན་ཚོགས་མཆོག་གིས་དཔེ་གཟུགས་པོད་ཉེར་ལྔ་ཅན་ཞིག་པར་དུ་བསྐྲུན་གནང་བ་དེ་ཡིན་པས་ཁོང་གི་རྨད་དུ་བྱུང་བའི་མཛད་རྒྱས་ལ་ཡི་རུང་དང་བསྔགས་བརྗོད་ཞུ།

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཚར་ཆེན་ཆོས་ཀྱི་རྒྱལ་པོ་ལ་ལམ་ཟབ་བླ་མའི་རྣལ་འབྱོར་དང་འབྲེལ་བར་གསོལ་བ་འདེབས་པའི་རྡོ་རྗེའི་གླུ་བྱིན་རླབས་བདུད་རྩིའི་ཆར་འབེབས།

[Full Size]

༄༅། །ཚར་ཆེན་ཆོས་ཀྱི་རྒྱལ་པོ་ལ་ལམ་ཟབ་བླ་མའི་རྣལ་འབྱོར་དང་འབྲེལ་བར་གསོལ་བ་འདེབས་པའི་རྡོ་རྗེའི་གླུ་བྱིན་རླབས་བདུད་རྩིའི་ཆར་འབེབས་ཞེས་བྱ་བ་བཞུགས་སོ། །

[Full Size]

༄༅། །དབྱིངས་སྟོང་ཉིད་སྤྲོས་བྲལ་ནམ་མཁའི་ཀློང་། །གདངས་གསལ་རིག་འགགས་མེད་འཇའ་གུར་དབུས། །སེང་ཁྲི་དང་པདྨ་ཟླ་བའི་སྟེང་། །དཔལ་ཧེ་རུ་ཀདངོས་ཚར་པ་རྗེ། །སྐུ་དམར་སྨུག་མཚན་དཔེའི་གཟི་བྱིན་འབར། །སྤྱན་ལྟ་སྟངས་བར་སྣང་ཁམས་སུ་གཟིགས། །ཕྱག་གཡས་པས་ཆོས་འཆད་གླེགས་བམ་དང་། །གཡོན་མཉམ་བཞག་བྷནྡྷ་ཚེ་བུམ་བསྣམས། །ཞབས་རྡོ་རྗེའི་སྐྱིལ་ཀྲུང་དྲང་པོར་བཞུགས། །ཚུལ་རབ་མཛེས་ཆོས་གོས་རྣམ་གསུམ་དང་། །དབུ་པད་རཱག་མདངས་ཅན་ཞྭ་མོ་གསོལ། །ཐུགས་བདེ་སྟོང་ཆེན་པོའི་རྣམ་རོལ་ལས། །སྐྱབས་དཀོན་མཆོག་རྒྱ་མཚོ་སྤྲིན་བཞིན་གཏིབ། །མགོན་དཔའ་བོ་མཁའ་འགྲོས་གླུ་གར་

[Full Size]

ལེན། །དཔལ་ཆོས་སྲུང་ནོར་ལྷས་བཀའ་བཞིན་བསྒྲུབ། །ཀུན་ཐ་མལ་ཤེས་པ་རང་འགགས་ངང་། །སྣོད་བཅུད་ཀུན་འོད་གསལ་ལྷ་སྐུར་ཤར། །སྐྱབས་ཀུན་འདུས་ཚར་ཆེན་ཆོས་ཀྱི་རྗེ། །མགོན་རིགས་བརྒྱའི་ཁྱབ་བདག་རྡོ་རྗེ་འཆང་། །མཚན་བློ་གསལ་རྒྱ་མཚོ་དཔལ་བཟང་པོར། །བདག་སྙིང་ནས་གུས་པས་གསོལ་བ་འདེབས། །སྒོ་གསུམ་པོ་མི་ཕྱེད་དད་ཕྱག་འཚལ། །རབ་འབྱམས་ཀྱི་མཆོད་སྤྲིན་རྒྱ་མཚོས་མཆོད། །སྟོབས་བཞི་ཡིས་སྡིག་ལྟུང་ཚོགས་ཀུན་བཤགས། །འཁོར་འདས་ཀྱི་དགེ་ལ་རྗེས་ཡི་རང་། །ཟབ་རྒྱས་ཀྱི་ཆོས་འཁོར་བསྐོར་བཞིན་ཏུ། །དུས་རྟག་ཏུ་བཞུགས་པར་གསོལ་བ་འདེབས། །ཚུལ་དེ་ལས་བྱུང་བའི་དགེ་ཚོགས་

[Full Size]

ཀུན། །བྱང་ཆུབ་ཀྱི་སྙིང་པོར་བསྔོ་བར་བགྱི། །དོན་བདེ་ཆེན་ཡེ་ཤེས་གཅིག་པུ་ལས། །ཟུང་འཇུག་གི་རྣམ་རོལ་མཐའ་ཀླས་པ། །མཆོག་གསུམ་དང་རྩ་གསུམ་རྒྱ་མཚོའི་དངོས། །ཕ་བླ་མ་ཚར་ཆེན་རྡོ་རྗེ་འཆང་། །རྗེ་ཁྱེད་ཀྱི་ཐུགས་རྗེའི་ཡེ་ཤེས་ཀྱིས། །མི་བདག་དང་ཁམས་གསུམ་སེམས་ཅན་ལ། །དུས་མྱུར་བ་ཉིད་དུ་གཟིགས་ནས་ཀྱང་། །རྐྱེན་བར་ཆད་ཀུན་སོལ་དངོས་གྲུབ་སྩོལ། །གཞི་མ་དག་སྣང་བར་ངེས་འབྱུང་གིས། །རྟེན་དལ་འབྱོར་སྙིང་པོ་ལེན་འདོད་བློས། །ལས་དཀར་ནག་དགེ་སྡིག་བླང་དོར་ལ། །ཚུལ་བཞིན་དུ་བརྩོན་པར་བྱིན་གྱིས་རློབས། །ལམ་ཐུན་མོང་ཉམས་ཀྱི་སྣང་བ་མཆོག །བྱམས་སྙིང་རྗེ་བྱང་ཆུབ་སེམས་འབྱོངས་ཤིང་། །སྔགས་ཐུན་མོང་མིན་པའི་ཉམས་སྣང་ལ། །གཏིང་ངེས་ཤེས་སྐྱེ་བར་བྱིན་གྱིས་རློབས། །འབྲས་དག་པའི་སྣང་བ་རྒྱལ་ཀུན་གྱི། །སྐུ་གསུང་ཐུགས་མི་ཟད་རྒྱན་འཁོར་ལོ། །དུས་མྱུར་བ་ཉིད་དུ་ཐོབ་འདོད་པས། །ལམ་ཟབ་མོར་འཇུག་པར་བྱིན་གྱིས་རློབས། །གཞི་སྨིན་བྱེད་དབང་བཞིའི་ས་བོན་ཐེབས། །དམ་ཚིག་དང་སྡོམ་པ་རྣམ་པར་དག །འཁོར་འདས་གཉིས་དབྱེར་མེད་སེམས་ཉིད་ཀྱི། །དོན་མངོན་སུམ་མཐོང་བར་བྱིན་གྱིས་རློབས། །བསྐྱེད་རིམ་གྱི་ཕྱི་ནང་ལྷ་སྐུར་དག །རླུང་གཏུམ་མོས་འབར་འཛག་དབུ་མར་ཐིམ།

[Full Size]

ཐུན་མོང་དང་ཁྱད་པར་ཕྱག་རྒྱ་ལས། །དཔེ་དོན་གྱི་ཡེ་ཤེས་མཐོང་བྱིན་རློབས། །འབྲས་རྟེན་དང་བརྟེན་པ་གནས་འགྱུར་བ། །རང་གཞན་གྱི་ཆེ་བ་གསུམ་ལྡན་པའི། །གོ་འཕང་དེ་ཚེ་འདིར་མངོན་གྱུར་ནས། །དོན་ཡིད་བཞིན་འགྲུབ་པར་བྱིན་གྱིས་རློབས། །དེ་ལྟ་བུའི་གོ་འཕང་མ་ཐོབ་བར། །ཆོས་བསྒྲུབ་པའི་འགལ་རྐྱེན་ཀུན་ཞི་ཞིང་། །མགོན་རྒྱལ་བས་བསྔགས་པའི་མཐུན་རྐྱེན་རྣམས། །འབད་མེད་དུ་འབྱུང་བར་བྱིན་གྱིས་རློབས། །བསྟན་འཛིན་རྣམས་ཞབས་པད་བསྐལ་བརྒྱར་བརྟན། །བཤད་སྒྲུབ་ཀྱི་བསྟན་པ་ཕྱོགས་བཅུར་འཕེལ། །འགྲོ་བ་ཀུན་བདེ་སྐྱིད་རྫོགས་ལྡན་གྱི། །དཔལ་འབྱོར་ལ་སྤྱོད་པར་བྱིན་གྱིས་རློབས། །ཚུལ་དེ་ལྟར་རྩེ་གཅིག་གསོལ་བཏབ་པས། །རྗེ་འཁོར་བཅས་འོད་ཞུ་རང་ལ་ཐིམ། །མི་བདག་གི་སྒོ་གསུམ་ཀུན་གཞིར་བཅས། །སྐྱབས་རྣམས་ཀྱི་གསང་གསུམ་ངོ་བོར་ཤར། །དབང་བཞི་ཐོབ་སྒྲིབ་བཞིའི་བག་ཆགས་དག །ལམ་རྣམ་བཞི་བསྒོམ་པའི་སྣོད་རུང་དང་། །འབྲས་སྐུ་བཞི་ཐོབ་པའི་ནུས་ལྡན་བྱས། །དབྱིངས་འོད་གསལ་ཆེན་པོར་རོ་གཅིག་གྱུར། །ཞེས་པ་འདི་ཡང་། ཚར་ཆེན་ཆོས་ཀྱི་རྒྱལ་པོས་བྱིན་གྱིས་བརླབས་པའི་གནས་མང་མཁར་ཐུབ་བསྟན་དགེ་འཕེལ་དུ་རྒྱལ་ཁམས་ཀྱི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་མི་ཕྱེད་དད་པའི་གདུང་ཤུགས་དྲག་པོས་གསོལ་བ་བཏབ་པ་

[Full Size]

ལས་གང་ཤར་གྱི་རྟོགས་པ་ཡི་གེའི་གཟུགས་སུ་འདུ་བྱས་པ། སླད་ཀྱི་འདར་གྲོང་ཆེན་ཆོས་འཁོར་ཡང་རྩེའི་མཆོད་སྡོང་རིན་པོ་ཆེའི་མདུན་དུ་མངོན་པར་ཤེས་བཞིན་གྱི་དད་པས་གསོལ་བ་བཏབ་པའི་དགེ་བས། འབྲེལ་ཚད་རྣམས་ཀྱི་རྒྱུད་ལ་རྗེ་བཙུན་བླ་མའི་ཡེ་ཤེས་གཟིགས་པ་དམ་པའི་བྱིན་རླབས་འཇུག་པའི་རྒྱུར་གྱུར་ཅིག། ༈ །ལྟ་བའི་རིམ་པ་མདོར་བསྡུས་པའི་རྡོ་རྗེའི་གླུ་ཟབ་དོན་སྙིང་པོ་ཞེས་བྱ་བ། ཨ་ཧོ། རྟག་པ་མ་ཡིན་སྤྲོས་བྲལ་གྱི་ཡེ་ཤེས། །ཆད་པ་མ་ཡིན་འོད་གསལ་གྱི་རང་གདངས། །གཉིས་དང་གཉིས་མིན་ཕ་མཐའ་ལས་འདས་པའི། །སེམས་ཀྱི་རྡོ་རྗེའི་རང་ཞལ་ལ་འདུད་དོ། །ཕྱི་དོན་རྫས་གྲུབ་བྱེ་སྨྲ་བའི་གཞུང་དང་། །བཏགས་ཡོད་ཁས་ལེན་མདོ་སྡེ་པའི་ལྟ་བ། སེམས་ཙམ་བདེན་གྲུབ་རྣམ་བདེན་དང་རྣམ་རྫུན། །བདེན་གཉིས་ཡ་བྲལ་རྟག་ཆད་ལས་མ་འདས། །ཀུན་རྫོབ་རྒྱུ་རྐྱེན་རྟེན་འབྲེལ་ལས་སྐྱེས་ཤིང་། །སྐྱེས་ཙམ་ཉིད་ནས་སྟོང་ཉིད་དུ་ཤར་བའི། བདེན་གཉིས་ཟུང་འཇུག་ཁས་ལེན་དང་བྲལ་བ། །ངེས་དོན་མཐར་ཐུག་ཐལ་འགྱུར་བའི་གྲུབ་མཐའ། །གསལ་སྟོང་དབྱེར་མེད་གཞི་དུས་ཀྱི་དགེས་རྡོར། །ཉམས་སུ་མྱོང་ཡང་བསམ་བརྗོད་ལས་འདས་ཤིང་། །རྟོག་ཚོགས་རང་གསལ་རྗེན་པ་རུ་ནུབ་པའི། །འོད་གསལ་སེམས་ཀྱི་གནས་ལུགས་ལ་གཟིགས་དང་། །དེ་གའི་ངང་དུ་ཡིད་བྱེད་ཀྱི་བློ་དང་། །གཉིས་སྣང་ཐམས་ཅད་རིག་ངོ་རུ་གྲོལ་

[Full Size]

བའི། །ཉམས་མྱོང་ཆུ་བོའི་རྒྱུན་འབབས་ལྟར་གོམས་པས། །མཆོག་དངོས་འགྲུབ་པའི་ངལ་འཚོ་ལ་སྦྱར་རོ། །ཨ་ཧོ་རིས་མེད་མཁས་གྲུབ་ཀྱི་ཞལ་ལུང་། །མང་དུ་ཐོས་པའི་རྒྱལ་ཁམས་ཀྱི་བྱ་བྲལ། །རྣལ་འབྱོར་གཞོན་ནུའི་གང་ཤར་གྱི་གླུ་དབྱངས། །བཤེས་གཉེན་མཆོག་གི་གཟིགས་མོ་རུ་ཕུལ་ལོ། །དགེ་བ་དེས་སྲིད་ཞི་ཡི་ཆོས་ཀུན། །འཁོར་འདས་དབྱེར་མེད་ཕྱག་རྒྱ་རུ་བསྡམས་པའི། །ངེས་གསང་སྙིང་པོ་འགྲོ་ཀུན་གྱིས་རྟོགས་ནས། །དོན་གཉིས་འགྲུབ་པའི་སྨོན་ལམ་ཞིག་ཞུའོ། །ཞེས་པའང་འཇམ་དབྱངས་མཁྱེན་བརྩེའི་དབང་པོས་སོ། །རྗེ་བཙུན་རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་མའི་ལམ་གྱི་རིམ་པ་དང་འབྲེལ་བའི་རྡོ་རྗེའི་གླུ་ཟབ་དོན་གསོལ་འདེབས་ཞེས་བྱ་བ། ཨ་ཧོ། བདེ་སྟོང་ཟུང་འཇུག་རྣམ་ཀུན་མཆོག་ལྡན་གྱི་ཡེ་ཤེས། །མཁའ་སྤྱོད་རྡོ་རྗེ་བཙུན་མོའི་རྣམ་རོལ་དུ་ཤར་བ། །གང་དང་དབྱེར་མེད་ཁྱབ་བདག་དཔལ་ལྡན་གྱི་བླ་མས། །བྱང་ཆུབ་སྙིང་པོའི་བར་དུ་དགེ་ལེགས་སུ་མཛོད་ཅིག །རྙེད་དཀའ་དོན་དང་ལྡན་པའི་དལ་འབྱོར་གྱི་ལུས་རྟེན། །དོ་ནུབ་ཙམ་ཡང་མི་འཆིའི་གདེངས་ཚད་ནི་མ་མཆིས། །དེ་བས་བྱ་བྱེད་མང་པོའི་སྤྲོས་པ་ཀུན་སྤངས་ཏེ། །ཉམས་ལེན་སྙིང་པོར་དྲིལ་བ་འདུན་མ་ཡི་ཡང་རྩེ། །ནུབ་མོ་རང་བཞིན་གཉིད་ཀྱི་འོད་གསལ་ལ་འཇུག་ཅིང་། །ཐོ་རེངས་ཟུང་འཇུག་སྒྱུ་

[Full Size]

མའི་ལྷ་སྐུ་རུ་ལྡང་སྟེ། །ཕུང་ཁམས་དྭངས་མར་སྒྲུབ་པའི་བདུད་རྩི་ལ་རོལ་པས། །དགའ་བ་གསུམ་གྱི་པདྨོ་སྙིང་དབུས་སུ་བཞད་དོ། །སྐྱབས་འགྲོ་སེམས་བསྐྱེད་ཚད་མེད་ལམ་རིམ་གྱི་གཞི་རྟེན། ། འགལ་རྐྱེན་སྡིག་སྒྲིབ་སྦྱོང་བྱེད་རྡོར་སེམས་ཀྱི་བསྒོམ་བཟླས། །མཐུན་རྐྱེན་ཚོགས་བསགས་མཐར་ཐུག་བླ་མ་ཡི་རྣལ་འབྱོར། །ཐུན་བཞིར་འབྲལ་མེད་བསྐྱང་བ་ལམ་ཟབ་ཀྱི་སྙིང་པོ། །བདག་ཉིད་ལྷ་།སྐུར་བསྐྱེད་པ་སྣང་སྟོང་གི་ཉམས་ལེན། །སྣོད་བཅུད་འགྲོ་བ་དག་པ་ཡེ་ཤེས་ཀྱི་རྩལ་སྦྱོང་། །དཔའ་བོ་དཔའ་མོས་བྱིན་རླབས་ཁྱད་པར་གྱི་མྱུར་ལམ། །ང་རྒྱལ་རྣམ་པའི་སེམས་འཛིན་བསྐྱེད་རིམ་གྱི་དངོས་གཞི། །རླུང་སྔགས་དབྱེར་མེད་ཤེས་པ་བཟླས་བརྗོད་ཀྱི་མཐར་ཐུག །སྐྱེ་འགག་གནས་གསུམ་བརྗོད་བྲལ་གསལ་སྟོང་གི་རིག་པ། །ཟུང་འཇུག་བསམ་མི་ཁྱབ་པ་གནས་ལུགས་ཀྱི་འཇོག་སོ། །ཅིར་སྣང་ལྷ་དང་ཡེ་ཤེས་སྤྱོད་ལམ་གྱི་འཇུག་པ། །ཨ་ཧོ། རྣལ་འབྱོར་བཅུ་གཅིག་རིམ་གཉིས་ཀྱི་ཡང་བཅུད། །ཁྱད་པར་ཟབ་པའི་རྫོགས་རིམ་འབར་འཛག་གི་ཐབས་དང་། །བདེ་དང་སྟོང་པ་སྒྲུབ་པའི་ཏིང་འཛིན་ལ་བརྟེན་ནས། །རྩ་རླུང་ཐིག་ལེའི་འདུ་བ་དབུ་མ་རུ་ཐིམ་པས། །དོན་གྱི་མཁའ་སྤྱོད་དགའ་མ་ཚེ་འདི་རུ་འགྲུབ་སྟེ། །སྒྱུ་ལུས་ཟག་པ་མེད་པ་འཇའ་ཚོན་གྱི་སྐུ་དང་། །རླུང་སེམས་རྟོག་

[Full Size]

པ་བྲལ་བ་ཆོས་ཉིད་ཀྱི་དབྱིངས་སུ། །མཆོ་གི་དངོས་གྲུབ་བརྙེས་པའི་སྨོན་ལམ་ཞིག་ཞུའོ། །ཞེས་འཕགས་ཡུལ་གྱི་པཎ་གྲུབ་རྒྱ་མཚོའི་གཙུག་གི་ནོར་བུ་ཇོ་བོ་ནཱ་རོ་ཏཱ་པ་ནས་བརྒྱུད་པའི་རྗེ་བཙུན་རྡོ་རྗེ་རྣལ་འབྱོར་མའི་རིམ་གཉིས་དང་འབྲེལ་བའི་རྡོ་རྗེའི་གླུ་འདི་ཡང་། དཔལ་ས་ལ་སྤྱོད་པའི་འོག་མིན་གཉིས་པ་ཨོ་རྒྱན་སྨིན་གྲོལ་གླིང་ངེས་པ་དོན་གྱི་དགའ་བའི་ཚལ་ཆེན་པོར་དབྱུག་པ་ཟླ་བའི་དམར་ཕྱོགས་ཀྱི་ཚེས་བཅུར་ལམ་འདིའི་བྱིན་རླབས་ཟབ་མོས་རིག་པ་འཛིན་པའི་དགེ་འདུན་འདུས་པ་འགའ་ཞིག་སྨིན་པར་བགྱིས་པའི་སྐབས་འཇམ་དབྱངས་མཁྱེན་བརྩེའི་དབང་པོས་གང་ཤར་གླུར་བླངས་པའོ། །སརྦ་དཱ་མངྒ་ལཾ།། ༈ །།ཞིང་སྔགས་ལྷན་ཅིག་སྐྱེས་པའི་རྣལ་འབྱོར་མ་ལ་གསོལ་བ་འདེབས་པའི་རྡོ་རྗེའི་གླུ་ཟབ་དོན་སྣང་བ་ཞེས་བྱ་བ། ཨ་ཧོ། འོག་མིན་བདེ་བ་ཆེན་པོའི་ཡེ་ཤེས་ཀྱི་ཞིང་ན། །ངོ་བོ་ལྷན་སྐྱེས་རྣལ་འབྱོར་མ་དཔལ་དེ་བཞུགས་ཡོད། །གསལ་སྟོང་དབྱེར་མེད་ངང་ནས་གསོལ་བ་རང་འདེབས་སོ། །དུས་གསུམ་འདུ་འབྲལ་མེད་པའི་དངོས་གྲུབ་ཞིག་སྩོལ་དང་། །གནས་ཡུལ་ཉི་ཤུ་རྩ་བཞིའི་གྲོང་ཁྱེར་གྱི་དབུས་ན། །རང་གདངས་ཞིང་སྐྱེས་རྣལ་འབྱོར་མ་དཔལ་དེ་བཞུགས་ཡོད། །བདེ་སྟོང་དབྱེར་མེད་ངང་ནས་གསོལ་བ་རང་འདེབས་སོ། །རྩ་རླུང་དབུ་མར་ཐིམ་པའི་དངོས་གྲུབ་ཞིག་སྩོལ་དང་། །སྣོད་བཅུད་དག་པ་རབ་འབྱམས་ཆོས་འབྱུང་གི་ཀློང་ན། །རང་རྩལ་སྔགས་སྐྱེས་རྣལ་འབྱོར་མ་དཔལ་དེ་བཞུགས་ཡོད། །སྣང་

[Full Size]

སྟོང་དབྱེར་མེད་ངང་ནས་གསོལ་བ་རང་འདེབས་སོ། །ཅིར་སྣང་ལྷ་སྐུར་འཆར་བའི་དངོས་གྲུབ་ཞིག་སྩོལ་དང་། །སྣང་ཙམ་དཔྱད་པས་མ་རེག་སོ་སྐྱེ་ཡི་མཐོང་ཚུལ། །བདག་ལྟ་སླར་ཡང་སྤེལ་བ་ཕྱི་རོལ་པའི་ལོག་རྟོག །གཞི་ལྔ་རྫས་སུ་ཡོད་པ་བྱེ་སྨྲ་བའི་བདེན་ཞེན། །གཞི་གསུམ་བཏགས་པར་འདོད་པ་མདོ་སྡེ་པའི་ཁྱད་པར། །དེ་ཀུན་སེམས་སུ་བདེན་པ་རྣམ་རིག་པའི་མྱོང་བ། །སེམས་ཉིད་གཟོད་ནས་སྤྲོས་བྲལ་དབུ་མ་པའི་ཁྱད་ཆོས། །དེ་ཉིད་ཐབས་ཀྱིས་འཕགས་པ་གསང་སྔགས་ཀྱི་རྒྱུད་དོན། །མངོན་སུམ་རང་ངོ་འཕྲོད་པའི་བྱིན་རླབས་ལ་བརྟེན་ནས། །ངེས་དོན་མཁའ་སྤྱོད་དགའ་མ་སྙིང་དབུས་སུ་སད་པས། །ཡུལ་སྣང་ལྷ་སྐུར་ཤར་བའི་ངལ་འཚོ་དང་སྦྲགས་ཏེ། །ཡུལ་ཅན་བདེ་སྟོང་དབྱེར་མེད་རྩེ་དགའ་ལ་རོལ་པས། །རླུང་སེམས་དབུ་མར་ཐིམ་པའི་འོད་གསལ་གྱི་ཀློང་དུ། །ཟུང་འཇུག་རྣམ་ཀུན་མཆོག་ལྡན་རྡོ་རྗེ་ཡི་བཙུན་མོ། །སྐུ་གསུམ་རྣམ་དབྱེར་མེད་པའི་ཡེ་ཤེས་ཀྱི་སྣང་བརྙན། །ཚེ་འདིར་མངོན་སུམ་འགྲུབ་པའི་སྨོན་ལམ་ཞིག་ཞུའོ། །ཞེས་པའང་མདོ་རྒྱུད་རྒྱ་མཚོའི་འབྱུང་གནས་ནཱ་ལེནྡྲའི་ཆོས་གྲྭ་ཆེན་པོར་ཐུན་མོང་གི་ལོའི་ནག་པ་ཟླ་བའི་དམར་ཕྱོགས་མཁའ་འགྲོ་འདུ་བའི་དུས་སུ། བཤེས་གཉེན་དམ་པ་འགའ་ཞིག་ལ་ལམ་འདིའི་བྱིན་རླབས་དང་རྣལ་འབྱོར་བཅུ་གཅིག་གི་སྙིང་པོ་ཅུང་ཟད་བཤད་པའི་སྐབས་སུ་རིག་འཛིན་གྱི་བཙུན་པ་

[Full Size]

འཇམ་དབྱངས་མཁྱེན་བརྩེའི་དབང་པོས་གང་ཤར་བྲིས་པ་སིདྡྷི་རསྟུ། ༈ །རྗེ་བཙུན་རྡོ་རྗེ་རྣལ་འབྱོར་མ་ལ་ཉེ་སྙིང་དང་སྦྱར་བའི་སྒོ་ནས་མངོན་པར་བསྔགས་པའི་རྡོ་རྗེའི་གླུ་ཁ་སྦྱོར་ཌཱ་ཀི་བཞད་པའི་དབྱངས་སྙན་ཞེས་བྱ་བ། ཨོ་གྱི་རང་བཞིན་འགྱུར་མེད་བློ་འདས་གདོད་མའི་གཤིས་ལུགས། །ཨོྃ་གྱི་རང་གདངས་ཟག་མེད་རྣམ་ཀུན་མཆོག་ལྡན་ཡེ་ཤེས། །ཨོཾ་གྱི་ངོ་བོ་གཉིས་མེད་ལོངས་སྤྱོད་ཡོངས་རྫོགས་སྐུ་ཅན། །དཔལ་ལྡན་མཁའ་སྤྱོད་དབང་མོར་སྙིང་ནས་གུས་པས་འདུད་དོ། །སརྦ་ཇི་སྙེད་རིགས་དང་དཀྱིལ་འཁོར་རྒྱ་མཚོར་སྣང་བའི། །བུདྡྷ་སྲས་བཅས་རྒྱལ་ཀུན་སྐྱེད་དང་རོལ་པའི་ཡུམ་གཅིག །ཌཱ་ཀི་ནཱི་ཡེ་ཁ་སྦྱོར་སྒྱུ་མའི་ཉམས་བརྒྱས་སྒེག་པ། །དཔལ་ལྡན་མཁའ་སྤྱོད་དབང་མོར་སྙིང་ནས་གུས་པས་འདུད་དོ། །བཛྲ་ནམ་མཁའི་དཀྱིལ་ལྟར་རྣམ་པར་དག་པའི་ཐུགས་རྒྱུད། །བརྞ་ནཱི་ཡེ་འོད་གསལ་ཁ་དོག་སྣ་ཚོགས་འཆང་བའི། །རང་གདངས་བདེ་བ་ཆེན་པོ་བརྟན་གཡོ་ཀུན་ལ་ཁྱབ་པ། །དཔལ་ལྡན་མཁའ་སྤྱོད་དབང་མོར་སྙིང་ནས་གུས་པས་འདུད་དོ། །བཛྲ་གཟུང་འཛིན་མཚན་མས་མི་ཕྱེད་གཉུག་མའི་ཡེ་ཤེས། །བེ་རོ་ཙ་ནཱི་ཡེ་ཤེས་རང་བཞིན་མེད་པའི་སྟོང་ཉིད། །འོད་གསལ་མཆོག་གི་རྣམ་པ་གཅིག་ཉིད་དུ་མར་སྣང་མཛད། །དཔལ་ལྡན་མཁའ་སྤྱོད་དབང་མོར༔ ཧཱུྃ་གི་རང་བཞིན་གཟོད་ནས་སྤྲོས་པའི་མཚན་མ་འདས་

[Full Size]

ཀྱང་། །ཧཱུྃ་གི་རང་གདངས་དམིགས་མེད་སྙིང་རྗེས་ཡོངས་སུ་གང་བས །ཧཱུྃ་གི་བྱེད་ལས་ཁམས་གསུམ་སྡུག་བསྔལ་ཀུན་ལས་སྐྱོབ་པའི། །དཔལ་ལྡན་མཁའ་སྤྱོད་དབང་མོར= ཕཊ་ཀྱིས་མཚན་གཞི་སྟོང་པ་སྲིད་ཞིའི་སྤྲོས་པ་བྲལ་བཞིན། །ཕཊ་ཀྱི་མཚན་ཉིད་གསལ་བ་རྟེན་འབྱུང་འགགས་མེད་ཚུལ་གྱིས། །ཕཊ་ཀྱི་མཚོན་བྱེད་དུས་གསུམ་རྒྱུན་མི་འཆད་པར་འཆར་བའི། །དཔལ་ལྡན་མཁའ་གུས་པས་འདུད་དོ། །སྭཱ་ཧ་མཁའ་དང་མཉམ་པའི་ཡིད་ཅན་རྒྱ་མཚོ་ཀུན་ལ། །དགེ་ལེགས་ཕན་བདེའི་འདོད་རྒུ་འགོག་པ་མེད་པར་སྦྱིན་པའི། །དྲན་པས་སྙིང་གི་གདུང་སེལ་རྣལ་འབྱོར་བདག་གི་སྐྱབས་གཅིག །དཔལ་ལྡན་མཁའ་སྤྱོད་དབང་མོར་སྙིང་ནས་གུས་པས་འདུད་དོ། །ཨ་ཧོ་ཅིར་སྣང་དངོས་ཀུན་སྔགས་སྐྱེས་དགའ་མར་ཤར་བས། །ཞིང་སྐྱེས་ཌཱ་ཀིའི་ཚོགས་དང་བདེ་ཆེན་སྒྱུ་མའི་རྩེད་འཇོས། །ལྷན་སྐྱེས་རྣལ་འབྱོར་མ་དཔལ་ཚེ་འདི་ཉིད་ལ་མཐོང་བའི། །དངོས་གྲུབ་མཆོག་གི་སྐལ་བ་དེང་འདིར་མངོན་སུམ་སྩོལ་ཅིག །ཅེས་པའང་བག་ཡོད་ཀྱི་ལོའི་མགོ་ཟླའི་དཀར་ཕྱོགས་མཁའ་འགྲོ་འདུ་བའི་དུས་ཚོགས་ཀྱི་མཆོད་པའི་སྐབས་གང་ཤར་ཤུགས་འབྱུང་གི་ཚིག་སྦྱོར་རྡོ་རྗེ་སྒྲ་མའི་གླུ་དབྱངས་སུ་ལེན་པ་པོ་ནི་རིག་འཛིན་གྱི་བཙུན་པ་འཇམ་དབྱངས་མཁྱེན་བརྩེའི་དབང་པོས་སོ། ༈ །བསྙེན་སྒྲུབ་ཡན་ལག་བཞི་ལྡན་གྱི་རྡོ་རྗེའི་གླུ་འཆི་མེད་

[Full Size]

མཚོ་སྐྱེས་བླ་མའི་ཞལ་ལུང་ཞེས་བྱ་བ། ཨ་ཧོ་སྙིང་དབུས་གཞོམ་དུ་མེད་པ་འོད་གསལ་གྱི་ཕོ་བྲང་། །མི་ཤིགས་ཐིག་ལེ་ཆེན་པོ་མཚོ་སྐྱེས་ཀྱི་བླ་མ། །གདོད་ནས་འདུ་འབྲལ་སྤངས་པའི་རང་ཞལ་ལ་བཏུད་ནས། །ངེས་དོན་ཟབ་མོའི་ལམ་གྱི་གླུ་དབྱངས་ཞིག་ལེན་ནོ། །ཐ་མལ་སྣང་བ་ཐམས་ཅད་ཡེ་ཤེས་སུ་ཐིམ་པའི། །རང་རྩལ་དག་པ་རབ་འབྱམས་དཀྱིལ་འཁོར་གྱི་འཁོར་ལོ། །སྣང་སྲིད་གཞིར་བཞེངས་ཆེན་པོའི་བསྐྱེད་རིམ་ལ་སྦྱར་བས། །བུམ་དབང་བསྙེན་པའི་རྣལ་འབྱོར་ལྷུན་གྲུབ་ཏུ་ཤར་རོ། །བརྒྱད་ཁྲི་བཞི་སྟོང་སྲོག་དང་ཐུར་སེལ་གྱི་རྒྱུ་བ། ཁ་སྦྱོར་རྡོ་རྗེའི་ཆོ་གས་དབུ་མ་རུ་བཅིལ་ནས། །འབར་འཛག་བདེ་ཆེན་ཉམས་བརྒྱའི་འཇོ་སྒེག་ལ་སྦྱར་བའི། །གསང་དབང་ཉེ་བར་བསྙེན་པའི་རྣལ་འབྱོར་ལ་འཇུག་གོ །རང་སྣང་རིག་མའི་འདོད་ཡོན་སྙོམས་འཇུག་གི་རེག་བྱས། །བདེ་ཆེན་ཐབས་མཆོག་ཧེ་རུ་ཀ་དཔལ་ལ་འཁྱུད་པས། །དགའ་བཞི་དབུ་མར་རྫོགས་པའི་ངལ་འཚོ་དང་སྦྲགས་ནས། །ཤེར་དབང་སྒྲུབ་པའི་རྣལ་འབྱོར་གསེང་ལམ་ལ་ཆས་འགྲོ། །ཨ་ཧོ་བསམ་བརྗོད་བྲལ་བ་ཀ་དག་གི་ཡེ་ཤེས། །ལྷུན་གྲུབ་མངོན་སུམ་རིག་པའི་སྣང་བ་དང་འགྲིགས་ཏེ། །ཆོས་ཟད་བློ་འདས་དོན་དམ་མཚོ་སྐྱེས་ཀྱི་རྡོ་རྗེ། །ཚིག་དབང་སྒྲུབ་པ་ཆེན་པོའི་འབྲས་བུ་ལ་སྤྱོད་དོ། །ཨེ་མ་

[Full Size]

འཆི་མེད་གྲུབ་པའི་སློབ་དཔོན་གྱི་བྱིན་རླབས། །ཚེ་རབས་ཕྲེང་བར་ཐོབ་པའི་སྐལ་བཟང་གི་བདུད་རྩི། །མགྲིན་པ་ལོངས་སྤྱོད་འཁོར་ལོའི་པདྨོ་ལ་རེག་པས། །ངེས་གསང་ལམ་གྱི་ཟིལ་དངར་རང་གྲོལ་དུ་ཤར་རོ། །དགེ་བ་དེ་ཡིས་ཕྱི་ནང་གཞན་གསུམ་གྱི་ཆོས་ཀུན། །དབྱེར་མེད་རྫོགས་པ་ཆེན་པོའི་ཡེ་ཤེས་ལ་བརྟེན་ནས། །མཁའ་ཁྱབ་འགྲོ་ཀུན་སྒྲོལ་བའི་ཕྲིན་ལས་སུ་འཆར་བའི། །དོན་༧གཉིས་ཡིད་བཞིན་འགྲུབ་པའི་སྨོན་ལམ་ཞིག་ཞུའོ། །ཞེས་ཕུར་བུ་ས་སྤྲེལ་ལོའི་སྤྲེལ་ཟླའི་དཀར་ཕྱོགས་ཀྱི་ཚེས་བཅུར་ཚོགས་ཀྱི་མཆོད་པ་བརྡ་མཚོན་ཙམ་བགྱིས་པའི་སྐབས། གྲུབ་པའི་སློབ་དཔོན་མཚོ་སྐྱེས་རྡོ་རྗེའི་བྱིན་རླབས་ལས་རང་ཤར་བའི་ཚུལ་གྱིས་རྣལ་འབྱོར་པ་མཁྱེན་བརྩེའི་དབང་པོས་སོ། ༈ །དཔལ་ལྡན་བླ་མ་རྡོ་རྗེ་གསུམ་དང་དབྱེར་མེད་པ་ལ་གསོལ་བ་འདེབས་པ་རྡོ་རྗེའི་གླུ་ཡེ་ཤེས་བྱིན་འབེབས་ཅེས་བྱ་བ། ཨ་ཧོ་སྤྱི་བོ་བདེ་ཆེན་འཁོར་ལོའི་གཞལ་ཡས་ཀྱི་དབུས་ན། །དཔལ་ལྡན་བླ་མ་སྐུ་ཡི་རྡོ་རྗེ་དེ་བཞུགས་ཡོད། །སྣང་སྟོང་དབྱེར་མེད་ངང་ནས་གསོལ་བ་རང་འདེབས་སོ། །ལུས་སྣང་སྤྲུལ་སྐུར་དག་པར་བྱིན་གྱིས་རང་རློབས་ཤིག །མགྲིན་པ་ལོངས་སྤྱོད་འཁོར་ལོའི་པདྨོ་ཡི་དབུས་ན། །དཔལ་ལྡན་བླ་མ་གསུང་གི་རྡོ་རྗེ་དེ་བཞུགས་ཡོད། །གྲགས་སྟོང་དབྱེར་མེད་ངང་ནས་གསོལ་བ་རང་འདེབས་སོ། །རླུང་སྔགས་ལོངས་སྐུར་རྫོགས་པར་བྱིན་གྱིས་རང་རློབས་

[Full Size]

ཤིག །སྙིང་ག་ཆོས་ཀྱི་འཁོར་ལོའི་ཆུ་སྐྱེས་ཀྱི་དབུས་ན། །དཔལ་ལྡན་བླ་མ་ཐུགས་ཀྱི་རྡོ་རྗེ་དེ་བཞུགས་ཡོད། །རིག་སྟོང་དབྱེར་མེད་ངང་ནས་གསོལ་བ་རང་འདེབས་སོ། །རྟོགས་ཚོགས་ཆོས་སྐུར་སྨིན་པར་བྱིན་གྱིས་རང་རློབས་ཤིག །རང་སྣང་རྣམ་པར་དག་པའི་ཡེ་ཤེས་ཀྱི་ཀློང་ན། །སྐྱབས་ཀུན་འདུས་ཞལ་དྲིན་ཆེན་བླ་མ་དེ་བཞུགས་ཡོད། །རྩེ་གཅིག་གུས་པའི་ཡིད་ཀྱིས་གསོལ་བ་རང་འདེབས་སོ། །དུས་གསུམ་འདུ་འབྲལ་མེད་པར་བྱིན་གྱིས་རང་རློབས་ཤིག །ཚུལ་ཁྲིམས་རྣམ་པར་དག་པ་ཡོན་ཏན་གྱི་ཞིང་ས། །ངེས་འབྱུང་བྱང་ཆུབ་སེམས་གཉིས་དམ་ཆོས་ཀྱི་སྙིང་པོ། །ཐོས་བསམ་ཕ་མཐར་སོན་པ་ཉམས་ལེན་གྱི་འཇུག་སྒོ། །རྩེ་གཅིག་ཟབ་དོན་བསྒོམ་པ་དོན་ལྡན་གྱི་བགྱི་བ། །སྣང་སྲིད་ལྷ་སྐུར་ཤར་བ་ཡེ་ཤེས་ཀྱི་རོལ་མོ། །རྩ་རླུང་དབུ་མར་ཐིམ་པ་གསང་ཆེན་གྱི་མྱུར་ལམ། །ཀ་དག་བསམ་བརྗོད་བྲལ་བ་གནས་ལུགས་ཀྱི་མཐར་ཐུག །ལྷུན་གྲུབ་སྣང་བཞིའི་ཉམས་ལེན་ཁྱད་པར་གྱི་གསེང་ལམ། །རྩེ་གཅིག་རྒྱུད་ལ་བསྟར་བའི་སྐལ་བཟང་གི་སྣང་བས། །གཟུང་འཛིན་འཁྲུལ་པའི་མུན་པ་ཆོས་དབྱིངས་སུ་ཐིམ་ནས། །འཕོ་ཆེན་འཇའ་ལུས་རྡོ་རྗེའི་གོ་འཕང་ལ་རོལ་པའི། །ངོ་མཚར་ཚེ་འདིར་འགྲུབ་པའི་སྨོན་ལམ་ཞིག་ཞུའོ། །ཞེས་གྲུབ་པའི་དབང་ཕྱུག་བྱེ་བའི་གཙུག་རྒྱན་

[Full Size]

མེ་ལོང་རྡོ་རྗེའི་རིགས་ལས་སོན་པའི་དགེ་ཚུལ་བསྟན་འཛིན་དཔལ་འབར་ཐུགས་དགྱེས་པའི་སླད་དུ་མཁྱེན་བརྩེའི་དབང་པོས་སོ། ༈ །རང་གཞན་གྱི་སྤྱོད་ཚུལ་ལ་ཡིད་ངེས་པར་འབྱུང་བའི་རྡོ་རྗེའི་གླུ་དྲང་སྲོང་གཞོན་ནུའི་གཏམ་ཞེས་བྱ་བ། ཀྱེ་མ། དྲན་པས་སྙིང་གི་གདུང་བ་ཀུན་སེལ་བའི། །ཁྱབ་བདག་བླ་མ་ཡེ་ཤེས་ཀྱི་སྐུ་ཅན། །བཀའ་དྲིན་མཉམ་མེད་ཞབས་སེན་གྱི་ནོར་བུ། །སྤྱི་བོའི་པདྨར་འབྲལ་མེད་དུ་བཞུགས་ཤིག །ལེགས་པར་སོམས་དང་བླུན་རྨོངས་ཀྱི་དྲེད་པོ། །རང་ལ་བལྟས་ན་འཁོས་མེད་དང་ཐབས་སྡུག །གཞན་ལ་བལྟས་ན་ཡི་མུག་གི་རང་བཞིན། །ཅི་ལ་བསམས་ཀྱང་སྙིང་པོ་ནི་མ་མཆིས། །མང་དུ་ཐོས་ཀྱང་ཚིག་སྐམ་གྱི་གཤར་སྦྱངས། །འཆད་སྤེལ་བྱས་ཀྱང་དམ་ཉམས་ཀྱི་སྒྲུབ་ཐབས། །ལྷག་བསམ་བསྐྱེད་ཀྱང་གཡོ་ཟོལ་དུ་མཐོང་བའི། །དུས་ངན་སྙིགས་མའི་སྤྱི་ལུགས་ལ་གཟིགས་དང་། །བསམ་པ་དགེ་ཡང་སྟོབས་༧འབྱོར་གྱིས་དབེན་པས། །གཞན་ལ་ཕན་པའི་གོ་སྐབས་ནི་མ་མཆིས། །མི་ཚེ་ཐམས་ཅད་དོན་མེད་ཀྱི་བྱ་བས། །རང་གཞན་གཉིས་མགོ་བསྐོར་བ་འདི་མཐོང་ངམ། །དྲག་དྲག་མགོ་ཅན་ང་རྒྱལ་གྱིས་སྦོས་ཤིང་། །ཞན་ཞན་རྣམས་ནི་ལྟོ་གོས་ཀྱི་ཁོལ་པོ། །ཀུན་ཀྱང་བླུན་ཞིང་གཏི་མུག་གི་རང་བཞིན། །འདི་འདྲས་རྒྱལ་བསྟན་ཇི་ལྟར་རང་འཛིན་ཨང་། །མཁས་པ་ཕལ་ཆེར་ཆགས་སྡང་གི་ཚང་

[Full Size]

ཚིང་། །གྲུབ་ཐོབ་རློམས་འགའ་བདུད་རིགས་ཀྱི་སྒྱུ་འཕྲུལ། །གངས་དཀར་ཏི་སེའི་རྒྱངས་སྒྲ་ལྟར་མཐོང་བས། །ད་ནི་རང་ཚོད་རང་ཉིད་ཀྱིས་ཟུངས་ཤིག །དགོན་གོག་ཁ་འཛིན་དམྱལ་བ་ཡི་ཚོགས་ཁང་། །བསྒྲིགས་དང་གྲ་ས་ཟིན་མེད་ཀྱི་སོ་ནམ། །སྦྱིན་བདག་ངོ་སྲུང་མགུ་མཁང་གི་རང་བཞིན། །ཅིས་ཀྱང་སྙིང་པོ་མེད་པ་ལ་སོམས་དང་། །ཕར་ལྟོས་བླ་དཔོན་རེ་དོག་གི་འབྱུང་གནས། །ཚུར་ལྟོས་འཁོར་སློབ་སྡུག་བསྔལ་གྱི་ཞིང་ས། །འདུལ་རྒྱུའི་དགྲ་བོ་ཞེ་སྡང་གི་བུད་ཤིང་། །བསྐྱང་རྒྱུའི་གཉེན་ནོར་འདོད་ཆགས་ཀྱི་གཡབ་མོ། །དེ་འདྲའི་དཀའ་ལས་དོན་མེད་ཀྱི་བྱ་བཞག །སྨྱོན་པའི་ཟློས་གར་བརྩེ་བ་ལྟར་མཐོང་ནས། །བློ་སྣ་ཐུང་ངུའི་སློབ་དཔོན་དང་འགྲོགས་ཏེ། །མི་མེད་དབེན་པའི་རི་སུལ་དུ་གཤེགས་ལ། །འཕགས་དང་མཁས་པའི་ཞལ་ལུང་གི་བདུད་རྩི། །དེ་སྔ་ཐོས་པ་དེ་ཙམ་གྱིས་ཆོག་གི །ཐོས་དང་སྙིང་པོར་དྲིལ་བ་ཡི་ཉམས་ལེན། །ད་ནི་མི་རན་དགུ་རན་དུ་འདུག་གོ །གལ་ཏེ་སྒྲུབ་པ་མ་བྱུང་དུ་ཟིན་ཡང་། །རང་གཞན་གཉིས་མགོ་བསྐོར་བ་འདི་སྤངས་ནས། །ཆགས་སྡང་མེད་པའི་གར་སྐྱིད་ཀྱི་ཡུལ་དུ། །བཟའ་གཏད་བྲལ་བའི་སྤྱོད་ཚུལ་ལ་ཞུགས་ཤིག །ཅེས་པའང་ཐོལ་བྱུང་དུ་སྨྲས་པའོ། ༈ །ཡེ་ཤེས་ཀྱི་ཌཱ་ཀི་ནཱི་ལ་རྩ་སྔགས་དང་སྦྱར་བའི་སྒོ་ནས་བསྟོད་པའི་རྡོ་

[Full Size]

རྗེའི་གླུ་ཕྱིན་དྲུག་དཔལ་མོ་བཞད་པའི་དབྱངས་སྙན་ཞེས་བྱ་བ། ཨ་ཧོ། ཨོཾ་གྱི་ངོ་བོར་སོན་པའི་བློ་འདས་ཀྱི་ཉམས་འགྱུར། །ཕྲ་རབ་རྡུལ་དང་བྲལ་བ་ཡེ་ཤེས་ཀྱི་མེ་ལྕེས། །ཧཾ་ཡིག་བདུད་རྩིར་བཞུ་བའི་ལོངས་སྤྱོད་ཀྱི་ཚོགས་རྗེ། །བདེ་ཆེན་སྦྱིན་པའི་ཕ་རོལ་ཕྱིན་མ་ལ་འདུད་དོ། །པདྨོ་རྒྱས་པའི་དཔལ་ཅན་ལྷན་སྐྱེས་ཀྱི་སྦྲང་རྩི། །ལུགས་ལྡོག་བུང་བ་དགའ་བའི་བཅུད་ལེན་དུ་འཐུང་བས། །རྣམ་ཀུན་མཆོག་ཏུ་མི་འགྱུར་ངལ་འཚོ་ལ་སྦྱོར་བའི། །ཟག་མེད་ཚུལ་ཁྲིམས་ཕ་རོལ་ཕྱིན་མ་ལ་འདུད་དོ། །ཡོ་གི་ནི་ཁྱོད་ཐབས་མཆོག་བདེ་བ་ཡི་རེག་བྱས། །ཤེས་དང་ཤེས་བྱ་རོ་གཅིག་མངོན་སུམ་དུ་དྲངས་པས། །མཁའ་ཁྱབ་རྡོ་རྗེ་བཙུན་མོའི་སྣང་བརྙན་དུ་ཤར་བའི། །ཟབ་མོ་བཟོད་པའི་ཕ་རོལ་ཕྱིན་མ་ལ་འདུད་དོ། །ཛྷཱ་ན་གཅིག་པུ་རྣམ་པ་ཐམས་ཅད་དུ་འཆར་བ། །ཞིང་སྔགས་ལྷན་སྐྱེས་དཔལ་མོ་འབུམ་ཕྲག་གི་དབུས་ན། །གང་འདུལ་རྒྱུན་གྱིས་རྟག་པའི་དགའ་སྟོན་ལ་རོལ་པ། །མཐའ་ཡས་བརྩོན་འགྲུས་ཕ་རོལ་ཕྱིན་མ་ལ་འདུད་དོ། །ཝཱ་ར་ཧཱི་ཞེས་འབར་གཡོ་བརྟན་པ་ཡི་རྟོགས་ཚོགས། །སྙིང་དབུས་མི་_ཤིགས་དྷ་ཏིའི་ཕྱག་རྒྱ་རུ་བསྡམས་པས། །ཁམས་གསུམ་བསམ་མི་ཁྱབ་པའི་མཁའ་དབྱིངས་སུ་ཐིམ་པ། །འོད་གསལ་བསམ་གཏན་ཕ་རོལ་ཕྱིན་མ་ལ་འདུད་དོ། །ཧཱུྃ་ཡིག་ཡེ་ཤེས་ལྔ་ལྡན་གཞོམ་མེད་

[Full Size]

ཀྱི་ཐིག་ལེ། །སྒྲིབ་གཉིས་ཆ་བཅས་སྤངས་པ་ཆོས་ཉིད་ཀྱི་གཤིས་ལུགས། །ཟབ་གསལ་དབྱེར་མི་ཕྱེད་པ་སྐུ་གསུམ་གྱི་རང་བཞིན། །ཟུང་འཇུག་ཤེས་རབ་ཕ་རོལ་ཕྱིན་མ་ལ་འདུད་དོ། །ཨ་ཧོ་ཀ་དག་ཌཱ་ཀིའི་ཡེ་ཤེས་ཀྱི་རང་གདངས། །ལྷུན་གྲུབ་སྣང་བ་རྣམ་བཞིའི་འཇོ་སྒེག་དང་སྦྲགས་ནས། །འཕོ་ཆེན་འཇའ་ལུས་རྡོ་རྗེ་དོན་དམ་གྱི་ཕག་མོའི། །གོ་འཕང་ཚེ་འདིར་འགྲུབ་པའི་དངོས་གྲུབ་ཞིག་ཞུའོ། །ཞེས་པའང་དམར་ཕྱོགས་མཁའ་འགྲོ་འདུ་བའི་དུས་ཀྱི་མཆོད་པ་ཞིག་དང་རྗེས་སུ་འབྲེལ་བར་ཀུན་མཁྱེན་བླ་མ་དགྱེས་པའི་འབངས་མཁྱེན་བརྩེའི་ལྷས་གང་ཤར་གྱི་རྟོག་པ་ཡི་གེའི་གཟུགས་སུ་འདུ་བྱས་པ་སྟེ། འདིས་ཀྱང་རྒྱུ་དང་མི་རྒྱུའི་དངོས་ཀུན་བདེ་བ་ཆེན་པོའི་ཡེ་ཤེས་སུ་འཆར་བའི་ལྷན་ཅིག་བྱེད་པའི་རྐྱེན་དུ་གྱུར་ཅིག ༈ །ཡེ་ཤེས་ཀྱི་ཌཱ་ཀི་ནཱི་ལ་རྩ་སྔགས་ཀྱི་སྒོ་ནས་བསྟོད་པ་གྲུབ་པའི་ངག་ཅེས་བྱ་བ། ན་མོ་གུ་རུ༔ ཨོ་ཡིག་ལས་སྐྱེས་རྒྱལ་ཀུན་སྐུ་རྡོ་རྗེ། །དགྱེས་ཆགས་བཞད་པའི་རྣམ་པར་ཡོངས་ཤར་བས། །དཀྱིལ་འཁོར་རྒྱ་མཚོ་སྤྲོ་དང་བསྡུ་བའི་བདག །སྲིད་ཞིའི་བྱེད་པོ་ཁྱོད་ལ་ཕྱག་འཚལ་བསྟོད། །པདྨོ་རྒྱས་པའི་དཔལ་ལས་བྱུང་བ་ཡི། །སྦྲང་རྩིའི་ཟིལ་དངར་སར་པས་མཚོན་མིན་པའི། །མི་ཤིགས་རྡོ་རྗེ་ནཱ་དའི་སྒྲ་དབྱངས་ཀྱིས། །ལུང་རྟོགས་ཆོས་ཁམས་སྤྲོ་ལ་ཕྱག་འཚལ་བསྟོད། །ཡོ་གི་རྣམས་ལ་རྟག་པར་བརྩེ་བ་ཡི། །ཐུགས་རྗེའི་གསེར་སྤྲིན་རོལ་པའི་ཟློས་

[Full Size]

གར་གྱིས། །གྲུབ་གཉིས་ནོར་བུའི་གྲུ་ཆར་འབེབས་མཁས་པའི། །སྔོན་མེད་གདེངས་ཅན་བདག་པོར་ཕྱག་འཚལ་བསྟོད། །ནཱི་ལའི་མདངས་ཅན་སྤྱན་གྱི་ཟུར་མདའ་ཙམ། །གང་ལ་རེག་པ་ཡིས་ཀྱང་ཊྛ། ཕན་དང་བདེའི། །འདོད་དགུ་གཅིག་ཅར་འཇོ་བའི་ཡོན་ཏན་གྱི། །ངོ་མཚར་ཕ་མཐའ་ཡས་ལ་ཕྱག་འཚལ་བསྟོད། །ཛཱ་ན་པ་ར་མི་ཏཱའི་ས་བརྙེས་ཕྱིར། །འཇུག་དང་ལྡང་བ་བྲལ་བར་རབ་ཞི་ཡང་། །རྣམ་བཞིའི་ཕྲིན་ལས་འགོགས་པ་མེད་པ་ཡིས། །སྐལ་བཟང་ཀུན་དགར་བགྱིད་ལ་ཕྱག་འཚལ་བསྟོད། །ཝ་རིའི་གཏེར་གྱི་མཇིང་ཟབ་ལས་ཐོན་པའི། །པདྨ་རཱ་གའི་མདངས་འཕྲོག་དགའ་མ་ཁྱོད། །མཐོང་བའི་མོད་ནས་བདེ་སྟོང་ཡེ་ཤེས་ཀྱིས། །སྙིང་ལ་འཁྱུད་པར་མཛད་དེར་ཕྱག་འཚལ་བསྟོད། །ཧཱི་ཧིའི་འཛུམ་དཀར་གཡོ་བའི་རྡོ་རྗེའི་གསུངས། །ཐོས་པ་ཙམ་གྱིས་ཀུན་ཏུ་རྟོག་པའི་མུན། མཐའ་དག་བསལ་ནས་ནང་གི་ཉི་མ་ཡིས། །རྣམ་གྲོལ་སྣང་བ་སྦྱིན་ལ་ཕྱག་འཚལ་བསྟོད། །ཧཱུཾ་གི་ངོ་བོར་ཆོས་ཀུན་སོན་པའི་ཐུགས། །དྲན་པའི་རྡོ་རྗེས་གཟུང་འཛིན་རི་བོའི་རྐང་། །ཡོངས་སུ་བཅིང་ནས་མཁྱེན་བརྩེའི་འཆི་མེད་གྲོང་། །རྟག་པར་བརླིང་བར་མཛད་ལ་ཕྱག་འཚལ་བསྟོད། །དེ་ལྟར་གུས་པས་བསྟོད་པའི་མཐུ་ཡིས་བསོད་ནམས་ཆུ་གཏེར་འཕེལ་བའི་རླབས། །ཟླ་བ་ནོར་བུའི་རྩེ་

[Full Size]

དགར་དགོད་ལས་ཕུན་ཚོགས་ཤིས་དགུའི་ཀུ་མུ་དཱ། །འཛུམ་བཅས་རོལ་པའི་རྐང་སྟེགས་ལ་འཛེགས་སྲིད་ཞིའི་འབྱོར་པའི་བསིལ་བ་ཡིས། །ཚུལ་མིན་རྒུད་པའི་ཚ་གདུང་ཀུན་བཅིལ་དགེ་མཚན་གཡོ་བ་མེད་གྱུར་ཅིག །རྗེ་བཙུན་རྡོ་རྗེ་རྣལ་འབྱོར་མ་ལ་རྩ་སྔགས་དང་སྦྱར་བའི་བསྟོད་པ་འདི་ཡང་དམར་ཕྱོགས་ཌཱཀྐི་འདུ་བའི་དུས་དགེ་བར་སྨྲ་བའི་ཉི་མའི་བློ་མཚོ་ལས་བྱུང་བའོ། །།ཨ་ཧོ། །ལྔ་ལྡན་འཇའ་ཟེར་འཁྲུགས་པའི་ཡེ་ཤེས་ཀྱི་འོད་ཀློང་། །འོག་མིན་པདྨ་དྲྭ་བའི་དགའ་ཚལ་གྱི་དབུས་ན། །ང་ཡི་བླ་མ་མཚོ་སྐྱེས་རྡོ་རྗེ་དེ་བཞུགས་ཡོད། །བྱིན་རླབས་ཆར་ཆེན་ཕོབ་ཅིག་ཨོ་རྒྱན་གྱི་ཆོས་རྗེ། །ཤར་ཕྱོགས་ཌ་ཀི་འདུ་བའི་པི་ཝཾ་གི་སྙན་འགྱུར། །ལྷོ་མོན་སྨྱུག་མའི་ཚལ་གྱི་ཁུ་བྱུག་གིས་བླངས་ནས། །དབྱར་སྐྱེས་མྱུ་གུ་འདྲེན་པའི་སྐྱོ་གྲོགས་ལ་ཕེབས་དང་། །ཉམས་དགའི་པདྨོ་རྒྱས་པའི་ངོ་མཚར་ཞིག་ཡོད་དོ། །མཁའ་དབྱིངས་དྭངས་པར་ཤར་བའི་དབང་པོ་ཡི་གཞུ་རིས། །སྐེད་པར་ལན་བདུན་མདུད་པའི་བཀྲག་མདངས་ཀྱི་མཚར་སྡུག །རི་བྲག་ཚང་ཚིང་ཅན་གྱི་མགུལ་པ་རུ་འཁྱུད་ན། །བྱིས་པའི་མིག་སྔར་བཀྲ་བའི་ལྟད་མོ་ཞིག་ཡོད་དོ། །དུར་ཁྲོད་འཇིགས་སུ་རུང་བའི་ནགས་ཚལ་གྱི་དོ་རར། །ཅིར་ཡང་རྒྱུ་ཞིང་སྤྱོད་པའི་མི་སྲུན་གྱི་ཅེ་སྤྱང་། །ཚིམ་མེད་རོ་ལ་ཞེན་པའི་སྣང་ཚུལ་འདི་ལྟོས་དང་། །སྐྱོ་ཤས་

[Full Size]

གཏིང་ནས་སློང་བའི་སྐྱུགས་སྨན་ཞིག་ཡོད་དོ། །ཨ་མ་སྙེ་མ་སྨིན་པའི་ཁ་ཟས་ཀྱི་ཡོ་ལང་། །ཀླད་མེད་ཁྭ་ཏའི་ཚོགས་ཀྱི་མཆུ་ཐོ་རུ་ཐོགས་བཞིན། །ཡིད་ལ་སྲེད་པས་བཅིང་བའི་ཡི་དྭགས་འདིར་སོམས་དང་། །གད་མོ་ཁོང་ནས་འཁྲུགས་པའི་སྙིང་སྐྲན་ཞིག་ཡོད་དོ། །སྒྱེད་པུ་གསེར་དུ་སོང་བའི་དབུལ་ཕོངས་ཀྱི་བླུན་པོ། །རིན་ཐང་གཞན་ལ་འཚོལ་བའི་ཆེ་ཐབས་ཀྱི་བྲེལ་བས། །ཚེ་གང་ཤ་ཐང་ཆད་པའི་གྱ་གྱུ་འདིར་གཟིགས་དང་། །ཅིས་ཀྱང་དགོས་མེད་སྟོན་པའི་སློབ་དཔོན་ཞིག་ཡོད་དོ། །སྟོན་གནམ་སྒྲིབ་མེད་ངོགས་སུ་སྤྲིན་དཀར་གྱི་ཉམས་འགྱུར། །གྲངས་མེད་འཁོར་བའི་རྩེད་འཇོའི་བྱུང་གནས་དང་འགྲོ་གསུམ། །ཅི་བྱས་ལག་རྗེས་མེད་པའི་སྟོང་ཆེན་འདིར་གཟིགས་དང་། །གྲུབ་པའི་དུས་ཚོད་བྲལ་བའི་བརྡ་སྟོན་ཞིག་ཡོད་དོ། །བྱེ་མའི་ཁང་བཟང་བསྐྲུན་པའི་ཅོལ་ཆུང་གི་བྱིས་པ། །འཐོར་རླུང་དྲག་པོའི་ཤུགས་ཀྱིས་རང་ས་རུ་རྡིབ་ཚེ། །ཤ་ཐང་ཆད་ཆད་གཙེར་པའི་སྨྲེ་ངག་འདི་སོམས་དང་། །དོན་མེད་དུ་ཁས་མནར་བའི་མཚོན་བྱེད་ཞིག་ཡོད་དོ། །གཏན་དུ་བདེ་བའི་བྲག་སུལ་མལ་འོག་ཏུ་བཅུག་ནས། །འཕྲལ་དུ་ཉམས་དགའི་ཐང་ལ་བག་ཡངས་སུ་དཀྱུ་བས། །བཞག་ཏུ་མེད་པའི་གཙོང་ཅན་རི་བོང་འདིར་སོམས་དང་། །ལྐོག་ཏུ་གྱུར་པའི་རྣམ་ཐར་རྗེས་དཔག་ཏུ་

[Full Size]

ཡོད་དོ། །ཨ་ཅང་རྩེད་མོ་ཡིན་མོད་སྟོང་པ་དང་རྟེན་འབྱུང་། །ཟུང་འཇུག་སྒྱུ་མའི་སློབ་དཔོན་མངོན་སུམ་གྱི་བཀོད་པ། །ཅི་བྱས་ཉམས་འོག་ཚུད་པའི་བློ་བདེ་འདིར་སོམས་དང་། །འཕྲལ་ཡུན་ཀུན་ཏུ་དགེ་བའི་ས་བོན་ཞིག་ཡོད་དོ། །ཨ་ཧོ་གསལ་ལ་མི་གསལ་དར་དིར་གྱི་གླིང་བུ། །བྱ་བ་བཏང་བཞག་གཉིས་མིན་འཛུབ་མོ་ཡིས་བསྒྲེང་བར། །རྩེ་གཅིག་དཀྱས་ཐང་མ་ཆོད་རི་དགས་ཚོགས་ཉོན་དང་། །མཛུབ་མོས་བཙན་ས་མཚོན་པའི་བརྡ་སྤྲོད་ཞིག་ཡོད་དོ། །ཨོཾ་མ་ཎི་པདྨེ་ཧཱུྃ་ཧཱུྃ༔ ། །ཟབ་མོའི་ལམ་ལས་བརྩམས་པའི་རྡོ་རྗེའི་གླུ་ཐབས་གྲོལ་སྙིང་པོ་ཞེས་བྱ་བ། ཨ་ཧོ། རང་སྣང་རྣམ་པར་དག་པ་པདྨ་འོད་ཀྱི་ཞིང་ནས། །རིག་སྟོང་གཉུག་མའི་གར་མཁན་འཆི་མེད་མཚོ་སྐྱེས་བླ་མའི། །སྐུ་གསུང་ཐུགས་ཀྱི་ཡེ་ཤེས་དེང་འདིར་མངོན་སུམ་སྣང་བས། །སྐལ་བཟང་འདུས་པའི་ཚོགས་ཀྱི་ཤེས་རྒྱུད་བྱིན་གྱིས་རློབས་ཤིག །དལ་འབྱོར་རྙེད་དཀའ་ཐོབ་པ་ད་ལན་ཁོ་ན་ལགས་ཀྱང་། །འདུས་བྱས་མི་རྟག་ཕྱིར་ན་ནམ་འཆིའི་ངེས་པ་མ་མཆིས། །འཆི་ཚེ་དཀར་ནག་ལས་ཀྱི་གཞན་དབང་ཁོ་ནའི་འཕེན་པས། །འཁོར་བ་གང་དུ་སྐྱེས་ཀྱང་སྡུག་བསྔལ་གསུམ་གྱི་རང་བཞིན། །དེ་བས་བདག་གཞན་འགྲོ་ཀུན་ཐར་པའི་གོ་འཕང་ཐོབ་ཕྱིར། །བླ་མ་དཀོན་མཆོག་རྒྱ་མཚོ་གཙུག་གི་ནོར་བུར་བསྙེན་ནས། །

[Full Size]

གཞན་ཕྱིར་སངས་རྒྱས་འདོད་པའི་སྨོན་པ་བྱང་ཆུབ་སེམས་དང་། །དེ་རྒྱུ་འཇུག་པའི་བསླབ་བྱ་ཕར་ཕྱིན་དྲུག་ལ་བསླབ་མཛོད། །གང་ཟག་ཆོས་ཀྱི་བདག་འཛིན་རྟོག་པས་བཏགས་པ་ཙམ་ལས། །ཡུལ་དང་ཡུལ་ཅན་གཉིས་ཀ་བདེན་མེད་སྤྲོས་བྲལ་གཤིས་ལུགས། །ཤེས་རབ་ཕ་རོལ་ཕྱིན་པས་ཡེ་ཤེས་ཚོགས་ཆེན་བསགས་ནས། །རྟེན་འབྱུང་སྒྱུ་མ་ཙམ་དུ་བསོད་ནམས་ཐབས་ལ་འབུངས་ཤིག ། རྣམ་དག་སྨིན་བྱེད་དབང་བཞིའི་བདུད་རྩིའི་ཆུ་རྒྱུན་བཏུང་བས། །རྩ་རླུང་ཐིག་ལེའི་རྟོག་ཚོགས་སྐུ་བཞིར་བྱིན་གྱིས་བརླབས་ཏེ། །དབང་སྲོག་དམ་ཚིག་སྡོམ་པ་སྙིང་ལས་གཅེས་པར་བཟུང་ན། །ཐུན་མོང་མཆོག་གི་དངོས་གྲུབ་འབད་མེད་ལྷུག་པར་འབྱུང་ངོ་། །འགལ་རྐྱེན་སྡིག་སྒྲིབ་སྦྱོང་བྱེད་རྡོ་རྗེ་སེམས་དཔའི་བསྒོམ་བཟླས། །མཐུན་རྐྱེན་ཚོགས་བསགས་མྱུར་ལམ་སྐུ་གསུམ་མཆོད་པའི་མཎྜལ། །ལྷག་པར་ཉམས་རྟོགས་རྩོལ་མེད་སྙིང་གི་དབུས་སུ་སད་བྱེད། །མོས་གུས་བླ་མའི་རྣལ་འབྱོར་འབྲལ་མེད་རྟག་ཏུ་སྒོམས་ཤིག །གང་གི་དྲིན་ལས་བྱུང་བའི་གྲོལ་ལམ་ཕྱག་རྒྱ་ཆེན་པོ། །ནམ་མཁའི་དཀྱིལ་ལྟར་དག་པའི་རང་གདངས་རྟེན་ཅིང་འབྲེལ་འབྱུང་། །ཅིར་སྣང་ལྷ་སྐུར་ཤར་བས་སྔགས་ཀྱི་ཚོགས་ལམ་རྫོགས་པའི། །ཐབས་མཆོག་རིམ་པ་དང་པོ་བུམ་དབང་ལམ་ཁྱེར་སྐྱོང་མཛོད། །ཁྱད་

[Full Size]

པར་ཐབས་ཀྱི་མཐར་ཐུག་སྲོག་རྩོལ་རླུང་གི་རྒྱུ་བ། །སྦྱོར་བ་བཞི་ལྡན་བྱེད་པས་དབུ་མའི་དབྱིངས་སུ་བཅིངས་ནས། །ཨ་ཧཾ་འབར་འཛག་བདུད་རྩིས་རྩ་ཁམས་ཐམས་ཅད་ཁྱབ་པས། །གསལ་སྟོང་བདེ་བས་བརྒྱན་པའི་གསང་དབང་ལམ་ལ་བསྙེན་ཅིག །དངོས་ཡིད་ཕྱག་རྒྱའི་རེག་བྱར་འདུ་ཤེས་གསུམ་གྱིས་འཁྱུད་ནས། །ཐིག་ལེ་དབབ་བཟློག་དགྲམ་བསྐྱིལ་འཁོར་ལོ་རྣམ་བཞིར་སོན་པས། །མཐོང་ལམ་དངོས་སུ་སྦྱོར་བའི་དགའ་བཞི་དཔེ་ཡི་ཡེ་ཤེས། །སྣང་གསུམ་འཕོ་བ་མེད་པའི་ཤེར་དབང་རྣལ་འབྱོར་བརྩོན་མཛོད། །ཀ་དག་གཉུག་མའི་ཡེ་ཤེས་གཞི་དབྱིངས་མངོན་སུམ་མཐོང་ནས། ། རིག་གདངས་རྡོ་རྗེ་ལུག་རྒྱུད་ཟུང་དུ་འབྲེལ་བར་བསྒོམ་ཞིང་། །གཟུང་འཛིན་ཞེན་པ་སྤངས་པས་མི་སློབ་ཟུང་འཇུག་ཐོབ་པའི། །དབང་བཞི་ལམ་གྱི་མཐར་ཐུག་རྫོགས་པ་ཆེན་པོའི་ཁྱད་ལ ཆོས། །གལ་ཏེ་གདོད་མའི་གོ་འཕང་ཚེ་འདིར་མ་ཐོབ་སྲིད་ན། །འཆི་ཁར་དབྱིངས་གསུམ་གཅུན་པས་འོད་གསལ་སྦུབས་སུ་འཇུག་སྟེ། །ཆོས་ཉིད་བར་དོའི་སྣང་ཆ་རིག་རྩལ་རོལ་པར་ཤེས་ཤིང་། །སྲིད་པ་བར་དོའི་འཁྲུལ་པ་ལྷ་སྔགས་ཆོས་སྐུར་སྦྱོངས་ཤིག །དེ་ལྟར་ཟབ་མོའི་ལམ་ལ་གོམ་པ་ཕ་མཐར་སོན་པས། །མཐར་ཐུག་གཞི་ལས་འཕགས་པའི་གཞི་སྣང་ཆོས་སྐུར་ཕྲོལ་ཏེ། །བདེ་ཆེན་སྙིང་

[Full Size]

རྗེའི་ཐབས་ཀྱི་ཡེ་ཤེས་སྐུ་ཡི་རོལ་མོས། །ནམ་མཁའ་ཇི་སྲིད་བར་དུ་གཞན་དོན་ལྷུན་གྲུབ་འབྱུང་ངོ་། །ཨེ་མ་ཐབས་གྲོལ་ལམ་གྱི་ངེས་གསང་ཅུང་ཟད་བརྗོད་པས། །བདག་གཞན་ཡིད་ཅན་རྒྱ་མཚོས་དབེན་ཞིང་ཉམས་དགའི་གནས་སུ། །ཡོངས་རྫོགས་བསྟན་པའི་ཉམས་ལེན་སྟན་ཐོག་གཅིག་ཏུ་བསྒོམ་ནས། །འཇའ་ལུས་རྡོ་རྗེའི་གོ་འཕང་ཚེ་འདིར་འགྲུབ་པར་ཤོག་ཅིག །ཅེས་པའང་མདོ་ཁམས་ཀྱི་གཏེར་སྟོན་གར་དབང་ཉི་ཟླ་སྙིང་པོའི་རིགས་ལས་སོན་པའི་བླ་མ་དམ་པ་ཡེ་ཤེས་རྡོ་རྗེས་དྲིས་ཤིང་བསྐུལ་བ་ལས། །ཆོས་སྨྲ་བའི་གཟུགས་བརྙན་མཁྱེན་བརྩེའི་དབང་པོས་འོག་མིན་ཨོ་རྒྱན་སྨིན་གྲོལ་གླིང་དུ་གང་ཤར་སྨྲས་པའོ། ༈ །བདེ་ཆེན་རྡོ་རྗེའི་ལམ་མཆོག་ལ་སྐུལ་བའི་གླུ་བདེ་བ་ཆེན་པོའི་ཏམྦུ་ར་ཞེས་བྱ་བ། ཨ་ཧོ་མ་ཧཱ་སུ་ཁ་ཧོ། ཀ་མ་ལ་ཡི་ཟེའུ་འབྲུའི་འཛུམ་དཀར་གྱི་དབུས་ནས། །ཁ་ཁ་མུ་ཁའི་ལྕགས་ཀྱུ་གསང་སྦུབས་སུ་དྲངས་ཏེ། །ག་ལས་འཇིགས་པ་མེད་པའི་བརྟུལ་ཞུགས་ལ་སྤྱོད་ན། །ང་བདག་འཛིན་བྲལ་རྟོགས་པའི་གསེང་ལམ་ཞིག་ཡོད་དོ། །ཅ་ཅོ་ཧ་ཧའི་བཞད་སྒྲའི་འཁུན་གླུ་དང་བཅས་ཏེ། །ཆ་ལུགས་ཡིད་འཕྲོག་རིག་མའི་སྙོམས་འཇུག་གི་རྩེད་འཇོ། །ཇ་ཆང་བདུད་རྩིའི་དཔལ་བཞིན་ངོམ་མེད་དུ་སྤྱོད་ན། །ཉ་ཟླས་གདུང་བ་སེལ་འདྲའི་དགའ་སྟོན་ཞིག་ཡོད་དོ། །ཏ་ན་ནུམ་མཁྲེགས་ཤིང་རྒྱས་པའི་གཞོན་ནུ་མའི་ཚོགས་ལ། །ཐ་མལ་འདུ་

[Full Size]

ཤེས་ལྷ་སྔགས་ཆོས་སྐུ་རུ་བསྒྱུར་ཏེ། །ད་གཟོད་བསྲུབས་ཤིང་བསྲུབ་པའི་འཁྲུལ་འཁོར་ལ་སྤྱོད་ན། །ན་མར་བདེ་ཆེན་འདྲེན་པའི་ཉམས་དགའ་ཞིག་ཡོད་དོ། །པཱ་ར་མི་ཏའི་ཡེ་ཤེས་མངོན་སུམ་དུ་མཚོན་པ། །ཕ་རོལ་མཚན་ལྡན་དགའ་མའི་རེག་བྱ་ལ་བརྟེན་ནས། །བ་ལི་གསང་བ་ཆེན་པོའི་ཚོགས་འཁོར་ལ་སྤྱོད་ན། །མ་དང་མཁའ་འགྲོ་དགྱེས་པའི་དངོས་གྲུབ་ཞིག་ཡོད་དོ། །ཙ་ཀོ་ར་བཞིན་ཆགས་པའི་ཟུར་མིག་གི་ལྕགས་ཀྱུ། །ཚ་དྲོད་བདེ་བས་བརྒྱན་པའི་བུ་མོ་ལ་བཏབ་ནས། །ཛ་ལང་ཁ་སྦྱོར་བདེ་བའི་ངལ་འཚོ་ལ་སྤྱོད་ན། །ཝ་ལེར་རིག་སྟོང་མཚོན་པའི་ཐབས་མཁས་ཞིག་ཡོད་དོ། །ཞ་རེངས་བྲལ་བའི་སྲ་མཁྲེགས་ཐབས་མཆོག་གི་རྡོ་རྗེ། །ཟ་མ་ཏོག་བཞིན་ཤེས་རབ་བྷ་ག་རུ་གསོར་བས། །འ་ཅག་ཐིག་ལེ་དབབ་ལྡོག་འཛིན་འགྲིམས་ལ་བརྩོན་ན། །ས་ལམ་བཙན་ཐབས་བགྲོད་པའི་མྱུར་ལམ་ཞིག་ཡོད་དོ། །ཧ་རིའི་དྲི་བསུང་འཐུལ་བའི་པད་ཅན་གྱི་དམར་ཆ། །ཨ་ཧཾ་སྙོམས་ཞུགས་ཞུ་བདེའི་ཏིང་འཛིན་གྱིས་དྲངས་ནས། །ཧ་ལ་བདུད་རྩིར་བསྒྱུར་བའི་ངེས་གསང་ལ་སྤྱོད་ན། །ཨ་ཧོ་འཆི་མེད་གྲུབ་པའི་དགེ་མཚན་ཞིག་ཡོད་དོ། ༈ །བདེ་ཆེན་རྡོ་རྗེའི་ཉེ་རྒྱུ་ལ་སྐུལ་བའི་གླུ་བདེ་བ་ཆེན་པོའི་རོལ་མོ་ཞེས་བྱ་བ། ཨ་ཧོ་སུ་ཁཾ་སིདྡྷི་བྷ་བ་ཏུ། ཀ་དག་གནས་ལུགས་མྱུར་དུ་རྟོགས་པ་ཞིག་

[Full Size]

འདོད་ན། །ཁ་ཙམ་མ་ཡིན་གསང་ཆེན་མྱུར་ལམ་ལ་སྦྱངས་ནས། །ག་བུར་འཛིན་པའི་དཔལ་ཅན་རིག་མ་ལ་སྤྱོད་དང་། །ང་བདག་ལས་འདས་ཉམས་མྱོང་ལྷུག་པ་རུ་སྐྱེའོ། །ཅ་ག་ཕན་ཚུན་བལྟ་རེས་ཆགས་སྤྱོད་ཀྱིས་བསྐུལ་ཞིང་། །ཆ་ལགས་ངུར་སྨྲིག་བཙུན་ཚུགས་ཅི་དགའ་རུ་དོར་ཏེ། །ཇ་ཆང་སྐྱེམས་ཀྱིས་མཚོན་མིན་སྙོམས་འཇུག་གི་ངལ་འཚོ། །ཉ་རྒྱས་ཟླ་བའི་བདུད་རྩི་ངོམས་མེད་དུ་དྲངས་ཤིག །ཏ་ཐཱ་ག་ཏའི་སྙིང་པོ་བདེ་ཆེན་གྱི་གནས་ལུགས། །ཐ་དད་ཡུལ་ན་མི་འདུག་རང་སེམས་དང་ལྷན་སྐྱེས། །ད་ལྟར་མཁའ་གསང་མཉམ་སྦྱར་འཁྲུལ་འཁོར་ལ་བརྟེན་ནས། །ན་མར་གསང་བ་ཆེན་པོའི་དགའ་སྟོན་ལ་སྤྱོད་ཅིག །པཱ་ར་མི་ཏའི་གཞུང་ལས་ཆེས་ཆེར་དུ་འཕགས་པ། །ཕ་མཐའ་ཡས་པའི་གསང་ཆེན་ཐབས་མཁས་ཀྱི་སྤྱོད་པར། །བ་ལང་ལྟ་བུའི་སྐལ་ཆད་ཉན་ཐོས་ཀུན་སྐྲག་ཀྵ ཀྱང་། །མ་རྨོངས་རིག་འཛིན་བྱེ་བའི་ཤུལ་ལམ་ལ་ཞུགས་ཤིག །ཙ་མ་ར་ལྟར་ཁེངས་ལྡན་སྲ་མཁྲེག་གི་རྡོ་རྗེ། །ཚ་དྲོད་ལང་ཚོ་དར་བའི་པདྨ་རུ་བསྣན་ནས། །ཛ་དྲག་མ་ཡིན་དལ་བུའི་བསྲུབ་སྦྱོར་གྱི་བྱེད་པས། །ཝ་ལེར་དཔེ་ཡི་ཡེ་ཤེས་རང་རྒྱུད་ལ་སྐྱེད་ཅིག །ཞ་ཉེ་མ་འདྲེས་དངུལ་ཆུའི་མདངས་འཛིན་གྱི་ཐིག་ལེ། །ཟ་མ་མོ་བཙུན་བྷ་གའི་རེག་བྱ་ཡིས་དྲངས་ཏེ། །འ་ཅག་རྒྱུ་འབྲས་དགའ་བཞིའི་

[Full Size]

རྩེད་འཇོ་ལ་རོལ་པས། །ཡ་མཚན་དོན་གྱི་ཡེ་ཤེས་མངོན་སུམ་དུ་ལྟོས་ཤིག །རྭ་ཅོ་ལྟ་བུའི་ཐེག་དམན་སྲུང་སྡོམ་ཀུན་དོར་ནས། །ལ་ལ་ཙམ་མིན་གསང་རྒྱུད་རྒྱ་མཚོ་ཡི་སྙིང་པོ། །ཤཱ་བ་རི་སོགས་གྲུབ་ཆེན་མཐའ་དག་གི་ཐུགས་བཅུད། །ས་བཅུའི་དབང་ཕྱུག་དགྱེས་པའི་ཐེམ་སྐས་ལ་འཛེགས་ཤིང་། །ཧ་ལོའི་མེ་ཏོག་ལྟ་བུའི་མཚར་སྡུག་གི་གཟུགས་དང་། །ཨ་ཧོ་གསང་བའི་སྒྲ་སོགས་རྨད་བྱུང་གི་འདོད་ཡོན། །ཧ་ཧའི་གད་མོ་དང་བཅས་བག་ཡངས་སུ་སྤྱོད་པས། །ཨ་དོན་འཆི་མེད་གྲུབ་པའི་སྨོན་ལམ་ཞིག་ཞུའོ།། ༈ །།བདེ་ཆེན་རྡོ་རྗེའི་འདོད་ཡོན་ལ་སྐུལ་བའི་གླུ་བདེ་བ་ཆེན་པོའི་དགའ་སྟོན་ཅེས་བྱ་བ། ཨ་ལ་ལ་ཧོ། གཟུགས་མཛེས་མཐར་ཐུག་ཕྱག་རྒྱའི་བྷ་ག་ལ་བལྟས་པས། །ཅིར་སྣང་དངོས་ཀུན་བདེ་བ་ཆེན་པོ་རུ་ཤར་སོང་། །སྤང་གི་ཨུཏྤལ་ཚོལ་སྒྲུབ་མེད་པ་འདི་དགའ་ཡོ། །ལྡུམ་རའི་མེ་ཏོག་མེལ་ཚེ་མ་དགོས་པས་སྐྱིད་དོ། །སྒྲ་སྙན་མཆོག་གྱུར་ཨ་ཧཾ་རོལ་མོ་ལ་ཉན་པས། །མི་ཤིགས་ནཱ་དའི་དབྱངས་སྙན་མངོན་སུམ་དུ་ཐོས་བྱུང་། །རྔ་དང་རོལ་མོའི་འུར་ཆོམ་མེད་པ་འདི་དགའ་ཡོ། །དུང་དང་གླིང་བུའི་དབུགས་སྐོར་མ་དགོས་པས་སྐྱིད་དོ། །དྲི་མཆོག་པདྨའི་ཟེའུ་འབྲུའི་བསུང་ཞིམ་ལ་བསྣོམས་པས། །ཚོར་བ་ཐམས་ཅད་བདེ་བའི་དགའ་སྟོན་ལ་ལངས་སོང་། །ལྷན་སྐྱེས་ཤུག་པའི་

[Full Size]

སྤོས་བདུག་མེད་པ་འདི་དགའ་ཡོ། །སྦྱར་བྱུང་རེང་བུའི་སྦར་ཆོག་མ་དགོས་པས་སྐྱིད་དོ། །རོ་མངར་འདོད་པ་རྒྱས་པའི་ཆུ་བཅུད་ལ་མྱངས་པས། །ཟག་མེད་ཏིང་འཛིན་ཚོགས་ཀྱི་བཅུད་ལེན་ལ་སྤྱོད་བྱུང་། །སྡིག་ཟས་ཤ་ཡི་ཡོ་ལང་མེད་པ་འདི་དགའ་ཡོ། །མྱོས་བྱེད་ཆང་གི་འདུ་འགོད་མ་དགོས་པས་སྐྱིད་དོ། །རེག་བྱ་མཚན་ལྡན་རིག་མའི་གསང་ལམ་ལ་སྦྱར་བས། །ལུས་སེམས་བཅུ་དྲུག་དགའ་བའི་གཟི་བྱིན་གྱིས་ཁྱབ་སོང་། །སྡིག་གོས་ལུ་གུའི་ཚར་སློག་མེད་པ་འདི་དགའ་ཡོ། །གཡོ་སྒྱུའི་ཐེར་གྲུགས་རྩོལ་སྒྲུབ་མ་དགོས་པས་སྐྱིད་དོ། །ཆོས་མཆོག་རྡོ་རྗེ་པདྨའི་སྒུལ་སྐྱོད་ཀྱི་བྱེད་པས། །དཔེ་དང་དོན་གྱི་ཡེ་ཤེས་རྩོལ་མེད་དུ་མཚོན་བྱུང་། །རྟོག་བཅས་བསྐྱེད་རིམ་བཟླས་བརྗོད་མེད་པ་འདི་དགའ་ཡོ། །རྟོག་མེད་རྫོགས་རིམ་སེམས་འཛིན་མ་དགོས་པས་སྐྱིད་དོ། །དགའ་ཡོ་སྐྱིད་དོའི་རྒྱངས་གླུ་ཕར་ཕྱིན་གྱི་གྲངས་ལྡན། །བྲག་དཀར་བཀྲ་ཤིས་སྡིང་གི་དབེན་ཁང་དུ་བླངས་པས། །གནས་གསུམ་མཁའ་འགྲོའི་སྙིང་རྩ་དབང་མེད་དུ་བསྒུལ་ནས། །ཉེ་རྒྱུའི་སྤྱོད་མཆོག་གྲུབ་པའི་སྨོན་ལམ་ཞིག་ཞུའོ། ༈ །བདེ་ཆེན་རྡོ་རྗེའི་སྤྱོད་པ་ལ་ལྷག་པར་སྐུལ་བའི་གླུ་བདེ་བ་ཆེན་པོའི་བཞད་སྒྲ་ཞེས་བྱ་བ། ངོ་མཚར་དང་ཨ་ཧོ། ཀ་ཡེ་མཚན་ལྡན་རིག་མ་གན་རྐྱལ་གྱི་ཚུལ་དུ། །ཁ་དོག་ལྷོད་འབོལ་ལྡན་པའི་མལ་

[Full Size]

སྟན་འདིར་བཞུགས་དང་། །ག་ལེར་དྲོ་འཇམ་བརླ་འོག་བརླ་སྟེང་དུ་བླངས་ཏེ། །ང་ཅག་འདོད་ཡོན་མཆོག་གི་དགའ་སྟོན་ལ་སྤྱོད་དོ། །ཅ་རེ་ཟུར་མིག་གསང་གནས་ཕན་ཚུན་དུ་ལྟ་ཞིང་། །ཆ་ག་ཡིད་འཕྲོག་མ་མཆུ་འཇིབས་རེས་དང་བཅས་ཏེ། །ཇ་ཆང་བདུད་རྩིས་མི་མཚོན་ཞལ་ནང་གི་མཆིལ་མ། །ཉ་རྒྱས་ཟླ་བའི་ཟིལ་དངར་ངོམས་མེད་དུ་འཐུང་ངོ་། །ཏ་ན་དཀར་མཛེས་མཁྲེགས་པའི་སྙེ་མ་ལ་རེག་པས། །ཐ་དད་ཆགས་པའི་མེ་ཆེན་དབང་མེད་དུ་སྦར་ཏེ། །ད་གཟོད་རྡོ་རྗེ་པདྨའི་ཐོ་ཕྱི་ལ་དྲུད་སོགས། །ན་མར་འདོད་པའི་སྒྱུ་རྩལ་མིག་འཕྲུལ་ལྟར་བརྩེའོ། །པ་ལ་ཤ་ལྟར་འཇམ་མཉེན་གསང་གནས་གཉིས་སྦྱར་ཚེ། །ཕ་རོལ་ཆགས་བྲལ་རྣམས་ཀྱང་འགོག་པ་ལས་བསླངས་ན། །བ་ལང་སྐྱེ་བོའི་ཚོགས་རྣམས་སྨོས་ཀྱང་ཞིག་ཅི་དགོས། །མ་ལུས་རྒྱལ་བ་རྣམས་ཀྱང་གཟིགས་མོ་ལ་ཕེབས་སོ། །ཙ་མ་ར་ལྟར་དྲེགས་ལྡན་ཐབས་མཆོག་གི་རྡོ་རྗེ། །ཚ་དྲོད་ཆུ་རླབས་འཕྱུར་བའི་པདྨོ་ལ་བསྣུན་ནས། །ཛ་ཧུའི་རྒྱུན་ལྟར་དལ་བུར་ཡང་ཡང་དུ་བསྲུབས་བཞིན། །ཝ་ལེར་བདེ་སྟོང་སེམས་ཀྱི་རང་ཞལ་ལ་ལྟའོ། །ཞ་རེངས་བྲལ་བའི་དབུ་མའི་ཐིག་ལེ་ཡི་ཆར་རྒྱུན། །ཟ་མ་ཏོག་བཞིན་ནོར་བུའི་རྩེ་མོ་རུ་བསྐྱིལ་ནས། །འ་འུར་གྱེན་དུ་དྲངས་ཏེ་རྩ་གནས་སུ་བཀྲམ་པས། །ཡ་མཚན་

[Full Size]

དཔེ་ཡི་ཡེ་ཤེས་གསེང་ལམ་ལ་ཆས་འགྲོ། །རཱ་མེ་ཤྭ་རཱི་ལ་སོགས་གནས་ཡུལ་དང་དུར་ཁྲོད། །ལ་ལ་ཙམ་མིན་ཐམས་ཅད་ཕུང་ཁམས་ལ་རྫོགས་པས། །ཤ་སྟག་གསང་བ་མཆོག་གི་སྦྱིན་སྲེག་ལ་བརྩོན་ནས། །ས་ལམ་ཨ་བ་དྷུ་ཏཱིའི་ཐེམ་སྐས་ལ་འཛེགས་འགྲོ། །ཧ་རིའི་དྲི་བསུང་འཐུལ་བའི་མཚན་ལྡན་གྱི་འདུ་བར། །ཨ་ཧཾ་གསང་བ་ཆེན་པོའི་ཚོགས་འཁོར་ལ་སྤྱོད་བཞིན། །ཧ་ཧའི་རྡོ་རྗེའི་གླུ་གར་སྒྱུ་མ་ཡི་རྩེད་འཇོས། །ཨོཾ་ཏི་ཁྱབ་གདལ་རྟོགས་པའི་དངོས་གྲུབ་ཞིག་ཞུའོ། །ཡུལ་ལ་དགེ་བཅུའི་གཡང་ཆགས་ཡར་ཀླུང་གི་སྨན་ལྗོངས། །གནས་ལ་བཀྲ་ཤིས་བྱིན་ཆགས་ཤེལ་བྲག་གི་ཕུག་པ། །ཧེ་རུ་ཀ་དཔལ་དགྱེས་པའི་ཚོགས་ཁང་གི་འདབས་སུ། །བརྟུལ་ཞུགས་སྤྱོད་པ་ནམ་མཁའི་རྣལ་འབྱོར་གྱིས་བླངས་སོ། ༈ །བདེ་ཆེན་རྡོ་རྗེའི་དེ་ཁོ་ན་ཉིད་བརྗོད་པའི་གླུ་བདེ་བ་ཆེན་པོའི་བྱིན་འབེབས་ཞེས་བྱ་བ། ཨེ་མ་ཧོ། བླ་མ་ཕྱི་ན་མི་བཞུགས་སྤྱི་གཙུག་གི་ཐིག་ལེ། །ཧཾ་ཡིག་བདེ་བ་ཆེན་པོའི་ཉམས་བརྒྱ་ཡིས་རོལ་པ། །སྙོམས་འཇུག་བདེ་བས་བསྐུལ་བའི་འདོད་ཡོན་གྱིས་མཆོད་ན། །བྱིན་རླབས་ཞུ་བདེ་ལྷན་སྐྱེས་ཆར་བཞིན་དུ་ཕོབ་ཅིག །ཡི་དམ་ཕྱི་ན་མི་བཞུགས་སྙིང་དབུས་ཀྱི་ཐིག་ལེ། །ཧཱུྃ་ཡིག་ཡེ་ཤེས་ལྔ་ལྡན་ཟེར་བརྒྱ་ཡིས་རོལ་པ། །འབར་འཛག་དབུ་མར་ཐིམ་པའི་ཚོགས་འཁོར་གྱིས་མཆོད་

[Full Size]

ན། །དངོས་གྲུབ་རང་བཞིན་ལྷན་སྐྱེས་མེ་ལྟར་དུ་སྦོར་ཅིག །མཁའ་འགྲོ་ཕྱི་ན་མི་བཞུགས་ལྟེ་འོག་གི་ཐིག་ལེ། །ཨ་ཐུང་མེ་ལྕེའི་རྩེ་མོ་འཁྱུག་བརྒྱ་ཡིས་རོལ་པ། །བྱང་སེམས་ཏི་ལ་དཀར་པོའི་སྦྱིན་སྲེག་གིས་མཆོད་ན། །ཕྲིན་ལས་ཕོ་ཉའི་འདུ་བ་སྤྲིན་ལྟར་དུ་སྡུས་ཤིག །ཆོས་སྐྱོང་ཕྱི་ན་མི་བཞུགས་གསང་གནས་ཀྱི་ཐིག་ལེ། །ཨ་ཡིག་ཁྲག་མཚོའི་དབུས་ན་གར་བརྒྱ་ཡིས་རོལ་པ། །དྲག་ཤུལ་ཁ་ཁ་མུ་ཁའི་སྐོང་རྫས་ཀྱིས་མཆོད་ན། །མངོན་སྤྱོད་བདེ་བའི་མཐུ་ནུས་སེར་ལྟར་དུ་སྙིལ་ཅིག །ནོར་ལྷ་ཕྱི་ན་མི་བཞུགས་རྩ་ཁམས་ཀྱི་ཐིག་ལེ། །དབྱངས་ཡིག་འདུད་པའི་སྦུབས་སུ་བཞད་བརྒྱ་ཡིས་རོལ་པ། །ནོར་བུ་པདྨར་བཅུག་པའི་འབར་བཞུ་ཡིས་མཆོད་ན། །དགོས་འདོད་བདེ་ཆེན་ཕྲུ་གཡང་སྨུག་པ་ལྟར་དཀྲིགས་ཤིག །ཨ་ཧོ་ཆོས་འཁོར་གཙོ་བོ་བྲག་དམར་གྱི་བསམ་ཡས། །སྒྲུབ་གནས་བྱེ་བའི་རྒྱལ་པོ་མཆིམས་ཕུ་ཡི་ནགས་ཁྲོད། །མཁའ་འགྲོ་འཇའ་སྤྲིན་འཁྲིགས་པ་མཚོ་རྒྱལ་གྱི་ཕུག་ཏུ། །བརྟུལ་ཞུགས་བདེ་བས་མྱོས་པའི་རྣལ་འབྱོར་གྱིས་བླངས་སོ། །བདེ་ཆེན་རྡོ་རྗེའི་དེ་ ཉིད། །བླ་མ་མཁའ་འགྲོས་གནང་བའི། །གསང་ཆེན་མཆོག་གི་སྙིང་པོ། །ཨེ་ཀ་ཛ་ཊིས་སྲུངས་ཤིག །ས་མ་ཡ། ༈ །ཟབ་མོའི་ལམ་གྱི་རིམ་པའི་གནད་བསྡུས་པའི་རྡོ་རྗེའི་གླུ་བདུད་རྩིའི་ཟེག་མ་ཞེས་བྱ་བ། ཨ་ཧོ།

[Full Size]

གཞི་དབྱིངས་ཀ་ནས་དག་པའི་འོད་གསལ་གྱི་ཀློང་དུ། །གཞི་སྣང་རིག་གདངས་ལྷུན་གྲུབ་ཆེན་པོ་རུ་ཤར་བའི། ཁ་སྦྱོར་ཡན་ལག་བདུན་ལྡན་ཡེ་ཤེས་ཀྱི་སྣང་བརྙན། །ཨོ་རྒྱན་མཚོ་སྐྱེས་བླ་མས་འབྲལ་མེད་དུ་སྐྱོངས་ཤིག །རྙེད་དཀའི་དལ་འབྱོར་ཐོབ་པ་ལེགས་བྱས་ཀྱི་འབྲས་བུ། །ནམ་འཆི་ཆ་མེད་དྲན་པ་དམ་ཆོས་ཀྱི་བསྐུལ་མ། །ལས་འབྲས་ཚུལ་བཞིན་བླང་དོར་འདུན་མ་ཡི་ཡང་རྩེ། །@། སྙིང་ནས་འཁོར་བར་སྐྱོ་བ་ཐར་ལམ་གྱི་འཇུག་སྒོ། །གསུམ་ལ་སྐྱབས་སུ་འགྲོ་བ་ཡོན་ཏན་གྱི་ཕྱི་མོ། །བྱང་ཆུབ་སེམས་གཉིས་བསྐྱེད་པ་ཐེག་ཆེན་གྱི་རྩ་བ། །ཚོགས་བསགས་སྒྲིབ་སྦྱོང་བརྩོན་པ་ཉམས་རྟོགས་ཀྱི་ཞིང་ས། །མོས་གུས་བླ་མའི་རྣལ་འབྱོར་ཉམས་ལེན་གྱི་སྲོག་ཤིང་། །ཅིར་སྣང་ལྷ་སྐུར་ཤར་བ་བསྐྱེད་རིམ་གྱི་མཐར་ཐུག །རླུང་སེམས་དབྱེར་མེད་བསྒོམ་པ་རྫོགས་རིམ་གྱི་ཉིང་ཁུ། དབྱིངས་རིག་ཟུང་འཇུག་བསྐྱང་བ་རྫོགས་ཆེན་གྱི་འཇོག་སོ། །འབྲལ་མེད་གནད་དུ་བསྣུན་པའི་སྐལ་བཟང་ལ་སྦྱར་བས། །འོད་གསལ་པདྨ་དྲྭ་བའི་ཞིང་ཁམས་ཀྱི་དབུས་སུ། །རྩ་རླུང་ཐིག་ལེ་རྣམ་ དག་མཚོ་སྐྱེས་ཀྱི་བླ་མ། །མངོན་སུམ་རང་ངོ་འཕྲོད་པའི་ངལ་འཚོ་དང་སྦྲགས་ནས། །ཚེ་གཅིག་འཇའ་ལུས་འགྲུབ་པའི་སྨོན་ལམ་ཞིག་ཞུའོ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོའི་

[Full Size]

མགྲིན་པའི་ཆུ་གཏེར་ལས་བྱུང་བའོ། ༈ །རྒྱལ་དབང་མཚོ་སྐྱེས་བླ་མ་ལ་གསོལ་བ་འདེབས་པའི་རྡོ་རྗེའི་གླུ་རྣལ་འབྱོར་གསུམ་གྱི་ལམ་རིམ་ཞེས་བྱ་བ། ཨ་ཧོ། ཆོས་ཉིད་གཟོད་ནས་སྟོང་པའི་འོད་གསལ་གྱི་ཀློང་དུ། །ཆོས་ཅན་སྣང་བ་སྐུ་དང་ཡེ་ཤེས་སུ་ཤར་བའི། །མི་སློབ་ཟུང་འཇུག་མངོན་གྱུར་མཚོ་སྐྱེས་ཀྱི་བླ་མར། །བསྙེན་སྒྲུབ་བཞི་ལྡན་ངང་ནས་གསོལ་བ་རང་འདེབས་སོ། །བཀོད་པ་རྩ་ཁམས་རྣམ་དག་དབུ་མ་ཡི་ཀློང་དུ། །སྲོག་རྩོལ་རླུང་གི་འཁོར་ལོ་ཡི་གེ་རུ་ཤར་བ། །བདེ་ཆེན་ཐིག་ལེ་ཆེན་པོ་མཚོ་སྐྱེས་ཀྱི་བླ་མར། །རྣམ་ཀུན་མཆོག་ལྡན་ངང་ནས་གསོལ་བ་རང་འདེབས་སོ། །ཀ་དག་གཏིང་གསལ་གཉུག་མའི་ཡེ་ཤེས་ཀྱི་ཀློང་དུ། །ལྷུན་གྲུབ་འཇའ་ལུས་རྡོ་རྗེའི་རང་གཟུགས་སུ་ཤར་བའི། །ཟུང་འཇུག་ཤིན་ཏུ་རྣམ་དག་མཚོ་སྐྱེས་ཀྱི་བླ་མར། །དབྱིངས་རིག་དབྱེར་མེད་ངང་ནས་གསོལ་བ་རང་འདེབས་སོ། །སྙིང་ནས་གསོལ་བ་འདེབས་སོ་མཚོ་སྐྱེས་ཀྱི་བླ་མ། །ཐུགས་རྗེས་ཡལ་བར་མ་དོར་གངས་ཅན་གྱི་སྐྱབས་གཅིག །རེ་ས་གཞན་ན་མེད་དོ་དྲིན་ཆེན་གྱི་ཆོས་རྗེ། །མངོན་སུམ་བྱིན་གྱིས་རློབས་ཤིག་ཡེ་ཤེས་ཀྱི་སྐུ་ཅན། །འཇིག་རྟེན་འཁོར་བའི་བྱ་བཞག་དམྱལ་བ་ཡི་གཏིང་རྡོ། །ཆོས་ལྟར་བཅོས་པའི་ཀུན་སྤྱོད་རང་གཞན་གྱི་མགོ་བསྐོར། །དེ་བས་དབེན་ཞིང་ཉམས་

[Full Size]

དགའི་བསམ་གཏན་གྱི་ཁང་བུར། །རྩེ་གཅིག་བསྒྲུབ་ལ་བརྩོན་པར་བྱིན་གྱིས་རང་རློབས་ཤིག །མི་རྟག་སྡུག་བསྔལ་དྲན་པ་ཐར་ལམ་གྱི་འཇུག་སྒོ། །སྨོན་འཇུག་བྱང་སེམས་སྦྱང་བ་ཐེག་ཆེན་གྱི་སྙིང་པོ། །བདག་མེད་རྣམ་གཉིས་རྟོགས་པ་བྱང་ཆུབ་ཀྱི་ཉེ་རྒྱུ། །ཐུན་མོང་ལམ་རིམ་འབྱོངས་པར་བྱིན་གྱིས་རང་རློབས་ཤིག །སྣང་ཞེན་ལྷ་སྐུར་དག་པ་བསྐྱེད་རིམ་གྱི་དེ་ཉིད། །རྩ་རླུང་དབུ་མར་རྫོགས་པ་བདེ་དྲོད་ཀྱི་ཞིང་ས། །ཐིག་ལེ་དྷུ་ཏིར་སྨིན་པ་ལྷན་སྐྱེས་ཀྱི་འདྲེན་བྱེད། །ཁྱད་པར་ལམ་མཆོག་གོམས་པར་བྱིན་གྱིས་རང་རློབས་ཤིག །ཀ་དག་དོན་གྱི་གནས་ལུགས་འཕགས་ལམ་གྱི་ཆོས་ཉིད། །ལྷུན་གྲུབ་སྣང་བ་རྣམ་བཞིའི་ཉམས་ལེན་དང་སྦྱར་བས། །ཟུང་འཇུག་འདུས་མ་བྱས་པའི་ཡེ་ཤེས་ཀྱི་ཀློང་དུ། །མཐར་ཐུག་འབྲས་བུ་འགྲུབ་པར་བྱིན་གྱིས་རང་རློབས་ཤིག །ཅེས་པའང་དབོ་ཟླ་བའི་དཀར་ཕྱོགས་ཀྱི་ཚེས་བཅུར་གྲུབ་པའི་དགའ་ཚལ་ལྷ་ལྡན་སྤྲུལ་པའི་གཙུག་ལག་ཁང་གི་ཉེ་འདབས་སུ་མཚོ་སྐྱེས་བླ་མ་དྲན་པའི་གདུང་དབྱངས་སུ་བགྱིས་པའོ། ༈ །རང་གཞན་ལ་གདམས་པའི་གླུ་དབྱངས་ཐར་པའི་འཁྲི་ཤིང་ཞེས་བྱ་བ། ཞིག་སྤྲོས་བྲལ་བདེ་བ་ཆེན་པོའི་དབྱིངས། །རྣམ་ཀུན་མཆོག་ལྡན་ཟུང་འཇུག་སྤྲུལ་པའི་གར། །སྐུ་གསུམ་དབྱེར་མེད་རྗེ་བཙུན་བླ་མ་ཡིས། །བྱང་ཆུབ་མཆོག་གི་བར་དུ་དགེ་ལེགས་སྩོལ། །གཟོད་

[Full Size]

ནས་འོད་གསལ་མ་གཡོས་འདུས་མ་བྱས། །ཡོངས་གྲུབ་བདེ་གཤེགས་སྙིང་པོའི་གནས་ལུགས་འདི། །གཞན་དབང་རྟེན་ཅིང་འབྲེལ་བར་འབྱུང་བའི་ཆོས། །ཀུན་བརྟག་འཁྲུལ་པའི་འདུ་བྱེད་གཡོ་བས་འཆིངས། །སྐྱེ་དང་འཆི་སོགས་སྡུག་བསྔལ་སྣ་ཚོགས་ཀྱིས། །འཁོར་བའི་གནས་འདིར་ཡུན་རིང་དག་ཏུ་གཟིར། །རིགས་དྲུག་ཡུལ་ལ་སྨིན་པའི་བདེ་སྡུག་རྟེན། །བགྲངས་ཀྱིས་མི་ལང་གཞལ་བར་དཀའ་བ་བླངས། །དེ་ལ་དལ་བརྒྱད་འབྱོར་བཅུས་ཡོངས་ཕྱུག་པའི། །མི་ལུས་རིན་ཆེན་ལྗོན་པ་མ་འཁྲུངས་ན། །དམ་ཆོས་བདུད་རྩིའི་འབྲས་བཟང་རོ་བརྒྱ་པ། །མྱོང་བའི་གོ་སྐབས་མ་མཆིས་དེ་ཡི་ཕྱིར། །དཔག་མེད་བསོད་ནམས་འབྲས་བུར་སྨིན་དུས་འདིར། །སྡུག་བསྔལ་གསུམ་གྱི་རྩ་བ་འཁོར་བའི་གནས། །ཡོངས་སུ་སྤངས་ཏེ་ལ་འུར་མ་མཛད་ན། །ནམ་ཞིག་འདིར་སྣང་ཉི་མ་ཟད་པའི་ཚེ། །འཆི་བདག་མུན་པ་སྟུག་པོར་རབ་གཡོས་ཏེ། །ལུས་ཀྱི་འབྱུང་ལྔ་གཅིག་ལ་གཅིག་ཐིམ་ནས། །ཕྲ་བའི་སྣང་མཆེད་ཐོབ་གསུམ་ཡུད་ལ་ཤར། །འོད་གསལ་ལྷན་ཅིག་སྐྱེས་པ་ངོས་མ་ཟིན། །དེ་ཚེ་སེམས་ནི་བར་སྲིད་ལུས་སུ་འགྱུར། །རླུང་ལྟར་གཡོ་ཞིང་འཇིག་པའི་སྣང་བ་འཆར། །ལས་ཀྱི་རྗེས་འབྲངས་འཁོར་བའི་གནས་སུ་འཁོར། །དེ་ཡི་དུས་སུ་འགྱོད་ཀྱང་ཤིན་ཏུ་ཕྱིས། །

[Full Size]

དེས་ན་རྣམ་གཡེང་སྤངས་པའི་བརྩོན་འགྲུས་ཀྱིས། །དགེ་བའི་བཤེས་དང་གྲོགས་པོ་སྨན་ལྟར་བསྟེན། །སྡིག་པའི་སློབ་དཔོན་འཁོར་གྲོགས་དུག་ལྟར་བསྒྱུར། །ཐོས་དང་བསམ་ལ་རབ་གོམས་བསླབ་གསུམ་གྱིས། །རང་རྒྱུད་གདུལ་ཏེ་ཡང་དག་ལམ་ལ་འཇུག །སྤང་བྱ་ཉིས་བརྒྱ་བཅུ་གཉིས་གང་ཡིན་དང་། །དེ་བཞིན་བླང་བྱའི་བཞི་ལྔ་ལ་སོགས་པ། །རྟག་ཏུ་ངེས་འབྱུང་སེམས་ཀྱིས་ཀུན་སློང་སྟེ། །ཐར་པ་ཆ་མཐུན་ལམ་ལ་རྣམ་པར་འབད། །ཁྱད་པར་གཞན་དོན་ལ་འབད་ཐེག་པ་ཆེར། །ཀུན་ཏུ་ཞུགས་ནས་སྲོག་ཀྱང་ཕ་རོལ་ཕྱིར། །བཏང་བར་ཕོད་པའི་དམ་བཅའ་བརྟན་པོ་དང་། །ཚད་མེད་རྣམ་བཞི་རྒྱུད་ལ་འདྲིས་པར་བྱ། །སྦྱིན་པའི་ནོར་བུ་ཚུལ་ཁྲིམས་འོད་ཀྱིས་མཛེས། །བཟོད་པའི་རྒྱ་མཚོ་བརྩོན་འགྲུས་གྲུ་གཟིངས་གཡོ། །བསམ་གཏན་པད་ཚལ་ཤེས་རབ་སྦྲང་རྩིས་གཏམ། །བྱང་ཆུབ་རིན་ཆེན་འབྱུང་གནས་བསྙེན་པར་འཚལ། །མཆོག་ཏུ་གསང་བ་སྔགས་ཀྱི་སྒོར་ཞུགས་ནས། །རྩ་བ་ཡན་ལག་དམ་ཚིག་སྲོག་ལྟར་བསྲུང་། །ཁྱད་པར་བླ་མ་སངས་རྒྱས་ལས་ལྷག་པའི། །དད་པ་བརྟན་པོའི་སྡོམ་པ་ཀུན་གྱི་གཙོ། །དེ་ལྟར་རྣམ་གསུམ་ཐེག་པའི་རྗེས་ཞུགས་ནས། །ལམ་མཆོག་ཚུལ་བཞིན་སྒྲུབ་པའི་སྐལ་བཟང་ཀུན། །ངེས་པར་མི་བསླུ་འབྲས་བུ་མྱུར་འབྱིན་པ། །ཡང་དག་

[Full Size]

བསྟན་པ་མཆོག་གི་ཁྱད་ཆོས་ཡིན། །དེ་དང་བྲལ་ན་འཁོར་བའི་གནས་འཁྱམས་ཏེ། །དམྱལ་སོགས་སྡུག་བསྔལ་དངོས་སུ་ལྟ་ཅི་སྨོས། །དྲན་དང་མཐོང་དང་ཐོས་པ་ཙམ་གྱིས་ཀྱང་། །དེ་འདྲའི་སྐྱི་བུང་འཇིག་པ་ཆེར་སྨྲ་ན། །འཕེན་བྱེད་ལས་ནི་སྡིག་པའི་ངོ་བོ་སྟེ། །ལས་ནི་སྒྱུ་མ་མཁན་ལྟར་བསླུ་མཁས་ཤིང་། །ལས་ཀྱི་འབྲས་བུ་མཁའ་ལྡིང་གྲིབ་བཞིན་འབྲངས། །དེ་ཕྱིར་རྒྱུ་འབྲས་བླང་དོར་མ་ཤེས་ན། །བསླུས་བཞིན་བསླུས་བཞིན་ཀུན་ནས་འཁོར་བར་ཁྲིད། །དེ་ཕྱིར་དང་པོ་མཚན་ལྡན་བླ་མ་དེ། །དཔྲལ་མིག་ཁོང་པའི་སྙིང་ལྟར་བསྟེན་བྱས་ནས། །ཐོས་པས་ཕྱི་ཡི་སྒྲོ་འདོགས་མ་ལུས་བཅད། །བར་དུ་བསམ་པས་ཆོས་རྣམས་ལེགས་ཤེས་ནས། །ཐ་མ་བསྒོམས་པས་གནད་འགག་གཅིག་འདྲིལ་བ། །དུས་གསུམ་མཁས་གྲུབ་ཡོངས་ཀྱི་གཤེགས་ཤུལ་ཡིན། །དེ་སྐད་སྨྲས་འདི་ཐོས་བསམ་བསྒོམ་པ་དང་། །བཤེས་པ་མིན་ཡང་འཁོར་ལོའི་མགོན་པོ་ལ། །དད་པའི་བློ་ཅན་དེ་ཡིས་བརྗོད་པའི་མཐུས། །རང་གཞན་དམ་པའི་ཆོས་ལ་སྤྱོད་པར་ཤོག །ཞེས་པའང་མ་ཎིའི་མིང་གིས་སྤུད་པའི་གནས་སུ་གཞོན་ནུ་ཨ་བྷཱ་ཡས་རང་ལོ་བཅུ་བཞི་པར་བརྗོད་པའོ། ༈ །ལམ་གྱི་རིམ་པ་མདོར་བསྟན་པའི་གླུ་དབྱངས་ཕན་བདེའི་རོལ་མོ་ཞེས་བྱ་བ། གང་ཞིག་སྤོས་པའི་མཐའ་བརྒྱད་བྲལ་ཞིང་། །ཡུལ་དང་རྐྱེན་གྱི་རྙོག་པས་མ་

[Full Size]

བསྒྱུར། །རང་བབ་གཉུག་མའི་ལྷུམས་སུ་ཞུགས་པའི། །ཆོས་ཉིད་དེ་བཞིན་ཉིད་ལ་འདུད་དོ། །ལྟར་སྣང་འཇིག་རྟེན་འབྱོར་པའི་སྦྲང་རྩི། །རང་གིས་འབད་པས་ལེགས་པར་བསགས་ཀྱང་། །དེ་ཉིད་གཞན་གྱིས་སྤྱོད་པར་འགྱུར་འདི། །འཁོར་བའི་གནས་ལ་སྐྱོ་བ་སྐུལ་བྱེད། །ནམ་ཟླ་དུས་བཞི་ཕྱི་ཡི་འགྱུར་ལྡོག །བཤེས་དང་འབྱོར་སྤངས་ནང་གི་མི་རྟག །སེམས་ཀྱི་འགྱུར་ལྡོག་གསང་བའི་རང་མཚང་། །གང་ནས་བརྟག་ཀྱང་རྟག་པ་མ་མཆིས། །སྐྱེ་ནས་སྐྱེ་བར་ཐོབ་དཀའི་བྱང་ཆུབ། །མི་ལུས་རིན་ཆེན་མཆོག་ལས་བྱུང་ཕྱིར། །ནམ་ཡང་ཆུད་དུ་འཛའ་བར་མ་བྱེད། །དལ་མེད་རྣམ་དཀར་ལས་ལ་བརྩོན་ཤིག །སྲིད་གསུམ་ཁམས་འདི་ཡོངས་སུ་བཏང་ཡང་།. །ལས་ཀྱི་འབྲས་བུ་ནམ་ཡང་མི་འཛད། །དེ་ཕྱིར་རྟག་ཏུ་བག་ཡོད་སྤྱོད་པས། །རྒྱུ་འབྲས་ཆོས་ལ་ཞིབ་ཏུ་གཞིག་ཤིག ། འཁོར་བའི་གནས་རིས་མཐོ་དམན་གང་ཡང་། །སྡུག་བསྔལ་གསུམ་གྱིས་རྟག་ཏུ་གཟིར་བའི། །ཐར་མེད་ལས་ཀྱི་བརྩོན་རར་མཐོང་ནས། །སྙིང་ནས་སྐྱོ་ཤས་ངེས་འབྱུང་སྐྱེད་ཅིག །མཚན་ཉིད་ཀུན་།ལྡན་དགེ་བའི་བཤེས་གཉེན། །ཐར་པའི་གྲོང་དུ་འཁྲིད་པའི་ས་མཁན། །མཉེས་པ་གསུམ་གྱི་བྱ་བས་བསྟེན་ནས། །སྡོམ་པ་གསུམ་གྱི་བདུད་རྩི་ནོས་ཤིག །སྐྱེས་བུ་གསུམ་གྱི་ལམ་ལ་སློབ་ནས། །

[Full Size]

གསུམ་ལ་སྐྱབས་སུ་འགྲོ་བར་བགྱིད་ཅིང་། །གཞན་དོན་ཕྱིར་ན་སྲོག་ཀྱང་བཏང་བའི། །སྨོན་འཇུག་བྱང་སེམས་རྟག་ཏུ་སྒོམས་ཤིག །ལྗོན་ཤིང་ཡལ་འདབ་འབྲས་བུས་དུད་ཅིང་། །ཅ་ཅོ་བྲལ་བའི་སྙན་སྨྲ་འདབས་ཆགས། །འབབ་ཆུ་ཚོགས་ཀྱང་ཞི་བར་རྒྱུ་བའི། །དབེན་པའི་གནས་སུ་གཅིག་པུར་ཞུགས་ཤིག །གང་བྱུང་ཆོག་ཤེས་ནོར་གྱིས་ཕྱུག་ཅིང་། །བསླབ་གསུམ་ཁྲིམས་ཀྱིས་རང་རྒྱུད་རབ་དུལ། །རང་གཞན་ཐར་པ་མཆོག་ལ་སྦྱོར་བའི། །བཟོད་པའི་གོ་ཆ་གཡོ་མེད་བསྟེན་ཅིག །ཁྱད་པར་སྡིག་དང་ལྟུང་བའི་འཕེན་པས། །ངན་སོང་གནས་ལ་ལིང་བསྒྱུར་འགྲོ་བས། །རྟག་ཏུ་སྟོབས་བཞིའི་གནད་དང་ལྡན་པས། །རྡོ་རྗེ་སེམས་དཔའི་སྒོམ་བཟླས་འབུངས་ཤིག །བསོད་ནམས་ཡེ་ཤེས་ཚོགས་གཉིས་བསགས་པས། །ཐམས་ཅད་མཁྱེན་པའི་གོ་འཕང་ཐོབ་ཕྱིར། །ཡན་ལག་བདུན་དང་མཎྜལ་ལ་སོགས། །ཟག་བཅས་ཟག་མེད་དགེ་ཚོགས་སྤེལ་ཤིག །གསང་སྔགས་འཇུག་སྒོ་སྨིན་པར་བྱེད་པ། །དབང་བཞིའི་ལམ་མཆོག་རྨད་བྱུང་ནོར་བུ། །དད་དམ་གདུགས་དཀར་གཙུག་ཏོར་རྩེ་མོར། །མཆོད་ན་གྲོལ་ལམ་དངོས་གྲུབ་སྟེར་རོ། །ཀུན་བརྟག་སྐྱེད་པའི་ཨུཏྤལ་གཞོན་ནུ། །གདན་གསུམ་མཚར་སྡུག་རྫོགས་པའི་དཀྱིལ་འཁོར། །དབྱེར་མེད་སྙིང་ལ་སིམ་པའི་མོད་

[Full Size]

ནས། །འཕྲལ་ཡུན་ཞི་བདེའི་བཅུད་ལེན་སྦྱིན་ནོ། །ཡོངས་གྲུབ་རྫོགས་རིམ་བདེ་སྟོང་ཕྱག་རྒྱ། །ཟུང་འཇུག་རྟོགས་པའི་འཁྱུད་རྒྱས་རོལ་ཏེ། །རྒྱུ་འབྲས་དགའ་བཞིའི་བདེ་བར་སྤྱོད་པས། །རྣམ་aཀུན་མཆོག་ལྡན་ངལ་གསོ་སྟེར་རོ། །ཁྱད་པར་སྤྱི་བོ་ཛ་ལནྡྷ་རར། །པད་དཀར་ཟླ་སྟེང་ཁྱབ་བདག་བླ་མ། །རྟག་ཏུ་བསྒོམ་ནས་ཁྱེད་ཤེས་གསོལ་འདེབས། །དབང་བཞི་བླངས་ཞིང་ཐུགས་ཡིད་བསྲེས་པས། །ཟབ་ཞི་སྤྲོས་བྲལ་འོད་གསལ་གཉུག་མ། ཁ་དོག་སྣང་བ་ཤར་གྲོལ་དུས་མཉམ། །ཡིད་དཔྱོད་ལས་འདས་རིག་སྟོང་རྗེན་པ། །མངོན་སུམ་རང་ཞལ་མཇལ་བར་གྱིས་ཤིག །སྣང་གྲགས་རིག་པའི་རང་བཞིན་མ་ལུས། །རྡོ་རྗེ་གསུམ་གྱི་ངོ་བོར་ཆུབ་པས། །དག་རྫོགས་སྨིན་པའི་འབྲས་བུ་ལམ་བྱེད། །འདི་ལ་རྟག་ཏུ་འདུན་པར་གྱིས་ཤིག །དངོས་སྣང་ཐ་མལ་ཡུལ་གྱིས་འབྲེལ་བར། །བསྐྱེད་རྫོགས་ཟབ་མོའི་ཏིང་འཛིན་མཐུ་ཡིས། །ཡོངས་སུ་བཅོམ་བྱེད་སྒྲུབ་པའི་སྲོག་མཁར། །བྱང་ཆེན་མཆོག་གི་བར་དུ་ཚུགས་ཤིག །ཐོས་པས་ལུང་གི་ཆོས་རྣམས་བསྙེན་ཏེ། །བསམ་པས་ལམ་བདེན་མངོན་དུ་གྱུར་ཅིང་། །བསྒོམ་པས་སྐུ་བཞིའི་འབྲས་བུ་རྫོགས་པའི། །མདོ་སྔགས་ཟབ་མོའི་དོན་ལ་འཇུག་ཤིག །དེ་སྐད་རང་གི་དེ་ཉིད་དོན་ལ། །བཤེས་པ་མིན་མོད་སྔོན་བྱོན་

[Full Size]

མཆོག་གཟིགས། །ལུང་རྟོགས་ཆོས་ཀྱི་སྒྲ་དབྱངས་སྒྲོགས་པའི། །གསུང་བཞིན་སླར་ཡང་ཟློས་ཏེ་སྨྲས་པའི། །དགེ་བས་དྲི་མེད་ཟླ་ལྟར་དཀར་བས། །མ་རིག་སྲིད་པའི་མུན་པ་བསྐྲད་དེ། །ཤེས་རབ་གསུམ་གྱི་ཀུན་བཞད་ནས། །འགྲོ་ཁམས་རྒྱ་མཚོ་བདེ་ཆེན་གྱུར་ཅིག ༈ །གཉུག་མའི་གླུ་དབྱངས་དཔེ་དོན་འབྲེལ་བ་ཞེས་བྱ་བ། ཨ་ཧོ། ཤིན་ཏུ་རྣམ་དག་གདོད་མའི་རིག་སྟོང་སྤྲོས་བྲལ་དབྱིངས། །གཟུང་འཛིན་ཐག་པས་བཅིངས་གྲོལ་སྦངས་པ་གཉུག་མའི་གཤིས། །སྐུ་གསུམ་ལྷན་སྐྱེས་བདེ་གཤེགས་སྙིང་པོའི་ངོ་བོ་ལ། །བཏང་བཞག་འགྲོ་འོང་བྲལ་བའི་ཕྱག་གིས་རྟག་ཏུ་འདུད། །འཁོར་བར་རབ་སྐྱོ་ངེས་འབྱུང་རླན་གྱིས་བསྐྱེད་པ་ལས། །ཐར་པ་ཉིན་མོའི་རྗེས་སུ་འཛུམ་དཀར་གྲོལ་བའི་གཟུགས། །རྟག་ཏུ་བསླབ་གསུམ་དྲི་བསུང་མངར་པོ་དང་འགྲོགས་པའི། །འཇུག་སྒོའི་ཐེམ་སྐས་མེ་ཏོག་གཞོན་ནུའི་སྟོན་པ་བཞིན། །ཐོས་པའི་རྒྱ་མཚོ་རྣམ་པར་གཡོ་བ་ལས་ཐོན་པའི། །བསམ་བྱུང་ཤེས་རབ་སྒྲ་དབྱངས་ཡོངས་རྫོགས་དུང་དཀར་གཟུགས། །སྒོམ་སྤང་དེ་ཉིད་རིག་པ་གཡས་སུ་ལེགས་འཁྱིལ་བ། །ཀུན་གྱི་འབབ་སྟེགས་སྲིད་པའི་རིམས་ནད་འཕྲོག་པར་བྱེད། །འོད་གསལ་རང་བྱུང་ཨ་ཝ་དྷུ་ཏིའི་ཁང་མཛེས་ན། །གཉུག་མའི་རིག་པ་མཐའ་བྲལ་ལུས་ཕྲའི་འཇོ་སྒེག་ལ། །

[Full Size]

ཚོགས་དྲུག་རང་གྲོལ་བདེ་སྟོང་མཉམ་རོལ་རྒྱན་གྱིས་སྤྲས། །ལྷན་སྐྱེས་འགྲོགས་འདི་གཏན་གྱི་གྲོགས་མཆོག་ཡིན་པར་ངེས། །རྟག་ཆད་ལ་སོགས་མཐའ་བརྒྱད་དགྲ་བོ་ཞེ་ལ་གནོན། ཁས་ལེན་ཀུན་བྲལ་མྱོང་ཐོག་ལ་བཟླའི་གོ་ཆ་ཅན། །ལྷུན་གྲུབ་སྐུ་གསུམ་འདུ་འབྲལ་མེད་པའི་མཚོན་རྣོན་པོས། །གཟུང་འཛིན་མ་རིག་སྲོག་རྩ་བྲལ་འདི་དཔའ་བོ་ཆེ། །སྣ་ཚོགས་སྣང་བ་ལས་སུ་མ་རུང་ལྕགས་ཀྱི་ཁམས། །ཞི་གནས་མེ་ལ་བཞུ་བཏུལ་དག་གིས་ཕམ་བྱས་ནས། །ལྷག་མཐོང་སོ་ལ་ཡིད་དཔྱོད་སྤངས་པའི་རྣོ་ངར་ཅན། །སྲིད་པའི་མ་རིག་ཀུན་ནས་ཕམ་པ་བགྱིས་པ་ལགས། །ལུས་ཅན་ཀུན་གྱི་རང་བཞིན་ཏིལ་གྱི་གོང་བུ་ལྟར། །རྣམ་པར་གནས་དེར་བདེ་གཤེགས་སྙིང་པོའི་མར་གྱིས་ཁྱབ། །སྒྲིབ་པའི་དྲི་མ་ཡོངས་སུ་གསལ་གྱུར་དེ་ཡི་ཚེ། །དོན་གཉིས་ལྷུན་གྲུབ་སྣང་བ་མཆོག་གི་དཔལ་ལ་རེག །དེ་སྐད་གང་ཤར་དཔེ་དོན་འབྲེལ་བའི་གཉུག་མའི་དབྱངས། །གྲགས་སྟོང་རང་གྲོལ་སྔགས་ཀྱི་རོལ་མོ་འདི་དཀྲོལ་བས། །བདག་གཞན་འགྲོ་ཀུན་ཉོན་མོངས་འཁྲུལ་ཆོས་ཀུན་དག་ནས། །གདོད་མའི་ཡེ་ཤེས་སྐད་ཅིག་རིག་པར་དབང་འབྱོར་ཤོག ༈ །རང་གཞན་ཀུན་ལ་ཕན་པར་གདམས་པ་བྱམས་པའི་གླུ་དབྱངས་ཕན་བདེའི་ཐེམ་སྐས་ཞེས་བྱ་བ། སྤངས་རྟོགས་ཡོན་ཏན་ཡོངས་རྫོགས་ཤིང་། །ཕན་བདེའི་

[Full Size]

འདོད་པ་འཇོ་བའི་གཉེན། །དྲན་པས་སྲིད་ཞིའི་གདུང་སེལ་བ། །ཁྱབ་བདག་འཁོར་ལོའི་མགོན་པོར་འདུད། །སྣ་ཚོགས་ལས་ཀྱི་འབྲས་བུ་ཡི། །ས་བོན་རིང་ནས་བཏབ་པའི་མཐུས། །སྣ་ཚོགས་འཁོར་བ་སྒྱུ་མའི་ཚལ། །ཀུན་ནས་ཀུན་ཏུ་རྒྱས་པ་དེར། །ཐོག་མཐའ་མི་མངོན་འཁྱམས་པའི་འགྲོ། །སྡུག་བསྔལ་གསུམ་གྱི་ཞགས་པས་བཅིངས། །བཟོད་པར་དཀའ་བའི་ངང་ཚུལ་ལ། །རབ་ཏུ་སྐྱོ་ཤས་བསྐྱེད་པར་འཚལ། །ཁྱད་པར་དལ་བརྒྱད་འབྱོར་བ་བཅུའི། །ཡལ་འདབ་རྣམ་པར་གཡོ་བའི་ལུས། །རིན་ཆེན་འཁྲི་ཤིང་འདི་ཐོབ་ཚེ། །ངེས་ལེགས་འབྲས་བཟང་སྨིན་པར་མཛོད། །དེ་ཡང་རྟག་པར་མ་མཆིས་ཏེ། །སྣོད་བཅུད་མཐའ་བཞིའི་མུ་ཁྱུད་ཀྱིས། །བསྐོར་བའི་ངང་ཚུལ་འདི་མཐོང་ནས། །མྱུར་དུ་ཐར་པའི་ལམ་ལ་འཇུག །མ་འདྲེས་ཟ་འོག་རི་མོ་ལྟར། །འཁོར་བའི་བདེ་སྡུག་སྣ་ཚོགས་ཀྱང་། །ལས་ལས་སྐྱེས་ཤིང་འབྱུང་བའི་ཕྱིར། །རྒྱུ་འབྲས་སྤང་བླང་ཞིབ་ཏུ་མཛོད། །གང་ཞིག་སྦྲུལ་གདུག་བསིལ་ཡབ་ཏུ། །བསྟེན་ན་དུག་གིས་ཉེན་པ་ལྟར། །སྡིག་པའི་གྲོགས་པོ་རིང་སྤངས་པའི། །དམ་བཅའ་རྟག་ཏུ་བཟུང་བར་རིགས། །མ་ལ་ཡ་ཡི་ཙནྡན་ཁྲོད། །རྐང་འཐུང་ཕལ་ཡང་དྲི་བཟང་བཞིན། །དགེ་བའི་བཤེས་ལ་བསྟེན་བྱས་ན། །དམ་པའི་སྤྱོད་ལམ་ཞར་ལ་

[Full Size]

འགོ །མངོན་མཐོའི་ཐེམ་སྐས་ལ་བརྟེན་ནས། །ངེས་ལེགས་གྲོང་དུ་བགྲོད་པའི་ཕྱིར། །རྟག་ཏུ་མི་ཡི་ཆོས་ལུགས་ཀྱང་། །ཚུལ་བཞིན་མཐུན་པར་རབ་ཏུ་སྤྱད། །ཁྱད་པར་སྐལ་བཟང་སྐྱེས་བུ་ཡིས། །ཐར་པ་མཆོག་གི་ལམ་གཞོལ་ཚེ། །ཐོག་མར་བསྟེན་པར་བྱ་བ་ནི། །ཡོན་ཏན་ལྡན་པའི་བཤེས་གཉེན་ཏེ། །དེ་ཡང་ཐབས་མཁས་ཐུགས་བརྩེར་ལྡན། །མདོ་རྒྱུད་མན་ངག་རྗེས་སུ་ཞུགས་། །འབྲས་བུ་མངོན་མཐོ་ཡང་དག་རིགས། །སྤྱི་བོའི་གཙུག་ནོར་བཞིན་དུ་བཀུར། །འདི་ན་ཐམས་ཅད་གཟིགས་པ་ཡིས། །དངོས་པོའི་ཤེས་རབ་ཐམས་ཅད་ཀུན། །མི་མཁྱེན་ཆོས་གང་མེད་པས་ན། །ཚུལ་རྣམས་ཀུན་ལ་བསླབ་པར་རིགས། །ཅི་ཕྱིར་དེ་བཞིན་གཤེགས་པ་ཡི། །གོ་འཕང་སྒྲུབ་པར་བྱེད་པ་ལ། །མགོན་པོ་གང་དེས་གསུངས་པའི་ཕྱིར། །བློ་གསལ་རྣམས་ཀྱིས་དང་དུ་ལོངས། །ཟག་པར་བཅས་པའི་འགྲོ་འདི་ནི། །སྡུག་བསྔལ་ཕུང་པོ་འབའ་ཞིག་གིས། །རབ་ཏུ་མནར་བ་རྟོགས་ནས་ཀྱང་། །ངེས་འབྱུང་སྙིང་རྗེའི་རང་བཞིན་བསྐྱེད། །གང་ཞིག་ཐོས་པའི་རྒྱ་མཚོ་ནི། །ངོམ་མེད་བཏུང་བའི་ཟིལ་དངར་གྱིས། །ཕན་བདེའི་དགའ་སྟོན་འགྲོ་རྣམས་ལ། །མངོན་པར་སྤྲོ་འདི་ངོ་མཚར་ཕུལ། །དེ་དོན་རྗེས་སུ་དཔྱད་པ་ཡི། །འགལ་འབྲེལ་ཉིན་མོའི་འཛུམ་ཟེར་

[Full Size]

གྱིས། །ཕས་རྒོལ་མུན་པ་བཟའ་བ་དང་། །བློ་ལྡན་པདྨོ་འཛུམ་པར་མཛོད། །ཁྱད་པར་དབེན་པའི་ནགས་ཚལ་དུ། །སྒོམ་སྤངས་ཟླ་བའི་མྱུ་གུ་ནི། །ཡར་ངོའི་ཁྲི་ལ་རིམ་འཛེགས་ཏེ། །སྤངས་རྟོགས་ཆ་ཤས་གང་ཕྱིར་བརྩོན། །དེ་ལྟར་རྣམ་པ་གསུམ་ལྡན་ན། །རྒྱལ་བསྟན་ཡོངས་རྫོགས་འཁྲི་ཤིང་སྟེ། །འདི་ནི་ཀུན་གྱི་སྙིང་པོ་རུ། །བསྟན་པ་ཉིད་དུ་རྟོགས་པར་བྱ། །ཆོས་རྣམས་ཐམས་ཅད་ངོ་བོ་ཡིས། །ཡོངས་སུ་སྟོང་བས་སྣང་སྲིད་ཀུན། །སྒྱུ་མ་ལྟ་བུར་ཤེས་པ་ཡིས། སྒྱུ་མའི་ཚུལ་གྱིས་ལྟ་བར་གྱིས། །སྟོན་པ་རྫོགས་པའི་སངས་རྒྱས་ཀྱིས། །མདོ་སྔགས་བསྟན་པ་བགྲང་ཡས་པ། །གསུངས་ཀྱང་མདོར་བསྡུས་སྡེ་སྣོད་བཞིར། །རྣམ་པར་གཏན་ལ་དབབ་པར་མཛད། །དེ་ཡང་འདུལ་བ་མདོ་སྡེ་དང་། །མངོན་པ་རིག་འཛིན་གསང་སྔགས་སོ། །དེ་དག་ཀུན་གྱི་ལྟ་བ་ཡང་། །རྣམ་པ་བཞི་རུ་ཡང་དག་གནས། །ཉན་ཐོས་བྱེ་བྲག་སྨྲ་བ་རྣམས། །གཞི་ལྔ་རྫས་སུ་འདོད་པ་དང་། །དེ་བཞིན་མདོ་སྡེ་པ་རྣམས་ཀྱིས། །བཏགས་ཡོད་ཙམ་དུ་ཁས་ལེན་ཕྱིར། །འདི་གཉིས་ཐེག་པ་དམན་པའོ། །ཐེག་ཆེན་དབུ་སེམས་རྣམ་པ་གཉིས། །ཆོས་རྣམས་ཀུན་བརྟག་གཞན་དབང་དང་། །ཡོངས་གྲུབ་གསུམ་དུ་གཏན་ལ་དབབ། ཁམས་གསུམ་སེམས་ཙམ་ལས་སྐྱེས་

[Full Size]

པར། །འདོད་པ་གང་དེའི་བྱེ་བྲག་ཏུ། །རྣམ་བདེན་པ་དང་རྣམ་རྫུན་པ། །དབྱེ་ཞིང་དེ་ལའང་ནང་གསེས་སུ། །སྔ་མར་གཟུང་འཛིན་གྲངས་མཉམ་དང་། །སྒོ་ང་ཕྱེད་ཚལ་གཉིས་མེད་གསུམ། །ཕྱི་མར་དྲི་བཅས་དྲི་མེད་སོགས། །འདོད་ཚུལ་ཕྲ་བ་སྣ་ཚོགས་སོ། །ཁྱད་པར་ཐེག་ཆེན་དབུ་མ་པར། །རང་རྒྱུད་པ་དང་ཐལ་འགྱུར་གཉིས། །དང་པོ་ལ་མ་གཉིས། །དེ་ཡང་ཆོས་རྣམས་མཐའ་དག་ཀུན། །ཐ་སྙད་ཙམ་དུ་གྲུབ་པར་འདོད། །དོན་ལ་སྐྱེ་འགག་ལ་སོགས་ཀུན། །གཏན་ཚིགས་ཆེན་པོ་རྣམ་པ་ལྔས། །སྟོང་པ་ཉིད་དུ་ཁས་ལེན་ཏེ། །མདོར་ན་རིགས་པས་བསྒྲུབ་པ་ཡིས། །སྤྲོས་བྲལ་ནམ་མཁའ་ལྟ་བུ་ཉིད། །ངེས་དོན་མཐར་ཐུག་དག་ཏུ་འདོད། །གཉིས་པ་དབུ་མ་ཐལ་འགྱུར་བས། །འཁྲུལ་ངོར་སྣང་བའི་ཀུན་རྫོབ་ཆོས། །སྔགས་ཀྱི་མཐུ་ཡི་སྒྱུ་མ་ལྟར། །མཐོང་ཡང་དོན་ལ་མེད་པའི་ཕྱིར། །ཀུན་ཏུ་གཟིགས་ཚེ་རྣམ་པར་དག །གཟུང་འཛིན་ལས་འདས་སྤྲོས་བྲལ་དབྱིངས། །རྣམ་པར་མི་རྟོག་ཟུང་འཇུག་པ། །དོན་དམ་བདེན་པར་རབ་ཏུ་བསྟན། །འཇིག་རྟེན་རྣམས་ཀྱི་བློ་ངོ་ལ། །ལྟོས་པ་གཉིས་སུ་ཡང་དག་འཇོག །འདོད་པ་མཐར་ཐུག་ཡོད་མིན་དང་། །ཡིན་མིན་ལ་སོགས་ཁས་བླངས་ཀུན། །བརྗོད་དུ་མེད་པ་དེ་

[Full Size]

ཉིད་ལ། །རྟོགས་པ་ཞེས་བྱ་དེ་སྐད་དུ། ཁས་བླངས་པ་ཡི་དངོས་པོ་ནི། །ཕྲ་བ་ཙམ་ཡང་ཡོད་མིན་ཏེ། །གདོད་ནས་སྐྱེ་བ་མེད་པའི་ཕྱིར། །མོ་གཤམ་གྱི་ནི་བུ་བཞིན་ནོ། །ཞེས་གསུངས་འོན་ཀྱང་སྒྲོ་བཏག་ཏུ། །འཁྲུལ་དང་མ་འཁྲུལ་དབྱེ་བ་ལས། །བདེན་པ་རྣམ་གཉིས་རྣམ་བཞག་ཀུན། །ཐ་སྙད་དག་ལ་བརྟེན་ཏེ་སྒྲུབ། །གཞན་ཡང་ཕྱི་རོལ་རྒོལ་བ་ཀུན། །བཟློག་དང་བསྟན་བཅོས་ཆེན་པོ་སོགས། །རྩོད་རྩོམ་གཙོ་བོར་གྱུར་པ་ལ། །རགས་པ་ཕྱི་ཡི་དབུ་མ་ཞེས། །ཐལ་རང་རྣམ་གཉིས་བསྔགས་པ་དང་། །དོན་དམ་རྣལ་འབྱོར་ཉམས་ལེན་ཚེ། །ཕྲ་བ་ནང་གི་དབུ་མ་ཞེས། །མཐར་ཐུག་ངེས་དོན་དག་ཏུ་བཞེད། །དེ་ཡང་ཏིང་འཛིན་རྒྱལ་པོ་ལས། །མི་འཁྲུགས་འདུས་མ་བྱས་པ་ནི། །དག་པ་དྭངས་པ་འོད་གསལ་བ། །བདེ་བར་གཤེགས་པའི་སྙིང་པོ་སྟེ། །ཡེ་ནས་གནས་པའི་མཚན་ཉིད་དོ། །ཞེས་གསུངས་དེ་ཕྱིར་འགྲོ་ཀུན་དང་། །དབྱེར་མེད་བདེ་གཤེགས་སྙིང་པོའི་ཁམས། །གློ་བུར་དྲི་མ་བསལ་བཞག་ལས། །འཁོར་འདས་གཉིས་སུ་འདོད་པ་ཡང་། །ངོ་བོ་མཉམ་པ་ཉིད་དུ་བརྗོད། །ཆོས་རྣམས་ཐམས་ཅད་ཀུན་བརྟག་དང་། །གཞན་དབང་ཡོངས་གྲུབ་རྣམ་པ་གསུམ། །རེ་རེ་ལའང་གཉིས་གཉིས་ཀྱི། །དབྱེ་བ་གཏན་ལ་དབབ་བར་བྱེད། །སྒྲིབ་པ་

[Full Size]

བྲལ་སྟོབས་དང་མཐུན་པར། །སྐྱེ་འཕགས་རྫོགས་པའི་སངས་རྒྱས་སུ། །བཞག་སྟེ་ནམ་མཁར་ཁྱད་མེད་ཀྱང་། །བུམ་པའི་བཟང་ངན་དབྱེ་བ་བཞིན། །དོན་ལ་བདེ་གཤེགས་སྙིང་པོའི་དངོས། །བསལ་བཞག་བྲལ་བར་གནས་ཞེས་འདོད། །དེ་ཡང་སྣང་ཆས་སྐུ་ཞིང་ཁམས། །ལ་སོགས་གཟུགས་སྐུའི་ཡོན་ཏན་ཀུན། །འཆར་ཞིང་སྟོང་ཆས་ཆོས་སྐུ་ཡི། །ཡོན་ཏན་ཐམས་ཅད་རྫོགས་པའོ། །དེ་ལྟར་ཐེག་པ་ཆེ་ཆུང་གི །ལྟ་བའི་རིམ་པ་དེ་དག་ཀྱང་། །རང་བཞིན་ཤེས་པར་བྱས་ནས་ནི། །ཉམས་སུ་བླང་བ་ཉིད་དུ་འདོད། །ཁྱད་པར་རིག་འཛིན་སྡེ་སྣོད་དུ། །གཞི་རྒྱུད་ཀུན་ཁྱབ་གདོད་མའི་གཤིས། །ལྷན་སྐྱེས་བདེ་གཤེགས་སྙིང་པོ་ནི། །འབྱུང་སེམས་དྭངས་མ་ཐིག་ལེའི་གཟུགས། །སྙིང་དབུས་ཉིད་དུ་རྣམ་པར་གནས། །མི་ཤིགས་ཟག་མེད་བདེ་བ་ཆེ། །བསྐྱེད་པའི་གནས་དང་རྟེན་དུ་འདོད། །ཕུང་པོ་རྣམ་དཔྱད་སྟོང་ཉིད་དང་། །འགྱུར་མེད་ལས་འདས་རང་རིག་པ། །མི་འགྱུར་བདེ་བ་ཆེན་པོ་ནི། །རྣམ་པ་ཀུན་གྱི་མཆོག་ལྡན་ཏེ། །སྐུ་དང་ཡེ་ཤེས་ཐམས་ཅད་ཀུན། །པྲ་ཕབ་ཇི་བཞིན་སྣང་བར་འདོད། །དེ་ལྟར་དབང་པོའི་རིམ་པ་དང་། །རྗེས་སུ་མཐུན་པའི་ཐེག་པ་ཀུན། །ཉམས་སུ་བླང་བྱ་རྣམ་པ་གསུམ། །སོ་སོར་ཐར་དང་བྱང་ཆུབ་སེམས། །རིག་པ་འཛིན་དང་གསང་

[Full Size]

སྔགས་སོ། །དེ་ཡང་སྡོམ་པ་གསུམ་གྱིས་ཏེ། །དང་པོ་སོ་སོར་ཐར་པ་ལ། །དབྱེ་ན་མིང་དུ་རྣམ་པ་བདུན། །དགེ་བསྙེན་དགེ་ཚུལ་ཕ་མ་གཉིས། །དགེ་སློང་མ་དང་དགེ་སློང་གཉིས། །རྫས་སུ་རྣམ་པ་བཞི་ཡིན་ཏེ། །བསྙེན་གནས་དགེ་བསྙེན་དགེ་ཚུལ་དང་། །དགེ་སློང་དག་སྟེ་བསྲུང་བྱའི་ཁྲིམས། །དུས་དང་གཏན་དུ་བླང་བ་གཉིས། །དང་པོ་བསྙེན་གནས་ཡན་ལག་བརྒྱད། །ངེས་པའི་དུས་སུ་བླང་དང་བསྲུང་། །གཉིས་པོ་དགེ་བསྙེན་ཉིད་ལའང་། །སྐྱབས་གསུམ་འཛིན་དང་སྣ་གཅིག་སྤྱོད། །སྣ་འགའ་སྤྱོད་དང་འཕེལ་བར་སྤྱོད། །ཡོངས་རྫོགས་བསྲུང་བ་དག་ཏུ་འདོད། །དགེ་ཚུལ་སྤང་བྱ་ཡན་ལག་བཅུ། །དགེ་སློང་རྩ་བ་རྣམ་བཞི་དང་། །ལྷག་མ་བཅུ་གསུམ་སྤང་ལྟུང་ནི། །སུམ་ཅུ་ཉིད་དེ་ལྟུང་བྱེད་པ། །འབའ་ཞིག་དགུ་བཅུ་ཐམ་པ་དང་། །སོར་བཤགས་སྡེ་བཞི་ཉེས་བྱས་པ། །བརྒྱ་དང་བཅུ་གཉིས་བསྡོམས་པ་ཡིས། །ཉིས་བརྒྱ་ལྔ་བཅུ་རྩ་གསུམ་ནི། །སྤང་བའི་ཕྱོགས་ཏེ་བསླབ་བྱ་བ། །བཅུ་བདུན་གཞི་རུ་ངེས་པར་བཤད། །དེ་ཡང་ངེས་འབྱུང་བསམ་པ་ཡིས། །ཀུན་སློང་ཐར་བ་ཆ་མཐུན་གྱིས། །རབ་ཏུ་འབད་པར་བྱ་བ་སྟེ། །མདོར་ན་ལུས་ངག་ཉེས་བྱས་པ། །སྤོང་བདུན་འཁོར་དང་བཅས་པའོ། ༈ །ཐེག་ཆེན་བྱང་ཆུབ་སེམས་དཔའ་ཡི། །

[Full Size]

བསླབ་བྱ་ཚུལ་ཁྲིམས་རྣམ་གསུམ་མམ། །སྨོན་དང་འཇུག་པ་གཉིས་སུ་འདུ། །དེ་ཡང་ཉེས་སྤྱོད་ཀུན་སྤང་ཞིང་། །གཞན་ཕན་སྒྲུབ་ལ་ཡང་དག་གནས། །སྨོན་པའི་བསླབ་བྱ་ཚད་མེད་བཞི། །དཀར་ནག་ཆོས་བརྒྱད་སྒྲུབ་དང་སྤངས། །འཇུག་པའི་བསླབ་བྱ་ཕར་ཕྱིན་དྲུག །སྦྱིན་དང་ཚུལ་ཁྲིམས་བཟོད་བརྩོན་འགྲུས། །བསམ་གཏན་ཤེས་རབ་རྣམ་པ་དྲུག །རེ་རེ་ལའང་གསུམ་གསུམ་མ། །དེ་ལྟར་བསླབ་ལ་བརྩོན་པ་ཡིས། །རྒྱལ་བ་ཀུན་གྱི་སྲས་འགྱུར་ཅིང་། །མྱུར་དུ་བྱང་ཆུབ་མཆོག་ལ་རེག ༈ །རིག་འཛིན་སྔགས་ཀྱི་དམ་ཚིག་ལ། །དང་པོ་པ་ཡི་བསླབ་བྱ་ནི། །བརྟུལ་ཞུགས་ཉི་ཤུ་རྩ་ལྔ་དང་། །གཞན་ཡང་རྒྱུད་སྡེ་སོ་སོ་ལས། །དབྱེ་བ་དཔག་ཏུ་མེད་མོད་ཀྱང་། །མདོར་བསྡུས་རྩ་ལྟུང་བཅུ་བཞི་དང་། །དེ་ཡི་ཡན་ལག་སྦོམ་པོ་བརྒྱད། །ཁྱད་པར་དབང་བཞིའི་དམ་ཚིག་གོ །དེ་ཡང་སྨིན་པར་བྱེད་པ་ཡིས། །རྒྱུད་སྦྱངས་དམ་ཚིག་གྲོགས་དང་བཅས། །ཀུན་བརྟག་བསྐྱེད་པའི་རིམ་པ་དང་། །ཡོངས་གྲུབ་མ་བཅོས་རྫོགས་རིམ་སྟེ། །རིམ་གཉིས་མཉམ་པར་སྤྱོད་པ་ཡིས། །རྡོ་རྗེ་འཆང་གི་ས་རུ་འགྲོ། །ཐུན་མོང་ཐུན་མོང་མ་ཡིན་པའི། །དོན་གཉིས་ལྷུན་གྱིས་འགྲུབ་པར་འགྱུར། །དེ་ལྟར་རྣམ་པ་གསུམ་པོ་ཡང་། །གང་ཟག་གཅིག་གི་རྒྱུད་ཉིད་ལ། །ཇི་ལྟར་བསྲུང་བར་བྱ་ཞེ་

[Full Size]

ན། །ངོ་བོ་གནས་འགྱུར་ཡོན་ཏན་ནི། །ཡར་ལྡན་ཚུལ་དུ་རྣམ་པར་འགྲོ། །རང་ལྡོག་མ་འདྲེས་དགག་བྱ་དང་། །དགོས་པ་ཐམས་ཅད་ཡོངས་སུ་ཚང་། །གནད་ཀྱི་མི་འགལ་དུས་སྐབས་ནི། །ཕྱི་ནང་གང་གཙོ་དེར་སྤྱོད་བྱ། །མདོར་ན་སྤང་བསྒྱུར་གྲོལ་གསུམ་གྱི། །ལམ་ནི་གང་ཡང་ཉོན་མོངས་ཀྱིས། །འཆིང་བར་མི་འགྱུར་ཐབས་དག་ལས། །གཞན་མིན་དགོངས་པ་གཅིག་ཏུ་འབབས། །དེ་ལྟར་རྣམ་གསུམ་སྡོམ་པ་ཡང་། །ཐོབ་པར་བྱེད་པའི་ཆོ་ག་དང་། །ཐོབ་བྱ་སྡོམ་པའི་བསྲུང་ཚུལ་དང་། །ཉམས་ན་སླར་ཡང་གསོ་བ་དང་། །ཐོབ་བྱའི་འབྲས་བུ་བཞི་རུ་འདུས། །དེ་ཡང་ཐོས་དང་བསམ་པ་ཡི། །གྲུབ་མཐའི་དབྱེ་བསལ་ལེགས་ཤེས་ནས། །སྒོམ་པ་ཉམས་འོག་འཛུད་པའི་ཟླར། །སྡོམ་པ་གསུམ་གྱིས་རྒྱུད་བཅིངས་པས། །མྱུར་དུ་བྱང་ཆུབ་མཆོག་ལ་རེག །དུལ་བ་ལས་ནི་ཚུལ་ཁྲིམས་དང་། །ཕྲག་དོག་ལས་ནི་མི་དགེ་བ། །བཟོད་པ་ལས་ནི་དཀའ་ཐུབ་རྣམས། །ས་བོན་མྱུར་གུ་ཇི་བཞིན་ཕྱིར། །རྟག་ཏུ་བག་ཡོད་ཆོག་ཤེས་དང་། །བསླབ་པར་བྱ་བའི་ནོར་གྱིས་ཕྱུག །ཆགས་དང་སྙོམས་ལས་ང་རྒྱལ་གྱི། །དྲེགས་པ་རྣམ་པར་སྤང་བར་མཛོད། །གནས་སྐབས་ཚོགས་སྦྱོར་མཐོང་བསྒོམ་བཞིར། །སློབ་པའི་ཆོས་རྣམས་ཡོངས་རྫོགས་ཏེ། །མཐར་ཐུག་མྱ་

[Full Size]

ངན་ལས་འདས་པའི། །འབྲས་བུ་ཡེ་ཤེས་ཆེན་པོ་ནི། །ལྷུན་གྲུབ་སྐུ་གསུམ་དགོངས་པ་ཅན། །སྒྲིབ་བྲལ་ཟླ་བའི་ཆོས་སུ་རྫོགས། །ནང་གི་རྩ་མདུད་གྲོལ་སྟོབས་ལས། །ཕྱི་རོལ་ཡོན་ཏན་རིམ་འཆར་ཕྱིར། །གཟུང་འཛིན་མདུད་གྲོལ་ས་བཅུ་ཡི། །མངོན་རྟོགས་དེ་ཡིས་བརྙེས་ཞེས་འདོད། །དེ་སྐད་བསླབ་པར་བྱ་བའི་དོན། །རང་དང་སྐལ་མཉམ་གཞན་གྱི་ཕྱིར། །གང་ཤར་ཟླ་བའི་འཛུམ་ཟེར་གྱིས། །ཚིགས་སུ་བཅད་པའི་ཀུ་མུད་བཞད། །དེ་ལས་བྱུང་བའི་དགེ་བ་ནི། །སྤྲིན་དུས་ཆར་གྱི་རྗེས་འགྲོ་བས། །ཉོན་མོངས་ཚ་གདུང་རབ་བཅིལ་ཏེ། །ཕན་བདེའི་ཆུ་སྐྱེས་རྒྱས་གྱུར་ཅིག །ཞེས་པའང་གཞོན་ནུ་ཨ་བྷཱ་ཡས་རང་ལོ་བཅོ་ལྔ་པར་གང་ཤར་ལྷུག་པར་བརྗོད་པའོ། ༈ །འོད་གསལ་གྲུབ་པའི་ཐོལ་གླུ་ཌཀི་དགྱེས་པའི་རོལ་མོ་ཅེས་བྱ་བ། འཁོར་འདས་ཀུན་གྱི་རྩ་བ་རང་རིག་གཤིས། །བརྟག་ན་དངོས་པོའི་བདེན་གྲུབ་རབ་དབེན་པའི། །ཟུང་འཇུག་བློ་འདས་ཆེན་པོར་ཕྱག་བགྱིས་ནས། །ཟབ་ཞི་སྤྲོས་བྲལ་ཚིག་གིས་གཏན་ལ་དབབ། །མ་རིག་རྟོག་པའི་ལས་རླུང་གཡོ་བ་ཡིས། །གཉིས་འཛིན་དྲ་ བར་ཀུན་ཏུ་འཐུམས་གྱུར་པའི། །འགྲོ་ཁམས་བདེ་གཤེགས་སྙིང་པོའི་རང་བཞིན་གྱིས། །ཏིལ་མར་བཞིན་དུ་ཁྱབ་བདལ་གྱུར་འདི་མཚར། །རྒྱུ་ཡིས་བསྐྱེད་དུ་མེད་པའི་ཆོས་ཉིད་གཤིས། །ལམ་

[Full Size]

གྱིས་བསྒོམ་དུ་མེད་པའི་རང་གྲོལ་དངོས། །འབྲས་བུ་ཟིན་དུ་མེད་པའི་ཡེ་ནས་རྫོགས། །ཐེག་པ་ཀུན་གྱི་ལྟོས་གྲུབ་ཟད་པའི་ཀློང་། །སྨྲ་བའི་ཡུལ་དུ་མ་མཆིས་མཚན་མས་དབེན། །བསམ་པས་དཔྱད་དུ་བྲལ་དེ་བློ་འདས་གཤིས། །མཐའ་བརྒྱད་སྤྲོས་པ་ལས་འདས་རིག་སྟོང་ཡུལ། །འོད་གསལ་གཉུག་མའི་ངང་དུ་ཅི་བདེར་གྲོལ། །དེ་ལྟའང་སྣ་ཚོགས་རྟོག་པའི་སྒྱུ་མ་ཡིས། །རྨི་ལམ་བཞིན་དུ་འཁོར་བའི་གྲོང་ཁྲིད་ཀྱང་། །རང་ངོར་བལྟས་པས་བདེན་པས་སྟོང་པའི་ཕྱིར། །ལྷུན་གྲུབ་སངས་རྒྱས་རང་ལས་ཅི་ཞིག་འཚོལ། །བྱས་པའི་ཆོས་ཀྱིས་བསྒྱུར་དུ་མི་བཏུབ་ཅིང་། །རང་བབ་བཞག་པས་དེ་ལས་གཡོ་བ་མེད། །གཉེན་པོ་བསྟན་ན་གོལ་སྒྲིབ་ཀུན་གྱི་གཞི། །རང་ངོར་གྲོལ་བས་མན་ངག་ཡོངས་ཀྱི་བཅུད། །སྒོམ་དུ་མེད་པའི་དེ་བཞིན་ཉིད་ལའང་། །བསྟེན་གོམས་བྱས་པས་ཉོན་མོངས་རང་སར་བྲི། །རྒྱུད་མངས་བསྐུལ་ལྟར་ཐང་ལྷོད་སྤངས་པ་ཡིས། །རྩེ་གཅིག་མ་ཡེངས་དྲན་པའི་ངང་མདངས་བསྐྱང་། །དཔྱད་པའི་སྒོམ་པ་གང་གིས་འཚང་མི་རྒྱ། །ཡུལ་སོགས་བློ་ཡིས་བགྲོད་པའི་རྒྱུ་ཡིན་ཏེ། །ཐ་སྙད་མཚོན་པས་དེ་ལ་ཅི་ཞིག་བྱ། །དེ་བས་སྐད་ཅིག་རྟོག་པའི་ཡེ་ཤེས་སོ། །ཆོས་རྣམས་སྟོང་ཉིད་ཙམ་དུ་ཁས་ལེན་པ། །གཞན་དུ་ཡོད་མོད་དབང་གིས་སྟོན་པ་ཡི། །

[Full Size]

ལྷན་སྐྱེས་རིག་སྟོང་ད་ལྟའི་ཤེས་པ་ཉིད། །བསྒོམ་པས་ལས་རུང་ཁྱད་པར་འཕགས་པའི་ཆོས། ཡིད་དཔྱོད་ལས་འདས་ཅེར་གྲོལ་སྐད་ཅིག་མ། །མ་བཅོས་ཅོག་བཞག་རྫོགས་པ་ཆེན་པོ་སྟེ། །དེ་ཡང་སྟོང་པས་རྒྱས་འདེབས་མ་ཡིན་ཞིང་། །དབྱིངས་སུ་རིག་པ་གཏོད་པའི་འཛིན་པའང་མིན། །གང་ཤར་རིག་ངོར་མྱང་ཐོག་ལ་བཟླ་བ། །ཐུན་མོང་མིན་པའི་བཅུད་དུ་མཁྱེན་པར་མཛོད། །ཁྱད་པར་སྙིགས་མའི་རང་མདངས་མངོན་བརྡོལ་བས། །ལྟ་ཕྱོགས་སྤྱོད་པར་ཤོར་བའི་སྟོང་ཉིད་དང་། །སྤྱོད་ཕྱོགས་ལྟ་བར་ཤོར་བའི་རྒྱུ་འབྲས་རྣམས། །སྟོན་པའི་བཀའ་ལས་གཞན་པར་ཤེས་པར་བྱ། །དེ་སྐད་མན་ངག་རྒྱ་མཚོ་ལས་འོང་ཞིང་། །ཉམས་མྱོང་རིན་ཆེན་ཀུན་གྱི་བཤེས་གྱུར་པ། །བླ་མའི་བྱིན་རླབས་སྙིང་གར་སིམ་པ་ལས། །གང་ཤར་རང་སར་གྲོལ་བའི་ངང་ནས་སྨྲས། །དགེ་བས་མཐར་འཛིན་ལྟ་བའི་མུར་འདུག་དཔུང་། །སྤྲོས་བྲལ་བདེ་ཆེན་དཔའ་བོས་བཅོམ་ནས་ཀྱང་། །འོད་གསལ་གཉུག་མའི་རྡོ་རྗེའི་རྫོང་ཟིན་ནས། །འཁོར་འདས་ཡོངས་གྲོལ་སྲིད་ལ་གནས་གྱུར་ཅིག ༈ །ཆོས་ཉིད་གཉུག་མའི་གླུ་དབྱངས་འོད་གསལ་གྲུབ་པའི་རོལ་མོ་ཞེས་བྱ་བ། ཨེ་མ་ཧོ། སྤྲོས་བྲལ་བདེ་བ་ཆེན་པོའི་ཡེ་ཤེས་ནི། །རྣམ་པ་ཀུན་གྱི་མཆོག་དང་ལྡན་པའི་ཞལ། །ཟུང་འཇུག་ཀུན་ཁྱབ་རང་རིག་གཉུག་མའི་

[Full Size]

གཤིས། །དུས་གསུམ་རྟོག་བྲལ་དབྱིངས་སུ་ཕྱག་བགྱིའོ། །འདི་ལྟར་སྣ་ཚོགས་སྣང་བའི་རོལ་པ་ཀུན། །སྐྱེ་འགགས་གནས་གསུམ་བྲལ་བའི་སེམས་ཀྱི་འཕྲུལ། །གཉིས་སྣང་དྲྭ་བར་འཐུམས་པའི་འགྲོ་བ་རྣམས། །བློ་བྲལ་རང་རིག་སྒྲིབ་སྟེ་འཁོར་བར་འཁྱམས། །དེ་ཡང་ཀུན་གཞི་ལུང་དུ་མ་བསྟན་པར། །ལྷུན་གྲུབ་སྒོ་བརྒྱ་ཐུགས་རྗེའི་འཆར་ཚུལ་གྱིས། །འཁྲུལ་གྲོལ་འཇུག་ལྡོག་སྒྱུ་མའི་རོལ་པ་ཡིས། །འཁོར་དང་མྱ་ངན་འདས་པར་ཡོངས་སུ་གྲུབ། །རང་སྣང་སྐྱེ་མེད་ནམ་མཁའ་ཡངས་པ་ལ། །བློ་ཡིས་གཏིང་མཐའ་གཞལ་དུ་མེད་ན་ཡང་། །རང་རིག་རང་བཞག་ཟེར་བརྒྱ་འཕྲོ་བའི་ཚེ། །འཁོར་བའི་མུན་པ་མ་ལུས་ཡོངས་སུ་བཅོམ། །སྣ་ཚོགས་སེམས་ཀྱི་འགྱུ་འཕྲོའི་རྐུན་བུ་ཡིས། །སེམས་ཉིད་བདེ་གཤེགས་སྙིང་པོ་བསླུས་གྱུར་ཡང་། །སྣང་སྲིད་རིག་ངོར་གྲོལ་བའི་དཔའ་བོ་ཡིས། །ཤུགས་འབྱུང་གཉུག་མའི་ངང་དུ་རྣམ་པར་གསོད། །ལས་དང་ལས་ཀྱི་འབྲས་བུར་བཅིང་བའི་མཐུས། །རྟོགས་ཚོགས་ངང་གིས་ཞི་བར་མ་འདོད་ནས། །ཕུང་ལྔའི་ཟག་བཅས་དྲ་བར་འཐུམས་པའི་ཚེ། །རང་གྲོལ་ཡིད་དཔྱོད་ལས་འདས་རལ་གྲིས་བཀྲལ། །དབུ་མའི་རྗེས་དཔག་འཛིན་སྟངས་རྣོན་པོ་ཡིས། །མཐའ་བཞི་བཀག་པའི་སྤྲོས་བྲལ་སྒྲུབ་པ་དེ། །ཐ་སྙད་ཙམ་གྱི་རྗེས་

[Full Size]

སུ་མ་སོང་བར། །ངེས་ཤེས་གཏིང་ཚུགས་གཏན་ལ་ཕེབས་པའི་ཚེ། །དེ་ཉིད་ཕྱག་རྒྱ་ཆེན་པོའི་རང་ངོ་རུ། །གཉུག་མ་ཉིད་དུ་འཇོག་སྟེ་བློ་འདས་ཀྱི། །སྒོམ་མེད་བར་དུ་གསལ་སྟོང་རྒྱས་འདེབས་དང་། །ཡིད་བྱེད་ཤེས་བྱའི་སྒྲིབ་པ་ཕྲ་མོ་ཡང་། །གཅེར་མཐོང་རྫོགས་པ་ཆེན་པོར་རབ་ཐིམ་སྟེ། །མཉམ་རྗེས་དབྱེར་མེད་འོད་གསལ་ཆོས་ཀྱི་སྐུ། །ངེས་ཤེས་ཐག་ཆོད་གདིངས་ཐོབ་རང་སར་གྲོལ། །དེས་ན་ཀུན་ཀྱང་མཐར་ཐུག་སྙིང་པོར་གཅིག །དེ་ཡང་བསྒོམ་པས་ཉམས་སུ་ལེན་པའི་ཚེ། །ཚོགས་དྲུག་ཡུལ་ལ་སེམས་ཀྱི་རྩལ་ཤར་བའི། །སྣ་ཚོགས་སྣང་བ་ཤར་གྲོལ་དུས་མཉམ་དུ། །ཆུ་ལ་རལ་གྲི་བསྣུན་ལྟར་ངང་བཞག་གི །དབྱིངས་སུ་རྣམ་པར་གྲོལ་བ་མཆོག་གི་ལམ། །དེ་སྐད་དུའང་སློབ་དཔོན་དགའ་རབ་རྗེས། །ཤར་བའི་དུས་ན་མཉམ་ཤར་བཟང་ངན་མེད། །གྲོལ་བའི་དུས་ན་མཉམ་གྲོལ་བཟང་ངན་མེད། །གནས་པའི་ཚེ་ན་མཉམ་གནས་བཟང་ངན་མེད། །ཅེས་གསུངས་དེ་ཕྱིར་རྟག་ཏུ་བརྟན་གོམས་བྱ། །འོན་ཀྱང་བྱས་པའི་བསྒོམ་པས་མ་འཕོས་ཤིང་། །མ་བྱས་རང་གར་བཞག་པས་གཡོ་བ་མེད། །ཟབ་ཞི་སྤྲོས་བྲལ་མི་རྟོག་གཉུག་མའི་དབྱིངས། །འཕོ་འགྱུར་ཀུན་བྲལ་ལྷན་སྐྱེས་ཡེ་ཤེས་ནི། །ཡོད་ཅེས་བློ་ཡིས་དཔྱད་དུ་མེད་པས་སྟོང་། །མེད་ཅེས་ངོ་བོ་

[Full Size]

བསམ་མི་ཁྱབ་པས་བྲལ། །སྒྲོ་འདོགས་སྐུར་འདེབས་ཟད་པའི་གཉུག་མའི་ལམ། །དུས་གསུམ་རྒྱལ་བ་ཡོངས་ཀྱི་གཤེགས་ཤུལ་མཆོག །གཟོད་ནས་མ་བྱས་ལྷུན་གྲུབ་ངང་དུ་གནས། །ད་ལྟ་མ་བཅོས་བཟོ་མེད་དེ་བཞིན་ཉིད། །མ་འོངས་དེ་ལས་འཕོ་འགྱུར་གཞན་བྲལ་བའི། །འགྲོ་ཀུན་ཡོངས་ཁྱབ་བདེ་གཤེགས་རྡོ་རྗེ་སེམས། །མཐའ་བྲལ་གནས་སུ་ཕྱིན་ཡང་ལེགས་མིན་ཤིང་། །ངན་སོང་སྡུག་བསྔལ་ཁུར་ཡང་མ་དམན་པའི། །རིག་སྟོང་དངུལ་ཆུ་ལྟ་བུ་ཡེ་ཤེས་ཁམས། །རྟག་ཏུ་ལྷུན་གྱིས་གྲུབ་པ་དེ་རྟོགས་མཛོད། །མཐར་ཐུག་གཟོད་ནས་དག་པའི་ངོ་བོ་ཉིད། །རང་བཞིན་སྐུ་དང་ཡེ་ཤེས་ལྷུན་གྲུབ་ཅིང་། །ཐུགས་རྗེས་འགྲོ་ཀུན་གང་འདུལ་སྒྲོལ་མཛད་བའི། །བསམ་མི་ཁྱབ་པའི་གོ་འཕང་ལ་རེག་འགྱུར། །དེ་སྐད་གང་ཤར་གྲགས་སྟོང་གཉུག་མའི་དབྱངས། །རང་གྲོལ་བཅོས་བསྒྱུར་བྲལ་བར་སྨྲས་དེའི་མཐུས། །སྐྱེ་འགགས་གཉིས་མེད་རང་རིག་སྐུ་གསུམ་ངང་། །འགྲོ་ཀུན་ཡོངས་སུ་སྒྲོལ་བའི་མཐུ་ཐོབ་ཤོག །ཁྱད་པར་རྟོག་གེས་བརྟག་པའི་ཚིག་གི་མེས། །མཐའ་བྲལ་དབུ་མའི་ལྗོན་ཤིང་མི་བསྲེག་པར། །འོད་གསལ་འགྲོ་འོང་བྲལ་བར་འབྱམས་ཀླས་པས། །ཚེ་འདིར་མཆོག་གི་འབྲས་བུ་འཛིན་གྱུར་ཅིག ༈ །ཉམས་སུ་ལེན་པའི་གླུ་དབྱངས་རིག་སྟོང་ངལ་གསོ་ཞེས་བྱ་བ། ཨ་

