(༡)བླ་མ་དགོངས་པ་འདུས་པའི་ཆོ་གའི་རྣམ་བཞག་དང་འབྲེལ་བའི་བསྐྱེད་རྫོགས་ཟུང་འཇུག་གི་སྒྲོམ་མཁྱེན་བརྩེའི་མེ་ལོང་འོད་ཟེར་བརྒྱ་པ་ཞེས་བྱ་བ་བཞུགས།

(༢)ངོ་བོ་གདོད་ནས་མཐའ་བརྒྱད་སྤྲོས་བྲལ་ཆོས་ཀྱི་སྐུ། །རང་བཞིན་མ་འགགས་གསལ་མྱུར་ཟབ་ཡངས་ལོངས་སྤྱོད་རྫོགས། །

(༣) ཐུགས་རྗེའི་རིག་མདངས་རྩོལ་མེད་ཁྱབ་གདལ་སྤྲུལ་པའི་སྐུ། །སྐུ་གསུམ་དབྱེར་མེད་གཉུག་མའི་རིག་པ་དེ་ལ་འདུད། །

(༤)སྨྲ་བའི་དབང་ཕྱུག་བཎྜིས། ཆོས་རྣམས་རྒྱན་ཞེས་རབ་ཏུ་བརྗོད། །ཅེས་གསུངས་པ་ལྟར་ལས་སྙན་དངགས་མཁན་གྱི་རྟོག་པས་བརྟགས་ཚེ་རྒྱན་དུ་མི་འགྲོ་བ་འགའ་ཡང་མེད་པས་རིག་པའི་བསྟན་བཅོས་ལ་བག་ཆགས་བཞག་པའི་སླད་དུ་རྒྱན་མིང་ངོས་བཟུང་བ་ལ། ཕྱག་བྱ་བའི་སྒོ་དང་པོ། ལྷོ་ཕྱོགས་བཻདྷརྦ་འདོད་པའི་མཛེས་པའི་ཡོན་ཏན་གྱི་གཏམ་རྒྱན་དུ་བྱས་པའི་ཆོས་ཀྱི་དབྱིངས་ཅི་ཡང་མ་ཡིན་པའི་གཤིས་ལ་བསྔགས་བརྗོད་པའོ། །ཨོཾ་ཌི་ཡ་ནའི་མཆོད་བུས་པད་སྡོང་རྩེར། །སྣང་མཐའི་ཐུགས་བཅུད་དངས་མའི་ཡི་གེ་ཧྲཱི རྒྱལ་ཀུན་འདུས་པ་མཚོ་སྐྱེས་རྡོ་རྗེའི་སྐུར། །རྒྱུ་རྐྱེན་མེད་པར་ལྷུན་གྱིས་གྲུབ་དེ་མཚར། །བླ་མའི་བྱིན་རླབས་ཐུགས་རྗེའི་ཆུ་འཛིན་ཕྱོགས་རྣམས་ཀུན་ནས་གཡོས་པ་ལས། ཡི་དམ་དངོས་གྲུབ་བྱིན་རླབས་སྦྲང་ཆར་ ཕྱག་བྱ་བའི་སྒོ་གཉིས་པ་སྒྲོ་སྐུར་དང་བྲལ་བ་ཡོན་ཏན་རང་བཞིན་བརྗོད་པའི་རྒྱན། རྩོལ་པ་མེད་པར་ངང་གིས་འབབ། མཁའ་འགྲོའི་ཕྲིན་ལས་ལས་བཞིའི་མྱུ་གུ་དགེ་ལེགས་ལོ་འབྲས་གཡུར་ཟ་བ། །རྒྱལ་བའི་ཐུགས་རྗེའི་རྩ་གསུམ་དགོངས་པ་ཡོངས་ ཕྱག་བྱ་བའི་སྒོ་གསུམ་པ་མཚུངས་པར་སྟོན་པ་གསལ་བྱེད་དཔེའི་རྒྱན། འདུས་ལྷ་ལ་ཕྱག་འཚལ་ལོ། །ངེས་ལེགས་ཐར་པའི་གླིང་མཆོག་ཉམས་དགའ་བར། །འགྲོ་ཀུན་ཡོངས་སུ་འཁྲིད་པའི་ཤིང་རྟ་ཆེ། །བསྐྱེད་རྫོགས་མན་ངག་ཀུན་གྱི་སྲོག་གཅིག་པོ། །དགོངས་འདུས་ཆོ་གའི་རྣམ་གཞག་གསལ་བར་བྱ། །དངོས་གྲུབ་བླ་མ་ཆོས་བདག་མཁའ་འགྲོ་དམ་ཅན་གཏེར་བདག་གིང་གི་ཚོགས། ཕྱག་བྱ་བའི་སྒོ་ལྔ་པ་བསམ་པ་རྒྱ་ཆེ་བའི་རྒྱན། གདོད་མའི་ ཕྱག་བྱ་བའི་སྒོ་བཞི་པ་དོན་གཞན་བཀོད་པའི་རྒྱན་ལ་རབ་བརྟགས་ཀྱིས་རྣམ་པར་སྤུང་བ། ངང་དང་རང་རང་གནས་ནས་ཐུགས་རྗེའི་གཟིགས་པ་ཆེར་དགོངས་ཞིང་། །ལྷག་བསམ་དག་པས་ སེམས་བསྐྱེད་བཞི་ཚན་གྱི་དབྱེ་བ་མདོ་སྡེ་རྒྱན་གྱི་དགོངས་པ་འགྲེལ་སྐབས། ཁོ་བོའི་བླ་མ་ཀུན་མཁྱེན་ཀློང་ཆེན་པས་ཚོགས་སྦྱོར་ན་ཡོད་པ་མོས་པས་དཔྱོད་པའི་སེམས་བསྐྱེད། ས་བདུན་པ་མན་ཆད་དང་པོ་ཡན་ཆོད་ན་ཡོད་པ་ལྷག་བསམ་རྣམ་དག་གི་སེམས་བསྐྱེད་

(༥)དག་པས་གསུམ་ན་ཡོད་པ་རྣམ་པར་སྨིན་པའི་སེམས་བསྐྱེད། སངས་རྒྱས་ཀྱིས་ན་ཡོད་པ་སྒྲིབ་པ་སྤངས་པའི་སེམས་བསྐྱེད་ཅེས་གསུངས། རྡོ་རྗེ་ཐེག་པའི་དགོངས་པའི་སྙིང་པོ་རིག་གཅིང་གཡོ་རྒྱུ་མེད་པ་རྒྱུ་མཚན་དུ་བྱས་པའོ། །སྔ་འགྱུར་བཙས་སུ་རྒྱལ་བའི་དགོངས་པ་ཅུང་ཟད་འགྲེལ། །བཀའ་ཡི་སྣང་བ་ཡངས་པོར་བྱེ་ལ་ཉམས་དང་རྟོགས་པའི་རིག་རྩལ་སྤོར། །ཞེས་མཆོད་པ་བརྗོད་པ་དང་གནང་བཞུ་བའི་ཚིག་གིས་གོ་སྐབས་ཡངས་འཕོ་།།།ཕྱི་ནས། དེ་ལ་འདིར་དུས་གསུམ་རྒྱལ་བ་ཐམས་ཅད་ཀྱི་དགོངས་པའི་ཞེ་ཕུགས། མྱུར་ལམ་རྡོ་རྗེ་ཐེག་པ་མཐའ་དག་གི་བཅུད་དུ་མ། སྔ་འགྱུར་འོད་གསལ་རྫོགས་པ་ཆེན་པོའི་སྙིང་ཁྲག །བླ་མ་ལ་སོགས་ཏེ་རྩ་བ་གསུམ་གྱི་དགོངས་པ་གཅིག་ཏུ་འདུས་པའི་ཆོ་གའི་རྣམ་གཞག་མཁྱེན་བརྩེའི་མེ་ལོང་འོད་ཟེར་བརྒྱ་བ་གསལ་བར་བྱེད་པ་ལ་སྤྱི་དོན་རྣམ་པ་གཉིས་ཏེ། གླེང་གཞི་ལས་བརྩམས་ཏེ་ཕྱི་རྒྱ་རླབས་ཀྱིས་གཅོད་པ་དང་། མན་ངག་ལ་བརྟེན་ནས་ཆོ་ག་དངོས་ཀྱི་དགོངས་པ་འགྲེལ་བའོ། །དང་པོ་ལ་བཞི་སྟེ། རྒྱུའི་ཐེག་པའི་རྩ་ཚིག་དང་སྔགས་གསར་མ་ལ་བཞེད་པའི་རྒྱུད་སྡེའི་རྐང་གྲངས། སྔ་དར་ལ་བཞེད་པའི་ཐེག་པ་དང་རྒྱུད་སྡེའི་རྣམ་གཞག །བྱེ་བྲག་ཏུ་ཆེ་བའི་ཆོས་འདིའི་རང་སྐད། ཆོ་ག་ཐམས་ཅད་ལ་མཁོ་བའི་སྤྱི་ཆིངས་རྗེས་འབྲང་དང་བཅས་པའོ། །དང་པོ་ནི། དེ་ཡང་སྤང་བྱ་མ་ལུས་པ་ཡོངས་སུ་སྤངས་ཤིང་། རྟོགས་པའི་དེ་ཁོ་ན་ཉིད་ཀྱི་ཡོན་ཏན་མཐའ་དག་མངོན་དུ་མཛད་པའི་སྟོན་པ་ཡང་དག་པར་རྫོགས་པའི་སངས་རྒྱས་ཐབས་མཁས་ལ་ཐུགས་རྗེ་ཆེ་བ་དེ་ཉིད་ཀྱི་རྣམ་པ་ཐམས་ཅད་མཁྱེན་པའི་ཡེ་ཤེས་ཀྱི་དགོངས་པས་གདུལ་བྱ་སེམས་ཅན་ཁམས་གསུམ་དུ་འཁོར་ཞིང་རྒྱུད་དུག་ཏུ་འཁྱམས་པ་རྣམས་ཀྱི་དོན་དུ་ཆོས་ཀྱི་སྒོ་མོ་བརྒྱད་ཁྲི་བཞི་སྟོང་གསུངས་པ་མཐའ་དག་རྒྱུ་མཚན་ཉིད་ཀྱི་ཐེག་པའི་སྐབས་སུ་ཆོས་འཁོར་རིམ་པ་གསུམ་དུ་འདུ་སྟེ། ངོ་བོ་ཆོས་ཉིད་ནང་གསལ་ལ་ལྟོས་ནས་ཐམས་ཅད་མཁྱེན་ལ། རྣམ་

(༦)པ་ཆོས་ཅན་ཕྱིར་གསལ་ལ་ལྟོས་ནས་རྣམ་པ་ཐམས་ཅད་མཁྱེན་པའི་ཡེ་ཤེས་སུ་སྣང་བའོ། །ཞེས་ཀུན་མཁྱེན་ཆེན་པོས་བཞེད་དོ། །གསུམ་གང་ཞེ་ན། གནས་ཝཱ་རཱ་ཎ་སཱིར་བཀའ་དང་པོ་བདེན་པ་བཞིའི་ཆོས་འཁོར་ལྔ་སྡེ་ལ་སོགས་པ་ཉན་ཐོས་རྣམས་ལ་གསུངས། གནས་བྱ་རྒོད་ཕུང་པོའི་རིལ་བཀའ་བར་བ་མཚན་ཉིད་མེད་པའི་ཆོས་འཁོར་ལྷ་ཚངས་པ་ལ་སོགས་ཏེ་འཁོར་ཐེག་པ་ཆེན་པོའི་རིགས་ཤ་སྟག་ལ་གསུངས། གནས་གྲོང་ཁྱེར་ཡངས་པ་ཅན་དུ་བཀའ་ཐ་མ་ངེས་པ་དོན་གྱི་ཆོས་འཁོར་གདུལ་བྱ་རིགས་ཅན་སྣ་ཚོགས་པ་ལ་གསུངས། འབྲས་བུ་གསང་སྔགས་ཀྱི་ཐེག་པའི་སྐབས་སུ་རྒྱུད། སྡེ་བཞིར་འདུ་སྟེ། བདེ་མཆོག་རོལ་པའི་རྒྱུད་ལས། བྱ་བ་བྲམ་ཟེ་གཙང་དང་བསྟུན། །སྤྱོད་པ་རྗེའུ་རིགས་དེ་བས་ལྷག །རྣལ་འབྱོར་རྒྱལ་པོའི་འཁོར་ཚོགས་མང་། །གཞི་དམངས་གདོད་ནས་གྲོལ་བ་སྟེ། །གཞན་དུ་སུ་ལའང་མ་བསྟན་པར། །མཛེས་མ་ཁྱོད་ལ་བསྟན་པ་ཡིན། །ཞེས་མི་རིགས་བཞིར་དགོངས་ནས་རྒྱུད་སྡེ་བཞིར་བསྟན་པ་དང་། དེ་ཡང་ཞིབ་ཏུ་དབྱེ་ན་གང་ཟག་གི་བློ་རིགས། དུས་རྣམ་པ་བཞི་ལ་སོགས་པར་དགོངས་ཚུལ་རྣམ་གྲངས་སོ་སོར་དབྱེ་ཡང་འདིར་ཡི་གེ་མངས་སུ་དོགས། གཉིས་པ་ནི། སྔ་འགྱུར་སྤྱི་ལུགས་ཀྱི་ཐེག་རིམ་དགུ་དང་རྒྱུད་སྡེའི་རྐང་གྲངས་ཀྱི་རྣམ་པར་གཞག་པ་ཅུང་ཟད་འགྲེལ་ན། སྒྱུ་འཕྲུལ་རྩ་རྒྱུད་ལས། འདུལ་བ་མདོ་སྡེ་ཆོས་མངོན་དང་། །དམ་ཚིག་བསྒྲུབ་དང་གྲུབ་པ་དང་། །སྐུ་དང་གསུང་དང་ཐུགས་ཀྱི་རྒྱུད། །ཅེས་མདོར་བསྟན་ནས་དབང་པོའི་བྱེ་བྲག་ལ་དགོངས་པ་ཞིབ་ཏུ་དབྱེ་ན། བཀོད་པ་ཆེན་པོ་ལས། ཆུང་ངུ་གསུམ་ལ་བསྟན་པ་ནི། །མཚན་མར་འཛིན་ལ་ཉན་ཐོས་ཏེ། །འདུ་ཤེས་ཅན་ལ་རང་རྒྱལ་ཉིད། །རྟོག་འཇུག་ཅན་ལ་བྱང་སེམས་སོ། །འབྲིང་པོ་གསུམ་ལ་བསྟན་པ་ནི། །རབ་ཏུ་དམན་ལ་བྱ་བ་སྟེ། །དམན་པ་རྣམས་ལ་སྤྱོད་པའོ། །རྣམ་ཤེས་ཅན་ལ་རྣལ་འབྱོར་ཉིད། །

(༧)ཆེན་པོ་གསུམ་ལ་བསྟན་པ་ནི། །སེམས་ཡས་པ་ལ་བསྐྱེད་པ་སྟེ། །སེམས་ཅན་ལ་རྫོགས་པ་ཉིད། །མཆོག་གསང་རབ་ལ་རྫོགས་པ་ཆེ། །ཞེས་དབང་པོའི་བྱེ་བྲག་ལ་ཕྲ་མོར་ཕྱེ་བའི་ཐེག་པ་རིམ་པ་དགུར་གསུངས་ཤིང་དེ་ལྟ་བུའི་ལྟ་སྤྱོད་དང་ལམ་གྱི་ཁྱད་པར་ཇི་འདྲ་ཞིག་གོ་སྙམ་ན། བདག་ཅག་གི་གཙུག་རྒྱན་གཏེར་ཆེན་ཆོས་ཀྱི་རྒྱལ་པོ་ངེས་པ་དོན་གྱི་ཐམས་ཅད་མཁྱེན་པ་པྲཛྙཱ་རསྨིའི་ཞལ་སྔ་ནས་འདི་སྐད་གསུངས་ཏེ། དང་པོ་ཉན་ཐོས་ཀྱི་ཐེག་པས་འཁོར་བ་མཐའ་དག་སྡུག་བསྔལ་གྱི་རང་བཞིན་དུ་ཤེས་པས། ཐར་པ་དམ་པའི་ལམ་བདེན་པ་བཞི་ལ་ཞུགས་ནས་རང་དོན་དུ་ཕུང་སོགས་བདག་འཛིན་གྱི་འཆིང་བ་སྤོང་བ་ལ། གང་ཟག་གི་བདག་མེད་བསྒོམས་ནས་འཁོར་བའི་རྒྱུན་བཅད་པས། དགྲ་བཅོམ་མངོན་དུ་བྱེད་པའོ། །ཞེས་གསུངས་པ་ལྟར་བདེན་པ་བཞི་ལས་སྡུག་བསྔལ་ཤེས་པར་བྱས། ཀུན་འབྱུང་སྤང་བར་བྱས། འགོག་པ་མངོན་དུ་བྱས། ལམ་རྒྱུད་ལ་བརྟེན་ནས་ང་མེད་བདག་མེད་ཀྱི་གཞི་རྩ་བཅད་ནས་བསྒོམས་ཏེ་འབྲས་བུ་མངོན་དུ་བྱ་བའོ། །ཡང་སྔ་མའི་འཕྲོ་ལས། གཉིས་པ་རང་རྒྱལ་གྱི་ཐེག་པས་ཕུང་སོགས་རང་བཞིན་མེད་པར་རྟོགས་པའི་སྟེང་དུ། ཕྱི་རོལ་གྱི་གཟུང་བ་ཡུལ་གྱི་ཆོས་རགས་པ་རྣམས་སྣང་ལ་ཞེན་མེད་ཆུ་ཟླ་ལྟ་བུའི་ཚུལ་གྱིས་རྟེན་འབྲེལ་བཅུ་གཉིས་ལུགས་འབྱུང་ལུགས་ལྡོག་ཏུ་བསྒོམས་པས། ཉོན་མོངས་པ་རང་སར་གྲོལ་བས་རང་སངས་རྒྱས་མངོན་དུ་བྱེད་པའོ། །དེ་གཉིས་ཀས་ལྷག་པ་ཚུལ་ཁྲིམས་ཀྱི་བསླབ་པ་དང་། ཏིང་ངེ་འཛིན་གྱི་ཕུང་པོ་སྦྱོང་ཞིང་གོམས་པར་བྱེད་པས་འདུལ་བ་དང་མདོ་སྡེའི་ཐེག་པ་གཉིས་ཀ་བསྟན་པའོ། །ཞེས་གསུངས་པ་ལྟར། རང་སངས་རྒྱས་ལ་བསེ་རུ་ལྟ་བུ་དང་། ཚོགས་ན་གནས་པ་གཉིས་སུ་ཡོད་ཅིང་། གཟུང་བ་ཆོས་ཀྱི་བདག་མེད་ཀྱིས་ཕྱི་རོལ་གྱི་ཡུལ་ཐམས་ཅད་རང་བཞིན་མེད་པར་སྒོམ། འཛིན་པ་ཆོས་ཀྱི་བདག་མེད་ཀྱིས་འཛིན་

(༨)བྱེད་ཀྱི་ཤེས་པ་སྐྱེ་འགག་གནས་གསུམ་དང་བྲལ་བའི་སྟོང་ཉིད་སྒོམ་པ་སྟེ། གཟུང་འཛིན་གཉིས་ཀྱི་བདག་མེད་སོ་སོའི་འགྲོས་སུ་སྨྲས་པ་ལས་ཕྱི་མ་ནི་ཐེག་པ་ཆེན་པོའི་རྟོགས་པ་ཡིན་ནོ། །གསུམ་པ་བྱང་སེམས་ཀྱི་ཐེག་པ་ནི། སྔ་མའི་འཕྲོ་ལས་ཆོས་ཐམས་ཅད་རང་བཞིན་མེད་པར་རྟོགས་ཤིང་། སྙིང་རྗེ་ཆེན་པོས་གཞན་དོན་རླབས་པོ་ཆེ་སྤྱད་པའི་རྒྱུ་དམ་པ་བདེན་གཉིས་ཀྱི་ཚུལ་ཏེ། དེ་ཡང་རྒྱུ་འབྲས་མི་བསླུ་བར་ངེས་པའི་ཆོས་ཅན་མཚན་མར་སྣང་བའི་བློ་ཡི་ཡུལ་དུ་སྣང་རུང་རྣམས་ནི་ཀུན་རྫོབ་ཀྱི་བདེན་པ་སྟེ། རྒྱུད་བླ་མའི་འགྲེལ་པར། ལམ་བདེན་ཐམས་ཅད་ནི་འདུས་བྱས། །འདུས་བྱས་ཐམས་ཅད་ཀུན་རྫོབ་སྟེ། །ཞེས་དང་། ཆོས་ཉིད་རང་བཞིན་དུ་གནས་པའི་སྟོང་ཉིད་དང་རྗེས་སུ་མཐུན་པའི་ཤེས་རབ་སྤྲོས་པ་རྣམ་པར་ཞི་བའི་རྣམ་པ་དང་བཅས་པ་ནི་དོན་དམ་པའི་བདེན་པ་སྟེ། བདེན་གཉིས་ལས། སྐྱེ་མེད་སྤྲོས་ཀུན་ཞི་བ་ལ། །དོན་དམ་ཞེས་པའི་བརྡ་མཛད་དོ། །ཞེས་གསུངས་པས་ཆོས་ཀུན་ལྐོག་ཏུ་མ་གྱུར་པར་ཏིང་ངེ་འཛིན་དུ་མ་ལ་དབང་བསྒྱུར་བས་ན་མངོན་པའི་སྡེ་སྣོད་དོ་ཞེས་སྙིང་པོར་དྲིལ་ནས་གསུངས་ཤིང་། གཞུང་བརྟག་པ་ཁ་ཅིག་གིས་རྫོགས་ཆེན་གྱི་ལྟ་བ་འདི་དབུ་མ་སེམས་ཙམ་པའི་ལྟ་བ་དང་ཆོས་མཚུངས་སོགས་ཚིག་སྐམ་ཕུབ་ལ་ཁྱེར་ནས་སུན་འབྱིན་པར་བྱེད་མོད། ཅི་ཀ་གྲོགས་པོ་ཁྱོད་ཀྱིས་འོལ་ཚོད་ཀྱི་འཁྱོག་གཏམ་ལ་བརྟེན་ནས་ཐེག་པའི་ཡང་རྩེ་ལ་སྨོད་པར་མ་བྱེད་ཅིག །ཐེག་པ་འོག་མ་ནས་གསུངས་པའི་གྲུབ་མཐའ་སྨྲ་བ་བཞིའི་འདོད་ལུགས་ཀྱང་རྫོགས་ཆེན་གྱི་བསྟན་བཅོས་ཆེན་པོ་རྣམས་སུ་གཏན་ལ་ཕེབས་ཏེ། གཙོ་བོར་ནི་གངས་ཅན་གྱི་ལྗོངས་འདིར་རང་དང་གཞན་གྱི་གྲུབ་པའི་མཐའ་རྒྱ་མཚོ་ལྟ་བུའི་ཕ་རོལ་ཏུ་སོན་པས་ཉི་ཟླ་ལྟར་གྲགས་པ་ཀུན་མཁྱེན་དྲི་མེད་འོད་ཟེར་གྱི་བཀའ་འབུམ་དལ་བོས་སྐོར་ རྩ་བ་སེམས་ཉིད་ངལ་བསོ། འགྲེལ་པ་ཤིང་རྟ་ཆེན་མོ། རྩ་བབས་མ་གཏན་ངལ་བསོ། འགྲེལ་པ་ཤིང་རྟ་

(༩)རྣམ་དག །རྩ་བ་སྒྱུ་མང་ལ་བསོ། འགྲེལ་པ་ཤིང་རྟ་བཟང་པོ་བཅས། ཡིད་བཞིན་མཛོད། མན་ངག །གྲུབ་མཐའ། ཐེག་མཆོག་ཚིག་དོན་ནམ་འོད་གསལ་ལས། གནས་ལུགས། ཆོས་ཉིད་རིན་པོ་ཆེའི་མཛོད་དེ་བདུན་ནོ། །གསུམ་རྩ་འགྲེལ་དང་མཛོད་བདུན་ལ་སོགས་པས་ཤེས་ལ། ཀུ་སུ་ལུ་དག་གིས་ཀྱང་བརྟག་ཏུ་ཡོད་དེ། དང་པོ་ཉན་ཧོས་ལ་གཉིས། བྱེ་བྲག་ཏུ་སྨྲ་བ་དང་མདོ་སྡེ་བའོ། །སྔ་མས་ནི། ཕྱི་རོལ་གྱི་སྣང་བ་བདེན་པར་འདོད། ཕྱི་མ་ནི། ཕྱི་རོལ་གྱི་སྣང་བ་ཐམས་ཅད་རྡུལ་ཕྲ་རབ་ལས་གྲུབ་པར་འདོད་དོ། །ཐེག་པ་ཆེན་པོ་ལ་གཉིས། སེམས་ཙམ་པ་དང་དབུ་མའོ། །དང་པོ་ལ་གཉིས། སེམས་ཙམ་རྣམ་བདེན་པ་དང་། སེམས་ཙམ་རྣམ་རྫུན་པའོ། །དེ་ཡང་ལུང་ལས། རྣལ་འབྱོར་པ་ཡང་བློ་ཁྱད་ཀྱིས། །གོང་མ་གོང་མ་རྣམས་ཀྱིས་གནོད། །ཅེས་གསུངས་པ་ལྟར་སེམས་ཙམ་རྣམ་བདེན་པས་མདོ་སྡེ་པ་ལ་འདི་སྐད་ཅེས་བསྙད་དོ། ཁྱེད་ཅག་རྣམས་ཕྱི་རོལ་གྱི་སྣང་བ་རྡུལ་ཕྲ་རབ་ལས་གྲུས་།།།པ་མི་འཐད་དེ། རྡུལ་ཕྲན་ཆ་མེད་ལའང་། ཕྱོགས་བཞི་མཚམས་བརྒྱད་སྟེང་འོག་གཉིས་དང་བཅུའི་བར་དུ་ཕྱེ་བས། རྡུལ་ཕྲན་ཆ་མེད་དེ་ཡང་མ་གྲུབ་པར་རྟོགས་སོ། །ཞེས་སྨྲས་ནས། རང་ལུགས་འདི་ལྟར་འཇོག་སྟེ། སྣང་བ་ཐམས་ཅད་སེམས་སུ་བདེན་པར་འདོད་ཅིང་། ཕྱི་རོལ་གྱི་སྣང་བ་ཐམས་ཅད་སེམས་འཁྲུལ་པའི་སྣང་བ་ལས་ཕྱི་རོལ་དུ་མ་གྲུབ་སྟེ་དཔེར་ན་རྨི་ལམ་གྱི་སྣང་བ་མ་གྲུབ་པ་བཞིན་ནོ་ཞེས་སྣང་བ་སེམས་སུ་བདེན་པར་ཁས་བླངས་ནས་སེམས་ཀྱི་གཞི་རྩ་མཆོད་དོ། །སེམས་ཙམ་རྣམ་རྫུན་པས། ཕྱི་རོལ་གྱི་ཡུལ་ཡང་མེད། འཛིན་བྱེད་ཀྱི་ཤེས་པའང་མེད། གཟུང་འཛིན་གཉིས་མེད་རྟོགས་པའི་ཤེས་པ་རང་རིག་རང་གསལ་འདི་བདེན་པར་འདོད་དེ། འདི་ནི་ཀུན་གཞིའི་རྣམ་ཤེས་ཡིན་ལ། འདིའི་སྟེང་དུ་ལས་འབྲས་ཁས་ལེན་པའོ། །དེ་ནི་གཉེན་པོས་བཅིངས་ཏེ་སྤྲོས་པའི་མཐའ་བཞི་དང་བྲལ་བར་མ་ནུས།

(༡༠)འོན་ཀྱང་འདི་ནི་ད་ལྟའི་མོས་སྒོམ་པ་ཕལ་གྱིས་ཐམས་ཅད་སེམས་ཡིན་ཞེས་ཆེད་འཛིན་བྱས་པའི་ཤེས་པ་ལ་སྒོམ་དུ་འདོད་པ་དང་མཚུངས་པ་ལྟར་སྣང་བ་ནི་གྲུབ་པའི་མཐའ་མ་ལོན་པའི་དམུན་པོ་ཁོ་ན་ལས། དོན་རྒྱུད་རྟོགས་པའི་མངའ་བདག་རྒྱ་བོད་ཀུན་ཏུ་གྲགས་པ་རྣམས་ཀྱིས་ནི་དགོངས་པའི་དྲི་ཙམ་ཡང་མ་ཡིན་དེས་ན་རྫོགས་ཆེན་གྱི་ལྟ་བ་སེམས་ཙམ་པའོ་ཟེར་བ་དང་། ཕྱག་རྫོགས་ཐུན་མོང་ལ་གྲགས་པའི་ཐ་མལ་གྱི་ཤེས་པ་ལ་སྐུར་བདག་ཕྱོགས་ལྷུང་གི་མཁྲིས་པས་འདྲེན་བྱེད་ཀྱི་མདངས་ཕྲོགས་ཏེ་དུང་གི་ཁ་དོག་སེར་པོར་སྣང་བ་ལས་ཤེས་བྱེད་ཅི་ཡང་མེད་དོ། །གཉིས་པ་ངེས་དོན་དབུ་མ་ཆེན་པོ་ལ་གཉིས། རང་རྒྱུད་པ་དང་ཐལ་འགྱུར་བའོ། །དང་པོ་ནི། ཡང་དག་པའི་ཀུན་རྫོབ་དང་ལོག་པའི་ཀུན་རྫོབ་ཁྱད་པར་འབྱེད་ལ། དེས་ནི་གཉིས་ཆོས་ཀྱི་དྲི་མ་སྤངས་སོ། །གཉིས་པ་དབུ་མཐའ་འགྱུར་བ་ནི་འདི་སྐད་དུ། ང་ལ་ཁས་ལེན་མེད་པས་ན། །ང་ནི་སྐྱོན་མེད་ཁོ་ན་ཡིན་ཞེས་གསུངས་ནས་ཆོས་ཐམས་ཅད་ངོ་བོ་ཉིད་མེད་པ་དང་། ཡུལ་རང་ངོས་ནས་མ་གྲུབ་པ་དང་། རང་གི་མཚན་ཉིད་ཀྱིས་མ་གྲུབ་པ་དང་། ཅིའི་ངོ་བོར་ཡང་མ་གྲུབ་པ་སྟེ། དབུ་མ་རྩ་ཤེའི་མཆོད་བརྗོད་ལས། །གང་གི་རྟེན་ཅིང་འབྲེལ་བར་འབྱུང་། །འགག་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། །ཐ་དད་དོན་མིན་དོན་གཅིག་མིན། །ཞེས་མཐའ་བརྒྱད་སྤྲོས་བྲལ་དུ་གཏན་ལ་ཕབ་ཅིང་། བདག་ཅག་གི་སྟོན་པས་བྱང་ཆུབ་བརྙེས་པའི་ཚུལ་བསྟན་ཚེའང་། ཟབ་ཞི་སྤྲོས་བྲལ་འོད་གསལ་འདུས་མ་བྱས། ཞེས་སོགས་ཚིགས་སུ་བཅད་པ་ཤློ་ཀ་གསུངས་པའི་དགོངས་པ་འདི་ཉིད་ཡིན། རང་ལུགས་ལའང་ཀུན་མཁྱེན་ཆེན་པོས། ལྟ་བའི་གནས་ལུགས་ཐལ་འགྱུར་དང་མཚུངས་གསུངས་པ་ལྟར་ཁ་ནང་དུ་ལོག་ནས་བསྒོམས་ན་བཤད་རྒྱུད་ཀྱི་གོ་ཡུལ་ཙམ་མ་ཡིན་པར་རིག་འདྲི་མེད་ཀ་ནས་དག་པ་དེ་ལ་སྤྲོས་བྲལ་གྱི་གནས་ལུགས་

(༡༡)ཕྱིན་ཅི་ལོག་པར་གནས་ཤིང་། དེའི་དབང་གིས་ཆེན་པོ་རྣམ་པ་གསུམ་གྱི་ལྟ་བ་གཏན་ལ་འབེབས་པ་ཆུ་བརྒྱ་ཟམ་འོག་གཅིག་ཏུ་འདུ་བ་ལྟར་འདི་ཉིད་དུ་དགོངས་པ་གཅིག་མོད། འོན་ཀྱང་ཐོས་པའི་ནོར་དང་བྲལ་བས་གྲུབ་མཐའི་གནད་མ་ལོངས་པ་ཁ་ཅིག་གིས་ཞི་གནས་ཀོ་ལེ་བའི་ཉམས་མྱོང་ཆོས་སྐད་དུ་ཆེན་པོ་རྣམ་པ་གསུམ་གྱི་ལྟ་བ་ལ་འདམ་ཀ་མེད་ཅེས་ལོ་ཀའི་ཆོས་ཀླུའི་གྲངས་ལྡན་གྱི་དབང་དུ་ཁྱད་པར་ཅན་གྱི་གསང་བ་ལ་མན་ངག་མེད་པ་ལྟར་བྱེད་པ་ནི་རྡོ་རྗེ་སྙིང་པོའི་བསྟན་པ་ལ་རྒྱབ་ཀྱིས་ཕྱོགས་པ་སྟེ། དེ་ཅིའི་ཕྱིར་ཞེ་ན། མཐའ་བརྒྱད་སྤྲོས་བྲལ་གྱི་ངང་དུ་ལྟ་བ་ཐམས་ཅད་གཏན་ལ་འབེབས་པ་མཐུན་ཞིང་། དགོངས་པའི་ཞེ་ཕུགས་ལའང་སྤྲོས་བྲལ་ཁོ་ན་ལས་ལྷག་པའི་ལྟ་བ་ཞིག་མེད་པར་འགྲུབ་ཀྱང་། མདོ་སྔགས་གཉིས་སྤྲོས་བྲལ་གྱི་དགོངས་པ་ལེན་ཕྱོགས་ཆེས་མི་མཚུངས་པའི་ཁྱད་པར། འདི་ལྟར་ཕར་ཕྱིན་ཐེག་པ་བས་ནི་ཡོད་མེད་རྟག་ཆད་ཀྱི་མཐའ་ཤེས་བྱ་ཁོ་ནས་གཏན་འཕབ་ནས་དབུ་མ་ལ་གནས་པའི་སྟོང་པ་ཉིད་དེ་ཡང་། ཞི་གནས་ཀྱི་འཇོག་སྒོམ་དང་ལྷག་མཐོང་གི་དཔྱད་སྒོམ་སོ་སོར་རྣམ་གྲངས་ཐ་དད་དུ་འབྱེད་ཅིང་རྣམ་རྟོག་དང་ཉོན་མོངས་པ་སྤོངས་བསྐུར་།།།ལམ་དུ་ཁྱེར་བ་གསུམ་སོ་སོའི་སྒོ་ནས་ས་ལམ་ཡུན་རིང་པོར་བགྲོད་པས་པཎྜི་ཏའི་དཔྱད་སྒོམ་ཞེས་ཁ་ཕྱི་ནང་ལྟས་ཀྱི་སྟོང་ཉིད་དུ་ངེས་ལ། སྔགས་ལམ་པས་ནི་རིམ་གཉིས་ཟུང་འཇུག་ལ་གཙོ་བོར་འདོན་ཞིང་། དེ་ལ་ཡང་ལྟ་བའི་སྙིང་པོ་ནི་གནས་ལུགས་ཡེ་བབས་ཀྱི་གཤིས་ལ་སྤྲོས་བྲལ་ལྷུན་གྲུབ་ཏུ་མཆིས་པའི་གནད་ཀྱི་མྱུར་ལམ་སོར་བཞག་ལ་ཡིད་དཔྱོད་བློས་བཏགས་ཀྱིས་བཟོ་མི་འཆོས་པར་ཀུ་སཱ་ལིའི་འཇོག་སྒོམ་ལ་གཞོལ་བས་ཁྱད་པར་བྱ་སྟེ། འོ་ན་ཕྱག་རྫོགས་གཉིས་ལ་ཁྱད་པར་མེད་པར་ཐལ་ཞེ་ན། ཁ་ཅིག་གིས་དེ་ལྟར་ཁས་བླངས་མོད་ཀྱི་མགོ་རྨོངས་པ་ཙམ་དུ་ཟད་པས་འཇིག་རྟེན་མིག་གཅིག་ཀུན་མཁྱེན་ལྔ་པ་ཆེན་པོས། དགའ་རབ་ཤྲཱི་སིང་བད་འབྱུང་བི་མ་ལ། བཻ་རོ་སོ་ཟུར་གནུབས་ཉང་ལ་སོགས་པའི་

(༡༢)བཀའ་གཏེར་གནད་ལ་སྦྱངས་དམན་སྙིང་རློམ་འགས། །ཕྱག་རྫོགས་མ་ཕྱེད་བསྲ་བསྲེའི་ཆོས་སྐང་མང་། །ཞེས་གསུངས། དེས་ན་རགས་པའི་སྒོ་ནས་དབྱེ་ན། ཕྱག་ཆེན་པོ་ནི་ཆོས་ཅན་ལ་ཆོས་ཉིད་ཀྱི་རྒྱས་བཏབ་ནས་སྣང་རིག་ངོས་བཟུང་བྲལ་བའི་གསལ་སྟོང་དུ་བསྐྱེལ་བ་ཤས་ཆེ་ལ། རྫོགས་ཆེན་པ་ནི་ཆོས་ཅན་ཐམས་ཅད་ཆོས་ཉིད་བྱང་ཆུབ་སེམས་ཀྱི་སྣང་ཆར་སྒྱུ་མ་ལྟ་བུའི་རོལ་བར་ཤར་ཡང་། སྟོང་ཆ་ནས་རང་བཞིན་གྱིས་སྤྲོས་པའི་མཐའ་དང་བྲལ་བ་བྱས་ཆོས་བློ་ལས་འདས་པའི་དབྱིངས་བཅིང་གྲོལ་གཟོད་ནས་དག་པའི་ངང་དུ་ཚུར་རྫོགས་པས་འཁྲུལ་པ་གནས་དག་པ་དེ་ཉིད་ལ་བཟོ་མི་འཆོས་པས་ཁྱད་པར་བྱེད་ལ། བོད་ཀྱི་ཀློག་པ་ཐོས་བསམ་པ་ཕལ་གྱི་བློ་ལ་འདི་ལྟའི་བཤད་ཚུལ་མ་བབས་པར་མདོ་སྔགས་གཉིས་ཀྱང་ཐབས་ཀྱིས་ཁྱད་པར་མ་གཏོགས། ཏིང་ངེ་འཛིན་གྱི་སྒོ་ནས་དབྱེ་རྒྱུ་མེད་ཅེས་གསུང་ཡང་དཔལ་འཁོར་ལོ་སྡོམ་པ་གསང་བ་བསམ་གྱིས་མི་ཁྱབ་པའི་རྒྱུད་ལས་ཉན་ཐོས་ལ་སོགས་ཐེག་ཆུང་ལ། མན་ངག་ཡོད་པ་མ་ཡིན་ཏེ། །ལྟ་བ་སྤྱོད་པ་སེམས་བཟུང་དང་། །རྒྱུ་དང་ལམ་དང་འབྲས་བུས། །དུས་དང་ལོངས་སྤྱོད་རྣལ་འབྱོར་དང་། །བདག་གཞན་དོན་དང་དགོས་པ་དང་། །ངལ་དུབ་མཐའ་སྤངས་ཚེགས་ཆུང་དང་། །ཚོགས་བསགས་པ་ཡི་ཁྱད་པར་དང་། ཁྱད་པར་རྣམ་པ་བཅོ་ལྔ་ཡིས། །རིག་འཛིན་ཐེག་པ་ཁྱད་པར་འཕགས། །ཞེས་དང་། གཞན་ཡང་ཐབས་ཞགས་ལས། གསང་ཚུལ་ཚུལ་ཆེན་ཤིན་ཏུ་རྨད་བྱུང་བ། །ལམ་གྱི་ནད་ནས་ཉེ་ལམ་ཆེན་པོ་སྟེ། །ཐབས་ཀྱི་ཐེག་པའི་ནང་ནས་མ་ནོར་དམ་པ་སྟེ། །ཤེས་རབ་ནང་ནས་ཤེས་རབ་ཁྱད་པར་ཅན། །ཞེས་པ་འདིས་ཐབས་ཤེས་གཉིས་ཀས་འཕགས་པར་བསྙོན་མེད་དུ་གྲུབ། རང་ལུགས་སུ་ཀུན་མཁྱེན་ཆེན་པོས། ཆོས་ཐམས་ཅད་སྤྲོས་པ་ཉེ་བར་ཞི་བ་ཁས་ལེན་ཐམས་ཅད་དང་བྲལ་བ་ནི་མདོ་ལུགས་ལའང་ཡོད་མོད། ད་ལྟའི་སེམས་འདི་སྤུ་མ་བརྗེས་པར་སངས་རྒྱས་སུ་འགྲུབ་པར་

(༡༣)འདོད་པའི་ཤེས་རབ་ཕ་རོལ་ཏུ་ཕྱིན་པ་ལ་ག་ལ་ཡོད། དེས་ན་ཐབས་ཤེས་གཉིས་གས་གསང་སྔགས་ཁྱད་པར་འཕགས་ཏེ། དོན་གཅིག་ན་ཡང་མ་རྨོངས་དང་། །ཞེས་པ་འདི་ཡང་ཕར་ཕྱིན་ལ་རྨོངས་པའི་སྒྲིབ་པ་ཕྱོགས་གཅིག་ཡོད་པར་གསུངས། ཞེས་བཀའ་སྩལ་ཞིང་ཚུལ་གསུམ་སྒྲོན་མེ་ལ་སོགས་པའི་ལུང་འདྲེན་མང་པོ་དང་བཅས་ཁྱད་འབྱེད་གནང་བའི་རྗེས་སུ་འབྲང་བ་ཡིན་ལ། ཁྱད་པར་རྫོགས་ཆེན་ཐུན་མོང་མ་ཡིན་པའི་སྐབས་སུ་ནི། རྒྱུད་ལས། ལྟ་བ་རྣམ་པ་གཉིས་ཡིན་ཏེ། །ཆོས་ཅན་ལྟ་དང་ཆོས་ཉིད་ལྟ། །ཨ་ནུ་མན་ཆད་རང་འདོད་པས། །ཆོས་ཅན་ཉིད་ལ་ལྟ་ལྟ་ནས། །ཆོས་ཉིད་དོན་ལ་རྡུལ་རེག་མེད། །ཞིང་བར་འདོད་ན་གྲུབ་མཐའ་རིན་པོ་ཆེའི་མཛོད་ཀྱི་ལེའུ་ལྔ་པའི་ས་བརྒྱད་དང་པོ་ལ་དཔྱོད་པའི་ཤེས་རབ་ཀྱི་འདྲེན་བྱེད་གཡོས་ཤིག །ཨ་ཏི་རྣམ་པ་ཁ་ཅིག་གིས། །འདི་ཉིད་ཕྱོགས་ཙམ་མཐོང་བ་མེད། །རྫོགས་པ་ཆེན་པོ་ཐིག་ལེའི་སྐོར། །ཕྱི་དང་ནང་དང་གསང་ལས་ཀྱང་། །འདི་ཉིད་དོན་ལ་རེག་པ་མེད། །དེ་ཕྱིར་གསང་ཆེན་མན་ངག་གི། །ལྟ་ཉིད་ཤིན་ཏུ་གསང་བའོ། །ཞེས་གསུངས་པ་འདི་ནི་མན་ངག་སྡེའི་ནང་ནས་ཀྱང་ཡང་གསང་ཁོ་ནའི་བསྔགས་པ་སྟེ། གཞན་ཡང་འོག་མ་འོག་མ་ཀློང་སྡེ། སེམས་སྡེ་སོགས་སོ་སོའི་ཁྱད་འབྱེད་ཟབ་ཁྱད་སོགས་ཀྱི་འགྲེལ་བཤད་ནི། ཀུན་མཁྱེན་ཆོས་རྗེའི་ཞབས་དང་། མངའ་རིས་རིག་འཛིན་ཆེན་པོ་སོགས་ལས་དཔྱད་བཟོད་པ་མེད་པས་ ལུས་དང་འདྲ་བའི་ཕྱི་སྐོར། མིག་དང་འདྲ་བའི་ནང་སྐོར། སྙིང་དང་འདྲ་བའི་གསང་སྐོར། ཐམས་ཅད་རྫོགས་པའི་སྐྱེས་བུ་འདྲ་བའི་གསང་བ་བླ་ན་མེད་ཅེས་དཔེ་།།།དུ་བཞག་ནས་སློབ་དཔོན་།།།པའི་སྒྲོན་མ་སྣང་བྱེད་ལས་གསུངས་སོ། །སྤྲོས་པ་ལ་དགའ་བ་རྣམས་དེ་དག་གི་བཀའ་འབུམ་སྤྱི་དང་ཁྱད་པར་ཀུན། པཎ་ཆེན་པདྨ་དབང་རྒྱལ། མཁྱེན་རིན་པོ་ཆེའི་ཐེག་མཆོག །རྫོགས་པ་ཆེན་པོའི་རྒྱུད་བཅུ་བདུན་དང་། མན་ངག་བརྒྱ་བཅུ་དབུའི་དོན་འགྲེལ་ཡིན་པས་མཛོད་བདུན་ཕྱི་ནང་ཚན་ནས་ཀྱང་བརྗོད་བྱ་རྒྱ་ཆེ་ལ་གོ་དོན་སྟོབས་ཆེས་བཞིན་ནོ། །མཛོད་ཤོག་གླངས་ལྔ་

(༡༤)བརྒྱ་པ་ལ་ཞིབ་མོར་དཔྱད་ན། རྫོགས་ཆེན་གྱི་གྲུབ་མཐའི་སྙིང་པོའི་ངོས་འཛིན་ཐུན་མོང་མ་ཡིན་པའི་མཚང་རིག་ཅིང་རྫོགས་ཆེན་དུ་རློམ་པའི་ཡིག་ཆ་ཕལ་ཆེར་གྱི་ཀླད་པ་བགེམས་པར་གོ་བས་བློ་གྲོས་དང་ལྡན་པ་རྣམས་ཀྱིས་ལྟད་མོ་ཞིབ་མོར་བལྟ་བར་བྱོས་ཤིག །ད་ནི་གསང་སྔགས་ཕྱི་རྒྱུད་རྣམས་ཀྱི་ལྟ་སྒོམ་སྤྱོད་འབྲལ་སྟོན་ཏེ། སྔ་མའི་འཕྲོ་ལས། བཞི་པ་ཕྱི་ཐུབ་བརྒྱུད་ཀྱི་རྣམ་པར་གཞག་པ་ལ་གསུམ་ལས། ཀྲཱི་ཡ་བྱ་རྒྱུད་ཀྱི་ཐེག་པ་ལ་ཡང་དག་པ་གསུམ་དང་གཙང་སྦྲ་གསུམ་སྤྱོད་པས། བདག་དང་ལྷ་གཉིས་རྗེ་འབངས་ཀྱི་ཚུལ་དུ་བསྒྲུབས་པས་དངོས་གྲུབ་འདོད་པ་སྟེ། ལུས་དག་པས་ལྷའི་སྐུར་སྒོམ་སྟེ་ཁྲུས་གསུམ་དང་གོས་གསུམ་བརྗེག་།།།དཀར་གསུམ་དང་མངར་གསུམ་བསྟེན་པ། དམིགས་པ་ཡུལ་གྱི་གནད་གསུམ་སྟེ། སྐུ་གཟུགས་བརྙན་ལ་དམིགས་པས་རྣམ་པ་གསལ་བ། གསུང་ཡིག་འབྲུ་ལ་དམིགས་པས་སྒྲ་གྲག་སྔགས་དང་། ཐུགས་ཕྱག་མཚན་ལ་དམིགས་པས་དྲན་བསམ་ཐམས་ཅད་ཏིང་ངེ་འཛིན་གྱི་ལྷར་གསལ་བ། ལྷ་ཡེ་ཤེས་སེམས་དཔའ་དང་བདག་དམ་ཚིག་སེམས་དཔའ་རྗེ་ཁོལ་གྱི་རྣམ་པ། ཐུན་མོང་གི་དངོས་གྲུབ་ལ་ཀུན་རྫོབ་མི་སློང་། མཆོག་གི་དངོས་གྲུབ་ལ་དོན་དམ་སེམས་ཉིད་ལས་གཞན་མི་བསྒྲུབ། ལྷ་མོ་རྣམས་དང་ཕན་ཚུན་བལྟས་པ་ལས་བྱུང་བའི་བདེ་བས་ཚིམ་པའོ། །ལྔ་པ་སྤྱོད་རྒྱུད་ཨུ་པ་ལའི་ཐེག་པ་ལ་ཡང་། སྤྱོད་པ་ཀྲཱི་ཡ་ལྟར་སྤྱོད་པ་ལྟ་བ་ཡོ་ག་ལྟར་འདོད་པ་མ་ནིང་གི་ཐེག་པ་ཞེས་བྱ་སྟེ། དམིགས་པ་མངོན་བྱང་ལྔ་ལ་དམིགས་པའི་དཀྱིལ་འཁོར་རྒྱལ་མཆོག་བསྒྲུབས་ནས་ལམ་མངོན་དུ་བྱེད་པའོ། །དྲུག་པ་ཡོ་ག་རྣལ་འབྱོར་རྒྱུད་ཀྱི་ཐེག་པ་ནི། ལས་རྒྱལ་མཆོག་དང་དཀྱིལ་འཁོར་རྒྱལ་མཆོག་གཉིས་ལས། ལས་ཐོར་བུ་པ་ནི་ཆོ་གའི་ཡན་ལག་གང་ཡང་རུང་བ་ལ་བརྟེན་ནས་བྱང་ཆུབ་འདོད་པ་སྟེ། མཆོད་པ་དང་སྦྱིན་སྲེག་དང་བསྙེན་པ་ལྟ་བུ་ལ་རྒྱུན་དུ་འབད་པའོ། །ལས་རྒྱལ་མཆོག་ནི། དེ་ཐམས་ཅད་

(༡༥)དཀྱིལ་འཁོར་སྒྲུབ་པའི་ཡན་ལག་ཏུ་ཉམས་སུ་ལེན་ལ། དཀྱིལ་འཁོར་རྒྱལ་མཆོག་ནི་སའི་ཆོ་གནས་དབང་བསྐུར་བ་དང་བལྡུ་ཆོག་ཡན་ལག་གང་ཟག་གཅིག་གི་ལམ་དུ་བཞག་པའོ། །དེ་ལ་ཡང་ཏིང་ངེ་འཛིན་གཙོ་བོར་བྱེད་པ་ནི། སྦྱོར་བ་དང་པོའི་ཏིང་ངེ་འཛིན་དང་། ཡོངས་སུ་དག་པའི་ཏིང་ངེ་འཛིན་ལ་བརྟེན་ནས་ལྷ་གཅིག་བསྒོམས་ཀྱང་རུང་སྟེ། ཕྱི་ཕུང་པོ་དང་འབྱུང་བ་རྣམ་པར་དག་པ། ནང་ལས་དང་ཉོན་མོངས་པ་རྣམ་པར་དག་པ། གསང་བ་ཡུལ་དང་དབང་པོ་ལྔ་རྣམ་པར་དག་པ་ནས། རིགས་ལྔའི་སངས་རྒྱས་སུ་བདག་ཉིད་གྱུར་པ་ནི། ཡི་དམ་གྱི་ལྷ་དང་བདག་ཉིད་རིགས་གཅིག་གིས་བསྡུས་པའི་སྤུན་ལྟར་བསྒོམས་པས། ལྷ་ལ་བཟང་རྒྱུ་མེད་པར་ཤེས་ཏེ། དངོས་གྲུབ་རང་ལས་བྱུང་བ་དང་། བདག་ལ་ངན་རྒྱུ་མེད་པར་རྟོགས་པས། དེ་ཉིད་སྒྱུ་ལུས་ལྷའི་སྐུར་གསལ་བར་ནུས་པས་འོག་མ་ལས་ཁྱད་པར་དུ་འཕགས་ཤིང་། བསྐྱེད་རྒྱུའི་ལྷ་དང་བདག་གཉིས་སུ་མེད་པར་རྟོགས་པས། དོན་དམ་དང་ཀུན་རྫོབ་ཀྱི་མིང་མེད་ཅིང་ཟབ་མོ་རྣལ་འབྱོར་གྱི་ཆ་ལ་སྙོམས་པར་སྤྱོད་ཅིང་། ཕྱག་རྒྱ་བཞི་བ་ཏིང་ངེ་འཛིན་གྱི་སྒོ་ནས་བདེན་པ་དབྱེར་མེད་ཟབ་གསལ་གཉིས་སུ་མེད་པའི་ཡེ་ཤེས་སྒོམ་ཞིང་ལང་ཚོས་སྙིང་ལ་འགྲོགས་པས་ལག་བཟུང་འབྲེལ་བདེ་བས་ཚིམ་པའོ། །ཞེས་སྔགས་ཕྱི་པའི་རྣམ་གཞག་འགག་ལ་འདྲིལ་བར་གསུངས་ཤིང་། དེ་ལྟར་སྔགས་ཕྱི་ནང་གི་ཁྱད་པར་གང་གིས་འབྱེད་ཅེ་ན། ལྟ་སྤྱོད་ཏིང་ངེ་འཛིན་གསུམ་དབྱེར་མེད་དུ་འདོད་པ་སྔགས་ནང་པ། མི་འདོད་པ་སྔགས་ཕྱི་པའོ། ཁ་ཅིག་ན་རེ། དེ་ལྟ་ན་སྔགས་ཕྱི་པ་དང་མཚན་ཉིད་ཀྱི་ཐེག་པ་ལ་ཁྱད་པར་མེད་དམ་སྙམ་ན། ཡོད་དེ། མཚན་ཉིད་ཐེག་པས་ནི་ཀུན་རྫོབ་ལམ་དུ་བྱེད་མི་ནུས་ལ། གསང་སྔགས་ཕྱི་པས་ནི་ཀུན་རྫོབ་ལམ་དུ་བྱེད་ནུས་པས་སོ། །ད་ནི་ལྟ་སྤྱོད་ཏིང་ངེ་འཛིན་གསུམ་གྱི་སྒོ་ནས་དབྱེ་བ་ནང་རྒྱུད་གསུམ་གྱི་རྣམ་གཞག་བརྗོད་དེ། སྔ་མའི་འཕྲོ་ལས། ནང་པ་ཐབས་ཀྱི་རྒྱུད་གསུམ་ནི་ཤ་