[Full Size]

ཧོ༔ འཁོར་འདས་ཆོས་ཀུན་མི་འགྱུར་རྡོ་རྗེའི་ཁམས། །བསྐྱེད་རྫོགས་ཏིང་འཛིན་ཆོ་གས་སད་བགྱིད་པས། །སངས་རྒྱས་རང་ཞལ་ཉིད་དུ་རྟོགས་པ་ཡི། །ཆོས་ཉིད་ངོ་བོ་བླ་མའི་ཞབས་ལ་འདུད། ། ཀུན་ལ་ཁྱབ་པའི་རང་བཞིན་ཆོས་སྐུ་ནི། །སྐྱེ་འགགས་གནས་བྲལ་འཕོ་མེད་བདེ་ཆེན་ཏེ། །ཡུལ་དང་ཡུལ་ཅན་སེམས་དང་སེམས་བྱུང་གིས། །གཟུང་འཛིན་འཁོར་བའི་རྒྱ་མཚོ་འདི་བྱུང་ངོ་། །དེ་ཡང་ངོ་བོས་སྟོང་ཡང་རང་བཞིན་གསལ། །སྐྱེ་བ་མེད་ཀྱང་དབྱིངས་ལས་ཚུལ་ཀུན་སྐྱེས། །འགགས་པ་མེད་ཀྱང་ངོ་བོའི་སྟེང་དུ་འགགས། །གནས་པ་མེད་ཀྱང་ངང་དུ་གནས་པའི་ཚུལ། །འདི་ནི་བློས་བྱས་འཛིན་པའི་དྲི་མ་འདྲ། །སྐྱེས་པའི་ཚུལ་ནི་དོན་ལ་སྐྱེ་བ་མེད། །སྒོ་ལྔའི་ཡུལ་ལས་སྐྱེས་པའི་རྩལ་དེ་ཉིད། །རོ་གཅིག་གཉུག་མ་རིག་སྟོང་ངང་དུ་འདུས། །དབྱེར་མེད་རང་སྣང་ཆོས་ཀྱི་སྐུ་རུ་གྲོལ། །བདེན་མེད་སྣང་བ་འཁྲུལ་འཁོར་བྱེད་པ་པོ། །རྣམ་རྟོག་དག་ནི་མ་རིག་རྒྱ་མཚོ་སྟེ། །ཡེ་ཤེས་རྟོག་ན་དེ་དོན་ཟིལ་གྱིས་གནོན། །འཁྲུལ་སྣང་རང་ཤར་རང་གྲོལ་དབྱིངས་སུ་ཐིམ། །འབྲལ་མེད་ཉམས་མྱང་ཤུགས་འབྱུང་གཉུག་མ་དང་། །བློས་བྱས་བཅོས་མའི་གཉུག་མ་རྣམ་པ་གཉིས། །ཁྱད་པར་རང་བཞིན་ཤིན་ཏུ་ཆེ་བ་སྟེ། །དེ་དོན་རྟོགས་དང་དབྱེ་བ་ལེགས་ཕྱེ་མཛོད། །དགའ་བྲལ་

[Full Size]

ལྷན་ཅིག་སྐྱེས་པའི་ཡེ་ཤེས་དང་། །འདིར་སྣང་རྟོག་མེད་བདེ་བའི་བསམ་གཏན་གཉིས། །གལ་འགག་ཕྱེ་བ་གནད་ཀྱི་དོན་དུ་དབབ། །དང་པོའི་ལས་ཅན་གོ་དང་བར་པས་མྱོང་། །ཐ་མ་མངོན་སུམ་རྟོགས་པའི་བར་དག་ཏུ། །མ་ཡེངས་དྲན་པས་རང་མདངས་བསྐྱང་བ་དང་། །གང་ཤར་རང་གྲོལ་བཅོས་བསྒྱུར་བྲལ་བར་གཅེས། །གསལ་སྟོང་ཤེས་བྱས་དཔྱད་གཟོད་ཐམས་ཅད་ཀུན། །ཉམས་ལས་མ་འདས་དེ་ཕྱིར་ཞེན་འཛིན་སྤོངས། །ནམ་ཞིག་རེ་དོག་བྲལ་བའི་རྟོགས་པ་མཆོག །མངོན་དུ་འཆར་ཚེ་གེགས་དང་གོལ་ས་བྲལ། །དེ་སྐད་བློ་འདས་དོན་ལ་བཤེས་མིན་ཡང་། །བློས་བྱས་ཚིག་གི་ཕྲེང་བ་ཟབ་མོའི་དོན། །ཅུང་ཟད་སྟོན་འདིས་རང་གཞན་འགྲོ་བ་ཀུན། །སྐད་ཅིག་རིག་སྟོང་རྗེན་པར་གྲོལ་བར་ཤོག ༈ །དེ་ཁོ་ན་ཉིད་བསྡུས་པའི་ཐོལ་གླུ་དཔའ་བོའི་རོལ་མོ་ཞེས་བྱ་བ། ཨ་ཧོ། སྣོད་བཅུད་ཀུན་སྐུ་དང་ཡེ་ཤེས་ཀྱི་འཆར་སྒོ། །རིག་སྟོང་གི་ངོ་བོ་བློ་འདས་ཀྱི་གཤིས་ལུགས། །སྲིད་ཞི་ལས་རང་གྲོལ་བདེ་ཆེན་གྱི་ཀློང་ཡངས། །གཟོད་མ་ནས་ཐོབ་ཤོར་བྲལ་བ་ལ་འདུད་དོ། །ཕྱིར་ལྟས་ཀྱི་རྟོག་གེའི་དོན་དམ་ནི་མི་མཐོང་། །ནང་དབྱིངས་ཀྱི་ངང་བཞག་རྟོགས་ཚོགས་ཀུན་རང་གྲོལ། །ཡིད་དཔྱོད་ཀྱི་སྤང་གཉེན་རེས་འཇོག་ལས་འདས་པའི། །ཟབ་དོན་གྱི་མཐར་ཐུག་རྫོགས་

[Full Size]

ཆེན་ལ་ཞུགས་ཤིག །ཀ་དག་གི་རིག་པ་ཅེར་གྲོལ་དུ་མཐོང་བས། །སྤང་བླངས་ཀྱི་གཉེན་པོ་དབུ་མ་རུ་ཞིག་ནས། །གང་ཤར་དང་རང་གྲོལ་ཆོས་སྐུ་ཡི་ངང་དུ། །སྣ་ཚོགས་ཀྱི་རྟོག་པ་མཉམ་རོལ་དུ་ཐིམ་མོ། །ཤེས་བྱ་ཡི་གཤིས་ལ་མ་ཤོར་བའི་སྤྲོས་བྲལ། །རྣམ་རིག་གི་དབུ་མར་མ་གཟུང་བའི་རང་གྲོལ། །གནས་བྱ་དང་གནས་བྱེད་ལས་འདས་ཀྱི་ཞི་གནས། །ཕྱི་ཡུལ་ལ་རྟོག་པས་མི་དཔྱོད་པའི་ལྷག་མཐོང་། །བསྒོམ་བློ་ཡི་སྡུག་བཙིར་ཐག་པས་ནི་མ་བཅིངས། །མི་བསྒོམ་པའི་དྲན་མེད་ཐ་མལ་དུ་མ་ཞུགས། །སྣ་ཚོགས་ཀྱི་ཞེ་འདོད་འཆིང་བ་ལས་གྲོལ་བའི། །ཡེ་ཡིན་གྱི་རིག་པ་ཁྱབ་བདལ་དུ་སྐྱོངས་ཤིག །མཚན་འཛིན་ལས་འདས་པས་རྟག་པ་ཡང་མ་ཡིན། །རང་གསལ་དུ་མི་འགགས་ཆད་མཐའ་དང་བྲལ་ཞིང་། །བསམ་གྱིས་ནི་མི་ཁྱབ་བློ་འདས་ཀྱི་གཤིས་ལུགས། །བྱར་མེད་ཀྱི་བཙན་ས་ཟིན་པ་རང་མཛོད་ཅིག །བཅོས་བསྒྱུར་གྱིས་མ་དཀྲོལ་ཡེ་གྲོལ་གྱི་རིག་པ། །རྣམ་རྟོག་གིས་མ་བཟོས་ཟག་བྲལ་གྱི་ཡེ་ཤེས། །ལྟ་སྒོམ་གྱིས་མ་བསླད་ཆོས་ཉིད་དེ་རྗེན་པ། །རང་ངོ་རུ་འདུ་འབྲལ་སྤངས་པ་འདི་ཨ་ཧོ། །འཇོག་ཏུ་ནི་མེད་དེ་ཀ་དག་གི་མཉམ་བཞག །རྩིས་གདབ་ལས་འདས་པའི་ལྷུན་གྲུབ་ཀྱི་རྗེས་ཐོབ། །ཀུན་གཞི་ལས་རྣམ་གྲོལ་རིག་སྟོང་གི་ངང་དུ། །གེགས་དང་ནི་

[Full Size]

གོལ་ཤོར་ནོར་ས་ལས་འདས་སོ། །ལྷུན་གྲུབ་ཀྱི་སྣང་བ་ལུག་རྒྱུད་ཀྱི་ཐིག་ལེ། །འོད་གསལ་གྱི་ངོ་བོ་བུམ་སྐུ་ཡི་རང་མདངས། །ཟུང་འཇུག་གི་དགོངས་པ་གཏད་མེད་དུ་གཟིར་བས། །སྣང་བཞི་ཡི་ངང་དུ་འཁྲུལ་ཆོས་ཀུན་ཟད་ནས། །ཞལ་ཕྱག་གི་སྤྲོས་པ་ནང་དབྱིངས་སུ་ཐིམ་པའི། །ཁྱད་ཆོས་དེ་དྲུག་ལྡན་ཀུན་བཟང་གི་མཁའ་ཀློང་། །ཐིམ་ལ་ནི་མ་སྨུག་རྟག་ཆད་དང་བྲལ་བའི། །སྐུ་གསུམ་གྱི་འཆར་གཞི་རྩོལ་མེད་དུ་འགྲུབ་བོ། །དེའི་ཕྱིར་ན་རྟག་ཏུ་ཉམས་ལེན་གྱི་མཐར་ཐུག །སྐད་ཅིག་གི་རིག་པ་སྣ་ཚོགས་སུ་འཕྲོ་ཡང་། །ཤར་མཁན་གྱི་ངང་དུ་རང་གྲོལ་དུ་ཞི་བའི། །བཅོས་བསྒྱུར་ལས་འདས་པའི་ངང་མདངས་ལ་བསྐྱང་ཞིང་། །སྣོད་བཅུད་ཀུན་དག་བྱེད་སྣང་སྟོང་གི་བསྐྱེད་རིམ། །རྩ་རླུང་ཁམས་བྱེད་བཅིངས་བདེ་སྟོང་གི་རྫོགས་རིམ། །སྤང་གཉེན་ལས་འདས་པ་དབྱིངས་རིག་དང་དབྱེར་མེད། །ནང་རྒྱུད་ཀྱི་སྦས་དོན་དེ་ཚོ་ལ་བསྙེན་མཛོད། །གྲུབ་མཐའ་ཡི་ཁ་འཛིན་ཆགས་སྡང་གི་གཞི་མ། །བདག་འཛིན་གྱི་སྲེད་ཞེན་སླུ་བྱེད་ཀྱི་བདུད་གཅོད། །ཉམས་སྣང་གི་དགག་སྒྲུབ་ལམ་ཞུགས་ཀྱི་གོལ་ས། །དེ་རྣམས་ཀྱི་འབྲས་བུ་ཡ་བྲལ་དུ་བྱེད་དོ། །འདུ་འཛི་ལས་བརྒལ་བ་བྲག་སྐྱིབས་ཀྱི་ཁང་བཟང་། །སྡང་ཞེན་ལས་འདས་པ་འདབ་ཆགས་ཀྱི་འཁོར་གྲོགས། །འཁྲུལ་

[Full Size]

པ་ཀུན་ཟད་བྱེད་རྩེ་གཅིག་གི་ཏིང་འཛིན། །འདི་རྣམས་ནི་ལམ་ཞུགས་རྣལ་འབྱོར་གྱི་སྲོག་ཤིང་། །ཞེ་འདོད་ཀྱི་སྒྲུབ་པ་འབྲས་བུ་ཡི་གོལ་ས། །ཐོབ་ཤོར་གྱི་དབེན་པ་རྫོགས་ཆེན་གྱི་མངའ་ཐང་། །རེ་དོག་གིས་མ་བཅིང་རང་གྲོལ་དུ་ལོངས་པས། །ཟུང་འཇུག་གི་རྒྱལ་སར་འབད་མེད་དུ་འཛེགས་འགྲོ། །དེ་སྐད་དུ་གང་ཤར་རང་གྲོལ་གྱི་གླུ་དབྱངས། །ཟབ་དོན་གྱི་དགོངས་པ་མཐོང་བ་རང་མིན་ཡང་། །ཁྱབ་བདག་གི་བླ་མ་སྙིང་དབུས་ནས་དྲན་པའི། །རང་རྩལ་ལས་འབད་མེད་ལྷུག་པ་རུ་བརྗོད་དོ། །དགེ་བ་དེས་བདག་གཞན་འགྲོ་བ་ཀུན་མ་ལུས། །ཐེག་བརྒྱད་ལས་འདས་པའི་རྫོགས་ཆེན་གྱི་ལམ་དུ། །རྩེ་གཅིག་ཏུ་ཞུགས་ནས་འཁྲུལ་པ་ཡི་ཕུང་ཁམས། །འཕོ་ཆེན་གྱི་འཇའ་ལུས་རྡོ་རྗེ་རུ་འགྲུབ་ཤོག །ཅེས་པའང་གཞོན་ནུ་ཨ་བྷཱ་ཡས་རང་ལོ་བཅོ་ལྔ་པར་བརྗོད་པའོ། ༈ །ཐེག་པ་མཆོག་གི་ལམ་གྱི་རིམ་པ་དང་འབྲེལ་བའི་གླུ་འཆི་མེད་གྲུབ་པའི་བདེན་ཚིག་ཅེས་བྱ་བ། ཨ་ཧོ། ཀ་དག་གཞི་དབྱིངས་གཞོན་ནུ་བུམ་སྐུ་ཡི་ཀློང་ནས། །ལྷུན་གྲུབ་གཞི་སྣང་ཁ་སྦྱོར་བདུན་ལྡན་དུ་ཤར་བ། །དུས་གསུམ་རྒྱལ་ཀུན་འདུས་པའི་ཡེ་ ཤེས་ཀྱི་སྤྱི་གཟུགས། །འཆི་མེད་པདྨ་སཾ་བྷས་བྱིན་གྱིས་རང་རློབས་ཤིག །བཤེས་གཉེན་ཚུལ་བཞིན་བསྟེན་པ་ཐར་ལམ་གྱི་རྩ་བ། །དལ་འབྱོར་རྙེད་དཀའ་དྲན་པ་ཆོས་སྤྱོད་ཀྱི་ཐོག་མ། །མི་རྟག་

[Full Size]

སྙིང་ལ་གཟེར་བ་དགེ་སྦྱོར་གྱི་སྐུལ་འདེབས། །མཐར་ཕྱིན་རིང་པོར་འཚོ་བའི་སྨོན་ལམ་ཞིག་ཞུའོ། །མེད་བཞིན་འཁྲུལ་བའི་སྡུག་བསྔལ་འཁོར་བ་ཡི་ཚུལ་ལ། །ངེས་འབྱུང་དྲག་པོའི་རྒྱུ་འབྲས་བླང་དོར་ལ་འབད་ཅིང་། །གསུམ་ལ་སྐྱབས་སོང་བྱང་ཆུབ་སེམས་གཉིས་ཀྱི་བདུད་རྩིས། །རིང་འཚོའི་དགེ་མཚན་རྒྱས་པའི་སྨོན་ལམ་ཞིག་ཞུའོ། །ཚུལ་ཁྲིམས་རྣམ་པར་དག་པའི་ཡོན་ཏན་གྱི་ཞིང་སར། །གསན་བསམ་བསྒོམ་པའི་མྱུ་གུ་གོང་འཕེལ་དུ་བསྐྱེད་ཅིང་། །ཏིང་འཛིན་ཤེས་རབ་མཆོག་གི་འབྲས་བུ་ཡིས་དུད་པ། །འཚོ་གཞེས་བསྐལ་བརྒྱར་བརྟན་པའི་སྨོན་ལམ་ཞིག་ཞུའོ། །རང་བཞིན་སྐྱེ་མེད་སྟོང་པ་གདོད་མ་ཡི་གནས་ལུགས། །རོལ་པ་འགག་མེད་ཤར་བ་ལམ་སྣང་གི་འཆང་ཚུལ། །ངོ་བོ་གཉིས་མེད་བརྗོད་བྲལ་བློ་འདས་ཀྱི་དབྱིངས་སུ། །གཞོམ་མེད་རྒྱུན་གྱིས་རྟག་པའི་སྨོན་ལམ་ཞིག་ཞུའོ། །དབང་བཞིས་རང་རྒྱུད་སྨིན་པ་གསང་ཆེན་གྱི་ས་བོན། །ཐ་མལ་སྣང་ཞེན་འཇིག་པ་བསྐྱེད་རིམ་གྱི་ལམ་ཁྱེར། །ལྟར་སྣང་བདེ་ཆེན་འཆར་བའི་རྫོགས་རིམ་དང་སྦྲགས་ནས། །གསང་གསུམ་རྡོ་རྗེར་གྲུབ་པའི་སྨོན༴ །རིག་སྟོང་རྗེན་པའི་ངང་དུ་བསལ་བཞག་དང་བྲལ་བར། །རྟོགས་ཚོགས་རང་སར་གྲོལ་བའི་ཡང་དག་གི་དྲན་པ། །མཉམ་རྗེས་དབྱེར་མེད་གོམས་པའི་ཉམས་

[Full Size]

ལེན་གྱི་སྙིང་པོས། །འཕོ་མེད་ཆོས་སྐུར་གྲུབ་པའི་སྨོན་ལམ་ཞིག །མདོར་ན་རྒྱལ་བས་ལེགས་གསུངས་མདོ་སྔགས་ཀྱི་ཉིད་ཁུ། །འགལ་མེད་སྟན་ཐོག་གཅིག་ཏུ་ཚུལ་བཞིན་གྱིས་བསྒོམས་པས། །འཕགས་རྣམས་རབ་ཏུ་དགྱེས་པའི་བཀྲ་ཤིས་ཀྱི་སྣང་བས། །འཆི་མེད་ཡེ་ཤེས་གྲུབ་པའི་སྨོན་ལམ་ཞིག་ཞུའོ། །ཞེས་པའང་ཀà་རིའི་པཎྜི་ཏ་འོད་གསལ་ཡེ་ཤེས་ཀྱི་སྐུ་ཅན་བི་མ་ལ་མི་ཏྲ་བསམ་བཞིན་དུ་བསྟན་འགྲོའི་མགོན་དུ་རྣམ་པར་འཕྲུལ་པ་རྫོགས་ཆེན་བཞི་པ་རིན་པོ་ཆེའི་ཞལ་སྔ་ནས་བཀྲ་ཤིས་པའི་ལྷ་རྫས་དང་བཅས་ཞལ་གདམས་ཉམས་མགུར་གྱི་ཚུལ་དུ་བྱས་པ་ཞིག་དགོས་ཞེས་བཀའ་འཕེབས་བ་རྟེན་འབྲེལ་དགོངས་པ་ཅན་གྱི་གསུང་ལྡོག་ཏུ་མ་བཏུབ་པར། ཚིགས་སུ་བཅད་པ་བཀྲ་ཤིས་པའི་གྲངས་ལྡན་བཤེས་གཉེན་དམ་པ་སྤྱི་ལ་ཞབས་བརྟན་གསོལ་འདེབས་དང་འབྲེལ་ཞིང་། སློབ་དཔོན་མཚོ་སྐྱེས་ཞབས་ཀྱི་མདོ་སྔགས་ལམ་རིམ་གཉིས་ཀྱི་སྙིང་པོ་བསྡུས་པའི་ཁུལ་དུ་པདྨ་ཀུན་ཏུ་འཆང་བ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སིདྡྷི་རསྟུ། ༈ །ན་མོ་གུ་ར་བེ། གདོད་ནས་རྣམ་པར་དག་པ་གཉུག་མ་ཡི་ཡེ་ཤེས། །ཟུང་འཇུག་སྒྱུ་འཕྲུལ་དྲྭ་བའི་རྣམ་རོལ་ཏུ་ཤར་བ། །སྲས་བཅས་རྒྱལ་བ་ཀུན་དངོས་མཚོ་སྐྱེས་ཀྱི་བླ་མས། །དུས་གསུམ་འདུ་འབྲལ་མེད་པར་བྱིན་གྱིས་རང་རློབས་ཤིག །རྙེད་དཀའི་དལ་འབྱོར་ཐོབ་ཀྱང་ངེས་མེད་དུ་འཆི་ཞིང་། །ཤི་ནས་ལས་འབྲས་ཁོ་ནའི་གཞན་དབང་དང་འགྲོགས་ཏེ། །འཁོར་བ་གར་སྐྱེས་

[Full Size]

སྡུག་བསྔལ་རང་བཞིན་དུ་ཤེས་པའི། །ངེས་འབྱུང་དྲག་པོ་བསྐྱེད་པ་ཉམས་ལེན་གྱི་སྐུལ་འདེབས། །བླ་མ་མཆོག་གསུམ་གཙུག་གི་ནོར་བུ་རུ་བཟུང་ནས། །བྱམས་དང་སྙིང་རྗེ་བྱང་ཆུབ་སེམས་གཉིས་ལ་སྦྱངས་ཤིང་། །ཁས་བླངས་སྡོམ་དང་དམ་ཚིག་སྲོག་ལྟར་དུ་འཆང་བས། །ཚོགས་བསགས་སྒྲིབ་སྦྱོང་བརྩོན་པ་ཉམས་ལེན་གྱི་རྩ་བ། །ཅིར་སྣང་ལྷ་སྐུར་བལྟ་བ་བསྐྱེད་རིམ་གྱི་ལམ་ཁྱེར། །སྒྲ་གྲགས་སྔགས་སུ་ཤེས་པ་བཟླས་བརྗོད་ཀྱི་མདོ་ཆིངས། །རྟོག་ཚོགས་གང་ཤར་རང་གྲོལ་འོད་གསལ་གྱི་དབྱིངས་སུ། །གཟུང་འཛིན་སྤྲོས་པ་ཞི་བ་ཉམས་ལེན་གྱི་སྙིང་པོ། །ཁྱད་པར་མོས་གུས་བླ་མའི་རྣལ་འབྱོར་ལ་བརྟེན་ནས། །ཉམས་སུ་མྱོང་བཞིན་བསམ་བརྗོད་སྤྲོས་པ་ལས་འདས་པའི། །རིག་སྟོང་རྗེན་པའི་ངང་དུ་བསལ་བཞག་དང་བྲལ་བར། །ཡེངས་མེད་དྲན་ཤེས་བསྟེན་པ་ཉམས་ལེན་གྱི་མཐར་ཐུག །ཨ་ཧོ་འཇིག་རྟེན་མགོན་པོའི་ཡེ་ཤེས་ཀྱི་གཟིགས་པས། །རྟག་པར་བྱིན་གྱིས་བརླབས་པའི་སྐལ་བཟང་གི་དུས་འདིར། །སྙིང་ནས་ཆོས་བཞིན་སྤྱོད་པའི་དགེ་མཚན་གྱི་སྣང་བས། །ཕན་བདེའི་པད་ཚལ་རྒྱས་པའི་སྨོན་ལམ་ཞིག་ཞུའོ། །ཞེས་པའང་རྒྱལ་དབང་ཀརྨ་པ་ཆེན་པོ་བཅུ་བཞི་པའི་རིགས་ཀྱི་དབོན་མོ་རྗེ་བཙུན་བི་ཛ་ཡས་གནང་སྐྱེས་གྱ་ནོམ་པ་དང་བཅས་བཀའ་སྩལ་གྱི་ཕྲེང་བས་བསྐུལ་བ་ལྟར། བྱ་བྲལ་

[Full Size]

བ་འཇམ་དབྱངས་མཁྱེན་བརྩེའི་དབང་པོས་གང་ཤར་བྲིས་པ་ཇི་ལྟར་གསོལ་བའི་ལམ་གྱི་རིམ་པ་རྣམས་ཚུལ་བཞིན་དུ་རྒྱུད་ལ་སྐྱེ་བར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། ༈ །ཨ་ཧོ། སྲས་བཅས་རྒྱལ་ཀུན་འདུས་ཞལ་དཔལ་ལྡན་གྱི་བླ་མ། །ཨོ་རྒྱན་མཚོ་སྐྱེས་རྡོ་རྗེའི་ཡེ་ཤེས་ཀྱི་གཟིགས་པས། །མངོན་སུམ་བྱིན་གྱིས་བརླབས་པའི་དགེ་མཚན་དང་འགྲོགས་ནས། །དོན་གཉིས་ལྷུན་གྱིས་གྲུབ་པའི་དགའ་སྟོན་ཞིག་སྩོལ་མཛོད། །རྙེད་དཀའ་དོན་དང་ལྡན་པའི་དལ་འབྱོར་གྱི་ལུས་རྟེན། །དོ་ནུབ་ཙམ་ཡང་མི་འཆིའི་གདེངས་ཚད་ནི་མེད་པས། །ལས་འབྲས་སྤང་བླང་ཚུལ་བཞིན་སྤྱོད་པ་དང་བཅས་ཏེ། །ངེས་འབྱུང་གཏིང་ནས་བསྐྱེད་པ་ཉམས་ལེན་གྱི་གཞི་མ། །རང་ཉིད་ཇི་ལྟར་འཁོར་བར་སྡུག་བསྔལ་གྱིས་མནར་བཞིན། །མར་གྱུར་འགྲོ་ཀུན་དེ་ལས་མ་འདས་པར་མཐོང་ནས། །གཞན་དོན་སངས་རྒྱས་བསྒྲུབ་པའི་བསམ་སྦྱོར་གྱི་གཡར་དམ། །བཅོས་མིན་སྙིང་ནས་བཟུང་བ་ཐེག་ཆེན་གྱི་སྙིང་པོ། །གང་ཟག་བདག་ཏུ་ཞེན་པ་ཀུན་བཏགས་ཀྱི་མིག་འཕྲུལ། །གཟུང་བ་ཡུལ་གྱི་ཆོས་ཀུན་རྨི་ལམ་གྱི་གཟུགས་བརྙན། །འཛིན་པའི་སེམས་ཀྱང་སྐྱེ་འགགས་གནས་གསུམ་ལས་འདས་པའི། །སྤྲོས་བྲལ་གཉུག་མར་མཐོང་བ་ལྟ་བ་ཡི་ཡང་རྩེ། །གཤིས་ལུགས་རིག་སྟོང་རྗེན་པའི་ཡེ་ཤེས་ཀྱི་དབྱིངས་སུ། །བློ་

[Full Size]

འདས་བྱར་མེད་འཇོག་པའི་ཉམས་ལེན་ལ་བརྩོན་པས། །དུས་གསུམ་རྟོག་པ་ཤར་གྲོལ་དུས་མཉམ་དུ་ཐིམ་པའི། །ཤེས་རིག་ངང་ཚུལ་བཟུང་བ་སྒོམ་པ་ཡི་མཐར་ཐུག །མཉམ་རྗེས་ཀུན་ཏུ་དྲན་སྣང་ཡེ་ཤེས་ཀྱི་རོལ་མོ། །སྣང་སྟོང་སྒྱུ་མ་ལྟ་བུའི་ལམ་ཁྱེར་དང་འགྲོགས་ནས། །ཟག་མེད་དགེ་ཚོགས་རྒྱ་མཚོ་སྡུད་པ་ལ་འབད་པ། །རྒྱལ་སྲས་བྱང་ཆུབ་སེམས་དཔའི་སྤྱོད་པ་ཡི་མདོ་ཆིངས། །དེ་ལྟར་ཉམས་སུ་གཞེས་པའི་སྐལ་བཟང་གི་སྣང་བས། །སྒྲིབ་གཉིས་མུན་པ་མ་ལུས་ཆོས་དབྱིངས་སུ་བཅིལ་ཏེ། །གནས་ལུགས་མངོན་སུམ་གཟིགས་པའི་ཡེ་ཤེས་ཀྱི་འཇུག་པས། །སྐུ་བཞིའི་འབྲས་བུ་འགྲུབ་པའི་སྨོན་ལམ་ཞིག་ཞུའོ། །ཞེས་པའང་བཀའ་ཕེབས་མི་ལྡོག་ཙམ་དུ་བྱ་བྲལ་བ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་སྨྲས་པ་སུ་ཤྲཱི་ཡོ་བྷ་བ་ཏུ། ༈ །ཨ་ཧོ། ཀ་དག་བསམ་བརྗོད་བྲལ་བ་འོད་གསལ་གྱི་གཤིས་ལུགས། །ལྷུན་གྲུབ་སྣང་བ་རྣམ་བཞིའི་རིག་གདངས་སུ་སྨིན་པས། །ཟུང་འཇུག་འཇའ་ལུས་རྡོ་རྗེའི་གོ་འཕང་ལ་རོལ་པའི། །ཁྱབ་བདག་མཚོ་སྐྱེས་བླ་མས་བྱིན་གྱིས་རང་རློབས་ཤིག ། འགྱུར་མེད་གཉུག་མའི་དེ་ཉིད་མངོན་སུམ་དུ་གཟིགས་ནས། །ངེས་དོན་བཤད་སྒྲུབ་བསྟན་པ་གོང་འཕེལ་དུ་སྐྱོང་བའི། །བསམ་གཏན་གྲུབ་པའི་དྲང་སྲོང་རྒན་པོ་ཡི་འཕྲིན་ཡིག །སྙིང་ལ་བདུད་རྩིར་

[Full Size]

བྱེད་པའི་རྟེན་འབྱུང་དུ་ཕེབས་སོ། །དེ་ཚེ་རིང་ནས་དྭང་བའི་ཡིད་ཤེས་ཀྱི་ཨུཏྤལ། །སླར་ཡང་སྤྲོ་དགའི་འདབ་བརྒྱ་ཉིན་བཞིན་དུ་དགོད་པས། །གང་ཁྱོད་ཞབས་བརྟན་ཐུགས་བཞེད་ཆོས་བཞིན་དུ་འགྲུབ་པའི། །ཤིས་བརྗོད་བུང་བའི་གླུ་དབྱངས་དར་དིར་དུ་བསྒྲགས་ཡོད། །འདི་ན་འདུ་ཤེས་གསུམ་གྱི་ཁོལ་པོ་རུ་གྱུར་ཡང་། །ཡོངས་འཛིན་བརྒྱ་ཕྲག་ཐལ་བའི་བྱིན་རླབས་དང་འགྲོགས་ཏེ། །@འཇིག་རྟེན་མཐུན་འཇུག་བྱ་བ་གཏད་མེད་དུ་བཏང་བས། །བསམ་གཏན་ཁོང་བུའི་མལ་དུ་སྐྱིད་པོ་རང་མཆིས་སོ། །སླད་མའི་ཆར་ཡང་ཅུང་ཟད་གནས་དུས་ཀྱིས་བསྐལ་བས། །རེ་ཞིག་དངོས་ཞལ་མཇལ་བའི་ངང་ཚུལ་ལས་རིང་ཡང་། །ཅིར་སྣང་བླ་མར་ཤར་བའི་ངེས་གསང་གི་བདེན་པས། །འབྲལ་མེད་བྱང་ཆུབ་བར་དུ་དགེ་ལེགས་སུ་གྱུར་ཅིག །ཅེས་དཔལ་ཟེ་ཆེན་པའི་རི་ཁྲོད་དུ་སྤོང་བ་པ་བསམ་གཏན་གྱི་འཁོར་ལོར་རྟག་པར་སྤྱོད་པའི་འཁྲུལ་ཞིག་རྣལ་འབྱོར་གྱི་དབང་ཕྱུག་བླ་མ་བསྟན་འཕེལ་ཞེས་བྱ་བ་ལ་སྩལ་བའོ། ༈ །ཇོ་བོ་བཀའ་གདམས་པའི་གཞུང་གདམས་མན་ངག་མཐའ་དག་གི་བརྗོད་བྱ་མདོར་བསྡུས་པའི་གླུ་དབྱངས་ཕན་བདེའི་ཤིང་རྟ་ཞེས་བྱ་བ། རིགས་ཅན་གསུམ་གྱི་སྟོན་མཆོག་ཤཱཀྱ་ཡི་སེང་གེ །གང་དེའི་རྒྱལ་སྲས་ཐུ་བོ་མ་ཕམ་དང་འཇམ་དབྱངས། །འཛམ་གླིང་ཤིང་རྟ་ཆེན་པོ་ཀླུ་སྒྲུབ་དང་ཐོགས་མེད། །གྲུབ་བརྙེས་བྱེ་བའི་གཙུག་རྒྱན་ཏེ་ལོ་དང་ནཱ་

[Full Size]

རོ། །ཟབ་རྒྱས་ཉམས་སུ་ལེན་པའི་བཀའ་སྲོལ་དང་བྱིན་རླབས། །གཅིག་བསྡུས་ཇོ་བོ་ཡབ་སྲས་བརྒྱུད་འཛིན་དང་བཅས་པའི། །རྣམ་ཐར་སྙིང་ནས་དྲན་པས་གསོལ་བ་རང་འདེབས་ན། །ཐུགས་རྗེས་བྱིན་གྱིས་རློབས་ཤིག་བཀའ་གདམས་ཀྱི་བླ་མ། །ལུང་རྟོགས་ཕྲིན་ལས་མཐར་ཕྱིན་ལྷ་གཅིག་གི་ཐུགས་དམ། །ཆེ་བ་བཞི་དང་ལྡན་པའི་བྱང་ཆུབ་ཀྱི་ལམ་རིམ། །ཉན་བཤད་ཚུལ་བཞིན་བསྒྲུབ་པའི་སྐལ་བཟང་ལ་སྦྱར་བས། །རང་གཞན་དོན་གཉིས་འགྲུབ་པར་བྱིན་གྱིས་རང་རློབས་ཤིག །མཚན་ཉིད་ཀུན་དང་ལྡན་པའི་ཐེག་མཆོག་གི་བཤེས་གཉེན། །ལེགས་ཚོགས་རྒྱ་མཚོ་ལྟ་བུའི་འབྱུང་གནས་སུ་མཐོང་ནས། །བསམ་དང་སྦྱོར་བ་གཉིས་ཀྱིས་ཚུལ་བཞིན་དུ་བསྟེན་པས། །ལམ་གྱི་རྩ་བ་ཚུགས་པར་བྱིན་གྱིས་རང་རློབས་ཤིག །དལ་འབྱོར་རྙེད་དཀའ་འཇིག་སླའི་ངང་ཚུལ་ལ་བསམས་ནས། །ངན་སོང་སྡུག་བསྔལ་དྲན་པས་སྐྱབས་གསུམ་ལ་བསྙེན་ཅིང་། །མངོན་མཐོ་སྒྲུབ་བྱེད་སྐྱེས་བུ་ཆུང་ངུ་དང་ཐུན་མོང་། །ལས་འབྲས་བླང་དོར་བརྩོན་པར་བྱིན་གྱིས་རང་རློབས་ཤིག །ཁམས་གསུམ་འཁོར་བའི་སྡུག་བསྔལ་མཐའ་དག་གི་འབྱུང་ཁུངས། །ལས་ཉོན་ཀུན་འབྱུང་འགོག་པའི་བདེན་པ་ལ་དམིགས་ནས། །ཐར་པ་སྒྲུབ་བྱེད་སྐྱེས་བུ་འབྲིང་པོ་དང་ཐུན་མོང་། །བསླབ་

[Full Size]

གསུམ་ལམ་ལ་བརྟེན་པར་བྱིན་གྱིས་རང་རློབས་ཤིག །འགྲོ་ཀུན་མར་ཤེས་དྲིན་དྲན་ཕན་འདོགས་ལ་ཞུགས་ཤིང་། །ཚད་མེད་བྱམས་དང་སྙིང་རྗེ་ལྷག་བསམ་གྱི་སྦྱོར་བས། །རྣམ་མཁྱེན་སྒྲུབ་བྱེད་སྐྱེས་བུ་ཆེན་པོ་ཡི་ལམ་མཆོག །བྱང་ཆུབ་སེམས་གཉིས་འབྱོང་བར་བྱིན་གྱིས་རང་རློབས་ཤིག །དཀོན་མཆོག་ལས་འབྲས་དད་པ་སྐྱེས་ཚོམ་གྱི་བརྗོད་གཞི། །རང་གཞན་ཕན་བདེ་སྦྱོར་བ་བསླབ་སྤྱོད་ཀྱི་ལམ་བཟང་། །ཞི་ལྷག་ཟུང་འབྲེལ་ཏིང་འཛིན་ས་རྒྱན་གྱི་འབྲས་བུ། །གཞུང་ལུགས་གདམས་པར་འཆར་བར་བྱིན་གྱིས་རང་རློབས་ཤིག །སྔོན་འགྲོ་རྟེན་དང་དངོས་གཞི་བྱང་སེམས་ལ་སྦྱངས་ཤིང་། །རྐྱེན་ངན་ལམ་ཁྱེར་ཚེ་གཅིག་ཉམས་ལེན་དུ་དྲིལ་བས། །བློ་སྦྱོང་མཐར་ཕྱིན་བསླབ་བྱ་དམ་ཚིག་དང་ལྡན་པའི། །གདམས་ངག་ཉམས་སུ་མྱོང་བར་བྱིན་གྱིས་རང་རློབས་ཤིག །སྐྱབས་གནས་བླ་མ་དྲན་པ་ཉམས་རྟོགས་ཀྱི་ཞིང་ས། །ལྷ་སྔགས་རྣལ་འབྱོར་བསྒོམ་པ་གསང་ཆེན་གྱི་ཐབས་མཁས། །སྙིང་རྗེ་སྟོང་ཉིད་ཟུང་འབྲེལ་ཐེག་མཆོག་གི་གཞུང་ལམ། །མན་ངག་གནད་དུ་སྨིན་པར་བྱིན་གྱིས་རང་རློབས་ཤིག །མདོར་ན་ལྷ་བཞི་ལུས་ཀྱི་དཀྱིལ་འཁོར་ལ་རྫོགས་པས། །རྗོད་བྱེད་སྡེ་སྣོད་གསུམ་གྱི་ལེགས་བཤད་ཀྱི་ངག་དང་། །བརྗོད་བྱ་བསླབ་གསུམ་དག་པས་སེམས་ཉིད་ལ་

[Full Size]

བརྒྱན་པའི། །བཀའ་གདམས་རྣམ་ཐར་འབྱོངས་པའི་སྨོན་ལམ་ཞིག་ཞུའོ། །ཞེས་པའང་བཀའ་གདམས་རིན་པོ་ཆེའི་རྣམ་ཐར་ལ་ལྷག་པར་དད་ཅིང་། དེའི་གཞུང་ལུགས་མང་དུ་ཐོས་པའི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས། བྱང་རྭ་བསྒྲེང་རྒྱལ་བའི་དབེན་གནས་སུ་འབྱོར་བའི་སྐབས་གློ་བུར་དུ་ཡིད་ལ་ཤར་བ་དང་། སྔ་སོར་རྒྱུད་སྨད་དགེ་སློང་དགེ་བའི་བཤེས་གཉེན་ཛྷཱ་ནའི་མཚན་ཅན་གྱིས་ཀྱང་འདི་ལྟ་བུ་ཞིག་བྲིས་ཤིག་ཅེས་བསྐུལ་བ་རྗེས་སུ་དྲན་ཏེ་རྩེ་གཅིག་གུས་པའི་ཡིད་ཀྱིས་གསོལ་བ་བཏབ་པ་དགེ་ལེགས་སུ་གྱུར་ཅིག ༈ །བི་ཙ་ཏུར་སྤུ་ར་སཱསཾ་རཱ་བཱསྟི། ཞེན་པ་བཞི་བྲལ་གྱི་ཉམས་དབྱངས་སྙིང་གི་བདུད་རྩི་ཞེས་བྱ་བ། རྗེ་འཇམ་དབྱངས་བླ་མའི་བྱིན་རླབས་ཀྱིས། །མཁའ་ཁྱབ་ཀྱི་འགྲོ་ཀུན་དམ་ཆོས་སྤྱོད། །ཆོས་ལམ་ལོངས་ལམ་གྱི་འཁྲུལ་པ་ཞི། །འཁྲུལ་སྣང་ཀུན་དབྱིངས་སུ་འཆར་བར་ཤོག །རྟེན་དལ་འབྱོར་རྙེད་དཀའ་ཐོབ་གྱུར་ཀྱང་། །ཚེ་འདི་ལ་ཞེན་ན་ཆོས་པ་མིན། །དུས་སྐད་ཅིག་མི་རྟག་འཇིག་པའི་ཕྱིར། །ལས་དགེ་སྡིག་བླང་དོར་བརྩོན་ཡང་འཚལ། །བློ་དམ་པའི་ཆོས་ལ་ཕྱོགས་གྱུར་ཡང་། ཁམས་གསུམ་ལ་ཞེན་ན་ངེས་འབྱུང་མིན། །སྡུག་བསྔལ་གྱི་རང་བཞིན་འཁོར་བ་ལས། །བཅོས་མིན་གྱི་ཐར་འདོད་བསྐྱེད་ཀྱང་འཚལ། །རང་ཞི་བདེ་ཙམ་ཞིག་དོན་གཉེར་ཡང་། །བདག་དོན་ལ་ཞེན་ན་བྱང་སེམས་མིན། །སེམས་ཅན་ཀུན་ཕ་མ་དྲིན་ཅན་ཕྱིར། །བྱམས་སྙིང་རྗེ་

[Full Size]

བྱང་སེམས་སྦྱོར་ཡང་འཚལ། །ཀུན་རྫོབ་ཀྱི་བྱང་སེམས་འབྱོངས་གྱུར་ཡང་། །འཛིན་པ་བྱུང་ན་ལྟ་བ་མིན། །བདག་ལྟའི་རྩ་བ་གཅོད་པའི་ཕྱིར། །སྤྲོས་བྲལ་གྱི་དབྱིངས་སུ་སྐྱེལ་ཡང་འཚལ། །ཚིག་དེ་སྐད་རྗེ་བཙུན་འཇམ་དབྱངས་ཀྱིས། །དཔལ་བརྩེ་བ་ཆེན་པོར་གདམས་པའི་བཅུད། །ཉམས་གང་ཤར་དབྱངས་སུ་བླངས་པའི་དགེས། །མ་འགྲོ་ཀུན་བྱང་ཆུབ་མྱུར་ཐོབ་ཤོག །ཅེས་པའང་ཕྱོགས་མེད་ཀྱི་རྒྱལ་ཁམས་ཉུལ་བའི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་ཡོན་ཏན་རིན་པོ་ཆེ་དུ་མའི་འབྱུང་གནས་དཔལ་ས་སྐྱའི་ཆོས་གྲྭར། རྗེ་བཙུན་འཇམ་པའི་དབྱངས་ཀྱིས་བླ་མ་ས་སྐྱ་པ་ཆེན་པོ་ལ་དངོས་སུ་ཞལ་བསྟན་ཅིང་གསུང་གི་གནང་བ་སྩལ་བའི་རང་བྱུང་རྡོ་རྗེའི་བྲག་གི་ཀེའུ་ཚང་དུ་བྲིས་པ་དགེ ། །བློ་སྦྱོང་དོན་བདུན་མའི་གསལ་འདེབས་ཡིད་ཀྱི་བདུད་རྩི་ཞེས་བྱ་བ། སྲིད་ཞིའི་ཡོན་ཏན་ཀུན་གྱི་འབྱུང་གནས། །ཐེག་མཆོག་དགེ་བའི་བཤེས་ལ་འདུད་དོ། །དད་པ་གསུམ་གྱིས་བློ་རྒྱུད་དག་པར། །རྗེ་བཙུན་བླ་མས་བྱིན་གྱིས་རློབས་ཤིག །དལ་འབྱོར་རྙེད་དཀའ་འཇིག་སླར་ཤེས་པས། །ལས་འབྲས་བླང་དོར་ཚུལ་བཞིན་བརྩོན་ཅིང་། །བཅོས་མིན་ངེས་འབྱུང་སྔོན་འགྲོ་འབྱོངས་པར། །རྗེ་བཙུན་བླ་མས་བྱིན་གྱིས༴ གཟུང་འཛིན་བདེན་མེད་དབྱིངས་སུ་སྦྱངས་ཏེ། །བདག་གཞན་བདེ་སྡུག་གཏོང་ལེན་ཟབ་མོའི། །བྱང་ཆུབ་སེམས་གཉིས་རྟག་ཏུ་བསྒོམ་པར། །རྗེ་བཙུན་བླ་

[Full Size]

མས་བྱིན་གྱིས་རློབས་ཤིག །རྐྱེན་ངན་སྡུག་བསྔལ་ཇི་ལྟར་བྱུང་ཡང་། །བདག་འཛིན་འགོང་པོའི་འཕྲུལ་དུ་མཐོང་ནས། །བྱང་ཆུབ་སེམས་ཀྱིས་ལམ་དུ་འཁྱེར་བར། །རྗེ་བཙུན་བླ་མས་བྱིན་གྱིས་རློབས་ཤིག །བསམ་སྦྱོར་དག་པས་ཚོགས་བསགས་སྒྲིབ་སྦྱོང་། །སྨོན་ལམ་དང་བཅས་སྟོབས་ལྔ་ལྡན་པའི། །ཚེ་གཅིག་ཉམས་ལེན་སྙིང་པོར་དྲིལ་བར། །རྗེ་བཙུན་བླ་མས༔ ཆོས་ཀུན་བདག་འཛིན་གཉེན་པོར་འཆར་ཞིང་། །རང་སེམས་དཔང་ཐུབ་ཡིད་བདེའི་གདིངས་ཀྱིས། །འགལ་རྐྱེན་ཐམས་ཅད་ལམ་དུ་ལོངས་པར། །རྗེ་བཙུན་བླ་མས= ཁས་བླངས་དོན་ལྡན་ཚུལ་འཆོས་དང་བྲལ། །ཕྱོགས་རིས་མེད་པར་མངོན་ཚན་ཆུང་ངུས། །བློ་སྦྱོང་དམ་ཚིག་སྲོག་བཞིན་བསྲུང་བར། །རྗེ་བཙུན་བླ་མས༔ མདོར་ན་བྱང་ཆུབ་སེམས་གཉིས་འཕེལ་བའི། །བསླབ་བྱ་ཐམས་ཅད་ཚུལ་བཞིན་སློབ་པས། །ཚེ་འདིར་ཐེག་མཆོག་བཟོད་པ་ཐོབ་པར། །རྗེ་བཙུན་བླ་མས༴ མཉམ་མེད་ཇོ་བོ་ཡབ་སྲས་ཐུགས་བཅུད། །དོན་ཚན་བདུན་ལྡན་བློ་སྦྱོང་ཚུལ་ལ། །སྙིང་ནས་སྨོན་པའི་ལེགས་བྱས་འདིས་འགྲོ་ཀུན་བྱང་ཆུབ་ཐོབ་པར་མཛོད་ཅིག་།ཅེས་པའང་སྐྱིད་ཤོད་སྙེ་ཐང་གི་དཔལ་ལྡན་ཨ་ཏི་ཤའི་སྐུ་འདྲ་རིན་པོ་ཆེའི་དྲུང་དུ་རྩེ་གཅིག་གསོལ་བ་འདེབས་པ་པོ་ནི། རྒྱལ་ཁམས་ཉུལ་བའི་བྱ་བྲལ་བ་བཀའ་གདམས་རིན་པོ་ཆེའི་རིང་ལུགས་ལ་

[Full Size]

མཆོག་ཏུ་གུས་པ་འཇམ་དབྱངས་མཁྱེན་བརྩེའི་དབང་པོ་སྟེ་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། །།ཨོཾ་མ་ཎི་པདྨེ་ཧཱུཾ། རྒྱལ་ཀུན་སྙིང་རྗེའི་ཡེ་ཤེས་ཀྱི་རང་གཟུགས། །འཇིག་རྟེན་དབང་ཕྱུག་ཐུགས་རྗེ་ཡི་གཏེར་ཆེན། །རྟག་ཏུ་དྲན་པའི་སྨྲེ་སྔགས་ཀྱི་མགྲིན་གླུས། །གསོལ་འདེབས་བུ་ལ་བྱིན་རླབས་ཞིག་སྩོལ་དང་། །ཁྱོད་སྐུའི་སྣང་བརྙན་བསོད་ནམས་ཀྱི་མཚར་སྡུག །ཏིང་འཛིན་པིར་གྱིས་རྩེ་གཅིག་ཏུ་འབྲི་ན། །ཐ་མལ་སྣང་ཞེན་རྒྱུ་བ་ཀུན་བཅོམ་པའི། །གསལ་བ་ལྷ་ཡི་དངོས་གྲུབ་ཞིག་སྩོལ་ཅིག །གང་གསུང་རྡོ་རྗེ་ཡིག་དྲུག་གི་རོལ་མོ། །མགྲིན་པར་རོལ་ནས་འཆད་མེད་དུ་སྨྲ་ན། །བརྟན་གཡོའི་སྒྲ་སྐད་གྲགས་སྟོང་དུ་འཆར་བའི། །ནུས་པ་སྔགས་ཀྱི་དངོས་གྲུབ་ཞིག་སྩོལ་ཅིག །ཁྱོད་ཐུགས་སྤྲོས་བྲལ་ཡེ་ཤེས་ཀྱི་གནས་ལུགས། །རང་ངོ་ཤེས་པའི་བསམ་གཏན་ལ་བརྩོན་ན། །གཟུང་འཛིན་འཁྲུལ་བ་གཉུག་མ་རུ་ཞིག་པའི། །ཟབ་མོ་འོད་གསལ་དངོས་གྲུབ་ཞིག་སྩོལ་ཅིག ༈ །ཨེ་མ་ཧོ། སྤྱི་བོ་བདེ་ཆེན་འཁོར་ལོའི་དཀྱིལ་འཁོར་གྱི་དབུས་ན། །ཁྱབ་བདག་བླ་མ་བདེ་གཤེགས་གཏུམ་པོ་དེ་བཞུགས་ཡོད། །སྣང་སྟོང་དབྱེར་མེད་ངང་ནས་གསོལ་བ་རང་འདེབས་སོ། །འཆི་བདག་བདུད་ཚོགས་ཞི་བའི་དངོས་གྲུབ་ཞིག་སྩོལ་མཛོད། །མགྲིན་པ་ལོངས་སྤྱོད་འཁོར་ལོའི་དཀྱིལ་འཁོར་གྱི་

[Full Size]

དབུས་ན། །ཁྱབ་བདག་བླ་མ་པདྨ་གཏུམ་པོ་དེ་བཞུགས་ཡོད། གྲགས་སྟོང་དབྱེར་མེད་ངང་ནས༔ ཉོན་མོངས་བདུད་ཚོགས་ཞི་བའི་དངོས་གྲུབ་ཞིག་སྩོལ་མཛོད། །སྙིང་ཁ་ཆོས་ཀྱི་འཁོར་ལོའི་དཀྱིལ་འཁོར་གྱི་དབུས་སུ། །ཁྱབ་བདག་བླ་མ་རྡོ་རྗེ་གཏུམ་པོ་དེ་བཞུགས་ཡོད། །རིག་སྟོང་དབྱེར་མེད་ངང་ནས༴ ལྷ་བུའི་བདུད་ཚོགས་ཞི་བའི་དངོས་གྲུབ་ཞིག་སྩོལ་མཛོད། །ལྟེ་བ་སྤྲུལ་པའི་འཁོར་ལོའི་དཀྱིལ་འཁོར་གྱི་དབུས་ན། །ཁྱབ་བདག་བླ་མ་རིན་ཆེན་གཏུམ་པོ་དེ་བཞུགས་ཡོད། །བདེ་སྟོང་དབྱེར་མེད་ངང་ནས༔ ཕུང་པོའི་བདུད་ཚོགས་ཞི་བའི་དངོས་གྲུབ་ཞིག་སྩོལ་མཛོད། །སྲིད་ལས་ངེས་པར་འབྱུང་བ་ཉམས་ལེན་གྱི་ཞིང་ས། །ཀུན་རྫོབ་བྱང་སེམས་འབྱོངས་པ་ཐེག་ཆེན་གྱི་ས་བོན། །ཡང་དག་ལྟ་བ་རྟོགས་པ་ཟབ་དོན་གྱི་སྙིང་པོ། །ཐུན་མོངས་ལམ་རིམ་སྨིན་པར་བྱིན་གྱིས་རང་རློབས་ཤིག །ཐ་མལ་སྣང་ཞེན་དག་པ་བསྐྱེད་རིམ་གྱི་མཐར་ཐུག །རླུང་སྔགས་དབྱེར་མེད་ཤེས་པ་བཟླས་བརྗོད་ཀྱི་དེ་ཉིད། །རིག་སྟོང་སྒྱུ་མར་རྫོགས་པ་གནས་ལུགས་ཀྱི་འཇོག་སོ། །ཁྱད་པར་ལམ་མཆོག་སྒོམ་པར་བྱིན་གྱིས་རང་རློབས་ཤིག །ཨ་ཤད་གཏུམ་མོ་འབར་བའི་བདེ་དྲོད་ཀྱི་རེག་བྱ། །ཧཱུྃ་ཡིག་བྱང་ཆུབ་སེམས་ཀྱི་རྩེ་དགའ་ལ་རོལ་ནས། །རླུང་སེམས་དབུ་མར་ཐིམ་པའི་ཟུང་

[Full Size]

འཇུག་གི་ཡེ་ཤེས། །ཚེ་འདིར་མངོན་སུམ་འགྲུབ་པའི་སྨོན་ལམ་ཞིག་ཞུའོ། །ཅེས་པ་འདི་ཡང་སྒྲུབ་གནས་བྲག་དམར་ཟངས་ཡག་ནས་མཁའ་རྫོང་དུ་ཁྲོ་རྒྱལ་ཡང་གསང་གཏུམ་པོ་མཐིང་གའི་རས་བུང་བགྱིས་པའི་སྐབས་སུ། ཡོངས་རྫོགས་བསྟན་པའི་ཉི་མ་སྤྲུལ་པའི་སྐུ་མཆོག་མདོ་སྔགས་གླིང་པས་གང་ཤར་རྩོལ་མེད་ཤུགས་འབྱུང་དུ་གསུངས་པ་ཉིད་ཡི་གེར་འབྲི་བའི་བྱེད་པོ་གཏེར་སློབ་འདུལ་འཛིན་པདྨ་དྲི་མེད་བློ་གྲོས་གཞན་ཕན་ཆོས་ཀྱི་སྣང་བའམ། མིང་གཞན་རིན་ཆེན་དར་རྒྱས་དཔལ་བཟང་པོ་སྟེ་འགྲོ་རྣམས་བདེ་དྲོད་བསམ་མི་ཁྱབ་པའི་གཏུམ་མོ་མཐར་ཕྱིན་པར་གྱུར་ཅིག །པར་མ་སུ་ཁ་ཝནྟནྟུ། །།ཨེ་མ་ཧོ། ཙིཏྟ་རང་བྱུང་གསང་བའི་སྦུབས། །གཞོམ་དུ་མེད་པའི་ཡེ་ཤེས་ཀྱི། །ཐིག་ལེ་ཟག་པ་མེད་པའི་བདེ། །མངོན་སུམ་མཐོང་བས་ཕྱག་བགྱིའོ། །ཐོག་མ་ཐ་མ་མེད་པ་ཡི། །རང་བྱུང་འོད་གསལ་སེམས་ཀྱི་གཤིས། །འཁོར་བའི་དུས་སུ་མ་བཅིངས་ཤིང་། །མྱ་ངན་འདས་ཀྱང་གྲོལ་བ་མེད། །དེ་ནི་དཔལ་ཆེན་ཡང་དག་གོ །ཨོ་ཡིག་གཞོམ་དུ་མེད་པ་ཡི། །བདེ་ཆེན་ཡེ་ཤེས་གཅིག་ཉིད་ལས། །སྲིད་དང་ཞི་བའི་རྣམ་འགྱུར་ནི། །གར་མཁན་ལག་པ་བཞིན་ཏུ་སྣང་། །རུ་ལུ་གནས་ལུགས་མ་བཅོས་པ། །གདོད་མའི་ཀ་དག་ཆེན་པོའི་བབས། །རུ་ལུ་སྣང་ལུགས་ལྷུན་གྲུབ་ཀྱི། །སྒོ་བརྒྱད་མ་འགགས་འཆར་གཞིར་གནས། །ཀ་དག་ལྷུན་གྲུབ་ཟུང་འཇུག་པ། །དབྱིངས་དང་རིག་པ་དབྱེར་མེད་ཧཱུཾ། །མ་

[Full Size]

བཅོས་མ་བསླད་དེ་བཞིན་གཤེགས། །བློ་འདས་ངང་དུ་མཉམ་བཞག་པས། །སྒྲིབ་གཉིས་མ་སྤངས་ཐིག་ལེ་ཚེ། །མཁའ་ཀློང་དབྱིངས་སུ་རོ་གཅིག་བྱོ། །གཏིང་ཟབ་ཀུན་ཏུ་བཟང་མོའི་དབྱིངས། །རང་བཞིན་ལྷུན་གྲུབ་འདུས་མ་བྱས། །བྷ་ག་གསང་བ་ཆེན་མོའི་སྦུབས། །སྐུ་གསུམ་འདུ་འབྲལ་མེད་པར་རྫོགས། །དེ་ནི་ལྷ་སྔགས་ཡེ་ཤེས་ཀུན། །དབྱེར་མེད་ཐིག་ལེ་ཆེན་པོ་ཧཱུྃ། །ཆོས་རྣམས་ཟད་པ་དེ་ཡིན་ཏེ། །དཔལ་ཆེན་དགོངས་པའི་མཐར་ཐུག་གོ །དེ་ཡང་སྙིང་པོ་གཅིག་དྲིལ་ནས། །རང་སེམས་གསལ་སྟོང་ཟུང་འཇུག་ཉིད། །དོན་གྱི་ཡང་དག་དེ་ཡིན་ཞེས། །ཨོ་རྒྱན་མཁན་པོས་དེ་སྐད་གསུངས། །དེ་ཕྱིར་རང་སེམས་མ་བཅོས་པ། །རྣལ་མར་འཇོག་པ་ཁོ་ན་ལས། །ཡང་དག་གཞན་དུ་མེད་པར་ཁུམས། །རྡོ་རྗེ་གཟི་བརྗིད་དེ་སྐད་ལོ། །ཞེས་དཔལ་ཡང་དག་ལ་ཀུན་ཏུ་དགའ་བའི་ཚ་བ་ཤོད་ཀྱི་འབྲོག་ལྗོངས་སུ་སྐྱེ་བའི་མྱུ་གུ་བཟུང་བ། ལོ་ཙཱ་བ་རཏྣ་བི་ཛ་ཡས་ཡི་གེར་བྲིས་ཏེ་བྱ་བ་གཉིས་ཀས་སྟོང་པ་ཆེན་པོ་སྒོ་མེད་འབྲིང་པོར་མེ་ཉག་བླ་མ་ཆེན་པོས་དབུགས་དབྱུང་བའི་འཇའ་ས་ཐོབ་པ། ཡན་པ་བློ་བདེས་འོད་གསལ་ཤེལ་ཕུག་གི་ཉེ་འདབས་སུ་སྨྲས་པའོ། །།ཨ་ཧོ། གཟོད་ནས་རྣམ་པར་གྲོལ་བ་ཀ་དག་གི་གཤིས་ལུགས། །རང་མདངས་ཅིར་ཡང་འཆར་བ་ལྷུན་གྲུབ་ཀྱི་རོལ་མོ། །གང་འདུལ་སྤྲུལ་པའི་སྐུར་སྣང་ཁྱབ་བདག་གི་བླ་

[Full Size]

མར། །སྙིང་ནས་གསོལ་བ་འདེབས་སོ་བྱིན་གྱིས་རང་རློབས་ཤིག །དལ་འབྱོར་རྙེད་དཀའ་ཐོབ་པ་ད་ལན་ཙམ་ཡིན་པས། །ནམ་འཆི་ཆ་མེད་དྲན་པའི་སྐྱོ་ཤས་དང་འགྲོགས་ཏེ། །སྲིད་ལས་ངེས་འབྱུང་དྲག་པོས་དགེ་སྡིག་གི་བླང་དོར། །ཟོལ་མེད་ཚུལ་བཞིན་བརྩོན་པར་བྱིན་གྱིས་རང་རློབས་ཤིག །འགྲོ་ཀུན་ཕ་མར་ཤེས་པའི་ལེགས་བྱས་ཀྱི་མྱུ་གུ། །བྱམས་དང་སྙིང་རྗེ་ཆེན་པོའི་བདུད་རྩི་ཡིས་བྲན་པས། །སྨོན་དང་འཇུག་པའི་བདག་ཉིད་བྱང་ཆུབ་ཀྱི་སེམས་མཆོག །ནོར་བུའི་སྙེ་མ་སྨིན་པར༔ ཁྱད་པར་སྐབས་གནས་ཀུན་འདུས་རིན་ཆེན་གྱི་བླ་མ། །ཡིད་ལ་འབྲལ་མེད་བསྒོམ་པའི་མོས་གུས་ཀྱིས་བསྐུལ་བས། །ཐུགས་ཡིད་གཅིག་ཏུ་འདྲེས་པའི་དོན་བརྒྱུད་ཀྱི་འཕོ་བ། །སྙིང་གི་ཐིག་ལེར་སིམ་པར༔ གཞི་དབྱིངས་སེམས་ལས་འདས་པའི་ཡེ་ཤེས་ཀྱི་རང་ཞལ། །ལམ་དུས་བསལ་བཞག་མེད་པར་ལྷུག་པ་རུ་བསྐྱང་བས། །འབྲས་བུ་རིག་སྟོང་ཁྱབ་བདལ་ཆོས་ཉིད་ཀྱི་དབྱིངས་སུ། །གདོད་མའི་གཏན་སྲིད་ཟིན་པར༔ མདོར་ན་འདི་ནས་བྱང་ཆུབ་སྙིང་པོ་ཡི་བར་དུ། །སྐྱབས་གནས་གཞན་ན་མེད་དོ་དྲིན་ཆེན་གྱི་བླ་མ། །མངོན་སུམ་བྱིན་གྱིས་རློབས་ཤིག་ཡེ་ཤེས་ཀྱི་སྐུ་ཅན། །ནམ་ཡང་འབྲལ་བ་མེད་པའི་སྨོན་ལམ་ཞིག་ཞུའོ། །ཞེས་པའང་ལེགས་དགོན་བྱང་འདྲེན་པ་པ་ར་མ་སྭ་རས་བཀྲ་

[Full Size]

ཤིས་པའི་ལྷ་རྫས་དང་། རིན་ཆེན་གཉིས་པའི་དོང་ཙེ་བཅས་རྒྱང་རིང་མོ་ནས་བསྐུལ་བའི་ངོར། གསོལ་འདེབས་ཞལ་གདམས་སྨོན་ལམ་དང་འབྲེལ་བ་མགུར་དབྱངས་ཀྱི་ཚུལ་དུ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་ཏེ་དཔལ་ཟེ་ཆེན་གྱི་བྱང་འདྲེན་ཆེན་པོ་པུཎྱ་དྷརྨ་དྷཱ་ཏུའི་ཕྱག་གི་པདྨོར་མྱོང་གྲོལ་གྱི་བདུད་རྩི་དང་ལྷན་ཅིག་ཏུ་གཏད་པ་དོན་དང་ལྡན་པར་གྱུར་ཅིག། ༈ །།རྫོགས་པའི་སངས་རྒྱས་དོན་ཐམས་ཅད་ཡོངས་སུ་གྲུབ་པ་ལ་ཕྱག་འཚལ་ལོ། །ཤིན་ཏུ་རྣམ་པར་དག་པ་ཆོས་ཀྱི་སྐུ། །ངེས་པ་ལྔ་ལྡན་ལོངས་སྤྱོད་ཆེན་པོར་རྫོགས། །གང་འདུལ་སྤྲུལ་པའི་རྣམ་རོལ་མཐའ་ཡས་པའི། །ཨོ་རྒྱན་རྡོ་རྗེ་འཆང་དེས་ཁྱོད་ལ་སྲུངས། །འདི་ན་དལ་བརྒྱད་འབྱོར་བཅུས་ཡོངས་ཕྱུག་ཅིང་། །འཁོར་ལོ་གསུམ་གྱི་དགེ་མཚན་རྨད་བྱུང་བའི། །བཤེས་གཉེན་གང་དེས་རིན་ཆེན་གཉིས་པ་ནི། །སྲང་འཁོར་དང་བཅས་ཁོ་བོའི་སུག་པར་སོན། །དེ་ཚེ་མཆོག་གསུམ་རྒྱ་མཚོར་མོས་གུས་ཀྱིས། །མངོན་སུམ་སད་པར་བྱས་པའི་སྤྱན་སྔ་རུ། །ཡན་ལག་བདུན་གྱི་བསགས་སྦྱངས་སྤེལ་གསུམ་བཅས། །སྨོན་ལམ་ཀུན་ཏུ་བཟང་པོའི་རྗེས་སུ་ཟློས། །ཨ་ཧོ། རྙེད་དཀའི་མི་ ལུས་ཐོབ་པ་ད་རེས་ཙམ་ཡིན་པས། །ནམ་འཆི་ཆ་མེད་བསམ་པའི་ངེས་འབྱུང་དང་སྦྲགས་ནས། །ལས་འབྲས་བླང་དོར་གནས་ལ་ཚུལ་བཞིན་དུ་བརྩོན་ན། །མཐོ་རིས་གོ་འཕང་ཐོབ་པ་མངོན་མཐོ་མི་

[Full Size]

ལམ་བཟང་། །འཁོར་བའི་སྡུག་བསྔལ་དྲན་པའི་ངེས་འབྱུང་དང་འགྲོགས་ནས། །ལས་ཉོན་ཀུན་འབྱུང་སྤོང་བའི་གཡར་དམ་དེ་བཙན་པོས། །ཐར་པའི་ལམ་བཟང་སྙིང་གི་བཅུད་ལེན་དུ་བརྟེན་ན། །འགོག་བདེན་མངོན་དུ་བྱེད་པ་ངེས་ལེགས་ཀྱི་ཐེམ་སྐས། ཀུན་རྫོབ་ཆོས་ཀུན་སྒྱུ་མའི་དཔེ་བརྒྱད་དུ་བལྟས་ནས། །དོན་དམ་སྤྲོས་པ་བྲལ་བའི་ངལ་འཚོ་དང་སྦྲགས་ཏེ། །གསང་ཆེན་ཟབ་མོའི་ལམ་གྱིས་ཐབས་མཁས་དང་སྦྱར་ནས། །རྣམ་མཁྱེན་ཕ་མཐར་སོན་པ་མྱུར་ལམ་གྱི་ཁྱད་ཆོས། །དེ་སྐད་རྒྱུ་དང་འབྲས་བུའི་ཐེག་པ་ཡི་གླུ་དབྱངས། །གང་ཤར་ལོངས་སྤྱོད་འཁོར་ལོའི་རྒྱུད་མང་ལ་བླངས་པས། །གདུལ་བྱའི་མོས་སྣང་དམ་པའི་ཆོས་ཕྱོགས་ལ་བསྒྱུར་ནས། །འབྲེལ་ཚད་དོན་དང་ལྡན་པའི་སྨོན་ལམ་ཞིག་ཞུའོ། ༈ །ཕུན་སུམ་ཚོགས་པ་ལྔ་ལྡན་གྱི་རྡོ་རྗེའི་གླུ་དགེ་ལེགས་བདུད་རྩིའི་ཆར་འབེབས་ཞེས་བྱ་བ། ཨ་ཧོ། བཀྲ་ཤིས་དཔྱིད་ཀྱི་རྒྱལ་མོའི་ལེགས་བྱས་ཀྱི་ཤིང་རྟས། །གནས་མཆོག་འཆི་མེད་གྲུབ་པ་འོག་མིན་གྱི་དགའ་ཚལ། །ས་འདིར་མངོན་སུམ་དྲངས་པའི་ངོ་མཚར་གྱི་སྣང་བ། །ནམ་ཡང་ནུབ་པ་མེད་པའི་རྟེན་འབྲེལ་ཞིག་ཞུའོ། །སྐུ་བཞི་དབྱེར་མི་ཕྱེད་པ་བདེ་ཆེན་གྱི་ཉམས་འགྱུར། །སྟོན་པ་རྡོ་རྗེ་སློབ་དཔོན་རྣམ་རོལ་ཏུ་ཤར་བ། །ལྷར་བཅས་བསྟན་དང་འགྲོ་བའི་ཕན་བདེ་ཡི་བྱེད་པོར། །

[Full Size]

ཞབས་པད་བསྐལ་བརྒྱར་བརྟན་པའི་གསོལ་འདེབས་ཞིག་ཞུའོ། །ལས་སྨོན་ཟླ་བའི་བདུད་རྩི་ཕྱོགས་གཅིག་ཏུ་དཀར་བ། །འཁོར་ཚོགས་རིག་འཛིན་འདུས་པའི་སྐལ་བཟང་གི་ཚོམ་བུ། །ཚུལ་གནས་ཐོས་བསམ་བསྒོམ་པའི་དགའ་སྟོན་ལ་སྤྱོད་བཞིན། །རིང་འཚོའི་དགེ་མཚན་རྒྱས་པའི་དངོས་གྲུབ་ཞིག་ཞུའོ། །རྒྱལ་རྣམས་ཐུགས་ཀྱི་གསང་བ་འགོག་བདེན་གྱི་ཡེ་ཤེས། །ཆོས་ཚུལ་རྒྱ་མཚོའི་སྤྲིན་ཆེན་ལམ་བདེན་གྱི་རོལ་མོ། །འཇའ་ལུས་རྡོ་རྗེའི་ཐེམ་སྐས་ཐེག་མཆོག་གི་ཆར་ཆེན། །རྟག་པར་རྒྱུན་དུ་འབེབས་པའི་རྟེན་འབྲེལ་ཞིག་ཞུའོ། །གནས་དང་སྟོན་འཁོར་དམ་ཆོས་རྨད་བྱུང་གི་འདུ་བ། །དུས་གསུམ་ཀུན་ཏུ་ཁྱབ་པའི་དགེ་མཚན་གྱི་རྒྱལ་རྔས། །ཡིད་སྲུབ་དཔུང་བཅས་མིང་གི་ལྷག་མ་རུ་བཅོམ་ནས། །དོན་གཉིས་ཕུན་སུམ་ཚོགས་པའི་བཀྲ་ཤིས་ཞིག་ཞུའོ། །ཞེས་པའང་རིག་འཛིན་རྒྱལ་བའི་མྱུ་གུ་གཞོན་ནུ་ཐུགས་དགྱེས་པའི་སླད་དུ་ཆོས་ཚུལ་སྣ་ཚོགས་སྨྲ་བའི་དྲང་སྲོང་རྒན་པོ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་རབ་ཚེས་དཔལ་གདོང་གི་གནམ་ལོ་གསར་དུ་འཆར་བའི་ཆོ་འཕྲུལ་ཟླ་བའི་ཡར་ཚེས་བཅོ་ལྔའི་ཉི་མ་འཆར་ཀའི་དུས་དགེ་བར་གང་ཤར་བྲིས་པ་དགེ་ལེགས་སུ་གྱུར་ཅིག། །།ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཨ་ཧོ། ཨོ་ཡིག་མཆོག་ཏུ་མི་འགྱུར་འོད་གསལ་གྱི་ཡེ་ཤེས། །བཀྲ་ཤིས་མཚན་དཔེའི་དཔལ་འབར་རྡོ་རྗེ་ཡི་མཛེས་

[Full Size]

སྐུ། །བསྐལ་བརྒྱར་ཞབས་པད་བརྟན་པའི་དགེ་ལེགས་ཀྱི་སྣང་བས། །ས་གསུམ་ཁྱབ་པར་མཛོད་ཅིག་ཡིད་བཞིན་གྱི་འཁོར་ལོ། །ཏཱ་རེ་སྙིང་རྗེའི་དབང་གྱུར་གཞོམ་མེད་ཀྱི་ཡེ་ཤེས། །ཆོས་ཕུང་ཡན་ལག་བརྒྱ་ལྡན་ནཱ་ད་ཡི་གསུང་གསང་། །ཞིང་འདིའི་གདུལ་བྱ་སྒྲོལ་ཕྱིར་འཆད་མེད་དུ་འདོམས་པའི། །རོལ་མོ་སྙན་པར་སྒྲོགས་ཤིག་ཡིད་བཞིན་གྱི་འཁོར་ལོ། །ཏུཏྟཱ་རེ་ཞེས་གདུང་སེལ་བདེ་ཆེན་གྱི་ཡེ་ཤེས། །སྲིད་ཞིའི་ཉམས་བརྒྱར་འཆར་བའི་བློ་འདས་ཀྱི་ཐུགས་མཆོག །གངས་ཅན་བསྟན་འགྲོའི་དོན་ལ་མཐའ་གཅིག་ཏུ་གཟིགས་པའི། །དགེ་མཚན་རྒྱས་པར་མཛོད་ཅིག་ཡིད་བཞིན་གྱི་འཁོར་ལོ། །ཏུ་རེ་ཐར་གླིང་སྣང་མཛད་འདོད་འབྱུང་གི་ཡེ་ཤེས། །ཕན་བདེའི་དངོས་ཀུན་མྱུར་སྩོལ་ཡོན་ཏན་གྱི་ནོར་བུ། །བསིལ་ལྡན་ཆེ་དགུའི་གཙུག་ཏུ་བགྲང་ཡས་ཀྱི་བསྐལ་པར། །འཚོ་གཞེས་བརྟན་པར་མཛོད་ཅིག་ཡིད་བཞིན་གྱི་འཁོར་ལོ། །སྭཱ་ཧཱ་གྲུབ་པ་ཆེན་པོའི་ཐོགས་མེད་ཀྱི་ཡེ་ཤེས། །ལེགས་རྒུའི་དངོས་ཀུན་སྦྱིན་མཁས་ཕྲིན་ལས་ཀྱི་ཉི་མ། །སྐལ་བཟང་གླིང་བཞིའི་མཁའ་ལ་ནུབ་ མེད་དུ་རྟག་པའི། །རྒྱལ་རྔ་བརྡུང་བར་མཛོད་ཅིག་ཡིད་བཞིན་གྱི་འཁོར་ལོ། །ཨ་ཧོ་ཨ་ཧོ་ཤྲཱི་བི་ཛ་ཡནྟཾ། །ཞེས་པའང་གཏེར་ཆེན་ཆོས་ཀྱི་རྒྱལ་པོ་མཆོག་གྱུར་བདེ་ཆེན་གླིང་པ་ཉིད་སྐུ་ཁམས་ཅུང་རྙོགས་ཚུལ་གཞེས་པའི་སྐབས་

[Full Size]

གཉིས་སུ་མི་ཕྱེད་པའི་ཡེ་ཤེས་རོལ་པའི་རྩལ་འཚང་བ་ཨེ་ཝཾ་ཟུང་དུ་འཇུག་པའི་གསང་གསུམ་རྟག་པ་དམ་པའི་རྒྱལ་ཐབས་ལ་བདག་གིར་མཛད་ཅིང་ཡོན་ཏན་དང་ཕྲིན་ལས་རྒྱུན་གྱིས་རྟག་པའི་དགེ་མཚན་མངོན་སུམ་དུ་སྣང་བའི་སླད། འཆི་མེད་ཡིད་བཞིན་འཁོར་ལོའི་བསམ་གཏན་ལ་སྙོམས་པར་ཞུགས་པའི་ཚེ། ཐུགས་དམ་གནད་ནས་སྐུལ་བའི་རྡོ་རྗེ་སྒྲ་མའི་མཆོད་སྤྲིན་འཕགས་མ་དགྱེས་པའི་འབངས་ཡིད་ཀྱི་ཟླ་བས་སྤྲོས་པ་ན། བྱིན་རླབས་ཀྱི་ཟིལ་གཟུགས་ཅན་བཞིན་དུ་འཆར་བའི་ལེགས་བྱས་དེ་ཇི་ལྟ་བར་སིདྡྷི་རསྟུ།། ༈ །།དཔལ་རྡོ་རྗེ་སེམས་དཔའ་ལ་ཡང་སྙིང་གི་སྒོ་ནས་བསྔགས་པའི་རྡོ་རྗེའི་གླུ་གསང་བདག་བཞད་པའི་དབྱངས་སྙན་ཞེས་བྱ་བ། ཨོཾ་གྱི་རང་བཞིན་ལྷུན་གྲུབ་གཉིས་མེད་ཀྱི་ཡེ་ཤེས། །བདག་དོན་དག་པ་གཉིས་ལྡན་ཆོས་སྐུ་ཡི་ཀློང་ན། །གཞན་ཕྱིར་གཟུགས་སྐུའི་རྣམ་འཕྲུལ་མཁའ་ཁྱབ་ཏུ་འཆར་བའི། །དཔལ་ལྡན་སྐུ་གསུམ་དབྱེར་མེད་ཆེན་པོ་ལ་འདུད་དོ། །བཛྲ་གཞི་ལམ་འབྲས་བུའི་ཆོས་རྣམས་ཀུན་མ་ལུས། །གཅིག་དང་དུ་མ་ལས་འདས་རང་བྱུང་གི་རིག་པ། །གཟུང་འཛིན་རྟོག་པས་མི་ཕྱེད་བྱང་ཆུབ་ཀྱི་སེམས་ཉིད། །རྡོ་རྗེ་རྡུལ་བྲལ་སྟོང་པའི་ངོ་བོ་ལ་འདུད་དོ། །སཏཱ་རིག་སྟོང་ལྷན་སྐྱེས་འགྱུར་མེད་དུ་བརྟན་པས། །འཁོར་འདས་ཆོས་ཀུན་མཉམ་པ་ཉིད་དབྱིངས་སུ་བསྡུས་པའི། །གནས་ལུགས་མངོན་སུམ་རྟོགས་པ་སྒྲིབ་བྲལ་གྱི་འབྲས་བུ། །སེམས་དཔའ་ཟག་མེད་སྙིང་རྗེའི་རང་གདངས་ལ་འདུད་

[Full Size]

དོ། །ཨཱཡིག་ཐབས་དང་ཤེས་རབ་ཟུང་འཇུག་གིས་མཚོན་པའི། །འབྱུང་དང་ཕུང་པོ་རྣམ་དག་ཟབ་གསལ་གྱི་དབྱིངས་ལས། ཁ་སྦྱོར་བདེ་བའི་སྐུ་ཅན་ལྷར་སྣང་དང་རྟོག་ཚོགས། །སྒྱུ་འཕྲུལ་དྲྭ་བ་གཅིག་པུའི་རྣམ་རོལ་ལ་འདུད་དོ། །ཕུན་སུམ་ཚོགས་པ་ལྔ་ལྡན་འོག་མིན་ཕྱི་ཞིང་དུ། །ཐབས་དང་ཤེས་རབ་དབྱེར་མེད་གླེང་བསླང་གི་སྦྱོར་བས། །གསང་བའི་མཐར་ཐུག་བསྟན་པ་སྙིང་པོ་ཡི་རྒྱུད་སྡེའི། །དགོངས་དོན་འཁྲུལ་མེད་རྟོགས་པར་བྱིན་གྱིས་རང་རློབས་ཤིག །གཞི་དབྱིངས་བདེན་གཉིས་མི་ཕྱེད་ཆོས་སྐུ་རུ་ཤེས་པས། །ལམ་མཆོག་ཏིང་འཛིན་ལྔ་ཡི་འཇུག་པ་དང་སྦྱར་ཏེ། །འབྲས་བུ་སློབ་པའི་རིག་འཛིན་རྣམ་བཞི་ལ་བརྟེན་ནས། །མི་སློབ་ཟུང་འཇུག་ཐོབ་པར་བྱིན་གྱིས་རང་རློབས་ཤིག །བརྗོད་བྱ་རྗོད་བྱེད་དགོས་འབྲེལ་རྨད་བྱུང་དང་ལྡན་པས། །ཆོས་ཀུན་སྣང་བཞིར་གདམས་ནས་སྐལ་བཟང་ལ་གཏད་པའི། །ངེས་དོན་སྙིང་པོའི་བཤད་སྒྲུབ་ཕྲིན་ལས་ཀྱི་སྣང་བས། །ཕན་བདེའི་པདྨོ་རྒྱས་པའི་སྨོན་ལམ་ཞིག་ཞུའོ། །ཞེས་བཅོམ་ལྡན་འདས་རྡོ་རྗེ་སེམས་དཔའ་ལ་ཡང་སྙིང་གི་སྔགས་ཀྱི་ངེས་པ་དང་། དཔལ་གསང་བ་སྙིང་པོའི་རྒྱུད་དོན་ཟུང་དུ་འབྲེལ་བས་མངོན་པར་བསྔགས་པའི་བཛྲ་ཀཱི་རྟིའི་རྒྱུད་མངས་རིག་འཛིན་གྱི་བཙུན་པ་རྡོ་རྗེ་ཐུགས་མཆོག་རྩལ་གྱི་དད་གསུམ་སོར་མོས་བསྒྲེངས་པ་སྟེ། འདིས་ཀྱང་ཡིད་ཅན་རྒྱ་མཚོའི་རྡུལ་སྙེད་སྒྱུ་འཕྲུལ་དྲྭ་བ་ཆེན་པོའི་

[Full Size]

བྱང་ཆུབ་ལ་མྱུར་དུ་དབུགས་འབྱིན་པའི་རྒྱུར་གྱུར་ཅིག ༈ །དཔལ་བདེ་བ་ཆེན་པོ་པདྨ་སཾ་བྷ་བ་ལ་རྩ་སྔགས་དང་སྦྱར་བའི་གསོལ་འདེབས་རྗེས་དྲན་གྱི་རྡོ་རྗེའི་གླུ་ཁ་སྦྱོར་ནཱ་དའི་དབྱངས་སྙན་ཅེས་བྱ་བ། ཨ་ཧོ། ཨོཾ་གྱི་རང་གཟུགས་ལྔ་ལྡན་ཡེ་ཤེས་ཀྱི་སྒྱུ་འཕྲུལ། །ལོངས་སྤྱོད་ཡོངས་རྫོགས་འཁོར་ལོའི་དགའ་སྟོན་ལ་རོལ་པ། །རབ་འབྱམས་རྒྱལ་བའི་སྤྱི་དཔལ་ཟུང་འཇུག་གི་སྣང་བརྙན། །འཆི་མེད་སྐུ་ཡི་རྡོ་རྗེ་མཚོ་སྐྱེས་རྗེ་མཁྱེན་ནོ། །ཨཱཡིག་ཐབས་དང་ཤེས་རབ་སྲོག་རྩོལ་གྱི་རྒྱུ་བ། ཁ་སྦྱོར་ཨ་ཝ་དྷུ་ཏིའི་ཕྱག་རྒྱ་རུ་བསྡམས་པས། །མི་ཤིགས་ནཱ་དའི་སྒྲ་དབྱངས་མཁའ་ཁྱབ་ཏུ་འཆར་བའི། །འགགས་མེད་གསུང་གི་རྡོ་རྗེ་མཚོ་སྐྱེས་རྗེ་མཁྱེན་ནོ། །ཧཱུཾ་གི་ངོ་བོར་སོན་པའི་སྟོང་ཉིད་ཀྱི་གཤིས་ལུགས། །བདེ་ཆེན་ལྷན་ཅིག་སྐྱེས་པའི་ངལ་འཚོ་དང་སྦྱར་བས། ཁམས་གསུམ་རྟོག་པའི་འཇུག་ལྡང་ཆོས་དབྱིངས་སུ་སིམ་པའི། །ཟག་མེད་ཐུགས་ཀྱི་རྡོ་རྗེ་མཚོ་སྐྱེས་རྗེ་མཁྱེན་ནོ། །བཛྲ་ལྟ་བུའི་རྒྱུན་མཐའི་ཏིང་འཛིན་ལ་བརྟེན་ནས། །རང་བཞིན་མེད་པའི་གནས་ལུགས་མངོན་སུམ་དུ་གཟིགས་པས། །ཟབ་ཞི་སྤྲོས་པ་བྲལ་བའི་འོད་གསལ་གྱི་ངོ་བོ། །དབྱེར་མེད་ཡེ་ཤེས་རྡོ་རྗེ་མཚོ་སྐྱེས་རྗེ་མཁྱེན་ནོ། །གུ་རུ་བླ་ན་མེད་པའི་ཐུགས་རྗེ་ཡི་ལང་ཚོ། །སྙིང་རྗེས་ཡོངས་སུ་གང་བའི་འཇོ་སྒེག་དང་སྦྲགས་ནས། །འཁོར་བ་ཇི་སྲིད་གཞན་

[Full Size]

དོན་ལྷུན་གྲུབ་ཏུ་འབྱུང་བའི། །ཡོན་ཏན་ཕ་མཐའ་ཡས་པའི་མཚོ་སྐྱེས་རྗེ་མཁྱེན་ནོ། །པདྨ་སོ་སོར་རྟོགས་པའི་ཡེ་ཤེས་ཀྱི་རིག་གདངས། །རྒྱུན་མི་འཆད་པར་འགྲོ་བའི་སྣང་ངོ་རུ་འཆར་བས། །མཐོང་ཐོས་དྲན་པས་ཕན་བདེའི་དངོས་པོ་ཀུན་སྩོལ་བའི། །ཕྲིན་ལས་བསམ་གྱིས་མི་ཁྱབ་མཚོ་སྐྱེས་རྗེ་མཁྱེན་ནོ། །སིདྡྷི་རྣམ་གཉིས་གདུལ་བྱའི་བསམ་པ་དང་མཐུན་པར། །འགོག་པ་མེད་པར་འཇོ་བའི་ཡིད་བཞིན་གྱི་ནོར་བུ། །སྲིད་ཞིའི་མཐའ་ལ་མི་གནས་བསམ་བརྗོད་ལས་འདས་པའི། །དྲན་པས་སྙིང་གི་གདུང་སེལ་མཚོ་སྐྱེས་རྗེ་མཁྱེན་ནོ། །ཧཱུྃ་ཡིག་ཆ་ལྔས་མཚོན་པའི་རིགས་རྣམས་ཀྱི་ཁྱབ་བདག །ཁ་སྦྱོར་བདུན་ལྡན་འབྱམས་ཀླས་དཀྱིལ་འཁོར་གྱི་གཙོ་མཆོག །དཀོན་མཆོག་རྩ་གསུམ་རྒྱ་མཚོའི་འཆར་གཞི་རུ་བཞུགས་པའི། །སྐྱབས་གནས་ཀུན་འདུས་བླ་མ་མཚོ་སྐྱེས་རྗེ་མཁྱེན་ནོ། །ཨ་ཧོ་བཀའ་དྲིན་མཉམ་མེད་ཨོ་རྒྱན་གྱི་སློབ་དཔོན། །ཁྱོད་ཞབས་སྙིང་ནས་དྲན་པའི་སྨྲེ་སྔགས་ཀྱི་གདུང་བས། །ཡང་ཡང་གསོལ་བ་འདེབས་པའི་དད་ལྡན་གྱི་སློབ་བུར། །མངོན་སུམ་བྱིན་གྱིས་རློབས་ཤིག་མཚོ་སྐྱེས་ཀྱི་རྡོ་རྗེ། །དེ་སྐད་ཀུན་བཟང་པདྨ་ཐོད་ཕྲེང་གི་གསང་སྔགས། ཁ་སྦྱོར་རྡོ་རྗེ་ནཱ་དའི་གླུ་དབྱངས་ཀྱི་མཆོད་སྤྲིན། །མགྲིན་པ་ལོངས་སྤྱོད་འཁོར་ལོའི་དགའ་ཚལ་ནས་བླངས་

[Full Size]

པས། །དོན་གཉིས་ཡིད་བཞིན་འགྲུབ་པའི་དངོས་གྲུབ་ཞིག་ཞུའོ། །ཞེས་དཔལ་བདེ་བ་ཆེན་པོ་པདྨ་སཾ་བྷ་ཝའི་རྩ་སྔགས་ཀྱི་ངེས་པ་ཁ་སྦྱོར་ཡན་ལག་བདུན་ལྡན་གྱི་བརྗོད་བྱ་དང་སྦྱར་བའི་གསོལ་འདེབས་འདི་ཡང་། མཚོ་སྐྱེས་བླ་མ་དགྱེས་པའི་འབངས་ཀྱིས་དབང་ཆེན་སྤྲེའུ་ཟླ་བའི་དཀར་ཕྱོགས་ཀྱི་ཚེས་བཅུའི་དུས་ཀྱི་མཆོད་པའི་སྐབས་ཤིག་ཏུ་བཛྲ་གཱི་ཏིའི་མཆོད་སྤྲིན་དུ་སྤྲོས་པའོ། ༈ །ཕ་རྒྱལ་བ་ཀུན་དངོས་པདྨ་འབྱུང་། །འབངས་སྙིང་ནས་དད་པས་གསོལ་བ་འདེབས། །ལམ་ཚུལ་བཞིན་སྒྲུབ་པར་བྱིན་གྱིས་རློབས། །སྲིད་པས་བསྡུས་པའི་འཇིག་རྟེན་འདིར། །ཕྱི་སྣོད་ནང་བཅུད་གང་ལ་ཡང་། །རྟག་པའི་དངོས་པོ་མ་མཆིས་པས། །རེ་དོགས་དགྲ་གཉེན་གྱི་མདུད་པ་ཁྲོལ། །སྙིང་པོ་མེད་པའི་ནོར་རྫས་ཚོ། །འཆི་བའི་དུས་གཅིག་ཀྱང་ཁྱེར་དུ་མེད། །འདོད་ཆགས་ཀྱི་སྲེད་པ་ཡོངས་སུ་ཁྲོལ། ཁོང་ཀུན་བྱེད་སེམས་ཀྱི་རྒྱལ་པོ་ཆེ། །དོན་བརྟགས་ན་གཞི་མེད་རྩ་བ་བྲལ། །བདེ་གསལ་མི་རྟོག་གི་ཞེན་པ་ཁྲོལ། །ལམ་རྫོགས་པ་ཆེན་པོའི་ལྟ་བ་དེ། །དཔེ་དོན་དང་བྲལ་བར་ཉམས་ལོང་ཞིག །ཚིག་གོ་ཡུལ་གྱི་མདུད་པ་ཡོངས་སུ་ཁྲོལ། །ཕྱི་སྣོད་དེ་པདྨ་འོད་ཀྱི་ཞིང་། །ནང་བཅུད་དེ་གུ་རུ་རིན་པོ་ཆེ། །མ་དག་པའི་སྣང་བའི་འཛིན་ཞེན་ཁྲོལ། །བརྗེད་མེད་ཀྱི་ཤེས་པའི་རང་རྩལ་དེ། །མི་འགག་པའི་བསྐྱེད་རིམ་སྣ་ཚོགས་ཤར། །གདོས་བཅས་ཀྱི་

[Full Size]

འཛིན་ཞེན་ཡོངས་སུ་འཁྲོལ། །ང་པདྨས་བྱིན་བརླབས་རྗེས་བཟུང་མཐུས། །རང་བྱུང་གི་གསང་མཛོད་མངོན་དུ་གྱུར། །ཐེག་བརྒྱད་ཀྱི་བློ་འདས་རྣལ་འབྱོར་དོན། །གཉུག་མ་ཡི་དོན་ལ་ལྷུན་གྲུབ་ཤོག །ཅེས་པ་འདི་ཡང་ཨཱ་ཡུར་མིང་གིས་རིགས་འདུས་གུ་རུ་རིན་པོ་ཆེའི་ཚོགས་ཀྱི་འཁོར་ལོ་བསྐོར་བའི་དུས་བྱུང་རྒྱལ་དུ་བརྗོད་པའོ། །།ཧེ་ཧེ། སྒྱུ་མའི་མཛེས་མ་འཇའ་ཚོན་གོས་སུ་གྱོན། །ཆུ་ཟླའི་བཞིན་རས་ནམ་མཁའི་མེ་༧ཏོག་ཐོགས། །མོ་གཤམ་བུ་ཁྲིད་སྨིག་རྒྱུའི་སྐོམ་ལ་འཐུང་། །རུ་སྦལ་སྤུ་ཡི་ལྭ་བ་འཐག་པར་བྱེད། །རི་བོང་རྭ་ལས་བཟོས་པའི་སྐས་བགྲོད་དེ། །རྨི་ལམ་ཁང་བཟང་དབུས་སུ་ཕྱིན་ནས་ཀྱང་། །བྲག་ཅའི་གླུ་ལེན་མེ་ལོང་གཟུགས་ལ་རྩེ། །དྲི་ཟའི་གྲོང་ཁྱེར་དབུས་ནས་གར་ལ་རོལ། །མིག་ཡོར་རྒྱན་གྱིས་ལུས་ལ་ཉེ་བར་མཛེས། །དེ་ལྟར་སྣང་སྲིད་འཁོར་འདས་ཆོས་རྣམས་ཀུན། །ཡུལ་སྣང་མ་འགགས་སྒྱུ་མའི་དཔེ་བཅུ་ལ། །ཡུལ་ཅན་མ་གྲུབ་སྤྲོས་བྲལ་གདོད་མའི་གཤིས། །གཉིས་འཛིན་གདོད་ནས་དག་པ་ཆོས་སྐུའི་ཀློང་། །བདེན་གཉིས་ཟུང་དུ་འཇུག་པའི་འོད་གསལ་ཆེ། །ཤེས་རབ་ཕར་ཕྱིན་དོན་དམ་ཡེ་ཤེས་རྩལ། །སྐྱེ་འགག་གནས་བྲལ་ངང་ནས་རྗེན་པའི་སྦུབས། །བློ་ཡི་མཚན་མས་མ་དཔྱད་རྫོགས་པ་ཆེ། །རང་བཞིན་གདོད་ནས་སངས་རྒྱས་ཀ་དག་དབྱིངས། །དབྱིངས་རིག་

[Full Size]

ཟུང་འཇུག་འགག་མེད་ལྷུན་གྲུབ་ངང་། །སྲིད་དང་ཞི་བའི་ཆོས་རྣམས་མ་བཙལ་རྫོགས། །འདི་ནི་འོད་གསལ་གླིང་པའི་གསང་ཚིག་སྟེ། །དྲན་རིག་ཀུན་ཏུ་བཟང་པོའི་ཞལ་གདམས་ཡིན། །མཐའ་བྲལ་སྙིང་དབུས་གཞོན་ནུ་བུམ་སྐུའི་སྦུབས། །གཉིས་ཆོས་མཚན་མར་འཛིན་པའི་ཚོགས་ཀུན་ཨ། །ཡི་གེ་གཞན་ལ་གསང་རྒྱ། ༈ །ཨ་ཧོ། མགོན་རྒྱལ་བ་ཡོངས་ཀྱི་སྤྱི་མེས་སུ་གྱུར་ཡང་། །བློ་ཚུར་མཐོང་གདུལ་བྱར་མི་གཟུགས་སུ་བྱོན་པའི། །མགོན་ཁྱབ་བདག་འཁོར་ལོའི་མགོན་པོ་ལ་འདུད་དོ། །ཡང་དྲེད་པོའི་བློ་སྣ་ཆོས་ཕྱོགས་སུ་སྒྱུར་ཐོང་། །དུས་དེང་སང་སྟོན་པ་སངས་རྒྱས་ཀྱི་བསྟན་པ། །དཔེ་ནུབ་རིར་གཟིམ་པའི་ཉི་མ་ལྟར་མཐོང་ནས། །ཡིད་སྐྱོ་ཤས་ངེས་འབྱུང་ཟླ་བ་ཡི་ཕོ་ཉས། །ལས་བྱས་པ་དོན་ལྡན་འོད་དཀར་དེ་སྤྲོའོ། ཁོང་ཁ་སང་ལང་ཚོ་མཚར་སྡུག་རང་རྒྱས་པའི། །མི་རྣམ་རིག་བཀྲ་བ་དེ་རིང་གི་དུས་སུ། །ལུས་དུར་ཁྲོད་ཆེན་པོར་གཅེར་བུ་རུ་སོང་ཞིང་། །འཁོར་ཤ་ཟན་མང་པོས་བསྐོར་བ་དེ་མཐོང་ངོ་། ཁང་སྟེང་ན་གདུགས་དཀར་བླ་བྲེ་རུ་བྲེས་ཤིང་། །ཕྱི་འོག་ཁྲི་དང་གཟི་བྱིན་རྒྱས་པ་ཡི་བླ་དཔོན། །དུས་དེ་རིང་སྦྱིན་སྲེག་ཐལ་བ་རུ་སོང་ཞིང་། །རླུང་ངར་མའི་ཞགས་པས་བཏབ་པ་དེ་ཐོས་སོ། །དེ་མཐོང་ཐོས་ཡིད་ཀྱི་སྐྱོ་གྲོགས་སུ་ཕེབས་པས། །ལས་

[Full Size]

ཅིས་ཀྱང་དགོས་མེད་ལྷ་ཆོས་དེ་དྲན་ཡང་། །དུས་དེང་སང་གློ་བུར་བདུད་རིགས་ཀྱི་ཕོ་ཉས། །དབང་མེད་པར་གློ་བུར་འཁྲིད་པ་ལ་འཇིགས་སོ། །ཨ་ཧོ། རང་རིག་གི་གཤིས་ལུགས་གཞོན་ནུ་དེ་བུམ་སྐུ། །ཡིད་དཔྱོད་དང་ཚིག་བྲལ་མངོན་སུམ་གྱི་གཞི་དབྱིངས། །རྟོག་ཚོགས་ཀྱི་འགྱུ་འཕྲོ་ཤར་གྲོལ་གཉིས་དུས་མཉམ། །འཁོར་འདས་ཀྱི་རྩ་བ་བདེན་གྲུབ་དང་བྲལ་ཏེ། །སྣང་སྟོང་གི་དབྱིངས་སུ་རིག་སྟོང་དེ་ཞུགས་པས། །གྲགས་སྟོང་གི་ངང་ནས་གླུ་དབྱངས་འདི་བླངས་སོ། །ཚོར་སྟོང་གི་མཁའ་རུ་ཉེར་ལེན་ཀུན་ཐིམ་པས། །གློ་བུར་གྱི་འཁྲུལ་ཆོས་ཀ་དག་ཏུ་ཞིག་སོང་། །འདི་དྲང་དོན་སྐྱོ་གླུའི་བདེན་གཏམ་ཡིན། །ངེས་དོན་སྒྲོ་བཏགས་རྫུན་ཚིག་ཡིན། །གང་ཤར་ཐོལ་བྱུང་བྲིས་པ་ཡིན། །ཡིན་ལུགས་གསུམ་པོ་རྟོགས་གྱུར་ཅིག ༈ །ན་མོ་གུ་རུ་ཛྙཱ་ནཱ་ཡ། སྙན་པར་རབ་ལྡན་མཚན་གྱི་སྤྲིང་ཡིག་ནི། །གང་དུ་བསྟི་བ་ཙམ་ནས་དོན་ཡོད་པའི། །སངས་རྒྱས་འཇིག་རྟེན་སྒྲོན་མར་གྱུར་བ་དང་། །མི་ཕྱེད་ཁྱབ་བདག་བླ་མས་དགེ་ལེགས་མཛོད། ༡ །གང་ཞིག་འཁོར་བའི་མཚོ་ལ་བྱིང་གྱུར་ཅིང་། །སྡུག་བསྔལ་གསུམ་གྱི་རླབས་ཕྲེང་གིས་འཁྱུད་ཚེ། །དལ་འབྱོར་རིན་ཆེན་གྲུ་བོ་མཆོག་ཐོབ་དུས། །མྱུར་དུ་དགེ་བའི་ཟུར་ཕུད་བསྒྲེང་བར་བྱ། ༢ །ཁྱད་པར་སྲིད་དང་ཞི་བའི་གནས་ཀུན་

[Full Size]

ཀྱང་། །རྟག་བརྟན་གཞོམ་བྲལ་ཕྱག་རྒྱས་བཏབ་མིན་ན། །ངེས་པར་འཆི་བའི་སེམས་པས་ཡིད་བསྐུལ་ཏེ། །ཐར་པ་མཆོག་གི་གླིང་དུ་བཀྲི་ལ་བརྩོན། ༣ །བདེ་དང་སྡུག་བསྔལ་བར་མའི་འདུ་བྱེད་ཀྱིས། །མ་འདྲེས་ཐགས་སུ་བཏགས་པའི་ཟ་འོག་རིས། །དགེ་དང་གཅིག་ཤོས་ལས་ཀྱིས་བསྐྱེད་གྱུར་ན། །བསོད་ནམས་མ་ཡིན་ཚུལ་ལ་སུ་ཞིག་སྨོན། ༤ །དེ་ཕྱིར་རྒྱལ་ཀུན་ཐོར་ཚུགས་ཀྱིས་བསྙེན་པའི། །འཁོར་ལོའི་མགོན་པོའི་ཞལ་གྱི་པད་དཀར་ལས། །ལུང་རྟོགས་སྦྲང་རྩིའི་བཅུད་ལེན་རབ་བླངས་ཏེ། །དོན་ལྡན་ཐར་པའི་ལུས་སྟོབས་རབ་རྒྱས་ནས། ༥ །གཞི་ཡི་དབང་མཆོག་རང་གནས་ལྷན་ཅིག་སྐྱེས། །ལམ་དུས་རྒྱུ་གཉིས་རྐྱེན་བཞིས་སྨིན་པར་བྱེད། །འབྲས་བུ་འོད་ཟེར་ཆེན་པོའི་བྱེད་ལས་ཀྱིས། །མི་སློབ་ལམ་གྱི་སྐལ་བ་མཆོག་ལ་སྦྱོར། ༦ །སྣང་སྟོང་ཟུང་འཇུག་རིག་པའི་གདངས་རྩལ་ལས། །ཕྱག་རྒྱ་བཞི་ལྡན་ཡོངས་གྲུབ་གདན་གསུམ་སྐུ། །ཏིང་འཛིན་ཉམས་ལྔས་ལམ་གྱི་རྩལ་རྫོགས་པའི། །དང་པོའི་རིམ་པས་སྐྱེ་བའི་བག་ཆགས་སྦྱངས། །བདེ་ཆེན་མཆོག་གི་ཞུ་བདེའི་རོལ་མོ་ནི། །འཁོར་ལོ་བཞི་ཡི་དཀྱིལ་འཁོར་ནས་འཁྲོལ་བས། །གཟུང་འཛིན་རྟོག་པའི་དྲྭ་བ་རྣམ་དག་པའི། །རྫོགས་པའི་ཚུལ་འདིས་འཆི་བའི་དྲི་བཅས་འཆིང་། ༨ །མཉམ་བཞག་བློ་

[Full Size]

བྲལ་ཀ་དག་གདོད་མའི་གཞི། །རྗེས་ཐོབ་ལྷུན་གྲུབ་དབྱིངས་རིག་ཟུང་འཇུག་ལམ། །ལྷུན་གྲུབ་སྐུ་གསུམ་ནང་གསལ་ཆེན་པོའི་འབྲས། །ཚུལ་འདི་འབྲས་བུའི་ཐུས་ཀ་དག་ཏུ་བསྟན། ༩ །དེ་སོགས་གཞི་དང་ལམ་སོགས་དབྱེ་བའི་ཚུལ། །བདེན་རྣམ་ཤིང་རྟའི་བཞོན་པ་ལ་བརྟེན་ནས། །ཞི་བདེ་རིན་ཆེན་གླིང་དུ་ཉེར་བཀྲི་ཕྱིར། །རྣམ་ཀུན་བརྩོན་པའི་ལག་པས་ཉེར་བཟུང་འཚལ། ༡༠ །གང་ལ་དེ་ན སྐད་སྤྲིང་པའི་རྟེན་བཟང་པོ། །བདུད་རྩི་ཕུར་མ་རིལ་བུ་བཅས་པའི་སྐྱེས། །འདི་ཉིད་ཕུལ་བས་དུས་རྣམས་ཐམས་ཅད་དུ། །མི་ཕྱེད་དགེ་མཚན་གསར་པས་མཛའ་གྱུར་ཅིག ༡༡ །སརྦ་ས་མནྟ་ཤུ་བྷོ། ༈ །ཨོཾ་ཨཱཧཱུཾ། རིག་པ་འདི་ནི་ཡིན་པ་མེད་པ་སྟེ། །སྣ་ཚོགས་སྣང་བ་སྒྱུ་མའི་ཟློས་གར་འདྲ། །ཐམས་ཅད་རོ་མཉམ་གཉུག་མར་གཅིག་པའི་ངང་། །བློས་བྱས་བཟང་འདོད་ཐམས་ཅད་སྐྱུར་ལ་ཞོག །ལྟ་བ་འདི་ནི་མོ་གཤམ་སྐྱེས་བུ་སྟེ། །རྡུལ་རྫས་ལས་འདས་ཐ་སྙད་བཏགས་པའི་གཞི། །བསམ་གྱིས་མི་ཁྱབ་ཚིག་གི་ཡུལ་ལས་འདས། །རང་ཤེས་རང་གྲོལ་ཆེན་པོར་སྒྱུར་ལ་ཞོག །སྒོམ་པ་ འདི་ནི་ནམ་མཁའ་མདུང་སྐོར་ཏེ། །ཅིར་ཡང་འཆར་ལ་ཅིར་ཡང་བྱེད་དུ་བཏུབ། །བཟང་ངན་མེད་པའི་ད་ལྟའི་ཤེས་པ་ལ། །རེ་དོགས་ཡིད་དཔྱོད་བཟོ་བཅོས་སྒྱུར་ལ་ཞོག །སྤྱོད་པ་འདི་ནི་སྨོན་པའི་

[Full Size]

སྣང་ཚུལ་ཏེ། །གཞན་ངོར་མི་དོགས་རང་ངོར་རེ་བ་མེད། །དོན་ལ་དམིགས་གཏད་འདི་ཡིན་རྡུལ་ཙམ་བྲལ། །གང་ཤར་དེ་གའི་ངང་དུ་སྐྱུར་ལ་ཞོག །འབྲས་བུ་འདི་ནི་སྨིག་རྒྱུའི་ཆུ་བོ་སྟེ། །བཟང་པོ་ཐོབ་མེད་ངན་པ་ཤོར་དུ་མེད། །གདོད་ནས་ཡོད་པའི་རིག་པ་དེ་ཉིད་ལ། །བཅས་བཅོས་མ་བྱེད་རང་སྣང་ཆེན་པོར་སྒྱུར། །ད་ནི་ལྟ་མེད་སྒོམ་མེད་སྤྱོད་པ་མེད། །འབྲས་བུ་གཡང་མེད་ཅི་དགའ་གཉའ་ཡངས་ངང་། །ཡེ་ཤེས་བླ་མའི་ས་ལ་ད་ལྟ་ཕྱིན། །འདི་ལ་སོམས་ནས་བྱ་བྱེད་མཐའ་དག་སྐྱུར། །མཐར་ཐུག་དོན་གྱི་ལྟ་སྒོམ་སྤྱོད་པའི་དོན། །ཚིགས་སུ་བཅད་པའི་གླུ་འདི་གླུ་ཡི་གས་གཏད་མེད་པའི་ངང་དུ་ཕཊ། །ཧྲིཨཱ་ཧཱུཾ་ཕཊ་གཟུང་འཛིན་དབྱིངས་སུ་གཏོར། ༈ །ཨ་ཧོ། ཀ་དག་བསམ་བརྗོད་བྲལ་བའི་བློ་འདས་ཀྱི་གཤིས་ལུགས། །ལྷུན་གྲུབ་འོད་གསལ་རོལ་མོའི་འཇོ་སྒེག་དང་སྦྲགས་པས། །ཟུང་འཇུག་སྐུ་གསུམ་དབྱེར་མེད་རང་ངོ་རུ་གྲོལ་བའི། །ཁྱབ་བདག་དོན་གྱི་བླ་མ་སྙིང་དབུས་ནས་དྲན་བྱུང་། །མངོན་སུམ་ཡེ་ཤེས་རྟོགས་པར་བྱིན་གྱིས་རང་རློབས་ཤིག །མཉམ་གཞག་འཕོ་མེད་ཁྱབ་གདལ་ལྷུན་རྫོགས་ཀྱི་གཤིས་ལུགས། །རྗེས་ཐོབ་ཚོར་དྲུག་རང་གྲོལ་གཉུག་མ་ཡི་ངང་དུ། །ལྟ་སྒོམ་སྤྱོད་པའི་མིང་འདོགས་ཐ་སྙད་ཀུན་བྲལ་བའི། །

[Full Size]

ད་ལྟའི་ཤེས་པ་རྗེན་པ་ལམ་ཁྱེར་དུ་མཛོད་ཅིག །སྒོམ་ཞེས་དམིགས་གཏད་འཇུར་བུའི་དྲྭ་བ་ལས་འདས་ཤིང་། །མི་བསྒོམ་ཉོན་མོངས་འཁྲུལ་པའི་གཞན་དབང་དང་བྲལ་བའི། །གཟོད་ནས་བློ་བྲལ་འགྱུར་མེད་ཡོངས་གྲུབ་ཀྱི་ངང་དུ། །རྟོག་ཚོགས་གང་ཤར་རང་གྲོལ་དུས་མཉམ་དུ་མཛོད་ཅིག །བྱུང་ཚོར་རྟོག་པས་མ་བསླད་རང་གསལ་གྱི་ཡེ་ཤེས། །དཔེ་དང་ཚིག་གིས་མི་མཚོན་རང་ངོ་རུ་རིག་པས། །བསམ་གྱིས་མི་ཁྱབ་དགོངས་པའི་ཐིག་ལེ་རུ་རོལ་པ། །འདི་ཀ་ཉམས་ལེན་ཀུན་གྱི་དེ་ཉིད་དུ་མཐོང་ངོ་། །ཨ་ཧོ། སྤྱིར་རྒྱ་གར་འཕགས་པའི་ཡུལ་གྲུ་ན། །གྲུབ་མཐའ་སྨྲ་བ་རྣམ་བཞི་ཞེས། །རླུང་ལྟར་དུ་གྲགས་པ་བརྟན་པ་ཡི། །མཐར་ཐུག་འོད་གསལ་དབུ་མ་ཆེ། །ཡང་མཆོག་གཟིགས་རྣམས་ཀྱིས་བཀྲལ་བའི་གཞུང་། །ཡིད་ལ་མི་བྱེད་ཕྱག་རྒྱ་ཆེ། །ཟབ་གསང་གི་སྦས་དོན་མཐར་ཐུག་པ། །རང་བཞིན་རྫོགས་པ་ཆེན་པོ་རྣམས། །དོན་ངོ་བོ་བློ་ལས་འདས་པའི་གཤིས། །ད་ལྟའི་ཤེས་པ་རྗེན་པར་འདུས། །འདི་ཀ་ལ་མ་ཡེངས་སྐྱོང་མཁས་ན། །ངེས་དོན་འབབ་སྟེགས་གཅིག་བུ་ཡིན། །ང་སྨྱོན་པའི་ཚིག་ལ་གཏད་སོ་མེད། །ཇི་ལྟར་བརྗོད་ཀྱང་ཟད་པ་མེད། །སྙིང་གི་ཐིག་ལེ་འདི་ལས་མེད། །དེ་སྐལ་བཟང་གི་སྙིང་ལ་དམ་དུ་སྦོས། །ཞེས་པ་ཡང་དད་དམ་བློ་གྲོས་

[Full Size]

ལས། །འགྱུར་མེད་ཀྱི་ངང་ཚུལ་རབ་བརྟན་པ། །ཉེ་གནས་ཨོ་ཌི་ཡཱ་ནའི་ངོར། །མདོ་མེད་ཀྱི་ཆོས་དྲེད་དེ་ཡིས་སྨྲས། །ས་མ་ཡ། ༈ །རང་ཚུལ་དྲང་པོར་བརྗོད་པའི་གླུ་དབྱངས་བདེན་མེད་སྒྱུ་མའི་རོལ་མོ་ཞེས་བྱ་བ། ཨ་ཧོ། གཅིག་པུ་ཡང་མ་ཡིན་འཁོར་འདས་ཀུན་ཁྱབ་ཅིང་། །དུ་མར་ནི་མི་གནས་བློ་བྲལ་གྱི་གཤིས་ལུགས། །བསམ་བརྗོད་ལས་རྣམ་གྲོལ་གཉུག་མ་ཡི་སྦུབས་སུ། །ངང་བཞག་གི་རིག་པས་ཅེར་མཐོང་དུ་འདུད་དོ། །སྔོན་སྨོན་གྱི་ས་བོན་རྣམ་དཀར་ལ་བཤེས་པས། །དུས་འདི་རུ་དལ་འབྱོར་མི་ལུས་མཆོག་ཐོབ་ཅིང་། །རང་གཞན་གྱི་གྲུབ་མཐའི་གནད་གསང་ཀུན་མ་ལུས། །སོ་སོ་རུ་འབྱེད་པའི་བློ་གྲོས་ཀྱང་ཐོབ་བོ། །རིས་མེད་ཀྱི་དམ་པའི་རྣམ་ཐར་ལ་བསམ་ཚེ། །ཕྱོགས་མེད་ཀྱི་དག་སྣང་ཁྱབ་བརྡལ་དུ་སྐྱེས་ནས། །བཟོད་མེད་ཀྱི་དད་གསུམ་སྙིང་དབུས་ནས་འབར་ཚེ། །དོན་མེད་ཀྱི་སྒྲོ་སྐུར་རང་ས་རུ་ཞིག་སོང་། །དགྲ་གཉེན་ལ་ཆགས་སྡང་རྟོག་པ་ཀུན་སྤངས་ཏེ། །གཟའ་གཏད་དང་བྲལ་བའི་དབུ་མ་རུ་གནས་པས། །རང་གཞན་གྱི་འགྲོ་བས་བྱམས་པ་འདི་མཐོང་ཚེ། །ཉམས་དགའ་ཡི་ཤེས་པ་རྩིས་གདབ་དང་བྲལ་ལོ། །ཁྱད་པར་དུ་ཡེ་ཤེས་སྐུ་ཅན་གྱི་བླ་མ། །རིག་འཛིན་གྱི་དབང་ཕྱུག་འཇིགས་མེད་ཀྱི་གླིང་པའི། །བྱིན་རླབས་ཀྱི་རོལ་བ་སྙིང་དབུས་སུ་ཐིམ་པས། །

[Full Size]

ཟབ་གསང་གི་ལམ་གནད་ཐོལ་བྱུང་དུ་ཤར་རོ། །ཡིད་ཆེས་པའི་ཆོས་ཀྱི་གཏེར་མཛོད་དུ་སོང་ཞིང་། །མགྲིན་པ་འདི་གླུ་ཡི་རོལ་མོ་རུ་འཁྲོལ་བས། །ཡང་དག་གི་ལམ་མཆོག་ལྷུག་པ་རུ་འཇོ་ཚེ། །སྐལ་བཟང་ཀུན་དགའ་བའི་དགའ་སྟོན་པ་སྦྱར་རོ། །དེ་སྐད་དུ་གང་ཤར་རང་གྲོལ་གྱི་གླུ་དབྱངས། །བདེན་རྫུན་དང་བྲལ་བར་བླངས་བ་ཡི་དགེ་བས། །འབྲེལ་ཐོགས་དང་མོས་གུས་ལྡན་པ་ཡི་ཚོགས་ཀུན། །རང་སྣང་གི་ཡེ་ཤེས་མངོན་གྱུར་དུ་བརྙེས་ཤོག །ཅེས་པའང་དད་དམ་གྱི་སྣང་བ་མི་ཕྱེད་བའི་བརྟུལ་ཞུགས་དགེ་བ་ཅན་ཨོ་ཌི་ཡཱ་ནའི་ཆེད་དུ་བརྗོད་པའོ། །ཨ་ཧོ། དཔལ་སྐུ་བཞིའི་དབང་ཕྱུག་རྡོ་རྗེ་འཆང་། །ཚུར་མཐོང་གི་སྣང་ངོར་མི་གཟུགས་ཅན། །མགོན་དྲིན་ཆེན་བླ་མའི་ཞབས་ལ་འདུད། །ཡོངས་གྲུབ་ཀྱི་གནས་ལུགས་རྟོགས་པར་ཤོག །རྙེད་དཀའ་བའི་དལ་འབྱོར་མི་ལུས་ཐོབ། །དད་དམ་གྱི་ངང་ཚུལ་མི་དམན་ཞིང་། །མཚན་ལྡན་གྱི་བླ་མས་རྗེས་བཟུང་བའི། །སྐལ་བཟང་འདི་འདྲ་ངོ་མཚར་ཆེ། །གནད་གསང་ཆེན་ཟབ་མོའི་ཆོས་དང་འཕྲད། །དོན་ཉམས་སུ་ལེན་པའི་སྤོབས་པ་ཐོབ། །བློ་བྲལ་གྱི་རིག་པ་མཐོང་བ་འདི། །འདུན་མའི་ནང་གི་ཡང་རྩེ་ཡིན། །ད་ཟུང་འཇུག་ཉམས་སུ་ལེན་པའི་ཚེ། །དེ་ཁོ་ན་ཉིད་ལྟ་བས་གཏན་ལ་ཕབ། །ཚུལ་བཞིན་དུ་ཡེངས་མེད་ཀྱི་དྲན་པ་བསྒོམ། །ཤར་

[Full Size]

གྲོལ་དུས་མཉམ་གྱིས་སྤྱོད་པ་མཛོད། །སྐད་ཅིག་མ་ད་ལྟའི་ཤེས་པ་ལ། །དུས་གསུམ་གྱི་རྣམ་རྟོག་བྲལ་བ་ཡིས། །བརྗོད་དུ་མེད་པ་འདི་ཀ་ཉིད། །བསམ་མི་ཁྱབ་པའི་ལྟ་བ་ཡིན། །ཧྲིལ་གྱིས་བསྒྲིམས་ལ་ལྷོད་ཀྱིས་གློད། །ཆེད་འཛིན་གྱི་གཉེར་ཁ་རང་སར་ཞི། །ཡེངས་དང་མ་ཡེངས་རྩིས་གདབ་འདས། །འདི་བློ་དང་བྲལ་བའི་སྒོམ་པ་ཡིན། །ཐོལ་སྐྱེས་ཀྱི་རྣམ་རྟོག་ཤར་བའི་ཚེ། །རང་རིག་གི་ཀློང་དུ་རང་སར་ཞི། །གཉེན་པོ་ཡི་བཅོས་བསྒྱུར་དགོས་པ་མེད། །འདི་ཚུལ་འཆོས་དང་བྲལ་བའི་སྤྱོད་པ་ལགས། །འཁོར་འདས་ལ་ཐོབ་ཤོར་མ་གྲུབ་ཅིང་། །རེ་དོགས་ཀྱི་མདུད་པ་དབུ་མར་ཞིག །མྱོང་ཐོག་ཏུ་ངེས་ཤེས་བྲལ་བ་དེ། །གཞི་འབྲས་དབྱེར་མེད་ཀྱི་འབྲས་བུ་ལགས། །རང་རིག་ངོ་བོ་སྤྲོས་པ་དང་བྲལ། །རྟག་ཆད་ཀྱི་བློ་ཡིས་ཐུག་པ་མེད། །སྣང་སེམས་ཀུན་རྟེན་ཅིང་འབྲེལ་འབྱུང་ཙམ། །འདི་འོད་གསལ་དབུ་མ་མ་ལགས་སམ། །ཆོས་ཅན་གྱི་སྣང་བ་ཐམས་ཅད་ལ། །ཆོས་ཉིད་ཀྱི་རོལ་པས་གཟེར་ཐེབས་ནས། །མི་ཕྱེད་པའི་བདེ་ཆེན་ཐིག་ལེར་གྲོལ། །འདི་ཕྱག་རྒྱ་ཆེན་པོ་མ་ལགས་སམ། །འཁོར་འདས་ཀྱི་རྟོག་ཚོགས་རིག་ངོར་རྫོགས། །བཟང་ངན་གྱི་རྩིས་གདབ་དབྱིངས་སུ་ཞི། །ཀ་དག་དང་ལྷུན་གྲུབ་ཟུང་འཇུག་གཤིས། །འདི་རྫོགས་པ་ཆེན་པོ་མ་ལགས་ནི །

[Full Size]

སམ། །གཟུང་འཛིན་གྱིས་བཟོས་པའི་གཡོ་འཁྲུལ་པོ། །དོན་དམ་ལ་གྲུབ་པ་རྡུལ་ཙམ་མེད། །རྣམ་ཐར་གསུམ་ལྡན་གྱི་མངོན་རྟོགས་ཅན། །འདི་ཤེས་རབ་ཕར་ཕྱིན་མ་ལགས་སམ། །བདེ་སྡུག་གི་ཟུག་རྔུ་རང་སར་གྲོལ། །རེ་དོགས་ཀྱི་ཁེངས་སེམས་གཉུག་མར་ཐིམ། །ཕྱོགས་ལྷུང་དང་བསལ་གྲུབ་མེད་པའི་དངོས། །འདི་སྡུག་བསྔལ་ཞི་བྱེད་མ་ལགས་སམ། །སྣང་བ་ཀུན་ཐད་ཀར་ཆོད་པ་ལ། །བཟང་ངན་དུ་འཛིན་པའི་ཆེད་གཉེར་ཞིག །ཚོགས་དྲུག་གི་སྣང་བར་དགག་བསྒྲུབ་མེད། །འདི་དམ་ཆོས་གཅོད་ཡུལ་མ་ལམ་སམ། །དོན་དེ་ཕྱིར་མདོ་སྔགས་ཀྱི་ཟབ་དོན་ཀུན། །ཚིག་ཏུ་སྤྲོས་ན་ཟད་པ་མེད། །མྱོང་ཐོག་ཏུ་བཞག་ན་ཐམས་ཅད་འདུས། །འདི་བྱ་བ་བྲལ་བའི་ཉམས་ལེན་ཡིན། །ངས་གཞུང་ལུགས་ཀྱང་རྒྱ་ཆེར་མ་སྦྱངས་ཤིང་། །རྟོག་དཔྱོད་ཀྱི་ཞབས་ཏོག་མ་འགྲུབ་ཀྱང་། །བློ་འདས་ཀྱི་དོན་འདི་མངོན་དུ་མཐོང་། །ད་ཞེ་འདོད་ཀྱི་མཚན་མ་ཟད་དེ་མཆི། །ཨ་ཧོ་ཧོ་ཁ་ལྟ་ཚིག་སྐམ་གསུམ། །ལོག་རྟོག་ཅན་ལ་ཨ་ཐམ་རྒྱ། །དད་མོས་ཅན་གྱི་སྙིང་དུ་ཆོང་། །རིག་སྟོང་རྗེན་པར་གྲོལ་བར་ཤོག །ཅེས་པའང་དད་དམ་གྱི་སྤོབས་པ་གཅིག་ཏུ་བརྟན་པའི་ཉེ་གནས་ཨོ་ཌི་ཡཱ་ནར་གདམས་པའོ། ༈ །རིགས་དང་དཀྱིལ་འཁོར་ཐམས་ཅད་ཀྱི། །ཁྱབ་བདག་དཔལ་ལྡན་བླ་མའི་ཞབས། །གུས་པའི་སྙིང་

[Full Size]

གར་བཀོད་ནས་ཀྱང་། །ལྟ་སྒོམ་སྤྱོད་པའི་གླུ་ཞིག་ལེན། །ཨེ་མ་ཧོ་ངོ་མཚར་རྨད་ཀྱི་ཆོས། །གསང་ཆེན་ངེས་དོན་སྙིང་པོའི་ལམ། །ཚིག་གིས་མཚོན་ཡུལ་མ་ཡིན་ཡང་། །ཡེ་ཤེས་རྩལ་ལས་འདི་ལྟར་ཤར། །སྒྲ་དང་ཚིག་ལས་རྣམ་གྲོལ་ཞིང་། །དཔེ་ཡིས་མི་མཚོན་གཉུག་མའི་གཤིས། །ད་ལྟའི་རིག་པ་འདི་ཀ་ལ། །ལྟ་བ་མཐའ་བརྒྱད་སྤྲོས་བྲལ་ཟེར། །དེ་ཡི་ངང་ལས་རྣམ་རྟོག་རྩལ། །ཐོལ་སྐྱེས་ཐོལ་ནུབ་མེད་པར་གྲོལ། །དྲན་འཛིན་གཉེན་པོ་མི་དགོས་པ། །སྒོམ་པ་བློ་དང་བྲལ་བ་ཟེར། །ཚོགས་དྲུག་སྒྱུ་མའི་ལྟད་མོ་ལ། །ཇི་ལྟར་འཆར་ཡང་ཆོས་ཉིད་ཀློང་། །འགྲོ་འོང་བྲལ་བའི་སྲོག་ཤིང་ཅན། །སྤྱོད་པ་ཚུལ་འཆོས་བྲལ་བ་ཟེར། །བསམ་གྱིས་མི་ཁྱབ་ཡེ་ཤེས་ལ། །སྤང་བླང་བསལ་གྲུབ་ཆོས་མ་དམིགས། །ཡེ་གྲོལ་རྫོགས་པ་ཆེན་པོ་ལ། །འབྲས་བུ་མ་བཙལ་ལྷུན་རྫོགས་ཟེར། །དེ་སྐད་གང་ཤར་རྗེན་པའི་གཏམ། མ་བཅོས་དབུ་མའི་མཛོད་ཁང་ནས། །རེ་དོགས་མེད་པའི་སེམས་ཀྱིས་སྨྲས། །དགེ་བས་ཁམས་གསུམ་དོང་སྤྲུགས་ཤོག །ཅེས་པ་འདིའང་སྙིགས་དུས་ཀྱི་རིག་པ་འཛིན་པ་པདྨ་དགྱེས་པ་རྩལ་གྱི་གསང་གཏམ་མོ། །གུ་བྱ།། ༈ །།རྫོགས་པ་ཆེན་པོ་རང་གྲོལ་རྣམ་ལྔའི་སྔོན་འགྲོའི་ཁྲིད་རིམ་བདེན་གཉིས་རང་གྲོལ་ཞེས་བྱ་བ། ན་མོ་གུ་ར་ཝེ། རང་རིག་འོད་གསལ་གཉུག་མའི་ཡེ་ཤེས་ལ། །

[Full Size]

བསལ་བཞག་ཆེད་འཛིན་དམིགས་གཏད་ལས་འདས་ཕྱིར། །རྟག་ཏུ་ཡེངས་མེད་དྲན་པས་མཇལ་བའི་ཕྱག །མཉམ་རྗེས་མཐའ་གྲོལ་ཆེན་པོའི་ཀློང་ནས་བཙལ། །གང་ཞིག་རྣམ་གྲོལ་ལམ་མཆོག་དོན་གཉེར་བའི། །སྐལ་བཟང་སྐྱེས་བུའི་ཚོགས་ཀྱིས་ཐོག་མ་ནས། །འཇུག་པའི་ཡུལ་ནི་འདི་ཉིད་ཁོ་ན་ཞེས། །གསལ་བར་མཚོན་ཕྱིར་བདེན་གཉིས་རང་གྲོལ་བསྟན། །དེ་ཡང་དལ་བརྒྱད་འབྱོར་བཅུའི་རང་བཞིན་ཅན། །དཔེ་གྲངས་རྒྱུ་ཡི་སྒོ་ནས་རྙེད་དཀའ་བའི། །རྟེན་ལ་ཐར་པའི་སྙིང་པོ་ལེན་པའི་ཕྱིར། །བླ་མེད་རིན་ཆེན་གསུམ་ལ་སྐྱབས་སུ་འགྲོ། །སྤང་བླང་བསླབ་བྱ་ཆ་མཐུན་འབད་པས་བསྒྲུབ། །ཉིན་མཚན་རྟག་ཏུ་དཀོན་མཆོག་ཡོན་ཏན་བསམ། །དེ་ཡི་ཕན་ཡོན་ནང་པའི་གྲལ་ཚུད་ཅིང་། །འོག་མའི་གཞི་རྟེན་ཡོན་ཏན་དཔག་ཏུ་མེད། །དེ་སླད་རྙེད་དཀའི་དལ་བ་ཐོབ་གྱུར་ཀྱང་། །བརྟན་གཡོ་མི་རྟག་འཇིག་པའི་ངང་ཚུལ་ལ། །ཡང་ཡང་བསམས་ནས་བློ་སྣ་བསྟུང་བའི་ངང་། །སྨོན་དང་འཇུག་པའི་བྱང་ཆུབ་སེམས་མཆོག་བསྐྱེད། །ནམ་ཞིག་འཆི་ཚེ་དཀར་ནག་ལས་ཀྱི་འབྲས། །མི་བསླུ་ངེས་པར་རྗེས་སུ་འབྲང་བའི་ཕྱིར། །སྡིག་པའི་ཚོགས་ཀུན་སྟོབས་བཞི་ལྡན་པ་ཡིས། །བཤགས་སྡོམ་དྲག་པོས་རྡོར་སེམས་སྒོམ་བཟླས་འབད། །འཁོར་བ་གར་སྐྱེས་སྡུག་བསྔལ་

[Full Size]

རྣམ་གསུམ་གྱི། །ཞགས་པས་མ་བཅིངས་འགའ་ཡང་ཡོད་མིན་ཕྱིར། །ངེས་ལེགས་གོ་འཕང་བརྙེས་སླད་ཚོགས་གཉིས་པོ། །ཟུང་འཇུག་སྐུ་གསུམ་མཎྜལ་ཅི་ནུས་དབུལ། །གང་ཞིག་ཐོབ་ན་ཞི་བསིལ་བདུད་རྩིའི་གཏེར། །ཐར་པ་དམ་པའི་གོ་འཕང་བསྒྲུབ་པ་ལ། །ལམ་གྱི་གཙོ་བོ་བླ་མའི་རྣལ་འབྱོར་ནི། །ཕུར་ཚུགས་མོས་གུས་དྲག་པོས་གནད་དུ་བསྣུན། །དེ་ཡང་ཁྱབ་བདག་རྡོ་རྗེ་སེམས་དཔའ་ནི། །རིགས་དང་དཀྱིལ་འཁོར་ཀུན་གྱི་གཙོ་བོ་སྟེ། །དྲན་པས་སྲིད་དང་ཞི་བའི་གདུང་སེལ་ཕྱིར། །རང་གི་ངོས་ནས་སངས་རྒྱས་ཀུན་ལས་ལྷག །དང་པོའི་ལས་ཅན་རྣམས་ཀྱིས་སྤྱི་བོ་དང་། །དད་པ་བརྟན་པས་སྙིང་གི་དབུས་སུ་གསལ། །སྐྱིད་སྡུག་ལེགས་ཉེས་བཟང་ངན་ཅི་བྱུང་ཡང་། །དེ་ཁོ་ན་ལས་སྐྱབས་གཞན་འཚོལ་བ་མིན། །ཚུལ་འདིར་འབད་པས་གནས་སྐབས་ཕྲིན་ལས་བཞི། །རྩོལ་མེད་འགྲུབ་ཅིང་འཆི་བའི་འོད་གསལ་ཟིན། །བར་དོར་རང་གྲོལ་རང་བཞིན་སྤྲུལ་པའི་ཞིང་། །མིག་འཕྲུལ་བཞིན་བགྲོད་མཆོག་གི་གོ་འཕང་ཐོབ། །དེ་ལྟར་བསྒོམས་པའི་རྗེས་ཐོབ་འཁོར་གསུམ་གྱི། །རྟོགས་པས་མ་བཅིངས་རང་བཞིན་གཉུག་མའི་དབྱིངས། །བསྔོ་བས་རྒྱས་གདབ་དགེ་ཚོགས་གོང་འཕེལ་ཞིང་། །མྱུར་དུ་བྱང་ཆུབ་ས་ལ་རེག་པར་འགྱུར། །འོད་གསལ་རྫོགས་པ་

[Full Size]

ཆེན་པོའི་ལྟ་སྒོམ་སྤྱོད། །མངོན་སུམ་ཅར་ཕོག་ཉམས་སུ་ལེན་པ་ཡི། །སྔོན་དུ་འགྲོ་བའི་རིམ་པ་འདི་ཉིད་ཀྱང་། །གཏད་མེད་རྣལ་འབྱོར་པདྨ་དགྱེས་པས་བཀོད། །སརྦ་མངྒ་ལཾ། ༈ །རྫོགས་པ་ཆེན་པོ་ལྟ་བ་གཅེར་མཐོང་རང་གྲོལ་ཞེས་བྱ་བ། རང་བཞིན་དྲི་བྲལ་ཤིན་ཏུ་རྣམ་དག་པའི། །བློ་འདས་བྱར་མེད་རྒྱ་ཡན་ལྷུག་པའི་ངང་། །སྤང་བླང་ཡེ་ཟད་ངོ་བོ་མཐོང་བ་ཡིས། །རྟག་ཏུ་འདུ་འབྲལ་མེད་པར་ཕྱག་བགྱིའོ། །ཀྱེ་ཧོ་ཉོན་དང་སྐལ་བཟང་དད་པ་ཅན། །ད་ནི་ཐར་པའི་ལམ་མཆོག་མྱུར་སྒྲུབ་ཕྱིར། །འཁོར་འདས་ཀུན་ལ་ཁྱབ་པའི་འོད་གསལ་དོན། །རིག་པ་གཅེར་མཐོང་རང་གྲོལ་མཁྱེན་ལགས་སམ། །ཕྱི་རོལ་སྣང་བའི་ཡུལ་ལ་ཕར་བརྟགས་པས། །ཆོས་ཀུན་སྒྱུ་མ་ལྟ་བུར་ཡོངས་ཤེས་ཤིང་། །ནང་དུ་རང་གི་སེམས་ལ་ཚུར་བལྟས་པས། །བསམ་གྱིས་མི་ཁྱབ་བརྗོད་དུ་མེད་པར་མཐོང་། མཐོང་ཞེས་བྱའང་བླ་དྭགས་ཙམ་ཡིན་ཏེ། །རྟག་པས་མ་བཅིང་ཆད་པར་མ་ལྷུང་ཞིང་། །དབུ་མར་མི་གནས་འཛིན་ཞེན་ཟད་པ་འདི། །དཔལ་མགོན་བླ་མའི་དྲིན་གྱིས་རྟོགས་རྒྱུ་ཡིན། །རང་ལ་ཡོད་ཀྱང་རང་གིས་བསྒྲིབས་བྱས་ཤིང་། །གཞན་ནས་མ་བྱུང་གཞི་ལས་གཞི་སྣང་ནི། །ཕྲ་བའི་ཡེ་ཤེས་མེད་འཛིན་གྱིས་བཟུང་བས། །མཐའ་མེད་འཁོར་བའི་རྒྱ་མཚོ་འདི་རུ་ལྷུང་། །དེ་ཕྱིར་མྱོང་ཞེན་ཙམ་

[Full Size]

གྱི་གོ་ཡུལ་དང་། །ཡིད་ལ་བྱེད་པའི་ལྟ་བ་རྟོགས་པ་ཡང་། །བློ་དང་བཅས་པའི་སྦུབས་སུ་འཐུམས་པས་ན། །རང་བཞིན་རྡོ་རྗེ་སྙིང་པོའི་དོན་ལས་རིང་། །དོན་བརྒྱུད་ཡེ་ཤེས་སྙིང་དབུས་སིམ་པ་ལས། །གཞོན་ནུ་མ་ལ་པྲ་ཕབ་སྣང་བ་བཞིན། །རིག་སྟོང་རྗེན་པར་འདི་ཀར་ཅེར་གྲོལ་བས། །མཐོང་བ་ཙམ་གྱིས་མཐོང་བྱེད་འགགས་པར་འགྱུར། །མདོར་ན་དེ་ལས་མང་དུ་སྨོས་ཅི་དགོས། །བླ་མས་མ་བསྟན་སློབ་མས་མ་རྟོགས་ཤིང་། །བློ་ཡིས་མ་བསྐྱེད་རྒྱུ་རྐྱེན་མེད་པ་ཡི། །ཐ་མལ་ཤེས་པ་རང་གྲོལ་འདི་ཀ་ཡིན། །དེ་ཉིད་མ་རྟོགས་ཐབས་ཀྱི་ལམ་སྤྱོད་ཀྱང་། །ལྷག་མར་བཅས་ཕྱིར་གྲོལ་བར་མི་འགྱུར་ཞིང་། །སྣ་ཚོགས་ལམ་མང་འཚོལ་བས་དུབ་པའི་མཐར། །རང་གཞན་གཉིས་ཀ་ངལ་བའི་རྒྱུ་རུ་ཟད། །འདི་ནི་ཐེག་མཆོག་སྙིང་པོའི་ཡེ་ཤེས་ལ། །གོ་མྱང་བརྟན་པའི་བདུད་རྩིས་མྱོས་པ་ལས། །ཟུང་འཇུག་གཞོན་ནུ་བུམ་སྐུའི་གཏེར་མཛོད་ནས། །བསྟན་པར་ཕངས་ཀྱང་གང་ཤར་ལྷུག་པར་གདམས། །ཤུ་བྷཾ། ༈ །རྫོགས་པ་ཆེན་པོ་སྒོམ་པ་སྣང་སེམས་རང་གྲོལ་ཞེས་བྱ་བ། གང་གི་ཡེ་ཤེས་ཆེད་འཛིན་རྟོག་དཔྱོད་ཀྱི། །བློ་ལ་མི་གནས་ཡེངས་མེད་དྲན་པའི་ངང་། །བསྒོམ་དང་མི་བསྒོམ་དམིགས་གཏད་ལས་འདས་པའི། །དོན་དམ་ཀ་དག་ཆེན་པོའི་གཤིས་ལ་མཆོད། །

[Full Size]

ཡང་གཅིག་གསོན་དང་དོན་མཐོང་སྐལ་བཟང་ཀུན། །ད་ནི་སྣང་སེམས་རང་སར་གྲོལ་བའི་ཕྱིར། །སྤྱོད་ཡུལ་དག་པའི་དེ་ཉིད་བསྒོམ་འདོད་པས། །རྣམ་དག་ལམ་བཟང་འདི་ལ་ནན་ཏན་མཛོད། །དང་པོའི་ལས་ཅན་འདུ་བྱེད་དྲན་པ་ཡིས། །མཉམ་པར་བཞག་པའི་ངོ་བོ་མ་ཡེངས་བྱ། །ཆོས་ཉིད་གཉུག་མའི་ངང་ལས་རྟོག་ཚོགས་གང་། །ཤར་ཡང་རང་ཉིད་དྲན་པར་གནས་འགྱུར་ཏེ། །མཉམ་རྗེས་ཀུན་ཏུ་རང་སར་བཞག་པ་ཡིས། །གཡོ་བ་མེད་པས་ཞི་ལྷག་ཟུང་འཇུག་འགྲུབ། །དེ་ནས་དྲན་པ་ཉིད་ཀྱང་བློ་འདས་ཀྱི། །ངོ་བོ་རྒྱུན་ཆད་མེད་པའི་སྲོག་ཤིང་ཅན། །དྲི་མེད་གཅེར་བུར་མཐོང་བའི་མོད་ཉིད་ནས། །སྣང་སྤྱོད་ཐམས་ཅད་ཡེ་ཤེས་རོལ་པར་འཆར། །ནམ་ཞིག་རེས་འཇོག་མེད་པར་གཅིག་ཅར་དུ། །ཀློང་ཆེན་རིག་པའི་སྦུབས་སུ་དག་པའི་ཚེ། །ད་ལྟའི་ཤེས་པ་བཟོ་མེད་འདི་ཀ་ལ། །སྣང་སྲིད་འཁོར་འདས་ཀུན་གྱི་གནད་མཚངས་རིག །བརྟན་པ་མཐར་ཕྱིན་གཉིས་སུ་འཛིན་པའི་ཆོས། །ལན་ཚྭ་ཆུ་ལ་ཐིམ་ལྟར་རང་ཞི་བས། །ཡེངས་གཞིའི་ཡུལ་དང་ཡེངས་རྒྱུའི་མཁན་པོ་ཟད། །གཏད་མེད་འོད་གསལ་དབུ་མའི་དབྱིངས་སུ་གྲོལ། །མཐར་ཐུག་གཞི་ལས་འཕགས་པའི་གཞི་སྣང་དུ། །སྲིད་དང་ཞི་བའི་རྩ་བ་ཟད་པས་ན། །མཁལ་ཁྱབ་རྡུལ་ཕྲས་དྭངས་མའི་ལུས་ཅན་

[Full Size]

ལ། །སོ་སྐྱེས་བརྟགས་པའི་མཚོན་བརྗོད་དབྱིངས་སུ་ཟད། །མདོར་ན་སྣང་བ་སྒྱུ་མར་རྟོགས་པ་དང་། །སེམས་ཉིད་རྗེན་པར་རང་ངོ་འཕྲོད་པའི་ཚེ། །ཡེངས་མེད་དྲན་པས་ངང་བཞག་འབད་པ་ཡིས། །དམིགས་པ་མཐའ་དག་རང་སར་གྲོལ་བར་འགྱུར། །ཧྲིལ་གྱིས་སྒྲིམ་ལ་འཛིན་མེད་ལྷོད་ཀྱིས་ཀློད། །ཅེར་གྱིས་ལྟོས་ལ་ལྟ་བྱེད་མེད་པར་ཞོག །དྲན་པས་ཟུངས་ལ་དྲན་མེད་སྦུབས་སུ་སྐྱོལ། །འདི་ལས་གཞན་དུ་མེད་དོ་ཨེ་མ་ཧོ། །དེ་སྐད་ངེས་པ་དོན་གྱི་རྡོ་རྗེའི་གླུ། །རང་བྱུང་དྷུ་ཏཱིའི་དབུས་ནས་བླངས་པའི་མཐུས། །བློ་འདས་ཤེས་པ་ཟང་ཀ་རྒྱ་ཡན་དབྱིངས། །འཁྲུལ་སྣང་སྒྱུ་མའི་གར་མཁན་གྲོལ་གྱུར་ཅིག ༈ །རྫོགས་པ་ཆེན་པོ་སྤྱོད་པ་གང་ཤར་རང་གྲོལ་ཞེས་བྱ་བ། ལྟ་བས་མ་མཐོང་སྒོམ་པས་མ་བཅིངས་ཤིང་། །སྤྱོད་པས་མ་བཟུང་འབྲས་བུས་མ་བསླད་པའི། །རིག་སྟོང་རྗེན་པ་དོན་གྱི་ཡེ་ཤེས་ལ། །འདུ་འབྲལ་མེད་པའི་ངང་ནས་ཕྱག་བྱས་ཏེ། །ལམ་གྱི་ལམ་མཆོག་འོད་གསལ་སྙིང་པོ་ལ། །ཞུགས་པའི་སྐལ་བཟང་ཐོབ་ལ་འཕྲིན་འདི་གདམས། །དེ་ཡིས་སྤྱོད་པའི་འཛིན་པ་མ་ལུས་ཀུན། །བློ་འདས་དབུ་མའི་དབྱིངས་སུ་གྲོལ་གྱུར་ཅིག །ད་ནི་གང་ཤར་ཆོས་རྣམས་ཇི་སྙེད་ཀྱང་། །ཤར་དུས་ཉིད་ནས་བཟང་ངན་མེད་པར་མཉམ། །མཉམ་ཉིད་ཐ་མལ་ཤེས་པར་གྲོལ་བའི་

[Full Size]

ཚེ། །སྔ་ཕྱི་མེད་དོ་ཀུན་བཟང་དགོངས་པའི་ཀློང་། །ཕྱི་རོལ་ཡུལ་གྱི་སྣང་བ་སྣ་ཚོགས་པ། །ཚོགས་དྲུག་ལྟད་མོར་ཤར་བའི་མོད་ཉིད་ནས། །གཉིས་སུ་འཛིན་པ་ཞིག་པའི་ཕྱམས་བརྡལ་འདི། །དུས་གསུམ་རྒྱལ་བ་ཡོངས་ཀྱི་གཤེགས་ཤུལ་ཡིན། །སྔོན་བསུའི་རྟོག་པ་ཐམས་ཅད་དབྱིངས་སུ་ནུབ། །ད་ལྟའི་རྟོག་པ་ཐམས་ཅད་ཐད་ཀར་ཆོད། །མ་འོངས་རྟོག་པ་ཀུན་ལ་གཟའ་གཏད་བྲལ། །ཨི། དུས་གསུམ་དུས་མེད་རང་གྲོལ་ཆེན་པོར་སྤྱོད། །དེ་སྐད་བརྗོད་དུ་མེད་པའི་ཡི་གེའི་སྤྲིན། །བརྗོད་བྱར་བྱས་པའི་ལམ་གྱི་འདྲ་འབག་འདི། །ཆགས་བྲལ་པདྨ་དགྱེས་པའི་སྙིང་དབུས་ནས། །རིག་སྟོང་སེམས་ཀྱི་རྡོ་རྗེས་བསྟན་ཏེ་སོང་། ༈ །རྫོགས་པ་ཆེན་པོ་འབྲས་བུ་འཁོར་འདས་རང་གྲོལ་ཞེས་བྱ་བ། གཟོད་ནས་འཁྲུལ་བྲལ་གཏིང་གསལ་ཡེ་ཤེས་ནི། །ཕྲ་བའི་རང་བཞིན་འདུས་བྱས་ལས་འདས་ཕྱིར། །ཀུན་རྫོབ་ཆོས་ཀུན་དབྱིངས་སུ་ཐིམ་པ་ཡིས། །དོན་དམ་འགོག་བདེན་རྫོགས་པ་ཆེན་པོར་འདུད། །གང་ཞིག་ཡང་དག་དོན་ལ་བློ་སྦྱངས་ཏེ། །ལམ་གྱི་རིམ་པ་མཐར་ཕྱིན་མཚན་ཉིད་ནི། །མདོར་བསྡུས་རྡོ་རྗེའི་གླུ་རུ་བསྒྲགས་པ་ཡིས། །སྲིད་དང་ཞི་བའི་རྫུན་ཕུག་གཅིག་ཅར་རྡེབ། །འདི་ནི་འཁོར་དང་མྱ་ངན་འདས་པ་སྟེ། །སྤང་བླང་བསལ་གྲུབ་ཆོས་འགའ་མ་མཆིས་པས། །ཐོབ་བྱའི་འབྲས་བུ་གུད་

[Full Size]

ན་མ་དམིགས་ཀྱང་། །བཞུགས་ཚུལ་མངོན་དུ་གྱུར་ལ་འབྲས་བུར་བརྗོད། །ཀ་དག་གཞོན་ནུ་བུམ་སྐུའི་རང་རྩལ་ནི། །ལྷུན་གྲུབ་སྐུ་དང་ཡེ་ཤེས་རོལ་པ་ཅན། །ཟུང་འཇུག་སྒྱུ་འཕྲུལ་དྲྭ་བའི་རྡོ་རྗེའི་སྤྲིན། །རྣམ་པ་ཀུན་གྱི་མཆོག་ལྡན་དེ་ལ་སྣང་། །གློ་བུར་བསལ་རུང་དྲི་མའི་ཚོན་རྣམས་ཀུན། །ཇི་བཞིན་ཉིད་དུ་བཞག་པའི་མཐུས་བཅོམ་པས། །སྤངས་པ་ཕུན་ཚོགས་བྲལ་བྱ་ལས་འདས་པ། །མངོན་སུམ་རྗེན་པར་རྟོགས་པས་དབུགས་འབྱིན་བྱ། །དེ་ཕྱིར་རིས་སུ་བཅད་པའི་སངས་རྒྱས་ཞེས། །གུད་ན་མེད་དོ་བཟོ་མེད་བདེ་བ་ཆེ། ཁོར་ཡུག་འོད་གསལ་རོལ་པར་འབྱམས་ཀླས་ཚེ། །སློབ་པ་མིན་པའི་དེ་ཉིད་རང་སར་གྲོལ། །ཤིན་ཏུ་ཞི་བས་སྲིད་ལ་མི་གནས་ཤིང་། །འགག་མེད་རྩལ་གྱིས་མྱང་འདས་མཐར་མ་ལྷུང་། །མཚན་མ་མེད་པའི་ཐུགས་རྗེའི་ཟློས་གར་གྱིས། །འགྲོ་སྒྲོལ་བར་དུ་རྟག་པའི་ཕྲིན་ལས་བརྙེས། །དེ་སྐད་ཤེས་པར་བྱ་བའི་དོན་གྱི་མཆོག །མཆོག་གསང་འབྲས་བུའི་ཐུས་ཀ་གསལ་སྟོན་གང་། །གང་བློ་སྤྲོས་དང་བྲལ་བའི་རྗེས་ཐོབ་ལས། །ལས་སྣང་སྒྱུ་མའི་རོལ་མོར་སྤྱོད་བཞིན་བཀོད། ༈ །ཨོཾ་སྭ་སྟི་སིདྡྷཾ། སྤངས་རྟོགས་ཡོན་ཏན་ལྡན་པའི་ཡེ་ཤེས་ཐུགས། །མཚན་བཟང་ལྟ་ན་ལྷུན་སྡུག་ཕུང་པོ་ཅན། །སྟོན་པ་རྫོགས་པའི་སངས་རྒྱས་ལ་བཏུད་

[Full Size]

ནས། །དམ་པའི་ཆོས་ཀྱི་གཏམ་འདི་སྤྲོ་བར་བྱ། །གང་ཞིག་སྲིད་པའི་གནས་ལས་ཡོངས་ཐར་ཞིང་། །མྱ་ངན་འདས་པའི་མཐའ་རུ་ལྷུང་མིན་པར། །མི་གནས་ཐར་པའི་གོ་འཕང་མངོན་བརྙེས་aཕྱིར། །ཐོས་བསམ་སྒོམ་པའི་ཤེས་རབ་བསྐྱེད་པར་མཛོད། །དེ་ཡང་རྒྱལ་བའི་ཆོས་སྒོ་ཇི་སྙེད་པ། །མདོར་བསྡུས་རྒྱུ་དང་འབྲས་བུའི་ཐེག་པ་གཉིས། །ཕྱི་མ་ལ་ཡང་སྔགས་དང་མཚན་ཉིད་ཀྱིས། །རྣམ་པར་དབྱེ་བ་ཇི་སྙེད་ཐོས་པར་བྱ། །དེ་དོན་རྟག་དང་གུས་སྦྱོར་བརྩོན་འགྲུས་བཅས། །མངོན་སུམ་དང་ནི་རྗེས་དཔག་ཤེས་རབ་ཀྱིས། །ཡང་ཡང་གོམས་པའི་བསམ་པ་བསྐྱེད་པ་ཡིས། །གྲུབ་མཐའ་མ་འདྲེས་ཡོངས་རྫོགས་མཁྱེན་པར་མཛོད། །དེ་ལྟར་ཐོས་དང་བསམ་པས་གཏན་ཕབ་དོན། །རང་གི་སེམས་རྒྱུད་འདུལ་ལས་གཞན་མིན་ཕྱིར། །རྩེ་གཅིག་སྒོམ་པའི་ཉམས་མྱོང་རྟོགས་གོམས་གྱིས། །ཡེ་གྲོལ་གདོད་མའི་རྒྱལ་སྲིད་ཟིན་པར་གྱིས། །སྐྱེ་བ་མེད་པས་རྟག་པའི་མཐའ་གྲོལ་ཞིང་། །འགག་པ་མེད་པས་ཆད་པའི་ཡུལ་མ་དམིགས། །ཀུན་ལ་རབ་ཏུ་མི་གནས་དབུ་མའི་དོན། །ཚིག་ཙམ་མ་ཡིན་རྒྱུད་ལ་འདྲིས་པར་མཛོད། །ཞི་གནས་ཀྱིས་ནི་ཉོན་མོངས་མགོ་གནོན་ཞིང་། །ལྷག་མཐོང་གིས་ནི་སྒྲིབ་ཀུན་དྲུང་ནས་འབྱིན། །དེ་གཉིས་ཟུང་འཇུག་རང་ངོར་འདྲེས་པའི་ཚེ། །

[Full Size]

བསམ་གྱིས་མི་ཁྱབ་ཡེ་ཤེས་མངོན་དུ་འགྱུར། །དེ་ལྟར་རྟོགས་ཀྱང་སྡོམ་པ་རྣམ་གསུམ་དང་། །ཕྱིན་དྲུག་ལམ་སོགས་ཁྱད་དུ་མི་བསད་པར། །གང་ཤར་སྒྱུ་མའི་རོལ་པས་སྤྱོད་ཤེས་ན། །ཀུན་ཀྱང་རྟོགས་པའི་བོགས་འདོན་མཆོག་ཏུ་འགྱུར། །ཚུལ་འདི་ཆོས་དང་འཇིག་རྟེན་གཉིས་ཀ་ཡི། །སྤྱོད་པ་གང་ཡང་མ་ནུས་ཆལ་ཆོལ་མཁན། །སྨྱོན་པ་རྡོ་རྗེ་ཐུགས་མཆོག་རྩལ་གྱིས་སྨྲས། །རང་གཞན་འགྲོ་ཀུན་བདེ་ཆེན་གནས་ཐོབ་ཤོག །སརྦ་མངྒ་ལཾ་བྷཱུ་ཡཱ་ཏ།། །།ཧེ་ཧོ། དྲན་ཤེས་ཀྱི་གཉེན་པོས་མ་ཟིན་པས། །སྤྱོད་ཚུལ་ཀུན་སྨྱོན་པའི་ཟློས་གར་འདྲ། །སྤྲེའུ་དང་འདྲ་བའི་ངོ་མཚར་ཅན། །གང་ཤར་གྱི་གླུ་འདི་གསན་པར་མཛོད། །ཁྱེད་འཁོར་བ་ལ་ངེས་པར་འབྱུང་བ་ཡིས། །བླ་མེད་ཀྱི་ཐང་པར་ཞུགས་འདོད་ན། །སེམས་ཀྱི་གླང་ཆེན་སྲབ་མེད་དེ། །དྲན་ཤེས་ཀྱི་ཐག་པས་རྟག་ཏུ་ཆིངས། །བསླུ་མེད་ཀྱི་སྐྱབས་གཅིག་དཀོན་མཆོག་ལ། །བློ་སྙིང་བྲང་གསུམ་རྒྱུན་དུ་གཏོད། །ཕྱི་ནང་རིག་པའི་གཞུང་ལུགས་སོགས། །ཆོས་སྤྱོད་རྣམ་བཅུར་འབད་པས་བསྟེན། །མཚན་ལྡན་གྱི་བླ་མ་རྟག་ཏུ་བསྟེན། །ཅི་གསུང་གི་བཀའ་བཞིན་སྒྲུབ་པར་མཛོད། །བྱ་བྱེད་མང་པོའི་དགོས་པ་མེད། །བྱར་མེད་ཀྱི་ངང་དུ་དྲན་རིག་སྡུད། །ཚིག་དེ་སྐད་ལྷག་བསམ་དཀར་པོ་ཡིས། །སྨོན་པའི་ཡང་

[Full Size]

སྨྱོན་དྲེད་པོ་དེས། །སྨྱོན་པ་གཟུང་བླའི་བུ་ལ་གདམས། །སྨྱོ་སེམས་དབྱིངས་སུ་ཞི་བར་ཤོག །ཕཊ། ཕཊ། ཕཊ། ༈ །ཨ་ཧོ། འཇིགས་མེད་གདོད་ནས་རྣམ་དག་ཧེ་རུ་ཀཿ ལྷན་སྐྱེས་བདེ་ཆེན་ལང་ཚོ་ལ་ཆགས་པས། །འགྲོ་ཀུན་སྐུ་བཞིའི་གླིང་དུ་སྦྱོར་བ་པོས། །ཁྱོད་ལ་དགེ་ལེགས་གཡོ་མེད་མཛད་གྱུར་ཅིག ༡ །གང་ཤར་སྣང་བ་གཏད་མེད་རང་ས་རུ། །གྲོལ་བས་ཤེས་བྱའི་རྩིས་གདབ་ལས་འདས་ཀྱང་། །འགག་མེད་རོལ་པ་གཟུགས་སུ་འཕོས་པའི་གཏམ། །སྣ་ཚོགས་རྡོ་རྗེ་སྒྲ་མའི་དབྱངས་སུ་ལེན། ༢ །བསྐལ་མང་ཚོགས་གཉིས་ཟོང་གིས་བསྒྲུབས་པ་ཡི། །དལ་བརྒྱད་འབྱོར་བཅུའི་ཙིནྟ་མ་ཎི་མཆོག །ངེས་འབྱུང་སྙིང་རྗེ་དག་སྣང་རྣམ་གསུམ་གྱི། །དགོས་དགུ་ལྷུག་པར་སྩོལ་ཁྱོད་གཅིག་ཏུ་དགེ ༣ །གཟོད་ནས་རང་བཞིན་མེད་པའི་ཡེ་ཤེས་ནི། །ད་ལྟའི་ཤེས་པ་འདི་ལས་མ་འདས་ཕྱིར། །ཡིན་ལ་ཡིན་བཞིན་རྟོགས་པའི་གསལ་སྣང་ནི། །འགག་མེད་སྒྱུ་མའི་དཀྱིལ་འཁོར་གཅིག་ཏུ་ཤར། ༤ །དེ་ཡིས་གནས་སྐབས་མཐར་ཐུག་ཇི་སྙེད་དུ། །ཕན་བདེའི་ཐེམ་སྐས་རྩེ་མོར་འཛེགས་པ་གང་། །ད་དུང་དུ་ཡང་རྐང་སྟེགས་མཐོར་བསྒྲུབས་ན། །ཐར་པ་ཆེན་པོའི་གྲོང་དུ་ཕྱིན་པར་འགྱུར། ༥ །ཕན་ཚུན་དད་དམ་མདུད་རྒྱ་དམ་པོ་ཡིས། །མ་ཉམས་སྦྲེལ་བའི་མངོན་

[Full Size]

རྟོགས་ཆབ་ཤོག་ལ། །ཐབས་ཤེས་དར་གྱི་ཅོད་པན་མཛེས་སྤྲས་གང་། །མངོན་སུམ་ཉིད་དུ་འདྲེན་བྱེད་བདུད་རྩིར་སླེབས། ༦ །ཁྱད་པར་བརྡ་སྤྲོད་ཡི་གེ་ལེ་ཚན་དང་། །ཆེན་པོ་གསུམ་གྱི་ངོ་སྤྲོད་གཏམ་བཟང་རྣམས། །ཇི་ལྟར་འདོད་པ་བཞིན་དུ་མངོན་གྲུབ་པས། །སྔོན་མེད་སྤྲོ་དགའི་ལང་ཚོ་ཅིར་ཡང་བརྟས། །འདི་ན་མཆིས་པའི་རྣལ་འབྱོར་གཞོན་ནུ་ཡང་། །བསམ་བརྗོད་བྲལ་བའི་ངང་དུ་མཉམ་གཞག་ཀྱང་། །སྙིགས་དུས་རང་བཞིན་ཚུལ་མིན་ལོག་སྤྱོད་ལ། །ཤིན་ཏུ་སྐྱོ་བའི་མཆི་མ་ཅིར་ཡང་གཡོས། ༨ །བཟོད་དཀའི་སྡུག་བསྔལ་ཆུ་བོ་བར་མེད་དུ། །ཡུན་རིང་དུས་ནས་བྱིངས་མོད་ད་དུང་ཡང་། །དེ་ལ་མངོན་དགའི་རྒྱུ་འབྲས་སྒྲུབ་པ་ཡི། །སྤང་བླང་གོ་ལྡོག་འདི་ལ་ཡིད་སྐྱོ་སྐྱེས། ༩ །དོ་ནུབ་ཙམ་ཡང་མི་འཆིའི་གདེངས་མེད་ཅིང་། །ཤི་ནས་རྒྱུ་འབྲས་རྗེས་སུ་འབྲེང་ངེས་ཀྱང་། །ད་དུང་ཚེ་འདིའི་དགྲ་གཉེན་འཚོ་རྩིས་ལ། །རྟག་བརྟན་ཐེར་ཟུག་བྱེད་འདིར་ཡིད་སྐྱོ་སྐྱེས། ༡༠ །རྒྱལ་པོའི་ཁྲིམས་ཡལ་སྣོད་བཅུད་དགེ་མཚན་ལོག །མཐོ་བ་དམར་འབེབས་དམའ་བ་མཐོར་འདོན་ཅིང་། །ཉེས་མེད་ལ་འཚེ་གདུག་པ་ཅན་རྣམས་ཀུན། །སྟོབས་འབྱོར་ལྡན་པའི་ཚུལ་ལ་གཅིག་ཏུ་སྐྱོ། ༡༡ །ཕན་པར་སྨྲས་ཀྱང་ལོག་པའི་སེམས་འཆང་ཞིང་། །མཐུན་པར་སྤྱོད་ན་

[Full Size]

མདོ་མེད་དྲེད་པོར་སྒྲོགས། །གང་ལྟར་བགྱིས་ཀྱང་འཁོན་ལ་ཞི་དུས་མེད། །མཛའ་བཤེས་འཁོར་གཡོག་འདི་ཡང་ཡིད་སྐྱོའི་རྒྱུ། ༡༢ །དེ་རིང་མཛའ་བ་སང་ཉིན་དགྲར་གྱུར་ཅིང་། །སྔ་དྲོའི་དད་པ་ཕྱི་དྲོ་ལོག་ལྟའི་རྒྱུ། །སྟོན་ཀའི་སྤྲིན་ལས་མྱུར་བའི་ངང་ཚུལ་འདིར། །ཤིན་ཏུ་ཁམས་འདུས་ལངས་པས་མཆི་མ་དཀུ། ༡༣ །ཕྱོགས་ཀུན་སྡིག་སྤྱོད་ཀླ་ཀློས་རབ་ཁེངས་ཤིང་། །རང་གཞན་ཀུན་ཀྱང་དེ་ཡི་ཟླ་བོར་སྤྱོད། །ཆོས་པར་སྒྲོ་བཏགས་དམྱལ་བའི་ས་མཁན་དངོས། །འདི་འདྲའི་རང་རྒྱུད་འདི་ལ་མི་སྐྱོ་སུ། ༡༤ །མཉམ་གཞག་དོན་ལ་མོས་ཀྱང་ཤེས་བྱར་སྡང་། །ཐོས་བསམ་དོན་དུ་གཉེར་ཀྱང་སྒོམ་སྒྲུབ་སྨད། །རྒྱལ་བསྟན་ཡ་མ་ཟུང་དུ་གྱུར་པའི་ཚེ། །རྟགས་ཙམ་འཛིན་པ་ཡིན་སྙམ་སྐྱོ་བ་འཕེལ། ༡༥ །དད་གསུམ་མེ་ཏོག་དཀར་པོའི་རྣ་རྒྱན་ཡང་། །མཉམ་འགྲོགས་ཚོན་རིས་མང་། པོས་སྨྲ་ཕབ་པས། །ཚེ་གཅིག་ཐར་པའི་ལམ་སྣ་འགགས་པའི་འོག །རྡོ་རྗེའི་དམྱལ་བར་ཁྲིད་འདིར་ཀྱི་ཧུད་སྐྱོ། ༡༦ །མདོར་ན་ཆོས་བཞིན་སྤྱོད་ཚེ་ཀུན་གྱིས་སྨད། །དེ་དང་འགལ་བར་འཛིན་ལ་ཡོངས་ཀྱིས་བསྟོད། །གང་ལྟར་བྱས་ཀྱང་སྒྲོ་སྐུར་རྒྱུར་འགྱུར་བའི། །སྣང་ཚུལ་འདི་ཉིད་ཁོ་ནས་སྐྱོ་བ་འཕེལ། ༡༧ །དེ་ཡང་ཡུལ་དུས་གང་ཟག་གང་གིས་ཀྱང་། །ཤིན་ཏུ་སྐྱོ་བའི་ཕོ་ཉ་གཅིག་གྱུར་

[Full Size]

ཏེ། །སྙིང་ནས་མཆི་མའི་རྦ་རླབས་གཡོ་བ་ཡིས། །བཟོད་དཀའི་སྡུག་བསྔལ་དྲག་པོས་མནར་བར་གྱུར། ༡༨ །བདག་ཀྱང་གཞན་དབང་བྱེད་པོས་མ་བཅིངས་ན། །མཚོ་སྐྱེས་བླ་མའི་གསང་མཛོད་འཛིན་པ་ལ། །སྔོན་དགེའི་སྤོབས་པ་ཅུང་ཟད་སད་མོད་དེ། །ད་ནི་སྐྱོ་ཤས་ཁོ་ནའི་གཉིད་ལ་གཡུར། ༡༩ །རང་སྣང་རྣམ་དག་ནོར་བུའི་མེ་ལོང་དུ། །རྩ་གསུམ་རྒྱལ་བའི་སྒྱུ་འཕྲུལ་འཆར་བ་ཡིས། །ལུང་བསྟན་དབང་བསྐུར་དབུགས་དབྱུང་མཆིས་གྱུར་ཀྱང་། །རེ་དང་དོགས་པའི་བློ་ནི་ཅི་དགར་ཡལ། ༢༠ །ཌཱ་ཀིའི་གསང་མཛོད་སྙིང་དབུས་སྦས་པའི་རླབས། །མགྲིན་པའི་ལམ་བ་ནས་སྔར་དུས་ཆ་ཤས་ཞིག །ཕྱུངས་མོད་སླར་ཡང་གསང་བའི་སྒོ་བསྡམས་པས། །རྟེན་འབྲེལ་སྣ་ཚོགས་དུས་ཀྱི་བྱེད་པོས་ཡལ། ༢༡ །གལ་ཏེ་སྔོན་གྱི་ལེགས་སྨོན་མཐར་སོན་ན། །བགྲང་བྱ་རྩེ་མོའི་མུ་ཁྱུད་ཀྱིས་བཅིངས་ནས། །ཕན་བདེའི་སྒོ་འཕར་ཅིར་ཡང་དབྱེ་མོད་དེ། །ཡིད་སྲུབས་སྙིང་ལ་ཞུགས་འགས་སྒྲིབ་བམ་སྙམ། ༢༢ །ཐ་སྙད་ཤེས་ཀྱང་དོན་དམ་མ་སྟོར་ཞིང་། །དེ་ཉིད་རྟོགས་རྩཀྱང་རིག་རྩལ་མ་འགགས་པ། །འདི་ཀོ་སྙིང་གི་ནོར་བུར་རྒྱས་བཏབ་ན། །འཕྲལ་ཕུག་ཕན་བདེ་ཅུང་ཟད་འབྱུང་ངམ་སེམས། ༢༣ །གཞན་དུ་བསྟན་དང་འགྲོ་ལ་ཕན་སྙམ་པའི། །རེ་བའི་བློ་ནི་རྨི་

[Full Size]

ལམ་ཙམ་དུ་ཡང་། །མ་མཆིས་ཅི་ཕྱིར་ཤཱཀྱའི་རྒྱལ་པོ་དངོས། །བྱོན་ཡང་ཀུན་གྱིས་ཡིད་ཆེས་བྱེད་པ་དཀའ། ༢༤ །ཁྱད་པར་ཟབ་ལམ་རྡོ་རྗེའི་རྣལ་འབྱོར་ལ། །གཡེལ་ཞིང་དགོངས་པའི་བརྡ་ཡང་བག་ལ་ཞ། །དེ་ལྟར་གྱུར་ཚེ་རིང་པོར་མི་ཐོགས་པར། །ཚེ་ཡི་འདུ་བྱེད་སྟུང་བར་འགྱུར་གྱིས་དོགས། ༢༥ །གང་ལྟར་ཡིན་རུང་ད་ལྟའི་ཤེས་པ་ནི། །བཅོས་བསླད་བྲལ་བ་འདི་ཀའི་ངང་ཉིད་དུ། ། བདེ་སྡུག་རྟོག་པའི་ཆོ་རོལ་ལམ་ཁྱེར་བཞིན། །གཏད་མེད་རྣལ་འབྱོར་སྨྱོན་པ་གཅིག་ཏུ་བདེ། ༢༦ །སླད་མའི་ཆར་ཡང་འཆི་མེད་ཨོ་རྒྱན་རྗེའི། །ཐུགས་རྗེའི་གྲིབ་བསིལ་མཆོག་ཏུ་བསྟི་བ་ལས། །ཆོས་བཞིན་སྤྱོད་པའི་པད་མཚོ་མི་རྙིང་ཞིང་། །སྲོག་གི་འདུ་བྱེད་ཡུན་དུ་གནས་གྱུར་ཅིག ༢༧ །དེ་སྐད་གང་ཤར་སྐྱོ་བའི་ཚིགས་བཅད་འདི། །གཞན་དང་གཞན་ལ་སྟོན་པའི་ཡུལ་མིན་ཏེ། །ཅི་ཕྱིར་སྒྲོ་འདོགས་སྐུར་འདེབས་སྣ་ཚོགས་ཀྱིས། །རང་རྒྱུད་ལོག་ལྔའི་འདམ་དུ་བྱིངས་ཀྱིས་དོགས། ༢༨ །ཨ་ཧོ་དྲི་མེད་དར་གྱི་གཤོག་རླབས་ཟུང་། །བསྐྱོང་བཞིན་རྣམ་དཀར་དགེ་བའི་མལླི་ཀ །གཉུག་མ་ཐོབ་ཤོར་བྲལ་བའི་པད་རྫིང་ནས། །འགག་མེད་རིག་པའི་རོལ་རྩལ་ངོམས་བཞིན་སོང་། ༢༩ །ཞེས་པའང་གྲུབ་པའི་དབང་ཕྱུག་ཐང་སྟོང་རྒྱལ་པོ་དང་། ཀུན་མཁྱེན་འཇིགས་མེད་གླིང་པའི་ཡེ་ཤེས་ཀྱི་སྐུས་བྱིན་གྱིས་བརླབས་