(༡༦)ལྔ་བདུད་རྩི་ལྔ་ལ་སོགས་སྤྱོད་ཅིང་། རིགས་བསྟེན་པ་སོགས་སྤང་བླང་དང་གཙང་དམེ་མེད་པས་ཁྱད་པར་དུ་འཕགས་ཤིང་། བདུན་བརྒྱུད་མ་ཧཱ་ཡོ་གའི་ཐེག་པ་ནི་ལྟ་བ་བདེ་སྟོང་དབྱེར་མེད་ཀྱི་ངང་ནས་ཐབས་བསྐྱེད་པའི་རིམ་པ་གཙོ་བས་ཏིང་ངེ་འཛིན་གསུམ་གྱིས་ཉམས་སུ་ལེན་པ་སྟེ། དེ་བཞིན་ཉིད་ཀྱི་ཏིང་ངེ་འཛིན་ནི། རྟོག་མེད་དུ་སང་ངེ་གསལ་ལེ་བའོ། །ཀུན་ཏུ་སྣང་བའི་ཏིང་ངེ་འཛིན་ནི་ཀུན་ཁྱབ་བྱང་ཆུབ་ཀྱི་སེམས་དོན་དེ་ཉིད་གསལ་བ་འགག་མེད་མ་ཡེངས་པའི་ཚུལ་དུ་སྒོམ་པའོ། །རྒྱུའི་ཏིང་ངེ་འཛིན་ཧཱུཾ་ལས་སེམས་དཔའ་གསུམ་བརྩེགས་སུ་སྒོམ་པ་སྟེ། བདག་ཉིད་དམ་ཚིག་སེམས་དཔའ་ལ་ཕུན་སུམ་ཚོགས་པ་བཞི་དང་ལྡན་པ། ཡིག་འབྲུའི་ཏིང་འཛིན་སེམས་དཔའ་ལ་གསལ་བ་གསུམ་དང་ལྡན་པ། ཡེ་ཤེས་པ་རྣམ་པ་བཞི་ལ་ཞི་བ་དང་ཁྲོ་བོར་གསལ་བ་ཉིད་དོ། །ཀུན་རྫོབ་ཙམ་དུ་སྦྱང་བྱ་ཕུང་པོ་ཁམས་ལ་སོགས་ལྷ་དང་ལྷ་མོའི་དཀྱིལ་འཁོར་དུ་གནས་ཏེ། ཕུང་པོ་ལྔ་དང་། འབྱུང་བ་ལྔ་དང་། ཡུལ་ལྔ་དང་། ཉོན་མོངས་པ་ལྔ་ལ་སོགས་པ་སྤྱོད་ལ། དོན་ལ་སྦྱང་གཞི་དབྱིངས་དང་རང་བཞིན་རྣམ་པར་དག་པའི་སྟེང་ན། སྦྱང་བྱ་ཕུང་པོ་ཁམས་དང་གཟུང་འཛིན་ལ་སོགས་པ། སྦྱོང་བྱེད་བསྐྱེད་རྫོགས་ཐབས་ཀྱི་རིམ་པས། སྦྱངས་འབྲས་སྐུ་དང་ཡེ་ཤེས་སུ་འགྲུབ་པ་མིང་འདོགས་ཀྱི་གཉིས་སྣང་དང་བྲལ་བ་རྟོགས་པ་ཡིན་ནོ། །རང་འདྲའི་རིག་མ་དང་སྙོམས་པར་ཞུགས་པའི་བདེ་བ་ཆེན་པོ་ཉམས་སུ་མྱོང་བའོ། །བརྒྱད་པ་ལུང་ཨ་ནུ་ཡོ་གའི་ཐེག་པ་ནི། དབྱིངས་དང་ཡེ་ཤེས་འདུ་འབྲལ་མེད་པས། སྤྲོས་པའི་མཐའ་གང་དུ་ཡང་མི་དམིགས་པས། རྫོགས་རིམ་ཤེས་རབ་གཙོ་བའི་སྒོ་ནས་བསྒྲུབ་པ་སྟེ། རྟོགས་པའི་ལྟ་བ་རྒྱུན་ཆད་མེད་པའི་ངང་ནས་ཅིག་ཅར་དུ་འཇུག་པས་ལྷ་རྣམས་ཚིག་གིས་མ་བསྐྱེད་པར་སྙིང་པོ་དྲན་པ་ཙམ་གྱིས་དཀྱིལ་འཁོར་ཡོངས་སུ་རྫོགས་པ་སྟེ། རྫོགས་རིམ་གྱི་ལྷ་སྐུ་ལྷན་སྐྱེས་པ་དེ་

(༡༧)བ་ཆེན་པོ་དང་འབྲལ་བ་མེད་པའོ། །མན་ངག་རྫོགས་པ་ཆེན་པོ་ཨ་ཏི་མཆོག་གི་ཐེག་པ་ནི། ལྷུན་གྲུབ་ཏུ་སྤྱོད་ཙམ་འཛིན་པའི་དབྱིངས་ལ་སྒྱུ་མ་རྣམ་དག་ཕྱོགས་མེད་ཀྱི་ཡེ་ཤེས་སུ་ཤར་ཡང་། ཐུགས་རྗེ་སྣ་ཚོགས་འགག་མེད་དུ་གྲོལ་བས། གཞི་དབྱིངས་དང་ཡེ་ཤེས་ལ་བྱས་ཆོས་དང་རྩོལ་སྒྲུབ་འཕོ་འགྱུར་དང་བྲལ་བས། ཆོས་ཐམས་ཅད་གཞི་བཞག་ཡེ་གྲོལ་ཆེན་པོར་དབྱིངས་རིག་གཉིས་སུ་མེད་པ་སྟེ། དེ་ལྟར་ཐེག་པ་རྣམ་པ་དགུའི་རིམ་པའོ། །ཞེས་གསུངས་པ་ལྟར་བཤད་མ་ཐག་པའི་ཐེག་དགུའི་རྣམ་གཞག་ཕྱིན་ཅི་མ་ལོག་པ་ཞིབ་མོར་འགྲེལ་བའི་རྣམ་དཔྱོད་ཀྱི་མཐུ་བླ་ན་མ་མཆིས་པར་གྱུར་པ་ནི་ཁྲོན་པའི་ལག་འགྲོའི་ལོ་རྒྱུས་ཙམ་མ་ཡིན་པར་དམ་པ་འདི་ཤིན་ཏུ་དཔྱད་བཟོད་པ་ཡིན་ཞིང་།

(༡༨)སྐྱེས་མཆོག་ཁྱད་པར་ཅན་འདི་ནི་ལོ་ཆེན་བཻ་རོ་འཁོར་བའི་རྫུ་ལ་ཞུགས་པའི་སྔོན་གོམས་ཀྱི་མཁྱེན་བརྩེའི་བག་ཆགས་གཉིད་སད་པ་ལྟ་བུར་གྱུར་པ་ཙམ་དུ་ཡང་མ་ཟད། སྐུ་ཚེ་འདིའི་སྟོད་ལ་བརྒལ་བ་རྟག །རྩོད་པའི་འཁོར་ལོས་སྡེ་སྣོད་གསུམ་དང་རྒྱུད་སྡེ་བཞིའི་མགྲིན་རྔ་ལྡིར་བའི་རིགས་གྲྭ་རྣམས་སུ་གསན་བསམ་མཐར་ཕྱིན་པའི་སྒོ་ནས་དགེ་བའི་བཤེས་གཉེན་དུ་བསྒྲུབས་ལ། ཕྱིན་ཆད་བོད་འགྲེལ་རྣམས་ཀྱིས་ཀྱང་མ་ཚིམ་པར་རྒྱན་དྲུག་མཆོག་གཉིས་ཀྱི་གཞུང་འགྲེལ་ཁོ་ན་ལ་བརྟེན་ནས་ཤིང་རྟ་ཆེན་པོ་བ་རྣམས་ཀྱི་དགོངས་པ་བླངས་ཤིང་། སྐུ་ཚེའི་སྨད་ལ་ཀུ་སུ་ལུའི་བརྟུལ་ཞུགས་ཀྱིས་སྒྲུབ་པ་ཁོ་ནར་གཞོལ་བས་ཨོ་རྒྱན་ཆེན་པོས་རྒྱལ་ཚབ་ཏུ་དབང་བསྐུར་བ་སོགས་ལམ་གྱི་འཇུག་སྒོ་ཀུན་མཁྱེན་ཆེན་པོ་དང་མཚུངས་པས་རྟོག་གེའི་ཚིག་ལ་ཨ་འཐས་པ་དང་བླུན་སྒོམ་མུ་ཅོར་སྨྲ་བ་གང་གི་ཡང་ཕྱོགས་སུ་མ་ལྷུངས་པས་ངེས་པ་དོན་གྱི་མཁས་གྲུབ་དཔྱིས་ཕྱིན་པ་ཞིག་ཏུ་གྱུར་པའི་སྔགས་དང་ཕར་ཕྱིན་གྱི་ཐེག་པ་གཉིས་ཀ་ལ་འགྲན་གྱིས་ཟླ་མེད་དུ་གྱུར་པ་ནི་མདོ་སྔགས་གཉིས་ཀྱི་སྨོན་ལམ་ཙམ་གྱིས་ཀྱང་མཁས་པ་དག་རངས་

(༡༨)པར་གྱུར་ནས་ལག་པའི་ཟེའུ་འབྲུ་པདྨ་ཁ་འབུས་པ་ལྟ་བུར་བྱས་ཏེ་རྣམ་པར་འདུད་པའི་བཞིན་རས་སྟོན་པ་ནི་ལྐོག་ཏུ་མ་གྱུར་བ་འདིའོ། །དེ་ཡང་རྒྱུ་མཚན་ཉིད་ཀྱི་ཐེག་པ་དང་འབྲས་བུ་གསང་སྔགས་ཀྱི་ཐེག་པའི་ཁྱད་པར་གང་གིས་འབྱེད་ཅེ་ན། སེམས་ཉིད་སངས་རྒྱས་ཀྱི་རྒྱུ་རུ་འདོད་ཅིང་དོན་དམ་བསྒྲུབ་བྱར་བྱས་ནས་ཀུན་རྫོབ་སྤང་བྱར་བྱེད་པ་ནི་མཚན་ཉིད་ཀྱི་ཐེག་པ། སེམས་ཉིད་སངས་རྒྱས་ཀྱི་འབྲས་བུར་འདོད་ཅིང་ཀུན་རྫོབ་མི་སྤོང་བར་ལམ་དུ་འཁྱེར་བ་ནི་འབྲས་བུ་གསང་སྔགས་ཀྱི་ཐེག་པ་ཞེས་འདོད་དོ། །ཐེག་པ་དེ་དག་ཐམས་ཅད་ཀྱི་མཐའ་བརྟེན་གྱི་འབྲས་བུ་ནི། གཏེར་ཆེན་ཐམས་ཅད་མཁྱེན་པས། རྗོད་བྱེད་སྡེ་སྣོད་གསུམ་གྱི་བརྗོད་བྱ་རྣམ་དག་ཚུལ་ཁྲིམས་ཀྱི་བསླབ་པས་འདུལ་བ། མི་གཡོ་ཏིང་ངེ་འཛིན་གྱི་བསླབ་པས་མདོ་སྡེ། སོ་སོར་རྟོག་པའི་ཤེས་རབ་ཀྱི་བསླབ་པས་མངོན་པ། རྒྱུད་སྡེ་འོག་མ་གསུམ་ལས་བྱ་སྤྱོད་ཀྱི་ལུས་ངག་ཡིད་གསུམ་ལྷ་སྔགས་ཏིང་ངེ་འཛིན་གསུམ་དུ་གསལ་བས་མཁའ་སྤྱོད་ལ་སོགས་པའི་ཐུན་མོང་གི་དངོས་གྲུབ་བརྒྱད་དང་། ཡོ་གས་མཆོག་གི་དངོས་གྲུབ་བསྒྲུབས་ཏེ་སྐྱེ་བ་བཅུ་དྲུག་ཚུན་དུ་འབྲས་བུ་ཐོབ་ཏུ་འདོད་པ་དང་། མ་ཧཱ་ཨ་ནུ་གཉིས་ཀྱིས་རྡོ་རྗེའི་ལུས་ལ་རྩ་ཐིག་རླུང་གསུམ་གྱིས་གནད་དུ་བསྣུན་པས། སྐྱེ་བ་གསུམ་མམ་བདུན་ལས་མི་འདའ་བའི་འབྲས་བུ་མངོན་བྱེད་དང་། ཁྱད་པར་མཆོག །རྡོ་རྗེ་གུར་ལས། མིག་སྨན་དང་ནི་རྐང་མགྱོགས་དང་། །རལ་གྲི་དང་ནི་ས་འོག་འགྲུབ། །རིལ་བུ་དང་ནི་མཁའ་སྤྱོད་ཉིད། །མི་སྣང་བ་དང་བཅུད་ཀྱི་ལེན། །ཞེས་གསུངས་པ་ལྟར་རོ། །གི་ཨ་ཏིས་སྣང་བ་བཞི་གཏན་ལ་ཕབ་པས་སྐྱེ་ཤིང་དོ་གསུམ་གང་རུང་ལ་ངེས་པར་གྲོལ་ཞེས་གསུངས་སོ། །རྙིང་མ་བཀའ་ལུགས་ལ་འདུས་པ་མདོ་དབང་ཞེས་ཐེག་པ་རིམ་པ་དགུའི་དབང་བསྐུར་བ་ཡང་འདི་ཉིད་ཡིན་ཞིང་། འོན་ཀྱང་རྒྱུའི་ཐེག་པ་ལ་དབང་བསྐུར་གྱི་ཐ་སྙད་གྲགས་པ་ལུགས་སྲོལ་འདིའི་ཁྱད་ཆོས་ཡིན་གཤིས་སྔ་རབས་པ་དག་གིས་དགག་པ་སྣ་ཚོགས་བྱུང་མོད་དེ། བརྟག་གཉིས་

(༡༩)ལས། དང་པོར་གསོ་སྦྱོང་སྦྱིན་པར་བྱ། །དེ་རྗེས་བྱེ་བྲག་སྨྲ་བ་བསྟན། །མདོ་སྡེ་པ་ཡང་དེ་བཞིན་ནོ། །ཞེས་སོགས་ཀྱི་མཐར། དེ་རྗེས་ཀྱཻ་ཡི་རྡོ་རྗེ་བསྟན། །ཞེས་ཐེག་པ་རིམ་པར་འཇུག་པ་དང་མཐུན་པར་འདིར་སྔགས་ལམ་དུ་ཐག་པ་ཀུན་གྱི་གཞུང་ལམ་ཚང་བར་བསྟན་པར་མ་ཟད། དབང་བསྐུར་གྱི་བརྗོད་བྱའི་དོན་ལ་མི་འཐད་པ་འགའ་ཡང་མེད་ལ། རྒྱུ་འབྲས་ཀྱི་ཐེག་པ་གཉིས་ལྟ་སྤྱོད་འདྲེས་པའི་སྐྱོན་ཡང་མི་མངའ། དབང་གི་དོན་ནི་ལྷག་གནས་སམ་བྱིན་གྱིས་བརླབ་པ་ཡིན་པས། བྱིན་བརླབ་ནི་འདུལ་བའི་ལས་ཆོག་ལས་ཀྱང་། བདག་མིང་འདི་ཞེས་བགྱི་བའི་ཆོས་གོས་འདི་སྣན་སྦྱར་དུ་བྱིན་གྱིས་བརླབས་སོ། །ཞེས་པས་མཚོན་ཏེ་ཤིན་ཏུ་མང་། ཁྱད་པར་དངོས་བསྟན་ནི། སུམ་བརྒྱ་པ་ལས། ངེས་པར་འབྱུང་བའི་ཚུལ་ཁྲིམས་སྡུག་བསྔལ་སྤོང་། །འཇིག་ཚོགས་ལྟ་བ་གདོན་གྱི་རྩ་བ་འཇོམས། །དཔལ་འབྱོར་ས་དང་མེ་ཏོག་མདའ་ཅན་འཇོམས། །རྫོགས་པའི་བྱང་ཆུབ་དཔལ་ནོད་དབང་བསྐུར་ཡིན། །ཞེས་དགེ་ཚུལ་གྱི་སྡོམ་པ་བྱིན་པ་ལ། བྱང་ཆུབ་རྣམ་པ་གསུམ་གྱི་ཕྱིར་དབང་བསྐུར་བའི་ཐ་སྙད་གསུངས་པ་ཆོས་ཅན། དེ་བཞིན་དུ་ཐོས་གྲོལ་དུ་བསྔགས་པའི་གཎྜི་ལའང་། ཆོས་ཀྱི་སྐུ་སྐྱེ་འགག་གནས་གསུམ་གྱིས་སྟོང་བས་གདོད་ནས་མ་སྐྱེས་ཤིང་དགེ་བའོ། །ཞེས་མོས་པས་རབ་གནས་བྱེད་པར་བཤད་པ་དང་། གཎྜིའི་མདོ་ལས་གཎྜི་ལ་བསྔགས་པ་བརྗོད་པ་ལ་བརྟགས་ན་རྟོག་གེ་པ་དག་བཏགས་གྲོལ་ལ་སྐུར་པ་འདེབས་པའི་ཉེས་པའང་ཁེགས་པ་ཡོད་དོ། །ཞེས་ཞར་ལ་སྨྲས་ནས། འདིར་སྔགས་ལམ་གྱིས་རྩིས་འགོ་བསྡུས་ནས་ཐེག་རིམ་དགུ་གང་ཟག་རིམ་གྱིས་པའི་རྣམ་མཁྱེན་གྱི་ལམ་གཅིག་ཏུ་བཞག་པའི་སྐབས། རྡོ་རྗེ་འཆང་ཐབས་ལ་མཁས་ཤིང་ཐམས་ཅད་མཁྱེན་པའི་ཕྱིར་རྫས་སྔགས་ཏིང་འཛིན་ལ་བརྟེན་པའི་བྱིན་རླབས་དབང་གི་ཆོ་ག་ཡང་མཁྱེན་ནས་གསུངས་པའི་ཕྱིར་རོ། །མ་མཁྱེན་ཞིང་

(༢༠)ཐབས་ལ་རྨོངས་ན་ཐམས་ཅད་མཁྱེན་པ་ནས་བུད་པར་ཐལ་ཏེ། དེས་ན་དབང་བསྐུར་བྱུང་བ་ལ་དགག་པ་བྱེད་པོ་ཉིད་ངལ་ཞིང་གདོད་མའི་མགོན་པོ་ལ་སྦྱོ་བ་ཙམ་དུ་ཟད་ལ། བརྒྱུད་པའི་ཁྱད་པར་ནི་དེ་དག་ལས་ཤེས་པར་བྱའོ། །དེ་ལྟར་བཤད་མ་ཐག་པའི་སྡེ་སྣོད་གསུམ་སྤངས་པས། རྒྱུད་སྡེ་དྲུག་ཏུ་དབྱེ་བ་ནི་གསང་རྙིང་ཐུན་མོང་གི་རྒྱུད་སྡེ་བཞི་པོའི་སྟེང་དུ་རྙིང་མ་རང་ལུགས་ལ་རྗེས་སུ་རྣལ་འབྱོར་ཞེས་པ་ཨ་ནུ་ཡོ་གའི་རྒྱུད་སྡེ་དང་། ཤིན་ཏུ་རྣལ་འབྱོར་ཞེས་ཨ་ཏི་ཡོ་གའི་རྒྱུད་སྡེ་བསྣན་པས་དྲུག་ཏུ་བྱུང་བ་ཡིན་ལ་རྒྱུད་སྡེའི་རྣམ་གྲངས་ཙམ་ལ་འཕགས་ཡུལ་གྱི་སློབ་དཔོན་ཁ་ཅིག་བདུན་དང་ལྔར་བཞེད་པ་ཡང་གསུངས་ལ། ཨ་ནུ་ཨ་ཏི་གཉིས་པོ་ཐེག་པའི་རྐང་གྲངས་སུ་འདྲེན་པ་སྔགས་རྙིང་མའི་རང་སྐང་ལྟ་བུར་འདུག་པ་ལ་མི་རིགས་སོ། །ཞེས་བརྒལ་བ་ཡང་ཧ་ཅང་ཐལ་ཏེ། སྤྱིར་ཐེག་པའི་གོ་བ་ནི། བཞེད་།།།ཚུལ་ཐ་དད་ཀྱང་འོག་ནས་གོང་དུ་འདེགས་པར་བྱེད་པས་ན་ཐེག་པ་ཞེས་ཡོན་ཏན་རིན་པོ་ཆེ་སྡུད་པ་ལས་གསུངས་པ་ལྟར་ཡིན་ལ། དེ་ཡང་འདི་ལྟ་སྟེ། དང་པོ་ཕྱི་མཚན་ཉིད་ཀྱི་ཐེག་པ་གསུམ་པོས་རིམ་བཞིན་དགྲ་བཅོམ་པ་དང་། ནེ་ཚོའམ་བསེ་རུ་ལྟ་བུའི་རང་སངས་རྒྱས་དང་། བཅུ་གཅིག་ཀུན་ཏུ་འོད་ཀྱིས་མཐར་འདེགས་པར་བྱེད་པས་ན་ཐེག་པ་དང་། གཉིས་པ་ཕྱི་ཐུབ་པ་རྒྱུད་ཀྱི་ཐེག་པ་གསུམ་པོས་རིམ་པ་བཞིན་རིགས་གསུམ་རྡོ་རྗེ་འཛིན་པའི་ས་དང་། རིགས་བཞི་མཁའ་ལ་སྤྱོད་པའི་ས་དང་། རིགས་ལྔ་སྟུག་པོ་བཀོད་པའི་སར་འདེགས་པར་བྱེད་པས་ན་ཐེག་པ་དང་། གསུམ་པ་ནང་པ་ཐབས་ཀྱི་རྒྱུད་རྣམ་པ་གསུམ་གྱིས་རིམ་པ་བཞིན་ཡི་གེ་འཁོར་ལོ་ཚོགས་ཆེན་གྱི་ས་དང་། བདེ་བ་ཆེན་པོའི་ས་དང་། ཡེ་ཤེས་བླ་མའི་སར་འདེགས་པར་བྱེད་པས་ན་ཐེག་པའི་སྒྲ་བཤད་བཞག་ལ། ཡེ་ཤེས་ཡིན་པའི་ཆ་ནས་འདེགས་བྱར་མི་འཐད་ཅེས་བརྒལ་བ་ཡང་ནོངས་ཏེ། ཡེ་ཤེས་ཡིན་ཡང་མངོན་དུ་གྱུར་བར་བྱ་རུ་ཡོད་པའི་ཆ་ནས་དེ་སྐད་ཅེས་བཏགས་པ་སྟེ། དེ་ལྟ་ན་སྤྲོས་བྲལ་གྱི་ལྟ་བའང་ཡེ་ཤེས་ཡིན་ཏེ། ལམ་གྱི་རྣམ་གཞག་བྱུང་བས་འགལ་དུ་སྲིང་

(༢༡)བའི་སྐྱོན་དུ་མ་ཡོད་ལ། རྒྱུད་བླ་མ་ལས། གཟུགས་ཀྱི་རྣམ་པར་དམན་པ་དང་། །བར་མ་མཆོག་ལ་ནམ་མཁའ་བཞིན། །ཅེས་རྫ་ཤིང་རིན་པོ་ཆེའི་སྣོད་པ་བཟང་ངན་ཡོད་ཀྱང་དེའི་ནང་གི་ནམ་མཁའ་ལ་བཟང་ངན་མེད་པའི་དཔེས་དྲི་མ་ལས་གྲོལ་སྟོབས་ཆེ་ཆུང་གི་ཁྱད་པར་ཕྱེ་བ་ལྟར་ཡེ་ཤེས་དེ་མངོན་དུ་བྱུང་བར་བྱ་རུ་ཡོད་པས་ཡཱ་ན་སྟེ། བརྗོད་བྱ་དོན་གྱི་དབང་དུ་ནི་ཐེག་པ་ལ་མུ་དང་མཐའ་བཀག་པ་མི་བཟོད་དེ། ལང་ཀར་གཤེགས་པ་ལས། ཇི་སྲིད་འདུ་ཤེས་མེད་ཀྱི་བར། །ཐེག་པའི་སྒོ་ཡང་དེ་ལས་མེད། །ཇི་སྲིད་འདུ་ཤེས་གནས་མ་ཐག །ཐེག་པའི་སྒོ་ཡང་བསམ་མི་ཁྱབ། །ཅེས་ཐེག་པ་བསམ་གྱིས་མི་ཁྱབ་བར་གསུངས་པའི་ཕྱིར་འདི་ལ་ཀླན་ཀ་འཇུག་པའི་ཡུལ་སྐྲ་རྩེ་ཙམ་ཡང་མེད། ཅིས་ཀྱང་རང་གདངས་སུ་སྨྲ་བ་དག་ནི་ཀུན་མཁྱེན་བསམ་ཡས་པས། བློ་ཆུང་ཞིང་ཤེས་རབ་ཀྱི་མིག་རྒྱང་ཐུང་བ་དག །ཐེག་པའི་གྲངས་དང་། གྲུབ་མཐའི་རྣམ་གྲངས་བསམ་གྱིས་མི་ཁྱབ་པའི་རྣམ་གཞག་ལ་དངངས་ཤིང་མི་བདེན་ཏོ་ཞེས་སྨྲ་བ་ནི། བ་གླང་ལ་སོགས་པ་མ་ཧེ་དག་བདག་ཅག་དུད་འགྲོ་རྣམས་ནི་རྭ་དང་བཅས་པའི་ཕྱིར། མི་དང་ལྷ་རྣམས་ཀྱང་རྭ་ཅན་ཁོ་ནའོ་ཞེས་འཛིན་པ་བཞིན་ནོ། །ཞེས་ཐོག་ཏུ་བབ་ལ་གཞན་ཡང་རྟོག་པ་རགས་པ་ཕྱི་རོལ་པའི་བསྟན་བཅོས་ལྟར་དགོས་འབྲེལ་མེད་པའི་རྩོད་པ་ལྷུར་ལེན་ཙམ་གྱི་རྗེས་སུ་ཕྱོགས་པའི་ཐར་མ་དག་འཕགས་པའི་ཡུལ་དུ་གསང་སྔགས་རྙིང་མའི་རྒྱུད་སྡེ་སྤྱི་དང་ཁྱད་པར་འོད་གསལ་སྙིང་པོའི་དོན་རྒྱུད་རྣམས་རིག་འཛིན་རྣམས་ཀྱིས་ཤིན་ཏུ་གསང་བའི་ཚུལ་དུ་ཐུགས་ཉམས་སུ་བསྟར་ཏེ་ཟག་མེད་འོད་སྐུར་ཡལ་བ་ཤ་སྟག་བྱུང་བ་ལ་ཡིད་མ་བརྟན། འོ་སྐོལ་བོད་ཀྱིས་ལྟར་གསང་ཆེན་ཟབ་མོ་ཟང་ཟིང་འཚོལ་བའི་ཟོང་དུ་མ་འཛད་ཅིང་། མཆོག་གི་གདུལ་བྱ་དབང་པོ་ཡང་རབ་ཏུ་གྱུར་པ་དག་ལ་སྙན་བརྒྱུད་ཀྱི་ཚུལ་དུ་བཤད་ཅིང་ཁྱབ་གདལ་དུ་མ་སྤེལ་བའི་གནད་མ་གོ། ཕྱིས་ལྟ་སྤྱོད་ཡ་བྲལ་དུ་གྱུར་པའི་གང་ཟག་ཐ་སྙད་ལ་ཞེན་བདག་ལ་གསང་

(༢༢)ཆེན་ཅལ་སྒྲོག་ཏུ་མི་གཏོང་བའི་ཕྱིར་ཆོས་ཀྱི་རྣམ་གྲངས་དེ་དག་རྡོ་རྗེ་གདན་དུ་གཏེར་ལ་སྦས་པས་རྒྱ་གར་བ་རྣམས་ལ་ཡོངས་སུ་གྲགས་པ་མེད་ཅིང་། བསྟན་པ་སྔ་དར་གྱི་ཚེ་སངས་རྒྱས་དངོས་དང་ཞལ་མི་གཉིས་པའི་ལོ་པཎ་དེ་དག་གིས་རིག་འཛིན་རྣམས་ཀྱི་ཐུགས་ཀྱི་གསང་མཛོད་བརྟོལ་ནས་ད་ལྟ་བོད་དུ་ད་རབ་ལ་ཡ་མཚན་མི་བྱེད། རང་གིས་མ་མཐོང་བ་རྒྱུ་མཚན་དུ་བྱས་ནས་འོད་གསལ་གྱི་རྒྱུད་སྡེ་རྣམས་འཕགས་ཡུལ་དུ་ ཀུན་མཁྱེན་སངས་རྒྱས་གཉིས་པས། དེའང་རྒྱ་གར་གྱི་རྒྱུད་རྣམས་ཀྱང་ཨོ་རྒྱན་དང་། ཤབྡྷ་།།།ལ་དང་། མ་ལ་ཡ་ལ་སོགས་པའི་ཡུལ་ནས་གྲུབ་ཐོབ་ཆེན་པོ་རྣམས་ཀྱིས་སྤྱན་དྲངས་ཏེ། རྒྱུད་ཐམས་ཅད་ནི་རྒྱ་གར་ན་ལར་བཞུགས་པ་མ་ཡིན་ཏེ། གལ་ཏེ་བཞུགས་སུ་བཅུག་ཀྱང་བྱེད་ཀྱིས་ལན་རེ་ཙམ་བྱིན་པས་དེ་ཐམས་ཅད་མཐོང་བར་མི་ནུས་པ། གཙུག་ལག་ཁང་ཆུང་རེ་ན་བཞུགས་པའི་མདོ་རྒྱུད་ཀྱི་མིང་བྱང་དུ་མ་འདུས་སམ་གཞན་རྣམས་།།།པར་མི་འགྱུར་བའི་ཕྱིར་སྔོན་གྱི་ལམ་སྟོན་ཆེན་པོ་རྣམས་པ་སྨད་པར་མི་བྱའོ། །ཞེས་གསུངས་པའི་དོན་དེ་མགོ་བར་སྣང་ངོ་། །ཡེ་ནས་མི་གྲག་པར་འདོད་ཅིང་སྟོན་པ་སྐུ་གསུམ་གྱི་བརྒྱུད་ཚུལ་གྱི་ཁྱད་པར་མི་ཤེས་པས་ཨ་འཐས་ཕྱོགས་ལྷུང་གི་ལོག་རྟོག་ཆེན་པོས་རང་གཞན་རྗེས་འབྲངས་དང་བཅས་པ་ཕྱིན་ཅི་ལོག་གི་གཡང་སར་སྒྱུར་བར་བྱེད་པ་དག་མི་བསྲུན་པའི་ལུང་བསྟན་དུས་ལ་བབ་པ་ནི། སྟོབས་བཅུ་མངའ་བ་ཉིད་ཀྱིས། ཉོན་མོངས་རྒྱུད་དྲག་ནུས་མཐུན་ན། །ལས་ཀྱི་ཚེ་ཐུང་བཀའ་དོན་སྟོང་། །བསྟན་རྙིང་གྲུབ་མཐའ་ངན་པས་བསྒྱུར། །གཉེན་པོས་མི་ནོར་བསྒྲུབ་ཚུལ་ཞན། །ཞེས་གསུངས་པ་སྟེ། དེའི་ཕྱིར་ན་དབུ་མ་ལ་གནས་པའི་གདུལ་བྱ་རྣམས་རྗེས་སུ་གཟུང་བ་དང་། གཟུ་བོའི་ཡིད་ཅན་རྣམས་མགུ་བ་བསྐྱེད་པའི་ཕྱིར་སྔ་འགྱུར་ལོ་ག་གསུམ་གྱི་རྒྱུད་ཚུལ་བུ་དད་དུ་ཕྱེ་ནས་བཤད་པ་དང་། རྣམ་པ་ཐམས་ཅད་མཁྱེན་པའི་ཡེ་ཤེས་ལ་བག་ཆགས་གཞག་པའི་སླང་དུ་ཐོག་རྩེ་ཤིན་ཏུ་རྣལ་འབྱོར་གྱི་གཞི་ལམ་འབྲས་བུའི་རྣམ་གཞག་མདོར་བསྟན་ནས་བཤད་པའོ། །དང་པོ་ནི། དམ་ཆོས་པད་དཀར་ལས། བསྐལ་བ་བྱེ་སྟོང་བསམ་གྱིས་མི་ཁྱབ་བ། །དེ་ཡི་ཚད་ནི་ནམ་ཡང་མེད་པ་ནས། །བྱང་ཆུབ་མཆོག་རབ་དེ་ནི་ངས་ཐོབ་སྟེ། །ད་ནི་རྟག་ཏུ་ཆོས་ཀྱང་རབ་འཆད་དོ། །ཞེས་དང་།

(༢༣)རིགས་ཀྱི་བུ། ང་ནི་བསྐལ་བ་བྱེ་བ་ཁྲག་ཁྲིག་བརྒྱ་སྟོང་མང་པོའི་གོང་རོལ་དུ་མངོན་པར་རྫོགས་པ་སངས་རྒྱས་སོ། །དེས་གསུངས་པ་ལྟར་སྔགས་ལམ་སྤྱིར་བཏང་བས་ཀུན་གཞིའི་གནས་ལུགས་འོད་གསལ་གྱི་རླུང་སེམས་རྫོགས་པ་ཆེན་པོའི་རང་སྐད་དུ་འཁོར་འདས་ཀྱི་གཉིས་ཆོས་ལས་འདས་པའི་དུས་བཞི་མཉམ་པ་ཉིད་ཀྱི་ཀློང་ན་གདོད་མ་གཞིའི་གནས་ལུགས་བློ་ལས་འདས་པ། དེ་ཉིད་ཀྱི་ཤེས་རབ་སྲོག་ཏུ་ཤར་བའི་རླུང་ཡན་ལག་བཞིས་རྟ་བྱས་ཏེ། ཀུན་གཞིའི་ངོས་འཛིན་དཔུང་ཤིན་ཏུ་དཀའ་བས། ཐུན་མོང་ཁ་ཅིག་ལྟར་ཆོས་སྐུ་དང་རྣམ་དབྱེར་མེད་པར་སྨྲ་བའི་རྫོགས་ཆེན་བདག་ནི་ཤིན་ཏུ་རྨོངས་པར་ཟད་ལ། དེས་ན་འདི་གཉིས་ཀྱི་ཁྱད་པར་ཤེས་པར་འདོད་ན་ཀུན་མཁྱེན་ཀློང་ཆེན་པའི་ཐེག་མཆོག་མཛོད་ཀྱི་རིམ་ཁང་བཅུ་བཞི་པ་ལ་དཔྱད་པར་བྱའོ། །ནང་གསལ་བུམ་སྐུའི་ཡེ་ཤེས་སྐྱོད་བྱེད་དུ་གཡོས་པ་ལས། རང་སྣང་རང་བཞིན་མེད་པར་ཤེས་ཏེ་ཀ་དག་བཅིང་གྲོལ་མེད་པའི་ངང་ལས་ལྷུན་གྲུབ་རིན་པོ་ཆེའི་སྣང་བ་ཤར་གྲོལ་དུས་མཉམ་པའི་ཚུལ་གྱིས་སྐུ་དང་ཡེ་ཤེས་འདུ་བྲལ་མེད་པའི་ངོ་བོ་གདོད་མའི་སངས་རྒྱས་ཀུན་ཏུ་བཟང་པོ་ཞལ་ཕྱག་གི་རྣམ་པར་སངས་རྒྱས་པ་ལ་བསྐལ་པ་བསམ་གྱིས་མི་ཁྱབ་པ་ནས་བྱང་ཆུབ་མཆོག་གི་དགོངས་པ་མངོན་དུ་མཛད་པར་དངོས་ཅག་འདོད་ལ། ཐེག་པ་ཐུན་མོང་པའི་སྣང་ངོར་ནི། དེ་བཞིན་གཤེགས་པ་འདི་རྒྱུའི་དུས་ན་སོ་སོའི་སྐྱེ་བོ་འཆིང་བ་མཐའ་དག་གིས་བཅིངས་པ་ཞིག་ཡིན་ལ། ༈ རྒྱུད་ལས། ཐོག་མའི་སངས་རྒྱས་ཀུན་ཏུ་བཟང་། །མཚན་དང་དཔེ་བྱད་ལྡན་པར་ཡོད། །སྟོན་པ་འོད་མི་འགྱུར་བ་ནི། །སྟོང་གསལ་འོད་ཀྱི་ཕུང་པོར་བཞུགས། །ཐུགས་ཀྱི་མཁྱེན་པ་མ་འགགས་གསལ། །ཞེས་པས་ཆོས་ཉིད་ནང་གསལ་དང་། །ཆོས་ཅན་ཕྱིར་གསལ་གྱི་གནད་གོ་བར་བྱའོ། །ཤིང་རྟ་འདྲེན་པའི་དམྱལ་བར་གྱད་འབག་ཤེ་ཏ་ཞེས་བྱ་བར་འཁྲུངས་ཚེ་རང་འདྲའི་གྲོགས་པོ་ལ་སྙིང་རྗེའི་སེམས་བསྐྱེད་བླ་ན་མེད་པས་བདེ་སྡུག་བརྗེ་བའི་བྱང་ཆུབ་ཀྱི་སྤྱོད་པ་ནས་བརྩམས་པའམ། བཤད་ཚུལ་གཞན་དུ་རྫ་མཁན་གྱི་ཁྱེའུར་འཁྲུངས་ཚེ་སངས་རྒྱས་ཤཱཀྱ་ཐུབ་པ་ཆེན་པོར་གུས་པས་ཕུ་དུད་བགྱིས་ཏེ་བྱང་ཆུབ་ཀྱི་ས་བོན་བཙུགས་པ་ནས་

(༢༤)བརྩམས་པའང་ཡོད་དེ། ཇི་ལྟར་ཡང་བསྐལ་པ་གྲངས་མེད་གསུམ་གྱི་གྲངས་མེད་དང་པོ་ལ་ཚོགས་སྦྱོར་གཉིས་སུ་སོ་སོའི་སྐྱེ་བོའི་སས་བསྡུས་པའི་ཚོགས་གཉིས་དང་། གྲངས་མེད་གཉིས་པ་ལ་མཐོང་ལམ་སྟེ་ས་དང་པོ་ནས་བདུན་པའི་བར་དང་། གྲངས་མེད་གསུམ་པ་ལ་འཕགས་པ་སྒོམ་ལམ་གྱིས་བསྡུས་པའི་དག་པའི་ས་གསུམ་གྱི་ཚོགས་གཉིས་རྫོགས་པའི་མཐར་འོག་མིན་དུ་སངས་རྒྱས་ཏེ། སླར་ཡང་གདུལ་བྱའི་དོན་དུ་སྤྲུལ་པས་འཛམ་བུ་གླིང་དུ་གཤེགས་ཏེ་མཛད་པ་བཅུ་གཉིས་བསྟན་པའི་མཐར་ཆོས་འཁོར་རིམ་པ་གསུམ་དུ་བསྐོར་ནས་དགུང་ལོ་བརྒྱད་ཅུ་ལ་མྱ་ངན་ལས་འདས་ཏེ་ད་ལྟ་ལྷག་མ་མེད་པའི་དབྱིངས་ན་བཞུགས་པར་ཁས་ལེན་པའོ། །ཞེས་ཐེག་པ་ཐུན་མོང་བའི་ལུགས་ཀྱང་འཕྲོས་ཞོར་དུ་ཟློས་ནས། སྔར་བཤད་མ་ཐག་པའི་གདོད་མའི་མགོན་པོ་དེ་ཉིད་ཆོས་སྐུའི་གནས་སྐབས་ན་ཀུན་ཏུ་བཟང་པོ་ལས། ལོངས་སྐུའི་གནས་སྐབས་ན་རིགས་ལྔའི་སངས་རྒྱས་སུ་བཞེངས་ཏེ། སྤྲུལ་སྐུའི་གནས་སྐབས་ན་གདུལ་བྱའི་དབང་གིས་འོག་མིན་ཁང་བུ་བརྩེགས་པ་སྟེ་གཙང་མའི་རིགས་ཀྱི་གནས་སུ་རྡོ་རྗེ་འཆང་ཆེན་པོ་དང་འགྲོ་དྲུག་རང་རང་གི་གནས་སུ་ཤཱཀྱ་ཐུབ་པ་ལ་སོགས་ཏེ་རིགས་པའི་སྐྱེས་བུ་ཐུབ་པ་དྲུག་ཏུ་སྣང་བ་གྲངས་མེད་པས་གདུལ་བྱའི་མོས་པ་དང་རྗེས་སུ་མཐུན་པའི་ཆོས་འཁོར་དཔག་ཏུ་མེད་པ་བསྐོར་བ་དང་། ཁྱད་པར་རྡོ་རྗེ་འཆང་ཆེན་པོའི་རོལ་བ་ཚད་མེད་པས་གནས་ཐ་དད་པར་གསང་སྔགས་དོན་གྱི་འཁོར་ལོ་བསྐོར་བར་བཞེད་ཅིང་། སྐུ་གསུམ་གྱི་སྟོན་པ་དེ་དག་ལའང་ཞིང་ཁམས་གསུམ་དང་། བསྟན་པ་གསུམ་དང་། འཁོར་གསུམ་ལ་སོགས་པ་ལྡོག་ཆས་དབྱེ་བ་ལས། དང་པོ་སྔ་འགྱུར་རང་སྐད་ལ་ཐེག་པ་རིམ་པ་དགུར་གྲགས་པའི་རྩེ་རྒྱལ་ཡང་གསང་རྨད་དུ་བྱུང་བ་འོད་གསལ་རྡོ་རྗེ་སྙིང་པོ་བཀའ་ཆེན་རྫོགས་པ་ཆེན་པོ་ལ་མདོ་སྒྱུ་སེམས་གསུམ་དུ་ཡོད་པ་ལས། སེམས་ཕྱོགས་རྫོགས་པ་ཆེན་པོའི་ལུགས་ལྟར་བཤད་པ་ནི། དེ་ཡང་ལུགས་སྲོལ་འདི་ལ་བཀའ་བབས་གསུམ་ལྡན་ཡོད་པའི་རྒྱལ་བ་དགོངས་པས་བརྒྱུད་པ་སྟོན་པ་ངོ་བོ་ཉིད་ཀྱི་སྐུས་

(༢༥)རང་གསལ་ངོ་བོ་ཉིད་ཀྱིས་གསུངས་པ། ཆོས་སྐུའི་བྱིན་རླབས་ཀྱིས་རང་གྲོལ་མངོན་སུམ་དུ་གསུངས་པ། ལོངས་སྐུའི་བྱིན་རླབས་ཀྱིས་རང་གི་ངོ་བོས་གསུངས་པ། གསང་བ་རྡོ་རྗེའི་སྐུས་བདེ་ཆེན་ཐབས་ཀྱིས་གསུངས་པ་ལས། གསང་བའི་བདག་པོས་གང་གི་ཡེ་ཤེས་ཀྱི་རྩལ་ལས་སྤྲུལ་པའི་སྐུ་དགའ་རབ་རྡོ་རྗེ་བསྟན་པ་འདིའི་བདག་པོར་དབང་བསྐུར་ནས། ཤན་འབྱེད། ལ་བཟླ། རང་གྲོལ་མངོན་སུམ་དུ་སྟོན་པ་ཨ་ཏའི་བསྟན་པ་ལྷ་མིའི་ཡུལ་དུ་གྲགས་པ་སྟེ་དེ་ཡང་སུམ་ཅུ་རྩ་གསུམ་གྱི་ལྷ་དེ་ཝ་བཟང་སྦྱོང་གི་བུ་སེམས་ལྷག་ཅན་ལ་རྨི་ལྟས་ཁྱད་པར་ཅན་བཞི་བྱུང་བ་དང་རྗེས་སུ་མཐུན་པར་ཕྱོགས་བཅུ་དུས་བཞིའི་བདེ་བར་གཤེགས་པ་ཐམས་ཅད་དང་། རིགས་ལྔའི་སངས་རྒྱས་ཀུན་གྱིས་རྡོ་རྗེ་སེམས་དཔའ་བྱིན་གྱིས་བརླབས་པ་ལ་བརྟེན་ནས། རྡོར་སེམས་ཀྱིས་ལྷའི་བུ་སེམས་ལྷག་ཅན་ལ་རྒྱལ་ཐབས་སྤྱི་བླུགས་ཀྱི་དབང་བསྐུར་ནས་མན་ངག་བྱིན་ཏེ་ལྷའི་གནས་སུ་དར། དེ་ནས་ཞིང་འདིར་འགྲོ་བའི་བླ་མ། སྒྱུ་འཕྲུལ་གསང་བ་སྙིང་པོའི་ལུགས། ཤཱཀྱ་སེང་གེས་སྐུ་དང་གསུང་གི་གདུལ་བྱ་རྣམས་བཏུལ་ཏེ་ཐུགས་ཀྱིས་གདུལ་བ་ལ་བབས་པ་ན། ཐལ་འགྱུར་ལས། ང་ནི་མྱ་ངན་འདས་འོག་ཏུ། །ནུབ་ཕྱོགས་ཨོ་རྒྱན་དག་གི་ཡུལ། །དྷ་ན་ཀོ་ཤའི་ལྷ་ལྕམ་པ། །ཕ་མེད་བུ་དེ་བཛྲ་ཧེ། །འདིས་ནི་དམ་པའི་བསྟན་པ་འཛིན། །ཞེས་ལུང་བསྟན་པ་ལྟར། ཨོ་རྒྱན་གྱི་ཡུལ་ན་རྒྱལ་པོ་དྷརྨ་ཨ་ཤོ། ཡུམ་སྣང་གསལ་འོད་ལྡན་མ་གཉིས་ལ་སྲས་མོ་པྲ་ཧ་རི་ནཱི་ཞེས་འབོད་པའི་དགེ་སློང་མ་ཞིག་ཡོད་པར། དེ་ཉིད་གསེར་གྱི་བྱེ་མ་བརྡལ་བའི་རྒྱ་མཚོའི་འགྲམ་ན་འཇག་མའི་སྤྱིལ་བུ་ཕུབ་ནས་རྣལ་འབྱོར་ལ་གནས་པའི་ཚེ་རྨི་ལམ་ན་རིན་ཆེན་ཤེལ་ལས་གྲུབ་པའི་མི་གཟུགས་ལག་ཏུ་ཤེལ་བུམ་ཡིག་འབྲུས་མཚན་པ་ཐོགས་པས་དབང་བསྐུར་བ་རྨིས། དེ་ནས་དགེ་སློང་མ་ལུས་མ་བདེ་ནས་ཤིན་ཏུ་སྡུག་བསྔལ་བར་གྱུར། ཟླ་དགུ་ངོ་བཅུ་ལ་རྩིབ་ལོགས་གཡས་ནས་སྲས་གཅིག་བཙས།

(༢༦)དགེ་སློང་མས་ཕ་མེད་བུ་འདི་འདྲ་ལས་གཞན་པ་སུ་སོགས་སྨྲེ་སྔགས་ཚིགས་བཅད་ཅན་བཏོན་ནས་ཐལ་ཁུང་དུ་བོར་ནས་ཞག་གསུམ་ལོན་དུས་བལྟས་པས་ཁྱེའུ་མཉམ་པར་མདངས་དང་ལྡན་པར་འདུག་པ་སླར་སྤོས་ཆུ་དང་འོ་མ་སོགས་ཀྱིས་ཁྲུས་བྱས། དར་དཀར་གྱི་སྟེང་དུ་བླངས་པ་ན་ནམ་མཁའ་ནས་ལྷ་རྣམས་ཀྱིས་བཀྲ་ཤིས་དང་མེ་ཏོག་གཏོར། དེ་ནས་ཁྱེའུ་གཞན་ལས་སྐྱེད་དང་ལྡན་པ་བྱུང་། ལོ་བདུན་ལོན་དུས་པཎྜི་ཏ་རྣམས་དང་ཆོས་གཏམ་བྱ་བར་གནང་བ་དགོས་གསུངས་པས་ཡུམ་ན་རེ། བུ་སོ་མ་བརྗེས་པ་ཁྱོད་ཀྱིས་ཆོས་གཏམ་ག་ནས་འོང་གསུངས་ཏེ་གནང་བ་མ་སྦྱིན་པས་དེས་ནན་གྱིས་གསོལ་ལོ། །དེར་རྒྱལ་པོ་ཨུ་པ་ར་ཛཱ་ལ་པཎྜི་ཏ་ལྔ་བརྒྱ་ཡོད་པའི་དྲུང་དུ་གཏུགས་སུ་བཏང་བས། པཎྜི་ཏ་དེ་དག་རེ་རེ་བཞིན་ལ་ཕྱག་དང་ཞེ་སའི་ངོས་རྩོད་པས་དེ་རྣམས་ཀྱི་ས་ལན་འདེབས་མ་ནུས། ཁྱེའུ་དེར་གང་དྲིས་ཀྱང་ལན་ཐོགས་མེད་འདེབས་ནུས་པར་བྱུང་བས་པཎྜི་ཏ་རྣམས་ཤིན་ཏུ་ངོ་མཚར་སྐྱེས་ཏེ་ཞབས་སྤྱི་བོར་བླངས། རྒྱལ་པོ་རབ་ཏུ་དགའ་བས་སློབ་དཔོན་དགའ་རབ་རྡོ་རྗེ་ཞེས་བྱ་བར་མཚན་གསོལ། སངས་རྒྱས་ཐམས་ཅད་ཀྱིས་བྱིན་གྱིས་བརླབས། གསང་བདག་རྡོ་རྗེ་སེམས་དཔས་ཞས་བསྟན་ཏེ། རྫོགས་པ་ཆེན་པོ་སེམས་མེད་བཅོ་བརྒྱད་དང་། ཀློང་ཆེན་བམ་པོ་ཉི་ཁྲི་སོགས་ཀྱི་རྒྱུད་གཏད། རྒྱལ་ཐབས་སྤྱི་བླུགས་ཀྱི་དབང་བསྐུར་བས་རྫོགས་ཆེན་།།།ཆུ་བཞིའི་བཀའ་བབས་འཆད་པའི་དུས་འདི་ལ་ཡི་དམ་ལྷའི་དབང་བསྐུར་ཐོབ་པ་ཞེས་ཀྱང་གྲགས། དེ་ནས་མ་ལ་ཡའི་རྩེར་རྡོ་རྗེ་དབྱིངས་ཀྱི་མཁའ་འགྲོ་མ་དང་། ཡོན་ཏན་མཐའ་ཡས་པའི་མཁའ་འགྲོ་མ་ལ་སོགས་པས་གླེགས་བམ་དུ་བཀོད། མཁའ་འགྲོ་མ་སེམས་ལྡན་མཆོད་པ་པོར་རྗེས་སུ་གནང་སྟེ་ཌཱཀྐི་སྔོན་བྱུང་གི་ཕུག་ཏུ་བཞུགས། དེ་ནས་བསིལ་བ་ཚལ་དུ་ཁྱབ་འཇུག་གི་བུ་མོ་གཅེར་བུ་པ་ཚིབས་ཏེ་བྱོན་ནས་དབུས་ཀྱི་མཆོད་རྟེན་རྩར་ཌཱཀྐི་རྣམས་ལ་ཆོས་སྟོན་ཏོ། །སློབ་དཔོན་དེ་ལ་ཐུགས་སྲས་ཀྱི་གཙོ་བོ་འཇམ་དཔལ་བཤེས་གཉེན་ཐེ་བའི་གསུམ་བརྒྱུད།

(༢༧)བདུན་བརྒྱུད། ཉི་ཤུ་རྩ་གཅིག་བརྒྱུད་ལ་སོགས་ཇི་སྙེད་ཅིག་ཡོད་པ་ལས་འཇམ་དཔལ་བཤེས་གཉེན་ནི། ཐལ་འགྱུར་ནས་དགའ་བ་རྡོ་རྗེ་ལུང་བསྟན་པའི་རྗེས། དེ་ཡི་རྗེས་འཛིན་ནུབ་ཀྱི་ཕྱོགས། །བྲམ་ཟེའི་ཕྲུག་གུ་སྐལ་ལྡན་པ། །མཉྫུ་ཤྲཱི་བ་ཏི་ཞེས། །ལོ་ནི་བདུན་ཅུ་རྩ་ལྔར་འཛིན། །ཞེས་གསུངས་པ་ལྟར། སིངྒ་ལའི་རྒྱལ་པོ་གཞོན་ནུ་དཔལ་གྱི་སྲས་སུ་ འདི་དག་ལ་སོགས་ཏེ་སྔ་འགྱུར་ཐུན་མོང་མ་ཡིན་པའི་ཆོས་འབྱུང་ནི། གཡུ་སྒྲ་དང་། གཉར་ན་ཞེས་རྒྱ་གར་ཁ་ཆེ་བའི་སྐད་དུ་འབོད་པ་དང་། མངའ་བདག་རལ་པ་ཅན་ལ་སོགས་པས་ཞུས་པའི་ངོར་སྩལ་བའི་བཻ་རོ་འདྲ་འབག་ཆེན་མོ་ཞེས་དོན་ལ་བཻ་རོ་དངོས་མཇལ་བ་དང་འདྲ་བར་དབུགས་དབྱུང་བའི་བསྟན་བཅོས་ལས་ཤེས་སོ། །འཁྲུངས། འཇམ་དཔལ་རྣོན་པོས་ལུང་བསྟན་ཏེ། སློབ་དཔོན་དགའ་རབ་རྡོ་རྗེའི་དྲུང་དུ་ལྷགས་པ་ལས་སློབ་དཔོན་གྱིས་རྗེས་སུ་བཟུང་ནས་བརྡ་བསྟན་པ་ཙམ་གྱིས་སྐད་ཅིག་ལ་རྟོགས་གྲོལ་དུས་མཉམ་བྱུང་ཡང་བསྟན་པ་ཡོངས་སུ་རྫོགས་པར་བྱ་ཕྱིར་དབང་བསྐུར་ཞིང་རྒྱུད་མན་ངག་རྣམས་གཏད། སླར་ཆུ་བོ་ལྡན་ཏིའི་མགོར་དགའ་རབ་རྡོ་རྗེ་འོད་ཕུང་དུ་ཡལ་པའི་ཚེ་འཇམ་དཔལ་བཤེས་གཉེན་གྱིས་གསོལ་བ་བཏབ་པ་ལས་འོད་ཀྱི་དཀྱིལ་ནས་འདས་རྗེས་ཀྱི་གླེགས་བམ་བབས་པ་གཟིགས་པ་ཙམ་གྱིས་ཁོང་དུ་ཆུད་དེ་དགའ་རབ་རྡོ་རྗེ་དང་རྟོགས་པ་མཉམ་པར་གྱུར་ཏེ་རྫོགས་ཆེན་གྱི་རྒྱུད་འབུམ་ཕྲག་དྲུག་ཅུ་རྩ་བཞི་བཏུས་ནས། གནས་པ་སེམས་ཀྱི་སྡེ། བྱ་བྲལ་ཀློང་གི་སྡེ། ཟབ་པ་མན་ངག་གི་སྡེ་དང་གསུམ་དུ་ཕྱེ་ཞིང་། གནད་ལས་ཟབ་པ་སྙིང་གི་ཐིག་ལེའི་སྐོར་ལ་བཤད་རྒྱུད་དང་རྣར་རྒྱུད་གཉིས་སུ་ཕྱེ་ནས་རྣར་རྒྱུད་མཚན་དུ་བཏབ། བཤད་རྒྱུད་སྙིང་གི་ཐིག་ལེ་སྤེལ་བར་ཕངས་ནས་རྡོ་རྗེ་གདན་དུ་གཏེར་ལ་སྦས། འདི་ལ་སློབ་མ་པཎ་ཆེན་ཉི་ཤུ་རྩ་ལྔ་བྱུང་བའི་ཡ་གྱལ་གཅིག་འཕགས་པ་ཀླུ་སྒྲུབ་ཡིན། ཀླུ་སྒྲུབ་ཀྱིས་ཨཱརྱ་དེ་ཝ་ལ་གནང་བས་ཨཱརྱ་དེ་ཝ་འཇའ་ལུས་འགྲུབ་པ་ཡང་རྫོགས་པ་ཆེན་པོ་ཐུགས་ཉམས་སུ་བསྟར་བ་ལས་བྱུང་། སློབ་དཔོན་དེ་ཉིད་དུར་ཁྲོད་སོས་གླིང་དུ་ལོ་བརྒྱ་དང་རྩ་དགུར་

(༢༨)བཞུགས་ཚེ། ཇི་སྐད་དུ་ཐལ་འགྱུར་ལས། སོ་ས་གླིང་ཞེས་བྱ་བ་རུ། ཁྱིམ་བདག་རིགས་སྐྱེས་ཤྲཱི་སིངྷ། །ཞེས་བྱ་བ་ཡིས་འཛིན་པར་འགྱུར། །ཅེས་ལུང་བསྟན་པ་ལྟར། རྒྱ་ནག་ཡུལ་གྱི་སློབ་དཔོན་ཤྲཱི་སིངྷ་སྤྱན་རས་གཟིགས་ཀྱིས་ལུང་བསྟན་ཏེ་འཇམ་དཔལ་བཤེས་གཉེན་གྱི་དྲུང་དུ་ཕེབས་ནས་ལོ་ཉེར་ལྔའི་བར་དུ་ཆོས་གསན། དེ་ནས་སློབ་དཔོན་འོད་ཕུང་དུ་ཡལ་ཏེ་འདས་རྗེས་ཤྲཱི་སིངྷའི་ཕྱག་ཏུ་བབས་པས་རྟོགས་པ་མཉམ་པར་གྱུར། དེ་ནས་ལོ་བརྒྱ་ཉེར་ལྡན་འཇམ་དཔལ་བཤེས་གཉེན་ཉིད་ནུབ་ཕྱོགས་སུ་པདྨའི་སྡོང་པོ་ལས་རྫུས་ཏེ་འཁྲུངས་པས་འདི་ལ་འཇམ་དཔལ་བཤེས་གཉེན་ཕྱི་མར་གྲགས་དགོངས་འདུས་སྙིང་པོ་གསེར་གྱི་ཡང་ཞུན་སོགས་ལས་གསལ་པོར་བཤད་མོད་དེ། འདི་གཉིས་མཚན་དོན་གཅིག་པའི་སོ་མཚམས་མ་ཕྱེ་བ་ཁ་ཅིག་འཁྱོག་འགྲོས་སྣ་ཚོགས་སྨྲ་བའང་སྣང་ངོ་། །འཇམ་དཔལ་བཤེས་གཉེན་འདིས་ཨོ་རྒྱན་ཆེན་པོ་པདྨ་འབྱུང་གནས་ལ་གསང་སྔགས་མཐའ་དག་བསྟན་ཞིང་། འཆད་ཚུལ་གཅིག་ཏུ་འདི་ཉིད་ཀྱིས་ཨཱརྱ་དེ་ཝ་ལ་གདམས་པ་སྙིང་ཐིག་བསྟན་ནས་འོད་ཕུང་དུ་ཡལ་ལོ་ཞེས་གྲགས། འདིས་སངས་རྒྱས་ཡེ་ཤེས་ཞབས་རྗེས་སུ་བཟུང་སྟེ་སྔགས་གསར་མ་ལ་གྲགས་ཆེ་བའི་འཇམ་དཔལ་ཞལ་ལུང་ཞེས་དོན་རྫོགས་པ་ཆེན་པོ་དང་ཐ་མི་དད་པ་ཡང་བསྟན་ནོ། །སླར་ཤྲཱི་སིངྷས་མན་ངག་གི་དཔེ་ཕྱུང་ནས་ཐིག་ལེ་སྐོར་ལ་ཕྱི་སྐོར། ནང་སྐོར། གསང་སྐོར། བླ་མེད་ཀྱི་སྐོར་ཏེ་བཞིར་ཕྱེ་ནས་སྔ་མ་གསུམ་གཏེར་ལ་སྦས། གསང་བ་བླ་ན་མེད་པའི་སྐོར་ཐུགས་ལ་གབ་པ་ལས་སླར་མཁའ་འགྲོས་ལུང་བསྟན་ཏེ། དེ་ཉིད་སྦས་ནས་སློབ་དཔོན་ཉིད་བསིལ་སྦྱིན་དུར་ཁྲོད་དུ་བཞུགས་སོ། །དེའི་ཚེ་ཇི་སྐད་དུ་ཐལ་འགྱུར་གྱི་ལུང་སྔ་མའི་འཕྲོར། དེ་རྗེས་འཛིན་པ་གདོལ་པའི་རིགས། །ཛྙཱ་ན་སུ་ཏྲས་འདི་ཉིད་འཛིན། །ཞེས་ཛྙཱ་ན་སཱུ་ཏྲ་བསྟན་ལ། དེ་རྗེས་འཛིན་པ་ཁྱིམ་བདག་རིགས། །ཕྱག་རྒྱ་རྒྱ་ཆེན་དག་གིས་འཛིན། །ཞེས་པ་ལ་ལེགས་སྦྱར་གྱི་སྐད་ཤན་སྦྱར་ནས།

(༢༩)བི་མ་ལ་རྒྱ་ཆེན་དང་། མུ་ཏྲ་ཕྱག་རྒྱ་སྟེ་བི་མ་ལ་མུ་ཏྲ་ཡིན་པར་བཞེད། བི་མ་ལ་དང་ཛྙཱ་ན་སཱུ་ཏྭར་རྡོ་རྗེ་སེམས་དཔས་ལུང་བསྟན་པ་ལྟར་སྔོན་ལ་བི་མ་ལས་བྱོན། རྣར་རྒྱུད་ཕྱི་ནང་གསང་གསུམ་གྱི་མན་ངག་ཙམ་གྱིས་ཚིམ་སྟེ་ལོག །རྗེས་སུ་ཛྙཱ་ན་སཱུ་ཏྲས་བྱོན་ཏེ་རྣར་རྒྱུད་ཕྱི་ནང་གསང་གསུམ་སྤྲོས་མེད་ཀྱི་དབང་རུ་ཤན་འབྱེད་པའི་སྤྱོད་པ་ཤིན་ཏུ་སྤྲོས་མེད་ཀྱི་དབང་། རབ་ཏུ་སྤྲོས་མེད་ཀྱི་དབང་རྫོགས་པར་ནོད་དེ་བརྟན་པ་ཐོབ། སློབ་དཔོན་ཤྲཱི་སིངྷ་མྱ་ངན་ལས་འདའ་ཁར་གསོལ་བ་བཏབ་པ་ལ་ཞལ་ཆེམས་གཟེར་བུ་བདུན་པ་གསང་བའི་མན་ངག་དང་བཅས་པ་ཡང་གནས། དེའི་ཚེ་བི་མ་ལར་མཁའ་འགྲོས་ལུང་བསྟན་ཏེ་སྔ་མ་ལས་ཆེས་ཟབ་པ་གསང་བ་སྙིང་ཐིག་གི་མན་ངག་ཡོད་པ་ལོང་ཞེས་མ་བྱུང་བ་ལྟར་བི་མས་ཛྙཱ་ན་སཱུ་ཏྲར་ཞུས་པས་གདམས་པ་ཡོངས་སུ་རྫོགས། ཛྙཱ་ན་སཱུ་ཏྲ་ཟག་བཅས་ཀྱི་སྐུ་མི་སྣང་བར་འོད་དུ་ཡལ་རྗེས་སུ། འདས་རྗེས་ཀྱི་གླེགས་བམ་བི་མའི་ཕྱག་ཏུ་བབས་པས་སློབ་དཔོན་དང་དགོངས་པ་མཉམ། འདི་ཡན་ཆད་ནི་ཕུང་པོ་ལྷག་མེད་དུ་ཡལ་བའི་མཆོག་གི་དངོས་གྲུབ་བརྙེས་པའི་རིག་འཛིན་བརྡ་བརྒྱུད་དུ་གྲགས། དེ་ལས་སྙིང་ཐིག་བོད་དུ་བྱོན་ཚུལ་ནི། པཎྜི་ཏའི་དབང་བསྐུར་ཐོབ་པ་སློབ་དཔོན་བི་མ་ལ་མི་ཏྲ་དེ་ཉིད་རྒྱ་གར་ཆོས་ཀྱི་རྒྱལ་པོའི་པཎྜི་ཏ་ལྔ་བརྒྱའི་སྤྱི་ཕུད་དུ་གྱུར་ཚེ་ཆོས་རྒྱལ་ཁྲི་སྲོང་གིས་གཉགས་བན་ཀུ་མཱ་ར། ཅོག་རོ་སླུའི་རྒྱལ་མཚན། རིན་ཆེན་མཆོག་དང་གསུམ་ལ་གསེར་ཡིག་རང་སྐྱེས་སུ་གསེར་ཕྱེ་རླིད་བུ་གང་བཅས་བསྐུར་ཏེ་ཆོས་རྒྱལ་ཁྱོད་ལ་བླ་མཆོད་མཁས་པ་པཎྜི་ཏ་ལྔ་བརྒྱ་བཞུགས་སྐད་པ། དེའི་ནང་ནས་བདག་ལ་སྐྱེས་ལན་དུ་པཎྜི་ཏ་སྤྱིར་ཐེག་པ་མཐའ་དག་ལ་མཁས་ཤིང་། སྒོས་རྡོ་རྗེ་ཐེག་པ་ལ་མཁས་པ་ཞིག་དགོས་ཞེས་བསྔགས་པས། ལོ་ཙཱ་བ་གསུམ་པོས་རྒྱ་གར་དུ་རྟོལ་ཏེ་བཀའ་ཤོག་དང་གསེར་ཕྱེ་གཏད་ཅིང་ཞུ་བ་བྱས་པས། རྒྱལ་པོས་ནངས་པར་ཚ་གྲལ་དུ་གསེར་ཕྱེ་རྣམས་པཎྜི་ཏ་བླ་མཆོད་རྣམས་ལ་ཕུལ། བོད་ཆོས་རྒྱལ་གྱི་ཆབ་ཤོག་གི་དོན་བསྙད་ནས། ཁྱེད་

(༣༠)རྣམས་ཀྱི་ནང་ནས་མཁས་པ་གཅིག་བོད་ཀྱི་རྒྱལ་པོའི་སྤྱན་སྔར་བཞུད་པ་ཞུ་ཞེས་གསུངས་པས། པཎ་ཆེན་ལྔ་བརྒྱའི་གྲལ་དབུས་ན་བི་མ་ལ་མི་ཏྲ་བཞུགས་པ་ལ། ཡར་མར་གྱི་གྲལ་རིམ་ཀུན་སྤྱན་ཅེའི་གཟིགས་ཤིང་ཅང་མི་གསུང་བས། སློབ་དཔོན་ཉིད་ཀྱིས་བཞུད་ཅིག་པའི་བརྡ་ཡིན་པར་དགོངས། དེར་སློབ་དཔོན་གྱིས་ཕོ་ཉ་བ་རྣམས་ལ་བོ་དྷི་ས་ཏྭ་དྷྭ་ཐིམ། ཞེས་ལན་གསུམ་གསུངས་པས་ལོ་ཙཱ་བ་གསུམ་ལ་གོ་ལུགས་ཐ་དད་པར་སྣང་། དེ་ནས་བོད་ཡུལ་དུ་འབྱོན་པར་ཞལ་གྱིས་བཞེས་ནས་གདན་འདྲེན་གསུམ་དང་བཅས་ཏེ་བསམ་ཡས་མཐིལ་དུ་ཕྱག་ཕེབས། རྒྱལ་བློན་འཁོར་དང་བཅས་པས་ཕུ་བུད་མཛད། རྒྱལ་པོའི་རྟོག་ངན་བཟློག་པའི་གྲུབ་རྟགས་དང་རྫུ་འཕྲུལ་དཔག་ཏུ་མེད་པ་བསྟན་ནས་བསྐྱེད་རྫོགས་ཀྱི་མན་ངག་རྒྱ་ཆེར་གྱིས་སྨིན་གྲོལ་ལ་བཀོད། ཁྱད་པར་རྫོགས་ཆེན་སྙིང་ཐིག་གི་གདམས་པ་རྒྱ་ཆེར་སྤེལ་པའི་སྐལ་ལྡན་དུ་གྱུར་པ་ནི། ཐལ་འགྱུར་ལས་སྔ་མའི་མུར། དེ་ཡི་རྗེས་ལ་རྒྱལ་པོའི་རིགས། །སྤྲུལ་པ་ཕྱག་བརྙན་བཅས་པས་འཛིན། །ཞེས་ཆོས་རྒྱལ་ཁྲི་སྲོང་། ཉང་བ་ན་ཏིང་འཛིན། གཡུ་སྒྲ་སྙིང་པོ་ལ་སོགས་དང་། དེ་ཡི་རྗེས་ལ་དགེ་སློང་གཟུགས། །ལྷུན་གྱི་རྒྱལ་མཚན་དག་གིས་འཛིན། །ཞེས་ལྡང་མ་ལྷུན་རྒྱལ། དེ་རྗེས་སིངྒ་ཤྭ་རས་འཛིན། ཞེས་པས་ལྕེ་བཙུན་སེངྒེ་དབང་ཕྱུག་སོགས་རིམ་པར་ལུང་བསྟན་ཞིང་འདི་དག་གི་ཆོས་བརྒྱུད་འཛིན་པ་ཕལ་ཆེར་ཀྱང་ཕུང་པོ་འོད་སྐུར་གྲོལ་བ་ཤ་སྟག་བྱུང་ངོ་། །དེ་ཡང་ལུང་སྔ་མའི་འཕྲོར། དེ་འོག་སྒྲ་མཁས་དཔལ་འཛིན་ནོ། །ཞེས་པ་ཀུན་མཁྱེན་ཀློང་ཆེན་བར་ངོས་འཛིན་པར་གྲགས་ཀྱང་། ཐེག་མཆོག་མཛོད་དུ་དགེ་སློང་དཔལ་ལྡན་ཞེས་པ་ཀུ་མཱ་ར་ཛ་དངོས་འཛིན་མཛད་པའི་གོ་རིམ་དང་མཚན་སྒྲ་སོགས་ལ་གཞིག་ན་རྒྱུད་ལུང་སྔ་མའི་འཕྲོར། དེ་འོག་དགེ་སློང་དཔལ་དང་ལྡན། །དེ་ནས་བློ་གྲོས་མཆོག་གིས་འཛིན། །ཞེས་གསུངས་པས་ཀུན་མཁྱེན་ཆེན་པོའི་མཚན་ལ་ཚུལ་ཁྲིམས་བློ་གྲོས་ བློ་གྲོས་མཆོག་ལྡན་ཡང་གྲགས། སུ་ཡོད་པ་

(༣༡)བཅས་བཤད་མ་ཐག་པ་འཐད་པར་སེམས་ལ། ཇི་ལྟར་ཡང་རྩོད་པ་བྱམ་དགོས་ཤིང་དོན་ལ་རིག་འཛིན་གྱི་སྤྲུལ་པར་བཀའ་གཏེར་མང་པོ་ནས་ལུང་བསྟན་པ་ལྟར་ལུགས་སྲོལ་འདིའི་བསྟན་པ་ལ་དམ་པ་འདི་ལས་བཀའ་དྲིན་ཆེ་བ་ཡང་མེད་ཅིང་། སྤྱིར་སངས་རྒྱས་ཀྱི་བསྟན་པ། སྒོས་སྙིང་བཀའ་་གཏད་ཟུང་འཇུག་གི་སྒོ་ནས་བསྟན་པའི་སྲོག་རྩེ་འཛིན་པའི་བསྟན་བཅོས་ཀྱང་བསམ་གྱིས་མི་ཁྱབ་པ་ནི་ཁྱབ་གདལ་དུ་གྲགས། །ཆོས་རྒྱལ་རྗེ་བློན་ནས་བཟུང་ལམ་ལ་དབང་བའི་གང་ཟག་ས་ལ་གནས་པ་དང་མོས་པས་སྤྱོད་པའི་སྐལ་ལྡན་གྱི་སྒྲུབ་པ་པོ་གཅིག་ནས་གཅིག་གི་སྙན་ཁུང་དུ་ཟམ་མཆད་པའི་བརྒྱུད་པ་ད་ལྷའི་བར་དུ་བཞུགས་པ་ལ་གང་ཟག་སྟན་བརྒྱུད་དུ་གྲངས་སོ། །དེ་ལ་ཤེས་བྱེད་རྒྱུད་སྡེའི་རྣམ་གྲངས་ལ་བོད་དུ་འགྱུར་བའི་སེམས་མེད་བཅོ་བརྒྱད་དུ་གྲགས་པ་ལ་རིག་པའི་ཁུ་བྱུག །རྩལ་ཆེན་སྤྲུགས། ཁྱུང་ཆེན་ལྡིང་། རྡོལ་གསེར་ཞུན། མི་ནུབ་རྒྱལ་མཚན་ཏེ་ལྔ་བཻ་རོ་ཙ་ནས་བསྒྱུར། རྩེ་མོ་བྱུང་རྒྱལ། ནམ་མཁའི་རྒྱལ་པོ། བདེ་བ་འཕྲུལ་བཀོད། རྫོགས་པ་སྤྱི་ཆིངས། བྱང་ཆུབ་སེམས་རིང་། བདེ་བ་རབ་འབྱམས། སྲོག་གི་འཁོར་ལོ། །ཐིག་ལེ་སྤྱི་ཆིངས། རྫོགས་པ་སྤྱི་གཅོད། ཡིད་བཞིན་ནོར་བུ། ཀུན་འདུས་རིག་པ། རྗེ་བཙན་དམ་པ། སྒོམ་པ་དོན་དྲུག་དང་བཅུ་གསུམ་བི་མ་ལ་དང་། གུ་མཱ་ར། གཡུ་སྒྲ་རྣམས་ཀྱིས་བསྒྱུར་བའི་སེམས་མང་བཅོ་བརྒྱད་དང་། དེ་སྟེང་བཻ་རོས་སྔ་འགྱུར་ཀུན་བྱེད་རྒྱལ་པོ། རྨད་བྱུང་རྒྱལ་པོ། མདོ་བཅུ་གསུམ། བཅས་སེམས་སྡེ་ཉེར་གཅིག །ལུང་བམ་པོ་བཅོ་བརྒྱད་མིང་གི་རྣམ་གྲངས་ལ་མི་འདྲ་ཞིང་ལ་ལ་འདྲ་ཡང་སྔ་ཕྱི་དང་བསྒྱུར་མཁན་མི་འདྲ་ཞེས་གྲུབ་པའི་མཐའ་རིན་པོ་ཆེའི་མཛོད་དུ་གསུངས་ལ། ༈ ཀློང་སྡེའི་རྒྱུད་ལ། འཁོར་བ་དོང་སྤྲུགས། རིན་ཆེན་གསང་བ། བྱ་རྩོལ་མེད་པ། ནམ་མཁའི་ཀློང་ཡངས་རྒྱུད་ལ་སོགས་པ་འབུམ་ཕྲག་བཅུ་གཅིག་དང་། མན་ངག་གི་རྒྱུད་ལ། པདྨ་གློང་གསལ། པདྨ་དབང་རྒྱལ། ཡིད་

(༣༢)བཞིན་ཏོག་གི་རྒྱུད་ལ་སོགས་པ་ཁྲི་ཕྲག་ལྔ་དང་སྟོང་ཕྲག་གཅིག །དེའི་ནང་ནས་ཁྱད་པར་ནི་སངས་རྒྱས་མཉམ་སྦྱོར་ལ་སོགས་པའོ། །ཐིག་ལེའི་སྒོར་གྱི་རྒྱུད་ལྔ་སྟོང་སུམ་བརྒྱ། སྒྲ་ཐལ་འགྱུར་ལ་སོགས་པའི་གསང་ཆེན་ངེས་པའི་རྒྱུད་བཅུ་བདུན། ཁྲོས་མ་དང་བཅས་བཅོ་བརྒྱད། གསང་བ་ཅོད་པན་གྱི་རྒྱུད་ལས་འཕྲོས་ཏེ་བྱོན་པ་རྣམས་སོ། །རྫོགས་ཆེན་སྤྱི་རྒྱུད་དམ་རྩ་བའི་རྒྱུད་ཉི་ཤུ་རྩ་ལྔ་དང་། བཤད་པའི་རྒྱུད་ལ་སོགས་པའི་རྐང་གྲངས་ནི་ཀུན་མཁྱེན་ཀློང་ཆེན་བའི་ངལ་བསོ་སྐོར་གསུམ་གྱི་སྤྱི་དོན་ལེགས་བཤད་རྒྱ་མཚོར་གྲགས་པའི་ནང་དུ་རྣམ་ངེས་ཤིན་ཏུ་གསལ་བ་ལྟར་དང་། བྱེ་བྲག་གི་སྐོར་རྣམས་ནི་གྲུབ་མཐའ་རིན་པོ་ཆེའི་མཛོད་དུ་ཤེས་ལ། དེ་དག་གི་རྒྱུད་དོན་ལས་ཁྱད་པར་དུ་ཕྱེ་བ་སྙིང་ཐིག་གི་སྐོར་ལས་ཟབ་པ་བུ་སྟ་ཀ་བཞི་ཡོད་པ། གསེར་ཡིག་ཅན་དང་། གཡུ་ཡིག་ཅན། དུང་ཡིག་ཅན་དང་གསུམ། ཟངས་ཡིག་ཅན་དང་ཕྲ་ཡིག་ཅན་བསྡོམས་ནས་གཅིག་སྟེ། འདི་དག་རྒྱལ་བློན་རྗེ་འབངས་ལའང་མ་གནང་བར་མཆིམས་ཕུར་གཏེར་དུ་སྦས། དེ་ཡང་འདི་ནི་རེ་ཞིག་རྫོགས་ཆེན་རྒྱུད་སྡེའི་རྗེས་སུ་འབྲངས་ནས་སྙིང་ཐིག་གི་བསྟན་པའི་མས་རྒྱས་པར་མཛད་པའི་ལུགས་སུ་བཤད་མོད། གཏེར་བརྒྱུད་ཨོ་རྒྱན་ཆེན་པོ་ལས་གཙོ་བོར་བརྒྱུད་པ་ལྟར་ན། སྔར་བཤད་པ་ལྟར་ཤྲཱི་སིང་ཧས་ཨོ་རྒྱན་ཆེན་པོར་བསྟན། དེས་གཞུ་སྟོང་ཏི་སྒྲོར་མཁར་ཆེན་བཟའ་མཚོ་རྒྱལ་ལ་ལྐོགས་ཆོས་སུ་གདམས། འདིའི་ལུགས་ལ་རྒྱུད་ཀློང་གསལ་གྱི་དགོངས་པ་གཙོ་བོར་འདོན་པས་བཀའ་གཙིགས་ཀྱང་ཆེ། སླར་མངའ་བདག་གི་སྲས་མོ་ལྷ་ལྕམ་པདྨ་གསལ་ལ་མཚོན་བྱ་དོན་གྱི་ཡེ་ཤེས་སྨོན་ལམ་དབང་བསྐུར་གྱི་རྒྱས་བཏབ། མཚོན་བྱེད་བརྡའི་ཚིག་རྒྱུད་ཡི་གེར་བཀོད་དེ་མཁའ་འགྲོ་གཏེར་བདག་རྣམས་ལ་གཉེར་ནམ་དྭགས་ལུང་ཕྲ་མོ་བྲག་ལ་སྦས་པ། དུས་ཀྱིས་ལྔ་བཅུ་ཁ་རལ་གྱི་ཚེ་པདྨ་ལས་འཕྲེ་བ་རྩལ་ལམ། ཐང་ཡིག་ཏུ་རིན་ཆེན་ཚུལ་རྡོར་ཞེས་ལུང་བསྟན་པ་དེས་གཏེར་ནས་བཏོན་པའི་མཁའ་འགྲོ་སྙིང་ཐིག་ཏུ་གྲགས་པ་ཡོངས་གྲགས་

(༣༣)སུ་ཁྱད་ཆེ་ལ། གཞན་དུ་གཏེར་ཁ་གསར་རྙིང་ཇི་སྙེད་ནས་སྙིང་ཐིག་གི་ཆོས་སྐོར་རྒྱས་བསྡུས་ཅི་ཡང་འབྱུང་མོད། དེ་ཡང་སྤྱིར་རྫོགས་ཆེན་གྱི་སྡེར་གཏོགས་ཚད་ལམ་བྱ་རྩོལ་ལས་འདས་པ་གཙོ་བོར་འདོན་ཞིང་། དེ་ལས་སེམས་ཀློང་མན་ངག་གི་སྡེའི་ཁྱད་པར་ཆེ་བས་ཡུལ་དང་ཡུལ་ཅན་གྱི་སྒོ་ནས་རིག་པའི་ཡེ་ཤེས་གཏན་ལ་འབེབས་པའི་ཁྱད་པར་ཆེ་བའང་ཡོད་དོ། །འདིར་སྨྲས་པ། ལང་ཚོའི་མཛེས་པ་རླུང་ལམ་བསྐུར་ཞིང་། རྒྱ་གར་ཁ་སྐུ་ཅན་ཡུལ་མ་བགྲོད་པར། ཨ་ཏིའི་ཆོས་འབྱུང་སྨྲ་བར་སྤོབས་པ་འདི། །པདྨའི་ཐུགས་རྗེས་མིན་ན་གཞན་དུ་ཅི། །ཕྱོགས་ལྷུང་ནད་ཀྱིས་གདུངས་པའི་ཡིད་སྲུབས་སྡེ། །མདའ་ལྔའི་བརྩོན་པ་བསྒྲུབ་ལ་ཀུན་ཏུ་བྲེལ། །ལུགས་འདི་ཤེས་པར་རློམ་པའི་བྱིས་པ་རྣམས། །ནང་རྒྱུད་འཆོལ་བར་བསྲེ་བའི་རྩེད་མོས་གཡེངས། །ཚུལ་འདི་བསམས་བཞིན་ཀུན་མཁྱེན་ཆོས་རྗེ་དང་། །འཇིག་རྟེན་མིག་གཅིག་ལྔ་པ་ཆེན་པོའི་ཞབས། །འཁོར་ལོའི་མགོན་པོ་སྣ་ཚོགས་རང་གྲོལ་གསུམ། །གདོང་མར་གཟིམས་ལ་འཕངས་པའི་དུ ཁས་མནར། ཞེས་པར་སྐབས་ཀྱི་ཚིགས་བཅད་དོ། ༈ །ནང་ལུང་ཨ་ནུ་ཡོ་ག་ནི། །བུ་རམ་ཤིང་པ་ཐ་མའི་གཟིམས་ཁྲིལ་མནལ་ནས་སྣོད་བཅུད་ཐམས་ཅད་ཉམས་པའི་ཚེ། གཅེར་བུ་བ་རྣམས་ཀྱིས་གཽ་ཏ་མའི་བསྟན་པ་ནི་མེ་ཤི་བའི་དུད་པ་ རྒྱལ་བ་འབྲི་གུང་བ། མངའ་རིས་པཎ་ཆེན། ཤཱནྟ་བུ་རི། བཞིན་དུ་སོང་ཞེས་ངན་སྨྲས་ཀྱིས་སྦྱོ་བར་བྱས་པའི་ཚེ། དམ་པའི་རིགས་ཅན་དྲ་མ་ལྔ་ཟབ་མོའི་ཏིང་ངེ་འཛིན་ལ་བཞུགས་པ་ལས། བགྲང་བྱ་རྒྱུ་སྐར་གྱི་འཁོར་ལོའི་གྲངས་ལ་སླེབ་པ་ན་ཏིང་ངེ་འཛིན་ལས་ལངས་པས་ཉེས་བྱས་རྣམས་ཚོར་བས་མ་བཟོད་ནས། རི་བོ་མ་ལ་ཡ་གནམ་ལྕགས་ཡོད་པའི་རྩེར་མ་བཟོད་པའི་གདུང་ཚིག་ཉི་ཤུ་རྩ་གསུམ་བཏོན་པས། དུས་གསུམ་ མི་དང་མི་མ་ཡིན། གྱི་བདེ་གཤེགས་ཐམས་ཅད་ལྕང་ལོ་ཅན་དུ་འདུས་ཏེ། དཔལ་གསང་བའི་བདག་པོ་ལ་སེམས་ཅན་

(༣༤)གྱི་གདུང་པ་སེལ་བར་བསྐུལ་བ་ལ་བརྟེན་གནམ་ལྕགས་འབར་བའི་རྩེར་གསང་བའི་བདག་པོས་དམ་པའི་རིགས་ཅན་དྲ་མ་ལྔ་ལ་མདོ་དགོངས་པ་འདུས་པ་སོགས་དང་ལུང་གི་ཆོས་སྡེ་རྣམས་བཤད་དེ་རིམ་པར་དར། དེ་ལ་རྒྱུད་སྡེའི་ཤེས་བྱེད་ནི་མདོ་དྲུག་ལ། མདོ་སྒྱུ་འཕྲུལ་རྔམ་པ་གློག་གི་འཁོར་ལོ། ཕུར་པ་ཐལ་བྱེད། དུར་ཁྲོད་ཁུ་བྱུག་གི་རོལ་པ། ཀུན་འདུས་རིག་པ། དགོངས་པ་འདུས་པ། ཡི་གེ་རྣམ་དག་གི་མདོ་རྣམས་སོ། །རྩ་བའི་རྒྱུད་ལ། ཐིག་ལེ་འདུས་པའི་རྒྱུད། སྒྱུ་མ་ཆེན་པོའི་རྒྱུད། ཟླ་གསང་ཐིག་ལེའི་རྒྱུད། རྡོ་རྗེ་གདན་བཞིའི་རྒྱུད་རྣམས་དང་། མན་ངག་གི་རྒྱུད་ལ། སྐུའི་རྒྱུད་མེ་ལྟར་འབར་བ། གསུང་གི་རྒྱུད་དབང་ཆེན་འདུས་པ། ཐུགས་ཀྱི་རྒྱུད་པུཎྜ་རིཀ །ཡོན་ཏན་གྱི་རྒྱུད་ལྷ་མོ་གསང་བ། ཕྲིན་ལས་ཀྱི་རྒྱུད་རིག་འཛིན་འདུས་པ། རིགས་ལྔ་སྤྱིའི་སྒྲུབ་པ་ཧེ་རུ་ཀའི་ཏནྟྲ་རྣམས་སོ། །བྱེ་བྲག་གི་སྒྲུབ་རྒྱུད་རྣམས་ནི་ཀུན་མཁྱེན་ཆེན་པོས་ལེགས་བཤད་རྒྱ་མཚོ་ནས་བཤད་པ་ལྟར་དང་། སྤྱི་མདོ་དགོངས་པ་འདུས་པ་ལ་སློབ་དཔོན་དཔའ་བོས་འགྲེལ་པ་མཛད་ཅིང་། མདོ་གཞན་རྣམས་ལ་ཡང་འགྲེལ་པ་རྒྱ་ཆེར་ཡོད་པར་གྲགས། འདིའི་ལུགས་ལ་དབྱིངས་ཡེ་གདོད་ནས་མཉམ་སྦྱོར་གྱི་དགོངས་པས་བསྐྱེད་རྫོགས་ཟུང་འབྲེལ་ལས་དཀྱིལ་འཁོར་ལུས་ལ་བསྟེན་ཅིང་རྫོགས་རིམ་ཤེས་རབ་ཀྱི་རྟོགས་པ་གཙོ་བོར་བཏོན་ནས་ལམ་སྦྱང་། ཞིང་ཁམས་བདེ་བ་ཆེན་པོ་ཕྲ་མོའི་རྣལ་འབྱོར་ལས་དངོས་གྲུབ་འདོད་པའོ།། ༈ །།ཕྱི་བསྐྱེད་ལ་མ་ཧཱ་ཡོ་ག་མདོ་སྒྱུ་འཕྲུལ་སྐོར་ནི། གདོད་མའི་མགོན་པོ་དཔལ་ཀུན་ཏུ་བཟང་པོས་ཉིད་དང་དགོངས་པ་མཉམ་པའི་རང་སྣང་རྣམ་པར་དག་པའི་འཁོར་ལོངས་སྤྱོད་རྫོགས་པའི་སྐུ་རིགས་ལྔའི་སངས་རྒྱས་ལ་རང་སྣང་འོག་མིན་སྟུག་པོ་བཀོད་པའི་ཞིང་ཁམས་ ཞིང་ཁམས་འདི་ལས་།།།ཀྱིས་ངོས་ཟིན་པ་ཉུང་སྟེ། གྲུབ་མཐའ་རིན་པོ་ཆེའི་མཛོད་དུ། དེའང་ཁམས་གསུམ་ལས་འདས་པའི་གནས་སྟུག་པོ་བཀོད་པ་ནས་སངས་རྒྱས་སོ། །དེ་ཕྱོགས་གང་ན་ཡོད་ཅེ་ན།

(༣༥)རྨི་ལམ་ཉིད་གང་དུ་སོང་བ་དེར་འོང་གི་འདི་ཁོ་ནར་ཡོད་དོ་ཞེས་མན་ཆད་པ་ལྟར་གང་དུ་སྒྲིབ་པ་མཐའ་དག་དང་བྲལ་ནས་དབྱིངས་དང་ཡེ་ཤེས་དབྱེར་མེད་དུ་འདྲེས་དོན་ཡོད་དོ། །ཞེས་གསུངས་སོ། །རྒྱ་ཆད་ཕྱོགས་ལྷུང་དང་བྲལ་བར་བསྟན་པ་ཚིག་གིས་མ་མཚོན་པར་དགོངས་པས་བྱིན་གྱིས་བརླབས་པ་ལས་བརྒྱུད་དེ་རྒྱལ་སྲས་རྡོ་རྗེ་སེམས་དཔའ་སོགས་ལ་ཡེ་ཤེས་འཕོས་པས་འདི་ཡན་ཆད་ལ་རྒྱལ་བ་དགོངས་པའི་བརྒྱུད་ཁུངས་ཞེས་གྲགས་ལ། དེ་ནས་རིག་འཛིན་བརྡ་བརྒྱུད་ནི་རྒྱལ་སྲས་རིགས་གསུམ་མགོན་ལས་མཆེད་པ་སྟེ། འཇམ་དཔལ་གཞོན་ནུར་གྱུར་པས་ལྷ་རྣམས་ཀྱི་ལུས་དང་བསམ་པ་དང་མཐུན་པར་ཆོས་བསྟན་ཏེ་འཇམ་དཔལ་རྡོ་རྗེ་རྣོན་པོས་ལྷ་གྲགས་ལྡན་ཕྱོགས་སྐྱོང་ལ་བཤད། དེས་རིན་ཆེན་འོད་འབར། དེས་ཚངས་པའི་རྒྱལ་པོ། དེས་ཚངས་པ་ཀུན་གྲོལ། དེས་ཚངས་པ་གཙུག་ཕུད་འཛིན། དེས་ལྷ་དབང་བརྒྱ་བྱིན། དེས་ཚོམ་བུ་འབུམ་སྡེ་ལ་བཤད་པས་ཐམས་ཅད་གྲོལ་ལོ། །སྤྱན་རས་གཟིགས་བདུད་རྩི་སྨན་དང་ལྡན་པ་དེས་ཀླུ་གདུག་པ་ཅན་གྱི་ལུས་དང་བསམ་པ་དང་མཐུན་པར་ཀླུ་རྒྱལ་སྤྲིན་ནག་པོ་ལ་བཤད། དེས་ཀླུ་མོ་ཁ་འདུལ་ལ། དེས་ཀླུ་ཡིད་འོང་དགའ་ལ། དེས་ཀླུ་རྒྱལ་འཇོག་པོ། དེས་ཚོམ་བུ་འབུམ་སྡེ་ལ་བཤད་པས། ཀླུ་དེ་རྣམས་ཀྱང་བྱང་སེམས་ཀྱི་རིགས་འཛིན་ཅིང་རྒྱལ་བའི་གདུང་བསབས། ཕྱག་ན་རྡོ་རྗེ་ཁྲོ་བོའི་རྣམ་འགྱུར་ཅན་དེས་གནོད་སྦྱིན་གྱི་ལུས་དང་བསམ་པ་དང་མཐུན་པར་གནོད་སྦྱིན་གྲགས་ལྡན་མཆོག་སྐྱོང་ལ་བཤད། དེས་གནོད་སྦྱིན་ཀུན་ཏུ་བཟང་པོ་ལ། དེས་གནོད་སྦྱིན་ལག་ན་རྡོ་རྗེ་ལ། དེས་གནོད་སྦྱིན་སྐར་མདའ་གདོང་ལ། དེས་ཚོམ་བུ་འབུམ་སྡེ་ལ་བཤད་པས་ཐམས་ཅད་གྲོལ་ཏེ་རྒྱལ་བའི་གདུང་བསབས། དེ་ཡང་རིག་འཛིན་ཡོངས་འདུས་ལས། གནས་མཆོག་ལྕང་ལོ་ཅན་གྱི་ཕོ་བྲང་དུ༔ སངས་རྒྱས་ཐུགས་ཀྱི་སྤྲུལ་པ་རྡོ་རྗེ་འཛིན༔ སྟེང་འོག་ཕྱོགས་བཞིར་ཐུགས་ཀྱིས་འགྲོ་དོན་མཛད༔ ཅེས་བཤད་པ་ལྟར་གསང་བའི་བདག་པོས་གནས་ངེས་མེད་དུ་འགྲོ་དོན་མཛད་

(༣༦)ཅིང་། ལྷ་ཀླུ་གནོད་སྦྱིན་སྲིན་པོ་ལངྐ་རྣམས་ལས་མི་མ་ཡིན་དང་ལི་ཙ་བྱི། དྲི་མེད་གྲགས་པ་སོགས་མིའི་རིགས་འཛིན་དུ་གྲགས་པ་ལ་རིམ་ལ་ཡའི་རྩེ་མོར་རྒྱུད་སྡེ་ཇི་སྙེད་བཤད། བློ་གྲོས་ཐབས་ལྡན་གྱིས་རིན་པོ་ཆེའི་གླེགས་བམ་དུ་བྱས་པས་རྒྱུད་འདི་དག་ཡི་གེར་འཁོད་པའི་སྔ་མ་ཡིན་པར་ཡང་འདོད་ལ། དེའི་ཚེ་གླེགས་བམ་གྱི་དབང་བསྐུར་ཐོབ་པར་གྲགས་པ་ནི་ཨིནྡྲ་བྷོ་དྷིའམ། རྒྱལ་པོ་ཛར་གྲགས་པ་ཡིན་ཏེ། མདོ་ལས། ང་ནི་འདི་ནས་མི་སྣང་ནས། །ལོ་ནི་བརྒྱ་དང་བཅུ་གཉིས་ན། །ལྷ་གནས་གསུམ་དུ་གྲགས་པ་ཡི། །བསྟན་པའི་སྙིང་པོ་དམ་པ་ཞིག །འཛམ་གླིང་ཤར་ལྷོའི་ཕྱོགས་མཚམས་སུ། །མི་ལས་སྐལ་ལྡན་རིགས་ཅན་ཏེ། །རྒྱལ་པོ། རྒྱལ་པོ་ཛར་བྱང་ཆུབ་དབང་པོ་དང་། སྲས་ལ་འབྱོར་བའི་དབང་པོ་སྟེ་ཨིནྡྲ་ཙམ་དུ་མཚུངས་པར་བྷོ་དྷི་དང་པུ་ཏིའི་ཁྱད་པར་ཤེས་དགོས་སོ། །ཛ་ཞེས་བྱ་བ་འབྱུང་། སྔོན་དུ་ལྟས་རྣམས་འགྱུར་འགྱུར་ཏེ། །དྲག་ཤུལ་ཅན་ཞེས་བྱ་བའི་རྩེར། །གྲོགས་ཀྱི་སེམས་ཅན་དམན་པའི་ལུས། །ལངྐའི་བདག་པོ་ལ་སོགས་པ། །ལག་ན་རྡོ་རྗེས་སྟོན་པར་འགྱུར། །ཅེས་དང་། གསང་བའི་སྙིང་པོའི་རྒྱུད་ཕྱི་མ་ལས། རེ་ཞིག་སྣོད་དང་ལྡན་པའི་མི། །དེ་མིད་རྒྱལ་པོ་ཛ་ཞེས་བྱ། །ཕྱག་ན་རྡོ་རྗེའི་མཐུས་སྣང་འགྱུར། །ཅེས་ལུང་བསྟན་པ་ལྟར་ཨོ་རྒྱན་གྱི་རྒྱལ་པོ་ཨིནྡྲ་བྷོ་དྷི་ཆེ་བའི་སྲས་འཕྲིད་པོའི་ཡབ་ཏུ་བཤད་པ་རྒྱལ་པོ་ཛས་རྒྱ་གར་ཤར་ཕྱོགས་བྷ་ག་ལའམ་ཟ་ཧོར་གྱི་རྒྱལ་པོ་མཛད། སྟོན་པ་མྱ་ངན་ལས་འདས་ནས་ལོ་བརྒྱ་དང་བཅུ་ཕྲག་གཉིས་ཉག་མ་བརྒྱད་ལོན་པའི་ཆོ་འཕྲུལ་ཟླ་བའི་རྒྱལ་གྱི་ཉ་བའི་ཉིན་ངོ་མཚར་གྱི་ལྟས་སྣ་ཚོགས་བྱུང་བས་རྒྱལ་པོ་འཁོར་བས་ཀྱིས་མཆོད་པ་བཤམས་པས་དེའི་ནུབ་རྒྱལ་པོའི་ཕོ་བྲང་གྲོང་ཁྱེར་རི་བོ་དང་བཅས་འོད་ཀྱིས་གང་བར་གྱུར་ཏོ། །དེ་ནས་ཨ་སུ་རའི་བྲག་ཕུག་ཏུ་སྒྲུབ་པ་མཛད་པའི་ཚེ་རྨི་ལྟས་ཁྱད་པར་ཅན་བདུན་ཤར་བར་གྲགས་པ་འདི་ལྟ་སྟེ། སྲོད་ཐུན་དང་པོ་ལ་རིམ་ལ་ཡའི་རྩེར་གསང་བའི་བདག་པོ་བྱོན་ཏེ་སྔ་ལས་འོད་ཟེར་འཕྲོས་གདུལ་

(༣༧)བྱའི་སྒྲིབ་པ་སྦྱང་། གསུང་ལས་རྟོག་པའི་རང་སྒྲ་འབྲུག་སྟོང་ལྡིར། ཐུགས་ལས་རྡོ་རྗེ་འོད་འཕྲོ་བ་ཞིག་བྱུང་ནས་རྒྱལ་པོའི་ཐུགས་ཀར་ཐིམ། ཉི་མའི་འོད་སྤྱི་བོ་དང་། ཟླ་བའི་འོད་རྐང་པར་ཐིམ། སྣང་སྲིད་ཐམས་ཅད་ལྟོ་བར་འཕྱོ་བ་ཞིག་རྨིས་སོ། །གཉིས་པ་ལ དེ་བཞིན་གཤེགས་པ་ཐམས་ཅད་བཀའ་བགྲོ་ཞིང་། ཉི་ཟླ་ཞོན་ནས་གསེར་གྱི་འཁོར་ལོ་བསྐོར། །སྲིད་གསུམ་ཁ་ལེ་གྱིན་ལ་བསྒྱུར་བ་ཞིག་རྨིས་སོ། །གསུམ་པ་ལ། ཡང་ནམ་མཁའི་གཏོས་ལས་སྤྲིན་གསེར་གྱི་མདོག་ཅན་ནི་འཐིབས། ཆོ་འཕྲུལ་གྱི་འབྲུག་སྒྲ་ཆོས་ཀྱི་སྒྲ་རུ་ནི་གྲགས། རིན་པོ་ཆེའི་ཆར་ནི་བབས། བཻ་ཌཱུརྱའི་འོད་ནི་ལྷུང་བ་ཞིག་རྨིས་སོ། །བཞི་པ་ལ། ལར་འཇིག་རྟེན་གྱི་གཏོས་ནི་འགྱུར། རིན་པོ་ཆེ་འབར་བས་སྣང་སྲིད་ཀྱི་མུན་པ་བསལ། བདུད་རྩི་སྨན་གྱི་ཆུ་རྒྱུན་འབྱུང་བས་འགྲོ་བ་མིའི་གཅོད་སྙིང་སྦྱངས། སེམས་ཅན་ཐམས་ཅད་རྡོ་རྗེ་རྣལ་འབྱོར་ཅེས་པའི་སྒྲ་དི་རི་རི་སྒྲོགས་པ་ཞིག་རྨིས་སོ། །ལྔ་པ་ནི། ཡང་སྤྲིན་གྱི་ནང་ན་ཉི་མའི་དཀྱིལ་འཁོར་རིན་པོ་ཆེ་སྣ་ཚོགས་ཀྱི་འོད་ཟེར་ཤར་བའི་ནང་རིན་པོ་ཆེའི་དཔལ་བེའུ་སྒྲོམ་འོད་དང་བཅས་པ་ཕྱི་ནང་ཐམས་ཅད་གསལ་བའི་ནང་ནས་གསེར་གྱི་གླེགས་བམ་མང་པོ་སྐར་མདའ་ལྟར་ས་ལ་ལྷུང་བ་ཞིག་རྨིས་སོ། །དྲུག་པ་ལ། གླེགས་བམ་དེ་དག་ལ་བྱང་ཆུབ་སེམས་དཔའ་དང་། རིག་འཛིན་ལྷ་དང་པ་མང་པོ་ཀློག་འདོན་བྱེད་པ་རྨིས་སོ། །བདུན་པ་ལ། ནམ་མཁའི་སྤྲིན་གསེབ་ནས་ལུང་བསྟན་པའི་སྒྲ་བྱུང་བ་ནི། ལས་དང་སྐལ་བར་ལྡན་པ་ཡི། །བསོད་ནམས་ཆེན་པོ་དྲི་མ་ཁྱོན། །སྤྲུལ་པས་ཇི་ལྟར་ལུང་བསྟན་བཞིན། །ད་ལྟ་དུས་འདིར་མངོན་ཤར་གྱི། །འཁོར་བ་སྙིང་པོ་བྱ་བའི་ཕྱིར། །ང་ཡི་བྱིན་རླབས་ཆོ་འཕྲུལ་གྱིས། །བསྟན་པའི་སྙིང་པོར་མ་པ་།།།ཞིག །སྐལ་ལྡན་ཁྱོད་ལ་བསྟན་པའི་ཕྱིར། །ཞེས་སྒྲོགས་པར་རྨིས་སོ། །དེ་