[Full Size]

པའི་གྲུབ་པ་མཆོག་གི་བསྟི་གནས་དཔལ་ལྡན་པདྨ་འོད་གླིང་ནས་རིག་པ་འཛིན་པ་འོད་གསལ་གླིང་པས་བསྲིངས་པ་ཛ་ཡནྟུ། ༈ །སེམས་རིག་ཤན་འབྱེད་ཡིད་དཔྱོད་རང་གྲོལ་ཞེས་བྱ་བ། ཟག་པའི་ཆ་བཅས་ངོ་བོས་རབ་སྤངས་ཤིང་། །མྱང་འདས་ཡོན་ཏན་ལྷུན་གྱིས་གྲུབ་པ་ཅན། །མཉམ་རྗེས་མཐའ་གྲོལ་ཁོར་ཡུག་འོད་གསལ་ངང་། །འཛིན་མེད་བདེ་བ་ཆེན་པོས་ཕྱག་བགྱིའོ། །གཟོད་མ་ཉིད་ནས་བློ་ཡིས་མ་རེག་པའི། །དོན་དམ་བདེན་པ་མངོན་དུ་རྟོགས་པའི་ཚེ། །གཞན་དབང་འཁོར་བཅས་ཡོངས་སུ་ཟད་པའི་ཕྱིར། །སེམས་ལས་འདས་པའི་རིག་པ་མཁྱེན་པར་མཛོད། །དེ་ཡང་ཟབ་གསང་རྡོ་རྗེ་རྩེ་མོ་ཡི། །རྒྱུད་ཀྱི་རྡོ་རྗེའི་གནས་ཀྱི་ལུང་རྣམས་ལ། །རྡོ་རྗེའི་མིག་གིས་ལེགས་པར་བརྟགས་པའི་ཚེ། །མི་ཕྱེད་རྡོ་རྗེའི་རིགས་ལ་ངེས་པ་རྙེད། །སེམས་ནི་བྱུང་ཚོར་འགྲོ་འོང་དང་བཅས་ཤིང་། །ཕྱི་རོལ་ཡུལ་གྱི་རྣམ་ཆ་དང་འདྲེས་པས། །དེ་ཡིས་དེ་ལ་དཔྱད་པར་བཟོད་པའི་ཕྱིར། །བློ་ཡི་མདུན་ན་ཡོངས་སུ་གནས་པ་ཡིན། །རིག་པ་དྭངས་ཤིང་ཡུལ་མེད་ཀུན་ཏུ་གསལ། །ཐིམ་ལ་མ་རྨུགས་རྟག་ཆད་འཇུག་ལྡང་བྲལ། །བསམ་པའི་ཆོས་ཀྱིས་ཐ་དད་དབྱེར་མེད་ཕྱིར། །སོ་སོར་རྟོག་པའི་ཤེས་པས་དབང་དུ་འགྱུར། །ཁྱད་པར་ཡེ་ཤེས་སྐུ་ཅན་བླ་མ་ཡིས། །རྡོ་རྗེ་ཡེ་ཤེས་འཕོ་བའི་དབང་བསྐུར་གྱིས། །མངོན་སུམ་ཅར་

[Full Size]

ཕོག་ཉིད་དུ་ངོ་སྤྲད་པས། །སེམས་བྲལ་རིག་པ་རྗེན་པའི་དེ་ཉིད་མཐོང་། །རྣམ་པ་ཀུན་ཏུ་ལུས་སེམས་ཁོང་ལྷོད་ལ། །ཕྱི་རོལ་ནམ་མཁའི་ཁམས་སུ་ཤེས་པ་གཏད། །འདྲེན་བྱེད་གཡོ་མེད་ཧར་རེ་བཞག་པ་ཡིས། །ལམ་དུས་རིག་པའི་དྭངས་མ་ལྷུག་པར་འཆར། །དེ་ལྟར་མཐོང་བའི་ཉམས་སུ་མྱོང་བ་དེ། །བློ་དང་མིག་གི་རྣམ་འགྱུར་ཁོ་ན་ལ། །ལྟོས་མིན་རྟག་པར་ལམ་ཁྱེར་འབད་པ་ལས། །འདུ་འབྲལ་མེད་པའི་སངས་རྒྱས་ད་ལྟ་བརྙེས། །འདི་ནི་ཤིན་ཏུ་གསང་བའི་ཟབ་དོན་ཏེ། །སྙིང་ལ་ཕྱག་རྒྱས་བཏབ་པར་འོས་ན་ཡང་། །སྐལ་བཟང་རྣམ་དཔྱོད་ཅན་གྱི་བགོ་སྐལ་དུ། །དྲི་མེད་རིག་པའི་རྡོ་རྗེས་ཡུད་ལ་བསྟན། ༈ །རྫོགས་པ་ཆེན་པོ་རང་གྲོལ་སྐོར་ལྔ་ལས། གེགས་སེལ་རིན་པོ་ཆེའི་དྲྭ་བ་ཞེས་བྱ་བ། ན་མོ་གུ་ར་ཝེ། གདོད་ནས་རང་སར་གྲོལ་བའི་ཆོས་ཉིད་ལ། །གེགས་དང་གོལ་ཤོར་ནོར་བའི་ཐ་སྙད་ལས། །རྣམ་པར་འདས་ཕྱིར་གཏད་མེད་དབུ་མའི་སྦུབས། །དུས་གསུམ་དུས་མེད་ཆེན་པོར་རྒྱལ་གྱུར་ཅིག །ཟབ་མོའི་དོན་ལ་མོས་པ་བརྟན་ན་ཡང་། །བསོད་ནམས་དམན་པས་མཚན་ལྡན་བླ་མ་དང་། །མ་མཇལ་ཡིད་དཔྱོད་ཙམ་ལ་གདིངས་བཅས་པའི། །སྐལ་བཟང་རྣམས་ལ་ཕྲིན་འདི་གདམས་པར་བྱ། །ཀྱེ་ཧོ་གཞི་གྲོལ་རིག་པ་ཟང་ཀ་མར། །ཡོད་མེད་ཡིན་མིན་དམིགས་གཏད་མཚན་

[Full Size]

མ་ནུབ། །རང་གསལ་རྗེན་པ་འདི་ཀ་ལྟ་བ་ཡིན། །དེ་ལ་ཆེད་འཛིན་ཞུགས་ན་གེགས་སུ་ཆེ། །མ་ཡེངས་ངང་གདངས་བསྐྱང་བ་ཙམ་ཉིད་ལས། །སླད་ནས་བསལ་བཞག་འཇུར་བུས་མ་བཅིངས་པའི། །ཁོར་ཡུག་ཆད་མེད་འདི་ཀ་སྒོམ་པ་ཡིན། །དེ་ལ་གཉེན་པོས་བཟུང་ན་གེགས་སུ་ཆེ། །ཚོགས་དྲུག་ཡུལ་དུ་ཤར་བའི་ཉམས་མྱོང་ཀུན། །ཤར་གྲོལ་རིས་མེད་ཆུ་དང་ཆུ་རླབས་བཞིན། །རོ་གཅིག་འདྲེས་པ་འདི་ཀ་སྤྱོད་པ་ཡིན། །བདེ་སྡུག་སྤང་བླང་ལངས་ན་གེགས་སུ་ཆེ། །གཞི་གནས་གདོད་ནས་དག་པའི་ཆོས་ཉིད་ལ། །གློ་བུར་དྲི་མ་བསལ་ནས་དག་པའི་ཚེ། །བློ་འདས་རྗེན་པར་མཐོང་བ་འབྲས་བུ་ཡིན། །དེ་ལས་གུད་དུ་བཙལ་ན་གེགས་སུ་ཆེ། །དེ་ཕྱིར་ད་ལྟའི་ཤེས་པ་སོ་མ་ལ། །བཅས་བཅོས་བསྒྱུར་བཀོད་མ་མང་གང་དགར་ཞོག །བྱིང་ན་རླུང་རོ་དགུ་ཕྲུགས་བྱས་པའི་རྗེས། ཁ་སྦྱོར་རླུང་བསྡམས་སྟོང་པའི་ཡེ་ཤེས་འཆར། །རྒོད་ན་སྙིང་གི་ཐིག་ལེར་སེམས་བཟུང་ཞིང་། །བདེན་མེད་བཞག་པས་གསལ་བའི་ཡེ་ཤེས་མཐོང་། །དུས་ཀུན་ཙིཏྟ་པདྨ་འདབ་བརྒྱད་དབུས། །ཁྱབ་བདག་བླ་མའི་གསང་གསུམ་གསལ་བཏབ་སྟེ། །གེགས་དང་བར་ཆད་རྣམ་པ་ཅི་བྱུང་ཡང་། །ཁྱེད་ཤེས་དད་པས་སྙིང་ནས་གསོལ་བ་འདེབས། །མཐར་ནི་ཀུན་བརྟགས་

[Full Size]

ལྷ་སྐུའི་སྣང་ཆ་ཡང་། །རིག་སྟོང་གཉུག་མའི་ངང་དུ་འཇའ་ལྟར་ཡལ། །དོན་དམ་འགོག་བདེན་བླ་མའི་ཞལ་མཇལ་བས། །ལམ་བདེན་གེགས་དང་བར་ཆད་དབྱིངས་སུ་དེངས། །དེ་ལྟར་ཤིན་ཏུ་གཅེས་པའི་གདམས་པ་འདི། །ཐེག་མཆོག་སྙིང་པོའི་ལམ་ལ་མོས་པའི་དོན། །ཆགས་བྲལ་པདྨ་དགྱེས་པས་གླུར་བླངས་པའི། །དགེ་བས་གེགས་དང་གོལ་ས་རང་གྲོལ་ཤོག །གུ་བྱ། ༈ །རྫོགས་པ་ཆེན་པོ་རང་གྲོལ་རྣམ་ལྔ་ལས། །བོགས་འདོན་བདུད་རྩིའི་ཟེགས་མ་ཞེས་བྱ་བ། ན་མོ་ཤྲཱི་གུ་ར་བེ། རིག་པ་འདི་ཀ་ཟང་ཐལ་རྗེན་པར་ཤར། །ཤར་དང་མ་ཤར་རྩིས་གདབ་དབྱིངས་སུ་ནུབ། །ནུབ་མེད་རང་གསལ་རྟག་ཏུ་གནས་པའི་ཆོས། །ཆོས་ཉིད་གཤིས་པ་འགྲོ་འོང་མེད་པར་འདུད། །ལམ་གྱི་ངོ་བོ་ལྟ་སྒོམ་སྤྱོད་འབྲས་བཞིར། །ལམ་གྱི་གེགས་སེལ་གཟེར་བཞིས་ཐེབས་པའི་ཚེ། །ལམ་གྱི་བོགས་འདོན་གནད་དུ་ཆེ་བ་ཡིས། །ལམ་འདི་ཐུན་མོང་མིན་པའི་ཁྱད་པར་མཆོག །གདོད་ནས་སྟོང་པའི་ཀ་དག་བློ་བྲལ་དང་། །དེ་ཡི་ཐུགས་རྗེ་མ་འགགས་ལྷུན་གྲུབ་ལམ། །གཉིས་སུ་མེད་པར་ལྷུག་པར་མཐོང་བ་ཡི། །རང་གྲོལ་ལྟ་བའི་བོགས་འདོན་དེ་ལ་མཛོད། །འདི་ལྟར་སྣང་ཞིང་གྲགས་དང་རིག་པའི་རྩལ། །ཐམས་ཅད་དངོས་བཟུང་མེད་པར་གང་དགར་བཏང་། །ཤར་མཁན་རང་གསལ་ངང་དུ་མཉམ་

[Full Size]

གཞག་པས། །ཡེངས་མེད་སྒོམ་པའི་བོགས་འདོན་དེ་ལ་མཛོད། །བདེ་སྡུག་ཡུལ་ཅན་ཇི་ལྟར་བྱུང་ཡང་རུང་། །དགའ་བྲོད་སྙེམས་བྱེད་ཐམས་ཅད་ཐད་ཀར་བཅད། །དུས་གསུམ་རྟོག་བྲལ་ཡེ་ཤེས་ལམ་དུ་ཁྱེར། །གཏད་མེད་སྤྱོད་པའི་བོགས་འདོན་དེ་ལ་མཛོད། །བཞིན་ལག་མཚན་དཔེའི་རིས་སུ་བཅད་པ་ཡིས། །སངས་རྒྱས་གུད་ན་མེད་དོ་སེམས་ཉིད་དབྱིངས། །འདི་ཀ་རླུང་སེམས་བྲལ་བར་ཐག་བཅད་པས། །རེ་བྲལ་འབྲས་བུའི་བོགས་འདོན་དེ་ལ་མཛོད། །དཔྱིད་ནི་མཐོ་ཞིང་དྭངས་ལ་བསིལ་བ་དང་། །དབྱར་ནི་མཚོ་གླིང་མེ་ཏོག་རྒྱས་པའི་ཚལ། །དགུན་ནི་རི་ཁྲོད་ནགས་ཚལ་བས་མཐའ་སོགས། །ཡིད་མཐུན་ཡུལ་གྱི་བོགས་འདོན་དེ་ལ་མཛོད། །དགྲ་དང་གཉེན་དང་འདུ་བྱེད་རྟོག་ཚོགས་ཀྱིས། །རང་ཡིད་ཆགས་སྡང་རླུང་གིས་བསྐྱོད་པའི་ཚེ། །རྩིས་གདབ་མེད་པ་སྨྱོན་པ་ལྟ་བུར་བྱ། །འཛིན་མེད་ཆོས་ཀྱི་བོགས་འདོན་དེ་ལ་མཛོད། །ཁྱད་པར་སྤྲིན་བྲལ་ནམ་མཁར་འདྲེན་བྱེད་གཏད། །ལུས་དང་རླུང་གི་རྒྱུ་བ་ལྷུག་པར་བཞག །ཡིད་ནི་ཅི་ཡང་མི་བསམ་ཕྱམ་མེར་བཏང་། །སེམས་བྲལ་རིག་པའི་བོགས་འདོན་དེ་ལ་མཛོད། །ཚུལ་འདི་དད་དང་ངེས་ཤེས་མཆོག་ལྡན་པའི། །དབང་རྣོན་རྣམས་ཀྱི་སྙིང་ལ་དམ་དུ་སྦོས། །དེ་ལས་གཞན་དུ་རྟོགས་པར་མི་

[Full Size]

འགྱུར་ཞེས། །རིག་སྟོང་གཉུག་མའི་རྡོ་རྗེས་དེ་སྐད་ལོ། །གུ་བྱ། ༈ །རྫོགས་པ་ཆེན་པོ་རང་གྲོལ་རྣམ་ལྔ་ལས། འདའ་ཀ་མའི་གདམ་པ་སྒྱུར་ལམ་ཐིག་ལེ་ཞེས་བྱ་བ། ཆེན་པོ་གསུམ་གྱི་སྒྲོ་བཏགས་ཟད་པའི་དབྱིངས། །དེ་ཁོ་ན་ཉིད་དབྱིངས་ལ་གཉིས་མེད་འདུད། །ཚེ་འདིར་ཟུང་འཇུག་མངོན་དུ་མ་གྱུར་ན། །འདའ་ཀའི་གདམས་པ་འདི་ཉིད་ཡིད་ལ་ཟུང་། །ནམ་ཞིག་འདིར་སྣང་ནུབ་ལ་མངོན་ཕྱོགས་ཚེ། །རང་གི་སྤྱི་བོར་ཁྱབ་བདག་བླ་མ་བསྒོམ། །ལུས་དང་ལོངས་སྤྱོད་དགྲ་གཉེན་ཡུལ་ཁམས་ཀུན། །ཆགས་སྡང་མེད་པར་མཎྜལ་ཉིད་དུ་འབུལ། །རེ་དང་དོགས་པའི་ཕྲེང་བ་ཐད་ཀར་བཅད། །དེ་ནས་སྙིང་གའི་པདྨོར་གནས་པ་ཡི། །རང་སེམས་ངོ་བོ་འོད་གསལ་ཐིག་ལེ་དཀར། །ཕཊ་ཀྱིས་འཕངས་པས་བླ་མའི་ཐུགས་ཀར་ཐིམ། །ཐུགས་རྒྱུད་གཉིས་མེད་འདྲེས་པ་དེ་ཡི་ངང་། །ནམ་མཁའ་སུམ་སྤྲུགས་དབྱིངས་སུ་མཉམ་པར་གཞག །བར་དོ་མེད་པར་འཆི་བའི་འོད་གསལ་དང་། །རོ་གཅིག་འདྲེས་པས་གདོད་མའི་བཙན་ས་ཟིན། །ས་མ་ཡ། ཕྱི་རོལ་ཡུལ་གྱི་རྣམ་ཆར་མཐའ་ཀླས་ཀྱང་། །ནང་དུ་དེ་ཀུན་ངོ་བོ་གཅིག་པུ་ཉིད། །རང་གསལ་བརྗོད་མེད་འདི་ཀར་མཉམ་བཞག་པས། །ཟུང་འཇུག་སྒྱུ་མའི་ལྷ་སྐུ་འགྲུབ་པར་ངེས། །རྒྱ་རྒྱ་རྒྱ། འོན་ཀྱང་དུས་དེར་གྲོལ་བ་མ་ཐོབ་ནས། །གནས་རིགས་

[Full Size]

ངེས་མེད་ཀུན་ཏུ་རྒྱུ་བའི་ཚེ། །བླ་མ་དང་ནི་དཀོན་མཆོག་དྲན་པའི་མཐུས། །རང་བཞིན་སྤྲུལ་པའི་ཞིང་དུ་འདུན་པ་གཏད། །ཆོས་ཉིད་བདེན་པ་བསམ་གྱིས་མི་ཁྱབ་པས། །དེ་རུ་དག་པ་རྒྱལ་བའི་མྱུ་གུར་སྨིན། །ཡང་ན་མངལ་སྒོ་ངན་པ་སྨོན་ལམ་མཐུས། །བཀག་སྟེ་རང་སེམས་ཧཱུཾ་གི་རྣམ་པ་དང་། །ཡབ་ཡུམ་དཔའ་བོ་ཌཱ་ཀིར་གསལ་བཏབ་སྟེ། །སྦྱོར་མཚམས་ཞུགས་པ་རྡོ་རྗེ་གསུམ་གྱི་དངོས། །ཡིན་པར་ངེས་ཤེས་གསལ་བཏབ་འཇུག་པ་ཡིས། །དལ་འབྱོར་ལྡན་པའི་མི་ལུས་མཆོག་ཐོབ་ནས། །ལམ་གྱི་ལྷག་མ་སྐད་ཅིག་ཉིད་བགྲོད་དེ། །མྱུར་དུ་བྱང་ཆུབ་ས་ལ་རེག་པར་འགྱུར། །གུ་རྒྱ། སྙིགས་དུས་འགྲོ་བ་བརྩོན་འགྲུས་ཆེས་ཞན་པས། །དམ་པའི་བླ་མ་བརྟེན་ཡང་ཉམས་ལེན་གཡེལ། །དེ་ཡི་དུས་སུ་གདམས་པའི་སྙིང་ཐིག་འདིས། །སྐལ་བཟང་འགའ་ཞིག་བཙན་ས་ཟིན་པར་ཤོག ༈ །གཟུང་བའི་ཆོས་རྣམས་མ་ལུས་ཀུན། །འཛིན་བྲལ་ཤེས་པ་དེ་ཀའི་ངང་། །བསལ་བཞག་འཕོ་འགྱུར་བྲལ་བ་ནི། །སངས་རྒྱས་ཀུན་གྱི་ཐུགས་ཡིན་ནོ། །རྡོ་རྗེའི་ཚིག་རྐང་དོན་དམ་པའི་རང་བཞིན་སྒྲིབ་བྲལ་དུ་སྟོན་པར་བྱེད་པའོ། ༈ །རྫོགས་པ་ཆེན་པོ་རང་གྲོལ་རྣམ་ལྔའི་ངོ་སྤྲོད་ཡེ་ཤེས་སྙིང་པོ་ཞེས་བྱ་བ། ན་མོ་ཛྙཱ་ན་གུ་རུ་བྷྱ༔ དེ་ལ་སྙིང་ཐག་པ་ནས་མངོན་སུམ་རང་གྲོལ་གྱི་དོན་ལ་

[Full Size]

མོས་པ་བརྟན་པའི་སྐལ་བཟང་གི་སློབ་མ་གཅིག་གམ། གཉིས་སམ། །གསུམ་ལ་སོགས་པར། ཤིན་ཏུ་དབེན་པའི་ནགས་ཚལ་དུ་ལམ་ཟབ་མོ་བླ་མའི་རྣལ་འབྱོར་གྱི་བྱིན་རླབས་བརྒྱུད་པའི་གསོལ་། འདེབས་དབྱངས་དང་བཅས་པ་སྔོན་དུ་འགྲོ་བས་རྡོ་རྗེའི་གླུ་འདི་སྐད་དུ་བླངས་ནས་ངོ་སྤྲོད་བཙན་ཐབས་སུ་གདབ་པར་བྱའོ། །ཨེ་མ་ཧོ། གཞི་གྲོལ་རིག་པའི་ཡེ་ཤེས་ནི། །ལྷུན་གྱིས་གྲུབ་པའི་ཆོས་ཉིད་ཅན། །ཁྱབ་བདག་རྡོ་རྗེ་སེམས་དཔའ་ཡིས། །ཤིན་ཏུ་ཉེ་བའི་སློབ་བུ་རྣམས། །རྡོ་རྗེའི་ཐུགས་སུ་བྱིན་གྱིས་རློབས། །ཕཊ། ལྟོས་ཤིག་ལྟོས་ཤིག་བདེ་བ་ཆེ། །བལྟས་པས་མཐོང་བ་མེད་ན་ཡང་། །བསམ་གྱིས་མི་ཁྱབ་སྨྲ་བརྗོད་བྲལ། །འདི་ལ་རང་གྲོལ་ལྟ་བ་མཛོད། །ཕཊ། དེ་ཡི་ངང་དུ་མ་ཡེངས་ཤིང་། །ཆེད་དུ་འཛིན་པའི་དམིགས་གཏད་ནུབ། །བར་མེད་ཁྱབ་བརྡལ་ཆེན་པོར་ཡལ། །འདི་ལ་རང་གྲོལ་སྒོམ་པ་མཛོད། །ཕཊ། སྣ་ཚོགས་རྟོག་པའི་སྤུ་རིས་ལ། །བཟང་ངན་གྲུབ་བསལ་ཅི་ཤར་ཡང་། །ཐམས་ཅད་ཆོས་དབྱིངས་རོལ་པར་སྦྱོར། །འདི་ལ་རང་གྲོལ་སྤྱོད་པ་མཛོད། །ཕཊ། གང་ནས་མ་འོངས་གར་མི་འགྲོ། །ཀུན་ཁྱབ་ནམ་མཁའི་སྲོག་ཤིང་ཅན། །ཐ་མལ་ཤེས་པ་རྗེན་པའི་གཤིས། །འདི་ལ་རང་གྲོལ་འབྲས་བུ་མཛོད། །ཕཊ། སེམས་དང་བྲལ་བའི་

[Full Size]

རིག་པ་ལ། །ཀ་དག་གཏིང་གསལ་མིག་གིས་ལྟོས། །བློ་དང་བྲལ་བའི་ཡེ་ཤེས་ལ། །གཉིས་འཛིན་མེད་པའི་ངང་དུ་ཞོག །ཕཊ། ཅེར་གྱིས་གྲོལ་བའི་རིག་གདངས་ལ། །དུས་གསུམ་རྟོག་པ་དབྱིངས་སུ་ཡལ། །ཀུན་གཞི་ལས་འདས་ཆོས་ཀྱི་སྐུར། །བྱར་མེད་བདེ་ཆེན་བཙན་ས་ཟིན། །ཕཊ། ཨ་ཧོ་ངོ་མཚར་རྡོ་རྗེའི་གླུས། །ཡིད་དཔྱོད་བྲལ་བའི་དགོངས་པ་བསྟན། །འདི་ལས་ གཞན་དུ་མ་འདའ་ཞིག །སངས་རྒྱས་ཀུན་གྱི་དམ་ཚིག་གོ །ཕཊ། ཅེས་ལན་གསུམ་བཏབ་མཐར། ཨ་ཉི་ཤུ་རྩ་གཅིག་བརྩེགས་མར་བརྗོད་ལ། །ཕཊ། ཅེས་བྱ་བས་མ་མཐོང་བའི་མཐོང་བ་བསྟན། །སློབ་དཔོན་གྱིས་ལུས་གནད་མཉམ་བཞག་དང་། མིག་ནམ་མཁའ་སྤྲིན་བྲལ་ལ་གཏད་ཅིང་། དཔོན་སློབ་གཉིས་ཀ་མཉམ་པར་བཞག་པ་ཡུན་རིང་དུ་བྱས་ལ་དགོངས་པའི་དྲོད་གཏད། །སླར་རོལ་མོའི་སྒྲས་ཉམས་དེ་ལས་སད་པར་བྱས་ཏེ། ཆོས་ཐམས་ཅད་ནི་རྨི་ལམ་ལྟ་བུའོ། །སྒྱུ་མ་ལྟ་བུའོ། །ཞེས་བརྗོད་ལ་ཧཱུྃ་ཞེས་ངར་ཆ་དང་བཅས་པ་འདྲེན་ནས་རྗེས་ཐོབ་ཀྱི་ཆོས་ཐམས་ཅད་སྣང་ལ་མ་གྲུབ་པར་ཐག་བཅད། དེ་ནས། ཀྱེ། སྐལ་ལྡན་རིགས་ཀྱི་བུ། དེ་རིང་ནས་མི་ཕྱེད་པ་ཆོས་སྐུའི་གྲོང་ཁྱེར་མངོན་དུ་མཐོང་བ་ཡིན་པས་ན་ལམ་འདི་ལས་འདའ་བར་མི་བྱའོ། །དགའ་དང་སྤྲོ་

[Full Size]

བའི་དྲན་པ་ཉེ་བར་བཞག་ནས་རྡོ་རྗེའི་རྣལ་འབྱོར་ལ་བརྩོན་པར་གྱིས་ཤིག །ཅེས་ལན་གསུམ་དུ་བརྗོད་ལ་དབུགས་དབྱུང་ཞིང་། གཟེངས་བསྟོད་དེ། ཤིས་པ་བརྗོད་པས་མངའ་གསོལ་བར་བྱའོ། ། ས་མ་ཡ། ངོ་སྤྲོད་ཀྱི་རྡོ་རྗེའི་གླུའི་རིམ་པའོ། ༈ །འོད་གསལ་རང་བྱུང་གཉུག་མའི་ཕོ་བྲང་དུ། །འོད་གསལ་འགྲོ་འོང་བྲལ་བར་འབྱམས་ཀླས་པའི། །འོད་གསལ་གྲུབ་པའི་དཔའ་བོ་ཧེ་རུ་ཀཿ ཨོ་@རྒྱན་འོད་གསལ་གླིང་པ་ལ་གསོལ་བ་འདེབས། །འདིའང་རྨི་ལམ་དུ་སྔགས་སྲུང་མས་བསྐུལ་བར་བརྟེན་ནས་བྲིས་པའོ། །ཀུན་མཁྱེན་བླ་མས། དེ་ཚེ་རང་གཞན་ཐམས་ཅད་ཀྱི་སྤྱོད་ཚུལ། །ཆོས་ལྟར་བཅོས་པའི་གཟུགས་བརྙན་ལ་བལྟས་པས། །སྙིང་ནས་ངེས་འབྱུང་སྐྱོ་ཤས་ཀྱི་ཕོ་ཉས། །ཡིད་ནི་རྩེ་གཅིག་མཉམ་བཞག་ལ་སྨོན་སོང་། ༈ །མགོན་པོ་ཚེ་དཔག་ཏུ་མེད་པ་ལ་མངོན་པར་འདུད་པའི་རྡོ་རྗེའི་གླུ་འཆི་མེད་རྟག་པའི་རོལ་མོ་ཞེས་བྱ་བ། ཨ་ཧོ། ཨོ་ཡིག་མཆོག་ཏུ་མི་འགྱུར་བདེ་ཆེན་གྱི་ཡེ་ཤེས། །རྣམ་ཀུན་སྟོང་པའི་གཟུགས་བརྙན་ཟུང་འཇུག་ཏུ་སྣང་བ། །སྐུ་ཡི་རྡོ་རྗེ་ཚེ་དཔག་མེད་མགོན་ལ་འདུད་དོ། །རྩ་ཁམས་ལྷ་སྐུར་དག་པའི་དངོས་གྲུབ་ཅིག་སྩོལ་དང་། །ཨ་མཱ་ར་ཎི་འཆི་མེད་རྟག་པ་ཡི་དབྱངས་སྙན། །བརྒྱད་ཁྲི་བཞི་སྟོང་ཆོས་ཚུལ་རྒྱ་མཚོ་རུ་ཤར་བ། །གསུང་གི་རྡོ་རྗེ་ཚེ་དཔག་མེད་མགོན་ལ་འདུད་

[Full Size]

དོ། །ལས་རླུང་སྔགས་སུ་རྫོགས་པའི་དངོས་གྲུབ་ཅིག་སྩོལ་དང་། །ཛི་བནྟི་ཞེས་འཕོ་མེད་གཉུག་མ་ཡི་འཚོ་བ། །བརྟན་གཡོ་སྲིད་ཞི་ཀུན་གྱི་ཁྱབ་བྱེད་དུ་རོལ་པ། །ཐུགས་ཀྱི་རྡོ་རྗེ་ཚེ་དཔག་མེད་མགོན་ལ་འདུད་དོ། །ཐིག་ལེ་བདེ་བར་སྨིན་པའི་དངོས་གྲུབ་ཅིག་སྩོལ་དང་། །ཡེ་ཞེས་གང་ལ་དགོངས་པའི་སྐལ་བཟང་གི་ཚོགས་ཀུན། །ཡིད་བཞིན་འདོད་པ་འཇོ་བའི་དཔག་བསམ་གྱི་ཤིང་aཆེན་། །ཡོན་ཏན་རྡོ་རྗེ་ཚེ་དཔག་མེད་མགོན་ལ་འདུད་དོ། །སྤངས་རྟོགས་རྩལ་ཆེན་རྫོགས་པའི་དངོས་གྲུབ་ཅིག་སྩོལ་དང་། །སྭཱ་ཧཱ་མངོན་མཐོ་ངེས་ལེགས་གྲུབ་པ་ཡི་དཔལ་ཀུན། །གང་འདུལ་ཅིར་ཡང་སྦྱིན་པའི་སྒྱུ་འཕྲུལ་དུ་འཆར་བ། །ཕྲིན་ལས་རྡོ་རྗེ་ཚེ་དཔག་མེད་མགོན་ལ་འདུད་དོ། །གཞན་ཕན་མཁའ་ཁྱབ་རྟག་པའི་དངོས་གྲུབ་ཅིག་སྩོལ་དང་། །ཕུན་སུམ་ཚོགས་པ་ལྔ་ལྡན་འོག་མིན་གྱི་ཞིང་ལྟར། །ཁྱབ་བདག་བླ་མ་ཞབས་པད་བསྐལ་བརྒྱ་རུ་བརྟན་ཅིང་། །ཐེག་མཆོག་འདུས་པའི་ཚོགས་ལ་སྨིན་གྲོལ་གྱི་བདུད་རྩིས། །གྲུབ་གཉིས་པདྨོ་རྒྱས་པའི་དངོས་གྲུབ་ཅིག་སྩོལ་དང་། །འཕགས་ པའི་དགེ་འདུན་བྱེ་བས་ས་ཆེན་ཀུན་ཁྱབ་ཅིང་། །བཤད་སྒྲུབ་ལས་ཀྱི་སྣང་བ་སྲིད་མཐའ་རུ་རྟག་པས། །འགྲོ་རྣམས་རྫོགས་ལྡན་གསར་པའི་དུས་སྟོན་ལ་སྤྱོད་བཞིན། །སྐུ་གསུམ་ལྷུན་གྱིས་གྲུབ་པའི་

[Full Size]

སྨོན་ལམ་ཞིག་ཞུའོ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པས་ཟབ་མོ་དགོངས་གཏེར་གྱི་བཀའ་རྒྱ་འགྲོལ་བ་དང་ལྷན་ཅིག་ཏུ་གང་ཤར་གསོལ་བ་བཏབ་པས་འབྲེལ་ཚད་དོན་དང་ལྡན་པར་གྱུར་ཅིག། ༈ །རྗེ་བཙུན་སྒྲོལ་མ་ཡིད་བཞིན་འཁོར་ལོའི་གསང་བ་བསམ་གྱིས་མི་ཁྱབ་པ་རྗེས་སུ་དྲན་པའི་གླུ་འཆི་མེད་རྟག་པ་དམ་པའི་དབྱངས་སྙན་ཞེས་བྱ་བ། ཨ་ཧོ། ཨོ་ཡིག་བཀྲ་ཤིས་བྱེ་བའི་དགེ་ལེགས་ཀྱི་རེ་ཁཱ། །མཚན་བཟང་སྐུ་ཡི་ཆ་ཤས་རེ་རེ་ལ་རྫོགས་པས། །མཐོང་བས་ཡིད་འཕྲོག་ཡིད་བཞིན་འཁོར་ལོ་དེ་དྲན་བྱུང་། །འགྱུར་མེད་རྟག་པ་དམ་པའི་དངོས་གྲུབ་ཅིག་སྩོལ་དང་། །ཏཱ་རེ་སྲིད་མཚོ་སྒྲོལ་བའི་ཟབ་རྒྱས་ཀྱི་ཆོས་ཀུན། །འཕགས་མའི་གསུང་གི་གསང་བའི་རྒྱུད་མངས་ལས་ཤར་བ། །ཐོས་པས་རྣམ་གྲོལ་ཡིད་བཞིན་འཁོར་ལོ་དེ་དྲན་བྱུང་། །འགགས་མེད་རྡོ་རྗེ་ནཱ་དའི་དངོས་གྲུབ་ཅིག་སྩོལ་དང་། །ཏུཏྟཱ་རེ་ཞེས་གཟུང་འཛིན་གདུང་བ་ལས་སྐྱོབ་པའི། །ཤེས་རབ་ཕ་རོལ་ཕྱིན་མའི་ཡེ་ཤེས་ཀྱི་སྣང་བ། །དྲན་པས་མཆོག་སྟེར་ཡིད་བཞིན་འཁོར་ལོ་དེ་དྲན་བྱུང་། །འཁྲུལ་མེད་འོད་གསལ་སྙིང་པོའི་དངོས་གྲུབ་ཅིག་སྩོལ་དང་། །ཏུ་རེ་གློག་ལྟར་མྱུར་བའི་ཐུགས་རྗེ་ཡི་ལང་ཚོ། །སྤངས་རྟོགས་བྱེ་བས་སྒེག་པའི་བདེ་ཆེན་གྱི་དགའ་མ། །དོན་གཉིས་ཆར་འབེབས་ཡིད་བཞིན་འཁོར་ལོ་དེ་དྲན་

[Full Size]

བྱུང་། །རྩོལ་མེད་ཡོན་ཏན་མཐའ་ཡས་དངོས་གྲུབ་ཅིག་སྩོལ་དང་། །སྭཱ་ཧཱ་དགེ་ལེགས་དངོས་ཀུན་ཇི་བཞིན་དུ་སྦྱིན་པའི། །ཞི་རྒྱས་དབང་དྲག་མཆོག་གི་སྒྱུ་འཕྲུལ་གྱི་གཟི་བརྗིད། །སྲིད་ཞི་ཀུན་ཁྱབ་ཡིད་བཞིན་འཁོར་ལོ་དེ་དྲན་བྱུང་། །ཐོགས་མེད་ཕྲིན་ལས་འདོད་དགུའི་དངོས་གྲུབ་ཅིག་སྩོལ་དང་། །བསྟན་འཛིན་མཆོག་རྣམས་ཞབས་པད་བསྐལ་བརྒྱ་རུ་རྟག་ཅིང་། །བཤད་སྒྲུབ་ལས་གསུམ་སྣང་བས་ས་ཆེན་ཀུན་ཁྱབ་སྟེ། །ཆོས་ལྡན་རྒྱལ་བློན་འབངས་བཅས་དགེ་བཅུ་ལ་སྤྱོད་བཞིན། །བསམ་དོན་ལྷུན་གྱིས་གྲུབ་པའི་དངོས་གྲུབ་ཅིག་སྩོལ་དང་། །མཁའ་ལ་ཡེ་ཤེས་ལྔ་ལྡན་འཇའ་སྤྲིན་དུ་འཁྲིགས་ཤིང་། །བར་སྣང་དགེ་ལེགས་མེ་ཏོག་ཆར་ཟིལ་དུ་འབེབས་པས། །ས་སྟེང་སྐྱེ་དགུ་བདེ་སྐྱིད་བཀྲ་ཤིས་ཀྱི་རྒྱངས་གླུས། །འཇིག་རྟེན་ཀུན་ཏུ་དགེ་བའི་སྨོན་ལམ་ཞིག་ཞུའོ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པས་འཕགས་མ་ཡིད་བཞིན་ཟླ་བའི་སྒྲུབ་མཆོད་ཀྱི་སྐབས་གསང་བ་བསམ་གྱིས་མི་ཁྱབ་པ་རྗེས་སུ་དྲན་པའི་ཚུལ་གྱིས་གསོལ་བ་འདེབས་པའི་ངག་གི་གླིང་བུ་གང་ཤར་ཡིད་ཀྱི་སོར་མོས་བསྒྲེངས་པ་སྟེ་དགེ་ལེགས་ཀྱི་སྣང་བ་འཇིག་རྟེན་ཀུན་ཏུ་ཁྱབ་ཅིང་རྟག་པར་གྱུར་ཅིག ༈ །འཕགས་མ་རྣམ་པར་རྒྱལ་མའི་ཐུགས་དམ་སྐུལ་བའི་རྡོ་རྗེའི་གླུ་འཆི་མེད་རྟག་པའི་རྒྱུད་མང་ཞེས་བྱ་བ། ཨ་ཧོ། ཨོ་ཡིག་ཡེ་ཤེས་ལྔ་ལྡན་འོད་གསལ་གྱི་ཐིག་ལེ། །ཟུང་

[Full Size]

འཇུག་བདེ་ཆེན་གྲུབ་པའི་སྣང་བརྙན་དུ་ཤར་བ། །མི་ཤིགས་སྐུ་ཡི་རྡོ་རྗེ་རྣམ་རྒྱལ་གྱི་ལྷ་མོས། །རྩ་ཁམས་དྭངས་མར་དག་པའི་དངོས་གྲུབ་ཅིག་སྩོལ་དང་། །ཨ་མྲྀ་ཏ་ཞེས་བརྗོད་བྲལ་འཆི་མེད་ཀྱི་ཟིལ་དངར། །བརྟན་གཡོ་ཀུན་ལ་ཁྱབ་པའི་དབྱངས་སྙན་དུ་ཤར་བ། །འགག་མེད་གསུང་གི་རྡོ་རྗེ་རྣལ་རྒྱལ་གྱི་ལྷ་མོས། །སྲོག་རྩོལ་དབུ་མར་རྫོགས་པའི་དངོས་གྲུབ་ཅིག་སྩོལ་དང་། །ཨཱ་ཡུར་རྟག་པ་དམ་པའི་སྤྲོས་བྲལ་གྱི་ཚེ་བཅུད། །མཁྱེན་གཉིས་ལང་ཚོ་རྒྱས་པའི་རྩེ་དགའ་ལ་རོལ་པ། །འགྱུར་མེད་ཐུགས་ཀྱི་རྡོ་རྗེ་རྣམ་རྒྱལ་གྱི་ལྷ་མོས། །རྟོག་ཚོགས་ཆོས་སྐུར་སྨིན་པའི་དངོས་གྲུབ་ཅིག་སྩོལ་དང་། །དཱ་དེ་རྨད་དུ་བྱུང་བའི་སྤངས་རྟོགས་ཀྱི་རོལ་མོས། །འདོད་དགུ་ཡིད་བཞིན་འཇོ་བའི་སྤྲིན་ཆེན་དུ་ཤར་བ། །རྩོལ་མེད་ཡོན་ཏན་རྡོ་རྗེ་རྣམ་རྒྱལ་གྱི་ལྷ་མོས། །ཕན་བདེའི་དགེ་མཚན་རྒྱས་པའི་དངོས་གྲུབ་ཅིག་སྩོལ་དང་། །སྭཱ་ཧཱ་ལེགས་པའི་དངོས་ཀུན་གང་འདུལ་དུ་སྦྱིན་པ། །ངོ་མཚར་དབང་པོའི་གཞུ་བཞིན་སྣ་ཚོགས་སུ་ཤར་བའི། །ཐོགས་མེད་ཕྲིན་ལས་རྡོ་རྗེ་རྣམ་རྒྱལ་གྱི་ལྷ་མོས། །བསམ་ཀུན་ཡོངས་སུ་རྫོགས་པའི་དངོས་གྲུབ་ཅིག་སྩོལ་དང་། །དཔལ་ལྡན་བླ་མའི་ཞབས་པད་ལྷུན་པོ་ལྟར་རྟག་ཅིང་། །ཚུལ་ལྡན་འདུས་པའི་ཕྲིན་ལས་མཁའ་ཁྱབ་ཏུ་བརྡལ་བས། །ཆོས་ལྡན་རྒྱལ་

[Full Size]

བློན་འབངས་བཅས་ལྷུན་གྲུབ་ཀྱི་འབྱོར་པ། །རྫོགས་ལྡན་དུས་ལྟར་རྒྱས་པའི་དངོས་གྲུབ་ཅིག་སྩོལ་དང་། །ལྷ་རྣམས་དགྱེས་པའི་མེ་ཏོག་ཆལ་ཆིལ་དུ་འབེབས་ཤིང་། །ཀླུ་རྣམས་དགའ་བའི་དུས་སྟོན་ས་སྟེང་དུ་སྣང་བས། །མི་རྣམས་བདེ་ཞིང་སྐྱིད་པའི་བཀྲ་ཤིས་ཀྱི་གླུ་དབྱངས། །འཇིག་རྟེན་ཀུན་ཏུ་སྙན་པའི་སྨོན་ལམ་ཞིག་ཞུའོ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པས་ཟབ་གཏེར་གྱི་གསང་བ་གཏན་ལ་ཕབ་པའི་རྗེས་འབྲེལ་དུ་རབ་ཚེས་དཔལ་གདོང་ལོའི་ཆོ་འཕྲུལ་གྱི་ཟླའི་དཀར་ཕྱོགས་ཀྱི་ཟླ་བ་ཉ་ཡོངས་སུ་གང་བའི་དུས་ཀྱི་དགེ་མཚན་ཕུན་སུམ་ཚོགས་པའི་ཉིན་གང་ཤར་བྲིས་པ་དཔལ་ལྡན་བླ་མ་དམ་པ་རྣམས་ཞབས་པད་བསྐལ་པ་རྒྱ་མཚོར་བརྟན་ཅིང་། ཕན་བདེའི་སྣང་བ་གསར་པས་ས་གསུམ་དུ་ཁྱབ་པའི་རྒྱུར་གྱུར་ཅིག། ༈ །དཔལ་ལྡན་བླ་མ་ལ་གསོལ་བ་འདེབས་པའི་རྡོ་རྗེའི་ཐོལ་གླུ་དད་པའི་ཕོ་ཉ་ཞེས་བྱ་བ། ན་མོ་གུ་རུ་བྷྱ༔ རྡོ་རྗེ་ལུས་གྱི་རྩ་ཁམས་ཇི་སྙེད་ཀྱི་རྒྱུ་བ། །འོད་གསལ་ཨ་བ་དྷཱ་ཏིའི་འཁྲི་ཤིང་ལ་རེག་པས། །གདན་གསུམ་སྒྱུ་འཕྲུལ་དྲྭ་བའི་རྣམ་རོལ་ཏུ་ཤར་བའི། །དཔལ་ལྡན་བླ་མ་སྐུ་ཡི་རྡོ་རྗེ་ལ་འདུད་དོ། །ཕུང་ཁམས་ལྷ་སྐུར་དག་པར་བྱིན་གྱིས་རང་རློབས་ཤིག །མགྲིན་པ་ལོངས་སྤྱོད་འཁོར་ལོའི་དྲི་བཞོན་གྱི་རྒྱུ་བ། །ཐབས་ཤེས་ཨཱ་ལི་ཀཱ་ལིའི་རོལ་མོ་རུ་ཤར་བས། །ལུང་རྟོགས་ཆོས་ཕུང་རྒྱ་མཚོའི་འབྱུང་གནས་སུ་གྱུར་བའི། །དཔལ་

[Full Size]

ལྡན་བླ་མ་གསུང་གི་རྡོ་རྗེ་ལ་འདུད་དོ། །སྲོག་རྩོལ་དབུ་མར་ཐིམ་པར་བྱིན་གྱིས་རང་རློབས་ཤིག །དཀར་དམར་ཨ་ཧཾ་ལས་བྱུང་ཐིག་ལེ་ཡི་རྒྱུ་བ། །གཙུག་ཏོར་ནོར་བུའི་གདེངས་ཀར་འཕོ་མེད་དུ་བཅིངས་པས། །བདེ་སྟོང་ཟུང་དུ་འཇུག་པའི་དགའ་སྟོན་ལ་རོལ་པ། །དཔལ་ལྡན་བླ་མ་ཐུགས་ཀྱི་རྡོ་རྗེ་ལ་འདུད་དོ། །འགྱུར་བཅས་ཆོས་ཀུན་ཟད་པར་བྱིན་གྱིས་རང་རློབས་ཤིག །ཐ་མལ་གཟུང་དང་འཛིན་པའི་རྣམ་རྟོག་གི་རྒྱུ་བ། །འོད་གསལ་ལྷན་ཅིག་སྐྱེས་པའི་ཡེ་ཤེས་སུ་ཐིམ་པས། །རྣམ་ཀུན་མཆོག་ལྡན་གནས་ལུགས་མངོན་སུམ་དུ་གཟིགས་པའི། །དཔལ་ལྡན་བླ་མ་ཡེ་ཤེས་རྡོ་རྗེ་ལ་འདུད་དོ། །བརྗོད་བྲལ་ཆོས་སྐུ་རྟོགས་པར་བྱིན་གྱིས་རང་རློབས་ཤིག །སྲིད་ལས་ངེས་པར་འབྱུང་བའི་བདུད་རྩི་ཡི་རེག་པས། །ཐར་པའི་ཕྱོགས་སུ་གྲོལ་བའི་བློ་གྲོས་ཀྱི་པདྨོས། །མཚན་ལྡན་བླ་མའི་ཞབས་པད་དུས་ཀུན་ཏུ་བསྙེན་པར། །ཁྱབ་བདག་དཔལ་ལྡན་བླ་མས་བྱིན་གྱིས་རང་རློབས་ཤིག །ཚུལ་གནས་མང་དུ་ཐོས་པའི་ནགས་ཚལ་གྱི་དབུས་ན། །བསམ་བྱུང་རིག་པའི་གྲིབ་བསིལ་ཕྱོགས་བརྒྱ་རུ་གཡོ་བས། །རང་གཞན་རྨོངས་པའི་གདུང་བ་ཕྲ་མོ་རུ་བགྱིད་པར། །ཁྱབ་བདག་དཔལ་ལྡན་བླ་མས་བྱིན་གྱིས་རང་རློབས་ཤིག །རང་བྱུང་རྡོ་རྗེའི་བྲག་སྐྱིབས་ཉམས་དགའ་ཡི་དབུས་

[Full Size]

ན། །རིམ་གཉིས་རྣལ་འབྱོར་ཟབ་མོའི་སྐྱོ་གྲོགས་དང་འགྲོགས་ཏེ། །ཚེ་གཅིག་ཟུང་འཇུག་རྡོ་རྗེའི་གོ་འཕང་ལ་རོལ་པར། །ཁྱབ་བདག་དཔལ་ལྡན་བླ་མས་བྱིན་གྱིས་རང་རློབས་ཤིག །ཅེས་པ་འདིའང་གཞོན་ནུ་འཇིགས་པ་མེད་པའི་བློ་གྲོས་ཀྱི་ཆུ་གཏེར་ལས་གང་ཤར་གྱི་རྟོག་པ་གླུར་བླངས་པའི་འཆར་གཞིའོ། །ཀ་དག་སྟོང་ཆེན་གཞོན་ནུ་བུམ་སྐུའི་བཀའ། །ཁ་སྦྱོར་བདུན་ལྡན་ལྷུན་གྲུབ་ལོངས་སྐུའི་ལུང་། །ག་ལ་བ་དེར་དམིགས་པའི་མོད་ཉིད་ནས། །ང་རྒྱལ་བདུད་འཇོམས་ཁྲག་འཐུང་ཆེན་པོའི་གཏམ། །ཅ་ཅོའི་ངག་དང་གནོད་ཅིང་རྩུབ་པའི་སེམས། །ཆ་ལུགས་འཇིགས་སུ་རུང་བ་སྣ་ཚོགས་གཟུགས། །ཇ་ཆང་མདངས་འཕྲོགས་སྣོད་བཅུད་ཐམས་ཅད་ལའང་། །ཉ་རྒྱས་ཟླ་བ་སྤྲིན་གྱིས་སྒྲིབ་པ་བཞིན། །ཏ་རུའི་ཚེར་ལྟར་རྩུབ་པའི་བསམ་སྦྱོར་གྱི། །ཐ་དད་གནོད་ཅིང་འཚེ་བའི་གདོན་བགེགས་རྣམས། །ད་ནས་བཟུང་སྟེ་ཡུལ་ཕྱོགས་འདི་ཉིད་དུ། །ན་མར་འགལ་རྐྱེན་སྤང་བའི་དམ་བཅའ་ཟུངས། །པ་སངས་ལྟར་དཀར་བྱང་ཆུབ་སེམས་མཆོག་བསྐྱེད། །ཕ་རོལ་ཚུ་རོལ་མཐའ་ལ་མི་གནས་པའི། །བ་བཟང་དཔག་བསམ་ཤིང་ལྟར་དགོས་པའི་ཚོགས། །མ་ལུས་འབྱུང་བའི་དོན་དམ་བྱང་སེམས་སྒོམས། །ཙ་མ་ར་ལྟར་ཁེངས་དྲེགས་བློ་འཆང་ན། །ཚ་གྲང་འབྱུང་འཁྲུག་རྡོ་རྗེའི་མཚོན་ཆར་གྱིས། །ཛ་

[Full Size]

ལང་སྤྱོད་པ་ཐམས་ཅད་རྡུལ་བརླག་ནས། །ཝ་སྐྱེས་ལྟར་ཞུམ་གནས་སྐབས་ཐོབ་པར་འགྱུར། །ཞྭ་རེངས་བཏང་བའི་ས་བདག་ཀླུ་གཉན་སོགས། །ཟ་ལྟར་རྩུབ་པའི་གདུལ་དཀའི་འབྱུང་པོ་ཀུན། །འ་འུར་དྲག་ཤུལ་གཏུམ་པོའི་ཆོ་འཕྲུལ་གྱིས། །ཡ་མཱནྟ་ཀའི་ཞལ་དུ་བསྟབ་པར་ངེས། །ར་ཧུ་ལ་སོགས་སྡེ་བརྒྱད་ཆེན་པོ་དང་། །ལ་ཀླུང་ཀུན་ཉུལ་ཐེའུ་རང་ཕྲ་མོ་ཡན། །ཤ་ཟ་ཁྲག་འཐུང་རྒྱལ་བསེན་དམ་སྲིའི་ཚོགས། །ས་གསུམ་རྒྱུ་ཞིང་ཀུན་ཏུ་འཚེ་བྱེད་རྣམས། །ཧ་ལ་ལྟ་བུའི་གདུག་པའི་སེམས་ཞི་ནས། །ཨ་དོན་སྐྱེ་མེད་དོན་གྱི་འཇམ་པའི་དབྱངས། །དཀའ་བ་མེད་པ་མྱུར་དུ་ཐོབ་གྱུར་ཏེ། །ཕན་བདེའི་དོན་ཀུན་གྲུབ་པའི་བཀྲ་ཤིས་ཤོག །ཅེས་སངས་རྒྱས་གཉིས་པ་མཚོ་སྐྱེས་རྡོ་རྗེའི་ཞབས་རྡུལ་ལ་སྤྱི་བོས་རེག་པའི་འཇིགས་བྲལ་གྱི་སློབ་དཔོན་འཇམ་དབྱངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པའི་སྡེས་འཇམ་མགོན་རྡོ་རྗེ་འཆང་ཆེན་པོའི་ཆོས་གཞིས་ཕྱ་གཡང་བཀྲ་ཤིས་བདེ་ལྡན་གཡུང་དྲུང་འཁྱིལ་བར་བྲིས་པའི་ཡི་གེ་པ་ནི་སྡེ་སྣོད་འཛིན་པ་བཀྲ་ཤིས་པས་མཛད་པ་བྱང་ཆུབ་ཀྱི་སེམས་རིན་པོ་ཆེའི་མཐུ་ལ་བརྟེན་ནས་ཕྱོགས་དང་དུས་དང་གནས་སྐབས་ཐམས་ཅད་དུ་བཀྲ་ཤིས་པར་གྱུར་ཅིག། ༈ །དགའ་བ་བཅུ་དྲུག་གི་སྙེམ་པ་ཆེན་པོའི་གླུ་དྲང་སྲོང་དྲེགས་པའི་གླིང་བུ་ཞེས་བྱ་བ། ཨ་

[Full Size]

ཧོ། །དྲན་པས་གདུང་སེལ་ཁྱབ་བདག་གི་བླ་མ། །ཡེ་ཤེས་སྐུ་ཅན་སྙིང་དབུས་སུ་བཞུགས་ནས། །འབྲེལ་ཚད་རྣམ་གྲོལ་གོ་འཕང་ལ་སྦྱོར་བའི། །བྱིན་རླབས་ཟབ་མོ་མངོན་སུམ་དུ་སྩོལ་ཅིག །སྔོན་སྨོན་དཀར་པོའི་ཉེ་རྒྱུ་ལ་བརྟེན་ནས། །མ་བསྒྲུབས་ཡི་དམ་ལྷ་ཞལ་དང་མཇལ་བ། །བསོད་ཟད་འདྲེ་མཐོང་མཁན་པོ་ནི་མ་ལགས། །མངོན་སུམ་བྱིན་བརླབས་ཐོབ་པ་འདི་དགའ་ཡོ། །མཚོ་སྐྱེས་བླ་མའི་ཐུགས་རྗེ་ལ་བརྟེན་ནས། །མ་འབད་ཆོས་ཀྱི་མཛོད་ཆེན་དུ་གྱུར་པ། །ས་བརྐོ་རྡོ་རློག་རྫུན་རིས་ནི་མ་ལགས། །སྤོབས་པའི་གཏེར་ཆེན་གྲོལ་བ་འདི་དགའ་ཡོ། །དྭངས་མ་ལས་རུང་གཟི་བརྗིད་ལ་བརྟེན་ནས། །མ་བོས་ཞིང་སྐྱེས་ཕོ་ཉ་རྣམས་འདུ་བས། །ལས་ངན་མུ་གེ་རྐུབ་འཕེལ་ནི་མ་ལགས། །བདེ་སྟོང་བརྟུལ་ཞུགས་གྲུབ་པ་འདི་དགའ་ཡོ། །རྩ་རླུང་དྭངས་པའི་རྟེན་འབྲེལ་ལ་བརྟེན་ནས། །གསལ་སྣང་མེ་ལོང་གཟུགས་བརྙན་བཞིན་ཤར་བ། །མི་ཆོས་བླ་མའི་མགོ་བསྐོར་ནི་མ་ལགས། །གང་སྨྲས་ཐོག་ཏུ་ཕེབས་པ་འདི་དགའ་ཡོ། །གནས་ལུགས་གཉུག་མའི་གསེང་ལམ་ལ་བརྟེན་ནས། །མ་བསྒོམ་དོན་དམ་མངོན་སུམ་དུ་གྱུར་པ། །ང་རྒྱལ་སྒོམ་ཆེན་རྒན་པོ་ནི་མ་ལགས། །རེ་དོགས་རྩད་ནས་ཟད་པ་འདི་དགའ་ཡོ། །བརྒྱུད་ལྡན་དམ་པའི་གཞུང་བཟང་ལ་བརྟེན་

[Full Size]

ནས། །མ་འབད་གྲུབ་པའི་ངེས་གསང་ཀུན་མཐོང་བ། །རྩལ་བཤད་རྟོག་གེའི་ཚིག་སྐམ་ནི་མ་ལགས། །དོན་གྱི་དགོངས་ཟབ་རྟོགས་པ་འདི་དགའ་ཡོ། །རྩ་གསུམ་བྱིན་རླབས་སྙིང་དབུས་སུ་ཞུགས་པས། །མ་བརྩམས་ལས་བཞི་ཐོགས་མེད་དུ་འགྲུབ་པ། །རྔ་གོག་ཟད་ཟད་སྡུག་ཡུས་ནི་མ་ལགས། །རང་གཞན་ཕན་བདེར་སྦྱོར་བ་འདི་དགའ་ཡོ། །སྔོན་བསགས་བསོད་ནམས་འཕེན་ཤུགས་ལ་བརྟེན་ནས། །མ་བསྡུས་ཟང་ཟིང་སྤྲིན་བཞིན་དུ་འདུ་བ། །བརྒྱ་བཤིག་སྟོང་བསྒུགས་བསེ་རག་ནི་མ་ལགས། །འཕྲལ་བྱུང་འཕྲལ་དག་མཆོད་སྦྱིན་འདི་དགའ་ཡོ། །གཞན་ཕན་བཟང་པོའི་ལེགས་སྨོན་ལ་བརྟེན་ནས། །མ་བསྐུལ་ཁྲོམ་ཚོགས་ལང་ལོང་དུ་འུར་བ། །ཁྱི་རྒན་ལྷག་བདུད་སློང་མཁན་ནི་མ་ལགས། །འབྲེལ་ཚད་དོན་དང་ལྡན་པ་འདི་དགའ་ཡོ། །སྣང་བ་དབང་འདུས་རྟེན་འབྲེལ་ལ་བརྟེན་ནས། །མ་བསྟུན་བླ་དཔོན་དྲེགས་ལྡན་ཀུན་བཏུད་པ། །ཅི་དྲགས་ངོ་སྲུང་ཡི་དྭགས་ནི་མ་ལགས། །ཀུན་ལ་ཞེན་མེད་ཧུར་སྤྱོད་འདི་དགའ་ཡོ། །ལྷག་བསམ་དཀར་པོའི་རྟེན་འབྲེལ་ལ་བརྟེན་ནས་། །མ་བཤད་མོས་ལྡན་ཐར་ལམ་དུ་འཁྲིད་པ། །སྐྱིད་སྡུག་སྒོས་ཁུར་ཚོགས་དཔོན་ནི་མ་ལགས། གཞན་རྒྱུད་ངང་གིས་འགྱུར་བ་འདི་དགའ་ཡོ། །ཉེ་མཁོན་མེད་པའི་རྟེན་འབྱུང་ལ་བརྟེན་

[Full Size]

ནས། །མ་རྩོལ་བསྟན་པ་རིས་མེད་དུ་སྤེལ་བ། །རེ་བས་བསྒྲུབས་པའི་ལས་ཐབས་ནི་མ་ལགས། །ཕྱོགས་མེད་རིས་མེད་བློ་བདེ་འདི་དགའ་ཡོ། །ཡོངས་ལ་སྙིང་བརྩེའི་གཞན་དབང་ལ་བརྟེན་ནས། །མ་ཆགས་མི་འཁོན་ཐམས་ཅད་དང་མཛའ་བ། །ངོ་སྲུང་མཐུན་འཇུག་བསླུ་བྲིད་ནི་མ་ལགས། །རྒྱལ་ཁམས་གཅེས་ཕྲུགས་གཞོན་ནུ་འདི་དགའ་ཡོ། །གང་ལ་བལྟས་ཀྱང་སྐྱོ་ཤས་དང་ངེས་འབྱུང་། །མ་བཅོས་སྙིང་ནས་ལམ་ལམ་དུ་འཆར་བ། །རྟོགས་ལྡན་གསར་པའི་ཙབ་ཙུབ་ནི་མ་ལགས། །མངོན་ཞེན་གཏིང་ནས་ཐོངས་པ་འདི་དགའ་ཡོ། །ཆོས་འགལ་བྱ་བ་རླབས་ཆེན་གྱི་བདུད་ལས། །མ་སྤངས་རང་བཞིན་ཤུགས་འབྱུང་གིས་དག་པ། །དགེ་སློང་གཞོན་ནུའི་ཚུལ་འཆོས་ནི་མ་ལགས། །ཆོས་དང་ཞུས་དག་ཕེར་བ་འདི་དགའ་ཡོ། །བླ་མ་ལྷ་ཡི་བྱིན་རླབས་ལ་བརྟེན་ནས། །མ་བཏུལ་རང་རྒྱུད་ཕྱོགས་མེད་དུ་གྲོལ་བ། །སྔགས་པ་རྒན་པོའི་ཟད་ཁམས་ནི་མ་ལགས། །ཤི་ཡང་འགྱོད་པ་མེད་པ་འདི་དགའ་ཡོ། །དགའ་བ་བཅུ་དྲུག་སྙེམས་པ་དང་འགྲོགས་ནས། །དྲང་སྲོང་དྲེགས་པའི་ངག་ཚིག་གི་གླིང་བུ། །རེ་དོགས་མེད་པར་ཐོལ་བྱུང་དུ་བསྒྲགས་པས། །འབྲེལ་ཚད་དོན་ལྡན་དགེ་ལེགས་སུ་གྱུར་ཅིག །ཅེས་པའང་མཚོ་སྐྱེས་ཀུན་ཏུ་འཆང་བ་དགྱེས་པའི་འབངས་ཀྱིས་རྨི་ལམ་དང་

[Full Size]

སྒྱུ་མ་ལྟ་བུའི་ཉམས་བན་བུན་གྱི་ངང་ནས་སྨྲས་པའོ། །།བླ་མའི་ཞབས་ལ་ཕྱག་འཚལ་ལོ། །ཕྱི་རོལ་སྣང་བ་ཐམས་ཅད་ཀུན། །སེམས་ཀྱི་ཆོ་འཕྲུལ་རྨི་ལམ་འདྲ། །རང་གི་སེམས་ལ་ཚུར་བལྟས་པས། །དང་པོར་སྐྱེ་མེད་སྟོང་སང་ངེ་། །བར་དུ་འགག་མེད་གསལ་ལམ་མེ། །ཐ་མར་གང་དུའང་མི་གནས་པར། །ཉམས་སུ་མྱོང་ཡང་བསམ་བརྗོད་འདས། །འདུ་འབྲལ་མེད་པ་གཉུག་མའི་གཤིས། །རིག་སྟོང་ཟུང་དུ་འཇུག་པ་ནི། །དོན་གྱི་མཁའ་སྤྱོད་དབང་མོ་སྟེ། །དེ་ཡི་ངང་དུ་མ་ཡེངས་ཤིང་། །བཟོ་བཅོས་མེད་པར་རྟག་ཏུ་བསྐྱང་། །འབྲས་བུའི་ལྷན་སྐྱེས་མངོན་གྱུར་ཤོག །བན་རྒན་ཡེ་ཤེས་ལའོ། །སརྦ་དཱ་ཀ་ལྱཱ་ཎཾ་བྷ་ཝ་ཏུ། དགེའོ། དགེའོ། དགེའོ།། །།

སྤོང་བ་བསམ་གཏན་པ་ལ་གདམས་པའི་གཏམ་ལམ་རིམ་བདུད་རྩིའི་སྙིང་པོ།

[Full Size]

༄༅། །སྤོང་བ་བསམ་གཏན་པ་ལ་གདམས་པའི་གཏམ། ལམ་རིམ་བདུད་རྩིའི་སྙིང་པོ་ཞེས་བྱ་བ་བཞུགས་སོ། །

[Full Size]

༄༅། །སྲས་བཅས་རྒྱལ་བའི་ཡེ་ཤེས་སྐུ། །བཀའ་དྲིན་མཉམ་མེད་བླ་མ་ལ། །སྙིང་ནས་གུས་པས་ཕྱག་འཚལ་ནས། །ཟབ་མོའི་གདམས་པ་ཅུང་ཟད་དབྱེ། །གང་ཞིག་སྲིད་ལས་ངེས་འབྱུང་སྟེ། །བླ་མེད་བྱང་ཆུབ་ཐོབ་འདོད་ན། །ཐོག་མ་ཁོ་ནར་ལམ་སྟོན་པའི། །བཤེས་གཉེན་མཉེས་པ་གསུམ་གྱིས་བསྙེན། །དེ་ཡིས་ཇི་ལྟར་འདོམས་པ་ཡི། །བླང་དོར་གནས་ལ་ཡིད་བརྟན་པས། །ཐོས་དང་བསམ་པའི་སྦྱོར་བ་ཡིས། །སྒོམ་བྱུང་ཤེས་རབ་སད་པར་བྱ། ཁས་བླངས་བསླབ་ལ་མི་འདའ་བས། །འགྱོད་པ་མེད་པའི་གནས་ཐོབ་ཅིང་། །དེ་ལས་བསམ་གཏན་རྩེ་གཅིག་དང་། །ཆོས་རབ་རྣམ་འབྱེད་སྐྱེ་ཞེས་གསུངས། །དེ་བས་བསླབ་པ་གསུམ་ཉིད་

[Full Size]

ལ། །དམན་དང་མཆོག་དང་ཁྱད་པར་གྱིས། །ཉན་རང་རྫོགས་བྱང་འབྲས་འབྱིན་པར། །མཐོང་ནས་ལྟ་སྤྱོད་དག་པར་བྱ། །ཐོག་མར་ལྷན་སྐྱེས་ཀུན་བརྟགས་ཀྱི། །བདག་དེ་རིག་པས་རྣམ་དཔྱད་ན། །གཅིག་དང་དུ་མའི་རང་བཞིན་གྱིས། །གྲུབ་པའི་དངོས་པོ་རྙེད་མི་འགྱུར། །བདག་གིར་གཟུང་བའི་ཡུལ་འདི་ཡང་། །རགས་དང་ཕྲ་དང་ཕྱོགས་ཀྱི་ཆས། །བཤིག་ན་རང་རང་འདོགས་བྱེད་ལ། །རྟོག་པས་བརྟགས་པ་ཙམ་དུ་ཟད། །དེར་འཛིན་ཤེས་པ་སྣ་ཚོགས་ཀྱང་། །རྨི་ལམ་ཡུལ་དང་ཡུལ་ཅན་བཞིན། །རྫུན་པ་ཉིད་ལ་ལྟོས་པའི་ཕྱིར། །བདེན་པའི་དངོས་པོ་ཇི་ལྟར་འགྲུབ། །གཉིས་མེད་ཡེ་ཤེས་མྱོང་བ་ཡང་། །དུས་གསུམ་ཕྲད་པའི་

[Full Size]

རིགས་པ་ཡིས། །སྐྱེ་འགགས་དབུས་སུ་འཛིན་མེད་པས། །སྤྲོས་པའི་ཕ་མཐས་ཐུག་མི་འགྱུར། །དགག་བྱའི་སྤྲོས་པ་མཐའ་དག་ཀྱང་། །གཟོད་ནས་རང་བཞིན་མ་དམིགས་ཕྱིར། །དེ་ཉིད་བཀག་པའི་སྤྲོས་བྲལ་ཡང་། །དོན་དུ་གྲུབ་པ་ཡོད་མ་ཡིན། །དེ་ལྟར་ཡུལ་ལ་དཔྱད་པ་ཡིས། །ཡུལ་ཅན་བརྗོད་བྲལ་གཉུག་མའི་ཀློང་། །བསམ་གྱིས་མི་ཁྱབ་ངལ་འཚོ་བ། །འདི་ནི་འཇོག་སྒོམ་ཉིད་དུ་བརྗོད། །ཚུལ་དེའི་རང་བཞིན་མ་རྟོགས་པའི། །རྨི་ལམ་ལྟ་བུའི་འགྲོ་ཀུན་ལ། །སྙིང་རྗེ་སྒྱུ་མའི་ངང་ཚུལ་གྱིས། །བྱང་ཆུབ་གོ་འཕང་བསྙེན་པ་ན། །མྱུར་དུ་ཡེ་ཤེས་མཆོག་ཐོབ་སླད། །ཐབས་ཀྱིས་ཁྱད་པར་གྱིས་ཕྱེ་བའི། །བླ་མེད་རྡོ་རྗེ་ཐེག་པ་ནི། །བློ་བཟང་རྣམས་ཀྱིས་དང་དུ་བླངས། །རྩ་རླུང་ཐིག་ལེ་ཡེ་ཤེས་ཁམས། །སྐུ་བཞིའི་འབྲས་བུར་སད་པའི་སླད། །རྒྱུ་དང་ལམ་གྱི་དབང་བཞི་ཡི། །ས་བོན་རྟག་ཏུ་གདབ་པར་རིགས། །དེ་རྐྱེན་བསྐྱེད་དང་རྫོགས་པ་དང་། །མཐུན་གྲོགས་སྔགས་ཀྱི་འདུལ་བ་སྟེ། །སྤྱོད་པའི་ཉེ་རྒྱུས་མཚམས་སྦྱར་བས། །ཟུང་འཇུག་གོ་འཕང་ཚེ་འདིར་རྙེད། །སྤྲོས་པའི་མཐའ་དང་མི་མཛའ་བའི། །སྟོང་ཉིད་རྟོགས་བྱེད་ཚད་མའི་བློ། །བདེ་ཆེན་ངོ་བོར་སོང་བ་ན། །འཁོར་འདས་དབྱེར་མེད་རང་མཚན་མཐོང་། །གང་ལས་རགས་པའི་སྒོ་གསུམ་པོ། །ལྷ་སྔགས་

[Full Size]

ཆོས་སྐུར་རབ་སྦྱངས་པས། །སྲིད་གསུམ་སྐྱེ་དང་འཇིག་པ་ཡི། །ཐ་མལ་འཁྲུལ་པ་ལྡོག་པར་ངེས། །དེར་འཛིན་ཞེན་པ་འབྱིན་པའི་སླད། །ཕྲ་བའི་རྩ་རླུང་ཐིག་ལེ་ལ། །གནད་དུ་བསྣུན་པའི་སྦྱོར་བ་ཡིས། །བདེ་ཆེན་ཡེ་ཤེས་དངོས་སུ་འདྲེན། །གང་ཚེ་བདེ་དང་སྟོང་པ་གཉིས། །ཟུང་འཇུག་ཤིན་ཏུ་ཕྲ་བ་ཡི། །སློབ་དང་མི་སློབ་འོད་གསལ་ལས། ཁ་སྦྱོར་བདུན་ལྡན་གོ་འཕང་འགྲུབ། །མདོར་ན་མང་དུ་སྨོས་ཅི་དགོས། །ཚེ་འདིའི་སྣང་ཤས་རབ་ལྡོག་ནས། །ཐར་པའི་གོ་འཕང་དོན་གཉེར་བ། །འདི་ནི་ལམ་རྣམས་ཀུན་གྱི་གཞི། །གནས་ལུགས་བདེན་མེད་རྟོགས་པ་དང་། །སྣང་ཚུལ་རྟེན་འབྱུང་མི་འགོགས་དང་། །ཡིད་ཅན་ཀུན་ལ་སྙིང་བརྩེ་བ། །འདི་ནི་ལམ་རྣམས་ཀུན་གྱི་དངོས། །དོན་དམ་གཉུག་མའི་ཡེ་ཤེས་ནི། །ཀུན་རྫོབ་བསྐྱེད་དང་རྫོགས་པ་ཡི། ཐབས་ཀྱི་རིམ་པ་རང་ཤར་བ། །འདི་ནི་ལམ་གྱི་ཁྱད་པར་ཆོས། །མཐར་ཐུག་བླ་མའི་རྣལ་འབྱོར་གྱིས། །ཐ་མལ་ཡུལ་དང་ཡུལ་ཅན་ཀུན། །མོས་གུས་ཕྱག་རྒྱ་ཆེན་པོར་ཤར། །འདི་ནི་ལམ་གྱི་སྲོག་ཤིང་ལགས། །ཨེ་མ་ཟབ་ཅིང་རྒྱ་ཆེའི་དོན། །ཅུང་ཟད་བརྗོད་པའི་ལེགས་བྱས་ཀྱིས། །རྒྱུ་དང་མི་རྒྱུའི་དངོས་པོ་ཀུན། །དྲྭ་བ་སྡོམ་པ་ཉིད་གྱུར་ཅིག །ཅེས་པའང་ཁྱབ་བདག་རྡོ་རྗེ་བཙུན་

[Full Size]

མོའི་ཡེ་ཤེས་གཟིགས་པའི་བདུད་རྩིས་བློ་གྲོས་ཀྱི་པདྨོ་ཁ་བྱེ་བ་ལས་ཕྱི་ནང་རིག་པའི་གནས་དུ་མར་མི་འཇིགས་ཤིང་། སྙིང་པོའི་སྒྲུབ་པ་ལ་རྩེ་གཅིག་ཏུ་གཞོལ་བའི་ཐེག་པ་མཆོག་གི་རྣལ་འབྱོར་པ་ཆོས་དབྱིངས་དཔལ་ལྡན་གྱིས་བཀའ་སྩལ་བ་དང་དུ་བླངས་ཏེ། ཤིན་ཏུ་མི་མཁས་ཤིང་མ་སྦྱངས་པའི་ཀུན་རྨོངས་ཀུན་ཏུ་རྒྱུ་འཇམ་དབྱངས་མཁྱེན་བརྩེས་དབེན་གནས་བྱང་ཆུབ་ཆོས་གླིང་དུ་གང་ཤར་ཤར་མར་བྲིས་པ་དགེ །སརྦ་དཱ་མངྒ་ལཾ།། ༈ །།སྤོང་བ་བསམ་གཏན་པ་ལ་གདམས་པའི་གཏམ། ལམ་རིམ་བདུད་རྩིའི་སྙིང་པོའི་འགྲེལ་ཆུང་ཚིག་དོན་རབ་གསལ་ཞེས་བྱ་བ་བཞུགས་སོ། །ན་མོ་གུ་རུ་དཀྱིལ་འཁོར་རྒྱ་མཚོའི་ཁྱབ་བདག་མཆོག །དཔལ་ལྡན་བླ་མར་གུས་བཏུད་ནས། །རང་གིས་ཇི་ལྟར་གདམས་པའི་དོན། །སླར་ཡང་སྙིང་པོར་དྲིལ་ཏེ་དབྱེ། །འདི་ལ་གསུམ། རྩོམ་པ་ལ་ཀླུའཇུག་པ་ཀླད། བརྩམས་པར་བྱ་བ་གཞུང་། རྩོམ་པར་མཐར་ཕྱིན་པར་མཇུག་གི་དོན་ནོ། །དང་པོ་ལའང་གཉིས་ཏེ། མཆོད་པར་བརྗོད་པ་དང་། རྩོམ་པར་དམ་བཅའ་བའོ། །དང་པོ་ནི། སྲས་བཅས་རྒྱལ་བའི་ཡེ་ཤེས་སྐུ། །ཞེས་སོགས་སྨོས་ཏེ། །སྲས་ཏེ་བྱང་ཆུབ་སེམས་དཔའ་དང་བཅས་པའི་ཕྱོགས་བཅུའི་རྒྱལ་བ་ཐམས་ཅད་ཀྱི་མཁྱེན་བརྩེ་ནུས་པའི་ཡེ་ཤེས་གཅིག་ཏུ་བསྡུས་པའི་བདག་

[Full Size]

ཉིད། འགྲོ་བ་སྒྲོལ་བའི་སླད་དུ་གདུལ་བྱ་རང་རང་དང་རིགས་མཐུན་པའི་སྐུར་སྣང་བས། གསུང་གིས་དངོས་སུ་ལམ་བདེན་གྱི་ཆོས་འདོམས་ཤིང་། དེས་འགོག་བདེན་གྱི་འབྲས་བུ་ལ་སྦྱོར་བས་སངས་རྒྱས་ལས་ཀྱང་བཀའ་དྲིན་གྱི་སྒོ་ནས་ཆེས་ཆེར་ལྷག་པས་ན་གང་དང་མཉམ་པ་འགའ་ཡང་མེད་པའི་ཕྱིར། རང་ལ་ལམ་སྟོན་བླ་མ་རྣམས་ལ་ཁ་ཙམ་མ་ཡིན་པར་སྙིང་ནས་གུས་པ་ཆེན་པོས་ཕྱག་འཚལ་ལོ། །ཞེས་པའི་དོན་ཏེ། ནས། ཞེས་པ་ནི། ལྷག་མ་འདྲེན་པའི་ཚིག་སྟེ། ཕྱག་འཚལ་ནས་བཤད་པར་བྱའོ། །ཞེས་འབྲེལ་ཏོ། །གཉིས་པ་ནི། ཟབ་མོའི་གདམས་པ་ཅུང་ཟད་དབྱེ་། །ཞེས་སྨོས་ཏེ། ཕ་རོལ་ཏུ་ཕྱིན་པའི་ལམ་གྱི་ཡ་གྱལ་ཟབ་མོ་སྟོང་པ་ཉིད་དང་། སྔགས་ཀྱི་ཐབས་ཟབ་མོ་དག་བརྗོད་བྱའི་གཙོ་བོར་བྱས་ནས་ཚིག་ཉུང་ལ་དོན་སྙིང་པོར་དྲིལ་བའི་ཚུལ་གྱིས་གདམས་པའི་གནད་འགའ་ཞིག་ཅུང་ཟད་དབྱེ་བར་བྱའོ། །ཞེས་པའི་དོན་ཏོ། །གཉིས་པ་གཞུང་གི་དོན་ལ་གཉིས་ཏེ། རྒྱས་པར་བཤད་པ་དང་། མདོར་བསྡུས་པའོ། །དང་པོ་ལའང་གཉིས་ཏེ། །ཐུན་མོང་ཕ་རོལ་ཏུ་ཕྱིན་པའི་ལམ་དང་། ཁྱད་པར་སྔགས་ཀྱི་ལམ་ལ་སློབ་པའི་ཚུལ་ལོ། །དང་པོ་ལའང་ལམ་གྱི་རྩ་བ་བཤེས་གཉེན་བསྟེན་ཚུལ་དང་། བསྟེན་ནས་བློ་ཇི་ལྟར་སྦྱང་བའི་ཚུལ་གཉིས་

[Full Size]

ལས། དང་པོ་ནི། གང་ཞིག་སྲིད་ལས་ངེས་འབྱུང་སྟེ། །ཞེས་སོགས་སྨོས་ཏེ། དེའང་བློ་གྲོས་དང་ལྡན་པའི་སྐྱེ་བོ་གང་ཞིག །སྲིད་པ་འཁོར་བའི་གནས་ལས་ངེས་པར་འབྱུང་སྟེ། མཐའ་གཉིས་ལ་མི་གནས་པ་བླ་ན་མེད་པའི་རྫོགས་པའི་བྱང་ཆུབ་ཀྱི་གོ་འཕང་ཐོབ་པར་འདོད་པ་ན། ཐོག་མ་ཁོ་ནར་ངེས་པར་འབྱིན་པའི་ལམ་ཚུལ་བཞིན་སྟོན་པ་ལ་མཁས་ཤིང་། ཐེག་པ་སོ་སོའི་གཞུང་ལས་ཇི་སྐད་བཤད་པའི་མཚན་ཉིད་དང་ལྡན་པའི་དགེ་བའི་བཤེས་གཉེན་ཞིག་འབད་པས་བཙལ་ནས། ནམ་ཞིག་རྙེད་པ་ན། རབ་སྒྲུབ་པ། འབྲིང་ལུས་ངག་གི་ཞབས་ཏོག །ཐ་མ་ཟང་ཟིང་གི་མཆོད་པ་སྟེ་མཉེས་པ་གསུམ་གྱིས་བསྙེན་ཅིང་བཀུར་བར་བྱའོ། །གཉིས་པ་ལ་གཉིས་ཏེ། ལམ་སྤྱིར་བསླབ་པའི་ཚུལ་དང་། བྱེ་བྲག་ཏུ་བསླབ་པའི་ཚུལ་ལོ། །དང་པོ་ནི། དེ་ཡིས་ཇི་ལྟར་འདོམས་པ་ཡི། ༈ །སོགས་སྨོས་ཏེ། དེ་ལྟར་བཤེས་གཉེན་བསྟེན་པའི་རྗེས་སུ་བཤེས་གཉེན་དེ་ཡིས་ཇི་ལྟར་འདོམས་པ་ལ་མཉན་ནས་དེ་ཡི་དོན་གྱི་སྙིང་པོར་དལ་འབྱོར་གྱི་རྟེན་རྙེད་དཀའ་ཞིང་། རགས་པ་དངོས་དང་ཕྲ་བ་རྒྱུན་གྱིས་མི་རྟག་པས་འཇིག་སླ་བའི་ཚུལ་དང་། འཆི་བའི་ཚེ་ལས་འབའ་ཞིག་གི་རྗེས་སུ་འབྲངས་ཏེ་ཁམས་གསུམ་གྱི་གནས་རིས་མཐོ་དམན་གང་དུ་སྐྱེས་ཀྱང་སྡུག་བསྔལ་ལས་མ་འདས་པས།

[Full Size]

སྡུག་བསྔལ་དེ་གང་གིས་འགོག་པར་བྱེད་པ་ལམ་བསླབ་པ་གསུམ་ཚུལ་བཞིན་དུ་བླངས་ནས་ནན་ཏན་དུ་བྱ་བ་དང་། སྡུག་བསྔལ་དེ་གང་ལས་འབྱུང་བའི་གཞི་ལས་དང་ཉོན་མོངས་པའི་ཀུན་འབྱུང་དོར་ཞིང་སྤང་བའི་ཚུལ་ལ་མཁས་པ་སྟེ་བདེན་པ་བཞིའི་གནས་ལ་ཡིད་བརྟོན་པས། འགོག་བདེན་མངོན་དུ་བྱ་བ་ལ་སྒོམ་བྱུང་གི་ཤེས་རབ་སྐྱེ་དགོས་ཤིང་། དེ་ལའང་ཐབས་བསྒོམ་པ་དང་། དེའི་སྔོན་དུ་བསམ་པ་དང་། ཐོས་པ་དག་རིམ་བཞིན་དུ་འགྲོ་བས་མེད་ན་མི་འབྱུང་གི་འབྲེལ་གྲུབ་པའི་ཕྱིར། དང་པོར་མིང་གི་རྗེས་སུ་འཇུག་པའི་ཐོས་པ་དང་། དེ་ནས་དོན་སྤྱིའི་རྗེས་སུ་འཇུག་པའི་བསམ་པའི་སྦྱོར་བ་དག་ལ་རིམ་བཞིན་དུ་འཇུག་པའི་བློ་གྲོས་རྣམ་པར་དག་པ་དེ་ཡིས་བསམ་བྱུང་གི་ཤེས་རབ་ཟབ་མོས་ཇི་ལྟར་གཏན་ལ་ཕབ་པའི་དོན་རྣམས་དཔྱད་མཐར་རྩེ་གཅིག་ཏུ་མཉམ་པར་འཇོག་པ་ལ་གོམས་པས་དོན་རང་གི་རྗེས་སུ་བསླབ་པའི་བསྒོམས་པ་ལས་བྱུང་བའི་ཤེས་རབ་སད་པར་བྱའོ། །གཉིས་པ་ལ་གཉིས་ཏེ། ལམ་ཐམས་ཅད་བསླབ་པ་གསུམ་དུ་བསྡུ་བའི་ཚུལ་དང་། དེ་ཡང་ལྟ་སྤྱོད་གཉིས་ཀྱི་སྒོ་ནས་དག་པར་བྱ་བའི་ཚུལ་ལོ། །དང་པོ་ནི། ཁས་བླངས་བསླབ་ལས་མི་འདའ་བས། །ཞེས་སོགས་སྨོས་ཏེ། དེ་ཡང་མདོ་སྡེ་དག་ལས། དགེ་སློང་དག་ཚུལ་ཁྲིམས་གོམས་

[Full Size]

པར་བྱས་པས་ཏིང་ངེ་འཛིན་ཡུན་རིང་དུ་གནས་པར་འགྱུར་རོ། །ཏིང་ངེ་འཛིན་གོམས་པར་བྱས་པས་ཤེས་རབ་སྐྱེ་བར་འགྱུར་རོ། །ཞེས་པའི་གོ་རིམ་ལྟར། ཐོག་མར་ཐོས་བསམ་གྱིས་འདུལ་བའི་སྡེ་སྣོད་གཏན་ལ་ཕབ་པའི་སྙིང་པོ། སོ་བྱང་གི་སྡོམ་པ་ཇི་ཙམ་ཁས་བླངས་པ་དེ་ཙམ་གྱི་བསླབ་པའི་གནས་བཤད་པ་མཐའ་དག་ལ་མི་འདའ་བར་བྱས་ཏེ་ཚུལ་བཞིན་དུ་བསྲུངས་བས། སེམས་རྒྱུད་ལ་ཉེས་ལྟུང་གི་དྲི་མས་མ་གོས་པའི་ཕྱིར་འགྱོད་པ་མེད་པའི་གནས་ཐོབ་ཅིང་། དེས་སེམས་ལས་སུ་རུང་བ་ལས་མདོ་སྡེའི་སྡེ་སྣོད་ཀྱིས་གཙོ་བོར་བསྟན་བྱའི་སྙིང་པོ་ཞི་ལྷག་གི་ཏིང་ངེ་འཛིན་སྒོ་དུ་མ་ལ་འཇུག་ཅིང་ལྡང་བའི་བསམ་གཏན་རྩེ་གཅིག་པ་དང་། མངོན་པའི་སྡེ་སྣོད་ཀྱིས་གཙོ་བོར་བསྟན་བྱའི་སྙིང་པོ་བསྒོམས་པ་ལས་བྱུང་བའི་ཆོས་རབ་ཏུ་རྣམ་པར་འབྱེད་པའི་ཤེས་རབ་ཁྱད་པར་ཅན་སྐྱེ་ཞེས་མདོ་དང་བསྟན་བཅོས་རྣམས་ལས་རྒྱ་ཆེར་གསུང་ཞིང་། དེ་སྐད་དུའང་སློབ་དཔོན་ཀླུས། ལྷག་པའི་ཚུལ་ཁྲིམས་ལྷག་པའི་ཤེས་རབ་དང་། །ལྷག་པའི་སེམས་ལ་རྟག་ཏུ་བསླབ་བྱ་སྟེ། །བསླབ་པ་བརྒྱ་རྩ་ལྔ་བཅུ་ལྷག་གཅིག་ཀྱང་། །གསུམ་པོ་འདི་ནང་ཡང་དག་འདུ་བར་འགྱུར། །ཞེས་གསུངས་པའི་ཕྱིར་རོ། །གཉིས་པ་ལ་གཉིས་ཏེ། མདོར་བསྟན་པ་དང་། རྒྱས་པར་བཤད་པའོ། །དང་པོ་ནི། དེ་

[Full Size]

བས་བསླབ་པ་གསུམ་ཉིད་ལ། །ཞེས་སོགས་སྨོས་ཏེ། རྒྱུ་མཚན་དེ་ལྟ་བས་ན། སྤྱིར་བཏང་ཐེག་པ་ཆེ་ཆུང་གང་ཡིན་རུང་སྟེ། ལམ་བསླབ་པ་གསུམ་དེ་ཉིད་ལ་ནན་ཏན་སྙིང་པོར་བྱ་བ་གཞིར་བཞག་ནས། བྱེ་བྲག་བསམ་པ་དམན་པ་རང་དོན་དང་། མཆོག་གཞན་དོན་དང་། ཁྱད་པར་གཞན་གྱི་དོན་དེའང་མྱུར་བར་མྱུར་བར་འགྲུབ་པར་འདོད་པའི་བྱེ་བྲག་གིས། དམན་པ་ཉན་རང་དགྲ་བཅོམ་དང་། མཆོག་རྫོགས་པའི་བྱང་ཆུབ་ཀྱི་གོ་འཕང་དང་། དེ་ཉིད་ཀྱང་ཚེ་འདི་ཁོ་ན་ལ་སོགས་པ་དུས་ཐུང་ངུས་འགྲུབ་པའི་ཕྱིར་ན་འབྲས་བུ་སོ་སོར་འབྱིན་པ་དང་། དེའི་རྒྱུ་མཚན་ཡང་གང་ཟག་གི་བདག་མེད་ཙམ་རྟོགས་པ་དང་། ཆོས་ཐམས་ཅད་བདག་མེད་དུ་རྟོགས་པ་དང་། ཆོས་ཐམས་ཅད་བདེན་པ་གཉིས་དབྱེར་མེད་དུ་རྟོགས་པའི་ལྟ་བས་ཁྱད་པར་དུ་བྱས་པ་མཐོང་ནས། ཐོག་མར་ལྟ་བ་རྣམ་པར་དག་པའི་ཚུལ་གཏན་ལ་ཕབ་ནས། ལྟ་བ་དེའི་རྩིས་ཟིན་པའི་སྒོ་ནས་སྤྱོད་པ་རྣམ་པར་དག་པ་ལ་བསླབ་པར་བྱ་སྟེ། མདོ་སྡུད་པ་ལས། སྦྱིན་པ་སྦྱིན་པའི་སྔོན་དུ་འགྲོ་བ་ཤེས་རབ་སྟེ། ། ཞེས་སོགས་ཕར་ཕྱིན་གཞན་ཐམས་ཅད་ཀྱི་སྔོན་དུ་ཤེས་རབ་ཉིད་འགྲོ་དགོས་པར་བསྟན་པ་དང་། སློབ་དཔོན་འཕགས་པས། ཚུལ་ཁྲིམས་ལས་ནི་ཉམས་སླ་ཡི། །ལྟ་ལས་དེ་ལྟ་མ་ཡིན་ནོ། །ཚུལ་

[Full Size]

ཁྲིམས་ལས་ནི་མཐོ་རིས་དང་། །ལྟ་ལས་གོ་འཕང་མཆོག་ཏུ་འགྱུར། །ཞེས་རྒྱུ་མཚན་དང་བཅས་ཏེ་གསུངས་པའི་ཕྱིར་རོ། །གཉིས་པ་ལ་གཉིས་ཏེ། ལྟ་བ་རྣམ་པར་དག་པ་དང་། སྤྱོད་པ་རྣམ་པར་དག་པར་བྱ་བའི་ཚུལ་ལོ། །དང་པོ་ལའང་། གང་ཟག་གི་བདག་མེད་གཏན་ལ་འབེབས་ཚུལ་དང་། ཆོས་ཀྱི་བདག་མེད་གཏན་ལ་འབེབས་ཚུལ་གཉིས་ལས། དང་པོ་ནི། ཐོག་མར་ལྷན་སྐྱེས་ཀུན་༧བརྟག་གི །སོགས་སྨོས་ཏེ། དེ་ཡང་ལྟ་བ་རྣམ་པར་དག་པར་བྱ་བ་ལ། ཐོག་མར་འཇིགས་ཚོགས་ལ་ལྟ་བའི་རི་བོ་ཉི་ཤུ་དང་། ལྟ་ལོག་སུམ་བརྒྱ་དྲུག་ཅུ་ལ་སོགས་པ་འཇིག་རྟེན་ན་ལྟ་བ་རྣམ་པར་མ་དག་པ་གང་ཇི་སྙེད་ཅིག་མཆིས་པ་དེ་ཐམས་ཅད་ཀྱི་ཕྱི་མོར་གྱུར་པ་གང་ཟག་གི་བདག་ཏུ་འཛིན་པ་ཉིད་དགག་པར་བྱ་སྟེ། སེམས་ཅན་ཐམས་ཅད་ལ་ངའོ་སྙམ་པའི་ལྷན་སྐྱེས་དང་། མུ་སྟེགས་པ་རྣམས་ཀྱིས་དེ་ཉིད་རྟག་པ་དང་། གཅིག་པུ་དང་། རང་དབང་ཅན་སོགས་སུ་འདོད་པའི་ཀུན་བརྟགས་ཀྱི་བདག་དེ་དག་རིག་པས་རྣམ་པར་དཔྱད་པ་ལ་ཞུགས་པ་ན། རང་བཞིན་གྱིས་གྲུབ་ན་ཕུང་པོ་དང་།གཅིག་དང་དུ་མ་གང་རུང་དུ་གྲུབ་དགོས་ལ། གཅིག་ཏུ་གྲུབ་ན་ཕུང་པོ་ལྔ་ཡོད་པ་བཞིན་དུ་བདག་ལྔ་ཡོད་པར་འགྱུར་བ་དང་། བདག་དང་ཕུང་པོ་ཞེས་པར་བླང་བྱ་དང་། ལེན་པ་པོར་མི་འཐད་པར་

[Full Size]

འགྱུར་བ་དང་། དུ་མར་གྲུབ་ན། ཕུང་པོ་ལྔ་སོ་སོར་བསལ་བའི་འོག་ཏུ་ང་ཞེས་རྫས་གཞན་པ་ཞིག་ཡོད་དགོས་ལ། དེ་མེད་པའི་ཕྱིར། ཐ་སྙད་དུ་ཕུང་པོ་ལ་བརྟེན་ནས་ང་ཞེས་བཏགས་པ་ཙམ་མ་གཏོགས། དོན་དམ་པར་རང་བཞིན་གྱིས་གྲུབ་པ་མེད་པའི་ཚུལ་ལ་ངེས་ཤེས་བསྐྱེད་པས་མཚོན། རིགས་ཚུལ་དུ་མས་གཏན་ལ་ཕབ་པས་བདག་རང་བཞིན་གྱིས་གྲུབ་པའི་དངོས་པོ་རྙེད་པར་མི་འགྱུར་རོ། །གཉིས་པ་ལ་གཟུང་བ་དང་། འཛིན་པ་དང་། གཉིས་མེད་ཀྱི་ཡེ་ཤེས་དང་། འཛིན་པ་ཐམས་ཅད་བཀག་པའི་ཚུལ་དང་བཞི་ལས། དང་པོ་ནི། བདག་གིར་གཟུང་བའི་ཡུལ་འདི་ཡང་། །ཞེས་སོགས་སྨོས་ཏེ། བདག་དེ་ཉིད་ཀྱིས་བདག་གིར་གཟུང་བའི་ཕྱི་སྣོད་བཅུད་དང་། ནང་ཕུང་ཁམས་ལ་སོགས་པའི་ཡུལ་ཇི་སྙེད་པ་གསལ་བར་མཐོང་བ་འདིའང་། རགས་པ་རྣམས་ནི་རྡུལ་ཕྲན་མང་དུ་འདུས་པ་ལས་བྱུང་བའི་ཕྱིར་བདེན་པར་མ་གྲུབ་པ་དང་། ཕྲ་བ་རྡུལ་ཕྲན་དེའང་རྡུལ་ཕྲན་ཆ་མེད་དུ་མ་འདུས་པ་ལས་བྱུང་བ་དང་། རྡུལ་ཕྲན་ཆ་མེད་དེའང་ཕྱོགས་བཞི་སྟེང་འོག་གཉིས་ཀྱི་ཆ་སྟེ་འབྱར་ཆ་མེད་ན་རགས་པ་བརྩམ་མི་ནུས་ཤིང་། ཆ་ཤས་དྲུག་ཡོད་ན་རྡུལ་ཕྲན་ཆ་མེད་ཀྱི་དམ་བཅའ་ཉམས་པར་འགྱུར་བས་ནས། དེ་ལྟར་རིག་པས་བཤིགས་ན་ཆོས་རང་རང་ལ་དེ་དང་དེར་

[Full Size]

འདོགས་བྱེད་ཀྱི་མཚན་ཉིད་ལ་རྟོག་པས་ཕར་བཏགས་པ་ཙམ་དུ་ཟད་ཀྱི། དོན་རང་གི་ངོས་ནས་རྡུལ་ཙམ་ཡང་གྲུབ་པ་མེད་དེ། དཔེར་ན་ཀ་བ་ལྟ་བུ་ལའང་དོན་རང་གི་ངོས་ནས་ཀ་བར་གྲུབ་ན། ཀ་བ་མ་གྲུབ་པའི་སྔ་ལོགས་ལྗོན་པའི་དུས་ནས་ཀ་བ་ཞེས་པའི་བློ་སྐྱེས་དགོས་ཀྱང་དེ་ལྟར་མི་སྐྱེ་བའི་ཕྱིར་དང་། ཕྱིས་གདུང་འདེགས་ནུས་པའི་དོན་བྱེད་ནུས་པ་ན་ཀ་བ་ཞེས་གློ་བུར་དུ་བཏགས་པས་མཚོན་ཡུལ་ཐམས་ཅད་ལའང་དེ་ལྟར་ཤེས་པས་བདེན་འཛིན་འཇིག་པར་བྱའོ། །གཉིས་པ་ནི། དེར་འཛིན་ཤེས་པ་སྣ་ཚོགས་ཀྱང་། །ཞེས་སོགས་སྨོས་ཏེ། ཡུལ་དེ་རྣམས་ལ་དེར་འཛིན་པའི་ཤེས་པ་སྣ་ཚོགས་པར་འཆར་བ་འདི་དག་ཀྱང་། རེ་ཞིག་ཕྱི་རོལ་གྱི་ཡུལ་ཉིད་ལ་བརྟེན་ནས་བྱུང་བས་ན་བདེན་པར་མ་གྲུབ་སྟེ། དཔེར་ན་རྨི་ལམ་དུ་ཡུལ་རི་རབ་ཁང་ཁྱིམ་སོགས་སྣ་ཚོགས་སུ་སྣང་བ་རྣམས་རྫུན་པ་དང་། རྒྱུ་མཚན་དེས་དེར་འཛིན་པའི་རྨི་ལམ་གྱི་ཡུལ་ཅན་ཤེས་པའང་རྫུན་པ་ལས་མ་འདས་པ་བཞིན། ཡུལ་རང་བཞིན་མ་གྲུབ་པའི་རྫུན་པ་ཉིད་ལ་ལྟོས་པའི་ཕྱིར། ཡུལ་ཅན་ཤེས་པ་ཉིད་ཀྱང་བདེན་པའི་དངོས་པོ་ཇི་ལྟར་འགྲུབ་སྟེ་འགྲུབ་པར་མི་འགྱུར་རོ། །གསུམ་པ་ནི། གཉིས་མེད་ཡེ་ཤེས་མྱོང་བ་ཡང་། །ཞེས་སོགས་སྨོས་ཏེ། དེ་ལྟ་བུའི་ཡུལ་དང་ཡུལ་ཅན་དག་བདེན་པར་མ་གྲུབ་

[Full Size]

ཀྱང་། གཟུང་འཛིན་གཉིས་མེད་ཡེ་ཤེས་རང་རིག་རང་གསལ་ཉིད་མངོན་སུམ་ཉམས་སུ་མྱོང་བའི་ཕྱིར་དེ་ཙམ་ཞིག་བདེན་པར་གྲུབ་བོ་སྙམ་ན། དེའང་བདེན་པར་མ་གྲུབ་སྟེ། དུས་གསུམ་གྱི་རང་བཞིན་དུ་མ་གྲུབ་པའི་ཕྱིར། འདི་ལྟར་གཉིས་མེད་ཡེ་ཤེས་ཀྱི་དེ་ལས་འདས་པ་དང་། ད་ལྟ་དང་མ་འོངས་པའི་དུས་ཀྱི་ཆ་གསུམ་དུ་ཕྱེ་ནས། དེ་གསུམ་ཕྲད་དམ་མ་ཕྲད། ཕྲད་ན་སྐད་ཅིག་མ་གཅིག་ཏུ་འགྱུར་བས་ཆ་ཤས་ཀྱི་དམ་བཅའ་ཉམས་ལ། མ་ཕྲད་ན་སོ་སོར་འབྲེལ་མེད་དུ་གནས་པའི་ཕྱིར། འདས་པ་ནི་འགགས་ཟིན་པས་དངོས་པོར་མི་རུང་། མ་འོངས་པ་ནི་མ་སྐྱེས་པའི་ཕྱིར་དངོས་པོར་མི་རུང་། ད་ལྟར་བ་ནི་དབྱིབས་དང་ཁ་དོག །དངོས་པོ་དང་དངོས་མེད། གཅིག་དང་དུ་མ་སོགས་གང་གི་དངོས་པོར་གྲུབ་རིགས་པའི་ཚུལ་དུ་མ་ཡིས་དཔྱད་ཀྱང་མི་རྙེད་པའི་ཕྱིར་དངོས་པོར་མི་རུང་བ་དང་། གཞན་ཡང་དེ་ཡོད་པར་རྟོགས་བྱེད་ཀྱི་ཚད་མ་སེམས་བྱུང་ཡིན་ནམ། སེམས་ཡིན། དང་པོ་ལྟར་ན། སེམས་བྱུང་རྫུན་པར་སྔར་གཏན་ལ་ཕབ་ཟིན་པས། ཡུལ་ཅན་རྫུན་པས་ཡུལ་བདེན་པ་མཐོང་དུ་མི་རུང་ལ། ཕྱི་མ་ལྟར་ན། སེམས་གཅིག་པུ་གཞལ་བྱ་དང་འཇལ་བྱེད་གཉིས་ཀར་སོང་བས་མི་འཐད་པ་དང་། དེར་མ་ཟད་གཉིས་མེད་ཡེ་ཤེས་དེ་ངེས་པར་བདེན་གྲུབ་ཏུ་ཡོད་ན་

[Full Size]

རྒྱུ་ལས་སྐྱེ་དགོས་པས། རྒྱུ་ཞིག་པ་ལས་སྐྱེས་སམ། མ་ཞིག་པ་ལས་སྐྱེས། དང་པོ་ལྟར་ན། ཞིག་པ་དངོས་མེད་ཡིན་པས་དངོས་པོ་སྐྱེ་མི་སྲིད་པ་དང་། ས་བོན་འགགས་ཟིན་པའི་ཕྱིར་རྒྱུར་མི་འགྱུར་ལ། ཕྱི་མ་ལྟར་ན། རང་རྒྱུ་མ་ཞིག་བཞིན་དུ་འབྲས་བུ་བསྐྱེད་ན་རྒྱུ་འབྲས་ཀྱི་རྣམ་པར་དབྱེ་བ་དོན་མེད་དུ་ཐལ་བའི་ཕྱིར་དང་། སྐྱེད་བྱེད་དང་བསྐྱེད་བྱ་མི་འཐད་པའི་ཕྱིར་རོ། །དེ་ལྟར་དང་པོར་སྐྱེ་བ་མེད་ན། མཐར་འགག་པ་མི་སྲིད་ལ། དེ་གཉིས་མེད་ན་དབུས་སུ་གནས་པའང་མི་སྲིད་དེ། དེ་དང་དེ་ནི་ཕན་ཚུན་ལྟོས་ཏེ་གྲུབ་པའི་ཕྱིར། སྐྱེ་འགག་དབུས་སུ་འཛིན་པ་ལྷར་སྣང་བའང་བློ་འཁྲུལ་པའི་ངོར་ཡིན་གྱི། དོན་དུ་བདེན་པར་མ་གྲུབ་པས་རང་བཞིན་མེད་པ་ཡིན་ནོ། །འོ་ན་མེད་པ་དེ་ཙམ་གནས་ལུགས་ཡིན་ནམ་སྙམ་ན། མ་ཡིན་ཏེ། མེད་པ་ནི་ཡོད་པ་ལ་ལྟོས་དགོས་པའི་ཕྱིར། གཟོད་མ་ནས་ཡོད་མ་མྱོང་བའི་མེད་པ་ཇི་ལྟར་འགྲུབ། ཡོད་མེད་གཉིས་ཀ་ནི་དེ་བས་ཀྱང་གནས་ལུགས་མ་ཡིན་ཏེ། དེ་གཉིས་ཕན་ཚུན་རྫས་འགལ་བས་གཞི་གཅིག་ཏུ་ཡོད་མེད་གཉིས་གྲུབ་ མི་སྲིད་པ་དང་། སྔར་བཤད་པའི་རིགས་པ་ཐམས་ཅད་ཐོག་ཏུ་འབབ་པར་འགྱུར་བའི་ཕྱིར་རོ། །ཡོད་མེད་གཉིས་ཀ་མ་ཡིན་པའི་ཕུང་པོ་གསུམ་པ་ནི་ཤེས་བྱ་ལ་མི་སྲིད་པས། དེ་ལྟར་ན་རིགས་ཚུལ་།

[Full Size]

ཟབ་མོས་ཇི་ལྟར་དཔྱད་ཀྱང་སྤྲོས་པའི་ཕ་མཐས་ནམ་ཡང་ཐུག་པར་མི་འགྱུར་ཏེ། ཡུལ་རང་ངོས་ནས་སྤྲོས་པ་ཐམས་ཅད་ཉེ་བར་ཞི་བའི་ཕྱིར་རོ། །བཞི་པ་ལ། འཛིན་པ་ཐམས་ཅད་འགོག་པའི་ཚུལ་དང་། དཔྱད་མཐར་མཉམ་པར་བཞག་པའི་ཚུལ་ཏེ་གཉིས་ལས། དང་པོ་ནི། དགག་བྱའི་སྤྲོས་པ་མཐའ་དག་ཀྱང་། །ཞེས་སོགས་སྨོས་ཏེ། མཐར་ཐུག་དཔྱོད་པའི་རིག་ཤེས་ཚད་མའི་ངོར། དགག་བྱའི་སྤྲོས་པ་ཡོད་པ་དང་། མེད་པ་དང་། གཉིས་ཀ་དང་། གཉིས་ཀ་མ་ཡིན་པ་མཐའ་དག་ཀྱང་བྱེ་བྲག་རེ་རེ་ནས་བདེན་པར་མ་གྲུབ་སྟེ། སྔར་སྨོས་པའི་རིགས་པས་དཔྱད་ན་གཟོད་མ་ནས་རང་བཞིན་གྱིས་མ་གྲུབ་པའི་ཕྱིར། དེ་བཞི་ཀ་ཚོགས་པའི་སྤྲོས་པ་སྤྱི་ཙམ་དེ་ཉིད་ཀྱང་བདེན་པར་མ་གྲུབ་སྟེ། རྩོམ་གཞི་བྱེ་བྲག་པ་མེད་པའི་ཕྱིར། དེ་ལྟ་བས་ན་སྤྱི་དང་བྱེ་བྲག་གཉིས་ཀའི་སྤྲོས་པ་ཐམས་ཅད་བདེན་པར་མེད་པས། དེ་བཀག་པའི་གྲུབ་དོན་སྤྲོས་བྲལ་སྤྱི་ཙམ་དེའང་བདེན་པར་མ་གྲུབ་སྟེ། མེད་པ་བཀག་པས་ཡོད་པ་འགྲུབ་མི་སྲིད་པའི་ཕྱིར་ན། དོན་དུ་སྤྲོས་བྲལ་ཉིད་ཀྱང་རང་བཞིན་གྱིས་གྲུབ་པ་ཡོད་པ་མ་ཡིན་པས། གཟུང་འཛིན་ཐམས་ཅད་དང་བྲལ་བའི་ཆོས་ཉིད་བསམ་གྱིས་མི་ཁྱབ་པའི་ངང་དུ་བློ་ཡི་སྤྲོས་པ་ཐམས་ཅད་ཉེ་བར་ཞི་བའི་ཚུལ། སློབ་དཔོན་ཀླུས།

[Full Size]

གཞན་ལས་ཤེས་མིན་ཞི་བ་དང་། །སྤྲོས་པ་རྣམས་ཀྱིས་མ་སྤྲོས་པ། །རྣམ་རྟོག་མེད་དོན་ཐ་དད་མིན། །དེ་ནི་དེ་ཡི་མཚན་ཉིད་དོ། །ཞེས་དང་། མགོན་པོ་ཞི་བ་ལྷས། གང་ཚེ་དངོས་དང་དངོས་མེད་པ། །བློ་ཡི་མདུན་ན་མི་གནས་པ། །དེ་ཚེ་རྣམ་པ་གཞན་མེད་པས། །དམིགས་པ་མེད་པར་རབ་ཏུ་ཞི། །ཞེས་པ་ལ་སོགས་པས་མཚོན་ཏེ་རྒྱ་ཆེར་གསུངས་སོ། །མདོར་ན་ཆོས་ཐམས་ཅད་སྣང་ལུགས་ཀུན་རྫོབ་ཀྱི་ངོས་ནས་རང་རང་གི་རྒྱུ་རྐྱེན་རྟེན་འབྲེལ་ལས་སྐྱེས་པའི་ཕྱིར་མེད་པ་མ་ཡིན་ལ། གནས་ལུགས་དོན་དམ་གྱི་ངོས་ནས་རྐྱེན་ལས་སྐྱེས་པའི་ཕྱིར་ཡོད་པ་མ་ཡིན་ཏེ། གཞི་གྲུབ་ན་རྟེན་འབྲེལ་གྱིས་ཁྱབ་ཅིང་། རྟེན་འབྲེལ་ལ་སྟོང་ཉིད་ཀྱིས་ཁྱབ་པའི་ཕྱིར། སྣང་སྟོང་ཚོགས་པ་ཟུང་དུ་འཇུག་པའི་ཚུལ་མདོ་ལས། གང་ཞིག་རྐྱེན་ལས་སྐྱེས་པ་དེ་མ་སྐྱེས། །དེ་ལ་སྐྱེ་བའི་རང་བཞིན་ཡོད་མ་ཡིན། །རྐྱེན་ལ་རགས་ལས་གང་དེ་སྟོང་པ་ཉིད། །གང་གིས་སྟོང་ཉིད་ཤེས་དེ་བག་ཡོད་ཡིན། །ཞེས་དང་། སློབ་དཔོན་ཀླུས། གང་ཞིག་རྟེན་འབྱུང་མ་ཡིན་པའི། །ཆོས་འགའ་ཡོད་པ་མ་ཡིན་པས། །དེ་ཕྱིར་སྟོང་ཉིད་མ་ཡིན་པའི། །ཆོས་འགའ་ཡོད་པ་མ་ཡིན་ནོ། །ཞེས་སོ། །དེ་ལྟར་ན་རིམ་བཞིན་ཉན་ཐོས་བྱེ་མདོ་དང་། སེམས་ཙམ་དང་། དབུ་མ་རང་རྒྱུད་པ་དང་། ཐལ་འགྱུར་བ་

[Full Size]

དག་གི་བཞེད་པ་མདོ་ཙམ་སྨོས་ནས། གཉིས་པ་ནི། དེ་ལྟར་ཡུལ་ལ་དཔྱད་པ་ཡིས། །ཞེས་སོགས་སྨོས་ཏེ། དེ་ལྟར་རིགས་ཚུལ་གྱི་རྣམ་གྲངས་དུ་མས་རང་གི་གཞལ་བྱར་གྱུར་བའི་ཡུལ་རྣམས་ལ་རིམ་བཞིན་དུ་དཔྱད་པ་ཡིས། ནམ་ཞིག་གི་ཚེ་ཡུལ་རང་ངོས་ནས་སྤྲོས་པའི་མཐའ་ཐམས་ཅད་དང་བྲལ་ཞིང་བསམ་གྱིས་མི་ཁྱབ་པའི་ཚེ་ན། ཡུལ་ཅན་དཔྱོད་བྱེད་ཉིད་ཀྱང་བསམ་བརྗོད་ཐམས་ཅད་དང་བྲལ་བའི་ཚུལ། དཔེར་ན་བུད་ཤིང་ཟད་པ་ན་མེ་ཟད་པ་བཞིན་ཏེ། དེ་སྐད་དུའང་མགོན་པོ་ཞི་བ་ལྷས། དཔྱད་བྱ་རྣམ་པར་དཔྱད་བྱས་ནས། །རྣམ་དཔྱོད་ལ་ནི་རྟེན་ཡོད་མིན། །རྟེན་མེད་ཕྱིར་ན་མི་སྐྱེ་སྟེ། དེ་ཡང་མྱ་ངན་འདས་པར་བརྗོད། །ཅེས་གསུངས་པའི་ཕྱིར་རོ། །དེ་ལྟར་དཔྱད་པའི་མཐར་གཉུག་མ་སྟེ་གདོད་མ་ནས་རང་བཞིན་གྱིས་རྣམ་པར་དག་པའི་ཀློང་དུ་བློ་ཡི་འཇུག་པ་གཞན་ཐམས་ཅད་དང་བྲལ་བའི་བསམ་གྱིས་མི་ཁྱབ་པའི་གནས་ལུགས་ཀྱི་ངང་དུ་ངལ་འཚོ་བ་སྟེ་མ་གཡོས་པར་བཞག་པ་ན། སེམས་སེམས་བྱུང་གི་སྤྲོས་པ་མཐའ་དག་ཉེ་བར་ཞི་བ་འདི་ནི་འཇོག་སྒོམ་ཉིད་དུ་བརྗོད་པའི་ཚུལ། འཕགས་པ་བྱམས་པས། འདི་ལ་བསལ་བར་བྱ་བ་དང་། །བཞག་པར་བྱ་བ་ཅུང་ཟད་མེད། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་

[Full Size]

གྲོལ། །ཞེས་སོགས་རྒྱ་ཆེར་གསུངས་སོ། །གཉིས་པ་སྤྱོད་པ་རྣམ་པར་དག་པའི་ཚུལ་ནི། ཚུལ་དེའི་རང་བཞིན་མ་རྟོགས་པའི། །ཞེས་སོགས་སྨོས་ཏེ། ཚུལ་དེ་ལྟ་བུའི་རང་བཞིན་ཟབ་མོ་སྟོང་པ་ཉིད་མ་རྟོགས་པར། དངོས་པོ་དང་མཚན་མར་ཞེན་པའི་བློས་ཆགས་སྡང་རྨོངས་གསུམ་གྱི་ལས་བསགས་ནས། ཕ་མཐའ་མེད་པའི་འཁོར་བར་སྡུག་བསྔལ་སྣ་ཚོགས་པ་མེད་བཞིན་དུ་རྨི་ལམ་ལྟ་བུའི་སྒོ་ནས་ཉམས་སུ་མྱོང་བའི་འགྲོ་བ་ཀུན་ལ་མར་ཤེས་ཤིང་། དྲིན་དྲན་པ་དང་། དྲིན་བཟོ་བའི་སླད་དུ་བདེ་བ་དང་ཕྲད་འདོད་ཀྱི་བྱམས་པ། སྡུག་བསྔལ་དང་བྲལ་འདོད་ཀྱི་སྙིང་རྗེ། དེ་ལྟ་བུ་རང་ཉིད་ཀྱིས་ཁུར་དུ་འཁྱེར་བའི་ལྷག་བསམ། དེ་དག་ཀྱང་དོན་དམ་པར་བླང་དོར་དང་བདེ་སྡུག་སོགས་རང་བཞིན་གྱིས་མ་གྲུབ་ཀྱང་། ཀུན་རྫོབ་ཏུ་དེ་ལྟར་མ་བརྟགས་པའི་སྐབས་སུ་སྒྱུ་མའི་སྐྱེས་བུས་སྒྱུ་མའི་ནད་པ་གསོ་བའི་ངང་ཚུལ་བཞིན་དུ་གཞན་དོན་དོན་གཉེར་གྱིས་འཇུག་པ་ན། རང་དོན་དུ་སྤངས་རྟོགས་ཀྱི་ཡོན་ཏན་རྫོགས་ཤིང་། གཞན་དོན་དུ་གདུལ་བྱ་འདུལ་བའི་ཐབས་ཐམས་ཅད་མཁྱེན་པ་རྫོགས་པའི་བྱང་ཆུབ་ཀྱི་གོ་འཕང་ཐོབ་དགོས་པར་མཐོང་ནས། འབྲས་བུ་ལ་རྩེ་གཅིག་ཏུ་དམ་བཅའ་བ་སྨོན་པ་དང་། དེའི་ཆེད་དུ་རང་གི་རྒྱུ་ཚང་ལ་མ་ནོར་བ་ཕ་རོལ་ཏུ་ཕྱིན་པ་དྲུག་དང་། བསྡུ་བའི་

[Full Size]

དངོས་པོ་བཞི་སོགས་བྱང་ཆུབ་སྤྱོད་མཆོག་རྒྱ་མཚོ་ལྟ་བུ་ལ་བསྙེན་ཅིང་བསླབ་པ་ནི་འཇུག་པ་སྟེ། དེ་ལྟར་གཞི་བདེན་གཉིས་ཟུང་དུ་འཇུག་བའི་ཚུལ་ལ་ངེས་པ་གཏིང་ཚུགས་པ་ཉིད་གཞིར་བཞག་སྟེ། ལམ་བསོད་ནམས་དང་ཡེ་ཤེས་ཀྱི་ཚོགས་ཟུང་དུ་འབྲེལ་བ་སྟོང་ཉིད་སྙིང་རྗེའི་སྙིང་པོ་ཅན་གྱི་སྤྱོད་པ་རྣམ་པར་དག་པའི་ཐབས་ལ་བསླབ་པས། འབྲས་བུ་སྐུ་གཉིས་ཟུང་དུ་འཇུག་པ་མི་གནས་པའི་མྱ་ངན་ལས་འདས་པ་ཐོབ་པའི་ཚུལ། སློབ་དཔོན་ཀླུས། སངས་རྒྱས་རྣམས་ཀྱི་གཟུགས་ཀྱི་སྐུ། །བསོད་ནམས་ཚོགས་ལས་སྐྱེས་པ་སྟེ། །ཆོས་ཀྱི་སྐུ་ནི་མདོར་བསྡུ་ན། །རྒྱལ་པོ་ཡེ་ཤེས་ཚོགས་ལས་འཁྲུངས། །ཞེས་དང་། མགོན་པོ་ཞི་བ་ལྷས། སྟོང་ཉིད་སྙིང་རྗེའི་སྙིང་པོ་ཅན། །སྤྱོད་པས་བསོད་ནམས་དག་པར་འགྱུར། །ཞེས་སོགས་མཐའ་ཡས་པ་གསུངས་སོ། །དེ་ལྟ་བས་ན་སྦྱིན་པ་གཏོང་བའམ། ཚུལ་ཁྲིམས་བསྲུང་བ་ལ་སོགས་པ་སྤྱོད་པའི་གནས་སྐབས་ཐམས་ཅད་དུ་དོན་དམ་པར་སྤྲོས་པའི་མཐའ་ཐམས་ཅད་དང་བྲལ་བ་དང་། ཀུན་རྫོབ་ཏུ་དེ་ལྟར་མ་རྟོགས་པའི་འགྲོ་བ་རྣམས་བྱང་ཆུབ་ཀྱི་གོ་འཕང་ལ་འགོད་པར་འདོད་པའི་ལྷག་བསམ་ཁྱད་པར་ཅན་གྱི་རྩིས་ཟིན་པར་བྱས་ནས་སྤྱོད་པ་ཐམས་ཅད་རྣམ་པར་དག་པར་འགྱུར་ལ། སྤྱོད་པ་རང་གི་རྣམ་པར་དབྱེ་བ་ནི་བྱང་

[Full Size]

ཆུབ་སེམས་དཔའི་སྡེ་སྣོད་ལས་རྒྱ་ཆེར་འབྱུང་བ་ལྟར་ཤེས་པར་བྱའོ། །དེ་དག་གིས་ཕ་རོལ་ཏུ་ཕྱིན་པའི་ལམ་ཐམས་ཅད་བསླབ་པ་གསུམ་དང་། དེའང་ཏིང་ངེ་འཛིན་དང་། ཤེས་རབ་དག་རྟེན་དང་བརྟེན་པའི་ཕྱིར་ལྟ་བ་དང་། ཚུལ་ཁྲིམས་ཉིད་སྤྱོད་པའི་ཕྱོགས་སུ་བསྡུས་ཏེ་ལྟ་སྤྱོད་རྣམ་པ་གཉིས་དག་པར་བྱ་བའི་ཚུལ་གྱིས་མདོར་བསྡུས་ནས་བསྟན་ཟིན་ཏོ། །དེ་ལྟར་ན་ངེས་པར་འབྱུང་བའི་བསམ་པས་ཁམས་གསུམ་འཁོར་བ་ལ་མ་ཆགས་པ་དང་། ཀུན་རྫོབ་བྱང་ཆུབ་སེམས་ཀྱིས་རང་དོན་ཡིད་བྱེད་ལ་མ་ཆགས་པ་དང་། དོན་དམ་བྱང་ཆུབ་སེམས་སྤྲོས་པ་མཐའ་དག་ཉེ་བར་ཞི་བས་དངོས་པོ་དང་མཚན་མ་ལ་མ་ཆགས་པ་གསུམ་གྱིས་རིམ་བཞིན་དུ་བློ་སྦྱངས་ཏེ། དོན་གཉིས་པ་སྔགས་ཀྱི་ལམ་ལ་སློབ་པའི་ཚུལ་ལ། ལམ་གྱི་འཇུག་སྒོ་སྤྱིར་བསྟན་པ་དང་། ལམ་རང་གི་ངོ་བོ་འབྲས་བུ་དང་བཅས་པ་རྣམ་པར་དབྱེ་བའོ། །དང་པོ་ནི། མྱུར་དུ་ཡེ་ཤེས་མཆོག་ཐོབ་སླད། །ཅེས་སོགས་སྨོས་ཏེ། དེ་ཡང་མྱུར་བ་མྱུར་བར་གཞན་དོན་དུ་རྫོགས་པའི་བྱང་ཆུབ་ཀྱི་ཡེ་ཤེས་མཆོག་དེ་ཉིད་ཐོབ་པར་བྱ་བའི་སླད་དུ། ཡུལ་སྟོང་ཉིད་ཙམ་གྱི་ངོས་ནས་ཁྱད་པར་མ་མཆིས་ཀྱང་། ཡུལ་ཅན་ལྷ་དང་བདེ་ཆེན་གྱི་ཡེ་ཤེས་སུ་ཤར་བའི་ཐབས་ཀྱིས་ཁྱད་པར་ཕྱེ་བའི་རྣལ་འབྱོར་བླ་ན་མེད་པའི་རྡོ་རྗེའི་ཐེག་པ་ནི། བྱང་

[Full Size]

ཆུབ་སེམས་དཔའི་རིགས་ཅན་ལས་ཀྱང་དབང་པོ་རྣོན་པོར་གྱུར་པའི་བློ་བཟང་རྣམས་ཀྱིས་དང་དུ་བླང་བར་བྱའོ། །གཉིས་པ་ནི། སྔགས་ཀྱི་ལམ་ཐམས་ཅད་རེ་ཞིག་སྨིན་གྲོལ་གཉིས་སུ་འདུས་པའི་དབང་དུ་བཏང་ནས། དང་པོ་སྨིན་བྱེད་དབང་གི་རྣམ་པར་བཞག་པ་ལ། རྩ་རླུང་ཐིག་ལེའི་ཡེ་ཤེས་ཁམས། །ཞེས་སོགས་སྨོས་ཏེ། དེ་ཡང་རྟེན་རྩ་རླུང་ཐིག་ལེ་དང་། བརྟེན་པ་ཡེ་ཤེས་ཏེ་རྣམ་པ་བཞིའི་སོ་སོའི་མ་དག་པའི་དྲི་མ་སྦྱངས་ནས། དག་པའི་ཞིང་ཁམས་ཏེ་དབྱིངས་ཀྱི་རང་བཞིན་མངོན་དུ་གྱུར་པ་ལས་སྐུ་བཞིའི་འབྲས་བུར་སད་པར་བྱ་བའི་སླད་དུ། ཐོག་མར་བླ་མ་མཚན་ཉིད་དང་ལྡན་པ་ལས། དབང་དོན་དག་བྱ་དག་བྱེད་ངོ་འཕྲོད་ཅིང་སྔགས་སྡོམ་སྐྱེས་པའི་ངེས་ཤེས་དང་ལྡན་པའི་དབང་བཞི་རྫོགས་པར་ཐོབ་པ་རྒྱུ་དབང་དང་། ཕྱིས་བླ་མ་ལས་བླང་བའམ། སྡོམ་ལྡན་རང་ཉིད་ཀྱིས་བདག་འཇུག་བླང་བ་སོགས་ལམ་གྱི་དབང་སྟེ། དེ་ལྟ་བུའི་དབང་བཞི་ཡི་ས་བོན་རྟག་ཏུ་གདབ་པར་རིགས་སོ། །དེ་ཅིའི་ཕྱིར་ཞེ་ན། རྡོ་རྗེ་ཐེག་པའི་གཞི་ལམ་འབྲས་གསུམ་ཐམས་ཅད་དབང་གི་ཁོག་ནས་འདོན་པ་དང་། བསྐྱེད་རྫོགས་ཀྱི་རྣལ་འབྱོར་ཡང་དབང་བཞིའི་ཡེ་ཤེས་གོང་འཕེལ་དུ་བྱེད་པའི་ཐབས་ལས་གཞན་མ་ཡིན་པ་སོགས་རྒྱུ་མཚན་བསམ་གྱིས་མི་ཁྱབ་པ་ཡོད་པའི་ཕྱིར་

[Full Size]

རོ། །གཉིས་པ་ལམ་ལ། མདོར་བསྟན་པ་དང་། རྒྱས་པར་བཤད་པའོ། །དང་པོ་ནི། དེ་རྐྱེན་བསྐྱེད་དང་རྫོགས་པ་དང་། །སོགས་སྨོས་ཏེ། དེ་ལྟར་ཐུན་མོང་གི་ལམ་གྱི་རིམ་པས་རྒྱུད་སྦྱངས་པའི་རྟེན་དཀྱིལ་འཁོར་བཞིའི་ཞིང་སར། བརྟེན་པ་དབང་བཞིའི་ས་བོན་གདབ་པ་དེ་ཉིད་གོང་ནས་གོང་དུ་འཕེལ་བའི་རྐྱེན་ཐ་མལ་གྱི་སྣང་བ་ཐམས་ཅད་ལྷར་བྱིན་གྱིས་བརླབས་པའི་ཕྱིར་བསྐྱེད་པའི་རིམ་པ་འཁོར་དང་བཅས་པ་དང་། ལྷར་སྣང་ཡེ་ཤེས་སུ་བྱིན་གྱིས་བརླབས་པའི་ཕྱིར་རྫོགས་པའི་རིམ་པ་སྟེ། དཔེ་ཆུ་ལུད་དྲོད་གཤེར་སོགས་དང་ཆོས་མཚུངས་པའི་ལམ་རིམ་པ་གཉིས་དང་། མྱུ་གུ་དང་མེ་ཏོག་སོགས་འཐོན་རིམ་བཞིན་སོ་སོའི་མི་མཐུན་པའི་ཕྱོགས་སྲུང་བའི་མཐུན་ཕྱོགས་དང་ཆོས་མཚུངས་པའི་ལམ་གྱི་གྲོགས་སྔགས་ཀྱི་འདུལ་བ་སྟེ་དམ་ཚིག་དང་སྡོམ་པའི་ཀུན་སྤྱོད་རྣམ་པར་དག་ཅིང་། ཐབས་ལས་ཀྱང་ཐབས་ཀྱི་ཁྱད་པར་དུ་གྱུར་པ་སྤྱོད་པའི་རིམ་པ་གསུམ་གྱི་ཉེ་རྒྱུས་མཚམས་སྦྱར་བས། སློབ་པ་དང་མི་སློབ་པའི་ཟུང་འཇུག་གི་གོ་འཕང་ཚེ་འདིར་རྙེད་པ་ནི། སྔགས་ཀྱིས་ བཏབ་པའི་ལོ་ཏོག་ཉི་མ་གཅིག་ལའང་མཚན་ཉིད་པར་སྨིན་དུ་རུང་བ་བཞིན་ཏེ། དེ་སྐད་དུ་འཇམ་མགོན་ས་སྐྱ་པཎྜི་ཏས། སྔགས་ཀྱིས་བཏབ་པའི་ལོ་ཏོག་ནི། །ཉི་མ་གཅིག་ལས་འབྲས་བུ་སྨིན། །

[Full Size]

རྡོ་རྗེ་ཐེག་པའི་གནད་ཤེས་ན། །ཚེ་འདི་ཉིད་ལ་རྫོགས་འཚང་རྒྱ། །ཞེས་གསུངས་སོ། །གཉིས་པ་ལ་གསུམ་སྟེ། གཞི་ལྟ་བས་ཐག་བཅད་པ། ལམ་བསྒོམས་པས་ཉམས་སུ་བླང་བ། །འབྲས་བུ་ཇི་ལྟར་འགྲུབ་པའི་ཚུལ་གྱིས་མཇུག་བསྡུ་བའོ། །དང་པོ་ནི། སྤྲོས་པའི་མཐའ་དང་མི་མཛའ་བའི། །ཞེས་སོགས་སྨོས་ཏེ། སྔར་ཇི་སྐད་བཤད་པ་བཞིན་སྤྲོས་པའི་མཐའ་ཐམས་ཅད་དང་མི་མཛའ་བ་སྟེ། དེ་དག་ལ་ནམ་ཡང་མི་གནས་པའི་ཡུལ་གཟོད་ནས་སྟོང་པ་ཉིད་བརྗོད་བྲལ་གཉུག་མའི་ངོ་བོ་གང་ཞིག །ཡུལ་ཅན་དེ་རང་རྟོགས་བྱེད་ཀྱི་ཚད་མར་གྱུར་པའི་བློ་དེའང་ཐབས་ཟབ་མོས་བདེ་བ་ཆེན་པོའི་ངོ་བོར་སོང་བ་ན། འོ་མས་སྨིན་དུ་བཅུག་པའི་སྒྱུ་རུ་ར་གཞན་ལས་ཆེས་ཁྱད་པར་དུ་གྱུར་པའི་རོ་དང་ལྡན་པའམ། ཙནྡན་གྱི་མེ་དེ་མེ་ཕལ་པ་ལས་བདུན་འགྱུར་གྱིས་ཚ་བ་ལྟར། ཐབས་ཁྱད་པར་ཅན་གྱིས་དྲངས་པའི་ཐབས་བྱུང་སྟོང་པ་ཉིད་དེའང་ཕ་རོལ་ཏུ་ཕྱིན་པའི་སྐབས་འཁོར་འདས་དབྱེར་མེད་ཀྱི་དོན་སྤྱི་ཙམ་མཐོང་བ་ལས་ཆེས་འཕགས་པའི་འཁོར་འདས་དབྱེར་མེད་ཀྱི་དོན་རང་གི་མཚན་ཉིད་མངོན་སུམ་དུ་མཐོང་བ་ནི་སྔགས་ཀྱི་ལྟ་བའི་རབ་ཏུ་ཕྱེ་བ་སྟེ། དེ་སྐད་དུ་རྡོ་རྗེ་འཛིན་པའི་དབང་ཕྱུག་རྗེ་བཙུན་གྲགས་པའི་ཞལ་སྔ་ནས། དབང་གི་ཡེ་ཤེས་ལམ་གྱི་ལྟ་བ་ནི། །

[Full Size]

ཉམས་མྱོང་སངས་རྒྱས་པ་དང་ངོ་བོ་གཅིག །རྟོགས་པའི་ཁྱད་པར་ཟླ་བའི་དཔེ་ཡིས་བསྟན། །ཅེས་སོགས་གསུངས་པ་བཞིན་ནོ། །གཉིས་པ་ལ་གཉིས་ཏེ། རྟེན་བསྐྱེད་པའི་རིམ་པ་དང་། བརྟེན་པ་། རྫོགས་པའི་རིམ་པའོ། །དང་པོ་ནི། གང་ལས་རགས་པའི་སྒོ་གསུམ་པོ། །ཞེས་སོགས་སྨོས་ཏེ། ཇི་སྐད་དུ་དཔལ་སམྦུ་ཊ་ལས། དང་པོར་སྟོང་ཉིད་བསམས་ནས་ནི། །ལུས་ཅན་རྣམས་ཀྱི་དྲི་མ་བཀྲུ། །ལུས་སོགས་སྟོང་པའི་ཞིང་ས་ལ། །བློ་དང་ལྡན་པས་ས་བོན་གདབ། །ཅེས་གསུངས་པ་ལྟར། ཐོག་མར་འཁོར་འདས་ཀྱི་ཆོས་ཐམས་ཅད་སེམས་བྱུང་གིས་ཕར་བཏགས་པ་དང་། སེམས་བྱུང་དེའང་སེམས་ལས་བྱུང་ཞིང་། སེམས་ཉིད་ཀྱང་གསལ་སྟོང་ཟུང་འཇུག་བརྗོད་པའི་མཐའ་ཐམས་ཅད་དང་བྲལ་བ་གང་ཞིག །སོ་སོ་རང་རིག་པའི་ཚུལ་གྱིས་ཁོང་དུ་ཆུད་པ་གཞིར་བཞག་ནས། དེ་ལྟ་བུའི་ངང་ལས་མ་གཡོས་བཞིན་དུ། ཕྱི་ལྟར་ཤིན་ཏུ་རགས་པ་ཁམས་གསུམ་པོ་ཉིད། ནང་དུ་རགས་པའི་སྒོ་གསུམ་པོ་ཆོས་མཚུངས་པར་སྦྱར་ཏེ། དེ་དང་དེའི་མ་དག་པའི་སྣང་ཞེན་ཐམས་ཅད་གཞན་དག་པ་ལྷ་སྔགས་ཆོས་སྐུར་རབ་ཏུ་སྦྱངས་པས། ཕྱི་འདོད་གཟུགས་གཟུགས་མེད་ཀྱི་སྲིད་པ་གསུམ་དང་། ནང་ཕུང་པོ་སྐྱེ་བ་དང་། འཇིག་པ་དང་བར་དོའི་གནས་སྐབས་ཏེ། དེ་དང་དེའི་ཐ་།

[Full Size]

མལ་གྱི་འཁྲུལ་པའི་ཆ་ཐམས་ཅད་ལྡོག་པར་ངེས་པའི་ཚུལ་གྱིས་སྦྱང་གཞི་སྦྱོང་བྱེད་ངོ་འཕྲོད་པས། འདི་ལྟར་བསོད་ནམས་ཀྱི་ཚོགས་བསགས་པ་ལ་སོགས་པ་སྔོན་དུ་འགྲོ་བས། འོད་གསལ་བའི་ཡེ་ཤེས་ཀྱི་ངང་དུ་མཉམ་པར་འཇོག་པས་འཆི་བའི་རིམ་པ་དང་གཟུགས་མེད་ཀྱི་ཁམས་སྦྱངས། དེ་ལས་ས་བོན་གྱི་རྣམ་པར་ལྡང་བ་ལ་སོགས་པས་བར་དོའི་སྲིད་པ་དང་། གཟུགས་ཀྱི་ཁམས་སྦྱངས། དེ་ཉིད་སྣང་སྟོང་ཟུང་འཇུག་གི་ལྷ་སྐུར་བལྟས་ནས་མཆོད་བསྟོད་བཟླས་པ་ལ་སོགས་པ་ལས་རབ་འབྱམས་ལ་སྤྱོད་པས་སྐྱེ་བའི་སྲིད་པ་ཆ་དང་བཅས་པ་དང་འདོད་པའི་ཁམས་སྦྱངས་ཤིང་། །དེ་དག་ཀྱང་གཙོ་བོར་རང་རང་གི་དྲི་མ་སྦྱངས་ཤིང་ལམ་དུ་བྱས་པས་འབྲས་བུ་སྐུ་གསུམ་གྱི་ཡེ་ཤེས་འདྲེན་པའི་སྨིན་བྱེད་དུ་འགྱུར་བས་ན་ཐབས་བསྐྱེད་པའི་རིམ་པ་ཞེས་བྱའོ། །གཉིས་པ་ནི། དེར་འཛིན་ཞེན་པ་འབྱིན་པའི་སླད། །ཅེས་སོགས་སྨོས་ཏེ། རགས་པའི་སྒོ་གསུམ་དེ་རྣམས་ལྷ་སྔགས་སོགས་སུ་བལྟ་བའི་གྱ་ནོམ་ལྷར་ཞེན་པའི་འཛིན་སྟངས་ཀྱི་ཞེན་པ་དེ་དག་འབྱིན་པའི་སླད་དུ། ཕྲ་བའི་རྩ་རླུང་ཐིག་ལེ་ལ་གནད་དུ་བསྣུན་པའི་སྦྱོར་བ། ཐོག་མར་ལུས་གནད་དང་། འཁྲུལ་འཁོར་དང་། བྱེད་པ་བཅིངས་པའི་རྣལ་འབྱོར་གྱིས་རྩ་སྦྱངས། དེ་ནས་རྡོ་རྗེའི་བཟླས་པ་དང་། ཁ་སྦྱོར་ལ་གི །

[Full Size]

སོགས་པའི་རྣལ་འབྱོར་གྱིས་རླུང་སྦྱངས་ཤིང་དབུ་མར་བཅུག །རླུང་ལ་དབང་ཐོབ་པས་གཏུམ་མོའི་ཡེ་ཤེས་ཀྱི་མེ་སྦར་ཏེ་ཐིག་ལེ་བཞུ་བའི་འབར་འཛག་གི་རྣལ་འབྱོར་གྱིས་དྲོད་དང་། དེ་ལས་དྲངས་པའི་བདེ་བའི་ཡེ་ཤེས་དག་རིམ་བཞིན་དུ་སྐྱེས་པ་དེ་ཡི་ཚེ་ན། ཡིད་དངོས་ཀྱི་རིག་མ་ལ་སྙོམས་པར་ཞུགས་པས་དཔེ་དང་། དོན་གྱི་ལྷན་ཅིག་སྐྱེས་པ་བདེ་བ་ཆེན་པོའི་ཡེ་ཤེས་དངོས་སུ་འདྲེན་པ་ཡིན་ཏེ། འདི་ལྟར་བསྐྱེད་པའི་རིམ་པས་སྔགས་ཀྱི་ཚོགས་ལམ་ཆེན་པོའི་བར་དུ་བསྒྲོད། དེ་ཉིད་རླུང་དང་གཏུམ་མོ་ཟུང་འབྲེལ་གྱིས་བསྐྱངས་པས་སྦྱོར་ལམ་དྲོད་རྩེ་དང་། རང་ལུས་དང་གཞན་ལུས་ཐབས་ལྡན་གྱིས་བོགས་དབྱུང་བས་བཟོད་ཆོས་དག་ཐོབ་པའི་མཐར། ཆོས་མཆོག་ཆེན་པོའི་སྐབས་ཀྱི་དཔེ་ཡི་ཡེ་ཤེས་དེ་ཉིད་ཕྱག་རྒྱའི་ཉེ་རྒྱུས་རྐྱེན་ལ་བརྟེན་ནས། དོན་གྱི་ཡེ་ཤེས་ཕྱོགས་གཅིག་པ་མཐོང་བས་ས་དང་པོ་འཐོབ་ལ། དེ་རིམ་པར་གོང་དུ་འཕེལ་བས་སྒོམ་ལམ་ས་དགུའི་བར་གྱི་རྟོགས་པ་མངོན་དུ་འགྱུར་བ་ཡིན་ནོ། །གསུམ་པ་ནི། གང་ཚེ་བདེ་དང་སྟོང་པ་གཉིས། །ཞེས་སོགས་སྨོས་ཏེ། གང་གི་ཚེ་མཐར་ཐུག་གི་འབྲས་བུ་ཇི་ལྟར་འགྲུབ་པར་འགྱུར་ན། བཤད་མ་ཐག་པ་ལྟར་ཐབས་བདེ་བ་ཆེན་པོ་དང་། ཐབས་བྱུང་སྟོང་པ་ཉིད་གཉིས་སུ་མེད་པའི་ཟུང་འཇུག་ཤིན་ཏུ་ཕྲ་བ་དོན་

[Full Size]

གྱི་ཡེ་ཤེས་ཏེ། དེ་ཡི་རང་བཞིན་ཐོག་མར་མཐོང་བ་ནས་སྒོམ་ལམ་ཆེན་པོ་མཐར་མ་ཕྱིན་པའི་བར་སློབ་པའི་འོད་གསལ་དང་། དེ་ཉིད་ཀྱི་ངང་དུ་སློབ་པའི་ཟུང་འཇུག་གི་སྒྱུ་མའི་སྐུའི་སྤྲོས་པ་ཐིམ་པའི་སྐད་ཅིག་དེ་ཉིད་ལ་མི་སློབ་པའི་འོད་གསལ་ཆོས་ཀྱི་སྐུ་འགྲུབ་ཅིང་། དེའི་ངང་ལས་མ་གཡོས་བཞིན་དུ། ལོངས་སྤྱོད་རྫོགས་དང་ཁ་སྦྱོར་བདེ་ཆེན་རང་བཞིན་མེད། །སྙིང་རྗེས་ཡོངས་གང་རྒྱུན་མི་འཆད་དང་འགོག་པ་མེད། །ཅེས་སྐུ་གསུམ་ལ་ཁ་སྦྱོར་ཡན་ལག་བདུན་ལྡན་གྱིས་ཁྱད་པར་དུ་བྱས་པའི་ཁྱབ་བདག་རྡོ་རྗེ་འཆང་ཆེན་པོའི་གོ་འཕང་འགྲུབ་པར་འགྱུར་རོ། །དེ་དག་གིས་རྡོ་རྗེ་ཐེག་པ་བླ་མེད་ཀྱི་ལམ་དང་འབྲས་བུའི་རྣམ་པར་བཞག་པ་ཅུང་ཟད་བཤད་ཟིན་ནས། སྤྱི་དོན་གཉིས་པ་མདོར་བསྡུས་ཏེ་གདམས་པ་ལ་བཞི་ལས། དང་པོ་ལམ་གྱི་གཞི་ངེས་འབྱུང་གི་བསམ་པ་བརྟན་པོ་བསྐྱེད་དགོས་པར་གདམས་པ་ནི། མདོར་ན་མང་དུ་སྨོས་ཅི་དགོས། །ཞེས་སོགས་སྨོས་ཏེ། མདོར་ན་ཚིག་མང་དུ་སྨོས་ཅི་ཞིག་དགོས་ཏེ། དོན་གྱི་སྙིང་པོར་དལ་འབྱོར་རྙེད་དཀའ་དང་། འཆི་བ་མི་རྟག་པ་ལ་བློ་སྦྱངས་པས་ཚེ་འདིའི་བདེ་སྐྱིད་སྙན་གསུམ་ལ་སོགས་པ་གཉིད་ཐུམ་གཅིག་གི་རྨི་ལམ་བཟང་བ་ལྟར་སྙིང་པོ་མེད་པར་མཐོང་ནས་རེ་དོག་གི་སྣང་ཤས་ལས་བློ་རབ་ཏུ་ལྡོག་པ་དང་། ཤི་

[Full Size]

ནས་ཅང་མེད་དུ་མི་འགྲོ་བར་ལས་ཀྱི་འབྲས་བུས་ཁམས་གསུམ་གང་དུ་སྐྱེས་ཀྱང་སྡུག་བསྔལ་ལས་མ་འདས་པར་མཐོང་བས་འཁོར་བ་མཐའ་དག་ལ་བློ་ལྡོག་ཅིང་། དེ་ལས་ཡིད་ངེས་པར་འབྱུང་ནས་ཐར་པའི་གོ་འཕང་འབའ་ཞིག་དོན་དུ་གཉེར་བ་སྟེ། འདི་རྣམས་ནི་ཐོག་མར་དགེ་བ་ལམ་ཇི་སྙེད་བཤད་པ་དེ་རྣམས་ཀུན་གྱི་གཞི་ཞིང་ས་ལྟ་བུ་ཡིན་ཏེ། འདི་ཙམ་ཞིག་མེད་ན་ལམ་གང་ལའང་ཇི་ཙམ་འབད་ཀྱང་ཐམས་ཅད་མཁྱེན་པ་ལྟ་ཅི། ཐར་པ་ཙམ་ཡང་ཐོབ་མི་སྲིད་པས་ན། ཇི་སྐད་དུ། སློབ་དཔོན་ཀླུས། མགོའམ་གོས་ལ་གློ་བུར་མེ་ཤོར་ན། །དེ་དག་བཟློག་ཕྱིར་བགྱི་བ་བཏང་ནས་ཀྱང་། །ཡང་སྲིད་མེད་པར་བགྱི་སླད་འབད་འཚལ་ཏེ། །དེ་བས་ཆེས་མཆོག་དགོས་པ་གཞན་མ་མཆིས། །ཞེས་གསུངས་པའི་ཕྱིར་རོ། །གཉིས་པ་ལམ་རང་གི་ངོ་བོ་སྟོང་ཉིད་སྙིང་རྗེ་དབྱེར་མེད་དུ་རྟོགས་དགོས་པར་གདམས་པ་ནི། གནས་ལུགས་བདེན་མེད་རྟོགས་པ་དང་། །སོགས་སྨོས་ཏེ། ཇི་སྐད་དུ། འདིར་ནི་སྣང་ཙམ་དགག་མིན་ཏེ། །གང་ལས་སྡུག་བསྔལ་རྒྱུར་གྱུར་བའི། །བདེན་པར་ཞེན་པ་བཟློག་བྱ་ཡིན། །ཅེས་གསུངས་པ་ལྟར་ཆོས་ཐམས་ཅད་ཇི་ལྟར་སྣང་ཙམ་པ་འདི་མི་འགོག་ཀྱང་། དེ་དང་དེར་ཞེན་པས་གནས་ལུགས་ཀྱང་བདེན་གྲུབ་ཏུ་འཁྲུལ་པའི་གཞི་གང་ཟག་དང་

[Full Size]

ཆོས་ཀྱིས་རབ་ཏུ་ཕྱེ་བའི་བདག་དང་བདག་གིར་འཛིན་པའི་སྤྲོས་པ་ཐམས་ཅད་དོན་དམ་པར་རང་བཞིན་གྱིས་སྐྱེ་བ་མེད་པར་རྟོགས་པ་དང་། སྣང་ཚུལ་རང་རང་གི་རྒྱུ་རྐྱེན་ལ་བརྟེན་ནས་འབྱུང་བའི་ཕྱིར་ལས་དང་ལས་ཀྱི་འབྲས་བུ་ལ་སོགས་པ་མི་འགོག་པར་འཇོག་ཤེས་པ་དང་། དེ་ལྟར་མ་རྟོགས་པའི་ཡིད་ཅན་ཀུན་ལ་སྙིང་རྗེ་ཆེན་པོས་རྗེས་སུ་བརྩེ་བས་ཅི་བྱེད་གཞན་དོན་དུ་འགྱུར་བའི་ཐབས་ལ་དམིགས་པ་སྟེ། འདི་ནི་བར་དུ་དགེ་བ་ལམ་ཇི་སྙེད་བཤད་པ་དེ་རྣམས་ཀུན་གྱི་དངོས་གཞི་ས་བོན་ལྟ་བུ་ཡིན་ཏེ། དཔལ་ལྡན་ཟླ་བ་གྲགས་པས། ཉན་ཐོས་སངས་རྒྱས་འབྲིང་རྣམས་ཐུབ་དབང་སྐྱེས། །སངས་རྒྱས་བྱང་ཆུབ་སེམས་དཔའ་ལས་འཁྲུངས་ཤིང་། །སྙིང་རྗེའི་སེམས་དང་གཉིས་སུ་མེད་བློ་དང་། །བྱང་ཆུབ་སེམས་ནི་རྒྱལ་སྲས་རྣམས་ཀྱི་རྒྱུ། །ཞེས་དང་། འཇམ་མགོན་ས་སྐྱ་པཎྜི་ཏས། ཕན་བདེའི་འབྱུང་གནས་རྫོགས་པ་ཡི། །སངས་རྒྱས་རྒྱལ་བའི་སྲས་ལསའཁྲུངས། །རྒྱལ་སྲས་སྟོང་ཉིད་སྙིང་རྗེ་ཡི། །བདག་ཉིད་བྱང་ཆུབ་སེམས་ལས་འཁྲུངས། །ཞེས་གསུངས་པའི་ཕྱིར། གསུམ་པ་ནི། ལམ་དེས་འབྲས་བུ་མྱུར་དུ་འགྲུབ་པ་ལ་ཐབས་རིམ་པ་གཉིས་ལ་བསླབ་དགོས་པར་གདམས་པ་ནི། དོན་དམ་གཉུག་མའི་ཡེ་ཤེས་ནི། །སོགས་སྨོས་ཏེ། དབང་དང་རིམ་

[Full Size]

གཉིས་ལས་བྱུང་བའི་དོན་དམ་གཉུག་མའི་ཡེ་ཤེས་ནི། ཀུན་རྫོབ་ཅིར་ཡང་ལྷ་སྐུར་ཤར་བའི་བསྐྱེད་རིམ་དང་། ལྷར་སྣང་བདེ་ཆེན་གྱི་ཡེ་ཤེས་སུ་ཤར་བའི་རྫོགས་པའི་རིམ་པ་སྟེ། དེ་དང་དེ་ཡི་ཟབ་མོའི་ཐབས་ཀྱི་རིམ་པར་དངས་པའི་མཁའ་ལ་འཇའ་ཚོན་ཤར་བ་བཞིན་རང་ཤར་བས། གཤིས་ཅི་ཡང་མ་ཡིན་པར། གདངས་བདེ་ཆེན་གྱི་ཡེ་ཤེས་སུ་མ་འགགས་པ། རྣལ་ལྟ་སྐར་ཤར་བ། བསྒོམ་བྱ་སྒོམ་བྱེད་ཀྱི་སྤྲོས་པ་ཐམས་ཅད་ལས་འདས་པའི་ངང་དུ་མཉམ་པར་བཞག་པ་འདི་ནི་ཐ་མར་དགེ་བ་ལམ་གྱི་འབྲས་བུ་མྱུར་དུ་འགྲུབ་པའི་ཐབས་ཟབ་མོ་ལོ་ཏོག་ལ་སྔགས་ཀྱིས་བཏབ་པ་ལྟ་བུའི་ཁྱད་པར་གྱི་ཆོས་ཡིན་ཏེ། སློབ་དཔོན་ཀླུས། བསྐྱེད་པའི་རིམ་ལ་ལེགས་གནས་ཤིང་། །རྫོགས་པའི་རིམ་པར་འདོད་རྣམས་ཀྱི། །ཐབས་འདི་རྫོགས་པའི་སངས་རྒྱས་ཀྱིས། །སྐས་ཀྱི་གདང་བུ་ལྟ་བུར་བསྟན། །ཅེས་གསུངས་པའི་ཕྱིར། བཞི་པ་མཐར་ཐུག་མོས་གུས་ཕྱག་རྒྱ་ཆེན་པོའི་རིམ་པ་ལ་བསླབ་པར་གདམས་པ་ནི། མཐར་ཐུག་བླ་མའི་རྣལ་འབྱོར་གྱིས། །ཞེས་སོགས་སྨོས་ཏེ། དེ་ཐམས་ཅད་ཀྱི་མཐར་ཐུག་པ་ནི། རྒྱ་དུས་སུ་དབང་བཞི་བསྐུར་བའི་ཚེ་བླ་མ་དེ་ཉིད་དཀྱིལ་འཁོར་གྱི་གཙོ་བོའི་སྐུར་བཞེངས་པ་བཞིན། ལམ་དུས་སུའང་བླ་མ་ཉིད་དཀྱིལ་འཁོར་གྱི་གཙོ་བོ་དང་དབྱེར་མི་ཕྱེད་

[Full Size]

པར་བསྒོམ་པའི་རྣལ་འབྱོར་གྱི་ཟབ་མོ་ཐ་མལ་གྱི་ཡུལ་ཐམས་ཅད་བླ་མའི་སྐུ་གསུང་ཐུགས་སུ་ཤར་བ་དང་། དེ་དང་དེར་འཛིན་པའི་ཡུལ་ཅན་གཉུག་མའི་སེམས་འཁོར་དང་བཅས་པ་དེ་ཀུན་བླ་མའི་ཡེ་ཤེས་ཆེན་པོའི་ངོ་བོར་འཆར་བ་སྟེ། མདོར་ན་གཤིས་གསལ་རིག་ཏུ་ཆམ་མེ། གདངས་མོས་གུས་སུ་ལམ་མེར་བྱིན་རླབས་ཀྱི་ཐབས་ཟབ་མོས་དྲངས་པས་ཡུལ་ཡུལ་ཅན་ཐམས་ཅད་ལྷན་སྐྱེས་ཕྱག་རྒྱ་ཆེན་པོར་ནང་ནས་རང་ཤར་བའི་ཉམས་མྱོང་དེ་ཀའི་ངང་དུ་མ་བཅོས་པར་རྒྱུན་བསྲིངས་ཏེ་མཉམ་པར་འཇོག་པ་འདི་ནི། ལམ་ཀུན་གྱི་ཁྱབ་བྱེད་དང་། སྲོག་ཤིང་ལྟ་བུར་གྱུར་པ་ལགས་ཏེ། དཔལ་ས་ར་ཧས། བླ་མའི་བྱིན་རླབས་གང་གི་སྙིང་ཞུགས་པ། །ལག་པའི་མཐིལ་ན་གནས་པའི་གཏེར་མཐོང་འདྲ། །ཞེས་དང་། སློབ་དཔོན་རྡོ་རྗེ་དྲིལ་བུ་པས། །བླ་མའི་བྱིན་རླབས་ཙམ་གྱིས་ནི། །སྐད་ཅིག་ཉིད་ལ་འབྱུང་གང་ཡིན། །འཁོར་ལོ་སྡོམ་པར་སྦས་པ་ཡི། །བྱིན་རླབས་རིམ་པ་བཤད་པར་བྱ། །ཞེས་དང་། རྣལ་འབྱོར་དབང་ཕྱུག་བིརླ་པས་ཀྱང་། ལམ་ཟབ་བླ་མ་ཞེས་ཁྱད་པར་དུ་བཤད་པས་མཚོན་ལུང་རིག་མན་ངག་གི་འཐད་པ་བསམ་གྱིས་མི་ཁྱབ་པ་ཡོད་དོ། །གསུམ་པ་མཇུག་གི་དོན་ལ་གཉིས་ཏེ། སྨོན་ལམ་གྱིས་མཐའ་བརྒྱན་པ་དང་། སྦྱར་བྱང་གིས་མཇུག་བསྡུ་

[Full Size]

བའོ། །དང་པོ་ནི། ཨེ་མ་ཟབ་ཅིང་རྒྱ་ཆེའི་དོན། །ཅེས་སོགས་སྨོས། ཨེ་མ་ཞེས་རྟོགས་དཀའ་ཞིང་། རྟོགས་ན་དོན་ཆེན་པོ་དང་ལྡན་པ་ལ་ངོ་མཚར་བའི་ཚིག་གིས་ཐོག་དྲངས་ཏེ། ཟབ་པ་སྟེ་སྔགས་དང་རྒྱ་ཆེ་བ་སྟེ་ཕ་རོལ་ཏུ་ཕྱིན་པའི་སྡེ་སྣོད་ལས་ཇི་ལྟར་འབྱུང་བའི་དོན་ལས། རང་གིས་ཇི་ཙམ་གོ་བའི་ཚུལ་ཅུང་ཟད་བརྗོད་པའི་ལེགས་བྱས་ཀྱི་དགེ་བས། རྒྱ་བ་བཅུད་ཀྱི་སེམས་ཅན་དང་། མི་རྒྱུ་བ་སྣོད་ཀྱི་འཇིག་རྟེན་དུ་སྣང་བའི་དངོས་པོ་འདི་ཀུན་བདེ་ཆེན་གྱི་དྲྭ་བར་འཕོ་བའི་བག་ཆགས་རྒྱུན་དང་བཅས་པ་སྡོམ་པར་བྱེད་པའི་དཔལ་ཧེ་རུ་ཀའི་རྟེན་དང་བརྟེན་པའི་དངོས་པོ་ཉིད་དུ་གནས་འགྱུར་ཏེ། སྐུ་གསུམ་དབྱེར་མེད་པས་དོན་གཉིས་ལྷུན་གྱིས་གྲུབ་པའི་གོ་འཕང་ཚེ་འདི་ཉིད་ལ་ཐོབ་པར་གྱུར་ཅིག །ཅེས་པའོ། །གཉིས་པ་ནི། ཅེས་པའང་ཁྱབ་བདག་རྡོ་རྗེ་བཙུན་མོའི་ཞེས་སོགས་ཏེ་གོ་སླ་བས་མ་སྤྲོས་སོ། །དེ་ལྟར་ཟབ་རྒྱས་གདམས་པའི་དོན། །སླར་ཡང་ཅུང་ཟད་བཀྲལ་བ་ཡི། །བསོད་ནམས་གང་དེས་འགྲོ་བ་ཀུན། །ཐམས་ཅད་མཁྱེན་པ་ཐོབ་ཕྱིར་བསྔོ། །ཞེས་པའང་གཞུང་རྩ་བའི་སྐུལ་བ་པོ་སྐྱེས་སྦྱངས་ཀྱི་ཡོན་ཏན་ཕུན་སུམ་ཚོགས་ཤིང་། སྙིང་པོའི་སྒྲུབ་པ་ལ་རྩེ་གཅིག་ཏུ་གཞོལ་བའི་རྣལ་འབྱོར་པ་ཆོས་དབྱིངས་དཔལ་ལྡན་གྱིས། སླར་ཡང་གསུང་ནན་ཏན་ཆེན་

[Full Size]

པོས་འགྲེལ་བ་རྒྱས་བསྡུས་འཚམས་པ་ཞིག་བྲིས་ཤིག་ཅེས་ལྷ་རྫས་ཀྱི་མེ་ཏོག་དང་བཅས་ཏེ་བསྐུལ་བ་ལ་བརྟེན་ནས་རང་གི་བློ་ལ་ཇི་ལྟར་ངེས་པ་ཙམ་ཞིག་ཚིག་འགྲེལ་མདོར་བསྡུས་པའི་ཚུལ་གྱིས་རིག་འཛིན་གྱི་བཙུན་པ་འཇམ་དབྱངས་མཁྱེན་བརྩེའི་དབང་པོས་ཀུན་མཁྱེན་བོ་དོང་པ་ཆེན་པོའི་རིང་ལུགས་འཛིན་པའི་ཆོས་གྲྭ་བསམ་འགྲུབ་ཆོས་སྡིང་དུ་སུག་བྲིས་སུ་བགྱིས་པ་སྟེ། ནོངས་པ་བཤགས་ཤིང་ལེགས་བྱས་ཀྱི་སྣང་བས་བློ་གསལ་ཡིད་ཀྱི་པདྨོ་ཁ་མཆོག་ཏུ་བྱེ་བའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ། ༈ །།ཟབ་མོའི་དོན་ཉམས་སུ་ལེན་ཚུལ་གྱི་ཟིན་བྲིས་སྐལ་བཟང་ཡིད་ཀྱི་ཨུཏྤལ་ཞེས་བྱ་བ་བཞུགས་སོ། །ན་མཤཱི་མཱི་གུ་ར་ཝེ། རིགས་དང་དཀྱིལ་འཁོར་ཐམས་ཅད་ཀྱི། །ཁྱབ་བདག་དཔལ་ལྡན་བླ་མའི་ཞབས། །བྱང་ཆུབ་བར་དུ་སྙིང་དབུས་སུ། །བཞུགས་ནས་བྱིན་རླབས་སྣང་བ་སྩོལ། །ཁྱེད་དད་པ་དང་དམ་ཚིག་ལྡན་པའི་རྡོ་རྗེའི་སློབ་མ་རྣམས་ཀྱིས་ཟབ་མོའི་དོན་ཉམས་སུ་ལེན་པ་ལ་འཇུག་པའི་ཐོག་མར། འཁོར་བ་ལ་ངེས་འབྱུང་དང་བཅོས་མིན་སྙིང་རྗེ་ཆེན་པོའི་བློས་དྲངས་ཏེ། ལུས་གནད་ལེགས་པར་བཅའ། རླུང་རོ་དགུ་ཕྲུགས་སུ་འབུད། འབྲུ་གསུམ་རྡོ་རྗེའི་བཟླས་པ་ཅུང་ཟད་བྱ། དེ་ནས་སྤྱི་བོར་བླ་མ་བསྒོམ། གསོལ་བ་ཕུར་ཚུགས་སུ་གདབ། །

[Full Size]

དབང་བཞི་བླང་ཞིང་ཐུགས་ཡིད་བསྲེས་པའི་ངང་ལ་ཁོང་ལྷོད་ཀྱིས་ཀློད་དེ་བཞག །དེའི་ཚེ་རྣམ་རྟོག་སྔ་མ་ནི་ཡལ། ཕྱི་མ་ནི་མ་སྐྱེས། ད་ལྟའི་ཤེས་པ་སྐད་ཅིག་མ་དེ་རང་གི་ངོ་བོ་ལ་ཅེར་གྱིས་བལྟས་པས་ཉམས་སུ་མྱོང་བཞིན་དུ་བསམ་བརྗོད་ཐམས་ཅད་ལས་འདས་པ་ཞིག་འཆར་བ་ནི་རིག་པ་གཞི་གནས་ཀྱི་ཡེ་ཤེས་ཞེས་བྱ་སྟེ། སྒྲ་གཅན་འཛིན་གྱིས་ཡུམ་ལ་བསྟོད་པ་ལས། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགགས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །ཞེས་དང་། འཕགས་པ་མཚན་མ་བཟང་པོའི་མདོ་སྡེ་ལས། འདས་ལ་རྗེས་སུ་ཕྲད་མི་བྱེད། །མ་འོངས་པ་ལ་རེ་བ་མེད། །འདས་པ་གང་ཡིན་དེ་འགགས་ཏེ། །མ་འོངས་པ་ནི་མ་ཕྱིན་པའོ། །གང་དག་ད་ལྟར་བྱུང་བའི་ཆོས། །དེ་ཡང་དེ་ལ་རབ་བལྟས་ན། །རྣམ་པར་རྟོག་པས་མི་འཕྲོག་པར། །དེ་དག་ཐམས་ཅད་ཁོང་དུ་ཆུད། །ཅེས་དང་། འཁོར་ལོ་བདེ་མཆོག་ལས། གང་ཚེ་དེ་ཉིད་ལ་རེག་པས། །བསམ་པ་ཐམས་ཅད་བསམ་དུ་མེད། །གང་ཚེ་བསམ་དུ་མེད་བསམ་པ། །དེ་ཚེ་བསམ་མི་ཁྱབ་པར་འགྱུར། །ཞེས་དང་། དཔལ་ཀྱེ་རྡོ་རྗེ་རྩ་བའི་རྒྱུད་ལས། དེ་ལ་ཐོག་མ་དབུས་མཐའ་མེད། །སྲིད་མེད་མྱ་ངན་འདས་པ་མེད། །འདི་ནི་མཆོག་ཏུ་བདེ་ཆེན་ཉིད། །བདག་

[Full Size]

མེད་གཞན་ཡང་མེད་པའོ། །ཞེས་དང་། འོད་གསལ་རྫོགས་པ་ཆེན་པོ་སྒྲ་ཐལ་འགྱུར་རྩ་བའི་རྒྱུད་ལས། རང་བཞིན་དག་པ་ཆེན་པོའི་མཐའ། །ཆོས་རྣམས་རང་སར་བཞག་པ་སྟེ། །རྣམ་ཤེས་ཆོས་ཉིད་ཟུང་འཇུག་པས། །ཡེ་གྲོལ་ཅོག་གཞག་ཉིད་ལ་ཐུག །དགོངས་པ་བློ་ལས་འདས་པ་དང་། མཚན་མ་རང་སར་དག་པ་དང་། །སྟོང་པ་དངོས་པོའི་མཐའ་གྲོལ་དང་། །འགྱུ་ཟད་རྟོག་པ་ཟད་པ་དང་། །བློ་ཟད་ཡིད་ལས་འདས་པའོ། །ཞེས་སོ། །དེ་ལྟ་བུའི་གནས་ལུགས་ངོ་འཕྲོད་ཕྱིན་ཆད་གཤིས་བཅོས་བསླད་མེད་པའི་ངང་མདངས་བསྐྱང་ཞིང་། རྣམ་པར་རྟོག་པ་ཞིག་ཐོལ་གྱིས་སྐྱེས་ན་གཉེན་པོ་གཞན་མི་བསྟེན་པར་རིག་པའི་ངང་ཚུགས་མ་ཤོར་བར་བྱས་པས། ལན་ཚྭ་ཆུར་ཐིམ་པ་བཞིན་རང་ཡལ་དུ་འགྲོ། དེ་ཙམ་ན་ཉམས་ལེན་གྱི་སྣེ་ཟིན་པ་ཡིན་པས་ལུས་གནད་སོགས་ལ་ལྟོས་མིན་ཇི་ལྟར་ཡང་གནས་ལུགས་མ་བཅོས་པ་ཁོ་ནའི་རྒྱུན་སྐྱོང་བ་ལ་མཉམ་རྗེས་ཀུན་ཏུ་འབད། དུས་ནམ་དུའང་ཡེངས་འཁྲུལ་བརྗེད་འབྱམས་སུ་སོང་བའི་ཚེ་སྐབས་ཤིག་དྲན་པས་ཧྲིག་གིས་སླེབས་པ་ན། ང་ཡེངས་འདུག་སྙམ་པའི་འགྱོད་པ་དང་། རྣམ་རྟོག་ལུ་གུ་རྒྱུད་ཀྱི་ཕྲེང་བ་གཞན་མི་སྤེལ་བར་རིག་པའི་ངང་ཚུགས་མ་ཤོར་བར་བྱས་པས། སྐད་ཅིག་མ་གཉིས་པ་ནས་བཟུང་བློ་བྲལ་གྱི་ཡེ་ཤེས་

[Full Size]

ལྷུག་པར་འཆར་ཞིང་། རྟོག་ཚོགས་གང་ཤར་ཡང་གཉེན་པོ་གཞན་བསྟེན་མི་དགོས་པར་གསལ་རིག་རྗེན་ནེ་བའི་ངང་དུ་ཆམ་གྱིས་ཞི་འགྲོ་བ་འདི་ཁོ་ན་ཉམས་ལེན་གྱི་སྲོག་ཏུ་བཟུང་སྟེ། ཤེར་ཕྱིན་བརྒྱད་སྟོང་པ་ལས། ཤེས་རབ་ཀྱི་ཕ་རོལ་ཏུ་ཕྱིན་པ་ནི་མི་བསྒོམ་པའི་ཚུལ་གྱིས་བསྒོམ་པར་བྱའོ། །ཞེས་དང་། བློ་གྲོས་རྒྱ་མཚོས་ཞུས་པའི་མདོ་ལས། །ཆོས་རྣམས་ཡིད་ལ་མི་བྱ་སྟེ། །ལྷག་པར་བྱེད་པ་རྣམ་པར་སྤང་། །ཆོས་རྣམས་ཐམས་ཅད་མཉམ་ཉིད་དུ། །ཡང་དག་ཉིད་དུ་ཁོང་དུ་ཆུད། །ཅེས་དང་། དཔལ་གསང་བ་འདུས་པ་ལས། དངོས་པོ་མེད་ལ་བསྒོམ་པ་མེད། །བསྒོམ་པར་བྱ་བ་སྒོམ་པ་མིན། །དེ་ལྟར་དངོས་པོ་དངོས་མེད་པས། །སྒོམ་པ་དམིགས་སུ་མེད་པའོ། །ཞེས་དང་། དངོས་པོ་མེད་པའི་ཆོས་ཉིད་ཆོས། །ནམ་མཁའ་ལྟ་བུར་དྲི་མེད་པ། །སྟོང་ཉིད་ཡེ་ཤེས་རྡོ་རྗེ་ཡིས། །སྟོང་པ་ཉིད་དུ་རྣམ་པར་བསམ། །ཞེས་དང་། དགྱེས་པ་རྡོ་རྗེ་ལས། ཡེ་ཤེས་འདི་ནི་ཆེས་ཕྲ་ཞིང་། །རྡོ་རྗེ་ནམ་མཁའི་དཀྱིལ་ལྟ་བུ། །རྡུལ་བྲལ་མཐར་ཕྱིན་ཞི་བ་ཉིད། །ཁྱོད་རང་ཡང་ནི་དེ་ཡི་ཕ། །ཞེས་དང་། འོད་གསལ་རྫོགས་པ་ཆེན་པོ་ཀུན་བྱེད་རྒྱལ་པོའི་རྒྱུད་ལས། ཇི་བཞིན་མ་བཅོས་རྒྱལ་བའི་དགོངས་པ་ལ། །སེམས་དང་སེམས་བྱུང་རྟོག་པ་ཅི་སྐྱེས་ཀྱང་། །དེ་ཉིད་སྐྱེ་མེད་

[Full Size]

ངང་དུ་གནས་ཤེས་པས། །བྱ་རྩོལ་མཚན་མའི་འདུ་ཤེས་ཀུན་དང་བྲལ། །ཞེས་དང་། སྒྲ་ཐལ་འགྱུར་ཆེན་པོ་རྩ་བའི་རྒྱུད་ལས། ཡེ་ནས་གྲོལ་བས་བསྐྱར་གཞི་མེད། །རང་གིས་གྲོལ་བས་གཉེན་པོ་མེད། །ཅེར་གྱིས་གྲོལ་བས་མཐོང་སར་ཡལ། །ཡོངས་སུ་གྲོལ་བས་འབད་མེད་པའོ། །ཞེས་དང་། མགོན་པོ་བྱམས་པས། འདི་ལ་བསལ་བར་བྱ་བ་དང་། །བཞག་པར་བྱ་བ་ཅུང་ཟད་མེད། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །ཞེས་དང་། འཕགས་པ་ཀླུས་དབུ་མ་རྩ་བ་ལས། གཞན་ལས་ཤེས་མིན་ཞི་བ་དང་། །སྤྲོས་པ་རྣམས་ཀྱིས་མ་སྤྲོས་པ། །རྣམ་རྟོག་མེད་དོན་ཐ་དད་མིན། །དེ་ནི་དེ་ཡི་མཚན་ཉིད་དོ། །ཞེས་དང་། རྒྱལ་སྲས་ཞི་བ་ལྷས། གང་ཚེ་དངོས་དང་དངོས་མེད་པ། །བློ་ཡི་མདུན་ན་མི་གནས་པ། །དེ་ཚེ་རྣམ་པ་གཞན་མེད་པས། །དམིགས་པ་མེད་པར་རབ་ཏུ་ཞི། །ཞེས་དང་། གྲུབ་ཆེན་ཨིནྡྲ་བྷཱུ་ཏིས། ཇི་སྲིད་ཇི་སྲིད་རྣམ་རྟོག་པ། །དེ་སྲིད་ཐམས་ཅད་ཀུན་ནས་བརྫུན། །གང་ཞིག་དེ་ཉིད་མ་བརྟགས་པ། །དེ་ནི་ཡང་དག་དེ་རེ་བདེན། །ཞེས་དང་། དཔལ་ས་ར་ཧས། བསམ་དང་བསམ་བྱོ་ཡོངས་སུ་དོར་ནས་སུ། །བུ་ཆུང་བཞིན་དུ་ལྷུག་པར་གནས་པར་བྱ། །བླ་མའི་ལུང་ལ་བསྒྲིམས་ཏེ་གུས་འབད་ན། །

[Full Size]

ལྷན་ཅིག་སྐྱེས་པ་འབྱུང་བར་ཐེ་ཚོམ་མེད། །ཅེས་དང་། རིག་འཛིན་དགའ་རབ་རྡོ་རྗེས། ཡིན་པར་གྲུབ་པ་མེད་པའི་རིག་པ་འདི། །རང་སྣང་འཆར་ཚུལ་ཅིར་ཡང་མ་འགགས་པས། །སྣང་སྲིད་ཐམས་ཅད་ཆོས་སྐུའི་ཞིང་དུ་ཤར། །ཤར་བ་དེ་ཉིད་རང་གི་ཐོག་ཏུ་གྲོལ། །ཞེས་དང་། སློབ་དཔོན་ཤྲཱི་སེང་ཧས། །རང་སེམས་ཡེ་ཤེས་རྡོ་རྗེ་འདི། །ཡོད་མེད་དབུས་སུ་མི་དམིགས་ཤིང་། །རྟག་% ཆད་མཐའ་ལ་མི་གནས་པ། །སྒྲོ་སྐུར་མེད་པའི་ཆོས་ཉིད་ལ། །བླང་དོར་མེད་པར་བློ་བཞག་སྟེ། །འདི་ཤེས་བསྒོམ་པའི་འདུ་ཤེས་བྲལ། །དེ་ནི་དགོངས་པའི་མཐར་ཐུག་གོ །ཞེས་དང་། པཎ་ཆེན་བི་མ་ལས། །ཅིར་སྣང་ངོ་བོའི་རོལ་པར་གང་ཤར་བ། །རང་གྲོལ་གཉེན་པོ་གཉིས་མེད་རང་སར་གྲོལ། །ཤར་གྲོལ་དུས་མཉམ་གཉིས་མེད་རོལ་པ་ཆེར། །དགག་སྒྲུབ་བཟོ་བཅོས་རེ་དོགས་མ་བྱེད་ཅིག །ཅེས་དང་། དུས་གསུམ་མཁྱེན་པ་ཨོ་རྒྱན་ཆེན་པོས། རང་བྱུང་རང་ཤར་སྒོམ་གྱི་མཆོག །བྱ་རྩོལ་བྲལ་བའི་ངང་ལ་ཞོག །བྱར་མེད་ལྷུག་པ་འདི་ཀ་རང་། །སྒོམ་པ་རང་བྱུང་རང་ཤར་ཡིན། །ཞེས་དང་། བླ་མའི་དྲིན་གྱིས་དེ་ཉིད་མ་ནོར་ངོ་འཕྲོད་ནས། །བསམ་གཞིག་ཡིད་བྱེད་བློ་ཡི་དྲི་མས་མ་བསླད་པར། །རང་ཤར་མ་བཅོས་རང་བབས་ལྷུག་པར་སྐྱོང་བ་ནི། །མ་ནོར་ཐར་པའི་

[Full Size]

ལམ་མཆོག་ཟབ་མོ་དེ་ཉིད་ཡིན། །ཞེས་དང་། གྲུབ་ཆེན་བིརླ་པས། ཀུན་གྱི་ངོ་བོ་ཡིད་ཀྱི་གཞི་རྩ་གང་ཡིན་ལྟོས། །བལྟས་པས་མ་མཐོང་ཡིད་དང་བྲལ་ན་ངེས་པར་གྲོལ། །སེམས་ཀྱི་ཆོས་ཉིད་དབྱིངས་ལ་འདི་ཞེས་མེད་པས་ན། །དེ་ལ་སྒོམ་དང་བསྒོམ་པར་བྱ་བ་གཉིས་སུ་མེད། །ཡོད་མེད་ཅིར་ཡང་མི་རྟོག་ངང་ལ་རྩེ་གཅིག་བཞག །ཅེས་དང་། དཔལ་ཏེ་ལོ་པས། བློ་ཡི་ཆོས་ཀྱིས་བློས་འདས་དོན་མི་མཐོང་། །བྱས་པའི་ཆོས་ཀྱིས་བྱར་མེད་སངས་མི་རྒྱ། །བློ་འདས་བྱར་མེད་དོན་དེ་རྟོགས་འདོད་ན། །རང་སེམས་རྩད་ཆོད་རིག་པ་གཅེར་བུར་ཞོག །རྟོག་པ་དྲི་མའི་ཆུ་དེ་དྭངས་སུ་ཆུག །སྣང་བ་དགག་སྒྲུབ་མི་བྱ་རང་སོར་ཞོག །སྤང་བླང་མེད་ན་ཕྱག་རྒྱ་ཆེན་པོར་གྲོལ། །ཞེས་དང་། གྲུབ་ཆེན་ནཱ་རོ་པས། སྣ་ཚོགས་སྣང་བ་དཀར་དམར་དང་། །བརྗོད་དུ་མེད་པའི་ཡེ་ཤེས་གཉིས། ཤེས་པས་རིག་ན་གཅིག་པའི་ངང་། །བསྒོམ་པའི་ཟུང་འཇུག་དེ་ལ་མཛོད། །ཅེས་དང་། རྗེ་མེ་ཏྲི་པས། ཕྱི་ནང་ཐམས་ཅད་ལྷན་ཅིག་སྐྱེས་པ་ཉིད། །མི་རྟོག་རྣལ་འབྱོར་ཆུ་བོའི་རྒྱུན་དང་འདྲ། །དེ་ཡང་སེམས་ལས་གཞན་དུ་ཚོལ་བ་མེད། །ཡིད་ལ་མི་བྱེད་ཕྱག་རྒྱ་ཆེན་པོའི་ལམ། །ཞེས་དང་། འཕགས་པ་སྤྱན་རས་གཟིགས་དབང་ཕྱུག་གིས་གྲུབ་ཆེན་མི་ཏྲ་ཛོ་ཀི་ལ་གདམས་

[Full Size]

པ་ལས། རང་སེམས་གདོད་ནས་མ་སྐྱེས་པ། །འཁོར་དང་འདས་པའི་བྱེད་རྒྱུ་ཅན། །གཞན་མིན་རང་གི་སྙིང་དབུས་ནས། །བླ་མའི་ཞལ་ལས་ཤེས་པར་འགྱུར། །གང་སྐྱེས་གཉུག་མ་ཉིད་ཡིན་ཕྱིར། །གང་ཤར་དྲན་པས་མ་བརྗེད་ན། །དེ་ཤར་སྟོང་པ་ཉིད་བདག་ཏུ། །རྣལ་འབྱོར་རྒྱལ་པོ་གདོན་མི་ཟ། །ཞེས་དང་། གྲུབ་ཆེན་དམ་པ་སངས་རྒྱས་ཀྱིས། གཞི་མ་བཅོས་གཉུག་མའི་སྟེང་དུ་བློ་ལ། མི་གཡོ་རང་ལུགས་སུ་བཞག་པས་ཉམས་གཏོང་བཞག་མེད་པར་འཆར་བ་འདི་ནི་ཀོ་ཎ་པཱ་དའི་གདམས་པ་ཡིན། །ཅེས་སོགས་དང་། སྟོང་པའི་ངང་དུ་རིག་པའི་མདུང་སྐོར་གྱིས། །ལྟ་བ་ཐོག་རྡུགས་མེད་དོ་དིང་རི་བ། དྲན་མེད་ངང་དུ་ཡེངས་མེད་བྱ་བ་ཐོངས། །སྒོམ་ལ་བྱིང་རྒོད་མེད་དོ་དིང་རི་བ། །ཤུགས་འབྱུང་ངང་ལས་འགགས་མེད་རྩལ་སྦྱོངས་ཀྱིས། །སྤྱོད་པ་བླང་དོར་མེད་དོ་དིང་རི་བ། །ཞེས་དང་། ཡེ་ཤེས་མཁའ་འགྲོ་ནི་གུ་མས། སྒོམ་མེད་ཡེངས་མེད་གོམས་ཤིང་བརྟན་པ་ལས། །ས་ལམ་རིམ་པ་དུས་འདིར་བགྲོད་བྱེད་དེ། །ཡིད་ལ་མི་བྱེད་སྒྲིབ་པ་རང་སར་དག །སྐུ་གསུམ་འབྲས་བུ་རང་ཤར་ལྷུན་གྲུབ་འབྱུང་། །ཞེས་དང་། མཉམ་མེད་ཇོ་བོ་དཱི་པཾ་ཀཱ་རས། རྟོག་མེད་ཚུལ་གྱིས་རྟོགས་པ་ན། །སྟོང་ཉིད་མཐོང་ཞེས་ཐ་སྙད་གདགས། །མ་མཐོང་བ་ཉིད་དེ་མཐོང་བར། །

[Full Size]

ཤིན་ཏུ་ཟབ་པའི་མདོ་ལས་གསུངས། །ཞེས་དང་། ཤེས་པ་ཅིར་ཡང་མི་རྟོག །ཅིར་ཡང་མི་འཛིན། དྲན་པ་དང་ཡིད་ལ་བྱེད་པ་ཐམས་ཅད་སྤངས་ཏེ། ཇི་སྲིད་དུ་མཚན་མའམ། རྣམ་པར་རྟོག་པའི་དགྲའམ། ཆོམ་རྐུན་ལ་སོགས་པ་མ་ལང་གི་བར་དུ་དེ་ལྟ་བུ་ཤེས་པ་ལ་གནས་པར་བྱའོ། །ཞེས་དང་། ཐམས་ཅད་མཁྱེན་པ་བེ་རོ་ཙ་ནས། བསྒོམ་དུ་མེད་པའི་ཆོས་དབྱིངས་རྗེན་པ་ལ། །བསམ་དུ་མེད་པའི་རིག་པ་མ་ཡེངས་ཞོག །རྟོག་པ་སྐྱེས་ན་རང་ཤར་རང་གིས་གྲོལ། །ལྟ་སྒོམ་མན་ངག་རྩ་བ་དེ་ལས་མེད། །ཅེས་དང་། རོང་ཟོམ་པཎྜི་ཏ་ཆོས་ཀྱི་བཟང་པོས། ཆོས་རྣམས་ཀུན་གྱི་རྩ་བ་ནི། །ལས་རྣམས་གང་ཡང་བཀག་པ་མེད། །བཅིངས་གྲོལ་མེད་པའི་ཆོས་ཀྱི་སྐུ། །རང་གི་སེམས་ཉིད་གཉུག་མ་ཡིན། །རང་སེམས་ཨ་ཏིར་མ་རྟོགས་ན། །གང་ལྟར་བྱས་ཀྱང་འཆིང་བའི་རྒྱུ། །ཞེས་དང་། ཧེ་རུ་ཀ་དངོས་ཟུར་ཆེན་ཤཱཀྱ་འབྱུང་གནས་ཀྱིས། །ལྟ་བ་ཞེས་མིང་དུ་བཏགས་པ་དེ། །ལྟ་རྒྱུ་བྱུང་ན་ལྟ་བ་མིན། །བལྟ་རྒྱུ་མེད་པའི་དོན་ལ་བལྟ། །ཆོས་ཉིད་བརྗོད་མེད་ལམ་དུ་ཁྱེར་། །ཞེས་སོགས་དང་། རྗེ་བཙུན་འཇམ་དཔལ་དབྱངས་ཀྱིས་བླ་མ་ས་སྐྱ་པ་ཆེན་པོ་ལ་གདམས་པ་ལས། འཛིན་པ་བྱུང་ན་ལྟ་བ་མིན། །ཞེས་དང་། དེའི་དོན་རྗེ་བཙུན་གྲགས་པས། ཡོད་པར་

[Full Size]

འཛིན་ལ་ཐར་ཕ་མེད། །མེད་པར་འཛིན་ལ་མཐོ་རིས་མེད། །གཉིས་ཀར་འཛིན་པ་མི་ཤེས་པས། །གཉིས་མེད་ཀྱི་ངང་ལ་གང་དགར་ཞོག །ཅེས་དང་། དཔལ་བརྩེ་བ་ཆེན་པོས། རྣམ་པར་རྟོག་པ་ཡེ་ཤེས་ཀྱི། །དབང་དུ་གྱུར་ན་འཁོར་བ་མེད། །ཡེ་ཤེས་རྣམ་པར་རྟོག་པ་ཡི། །དབང་དུ་གྱུར་ན་གྲོལ་བ་མེད། །བསྐྱེད་རིམ་རྟོག་པ་ཡིན་མོད་ཀྱང་། །རྟོག་པའི་ངོ་བོ་སེམས་ཉིད་དེ། །སེམས་ཀྱི་རང་བཞིན་གསལ་རིག་ཡིན། །གསལ་རིག་རང་བཞིན་སྟོང་པ་ཉིད། །སྟོང་པ་གདོད་ནས་ཆོས་ཀྱི་དབྱིངས། །འཁྲུལ་པ་ཆོས་ཀྱི་དབྱིངས་ཉིད་དུ། །ཤེས་པས་རྟོག་པ་ཐམས་ཅད་ཀྱང་། །ཇི་ལྟར་བསྒོམ་ཀྱང་མི་རྟོག་ཉིད། །བཙལ་ཀྱང་འཁྲུལ་པ་ག་ལ་རྙེད། །ཡིད་ལ་འགྱུ་བ་མ་ལུས་ཀུན། །ཆོས་ཀྱི་དབྱིངས་སུ་ཡོངས་ཤེས་ན། །མི་རྟོག་ཡེ་ཤེས་ཆེན་པོ་ཡི། །འཁྲུལ་པ་ལོགས་སུ་གྲུབ་པ་མེད། །ཅེས་དང་། རྗེ་བཙུན་གྲགས་པས། སྐྱེ་དང་འགགས་དང་གནས་པ་ཡོད་མིན་པ། །བརྗོད་བྲལ་འདི་ལ་ཅི་ཞིག་བསམ་པར་བྱ། །བརྗོད་མེད་བརྗོད་པ་འདི་ལ་དོན་མེད་ཅིང་། །བསམ་མིན་བསམ་པར་བྱ་བའི་གནས་མིན་ལ། །བསྒོམ་དུ་མེད་པ་འདི་ལ་ཅི་ཞིག་བསྒོམ། །དེ་ལྟར་ཤེས་ན་འཛིན་པ་མེད་པར་འགྱུར། །ཞེས་དང་། འཇམ་མགོན་ས་སྐྱ་པཎྜི་ཏས། ཀུན་རྫོབ་སྣང་བ་རྨི་ལམ་སྒྱུ་

[Full Size]

མ་འདྲ། །གང་ཤར་སྟོང་པ་སེམས་ཀྱི་ཁྱེར་སོ་ཡིན། །བཅོས་མེད་ཕྱག་རྒྱ་ཆེན་པོའི་གནས་ལུགས་ལྟོས། །སེམས་ཀྱི་དྲན་འཛིན་གཅེས་སོ་ལོ་ཙཱ་བ། །ཞེས་དང་། རྗེ་བཙུན་མར་པ་ལོ་ཙཱ་བ་ལ་དཔལ་ས་ར་ཧས་གདམས་པ། རྣམ་པར་ཤེས་པ་ཕྱི་མ་ཡིས། །སེམས་ལ་ལྷན་པ་གདབ་ཏུ་མེད། །སྣང་སྲིད་སེམས་ཀྱི་རང་བཞིན་ཤེས། །གཉེན་པོས་བཅོས་ཏེ་བསྒོམ་དུ་མེད། །སེམས་ཀྱི་གནས་ལུགས་དྲན་དུ་མེད། །དེ་ཡང་མ་བཅོས་ངང་ལ་བཞག །ཅེས་དང་། འཁོར་བར་སྐྱོན་དུ་མི་ལྟ་ཞིང་། །མྱ་ངན་འདས་པ་ཐོབ་བྱར་མེད། །ཐ་མལ་ཤེས་པ་རང་ལུགས་དེ། །མ་བཅོས་སོ་མའི་ངང་དུ་བཞག །ཅེས་དང་། རྗེ་ཉིད་ཀྱི་ཞལ་ནས། སྐྱེ་ཤི་གཉིས་ཀྱི་བར་དོ་ལ། །རྣམ་རྟོག་སྣང་བ་ཅི་ཤར་ཡང་། །སྣང་བ་རང་བཞིན་མེད་པ་སྟེ། །འཁྲུལ་པ་བྱུང་ན་ལོག་གནོན་ཐོབ། །ལོག་གནོན་རང་གི་སེམས་ལ་ལྟོས། །བལྟས་པས་དངོས་མེད་རང་སར་གྲོལ། །ཞེས་དང་། རྣལ་འབྱོར་གྱི་དབང་ཕྱུག་མི་ལ་རས་པས། མཐར་ཐུག་དོན་ལ་དགག་སྒྲུབ་མེད། །ཡང་དག་དོན་ལ་བསམ་དུ་མེད། །བསམ་དུ་མེད་པར་བསྒོམ་ཤེས་ན། །ཉོན་མོངས་གྲི་ཟད་བརྡར་ཟད་ཡིན། །བསམ་བློ་མང་པོ་སྐྱེས་ཕྱིན་ཆད། །ཇི་ལྟར་བསྒོམས་ཀྱང་གྲོལ་མི་ནུས། །བསམ་མེད་རྟོག་པ་ཟད་པ་ན། །སྡིག་

[Full Size]

པའི་རྣམ་སྨིན་ཟད་པ་ཡིན། །ཞེས་དང་། ཆོས་རྗེ་དྭགས་པོ་རིན་པོ་ཆེས། མ་བཅོས་བཞག་པའི་སེམས་ནི་སངས་རྒྱས་ཡིན། །འགྲོ་འཆག་ཉལ་འདུག་ཀུན་ཏུ་ལྷུག་པར་ཞོག །དེ་ལྟར་བཞག་པའི་སེམས་ནི་ནམ་མཁའ་འདྲ། །ནམ་ཡང་ཕྱོགས་སུ་མ་ལྷུང་ལྟ་བ་ཡིན། །ཞེས་དང་། མ་གཅིག་ལབ་ཀྱི་སྒྲོལ་མས། ཆོས་དབྱིངས་ཀློང་ཆེན་རང་གསལ་ངང་། །དྲན་རྟོག་ཅིར་སྣང་འཆར་བ་ཡིན། །དཔེར་ན་རྒྱ་མཚོ་ཆེན་པོ་ལ། །རྦ་རླབས་ལ་སོགས་འབྱུང་བ་བཞིན། །དེ་ལྟར་རྟོགས་པའི་སྐྱེས་བུ་ཡིས། །བཅས་བཅོས་མི་དགོས་རང་སར་ཞོག །ཕན་གནོད་མི་འབྱུང་དབྱིངས་སུ་གྲོལ། །ཅེས་དང་། གྲུབ་ཆེན་ཨོ་རྒྱན་པས། ཕྱོགས་མེད་ཀྱི་རིག་པ་རྟེན་མེད་དེ། །ཚོགས་དྲུག་གི་རྐྱེན་ཁར་མི་གཏོང་བར། །དོན་སྤྲོས་བྲལ་ཆེན་པོའི་ངང་ལ་འབྱམས། །དེ་གཡོ་བ་མེད་པ་ལྟ་བའི་མཆོག །ཅེས་དང་། ལྷོ་བྲག་གྲུབ་ཆེན་ནམ་མཁའ་རྒྱལ་མཚན་ལ་དཔལ་གསང་བའི་བདག་པོས་གདམས་པ། །བལྟ་རུ་མེད་པའི་བྱང་ཆུབ་སེམས། །སྟོང་ཉིད་སྙིང་རྗེའི་སྙིང་པོ་ཅན། །སྨྲ་བསམ་བརྗོད་མེད་ངང་ལ་ཞོག །བློ་ལས་འདས་པའི་ངང་ལ་ཞོག །བྱར་མེད་ལྷུག་པའི་ངང་ལ་ཞོག །ཞོག་ཅེས་བྱ་བ་བློ་ཡི་ཚིག །བཞག་དང་མ་བཞག་ཐ་སྙད་མེད། །མིང་མེད་བརྗོད་མེད་བརྟག་གཞི་བྲལ། །

[Full Size]

བརྟག་སྣང་བློ་ནི་དབྱིངས་སུ་ཞི། །དགག་སྒྲུབ་སྤོང་ལེན་དབྱིངས་སུ་ཡལ། །སྤྲིན་ཚོགས་མཁའ་ལ་དེངས་པ་འདྲ། །རྣམ་རྟོག་མ་སྤང་རང་སར་དག །ཅེས་དང་། ཀུན་མཁྱེན་ཆོས་ཀྱི་རྒྱལ་པོ་དྲི་མེད་འོད་ཟེར་གྱིས། གདོད་མའི་ངང་འདིར་བརྗོད་འདས་བཞི་རྩ་བྲལ། །སྤང་བླང་རྩོལ་སྒྲུབ་རེ་དོགས་ཕྱོགས་རིས་མེད། །གནས་དེར་གནས་པ་ཀུན་ཀྱང་ཆོས་ཀྱི་སྐུ། །ཅོག་གཞག་རང་གྲོལ་འབད་མེད་གང་གི་ཡུལ། །གནས་ལུགས་མཐོང་ལ་གཞི་རྩ་གང་ཡང་མེད། །ཆིག་ཆོད་མཐོང་ལ་སྒོམ་པ་རྡུལ་ཙམ་མེད། །སྙེམས་དང་བྲལ་ལ་སྤྱོད་པ་ཡོད་མ་ཡིན། །ཁྲེགས་ཆོད་མཐོང་ལ་དྲན་འཛིན་གཉེན་པོ་མེད། །ཐོད་རྒལ་མཐོང་ལ་སེམས་འཛིན་བསྒོམ་པ་མེད། །རྣམ་རྟོག་བྱུང་ན་གང་ཤར་རང་གྲོལ་ཡིན། །རྩོལ་སྒྲུབ་མ་བྱེད་རང་བབས་ལྷུག་པར་ཞོག །སོ་མ་གཉུག་མ་མ་བཅོས་ཟང་ཐལ་ངང་། །ཅིར་སྣང་ཐམས་ཅད་ཆོས་སྐུའི་ཞིང་དུ་འཆར། །ཞེས་སོགས་རྒྱ་ཆེར་བཀའ་སྩལ་བ་དང་། མངའ་རིས་པཎྜི་ཏ་ཆེན་པོ་པདྨ་དབང་གི་རྒྱལ་པོའི་ཞལ་སྔ་ནས། རྟོག་པ་ཐམས་ཅད་ཡོངས་སྤངས་ནས། །མཉམ་གཞག་ཆོས་བདུན་ངང་དུ་ཀློད། །དེ་ཚེ་གཟུང་འཛིན་གཉིས་མེད་ཀྱི། །ཡེ་ཤེས་གསལ་སྟོང་འཛིན་མེད་འཆར། །དེ་ལ་སྒོམ་སྐྱོན་དང་བྲལ་ན། །ཁྲེགས་ཆོད་ལམ་གྱི་དམ་པ་ཡིན།

[Full Size]

དྲོད་སོགས་མ་ཐོབ་བར་དུ་ནི། །རིམ་ཅན་པ་ཡི་ཚུལ་དུ་འབྱུང་། །དྲོད་སོགས་ཐོབ་ནས་གཅིག་ཅར་དུ། །འབྱུང་བ་འདི་ལ་ཐེ་ཚོམ་མེད། །ཅེས་དང་། རྗེ་བཙུན་པྲཛྙཱ་རསྨིས། གདོད་ནས་གཞི་ཡི་བཞུགས་ཚུལ་འཁྲུལ་མེད་ནི། །ཡོད་པ་མ་ཡིན་ངེས་བཟུང་ཀུན་དང་བྲལ། །མེད་པ་མ་ཡིན་འཁོར་འདས་གང་དུའང་སྣང་། །གཉིས་ཀ་མ་ཡིན་བརྗོད་པའི་ཡུལ་ལས་འདས། །སྨྲ་བསམ་བརྗོད་མེད་གཞི་ཡི་བཞུགས་ཚུལ་ལགས། །ཡེ་ནས་གཞི་ལ་བཅོས་བསྒྱུར་མི་བྱེད་པར། །ལྟ་བའི་གནས་ལུགས་རང་བབས་ཁོ་ན་ཉིད། །འགྲོ་འོང་དང་བྲལ་རང་རིག་ཡེ་ཤེས་འདི། །གཉེན་པོས་མ་བསླད་རྩོལ་བས་མ་བསྒྲིབས་ཤིང་། །ཐ་མལ་ཡེངས་མ་ལམ་དུ་མ་སོང་བར། །ངང་བཞག་ངང་གནས་ཉིད་ལས་མ་གཡོས་བཞག །ཅེས་དང་། ཀུན་མཁྱེན་བླ་མས། གདོད་ནས་གྲོལ་བའི་རིག་པ་ཀ་དག་ནི། །༧། སྟོང་པ་ངོ་བོ་ཉིད་མེད་བསམ་བརྗོད་འདས། །མཚན་ཉིད་བློ་ཡི་བརྗོད་པས་ཐུག་པ་སྤངས། །སྨོན་པ་མེད་ལ་རིག་པའི་ཡོན་ཏན་རྫོགས། །རིག་པ་ཤེས་བྱའི་ཡུལ་ལ་མི་གནས་པས། །ང་དང་ང་ཡིར་འཛིན་པའི་ཆོས་དང་བྲལ། །དེ་ལ་སྒོམ་དང་བསྒོམ་པར་བྱ་བ་མེད། །མ་བཅོས་རྣལ་མར་བཞག་ན་རྗེན་པར་མཐོང་། །རང་གི་ངོ་བོ་གཞན་དུ་མི་འགྱུར་ན། །མ་རིག་འཛིན་པས་སྲིད་པར་འཁྲིད་མི་

[Full Size]

ནུས། །ཕྱི་རོལ་ཡུལ་དང་བདག་ཏུ་ཞེན་པ་རྣམས། །བྱེད་པོས་མ་བྱས་སེམས་རྟོག་བརྟན་ལས་གྲུབ། །གཞི་དང་རྩ་བ་མེད་ལས་ཐམས་ཅད་སྐྱེས། །སྐྱེས་ཙམ་ཉིད་ནས་སྐྱེ་བ་མེད་པར་རྟོགས་། །དེ་ལས་གཞན་པའི་རྟོག་པ་ཡོད་མི་དགོས། །ཀློག་དང་འཛིན་དང་བསྒོམ་དང་བསྟན་བཅོས་སེམས། །མཐའ་དག་བློ་ཡི་གྲུབ་མཐར་ཞིག་གྱུར་ན། །ཡིད་སྨོན་མེད་པའི་སངས་རྒྱས་དེ་ཉིད་དོ། །ཞེས་པ་ལ་སོགས་པས་མཚོན་ཏེ་མདོ་རྒྱུད་བསྟན་བཅོས་ཀུན་ནས་རྒྱ་ཆེར་བཀའ་སྩལ་ཏོ། །དེ་ལྟར་རིག་པར་ཕ་མ་ལ་ནས་མ་གཡོས་པའི་ཚེ་ན། གཟུགས་ལམ་མེ་བ་དང་། སྒྲ་ལྷང་ངེ་བ་དང་དྲི་ཆིལ་ལེ་བ་སོགས་ཚོགས་དྲུག་གི་རྟོག་པ་གང་ཤར་ཡང་ཕྱིར་མི་དཔྱད། ནང་དུ་མི་འཛིན། ཤར་ས་དེ་ཀར་ཅོག་གེར་བཞག་པས་སྣང་ཡུལ་མ་འགགས་ལ་དེར་འཛིན་གྱི་རྟོག་པ་དང་བྲལ་བ་དྭངས་བའི་རྫིང་བུར་ཟླ་བའི་གཟུགས་བརྙན་ཤར་བ་ལྟ་བུ་ཞིག་འབྱུང་བས་སྟོང་པ་དང་རྟེན་འབྲེལ་དབྱེར་མེད་པའི་དོན་ལ་ངེས་ཤེས་མཆོག་ཏུ་འདྲོངས་ཤིང་། ཤེས་རབ་སྙིང་པོ་ལས། གཟུགས་སྟོང་པའོ། །སྟོང་པ་ཉིད་ཀྱང་གཟུགས་སོ། །གཟུགས་ལས་ཀྱང་སྟོང་པ་ཉིད་གཞན་མ་ཡིན་ནོ། །སྟོང་པ་ཉིད་ལས་ཀྱང་གཟུགས་གཞན་མ་ཡིན་ནོ། །ཞེས་དང་། འཕགས་པ་ཀླུས། རྟེན་ཅིང་འབྲེལ་འབྱུང་གང་

[Full Size]

ལགས་པ། །དེ་ནི་སྟོང་པ་ཉིད་དུ་བཤད། །དེ་ནི་བརྟེན་ནས་གདགས་པ་སྟེ། །དེ་ནི་དབུ་མའི་ལམ་ཡིན་ནོ། །ཞེས་གསུངས་པ་དག་གི་དོན་ལ་ཁ་ཕྱིར་བལྟས་ཀྱི་དཔྱད་པ་རྣོན་པོའི་འཛིན་སྟངས་ཉི་ཚེ་བས་གཞལ་བ་ཙམ་མ་ཡིན་པར་རང་རྒྱུད་ལ་མངོན་སུམ་དུ་ཉམས་སུ་མྱོང་བའི་སྒོ་ནས་འབྱོར་བ་ཡིན་ནོ། །མདོར་ན་ལམ་གྱི་རྩ་བ་དལ་འབྱོར་རྙེད་དཀར་ཤེས་པས་རྟེན་ལ་སྙིང་པོ་ལེན་པ་དང་། ཚེ་མི་།རྟག་པར་ཤེས་པར་སྒྲུབ་པ་ལ་ཕྱི་བཤོལ་མི་བྱེད་པ་དང་། བདེ་སྡུག་སྔོན་ལས་སུ་ཤེས་པས་དགེ་སྡིག་བླང་དོར་ལ་བརྩོན་པ་དང་། འཁོར་བ་སྡུག་བསྔལ་དུ་ཤེས་པས་སྲིད་པ་ལ་མངོན་པར་སྐྱོ་བ་དང་། ཡོན་ཏན་བླ་མ་ལས་འབྱུང་བས་དགེ་བའི་བཤེས་གཉེན་ལ་བསྟེན་པ་དང་། མྱང་འདས་མཆོག་ཏུ་བདེ་བས་ཞི་བའི་བྱང་ཆུབ་སྒྲུབ་པ་དང་། ལམ་གྱི་དངོས་གཞི་དགེ་བའི་རྩ་བ་ཆེ་ཕྲ་ཇི་ལྟ་བུ་ཞིག་བསྒྲུབ་ཀྱང་ཐེག་ཆེན་སྙིང་རྗེ་ལ་རགས་ལས་པས་སྦྱོར་བ་སེམས་བསྐྱེད་ཀྱིས་རྩིས་ཟིན་པ་དང་། ཐམས་ཅད་ངོ་བོ་ཉིད་མེད་པས་དངོས་གཞི་དམིགས་མེད་ཀྱི་རྒྱས་གདབ་པ་དང་། དགེ་ཚོགས་ཟད་མེད་དུ་འཕེལ་ཕྱིར་རྗེས་བསྔོ་བ་སྨོན་ལམ་གྱིས་མཚམས་སྦྱོར་བ་དང་། ལམ་གྱི་སྙིང་པོ་འཁོར་འདས་རིག་པ་ལས་བྱུང་བས་རིག་པ་ངོ་ཤེས་པར་བྱས་ནས། མཉམ་རྗེས་ཀུན་ཏུ་ཐ་མལ་གྱི་ཤེས་པ་སྐད་ཅིག་མ་

[Full Size]

འདི་ཀའི་རྒྱུན་རྗེན་ནེ་ཡེར་རེ་སྐྱོང་བ་དང་། ཁྱད་པར་རྟོགས་པ་སྐྱེ་བ་བྱིན་གྱིས་བརླབས་ལ་རགས་ལས་ཤིང་། བྱིན་རླབས་མོས་གུས་ལ་རགས་ལས་པས་ལམ་གྱི་གེགས་སེལ་དང་བོགས་འདོན་མོས་གུས་བླ་མའི་རྣལ་འབྱོར་ཁོ་ན་ལ་འབད་པ་ནི་ཟབ་དོན་ཐམས་ཅད་ཀྱི་མཐར་ཐུག་པ་ཡིན་ཏེ། ཇི་སྐད་དུ། མདོ་སྡུད་པ་ལས། བླ་མ་མཁས་པ་རྣམས་ལ་རྟག་ཏུ་བསྟེན་པར་བྱ། །ཅིའི་ཕྱིར་ཞེ་ན་མཁས་པའི་ཡོན་ཏན་དེ་ལས་བྱུང་། །ཞེས་དང་། སྡོང་པོ་བཀོད་པ་ལས། དགེ་བའི་བཤེས་གཉེན་ཡིད་ལ་བྱེད་པ་དང་མ་བྲལ་བས་དོན་ཐམས་ཅད་འགྲུབ་པར་འགྱུར་རོ། །ཞེས་དང་། དཔལ་ཀྱེ་རྡོ་རྗེ་ལས། གཞན་གྱིས་བརྗོད་མིན་ལྷན་ཅིག་སྐྱེས། །གང་དུ་ཡང་ནི་མི་རྙེད་དེ། །བླ་མའི་དུས་ཐབས་བསྟེན་པ་དང་། །རང་གི་བསོད་ནམས་ལས་ཤེས་བྱ། །ཞེས་དང་། རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་ལས། བླ་མ་སངས་རྒྱས་ཐམས་ཅད་ཀྱི། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཆོད་པར་འགྱུར། །ཉེ་བའི་དཀྱིལ་འཁོར་སྨོས་ཅི་དགོས། །ཞེས་དང་། །སྒྲ་ཐལ་འགྱུར་རྩ་བའི་རྒྱུད་ལས། བླ་མ་སངས་རྒྱས་ཀུན་དང་མཉམ། །བསྟེན་པ་དེ་ལས་ཡོན་ཏན་ནི། །དཔག་བསམ་ཤིང་དང་ཡིད་བཞིན་ནོར། །འདོད་འཇོའི་བ་དང་འདྲ་བ་ཡི། །ཡོན་ཏན་

[Full Size]

དཔག་ཏུ་མེད་པ་ཐོབ། །དེ་ལ་དམིགས་ནས་བླ་མ་བསྟེན། །འཁོར་བའི་གཡུལ་ངོ་བཟློག་ཕྱིར་རོ། །ཞེས་པ་ལ་སོགས་པས་མཚོན་མདོ་རྒྱུད་ཀུན་ལས་སངས་རྒྱས་ཐམས་ཅད་ཀྱི་བགྲོད་པ་གཅིག་པའི་ལམ་མཆོག་ཏུ་བསྔགས་པ་ལ་དགོངས་ནས། ཨོ་རྒྱན་ཆེན་པོས། བྱིན་རླབས་དངོས་གྲུབ་ཀུན་གྱི་རྩ་བ་སྟེ། །བླ་མ་མཆོག་ལ་མོས་གུས་གནད་དུ་བསྣུན། །ཞེས་དང་བདེ་གཤེགས་ཀུན་འདུས་ཐར་༧པའི་ལམ་མཁན་མཆོག །མཆོད་ཡུལ་གཙོ་བོ་བླ་མར་གསོལ་གདབ་བྱ། །ཞེས་སོགས་ཟབ་མོའི་ལམ་ཐམས་ཅད་ཀྱི་རྩ་བར་གསུངས་པ་དང་། གྲུབ་ཆེན་བིརླ་པས་ལམ་འབྲས་རྡོ་རྗེའི་ཚིག་རྐང་དུ། ལམ་ཟབ་བླ་མ་ཞེས་དབང་པོ་རབ་བླ་མའི་ལམ་ཁོ་ནས་དཀྲི་བར་བཞེད་ཅིང་། གཤེད་དམར་སྤྲོས་མེད་ལས་ཀྱང་། བླ་མ་དང་ནི་རྡོ་རྗེ་སེམས། །ཐ་དད་པར་ནི་མི་བྱ་སྟེ། །བླ་མ་སངས་རྒྱས་ཆོས་དང་ནི། །དེ་བཞིན་དགེ་འདུན་བླ་མ་སྟེ། །དངོས་གྲུབ་གོ་འཕང་མཆོག་འདོད་པས། །ཀུན་ནས་བླ་མ་མཉེས་པར་བྱ། །ཞེས་གསུངས། རྣལ་འབྱོར་གྱི་དབང་ཕྱུག་ཏེ་ལོ་པས་དཔལ་ནཱ་རོ་པ་ལ་གདམས་ པ། ཞིང་དང་དངོས་པོ་བསམ་པ་གསུམ། །གཅིག་ཏུ་དྲིལ་ནས་གསོལ་བ་ཐོབ། །གང་འདོད་འབྲས་བུ་འབྱུང་བར་ངེས། །ལྟེམ་རྐྱང་མ་བྱེད་རྣལ་འབྱོར་པ། །གེགས་སེལ་ཀུན་གྱི་ཆོས་གཅིག་པུ། །

[Full Size]

བླ་མ་ཡིན་ནོ་རྣལ་འབྱོར་པ། །བོགས་འདོན་ཀུན་གྱི་ཆོས་གཅིག་པུ། །བླ་མ་ཡིན་ནོ་རྣལ་འབྱོར་པ། །ཞེས་གདམས་པས་མཚོན་བཀའ་བརྒྱུད་གོང་མ་ཐམས་ཅད་ཀྱིས་ཀྱང་འདི་ཁོ་ན་ཐུགས་དམ་གྱི་མཐིལ་དུ་མཛད། ལྷ་གཅིག་དཱི་པཾ་ཀ་རས། ཐེག་ཆེན་གྱི་ཡོན་ཏན་ཆེ་སྐྱེས་ཆུང་སྐྱེས་ཐམས་ཅད་བླ་མའི་མོས་གུས་ལ་བརྟེན་ནས་སྐྱེ་དགོས་ཞེས་དང་། རྗེ་བཙུན་བློ་བཟང་གྲགས་པས། དེ་ནས་འདི་ཕྱིའི་ལེགས་ཚོགས་ཐམས་ཅད་ཇི་སྙེད་པའི། །རྟེན་འབྲེལ་ལེགས་པར་འགྲིགས་པའི་རྩ་བ་ནི། །ལམ་སྟོན་དགེ་བའི་བཤེས་གཉེན་འབད་པ་ཡིས། །བསམ་དང་སྦྱོར་བས་ཚུལ་བཞིན་བསྟེན་པ་རུ། །མཐོང་ནས་སྲོག་གི་ཕྱིར་ཡང་མི་བཏང་བར། །བཀའ་བཞིན་སྒྲུབ་པའི་མཆོད་པས་མཉེས་པར་བྱེད། །ཅེས་སོགས་གསུངས་ནས་བཀའ་གདམས་གསར་རྙིང་རྣམས་ཀྱིས་ཀྱང་ལམ་རིམ་གྱི་ཐོག་མར་བཤེས་གཉེན་བསྟེན་ཚུལ་ནས་འཁྲིད་པར་མཛད། གཞན་ཡང་གྲུབ་ཆེན་དམ་པ་སངས་རྒྱས་ཀྱིས། །སྐྱབས་གནས་བསླུ་བ་མེད་པ་བླ་མ་ཡིན། །འབྲལ་མེད་གཙུག་ཏུ་ཁུར་ཅིག་དིང་རི་བ། །བླ་མས་བསྐྱལ་ན་གང་འདོད་ས་རུ་སླེབ། །རྐང་གླར་མོས་གུས་ཕུལ་ཅིག་དིང་རི་བ། །ཞེས་དང་། ཡེ་ཤེས་ཀྱི་མཁའ་འགྲོ་ནི་གུ་མས་སྒྱུ་མ་ལམ་རིམ་ལས། ལམ་ལྔ་ས་བཅུའི་རིམ་པ་རྣམས། །མོས་

[Full Size]

གུས་སྟོབས་ཀྱིས་བགྲོད་པར་བྱེད། །བླ་མའི་སྣང་བ་མ་བྲལ་ན། །རྒྱུད་སྡེའི་དགོངས་པ་གནད་ཀྱི་མཆོག །ཅེས་དང་། ལམ་ཁྱེར་རྣམ་གསུམ་ལས། ཉིན་མཚན་མཉམ་རྗེས་ཐམས་ཅད་དུ། །ཅིར་སྣང་ཐམས་ཅད་བླ་མར་ཤེས། །བླ་མ་དེ་ཉིད་རང་གི་སེམས། །སྣང་སེམས་བླ་མ་དབྱེར་མེད་པའི། །གསལ་སྟོང་ཆེན་པོ་རང་ཤར་འབྱུང་། །ཞེས་སོགས་མཁས་ཤིང་གྲུབ་པའི་སློབ་དཔོན་རྣམས་ཀྱིས་ཀྱང་མགྲིན་གཅིག་ཏུ་བསྔགས་པར་མཛད་དོ། །དེ་བས་ན་ཤིན་ཏུ་དབེན་པའི་ནགས་ཀྱི་སྨན་ལྗོངས་ཉམས་དགའ་བར་རིགས་ཐམས་ཅད་ཀྱི་བདག་པོའི་ཞབས་སེན་སྤྱི་བོར་འབྲལ་མེད་དུ་བསྒོམས་ཤིང་རིག་སྟོང་རྗེན་པ་སྐད་ཅིག་མ་འདི་ཀའི་ངང་དུ་འཁོར་འདས་ཀྱི་ཆོས་ཐམས་ཅད་ནམ་མཁའ་ལ་སྤྲིན་དེངས་པ་ལྟར་རང་སར་གྲོལ་བའི་ཉམས་ལེན་ལ་མཉམ་རྗེས་དབྱེར་མེད་ཆུ་བོའི་རྒྱུན་བཞིན་དུ་བརྩོན་པ་ནི་རྒྱལ་བ་སྲས་དང་བཅས་པ་དགྱེས་པའི་ལམ་མཐར་ཐུག་པ་ཡིན་པས། ཕྱག་རྒྱ་ཆེན་པོའི་ཡེ་ཤེས་ཚེ་འདི་ཉིད་ལ་བརྙེས་པར་འདོད་པའི་སྐལ་བཟང་རྣམས་ཀྱིས་སྙིང་གི་ཐིག་ལེ་གཅིག་ཏུ་འཛིན་འཚལ། །ཞེས་མཆོག་ཏུ་གདམས་པར་བྱས་སོ། །ཇི་ལྟར་དཔྱིད་ཀྱིས་བཟུང་བ་ཡིས། །ཨུཏྤལ་དགའ་ཚལ་དར་བབས་ལྟར། །འདིས་ཀྱང་དད་དང་བློ་ལྡན་རྣམས། །ངེས་དོན་ལང་ཚོ་རྒྱས་གྱུར་ཅིག །ཨིཏྤ་སེ་མཉྫགྷོ་ཥ་སྱ་ཀྲྀ་ཏཾ་སརྦ་དཱ་ཤུབྷོ། །

སྤང་བླང་གི་བསླབ་བྱ་མདོར་བསྡུས་པའི་གཏམ་ཆོས་ཚུལ་བདུད་རྩིའི་སྤྲིན་ཆར།

[Full Size]

༄༅། །སྤང་བླང་གི་བསླབ་བྱ་མདོར་བསྡུས་པའི་གཏམ། ཆོས་ཚུལ་བདུད་རྩིའི་སྤྲིན་ཆར་ཞེས་བྱ་བ་བཞུགས་སོ། །

[Full Size]

༄༅། །ཨོཾ་སྭ་སྟི་སིདྡྷཾ། དཔག་ཡས་རྒྱལ་བ་སྲས་བཅས་རྣམས་དང་བླ་མ་འཕགས་པ་འཇམ་དབྱངས་ལ། །མཁའ་ཁྱབ་བགྲང་ཡས་མ་རྣམས་དང་བཅས་བདག་ཅག་དད་པས་ཕྱག་བྱས་ནས། །གཞན་ཕན་ལ་ཆགས་ལྷག་བསམ་བཟང་ལྡན་ཁ་བ་པད་རྩ་ལྟར་དཀར་བས། །སྤང་བླང་གནས་འགའ་ཤས་ཙམ་བསྙད་གང་ཡང་དག་དགའ་བས་མཉན་བྱ་ལགས། །ཀི་སོགས་ངག་གི་ཅ་ཅོའི་ཚེར་མ་སྣ་ཚོགས་ཡིད་ཀྱི་རྣམ་གཡེང་དང་། །ཁུ་འཕང་ལྟ་བུའི་ལུས་ཀྱི་སྤྱོད་ལམ་གནས་ངན་ལེན་བཅས་ཀུན་བསལ་ནས། །གེ་སར་འབྲས་བུས་རྣམ་པར་བརྒྱན་པ་དྲང་སྲོང་དགྱེས་པའི་རི་ངོགས་སུ། །ངོ་མཚར་ཀློག་དང་སྤོང་བའི་བྱ་བས་དམ་པའི་རྗེས་སུ་སློབ་པར་མཛོད། །

[Full Size]

ཅི་ལྟར་ཁས་བླངས་ཚུལ་ཁྲིམས་རྣམ་དག་སོ་ཐར་བསླབ་གཞིའི་རྩ་བ་བརྟན། །ཆུ་སྐྱེས་ཇི་བཞིན་ཡིད་དུ་འོང་བའི་སྨོན་འཇུག་བྱང་སེམས་ཡལ་ག་རྒྱས། །ཇེ་ཞིག་མ་ཡིན་ཐ་མལ་དངོས་ཀུན་སྔགས་སུ་སྡོམ་པའི་འབྲས་བུས་དུད། །ཉོ་ཚོང་ལ་སོགས་བྱ་བ་ཀུན་སྤངས་འཕགས་བཞིའི་རིགས་སུ་བསྙེན་པར་མཛོད། །ཏི་ར་ཕྱུགས་ལྟ་བུར་བླང་དོར་གནས་ལ་རྨོངས་པའི་གཞན་དབང་རིང་བཅད་ཕྱིར། །ཐུ་མིའི་གཞུང་ལུགས་རྣམ་གཉིས་ནས་བཟུང་ཐུན་མོང་རིག་ལམ་ཇི་སྙེད་དང་། །དེ་བཞིན་གཤེགས་པས་ལེགས་པར་གསུངས་པའི་སྡེ་སྣོད་རྒྱུད་སྡེའི་ངེས་གསང་ཀུན། །ནོ་པི་སྒྲུབ་པ་ཀ་ཡི་ཆེད་དུ་བསླབས་པས་མཁས་པ་དགྱེས་པའི་དཔལ་ཐོབ་མཛོད། །པི་ཝཾ་

[Full Size]

སྙན་པའི་འགྱུར་བས་མི་མཚོན་གཞུང་ལུགས་རྒྱ་མཚོ་འཆད་ལ་དབང་། །ཕུ་ཆུ་ལྷུང་ལྷུང་དལ་འབབས་ཇི་བཞིན་འཛད་མེད་རྩོམ་ཕྲེང་མགྲིན་པར་བརྒྱན། །བེ་ཏ་པ་ཡི་ཡལ་ག་ལྟར་གཟེངས་ཕས་རྒོལ་སྟོང་གི་དམ་བཅའ་ཀུན། །རྨོངས་པ་མོ་ཧའི་ཤུལ་དུ་རྐང་པ་འགོད་བྱེད་རྩོད་ངག་སེང་གེའི་སྒྲ་སྒྲོགས་མཛོད། །ཙི་ཏྲ་ཀ་བཞིན་གདུང་བ་སྐྱེད་པའི་ཉེས་པ་ལྔ་པོ་བསལ་སླད་དང་། །ཚུ་རོལ་མཐོང་བས་ནམ་ཡང་མི་མཚོན་འཕགས་པའི་ཡེ་ཤེས་མངོན་བྱེད་ཕྱིར། །ཛེ་ཏའི་ཚལ་མཚུངས་ཞི་བའི་ནགས་སུ་སྤོང་བའི་འདུ་བྱེད་བརྒྱད་བསྟེན་པས། །ཕོ་ཆུ་ལྷ་ཛི་ཧཱས་ཀྱང་སྨྲ་བར་མི་ནུས་བསམ་གཏན་བདེ་བས་སིམ་པར་མཛོད། །ཞི་ལ་མ་ཆགས་སྲིད་མཐར་མི་གནས་བརྩེ་དང་རིག་པས་འཁོར་འདས་མཐའ། །ཟུ་ཆ་མཉམ་པའི་བརྡ་རྙིང་གུ་ལུགས་སུ་དབུ་མར་འཛུད་བྱེད་ཤེས་རབ་ཟབ་མོར་མི་ཕྱེད་པས། །འེ་ཞེས་སྙན་པའི་སྨྲ་བ་དང་བཅས་སྦྱིན་སོགས་ཕར་ཕྱིན་ཀུན་སྤྱོད་ཅིང་། །ཡོ་ག་ཆེན་པོའི་ལམ་མཆོག་ལ་བརྟེན་ཚེ་འདིར་ཟུང་འཇུག་ཐོབ་པར་མཛོད། །རི་དབང་ལྟར་བརྟན་བྱང་ཆུབ་སེམས་དང་ཤེས་རབ་སྙིང་རྗེའི་མཐུས་བསྐུལ་ཏེ། །ལུ་མའི་ཆུ་བཞིན་རྒྱུན་མི་འཆད་པར་གཞན་ཕན་སྙིང་སྟོབས་གོ་ཆ་བགོ །ཤེ་མུན་སྟུག་པོ་ཉམ་ངར་འཁྱམས་པའི་མ་རྣམས་ཐར་པའི་ལམ་བཟང་ལ། །སོ་སོར་འགོད་པའི་གཡར་

[Full Size]

དམ་བརྟན་པོས་སྲས་བཅས་རྒྱལ་བ་དགྱེས་པར་མཛོད། །ཧི་ཁ་བ་མའི་ཕུང་པོ་ཇི་བཞིན་རབ་དཀར་ཀུན་སློང་བཟང་པོས་གཞི་བཟུང་ནས། །ཨུ་ད་དྷི་ཆུ་འཛིན་ལྟར་སྙན་པའི་ངག་གིས་ཆོས་ཚུལ་བདུད་རྩིའི་ཆར་ཕབ་མཐུས། །ཀྱེ་ཧེ་ཞེས་ཚིག་གིས་བསྐུལ་བའི་མོད་ལ་འགྲོ་ཀུན་ཕན་བདེའི་ལམ་ཞུགས་ཏེ། སྨན། ཨོ་ཥ་དྷི་ལྟར་ཉོན་མོངས་ནད་སེལ་ཀུན་མཁྱེན་གོ་འཕང་མྱུར་ཐོབ་ཤོག །ཅེས་དབྱངས་ཨ་ངེས་པ་དང་། བོད་ཀྱི་ཡི་གེ་སུམ་ཅུ་ལ་ཨཱ་ལི་གསལ་བྱེད་བཞིས་བརྒྱན་པ་དང་སྤེལ་བས་རྗོད་བྱེད་བྱ་དཀའ་ཞིང་། བརྗོད་བྱ་བློ་གསལ་ཐར་འདོད་རྣམས་ཀྱི་སྤང་བླང་གི་བསླབ་བྱ་ཐམས་ཅད་མདོར་བསྡུས་ཏེ་མཚོན་པར་ནུས་པའི་གཏམ་གྱི་སྦྱོར་བ་ཉུང་ངུ་འདིའང་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་རབ་ཚེས་དཀར་པོའི་གནམ་ལོ་གསར་དུ་འཆར་བའི་དཀར་ཕྱོགས་ཀྱི་རྒྱལ་བ་དང་པོའི་ཉིན་བྲིས་པ་དོན་དང་ལྡན་པར་གྱུར་ཅིག། ༈ །།ཨོཾ་སྭ་སྟི། སྤང་བླང་གི་བསླབ་བྱ་མདོར་བསྡུས་པའི་གཏམ་གྱི་སྦྱོར་བ་འདིའི་བསྡུས་དོན་ཅུང་ཟད་འཆད་ན་གསུམ། ཀླད་དང་། གཞུང་དང་། མཇུག་གོ །དང་པོ་ལ་བཞི། མཚན་བསྟན་པ། ཤིས་པར་བརྗོད་པ། ཕྱག་བྱ་བ། བརྩམ་པར་དམ་བཅའ་བ་རྣམས་རིམ་པར། །སྤང་བླང་སོགས་དང་། ཨོཾ་སྭ་སྟི་སིདྡྷཾ་

[Full Size]

དང་། དཔག་ཡས་སོགས་དང་། གཞན་ཕན་སོགས་ཀྱིས་བསྟན་ཅིང་། ཕྱི་མ་འདིའི་ཁོངས་སུ་དངོས་པོ་ངེས་བསྟན་ཡང་ཚང་ངོ་། །གཉིས་པ་ལ་གསུམ། སྤང་བླང་གི་གནས་མདོར་བསྡུས་ཏེ་བསྟན་པ། བླང་བྱའི་གནས་རྒྱས་པར་བཤད་པ། གཞན་ལ་ཕན་པ་སྒྲུབ་པའི་ཚུལ་གྱིས་དོན་བསྡུ་བའོ། །དང་པོ་ནི། ཀི་སོགས་ངག་གི་སོགས་སོ། །གཉིས་པ་ལ་གཉིས། རྒྱལ་བའི་བསྟན་པ་རིན་པོ་ཆེའི་སྒོར་འཇུག་ཚུལ་དང་། ཞུགས་པའི་རྟེན་དེས་ཐོས་བསམ་སྒོམ་གསུམ་ཇི་ལྟར་བྱ་བའི་ཚུལ་ལོ། །དང་པོ་ནི། ཅི་ལྟར་སོགས་སོ། །གཉིས་པ་ལ་གཉིས། ཀློག་པ་ཐོས་བསམ་གྱི་ཚུལ་ལ་བསྐུལ་བ་དང་། སྤོང་བ་བསམ་གཏན་གྱི་ཚུལ་ལ་བསྐུལ་བའོ། །དང་པོ་ལ་གཉིས། རང་དོན་དུ་ཐོས་བསམ་ཇི་ལྟར་བྱ་བའི་ཚུལ་དང་། གདུལ་བྱ་གཞན་རྗེས་སུ་འཛིན་པའི་ཚུལ་ཏེ། ཏི་ར་སོགས་དང་། པི་ཝང་སོགས་སོ། །གཉིས་པ་ལ་གཉིས། ཞི་གནས་བསམ་གཏན་བསྒོམ་ཚུལ་དང་། ལྷག་མཐོང་ཤེས་རབ་བསྐྱེད་ཚུལ་ཏེ། ཙི་ཏྲ་ཀ་སོགས་དང་། ཞི་ལ་མ་ཆགས་སོགས་ཀྱིས་བསྟན་ཅིང་། ཕྱི་མའི་ཁོངས་སུ་སྦྱིན་སོགས་ཕར་ཕྱིན་གཞན་དང་རྡོ་རྗེ་ཐེག་པ་ལ་བསླབ་ཚུལ་ཡང་མཚོན་ནོ། །གསུམ་པ་ནི། རི་དབང་ལྟར་བརྟན་སོགས་ཏེ། བྱ་བ་ལས་ཀྱི་འཁོར་ལོའང་མཚོན་པ་ཡིན་ནོ། །གསུམ་པ་

[Full Size]

མཇུག་གི་དོན་ལ་གསུམ། བསམ་སྦྱོར་ཇི་ལྟ་བུས་བརྩམས་ཚུལ། བརྩམས་པའི་དགེ་བ་རྫོགས་བྱང་དུ་བསྔོ་བ། སྦྱར་བྱང་གིས་མཇུག་བསྡུ་བ་སྟེ། ཧི་མའི་སོགས་དང་། ཧེ་ཞེས་སོགས་དང་། ཅེས་དབྱངས་ཨ་ངེས་པ་སོགས་སོ། །ཞེས་པའང་མཉྫགྷོ་ཥ་རང་ཉིད་ཀྱིས་བྲིས་པ་དགེ། ༈ །།ཨོཾ་སྭ་སྟི་སིདྡྷཾ། རིགས་ཀུན་ཁྱབ་བདག་བླ་མ་ལ། །རྩེ་གཅིག་གུས་པས་ཕྱག་བཙལ་ནས། །ཟབ་ལམ་སྙིང་པོར་དྲིལ་བའི་གཏམ། །དད་ལྡན་ཉམས་ལེན་གསོས་སུ་སྦྱིན། །རང་རེ་རྣམས་ཀྱིས་རྙེད་པ་ཡི། །དལ་བརྒྱད་འབྱོར་བཅུ་ལྡན་པའི་ལུས། །འདི་འདྲ་རྙེད་དཀའ་དོན་ཆེ་བས། །སྙིང་པོ་ལེན་པའི་ཐབས་ལ་འབད། །དེ་ཡང་ངེས་པར་འཆི་བ་དང་། །ནམ་འཆི་ཆ་མེད་འཆི་བའི་ཚེ། །ཆོས་མིན་གང་གིས་མི་ཕན་པས། །དམ་ཆོས་མྱུར་དུ་བརྩོན་པས་བསྒྲུབ། །འཆི་བའི་འོག་ཏུ་དཀར་ནག་ལས། ཁོ་ནའི་རྗེས་སུ་འབྲང་བས་ན། །དགེ་སྒྲུབ་སྡིག་སྤང་དམ་བཅའ་ནི། །རྟག་ཏུ་སྙིང་ལ་རི་མོ་བྲིས། །འཁོར་བའི་གནས་རིས་གར་སྐྱེས་ཀྱང་། །སྡུག་བསྔལ་བསམ་གྱིས་མི་ཁྱབ་པས། །དེ་ལས་རང་གཞན་སེམས་ཅན་ཀུན། །མྱུར་དུ་ཐར་བར་འདོད་པའི་བློས། །དཀོན་མཆོག་གསུམ་ལ་སྐྱབས་འགྲོ་ཞིང་། །སྨོན་འཇུག་བྱང་ཆུབ་སེམས་གཉིས་བསྐྱེད། །སྒྲིབ་སྦྱོང་རྡོར་སེམས་སྒོམ་

[Full Size]

བཟླས་དང་། །ཚོགས་གསོག་མཎྜལ་རྣལ་འབྱོར་བྱ། །ཁྱད་པར་བྱིན་རླབས་མྱུར་འཇུག་པས། །ལྷན་སྐྱེས་ཡེ་ཤེས་རྟོགས་པའི་ཐབས། །མོས་གུས་བླ་མའི་རྣལ་འབྱོར་ནི། །དུས་རྣམས་ཀུན་ཏུ་བརྩོན་པས་བསྒོམ། །སྤྱི་བོར་པད་ཉི་ཟླ་བའི་སྟེང་། །སྐྱབས་གནས་ཀུན་འདུས་བླ་མར་གསལ། །གདུང་ཤུགས་དྲག་པོས་གསོལ་གདབ་ཅིང་། །དབང་བཞི་བླངས་ཤིང་ཐུགས་ཡིད་བསྲེ། །ལུས་གནད་རྣམ་སྣང་ཆོས་བདུན་ལ། །ངག་གི་རླུང་གནད་དལ་བར་བསླབ། །མིག་གནད་བར་སྣང་གཡོ་མེད་གཏད། །ཡིད་གནད་དུས་གསུམ་སྤྲོས་པ་བཅད། །དེ་ཚེ་འདས་པའི་རྣམ་རྟོག་འགགས། །མ་འོངས་རྣམ་རྟོག་མ་སྐྱེས་ཤིང་། །ད་ལྟའི་ཤེས་པ་སྐད་ཅིག་མ། །ཉམས་སུ་མྱོང་བཞིན་བསམ་བརྗོད་བྲལ། །གསལ་སྟོང་ཟུང་འཇུག་རིག་པའི་གཤིས། །འདི་ཀ་གདོད་མའི་གནས་ལུགས་ཏེ། །བཅོས་མའི་བློ་ཡིས་མ་བསླད་པར། །རང་བབས་སྤྲོ་བསྡུ་བྲལ་བར་བསྐྱང་། །དེ་ཡི་ངང་ལས་གཟུང་འཛིན་གྱི། །རྣམ་པར་རྟོག་པ་ཅི་ཤར་ཡང་། །དྭངས་པའི་ཤེལ་ལ་ཚོན་རིས་ལྟར། །མ་འདྲེས་འཛིན་མེད་རང་སར་གྲོལ། །དུས་དང་གནས་སྐབས་ཐམས་ཅད་དུ། །གསལ་རིག་དེ་ཀའི་རྒྱུན་བསྐྱངས་ནས། །བསྒོམ་མེད་ཡེངས་མེད་ཆེན་པོའི་ངང་། །མཐར་ཐུག་བཙན་ས་ཟིན་པར་མཛོད། །

[Full Size]

མདོར་ན་ཅིར་སྣང་ལྷ་ཡི་སྐུ། །སྒྲར་གྲགས་གསང་སྔགས་རྡོ་རྗེའི་སྒྲ། །དྲན་རྟོག་དབྱིངས་ལས་མ་གཡོས་ན། །མཆོག་དངོས་ཚེ་འདིར་འགྲུབ་པར་ངེས། །དེ་སྐད་དད་ལྡན་མོས་པའི་ངོར། །རྣལ་འབྱོར་འཇིགས་པ་མེད་པའི་སྡེས། །གང་ཤར་ཡི་གེར་སྤེལ་བའི་དགེས། །གདོད་མའི་གྲོལ་གཞི་མངོན་གྱུར་ཤོག །སརྦ་མངྒ་ལཾ།། ༈ །།ན་མོ་གུ་རུ་བྷྱ༔ སྲས་བཅས་སངས་རྒྱས་ཐམས་ཅད་དང་། །དབྱེར་མེད་དཔལ་ལྡན་བླ་མ་ཡི། །ཡེ་ཤེས་གཟིགས་པའི་བྱིན་རླབས་ཀྱིས། །ཁྱོད་ལ་རྟག་ཏུ་སྲུང་གྱུར་ཅིག །རྒྱལ་བས་གདུལ་བྱའི་བསམ་པ་དང་། །རྗེས་མཐུན་དམ་པའི་ཆོས་ཀྱི་སྒོ། །མཐའ་ཀླས་སྣང་བར་མཛད་པ་ཡང་། །བསྡུ་ན་སྡེ་སྣོད་གསུམ་དུ་འདུ། །དེ་དག་ཀུན་གྱི་བརྗོད་བྱའི་དོན། །བསླབ་པ་གསུམ་དུ་ལེགས་རྟོགས་ནས། །གྲོལ་བ་འབའ་ཞིག་དོན་གཉེར་བློས། །ལམ་སྟོན་བཤེས་གཉེན་འབད་པས་བསྙེན། །དལ་དང་འབྱོར་བ་རྙེད་དཀའ་ཞིང་། །ནམ་འཆིའི་ངེས་པ་མ་མཆིས་ཕྱིར། །ལས་འབྲས་བླང་དོར་བརྩོན་པ་དང་། །སྲིད་ལས་ངེས་འབྱུང་རྟག་ཏུ་བསྒོམ། །མཐའ་ཡས་ཡོན་ཏན་དཔག་བསམ་ལྗོན། །བསྐྱེད་ཅིང་འཕེལ་བའི་ས་གཞི་ནི། །ཇི་ལྟར་ཁས་བླངས་ཚུལ་གནས་ཁྲིམས། །རྣམ་པར་དག་པའི་ཐབས་ལ་འབད། །ཤིན་ཏུ་ཞི་བའི་དབེན་གནས་སུ། །

[Full Size]

ཉེས་པ་ལྔ་སྤངས་འདུ་བྱེད་བརྒྱད། །བསྟེན་པའི་ཡན་ལག་རྫོགས་པ་ཡིས། །སེམས་གནས་རྣམ་དགུའི་ཏིང་འཛིན་སྒྲུབས། །བདག་དང་ཕུང་པོ་རྣམ་རིག་གི །སྤྲོས་པའི་སྦྱོར་བ་ལས་འདས་པ། ། སྣང་དང་སྟོང་པ་འགལ་མེད་པའི། །དོན་དམ་རྟོགས་པའི་ཤེས་རབ་བསྐྱེད། །ཀུན་རྫོབ་ཏུ་ཡང་ཆོས་རྣམས་ཀུན། །བདེན་གཉིས་དབྱེར་མེད་ངེས་བྱས་ནས། །དེ་ཀུན་ལྷ་དང་ཡེ་ཤེས་ཀྱི། །བསྐྱེད་རྫོགས་ཟུང་འཇུག་ཆེན་པོར་སྦྱང་། །མདོར་ན་ངེས་འབྱུང་སྙིང་རྗེ་དང་། །མོས་གུས་དྲག་པོས་མཚམས་སྦྱར་ནས། །སྣང་གྲགས་རྟོག་ཚོགས་ལྷ་སྔགས་དང་། །ཡེ་ཤེས་ཆོས་སྐུར་ལམ་ཁྱེར་འཚལ། །རང་ལ་བསླབ་དང་གྲོལ་བ་ཡི། །ཡོན་ཏན་ཅུང་ཟད་མེད་མོད་ཀྱི། །ལྷག་བསམ་དག་པས་གསོལ་འདིས་ཀྱང་། །དོན་གཉིས་འགྲུབ་པའི་བཀྲ་ཤིས་ཤོག །ཅེས་ཤྲཱི་པརྦ་ཏ་ཐེག་པ་མཆོག་གི་གླིང་ནས་བློ་གསལ་པྲཛྙཱའི་མཚན་ཅན་གྱིས་ཆེད་དུ་བསྐུལ་བ་ཡིད་ལ་དྲན་པས་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་རིང་མོའི་ལམ་ནས་གདམས་པ་དགེ་ལེགས་སུ་གྱུར་ཅིག། ༈ །། རྒྱལ་རྣམས་གཞན་དོན་སངས་རྒྱས་ཕྱིར། །བདག་ཅག་ཁོ་ནར་ཐུགས་བརྩེ་བས། །ལམ་སྟོན་དགེ་བའི་བཤེས་གཉེན་དུ། །སྣང་ལ་དངོས་པོ་ཀུན་གྱིས་འདུད། །ལུང་མ་བསྟན་ལས་ཀུན་བསླང་

[Full Size]

བའི། །སེམས་ནི་དགེ་ལ་མངོན་བཞག་ནས། །དེ་ནས་ཀུན་ཏུ་སྤྱོད་པ་ཡང་། །རྣམ་པར་དག་པའི་ཐབས་ལ་འབད། །བསམ་པ་ཕུན་སུམ་ཚོགས་པ་ཡིས། །སྦྱོར་བ་གང་ལ་འཇུག་གྱུར་ཡང་། །གསེར་འགྱུར་རྩི་ཡིས་ཐེབས་པ་ཡི། །དངོས་བཞིན་དོན་དང་བཅས་པར་འགྱུར། །རྣམ་པར་མ་གྱུར་ཀུན་འབྱུང་ལས། །རྣམ་འགྱུར་སྡུག་བསྔལ་ནད་ཆེན་འདི། །ཐབས་གང་གིས་ནི་བཟློག་འགྱུར་ཅེས། །ཉིན་མཚན་རྟག་ཏུ་བསམ་པ་ན། །དམ་པའི་ཆོས་ཀྱི་སྨན་ཆེན་ལས། །གཞན་མིན་དེ་ཡང་སྨན་པ་མཆོག །དགེ་བའི་བཤེས་ལ་རག་ལས་ཤིང་། །ངེས་པ་བརྟན་པོ་རྙེད་པའི་ཚེ། །ལྟ་དང་སྤྱོད་པ་རྣམ་དག་ཅིང་། །རྗེས་སུ་འཛིན་པའི་སྙིང་བརྩེ་ནས། །སྐྱེས་བུ་དམ་པ་ངེས་བཙལ་ནས། །མཉེས་པ་གསུམ་གྱིས་བསྟེན་པར་བྱ། །དེ་ནས་ཉེས་སྤྱོད་སྤོང་བ་ཡི། །ཚུལ་གནས་ཁྲིམས་ཀྱིས་གཞི་བཟུང་སྟེ། །དགེ་ཆོས་ཕུན་ཚོགས་སྡུད་མཁས་པ། །ཐོས་བསམ་ཤེས་རབ་བསྐྱེད་ནས་ཀྱང་། །ཇི་ལྟར་དཔྱད་པས་གྲུབ་པའི་དོན། །རང་རྒྱུད་འདུལ་བའི་ཐབས་ཁོ་ནར། །སྦྱར་ཏེ་ཞི་བའི་ནགས་ཀླུང་དུ། །བསྒོམ་པའི་བདུད་རྩི་མི་ཕྱེད་བཏུང་། །སྔོན་དུ་འགྲོ་བའི་རྩིག་ངོས་སུ། །དངོས་གཞིའི་རི་མོ་ལེགས་འབར་བ། །རྗེས་སུ་བསྐྱངས་པའི་ཐབས་མཁས་ཀྱིས། །འཇིག་རྟེན་གསུམ་གྱི་

[Full Size]

མཆོད་རང་གཞན་དོན་གཉིས་ཕུན་ཚོགས། སྡོང་འགྲུབ། །ཁྱད་གཞི་དང་ནི་ཁྱད་ཆོས་ཀྱི། །དལ་འབྱོར་རྙེད་དཀའི་ཚུལ་རྟོགས་ནས། །ཕྲ་བའི་མི་རྟག་ལེགས་བསམས་ན། །སྤྱོད་ཡུལ་དོན་མེད་ཇི་ལྟར་བཟོད། །ཀྱེ་མ་འཁོར་བ་སྡུག་བསྔལ་ཏེ། །ལྟར་སྣང་བདེ་བའང་བསླུ་བའི་རྒྱུ། །དེ་བས་འབད་པ་ཐམས་ཅད་ཀྱིས། །སྲིད་པའི་རྩ་བ་བཅད་པར་བྱ། །རང་དོན་མཐར་ཕྱིན་འགྲོ་ཀུན་ལ། །ཕན་བཞེད་ཐབས་དང་བཅས་པ་ཡི། །རྫོགས་སངས་རྒྱས་ལ་སྐྱབས་སོང་ནས། །ཆོས་དང་དགེ་འདུན་དག་ཀྱང་བསྙེན། །འབྱུང་རྔུབས་དབང་པོ་བློ་དག་གི །རིག་པས་སྔ་མའི་སྐྱེ་ཡོད་པར། །འགྲུབ་ཅིང་དེ་ཡང་ཐུག་མེད་ཕྱིར། །འགྲོ་ཀུན་ཕ་མར་ངེས་བྱས་ཏེ། །དྲིན་བཟོའི་ཚུལ་ལ་རྣམ་བརྟགས་ན། །བྱམས་དང་སྙིང་རྗེ་ལྷག་བསམ་དང་། །སྨོན་དང་འཇུག་པའི་བདག་ཉིད་ཀྱི། །བྱང་ཆུབ་སེམས་རྣམས་རིམ་བཞིན་སྐྱེས། །དེ་མཐར་འཁོར་རྩ་བདག་འཛིན་དང་། །དངོས་གཉེན་བདག་མེད་རྟོགས་པ་ཡི། །ཤེས་རབ་ཉིད་ལས་གཞན་མིན་ཕྱིར། །འདི་ཉིད་རྟོགས་པའི་ཐབས་ལ་འབད། །གང་ཚེ་ངར་འཛིན་ལྷན་སྐྱེས་ཉིད། །ཕུང་སོགས་རྟེན་དང་གཅིག་པའམ། །ཐ་དད་གང་ཡིན་དཔྱད་པ་ན། །གཅིག་ན་དངོས་ཀུན་གཅིག་ཏུ་འགྱུར། །ཐ་དད་ཉིད་ན་གདགས་གཞི་རྣམས། །བློ་ཡི་གུད་དུ་

[Full Size]

ཕྱེ་བ་ན། །བདག་འཛིན་རྫ་ས་གཞན་མ་དམིགས་ཕྱིར། །གཞི་མེད་འཁྲུལ་པོ་ཉིད་དུ་ཟད། །དེ་ནས་གདགས་གཞིའི་ཕུང་པོ་སོགས། །དོན་དང་སེམས་སུ་ལེགས་བསྡུས་ནས། །ཕྱོགས་དང་ཕྲད་པ་བརྟག་པ་སོགས། །བློ་གྲོས་ཞིབ་མོས་དཔྱད་པ་ན། །ཐག་ཁྲ་སྦྲུལ་དུ་འཛིན་པའི་ཚེ། །ཐག་པ་ཉིད་དང་སྐུད་པ་དང་། །རྡུལ་དང་ཆ་མེད་རིམ་པ་བཞིན། །བདག་མེད་རྣམ་གཉིས་མངོན་དུ་བྱེད། །དེ་ལྟར་ན་ཡང་ཆོས་རྣམས་ཀུན། །བརྟེན་ནས་གདགས་པ་ཙམ་ཉིད་དང་། །དེ་ཡང་དཔྱད་མཐར་མི་སོན་པའི། །བརྗོད་བྲལ་བློ་འདས་དགོངས་པར་འཇུག །གང་ཚེ་དོན་དམ་གྲུབ་ཚད་དང་། །ཉམས་སུ་མྱོང་བ་མི་ཕྱེད་པའི། །སྟོང་དང་རྟེན་འབྱུང་འགལ་མེད་པས། །རྨི་ལམ་ལྟ་བུའི་བསོད་ནམས་སྤྱད། །མཛད་འཕྲོ་ལུས།། ༈ །།བདག་མེད་རྣམ་གཉིས་ལས་བརྩམས་པའི་གདམས་པ་མདོར་བསྡུས་བདུད་རྩིའི་ཟེག་མ་ཞེས་བྱ་བ། ཤེས་དང་ཤེས་བྱ་རོ་གཅིག་པར། །ཐུགས་སུ་ཆུད་པའི་རྒྱལ་བའི་སྲས། །གཞན་ཕན་ཕ་མཐའ་ཡས་པ་ཡིས། །ཁྱེད་ལ་ཤིས་པ་སྦྱིན་གྱུར་ཅིག །བྱང་ཆུབ་མཆོག་ལ་རབ་དམིགས་ནས། །སྲིད་ལས་ཇི་ལྟར་ཐར་འགྱུར་ཞེས། །ངེས་འབྱུང་བློ་འདི་ཐོག་མ་ནས། །འབད་པས་བསྐྱེད་པར་བྱ་བ་ཉིད། །དེ་ཚེ་སྲིད་པའི་རྩ་བ་ནི། །གང་ཡིན་ལེགས་པར་

[Full Size]

ངེས་བྱས་ཏེ། །དེ་ཉིད་གཅོད་པའི་རིག་པ་ལས། །བསྟེན་གོམས་བྱ་ཞེས་མཁས་རྣམས་གསུངས། །འདི་ནི་གཅིག་ཏུ་འཐད་པ་སྟེ། །ཇི་ལྟར་སྲོག་འཕྲོག་དུག་སོགས་ཀྱི། །རྩ་བ་དྲུངས་ནས་མ་བྱུང་ན། །མྱུ་གུ་བཅད་ཀྱང་སླར་ལ་སྐྱེ། །དེ་བས་ཁམས་གསུམ་ཡིད་ཅན་ཀུན། །འཇིགས་ཚོགས་ལྟ་དང་མཚུངས་ལྡན་པའི། །བདག་ཏུ་འཛིན་པ་ལ་བརྟེན་ནས། །ཕ་མཐའ་མི་མངོན་འཁོར་བར་འཁྱམས། །དེ་ལ་ཐབས་ཀྱི་ཕྱོགས་གཞན་གྱིས། །དངོས་སུ་གནོད་པ་ནུས་མིན་ཏེ། །གང་དང་འཛིན་སྟངས་འགལ་བ་ཡི། །བདག་མེད་རྟོགས་པའི་ཤེས་རབ་བརྟེན། །འདི་ལྟར་ཕུང་པོ་ཚོགས་ཙམ་ལ། །བསྟེན་པའི་ངར་འཛིན་ལྷན་སྐྱེས་དང་། །གཞན་སྡེས་གསར་དུ་བཏགས་པ་ཡི། །བདག་དེ་རིག་པས་རྣམ་དཔྱད་ན། །བེམ་ཤེས་ལྡན་མིན་འདུ་བྱེད་དེ། །རྣམ་པ་གསུམ་ལས་འདའ་བ་མེད། །དེ་དག་ཀྱང་ནི་རྡུལ་ཕྲན་དང་། །སྐད་ཅིག་བར་དུ་བསིལ་བྱས་ནས། །ཕྱོགས་དང་དུས་ཀྱི་ཆ་ཤས་ཀྱི། །ངེས་པས་ལེགས་པར་བརྟགས་པ་ན། །གདགས་གཞི་ཉིད་ཀྱང་མ་གྲུབ་ཕྱིར། །གདགས་པ་ཇི་ལྟར་འགྲུབ་པར་འགྱུར། །འོ་ན་མངོན་སུམ་སྣང་བ་འདི། །ཇི་ལྟར་ཞེ་ན་ཐོག་མེད་ནས། །འཁྲུལ་པའི་གཉིད་ཀྱིས་བསླད་པ་ཡི། །རྫུན་པའི་རི་མོ་ཙམ་དུ་ངེས། །གལ་ཏེ་ཡུལ་ཉིད་བདེན་མིན་

[Full Size]

ཡང་། །དེ་འཛིན་ཤེས་པ་བདེན་ཅེ་ན། །རྨི་ལམ་སྣང་དང་ཤེས་པ་བཞིན། །གང་བདེན་གང་ནི་འཁྲུལ་པར་འགྱུར། །མདོར་ན་སྣང་ཙམ་མི་འགོག་ཀྱང་། །བདེན་ཞེན་བློ་ནི་དགག་བྱ་ཉིད། །མཐར་ཐུག་གཉིས་ཀ་མ་དམིགས་ཕྱིར། །བློ་ཡི་ཡུལ་ལས་ཤིན་ཏུ་གྲོལ། །ཨེ་མ་རྟེན་ཅིང་འབྲེལ་འབྱུང་གི །རྐྱེན་ལས་སྐྱེས་ཕྱིར་དེ་མ་སྐྱེས། །འོན་ཏང་འགགས་པའང་མ་མཆིས་པའི། །ཟུང་འཇུག་ཚུལ་འདི་རྟོགས་པར་མཛོད། །དེ་ལྟར་གནས་དང་སྣང་ཚུལ་གྱི། །ངེས་པས་མཐའ་གཉིས་མུན་བསལ་ཏེ། །བསོད་ནམས་ཡེ་ཤེས་ཚོགས་ཟུང་གིས། །གློ་བུར་དྲི་མ་བསལ་ལ་བརྩོན། །བློ་གྲོས་མཆོག་ཏུ་གྱུར་པ་ན། །ད་གཟོད་དཔྱད་པས་མི་མཚོན་པའི། །ལྷན་ཅིག་སྐྱེས་པའི་ཕྱག་རྒྱ་ཆེ། །རྡོ་རྗེ་སྔགས་ཀྱི་མཐུ་ཡིས་བསྐྱེད། །གང་གི་ཤེས་རབ་ཟབ་མོ་དང་། །ཐབས་ཀྱི་ཁྱད་པར་མི་ཕྱེད་པས། །ཚེ་གཅིག་ཁོ་ནས་ཟུང་འཇུག་གི །གོ་འཕང་མངོན་དུ་བརྙེས་གྱུར་ཅིག །ཅེས་པའང་ཐུབ་བསྟན་རྡོ་རྗེ་བྲག་གི་ཆོས་མཛད་ས་མནྟས་ཆེད་དུ་བསྐུལ་བ་བཞིན་རྣལ་འབྱོར་འཇིགས་པ་མེད་པའི་སྡེས་ཨོ་རྒྱན་སྨིན་གྲོལ་གླིང་གི་ཆོས་གྲྭར་གདམས་པ་དགེ་ལེགས་སུ་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ། ༈ །།བླ་མ་ལ་གསོལ་བ་འདེབས་པ་ཞལ་གདམས་དང་འབྲེལ་བ་བཞུགས་སོ། །ན་

[Full Size]

མཤཱི་མཱི་གུ་རུ་བྷྱ༔ སྲས་བཅས་ཕྱོགས་བཅུའི་རྒྱལ་བ་ཐམས་ཅད་ཀྱི། །མཁྱེན་བརྩེ་ནུས་པའི་ཡེ་ཤེས་གཅིག་བསྡུས་ནས། །འགྲོ་བ་འདྲེན་ཕྱིར་བཤེས་གཉེན་མཆོག་གི་སྐུར། །ཡོངས་ཤར་དཔལ་ལྡན་བླ་མར་གསོལ་བ་འདེབས། །ཁྱོད་སྐུ་དགེ་འདུན་གསུང་གསང་དམ་པའི་ཆོས། །ཐུགས་ནི་སངས་རྒྱས་ཡོན་ཏན་ཕྲིན་ལས་རྣམས། །མཁའ་འགྲོ་ཆོས་སྐྱོང་ངོ་བོར་ཤེས་པའི་བློས། །སྙིང་ནས་འབོད་དོ་ཐུགས་རྗེའི་སྤྱན་གྱིས་གཟིགས། །བདག་དང་མགོན་མེད་འགྲོ་བ་མ་ལུས་ལ། །རྗེ་བཙུན་ཁྱོད་ལས་སྐྱབས་གཞན་མ་དམིགས་ཕྱིར། །འདི་ནས་བྱང་ཆུབ་སྙིང་པོར་མཆིས་ཀྱི་བར། །འབྲལ་མེད་བྱིན་གྱིས་རློབས་ཤིག་བླ་མ་རྗེ། །དལ་འབྱོར་རྙེད་དཀའ་ནམ་འཆི་ངེས་མེད་དྲན། ཁམས་གསུམ་འཁོར་བ་སྡུག་བསྔལ་ཕུང་པོར་རིག །ལས་འབྲས་བླང་དོར་ཚུལ་བཞིན་གོམས་པ་ཡིས། །ཐུན་མོང་སྔོན་འགྲོ་འབྱོང་བར་བྱིན་གྱིས་རློབས། །བླ་མ་དཀོན་མཆོག་བསླུ་མེད་སྐྱབས་སུ་ཤེས། །བྱམས་པ་སྙིང་རྗེ་བྱང་ཆུབ་སེམས་གཉིས་བསྐྱེད། །ཚོགས་བསགས་སྒྲིབ་སྦྱོང་བླ་མའི་མོས་གུས་ཀྱིས། ། ཁྱད་པར་སྔོན་འགྲོ་འབྱོང་བར་བྱིན་གྱིས་རློབས། །འཁོར་འདས་ཆོས་ཀུན་སེམས་ཀྱིས་བཏགས་པ་སྟེ། །སེམས་ཙམ་སྐྱེ་འགག་གནས་གསུམ་སྤྲོས་པ་བྲལ། །སྤྲོས་བྲལ་ངང་ལས་གསལ་རིག་འགགས་

[Full Size]

མེད་པའི། །ཡེ་ཤེས་ཉམས་སུ་མྱོང་བར་བྱིན་གྱིས་རློབས། །མཉམ་གཞག་ཀུན་རྟོག་རླུང་གིས་མི་གཡོ་ཞིང་། །རྗེས་ཐོབ་ཉམས་མྱོང་རྩི་དང་མ་བྲལ་བར། །ཞི་ལྷག་ཟུང་དུ་འཇུག་པའི་རྣལ་འབྱོར་གྱིས། །མཆོག་དངོས་ཚེ་འདིར་འགྲུབ་པར་བྱིན་གྱིས་རློབས། །མདོར་ན་རྣམ་ཀུན་ཆོས་བཞིན་སྤྱོད་པ་ལ། །བར་ཆད་མཚན་མ་ནམ་ཡང་མི་འབྱུང་ཞིང་། །ཐོས་བསམ་སྒོམ་པའི་ཆོས་སྤྱོད་མཐར་ཕྱིན་ནས། །དོན་གཉིས་ལྷུན་གྱིས་གྲུབ་པར་བྱིན་གྱིས་རློབས། །ཞེས་བླ་མ་ལ་གསོལ་འདེབས་ཞལ་གདམས་དང་འབྲེལ་བ་འདི་ཡང་དོན་གཉེར་ཅན་གྱི་ངོར་བྱ་བྲལ་བ་འཇམ་དབྱངས་མཁྱེན་བརྩེས་ཆུ་བྱི་དབོ་ཟླ་བའི་དཀར་ཕྱོགས་ཀྱི་དགའ་བ་དང་པོར་གང་ཤར་བྲིས་པ་འགྲུབ་པར་གྱུར་ཅིག །མངྒ་ལཾ།། ༈ །།དོན་གྱི་རྟོགས་བརྗོད་མདོར་བསྡུས་གདམས་པ་དང་འབྲེལ་བ་གཞན་ཕན་བདུད་རྩིའི་སྤྲིན་ཆར་ཞེས་བྱ་བ། ཨོཾ་སྭ་སྟི་སིདྡྷི་རསྟུ། ཕྱོགས་དུས་རྒྱལ་བ་ཀུན་གྱི་ཡེ་ཤེས་སྒྱུ་མའི་སྐུ་གཅིག་པུ་དཔལ་ལྡན་བླ་མ་རྣམས་ཀྱི་ཞབས་ཀྱི་པདྨོ་དྲི་མ་མེད་པ་ལ་གུས་པས་ཕྱག་འཚལ་ཞིང་སྐྱབས་སུ་མཆིའོ། །སྐྱེ་བ་ནས་ཚེ་རབས་ཀྱི་ཕྲེང་བ་ཐམས་ཅད་དུ་བྱིན་གྱིས་བརླབ་ཏུ་གསོལ། །ཕྱི་ལྟར་ན་རིག་པའི་གནས་འགའ་ཞིག་གི་མིང་ཙམ་ཐོས་པའི་གཙུག་ལག་སྨྲ་བའི་གཟུགས་བརྙན། ནང་ལྟར་ན་

[Full Size]

གཞན་ལ་ཕན་པའི་སེམས་ཁོ་ན་ཡིད་ལ་འཆང་བའི་རྒྱལ་སྲས་བྱང་ཆུབ་སེམས་དཔའི་ཟོལ་ཅན། གསང་བ་ལྟར་ན་ཁྱབ་བདག་བླ་མ་དམ་པ་མཁས་ཤིང་དངོས་གྲུབ་བརྙེས་པ་དུ་མས་སྐུ་གསུང་ཐུགས་ཡེ་ཤེས་རྡོ་རྗེའི་ངོ་བོར་བྱིན་གྱིས་བརླབས་པའི་ཐེག་པ་མཆོག་གི་རྣལ་འབྱོར་པ་འཇམ་དབྱངས་མཁྱེན་བརྩེའི་དབང་པོ་ཞེས་བགྱི་བའི་གཏམ། ཕུན་སུམ་ཚོགས་པའི་བླ་མ་དགེ་འདུན་པ་རྣམས་ཀྱི་སྙན་ལམ་དུ་གསོལ་པ། ཁོ་བོ་ཅག་ཆུང་ངུ་ནས་རབ་ཏུ་བྱུང་བའི་ངང་ཚུལ་ལ་དད་ཅིང་། ཅུང་ཟད་ནར་སོན་པ་ན་རིག་པའི་གནས་འགའ་དང་། ལྷག་པར་བཀའ་དྲིན་ཆེ་བའི་ཡོངས་འཛིན་དམ་པ་ཉི་ཤུ་རྩ་གསུམ་གྱིས་མཚོན་ཆོས་སྨྲ་བའི་བཤེས་གཉེན་བརྒྱད་ཅུ་རྩ་ལྷག་ལས་སྡོམ་པ་གསུམ་གྱི་རྒྱུན་རྣམ་པར་དག་པ་ཐོབ་ཅིང་། སྡེ་སྣོད་གསུམ་དང་རྒྱུད་སྡེ་བཞིའི་ཟབ་རྒྱས་གདམས་པའི་བདུད་རྩི་ངོམ་པ་མེད་པར་བཏུང་། དེ་དག་གི་དོན་ལ་ཅུང་ཟད་དཔྱད་པས། ནམ་འཆི་ཆ་མེད་དང་། ཅེས་ཀྱང་དགོས་མེད་སྙམ་པའི་བློ་སྣ་ཐུང་དེ་བས་གཞི་བཟུང་། སོ་ཐར་གྱི་དབང་དུ་བྱས་ན་རྩ་བཞི་ཆང་བག་མེད་བཏུང་བ་སྟེ་ལྔ་སྤོང་བ་དང་། བྱང་ཆུབ་སེམས་དཔའི་དབང་དུ་བྱས་ན་གཞན་ལ་ཞེ་ཐག་པ་ནས་གནོད་པའི་སེམས་སྤངས་ཤིང་། ཕན་པ་ཁོ་ན་རྒྱུད་ལ་བསྟེན་པ། གསང་སྔགས་ཀྱི་དབང་དུ་བྱས་ན་བླ་མ་དམ་པ་

[Full Size]

རྣམས་ལ་སྙིང་ནས་སྨོད་པའི་ལོག་ལྟ་སོགས་རྨི་ལམ་དུའང་སྤངས་ཤིང་། དག་སྣང་ཅི་ནུས་སྦྱང་བས་སྡོམ་པ་གསུམ་གྱི་རྩ་བ་ལ་ཉེས་པས་མ་གོས་ཤིང་། ཡན་ལག་ཕྲ་ཞིབ་རྣམས་བཤགས་སྡོམ་སོགས་ཀྱི་འདུན་པ་ལ་སྦྱོར། དུས་ནམ་དུའང་སུའི་ཁ་ལ་མི་ཉན་ཅིང་ཉེ་ཆེ་བ་དང་། མཁོན་ཆེ་བ་གཉིས་ཀའི་ཕྱོགས་སུ་མ་ལྷུང་བས་བསྟན་པ་དང་སེམས་ཅན་ལ་ཕན་པ་མ་འགྲུབ་ཀྱང་རུང་། གནོད་ཚབ་ཆེ་བ་རང་མ་གྱུར་ཅིང་། གང་དུ་གནས་ཀྱང་བློ་བདེ་ཞིང་སྐྱིད་པ་བདོག་པ་ནི་སྔར་ཕན་ཡོན་ཏན་དུ་རློམ་པའི་རྟོགས་པ་བརྗོད་པ་ལགས་ཤིང་། སླད་ནས་ཅི་འགྱུར་བླ་མ་དང་དཀོན་མཆོག་གི་ཐུགས་རྗེ་ལ་རགས་ལས་པ་ཡིན་མོད། གཞན་སུ་ལའང་རེ་དོགས་མེད། ཉིད་རྣམས་ནས་ཀྱང་དལ་འབྱོར་གྱི་རྟེན་ལན་གཅིག་ཐོབ་པ་འདི་རྙེད་དཀའ་ཞིང་ཕན་འདོགས་ཆེ། ནམ་འཆི་བའི་ཆ་མེད། ཤི་བའི་ཚེ་ཆོས་མ་གཏོགས་པ་གང་གིས་ཀྱང་མི་ཕན་ངེས་པས་ནམ་འཆི་ཆ་མེད་ཀྱི་དྲན་ཤེས་དང་མ་བྲལ་བའི་ངང་སྡོམ་པ་གསུམ་གྱི་རྩ་བ་གོང་དུ་བཤད་པ་རྣམས་ལ་སྲུང་སྡོམ་སྲོག་དང་བསྡོས་ཏེ་བྱ།། རང་རེ་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ཡིན་པས་དགོན་པར་སྡོད་ཅི་ཚུགས་སུ་བྱ་བ་ལས། གྲོང་ནག་ཏུ་འཁྱམས་པ་ལ་དགེ་མཚན་ཅི་ཡང་མེད། དགྲ་འདུལ། གཉེན་སྐྱོང་། ཁྱིམ་གྱི་འཚོ་

[Full Size]

ཆིས། ཚོང་དང་སོ་ནམ། ཆགས་སྡང་རེ་དོགས་སོགས་བྱ་བ་ངན་ངོན་ཅུང་ཟད་ལ་ཆགས་ནས་དེ་ཉིད་མཆོག་ཏུ་འཛིན་པ་ནི་ཁྱི་ལུད་ལ་གསེར་དུ་འཁྲུལ་ནས་གཅེས་སྤྲས་སུ་བྱེད་པ་དང་མཚུངས་ངེས་པ་ཡིན་པས། སྙིང་ཡོད་རྣམས་ཀྱིས་མནོ་བསམ་ཐོངས། དེ་བས་ན་དལ་འབྱོར་སྟོང་ལོག་མི་ཚེ་ཅི་ཆོད་དུ་མ་སོང་བར། གཙོ་བོར་རང་དོན་དུ་ཐོས་བསམ་སྒོམ་གསུམ་ཅི་ནུས་དང་། ལས་རྒྱུ་འབྲས་ལ་ཞིབ་ཏུ་དཔྱད། འཁོར་བ་ལ་ངེས་འབྱུང་། སེམས་ཅན་ལ་སྙིང་རྗེ། བླ་མ་ལ་མོས་གུས། འཁོར་འདས་དབྱེར་མེད་ཀྱི་ལྟ་བ་རྣམས་ལ་མྱོང་བ་ཅི་ཐོན་དུ་བྱ། ལྷག་པར་ཆོས་སྡེའི་བསྒྲིགས་ཀུན་སྤྱོད་དང་མ་འགལ་བའི་ངོས། བསམ་པ་བཟང་པོ་ཁོ་ན་ཐེག་ཆེན་ལམ་དུ་ཞུགས་ཚད་ཐམས་ཅད་ཀྱི་ལམ་གྱི་རྩ་བ་ཡིན་པས་དགོངས་འཚལ། དེ་ཙམ་ལས་ལྷག་པའི་ཞུ་བ་མང་པོ་ནི་བཀའ་དང་བསྟན་བཅོས་རྒྱ་མཚོ་ལྟ་བུ་ལ་གཟིགས་པས་ཁྱབ་པའི་ཕྱིར་འདིར་སྙིང་པོར་དྲིལ་བ་ལགས་སོ། །ཨ་ཧོ་རང་ལ་ཡོན་ཏན་མ་མཆིས་ཀྱང་། །རྗེ་བཙུན་བླ་མ་རྣམས་ཀྱི་བྱིན་རླབས་དང་། །ལྷག་བསམ་བསམ་པ་བཟང་པོས་ཚིག་འགའ་ཞིག །བླ་མེད་དགེ་འདུན་བཅས་པའི་སྙན་དུ་གསོལ། ཁོ་བོ་ཕྱོགས་མེད་རྒྱལ་ཁམས་བྱ་བྲལ་བ། །གཏད་མེད་ཀུན་ཏུ་རྒྱུ་བའི་ཐ་མའི་ཚིག །གསོན་ཡང་ལབ་གླེང་དེ་ལས་མ་མཆིས་

[Full Size]

ཤིང་། །ཤི་ཡང་ཁ་ཆེམ་སྙིང་པོ་འདི་ཀ་ལགས། །ཀྱེ་མ་བསྟན་འཛིན་མཆོག་རྣམས་ཞིང་གཞན་གཤེགས། །བཤད་སྒྲུབ་བསྟན་པ་མིང་གི་ལྷག་མར་གྱུར། །འགྲོ་བའི་བདེ་སྐྱིད་ནམ་མཇུག་སྦྲང་བུ་ལྟར། །གྱུར་པའི་ཚུལ་འདིར་སུ་ཞིག་སྐྱོ་མི་བྱེད། །དེ་སླད་ཚེ་ལྷག་ཅི་ཙམ་མཆིས་པ་འདིར། །ཚེ་འདིའི་སྣང་བའི་རྗེས་སུ་མི་འབྲང་བར། །འཆི་ཆོས་སྙིང་ནས་ནུས་པ་བླ་མ་དང་། །དཀོན་མཆོག་རིན་ཆེན་གསུམ་གྱི་བྱིན་བརླབ་མཛོད། །རང་རེ་དཔོན་སློབ་ཆོས་དམ་འབྲེལ་བའི་མཐུས། །ཚེ་འདིར་ཡང་ཡང་མཇལ་ཞིང་ཆོས་མཐུན་གྱི། །བསམ་སྦྱོར་མཐའ་དག་གེགས་མེད་འགྲུབ་པ་དང་། །སྲིད་ཞིའི་ལེགས་ཚོགས་རྒྱས་པའི་བཀྲ་ཤིས་ཤོག །ཅེས་པའང་རྒྱལ་སྲས་བྱང་ཆུབ་སེམས་དཔའི་སྤྱོད་པ་ལ་སྙིང་ནས་དད་པ་ཐོབ་པའི་རྒྱལ་ཁམས་ཀྱི་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བོད་ཆེན་པོའི་ལྗོངས་ནས་དབུས་གཙང་ལོངས་སྤྱོད་རྫོགས་སྐུའི་ཞིང་ཁམས་སུ་བསྐྱོད་པའི་ཚེ་གང་དྲན་སྨྲས་པ་ཀུན་ལ་ཕན་པར་གྱུར་ཅིག །སརྦ་དཱ་མངྒ་ལཾ།། ༈ །།རྫོགས་པ་ཆེན་པོ་གཞི་ལམ་འབྲས་གསུམ་ལས་འཕྲོས་པའི་གཏམ་ཉུང་ངུ་བཞུགས། །ན་མོ་གུ་ར་ཝེ། གང་གི་རང་བཞིན་གཟུང་འཛིན་སྤྲོས་པའི་ཚོགས། །མ་ལུས་ཤར་གྲོལ་དུས་མཉམ་དབྱིངས་སུ་ཐིམ། །ད་ལྟའི་ཤེས་པ་

[Full Size]

བསམ་བརྗོད་བྲལ་བའི་གཤིས། །འོད་གསལ་སེམས་ཀྱི་རྡོ་རྗེས་ཁྱོད་བྱིན་རློབས། །རྒྱལ་བས་གདུལ་བྱ་རྒྱ་མཚོའི་ཁམས་དབང་དང་། །བསམ་པའི་རྗེས་མཐུན་བགྲང་ཡས་ཐེག་པའི་རིམ། །བསྟན་ཀྱང་དབང་པོ་ཤིན་ཏུ་རྣོན་པོ་ལ། །ངེས་དོན་རྫོགས་པ་ཆེན་པོའི་ཆོས་ཆར་ཕབ། །དེ་ཕྱིར་ཐེག་བརྒྱད་བློ་ཡི་གྲུབ་མཐའི་ཕྱིར། །དེ་ལས་བསྟན་པའི་སྡོམ་པ་རྣམ་གསུམ་དང་། །ཕར་ཕྱིན་དྲུག་དང་ས་བཅུ་ལམ་ལྔ་སོགས། །ཀུན་ཀྱང་ཤིན་ཏུ་རྣལ་འབྱོར་རྐང་སྟེགས་ཡིན། །དེ་ལྟའི་ཐུན་མོང་མ་ཡིན་ཚུལ་འདིར་ཡང་། །གཞི་རྒྱུད་འཁོར་འདས་བསལ་བཞག་མ་གྲུབ་པའི། །ཀ་དག་ནང་གསལ་གཞོན་ནུ་བུམ་སྐུའི་གཤིས། །ཕྱིར་གསལ་ལྷུན་གྲུབ་སྒོ་བརྒྱད་སྤྲིན་དུ་ཤར། །དེ་ཉིད་རང་ངོ་རིག་པའི་སྐད་ཅིག་ཏུ། །གཞི་ལས་འཕགས་པའི་གཞི་སྣང་ཡེ་ཤེས་སུ། །ཁྱད་ཆོས་དྲུག་དང་ལྡན་པར་སངས་རྒྱས་པ། །ཐོག་མའི་མགོན་པོ་ཀུན་ཏུ་བཟང་པོའོ། །དེ་ལྟར་མ་རྟོགས་གཉིས་སུ་འཛིན་པའི་བློས། །མ་རིག་གསུམ་གྱིས་འཁོར་བའི་ཐོག་མ་བཀོད། །རྐྱེན་བཞིས་འཁོར་བའི་ལས་སྣང་འདུ་བྱས་པས། །མུ་མཐའ་མེད་པའི་སྲིད་ཁམས་རྒྱ་མཚོར་འཁྱམས། །ལམ་དུས་དཔལ་ལྡན་བླ་མའི་བཀའ་དྲིན་གྱིས། །རིག་སྟོང་རྗེན་པ་མངོན་སུམ་ངོ་འཕྲོད་ནས། །ཅོག་བཞག་བཞི་ཡི་ལྷུམས་སུ་ཞུགས་པ་

[Full Size]

ཡིས། །གྲོལ་བཞིའི་གདེང་ཐོབ་གཉིས་ཆོས་རིག་ངོར་ཡལ། ཁྱད་པར་སྟོང་ངོས་ཀ་དག་ཉམས་ལེན་ནི། །འཛིན་པའི་ཆོས་ཀུན་ཟད་པར་བྱེད་པ་སྟེ། །གཟོད་ནས་དག་པའི་མཚན་གྱིས་མོས་པས་ན། །འཁོར་ལོ་བར་ཉིད་ལྟ་བ་མཐར་ཐུག་ཡིན། །སྣང་ངོས་ལྷུན་གྲུབ་ཐོད་རྒལ་ལམ་གྱི་མཆོག །ཉམས་བླངས་གཟུང་བའི་ཡུལ་ཀུན་གྲོལ་བྱེད་དེ། །བདེ་གཤེགས་སྙིང་པོའི་རང་རྩལ་མངོན་མཐོང་ཕྱིར། །འཁོར་ལོ་ཐ་མའི་བཞེད་གཞུང་དྲི་བྲལ་ལགས། །དེས་ན་ཤིན་ཏུ་རྣལ་འབྱོར་གྲུབ་མཐའ་ནི། །ཀུན་དང་མཐུན་ལ་ཀུན་ལས་ཁྱད་འཕགས་ཤིང་། །ཀུན་གྱིས་ཕྱོགས་རེ་ཙམ་ལས་མ་མཐོང་ཕྱིར། །འདི་ཉིད་ཁོ་ནས་ངེས་དོན་མཆོག་ཏུ་གྲུབ། །འབྲས་དུས་ངོ་བོ་ཡེ་ནས་དག་པ་ལ། །གློ་བུར་དྲི་མའི་རང་བཞིན་རྟོགས་སྒོམ་གྱིས། །བསྐྱར་ནས་དག་སྟེ་ཆོས་སྐུ་དམ་པའི་གྲོང་། །ཟུང འཇུག་རབ་ཏུ་མི་གནས་ཆེན་པོར་གྲོལ། །དེ་ལས་མ་འགག་རོལ་པའི་སྙིང་རྗེའི་སྤྲིན། ཁ་སྦྱོར་བདུན་ལྡན་ལོངས་སྤྱོད་རྫོགས་པ་དང་། །སྣ་ཚོགས་སྤྲུལ་པའི་རྣམ་གྲོལ་མཐའ་ཀླས་ཀྱིས། །མཁའ་ཁྱབ་འགྲོ་བའི་དོན་ལ་རྟག་པར་འཇུག །མདོར་ན་དེ་ལས་མང་དུ་སྨོས་ཅི་དགོས། །ལྟ་བ་བྱར་མེད་བསྒོམ་པ་བློ་དང་བྲལ། །འབྲས་བུ་མཉམ་རྗེས་ལས་འདས་ཆོས་ཉིད་ཀློང་། །འདུ་འབྲལ་མེད་པའི་ཚུལ་

[Full Size]

དུ་ངལ་བསོས་ཤིག །དེ་ལྟར་ཐེག་རྩེ་མན་ངག་སྡེ་པ་ཡི། །དགོངས་དོན་གཞི་ལམ་འབྲས་བུའི་ཆོས་ཀྱི་གཏམ། །བློ་དམན་དགའ་བ་བསྐྱེད་ཕྱིར་ཚིག་གི་ཕྲེང་། །ཅུང་ཟད་ཙམ་དུ་བསྡུས་ཏེ་རབ་སྤེལ་མདོ། །གཞན་དུ་བཅུ་བདུན་རྒྱུད་དང་དེའི་དགོངས་འགྲེལ། །ཤིང་རྟ་ཆེན་པོ་དྲི་མེད་འོད་ཟེར་དང་། །ཡེ་ཤེས་སྐུ་ཅན་འཇིགས་མེད་གླིང་པ་སོགས། །དམ་པའི་བཞེད་གཞུང་རྣམས་ལ་ཐོས་བསམ་མཛོད། །ཤིན་ཏུ་གླེང་བར་འོས་པའི་སྤྲིངས་ཡིག་འདིས། །ཡིད་ལ་གྲུབ་པའི་ལང་ཚོ་འཛིན་གྱུར་ཏེ། །བྱང་ཆུབ་མཆོག་གི་རྒྱལ་སར་རོ་གཅིག་པར། །མི་ཕྱེད་རྡོ་རྗེའི་རྣལ་འབྱོར་མཐར་ཕྱིན་ཤོག ། རང་བཞིན་རྫོགས་པ་ཆེན་པོ་གཞི་ལམ་འབྲས་གསུམ་གྱི་ཚུལ་ལས་འཕྲོས་པའི་གཏམ་ཉུང་ངུ་འདི་ཡང་དཔྱོད་ལྡན་པརྱ་དྷརྨ་བྷ་དྲས་དགྱེས་པ་བསྐྱེད་པའི་ཕྱིར་དུ་ཐེག་རྩེ་ཤིན་ཏུ་རྣལ་འབྱོར་ལ་མོས་པ་བརྟན་པོས་ཆོས་འདིའི་རིགས་སུ་སད་པའི་སྐལ་བཟང་ཐོབ་ཀྱང་། སྙོམ་ལས་ཁོ་ནའི་བྲན་དུ་གྱུར་པ་སེར་གཟུགས་ཐ་ཤལ་ལས་ཀྱང་ཆེས་ཐ་ཤལ་བ་འཇིགས་མེད་མཁྱེན་བརྩེའི་ཟློས་གར་དུ་སྒྲོ་བཏགས་པས་སྣང་གསལ་ཞིག་གི་ངོགས་སུ་གང་ཤར་འདི་ཀ་ལྟར་བྲིས་ཏེ་ཕུལ་བ་སརྦ་སུ་ཛ་ག་ཏཱཾ། ༈ །།ན་མཤྲཱི་གུ་ར་ཝེ། གང་གི་མཚན་ཙམ་ལན་གཅིག་དྲན་པས་ཀྱང་། །གཟུང་འཛིན་སྙིང་གི་མུན་པ་ཀུན་

[Full Size]

བསལ་ནས། །བློ་གྲོས་པདྨ་མཆོག་ཏུ་རྒྱས་མཛད་པ། །བླ་མ་འཇམ་དཔལ་གཞོན་ནུས་ཤིས་པར་མཛོད། །དམར་སེར་མཛེས་སྐུའི་སྣང་བརྙན་མངོན་སུམ་དུ། །སྐལ་བཟང་མིག་གི་བདུད་རྩིར་བཏུང་བ་དང་། །ལྷན་ཅིག་རྡོ་རྗེའི་གསུང་གིས་དབུགས་དབྱུང་བའི། །དགེ་མཚན་མཆོག་གིས་རྟག་ཏུ་སྐྱོང་གྱུར་ཅིག །གཟོད་ནས་མཐའ་བཞིའི་སྤྲོས་པ་ལས་འདས་པའི། །འོད་གསལ་སེམས་ཀྱི་རྡོ་རྗེ་འཇམ་པའི་དབྱངས། །སྙིང་དབུས་ཐིག་ལེར་སད་པའི་སྣང་བ་ཡི། །སྲིད་ཞིའི་རྒུད་པ་མཐའ་དག་སེལ་བར་ཤོག །དེ་ཚེ་ཐ་མལ་འཁྲུལ་བའི་རྟོག་ཚོགས་ཀུན། །འཇམ་དཔལ་ཡེ་ཤེས་སེམས་དཔས་བྱིན་བརླབས་པས། །སྣང་གྲགས་རིགས་གསུམ་ལྷ་སྔགས་ཆོས་ཉིད་ཀྱི། །དག་པའི་རྣམ་རོལ་གཅིག་ཏུ་འཆར་གྱུར་ཅིག །མཐར་ཐུག་སངས་རྒྱས་ཀུན་གྱི་ཡེ་ཤེས་སྐུ། །བཅོམ་ལྡན་རྡོ་རྗེ་རྣོན་པོའི་གསང་གསུམ་དང་། །དབྱེར་མེད་རྣམ་པ་ཉི་ཤུའི་བྱང་ཆུབ་པའི། །སྒྱུ་འཕྲུལ་དྲྭ་བའི་གོ་འཕང་བསྙེས་པར་ཤོག །ཅེས་པ་འདིའང་འཇམ་དབྱངས་མཁྱེན་བརྩེས་ཐོལ་བྱུང་དུ་སྨྲས་སོ།། ༈ །།ཨ་ཧོ། སྐྱབས་ཀུན་འདུས་ཞལ་མཚོ་སྐྱེས་རྡོ་རྗེ་དེ་མཁྱེན་ནོ། །བྱིན་རླབས་ཆར་ཆེན་ཕོབས་ཤིག་རིག་འཛིན་གྱི་བླ་མ། །དལ་འབྱོར་རྙེད་དཀའ་ཐོབ་པ་ད་རེས་ཙམ་ཡིན་ནོ། །དོ་ནུབ་ཁོ་ནར་མི་འཆིའི་

[Full Size]

གདེང་ཚད་ཀྱང་མེད་པས། །སྲིད་ལས་ངེས་པར་འབྱུང་བའི་སྐྱོ་ཤས་དང་འགྲོགས་ནས། །དཀར་ནག་ལས་འབྲས་བླང་དོར་ཚུལ་བཞིན་དུ་འབད་འཚལ། །བླ་མ་དཀོན་མཆོག་གསུམ་ལ་སྐྱབས་གནས་སུ་བཟུང་ནས། །སྨོན་འཇུག་བྱང་ཆུབ་སེམས་གཉིས་འབྲལ་མེད་དུ་བསྐྱེད་ཅིང་། །བླ་མ་རྡོ་རྗེ་སེམས་དཔའི་རྣལ་འབྱོར་ལ་བརྟེན་ནས། །སྡིག་སྒྲིབ་ཉེས་ལྟུང་ཚོགས་ཀུན་ལྷག་མེད་དུ་སྦྱོངས་ཤིག །སྐུ་གསུམ་མཆོད་པའི་སྤྲིན་གྱི་མཎྜལ་ལ་བརྟེན་ནས། །ཚོགས་གཉིས་ཡོངས་སུ་རྫོགས་པའི་ཐབས་མཁས་ལ་འབད་ཅིང་། །ཁྱད་པར་མོས་གུས་བླ་མའི་རྣལ་འབྱོར་ལ་བརྟེན་ནས། །དབང་བཞིའི་ཡེ་ཤེས་འགྲུབ་པའི་ལམ་བཟང་ལ་བསྙེན་ཅིག །འཁོར་འདས་ཆོས་ཀུན་སེམས་ཉིད་གཅིག་པུ་ཡི་ཆོ་འཕྲུལ། །སེམས་ཀྱང་རིག་སྟོང་ཟུང་འཇུག་བློ་བྲལ་གྱི་རང་བབས། །མ་ཡེངས་མི་བསྒོམ་གཉུག་མའི་དྲན་པ་དང་འགྲོགས་ནས། །གདོད་མའི་བཙན་ས་ཟིན་པའི་སྨོན་ལམ་ཞིག་ཞུའོ། །ཞེས་ཕྱོགས་མེད་རིས་མེད་ལྟོས་མེད་ཀྱི་བྱ་བཏང་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག། ༈ །ཨ། །ད་ལྟའི་ཤེས་པ་མ་བཅོས་གཉུག་མའི་གཤིས། །གསལ་སྟོང་ཟུང་འཇུག་བརྗོད་པའི་མཐའ་ལས་འདས། །འདི་ཀ་དོན་གྱི་བླ་མ་ཡི་དམ་སྟེ། །མ་ཡེངས་མི་བསྒོམ་ངང་དུ་ལྷུག་

[Full Size]

པར་ཞོག །དེ་ཚེ་བླ་མ་རྣམས་དང་འདུ་འབྲལ་མེད། །ཡི་དམ་མཁའ་འགྲོ་ཆོས་སྐྱོང་མ་བསྒྲུབ་འགྲུབ། །རེ་དོགས་ཐམས་ཅད་ངོ་བོའི་སྟེང་དུ་ཆོད། །གཟུང་འཛིན་རྟོག་ཚོགས་རང་གྲོལ་དབྱིངས་སུ་ཐིམ། །མདོར་ན་རིག་སྟོང་ཟུང་འཇུག་འོད་གསལ་ངང་། །དུས་གསུམ་འདུ་འབྲལ་མེད་པའི་ཉམས་ལེན་གྱིས། །འཆི་མེད་སྐུ་གསུམ་ཀུན་འདུས་ཐོད་ཕྲེང་རྩལ། །བློ་འདས་གོ་འཕང་མངོན་འགྱུར་བཀྲ་ཤིས་ཤོག ༈ །།ཨ། རང་བྱུང་རིག་པ་སྟོང་གསལ་འདུས་མ་བྱས། །སྨྲ་བསམ་བརྗོད་མེད་བློ་ལས་འདས་པའི་ངང་། །བཅས་བཅོས་སྤང་བླང་མེད་པར་རང་བཞག་པས། །འཁོར་འདས་གཉིས་སྣང་མཚན་མ་དབྱིངས་སུ་གྲོལ། །དེ་ཕྱིར་ད་ལྟའི་ཤེས་པ་སྐད་ཅིག་མ། །འདི་ཉིད་ངང་དུ་རང་བབས་ཀློད་ལ་ཞོག །བླ་མ་ཡི་དམ་མཁའ་འགྲོ་ཐམས་ཅད་དང་། །འདུ་འབྲལ་མེད་པའི་ཡེ་ཤེས་རང་ལ་ཤར། །དང་པོ་མ་སྐྱེས་བར་དུ་གནས་པ་མེད། །ཐ་མ་འཆི་མེད་དོན་གྱི་པདྨ་འབྱུང་། །ངོ་ཤེས་ཐག་ཆོད་བརྟན་པ་ཐོབ་པ་ཡིས། །གདོད་མའི་བཙན་ས་ཟིན་པའི་བཀྲ་ཤིས་ཤོག །ཅེས་པའང་འཇམ་དབྱངས་མཁྱེན་བརྩེའི་དབང་པོས་སྨྲས་པ་དགེ་ལེགས་སུ་གྱུར་ཅིག། ༈ །།ཕྱོགས་དུས་རྒྱལ་བ་སྲས་བཅས་སྐུ་གསུང་ཐུགས། །ཡོན་ཏན་ཕྲིན་ལས་མ་ལུས་འདུས་པའི་

[Full Size]

དངོས། །དྲན་པས་གདུང་སེལ་དཔལ་ལྡན་བླ་མ་ལ། །མི་ཕྱེད་སྒོ་གསུམ་གུས་པས་ཕྱག་འཚལ་ལོ། །གསོལ་བ་འདེབས་སོ་དྲིན་ཅན་ཆོས་ཀྱི་རྗེ། །བྱིན་གྱིས་རློབས་ཤིག་རྩ་བརྒྱུད་བླ་མའི་ཚོགས། །དངོས་གྲུབ་སྩོལ་ཅིག་དམ་ཅན་རྒྱ་མཚོའི་ཚོགས། །སྙིང་ནས་དྲན་ནོ་ཐུགས་རྗེའི་སྤྱན་གྱིས་གཟིགས། །དལ་འབྱོར་རྙེད་དཀའ་ནམ་འཆི་ངེས་མེད་དང་། །འཁོར་བའི་སྡུག་བསྔལ་དྲན་པའི་ངེས་འབྱུང་གིས། །ལས་འབྲས་བླང་དོར་ཚུལ་བཞིན་བརྩོན་པ་དང་། །བྱང་ཆུབ་སེམས་གཉིས་འབྱོང་བར་བྱིན་གྱིས་རློབས། །དབང་གིས་རྒྱུད་སྨིན་དམ་ཚིག་རྣམ་པར་དག །བསྐྱེད་པའི་རིམ་པས་ཅིར་སྣང་ལྷ་སྒྱུར་ཤར། །རྫོགས་རིམ་ཟབ་མོས་རླུང་སེམས་དབུ་མར་ཐིམ། །བདེ་ཆེན་ཡེ་ཤེས་འགྲུབ་པར་བྱིན་གྱིས་རློབས། །ཀ་དག་ཁྲེགས་ཆོད་གནས་ལུགས་མངོན་དུ་གྱུར། །ལྷུན་གྲུབ་ཐོད་རྒལ་རིག་པ་ཚད་ལ་ཕེབས། །ཟུང་འཇུག་ཁྱད་ཆོས་དྲུག་ལྡན་གཉུག་མའི་ཀློང་། །གདོད་མའི་གཏན་སྲིད་ཟིན་པར༔ གཟུང་འཛིན་སྤྲོས་བྲལ་དབུ་མ་ཆེན་པོའི་གཞི། །རང་བྱུང་རིག་པ་ཕྱག་རྒྱ་ཆེན་པོའི་ལམ། །དབྱིངས་རིག་དབྱེར་མེད་འོད་གསལ་རྫོགས་པ་ཆེའི། །འབྲས་བུ་མངོན་དུ་འགྱུར་བར བསམ་གྱིས་མི་ཁྱབ་ལྟ་བའི་གནས་ལུགས་མཐོང་། །དེ་ཉིད་ངང་གཞག་སྒོམ་པའི་རྩལ་ཆེན་རྫོགས། །

[Full Size]

ཤར་གྲོལ་དུས་མཉམ་སྤྱོད་པ་མཐར་ཕྱིན་ནས། །འཁོར་འདས་སྤང་བླང་བྲལ་བར༴ ངོ་བོ་ཆོས་སྐུའི་དབྱིངས་ལས་མ་གཡོས་བཞིན། །རང་བཞིན་ལོངས་སྤྱོད་རྫོགས་སྐུའི་ཡེ་ཤེས་དང་། །ཐུགས་རྗེ་སྤྲུལ་པའི་རྣམ་འཕྲུལ་བསམ་ཡས་ཀྱིས། །རང་གཞན་དོན་གཉིས་འགྲུབ་པར་བྱིན༴ གཞན་ཡང་གནས་སྐབས་ཆོས་བཞིན་སྤྱོད་པ་ལ། །ཕྱི་ནང་གསང་བའི་འགལ་རྐྱེན་ཀུན་ཞི་ཞིང་། །མ་ལུས་ཕུན་སུམ་ཚོགས་པ་ཡིས། །དགེ་མཚན་སྣང་བ་རྒྱས་པའི་བཀྲ་ཤིས་ཤོག །ཅེས་པའང་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཞལ་གདམས་སྨོན་ལམ་གྱི་ཚུལ་དུ་བྲིས་པ་དོན་དང་ལྡན་པར་གྱུར་ཅིག །མངྒ་ལཾ། ༈ །རྗེ་བཙུན་བླ་མའི་ཞབས་ལ་ཕྱག་འཚལ་ལོ། །དལ་འབྱོར་རྙེད་དཀའ་ནམ་འཆི་ངེས་པ་མེད། །ལས་ཀྱི་འབྲས་བུ་ནམ་ཡང་མི་བསླུ་ཞིང་། །འཁོར་བ་གར་སྐྱེས་སྡུག་བསྔལ་རང་བཞིན་ཕྱིར། །ངེས་འབྱུང་དྲག་པོས་སྲིད་ལས་འདའ་བར་མཛོད། །རང་ཉིད་གཅིག་པུར་འཁོར་བ་ལས་ཐར་ཡང་། །ཉན་རང་དམན་པའི་ལམ་ལས་མ་འདས་པས། །མ་གྱུར་འགྲོ་ལ་བྱམས་དང་སྙིང་རྗེ་དང་། །སྨོན་འཇུག་བྱང་ཆུབ་སེམས་གཉིས་རྟག་ཏུ་བསྐྱེད། །གཟུང་བའི་ཡུལ་ཀུན་རྨི་ལམ་སྒྱུ་མ་འདྲ། །འཛིན་པའི་སེམས་ཀྱང་སྟོང་གསལ་འདུས་

[Full Size]

མ་བྱས། །སྤྲོས་མེད་ངང་ནས་སྣང་གྲག་རྟོག་ཚོགས་ཀུན། །ལྷ་སྔགས་ཆོས་ཉིད་གཉུག་མར་ལམ་ཁྱེར་འཚལ། །ཞེས་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་གདམས་པ་དོན་དང་ལྡན་པར་གྱུར་ཅིག། ༈ །།ཞལ་གདམས་སྨོན་ཚིག་བཞུགས། དུས་གསུམ་རྒྱལ་བ་སྲས་བཅས་ཀྱི། །མཁྱེན་བརྩེ་ནུས་པའི་ཡེ་ཤེས་སྐུ། །གཅིག་བསྡུས་དཔལ་ལྡན་བླ་མ་ལ། །སྙིང་ནས་གུས་པས་གསོལ་བ་འདེབས། །དལ་དང་འབྱོར་པ་རྙེད་དཀའི་རྟེན། །ཡིད་བཞིན་ནོར་བུ་ལས་ཀྱང་ལྷག །དེ་ཕྱིར་སྙིང་པོ་ལེན་པའི་བློས། །ཐར་པའི་ལམ་ལ་འཇུག་པར་ཤོག །འདུས་བྱས་ཐམས་ཅད་མི་རྟག་ཅིང་། །ཆོས་མིན་ཕན་མེད་པས། །འཆི་ཆོས་སྙིང་ནས་སྒྲུབ་པར་ཤོག །དཀར་ནག་ལས་ཀྱི་འབྲས་བུ་ནི། །ནམ་ཡང་བསླུ་བ་མེད་པའི་ཕྱིར། །དགེ་སྡིག་བླང་དོར་མ་ནོར་བར། །དྲན་ཤེས་བརྟན་པོས་ཉམས་ལེན་ཤོག །འཁོར་བའི་གནས་རིས་མཐོ་དམན་ཀུན། །སྡུག་བསྔལ་གསུམ་གྱི་རང་བཞིན་དུ། །ཤེས་ནས་ངེས་པར་འབྱུང་བའི་བློས། །བདེན་བཞིའི་ཡུལ་ལ་འཇུག་པར་ཤོག །བླ་མ་དཀོན་མཆོག་རྣམ་གསུམ་ལ། །དང་འདོད་ཡིད་ཆེས་དད་པ་ཡིས། །སྙིང་ནས་སྐྱབས་སུ་འགྲོ་བ་དང་། །བསླབ་བྱ་ཚུལ་བཞིན་སློབ་པར་ཤོག །ཁྱད་པར་

[Full Size]

མཁའ་མཉམ་སེམས་ཅན་ཀུན། །དྲིན་ཅན་ཕ་མར་ཤེས་པའི་བློས། །བྱམས་དང་སྙིང་རྗེ་བྱང་ཆུབ་སེམས། །བཅོས་མིན་རྒྱུད་ལ་སྐྱེ་བར་ཤོག །མདོར་ན་འདི་ཕྱི་བར་དོ་ཀུན། །རེ་ས་བླ་མ་ལས་གཞན་མེད། །ཐུགས་ཡིད་གཅིག་ཏུ་འདྲེས་པ་དང་། །བསམ་དོན་ཆོས་བཞིན་འགྲུབ་པར་ཤོག །ཅེས་པའང་གོང་རྗེ་ཆོས་རྒྱལ་ཆེན་པོའི་མདུན་ན་འདོན་རྣམ་པར་དཀར་བའི་ཐུགས་བསྐྱེད་ཅན་བཀྲ་ཤིས་ཚེ་འཕེལ་ལགས་ནས་ཞལ་གདམས་ཤིག་དགོས་ཞེས་བསྐུལ་བ་ལྟར་སྨོན་ཚིག་དང་འབྲེལ་བར་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། །།

[Full Size]

ཤོག་སྟོང་

གསུང་ངག་རིན་པོ་ཆེའི་ལམ་རིམ་གསོལ་འདེབས་སྨོན་ལམ་མདོར་བསྡུས་པ་བྱིན་རླབས་དཔལ་སྟེར།

[Full Size]

༄༅། །གསུང་ངག་རིན་པོ་ཆེའི་ལམ་རིམ་གསོལ་འདེབས་སྨོན་ལམ་མདོར་བསྡུས་པ་བྱིན་རླབས་དཔལ་སྟེར་ཞེས་བྱ་བ་བཞུགས་སོ། །

[Full Size]

༄༅། །རྩ་བརྒྱུད་བླ་མ་ཡི་དམ་ཀྱེ་རྡོ་རྗེ། །རྣལ་འབྱོར་མ་དཔལ་ཆོས་སྲུང་ནོར་ལྷ་སོགས། །སྐྱབས་གནས་དཀོན་མཆོག་རྒྱ་མཚོའི་ཚོགས་རྣམས་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །བདག་གཞན་འགྲོ་ཀུན་སྐྱེ་བ་ཐམས་ཅད་དུ། །དམ་ཆོས་སྒྲུབ་པའི་རྟེན་མཆོག་ལེགས་ཐོབ་ནས། །ཐེག་ཆེན་རིགས་སད་དད་པ་རྣམ་གསུམ་གྱིས། །བཤེས་གཉེན་ཚུལ་བཞིན་བསྟེན་པར་བྱིན་གྱིས་རློབས། ཁམས་གསུམ་འཁོར་བ་མེ་འོབས་ལྟ་བུར་མཐོང་། །དལ་འབྱོར་རྙེད་དཀའ་འཇིག་སླའི་ངང་ཚུལ་རིག ། ལས་འབྲས་བསླུ་མེད་ཡིད་ཆེས་བརྟན་པོ་ཡིས། །བླང་དོར་འཁྲུལ་མེད་སྤྱོད་པར་བྱིན་གྱིས་རློབས། །མཁའ་ཁྱབ་འགྲོ་ཀུན་ཕ་མ་དྲིན་ཅན་ཕྱིར། །བྱམས་དང་སྙིང་རྗེ་བྱང་

[Full Size]

ཆུབ་སེམས་གཉིས་འབྱོངས། །འབྲས་བུའི་ཡོན་ཏན་ཐོས་པས་རྒྱུད་བསྐུལ་ནས། །གསང་ཆེན་ལམ་ལ་འཇུག་པར་བྱིན་གྱིས་རློབས། །དབང་གིས་རྒྱུད་སྨིན་དམ་ཚིག་རྣམ་པར་དག །སྣང་སེམས་སྒྱུ་མ་རྟེན་འབྲེལ་བརྗོད་བྲལ་བའི། །འཁོར་འདས་དབྱེར་མེད་འོད་གསལ་ཕྱག་རྒྱ་ཆེ། །རྒྱུ་དུས་ལྟ་བ་རྟོགས་པར་བྱིན་གྱིས་རློབས། །ཐ་མལ་དངོས་ཀུན་ཕྱི་ནང་ལྷ་སྐུར་ཤར། །རླུང་དང་གཏུམ་མོས་གསལ་སྟོང་ཉམས་མྱོང་སྨིན། །དཔེ་དོན་ལྷན་སྐྱེས་ཡེ་ཤེས་མངོན་བྱེད་པའི། །དབང་བཞིའི་ལམ་བཟང་བསྒོམ་པར་བྱིན་གྱིས་རློབས། །མཐར་ཐུག་རྟེན་དང་བརྟེན་པ་གནས་གྱུར་པ། །འབྲས་བུ་སྐུ་བཞིའི་གོ་འཕང་མྱུར་ཐོབ་ནས། །ཕྲིན་ལས་ལྷུན་གྲུབ་རྒྱུན་མི་འཆད་པ་ཡིས། །དོན་།

[Full Size]

གཉིས་ཡིད་བཞིན་འགྲུབ་པར་བྱིན་གྱིས་རློབས། །ཞེས་པའང་སྒྲུབ་བརྩོན་བླ་མ་དམ་པ་འགྱུར་མེད་ཕྲིན་ལས་དཔལ་ལྡན་ནས་ཞལ་གདམས་ཤིག་དགོས་ཞེས་གསུང་ངོར་གསོལ་འདེབས་སྨོན་ཚིག་དང་འབྲེལ་བར་གསུང་ངག་རིན་པོ་ཆེའི་དགོངས་དོན་མདོར་བསྡུས་པའི་ཚུལ་གྱིས་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག །མངྒ་ལམ་བྷ་བ་ཏུ།། ༈ །།འཇམ་པའི་དབྱངས་སོགས་སྲས་བཅས་རྒྱལ་ཀུན་དང་། །དབྱེར་མེད་མཁྱེན་བརྩེའི་ཡེ་ཤེས་ཆེ་བརྙེས་པ། །མཁས་གྲུབ་དབང་པོ་དཔལ་ལྡན་བླ་མ་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །འཁོར་བའི་གནས་ཀུན་མེ་འོབས་ལྟ་བུར་མཐོང་། །དལ་འབྱོར་རྙེད་དཀའ་ནམ་འཆི་ངེས་མེད་རྟོགས། །ལས་འབྲས་བསླུ་བ་མེད་པར་ཁོང་ཆུད་ནས། །བླང་དོར་ཚུལ་བཞིན་བརྩོན་པར་བྱིན་གྱིས་རློབས། །བྱམས་དང་སྙིང་རྗེ་སྨོན་འཇུག་བྱང་སེམས་འབྱོངས། །ཞི་གནས་ཏིང་འཛིན་རྒྱ་མཚོར་འཇུག་ཅིང་ལྡང་། །ལྷག་མཐོང་ཟབ་མོའི་ཤེས་རབ་ཕ་རོལ་ཕྱིན། །སྤྲོས་བྲལ་གནས་ལུགས་མཐོང་བར་བྱིན་གྱིས་རློབས། །དབང་གིས་སྨིན་ཅིང་དམ་ཚིག་རྣམ་པར་དག །གཞི་རྒྱུད་འཁོར་འདས་དབྱེར་མེད་ལྟ་བ་རྟོགས། །ལམ་རྒྱུད་རིམ་གཉིས་ཡེ་ཤེས་མངོན་དུ་གྱུར། །འབྲས་རྒྱུད་སྐུ་བཞི་འགྲུབ་པར་བྱིན་གྱིས་རློབས། །མདོར་ན་འདི་ནས་བྱང་ཆུབ་

[Full Size]

སྙིང་པོའི་བར། །རྗེ་བཙུན་བླ་མས་འབྲལ་མེད་རྗེས་བཟུང་སྟེ། །བར་ཆད་ཀུན་ཞི་བསམ་སྦྱོར་ཆོས་བཞིན་འགྲུབ། །དོན་གཉིས་ལྷུན་གྱིས་གྲུབ་པར་བྱིན་གྱིས་རློབས། །ཞེས་དགེ་སློང་དགེ་བའི་བཤེས་གཉེན་བོ་དྷི་བྷ་དྲས་ཚུལ་འདི་ལྟ་བུ་ཞིག་དགོས་ཞེས་བསྐུལ་བ་ལྟར། གསུང་ངག་རིན་པོ་ཆེའི་ལམ་རིམ་མདོར་བསྡུས་པ་བརྗོད་བྱར་བྱས་ཏེ། གསོལ་འདེབས་བསླབ་བྱ་དང་འབྲེལ་བ་འདིའང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག། ༈ །།ཇོ་བོ་རིན་པོ་ཆེར་གསོལ་འདེབས་སྨོན་ལམ་དང་བཅས་པ་ཕན་བདེའི་སྒྲ་དབྱངས་ཞེས་བྱ་བ་བཞུགས་སོ། །ན་མོ་གུ་རུ་ཤཱཀྱ་མུ་ན་ཡེ། བླ་མ་མཆོག་གསུམ་དབྱེར་མེད་ཞལ་སྐྱིན་དངོས། །དྲན་པ་ཙམ་གྱིས་དགོས་འདོད་ཀུན་སྩོལ་བའི། །ཡིད་བཞིན་ནོར་བུའི་ཞབས་ཀྱི་པདྨོ་ལ། །གུས་པས་ཕྱག་འཚལ་མཆོད་སྤྲིན་རྒྱ་མཚོས་མཆོད། །སྟོབས་བཞིས་སྡིག་ལྟུང་ཚོགས་ཀུན་བཤགས་ཤིང་བསྡམ། །འཕགས་དང་སོ་སྐྱེའི་དགེ་བར་རྗེས་ཡི་རངས། །བརྗོད་མེད་ཆོས་འཁོར་རྟག་ཏུ་བསྐོར་བཞིན་དུ། །བསྐལ་པ་རྒྱ་མཚོར་བཞུགས་པར་གསོལ་བ་འདེབས། །དེ་ལྟར་བསགས་པའི་དགེ་ཚོགས་ཅི་མཆིས་པ། །བྱང་ཆུབ་སྙིང་པོར་ཡོངས་སུ་བསྔོས་པའི་མཐུས། །བདག་གཞན་སྐྱེ་ཞིང་སྐྱེ་བ་ཐམས་ཅད་དུ། །རྙེད་དཀའི་དལ་འབྱོར་རྟེན་བཟང་ཐོབ་

[Full Size]

གྱུར་ཅིག །ཁྱད་པར་མཚན་ཉིད་ཀུན་ལྡན་བཤེས་གཉེན་མཆོག །དོན་ཡོད་རྣམ་བཞིས་རྟག་ཏུ་མཉེས་བྱས་ནས། །སོ་ཐར་བྱང་སེམས་རིག་པ་འཛིན་པ་ཡི། །སྡོམ་པ་གསུམ་གྱི་བཀའ་དྲིན་ནོད་པར་ཤོག ། བཅོས་མིན་དད་དང་ངེས་པར་འབྱུང་བ་དང་། །བྱམས་དང་སྙིང་རྗེ་བྱང་ཆུབ་སེམས་གཉིས་འབྱོངས། །སྤྲོས་པ་ཀུན་བྲལ་ཟབ་མོ་དབུ་མའི་ལམ། །ཡང་དག་རྒྱུད་ལ་སྐྱེ་བར་བྱིན་གྱིས་རློབས། །ཡོ་བྱད་ཀུན་ལ་མ་ཆགས་སྦྱིན་གཏོང་ཞིང་། །ཡོན་ཏན་གཞིར་གྱུར་ཚུལ་ཁྲིམས་རྣམ་པར་དག །གནོད་པའི་ཡུལ་ལ་བཟོད་ལྡན་གཉིད་རྨུགས་དང་། །ལེ་ལོ་སྤངས་ནས་མཆོད་ཕྱིར་བརྩོན་གྱུར་ཅིག །ཞི་གནས་བསམ་གཏན་ངང་ལས་མ་གཡོས་བཞིན། །ལྷག་མཐོང་སོ་སོར་རྟོག་པའི་ཤེས་རབ་ཀྱིས། །རིས་མེད་མཁས་གྲུབ་རྒྱ་མཚོའི་གཞུང་བཟང་ལ། །ཐོས་བསམ་སྒོམ་པའི་ཕ་རོལ་ཕྱིན་པར་ཤོག །ཁྱད་པར་དབེན་ཞིང་ཉམས་དགའི་ནགས་ཀླུང་དུ། །རྒྱལ་བ་དགྱེས་པའི་སྤྱོད་ཡུལ་རྣམ་དག་ཅིང་། །རིམ་གཉིས་ཟབ་མོའི་ལམ་གྱི་ཐབས་མཁས་ལ། །བརྟེན་ནས་ཟུང་འཇུག་གོ་འཕང་འགྲུབ་གྱུར་ཅིག །གཞན་ཡང་ཚེ་འདིར་འགལ་རྐྱེན་ཀུན་ཞི་ཞིང་། །མཐུན་རྐྱེན་ཚེ་བསོད་དཔལ་འབྱོར་ཡོན་ཏན་རྒྱས། །ཕྱི་མ་བདེ་བ་ཅན་གྱི་ཞིང་སྐྱེས་ནས། །མྱུར་དུ་བྱང་ཆུབ་ལུང་བསྟན་ཐོབ་པར་ཤོག །མདོར་ན་ཇི་ལྟར་སྨོན་པའི་དོན་རྣམས་ཀུན། །

[Full Size]

གེགས་མེད་མྱུར་བ་ཉིད་དུ་འགྲུབ་པ་ཡིས། །བསྟན་འགྲོར་ཕན་བདེའི་དགའ་སྟོན་འགྱེད་པ་ལ། །བཅོམ་ལྡན་ཁྱེད་དང་མཉམ་པར་བྱིན་གྱིས་རློབས། །ཞེས་ཇོ་བོ་ཡིད་བཞིན་ནོར་བུའི་མདུན་དུ་གསོལ་འདེབས་སྨོན་ལམ་གྱི་རིམ་པའོ། །གཞན་ཡང་། ར་མོ་ཆེར། མི་བསྐྱོད་རྡོ་རྗེའི་ཞབས་ཀྱི་པདྨོ་ལ། །ཞེས་དང་། བསམ་ཡས་སུ། བྱང་ཆུབ་ཆེན་པོའི་ཞབས་ཀྱི་པདྨོ་ལ། །ཞེས་དང་། ཁྲ་འབྲུག་ཏུ། རྣམ་པར་སྣང་མཛད་ཞབས་ཀྱི་པདྨོ་ལ། །ཞེས་སོགས་རྟེན་གྱི་གཙོ་བོ་གང་ཡིན་དང་མཐུན་པའི་ཁ་བསྒྱུར་བྱས་པས་གྲུབ་པ་ཉིད་དོ། །ཞེས་པའང་དོན་གཉེར་ཅན་གྱི་ངོར་ཤཱཀྱའི་དགེ་སློང་འཇམ་དབྱངས་མཁྱེན་བརྩེའི་དབང་པོས་སྤེལ་བ་སརྦ་དཱ་མངྒ་ལཾ།། །།༄༅། །ལ ཀྵྨཱི བི ཡོ གབ ཀཱ ནཾ གུ ཎ སཱ གར མ ནྟ ཀཿ བུ དྡྷ ལོ ཀ སྱ ནེ ཐེ བྷི༔ སྠཱ ནཱ ཏྲཱ ཀུ རུ མ ངྒ ལཾ།།༅། །ཡེ ཥཱུ པ ཤཱ ནྟ ཙོ པ ཤྲཱི ཕུན་ཚོགས་བྲལ་དང་སྨིན་པ་ཡི། །ཡོན་ཏན་རྒྱ་མཚོའི་མཐར་སོན་པ། །སངས་རྒྱས་འཇིག་རྟེན་མགོན་པོ་ཡིས། །གནས་འདིར་ཀུན་ཏུ་ཤིས་པར་མཛོད། །གང་དུ་ཉེ་བར་ཞི་བ་དང་། །གང་གིས་ཉེར་ཞིའི་

[Full Size]

ཡེ ན ཤཱ ནྟ སྱ དཱ ན ཡོཿ ས དྡྷ རྨཱ མྲཾ ཏ དཱི པྟེ བྷི སྟུ ཥྱཱ ཏྤ དྨ ཧི ཏི སུ ཁཾ། ཉྗདྨཏུཥྱཱཏྶུཡཾཧིཏཿ ཐ ཙ ཡཱ བ ཏ ནྟ རྦཻ ཛྙཱ ནཱ དྦྷུ ཏ སྱ ད རྴ ནཻ༔ ཏྲི སཱ བ ར དཔལ་སྟེར་བ། །དམ་ཆོས་བདུད་རྩིའི་སྣང་བ་ཡིས། །ཕན་བདེའི་པདྨོ་རྒྱས་གྱུར་ཅིག ། ༈ །ཇི་ལྟ་ཇི་སྙེད་ནང་གི་ནི། །ཡེ་ཤེས་གཟིགས་པ་རྨད་བྱུང་བས། །སྒྲིབ་གསུམ་ཆ་བཅས་ངེས་གྲོལ་བ། ཎ ནི རྨུ ཀྟ ཪྻ ག ཎི སྶུ ཤཱུ བྷཾ ཀུ ཤ། ༄༅། །འོད་གསལ་འཆར་བའི་གསོལ་འདེབས་ཟབ་དོན་སྤྲིན་གྱི་རོལ་མོ་ཞེས་བྱ་བ་བཞུགས་སོ། །འཕགས་པའི་ཚོགས་ཀྱིས་དགེ་ལེགས་སྩོལ། ༄༅། །ན་མོ་གུ་རུ་བྷྱ༔ ཤིན་ཏུ་རྣམ་དག་འོད་གསལ་ཆོས་དབྱིངས་ངང་། །ཟུང་འཇུག་ལོངས་སྤྱོད་རྫོགས་སྐུའི་རྣམ་རོལ་གྱིས། །སྤྲུལ་པའི་གར་མཛད་རྩ་བརྒྱུད་བླ་མ་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །བཅོས་མིན་དད་དང་ངེས་འབྱུང་སྙིང་རྗེ་དང་། །རླབས་ཆེན་བྱང་ཆུབ་སྤྱོད་པའི་མཐར་སོན་ནས། །མཆོག་གསང་རྡོ་རྗེའི་ལམ་གྱི་སྨིན་གྲོལ་གྱིས། །

[Full Size]

དཔེ་དོན་འོད་གསལ་མཐོང་བར་བྱིན༴ ཁྱད་པར་གཟོད་ནས་སྤྲོས་པ་ཀུན་བྲལ་བའི། །སེམས་ཀྱི་རྡོ་རྗེ་གཉུག་མའི་དེ་བཞིན་ཉིད། །ཀུན་ཁྱབ་ཀུན་གྱི་རང་བཞིན་ཕྱག་རྒྱ་ཆེ། །གཞི་ཡི་འོད་གསལ་རྟོགས་པར༔ རིལ་པོར་འཛིན་དང་རྗེས་སུ་གཞིག་པ་ཡིས། །སྣང་ཆའི་ལྷ་སྐུ་ནཱ་དར་སྙོམས་འཇུག་བཞིན། །ལྷན་ཅིག་སྲོག་རྩོལ་ཁ་སྦྱོར་རྣལ་འབྱོར་གྱིས། །རླུང་སེམས་དབུ་མར་འདུས་པར༔ དེ་མཐུས་རྣམ་ཤེས་སྣང་བ་ལ་ཐིམ་ཞིང་། །དེ་ཉིད་རིམ་པར་མཆེད་དང་ཉེར་ཐོབ་ལ། །ཐིམ་ཚུལ་ངོས་ཟིན་ཐམས་ཅད་སྟོང་པའི་ངང་། །ལམ་གྱི་འོད་གསལ་གོམས་པར ཉིན་སྣང་རྨི་ལམ་སྒྱུ་མར་རྗེས་དྲན་ཞིང་། །ཟབ་མོའི་ལམ་ལ་རྩེ་གཅིག་མཉམ་བཞག་པས། །སྣང་བཞིའི་ཕ་རོལ་སོན་པའི་ཡེ་ཤེས་དབྱིངས། །གཉིད་ཀྱི་འོད་གསལ་ཟིན་པར༔ གལ་ཏེ་གོམས་པ་སྟོབས་སུ་མ་གྱུར་ན། །སྙིང་དབུས་དྷཱ་ཏིའི་པདྨོར་ངལ་འཚོ་བའི། །མི་ཤིགས་ཡི་གེའི་སྤྲིན་གྱི་སྣང་བ་ཡིས། །ཉམས་ཀྱི་འོད་གསལ་འཆར་བར༔ དེ་ཚེ་ཉིང་འཁྲུལ་སྣང་ཆ་ཐམས་ཅད་ཀུན། །གཟུང་སྤེལ་སྒྱུ་མར་སྦྱང་བའི་ཉམས་ལེན་དང་། །སྤྲུལ་བསྒྱུར་དེ་ཁོ་ན་ཉིད་རྗེས་དྲན་པས། །གཉིས་འཛིན་རང་སར་གྲོལ་བར༔ སྔོན་འགྲོ་སྦྱང་བ་རྣམ་གསུམ་མཐར་ཕྱིན་ཅིང་། །རླུང་དང་གཏུམ་མོའི་འབར་འཛག་ལ་བརྟེན་ནས། །ཞུ་བདེས་དྲངས་པའི་ཡེ་ཤེས་མངོན་གྱུར་པ། །

[Full Size]

མི་རྟོག་འོད་གསལ་འབྱོང་བར༔ ལུགས་འབྱུང་སྟོང་པ་རྣམ་བཞིའི་ལྷན་སྐྱེས་ལས། །ལུགས་ལྡོག་གཟུགས་སྐུར་བཞེངས་པའི་འཕེན་པ་ཡིས། །དག་པའི་སྒྱུ་ལུས་སྐུ་གསུམ་དབྱེར་མེད་པ། །འབྲས་བུའི་འོད་གསལ་འགྲུབ་པར་ཚེ་འདིར་ཟུང་འཇུག་གོ་འཕང་མ་ཐོབ་ན། །འཆི་སྲིད་འོད་གསལ་ཆོས་སྐུའི་དབྱིངས་སུ་ཐིམ། །བར་སྲིད་ལོངས་སྤྱོད་རྫོགས་སྐུའི་རྣམ་རོལ་དང་། །སྐྱེ་སྲིད་སྤྲུལ་པ་འཆར་བར༴ གཞན་ཡང་རླུང་སེམས་མི་ཕྱེད་ཐིག་ལེའི་གཟུགས། །ནང་གི་ལམ་ནས་འཕོ་བའི་རྣལ་འབྱོར་གྱིས། །འོད་གསལ་གཟུགས་སུ་ཤར་བའི་རྡོ་རྗེའི་གྲོང་། །མཁའ་སྤྱོད་ཞིང་དུ་བགྲོད་པར༔ མདོར་ན་གཏུམ་མོའི་འབར་སྣང་སྒྱུ་མར་རྫོགས། །འོད་གསལ་ངང་ལས་རྨི་ལམ་རྩལ་འབྱོངས་ཤིང་། །བར་དོའི་སྣང་བ་བསྲེ་འཕོའི་ཉམས་ལེན་གྱིས། །སྐུ་གསུམ་མངོན་དུ་འགྱུར་བར་བྱིན་གྱིས་རློབས། །དེ་ལྟར་རྩེ་གཅིག་སྨོན་པའི་གནས་སྐབས་ཀུན། །འཁོར་ལོའི་དབང་ཕྱུག་ཧེ་རུ་ཀ་དཔལ་དང་། །ཉེར་བཞིའི་ཡུལ་གྱི་དཔའ་བོ་རྣལ་འབྱོར་མས། །གེགས་མེད་མྱུར་དུ་འགྲུབ་པར་བྱིན་གྱིས་རློབས། །ཞེས་ལམ་ཐམས་ཅད་ཀྱི་མཐར་ཐུག་འོད་གསལ་སྙིང་པོའི་རྣལ་འབྱོར་དུ་དྲིལ་ཏེ། རྡོ་རྗེའི་ལམ་གཞན་རྣམས་ཀྱང་ཞར་ལ་ཚང་བའི་དོན་བརྗོད་བྱར་བྱས་པའི་ངེས་གསང་རྒྱུད་སྡེའི་ཡང་བཅུད་ཁྱད་པར་ཅན་འདིའང་། གྲུབ་པའི་དབང་ཕྱུག་བྱེ་བ་

[Full Size]

གཤེགས་པའི་རིང་ལུགས་ལ་མོས་པ་བརྟན་པོར་ཐོབ་པའི་རྣལ་འབྱོར་གཞོན་ནུ་འཇིགས་པ་མེད་པའི་སྡེས་སྦྱར་བ་སིདྡྷི་རསྟུ།། ༈ །།ཡེ་ཤེས་ལུས་ཅན་ལྷ་བཞི་དབྱེར་མེད་སྐུ། །དོན་གཉིས་ཆར་འབེབས་སྡེ་སྣོད་གསུམ་གྱི་གསུང་། །གྲུབ་པ་མཐར་སོན་བསླབ་གསུམ་རྣམ་དག་ཐུགས། །བསྟན་པའི་རྒྱལ་མཚན་ཞབས་ལ་གསོལ་བ་འདེབས། །ཟབ་རྒྱས་རྒྱུད་སྡེ་བཞི་དང་སྡེ་སྣོད་གསུམ། །འགལ་མེད་སྟན་ཐོག་གཅིག་ཏུ་ཉམས་བླངས་པས། །མཁས་ཤིང་བཙུན་ལ་གྲུབ་པའི་མཆོག་བརྙེས་པ། །བཀའ་གདམས་རྣམ་ཐར་འགྲུབ་པར་བྱིན་གྱིས་རློབས།། ༈ །།ཕྱོགས་བཅུའི་སངས་རྒྱས་ཆོས་དང་འཕགས་པའི་ཚོགས། །རྩ་གསུམ་སྲུང་མ་ཀུན་འདུས་ངོ་བོ་ཉིད། །རིགས་ཀུན་ཁྱབ་བདག་དྲིན་ཅན་བླ་མ་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །དལ་འབྱོར་རྙེད་དཀའ་ནམ་འཆི་ངེས་མེད་དྲན། །བློ་སྣ་ཆོས་ལ་འགྱུར་བར་བྱིན༴ ལས་འབྲས་བསླུ་མེད་འཁོར་བའི་ཉེས་དམིགས་མཐོང་། །དམ་ཆོས་ལམ་དུ་འགྲོ་བར་བྱིན༴ བྱམས་དང་སྙིང་རྗེ་སྨོན་འཇུག་བྱང་སེམས་འབྱོངས། །ལམ་གྱི་འཁྲུལ་པ་ཞི་བར་བྱིན་གཟུང་འཛིན་ལས་འདས་དོན་དམ་བྱང་སེམས་རྟོགས། །འཁྲུལ་སྣང་དབྱིངས་སུ་ཐིམ་པར་བྱིན༔ སེམས་དང་སེམས་བྱུང་འཇུག་པ་དབྱིངས་སུ་ཞི། །རྩེ་གཅིག་ཏིང་འཛིན་བརྟན་པར་བྱིན༔ ཉམས་སུ་མྱོང་ཡང་

[Full Size]

མཚོན་བརྗོད་ལས་འདས་པའི། །སྤྲོས་བྲལ་གནས་ལུགས་མཐོང་བར༔ སྣང་སེམས་དབྱེར་མེད་འོད་གསལ་ཕྱག་རྒྱ་ཆེ། །རོ་གཅིག་མངོན་དུ་འགྱུར་བར༴ མཉམ་རྗེས་ལས་འདས་ཁོར་ཡུག་ཆོས་སྐུའི་ཀློང་། །སྒོམ་མེད་འབྲས་བུ་འགྲུབ་པར་བྱིན་གྱིས་རློབས། །མདོར་ན་བདག་སོགས་མཐའ་ཡས་སེམས་ཅན་ཀུན། །ཚེ་འདིར་ཚེ་རིང་ནད་མེད་ཉམས་རྟོགས་འཕེལ། །ཕྱི་མ་བདེ་བ་ཅན་གྱི་ཞིང་སྐྱེས་ནས། །མྱུར་དུ་བྱང་ཆུབ་ཐོབ་པར་བྱིན་གྱིས་རློབས། །ཞེས་པའང་སྒྲུབ་བརྒྱུད་སྙིང་པོའི་རིང་ལུགས་འཛིན་པ་གླུ་བྲོ་དགོན་གྱི་བླ་མ་དགེ་འདུན་རྣམས་ནས་གསུངས་ངོར་ཞལ་གདམས་གསོལ་འདེབས་སྨོན་ལམ་དང་འབྲེལ་བ་འདིའང་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག། ༈ །།ཐེག་པ་རིམ་དགུའི་སྨོན་ལམ་རྡོ་རྗེའི་ཚིག་རྐང་བཞུགས་སོ། །ན་མོ་གུ་རུ་བྷྱ༔ རྒྱལ་བའི་གདུལ་བྱའི་རྗེས་འགྲོ་ལེགས་གསུང་ཆོས། །གོང་ནས་གོང་དུ་བགྲོད་བྱེད་ཐེག་པའི་ཚུལ། །དབང་པོའི་རིམ་པ་དང་མཚུངས་རྣམ་པ་དགུ །མ་འདྲེས་ཡོངས་རྫོགས་ཉམས་ལེན་མཐར་ཕྱིན་ཤོག །ཉན་ཐོས་ཐེག་པའི་བདེན་བཞིའི་བླང་དོར་ཐོས། །རང་རྒྱལ་ཐེག་པའི་རྟེན་འབྲེལ་འཇུག་ལྡོག་བསམ། །བྱང་སེམས་ཐེག་པའི་བདེན་གཉིས་དབྱེར་མེད་བསྒོམ། །ཀུན་འབྱུང་འདྲེན་པའི་ཐེག་པས་རྒྱུད་སྦྱོང་ཤོག །ཀྲྀ་

[Full Size]

ཡའི་ཐེག་པས་མཐའ་བྲལ་ལྟ་བ་རྟོགས། །ཨུ་བྷའི་ཐེག་པས་ཕྱི་ནང་མཉམ་པར་བསྒོམ། །ཡོ་གའི་ཐེག་པས་སངས་རྒྱས་མཛད་པ་སྤྱོད། །དཀའ་ཐུབ་རིག་བྱེད་ཐེག་པས་རྒྱུད་སྨིན་ཤོག །མ་ཧཱའི་ཐེག་པས་གཞི་རྒྱུད་ལྷ་སྐུར་དག །ཨ་ནུའི་ཐེག་པས་ལམ་རྒྱུད་བདེ་སྟོང་རྫོགས། །ཨ་ཏིའི་ཐེག་པས་འབྲས་རྒྱུད་ཡེ་ཤེས་སྨིན། །དབང་བསྒྱུར་ཐབས་ཀྱི་ཐེག་པས་རྒྱུད་གྲོལ་ཤོག །མདོར་ན་ངེས་འབྱུང་བྱང་སེམས་གཏིང་ནས་འབྱོངས། །ལྷག་པའི་ལྷ་ཡི་བྱིན་རླབས་སྙིང་ལ་ཞུགས། །སྣང་གྲགས་རིག་པ་དཀྱིལ་འཁོར་གསུམ་གྱི་ངང་། །འགྲོ་ཀུན་ཕྱམས་གཅིག་སངས་རྒྱས་སར་འགོད་ཤོག །ཅེས་པའང་རྨོག་སྟོན་གསང་བདག་ཆེན་པོའི་སྤྱན་སྔར་གཞོན་ནུ་ཨ་བྷཱ་ཡས་རང་ལོ་བཅུ་བཞི་པར་རྩེད་མོའི་ཚུལ་དུ་བྲིས་པ། དགྱེས་པའི་གད་མོ་དང་བཅས་ཁྱོད་ཀྱི་འདི་ལ་ཐེག་པ་རིམ་དགུའི་སྨོན་ལམ་རྡོ་རྗེའི་ཚིག་རྐང་ཞེས་གྱིས་ཤིག་ཅེས་བཀའ་སྩལ་ཏོ། །མངྒ་ལཾ།། ༈ །སྡོམ་པ་གསུམ་གྱི་སྨོན་ལམ་དོན་གཉིས་ངལ་བསོ་བཞུགས། །ན་མོ། རྒྱལ་བ་ཀུན་གྱི་ཐུགས་བསྐྱེད་མཁའ་ཀློང་ལས། །ཕན་བདེའི་སྤྲིན་གྱི་བླ་བྲེ་མཛེས་པའི་དབུས། །སྡོམ་གསུམ་བདུད་རྩིའི་ཆར་རྒྱུན་འཇོ་བ་ཡིས། །ཐར་པ་མཆོག་གི་མྱུ་གུ་བཞད་པར་ཤོག ༡ །མཐོན་མཐིང་ལྕང་ལོའི་ཟུར་ཕུད་བྲེགས་པ་ཡིས། །སྲིད་པའི་འཆིང་བ་མ་ལུས་བརྒལ་བྱས་ཏེ། །ངུར་སྨྲིག་བླ་

[Full Size]

གོས་གསར་པའི་གཟི་འོད་ཀྱིས། །ས་གསུམ་ཕན་བདེའི་སྣང་བས་ཁྱབ་གྱུར་ཅིག ༢ །གཞི་གསུམ་ཆོ་གའི་རྩ་བ་ལེགས་བརྟེན་ཅིང་། །སྤངས་དང་འཇུག་པའི་ཚུལ་ཁྲིམས་ཡལ་ག་རྒྱས། །སྲིད་པའི་དགྲ་བཅོམ་གེ་སར་མཛེས་གྱུར་པའི། །དམ་ཆོས་འདུལ་བའི་ཚལ་བརྒྱ་འཕེལ་བར་ཤོག ༣ །གཞན་ཕན་ག་བུར་བརྩེགས་པའི་མཛའ་བཤེས་ཀྱིས། །འགྲོ་ཀུན་དགའ་བའི་ཀུན་རྒྱས་པ་དང་། །ལྷན་ཅིག་འཁོར་བའི་མུན་སྟུག་རབ་བཅོམ་སྟེ། །ཟག་མེད་བདུད་རྩིའི་དཔལ་གྱིས་འཚོ་བར་ཤོག ༤ །སྦྱིན་དང་ཚུལ་ཁྲིམས་བཟོད་པ་བརྩོན་འགྲུས་དང་། །བསམ་གཏན་ཤེས་རབ་ནོར་བུའི་འཁྲི་ཤིང་ཆེར། །ཕ་རོལ་ཕྱིན་པའི་ལམ་ལ་བརྟེན་པ་ཡིས། །བྱང་ཆུབ་མཆོག་གི་འབྱོར་པས་ཕྱུག་པར་ཤོག ༥ །ལུང་དང་རྟོགས་པའི་ཆོས་ཚུལ་རྒྱ་མཚོ་ཆེ། །ཤེས་རབ་གསུམ་གྱི་གྲུ་གཟིང་གཡོ་བ་ཡིས། །རྒྱལ་གསུང་ལམ་བདེན་ཕ་མཐར་བརྒལ་བྱས་ནས། །ཐམས་ཅད་མཁྱེན་པའི་གླིང་དུ་ཕྱིན་པར་ཤོག ༦ །ལེགས་བཤད་ཉིན་བྱེད་གསར་པའི་འོད་ཟེར་གྱིས། །སྐལ་བཟང་བློ་གྲོས་པདྨོ་བཞད་པ་དང་། །ལྷན་ཅིག་ལམ་མིན་མུན་པ་བསལ་བྱས་ཏེ། །རྒྱལ་བསྟན་སྣང་བས་ཡོངས་སུ་ཁྱབ་པར་ཤོག ༧ །ཆོས་བརྒྱད་འཆིང་བ་རབ་གྲོལ་དབེན་གནས་སུ། །འདུ་འཛིའི་སྤྱོད་པ་མ་ལུས་རིང་དོར་ཏེ། །རྩེ་གཅིག་ཏིང་འཛིན་མཆོག་ལ་གཡོ་མེད་པས། །

[Full Size]

དོན་གཉིས་མ་ལུས་ལྷུན་གྱིས་གྲུབ་པར་ཤོག ༨ །རྡོ་རྗེ་ཐེག་པའི་བརྒྱུད་འཛིན་བུམ་བཟང་ནས། །སྨིན་བྱེད་བདུད་རྩིའི་ཐིགས་པས་བྲན་པ་ལས། །ཐར་པའི་ཞིང་ས་རབ་ཏུ་བརླན་བྱས་ཏེ། །གཡེལ་མེད་དམ་ཚིག་ས་བོན་ཆགས་པར་ཤོག ༩ །སྐུ་གསུང་ཐུགས་ཀྱི་རྡོ་རྗེ་རབ་བཟུང་ཞིང་། །ཕྲ་རགས་རྣམ་པར་དབྱེ་བ་རྒྱུད་ལ་འཆང་། །སྲུང་མཚམས་ལས་འདས་དབྱིངས་སུ་གྲོལ་བ་ཡིས། །གསང་སྔགས་ལམ་གྱི་དེ་ཉིད་མངོན་གྱུར་ཤོག ༡༠ །བསྐྱེད་རྫོགས་མཛེས་པའི་ཁ་ཕྲུས་བྲན་པ་ལས། །རྩ་རླུང་ཐིག་ལེའི་གདུང་བ་རབ་བཅིལ་ཏེ། །སྐུ་བཞིའི་པད་དཀར་རྒྱས་པའི་བསིལ་གཡབ་ཏུ། །མ་ལུས་འགྲོ་བའི་བསྟི་གནས་འབྱུང་བར་ཤོག ༡༡ །དོན་དམ་གང་དུའང་མི་གནས་ཡེ་ཤེས་སེམས། །ལྷན་ཅིག་དགའ་བའི་རྩེ་དགས་རོལ་པར་ཤོག །ཚུར་མཐོང་རྣམ་པར་གྲོལ་བའི་འཁོར་ལོ་ཆེ། །སྒྱུ་འཕྲུལ་དྲྭ་བའི་ངོ་བོར་རྟག་བརྟན་ཤོག ༡༢ །བསླབ་གསུམ་ཁྲིམས་ཀྱི་བདུད་རྩི་རྟག་རོལ་ཞིང་། །ཟུང་འཇུག་བདེ་དང་སྟོང་པས་རབ་མྱོས་པའི། །རིག་གྲོལ་གཉིས་མེད་དགེ་འདུན་འདུས་པའི་སྡེས། །སྲིད་པའི་ཁམས་ཀུན་དོག་པོར་བགྱིད་པར་ཤོག ༡༣ །དེ་མཐུས་ཚོགས་གཉིས་དཔྱིད་ཀྱིས་ཉེར་དྲངས་པའི། །རྫོགས་ལྡན་དབྱར་གྱི་འབྱོར་པར་སྤྱོད་པ་ཡིས། །འགྲོ་ཀུན་ཉོན་མོངས་ཚོགས་རྣམས་རབ་ཞི་སྟེ། །ཆོས་མཐུན་དགེ་

[Full Size]

བའི་དཔལ་གྱིས་འཚོ་བར་ཤོག ༡༤ །འདིས་མཚོན་རྣམ་དག་སྨོན་པའི་དྲི་བཞོན་གྱིས། །བསླབ་གསུམ་སྤྲིན་གྱི་བླ་བྲེས་བསྐུལ་བ་ལས། །མངོན་མཐོ་ངེས་ལེགས་བདུད་རྩིའི་དཔལ་འཇོ་བས། །འགྲོ་ཀུན་སྲིད་པའི་ཚ་གདུང་བཅིལ་བར་ཤོག ༡༥ །ཅེས་པའང་སྲིད་ལས་ངེས་པར་གྲོལ་བའི་བློས་བསླབ་པ་རིན་པོ་ཆེ་དམ་དུ་འཆང་བ་ནི་བསྟན་ལ་སྨོན་པ་ཡོངས་ཀྱི་ངེས་བརྗོད་དུ་སྣང་བའི་ཕྱིར། དེའི་རྗེས་སུ་སྨོན་པ་ཙམ་དུ་རྨོངས་བརྟུལ་ཨ་བྷ་ཡའི་མིང་གིས་སོ།། ༈ །།རྒྱུན་གྱི་དམ་བཅའ་སྨོན་ལམ་ཆེན་མོ་ཕན་བདེའི་ས་བོན་ཞེས་བྱ་བ་བཞུགས་སོ། །བཀྲ་ཤིས་མཚན་གྱི་དབྱངས་སྙན་ཐོས་པས་ཀྱང་། །ཕུན་ཚོགས་སྲིད་ཞིའི་དགེ་ལེགས་སྦྱིན་མཛད་པ། །རྩ་བརྒྱུད་བླ་མ་དཀོན་མཆོག་རྣམ་གསུམ་སོགས། །སྐྱབས་གནས་རྒྱ་མཚོའི་ཚོགས་ལ་ཕྱག་འཚལ་ལོ། །ལུས་དང་ལོངས་སྤྱོད་ཀུན་བཟང་མཆོད་སྤྲིན་འབུལ། །ཚེ་རབས་བསགས་པའི་སྡིག་ལྟུང་བཤགས་ཤིང་བསྡམ། །འཕགས་དང་སོ་སྐྱེའི་དགེ་བར་རྗེས་ཡི་རངས། །ཟབ་རྒྱས་ཆོས་ཀྱི་འཁོར་ལོ་བསྐོར་བཞིན་དུ། །རྟག་པར་མྱ་ངན་མི་འདའ་བཞུགས་གསོལ་འདེབས། །དགེ་བ་འདིས་མཚོན་དུས་གསུམ་ལེགས་བྱས་ཚོགས། །འགྲོ་ཀུན་ཀུན་མཁྱེན་གོ་འཕང་ཐོབ་བྱའི་ཕྱིར། །བྱང་ཆུབ་སྙིང་པོར་ཡོངས་སུ་བསྔོ་བར་བགྱི། །བསོད་ནམས་གང་དེས་བདག་གཞན་ཡིད་ཅན་ཀུན། །

[Full Size]

དེང་ནས་བཟུང་སྟེ་ཚེ་རབས་ཐམས་ཅད་དུ། །འཁོར་ལོ་བཞི་དང་ལྡན་པའི་རྟེན་ཐོབ་ནས། །ཐེག་མཆོག་བཤེས་དང་ནམ་ཡང་མི་འབྲལ་ཤོག །མཉེས་པ་གསུམ་གྱིས་དམ་པའི་ཞབས་བསྟེན་ནས། །ཇི་ལྟར་ཁས་བླངས་ཚུལ་ཁྲིམས་རྣམ་པར་དག །མང་དུ་ཐོས་དང་བསམ་པའི་ཕ་རོལ་ཕྱིན། །རྩེ་གཅིག་ཟབ་མོའི་དོན་མཆོག་བསྒོམ་པར་ཤོག །དལ་འབྱོར་རྙེད་དཀའ་འཇིག་སླའི་ངང་ཚུལ་ཅན། །འཁོར་བའི་སྡུག་བསྔལ་དྲན་པའི་ངེས་འབྱུང་གིས། །དགེ་སྡིག་བླང་དོར་ཚུལ་བཞིན་ལེགས་སྤྱོད་པའི། །སྔོན་འགྲོ་རྟེན་གྱི་ཆོས་ལ་བློ་འབྱོངས་ཤོག །གཟུང་བའི་ཆོས་ཀུན་རྨི་ལམ་ལྟ་བུར་རྟོགས། །འཛིན་པའི་ཤེས་པ་མ་སྐྱེས་རིག་པའི་གཤིས། །སྤྲོས་བྲལ་བློ་འདས་ངང་དུ་མཉམ་བཞག་པས། །བདེན་གཉིས་ཟུང་འཇུག་གནས་ལུགས་མངོན་གྱུར་ཤོག །བདག་གི་བདེ་དགེ་སེམས་ཅན་རྣམས་ལ་གཏོང་། །གཞན་གྱི་སྡུག་བསྔལ་ཀུན་འབྱུང་རང་ལ་བླངས། །རྣམ་པ་ཀུན་ཏུ་འགྲོ་ལ་ཕན་བརྩོན་པའི། །རླབས་ཆེན་བྱང་ཆུབ་སེམས་མཆོག་འབྱུང་བར་ཤོག །རྐྱེན་ངན་ཐམས་ཅད་བྱང་ཆུབ་ལམ་དུ་གྱུར། །ཚེ་གཅིག་ཉམས་ལེན་སྟོབས་ལྔའི་དམ་བཅའ་བརྟན། །བློ་སྦྱོང་ཚད་ཕྱིན་བསླབ་བྱ་དམ་ཚིག་རྣམས། །ནམ་ཡང་ཉམས་མེད་སྲོག་བཞིན་བསྲུང་ནུས་ཤོག །བསམས་བཞིན་གཞན་སྲོག་གཅོད་དང་མ་བྱིན་ལེན། །འདོད་པས་ལོག་