(༣༨)ནས་སྔོན་ལ་ཕྱག་ན་རྡོ་རྗེའི་སྒྲུབ་པ་མཛད་ནས་གླེགས་བམ་བབས་ཚུལ་སོགས་བཤད་ཚུལ་གཞན་ཡང་ཡོད་དེ་གཉེར་ཁ་འདི་ཁའི་རང་སྐད་ལས། འཇག་དཔལ་རྡོ་རྗེ་ཆོས་དང་ནི༔ གྲུབ་ཐོབ་རིག་འཛིན་ཐམས་ཅད་ཀྱིས༔ རྒྱལ་པོ་ཛ་ཞེས་བྱ་བ་དག༔ ཆོས་ལ་ལས་འཕྲོ་ཡོད་གཟིགས་ནས། གླེགས་བམ་རྒྱུད་སྡེ་ཆེན་པོ་དག༔ མཁའ་ལ་རང་བབས་ཚུལ་དུ་ནི༔ སྤྱན་དྲངས་རྒྱལ་པོའི་ཐོག་ཁར་བབས༔ དེ་ནུབ་རྒྱལ་པོའི་རྨི་ལམ་དུ བཻ་ཌཱུར་ཞུན་མའི་གླེགས་བམ་ནི། ཕོ་བྲང་ཐོག་ཏུ་ཆར་བབས་རྨིས། །ནངས་པར་གཟིགས་པས་དེ་བཞིན་སྣང་༔ ཞལ་ཕྱེ་གཟིགས་པས་ཤེས་མ་གྱུར༔ ཀུ་ཀུ་རཱ་ཛ་ཞེས་བྱ་བའི། །པཎྜི་ཏ་ལ་བསྟན་གྱུར་ཀྱང་༔ བརྡ་ཙམ་ཞིག་ཀྱང་མ་ཤེས་ནས༔ མཁྱེན་པ་ཅན་གྱིས་ཚུར་བརྫངས་པ། །བདག་གིས་ཤེས་པར་མ་གྱུར་ཏེ། །ཉིད་རང་ལས་དང་སྐལ་བར་ལྡན། །དགོངས་པས་དཔག་པར་གསལ་ཞེས་སྐད། །དེ་ནས་ཨིནྡྲ་བྷོ་དྷི་ཡིས༔ གསེར་གྱི་གླེགས་བམ་སྤྱི་བོར་བཞུགས༔ ཞག་བདུན་གདུངས་བསྐྱེད་བ་སྦུ་གཟིང་ མཆི་མ་བླགས་ཤིང་དགོངས་པ་མཛད ཞག་བདུན་ནངས་པར་ཞལ་ཕྱེ་ནས རྡོ་རྗེ་སེམས་མཇལ་ལེའུ་མཁྱེན༔ སླར་ཡང་ཉེར་གཅིག་མཉམ་བཞག་པས༔ རྒྱུད་སྡེ་བཅོ་བརྒྱད་ཁོང་དུ་ཆུད༔ གསང་སྔགས་དོན་ལ་མཁས་གྱུར་པས༔ ཕྱི་ནང་གསང་བའི་དོན་དབང་ཐོབ རྒྱལ་པོ་འཁོར་དང་བཅས་པ་རྣམས༔ རྡོ་རྗེ་ལྟ་བུའི་ལུས་གྱུར་ནས༔ ཀུན་གྱིས་མཐོང་བར་མངོན་སངས་རྒྱས༔ ཞེས་གསུངས་པ་ལ་ཤེས་བྱེད་རྒྱུད་སྡེའི་རྣམ་ངེས་ནི། སངས་རྒྱས་མཉམ་སྦྱོར། གླང་པོ་རབ་འབོག །གླང་པོ་ཆེ་ཆུར་འཇུག་སྟེ་སྐུ་ཡི་རྒྱུད་གསུམ། ཟླ་གསང་ཐིག་ལེ། གཅིག་ལས་འཕྲོས་པ། དུ་མ་ལས་འཕྲོས་པ་སྟེ་གསུང་གི་རྒྱུད་གསུམ༔ གསང་བ་འདུས་པ། རི་བོ་བརྩེགས་པ། རྩེ་གཅིག་འདུས་པ་སྟེ་ཐུགས་ཀྱི་རྒྱུད་གསུམ།

(༣༩)དཔལ་མཆོག་དང་པོ། བདུད་རྩི་མཆོག་དང་པོ། ཡིད་བཞིན་ནོར་བུ་སྟེ་ཡོན་ཏན་གྱི་རྒྱུད་གསུམ། ཀརྨཱ་མཱ་ལེ། སྒྲོལ་མ་འབར་བ། ཀཱི་ལ་ཡ་ཡིག་འབྲུ་བཅུ་གཉིས་ཀྱི་རྒྱུད་དེ་ཕྲིན་ལས་ཀྱི་རྒྱུད་གསུམ། དེ་ཐམས་ཅད་ཀྱི་སྤྱི་རྒྱུད་སྒྱུ་འཕྲུལ་དྲ་བའི་རྒྱུད། དམ་ཚིག་ས་མ་ཡ་འབུམ་སྡེ་བཀོད་པའི་རྒྱུད། རྡོ་རྗེ་ཐབས་ཀྱི་ཞགས་པའི་རྒྱུད་དེ་ཏནྟྲ་སྡེ་བཅོ་བརྒྱད་དུ་གྲགས་ལ། འདི་ནས་རིམ་པར་བརྒྱུད་པ་ལ་གང་ཟག་སྙན་ཁུང་དུ་གྲགས་པའི་བརྒྱུད་པའི་ཁྱད་པར་ནི། ཨིནྡྲས་ཨུ་པ་རཱ་ཙ་ལ། དེས་ཐོར་ཅོག་ཅན་ལ། དེས་སིངྒ་རཱ་ཙ་ལ། དེས་ཨིནྡྲ་བྷོ་ཏི་ཕྱི་མ་ལ། དེས་ཁ་ཆེའི་རྒྱལ་པོ་ལ། དེས་སློབ་དཔོན་ཧཱུཾ་ཀཱ་ར་ལ་བསྐུར་ཏེ་འདི་རྣམས་ཚོགས་སྒྲུབ་ཀྱི་དཀྱིལ་འཁོར་ལ་བརྟེན་ནས་བསྒྲུབས་པ་བས་ཚོམ་བུ་ལྔ་བརྒྱ་དང་བཅས་མཆོག་གི་དངོས་གྲུབ་ཐོབ། ཁ་ཆེ་མ་ཧཱ་རཱ་ཛས་པཎ་ཆེན་བི་མ་ལ་མི་ཏྲ་ལ་ཡང་བཤད་དོ། །ཧཱུྃ་ཀཱ་རས་ནམ་མཁའི་སྙིང་པོ་ལ་བཤད། དེས་བོད་དུ་ཆོས་རྒྱལ་ཁྲི་སྲོང་དང་། གཉགས་བན་ཛྙཱ་ན་ཀུ་མཱ་ར་ལ་བཤད་དེ་རིམ་པར་དར། དེ་ཡང་སྔ་རབས་པ་ཁ་ཅིག་གིས། གསང་སྔགས་རང་ཉིད་ལེན་པ་ནི། །ལུས་ཅན་དམྱལ་བ་འབའ་ཞིག་རྒྱུ། །ཞེས་པ་ཙམ་ལ་ཁ་གཡར་ནས་གླེགས་བམ་གྱི་དབང་བསྐུར་ཐོབ་པའི་ལོ་རྒྱུས་ལ་སྒྲོ་སྐུར་མི་བཟང་བ་བྱུང་མོད། དེ་ནི་ཕྱིན་སྟེ། གང་ཟག་ཐ་མལ་པ་གཅིག་ལ་ལྟས་ན་ལུང་དེ་ཡང་འཐད་པ་ཡིན་ཏེ། སེམས་དཔའ་ཆེན་པོ་རྣམས་འཆིང་བ་དང་ལྡན་པའི་གང་ཟག་གི་ཚུལ་དུ་གདུལ་བྱ་འདུལ་བ་ལ་བར་མའི་གདུལ་བྱ་ལ་དགོངས་པའི་ལུང་ལ་མི་ལྟོས་མོད་ཀྱི། དེར་མ་ཟད་གླེགས་བམ་གྱི་བརྡ་དབང་མི་ཐོབ་པར་བརྩི་བའི་གང་ཟག་དེ་ལ་གླེགས་བམ་གྱི་ཆར་པ་ཁང་སྟེང་དུའང་མི་འབབ་པའི་ཕྱིར་དང་། སྟོབས་བཅུ་མངའ་བ་ཉིད་ཀྱི་ཞལ་ནས་འབྱུང་འགྱུར་གྱི་ལུང་ཡང་མི་སྟོན་པའི་ཕྱིར་དང་། ཅི་སྟེ་གླེགས་བམ་མཐོང་བ་ཙམ་གྱིས་རྒྱུད་དོན་ཡང་ཁོང་དུ་མི་ཆུད་ཅིང་བསྒྲུབས་འབྲས་ཀྱང་མངོན་དུ་མི་འབྱིན་པའི་

(༤༠)ཕྱིར་ཏེ་བཤེས་གཉེན་དུ་རློམ་ཡང་མདའ་ལྔའི་ནུས་པས་སྙིང་ག་ཕུག་པར་ཟད་དེ། གཞན་ཡང་ནང་རྒྱུད་འདི་དག་དགོངས་འགྲེལ་དང་བཅས་པ་གངས་ཅན་པའི་སྐད་དུ་འགྱུར་རོ་འཚལ་གྱི་བཀའ་དང་བསྟན་བཅོས་ཀྱི་དབུས་ན་མི་བཞུགས་པ་ཤས་ཆེ་བ་དག་ལའང་ཀླན་ཀ་མི་བྱ་སྟེ། དེ་ཅིའི་ཕྱིར་ན། བསྟན་པ་སྔ་དར་གྱི་ཚེ་བཙན་པོ་ཁྲི་སྲོང་ལྡེའུ་བཙན་གྱི་དུས་ན་སྤྲུལ་པའི་ལོ་པཎ་ཆེན་པོ་རྣམས་ཀྱིས་གངས་ཅན་འདིར་མདོ་སྔགས་ཀྱི་ཆོས་ཇི་སྙེད་སྤྱན་དྲངས་ནས་བསྒྱུར་ཞིང་དར་རྒྱས་སུའང་མཛད་མོད་དེ། ནང་རྒྱུད་ཁྱད་པར་བ་རྣམས་ཤིན་ཏུ་ཟབ་ཅིང་བཀའ་གཉན་པ་དང་གདུལ་བྱ་དུས་ལ་མ་བབས་པའི་ཕྱིར་རེ་ཞིག་ཡོངས་གྲགས་སུ་མ་བསྒྱུར་བར་ལྐོག་ཆོས་སུ་ཉམས་ལེན་མཛད་པའི་ཕྱིར་ཏེ། ཇི་སྐད་དུ་ཕ་ཝང་ཁ་པས་ཀྱང་། འོན་ཀྱང་རྒྱལ་པོ་ཁྲི་སྲོང་ལྡེའུ་བཙན་གྱིས། །གསང་སྔགས་བླ་མེད་སྙན་བརྒྱུད་ལྐོག་ཆོས་ལས། །ཡོངས་གྲགས་བསྒྱུར་བ་རེ་ཞིག་བཀག་པ་ཡིས། །ཕྱི་ནས་ཡོངས་དག་རྣམ་གསུམ་རྙིང་མ་རྣམས། །རྒྱ་འགྱུར་མིན་ཞེས་རྩོད་པ་ཅན་དུ་གྱུར། །ཅེས་གསུངས། བོད་དུ་བཀའ་དང་དགོངས་འགྲེལ་ཕྱོགས་གཅིག་ཏུ་བསྒྲིགས་པའི་ཐོག་མ་ཡིད་རྟོན་པའི་གནས་སུ་བྱ་བ་ནི། ཆོས་ལྡན་གྱི་རྒྱལ་པོ་སད་ན་ལེགས་འཇིང་ཡོན་གྱི་སྐུ་རིང་ལ་སྐད་གཉིས་སྨྲ་བའི་དབང་པོ་བནྡེ་དཔལ་བརྩེགས་རཀྵི་ཏ་དང་། དེ་ཝེནྡྲ་དང་། དཔལ་གྱི་ལྷུན་པོ་ལ་སོགས་པས་འཕང་ཐང་ཀ་མེད་ཀྱི་གཙུག་ལག་ཁང་ན་བཞུགས་པའི་གསུང་རབ་རྣམས་ལ། ཚིག་བར་བརྒྱད་ལ་རྐང་བ་གཅིག་ཏུ་བྱས་པའི་རྐང་པ་བཞི་ཚོགས་ལ་ཤློ་ཀ་དང་དེ་སུམ་བརྒྱལ་སོགས་ལ་བམ་པོའི་ཚད་དུ་བྱས་ཏེ། གཞུང་ཚད་དེ་ཉིད་ཀྱིས་ལེགས་པར་གཞལ་བའི་ཐེམ་བྱང་མ་འཁྲུལ་བར་ཆོས་ཚན་འདི་དང་འདི་ལ་རྣམ་གྲངས་འདི་དང་འདི་བཀོད་པ་ལ་དཀར་ཆག་འཕད་ཐང་མར་གྲགས་ལ། དེའི་རྗེས་སུ་སྒྲ་བསྒྱུར་གྱི་བནྡེ་དཔལ་བརྩེགས་དང་། འཁོན་ཀླུའི་

(༤༡)དབང་པོ་བསྲུངས་པ་ལ་སོགས་པས་སྟོང་ཐང་ལྡན་དཀར་གྱི་ཕོ་བྲང་ཆེན་པོ་ན་བཞུགས་པའི་གསུང་རབ་དང་བསྟན་བཅོས་ལྗོངས་འདིར་འགྱུར་རོ་འཚལ་བམ་པོ་དང་ཤློ་ཀའི་གྲངས་སུ་འདི་དང་འདི་མཆིས་ཞེས་ངེས་པར་གཏན་ལ་ཕབ་གྲུབ་པ་རྣམས་ཀྱི་མཚན་བྱང་དཀར་ཆག་ཏུ་བཏབ་པ་ལ་དཀར་ཆག་ལྡན་དཀར་མར་གྲགས་ལ། དེ་གཉིས་ཀར་ནང་རྒྱུད་ཁྱད་པར་བ་འདི་དག་མ་བཀོད་པ་ནི། གསང་སྔགས་ནང་གི་རྒྱུད་རྣམས་ཆེས་ཆེར་བཀའ་གཉན་པས་འགོད་བར་མ་ནུས་ཞེས་བཤད་པ་ལས། ཕྱི་རབས་པ་ཁ་ཅིག་ལྟར་བསྟན་པ་རྣམ་དག་སུན་བྱུང་ནས་མ་བཀོད་པ་མ་ཡིན་ཏེ། འཇིག་རྟེན་མིག་གཅིག་ཐམས་ཅད་མཁྱེན་གཟིགས་ལྔ་པ་ཆེན་པོས། དཀར་ཆག་འཕང་ཐང་མ་དང་ལྡན་དཀར་དུ། །གསང་སྔགས་ནང་གི་རྒྱུད་རྣམས་ཆེས་གཉན་པས། །འགོད་པ་མ་ནུས་ཞེས་པ་སྔ་འགྱུར་གྱི། །རྒྱུད་ལས་ངོས་འཛིན་གཞན་པ་བྱ་རྒྱུས་དབུལ། །རྡོ་རྗེ་ཐེག་པ་དང་དགྲ་གཤེད་དུ་གྲུན་པ་རྣམས་ཀྱི་བཀའ་དྲིན་ལ་རྙིང་མའི་གསང་སྔགས་རྒྱུད་འབུམ་བཀའི་ཁྲོད་ན་མ་བཞུགས་པས་དཔེ་རྒྱུན་ཚམ་ཡང་དགོན་པོར་གྱུར་མོད། དེའི་ཕྱིར་ན་བོད་དུ་འགྱུར་བ་ལ་ལྟོས་གླེགས་བམ་བཞི་བཅུ་པ་དང་། སུམ་ཅུ་པ་དང་ཉི་ཤུ་ལྔ་པ་སོགས་ཏེ་གཏེར་རྒྱུད་བསྣན་མིན་དང་གླེགས་བམ་བཞུགས་ཚོགས་ཀྱི་ཁྱད་ལས་མཐའ་།།།ཏུ་མ་ངེས་པའོ། །ཞེས་གསུངས་ཤིང་། བསྟན་སྐྱོང་ཆེན་པོ་འདིའི་ཞབས་བརྟན་ལ་དམིགས་ནས་རྩོད་པའི་དུས་ཀྱི་པཎྜི་ཏ་ཆེན་པོ་མི་དབང་སངས་རྒྱས་རྒྱ་མཚོས་ཞ་ལུ་གསེར་ཁང་གི་བསྟན་བཅོས་འགྱུར་རོ་འཚལ་ལ་ཕྱི་མོ་བགྱིས་ནས་བཞེངས་པའི་བུ་དཔེ་དག་པ་རྣམས་སྒོ་བསྟུན་ནས་ཕྱི་མོར་བཟུང་། དེར་མ་བཞུགས་པའི་མདོ་སྔགས་ཀྱི་བསྟན་བཅོས་ཇི་སྙེད་ཅིག་བསྣན་བཞེངས་ནས། དེ་ཉིད་ཀྱི་དཀར་ཆག་འཇིག་རྟེན་གསུམ་གྱི་བདེ་སྐྱིད་པད་ཚལ་བཞད་པའི་ཉིན་བྱེད་ཅེས་བྱ་བ་རྒྱལ་དབང་ལྔ་པ་རང་གིས་མཛད་པར་ནང་རྒྱུད་དེ་དག་གི་འགྲེལ་པ་རྒྱ་བོད་ཀྱི་མཁས་པ་རྣམས་ཀྱིས་མཛད་པ་ཇི་སྙེད་བཞུགས་སུ་རུང་བར་ཞལ་གྱིས་འཕངས་པ་བཞིན། སྙིགས་དུས་ཀྱི་གྲགས་

(༤༢)པ་དོན་ལྡན་བསྟན་པ་ཡོངས་སུ་རྫོགས་པ་ཐམས་ཅད་ཀྱིས་སི་ཏུ་ཐམས་ཅད་མཁྱེན་པ་དགེ་བའི་བློ་གྲོས་ཀྱི་ཚལ་པ་མ་དང་རྗེས་སུ་མཐུན་པ་འདི་ཁོ་ནའི་རྗེས་སུ་མཐུན་འགྱུར་མཛད་མོད། ཕྱོགས་རེ་ཙམ་གྱིས་ཤེས་བྱས་དྲེགས་པའི་མུ་ཅོར་སྨྲ་བའམ། འོན་ཏེ་ཐ་སྙད་ལ་མང་དུ་ཐོས་ཀྱང་དེ་ཁོ་ན་ཉིད་དང་རྒྱང་རིང་ཞིང་པྲ་ཎི་དྷ་ལུགས་ལས་ལྡོག་པའི་གནམ་རུ་ལ་མདའ་ལྔའི་ནུས་པ་བཀང་བའི་མི་བསྲུན་པ་གང་ཞིག་ལུང་འདྲེལ་གང་ཟག་གིས་དཔང་པོ་ གྲུབ་ཆེན་ཨུ་རྒྱན་པས། ཆག་ལོའི་གང་ནས་བྱོན་པའི་ཚེ་སྔགས་རྙིང་མ་ཆོས་མིན་བྱ་བ་འདུག་ཟེར་ཏེ་མཐོང་རྒྱ་ཆུང་བ་མིན། ཐང་།།།ཧ་རེ་ན་རྙིང་མའི་རྒྱ་དཔེ་བཞུགས་པའི་མིང་རྒྱར་ཡང་བྲིས་ན་འབུམ་གྱི་པོ་ཏི་གཅིག་ཙམ་ཅིས་ཀྱང་འོང་། མི་རིག་པ་ཡིས་གཟུགས་ལའང་མི་རིག་ན། ཐེ་ཚོམ་ཟབ་པའི་ཆོས་ལ་སྨོས་ཅི་དགོས། །ཞེས་པས་ཆོས་སྤོང་མཁྱེན་གསུངས། དང་ལྡན་པའི་གསང་རྒྱུད་ཆེན་པོ་འདི་དག་ལའང་སྒྲོ་སྐུར་གྱི་མགྲིན་པ་འདེགས་པ་དག་ནི་སྙིང་ཁམས་ཕྱར་གཡེང་བ་ཙམ་དུ་ཟད་ལ། འདི་ལྟར་སྔ་རབས་ཀྱི་ལོ་ཙཱ་བ་ཁ་ཅིག་གིས་ནང་རྒྱུད་ཁྱད་པར་བ་རྣམས་ཀྱི་རྒྱ་དཔེ་མ་རྙེད་པས་ནོངས་ཏེ་འདི་དག་བོད་མ་ཡིན་ཞེས་དྲིལ་བསྒྲགས་པས་ཆོས་ཀྱི་མིག་དང་བྲལ་བའི་སྐྱེ་བོ་མང་པོ་སོ་མ་ཉིའི་གོམ་པ་འདེགས་སུ་བཅུག་གོ །དེའི་ཚེ་མ་བྱོན་སངས་རྒྱས་གསུམ་པར་གྲགས་པ་ཀསྨི་རིའི་པཎྜི་ཏ་ཆེན་པོ་ཤཱཀྱ་ཤྲཱི་དང་། མཁས་པའི་དབང་ཕྱུག་བཅོམ་ལྡན་རིག་པའི་རལ་གྲི་དང་། ༈ ཀུན་མཁྱེན་གྱིས། བོད་འདི་རྒྱ་གར་ན་ཡོད་པ་དང་། མེད་པའི་མདོ་དང་རྒྱུད་མང་པོ་གཞུགས་ཏེ། སྔོན་གྱི་སློབ་དཔོན་པདྨ་ལ་སོགས་པས་ཨོ་རྒྱན་ལ་སོགས་པ་མཁའ་འགྲོའི་གླིང་རྣམས་ནས་རྒྱུད་སྡེ་མང་དུ་བསྣམས་ནས་བྱོན་ཏེ་བསྒྱུར་ཞིང་། མདོ་ཡང་ཉི་མ་དངོས་གྲུབ་ཀྱི་མེས་།།།མ་ཚིག་གོང་དུ་རྒྱ་ནག་ཏུ་འབྱུང་བའི་མདོ་རྣམས་ལས། ཕལ་མོ་ཆེ་དང་། མྱ་ངན་ལས་འདས་པ་དང་། འདུལ་བ་ལུང་ལ་སོགས་པ་མང་པོ་ཞིག་རྒྱ་ནག་གི་པཎྜི་ཏ་ཧཱ་ཤང་མ་ཧཱ་ཡཱ་ན་བློ་ལས་བཻ་རོ་ཙཱ་ན་དང་འབབས་པས་ཤིས་ལོ་ཙཱ་བྱས་ཏེ་བསྒྱུར་བ་ཡིན་ནོ། །དེའི་ཕྱིར་ཆོས་དང་གང་ཟག་གི་ཚད་ནི་ཐམས་ཅད་མཁྱེན་པ་ལས་གཞན་གྱིས་བཟུང་བར་མི་ནུས་ཏེ། དཀོན་མཆོག་བརྩེགས་པ་ལས། འོད་སྲུངས་པའམ་དང་འདྲ་བས་ཆོས་དང་གང་ཟག་གི་ཚོད་བཟུང་བར་རུང་གིས། གཞན་དག་ནི་མ་ཡིན་ཏེ་ལོག་པར་ལྷུང་བའི་ཕྱིར་རོ། །ཞེས་དང་། སྔོན་གྱི་དུས་སུ་བྱུང་བ་དག་བཅོས་མ་ཡིན་ན།

(༤༣)བརྩམ་གཞི་གང་ལ་བྱས། དེ་ལྟར་ན་ཕྱིས་འབྱུང་བ་རྣམས་བཅོས་མར་འགྱུར་ཏེ། དོན་སྔོན་པས་ལྷག་ཏུ་མ་བྱུང་། ཚིག་ཅུང་ཟད་མི་འདྲ་བ་དང་། མང་ཉུང་བྱུང་བ་ལས་མེད་པའི་ཕྱིར་རོ། །ཞེས་གསུངས་སྟོ། ཤ་གད་ལོ་ཙཱ་བ་ཤེས་རབ་བཟང་པོ། སྐད་གཉིས་སྨྲ་བ་ཐམས་ཅད་ཀྱི་གཙུག་ན་མངོན་པར་མཐོ་བ་ཐར་པ་ལོ་ཙཱ་བ་ཆེན་པོ་སོགས་ཀྱིས་རྒྱ་དཔེ་རྙེད་ནས་བསྟན་པ་ལ་བྱ་བ་ཆེན་པོ་མཛད་ནས་རྨ་མེད་པར་བྱས་པའི་རྣམ་ཐར་ནི་ཨད་བྷཱུ་ཏ་ར་ངེས་ལ། ལོ་ཙཱ་བ་ཆེན་པོ་དེ་ཉིད་ཀྱིས་གསང་བ་སྙིང་པོའི་འགྱུར་བྱང་ལས་ཀྱང་། རྟོག་དཔྱོད་མི་ལྡན་ཁཱ་ཅིག་འདི་སྐད་དུ། །འདི་ལ་སྔོན་ཆད་སྒྲོ་སྐུར་བྱུང་བས་ན། །ད་ལྟ་རྒྱ་དཔེ་ཡོད་དམ་མེད་ཀྱང་རུང་། །སྙིགས་དུས་སྐྱེ་བོ་སོ་ཉི་སེལ་དཀའ་བས། །གསར་འགྱུར་འབད་པའང་ངལ་བ་དོན་མེད་དོ། །འདི་ལ་འཆད་ཉན་སྐྱོང་བའང་མི་འབྱུང་ལ། །གཞན་ཡང་སྔ་འགྱུར་གཞུང་གི་ཚིག་འདི་ལ། །འདི་ལྟར་བསྒྱུར་ཞེས་གཞི་བྱེད་པའང་སྲིད། །དེ་དག་ཕལ་ཆེར་གང་ཟག་རྗེས་འབྲང་ཞིང་། །ཐོས་པའི་ནོར་བྲལ་ཆགས་སྣང་ཚེར་མ་ཡིས། །བློ་མིག་ལྐུགས་པས་ངེས་དོན་ཤེས་བྱའི་གསུང་། །ཇི་བཞིན་ལྟ་བར་མི་ནུས་ཁོ་ནར་ཟད། །ཅེས་པ་ལ་སོགས་བསྒྲུབ་དང་སུན་འབྱིན་གྱི་ཉི་མས་ལོག་སྨྲའི་མུན་པ་ཕ་མཐར་བསྐྲད་དེ་བ་སྔགས་བརྗོད་ཀྱི་ཏམ་བུ་ར་ཀི་ཧྣ་རའི་ལུགས་སུ་སྦྲེངས་པ་ཡིན་ནོ། །དཔེ་འདི་ཁས་མཚོན་ཏེ་སྔ་འགྱུར་གྱི་རྒྱུད་རྣམས་རྒྱ་གར་ནམ་བཞུགས་ཟེར་བའི་རྫུན་ཁུང་རྡིབ་པར་ཤེས་ཤིང་། སྤྱིར་ཡང་ནང་རྒྱུད་འདི་དག་གི་དགོངས་པ་རྒྱུད་གཞན་དང་མི་མཚུངས་ཙམ་ལ་སྤྱོ་བར་བྱེད་ཅིང་ཐེ་ཚོམ་ཟ་བའི་གནས་སུ་བྱེད་ན་ནི། དཔལ་དུས་ཀྱི་འཁོར་ལོའི་རྒྱུད་ཀྱང་རྒྱུད་སྡེ་གཞན་དང་ལྡོག་པ་ཆེན་པོ་ཡོད་པའི་ཕྱིར་དང་། དེ་དག་གི་མདོ་དོན་ནི། ཇི་སྐད་དུ། ཀུན་དང་འདྲ་ན་ཁྱད་ཆོས་རྫུན་པ་ཉིད། །ཀུན་དང་འགལ་ན་གསང་སྔགས་ལོག་པའི་ཆོས། །ཞེས་གསུངས་པ་ལྟར་སྤྱི་ལས་ཁྱད་པར་དུ་འཕགས་པའི་ཕྱིར་ཟབ་པའི་མཐར་ཐུག་ཏུ་རིག་པར་བྱས་ནས་མན་ངག་གི་སྙིང་པོ་ལེན་པ་ལ་བརྩོན་པར་མ་བྱས་

(༤༤)པར་ལེགས་བཤད་དུ་བཏགས་པའི་འཁྱོག་བཤད་ཀྱི་ཕྱི་ལ་འབྲང་ན་འབྲས་བུ་ཕྱིན་ཅི་ལོག་ཏུ་འཕེན་པར་བྱེད་དོ། །གནས་གསར་བས་ཀྱང་། དཔེ་རུལ་འགའ་ཡིས་མི་དགེའི་བཤེས་བྱས་ཤིང་། །སྔགས་རུལ་འགའ་ཡིས་སྤྱོད་ལ་སེམས་ཁྲེལ་བས། །མི་རུལ་ཁོ་བོས་ལས་ངན་ཚབ་ཆེན་བསགས། །བུ་རུལ་བདག་ཉིད་དམྱལ་བའི་ལམ་དུ་ཆས། །ཞེས་བསྟན་པ་རྣམ་དག་ལ་སྐུར་བ་འཐལ་བའི་ཚུལ་བསྟན་གྱི་རྗེས་སུ་ཐུགས་ལས་ཆེན་པོའི་གསུང་གཅོང་ཤོར་ཚུལ་བསྟན་པ་ཡང་དཔྱོད་ལྡན་གྱི་བློར་འདོམས་པར་བྱ་ལ། འདི་ལྟ་བུའི་ཚུལ་ནི་སྙིགས་མའི་དུས་ཀྱི་ཐམས་ཅད་མཁྱེན་པ་ཆེན་པོར་གྱུར་པ། གྲུབ་པའི་མཐའ་རིས་སུ་མ་ཆད་པའི་བསྟན་པའི་བདག་པོ་ཆེན་པོ། གངས་ཅན་ལྷ་གཅིག་ཕྱག་ན་པདྨ་འཇིག་རྟེན་གསུམ་གྱི་མགོན་པོ་མཚན་བརྗོད་པར་དཀར་བ་ཟིལ་གནོན་བཞན་པ་རྩལ་གྱིས་གསན་ཡིག་ཆེན་མོ་དང་། ལྷ་སྲས་མུ་ནི་བཙན་པོའི་ཡང་སྲིད་འཇམ་དཔལ་དབྱངས་སཱ་རའི་མཚན་ཅན་གྱི་བསྟན་བཅོས་ཀྱི་དྲིས་ལན་གཡའ་སེལ་སོགས་ལ་ཚད་མར་བཟུང་ནས་དཔྱད་པར་བྱ་ཞིང་། འོན་ཀྱང་དེ་དག་ཏུ་ཀར་འབྲུག་སོགས་ལ་དགག་པའི་རྣམ་པ་ཡོད་པ་དག་ཀྱང་ངེས་དོན་དུ་ཁས་བླང་མི་དགོས་ཀྱི། དུས་དེར་བསྟན་དུས་ཀྱི་དབང་གིས་མི་མཛད་ཀ་མེད་ལས་སྨྲེ་བར་སྙེམས་པ་ཅན་འབྲི་འགོས་ལ་སོགས་པ་ལྟར་གཞན་སྡེ་ཆམ་ལ་དབབ་པའི་དགོངས་པའི་མཐིལ་བསྟན་པ་ནི་མ་ཡིན་པས་སོ། །དེ་ལྟར་རྣམ་ངེས་བཤད་པའི་རྒྱུད་སྡེ་དེ་དག་གི་བཤད་སྲོལ་ཇི་བཞིན་པ་ཐམས་ཅད་ནི་བསྟན་པ་འཕེལ་འགྲིབ་དབང་གིས་དེང་སང་མི་སྣང་བ་ཤས་ཆེ་མོད། དེ་འོན་ཀྱང་སྤྱིར་སངས་རྒྱས་ཀྱི་ཞིང་གྲངས་མེད་པ་ན་མདོ་སྟོན་པའི་སྟོན་པ་རེ་དང་། སྔགས་སྟོན་པའི་སློབ་དཔོན་རེ་སྤྲུལ་པ་ཡང་སྤྲུལ་དང་བཅས་བྱུང་ཚུལ་རྒྱས་པར་བཤད་པ་བཞིན་བསྐལ་བཟང་འདི་ལ་ཇི་ལྟར་བྱུང་བ་ནི། མདོ་སྡེ་མྱང་འདས་ལས། ཤིང་སཱ་ལའི་གྲོང་རྩ་མཆོག་

(༤༥)གཉིས་ཀྱི་བར་ན་བཅོམ་ལྡན་འདས་ལ་འོད་སྲུངས་དང་། གཅུང་དགའ་བོ་མ་གཏོགས་པ་དགེ་སློང་གི་དགེ་འདུན་བརྒྱ་ཕྲག་བཅུས་བསྐོར་ནས་ཉེ་གནས་ཆེན་པོ་ཀཱ་ཏྱཱ་ཡཱ་ན་དང་ཙུན་དྷ་དང་མ་འགགས་པ་དང་ཀུན་དགའ་བོ་རྣམས་ལ་བཀའ་སྩལ་པ། ད་ནི་ཡོངས་སུ་མྱ་ངན་ལས་འདའོ། ཁྱེད་རྣམས་མྱ་ངན་མ་བྱེད་ཅིག །མདངས་ལྡན་དྲི་མེད་མཚོད་ཀྱིལ་ནས། །ང་ལས་ལྷག་པའི་སྐྱེས་བུ་འབྱུང་། །ཞེས་དང་། དབུས་འགྱུར་འཆང་ལུང་བསྟན་པའི་མདོ་སྡེ་ལས། ད་ནི་འདི་ནས་མི་སྣང་ནས། །ལོ་ནི་བཞི་གཉིས་ལོན་པ་ན། །ཨོ་རྒྱན་ཡུལ་གྱི་ནུབ་བྱང་མཚམས། །དྷ་ན་ཀོ་ཤའི་མཚོ་གླིང་དུ། །ཀུན་ལས་ལྷག་པའི་སྐྱེས་བུ་འབྱུང་། །ཞེས་དང་། བླ་མེད་དོན་རྫོགས་འདུས་པའི་རྒྱུད་ལས། ང་ནི་མྱ་ངན་འདས་འོག་ཏུ། །ལོ་ནི་བཅུ་རུ་གཉིས་ཆད་ནས། །འཇིག་རྟེན་ཀུན་ལས་རྒྱལ་བ་མཆོག །ཨོ་རྒྱན་ཡུལ་དུ་པད་འབྱུང་ཞེས། །པདྨ་ལས་ནི་འབྱུང་བར་འགྱུར། །གསང་སྔགས་སྟོན་པར་ངས་ལུང་བསྟན། །ཞེས་དང་། མདོ་སྡེ་གསེར་འོད་དམ་པ་ནས། །པདྨ་འབྱུང་གནས་འདིས་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ལ་མངོན་པར་བསྟོད་ཅེས་རྡོ་རྗེའི་ལུང་གིས་བསྔགས་པ་ལྟར། ཨོ་རྒྱན་ཡུལ་གྱི་ཤར་ལྷོ་དྷ་ན་ཀོ་ཤའམ། འོ་མ་ཅན་གྱི་མཚོར་འབོད་པ་སིནྡྷུ་རྒྱ་མཚོའི་ཀླུ་རྒྱལ་འཇོག་པོའི་ཕོ་བྲང་གི་སྟེང་པདྨའི་སྡོང་པོ་རྒྱས་པའི་ཟེའུ་འབྲུ་ནས་སྟོན་པ་མྱ་ངན་ལས་འདས་ནས་ལོ་བཞི་གཉིས་ཏེ་བགྲོད་པ་ལོར་བརྩིས་པ་བརྒྱད་སོང་བ་ཤིང་སྤྲེའུ་སྣོྲན་ཟླའི་ཚེས་བཅུ་ལ་མཚན་དཔེའི་འོད་སྐུ་བལྟམས་པའི་ཚུལ་བསྟན་ཞིང་མཚན་དོན་ཐ་དད་པའི་སྒོ་ནས་མཛད་པ་གཙོ་ཆེ་བ་རྣམ་གྲངས་བརྒྱད་དུ་བསྟན། དུར་ཁྲོད་བརྒྱད་དུ་བརྟུལ་ཞུགས་ཀྱི་སྤྱོད་པ་བསྐྱངས། ཐེག་རྩེ་ཤིན་ཏུ་རྣལ་འབྱོར་གྱི་སྒོ་ནས་རིག་པ་རྩལ་གྱི་དབང་ཐོབ་པའི་སངས་རྒྱས་གཉིས་པ་དེ་ཉིད་ཀྱི་ཆེ་བའི་

(༤༦)རྣམ་ཐར་རྒྱས་པ་ནི། བཀའ་ཐང་། སྡེ་ལྔ། སྦ་བཞེད། ཉང་གི་ཟངས་གླིང་མ། སངས་རྒྱས་གླིང་པ། རྡོ་རྗེ་གླིང་པ་སོགས་ཀྱི་གཏེར་བྱོན་རྣམ་ཐར། སོག་བཟློག་པ་བློ་གྲོས་རྒྱལ་མཚན། ཀུན་མཁྱེན་དྲི་མེད་འོད་ཟེར། ཇོ་ནང་པ་ཏཱ་ར་ནཱ་ཐ་ལ་སོགས་ཀྱིས་མཛད་པའི་རྣམ་ཐར་ཐ་དད་ཀྱིས་ཤེས་ལ། དེ་ཡང་མངལ་སྐྱེས་སུ་ཁས་ལེན་པ་ལྟ་བུ་ནི། ཕུར་པ་བཀའ་མ་ལུགས་དང་། བ་ཁལ་སྨུག་པོའི་གཏེར་བྱོན་སོགས་སུ་ཆོས་སྲས་དང་རིགས་སྲས་ཁྱད་པར་འབྱེད་པའི་དབང་གིས་སྲས་ཞེས་གསུངས་པ་ལ་འཁྲུལ་ནས་ཡབ་ཡུམ་ཅན་དུ་སོང་བ་ལ་འཇམ་དཔལ་དབྱངས་ས་རའི་ཞབས་ཀྱིས་ཀྱང་དགག་པ་མཛད་པ་ལྟར་དོན་ལ་གནས་མོད། དེ་ལས་གཞན་པའི་མཛད་པ་མཐའ་དག་དང་ལོ་ཚིགས་ཀྱི་རྣམ་ངེས་སོགས་ལ་ཅུང་ཟད་མཐུན་མི་མཐུན་དང་སྔ་ཕྱི་ཁ་བ་གམ་པ་ལྟ་བུ་ལ་རྟོག་གེ་པས་དགག །སྒྲུབ་བྱེད་པ་དག་ནི་འཆིང་བ་ཆེན་པོར་བྱས་ཏེ། ཁམས་གསུམ་ཟིལ་གནོན་ཆེ་མཆོག་འདུས་པ་རྩལ་གྱིས། སྐད་ཅིག་བསྐལ་པ་བསྐལ་པ་སྐད་ཅིག་ཏུ། །བསྒྱུར་ནུས་འགྲོ་རེའི་སྣང་ངོར་མཛད་པ་རེ། །སྟོན་ལ་མཁས་གྲུབ་ཕལ་གྱི་རྣམ་ཐར་བཞིན། །ལོ་ཟླ་དུས་ཀྱི་ངེས་ཚོལ་བཞད་གང་གནས། །ཞེས་དང་། འདིར་ཇི་སྐད་དུ། ཤེས་པས་སྲིད་ལ་མི་གནས་ཤིང་། །སྙིང་རྗེས་ཞི་ལ་མི་གནས་པ། །མྱ་ངན་འདས་དང་འཁོར་མི་གནས། །ཞེས་པ་ལྟར་སྲིད་ཞི་གཉིས་ཀ་ལ་མི་གནས་པའི་ཟུང་འཇུག་ཨ་ཝ་དྷཱུ་ཏི་དངས་མ་འཇའ་ལུས་ཀྱི་སྐུ་ཅན་ཐུགས་རྗེ་དང་རྫུ་འཕྲུལ་བསམ་གྱིས་མི་ཁྱབ་པ་དེ་ལྟ་བུའི་རྣམ་པར་ཐར་པ་བྱིས་པ་སོ་སོ་སྐྱེ་བོའི་བློས་དཔག་པར་མི་ནུས་པའི་ཕྱིར་དང་། དཔེར་ན་སྒྱུ་མ་མཁན་བཟང་པོས་མ་ག་དྷཱའི་སྐྱེ་བོ་ཕལ་ཆེར་སྒྱུ་མའི་མིག་འཕྲུལ་གྱིས་བསླུས་ནས་དེ་བཞིན་གཤེགས་པ་ལའང་།།།གམ་པའི་ཕྱིར་དུ་སྒྱུ་མའི་ཞབས་ཏོག་ཆེན་པོའི་བཀོད་པ་བཤམས་པའི་ཚེ་མཁྱེན་བཞིན་དུ་གདུགས་ཚོད་གསོལ་བར་ཞལ་གྱིས་བཞེས་ནས་སྒྱུ་མ་བཤིག་ཏུ་མེད་པར་

(༤༧)བྱིན་གྱིས་བརླབས་ཏེ་བཟང་པོའི་ཁེངས་པ་ཕྲོགས། ད་དུང་བཟང་པོ་གདུལ་བའི་ཆེད་དུ་དེ་བཞིན་གཤེགས་པས་ཁྱིམ་བདག་གསུམ་དང་། བརྒྱ་བྱིན་རིམ་པ་བཞིན་སྤྲུལ་ཏེ། བཟང་པོའི་ཐད་དུ་འོངས་ནས། བཟང་པོ་ཅི་བྱེད་སྨྲས་པས། དེ་བཞིན་གཤེགས་པ་ལ་གདུགས་ཚོད་གསོལ་བ་བྱེད་དོ་ཟེར། དེར་བཟང་པོ་མཐོང་དེ་སྐད་མ་ཟེར། བཅོམ་ལྡན་འདས་ནི་མ་སྐྱེས་དགྲའི་ཁྱིམ་ན་ཆོས་སྟོན་གསོལ་ལོ། །ཀུན་ཏུ་རྒྱུའི་སྲང་ན་བསོད་སྙོམས་བྱེད་དོ། །འཚོ་བྱེད་ཀྱི་ཚལ་ན་འཁོར་རྣམ་པ་བཞི་ལ་ཆོས་སྟོན་ཏོ། །སུམ་ཅུ་རྩ་གསུམ་གྱི་ཤིང་ཡོངས་འདུ་ས་བརྟོལ་ན་ལྷ་རྣམས་ལ་ཆོས་སྟོན་ཏོ། །ཞེས་སྨྲས་པས་བཟང་པོས་ཀྱང་དེ་ཁོ་ནར་མཐོང་ངོ་། །གཞན་ཡང་རྒྱལ་པོའི་ཁབ་ཀྱི་ཁྱིམ་དང་། རྩིག་པ་དང་། ལོགས་དང་། སྲང་དང་། བཀོད་པ་གསུམ་པོའི་ཁྲི་དང་། ཤིང་ལྗོན་པ་རྣམས་དང་། མེ་ཏོག་ལ་སོགས་ཅིར་སྣང་ཐམས་ཅད་ན་སངས་རྒྱས་འཁོར་བཅས་སྣང་བར་བསྟན་པ་བཞིན་དུ་བཟང་པོས་མཐོང་བ་དཀོན་ཅོག་བརྩེགས་པ་ལས་བཤད་པ་ལྟར་དུས་གཅིག་ཏུ་སྐུལ་པ་དང་རྫུ་འཕྲུལ་བསམ་གྱིས་མི་ཁྱབ་པ་འགྱེད་ནུས་པའི་ཕྱིར་རྟག་བརྟན་ཐེར་ཟུག་ཏུ་སྨྲ་བ་དག་པ་གླང་རྫི་བོའི་གཏམ་དང་མཚུངས་པའི་ཕྱིར་དང་། འོན་ཏེ་དྲང་ངེས་ལྡེམ་དགོངས་སོགས་ཀྱི་དགོས་པའི་དབང་གིས་བཤད་པ་ཁ་ཅིག་འགལ་འདུར་མཐོང་ན་མོའུ་འགལ་གྱི་བུས་དགྲ་བཅོམ་པ་ཐོབ་པ་ཀུན་ཏུ་རྒྱུས་བཀྲོངས་པར་བཤད་པ་ཡང་མི་འཐད་པའི་ཕྱིར་དང་། ལོ་ཚིགས་ཙམ་ལ་གདུལ་བྱ་དོར་སྣང་གི་རྗེས་སུ་འབྲང་དུ་ཟིན་ཀྱང་དུས་ཀྱི་འཁོར་ལོའི་ཞག་གསུམ་རྣམ་གཞག་གི་དགོངས་པས་ཞིབ་ཏུ་ཕྱེ་བའི་བགྲོད་པ་གཉིས་ཀྱི་ལོ་བརྩི་ཕྱོགས་ལྡོག་ཆས་ཕྱེན་པ་སྒྲུབ་བྱེད་ཁྱད་པར་ཅན་པཎྜི་ཏ་སཱ་རའི་ཞབས་ཀྱིས་མཛད་པའི་ཕྱིར་དང་། དོན་དམ་པར་ནི་སངས་རྒྱས་རྣམས་ཀྱི་རྣམ་པར་ཐར་བ་ཇི་ལྟ་བ་འཕགས་པ་ཤཱ་རིའི་བུས་ཀྱང་བརྗོད་པར་མི་ནུས་པའི་ཕྱིར་ན་སོ་སོ་སྐྱེ་བོའི་སྤྱོད་ཡུལ་དུ་ལྟ་ག་ལ་

(༤༨)ཞིག་སྟེ་སྐུར་བ་མི་བཟད་པས་རང་ཉིད་ངན་འགྲོའི་གཡང་སར་འཕེན་པའི་རྒྱུ་ཁོ་ན་ལས་དོན་ཕྲན་བུ་ཙམ་ཡང་མ་མཆིས་པ་རིག་པར་བྱོས་ཤིག །ཞེས་འདོམས་ནས་ཆེ་བའི་ཡོན་ཏན་བསམ་མི་ཁྱབ་པ་མངའ་བའི་ཨཽ་ཌི་ཡ་ནའི་ཨཱ་ཙཱརྱ་ཆེན་པོ་དེ་ཉིད་ཀྱིས་ཐེག་རྩེ་ཤིན་ཏུ་རྣལ་འབྱོར་གྱི་སྒོ་ནས་རིག་པའི་རྩལ་དབང་ཐོབ་སྟེ་སངས་རྒྱས་ཐམས་ཅད་དང་ཞལ་མི་གཉིས་པ་ལྟ་བུར་གྱུར་ཀྱང་། བསྟན་པ་ལ་རང་དགར་འཇུག་པ་དགག་པའི་ཕྱིར་དུ་གྲུབ་བརྙེས་ཀྱི་བཤེས་གཉེན་དམ་པ་བསམ་གྱིས་མི་ཁྱབ་པ་བསྟེན། ཐེག་པ་རིམ་པ་དགུ་ལ་ཚུལ་ཇི་བཞིན་པར་མངའ་དབང་བསྒྱུར། གདོད་མའི་སངས་རྒྱས་ཐམས་ཅད་ཀྱིས་ཀྱང་དགོངས་པའི་ཀློང་ནས་བྱིན་གྱིས་བརླབས་པས་བརྒྱུད་པའི་ཆུ་མགོ་ཐམས་ཅད་གཅིག་ཏུ་འདྲིལ། དེའི་ཕྱིར་ན་སངས་རྒྱས་ཀུན་འདུས་ཉིད་ཀྱི་གསུང་ལས་ཀྱང་། རང་བྱུང་པདྨ་ཞེས་བྱར་གྲགས་པ་དེ༔ སངས་རྒྱས་སྣང་བ་མཐའ་ཡས་ཐུགས་ལས་རྡོལ༔ ཐུགས་རྗེ་སྤྱན་རས་གཟིགས་དབང་གསུང་ལས་སྤྲུལ༔ མཁའ་འགྲོ་ཡོངས་ཀྱི་མིང་པོ་དཔའ་བོའི་རྒྱལ༔ མཉམ་མེད་ཀུན་བཟང་རྡོ་རྗེ་འཆང་ཆེན་པོ༔ སྤྲུལ་པའི་སྐུར་སྣང་ཐུགས་རྗེ་ཆེན་པོར་ལྡན༔ ཞེས་ཞལ་གྱིས་བཞེས་རྒྱུད་སྡེ་སྤྱི་དང་ཁྱད་པར་ཡོ་ག་རྣམ་པ་གསུམ་གྱི་རྒྱུད་སྡེའི་ངེས་གསང་ཐམས་ཅད་ཐུགས་ཀྱི་དཔལ་བེའུར་འཁྱིལ། སྒྲུབ་ཐབས་དང་མན་ངག་གི་ངེས་པ་ཐམས་ཅད་དངས་བཅུད་དུ་འདྲིལ་ཏེ་མ་འོངས་པའི་གདུལ་བྱ་ལ་རྗེས་སུ་དགོངས་ནས་ཟད་མེད་གཏེར་གྱི་བསྟན་པ་དར་བར་མཛད། དེའི་དགོས་པ་ནི། འདི་ཉིད་ཀྱི་ལུང་བསྟན་བཀའ་རྒྱ་མ་ནས། དེ་ཡང་བཀའ་མ་རྣམས་ཚོང་འདུས་ཀྱི་འོ་མ་བཞིན་འཆལ་ཞིང་ནུབ་ལ་ཉེ་བའི་དུས་དར་བར་འགྱུར་བ་ཡང་༔ གཏེར་དུ་བཞུགས་པའི་བཀའ་ལ་ལྷ་དང་སེལ་མ་ཞུགས་པས་སྒྲུབ་ཐག་ཉེ༔ བྱིན་རླབས་ཆེ༔ གྲུབ་པ་ཐོབ་པ་མྱུར་བ་ལ་སོགས་པའི་ཡོན་ཏན་

(༤༩)དཔག་ཏུ་མེད་པ་ཡོད༔ ཅེས་གསུངས་ཁྱད་ཆོས་དེ་ལྟ་བུས་ཆེས་མཆོག་ཏུ་འཕགས་པའི་ཕྱིར་གཏེར་ཆོས་ལ་བཀའ་གཙིགས་སུ་བྱས་པ་ཡིན། དེ་ལ་ཡང་དག་དང་སྣང་བ་ཇི་སྙེད་ཅིག་འབྱུང་བར་ལུང་བསྟན་པའི་ཕྱི་མས་ལུགས་སྲོལ་འདིའི་བསྟན་པ་ལ་རྨ་འབྱིན་སུ་ཝརྞ་དང་རག་ན་འཁྲུལ་བའི་ཉེ་ཞོ་ཡང་མཆིས་བདག་དཔྱོད་ལྡན་གྱིས་ནང་རྒྱུད་ཡོ་ག་རྣམ་གསུམ་གྱི་དགོངས་ཁོ་ནས་མཚང་བརྟགས་པས་འཁྲུལ་བ་མི་འབྱུང་བར་རིག །དེ་ལྟ་བུའི་གཏན་ལ་ལེགས་པར་ཕབ་པའི་གཏེར་ཆེས་ཐམས་ཅད་ལ་དགོངས་བརྡ་སྙན་བརྒྱུད་གསུམ། སྨོན་ལམ་དབང་བསྐུར། གཏད་རྒྱ་ལུང་བསྟན། ཤོག་སེར་ཚིག་བརྒྱུད་དེ་བརྒྱུད་པའི་ཁྱད་པར་དྲུག་གིས་འཕགས་ལ། དེ་ལ་དགོངས་བརྡ་སྙན་གསུམ་ནི། སྔར་ནས་ཡང་ཡང་བཤད་པའི་རིག་པས་གོ་སླ། སྨོན་ལམ་དབང་བསྐུར་ནི་གཏེར་ཁ་དེ་ཉིད་ལ་དབང་བའི་གང་ཟག་དེས་ཐོན་པར་ཤོག་ཅེས་པ་དང་། གཏད་རྒྱ་ལུང་བསྟན་ནི་གཏེར་འབྱིན་གྱི་སྐྱེས་བུ་ལ་མཚོན་བྱ་དོན་གྱི་ཡེ་ཤེས་རྒྱས་བཏབ་ཅིང་དགོངས་པའི་མཐིལ་གཏད་ནས་འབྱུང་འགྱུར་གྱི་ལུང་བསྟན་དང་བཅས་དབུགས་དབྱུང་བ་ལ་བྱ། ཤོག་སེར་ཚིག་བརྒྱུད་ནི། མཚོན་བྱེད་བརྡའི་ཡི་གེ་ཚིག་བརྒྱུད་དུ་བཀོད་ནས་རྡོ་རྗེའི་བྲག །གཡང་ཞག་གི་མཚོ། མི་འགྱུར་བའི་སྤྲོམ་ལ་སོགས་པར་གཏེར་བདག་སོ་སོ་ལ་གཉེར་བྱང་གཏད་ནས་མི་སྣང་བར་རྒྱས་བཏབ་པ་སླར་ལུང་བསྟན་དུས་ལ་འབབ་ན། སྨོན་ལམ་གྱི་མཐུ་སྨིན། ལས་ཀྱི་འཕྲོ་སད། གཏེར་བདག་གིས་བསྐུལ་མ་བྱས། ཁ་བྱད་ཡོད་པ་དང་མེད་པ་ཇི་སྙེད་ཅིག་ཡོད་པའི་བྲབ་གཏེར་གྱི་སྤྲོམ་བུ་ཇི་བཞིན་པ་གཏེར་སྟོན་ཉིད་ཀྱི་ཕྱག་ཏུ་སོན་པར་འགྱུར་བའི་བླ་རྫོགས་ཐུགས་གསུམ་མོངས་རྫོགས་དང་བཅས་ཚང་བར་གཏེར་ཆེན་དང་། མ་ཚང་བར་གཏེར་ཕྲན་དུ་བརྡ་འདོགས་ཤིང་དེ་གཉིས་ཀ་བྱིན་རླབས་ཀྱི་ཚན་ཁ་ཆེ་ཆུང་ལ་ཁྱད་པར་