[Full Size]

གཡེམ་རྫུན་སྨྲ་སྤངས་པ་སྟེ། །ཡོངས་རྫོགས་དགེ་བསྙེན་སྡོམ་པའི་བསླབ་བྱ་རྣམས། །དགྲ་བཅོམ་འཕགས་པའི་རྗེས་སུ་སློབ་ནུས་ཤོག །སྡིག་ཟས་གཙོ་བོ་ཤ་ཁྲག་ལོངས་སྤྱོད་དང་། །མྱོས་བྱེད་ཆང་དང་ཐ་མ་ཁ་ལ་སོགས། །བག་མེད་རྩ་བར་གྱུར་བ་ཀུན་སྤངས་ནས། །རྟག་ཏུ་དྲན་ཤེས་བག་ཡོད་སྤྱོད་པར་ཤོག །རང་དོན་ཉི་ཚེའི་བསམ་པ་ལ་བརྟེན་པའི། །ལུས་ངག་སྦྱོར་བས་གཞན་ལ་གནོད་པ་དང་། །ཉེས་ཀུན་རྩ་བ་ངག་འཁྱལ་ཚིག་རྩུབ་སོགས། ཁ་ན་མ་ཐོའི་ཚོགས་ཀུན་སྤོང་ནུས་ཤོག །མདོར་ན་གཞན་ལ་དངོས་སུ་མ་ཕན་ཡང་། །རྣམ་པ་ཀུན་ཏུ་གནོད་པར་མི་འགྱུར་ཞིང་། །དགེ་བའི་རྩ་བ་ཅི་ནུས་བསྒྲུབ་པ་དང་། །སྡིག་པ་ཚབ་ཆེན་ནམ་ཡང་མི་བགྱིད་ཤོག །བསམ་པ་བྱང་ཆུབ་སེམས་མཆོག་རྣམ་པར་དག །སྦྱོར་བ་དམིགས་མེད་ཚོགས་གཉིས་ཟུང་འབྲེལ་སྤྱོད། །རྗེས་ཐོབ་ཡོངས་སུ་བསྔོ་བས་མཚམས་སྦྱར་ཏེ། །རང་གཞན་དོན་མཆོག་ལྷུན་གྱིས་གྲུབ་པར་ཤོག །རྩ་བརྒྱུད་བླ་མ་མཆོག་གསུམ་བྱིན་རླབས་དང་། །ཆོས་ཉིད་ཆོས་ཅན་རྒྱུ་འབྲས་བསླུ་མེད་མཐུས། །ཇི་ལྟར་སྨོན་པའི་གནས་ཀུན་ཡོངས་གྲུབ་ནས། །ཕན་བདེའི་དགེ་ལེགས་རྒྱས་པའི་བཀྲ་ཤིས་ཤོག །ཅེས་པའང་ལུགས་གཉིས་ལ་དཔྱོད་པའི་བློ་གྲོས་ཡངས་ཤིང་། སྐྱེས་བུ་ཆེན་པོའི་ལམ་ལ་དམ་བཅའ་བརྟན་པ་དྲུང་དཔོན་ཚེ་རིང་དོན་གྲུབ་བམ། འཇམ་

[Full Size]

དབྱངས་གཞན་ཕན་ཉི་མས་རང་ཉིད་ཀྱིས་ཇི་ལྟར་ཞལ་གྱིས་བཞེས་པའི་གཡར་དམ་གྱི་གོ་ཆ་མཐར་ཕྱིན་པར་བྱ་བའི་སླད། བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་དཔལ་གདོང་ལོའི་དབྱུག་པ་ཟླ་བའི་དུས་ཆེན་ཡར་ཚེས་བཅོ་ལྔའི་སྔ་ཆར་བྲིས་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། ༈ །།ཁ་སྦྱོར་བདུན་ལྡན་རྒྱལ་བ་རྡོ་རྗེ་འཆང་། །གསང་བ་མཆོག་གིས་དགྱེས་པ་བདག་མེད་མ། །གང་དེས་རྗེས་བཟུང་གྲུབ་ཆེན་བིརླ་པ། །རྣལ་འབྱོར་དབང་ཕྱུག་ཌོམྦྷི་ཧེ་རུ་ཀ །རིམ་བརྒྱུད་བཤད་སྲོལ་གསལ་མཛད་དཔའ་བོའི་མཚན། །གངས་ཅན་བསྟན་པའི་སྣང་བྱེད་འབྲོག་མིའི་ཞབས། །རྒྱུན་བཞིའི་གདམས་པའི་རྒྱ་མཚོ་ས་སྐྱ་པ། །རྒྱལ་བས་ལུང་བསྟན་ངོར་ཆེན་ཡབ་སྲས་སོགས། །རྩ་བརྒྱུད་བླ་མ་ཡི་དམ་དཀྱིལ་འཁོར་ལྷ། །དཔའ་བོ་མཁའ་འགྲོ་ཆོས་སྐྱོང་སྲུང་མར་བཅས། །བུ་གཅིག་པ་ལ་བརྩེ་བའི་མ་བཞིན་དུ། །མྱུར་དུ་ཡེ་ཤེས་སྤྱན་གྱིས་རབ་གཟིགས་ནས། །ཇི་ལྟར་སྨོན་པའི་གནས་འདི་མྱུར་འགྲུབ་མཛོད།། ༈ །།རྡོ་རྗེ་འཆང་དངོས་རྣལ་འབྱོར་དབང་ཕྱུག་དང་། །དཔལ་ལྡན་ས་སྐྱ་ཡབ་སྲས་བརྒྱུད་བཅས་ཀྱི། །བཤད་སྒྲུབ་བསྟན་པ་ཕྱོགས་བརྒྱར་འཕེལ་བ་ཡིས། །འགྲོ་ཀུན་བདེ་སྐྱིད་འབྱུང་བར་བྱིན་གྱིས་རློབས། །ཁྱད་པར་མཚན་

[Full Size]

ཙམ་ཐོས་པའི་རྣ་ལུང་དུ། །གྲངས་མེད་བསྐལ་པའི་བསོད་ནམས་ལས་གྲུབ་པ། །སྙིང་པོ་དགྱེས་པ་རྡོ་རྗེའི་རྒྱུད་ཟབ་མོ། །བཤད་པས་ཕྱོགས་བརྒྱར་འཕེལ་བར་བྱིན་གྱིས་རློབས། །མདོ་སྔགས་སྤྱི་དོན་བློ་གྲོས་རབ་རྒྱས་ཤིང་། །མཚན་ཙམ་གྱིས་ཀྱང་རྒྱུད་དོན་ཁོང་དུ་ཆུད། །བཤད་ཐབས་བདུན་གྱིས་སྨྲ་བའི་དབང་ཕྱུག་ཏུ། །ཕྱོགས་ལས་རྣམ་པར་རྒྱལ་བར་བྱིན་གྱིས་རློབས། །རྒྱུ་རིགས་སྤང་བྱ་རྐྱེན་ལ་ལྟོས་པ་ཡིས། །གཞི་དོན་རྒྱུད་ལ་སྒྲོ་འདོགས་ཆོད་པ་དང་། །སྤྱོད་དང་ལྟ་བ་རིམ་མཐར་བསླབ་པ་ཡིས། །བསླབ་གསུམ་རྣམ་པར་དག་པར་བྱིན་གྱིས་རློབས། །སྨིན་བྱེད་དབང་གིས་སྨིན་ནས་དམ་ཚིག་དག ། མཆོག་དང་ཐུན་མོང་གྲུབ་པའི་མངོན་རྟོགས་ཀྱིས། །ལམ་གྱི་རིམ་པའི་ཕ་མཐར་སོན་པ་ལས། །འབྲས་བུ་མྱུར་དུ་འགྲུབ་པར་བྱིན་གྱིས་རློབས། །ཐབས་ཤེས་གཉིས་མེད་དགྱེས་པ་རྡོ་རྗེ་དང་། །སྟོང་ཉིད་མཁའ་ཁྱབ་མཁའ་འགྲོ་རྡོ་རྗེ་གུར། །བདེ་སྟོང་ཡང་དག་ཡེ་ཤེས་སྦྱོར་བ་ཡི། །བཤད་པས་ཕྱོགས་ཀུན་ཁྱབ་པའི་བཀྲ་ཤིས་ཤོག །མདོར་ན་དཔལ་ལྡན་དགེས་པ་རྡོ་རྗེ་ཡི། །བཤད་སྲོལ་འཇིག་རྟེན་ཀུན་ཏུ་རྒྱས་པ་དང་། །སྙིང་པོའི་སྒྲུབ་པ་ལམ་འབྲས་ལྷུར་ལེན་པས། །དོན་གཉིས་གྲུབ་པའི་དགེ་མཚན་རྒྱས་གྱུར་ཅིག །ཅེས་པའང་ལྕགས་ཕག་སྔོན་ཟླ་བའི་ཤེར་ཕྱོགས་ཀྱི་བཟང་པོ་དང་པོར་རྒྱལ་ཁམས་ཉུལ་བའི་

[Full Size]

དཱ་རི་དྭ་འཇམ་དབྱངས་མཁྱེན་བརྩེའི་དབང་པོས་སྒྲ་བསྒྱུར་ལོ་ཙཱ་ཕུག་གི་སྒོ་འདབས་སུ་གང་ཤར་རྩེ་གཅིག་པས་གསོལ་བ་བཏབ་པ་དེ་དེ་བཞིན་དུ་གེགས་མེད་པར་འགྲུབ་པར་བྱིན་གྱིས་བརླབ་ཏུ་གསོལ། སརྦ་དཱ་སིདྡྷི་རསྟུ།། ༈ །།ཐེག་པ་ཆེན་པོའི་ལམ་གྱི་རིམ་པའི་སྨོན་ལམ་རྣམ་གྲོལ་དགའ་སྟོན་ཞེས་བྱ་བ་བཞུགས་སོ། །ན་མོ་གུ་རུ་བྷྱ༔ མཁའ་ཁྱབ་རྒྱལ་བ་ཀུན་གྱི་སྐུ་ཡེ་ཤེས། །གཅིག་བསྡུས་དཔལ་ལྡན་རྡོ་རྗེ་སེམས་དཔའ་དང་། །དབྱེར་མེད་ཁྱབ་བདག་དྲིན་ཆེན་བླ་མ་ལ། །སྙིང་ནས་གསོལ་བ་འདེབས་སོ་བྱིན་གྱིས་རློབས། །བདག་གཞན་སྐྱེ་ཞིང་སྐྱེ་བ་ཐམས་ཅད་དུ། །དལ་འབྱོར་མཆོག་ཐོབ་འཁྲུལ་མེད་བསྟན་ལ་ཞུགས། །མཚན་ལྡན་དགེ་བའི་བཤེས་ཀྱིས་རྗེས་བཟུང་ནས། །ཐོས་བསམ་སྒོམ་པའི་ཕ་རོལ་ཕྱིན་པར་ཤོག །རྣམ་དག་ངེས་འབྱུང་བདུད་རྩིའི་དོ་ཤལ་གྱིས། །སོ་ཐར་ཁྲིམས་ཀྱི་པདྨོ་བསྐྱེད་བསྲིངས་ནས། །བདེན་བཞིའི་ལམ་གྱི་མཚར་སྡུག་ཡོངས་རྫོགས་པས། །སྲིད་པའི་ཚ་གདུང་མཐའ་དག་འཇིལ་གྱུར་ཅིག །མཁའ་ཁྱབ་འགྲོ་ཀུན་མར་ཤེས་དྲིན་དྲན་ནས། །དྲིན་བཟོའི་སླད་དུ་བདེ་བ་ཀུན་ཐོབ་ཅིང་། །སྡུག་བསྔལ་བྲལ་ཕྱིར་བྱམས་དང་སྙིང་རྗེའི་བློ། །ཟུང་འཇུག་ལྷག་བསམ་མཆོག་ཏུ་འབྱོང་བར་ཤོག །དེ་ལ་བརྟེན་ནས་གཞན་ཕྱིར་བླ་མེད་པའི། །ཡང་དག་རྫོགས་པའི་བྱང་ཆུབ་དོན་གཉེར་

[Full Size]

བས། །སྔོན་ཆད་རྨི་ལམ་དུ་ཡང་མ་མྱོང་བའི། །སྨོན་འཇུག་བྱང་ཆུབ་སེམས་མཆོག་བཟུང་བར་ཤོག །འགྲོ་རྣམས་གནས་སྐབས་མཐར་ཐུག་ཕན་བདེའི་ལམ། །འགོད་ཕྱིར་ཟང་ཟིང་མི་འཇིགས་དམ་ཆོས་ཀྱི། ། གཏོང་ལ་གོམས་པའི་ནོར་བུའི་སྤྲིན་ཆེན་ལས། །འདོད་དགུའི་གྲུ་ཆར་རྟག་ཏུ་འབེབས་པར་ཤོག །ཉེས་སྤྱོད་མཐའ་དག་སྡོམ་པའི་པད་དཀར་ནི། །དགེ་ཆོས་ཡོངས་སུ་སྡུད་པའི་དྲི་བསུང་དང་། །གཞན་ཕན་ཟེའུ་འབྲུའི་མཛེས་པ་དར་བབས་པའི། །ཚུལ་གནས་ཁྲིམས་ཀྱི་དགའ་ཚལ་རྒྱས་པར་ཤོག །ཡུལ་ལས་སྐྱེས་པའི་ཁྲོ་བ་དབྱིངས་སུ་ཞི། །ཆོས་ཕྱིར་དཀའ་བ་སྤྱད་ལ་ལྷག་པར་བཟོད། །ཟབ་མོའི་དོན་ལ་འཇིགས་མེད་སྤོབས་པའི་མཐུ། །འཇམ་དཔལ་གཞོན་ནུའི་རྗེས་སུ་སློབ་པར་ཤོག །བསམ་པ་གོ་མའི་བརྩོན་འགྲུས་རབ་ཏུ་བརྟན། །སྦྱོར་བ་རྒྱལ་སྲས་སྤྱོད་ལས་མི་གཡེལ་ཞིང་། །སེམས་ཅན་དོན་ལ་ངལ་བ་མི་་བསྟེན་པར། །སྲིད་པ་མཐར་བྱས་བར་དུ་འཇུག་པར་ཤོག །ལུས་སེམས་ཤིན་སྦྱངས་མཐོང་ཆོས་བདེ་བར་གནས། །སོ་སོར་རྟོག་པའི་ཡེ་ཤེས་དབང་དུ་འབྱོར། །འཕགས་པའི་ལམ་གྱི་དེ་ཉིད་མངོན་གྱུར་པའི། །བསམ་གཏན་ཏིང་འཛིན་རྒྱ་མཚོར་འཇུག་པར་ཤོག །དང་པོ་ཐོས་པས་དོན་སྤྱིའི་གནས་ལུགས་གོ །བར་དུ་བསམ་པས་དྲང་ངེས་སྒྲོ་འདོགས་ཆོད། །ཐ་མར་བསྒོམས་པས་བདེན་གཉིས་ཟུང་འཇུག་པའི། །

[Full Size]

ཤེས་རབ་ཟབ་མོའི་སྣང་བ་རྒྱས་པར་ཤོག །ཐབས་ལ་མཁས་པས་དམན་ལམ་ཟིལ་གནོན་ཞིང་། །སྙིང་རྗེའི་སྟོབས་ཀྱིས་འཁོར་བ་མི་བཏང་བར། །སྨོན་ལམ་རྒྱ་མཚོ་ཡོངས་སུ་རྫོགས་པ་ལས། །ཡེ་ཤེས་དམ་པའི་ཕ་རོལ་ཕྱིན་པར་ཤོག །ཕྱོགས་དུས་རྒྱལ་བ་སྲས་དང་བཅས་པ་ཀུན། །རྨད་བྱུང་མཆོད་པའི་སྤྲིན་གྱིས་མཉེས་བྱས་ཏེ། །དེ་དག་རྣམས་ཀྱི་དམ་ཆོས་འཛིན་པ་དང་། །ཀུན་གྱི་འདུན་སར་རྟག་ཏུ་བསྙེན་པར་ཤོག །དེ་བཞིན་འགྲོ་དོན་རྒྱ་ཆེན་བསྒྲུབ་པ་དང་། །སེམས་ཅན་ཡོངས་སྨིན་འཇིག་རྟེན་ཁམས་ཀུན་འཇུག །ཞིང་ཀུན་ཡོངས་སྦྱངས་ཐེག་ཆེན་ལམ་འཇུག་དང་། །སྤྱོད་ཀུན་དོན་ཡོད་ཐེག་ཆེན་བསྒྲུབ་པར་ཤོག །ཁྱད་པར་ཚེ་གཅིག་ཟུང་འཇུག་གོ་འཕང་ལ། །སྦྱོར་བའི་ཁྱད་པར་བླ་མེད་རྡོ་རྗེའི་ཐེག །ཇི་བཞིན་སྟོན་མཁས་ཁྱབ་བདག་བླ་མ་ལས། །རྣམ་དག་དབང་བཞིའི་སྒོ་གསུམ་སྨིན་པར་ཤོག །གནས་སྐབས་གྲུབ་ཆེན་བརྒྱད་དང་ཕྲིན་ལས་བཞིའི། །ཕྱི་ནང་དབང་བཅུའི་ཡོན་ཏན་མཐར་ཕྱིན་ནས། །བརྟུལ་ཞུགས་སྤྱོད་པ་གསུམ་གྱིས་མཚམས་སྦྱར་ནས། །སློབ་པའི་ཟུང་འཇུག་མྱུར་དུ་ཐོབ་པར་ཤོག ། མཐར་ཐུག་ཕྱག་རྒྱའི་ཉེ་རྒྱུ་ལ་བརྟེན་ནས། །སློབ་པ་མིན་པའི་ཟུང་འཇུག་རྡོ་རྗེའི་གར། །སྐུ་དང་ཡེ་ཤེས་ཕྲིན་ལས་རབ་འབྱམས་ཀྱིས། །རང་གཞན་ཕན་པ་མཐའ་ཀླས་འགྲུབ་པར་ཤོག །གཞན་ཡང་བཤད་

[Full Size]

སྒྲུབ་བསྟན་པ་དར་ཞིང་རྒྱས། །བསྟན་འཛིན་མཆོག་རྣམས་ཞབས་པད་བསྐལ་བརྒྱར་བརྟན། །འགྲོ་རྣམས་དགེ་བཅུའི་སྤྱོད་པས་འཇིག་རྟེན་ན། །རྫོགས་ལྡན་གསར་པའི་དགའ་སྟོན་ལོངས་སྤྱོད་ཤོག །དེ་ལྟར་བདག་གི་ལྷག་པའི་བསམ་པ་ཡིས། །རྩེ་གཅིག་སྨོན་པའི་གནས་སྐབས་ཐམས་ཅད་ཀུན། །གེགས་མེད་མྱུར་བ་ཉིད་དུ་འགྲུབ་པ་ཡི། །བཀྲ་ཤིས་སྣང་བས་རྟག་ཏུ་མཛེས་གྱུར་ཅིག །ཅེས་པའང་། སྨིན་ཟླའི་དཀར་ཕྱོགས་ཀྱི་རྒྱལ་བ་གཉིས་པར་འོག་མིན་ཆེན་པོ་དཔལ་གྱི་བསམ་ཡས་དབུ་རྩེའི་འོག་ཁང་བྱང་ཆུབ་ཆེན་པོའི་སྤྱན་སྔར་མཆོད་པའི་སྤྲིན་གྱིས་བསྙེན་བཀུར་ཅུང་ཟད་བགྱིས་པའི་ཚེ་བཅོས་མིན་གྱི་མོས་པ་བརྟན་པོས་གསོལ་བ་བཏབ་པའི་སྨོན་ལམ་གྱི་ཚིགས་སུ་བཅད་པ་འདིའང་རྒྱལ་ཁམས་ཀྱི་དཱ་རི་དྭ་གཙུག་ལག་སྨྲ་བའི་ཉི་མས་སོ། །སརྦ་དཱ་མངྒ་ལཾ།། ༈ །།ཐེག་པ་རིམ་དགུའི་སྨོན་ལམ་ཤིན་ཏུ་བསྡུས་པ་དོན་གཉིས་ཆུ་སྐྱེས་བཞུགས་སོ། །ཨོཾ་སྭ་སྟི་སིདྡྷཾ། སྤངས་རྟོགས་ཡོན་ཏན་ལྡན་པའི་རང་གཟུགས་ནི། །མཚན་དཔེའི་ངོ་མཚར་གསར་པའི་འཇོ་སྒེག་ཅན། །རྒྱལ་དང་དེ་སྲས་དེས་གསུངས་དམ་པའི་ཆོས། །གང་ཉིད་འཛིན་པའི་ཚོགས་རྣམས་ཀུན་ལ་འདུད། །བག་ཡོད་ཁྲིམས་ཀྱིས་རྒྱུད་བསྡམས་སོ་ཐར་དང་། །རྟེན་འབྲེལ་འབྱུང་ལྡོག་ལམ་ཁྱེར་རང་སངས་རྒྱས། །བདག་མེད་གཞན་དོན་ལ་བརྩེ་བྱང་སེམས་ཏེ། །

[Full Size]

ཀུན་འབྱུང་འདྲེས་པའི་ཐེག་པས་རྒྱུད་གྲོལ་ཤོག །བདག་དམན་ལྷ་ལ་མཆོག་ལྟ་བྱ་བའི་རྒྱུད། །གཉིས་མེད་གྲོགས་ཀྱི་ཚུལ་བཞིན་སྤྱོད་པ་དང་། །གཉིས་ཀ་ཡེ་ཤེས་ལྷར་བསྐྱེད་རྣལ་འབྱོར་ཏེ། །དཀའ་ཐུབ་རིག་བྱེད་ཐེག་པས་ལམ་ཁྱེར་ཤོག །སྣོད་བཅུད་དཀྱིལ་འཁོར་གསུམ་རྟོགས་མ་ཧཱ་དང་། དབྱིབས་ཡེ་གཉིས་མེད་བདེ་སྟོང་ཨ་ནུའི་ལམ། །རང་གྲོལ་ཀ་དག་འོད་གསལ་རྫོགས་པ་ཆེ། །ཐབས་ཀྱི་ཐེག་པས་མཐར་ཐུག་ལམ་འགྲུབ་ཤོག །དེ་ལྟར་སྐུ་དང་ཡེ་ཤེས་ཟབ་གསང་ལམ། །མ་དག་སྣང་བར་སྦྱོར་དང་མི་སྦྱོར་གྱིས། །རྒྱུ་འབྲས་ཐེག་པའི་རྣམ་པར་དབྱེ་བ་ཀུན། །མ་འདྲེས་ཡོངས་རྫོགས་གྲུབ་མཐའ་རྟོགས་པར་ཤོག །འདིར་ནི་བདག་གི་གཞན་དོན་སྨོན་པའི་མཐུ། །མཆོག་གསུམ་རྩ་གསུམ་སྐུ་གསུམ་དཀྱིལ་འཁོར་ལྷས། །ཡོངས་སུ་འགྲུབ་པའི་མཐུན་འགྱུར་མཛད་ནས་ཀྱང་། །ཕུན་ཚོགས་ཕན་བདེའི་དཔལ་གྱིས་འབྱོར་བར་ཤོག །ཅེས་པའང་གཞོན་ནུ་འཇིགས་མེད་ཡེ་ཤེས་རྡོ་རྗེའི་རོལ་པའི་སྒྱུ་འཕྲུལ་གྱིས་འཕྲལ་དུ་གང་དྲན་བརྗོད་པའོ། །སརྦ་མངྒ་ལཾ།། ༈ །།འཕགས་མཆོག་ཐུགས་རྗེའི་གཏེར་ལ་ཕྱག་འཚལ་ལོ། །སྲིད་ལས་ངེས་འབྱུང་དྲག་པོས་རྒྱུད་བསྐུལ་ནས། །རྙེད་དཀའ་འཇིག་སླའི་དལ་འབྱོར་དོན་ཡོད་ཕྱིར། །ལས་འབྲས་བླང་དོར་སྙིང་ནས་བརྩོན་པ་ཡིས། །ཐར་པའི་ས་བོན་ཐེབས་པར་བྱིན་གྱིས་

[Full Size]

རློབས། །མཁའ་ཁྱབ་འགྲོ་ཀུན་ཕ་མར་ཤེས་པའི་བློས། །ཚད་མེད་བྱམས་དང་སྙིང་རྗེ་ཆེན་པོ་དང་། །བྱང་ཆུབ་སེམས་གཉིས་བདུད་རྩིས་ཉེར་འཚོ་བས། །རྣམ་མཁྱེན་པདྨོ་རྒྱས་པར་བྱིན༔ དབང་གིས་རྒྱུད་སྨིན་སྡོམ་གསུམ་རྣམ་པར་དག །འཁོར་འདས་དབྱེར་མེད་གཉུག་མའི་དེ་ཉིད་མཐོང་། །སྣང་སེམས་ལྷ་དང་བདེ་བ་ཆེན་པོར་ཤར། །མཆོག་གི་འབྲས་བུ་འགྲུབ་པར་བྱིན༔ གནས་སྐབས་སུ་ཡང་ཆོས་བཞིན་སྤྱོད་པ་ལ། །འགལ་རྐྱེན་ཀུན་ཞི་མཐུན་རྐྱེན་ཕུན་སུམ་ཚོགས། །རིགས་བདག་བླ་མ་མཆོག་དང་མི་འབྲལ་བས། །རང་གཞན་དོན་གཉིས་འཕེལ་བར་བྱིན༴ དེ་ལྟར་རྩེ་གཅིག་སྨོན་པའི་གནས་རྣམས་ཀུན། །སྐྱབས་གནས་ཀུན་འདུས་བླ་མ་མཆོག་གསུམ་དང་། །ཡི་དམ་མཁའ་འགྲོ་ཆོས་སྲུང་བདེན་སྟོབས་ཀྱིས། །གེགས་མེད་མྱུར་དུ་འགྲུབ་པར་བྱིན་གྱིས་རློབས། །ཞེས་དགེ་སློང་དགེ་བའི་བཤེས་གཉེན་འཇམ་དབྱངས་མཆོག་གྲུབ་པའི་ཆེད་དུ་བརྗོད་པ་དགེ་ལེགས་སུ་གྱུར་ཅིག། ༈ །།ན་མོ་གུ་རུ་བཛྲ་སཏྭཱ་ཡ། ཕྱོགས་བཅུ་དུས་བཞིའི་རྣམ་འདྲེན་སྲས་བཅས་ཀྱི། །སྐུ་གསུང་ཐུགས་ཡོན་ཕྲིན་ལས་ངོ་བོ་ཉིད། །སྐྱབས་གནས་ཀུན་འདུས་གཏེར་ཆེན་རྡོ་རྗེ་འཆང་། །སྙིང་ནས་འབོད་དོ་ཡེ་ཤེས་སྤྱན་གྱིས་གཟིགས། །མི་ཕྱེད་གུས་པས་ཕྱག་འཚལ་སྐྱབས་སུ་མཆི། །ལུས་དང་ལོངས་སྤྱོད་དགེ་ཚོགས་ལྟོས་མེད་འབུལ། །སྡོམ་དང་

[Full Size]

དམ་ཚིག་ཉམས་པ་མཐོལ་བཤགས་ན། །སྒྲིབ་མེད་ཚངས་པ་མཆོག་གི་དངོས་གྲུབ་སྩོལ། །བདག་ཅག་བརྒྱུད་འཛིན་སློབ་མར་བཅས་རྣམས་ཀུན། །མགོན་པོ་ཁྱོད་ལས་སྐྱབས་གཞན་མ་མཆིས་པས། །སྙིང་དབུས་མི་ཤིགས་ཐིག་ལེར་རྟག་བཞུགས་ནས། །ཐུགས་ཡིད་གཅིག་ཏུ་འདྲེས་པའི་བྱིན་ཆེན་ཕོབ། །གནས་སྐབས་དམ་ཆོས་སྒྲུབ་པའི་འགལ་རྐྱེན་ཞི། །མཐུན་རྐྱེན་མ་ལུས་ཕུན་སུམ་ཚོགས་པ་དང་། །རྣམ་པར་དཀར་བའི་ལེགས་བྱས་ཇི་སྙེད་ཀྱིས། །མགོན་ཁྱོད་ཐུགས་དགོངས་ཡོངས་སུ་རྫོགས་པར་ཤོག །མཐར་ཐུག་པདྨས་ཁེབས་པའི་ཞིང་ཁམས་སུ། །བྱང་སེམས་ཁྱུ་མཆོག་པདྨའི་མྱུ་གུ་དང་། །སྟོན་འཁོར་དགོངས་པ་དབྱེར་མེད་གཅིག་གྱུར་ཏེ། །མཁའ་མཉམ་འགྲོ་ཀུན་འདྲེན་པར་བྱིན་གྱིས་རློབས། །རྒྱལ་བ་ཀུན་དངོས་བླ་མས་རྗེས་སུ་བཟུང་། །རྒྱལ་བའི་སྲས་པོ་ཞབས་པད་བསྐལ་བརྒྱར་བརྟན། །རྒྱལ་ཁམས་དྲི་མེད་བཤད་སྒྲུབ་ཕྲིན་ལས་རྒྱས། །རྒྱལ་ཁམས་ཀུན་ཏུ་བཀྲ་ཤིས་བདེ་ལེགས་ཤོག །ཅེས་པའང་ལུང་ཟིན་སྤྲུལ་པའི་དྷཱ་ཀི་ནཱིས་བཀའ་སྩལ་རིན་པོ་ཆེའི་ཕྲེང་བས་བསྐུལ་བ་ལྟར། མཚོ་སྐྱེས་བླ་མ་དགྱེས་པའི་འབངས་འཇམ་དབྱངས་མཁྱེན་བརྩེའི་དབང་པོས་སྙིང་ནས་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ།། ༈ །།བླ་མའི་ཞབས་ལ་

[Full Size]

ཕྱག་འཚལ་ལོ། །ཕྱི་རོལ་སྣང་བ་ཐམས་ཅད་ཀུན། །སེམས་ཀྱི་ཆོ་འཕྲུལ་རྨི་ལམ་འདྲ། །རང་གི་སེམས་ལ་ཚུར་བལྟས་པས། །དང་པོར་སྐྱེ་མེད་སྟོང་སང་ངེ་། །བར་དུ་འགག་མེད་གསལ་ལམ་མེ། །ཐ་མར་། གང་དུའང་མི་གནས་པར། །ཉམས་སུ་མྱོང་ཡང་བསམ་བརྗོད་འདས། །འདུ་འབྲལ་མེད་པ་གཉུག་མའི་གཤིས། །རིག་སྟོང་ཟུང་དུ་འཇུག་པ་ནི། །དོན་གྱི་མཁའ་སྤྱོད་དབང་མོ་སྟེ། །དེ་ཡི་ངང་དུ་མ་ཡེངས་ཤིང་། །བཟོ་བཅོས་མེད་པར་རྟག་ཏུ་བསྐྱང་། །འབྲས་བུའི་ལྷན་སྐྱེས་མངོན་གྱུར་ཤོག །བན་རྒན་ཡེ་ཤེས་ལའོ།། ༈ །།ཆོས་སྡེའི་བཅའ་ཡིག །ཨོཾ་སྭ་སྟི་སིདྡྷཾ། བཀྲ་ཤིས་མཚན་གྱི་སྣང་བ་ཡིས། །ཕན་བདེའི་ལམ་བཟང་གསལ་མཛད་པ། །བླ་མ་མཆོག་གསུམ་ཆོས་སྲུང་གིས། །དགེ་ལེགས་མེ་ཏོག་ཆར་དུ་བསྙིལ། །ཅེས་ཤིས་པར་བྱ་བའི་ཚིག་གིས་མདུན་བསུས་ཏེ། དེང་གི་ཆར་ཡང་། བོད་ཆེན་པོའི་ལྗོངས་འདིར་འབྲི་རྫ་ཟལ་མོ་སྒང་གི་ནོར་འཛིན་གྱི་ཐིག་ལེར་སངས་རྒྱས་ཀྱི་ཕྲིན་ལས་རིས་མེད་པར་འཇུག་པས་ཐུབ་བསྟན་རིན་པོ་ཆེ་སྒོ་དུ་མ་ནས་ལྷག་པར་རྒྱས་པའི་ནང་ཚན། ཁོ་བོ་ཅག་གི་ཡབ་མེས་གོང་མ་སྤྲུལ་པའི་ཆོས་རྒྱལ་རིམ་བྱོན་དང་། མདོ་ཁམས་རྫོགས་ཆེན་པ་སྐུ་ཕྲེང་རིམ་བྱོན་ཡོན་མཆོད་ཀྱི་རྟེན་འབྱུང་རྨད་དུ་བྱུང་བའི་ཐུགས་བསྐྱེད་དང་བཀའ་དྲིན་ལ་བརྟེན། སྦས་པའི་གནས་མཆོག་རུ་དམ་གངས་ཀྱི་ར་བའི་

[Full Size]

འདབས་འབྲེལ་དུ་སྔ་འགྱུར་རྡོ་རྗེ་ཐེག་པའི་བཤད་སྒྲུབ་ཀྱི་ཆུ་གཏེར་ཆེན་པོ་འོག་མིན་ཨོ་རྒྱན་བསམ་གཏན་ཆོས་གླིང་ཞེས་གྲགས་པའི་ཡི་གེས་མཛེས་པར་གྱུར་པ་འདིར། ཕྱིས་སུ་ལོ་ཆེན་བཻ་རོ་དངོས་བྱོན་རྗེ་རྒྱལ་བའི་སྲས་པོ་གཞན་ཕན་མཐའ་ཡས་འོད་ཟེར་ཐུགས་སྲས་རྣམས་དང་བཅས་པའི་ཐུགས་རྗེ་དང་བཀའ་དྲིན་གྱི་ཤིང་རྟས་ཐུབ་བསྟན་ཡོངས་སུ་རྫོགས་པའི་ཉིན་བྱེད་ཆེན་པོ་གསར་དུ་དྲངས་པའི་ཤྲཱི་སཾ་ཧའི་ཆོས་གྲ་རིག་གྲོལ་འདུས་པའི་གླིང་གི་མགོན་དུ། འཛམ་གླིང་བསྟན་འགྲོའི་གཙུག་རྒྱན་དཔལ་ས་སྐྱ་པ་ཁྲི་ཆེན་བཀྲ་ཤིས་རིན་ཆེན། གདུང་སྲས་ཕྱོགས་ཀྱི་གླང་པོ། སྨིན་གླིང་ཁྲི་ཆེན་རིན་པོ་ཆེ། སྐྱབས་མགོན་རྫོགས་ཆེན་རྣམས་ཀྱིས་མགྲིན་གཅིག་ཏུ་ལུང་བསྟན་ཅིང་། སྤྲུལ་པའི་གཏེར་ཆེན་ཨོ་རྒྱན་མཆོག་གྱུར་བདེ་ཆེན་གླིང་པའི་གཏེར་ལུང་ཨོ་རྒྱན་དུས་གསུམ་མཁྱེན་པའི་རྡོ་རྗེའི་གསུང་གིས་ཀྱང་གསལ་བར་བསྔགས་པ་ལྟར་བླ་མ་གོང་མ་དེ་ཉིད་ཀྱི་སྤྲུལ་པའི་སྐུ་འཁྲུལ་མེད་ཐར་རྩེ་རྡོ་རྗེ་འཆང་ཁུ་དབོན་གྱི་བཀའ་དྲིན་ལ་བརྟེན་དབུས་གཙང་དག་པའི་ཞིང་ནས་ལྗོངས་འདིའི་བསོད་ནམས་ཀྱི་མགྲོན་དུ་བྱོན་པ་འདི་ཉིད། ལྕགས་ལ་ས་དབང་ཆེན་པོ་དང་། ཁོ་བོ་ཅག་ཞང་དབོན་ཐམས་ཅད་དང་བླ་མ་གོང་མ་དེ་ཉིད་ཆོས་དམ་འབྲེལ་ཟབ་ཆེ་བར་མ་ཟད། ད་ལྟའི་སྤྲུལ་པའི་སྐུ་འདི་ཉིད་ཀྱང་བསྟན་པའི་གསལ་བྱེད་ཆེན་པོར་འབྱུང་བ་

[Full Size]

གདོན་མི་ཟ་བས་མངའ་གསོལ་གཟེངས་བསྟོད་ཀྱི་འོས་སུ་གྱུར་པ་བཞིན། འདི་ནས་ཀྱང་རྗེ་རྒྱལ་བའི་སྲས་པོའི་ཆོས་ཀྱི་ཁྲི་འཕང་མཐོན་པོར་དབང་བསྐུར་ཞིང་བསྟན་འགྲོའི་དཔལ་མགོན་མཆོག་ཏུ་མངའ་གསོལ་བ་ཡིན་པས་མཆོག་དམན་ཐམས་ཅད་ནས་ཡིད་ངེས་དང་། ལྷག་པར་དམ་པའི་སྐྱེས་བུ་རྣམས་ལ་རིགས་ཀྱི་ཡོན་ཏན་ལྷུན་གྱིས་གྲུབ་པ་ཆོས་ཉིད་ཀྱང་། ཡོན་ཏན་དེ་ཉིད་སད་པར་བྱེད་པའི་རྐྱེན་རྒྱལ་བའི་བསྟན་པ་ལ་རིམ་གྱིས་ཞུགས་ཤིང་ཡོངས་སུ་རྫོགས་པ་ཁོ་ན་ལ་རག་ལས་པས་ན། དགེ་བའི་བཤེས་གཉེན་མཚན་ཉིད་དང་ལྡན་པ་ལ་བརྟེན་ནས་གཞི་ཚུལ་ཁྲིམས་དག་པ། ལམ་གསན་བསམ་རྫོགས་པ། འབྲས་བུ་བསྒོམས་བྱུང་གི་ཤེས་རབ་ལ་དབང་འབྱོར་བས་མཚོན། མདོར་ན་ཐུན་མོང་གི་གདུལ་བྱའི་ངོར་ཡང་བླ་མ་གོང་མ་དེ་ཉིད་དང་སྤངས་རྟོགས་ཀྱི་ཡོན་ཏན་མིག་མཐོང་ལག་ཟིན་དུ་མཉམ་པ་ཞིག་མ་བྱུང་གི་བར་རང་དབང་འདུས་པར་མཛད་དེ་དགོན་སྡེ་རི་ཁྲོད་གར་དབེན་དུ་བསླབ་པ་གསུམ་གྱི་ཡོན་ཏན་མཐར་ཕྱིན་དུ་མཛད་པ་ལས། རྣམ་གཡེང་འདུ་འཛི་དང་། གྲོང་ཆོག །རྙེད་འཚོལ་སོགས་ཆུང་ངུའི་ཕྱིར་དུ་ཆེན་པོ་གཏོང་བ་རང་གཞན་གང་ཐད་ནས་བྱས་འཐུས་མེད་པ་དང་། རང་དོན་དུ་མཁྱེན་རྟོགས་ཀྱི་ཡོན་ཏན་ཡོངས་སུ་རྫོགས་ནས། གདུལ་བྱ་གཞན་དོན་གྱི་ཕྲིན་ལས་རབ་འབྱམས་ཕྱོགས་བྲལ་དུ་སྐྱོང་བ་དང་།

[Full Size]

ཉེ་ཆར་ཧྥི་སི་ཧའི་ཆོས་གྲྭ་དེ་ཉིད་ཀྱང་རྗེ་བླ་མ་གོང་མའི་ཐུགས་བཞེད། ངོས་རང་མཆོད་ཡོན་གྱི་བཅའ་ཁྲ་བཀའ་བཀོད་རིམ་ཅན་དུ་བསྩལ་དང་སྩོལ་མུས་ལྟར་སྒྲིག་ཁྲིམས་རྣམ་པར་དག་པ་དང་། རྒྱལ་བསྟན་བཤད་སྒྲུབ་ཀྱི་བྱ་བ་ཉམས་པ་སོར་ཆུད། མ་ཉམས་གོང་འཕེལ། འཕེལ་བ་བརྟན་ཅིང་སྲིད་མཐར་རྒྱས་པའི་འཁོར་ལོ་གསུམ་གྱི་ལེགས་མཛད་འཕྲལ་འཕྲལ་དུ་འཐུས་ཤོར་མེད་པར་མཛད་ནས། འདི་བྱས་འདི་བྱེད་ཀྱི་སྙན་ཞུ་ཡོད་པ་དགོས་པ་ལས་གཡེང་ལུས་ཅུང་ཟད་ཙམ་ཡང་མི་ཆོག་པ་དང་། འདི་ནས་ཀྱང་བསྟན་དོན་ལར་རྒྱུར་དགོངས་པའི་ཉེས་པ་ཚར་གཅོད་དང་། ལེགས་པ་གཟེངས་བསྟོད་ཀྱི་རྒྱབ་གཉེར་ཚུལ་བཞིན་མཛད་རྒྱུ་ཡིན་པ་བཅས་མཆོག་དམན་བར་གསུམ་ཐམས་ཅད་ཀྱི་ཡིད་ལ་ངེས་པར་བྱས་ཤིང་བསམ་སྦྱོར་གཉིས་ཀའི་སྒོ་ནས་སྤང་བླང་ཚུལ་བཞིན་དུ་ཡོང་བ་གྱིས། །ཞེས་རབ་བྱུང་བཅོ་ལྔ་པའི།། ཚེས་དགེ་བར་བླ་མ་གོང་མ་རྣམས་དང་། སྤྲུལ་པའི་ཆོས་རྒྱལ་རིམ་བྱོན་གྱིས་བྱིན་གྱིས་བརླབས་པའི་གནས་ལྕང་ར་ལྷ་ཀླུ་འཆི་མེད་དགའ་ཚལ་གྱི་ཕོ་བྲང་ནས་སྤེལ་བ་སརྦ་དཱ་སུ་ཐེ་ཡོ་བི་ཛ་ཡནྟུ།། ༈ །།ཐམས་ཅད་མཁྱེན་པ་ལ་ཕྱག་འཚལ་ལོ། །གངས་ཅན་བསྟན་པའི་མངའ་བདག་ས་སྐྱ་པ། །རྒྱལ་བས་ལུང་བསྟན་ངོར་ཆེན་རྡོ་རྗེ་འཆང་། །སྙན་བརྒྱུད་རྒྱ་མཚོའི་མངའ་བདག་ཚར་ཆེན་རྗེ། །བརྒྱུད་པར་བཅས་པས་

[Full Size]

རྣམ་ཀུན་དགེ་ལེགས་སྩོལ། །མདོ་ཁམས་ལྷོ་རྫ་ལྷ་གཉན་ཆེན་པོ་རྒྱམ་རྒྱལ་རྡོ་ཐི་གངས་དཀར་གྱི་འདབས་འབྲེལ་གདོང་དགོན་ཆོས་འཁོར་གླིང་འདི། ཐར་རྩེ་རྡོ་རྗེ་འཆང་བྱམས་པ་ནམ་མཁའ་འཆི་མེད་ཀྱི་ཐུགས་བསྐྱེད་དང་། རྡོ་རྗེ་འཛིན་པ་བསྟན་འཛིན་ཕུན་ཚོགས་དང་། ཀུན་རྡོར་སྤྲུལ་པའི་སྐུ་གོང་འོག་སོགས་ཀྱི་ཕྲིན་ལས་ཀྱིས་གསར་དུ་ཆགས་ཤིང་། དཔལ་སའི་ཚངས་པ་སྡེ་དགེ་ཆོས་རྒྱལ་ཆེན་པོ་དང་མཆོད་ཡོན་གྱི་འབྲེལ་རྒྱུན་ལ་བརྟེན་ད་ལྟའི་བར་མ་ཉམས་གོང་འཕེལ་ལྟར། རྗེ་བཙུན་ས་སྐྱ་ཁྲི་ཆེན་རིན་པོ་ཆེ། རྡོ་རྗེ་འཆང་བྱམས་པ་ནམ་མཁའ་འཆི་མེད། སྡེ་དགེ་ཡབ་རྗེ་རིན་པོ་ཆེ་རྣམས་ཀྱི་བཅའ་ཡིག །གྲ་ཡིག ། ལེགས་སྤེལ་ཉེས་བསྲུང་ཀྱི་བཀའ་གཏན་ཆེ་ཕྲ་རིམ་སྩལ་དང་། ལུང་ཟིན་སྤྲུལ་པའི་ཆོས་རྒྱལ་དཔལ་ལྡན་འཆི་མེད་རྟག་པའི་རྡོ་རྗེས་ཀྱང་རྒྱབ་གནོན་དམིགས་བསལ་གནང་འགྱུར་བཅས་ཀྱི་དགོངས་དོན་ལྟར། རིག་པ་འཛིན་པའི་དགེ་འདུན་བཙུན་པ་ཞེས་སོ་སོ་ཐར་པའི་འདུལ་ཁྲིམས་གཙང་མས་གཞི་བཟུང་། བྱང་ཆུབ་སེམས་གཉིས་ཀྱིས་རྒྱུད་སྦྱངས། དམ་ཚིག་དང་སྡོམ་པ་རྣམ་པར་དག་ཅིང་བསྐྱེད་རྫོགས་ཟབ་མོ་ལ་ཉམས་མྱོང་ཡོད་པ་ཞིག་གཞིར་བཞག་དགོས་པ་ཤེས་གསལ་ལྟར་དང་། སྐབས་དོན་བྱེ་བྲག་གྲྭ་རིགས་རྣམས་ཐོག་མར་དགོན་དུ་ཞུགས་ནས་བཟུང་དཔེ་ཆ་བསླབ་སྦྱང་ཆིག་རྒྱུགས་ཕེར་བ། ཐིག་རྡུལ་ཚོན།

[Full Size]

གཏོར་བཟོ། འབུད་བརྡུང་། དབྱངས་རོལ་འཆམས་སོགས་བློ་ཚོད་དང་བསྟུན་པའི་བསླབ་སྦྱང་དང་། བསླབ་ཕྱིན་ལག་ལེན་ཁུངས་དག་ཤེས་ངེས། ལོ་ཚོད་ལ་སླེབས་ནས་ངོར་ཨེ་ཝཾ་དུ་གྲྭ་སར་འགྲོ། མར་སླེབས་འཕྲལ་ཀྱེ་རྡོར་གཞི་བསྙེན་དང་། ཀུན་རིག་བསྙེན་པ་སྟན་ཐོག་གཅིག་ཏུ་ཚར་ངེས་ཁ་སྐོང་གི་སྦྱིན་སྲེག་བཅས་ཚད་ལྡན་གཏོང་། དུས་རྒྱུན་གྲྭ་བ་རྣམས་དགོན་ནང་སྡོད་ཚུགས་པ་ཤིན་ཏུ་གལ་ཆེ། མོ་ཁྲིམས་ཆང་ཁྲིམས་དམ་ངེས་བསྡམ། དུས་རྒྱུན་གྲྭ་ཆས་འབྲལ་མེད་ལས་སྐྱ་ཆས། སོག་ཆས། སྐྲ་རིང་པོར་བཞག་པ། འཛིང་མོ་འུར་ཞོག །ཚོང་བུན་བསྐྱེད་སོགས་མི་བྱེད་པར་ཐམས་ཅད་ཐུགས་མཐུན་ཁྲིམས་གཙང་། ཞི་དུལ་དྲན་ཤེས་བག་ཡོད་བརྟན་པས་མི་སྨོན་རང་སྐྱིད་འདི་ཕྱིར་བདེ་བ་ཞིག་ལ་བློ་རྩེ་གཏད་དགོས། ལྷ་ཁང་གད་བརྡར་མཆོད་འབུལ། གྲ་ཚག་ཁང་ཚག་སོགས་ལོ་རེ་བཞིན་དུ་ཞིབ་དཔྱོད་ཀྱིས་མཐའ་ཐུབ་ངེས་བྱེད། རང་ལུགས་ལྟ་གྲུབ་སྤྱོད་གསུམ་གཙང་མ་ལས་ཉ་དང་ཉུང་མ་བསྲེ་བའི་ལག་ལེན་འཆོལ་སྤྱོད་སུས་ཀྱང་མི་བྱེད། གལ་སྲིད་བསྒྲིགས་དང་འགལ་བ་བྱུང་ན་དྲག་ཞན་སུ་ཡིན་རུང་ཡན་པོར་མི་བཞག་པར་ཉེས་པའི་བབས་དང་བསྟུན་པའི་བཤགས་སྦྱང་ཁྲིམས་གཅོད་འཕྲལ་དུ་གཏོང་། ཆེ་བཙན་རྒྱབ་ཁུར་གྱི་ངན་ཤེད་འཐབ་འཛིང་གྱོད་སྦྱར། ཕྱི་སྣེ་ནང་ཁྲིད། ནག་ཆང་རྐུན་གསུམ་ལྟ་

[Full Size]

བུའི་ངན་སྤྱོད་མངོན་མཚན་ཆེ་བར་བྱུང་ན་ལུས་སྟེང་མནར་སྦྱངས་དང་། ཆད་ལས་ཀྱིས་མཚམས་སྦྱར་ནས་དགོན་པ་ནས་མདོ་སྒྲུབ་དང་བཅས་གནས་དབྱུང་ངན་པ་ཕྱི་ལམ་ལེགས་ངེས་བྱེད་པ་ལས་མི་ངོ་རྒྱུ་ངོ་ལྟ་བུའི་ཅི་ལོ་ཅི་ཉན་དེ་འདྲ་གཏན་ནས་མི་བྱེད། སྔར་ཡོད་འཚོགས་སྒོ་སྒྲུབ་མཆོད་དང་། ངེད་ནས་ཀྱང་རྟེན་སྐལ་དུ་རྗེ་བཙུན་སྒྲོལ་མའི་སྣང་བརྙན་གསེར་ཟངས་ལས་གྲུབ་པ་ཁྲུ་ཚད་ཆེ་བ་སྒྲོས་ལེགས་བྱིན་ཅན་དང་། དཔལ་གསང་བ་འདུས་པ་མི་བསྐྱོད་རྡོ་རྗེ་དང་། འཁོར་ལོ་བདེ་མཆོག་ལཱུ་ཧི་པའི་དབང་བསྐུར་ཞིང་དབྱར་དགུན་ལན་གཉིས་སུ་རས་བྲིས་དང་རྡུལ་ཚོན་ལ་བརྟེན་པའི་སྒྲུབ་མཆོད་གསར་བཙུགས་ཞལ་འདེབས་རྒྱ་དངུལ་སྲང་བཅུ། དབྱར་མཆོད་སྐབས་བཟང་སྤྱོད་ཉིན་ཚོགས་བརྒྱ་མཆོད་དངོས་གཙང་དང་བཅས་པའི་རྟེན་དངུལ་སྲང་བཅུ་བདུན་སྤྲད་པ་བཅས་འདི་རིགས་ཇི་སྲིད་བསྟན་པ་ནམ་གནས་པར་ཚོགས་བཙུགས་སྒོ། འགྱེད་མང་ཇ། མར་མེ་ཞལ་ཟས་སོགས་ཡར་ལྡན་དུ་དགོས་པ་ལས་གཏོང་རྩ་ཉམས་ཆག །གཏོང་སྒོ་ཆག་འཕྲི་དཔུས་ཞན་རྒྱུ་ངན་སོགས་གཏན་ནས་བྱེད་མི་ཆོག་པ་བཅས་དགོན་པ་རང་ནས་ངེས་རྒྱུ་དང་། གཞན་གྲྭ་རྩ་ཆོས་བརྒྱུད། དཀོར་ས་དགེ་ཁུངས་སོགས་བཀའ་གཏན་རིམ་ཆོད་ལ་སུས་ཀྱང་རྩོད་ནོག་མི་ཆོག་པ་གཞིར་བཅས་སུ་མ་ཟད། བདག་པོའི་སྡིག་ཐམ་ངོ་མ་དང་འབྲེལ་བའི་བཀའ་

[Full Size]

བཀོད་དམིགས་བསལ་བྱུང་ན་མ་གཏོགས། ཕྱི་ནང་ཆེ་བཙན་སུས་ཀྱང་སློང་མོ། སྒོ་བཞག །དཔུས་བསྒྱུར། ལག་གཡར། ས་ཚིགས་ཁྲལ་འདེད་སོགས་བྱེད་པ་ཤར་ཚེ་འདེད་མཁན་དང་། སྤྱོད་མཁན་གཉིས་ཀར་གསེར་སྲང་ལྔའི་འབའ་བཞག་པ་ཡིན་པར་མ་ཟད། རྡོ་རྗེའི་ཆོས་སྲུང་དྲག་རྩལ་ཅན་རྣམས་ལ་གཉེར་དུ་གཏད་ཡོད་པས་ཐམས་ཅད་ནས་ཡིད་ངེས་ཀྱིས་འདི་ཕྱི་ཁྲིམས་གསུམ་ལས་མི་འགལ་བ་བྱེད་དགོས། དམ་པའི་ཆོས་དང་ལྡན་པའི་མཛད་པ་གོང་འཕེལ་གནང་ན་དགོན་སྡེ་གྲ་རིགས་ཀྱིས་མཚོན་འབྲེལ་ཚད་ཐམས་ཅད་གནས་སྐབས་སུ་བར་ཆད་ཞི། བསམ་དོན་འགྲུབ། ཡུལ་ཕྱོགས་དགེ་ཞིང་བཀྲ་ཤིས། མཐར་ཐུག་བྱང་ཆུབ་ཆེན་པོའི་གོ་འཕང་ཐོབ། བཤད་སྒྲུབ་ལས་གསུམ་གྱི་བསྟན་པ་དར་ཞིང་རྒྱས་ལ་ཡུན་རིང་དུ་གནས་པར་གདོན་མི་ཟ་ཞིང་། ངོས་ནས་ཀྱང་བླ་མ་དཀོན་མཆོག་ལ་ཐུགས་རྗེ་བསྐུལ་བའི་གསོལ་འདེབས་འདུན་སྨོན་རྩེ་གཅིག་བགྱི་བ་ལགས། །བཤད་སྒྲུབ་བསྟན་པ་དར་ཞིང་རྒྱས་གྱུར་ཅིག །ཆོས་ལྡན་རྒྱལ་པོའི་མངའ་ཐང་འཕེལ་བར་ཤོག །འགྲོ་ཀུན་ཕན་བདེའི་དགའ་སྟོན་དར་གྱུར་ཅིག །ཀུན་ཀྱང་བྱང་ཆུབ་སྙིང་པོ་མྱུར་ཐོབ་ཤོག །ཅེས་པའང་འཇིགས་བྲལ་གྱི་སློབ་དཔོན་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོས་བསྟན་པ་རིན་པོ་

[Full Size]

ཆེར་ལྷག་པའི་བསམ་པས་བྲིས་པ་དོན་དང་ལྡན་པར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། ༈ །།དེ་སྔ་ཕན་གྱི་གླེང་གཞི་བརྗོད་པའི་ཡི་གེ །རྫོང་སར་དགོན་གསར་རྙིང་བླ་ཆོས་སྤྱི་གསར་རྙིང་བཅས་ཐམས་ཅད་ནས་ངེས་རྒྱུར། རྫོང་སར་དགོན་འདི། བདག་པོའི་མངའ་འོག་ས་དགོན་སུམ་ཅུ་སོ་དགུའི་ནང་ནས་ཨངྒི་གཉིས་པ། དགེ་འདུན་ཞལ་གྲངས་ཉིས་བརྒྱ་ཡོད་རྒྱུའི་བཀའ་དེབས་ཅན་མཁར་མདོའི་མཚན་མ་དེ་ཡིན་འདུག་པ་ལྟར། ངེད་རང་ནས་ཀྱང་ས་ངོར་གྱི་བསྟན་པའི་མཛེས་རྒྱན་དང་། བདག་པོའི་ཞབས་བརྟན་རང་གཞན་ཚོགས་རྫོགས་ལ་དམིགས་པའི་བསམ་པ་བཟང་པོ་ཟོལ་མེད་པས་ཐུབ་དབང་གནས་བཅུ་ལྷ་ཁང་ངོ་མཚར་ཀུན་ཏུ་གཟིགས་ཀྱི་ཞིང་ཁམས་ཆེན་པོ་སྟེང་ཤོད་རྟེན་དང་བརྟེན་པར་བཅས་པ་རྒྱ་དངུལ་རྡོ་ཚད་སུམ་ཅུ་ལྷག་གི་རྒྱུ་རྩས་བསྐྲུན་པ་དང་། ལམ་འབྲས་ལྷ་ཁང་། དེ་དག་གི་མཆོད་རྒྱུན། ཁྱད་པར་རྒྱལ་བའི་བཀའ་འགྱུར་རིན་པོ་ཆེ་གཙོས་རང་དང་གཞན་བསྐུལ་གྱིས་དབང་ལུང་ཁྲིད་གསུམ་འཆད་སྤེལ། དགེ་འདུན་གྱི་སྡེ་ལ་བསྙེན་བཀུར་སོགས་ཆོས་དང་ཟང་ཟིང་སྒོ་དུ་མས་ཅི་ནུས་སུ་བསྐྱང་། དགེ་འདུན་རྣམས་དགོན་པར་སྡོད་ཚུགས་པས་གཞི་བཟུང་། མོ་ཁྲིམས་སོགས་དམ་པར་བསྡམ། བློ་ཆེ་བ་རྣམས་ཀྱིས་ཕྱི་ནང་གི་རིག་གནས། ཆུང་བ་རྣམས་ཀྱིས་ཀྱང་ཆོ་ག་ཕྱག་ལེན་བསླབ་སྦྱང་། གྲྭ་སར་

[Full Size]

འགྲོ་རྒྱུ། མཚམས་བསྙེན་སྒྲུབ་སོགས་དལ་འབྱོར་ལན་གཅིག་ཐོབ་པ་སྟོང་ལོག་མ་སོང་ཙམ་གྱི་ཚེ་འདི་ཕྱི་གཉིས་ཀའི་དོན་དུ་རང་གིས་རང་ལ་ཤ་ཚ་སྙིང་རྗེས་རང་དྲིན་རང་ལ་ཆེ་བ་ཞིག་དགོས་རྒྱུ་རེད་ཅེས་ལྕེ་མ་བྱང་། རྣ་བ་མ་སུན་བར་སྔ་ཕྱིར་ལོ་གྲངས་བཅོ་ལྔ་ལྷག་ཏུ་བཤད་བཤད། ཉན་ཉན་པ་ཡིན་མོད་ཀྱང་། དུས་དབང་གིས་ཡིན་ནམ་ལོ་རེ་ལས་ལོ་རེ་ཇེ་ཞན་གྱིས་ཆོས་དམ་ཚིག །འདི་ཕྱི་ལས་འབྲས་ཁྲེལ་ཁྲིམས་ངོ་ཚ་སོགས་སྟོན་ཀའི་ཐན་སྤྲིན་བཞིན་དུ་དེངས་པ་ཞིག་ཕྱོགས་སྤྱི་དང་བྱེ་བྲག་ཕལ་ཆེར་ཐམས་ཅད་དུ་བྱུང་ནས། བསོད་ནམས་ཀྱི་མཐས་གཏུགས་པའི་ཡུལ་དུས་གང་ཟག་གི་ཉེ་བར་ལེན་པའི་རང་གཟུགས་ལས། བོད་ཕུང་དམ་སྲིའི་གཙོ་བོ་ཉག་རོང་པས་ཉེན་བསླངས་ཏེ་ཕྱི་ནང་གི་སྒོ་དུ་མ་ནས་རྐྱེན་སྦྱར་བས་དུས་ངན་ཆུ་ཕག་ལོའི་ཟླ་༣ཚེས་༡༤ལ་ཆུ་ཚོད་བཅུ་དྲུག་གི་ཡུན་གྱིས་བསྟན་དགོན་གྱང་རོལ་ཆེན་པོ་འཇིགས་སུ་རུང་བའི་དམ་གྲོག་མེ་ལྕེའུ་རུ་རུ་འབར་ཞིང་ཐལ་ཕུང་ཕྱུ་རེ་བ་བལྟ་བས་མི་བཟོད་པའི་སྐབས་ཀྱང་ཞུམ་པ་མེད་པའི་སྙིང་སྟོབས་བསྐྱེད། དཀོན་མཆོག་ལ་བདེན་པར་གསོལ་ཏེ་ཕྱི་གཙུག་ལག་ཁང་མེའི་འཇིགས་པ་ལས་བསྲུངས། ཉག་རོང་མགོ་བྱེད་བི་ན་ཡ་ཀ་ཆེན་པོ་དག་བདེན་པའི་ཚིག་དང་། ཀ་ཅའི་ཡས་སྟགས་ཀྱིས་ཚིམ་པར་བྱས་ཏེ་ནང་རྟེན་གསུམ་མཆོད་ཆ་ཙམ་དུ་མ་ཟད། སྤྱི་ཁང་ཞེས་མིང་དོན་

[Full Size]

མཐུན་པ་དགོན་ཡུལ་ཐམས་ཅད་ཀྱི་སྤྱི་མཛོད་ཆེན་པོ་དེ་གྲ་མ་ཆག་གྲུ་མ་ཉམས་པར་བྱས། དམ་སྲིས་བརླམས་པ་ཁ་ཅིག་ན་རེ། ཁྱེད་རང་འདིར་བསྡད་ན་ད་དུང་ཉག་རོང་གིས་ཁྲི་མུན་དུ་བཅུག་སྟེ་མཐར་ཆུ་ལ་བསྒྱུར་སྐད་ཀྱི་འཇིགས་འཇིགས་རྔམ་རྔམ་ཅི་ཟེར་རུང་རྣ་བའི་ཕྱིར་ཕྱོགས་ལ་མ་ཉན་པར་འཇིགས་པ་མེད་པའི་དཔའ་བསྐྱེད་དེ། ཆོས་ཁྲིམས་བློ་གྲོས་གྲགས་པས་ཅི་ཟེར་ཉན་པ་ལྟར་བསླབ་བྱ་བཀོད་འདོམས་ཀྱིས། དེ་འཕྲལ་ཟླ་༤ ཚེས་༡༣ལ་ངེད་རང་ནས་ཤིང་སློང་བའི་ཆོ་ག་བགྱིས་པས་ནག་ཕྱོགས་པའི་འཚུབས་འགྱུར་ཆེན་པོས་ལག་པར་སྐྱ་ལྷོག་ཟིན་ཏེ་འཆི་ལ་ཐུག་པ་བྱུང་ཡང་ཇི་མི་སྙམ་པའི་བརྟུལ་ཞུགས་ཀྱིས། །ཆོས་རྗེ་རྣམ་གཉིས་མན་ལ་ཞ་རྟེན་དང་བཅས་ཞུ་བ་ཕུལ་ཏེ། སྔ་ཕྱིར་ཉག་རོང་ལ་འཇིགས་སྐྱོབ་ཞ་རྟེན་ཨ་མ་ཞིག་ཡིན་རྩིས་དོན་མེད་དང་། དགོན་པ་གསར་ཆགས་ཀྱི་དོན་དང་། འཚོ་རྟེན་དུ་དམིགས་མ་ཎི་་འདོན་ཡོན་ཡན་ཆད་ཀྱི་དོན་ཡོད་པ་བཅས་གང་ལྟར་ཡང་དངོས་ཇ་འཁོར་དྲུག་བཞི་བརྒྱ་ཐམ་པའི་རྒྱུ་ཚོགས་བཏང་ནས་ལོ་དེར་བླ་བྲང་གཉིས་ཀྱིས་གཙོ་བྱས་གྲ་གཤག་བཞི་བཅུ་ཙམ་གྲུབ། ཕྱི་ལོ་ཤིང་བྱི་ལོར་ངེད་ན་བ་དང་། ཉག་བོད་ཀྱི་དུས་གཟེངས་གསར་པས་ཐམས་ཅད་སྒྱིད་ལུག་སྟེ་ལུས། ཤིང་གླང་ལོར་འཕྲོ་མཐུད་དེ་ཟླ་བ་ལྔ་པ་ནས་ལྕགས་རི་བཅས་ཆེ་ལམ་གྲུབ། དེ་ནས་རིམ་པར་མདའ་དཔོན་པད་ཚལ་བ།

[Full Size]

བཀའ་བློན་ཆེན་པོ་ཕུ་ལུང་བ། ཞོལ་གཉེར་བྲག་དཀར་པོ་སོགས་ཀྱི་བཀའ་བཀོད་རིམ་ཅན་དང་། བདག་པོ་རིན་པོ་ཆེ་ཡར་ཕེབས་འཕྲལ་ཡར་ལམ་བཀའ་ཤོག་དང་གཉེར་བཀྲ་དོན་ནས་ཞིབ་བསེད་ཀྱི་བཀོད་པ། དེ་རྗེས་མེ་སྟག་ལོར་གཞུང་ས་ཆེན་པོའི་སྐུ་ངོ་ཞབས་པད་ས་དབང་རིན་པོ་ཆེ། གོང་མ་ཆེན་པོའི་བཀས་མངགས་རྒྱ་དཔོན་རྨ་ཏཱ་ལོ་ཡེ། སྤྲུལ་པའི་ཆོས་རྒྱལ་སྡེ་དགེ་བཅས་ཀྱི་བཀའ་ཁྲ་གཏན་ཚིག་ཆེན་མོ་རྒྱབ་གནོན་དང་བཅས་ངེད་ཀྱི་ལག་ཏུ་སྩལ་བ་གུས་པས་སྤྱི་བོར་མཆོད་དེ། ཞིབ་མོའི་བརྡ་སྤྲད་པ་ཡང་ནས་ཡང་དུ་མོལ་པར་མ་ཟད། མེ་སྟག་ཟླ་༩ཚེས་༡༤་ས་མཆོད་ཆེན་མོའི་ཉིན། འཇམ་དཔལ་དམར་སེར་གྱི་རྗེས་གནང་སྔོན་དུ་འགྲོ་བས་བཀའ་ཁྲ་བཅའ་ཡིག་ཞིབ་ཀློག་གིས་དེ་དག་གི་དགོངས་དོན་རང་ནས་གང་ཤེས་ཚིག་དོན་རེ་རེ་བཞིན་གལ་པོ་ཆེ་ཐང་དགུའི་དཔེ་ལྟར་ལན་གྲངས་མང་དུ་བསྐྱར་ཏེ། སྐྱ་འདུ་སེར་ཚོགས་སུམ་བརྒྱ་ལས་མི་ཉུང་བར་བཤད་བཤད་པ་དེ་རྣ་བ་དྲུག་བརྒྱ་སུན་སུན་དུ་གོ་རྒྱུ་དེ་རེད། དེའི་འགགས་དོན་གཙོ་བོ་ནི། མོ་ཁྲིམས་དམ་པར་བསྡམ་པ་དང་། ༡ གྲ་ཁྲལ་གསར་རྙིང་ཞིབ་སྡུད་དང་། ༢ གྲ་ཁང་ཉམས་གསོ་གསར་བཞེངས་མཐའ་བསྡུ་རྒྱུ་བཅས་དང་། ༣ དཔེ་ཆ་བསླབ་གཉེར་གདངས་དབྱངས་རོལ་མོ་སོགས་སྦྱང་རྩོལ་དང་། ༤ ལོ་ཚོད་སླེབས་པ་ཐམས་ཅད་གྲ་

[Full Size]

སར་རྡེལ་བཀོད་བྱེད་ནས་མངག་རྒྱུ་དང་། ༥ མར་སླེབས་ནས་བསྙེན་པ་ཆེ་ཆུང་སྡོད་རྒྱུ་དང་། ༦ གཞན་དགོན་ནང་དུ་སྡོད་ཚུགས་པ་དང་བསྒྲིག་ལམ་ཀུན་སྤྱོད་ཐ་ན་སྐ་རག་འཆིང་ལུགས་ཀྱིས་མཐའ་རྟེན་པ་ཚུན། ། ཕོ་ཚོག་ལབ་ཡམ་ཙམ་གྱི་ཧེ་རུ་ཀའི་ཆེ་བསྒོས་མ་ཡིན་པར་ལས་བྱེད་རྣམས་ནས་རེ་རེ་བཞིན་ཞིབ་ཅ་དགོས་རྒྱུ་དེ་རེད་ཀྱང་། དེ་ནས་བཟུང་སྟེ་དེ་སྔ་ལོ་ཧྲིལ་པོ་གསུམ་རེད་སོང་སྟེ་འདི་བྱས་ཆེན་པོ་ཅི་ཡོད་ངས་ནི་ཆེར་མ་ཤེས། ཕར་ཟེར་ཚུར་གཏམ་ཚིག་གཅིག་ཀྱང་མ་བྱུང་། ཐ་ན་མོ་ཁྲིམས་གཅིག་པོའི་ཐད་ནས་ཀྱང་། ཡུལ་པའི་ཁ་རྒྱགས་རྣམས། རྫོང་སར་དགོན་པའི་མོ་ཁྲིམས་དང་འདྲ། དགུན་ཁ་བསྡམ། དབྱར་ཁ་བཤིག །ཇོ་མོའི་ཁྲིམས་ལུག་ཐུག་ཁེབས་རྒེབ་སྟངས་བྲེམ་རྒྱུ་དེ་རེད། ཞག་སྡོད་ཚུན་ཆོད་བྱེད། དགོངས་པ་ཨམ་ཞིག་ཀྱང་ཞུ་ཞུ་གནང་གནང་ངོ་གནང་ཆོག་མཁན་དེ་ཤཱཀྱ་ཐུབ་པའི་གྲལ་མགོར་སྡོད་མཁན་ཞིག་ལོས་ཡིན། ན་ཉིན་ངོར་གྱི་གདན་ས་ཆེན་པོ་ནས་བླ་ཁག་སྤྱིའི་བཀའ་བགྲོས་ཆེན་མོས། བདག་པོའི་མདུན་དུའང་སྤྱིར་བཏང་གི་ཞུ་རྒྱ་ནན་ཏན་དང་། རྫོང་སར་དགོན་པར་དམིགས་བསལ་གྱི་གྲ་རྒྱུན་མངགས་དགོས་སོགས་བཀའ་ཤོག་ཞིབ་ནན་རྟེན་བཅས་སྩལ་བ་ལའང་ཞུ་ལན་ཙམ་ཡང་ཕུལ་སྐད་མ་ཐོས་པ། གཞན་ཕར་ཞོག །རང་གི་རྩ་བའི་གྲ་ས་དེའི་བཀོད་པ་སྣ་

[Full Size]

རྒྱབ་ཀྱི་རླུང་ལྟར་བྱེད་པ་ཆོས་དམ་ལའང་ཨེ་བཏུབ་ན་སྙམ་སྟེ། ཡིན་པའི་ནི་ལོས་ཡོད། དེ་ལྟར་ཡན་གྱི་ལོ་རྒྱུས་འདི་རྣམས་ངས་བྱས་ངས་རྒོད་ཀྱི་ཡུས་ཆེ་འཚང་བ་ནི་མིན་ཡང་། ངེད་རང་ལྟ་བུ་ཕུ་འབྲོག་མདའ་ཞིང་། འཁོར་སྒེར་དུད་སོགས་ལྟ་ཅི། ས་ཆ་སྦར་མཐིལ་ཙམ་ཡང་མེད་པའི་རྒྱལ་ཁམས་ཀྱི་བྱ་བྲལ་གྲ་རྐྱང་ཉམ་ཆུང་ཞིག་གིས་ལྷག་བསམ་དེ་ཙམ་བྱས་པའང་དཔལ་ལྡན་ས་ངོར་གྱི་ཆོས་དམ་ཚིག་དང་། བདག་པོའི་མཚན་དབུ་ན་ཁོ་ན་ལ་བསམ་པ་ལས། ངེད་རང་རང་ངོས་ནས་ནི་ཁྱེད་རྫོང་སར་དགོན་པའི་མངའ་ཐང་ལ་དེ་སྔའང་རེ་བ་ཕྲ་མོ་ཞིག་བྱས་པ་མེད། ད་ནི་དེ་ལས་ག་ན་ཡོད། བན་རྒན་ནད་པ་འཆི་རན་པ་ཞིག་གིས་ཕ་རྒན་ཞེན་ཆགས་ཆེན་པོས་བུ་ཚ་ལ་ཁ་ཆེམས་ཀྱི་དཔེ་ལྟར་འདི་ཙམ་བྱས་དུས་མི་ཚེ་ལ་དཀོར་ཟན་དམར་ཧྲིལ་ལེགས་ཉེས་ཅུང་ཟད་དཔྱོད་ཤེས་མཁན་རྣམས་ཀྱིས་བསམ་མནོ་རེ་རེ་ཙམ་བཏང་ཨི་སྲིད་སྙམ་དུ། མ་བྱས་བྱས་སྐད་ཀྱི་ཁ་ཧམ་མིན་པར་གཟུ་བོའི་བློས་དྲང་པོའི་ཚིག་རྒྱས་ཙམ་སྨྲས་པ་ལས། ཚིག་ངན་བརྡུང་བ་ནི་མིན་ཡང་། གལ་ཏེ་མ་བཟོད་ན། སེམས་ཅན་ལས་ངན་སྤྱོད་པ་ལ། །སངས་རྒྱས་ཀྱིས་ཀྱང་ཅི་བྱར་ཡོད། །ཅེས་པ་དེ་གདའ་བས་མ་ཎི་འདོན་པ་ལས་འོས་ཅི་ཡོད། དེ་ཡན་གྱིས་སྔོན་གྱི་བྱུང་བ་བརྗོད་པའི་གླེང་གཞི་དེ་ཐལ། ད་དགོས་ཀྱི་དོན་ཧྲིལ་

[Full Size]

གྱིས་དྲིལ་བའི་ཡིག་ཆུང་ཟུར་ན་ཡོད་པ་དེ་ལྟོས་ཤིག །ཨོཾ་མ་ཎི་པདྨེ་ཧཱུྃ། ༈ །མཆོག་གླིང་ལ་ཕུལ་བའི་ཀརྨ་ལྷ་སྟེང་བཅའ་ཡིག །སྲས་བཅས་སྟོབས་བཅུ་མངའ་བ་ཡོངས་ཀྱི་ཕྲིན་ལས་པ་ཆེན་པོ་སྤྲུལ་པའི་གཏེར་འབྱིན་རྒྱ་མཚོའི་འཁོར་ལོས་སྒྱུར་བ་མཆོག་གི་ཞབས་ཀྱི་པདྨོའི་ཉེ་དྲུང་དུ། གུས་པ་ཆེན་པོས་ནང་ལུགས་སྟབས་བདེར་ལྷག་བསམ་རྩེ་གཅིག་པས་གང་དྲན་སྤྱི་བརྟོལ་བསྐྱེད་དེ་ཞུ་གསོལ། དེང་། མཁས་པའི་འབྱུང་གནས། གྲུབ་པའི་འདུན་ས། མ་ཧཱ་བྷོ་ཊའི་མཛེས་རྒྱན་གཅིག་པུ་གཉིས་སུ་མ་དམིགས་པས་སྤྱོད་གསུང་གི་འཁོར་ལོའི་སྤྲུལ་པའི་ལྷ་ཁང་ཆེན་མོ་དང་ཉེ་བའི་རི་སུལ་དུ། འོག་མིན་རྡོ་རྗེ་བཀོད་པའི་ཕུན་སུམ་ཚོགས་པ་ལྔ་ཀའི་གསང་བ་ཆེན་པོ་མངོན་པར་སྣང་བའི་རྫུ་འཕྲུལ་གྱིས། ལུང་སྡེ་སྣོད་གསུམ་གྱི་བཤད་པ་དང་། མངོན་རྟོགས་བསླབ་པ་གསུམ་སྒྲུབ་པའི་འདུས་པ་ཆེན་པོའི་སྡེ་བཀོད་པ་དང་། འཆི་མེད་པདྨ་དྲྭ་བའི་མཚོ་གླིང་། མི་འགྱུར་གངས་ཀྱི་རི་བོའི་ཐིག་ལེ། དཔའ་བོ་ཌཱ་ཀི་དགྱེས་རྒུར་སྤྱོད་པའི་གནས་སུ་འོད་གསལ་རྡོ་རྗེ་སྙིང་པོའི་རྣལ་འབྱོར་གྱི་འདུ་བས་འཇའ་ལུས་རྡོ་རྗེའི་ལམ་སྲོལ་གསར་དུ་བཏོད་པ་སོགས་རྒྱལ་བའི་བསྟན་པ་ལ་མདོ་སྔགས་ཀྱི་སྟོན་བཟུང་གི་ཕྲིན་ལས་དུས་གཅིག་ཏུ་འཆར་བའི་དགེ་ལེགས་གྱི་སྣང་བས་ས་གསུམ་ཁྱབ་པར་མཛད་པའི་ངོ་མཚར་དང་བཀའ་དྲིན་ནི་ཚངས་ཆེན་འབུམ་

[Full Size]

གྱི་བློས་བསམ་ནའང་ཆ་ཙམ་རྫོགས་པའི་མཐའ་མ་དམིགས་ན། སྐྱབས་འོག་ཐ་ཆུང་པ་བདག་ལྟ་བུའི་འདུ་ཤེས་གསུམ་པ་དད་སྤྲོའི་པདྨོ་ཉིན་རེ་བཞིན་ཡང་དང་ཡང་དུ་ཁ་བྱེ་བ་ལ་མཚར་དུ་ཅི། ད་སྟེ་ཞུ་གསོལ་སྙིང་པོར། ཉིད་རིན་པོ་ཆེ་སྤྲུལ་པའི་གཏེར་སྟོན་ཆེན་པོ་འགྲན་ཟླ་དང་བྲལ་བ་ཞིག་གི་གདན་ས་དང་མཛད་པ་ཕྱག་རྗེས་ཡིན་དུས། ས་དགེ་ཀར་གསུམ་གྱི་ལུགས་གང་ཡང་ཡིན་དོན་མེད། སྔ་འགྱུར་རྙིང་མ་འཁྲུལ་མེད་ཅིག་ཡིན་དགོས། གསར་མིན་རྙིང་མིན། རྙིང་མ་ཉི་ཚེ་བ་དེ་འདྲ་ཞིག་གིས་ཅིའང་མི་ལོ། འོ་ན་རྙིང་མ་དོན་ཐ་སྙད་གཉིས་ཀ་མ་འཁྲུལ་བ་དེ་གང་ཡིན་སྙམ་ན། གཙོ་བོར་མདོ་སྒྱུ་སེམས་ཀློང་སོགས་བཀའ་མས་གཞུང་བསྲང་། གཏེར་ཁ་གོང་འོག་སོགས་གཏེར་མས་ཟུར་བརྒྱན་པ་ཞིག་ཡིན། དེའི་རིང་ལུགས་འཛིན་པ་ལ་འགྲན་ཟླ་མེད་པའི་མཁས་གྲུབ་ཀུན་གཟིགས་རོང་ཟོམ་པ། རྒྱལ་བ་ཀློང་ཆེན་པ། མངའ་རི་མ་ཧཱ་པཎྜིཏ་རྣམས་ཡིན། དེས་ན་ཀུན་རྫོབ་ཀྱི་ཐ་སྙད། དོན་དམ་གྱི་འཇོག་ཚུལ། སྙིང་པོའི་ཉམས་གཞེས་རྣམས་དམ་པ་དེ་རྣམས་ཀྱི་རྗེས་སུ་འབྲངས་དགོས། ཁྱད་པར་ཕྱི་དུས་འདིར་བཀའ་གཏེར་རྒྱ་མཚོའི་རིང་ལུགས་བཀའ་ཡོད་ལ་བསླད་མེད་པར་འཛིན་མཁན་དེ་ཨོ་རྒྱན་སྨིན་གྲོལ་གླིང་པ་ཡིན། བླུན་པོ་འགའ་རེས་སྨིན་གླིང་པའི་བསྒྲིགས་ལམ་ཀུན་སྤྱོད་ཀྱང་གཏེར་བདག་གླིང་པ་ཞལ་

[Full Size]

འཁོས་བཟང་། ལོ་ཆེན་ཐུགས་རབ་བཟང་། ཡིད་བཞིན་ལེགས་གྲུབ་གསུང་སྐད་དང་སྐུ་གཟུགས་བཟང་བས་ལྟར་སྣང་ཅི་མཛེས་གཙོ་བོར་བཏོན་པ་ཡིན་སྙམ་པ་གདའ་སྟེ། དེ་འདྲ་ཡིན་མིན་སྒྱུ་འཕྲུལ་རྩལ་འཆམས་དང་། བཀའ་བརྒྱད་ཀྱི་གདངས་ཡིག་ཁོ་ན་ལ་དཔྱད་ཀྱང་སོ་ཟུར་གནུབས་གསུམ་དང་། གཏེར་ཁ་གོང་འོག་སོགས་ཀྱི་ཕྱག་རྒྱུན་རྣམ་དག་རེ་རེ་བཞིན་དཀའ་བ་དང་འབད་པ་ཆེན་པོས་བླངས་ཏེ་བྱི་དོར་མཛད་ཚུལ་བརྒྱུད་ཡིག་ཚུན་ཞིབ་ཆ་མཛད་པ་དེ་ལྟ་བུ་ལས་འཕྱོན་མའི་བུ་བཞིན་ཁུངས་མེད་གཟུ་ལུམ། སྣང་ཞལ་འཕྱར་གཡེང་། མཁས་པའི་རང་བཟོ། བླུན་པོའི་ཚུགས་ཁྱེར། རྨོངས་ཧམ་སྤྱི་བརྟོལ། གཞན་ལས་བརྐུས་པ། ཞལ་གཟིགས་ལུང་བསྟན་ལ་བསྙད་པ་ཙམ་ཡང་མིན་པ་དབྱིངས་རིན་པོ་ཆེར་མངའ་བ་ལྟར་ལགས་ན། གདངས་དབྱངས་རོལ་མོ་བསྒྲིགས་ལམ་ཀུན་སྤྱོད་སོགས་ཕྱག་བཞེས་ཆེ་ཕྲ་ཐམས་ཅད་གཏེར་གསར་རང་ལུགས་དམིགས་བསལ་ཡོད་པ་རྣམས་དེ་ཁོ་ན་བཞིན་ཅིས་ཀྱང་མཛད་དགོས་པ་གཞིར་བཅས་ལ། སྤྱིར་བཏང་ཐམས་ཅད་སྨིན་གླིང་པའི་ལུགས་སོར་བཞག་དང་། ཁྱད་པར་སོ་ཐར་གྱི་སྡོམ་རྒྱུན་ཡང་མཚན་བརྗོད་པར་དཀའ་བ་བོད་ཀྱི་ཤཱཀྱ་ཐུབ་པ་མཁན་ཆེན་ཞི་བ་འཚོ་ནས་བརྒྱུད་པ་ཞིག་ངེས་པར་དགོས་མོད། རེ་ཞིག་མཁན་སློབ་སོགས་ཀྱི་སྟབས་འགྲིགས་མིན་ཇི་ལྟར་རུང་། གཞི་

[Full Size]

གསུམ་གྱི་ཕྱག་བཞེས་འདོན་ཆ་ལོ་མགོ་འཛིན་ཚུལ་ཚུན་ལོ་ཆེན་རིན་པོ་ཆེའི་གསུང་རབ་སོར་བཞག་དང་། འཆད་ཉན་གྱི་གཙོ་བོའང་རྙིང་མ་ལས་ཆེས་རྙིང་མའི་གཞུང་རིག་པ་དང་གཙུག་ལག་མཐའ་དག་གི་ཕྱི་མོ་སུམ་རྟགས་གཉིས་ཀྱི་བཤད་པ་དང་འབྲི་ཀློག་པ་བྱང་ཆུབ་པ་གཞིར་བཞག་པའི་སྟེང་། སྡོམ་གསུམ་རྣམ་ངེས་རྩ་འགྲེལ་དང་། རྒྱུད་གསང་བ་སྙིང་པོ་ཁོ་ན་རྩལ་དུ་བཏོན་ནས་འཆད་ཉན་མཛད་ན་སྔ་འགྱུར་བའི་མདོ་སྔགས་བསྟན་པའི་ལམ་གནད་དང་ཉམས་ལེན་ཐམས་ཅད་དེར་མ་འདུས་པ་མེད་པས་ལས་སླ་ལ་ཆོད་ཆེ་བ་ཞིག་ཡིན། དེས་ན་སྡོམ་གསུམ་རྩ་བ། གསང་སྙིང་རྒྱུད། དགོངས་རྒྱན་དབུའི་སྤྱི་དོན་ཏེ། འདི་གསུམ་བསྒྲིགས་དེར་ཞུགས་ཚད་ཀྱི་ཐོག་མ་ནས་ཁེར་རྒྱུགས་ཕེར་ངེས་བློར་བཟུང་། ཚེས་སྡོམ་གསུམ། བརྒྱད། བཅོ་རྒྱུད། ལྔ། གནམ་སྤྱི་དོན་གང་ལྟ་བུར་ཚོགས་འདོན་གྱི་སྲོལ་བཙུགས་ན་མ་མཐའ་ཚིག་བྱང་བར་ཤེས་པ་དེ་ཙམ་ཡང་ཐོས་བསམ་གྱི་འཇུག་སྒོར་ཁྱད་ཤིན་ཏུ་ཆེ། དེ་མིན་བློ་གྲོས་ཆེ་བ་རྣམས་ཀྱིས་གཞུང་ཆེ་བ་དང་། རིག་གནས་སོགས་མང་པོ་ཇི་ཙམ་ཤེས་ན་ལོས་བཟང་སྟེ། དེང་དུས་བློ་གྲོས་དང་བརྩོན་འགྲུས་གཉིས་ཀ་འཛོམ་པ་ཤིན་ཏུ་དཀོན་པས། གཞུང་ལུགས་དང་ཉམས་ལེན་གང་ལའང་ཚ་རན་མིན་བལྟ་བ་འདྲ་མོ་དེ་གཅིག་ཏུ་འབྲེལ་འཇོག་ལྟ་བུའི་ལེགས་པོ་ཡིན་པའང་སྲིད་མོད། གཉིས་

[Full Size]

སུ་བོན་སྣེ་མང་། མི་འགྲུབ་དྲན་རྒྱ། སྤྲང་པོའི་ཕྱེ། འབལ་མོའི་ཟས་ལྟ་བུ་བྱ་དཀའ་ལ་ཆོད་ཆུང་བ། དོན་མེད་ལ་ཡིད་སྨོན་གྱིས་སུན་པའི་དབུལ་པོ་ཚོང་དུས་སུ་ཕྱིན་པའི་དཔེ་ལས་ཅི་ཡང་མེད་པ་ལགས། །གཞན་ཡར་ངོའི་ཚེས་བཅུར་གཏེར་གསར་རང་གི་ཐུགས་སྒྲུབ་རིགས་དང་། མར་ངོའི་ཚེས་བཅུར་ཟབ་བདུན་སྐོར་སོགས་ཡི་དམ་རིགས་འདོན་རེས་ཀྱི་ཚོགས་སྐོར་རེ་ཙམ་དང་། ཚེས་བརྒྱད་ལ་སྒྲོལ་མ་མཎྜལ་བཞི་པའི་ཆོ་ག །ཉེར་དགུར་ཆོས་སྐྱོང་དགོངས་འདུས་ལྟ་བུས་མཚོན་ཟླ་འདོན་དང་། སྤྲེལ་ཟླའི་ཚེས་བཅུ་རྒྱས་པ་དང་། ཉི་ལྡོག་གམ་དབུ་ཆེན་ལྟ་བུར་བཀའ་བརྒྱད་གཏོར་ཟློག་རེ་ཙམ་གྱིས་མཚོན་དུས་མཆོད་དངོས་གཙང་ཞིང་མི་མང་བ་ཞིག་མཛད་ན་ལེགས་སྙམ། བྱུང་ན་བཀའ་མའི་འདུས་པ་མདོའམ། སྒྱུ་འཕྲུལ། མ་མཐའ་འང་ཡང་དག་རེ་ཙམ་གྱི་སྒྲུབ་མཆོད་ཞིག་བྱུང་ན་སྤྱན་ལྟོས་ལ་ཤིན་ཏུ་ཕན་ཡང་རིམ་གྱིས་། བབས་གཟིགས་དང་། རྒྱུན་ཇ་བསྟར་ཆགས་ཡོད་ཚེ། སྔ་དྲོའི་ཚོགས་ཐེངས་ལ་རྒྱུན་ཆགས་གསུམ་པ་དང་། འཕྲོག་མའི་གཏོར་བསྔོ། ཡན་ལག་བདུན་པའི་རིམ་པ་གཙོ་བོར་བཏོན་ངོས། ཐུབ་བསྟོད་སྤྱི་དང་། །ཁྱད་པར་འཕགས་བསྟོད། ལྷ་ལས་ཕུལ་བྱུང་གི་བསྟོད་པ། གནས་བརྟན་ཕྱག་མཆོད། ལེའུ་བདུན་མའི་ལེའུ་རེ་རེ་ཙམ་གྱིས་མཚོན་གསུང་རེས། ཉིན་གུང་གུང་ཚིགས་ཀྱི་འདོན་ཆ་མདོ་ཟབ་མདོ། བསྔོ་དང་

[Full Size]

བཅས་པ་དང་། སྒྲོལ་མ་ལྟུང་བཤགས་སོགས། སྡོམ་གསུམ་ལྟ་བུའི་གཞུང་ལེའུ་ཆ་ཤས་རེ་གསུང་རེས། ཕྱི་དྲོ་ཐུགས་སྒྲུབ་ཕྲིན་ལས་སྙིང་པོ་ལྟ་བུའི་གཞུང་བསྲངས་ནས། དམ་ཅན་སྤྱི་གཏོར་ལ་གཏེར་གསར་གྱི་སྲུང་མ་ཁྱད་པར་བ་རྣམས་བསྣན་པ་ལྟ་བུའི་གཏོར་བསྔོ་ཉུང་བསྡུས་ཚོགས་མཆོད་བཅས་ཀྱི་མཐར་བཟང་སྤྱོད་དང་། བྱམས་སྨོན་སོགས་འདོན་རེས་དང་། ཡང་ཟློག་གམ་ལོཀྟི་ལྟ་བུའི་བྱད་ཟློག་ཐུང་ཙམ་རེ་མཛད་ན་སྨིན་གླིང་པའི་ཕྱག་བཞེས་དང་སྒོ་མཐུན་པའི་སྐབས་སུ་བབ་པ་འོང་སྙམ་ཞིང་། སྔ་དྲོའི་སྐབས་སྒྲོལ་དཀར་ལྟ་བུའི་ཚེ་སྒྲུབ་གང་རུང་གི་སྒོམ་བཟླས་ཉུང་ཙམ་མཛད་ནའང་ལེགས་སོ། །། འོན་ཀྱང་འདོན་རྒྱུ་མང་ན་ཟབ་མདོ་བརྗེད་པའི་དཔེ་ལྟར། ཧ་ཅང་ཚོགས་འདོན་མང་བ་བཞག་ནས་གཞུང་གི་འཆད་ཉན་གཙོ་བོར་འདོན་དགོས། མདོར་ན་སྡོམ་པ་གསུམ་གྱི་ཁས་བླངས་རྣམ་པར་དག་པས་གཞི་བཟུང་། མདོ་སྔགས་ཀྱི་འཆད་ཉན་གཙོ་བོར་བཏོན། རྒྱུད་སྡེ་ཆེན་པོ་དང་མཐུན་པའི་རིམ་གཉིས་ཀྱི་ཉམས་ལེན་སྙིང་པོར་དྲིལ་བའི་དགེ་སློང་རྡོ་རྗེ་འཛིན་པ་གཅིག་བྱུང་ནའང་སྙིགས་དུས་འདིར་སངས་རྒྱས་འཇིག་རྟེན་དུ་བྱོན་པ་དང་འདྲ་བའི་བཤེས་གཉེན་ཆེན་པོར་ངེས་ན། དེ་ལྟ་བུ་མང་དུ་ཚོགས་པ་ནི་ལྟ་སྨོས་ཀྱང་ཅི་དགོས་པས་སྲིད་ཞིའི་ཕན་བདེ་མ་ལུས་པ་འབྱུང་བའི་སྒོ་བཀྲ་ཤིས་ཀྱི་དགེ་མཚན་བྱེ་བསྙེད་

[Full Size]

ཀྱི་རྒྱ་མཚོ་ཆེན་པོར་ངེས་པ་ཉིད་དོ། །ཞེས་པའང་སངས་རྒྱས་གཉིས་པ་པདྨ་སཾ་བྷ་ཝ་ཡབ་སྲས་ཀྱི་ཐུགས་རྗེའི་སྐྱབས་འོག་ཏུ་ངལ་འཚོ་བ་རིག་འཛིན་གྱི་བཙུན་པ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་དྲང་པོའི་བློས་བསམ། གཟུ་བོའི་རིགས་པས་དཔྱད། ལྷུག་པའི་ཚིག་གིས་ལུང་རིགས་མན་ངག་དང་མཐུན་པར་གསོལ་བ་འདེབས་པའི་རྟེན་བཀྲ་ཤིས་པའི་ལྷ་གོས། བཅས་བསམ་པ་དག་ཅིང་སྦྱོར་བ་གུས་པས་འབུལ་ལམ་ཞུས་པ་ལགས་ན། སྐྱབས་མགོན་མཆོག་ཉིད་ཞབས་པད་བསྐལ་བརྒྱར་བརྟན་ཅིང་། ཕྲིན་ལས་མཁའ་ཁྱབ་ཏུ་རྟག་པ་དང་། ཕུན་སུམ་ཚོགས་པའི་དགེ་འདུན་གྱི་འདུ་བ་འབུམ་ཕྲག་མང་པོས་མདོ་སྔགས་ཀྱི་བསྟན་པ་རིན་པོ་ཆེ་དྲི་མ་མེད་པ་བཤད་སྒྲུབ་ལས་གསུམ་གྱི་སྒོ་ནས་སྲིད་མཐར་རྒྱས་པར་མཛད་པའི་དགེ་ལེགས་གྱི་སྣང་བས་འགྲོ་རྣམས་བདེ་སྐྱིད་ཆོས་འབྱོར་གྱི་དགའ་སེ སྟོན་ལ་དུས་རྟག་ཏུ་ལོངས་སྤྱོད་པར་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། །།

མདོ་ཁམས་སྨར་ཁམས་སྒང་གི་ཆར་གཏོགས་རྒྱ་སྣེ་སྟེང་ཐུབ་བསྟན་དར་རྒྱས་གླིང་གི་བཅའ་ཁྲིམས་སྙིང་པོར་དྲིལ་བའི་གཏམ་ཕན་བདེའི་ས་བོན།

[Full Size]

༄༅། །མདོ་ཁམས་སྨར་ཁམས་སྒང་གི་ཆར་གཏོགས་རྒྱ་སྣེ་སྟེང་ཐུབ་བསྟན་དར་རྒྱས་གླིང་གི་བཅའ་ཁྲིམས་སྙིང་པོར་དྲིལ་བའི་གཏམ་ཕན་བདེའི་ས་བོན་ཅེས་བྱ་བ་བཞུགས་སོ།།

[Full Size]

༄༅། །ཨོཾ་སྭ་སྟི་སིདྡྷཾ། བཀྲ་ཤིས་མཚན་གྱི་སྣང་བ་ཆ་རེས་ཀྱང་། །སྒྲིབ་གཉིས་མུན་སྟུག་ཀུན་ནས་བསལ་བ་དང་། །ཐར་བདེའི་ལམ་བཟང་རབ་ཏུ་མཚོན་མཛད་པ། །དཀོན་མཆོག་རིན་ཆེན་གསུམ་གྱིས་ཤིས་པ་སྩོལ། །ཅེས་དགེ་ལེགས་སུ་བྱ་བའི་ཚིག་གིས་མདུན་བསུས་ཏེ་བདག་ལེགས་སུ་འདོད་པའི་སྐལ་བཟང་རྣམས་ལ་ཆོས་དང་འབྲེལ་བའི་གཏམ་ཅུང་ཟད་ཅིག་སྙན་དུ་གསོལ་ན། རང་རེ་རྣམས་ཀྱིས་རྙེད་དཀའ་ལ་ཕན་འདོགས་ཆེ་བའི་དལ་འབྱོར་གྱི་མི་ལུས་རིན་པོ་ཆེ་ཐོབ། བླ་མ་དགེ་བའི་བཤེས་གཉེན་མཚན་ཉིད་དང་ལྡན་པས་རྗེས་སུ་བཟུང་། ཆོས་བྱེད་དབང་ཡོད། བྱེད་ཐབས་ཤེས་པའི་དུས་འདིར་གྲུ་ཡོད་དུས་ཆུ་བོ་ལས་བརྒལ་དགོས་པ་

[Full Size]

བཞིན་དལ་འབྱོར་ལ་སྙིང་པོ་ལེན་པའི་ཆོས་རྣམ་པར་དག་པ་རེ་ཅི་ནས་ཀྱང་བྱ་དགོས། དེའང་སང་བྱ་གནང་བྱའི་ལེ་ལོ་དང་ཕྱི་བཤོལ་གྱི་དབང་དུ་སོང་ན་སྐྱེས་པའི་ཐ་མ་ངེས་པར་འཆི། ནམ་འཆི་ཆ་མེད། ཤི་བའི་ཚེ་ཆོས་མ་གཏོགས་པ་གང་གིས་ཀྱང་མི་ཕན། ཤི་ནས་ཅང་མེད་དུ་མི་འགྲོ་བར་ལས་དང་ལས་ཀྱི་འབྲས་བུ་འབའ་ཞིག་གི་རྗེས་སུ་འབྲངས་ཏེ། མ་བྱས་པའི་ལས་དང་མི་འཕྲད་བྱས་པ་ཆུད་མི་ཟ་བར་ཚོགས་ཤིང་དུས་ལ་བབ་པའི་ཚེ་ཕྲ་ཞིང་ཕྲ་བ་ནས་རང་རང་གིས་མྱོང་དགོས། དེའང་མི་དགེ་བའི་ལས་ལ་བརྟེན་ནས་ངན་སོང་གསུམ་དུ་སྐྱེས་ན་སྡུག་བསྔལ་བཟོད་པའི་བླག་མེད། ཟག་བཅས་ཀྱི་དགེ་བ་ལྟར་སྣང་ཙམ་ལ་བརྟེན་ནས་

[Full Size]

མཐོ་རིས་གསུམ་དུ་སྐྱེས་ནའང་སྡུག་བསྔལ་ལས་མ་འདས། དེས་ན་སྡུག་བསྔལ་ཅན་གྱི་འཁོར་བ་དེ་ལས་ཅི་ནས་ཀྱང་ཐར་བ་ཞིག་བྱ་དགོས་ནའང་རང་གཅིག་པུ་ཐར་བས་མི་ཕན། ནམ་མཁའ་དང་མཉམ་པའི་སེམས་ཅན་ཐམས་ཅད་ཕ་མ་དྲིན་ཅན་ཤ་སྟག་ཡིན་པས་དེ་ཐམས་ཅད་རྣམ་གྲོལ་གཏན་གྱི་བདེ་བ་རྫོགས་པའི་སངས་རྒྱས་ཀྱི་གོ་འཕང་ལ་འགོད་པའི་སླད་དུ། སྐྱབས་གསུམ་སྔོན་དུ་འགྲོ་བའི་བྱང་ཆུབ་ཏུ་སེམས་བསྐྱེད་ནས་ཅི་བྱེད་གཞན་དོན་དུ་འགྱུར་བ་ཞིག་བྱ་དགོས། དེ་ལའང་ལུས་དང་བསམ་པའི་རྟེན་གཉིས་གལ་ཆེ་བས། ལུས་ཀྱི་རྟེན་སྤྱིར་དལ་འབྱོར་གྱི་ལུས་རྟེན་ཕུན་སུམ་ཚོགས་པ་གཞིར་བཞག་སྟེ། རང་གཞན་གྱི་དོན་རླབས་པོ་ཆེ་བསྒྲུབ་པ་ལ་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ཁོ་ན་བསྔགས་པས། དོན་གྱི་དབང་གིས་དེ་གཟིགས་ནས་དགེ་འདུན་འདུ་བའི་གཙུག་ལག་ཁང་དང་། ཀུན་དགའ་ར་བ་བཞེངས་པ་ཉིད་རྫས་ལས་བྱུང་བའི་བསོད་ནམས་ཐམས་ཅད་ཀྱི་ཕུལ་དུ་གྱུར་པར་བདག་གི་སྟོན་པས་རྒྱ་ཆེར་གསུངས་པ་ལྟར། བཟོ་སྤྲུལ་པའི་སྐུའི་རིག་ལམ་རྒྱ་མཚོར་བྱང་ཆུབ་ཅིང་། རྣམ་པར་དཔྱོད་པའི་ཤེས་རབ་དང་། ལྷག་པའི་བསམ་པ་ཁྱད་པར་ཅན་འཆང་བ་སྒྲུབ་བརྒྱུད་སྙིང་པོའི་རིང་ལུགས་འཛིན་པའི་བཤེས་གཉེན་ཀརྨ་ཆོས་འཕེལ་ནས། བསྟན་འཛིན་གྱི་

[Full Size]

སྐྱེས་བུ་དམ་པ་རྣམས་ཞབས་པད་བརྟན་ཅིང་ཕྲིན་ལས་རྒྱས་པ་དང་། ཕྱོགས་བཅུའི་དགེ་འདུན་གྱི་སྡེ་འཕེལ་ཞིང་བཤད་སྒྲུབ་ལས་གསུམ་གྱི་དགེ་མཚན་བརྟན་པ་དང་། འཇིག་རྟེན་གྱི་ཁམས་ཀུན་དགེ་ལེགས་ཆེན་པོས་ཁྱབ་ཅིང་རང་གཞན་འབྲེལ་ཚད་ཐམས་ཅད་སྒྲིབ་གཉིས་བྱང་ཞིང་ཚོགས་གཉིས་རྫོགས་ཏེ་རྣམ་གྲོལ་གཏན་གྱི་བྱང་ཆུབ་ལ་འགོད་པའི་ལྷག་བསམ་རྩེ་གཅིག་པས་བོད་ཆེན་པོའི་ལྗོངས་ཀྱི་ནང་ཚན། མདོ་ཁམས་སྨར་ཁམས་སྒང་གི་བྱེ་བྲག་ཡུལ་གྱི་དགེ་བཅུའི་བཀོད་པ་མ་ཚང་བ་མེད་པ་རྒྱ་བོད་ཀྱི་ས་མཚམས་རྒྱ་སྣེ་སྟེང་གི་ཆ་འདེབས་མ་ཞབས་ཞེས་པའི་ནོར་འཛིན་གྱི་ཐིག་ལེར་བཀྲ་ཤིས་པའི་གཙུག་ལག་ཁང་ཐུབ་བསྟན་དར་རྒྱས་གླིང་རྟེན་དང་བརྟེན་པར་བཅས་པ་ཕུལ་དུ་བྱུང་བའི་གཏོང་བ་དང་། རྟག་སྦྱོར་དང་གུས་སྦྱོར་གྱི་བརྩོན་པས་བཞེངས་པ་ལ། ངོས་ནས་ཀྱང་རྣམ་དཀར་རྒྱ་ཆེན་པོ་ལ་རྗེས་སུ་ཡི་རང་བའི་ཀུན་སློང་བཟང་པོས་མགོན་པོ་ཚེ་དཔག་ཏུ་མེད་པའི་སྣང་བརྙན། མདོ་སྡེ་བསྐལ་བ་བཟང་པོའི་གླེགས་བམ། རྡོ་རྗེ་དང་དྲིལ་བུ་བཅས་ཕུལ་ནས་སྨོན་ལམ་བཟང་པོའི་མཚམས་སྦྱོར་བགྱིས་པ་ལྟར། འདིར་འཁོད་པའི་བླ་མ་དགེ་འདུན་པ་རྣམས་ཀྱི་ལས་སུ་བྱ་བ་མདོར་བསྡུ་ན། དཔལ་མགོན་འཕགས་པ་དབྱིག་གཉེན་གྱིས། །ཚུལ་གནས་ཐོས་དང་བསམ་

[Full Size]

ལྡན་པས། །སྒོམ་པ་ལ་ནི་རབ་ཏུ་སྦྱོར། །ཞེས་གསུངས་པ་ལྟར། ཐོག་མ་ཉིད་དུ་གཞི་ཚུལ་ཁྲིམས་རྣམ་པར་དག་པ་ཁོ་ན་ལ་རག་ལས་པས། དགོན་སྡེ་འདིར་ཞུགས་མ་ཐག་ནས་བླ་མ་མཁན་སློབ་གང་འོས་བརྟན་མཁས་ཀྱི་ཡོན་ཏན་དང་ལྡན་པ་ལ་གཙུག་ཕུད་ཕུལ་ཏེ་བསྟན་པ་རིན་པོ་ཆེའི་སྒོར་ཞུགས་ཕྱིན་ཆད་ཁྱིམ་གྱི་བྱ་བ་དང་། གྲོང་སྔགས་པའི་ལད་མོ་སོགས་རྒྱང་བསྲིངས་ཏེ་དམ་པའི་ཆོས་འདུ་བ་ལས་ཇི་སྐད་གསུངས་པ་བཞིན་དྲན་ཤེས་བག་ཡོད་བརྟན་པོས་ཡི་གེའི་ཕྱི་མོ་ནས་བརྩམས་ཏེ་བསླབ་སྦྱང་གསེང་ལུས་མེད་པར་བྱེད། ལོ་ཚོད་ལ་སླེབ་པ་ན་ངེས་འབྱུང་དང་། བྱང་ཆུབ་སེམས་ཀྱིས་ཀུན་ནས་བསླངས་ཏེ་དགེ་ཚུལ་དང་། དགེ་སློང་གི་བར་གྱི་སྡོམ་པ་རྣམ་པར་དག་པ་ཞུ། སྤང་བླང་ཕྲ་ཞིབ་ནས་མཉན་ཅིང་ལག་ཏུ་ལེན། ཁྱད་པར་དུ་རྩ་བ་བཞི་ཆང་དང་བཅས་པ་སྲོག་ལ་བབ་ཀྱང་སྤང་། ཕམ་ལྷག་གི་ཆར་གཏོགས་པ་རྣམས་ཀྱང་སྤོང་བའི་གོ་ཆ་བརྟན་པོ་དང་། སྤང་ལྟུང་སོགས་ཅི་ནུས་ཀྱིས་བསྲུང་། གལ་སྲིད་ཉེས་པས་གོས་ན་བཤགས་པར་འོས་པ་རྣམས་བཤགས། སྡོམ་པར་འོས་པ་རྣམས་བསྡམ། བྱིན་གྱིས་རློབ་པར་འོས་པ་རྣམས་བྱིན་གྱིས་བརླབས་ཏེ་ཉེས་ལྟུང་དང་ཞག་གཅིག་ཀྱང་མི་འགྲོགས་པའི་གཡར་དམ་ལྷུར་ལེན་པ་གཞིར་བཞག །བྱམས་པ་དང་སྙིང་རྗེ་དང་། །

[Full Size]

བྱང་ཆུབ་ཀྱི་སེམས་རིན་པོ་ཆེ་ལ་བློ་ལེགས་པར་སྦྱངས་ཏེ་སེམས་ཅན་ལ་གནོད་པའི་ལས་རྨི་ལམ་དུའང་མི་བྱ་བར་བསམ་པ་བཟང་པོས་གཞན་ལ་ཅི་ཕན་དུ་བྱ་བ་ནི་ཐེག་པ་ཆེན་པོའི་གང་ཟག་གི་བསམ་པའི་རྟེན་གྱི་གཙོ་བོ་དང་། ཁྱད་པར་སྔགས་ཀྱི་དབང་བསྐུར་བ་ཐོབ་ཕྱིན་ཆད་བླ་མ་ལ་སངས་རྒྱས་ཀྱི་འདུ་ཤེས་དང་མ་བྲལ་བའི་སྒོ་ནས་རྩ་བ་དང་ཡན་ལག་གི་དམ་ཚིག་དང་སྡོམ་པ་སྲོག་དང་བསྡོས་ཏེ་བསྲུང་བ་ནི་འདི་ཕྱིའི་ལེགས་ཚོགས་ཐམས་ཅད་ཀྱི་རྩ་བ་ཡིན། དེ་ལྟར་རྒྱུད་སྡོམ་པ་གསུམ་གྱིས་ལེགས་པར་བསྡམས་ཏེ། ཐོག་མར་ཡོན་ཏན་ཐམས་ཅད་ཀྱི་ཕྱི་མོ་ཡི་གེ་འབྲི་ཀློག་ནན་ཏན་དུ་སྦྱང་། དེ་ནས་རིམ་པར་ཆོ་ག་ཆོས་སྤྱོད་བློ་འཛིན། གདངས་དབྱངས་ཕྱག་རྒྱ་རོལ་མོ་བྲིས་ཐིག་གཏོར་བཟོ་ཚུན་ཕྱག་ལེན་ཆེ་ཕྲ་གང་དགོས་ཐམས་ཅད་བྱང་ཆུབ་པ་ཆིག་རྐྱ་ཕེར་བ་བསྟན་པའི་མིག་རྒྱན་དུ་འགྱུར་བ་དང་། དོན་གྱི་སྙིང་པོ་ངེས་འབྱུང་གིས་རྒྱུད་བསྐུལ། བྱང་ཆུབ་སེམས་ཀྱིས་གཞི་བཟུང་། བསྐྱེད་རྫོགས་ཟབ་མོའི་གནད་ལ་ཐོས་བསམ་སྒོམ་གསུམ་སྐྱེས་བུའི་རྩལ་ཅི་ཡོད་ཀྱི་སྒོ་ནས་རང་དོན་དུ་ཉམས་རྟོགས་ཀྱི་ཡོན་ཏན་འཕེལ་བ། གཞན་དོན་དུ་གདུལ་བྱ་འབྲེལ་ཚད་དོན་ལྡན་ཞིག་མཛད་ན་རིག་པ་འཛིན་པའི་དགེ་འདུན་པ་ཞེས་མཚན་དང་དོན་མཐུན་པ་ཚེ་འདི་ལ་བདེ་ཞིང་ཕྱི་མར་

[Full Size]

ལེགས་པ། མི་སྨོན་རང་སྐྱིད་དལ་འབྱོར་ཐོབ་པ་ལ་དགོས་པ་བྱུང་བ་ཡིན་པས་དེ་ལྟར་ཐུགས་ལ་བཞག་ནས་གྲྭ་ས་ཆེན་པོ་རྣམས་ལ་སྤྱིན་ཡར་བལྟས་ཀྱིས་དོན་དམ་གྱི་ལྟ་བ། ཀུན་རྫོབ་ཀྱི་སྤྱོད་པ། །སྙིང་པོའི་ཉམས་བཞེས་ཐམས་ཅད་འཕགས་ཡུལ་གྱི་ཤིང་རྟ་ཆེན་པོ་རྣམས་དང་གངས་ཅན་གྱི་ལྗོངས་སུ་བྱོན་པའི་བླ་མ་གོང་མ་མཁས་ཤིང་དངོས་གྲུབ་བརྙེས་པ་རྣམས་ཀྱི་གསུང་རབ་ལས་ཇི་སྐད་འབྱུང་བ་བཞིན་ཐོས་པས་ཚིག་སྤྱི་དང་། བསམ་པས་དོན་སྤྱི་གཏན་ལ་དབབ། བསྒོམས་པས་དོན་རང་གི་གནས་ལུགས་མངོན་དུ་འགྱུར་བ་ལ་བསླབ། གཞན་ཡང་ཆོས་སྒོར་ཞུགས་ཕྱིན་ཆད་དགོན་སྡེ་རང་དུ་སྡོད་ཚུགས་པ་ལས་གྲོང་ནག་ཏུ་འཁྱམས་པ་ནི་ཉེས་པ་ཐམས་ཅད་ཀྱི་རྩ་བ་ཡིན། གལ་སྲིད་ཕ་མའི་དོན་ལྟ་བུར་མི་འགྲོ་ཀ་མེད་བྱུང་ནའང་བླ་མ་དགེ་བརྐོས་ལ་དགོངས་པ་ཞུ་བ་མ་གཏོགས་རང་གར་མི་འགྲོ་ཡུན་རིང་དུ་མི་སྡོད། དགོན་དུ་སྡོད་སྐབས་གྲྭ་ཆས་ཚད་ལྡན་ལས་སོག་ཆས་སོགས་ཆ་ལུགས་མི་མཐུན་པ་དང་། ཐ་མ་ཁ་འཐེན་པ། རྟ་རྒྱུག །མདའ་རྩེད། ཤྭ་དང་མིག་མང་རྩེ་བ། ཀུ་ཅོ་མཆོང་རྒྱུག །ཁ་འཐབ་རྩོད་གླེང་སོགས་མ་རབས་ཀྱི་ཀུན་སྤྱོད་ངན་པ་རྒྱང་རིང་དུ་དོར་ནས་དྲན་པ་དང་། ཤེས་བཞིན་དང་བག་ཡོད་པས་རང་གཞན་ཐམས་ཅད་དྭང་བ་འདྲེན་པ་བྱ། གལ་སྲིད་གོང་དུ་

[Full Size]

སྨོས་པའི་བསླབ་བྱ་ལས་འདས་ན་ཆོས་དང་འགལ་ཞིང་། འཇིག་རྟེན་དང་མི་མཐུན་པ་ཡིན་པས་འཇིག་རྟེན་པ་རྣམས་ཀྱིས་ཀྱང་ངན་པ་ངན་པའི་གྲངས་སུ་བགྲངས་ནས་སྨད་པའི་གནས་དང་། །དགོན་སྡེའི་བླ་ཆོས་ཡུལ་གྱི་དཔོན་པོས་ཆད་ལས་འབྱུང་བར་མ་ཟད། རྒྱལ་བ་སྲས་དང་བཅས་པས་ཐུགས་ཀྱིས་ཁྲེལ་ཞིང་། རྡོ་རྗེའི་ཆོས་སྲུང་རྣམས་ཀྱི་བཀའ་ཆད་དྲག་པོ་བཅས་ཚེ་འདིར་མི་འདོད་པ་ཐམས་ཅད་འབྱུང་བ་གདོན་མི་ཟ་ཞིང་ཕྱི་མ་ངན་སོང་གི་སྡུག་བསྔལ་བཟོད་བླག་མེད་པ་མྱང་དགོས་པས་རང་གིས་རང་ལ་ཤ་ཚ་དང་སྙིང་རྗེས་ཀུན་ནས་བསླངས་ཏེ་རྣམ་པ་ཀུན་ཏུ་རང་རྒྱུད་དག་པར་བྱ་དགོས། སྤང་བླང་རྣམས་ཆོས་ནས་བཤད་པ་བཞིན་བྱས་ན་རྒྱལ་བ་སྲས་དང་བཅས་པས་ཐུགས་ཀྱིས་རྗེས་སུ་དགོངས། རྡོ་རྗེའི་ཆོས་སྲུང་བ་དང་དཀར་ཕྱོགས་ཀྱི་ལྷ་མཐུ་བོ་ཆེ་རྣམས་ཀྱིས་ཀྱང་སྲུང་ཞིང་མཐུན་རྐྱེན་སྒྲུབ། འཇིག་རྟེན་པ་རྣམས་ཀྱིས་ཀྱང་གུས་ཤིང་ཡོན་སྦྱར་བ་སོགས་འཕྲལ་གྱི་བདེ་བ་ཕུན་སུམ་ཚོགས་པ་ཉམས་སུ་མྱོང་སྟེ། ཕྱི་མར་བདེ་ནས་བདེ་བར་འགྲོ་བ་ལགས་པས་དེ་ལྟ་བུའི་ཁེ་ཉེན་རྣམས་ཤེས་པས་ཇི་སྐད་སྨྲས་པའི་དོན་ལ་སྤང་བླང་ཚུལ་བཞིན་དུ་མཛད་པར་ཞུ་ཞིང་། ཁོ་བོས་ཀྱང་བླ་མ་དང་དཀོན་མཆོག་རིན་པོ་ཆེར་གསོལ་བ་རྩེ་གཅིག་ཏུ་བཏབ་སྟེ་དགོན་གནས་འདིར་

[Full Size]

བཞུགས་པ་ཐམས་ཅད་ཚེ་རིང་ནད་མེད་བདེ་སྐྱིད་ཆོས་ལྡན་གྱི་འབྱོར་པ་གོང་ནས་གོང་དུ་འཕེལ་ཏེ་འདི་ཕྱི་ཀུན་ཏུ་ཕན་བདེའི་ལེགས་ཚོགས་དབྱར་མཚོ་ལྟར་རྒྱས་པ་དང་། ཐུབ་བསྟན་རིན་པོ་ཆེ་བཤད་སྒྲུབ་ལས་གསུམ་གྱི་སྒོ་ནས་ཕྱོགས་དུས་གནས་སྐབས་ཐམས་ཅད་དུ་ཁྱབ་ཅིང་རྟག་པའི་འདུན་སྨོན་ནན་ཏན་བགྱི་བ་ལགས་ན་ཡི་གེ་འདི་ཞལ་བཤུས་ནས་ཀུན་གྱི་སྤྱན་ལམ་དུ་སྦྱར་ཏེ་སྤང་བླང་ཚུལ་བཞིན་ཨཱདུ་མཛད་འཚལ། སླར་སྨྲས་པ། ཕན་བདེའི་འབྱུང་གནས་ཐུབ་བསྟན་རིན་པོ་ཆེ། རྨད་བྱུང་དགེ་འདུན་སྡེ་ལ་རག་ལས་ཤིང་། །ཚུལ་གནས་གསན་བསམ་སྒོམ་ལྡན་གང་ཟག་ལ། །སྲས་བཅས་རྒྱལ་བས་བསྔགས་པའི་མེ་ཏོག་འཐོར། །དེ་ཕྱིར་རྙེད་དཀའི་དལ་འབྱོར་ཐོབ་དུས་འདིར། །ངེས་འབྱུང་བྱང་ཆུབ་སེམས་ཀྱིས་ཀུན་བསླངས་ནས། །བསླབ་གསུམ་རྣམ་དག་རང་གཞན་ཕན་དང་བདེར། །འགོད་པའི་གཡར་དམ་བརྟན་པོ་ལྷུར་བཞེས་གསོལ། །དེ་ལྟར་ལྷག་བསམ་དག་པས་སྨྲས་པའི་དགེས། །བསྟན་འཛིན་ཞབས་བརྟན་བཤད་སྒྲུབ་བསྟན་པ་དང་། །འཇིག་རྟེན་བདེ་ཞིང་མཐའ་ཡས་འགྲོ་བ་ཀུན། །ཕན་བདེའི་དགེ་ལེགས་འཕེལ་བའི་བཀྲ་ཤིས་ཤོག །ཅེས་པའང་བཟོ་གནས་སྤྲུལ་པའི་སྐུའི་རིག་ལམ་རྒྱ་མཚོར་བྱང་ཆུབ་ཅིང་། དཀོན་མཆོག་དང་ལས་འབྲས་ལ་རྩེ་གཅིག་ཏུ་གུས་

[Full Size]

པའི་དགེ་བའི་བཤེས་གཉེན་ཀརྨ་ཆོས་འཕེལ་གྱི་ཐུགས་བཞེད་ལྟར། རིས་མེད་པའི་བསྟན་པ་ལ་དག་པའི་སྣང་བ་གཅིག་ཏུ་དཀར་ཞིང་། དམ་པའི་སྐྱེས་བུ་དུ་མས་རྗེས་སུ་བཟུང་བ་འཇིགས་བྲལ་གྱི་སློབ་དཔོན་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོས་རབ་ཚེས་ལྕགས་ཕོ་རྟའི་ལོའི་རྒྱལ་ཟླ་བའི་དཀར་ཕྱོགས་ཀྱི་རྒྱལ་བ་གསུམ་པ་ལ་ཤར་མར་སྤེལ་བ་དོན་དང་ལྡན་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། སརྦ་དཱ་ཀ་ལྱཱ་ཎཾ་བྷ་བ་ཏུ། །

[Full Size]

ཤོག་སྟོང་

ཟབ་པ་དང་རྒྱ་ཆེ་བའི་ཆོས་ཀྱི་ཐོབ་ཡིག་རིན་པོ་ཆེའི་དོ་ཤལ།

[Full Size]

༄༅། །རཏྭཱ བ ཧཱ ར ག ལྷི རོ དཱ ར ས དྡྷ ཎྞཾ པྲབྷ ཀཱ ར ནཱ མ བི ཧ ར ཏི སྨ།
༄༅། །ཟབ་པ་དང་རྒྱ་ཆེ་བའི་ཆོས་ཀྱི་ཐོབ་ཡིག་རིན་པོ་ཆེའི་དོ་ཤལ་ཅེས་བྱ་བ་བཞུགས་སོ། །

[Full Size]

། སྡེབ་སྦྱོར་མཉམ་པའི་ཕྲིཏྟ་ཡི་གེ་བཅོ་བརྒྱད་པ་བསྟན་འཛིན་གྱི་བྱེ་བྲག་མེ་ཏོག་གཡོ་བའི་འཁྲི་ཞིང་ཞེས་བྱ་བའི་ཕྲ་སྣ་རས་མཛེས་པར་བྱ་པ་དགེ། །།
གཟོད་ནས་འགྱུར་ཤིན་ཏུ་ཞི་བ་འོད་གསལ་ཆེན་པོ་ཆོས་ཀྱི་སྐུ། །ཟུང་འཇུག་ཡེ་ཤེས་མཚོགགི་རྣམརོལ་ཡན་ལག་བདུན་ལྡན་ལོངས་སྤྱོདརྫོགས། །

[Full Size]

མཐའ་ཀླས་གདུལ་བྱའི་བསམ་པའི་རྗེས་བགྲོ་སྣ་ཚོགས་གཟུགས་ཅན་སྤྲུལ་པའི་སྐུ། །སྐུ་གསུམ་དབྱེར་མེད་དཔལ་ལྡན་བླ་མས་བྱང་ཆུབ་བར་དུ་སྐྱོང་གྱུར་ཅིག །བྲལ་

[Full Size]

དང་སྨིན་པའི་ཡོན་ཏན་རྨད་བྱུང་དོན་གཉིས་མཐར་ཕྱིན་རྫོགས་སངས་རྒྱས། །འགོག་དང་ལམ་གྱི་བདེན་པས་བསྡུས་པ་ཞི་བསིལ་ཆགས་བྲལ་དམ་པའི་ཆོས། །རིག་གྲོལ་རྣམ་ཐར་བརྒྱད་ཀྱི་རང་གཟུགས་ཚོགས་ཀྱི་ཞིང་གྱུར་དགེ་འདུན་ཏེ། །དཀོན་མཆོག་རིན་ཆེན་རྣམ་པ་གསུམ་གྱིས་ཤིས་པའི་མེ་ཏོག་ཆར་དུ་བསྙིལ། ༢ །ལྷན་སྐྱེས་རྣམ་ཀུན་མཆོག་ལྡན་དབྱིངས་ལས་སྒྱུ་འཕྲུལ་དྲྭ་བའི་སྤྲིན་བཀོད་པ། །ཞི་ཆགས་ཁྲོ་བོའི་ཉམས་འགྱུར་མཐའ་ཀླས་གང་འདུལ་སྒྱུ་མའི་སྐུར་སྣང་བ། །རྒྱུད་སྡེ་དྲུག་གི་ཡི་དམ་ལྷ་དང་གནས་གསུམ་དཔའ་བོ་རྣལ་འབྱོར་མས། །མཆོག་ཐུན་དངོས་གྲུབ་རྒྱ་མཚོའི་གནས་ལ་གེགས་མེད་ཉིད་དུ་དབུགས་འབྱིན་མཛོད། ༣ །ཀུན་བཟང་རིགས་ལྔ་གསང་བདག་དཔའ་བོ་རིགས་ཅན་དྲ་མ་རྣམ་པ་ལྔ། །དགའ་རབ་ཤྲཱི་སེང་ཛྷཱ་ན་སཱུ་ཏྲ་དཔལ་ཆེན་གྲུབ་པའི་སློབ་དཔོན་བརྒྱད། །འཛམ་གླིང་མཛེས་པའི་རྒྱན་མཆོག་དྲུག་དང་རྣལ་འབྱོར་དབང་ཕྱུག་བརྒྱད་ཅུ་སོགས། །བརྒྱུད་གསུམ་རིག་འཛིན་པཎ་གྲུབ་རྒྱ་མཚོའི་ཞབས་སེན་ནོར་བུར་ཕྱག་བགྱིའོ། ༤ །ཁྱད་པར་ཀ་དག་ཆུ་གཏེར་ཀློང་ལས་ལྷུན་གྲུབ་སྣང་བཞིའི་ཆུ་སྐྱེས་སྦུབས། །ཟུང་འཇུག་འཇའ་ལུས་རྡོ་རྗེའི་སྐུར་སྣང་སྲས་བཅས་རྒྱལ་བའི་ཕྲིན་ལས་པ། །གངས་ཅན་འགྲོ་ལ་བཀའ་དྲིན་མཚུངས་མེད་སངས་རྒྱས་གཉིས་པ་ཨོ་རྒྱན་རྗེའི། །རྣམ་པར་ཐར་པ་དྲན་

[Full Size]

པའི་མོད་ནས་རབ་གུས་པདྨོ་སྙིང་དབུས་འཛུམ། ༥ །བསྟན་པའི་རྩ་བ་ཆོས་འདུལ་སྲོལ་འབྱེད་བྱང་ཆུབ་སེམས་དཔའ་ཞི་བ་འཚོ། །འཇིག་རྟེན་མིག་གཅིག་བེ་རོ་ཙ་ན་སྐ་ཅོག་ལ་སོགས་ལོ་པཎ་དང་། །རིགས་གསུམ་སྒྱུ་འཕྲུལ་ཆོས་རྒྱལ་མེས་དབོན་གཉགས་གནུབས་ཟུར་པ་རོང་ཟོམ་ཆེ། །ཉང་རལ་ཆོས་དབང་ཀུན་མཁྱེན་རྗེ་སོགས་བཀའ་གཏེར་བསྟན་འཛིན་རྒྱ་མཚོར་འདུད། ༦ །ཆེས་ཆེར་ཤིན་ཏུ་སྙིགས་མའི་དུས་འདིར་ནང་རྒྱུད་སྡེ་གསུམ་ཉིན་མོར་བྱེད། །སླར་ཡང་འདྲེན་པའི་ཤིང་རྟ་གཅིག་གྱུར་ཆོས་ཀྱི་རྒྱལ་པོ་གཏེར་བདག་གླིང་། །ཡབ་སྲས་བརྒྱུད་པར་བཅས་པའི་རྣམ་ཐར་ཟླ་ཤེལ་བདུད་རྩིའི་འཛུམ་དཀར་ལ། །གུས་པ་ཆེན་པོའི་ཀུ་མུ་ད་དཔལ་སྙིང་གི་དབུས་སུ་ལྷག་པར་གྲོལ། ༧ །མི་འགྱུར་འཕོ་མེད་རྣམ་ཀུན་མཆོག་ལྡན་ཡེ་ཤེས་རྡོ་རྗེའི་མཁའ་དབྱིངས་སུ། །ཐུགས་རྗེའི་རྣམ་འཕྲུལ་སྣང་བའི་མུ་ཁྱུད་གཟུགས་ཅན་བཞིན་དུ་འཆར་བའི་མོད། །བསྟན་འགྲོའི་ཕན་བདེའི་པདྨོ་རྒྱས་མཛད་དབང་གི་རྒྱལ་པོར་གྲགས་འབར་བའི། །ཞབས་སེན་བཀྲ་ཤིས་རེ་ཁཱ་གསར་པས་བྱང་ཆུབ་བར་དུ་རྗེས་སུ་ཟུངས། ༨ །འཇམ་དཔལ་དབྱངས་དངོས་ཚུལ་གནས་ཁྲིམས་ལྡན་འདུལ་འཛིན་བྱེ་བའི་གཙུག་རྒྱན་དང་། །པདྨའི་རིང་ལུགས་ཉིན་བཞིན་གསལ་མཛད་དབང་གི་རྒྱལ་པོ་རྡོ་རྗེ་འཛིན། །ཕྲིན་ལས་ཆོས་ཀྱི་སྒྲོན་མའི་སྣང་བས་ཐར་

[Full Size]

པའི་ལམ་བཟང་སྟོན་མཁས་པའི། །དཀྱིལ་འཁོར་རྒྱ་མཚོའི་ཁྱབ་བདག་རྣམ་གསུམ་གུས་པའི་གཙུག་གིས་རྟག་ཏུ་མཆོད། ༩ །མཁས་ཤིང་ཤིན་ཏུ་གྲུབ་པའི་ཁྱུ་མཆོག་རྒྱལ་སྲས་གཞན་ཕན་མཐའ་ཡས་དང་། །འཇམ་དབྱངས་སྙིང་རྗེའི་ཡེ་ཤེས་རྣམ་རོལ་ལུང་རྟོགས་ཆོས་ཀྱི་རྒྱལ་མཚན་ཞབས། །ཟབ་རྒྱས་གདམས་པའི་བསྟན་པ་འཛིན་མཛད་མཁྱེན་བརྩེའི་ཡོན་ཏན་དཔལ་འབར་བའི། །བཀའ་དྲིན་ཟླ་བྲལ་འདྲེན་པ་གསུམ་ལ་གཅིག་ཏུ་བསྔགས་པའི་མེ་ཏོག་འཐོར། ༡༠ །བཅུ་ཕྲག་རིག་ལམ་སྨྲ་བའི་དབང་པོ་བསྟན་འཛིན་སྐྱེས་མཆོག་པཎྜི་ཏ། །སུམ་ལྡན་རྡོ་རྗེ་འཛིན་པའི་དེད་དཔོན་རིག་འཛིན་འགྱུར་མེད་ཚེ་དབང་ཞབས། །གཙུག་ལག་གཞུང་མང་གཟིགས་པའི་སྤྱན་ཡངས་མ་ཎིའི་མཚན་གྱི་སྒེག་འཆང་བའི། །ཐུགས་རྗེའི་དབང་ཕྱུག་མཁས་གྲུབ་གསུམ་གྱིས་རྣམ་ཀུན་ཤིས་པའི་མེ་ཏོག་སྩོལ། ༡༡ །གཞན་ཡང་ལེགས་གསུངས་མཐའ་དག་སྩོལ་མཁས་རབ་འབྱམས་སྨྲ་བ་མི་ཕམ་སོགས། །བདག་རྒྱུད་དད་གསུམ་ཞིང་ས་གཤིན་པོར་སྨིན་གྲོལ་གདམས་པའི་ཟིལ་དངར་གྱིས། །དོན་གཉིས་ཨུཏྤལ་སྙེ་མ་རྒྱས་མཛད་རིས་མེད་ཡོངས་འཛིན་མཆོག་རྣམས་ལ། །ཚད་མེད་བཀའ་དྲིན་རྗེས་སུ་དྲན་པའི་གུས་པ་ཆེན་པོས་ཕྱག་འཚལ་ནས། ༡༢ །དེ་དག་ཐུགས་རྗེའི་འཇུག་པ་ལ་བརྟེན་ཟབ་ཅིང་རྒྱ་ཆེའི་དམ་པའི་ཆོས། །ཇི་ལྟར་ཐོབ་པའི་ཚུལ་

[Full Size]

ལས་ཉེར་བརྩམས་བརྗོད་པ་ཉུང་ངུ་རྣམ་གསལ་བ། །ཡིད་འཕྲོག་རིན་ཆེན་དོ་ཤལ་གསར་པ་རང་ཉིད་དད་པའི་ཟུར་ཕུད་དང་། །སྐལ་བཟང་རྣ་བའི་རྒྱན་དུ་བཀོད་འདིར་དོན་གཉེར་ཚོགས་རྣམས་དགའ་བས་ཉོན། ༡༣ །ཞེས་དགེ་ལེགས་སུ་བྱ་བ་དང་བརྩམ་པར་དམ་བཅའ་བའི་ཚིག་གི་ཕྲེང་བ་ཅུང་ཟད་ཀྱིས་མདུན་བསུས་ཏེ། གང་ལས་སུ་བགྱི་བ་ནི། འདི་ལྟར་གཟོད་མ་ནས་ཤིན་ཏུ་ཞི་བའི་དབྱིངས་སུ་རིག་པའི་ཡེ་ཤེས་རང་གྲོལ་བས་སྐུ་དང་ཡེ་ཤེས་འདུ་འབྲལ་མེད་པའི་ངང་ལས་མ་གཡོས་བཞིན་དུ། ཚད་མེད་པའི་སྙིང་རྗེ་དང་སྨོན་ལམ་ཆེན་པོའི་གཞན་དབང་ལ་བརྟེན་ནས། རང་སྣང་ཤིན་ཏུ་རྣམ་པར་དག་པ་རྡོ་རྗེའི་འོག་མིན་དང་། ས་དགུ་པ་ལ་སྣང་བའི་འོག་མིན་ཙམ་པོ་པ་དང་། ས་བརྒྱད་པ་ལ་སྣང་བའི་བཏགས་པའི་འོག་མིན་སོགས་སུ་རིགས་དྲུག་གི་ཁྱབ་བདག་སྟོན་པ་ཀུན་བཟང་རྡོ་རྗེ་འཆང་ཆེན་པོ་ཉིད། དེ་བཞིན་གཤེགས་པ་དང་། རྡོ་རྗེ་དང་། རིན་པོ་ཆེ་དང་། པདྨ་དང་། ལས་ཀྱི་རིགས་སུ་རྣམ་པར་འཕྲུལ་ཞིང་། རྡོ་རྗེ་མི་ཤིགས་པ་ནཱ་དའི་རང་གདངས་ལས་ཆོས་ཀྱི་འཁོར་ལོའི་ཚུལ་རྟག་ཏུ་བསྐོར་བ་དང་། དེ་དག་གི་ཐུགས་རྗེའི་གཟུགས་བརྙན་རང་བཞིན་དང་། འགྲོ་འདུལ་སྤྲུལ་པའི་ཞིང་ཁམས་རྒྱ་མཚོར་གདུལ་བྱ་སྣ་ཚོགས་པའི་རིགས་ཅན་རྣམས་ལ་འཁོར་ལོས་བསྒྱུར་བའམ། ཆགས་བྲལ་གྱི་རྣམ་

[Full Size]

པ་སོགས་གང་འདུལ་འདོད་དགུར་བསྒྱུར་བའི་མཚན་དང་སྐུ་ཡི་རྣམ་རོལ་བསམ་གྱིས་མི་ཁྱབ་པར་སྟོན་པ་ལས། རེ་ཞིག་རྩོད་ལྡན་ཚེ་ལོ་བརྒྱ་པའི་དུས་འདིར་འཛམ་བུའི་ལྗོན་པས་མཚན་པའི་ལྗོངས་སུ་ཚུ་རོལ་མཐོང་བའི་འགྲོ་བ་ཐུན་མོང་གི་སྣང་ངོར་ལྷ་དང་བཅས་པའི་འཇིག་རྟེན་གྱི་སྟོན་པ་གཅིག་པུར་གྱུར་པ་མཉམ་མེད་ཤཱཀྱ་སེང་གེ་ཞེས་མཚན་གྱི་ཟླ་སྣང་དཀར་པོས་ས་གསུམ་དུ་ཁྱབ་པ་གང་དེས་ལེགས་པར་གསུངས་པའི་ཆོས་ཀྱི་ཕུང་པོ་དང་། ཐེག་པའི་བྱེ་བྲག་སོགས་བྱིས་པའི་བློ་གྲོས་ཀྱིས་བསམ་པར་མི་ནུས་ཀྱང་། མདོར་བསྡུ་བའི་དབང་དུ་བྱས་ན་བརྗོད་བྱའི་ངོས་ནས་བསླབ་པ་གསུམ་དང་། རྗོད་བྱེད་ཀྱི་ངོས་ནས་སྡེ་སྣོད་གསུམ་དུ་འདུ་ཞིང་། དེ་ཐམས་ཅད་ཉམས་སུ་བླང་བའི་ཚུལ་གྱི་མངོན་པར་རྟོགས་པའང་། དཔལ་མགོན་འཕགས་པ་དབྱིག་གཉེན་གྱིས། ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །ཞེས་རང་རང་གིས་ཇི་ལྟར་ཁས་བླངས་པའི་ཚུལ་ཁྲིམས་རྣམ་པར་དག་པས་གཞིར་བཟུང་སྟེ། ཐོས་བསམ་སྒོམ་གསུམ་ལ་རིམ་གྱིས་ཞུགས་པ་ཉིད་ཡིན་ལ། དེའི་རྒྱུ་མཚན་ཀྱང་། ཡིད་ཅན་ཐམས་ཅད་འཁོར་བར་འཆིང་བའི་རྩ་བ་ནི་འཇིག་ལྟ་དང་མཚུངས་པར་ལྡན་པའི་བདག་ཏུ་འཛིན་པ་ཁོ་ན་ལས་གཞན་མ་དམིགས་པའི་ཚུལ། དཔལ་ཆོས་ཀྱི་གྲགས་པས་ཚད་མ་རྣམ་འགྲེལ་ལས། བདག་ཡོད་

[Full Size]

ན་ནི་གཞན་དུ་ཤེས། །བདག་གཞན་ཆ་ལས་འཛིན་དང་ལྡང་། །འདི་དག་དང་ནི་ཡོངས་འབྲེལ་ལས། །ཉེས་པ་ཐམས་ཅད་འབྱུང་བར་འགྱུར། །ཞེས་སོ། །དེའི་དངོས་ཀྱི་གཉེན་པོ་ནི་བདག་མེད་རྟོགས་པའི་ཤེས་རབ་གཅིག་པུ་ལ་རག་ལས་པ་ཡིན་ཏེ། སྔ་མ་ལས། སྟོང་ཉིད་ལྟ་དང་དེ་འགལ་ཕྱིར། །སྒོམ་པ་ལྷག་མ་དེ་དོན་ཡིན། །དེ་ཡི་རང་བཞིན་དངོས་ཀུན་དང་། །འགལ་བར་རབ་ཏུ་གྲུབ་པ་ཡིན། །ཅེས་གསུངས། དེ་ལྟ་བུའི་བདག་མེད་རྟོགས་པའི་ཤེས་རབ་ཁྱད་པར་ཅན་བསྐྱེད་པ་ལའང་། ཐོག་མར་བསམ་བྱུང་གི་ཤེས་རབ་ཀྱིས་དོན་རང་གི་མཚན་ཉིད་ཚུལ་བཞིན་དུ་ཡིད་ལ་བྱེད་པ་དང་། ཐོས་བྱུང་གི་ཤེས་རབ་ཀྱིས་དོན་སྤྱིའི་མཚན་ཉིད་གཏན་ལ་འབེབས་པ་རྣམས་རིམ་བཞིན་སྔོན་དུ་འགྲོ་དགོས་པའི་ཚུལ། རྒྱལ་བ་གཉིས་པ་མ་ཕམ་པས། འདི་ན་དང་པོར་ཐོས་པ་ལ་བརྟེན་ཚུལ་བཞིན་ཡིད་ལ་བྱེད་པ་འབྱུང་། །ཚུལ་བཞིན་ཡིད་ལ་བྱེད་པ་ལ་བརྟེན་ཡང་དག་དོན་ཡུལ་ཡེ་ཤེས་འབྱུང་། །ཞེས་དང་། འཕགས་མཆོག་ཀླུ་སྒྲུབ་ཞབས་ཀྱིས། ཤེས་རབ་རྒྱས་བྱེད་པ་ནི་ཐོས་པ་སྟེ། །བསམ་པ་དང་ནི་གཉིས་པོ་ཡོད་གྱུར་ན། །དེ་ལས་སྒོམ་པ་ཡང་ནི་རབ་ཏུ་འབྱུང་། །ཞེས་དང་། ཤེས་རབ་མཆོག་ཡིན་དེའི་གཞི་ནི། །ཐོས་པ་ཡིན་ཕྱིར་ཐོས་པ་མཆོག །ཅེས་གསུངས་པའི་ཕྱིར་དང་། གཞན་ཡང་གནས་སྐབས་སུ་ཕྱི་ནང་གི་གྲུབ་མཐའ་ཐོས་

[Full Size]

པས་བླང་དོར་གྱི་གནས་ཤེས་པ་དང་། ཚུལ་ཁྲིམས་ཀྱི་བསླབ་པ་ཐོས་པས་ཉེས་སྤྱོད་ཆེན་པོའི་གནས་ལས་ལྡོག་པ་དང་། ཏིང་ངེ་འཛིན་གྱི་བསླབ་པ་ཐོས་པས་དོན་མེད་པའི་ཡུལ་ལ་རྣམ་པར་གཡེང་བ་སྤོང་བ་དང་། མཐར་ཐུག་ཤེས་རབ་ཀྱི་བསླབ་པ་ཐོས་པས་ཟག་ཟད་མངོན་དུ་བྱས་ཏེ་མྱ་ངན་ལས་འདས་པའི་གོ་འཕང་ཐོབ་པའི་བར་དུ་འགྱུར་བ་ལ་དགོངས་ནས། བྱང་ཆུབ་སེམས་དཔའི་སྡེ་སྣོད་ལས། ཐོས་པས་ཆོས་རྣམས་ཤེས་པར་འགྱུར། །ཐོས་པས་སྡིག་ལས་ལྡོག་པར་འགྱུར། །ཐོས་པས་དོན་མེད་སྤོང་བར་འགྱུར། །ཐོས་པས་མྱ་ངན་འདས་པའང་ཐོབ། །ཅེས་དང་། སྐྱེས་རབས་ལས། ཐོས་པའི་རྗེས་ཞུགས་སྒྲུབ་པ་སྙིང་པོར་བྱེད། །སྐྱེ་བའི་རྫོང་ལས་ཚེགས་ཆུང་ཐར་བར་འགྱུར། །ཞེས་སོགས་འཕགས་དང་མཁས་པའི་ཚོགས་ཀྱིས་རྒྱུ་མཚན་དུ་མའི་སྒོ་ནས་ལན་གཅིག་མ་ཡིན་པར་བསྔགས་པས་ཡིད་དྲངས་ཏེ། །ཚེ་རབས་སྔ་མ་རྣམས་སུ་ལེགས་པར་སྤྱད་པའི་འབྲས་བུ་ཅུང་ཟད་ཀྱིས་བསྔགས་འོས་དམ་པའི་རིགས་སུ་དལ་འབྱོར་གྱི་རྟེན་སྐྱོན་མེད་འཐོབ་པའི་སྐབས་འདིར་རང་གཞན་གྱི་དོན་དུ་སྙིང་པོ་ལེན་པར་འདོད་པའི་བསམ་པ་རྣམ་པར་དག་པས་ཀུན་ནས་བསླངས་ཏེ། དཔལ་ལྡན་བླ་མ་རྡོ་རྗེ་འཆང་དང་ཞལ་མི་གཉིས་པ་རྣམས་ཀྱི་ཞབས་པད་ལ་ཡན་ལག་མཆོག་གིས་གུས་པས་བཏུད་ནས། མཉེས་པ་གསུམ་གྱིས་བསྙེན་

[Full Size]

བཀུར་བ་དང་ཆབ་གཅིག་ཟབ་པ་དང་རྒྱ་ཆེ་བའི་དམ་པའི་ཆོས་ཆ་ཙམ་ཞིག་ཐོབ་པའི་ཚུལ་རྣམས་རང་ཉིད་ཀྱི་བརྗེད་ངས་སྤོང་བ་དང་། དོན་གཉེར་ཅན་གཞན་དག་ལའང་སྨན་པའི་བསམ་པས་ཉུང་ངུ་རྣམ་གསལ་གྱི་ཚུལ་དུ་འགོད་པ་ལ། ཐོག་མར་བསྟན་པ་རིན་པོ་ཆེའི་སྒོར་ཇི་ལྟར་ཞུགས་པའི་ཚུལ། རྒྱུ་མཚན་ཉིད་ཀྱི་ཐེག་པ་ཅུང་ཟད་ཐོབ་ཚུལ། འབྲས་བུའི་ཐེག་པ་གསང་སྔགས་བཀའ་མའི་ཐོབ་ཚུལ། གཏེར་མ་རྗེས་འབྲངས་དང་བཅས་པའི་ཐོབ་ཚུལ། གསང་སྔགས་གསར་མ་རྗེས་འབྲངས་དང་བཅས་པའི་ཐོབ་ཚུལ། དེ་དག་ཀུན་གྱི་རྩ་བ་རྒྱལ་བའི་བཀའ་འགྱུར་རོ་ཅོག་ཐོབ་པའི་ཚུལ་ཏེ་དྲུག་ལས། དང་པོ་ནི། ༈ །འདིར་སྨྲས་པ། དཔལ་ལྡན་སྲིད་དང་ཞི་བའི་ཐིག་ལེར་བྱང་ཆུབ་སྙིང་པོ་མངོན་གྱུར་ཡང་། །དཔལ་ལྡན་འཇིག་རྟེན་དགེ་བའི་ཕྲིན་ལས་རྟག་པ་དམ་པར་འཆར་བའི་ཕུལ། །དཔལ་ལྡན་ཡོན་ཏན་བྱེ་བའི་འབྱུང་གནས་དཀོན་མཆོག་རིན་ཆེན་གསུམ་གྱི་དངོས། །དཔལ་ལྡན་བླ་མ་རྣམས་ཀྱི་བཀའ་དྲིན་སླར་ཡང་དྲན་པས་ཕྱག་བགྱིའོ། ༡ །ལྷག་བསམ་མཆོག་གི་ཆུ་གཏེར་ལས་བྱུང་བསོད་ནམས་དམ་པའི་མཚར་སྡུག་ཅན། །བླ་ན་ཡོད་མེད་མཆོད་པའི་སྤྲིན་ཕུང་ནམ་མཁའ་མཉམ་པས་མདུན་བདར་ཏེ། །ངེས་པར་འབྱུང་དང་བྱང་ཆུབ་སེམས་གཉིས་གསང་ཆེན་དམ་ཚིག་སྡོམ་པ་དང་། །ཚེ་རབས་ཀུན་ཏུ་ཆོས་ཚུལ་

[Full Size]

མཐའ་ཀླས་སྙིང་ནས་བཟུང་བའི་གཡར་དམ་ལེན། ༢ །ཐོག་མེད་དུས་ནས་ཉོན་མོངས་པ་དང་ལས་ཀྱི་ཀུན་འབྱུང་ལ་བརྟེན་ནས། །རང་བཞིན་ཉིད་དང་བཅས་པའི་སྡིག་ལྟུང་འདམ་རྫ་བ་སྟུག་པོའི་གཞན་དབང་གིས། །སེམས་ཀྱི་ཟླ་ཤེལ་ཁ་དོག་བསྒྱུར་བ་སྟོབས་བཞིའི་གངྒའི་རེག་པ་ཡིས། །སོ་སོར་བཤགས་པའི་སྦྱོར་བ་ལ་བརྟེན་སླར་ལ་དག་པའི་མཛེས་པའང་འབར། ༣ །སློབ་དང་མི་སློབ་འཕགས་པ་རྣམས་དང་སོ་སོ་སྐྱེ་བོའི་ཚོགས་རྣམས་ཀྱིས། །ལེགས་བཤད་ཉིན་མོར་བྱེད་པའི་འོད་ཀྱིས་ཚུལ་མིན་མུན་པ་བསྙིལ་བ་དང་། །བསོད་ནམས་ལམ་དང་མྱ་ངན་འདའ་བའི་སྣང་བ་མཆོག་གི་དཔལ་སྟེར་བར། །རྗེས་སུ་ཡི་རང་པུཎྜ་རཱི་ཀ་སྙིང་གི་དབུས་སུ་གྲོལ་བར་བགྱི། ༤ །གང་དག་ཕྱོགས་བཅུའི་འཇིག་རྟེན་ཁམས་བཞུགས་སྟོབས་བཅུ་མངའ་བ་སྲས་བཅས་ལ། །འགོག་བདེན་རྟོགས་པའི་སྤྲིན་ཆེན་འཁྲིགས་ལས་ལམ་བདེན་ལུང་གི་ཆར་རྒྱུན་གྱིས། །རིགས་ཅན་གསུམ་གྱི་བློ་ཡི་ཆུ་སྐྱེས་ཐར་པའི་ཕྱོགས་སུ་གྲོལ་བའི་སླད། །ཟབ་ཅིང་རྒྱ་ཆེའི་ཆོས་ཀྱི་འཁོར་ལོ་རྟག་པ་རྒྱུན་དུ་བསྐོར་བར་བསྐུལ། ༥ །ཞི་བའི་དབྱིངས་སུ་དགྱེས་པའི་ཚུལ་གྱིས་མྱ་ངན་འདའ་བར་སྟོན་བཞེད་རྣམས། །ཐོག་མར་སྐྱེ་བའི་འཇུག་པ་ཟད་ན་མཐར་གྱིས་འགགས་པ་མ་མཆིས་ཕྱིར། །ཚུར་མཐོང་བྱིས་པའི་བློ་ཅན་ངོར་ཡང་འཕོ་འགྱུར་མཚན་མ་མི་གཞེས་

[Full Size]

པར། །ཡིད་ཅན་ཀུན་གྱི་སྒྲོན་མེ་གཅིག་པུར་བསྐལ་པ་རྒྱ་མཚོར་བཞུགས་གསོལ་འདེབས། ༦ །དེ་ལྟར་བསགས་ལས་བྱུང་བས་ཉེར་མཚོན་དུས་གསུམ་ལེགས་བྱས་ཆུ་ཀླུང་འབུམ། །སྤྲོས་པའི་རྡུལ་དང་མཛའ་བ་མ་ཡིན་འཇམ་དཔལ་མཁྱེན་པའི་ཡོངས་བསྔོ་དང་། །འཇུག་པ་གཅིག་པའི་ཤུལ་ལམ་ལ་ཞུགས་བྱང་ཆེན་རྒྱ་མཚོར་རོ་གཅིག་པས། །དོན་གཉིས་ཀུན་དགའི་དགའ་སྟོན་གསར་བས་ས་གསུམ་མཐའ་དག་མཛེས་གྱུར་ཅིག ༧ །ཁྱད་པར་གཞན་ཕན་ཕྲིན་ལས་མཐར་ཕྱིན་འོད་གསལ་ཆེན་པོར་སྙོམས་ཞུགས་པའི། །དཔལ་ལྡན་བླ་མ་མཆོག་རྣམས་ཟབ་དགོངས་ཆོས་ཀྱི་དབྱིངས་སུ་རྫོགས་པ་དང་། །ད་ལྟར་འཚོ་གཞེས་བཤད་དང་སྒྲུབ་པས་རིས་མེད་བསྟན་འཛིན་ཇི་སྙེད་ཀུན། །བསྐལ་པ་རྒྱ་མཚོར་ཞབས་པད་བརྟན་ཅིང་རྣམ་དཀར་མཛད་པ་ལྷུན་གྲུབ་ཤོག ༨ །ཡང་སྲིད་ཀུན་ཏུ་མཚན་ཙམ་ཐོབ་དཀའ་དྲི་། མེད་ཐུབ་བསྟན་རིན་པོ་ཆེ། །སྤྱི་དང་བྱེ་བྲག་སྙིང་པོའི་རིང་ལུགས་ཉིན་བཞིན་གསལ་དང་ལྷན་ཅིག་པར། །དེར་འཛིན་རིག་གྲོལ་དགེ་འདུན་འདུས་པས་ཕྱོགས་ཀྱི་ཁམས་ཀུན་ཁྱབ་པ་དང་། །འཁོར་ལོ་གསུམ་གྱི་བགྱི་བ་རྨད་བྱུང་གོང་ནས་གོང་དུ་འཕེལ་གྱུར་ཅིག ༩ །དེ་མཐུས་ཕྱི་སྣོད་འཇིག་རྟེན་ཁམས་ཀུན་རྫོགས་ལྡན་དུས་ཀྱི་འབྱོར་པ་དང་། །ནང་བཅུད་འགྲོ་རྣམས་དགེ་བཅུའི་སྤྱོད་ཚུལ་ནོར་བུའི་རྔ་ཡབ་གཡོབ་

[Full Size]

པ་ཡིས། །གནས་སྐབས་ཚེ་བསོད་དཔལ་འབྱོར་ལ་སོགས་མཐོ་རིས་ཡོན་ཏན་ཚོགས་རྣམས་དང་། །མཐར་ཐུག་རྣམ་པ་ཐམས་ཅད་མཁྱེན་པ་སྐུ་བཞིའི་ངལ་འཚོ་བསྟེན་པར་ཤོག ༡༠ །བདག་ཀྱང་དེང་ནས་བྱང་ཆུབ་བར་དུ་དལ་འབྱོར་མཆོག་ཐོབ་བསྟན་ལ་ཞུགས། །ངེས་པར་འབྱུང་བའི་ཚུལ་ཁྲིམས་རྣམ་དག་སྨོན་འཇུག་བྱང་སེམས་སྙིང་ལ་ཤར། །གསང་ཆེན་རིམ་གཉིས་ཟབ་མོའི་ལམ་གྱིས་ཟུང་འཇུག་གོ་འཕང་མྱུར་ཐོབ་ནས། །སྐུ་དང་ཡེ་ཤེས་ཕྲིན་ལས་རྨད་བྱུང་འགྲོ་ཁམས་རྒྱ་མཚོར་སྨིན་གྱུར་ཅིག ༡༡ །དེ་ལྟར་ཕན་བདེའི་གོ་འཕང་བསྒྲུབ་ལ་མི་མཐུན་བར་དུ་གཅོད་པའི་ཚོགས། །བརྒྱུད་གསུམ་རིག་འཛིན་བླ་མས་གཉེར་གཏད་ཞིང་སྐྱོང་མ་མོ་རཱ་ཧུ་ལ། །རྒྱལ་ཆེན་སྐུ་ལྔ་ཡང་ལེ་བེར་སོགས་བསྟན་སྲུང་རྒྱ་མཚོས་ཚར་བཅད་ནས། །བསམ་དགུའི་འདོད་པ་ཡིད་བཞིན་འཇོ་བའི་ཕྲིན་ལས་ལྷུན་གྱིས་གྲུབ་པར་མཛོད། ༡༢ ། མདོར་ན་ལན་གཅིག་དྲན་པའི་མོད་ནས་སྲིད་ཞིའི་འཇིགས་པ་ཀུན་འཕྲོག་ཅིང་། །ཕུན་ཚོགས་ཤིས་དགུའི་དངོས་ཀུན་སྦྱིན་ལ་བསླུ་བ་སྤངས་པའི་གྲགས་དཀར་ཅན། །བླ་མ་མཆོག་གསུམ་ཐུགས་རྗེའི་འཇུག་པ་གཟུགས་ཅན་བཞིན་དུ་འདིར་སྣང་བས། །དགེ་ལེགས་རྟག་པ་དམ་པའི་དཔལ་གྱིས་འཇིག་རྟེན་གསུམ་ན་ཁྱབ་གྱུར་ཅིག ༡༣ །དེ་ལྟར་ཟབ་པ་དང་རྒྱ་ཆེ་བའི་དམ་པའི་ཆོས་ཀྱི་གསན་ཡིག་རིན་པོ་ཆེའི་དོ་ཤལ་

[Full Size]

ཅེས་བྱ་བ་འདི་ཉིད་ཀྱི་གཞུང་རྣམས་དུས་གསུམ་སྲས་བཅས་རྒྱལ་བའི་ཡེ་ཤེས་ཀྱི་སྐུ་གཅིག་པུ་གཏེར་ཆེན་ཆོས་ཀྱི་རྒྱལ་པོ་འགྲོ་འདུལ་གཏེར་བདག་གླིང་པའི་གསན་ཐོ་སོགས་ལ་གཞི་མཛད་ནས་སྐྱབས་མཆོག་འཁོར་ལོའི་མགོན་པོ་ཁྲི་ཆེན་རྡོ་རྗེ་འཆང་འགྱུར་མེད་སངས་རྒྱས་ཀུན་དགའ་ཉིད་ཀྱི་ཞལ་སྔ་ནས་ལྗགས་བསྒྲིགས་གནང་འདུག་པར། སླར་གོང་འོག་གི་བརྗོད་པ་འདི་ལྟ་བུ་ཞིག་སྦྱོར་བར་གྱིས་ཤིག་ཅེས་བཀའ་སྩལ་ནོར་བུའི་ཅོན་པན་སྤྱི་བོར་བཅིངས་པ་ལ་བརྟེན་ནས། རིས་མེད་པའི་བསྟན་པ་ལ་མཆོག་ཏུ་དད་ཅིང་། མཁས་ཤིང་དངོས་གྲུབ་བརྙེས་པའི་ཡོངས་འཛིན་དམ་པ་རྒྱ་མཚོའི་ཞབས་རྡུལ་ལ་སྤྱི་བོས་རེག་པ་མང་དུ་ཐོས་པའི་ཤར་མདོ་ཁམས་ཀྱི་བཙུན་པ་ཆོས་སྨྲ་བའི་གཟུགས་བརྙན་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་ཞེས་བྱ་བའི་རྒྱལ་ཁམས་ཀྱི་དཱ་རི་དྲྭས་འོག་མིན་ཨོ་རྒྱན་སྨིན་གྲོལ་གླིང་ངེས་པ་དོན་གྱི་དགའ་བའི་ཚལ་ཆེན་པོར་སྦྱར་བའི་དགེ་བས་སྐྱབས་མགོན་བླ་མ་མཆོག་ཉིད་ཞབས་པད་བསྐལ་བརྒྱར་བརྟན་ཅིང་ཆོས་ཀྱི་འཁོར་ལོ་རྟག་ཏུ་བསྐོར་བ་ལ་བརྟེན་ནས། ཐུབ་བསྟན་རིན་པོ་ཆེ་སྤྱི་དང་། ཁྱད་པར་སྔ་འགྱུར་རྡོ་རྗེ་ཐེག་པའི་རིང་ལུགས་ཕྱོགས་དང་དུས་ཐམས་ཅད་དུ་དར་ཞིང་རྒྱས་ལ་ཡུན་རིང་དུ་གནས་པར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། ༈ །།འཇམ་པའི་

[Full Size]

དབྱངས་དངོས་རྗེ་བཙུན་ཙོང་ཁ་པ། སྤྱན་རས་གཟིགས་དབང་འགྲོ་མགོན་ཕག་གྲུའི་ཞབས། །གསང་བའི་བདག་པོ་ཞང་སྟོན་བརྩོན་འགྲུས་གྲགས། །མཁྱེན་བརྩེ་ནུས་གཏེར་གསུམ་ལ་གསོལ་བ་འདེབས། །དམ་པ་རྣམས་ལ་གུས་པས་གསོལ་བཏབ་མཐུས། །ཡུལ་ཕྱོགས་ཀུན་ཏུ་ནད་མུག་མཚོན་འཁྲུགས་ཞི། །ཚེ་དཔལ་འབྱོར་པ་དབྱར་གྱི་མཚོ་བཞིན་འཕེལ། །བསྟན་འགྲོའི་ཕན་བདེ་རྒྱས་པར་བྱིན་གྱིས་རློབས། །ཞེས་པའང་དགེ་སློང་རྡོ་རྗེ་འཛིན་པ་མཁན་པདྨ་དྲི་མེད་ཆོས་ཀྱི་བློ་གྲོས་ཐུབ་བསྟན་སྨྲ་བའི་དབང་པོས་སྙིགས་དུས་ཀྱི་རྒུད་པ་ཞི་ཞིང་། ཕན་བདེའི་ལེགས་ཚོགས་རྒྱས་པར་སྤེལ་བའི་ཆེད་རྗེ་ཕག་ཞང་གསུམ་གྱི་སྣང་བརྙན་རིན་པོ་ཆེ་བཞེངས་པ་ལ་མངོན་དུ་ཕྱོགས་པའི་སྐབས་དམ་པ་གསུམ་གྱི་ཐུགས་དམ་སྐུལ་བའི་གསོལ་འདེབས་སྨོན་ལམ་དང་བཅས་པ་འདིའང་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སིདྡྷི་རསྟུ།། ༈ །།ཨོཾ་སྭ་སྟི་པྲ་ཛེ་ཐུབ་དབང་གནས་བརྟན་འཕགས་ཚོགས་ཀྱི། །བསོད་ནམས་བརྒྱ་ལས་གྲུབ་པའི་དཔལ། །མཚན་བཟང་རི་མོར་བཞེངས་པའི་དགེས། །འགྲོ་རྣམས་ཀུན་མཁྱེན་མྱུར་ཐོབ་ཤོག །ཅེས་པའང་ཕུན་སུམ་ཚོགས་པའི་དཔལ་གྱི་འབྱོར་པ་མཛོད་འཛིན་ཤེས་རབ་ལགས་ཀྱིས་བསོད་ནམས་ཀྱི་བྱ་བར་འདུ་མཛད་པའི་ཐུབ་དབང་གནས་བཅུའི་ཞལ་ཐང་གི་སྨོན་ཚིག་ཏུ་

[Full Size]

འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སརྦ་དཱ་ཀ་ལྱཱ་ཎཾ་བྷ་བ་ཏུ།། ༈ །།ཨོཾ་སྭ་སྟི་སིདྡྷཾ། འཕགས་པའི་གནས་བརྟན་མཆོག་རྣམས་ཀྱི། །སྣང་བརྙན་བཞེངས་པའི་བསོད་ནམས་ཀྱིས། །འགྲོ་ཀུན་རྫོགས་སྨིན་སྦྱང་གསུམ་གྱི། །མཐར་སོན་བྱང་ཆུབ་མྱུར་ཐོབ་ཤོག །ཅེས་པའང་དད་གཏོང་འབྱོར་པའི་ནོར་གྱིས་མངོན་པར་མཐོ་བ་མཛོད་འཛིན་པྲཛྙཱའི་མཚན་ཅན། གྱིས་བསོད་ནམས་བྱས་པའི་དངོས་པོ་ཡོངས་སུ་བསྔོ་བ་འདིའང་འཇམ་དབྱངས་མཁྱེན་བརྩེའི་དབང་པོས་བྲིས་པ་སིདྡྷི་རསྟུ།། ༈ །།ཨོཾ་སུ་ཤེ་ཡནྟུ། སྦྲ་བཱི་ར་ཆེ་རྣམས་ཀྱི། །མཚན་བཟང་རི་མོར་བཞེངས་པ་ཡིས། །བསོད་ནམས་དམ་པས་འབྲེལ་ཚད་ཀུན། །དོན་གཉིས་མཐར་ཕྱིན་བཀྲ་ཤིས་སྩོལ། །ཅེས་པའང་འཕགས་ནོར་དམ་པའི་མཛོད་འཆང་ཤེས་རབ་ལགས་ཀྱིས་ལེགས་མཛད་བསོད་ནམས་ཀྱི་ཕུང་པོར་འདུ་བགྱིས་པའི་སྨོན་ཚིག་འདིའང་འཇམ་དབྱངས་མཁྱེན་བརྩེའི་དབང་པོས་བྲིས་པ་སུ་ཤུ་བྷ་ཡཱ་ཏྲ།། ༈ །།ཨོ་སུ་ལཀྵ་ཀུ་རྒནྟུ། འཕགས་རྣམས་དགྱེས་པའི་མཚན་དཔེའི་དཔལ། །ལེགས་བྱས་མགྲོན་དུ་འདུ་བགྱིས་པའི། །དགེ་བས་ཁམས་གསུམ་ཡིད་ཅན་ཀུན། །བྱང་ཆུབ་སྙིང་པོར་རོ་གཅིག་ཤོག །ཅེས་བསྔགས་འོས་དམ་པའི་མཛོད་འཆང་ཤེས་རབ་ལགས་ཀྱིས་རྣམ་དཀར་གྱི་འབྲས་བུ་བསྔོ་སྨོན་གྱིས་མཚམས་སྦྱར་བ་འདིའང་

[Full Size]

འཇམ་དབྱངས་མཁྱེན་བརྩེའི་དབང་པོས་བྲིས་པ་མངྒ་ལཾ་བྷ་བ་ཏུ།། ༈ །།ཨོཾ་སྭསྟི་ཤྲཱི་བི་ཛ་ཡནྟུ། གནས་བརྟན་ཆེ་རྣམས་གཟུགས་སྐུའི་ཟླ། །ཀཱ་ཤིའི་དྭང་མཚོར་སྣང་བྱས་པའི། །ལེགས་སྤྱད་འབྲས་བུས་འགྲོ་བ་ཀུན། །ཕན་བདེའི་དགེ་མཚན་རྒྱས་གྱུར་ཅིག །ཅེས་པའང་ལུགས་གཉིས་རྒྱ་མཚོར་དཔྱོད་པའི་བློ་གྲོས་སོགས་འཕགས་ནོར་དམ་པའི་གན་མཛོད་འཆང་བ་སྐུ་ཞབས་པྲཛྙཱའི་མཚན་ཅན་གྱི་ལེགས་བྱས་ཡོངས་སུ་བསྔོ་བ་དང་སྨོན་ཚིག་གིས་བྱང་ཆུབ་མཆོག་གི་འབྱོར་པ་རྒྱས་པར་སྤེལ་བ་འདིའང་འཇམ་དབྱངས་མཁྱེན་བརྩེའི་དབང་པོས་བྲིས་པ་སརྦ་དཱ་སུ་ཁྲེ་ཡསྤྲུཊཾ་བྷཱུ་ཡ་ཏ།། ༈ །།ཨོཾ་ཨཱཿཧཱུྃ་གུ་རུ་བྷ་ཊྚཱ་ར་ཀཱ་ཏཱ་རཱ་སིདྡྷི་ཧཱུྃ། རྗེ་བཙུན་མྱུར་མ་དཔའ་མོ་སོགས། །རྩ་གསུམ་རྒྱ་མཚོའི་ཡེ་ཤེས་བྱིན། །དམ་ཚིག་རྟེན་འདིར་རྟག་བཞུགས་ནས། །མཆོག་ཐུན་དངོས་གྲུབ་བྱིན་ཆར་ཕོབས། །ཞེས་པའང་མི་རྗེ་ཕྱག་མཛོད་ཤེས་རབ་ལགས་ཀྱི་ཐུགས་དམ་ཐང་ཀའི་ཞལ་བྱང་དུ་འཇམ་དབྱངས་མཁྱེན་བརྩེའི་དབང་པོས་བྲིས་ཏེ་གསོལ་བ་བཏབ་པ་སིདྷཾ་བྷ་བ་ཏུ།། ༈ །ཨོཾ་ཨཱགུ་རུ་བཛྲ་དྷཱ་ར་ཝཱ་གིནྡྲ་སུ་དྷི་ས་མུ་དྲ་སརྦ་སིདྡྷི་མྨེ་པྲ་ཡཙྪནྟུ་ཧཱུྃ། བླ་མ་འཇིག་རྟེན་དབང་ཕྱུག་དང་། །ཆོས་སྲུང་ནོར་ལྷའི་བྱིན་རླབས་མཆོག །རྟེན་འདིར་བཞུགས་ནས་སྐལ་བཟང་གི །བསམ་སྦྱོར་ཆོས་བཞིན་འགྲུབ་མཛད་གསོལ། །ཅེས་པའང་སྐུ་ཞབས་ཕྱག་མཛོད་

[Full Size]

པྲཛྙཱའི་མཚན་ཅན་གྱི་དད་རྟེན་ཐང་ཀའི་ཞལ་བྱང་དུ་འཇམ་དབྱངས་མཁྱེན་བརྩེའི་དབང་པོས་བྲིས་ཤིང་གུས་པས་གསོལ་བ་བཏབ་པ་སརྦ་དཱ་སུ་ཤེ་ཡསིདྡྷི་རསྟུ།། ༈ །།ཨོཾ་སྭ་སྟི། དཀོན་མཆོག་རྩ་གསུམ་རྒྱ་མཚོའི་སྤྱི་དཔལ་ཆེ། །སྐྱབས་ཀུན་འདུས་ཞལ་པདྨ་འོད་འབར་གྱིས། །མཁྱེན་བརྩེ་ནུས་པའི་བྱིན་རླབས་རྟེན་འདི་ལ། །རྟག་པར་བཞུགས་ནས་མཆོག་ཐུན་དངོས་གྲུབ་སྩོལ། །ཅེས་པའང་རིགས་ལྡན་སའི་དབང་ཕྱུག་ཆེན་པོའི་ཐུགས་དམ་ཐང་ཀའི་ཞལ་བྱང་དུ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པའི་སྡེས་བྲིས་ཏེ་གསོལ་བ་བཏབ་པ་སིདྡྷི་ར་སྐུ།། ༈ །།ཨོཾ་སྭ་སྟི་པྲ་ཛེ་བྱིན་རླབས་དངོས་གྲུབ་ཕྲིན་ལས་རྩ་བ་གསུམ། །ཀུན་དྲིལ་ཡིད་བཞིན་ནོར་བུའི་སྒྲུབ་པའི་རྟེན། །དམ་ཚིག་ཕྱག་རྒྱར་ཡེ་ཤེས་རྟག་བཞུགས་ནས། །མཆོག་ཐུན་གྲུབ་པ་རྒྱ་མཚོའི་བྱིན་ཆར་ཕོབས། །ཞེས་པའང་ལུང་ཟིན་སྤྲུལ་པའི་ཆོས་རྒྱལ་ཆེན་པོའི་ཐུགས་དམ་ཐང་ཀའི་ཞལ་བྱང་དུ་པདྨ་འོད་གསལ་མདོ་སྔགས་གླིང་པ་མཁྱེན་བརྩེའི་ལྷས་བྲིས་ཏེ་གསོལ་བ་བཏབ་པ་སརྦ་དཱ་སུ་ཤེ་ཡོ་བྷ་བ་ཏུ།། ༈ །།ཨོ་པདྨོ་ཡོ་གི་ནཱི་ཛྙཱ་ན་ཝཱ་ར་ཧཱི་ཧཱུྃ། ཨ་ཧོ། ཨོ་ཡིག་དྭངས་མ་ལྔ་ལྡན་བདེ་ཆེན་གྱི་པདྨོ། །ཡོ་གི་ནི་ཡི་སྐུ་ཅན་ཟུང་འཇུག་གི་ཛྷཱ་ན། །ཝཱ་ར་ཧཱི་ཞེས་ཞུ་བ་དེ་མི་རྟོག་པའི་བྱིན་ཆར། །ཧཱུྃ་གིས་

[Full Size]

བསྐུལ་བས་སྒྲུབ་ལ་མངོན་སུམ་དུ་སྩོལ་ཅིག །ཅེས་པའང་སྒྲུབ་བརྩོན་ཨཱ་ནནྡའི་དམ་ཚིག་གི་བྲིས་སྐུའི་ཞལ་བྱང་དུ་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པ་མཁྱེན་བརྩེའི་ལྷས་གསོལ་བ་བཏབ་པ་སིདྡྷི་ར་སྟུ།། ༈ །།ཨོཾ་སྭསྟི། བླ་མ་ཡི་དམ་ཆོས་སྲུང་ནོར་ལྷ་ཡི། །སྣང་བརྙན་བཞེངས་པའི་དགེ་བས་དམིགས་ཡུལ་གྱི། །སྒྲིབ་གཉིས་ཀུན་བྱང་བདེ་ལྡན་ཞིང་དུ་བགྲོད། །འབྲེལ་ཚད་ཚེ་དཔལ་འབྱོར་པ་རྒྱས་གྱུར་ཅིག །ཅེས་པའང་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་ལྷས་གསོལ་བ་བཏབ་པ་སིདྡྷི་རསྟུ།། ༈ །།ཨོཾ་སྭ་སྟི་སིདྡྷཾ། ཞི་ཁྲོ་རིགས་འདུས་ཡེ་ཤེས་དཀྱིལ་འཁོར་ཆེ། །ལྷག་པ་གཟུགས་བརྙན་རྟེན་འདིར་རྟག་བཞུགས་ནས། །ཏིང་འཛིན་སྒྱུ་འཕྲུལ་དྲྭ་བའི་རོལ་མོ་ཡིས། །ངན་སོང་དོང་སྤྲུགས་འགྲོ་ཀུན་ཡོངས་གྲོལ་ཤོག །ཅེས་པའང་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པ་མཁྱེན་བརྩེའི་ལྷས་བསོད་ནམས་ཀྱི་དངོས་པོར་འདུ་བགྱིས་ཤིང་སྨོན་ཚིག་ཞལ་བྱང་དང་བཅས་དགེ་བའི་བཤེས་གཉེན་སྡོམ་བརྩོན་མདོ་རྒྱུད་འཛིན་པ་ལུང་རྟོགས་བསྟན་པའི་ཉི་མའི་ཚོམ་བུ་ཚོགས་ཀྱི་སྒྲུབ་པའི་རྟེན་དུ་ཕུལ་བ་མཐོང་ཐོས་དྲན་རེག་གི་འགྲོ་རྣམས་ཀུན་བཟང་རྡོ་རྗེ་སེམས་དཔའི་གོ་འཕང་ལ་འགོད་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །སརྦ་

[Full Size]

དཱ་ཀ་ལྱཱ་ཎཾ་བྷ་བ་ཏུ།། ༈ །།ཨོ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། འཆི་མེད་རྟག་པ་དམ་པའི་ཡེ་ཤེས་ཕྱག་རྒྱའི་གཟུགས་སུ་རྣམ་འཕྲུལ་བ། །རྩ་གསུམ་ཆོས་སྲུང་རྒྱ་མཚོའི་བྱིན་རླབས་རྟེན་འདིར་མངོན་སུམ་བཞིན་བཞུགས་ནས། །བསྟན་འཛིན་ཞབས་བརྟན་དགེ་འདུན་སྡེ་འཕེལ་བཤད་སྒྲུབ་ལས་གསུམ་ཕྲིན་ལས་རྒྱས། །འགྲོ་ཀུན་གྲོལ་བ་བཞི་ལྡན་ལམ་ལས་བྱང་ཆུབ་སྙིང་པོར་རོ་གཅིག་ཤོག །ཅེས་པའང་སྔ་འགྱུར་བཤད་སྒྲུབ་ཀྱི་ཆུ་གཏེར་ཆེན་པོ་དཔལ་ཡུལ་རྣམ་རྒྱལ་བྱང་ཆུབ་ཆོས་གླིང་གི་ཆོས་སྨྲ་བའི་ཁྱུ་མཆོག་སྤྲུལ་པའི་སྐུ་རིན་པོ་ཆེ་པདྨ་མདོ་སྔགས་བསྟན་འཛིན་ངེས་གསང་ཆོས་ཀྱི་སྣང་བའི་ཐུགས་བཞེད་བཞིན། མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་པདྨ་འོད་གསལ་མདོ་སྔགས་གླིང་པས་བྲིས་པ་སརྦ་དཱ་སུ་ཤེ་ཡསྶིདྡྷི་རསྟུ།། ༈ །།ཨོྃ་བཛྲ་སཏཱ་དཔལ་ལྡན་སངས་རྒྱས་ཀུན་གྱི་ཡེ་ཤེས་འོ། དང་། །མཉམ་སྦྱོར་རིགས་ཀུན་བསྡུས་པའི་ཡེ་ཤེས་བྱིན། །རྟེན་འདིར་མངོན་སུམ་བཞིན་དུ་རྟག་བཞུགས་ནས། །བརྟན་གཡོའི་དངོས་ཀུན་ཧེ་རུ་ཀར་བྱིན་རློབས། །ཅེས་པའང་འཇམ་དབྱངས་མཁྱེན་བརྩེའི་དབང་པོས་བྲིས་པ་སརྦ་པ་ར་མ་ཨཀྟ་ར་མ་ཧཱ་སུ་ཁ་ཛྙཱ་ན་སིདྷཾ་བྷ་བ་ཏུ།། ༈ །།ཨོཾ་བཛྲ་ཨཱ་ཡུ་ཥེ་སྭཱ་ཧཱ། ཚེ་དང་ཡེ་ཤེས་དཔག་མེད་བཅོམ་ལྡན་འདས། །རྟེན་འདིར་མངོན་སུམ་བཞུགས་པའི་བྱིན་རླབས་ཀྱིས། །

[Full Size]

ལུང་རིག་མངའ་བདག་བསྟན་འཛིན་ཞབས་བརྟན་ཅིང་། །ལུགས་གཉིས་ཕྲིན་ལས་འཕེལ་བའི་བཀྲ་ཤིས་སྩོལ། །ཅེས་པའང་འཇམ་དབྱངས་མཁྱེན་བརྩེའི་དབང་པོས་བྲིས་པ་སརྦ་དཱ་ཨཱ་ཡུཛྙཱ་ན་སུ་བྷ་བ་སྤུ་ཊ་བྷ་བ་ཏུ།། ༈ །།ཨོ་ཨ་ཐ། གསོ་དཔྱད་གཞང་ལུགས་བྱེ་བའི་སྙིང་པོའི་ཕུལ། །རིན་ཆེན་སྨན་གྱི་ནོར་བུ་ཀུན་གྱི་གཞི། །བཅུད་རྒྱལ་བཙོ་བཀྲ་སྦྱོང་བའི་ཆོ་ག་དང་། །ཟ་འཆིང་ཁམས་ཀྱི་ལག་ལེན་རབ་གསལ་འདི། །རྒྱལ་བས་ལུང་བསྟན་བློ་གྲོས་མཐའ་ཡས་སྡེའི། །རབ་འབྱམས་ལེགས་པར་བཤད་པའི་ཆ་ཤས་ཏེ། །རིག་བྱེད་འཛིན་རྣམས་སྙིང་གི་ནོར་བུ་དང་། །ལུས་ཅན་འདོད་འཇོའི་དཔག་བསམ་མཆོག་ཏུ་གྲུབ། །སླར་ཡང་ཚེ་རབས་རིང་ནས་ཚོགས་ཟུང་གི །འབྲས་བུ་སྡེ་བཞིའི་སྙེ་མ་གཡུར་ཟ་བ། །དཔལ་ལྡན་མི་ཡི་དབང་པོའི་ཐུགས་བསྐྱེད་ཀྱིས། །ངོ་མཚར་སྤར་གྱི་གླེགས་བུ་མངོན་པར་བསྐྲུན། །དེ་ལས་བྱུང་བའི་དགེ་ཚོགས་ཟླ་བའི་འོད། །བྱང་ཆུབ་སྙིང་པོར་ཡོངས་སུ་བསྔོས་པའི་མཐུས། །འཇིག་རྟེན་དབང་ཕྱུག་རྒྱལ་དབང་ཡབ་སྲས་སོགས། །བསྟན་འཛིན་སྐྱེས་བུ་ཐམས་ཅད་ཞབས་བརྟན་ཅིང་། །དགེ་འདུན་སྡེ་རྣམས་བཤད་སྒྲུབ་ཕྲིན་ལས་འཕེལ། །འགྲོ་ཀུན་གནས་སྐབས་ནད་གདོན་ཉེར་འཚེ་ཞི། །ཚེ་དཔལ་འབྱོར་པའི་སྐལ་བཟང་རབ་ཏུ་རྒྱས། །མཐར་ཐུག་ཀུན་མཁྱེན་ཡེ་ཤེས་མྱུར་ཐོབ་ཤོག །ཅེས་

[Full Size]

པའང་གསོ་དཔྱད་ཀྱི་གཞུང་ལུགས་ཅུང་ཟད་ཐོས་པའི་བྱ་བྲལ་སྤོང་བ་པའི་གཟུགས་བརྙན་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སརྦ་དཱ་ཀ་ལྱཱ་ཎཾ་བྷ་བ་ཏུ།། ༈ ། །སྐྱབས་གནས་ཀུན་འདུས་དཔལ་ལྡན་བླ་མ་ལ། །གསོལ་བ་འདེབས་སོ་ནད་གདོན་བར་ཆད་སོལ། །ཚེ་བསོད་དཔལ་འབྱོར་ཡེ་ཤེས་རྒྱས་པ་དང་། །རྣམ་མཁྱེན་གོ་འཕང་ཐོབ་པར་བྱིན་གྱིས་རློབས། །ཞེས་པའང་མཁྱེན་བརྩེའི་དབང་པོས་བྲིས་པ་དགེ། ༈ །།འཆི་མེད་མགོན་པོ་བཅོམ་ལྡན་ཚེ་མཐའ་ཡས། །འཆི་མེད་དཔལ་སྟེར་རྣམ་པར་རྒྱལ་མ་དང་། །འཆི་མེད་འཕགས་མ་ཡིད་བཞིན་འཁོར་ལོ་ཡིས། །འཆི་མེད་ཚེ་དང་ཡེ་ཤེས་བྱིན་ཆར་ཕོབས། །གནས་ཁང་འོག་མིན་རྒྱུན་གྱི་རྟག་པའི་ཞིང་། །རྟེན་གསུམ་ངེས་པ་ལྔ་ལྡན་དཀྱིལ་འཁོར་ཆེ། །སྒྲུབ་པོ་སྐལ་ལྡན་མཆོག་གི་རིག་འཛིན་དུ། །བྱིན་གྱིས་བརླབས་པའི་བཀྲ་ཤིས་དགེ་མཚན་སྩོལ། །ཅེས་བཀྲ་ཤིས་འཆི་མེད་ཁང་གསར་གྱི་བསྟི་གནས་མཛེས་པའི་རྒྱན་དུ་འཇམ་དབྱངས་མཁྱེན་བརྩེའི་དབང་པོས་བྲིས་པ་སིདྡྷི་རསྟུ།། ༈ །།འཇམ་དབྱངས་བླ་མ་མཁྱེན་བརྩེའི་། དབང་པོ་ལ། །སྙིང་ནས་མོས་གདུང་དྲག་པོས་གསོལ་འདེབས་ན། །བྱང་ཆུབ་བར་དུ་འབྲལ་མེད་རྗེས་བཟུང་ནས། །ཐུགས་ཡིད་གཅིག་ཏུ་འདྲེས་པར་བྱིན་གྱིས་རློབས། །ཞེས་རྣམ་འདྲེན་གྲུབ་ཐོབ་མཆོག་གི་

[Full Size]

སྤྲུལ་པའི་སྐུ་དམ་པ་དང་། དད་ལྡན་ཚེ་དབང་ལྷ་མོའི་བཞེད་སྐོང་དུ་མཁྱེན་བརྩེའི་དབང་པོས་བྲིས་པ་དགེ་ཞིང་བཀྲ་ཤིས།། ༈ །།འཆི་མེད་མཚོ་སྐྱེས་བླ་མས་བྱིན་བརླབས་པའི། །བདེ་ཆེན་པདྨ་དྲྭ་བ་མཆོག་གི་ཞིང་། །མཁའ་འགྲོ་དགྱེས་པ་རཱ་མེ་ཤྭ་རའི་ཡུལ། །རིགས་གསུམ་སེམས་དཔའི་གནས་མཆོག་ཁྱད་པར་ཅན། །རྟེན་དང་བརྟེན་པར་བཅས་པ་ཐམས་ཅད་ཀུན། །དག་པ་རབ་འབྱམས་ཡེ་ཤེས་འཁོར་ལོ་དང་། །དབྱེར་མེད་མོས་གུས་གདུང་བས་གསོལ་བ་འདེབས། །བར་ཆད་ཀུན་སོལ་དངོས་གྲུབ་ཆར་བཞིན་ཕོབས། །ཞེས་པའང་དད་ལྡན་གྱི་ངོར་མཁྱེན་བརྩེའི་དབང་པོས་བྲིས་པ་དགེ། ༈ །།ཨོ་མ་ཧཱ་སུ་ཁ་ཛྙཱ་ན་ཀཱ་ཡ་སརྦ་སཏཱ་བཛྲ་ཀཱ་ཝ་ཙི་སིདྡྷི་ཧཱུྃ། །བདེ་བ་ཆེན་པོ་མ་ཧཱ་སུ་ཁོ་པདྨ་འབྱུང་གནས་ཀྱི། །ཛཱ་ཡེ་ཤེས་སྐུ་ཅན་ན་ཀཱ་ཡ་རྗེས་དྲན་གསོལ་བཏབ་མཐུས། །སརྦ་སེམས་ཅན་ཐམས་ཅད་ས་ཏཱ་རིགས་འདུས་བླ་མ་ཡི། །བཛྲ་རྡོ་རྗེའི་སྐུ་གསུང་ཐུགས་ཀཱ་ཝ་ཙི་དང་དབྱེར་མེད་ཤོག །ཨི་ཏུ་སི་པདྨ་སཱུ་ཏྲ་མནྟཱ་དཱི་སེ་ན་ལེ་ཁི་ཏཾ་ཤུ་བྷཾ།། ། ཨོཾ་སྭ་སྟི། འཆི་མེད་མགོན་པོ་མཁར་བཞུགས་པའི། །འཆི་མེད་ཞི་དྲག་ཞིང་གི་ལྗོངས། འཆི་མེད་དྲང་སྲོང་བྱ་རི་ཊར། །འཆི་མེད་དགེ་མཚན་རྒྱས་ཕྱིར་བཞེངས། །སརྦ་དཱ་ཨ་མཱ་ར་སིདྡྷཾ་བྷ་བ་ཏུ།། ༈ །།རང་སྣང་རྣམ་དག་པདྨ་འོད་ཀྱི་ཞིང་། །རྩ་བའི་བླ་མ་ཨོ་རྒྱན་རྡོ་རྗེ་འཆང་། །སྤྱི་བོར་བསྒོམ་ཞིང་འབྲལ་

[Full Size]

མེད་གསོལ་བཏབ་མཐུས། །ཐུགས་ཡིད་གཅིག་འདྲེས་ཡེ་ཤེས་མངོན་གྱུར་ཤོག །ཅེས་པའང་དད་ལྡན་སྒྲུབ་བརྩོན་དམ་པའི་ངོར་པདྨ་འོད་གསལ་མདོ་སྔགས་གླིང་པས་བྲིས་པ་དགེ། །༅། །ན་མོ་གུ་རུ་བྷ ཤིན་ཏུ་རྣམ་དག་འོད་གསལ་ནམ་མཁའི་དབྱིངས། །རྒྱ་ཆེན་འདུས་མ་བྱས་པའི་རྡོ་རྗེའི་སྐུ། །དྲིན་ཅན་བླ་མ་པདྨ་འོད་འབར་རྩལ། །རྩ་གསུམ་རྒྱ་མཚོའི་སྤྱི་དཔལ་ཆེན་པོར་བཞུགས། །མི་ཕྱེད་རྩེ་གཅིག་གུས་པས་གསོལ་བ་འདེབས། །ལུས་དང་ལོངས་སྤྱོད་ལྟོས་མེད་མཆོད་སྤྲིན་འབུལ། །བར་ཆད་ཀུན་ཞི་བསམ་དོན་ཆོས་བཞིན་འགྲུབ། །ཡེ་ཤེས་རྩལ་ཆེན་རྫོགས་པར་བྱིན་གྱིས་རློབས། །ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ། ཞེས་སྒྲུབ་བརྩོན་རྟོགས་ལྡན་ཤཱཀྱ་ཤྲཱིའི་ཆེད་མཁྱེན་བརྩེའི་དབང་པོས་སྤེལ་བ་དགེ་ལེགས་སུ་གྱུར་ཅིག། ༈ །།ཨོཾ་ཏཱ་རེ་ཏུ་ཏྟཱ་རེ་ཏུ་རེ་སྭཱ་ཧཱ། རྗེ་བཙུན་སྒྲོལ་མ་འཁོར་བཅས་ཀྱིས། །དད་ལྡན་སྒོ་གསུམ་བར་ཆད་སོལ། །བསམ་དོན་ཆོས་བཞིན་འགྲུབ་པ་དང་། །བདེ་ཅན་ཞིང་དུ་འདྲེན་མཛད་གསོལ། །ཅེས་ལྷ་ལྕམ་རྣམ་སྲས་སྒྲོལ་མའི་དད་རྟེན་ཐང་ཀའི་ཞལ་བྱང་དུ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ་ལེགས་སུ་གྱུར་ཅིག། ༈ །།ཨོཾ་ཏཱ་རེ་ཏུཏྟཱ་རེ་ཏུ་རེ་ཧཱིཧཱུཾ་བཛྲ་ཛྷཱ་ན་ཨཱ་ཡུ་ཥེ་སྭཱ་ཧཱ། འཆི་མེད་འཕགས་མ་འཁོར་བཅས་ཡེ་ཤེས་བྱིན། །དམ་ཚིག་རྟེན་འདིར་མངོན་སུམ་རྟག་བཞུགས་ནས། །མཆོག་ཐུན་དངོས་

[Full Size]

གྲུབ་བདུད་རྩིའི་ཆར་ཆེན་པོས། །ཕན་བདེའི་པདྨོ་རྒྱས་པའི་བཀྲ་ཤིས་སྩོལ། །ཅེས་པའང་དད་འབྱོར་ལྡན་པ་ལྕམ་རྣམ་སྲས་སྒྲོལ་མའི་ཐུགས་དམ་ཐང་ཀའི་ཞལ་བྱང་དུ་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པའི་སྡེས་སྤེལ་བ་སིདྡྷཾ་བྷ་བ་ཏུ།། ༈ །།ཨོཾ་སྭ་སྟི། བདེ་གཤེགས་སོ་ལྔའི་ཐུགས་རྗེའི་ཟླ་སྣང་གི། །སྡིག་དང་ལྟུང་བའི་མུན་པ་ཀུན་ཞི་ཞིང་། །ཡང་དག་ཡེ་ཤེས་མཆོག་གི་གཟི་འབར་བས། །འབྲེལ་ཚད་བདེ་ཅན་ཞིང་དུ་དབུགས་འབྱིན་ཤོག །ཅེས་དད་ལྡན་སྒྲོན་མ་འཚོའི་བསགས་སྦྱང་གི་རྟེན་དུ་བཞེངས་པའི་ཐང་ཀའི་ཞལ་བྱང་དུ་འཇམ་དབྱངས་མཁྱེན་བརྩེའི་དབང་པོས་བྲིས་པ་དགེ་ཞིང་བཀྲ་ཤིས།། ༈ །།ཨོཾ་སྭ་སྟི་སིདྡྷཾ། ཐུབ་དབང་ཉེ་བའི་སྲས་བཅས་ཀྱི། །བྱིན་རླབས་བདུད་རྩིས་ཡིད་ཅན་ཀུན། །ཐར་བདེའི་པདྨོ་རབ་རྒྱས་ནས། །རྣམ་གྲོལ་འབྲས་བུས་མཛེས་གྱུར་ཅིག །ཅེས་པའང་དད་འབྱོར་ལྡན་པ་ལྕམ་རྣམ་སྲས་ལགས་ཀྱི་ཕྱག་མཆོད་རྟེན་ཐང་ཀའི་ཞལ་བྱང་དུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དགེ། ༈ །།ཨོཾ་སྭ་སྟི། ཐུབ་བསྟན་རྒྱ་མཚོའི་ཤིང་རྟ་ཆེ། །འཕགས་པའི་གནས་བརྟན་མཆོག་རྣམས་ཀྱི། །ཡེ་ཤེས་གཟིགས་པས་ཡིད་ཅན་ཀུན། །རྣམ་མཁྱེན་གོ་འཕང་ལ་འགོད་ཤོག །ཅེས་པའང་འཇམ་དབྱངས་མཁྱེན་བརྩེའི་དབང་པོས་བྲིས་པ་སིདྡྷཾ་བྷ་བ་

[Full Size]

ཏུ།། ༈ །།ཨོཾ་སྭ་སྟི། ཤཱཀྱ་སེང་གེས་ལེགས་གསུང་གི། །རིན་ཆེན་སྒྲོམ་ལ་དབང་བསྒྱུར་བའི། །གནས་བརྟན་ཆེན་པོ་འཁོར་བཅས་ཀྱིས། །སྲིད་ཞིའི་དགེ་ལེགས་སྨིན་གྱུར་ཅིག །ཅེས་པའང་མཁྱེན་བརྩེའི་དབང་པོས་བྲིས་པ་སིདྡྷཾ་བྷ་བ་ཏུ།། ༈ །ཨོཾ་མ་ཎི་པདྨེ་ཧཱུཾ། འཇིག་རྟེན་དབང་ཕྱུག་འཕགས་པ་བཅུ་གཅིག་ཞལ། །རིགས་བཞི་རྩ་བརྒྱུད་བླ་མ་ཆོས་སྲུང་ནི། །ཡེ་ཤེས་གཟི་བྱིན་རྟེན་འདིར་རྟག་བཞུགས་ནས། །འབྲེལ་ཚད་བདེ་ཆེན་ཞིང་དུ་དབུགས་འབྱིན་གསོལ། །ཅེས་ས་དབང་ཆོས་རྒྱལ་ཆེན་པོའི་མཛོད་འཛིན་ཚེ་དབང་དགེ་ལེགས་ལགས་ཀྱི་སྨྱུང་བར་གནས་པའི་སྒྲུབ་རྟེན་ཐང་ཀའི་ཞལ་བྱང་དུ་མཁྱེན་བརྩེའི་དབང་པོས་བྲིས་པ་སིདྡྷཾ་བྷ་བ་ཏུ།། ༈ །།ཨོཾ་མ་ཎི་པདྨེ་ཧཱུྃ། འཕགས་མཆོག་ཐུགས་རྗེའི་གཏེར་ཆེན་སྤྱན་རས་གཟིགས། །རྩ་གསུམ་རྒྱལ་བ་རབ་འབྱམས་ཡེ་ཤེས་བྱིན། །དམ་ཚིག་རྟེན་འདིར་འབྲེལ་མེད་རྟག་བཞུགས་ནས། །མཆོག་ཐུན་དངོས་གྲུབ་དཔལ་གྱིས་དགྱེས་མཛད་གསོལ། །ཅེས་པའང་མ་ཧཱ་ཙི་ནའི་ཤིང་བཟོ་མཁས་པའི་ཕུལ་ཕྱིན་དད་ལྡན་གང་དེའི་ཕྱག་མཆོད་རྟེན་བྲིས་སྐུའི་ཞལ་བྱང་དུ་འཇམ་དབྱངས་མཁྱེན་བརྩེའི་དབང་པོས་སྤེལ་བ་དགེ་ལེགས་སུ་གྱུར་ཅིག། ༈ །།ཨོཾ་སྭ་སྟི་སིདྡྷཾ། ཕྱོགས་བཅུ་དུས་བཞིའི་རྩ་གསུམ་རབ་འབྱམས་ཀྱི། །ཡེ་ཤེས་བྱིན་རླབས་རྟེན་འདིར་རྟག་བཞུགས་ནས། །

[Full Size]

ཚེ་རབས་ཀུན་ཏུ་དཔལ་ལྡན་བླ་མ་ཡིས། །རྗེས་བཟུང་ས་ལམ་ཡོན་ཏན་མཐར་ཕྱིན་ཤོག །ཅེས་སྒྲུབ་བརྩོན་དགེ་སློང་པུརྱ་སཱ་ག་རའི་དད་རྟེན་ཐང་ཀའི་ཞལ་བྱང་དུ་འཇམ་དབྱངས་མཁྱེན་བརྩེའི་དབང་པོ་རང་ཉིད་ཀྱིས་བྲིས་པ་དགེ་ཞིང་བཀྲ་ཤིས།། ༈ །།ཨོཾ་མ་ཎི་པདྨེ་ཧཱུྃ་ཧཱུྃ༔ ཐུགས་རྗེ་ཆེ་མངའ་སྡུག་བསྔལ་རང་གྲོལ་གྱི། །དཀྱིལ་འཁོར་ལྷ་ཚོགས་ཡེ་ཤེས་སྣང་བ་ཡིས། །དད་ལྡན་སྒྲུབ་པོའི་སྒོ་གསུམ་བྱིན་བརླབས་ནས། །དངོས་གྲུབ་རྣམ་གཉིས་ཚེ་འདིར་འགྲུབ་མཛད་གསོལ། །ཅེས་པའང་ལྷག་པའི་ལྷ་མཆོག་འདི་ཉིད་ཀྱི་རྣལ་འབྱོར་པ་དགེ་སློང་ཐུབ་བསྟན་བསོད་ནམས་རྒྱ་མཚོའི་སྒྲུབ་རྟེན་དཀྱིལ་འཁོར་གྱི་ཞལ་བྱང་དུ་འཇམ་དབྱངས་མཁྱེན་བརྩེའི་ལྷས་སྤེལ་བ་བསྙེན་སྒྲུབ་མཐར་ཕྱིན་འབྲལ་ཚད་བདེ་བ་ཅན་དུ་སྐྱེ་བར་གྱུར་ཅིག །མངྒ་ལཾ།། ༈ །།ཨོཾ་ཨཱཧཱུྃ་བཛྲ་གུ་རུ་པདྨ་སིདྡྷི་ཧཱུྃ། སྐུ་གསུམ་དབྱེར་མེད་བར་ཆད་ཀུན་སེལ་རིག་འཛིན་སྒྱུ་འཕྲུལ་དྲྭ་བ་ཡི། །དཀྱིལ་འཁོར་རབ་འབྱམས་ཡེ་ཤེས་གཟི་བྱིན་དམ་ཚིག་རྟེན་འདིར་རྟག་བཞུགས་ནས། །མཁའ་ཁྱབ་ཡིད་ཅན་བསྙེན་སྒྲུབ་བཞི་ལྡན་སྨིན་གྲོལ་བདུད་རྩིའི་བཅུད་ལེན་གྱིས། །ས་བཅུ་ལམ་ལྔའི་ལང་ཚོ་རབ་འབར་འཆི་མེད་རྟག་པའི་མཆོག་འགྲུབ་ཤོག །བཟོ་གནས་མིག་གི་བདུད་རྩིར་བསྒྲུབ་ཅིང་ཡོ་བྱད་ཕུན་སུམ་ཚོགས་པ་དང་བཅས་པའི་བླ་མའི་ཐུགས་སྒྲུབ་བར་ཆད་ཀུན་སེལ་གྱི་

[Full Size]

བྲིས་སྐུ། རྗེ་གཏེར་ཆེན་བླ་མ་དང་ཁོ་བོ་ཅག་ཟུང་གིས་ཐུགས་སྒྲུབ་ཡིད་བཞིན་ནོར་བུའི་ཟབ་མོའི་གཏེར་རྒྱ་འགྲོལ་བའི་སྐབས་སྒྲུབ་རྟེན་དུ་བཟུང་ཞིང་། བྱིན་རླབས་ཀྱི་གཟི་འོད་འབར་བའི་རྟེན་ཁྱད་པར་ཅན་ཉིད་ཀྱི་སྒྲུབ་བརྒྱུད་བསྟན་པའི་འབྱུང་གནས་དཔལ་བདུད་རྩི་ཐིལ་གྱི་ཆོས་གྲྭར་གཏེར་གསར་རིག་འཛིན་བླ་མའི་ཚོམ་བུ་ཚོགས་སྒྲུབ་ཆེན་མོ་གསར་དུ་ཚུགས་སྐབས་སྒྲུབ་པའི་རྟེན་དུ་ཕུལ་བ། མཐོང་ཐོས་དྲན་རེག་འགྲོ་ཀུན་ཨོ་རྒྱན་བླ་མས་རྗེས་སུ་བཟུང་བ་དང་། བསྟན་འགྲོའི་ཕན་བདེའི་དགེ་མཚན་དབྱར་མཚོ་ལྟར་རྒྱས་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །ཅེས་པའང་མཚོ་སྐྱེས་བླ་མ་དགྱེས་པའི་འབངས་པདྨ་འོད་གསལ་མདོ་སྔགས་གླིང་པས་སོ། །སརྦ་དཱ་སུ་ཤེ་ཡོ་བྷ་བ་ཏུ།། ༈ །།ཨོཾ་སྭ་སྟི་སིདྡྷཾ། རབ་འབྱམས་ཞིང་ཁམས་རྒྱ་མཚོའི་རྡུལ་སྙེད་ཀྱི། །ཞིང་དང་སྟོན་པ་ཀུན་ལས་ཁྱད་འཕགས་པ། །བདེ་ལྡན་མགོན་པོ་རྟེན་དང་བརྟེན་པ་ཡི། །ངོ་མཚར་མིག་གི་བདུད་རྩིར་སྣང་བའི་དཔྱིད། །བི་ཤྭ་ཀརྨའི་ཁེངས་པ་སྙིལ་བྱེད་པའི། །ཀཱ་ཤིའི་དྭངས་མཚོར་འཕོས་པའི་ལེགས་བྱས་ཀྱིས། །བདག་དང་མཁའ་ཁྱབ་ཡིད་ཅན་རྒྱ་མཚོ་ཀུན། །ཚེ་འདིར་འགལ་རྐྱེན་མི་མཐུན་ཀུན་ཞི་ཞིང་། །མཐུན་རྐྱེན་ཚེ་དང་དཔལ་འབྱོར་ཡེ་ཤེས་རྒྱས། །བསམ་པའི་དོན་ཀུན་ཆོས་བཞིན་འགྲུབ་པ་དང་། །ནམ་ཞིག་

[Full Size]

ཚེ་འཕོས་བདེ་ལྡན་ཞིང་ཁམས་སུ། །པདྨའི་སྙིང་པོར་བརྫུས་ཏེ་སྐྱེས་ནས་ཀྱང་། །སངས་རྒྱས་ཞིང་མཐོང་དམ་ཆོས་བདུད་རྩི་སྦྱོང་། །ཐེག་མཆོག་སྤྱོད་པའི་གྲོགས་དང་ལྷན་ཅིག་ཏུ། །གཞན་དོན་རྫོགས་པའི་སངས་རྒྱས་མྱུར་ཐོབ་ཤོག །ཅེས་པའང་དགེ་སློང་དགེ་བའི་བཤེས་གཉེན་མང་ཐོས་སྤོང་བ་པའི་ཁྱུ་མཆོག་འགྲན་ཟླ་དང་བྲལ་བ་གྲགས་པ་རྒྱལ་མཚན་དཔལ་བཟང་པོའི་ཐང་ཀའི་ཞལ་བྱང་དུ། སངས་རྒྱས་གཉིས་པ་པདྨ་སཾ་བྷ་ཝའི་ཞབས་རྡུལ་ལ་དངོས་སུ་སྤྱི་བོས་རེག་པའི་འཇམ་དབྱངས་མཁྱེན་བརྩེའི་དབང་པོའམ། པདྨ་འོད་གསལ་མདོ་སྔགས་གླིང་པའི་སྡེས་གསོལ་བ་བཏབ་པ་སིདྡྷི་རསྟུ།། ༈ །།དཔལ་དགྱེས་མཛད་རྡོ་རྗེ་མར་སྟོན་ཆེ། །རྗེ་མི་བསྐྱོད་ངོ་བོ་རས་པ་ཆེ། །མགོན་ཟླ་འོད་གཞོན་ནུ་དྭགས་སྟོན་ཆེའི། །གསང་གསུམ་གྱི་བྱིན་རླབས་རྟེན་འདིར་བཞུགས། །ཞེས་པའང་ཀརྨ་བསྟན་པའི་ཉི་མ་བཤད་སྒྲུབ་ཆོས་ཀྱི་སེང་གེས་གསོལ་བ་བཏབ་པ་སིདྡྷི་རསྟུ།། ༈ །།ཨོཾ་སྭ་སྟི། རྗེ་བཙུན་ཡིད་བཞིན་འཁོར་ལོ་ཡི། །ཐུགས་རྗེས་རྣམ་ཀུན་བྱིན་བརླབས་པས། །བར་དུ་གཅོད་པ་ཀུན་ཞི་ཞིང་། །ཆོས་མཐུན་བསམ་དོན་ལྷུན་གྲུབ་ཤོག །ཅེས་པའང་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་གསོལ་བ་བཏབ་པ་དགེ་ལེགས་སུ་གྱུར་ཅིག། ༈ །།ཨོཾ་གྱི་ངོ་བོ་ཏཱ་རེ་སྒྲོལ་མ། །ཏུཏྟཱ་རེ་ཞེས་གདུང་བ་སྐྱོབ་མ། །ཏུ་རེ་

[Full Size]

གློག་ལྟར་ཐུགས་རྗེ་མྱུར་མས། །སྭཱ་ཧཱ་དགེ་ལེགས་ཀུན་ཏུ་སྩོལ་ཅིག །ཅེས་པའང་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་སརྦ་སུ་ཤེ་ཡསིདྡྷི་རསྟུ།། ༈ །།རྩ་གསུམ་ཆོས་སྐྱོང་སྲུང་མའི་བདེན་སྟོབས་ཀྱིས། །སྐྱབས་གནས་ཀུན་འདུས་བླ་མ་རྡོ་རྗེ་འཆང་། །ཀུན་དགའ་ཆོས་ཀྱི་དབང་པོའི་རྣམ་འཕྲུལ་མཆོག །འཁྲུལ་མེད་མྱུར་དུ་འབྱོན་པར་བྱིན་གྱིས་རློབས། །དེ་ཡང་ཚུལ་གནས་གསན་བསམ་སྒོམ་གསུམ་རྫོགས། །བཤད་དང་སྒྲུབ་པའི་དཔལ་ལ་དབང་འབྱོར་ཞིང་། །བསྟན་དང་འགྲོ་བའི་དོན་ཆེན་ལྷུན་གྱིས་གྲུབ། །ཕན་བདེའི་སྐལ་བཟང་རྒྱས་པའི་བཀྲ་ཤིས་སྩོལ། །ཅེས་པའང་སྒྲུབ་བརྩོན་བླ་མ་ཟུང་གིས་བསྐུལ་ངོར་མཁྱེན་བརྩེའི་དབང་པོས་བྲིས་པ་དོན་དང་ལྡན་པར་གྱུར་ཅིག །སརྦ་མངྒ་ལཾ་བྷ་བ་ཏུ།། ༈ །།ཨཱརྱ་མཉྫ་ཤྲཱི་ནཱ་མ་སཾ་གཱི་ཏི་མ་ཧཱ་ཏན་རཱ་ཛ་ནཱ་མཱ་སྟི། འཕགས་པ་འཇམ་དཔལ་གྱི་མཚན་ཡང་དག་པར་བརྗོད་པ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་བཀླག་ཐབས་དང་བཅས་པ་བྲིན་རི་མགོ་བླ་མའི་སྤར་ཐུང་གི་རྒྱབ་ཡིག་སོར་བཞག་བྲི། པོ་བཞུགས་སོ། །དབུ་ལྷ་འཇམ་དབྱངས་སྐུ་མདོག་དམར་སེར། ཞལ་གཅིག་ཕྱག་། བཞི། ཕྱག་དང་པོ་གཡས་རལ་གྲི་འཕྱར་སྟབས། རྒྱུད་རྐྱང་པ་ཡིན་ན་རྒྱབ་ཡིག་འདི་ལྟར་དང་། གཡོན་པུ་སྟི་ཐུགས་ཀ །འོག་མ་གཉིས་མདའ་གཞུ་འགེངས་པ། ཞབས་རྡོར་སྐྱིལ། ཟུར་ཕུད་ལྔ་སོགས་གཞན་རྒྱན་ཆ་

[Full Size]

ལུགས་འཇམ་དབྱངས་དམར་སེར་སྤྱི་ལྟར་རོ། །ཞལ་བྱང་། སྲས་བཅས་རྒྱལ་ཀུན་ཡེ་ཤེས་སྐུ། །གསུང་གི་དབང་ཕྱུག་འཇམ་པའི་དབྱངས། །གཤམ་དུ་མཆོད་རྟེན་བཀྲ་ཤིས་སྒོ་མང་གི་ཞལ་བྱང་། །བཀྲ་ཤིས་ཆོས་ཀྱི་སྒོ་མང་པོ། །འབྱུང་གནས་ཐུགས་ཀྱི་མཆོད་རྟེན་མཛེས། ༈ །ཨཱརླ་པྲཛྙཱ་པ་ར་མི་ཏཱ་སཉྩཡ་གཱ་ཐཱ་ནཱ་མཱ་སྟི། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་སྡུད་པ་ཚིགས་སུ་བཅད་པ་ཞེས་བྱ་བ་བཞུགས་སོ། །དབུ་ལྷ་ཐུབ་པ་སྤྱི་ལྟར། ཞལ་བྱང་། ཤེས་རབ་ཕ་རོལ་ཕྱིན་པའི་གཞུང་། །སྟོན་མཆོག་མཚུངས་མེད་ཤཱཀྱའི་ཏོག །གཤམ་དུ་བྱང་ཆུབ་མཆོད་རྟེན་ཞལ་བྱང་། བྱང་ཆུབ་ཆོས་སྐུའི་ཡེ་ཤེས་གཟུགས། །ཐུགས་ཀྱི་རང་བཞིན་མཆོད་རྟེན་ཆེ། ༈ །ཨཱརྱ་བྷ་དྲ་ཙརྱ་པྲ་ཎི་དྷཱ་ན་རཱ་ཛ་ནཱ་མཱ་སྟི། འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་བཞུགས་སོ། །དབུ་ལྷ་བྱང་ཆུབ་སེམས་དཔའ་ཀུན་ཏུ་བཟང་པོ་སྐུ་མདོག་དམར་པོ་གཡས་བུམ་པ་ནོར་བུས་གང་བ་ཐུགས་ཀའི་ཐད་དུ་གཏོད་དེ་འཛིན་པ། གཡོན་ནུ་མ་གཡོན་པའི་ཐད་སྐྱབས་སྦྱིན་གྱི་རྒྱས་མཐེབ་སྲིན་གྱིས་པདྨ་དཀར་པོའི་སྡོང་བུ་བསྣམས་པ། སྙན་གཡས་པའི་ཐད་ཁ་བྱེ་བར་ཉི་མས་མཚན་པ། ཞབས་སེམས་སྐྱིལ། དར་དང་རིན་པོ་ཆེའི་རྒྱན་སོགས་བྱང་སེམས་སྤྱི་འགྲེ། ཞལ་བྱང་། འཕགས་བཞིའི་སྨོན་ལམ་ཡོངས་གྲུབ་པ། །བྱང་སེམས་ཁྱུ་

[Full Size]

མཆོག་ཀུན་ཏུ་བཟང་། །གཤམ་དུ་རྣམ་རྒྱལ་མཆོད་རྟེན་ཞལ་བྱང་། སྲིད་ཞིའི་ཕྱོགས་ལས་རྣམ་རྒྱལ་བའི། །ཐུགས་ཀྱི་རང་བཞིན་མཆོད་པའི་རྟེན། །ཆོས་ཚན་སོ་སོའི་གཤམ་དུ་དགེ་བསྔོ། ཨོཾ་སྭ་སྟི་སིདྡྷཾ། ལེགས་གསུང་རིན་ཆེན་འདི་བཞེངས་བསོད་ནམས་ཀྱིས། །མ་ཏི་བྷ་དྲ་འབྲེལ་པར་བཅས་པ་ཀུན། །སྒྲིབ་གཉིས་བྱང་ཞིང་ཚོགས་གཉིས་ཡོངས་སུ་རྫོགས། །དམ་པ་གཉིས་སྐུ་མྱུར་དུ་ཐོབ་པར་ཤོག ། ཅེས་པའང་མཉྫགྷོ་ཥས་བྲིས་པ་སུ་ཤེ་ཡནྟུ།། ༈ །།ཨོཾ་སྭ་སྟི། སྲས་བཅས་རྒྱལ་བའི་ཡེ་ཤེས་སྐུ་ཅན་འཇམ་དཔལ་མཚན་དོན་བརྗོད་པའི་དབྱངས། །རྒྱུད་སྡེ་རྒྱ་མཚོའི་སྙིང་པོར་ཡོངས་སྣང་ལེགས་གསུང་སྤར་དུ་བསྒྲུབས་པའི་དགེས། །བསྟན་འཛིན་ཞབས་བརྟན་བསྟན་པ་དར་རྒྱས་སྦྱིན་བདག་སྡེ་བཞིའི་དཔལ་འབྱོར་འཕེལ། །འགྲོ་ཀུན་ཕན་བདེའི་དགའ་སྟོན་དར་བབས་ཀུན་མཁྱེན་གོ་འཕང་མྱུར་ཐོབ་ཤོག ། ཅེས་པའང་རྣམ་དཀར་སྒྲུབ་པ་པོ་འཇམ་དབྱངས་མཁྱེན་བརྩེའི་དབང་པོ་རང་ཉིད་ཀྱིས་སྨྲས་པ་དགེ་ལེགས་སུ་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།། ༈ །།ཨོཾ་སྭ་སྟི་སིདྡྷཾ། གང་མཚན་ཐོས་དང་དད་པ་ཙམ་གྱིས་ཀྱང་། །ཞིང་ཁམས་བདེ་བ་ཅན་དུ་དབུགས་འབྱིན་པའི། །ཐུགས་བསྐྱེད་དམ་བཅའ་རྨད་བྱུང་བཅོམ་ལྡན་འདས། །འོད་དཔག་མེད་མགོན་ཆོ་ག་ཡན་ལག་བཅས། །གསུང་གི་རྡོ་རྗེ་པདྨ་སཾ་བྷ་ཝའི། །

[Full Size]

གཞུང་དང་མན་ངག་ཇི་བཞིན་ལེགས་བཤད་པའི། །ཕྱི་མོ་གཅིག་ལས་དུ་མར་འཆར་བའི་འཕྲུལ། །བརྩོན་པས་བསྒྲུབས་པའི་བསོད་ནམས་ལ་བརྟེན་ནས། །བསྟན་འཛིན་མཆོག་རྣམས་བསྐལ་བརྒྱར་འཚོ་གཞེས་ཤིང་། །བཤད་སྒྲུབ་བསྟན་པས་ས་ཆེན་ཡོངས་སུ་ཁྱབ། །འགྲོ་ཀུན་བདེ་ཅན་ཞིང་དུ་སྐྱེས་ནས་ཀྱང་། །ཐམས་ཅད་གཟིགས་པའི་གོ་འཕང་མྱུར་ཐོབ་ཤོག །ཅེས་པའང་ཤཱཀྱའི་དགེ་སློང་མང་ཐོས་སྤོང་བ་པའི་ཁྱུ་མཆོག་སྡེ་སྣོད་འཛིན་པ་ཆེན་པོ་གྲགས་པ་རྒྱལ་མཚན་དཔལ་བཟང་པོས་གཞུང་འདིའི་སྨིན་གྲོལ་ཟབ་ཁྲིད་དང་བཅས་པ་ཁོ་བོ་ཅག་ལས་རྫོགས་པར་ནོས་ཏེ། སྒྲུབ་གནས་ཀྱི་རྒྱལ་པོ་བདེ་ཆེན་པདྨ་ཤེལ་ཕུག་ཏུ་ཆོ་ག་འདི་ཉིད་ལ་བརྟེན་ནས་སྣང་གསལ་མར་མེའི་མཆོད་པ་འབུམ་ཐེར་དང་བཅས་བཟང་པོ་སྤྱོད་པའི་སྨོན་ལམ་འབུམ་ཕྲག་ལྷག་པ་ཞལ་འདོན་དུ་མཛད་པ་སོགས་ཀུན་ཏུ་བཟང་པོའི་ལེགས་བཤད་བླ་ན་མེད་པ་ལ་གཅིག་ཏུ་གཞོལ་བའི་སྐབས་དགེ་ཚོགས་རིན་པོ་ཆེ་སྒོ་དུ་མ་ནས་རྒྱས་པར་བྱ་བའི་སླད་དུ་གཞུང་ལེ་ཚན་འདི་རྣམས་ཀྱང་ཆོས་སྦྱིན་སྤར་གྱི་ཕྱི་མོར་སྤེལ་བའི་སྤར་བྱང་སྨོན་ཚིག་ཏུ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་སིདྡྷི་རསྟུ། སརྦ་དཱ་ཀ་ལྱཱ་ཎཾ་བྷ་བ་ཏུ།། ༈ །།ན་མོ་གུ་རུ་མཉྫཤྲཱི་ཀུ་མཱ་ར་བྷཱུ་ཏཱ་ཡ། གཞི་རྒྱུད་ཟབ་གསལ་དབྱེར་མེད་འཇམ་པའི་དཔལ། །ལམ་

[Full Size]

རྒྱུད་ཐབས་ཤེས་ཟུང་འཇུག་འཇམ་པའི་དབྱངས། །འབྲས་རྒྱུད་སྐུ་དང་ཡེ་ཤེས་ལྷན་ཅིག་སྐྱེས། །བླ་མ་འཇམ་པའི་རྡོ་རྗེར་ཕྱག་འཚལ་ལོ། །གསང་བའི་བདག་པོས་རྫོགས་པའི་སངས་རྒྱས་ལ། །གསོལ་བཏབ་ཞལ་བཞེས་རིགས་དྲུག་སྒྱུ་འཕྲུལ་ཆེ། །རྡོ་རྗེ་དབྱིངས་དང་ཡེ་ཤེས་རྣམ་པ་ལྔའི། །ཚིགས་བཅད་བསྟོད་དང་གསང་བའི་སྔགས་དགོད་པ། །ལེགས་གསུངས་རྗེས་སུ་ཡི་རང་དང་བཅས་པའི། །རྒྱུད་ཀུན་བདག་པོ་འཇམ་དཔལ་ཡེ་ཤེས་སེམས། །དོན་དམ་མཚན་ནི་ཡང་དག་བརྗོད་པའི་མཆོག །གསུང་གཅིག་ཉིད་ལས་མཐའ་ཡས་དམ་ཆོས་ཆར། །འདོད་རྒུར་འཆར་བའི་རྫོགས་ལྡན་སྤྲིན་ཆེན་པོ། །གང་འདིར་མི་ཕྱེད་དད་པས་ཀུན་བསླངས་ཏེ། །བསོད་ནམས་བྱས་པའི་དངོས་པོ་ཇི་སྙེད་ཀུན། །བྱང་ཆུབ་སྙིང་པོར་ཡོངས་སུ་བསྔོ་བར་བགྱི། །དགེ་བ་དེ་ཡིས་བདག་གཞན་ཡིད་ཅན་ཀུན། །དལ་འབྱོར་ཁ་མཆོག་ཐོབ་ཐུབ་པའི་བསྟན་ལ་ཞུགས། །བླ་མ་འཇམ་པའི་དབྱངས་ཀྱིས་རྗེས་བཟུང་སྟེ། །ཚུལ་གནས་ཐོས་བསམ་སྒོམ་པའི་མཐར་སོན་ཤོག །བརྩེ་དང་བྱང་སེམས་གཉིས་སུ་མེད་བློ་ལྡན། །རྡོ་རྗེའི་རྣལ་འབྱོར་ཟབ་མོ་མངོན་གྱུར་ནས། །སྐུ་དང་ཡེ་ཤེས་ཕྲིན་ལས་མཐའ་ཡས་པ། །འཇམ་དཔལ་གཞོན་ནུའི་གོ་འཕང་མྱུར་ཐོབ་ཤོག །གཞན་ཡང་བསྟན་འཛིན་མཆོག་རྣམས་ཞབས་པད་བརྟན། །བཤད་སྒྲུབ་

[Full Size]

བསྟན་པ་རིན་ཆེན་ཕྱོགས་བཅུར་འཕེལ། །སྣོད་བཅུད་རྫོགས་ལྡན་དུས་ཀྱི་འབྱོར་པ་རྒྱས། །དོན་གཉིས་ལྷུན་གྱིས་གྲུབ་པའི་བཀྲ་ཤིས་ཤོག །ཅེས་བསླབ་གསུམ་དད་ལྡན་ཞིང་སྒྲུབ་ལ་མཆོག་ཏུ་གཞོལ་བའི་དགེ་སྦྱོང་ཀརྨ་ལྷ་དཔལ་གྱིས་རྒྱུད་ཀྱི་རྒྱལ་པོ་འདི་ཉིད་དད་བརྩོན་གྱིས་སྤར་དུ་བསྒྲུབས་པའི་སྐབས། རྒྱུད་ཀྱི་དགོངས་དོན་དང་བསྟུན་པའི་སྨོན་ལམ་ཁ་ཏོན་དུ་བྱས་ཆོག་པ་ཞིག་དགོས་ཞེས་བསྐུལ་བའི་ངོར། །རྒྱུད་དོན་གྱི་ས་བཅད་མདོར་བསྡུས་པ་བཅས་གཞིར་བཀོད་དེ། རིག་འཛིན་གྱི་བཙུན་པ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་དཔལ་སྤུངས་ཡང་ཁྲོད་དེ་བཱི་ཀོ་ཊི་གསུམ་པ་ཙཱ་འདྲ་། རིན་ཆེན་བྲག་གི་མགུལ། བཤད་སྒྲུབ་བྱེ་བའི་འབྱུང་གནས་འཇམ་མགོན་དགྱེས་པའི་གཞལ་མེད་ཁང་ཆེན་པོར་བྲིས་པ་དགེ་ལེགས་མཆོག་ཏུ་གྱུར་ཅིག །སརྦ་མངྒ་ལཾ།། ༈ །།ཨོཾ་སྭ་སྟི་སིདྡྷཾ། བཀྲ་ཤིས་མཚན་གྱི་སྤྲིངས་ཡིག་ཆ་རེས་ཀྱང་། །དུས་མིན་འཆི་བའི་འཇིགས་པ་ཀུན་བསལ་ནས། །ཕུན་ཚོགས་དངོས་གྲུབ་སྟེར་མཛད་ལྷག་པའི་ལྷ། །བདེ་ལྡན་ཞིང་གི་མགོན་པོས་དགེ་ལེགས་སྩོལ། །གང་དེའི་འཆི་མེད་སྐུ་ཡི་སྣང་བརྙན་དང་། །གསུང་གི་གསང་བ་རྨད་བྱུང་གཟུངས་ཀྱི་གཞུང་། །ཐུགས་ཀྱི་རང་གཟུགས་ཆོས་སྐུའི་མཆོད་རྟེན་བཅས། རྣམ་དཀར་ཕྱི་མོར་བསྐྲུན་པའི་ལེགས་བྱས་ཀྱིས། །བསྟན་འཛིན་

[Full Size]

མཆོག་རྣམས་ཞབས་པད་བསྐལ་བརྒྱར་བརྟན། །བསྟན་པའི་སྦྱིན་བདག་སྡེ་བཞིའི་དཔལ་འབྱོར་རྒྱས། །བསྟན་ལ་དད་རྣམས་ཚེ་བསོད་ཡེ་ཤེས་འཕེལ། །བསྟན་པ་ཕྱོགས་བཅུར་དར་བའི་བཀྲ་ཤིས་ཤོག །ཅེས་པའང་ཤཱཀྱའི་དགེ་སློང་སྤོང་བ་པ་འཇམ་དབྱངས་བླ་མ་དགྱེས་པའི་འབངས་མཁྱེན་བརྩེའི་དབང་པོས་ཚུལ་འདིའི་ལེགས་བྱས་འདུ་བགྱིས་པའི་སྐབས་རྩེ་གཅིག་ཏུ་གསོལ་བ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། ༈ །།ཐུབ་བསྟན་དར་རྒྱས་གླིང་གི་འོག་མིན་རིག་འཛིན་ལྷ་ཁང་འཆི་མེད་པདྨོ་བཀོད་པའི་ཞིང་ཁམས་ཆེན་པོའི་གཏམ་ངོ་མཚར་དད་པའི་སྙེ་མ་ཞེས་བྱ་བ་བཞུགས་སོ། །ཨོཾ་སྭ་སྟི་བི་ཛ་ཡནྟ། དགེ་ལེགས་ཐུགས་རྗེ་རྫོགས་ལྡན་སྤྲིན་ཆེན་ལས། །ཕན་བདེའི་འདོད་རྒུ་ཆར་དུ་སྙིལ་མཛད་པ། །དཀོན་མཆོག་རིན་ཆེན་རྩ་གསུམ་ཆོས་སྲུང་གིས། །རྣམ་ཀུན་ཤིས་པའི་དགའ་སྟོན་སྦྱིན་གྱུར་ཅིག །ཅེས་དགེ་ལེགས་སུ་བྱ་བའི་ཚིག་གིས་མདུན་བསུས་ཏེ། འོག་མིན་རིག་འཛིན་ལྷ་ཁང་མཐོང་གྲོལ་འཆི་མེད་པདྨོ་བཀོད་པའི་ཞིང་ཁམས་འདི་ཉིད་ལས་བརྩམས་ཏེ་འབེལ་བའི་གཏམ་ཅུང་ཟད་ཙམ་བརྗོད་ན། འཕགས་མཆོག་ཕྱག་ན་པདྨོའི་ཐུགས་རྗེའི་འཇུག་པས་ཡོངས་སུ་བཟུང་བའི་གངས་ཅན་བོད་ཀྱི་ལྗོངས་འདིར་སྐོར་གསུམ།

[Full Size]

རུ་བཞི། སྒང་དྲུག་ཏུ་གྲགས་པའི་ཕྱི་མའི་བྱེ་བྲག་སྨར་ཁམས་ཟལ་མོ་སྒང་གི་ནོར་འཛིན་གྱི་ཐིག་ལེ། གནམ་བསྐོས་དགའ་ལྡན་ཕོ་བྲང་པ་དང་། གོང་མ་ཆེན་པོ་མཆོད་ཡོན་གྱི་ལྷ་འབངས་འདབས་འབྲེལ་བའི་ས་མཚམས་རྒྱ་སྣེ་སྟེང་གི་བྱེ་བྲག །ཡུལ་ལ་གཡང་ཆགས་པས་འདོད་རྒུའི་དགེ་མཚན་ཕུན་སུམ་ཚོགས་པས་བརྒྱན་པ་འདེབས་མ་ཞབས་ཞེས་པ་འདིར། སྒྲུབ་བརྒྱུད་སྙིང་པོའི་བསྟན་པ་རིན་པོ་ཆེའི་སྒོར་ཞུགས་ཤིང་། དཀོན་མཆོག་དད་པས་འབྲས་ལ་བླ་མར་བགྱི་བའི་དད་གཏོང་ཕུན་སུམ་ཚོགས་པས་བརྒྱན་པའི་བཟོ་གནས་རྒྱ་མཚོར་བྱང་ཆུབ་པ་དབུ་མཛད་ཆེན་མོ་ཤཱཀྱའི་དགེ་སྦྱོང་ཀརྨ་དྷརྨ་བནྡྷ་ནས་ལྷག་པའི་བསམ་པ་སྟོན་ཟླ་ལྟར་དཀར་བ་དཔལ་ལྡན་བླ་མ་དམ་པ་གོང་མ་ཆོས་ཀྱི་སྤྱན་ལྡན་ཞི་བར་གཤེགས་པ་རྣམས་ཀྱི་དགོངས་རྫོགས། གོང་མ་མཆོད་ཡོན་གྱིས་གཙོས་ད་ལྟར་ཞལ་བཞུགས་པའི་བསྟན་འཛིན་གྱི་སྐྱེས་ཆེན་དམ་པ་རིས་སུ་མ་ཆད་པ་དང་། བསྟན་པའི་སྦྱིན་བདག་ཆེན་པོ་རྣམས་ཀྱི་ཞབས་བརྟན། ཕྱོགས་བཅུའི་དགེ་འདུན་གྱི་སྡེ་འཕེལ་ཞིང་འཇིག་རྟེན་དགེ་ལེགས་ཆེན་པོས་ཁྱབ་པ་དང་། རང་གཞན་འབྲེལ་ཚད་ཐམས་ཅད་སྲིད་ཞིའི་མཐའ་གཉིས་ལ་མི་གནས་པའི་བྱང་ཆུབ་ཆེན་པོར་མྱུར་དུ་དབུགས་འབྱིན་པའི་ལྷན་ཅིག་བྱེད་རྐྱེན་དུ་དམིགས་ཏེ། བསྟན་པ་ལ་དད་པའི་ཡོན་གྱི་བདག་པོ་རྣམས་དང་བཅས་བཀྲ་ཤིས་པའི་

[Full Size]

གཙུག་ལག་ཁང་དང་ཀུན་དགའ་ར་བ་བཀོད་ལེགས་སུ་བསྐྲུན། རྒྱལ་བ་སྲས་དང་བཅས་པའི་སྣང་བརྙན་གཙོ་བོར་གྱུར་པའི་སྐུ་གསུང་ཐུགས་རྟེན་རྨད་དུ་བྱུང་བ་བཞེངས། དགེ་འདུན་འདུ་བའི་སྒོ་གྱ་ནོམ་པ་སྦྱར་ཏེ་བཤད་སྒྲུབ་ཟུང་འབྲེལ་གྱི་དགོན་གནས་ཐུབ་བསྟན་དར་རྒྱས་གླིང་ཞེས་གྲགས་པའི་ཡི་གེས་མཛེས་པར་བྱས་པ་དང་ཆབ་གཅིག །སླར་ཡང་ཁོ་བོ་ཅག་ལའང་ཆོས་ཀྱི་བདུད་རྩི་ཟབ་མོ་ནོས་ཤིང་མི་ཕྱེད་པའི་དད་པས་མཚམས་སྦྱར་ཏེ། གཙུག་ལག་ཁང་གི་སྟེང་ཐོག་ཏུ་རྩ་བརྒྱུད་ཀྱི་བླ་མ་གཙོ་བོར་གྱུར་པའི་འོག་མིན་རིག་འཛིན་ལྷ་ཁང་མཐོང་གྲོལ་འཆི་མེད་པདྨ་བཀོད་པའི་ཞིང་ཁམས་ཆེན་པོ་འདི་ཉིད་བཞེངས་པའི་གཡར་དམ་ལྷུར་བཞེས་ཏེ་ཕྱག་ལེན་དུ་བཏབ་པ་ན། དཀོན་མཆོག་རིན་པོ་ཆེ་རྣམ་པ་གསུམ་དང་རྩ་གསུམ་རྒྱལ་བ་རྒྱ་མཚོའི་ཐུགས་རྗེས་གཞི་བཟུང་། རྡོ་རྗེའི་ཆོས་སྐྱོང་བའི་ཚོགས་དང་། དཀར་ཕྱོགས་ལ་མངོན་པར་དགའ་བའི་ལྷ་ཀླུ་མཐུ་བོ་ཆེ་རྣམས་ཀྱིས་ཕྲིན་ལས་སྩལ། ཕྱོགས་འདིའི་བླ་མ་དགེ་འདུན་དང་བསྟན་པ་ལ་དད་པའི་དབོན་འབངས་རྣམས་ཀྱིས་ཀྱང་རྗེས་སུ་ཡི་རང་བའི་གྲོགས་མཛད་དེ་མཐོང་ཐོས་དྲན་རེག་གི་ཡིད་ཅན་ཐམས་ཅད་གྲོལ་བ་བཞི་དང་ལྡན་པའི་སྣང་བརྙན་ལྷ་མིའི་མཆོད་སྡོང་བསྟན་འགྲོའི་བཙས་ཆེན་པོར་གྲུབ་པ་འདི་ཉིད་ཀྱི་རྟེན་གྱི་གཙོ་བོར་སྐྱབས་གནས་ཀུན་འདུས་ཀྱི་བདག་

[Full Size]

ཉིད་སངས་རྒྱས་གཉིས་པ་པདྨ་སཾ་བྷ་བའི་སྐྱེས་བུའི་ལུས་ཚད་ཉིས་འགྱུར། དེའི་གཡས་སུ་གངས་རིའི་ཁྲོད་ཀྱི་ཐུབ་དབང་གཉིས་པ་མཁན་ཆེན་བོ་དྷི་ས་ཏཱ། གཡོན་དུ་བསིལ་ལྡན་གྱི་ལྗོངས་འདིར་ཐུབ་བསྟན་ཉིན་བྱེད་འདྲེན་པའི་ཤིང་རྟ་ཆེན་པོ་འཇམ་པའི་དབྱངས་དངོས་ཆོས་རྒྱལ་ཁྲི་སྲོང་ལྡེའུ་བཙན་གཉིས་སྐྱེས་བུའི་ལུས་ཚད་ལས་ལྷག་པ་སྟེ་མཁན་སློབ་ཆོས་གསུམ་གྱི་མཚན་དཔེའི་སྣང་བརྙན་མཐོང་ན་མི་མཐུན་པ་མེད་པར་ལྷམ་མེ། ལྷན་ནེར་བཞུགས་པའི་བར་མཚམས་རྣམས་སུ་སྔ་འགྱུར་རྡོ་རྗེ་ཐེག་པའི་བླ་མ་བརྒྱུད་པ་གཙོ་བོར་བཏོན་པའི་དབང་དུ་བྱས་ཏེ། རིགས་བརྒྱའི་ཁྱབ་བདག་དཔལ་ཀུན་ཏུ་བཟང་པོ། རྒྱལ་བ་རྡོ་རྗེ་འཆང་། རྡོ་རྗེ་མི་བསྐྱོད་པ་ལ་སོགས་པའི་རྒྱལ་ཚབ་རིགས་ལྔ། ཁྱེའུ་སྣང་བ་དམ་པ་སོགས་གྲགས་ཆེན་གསལ་བའི་སྟོན་པ། དགའ་རབ་རྡོ་རྗེ། འཇམ་དཔལ་བཤེས་གཉེན། ཤྲཱི་སིཾ་ཧ། ཛྙཱ་ན་སཱུ་ཏྲ། རྒྱལ་པོ་དྷ་ན་ཏ་ལ་སོགས་སེམས་སྡེའི་མཁས་པ་ཉེར་གཅིག །བཅོམ་ལྡན་འདས་རིགས་གསུམ་མགོན་པོ། ལྷ་གྲགས་ལྡན་མཆོག་སྐྱོང་སོགས་དམ་པའི་རིགས་ཅན་དྲ་མ་ལྔ། ཆོས་རྒྱལ་ལུང་བསྟན་རྡོ་རྗེ། མདོ་མཁན་བདེ་བ་གསལ་མཛད། སློབ་དཔོན་སྒེག་པའི་རྡོ་རྗེ། མཁའ་འགྲོ་མ་ལས་ཀྱི་དབང་མོ། ཧཱུྃ་ཀ་ར་སོགས་གྲུབ་པའི་རིག་འཛིན་བརྒྱད། བྱ་རྒྱུད་ཀྱི་སློབ་དཔོན་བྱང་ཆུབ་མཆོག །སྤྱོད་རྒྱུད་ཀྱི་བཀའ་

[Full Size]

བབས་སངས་རྒྱས་གསང་བ། རྣལ་འབྱོར་རྒྱུད་ཀྱི་ཤིང་རྟ་ཆེན་པོ་ཀུན་དགའ་སྙིང་པོ། འཕགས་པ་ཀླུ་སྒྲུབ་སོགས་འཛམ་བུ་གླིང་མཛེས་པར་བྱེད་པའི་རྒྱན་དྲུག །འདུལ་བ་གསལ་བྱེད་ཡོན་ཏན་འོད་དང་ཤཱཀྱ་འོད། དཔལ་ས་ར་ཧ་སོགས་རྣལ་འབྱོར་གྱི་དབང་ཕྱུག་བརྒྱད་ཅུ་རྩ་བཞི། རྨད་དུ་བྱུང་བའི་སློབ་དཔོན་ཞི་བ་ལྷ། ཟླ་བ་གྲགས་པ། ཙནྡྲ་གོ་མི། སྤྲུལ་པའི་གུ་རུ་མཚན་བརྒྱད་མཁའ་འགྲོ་མ་གཉིས་དང་བཅས་པ། སློབ་དཔོན་བི་མ་ལ་མི་ཏྲ། ཆོས་རྒྱལ་སྲོང་བཙན་སྒམ་པོ་དང་། མངའ་བདག་ཁྲི་རལ། བེ་རོ་ཙ་ན་སོགས་འབངས་རིགས་གྲུབ་ཆེན་ཉེར་ལྔ། སོ་ཡེ་ཤེས་དབང་ཕྱུག །ཟུར་པོ་ཆེ་ཤཱཀྱ་འབྱུང་གནས། ཟུར་ཆུང་ཤེས་རབ་གྲགས། ཟུར་གསང་བདག་སྒྲོ་ཕུག་པ་ཤཱཀྱ་སེང་གེ་སྟེ་ཟུར་པ་མེས་དབོན་གསུམ། གཏེར་ཆེན་མངའ་བདག་ཉང་། གུ་རུ་ཆོས་དབང་། རིག་འཛིན་རྒོད་ལྡེམ་སྟེ་མཆོག་གི་སྤྲུལ་སྐུ་རྣམ་གསུམ། ཀུན་མཁྱེན་ཀློང་ཆེན་རབ་འབྱམས། བོད་ཆེན་པོའི་ལྗོངས་འདིར་གསང་ཆེན་རྡོ་རྗེ་ཐེག་པའི་ཤིང་རྟ་ཆེན་པོ་དམ་གཙང་བྱམས་གསུམ་བཅས་སྔ་འགྱུར་རྙིང་མའི་བླ་མ་དམ་པ་རྣམས་དང་། གཞན་ཡང་གྲུབ་མཐའ་རིས་མེད་ཀྱི་དབང་དུ་བྱས་ཏེ། བཀའ་གདམས་བསྟན་པའི་མེས་པོ་ཇོ་འབྲོམ་རྔོག་གསུམ། བཀའ་བརྒྱུད་རིན་པོ་ཆེའི་གཙུག་རྒྱན་མར་མི་དྭགས་གསུམ། དཔལ་ས་སྐྱ་པའི་ཤིང་རྟ་ཆེན་

[Full Size]

པོ་ས་ངོར་ཚར་གསུམ། བཀའ་གདམས་གསར་མའི་སྲོལ་འབྱེད་རྗེ་ཡབ་སྲས་གསུམ་བཅས་དང་། སྦྱིན་པའི་བདག་པོ་རང་ཉིད་ལ་དངོས་སུ་ཆོས་ཀྱི་བདུད་རྩི་སྩལ་བའི་རྩ་བའི་བླ་མ་དམ་པ་ལྔ་བཅས་རྩ་བརྒྱུད་ཀྱི་བླ་མ་དམ་པ་རྣམས་དང་། ཡི་དམ་གྱི་ལྷ་རྡོ་རྗེ་སེམས་དཔའ་ཡབ་ཡུམ། ཁྲག་འཐུང་རྩ་བའི་ལྷ་ཞལ་གཅིག་ཕྱག་གཉིས་པ། ཆེ་མཆོག་ཧེ་རུ་ཀ་ཞལ་གསུམ་ཕྱག་དྲུག་པ། བཀའ་བརྒྱད་གཙོ་རྐྱང་ཞལ་གཅིག་ཕྱག་གཉིས་པ། རྣལ་འབྱོར་རྒྱུད་ཀྱི་གཙོ་བོ་དེ་བཞིན་གཤེགས་པ་རིགས་ལྔ། སྤྱོད་རྒྱུད་ཀྱི་གཙོ་བོ་རྣམ་སྣང་མངོན་བྱང་། བྱ་རྒྱུད་ཀྱི་གཙོ་བོ་རིགས་གསུམ་མགོན་པོ། སངས་རྒྱས་སྤྲུལ་པའི་སྐུ་ཤཱཀྱའི་རྒྱལ་པོ་ལ་ཕྱོགས་བཅུའི་སངས་རྒྱས་ཀྱིས་བསྐོར་བ། སངས་རྒྱས་འོད་དཔག་མེད། མགོན་པོ་ཚེ་དཔག་མེད། བཅོམ་ལྡན་འདས་སྨན་གྱི་བླ་མ། རྡོ་རྗེ་མི་འཁྲུགས་པ། བྱང་ཆུབ་སེམས་དཔའ་ཉེ་བའི་སྲས་བརྒྱད། རང་སངས་རྒྱས་ཚོགས་ན་སྤྱོད་པ་དང་། བསེ་རུ་ལྟ་བུ་གཉིས། ཉན་ཐོས་མཆོག་གཉིས། འོད་སྲུངས་ཆེན་པོ་སོགས་བསྟན་པའི་གཏད་རབས་བདུན། ཡན་ལག་འབྱུང་སོགས་གནས་བརྟན་ཆེན་པོ་བཅུ་དྲུག །ཞབས་འབྲིང་དགེ་བསྙེན་དྷརྨ་ཏཱ་སྦྱིན་བདག་དང་བཅས་པ། གནས་གསུམ་གྱི་དཔའ་བོ་མཁའ་འགྲོའི་མཚོན་བྱེད་དཔའ་བོ་ཡབ་ཡུམ་རིགས་ལྔ། རྡོ་རྗེའི་ཆོས་སྲུང་ཕོ་རྒྱུད་ཀྱི་གཙོ་བོ་ལེགས་ལྡན་ཚོགས་ཀྱི་བདག་པོ།

[Full Size]

མོ་རྒྱུད་ཀྱི་གཙོ་མོ་སྔགས་སྲུང་ཨེ་ཀ་ཛཱ་ཊི། གཉིས་མེད་རྒྱུད་ཀྱི་གཙོ་བོ་དཔལ་མགོན་མ་ནིང་ནག་པོ། ནག་པོ་ཆེན་པོ་ཕྱག་བཞི་པ། ཕྱག་དྲུག་པ། གནོད་སྦྱིན་ནོར་ལྷའི་གཙོ་བོ་རྣམ་སྲས་སེར་ཆེན། ཨཱརྨ་ཛཾ་བྷ་ལ། ལྷ་མོ་ནོར་རྒྱུན་མ། གཙང་རིས་དཔལ་མགོན་གྱི་གཙོ་བོ་རྒྱལ་ཆེན་སྡེ་བཞི། གངས་རིའི་ལྗོངས་འདིའི་ཡུལ་བདག་ཐམས་ཅད་ཀྱི་གཙོ་མོ་བཀྲ་ཤིས་ཚེ་རིང་མ་དང་བཅས་པ་སྟེ། དེ་ལྟ་བུའི་སྣང་བརྙན་རྣམས་ཀྱང་དཔལ་སྡོམ་པ་འབྱུང་བའི་རྒྱུད་ལས། ཚད་ནི་ཚད་ལ་ཕབ་ཀྱིན་བཟང་། །ཞི་བ་ལ་སོགས་ཉམས་དང་ལྡན། །དེ་ལྟ་བུ་ནི་རབ་གནས་འགྱུར། །ཅེས་གསུངས་པ་ལྟར་རྒྱུད་སྡེ་རིན་པོ་ཆེ་རྣམས་ནས་ཇི་སྐད་གསུངས་པའི་ཚད་དང་མཚན་ཉིད་ཉམས་འགྱུར་ཐམས་ཅད་ཡོངས་སུ་རྫོགས་པ་སྟེ། ཐོག་མར་གནས་ཡུལ་དུར་ཁྲོད་དྲུག་ཅུ་རྩ་བཞིའི་ས་སྣ་གཏེར་སོན་དང་། རི་བོ་པོ་ཏ་ལའི་འབྲུ་སྨན། །པཎ་ཆེན་ཤཱ་རི་པུ་ཏྲས་བསྣམས་པའི་གནས་ཡུལ་དུར་ཁྲོད་ཐམས་ཅད་ཀྱི་ས་སྣ་ཆུ་སྣ་སྣེ་གདོང་གོང་མའི་རྟེན་སྒམ་ནས་བྱུང་བ། གྲུབ་ཆེན་ཐང་སྟོང་རྒྱལ་པོས་འཛམ་གླིང་ལན་གསུམ་བསྐོར་བའི་ས་སྣ་ཆུ་སྣས་གཙོས་འཕགས་བལ་བོད་ལྗོངས་རྒྱ་ནག་ཚུན་གྱི་གནས་ཆེན། གནས་ཕྲན། གཙུག་ལག་ཁང་སོགས་མང་པོའི་ས་སྣ་ཆུ་ཤིང་དང་། སྨན་སྣ་དང་། དཔལ་ཅན་གྱི་རྫས། རིན་པོ་ཆེ་སྣ་ཚོགས་པའི་ཕྱེ་མ་བཅས་འཇིམ་པ་

[Full Size]

དང་སྦྱར་ཏེ་ལེགས་པར་བཞེངས་པའི་གཙོ་བོ་པདྨ་སཾ་བྷ་ཝའི་ནང་དུ་རིང་བསྲེལ་རྣམ་པ་ལྔ་ཞེས་གྲགས་པ་ལས། ཡུངས་འབྲུ་ལྟ་བུའི་རིང་བསྲེལ་སངས་རྒྱས་ཀྱི་འཕེལ་གདུང་། བདེ་བར་གཤེགས་པ་ཐམས་ཅད་གྱི་གདུང་གི་རིལ་བུ་དམ་རྫས་རིན་པོ་ཆེའི་ཏོག །རིང་བསྲེལ་ཀུན་འདུས་རིལ་བུ་ནོར་བུ་ཏོག་གི་བློ་གྲོས། གུ་རུ་རིན་པོ་ཆེའི་ཚེམས་ལས་སྤྲུལ་པའི་རིང་བསྲེལ་མཐོང་གྲོལ་ཤིན་ཏུ་ཁྱད་འཕགས། ཆོས་སྐུའི་རིང་བསྲེལ་ཀུན་མཁྱེན་ཀློང་ཆེན་པའི་གདུང་ཚྭ། སྐུ་གདུང་རིང་བསྲེལ་རིག་འཛིན་དགའ་རབ་རྡོ་རྗེའི་སྤྲུལ་པའི་གདུང་རྟེན་གཏེར་བྱོན། ཨོ་རྒྱན་རིན་པོ་ཆེའི་ཤངས་མཚལ། གུ་རུ་ཡབ་ཡུམ་གྱི་བྱང་སེམས་དམ་རྫས་རོལ་པ་ཆེན་པོ། ཆོས་རྒྱལ་ཁྲི་སྲོང་གི་གདུང་རུས། སྐུ་བལ་གྱི་རིང་བསྲེལ་འོད་སྲུང་དང་ཐུབ་པའི་སྐུ་ཆོས། སློབ་དཔོན་ཀླུ་སྒྲུབ་ཀྱི་མཆིལ་ལྷམ། འཕགས་པ་ཐོགས་མེད་ཀྱི་ཆོས་གོས། གུ་རུ་རིན་པོ་ཆེའི་དབུ་སྐྲ། དབུ་ཞྭ། ན་བཟའ་ཟ་ཕེར། སྐུ་རེག །ཞབས་ལྷམ། ཡེ་ཤེས་ཀྱི་མཁའ་འགྲོ་མ་མན་རའི་ན་བཟའ། མཚོ་རྒྱལ་གསང་གོས། མཁན་ཆེན་བོདྷི་ས་ཏྭའི་ཆོས་གོས། ཆོས་རྒྱལ་ཁྲི་སྲོང་ན་བཟའ། ལོ་ཆེན་བཻ་རོ་དང་། གནུབས་སངས་རྒྱས་ཡེ་ཤེས་དབུ་སྐྲ། ནམ་མཁའི་སྙིང་པོའི་སྐུ་ཆོས་བཅས་གཏེར་བྱོན་འཁྲུལ་མེད་དང་། ཁྱད་པར་ཆོས་ཀྱི་རིང་བསྲེལ་ཨོ་རྒྱན་རིན་པོ་ཆེའི་ཕྱག་བྲིས་གཏེར་ཤོག་མཐོང་

[Full Size]

གྲོལ་གྱིས་གཙོས་ལེ་ཚན་དུ་མ། གསར་རྙིང་གི་རྒྱུད་སྡེ་བཞི་དྲུག་དང་འབྲེལ་བའི་གསང་སྔགས། རིག་སྔགས། གཟུངས་སྔགས་ཀྱི་ཚོགས་བསམ་གྱིས་མི་ཁྱབ་པ་དང་། གཞན་ཡང་བཀའ་གཏེར་གསར་རྙིང་གྲུབ་མཐའ་རིས་བྲལ་སེལ་མེད་ཡིད་ཆེས་ཁུངས་བཙུན་གྱི་དམ་རྫས། དབུ་སྐྲ། ན་བཟའ། རིང་བསྲེལ་སོགས་ངོས་ཀྱི་ལག་ཏུ་གང་ཡོད་རྣམ་གྲངས་སྟོང་ཕྲག་ལྷག་པ་ཐམས་ཅད་ཕྱོགས་གཅིག་ཏུ་བསྡུས་པའི་རྟེན་འདུས་ཆེན་མོ་བཅས་རིང་བསྲེལ་རྣམ་པ་ལྔས་ཕྱུར་བུར་གཏམས་པའི་ཐུགས་ཀར་གུ་རུ་རིན་པོ་ཆེའི་སྐུ་ཚབ་ཀྱི་རྒྱུ་གཏེར་བྱོན་ཁྱད་འཕགས་ལས་བཏབ་པའི་སྣང་བརྙན་ཡེ་ཤེས་སེམས་དཔའི་ཚུལ་དུ་བཞུགས་ཤིང་། བོདྷི་ས་ཏྭ་དང་ཆོས་རྒྱལ་གཉིས་ལའང་རིང་བསྲེལ་རྣམ་ལྔ་གོང་དང་ཆ་མཚུངས་པ་ལས། ཁྱད་པར་བོ་དྷི་ས་ཏྭའི་ཐུགས་ཀར་དེ་ཉིད་ཀྱི་སྐུ་ཆོས་རྟེན་འདམ་བྱས་པ་ལས་བཏབ་པའི་སྣང་བརྙན་དང་། ཇོ་བོ་རྗེ་དཔལ་ལྡན་ཨ་ཏི་ཤའི་གདུང་རུས་ལས་བཏབ་པའི་སཱཙྪ། ཆོས་རྒྱལ་གྱི་ཐུགས་ཀར་དེ་ཉིད་ཀྱི་གདུང་རུས་འཁྲུལ་མེད་ལས་བཏབ་པའི་སྣང་བརྙན་དང་། འཇམ་པའི་དབྱངས་ས་སྐྱ་པཎྜི་ཏའི་། གདུང་ཚྭ་བཅས་ཡེ་ཤེས་སེམས་དཔའི་ཚུལ་དུ་བཞུགས་ཤིང་། འཁོར་གྱི་སྣང་བརྙན་ཐམས་ཅད་ལའང་རིང་བསྲེལ་རྣམ་པ་ལྔ་ཡོངས་སུ་ཚང་བས་ཕྱུར་བུར་གཏམས་པས་བྱིན་རླབས་ཀྱི་གཟི་འོད་འབར་བར་གྲུབ་

[Full Size]

པ་ལ། ངོས་ནས་ཀྱང་སྐུ་རྒྱུ་དང་ནང་གཞུག་ལ་ཡེ་ཤེས་འབེབས་པའི་དམིགས་འདུན་ནན་ཏན་བགྱིས་ཤིང་། བཟོའི་བྱ་བ་ལེགས་པར་གྲུབ་བསྟུན་དགེ་སློང་རྡོ་རྗེ་འཛིན་པ་འདུས་པ་དང་བཅས་པས་ཀྱང་ལྷག་པར་གནས་པའི་ཆོ་གས་མངའ་ཕུལ་བས་དམ་ཚིག་དང་ཡེ་ཤེས་དབྱེར་མེད་པར་ལྷ་དང་བཅས་པའི་གདུལ་བྱ་རྒྱ་མཚོའི་བསོད་ནམས་ཀྱི་ཞིང་ཆེན་པོར་གྱུར་པ་ལ་བརྟེན་ནས་ཡུལ་ཕྱོགས་བཀྲ་ཤིས་ཤིང་བྱིན་ཆགས་པ་དང་། རྡོ་རྗེའི་ཞིང་ཁམས་ཆེན་པོར་འགྱུར་བ་དང་། མཐོང་ཐོས་དྲན་རེག་ཐམས་ཅད་གནས་སྐབས་སུ་ཚེ་རིང་ནད་མེད་བདེ་སྐྱིད་ཆོས་ལྡན་གྱི་འབྱོར་བ་རྒྱས་ཤིང་བར་ཆད་ཐམས་ཅད་ཞི་བ་དང་། མཐར་ཐུག་ཐར་པའི་ས་བོན་རྒྱུད་ལ་ཞུགས་ཏེ་བྱང་ཆུབ་མཆོག་གི་གོ་འཕང་མངོན་དུ་འགྱུར་བར་གདོན་མི་ཟ་བས་མཆོག་དམན་ཐམས་ཅད་ནས་དང་འདོད་ཡིད་ཆེས་ཀྱི་དད་པས་ཀུན་ནས་བསླངས་ཏེ་ཕྱག་འཚལ་བ་དང་། གསོལ་བ་འདེབས་པ་དང་། མཆོད་པ་འབུལ་བ་དང་། བསྐོར་བ་བྱ་བ་དང་། གནས་སྐབས་དང་མཐར་ཐུག་གི་ཕུན་སུམ་ཚོགས་པ་ཐམས་ཅད་ཀྱི་གཞིར་གྱུར་པ་བྱང་ཆུབ་ཀྱི་སེམས་རིན་པོ་ཆེའི་རྩིས་ཟིན་པས་སྨོན་ལམ་རྒྱ་ཆེན་པོ་གདབ་པས་མཚོན་དལ་འབྱོར་གྱི་རྟེན་ལ་སྙིང་པོ་ལེན་པའི་ཐབས་ཚུལ་ལ་མཆོག་ཏུ་བརྩོན་པར་བྱའོ། །སླར་སྨྲས་པ། ཨོཾ་སྭ་སྟི་བི་ཛ་ཡནྟུ། ཕྱོགས་དུས་དཀོན་མཆོག་རྩ་

[Full Size]

གསུམ་ཆོས་སྲུང་ཚོགས། །དད་པའི་ཡིད་མཁར་མངོན་སུམ་གསལ་བའི་མདུན། །བདག་གཞན་ལུས་ཅན་རྒྱ་མཚོ་ཐབས་གཅིག་ཏུ། །མི་ཕྱེད་གུས་པ་ཆེན་པོས་ཕྱག་འཚལ་ལོ། །དངོས་ཡིད་ཀུན་བཟང་མཆོད་པའི་སྤྲིན་གྱིས་མཆོད། །སྟོབས་བཞིས་སྡིག་ལྟུང་ཚོགས་ཀུན་སྙིང་ནས་བཤགས། །འཕགས་དང་སོ་སྐྱེའི་དགེ་བར་རྗེས་ཡི་རང་། །རྣམ་འདྲེན་སྲས་དང་སློབ་མར་བཅས་པ་ཀུན། །ཆོས་འཁོར་བསྐོར་བཞིན་རྟག་པར་བཞུགས་གསོལ་འདེབས། །འདིས་མཚོན་ལེགས་བྱས་དགེ་བ་ཇི་སྙེད་ཀུན། །འཇམ་དཔལ་གཞོན་ནུའི་མཁྱེན་པའི་རྗེས་ཞུགས་ཏེ། །བྱང་ཆུབ་སྙིང་པོར་ཡོངས་སུ་བསྔོ་བར་བགྱི། །ལྷར་བཅས་བསོད་ནམས་ཞིང་མཆོག་ཟླ་མེད་པ། །རྟེན་མཆོག་འདི་རྣམས་བཞེངས་པའི་རྒྱུ་སྦྱོར་དང་། །བྱ་བྱེད་ལག་ལེན་འབྲེལ་བར་བཅས་པ་ཀུན། །ཚེ་འདིར་ཚེ་རིང་ནད་མེད་དམ་ཆོས་སྤྱོད། །ཕྱི་མ་བདེ་བ་ཅན་གྱི་ཞིང་སྐྱེས་ནས། །འོད་དཔག་མེད་པའི་ཞལ་མཐོང་ལུང་བསྟན་ཅིང་། །ལམ་ལྔ་ས་བཅུ་དཀའ་བ་མེད་པར་བགྲོད། རྫོགས་པའི་བྱང་ཆུབ་མྱུར་དུ་ཐོབ་པར་ཤོག །གཞན་ཡང་རིས་མེད་བསྟན་འཛིན་དམ་པ་རྣམས། །བསྐལ་བརྒྱར་ཞབས་བརྟན་ཆོས་འཁོར་རྟག་ཏུ་བསྐོར། །དགེ་འདུན་སྡེ་རྣམས་ཐུགས་མཐུན་ཁྲིམས་གཙང་ཞིང་། །བཤད་སྒྲུབ་ཕྲིན་ལས་ས་གསུམ་ཁྱབ་གྱུར་ཅིག །དམྱལ་བ་ཚ་གྲང་སྡུག་

[Full Size]

བསྔལ་ཡོངས་སུ་ཞི། །ཡི་དྭགས་བཀྲེས་སྐོམ་གདུང་བ་མཐའ་དག་བྲལ། །དུད་འགྲོ་བླུན་རྨོངས་མུན་པ་ཀུན་བསལ་ཏེ། །ངན་སོང་འགྲོ་རྣམས་བདེ་བས་འཚོ་བར་ཤོག །མི་རྣམས་བདེ་སྐྱིད་ཆོས་ལྡན་དཔལ་འབྱོར་རྒྱས། །ལྷ་མིན་འཐབ་རྩོད་ཟུག་རྔུ་རྒྱུར་བཅས་སྤངས། །ལྷ་རྣམས་བག་མེད་འཕོ་ལྟུང་ལས་གྲོལ་ཏེ། །ཀུན་ཀྱང་ཕན་བདེའི་དགེ་མཚན་འཕེལ་གྱུར་ཅིག །འཆི་མེད་པདྨོ་བཀོད་པའི་ཞིང་ཁམས་ཆེ། །རྟེན་དང་བརྟེན་པར་བཅས་པ་འདི་ཉིད་ཀྱང་། །གདུལ་བྱ་རྒྱ་མཚོའི་མགོན་དུ་རྟག་བཞུགས་ནས། །གྲོལ་བ་བཞི་ལྡན་ཕྲིན་ལས་མཐའ་ཡས་ཤོག །རྨད་བྱུང་རྟེན་འདིའི་བྱིན་རླབས་ལ་བརྟེན་ནས། །གནས་སྐབས་འགྲོ་ཀུན་བདེ་འབྱོར་ཕུན་སུམ་ཚོགས། །མཐར་ཐུག་ཕྱམས་གཅིག་སངས་རྒྱས་སར་བགྲོད་ནས། །རང་གཞན་དོན་གཉིས་ལྷུན་གྱིས་གྲུབ་པར་ཤོག །རྩ་བརྒྱུད་བླ་མ་མཆོག་གསུམ་ཡི་དམ་ལྷ། །མཁའ་འགྲོ་ཆོས་སྲུང་རྒྱ་མཚོའི་བདེན་སྟོབས་ཀྱིས། །ཇི་ལྟར་སྨོན་པའི་གནས་ཀུན་མྱུར་འགྲུབ་པའི། །དགེ་མཚན་བཀྲ་ཤིས་དཔལ་དུ་འབར་གྱུར་ཅིག །ཅེས་པའང་དད་གཏོང་སོགས་འཕགས་པའི་ནོར་གྱིས་མངོན་པར་མཐོ་བའི་དབུ་མཛད་ཆེན་མོ་ཀརྨ་ཆོས་འཕེལ་རང་ཉིད་ཀྱིས་ཇི་ལྟར་གསོལ་བ་བཏབ་པའི་ངོར། དྲི་མ་མེད་པའི་ཐུབ་བསྟན་རིན་པོ་ཆེ་མཐའ་དག་ལ་དད་པའི་པདྨོ་ལྷག་པར་རྒྱས་ཤིང་། ཡོངས་འཛིན་

[Full Size]

དམ་པ་མཁས་ཤིང་གྲུབ་མཆོག་བརྙེས་པ་དུ་མས་རྗེས་སུ་བཟུང་བའི་ཤཱཀྱའི་དགེ་སྦྱོང་སྤོང་བ་པ་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོའམ། སངས་རྒྱས་གཉིས་པ་པདྨ་སཾ་བྷ་ཝས་བྱིན་གྱིས་བརླབས་པའི་རིག་འཛིན་གྱི་བཙུན་པ་པདྨ་འོད་གསལ་མདོ་སྔགས་གླིང་པའི་སྡེས་རབ་བྱུང་བཅོ་ལྔ་པའི་ལྕགས་ཕོ་རྟའི་ལོའི་རྒྱལ་ཟླ་བའི་དཀར་ཕྱོགས་ཀྱི་དུས་ཚེས་༡༥མཆོག་ཏུ་དགེ་བར་ཤར་མར་སྤེལ་བ་སརྦ་དཱ་ཀ་ལྱཱ་ཎཾ་བྷ་བ་ཏུ།། ༈ །།ན་མོ་རཏྣ་ཏྲ་ཡཱ་ཡ། རབ་འབྱམས་ཞིང་ཁམས་རྒྱ་མཚོའི་སྒྲོན་མེ་མཆོག །སྐུ་གསུམ་བདག་ཉིད་སྟོན་པ་རྫོགས་སངས་རྒྱས། །དེས་གསུངས་ལུང་རྟོགས་གཉིས་ལྡན་དམ་པའི་ཆོས། །བསྟན་འཛིན་འཕགས་པའི་ཚོགས་ལ་ཕྱག་འཚལ་ལོ། །དགེ་བ་འདིས་མཚོན་དུས་གསུམ་ལེགས་བྱས་མཐུས། །བདག་གཞན་འགྲོ་ཀུན་སྐྱེ་བ་ཐམས་ཅད་དུ། །མཚན་ལྡན་དགེ་བའི་བཤེས་ཀྱིས་རྗེས་བཟུང་ནས། །སོ་བྱང་སྔགས་ཀྱི་ཚུལ་ཁྲིམས་དག་པར་ཤོག །ཤེས་བྱའི་གནས་ཀུན་མང་དུ་ཐོས་པས་ཕྱུག །ལུང་རིག་ཟབ་མོས་བསམ་པའི་སྒྲོ་འདོགས་ཆོད། ། རྩེ་གཅིག་བསྒོམས་པས་ཏིང་འཛིན་མཐར་ཕྱིན་ཏེ། །ས་དང་ལམ་གྱི་ཡོན་ཏན་ཡོངས་རྫོགས་ཤོག །ཕ་རོལ་ཕྱིན་དང་རྡོ་རྗེ་ཐེག་པ་ཡི། །ཐུན་མོང་ཁྱད་པར་འབྲས་བུ་མཆོག་བརྙེས་ཏེ། །ཤིན་ཏུ་རྣམ་པར་གྲོལ་

[Full Size]

བའི་ཡེ་ཤེས་ཀྱིས། །མཁའ་ཁྱབ་འགྲོ་ཀུན་སྲིད་ལས་སྒྲོལ་བར་ཤོག །བསྟན་འཛིན་མཆོག་རྣམས་ཞབས་པད་བསྐལ་བརྒྱར་བརྟན། །འཁོར་ལོ་གསུམ་གྱི་བསྟན་པ་ཕྱོགས་བཅུར་རྒྱས། །འགྲོ་ཀུན་བདེ་སྐྱིད་ཆོས་ལྡན་འབྱོར་པ་དང་། །སྲིད་ཞིའི་ལེགས་ཚོགས་འཕེལ་བའི་བཀྲ་ཤིས་ཤོག །ཅེས་པའང་འཇམ་མགོན་བླ་མ་རིན་པོ་ཆེའི་གསུང་རབ་རྨད་དུ་བྱུང་བའི་ཆོས་ཀྱི་སྒྲོམ་ཆེན་པོའི་སྙིང་པོ་ལྟ་བུ་རྡོ་རྗེའི་བདེན་ཚིག་གི་ཕྲེང་བ་འདི་ཉིད་བསླབ་གསུམ་རྣམ་དག་ལུང་རིགས་སྨྲ་བའི་ཁྱུ་མཆོག་སྤོང་བ་པ་ཆེན་པོ་ཀརྨ་བཀྲ་ཤིས་འོད་ཟེར་དང་། དད་ལྡན་ཀརྨ་བསམ་གཏན་ཟུང་གིས་རྣམ་དཀར་གྱི་ཕྱི་མོར་བསྐྲུན་པའི་སྐབས་སྤར་བྱང་སྨོན་ཚིག་དང་འབྲེལ་བར་ཁ་ཏོན་དུ་བྱས་ཆོག་པ་འདི་ལྟ་བུ་ཞིག་བྲིས་ཤིག་ཅེས་བསྐུལ་བ་དོན་ཡོད་པར་བྱ་བའི་ཕྱིར། ཤེས་བྱ་ཀུན་ཁྱབ་གསུང་རབ་རིན་པོ་ཆེའི་མཛོད་ཀྱི་བསྡུས་དོན་ས་བོན་ཙམ་བརྗོད་བྱར་བྱས་ཏེ། མང་དུ་ཐོས་པའི་སྤོང་བ་པ་བྱ་བྲལ་ཆོས་རྗེ་འཇམ་དབྱངས་མཁྱེན་བརྩེའི་དབང་པོས་སྙིང་ནས་སྨོན་ལམ་དུ་བཏབ་པ་དེ་དེ་བཞིན་དུ་འགྲུབ་པར་བླ་མ་རྒྱལ་བ་སྲས་དང་བཅས་པས་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། །།༅། །ནཱ་རོ་མཁའ་སྤྱོད་ཀྱི་གླེགས་བམ་དབུ་ལྷའི་ཞལ་བྱང་དང་མཇུག་གི་སྨོན་ཚིག་བཅས་བཞུགས། མཁའ་ཁྱབ་རྒྱལ་བ་སྲས་བཅས་ཀྱི། །རིགས་ཀུན་ཁྱབ་བདག་

[Full Size]

རྡོ་རྗེ་ཆོས། །འཕགས་བཞི་བསྐྱེད་དང་རོལ་པ་ཡི། །རྒྱལ་ཡུམ་རྡོ་རྗེ་རྣལ་འབྱོར་མ། །མཁས་རྣམས་གཙུག་རྒྱན་པཎ་ཆེན་མཆོག །གྲུབ་པའི་དབང་པོ་ནཱ་རོ་པ། །སྡེ་སྣོད་རྒྱུད་སྡེའི་གསང་བ་འཛིན། །ཕམ་མཐིང་ཆེན་པོ་འཇིགས་མེད་གྲགས། །འཇམ་དཔལ་དཔའ་བོས་བྱིན་བརླབས་པས། །མཁྱེན་རབ་མཐའ་ཡས་ངག་གི་དབང་། །མཁཾས་ཤིང་དངོས་གྲུབ་མཆོག་བརྙེས་པ། །ཀློག་སྐྱ་ལོ་ཙཱ་ཤེས་རབ་བརྩེགས། །སྐད་གཉིས་སྨྲ་བ་འཇིག་རྟེན་མིག །བདེ་མཆོག་གྲུབ་པ་བློ་གྲོས་གྲགས། །ཤིང་རྟ་ཆེན་པོ་ས་སྐྱ་པ། །བརྩེ་ཆེན་ཀུན་དགའ་སྙིང་པོའི་ཞབས། །གཞུང་ལུགས་ཀུན་མཁྱེན་འཇའ་ཚོན་ལུས། །རྡོ་རྗེའི་ཞིང་གཤེགས་བསོད་ནམས་རྩེ། །བོད་ཡུལ་རྡོར་འཛིན་ཀུན་གྱི་ཕུལ། །རྗེ་བཙུན་ཆེན་པོ་གྲགས་པའི་ཞབས། །འཛམ་གླིང་མཁས་ཀུན་གཙུག་གི་རྒྱན། །འཇམ་མགོན་ས་སྐྱ་པཎྜི་ཏ། །ཆོས་དང་སྲིད་ཀྱི་འཁོར་ལོས་སྒྱུར། །འཕགས་པ་བློ་གྲོས་རྒྱལ་མཚན་དཔལ། །ཟབ་རྒྱས་རྒྱུད་སྡེའི་ལམ་སྲོལ་འཛིན། །ཞང་སྟོན་ཆེན་པོ་དཀོན་མཆོག་དཔལ། །རྩེ་གཅིག་བསྒྲུབས་པས་མཆོག་བརྙེས་པ། །གྲུབ་དབང་༣ ན་བཟའ་བྲག་ཕུག་པ། །གྲུབ་རིགས་མཁས་མཆོག་ཆོས་ཀྱི་རྗེ། །མཚུངས་མེད་བསོད་ནམས་རྒྱལ་མཚན་དཔཾལ། །སྙན་བརྒྱུད་བདུད་རྩིའི་བུམ་པ་བཟང་། །ཡར་ཀླུང་སེང་གེ་རྒྱལ་མཚན་ཞབས། །མཁས་

[Full Size]

མཆོག་གྲུབ་པའི་གཙུག་གི་རྒྱན། །དབོན་ཆེན་བསོད་ནམས་རྒྱལ་བ་མཆོག །འཇམ་པའི་དབྱངས་སུ་རབ་གྲགས་པ། །རྗེ་བཙུན་ནམ་མཁའ་རྒྱལ་མཚན་དཔལ། །བདག་ཉིད་ཆེན་པོ་རྡོ་རྗེ་འཆང་། །ཁྱབ་བདག་བློ་གྲོས་རྒྱལ་མཚན་ཞབས། །ཀུན་བཟང་ཆོས་ཀྱི་ཉི་མ་ཆེ། །ཧེ་རུ་ཀ་དཔལ་རྡོ་རིང་པ། །རྡོ་རྗེ་འཆང་ཆེན་ངུར་སྨྲིག་ཟོལ། །ཚར་ཆེན་བློ་གསལ་རྒྱ་མཚོའི་སྡེ། །འཇམ་པའི་དབྱངས་དངོས་དགེ་བའི་བཤེས། །མཁྱེན་བརྩེའི་དབང་ཕྱུག་གནས་གསར་པ། །རིག་གྲོལ་གཉིས་ལྡན་མཁན་ཆེན་རྗེ། །ལུང་རིག་སྨྲ་བ་བསླབ་གསུམ་ཞབས། །རྡོ་རྗེ་འཛིན་པའི་གསང་བ་འཆང་། །དབང་ཕྱུག་རབ་བརྟན་གྲུབ་པའི་དཔྱིད། །ཐམས་ཅད་མཁྱེན་པ་བཀའ་འགྱུར་པ། །མགོན་པོ་བསོད་ནམས་མཆོག་ལྡན་དཔལ། །མཁས་བཙུན་གྲུབ་བརྙེས་ཞྭ་ལུ་པ། །མཁན་ཆེན་བསོད་ནམས་མཆོག་གྲུབ་ཞབས། །མཁྱེན་རབ་མཐའ་ཡས་རྒྱུད་སྡེའི་བདག །བྱམས་པ་ངག་དབང་ལྷུན་གྲུབ་དཔལ། །རབ་འབྱམས་སྨྲ་དབང་རྨོར་ཆེན་རྗེ། །ངག་དབང་ཀུན་དགའ་ལྷུན་གྲུབ་ཞབས། །བསྟན་པའི་བདག་པོ་གནས་གསར་པ། །ངག་དབང་ལེགས་པའི་འབྱུང་གནས་ཆེ། །ས་ཆེན་བསྟན་པའི་ཉིན་མོར་བྱེད། །འཇམ་དབྱངས་ཀུན་དགའ་བློ་གྲོས་རྗེ། །སྐལ་བཟང་ཐར་པའི་རྩེ་མོའི་གྲོང་། །འཁྲིད་མཛད་ནམ་མཁའི་འཆི་མེད་དཔལ། །

[Full Size]

གནས་གསར་མཆོག་གི་སྤྲུལ་པའི་སྐུ། །ནམ་མཁའ་ལེགས་པ་ལྷུན་གྲུབ་ཞབས། །འཆི་མེད་གྲུབ་བརྙེས་རྗེ་བཙུན་མ། །མཚུངས་མེད་བསྟན་པའི་ཉི་མ་ཆེ། །བརྩོན་པས་དངོས་གྲུབ་མཆོག་བརྙེས་། པའི། །འདྲེན་མཆོག་ངག་དབང་རིན་ཆེན་ཞབས། །འཁོར་ལོ་སྡོམ་པ་ངུར་སྨྲིག་ཟོལ། །ཀུན་དགའ་བསྟན་འཛིན་རྡོ་རྗེ་འཆང་། །རྣལ་འབྱོར་དབང་ཕྱུག་སྤྲུལ་པའི་སྐུ། །འཇམ་དཔལ་བཟང་པོ་བརྩེ་བ་ཆེ། །བསྟན་ལ་སྨན་པའི་ཕྲིན་ལས་ཅན། །རྣམ་འདྲེན་དགེ་འདུན་རྒྱ་མཚོའི་སྡེ། །སྨིན་གྲོལ་མཆོག་སྩོལ་བླ་མ་རྗེ། །མཁས་གྲུབ་ཀུན་དགའ་དཔལ་འབྱོར་ཞབས། །ཡང་ངོར་ལུགས་ལྟར་ན། བླ་མ་དམ་པའི་རྗེས། གསན་བསམ་སྒོམ་པའི་མཐར་སོན་པས། །མཆོག་བརྙེས་དཔལ་ལྡན་ཚུལ་ཁྲིམས་རྗེ། །ཤེས་བྱ་ཐམས་ཅད་མཁྱེན་པའི་མཆོག །ཤར་ཆེན་ཡེ་ཤེས་རྒྱལ་མཚན་དཔལ། །རྩོད་པའི་དུས་ཀྱི་རྡོ་རྗེ་འཆང་། །ངོར་ཆེན་ཀུན་དགའ་བཟང་པོའི་ཞབས། །འཁོར་ལོ་སྡོམ་པ་བརྩེ་བ་ཆེ། །སེམས་དཔའ་དཀོན་མཆོག་རྒྱལ་མཚན་དཔལ། །དེ་ནས་བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་མན་འདྲའོ། །མཇུག་ཏུ་སྨོན་ཚིག་ནི། ཨོཾ་སྭ་སྟི་སིདྡྷི་རསྟུ། སྲས་བཅས་སྟོབས་བཅུ་མངའ་བ་ཐམས་ཅད་ཀྱི། །བགྲོད་པ་གཅིག་པའི་ལམ་བཟང་རྡོ་རྗེའི་ཐེག །ཀུན་གྱི་མཐར་ཐུག་རྣལ་འབྱོར་བླ་མེད་ཀྱི། །སྙིང་པོ་གསང་མཐའི་རྒྱུད་ཀྱི་

[Full Size]

ཡང་ཟབ་རྩེ། ༡ །ནཱ་རོ་ཏ་པའི་ལུགས་སྲོལ་མཁའ་སྤྱོད་མའི། །མན་ངག་བདུད་རྩི་གངས་ཅན་རི་བོའི་སུལ། །འཇིགས་མེད་སྨྲ་བའི་སེང་གེ་ས་སྐྱ་པས། །ཟབ་རྒྱས་རྡོ་རྗེའི་དབྱངས་ཀྱིས་མངོན་པར་བསྒྲགས། ༢ །དེ་དོན་ཚུལ་བཞིན་འཛིན་ལ་ཟླ་མེད་པ། །ངོར་ཆེན་རྡོ་རྗེ་འཆང་དབང་ཡབ་སྲས་དང་། །སྙན་བརྒྱུད་མངའ་བདག་ཚར་ཆེན་ཆོས་ཀྱི་རྗེའི། །ལུགས་སྲོལ་འཆི་བ་མེད་པའི་བཅུད་དུ་མངར། ༣ ། ཐོས་ན་ལྷ་ཡི་རོལ་མོ་ལྟར་སྙན་ཅིང་། །བསམ་པས་ལེགས་བྲིས་ཟིལ་དངར་ལས་ཀྱང་ལྷག །བསྒོམ་ན་ཟུང་འཇུག་འཇའ་ལུས་རྡོ་རྗེའི་སར། །ཚེ་གཅིག་ཁོ་ནས་འཁྲིད་པའི་གསུང་རབ་མཆོག ༤ །དད་པས་བཞེངས་པའི་དགེ་བས་བསྟན་འཛིན་རྣམས། །ཞབས་བརྟན་བསྟན་དང་འགྲོ་བའི་དགེ་ལེགས་འཕེལ། །བདག་སོགས་འགྲོ་ཀུན་ལྷན་སྐྱེས་རྣལ་འབྱོར་མའི། །གོ་འཕང་ཚེ་འདི་ཉིད་ལ་ཐོབ་གྱུར་ཅིག །ཅེས་པའང་རྣམ་འདྲེན་བླ་མ་དམ་པ་ཀུན་དགའ་ཆོས་ཀྱི་དབང་པོའི་ཐུགས་དམ་རྗེ་བཙུན་རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་མའི་གླེགས་བམ་གྱི་དབུ་ལྷའི་ཞལ་བྱང་དང་། སྨོན་ཚིག་འདིའང་དྲན་པས་སྙིང་གི་གདུང་སེལ་ཁྱབ་བདག་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་མཆེད་ཞལ་དང་། མཁས་གྲུབ་ཞྭ་ལུ་པ་རིན་ཆེན་བློ་གསལ་བསྟན་སྐྱོང་སོགས་ཡོངས་འཛིན་དམ་པ་རྣམ་པ་ལྔ་ལས་ཆོས་ཚུལ་འདི་ཉིད་མང་དུ་

[Full Size]

ཐོས་པས་སྐལ་བ་བཟང་པོར་གྱུར་པ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་དཔལ་བཟང་པོས་བྲིས་པ་དོན་དང་ལྡན་པར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ།།

[Full Size]

ཤོག་སྟོང་

སངས་རྒྱས་གཉིས་པ་མཚོ་སྐྱེས་རྡོ་རྗེའི་སྣང་བརྙན་གསར་དུ་འཁྲུངས་པའི་གཏམ་ལེགས་བྱས་སྤྲིན་གྱི་རོལ་མོ།

[Full Size]

༄༅། །སངས་རྒྱས་གཉིས་པ་མཚོ་སྐྱེས་རྡོ་རྗེའི་སྣང་བརྙན་གསར་དུ་འཁྲུངས་པའི་གཏམ་ལེགས་བྱས་སྤྲིན་གྱི་རོལ་མོ་ཅེས་བྱ་བ་བཞུགས་སོ།།

[Full Size]

༄༅། །འཆི་མེད་གདོད་མའི་མགོན་པོ་ཡེ་ཤེས་ནི། །འཆི་མེད་བདེ་ཆེན་རྡོ་རྗེའི་རྣམ་རོལ་ཅན། །འཆི་མེད་གྲུབ་པའི་གཟུགས་སུ་ཡོངས་ཤར་བ། །འཆི་མེད་མཚོ་སྐྱེས་བླ་མས་རྟག་ཏུ་སྐྱོངས། །བྲལ་སྨིན་ཡོན་ཏན་རྒྱ་མཚོའི་མཐར་སོན་སྟོན་པ་མཚུངས་མེད་རྫོགས་སངས་རྒྱས། །དེས་གསུངས་འགོག་དང་ལམ་གྱིས་བསྡུས་པ་ཞི་བསིལ་ཆགས་བྲལ་དམ་པའི་ཆོས། །དེ་འཛིན་རིག་གྲོལ་ཡོན་ཏན་རྨད་བྱུང་ཚོགས་ཀྱི་མཆོག་གྱུར་དགེ་འདུན་ཏེ། །དཀོན་མཆོག་གསུམ་ཞེས་གྲགས་པའི་སྣང་བས་དགེ་མཚན་མེ་ཏོག་ཆར་དུ་བསྙིལ། །སྐུ་གསུམ་སྟོན་པའི་ཆུ་གཏེར་ལས་འོངས་ནང་བརྒྱུད་ནོར་བུའི་ཀཎིཀ །རྣ་ལུང་དཔྱངས་པའི་ངལ་འཚོ་ཁོ་ནས་གྲུབ་གཉིས་འདོད་

[Full Size]

པ་འཇོ་བའི་གཏམ། །ཕྱོགས་ཀྱི་བུ་མོའི་འགྲམ་པར་འགོད་མཁས་སྔ་འགྱུར་རིག་འཛིན་བྱེ་སྙེད་ཀྱི། །རྣམ་པར་ཐར་པ་དྲན་པའི་མོད་ནས་མཆོག་ཏུ་གུས་པའི་བ་སྤུ་ཟིང་། །ཁྱད་པར་སྲས་བཅས་རྒྱལ་བ་ཀུན་གྱི་སོ་སོར་རྟོགས་པའི་ཡེ་ཤེས་ནི། །གཅིག་བསྡུས་མཁྱེན་རབ་ཕ་མཐའ་ཡས་པའི་སྔོན་མེད་ལེགས་གསུང་སེང་གེའི་སྒྲས། །འཕགས་བོད་མཁས་ཀུན་བརྟན་པ་འཕྲོག་མཛད་ཆོས་ཀྱི་རྒྱལ་པོ་ཀློང་ཆེན་པ། །བརྒྱུད་པར་བཅས་པའི་ཞབས་སེན་ཅོད་པན་གཙུག་ཏོར་ནོར་བུའི་འཁོར་ལོར་བསྙེན། །རྡོ་རྗེའི་ཡེ་ཤེས་འབར་བའི་སྣང་བ་ཆས། །ཡིད་སྲུབས་སྙིང་ལ་མུན་པ་སྐབས་སྟེར་བ། །དམ་ཅན་ཆོས་སྲུང་རྒྱ་མཚོའི་ཕྲིན་ལས་ཀྱིས། །སྡེ་བཞིའི་སྒོ་

[Full Size]

འཕར་གསར་པ་དེང་ཕྱེ་ཞིག །ཅེས་ཤིས་པར་བརྗོད་པའི་ཚིག་གི་མེ་ཏོག་ཕྲ་མོ་ཙམ་སྔོན་དུ་འཐོར་བས་ལམ་ཡངས་པར་བྱས་ཏེ། རྣམ་དཔྱོད་ཀྱི་ཆུ་སྐྱེས་དད་པའི་བདུད་རྩིས་ཁ་ཡོངས་སུ་བྱེ་བ་རྣམས་ཀྱི་སྙན་ལམ་དུ་སངས་རྒྱས་གཉིས་པ་སློབ་དཔོན་ཆེན་པོའི་སྣང་བརྙན་ཡིད་བཞིན་ནོར་བུ་འདི་ཉིད་གསར་དུ་འཁྲུངས་པའི་ཚུལ་ལས་བརྩམས་ཏེ་གཏམ་གྱི་སྦྱོར་བ་ཉུང་ཟད་གསོལ་ན། གང་གི་ཚེ་གཟོད་མ་ནས་སྒྲིབ་གསུམ་ཆ་དང་བཅས་པ་ཤིན་ཏུ་ཞི་བ་ཆོས་སྐུའི་ཡེ་ཤེས་དང་མི་གཉིས་པ་ལས། སྨོན་ལམ་དང་སྙིང་རྗེའི་རྣམ་པར་རོལ་པ་ཚད་མེད་པས་རྣམ་པར་སྣང་མཛད་གངས་ཆེན་མཚོའི་ཞིང་ཁམས་ཆེན་པོ་སྤྲིན་བཀོད་པའི་ནང་གསེས། བླ་ན་མེད་པའི་ཆོས་ཀྱི་བདུད་རྩིའི་སྣོད་དུ་རུང་བ་མི་མཇེད་འཇིག་རྟེན་གྱི་ཁམས། འཛམ་གླིང་ལས་ཀྱི་ས་པ་བྱང་ཆུབ་སྙིང་པོ་རྡོ་རྗེའི་གདན་གྱི་གནོད་གནས་དབང་པོའི་ཕྱོགས། བོད་ཆེན་པོ་ནོར་འཛིན་གྱི་ཐིག་ལེ་འབྲི་རྫ་ཟལ་མོ་སྒང་ཞེས་པའི་སའི་ཆ། ཡུལ་གྱི་དགེ་བཅུའི་དཔྱད་པ་མ་ཚང་བ་མེད་པའི་གཏེར་ལྟ་བུར་གྱུར་པས་ཡིད་ཅན་རྣམས་ཀྱི་རྟོགས་ལ་ཕྱོགས་དེ་ཉིད་དུ་ལྷུང་བའི་འབབས་སྟེགས་སུ་གྱུར་པ་ག་ལ་བར། སྔ་འགྱུར་འོད་གསལ་རྡོ་རྗེ་སྙིང་པོའི་བསྐྱེད་རྫོགས་ཀྱི་རྣལ་འབྱོར་ཟབ་མོ་དང་རྗེས་སུ་འབྲེལ་བར་སྤོང་བ་བསམ་གཏན་གྱི་འཁོར་ལོ་ལ་གཅིག་ཏུ་

[Full Size]

གཞོལ་བའི་སྒྲུབ་སྡེ་སྐྱེ་བོ་ཐུན་མོང་བའི་འདོད་རྒྱལ་གྱི་སྒྲར་ཁང་མདོ་གུ་རུའི་སྒྲུབ་ཕུག་གམ། གྲུབ་པའི་སྤྱན་རས་གསལ་བའི་སློབ་དཔོན་དག་གིས། པདྨ་བཀའི་ཐང་ཡིག་ལས། མཁའ་འགྲོ་ཕུག་པར་ཟླ་བ་བཞི༔ ཞེས་རྡོ་རྗེའི་ལུང་གིས་དབང་པོར་བྱས་པའི་མདོ་ཁམས་མཁའ་འགྲོ་ཕུག་ཏུ་ངོས་འཛིན་གནང་བར་མ་ཟད། རིག་འཛིན་བདུད་འདུལ་རྡོ་རྗེའི་གདུང་རབས་ལྔ་པ་རྒྱལ་སྲས་མཐུ་སྟོབས་དབང་ཕྱུག་དང་། རྫོགས་པའི་སངས་རྒྱས་རིན་ཆེན་གཙུག་ཏོར་ཅན་གདུལ་བྱའི་སྐལ་པ་དང་འཚམས་པར་གང་འདུལ་སྤྲུལ་པའི་རྣམ་རོལ་དུ་ཤར་བའི་གྲུབ་དབང་རྫོགས་ཆེན་བཞི་པ་འཇིགས་མེད་མཁྱེན་བརྩེའི་དབང་ཕྱུག་ཕྲིན་ལས་རྣམ་རྒྱལ་རྡོ་རྗེ་སོགས་དམ་པ་དུ་མས་དག་བྱེད་ཡེ་ཤེས་ཀྱི་གཟིགས་ངོར་ནུབ་ཕྱོགས་སྤྲུལ་པའི་ཞིང་མཆོག་ཨོ་རྒྱན་དྷ་མ་ཐ་ལ་དང་། འཆི་མེད་པདྨ་འོད་ཀྱི་ཕོ་བྲང་མངོན་སུམ་པར་གཟིགས་ཤིང་ངོ་མཚར་གྱི་གསལ་སྣང་གཏན་ལ་འབེབས་པར་མཛད་པས་མཚོན། གང་ལྟར་ཡང་དུས་གསུམ་མཁྱེན་པ་དཔལ་ཨོ་རྒྱན་ཆོས་ཀྱི་རྒྱལ་པོས་ཞབས་ཀྱིས་བཅགས་ཤིང་རྫུ་འཕྲུལ་རྡོ་རྗེའི་བཀོད་པ་ཟད་མི་ཤེས་པས་བྱིན་གྱིས་བརླབས་པ་ལ་བརྟེན་ནས། བྲག་རིའི་བ་གམ་ཐམས་ཅད་ཀྱང་དེ་བཞིན་གཤེག་པ་རྣམས་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་བརྒྱན་གྱི་

[Full Size]

འཁོར་ལོའི་རང་གཟུགས་མངོན་སུམ་མིག་གི་བདུད་རྩིར་ཤར་བའི་རང་བྱོན་གྱི་བཀོད་པ་བསམ་གྱིས་མི་ཁྱབ་པས་གཏམས་པ། གཏེར་ཆེན་ཆོས་ཀྱི་རྒྱལ་པོ་རིག་འཛིན་ཉི་མ་གྲགས་པ་རྩལ་དང་། གྲུབ་དབང་ཕྱུག་རིག་རྩལ་ཐོགས་མེད་གླིང་པས་ཀྱང་རྫས་གཏེར་གྱི་ཆ་ཤས་སྤྱན་དྲངས་ཤིང་། དུས་ཀུན་ཏུ་རིག་པ་འཛིན་པའི་ས་ལ་གནས་པའི་དཔའ་བོ་དང་ཊཀྐིའི་འདུ་བ་སྤྲིན་བཞིན་དུ་གཏིབས་པའི་གནས་མཆོག་ཁྱད་པར་ཅན་གྱི་ལྟེ་བ་རང་བྱུང་རྡོ་རྗེའི་བྲག་གི་ཀེའུ་ཚང་འདི་ཉིད་དུ། གངས་ཀྱི་རི་བོའི་སུལ་ན་སྟོན་པ་བདེ་བར་གཤེགས་པའི་དོན་བཟང་པོ་ཚིག་འབྲུ་བཟང་པོ། མ་འདྲེས་ཤིང་ཡོངས་སུ་རྫོགས་པའི་གསུང་གི་གསང་བ་རབ་འབྱམས་ཇི་བཞིན་དུ་གཟིགས་ནས་སྨྲ་བ་ལ་ལག་ན་རལ་གྲི་འཆང་བའི་བློ་གྲོས་དང་གཉིས་སུ་མི་ཕྱེད་པས་འཛམ་བུ་གླིང་མཛེས་པར་བྱེད་པའི་རྒྱན་དྲུག་དང་། །རྨད་དུ་བྱུང་བའི་སློབ་དཔོན་གཉིས་ཀྱི་རྒྱལ་ཐབས་ལ་རང་སྟོབས་ཀྱིས་འཛེགས་ཤིང་། མཁས་པ་དང་གྲུབ་པའི་སྐྱེས་བུ་གྲངས་མེད་པའི་གཙུག་གི་ནོར་བུས་ཞབས་བསྟེན་གྱི་པདྨོ་ལ་ཕྱག་བྱས་པ། སྨྲ་བའི་ཉི་མ་ཀུན་མཁྱེན་ཆོས་ཀྱི་རྒྱལ་པོ་དྲི་མེད་འོད་ཟེར་ཞེས་མཚན་གྱི་སྤྲིངས་ཡིག་སྲིད་ཞིའི་བླ་ན་མངོན་པར་མཐོ་བ་དེ་ཉིད། སླར་ཡང་ཐེག་མཆོག་སྙིང་པོའི་རིང་ལུགས་ཉིན་མོ་ལྟར་གསལ་བའི་སླད་

[Full Size]

གཟུགས་གཞན་དུ་བསྒྱུར་བ་ན། སོ་སོ་ཡང་དག་པ་རིག་པ་བཞི་ལ་སྤོབས་པའི་གཏེར་མཛོད་ཆེན་པོ་བརྒྱད་ཡོངས་སུ་གྲོལ་བས་ལེགས་གསུངས་ཀྱི་ཆ་ཤས་ཕྲ་མོ་རེས་ཀྱང་། རང་གཞན་གྱི་སྨྲ་བ་མཆོག་ཏུ་རློམ་པ་རྣམས་ཀྱི་ཁེངས་པའི་རུ་ཚོན་དབྱིངས་སུ་བརྟུལ་ནས་ཆེད་དུ་བརྗོད་པའི་སྐབས་གསར་དུ་ཕྱེ་བ་རང་བྱུང་རྡོ་རྗེ་འཇིགས་མེད་གླིང་པའི་ཐུགས་སྲས་ཀྱི་ཐུ་བོ། ལྷ་སྲས་རྒྱལ་པོའི་རྣམ་པར་རོལ་པ་མཁས་ཤིང་གྲུབ་པའི་དབང་ཕྱུག་འཇིགས་མེད་ཕྲིན་ལས་འོད་ཟེར་དང་། དེ་ཉིད་ཀྱི་གསང་བའི་མཛོད་འཛིན་པ་གངས་ཁྲོད་གྲུབ་རིགས་རྒྱ་མཚོའི་གཙུག་རྒྱན་རྗེ་བཙུན་བཞད་པ་རྡོ་རྗེའི་སྤུན་ཟླར་འོས་པའི་རྣལ་འབྱོར་གྱི་དབང་ཕྱུག་ཆེན་པོ་དམ་ཚིག་རྡོ་རྗེ་ཟུང་གི་ཞབས་ཀྱི་ཆུ་སྐྱེས་མཉེས་པ་གསུམ་གྱི་ཐོར་ཚུགས་ཀྱིས་བསྟེན་ནས། ཐེག་མཆོག་གདམས་པའི་སྨིན་པ་རང་གྲོལ་བའི་བདུད་རྩི་གསན་བསམ་གྱི་སྙིམ་པས་ངོམས་པ་མེད་པར་གསོལ་བ་དང་ཆབས་ཅིག །ཕྱོགས་བྲལ་གྱི་དབེན་པའི་རི་ངོགས་ལྷ་དང་དྲང་སྲོང་གྲུབ་པའི་ཚོགས་ཀྱིས་བསྟེན་པ་རྣམས་སུ་སྙིང་པོའི་སྒྲུབ་པ་ལ་རྩེ་གཅིག་ཏུ་གཞོལ་བས་ཉམས་དང་རྟོགས་པའི་པུཎྜ་རི་ཀ་ཅིར་ཡང་གྲོལ་བའི་བྱ་བྲལ་བླ་མ་དམ་པ་ནམ་མཁའ་རྡོ་རྗེ་ནས། ཕན་བདེའི་འབྱུང་གནས་ཀུན་མཁྱེན་རྒྱལ་བའི་བསྟན་པ་རིན་པོ་ཆེ་དར་ཞིང་རྒྱས་པ་དང་།

[Full Size]

འབྲེལ་ཚད་ཀྱི་འགྲོ་བ་རྣམས་གནས་སྐབས་མངོན་མཐོ་དང་མཐར་ཐུག་ངེས་པར་ལེགས་པའི་གོ་འཕང་ལ་དབུགས་འབྱིན་པའི་སླད་དུ། ལྷག་པའི་ཐུགས་བསྐྱེད་རྣམ་པར་དག་པ་ཟླ་བ་ཞུན་མའི་ཕུང་པོ་ལྟར་གཅིག་ཏུ་དཀར་བས་ཀུན་ནས་བསླངས་ཏེ། དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་ཀྱི་ཡེ་ཤེས་སྒྱུ་འཕྲུལ་དྲྭ་བའི་རོལ་གར། རིག་འཛིན་བླ་མ་ཀུན་གྱི་གཙུག་རྒྱན། ཡི་དམ་ཞི་ཁྲོ་ཡོངས་ཀྱི་ཁྱབ་བདག །དཔའ་བོ་དང་ཌཱཀྐི་རྒྱ་མཚོའི་འཁོར་ལོས་སྒྱུར་བ། སངས་རྒྱས་གཉིས་པ་པདྨ་སཾ་བྷ་ཝ་ཞེས་མཚན་ཉི་ཟླ་ལྟར་ཡོངས་སུ་གྲགས་ཤིང་། ཁྱད་པར་གངས་ཅན་པའི་འགྲོ་བ་རྣམས་ཀྱི་སྐྱབས་དང་། རྟེན་དང་། གླིང་དང་། མགོན་དང་། དཔུང་གཉེན་གཅིག་པུར་གྱུར་པ་གང་གི་སྐུ་གསུང་ཐུགས་ཡེ་ཤེས་རྡོ་རྗེའི་རྣམ་འཕྲུལ་གྱི་རོལ་མོ་མཐའ་ཀླས་པའི་ཡིད་ཅན་གྱི་མོས་པའི་རྗེས་སུ་འགྲོ་བའི་ཕྱིར་བསམ་པར་མི་ནུས་ཀྱང་། རེ་ཞིག་དུས་ཀྱི་རྒུད་པ་གློ་བུར་བ་རྒྱུ་དང་བཅས་པ་ཞི་ནས། བསྟན་འགྲོའི་བདེ་སྐྱིད་རྫོགས་ལྡན་གསར་པའི་དགའ་སྟོན་ལ་ལོངས་སུ་སྤྱོད་པའི་རྟེན་འབྲེལ་དུ། འཁོར་འདས་དང་སྣང་སྲིད་ཐམས་ཅད་ཟིལ་གྱིས་གནོན་པ་བདུད་དཔུང་འདུལ་བའི་ཆ་བྱད་ཅན་གཙོ་འཁོར་གསུམ་པའི་མཚན་དཔེའི་སྣང་བརྙན་ཁྱད་པར་ཅན་ཞིག་བཞེངས་པ་ལ་དྲན་པ་ཉེ་བར་བཞག་

[Full Size]

སྟེ། ཨེ་ཡུལ་རིག་པའི་འབྱུང་གནས་སུ་སྐྱེ་བའི་འཁྲི་ཤིང་བཟུང་ཞིང་། ཐལ་མོ་དང་གདོང་པས་གཞལ་བའི་ཆ་ཚད་ལ་བློ་གྲོས་ཀྱི་པདྨོ་བྱེ་བ། སོར་མོས་ཟློས་གར་གྱིས་ལྷ་དང་བཅས་པའི་ཡིད་འཕྲོག་པ་བཟོ་ཡི་རིག་བྱེད་ལ་མཆོག་ཏུ་བྱང་ཆུབ་པ། ཇི་ལྟར་བསྒོ་བའི་ལས་ལ་རྟག་གུས་ཀྱི་བརྩོན་པ་མི་ལྷོད་པའི་ངང་ཚུལ་ཅན་པུཎེའི་མིང་ཅན་ཕ་བུ་གཉིས་ཆེད་དུ་བོས་ནས། རབ་བྱུང་བཅུ་བཞི་པའི་ནང་ཚན་སྣ་ཚོགས་དབྱིག་ཅེས་པ་ཤིང་མོ་སྦྲུལ་གྱི་ལོའི་ཁྱུ་མཆོག་ཅན་གྱི་ཟླ་བའི་དུས་ཚེས་མཆོག་ཏུ་དགེ་བ་ནས་བརྩམས། རྒྱུན་དང་ཁྱད་པར་གྱི་བསྙེན་བཀུར་ཕུན་སུམ་ཚོགས་པ་དང་བཅས་ཏེ་ཞག་གི་ཕུང་པོ་རྩེ་མོའི་གྲངས་ཙམ་གྱི་ནང་དུ་བྱ་བ་ང་དུ་བྱ་བ་མཐར་ཕྱིན་པར་གྱུར་པ་ལ། གཙོ་བོར་རིག་འཛིན་དམ་པ་ཉིད་ཀྱིས་བརྩོན་པས་བསྒྲུབས་པའི་རྒྱུད་སྡེ་བཞིའི་གཟུངས་ཀྱི་རིགས་གཏོས་ཆེ་བ་དང་། ཁྱད་པར་འཕགས་མཆོག་སེམས་ཉིད་ངལ་གསོའི་ཞལ་སྐྱིན་གཏེར་ཆེན་ཆོས་ཀྱི་རྒྱལ་པོ་རིག་འཛིན་ཉི་མ་གྲགས་པ་རྩལ་བསམ་བཞིན་དུ་སྲིད་པ་ཉེ་བར་བཟུང་བའི་སྐུ་ཕྲེང་བཞི་པ། རིག་པ་དང་གྲོལ་བའི་ཡོན་ཏན་བསམ་གྱིས་མི་ཁྱབ་པའི་མངའ་བདག་མཆོག་སྤྲུལ་རྡོ་རྗེ་འཆང་ཨོ་རྒྱན་བསྟན་འཛིན་ཉི་མ། དཔལ་ཀཿཐོག་རྡོ་རྗེའི་གདན་གྱི་སེངྒེའི་ཁྲི་ལ་ཆོས་ཀྱི་འཁོར་ལོས་སྒྱུར་བ་རྨོག་སྟོན་ཧེ་རུ་ཀའི་

[Full Size]

རྣམ་འཕྲུལ་འཇིགས་བྲལ་ཆོས་དབྱིངས་རྡོ་རྗེ། སི་ཏུ་སྤྲུལ་པའི་སྐུ་རིན་པོ་ཆེ་ཆོས་ཀྱི་བློ་གྲོས་སོགས་ཕྱོགས་ཀྱི་དམ་པ་རྣམས་ཀྱིས་སྩལ་བ་དང་། དགོན་སྡེ་འདི་ཉིད་ཀྱི་བླ་མ་གྲྭ་ཚང་རྣམས་ཀྱི་ཕྱག་ཏུ་བཞུགས་པ་དང་། ཁོ་བོ་ཅག་གི་ལག་ན་ཡོད་རིགས་བཅས་ཁུངས་དང་འབྲེལ་ངེས་པའི་རིང་བསྲེལ་རྣམ་པ་བཞིའི་ཚོགས་ཀྱིས་ཕྱུར་བུར་གཏམས་པའི་བཞུགས་ཚུལ་ནི། རྟེན་གྱི་གཙོ་བོ་སློབ་དཔོན་རིན་པོ་ཆེར། ཐོག་མར་ཡུངས་འབྲུ་ལྟ་བུའི་རིང་བསྲེལ་ལ། རྭ་སྟོན་སྟོབས་ལྡན་རྡོ་རྗེས་བསྒྲགས་ཡོངས་རྫོང་དུས་དགྲའི་དབང་པོའི་ཕོ་བྲང་ནས་སྤྱན་དྲངས་པའི་རྫོགས་པའི་སངས་རྒྱས་གསེར་ཐུབ་ཀྱི་འཕེལ་གདུང་། རིག་འཛིན་བདུད་འདུལ་རྡོ་རྗེ་དང་། དྭགས་པོ་གཏེར་ཆེན་རྡོ་རྗེ་རྒྱལ་པོའི་གཏེར་བྱོན་སངས་རྒྱས་འོད་སྲུང་གི་འཕེལ་གདུང་། གཏེར་ཆེན་པདྨ་འགྲོ་འདུལ་རྩལ་གྱི་ཕྱག་ནས་བྱུང་བའི་འོད་སྲུང་གི་འཕེལ་གདུང་། རྨོག་གྲུབ་རིན་པོ་ཆེས་སྩལ་བའི་འཕེལ་གདུང་ཁྱད་འཕགས་བཅས། སྐུ་གདུང་གི་རིང་བསྲེལ་ལ། དྭགས་པོ་གཏེར་ཆེན་རིན་པོ་ཆེའི་གཏེར་བྱོན་རྫོགས་པའི་སངས་རྒྱས་ཀྱི་དབུ་ཀླད། གཏེར་ཆེན་ཉི་མ་གྲགས་པའི་གཏེར་བྱོན་གུ་རུ་ཡབ་ཡུམ་གྱི་བྱང་སེམས་ཨ་ཐོ་མ། རིག་འཛིན་ཆོས་རྗེ་གླིང་པ་དང་། དེ་ཉིད་ཀྱི་ཡང་སྲིད་གཏེར་ཆེན་ཀུན་བཟང་འོད་ཟེར་གྱི་གཏེར་བྱོན་

[Full Size]

གུ་རུ་ཡབ་ཡུམ་གྱི་བྱང་སེམས་རིལ་བུ། ཀློང་ཆེན་རོལ་པ་རྩལ་གྱི་གཏེར་བྱོན་གུ་རུའི་ཤངས་མཚལ་རིལ་བུ། རིག་འཛིན་པདྨ་གླིང་པའི་གཏེར་བྱོན་སྐྱེ་བདུན་རིལ་བུ། བདུད་འདུལ་གཏེར་བྱོན་བྲམ་ཟེ་སྐྱེ་བདུན་སྐུ་ཤ །གཏེར་ཆེན་ཉི་མ་གྲགས་པས་རྩ་གསུམ་གསང་བ་སྙིང་ཏིག་དང་ལྷན་ཅིག་ཏུ་སྤྱན་དྲངས་པའི་སྤྱན་རས་གཟིགས་སྤྲུལ་བྲམ་ཟེ་དུང་ཕྲེང་ཅན་དང་། མདོ་ཁམས་ཀློང་ཐང་སྒྲོལ་མ་བྲག་ནས་སྤྱན་དྲངས་པའི་བྲམ་ཟེ་དྲི་མེད་སྙིང་པོའི་སྐུ་གདུང་། ཆོས་གླིང་ཀུན་བཟང་འོད་ཟེར་གྱི་གཏེར་བྱོན་བྲམ་ཟེ་སྐྱེ་བདུན་སྐུ་ཤ །དྭགས་པོ་རྒྱལ་སྲས་བདེ་ཆེན་གླིང་པའི་གཏེར་བྱོན་སྐྱེ་བདུན་རིལ་བུ། ཆོས་གླིང་ཀུན་བཟང་འོད་ཟེར་གྱི་གཏེར་བྱོན་ཡེ་ཤེས་སྤྲུལ་པའི་བྱ་ཁྱུང་ག་རུ་ཌའི་དབུ་ཐོད། ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་གདུང་རུས། ཐམས་ཅད་མཁྱེན་པ་བུ་སྟོན་རིན་པོ་ཆེའི་གདུངས། བྱང་བདག་བཀྲ་ཤིས་སྟོབས་རྒྱལ་གྱི་གདུང་རུས། རིག་འཛིན་གཏེར་བདག་གླིང་པའི་ཤངས་མཚལ་རིལ་བུ། མི་བསྐྱོད་རིལ་བུ། གྲུབ་དབང་རྫོགས་ཆེན་པ་པདྨ་རིག་འཛིན་གྱི་ཐུགས་ལྗགས་སྤྱན་གསུམ་མེས་མ་རྨས་པར་བྱོན་པའི་ཆ་ཤས། ཉི་གྲགས་གཏེར་ཆེན་རིན་པོ་ཆེའི་སྐུ་གདུང་གི་ཆ་ཤས། ཉི་སྤྲུལ་གསུམ་པ་རིན་པོ་ཆེའི་ཕྱག་ཏུ་ཕེབས་པའི་ཀུན་མཁྱེན་འཇིགས་

[Full Size]

མེད་གླིང་པའི་སྐུ་གདུང་སྐྱེ་བདུན་ཁྱད་འཕགས། རྫོགས་ཆེན་གསུམ་པ་རིན་པོ་ཆེ་ངེས་དོན་བསྟན་འཛིན་བཟང་པོའི་ཤངས་མཚལ་རིལ་བུ། སི་ཏུ་ཐམས་ཅད་མཁྱེན་པ་ཆོས་ཀྱི་འབྱུང་གནས་ཀྱི་ཤངས་མཚལ། གྲུབ་དབང་ནམ་མཁའ་རྒྱ་མཚོའི་སྐུ་ཤ །དྭགས་པོ་གཏེར་ཆེན་རིན་པོ་ཆེའི་ཤངས་མཚལ། ནམ་མཁའ་ཚེ་དབང་མཆོག་གྲུབ་ཀྱི་གདུངས། གཏེར་ཆེན་པདྨ་འགྲོ་འདུལ་རྩལ་གྱི་གདུང་རུས་ལས་གྲུབ་པའི་བྱིན་སྐུ། གྲུབ་པའི་དབང་ཕྱུག་ཆེན་པོ་འཇིགས་མེད་ཕྲིན་ལས་འོད་ཟེར་ཀྱི་ཤངས་མཚལ་རིལ་བུ། མི་བསྐྱོད་རིལ་བུ། རྣམ་སྣང་རིལ་བུ། འཇིགས་མེད་རྒྱལ་བའི་མྱུ་གུའི་ཤངས་མཚལ་རིལ་བུ། ཉི་གྲགས་གདན་ཚབ་བསྟན་འཛིན་མཆོག་སྤྲུལ་རིན་པོ་ཆེའི་དབུ་ཐོད། རྫོགས་ཆེན་པ་གྲུབ་དབང་བླ་མ་སངས་རྒྱས་ལགས་ཀྱི་གདུང་རུས་ལས་བྱོན་པའི་རིང་བསྲེལ་བཅས། གཞན་ཡང་དམ་ཚིག་གི་རྫས་མྱོང་གྲོལ་རིལ་བུའི་སྐོར་ལ། དྭགས་པོ་གཏེར་ཆེན་རིན་པོ་ཆེའི་གཏེར་བྱོན་མྱོང་གྲོལ་ཨ་རྒྱ་ཅན། འཆི་མེད་བདུད་རྩིའི་རིལ་བུ། རྩྭ་མཆོག་ཀླུ་བདུད་རྡོ་རྗེའི་རིལ་བུ། རྒྱལ་སྲས་བདེ་ཆེན་གླིང་པས་རཏྣ་ཀོ་ཥའི་མཚོ་འགྲམ་ནས་སྤྱན་དྲངས་པའི་བདེ་བ་རྒྱས་པའི་རྩ་མཆོག་མྱོང་གྲོལ། ཆོས་གླིང་ཀུན་བཟང་འོད་ཟེར་གྱི་གཏེར་རྫས་ཨ་ཐོ་མ། གཏེར་ཆེན་རཏྣ་གླིང་པའི་ཚེ་རིལ།

[Full Size]

བྱང་བདག་བཀྲ་ཤིས་སྟོབས་རྒྱལ་གྱི་དམ་རྫས་རིལ་བུ། རིག་འཛིན་འཇའ་ཚོན་སྙིང་པོ། རྡོ་རྗེ་བྲག་རིག་འཛིན་ཆེན་པོ། པདྨ་མདོ་སྔགས་གླིང་པ། ཀུན་མཁྱེན་འཇིགས་མེད་གླིང་པ། ཉི་གྲགས་གཏེར་ཆེན་སྐུ་ཐོག་སྔ་ཕྱི། དྭགས་པོ་གཏེར་ཆེན་རིན་པོ་ཆེ། རྒྱལ་སྲས་བདེ་ཆེན་གླིང་པ། ཀློང་ཆེན་རོལ་པ་རྩལ། གཏེར་ཆེན་པདྨ་འགྲོ་འདུལ་རྩལ་རྣམས་ཀྱིས་བསྒྲུབས་པའི་མྱོང་གྲོལ་བདུད་རྩི་ཆོས་སྨན་ཁྱད་འཕགས། ཉི་སྤྲུལ་བཞི་པ་རིན་པོ་ཆེས་གཏེར་གསར་པདྨ་དྲག་ཁྲོས་དང་། འཇམ་དབྱངས་དཀར་པོའི་སྒོ་ནས་བསྒྲུབས་པའི་རིལ་བུ། རྡོར་སྨིན་དཔལ་རི་ལྷ་ལུང་རྣམས་ཀྱི་མྱོང་གྲོལ་རིལ་བུ་དང་། བདུད་རྩི་ཆོས་སྨན། དཔལ་ཀཿཐོག་པ་རྫོགས་ཆེན་གསང་སྔགས་ཆོས་གླིང་། རྒྱལ་རོང་རྟག་བརྟན་སྒྲུབ་སྡེ་རྣམས་སུ་སྔ་ཕྱིར་བསྒྲུབས་པའི་བདུད་རྩི་ཆོས་སྨན་དང་། མྱོང་གྲོལ་རིལ་བུ། ཀཿཐོག་བླ་རབས་བཅུ་གསུམ་ཚུན་ཆད་ཀྱི་བུམ་ཆུ་རིལ་བུ། ཞི་ཁྲོ་ཁྲི་མཆོད་མང་པོ་དང་། སྔ་འགྱུར་བཀའ་མའི་དཀྱིལ་འཁོར་ཆེན་པོ་རྣམས་སུ་བསྒྲུབས་པའི་བུམ་ཆུ་རིལ་བུ། ཉི་གྲགས་གཏེར་ཆེན་རིན་པོ་ཆེ། ཉི་སྤྲུལ་གསུམ་པ་མི་འགྱུར་ཕན་བདེ་རྒྱ་མཚོ། ཉི་སྤྲུལ་བཞི་པ་བཅས་ཀྱིས་རིམ་པར་གཏའ་སྤེལ་གནང་བའི་རྟེན་འདུས་རིལ་བུ་ཁྱད་འཕགས། དཔལ་ཀཿཐོག་པའི་རྟེན་འདུས་རིལ་

[Full Size]

བུ། རྒྱ་གར་གྱི་སློབ་དཔོན་སངས་རྒྱས་ཡེ་ཤེས་ཞབས་ནས་བཟུང་རིམ་པར་སྤེལ་བའི་དཔལ་ས་སྐྱའི་རྟེན་འདམ་དཔེ་བྲལ་མ་ཞེས་ཤིན་ཏུ་ཁྱད་འཕགས། བསེ་འབག་ཞལ་བཞུགས་ཀྱི་བདུད་རྩི་རིལ་བུ་དང་། གོང་མ་སོ་སོས་ཕྱག་དྲིལ་གནང་བས་མཚོན་བདུད་རྩི་རིལ་བུ་བྱིན་ལྡན། ངོར་ཨེ་ཝཾ་པའི་པཎ་ཆེན་ག་ཡ་དྷ་རའི་བུམ་ཆུ། ཞྭ་ལུ་རི་སྦུགས་ཀྱི་པཎ་ཆེན་ག་ཡ་དྷ་རའི་བུམ་ཆུ་དང་བཅས་པ། ཀུན་མཁྱེན་བུ་སྟོན་རིན་པོ་ཆེས་རྒྱུད་སྡེ་བཞིའི་སྒྲུབ་མཆོད་གནང་བའི་བུམ་ཆུ་རིལ་བུ། ཚར་ཆེན་བློ་གསལ་རྒྱ་མཚོས་རྟ་མགྲིན་ཡང་གསང་ཁྲོས་པའི་དཀྱིལ་འཁོར་དུ་བསྒྲུབས་པའི་བདུད་རྩི་ཆོས་སྨན། །རིགས་གསུམ་མགོན་པོའི་སྒོ་ནས་བསྒྲུབས་པའི་དངོས་གྲུབ་རིལ་བུ། འཇམ་དབྱངས་སྨྲ་བའི་སེངྒེའི་རིལ་བུ། ཀརྨ་པའི་དམ་རྫས་མྱོང་གྲོལ་རིལ་ནག་ཆེན་མོ། རྗེ་སྒམ་པོ་པའི་མྱོང་གྲོལ་རིལ་ནག་གི་ཕབ་རྒྱུན། དཔལ་སྟག་ལུང་པའི་རྟེན་འདུས། དགེ་ལུགས་པའི་མ་ཎི་རིལ་བུ། ཇོ་བོ་རིན་པོ་ཆེའི་སྐུ་ལ་ཁྲུས་ཆབ་གསོལ་བའི་རིལ་བུ། ཉི་སྤྲུལ་རིན་པོ་ཆེ་ནས་དབུས་གཙང་སྤྲུལ་པའི་ཞིང་གི་རྟེན་གསུམ་ཁྱད་པར་ཅན་རྣམས་ལ་སྐུ་ཁྲུས་གསོལ་བའི་རིལ་བུ། ཕོ་བྲང་ཆེན་པོ་པོ་ཏཱ་ལའི་གསེར་གདུང་འཛམ་གླིང་རྒྱན་གཅིག་བཞེངས་པའི་ཚེ་སྦྱར་བའི་རྟེན་འདུས་ཁྱད་འཕགས་ཀྱི་ཕབས་རྒྱུན་གྲུབ་

[Full Size]

མཐའ་རིས་མེད་ཀྱི་རྟེན་འདུས་རིལ་བུའི་ཕབ་གཏའ་བཅས། སྐུ་བལ་གྱི་རིང་བསྲེལ་ལ། གཏེར་ཆེན་ཀུན་བཟང་འོད་ཟེར་གྱིས་གཏེར་བྱོན་སློབ་དཔོན་རིན་པོ་ཆེའི་ཟབ་བེར། དྭགས་པོ་གཏེར་ཆེན་གྱི་གཏེར་བྱོན་མཁན་ཆེན་བོ་དྷི་ས་ཏྭའི་ཆོས་གོས་ཀྱི་ཚལ་བུ། ཡེ་ཤེས་ཀྱི་ཌཱ་ཀི་ནཱི་འཆི་མེད་མནྡཱ་ར་བ་དང་། བདེ་ཆེན་ཡེ་ཤེས་མཚོ་རྒྱལ་གྱི་དབུ་སྐྲ། རྒྱ་གར་གྱི་གྲུབ་ཆེན་ཏེ་ལོ་པའི་བཞུགས་གདན་ཀྲྀཥཱ་སཱ་རའི་པགས་པའི་དུམ་བུ། རྗེ་བཙུན་དམ་པ་རྒྱ་གར་གྱི་སྒོམ་ཐག །དཔལ་ལྡན་ཨ་ཏཱི་ཤའི་ཆོས་གོས་ཀྱི་ཚལ་བུ། གྲུབ་དབང་མར་པ་ཡབ་སྲས་ཀྱི་གདུང་རས། གཏེར་ཆེན་གུ་རུ་ཆོས་དབང་གི་ཕྱག་དར། དབུ་ཞྭ་གྲུབ་ཆེན་ཐང་སྟོང་རྒྱལ་པོའི་སླེ་བེར་གྱི་ཚལ་བུ་དང་ཕྱག་མཁར་གྱི་ཆ་ཤས། ཁྲི་སྲོང་རྣམ་འཕྲུལ་དཔལ་བཀྲ་ཤིས་སྟོབས་རྒྱལ་གྱི་ན་བཟའ། རྡོ་བྲག་རིག་འཛིན་པདྨ་ཕྲིན་ལས་ཀྱི་ན་བཟའ། དབུ་སྐྲ་ཕྱག་ཕྲེང་གི་ཐགས་པ། སྐལ་བཟང་པདྨ་དབང་ཕྱུག་ན་བཟའ། རིག་འཛིན་ཁམས་གསུམ་ཟིལ་གནོན་གྱི་དབུ་སྐྲ། གྲུབ་དགོན་པ་འཇིགས་མེད་ཆོས་གྲགས་ན་བཟའ་། སྔ་འགྱུར་བསྟན་པའི་སྲོག་ཤིང་གཅིག་པུར་གྱུར་པ་སྨིན་གླིང་གཏེར་ཆེན་རིན་པོ་ཆེའི་ན་བཟའ། དབུ་སྐྲ། ལོ་ཆེན་དྷརྨ་ཤྲཱིའི་ཆོས་གོས། གཏེར་ཆེན་འཇའ་ཚོན་སྙིང་པོའི་ན་བཟའ། རིག་

[Full Size]

འཛིན་བདུད་འདུལ་རྡོ་རྗེའི་ཕུར་དར། ཕྱག་ཕྲེང་། སྐུ་བེར། སྟག་བླ་པདྨ་མ་ཏིའི་ན་བཟའ། གྲུབ་དབང་རྫོགས་ཆེན་པ་པདྨ་རིག་འཛིན་གྱི་ན་བཟའ། དབུ་ཞྭའི་ཚལ་བུ། དཔོན་སློབ་ནམ་མཁའ་འོད་གསལ་གྱི་ན་བཟའ། གཏེར་ཆེན་ཉི་མ་གྲགས་པ་དང་། ཉི་སྤྲུལ་གཉིས་པ་ཐེག་མཆོག་བསྟན་པའི་རྒྱལ་མཚན་གྱི་ན་བཟའ། དབུ་སྐྲ། ཉི་སྤྲུལ་གསུམ་པའི་ན་བཟའ། རྗེ་དབོན་རིན་པོ་ཆེ་པདྨ་ཀུན་གྲོལ་རྣམ་རྒྱལ་གྱི་ན་བཟའ། དཔོན་སློབ་རིན་པོ་ཆེ་པདྨ་གསང་སྔགས་བསྟན་འཛིན་དང་། ངེས་དོན་བསྟན་འཛིན་བཟང་པོའི་གདུང་རས། རིག་འཛིན་ཆེན་པོ་དཔའ་བོ་ལས་རབ་རྩལ་གྱི་ན་བཟའ་དང་། དབུ་སྐྲ། ནམ་མཁའ་ཚེ་དབང་མཆོག་གྲུབ་ཀྱི་སྐུ་རེག །དབུ་ལྗོན། དྭགས་པོ་གཏེར་ཆེན་རིན་པོ་ཆེའི་དབུ་སྐྲ། ན་བཟའ། གཏེར་ཆེན་པདྨ་འགྲོ་འདུལ་རྩལ་གྱི་ན་བཟའ་དང་། དབུ་སྐྱ། སྐུ་རེག །ཉི་གྲགས་གཏེར་ཆེན་རིན་པོ་ཆེའི་ཀརྨ་མུ་དྲ། ཡེ་ཤེས་མཚོ་རྒྱལ་གྱི་རྣམ་འཕྲུལ་ཀུན་བཟང་དབང་མོའི་དབུ་སྐྲ། གདན་ཚབ་བསྟན་འཛིན་མཆོག་སྤྲུལ་རིན་པོ་ཆེའི་དབུ་ཞྭ། རྩོད་པའི་དུས་ཀྱི་ཐམས་ཅད་མཁྱེན་ཅིང་གཟིགས་པ་ཆེན་པོ་རིག་འཛིན་འཇིགས་མེད་གླིང་པ། འཇིགས་མེད་ཕྲིན་ལས་འོད་ཟེར། འཇིགས་མེད་རྒྱལ་བའི་མྱུ་གུ། ཕྱག་ན་པདྨོ་དམ་ཚིག་རྡོ་རྗེ་རྣམས་ཀྱི་ན་

[Full Size]

བཟའ། དབུ་སྐྲ། རིག་འཛིན་པདྨ་བཤེས་གཉེན་གྱི་ཕུར་དར། སྤྲུལ་པའི་གཏེར་སྟོན་རིག་འཛིན་ཀློང་གསལ་སྙིང་པོའི་ན་བཟའ། བཞུགས་གདན། རིག་འཛིན་ཀུན་བཟང་ཤེས་རབ། །རྒྱལ་སྲས་བསོད་ནམས་ལྡེའུ་བཙན། རིག་འཛིན་ཚེ་དབང་ནོར་བུ། དྲི་མེད་ཞིང་སྐྱོང་མགོན་པོ། རྒྱལ་སྲས་རྟ་མགྲིན་དབང་ཆེན། རྨོག་གྲུབ་ནམ་མཁའ་ཆོས་དབང་རྣམས་ཀྱི་ན་བཟའ། རྨོག་གྲུབ་རིན་པོ་ཆེའི་ཕྱག་ཕྲེང་། འགྱུར་མེད་ཚེ་དབང་མཆོག་གྲུབ། ཀུན་བཟང་ངེས་དོན་དབང་པོ། འཇིགས་མེད་རིག་འཛིན་མགོན་པོ་རྣམས་ཀྱི་ན་བཟའ་དང་། དབུ་སྐྲ་བཅས། གཞན་ཡང་གྲུབ་མཐའ་རིས་མེད་ཀྱི་སྐོར་ལ། ངོར་ཆེན་རྡོ་རྗེ་འཆང་ཆེན་པོའི་ན་བཟའ་དང་། དབུ་ཞྭའི་ཚལ་བུ། རྒྱལ་ཚབ་དམ་པ་ཀུན་དགའ་དབང་ཕྱུག །ཡོངས་འཛིན་དཀོན་མཆོག་འཕེལ་བ། ཐམས་ཅད་མཁྱེན་པ་དཀོན་མཆོག་ལྷུན་གྲུབ། ཚར་ཆེན་བློ་གསལ་རྒྱ་མཚོ། པཎ་ཆེན་ནམ་མཁའ་དཔལ་བཟང་། བྲང་ཏི་ནམ་མཁའ་སངས་རྒྱས། རྡོ་རྗེ་འཆང་དབང་ཕྱུག་རབ་བརྟན། མགོན་པོ་བསོད་ནམས་མཆོག་ལྡན། མཁན་ཆེན་ནམ་མཁའ་བསམ་འགྲུབ། དཔལ་ས་སྐྱ་པ་ངག་དབང་ཀུན་དགའ་བློ་གྲོས། མཁན་ཆེན་དཔལ་ལྡན་ཆོས་སྐྱོང་། ཤར་ཆེན་མི་འགྱུར་རྒྱལ་མཚན། འཇམ་མགོན་དབང་སྡུད་སྙིང་

[Full Size]

པོ། རྗེ་བཙུན་མ་འཆི་མེད་བསྟན་པའི་ཉི་མ། མཁན་ཆེན་ནམ་མཁའ་འཆི་མེད་བཅས་ཀྱི་ན་བཟའ་ཚལ་བུ་བཅས་དང་། རྒྱལ་དབང་ཀརྨ་པ་རང་བྱུང་རྡོ་རྗེ། ཆོས་དབྱིངས་རྡོ་རྗེ། ཞྭ་དམར་ཆོས་ཀྱི་དབང་ཕྱུག །སི་ཏུ་ཆོས་ཀྱི་འབྱུང་གནས་དཔའ་བོ་གཙུག་ལག་དགའ་བ། འབྲུག་པ་རིན་པོ་ཆེ་བཀའ་བརྒྱུད་ཕྲིན་ལས་ཤིང་རྟ་རྣམས་ཀྱི་ན་བཟའ། དྭགས་པོ་རིན་པོ་ཆེ་འཛམ་གླིང་ནོར་བུ་རྒྱན་པའི་ན་བཟའ་། རྗེ་རིན་པོ་ཆེ་བློ་བཟང་གྲགས་པའི་ན་བཟའ། པཎ་ཆེན་བློ་བཟང་ཆོས་རྒྱན་གྱི་ན་བཟའ། རྒྱལ་དབང་ལྔ་པ་རིན་པོ་ཆེ་ངག་དབང་བློ་བཟང་རྒྱ་མཚོའི་དབུ་སྐྲ། བདུན་པ་བསྐལ་བཟང་རྒྱ་མཚོའི་འགན་སྦྱར། རྒྱལ་བ་ཚུལ་ཁྲིམས་རྒྱ་མཚོའི་སྤུར་རས། རྒྱལ་ཚབ་དེ་མོ་རིན་པོ་ཆེའི་དབུ་སྐྲ་བཅས་སོ།། །།ཆོས་སྐུའི་རིང་བསྲེལ་དུ་གཏོགས་པའི་གཏེར་བྱོན་གྱི་ཤོག་སེར་སྐོར་ལ། མངའ་བདག་ཉང་གི་གཏེར་བྱོན་བཀའ་བརྒྱད་བདེ་གཤེགས་འདུས་པའི་ཤོག་སེར། གུ་རུ་ཆོས་དབང་གཏེར་བྱོན་ཐུགས་རྗེ་ཆེན་པོ་ཡང་སྙིང་འདུས་པའི་ཤོག་སེར། རིག་འཛིན་རྒོད་ལྡེམ་དང་། འཇའ་ཚོན་སྙིང་པོའི་གཏེར་ཤོག །གཏེར་ཆེན་བདུད་འདུལ་རྡོ་རྗེའི་སྒྲོལ་དཀར་ཤོག་སེར། རིག་འཛིན་ཉི་མ་གྲགས་པའི་རྟ་མགྲིན་དྲེགས་པ་ཟིལ་གནོན་དང་

[Full Size]

བྱོན་ཡེ་ཤེས་རབ་འབར་རྩ་རྒྱུད་ཀྱི་ཤོག་སེར། གཏེར་སྟོན་མ་ཏི་རཏྣའི་སེར་གདོང་བདུད་འདུལ་དྲག་མོའི་ཤོག་སེར། ཆོས་གླིང་ཀུན་བཟང་འོད་ཟེར་གྱི་གཏེར་བྱོན་རྡོ་རྗེ་གྲོ་ལོད་གནམ་ལྕགས་མེ་འཁོར་གྱི་ཤོག་སེར། རྒྱལ་སྲས་བདེ་ཆེན་གླིང་པའི་གཏེར་ཁོག་ལ་སེར་གྱི་སྒྲོམ་བུའི་ཚལ་བུ། སྤྲུལ་པའི་གཏེར་སྟོན་པདྨ་འགྲོ་འདུལ་རྩལ་གྱི་གཏེར་ཤོག །ལོ་ཆེན་བཻ་རོའི་ཕྱག་བྲིས་ཀྱི་རྒྱ་དཔེ་ལེ་ཚན་གསུམ་དང་། ཤེར་ཕྱིན་བཅས། ཁྱད་པར་ཆོས་སྐུའི་རིང་བསྲེལ་དངོས་གཟུངས་ཀྱི་རིམ་པ་ནི། སྔ་འགྱུར་འོད་གསལ་རྡོ་རྗེ་སྙིང་པོའི་བཤད་སྒྲུབ་ཀྱི་ཆུ་གཏེར་ཆེན་པོ་རྫོགས་ཆེན་གསང་སྔགས་ཆོས་གླིང་དང་། བེ་རི་བསྟན་རྒྱས་གླིང་། ཉག་བྲག་མགོའི་འདུས་སྡེ་རྣམས་སུ་བཞུགས་པའི་འཕྲུལ་ཆེན་པར་གྱི་ཕྱི་མོ་ལ་ཉེ་བར་དྲངས་པ་ལ། ཐོག་མར་སྡོམ་པ་གསུམ་གྱི་བླ་མ་བརྒྱུད་པའི་མཚན་སྔགས་ནས་བརྩམས་ཏེ། རྡོ་རྗེ་ཐེག་པ་བླ་མེད་ཀྱི་རྒྱུད་སྔ་འགྱུར་ལ་འདུས་པ་ཆེན་པོའི་མདོ། །རྒྱུད་སྡེ་སྒྱུ་འཕྲུལ། སྒྲུབ་སྡེ་བཀའ་བརྒྱད། བླ་མ་ཞི་དྲག་སོགས་ཀྱིས་མཚོན་བཀའ་གཏེར་གྱི་། རིང་ལུགས་རྒྱ་མཚོ་ལྟ་བུ་དང་། ཕྱི་འགྱུར་གསར་མ། གཉིས་སུ་མེད་པའི་རྒྱུད་ཀྱི་རྒྱལ་པོ་དཔལ་དུས་ཀྱི་འཁོར་ལོ་དང་སྒྱུ་འཕྲུལ་དྲྭ་བ། མ་རྒྱུད་འཁོར་ལོས་སྒྱུར་བ་དྲུག །ཕ་རྒྱུད་རིགས་དྲུག་ལ་།

[Full Size]

སོགས་བོད་དུ་འགྱུར་རོ་ཅོག་གི་རྒྱུད་སྡེ་ཕལ་མོ་ཆེའི་རྩ་སྔགས། སྙིང་པོ། ཉེ་སྙིང་། རྣལ་འབྱོར་གྱི་རྒྱུད་རྩ་བཤད་ཆ་མཐུན་དང་བཅས་པ། སྤྱོད་རྒྱུད་རིགས་གསུམ། བྱ་རྒྱུད་སྒོ་དྲུག་རྣམས་ཀྱི་གཟུངས་སྔགས། གཟུངས་ཆེན་སྡེ་ལྔ། རྡོ་རྗེའི་ཆོས་སྲུང་རྒྱ་མཚོ། གནོད་སྦྱིན་ནོར་ལྷ་ཇི་སྙེད་པའི་སྙིང་པོ། མཐའ་རྟེན་འདོད་གསོལ་བསྔོ་སྨོན་ཤིས་བརྗོད་དང་བཅས་ཚར་དུ་མ་དྲི་བཟང་དང་བདུད་རྩིའི་ཕུར་མས་ཁྱབ་པར་བྱུགས་ཤིང་། དྲིལ་ལུགས་ན་བཟའ་སོགས་ཞིབ་མོ་རྣམ་པར་འཐག་པའི་བཅའ་ག་དང་ལྡན་པ། གཞན་ཡང་སྐུ་གསུང་ཐུགས་རྟེན་ཀྱི་རིགས་སྣ་ཚོགས་ལ། སྐུ་རྟེན་དུ་ཐུབ་དབང་སྐུ་ཚབ་རྒྱ་གར་ལི་མ། བོད་ལི་དང་རྒྱ་ནག་ལི་མའི་ཐུབ་སྐུ་རེ་རེ། དབུས་ལི་ལས་གྲུབ་པའི་ཡུམ་ཆེན་མོའི་སྐུ། ཟངས་གསེར་ལས་གྲུབ་པའི་འོད་དཔག་མེད། སློབ་དཔོན་རིན་པོ་ཆེ། རྗེ་བཙུན་སྒྲོལ་མ་རྣམས་ཀྱི་སྣང་བརྙན། རྫོགས་ཆེན་རིན་པོ་ཆེའི་ཕྱག་པར་ཚེ་དཔག་མེད་ཀྱི་སྐུ། རྨོག་གྲུབ་རིན་པོ་ཆེའི་ཕྱག་པར་རྟེན་འདམ་ལས་གྲུབ་པའི་ཚེ་དཔག་མེད། སྒྲོལ་མ་དཀར་སྔོན། རྗེ་བཙུན་མི་ལའི་སྣང་བརྙན། སི་ཏུ་རིན་པོ་ཆེའི་ཕྱག་པར་སློབ་དཔོན་ཆེན་པོའི་སྐུ། རིག་འཛིན་འཇིགས་མེད་དཔའ་བོའི་ཕྱག་པར་མཚོ་སྐྱེས་རྡོ་རྗེའི་སྐུ། རྒྱལ་སྲས་བདེ་ཆེན་གླིང་པའི་ཕྱག་པར་གུ་རུ་

[Full Size]

གཙོ་འཁོར་གསུམ་གྱི་སྣང་བརྙན་སྨན་འདམ་ལས་གྲུབ་པའི་བིར་ཝ་པ་དང་། ས་ཆེན་ཀུན་དགའ་སྙིང་པོའི་སྐུ་འདྲ་བཅས་སོ།། །།གསུང་རྟེན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པའི་གླེགས་བམ་བཅུ་གཉིས། མདོ་སྡེ་བསྐལ་པ་བཟང་པོ། རྡོ་རྗེ་གཅོད་པ་གསེར་བྲིས། རིན་ཆེན་གཉིས་པས་བྲིས་པའི་སློབ་དཔོན་རིན་པོ་ཆེའི་རྣམ་ཐར། འཇམ་དཔལ་སྒྱུ་འཕྲུལ་དྲྭ་བའི་རྒྱུད། །alདྲི་མེད་བཤགས་རྒྱུད་ཆ་གཉིས། དཔང་སྐོང་ཕྱག་རྒྱ་པ་བཅས། འོད་དཔག་ཏུ་མེད་པའི་བཀོད་པ་བསྟན་པའི་མདོ་མཚལ་བྲིས། སོ་སོར་ཐར་པའི་མདོ། ཨོ་རྒྱན་རིན་པོ་ཆེའི་རྣམ་ཐར་ཐང་ཡིག་སྡེ་ལྔ། མངའ་རིས་མ་ཧཱ་པཎྜི་ཏ་པདྨ་དབང་རྒྱལ་རྡོ་རྗེའི་སྡོམ་གསུམ་རྣམ་ངེས་རྩ་འགྲེལ་གཞི་གསུམ་གྱི་ཆོ་ག །ཤྲཱི་ཧེ་བཛྲའི་སྒྲུབ་དཀྱིལ། འོག་མིན་ཚོགས་ཆེན་འདུས་པའི་སྒྲུབ་ཁོག །གཏེར་ཆེན་རཏྣ་གླིང་པའི་ཕུར་པ་ཡང་གསང་བླ་མེད། སྨིན་གླིང་གཏེར་བྱོན་ཚེ་དཔག་མེད་འཆི་མེད་ཡང་སྙིང་། བདུད་འདུལ་སྒྲོལ་དཀར། ཕྱག་རྡོར། རིག་འཛིན་ཉི་གྲགས་པའི་བླ་མ་རྩ་གསུམ་གསང་བ་འདུས་པ། ཡི་དམ་པདྨ་དྲག་པོ། སྨན་བླ་བདུད་རྩི་ཐིགས་པ་རྣམས་ཀྱི་སྒྲུབ་སྐོར། ཐུགས་རྗེ་ཆེན་པོ་མ་རིག་མུན་སེལ་གྱི་ཐོས་གྲོལ་ཚོར་བ་རང་གྲོལ། གཏེར་ཆེན་པདྨ་འགྲོ་འདུལ་རྩལ་གྱི་གཏེར་བྱོན་བླ་མ་

[Full Size]

ལོངས་སྐུའི་སྐོར་ཆ་ཚང་། བདེ་བ་ཅན་གྱི་ཞིང་བཀོད་སྨོན་ལམ། གསོལ་འདེབས་བསམ་པ་ལྷུན་གྲུབ་བཅས། ཐུགས་རྟེན་དུ། བདེ་གཤེགས་མཆོད་རྟེན་བརྒྱད། ཇོ་བོ་སྨྲི་ཏི་ཛྙཱ་ནའི་ཕྱག་པར་སཱཙྪ་རྣམས་ཏེ། དེ་ཡང་ཐོག་མར་སྲོག་ཤིང་མཚན་ཉིད་ལྡན་པར་གནས་སོ་སོའི་སྔགས་ཀྱིས་མཚོན་འབྲི་བར་འོས་པ་རྣམས་ལྷག་ཆད་མེད་པར་བཀོད་པ་ཉིད་སྐུ་དབུས་དྲང་པོར་བཙུགས་པའི། སྤྱི་བོ་ནས་བཟུང་གདན་ཁྲིའི་བར་སོ་སོའི་ནང་གཟུངས་ཀྱི་རིམ་པ་རྣམས་གོང་འོག་མ་འཁྲུལ་པ་དང་། སྨིན་མཚམས་སུ་རྫོགས་པ་ཆེན་པོ་ཀློང་ཆེན་སྙིང་གི་ཐིག་ལེའི་རྒྱལ་བ་རིག་འཛིན་གྱི་སྲོག་འཁོར། ཡུམ་ཀའི་མཐོང་གྲོལ་ཙཀྲ། སངས་རྒྱས་སྲས་གཅིག་གི་རྒྱུད་སོགས་དང་། སྐྱིལ་ཀྲུང་གི་མཚམས་སུ་འཇམ་དཔལ་དཔའ་བོ་གཅིག་གྲུབ་ཀྱི་རྒྱུད་ལས་གསུངས་པའི་གནོད་སྦྱིན་ཕོ་དགུ་མོ་དགུའི་འཁོར་ལོ་དུ་མ། དེ་ཡི་འོག་ཏུ་གཏེར་ཆེན་པོའི་བུམ་པ་དང་། ཕྱོགས་མཚམས་ཀུན་ཏུ་འཕགས་བལ་བོད་ལྗོངས་མ་ཧཱ་ཙི་ན་སོགས་ཀྱི་གནས་རྟེན་མང་པའི་ས་སྣ། ཆུ་སྣ། ཤིང་སྣ། དུག་རིགས་མ་འདྲེས་པའི་སྨན་སྣ་ཚོགས། མེ་ཏོག་སྣ་ཚོགས། འབྲུ་སྣ་ཚོགས། རིན་པོ་ཆེ་དང་། དར་ཟབ་སྣ་ཚོགས། དཀྱིལ་འཁོར་མང་པོའི་རྡུལ་ཚོན། རབ་གནས་ལན་གྲངས་དུ་མས་བསྒྲུབས་པའི་མེ་ཏོག་སོགས་བཀྲ་ཤིས་

[Full Size]