(༥༠)རྡུལ་ཙམ་ཡང་མེད། ལག་ལེན་གྱི་བཤད་རྒྱུན་ཕྱིན་ཅི་མ་ལོག་པར་ལྟོས་དགོས་པ་ནི། གཏེར་ཁ་འདི་ཉིད་ལས་ཀྱང་རྒྱུད་ཀྱི་ཆིངས་ལྔ། ལུང་གི་སྡེབ་ལྔ། སྒྲུབ་ཐབས་ཀྱི་སྦྱོར་བ་ལྔ་ཞེས་བཤད་པའི་དང་པོ་ལྔ་ནི། ཁོག་འབུབས་སྟོང་ཐུན་གྱི་ཆིངས། ས་གཅོད་རྣམ་འབྱེད་ཀྱི་ཆིངས། འདྲེན་པ་རང་གཉེར་གྱི་ཆིངས། ཌཱི་ཀ་བསྡུས་དོན་གྱི་ཆིངས། ལག་ལེན་མན་ངག་གི་ཆིངས། གཉིས་པ་ནི་རྒྱུད་ལུང་དང་སྡེབ། ལུང་སྒྲུབ་ཐབས་དང་སྡེབ། སྒྲུབ་ཐབས་ཕྲིན་ལས་དང་སྡེབ། ཕྲིན་ལས་ལག་ལེན་དང་སྡེབ། ལག་ལེན་ཉམས་མྱོང་དང་སྡེབ། གསུམ་པ་ནི། རྩ་བ་སྒྲུབ་ཐབས་དང་སྦྱོར། སྒྲུབ་ཐབས་ཕྲིན་ལས་དང་སྦྱོར། ཕྲིན་ལས་སྒོམ་ཁོག་དང་སྦྱོར། སྒོམ་ཁོག་ཏིང་ངེ་འཛིན་དང་སྦྱོར། ཏིང་ངེ་འཛིན་མན་ངག་དང་སྦྱོར་བ་སྟེ། གསང་སྔགས་སྔ་འགྱུར་རང་གི་བསྟན་པ་རང་རྐང་ཚུགས་པར་ཉམས་སུ་ལེན་པ་དག་བཀའ་མས་ཁོག་ཕུབ་གཏེར་མ་མན་ངག་ཏུ་བཟུང་བ་སྤྱིའི་ལག་ལེན་གལ་པོ་ཆེ་དང་འབྱོར་ཏེ་ཆོས་རྒྱལ་རིན་ཆེན་ཕུན་ཚོགས་ཀྱིས། ཁོ་བོའི་རྡོ་རྗེ་སློབ་དཔོན་མངའ་རིས་པཎ་ཆེན་དེའི་མཁྱེན་རབ་ལ་མཐའ་མེད། དེའི་བཀའ་ལས་རྙིང་མ་ལ་ལུགས་མཐུན་ཞིག་བྱེད་ན་གསང་སྔགས་སྔ་འགྱུར་རང་གི་བསྟན་པའི་བབས་ལ། བཀའ་གཏེར་ཟུང་གཅིག་ཡིན་པས། བཀའ་མ་ནི་མདོ་སྒྱུ་སེམས་གསུམ་ལ་སྔ་འགྱུར་བཀའ་བབས་ཀྱི་ཆུ་བོ་བཞིའི་སྒོ་ནས་བཤད་རྒྱུན་རྣམ་པར་དག་པ་བཞིན་བཤད་པ་ལག་ལེན་དང་བཅས་པ་བཀའ་མ་ལྟར་བྱེད་དགོས། ཆོས་ཀྱི་ཟབ་གནད་རྣམས་ནི་བརྒྱུད་པ་དང་ཆོས་ལ་སེལ་མེད་ཅིང་མཁའ་འགྲོའི་ཁ་རླངས་ཆི་ལེ་བ་དེ་གཏེར་མ་ཡིན་པས་གཏེར་ཆོས་ཚད་ལྡན་ལྟར་བྱེད་དགོས། དབང་། བསྐྱེད་རིམ། རྫོགས་རིམ། བཤད་པ། དེ་ལྟར་བྱས་ན་རྙིང་མ་ལུགས་དང་མཐུན་པ་ཞིག་ཡོང་ཕེབས་བྱུང་། ཞེས་

(༥༡)དང་། ལྔ་པ་ཆེན་པོས་ཀྱང་ཁོ་ནའི་རྗེས་སུ་འབྲངས་པར་མཛད་ནས་བདེ་འདུས་ལས་བྱང་ལྗགས་བསྒྲིགས་མའི་སྒྱར་བྱང་སྐབས་ཇི་ལྟར་གསུངས་པ་དཔྱོད་ལྡན་དག་གིས་གཙུག་ཏུ་བརྟེན་པར་རིགས་ཤིང་། དེ་ལས་གཞན་པའི་ལག་ལེན་བསྲ་བསྲེ་བློ་བཟོའི་ཁྱད་ཆོས་ལ་མཚར་དུ་བརྩི་བ་དག་ནི་གྲུབ་མཐའ་རང་རྐང་མ་ཚུགས་པར་ཟད་ལ་བློ་གྲོས་དང་ལྡན་པ་རྣམས་དཔྱད་པར་བྱ་བའི་གནས་དམ་པའོ། །འདི་ལྟར་ཡོ་ག་རྣམ་པ་གསུམ་གྱི་རྒྱུད་སྡེ་དེ་དག་གི་རྒྱུད་ལུང་མན་ངག་ལ་བཀའ་བབས་ཀྱི་ངེས་པ་དང་བཅས་པ་ཟབ་མོ་གཏེར་གྱི་ཆོས་ལ་ཚང་། ཚང་བས་མི་ཆོག་པར་བརྒྱུད་ཐག་ཉེ་གང་ཟག་གིས་བཅོས་བསླད་དང་མི་དབར་ཁྱིས་ཆོད་ཀྱི་སེལ་མ་ཞུགས། རྒྱུད་སྡེ་ཐམས་ཅད་ཀྱི་དངས་བཅུད་འདྲིལ་བ་སོགས་ཀྱིས་ཁྱད་པར་འཕགས་པའི་གནད། བརྒྱུད་སྲོལ་དེ་ལྟ་བུ་ལས་འོངས་པའི་གཏེར་ཁ་དངོས་ལ་ཤར་གཏེར། ལྷོ་གཏེར། ནུབ་གཏེར། བྱང་གཏེར། དབུས་གཏེར་ཏེ་ལྔར་བསྡུ་ལ། དེ་ལའང་ཕྱི་ནང་གསང་བ་ཡང་གསང་མ་ནིང་གི་གཏེར་ལ་སོགས་ཏེ་རྣམ་གྲངས་བཅོ་བརྒྱད་དུ་འབྱེད་པ་ཇི་སྙེད་ཅིག་བཞུགས་པ་གནས་དུས་སྐལ་བ་དང་འཚམ་པར་འགྲོ་བའི་བསོད་ནམས་ཀྱི་ཉེར་འཚོར་ཇི་སྲིད་སངས་རྒྱས་ཀྱི་བསྟན་པ་མ་རྫོགས་པར་དུ་ཟད་པ་མི་མངའ་བར་རྡོལ་བ་སྟེ། གཏེར་ཁ་འདི་ཉིད་ལས། ཇི་སྲིད་སངས་རྒྱས་བསྟན་པ་མ་རྫོགས་པར༔ དེ་སྲིད་གཏེར་གྱིས་འགྲོ་བ་དཔག་མེད་འདྲེན༔ དེ་ཕྱིར་གཏེར་ལ་དད་དང་གུས་པར་གྱིས༔ ཞེས་གསུངས། ཤིན་ཏུ་རྨོངས་པའི་གཏམ་དང་ཕྱོགས་ལྷུང་གི་ཚིག་དགག་པར་ཡང་མི་ལྡང་མོད། ཁ་ཅིག་གཏེར་ཆོས་ཟེར་བ་མི་འཐད་པར་འདོད་པ་ནི་ཤིན་ཏུ་སྙིང་རྗེ་བའི་གནས། མདོའི་ཕྱོགས་ནས་ཀྱང་གང་ཟག་ས་མཐོན་པོ་ལ་གནས་པ་ཆོས་ཀྱི་གཏེར་རྙེད་པར་བཤད་པའི་ཕྱིར་དང་། ཆོས་ཡང་དག་པ་སྡུད་པའི་མདོ་ལས་ཀྱང་། ཀུན་དགའ་བོ། གང་གི་ཆོས་ཡོངས་སུ་

(༥༢)གནས་པ་བྱ་བའི་ཕྱིར་ཆོས་ཀྱི་རྣམ་གྲངས་འདི་དག་གླེགས་བམ་ལ་བྲིས་ཏེ་གཏེར་དུ་སྦས་ནས་མཆོད་ན། དེའི་དེ་ཉིད་ཐོབ་པ་བཅུ་ཐོབ་སྟེ། གང་ཞེ་ན། སངས་རྒྱས་ཀྱི་སྤྱན་རབ་ཏུ་ཐོབ་པས་སངས་རྒྱས་མཐོང་བའི་གཏེར་དང་། ལྷའི་རྣ་བ་རབ་ཏུ་ཐོབ་པས་ཆོས་ཉན་པའི་གཏེར་དང་། ཕྱིར་མི་ལྡོག་པའི་དགེ་འདུན་རབ་ཏུ་ཐོབ་པས་དགེ་འདུན་མཐོང་བའི་གཏེར་དང་། རིན་པོ་ཆེའི་ལག་པ་རབ་ཏུ་ཐོབ་པས་ཟད་མི་ཤེ་པའི་གཏེར་དང་། མཚན་དང་དཔེ་བྱད་ཡོངས་སུ་རྫོགས་པའི་གཟུགས་ཀྱི་གཏེར་དང་། གཡོག་མི་ཕྱེད་པས་གཡོག་གི་གཏེར་དང་། སྤོབས་པ་རབ་ཏུ་ཐོབ་པས་དམ་པའི་གཏེར་དང་། ཕལ་གྱིས་རྒོལ་བ་ཚར་གཅོད་པ་མི་འཇིགས་པའི་གཏེར་དང་། སེམས་ཅན་རྣམས་ཉེ་བར་འཚོ་བས་འཚོ་བ་བསོད་ནམས་ཀྱི་གཏེར་དང་། ཞེས་སོགས་དང་། ཆུ་ཀླུང་རོལ་པའི་མདོ་ལས། ང་ཡི་བསྟན་པའི་ཆོས་ཀྱི་གཞུང་། །ཐུགས་ནས་ཐུགས་ཀྱི་གཏེར་དུ་སྦོས། །ཡང་ན་ས་ཡི་སྙིང་པོར་བྱ། །ཅི་ཕྱིར་མུ་སྟེགས་ཅན་མགོ་རྒོད། །ངེས་དོན་དཀྲུགས་པར་གྱུར་ཏ་རེ། །དེ་ཕྱིར་ཆུ་ཀླུང་རྒྱུན་མི་གཅོད། །ཅེས་དང་། དཔལ་མཆོག་ལས། རྒྱུད་དང་རྒྱུད་ཀྱི་རྒྱལ་པོ་གང་། །ཕྱག་ན་རྡོ་རྗེ་ཁྱོད་ཉིད་ཀྱིས། །གཉེར་ནས་གཏེར་དུ་ཕྱུངས་ཏེ་སྩལ། །ཞེས་དང་། ཡེ་ཤེས་གསང་བའི་རྒྱུད་ལས། བསྟན་པའི་བཅུད་བསྡུས་གསང་བའི་ཐབས། །གསང་མཛོད་རིག་པ་ཐུགས་ཀྱི་བཅུད། །བསྟན་པའི་སྤྱི་འགྲེལ་གསང་རྒྱུད་ཅེས། །གུ་ལང་ལུང་གི་གསེར་བཟོ་རུ། །སེང་གེའི་འོ་མ་བླུགས་པ་བཞིན། །སྙིང་གི་དཀྱིལ་དུ་སྦ་བར་བྱ། །བསྟན་པའི་ཡང་སྙིང་སྙིང་ལྟར་དུངས། །གནས་ནི་བྲག་དང་ཆུ་ལ་བཞུགས། །ཞེས་མདོ་རྒྱུད་མང་པོ་ནས་བསྔགས་པའི་ཕྱིར་དང་། ལྔ་བརྒྱ་པ་རྣམས་ཀྱི་གཙུག་གི་ནོར་བུ་ཇོ་བོ་ཨ་ཏི་ཤས་ཀྱང་སྐྱོན་མར་བརྩི་བའི་མཁའ་འགྲོ་མས་

(༥༣)ལུང་བསྟན་ནས་ར་སའི་ཀ་བ་བུམ་པ་ཅན་ནས་དཀར་ཆག་བཏོན་ནས་ཡང་གཏེར་ལ་སྦས་པའི་ཕྱིར་ཏེ་བསམ་པར་རིགས་སོ། །ཞེས་མཛངས་པ་ལྕེ་རྡུམ་དུ་འགྱུར་བའི་གེགས་སྐྱོན་སེལ་ཕྱིར་རྟོག་གེ་དང་ཐེ་ཚོམ་གྱི་རྒོལ་བ་ཚར་བཅད་དེ་འདོམས་པར་བྱས་སོ། །དེ་ལྟར་བཤད་པའང་ཚིག་རོ་དང་བཤད་ཡམས་ལྟ་བུའི་དགོས་པ་མེད་པ་མ་ཡིན་ཏེ། ཕྱིན་ཅི་ལོག་གི་ཀླན་ཀ་ཁྱི་ཟུག་པ་ལྟ་བུས་གང་ཟག་བློ་ཆུང་བ་དག་མགོ་འཁོར་ཞིང་ཐེ་ཚོམ་ཟ་བ་ལས་ལྡོག་སྟེ་ངེས་པའི་དོན་ལ་ཡིད་ཆེས་སྐྱེ་བའི་ཕྱིར་བསོད་ནམས་ཀྱང་དཔག་ཏུ་མེད་དེ། ཡེ་ཤེས་གྲུབ་པའི་རྒྱུད་ལས། ཆོས་ལ་སྣང་བ་དེས་གསལ་བ། །བསོད་ནམས་འབྲས་བུ་གཏིང་དཔག་མེད། །ཅེས་གསུངས་པ་ལྟར་རོ། །འདིར་སྨྲས་པ། ཆོས་སྐུའི་སྟོན་པ་ཀུན་ཏུ་བཟང་པོ་ཡིས། །དགོངས་བརྒྱུད་བརྡ་ལས་འོངས་པའི་བདུད་རྩིའི་ཆོས། །སྔ་འགྱུར་ཡོ་ག་གསུམ་གྱི་རྒྱུད་རྒྱལ་འདི། །བྱིས་པ་སོ་སོ་སྐྱེ་བོའི་སྤྱོད་ཡུལ་མིན། ༡ །སྙིགས་མ་ལྔ་ཡི་གདོན་གྱིས་མ་གཅོས་ཤིང་། །ཡིད་སྲུབས་མདའ་ཡིས་སྙིང་ག་ཕུག་མིན་པར། །སྔོན་དགེའི་ལས་འཕྲོ་ཟླ་ཞུན་འཁྱིལ་བ་རྣམས། །མྱུར་ལམ་ཟབ་མོ་འདི་ལ་ཅིས་མི་འཇུག ༢ །ནང་རྒྱུད་རྣམ་གསུམ་ན་ཀྲའི་གྲོང་ཁྱེར་ནས། །ཡང་དག་ལྟར་སྣང་འབྱེད་པའི་མ་ཎི་ཀ །བླངས་ཚེ་སྙིང་པོས་དབེན་པའི་མཆིང་བུ་དག །སྐྱེངས་ཏེ་ས་ཡི་ཕག་ཏུ་ཡིབས་མིན་ནམ། ༣ །སྣོད་བཅུད་གཟོད་ནས་ལྷ་སྐུར་ཡོངས་དག་རྣལ་འབྱོར་ཆེ། །རྡོ་རྗེའི་ལུས་ལ་དཀྱིལ་འཁོར་ཡོངས་གྲུབ་ཨ་ནུའི་རྒྱུད། །རིག་པ་ཡེ་གྲོལ་བློ་ལས་འདས་པའི་ཨ་ཏི་ཆེ། །བསྐྱེད་རྫོགས་གསུམ་གྱིས་འཁོར་བའི་ལས་ལ་མ་བགགས་ཏེ་མཚར། ༤ །བཀའ་ལ་གཟུ་ལུམས་རས་ཆོད་མེ་བྱ་བ། །ལུགས་འདིའི་ཁྱད་ནོར་ཡིན་པར་ངེས་པ་དག །ཡོ་ག་གསུམ་གྱིས་མཚམས་

(༥༤)མ་ཕྱེད་པར། །འཐད་ལེགས་ཚིག་གི་ན་ཡའི་ཁེངས་པ་ཐོང་། །སྔ་འགྱུར་གཞུང་གི་རྒྱུད་སྡེའི་དགོངས་པའི་རྩེ་སྒྲོ་རྒྱས། །མྱུར་པོའི་མན་ངག་ཟབ་མོའི་གཏེར་གྱི་བྱ་རུ་རྣོ། །བརྒྱུད་པའི་ཕྱག་ལེན་ཡིད་བཞིན་དབང་རྒྱལ་གཙུག་ན་མཛེས། །ཀུ་རུ་ཎཱ་དེ་ལྷགས་པ་ཙམ་གྱིས་བསྟན་ལ་བྱ་བ་རབ་ཏུ་བྱས། །ཞེས་པའང་བར་སྐབས་ཀྱི་ཚིགས་སུ་བཅད་པའོ། །གཉིས་པ་ཐེག་པ་དེ་དག་ཐམས་ཅད་ཀྱི་མཐར་ཐུག་གི་སྐྱེལ་སོ་རང་བཞིན་འོད་གསལ་རྫོགས་པ་ཆེན་པོའི་གཞི་ལམ་འབྲས་བུ་གསུམ་གྱི་རྣམ་གཞག་ཅུང་ཟད་བཤད་པ་ལ་གསུམ། གཞི་བཤད་པ། ལམ་བཤད་པ། འབྲས་བུ་བཤད་པའོ། །དང་པོ་ལ་གཉིས། ཞི་ངོས་བཟུང་བ་དང་། དེ་ལ་ལྷུན་གྲུབ་ཀྱི་ཡོན་ཏན་ཇི་ལྟར་ཚང་བའི་ཚུལ་ལོ། །དང་པོ་ནི། སྤྱིར་ཆོས་དབྱིངས་དེ་བཞིན་ཉིད་ལ་གཞིར་འདོད་པ་དང་། །བདེན་གཉིས་ཟུང་འཇུག་ལ་གཞིར་འདོད་པ་སོགས་རིགས་མང་ཡང་འདོད་ལུགས་འདུན་ལས་མི་འདའ་བར་གཏན་ལ་ཕབ་སྟེ་གཞི་དྲུག་སྐྱོན་ཅན་དུ་ངོས་བཟུང་ནས་སུན་བྱུང་བའི་རྣམ་གཞག་ནི་འདིར་ཡང་གེས་འཇིགས་ལ། དེའི་ནང་ནས་ཀ་དག་གི་ཡེ་གཞི་སྐྱོན་མེད་ཏུ་ཁས་ལེན་པ་ནི་ཀློང་དྲུག་པ་ལས། སྤྲོས་བྲལ་ཆོས་ཉིད་ཀ་དག་ནི། །རང་གི་རྣམ་དག་སྙིང་པོ་གཞི། །དེ་ལ་ཚིག་དང་ཡི་གེ་བྲོལ། །བརྗོད་པས་གཏན་ལ་དབབ་ཏུ་མེད། །སྒྲ་འདོགས་ཐ་སྙད་ཀུན་བྲལ་ཏེ། །གཟུང་དང་འཛིན་པའི་རྣམ་རྟོག་མེད། །སངས་རྒྱས་སེམས་ཅན་ཡང་མེད་དེ། །ཆོས་མེད་ཆོས་ཀྱི་འདུ་ཤེས་མེད། །གང་མེད་ཅི་མེད་ཅི་ཡང་མེད། །དེ་ལྟར་མེད་པའི་སྙིང་པོ་ལ། །རེ་ཞིག་ཚིག་གིས་གཏན་བབ་ནས། །ངོ་བོ་ཉིད་ལ་ཀ་དག་ནི། །རང་བཞིན་དུ་ནི་ལྷུན་གྲུབ་བོ། །མཚོན་བྱ་ཉིད་ལ་དེ་ལྟར་གནས། །ཞེས་གྲུབ་མཐའ་རྗེས་སུ་འཛིན་པར་འཛད་པ་མདོར་བསྟན་ནས་གནས་ལུགས་

(༥༥)དངོས་གནས་ནི། རྡོར་སེམས་སྙིང་གི་མེ་ལོང་གི་རྒྱུད་ལས། ཁམས་གསུམ་གྱི་སེམས་ཅན་འདི་དག་ཐམས་ཅད་ནི། དང་པོ་གཞི་ཅི་ཡང་མ་ཡིན་པ་ལས་འཁྲུལ་ལོ། །གཞི་དེའི་ངོ་བོ་སྟོང་པ། རང་བཞིན་གསལ་བ། ཐུགས་རྗེ་སེམས་ཅན་ལ་སྣང་ནུས་པའོ། །ཞེས་དང་། ཀློང་གསལ་ལས། ཆོས་རྣམས་མ་ལུས་ཐམས་ཅད་ཀུན། །རྩ་བ་ཐིག་ལེ་གཅིག་ལས་གྱེས། །ཞེས་འཁོར་འདས་ཐམས་ཅད་ཀྱི་འཆར་གཞིའམ་ཡེ་གཞི་འདི་ཉིད་ཡིན་ལ། དེ་ལས་འཁྲུལ་གྲོལ་གྱི་སོ་མཚམས་ནི་རྒྱས་བཤད་ཇི་ཙམ་ཞིག་བཤད་ཀྱང་མདོར་ཧྲིལ་གྱིས་བསྡུ་ན་རིག་མ་རིག་གཉིས་ལས་མི་འདའ་སྟེ། ཀུན་བཟང་སྨོན་ལམ་ལས། སྣང་སྲིད་འཁོར་འདས་ཐམས་ཅད་ཀུན༔ གཞི་གཅིག་ལམ་གཉིས་འབྲས་བུ་གཉིས༔ རིག་དང་མ་རིག་ཆོ་འཕྲུལ་ཏེ༔ ཞེས་པའི་གཞི་གཅིག་ནི་གདོད་མའི་ཡེ་གཞི་འཁོར་འདས་གཉིས་ཀར་ལུང་མ་བསྟན་པའི་སྐབས་ཡིན་ལ། ལམ་གཉིས་ནི་གྲོལ་བ་དང་འཁྲུལ་པ་གཉིས་ལས་སྔ་མ་ནི་ཤེས་རབ་སྲོག་ཏུ་ཤར་བའི་རླུང་གིས་རྟ་བྱས་ཏེ་དཔྱོད་བྱེད་ཀྱི་སྣང་བ་ཤར་བ་ན་རང་སྣང་རང་བཞིན་མེད་པར་ཤེས་པས་ཀུན་ཏུ་བཟང་པོས་ཀུན་རྫོབ་ཟག་བཅས་ཀྱི་དགེ་བ་རྡུལ་ཙམ་མ་བྱས་པར་སངས་རྒྱས་ཏེ། ཐལ་འགྱུར་ལས། དེ་ལྟར་འཁོར་འདས་ཐོག་མཐའ་ལས། །སངས་རྒྱས་འཁྲུལ་བར་མ་གྱུར་པས། །གཞི་ནས་འཕགས་པའི་དབང་པོ་ཡིས། །རང་སྣང་རང་བཞིན་མེད་པར་ཤེས། །རྟོག་དཔྱོད་ཡིད་རྣམས་ཕྱིར་མ་ཤོར། འདི་ནི་བཤད་ཚུལ་སྤྱིར་བཏང་དུ་བྱས་ཀྱི། ཀུན་མཁྱེན་ཀློང་ཆེན་པའི་ཐུན་མོང་མ་ཡིན་པའི་བཞེད་པ་ལ་རང་ངོ་རིག་པ་དེ་ཟག་མེད་རང་བྱུང་གི་དགེ་བ་རྒྱ་མཆེ་ལྟ་བུར་བྱས་ནས་ཐུན་མོང་མ་ཡིན་པའི་བཤད་སྲོལ་ཡོད་དོ། །འགྱུ་བ་རང་ཐོག་ཆོད་པའོ། །ཞེས་པས་བསྟན་ལ། ཕྱི་མ་ནི་ཁམས་གསུམ་སེམས་ཅན་གྱིས་སྡིག་པ་སྤུ་ཙམ་མ་བྱས་པར་འཁོར་བར་ལྷུང་བ་ནི་རང་སྣང་རང་བཞིན་མེད་པར་

(༥༦)མ་ཤེས་པ་ལས་འཁྲུལ་ཏེ། དེ་ལ་གཞི་དང་གཞི་ཤེས་ཀྱི་ཁྱད་པར་ཕྱེ་ནས་འཁྲུལ་ཚུལ་གསུམ་དུ་བཤད་ཀྱང་རྟེན་འབྲེལ་བཅུ་གཉིས་ཀྱི་རྩ་བ་མ་རིག་པ་ལས་མི་འདའ་ཞིང་རྣམ་པ་གསུམ་གྱིས་འཁྲུལ་ཚུལ་ནི། ཐལ་འགྱུར་ལས། འཁྲུལ་པའི་རྒྱུ་ནི་མ་རིག་པ། མ་རིག་པ་ནི་རྣམ་པ་གསུམ། བདག་ཉིད་གཅིག་ལས་འཁྲུལ་རྩ་བྱས། །ལྷན་ཅིག་སྐྱེས་པའི་རྟོག་པ་གཉིས། །ཀུན་ཏུ་བརྟགས་པས་ཡུལ་དུ་གྱུར། །ཅེས་པས། ངོ་བོ་མ་རིག་པས་རྒྱུ་བྱས་གཞིའི་རིག་པ་རྟོག་དཔྱོད་ལས་འདས་ཤིང་ལུང་མ་བསྟན་གྱི་ཤེས་པ་གཟུང་ཆ་ཕྲ་བའི་ཕྲ་བར་གནས་པ་དེ་ལ་རྒྱུ་བདག་ཉིད་གཅིག་པའི་མ་རིག་པ་ཞེས་བྱ་སྟེ། ཐལ་འགྱུར་ལས། རྒྱུ་གཅིག་འབྱེད་མེད་རྩ་བ་སྟེ། །རང་ངོ་ཡིན་པར་མ་ཤེས་པས། །འདི་ཡང་འཁོར་བའི་ཐོག་མ་དེ། །ཞེས་དང་། དེ་ལས་རིག་པ་གཞི་ནས་བསྐྱོད་པའི་འགྱུ་ཆ་ལས་རླུང་གིས་ཅུང་ཟད་གཡོས་པས། རང་བཞིན་གྱི་མ་རིག་པས་རྐྱེན་བྱས། འཕེན་པ་ལས་ཀྱི་རླུང་གིས་ཁ་དོག་ཏུ་གསལ་ཏེ་འོད་ཁྱིམ་དུ་སྣང་བ་ལ། ལྷན་ཅིག་སྐྱེས་པའི་མ་རིག་པ་ཞེས་བྱ་བ་གཉིས་སྣང་གི་ཆ་ལས་ཤེས་པ་འཁྲུལ་ཏེ་ཡུལ་དང་ཡུལ་ཅན་གཉིས་སུ་གྱུར་བ་སྟེ། ཐལ་འགྱུར་ལས། དེ་ལས་ལྷན་ཅིག་སྐྱེས་པ་སྟེ། །དོན་དམ་ཀུན་རྫོབ་སྣང་བཏགས་པའི། །བདེན་པ་གཉིས་ཆའི་ཡུལ་ལས་ནི། །སོགས་ཀྱིས་བསྟན་ནོ། །ཐུགས་རྗེའི་རྩལ་གྱི་ཡེ་ཤེས་ཀྱི་སྣང་བ་ལ་བརྟགས་པའི་རྟོག་པས་བདག་གཞན་གཉིས་སུ་བཟུང་བ་ལ་ཀུན་ཏུ་བརྟགས་པའི་མ་རིག་པ་ཞེས་བྱ་སྟེ། ཐལ་འགྱུར་ལས། དེ་ཡུལ་སྣང་ཆའི་བྱེ་བྲག་ལས། །ཀུན་ཏུ་བཏགས་པ་རྐྱེན་བཞིའི་ཆ། །ཞེས་གསུངས་ཤིང་། གདོད་མའི་གཞི་རང་གི་ངོ་བོ་ལ་མིང་དང་བརྗོད་བྱས་གཏན་ལ་ཕེབས་པའི་སྐབས་མེད་དེ། མུ་ཏིག་ཕྲེང་བ་ལས། ཐོག་མ་ཉིད་ཀྱི་ཀ་དག་ལ། །འཁྲུལ་ཞེས་ཙམ་དུ་བརྗོད་དུ་མེད། །དེ་བཞིན་མ་འཁྲུལ་

(༥༧)བ་ཡང་ཅི། །དེ་ཕྱིར་འཁྲུལ་པ་གདོད་ནས་དག །ཅེས་དང་ཀུན་མཁྱེན་ཀློང་ཆེན་པས། །དེ་ཡང་ངོ་བོ་ལ་མ་རིག་པ་ཡོད་མ་མྱོང་བས། །རིག་པ་ཙམ་དུ་གྲུབ་པ་མེད། །རིག་མ་རིག་གི་ཐ་སྙད་ལས་འདས་པས་འཁྲུལ་མ་འཁྲུལ་ཞེས་བྱ་བ་ཙལ་དུ་གྲུབ་པ་མེད་དོ་གསུངས། ཁ་ཅིག་ན་རེ། འོ་ན་གྲོལ་སའི་ཀ་དག་གི་སྐབས་སུ། ངོ་བོ་སྐུ། རང་བཞིན་འོད། ཐུགས་རྗེ་ཡེ་ཤེས་ཞེས་བཤད་པས་དོན་དམ་པར་སངས་རྒྱས་ལ་ཡེ་ཤེས་མེད་པར་འདོད་པ་དང་། ཡོད་པར་འདོད་པའི་འགལ་བ་ཇི་ལྟར་སྤོང་ཞེ་ན། སངས་རྒྱས་ཀྱིས་ན་ཤེས་བྱ་དང་ཤེས་བྱེད་དུ་གྱུར་པའི་རང་རྒྱུད་ཀྱི་སྟེང་ནས་བཞག་པའི་ཡེ་ཤེས་མེད་པས་ལམ་མེད་ཡེ་ཤེས་མེད་ཆོས་མེད་སོགས་བསྟན་ལ་ཕྱི་མ་ལྟར་ན་སངས་རྒྱས་ནི་གཉིས་སུ་མེད་པའི་ཡེ་ཤེས་ཀྱི་ངོ་བོ་ཉིད་དུ་གྱུར་བ་སྟེ། མཚན་བརྗོད་ལས། ཡེ་ཤེས་ལུས་ཅན་དེ་བཞིན་གཤེགས། །ཞེས་པ་ལྟར་སངས་ཀྱི་ཆོས་ཐམས་ཅད་ཡེ་ཤེས་ཆེན་པོ་ལས་ནམ་ཡང་མི་འདའ་བས་དེ་གཉིས་ཀ་ལྡོག་ཆས་ལེགས་པར་ཕྱེ་ནས་ཁས་བླང་དུ་བཏུབ་པའི་ཕྱིར་རོ། །དེ་བཞིན་དུ་དོན་དམ་པར་སངས་རྒྱས་ཐོབ་ཏུ་མེད་པ་དང་། ཐོབ་ཏུ་རེ་ནས་ལམ་དུ་ཞུགས་པ་ཡར་མི་འགལ་ཏེ། སྔ་མ་ལྟར་ན་རང་རིག་པའི་ཡེ་ཤེས་ལས་ལོགས་སུ་རྡུལ་ཙམ་མེད་པ་ལ་དགོངས་པ་ཡིན། ཕྱི་མ་ནི་དེ་ཉིད་མངོན་དུ་གྱུར་པར་བྱ་རུ་ཡོད་པར་དགོངས་ཀྱི། ངོ་བོ་རང་བཞིན་ཐུགས་རྗེ་ཞེས་ཚོགས་པ་གཅིག་གི་སྟེང་ནས་ཕྱེ་བའི་གདོད་མའི་གནས་ལུགས་དེ་ཉིད་ལ་སྐུ་གསུང་ཐུགས་ཀྱི་སྒྲ་བཤད་བཞག་ཀྱང་ཞལ་ཕྱག་གི་རྣམ་པའི་སྐུ་དང་འོད་ཟེར་སོགས་ཡོད་པར་འདོད་པ་ནི་ནོར་ས་རྔམ་པོ་ཆེ་ཡིན་ཏེ། རིག་པ་རང་ཤར་ལས། ཆོས་སྐུ་རྣམ་དག་ཆེན་པོ་ལ། །དངོས་པོ་གཟུང་དུ་མེད་པའི་ཕྱིར། །མཚན་མ་ཅན་དུ་བཏགས་པ་མེད། །གལ་ཏེ་མཚན་མ་ཡོད་གྱུར་ན། །ཆོས་སྐུ་བཟུང་དུ་ཡོད་པར་འགྱུར། །ཅེས་དང་། ཀུན་མཁྱེན་བླ་མས། འོད་ལ་ཁ་

(༥༨)ཅིག་གིས་ཤེས་རབ་དང་། ཡེ་ཤེས་དང་། འོད་ཀྱི་ཁ་མིག་རྣ་བ་ཅན་ལ་སོགས་པར་བྱེས་ནས་འདུག་སྟེ་མ་ཧཱ་ཡོ་གའི་གོ་ལས་སྤང་བར་མི་ནུས་སོ། །གལ་ཏེ་ཁ་མིག་དང་རྣ་བ་ཡོད་ན་ནི་དབང་པོ་གཟུགས་ཅན་དུ་ཡོད་དམ། དབང་པོ་ཡིད་ཙམ་དུ་ཡོད་དམ། གཟུགས་ཅན་དུ་ཡོད་ན་ནི་འགྲོ་དྲུག་ཕལ་བ་དང་ཁྱད་པར་མེད་དེ། ཡིད་ཙམ་དུ་ཡོད་ན་ནི་སྐྱེ་མཆེད་མུ་བཞིའི་ལྷ་དང་། ཡི་དྭགས་རྣམས་དང་ཁྱད་པར་མེད་དོ། །དེ་ཡང་རང་བཞིན་གྱི་ངོས་ནས་འོད་དུ་གནས་ཏེ། ཁ་དོག་རིགས་ཅན་དུ་གྲུབ་པ་མེད་དོ། །འདི་ལ་ཁ་ཅིག་འོད་ལྔའི་མཚན་ཉིད་དང་ཁ་དོག་བཤད་པ་འདུག་སྟེ། འདི་ནི་ཤིན་ཏུ་མི་འཐད་དེ་གཟུགས་སྐུ་དང་ཆོས་སྐུ་གཉིས་ཁྱད་པར་མེད་པར་འགྱུར་བའི་སྐྱོན་སྤང་བར་མི་ནུས་སོ། །ཆོས་ཐམས་ཅད་ཀྱི་ནང་ནས་སྟོང་པ་ཉིད་དོ་ཞེས་བྱ་བར་བཤད་པ་རྣམས་དང་ལང་འགལ་ལོ། །ཐུགས་རྗེའི་ཆ་ནས་འཆར་གཞི་འགག་མེད་དེ་གནས་པས་ཀུན་ལ་ཁྱབ་པའི་ཡེ་ཤེས་སོ། །འདི་ནི་ལ་ལས་ཡེ་ཤེས་རྒྱུན་ཆད་ཡིན་བྱ་བར་བཤད་པ་འདུག་སྟེ་ཡེ་ཤེས་ཀྱི་འཆར་གཞི་མེད་ན་ནི་སངས་རྒྱས་ཀྱི་མཁྱེན་པའི་ཆ་མེད་པས། ཡང་ན་ཕྱད་ཆད་པའམ། ཡང་ན་བེམ་པོ་ལ་སོགས་པའི་ཆ་ནི་སྤང་བར་མི་ནུས་སོ། །ཞེས་གསུངས་པ་ནི་ཤིན་ཏུ་མང་དེ་འཕགས་པ་སྡུད་པ་ལས། ཡེ་ཤེས་མེད་ན་ཡོན་ཏན་འཕེལ་མེད་བྱང་ཆུབ་མེད། །རྒྱ་མཚོ་འདྲ་བའི་སངས་རྒྱས་ཆོས་ཀྱང་མེད་པར་འགྱུར། །ཅེས་དང་། ཀློང་དྲུག་པ་ལས། ཉི་མ་ལས་ནི་འོད་བཞིན་དུ། །རང་གིས་བྱས་པ་མ་ཡིན་ཏེ། །རང་གི་རང་བཞིན་དེ་ལྟར་སྣང་། །ཤེས་བྱའི་ཡེ་ཤེས་གཉིས་མེད་ན། །བེམ་པོ་རྣམས་དང་ཁྱད་ཅི་ཡོད། །ཡང་ན་སྟོང་པ་ཕྱང་ཆད་དུ། །འདི་ཉིད་འགྱུར་བ་ཁོ་ནའོ། །དེ་ཕྱིར་ཐམས་ཅད་མཁྱེན་པ་ཡི། །ཡེ་ཤེས་ཐུགས་རྗེའི་ཆ་ལ་སྣང་། །ཞེས་སོ། །འོ་ན་གོང་ཏུ་རང་ཉིད་

(༥༩)ཀྱིས་ཡེ་ཤེས་མེད་པར་ཁས་མ་བླངས་སམ་ཞེན་བཤད་དུ་ཡོད་དེ། གོང་དུ་བསྟན་པའི་ཡེ་ཤེས་མེད་པའི་བསྒྲུབ་གཞི་ནི་ཤེས་བྱ་དང་ཤེས་བྱེད་ཀྱི་སྒོ་ནས་ལྡོག་ཆས་ཕྱེ་ནས་འགལ་བ་མེད་པ་གོང་དུ་བཤད་མ་ཐག་པ་དང་། འདིར་དགག་པ་ནི་ཟུང་འཇུག་རབ་ཏུ་མི་གནས་པའི་དགོངས་པ་མི་ཤེས་པར་རྒྱུན་ཆད་པ་ཞེས་པས་ཆད་པའི་མཐའ་ལྟ་བ་ལ་དགོངས་པའི་ཕྱིར་རོ། །དེ་ལྟར་དེའི་རང་བཞིན་ཐུགས་རྗེ་གསུམ་གྱི་རྣམ་རོལ་ཆེན་པོར་བཞུགས་པའི་བདག་ཉིད་བདེ་བར་གཤེགས་པའི་སྙིང་པོ་འཁོར་འདས་ཐམས་ཅད་ཀྱི་སྤྱི་གཞིར་གྱུར་པ་དེ་ཉིད་ད་ལྟ་རང་བཞིན་གནས་པའི་བར་དོའི་སེམས་ཅན་ཐམས་ཅད་ལ་སྙིང་གི་དབུས་ན་གཞོན་ནུ་བུམ་སྐུའི་བདག་ཉིད་ཅན་དུ་བཞུགས་པ་སྟེ། ནོར་བུ་ཕྲ་བཀོད་ལས། ཨེ་མ་རིགས་པའི་གནས་ལུགས་ནི། །རང་རང་ཙིཏྟའི་དཀྱིལ་ན་གནས། །ཡབ་ཡུམ་གཉིས་ཀྱི་ཚུལ་དུ་གནས། །ཡབ་ཀྱི་ཆ་འཛིན་ཐབས་ཀྱི་སྐུ། །ཡུམ་གྱི་ཆ་འཛིན་གཉིས་དག་ཆུ། །འོད་དང་འོད་ཟེར་ཚུལ་དུ་གནས། །དབྱིངས་དང་རིག་པས་རབ་བརྒྱན་ཏེ། །ལྷུན་རྫོགས་ཐིག་ལེ་ཆེན་པོར་གནས། །དེ་ནི་ཞི་བའི་བཞུགས་ཚུལ་ལོ། །རང་རང་མགོ་ལ་ཁྲོ་བོར་གནས། །ཡབ་དང་ཡུམ་དུ་མངོན་པར་སྣང་། ཁྲོ་དང་ཁྲོ་བོའི་ཚུལ་འཆལ་ཞིང་། །ཡེ་ཤེས་ལྔ་ལྔ་དག་དང་ལྡན། །སྐུ་ཡི་ཡེ་ཤེས་རེ་རེ་ལོ། །དབུ་ཡི་ཡེ་ཤེས་ལྔ་ལྔའོ། །རང་བཞིན་འོད་ཀྱི་ཐིག་ལེ་ནི། །རྩ་རྣམས་ནང་ན་ཐིག་ལེའི་སྐུ་ལྟར་སྣང་། །ཆེ་བ་ནམ་མཁའི་སྐུ་ལྟར་སྣང་། །ཆུད་པའི་ཚད་ནི་རྟ་རྔ་བཅུར་བཤགས་ཙམ། །གསལ་བའི་ཆོད་ནི་ཉི་ཟླའི་དཀྱིལ་འཁོར་འདྲ། །དེ་ཡང་གསལ་འཚེར་གཟི་བརྗིད་ལྡན། །འཕྲོ་དང་འོད་དང་བཅས་པའོ། །ཞེས་གསུངས་པ་ལྟར་གདོད་མའི་གནས་ལུགས་དོན་དམ་པའི་བདེན་པ་དེ་ཉིད་སེམས་ཅན་ཀུན་གྱི་རྒྱུད་ལ་གསལ་སྟོང་ཟུང་འཇུག་གི་རྣམ་རོལ་དུ་བཞུགས་པ་སྟེ། འདི་ལ་མཁས་རློམ་ཁ་ཅིག་མུ་སྟེགས་རྟག་སྟ་རྣམས་

(༦༠)སྙིང་གི་དཀྱིལ་དུ་སེམས་ཀྱི་དངོས་པོ་ཐིག་ལེ་བྱ་སྒྲོང་འདྲ་བ་སྲ་འཐས་མི་འཇིག་པ་ལུས་ཆེ་ཆུང་གི་ཁྱད་པར་དང་འཚམ་བར་ཡོད་བར་འདོད་པ་དང་གཅིག་གོ་ཞེས་སྨྲ་བ་ནི་མ་བརྟགས་པའི་གཏམ་སྟེ། བསྐྱེད་རྫོགས་ཐམས་ཅད་ཀྱི་ལམ་དང་འབྲས་བུའི་གནད་དོན་འདི་ལ་ཐུག་པའི་རྒྱུ་མཚན་འོག་ཏུ་འཆད་ལ། སྔ་འགྱུར་ཁོ་ནའི་རྒྱུད་ཀྱི་ཟུར་སྐད་དོ་སྙམ་ན་ནི། སཾ་བུ་ཊི་ལས། དྲི་མེད་ཤེལ་དང་མཚུངས་པའི་འོད། །བྱང་ཆུབ་སེམས་ནི་འོད་གསལ་བ། །ཡེ་ཤེས་ལྔ་ཡི་དངོས་དེ་ཉིད། །ཉུང་དཀར་སྦོམ་པའི་ཚད་ཙམ་དག །དེ་ཡི་དབུས་ན་གནས་པའི་ལྷ། །མི་གསལ་གསལ་བའི་རང་བཞིན་ཅན། །ཆ་ཕྱེད་མཆོག་ཏུ་ཕྲ་བས་ཏེ། །ཐིག་ལེའི་གཟུགས་ཅན་ཡིད་ཀྱི་དངོས། །གཟི་བརྗིད་ཆེན་པོའི་འོད་དང་ལྡན། །རྟག་ཏུ་སྙིང་གའི་དབུས་ན་གསལ། །ཞེས་དང་། རིམ་ལྔ་ལས། རྟག་ཏུ་སྙིང་ལ་གནས་པ་ཡི། །ཐིག་ལེ་གཅིག་ལ་འགྱུར་བ་མེད། །དེ་སྒོམ་བྱེད་པའི་སྐྱེས་བུ་ལ། །ངེས་པར་ཡེ་ཤེས་སྐྱེ་བར་འགྱུར། །ཅེས་དང་། མདའ་བསྣུན་རྗེས། མཁས་པ་ཐམས་ཅད་བསྟན་བཅོས་འཆད་པ་ན། ལུས་ལ་ཡེ་ཤེས་ཡོད་པར་མ་རྟོགས་སོ། །ཞེས་གསུངས་པ་སོགས་མན་ངག་གི་གཞུང་འགྲེལ་མང་པོ་ནས་བསྟན་པའི་ཕྱིར་ཁྱེད་ཅག་གི་རྡོ་རྗེའི་ལུས་ཀྱི་གནས་ལུགས་ཐུན་མོང་བ་ཙམ་ལས་སྦས་དོན་གྱི་གནད་ལ་རྨོངས་པར་གྱུར་པའི་ཕྱིན་ཏེ་ལན་གདབ་ཏུ་མེད་དོ། །མདོར་ན་གནས་པ་རྩ། གཡོ་བ་རླུང་། བཀོད་པ་བྱང་ཆུབ་ཀྱི་སེམས་རིན་པོ་ཆེའི་རྟེན་འབྲེལ་ལ་བརྟེན་ནས། བསྐྱེད་རིམ་གྱི་ཚེ་ལྷའི་རྣལ་འབྱོར་ཐམས་ཅད་ཀྱང་སེམས་དཔའ་སུམ་བརྩེགས་དང་སྔགས་ཕྲེང་འགོད་པ། འོད་ཟེར་སྤྲོ་བསྡུ་སོགས་ཀྱང་སྙིང་ག་ཆོས་ཀྱི་འཁོར་ལོ་ལ་བྱེད་པ་དང་། མཚན་བཅས་ཀྱི་རྫོགས་རིམ་དྷུ་ཏིའི་རྣལ་འབྱོར་ལ་བརྟེན་ནས་རླུང་དབུ་མར་ཞུགས་གནས་ཐིམ་གསུམ་གྱི་ངེས་པ་ཡང་འདི་ཁོ་ནའི་ཡོན་ཏན་ལས་བྱུང་བ་དང་། མཐར་འཆི་བའམ་

(༦༡)གཉིད་ཀྱི་འོད་གསལ་རྗེས་མཐུན་པའི་ཚེ་ཡང་འབྱུང་བའི་ཐིམ་རིམ་གྱི་རྗེས། སྣང་མཆེད་ཐོབ་གསུམ་སྟོང་པ་བཞི་ལ་སོགས་པའང་རླུང་སེམས་ཐིག་ལེ་དང་བཅས་པ་སྙིང་གར་ཕྲད་པའི་རྐྱེན་གྱིས་གཞི་གནས་ཀྱི་འོད་གསལ་འཇག་མའི་སྲིན་བུ་ཡན་ཆད་ལ་འཆར་བས་ཉམས་ལེན་ལ་བརྟན་པ་ཐོབ་པ་རྣམས་གྲོལ་བའི་གནད་ཀྱང་འདི་ཡིན་པའི་ཕྱིར་ཏེ། གཏེར་ཆེན་ཐམས་ཅད་མཁྱེན་པས་ཀྱང་། ཁམས་དྲུག་ལྡན་པའི་མི་རྣམས་ཕུང་ཁམས་སོགས། །རིམ་གྱིས་ཐིམ་ནས་འཆི་བའི་རིམ་པའམ། །ཇི་ལྟར་མཚན་མོ་གཉིད་དུ་སོང་བའི་ཚེ། །ཡུལ་ལྔའི་ཤེས་པ་རིམ་གྱིས་ཡིད་དུ་ཐིམ། །དེ་ཡང་ཀུན་གཞིར་ཐིམ་པས་མི་རྟོག་པ། །རྩེ་གཅིག་སྣང་ཡུལ་མེད་པའི་ངང་དེ་ཉིད། །ཆོས་དབྱིངས་ཐིམ་པས་རང་བཞིན་སྤྲོས་དང་བྲལ། །ཐུན་བར་ལྷག་མོས་འོད་གསལ་དུ་འཇུག་པའི། །བར་འདིར་ཆོས་སྐུའི་རྣལ་འབྱོར་ལ་གནས་ཤིང་། །གཉིད་དང་འཆི་བའི་འོད་གསལ་ལུགས་ལྡོག་ཏུ། །སླར་ཡང་མཆེད་པས་ཀུན་གཞིའི་རྣམ་ཤེས་ལས། །ཡིད་ཉིད་གཅིག་པུར་ལངས་པས་རྨི་ལམ་སེམས། །དབང་པོ་ཀུན་ཚང་ཡིད་ཀྱི་ལུས་གྲུབ་པ། །དེ་མཚུངས་སྐད་ཅིག་མངོན་བྱང་ལྔ་ལས་ནི། །དང་པོའི་མགོན་པོ་ལེགས་པར་བསྐྱེད་པའི་ཚུལ། །བར་དོ་སྒྱུ་ལུས་ལོངས་སྐུར་ལྡང་བར་ཤོག །ཅེས་དང་། རྒོད་ཚང་བ་སྣ་ཚོགས་རང་གྲོལ་གྱིས། ལར་གསང་སྔགས་མཐར་ཕྱིན་ཚེ་རང་སྣང་དོན་གྱི་འོག་མིན་དུ་ལོངས་སྤྱོད་རྫོགས་སྐུར་འཚང་རྒྱ་བར་བདེ་གྱེ་།།།གསང་གསུམ་དུས་འཁོར་སོགས་ནས་གསུངས་པ་དང་། རྫོགས་ཆེན་ནས་སྙིང་གར་ལོངས་སྐུའི་དཀྱིལ་འཁོར་བཞུགས་ཚུལ་དང་ཆོས་ཉིད་བར་དོ་འཆར་ལུགས། གྲོལ་ལུགས་སོགས་གསུངས་པ་ཐམས་ཅད་ཀྱི་དགོངས་པ་ལ་ཁྱད་པར་མི་འདུག་ཅིང་། ཕྱི་ནང་གཞན་གསུམ་གནད་གཅིག་པའི་རྟེན་འབྲེལ་ལས། བསྐལ་བཟང་གི་སངས་རྒྱས་སྟོང་རྣམས་མངོན་པར་རྫོགས་པར་

(༦༢)སངས་རྒྱས་པའི་གནས་ཀྱང་འཛམ་གླིང་གི་སྙིང་པོ་རྡོ་རྗེ་གདན་དུ་མཛད་པ་ན། ཕྱི་ནང་གི་རྟེན་འབྲེལ་གནད་གཅིག་པའི་རྟགས་ཡིན་པར་གསུངས་སོ། །ཞེས་སོ། །དེ་ལྟར་གདོད་མའི་ཁམས་འགྲོ་བའི་རྒྱུད་ལ་ཞུགས་ཚུལ་དེ་ཉིད་ལས་མཐར་འཆི་བའི་ཚེ་ཡང་རྫོགས་ཆེན་རང་སྐད་ལ་སྐྱེ་འཆི་བར་དོ་གསུམ་གང་རུང་ལ་གྲོལ་བར་བཤད་པའི་སྔ་མ་ནི་སྣང་བ་བཞི་མཐར་སོན་ནས་འོད་སྐུར་གྲོལ་བ་ཡིན་ཏེ་ཐིམ་རིམ་གྱི་ངེས་པ་བཤད་དུ་མེད་ལ། བར་མ་ནི་འཆི་བ་འོད་གསལ་ཞེས་ཕྲ་རགས་ཀྱི་སྣང་བ་ཀུན་འགགས་པའི་ཟང་ཐལ་ཆེན་པོ་སྟོན་དུས་ཀྱི་ཐོ་རངས་ནམ་མཁའ་གཡའ་དག་པ་ལྟ་བུའི་འོད་གསལ་ཤར་བ་དང་། ཆོས་ཉིད་ཀྱི་བར་དོ་ཤར་བ་དུས་མཉམ། དེ་ངོས་ཟིན་ན་དྲན་པ་ཁྱབ་གདལ་དུ་གནས། ལྷུན་གྲུབ་བར་དོའི་སྣང་བ་སྒྲ་འོད་ཟེར་གསུམ་སོགས་འཆར་མི་དགོས་པར་གདོད་མའི་གཞི་ལ་སྐད་ཅིག་གིས་གྲོལ་བ་སྟེ། རྫོགས་པ་ཆེན་པོའི་རྒྱུད་སྡེའི་བཅུད་ཕུར་མཁའ་འགྲོ་སྙིང་ཐིག་ལས། རིག་པ་ཆོས་ཉིད་བར་དོ་ལ་སླེབ་པའི་དུས་ན༔ ནམ་མཁའ་འོད་གསལ་ལ་ཐིམ་པ་ཞེས་བྱ་སྟེ དབྱར་མ་སྟོན་གྱི་ནམ་མཁའ་སྤྲིན་དང་བྲལ་བ་ལྟ་བུ་ཞིག་འབྱུང་སྟེ༔ དེ་ངོས་ཟིན་ན་ཀ་དག་གི་གཞི་ལ་རང་གྲོལ་བའོ༔ ཞེས་གསུངས། ཐ་མ་ནི་གལ་ཏེ་དེ་ལ་མ་གྲོལ་ན་འོད་གསལ་ཟུང་འཇུག་ལ་ཐིམ་པ་ཞེས་ལྷུན་གྲུབ་ཀྱི་སྣང་བ་ཞི་ཁྲོའི་སྐུ་ལ་སོགས་པ་ཇི་བཞིན་པར་གནས་ཚུལ་དང་མཐུན་པར་འཆར་ཏེ། ཀློང་གསལ་ལས། དེ་ཚེ་སྒྲ་འོད་ཟེར་དུ་འཁྲིགས། །སྐུ་ཡི་སྣང་བས་སྐྲག་པར་བྱེད། །ཅེས་དེ་དག་རང་སྣང་དུ་ངོ་ཤེས་ན་དེ་ཉིད་དུ་རང་གྲོལ་ལོ། །ངོ་མ་ཤེས་ན་ཟུང་འཇུག་ཡེ་ཤེས་ལ་ཐིམ་པ། ཡེ་ཤེས་ལྷུན་གྲུབ་ལ་ཐིམ་པ། ལྷུན་གྲུབ་སྒོ་བརྒྱད་ཀྱི་སྣང་བ་ལ་སོགས་འཆར་བར་གསུངས་ཏེ་འདིར་ཡི་གེས་འཇིགས་སོ། །དེ་ཡང་སྤྱིར་ཆོས་གང་ཉམས་སུ་ལེན་ཡང་འབྲས་བུའི་གྲོལ་ས་དོ་ཤེས་དགོས་པར་གསུངས་པས་འདི་

(༦༣)དག་ནི་ལམ་དུ་ཞུགས་པའི་རྣལ་འབྱོར་ལ་མི་དགོས་ཁ་མེད་ཡིན་ཏེ། ཀུན་མཁྱེན་ཀློང་ཆེན་པའི་མཁའ་འགྲོ་ཡང་ཏིག་གི་ཟབ་དོན་རྒྱ་མཚོའི་སྤྲིན་ཕུང་ལས་ཀྱང་། གདོད་མའི་གཞིའི་ཡེ་ཤེས་ནང་གསལ་གསུམ་ནམ་མཁའ་འོད་གསལ་ལ་ཐིམ་དུས་འཆར། ལྷུན་གྲུབ་ཀྱི་ཞག་བཞི་རིམ་པ་བཞིན་ཟུང་འཇུག་དང་ཡེ་ཤེས་བཞི་སྦྱོར། ལྷུན་གྲུབ་རིན་པོ་ཆེ་སྟེ་བསམ་གཏན་གྱི་ཞག་ལྔ་ལ་འཆར་བ་དེས་ཤེས་སོ། །དེ་ལྟར་རང་བཞིན་ལྷུན་གྲུབ་ཀྱི་སྣང་བ་བཞི་པོ་འདི་རྒྱུད་ལུང་མན་ངག་ཆེན་པོ་རྣམས་ནས་ལེགས་པར་གསུངས་ཀྱང་གདོད་མའི་གཞི་སྣང་ཆེན་བོ་ངོ་བོ་ཀ་དག་གི་སྣང་བ་ནང་གསལ་དེར་འཁྲུལ་ནས་དེང་སང་ནི་གདོད་མའི་གཞི་དང་འགྲོ་དྲུག་ཏུ་འཁྲུལ་པའི་བར་ན་ཡེ་ཤེས་འོད་གསལ་གྱི་སྦུབས་རང་བཞིན་ལྷུན་གྲུབ་ཀྱི་སྣང་བ་འདི་ཡོད་པར་མི་ཤེས་པ་རྫོགས་པ་ཆེན་པོར་རློམ་པ་རྣམས་ཀྱང་ཤིན་ཏུ་རྨོངས་པར་མཐོང་ངོ་། ཁོ་བོས་ནི་སྣང་བ་འདི་ཀུན་རང་བྱུང་པདྨ་ཡབ་ཡུམ་གྱི་བྱིན་གྱིས་བརླབས་པ་ལས་མཐོང་ཞིང་། རང་ཤར་གྱི་ལུང་དང་ཡང་ཤིན་ཏུ་འབྲེལ་བར་སྣང་ངོ་། །འདི་ལྟར་མཐོང་ནས་ཕྱི་རབས་ཀྱི་དོན་དུ་བཀོད་པ་ལ་རིག་འཛིན་གྱི་བླ་མ་དམ་པ་རྣམས་དགྱེས་ཏེ་ཨ་ལ་ལ་ཞེས་གསུང་པར་ཐེ་ཚོམ་མི་ཟའོ། །ཞེས་གསུངས་པས་གསལ་བར་གོ་ནུས་སོ། །དེ་ལྟར་བཤད་མ་ཐག་པའི་ཡེ་གཞིའི་ཀ་དག་ནི་གྲོལ་ས་ཡང་ཡིན་ལ། དེ་ལས་འོད་སྣང་དུ་ཤར་བའི་གཞི་སྣང་འདི་གྲོལ་གཞི་ཡིན་པས་རྣམ་འབྱེད་ཤེས་དགོས་ཏེ། ཀུན་མཁྱེན་ཆེན་པོས། གཞི་སྡང་འདི་གྲོལ་གཞི་ཡིན་ལ། །ཀ་དག་ནི་གྲོལ་ས་ཡིན་པས་འདི་གཉིས་ཀྱི་བྱེ་བྲག་ཕྱེད་པ་ཡང་ཤིན་ཏུ་གལ་ཆེ་སྟེ་ལེགས་པར་ཕྱེད་པ་ཤིན་ཏུ་ཉུང་ངོ་། །ཞེས་གསུངས། འོ་ན་དེ་གཉིས་ཀྱི་ཁྱད་པར་གང་གིས་འབྱེད་ཅེ་ན། ཀུན་མཁྱེན་ཆེན་པོས། རིག་པ་གཞི་

(༦༤)ལས་འཕགས་ཏེ་གཞི་སྣང་དུ་ཤར་བའི་དུས་ནི་ད་ལྟ་ལུས་ལ་གནས་པའི་དུས་དང་། ཆོས་ཉིད་བར་དོའི་དུས་ན་འོད་ཀྱི་ཁང་པ་ན་གནས་པ་ཡིན་ཏེ་རང་རིག་གཞི་ནས་ནི་འཕགས་མཐར་ཐུག་གིས་མ་ཟིན་པའི་བར་དེར་གཞི་སྣང་ལ་གནས་པས་མར་མེ་རང་འོད་ཀྱི་དབུས་སུ་འདུག་པའམ། ཤེལ་ཉི་ཟེར་དང་ཕྲད་པའི་སྣང་བ་བཞིན་ནོ། །ཞེས་གསུངས་པས་གོ་ལ་དེ་ལའང་དབྱིངས་ཀྱི་གཞི་དང་གནས་སྐབས་ཀྱི་གཞི་ཞེས་ལྡོག་པ་གཉིས་སུ་བྱེད་དེ། ཀུན་མཁྱེན་ཆེན་པོས། དབྱིངས་ཀྱི་གཞི་དང་གནས་སྐབས་ཀྱི་གཞི་གཉིས་ཀྱང་ཕྱེད་པ་གལ་ཆེ་ལ། འོད་ཀྱི་ཁང་པ་དངོས་ལ་འདུག་པ་དང་མི་འདུག་པའི་དུས་འདི་གཉིས་གནད་གལ་པོ་ཆེའོ་ཞེས་གསུངས་པས་གནས་སྐབས་ཀྱི་གཞི་ནི་ད་ལྟ་ལུས་ལ་གནས་དུས་ཀྱི་སྙིང་ནང་གཞོན་ནུ་བུམ་སྐུ་དང་། ཆོས་ཉིད་བར་དོའི་དུས་འོད་ཀྱི་ཁང་པར་གནས་པ་གཉིས་ཡིན་ལ། དབྱིངས་ཀྱི་གཞི་ནི་ཐོག་མའི་ཡེ་གཞི་ཁོ་ན་ལ་འཇོག་པའི་ཁྱད་པར་རོ། །དེ་ལྟར་ཆོས་ཉིད་གཞི་གཤིས་ཀྱི་གནས་ལུགས་ཁོ་ནར་འཁྲུལ་གྲོལ་གྱི་མཚང་ལྟོ་སྦྱར་ནས་འཆད་དགོས་པའི་ཕྱིར་གཞི་ལམ་འབྲས་བུའི་རྩ་ཚིག་གསུམ་ཀ་རགས་པ་ཙམ་ཚང་མོད། བར་དོའི་སྐབས་སུ་ཆོས་ཉིད་ཀྱི་སྣང་བ་འཆར་བའི་རྒྱུ་མཚན་ནམ་གནད་ཀ་ཡང་གློ་བུར་གྱི་རྐྱེན་གྱིས་གསར་དུ་གཞན་ནས་བྱུང་བ་ནི་མ་ཡིན་ཏེ། ཆོས་ཉིད་ལ་གཞི་ནས་མཆིས་པའི་གནད་ཀྱིས་ལུས་རྒྱའི་འཆིང་པ་དང་བྲལ་བའི་སྐབས་དེར་མངོན་དུ་འགྱུར་བའི་ཕྱིར་གཞི་དང་གཞི་སྣང་གི་བྱེ་བྲག་རྣམས་ལ་སྒྲོ་འདོགས་ལྷག་བར་ཆོད་དགོས་པའི་ཕྱིར་རོ། ཁ་ཅིག་རྫོགས་པ་ཆེན་པོའི་རང་བཞིན་ལྷུན་གྲུབ་ཀྱི་སྣང་བ་འཆར་ཚུལ་འདི་དག་ལ་ཐེ་ཚོམ་ཟ་བའི་འཁྱོག་འགྲེས་སྨྲ་ཡང་ད་ལྟ་ལམ་གྱི་གནས་སྐབས་ནས་དབང་པོས་མངོན་སུམ་དུ་བལྟ་རུ་ཡོད་མོད་ཀྱི། འོན་ཀྱང་དེ་ལྟ་བུ་ལ་ནི་དགོངས་བརྒྱུད་ཀྱི་བླ་མའི་བྱིན་རླབས་ཀྱི་ཕ་ཕོགས་ཐོབ་པ་དང་། རང་ཉིད་ཀྱི་མྱུར་ལམ་རྣལ་མར་སྤྱད་པའི་ལམ་

(༦༥)རྟགས་ཀྱི་ཡོན་ཏན་ནང་ནས་འཆར་བ་ཞིག་དགོས་ཕྱིར་ཚིག་ཙམ་གྱི་རྗེས་སུ་འབྲངས་པ་དག་ངེས་པའི་ཤེས་པ་མི་སྐྱེ་ཡང་གནས་སྐབས་སུ་ཐུན་མོང་ལ་མ་ཆིས་པའི་སྒྲ་འོད་ཟེར་གསུམ་གྱི་ངེས་པ་རང་ཆས་སུ་ཡོད་ཚུལ་ནི་མིག་མཛུབ་མོས་བཅིར་བ་དང་། རྣ་བ་ལག་པས་བཀབ་པ་ཙམ་གྱི་རྐྱེན་ཕྲ་མོས་ཀྱང་ཡིད་ཆེས་སྐྱེ་བའི་ཕྱིར་ཏེ། དེས་ན་རང་གང་སྨྲ་བ་དག་སྐྱོན་ཚིག་ཏུ་ཤེས་པར་བྱོས་ཤིག །གཉིས་པ་དེ་ལ་ལྷུན་གྲུབ་ཀྱི་ཡོན་ཏན་ཇི་ལྟར་ཚང་བའི་ཚུལ་ནི། རིག་པའི་ངོ་བོ་ལམ་རིག་པ་ལྡན་མི་ལྡན་གྱི་བརྒལ་བརྟག་ཙམ་གྱིས་འཐད་པ་སྒྲུབ་སྐབས་ཀ་དག་རྣམ་པ་གསུམ། ལྷུན་གྲུབ་རྣམ་པ་གསུམ། དེ་རེ་རེ་ལའང་གོ་བ་དབྱེ་བ། སྐྱོན་བརྗོད། ལ་བཟླ་དང་བཞི་བཞིའི་སྒོ་ནས་གཏན་ལ་དབང་བའི་བཤད་པ་ནི་དཔལ་གསང་བ་སྙིང་པོའི་འགྲེལ་པ་གཡུང་སྟོན་པའི་ལུགས་སུ་གསལ་བ་ལས་ཤེས་ཤིང་། སྙིང་ཏིག་ཐུན་མོང་མ་ཡིན་པའི་སྐབས་སུ་ནི་སྒྲོན་མ་རྣམ་བཀོད་ལས། ཀ་དག་ལྷུན་གྲུབ་གདོད་ནས་རྣམ་པར་དག །ཅེས་དང་། ཀུན་མཁྱེན་ཀློང་ཆེན་པའི་རིན་ཆེན་ཤོག་སྐྱའི་སྐོར་ཟབ་དོན་རྒྱ་མཚོའི་སྤྲིན་ཕུང་དུ། ངོ་བོ་ཀ་ནས་དག་པ་ལ་ཡོན་ཏན་ལྷུན་གྱིས་གྲུབ་པ་ཡིན་ཏེ། ཞེས་གསུངས་པ་ལྟར་ངོ་བོའི་སྒོ་ནས་དབྱེ་རུ་མེད་ཅིང་རྣམ་པའི་སྒོ་ནས་དབྱེ་ན། གཞི་འབྲས་ལས་རིགས་མི་ལྡན་པའི་ཆ་ནས་ཀ་དག །གཞི་འབྲས་ཀྱིས་རིག་པ་མ་སྤངས་པའི་ཆ་ནས་ལྷུན་གྲུབ་ཏུ་བརྟགས་པ་ཙམ་དུ་ཟད་ཀྱི། དོན་ལ་གཞི་འབྲས་གཉིས་མ་རིག་པ་མ་སྤངས་ལ་མི་ལྡན་པར་ལྟ་བ་དགོངས་པ་མཐུན་མོད། དེ་ཡང་ཕར་ཕྱིན་ཐེག་པ་བ་དང་གསང་སྔགས་བླ་མེད་པ་ཐུན་མོང་བ་ནས་བཤད་པའི་མི་ཤིགས་པའི་ཐིག་ལེ་དང་བདེ་གཤེགས་སྙིང་པོ་ལ་དེ་བཞིན་གཤེགས་པའི་སྐུ་དང་ཞིང་ཁམས་ཀྱི་ཡོན་ཏན་ཐམས་ཅད་འབྱིན་པའི་ནུས་པ་ལྷུན་གྲུབ་ཏུ་མཆིས་པ་ངོ་བོ་ཆོས་སྐུའི་བསྒྲུབ་གཞི། རང་བཞིན་ལོངས་སྐུའི་བསྒྲུབ་གཞི། ཐུགས་རྗེ་སྤྲུལ་སྐུའི་བསྒྲུབ་གཞི། ཡེ་ཤེས་ལྔ་

(༦༦)སྟོབས་བཅུ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་སོགས་པའི་ཡོན་ཏན་དངོས་གནས་པ་ཡོད་པར་མི་བཞེད་པ་གཞོན་ནུ་བུམ་སྐུའི་ཁྱད་ཆོས་ཡིན་ཀྱང་རྗེས་མཐུན་གྱི་དག་པ་ཁྱད་པར་ཅན་བརྗོད་དུ་ཡོད་ལ། རིན་ཆེན་སྤུངས་པའི་རྒྱུད་ལས། ལྷུན་གྲུབ་འཆར་བྱེད་མ་འགགས་པས། །སྣ་ཚོགས་སྣང་བའི་རང་བཞིན་ནི། །ཡོན་ཏན་ཆེན་པོ་རྣམས་སུ་སྣང་། །འཆར་བྱེད་སྒོ་རྣམས་བརྒྱད་ལས་ཀྱང་། །ཡོན་ཏན་བརྒྱད་ཀྱི་ཚུལ་དུ་ཤར། །རིགས་དྲུག་འབྲོས་ཁུངས་རང་བཅད་ནས། །འཁོར་བར་དཔྱད་ཐག་ཆད་པ་རྣམས། །སྙིང་རྗེའི་ཞགས་པས་གཟུང་བའི་ཕྱིར། །སྐྱེ་ཤིའི་གཟུགས་ཀྱི་སེམས་ཅན་ལ། །ཐུགས་རྗེ་ཆེན་པོ་ཉིད་དུ་སྣང་། །འཁོར་འདས་རང་འབྲེལ་ཡོན་ཏན་དུ། །གཉིས་ཆ་འདྲེས་པའི་ཚུལ་དུ་སྣང་། །འདི་མེད་འཁོར་འདས་ལྟེ་ཆད་པས། །རྟོག་པ་མེད་པའི་སྐྱོན་འགྱུར་བས། །ཡོན་ཏན་འབྱུང་ཚུལ་འདི་ཙམ་མོ། །སངས་རྒྱས་ཀུན་གྱི་རང་ཡུལ་ལ། །ལུས་དང་གྲིབ་མ་ཇི་བཞིན་དུ། །སྣང་བའི་འོད་ལྔས་ཁྱབ་པའི་ཕྱིར། །ནང་གི་སྣང་ཆ་རང་གསལ་བས། །འོད་ལྔའི་ཚུལ་གྱིས་འཆར་སྒོ་ལས། །ཡོན་ཏན་གསལ་བྱེད་ཕྱིར་མ་ཤོར། །འདི་མེད་སེམས་ཅན་རང་འོད་དང་། །རྒྱ་ཆད་གུད་དུ་གཅད་པར་འགྱུར། །ཟུང་འཇུག་འཆར་བྱེད་འབྲེལ་བའི་ཕྱིར། །རང་སྣང་ཡོན་ཏན་ཆེན་པོར་འགྱུར། །ལུས་ཀུན་གཅིག་ཏུ་དྲིལ་བའི་ཕྱིར། །སྐུ་གསུམ་གཅིག་ཏུ་གནས་པས་ན། །ངོ་བོ་སྐུ་ཡི་རང་བཞིན་དུ། །རང་སྣང་གང་དུ་མི་འབྱེད་པས། །ངོ་བོ་གསལ་བྱེད་སྐུ་ལྟར་ཤར། །འདི་མེད་ངོ་བོ་མི་རྙེད་པས། །ལས་ཀུན་རྫོགས་པའི་སྐུ་ལྟར་སྣང་། །དེ་ཀུན་ཐ་དད་མ་ཡིན་པར། །གཉིས་མེད་མཉམ་པར་གནས་པས་ན། །འབྱེད་མེད་གཉིས་སུ་མེད་པ་ཡི། །སྣང་བས་ཕྱི་དང་ནང་ཀུན་ཏུ། ཁྱབ་བྱེད་ཆེན་པོའི་ཚུལ་དུ་ཤར། །འདི་མེད་རང་ངོ་ཐ་དད་པས། །འཁོར་འདས་འདྲེས་པའི་མཚམས་མི་སྦྱོར། །རང་ས་ཉིད་ལས་མི་གྲོལ་བས། །སྒྱུར་ལྡོག་མེད་པའི་སྐྱོན་འགྱུར་

(༦༧)བས། །སྣང་བྱེད་ཡོན་ཏན་ཚུལ་དུ་ཤར། །ཤེར་བྱ་ཀུན་ལ་རང་ཁྱབ་པས། །བཞི་སྦྱོར་ཆེན་པོའི་སྣང་བར་ནི། །འཁོར་འདས་འབྲེལ་བའི་ལམ་དུ་སྣང་། །འདི་མེད་གཞི་ལམ་མི་འབྱོར་བས། །ཡེ་ཤེས་བཞི་ཡི་ལམ་ཉིད་དུ། །སེམས་ཅན་རྣམས་ཀྱི་གསང་ལམ་དུ། །སྣང་བ་བཞི་ཡི་ཚུལ་དུ་ཡང་། །ཅིག་ཅར་བ་དང་རིམ་གྱིས་སུ། །དབང་པོའི་སྒོ་རྣམས་ཡོད་བཞིན་སྣང་། །མཐའ་བཞི་དྲི་མ་ལས་འདས་པའི། །འཆར་བྱེད་ཡོན་ཏན་མ་འགགས་པར། །མཐའ་གྲོལ་ཆེན་པོའི་སྣང་ཚུལ་དུ། །ལྷུན་གྲུབ་རང་རྫོགས་ཆེན་པོ་ལས། །ངེས་པའི་ཀ་དག་ལས་སྦྱོར་ཕྱིར། །མཐའ་དང་བྲལ་བས་ཡེ་ཤེས་སུ། །འདི་ཉིད་རང་བྱུང་རང་ཤར་ལས། །མཐའ་ལས་གྲོལ་བར་སྣང་བ་ནི། །ངོ་བོ་ཉིད་དང་འབྲེལ་བར་སྣང་། །འདི་མེད་ངེས་པ་མི་ཐོབ་པས། །རྒྱུ་འབྲས་ལྡོག་པའི་སྐྱོན་འགྱུར་བས། །མཐའ་གྲོལ་ཉིད་དུ་ཡང་དག་སྣང་། །ཡོན་ཏན་འཆར་ཚུལ་མ་འགགས་པས། །འཁོར་བ་བསྐྱེད་པའི་བྱུང་ཁུངས་སུ། །མ་དག་པ་ཡི་འཆར་སྒོ་ལྟར། །བྱུང་ཚུལ་འགག་པ་མེད་པར་ཤར། །འདི་མེད་འཁྲུལ་པ་མིང་མེད་པས། །དེ་ཕྱིར་མ་དག་འཁོར་བའི་སྒོ། །སྲིད་པ་རྣམས་ཀྱི་རྒྱུ་སྲང་དུ། །སྣང་བ་འགག་མེད་ཚུལ་དུ་ཤར། །འདི་མེད་འཁྲུལ་པ་མིང་མེད་པས། །མ་དག་འཁོར་བའི་སྒོ་ཞེས་བརྟག །ཐོད་རྒལ་ཡེ་ཤེས་ཡོད་པས་ན། །དག་པ་ཉིད་ཀྱིས་དག་པ་མཚོན། །འཆར་བྱེད་སྣང་བ་སོ་སོའི་ལམ། །དག་པ་ཡེ་ཤེས་ཆེན་པོའི་སྒོ། །ཟང་ཐལ་རྣམ་པ་གསུམ་དུ་ཤར། །འདི་མེད་རང་རྩལ་མི་རྫོགས་པས། །དག་པ་ཡེ་ཤེས་ཆེན་པོའི་སྒོ། །ངོ་བོ་ཀ་དག་རྟོགས་ཕྱིར་ཤར། །ཞེས་གསུངས་པས་རྒྱུ་དུས་ན་འབྲས་བུ་ཡོད་པ་དང་། སེམས་ཅན་གྱི་དུས་ན་སངས་རྒྱས་ཀྱི་ཡོན་ཏན་དངོས་གནས་ཡོད་པར་ཡང་ཁས་མི་ལེན། གསང་སྔགས་བླ་མེད་པ་སྤྱི་ལྟར་འོད་གསལ་གྱི་སེམས་ཉིད་ལ་དེ་བཞིན་གཤེགས་པའི་ས་བོན་ཡོད་ཚུལ་འོ་མ་ལས་མར་དང་། ཏིལ་ལས་

(༦༨)ཏིལ་མར་ཁྱབ་ཙམ་ལས་སྐུ་དང་ཞིང་ཁམས་ཀྱི་སྣང་བ་ཡོད་པར་ཡང་ཁས་མི་ལེན་པའི་སྒོ་ནས་རིག་པའི་གཞི་ལ་འཁོར་འདས་གཉིས་ཀའི་སྒོ་ཡོད་པས། འཁོར་འདས་འབྲེལ་ལ་མ་འབྲེལ་བར་སྣང་བའི་ཟབ་གནད་ཁྱད་པར་ཅན་རྫོགས་པ་ཆེན་པོའི་རྒྱུད་ཚིག་འདིས་བསྟན་པའི་ཕྱིར་དག་མདོར་ན་ཐུགས་རྗེ་ཕྱིར་གསམ་།།།དུ་སྣང་བ་ལོངས་སྐུ་ངེས་པ་ལྔ་ལྡན་གྱི་ཚེ་ན་ཡེ་ཤེས་རྣམ་པ་ལྔའི་ཡོན་ཏན་དང་། སྟོབས་བཅུ་མི་འཇིགས་རྣམ་པ་བཞི་ལ་སོགས་པའི་རྩལ་ཆེན་རྫོགས་པ་སངས་རྒྱས་སྤྲུལ་པ་སྐུའི་ཚེ་ན་མཁྱེན་པ་གཉིས་ཀྱི་ཡོན་ཏན་ཇི་ལྟ་བའི་ཡེ་ཤེས་རང་བཞིན་གྱི་བདེན་པ་དབྱེར་མེད་བློའི་སྤྱོད་ཡུལ་ལས་འདས་པ་དང་། ཇི་སྙེད་པའི་ཡེ་ཤེས། ཚེར་མ་རྣོ་བ། སྲན་མ་ཟླུམ་པ། ཕ་ཝང་ཡོང་བུ་གྲུ་བཞི་པ་ལྟ་བུ་སྟེ་མ་འདྲེས་སོ་སོར་འབྱེད་པའི་ཟུང་འཇུག་མཁྱེན་པའི་ཡེ་ཤེས་ཐམས་ཅད་ཀྱི་འཆར་གཞིར་ཐོག་མ་མེད་པ་ནས་ལྷུན་གྱིས་གྲུབ་པ། འཁོར་འདས་ཐམས་ཅད་སྤྲོ་བསྡུའི་བྱེད་གོ །རྟོག་གེའི་བློས་མི་ཆོད་པའི་རྫུ་འཕྲུལ་ཅན། ཐ་སྙད་ཀྱི་རིག་པས་མི་ཤིགས་པ། གནས་ལུགས་ཇི་ལྟ་བ་བཞིན་དུ་བདེན་པ། སྐལ་བ་དམན་པ་རྣམས་ཀྱིས་རྟོགས་པར་དཀའ་བས་སྲ་བ། ངོ་བོ་ལ་འཕོ་འགྱུར་མེད་པས་བརྟན་པ། འཁོར་འདས་ཐམས་ཅད་ལ་ཁྱབ་ཅིང་འཇུག་པས་ཐོགས་པ་མེད་པ། གང་གིས་ཀྱང་བརྫི་བར་མི་ནུས་བསམ་ཕམ་པ་སྟེ། རྡོ་རྗེའི་ཆོས་བདུན་དང་ལྡན་པ་དེའི་ཡོན་ཏན་ཇི་བཞིན་པ་ནི་འཕགས་ཆེན་དམང་རྣམས་ཀྱིས་ཀྱང་བརྗོད་ཀྱིས་མི་ལང་པ། གནས་ཚུལ་ཇི་བཞིན་བར་གཟིགས་པ་ཐམས་ཅད་ཀྱིས་ཀྱང་ཚིག་གི་ལམ་དུ་གསུང་བར་མི་སྤོབས་ན་བྱིས་པ་སོ་སོའི་སྐྱེ་བོས་ལྟག་ལ་ཞིག་སྟེ། མགོན་པོ་བྱམས་པས་སངས་རྒྱས་ཁམས་དང་སངས་རྒྱས་བྱང་ཆུབ་དང་། སངས་རྒྱས་ཆོས་དང་སངས་རྒྱས་ཕྲིན་ལས་ཏེ། །དག་པའི་སེམས་ཅན་གྱིས་ཀྱང་བསམ་བྱ་མིན། །འདི་ནི་འདྲེན་པ་རྣམས་ཀྱི་སྤྱོད་ཡུལ་ཡིན། །ཞེས་གསུངས་པ་བཞིན་ནོ། །གཉིས་པ་ལམ་དུ་འཇུག་པའི་རྣམ་པར་གཞག་པ་ནི། དེ་ལ་གང་ཟག་ཅིག་ཅར་བ་ཤེས་

(༦༩)རབ་ཅན་གྱི་ལམ་འབད་རྩོལ་དང་བྲལ་བའི་དང་ལ་མ་བསྒོམས་པར་བཞག་ནས་ཁྲེགས་ཆོད་ཀྱི་ལྟ་བས་བློ་ཟད་ཆོས་ཟད་དུ་ལ་བཟླ་བ་དང་། བརྩོན་འགྲུས་ཅན་གྱིས་བྱ་བ་དགུ་ཕྲུགས་སུ་བཏང་ནས་རིག་པའི་སྣང་ཆ་ཨར་ལ་གཏད་དེ་བསྒོམས་པས་གྲོལ་བ་ལྷུན་གྲུབ་རིན་པོ་ཆེའི་སྣང་བ་བཞི་ཟད་སར་སྐྱེལ་བའོ། །དང་པོ་ནི། མུ་ཏིག་ཕྲེང་བ་ལས། ཡོངས་ལ་ཁྱབ་པའི་སེམས་གཅིག་བུ། །རང་བཞིན་གཅུག་མའི་ངང་ལ་གནས། །སོ་མ་ཉིད་ཡིན་གཉུག་མའི་ངང་། །མ་བཅོས་མཆོག་ཡིན་རྣམ་པར་བཞུགས། །འཁྲུལ་པ་གདོད་ནས་མེད་པ་སྟེ། །རང་གི་རང་བཞིན་རྣམ་པར་དག །ཅེས་དང་། རིན་ཆེན་སྤུངས་པའི་རྒྱུད་ལས། རང་བཞིན་རྫོགས་པ་ཆེན་པོ་གནད་ཀྱིས་ཆེ་བའི་རྡོ་རྗེའི་གད་མོ་ཆེན་པོ་བཅུ་གཉིས་ཡོད་པའི་ནང་ཚན་ནས། ཀྱེ་གསུང་གི་རྡོ་རྗེ། དངོས་པོ་གཤིས་ཀྱི་འདུག་ཚུལ་ལ་ལྟོས་དང་། སྣང་བ་འདི་སྤུ་མ་བརྗེས་མདོག་མ་བསྒྱུར་བ་ངོ་མཚར། བདེ་སྡུག་ཇི་ལྟར་བསམས་ཀྱང་དོན་ལ་འགྱུར་བ་མེད་པ་ཧ་ཧ། །ཞེས་དང་། གཏེར་ཆེན་ཐམས་ཅད་མཁྱེན་པས། ཁྱད་པར་འོད་གསལ་རྡོ་རྗེ་སྙིང་པོའི་དོན། །རང་བཞིན་བབས་མིན་སྟོང་པས་ཕན་ཅི་ཡོད། །སོ་མ་རང་བཞག་མ་བཅོས་རང་ཁམ། །ཐ་མལ་ཤེས་པ་རང་གྲོལ་རྒྱལ་བའི་ལམ། །རང་གིས་རང་གྲོལ་གཉེན་པོས་བཅོས་མི་དགོས། །ཡེ་གྲོལ་བསྐྱར་གཞི་མེད་དེ་གདོད་མའི་ངང་། །ཅེར་གྲོལ་ངོ་བོ་མེད་དེ་བདེན་པས་སྟོང་། །འགྱུ་གྲོལ་རང་སར་དག་སྟེ་སྐད་ཅིག་མ། །ཤར་གྲོལ་དུས་མཉམ་ཡིན་ཏེ་སྔ་ཕྱི་མེད། །མ་བཅོས་རང་བཞག་རང་བབས་ཀ་དག་ཀློང་། །ཞེས་གསུངས་པ་ལྟར་བྱས་ཆོས་དང་བློས་བཏགས་ཀྱི་འཆིང་བས་རང་ངོ་བཅིངས་པ་སྦྲུལ་མདུད་དང་སྲིན་བུའི་ཁ་ཆུ་ལྟ་བུ་མ་ཡིན་པ། ཕུང་པོ་ལྔ་དང་ཚོགས་བརྒྱད་ཀྱི་དྲི་མས་སྤགས་པ་རྟོག་གི་པའི་གློས་སྒོམ་ལྟ་བུ་མ་ཡིན་པ། ཚོགས་དྲུག་གི་འཆར་སྒོ་འགགས་པ་འགོག་པའི་སྙོམས་འཇུག་ལྟ་བུ་མ་ཡིན་པར་ཡེ་གྲོལ་གྱི་ཤེས་པ་བཅོས་བསླད་དང་ཞེན་བསམ་བྲལ་

(༧༠)བའི་ངང་ལ་སྡོད་པ་ནི་ཀ་དག་གི་གནས་ལུགས་ཕྱིན་ཅི་མ་ལོག་པ་ཡིན་གྱི། དེ་ལས་རྟོག་པ་ལམ་ཁྱེར་དང་། མཉམ་རྗེས་ཀྱི་སོ་མཚམས། གྲོལ་ཚད་ཀྱི་ཉམས་རྟགས་སོགས་ནི་བླ་མ་དམ་པའི་ཞལ་ལས་ཤེས་དགོས་པའི་ཕྱིར་རོ། །གཉིས་པ་ནི། རིག་པ་རང་ཤར་ལས་ཡང་དག་སངས་རྒྱས་དགོངས་པ་ནི། སེམས་ཅན་ཀུན་གྱི་རང་རྒྱུད་ལ། །སྐུ་དང་ཡེ་ཤེས་ཚུལ་དུ་གནས། །དེ་ཡང་ཙིཏྟའི་དཀྱིལ་དུ་གནས། །ཡུངས་འབྲུ་འམ་ནི་ཏིལ་འབྲུ་ཙམ། །མ་བསྐྱེད་རྫོགས་པའི་ཚུལ་དུ་གནས། ༧་དེ་དག་གི་གཅེས་གནད་ཉམས་མྱོང་དང་རྟོགས་པ་རྡོ་རུས་དུ་གཏུགས་ནས་མཛོད་ཆེན་བདུན་གྱི་དགོངས་པ་ཇི་ལྟར་ལོངས་པ་བཤད་འབྱམས་སུ་ཆེར་མ་སོང་བ་ཤིན་ཏུ་གོ་བདེ་བ་ཚིག་ཉུང་དུས་བསྟན་པ་ནི་ཁོ་བོས་ཀུན་མཁྱེན་ཆེན་པོ་ཞལ་མཇལ་བར་བརྟེན་ནས་བརྩིས་པའི་མན་ངག་གི་ཡི་གེ་ཀུན་མཁྱེན་ཞལ་ལུང་དང་པདྨ་ཀར་པོར་གསལ་ལོ། །ཙིཏྟ་སྒོ་བཞི་མ་འགགས་གསལ། །རྣམ་པར་འཆར་བར་བྱེད་པ་དང་། །རྣམ་པར་ནུབ་པར་བྱེད་པ་དང་། །སྐད་ཅིག་འཆར་བར་བྱེད་པ་དང་། །སྐད་ཅིག་ནུབ་པར་བྱེད་པའོ། །དེ་ཡང་མཚན་བརྗོད་འདི་ལྟ་སྟེ། །ཀ་ཏི་ཤེལ་གྱི་རྩ་ཆེན་ཏེ། །ཤེལ་གྱི་སྤུ་གུ་ཁོག་བསྟོད། །དར་དཀར་སྣལ་མ་ཕྲ་ལ་འཁྲིལ། །སྟོད་པ་རང་གྲོལ་རྩ་ཆེན་པོ། །དེ་ཡང་སྒོ་བཞིའི་རང་སྣང་རྩ། །དེ་ལས་ལམ་བྱུང་དྷཱུ་ཏིར་ཐིམ། །དྷཱུ་ཏིའི་ནང་ནས་འོད་འཕྲོས་ཏེ། །སྒལ་ཚིགས་གཡས་ནས་ལམ་བྱུང་ནས། །རྩེ་ཆུང་གཡས་ནས་དུང་ཁང་ཐིམ། །དེ་ནས་འོད་འཕྲོས་སྒྲོན་མ་བཞི། །མ་འགགས་ནམ་མཁའ་སྟོང་པ་ལ། །སང་ངེ་གསལ་ལེ་འོད་ཀྱི་སྐུ། །ལུ་གུ་རྒྱུད་ཀྱི་ཚུལ་དུ་གནས། །སྒྲོན་མ་རྣམ་བཞི་འདི་ལྟ་སྟེ། །ཐིག་ལེ་སྟོང་པའི་སྒྲོན་མ་དང་། །རིག་པ་དབྱིངས་ཀྱི་སྒྲོན་མ་དང་། །ཤེས་རབ་རང་བྱུང་སྒྲོན་མ་དང་། །རྒྱང་ཞགས་ཆུ་ཡི་སྒྲོན་མ་རྣམས། །སེམས་ཅན་ཀུན་ལ་གནས་པའོ། །ཞེས་དང་། གཏེར་ཆེན་ཐམས་ཅད་མཁྱེན་པས། ཤེས་རབ་རང་བྱུང་སྒྲོན་མའི་དབྱིངས་རུམ་ནས། །རྒྱད་ཞགས་སྒྲོན་མས་རིག་མདངས་སྒོ་ཕྱེ་སྟེ། །དག་དབྱིངས་སྒྲོན་མས་སྣ་ཚོགས་རྒྱན་བཀྲམ་ནས། །ཐིག་ལེ་སྟོང་སྒྲོན་ཞི་ཁྲོའི་དཀྱིལ་

(༧༡)འཁོར་རྫོགས། །དང་པོ་རྒྱུ་ཡིས་མ་བསྐྱེད་དབྱིངས་ལྔ་ཤར། །བར་དུ་རྐྱེན་གྱིས་མ་བསྐྱེད་ཚོམ་བུར་གྲུབ། །ཐ་མ་ལྟ་བའི་གནས་དག་དབྱིངས་རིག་འདྲེས། །ཞེས་གསུངས། ལམ་དེ་ཇི་ལྟར་སྒོམ་པའི་ཚུལ་དངོས་གནས་རྒྱས་པར་བཤད་པ་ནི། ཐེག་པ་ཐུན་མོང་བ་ནས་བཟུང་ཐུན་མོང་མ་ཡིན་པའི་སྔོན་འགྲོའི་བར་གྱིས་ཤེས་རྒྱུད་ལེགས་པར་སྦྱངས། གསང་སྔགས་ཀྱི་སྣོད་རུང་དུ་གྱུར་པ་ན། །རྣལ་འབྱོར་བླ་ན་མེད་པའི་དབང་བཞི་རྣམ་པར་དག་པ་ནོས། ཡོ་ག་འོག་མ་གཉིས་ཀྱི་བསྐྱེད་རྫོགས་ཀྱི་གནད་ལ་གཡོ་ཐོབ་གོམས་བརྟན་གྱི་ངེས་པ་རྙེད་པ་ཙམ་གྱིས་ཀ་དག་གི་ཡིན་ལུགས་ཅུང་ཟད་གཏན་ལ་ཕེབས་ཚེ་རིག་པའི་རྩལ་དབང་བསྐུར་ནས་ལམ་འདི་ལ་འཇུག་པ་ཡིན་ཏེ། ལངས་རྗེས་ལས། གནས་བརྟན་གྲོལ་བའི་གདེང་ཐོབ་ནས། །ཕྱི་ནང་བྱ་བ་ཀུན་བཏང་དེ། །ཞེས་གསུངས་ལ། དེ་ལ་འོད་གསལ་རྡོ་རྗེ་སྙིང་པོའི་སྔོན་འགྲོ་ཁྱད་པར་བ་ཆོས་ལོངས་སྤྲུལ་གསུམ་གཙོ་བོར་གྱུར་པའི་འདུག་སྟངས་ཀྱི་རྣམ་གྲངས་ལུས་གནད་བྱེད་བཅིངས། མི་འགུལ་བ་གསུམ་གྱི་གཞི་བཅའ་བ། སྒོ་ཡུལ་རླུང་གསུམ་བསྟུན་པའི་གནས་འགག །རིག་པ་བཙོན་དུ་འཛིན་པའི་མན་ངག །སྣང་བཞིའི་སོ་མཚམས་འབྱེད་པའི་ཁྱད་པར། ཐོབ་བ་གསུམ་དང་གདེང་བཞིའི་ས་མཚམས་ལ་སོགས་པ་མཐའ་དག་བྱིན་རླབས་ཀྱི་བརྒྱུད་པ་ཟམ་མ་ཆད་པའི་བླ་མ་དམ་པ་མཚན་ཉིད་ངེས་པར་ཚང་བས་རྒྱུད་དང་སྒྲུབ་ཐབས་གང་ལ་བསྟེན་བདེའི་ལུགས་སུ་ལམ་གྱི་རྣམ་གཞག་རིམ་པར་སྟོན་པ་ལས་ཁྱབ་གདལ་དུ་འདྲི་བར་མི་བྱེད་པ་ཁོ་བོ་ཅག་གི་སྙིང་ལ་བརྣག་པའི་ཕྱིར་ཏེ། ཇི་སྐད་དུ་ཨུ་རྒྱན་ཆེན་པོས། སྣོད་མིན་རྣམས་ལ་རླུང་ཕྱོགས་ཙམ འཆལ་ན་དཔོན་སློབ་བར་ཆད་རྒྱུ བཀའ་འདི་མཁའ་འགྲོས་དབང་བྱས་པས དེ་མ་ཐག་ཏུ་བྲལ་དེ་གཤེགས འདི་ཉིད་ལྟ་བའི་དུས་སུ་ཡང་ ཚོགས་དང་གཏོར་མ་རྒྱ་ཆེར་བྱ ལྷ་གྲུབ་དམན་ལ་མཆོག་ཏུ་གསང་ འཆོལ་བའི་གང་ཟག་སྣོད་མེད་ལ༔ སུས་བསྟན་ཉམས་པས་དམྱལ་བར་བསྲེག༔ ཅེས་དང་། གཞན་གྱིས་མཐོང་བ་ལྟ་ཅི་སྨོས ལག་ཏུ་སོང་ཡང་མི་རུང་ངོ་༔

(༧༢)ཞེས་བཀའ་གཙིགས་ཀྱི་ཕྱག་རྒྱས་བཏབ་པའི་ཕྱིར་རོ། ཁྱད་པར་དུ་མཆོག་གཏེར་འདི་ཉིད་ཀྱི་རྫོགས་པ་ཆེན་པོ་སྙིང་པོ་གསེར་གྱི་ཡང་ཞུན་གྱི་ཟབ་ཁྲིད་འཆད་པ་ཕྱི་རབས་པ་དག་ཆོས་ཚན་རེ་གཉིས་ཙམ་གྱི་གཞུང་ལ་བློ་རྩེ་གཏད་པའི་མོས་པ་ལམ་བྱེད་ཙམ་ལས་གཞུང་གི་དགོངས་པ་ཇི་བཞིན་སློང་ནུས་པར་མ་མངོན་པས། བརྒྱུད་པའི་ཕྱག་ལེན་རང་སྟོབས་ཀྱི་བློས་དཔྱོད་པར་མི་ནུས་པ་དག །ཡིན་ལོའི་དག་སྣང་སྤྱོད་པ་ཙམ་ལ་མི་རེ་བར་རྗེ་རྒོད་ཚང་པས་རིག་འཛིན་བརྒྱུད་པའི་སྙན་བརྒྱུད་ཟམ་མ་ཆད་པའི་ཕྱག་བཞེས་བྲིན་ཐོར་བཏབ་ཅིང་མཆན་བུས་གསལ་བར་བྱས་པས་དཔྱད་ནོར་བུའི་ལྡེ་མིག་གསལ་པའི་མེ་ལོང་དུ་གྲགས་པ་ལྟར་བྱ་བ་གལ་ཆེན་པོ་ཡིན་ནོ།། །།གསུམ་པ་དེ་ལྟ་བུའི་ལམ་ལ་སྦྱངས་གོམས་མཐར་ཕྱིན་པའི་མཐར་ཐུག་འབྲས་བུའི་རྣམ་གཞག་ལ་གཉིས། རྒྱུ་འབྲས་ཀྱི་ཐེག་པ་ཐུན་མོང་ནས་བཤད་པའི་ས་ལམ་གྱི་རྣམ་གཞག་བདེན་པ་མཐོང་བའི་གང་ཟག་གཅིག་ལ་གཞི་རྫོགས་སུ་ཡོད་ཚུལ་བཤད་པ་དང་། འོད་གསལ་རྡོ་རྗེ་སྙིང་པོའི་མན་ངག་ཐུན་མོང་མ་ཡིན་པའི་ས་རྫོགས་ཚུལ་ལོ། །དང་པོ་ནི། པདྨ་ཀློང་གསལ་ལས། བདེན་པ་མཐོང་བའི་གང་ཟག་གི །དང་པོའི་ས་ནས་བཅུ་དྲུག་པར། །རིམ་པས་ཉམས་སུ་བླངས་པས་འབྱུང་། །གཞན་དང་སྒོ་བསྟུན་གནས་སྐབས་ཀྱི། །ཡོན་ཏན་འབྲས་བུ་ཐོབ་ཚུལ་ལོ། །ཞེས་དང་། རང་ཤར་ལས། ས་ཞེས་བྱ་བ་གུད་ན་ཡོད་པ་མ་ཡིན་ཏེ། བདེན་པ་མཐོང་བའི་གང་ཟག་གཅིག་ལས་རྣམས་རྫོགས་ནས་ཡོད་དོ། །དེ་ཡང་ངོ་སྤྲོད་བསྟན་པའི་གང་ཟག་དེ་དང་པོ་བདེན་པ་མཐོང་བའི་དུས་ན་དེ་ཡང་དགའ་བ་སྐྱེས་པ་དེ་ནི་ས་དང་པོ་རབ་ཏུ་དགའ་བའོ། །དེ་ཡང་རང་གི་སྣང་བ་ཡིན་པར་ཤེས་པ་དེ་ནི་ས་གཉིས་པ་དྲི་མ་མེད་པ་ཡིན་ནོ། །དེ་ནས་དེ་ལ་གོམས་པ་ནི་ས་གསུམ་པ་འོད་བྱེད་པ་ཐོབ་པ་ཡིན་ནོ། །དེ་ནས་དེ་ལ་གོམས་ནས་འོད་ཀྱི་སྣང་བ་མཐོང་བ་དེ་ནི་ས་བཞི་པ་འོད་འཕྲོ་བའི་ས་ནོན་པའོ། །དེའི་ཡེ་ཤེས་ཀྱི་སྣང་བ་མཐོང་བ་དེ་ནི་གོམས་ནས་ཉོན་མོངས་པ་ཐམས་ཅད་རང་བཞིན་གྱིས་སྦྱངས་ནས་ཡེ་ཤེས་མཐོང་བ་དེ་ནི་ས་ལྔ་པ་སྦྱངས་དཀའ་བའི་ས་ནོན་པའོ། །དེ་ནས་འོད་

(༧༣)ལས་ཐལ་བའི་སྐུ་མཐོང་བའི་ཚེས་དྲུག་པ་མངོན་དུ་གྱུར་པའི་ས་ནོན་པའོ། །དེ་ནས་གོམས་པ་མཐར་ཕྱིན་ནས་ཉོན་མོངས་པ་རིང་དུ་སྤངས་པའི་ཚེ་ས་བདུན་པ་རིང་དུ་སོང་བའི་ས་ནོན་པའོ། །དེ་ནས་དེའི་ངང་ལ་ཡོན་ཏན་རྫོགས་པ་ནི་ས་བརྒྱད་པ་མི་གཡོ་བའི་ས་ནོན་པའོ། །དེ་ནས་གོམས་པ་མཐར་ཕྱིན་ནས་ཡོན་ཏན་དེ་ལས་མི་གཡོ་བར་གནས་པ་ནི་ས་དགུ་པ་ལེགས་པའི་བློ་གྲོས་ཀྱི་ས་ནོན་པའོ། །དེ་ནས་ཡེ་ཤེས་ཀྱི་སྣང་བ་ལ་ཤེས་པ་ཟིན་ནས་སྣང་བ་ལྷུག་པར་ཤར་བ་ནི་ཆོས་ཀྱི་སྤྲིན་གྱུར་མཐོང་ནས་བཅུ་པ་ཆོས་ཀྱི་སྤྲིན་གྱི་ས་ནོན་པའོ། །དེ་ནི་གང་ཟག་བདེན་པ་མཐོང་བ་དབུགས་འདི་ཉིད་མ་བོར་བ་ལ་ས་ནོན་པའོ། །གང་ཟག་དབུགས་བོར་བ་རྣམས་ལ་འདི་ལྟར་ས་ནོན་པ་ཡིན། འཁྲུལ་སྣང་འགགས་ནས་ཚོམ་བུའི་སྣང་བ་ཤར་བའི་ཚེ་བཅུ་གཅིག་ཀུན་ཏུ་འོད་ཀྱི་ས་ནོན་པའོ། །དེ་ཡང་སྣང་བ་དེ་ལ་མ་ཆགས་པར་ཕྱི་ནང་གི་ཆོས་ཐམས་ཅད་ཀྱིས་མ་གོས་པ་ནི་བཅུ་གཉིས་མ་ཆགས་པདྨ་ཅན་གྱི་ས་ནོན་པའོ། །དེ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་ཟེར་ཐག་ཤར་ནས་ནམ་མཁའི་མཐོངས་ནས་འོད་ཀྱི་ཚོམ་བུ་ལྔ་འཁོར་ལོའི་ཚུལ་དུ་གནས་པ་ནི་བཅུ་གསུམ་པ་འཁོར་ལོ་ཚོགས་ཆེན་གྱི་ས་ནོན་པའོ། །དེ་ནས་ཡེ་ཤེས་ཀྱི་སྣང་བ་གནས་པ་ནི་བཅུ་བཞི་པ་བདེ་བ་ཆེན་པོའི་ས་ནོན་པའོ། །དེ་ནས་ལྷུན་གྲུབ་ཀྱི་ས་ལ་ངེས་པ་རྙེད་པ་ནི་བཅོ་ལྔ་པ་ཏིང་ངེ་འཛིན་གྱི་ས་ནོན་པའོ། །དེ་ནས་ཀ་དག་གིས་ལ་ཡེ་ཤེས་ལྷུག་པར་ཤར་ནས་དེའི་གོང་ནས་གཞན་མེད་པ་ནི་བཅུ་དྲུག་པ་ཡེ་ཤེས་བླ་མའི་ས་ནོན་པའོ། །ཞེས་གསུངས། གཉིས་པ་རང་བཞིན་འོད་གསལ་རྫོགས་པ་ཆེན་པོའི་རྒྱུད་ཀྱི་དགོངས་དོན་ལམ་སྣང་བ་བཞིའི་ཐུན་མོང་མ་ཡིན་པའི་ས་ཆོད་ཚུལ་ནི། ཆོས་ཉིད་མངོན་སུམ་གྱི་སྣང་བ་མཆེད་པ་མིག །ཉེ་བར་མཆེད་པ་མིག་གི་དེ་ཁོ་ན་ཉིད། ཐོབ་པ་ལུ་གུ་རྒྱུད་མཐོང་བ། ཉེ་བར་ཐོབ་པ་དེ་ལ་གོམས་པ་རྙེད་པ་དང་བཞི། ཉམས་གོང་འཕེལ་གྱི་སྣང་བ་མཆེད་པ་འོད། ཉེ་བར་མཆེད་པ་ཐིག་ལེ། ཐོབ་པ་ཁ་དོག་ལྔར་སྣང་བ། ཉེ་བར་ཐོབ་