ཤིང་བྱིན་ཆགས་པའི་དངོས་གྲུབ་ཀྱི་རྫས་མ་ཚང་བ་མེད་པས་ཁོར་ཡུག་ཏུ་ཁྱབ་པར་བགྱིས་པས་མཚོན། མདོར་ན་མཁས་ཤིང་གྲུབ་པ་བརྙེས་པའི་སློབ་དཔོན་རྣམས་ཀྱི་ཞལ་ལུང་དང་། །མཐོང་བ་བརྒྱུད་པའི་ཕྱག་ལེན་རྣམ་པར་དག་པ་ལ་བརྟེན་ནས་ཚུལ་བཞིན་དུ་བཞུགས་སུ་གསོལ་བ་དང་། སྐུའི་གཡས་སུ་བདག་ཅག་གི་སྟོན་པ་བདེ་བ་ཆེན་པོ་པདྨ་ཀ་རའི་སྤྱན་སྔར་འཆི་མེད་སྒྲུབ་པའི་དགྱེས་སྡེ་མན་ར་བ། མཁས་གྲུབ་ཁྱུང་པོའི་དུས་སུ་ཌཱཀྐི་ནཱི་གུ་མ། གྲུབ་དབང་མར་པ་ལོ་ཙཱའི་དུས་སུ་ཆུ་ཤིང་གི་སྙེ་མ་ཅན། གཉན་ལོ་ཙཱ་བའི་དུས་སུ་རི་སུལ་གྱི་རྣལ་འབྱོར་མ། རྗེ་བཙུན་འཇའ་ཚོན་སྐུ་ཅན་རས་ཆུང་ཞབས་ཀྱིས་མཇལ་བའི་ཚེ་མ་གཅིག་གྲུབ་པའི་རྒྱལ་མོ་སོགས་མཚན་དང་སྐུའི་རྣམ་འགྱུར་འདོད་དགུར་བསྒྱུར་བ་ཡེ་ཤེས་ཀྱི་མཁའ་འགྲོ་བྱེ་བའི་གཙུག་རྒྱན་དེ་ཉིད་དང་། སྐུའི་གཡོན་དུ་སངས་རྒྱས་གཉིས་པ་ཨོ་ཌི་ཡ་ནའི་སློབ་དཔོན་ཆེན་པོ་ཉིད་བསིལ་ལྗོངས་ཀྱི་གདུལ་བྱ་རྣམས་ལ་ཐུགས་ལྷག་པར་བརྩེ་བས། སྐུ་གསུང་ཐུགས་ཡོན་ཏན་ཕྲིན་ལས་ཀྱི་གནས་ལྔ། བྲག་ཕུག་ཆེན་པོ་བརྒྱད། གངས་ཆེན་ཉི་ཤུ་རྩ་གཅིག་སོགས་སྦས་པའི་གནས་ཆེན་བསམ་གྱིས་མི་ཁྱབ་པ་རྡོ་རྗེའི་དཀྱིལ་འཁོར་ཆེན་པོར་བྱིན་གྱིས་བརླབས་ཏེ་གཏེར་ཁ་གྲངས་མེད་པ་སྦས། ཟབ་པ་དང་རྒྱ་ཆེ་བའི་ཆོས་

[Full Size]

ཀྱི་འཁོར་ལོ་མཐའ་ཀླས་པར་བསྐོར་བ་རྣམས་ཀྱི་བཀའི་བསྡུ་བ་པོ་གཅིག་པུ་མི་བརྗེད་གཟུངས་ཐོབ་དབྱངས་ཅན་སྤྲུལ་པ་ཡེ་ཤེས་མཚོ་རྒྱལ་ཏེ་རྣམ་པ་གཉིས་ལའང་ཡུངས་འབྲུ་ལྟ་བུའི་རིང་བསྲེལ་སོགས་ཀྱིས་མཚོན་སྔ་མ་དང་ཆ་མཚུངས་པའི་ནང་གཟུངས་རྨད་དུ་བྱུང་བ་དང་། ཁོ་བོ་ཅག་གིས་ཆེད་དུ་བསྐུལ་ཏེ་བཞེངས་པའི་སྟོན་མཆོག་ཐུབ་པའི་དབང་པོའི་སྣང་བརྙན་ཡིད་བཞིན་བསམ་འཕེལ། འཁོར་འཕགས་པའི་གནས་བརྟན་བཅུ་དྲུག་དྷརྨ་ཏཱ། རྒྱལ་ཆེན་སྡེ་བཞི། སྦྱིན་བདག་ཧ་ཤང་དང་བཅས་པ་རྣམས་ལས། གཙོ་བོའི་ཐུགས་ཀར་ཐུབ་པའི་དབང་པོའི་ཞལ་སྐྱིན་ལི་དཀར་ལས་གྲུབ་པས་མཚོན་རིང་བསྲེལ་རྣམ་པ་བཞི་ཏིལ་གྱི་གོང་བུ་ལྟར་གཏམས་ཏེ་བཞུགས་པ་ཡིན་ནོ།། །།དེ་ལྟ་བུའི་དགེ་ཚོགས་རིན་པོ་ཆེའི་བྱ་བ་ལ་ཐོག་མར་འཇུག་པ་ནས། དུས་གསུམ་གྱི་རྒྱལ་བ་སྲས་དང་བཅས་པའི་ཡེ་ཤེས་ཀྱི་གཟིགས་པས་ལྷག་པར་དགོངས་པའི་བྱིན་རླབས་ཀྱིས། ནག་པོའི་རྩ་ལག་སྡེ་དང་བཅས་པའི་བར་ཆད་ཀྱི་མཚན་མ་ཕྲ་མོ་ཙམ་གྱིས་ཀྱང་བརྫི་བར་མེད་པར་བཟོ་ཡི་བྱ་བ་ལེགས་པར་མཐར་ཕྱིན་པ་དང་། རབ་ཏུ་གནས་པའི་རྒྱུད་ལས། །རྒྱན་རྣམས་མ་ལུས་པ་ཡིས་ནི། །ཕྱིས་ནས་བཟོ་བོ་རྣམས་ལ་མཆོད། །གང་དག་དེ་ལ་གྲོགས་བྱེད་པ། གཞན་དག་ཀྱང་ནི་མཆོད་པར་བགྱི། ཞེས་

[Full Size]

གསུངས་པ་ལྟར་བཟོ་གནས་ཀྱི་རིག་པ་འཛིན་པ་ཉིད་ཟང་ཟིང་གི་བདོག་པ་གྱ་ནོམ་པས་ཤིན་ཏུ་མགུ་བར་བགྱིས་ཤིང་། སྔ་མ་ལས། ཆོ་ག་དང་ནི་ནུས་པ་ཡི། །བརྟག་པ་ལས་གསུངས་ཚུལ་ལེགས་པ། །དེར་བྱས་བསོད་ནམས་ཆེ་བ་ཡིན། ཞེས་དང་། སློབ་དཔོན་ཆེན་པོས། ཕྱིར་བས་རྟེན་གསུམ་བཞེངས་པ་རྣམས། །གྲུབ་དང་རབ་གནས་མཉམ་དུ་བྱ། ཞེས་སོགས་རྒྱ་ཆེར་གསུངས་པའི་དོན་ཐུགས་ལ་བཅགས་ཏེ་བྱ་བྲལ་བླ་མ་དམ་པ་ཉིད་ནས་ཁོ་བོ་ཅག་ལ་ནན་ཏན་གྱིས་ཆེད་དུ་བསྐུལ་བ་བཞིན་ཚོགས་ཀྱི་སློབ་དཔོན་གྱི་ཁུར་བཟུང་སྟེ། མཆོག་སྤྲུལ་རིན་པོ་ཆེ་འཇིགས་མེད་རྡོ་རྗེ་སོགས་ངོས་ཅག་འདུས་པ་རྣམས་ཀྱིས་གྲོ་བཞིན་ཟླ་བའི་དཀར་ཕྱོགས་ཀྱི་དགའ་བ་དང་པོ་གཟའ་སྐར་བྱེད་སྦྱོར་ཕུན་སུམ་ཚོགས་པ་ནས་བརྩམས་ཏེ། རིག་འཛིན་བླ་མ་ཐམས་ཅད་འདུས་པའི་བདག་ཉིད་རྩ་གསུམ་རྒྱ་མཚོའི་ངོ་བོ་འཆི་མེད་པདྨ་ཀ་རའི་དཀྱིལ་འཁོར་ཆེན་པོ་སྒྲུབ་ཅིང་མཆོད་པ་དང་། བདག་ཉིད་འཇུག་ཅིང་དབང་བླང་བ་སྔོན་དུ་འགྲོ་བས། རབ་གནས་ཀྱི་ཆོ་ག་རྨད་དུ་བྱུང་བའི་ལེགས་བཤད་ཀྱི་གཏེར་ཆེན་པོ་བཀྲ་ཤིས་འདོད་འཇོ་དགོངས་དོན་མ་འཁྲུལ་བར་དངོས་སྟ་ཉིན་གསུམ་དང་། རྒྱས་པའི་སྦྱིན་སྲེག་སོགས་མཐའ་རྒྱས་སུ་བསྒྲུབས་ཤིང་། སླར་ཡང་རྒྱུད་ལས། བསྙེན་རྫོགས་

[Full Size]

རྟགས་ལྡན་རྣལ་འབྱོར་པས། །གཟིགས་པས་རབ་གནས་དམ་པ་ཆགས། ཞེས་གསུངས་པ་ལྟར། དཔལ་གསང་བའི་བདག་པོ་རིག་གྲོལ་ངུར་སྨྲིག་ཟློས་གར་ལ་རྩེན་པ་རྨོག་གྲུབ་རིན་པོ་ཆེ་འཇིགས་བྲལ་ཆོས་དབྱིངས་རྡོ་རྗེ་དང་། བཅུ་ཕྲག་རིག་པའི་མ་ཧཱ་པཎྜི་ཏ་འཇམ་དཔལ་དབྱངས་འགྱུར་མེད་མཐུ་སྟོབས་རྣམ་རྒྱལ་དཔལ་བཟང་པོ་སོགས་དམ་པའི་སྐྱེས་བུ་དུ་མས་ཀུན་རྫོབ་བརྡའི་ཆོ་ག་དང་། །དོན་དམ་ཆོས་དབྱིངས་མཉམ་པ་ཆེན་པོ་ཡེ་ཤེས་རྡོ་རྗེས་ལྷག་པར་གནས་པས་ཡེ་ཤེས་པ་མངོན་དུ་བཞུགས་པར་མཛད་པའི་སྣང་བརྙན་འདི་རྣམས་ཀྱི་སྤྱན་སྔར། ཆོས་སྣང་བའི་སྒོ་དང་པོར་གྱུར་པ་མི་ཕྱེད་དད་པའི་ཡིད་ཀྱིས་མདུན་བདར་ཏེ། ཡན་ལག་བདུན་པ་དང་། མཎྜལ་དང་། ཚོགས་ཀྱི་མཆོད་པ་དང་། རྡོ་རྗེའི་རྣལ་འབྱོར་ཟབ་མོ་ལ་མཉམ་པར་བཞག་པ་སོགས་རྣམ་པར་དཀར་བའི་ལས་ལ་གཅིག་ཏུ་མཛའ་བར་བྱས་པའི་ཕན་ཡོན་ནི། ཨོ་རྒྱན་རིན་པོ་ཆེ་ཉིད་ཀྱི་རྡོ་རྗེའི་གསུང་ལས། ཉོན་ཅིག་ལྷ་མོའི་གཟུགས་ཅན་ཡིད་འོང་མ༔ ང་དང་མ་འཕྲད་མ་འོངས་སེམས་ཅན་རྣམས༔ མ་རིག་མུན་པའི་སྒྲོན་མེ་སྐུ་འདྲས་བྱེད༔ པད་འབྱུང་སྐུ་ཚབ་མཆོད་པའི་རྟེན་བཞེངས་པ༔ སྐུ་གསུམ་དོན་ལྡན་བསྟན་པའི་རྒྱལ་མཚན་འཛུག །ཞེས་སོགས་རྒྱ་ཆེར་གསུངས་པ་ལྟར་གནས་སྐབས་སུ་ནད་གདོན་

[Full Size]

བར་ཆད་འཇིགས་པ་ཆེན་པོ་བརྒྱད་དང་བཅུ་དྲུག་སོགས་མི་མཐུན་པའི་ཕྱོགས་ཐམས་ཅད་ཞི་བ་དང་། ཚེ་བསོད་དཔལ་འབྱོར་ཡེ་ཤེས་ཡོན་ཏན་སོགས་ཇི་ལྟར་བསམ་པ་དང་མཐུན་པའི་ལེགས་ཚོགས་ཐམས་ཅད་གོང་ནས་གོང་དུ་འཕེལ་ཞིང་རྒྱས་པས་མཚོན་དགོས་འདོད་མཐའ་དག་ཡིད་བཞིན་དུ་འགྲུབ་པར་མ་ཟད་མཐར་ཐུག་རྣམ་པ་ཐམས་ཅད་མཁྱེན་པའི་ཡེ་ཤེས་ཀྱང་ལག་རྩེར་སྩོལ་བའི་བདག་ཉིད་ཅན་དུ་གདོན་མི་ཟ་བའི་ཕྱིར། མཐའ་ཡས་པའི་སེམས་ཅན་ཐམས་ཅད་ལ་དམིགས་པའི་སྐྱེས་བུ་ཆེན་པོའི་བློ་གྲོས་ཀྱིས་གནས་འབྲེལ། ཕྱག་སྐོར། མཆོད་འབུལ་སོགས་ཚོགས་བསགས་སྒྲིབ་སྦྱོང་སྒོ་དུ་མ་ནས་བརྩོན་པ་དང་། དེ་ཐམས་ཅད་ཀྱང་བཟང་པོ་བཞི་དང་ལྡན་པའི་ཡོངས་སུ་བསྔོ་བ་དང་སྨོན་ལམ་རྒྱ་ཆེན་པོས་མཚམས་སྦྱོར་འཕགས་པ་ཀུན་ཏུ་བཟང་པོའི་རྗེས་སུ་འབྲང་བར་རྩེ་གཅིག་པའི་ཡིད་ཀྱིས་གསོལ་བ་འདེབས་པ་ལགས་སོ།། །།སླར་ཡང་སྨྲས་པ། ཨེ་མ་དད་བརྩོན་ནོར་བུའི་ས་གཞིར་སངས་རྒྱས་གཉིས་པ་མཚོ་སྐྱེས་རྗེའི། །མཚན་དཔེའི་སྣང་བརྙན་གསར་དུ་འཁྲུངས་པའི་ལེགས་བྱས་གཏམ་གྱི་སྤྲིངས་ཡིག་གིས། །རྒྱལ་ཀུན་སོ་སོར་རྟོགས་པའི་རང་གཟུགས་འོད་སྣང་མཐའ་ཡས་ཡེ་ཤེས་བྱིན། །སིནྡྷུའི་པདྨོ་སྙིང་པོར་སྨིན་པའི་ངོ་མཚར་སླར་ཡང་འོངས་པ་

[Full Size]

བཞིན་། །གང་ལ་བསྙེན་པའི་ཡིད་ཀྱི་ཤིང་རྟ་ཕུན་ཚོགས་འབྱོར་པས་འགེངས་པ་ལ། །དཔག་བསམ་རྐང་འཐུང་གསར་པའི་དཔལ་དང་ཙིནྟ་མ་ཎིར་རྣམ་བརྟགས་ཀྱང་། །སྒྲིབ་གསུམ་ཚ་གདུང་སྟུག་པོ་འཇིལ་དང་ཀུན་མཁྱེན་སྣང་བ་སྟེར་མཁས་ཕྱིར། །ཀུན་བཟོད་འདི་ན་མཚུངས་པ་མེད་ཅེས་བསོད་ནམས་སྤྲིན་གྱི་རོལ་མོར་འཁྲོལ། །དེ་ལས་བྱུང་བའི་དགེ་ཚོགས་དྲི་མེད་ཟླ་ཤེལ་བདུད་རྩིའི་རྗེས་འགྲོ་བས། །རྒྱལ་བསྟན་ཆུ་གཏེར་ཕྱོགས་བརྒྱར་འཕེལ་ཞིང་བསྟན་འཛིན་མཆོག་རྣམས་ཞབས་པད་བརྟན། །ཡངས་པའི་འཇིག་རྟེན་དགེ་བཅུའི་སྤྱོད་པས་རྫོགས་ལྡན་དུས་སྟོན་རྒྱས་པ་དང་། །ལྷན་ཅིག་རྣམ་པ་ཐམས་ཅད་མཁྱེན་པའི་གྲོང་ཁྱེར་ཆེན་པོར་འཇུག་གྱུར་ཅིག །ཁྱད་པར་བསིལ་ལྗོངས་བཀའ་དྲིན་མཚུངས་མེད་གྲུབ་པའི་སློབ་དཔོན་ཨོ་རྒྱན་རྗེས། །བྱིན་རླབས་སྣང་བས་རྟག་ཏུ་མཛེས་བྱས་ངོ་མཚར་རྡོ་རྗེའི་གནས་ཆེན་པོར། །འོད་གསལ་སྙིང་པོའི་དོན་ལ་དབང་འབྱོར་ཐེག་མཆོག་རིག་འཛིན་འདུས་པའི་གླིང་། །བཤད་སྒྲུབ་ཟུང་གི་བགྱི་བ་དང་བཅས་ཕྱོགས་དུས་ཀུན་ཏུ་རྒྱས་པར་ཤོག །མདོར་ན་སྲིད་དང་ཞི་བའི་ལེགས་བྱས་ཨུཏྤལ་གཞོན་ནུའི་སྙེ་མ་ནི། །ཡོངས་སུ་བསྔོ་བའི་བདུད་རྩིས་བརླན་པའི་དགེ་མཚན་ཕུན་སུམ་ཚོགས་པའི་དཔྱིད། །ཡིད་ཅན་རྒྱ་མཚོའི་ཉེར་འཚོ་གཅིག་གྱུར་ཕན་

[Full Size]

བདེའི་དགའ་སྟོན་དར་བབས་པའི། །བཀྲ་ཤིས་སྣང་བ་དམ་པའི་དཔལ་གྱིས་ས་གསུམ་ཀུན་ཏུ་ཁྱབ་གྱུར་ཅིག །ཅེས་པའང་རྣམ་དཀར་གྱི་ཕྲིན་ལས་རྨད་དུ་བྱུང་བའི་བདག་པོའི་རྐྱེན་རིག་འཛིན་བླ་མ་དམ་པ་ཉིད་ནས་ཟིན་ཐོ་དང་བཅས་ཡང་ཡང་བཀའ་སྩལ་གནང་བ་ལས་རྒྱལ་ཁམས་ཕྱོགས་མེད་ཀྱི་བྱ་བྲལ་བ་ཤཱཀྱའི་དགེ་སློང་ཐེག་པ་མཆོག་གི་རྣལ་འབྱོར་པ་འཆད་རྩོད་རྩོམ་པའི་ཚུལ་ལ་བློ་གྲོས་ཀྱི་འཇུག་པ་ཅུང་ཟད་ཤར་བ་ཀུན་མཁྱེན་བླ་མ་དགྱེས་པའི་འབངས་གཙུག་ལག་སྨྲ་བའི་ཉི་མ་ཞེས་བགྱི་བས་སྦྱར་བ་སརྦ་དཱ་ཀ་ལྱཱ་ཎཾ་བྷ་བ་ཏུ།། །།

[Full Size]

ཤོག་སྟོང་

ནང་རྒྱུད་སྡེ་གསུམ་གཙོ་བོར་གྱུར་པའི་ཟབ་རྒྱས་ཆོས་ཚུལ་རབ་འབྱམས་ཀྱི་གླེང་བ་དངོས་གྲུབ་སྒོ་བརྒྱ་འབྱེད་པའི་ལྡེ་མིག

[Full Size]

༄༅། །ནང་རྒྱུད་སྡེ་གསུམ་གཙོ་བོར་གྱུར་པའི་ཟབ་རྒྱས་ཆོས་ཚུལ་རབ་འབྱམས་ཀྱི་གླེང་བ་དངོས་གྲུབ་སྒོ་བརྒྱ་འབྱེད་པའི་ལྡེ་མིག་ཅེས་བྱ་བ་བཞུགས་སོ།། །།

[Full Size]

༄༅། །ཨོཾ་སྭསྟི་བི་ཛ་ཡནྟུ། །བྱིན་རླབས་སྤྲིན་ལས་དངོས་གྲུབ་བདུད་རྩིའི་ཆར། །ཕབས་པས་གྲུབ་གཉིས་སྙེ་མ་མཆོག་སྦྱིན་པའི། །རྩ་གསུམ་འདུས་ཞལ་བླ་མ་མཚོ་སྐྱེས་རྗེས། །ཕན་བདེའི་དཔལ་ཀུན་རྟག་ཏུ་འཇོ་བར་མཛོད། །གང་གི་ཚེ་ཕྱོགས་བཅུ་དུས་བཞིའི་བདེ་བར་གཤེགས་པ་ཐམས་ཅད་ཀྱི་ཁྱབ་བདག་གདོད་མའི་མགོན་པོ་དཔལ་ཀུན་ཏུ་བཟང་པོ་ཉིད་སྐུ་གསུང་ཐུགས་ལྷུན་གྲུབ་སྟུག་པོ་བཀོད་པའི་རྒྱན་དམ་པར་བཞུགས་ཏེ། ས་བཅུ་རྒྱུན་མཐའ་ལ་ཉེ་བར་སོན་པའི་འཕགས་པ་མཆོག་རྣམས་བཟུང་། གནས་རིགས་དྲུག་གི་ཡིད་ཅན་རྒྱ་མཚོའི་རྡུལ་སྙེད་ཀྱི་བར་མཐའ་ཡས་པའི་གདུལ་བྱའི་དོན་འབད་རྩོལ་མི་མངའ་བར་ངང་གིས་རྫོགས་པར་

[Full Size]

མཛད་པ་ལས། རེ་ཞིག་གསུང་རྡོ་རྗེ་ནཱ་དའི་དབྱངས་ཀྱི་སྒྲ་སྙན་དང་མཐུན་པར་ཐེག་པ་སྣ་ཚོགས་པའི་ཆོས་ཕུང་འདོད་དགུར་འཇོ་བའི་ཚད་ནི་སེམས་བྱུང་དང་བཅས་པའི་བློ་ཅན་སུ་ཞིག་གིས་བཟུང་བར་ནུས། དེ་ལྟ་མོད་ཀྱི་བསྡུ་བ་ལ་རྣམ་པར་དགའ་བ་རྣམས་ཀྱི་ངོར། སྤྱིར་མདོ་དགོངས་པ་འདུས་པའི་རྒྱུད་ལས། །ཀུན་འབྱུང་འདྲེན་དང་དཀའ་ཐུབ་རིག །དབང་བསྒྱུར་ཐབས་ཀྱི་ཐེག་པའོ། །ཞེས་རྣམ་པ་གསུམ་དང་། །དེ་ལས་ནང་གསེས་ཀྱི་དབྱེ་བས་ཐེག་པ་རིམ་པ་དགུར་བཞག་པ་ལས། འདིར་གཙོ་བོར་གསང་སྔགས་སྔ་འགྱུར་བའི་གྲུབ་པའི་སྐྱེས་བུ་རྣམས་ལས་རིམ་པར་འོངས་པའི་དབང་བསྒྱུར་ཐབས་ཀྱི་ཐེག་པ་ནང་རྒྱུད་སྡེ་གསུམ་གྱི་རྡོ་རྗེའི་

[Full Size]

གནས་ཟབ་ཅིང་རྒྱ་ཆེ་བའི་སྙིང་པོ་ལས་ཀྱང་སྙིང་པོར་དྲིལ་བའི་གཞུང་དང་མན་ངག་རབ་འབྱམས་ཞིག་བཞུགས་པའི་ནང་ཚན། རང་གཞན་ལ་ཉེ་བར་མཁོ་བ་དང་། རྒྱུན་དཀོན་པ་འགའ་ཞིག་མི་ནུབ་པའི་ཆེད་སོགས་སྒོ་དུ་མ་ནས་ལྷག་པའི་བསམ་པ་ཁོ་ན་ཡིད་ལ་བྱས་ཏེ་བཀའི་བསྡུ་བ་ལ་ཉེ་བར་ཞུགས་པའང་སངས་རྒྱས་ཀྱི་བྱིན་རླབས་འབའ་ཞིག་ཏུ་རིག་པར་བྱ་སྟེ། །ཡོན་ཏན་རིན་པོ་ཆེ་སྡུད་པ་ལས། །རྒྱལ་བའི་ཉན་ཐོས་པ་དག་གང་ཞིག་ཆོས་སྟོན་དང་། །འཆད་དང་རིགས་པ་དག་དང་ལྡན་པར་བརྗོད་པ་དང་། །མཆོག་འཕགས་བདེ་བ་བྱེད་དང་དེ་ཡིས་འབྲས་ཐོབ་པ། །དེ་དག་ཀུན་ཀྱང་དེ་བཞིན་གཤེགས་པའི་སྐྱེས་བུའི་མཐུ། །ཞེས་གསུངས་པའི་ཕྱིར་རོ། །དེ་ལ་འོད་གསལ་རྫོགས་པ་ཆེན་པོའི་རྒྱུད་རྡོ་རྗེ་སེམས་དཔའ་སྙིང་གི་མེ་ལོང་ལས། བསྐྱེད་པ་མ་ཧཱ་ཡོ་ག་ནི་ཆོས་ཐམས་ཅད་ཀྱི་གཞི་ལྟ་བུའོ། །རྫོགས་པ་ཨ་ནུ་ཡོ་ག་ནི་ཆོས་ཐམས་ཅད་ཀྱི་ལམ་ལྟ་བུའོ། །རྫོགས་པ་ཆེན་པོ་ཨ་ཏི་ཡོ་ག་ནི་ཆོས་ཐམས་ཅད་ཀྱི་འབྲས་བུ་ལྟ་བུའོ། །ཞེས་བསྐྱེད་རྫོགས་སྡེ་གསུམ་དུ་གསུངས་པ་ལས། །དང་པོ་བསྐྱེད་པ་མ་ཧཱ་ཡོ་གའི་སྐོར་ལ་གཉིས། རྒྱ་ཆེ་བ་རྩ་བར་གྱུར་པ་རྒྱུད་སྡེ་དང་། ཟབ་པ་ལག་ལེན་དུ་འདྲིལ་བ་སྒྲུབ་སྡེའོ། །དང་པོ་ལའང་། སྤྱིར་སྐུ་གསུང་ཐུགས་ཡོན་ཏན་ཕྲིན་ལས་ལྔའི་རྩ་

[Full Size]

བར་གྱུར་པ་རྒྱུད་སྡེ་ལྔ། སྒྲུབ་པ་ལག་ལེན་དུ་སྟོན་པ་རོལ་པའི་རྒྱུད་སྡེ་ལྔ། སྤྱོད་པ་ཡན་ལག་ཏུ་འགྲོ་བའི་རྒྱུད་སྡེ་ལྔ་མ་ཚང་བ་ཁ་སྐོང་བའི་རྒྱུད་སྡེ་གཉིས། དེ་ཐམས་ཅད་ཀྱི་ཁྱབ་བྱེད་གཞིའམ་རྩ་བ་ལྟ་བུར་གྱུར་པ་སྤྱི་རྒྱུད་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་དཔལ་གསང་བའི་སྙིང་པོ་སྟེ་ཏན་ཆེན་པོ་སྡེ་བཅོ་བརྒྱད་དུ་གྲགས་པ་ལས། དཔལ་རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་ཞི་ཁྲོ་སོ་སོའི་དབང་། རྒྱུད་ཀྱི་བཤད་པ། སྐུའི་རྒྱུད་སངས་རྒྱས་མཉམ་སྦྱོར་རིགས་བསྡུས་པའི་དབང་། སྤྱོད་པ་ཡན་ལག་ཏུ་འགྲོ་བའི་རྒྱུད་སྡེའི་ནང་གསེས་གླང་པོ་ཆེ་རབ་ཏུ་འབོགས་པའི་དུམ་བུ་དྲི་མ་མེད་པ་བཤགས་པའི་རྒྱལ་པོའི་རྒྱུད་ཀྱི་རྗེས་སུ་འབྲང་བ་ཞི་ཁྲོ་ཁྲོམ་དཀྲུགས་དང་། ཆ་མཐུན་ཡི་གེ་བརྒྱ་པ་དབང་མཆོག་རྒྱལ་པོའི་རྒྱུད་སོགས་ལ་བརྟེན་པའི་ཞི་ཁྲོ་རིགས་བསྡུས་ཀྱི་དབང་། དེ་རྣམས་ཀྱི་རྒྱབ་བརྟེན་རྒྱུད་སྡེ་རབ་འབྱམས་རྒྱུད་འབུམ་དུ་པོད་གསུམ་ཙམ་བཞུགས། ཀྱི་ལུགས་སོགས་རྒྱ་ཆེར་བཞུགས་པ་ལས། འདིར་སྤྲུལ་པའི་ལོ་ཙཱ་བ་བཻ་རོ་ཙ་ནའི་རྣམ་འཕྲུལ་སྔ་འགྱུར་བསྟན་པའི་ཉི་མ་ཆེན་པོ་རིག་འཛིན་གཏེར་བདག་གླིང་པའི་ཟབ་གཏེར་ཞི་བ་རྡོ་རྗེ་དབྱིངས་གསང་ཆེན་རིགས་གཅིག་པ་དཔལ་རྡོ་རྗེ་སེམས་དཔའ་ཐུགས་ཀྱི་སྒྲུབ་པའི་དབང་། རྩ་བའི་ཁྲིད། གཏེར་གཞུང་ཆ་ཚང་། བསྙེན་སྒྲུབ་འཕྲིན་

[Full Size]

ལས་ཀྱི་ཆོ་ག་ལྷན་ཐབས་དང་བཅས་པ། རྩ་ཁྲིད། བསྙེན་ཡིག །གྲོལ་ལམ་གསུམ་གྱི་མན་ངག་གི་གསལ་གཡུང་དྲུང་རྟགས་ཅན་འདི་རྣམས་ལེགས་བཤད་ཀྱི་སྒོ་གསར་དུ་སྣང་བའོ། །བྱེད་རྣམས་ཏེ། འདི་ཉིད་ཀྱི་སྤྱིར་སྒྲུབ་སྡེ་གཏེར་མའི་ཕྱོགས་སུ་གཏོགས་ཀྱང་། བསྐྱེད་རྫོགས་ཀྱི་ཟབ་གནད་རྣམས་གསང་བ་སྒྱུ་འཕྲུལ་གྱི་མན་ངག་ཁོ་ནར་སྣང་བས་དོན་གྱིས་བཀའ་གཏེར་ཟུང་འཇུག་ཏུ་འགྱུར་བའི་ཕྱིར་རྒྱུད་སྡེའི་ས་ཁོངས་འཛིན་པ་དང་། དཀྱིལ་འཁོར་ཐམས་ཅད་ཀྱི་ཁྱབ་བྱེད་དུ་གྱུར་པས་ཐོག་མར་དགེ་བའི་ཚུལ་དུ་བཞག་པ་ཡིན་ནོ། །ཞར་བྱུང་སྒྱུ་འཕྲུལ་གྲོལ་ལམ་གྱི་ཁྲིད་ཡིག་ཀུན་མཁྱེན་རྡོ་རྗེ་གཟི་བརྗིད་ཀྱི་གསུང་རབས་ལས་བྱུང་བ། སྙིང་པོའི་རྒྱུད་བཀླག་པའི་མན་ངག །འདི་ལུང་རྒྱུན་ལ་བསམས་ནས་བཀོད། །ལོ་ཙཱ་བ་ཀླུའི་རྒྱལ་མཚན་གྱི་རྣམ་འཕྲུལ་འགྲོ་འདུལ་ཀརྨ་གླིང་པའི་ཟབ་གཏེར་ཞི་ཁྲོ་དགོངས་པ་རང་གྲོལ་གྱི་དབང་བསྡུས་པ་འགྲོ་དྲུག་རང་གྲོལ། དེའི་ལས་བྱང་དབང་ཆོག་སོགས་ཡིག་ཆ་ཉེར་མཁོ་རྣམས་སོ།། །།གཉིས་པ་སྒྲུབ་སྡེ་ལ་གཉིས། རྩ་བ་སྒྲུབ་པའི་ཐབས་གཙོ་བོར་གྱུར་པ་དང་། ཡན་ལག་ལས་ཀྱི་ཆོ་ག་གཙོ་བོར་གྱུར་པའི་སྐོར་རོ། །དང་པོ་ལ་སངས་རྒྱས་གཉིས་པ་མཚོ་སྐྱེས་ཞབས་ཀྱིས། བྱིན་རླབས་རྩ་བ་བླ་མ་རྗེ༔ དངོས་གྲུབ་འབྱུང་གནས་ཡི་དམ་ལྷ༔ ཕྲིན་ལས་མྱུར་མགྱོགས་

[Full Size]

མཁའ་འགྲོའི་ཚོགས༔ ཞེས་བྱིན་རླབས་དང་། དངོས་གྲུབ་དང་། ཕྲིན་ལས་ཀྱི་གཏེར་ཆེན་པོ་རྩ་བ་གསུམ་དུ་བཞག་པ་སྟེ། དེ་ལའང་གཉིས། རྩ་གསུམ་བྱེ་བྲག་གི་སྒྲུབ་ཐབས་དང་། །སྤྱིར་སྒྲུབ་ཐབས་སྣ་ཚོགས་རྣམས་སོ། །དང་པོ་བླ་མ་ཡི་དམ་མཁའ་འགྲོ་ཆོས་སྐྱོང་གི་སྐོར་གསུམ་གྱི། དང་པོ་བྱིན་རླབས་ཀྱི་རྩ་བ་བླ་མའི་སྒྲུབ་སྐོར་ལ། བླ་མ་ཞི་བ་ཆོས་སྐུ་རྡོ་རྗེ་འཆང་གསང་བ་འདུས་པ་རྩ་བའི་དབང་བཞི། གཏོར་དབང་༡ ཨང་རྟགས་ཅན་རྣམས་སྒྲུབ་ཐབས་འདོད་བུམ་དུ་བཞུགས་པའི་གྲས་སོ། །ལས་བྱང་། དབང་ཆོག །རྒྱུན་ཁྱེར། བཀའ་གཏེར་གྱི་སྲུང་མའི་གསོལ་མཆོད་ཉེར་བསྡུས། བསྙེན་ཡིག་མ་བུ་བཅས་ཉེར་མཁོའི་ཡིག་ཆ་ཚང་བ། བླ་མ་ལོངས་སྐུ་ཚེ་དཔག་མེད་རྫོགས་ཆེན་ཚེ་དབང་༢། དེའི་ཐེམ་མེད་ཚེ་སྒྲུབ་བུ་སྟོན་གོང་ཁུག་མའི་དབང་། གཞུང་ཉམས་ལེན་དབང་ཆོག་བཅས་ཚང་མ། ཞར་བྱུང་གཏེར་ཕྲན་ཚེ་དཔག་མེད་ཀྱི་སྒྲུབ་ཐབས་སཱཙྪའི་རིམ་པ་དང་བཅས་པ། བླ་མ་སྤྲུལ་སྐུ་ཐོད་ཕྲེང་རྩལ་ཟླུམ་པོ་བཞི་དབང་༣སྟེ། དེ་རྣམས་ནི་བླ་མའི་སྒྲུབ་སྐོར་གྱི་བཀའ་བབས་མངའ་བདག་གསུང་སྤྲུལ་མཆོག་གཏེར་ཆེན་པོ་གུ་རུ་ཆོས་ཀྱི་དབང་ཕྱུག་གི་ཟབ་གཏེར་ལས་བྱུང་བ་ཡིན་ལ། བླ་སྒྲུབ་སྐོར་ལྔའི་གླེགས་བམ་ཡོངས་སུ་རྫོགས་པའི་ལུང་པོད་གཉིས་ཙམ་རྒྱུན་ཀྱང་བཞུགས་

[Full Size]

མོད། འདིར་ཉེ་བར་མཁོ་བ་ཙམ་ཞིག་བཀོད་པ་སྟེ་འོག་མ་རྣམས་ལའང་ཤེས་པར་བྱའོ། །མངའ་བདག་སྐུ་སྤྲུལ་ཉང་ཉི་མ་འོད་ཟེར་གྱི་ཟབ་གཏེར་བླ་མ་ཡོངས་རྫོགས་ཀྱི་གཏོར་དབང་། དེའི་སྒྲུབ་ཕྲིན་རིན་ཆེན་སྒྲོན་མེ་ཀུན་མཁྱེན་ཀློང་ཆེན་པས་མཛད་པ། སྟག་ལུང་སངས་རྒྱས་དབོན་གྱི་ཟབ་གཏེར་ཐུགས་སྒྲུབ་བདེ་གཤེགས་འདུས་པའི་དབང་། སྒྲུབ་ཕྲིན་དབང་ཆོག་དང་བཅས་པ། བཀའ་འདུས་བར་པ་སྤྱིར་བཀའ་འདུས་སྔ་ཕྱི་བར་གསུམ་སྟེ། སྔ་མ་ཤེལ་བྲག་པདྨ་བརྩེགས་པ་ནས་ཨོ་རྒྱན་གླིང་པས་གདན་དྲངས་པའི་བཀའ་འདུས་ཆོས་ཀྱི་རྒྱ་མཚོ། བར་པ་བླ་མ་དགོངས་འདུས། ཕྱི་མ་རིག་འཛིན་མངའ་རིས་པའི་གཏེར་བྱོན་བླ་མ་བཀའ་བརྒྱད་རིག་འཛིན་ཡོངས་འདུས་དང་། འགྲོ་འདུལ་གླིང་པ་ཤེས་རབ་འོད་ཟེར་གྱི་གཏེར་བྱོན་གྲོལ་ཐིག་དགོངས་པ་རང་གྲོལ་གཉིས་སོ། །དགོངས་འདུས་ལའང་། སངས་རྒྱས་གླིང་པའི་བླ་མ་དགོངས་འདུས་པོད་བཅུ་གསུམ། སྟག་ཤམ་བསམ་གཏན་གླིང་པའི་ཡི་དམ་དགོངས་འདུས༩། གྲོ་ཤུལ་བདེ་ཆེན་གླིང་པ་སྔ་ཕྱི་བར་གསུམ་གྱི་མཁའ་འགྲོ་དགོངས་འདུས་པོད་དྲུག་སྟེ་གསུམ་དུ་གྲགས་སོ། །ལྷ་སྲས་མུ་རུབ་བཙད་པོའི་རྣམ་འཕྲུལ་གཏེར་ཆེན་སངས་རྒྱས་གླིང་པའི་བླ་མ་དགོངས་པ་འདུས་པའི་དོན་དབང་། གཏོར་དབང་། ལས་བྱང་། དབང་ཆོག །རྒྱུན་ཁྱེར་གཏེར་སྲུང་གསོལ་བསྡུས་བསྙེན་ཡིག་བཅས་ཉེར་མཁོ་འདི་ལ་པོད་ཆེན་བཅུ་གསུམ་བཞུགས་ཤིང་། བསྐྱེད་རྫོགས་ཕྲིན་ལས་དང་

[Full Size]

བཅས་པ་མ་ཚང་བ་མེད་པའི་བོད་ཡུལ་ས་འོག་ཀུན་གྱི་གཏེར་གཅིག་ཏུ་བསྔགས་པ་དོན་དང་ལྡན་པའི་ངོ་མཚར་ཅན་འཁོར་ལོས་སྒྱུར་བའི་རྒྱལ་པོའི་གན་མཛོད་ལྟ་བུ་ཉིད་དོ། །ལང་གྲོའི་རྣམ་སྤྲུལ་ལྷོ་གཏེར་རཏྣ་གླིང་པའི་ཐུགས་སྒྲུབ་ཡང་སྙིང་འདུས་པའི་དོན་དབང་། ཉང་བན་རྣམ་སྤྲུལ་འཇའ་ཚོན་ལས་འཕྲོ་གླིང་པའི་བླ་སྒྲུབ་ཡང་ཟབ་དཀོན་མཆོག་སྤྱི་འདུས་ཀྱི་རྩ་དབང་། ཚེ་དབང་བསྐྱེད་རྫོགས་ཀྱི་ཁྲིད། ལས་བྱང་། སྔོན་འགྲོ་དང་བསྐྱེད་རིམ་ལྷ་ཁྲིད། རྫོགས་རིམ། བསྙེན་ཡིག་བཅས་ཉེར་མཁོ་ཚང་བ། མངའ་བདག་ཐུགས་སྤྲུལ་མངའ་རིས་པཎ་ཆེན་པདྨ་དབང་རྒྱལ་གྱི་གཏེར་བྱོན་གུ་རུ་ཡོན་ཏན་གཏེར་མཛོད་དང་། ནམ་སྙིང་རྣམ་སྤྲུལ་རིག་འཛིན་ཆེན་པོ་རྡོ་རྗེ་ཚེ་དབང་ནོར་བུའི་དགོངས་གཏེར་བསམ་པ་ལྷུན་གྲུབ་མའི་དབང་། སོ་སོའི་ཡིག་ཆ་ཚང་བ། འཁོན་ཀླུ་དབང་སྲུང་བའི་རྣམ་སྤྲུལ་རིག་འཛིན་རོལ་པའི་རྡོ་རྗེའི་ཟབ་གཏེར་བླ་མ་རྒྱལ་བ་ཀུན་འདུས་བཅས། བདུད་འཇོམས་རྣམ་སྤྲུལ་བྱང་གཏེར་རིག་འཛིན་རྒོད་ཀྱི་ལྡེམ་འཕྲུའི་དག་སྣང་བརྡ་དོན་ལམ་ཟབ་བླ་མའི་རྣལ་འབྱོར་དང་། རིག་འཛིན་གཏེར་བདག་གླིང་པའི་ཟབ་གཏེར་གྱི་ཐོག་མ་བླ་སྒྲུབ་རིག་འཛིན་ཐུག་ཐིག་གི་གཏེར་སྒྲུབ་ཀྱི་གསོལ་འདེབས་དང་འབྲེལ་བ་བླ་མའི་རྣལ་འབྱོར་བྱིན་རླབས་ཆེར་འབེབས་ཀྱི་ཁྲིད། །

[Full Size]

སོ་སོའི་ཡིག་ཆ། པདྨས་དངོས་སུ་རྗེས་བཟུང་ཚར་ཆེན་རྡོ་རྗེ་འཆང་ཆེན་པོའི་དགོངས་ཉམས་ལས་འཁྲུངས་པའི་ཨོ་རྒྱན་བླ་མའི་རྣལ་འབྱོར་གྱི་སྐོར། བདུད་འཇོམས་རྣམ་འཕྲུལ་རིག་འཛིན་ལེགས་ལྡན་རྗེའི་ཟབ་གཏེར་བླ་མ་སྐུ་གསུམ་མའི་ཁྲིད། དེའི་ཁྲིད་ཡིག་དང་ངག་འདོན། བེ་རོའི་རྣམ་སྤྲུལ་གཏེར་ཆེན་འགྲོ་འདུལ་གླིང་པ་ཤེས་རབ་འོད་ཟེར་གྱི་ཟབ་གཏེར་གྲོལ་ཏིག་ལམ་བསྡུས་པ་སྐུ་གསུམ་རིགས་འདུས་བརྡ་དབང་ལྔ་པ། དེའི་གཏེར་གཞུང་གསལ་བྱེད་ལྗགས་བསྒྲིགས་དང་བཅས་པ། མངའ་བདག་གི་ཡོན་ཏན་རྣམ་སྤྲུལ་ཆོས་རྒྱལ་བྱང་པའི་ཟབ་གཏེར་བླ་མ་མཚོ་སྐྱེས་རྡོ་རྗེ་འཆི་མེད་སྐུ་གསུམ་རིགས་འདུས་ཀྱི་དབང་། གཏེར་གཞུང་དང་རིག་འཛིན་པདྨ་ཕྲིན་ལས་ཀྱི་ཆོག་བསྒྲིགས་སྐོར་ཚང་བ། དབང་ཆོག་ནག་འགྲོས་བཅས། ཞར་བྱུང་རཏྣའི་རྩ་གསུམ་འབྲས་བུའི་དོན་ཁྲིད་ཅེས་རྩ་བ་གསུམ་དང་། བླ་རྫོགས་ཐུགས་གསུམ་གྱི་བཅུད་དྲིལ་གདམས་ཟབ་ཁྱད་པར་ཅན་གྱི་དབང་། གཏེར་གཞུང་ཆ་ཚང་། ལྷ་སྲས་རྣམ་སྤྲུལ་འབྲི་གུང་རིན་ཆེན་ཕུན་ཚོགས་ཀྱི་ཟབ་གཏེར་ཞི་ཁྲོ་རྩ་གསུམ་དགོངས་པ་ཡང་ཟབ་ཀྱི་གཏོར་དབང་། འཇིག་རྟེན་དབང་ཕྱུག་ཀརྨ་པ་བརྒྱད་པའི་དག་སྣང་རྩ་གསུམ་དྲིལ་སྒྲུབ་ཀྱི་ཉམས་ལེན། འཇའ་ཚོན་ཟབ་གཏེར་ཨོ་རྒྱན་སྒམ་པོ་པའི་གསང་ལམ་བླ་སྒྲུབ་

[Full Size]

ཀྱི་དབང་། གཏེར་གཞུང་གསལ་བྱེད་དང་བཅས་པ་དག་སྣང་ཧཱུྃ་ནག་སྙིང་ཐིག་བཀའ་བརྒྱ་མའི་སྐོར། ལྷ་སྲས་རྣམ་སྤྲུལ་རིག་འཛིན་མི་འགྱུར་རྡོ་རྗེའི་དག་སྣང་གྲུབ་ཆེན་པཀིའི་བླ་སྒྲུབ་ཀྱི་དབང་གདམས་ངག་དང་བཅས་པ་རྣམས་སོ། །བླ་མ་དྲག་པོའི་སྐོར་ལ། གུ་རུ་དྲག་དམར་བཀའ་མའོ་བྲན་ལུགས་ཀྱི་དབང་།། རྗེ་དགུ་པའི་ཡིག་ཆ་སྐོར་ཚང་བ། ཉང་གཏེར་དྲག་དམར་བདེ་འདི་ཉང་དང་། རྡོར་གླིང་ཟུང་འཇུག་དང་། པད་གླིང་དྲག་དམར་ཁྱད་པར་དུ་ཕྱེ་བ་བཅས་གཏེར་མ་སུམ་ལྡན་ནོ། །གཤེགས་འདུས་པ་དང་༦། མེའི་སྤུ་གྲིའི་དབང་༧། བྱིན་རླབས་ལུ་གུ་རྒྱུདར། ལས་བྱང་རྒྱུན་ཁྱེར། བསྙེན་ཡིག་བཅས། བྱང་གཏེར་ཐུགས་སྒྲུབ་དྲག་པོ་རྩལ་མཐིང་གའི་བྱིན་རླབས་ཐུགས་རྗེའི་དབང་༩། རྒྱུན་ཁྱེར་ངག་འདོན་བསྙེན་ཐབས་བཅས། རཏྣའི་དྲག་དམར་མེ་རླུང་འཁྱིལ་པའི་དོན་དབང་། གཏོར་དབང་། དཔལ་ནཱ་རོ་པའི་རྣམ་སྤྲུལ་འབྲུག་པ་རིན་པོ་ཆེ་པདྨ་དཀར་པོའི་དག་སྣང་བླ་མ་དྲག་དམར་ཀཱི་ལ་ཡའི་དབང་། གཞུང་གསལ་བྱེད་དབང་ཆོག་བཅས། གུ་རུ་ཆོས་དབང་གིས་ཡར་ཀླུང་བརྩོན་སེང་ལ་བཀའ་བསྒོས་ནས་སྤྱན་དྲངས་པའི་ཟབ་གཏེར་ཀརྨ་གུ་རུ་དར་ནག་བེར་ཆེན་གྱི་གཞུང་བསྙེན་ཐབས་བཅས། ཆོས་དབང་རིན་པོ་ཆེའི་རྣམ་སྤྲུལ་བྱང་བདག་པའི་ཟབ་གཏེར་ཀརྨ་གུ་རུའི་སྲོག་

[Full Size]

གཏད། གཏེར་གཞུང་དང་། མངའ་བདག་གི་ཕྲིན་ལས་རྣམ་འཕྲུལ་རྡོ་རྗེ་ཐོགས་མེད་རྩལ་གྱི་ལྗགས་བསྒྲིགས་སྐོར་ཚང་བ། གཏོར་ནག་གི་ལས་སྦྱོར་བཀླག་ཆོག་ལ། འཇའ་ཚོན་དཀོན་མཆོག་སྤྱི་འདུས་ཀྱི་དྲག་དམར་སྒོས་དབང་། ལང་གྲོའི་རྣམ་སྤྲུལ་རིག་འཛིན་ཀློང་གསལ་སྙིང་པོ་མདོ་སྔགས་གླིང་པའི་ཟབ་གཏེར་དྲག་པོ་ཡེ་ཤེས་རབ་འབར་གྱི་དོན་དབང་། རོལ་རྡོར་ཟབ་གཏེར་གུ་རུ་དྲག་ཁྲོས་ཀྱི་དབང་དེ་དག་གི་ཡིག་ཆ་ཉེར་མཁོ་བཅས་སོ། །བླ་མ་ཞི་དྲག་གི་སྐོར་འདི་རྣམས་སྒྲུབ་སྡེ་ཆེན་པོ་བརྒྱད་ཀྱི་དབང་དུ་བྱས་ན་གཙོ་བོར་པདྨ་གསུང་གི་ཕྱོགས་སུ་འདུ་བ་ཡིན་ནོ།། །།གཉིས་པ་དངོས་གྲུབ་ཀྱི་རྩ་བ་ཡི་དམ་ཞི་ཁྲོའི་སྐོར་ལ། སྤྱིར་རིགས་ཀྱི་འཁོར་ལོས་སྒྱུར་བ་རྣམ་པ་ལྔ་ལས་རབ་ཏུ་ཕྱེ་བའི་ལྷག་པའི་ལྷ་རབ་འབྱམས་སྒྱུ་འཕྲུལ་དྲ་བའི་སྒྲུབ་ཐབས་དང་མན་ངག་མཐའ་ཡས་པ་ཉིད་ཀྱང་། རེ་ཞིག་སྒྲུབ་སྡེ་ཆེན་པོ་བརྒྱད་དུ་ཅི་རིགས་པར་འདུ་བས་ན། འདི་ལ་གཉིས། སྤྱི་དང་བྱེ་བྲག་གོ །དང་པོ་ནི། སྤྱིར་བཀའ་མ་མཁས་པ་མི་བཞིའི་ཐུགས་བཅུད་བཀའ་བརྒྱད་རྫོང་འཕྲང་། གཏེར་མ་ཉང་རིན་པོ་ཆེའི་བདེ་འདུས་པོད་སྙིང་དང་འདྲ་བ། དགུ། ཆོས་དབང་གསང་རྫོགས་པོད་སྙིང་ཁྲག་དང་འདྲ་བ། བཞི། བྱང་གཏེར་རང་ཤར་ཏེ་པོད་དྭངས་མདང་འདྲ་བ། གཉིས། བཀའ་བརྒྱད་རྣམ་གསུམ་དུ་

[Full Size]

གྲགས་པ་དང་། པདྨ་གླིང་པའི་ཐུགས་ཀྱི་མེ་སྲོག་དང་འདྲ་བ་ལོང་། བསམ་གཏན་བདེ་ཆེན་གླིང་པའི་ཡང་གསང་དྲེགས། འདུལ། ལུས་དང་འདྲ་བ། མངའ་རིས་པཎ་ཆེན་རིན་པོ་ཆེའི་བླ་མ་བཀའ་བརྒྱད་རིག་འཛིན་ཡོངས་འདུས། འཇའ་ཚོན་པའི་དངོས་གྲུབ་སྙིང་པོ་ཀློང་གསལ། མདོ་སྔགས་གླིང་པའི་བདེ་གཤེགས་ཡོངས་འདུས། པདྨ་བདེ་ཆེན་གླིང་པའི་བཀའ་འདུས་སྙིང་པོ་ཡིད་བཞིན་ནོར་བུ་རྣམས་ལས་དྲེགས་འདུལ་མ་གཏོགས་པའི་ལུགས་སྲོལ་དགུ་ཙམ་གྱི་སྨིན་གྲོལ་མ་ནུབ་པར་མཆིས་ཤིང་། གཞན་ཡང་སྔ་ཕྱིར་བཀའ་གཏེར་དག་སྣང་དང་འབྲེལ་བའི་གདམས་པ་རྒྱ་ཆེར་བྱོན་པ་ལས་འདིར་གཏེར་ཁ་གོང་མ་ཉང་རིན་པོ་ཆེའི་ཟབ་ཆོས་བཀའ་གཏེར་ཟུང་འཇུག་བཀའ་བརྒྱད་བདེ་གཤེགས་འདུས་པའི་རྣལ་འབྱོར་རྒྱུན་དབང་། དེའི་དབང་ཆོག་བདུད་རྩིའི་ཐིག་ལེ། ལས་བྱང་བདེ་ཆེན་རྣམ་རོལ། མངོན་རྟོགས་རྒྱས་པ་རྒྱུན་ཁྱེར། སྒྲུབ་ཁོག་དངོས་གྲུབ་གཏེར་མཛོད། རྡུལ་ཚོན་ཆུ་བོར་སྤྱན་འདྲེན་པའི་ཆོ་ག །སྡེ་དཔོན་སུམ་ཅུའི་གསོལ་བསྡུས་རྣམས་ཆོས་རྒྱལ་གཏེར་བདག་གླིང་པའི་གསུང་། བསྙེན་ཡིག་བཅས་ཉེར་མཁོའི་ཡི་གེ་ཚང་བ། གཏེར་ཁ་འོག་མ་ཆོས་ཀྱི་དབང་ཕྱུག་གི་ཟབ་གཏེར་གསང་རྫོགས་མགྱོགས་དབང་བུམ་རྒྱ་ཅན། བདེ་གསང་གཉིས་ཀའི་

[Full Size]

རྫོགས་རིམ་སྙིང་པོ་རིགས་ལྔའི་ཟབ་ཁྲིད། འཇའ་ཚོན་ལས་འཕྲོ་གླིང་པའི་བཀའ་བརྒྱད་དངོས་གྲུབ་སྙིང་པོ་རྣམས་སོ།། །།གཉིས་པ་བྱེ་བྲག་ལ་བརྒྱད་ལས། དང་པོ་འཇམ་དཔལ་སྐུའི་སྐོར་ལ། །ཐོག་མར་འཇམ་དཔལ་ཞིང་སྒྲུབ་ཀྱི་སྐོར་ནི། ཤར་གཏེར་སངས་རྒྱས་གླིང་པའི་གཏེར་བྱོན་ཟབ་རྒྱ་དང་པོ་འཇམ་དཔལ་དཀར་པོ་བློའི་མུན་སེལ། དགོངས་འདུས་ལས། འཇམ་དཔལ་སྨྲ་སེང་བློ་འཕེལ་ཤེས་རབ་རལ་གྲི། ཟབ་རྒྱ་གཉིས་པ་འཇམ་དཔལ་དམར་པོ་ལོངས་སྤྱོད་ཚེ་འཕེལ་རྣམས་ཀྱི་དབང་། སོ་སོའི་གཞུང་ཆ་ཚང་། གཞན་ཡང་ཉང་གཏེར་དྲག་དམར་གྱི་འཇམ་དཔལ་སྒོས་སྒྲུབ། །ཆོས་དབང་རིན་པོ་ཆེའི་བླ་མ་གསང་འདུས་ཀྱི་བློ་ལྡན་མཆོག་སྲེད་སྒོས་སྒྲུབ་གསལ་བྱེད་བཅས། བེ་རོའི་རྣམ་སྤྲུལ་རྡོ་རྗེ་གླིང་པའི་ཟབ་གཏེར་ལྟ་བ་ཀློང་ཡངས་ཀྱི་ཆ་ལག་འཇམ་དཔལ་དམར་སེར་བློ་ཡི་མུན་སེལ། མངའ་རིས་པཎ་ཆེན་རིན་པོ་ཆེའི་རིག་འཛིན་ཡོངས་འདུས་ཀྱི་འཇམ་དཔལ་བསྐྱེད་རྫོགས། གཏེར་བདག་གླིང་པའི་ཟབ་གཏེར་གཤིན་རྗེ་དྲེགས་པ་འཇོམས་བྱེད་ཀྱི་འཇམ་དཔལ་ཞི་སྒྲུབ་གསལ་བྱེད་དང་བཅས་པ་སྟེ་ཐོར་བུའི་སྐོར་དང་། ཞར་བྱུང་རཏྣའི་གཏེར་ཕྲན་དབྱངས་ཅན་མ་དཀར་མོ། འགྲོ་འདུལ་ཤེས་རབ་འོད་ཟེར་གྱི་གཏེར་ཕྲན་ཤེས་རབ་བློ་འཕེལ་མི་བརྗེད་གཟུངས་ཐོབ།

[Full Size]

དེ་ཉིད་ཀྱི་དགོངས་གཏེར་རྡོ་རྗེ་དབྱངས་ཅན་མའི་སྒྲུབ་ཐབས་བློ་གྲོས་གསལ་བྱེད་རྣམས་སོ། །རྗེས་འབྲེལ་དུ་ཕྱི་འགྱུར་གྱི་གདམས་ཟབ་འཇམ་དཔལ་དཀར་པོ་མ་ཏི་ལུགས༡༠། འཇམ་དཔལ་སྨྲ་སེང་དམ་པའི་ལུགས༡༡། དབྱངས་ཅན་མ་དཀར་མོ་བྲམ་ཟེ་ཕུར་པུའི་ལུགས་༡༢བཅས་གཏེར་ཆེན་རིན་པོ་ཆེའི་ལྗགས་བསྒྲིགས་སྒྲུབ་ཐབས་འདོད་འཇོ་བུམ་བཟང་ལས་བྱུང་བ་སྟེ། ཕྱི་མ་འདི་ཀུན་མཁྱེན་ཀློང་ཆེན་པར་ཉེ་བརྒྱུད་ཀྱི་བཀའ་བབས་པའི་མན་ངག་ཁྱད་པར་ཅན་དང་འབྲེལ་བའོ། །གཞན་ཡང་གཏེར་སྟོན་ཆེན་པོ་སར་བན་ཕྱོགས་མེད་ཀྱི་ཟབ་གཏེར་འཇམ་དཔལ་རྫོགས་པ་ཆེན་པོའི་སྨིན་གྲོལ་གྱི་སྐོར་སོགས་རྙེད་ནའང་སྐབས་འདིར་བསྡེབས་པར་བྱའོ། །འཇམ་དཔལ་དྲག་པོ་གཤིན་རྗེ་རོལ་པའི་སྐོར་ལ། སྤྱིར་དེ་བཞིན་གཤེགས་པའི་རིགས་འཇམ་དཔལ་ཕྱག་རྒྱ་ཟིལ་གནོན་ཚེ་བདག་ལྕགས་འདྲ། ལྕགས་སྡིགས། ཡང་ཟློག །རྡོ་རྗེའི་རིགས་འཇོམས་བྱེད་འཆར་ཀ་ནག་པོ། རིན་པོ་ཆེའི་རིགས་ཁ་ཐུན། པདྨའི་རིགས་འཇིགས་བྱེད་རུ་མཚོན་དམར་པོ། ལས་ཀྱི་རིགས་གཤོར་གསང་ཉི་མ་ཁྲོས་པ་སོགས་དང་། ཁྲོ་ཆུ་དང་ཀིང་ཀང་དམར་ནག་སོགས་བཀའ་གཏེར་གྱི་གཤེད་སྐོར་མཐའ་ཡས་པ་ཞིག་བྱུང་བ་ལས། བཀའ་མ་གཤིན་རྗེ་གཤེད་རུ་མཚོན་དམར་པོ། ཁ་ཐུན་

[Full Size]

ནག་པོ། གདོང་དྲུག་ནག་པོ་གསང་རྫོགས་ཐུགས་ཀྱི་སྒྲུབ་པ་སྡེ་གསུམ་དང་། བཀའ་གཏེར་ཟུང་འཇུག་ཚེ་བདག །ཡང་ཟློག །འཆར་ཀ་སྒྲོམ་བུམ། གཤོར་གསང་ཀིང་ཀང་ནག་པོ་ཕས་རྒོལ་། འཇོམ་བྱེད། གཏེར་མ་འཇམ་དཔལ་རིགས་གསུམ་འདུས་པ་ཁྲོ་ཆུ་དུག་སྡོང་། འཆར་ཀ་གནམ་སྐས་མ། འཇམ་དཔལ་གཤིན་རྗེ་དྲེགས་པ་འཇོམས་བྱེད་སོགས་ཀྱི་དབང་དང་མན་ངག །རྒྱུད་སྡེ་པོད་གཉིས། རབ་འབྱམས་དང་བཅས་པའི་རྒྱུན་མ་ནུབ་པར་བཞུགས་མོད། ཆོས་བཀའ་རྒྱ་ཆེ་བའི་ཕྱིར་རེ་ཞིག་འདིར་ཉེར་མཁོ་ཕྲ་མོ་ཙམ་ལ། གནུབས་ལུགས་བཀའ་མ་དང་། གནུབས་ཆེན་དངོས་བྱོན་རྒྱ་སྟོན་རྡོ་རྗེ་འོད་འབར་དང་། དེའི་སློབ་མ་ལྷ་རྗེ་གནུབས་ཆུང་གི་ཟབ་གཏེར་བཅས་བཀའ་གཏེར་སུམ་འདྲིལ་ཡང་ཟློག་མེའི་སྤུ་གྲི་རྣོན་པོ་༡༣ནང་གཅོད་ཀྱི་དབང་། ཉེར་མཁོའི་ཡི་གེ་འགའ་ཞིག ། འབྲི་གུང་ཆོས་གྲགས་ཀྱི་གསུང་རྡོ་རྗེ་བཞིའི་རྫོགས་རིམ་ཟབ་མོ། ཆོས་དབང་རིན་པོ་ཆེའི་འཆར་ཀ་གནམ་སྐས་མའི་ཟོར་དབང་། ཀིང་ནག་བཀའ་གཏེར་གཉིས་ལྡན་གྱི་གཏོར་དབང་། སངས་གླིང་གཏེར་བྱོན་ཟབ་རྒྱ་གསུམ་པ་འཇམ་དཔལ་ནག་པོ་ཡང་ཟློག་ཐུགས་ཀྱི་ཚལ་པའི་དབང་། ཡིག་ཆ་ཚང་བ། རཏྣ་གླིང་པའི་རྟ་མགྲིན་གསང་འདུས་ཀྱི་ཆོས་སྡེ་འཇིགས་བྱེད་མེའི་སྤུ་གྲིའི་དབང་། སྒྲུབ་

[Full Size]

ཐབས་ལས་ཚོགས་བཅས་གཏེར་གཞུང་ཡོངས་རྫོགས། ལྷ་ལྕམ་པདྨ་གསལ་གྱི་རྣམ་འཕྲུལ་ལྷོ་གཏེར་པདྨ་གླིང་པའི་གཏེར་ཕྲན་ནག་པོ་སྐོར་གསུམ་ཞེས་གཤིན་རྗེ་ཁ་ཐུན་ནག་པོ། ཕྲ་མེན་ཕག་ཤ་ནག་པོ། མུ་སྟེགས་གུང་ལང་ནག་པོ་རྣམས་ཀྱི་གཞུང་ཆ་ཚང་བ། འདིའི་ཕྱི་མ་གཉིས་དྲག་སྔགས་ཀྱི་སྐབས་སུ་འགོད་འོས་ཀྱང་སྡེ་ཚན་གཅིག་པའི་ཕྱིར་འདིར་བཞག །ཞར་བྱུང་འཇམ་དཔལ་ཤིན་ཏུ་ཁྲོས་པ་ཁྱབ་བདག་ནཱ་ག་རཀཱའི་སྐོར་ལ། གཏེར་ཁ་གོང་འོག་གི་རྒྱུན་ཡང་ཅི་རིགས་པར་མཆིས་མོད། འདིར་ཨོ་རྒྱན་རིན་པོ་ཆེའི་ཐུགས་སྲས་རྒྱ་གར་མཁས་པ་ཤེས་རབ་འབྱུང་གནས་ཀྱི་རྣམ་འཕྲུལ་ཆོས་རྒྱལ་རིན་ཆེན་གླིང་པའི་ཟབ་གཏེར་ནཱ་ག་རཀཱའི་རྗེས་གནང་༡༤། རྒྱུད་དང་མན་ངག་ཚང་བ་རྣམས་སོ།། །།གཉིས་པ་པདྨ་གསུང་གི་སྐོར་ལ། ཐོག་མར་རིགས་བདག་ཚེ་དཔག་མེད་ཀྱི་སྐོར། བྱང་གཏེར་ཚེ་དཔག་མེད་སྤྲུལ་སྐུ་ལྕགས་སྡོང་མ་ནང་སྒྲུབ་ལྷ་མང་སེ་བཀྲ་བཟང་བའི་གསུང་རྒྱུན་མ། དང་། ལྷ་གཅིག་བུམ་གཅིག་གི་དབང་༡༥། གཏེར་གཞུང་ཚང་བ། ལྷ་མང་གི་དབང་ཆོག །ལྷ་གཅིག་གི་རྒྱུན་ཁྱེར། ཕྱི་ནང་གསང་བའི་སྒྲུབ་ཐབས་ཀྱི་གསལ་བྱེད་བཅས། ལོངས་སྐུ་འཆི་མེད་འོད་སྣང་གི་དབང་། ཉེར་མཁོའི་ཡིག་ཆ་དག་སྣང་ཚེ་སྒྲུབ་སྦྲག་མའི་དབང་། པད་གླིང་ཚེ་ཁྲིད་རྡོ་རྗེ་

[Full Size]

ཕྲེང་བའི་དབང་༡༦གསུང་རྒྱུན་མ། ཞར་བྱུང་ཚེ་ཁྲིད། སྤྱི་ལའང་ཉེ་བར་མཁོ་བའི་ཆ་ལག་ཏུ་གཞུང་དེ་ཉིད་ལས་བྱུང་བའི་འཆི་ལྟས་བརྟག་པ། འཆི་བསླུ་བཅུད་ལེན་ཚེ་འཁོར་ཚེ་གཏའ་བསྡོམས་པ། །ཚེ་པྲ་བརྟག་པ། ཉང་གཏེར་ཚེ་པྲ་བརྟགས་པའི་གདམས་པ་ཁྱད་པར་ཅན་རྣམས་སོ། །རཏྣའི་ཚེ་སྒྲུབ་གསང་འདུས་དོན་དབང་། པདྨའི་རྣམ་སྤྲུལ་གྲུབ་ཆེན་ཐང་སྟོང་རྒྱལ་པོའི་བཀའ་གཏེར་ཟུང་འཇུག་ཚེ་རྟ་ཟུང་འབྲེལ་༡༧འཆི་མེད་དཔལ་སྟེར་གྱི་དབང་། བསྙེན་ཡིག་ཉུང་གསལ། རས་ཆེན་དཔལ་འབྱོར་བཟང་པོ་ལ་ཨོ་རྒྱན་རིན་པོ་ཆེས་དངོས་སུ་གནང་བའི་ཚེ་སྒྲུབ་མདའ་འཕེལ་མའི་དབང་། ཡིག་ཆ་ཚང་བ། འབྲི་གུང་དགོངས་ཟབ་ཚེ་སྒྲུབ་ཕྱི་ནང་གསང་བའི་དབང་། གཏེར་གཞུང་དང་ཆོག་བསྒྲིགས་ཚང་བ། འདིའི་རྫོགས་རིམ་ཐུན་མོང་མ་ཡིན་པ་ཛཱ་བཱིར་གྱི་སྐོར་ནི་འོག་ཏུ་གསལ་ལོ། །གཏེར་ཆེན་ཤེས་རབ་འོད་ཟེར་གྱི་ཟབ་གཏེར་འཆི་མེད་སྐུ་གསུམ་འདུས་པའི་དབང་། གཏེར་གཞུང་དང་ལྗགས་བསྒྲིགས་བཅས། རིག་འཛིན་ལེགས་ལྡན་རྗེར་སློབ་དཔོན་རིན་པོ་ཆེས་དངོས་སུ་གནང་བའི་ཚེ་སྒྲུབ་ནམ་མཁའ་ཟས་ཟའི་མན་ངག་གསལ་བྱེད་དང་བཅས་པ། ལྷ་སྲས་རྣམ་སྤྲུལ་དཔལ་ཆོས་ཀྱི་གྲགས་པའི་དག་སྣང་སྒྲ་མི་སྙན་གྱི་ཚེ་དབང་། ཨོ་རྒྱན་གཏེར་བདག་གླིང་པའི་ཟབ་གཏེར་ཐུགས་རྗེ་

[Full Size]

ཆེན་པོའི་ནང་སྒྲུབ་གར་དབང་ཚེ་འདི་འོག་ཏུ་ཐུགས་རྗེ་ཆེན་པོའི་སྐབས་བཀོད་པར་འོས་ཀྱང་། ཚེ་སྒྲུབ་རྣམས་ཕྱོགས་གཅིག་ཏུ་བྱ་བའི་ཕྱིར་འདིར་བཀོད། དཔག་མེད་ཀྱི་དབང་། གཏེར་གཞུང་གསལ་བྱེད་འཆི་བསླུ་དང་བཅས་པའི་སྐོར་ཚང་བ། རྒྱལ་སྲས་ལྷ་རྗེའི་རྣམ་འཕྲུལ་རིག་འཛིན་ཆོས་རྗེ་གླིང་པའི་ཟབ་གཏེར་བདེ་གཤེགས་རྩ་གསུམ་འཆི་མེད་དྲིལ་སྒྲུབ་ཀྱི་དབང་གཞུང་གསལ་བྱེད་བཅས། བེ་རོའི་རྣམ་སྤྲུལ་པདྨ་བདེ་ཆེན་གླིང་པའི་ཟབ་གཏེར་ཀློང་གསལ་མཁའ་འགྲོ་སྙིང་ཐིག་གི་ཆ་ལག་ཚེ་སྒྲུབ་རྡོ་རྗེའི་རྒྱ་མདུད་ཀྱི་དབང་། ཉེར་མཁོའི་ཡིག་ཆ་ཚང་བ། རིག་འཛིན་མི་འགྱུར་རྡོ་རྗེའི་གཏེར་ཕྲན་ནམ་མཁའི་སྙིང་པོའི་ཚེ་སྒྲུབ་དང་། བཻ་རོའི་རྣམ་སྤྲུལ་དཔལ་ལྡན་དཔའ་བོ་བརྒྱད་པའི་དགོངས་གཏེར་ཚེ་སྒྲུབ་ཀྱི་དབང་། སོ་སོའི་གཞུང་བཅས་སོ། །གཞན་ཡང་པཎ་ཆེན་ནགས་རིན་ལ་སློབ་དཔོན་རིན་པོ་ཆེས་དངོས་སུ་གནང་བའི་པདྨ་ཚེ་ཁྲིད་སོགས་ཀྱི་རྒྱུན་རྙེད་ནའང་འདིར་འགོད། ཞར་བྱུང་འོད་དཔག་མེད་ཀྱི་སྐོར་ལ། སྤྱིར་འོད་དཔག་མེད་ཀྱི་སྒྲུབ་སྐོར་གཞུང་རྙིང་པ་བྱང་གཏེར་རྟེན་འབྲེལ་ཆོས་བདུན་དང་། བྱང་གླིང་ཀུན་བཟང་ཐུགས་གཏེར་ལས་བྱུང་བའི་སྐོར་དང་། ཀདམ་པ་བདེ་གཤེགས་ཀྱི་དག་སྣང་གསུང་རྡོ་རྗེ་སོགས་ཐོར་བུ་ཙམ་སྣང་ངོ་། མཆན། ཨཱ་ཙརྨ་ས་ལེའི་རྣམ་སྤྲུལ་སྟག་ཤམ་བསམ་གཏན་གླིང་པའི་ཟབ་གཏེར་འོད་དཔག་མེད་ཀྱི་ཀླུ་སྒྲུབ་

[Full Size]

ལུགས་ཀྱི་རྗེས་གནང་། བེ་རོའི་རྣམ་སྤྲུལ་རིག་འཛིན་མི་འགྱུར་རྡོ་རྗེའི་གནམ་ཆོས་བདེ་ཆེན་ཞིང་སྒྲུབ་ཀྱི་དབང་། ཡིག་ཆ་ཉེར་མཁོའི་སྐོར། དགོངས་གཏེར་སྣང་བ་མཐའ་ཡས་ཀྱི་ཚེ་དབང་། ཆོས་བློན་ཉི་མའི་སྐྱེ་མཐའ་གྲུབ་ཆེན་ཉི་ཟླ་སངས་རྒྱས་ཀྱི་ཟབ་གཏེར་དང་། དག་སྣང་འོད་དཔག་མེད་ཀྱི་འཕོ་བའི་གདམས་པ་ལེ་ཚན་གྱི་ཁྲིད། དེ་དག་གི་ཡིག་ཆ་ཚང་བ། རིག་འཛིན་ཚེ་དབང་ནོར་བུའི་དགོངས་གཏེར་གྱི་བསྟན་བཅོས་ཚེ་དཔག་མེད་སྐུ་གསུམ་ལམ་རིམ་གྱི་ཟབ་ཁྲིད་འདི་གཙོ་བོ་བདེ་གླིང་ཚེ་སྒྲུབ་རྡོ་རྗེའི་རྒྱ་མདུད་དང་འབྲེལ་ལོ། །ངོ་མཚར་ཅན་རྣམས་སོ།། །།ཞི་བ་ཐུགས་རྗེ་ཆེན་པོའི་སྐོར་ལ། སྤྱིར་བོད་ཡུལ་ཐུགས་རྗེ་ཆེན་པོའི་འདུལ་ཞིང་དུ་གྱུར་པའི་རྟེན་འབྲེལ་གྱི་བཀའ་གཏེར་དག་སྣང་གི་འཕགས་པའི་ལམ་སྲོལ་མཐའ་ཡས་པ་ཞིག་བྱུང་བ་ལས། འདིར་འཆི་མེད་གྲུབ་ཐོབ་དངོས་གྲུབ་ཀྱི་ཟབ་གཏེར་གཙོ་བོར་གྱུར་པ་ཐུགས་རྗེ་ཆེན་པོ་རྒྱལ་པོ་ལུགས་འགྲོ་འདུལ་ཕྱག་བཞི་པའི་དབང་ཆེན་འདི་དང་འཇའ་ཚོན་པའི་ཐུགས་རྗེ་ཆེན་པོ་ངན་སོང་རང་གྲོལ་གཉིས་ཤིན་ཏུ་མཐུན་པས་གཏེར་ཁ་གཉིས་ལྡན་ནོ། །འདོད་བུམ་ལས་འབྱུང་བའི་དོན་དབང་༡༨། བཅུ་གཅིག་ཞལ་ནམ་མཁའི་རྒྱལ་༡༩པོའི་བསྒོམ་ལུང་། སྐུ་གསུམ་སྙིང་པོའི་དོན་ཁྲིད། ཡི་གེ་དྲུག་པའི་སྒྲུབ་ཐབས་དྲུག་སྐོར། ལས་ཚོགས་སོ་དྲུག །ཐུན་མོང་ལས་

[Full Size]

ཕྲན། འདི་རྒྱུན་དཀོན། ཞར་བྱུང་ཐུགས་རྗེ་ཆེན་པོ་ངན་སོང་རང་གྲོལ་ལས་བྱུང་བའི་ཁྲུས་ཆབ་དང་པལ་བུའི་སྒྲུབ་ཐབས། དཔལ་ཆོས་ཀྱི་གྲགས་པའི་བསྐྱེད་རྫོགས་ཀྱི་གཞུང་ཕྲེང་བ་སྐོར་གསུམ། ལོ་ཆེན་རིན་པོ་ཆེའི་ཁྲིད་ཡིག་བཅས། བཀའ་གཏེར་ཟུང་འཇུག་ཐུགས་རྗེ་ཆེན་པོ་རྒྱལ་བ་རྒྱ་མཚོ་བདེ་གཤེགས་བཞི་སྒྲིལ་༢༠གྱི་བྱིན་རླབས། ཉང་གཏེར་བ་མཁལ་མའི་གཞུང་ལེའུ་བཅུ་གཉིས་པ་སྔགས་ཀྱི་ཐེམ་བྱང་། གསལ་བྱེད་གའུ་དང་བ་མཁལ་ལ་བརྟེན་ནས་སྣང་བ་དབང་སྡུད། བ་མཁལ་མ་དང་འབྲེལ་བའི་ལས་ཕྲན། ཞར་བྱུང་འཕགས་པ་འཇིག་རྟེན་དབང་ཕྱུག་གི་སྒྲུབ་ཐབས་རྡོ་རྗེ་སྙིང་པོས་མཛད་པ་གསར་འགྱུར་བཅས། འདི་བརྒྱུད་པ་མི་གསུངས་ཞེས་སྣང་། བདེ་ཀུན་གྱི་རྩ་བ་དང་ཕལ་ཆེར་ཤིན་ཏུ་མཚུངས་སོ། །ཆོས་དབང་རིན་པོ་ཆེའི་ཟབ་གཏེར་ཐུགས་རྗེ་ཆེན་པོ་ཡང་སྙིང་འདུས་པའི་དབང་། དབང་མཆོག་དང་ལས་བྱང་སོགས་ཉེར་མཁོའི་སྐོར། ཐུགས་རྗེ་ཆེན་པོ་འཁོར་བ་དོང་སྤྲུགས་ཀྱི་རྩ་དབང་། ལམ་དབང་། གཏེར་གཞུང་ཚང་བ་བསྙེན་སྒྲུབ་ཕྲིན་ལས་ཀྱི་ཆོ་ག །རྒྱུན་གྱི་རྣལ་འབྱོར་བཅས། རཏྣའི་གསང་འདུས་དོན་དབང་། ཨཱ་ཙརྨ་ས་ལེའི་རྣམ་འཕྲུལ་གཏེར་སྟོན་དྲི་མེད་ལྷུན་པོའི་ཟབ་གཏེར་དོན་ཏིག་འགྲོ་བ་ཀུན་གྲོལ་དང་། མངའ་རིས་གཏེར་སྟོན་གར་དབང་ཟླ་བ་

[Full Size]

རྒྱ་མཚན་གྱིས་ཟབ་ཏིག་ཆོས་དབྱིངས་རང་གསལ་ཟུང་དུ་འབྲེལ་བའི་ཐུགས་རྗེ་ཆེན་པོ་པདྨ་རྒྱལ་པོ་ལ་བརྟེན་པའི་ཐེག་པ་རིམ་དགུའི་དབང་། དེའི་ལས་བྱང་། དབང་ཆོག །དགོངས་དོན་འགྲོ་བ་ཀུན་གྲོལ་གྱི་རྒྱུད། མ་བསྒོམ་སངས་རྒྱས་ཆོས་དྲུག་བཅས་ཉེར་མཁོ་བསྡུས་པ། ཆོས་གླིང་ཟབ་གཏེར་ཐུགས་རྗེ་ཆེན་པོ་དོན་ཡོད་ཞགས་པའི་དབང་། རྒྱལ་པོ་ལུགས་དང་སྨར་ཁྲིད་རིགས་བཞི་བཅས་བཀའ་གཏེར་ཐམས་ཅད་ཀྱི་བྱིན་རླབས་ཆུ་བོ་གཅིག་འདུས་ཐུགས་རྗེ་ཆེན་པོའི་ཁྲིད་རིམ་རིག་འཛིན་ཚེ་དབང་ནོར་བུས་མཛད་པ། འདི་ཇི་སྐད་སྨོས་པ་རྣམས་ཀྱི་ཚིག་དོན་གཉིས་ཀ་འདུས་པས་ཁྱད་པར་དུ་འཕགས་ཤིང་། ཉམས་ཁྲིད་ཀྱི་རྒྱུན་ཡང་མཆིས་སོ། །ཞར་བྱུང་ཉང་གཏེར་ཐུགས་རྗེ་ཆེན་པོའི་མིག་འབྱེད་ཀྱི་གདམས་ཟབ། གནམ་ཆོས་པདྨ་གཙུག་ཏོར། སེང་གེ་སྒྲ། ཚད་ནད་ཞི་བྱེད་བཅས། དྲག་པོ་རྟ་མཆོག་རོལ་པའི་སྐོར་ལ། སྤྱིར་པདྨ་རིགས་ཀྱི་རྟ་མགྲིན་དམར་པོ། རྡོ་རྗེའི་རིགས་ཀྱི་རྟ་མགྲིན་ནག་པོ། ལས་ཀྱི་རིགས་ཀྱི་རྟ་མགྲིན་ལྗང་གུ་རྒྱུད་ལུང་སོགས་རིགས་ཀྱི་དབྱེ་བ་དང་། བཀའ་མ་རྟ་མགྲིན་རྒྱལ་པོ་ལུགས་དྲེགས་པ་ལྔ་དྲིལ། ཀཾ་ཚང་བཀའ་བརྒྱུད་ལ་བཀའ་བབས་པའི་རྟ་མགྲིན་བདེ་གཤེགས་ཐུགས་དྲིལ་སོགས་ཅི་རིགས་པ་བྱུང་ནའང་དེང་སང་རྒྱུད་སྡེ་རབ་འབྱམས་ཀྱི་

[Full Size]

ལུང་ཙམ་ལས་དབང་དང་མན་ངག་གི་རྒྱུན་ཡོད་མེད་མ་འཚལ། གཏེར་མའི་ཕྱོགས་ལ་གཙོ་བོར་གཏེར་སྟོན་སུམ་ཚོགས་ཀྱི་ཡང་གསང་། རཏྣའི་གསང་འདུས། རྒྱལ་བའི་བློ་གྲོས་ཀྱི་རྣམ་འཕྲུལ་གྲུབ་ཆེན་མཆོག་ལྡན་རྡོ་རྗེའི་རྟ་མགྲིན་སྙིང་ཐིག་སྙིང་པོ་དོན་སྦྱོར། སྟག་ཤམ་བསམ་གཏན་གླིང་པའི་ཡི་དམ་དགོངས་འདུས་རྟ་མཆོག་རོལ་པ་སོགས་རྒྱ་ཆེར་མཆིས་པ་ལས། འདིར་རྐྱང་པོ་གྲགས་པ་དབང་ཕྱུག །སུམ་པ་བྱང་ཆུབ་ཚུལ་ཁྲིམས་འབྲོ་ཤེས་རབ་འབར་སྟེ་གཏེར་སྟོན་སུམ་ཚོགས་ཀྱིས་གདན་དྲངས་ཤིང་དཔལ་ལྡན་གྲུབ་ཐོབ་འདར་འཕྱར་བ་རིན་ཆེན་བཟང་པོ་ལ་བཀའ་བབས་པའི་རྟ་མགྲིན་དམར་པོ་ཡང་གསང་ཁྲོས་པའི་གཏོར་དབང་། ཕྱག་རྒྱ་རྐྱང་སྒྲུབ་ཀྱི་རྣལ་འབྱོར་ཚར་ཆེན་རིན་པོ་ཆེས་མཛད་པ། རྫོགས་རིམ་ཡེ་ཤེས་གསང་ལམ། པདྨ་གསང་ལམ། དབང་བཞིའི་དོན་ཁྲིད་བཅས་བསྐྱེད་རྫོགས་མདོ་ཙམ། དེ་དང་འབྲེལ་བའི་འཆི་མེད་རྫོང་ཆུང་ཚེ་དབང་། དེའི་ཡིག་ཆ་ཚར་ཆེན་རིན་པོ་ཆེའི་གསུང་། སྙེ་མོ་རྒྱ་གོང་རི་བ་སངས་རྒྱས་དབང་ཆེན་གྱི་ཟབ་གཏེར་གྲུབ་ཆེན་སྐྱེར་སྒང་བ་ཆོས་ཀྱི་སེང་གེ་ལ་བཀའ་བབས་པའི་རྟ་མགྲིན་དམར་པོ་གསང་སྒྲུབ་༢༡ ཀྱི་བྱིན་རླབས། གསང་བདག་སྒྲོལ་མགོན་ཞབས་ཀྱིས་མཛད་པའི་ལས་བྱང་། དེ་དང་འབྲེལ་བའི་བསྙེན་

[Full Size]

ཐབས། ཞར་བྱུང་ངན་ལམ་རྒྱལ་བ་མཆོག་དབྱངས་ཀྱི་རྣམ་འཕྲུལ་གུ་རུ་ཚེ་བརྟན་རྒྱལ་མཚན་གྱི་ཟབ་གཏེར་དཔལ་རྟ་མགྲིན་གྱི་ལས་ཚོགས་བརྒྱ་རྩ། ཉང་གཏེར་རྟ་མགྲིན་ནག་པོ་ལྕགས་རལ་ཅན་/༢༢གྱི་དབང་རྗེས་གནང་དང་བཅས་པ། དེའི་ཡིག་ཆ་ཤིན་ཏུ་ཚང་བ། བསྙེན་སྒྲུབ་ལས་གསུམ་གྱི་གསལ་བྱེད། ཆོས་དབང་རིན་པོ་ཆེའི་རྟ་ནག་གི་དབང་༢༣༣ འདིའི་གཏེར་གཞང་སྒྲུབ་ཐབས་ལས་༧ཚོགས་བཅས་ཀྱི་ལུང་རྒྱུན་སླར་རྙེད་ན་འཛུད་དགོས། ལས་འབྲེལ་ཅན་གྱི་གཉེན་པོ་ལྷ་གསུམ་གྱི་དབང་། དེའི་ལས་བྱང་དང་དབང་ཆོག །རཏྣའི་གསང་འདུས་དོན་དབང་དང་། རྟ་མགྲིན་ནག་པོ་ལྕགས་རལ་གྱི་དབང་། དེའི་གཏེར་གཞུང་སྐོར་ཚང་བ། གཞན་ཡང་ཉང་གཏེར་དྲག་པོ་ལྷ་གསུམ་སོགས་ཀྱི་རྒྱུན་རྙེད་ནའང་འདིར་དྲང་བར་བྱའོ།། །།གསུམ་པ་ཡང་དག་ཐུགས་ཀྱི་སྐོར་ལ། ཞི་བ་རྡོར་སེམས་ཐུགས་ཀྱི་སྒྲུབ་པ་ནི་གོང་དུ་སྨོས་ཟིན་ལ། འདིར་རིག་འཛིན་ཚེ་དབང་ནོར་བུའི་མཛད་པའི་གཏེར་ཁ་གསུམ་ལྡན་གྱི་རྡོ་རྗེ་སེམས་དཔའི་སྒྲུབ་ཐབས་དང་འབྲེལ་བའི་དབང་། དེའི་ཡིག་ཆ་ཉེར་མཁོའི་སྐོར། དྲག་པོ་དཔལ་ཡང་དག་ཧེ་རུ་ཀ་བཀའ་མ་ཟླ་གམ་གཅིག་པ། དགུ་མ། ལྔ་བཅུ་རྩ་བརྒྱད་སོགས་སོ་སོའི་དབང་ཀ་དང་མན་ངག་གི་རྒྱུན་རྒྱ་ཆེར་བྱུང་སྣང་ནའང་། དེང་དུས་ནི་ཟླ་

[Full Size]

གམ་དགུ་མ་སོ་ལུགས་དང་། འཁོན་ལུགས་ཀྱི་དབང་དང་། རྒྱུད་སྡེ་མང་པོའི་ལུང་རྒྱུན་ཙམ་བཞུགས་ཤིང་། གཞན་ཡང་པཎ་ཆེན་ཤཱཀྱ་ཤྲཱི་ལ་སློབ་དཔོན་རིན་པོ་ཆེས་དངོས་སུ་གནང་བའི་ཡང་དག་མེ་གཅིག་གི་གདམས་པ་ངོ་མཚར་ཅན་སོགས་བྱུང་བ་ལས། འདིར་གཏེར་མའི་ཕྱོགས་ལས་ཆོས་དབང་རིན་པོ་ཆེའི་ཟབ་གཏེར་དང་། བཀའ་མའི་བྱིན་རླབས་ཀྱི་རྒྱུན་ཡང་གཅིག་ཏུ་འདྲེས་པའི་ཡང་དག་སྙིང་པོ་མེ་གཅིག་གི་དབང་། བསྐྱེད་རིམ་རྒྱས་འབྲིང་བསྡུས་གསུམ་དང་། རྫོགས་རིམ་ཡང་དག་རྩ་རླུང་གི་དགོངས་པ་སྒྲོལ་མ་རྡོ་རྗེའི་ཚིགས་བདུན་སོགས་བསྐྱེད་རྫོགས་ཆ་ལག་གསལ་བྱེད་དང་བཅས་པ། གཏེར་ཆེན་ཆོས་རྗེ་གླིང་པའི་ཟབ་གཏེར་ཡང་དག་བདེ་ཆེན་སྙིང་པོའི་དབང་གཏེར་གཞུང་གི་བསྐྱེད་རྫོགས་རྫོགས་རིམ་གྱི་ཁྲིད་རྒྱུན་གཏེར་ཁ་འདི་རང་གི་ཡིག་ཆའི་སྟེང་ནས་དམིགས་བསལ་མི་བཞུགས་ཀྱང་། བདེ་མཆོག་སྙན་བརྒྱུད་ཀྱི་སྐོར་དམིགས་པའི་ངོ་བོ་གཅིག་ཏུ་འབབས་པས། དེའི་ཁྲིད་རྒྱུན་གཏེར་ཆེན་མཆོག་ནས་བརྒྱུད་པ་བར་མ་ཆད་པར་བཞུགས་པས་དོན་གྱིས་ཁྲིད་རྒྱུན་ཀྱང་ཚང་བར་སེམས། གསལ་བྱེད་དང་བཅས་ཚང་བ་རྣམས་སོ། །ཞར་བྱུང་ཕྱག་རྡོར་གྱི་སྐོར་རྣམས་ཀྱང་རིགས་ཀྱི་དབང་དུ་བྱས་ན་འདིར་བསྡུ་བར་འོས་པས་དེ་ལ་སྤྱིར་ཕྱག་རྡོར་བཀའ་མ་རྒྱ་འཇམ་དཔལ་གསང་བའི་ལུགས་སོགས་སྔར་གདམས་ཟབ་ཁྱད་པར་ཅན་

[Full Size]

འབྱུང་བར་སྣང་ནའང་དེང་སང་རྒྱུན་མི་བཞུགས་པར་མངོན། འདིར་ཆོས་དབང་རིན་པོ་ཆེའི་ཟབ་གཏེར་སྒྲུབ་ཡིག་ཐོར་བུ་བཅོ་བརྒྱད་ཀྱི་ནང་ཚན་བླ་མ་གསང་འདུས་ཀྱི་ཐེམ་མེད་དུ་གཏོགས་པ་གཏུམ་པོ་སེང་གེ་སྒྲ་སྒྲོག་མེ་ལྕེ་ཕྲེང་བའི་དབང་། གཏེར་གཞུང་ཚང་བ། བརྒྱུད་འདེབས། ལས་བྱང་། དབང་ཆོག །བསྙེན་ཡིག་བཅས། ལྷ་ལྕམ་པདྨ་གསལ་བྱེད་ཀྱི་རྣམ་སྤྲུལ་པདྨ་ལས་འབྲེལ་རྩལ་གྱི་ཟབ་གཏེར་ཕྱག་རྡོར་དྲེགས་འདུལ་ནང་སྒྲུབ་གཙོར་གྱུར། རྡོར་གླིང་། པད་གླིང་སྟེ་དྲེགས་འདུལ་གཏེར་ཁ་སུམ་ལྡན་༢༤ གྱི་དབང་། དྲེགས་འདུལ་སྐུ་སྒྲུབ་ཀྱི་ལས་ཚོགས་ཉེར་མཁོ་ཀླུང་ཆོག་གདེངས་ཅན་བདུད་རྩི་པདྨ་འགྱུར་མེད་རྒྱ་མཚོས་མཛད་པ། ཞར་བྱུང་གཏེར་ཆེན་རིན་པོ་ཆེའི་གསུང་ཀླུ་གཏོར་གདེངས་ཅན་དགའ་བྱེད་བཅས། ནམ་སྙིང་རྣམ་སྤྲུལ་བྱང་ཆུབ་གླིང་པ་དཔལ་རྒྱལ་མཚན་གྱི་ཟབ་གཏེར་ཕྱག་རྡོར་གཏུམ་པོ་དྲག་པོ་ཆེན་པོའི་དབང་༢༥། འདིའི་གཏེར་གཞུང་ཉུང་ལ་འདྲིལ་བ་ཞིག་ཡོད་སྣང་བས་རྒྱུན་རྙེད་ན་འགོད། བེ་རོའི་རྣམ་སྤྲུལ་གྲྭ་པ་མངོན་ཤེས་དབང་ཕྱུག་འབར་གྱི་ཟབ་གཏེར་ཕྱག་རྡོར་ཁང་བུ་བརྩེགས་པའི་དབང་༢༦། འདིའི་གཏེར་གཞུང་བར་སྐབས་ནས་རྒྱུན་ཡོད་པར་མངོན་ནོ། །རཏྣ་གླིང་པའི་རྟ་མགྲིན་གསང་འདུས་ཀྱི་ཆོས་སྡེ་ཕྱག་རྡོར་གཏུམ་པོ་མེ་འཁོར་གྱི་

[Full Size]

དབང་། གཏེར་གཞུང་ཆ་ཚང་། བཞི་པ་བདུད་རྩི་ཡོན་ཏན་གྱི་སྐོར་ལ། བཀའ་མ་བདུད་རྩི་རྒྱ་ལུགས་ཀྱི་དབང་དང་བཤད་བཀའ་སོགས་སྔར་དར་རྒྱས་སུ་བྱུང་སྣང་ནའང་། དེང་སང་རྒྱུད་སྡེའི་ལུང་ཙམ་ལས་མི་བཞུགས་ཤིང་། གཏེར་མ་བཀའ་བརྒྱད་ལུགས་སྲོལ་ཐ་དད་པའི་བདུད་རྩིའི་སྐོར་དང་། རཏྣ་གླིང་པ་དང་། པདྨ་གླིང་པའི་བདུད་རྩིའི་སྒོས་བཀའ་སོགས་ཅི་རིགས་པ་བཞུགས་པ་ལས། འདིར་བདུད་རྩི་སྨན་གྱི་སྒྲུབ་ཐབས་གསང་ཆེན་མཆོག་གི་མྱུར་ལམ་གཏེར་ཆེན་རིན་པོ་ཆེའི་གསུང་རབས་དེའི་དགོངས་དོན་ལྟར་སྨན་སྒྲུབ་བྱ་ཚུལ་མདོར་བསྡུས་སྙིང་པོ། བླ་མ་གསང་བ་འདུས་པའི་བདུད་རྩི་སྨན་གྱི་སྒྲོམ་ལྟར་བདུད་རྩི་སྒྲུབ་ཚུལ་གྱི་ཕྱག་ལེན་བཅས་སོ།། །།དེ་དང་རྗེས་སུ་འབྲེལ་བར་ལེགས་ལྡན་རྗེའི་ཟབ་གཏེར་བདུད་རྩི་འཁྱིལ་པ་འཆི་མེད་ཚེའི་རྒྱུད་ཀྱི་དགོངས་དོན་ཚེ་སྒྲུབ་བདུད་རྩི་འཁྱིལ་པའི་བསྙེན་དབང་། རྩ་དབང་། ལས་བྱང་དང་དབང་ཆོག །ཚེ་འཁོར་སོགས་ཉེར་མཁོ། སྤྲུལ་པའི་སྐུ་གཡུ་ཐོག་ཡོན་ཏན་མགོན་པོ་ལ་མཁའ་འགྲོ་དཔལ་ལྡན་ཕྲེང་བ་ཞེས་འཆི་མེད་མནྡཱ་རའི་མཚན་གཞན་དུ་བསྒྱུར་བ་དེ་ཉིད་ཀྱིས་གནང་བའི་བླ་སྒྲུབ་སྡུག་བསྔལ་མུན་སེལ་ལས། དྲིལ་སྒྲུབ་དང་འབྲེལ་བའི་དོན་དབང་མདོར་བསྡུས། སྒྲུབ་ཐབས་དབང་ཆོག་དབང་དང་བཅས་

[Full Size]

པ། དེ་དང་འབྲེལ་བའི་ཚེ་དབང་འཆི་བདག་བདུད་འཇོམས། ཟུར་མཁར་བ་མཉམ་ཉིད་རྡོ་རྗེའི་དག་སྣང་འབྲི་གུང་ཆོས་ཀྱི་གྲགས་པས་བསྒྲིགས་པའི་སྨན་བླ་ལོངས་སྐུ་གཙོ་འཁོར་ལྔའི་སྒྲུབ་ཐབས་དཀོན་མཆོག་ཕྲིན་ལས་བཟང་པོའི་གསུང་དམ་ཅན་སྡེ་དགུའི་གཏོར་བསྔོ་བསྡུས་པ། སྨན་གྱི་རབ་གནས་ཐུན་མོང་མ་ཡིན་པའི་ཆོ་ག་ཕྱག་རྒྱ་བཞི་ལྡན། སྨན་གྱི་ལྷ་མོའི་རྗེས་གནང་། དེའི་རྩ་པྲ་སྒྲུབ་པའི་ལག་ལེན་ཟིན་བྲིས། བྲང་ཏི་རྒྱལ་ཉེ་མཁར་བུའི་ཟབ་གཏེར་གཡུ་ཐོག་པར་བཀའ་བབས་པའི་དྲང་སྲོང་སེར་སྐྱའི་རིག་གཏད། གཞན་ཡང་དཔལ་ལྡན་རྒྱུད་བཞིས་མཚོན་གསོ་དཔྱད་ཀྱི་གཞུང་དང་མན་ངག་ཟབ་གཏེར་དང་འབྲེལ་བ་རྣམས་ཀྱང་འདིར་གཏོགས་ནའང་རེ་ཞིག་སྐབས་འདིར་ནི། སློབ་དཔོན་གྲུབ་པའི་སྙིང་པོའི་རྣམ་སྤྲུལ་རྡོར་འབུམ་ཆོས་གྲགས་ཀྱི་གཏེར་བྱོན་འཆི་མེད་བདུད་རྩི་བུམ་པའི་སྣོད་རུང་གི་དབང་། གཏེར་གཞུང་ཚང་བ། བྱང་བདག་པའི་གསལ་བྱེད་ཀྱི་སྐོར། དབང་ཆོག་རྒྱུན་ཁྱེར་བཅས། འཆི་མེད་གྲུབ་པ་རྒྱ་བན་རྡོ་རྗེ་འོད་འབར་གྱི་གཏེར་བྱོན་ཡེ་ཤེས་བདུད་རྩི་འོད་ལྡན་རྟག་དུའི་བཅུད་ལེན། ཀུན་སྤངས་ཟླ་འོད་ཀྱི་ཟབ་གཏེར་དབང་པོ་ལག་པའི་བཅུད་ལེན། ཆོས་དབང་རིན་པོ་ཆེའི་གཏེར་ཁ་བདུད་པ་གཉན་སྟོན་ཛམྦྷ་ལ་བཀའ་བསྒོས་ནས་མཁོ་མཐིང་སྣང་མཐའི་

[Full Size]

ཕྱག་མཐེབ་ནས་བཏོན་པའི་བཅུད་ལེན་ལེ་ཚན་བཅུ་བཞི། ཆོས་དབང་གཏེར་བྱོན་ཨོ་རྒྱན་གླིང་པ་ལ་བཀའ་བབས་པའི་ཤུག་འབྲུའི་བཅུད་ལེན། བྱང་གཏེར་དགོངས་པ་ཟངས་ཐལ་གྱི་ཆ་ལག་གཙོར་གྱུར། པད་གླིང་སངས་རྒྱས་གླིང་སོགས་ཀྱི་གཏེར་ཁ་མང་པོ་ལས་མཐུན་པར་འབྱུང་བའི་ཅོང་ཞིའི་བཅུད་ལེན་ཕྱག་བཞེས་བཅས། མཆོག་ཏུ་ཟབ་པ་རླུང་བཅུད་ལེན་ཛ་བཱིར་གྱི་གདམས་སྐོར་ལ། བཀའ་བབས་དང་པོ་འབྲི་གུང་རིན་ཆེན་ཕུན་ཚོགས་ཀྱིས་མཛད་པའི་གཞུང་ཚང་བ་དང་། ཁྲིད་ཡིག །བར་པ་མངའ་བདག་རྣམ་སྤྲུལ་གནས་གསར་བ་འཇམ་དབྱངས་མཁྱེན་བརྩེའི་དབང་ཕྱུག་ནས་བརྒྱུད་པའི་གཞུང་དང་གསལ་བྱེད། ཕྱི་མ་མུ་ནེའི་རྣམ་འཕྲུལ་གྲུབ་ཆེན་ཉི་ཟླ་ཀློང་གསལ་གྱི་དག་སྣང་འཇའ་ལུས་འོད་ཕུང་རང་གྲོལ་གྱི་དབང་། གཞུང་ཆ་ཚང་། ལས་བྱང་དང་ཁྲིད་ཡིག་བཅས། ལྔ་པ་ཕུར་པ་ཕྲིན་ལས་ཀྱི་སྐོར་ལ། བཀའ་མ་རྒྱལ་པོ་ལུགས། ཇོ་མོ་ལུགས། འཁོན་ལུགས་གསུམ་ལས་གཙོ་བོར་གྱེས་པའི་སྣ་ནམ་ལུགས། ལྕམ་ལུགས། རྒྱ་ལུགས། རོང་ལུགས། རོག་ལུགས། སྐྱི་ལུགས། འོ་བྲན་ལུགས། དཔྱལ་ལུགས། གཞན་ཡང་སོ་ཟུར་གནུབས་གསུམ་དང་། རམ་འགོས་ཁྱུང་གསུམ། སྒྱུས་ལུགས་དང་། གུར་ལུགས་སོགས་ལམ་སྲོལ་ཐ་དད་པ་

[Full Size]

དང་། གཞན་ཡང་སློབ་དཔོན་རིན་པོ་ཆེས་གྲུབ་ཆེན་དམ་པ་རྒྱ་གར་ལ་དངོས་སུ་གནང་བའི་ཕུར་པ་ལྷན་སྐྱེས་ཀྱིས་མཚོན་ཟབ་རྒྱས་ཀྱི་གདམས་པ་མཐའ་ཡས་པ་ཞིག་བྱུང་ནས་གངས་ཅན་གྱི་ལྗོངས་ཕལ་ཆེར་ཕུར་བུ་གྲུབ་པའི་རིག་འཛིན་གྱིས་ཁྱབ་པར་གྱུར་པ་ལས། དེང་སང་འཁོན་ལུགས། རོང་ལུགས། རོག་ལུགས་གསུམ་གྱི་དབང་མན་ངག་ཕྱག་བཞེས་ཀྱིས་བརྒྱན་པ་དང་། པོད་གཉིས་རྒྱུད་སྡེ་སྤྱི། རབ་འབྱམས་ཀྱི་ལུང་བཅས་བཞུགས་ཤིང་། དེ་བཞིན་དུ་གཏེར་མའང་སྤུ་གྲི་རྣམ་གསུམ་ཆོས་དབང་ལྷོ་བྱང་བཅས། གྱིས་མཚོན་ཏེ་རྒྱ་ཆེར་བཞུགས་པ་ལས་འདིར་ཆོས་དབང་རིན་པོ་ཆེའི་ཟབ་ཆོས་བཀའ་གཏེར་ཟུང་དུ་འཇུག་པ་རྡོ་རྗེ་ཕུར་པ་ཡང་གསང་སྤུ་གྲི་འབར་བའི་དབང་། ལས་བྱང་ཀུན་བཟང་རོལ་མཚོ། རྒྱུན་ཁྱེར་སྒྲུབ་ཁོག་དངོས་གྲུབ་དགའ་སྟོན། གཏོར་ཟློག་བདུད་འཇོམས་རྣམ་རོལ། གདབ་ཁའི་ཟིན་བྲིས་བཅས་གཏེར་ཆེན་རིན་པོ་ཆེའི་གསུང་། ལོ་ཆེན་རིན་པོ་ཆེས་མཛད་པའི་བསྙེན་ཡིག་རིན་ཆེན་སྙེ་མ། རྒྱལ་སྲས་རིན་ཆེན་རྣམ་རྒྱལ་གྱིས་མཛད་པའི་དབང་ཆོག་སོགས་བསྐྱེད་རིམ་ཉེར་མཁོའི་སྐོར་དང་། རྫོགས་རིམ་རྫོགས་འཕྲང་ལྟ་སྒོམ་གྱི་གདམས་པ། ཕུར་སྲུང་གི་གསོལ་མཆོད་བཅས། རཏྣའི་ཕུར་པ་ཡང་གསང་བླ་མེད་ཀྱི་དོན་དབང་། ཆོས་གླིང་ཕུར་པ་ཐུགས་ཀྱི་ཐིག་

[Full Size]

ལེའི་དབང་། གཏེར་གཞུང་གསལ་བྱེད་དང་བཅས་པའི་སྐོར། ཡང་ཕུར་ཐུན་མོང་གི་རྫོགས་རིམ། བསམ་གཏན་གླིང་པའི་ཨ་ཏི་ཞེས་མཁས་གྲུབ་རྣམས་ཀྱིས་བསྔགས་བརྗོད་རྒྱ་ཆེར་སྤེལ་བའི་གཞུང་གི་རྒྱུན་སླར་འཚོལ་བར་འོས་ལ། སྐབས་འདིར་གཏེར་ཆེན་པྲཛྙཱ་རསྨིའི་གསུང་རབ་ལས་བྱུང་བའི་ཨ་ཏིའི་ཟིན་བྲིས་ཐར་པའི་སྒོ་གཅིག་ཙམ་བཞུགས་སོ།། །།དྲུག་པ་མ་མོ་རྦོད་གཏོང་གི་སྐོར་ལས། བཀའ་མ་མ་མོ་ལྷོ་འགྱུར་གྱི་སྐོར་དང་། གཏེར་མ་ར་ཤག་གཏེར་སྟོན་བསོད་ནམས་རྡོ་རྗེའི་མ་མོ་སྒང་ཤར་སོགས་སྨིན་གྲོལ་ངོ་མཚར་ཅན་མང་དུ་བྱུང་སྣང་བ་ལས། དེང་སང་བཀའ་མའི་རྒྱུད་སྡེའི་སྐོར་དང་། པོད་གཅིག་ལྷག །སྒང་ཤར་གྱི་ལུང་རྒྱུན་ཙམ་བཞུགས་ནའང་སྐབས་འདིར་བསྡུ་འོས་པ་མ་འཚལ་བས། རྗེས་འབྲེལ་ཙམ་དུ་མཁའ་འགྲོ་སེང་གདོང་མའི་སྐོར་ལ། བོ་དོང་རྟོགས་ལྡན་སངས་རྒྱས་མགོན་པོ་ལ་མཁའ་འགྲོ་སེང་གེའི་གདོང་ཅན་དང་། ཨོ་རྒྱན་ཆེན་པོས་དངོས་སུ་གནང་བས་མཚོན་བཀའ་གཏེར་དག་སྣང་ཟུང་དུ་འབྲེལ་བའི་སེང་གདོང་སྙན་རྒྱུད་ཀྱི་རྗེས་གནང་བཅུ། བསྙེན་སྒྲུབ་ལས་གསུམ་དང་། རྗེས་གནང་བཅས་ཀྱི་ཡིག་ཆ་ཉེར་མཁོ། ཀློང་གསལ་གཏེར་བྱོན་སེངྷ་དམར་མོ། ལོ་ཆེན་ཀླུའི་རྒྱལ་མཚན་གྱི་རྣམ་སྤྲུལ་གྲུབ་དབང་ཀརྨ་ཆགས་མེད་ཀྱི་དག་སྣང་གཙོར་

[Full Size]

གྱུར་གཏོར་དབང་མནལ་ལམ་མ། དེའི་བསྐྱེད་རྫོགས་ལས་ཚོགས་ཉེར་མཁོ་དང་། ཡང་ཟློག་གི་འཁོར་ལོ་གསེར་ཆོས་བཀའ་རྒྱ་ཅན། འཇའ་ཚོན་སྤྱི་འདུས་ཀྱི་ཆ་ལག་སེང་གདོང་མའི་བཀའ་གཏན་རྣམས་བཞུགས་ཤིང་། སྤྱིར་སྔར་བྱོན་པའི་གཏེར་ཁ་རྣམས་ནས་སེང་གདོང་མའི་སྐོར་ཆེར་འབྱུང་བ་མ་མཐོང་། ཕྱིས་སུ་གྲོ་ཤུལ་ལས་འཕྲོ་གླིང་པ། མ་ཏི་རཏྣ། སྟག་ཤམ། རོལ་པའི་རྡོ་རྗེའི་ཟབ་གཏེར་སོགས་ཇི་སྙེད་ཅིག་སྣང་ཞིང་། ལས་འཕྲོ་གླིང་པའི་སེང་གདོང་མའི་སྐོར་མ་གཏོགས་གཞན་རྣམས་ཀྱི་རྒྱུན་དེང་སང་ཡང་ཚང་བར་བཞུགས་སོ།། །།བདུན་པ་འཇིག་རྟེན་མཆོད་བསྟོད་ཀྱི་སྐོར་ལ། སྤྱིར་བཀའ་མ་བསྟན་སྲུང་མཆོད་བསྟོད་དྲག་སྔགས་ཀྱི་སྐོར་རྒྱ་ཆེར་བྱུང་བ་ལས། རྒྱུད་སྡེ་རབ་འབྱམས་ནི་རྒྱུད་འབུམ་རིན་པོ་ཆེར་པོད་གཅིག་བཞུགས་ཤིང་། ལེགས་ལྡན་སྟག་ཞོན། བིང་དམར་བཅས་ཀྱི་སྐོར་ནི་འོག་ཏུ་འབྱུང་། འདིར་གཏེར་མའི་ཕྱོགས་ལས། དཀྱིལ་འཁོར་གྱི་གཙོ་བོ་དྲེགས་པ་ཀུན་འདུལ། ཕྱག་ན་རྡོ་རྗེའི་སྐོར་ནི་གོང་དུ་བཀོད་ཟིན་ནས། སྐབས་འདིར་དེ་དང་རྗེས་འབྲེལ་འཇིག་རྟེན་དྲེགས་པ་མཐའ་དག་གནད་ལ་འབེབས་པའི་དྲག་སྔགས་ཆོས་དབང་རིན་པོ་ཆེའི་ཟབ་གཏེར་དྲང་སྲོང་ལོཀྟི་པཱ་ལའི་རིགས་གཏད ༢༧། དེའི་ལས་བྱང་སྙིང་པོ་དོན་གསལ་དང་། སྲུང་

[Full Size]

ཟློག་བསད་མནན་རྡོ་རྗེའི་ཐོག་འབེབས། རྒྱུན་ཁྱེར་རྣམས་གཏེར་ཆེན་རིན་པོ་ཆེའི་གསུང་དང་། བསྙེན་ཡིག་བཅས་ཡིག་་ཆ་ཉེར་མཁོ་རྣམས་སོ། །གཏེར་ཁ་གོང་འོག་གི་དཔལ་མགོན་སོགས་དྲེགས་པ་བྱེ་བྲག་པའི་སྐོར་ནི་འོག་ཏུ་ཆོས་སྲུང་གི་སྐབས་སུ་ཇི་སྙེད་ཅིག་འབྱུང་བ་རྣམས་ཡིན་ལ། གཞན་ཡང་སུམ་པ་བྱང་ཆུབ་བློ་གྲོས་དང་ཉང་གཏེར་དྲེགས་པ་ཉི་ཤུ། བཀའ་མ་རྒྱལ་པོ་བྱེས་ཆས་ཀེ་ཏུ། ཉང་གཏེར་བཙན་གྱི་བྱང་བུ་གཅིག་ཤུར། གུ་རུ་ཧཱུྃ་འབར་གྱི་གཟའ་བདུད་མུན་པ་ཀེ་ཏ་སོགས་དྲེགས་པ་ལས་ལ་བཀོལ་བའི་དྲག་སྔགས་ལག་ལེན་ཉམས་མྱོང་དང་ལྡན་པའི་རྒྱུན་དེང་སང་ཡང་ཅི་རིགས་པར་བཞུགས་སྣང་ངོ་།། །།བརྒྱད་པ་དམོད་པ་དྲག་སྔགས་ཀྱི་སྐོར་ལ། སྤྱིར་མ་གཤིན་ཕུར་གསུམ་གཙོ་བོར་གྱུར་པའི་དྲག་སྔགས་ཀྱི་རིགས་མཐའ་ཡས་པ་དང་། བྱེ་བྲག་དབུས་པ་དུ་གུ་རིན་ཆེན་སེང་གེའི་ཟབ་གཏེར་སྟོབས་ལྡན་ནག་པོའི་དྲག་སྔགས་ཆེན་པོ་རྡོ་རྗེ་གཙུག་ལག་གི་རྒྱུད་མན་ངག་དང་བཅས་པ། གཏེར་སྟོན་གྲུ་གུ་ཡང་ཝང་གི་འཇོམས་བྱེད་རྩལ་ཆེན་ཉི་ཟླ་ནག་པོ། དྲི་མེད་ལྷུན་པོའི་ཁམས་གསུམ་འཁྲུགས་བྱེད་ཕུང་བྱེད་ལས་ཀྱི་རླུང་དམར་སོགས་དྲེགས་པ་དང་དྲག་སྔགས་ཟུང་འབྲེལ་ཇི་སྙེད་ཅིག་མཆིས་མོད། ཉང་གཏེར་དྲག་སྔགས་སྲིད་པའི་གཏེར་ཁྱིམ་མཐུ་རི་སྤྱི་སྒོམ་

[Full Size]

ཆེན་མོ་ཉིད་རིགས་སྔགས་འཆང་བ་རྣམས་ཀྱི་ལག་ཆར་མེད་དུ་མི་རུང་ཞིང་རྒྱུན་དཀོན་པར་སྣང་བས་དེ་ཙམ་ཞིག་བཀོད་པ་ཡིན་ལ། འོག་ཏུ་མངོན་སྤྱོད་ཀྱི་ལས་རིམ་སྐབས་ནས་ཀྱང་འགའ་ཞིག་འབྱུང་ངོ་།། །།གསུམ་པ་ཕྲིན་ལས་ཀྱི་རྩ་བ་མཁའ་འགྲོ་ཆོས་སྲུང་དང་བཅས་པའི་སྐོར་ལ། ཐོག་མར་ཡེ་ཤེས་ཀྱི་མཁའ་འགྲོ་ཀུན་གྱི་ཁྱབ་བདག་རྡོ་རྗེ་ཕག་མོའི་སྐོར་ནི། བླ་མ་མངའ་བདག་ཆེན་པོ་ཉང་ཉི་མ་འོད་ཟེར་ལ་མཁའ་འགྲོའི་བཀའ་མཐའ་ཡས་པའི་ནང་ཚན་རྡོ་རྗེ་ཕག་མོ་དམར་མོ་ཞལ་གཉིས་མ༢༨། དབུ་བཅད་མ༢༩། དོན་གྲུབ་མ་གསུམ་གྱི་དབང་༣༠། འདི་རྣམས་ཀྱི་གཞང་མཁའ་འགྲོ་ཆེན་མོར་གྲགས་པའི་གླེགས་བམ་གྱི་རྒྱུན་ཡང་བཞུགས་མོད། སྐབས་འདིར་ཉེར་མཁོ་བསྡུ་བར་འོས་པའི་རིགས་མ་འཚལ་ལོ། །ཤིན་ཏུ་ཟབ་པ་མཁའ་འགྲོ་ཐུགས་ཀྱི་སྒྲུབ་པ་ཁྲོས་མ་ནག་མོའི་དབང་༣༡། འདི་ལ་བོ་དོང་པའི་གཏོར་རྒྱུན་རྒྱ་མཚོར་དབང་ཀ་རིགས་མི་འདྲ་བ་བཅུ་བཞི་སྣང་བ་ཐམས་ཅད་ཁུངས་དང་འབྲེལ་མིན་དཔྱད། སྐུ་གསུམ་ལམ་བྱེད་ཀྱི་ཁྲིད། པོད་གཞུང་རྒྱ་ཆེར་བཞུགས་པ་ལས། ལས་བྱང་། རྒྱུན་ཁྱེར། བསྙེན་ཡིག །ཁྲིད་ཡིག །བདུད་རྩི་རིལ་བུའི་སྒྲུབ་ཐབས། མེ་མཆོད་གཤིན་པོ་རྗེས་འཛིན། བཅོས་མའི་དུར་ཁྲོད་སྒྲུབ་པའི་ཐབས་སོགས་ཉེར་མཁོའི་ཡི་གེ་ཚང་བ། དེ་དང་འབྲེལ་བའི་གཏུམ་མོ་ཞག་

[Full Size]

བདུན་མའི་མེ་དབང་། གཏུམ་མོའི་དམིགས་ཁྲིད་ཡིག་ཆ་བཅས། ཆོས་དབང་རིན་པོ་ཆེའི་ཟབ་གཏེར་མཚོ་རྒྱལ་གཙུག་གི་རྒྱན་གཅིག་མའི་སྒྲུབ་ཐབས། རཏྣའི་མཚོ་རྒྱལ་སྐོར་གསུམ་ཞེས་ཕྱི་མཚོ་རྒྱལ་ལཱ་སྱ་མ། ནང་སྒྲོལ་མ། གསང་བ་ཕག་མོར་སྒྲུབ་པ་སོ་སོའི་དབང་། གཏེར་གཞུང་ཚང་བ་དང་། དབང་ཆོག །གཏེར་ཕྲན་ཕག་དཀར་ཤེས་རབ་གསལ་བྱེད། ལྷ་ལྕམ་ནུས་འབྱིན་ས་མ་འཕྲུལ་རིག་འཛིན་བསྟན་གཉིས་གླིང་པ་པདྨ་ཚེ་དབང་རྒྱལ་པོའི་ཟབ་གཏེར་རྡོ་རྗེ་འདི་སྒྲུབ་ཐབས་དངོས་ལ་རྟ་ཕག་ཡབ་ཡུམ་ཟུང་འཇུག་གི་སྒྲུབ་པ་ཡིན་ནོ། །ཕག་མོའི་ཟབ་རྒྱའི་དབང་། ཁྲིད་ཡིག་སོགས་ཡིག་ཆ་ཉེར་མཁོ། བི་མའི་རྣམ་སྤྲུལ་ལྷ་བཙུན་ཆེན་པོ་ནམ་མཁའ་འཇིགས་མེད་ཀྱི་དག་སྣང་བླ་མ་རིག་འཛིན་སྲོག་སྒྲུབ་ཀྱི་སྐོར་ལས། ཕག་མོ་དམར་མོ་ཞལ་གཉིས་མ་དང་འབྲེལ་བའི་དབང་། གཏུམ་མོ་བདེ་ཆེན་པདྨའི་གྲུ་རྫིང་དང་། གསང་སྤྱོད་དཔའ་བོ་ཐོལ་གླུའི་ཁྲིད། ལས་བྱང་དང་ཁྲིད་ཡིག་སོགས་ཚང་བ། དབང་ཆོག་བཅས། ལྷ་སྲས་རྣམ་སྤྲུལ་ཞིག་པོ་གླིང་པ་གར་གྱི་དབང་ཕྱུག་དང་། །འབྲོག་བན་རྣམ་འཕྲུལ་གཏེར་ཆེན་བདུད་འདུལ་གླིང་པའི་ཟབ་གཏེར་ཟུང་འབྲེལ་སྒྲོལ་དཀར་ཡིད་བཞིན་འཁོར་ལོའི་དབང་། གཞུང་གསལ་བྱེད་བཅས་ཚང་བ་རྣམས་བཞུགས་ཤིང་། གཞན་ཡང་ཆོས་

[Full Size]

དབང་རིན་པོ་ཆེའི་སྒྲོལ་དཀར་ཚེ་སྒྲུབ། རྡོ་རྗེ་གླིང་པའི་སྒྲོལ་མའི་རྒྱུད་དང་མན་ངག་སྐོར་ཟབ་རྒྱས། ཚེ་བརྟན་རྒྱལ་མཚན་གྱི་སྒྲོལ་མ་ཨུཏྤ་ལའི་སྐོར། འབྲི་གུང་རིན་ཆེན་ཕུན་ཚོགས་ཀྱི་དག་སྣང་སྒྲོལ་དཀར་ཡིད་བཞིན་ནོར་མཆོག་གི་སྐོར་སོགས་རྙེད་ནའང་སྐབས་འདིར་སྦྱར་རོ།། །།ཞར་བྱུང་གཏེར་ཆེན་རིན་པོ་ཆེའི་གསུང་དབང་ཆོག་འཁོར་འདས་གཞི་གྲོལ་གྱི་གཅོད་དབང་། སྟན་ཐོག་གཅིག་མའི་ཁྲིད། ལོ་ཆེན་དྷརྨ་ཤྲཱིས་མཛད་པའི་གཅོད་ཁྲིད་ཟབ་དོན་སྙིང་པོ་བཅས། འདི་གསར་མའི་སྐོར་དུ་གཏོགས་ཀྱང་། ཉེར་མཁོའི་ཆེད་དང་། མ་གཅིག་གིས་ཀུན་མཁྱེན་ཀློང་ཆེན་པ་ལ་དངོས་སུ་གནང་ཞིང་། རིག་འཛིན་པདྨ་གླིང་པ་ལ་བཀའ་བབས་པའི་ཀུན་མཁྱེན་ལུགས་ཀྱི་ཉེ་བརྒྱུད་ཀྱང་འདྲེས་པས་ཁྱད་པར་འཕགས་པའི་ཕྱིར་བཞུགས་པ་ཡིན་ནོ། །ཕག་མོའི་སྐོར་འདི་རྣམས་སྒྲུབ་སྡེ་བརྒྱད་ཀྱི་དབང་དུ་བྱས་ན། རྟ་མགྲིན་གྱི་ཡུམ་ཀར་གཏོགས་པ་པདྨ་གསུང་གི་གྲས་སུ་འདུ་བ་ཉིད་དོ།། །།ཆོས་སྐྱོང་གི་སྐོར་ནི། སྤྱིར་འཁོར་འདས་ཀྱི་དྲེགས་པ་ཐམས་ཅད་ཕོ་མོ་མ་ནིང་གི་རྒྱུད་གསུམ་དུ་འདུ་ཞིང་། དེ་ཡང་གཙོ་བོར་མགོན་པོ་དང་། ལྷ་མོའི་སྐོར་དུ་ཅི་རིགས་པར་འདུ་བས། འདིར་ཐོག་མར་བསྟན་སྲུང་མགོན་པོའི་སྐོར་ལ། བཀའ་མ་ལེགས་ལྡན་ཚོགས་ཀྱི་བདག་པོའི་དབང་དང་རྗེས་

[Full Size]

གནང་༣༢། སྒྲུབ་ཡིག་རྒྱས་པ་ལས་བཞི་རྣམ་རོལ་དང་། བསྡུས་པ་ལས་བཞིའི་སྙེ་མ་གཏེར་ཆེན་རིན་པོ་ཆེས་མཛད་པ་བཅས་བཞུགས། གཞན་དུ་གཙང་ཤོད་པའི་ཡིག་ཆ་ལྟར་དབང་བཞི་རྒྱས་པའི་རྒྱུན་དང་། དུར་ཁྲོད་མངོན་པར་རོལ་པ་མཚོན་ཆ་འཁོར་ལོའི་རྒྱུད་ཀྱི་ལུང་ཙམ་ཡོད་ལ་མན་ངག་གི་ཡི་གེ་རྒྱ་ཆེར་སྣང་བའི་རྒྱུན་ནི་བཞུགས་མིན་མ་འཚལ་ལོ། །ཉང་གཏེར་ཕྱག་བཞི་པའི་དབང་༣༣། འདི་ལ་བོ་དོང་པའི་གཏེར་རྒྱུན་རྒྱ་མཚོར་གཙོ་འཁོར་གྱི་དབང་བཀའ་རིགས་མི་འདྲ་བ་བཅུ་གསུམ་སྣང་བ་འགའ་ཞིག་རྒྱུན་ཡོད་ངེས་སུ་སྣང་ནའང་ཐམས་ཅད་ཁུངས་དང་འབྲེལ་མིན་དཔྱད་དོ། །མགོན་དཀར་ཚེ་དབང་༣༤། རྒྱུད་དང་མན་ངག་གི་གཞུང་རྒྱ་ཆེར་བཞུགས་པ་ལས་མགོན་དཀར་ཚེ་སྒྲུབ་བདུད་རྩི་འཁྱིལ་པ། རྩ་གསུམ་འཁོར་ལོ་ལྔའི་རྫོགས་རིམ་ཁྱད་པར་ཅན། དཔལ་མགོན་བདུད་དཔུང་གཡུལ་ཟློག་གི་གཞུང་། དེའི་གསལ་བྱེད་སྐྱོན་མེ་སྐོར་གསུམ་ལོ་ཆེན་རིན་པོ་ཆེས་མཛད་པ་རྣམས་སོ། །ཆོས་དབང་རིན་པོ་ཆེའི་ཟབ་གཏེར་མ་ནིང་ནག་པོའི་སྲོག་དབང་། རྡོར་གླིང་། རཏ་གླིང་། པད་གླིང་། འཇའ་ཚོན་བཅས་ཀྱི་གཏེར་ཁ་ཆུ་བོ་གཅིག་འདུས་ཀྱི་དབང་༣༥། རྒྱུད་མན་ངག་བཅས་མང་དུ་བཞུགས་པ་ལས། འདིར་གཏེར་ཆེན་རིན་པོ་ཆེའི་གསུང་ལས་བྱང་ལས་བཞི་མྱུར་འགྲུབ། གཏེར་བདག་གླིང་པའི་ཟབ་

[Full Size]

གཏེར་རིག་འཛིན་ཐུག་ཐིག་གི་བཀའ་སྲུང་དཔལ་མགོན་ཞལ་བཞི་པའི་སྲོག་དབང་། གཞུང་གསལ་བྱེད་བཅས། གནུབས་ལུགས་བཀའ་གཏེར་གཉིས་ལྡན་མགོན་པོ་སྟག་ཞོན་གྱི་དབང་༣༦། འདིའི་རྒྱུད་དངོས་གྲུབ་བརྟན་གཟིགས་ཙམ་རྒྱུད་འབུམ་ཁ་ཅིག་ཏུ་བཞུགས། གཞན་དངོས་གྲུབ་བརྟན་གཟིགས་ཀྱི་རྟོགས་པ་ལྔ་པ། ཚར་ཆེན་རིན་པོ་ཆེས་མཛད་པ་བསྐང་གསོ་རྒྱས་པ་ཕྲིན་ལས་ལྷུན་གྲུབ། གཏོར་ཆོག་མདོར་བསྡུས་སོགས་ཀྱི་རྒྱུན་དང་མན་ངག་གི་ཡི་གེའི་རིགས་ཀྱི་རྒྱུན་རྙེད་ན་ཚོལ་བར་བྱའོ། །བིང་དམར་བཀའ་གཏེར་གཉིས་ལྡན་གྱི་དབང་འདི་ལའང་ཡིག་རྙིང་གི་སྐོར་མང་དུ་བཞུགས་མོད། བར་སྐབས་ནས་རྒྱུན་ཡོད་མེད་མ་འཚལ་ལ། ཕྱིས་སུ་བསྙེན་སྒྲུབ་ལས་སྦྱོར་གྱི་ཡིག་ཆ་འདྲ་མཛད་འདུག་པ་ནི་རྒྱུད་དང་མན་ངག་གི་དགོངས་པ་རང་རྐང་ཚུགས་མིན་སླར་དཔྱད་དོ།། །།བེ་རོ་ནས་བརྒྱུད་པའི་བཀའ་མ་དང་། ཆུ་བོ་རྟོགས་ལྡན་དགེ་འདུན་རྒྱལ་མཚན་གྱི་ཟབ་གཏེར་ཟུང་དུ་འབྲེལ་བའི་མགོན་པོ་ལེགས་ལྡན་ཚོགས་ཀྱི་བདག་པོའི་དབང་། འདི་ལ་སྒྲུབ་སྐོར་དང་ལས་སྦྱོར་ཤིན་ཏུ་རྒྱ་ཆེ་བ་ཕྱག་ལེན་གྱི་རྒྱུན་དང་བཅས་ཏེ་བཞུགས་པ་ལས། སྐབས་འདིར་ལས་བྱང་དབང་ཆོག་ཙམ་བཞུགས་སོ།། །།ལྷ་མོའི་སྐོར་གཙོར་གྱུར་བསྟན་སྲུང་སྣ་ཚོགས་པའི་སྐོར་ལ། པཎ་ཆེན་བི་མ་ལ་

[Full Size]

བསམ་བཞིན་དུ་བྱོན་པའི་ཀུན་མཁྱེན་ཆོས་ཀྱི་རྒྱལ་པོ་དྲི་མེད་འོད་ཟེར་གྱི་བཀའ་སྲོལ་ཨེ་ཀཱ་ཛ་ཊི་སྡེ་བདུན་སྦགས་སྒྲུབ་ཀྱི་དབང་༣༨། སྡེ་བདུན་གྱི་བསྐང་གསོ་སྟོད་ལས་སྨད་ལས་བཅས་པ་དངོས་གྲུབ་འབྱུང་གཏེར་ཀུན་མཁྱེན་ཆེན་པོས་མཛད་པ། སྙིང་ཏིག་གི་མ་མོ་ཨེ་ཀཱ་ཛ་ཊི་གཙོ་རྐྱང་གི་རྗེས་གནང་༣། ཟུར་མང་སྙན་བརྒྱུད་རིན་པོ་ཆེར་ཆོས་སྡེ་ལས་བྱུང་བའི་རྒྱུད་དང་མན་ངག་གི་སྐོར་འདི་དག་གཏེར་བརྒྱུད་ཀྱི་དབང་དུ་བྱས་ན། བི་མའི་རྣམ་འཕྲུལ་གནས་བརྟན་ལྡང་མ་ལྷུན་གྱི་རྒྱལ་མཚན་དང་། ལྕེ་བཙུན་ཆེན་པོ་སེང་གེ་དབང་ཕྱུག་དང་། ཞང་སྟོན་བཀྲ་ཤིས་རྡོ་རྗེ་སྟེ་གཏེར་ཁ་སུམ་ལྡན་དུ་གཏོགས་ཤིང་། སྤྱིར་ཀུན་མཁྱེན་ཆེན་པོའི་ཉེ་བརྒྱུད་ཀྱི་གདམས་པ་གཙོ་བོར་སྟོན་པར་སྣང་ངོ་། །བཀའ་མ་སྐྱི་ལུགས་དང་། པུ་རོང་ཞང་བཙུན་དར་མ་རིན་ཆེན་གྱི་ཟབ་གཏེར་ཟུང་འབྲེལ་བཀའ་བརྒྱུད་ཀཾ་ཚང་ལ་བཀའ་བབས་པའི་ལྷ་མོ་རེ་མ་ཏཱི་རང་བྱུང་རྒྱལ་མོའི་རྗེས་གནང་༤༠གཏེར་གཞུང་ལྕགས་ཕུར་བདུན་མ་མ་མོའི་གསང་སྒྲུབ། ཟོར་བདུན། མེ་ཧོམ་རྗེས་གནང་གི་ཆོ་ག་རྗེ་དུས་གསུམ་མཁྱེན་གྱིས་མཛད་པ། གཞན་ཡང་པཀཱི། རང་བྱུང་། དུས་མཁྱེན་གསུམ་གྱི་གཞུང་རྒྱལ་བ་དཀོན་མཆོག་ཡན་ལག་གི་བསྒྲིགས་པ་ལས་ཉེར་མཁོ་བཏུས་པ། ཉང་གཏེར་ལྷ་མོ་རྡོ་རྗེ་གཤོག་

[Full Size]

རྒོད་མའི་རྗེས་གནང་༤༠། འདི་ལ་གཞུང་གི་རྒྱུན་སོགས་བར་སྐབས་ནས་མེད་པར་མངོན་ལ། གཏེར་ཆེན་པྲཛྙཱ་རསྨིའི་གྲོལ་ཐིག་གི་བཀའ་སྲུང་གྲས་སུ་སྲོག་དབང་དང་། གཏེར་གཞུང་གསལ་བྱེད་བཅས་བཞུགས་ཤིང་། གཞན་ཡང་འབྲི་གུང་བའི་བསྟན་སྲུང་ཆོས་ཀྱི་སྒྲོན་མ། གཡུ་སྒྲོན་མ། དཔལ་ཞྭ་ལུ་རྒྱན་གོང་གི་སྲུང་མ་རྡོ་རྗེ་རབ་བརྟན་མ་རྣམས་ངོ་བོ་གཅིག་པར་བཞེད་པས། དང་པོ་ལ་རྒྱས་པར་བཞུགས་སྣང་ཞིང་། བར་པ་ལ། ཀུན་མཁྱེན་རིན་པོ་ཆེའི་མཁའ་འགྲོ་ཡང་ཏིག་ལས་འབྱུང་བའི་སྒྲུབ་ཐབས་ཟླ་པའི་འདོད་འཇོ་སོགས་ལས། སྲོག་དབང་གི་རྒྱུན་ཡོད་མེད་མ་འཚལ། ཕྱི་མ་ཨུ་རྒྱན་རིན་པོ་ཆེའི་ལོ་སྟོན་རྡོ་རྗེ་དབང་ཕྱུག་ལ་དངོས་སུ་གནང་བའི་དཔལ་ལྡན་ལྷ་མོ་རྡོ་རྗེ་རབ་བརྟན་མའི་རྗེས་གནང་ཐུན་མོང་དང་། ཐུན་མོང་མ་ཡིན་པ། སྒྲུབ་ཐབས་ནེ་རྒྱམ་མ་སོགས་ཡིག་རྙིང་གི་སྐོར་ཚང་བ་རྣམས་སོ། །ལས་འབྲེལ་ལུགས་ཀྱི་ལྷ་མོ་སྲོག་སྒྲུབ་མའི་དབང་༤༢། འདི་སྒྲུབ་སྐོར་མཁའ་འགྲོ་སྙིང་ཏིག་དང་། ཡང་ཏིག་ལས་བྱུང་བ་ཙམ་མོ། །ལས་འབྲེལ་ལུགས་ཀྱི་གཟའ་རྒོད་དུག་གི་སྤུ་གྲིའི་སྲོག་དབང་གཏོར་དབང་བཅས༤༣། འདིའི་གཏེར་གཞུང་ཡོངས་སུ་རྫོགས་པའི་རྒྱུན་བཞུགས་ཤིང་། མཁའ་འགྲོ་ཡང་ཏིག་ཏུའང་སྒྲུབ་ཡིག་ཁྱད་པར་

[Full Size]

ཅན་སྣང་བ་སོགས་ལས། འདིར་ཀུན་མཁྱེན་ཆེན་པོས་མཛད་པའི་གཟའ་བདུད་ཀྱི་བསྐང་གསོ་དགྲ་ལས་རྣམ་རྒྱལ་ཙམ་བཞུགས་སོ།། །།ལས་འབྲེལ་དང་། རཏྣའི་གཏེར་ཁ་གཉིས་ལྡན་གནོད་སྦྱིན་ཤན་པ་དམར་ནག་གི་སྲོག་དབང་༤་། འདི་ལ་ལས་འབྲེལ་གྱི་གཏེར་གཞུང་གསང་རྒྱུད་དང་མན་ངག་གི་ལུང་རྒྱུན་མ་ནུབ་ཙམ་དང་། མཁའ་འགྲོ་ཡང་ཏིག་ལས་འབྱུང་བའི་སྒྲུབ་ཐབས་མེ་རླུང་འཁྱིལ་བ། རཏྣའི་རྟ་གསང་གི་སྒོས་ཀྱི་སྲུང་མའི་སྒྲུབ་སྐོར་ལས་ཚོགས་དང་བཅས་པའི་རྒྱུན་བཞུགས་སོ། །རཏྣའི་ཟབ་གཏེར་ཐུགས་རྗེ་ཆེན་པོ་གསང་འདུས་ཀྱི་སྲུང་མ་གཙོར་གྱུར་དམ་ཅན་མགར་དམར་གྱི་དབང་འདི་ལ་བྱང་གཏེར་དང་༤༥། རཏྣའི་གསང་འདུས། ཀློང་གསལ་སྙིང་ཐིག་བཅས་ཀྱི་སྲུང་མའི་སྐོར་ལས་འབྱུང་བའི་སྒྲུབ་ཐབས་མན་ངག་དང་བཅས་པའི་རྒྱུན་རྒྱས་པར་སྣང་བ་ལས། ཉེར་མཁོའི་ཡི་གེ་འགའ་ཞིག་བཞུགས། རིང་བརྒྱུད་བཀའ་མ་དཔལ་ཀཿཐོག་པ་ནས་བརྒྱུད་པ་དང་། ཉེ་བརྒྱུད་ཨོ་རྒྱན་རིན་པོ་ཆེས་གྲུབ་ཆེན་པཀིལ་དངོས་སུ་གནང་བའི་དམ་ཅན་མགར་ནག་གི་རྗེས་གནང་། མ་མགོན་འཁོར་ལྔའི་སྐོར་ལས་འབྱུང་བའི་གཞུང་ཚང་བ། ལས་འབྲེལ་དང་རྒྱལ་སྲས་ལེགས་པའི་ཟབ་གཏེར་ཟུང་འབྲེལ་ཞིང་སྐྱོང་སེང་གདོང་ཅན་གྱི་རྗེས་གནང་། ཆོས་དབང་། རིན་

[Full Size]

ཆེན་གླིང་པ། ལས་འབྲེལ། རྒྱལ་སྲས་ལེགས་པ་བཅས་ཀྱི་གཞུང་ལས་གཅེས་བཏུས་ཀྱི་སྒྲུབ་སྐོར་རྒྱལ་དབང་དཀོན་མཆོག་ཡན་ལག་གིས་བསྒྲིགས་པ་འདི་ཉིད་ལས་གསུངས་པའི་རྗེས་གནང་དང་། སྒྲུབ་ཐབས་འདོད་འཇོའི་རྗེས་གནང་འབྲིང་པོ་གཉིས་གཅིག་པར་སྣང་ངོ་། །ཉང་གཏེར་དུར་ཁྲོད་མ་མོའི་རྗེས་གནང་༤༦། མ་མོའི་སྐོང་མདོས་ནམ་མཁའི་མཛོད་གཏེར་ཆེན་རིན་པོ་ཆེས་མཛད་པ། །འདིའི་རྒྱུད་དང་མན་ངག་རགས་རིམ་གྱི་རྒྱུན་བཞུགས་སོ། །ཆོས་དབང་གཏེར་བྱོན་བོད་སྐྱོང་བརྟན་མ་བཅུ་གཉིས་ཀྱི་སྲོག་གཏད༤༨། འདི་ལ་མངའ་རིས་པཎ་ཆེན་རིན་པོ་ཆེས་མཛད་པའི་ཕྱི་ནང་གསང་གསུམ་གྱི་བླ་རྡོའི་མན་ངག་སོགས་ཁྱད་པར་ཅན་གྱི་གདམས་སྐོར་བཞུགས་ཀྱང་དེང་སང་རྒྱུན་ཡོད་མེད་མ་འཚལ་ལ། ཞར་བྱུང་ཉེར་མཁོའི་སླད་གཞོ་སྟོད་ཏེ་སྒྲོ་ནས་བླ་མ་མངའ་བདག་ཆེན་པོས་སྤྱན་དྲངས་པའི་བརྟན་མདོས་ལག་ལེན་བཅས། ཉང་གཏེར་རྒྱལ་པོ་པེ་ཧ་རའི་སྲོག་གཏད༤༩། འདིའི་རྒྱུད་གསུམ་དང་། གསོལ་ཀ་ཕྲིན་ལས་དོན་བཅུ་བཅས་ཀྱི་ལུང་རྒྱུན་མ་ཆད་ཙམ་བཞུགས་ལ། །རིག་འཛིན་པདྨ་ཕྲིན་ལས་ཀྱིས་མཛད་པའི་སྐུ་ལྔའི་སྒྲུབ་རིམ་གློག་གི་ཕྲེང་བ་ཞལ་ཤེས་བཅས། འབོད་རྦད་བསད་གསུམ་གྱི་མན་ངག་བསྡུས་པ། ཕྲིན་གཞུང་དངོས་གྲུབ་ཆར་འབེབས། མདོས་ཀྱི་

[Full Size]

ཟིན་བྲིས། ཀུན་མཁྱེན་ལྔ་པས་མཛད་པའི་མདོས་ཀྱི་གྱེར་གཞུང་བསམ་དོན་ལྷུན་གྲུབ་བཅའ་གཞིའི་ལག་ལེན་དང་བཅས་པ་སོགས་ཀྱང་སྣང་ངོ་། །པཎ་ཆེན་པདྨ་དབང་རྒྱལ་གྱི་ཟབ་གཏེར་གནོད་སྦྱིན་རྩིའུ་དམར་པོའི་སྲོག་གཏད། རྒྱུད་དང་མན་ངག་ཚང་བ། འདིའི་མདོས་ཆོག་དབང་དྲག་གྲུབ་པའི་དགའ་སྟོན་ཞེས་ལྔ་པས་མཛད་པ་ཡོད། བྱང་གཏེར་ཟངས་མཛོད་ཀྱི་སྲུང་མ་ཐང་ལྷའི་སྲོག་གཏད། ལོ་རྒྱུས་སྒྲུབ་ཐབས་ལས་ཚོགས་དང་བཅས་པའི་གཏེར་གཞུང་ཚང་བ་འདི་ལ་ཀུན་མཁྱེན་ལྔ་པས་མཛད་པ་འཕྲིན་ལས་རྒྱས་པ་བརྒྱ་ཕྲག་ཉིད་དངོས་འཛིན་པའི་སྣང་གསལ། ཁྱེར་བདེ་བདུད་རྩིའི་ཆུ་རྒྱུན། སྐོང་མདོས་ཀྱི་ལག་ལེན་བཅས་སྣང་། བེ་རོའི་རྣམ་འཕྲུལ་སྤྲུལ་སྐུར་ཤག་ཆེན་པོའི་ཟབ་གཏེར་དང་། རྣལ་འབྱོར་གྱི་དབང་ཕྱུག་བཞད་པ་རྡོ་རྗེ་ལ་སྲོག་སྙིང་མདོངས་གསོལ་དུ་ཕུལ་བའི་བཀའ་གཏེར་ཟུང་འཇུག་བཀྲ་ཤིས་ཚེ་རིང་མཆེད་ལྔའི་རྗེས་གནང་། སྒྲུབ་ཐབས་ལས་ཚོགས་ཟིན་བྲིས་དང་བཅས་པ་རྣམས་སོ།། །།དེ་ལྟ་བུའི་རྡོ་རྗེའི་ཆོས་སྐྱོང་བའི་སྲུང་མ་ཆེན་པོ་རྣམས་ལས་གཙོ་བོར་གྱུར་པ། ལེགས་ལྡན། ཕྱག་བཞི་མ་ནིང་། ཞལ་བཞི། སྔགས་སྲུང་མ། འོག་ནས་འབྱུང་བའི་གཏེར་གསར་དབང་ཕྱུག་ཆེན་པོ། །གཟའ་རྒོད་དུག་གི་སྤུ་གྲི། རྣམ་སྲས་སེར་ཆེན།

[Full Size]

ཞིང་སྐྱོང་དུར་ཁྲོད་མ་མོ་བཅས་ཀྱི་ཕྲིན་ལས་དངོས་གྲུབ་རོལ་མཚོ་དང་། འདིའི་རྟེན་རྫས་དང་བླ་རྡོའི་མན་ངག་སོགས་གཏེར་ཆེན་རིན་པོ་ཆེའི་གསུང་ལྟར་དགེ་སྦྱོང་བློ་གསལ་རྒྱ་མཚོའི་ཟིན་བྲིས་ཀྱི་སྐོར་ཁྱད་པར་ཅན་ཡོད་སྣང་། གཏོར་མ་རུ་ཚོན་ཟུང་མཇུག་རྣམས་ཀྱི་མན་ངག་གཏེར་ཆེན་རིན་པོ་ཆེས་མཛད་པ། སྲུང་མ་སྤྱི་འགྲོའི་གྲིབ་སེལ་གྱི་མན་ངག་བཀླག་ཆོག་ཏུ་བཀོད་པ་ལོ་ཆེན་རིན་པོ་ཆེའི་གསུང་། ཞར་བྱུང་རིག་འཛིན་གཏེར་བདག་གླིང་པའི་ཟབ་གཏེར་སྔགས་སྲུང་མའི་ཆ་ལག་མདོས་གྱི་ལས་རིམ་ལ་བརྟེན་ནས་མ་མོའི་འཁྲུགས་སྐོང་གི་ཆོ་ག་ཕྲིན་ལས་འདོད་འཇོ་རྒྱལ་སྲས་པདྨ་དབང་རྒྱལ་གྱིས་མཛད་པ། འཁྲུགས་སྐོང་བསྡུས་པ་ཆགས་མེད་རིན་པོ་ཆེའི་གསུང་བཅས་བཞུགས་སོ། །དེ་ལྟར་ཆོས་སྲུང་གི་སྐོར་འདི་རྣམས་སྒྲུབ་སྡེ་ཆེན་པོ་བརྒྱད་ཀྱི་དབང་དུ་བྱས་ན་གཙོ་བོར་འཇིག་རྟེན་མཆོད་བསྟོད་ཀྱི་ཕྱོགས་སུ་གཏོགས་ཤིང་། ཨེ་ཀ་ཛ་ཊི་སོགས་མ་མོའི་སྡེ་ཚན་དུ་བསྡུའོ།། །།གཉིས་པ་ཡན་ལག་ལས་ཀྱི་ཆོ་ག་གཙོ་བོར་གྱུར་པའི་སྐོར་ལ་གཉིས། བསྙེན་སྒྲུབ་ཀྱི་ཆོ་ག་སྤྱིའི་ཡན་ལག་ཏུ་ཉེ་བར་མཁོ་བའི་སྐོར་དང་། བྱེ་བྲག་ལས་ཀྱི་ཚོགས་རབ་འབྱམས་གྱི་སྐོར་རོ། །དང་པོ་ལའང་ནང་གསེས་སུ་དབྱེ་ན་བདུན་ལས། དང་པོ་ལམ་གྱི་རྩ་བ་སྨིན་བྱེད་དབང་གི་སྐོར་ལ། ལོ་ཆེན་དྷརྨ་ཤྲཱིས་མཛད་པའི་དབང་བསྐུར་སྤྱིའི་

[Full Size]

མཚམས་སྦྱོར་དང་། དེའི་སྙིང་པོ་བསྡུས་པ། དབང་ཆོག་སྤྱི་ལ་འཇུག་པའི་ལག་ལེན་རྣམ་ངེས་བཅས་སོ།། །།གཉིས་པ་ལམ་གྱི་ངོ་བོ་བསྙེན་སྒྲུབ་སྤྱིར་གཅེས་པའི་སྐོར་ལ། ཆོས་དབང་རིན་པོ་ཆེའི་ཟབ་གཏེར་སྔགས་སྡེབ་སྙིང་གཟེར་ནག་པོ། འདི་ལ་ཕྱག་ཁྲིད་ཞལ་ཤེས་དང་བཅས་པའི་རྒྱུན་ཡང་ལེགས་པར་བཞུགས་སོ། །བླ་མ་དགོངས་པ་འདུས་པའི་བཟླས་བརྗོད་ནུས་པ་སྟོབས་འབྱིན། དཔལ་ཆོས་ཀྱི་གྲགས་པའི་བསྙེན་སྒྲུབ་སྤྱི་ལ་གཅེས་པའི་ཡིག་ཆུང་། བསྐྱེད་རིམ་གྱི་རྣམ་བཤད་ཆོ་ག་དང་སྦྱར་བ་ལ་བསྙེན་སྒྲུབ་ལས་གསུམ་གྱི་སྤྱི་དོན་ཚང་བ་བཅས། ཞར་བྱུང་ལྷག་པའི་ལྷ་སྤྱི་ལ་འཇུག་པའི་ལས་བྱང་། ཕྱི་ནང་གི་མཆོད་ཕྲེང་སྤྱི་ཁྱབ། མཆོད་རྫས་དང་བུམ་རྫས་སོགས་ཉེར་མཁོའི་ཐོ་ཆུང་། ལྷ་བཙུན་རིན་པོ་ཆེའི་དག་སྣང་བྱིན་འབེབས་མེ་ཏོག་ཆར་བསིལ། བསྙེན་སྒྲུབ་སྤྱིའི་འགབ་འདྲེ་དམ་སྲི་མནན་པའི་མན་ངག །གཡུ་སྒྲའི་རྣམ་འཕྲུལ་ལོ་ཙཱ་བ་ཆེན་པོ་དྷརྨཱ་ཤྲཱིས་མཛད་པའི་དཀྱིལ་འཁོར་སྤྱིའི་ཐིག་ཚོན་གྱི་བྱ་བ་རབ་གསལ་ལུང་རྒྱུན་མི་བཞུགས་ཀྱང་། ཀུན་དགའ། །ནང་གི་ཆོས་སྤྱོད་ཀྱི་རིམ་པ་བྱང་ཆེན་སྤྱོད་པའི་སྒྲོན་མེ། ཐུན་དྲུག་ཏུ་གདམས་པ་གསུམ་གྱི་བསླབ་བྱ་སྐྱོང་ཚུལ་གྱི་ཡི་གེ་རྣམས་སོ། །གསུམ་པ་ཐུན་མཚམས་སུ་བྱ་བ་གཏོར་མའི་ཆོ་ག་ལ། རིག་འཛིན་

[Full Size]

གཏེར་བདག་གླིང་པས་མཛད་པའི་རྩ་གསུམ་དམ་ཅན་སྤྱིའི་གཏོར་ཆོག །ཆ་གསུམ་བསྡུས་པ། གཞན་ཡང་བེ་རོའི་རྣམ་སྤྲུལ་རྩེ་ལེ་སྣ་ཚོགས་རང་གྲོལ་དང་། ཆགས་མེད་རིན་པོ་ཆེའི་གསུང་གཏོར་བསྔོ་ཉེར་བསྡུས་བཅས། །བཞི་པ་སྔགས་ཀྱི་ཀུན་ཏུ་སྤྱོད་པ་དང་འབྲེལ་བའི་ཚོགས་ཀྱི་འཁོར་ལོ་ནི་རྩ་གསུམ་སོ་སོའི་ལས་བྱང་དང་འབྲེལ་བ་ཇི་སྙེད་ཅིག་བཞུགས་པ་ལས། འདིར་སྤྱིར་བཏང་ཚོགས་ཀྱི་འཁོར་ལོའི་དེ་ཉིད་མདོར་བསྡུས་སྨོས་པ་སྒྱུ་འཕྲུལ་རྒྱན་གྱི་རོལ་མོ། ཚོགས་ཀྱི་འཁོར་ལོ་འབྲེལ་བའི་རྡོ་རྗེ་གླིང་པའི་ཟབ་གཏེར་རྩ་གསུམ་སྐོང་བསྡུས། རིག་འཛིན་ཚེ་དབང་ནོར་བུའི་གསུངས་ལ་རྡོ་རྗེ་གཙུག་ལག་དགའ་བས་ཞལ་སྐོང་གནང་བའི་རྩ་གསུམ་སྐོང་བསྡུས་རིན་ཆེན་ཕྲེང་བ། བརྗོད་མེད་དོན་གྱི་བཤགས་པ། ཞི་ཁྲོ་བཀའ་བརྒྱད་སྤྱི་ལ་འཇུག་པའི་ན་རག་སྐོང་ཆོག །གྲོལ་ཏིག་ཆོས་སྡེ་ཆོས་ཉིད་ཀློང་བཤགས། རང་ལུས་ཨ་ནུ་ཡོ་གའི་ཚོགས་མཆོད་རྣམས་སོ།། །།ལྔ་པ་གསོན་པོའི་དོན་དུ་རྟེན་གསུམ་རབ་ཏུ་གནས་པའི་ཆོ་ག་ལ། རབ་གནས་ཀྱི་ཆོ་ག་རྒྱས་པ་དགེ་ལེགས་འདོད་འཇོ། འབྲིང་པོ་རྒྱུད་དོན་རབ་གསལ་ལྔ་ཙམ། བསྡུས་པ་རྒྱུད་དོན་སྙིང་པོ། ཡོན་བསྒོའི་གཏོང་ཐུན་སྙིང་པོར་དྲིལ་བ། རབ་གནས་ཀྱི་ལག་ལེན་ལེགས་བཤད་རོལ་མཚོ་ལས་བཏུས་པའི་ཉེར་མཁོ་བཅས་རྗེ་

[Full Size]

གཏེར་ཆེན་བླ་མ་རིན་པོ་ཆེའི་གསུང་།། །།དྲུག་པ་གཤིན་པོའི་དོན་དུ་གནས་ལུང་དཔྱང་ཐག་གི་མན་ངག་ལ། གནས་ལུང་སྤྱིར་བཏང་གཤིན་པོ་རྗེས་འཛིན་གྱི་ཆོ་ག་ཐར་པའི་མྱུར་ལམ་གཏེར་ཆེན་རིན་པོ་ཆེའི་གསུང་། དེའི་ལྷན་ཐབས་རིགས་དྲུག་གནས་སྦྱོང་གི་ཆོ་ག་བར་དོའི་ཆོས་བཤད་ཐོས་པས་རྣམ་གྲོལ་གཏེར་ཆེན་རིན་པོ་ཆེས་མཛད་པ། གནས་ལུང་སྤྱི་ལ་སྦྱར་དུ་རུང་བའི་གྲི་འགྲོལ་དང་། སྤྱིར་འདི་ལ་བཀའ་མ་དོང་སྤྲུགས་ལུགས་ཀྱི་ངན་སོང་གནས་སྦྱོང་རྫོགས་པར་འབྱུང་ཞི་རྒྱུད་ལས་གསུང་བའི་རིགས་དྲུག་གནས་འདྲེན་ཁྱད་པར་ཀུན་མཁྱེན་རིན་པོ་ཆེའི་ཐེག་མཆོག་མཛོད་དུ་རྒྱས་པར་བཀྲལ་བ། གཏེར་མ་ཞི་ཁྲོ་དང་ཐུགས་རྗེ་ཆེན་པོར་སྐོར་ལས་གཙོ་བོར་འབྱུང་བའི་རིགས་དྲུག་གནས་འདྲེན་བཅས་ཆོ་ག་མི་འདྲ་བའི་ཁྱད་མེད་གསུམ་ཡོད་ལ། ནང་གསེས་སུ་བྱེ་བྲག་མང་དུ་སྣང་ངོ་། སྦུབས་གོན་བཤིག་པའི་མན་ངག །ཞར་བྱུང་གདུང་ཆོག་དང་། ཕུང་པོ་བསྲེག་སྦྱོང་སཱཙྪ་སྒྲུབ་གཤེགས་སོགས་ལ་ཉེ་བར་མཁོ་བའི་ཡིག་ཆུང་བཅས་སོ། །གཞན་ཡང་བཀའ་བརྒྱད་སོགས་ལས་འབྱུང་བའི་འདུལ་བ་གྲིའི་ལུང་སོགས་ཀྱང་གཙོ་བོར་སྐབས་འདིར་འདུའོ།། །།བདུན་པ་ལས་རབ་འབྱམས་མཐར་ཕྱིན་པར་བྱེད་པ་སྦྱིན་སྲེག་གི་སྐོར་ལ་ཞི་བ་ལས་ཐམས་ཅད་པའི་སྦྱིན་སྲེག་གཏེར་ཆེན་རིན་པོ་ཆེས་མཛད་པ། དེ་ལ་ལྟོས་པའི་ལས་ཕྱི་མ་གསུམ་གྱི་སྦྱིན་སྲེག་གི་ཁ་བསྒྱུར། རྫས་

[Full Size]

གཅིག་ལ་བརྟེན་པའི་སྦྱིན་སྲེག་བསྡུས་པ། ལོ་ཆེན་རིན་པོ་ཆེའི་གསུང་སྔ་འགྱུར་བཀའ་མའི་རྒྱུད་ལུང་སྤྱིའི་སྦྱིན་སྲེག་འདོད་གཏེར་དབང་གི་རྒྱལ་པོ་རྣམས་སོ།། །།གཉིས་པ་བྱེ་བྲག་ལས་ཀྱི་ཚོགས་རབ་འབྱམས་ལ། སྤྱིར་ལས་ཀྱི་ངོ་བོ་ནི། སྒྱུ་འཕྲུལ་ཐུགས་ཐིག་ལས། ཕྱི་རོལ་ཚང་མེད་ཉིད་ལས་བཞི། །ཞེས་གསུངས་པ་ལྟར། ཡུལ་གྱི་ཁྱད་པར་གཙོ་བོར་གཞན་དོན་ལ་དམིགས་པ། རྒྱུའི་ཁྱད་པར་ཚད་མེད་པ་བཞིའི་སྦྱོར་བ་ལས་བྱུང་བ། ངོ་བོའི་ཁྱད་པར་ཤེས་རབ་ཆེན་པོའི་རྩིས་ཟིན་པ་བྱེད་ལས་ཀྱི་ཁྱད་པར་ཐབས་མཁས་ཀྱི་མཛད་པས་སངས་རྒྱས་ཀྱི་ཕྲིན་ལས་ཡོངས་སུ་རྫོགས་པར་སྒྲུབ་པའོ། །ངེས་ཚིག་ནི། ཀརྨ་ཞེས་པ་སྒྲ་ལས་དྲངས་ན་བྱེད་པ་པོའི་སྒོ་གསུམ་གྱི་ལས་ཀྱི་དོན་དུ་གཉེར་བྱ་ལ་སྦྱོར་བར་བྱེད་པས་ན་དེ་སྐད་དོ། །དབྱེ་ན་དཔལ་གསང་བ་འདུས་པའི་སྙིང་པོའི་རྒྱུད་ཕྱི་མ་ལས། ཞི་བ་ལ་སོགས་རབ་དབྱེ་བས། ལས་ནི་རྣམ་པ་བཞིར་བསྡུས་སོ། །ཞེས་ཞི་རྒྱས་དབང་དྲག་གི་ལས་བཞི་དང་། སྔ་མ་ལ་སྲུང་དང་ཞི་བ་གཉིས་སུ་དབྱེ་བ་རྣམ་པ་ལྔ་སྟེ། དེ་ལའང་ཐུན་མོང་དང་མཆོག་གི་ཁྱད་པར་གྱིས་དབྱེ་ན་གཉིས་གཉིས་སུ་གནས་པ་ཡིན་ལ། བྱ་བའི་ཐབས་ཀྱང་སྙིང་པོའི་འགྲེལ་པ་ཁོག་གཞུང་ལས། མཆོད་རྟེན་ཕྱག་རྒྱའི་སྒོ་དང་ནི། ཧོམ་བྲོ་གླུ་དང་རྫ་ས་ཀྱིས་བྱ།

[Full Size]

ཞེས་མཆོད་རྟེན་སྒྲུབ་པ་དང་། ཕྱག་རྒྱ་བཅའ་ཞིང་བསྒྱུར་བ་དང་། ཧོམ་སྟེ་སྦྱིན་སྲེག་དང་། ལས་ཀྱི་མཐའ་སྡུད་བྲོ་གར་གླུ་ཚིག་དང་བཅས་པ་དང་། རྫས་སྟེ་ལིངྒའི་སྒོ་ནས་སྒྲུབ་པ་རྣམས་གསུངས་ཤིང་། དེས་མཚོན་ཏེ་འཁྲུལ་འཁོར་དང་། སྨན་དང་། སྔགས་དང་། རྟེན་འབྲེལ་དང་། ཏིང་ངེ་འཛིན་གྱི་སྒོ་ནས་སྒྲུབ་པ་སོགས་མཐའ་ཡས་པ་རྣམས་སོ། །དེ་ལ་འདིར་རེ་ཞིག་སྤྱི་དང་། །བྱེ་བྲག་གཉིས་སུ་འདུ་བ་ལས། དང་པོ་སྤྱིར་བཏང་ལས་སྣ་ཚོགས་པའི་སྐོར་ལ། བླ་མ་དགོངས་པ་འདུས་པའི་སྲུང་འབུམ་རྡོ་རྗེའི་ཕྲེང་བ་འདི་སྲུང་བ་གཙོ་བོར་བཏོན་པའི་དབང་གི་མཚན་དེ་སྐད་དུ་བཞག་པ་ལས། །ནང་གསེས་སུ་ཞི་རྒྱས་དབང་གི་འཁོར་ལོ་ཅི་རིགས་པར་སྣང་བས་སྐབས་འདིར་འབྲེལ་ལོ། །བརྒྱ་རྩ་བརྒྱད་པ་ཞལ་ཤེས་རབ་གནས་ཀྱི་ལག་ལེན་དང་བཅས་པ། འབྲོག་པ་སྣ་ནམ་ཐུབ་རྒྱལ་གྱི་གཏོ་བཅོས་བརྒྱ་རྩ་འམ་རྒྱ་ནག་གཏིང་རྫོགས་སུ་གྲགས་པའི་འཁོར་ལོ་བརྒྱ་རྩ་བླ་མ་ཡང་ཏིག །ཡིད་བཞིན་ནོར་བུའི་ཆོས་སྡེ་ལས་བྱུང་བའི་མཆོག་གི་ཕྲིན་ལས་བཏགས་གྲོལ་གྱི་འཁོར་ལོ་དབང་བསྐུར་དང་བཅས་པ། སྤྱིར་རྒྱུད་སྡེ་གཟུངས་སྔགས་ཟབ་མོ་བཅངས་པའི་ཕན་ཡོན་མཐའ་ཡས་པ་དང་། གླེགས་བམ་འཆང་བའི་ཚུལ་ཕན་ཡོན་དང་བཅས་པ་དང་། སྦྱོང་རྒྱུད་ནས་ཕུང་པོ་སྲེག་སྦྱོང་གིས་སྡིག་པ་སྦྱོང་བའི་

[Full Size]

སྐབས་གནས་ཡིག་གདགས་པར་གསུངས་པས་མཚོན་བཏགས་གྲོལ་གྱི་ཕྱོགས་སུ་གཏོགས་པ་ཇི་སྙེད་ཅིག་མཆིས་ཀྱང་། གསར་མའི་ཕྱོགས་ལ་དམིགས་ཀྱིས་གསལ་བ་ནི་སོ་སོར་འབྲང་མའི་འཁོར་ལོ་དང་། ཇོ་བོ་རྗེའི་གདམས་ངག་ཏུ་གྲགས་པའི་གྲོང་ཁྱེར་སྒྲོལ་བའི་འཁོར་ལོ་ཙམ་དུ་སྣང་ཞིང་། སྔ་འགྱུར་གྱི་ཕྱོགས་འདིར་བཏགས་གྲོལ་གྱི་རྒྱུད་དང་མན་ངག་བསམ་གྱིས་མི་ཁྱབ་པར་བཞུགས་པ་ལས། མཚན་གཞིའི་གཙོ་བོ་ནི་ཡབ་ཡུམ་རང་བྱུང་གིས་དགོངས་པ་དང་། ཐིག་ལེ་ཉི་ཤུ་རྩ་ལྔའི་གསང་སྔགས་སོགས་སུ་སྣང་བས། ཡང་ཏིག་གི་བཏགས་གྲོལ་འདི་ཉིད་རྒྱས་བསྡུས་འཚམས་ཤིང་སྙིང་པོར་དྲིལ་བའི་མན་ངག་ཏུ་ངེས་པས་སྐབས་འདིར་འདི་ཙམ་ཞིག་བཀོད་པ་ཡིན་ལ། གཞན་མཁའ་འགྲོའི་སྙིང་ཏིག་གི་རྒྱུད་དྲུག་དང་། ཞི་ཁྲོ་དང་། དགོངས་འདུས་སོགས་སུ་རྒྱ་ཆེར་འབྱུང་བ་ཤེས་པར་བྱའོ། །དེས་མཚོན་ཏེ་མ་བསྒོམ་སངས་རྒྱས་ཀྱི་ཆོས་གཞན་ཡང་། གསར་མའི་སྔགས་རྒྱུད་རྣམས་སུ་བྲིས་སྐུ་མཐོང་བ་དོན་ལྡན་སོགས་བྲིས་སྐུའི་ཆོ་ག་རབ་འབྱམས་དང་། དྲི་མེད་དང་། །ཇོ་བོའི་མཆོད་རྟེན། མི་འཁྲུགས་པའི་གཟུངས་རྣམས་ཀྱི་མཐོང་གྲོལ། གཟུངས་སྔགས་ཟབ་མོ་མཐའ་ཡས་པའི་སྒྲ་ཐོས་པ་དང་། པདྨ་གཙུག་ཏོར་གྱི་སྔགས་དུང་ལ་བཟླས་པའི་ཐོས་གྲོལ། དེ་ཉིད་ཀྱི་

[Full Size]

བདུག་སྤོས། ཚོར་གྲོལ། བདུད་རྩི་རིལ་བུ་དང་། གཟུངས་སྒྲུབ་ཀྱི་བུམ་པའི་ཆུའི་མྱོང་གྲོལ། བྱེ་མ་སོགས་ལ་གཟུངས་བཟླས་པ་དང་། ཞལ་བཅུ་གཅིག་པའི་སྔགས་བཟླས་པ་པོའི་རྗེ་ཕྱོགས་ཕོག་པའང་སྡིག་པ་ལས་གྲོལ་བར་གསུངས་པའི་རིག་གྲོལ་སོགས་སྟོན་པ་ཐུགས་རྗེ་ཅན་གྱིས་རྒྱ་ཆེར་བཀའ་སྩལ་པ་ལ་བློ་གྲོས་ཀྱི་མིག་ལྡང་ཞིང་། ཡིད་སྲུབ་ཀྱི་དཔུང་ཚོགས་སྙིང་ལ་ཉལ་བ་ཁ་ཅིག་བཏགས་གྲོལ་སོགས་རྙིང་མ་ཁོ་ནའི་སྒེར་ཆོས་དང་། དེ་ཡང་མི་འཐད་པའི་སྒྲུབ་བྱེད་བཀོད་པ་དག་སྣང་མོད། ཚུལ་འདི་ལྟ་བུས་མཚོན་རང་གཞན་གྱི་གྲུབ་མཐའི་ཁ་འཛིན་དང་། འཇིག་རྟེན་གྱི་ཆགས་སྡང་ཙམ་ལ་བརྟེན་ནས་ཆོས་དང་གང་ཟག་ཚད་ལྡན་ལ་བདུད་དང་། བདུད་ཀྱི་གཞུང་དུ་སྒྲུབ་པ་སོགས་ནི་རང་ཉིད་མེ་ཏོག་མདའ་ཅན་གྱི་ཕྲིན་ལས་པར་གསལ་བར་མཚོན་པས་ཕྱོགས་སུ་གཏོགས་པ་ཐམས་ཅད་ཀྱི་ངན་སོང་གི་བཤུལ་ལམ་དུ་འཁྲིད་པའི་དེད་དཔོན་ཆེན་པོར་ཤེས་པར་བྱས་ནས་བདག་ལེགས་སུ་འདོད་པ་དག་གིས། དོན་ལ་རྟོགས་པའི་བློ་གྲོས་ཀྱི་མཐུས་མདོ་རྒྱུད་ཚད་ལྡན་གྱི་དགོངས་པ་དང་སུ་མཐུན་དཔྱད་པ་ལས་ཞལ་དབང་ཡོད་ཀྱིས་སྨྲས་པའི་ཅལ་སྒྲོག་ཙམ་གྱི་རྗེས་སུ་མི་རྒྱུག་པའང་གལ་ཤིན་ཏུ་ཆེ་བར་སྣང་ཞིང་། སྤྱིར་བཏགས་གྲོལ་སོགས་ཀྱིས་གྲོལ་བའང་། རེ་

[Full Size]

ཞིག་ངན་སོང་ལས་གྲོལ་བ་དང་། འཁོར་བ་ལས་གྲོལ་བ་སོགས་ཁྱད་པར་མཐའ་ཡས་པའི་ཕྱིར། གྲོལ་བ་ཡིན་ན་སངས་རྒྱས་ཐོབ་པ་ལྟ་བུར་གོ་བས་བློར་མ་ཤོང་བར་སྣང་བ་ནི་བློ་གྲོས་ཕུར་ཁུང་ཐུག་པའི་རྟགས་ཏེ་སྙིང་རྗེའི་གནས་ཡིན་ནོ། །ཞར་ལས་འཕྲོས་པའོ། །དེ་ལྟར་ན་མ་བསྒོམ་སངས་རྒྱས་ཀྱི་ཆོས་གཞན་རྣམས་ནི་སྤྱིར་སྔ་འགྱུར་གྱི་རྒྱུད་དང་། མན་ངག་རྣམས་ལས་ཤིན་ཏུ་ཟབ་ཅིང་རྒྱ་ཆེ་བར་གསུངས་པ། གོང་དུ་ཐུགས་རྗེ་ཆེན་པོའི་སྐོར་སོགས་སུ་ཅི་རིགས་པ་བཀོད་ཟིན་ཅིང་། སླར་དེ་རྣམས་ཕྱོགས་གཅིག་ཏུ་འདྲིལ་བའི་སྤྱི་དོན་གྱི་ཡི་གེ་སྐབས་འདིར་བསྡུ་བར་འོས་པ་ཞིག་བྱུང་ནའང་ཅི་མ་རུང་སྙམ་དུ་སེམས་སོ། །བྲམ་ཟེ་སྡོམ་པ་བཟང་པོའི་ལུགས་ཀྱི་ཕན་བྱེད་རླུང་འཁོར་བཅོ་བརྒྱད། འདིར་གསར་འགྱུར་རྙིང་མའི་ཕྱོགས་སུ་བཀའ་བབས་པ་ཡིན་ལ། སྔགས་རྣམས་རྒྱུད་སྡེ་ཚད་ལྡན་ལས་བྱུང་བ་ཁོ་ནར་སྣང་བས་སོ་སོའི་ཁུང་དང་འབྲེལ་བའི་དག་པ་ཞིག་བྱུང་ན་ཕན་ཡོན་ཆེན་པོ་འབྱུང་བར་ངེས་སོ། །བླ་མ་དགོངས་པ་འདུས་པའི་སྔགས་༢འབུམ་དགོས་འདོད་ཀུན་འབྱུང་། འདི་དང་གོང་འོག་ཏུ་སྲུང་བརྒྱ་སོགས་དགོངས་འདུས་ལས་བྱུང་བའི་ལས་ཚོགས་འགའ་ཞིག་བཀོད་པ། དེང་སང་ཀར་རྙིང་གི་ཕྱོགས་ལ་གསེར་ཆོས་ཆེན་པོ་འདི་ཉིད་ཀྱི་སྨིན་གྲོལ་ཁྱབ་བརྡལ་དུ་བཞུགས་