(༧༤)པ་འགུལ་བ་དང་འཁྲིག་པའི་ཟེར་སྣ་ཚོགས་སུ་འཆར་བ་སྟེ་བཞི། རིག་པ་ཚད་ཕེབས་ཀྱི་སྣང་བ་མཆེད་པ་སྐུ་རྐྱང་པ། ཉེ་བར་མཆེད་པ་ཡབ་ཡུམ་ཟུང་འབྲེལ། ཐོབ་པ་ཚོམ་བུ་ལྔ་ལྔར་སྣང་བ། ཉེ་བར་ཐོབ་པ་དཀྱིལ་འཁོར་རྫོགས་པ་སྟེ་བཞི། ཆོས་ཉིད་ཟད་པའི་སྣང་བ་མཆེད་པ་སྐུ་དང་ཡེ་ཤེས་ལ་མི་གནས་པ། ཉེ་བར་མཆེད་པ་སྟོད་པ་གཏད་པ་མེད་པ། ཐོབ་པ་བརྗོད་དུ་མེད་པ། ཉེ་བར་ཐོབ་པ་བལྟར་མེད་པའི་ཆོས་ཉིད་གང་དུ་ཡང་མ་གྲུབ་པ་སྟེ་བཞི། ཁྱོན་དིལ་བས་ས་བཅུ་དྲུག་གི་ངེས་པ་བཞག་པ་གནས་སྐབས་ཀྱི་འབྲས་བུ་དང་། དེ་ཡང་གཏེར་ཆེན་ཐམས་ཅད་མཁྱེན་པས། ཁྲེགས་ཆོད་ལྟ་བས་སྲིད་ཁུད་གདར་ཤ་བཅད། །ཐོད་རྒལ་བསྒོམས་པས་སྐུ་གསུམ་རྩལ་རྫོགས་ཏེ། །གདོད་ནས་རྣམ་དག་དང་པོའི་སངས་རྒྱས་ཉིད། །དབྱེར་མེད་ཐིག་ལེའི་གཟུགས་སུ་གང་སྣང་བ། །དེ་ལས་སྤྲོས་ཚེ་སྐུ་གསུམ་སྣོང་བཅུད་དང་། །བསྡུས་ཚེ་སྟོང་ཉིད་སྙིང་རྗེ་ཆོས་ཀྱི་སྐུ། །ཞེས་ཁྲེགས་ཆོད་ཀྱིས་འཁྲུལ་བའི་གཞི་རྩ་བཅད་དེ་ལུས་རྡུལ་ཕྲན་དུ་དེངས། སེམས་ཆོས་ཉིད་དུ་དེངས། ཐོད་རྒལ་གྱིས་སྐུ་གསུམ་གྱི་རང་རྩལ་གཞི་ལ་རྫོགས་ཤིང་རྡུལ་ཕྲན་དེངས་ན་འོད་དུ་གསལ་བས་སྐྱེ་འཇུག་གཉིས་ལ་དབང་ཐོབ་སྟེ་འཕོ་བ་ཆེན་པོའི་སྐུར་མངའ་དབང་བསྒྱུར་ནུས་པ་དགའ་རབ་རྡོ་རྗེ་ལྟ་བུར་འགྱུར་ཞིང་། འདི་ཉིད་ཐེག་པ་གཞན་གྱིས་བསྐྱེད་རིམ་གྱི་ལམ་ནས་འདོད་གཟུགས་ཀྱི་ལྷ་དང་རྗེས་མཐུན་པར་རགས་ལུས་དངས་སྐུར་གནས་འགྱུར་ནས་མཁའ་སྤྱོད་སོགས་སུ་གཤེགས་པའི་འཇའ་ལུས་སུ་གྲགས་པ་དང་གོ་འཕང་མཆོག་དམན་མི་འདྲ་བ་རྫོགས་ཆེན་པ་རྣམས་ཀྱིས་ཤེས་དགོས་ལ། གཞན་ཡང་རྒྱུད་ཉི་ཟླ་ཁ་སྦྱོར་ལས་གསུངས་པ་ལྟར། ནམ་མཁའ་དང་མཁའ་འགྲོའི་འཆི་ལུགས། མེ་དཔུང་དང་རིག་འཛིན་གྱི་འཆི་ལུགས་ཞེས་བཤང་སྲོལ་ཐུན་མོང་མ་ཡིན་པ་ཡོད་པའི་སྔ་མ་གཉིས་ཀ་དག་དང་། ཕྱིན་གཉིས་ཐོད་རྒལ་གྱི་གྲོལ་ལུགས་ཡིན་པའི་ཕྱིར་རོ། །དེ་ལྟ་བུའི་གྲོལ་ས་མཐར་ཐུག་ཀ་དག་དང་ལྷུན་གྲུབ་གཟོད་ནས་རྣམ་པར་དག་པ་ཐིག་ལེ་ཉག་གཅིག་གི་ངོ་བོ་ལ་རྣམ་དབྱེ་མེད་ཀྱང་

(༧༥)སྤྲོ་བསྡུའི་ཁྱད་པར་གྱིས་ལྷུན་གྲུབ་ཀྱི་ཆ་ལས་ཐུགས་རྗེའི་རྩལ་གཡོས་ཏེ་ཇི་སྲིད་སེམས་ཅན་མ་ཟད་པར་དེ་སྲིད་དུ་འགྲོ་བའི་དོན་འབད་མེད་དུ་འབྱུང་ལ། ཀ་དག་གི་ཆ་ལ་ཆོས་སྐུ་འཕོ་མེད་བྱ་རྩོལ་དང་བྲལ་བས་གཤེགས་བཞུགས་ཀྱི་སྤྲོས་པ་མེད་ཀྱང་སྟོང་པ་ཕྱང་ཆད་ཀྱི་ཕྱོགས་སུ་མ་ལྷུང་བར་གཞི་དབྱིངས་གཏིང་གསལ་ཆེན་པོའི་ངང་ལ་བཞུགས་པ་ནི་མཐར་ཐུག་གི་འབྲས་བུ་ཡིན་ཏེ། ཡེ་ཤེས་ཀྱི་སྐུ་ཅན་ཀུན་མཁྱེན་ཀློང་ཆེན་པས། ལྷུན་གྲུབ་ཀྱི་སའི་ཐུགས་རྗེས་རང་བཞིན་ལྷུན་གྲུབ་ཏུ་འབྱུང་བ་ལས། ཀ་དག་གིས་དེ་ནས་དངོས་སུ་སྤྲུལ་པ་མི་འགྱེད་དེ་ཆོས་སྐུ་བྱ་བྱེད་གཡོ་རྩོལ་ལས་འདས་པའི་ས་ཡིན་པའི་ཕྱིར་རོ། །ཞེས་གསུངས། དེ་ལྟ་བུའི་མཐར་ཐུག་གི་འབྲས་བུ་དེ་ཡང་གདོད་མའི་ཀ་དག་གི་ཡེ་གཞི་ཉིད་ལ་སྐུ་འོད་ཡེ་ཤེས་ཐམས་ཅད་མ་བྱས་ལྷུན་གྲུབ་ཏུ་མཆིས་པའི་རང་སྟོབས་ཁོ་ན་ལས་བྱུང་ཞིང་། །དེ་ཡང་རྒྱུ་དུས་སུ་འབྲས་བུ་ཡོད་པ་གྲངས་ཅན་པའི་གྲུབ་མཐའ་བཞིན་དུ་ཁས་མི་ལེན་ཀྱང་། ཇི་སྐད་དུ་གཏེར་ཆེན་ཐམས་ཅད་མཁྱེན་པས། །རྫོགས་ཆེན་གཞི་ལ་མཁས་ན་མཁས་པ་ཡིན། །ཞེས་གསུངས་པ་ལྟར། གཞི་ལ་ཞུགས་པ་ལམ་དུ་གོམས་པས་ཐོག་མའི་ཡེ་གཞི་དེ་ཉིད་རང་ངོ་མ་འགྱུར། གོམ་འཕོས་པ་དེ་གའི་ངང་དུ་སྤྲིན་ནམ་ མུ་སྟེགས་ཀྱི་སློབ་དཔོན་རྟོག་གེ་སྡེ་ལྔར་གྲགས་པ་ཀུན་གྱི་ཕྱི་མོ་བྲེངས་ཅན་པ། དབང་ཕྱུག་པ། ཁྱབ་འཇུག་པ། རྒྱལ་བ་པ་བཞི་རྟག་པར་སྨྲ་བ་དང་། ཕུར་བུ་བའམ་རྒྱང་འཕན་པ་ཆད་པར་སྨྲ་ཞིང་དབྱེ་ན་ཕྱི་རོལ་པའི་གཞུང་ལ་ལྟ་ལོག་སུམ་བརྒྱ་དྲུག་ཅུ་སྟེ་རྒྱས་པ་མདོ་སྡེ་ཚངས་པའི་དྲྭ་བ་དང་། ཡེ་ཤེས་རྒྱས་པར་བལྟས་ཏེ་ལྟ་བའི་ཟབ་གནད་མ་འཆོལ་བར་བྱའོ། །ཅིའི་ཕྱིར་ན་སྟོན་པ་མྱ་ངན་ལས་འདས་པའི་ཚེ་གཅེར་བུ་བ་ཞིག་ཚུར་ཤོག་གིས་ནང་བའི་བསྟན་ལ་བཙུད་པས། དེས་གང་ཟག་གི་བདག་ཕུང་པོ་དང་གཅིག་གམ་ཐ་དད་ལ་སོགས་པ་དྲིས་པའི་ལན་ཅང་མི་གསུང་བས་བཏབ་པ་ལས། བརྗོད་དུ་མེད་པར་ཡོད་པར་གོ་ནས་ཆོས་ལུགས་ནང་པ་ལུགས་ཀྱང་ལྟ་བ་ཕྱི་རོལ་དང་འདྲེས་པ་འབྱུང་བའི་ལོ་རྒྱུས་ལྟ་བུ་སྲིད་པའི་ཕྱིར་ཐལ་བའི་སྐྱོ་མ་སོགས་པའི་རྟགས་དང་ཆ་ལུགས་སྤངས་པ་གཅིག་པོ་།།།མོ་ཆེག་པར་ཡང་དྲན་པར་བྱོས་ཤིག །མཁའ་ལ་

(༧༦)ཐིམ་པ་ལྟར་འབྲས་བུ་མངོན་དུ་འགྱུར་བ་ལམ་འདིའི་ཁྱད་ཆོས་ཡིན་ལ། འདི་སེམས་ཀློང་ཁ་འབྱམས་པ་ཐམས་ཅད་འདོད་པ་ལྟར་འཁོར་འདས་ཀྱི་གཞིབ་མ་རིལ་བུམ་རིལ་དེ་མ་ཡིན་ལ། དབྱིངས་ཀྱི་ཡོན་ཏན་མཐར་ཕྱིན་པའི་ཆོས་དྲུག་དང་ལྡན་པའི་ས་འདི་ལྟ་སྟེ། གཞི་ལས་འཕགས་པ། རང་ངོར་སྣང་བ། བྱེ་བྲག་ཕྱེད་པ། ཕྱེད་ཐོག་གྲོལ་པ། གཞན་ལས་མ་བྱུང་བ། རང་སར་གནས་པ་སྟེ། གསང་བ་སྙིང་ཏིག་གི་ཐུན་མོང་མ་ཡིན་པའི་གནད་ཡིན་ཏེ་ཕལ་ཆེར་གྱིས་དགོངས་པ་འདི་མ་བླངས་པར་གཞི་ཐོག་ཅེས་རྩིང་པོར་སྨྲས་པས་ཀུན་མཁྱེན་ཀློང་ཆེན་པའི་བཞེད་པ་དང་འགལ་ལོ། །ཡང་ཁ་ཅིག་གིས་ཐེག་པ་གཞན་པའི་སྐད་དང་འདྲེས་པའི་སྤྱང་གཞི་སྤྱོད་བྱེད་དང་། རྣམ་འགྱུར་གྱི་དྲི་མ་སྤང་གཉེན་སོགས་ཚེས་མཚུངས་ལུགས་སྲོལ་འདི་ལའང་བཤད་མོད་དེ། དེ་ལྟར་ན་ཀ་དག་གི་གྲུབ་མཐའི་རྣམ་གཞག་ཀྱང་འཇིགས་ལ། ལམ་དུས་སུའང་བློས་བྱས་ཀྱི་དྲི་མ་ཟད་མི་ཤེས་པ་ཡོད་པར་འགྱུར་ཏེ་སྦྱང་གཞི་སྤངས་པའི་ཕ་རོལ་ན་སྤྱངས་འབྲས་ཟུར་པ་མེད་པའི་ཕྱིར་རོ། །དེ་ཡང་ལམ་གྱི་ཁྱད་པར་ལ་དབང་པོ་རྣོ་རྟུལ་གྱིས་དངོས་དང་རྗེས་མཐུན་ལ་སྤྱོད་པའི་ཁྱད་བསམ་གྱིས་མི་ཁྱབ་བཞུགས་པ་ལས། རྫོགས་པ་ཆེན་པོའི་ལུགས་ཁོ་ན་ལ་མཐའ་གཅིག་ཏུ་འཚང་རྒྱ་བའི་ངེས་པ་ནི་མི་བཟུང་སྟེ། གཞི་ལམ་གྱི་དུས་ན་རྒྱུད་ཐ་དད་པའི་སེམས་ཅན་གྱི་ཁམས་ཇི་སྙེད་པ་མཐའ་དག་ཆོས་སྐུ་ཀ་དག་ཆེན་པོའི་གཞི་དབྱིངས་གསང་བའི་སྦུབས་སུ་རོ་གཅིག་པ་ནི་དགས་ཆེན་པོ་ལ་བཞུགས་པ་ཀུན་མཁྱེན་ཀློང་ཆེན་པས་ཀྱང་། ཚིག་དོན་རིན་པོ་ཆེའི་མཛོད་དུ་མཐར་ཐུག་གི་འབྲས་བུ་གྲོལ་ས་ཆེན་པོ་གང་ཡིན་པ་ནི་ལམ་སྦྱོར་ཚུལ་གྱི་རིམ་པས་དབང་པོ་ཐ་དད་ཀྱང་འབྲས་བུ་དག་པ་གཉིས་ལྡན་གྱི་ཆོས་སྐུ་ཀ་དག་རིན་ཆེན་གསང་བའི་སྦུབས་སུ་ངོ་བོ་གཅིག་པ་སྟེ། སྣོད་ཐ་དད་པའི་ནམ་མཁའ་གཉིས་གཅིག་ཏུ་འདུས་པའམ། ཆུ་བོ་ཐ་དད་པ་རྒྱ་མཚོ་ཆེན་པོ་གཅིག་ཏུ་རོ་གཅིག་པ་བཞིན་ནོ། །ཞེས་དང་། མུ་ཏིག་ཕྲེང་བ་ལས། སྐུ་གསུམ་དང་ནི་ཡེ་ཤེས་ལྔ། །སྟོང་པ་དང་

(༧༧)ནི་གསལ་བས་ཁྱབ། །ཐིག་ལེ་འདུ་འབྲལ་མེད་པའི་ཕྱིར། །བརྗེད་པ་ཉིད་དང་རྗོད་བྱེད་བྲལ། །ཀ་དག་དྲི་མ་བྲལ་བ་ཡི། །གནས་སུ་ཐམས་ཅད་མངོན་སངས་རྒྱས། །འབྲས་བུ་སྐུ་གསུམ་རང་རྫོགས་སོ། །ཞེས་གསུངས་པའི་ཕྱིར་རོ། །འདིར་སྨྲས་པ། ཀ་དག་རིག་པ་ཀུན་ཏུ་བཟང་པོ་དེ། །ཀ་དག་རིག་པ་འཁྲུལ་དུ་མ་མྱོང་བས། །ཀ་དག་ཡིན་ལུགས་གཞི་དབྱིངས་སྤྲོས་བྲལ་དེ། །ཀ་དག་ཀློང་ནས་ལྷུན་གྲུབ་དགོངས་པས་བཤད། ༡ །མེ་ལོང་ཡེ་ཤེས་རྡོ་རྗེ་སེམས་དཔའ་ཡི། །ཞེ་སྡང་རྣམ་དག་དགའ་རབ་རྡོ་རྗེ་ལ། །དགོངས་བརྡས་བཤད་དེ་རིམ་པར་སྙན་བརྒྱུད་པའི། །རྫོགས་ཆེན་སྡེ་གསུམ་པདྨའི་ཐུགས་ལ་གབ། ༢ །གདོང་མའི་སར་གཤེགས་ཀློང་ཆེན་རབ་འབྱམས་ལ། །དགོངས་པས་བྱིན་བརླབས་རྒྱུད་དོན་ཀློང་ནས་རྡོལ། །སྙིང་ཐིག་བསྟན་པ་མཁའ་ལ་བཏེག་པ་དེ། །བི་མ་མི་ཡི་རྫུ་ལ་ཞུགས་མིན་ནམ། ༣ །ད་དུས་སྙིགས་མ་ལྔ་ཡི་འགྲོན་པོ་ལ། །མྱུར་བོར་བོས་པའི་ཡིད་ཅན་རྡུལ་སྙེད་ཁྲོད། །འདྲེན་བྱེད་མཁའ་ལ་འདེགས་པ་ཆེས་མང་སྟེ། །རྫོགས་ཆེན་གཞི་འབྲས་དགོངས་པ་བླང་བ་མེད། ༤ །རང་བྱུང་པདྨའི་ཡེ་ཤེས་འོད་བརྒྱའི་གཟིས། །དགོངས་འདུས་དཀྱིལ་འཁོར་ཆེན་པོར་བྱིན་བརླབས་པའི། །རྣམ་གསུམ་བརྡ་རྟགས་ལང་ཚོར་སྦུད་པ་འདི། །དཀར་པོའི་བག་ཆགས་སད་པའི་སྣེ་སྦྱོར་ཡིན། ༥ །རྒྱལ་རིག་གང་ཟག་གསུམ་གྱི་དགོངས་པའི་གཟེར། །སྙིང་དབུས་གཞོན་ནུ་བུམ་སྐུར་ཐོབས་པ་ལས། །སྟོང་བཞིའི་མཐར་ཐུག་གཟོད་མའི་གཞི་དབྱིངས་དེའི། །འོད་གསལ་གཉིད་ལ་མཐོང་བས་སྐལ་བ་བཟང་། ༦ །རང་སྣང་རྣམ་དག་དྲི་བྲལ་དངས་ཤེལ་ཀློང་། །སིངྒ་ལ་དང་ཨཽ་ཌའི་ཨཱ་ཙཱརླས། །ཞལ་བསྟན་དགོངས་པས་བྱིན་བརླབས་བརྡ་དབང་བསྐུར། སྐུ་བྱིན་གྱིས་བརླབས་པ་རྡོ་རྗེ་སྙིང་པོའི་སྤྱི་བོར་འཁོར་ལོའི་རེ་ཁཱས་བཀྲ་བའི་ཕྱག་བཞག་པས་མདོ་སྡེས་བཅུ་པ་འཆད་པའི་སློབས་པ་སྐྱེས་པ་ལྟ་བུའོ། །དབྱིངས་རིག་དབྱེར་མེད་བདེན་པ་མཐོང་ཚེ་སྨྲས། ༧ །ཞེས་པར་སྐབས་ཀྱི་ཚིགས་སུ་བཅད་པའོ།། །།

(༧༨)གསུམ་པ་ཟབ་ཆོས་འདི་ཉིད་ཀྱི་རང་སྐད་བཤད་པ་ནི། དེ་ཡང་ཆོས་སྐྱོང་བའི་རྒྱལ་པོ་ཁྲི་སྲོང་ལྡེའུ་བཙན་ནམ། ཆོས་རྒྱལ་ཚངས་པ་ལྷའི་མེ་ཏོག་གིས་ཡབ་མེས་ཀྱི་ཐང་ཡིག་གཟིགས་པས་སྔོན་གྱི་ཐུགས་བསྐྱེད་དཀར་པོའི་བག་ཆགས་ཀྱི་ལས་འཕྲོ་སད་པ་སྟེ། དེ་ཡང་གླེགས་བམ་རིན་པོ་ཆེ་ནས་ལྷའི་རྒྱལ་པོའི་སྐྱེས་རབས་ཀྱི་སྐབས་འཇམ་དབྱངས་ཀྱིས་བསྐུལ་ནས་མཐའ་འཁོབ་ཏུ་འགྲོ་བ་དང་ཞེས་དོན་ལ་བཙན་པོ་ཉིད་འཕགས་པ་སྤྱན་རས་གཟིགས་ཀྱི་སྤྲུལ་པ་དངོས་ཡིན་ཀྱང་། རིག་གསུམ་ངོ་བོ་གཅིག་པ་དང་འཇམ་དཔལ་དབྱངས་ཀྱིས་བསྐུལ་མ་མཛད་པ་ལ་བརྟེན་ནས་འཇམ་དཔལ་གྱི་རྣམ་སྤྲུལ་དུ་གྲགས་ཤིང་། དེ་ཡང་དཀོན་མཆོག་འབངས་ཀྱི་སྐྱེས་རབས་སྐབས། མི་དབང་མཛོད་ལ་བོད་ཁམས་བདེ་བར་བསྐྱང་། །ཞེས་ཆོས་རྒྱལ་སྲོང་བཙན་སྒམ་པོ་ནས་བཟུང་བོད་ཀྱི་རྒྱལ་པོ་མཛད་དགོས་པ་ལུང་བསྟན་ནས་བོད་ཁམས་ཆོས་ཀྱིས་བསྐྱང་བར་ཐུགས་བསྐྱེད་པ་བཞིན་སྲོང་བཙན་གྱིས་རྒྱལ་བའི་བསྟན་པ་རིན་པོ་ཆེའི་སྲོལ་བཏོང་པར་མཛད། ཁྲི་སྲོང་གི་དུས་བཤད་སྒྲུབ་ཀྱི་བསྟན་པ་དར་རྒྱས་མཛད་པར་དགོངས་ནས་མཁན་སློབ་རྣམ་གཉིས་ལ་སོགས་སྤྲུལ་པའི་ལོ་པཎ་མང་པོ་སྤྱན་དྲངས། མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ལ་སོགས་རྟེན་གསུམ་ཁྱད་འཕགས་བསམ་ལས་འདས་པ་བསྐྲུན། མདོ་སྔགས་ཆོས་ཀྱི་བསྟན་པ་ཉི་མ་ཤར་བ་ལྟར་མཛད་པའི་སྐབས་ཤིག་ན་ཡབ་སྲས་རྗེ་འབངས་གྲོགས་གསུམ་ལ་སོགས་པས་གསུང་གི་དབེན་གནས་བསམ་ཡས་མཆིམས་ཕུར་སངས་རྒྱས་གཉིས་པ་པདྨ་འབྱུང་གནས་ལ་མངའ་རིས་ལོངས་སྤྱོད་ཐམས་ཅད་ལྟོས་པ་མེད་པར་ཕུལ་ཏེ་མོས་གུས་མི་ཕྱེད་པས་གསོལ་བ་ཡང་ཡང་བཏབ་ནས་སྨིན་གྲོལ་གྱི་གདམས་པ་གནད་འདྲིལ་བ་གཞན་ལས་མ་བརྒྱུད་པ། ཉིད་ཀྱི་ཐུགས་མཛོད་བེའུ་ནས་ཕྱུང་བ་ཞིག་དགོས་ཞེས་ནན་ཏན་ཆེན་པོས་ཞུས་པའི་ངོར། བསྐྱེད་རྫོགས་རྣམ་པ་གསུམ་གྱི་དངས་བཅུད་གཅིག་ཏུ་སྒྲིལ་བ་དབྱིངས་ལ་བཞུགས་པའི་མཁའ་འགྲོ་ཐམས་ཅད་ཀྱི་ཟུངས་ཁྲག་བླ་མ་དགོངས་པ་འདུས་

(༧༩)པའི་རྒྱུད་དང་སྤར་ཁབ་སྒྲུབ་ཐབས་ལེ་ལག་དང་བཅས་པ་ཐུགས་ཀྱི་དཔལ་བེའུ་ནས་ཕྱུང་སྟེ་བཤད། ས་ཆེན་པོ་ལ་གནས་པའི་གདུལ་བྱ་གཟུངས་ཐོབ་པ་རྣམས་ཀྱིས་མི་བརྗེད་པའི་གཟུངས་ཀྱིས་བཟུང་ནས་འཕྲུལ་ཡིག་གསེར་གྱི་པ་ཊ་ལ་བཀོད། དེའི་ཚེ་སྒྲུབ་པའི་དཀྱིལ་འཁོར་ཆེན་པོ་ཞལ་ཕྱེ་ནས་རྗེ་འབངས་རྒྱ་མཚོ་ལ་ཕྱི་ནང་གསང་དབང་ཐམས་ཅད་རྫོགས་པར་བསྐུར་ནས་སྣོད་བཅུད་ཡེ་ཤེས་ཀྱི་འཁོར་ལོར་ངོ་སྤྲད། རྫོགས་ཆེན་སྙིང་པོ་གསེར་གྱི་ཡང་ཞུན་རྣར་བརྒྱུད་དུ་གསུངས་ནས་སངས་རྒྱས་ལག་བཅངས་ཀྱི་མན་ངག་རྗེན་པར་བསྟན་དེ་དགོངས་པ་མཐའ་རུ་སྐྱོལ་བར་མཛད། སླར་མ་འོངས་པའི་གདུལ་བྱ་ལ་རྗེས་སུ་དགོངས་ནས་དུས་གསུམ་གྱི་ལུང་བསྟན་བཀའ་བཙིགས་ཀྱི་ཕྱག་རྒྱ་དང་བཅས་འདུས་པའི་ཚོམ་བུ་ལ་ཡོངས་སུ་གདམས་ཏེ་ལྷ་སྲས་རྒྱལ་པོ་ལ་སྨོན་ལམ་དབང་བསྐུར་གྱིས་གཏད་རྒྱ་མཛད་ནས་མཚོན་བྱ་དོན་གྱི་མན་ངག་དབྱིངས་རིག་མི་ཤིགས་པའི་སྒྲོམ་བུར་རྒྱས་བཏབ་བོ། །མཚོན་བྱེད་རྟགས་ཀྱི་བརྡ་ཤོག་དབྱངས་ཅན་སྤྲུལ་པ་ཡེ་ཤེས་མཚོ་རྒྱལ་གྱིས་ཡི་གེར་བཀོད་ནས་ཤར་ཀོང་ལྗོན་པའི་ཚལ་འཕགས་པ་འོད་སྲུངས་ཀྱི་མཆོད་རྟེན་རིང་བསྲེལ་གྱི་སྙིང་པོ་ཅན་བཞུགས་པའི་ནུབ་ཕྱོགས་ཀྱི་རི་བོ་སྣུམ་པ་གཅན་གྱི་རྒྱུད། ཉེ་བའི་འཐུང་སྤྱོད་དཔལ་གྱི་ཙཱ་རི་ཏྲའི་ཆུ་རྒྱུན་དག་ཆུ་བོ་གསེར་ལྡན་འདྲེས་པའི་ས་བརྩེ་ཆེན་བྲག་དམར་དགེ་བསྙེན་འབར་བ་སྤུན་བདུན་གནས་པའི་གམ། ལུང་ཕྲན་པདྨ་ཁ་གྱེས་པ་འདྲ་བའི་གནས་རིན་ཆེན་གསང་བ་བྲག་གི་ཡང་རྫོང་བུ་རི་རིན་པོ་ཆེ་འབར་བའི་གཏེར་མཛོད་པར་མར་མི་སྣང་བར་རྒྱས་བཏབ་ནས་གཏེར་སྲུང་ཤ་ཟ་ཧོར་མོ་ཆེ་དང་། འབར་བ་སྤུན་བདུན་ལ་གཉེར་བྱང་གཏད། དེ་ནས་བགྲང་བྱའི་འཁོར་ལོ་མཁའ་མདའ་ཐིག་གཟུགས་སུ་རྒས་པའི་ཤིང་པོ་འབྲུག །ལོ་སྟོན་ཟླ་འབྲིང་པོའི་མར་དོའི་ཚེས་བཅུ་སྟེ། ཌཱཀྐིའང་བཞིན་གྱིས་འདུ་བ་ཕྱི་ནང་ཆོས་མཚུངས་པའི་དུས་ཆེན་ཁྱད་པར་ཅན་གྱིས་དྲོའི་ཆར་ཆོས་རྒྱལ་ཁྲི་སྲོང་གི་སྲས་ཐ་ཆུང་མུ་རུམ་བཙན་པོའམ་ ཆོས་འབྱུང་ཐ་དད་པར་བཤད་ཚུལ་མ་མཐུན་པའི་རྒྱལ་སྲས་རྣམས་མཚན་དོན་ངོས་འཛིན་སྣ་ཚོགས་ཡོད་ཀྱང་འདི་ནི་མཆོག་གཏེར་འདི་ཀའི་རང་སྐད་གཙང་མ་ཡིན་ཞིང་། དོན་དུ་རང་གི་།།།གཟོད་པ་།།།དེ་ཡིན།

(༨༠)རྒྱལ་སྲས་ངམ་འཛིན་དུ་གྲགས་པའི་རྣམ་འཕྲུལ་གཏེར་ཆེན་ཆོས་ཀྱི་རྒྱལ་པོ་འབྲེལ་ཚད་དོན་ལྡན་སངས་རྒྱས་གླིང་པའམ། བུདྡྷ་བཛྲ་ཞེས་བྱ་བས་དགུང་ལོ་ཉེར་ལྔའི་ཀེག་དྲག་ཏུ་གནས་མཆོག་དེ་ཉིད་ནས་གཏེར་ཁ་དེ་ཉིད་ཀྱིས་མཚོན་པའི་བསྐྱེད་རྫོགས་ཀྱི་བསྒྲུབ་གཞུང་མཁའ་མེའི་གྲངས་ལྡན་གྱི་ཤོག་དྲིལ་སྤྱན་འདྲེན་པར་མཛད་ནས་རྡོ་རྗེའི་ལུང་གིས་བྲིན་པའི་རྩ་བའི་བུ་བཅོ་ལྔ་དང་། ཆོས་བདག་ཉི་ཤུ་རྩ་གཅིག་སོགས་ལ་རིམ་པར་ཆོས་སྒོ་དབྱེ་ནས་རྟེན་འབྲེལ་ལེགས་ཚོགས་སུ་འགྲིག་པས་ཁྱབ་གདལ་དུ་དར་བ་སྟེ། འདི་ཉིད་ལས། ལེ་ལེ་རུ་བཞི་གཡོན་གྱིས་ཕྱོགས་སུ༔ རྩ་ལ་མེ་མཆེད་རླུང་གིས་བསྐྱོད་བཞིན་དང་༔ ཞེས་དང་༔ བསྟན་པ་འདི་འཁེལ་ཕྱོགས་ལ་རྣམ་པ་གཉིས༔ སྤྱིར་ནི་སྔགས་ཀྱི་བསྟན་པ་དར་བའི་ཕྱོགས༔ ཁྱད་པར་ལྷོ་རོང་མཐའ་འཁོར་མདོ་ཁམས་དང་༔ མི་ཉག་ལི་ཡུལ་དབུས་སྡེ་གཙང་རོང་དང་༔ ལེ་ལེ་རུ་བཞི་ཡུལ་དགུའི་ཕྱོགས་སུ་དང་༔ དུམ་བུར་འཐོར་ལ་ཕྱོགས་ཀྱི་རྣམ་ངོས་མེད༔ དེ་དག་རྣམས་སུ་བསྟན་པ་འདི་འཕེལ་ཞིང་༔ ཞེས་གསུངས་པའི་ལུང་བསྟན་ཐོག་ཏུ་འཁེལ་བཞི་མཆོག་གཏེར་ཆེན་པོ་འདི་ཉིད་ཀྱི་རྒྱུད་ཀྱི་བདག་པོ་གང་། ཞུབ་པོའི་འཁོར་སུ། བསྒྲུབ་བྱའི་ཁྱད་པད་གང་སྙམ་ན་རྩ་རྒྱུད་པད་སྡོང་ གཙང་ལ་གཡས་རུ་དང་། རུ་ལག །དབུས་ལ་གཡོན་རུ་དང་། དབུ་རུ་ཞེས་ཆོས་འབྱུང་སྨྲ་བ་དགའ་ཆད་དེ། བརྩེགས་པ་དང་། ཤན་འབྱེད་རྣམ་གྲངས་ས་བཅད་བརྒྱད་པ་ལས་རྟོགས་པར་བྱ་སྟེ། འགྲེལ་པ་ལ་ཡང་འགྲེལ་པ་བཀོད་པའི་སོས་དལ་མི་ཁོམ་ཞིང་ཆོས་ཀྱི་ཚི་ཆད་པར་འགྱུར་བས་སོ། །འོན་ཀྱང་བཀའ་གཙིགས་ཀྱི་དེས་བཅུད་ཟད་བཤད་ན། འདི་ཉིད་ལས། ཡབ་སྲས་རྣམས་ཀྱིས་ཡང་ཡང་ཞུས་པའི་དོན༔ རྒྱལ་བ་རྣམས་ཀྱི་དགོངས་དོན་མདོ་རྒྱུད་ཀྱི༔ གནད་སྡུད་ཨོ་རྒྱན་ཟབ་ཏིག་རིག་འཛིན་རྣམས༔ གྲོལ་ལམ་ཟབ་ཆིངས་མན་ངག་བསྐྱེད་རྫོགས་མཐིལ༔ དགོངས་འདུས་གསེར་ཞུན་མཁའ་འགྲོའི་སྙིང་ཁྲག་ཕྱུང་༔ སྔོན་ཆད་བོད་དུ་མ་གྲགས་ཡང་མི་འབྱུང་༔ ཞེས་གསུངས་པས་མཚོན་ཏེ་བཀའ་བཙིགས་ཀྱི་ངོས་པ་བསམ་གྱིས་མི་ཁྱབ་པ་ནི་བརྗོད་ལས་འདས་པའི་ཕྱིར་

(༨༡)

(༨༡)དང་། འདིའི་དབང་གི་སྐབས་སུ་ཡང་ཨོ་རྒྱན་ཆེན་པོའི་སྤྲུལ་པ་འབྱོན་དུས་བྱིན་གྱིས་བརླབ་པར་ཞལ་བཞེས། འདིའི་ལུང་ཚར་གཅིག་ཐོས་པས་ཀྱང་གསུང་རབ་ཡན་ལག་བཅུ་གཉིས་ཐོབ་བ་དང་འདྲ་བར་དབུགས་དབྱུང་། འདིའི་དབང་ཚར་གཅིག་ཐོབ་པས་ཀྱང་གསང་སྔགས་ཐམས་ཅད་ཀྱི་དབང་ཐོབ་པར་མཚུངས་པའི་སྔགས་པ་མཛད་པའི་ཕྱིར་ན་ཉམས་སུ་བླངས་ཤིང་སྤྱི་བོས་བཀུར་ན་ལྟ་ཅི་སྨོས་ཏེ། འདི་ཉིད་ལས། སྨོན་ལམ་གང་ཐེབས་འདི་ཕྲད་དོན་དང་ལྡན༔ བརྒྱད་སྟོང་འགྲེལ་ཆེན་ལས། མདོ་སྡེ་དབྱངས་བསྙད་ལུང་བསྟན་དང་། །ཚིགས་བཅད་ཆེ་བརྗོད་རྟོགས་པ་བརྗོད། །དེ་ལྟར་འབྱུང་དང་གླེང་གཞི་དང་། །ཤིན་ཏུ་རྒྱས་དང་སྐྱེས་རབས་བཅས། །གཏན་ཕབ་རྨད་དུ་བྱུང་བའི་སྡེ། །དེ་ལྟར་རྣམ་པ་བཅུ་གཉིས་ནི། །གསུང་རབ་ཡན་ལག་བཅུ་གཉིས་སོ། །ཞེས་བཤད་དེ་ལུང་གི་ཆོས་ཡིན་ལ། རྟོགས་པའི་ཆོས་ནི་སྐྱེས་བུ་དམ་པ་རྣམས་ཀྱི་ཐུགས་ལ་བཞུགས་པའི་ཕྱིར་རོ། །དེ་སྐད་དུ་མཛོད་ལས། སྟོན་པའི་དམ་ཆོས་རྣམ་གཉིས་ནི། །ལུང་དང་རྟོགས་པའི་བདག་ཉིད་ཅན། །དེ་འཛིན་བྱེད་དང་སྨྲ་བྱེད་དང་། །སྒྲུབ་པར་བྱེད་པ་ཁོ་ནའོ། །ཞེས་གསུངས་སོ། །འདི་མཐོང་ཐོས་རེག་ལས་ཅན་བསྐལ་ཚོགས་བསགས མི་ནུབ་རྒྱལ་བའི་བསྟན་པ་བཟུང་ནས་ཀྱང་༔ མོས་བྱེད་བསྒྲུབས་རྣམས་སངས་རྒྱས་སྨོས་ཅི་དགོས༔ ཞེས་གསུངས་པའི་ཕྱིར་རོ། །འདིར་སྨྲས་པ། ཆུ་ཤེལ་ལྟ་བུའི་པྲ་ནི་དྷཱ་སྨིན་ཞིང་། །འབྱུང་འགྱུར་བཀའ་དཔེ་དྷུ་ཏཱིར་ལྷུང་བ་ལས། །བག་ཆགས་གཉིད་ལ་གཡུར་བའི་རྗེས་ཐོབ་ཏུ། །པདྨ་དབང་ཆེན་ལྷགས་ནས་ལུང་དོན་བསྒྲུབས། ༡ །འདོད་པའི་གྲངས་དང་ལྡན་པའི་བུསྟ་ཀ ཁོ་བོའི་འདྲེན་བྱེད་མ་ལ་དུ་འོངས་པའི་ཚེ། །གཞུང་དོན་སྨྲ་བའི་སྤོབས་བརྙེད་པའི་ཕྱིར། །ལས་འདི་པདྨས་བདག་སྐལ་ཅིས་མ་བཞག ༢ །སྙིང་ཁམས་སྤྱི་རྟོལ་ཅན་གྱི་ཅ་ཅོ་ལ། །ང་ནག་སྤུའི་རྩེ་ཡང་ལྡང་མི་བཟོད། །མདོ་རྒྱུད་ལུང་གིས་མི་སྐྱོབ་འཁྱོན་མའི་གར། །བསྟན་པའི་སྲོག་རྩ་གཅོད་དང་ཕྱོགས་མི་མཚུངས། ༣ །གསུང་གི་དྲེས་སུ་སྣང་བ་ཟུར་ཕུད་ལྔ་པ་ལ་མ་སྐྱེས་དགྲའི་འགྱོད་པ་སོལ་ཅིག་བཀའ་སྩལ་ནས་ང་ཉིད་ཀྱི་བདེ་།།།བྱུང་དེ་ལྟ་བུའོ། །ཞེས་པར་སྐབས་ཀྱི་ཚིགས་སུ་བཅད་

(༨༢)པའོ།། །།བཞི་པ་བསྐྱེད་རིམ་ཐམས་ཅད་ལ་མཁོ་བའི་ཆིངས་གསོ་སྦྱོང་བླང་པའི་མན་ངག་དང་ཐེག་པ་ཆེན་པོའི་མདོ་སྔགས་གཉིས་ཀྱི་སྦྱོར་སོ། །རྡོར་དྲིལ་ཅང་ཏིའུ་ལ་སོགས་པའི་རྣམ་གཞག་རགས་བསྡུས་འཆད་པ་གཉིས་ལས་དང་པོ་ནི། རྡོ་རྗེ་སློབ་དཔོན་མཚན་ཉིད་དང་ལྡན་པའི་དྲུང་དུ་སྨིན་བྱེད་ཀྱི་དབང་བཞི་རྫོགས་པར་ནོད་པའམ། བུམ་དབང་ལ་སོགས་པས་ལྷ་སྒོམ་པའི་སྣོད་དུ་རུང་བར་བྱས་ཤིང་བསྐྱེད་རིམ་ལ་སྒྲོ་འདོགས་ཆོད་པའི་རྣལ་འབྱོར་བ་དམ་ཚིག་དང་སྡོམ་པ་ལ་གནས་བདག་གིས་ལམ་འདིར་འཇུག་པར་བྱ་བའི་ཡུལ་ཡིན་ཏེ། དེ་ལ་བསྙེན་པ། ཉེར་སྒྲུབ། སྒྲུབ་པ། སྒྲུབ་པ་ཆེན་པོ་ལ་སོགས་ཏེ་རང་རང་གི་བགྱི་འོས་རྣམས་སའི་ཚེ་གས་བཟུང་སྟེ་སྒྲུབ་ཆེན་གྱི་ཁོག་འབུབས་དང་མཐོང་བ་བརྒྱུད་པའི་ཕྱག་ལེན་བེ་པོར་གཙང་བ་ཅམ་མ་ཡིན་པར་གཞུང་ནས་བཤད་ཚོད་དང་མཐུན་པའི་རྣམ་པར་དག་པ་བཞིན་ཚོགས་པར་བྱས་རྗེས། ཇི་སྐད་དུ། སྡོམ་གསུམ་ཆོ་ག་མི་ལྡན་པར། །སྔགས་པའི་བདག་ཉིད་མི་འབྱུང་སྟེ། །དང་པོ་སྔོན་འགྲོ་ནས་བརྩམས་ཏེ། །སྡོམ་གསུམ་ཆོ་ག་རབ་ཏུ་བསྔགས། །ཞེས་གསུངས་པ་ལྟར་འདི་མི་དགོས་ཁ་མེད་ཀྱི་གནད་གལ་པོ་ཆེ་ཡིན་པས། དེ་ཕྱིར་ཉམས་ཆག་གསོ་བའི་སླད་དུ་ཐུགས་གཏེར་ཆེན་པོ་གྲོལ་ཐིག་དགོངས་པ་རང་གྲོལ་ལས་གསུངས་པའི་བསྙེན་གནས་གསོ་སྦྱོང་བླང་བ་འདི་ཉིད་བྱ་སྟེ། དེ་ཉིད་ལས། ཆོ་གར་འཇུག་པ་གང་ཡིན་པ ཁྲུས་བྱས་ལུས་ངག་དགེ་བས་ནི སངས་རྒྱས་མདུན་དུ་གནས་བྱས་ཏེ སྐྱོ་བའི་ཡིད་དུ་གྱུར་པ་ཡིས ཐལ་མོ་སྦྱར་ཏེ་ནོངས་པ་རྣམས རྫོགས་སངས་རྒྱས་ཀྱིས་མཁྱེན་པ་བཞིན༔ ཡང་ནས་ཡང་དུ་སོ་སོར་བཤགས སླན་ཆད་མི་བགྱིད་དམ་བཅས་ནས ཞེས་གསུངས་པ་ལྟར་བསྙེན་སྒྲུབ་པ་ཀྱི་རིགས་མཐའ་དག་ལ་འཇུག་ཁར་སྒྲུབ་པ་པོ་ཁྲུས་བྱས། རྟེན་གསུམ་རྣམ་དག་ལ་མཆོད་འབུལ་དང་བཅས་དབང་པོ་དག་སོལ་ཞིང་སྡོམ་པ་ཞུ་བའི་ཡུལ་དུ་བྱས་ལ་ཐལ་མོ་སྙིང་གར་སྦྱར་ལ་ཚིག་དོན་དྲན་པས། འཇིག་རྟེན་དག་གི་ཕྱོགས་ཀུན་ན༔ དེ་བཞིན་གཤེགས་པ་གང་བཞུགས་དང་༔ དགྲ་

(༨༣)བཅོམ་བྱང་ཆུབ་སེམས་དཔའ་རྣམས༔ དེ་དག་བདག་ལ་དགོངས་སུ་གསོལ༔ སྲོག་ཆགས་སྡུག་བསྔལ་ཞི་བའི་ཕྱིར༔ བདག་ཉིད་ཇི་སྲིད་འཚོ་བར་དུ༔ སངས་རྒྱས་ཆོས་དང་དགེ་འདུན་ལ༔ གུས་པས་ཡང་དག་སྐྱབས་སུ་མཆི༔ ལྷག་པར་ཉ་སྟོང་བརྒྱད་རྣམས་སུ༔ དེང་ནས་སྲོག་གཅོད་མི་བྱ་ཞིང་ གཞན་གྱི་ནོར་ཡང་བླང་མི་བྱ༔ འཁྲིག་པའི་ཆོས་ཀྱང་མི་བྱ་སྟེ༔ རྫུན་གྱི་ཚིག་ཀྱང་མི་སྨྲའོ༔ སྐྱོན་ནི་མང་པོ་ཉེར་བསྟེན་པའི༔ ཆང་ནི་ཡོངས་སུ་སྤང་བར་བྱ༔ ཁྲི་སྟན་མཐོན་པོ་མི་བྱ་ཞིང་༔ དེ་བཞིན་དུས་མ་ཡིན་པའི་ཟས༔ དྲི་དང་འཕྲེང་བ་དང་ནི་རྒྱན༔ གར་དང་གླུ་སོགས་སྤང་བར་བྱ༔ ཇི་ལྟར་དགྲ་བཅོམ་རྟག་ཏུ་ནི༔ སྲོག་གཅོད་ལ་སོགས་མི་བྱ་ལྟར༔ དེ་ལྟར་བཅས་དང་རང་བཞིན་སྤོང་༔ ཡིད་ནི་གཞན་དུ་མ་གྱུར་དང་༔ བསམ་པ་མང་པོ་མ་ཡིན་པར༔ མི་ཚངས་ཆང་སོགས་ཀུན་སྤངས་ནས༔ སྒྲིམས་པ་ཀློང་བར་མི་བྱའོ༔ སྔོན་གྱི་འཕགས་པ་དགྲ་བཅོམ་ལྟར༔ རིམ་གྱིས་བྱང་ཆུབ་མྱུར་ཐོབ་ཤོག༔ ཅེས་ཆོ་ག་འདི་ཉིད་ལན་གསུམ་གྱི་བར་དུ་ཡིད་དམ་བརྟན་པས་ལེགས་པར་བླངས་ན༔ སླར་བསླབ་སྡོམ་མ་ཐོབ་པའམ༔ ཐོབ་ནས་ཉམས་པ་སོགས་ཡོད་ཀྱང་གསོ་བའི་ཐབས་ཁྱད་པར་ཅན་དུ་འགྱུར་ཞིང་། བསྟན་པ་ལ་རང་དགར་འཇུག་པ་དང་། སྒྲུབ་པ་དོན་མེད་དུ་མ་འགྱུར་བའི་མན་ངག་བླ་ན་མ་མཆིས་པ་ཞིག་ཡིན་པས་གཟུར་གནས་ཀྱི་བློ་ལྡན་རྣམས་འདི་ཉིད་ལ་དོ་གལ་དུ་མཛད་པ་ཅི་ནས་ཀྱང་འཚལ་ལོ། །ཅིའི་ཕྱིར་སྙམ་ན། ད་ལྟ་སྔགས་ལམ་ལ་འཇུག་པ་ཕལ་གྱིས་སྡོམ་པ་འོག་མ་གཉིས་སུན་ཕྱུང་ནས་གོང་མ་ལ་རྫོགས་པ་ལྟར་འདོད་ཀྱང་ནོར་ས་རྔམ་པོ་ཆེ་ཡིན་ཏེ། དཔེར་ན་ཉི་ཟླ་སྐར་མ་གསུམ་དུས་གཅིག་ཏུ་ཚོགས་པ་ན་གཅིག་གིས་གཅིག་ངག་ལ་ཞབ་ལྟར་སྣང་ཡང་དོན་ལ་རང་མདངས་ཉམས་པ་མེད་དོ། །དེས་ན་སྡོམ་པ་གསུམ་ཡང་ལྡན་དུ་ཡོད་པའི་གནད་

(༨༤)མ་གོ་བཞིན་དུ་གནས་འགྱུར་བར་འདོད་པ་སོགས་རྩ་ལྟུང་གི་བསྒྲུབ་གཞི་ཁོ་ན་ལས་མ་འདས་ཏེ། དེའི་རྣམ་དབྱེ་ཇི་བཞིན་བར་དབོགས་པར་འདོད་ན་ཀུན་མཁྱེན་ཆེན་པོའི་བསྟན་བཅོས་ཤིང་རྟ་རྣམ་དག་ལས་དཔྱད་བཟོད་པ་མེད་དོ། །དེ་ནི་སྔགས་དང་ཕར་ཕྱིན་གྱི་འོག་པའི་གལ་འདུ་ཅན་དུ་མི་འཛིན་པར་ལྟོ་སྦྱར་བའི་མན་ངག་རིག་འཛིན་བརྒྱུད་པའི་ཞལ་ལུང་བཞིན་དུ་འཆད་པར་བྱ་སྟེ། ཀུན་མཁྱེན་ཆོས་ཀྱི་རྒྱལ་པོས། དེ་ཡང་དབང་བསྐུར་བ་ཐོབ་ནས་རིམ་གཉིས་སྒོམ་པ་ལ་ཞུགས་པ་ནི་ཚོགས་ལམ་ཆུང་ངུར་ཚུད་པའོ། །ཞེས་གསུངས་པོ་ལྟར་ཕར་ཕྱིན་ཐེག་པ་དང་ཆོས་མཚུངས་པར་དང་པོ་བྱང་ཆུབ་མཆོག་ཏུ་སེམས་སྐྱེད་པ་ནས་བཟུང་སྟེ་བསྐལ་བ་གྲངས་མེད་གསུམ་དུ་ཚོགས་བསགས་པའི་མཐར་མངོན་པར་རྫོགས་པར་འཚང་རྒྱ་ལ་ཐུག་གི་བར་ལམ་ཁྱད་མྱུར་བུལ་གྱིས་བཞག་པ་སྟེ། གསང་སྔགས་བསྐྱེད་རྫོགས་ཀྱི་སྐབས་སུ་འདི་ལྟར་ཤེས་པར་བྱ་སྟེ། སྒྲུབ་ཐབས་ཀུན་གྱི་ཐོག་མར་སྐྱབས་འགྲོ་སེམས་བསྐྱེད་བྱ་བ་ནི། དང་པོ་བྱང་ཆུབ་མཆོག་ཏུ་སེམས་བསྐྱེད་པ་དང་ཆོས་མཚུངས། དེ་ནས་ཡན་ལག་བདུན་པ་དང་མཎྜལ་ལ་སོགས་པ་ནི་བསྐལ་གྲངས་མེད་གསུམ་དུ་ཚོགས་བསགས་པ་དང་འདྲ། བགེགས་འདུལ་བ་དང་སྡུང་འཁོར་སྒོམ་པ་ནི་སྲོད་ལ་བདུད་བཏུལ་བ་དང་ཆོས་མཚུངས། གཞལ་ཡས་ཁང་བསྐྱེད་པ་ནི་མ་དག་པའི་སྣོད་འོག་མིན་དུ་བྱིན་གྱིས་བརླབ་པ། རིམ་གཉིས་ཀྱི་ལམ་དངོས་གཞིའི་སྐབས་ལུས་ལྷར་སྒོམ་ཞིང་གཡོ་མེད་དུ་གནས་པ་ལུས་དྲན་པ་ཉེར་གཞག །ཚོགས་དྲུག་ཐམས་ཅད་ཀྱི་དཀྱིལ་འཁོར་གསུམ་དུ་རོལ་བས་ཚོར་བ་དྲན་པ་ཉེར་གཞག །སེམས་དང་སེམས་བྱུང་གི་ཨ་མཐས་རགས་པ་ཞིབས་སེམས་དྲན་པ་ཉེར་གཞག །སྣང་སྲིད་ཐམས་ཅད་ཆོས་ཉིད་ཀྱི་རང་བཞིན་དུ་ཤེས་པས་ཆོས་དྲན་པ་ཉེར་གཞག་སྟེ་ཚོགས་ལམ་ཆུང་ངུ་དང་། རིམ་བཞིན་བརྟན་པ་རྗེ་ཐོབ་ལ་སོང་བས་ཚོགས་ལམ་འབྲིང་དུ་འཕོས་ཏེ་ཡང་དག་སྤོང་བ་བཞི་འགྲུབ་སྟེ། རྣམ་རྟོག་དང་ཉོན་མོངས་