[Full Size]

པས་དགོས་པ་ཆེར་མ་དམིགས་མོད། འོན་ཀྱང་ས་དགེའི་ཆེན་པོར་རློམས་པ་ཁ་ཅིག་ཀྱང་རྙིང་མ་བྱས་ན་ཤངས་གཉེར་བཞིན་དུ། ལས་ཚོགས་འདི་རྣམས་འདུས་ཟབ་ཁྱེར་བདེར་མཐོང་ནས། །ནོར་དང་གཏམ་གྱི་འདོད་པས་རང་དབང་མེད་པར་ཐུགས་འཕྲོགས་ཏེ། རྨ་ཁར་ཕན་ན་ཁྱི་ཚིལ་གྱི་དཔེ་ལྟར། ལུང་ཙམ་ཡང་མ་ཉན་པར་འགགས་དགོས་པ་ཨོ་རྒྱན་པདྨ་ལ་བཅོལ་བའི་བླུན་པོ་སྙིང་ཁམས་ཅན་རྣམས་ཀྱི་རྣ་བར་ལུང་རྒྱུན་རེ་ཙམ་བཟུང་ན་ཅི་མ་རུང་སྙམ་པ་དང་། གྲོང་སྔགས་པ་ཉམ་ཆུང་ལག་ལེན་མཁན་འདྲ་ལའང་ཕན་སྲིད་སྙམ་ནས་ཟུར་དུ་བཀོལ་ཏེ་བཀོད་པའོ། །ཀློང་གསལ་གུར་དྲག་ཡེ་ཤེས་རབ་འབར་གྱི་སྔགས་འབུམ་དགོས་འདོད་ཀུན་འབྱུང་ཤིན་ཏུ་ཟབ་པ། རྡོར་གླིང་སོགས་གཏེར་ཁ་མང་པོ་ལས་མཐུན་པར་འབྱུང་བའི་བཟླས་ཆོག་སྔགས་འབུམ་དཀར་པོ། དྲི་མེད་བཛྲ་ཞེས་རྡོ་རྗེ་གླིང་པའི་ཟབ་གཏེར་༣ཟ་ཡིག་ནོར་བུའི་བང་མཛོད། གཏེར་ཁ་མང་པོ་ལས་འབྱུང་བའི་ཕྱོགས་བཅུའི་ཟ་ཡིག་དང་། མཁའ་འགྲོ་མ་སྐུ་ལྔའི་ཡི་གེ་ནད་གདོན་ཀུན་ལ་ཕན་པ། དགོངས་འདུས་ཐེམ་མེད་ཀྱི་མན་ངག་ཐོར་བུའི་ལས་ཚོགས་བརྒྱ་རྩ་ཞེས་སྔགས་དང་འཁོར་ལོ་ཟ་ཡིག་སྣ་ཚོགས་པ། འདི་ལུང་རྒྱུན་ཙམ་སྣང་ཡང་ཡོངས་གྲགས་ཀྱི་གསན་ཡིག་ཕལ་ཆེར་དུ་མི་བཞུགས་པས་རྒྱུན་

[Full Size]

ཡོད་མེད་སླར་དཔྱད། རྒྱལ་སྲས་ལྷ་རྗེའི་རྣམ་འཕྲུལ་གུ་རུ་ཨོ་རྒྱན་གླིང་པའི་ཟབ་གཏེར་རྟེན་འབྲེལ་ཡང་༤སྙིང་འདུས་པ་ཞེས་ཕན་བྱེད་ཀྱི་མན་ངག་སྣ་ཚོགས་པ། འདི་ཕལ་ཆེར་ཞི་བྱེད་པའི་སྔགས་དང་རྫས་ཀྱི་རྟེན་འབྲེལ་དང་མཐུན། རཏྣའི་ཕུར་པ་ཡང་གསང་བླ་མེད་ཀྱི་ས་དཔྱད་རྟེན་འབྲེལ་གྱི་ཆེ་བ། སྟག་ཤམ་བསམ་གཏན་གླིང་པའི་དམ་ཅན་གྱི་འཕྲུལ་མོ། །ཤཱ་རྒྱལ་སྲས་ལེགས་པའི་ཟབ་གཏེར་གཡུ་སྒྲོན་མའི་པྲ་འབེབས་ལག་ལེན་མ། རཏྣའི་ཐུགས་རྗེ་ཆེན་པོ་གསང་འདུས་ཀྱི་ལས་ཚོགས་ཚེ་དང་སྐྱེ་བ་བརྟགས་པ། དགོངས་འདུས་ལས་གསུངས་པའི་རྨི་ལམ་བརྟགས་ཐབས། རཏྣའི་ཟབ་གཏེར་མར་མེའི་པྲ་བརྟག །དགོངས་འདུས་ལས་གསུངས་པའི་མར་མེའི་བརྟགས་པ། རླུང་གི་རྟེན་འབྲེལ་རྩི་ཐབས། ལྷ་བཙུན་རིན་པོ་ཆེའི་དག་སྣང་བརྟག་བསྒྲིལ་གྱི་མན་ངག །མཁའ་འགྲོ་མ་2རྡོ་རྗེ་ཕག་མོས་གྲུབ་ཆེན་ཐང་སྟོང་རྒྱལ་པོར་དངོས་སུ་གནང་བའི་ལྷ་མོ་བརྒྱད་རྩིས། རིག་འཛིན་པདྨ་གླིང་པའི་མན་ངག་གཏེར་ཕྲན་ཉེར་དགུ་ཞེས་ཕན་གནོད་ཀྱི་ལས་སྣ་ཚོགས་ཟབ་པར་གྲགས་པ། ཆོས་གླིང་གཏེར་ཕྲན་ཆོས་བདག་བར་ཆད་སེལ་བའི་ཆོས་བཀའ་བཞི་ཞེས་དམ་གྲིབ་སོགས་མི་གཙང་བའི་གཉེན་པོ་རྣམ་འཇོམས་དཀར་པོ། དུག་རིགས་སྲུང་ཞིང་གསོ་བ་དུག་སེལ་མ་ལྗང་གུའི་རྗེས་

[Full Size]

གནང་མན་ངག །དམ་སྲིའི་གཉེན་པོ་རྡོ་རྗེ་ཕུར་པ་དུག་གཟེར་རོག་ཕུང་། འཇམ་དཔལ་ནག་པོའི་སྙིང་ཟློག་བསམ་གཏན་ཉལ་ཆོག་རྣམས་གཞུང་གསལ་བྱེད་དང་བཅས་པ། བྱང་གཏེར་ཐུགས་སྒྲུབ་ཀྱི་ཆོས་ཚན་བཅུ་པ་གནས་ཆེན་བྱིན་འབེབས་ཀྱི་མན་ངག །དེའི་ཆ་ལག་རྣམ་འཇོམས་བག་ཆགས་སྟོབས་སྦྱོང་གི་ཁྲུས་ཆོག །བཀའ་ནན་རབ་བརྗིད་ཀྱི་ཆོ་ག་རྒྱས་པ་བྱང་ཆུབ་གླིང་པའི་གཏེར་བྱོན། བསྡུས་པ་གུ་རུ་ཡོན་ཏན་གཏེར་མཛོད་ལས་བྱུང་བ། ཉང་གཏེར་སྣང་བསང་བདུད་རྩིའི་སྤྲིན་ཕུང་། ཀུན་མཁྱེན་ཀློང་ཆེན་པའི་བསང་མཆོད་བདེ་ལེགས་ཀུན་འབྱུང་དང་། རྒྱགས་བརྔན་ཆེན་མོ་ལོ་རྒྱུས་དང་བཅས་པ། དེའི་ལག་ལེན་གནད་ཀྱི་ལྡེའུ་མིག་རྣམས། ལྷ་བཙུན་རིན་པོ་ཆེའི་དག་སྣང་རི་བོ་བསང་མཆོད། གཞན་ཡང་ཆོས་དབང་རིན་པོ་ཆེའི་སྣང་སྲིད་ཞི་བའི་ཆོ་ག་སོགས་ཞི་བརྔན་བསང་མཆོད་ཀྱི་སྐོར་རྣམས་ཀྱང་འདིར་བསྡུ་བར་འོས་པར་སྣང་མོད། བསང་མཆོད་འདི་དར་སྲོལ་ཆེ་བས་ཕྱིས་ཀྱི་བླ་མ་རྣམས་ཀྱི་གསུང་འབུམ་ཕལ་ཆེར་ཡང་བསང་དང་། གསོལ་འདེབས་ཆེ་ཆུང་མང་པོས་ཟིང་ཟིང་པོར་གྱུར་པས་རེ་ཞིག་དེ་ཙམ་མོ། །གཏེར་ཆེན་རིན་པོ་ཆེའི་གསུང་གསུར་མཆོད་འདོད་ཡོན་སྤྲིན་ཕུང་། འདིར་ཆོས་དབང་གསང་འདུས་ཀྱི་རྒྱུན་གྱི་མེ་མཆོད་ལ་ཁུངས་དྲངས་

[Full Size]

ནས་མཛད་སྣང་། གནུབས་སངས་རྒྱས་ཡེ་ཤེས་ཀྱི་མཛད་པར་གྲགས་པའི་ལས་ཐམས་ཅད་ཀྱི་སྣ་སེལ་གསེར་སྐྱེམས་སྡེ་བརྒྱད་ཆ་སྙོམས། ཀུན་མཁྱེན་ཀློང་ཆེན་པས་མཛད་པའི་ཕུད་སྐོང་སྤྱི་གསོལ་ཆེན་མོ་ལྷན་ཐབས་བཅས། ལོ་ཆེན་རིན་པོ་ཆེའི་གསུང་འབྱུང་རྩིས་པར་མཁོ་བའི་གསེར་སྐྱེམས། ཆགས་མེད་རིན་པོ་ཆེས་མཛད་པའི་ལམ་གཏོར་བསྡུས་པ། དེའི་གནད་ཀྱི་མན་ངག །ཕྱོགས་གར་འགྲོ་ཡང་མགོ་ཐོན་པའི་གདམས་པ། མཁའ་འགྲོའི་སུན་མ་ཟློག་པའི་མན་ངག་ལ། ཆོས་དབང་རིན་པོ་ཆེའི་བླ་མ་གསང་འདུས། སངས་གླིང་དགོངས་འདུས། རཏ་གླིང་ཐུགས་སྒྲུབ་ཡོངས་འདུས་སོགས་རྒྱ་ཆེར་འབྱུང་ཞིང་། སོ་སོར་ཆོག་བསྒྲིགས་སོགས་རྒྱས་པར་སྤེལ་སྣང་བ་ནི་གཞན་དུ་གསལ་ལ། འདིར་ལྷ་བཙུན་ཆེན་པོའི་དག་སྣང་སུན་ཟློག་ཁྱེར་བདེ་བརྟན་བཞུགས་ཀྱི་ཆོ་ག་དང་འབྲེལ་བ། འོད་འབར་ཚོགས་ཤམ་དུ་སྦྱར་རྒྱུའི་སུན་ཟློག་ཉེར་བསྡུ། ལྷ་སྲས་རྣམ་སྤྲུལ་མང་ལམ་རི་ཁྲོད་པ་སྤྲུལ་སྐུ་བཟང་པོ་གྲགས་པའི་ཟབ་གཏེར་སྲི་ཟློག་འཁོར་ལོ་འབར་བའི་གཞུང་མན་ངག་དང་བཅས་པ། སྤྲུལ་སྐུ་བ་མཁར་སྨུག་པོའི་ཟབ་གཏེར་གསོལ་འདེབས་བར་ཆད་ལམ་སེལ་དང་། འདི་འདྲ་ཡོངས་སུ་གྲགས་ཤིང་གསོལ་འདེབས་ཙམ་དུ་ཟད་པས་འདིར་བཀོད་པ་ལ་དགོས་གལ་གཞན་མ་མཆིས་ཀྱང་། གཏེར་སྟོན་བརྒྱ་རྩ་སོགས་

[Full Size]

ཀྱི་གྲངས་འདྲེན་པའི་ཚེ་ངེས་པར་དགོས་སྣང་བས་བཀོད་པའོ། །ལྷ་བཙུན་རིན་པོ་ཆེའི་དག་སྣང་དུས་མིན་འཆི་བཟློག་གི་གསོལ་འདེབས། འཆི་བསླུའི་ཆོ་ག་འཇའ་ཚོན་གཤིན་རྗེའི་གཏེར་ཆེན་ལག་ལེན་དང་བཅས་པ། །སྔ་འགྱུར་བཀའ་མ་སློབ་དཔོན་སྒེག་པའི་རྡོ་རྗེའི་བླ་བསླུའི་གཞུང་ལག་ལེན་དང་བཅས་པ། བདུད་བཞིའི་གནོད་པ་ཟློག་པ་མཆོད་སྦྱིན་བརྒྱ་བཞིའི་ཆོ་ག་གནུབས་ལུགས། ཆོས་དབང་རིན་པོ་ཆེའི་གཏེར་ཕྲན་ཁ་འབར་མ་དཀར་མོའི་འཆི་བསླུ། ནག་པོས་བྱད་ཕུར་ལྟས་ངན་ཟློག་པ་དང་། ཁྲོ་བོས་མི་ཁ་སྨྲ་མཆུ་ཟློག་པ། དེ་གསུམ་གྱི་འདོན་ཆ་ཁྱེར་བདེ། བཀའ་བརྒྱད་ཀྱི་ཆ་ལག་ཏུ་གྲགས་པའི་འཆི་བསླུ་ཆུ་སྦྱིན་སྟོང་ཟློག །རྙིང་མ་བཀའ་གཏེར་གྱི་མན་ངག །འཆི་སླུ་དང་བླ་སླུ་ཉེར་བསྡུས་ལྟས་ངན་ཟློག་པ་སྐྱེ་ནག་རྡོག་དྲིལ། ར་ཤག་གཏེར་སྟོན་བསོད་ནམས་རྡོ་རྗེའི་ཟབ་གཏེར་མདོས་བཅུ་ཞེས་རཀྟ་དགྲ་མདོས། བདུད་༡ཟློག །བདུད་ཞལ་བསྒྱུར༢། འདྲེ་ཁྲོམ་བསྒྱུར ༣། མ་མོའི་གླུད་མདོས་། མ་མོའི་ཁྲག་མདོས།། ལྟས་ངན་ཟློག་པ༦། ཕུར་ཁ་ཟློག་པ༧། གཏད་ཟློག་འདི་ཟབ་པར་གསུངས། སྐོང་མདོས་བཅས་དང་སོགས་ཡིག་རྙིང་སྟོད་འཕྱང་སྨད་འཕྱང་བཅས་ཚང་བ། སྒྲུབ་ཆེན་སོགས་ལ་མཁོ་བའི་རཏ་གླིང་གླིང་བཞི་སྤྱི་མདོས་ཟིན་བྲིས་བཅས། ཆོས་རྒྱལ་

[Full Size]

བྱང་བའི་དག་སྣང་། སྣང་སྲིད་སྤྱི་སྐོང་གི་མདོས་ཆོག །རོལ་རྡོར་ཟབ་གཏེར་དམ་སྲི་གླུད་མདོས། གནམ་ཆོས་ཧ་ས་གནྟུ། མ་མོའི་ཁྲག་མདོས། ཀག་ཟློག་དགུ། དགོངས་གཏོར་དབང་ཕྱུག་ཟོར་མདོས་རྣམས་ཀྱི་བཀའ་གཏད། ལག་ལེན་མཁན་རྣམས་ཀྱིས་འདི་རྣམས་ཀྱི་བཀའ་གཏད་ཐོབ་དགོས་ཀྱང་རྒྱུན་ཅུང་ཟད་དཀོན་པས་དོན་གཉེར་ཅན་སྲིད་ན་ཕན་ནམ་སྙམ་ནས་བཀོད་པ་དེ། སོ་སོའི་༧གཞུང་ནི་ཡི་གེ་མང་གི་དོགས་པས་རེ་ཞིག་འདིར་མ་བཀོད་དོ། །གཏེར་ཆེན་གུ་རུ་ཇོ་རྩེས་དབུས་ཟངས་ཡག་བྲག་ནས་སྤྱན་དྲངས་པའི་ཤ་བརྒྱ་ཟན་བརྒྱའི་གླུད་ཆོག །རྙིང་མ་བཀའ་གཏེར་གཞུང་སྤྱིར་སྦྱར་བའི་གླུད་ཆོག་ཕྱག་ལེན་མ། ལྷ་བཙུན་རིན་པོ་ཆེའི་དག་སྣང་ལན་ཆགས་ཆུ་སྒྱུར། སྤྱན་རས་གཟིགས་དངོས་ཀརྨ་ཆགས་མེད་ཀྱི་གསུང་ལན་ཆགས་བརྒྱ་བསྔོས། གུར་དྲག་གི་ལས་མཐའ་བྱིས་༄༅།པའི་གླུད་བསྔོ། གདོན་གསུམ་གྱི་གཏོ། རིག་འཛིན་བསྟན་གཉིས་གླིང་པའི་མནལ་ལམ་དུ་གུ་རུ་རིན་པོ་ཆེས་གནང་བའི་མི་ཕྱུགས་ཀྱི་གླུད་བསྔོས་བཅས་བཞུགས་སོ། །དེ་ལྟར་ལས་སྣ་ཚོགས་པ་འདི་རྣམས། བསྒྲུབ་བྱའི་ལས་ནི་ཞི་རྒྱས་དབང་དྲག་དང་འབྲེལ་བ་ཅི་རིགས་པའི་ནང་དུ་འདུ་ཞིང་སྒྲུབ་བྱེད་ཀྱི་ཐབས་ཀྱང་འཁོར་ལོ་དང་། སྔགས་དང་། ཟ་ཡིག་དང་། རྟེན་འབྲེལ་ཏེ་རྣམ་པ་བཞིར་འདུ་

[Full Size]

བ་ཡིན་ཏེ། བསང་མཆོད་མདོས་གཏོར་སོགས་ཕལ་ཆེར་རྟེན་འབྲེལ་གྱི་གཏོ་བཅོས་ཁོ་ནར་སྣང་བའི་ཕྱིར་རོ། །སྒྲུབ་སྡེ་ཆེན་པོ་བརྒྱད་ཀྱི་དབང་དུ་བྱས་ན་འཁོར་ལོ་དང་སྔགས་སོགས་ནི་ཡི་དམ་གྱི་རྣལ་འབྱོར་གང་ལའང་སྦྱར་དུ་རུང་བ་ཤས་ཆེ་བས་སྤྱིར་བཏང་བའི་ལས་ཀྱི་ཡན་ལག་དང་། མདོས་གཏོར་སོགས་དམིགས་བསལ་འཇིག་རྟེན་མཆོད་བསྟོད་ཀྱི་སྡེ་ཚན་དུ་འདུ་བར་སྣང་སྟེ། །མདོས་ཀྱི་གཞུང་ལྷ་འདྲེ་སྟོང་གི་དྲ་བའི་རྒྱུད་དང་། མ་མོའི་རྒྱུད་སོགས་ལས་རྒྱ་ཆེར་གསུངས་པས་མཚོན་ཏེ་ཤེས་པར་བྱའོ།། །།གཉིས་པ་བྱེ་བྲག་ཏུ་ལས་སོ་སོར་སྒྲུབ་པ་ནི། འཇམ་དཔལ་གཤིན་རྗེ་རོལ་པའི་ཏན་ཏྲ་ལས། སྲུང་དང་ཞི་རྒྱས་དགུག་པ་དང་། །མངོན་སྤྱོད་ལས་ཀྱི་ཆོ་ག་ནི། །གདུལ་བྱ་རྗེས་འཛིན་ཚར་གཅོད་ཕྱིར། །རྣལ་འབྱོར་ལྡན་པས་རྟག་ཏུ་བརྩམས། །ཞེས་ཇི་སྐད་གསུངས་པ་ལྟར་རིམ་པར་ཕྱེ་བ་ལ། དང་པོ་སྲུང་བའི་ལས་ཀྱི་སྐོར་ནི། སྤྱིར་གང་བསྲུངས་ན་མི་མཐུན་པའི་ཕྱོགས་ཀྱིས་རབ་ཏུ་ཕྱེ་བའི་ནད་དང་། དུག་དང་རིམས་སོགས། གདོན་དང་། གཟའ་ཀླུ་རྒྱལ་གསུམ་སོགས། བར་དུ་གཅོད་པ་མཚོན་དང་ཐོག་སེར་བྱད་ཕུར་སོགས། གསུམ་གྱི་ནང་དུ་ཅི་རིགས་པ་འདུ་ཞིང་། གང་གི་སྲུང་བའི་ཐབས་རྫས་དང་། སྨན་དང་། སྔགས་དང་། འཁོར་ལོ་དང་། རྟེན་འབྲེལ་དང་། དེ་

[Full Size]

དག་ཕལ་ཆེར་ལ་རྗེས་སུ་ཁྱབ་པ་ཏིང་ངེ་འཛིན་རྣམས་ཀྱི་སྒོ་ནས་སྲུང་བའི་ཚུལ་རབ་འབྱམས་ཤིག་བསྟན་པ་ལས། འདིར་ནད་གདོན་སྤྱིའི་སྲུང་བ་ལ་མཆོག་ཏུ་བསྔགས་པ་གཏེར་སྟོན་རྒྱ་ཕུར་བུ་ཟབ་གཏེར་དུག་ཁྲག་རྫས་ཀྱི་སྲུང་བའི་དབང་། བུམ་ལྕགས་ཀྱི་གཞུང་སོ་སོ་དང་། ཐུན་མོང་། ཆ་ལག་གསལ་བྱེད་དང་བཅས་པའི་སྐོར་ཚང་བ། འདི་ཡི་དམ་དྲག་པོའི་རིགས་གང་ལའང་སྦྱར་རུང་མོད་གཙོ་བོ་ཕྱག་རྡོར་གཏུམ་པོ་དང་འབྲེལ་བར་མཛད་པས་ཕྱག་ལེན་ལ་སྣང་ངོ་། །མངའ་བདག་ཉང་གི་ཟབ་གཏེར་དུ་གྲགས་པའི་བྱུག་བདུག་འདོགས་གསུམ་རྒྱན་གྱི་འཁོར་ལོ། སློབ་དཔོན་ཀླུ་སྒྲུབ་ཀྱིས་རྒྱུད་སྡེ་ལས་བཏུས་པའམ། ཡིག་ཆ་འགའ་ཞིག་ཏུ་གནུབས་ཀྱིས་གཤིན་རྗེའི་རྒྱུད་ལས་བཏུས་པར་གསུངས་པའི་རྫས་སྲུང་ནག་པོ་དགུ་སྦྱོར། ཉང་གཏེར་སྲུང་འཁོར་ཀུན་ཐུབ་ཆེན་མོ་ཕྱག་ལེན་མ། ཆོས་དབང་གཏེར་ཕྲན་ལྷ་བུ་བཙོན་འཛིན་གྱི་སྲུང་བ་ཟབ་མོ། བླ་མ་དགོངས་འདུས་ལས་གསུངས་པའི་ཕྱོགས་ངན། སྡེ་བརྒྱད། ཡམས་ནད། ངན་སྔགས། ཐོད་ངན། རྫས་ངན་ཀུན་ཐུབ། སྐྱོབ་བྱེད་སྲུང་བ་དྲུག་གི་ནང་ཚན་འཇིགས་པ་བརྒྱད་ལས་སྲུང་བ། ཞང་ཁྲོམ་གཏེར་བྱོན་ཀུན་ཐུབ་སྒྲིབ་ཤིང་ཞྭ་སྲུང་ཕྱག་ལེན་མ། ཉང་གཏེར་སྒྲིབ་ཤིང་ཤིང་བུ་དྲུག་པ། འདི་རྒྱལ་བསེན་གཙོར་གྱུར་གྱི་

[Full Size]

གནོད་པ་ལས་ཟབ་པ་མྱོང་གྲུབ་ཏུ་སྣང་། བྱང་གཏེར་དུག་སྲུང་རྡོ་རྗེ་ཕ་ལམ་གྱི་དབང་། གཞུང་ལག་ལེན་བཅས། ལྕང་སྨན་དོན་གྲུབ་དར་གྱི་གཏེར་ཕྲན་དུག་སྲུང་རྟ་རིམ་ཕྱག་ལེན་དང་བཅས་པ། འདི་རཏྣའི་དྲག་དམར་གྱི་ལས་ཚོགས་དུག་སྲུང་ཡིད་བཞིན་ནོར་བུ་དང་གཅིག་པར་སྣང་། ཞར་བྱུང་རང་སྨན་ཉི་མའི་འོད་ཀྱི་གཏེར་མ་སྲུང་བ་རྡོ་རྗེའི་མཁར་རྫོང་། འདི་ལུང་རྒྱུན་མི་སྣང་། ཡུལ་འཁོར་སྲུང་བ་ཞིག་གླིང་ཟབ་གཏེར་རྒྱལ་ཆེན་བཞིའི་བཀའ་གཏད། དེའི་ལས་ཚོགས་དམག་བཟློག་ཉེར་ལྔ། འདི་ལ་རྒྱལ་ཆེན་མཆོད་ཐབས་དང་གཏོར་བཟློག་མདོས་དང་བཅས་པ་རྒྱལ་སྲས་། རིན་ཆེན་རྣམ་རྒྱལ་གྱིས་མཛད་པ་ཡོད། གུ་རུ་ཚེ་བརྟན་རྒྱལ་མཚན་པའི་ཟབ་གཏེར་མཚོན་སྲུང་གི་འཁོར་ལོ་ཆེན་མོ་རྡོ་རྗེའི་གོ་ཁྲབ། འདི་ཕྱག་བཞེས་སུ་མཛད་པ་ལས་ལུང་རྒྱུན་མི་བཞུགས་ཤིང་། མཚོན་དབང་བསྐུར་ཚུལ་ངོ་མཚར་གྱི་གཏམ་རྒྱུད་དང་བཅས་པའང་སྣང་ངོ་། །རཏྣའི་དྲག་དམར་ལས་མཐའ་མཚོན་སྲུང་རྡོ་རྗེའི་གོ་ཁྲབ། རྗེ་བཙུན་སྒྲོལ་མའི་སྒོ་ནས་དགྲ་ཇག་འཆིང་བའི་གདམས་པ་རྭ་རུམ། གཞུང་ཕྱག་ལེན་དང་བཅས་པ། འདི་བཀའ་གདམས་པའི་དགེ་བའི་བཤེས་གཉེན་བྱ་མང་པོ་བརྩོན་འགྲུས་གྲགས་ལ་རྗེ་བཙུན་སྒྲོལ་མས་དངོས་སུ་གནང་བ་ཡིན་ཡང་། རྙིང་མའི་ཕྱོགས་སུ་

[Full Size]

བཀའ་བབས་ཤིང་ཕྱག་ལེན་མཛད་པ་མང་བས་འདིར་བཀོད། སྡེ་བརྒྱད་འཁྲུགས་པའི་ཆོ་འཕྲུལ་སེར་བ་སྲུང་བའི་སྐོར་ལ། བཀའ་གཏེར་གྱི་མན་ངག་ཟབ་པར་གྲགས་པ་མཐའ་ཡས་པ་ཞིག་སྣང་བ་ལས། འདིར་ཨ་ཙ་ར་དམར་པོས་ཉང་སྟོད་ཡེ་ཤེས་འབར་ལ་གདམས་ཤིང་རྙིང་མའི་སྔགས་འཆང་རྣམས་ཀྱིས་ཕྱག་བཞེས་སུ་མཛད་པའི་སེར་སྲུང་གི་ལོ་རྒྱུས་དང་གདམས་སྦྱོར་ཚང་བ། དེང་སང་ཕལ་ཆེར་གྱི་ལག་ཆར་བསྟར་བའི་བྱང་གཏེར་ཐུགས་སྒྲུབ་ཆོས་ཚན་བཅུ་དྲུག་པའི་ཆ་ལག་སེར་སྲུང་གནམ་ལྕགས་གུར་ཁང་ཕྱི་ནང་གསང་བ་ཡང་གསང་གནད་ཡིག་དང་བཅས་པ། གནུབས་ཀྱི་གོང་ཁུག་སྲོ་མ་ཅན་གྱི་ཤོག་དྲིལ་བཅུའི་ནང་ཚན་ཁ་ཆར་སྲུང་བ་ཁྲོ་ལྔ་ཕུ་བརྒྱད་མ་ལག་ལེན་ཅན། བཀའ་གཏེར་གྱི་མན་ངག་ཟབ་དགུ་བསྡུས་པའི་སད་སྲུང་། ཆོས་དབང་རིན་པོ་ཆེའི་ཟབ་གཏེར་ཤཱ་སྲུང་ལེ་ཚན། མ་མོའི་ཆོ་འཕྲུལ་ནད་ཡམས་སྲུང་བ། གཏེར་སྟོན་སྐལ་ལྡན་བྱིས་པའི་འབྲུམ་སྲུང་གཅུན་འཁོར་ནག་པོ་གུ་གེ་ཆིག་དྲིལ་གྱི་འདི་དཔེ་བགའ་ཞིག་ཏུ་བཅུད་འཁོར་ཞེས་སྔགས་རྒོད་ཟབ་དགུའི་བཅུད་བསྡུས་པའི་སྒྲ་བཤད་རྒྱས་པའང་སྣང་ཞིང་། ལ་ལར་གཅུན་འཁོར་ཞེས་ནད་བདག་སྔགས་ཀྱིས་གཅུན་པའི་དོན་དུ་བཤད་སྣང་། ཨུ་པ་དེ་ཤ་དཔེ་རིས་དཔའ་བྲེལ་བ། རིམ་དང་གཟའ་ཀླུ་རྒྱལ་གསུམ་སོགས་ཀྱི་སྲུང་པའི་རིགས་ལུང་དང་ཕྱག་ལེན་ཅི་རིགས་

[Full Size]

པར་བཞུགས་པར་ཕལ་ཆེར་ཕྱོགས་གཅིག་ཏུ་བསྡུས་པའི་བེ་བུམ་དཀར་ཆག་ལོགས་སུ་གསལ་བ་ལྟར་རོ། །ཕྱུགས་ནད་བསྲུང་གཅོད་སྐོར་ལུང་དང་ལག་ལེན་ཅན་ཟབ་དགུ་བསྡུས་པ་ལེ་ཚན་གཉིས། །གནམ་ཆོས་ཀྱི་མན་ངག་ཨ་ཙ་ར་དུང་རྐང་ཅན་གྱི་ཨོལ་འགགས་སྲུང་བའི་གདམས་པ་བུ་ཡིག་བཅས། བདེན་ཚིག་བཀའ་བསྒོའི་སྒོ་ནས་སྲུང་བ་རྡོ་རྗེ་འབར་བའི་གཟི་བྱིན་གཏེར་ཆེན་རིན་པོ་ཆེའི་གསུངས། དམོད་ཚིག་སྤྲིང་ཡིག་གི་སྒོ་ནས་སྲུང་བ་ཕྱག་རྟགས་རྡོ་རྗེའི་རྒྱ་ཅན་རཏྣའི་ཟབ་གཏེར་ལག་ལེན་དང་བཅས་པ་རྣམས་སོ།། །།གཉིས་པ་ཞི་བའི་ལས་ཀྱི་སྐོར་ལ། ཞི་བྱ་ཡུལ་གྱི་ངོས་ནས་དབྱེ་ན། གནས་སྐབས་སེང་གེ་ཁྲོས་པ། གླང་ཆེན་མྱོས་པ། མེ་འབར་བ། དུག་སྦྲུལ་གྱིས་གཙེས་པ། ཆོམ་རྐུན་གྱིས་འཚེ་བ། ལྕགས་སྒྲོག་གིས་འཆིང་བ། རྒྱ་མཚོའི་རླབས་འཁྲུགས་པ། ཤ་ཟ་ཁྲོས་པ་སྟེ་ཡོངས་སུ་གྲགས་པའི་འཇིགས་པ་ཆེན་པོ་བརྒྱད་དམ། སྔ་འགྱུར་གྱི་གཞུང་འགའ་ཞིག་ལས་ཡུལ་དུས་དང་བསྟུན་ཏེ། ནད་དང་མུ་གེ །མེ་དང་ཆུ་ཆེན། དམག་དང་མཚོན། རྒྱལ་པོའི་ཆད་པ། དུས་མ་ཡིན་པའི་འཆི་བ་སྟེ་འཇིགས་པ་ཆེན་པོ་བརྒྱད་དུ་གསུངས་བས་མཚོན། མི་མཐུན་ཅིང་མི་འདོད་པའི་ཉེ་བར་འཚེ་བ་མཐའ་དག་ཡིན་ལ། མཐར་ཐུག་གི་ཞི་བྱ་ནི་སྒྲིབ་གཉིས་བག་ཆགས་

[Full Size]

དང་བཅས་པ་རྣམས་སོ། །ཞི་བྱེད་ཐབས་ཀྱིས་ངོས་ནས་དབྱེ་ན། སྤྱིར་བསམ་གྱིས་མི་ཁྱབ་ཀྱང་། སྨན་དང་། སྔགས་དང་། འཁྲུལ་འཁོར་དང་། རྟེན་འབྲེལ་དང་། སྦྱིན་སྲེག་དང་། ཏིང་ངེ་འཛིན་རྣམས་སུ་ཅི་རིགས་པར་འདུ་ཞིང་། ཇི་ལྟར་བསྒྲུབ་པའི་ཚུལ་ཡང་། གཙོ་བོ་གཞན་དོན་དོན་གཉེར་གྱི་བསམ་པས་སྨན་དང་རྟེན་འབྲེལ་འགའ་ཞིག་མ་གཏོགས་ཕལ་ཆེར་ལ་རང་གི་ལྷའི་རྣལ་འབྱོར་དང་ལྡན་པས་འཇུག་པར་བྱ་བ་སྟེ་ལས་གང་ལའང་འདྲའོ། །དེ་ལ་འདིར་རེ་ཞིག་ཞི་བྱ་ཡུལ་ལ་ལྟོས་ཏེ་སྡེ་ཚན་དྲུག་ཏུ་བཞག་པ་ལས། དང་པོ་གཙོ་བོར་ནད་ཞི་བའི་སྐོར་ལ། གཏེར་ཆེན་བདུད་འདུལ་གླིང་པའི་ཟབ་གཏེར་དམ་ཆོས་སྤྲུལ་སྐུ་སྙིང་ཏིག་གི་ཆ་ལག་རི་ཁྲོད་ལོ་མ་ཅན་གྱི་དབང་། སྒྲུབ་ཐབས་ལས་ཚོགས་དང་བཅས་པ། བྱང་གཏེར་ཐུགས་སྒྲུབ་ཆོས་ཚན་བཅུ་གསུམ་པ་ནད་བདག་སྟོབས་ཆེན་འཇོམས་པའི་གཞུང་མན་ངག་དང་བཅས་པ། གཉན་རིམ་གྱི་སྲུང་གསོ་རྡོ་རྗེ་ཁྲབ་རིང་བདུད་རྩི་བུམ་ཆུང་སྐོར་ཚང་བ། པད་གླིང་ཀློང་གསལ་གྱི་ཆ་ལག་ནག་པོ་རྒྱུག་འགྱེལ་གྱི་གསོ་ཐབས་བདུད་རྩི་བུམ་པ། རང་སྲུང་མཚོན་ཆའི་འཁོར་ལོ་བཅས་བྱེ་བ་རིང་བསྲེལ་སོགས་སུ་བཞུགས་པ་དེ་འདི་ཀའོ། །ཤིན་ཏུ་ཟབ་པ། རཏྣའི་རྟ་མགྲིན་གསང་སྒྲུབ་ཀྱི་ལས་ཚོགས་རིན་ཆེན་གཏེར་བུམ་ཞེས་སྨན་བཅོས་

[Full Size]

གཙོ་བོར་གྱུར་པའི་སྐོར་ལག་ལེན་ཅན། ཐུགས་རྗེ་ཆེན་པོ་གསང་འདུས་ཀྱི་ཆ་ལག་རྣལ་འབྱོར་ལུས་ཀྱི་གེགས་སེལ་དབྱུག་བཅོས། གྲུབ་ཆེན་ཐང་སྟོང་རྒྱལ་པོའི་དག་སྣང་ནད་བརྒྱ་སྨན་གཅིག་རིལ་བུ་དཀར་དམར་གྱི་སྒོམ་ལུང་། གཞུང་ཕྱག་ལེན་དང་བཅས་པ། འབྲོག་མི་དཔལ་ཡེའི་རྣམ་འཕྲུལ་གྲོ་ཤུལ་བདེ་ཆེན་གླིང་པའི་ཟབ་གཏེར་གསོ་དཔྱད་འཆི་མེད་ཚེ་བུམ། འདི་ལུང་རྒྱུན་ཙམ་སྣང་མོད་བརྒྱུད་པ་མི་གསལ་ཡང་སྨན་སྦྱོར་ཕལ་ཆེར་ལག་ལན་ཅན་ཡིན་སྐད། གནམ་ཆོས་ཐུགས་གཏེར་སྨན་བཅོས་རྒྱལ་བ་བཞི་སྦྱོར་རྣམས་སོ།། །།གཞན་ཡང་གངས་ཅན་ན་ཉི་ཟླ་ལྟར་གྲགས་པའི་གསོ་དཔྱད་ཀུན་གྱི་རྒྱལ་པོ་དཔལ་ལྡན་རྒྱུད་བཞི་ཡང་། རྩ་བ་ནི་གྲྭ་པའི་ཟབ་གཏེར་དུ་རྒྱུ་མཚན་དུ་མའི་སྒོ་ནས་འཐད་ཅིང་། དེ་ལ་བརྟེན་ནས་ཨོ་རྒྱན་སྨན་བླ་དངོས་བྱོན་སྤྲུལ་པའི་སྐུ་གུ་ཎ་ནཱ་ཐས་ཟབ་མོ་དགོངས་པའི་གཏེར་ལས་རང་ཤར་བའི་ཚུལ་གྱིས་རྒྱས་པར་སྤེལ་བས་ན། ཐུགས་ཀ་ཆོས་ཀྱི་འཁོར་ལོ་ནས། །གསོ་དཔྱད་རིན་ཆེན་གཏེར་ཕྱུངས་ཏེ། །ཞེས་སོགས་གསུངས་པ་ལྟར་རོ། །དེས་མཚོན་ཏེ་རྡོར་འབུམ་ཆོས་གྲགས་དང་། བོན་པོ་དྲག་རྩལ་གྱི་བདུད་རྩི་བུམ་ཆེན། ཉང་གཏེར་རྟ་མགྲིན་དྲག་པོ་ལྷ་གསུམ་གྱི་ལས་ཚོགས་མཛེ་བཅོས། རྒྱ་འཛེར་ནག་པོ་གྲེ་ཐོག་གི་བཅོས། མཁའ་འགྲོ་མ་དུས་ཀྱི་འཁོར་ལོའི་

[Full Size]

ཆུང་དཔྱད་སོགས་དང་། ཆོས་དབང་རིན་པོ་ཆེ་ཡི་གསོ་དཔྱད་དྲང་སྲོང་སྙིང་ཐིག །ཆུང་དཔྱད་པདྨ་གཅེས་ཕྲེང། བཀའ་བརྒྱད་གསང་རྫོགས་སྨན་སྒྲུབ་ཀྱི་ཁ་བསྒྱུར་ནད་སེལ་ཆེན་མོ། རྡོར་གླིང་ཆུང་དཔྱད་གཅེས་ཕྲེང་རྒྱས་པ་དང་། གཟའ་ཁྱི་མཛེ་གསུམ་གྱི་བཅོས་སྐོར་ཤིན་ཏུ་ཟབ་རྒྱས། ཀུ་ས་སྨན་པ་པདྨ་སྐྱབས་ཀྱི་སྨན་དཔྱད་རིན་ཆེན་སྤུངས་པ། ར་མོ་ཤེལ་སྨན་གྱི་དམུ་ཆུ་དང་འབམ་བཅོས། །བོན་པོ་ལྷ་འབུམ་མམ་རྟ་ནག་གུ་རུ་སྣོན་རྩེའི་སྨན་དཔྱད་བདུད་རྩི་གལ་ཕྲེང་། དེ་གསུམ་གྱི་གཏེར་མ་རྫས་སྲུང་དང་ཞི་བྱེད་སྐོར། གཏེར་སྟོན་སྣ་ནམ་པའི་དུག་བཅོས་ཤ་མོ་ལས་ཀྱུས། སོག་སྨན་བྱང་ཆུབ་ཀྱི་སྐེ་བཅོས། ལྕེ་གཡུ་གཞེར་གྱི་རྨ་བཅོས་བསེ་སྒྲོམ་སྨུག་པོ། གཙང་སྟོན་ཆོས་འབར་གྱི་ཆུང་དཔྱད་པདྨ་གཅེས་ཕྲེང་། འདི་དང་ཆོས་དབང་། རྡོར་གླིང་བཅས་ཀྱི་གཏེར་ཁ་ལ་ཆུང་དཔྱད་གཅེས་ཕྲེང་སྐོར་གསུམ་ཞེས་གྲགས་ཤིང་བར་སྐབས་ལུང་དང་ལག་ལེན་རྒྱས་པར་བྱུང་སྣང་ནའང་དེང་སང་རྒྱུན་ཡོད་པར་མ་ཐོས་པ། མན་ངག་ཕལ་ཆེར་དར་མོ་བའི་བཀའ་རྒྱ་མར་བཀོད་སྣང་། །གནུབས་སྟོན་གྱི་བྱ་འདྲེའི་བཅོས། ཞང་ཁྲོམ་ཟབ་གསོ། རིན་ཆེན་གླིང་པའི་དངུལ་ཆུའི་བཅུད་ལེན་དང་ཀོའི་འདིའི་དངུལ་ཆུའི་སྐོར་ཨོ་རྒྱན་པའི་གཞུང་དང་ཆ་འདྲ་བར་ཡོད་སྣང་བ་དང་། དུག་བཅོས་བཅས་ཟུར་མཁར་བའི་བྱེ་བ་རིང་བསྲེལ་དུ་བཀོད་སྣང་། དུག་བཅོས་སོགས་སྔ་ཕྱིར་

[Full Size]

གསོ་དཔྱད་གཏེར་མ་མཐའ་ཡས་པ་ཞིག་བྱུང་སྣང་བ་རྣམས་སྔར་སྨོས་པ་ལྟར་བདུད་རྩི་ཡོན་ཏན་གྱི་རྒྱུད་སྡེའི་ཡན་ལག་ཏུ་གཏོགས་ཤིང་ལས་ཀྱི་དབང་དུ་བྱས་ན་ཞི་བྱེད་ཀྱི་སྐབས་འདིར་བསྡུ་བར་འོས་ཀྱང་། ཕལ་ཆེར་རྒྱུན་མ་བཞུགས་ཤིང་། རྒྱུད་བཞི་སོགས་ཆོས་བཀའ་རྒྱ་ཆེ་ཞིང་ཡོངས་སུ་ཁྱབ་པའི་ཕྱིར་འགོད་པའི་ངལ་བ་མ་བགྱིས་སོ།། །།གཉིས་པ་གདོན་ཞི་བའི་སྐོར་ལ། ཀླུ་གདོན་གཙོ་བོར་གྱུར་པའི་གཉེན་པོ་སྟོབས་ཀྱི་ལྷ་ནམ་མཁའ་ལྡིང་དམར་པོ་ཉང་གཏེར་གྱི་རྗེས་གནང་། སྒྲུབ་ཐབས་ལས་ཚོགས་དང་བཅས་པ། གཏེར་སྟོན་མ་ཏི་རཏྣའི་ཟབ་གཏེར་སེང་གདོང་། བདུད་འདུལ་དྲག་མོའི་ཆ་ལག་ཁྱུང་དམར་གྱི་དབང་དང་སྒྲུབ་སྐོར། བྱང་གཏེར་ཐུགས་སྒྲུབ་ཆོས་ཚན་བཅུ་གསུམ་པ་ལས་ཀྱི་བྱ་ཁྱུང་ནག་པོའི་གཏོར་དབང་། སྒྲུབ་སྐོར་ལས་ཚོགས་གསལ་བྱེད་བཅས། །རོལ་པའི་རྡོ་རྗེའི་ཟབ་གཏེར་རྡོ་རྗེ་ཁྱུང་ཁྲའི་དབང་། སྒྲུབ་སྐོར་ལས་ཚོགས་བཅས། པད་གླིང་ཕྱག་རྡོར་གཏུམ་པོའི་ལས་ཚོགས་གཟའ་ཀླུའི་དུག་སྦྱོར་བདུད་རྩི་ཐིག་པ་གཏེར་ཆེན་རིན་པོ་ཆེའི་མཛད་པ། གྲུབ་ཆེན་འདར་འཕྱར་བའི་ལུགས་ཀྱི་གཟའི་དུག་དབྱུང་། བྱད་ཁྲོལ། ཉང་གཏེར་ཀླུ་བདུད་ཞགས་པ་དགུ་འགྲོ་ལ། ཀློང་གསལ་དྲག་དམར་ཀྱི་ལས་མཐའ་ཞི་སྦྱོང་བདུད་རྩིའི་ཆུ་བོ། དྲག་

[Full Size]

སྦྱོང་སྡིག་པའི་ཁར་འཇུག་རྣམས་སོ།། །།གསུམ་པ་གྲིབ་དང་མི་གཙང་བ་གཙོ་བོར་གྱུར་པའི་མི་མཐུན་ཕྱོགས་ཐམས་ཅད་ཞི་བའི་སྐོར་ལས། སྔ་འགྱུར་བཀའ་༦མ་བི་མ་ལའི་ལུགས་ཀྱི་རྣམ་འཇོམས་དཀར་པོ། ཀློང་གསལ་ཟབ་གཏེར་བི་མའི་རྒྱུད་སྡེ་བཞིའི་སྐོར་གྱི་རྣམ་འཇོམས་དཀར་པོའང་འདི་དང་ཤིན་ཏུ་མཐུན་པས་བཀའ་གཏེར་གཉིས་ལྡན་ནོ། །བཀའ་བརྒྱུད་ཀཾ་ཚང་ལ་བཀའ་བབས་པའི་དབང་། སྒྲུབ་ཐབས་དབང་ཁྲུས་ཀྱི་ཆོ་༧ག་དང་བཅས་པ། བཀའ་མའི་རྣམ་འཇོམས་མཐིང་གའི་དབང་། དེའི་སྒྲུབ་སྐོར་ཞར་བྱུང་སྒྲུབ་ཐབས་འདོད་བུམ་ལས་འབྱུང་བའི་བ་རི་ལུགས་ཀྱི་རྣམ་འཇོམས་ལྗང་༥༠སྔོན་ལྷ་གཅིག་བུམ་གཅིག་དང་། སངས་རྒྱས་གསང་བའི་ལུགས་ཀྱི་རྣམ་འཇོམས་མཐིང་ནག་༥༡ལྷ་དྲུག་གི་རྗེས་གནང་། རྣམ་འཇོམས་མཐིང་གའི་སྒྲུབ་ཐབས་ཁྲུས་ཆོག་དང་བཅས་པ་བདུད་རྩིའི་སྙིང་པོ་གཏེར་ཆེན་རིན་པོ་ཆེའི་གསུང་མཁན་ཨོ་ཌི་ཡཱ་ནས་ནག་འགྲོས་སུ་སྤེལ་བ། འདི་དག་གསར་མའི་ཕྱོགས་ཡིན་ཡང་། སྐབས་འདིར་ཉེར་མཁོའི་དབང་གིས་བཞག་པར་སྣང་ངོ་། ༈ །འགྲོ་འདུལ་གླིང་པ་ཤེས་རབ་འོད་ཟེར་གྱི་ཟབ་གཏེར་གྲོལ་ཏིག་གི་ཆ་ལག་ཁྲོ་བོ་རྨེ་བརྩེགས་ཀྱི་སྒྲུབ་ཐབས་དམ་གྲིབ་ཉེས་པ་ཀུན་སེལ། དེའི་སྒྲུབ་ཐབས་ལས་ཚོགས་བཅས། གནས་ཁང་གི་ཉམས་གྲིབ་ཞི་བ་བསྐྱེད་རིམ་ཉམས་ཀྱིས་སེལ་བྱེད།

[Full Size]

མངའ་བདག་ཉང་གི་ཟབ་གཏེར་འཁོན་སྦྱོང་བྱིན་རླབས་ཅན་གྱི་ཁྲུས་ཆུ། འཁོན་སྦྱོང་འདི་དང་ཆ་འདྲ་གྲུབ་ཐོབ་དངོས་གྲུབ་དང་། ཞང་ཁྲོམ་གཏེར་མའང་ཡོད་སྣང་། ལག་པའི་འདུ་བྱེད་བསྐྱེད་པ་ཁྲོ་བོ། སྨེ་བརྩེགས་ཞལ་འདི་སྔ་འགྱུར་ཕྱོགས་སུ་གཏོགས་ཀྱང་ཁུངས་ཆོལ་དགོས། གཅིག་ཕྱག་གཉིས་པའི་ཁྲུས་ཆོག་གཏེར་ཆེན་རིན་པོ་ཆེས་མཛད་པ། ཉང་ལུགས་ཁྲོ་བོ་རྨེ་བརྩེགས་ཀྱི་རྗེས་གནང་ཁྲུས་ཆོག་བཅས། ཆོས་དབང་རིན་པོ་ཆེའི་ཟབ་གཏེར་ཁྲོ་མོ་སྨེ་བརྩེགས་ཀྱི་སྒྲུབ་ཐབས་ལས་ཚོགས་དང་བཅས་པ་བླ་མ་གསང་འདུས་ཀྱི་ཆ་ལག་མཁའ་འགྲོ་གྲིབ་སེལ། ཆགས་མེད་རིན་པོ་ཆེའི་གྲིབ་སེལ་རྟ་ནག་མ། གྲ་མངོན་དབང་ཕྱུག་འབར་གྱི་ཟབ་གཏེར་འཁོན་སྦྱོང་བའི་མན་ངག་ཁྱད་པར་ཅན། ཞར་བྱུང་ལྷ་ལྔ་མཆོད་ཐབས། སློབ་དཔོན་རིན་པོ་ཆེས་གསུང་དུ་གྲགས་པའི་མནོལ་བསང་ལེ་ཚན། གནམ་ཆོས་མན་ངག་ཆོས་ལུགས་མི་གཙང་བའི་ཉེས་སེལ་རྣམས་སོ། །གཞན་ཡང་ཆོས་དབང་རིན་པོ་ཆེའི་ཟབ་གཏེར་རྣམ་འཇོམས་གནམ་སྐས་མའི་བྱིན་རླབས་སྒྲུབ་སྐོར་བཅས་དང་། རྡོར་གླིང་དང་། ཚེ་བརྟན་རྒྱལ་མཚན་གྱིས་སྨེ་བརྩེགས་སྒྲུབ་སྐོར་ལས་ཚོགས་བཅས་རྒྱས་པར་བཞུགས་སྣང་བས་རྒྱུན་རྙེད་ན་འདིར་ངེས་པར་འགོད་འོས་ཤིང་པད་གླིང་རྣམ་འཇོམས་ཡང་གསང་བླ་མེད་དབང་སྒྲུབ་སྐོར་བཅས་

[Full Size]

དང་། སྨེ་བརྩེགས་ཀྱི་ཁྲུས་ཆོག་སོགས་སྔ་ཕྱིའི་ཟབ་གཏེར་ཅི་རིགས་པའང་མཆིས་སོ།། །།བཞི་པ་བྱད་ཕུར་དྲོད་གཏོང་ཞི་བའི་སྐོར་ལ། སྔ་འགྱུར་བཀའ་མ་བི་མ་ལ་མི་ཏྲའི་ལུགས་ཀྱི་གདུགས་དཀར་བཀའ་བརྒྱུད་ཀཾ་ཚང་ལ་བཀའ་བབ་པའི་དབང་། དེའི་སྒྲུབ་ཐབས་དབང་ཆོག་དང་བཅས་པ། ཆགས་མེད་རིན་པོ་ཆེ་དང་རིག་འཛིན་ཚེ་དབང་ནོར་བུས་མཛད་པའི་སྒྲུབ་ཐབས་ལེ་ཚན། འཇམ་དཔལ་ཚེ་བདག་གནམ་ལྕགས་སྡིགས་པའི་ཆོས་སྡེ་ཁྲོ་རྒྱལ་རྡོ་རྗེ་གཙུག་གཏོར་གྱི་བྱད་འགྲོལ་ཆེན་པོ་གསེར་གྱི་ལྡེའུ་མིག་གི་གཞུང་རྩ་བ་བུམ་བཅས་ཕན་ཡོན་སྲུང་བ་ལྟས་ལོ་རྒྱུས་མངོན་རྟོགས་དང་བཅས་པ། །མངོན་རྟོགས་དང་དམོད་ཤམ། གཟུངས་རིང་། སྒྲུབ་ཐབས། བུམ་ཆོག་བཅས་གཏེར་ཆེན་རིན་པོ་ཆེ་དང་། བྱད་འགྲོལ་གྱི་ལག་ལེན་ཨོ་རྒྱན་རྣམ་གྲོལ་གྱིས་མཛད་པ། རྒྱུན་ཁྱེར་ངག་འདོན་སྲུང་འཁོར་ཟབ་མོའི་དཔེའུ་རིས་དང་བཅས་པ་རྣམས་དང་། ཉང་གཏེར་དྲག་དམར་ལས་ཚོགས་ངག་སྲུང་འགྲོལ་གྱི་གདམས་པ་ཕྱག་བཞེས་མ། གནུབས་ལུགས་བ་རི་ལུགས་ཟུང་འབྲེལ་དུ་གྲགས་པ་མཁའ་འགྲོ་མའི་བྱས་པ་བཤིགས་པའི་འཛུམ་ཆོག་གི་འཁོར་ལོ་ལུས་ངག་ཡིད་གསུམ་བཅིངས་པ་ལས་གྲོལ་བའི་གཟུངས་ཀྱི་འཁོར་ལོ་ཡིན་ཅིང་ཟབ་པར་གྲགས། བླ་ཆེན་དྲན་པ་ནམ་མཁའ་ལ་མཁའ་འགྲོ་མ་ཐུགས་རྗེ་ཀུན་

[Full Size]

གྲོལ་གྱིས་གནང་བའི་བྱད་འགྲོལ་ཡིག་རྒོད་ཆང་ཁྲུས་གཞུང་ལག་ལེན་དང་བཅས་པ་རྣམས་སོ།། །།ལྔ་པ་སྣོད་བཅུད་ཀྱི་ཉེས་པ་ཞི་བའི་སྐོར་ལ། བླ་མ་དགོངས་པ་འདུས་པའི་ཉེས་པ་ཀུན་སེལ་བྱིན་རླབས་སྒྲོན་མེ། གྲོལ་ཐིག་གི་ས་བདག་ཉེས་པ་ཀུན་སེལ། ཀློང་གསལ་གྱི་དྲག་དམར་གྱི་ལས་མཐའ་ཉེས་པ་ཀུན་སེལ་དབང་གི་བུམ་པ། སྲུང་བའི་ལས་འཇུག་ཉེས་པ་ཀུན་སེལ། རྫས་ཀྱི་ལས་འཇུག་རྟེན་འབྲེལ་སྤྱི་བཅོས། ནཱ་ག་སྤྱི་བཅོས། དགའ་བ་འཁྱིལ་བ། རི་དབང་སྤྱི་བཅོས་གཡུང་དྲུང་འཁྱིལ་བ། སྟག་ཤམ་བསམ་གཏན་གླིང་པའི་ཟབ་གཏེར་སེང་གདོང་མའི་ལས་མཐའ་ལྷ་ལ། མོ་བརྟན་མའི་སྒྲུབ་ཐབས་གཏེར་བུམ་གྱི་ལས་ཚོགས་ལག་ལེན་དང་བཅས་པ། ཞར་བྱུང་ཆགས་མེད་རིན་པོ་ཆེའི་བཀའ་གཏེར་སྤྱི་ལས་བཏུས་པ་ས་བདག་སྙིང་གཏེར་གྱི་མན་ངག་པ་ཕྱག་ལེན་དང་བཅས་པ་རྣམས་སོ། །གཞན་ཡང་སྔ་ཕྱིའི་ཟབ་གཏེར་ལས་བྱུང་བའི་ས་བཅུད་གསོ་བའི་ཐབས་སོགས་རྒྱུན་དང་ཕྱག་བཞེས་ཅན་མཆིས་ནའང་སྐབས་འདིར་བསྡུའོ།། །།དྲུག་པ་མཐར་ཐུག་སྡིག་སྒྲིབ་ཞི་བའི་སྐོར་ནི། སྤྱིར་མཆོག་སྒྲུབ་པའི་ཡི་དམ་གྱི་ལྷ་ཇི་སྙེད་དང་། ཁྱད་པར་དམིགས་ཀྱིས་བསལ་བ་རྡོ་རྗེ་སེམས་དཔའ། ཐུགས་རྗེ་ཆེན་པོ་སྡིག་སྒྲིབ་ཀུན་འཇོམས་ཀྱི་སྐོར་ནི་སྔར་བཀོད་ཟིན་ལ། །

[Full Size]

འདིར་ས་བཅད་ཙམ་དུ་འཇའ་ཚོན་རྟ་ཕག་ཡིད་བཞིན་ནོར་བུའི་ཕྱི་སྒྲུབ་འདི་ལ་རྟ་ཕག་གི་དབང་བཀའ་ཐོབ་དགོས་པར་སྣང་། ལྟུང་བ་བཤགས་པའི་ཆོ་ག་ཆགས་མེད་རིན་པོ་ཆེའི་ཆོག་བསྒྲིགས་མཛད་པ་ཙམ་བཞུགས་ཤིང་། གཞན་ཡང་གནམ་ཆོས་དང་། ཀློང་གསལ་ཟབ་གཏེར། ཀུན་རིག །མི་འཁྲུགས་པ་སྨན་བླ་སོགས་ཀྱི་སྒྲུབ་ཐབས་དབང་ཆོག་དང་བཅས་པའི་སྐོར་ཅི་རིགས་པ་སྣང་བའང་སྐབས་འདིར་འབྲེལ་ལོ།། །།གསུམ་པ་རྒྱས་པའི་ལས་ཀྱི་སྐོར་ལ། རྒྱས་བྱའི་ཡུལ་གྱི་ངོས་ནས་དབྱེ་ན། གནས་སྐབས་སུ་སློབ་དཔོན་དབྱིག་གཉེན་གྱིས། ཚེ་རིང་དེ་བཞིན་ནད་མེད་དང་། །གཟུགས་དང་སྐལ་བ་བཟང་དང་རིགས། །ནོར་དང་ཤེས་རབ་དག་དང་བདུན། །ཡོན་ཏན་བདུན་ཞེས་ཐུབ་པས་གསུངས། །ཞེས་མཐོ་རིས་ཀྱི་ཡོན་ཏན་བདུན་དང་། སྔ་འགྱུར་གྱི་གཞུང་རྣམས་ལས་ཚེ་དང་བསོད་ནམས། དཔལ་དང་གཟི་བརྗིད། འཁོར་དང་ལོངས་སྤྱོད་དེ་འབྱོར་པ་དྲུག་ཏུ་གསུངས་པ་སོགས། མདོར་ན་མཐུན་ཅིང་སྨོན་པའི་ལེགས་ཚོགས་ཇི་སྙེད་པ་དང་། མཐར་ཐུག་ཉམས་དང་རྟོགས་པའི་ཡོན་ཏན་དང་བཅས་པ་རྣམས་སོ། །ཐབས་ནི་འཁྲུལ་འཁོར་དང་། སྔགས་དང་། རྟེན་འབྲེལ་དང་། སྦྱིན་སྲེག་དང་། ཏིང་ངེ་འཛིན་ལ་སོགས་པ་སྟེ། དེ་ལས་འདིར་རྒྱས་བྱའི་ཡུལ་གྱི་དབྱེ་བ་དང་

[Full Size]

མཐུན་པར་སྡེ་ཚན་དུ་བསྡེབས་པ་ལ་ལྔ་ལས། །དང་པོ་ཡོན་ཏན་ཐམས་ཅད་ཀྱི་ཕྱི་མོ་ཚེ་རྒྱས་པར་བྱེད་པའི་སྐོར་ནི། སྔར་བཀོད་ཟིན་པའི་ཚེ་སྒྲུབ་དང་། བཅུད་ལེན་དང་། འཆི་བ་བསླུ་བ་ལ་སོགས་པ་ཇི་སྙེད་པ་རྣམས་སོ།། །།གཉིས་པ་ཡོན་ཏན་ཐམས་ཅད་ཀྱི་རྩ་བ་ཤེས་རབ་རྒྱས་པར་བྱེད་པའི་སྐོར་ནི། གོང་དུ་འཇམ་དཔལ་ཞི་སྒྲུབ་ཀྱི་སྐབས་སུ་རྒྱ་ཆེར་བཀོད་ཟིན་པ་རྣམས་ཡིན་ནོ།། །།གསུམ་པ་ཡོན་ཏན་ཐམས་ཅད་ཀྱི་གཞི་བསོད་ནམས་དང་དཔལ་འབྱོར་ལོངས་སྤྱོད་སྙན་གྲགས་རྒྱས་པར་བྱེད་པའི་སྐོར་ལ། གཉལ་བ་ཉི་མ་ཤེས་རབ་ཀྱི་ཟབ་གཏེར་རྣམ་སྲས་ཕྱི་སྒྲུབ་སེར་ཆེན་ལྷ་དགུ་སྤྲིན་གསེབ་མར་གྲགས་པའི་རྗེས་གནང་། ཚར་ཆེན་ཡབ་སྲས་ཀྱིས་བསྒྲིགས་པའི་རྣམ་སྲས་བེ་བུམ་ལས་བྱུང་བའི་ལོ་རྒྱུས་ནས་དམ་ཚིག་བསྟན་པའི་བར་ཡིག་རྙིང་ཚང་བ། ནང་སྒྲུབ་མདུང་དམར་ཅན་རྟ་སྔོན་ལྷ་བཅུ་༥༣གསུམ་མ། འདི་གཞན་དུ་གསང་བ་གཤིན་རྗེ་ལྟར་སྒྲུབ་པ་ངོས་བཟུང་། གསང་སྒྲུབ་དྲག་པོ་༥༤རྟ་སྔོན་ཅན་ལྷ་དགུ་གནུབས་ལུགས་བཀའ་མ། འདི་གཞན་དུ་ནང་མ་མོ་ལྟར་སྒྲུབ་པར་བཞེད། འདི་དག་གི་རྒྱུད་དང་ཡིག་ཆ་ཅི་རིགས་པའང་མཆིས་སོ། །གཉལ་བའི་ཟབ་གཏེར་ཡང་གསང་༥༥མདུང་དམར་ཅན་ཕྱག་མཚན་བཞི་པ་གཙོ་རྐྱང་གི་རྗེས་གནང་། གནོད་སྦྱིན་

[Full Size]

དབྱུག་ཏོ་ཅན་གྱི་རྒྱུད་དང་། ཚེ་སྒྲུབ་ཀྱི་གསལ་བྱེད་བི་མ་ལས་མཛད་པ་ཁྲོ་ཕུ་ལོ་ཙཱ་བ་བྱམས་པའི་དཔལ་གྱི་ཟབ་གཏེར་དགོས་འདོད་ཀུན་འབྱུང་སོགས་ཡིག་རྙིང་དང་། བསྙེན་སྒྲུབ་ལས་སྦྱོར་རྗེས་གནང་བཅས་གཉགས་དབོན་རིན་པོ་ཆེས་མཛད་པ། རཏྣའི་རྟ་མགྲིན་གསང་འདུས་ཀྱི་བཀའ་སྲུང་རྣམ་སྲས་མདུང་དམར་ཅན་རྟ་བདག་བརྒྱད་ཀྱིས་བསྐོར་བའི་དབང་། གཏེར་གཞུང་ཚང་བ། པད་གླིང་བླ་མ་ནོར་བུ་རྒྱ་མཚོ་ལས་ཀྱང་རྣམ་སྲས་ཡང་གསང་བླ་མེད་ཞེས་པ་འདི་དང་ཚུལ་མཐུན་པ་འབྱུང་ཞིང་། ལས་བྱང་དངོས་གྲུབ་རོལ་མཚོའི་དཀྱས་སུ་བཀོད་པའང་ཕྱི་མ་འདི་གཉིས་དང་མཐུ་པའོ། །འདིའི་ནང་སྒྲུབ་དང་མདུང་དམར་ཅན་གྱི་སྐོར་རྣམས་གཙོ་བོ་དབང་གི་ལས་ཀྱི་ལྷར་གཏོགས་ཤིང་གསང་སྒྲུབ་ནི་དྲག་པོའི་ལས་སྦྱོར་གྱི་ལྷ་ཡིན་ནའང་། རྣམ་སྲས་ཀྱི་སྐོར་རྣམས་ཕྱོགས་གཅིག་ཏུ་འབྲེལ་བའི་སླད་འདིར་བཀོད་པའོ། །བྱང་གཏེར་ཐུགས་སྒྲུབ་ཆོས་ཚན་བཅུ་དྲུག་པ་རྣམ་སྲས་སེར་ཆེན་གྱི་ཕྱུ་འཕྲིན་ནོར་བུ་མཆོག་རྒྱལ་བྱང་ཆུབ་གླིང་པའི་གཏེར་མ། དེའི་ལག་ལེན། གྲྭ་མངོན་ཟབ་གཏེར་གནོད་སྦྱིན་ཆེན་པོ་ཞང་བློན་རྡོ་རྗེ་བདུད་འདུལ་ཕྱི་ནང་གསང་བའི་སྒྲུབ་ཐབས་རྗེས་གནང་དང་བཅས་པ། འདིའི་རྒྱུད་ཡིད་བཞིན་གཏེར་རྒྱུད་དང་། རིན་ཆེན་སྦྱིན་པའི་རྒྱུད། ཕྱི་ནང་

[Full Size]

གསང་སྒྲུབ་མན་ངག་ལས་ཚོགས་དང་བཅས་པའི་སྐོར་རྣམས་ཀྱི་རྒྱུན་རྙེད་ན་ངེས་པར་འགོད་འོས་ཤིང་གཞན་བསྙེན་སྒྲུབ་ལས་གསུམ་གྱི་ཡིག་ཆ་ཁུངས་དང་འབྲེལ་བ་བྱུང་སྲིད་ནའང་དྲང་བར་བྱའོ། །གྲྭ་མངོན་ཟབ་གཏེར་ཛམ་དམར་གསུང་གི་སྒྲུབ་པའི་བསྐོར། གཏེར་གཞུང་དང་། གཏེར་ཆེན་གྱིས་མཛད་པའི་ལས་བྱང་དང་། ལོ་ཆེན་རིན་པོ་ཆེའི་གསུང་སྦྱིན་སྲེག །སྐོང་བ། གཡང་འགུགས། བསྙེན་སྒྲུབ་ཀྱི་ཟིན་བྲིས། ཆགས་མེད་རིན་པོ་ཆེའི་ཟིན་བྲིས་སྐོར་བཅས། ཆོས་དབང་རིན་པོ་ཆེའི་ཟབ་གཏེར་ཛམ་དཀར་གྱི་ནོར་སྒྲུབ་རིན་ཆེན་སྤུངས་པ། ཛམ་དམར་གསང་སྒྲུབ་རིན་ཆེན་གཏེར་མཛོད་གནམ་སྐས་མ། ལས་འབྲེལ་དང་པད་གླིང་དྲེགས་འདུལ་གྱི་ཛམ་དམར་གཉིས་ཀྱང་འདི་དང་ཕལ་ཆེར་ཞུ་དག་ཐུབ་པས་གཏེར་ཁ་སུམ་ལྡན་ནོ། །འདི་གྲས་རྒྱུད་རིན་ཆེན་བང་མཛོད་ལེའུ་དགུ་པ་ཉང་གཏེར་དང་། ཛམ་སེར་སྒྲུབ་ཐབས། ཛམ་དམར་སྒྲུབ་པའི་གནད་ཡིག །དངོས་གྲུབ་བླང་བ། སྲིའུ་གསོ་བ་སོགས། ཀུ་ས་སྨན་པའི་གཏེར་བྱོན་བཅས་བཞུགས་ཡོད་སྣང་བ་རྒྱུན་རྙེད་ན་འགོད། རཏྣའི་ཀློང་གསལ་གྱི་ཆ་ལག་ཕྱི་ཛམ་སེར། ནང་ཛམ་དམར། གསང་བ་ཛམ་ནག་ཏུ་བསྒྲུབ་པ་ཙིཏྟ་རིན་པོ་ཆེ་སྲོག་གི་སྒྲུབ་པ། དབང་སྡུད་ལས་ཀྱི་ཡང་ཁོལ་ཛམ་སེར་ནོར་སྒྲུབ་རིན་

[Full Size]

ཆེན་གཏེར་བུམ། བྱང་གཏེར་ཐུགས་སྒྲུབ་ཆོས་ཚན་བཅོ་བརྒྱད་པ་ཡཀཱ་ཛམྦྷ་ལ་ལྗང་གུའི་སྒྲུབ་སྐོར་ཚང་བ། ཕྱི་མ་འདི་རྣམས་དགོས་གལ་ཆེར་མ་དམིགས་ཀྱང་ཛམྦྷ་ལ་རིགས་ལྔ་ཚང་བའི་ཕྱིར་བཀོད་པའོ། །རཏྣའི་ཐུགས་སྒྲུབ་ཡོངས་འདུས་ཀྱི་ཐེམ་མེད་ཐོད་སྒྲུབ་ཡིད་བཞིན་ནོར་བུ། འཇའ་ཚོན་མ་ནིང་གི་རྒྱས་པའི་ལས་ཚོགས་ཐོད་སྒྲུབ་དགོས་འདོད་ཀུན་འབྱུང་། སེར་པོ་སྐོར་གསུམ་གྱི་གཡང་ཆོག་གསལ་བྱེད་དང་བཅས་པ། ལྷ་བཙུན་རིན་པོ་ཆེའི་དག་སྣང་གཡང་འགུགས་སྤྱིར་བཏང་མེ་ཏོག་ཆར་སིལ། གཞན་ཡང་པདྨ་གཡང་འབུམ་དུ་གྲགས་པ་སོགས་གཞུང་རྙིང་བྱིན་རླབས་ཅན་ཡོད་སྣང་བའང་རྒྱུན་རྙེད་ན་འདིར་བསྡུའོ། །ཟུར་མཁར་ཨ་ཇོ་དཔལ། འབྲོ་ཤེས་རབ་འོད། གཉལ་བ་ཉི་མ་ཤེས་རབ་སྟེ་གཏེར་སྟོན་གསུམ་གྱིས་གདན་དྲངས་པའི་བསོད་ནམས་གླང་པོ་སྟོབས་བསྐྱེད་ཀྱི་འཁོར་ལོ། །བལ་པོ་ཨ་ཧཱུྃ་གི་ཟབ་གཏེར་གླང་ཆེན་བཅས་ཆོག །གཞན་ཡང་བྱང་གཏེར་མངའ་དབང་། རིན་པོ་ཆེ་འབར་བ་སོགས་ཀྱང་འདིར་གཏོགས་སོ།། །།ཞར་བྱུང་རླུང་རྟ་བསྐྱེད་པའི་མན་ངག་གློ་བོ་པཎ་ཆེན་གྱི་ཕྱག་བཞེས་མ། ཆགས་མེད་རིན་པོ་ཆེས་མཛད་པའི་རླུང་རྟ་བསྐྱེད་པའི་མན་ངག །རྗེས་འབྲེལ་དུ་ལོ་ཏོག་རྒྱས་པར་བྱེད་པ་ཆར་འབེབས་ཀྱི་སྐོར་ལ། བཀའ་གཏེར་གྱི་མན་ངག་

[Full Size]

ཟབ་པར་གྲགས་པ་མཐའ་ཡས་པ་ལས། དྲེགས་འདུལ་གྱི་ལས་ཚོགས་དང་འབྲེལ་བའི་ཆར་འབེབས་ཟབ་མོ་ཕྱག་བཞེས་མ་ནི་ཀླུ་ཆོག་གདེངས་ཅན་བདུད་རྩིར་གསལ་བ་ལྟར་དང་། འདིར་པད་གླིང་བླ་མ་ནོར་བུ་རྒྱ་མཚོའི་ཆ་ལག་ཆར་འབེབས་རྒྱ་ནག་ཆ་འཁོར་གནུབས་ལུགས་ཕྱག་ལེན་མ། ཌོམྦི་ལུགས་ཀྱི་ཆར་ཆོག །རཏྣའི་ཀློང་གསལ་གྱི་ཆ་ལག་ཆར་འབེབས་ཡིད་བཞིན་ནོར་བུ། །ཆགས་མེད་རིན་པོ་ཆེའི་གསུང་ཆར་ཆོག་བཅས་སོ། །གཞན་ཡང་བྱང་གཏེར་ཐུགས་སྒྲུབ་ཀྱི་ཆ་ལག་ལོ་ཏོག་ཕན་བྱེད་སྐོར་དང་། བཀའ་བརྒྱད་རང་ཤར་གྱི་ཆར་འབེབས་ཡོངས་རྫོགས། དགོངས་ན། འདུས་ལོ་ཏོག་ཕན་བྱེད་དྲུག་སོགས་ལོ་ཏོག་སྲུང་སྤེལ་གྱི་མན་ངག་ཕྱག་ལེན་ཅན་ཡང་ཇི་སྙེད་ཅིག་སྣང་ངོ་།། །།བཞི་པ་ཡོན་ཏན་གྱི་སྣོད་དུ་གྱུར་པ་རིགས་རྒྱུད་རྒྱས་པར་བྱེད་པ་ལ། གོང་དུ་སྨོས་པའི་ཆུང་དཔྱད་ཀྱི་སྐོར་མཐའ་ཡས་པ་ལས། དེང་སང་རྒྱུན་བཞུགས་པའི་ཟབ་རྒྱས་ཀྱི་གདམས་པ་ནི་དགོངས་འདུས་དམངས་པོ་སྲིད་སྤེལ་གྱི་ལས་དྲུག་དང་། གཞན་ཟབ་གཏེར་སོ་སོའི་ལས་ཕྲན་ལས་འབྱུང་བའང་མང་དུ་སྣང་ལ། འདིར་ཞར་བྱུང་རྡོ་རྗེ་གླིང་པའི་ཟབ་གཏེར་ལྷ་མོ་བུ་རྫི་མའི་རྟེན་མདོས་ལག་ལེན་བཅས། །ལྔ་པ་མཐར་དྲུག་ཉམས་རྟོགས་ཀྱི་ཡེ་ཤེས་རྒྱས་པར་བྱེད་པ་ནི། སྔ་ཕྱིར་

[Full Size]

བསྐྱེད་རྫོགས་ཀྱི་གདམས་ཟབ་ཇི་སྙེད་ཅིག་འབྱུང་བ་རྣམས་སོ།། །།བཞི་པ་དབང་གི་ལས་ཀྱི་སྐོར་ལ། དབང་དུ་བསྡུ་བྱ་ཡུལ་གྱི་ངོས་ནས་དབྱེ་ན། གནས་སྐབས་སུ་མི་དང་། མི་མ་ཡིན་དང་། ལོངས་སྤྱོད་དེ་རྣམ་པ་གསུམ། སྔ་མ་ལའང་རྒྱལ་པོ་ལ་སོགས་པའི་རིགས་བཞིའམ། ཡང་ན་དབང་དུ་བསྡུ་བ་དཀའ་སླའི་བྱེ་བྲག་གི་ཡུལ་ཁམས། རྒྱལ་པོ། སྔགས་པ། པཎྜི་ཏ། བཙུན་མོ། བློན་པོ། དམངས། ཕལ་པ་སྟེ་བདུན། ནང་གསེས་དང་བཅས་པ་དང་། སྡུད་བྱེད་ཀྱི་ཐབས་རྫས་དང་། སྔགས། འཁྲུལ་འཁོར། རྟེན་འབྲེལ། སྦྱིན་སྲེག །ཏིང་ངེ་འཛིན་རྣམས་དང་། རྣམ་པའི་སྒོ་ནས་ཕ་རོལ་པོས་རང་ཉིད་སོ་སོའི། བླ་མ་དང་། རྒྱལ་པོ་དང་། སྡེ་དཔོན་དང་། ཕ་མ་ལྟ་བུར་མཐོང་སྟེ་མོས་པས་དབང་དུ་འདུ་བའི་ཕྱིར་མོས་པ་རྣམ་བཞིར་བཞག་པ་སོགས་སོ། །དེ་ལ་བླ་མ་དགོངས་འདུས་ལས་ཡུལ་གྱི་ངོས་ནས་སོ་སོར་དབང་དུ་བསྡུ་བའི་ཚུལ་རྒྱ་ཆེར་གསུངས་ཀྱང་། འདིར་ལྷག་པའི་ལྷ་སོ་སོའི་ལས་ཚོགས་ཀྱི་ནང་གསེས་སུ་དབྱེ་བ་ལས་སྒོས་ཆོས་ཅན་མ་དམིགས་པས། ཐོག་མར་བླ་མ་གསང་བ་འདུས་པའི་གུ་རུ་པདྨ་རྒྱལ་པོའི་དགོས་སྒྲུབ་མན་ངག་དང་བཅས་པ། རྡོ་རྗེ་ཚེ་དབང་ནོར་བུའི་ཟབ་གཏེར་དབང་གི་སྒྲོལ་མ་དམར་མོ་ཆིག་བརྒྱུད་བཀའ་རྒྱ་ཅན། དེའི་སྒྲུབ་

[Full Size]

ཐབས་ངག་འདོན། མངའ་བདག་རྣམ་འཕྲུལ་རིག་འཛིན་ཐུགས་ཀྱི་རྡོ་རྗེའི་དགོངས་གཏེར་སྒྲོལ་མ་དམར་མོའི་དབང་། གཞུང་གསལ་བྱེད་བཅས་ཚང་བ། གྲྭ་པའི་ཛ་དམར་ཡང་གཙོ་བོར་དབང་གི་ལས་ཀྱི་ལྷར་སྣང་མོད། གོང་དུ་སྡེ་ཚན་གཅིག་པའི་དབང་གིས་བཞག་ལ། འདིར་ཆོས་གླིང་ཟབ་གཏེར་ཛམ་དམར་གྱི་དབང་། གཞུང་སྒྲུབ་ཐབས་ཞལ་ཤེས་ལག་ལེན་བཅས་ཤིན་ཏུ་ཟབ་པ། ལས་འབྲེལ་ཟབ་གཏེར་ལྷ་ཆེན་དབང་ཕྱུག་ཆེན་པོའི་རྗེས་གནང་། འདིའི་རྒྱུད་དང་སྒྲུབ་ཐབས་ལས་ཚོགས་སོགས་རགས་རིམ་གྱི་རྒྱུན་ཙམ་བཞུགས་སྣང་། གཏེར་བདག་གླིང་པའི་ཟབ་གཏེར་ཐུགས་རྗེ་ཆེན་པོ་བདེ་གཤེགས་ཀུན་འདུས་ཀྱི་བཀའ་སྲུང་དང་ལྷ་ཆེན་གྱི་དབང་། སྒྲུབ་ཐབས་ལས་ཚོགས་གསལ་བྱེད་བཅས་ཚང་བ། གཞན་ཡང་བྱང་གཏེར་དབང་གི་རྟེན་འབྲེལ་ཆོས་བདུན་དང་། རཏྣའི་ཀློང་གསལ་གྱི་བཀའ་སྲུང་ལྷ་ཆེན་རླུང་ཞགས། སངས་གླིང་དབང་ཕྱུག་རླུང་གི་ཞགས་པའི་སྐོར་ཟབ་པར་གྲགས་པ་རྣམས་ཀྱི་དབང་ལུང་ཅི་རིགས་པར་བཞུགས་སྣང་ཞིང་། སྤྱིར་རོང་ཟམ་ཆེན་པོའི་ཟབ་གཏེར་མཁའ་འགྲོ་མ་རིག་བྱེད་རྩལ་དང་། ལས་བྱེད་རླུང་ཞོན་མའི་སྐོར་ངོ་མཚར་ཅན་དང་། ཇོ་བོ་རྗེ་ལ་སློབ་དཔོན་རིན་པོ་ཆེས་གནང་བར་གྲགས་པའི་མོས་པ་རྣམ་བཞིའི་དབང་སྡུད།

[Full Size]

མཆིམས་རྡོ་རྗེ་སྤྲེལ་ཆུང་གི་སྐྱེ་མཐའ་གུ་རུ་ཇོ་རྩེའི་དབང་ཕྱུག་ནག་པོའི་དབང་སྡུད་ལས་ཀྱི་འཁོར་ལོ། །གཉལ་པ་ཇོ་སྲས་ཀྱི་དབང་སྡུད་ནོར་བུ་གཅིག་པ། བལ་པོ་ཨ་ཧཱུྃ་གི་ཛམ་ནག་སྲོག་འཁོར། གུ་རུ་ཡེ་ཤེས་ཁྱུང་གྲགས་ཀྱི་སྤོས་དཀར་དང་སྦྲང་རྩིས་སྣང་བ་དབང་སྡུད་སོགས་གཏེར་ཕྲན་རིགས་མང་དུ་བཞུགས་པར་སྣང་ནའང་རྒྱུན་ཡོད་མེད་མ་འཚལ་ལ། རཏྣའི་རྟ་བསང་དང་། འཇའ་ཚོན་མ་ནིང་གི་ལས་ཚོགས་བཟོ་རིགས་པའི་སྐོར་དང་། དགོངས་འདུས་འབྱུང་བ་དབང་སྡུད་གྲུབ་རྟགས་ཀྱི་སྐོར་སོགས་ཀྱང་སྐབས་འདིར་འདུ་བ་ཡིན་ནོ།། །།མཐར་ཐུག་རླུང་སེམས་དབང་དུ་བསྡུ་བ་ནི། གོང་འོག་ཏུ་རྫོགས་རིམ་ཟབ་མོའི་རྣལ་འབྱོར་ཇི་སྙེད་ཅིག་འབྱུང་བ་རྣམས་སོ། །དབང་དང་རྒྱས་པའི་ལྷ་རྣམ་སྲས་དང་ཛམ་ལྷའི་སྐོར་སོགས་སྒྲུབ་སྡེ་ཆེན་པོ་བརྒྱད་དུ་བསྡུ་བའི་ཚེ་རིན་པོ་ཆེའི་རིགས་ཀྱི་ངེས་པས་བདུད་རྩི་ཡོན་ཏན་གྱི་ཕྱོགས་སུ་གཏོགས་པར་བྱས་ཀྱང་མི་འགལ་ཞིང་། ནང་གསེས་སུ་ཛམ་དམར་དང་ལྷ་ཆེན་སོགས་པདྨ་གསུང་གི་རིགས་སུ་སྣང་མོད། སྤྱིར་བཏང་གནོད་སྦྱིན་དང་དྲེགས་པའི་སྡེ་དཔོན་ཆེན་པོའི་ཚུལ་དུ་སྟོན་པས་འཇིག་རྟེན་མཆོད་བསྟོད་ཀྱི་ནང་དུ་འདུ་བ་ཡིན་ནོ།། །།ལྔ་པ་མངོན་སྤྱོད་ཀྱི་ལས་ལ། །གང་ལ་བརྩམས་པའི་ཡུལ་ནི། །སློབ་དཔོན་སྒེག་པའི་རྡོ་རྗེས། །དཀོན་

[Full Size]

མཆོག་སློབ་དཔོན་སྐུ་དགྲ་༢གཉིས། །དམ་ཉམས་༣ལོག་དང་༤འཁུ་བ་༥དང་། །འདུ་བར་༦འོངས་དང་ཡོངས་ལ་གནོད། །དམ་དགྲ་༨ངན་པའི་ངང་ཚུལ་༩ཅན། །ངན་སོང་༡༠གསུམ་དང་བཅུ་པོ་ནི། །རྣལ་འབྱོར་ཀུན་གྱིས་དང་དུ་བླངས། །ཞེས་སྙིང་རྗེས་ཚར་བཅད་པས་ཕན་པ་བླ་ན་མེད་པར་སྦྱར་བའི་ཡུལ་ཞིང་བཅུའམ། ཡང་ན་རིགས་ཀྱི་དབང་གིས་དགྲ་བགེགས་གཉིས་སུ་འདུ་བ་དང་། མཐར་ཐུག་གི་ཡུལ་ནི་གཟུང་འཛིན་བག་ཆགས་དང་བཅས་པའོ། །ཐབས་ནི་དགྲ་ལ་གཙོ་བོར་ཁ་སྦྱོར་དབྱེ་བ་དང་། བགེགས་ལ་ཨར་གཏད་པ་ཞེས་གསུངས་ཤིང་། སྤྱིར་འོག་ནས་འབྱུང་བ་ཕལ་ཆེར་ཁྱབ་མཉམ་དུ་འཇུག་པའང་ཡིན་ལ། བྱེ་བྲག་ཏུ་སྲུང་ཟློག་བསད་གསུམ། དགུག་རེངས་རྨོངས་གསུམ། དབྱེ་དཀྲུག་བསྐྲད་གསུམ། མནན་གཏད་ཟོར་གསུམ་ཞེས་དྲག་ཤུལ་གྱི་ལས་ཐབས་ཆེན་པོ་བཅུ་གཉིས་དང་། ཆོ་འཕྲུལ་དང་སྨྱོ་འབོགས་སོགས་ལས་ཕྲན་བསམ་གྱིས་མི་ཁྱབ་པ་ཞིག་གསུངས་ཀྱང་འདིར་ཉེ་བར་བསྡུ་ན། འཇམ་དཔལ་གཤིན་རྗེའི་མན་ངག་ལས། སྲུང་བ་རྡོ་རྗེའི་མཁར་དུ་གཞུག །ཟློག་པ་བྱད་མ་རང་གཤེད་འབེབ། །བསད་པས་ཉམས་པ་བདུན་རྒྱུད་གཅོད། །མཐའ་སྡུད་འབྱུང་བ་བཞི་ལ་གཏད། །ཞེས་སྲུང་བཟློག་བསད་མནན་མཐའ་སྡུད་དེ་བཞིར་

[Full Size]

འདུ་བ་ལས། དང་པོ་སྲུང་བ་ནི། སྤྱིར་རྫས་དང་འཁྲུལ་འཁོར་སོགས་ཀྱི་སྒོ་ནས་སྲུང་བ་དང་། བྱེ་བྲག་ཡི་དམ་སོ་སོ་དང་འབྲེལ་བའི་སྲུང་བའི་རིམ་པ་ཇི་སྙེད་ཅིག་བཀོད་ཟིན་པས། འདིར་ས་བཅད་ཙམ་དུ་ཆོས་དབང་རིན་པོ་ཆེའི་ཟབ་གཏེར་བྱད་མ་འབུམ་ཐུབ་ཀྱི་སྲུང་འཁོར་ལག་ལེན་དང་བཅས་པ་ཉིད་བཞུགས་སོ།། །།གཉིས་པ་ཟློག་པ་ལ། དྲག་ཕུར་གཤེད་སྐོར་སོགས་སོ་སོའི་ཆོས་སྡེ་དང་འབྲེལ་བ་རྣམས་ནི་གོང་དུ་བསྟན་ཟིན་ལ། འདིར་ཡང་ཟློག་ཕྲ་མོའི་རིགས་ལ། ཆོས་དབང་དང་རཏྣའི་གཏེར་ཁ་གཉིས་ལྡན་གྱི་ཡང་ཟློག་རྡོ་རྗེ་ཕ་ལམ་ངག་འདོན་དང་བཅས་པ། རཏྟའི་གཏེར་ཕྲན་མཁའ་འགྲོའི་ཡང་ཟློག་གནམ་ལྕགས་རལ་གྲི་དང་། ཡང་ཟློག་དུག་གི་སྤུ་གྲི། གནུབས་ལུགས་ཡང་ཟློག་ཨ་ཐུང་ནག་པོ། །གུ་རུ་པདྨ་སིདྡྷིའི་ཡང་ཟློག་སྔགས་ཀྱི་ཤན་པ། ཤྲཱི་སིདྷའི་ཡང་ཟློག་བཀའ་རྒྱ་མ། འགྲོ་འདུལ་པྲཛྙཱ་རསྨིའི་ཟབ་གཏེར་ཡང་ཟློག་སྤུ་གྲི་རེག་ཆོད་རྣམས་དང་། ཞར་བྱུང་བཀའ་མ་གནུབས་ལུགས་ཀྱི་མན་ངག་ཨ་པ་ར་ཛི་ཏའི་རྩོད་རྒྱལ། རཏྣའི་གཏེར་ཕྲན་མཉམ་གཉིས་རྩལ་འགྲན། གནུབས་ཀྱི་མན་ངག་རྩོད་རྒྱལ་ག་ཁ་ལྟག་སྤྲོད། དབང་ཕྱུག་ཆེན་པོའི་བཙན་པོ་ཁ་ཆིངས། གཏད་ཧྲུལ་གྱི་མན་ངག་སྐྱེས་བུ་ཟངས་གླིང་དབང་ཕྱུག་དང་། ཞང་ཁྲོམ་གྱི་ཟབ་གཏེར་ཟུང་

[Full Size]

འཇུག་གཞུང་ལག་ལེན་དང་བཅས་པ་ལེ་ཚན། རཏྣའི་གཏེར་ཕྲན་གཏད་བཟློག་བཀའ་རྒྱ་མ། མདུན་བཤིག་གའུ་ཆུ་བསྐྱུར་དང་གནུབས་ཀྱི་མན་ངག་ལེ་ཚན་བཅས་སོ།། །།གསུམ་པ་བསད་པ་ལ། ཡི་དམ་སོ་སོར་དང་འབྲེལ་བ་ནི་གོང་དུ་བཀོད་ཟིན། གཞན་ཡང་མན་ངག་ཟབ་མོར་གྲགས་པ་མཐའ་ཡས་པ་ལས། འདིར་བཀའ་མ་གནུབས་ལུགས་གཤིན་རྗེ་ཀིང་ཀང་ནག་པོའི་བསད་པ་མྱུར་མགྱོགས་སྟག་བྱང་མ་ཤིན་ཏུ་ཟབ་པའི་ཕྱག་ལེན། གཞན་ཡང་སྲུང་ཟློག་བསད་གསུམ་ཀའི་མཐར་ཐུག་པ་གནུབས་ལུགས་བཀའ་གཏེར་གཉིས་ལྡན་ཡང་ཟློག་ཉི་མ་མདུང་གང་མ་མཐུ་སྟོབས་དྲེགས་པའི་རྒྱལ་པོའི་གཞུང་གསལ་བྱེད་བཅས་དང་། བཀའ་གཏེར་ཟུང་འཇུག་ཡང་ཟློག་གསེར་གྱི་འབྲུ་གཅིག་ཧྲི༔དམར་པོ་གཤིན་རྗེའི་ཡང་སྙིང་གི་གཞུང་ལྗགས་བསྒྲིགས་ལག་ལེན་བཅས་ཤིན་ཏུ་ཟབ་པའི་མན་ངག །གཏེར་སྟོན་ཡང་བོན་པ་རི་ཁྲོད་སེང་གེའི་ཟབ་གཏེར་ཕར་ཕྱིན་རྒྱལ་བའི་བཀའ་མཐུ་འདི་བ་རི་ལོ་ཙཱ་ནས་བརྒྱུད་པའི་བཀའ་མའི་རྒྱུན་ཡོད་སྣང་། གཞུང་ལྗགས་བསྒྲིགས་གསལ་བྱེད་དང་བཅས་པ་རྣམས་སོ། །དེ་ལ་སྤྱིར་སྲུང་ཟློག་བསད་གསུམ་སོ་སོར་ཕྱི་མཚན་བཅས་རྫས་ལ་གཙོ་བོར་བརྟེན་པ་དང་། ནང་མཚན་བཅས་ཏིང་ངེ་འཛིན་ཁོ་ནས་ལས་གྲུབ་པ་དང་། གསང་བ་མཚན་མེད་དེ་ཁོ་ན་

[Full Size]

ཉིད་ཀྱི་ལྟ་བས་རྒྱས་འདེབས་པའི་ཚུལ་རྒྱ་ཆེ་བ་གསུངས་སོ།། །།བཞི་པ་མཐའ་སྡུད་ལ། སྔགས་སྡེབ་ལས། ཆ་གསུམ་དག་ཏུ་བགོ་བ་ནི༔ མནན་བསྲེག་འཕང་བའི་ལས་གསུམ་ཡིན༔ ཞེས་སྲུང་བའི་མཐའ་སྡུད་མནན་པ། བཟློག་པའི་མཐའ་སྡུད་འཕང་བ། བསད་པའི་མཐའ་སྡུད་སྲེག་པ་སྟེ་གསུམ་དུ་གསུངས་པ་ཉིད་འབྱུང་བ་བཞིའི་སྦྱོར་བས་བསྡུས་པ་ཡིན་ཏེ། དང་པོ་ས་ལ་མནན་པའི་ལས་ནི། གྱིམ་ཤང་བཀའ་གཏེར་གྱི་གཞུང་སོ་སོར་བཤད་པ་དང་། གཏེར་གཞུང་རྣམས་ལས་རྒྱ་ཆེར་གསུངས་པའི་ས་གཏད་ཀྱི་སྐོར། ཡི་དམ་ཐ་དད་པ་དང་འབྲེལ་བའི་མནན་པའི་ལས་མཐའ་ཇི་སྙེད་ཅིག་འབྱུང་བ་སོགས་ལས། འདིར་དགྲ་བོ་མནན་པའི་ལས་གཤིན་རྗེའི་ཀིང་ཀང་དམར་ཆུང་བཀའ་གཏེར་གཉིས་ལྡན་གྱི་གཞུང་། ངག་འདོན། ཟིན་བྲིས་དང་བཅས་པ། བཀའ་གཏེར་ཟུང་འཇུག་ཀིང་ཀང་ནག་པོའི་དགྲ་མནན་ཕྱག་ལེན་ཞལ་ཤེས་བཅས། བགེགས་ལ་མནན་པའི་སྦྱོར་བ་བྱང་གཏེར་ཕུར་པ་དྲག་སྔགས་སྤུ་གྲིའི་སྲི་ཆུང་བཅུ་གསུམ་མནན་ཐབས་ལག་ལེན་དང་བཅས་པ་རྣམས་སོ།། །།གཉིས་པ་ཆུ་ལ་གཏད་པ་ནི། བླ་མ་མངའ་བདག་ཆེན་པོ། ལས་འབྲེལ། སངས་གླིང་སོགས་ཀྱི་གཏད་ཁྲོམ་སྐོར་ཟབ་རྒྱས་མཐའ་ཡས་པ་ལས། འདིར་ས་བཅད་ཙམ་དུ་ལས་འབྲེལ་གྱི་ཕྱག་

[Full Size]

རྡོར་དྲེགས་འདུལ་ལས་མཐའ་ཐེམ་མེད་གཏད་ཁྲོམ་གྱི་གཞུང་ལག་ལེན་དང་བཅས་པ་ཙམ་ཞིག་བཀོད་དོ།། །།གསུམ་པ་མེ་ལ་བསྲེག་པ་ལས་དྲག་པོའི་སྦྱིན་སྲེག་གི་ཆོ་ག་ནི། སྤྱི་དང་བྱེ་བྲག་པ་ཅི་རིགས་པ་བཀོད་ཟིན། བཞི་པ་རླུང་ལ་བསྐུར་བའི་ལས་ནི། ཡི་དམ་སོ་སོ་དང་འབྲེལ་བའི་འཕོང་བ་ཟོར་གྱི་མན་ངག་འགའ་ཞིག་སྔར་བཀོད་པ་རྣམས་ཡིན་ལ། རླུང་ལ་ལས་བཅོལ་བའི་འཁོར་ལོའི་མན་ངག་ནི། གསུམ་པ་བྱང་ཆུབ་བློ་གྲོས་ཀྱི་དྲེགས་པ་ཉི་ཤུའི་རླུང་འཁོར་དང་། གཤིན་རྗེ་ཚེ་བདག་གི་རྣ་ཆ་བརྒྱད་ཀྱི་ནང་གསེས་རླུང་ནག་འབྱེད་པའི་འཁོར་ལོ་དང་དོན་གཅིག་ཏུ་བཞེད་པ་ཨ་ཙརྒྱ་འཇིགས་མེད་ཞབས་ལས་འབྲོ་ལོ་ཤེས་རབ་གྲགས་ཀྱིས་གསན་ཞིང་། སྔ་འགྱུར་གྱི་ཕྱོགས་སུ་བཀའ་བབས་པ་ཁམས་གསུམ་འཁྲུགས་བྱེད་རླུང་ནག་ལས་ཀྱི་འཁོར་ལོ། །དྲི་མེད་ལྷུན་པོ་དང་། །རཏྣའི་ཀློང་གསལ་གྱི་ལས་མཐའ་ཕུང་བྱེད་ལས་ཀྱི་རླུང་དམར་སོགས་རྒྱ་ཆེར་བཞུགས་པ་ནི་འདིར་བསྡུ་བར་མ་ཞུས་ལ། གཏེར་སྟོན་གཡས་པ་ནམ་བོན་གྱིས་པྲ་དུན་རྩེ། སྟོན་པ་ཤཱཀ་འོད་ཀྱིས་ལྷ་ས། ། སྦྱར་བུ་བྱ་མགོན་གྱིས་བུམ་ཐང་བཅས་གཏེར་གནས་གསུམ་ནས་སོ་སོར་བཞེས་ཤིང་། སླར་རིག་འཛིན་པདྨ་གླིང་པས་བུམ་ཐང་ནས་ཡང་གཏེར་དུ་བཞེས་པས་གཏེར་སྟོན་བཞི་ཚོགས་ཀྱི་གདམས་པ་

[Full Size]

རླུང་འཁོར་སྲོག་གི་མཆིན་པ་ནག་པོ་ནི་གོང་དུ་པད་གླིང་མན་ངག་གཏེར་ཕྲན་གྱི་ཁོང་དུ་བཀོད་ཟིན། འདིར་དེ་དང་འདྲ་མིན་དུམ་བརྒྱ་སྟོན་ཆེན་པོས་ཕ་བོང་གཡུ་རྒོར་ནས་གདན་དྲངས་པའི་རླུང་འཁྲུགས་འབུམ་གྱི་ཡང་སྙིང་དུག་གི་འཁོར་ལོ་ལག་ལེན་དང་བཅས་པ་ཙམ་བཞུགས་སོ། །སྤྱིར་གཤིན་རྗེ་ཚེ་བདག་ལྕགས་འདྲ་ལྕགས་སྡིག་ཡང་ཟློག་བཅས་འབྲི་བྱང་གི་རིགས་སྔགས་འཆང་བ་རྣམས་ནས་རིམ་པར་བརྒྱུད་དེ་ད་ལྟའི་བར་ཕྱག་ལེན་གྱི་རྒྱུན་མ་ཉམས་པ་དང་། འཇམ་དཔལ་ཁྲོ་ཆུ་དུག་གདོར་འབྲི་ལུགས་དང་། ཆགས་མེད་རིན་པོ་ཆེའི་ཆོག་བསྒྲིགས་ཀྱི་གཞུང་། བྱད་ཟློག་བསད་ཁོང་བཅོ་ལྔ་པ་རྗེས་འབྲེལ་བཅས། བསད་པ་སྲོག་སྒྲུབ་ཙིཏྟ་དམར་འབྱིན། རླུང་འཁོར་སོགས་ཤིན་ཏུ་ཟབ་རྒྱས་ཕྱག་ལེན་བཅས། ཀིང་ཀང་བཀའ་མ་གཤིན་རྗེ་ཉི་མ་བཞི། མན་ངག་དགྲ་བོ་ཤྭ་འདེད། ཁྲོ་ཆུ་བཀའ་མ་གཤིན་རྗེ་ཁྲག་སོབ་ཏུ་གྲགས་པ་སོགས་ཀྱི་རྒྱུན་ཕྱག་བཞེས་དང་བཅས་པ་དང་། གཞན་ཡང་གོང་དུ་སྔ་ཕྱིར་འཕྲོས་དོན་སྨོས་པ་དེ་རྣམས་ཕལ་ཆེར་གྱི་རྒྱུན་བཞུགས་པར་སྣང་ཞིང་། མངོན་སྤྱོད་ཀྱི་ལས་ཕྲན་སྐོར་ཡང་ཉང་གཏེར་རྟ་ནག་གི་བསད་ལས། ཆོས་དབང་རིན་པོ་ཆེའི་ཕུང་བྱེད་སཱཙྪ་སྨྱོན་པ་དང་། ངན་སྔགས་ལྟེ་བ་སུམ་དཀྲུགས། གནུབས་ཀྱི་གོང་ཁུག་སྲོ་མ་ཅན་གྱི་ཤོག་

[Full Size]

དྲིལ་བཅུ་ཞར་བྱུང་རྗེས་མཐུ་བཅས། འབྲི་གུང་ཆོས་གྲགས་ཀྱི་བླ་རྡོ་གཤིན་རྗེའི་བེ་བུམ་ནག་པོའི་གནུབས་ཀྱི་གོང་ཁུག་བརྒྱ་རྩ་གནུབས་ཀྱི་གདམས་པ་ཐོར་བུའི་སྐོར་ལས། མཛེ་ནག་དང་སྦལ་བའི་གསོན་གཏད། གཤོར་བརྡབས་ཆོག །འབྱེད་པ་རྟ་གཡག་མ། ཉེ་འབྱེད་སོ་ཤིང་མ། དགྲ་བོའི་བསོད་ནམས་སྦུབས་པ། གནོད་སྦྱིན་དང་མཱ་ཛཱའི་ནོར་སྙེགས། གནུབས་ཆེན་རྣམ་འཕྲུལ་རྒྱ་སྟོན་བརྩོན་འགྲུས་སེང་གེ་དར་གྱི་ཟབ་གཏེར་རྡོ་རྗེ་བྲག་བཙན། སངས་གླིང་དགོངས་འདུས་བཙན་རྒོད་དང་། སྲོག་ཐུན་དུག་ཆུ་ཁོལ་མ། རཏྣའི་བྲག་དམར་གྱི་ཐེམ་མེད་རྐུན་མ་མགོ་འཁོར། རྟ་གསང་གི་མི་རྒོད་ཇག་ཆིངས་དང་། ཀླུང་རྟ་ཁ་སྦུབས། ཐུགས་རྗེ་གསང་འདུས་ཀྱི་བཀའ་སྲུང་ངས་ནུས་མའི་ཆོ་འཕྲུལ། གནུབས་ཆེན་རྣམ་འཕྲུལ་དྲི་མེད་ཀུན་དགའི་ཨ་ཙར་ཁྲོམ་རྒྱུག །བདུད་འདུལ་ཞིང་སྐྱོང་། ཀློང་གསལ་བཙན་རྒོད་ཁྲོ་འབར། རོལ་རྡོར་གྱི་ཆོས་སྲུང་སྐོར་དང་། ཡང་དགེའི་ཏྲཀྐད་ཀྱི་ལས་མཐའ་སོགས་ཟབ་གཏེར་སོ་སོ་དང་འབྲེལ་བའི་སྐོར་ཅི་རིགས་པ་དང་། ཕུང་པོ་ན་མགོ་དམར་གྱི་དམ་ཅན་བྱེས་ཆས། ཆུ་གཏད་ནག་པོ་བཟློག་མེད། ཐུབ་པ་ནག་པོའི་མགོ་འཁོར། ཨ་ཙ་ར་ཛུ་ནག་གི་ཕུང་བྱེད་ཐལ་པའི་སྐོར་མུ་སྟེགས་ནག་པོ་དང་། ཁྲག་རལ། དྲག་སྔགས་ཤ་བ་

[Full Size]

རྒྱུགས་འགྱེལ། སྲོག་མཐུ་རྐྱལ་པ་ཕུས་འདེབས། བཙན་ཐབས་ལ་བཙས་གཟའ་འགྱེད། ངན་ཐབས་བྱ་རྒོད་སྒྲོ་བཅིངས། ལྟས་ངན་སྤྲེལ་དམར་གླ་སྐྱ། ཆོ་འཕྲུལ་མུན་པ་སྒོ་བརྡུང་སོགས་བཀའ་གཏེར་གང་ཡིན་དམིགས་ཀྱིས་མ་གསལ་ཡང་རྣོ་མྱུར་ཕྱག་བཞེས་དང་། རྦད་ཁམས་ཅན་མང་དུ་བཞུགས་པར་གྲགས་མོད། འདིར་དེ་ཙམ་མོ། །ཡང་གནུབས་ཆུང་གི་དབང་ཕྱུག་སེལ་ནག །འབྲོམ་སྟོན་ཆུང་གི་རེ་མ་ཏིའི་སྲོག་མཐུ་ཡུལ་ཁམས་ཕུང་བྱེད། ཟླ་བ་ན་གཟི་བརྗིད་ཀྱི་སྔགས་སྡེབ། བླ་མ་ཕྱག་རྡོར་བའི་གཟའི་དྲག་སྔགས། གྲུམ་དང་མཁར་གྱི་གཟའ་བདུད་བར་སྣང་ཧོམ་ཁུང་མ། ཨོ་རྒྱན་གླིང་པའི་རཱ་ཧུ་ལ་གནད་འབེབས། ཉང་རིང་ཤེས་རབ་གྲགས་དང་། ཉང་སྟོན་དབང་ཆེན་བཟང་པོའི་གཟའི་གདོང་གཏད། ཨ་ཙ་ར་དམར་པོའི་ཕུང་བྱེད་གྲི་ཐལ་མ། རྡོར་གླིང་བྲམ་ཟེ་སྦུ་གུའི་དྲག་སྔགས། ཤེས་རབ་མེ་འབར་གྱི་རེ་མ་ཏཱིའི་ཆོ་འཕྲུལ། ཀུན་སྐྱོང་གླིང་པའི་ཞིང་སྐྱོང་མེ་ཧྲེང་དམར་མོ། པདྨ་དབང་རྒྱལ་གྱི་དམ་ཅན་སྐྱེར་མདུང་ཅན་གྱི་ཆོ་འཕྲུལ། གྲོ་ཤུལ་ལས་འཕྲོ་གླིང་པའི་དྲག་སྔགས་རེག་ཕུང་ནག་པོ་རྣམས་ཟབ་ཅིང་ཕྱག་བཞེས་ཅན་ཡིན་ཚུལ་དགེ་སློང་ཕྱག་རྡོར་བའི་མན་ངག་གི་ཟིན་ཐོ་སོགས་སུ་སྣང་མོད་དེང་སང་རྒྱུན་བཞུགས་མིན་མ་འཚལ་ལོ། །མཐར་ཐུག་གི་མངོན་

[Full Size]

སྤྱོད་ནི། གོང་འོག་ཏུ་སྨོས་པའི་རིམ་གཉིས་ཟབ་མོའི་རྣལ་འབྱོར་རྫོང་འཕྲོང་སྲོག་གསུམ་གྱི་སྐྱ་བར་ནས་བཏོན་ཏེ་ཉམས་སུ་བླངས་བས། གཟུང་འཛིན་བག་ཆགས་དང་བཅས་པའི་དགྲ་གསུམ་བསད། བདུད་བཞི་བཅོམ། འཕྲེང་གསུམ་བསལ་ནས་དཔལ་ཧེ་རུ་ཀའི་གོ་འཕང་ཚེ་འདིར་མངོན་དུ་བྱེད་པའི་ཐབས་ཇི་སྙེད་པ་རྣམས་སོ།། །།སྤྱིར་ལས་ཀྱི་ཚོགས་ལ། རྒྱུད་སྡེ་ཆེན་པོ་རྣམས་ནས་དམན་པ་ཞི་སོགས་ལས་རབ་འབྱམས་དང་། འབྲིང་གྲུབ་པ་བརྒྱད་དང་། མཆོག་མཁའ་སྤྱོད་དང་རིག་པ་འཛིན་པའི་གོ་འཕང་ཞེས་གསུངས་པ་ལས། འདིར་གཙོ་བོར་ལས་དང་པོ་ལ་ཉེ་བར་མཁོ་བའི་དབང་དུ་བྱས་ནས་ཐུན་མོང་ཞི་སོགས་ཀྱི་ལས་ཚོགས་ཉིད་བཤད་པ་ཡིན་ལ། དེ་ལའང་དགྱེས་རྡོར་ལས། དབང་དང་མངོན་སྤྱོད་དང་། དགྲའི་སྡེ་འཇིགས་པ་དང་། བསྐྲད་པ་དང་། བསད་པ་དང་། དགུག་པ་དང་། ཞི་བ་དང་། རྒྱས་པར་ཡང་འགྱུར་རོ། །ཞེས་ལས་ཆེན་བརྒྱད་གསུངས་པའམ་རྩ་བའི་ལས་བཞིར་འདུ་སྟེ། དགུག་པ་ལ་དབང་དང་མངོན་སྤྱོད་ཀྱིས་དགག་པ་གཉིས་ཡོད་ཅིང་། དགྲའི་སྡེ་འཇིགས་པ་སོགས་ལྷག་མ་བཞི་མངོན་སྤྱོད་ཀྱི་བྱེ་བྲག་གོ །དེས་མཚོན་ཏེ་སྒྱུ་འཕྲུལ་ཁོག་གཞུང་ལས། རོ་ལངས་ཚེ་དང་པྲ་སྒྲུབ་དང་། ཞེས་སོགས་ཐུན་མོང་དང་། ཡི་

[Full Size]

གེ་སྒྱུ་འཕྲུལ་ཚོགས་སྒྲུབ་དང་། སོགས་མཆོག་གི་དངོས་གྲུབ་སྒྲུབ་པའི་ཐབས་ཇི་སྙེད་ཅིག་གསུངས་པ་རྣམས་ཀྱང་གནས་སྐབས་དང་མཐར་ཐུག་གི་ལས་བཞིའི་ཁོངས་སུ་འདུ་བའི་རྒྱ་ཆེར་སྤྲོས་པས་ཆོག་གོ །ཐུན་མོང་གི་ལས་ཀྱི་ཚོགས་རབ་འབྱམས་འདི་རྣམས་དེང་དུས་རང་གཞན་གྱི་ཆེན་པོར་རློམས་པ་ཕལ་ཆེར། ལྟོ་འགྲངས་ཉི་མས་དྲོས་ནས་རྐྱེན་གློ་བུར་བ་མ་བྱུང་བའི་ཚེ་དེ་འདྲས་ཅི་བྱ་ཞེས་འཕང་ཕྱིས་པའི་རྡོ་བཞིན་དུ་དོར་ཏེ་སེང་གེ་ལྟར་སྨིན་མ་གཟེངས་བསྟོད་པས་འགྱིང་ཞིང་། རྐྱེན་དང་དགོས་པ་ཅུང་ཟད་བྱུང་བའི་ཚེ་ཝ་སྐྱེས་ལས་ཀྱང་ཞུམ་པ་ཞིག་བྱས་ཏེ། བོན་པོའི་བཙན་མཆོད་མཁན། འདྲེ་མཐོང་གི་ཀླུ་བཅོས་མཁན། ཀླ་ཀློའི་ཆར་འབེབས་མཁན་ཚུན་ཆད་ལ་སྐྱབས་བཅོལ་ནས་མཐེ་བོང་སྒྲེངས་ཏེ་སྡོད་དགོས་པའི་ཡ་མཚན་ལ་དགོད་བྲོ་བ་མང་པོ་མཐོང་བས། དེ་དག་གིས་ཀྱང་དགོས་དུས་ཕན་པ་དེ་དལ་དུས་ཚོལ་ན་ཅི་མ་རུང་སྙམས། །གཞན་དུ་ཇོ་བོ་བཀའ་གདམས་པའི་དགེ་བཤེས་གོང་མ་རྣམས་ཀྱིས་མཆོག་གཙོ་བོར་སྟོན། ལས་ཚོགས་གཙོ་བོར་མི་བཏོན་གསུངས་པའི་རྣམ་ཐར་ལ་མིག་ཡར་བལྟའི་ཚུལ་གྱིས་ཚེ་ཡུན་ཐུང་། ཤེས་བྱ་རྣམ་གྲངས་མང་བ་སོགས་ངེས་འབྱུང་གིས་རྒྱུད་བསྐུལ་ཏེ་རྐྱེན་གང་ལའང་ལྟོས་པ་མེད་པར་སྒྲུབ་པ་སྙིང་པོར་བྱེད་པ་ནི་གཅིག་ཏུ་ངོ་མཚར་བས་རྗེས་

[Full Size]

སུ་ཡི་རངས་ཤིང་ཐལ་མོ་ལན་བརྒྱར་སྦྱར་བའི་ཡུལ་ལོ། །དེ་ལྟར་གོང་དུ་སྨོས་པའི་རྩ་གསུམ་ཆོས་སྲུང་དང་བཅས་པ་ཕལ་མོ་ཆེའི་འབྱུང་ཁུངས། གཏེར་ཆེན་ཆོས་ཀྱི་རྒྱལ་པོ་འགྲོ་འདུལ་གཏེར་བདག་གླིང་པའི་ལྗགས་བསྒྲིགས་རྩ་བ་གསུམ་གྱི་ལྷག་པའི་ལྷ་རབ་འབྱམས་ཀྱི་སྒྲུབ་ཐབས་འདོད་འཇོ་བུམ་བཟང་གི་གླེགས་བམ་ནི་ལོགས་སུ་བཞུགས་ལ། སྐབས་དེ་ལ་ཉེ་བར་མཁོ་བའི་ལོ་ཙཱ་ཆེན་པོ་དྷརྨ་ཤྲཱིས་གནང་བའི་འདོད་འཇོའི་ཟིན་བྲིས་དཀའ་གནད་འགྲོལ་བའི་ལྡེའུ་མིག །ཆོས་སྐྱོང་གི་སྲོག་གཏད་དང་རྗེས་གནང་གི་སྐབས་སུ་བཀའ་བསྒོའི་དཔེར་བརྗོད་གཏེར་ཆེན་རིན་པོ་ཆེའི་གསུང་བཅས་བཤམས་ཀྱི་ཟིན་ཐོ། གཏོར་མའི་དཔེའུ་རིས་བཅས་དང་། ཞར་བྱུང་གཏེར་ཆེན་རིན་པོ་ཆེའི་གསུང་ཐོར་བུ་རྩ་གསུམ་ཞི་ཁྲོ་རབ་འབྱམས་ཀྱི་སྒྲུབ་ཐབས་རྒྱུན་གྱི་རྣལ་འབྱོར་གཙོ་བོར་བདེན་པ་ནོར་བུའི་ཕྲེང་བ་བཅས་བཞུགས་སོ།། །།གཞན་ཡང་རིག་འཛིན་མི་འགྱུར་རྡོ་རྗེའི་གནམ་ཆོས་དང་དགོངས་གཏེར་གྱི་སྐོར། གཏེར་ཆེན་ཀློང་གསལ་སྙིང་པོའི་ཟབ་གཏེར་རྩ་གསུམ་རྡོ་རྗེའི་སྙིང་པོ། བི་མ་ལའི་ཐུགས་དམ་རྒྱུད་སྡེ་བཞི། འཇམ་དཔལ་རྩ་བའི་སྐོར། སྲོང་བཙན་སྒམ་པའི་སྙན་བརྒྱུད་ཐུགས་རྗེ་ཆེན་པོ་རྣམས་ལས་སངས་རྒྱས་བྱང་སེམས་དང་། རྩ་གསུམ་ཆོས་སྲུང་དང་བཅས་པའི་སྒྲུབ་

[Full Size]

སྐོར་སྨིན་བྱེད་བཅས་རབ་འབྱམས་ཞིག་སྣང་ནའང་སོ་སོའི་དབང་ལུང་ཕྱོགས་གཅིག་ཏུ་དར་རྒྱས་སུ་བཞུགས་པ་ཤས་ཆེ་ཞིང་། རྣམ་གྲངས་མཐའ་ཡས་པའི་ཕྱིར་བསྡུ་བར་མི་ནུས་ལ། དེས་མཚོན་ཕྱིས་། སུ་བྱོན་པའི་ཟབ་གཏེར་གྱི་ཇི་སྙེད་ཅིག་གི་རྒྱུན་མཆིས་ལ། དེ་དག་ཕལ་ཆེར་ཀྱང་ཨོ་རྒྱན་དུས་གསུམ་མཁྱེན་པས་ཡུལ་དུས་གནས་སྐབས་སྤྱི་དང་བྱེ་བྲག་ལ་དགོངས་ཏེ་གསུངས་བར་ཡིད་ཆེས་ཤིང་མོས་གུས་ཀྱི་པདྨོ་རིས་སུ་མ་ཆད་པར་རྒྱས་པར་ཉིད་ནའང་། ཕལ་ཆེར་ཡོངས་སུ་འདྲིས་ལ་སྡང་། །རྟག་ཏུ་གསར་པ་གསར་པ་འཚོལ། །ཞེས་པ་ལྟར་ཕྱི་མ་ཕྱི་མ་རྣམས་གསར་ངས་ལྟ་བུའི་རྒྱུན་གློ་བུར་བ་སྟེ་ཤ་ཆུ་བརྡོལ་བ་ལྟར་ཅུང་ཟད་རེ་འཕེལ་ཡང་རང་རྐང་ཚུགས་པ་ཆེར་མི་འབྱུང་ལ། རྒྱུ་མཚན་དེས་སྔར་ཡོངས་སུ་གྲགས་ཤིང་ཆད་མར་གྱུར་པའི་གཞུང་ཕྲན་ཕལ་ཆེར་འཇའ་ལུས་ཀྱི་གྲུབ་མཐའ་རྙོགས་ཟིན་ཅིང་ཉུང་ཟད་ཅིག་མཆིས་པའང་ནུབ་ཏུ་ཆབས་མ་བཟོད་དེ། འདིར་སྔ་འགྱུར་བཀའ་མའི་གཞུང་ཕྲན་ཇི་སྙེད་པ་དང་། གཏེར་མའི་ཕྱོགས་ལས་མཆོག་གི་སྤྲུལ་སྐུ་རྣམ་གསུམ་དང་། གླིང་པ་རྣམ་ལྔས་གཙོས་གཙོ་བོར་རིག་འཛིན་གཏེར་བདག་གླིང་པ་ཡན་ཆད་དུ་བྱོན་པའི་ཡོངས་སུ་གྲགས་ཤིང་འཁྲུལ་མེད་ཚད་ཐུབ་ཀྱི་ཟབ་གཏེར་དག་སྣང་བཅས་པའི་སྐོར་དང་། དེ་ལས་ཀྱང་ཁ་འཐོར་རྒྱུན་དཀོན་

[Full Size]

རིགས་རྣམས་གཙོ་བོར་བྱས་ཏེ་བཀོད་ལགས་ཤིང་། སླད་ནས་ཀྱང་སྔར་གྱི་བཀའ་གཏེར་རྙིང་མའི་སྐོར་རྒྱུན་དཀོན་ཤིང་ཁུངས་དང་འབྲེལ་བའི་རིགས་རྙེད་སྲིད་ནའང་བསྣན་པར་བྱ་བ་ཉིད་དོ། །སྤྱི་དོན་གཉིས་པ་ལུང་རྫོགས་པ་ཨ་ནུ་ཡོ་གའི་སྐོར་ལ། བསྟན་པ་ཡོངས་སུ་རྫོགས་པའི་ཉམས་ལེན་ཐམས་ཅད་རིག་པ་འཛིན་པའི་སྡེ་སྣོད་ཆེན་པོའི་དངོས་དང་ཡན་ལག་ཏུ་འཆར་བའི་རྒྱལ་བའི་གསུང་རབས་མཐའ་དག་གི་མཛོད་གཅིག་པུ་འདུས་པ་མདོ་དབང་ཆེན་མོའི་སྨིན་གྲོལ་དང་གཏད་རྒྱ། རྩ་བའི་མདོ་བཞི། མཐའ་དྲུག་གསལ་བར་བྱེད་པའི་རྒྱུད་དྲུག་སོགས་རྒྱུད་སྡེ་རབ་རྒྱུད་འབུམ་དུ་པོད་གཉིས། འབྱམས་ཀྱི་རྒྱུན་བཅས་མ་ནུབ་པར་བཞུགས་ནའང་ཆོས་བཀའ་མཐའ་ཀླས་པ་ཉིད་ཀྱི་ཕྱིར་བསྡུ་བར་མ་འཚལ་བ། འདིར་ས་བཅད་རྫོགས་པའི་སླད་དུ་བདུད་རྩི་འཁྱིལ་པ་འཆི་མེད་ཚེའི་རྒྱུད་ལ་བརྟེན་ནས་ཤིང་རྟ་ཆེན་པོ་སངས་རྒྱས་གསང་བས་བཀྲལ་བའི་ལུང་ཨ་ནུ་ཡོ་ག་དང་རྗེས་སུ་འབྲེལ་བའི་ཚེ་འདི་སྒྱུ་འཕྲུལ་དང་ཨ་ནུ་ཐུན་མོང་གི་ཚེ་སྒྲུབ། དཔག་མེད་ཀྱི་དབང་། དེའི་སྒྲུབ་ཐབས་འཆི་མེད་མཆོག་སྟེར་གཏེར་ཆེན་རིན་པོ་ཆེའི་གསུང་། རྩ་རྒྱུད་ཀུན་འདུས་རིགས་པའི་ལེའུ་བཅུ་གསུམ་པའི་དངོས་བསྟན་འདུས་མདོའི་ཚེ་དབང་ཚེ་ཁྲིད་བཅས་དེའི་སྒྲུབ་དཀྱིལ་དང་དབང་ཆོག །འདུས་པ་མདོའི་ངང་

[Full Size]

ཀྱི་ཟབ་ཁྲིད་འདི་དབང་དང་འབྲེལ་བ་ཉིད་ཀྱི་ཕྱིར་ཟུར་དུ་བཀོལ་ཏེ་འགོད་པ་ལ་དགོས་པ་ཆེར་མི་སྣང་ཡང་། འཇམ་པའི་དབྱངས་ཀུན་དགའ་གྲོལ་མཆོག་གི་ཁྲིད་བརྒྱ་སོགས་བསྒྲིགས་པའི་ཚུལ་ལྟར་ན་ཁྲིད་ཀྱི་ངེས་གནས་སུ་བགྲང་པར་རུང་སྙམ་དུ་བརྟག་གོ །རྣམས་ལོ་ཆེན་རིན་པོ་ཆེའི་གསུང་རབ་ལས་བྱུང་བ་བཅས་སོ། །གཏེར་མའི་ཕྱོགས་ལས་ཨ་ནུ་ཡོ་གའི་ཆོས་སྐད་རང་རྐང་ཚུགས་པའི་གཞུང་སྒོས་སུ་བཞུགས་བར་མ་མཐོང་ལ། སྤྱིར་ལྷག་པའི་ལྷ་།ཕལ་མོ་ཆེའི་རྫོགས་རིམ་ཐུན་མོང་བ་རྣམས་ཨ་ནུ་དང་མཐུན་པར་གསུངས་སོ། །སྤྱི་དོན་གསུམ་པ་མན་ངག་རྫོགས་པ་ཆེན་པོ་ཨ་ཏི་ཡོ་ག་ལ། བཀོད་པ་ཆེན་པོ་ལས། ཡིད་ཅན་རྣམས་ལ་སེམས་ཀྱི་སྡེ། །ནམ་མཁའ་ཅན་ལ་ཀློང་གི་སྡེ། །རིམ་རྩོལ་བྲལ་ལ་མན་ངག་གོ །ཅེས་རྣམ་པ་གསུམ་ལས། དང་པོ་ཕྱི་སེམས་སྡེའི་སྐོར་ལའང་། སློབ་དཔོན་ཆེན་པོ་བཻ་རོ་ཙཱ་ནའི་བཀའ་སྲོལ་རིམ་པ་ལྟར་གྲགས་པ་ལས་བརྒྱུད་དེ། སྒྱུས་ཉང་རྨ་གསུམ། འཁོན་ཟུར་གནུབས་གསུམ། སྐོར་རོང་ཁམས་གསུམ། སྲིའུ་དཔྱལ་སྐྱོ་གསུམ་སོགས་ཀྱི་ལུགས་སྲོལ་མཐའ་ཡས་པ་ཞིག་བྱུང་ནའང་ཕྱིས་སུ་ཉང་ལུགས་སམ་བཀའ་སྡེ་ཟུར་པའི་སྲོལ་དང་། ཁམས་ལུགས་སམ་ཨ་རོ་ལུགས་སུ་གྲགས་པ་གཉིས་གྲགས་ཆེ་བ་ལས། སྔ་མ་ལས་སེམས་སྡེ་ཨ་དོན་བཅོ་བརྒྱད་ཀྱི་རིག་པའི་རྩལ་དབང་ཟབ་ཁྲིད་བཅས་

[Full Size]

བཞུགས་ཤིང་། ཕྱི་མ་སྨིན་གྲོལ་གྱི་སྐོར་རྒྱ་ཆེར་མཆིས་ཀྱང་དེང་སང་རྒྱུན་ཡོད་མེད་མ་འཚལ་ལ། གང་ལྟར་ལས་དེ་དག་གི་རྒྱབ་བརྟེན། ཀུན་བྱེད་རྒྱལ་པོའི་སྐོར། སེམས་སྨད་བཅོ་བརྒྱད་ཀྱི་སྐོར། གུ་རུ་ཡེ་ཤེས་ཁྱུང་གྲགས་ཀྱི་གཏེར་མ་གསེར་གྱི་རུས་སྦལ་སོགས་སེམས་སྡེ་སྤྱིའི་སྐོར་ཏེ་རྒྱུད་སྡེ་རབ་འབྱམས་རྒྱུད་འབུམ་དུ་པོད་གཉིས་ཙམ། ཀྱི་ལུང་དང་། བསྐྱེད་པའི་རིམ་པ་སྒྲུབ་སྡེ་བརྒྱད་དང་། རྫོགས་རིམ་སེམས་ཕྱོགས་ཀྱི་མན་ངག་མཐའ་ཐུག་པ་གཙོ་བོར་བཏོན་པའི་བཀའ་བརྒྱད་རྫོང་འཕྲང་གི་སྨིན་གྲོལ་བཅས་མ་ནུབ་པར་སྣང་བ་ལས། འདིར་སེམས་བདེ་ཉང་ལུགས་ཀྱི་ཁྲིད་ཡིག་བརྒྱུད་འདེབས་བཅས་སོག་ཟློག་པ་བློ་གྲོས་རྒྱལ་མཚན་གྱིས་མཛད་པ། སེམས་སྡེ་ཨ་རོ་ལུགས་ཀྱི་ཁྲིད་ཡིག་དཔལ་མཁའ་སྤྱོད་དབང་པོས་མཛད་པ། སེམས་སྡེ་ཐམས་ཅད་ཀྱི་རྩ་བའི་རྒྱུད་ཀུན་བྱེད་རྒྱལ་པོའི་དོན་ཁྲིད་ཁྱད་པར་ཅན་ཀུན་མཁྱེན་ཀློང་ཆེན་པས་མཛད་པ་བཅས་བཞུགས་སོ།། །།གཉིས་པ་ཀློང་སྡེ་ལ། རྒྱུད་ཀློང་ཆེན་རབ་འབྱམས་སོགས། རྒྱུད་སྡེ་རབ་འབྱམས་ནི་རྒྱུད་འབུམ་དུ་བཞུགས་ལ། སྨིན་གྲོལ་མན་ངག་དང་བཅས་རང་རྐང་ཚུགས་པ་ནི་སྙན་རྒྱུད་རིན་པོ་ཆེ་རྡོ་རྗེ་ཟམ་པ་ཙམ་དུ་མངོན་ཞིང་། ལམ་སྲོལ་ཟབ་མོ་འདི་ལ་བརྟེན་ནས་ལོ་ཆེན་བེ་རོ་ནས་བརྩམས་ཏེ་པོད་གཅིག་

[Full Size]

ཙམ། བརྒྱུད་པ་བདུན་གྱི་བར་དུ་ཡེ་ཤེས་འོད་སྐུར་གཤེགས་པ་ཤ་སྟག་བྱུང་ཞིང་། དེ་ནས་ཀྱང་གྲུབ་པ་མཆོག་བརྙེས་པ་བར་མ་ཆད་པར་བྱོན་ནས་ད་ལྟའི་དུས་ཀྱང་ཉམས་མེད་པར་བཞུགས་པ་ལ། དབང་གདམས་རྒྱབ་བརྟེན་དང་བཅས་པའི་གཞུང་རྒྱ་ཆེར་མཆིས་པ་ལས། འདིར་སྨིན་བྱེད་བསྒོམ་ཚུལ་བླ་མའི་བྱིན་རླབས་ཀྱི་དབང་། འདི་དེང་སང་དབང་ཆོག་རྒྱས་པའི་སྟེང་ནས་མ་གཏོགས་གཞན་མི་བཞུགས་ཀྱང་། རྒྱས་པ་ཐོབ་ནས་འབྲིང་བསྡུས་གཉིས་ཞར་ལ་ཚང་བས་བསྐུར་རུང་བ་བཞེད་སྣང་། གྲོལ་བྱེད་འོད་གསལ་ཇོ་སྲས་ཀྱི་ཁྲིད་གཞུང་རྩ་བ་དང་། ཞྭ་དམར་སྤྱན་སྔ་ཆོས་ཀྱི་གྲགས་པའི་ཁྲིད་ཡིག་སྐལ་བཟང་མིག་འབྱེད། །གཏེར་ཆེན་རིན་པོ་ཆེས་མཛད་པའི་བརྒྱུད་འདེབས་བཅས་བཞུགས་སོ། །གཞན་ཡང་ཀློང་སྡེའི་སྐོར་གྱི་གདམས་ངག་གི་གནད་ཕལ་ཆེར་ཁ་རག་སྐོར་གསུམ་དང་། ལྕེ་སྒོམ་པའི་མན་ངག་སོགས་ལས་འབྱུང་བ་སྔར་དར་རྒྱས་ཆེ་བར་བྱུང་སྣང་ཡང་། དེང་སང་རྒྱུན་མེད་པར་མངོན་ལ། གྲུབ་པའི་དབང་ཕྱུག་ཐང་སྟོང་རྒྱལ་པོ་ལ་ཡེ་ཤེས་ཀྱི་མཁའ་འགྲོ་རྡོ་རྗེ་ཕག་མོས་དངོས་སུ་གནང་བའི་སྙན་བརྒྱུད་གསང་སྤྱོད་རིན་པོ་ཆེའི་སྐོར་ལས། དབང་བཞི་པའི་ལམ་ཐམས་ཅད་ཀློང་སྡེའི་མན་ངག་ཇི་ལྟ་བར་གསུངས་ཏེ་སྨིན་གྲོལ་གྱི་རྒྱུན་ཡང་ལེགས་པར་བཞུགས་སོ།། །།གསུམ་པ་གསང་བ་མན་ངག་གི་སྡེ་

[Full Size]

ལ། སྤྱིར་གྲུབ་ཆེན་དམ་པ་སངས་རྒྱས་ལ་སློབ་དཔོན་རིན་པོ་ཆེས་དངོས་སུ་གནང་བའི་རྫོགས་ཆེན་གྱི་སྐོར་དང་། རྗེ་བཙུན་མི་ལས་ཀྱང་རྫོགས་ཆེན་གྱི་གདམས་སྐོར་ཟབ་གཏེར་ནས་བཞེས་པར་གྲགས་ཤིང་། ཞང་གཡུ་བྲག་པའི་ཐུགས་བཅུད་རྫོགས་པ་ཆེན་པོ་དང་། གྲུབ་ཆེན་པཀྵིའི་དགོངས་པའི་གཏེར་མཛོད་ལས་བརྡོལ་བའི་རྫོགས་པ་ཆེན་པོའི་གདམས་པ་སོགས་རྒྱ་ཆེར་བྱུང་སྣང་ནའང་དེང་སང་རྒྱུན་མི་བཞུགས་པས་སྡེ་གསུམ་གང་ཡིན་སོགས་གསལ་བར་མ་འཚལ་མོད། གཙོ་བོར་སེམས་སྡེ་དང་མན་ངག་སྡེའི་ཕྱི་ནང་གི་སྐོར་དུ་གཏོགས་པར་སེམས། གང་ལྟར་ཡང་ཕྱི་ནང་ཐུན་མོང་དང་། གསང་སྐོར་དང་། ཡང་གསང་གི་སྐོར་དང་བཅས་པའི་རྒྱུད་སྡེ་རྒྱ་མཚོ་ནི་རྒྱུད་འབུམ་པོད་གཉིས་ལྷག །རིན་པོ་ཆེར་བཞུགས་ལ། འདིར་གསང་སྐོར་དང་། ཡང་གསང་གི་སྐོར་ལ་བཀའ་གཏེར་གཉིས་ལས། དང་པོ་གསང་སྐོར་བཀའ་མ་གཙོ་བོར་སྟོན་པ་ལ། སྙན་རྒྱུད་ཐིག་ལེ་གསང་སྐོར་གྱི་གཏོར་དབང་། དེའི་མཆོག་གསང་ལམ་ཁྲིད་དང་། ཉམས་ལེན་ལག་ཁྲིད་ཀུན་མཁྱེན་ཆེན་པོས་མཛད་པ་བཅས་སོ།། །།གཉིས་པ་ཡང་གསང་གཏེར་མའི་སྐོར་ལ་གསུམ། ཨ་ཏི། སྤྱི་ཏི། ཡང་ཏི་སྟེ་སྙིང་ཏིག་སྐོར་གསུམ་དུ་གྲགས་པའོ། །དང་པོ་ཨ་ཏི་ཡོ་ག་མན་ངག་སྙིང་ཏིག་གི་སྐོར་

[Full Size]

ལའང་བཞི་ལས། དབང་སློབ་དཔོན་ཆེན་པོ་བི་མ་ལའི་བཀའ་སྲོལ་ནི། གཙོ་བོར་བི་མའི་རྣམ་འཕྲུལ་ལྡང་མ་ལྷུན་རྒྱལ། ལྕེ་བཙུན་སེང་གེ་དབང་ཕྱུག །མནར་མདའི་ལྕེ་སྒོམ་ནག་པོ། ཞང་སྟོན་བཀྲ་ཤིས་རྡོ་རྗེ་རྣམས་ཀྱི་ཟབ་གཏེར་སློབ་དཔོན་བི་མ་ལའི་སྙིང་ཏིག་ཆེན་མོ། རྒྱུད་བཅུ་བདུན་ཁྲོས་མ་དང་བཅས་པའི་དབང་བསྐུར་བཀའ་རྒྱ་མ། ཀུན་མཁྱེན་ཀློང་ཆེན་པའི་དགོངས་གཏེར་བླ་མ་ཡང་ཏིག་ཡིད་བཞིན་ནོར་བུ་དང་། སློབ་དཔོན་རྣམ་གཉིས་ཀྱི་དགོངས་བཅུད་གཅིག་ཏུ་འདྲིལ་བ་ལས་ཀྱང་བི་མའི་བཀའ་སྲོལ་གཙོ་བོར་བཏོན་པ་ཟབ་མོ་ཡང་ཏིག་བཅས། གཞན་ཡང་གྲུབ་ཆེན་མེ་ལོང་རྡོ་རྗེའི་ཟབ་གཏེར་བི་མའི་གོང་ཁུག་མ། རྒྱལ་བའི་དབང་པོ་རང་བྱུང་རྡོ་རྗེ་ལ་བི་མ་ལས་དངོས་སུ་བསྩལ་བའི་ཀརྨ་སྙིང་ཏིག །རིག་འཛིན་ཞིག་པོ་གླིང་པའི་ཟབ་གཏེར་གསང་བ་སྙིང་ཏིག །ལྷ་བཙུན་ནམ་མཁའ་འཇིགས་མེད་ཀྱི་དག་སྣང་འོད་གསལ་རྡོ་རྗེ་སྙིང་པོ་སྤྲིན་གྱི་ཐོལ་གླུ་སོགས་ཅི་རིགས་པར་སྣང་བ་ལས། སྙིང་ཏིག་ཆེན་མོ་མ་བུ་རྣམ་གསུམ། རྒྱུད་བཅུ་བདུན་གྱི་དབང་། ཀརྨ་སྙིང་ཏིག ། རྡོ་རྗེ་སྙིང་པོ་རྣམས་ཀྱི་རྒྱུན་མ་ནུབ་པར་བཞུགས་ནའང་སྨིན་གྲོལ་རྒྱ་ཆེ་བའི་ཕྱིར་འདིར་བསྡུ་མ་འཚལ་བས། མཚོ་རྒྱལ་གྱི་རྣམ་འཕྲུལ་རྗེ་བཙུན་རིན་པོ་ཆེ་མི་འགྱུར་དཔལ་སྒྲོན་གྱིས་མཛད་པའི་སྙིང་ཐིག་

[Full Size]

མ་བུའི་ཁྲིད་ཡིག་བདེ་ཆེན་ལམ་བཟང་ཙམ་ལུང་རྒྱུན་ལ་བསམས་ཏེ་བཞུགས་སོ།། །།གཉིས་པ་སློབ་དཔོན་ཆེན་པོ་པདྨའི་བཀའ་སྲོལ་ལ། གཙོ་བོར་པདྨ་ལས་འབྲེལ་གྱི་ཟབ་གཏེར་མཁའ་འགྲོ་སྙིང་ཏིག་དང་། ཀུན་མཁྱེན་དྲི་མེད་འོད་ཟེར་གྱི་དགོངས་གཏེར་མཁའ་འགྲོ་ཡང་ཏིག །གཞན་ཡང་སངས་གླིང་དགོངས་པ་འདུས་པའི་རྫོགས་ཆེན་གསེར་ཞུན། རཏྣའི་ཀློང་གསལ་སྙིང་ཏིག ། པད་གླིང་གི་ཕ་རྒྱུད་ཀུན་བཟང་དགོངས་འདུས། མ་རྒྱུད་ཀློང་གསལ་སྙིང་བཅུད། གཉིས་མེད་རྒྱུད་བུ་ཆུང་། བྱང་གཏེར་ཀ་དག་རང་བྱུང་རང་ཤར། རྡོ་རྗེ་གླིང་པའི་ལྟ་བ་ཀློང་ཡངས། ཀུན་སྐྱོང་གླིང་པའི་རྡོར་སེམས་སྙིང་ཏིག །བདུད་འདུལ་སྤྲུལ་སྐུའི་སྙིང་ཏིག །གནམ་ཆོས་སངས་རྒྱས་ལག་བཅངས། ཀློང་གསལ་རྡོ་རྗེ་སྙིང་པོ། གར་དབང་ཟླ་བ་རྒྱལ་མཚན་གྱི་རྡོར་སེམས་ཐུགས་ཀྱི་མེ་ལོང་། སྟག་ཤམ་བསམ་གླིང་པའི་རྡོར་སེམས་དང་། པདྨ་སྙིང་ཏིག །སྙིང་པོ་དོན་སྦྱོར། རོལ་པའི་རྡོ་རྗེ་རྫོགས་ཆེན་གསང་བ་ཡེ་ཤེས། པདྨ་བདེ་ཆེན་གླིང་པའི་མཁའ་འགྲོ་སྙིང་ཏིག་སོགས་ཟབ་གཏེར་ཕལ་མོ་ཆེའི་རྫོགས་ཆེན་གྱི་སྐོར་ཐམས་ཅད་དང་། འབྲུག་པ་རྒྱལ་དབང་རྗེ་ལ་སློབ་དཔོན་རིན་པོ་ཆེས་དངོས་སུ་གནང་བའི་རྫོགས་ཆེན་པདྨ་སྙིང་ཏིག་ཏ་གྲགས་པ་སོགས་ཇི་སྙེད་ཅིག་བྱང་ཞིང་། །

[Full Size]

གོང་དུ་སྨོས་པ་དེ་ཐམས་ཅད་ཀྱི་སྨིན་གྲོལ་གྱི་རྒྱུན་ཅི་རིགས་པ་དེང་སང་གི་བར་དུའང་མ་ནུབ་པར་བཞུགས་པ་ལས། འདིར་རིག་འཛིན་ཆོས་རྗེ་གླིང་པའི་ཟབ་གཏེར་རྫོགས་པ་ཆེན་པོ་འཇའ་ལུས་རྡོ་རྗེའི་སྲོག་སྒྲུབ་ཀྱི་ཁྲིད། ཁྲིད་ཡིག་གིས་མཚོན་ཡིག་ཆ་ཉེར་མཁོ་བཅས་པ་བཞུགས་སོ།། །།གསུམ་པ་སློབ་དཔོན་བཻ་རོ་ཙཱ་ནའི་སྲོལ་ནི། རྡོ་རྗེ་གླིང་པས་གནམ་ལྕགས་བྲག་ནས་སྤྱན་དྲངས་པའི་སྙིང་ཏིག་བཅུ་གསུམ་གྱི་ནང་ཚན་བེ་རོ་སྙིང་ཏིག་དུམ་བུ་སུམ་ཅུ་པ་དང་། ཀུན་སྐྱོང་གླིང་པའི་རྫོགས་ཆེན་བེ་རོའི་གོང་ཁུག་མར་གྲགས་པ་སོགས་དམིགས་ཀྱིས་བསལ་བ་ཅི་རིགས་བྱུང་མོད་ཀྱང་། དེང་སང་རྒྱུན་མེད་པར་མངོན་ལ། འོན་ཀྱང་སློབ་དཔོན་རྣམ་གསུམ་གྱི་བཀའ་སྲོལ་དུ་དོན་གྱིས་ཚང་བ་ཡིན་ནོ།། །།གཉིས་པ་སློབ་དཔོན་རྣམ་གསུམ་གྱི་དགོངས་ཉམས་གཅིག་ཏུ་དྲིལ་བ་ནི། གཙོ་བོར་བྱང་༔གཏེར་ཀུན་བཟང་དགོངས་པ་ཟངས་ཐལ་ཉིད་ཡིན་ལ། དབང་ཁྲིད་རྒྱབ་བརྟེན་དང་བཅས་མ་ནུབ་པར་བཞུགས་ཀྱང་ཆོས་བཀའ་འབྱམས་ཀླས་པའི་ཕྱིར་བསྡུ་བར་མ་འཚལ་བས། འདིར་རིག་འཛིན་གཏེར་བདག་གླིང་པའི་ཟབ་གཏེར་སློབ་དཔོན་རྣམ་གསུམ་གྱི་དགོངས་བཅུད་ཨ་ཏི་ཟབ་དོན་སྙིང་པོའི་རིགས་པའི་རྩལ་དབང་། ཁྲིད། དབང་ཁྲིད་ཀྱི་ཡིག་ཆ་བཅས་བཞུགས་སོ།། །།གཉིས་པ་སྤྱི་ཏི་

[Full Size]

མན་ངག་སྡེ་སྤྱིའི་རྒྱུད་སྤྱི་ཏི་དང་། ཡང་གསང་ཐུན་མོང་མ་ཡིན་པའི་སྙན་བརྒྱུད་སྟོན་པ་ཡང་ཏི་ཞེས་སྒྲ་བཤད་མཛད་ཅིང་། སྤྱིར་གཏེར་མའི་ཕྱོགས་ལ་གྲགས་ཆེ་བར་སྣང་ངོ་། །ཡོ་གའི་སྐོར་ལ། སྣང་སྲིད་ཁ་སྦྱོར་གྱི་རྒྱུད་སོགས་བཀའ་མ་དང་། ཉང་གཏེར་ཟུང་དུ་འབྲེལ་བའི་རྒྱུད་སྡེ་བཅུ་དྲུག་ཙམ་གྱི་རྒྱུན་རྒྱུད་པོད་ཕྱེད། འབུམ་རིན་པོ་ཆེར་བཞུགས་ནའང་། དེ་རྣམས་དང་འབྲེལ་བའི་སྨིན་གྲོལ་གྱི་གདམས་པ་ཇི་ལྟར་བྱུང་མ་འཚལ་ལ། འདིར་རིག་འཛིན་བསྟན་གཉིས་གླིང་པའི་ཐུགས་སྲས་སྣང་བཞི་མཐར་ཕྱིན། སྤ་གྲོ་པ་ཚེ་རིང་རྡོ་རྗེའི་ཟབ་གཏེར་ཟབ་མོ་སྤྱི་ཏེའི་དབང་བཞི། ཆོས་སྐོར་ཡོངས་རྫོགས་བཅས་བཞུགས།། །།གསུམ་པ་ཡང་ཏི་ཡོ་གའི་སྐོར་ལ། ཉང་གཏེར་ཉི་ཟླ་འབར་བའི་རྒྱུད། ཆོས་དབང་རིན་པོ་ཆེའི་སྤྲོས་བྲལ་དོན་གསལ་ཆེན་མོ། སྙེ་མོ་ཞུ་ཡས་ཀྱི་འདི་རྣམས་དམིགས་བསལ་སྨོས་པའི་རྒྱུ་མཚན་གཏེར་སྟོན་བརྒྱ་རྩ་སོགས་ཀྱི་གྲངས་འདྲེན་པའི་ཚེ་མཚན་ངེས་པའི་ཕྱིར་རོ། །གཏེར་མ་ཉི་ཟླ་འོད་འབར། འབྲོམ་རིན་ཆེན་འབར་བའི་གཏེར་མ་ནམ་མཁའ་ཀློང་ཡངས་དང་། མཐར་ཕྱིན་འབྲས་བུ་སོགས་རྒྱུད་སྡེ་ཇི་སྙེད་པ་ནི་རྒྱུད་འབུམ་དུ་བཞུགས་ལ། པོད་ཕྱེད་གཉིས་ཙམ། འདིར་ཆོས་དབང་རིན་པོ་ཆེའི་ཟབ་གཏེར་ཀུན་གྱི་སྙིང་པོ་ཡང་ཏི་རྫོགས་པ་ཆེན་པོ་སངས་རྒྱས་མཉམ་སྦྱོར་གྱི་སྨིན་གྲོལ་རྒྱ་ཆེར་བཞུགས་པ་ལས། སྤྱི་ཏི་དང་ཐུན་མོང་

[Full Size]

བའི་རྩལ་དབང་ཆེན་མོ་དང་། ཡང་ཏི་ཐུན་མོང་མ་ཡིན་པར་རིགས་རྩལ་གྱི་དབང་། འཁྲིད་ཆེན་བརྒྱད་ཀྱི་སྙིང་པོ་དྲིལ་བའི་འཁྲིད། ཡིག་ཆ་ཉེར་མཁོའི་སྐོར་བཅས་བཞུགས་ཤིང་། གཞན་ཡང་དུང་མཚོ་རས་པའི་ཟབ་གཏེར་ཡང་ཏི་ནག་པོ་དང་། བསྟན་གཉིས་གླིང་པའི་ཡང་ཏིག་ཡེ་ཤེས་མཐོང་གྲོལ་སོགས་ཀྱི་རྒྱུན་ཡང་ཅི་རིགས་པར་བཞུགས་སྣང་བ་འདིར་འདུའོ། །ཞར་བྱུང་ཡོ་ག་གསུམ་གྱི་སྙིང་པོ་གཅིག་ཏུ་འདྲིལ་བ་སངས་རྒྱས་གཉིས་པ་སློབ་དཔོན་ཆེན་པོའི་རྡོ་རྗེའི་གསུང་བཀའ་མ་གཉགས་གནུབས་ཟུར་གསུམ་ལས་འོངས་པ་དང་། གཏེར་མ་ཉང་ཆོས་དབང་། རྡོ་རྗེ་གླིང་པ་བཅས་ཀྱི་ཟབ་གཏེར་ལས་མཐུན་པར་འབྱུང་བའི་གསང་སྔགས་འདི་ཆོས་དབང་རིན་པོ་ཆེའི་ཟབ་གཏེར་དང་། རྡོར་གླིང་གི་གཏེར་ཁ་ལ་སྨིན་གྲོལ་གཉིས་ཀ་རྒྱས་པར་ཡོད་སྣང་བས་རྒྱུན་རྙེད་ན་འཛུད། ལམ་རིམ་རིན་ཆེན་གསལ་བའི་སྒྲོན་མའི་གཞུང་། དེའི་རྫོགས་རིམ་ཟབ་མོའི་འཁྲིད་ཡིག་བརྒྱུད་འདེབས་དང་བཅས་པ། ཆོས་དབང་རིན་པོ་ཆེའི་ཟབ་གཏེར་བདུན་མ་དང་། འདི་ལ་ངོ་སྤྲོད་སོགས་ཆོས་ཚན་དྲུག་ཡོད་པར་སླར་རྒྱུན་རྙེད་ན་ངེས་པར་འཛད། ཇོ་མོ་ཤེས་སྒྲོན་གྱི་རྣམ་འཕྲུལ་སར་བན་ཕྱོགས་མེད་ཀྱི་གཏེར་ཁ་ལས་མཐུན་པར་འབྱུང་བའི་འཇམ་དཔལ་རྫོགས་ཆེན་རྒྱུད་ཀྱི་ཡང་སྙིང་་། ཐ་མར་དགེ་བ་རྟེན་འབྲེལ་གྱི་སླད་དུ་བྲམ་པ་གྲུབ་ཆེན་ཀུན་

[Full Size]

དགའ་བཟང་པོའི་ཟབ་གཏེར་དཔལ་ལྡན་རྔོག་པའི་བཀའ་བརྒྱུད་པ་ལ་བཀའ་བབས་པའི་གྲུབ་ཆེན་ཡབ་བརྒྱད་ཀྱི་དགོངས་བཅུད་ཕྱག་རྫོགས་ཟུང་འཇུག་ནོར་བུ་མཐོང་གྲོལ་གྱི་བརྒྱུད་འདེབས་ཁྲིད་ཡིག་དང་བཅས་པ་ས་གསུམ་ན་ཡོངས་སུ་གྲགས་ཤིང་ཕྲིན་ལས་ཕྱོགས་བཅུར་རྒྱས་པ་འཇམ་དབྱངས་ཀུན་དགའ་གྲོལ་མཆོག་གི་གསུང་ལས་བྱུང་བ་བཅས་ཀྱིས་ལེགས་པར་གྲུབ་བོ། །དེ་རྣམས་ལས་བསྙེན་སྒྲུབ་སོགས་ཀྱི་རྒྱུན་ལེགས་པར་བཞུགས་ཤིང་ཆོས་སྐོར་ཉེར་མཁོ་ཚང་བ་བཅས་ལག་ཏུ་བླང་བྱའི་སྙིང་པོར་གྱུར་པ་གང་ཞེ་ན། སྤྱིར་ཇི་སྐད་བཤད་པ་ཕལ་ཆེར་ལག་ལེན་ཉམས་བཞེས་ཀྱི་རྒྱུན་ཅི་རིགས་པ་མཆིས་ནའང་། འདིར་གཙོ་བོར་རྡོར་སེམས་ཐུགས་ཀྱི་སྒྲུབ་པ་དང་། ཞི་ཁྲོ་དགོངས་པ་རང་འགྲོལ། བླ་མ་གསང་བ་འདུས་པ། དགོངས་པ་འདུས་པ། དཀོན་མཆོག་སྤྱི་འདུས། _ཡོན་ཏན་གཏེར་མཛོད། བྱང་གཏེར་ལམ་ཟབ་དང་། བླ་མའི་རྣལ་འབྱོར་བྱིན་རླབས་ཆར་འབེབས། བྱང་པའི་སྐུ་གསུམ་རིགས་འདུས། ཉང་གི་བྲག་དམར། ཀརྨ་གུ་རུ། བཀའ་བརྒྱད་བདེར་འདུས། འཇམ་དཔལ་དཀར་པོ་དང་། སྨྲ་སེང་། དབྱངས་ཅན་དཀར་མོ། གཤིན་རྗེ་ཡང་ཟློག་དང་། འཇམ་དཔལ་ནག་པོ། ནཱ་ག་རཀྟ། ཚེ་དཔག་མེད་ལྕགས་སྡོང་མ། ཚེ་རྟ་ཟུང་འབྲེལ། །

[Full Size]

གར་དབང་ཚེ་དཔག་མེད། རྩ་གསུམ་དྲིལ་སྒྲུབ། ཐུགས་རྗེ་ཆེན་པོ་རྒྱལ་པོ་ལུགས། རྒྱལ་བ་རྒྱ་མཚོ་འཁོར་བ་དོང་སྤྲུགས། རྟ་མགྲིན་ཉང་གཏེར་ལྕགས་རལ་ཅན། སྐྱེར་སྒང་ལུགས། ཆོས་དབང་། ཡང་དག །ཕྱག་རྡོར་གཏུམ་པོ་དང་། དྲེགས་འདུལ། བདུད་རྩི་བུམ་པ། ཕུར་པ་སྤུ་གྲི། སེང་གདོང་མ་བཀའ་གཏེར་ཟུང་འཇུག །ཆོས་དབང་ལོཀྟི། ཉང་གཏེར་ཁྲོས་ནག །ཆོས་སྐྱོང་གི་སྐོར་ལས་བྱང་དངོས་གྲུབ་རོལ་མཚོར་བཞུགས་པ་རྣམས། གཙོ་བོར་གྱུར་པ། ལས་ཀྱི་ལྷ་བྱང་གཏེར་ཁྱུང་ནག །རྣམ་འཇོམས་མཐིང་ནག །དམ་གྲིབ་ཉེས་པ་ཀུན་སེལ། བི་མའི་གདུགས་དཀར། གྲྭ་པ་དང་ཆོས་གླིང་ཛམ་དམར་བཅས་དང་། ལས་རབ་འབྱམས་ཕལ་ཆེར་ཕྱག་ལེན་ཅན་ཁོ་ནར་སྣང་ནའང་འདིར་རེ་རེ་ནས་ཡི་གེ་མང་གིས་དོགས་པས་མ་བྲིས་ལ། རྫོགས་རིམ་གོང་གི་ཡི་དམ་སོ་སོ་དང་འབྲེལ་བའི་རིགས་རྣམས་དང་། ཛཱ་བིར་རིགས་གསུམ་ཅོང་ཞིའི་བཅུད་ལེན་དང་བཅས་པ། སྲོག་སྒྲུབ་ཕག་མོའི་གཏུམ་མོ་དང་། གཅོད་ཡུལ་མ་གཅིག་ལུགས་ཀྱི་གཅོད་ཁྲིད། འཕོ་བ་འཇའ་ཚུགས་མ། རིག་འཛིན་ཚེ་དབང་ནོར་བུའི་ཚེ་དཔག་མེད་སྐུ་གསུམ་ལམ་རིམ་དང་། ཐུགས་རྗེ་ཆེན་པོའི་སྨར་ཁྲིད་ཀུན་འདུས། རྫོགས་པ་ཆེན་པོ་སེམས་སྡེ་ཉང་ལུགས། ཀློང་གསལ་རྡོ་རྗེ་ཟམ་པ། མན་

[Full Size]

ངག་སྡེ་རྡོ་རྗེའི་སྲོག་སྒྲུབ། ཨ་ཏི་ཟབ་དོན། ཡང་ཏི་སངས་རྒྱས་མཉམ་སྦྱོར་རྣམས་གལ་པོ་ཆེ་ཡིན་ནོ། །དེ་ལས་ཀྱང་རྡོར་སེམས་དང་ཞི་ཁྲོ་ཆོས་དབང་གསང་འདུས། ཐུགས་རྗེ་ཆེན་པོ་རྒྱལ་པོ་ལུགས། རྫོགས་ཆེན་མཉམ་སྦྱོར་ཏེ་བླ་རྫོགས་ཐུགས་གསུམ། བཀའ་དགོངས་ཕུར་པ་ཉང་གཏེར་ཁྲོས་ནག་རྣམས་གལ་ཆེ་བས་ཉམས་ལེན་སྙིང་པོར་བྱ་བར་རིགས་ཤིང་། ལས་ཀྱི་ཚོགས་ནི་ཕན་བྱེད་ཀྱི་སྐོར་རྣམས་རང་ཉིད་ནུས་ལྡན་དུ་བྱ་བའི་ཕྱིར་བསྙེན་སྒྲུབ་སྤྱི་དང་བྱེ་བྲག་ཐེམ་ནས་སྐབས་དང་འབྲེལ་བར་བརྩམས་པར་བྱ་བ་དང་ནོར་སྒྲུབ་དང་དབང་སྡུད་སོགས་རང་འདོད་ཀྱི་འཁྲིས་མེད་པར་བསྟན་འགྲོ་སྤྱི་ལ་ཕན་པའི་དོན་དུ་སྦྱར་རིགས་ལ། མངོན་སྤྱོད་ཀྱི་བསད་མནན་སོགས་ནི་རྟོགས་པས་བདག་རྒྱུད་གྲོལ་ཞིང་། སྙིང་རྗེས་གཞན་རྒྱུད་འདྲེན་ནུས་པ་དང་། བསྟན་པ་དང་སེམས་ཅན་ལ་ཕན་པ་རླབས་པོ་ཆེའི་གནས་མཐོང་ན་མ་གཏོགས་ནམ་དུ་ཡང་བརྩམས་པར་བྱ་བ་མ་ཡིན་ནོ། །ཡང་ཆོས་སྐྱོང་མགོན་པོའི་སྐོར་ལས། ཏྲཀྐད་གནུབས་ལུགས་དྭགས་པོ་རིན་པོ་ཆེ་ལས་བརྒྱུད་པ་དང་། ཏྲཀྐད་མ། མ་ནིང་མ། སྤྱི་ལ་ལྷ་དགའ་རབ་ཀྱི་ཟབ་གཏེར་གཉོས་ལོ་ཙཱ་བ་ལ་བཀའ་བབས་པའི་ཏྲཀཱད་ཤཱ་ནའི་ཞལ་ཅན། འཁོན་ས་སྐྱ་པའི་ཡབ་ཆོས་རྙིང་མ་གུར་མགོན་ཕུར་ཞབས་མ། ཕུར་སྲུང་

[Full Size]

དཀར་བདུད་ལྕམ་དྲལ་རྣམས་ཀྱི་སྒྲུབ་རྗེས་ཙམ་རྗེ་བཙུན་ཀུན་དགའ་སྙིང་པོའི་སྒྲུབ་ཐབས་རིན་འབྱུང་ལས་འབྱུང་བ་དང་། དཔལ་ས་སྐྱ་པའི་མགོན་པོ་མེ་འབར་མའི་ཆོས་སྡེ་རྒྱ་སྟོན་པདྨ་དབང་ཕྱུག་གི་ཟབ་གཏེར་གུར་མགོན་གྱི་སྒྲུབ་ཐབས་དྲེགས་པ་ཟིལ་གནོན་སློབ་དཔོན་རིན་པོ་ཆེས་མཛད་པ་ལེ་ཚན་ལྔ། ལྷ་བཙུན་བྱང་ཆུབ་འོད་ཀྱི་ཟབ་གཏེར་མོན་བུ་པུ་ཏྲའི་སྒྲུབ་ཐབས་ཀ་བཀོལ་མ་བཅས་ཀྱི་རྒྱུན་ཡང་བཞུགས་མོད། སྔ་མ་རྣམས་ལ་རྗེས་གནང་ཙམ་མ་གཏོགས་མན་ངག་གི་གཞུང་མེད་ཅིང་། ཕྱི་མ་གཉིས་མན་ངག་གི་གཞུང་ཁོ་ན་ལས། རྗེས་གནང་ཟུར་པ་མེད་པ་དང་། སྤྱིར་ཡོངས་སུ་གྲགས་ཤིང་རྒྱུན་ནུབ་ཀྱི་དོགས་པ་མ་མཆིས་པས་གོང་དུ་མ་བཀོད་མོད། འོན་ཀྱང་གདམས་པའི་རྣམ་གྲངས་དང་། གཏེར་སྟོན་བརྒྱ་རྩའི་གྲངས་ངེས་འདྲེན་པ་སོགས་ཀྱི་སླད་བསྣན་ཡང་ལེགས་པས་མཚོན་ཏེ་གཞན་ཡང་རྒྱ་ཆེར་ཤེས་པར་བྱའོ། །ད་ནི་སྤྱིར་འཕྲོས་པའི་དོན་འདི་ཡང་བརྗོད་པར་བྱ་སྟེ། སྔ་འགྱུར་རྡོ་རྗེ་ཐེག་པའི་ཤིང་རྟ་ཆེན་པོ་རྣམས་ལ་ལམ་སྲོལ་ནི། དབང་། བཤད་པ། ལམ་བསྐྱེད་རིམ། རྫོགས་རིམ་སྟེ་བཀའ་བབས་ཀྱི་ཆུ་བོ་བཞི་ཞེས་ཡོངས་སུ་གྲགས་པས། རྙིང་མ་མིང་ཙམ་མ་ཡིན་པར་ལུགས་མཐུན་ཞིག་བྱེད་ན། སྔར་དངོས་དང་འཕྲོས་དོན་གྱི་སྐབས་སུ་ཇི་སྐད་སྨོས་པའི་བཀའ་མའི་

[Full Size]

གཞུང་བཟང་པོ་མཐའ་དག་གམ། མདོ་སྒྱུ་སེམས་གསུམ་གྱི་རྩ་བ་རེ་རེའི་སྨིན་གྲོལ་གྱི་སྒོ་ཕྱེ་སྟེ། སྒྱུ་འཕྲུལ་གསང་བ་སྙིང་པོའི་རྒྱུད་ཀྱི་བཤད་སྲོལ་ལ་སྒྲོ་འདོགས་ལེགས་པར་བཅད། གཏེར་མའི་ཕྱོགས་ནས་བཀའ་དགོངས་ཕུར་གསུམ་དང་། གཤིན་རྗེ་ཚེ་བདག །རྟ་མགྲིན་ཡང་གསང་། ཕྱག་རྡོར་དྲེགས་འདུལ་གྱིས་མཚོན་བཀའ་བརྒྱད་བྱེ་བྲག་པའི་སྐོར་རྣམས་དང་། བླ་སྒྲུབ་དང་ཐུགས་རྗེ་ཆེན་པོའི་སྐོར་ཅི་རིགས། རྫོགས་ཆེན་སྙིང་ཏིག་ཡ་བཞི་དང་ཟབ་མོ་ཡང་ཏིག །ཀུན་མཁྱེན་ཀློང་ཆེན་པའི་དགོངས་གཏེར་གྱི་བསྟན་བཅོས་མཛོད་བདུན་ངལ་གསོ་སྐོར་གསུམ་ཆ་ལག་དང་བཅས་པ་རྣམས་ཀྱི་སྟེང་། འདི་ཉིད་ནས་འབྱུང་བའི་སྨིན་གྲོལ་ལས་ཚོགས་མཐའ་དག་དང་། དེ་དག་གི་རྒྱབ་བརྟེན་དུ་རྒྱུད་འབུམ་རིན་པོ་ཆེ་ཡོངས་སུ་རྫོགས་པ་བཅས་ལ་ཐོས་བསམ་གྱི་གཞིར་བཟུང་ནས། བཀའ་མས་གཞུང་བསྲང་། གཏེར་མའི་མན་ངག་གིས་ཉམས་སུ་བླངས་ཏེ། ཡི་དམ་གྱི་མངོན་རྟོགས་ཆུང་ངུ་ཞིག་ཉམས་སུ་ལེན་ཀྱང་། རྒྱུ་ཤེས་པའི་མཚན་ཉིད། དེ་བཞིན་ཉིད་ཀྱི་ལྟ་བས་ཐག་བཅད་ཚུལ། རྐྱེན་འཇུག་པའི་མཚན་ཉིད་ཏིང་ངེ་འཛིན་གྱིས་ཉམས་བླང་ཚུལ། དེ་ལས་ལམ་གྱུར་གྱི་འབྲས་བུ་རིག་འཛིན་རྣམ་བཞིའི་གྲུབ་མཐའ་ཇི་ལྟར་རྙོགས་པའི་ཚུལ་ལ་ངེས་པ་གཏིང་ཚུགས་པས་གཞུང་

[Full Size]

གདམས་ངག་ཏུ་འཆང་ཞིང་། གདམས་ངག་གཞུང་དང་མི་འགལ་བ་ཞིག་གལ་ཆེ་བ་ལས། འབྲེལ་མེད་ཀྱི་ཐ་སྙད་ཉི་ཚེ་དང་རྟོག་གེའི་ཚིག་སྐམ་རེ་གཉིས་སྨྲ་བ་ལ་བཤད་པ་དང་། ཡི་དམ་གྱི་རྒྱུན་ཁྱེར་རེ་དང་། ཆོས་སྐྱོང་གི་གཏོར་སྐོང་རེ་ཆགས་མེད་བྱེད་པ་ལ་སྒྲུབ་པ་དང་། གཏོར་ཟློག་གི་འུར་ཤོག་རེ་ལ་ལས་སྦྱོར་དུ་མིང་བཏགས་ནས་རང་གཞུང་ཡིན་ངེས་དང་དགོས་ངེས་རྣམས་དོར་བའི་རྗེས་སུ་ཚའབྲང་བར་མི་བྱའོ། །བྱེ་བྲག་ཏུ་གཞུང་འདི་ཉིད་ཀྱི་སྨིན་གྲོལ་ལེགས་པར་ཐོབ་ནས་གཞན་ལ་འབོགས་པར་འདོད་པས་རབ་གོང་དུ་བཤད་པའི་གལ་པོ་ཆེའི་ཡི་དམ་མཐའ་དག་གམ། འབྲིང་དེ་ལས་ཟླ། སྙིང་པོར་གྱུར་བ་རྣམས་དང་། མ་མཐའ་ཡང་རིགས་ཐམས་ཅད་ཀྱི་ཁྱབ་བྱེད་རྡོ་རྗེ་སེམས་དཔའ། བྱིན་རླབས་ཐམས་ཅད་ཀྱི་འཇུག་སྒོ་བླ་སྒྲུབ་གང་རུང་། དཀྱིལ་འཁོར་ཐམས་ཅད་ཀྱི་དབྱེ་གཞི་སྒྲུབ་པ་བཀའ་བརྒྱད་རྣམས་ཀྱི་བསྙེན་པ་ལས་རུང་དང་། རྫོགས་ཆེན་གང་རིགས་ཀྱི་ཉམས་ཁྲིད་སྨིན་པར་ཐོབ་ཅིང་ཉམས་མྱོང་གི་སྣེ་ཅུང་ཟད་ཟིན་པ་ཞིག་གིས་བྱ་བ་ལས། དཔེ་ཀློག་དག་པོའང་མི་ཤེས་བཞིན་དུ་ཆོས་ལ་དབང་ཟ་བས་རྡོ་རྗེ་སློབ་དཔོན་གྱི་གོ་སར་འགྱིང་བར་མི་བྱ་ལ། སློབ་མ་རྣམས་ཀྱིས་ཀྱང་སྤྱིར་དམ་ཚིག་དང་སྡོམ་པ་དག་པར་བྱ་བས་གཞི་བཟུང་སྟེ། ཡི་དམ་རྩ་བ་གང་རུང་རེའི་

[Full Size]

བསྙེན་སྒྲུབ་ཀྱི་དམ་བཅའ་དང་། ཆོས་སྲུང་རྣམས་ལ་རྒྱུན་ནམ་དུས་ཀྱི་མཆོད་གཏོར་མ་ཆགས་ཙམ་རེ་བྱ་བས་མཚོན། མདོར་ན་བསྟན་པ་དང་རང་རྒྱུད་ལ་དམིགས་པའི་ལྷག་བསམ་རྣམ་པར་དག་པས་སྒོ་ཕྱེ་སྟེ་འཆད་ཉན་ལ་འཇུག་པར་མཛད་ན། བཤད་པ་དང་། སྒྲུབ་པ་དང་། རྒྱལ་བ་དགྱེས་པའི་ཕྲིན་ལས་ལ་བརྟེན་ནས་སྲིད་པ་དང་ཞི་བའི་ལེགས་ཚོགས་ཀྱི་སྒོ་ཐམས་ཅད་རྒྱ་ཆེར་འཕེལ་ཞིང་རྒྱས་པར་འགྱུར་རོ། །དེ་ལྟར་འབེལ་པའི་གཏམ་གྱི་མཆོད་སྤྲིན་འདིས། །འཇམ་མགོན་བླ་མ་དགྱེས་པའི་དགེ་མཚན་ལས། །ཟབ་རྒྱས་ཆོས་ཀྱི་སྣང་བས་ས་གསུམ་ན། །གྲུབ་གཉིས་པད་མོ་རྟག་ཏུ་རྒྱས་གྱུར་ཅིག །ཀུན་ཚང་རྒྱས་པ་སེར་བཞག་འབྲིང་། །དམར་སེར་གཉིས་བཞག་བསྡུས་པ་སྟེ། །འཕྲོས་དོན་སྦྱར་བ་ཤིན་ཏུ་རྒྱས། །གང་ཡང་ཕན་བདེའི་དཔལ་སྟེར་ཉིད། །འདིས་ཀྱང་ཟབ་རྒྱས་ཀྱི་གདམས་པ་མཐའ་དག་བསྐལ་པ་རྒྱ་མཚོར་འཚོ་ཞིང་གཞེས་ལ་བསྟན་པ་དང་སེམས་ཅན་ལ་ཕན་པ་རྒྱ་ཆེན་པོ་རྒྱུན་མི་འཆད་པར་དུས་རྟག་ཏུ་འབྱུང་བའི་རྒྱུར་གྱུར་ཅིག །སརྦ་དཱ་ཀ་ལྱཱ་ཎཾ་བྷ་བ་ཏུ། །དགེའོ། །དགེའོ། །དགེའོ།། །