(༨༥)པ་ཨ་འཐས་ཀྱི་རྗེས་སུ་མེ་འབྲང་བས། མི་དགེ་བའི་ཆོས་མི་སྐྱེ་བ་དང་སྐྱེས་པ་སྤོང་བ་གཉིས་ཀ་འགྲུབ། བསྐྱེད་རྫོགས་ཀྱི་རྣལ་འབྱོར་དང་མ་བྲལ་བས་དགེ་བའི་ཆོས་མ་སྐྱེས་པ་བསྐྱེད་པ་དང་སྐྱེས་པ་སྤེལ་བ་གཉིས་ཀ་འགྲུབ། དེ་བཞིན་དུ་རིམ་པར་ཚོགས་ལམ་ཆེན་པོའི་རྫུ་འཕྲུལ་གྱི་རྐང་བཞི་ངང་གིས་འབྱུང་སྟེ། བསྐྱེད་རྫོགས་ཀྱི་དོན་ལ་སྐད་ཅིག་ཡང་མེད་དུ་དྲན། དེ་ལ་རྩེ་གཅིག་ཏུ་འདུན། དེའི་རྣམ་རོལ་ལ་རྟོག་ཅིང་དཔྱོད། དེའི་ངོ་བོ་སེམས་དང་ཐ་དད་མེད་པར་ཀློང་དུ་གྱུར་པའི་མཐུས། རླུང་སེམས་ལས་རུང་གི་རྫུ་འཕྲུལ་འགའ་ཞིག་ཀྱང་ཐོབ་པ་སྟེ། གཏེར་ཆེན་ཐམས་ཅད་མཁྱེན་པས་ཀྱང་། །དེ་ཡང་དྲན་པ་ཉེར་གཞག་ཤེས་རབ་དང་། །ཡང་དག་སྤོང་བཞིའི་བརྩོན་འགྲུས་རྩོམ་པ་དང་། །རྫུ་འཕྲུལ་རྐང་པའི་ཏིང་འཛིན་ལ་གནས་པས། །དང་པོར་ཚོགས་ཀྱི་ལམ་ལ་འཇུག་པར་ཤོག །ཅེས་གསུངས་པའི་དོན། དེ་བཞིན་དུ་སྦྱོར་ལམ་དྲོད་དང་རྩེ་མོ་གཉིས་ལ་དབང་པོ་ལྔ་འབྱུང་བར་གསུངས་པ་དང་མཐུན་པས། བརྟན་པ་ཆེར་ཐོབ་པས་ལས་དང་པོ་བའི་བཅོས་མ་དང་མི་འདྲ་བར། ཤུགས་འབྱུང་གི་དད་པ། བརྩོན་འགྲུས། དྲན་པ་ཏིང་ངེ་འཛིན། ཤེས་རབ་རྣམས་སྐྱེ། སྦྱོར་ལམ་བཟོད་པ་དང་ཆོས་མཆོག་གི་སྐབས་སུ། དབང་པོ་ལྔ་དེ་རྐྱེན་གྱིས་མི་འཕྲོག་པར་བསྐྱེད་རིམ་གསལ་བརྟན་གྱི་ཚད་གྲངས་ཅན་རྣམས་ཐོབ་ཅིང་། འཕེལ་འགྲིབ་དང་སྐྱེ་འབྲི་ལ་སོགས་མི་འབྱུང་བར་སྟོབས་སུ་གྱུར་པ་ལ། དད་པའི་སྟོབས་བརྩོན་འགྲུས་ཀྱི་སྟོབས་ལ་སོགས་སུ་འགྱུར་རྩིས་པའི་སྟོབས་ལྔ་པོ་རྒྱུད་ལ་སྐྱེས་ནས་མཉམ་གཞག་ལ་ཉིན་མཚན་ཁོར་ཡུག་ཏུ་བརྟན་པ་ཐོབ་ཅིང་། ལུས་ཕྱི་ནང་གི་འབུ་སྲིན་བྱང་བ་ལ་སོགས་སྦྱོར་ལམ་དུ་གནས་པར་འགྱུར་ཏེ། གཏེར་ཆེན་ཐམས་ཅད་མཁྱེན་པས། པྲཛྙར་སྨི་རྩལ། དྲོད་དང་རྩེ་མོ་བཟོད་དང་ཆོས་མཆོག་ཏུ། །དད་བརྩོན་དྲན་པ་ཏིང་འཛིན་ཤེས་རབ་སོགས། །དབང་

(༨༦)པོ་ལྔ་དང་སྟོབས་ལྔའི་རང་བཞིན་གྱིས། །ཐེག་ཆེན་སྦྱོར་བའི་ལམ་ལ་གནས་པར་ཤོག །ཅེས་གསུངས་པ་ལྟར་རོ། །དེ་ལྟར་བསྐྱེད་རྫོགས་ཟབ་མོའི་ཐབས་ཁྱད་པར་ཅན་གྱིས་ཟིན་པས་དམིགས་པ་མི་བརྗེད་པའི་དྲན་པ། ཆོས་རབ་ཏུ་འབྱེད་པའི་ཤེས་རབ། མངོན་པར་སྤྲོ་བའི་བརྩོན་འགྲུས། བདེ་སྟོང་གཉིས་མེད་ཀྱི་དགའ་བ། ལུས་དང་ཆོས་ཐམས་ཅད་མཉམ་པ་ཉིད་དུ་རྟོགས་པའི་བཏང་སྙོམས། དེ་ལ་བརྟེན་ནས་ལུས་ངག་ཡིད་གསུམ་གྱི་ཉེས་སྐྱོན་མཐའ་དག་བྱང་བས་ཤིན་ཏུ་སྦྱངས་པ་བྱང་ཆུབ་ཀྱི་ཡན་ལག་རྣམས་ལ་དབང་ཐོབ་སྟེ་མཐོང་ལམ་སྤྲོས་བྲལ་གྱི་བདེན་པ་མཐོང་ནས་ས་དང་པོ་ལ་གནས་པས་མི་བརྗེད་པའི་གཟུངས་དང་། ཏིང་ངེ་འཛིན་གྱི་སྒོ་མང་པོ་ལ་དབང་ཐོབ་པའི་གནས་སྐབས་དེ་གཏེར་ཆེན་ཐམས་ཅད་མཁྱེན་པས། དྲན་དང་ཆོས་རབ་རྣམ་འབྱེད་བརྩོན་འགྲུས་དང་། །དགའ་དང་ཤིན་ཏུ་སྦྱངས་དང་ཏིང་ངེ་འཛིན། །བཏང་སྙོམས་བྱང་ཆུབ་ཡན་ལག་བདུན་བསྒོམས་པས། །མཐོང་ལམ་ལ་གནས་རབ་དགའི་ས་ཐོབ་ཤོག །ཅེས་གསུངས་པའི་དོན་ནོ། །དེ་ལས་ཡང་དག་པའི་ལྟ་བ་དང་། ཡང་དག་པའི་རྟོག་པ་ལ་སོགས་ཏེ་རྫོགས་རིམ་ཁོ་ན་གཙོ་ཆེ་བ་བསྒོམས་པས་སྤྲོས་བྲལ་གྱི་ངང་དུ་སྒོམ་པའི་ལམ་འཕགས་ལམ་ཡན་ལག་བརྒྱད་ཤུགས་ལ་རྫོགས་ཏེ་ས་དགུའི་ཡོན་ཏན་མངོན་དུ་གྱུར་ནས། ས་བཅུ་རྒྱུན་མཐའི་སྐབས་སུ་གནས་ངན་ལེན་གྱི་ཤེས་སྒྲིབ་ཕྲ་མོ་ཡོད་པར་གསུངས་པ་རྡོ་རྗེ་ལྟ་བུའི་ཏིང་ངེ་འཛིན་གྱིས་ཅིག་ཅར་དུ་བཅོམ་ནས་རྒྱུའི་ཐེག་པའི་ས་མཐའ་ལ་མྱུར་དུ་རེག་པ་སྟེ། གཏེར་ཆེན་ཐམས་ཅད་མཁྱེན་པས། ལྟ་དང་རྟོགས་དང་ངག་དང་ལས་མཐའ་དང་། །འཚོ་དང་རྩོལ་དང་དྲན་དང་ཏིང་འཛིན་དང་། །འཕགས་པའི་ལམ་གྱི་ཡན་ལག་བརྒྱད་བསྒོམས་ནས། །སྒོམ་པའི་ལམ་དུས་བཅུ་བགྲོད་པར་ཤོག །ཅེས་གསུངས་པ་བཞིན་ནོ། །དེ་ལྟར་བྱང་ཆུབ་སེམས་དཔའི་ས་མཆོག་

(༨༧)རྣམས་མཐར་ཕྱིན་ནས་མི་སློབ་པའི་ལམ་མངོན་དུ་གྱུར་ཏེ། གཞི་དང་ལམ་གྱི་འོད་གསལ་གཅིག་ཏུ་གྱུར་པས་སྔགས་ལམ་གྱིས་ཁྱད་པར་ཅན་རྣམས་གཞི་འབྲས་དབྱེར་མེད་ཀྱི་ངང་དུ་གནས་བསྒྲུབ་བྱའི་ལྷ་དང་སྒྲུབ་བྱེད་ཀྱི་རྣལ་འབྱོར་པ་དབྱེར་མེད་ངོ་བོ་ཉིད་དུ་ལྷུན་གྱིས་གྲུབ་པ་ཐོ་རངས་མངོན་པར་རྫོགས་པ་སངས་རྒྱས་པ་དང་མཚུངས་ཏེ། ཀུན་མཁྱེན་ཆོས་ཀྱི་རྒྱལ་པོས། རྒྱུད་སྡེ་རྣམས་སུ་བསྐྱེད་པའི་རིམ་པ་གཉིས་ཀྱིས་ཚོགས་གཉིས་བསྒྲུབས་པས་དཀྱིལ་འཁོར་དུ་སངས་རྒྱ་བ་ཡིན་ནོ། །ཞེས་གསུངས་ཤིང་། ས་ཆོད་ཚུལ་འདི་དག་སྔགས་དང་ཕར་ཕྱིན་གྱི་ཐེག་པ་སོ་སོའི་དབང་གི་ལུགས་ཇི་བཞིན་དུ་ཁྱད་པར་གྱིས་ཕྱེ་ནས་བཤད་པ་ལས། དོན་དུ་ནི་དག་པ་ཉིས་ལྡན་གྱི་ཚེ་སྐྱོན་ཀུན་ཟད་ཡོན་ཏན་ཀུན་རྫོགས་ཀྱི་སངས་རྒྱས་སུ་མཉམ་པ་ལས་མ་འདས་ཕྱིར་འབྲས་བུ་ལ་མཆོག་དམན་ཡོད་པར་མི་བཟུང་ཞིང་། སའི་དབྱེ་བསྡུའི་ཁྱད་པར་ཡིན་པ་ཤེས་པར་བྱ་ལ། དེ་ཡང་ལུགས་སྲོལ་འདི་ལ་རིག་འཛིན་རྣམ་པ་བཞིའི་འགྲོས་ཀྱི་རྣམ་པར་གཞག་པའི་ཚེ་ནི། སྐྱེ་འཆི་ལ་རང་དབང་མ་ཐོབ་པ་རྣམ་པར་སྨིན་པའི་རིག་འཛིན་ནི་དང་པོ་ཚོགས་ལམ་དང་སྦྱོར་ལམ་གཉིས་སུ་བསྐྱེད་རྫོགས་ལ་གོམས་པར་བྱས་ནས་བར་དོར་ཕྱག་རྒྱ་ཆེན་པོའི་དངོས་གྲུབ་ཐོབ་པ་དང་། སྐྱེ་འཆི་ལ་རང་དབང་ཅན་ཚེ་དབང་གི་རིག་འཛིན་པདྨ་འབྱུང་གནས་དང་། བི་མ་ལ་ལྟ་བུ་ནི་ཆོས་མཆོག་ཆེན་པོ་མཐར་ཕྱིན་ནས་མཐོང་ལམ་བསྒོམས་ནས་སྐྱེ་ཤིའི་མིང་ཡང་མེད་པར་བྱེད་པ་དང་། ཕྱག་རྒྱ་ཆེན་པོའི་རིག་འཛིན་ནི་ས་གཉིས་པ་ནས་བཅུ་པའི་བར་སྒོམ་ལམ་དུ་ལུས་དཀྱིལ་ཉམས་སུ་བླངས་ནས་དྲི་མ་ཕྲ་མོ་སྤྱོད་པ་དང་། མཐར་ཕྱིན་ལྷུན་གྱིས་གྲུབ་པའི་རིག་འཛིན་ནི་སངས་རྒྱས་ཀྱི་ས་ཁོ་ནར་ངེས་ཏེ། ཇི་སྐད་དུ། སྔ་མའི་རིགས་ལ་མཐུ་རྫོགས་པས། །བཤད་པ་བཞིན་དུ་དྲི་མ་

(༨༨)སྦྱངས། །སངས་རྒྱས་པ་ཡི་ཤེས་རབ་གསུམ། །ལྷུན་གྱིས་གྲུབ་པའི་རིགས་སུ་འབྱུང་། །བཞེས་བཤད་པའི་ཕྱིར་རོ། །འདིར་མངོན་པའི་ང་རྒྱལ་ཅན་དག་གིས། །རྣལ་འབྱོར་ཆེན་པོའི་ལུགས་ཀྱི་བསྐྱེད་རིམ་གྱི་རྣམ་བཤད་དུ་རྗེས་སུ་རྣལ་འབྱོར་ཕྱི་སྤྲོས་བཅས་ཀྱི་རྫོགས་རིམ་ཐབས་ལམ་གྱིས་རྩ་མདུད་གྲོལ་བས་ས་ལམ་ཆོད་ཚུལ་གྱིས་རྒྱས་འགེབས་བྱེད་པ་དེང་སང་ཁ་ཅིག་སྣང་གི་ཞྭ་ལ་ལྷྭམ་དཔེ་འགེབས་པ་ཤིན་ཏུ་མགོ་རྨོངས་པ་ཙམ་དུ་ཟད་དོ། །དེ་ཡང་གཏེར་ཁ་འདི་ཁའི་རང་སྐད་ལ། སྦྱོར་ལམ་ལ་སོགས་པའི་ལམ་བཞི་དང་བསྙེན་སྒྲུབ་ཡན་ལག་བཞིའི་འགྲོས་སྦྱར་ནས་གསུངས་ཏེ་དོན་དུ་སྒྲུབ་པ་ཆེན་པོ་གཅིག་གི་ལམ་དུ་བཞག་པའི་ཕྱིར་བཤད་མ་ཐག་པ་དང་འགྲོས་གཅིག་སྟེ་ཞིབ་པར་ནི་གཏེར་ཁ་འདི་ཉིད་ཀྱི་དམར་ཁྲིད་དོན་བསྡུས་ལས་གསལ་ལེ། དེ་ལྟར་སྔ་མའི་འཕྲོ་ལས། དབང་བསྐུར་བ་ནི་ཁམས་གསུམ་ཆོས་ཀྱི་རྒྱལ་པོར་མངའ་གསོལ་བ་དང་མཚུངས། བདུད་རྩི་མྱང་བ་སོགས་ནི། ཚོང་དཔོན་ག་གོན་དང་བཟང་པོ་གཉིས་ཀྱིས་སྦྲང་རྩི་ཕུལ་བ། མཆོད་བསྟོད་དང་སྒྲུབ་ཛཔྲ་བསྐུལ་བ་ནི། ཚངས་པ་དང་བརྒྱ་བྱིན་གྱིས་ཆོས་འཁོར་ལོ་བསྐོར་བར་གསོལ་བ་བཏབ་པ། བཟླས་པའི་ངང་ལས་ཕྲིན་ལས་རྣམ་པ་བཞིའི་སྒོ་བརྒྱ་འབྱེད་ཅིང་སྤྲོ་བསྡུ་བྱ་བ་ནི་ཆོས་འཁོར་རིམ་པར་བསྐོར་བ། མཐར་དཀྱིལ་འཁོར་བསྡུས་ཏེ་འོད་གསལ་གྱི་ངང་ལ་མཉམ་པར་བཞག་པ་ནི་སྐུ་མྱ་ངན་ལས་འདས་པའི་ཚུལ་བསྟན་པ། སླར་ཡང་རྫོགས་རིམ་གྱི་འོད་གསལ་རྗེས་ཐོབ་སྒྱུ་མའི་ལྷ་སྐུར་ལངས་ཏེ་དཀྱིལ་འཁོར་གསུམ་གྱི་ངང་ནས་སྤྱོད་ལམ་ལ་འཇུག་པ་ནི། མཛད་པ་ཕྲིན་ལས་ཀྱིས་ཇི་སྲིད་འཁོར་བ་མ་སྟོངས་ཀྱི་བར་དུ་རྒྱུན་ཆད་མེད་པར་འགྲོ་བ་སེམས་ཅན་གྱི་དོན་མཛད་པ་དང་ཚུལ་མཚུངས་པ་ཡིན་ནོ། །གཉིས་པ་བཅང་བའི་དམ་ཚིག་ཆེན་པོ་མེད་དུ་མི་རུང་བའི་རྡོར་དྲིལ་ཅང་ཏེའུ་གསུམ་གྱི་རྣམ་གཞག་སྤྲོས་པ་ཉེར་བསྡུས་སུ་

(༨༩)བཤད་པ་ལ་བཞི་སྟེ། རྡོ་རྗེའི་རྣམ་གཞག །དྲིལ་བུའི་རྣམ་གཞག །ཅང་ཏེའུའི་རྣམ་གཞག །དེ་དག་ལ་ལྷག་གནས་བྱ་ཞིང་བཅང་ཚུལ་ལོ། །དང་པོ་ལ་གསུམ། ཚད་དང་མཚན་ཉིད་དག་དྲན་ནོ། །དང་པོ་ལ་གཉིས། མཚོན་བྱ་དོན་གྱི་རྡོ་རྗེ་དང་། །མཚོན་བྱེད་རྟགས་ཀྱི་རྡོ་རྗེའོ། །དང་པོ་ནི། རྒྱལ་བའི་ཐུགས་གཉིས་སུ་མེད་པའི་ཡེ་ཤེས་ལ་བྱ་ཡི། དེས་མཚོན་པར་གསུང་དང་སྐུ་རྡོ་རྗེའི་རྣམ་རོལ་ལ་ཡང་བྱ་ཞིང་། སྒྲུབ་པ་པོའི་གསང་བའི་རྡོ་རྗེ་བྱིན་གྱིས་བརླབས་ཤིང་མངོན་པར་འདུ་བྱས་པ་ལ་གསང་བའི་རྡོ་རྗེ་ཞེས་གསུངས་སོ། །གཉིས་པ་ནི་ཌཱཀྐིས་མུ་དྲ་ལས། རྩེ་དགུ་རྩེ་མོ་གཅིག་པ་དང་། །རྩེ་ལྔ་རྩེ་མོ་གསུམ་པ་ཅན། །དེ་ལྟར་ལ་སོགས་དྲིལ་བུ་ཆེ། །རྩེ་མོ་སྟོང་གི་བར་དུའོ། །ཞེས་རྟགས་ཀྱི་རྡོར་དྲིལ་གཉིས་ག་རྩེ་མོ་གཅིག་པ་ནས་སྟོང་གི་བར་དུ་ཡོད་པར་བཤད་ལ། དེ་ཡང་གྲགས་ཆེ་བར་རྩེ་མོ་དགུ་པ་དང་། ལྔ་པ་གཉིས་སུ་སྣང་ཞིང་དེ་གཉིས་ བི་ཏོ་ཏམ་འབུར་ལྡེའི་རྒྱུད་ལས། གསེར་སོགས་ལས་རྒྱས་རྡོ་རྗེ་ནི། །རྩེ་གསུམ་རྩེ་ལྔ་རྩེ་དགུ་པ། །ཆང་བཟུང་རྩ་གསུམ་མཛེས་པའི་ཚད། །ཅེས་དང་། ལུགས་གསུམ་དོན་ཀུན་བསྒྲུབ་པར་ཤིས། །ཞེས་རྩགས་གསུམ་སྤྱིར་བཏང་དུ་བཤད་ནས། སེང་ལྡིང་དཔལ་དང་ཚེ་རྒྱས་བྱད། །ཅེས་པ་ན། ཀླུ་ཤིང་རྩ་བ་ལས་བྱས་པས། །ཀླུ་རྣ་བས་དབང་དུ་སྡུད་པར་བྱེད། །ཅེས་པའི་བར་གྱིས་བྱེ་བྲག་གི་རྒྱུ་བསྟན་པ་ཡིན་ཏེ་མཁོ་ཆུང་བས་མ་སྤྲོས་སོ། །ཀྱི་རྩེ་དགུ་པར་ཡེ་ཤེས་ཀྱི་རྡོར་དྲིལ་ཞེས་འབོད་ལ། བཛྲ་ཌཱཀྐི་ལས། རྩེ་དགུ་ཞེས་ནི་བྱ་བ་ཡིས། །ཡེ་ཤེས་རྡོ་རྗེ་འགྲོ་བ་སྒྲོལ། །ཞེས་དང་། རྩེ་ལྔ་བར་དམ་ཚིག་གི་རྡོར་དྲིལ་ཞེས་འབོད་ལ། དམ་ཚིག་རྡོ་རྗེའི་མཚན་ཉིད་དེ། །ཞེས་གསུངས་ཤིང་དེ་དག་ལ་ཡང་ཞི་དྲག་གི་དབྱེ་བས་རྭ་གདེངས་པ་དང་། བུམ་པ་ལ་སོགས་ཏེ་རྣམ་གཞག་ཤིན་ཏུ་རྒྱས་པར་འབྱུང་སྟེ་འདིར་ཡི་གེ་མངས་སོ། །གཉིས་པ་ནི། སམྦུ་ཊ་ལས། ཆ་གསུམ་བཟུང་བའི་གནས་གསལ་ཞིང་། །ཞེས་དང་། བཛྲ་

(༩༠)ཛ་ཀིར། ཆ་གསུམ་དག་ནི་བཟུང་ནས་སུ། །ཞེས་མཐུ་དཔལ་གསུངས་པ་ལྟར་དབུས་ཀྱི་ཆང་བཟུང་ཆག་ཅིག །ངོས་གཉིས་ཀྱི་རྭ་སོ་སོའིསྲིད་ཆ་རེ་རེར་མཉམ་པའི་ཆ་གསུམ་ལ་ཆུ་ཞེང་གབ་པའི་ཚད་བཞག་པ་སྟེ། གཞན་དུན་རྒུད་ཚད་སོར་བཞིན་ས་ཆེ་ཚད་སོར་ཉི་ཤུའི་བར་བཤད་པས་མཐའ་མ་བཀག་ཅིང་དེ་དང་མཐུན་པའི་དྲིལ་བུ་བྱ་བའོ། །གཞན་ཡང་རྭ་དབུས་མའི་ཟུར་གྱི་ཁ་གྲངས་དང་སྐེད་དཀྲིས། རྭ་གཞན་པ་རྣམས་ཀྱི་སྦོམ་ཕྲའི་ཆ་འབྱེད་དང་གུག་མཚམས་རྭའི་འོག་གི་པད་འདབ་ཟླ་དཀྱིལ་སྐ་རགས་ལ་སོགས་པ་ བི་ཏོ་ཏ་མར། སོར་བཞི་བ་རྒྱུད་དང་བཅུ་བཅུ་གཉིས་ཉི་ཤུ་དག་ལས་རིང་ཉུང་མིན། །ཞེས་བཤད་དོ། །དག་ལ་རྣམ་གཞག་ཤིན་ཏུ་ཞིབ་པ་འབྱུང་ཕྱིར་གསར་དུ་བཟོ་བ་ལྟ་བུའི་ཚེ་རྒྱུད་སྡེའི་དགོངས་པ་དང་བསྟུན་པ་ལས་གང་དྲན་གྱ་ཆོམས་སུ་མི་བྱའོ། །གསུམ་པ་དག་དྲན་ལ་གཉིས། རྭ་ལྔ་པ་དང་། རྭ་དགུ་པའོ། །དང་པོ་ནི། རྡོ་རྗེ་རྩེ་ལྔ་པའི་སྟེང་གི་རྭ་རྣམ་སྣང་དབུས་དང་། མི་བསྐྱོད་པ་ཤར་ལ་སོགས་ཏེ་རིམ་པར་བཀོད་པའི་དེ་བཞིན་གཤེགས་པ་ལྔ་རྣམ་པར་དག་པའི་ངོ་བོར་མོས་པ་དང་། སྟེང་གི་པད་འདབ་བརྒྱད་ནི་འཕགས་ལམ་ཡན་ལག་བརྒྱད་ཀྱི་རང་བཞིན་བྱང་ཆུབ་སེམས་དཔའ་བརྒྱད་དང་། དེ་ཡང་དགོད་ཚུལ་ནི་ཤར་གྱི་པང་འདབ་ལས་སྙིང་དང་བྱམས་པ། ལྷོར་ཕྱག་རྡོར་དང་ནམ་སྙིང་། ནུབ་ཏུ་སྤྱན་རས་གཟིགས་དང་འཇམ་དཔལ། བྱང་དུ་སྒྲིབ་སེལ་དང་ཀུན་བཟང་དགོད་པར་བྱའོ། །འོག་གི་པད་འདབ་བརྒྱད་ཀྱི་ཤར་དུ་རྡོ་རྗེ་ལྕགས་ཀྱུ་མ། ལྷོར་ཞགས་པ་མ། ནུབ་ཏུ་ལྕགས་སྒྲོག་མ། བྱང་དུ་དྲིལ་བུ་མ་བཞེད་ཤར་ལྷོ་ནས་བརྩམས་ཏེ་མཚམས་བཞིར་རིམ་པར་ཙུན་དྷ་དང་། རིན་ཆེན་སྒྲོལ་མ་དང་། རྡོ་རྗེ་ལུ་གུ་རྒྱུད་དང་། གཞན་གྱིས་མི་ཐུབ་མ་བཞི་རྣམ་པར་དག་པའམ། དེ་དག་གི་རང་བཞིན་དུ་བསམ། རྭ་འོག་མ་ལྔ་ལ་དབུས་སུ་དབྱིངས་ཕྱུག་

(༩༡)མ། ཤར་དུ་མཱ་ཀཱི། ལྷོར་སྤྱན་མ། ནུབ་ཏུ་གོས་དཀར། བྱང་དུ་སྒྲོལ་མ་སྟེ་ཡུམ་ལྔའི་རང་བཞིན་དུ་མོས་པའོ། །སྟེང་འོག་གི་རྭ་གཉིས་ཀའི་དབུས་ཀྱི་ལྟེ་བའི་ནང་དུ་རྡོ་རྗེ་སེམས་དཔའ་མོས་པའམ། དེ་ཉིད་རྣམ་དག་གི་རང་བཞིན་དུ་བསམ་མོ། །གཉིས་པ་ཆ་དགུ་པའི་དག་དྲན་ནི། བཛྲ་ཌཱཀྐིར། ཕྱོགས་དང་ཕྱོགས་མཚམས་བརྒྱད་དང་ནི། །དབུས་མ་ཉིད་དང་སངས་རྒྱས་དགུ། །ཞེས་གསུངས་པ་ལྟར་སྟེང་གི་ཕྱོགས་ཀྱི་རྭ་བཞི་པོ། རྣམ་སྣང་ལ་སོགས་པ་བཞི་དང་། མཚམས་ཀྱི་རྭ་བཞི་སྤྱན་མ་ལ་སོགས་པ་བཞི་དང་། དབུས་རྭ་རྡོ་རྗེ་མི་བསྐྱོད་པ་སྟེ། དེ་བཞིན་དུ་ལོག་གི་རྭ་ཕྱོགས་མཚམས་བརྒྱད་ནི་སྔར་བཤད་མ་ཐག་པའི་བྱང་ཆུབ་སེམས་དཔའ་བརྒྱད་དང་། དབུས་རྭ་རྡོ་རྗེ་སེམས་དཔར་འཆད་པ་ཡོད་དོ། །དེ་ཐམས་ཅད་ཀྱང་རྭ་རྣམས་ཆུ་སྲིན་གྱི་ཁ་ནས་ཐོན་པ་ནི་སྙིང་རྗེས་སེམས་ཅན་རྗེས་སུ་འཛིན་པ་དང་། པདྨའི་སྟེང་དང་ལྟེ་བའི་མཐའ་ལ་རིན་པོ་ཆེའི་ཕྲེང་བ་དང་རྭའི་འོད་ཟེར་འཕྲོ་བ་གདུལ་བྱའི་རེ་བ་སྐོང་བའི་ཕྲིན་ལས་ཀྱི་འོད་ཟེར་རྒྱས་པ་དང་། དབུས་རྭའི་སྐེད་དཀྲིས་ནི་སྐུ་གསུང་ཐུགས་ཀྱི་རྡོ་རྗེ་གསུམ་དང་། ཟླ་བའི་དཀྱིལ་འཁོར་ནི་བྱང་ཆུབ་ཀྱི་སེམས་རྣམ་པར་ཉ་གང་བར་རྒྱས་པར་མཚོན་པ་སྟེ། གཞི་ལམ་འབྲས་བུ་གསུམ་དང་སྦྱར་ན། གཞི་ཆོས་དབྱིངས་དེ་ཁོ་ན་ཉིད་སྤྲོས་པའི་མཐའ་དང་བྲལ་བས་དོན་དམ་པའི་རྡོ་རྗེ། ལམ་སྣང་བ་བཞིའི་འོད་གསལ་ལྐོག་ཏུ་མ་གྱུར་པའི་དོན་མངོན་དུ་གྱུར་པས་ན་རིག་པ་བྱང་ཆུབ་སེམས་ཀྱི་རྡོ་རྗེ། འབྲས་བུ་ཡུལ་སྟོང་པ་ཉིད་དང་ཡུལ་ཅན་དབྱིངས་ཀྱི་ཡེ་ཤེས་དབྱིངས་རིག་དབྱེར་མི་ཕྱེད་པས་དེ་ཁོ་ན་ཉིད་གཞོམ་གཞིག་དང་བྲལ་བའི་རྡོ་རྗེ་སྟེར་བ་བྱེད་དང་པོ་ལས། ཆོས་རྣམས་རྡོ་རྗེ་ལས་གཞན་མེད། །ཐམས་ཅད་རྡོ་རྗེ་དེ་ཉིད་ཡིན། །རྡོ་རྗེ་ལས་ནི་སྙིང་པོའོ། །ཞེས་གསུངས་པ་ལྟར་རྒྱུད་སྡེ་ཇི་སྙེད་ལས་གསུངས་པའི་རྣམ་བཞིའི་ལས་རབ་འབྱམས་ཐམས་ཅད་ལ་རྡོ་རྗེའི་ལས་

(༩༢)ཞེས་བྱ་ལ། དེའི་གནད་ཀ་ནི་ཕ་རོལ་གྱི་སྦྱོར་བ་གང་གིས་ཀྱང་གནོད་པར་མི་ནུས་པའི་ཕྱིར་ཏེ། དེས་ན་དོན་དམ་པའི་རྡོ་རྗེའི་དེ་ཁོ་ན་ཉིད་སྟོང་ཉིད་སྙིང་རྗེ་དབྱེར་མི་ཕྱེད་པར་རྟོགས་པའི་ལྟ་བ་གཞོམ་གཞིག་ལས་འདས་པ་སྟེ་དྲན་པའི་སྒོ་ནས་ལས་དེ་དག་ཐམས་ཅད་འཁོར་གསུམ་དམིགས་པ་མེད་པའི་ཀློང་དུ་རྒྱས་བདེ་བས་བར་བྱ་བའོ། །དེས་ནི་རྟགས་ཀྱི་རྡོ་རྗེའམ། ཐབས་ཀྱི་རང་བཞིན་གསོར་བའི་རྡོ་རྗེའི་རྣམ་གཞག་བསྡུས་པར་བཤད་ཟིན་ཅིང་རྒྱན་གྱི་རྡོ་རྗེའི་རྣམ་གཞག་ནི་གཞན་དུ་ཤེས་པར་བྱའོ། །གཉིས་པ་དྲིལ་བུའི་རྣམ་གཞག་བསྡུས་པ་ལ་བཞི་སྟེ། དྲིལ་བུའི་རྒྱུ། ལུས་ཚད། རིགས་ཀྱིས་དབྱེ་བ། དག་དྲན་ནོ། །དང་པོ་ནི་ཌཱ་ཀི་བཛྲ་ལས། ཀུན་ལ་འཁོར་བའམ་ཡང་ན་ནི། །ལྕགས་གསུམ་ལས་ནི་དྲིལ་བུ་སྟེ། །ཞེས་གསུངས་པ་ལྟར་ཁམས་དཀར་དམར་གཉིས་དག་པའི་བརྡར་རྒྱུ་འཁར་བ་མཚན་ཉིད་པའམ། ཡང་ན་ལྕགས་གསུམ་ཞེས་པ་གསེར་དངུལ་ཟངས་གསུམ་ལ་བྱ་བར་བཤད་དོ། །གཉིས་པ་ལུས་ཚང་ནི། སྔ་མའི་འཕྲོ་ལས། ཆ་གསུམ་ལས་ནི་ལྡན་པར་བྱ། །ཞེས་གསུངས་པ་ལྟར་རྒྱུད་འགྲེལ་རྣམས་སུ་ཁོག་པ་ལ་ཆ་གཅིག །སྟེང་གི་དབྱུག་པ་ཆ་གཉིས་ཞེས་བཤད་པ་མང་ཡང་། བཟང་པོ་ཡོངས་བཟུང་ལས། དྲིལ་བུ་ཀུན་ཏུ་ཆ་དྲུག་ལ། །དེ་ཡི་ཆ་བཞི་འཁར་བ་ཡི།་ །རང་བཞིན་མ་འདྲེས་པ་ལས་བྱ། །ཞེས་གསུངས་པས་ལུས་ཚད་རིལ་བོ་ཆ་དྲུག་ཏུ་བྱས་པའི་ཆ་བཞི་ཁོག་པར་གསལ་བར་བསྟན་ཅིང་། ཡང་སྔ་མའི་འཕྲོར། ཕྲེང་བ་གསུམ་ནས་དེའི་སྟེང་དུ། །བུམ་པ་གསེར་རམ་ཟངས་མའམ། །དངུལ་ལམ་རག་ན་ལས་བྱས་པའོ། །དེ་ཡི་སྟེང་དུ་དེ་ཚད་ཙམ། །ཤར་བལྟས་ཤེས་རབ་གདོང་པ་བྱ། །ཞེས་སྟེང་གི་ཆ་གཉིས་པོའི་འོག་མ་ཤེས་རབ་ཞལ་བུམ་པ་གདན་དང་བཅས་ལ་བཤད་ཅིང་། གོང་མ་པདྨ་དང་བཅས་པའི་རྡོ་རྗེ་ཕྱེད་པ་ལ་མཛད་པས་དྲིལ་བུའི་ལུས་ཚད་ཀྱང་ཤིན་ཏུ་ལེགས་ཤིང་། དེ་ཡང་སྟེང་གི་དབྱུག་པའི་ཆ་གཟུགས་མེད་ཁམས་དང་། ཁོག་

(༩༣)པའི་ཕྱིའི་ལྷ་མོ་བརྒྱད་ཀྱི་མཚན་མ་དགོད་པ་གཟུགས་ཁམས་དང་། དེའི་འོག་ནང་གི་ཆ་དབྱུག་གུ་ནས་མཁའ་དང་བཅས་པ་འདོད་ཁམས་ཏེ་ཁམས་གསུམ་གྱི་རང་བཞིན་དུ་གསུངས་ཤིང་། རྒྱའི་ཚད་ནི། དེ་ཉིད་ལས། དྲིལ་བུ་དེ་ཡི་ནང་གི་ཁ། །ཞེང་དང་མཆུ་དུ་མཉམ་པ་ཡིན། །ཞེས་པས་ཁོག་པའི་དཔངས་རིང་ཐུང་གཉིས་ཀའི་ཕྱོགས་ལ་ཁའི་རྒྱ་ཚད་དང་ཁོག་པའི་དཔངས་ཚད་མཉམ་པར་བཞེད་དོ། །གསུམ་པ་ནི། དྲིལ་བུའི་རིགས་ལ་རྣམ་པ་གསུམ་སྟེ། རྡོ་རྗེ་སེམས་དཔའི་ཡེ་ཤེས་ཀྱི་དྲིལ་བུ་དང་། དཔའ་བོའི་དྲིལ་བུ། རིགས་སོ་སོའི་དེ་བཞིན་གཤེགས་པའི་དྲིལ་བུའོ། །དང་པོ་ནི། རིགས་ཐམས་ཅད་ཀྱི་བདག་པོའི་དྲིལ་བུ་ཡིན་གྱི་ཙེ་མོ་ནི་ལྔ་པ་དང་། དགུ་པ་གཉིས་ཀ་རུང་བར་བཤད་ལ། སྟེང་གི་པདྨ་རྣམས་ལ་ས་བོན་དགོད་ཚུལ་ནི། སམ་བུ་ཊར། ཡི་གེ་བརྒྱད་ཀྱིས་བྱོན་ནི། ཕྱོགས་ནི་བརྒྱད་དུ་རྣམ་པར་བཀྲོད། །ཤར་དུ་ལྷ་མོ་སྒྲོལ་མ་སྟེ། །བྱང་དུ་ཡང་ནི་གོས་དཀར་མོ། །ནུབ་ཏུ་མཱ་མ་ཀཱི་ཞེས་བྱ། །བི་ཏོ་ཏ་མར། དྲིལ་བུའི་ཡུ་བསོར་དྲུག་པ། རྩེ་ལྔ་རྩེ་དགུ་ལྟེ་བ་ལྡན། །དབྱིབས་ལེགས་སྡུབས་ལ་སོར་དྲུག་པ། །ཡ་ཕུབས་འདབ་བརྒྱད་རྡོ་རྗེ་དང་། །རིན་ཆེན་པདྨ་རྒྱ་གྲམ་མཚན། །རིན་ཆེན་ཟར་ཚགས་ལྡན་ལ། །མཐའ་སྐོར་རྡོ་རྗེའི་ར་བས་བལྟམས། །ཆོས་ཀྱི་སྒྲ་སྒྲོག་ཆར་འབེབས་པ། །ཤེས་རབ་དབྱིངས་ཀྱི་རྗེས་འགྲོར་བཤད། །ཅེས་པ་ཙམ་ལས་རིག་ཀྱིས་དབྱེ་བ་མ་བཤད་ཀྱང་། །ངོས་འཛིན་བྱེད་ན་རིགས་ཐམས་ཅད་ཀྱི་བདག་པོར་འགྲུབ་པ་ཡིན་ནོ། །ལྷོ་རུ་སངས་རྒྱས་སྤྱན་མ་ཉིད། །ཅེས་དང་། མཚམས་བཞི་བོར་དེ་ཉིད་ལས། །གསེར་དང་སྦྲང་རྩི་གཟི་བརྗེད་མ། །རྡོ་རྗེ་ཕྲེང་བ་བཞི་བའོ། །ཞེས་གསུངས་ཤིང་ཁོག་པའི་ལོག་ལ་དྲྭ་བ་དྲྭ་ཕྱེད་ནི་སྟེང་གི་པད་འདབ་སོ་སོའི་དྲང་ཐད་དུ་རྫོགས་པར་བྱ་ལ། དེ་ཡང་པད་འདབ་རྣམས་དང་དྲྭ་ཕྱེད་འཕྱང་བའི་བར་དུ་མུ་ཏིག་གི་ཕྲེང་བ་ལྟ་བུའི་སྐ་རགས་གཉིས་ཀྱི་བར་དུ་རྡོ་རྗེའི་ཕྲེང་བ་དང་། དེ་ལས་བཤད་མ་ཐག་པའི་དྲྭ་བ་འཕྱད་

(༩༤)བའི་དྲྭ་བ་བརྒྱད་ཀྱི་ནང་དུ་ཤར་དུ་འཁོར་ལོ། །ལྷོར་རིན་ཆེན། ནུབ་ཏུ་པདྨ། བྱང་དུ་རལ་གྲི། ཤར་ལྷོར་སྤྱན། སྲིན་པོར་རྡོ་རྗེ། རླུང་ལྷར་པདྨ། དབང་ལྡན་དུ་ཨུཏྤལ་སྟེ་མཚན་མ་བརྒྱད་དང་སྟེང་གི་དབྱུག་པ་སྐ་རགས་སུམ་བརྩེགས་ཀྱི་སྟེང་དུ་སྟེགས་བུ་གྲུ་བཞི་ལ་གནས་པའི་བདུད་རྩིའི་བུམ་པ་དང་། འདི་ནི་སྔར་གྱི་དྲིལ་བུ་ཕལ་ཆེར་ལ་རྩེ་ལྔ་རྩེ་དགུའི་རྣམ་གཞག་ཕྱེད་པའི་རྩེ་ལྔ་ལ་མེད་པ་དང་། རྩེ་དགུ་ལ་བུག་པ་ཡོད་པ་ཤ་སྟག་ཏུ་ཡོང་འདུག་པ་དེ་དག་ལ་ཤེས་བྱེད་ཅིག་ཡོད་དགོས་ཏེ། ལ་ལས་སྔོན་གྱི་ཡོ་ག་བདག་གི་འཛུང་མོ་འཇུག་པའི་ཆེད་དུ་བྱས་པ་ལས་གང་ནས་ཀྱང་མ་བཤད་དོ། །ཞེས་ཟེར་ཡང་རྒྱ་དྲིལ་རྙིང་པ་དག་ལའང་སྣང་དེ་དེས་ན་དེ་དག་གི་ཡུལ་དུའང་ཡོ་ག་བས་བཀོད་པར་སོད་མིན་བརྟག་དགོས་པ་ཞིག་གོ །དཔྱད་སྟོན་དུ། དྲིལ་བུ་ལ་རྒྱ་ཧོར་བདོ་གསུམ་གྱི་རྣམ་དག་བཤད་ཅིང་། འཕགས་ཡུལ་དུའང་ཡོད་མོད་ཀྱི་བོད་དུ་མ་སླེབ་པས་དཔྱད་པ་བྱ་རྒྱུས་དབེན་ཞེས་བཤད་པས་འདིའི་ནེམ་ནུར་ཡུལ་དེའི་དྲིལ་བུ་ལའང་དཔྱད་ཐུབ་ན་ལེགས་པར་མངོན་ནོ། །དེས་ན་བུག་པའམ། བུམ་པ་གང་ཡིན་ཀྱང་དེའི་སྟེང་དུ་ཤེས་རབ་ཞལ་བུམ་པའི་ཚད་དང་མཉམ་པ། འདིའི་ཞལ་ནི་ཤར་ལ་བལྟ་དགོས་པར་རྒྱུད་ལས་བཤད་དེ། དེས་ན་ས་བོན་དང་ལྷ་སོ་སོའི་དག་སྦྱོར་ནི། ཤར་ནས་རིམ་པར་སྒྲོལ་མའི་ཏཱཾ། གོས་དཀར་མོའི་པཱཾ། མཱ་ཀཱིའི་མཱཾ། སྤྱན་མའི་ལཱཾ་སྟེ་ཕྱོགས་བཞི་དང་། །མཚམས་བཞི་ནི་ནོང་རྒྱུན་མའི་མཾ། ཙུན་དཱའི་ཙུཾ། ཁྲོ་གཉེར་ཅན་གྱི་བྷྲུཾ། ཕྲེང་བ་མའི་མཱི་སྟེ། དེས་ན་དྲིལ་བུ་མགུལ་སྦྱར་བ་ལྟ་བུའི་ཚེ་ཡང་ས་བོན་ཧཱཾ་ཡིག་ལ་ཤེས་རབ་ཞལ་མ་ཏོད་དགོས་པ་ཡིན་ཏེ་ཡོངས་གཟུངས་ལས། ཤར་བལྟས་ཤེས་རབ་གདོང་པ་བྱ། །ཞེས་གསུངས་པས་སོ། །དེའི་སྟེང་དུ་རྡོ་རྗེ་བྱེད་པ་རང་རང་གི་ཐབས་ཀྱི་ཆ་དང་མཐུན་པར་བྱ་བའོ། །གཉིས་པ་དཔའ་བོའི་དྲིལ་བུ་ནི། །ལྷ་མོ་

(༩༥)བརྒྱད་ཀྱི་ས་བོན་པདྨ་ལ་སོགས་པ་དང་། དྲྭ་བ་དྲཾ་ཕྱེད་སྤངས་པའི་གཞན་སྔ་མ་ཇི་བཞིན་ལ། རྡོ་རྗེའི་སྐ་རགས་ཙམ་དང་ལྡན་པ་ལ་བྱ་སྟེ། མན་གཉེར། དེ་ནས་དཔའ་བོའི་དྲིལ་བུ་སྟེ། །རྡོ་རྗེ་ཕྲེང་བའི་སྐ་རགས་ལྡན། །དེ་བཞིན་དུ་ནི་ཤེས་རབ་དང་། །བདུད་རྩི་ཡི་ནི་བུམ་པར་ལྡན། །མཚན་ཉིད་ཐམས་ཅད་ཡོངས་སུ་རྫོགས། །དྲྭ་བ་དྲྭ་བྱེད་སྤང་བར་བྱ། །སོར་དགུ་རུ་ནི་དཔངས་ལ་སྟེ། ཁ་ནི་སོར་ལྔའི་ཚད་དུ་བྱ། །དེ་ལས་ཅུང་ཟད་ལྷག་བྱ་མིན། །རྩེ་ལྔ་པའམ་རྩེ་དགུ་པ། །ཞེས་དྲིལ་བུ་ལུས་ཚད་སྔ་མ་ལས་ཆུང་བར་བཤད་ཅིང་། འདི་ལ་མྱ་ངན་དྲིལ་བུ་ཞེས་འོད་པར་བལྟ་བ་ནི་རི་བོང་གི་ཅལ་གཏམ་ཡིན་པར་མངོན་ནོ། །གསུམ་པ་དེ་བཞིན་གཤེགས་པའི་དྲིལ་བུ་ནི་རིགས་སོ་སོའི་དབང་དུ་བྱས་པ་སྟེ། བཛྲ་ཌཱཀྐི་ལས། དེ་ནས་དེ་བཞིན་གཤེགས་པ་ཡི། །དྲིལ་བུའི་མཚན་ཉིད་བཤད་པར་བྱ། །འཁར་བ་ལས་བྱུང་སྒྲ་སྙན་བྱེད། ཁོང་སྟོང་དང་ནི་བུམ་པར་ལྡན། །རྡོ་རྗེ་རིན་ཆེན་པདྨ་དང་། །རལ་གྲི་ལ་སོགས་མཚན་མ་ཅན། །དྲྭ་བ་དྲྭ་བ་ཕྱེད་པས་སྤྲས། །ཆུ་སྲིན་ལས་ནི་བྱུང་བ་ཡི། །ཡེ་ཤེས་ལྔ་ནི་རྣམ་དག་པས། །རྩེ་མོ་ལྔ་དང་ལྡན་པ་སྟེ། །སྐ་རགས་གཉིས་གཉིས་དབུས་སུ་ནི། །འཁོར་ལོའི་ཕྲེང་བ་གཉིས་དང་ལྡན། །པདྨ་ལ་ནི་པད་ཕྲེང་གཉིས། །རིན་ཆེན་ལ་ནི་རིན་པོ་ཆེ། །དེ་བཞིན་སྐ་རགས་ལྡན་པར་བྱས། །དོན་ཡོད་གྲུབ་པ་ཞེས་བྱ་བ། །སྐ་རགས་གཉིས་དབུས་རལ་གྲིས་བརྒྱན། །ཀུན་ལ་ཤེས་རབ་གདོང་ལྡན་པས། །དཔའ་བོ་ཀུན་གྱི་རྒྱལ་བར་འགྱུར། །ཅེས་ཤིན་ཏུ་གསལ་བར་གསུངས་པ་ལྟར་མཚན་ཉིད་ཐམས་ཅད་སྔར་དང་འདྲ་བ་ལས་རྩེ་མོ་ལྔ་བར་བྱ་ཞིང་། སྐ་རགས་གཉིས་ཀྱི་དབུས་སུ་རང་རང་གི་རིགས་དང་མཐུན་པའི་ཕྱག་མཚན་གྱི་ཕྲེང་བ་བྱ་བ་སྟེ་གོ་སླའོ། །

(༩༦)རིགས་དེ་དག་གང་ཡིན་ཡང་ནང་གི་ལྕེའམ་དབྱུག་གུ་ནི་ཟུར་བརྒྱད་པའི་རྣམ་པ་ཅན་དུ་བྱ་བར་བཤད་དེ། བཛྲ་ཌཱ་ཀི་ལས། དབུས་ཀྱི་ཡེ་ཤེས་དབྱུག་པ་ནི། །ཟུར་བརྒྱད་པ་ནི་མངོས་པར་བྱ། །ཞེས་གསུངས་པ་ལྟར། དེ་ཉིད་ཀྱི་རྒྱུ་ལྕགས་དག་པ་ལས་སྦོམ་ཕྲ་རན་པར་བྱ་ཞིང་ཟུར་བརྒྱད་པའི་རྣམ་པ་ཅན་གྱི་རྩེ་མོ་ཅུང་ཟད་ཕྱུར་བུར་བྱ་བའོ། །བཞི་པ་དྲིལ་བུའི་དག་དྲན་ལ་གཉིས། ཕྱི་ལྟར་བཤད་པ་དང་། ནང་ལྟར་བཤད་པའོ། །དང་པོ་ནི། ཤེས་རབ་མ་རྡོ་རྗེ་སྙེམས་མའི་ཞལ་དང་པད་འདབ་བརྒྱད་ལ་ལྷ་མོ་བརྒྱད་ཀྱི་ས་བོན་བཀོད་པ་རྣམས་རིགས་དྲུག་པ་རྡོ་རྗེ་སེམས་དཔའ་འམ། རྡོ་རྗེ་འཆང་དུ་ང་རྒྱལ་བྱས་པའི་སྒྲུབ་པ་པོ་དང་། རྣམ་སྣང་ལ་སོགས་ཏེ་རིགས་སོ་སོའི་ང་རྒྱལ་ལ་གནས་པའི་སྒྲུབ་པ་པོས་རྡོ་རྗེ་སྙེམས་མའམ། རྡོ་རྗེ་དབྱིངས་ཕྱུག་མ་ལ་སོགས་ཏེ་ལྷ་མོ་དེ་དང་དེར་བསྒོམས་པས་ལས་ཀྱི་ཕྱག་རྒྱ་མ་རིགས་སོ་སོ་དག་མཚོན་ལ། དྲིལ་བུའི་ཁོག་པའི་མཐར་ཐུག་པས་ཕྱག་རྒྱ་དེ་དག་གི་ཆོས་ཀྱི་འབྱུང་གནས་མཚོན་ཞིང་། ནང་གི་ལྕེ་ནི་རྡོ་རྗེ་དབྱིངས་ཕྱུག་མའི་རྩ་བྷ་གའི་དབུས་ན་གནས་པའི་བྱ་རོག་གདོང་དམ་མཁའ་འགྲོ་གདོང་ཞེས་བྱ་བ་མཚོན་ལ། ཟུར་བརྒྱད་ཀྱི་དྷཱུ་ཏིའི་དབུས་ཀྱི་སྦས་པའི་རྩ་བརྒྱད་མཚོན་པ་དེ། སྟེང་དུང་ཤས་རབ་ཞལ་དངོས་སུ་བྱུང་བས་རྡོ་རྗེ་སྙེམས་མ་ནི་དྲིལ་བུའི་ལྷ་ཐམས་ཅད་ཀྱི་གཙོ་མོ་ཡིན་ཕྱིར་རྡོ་རྗེ་ལ་ཐབས་དང་དྲིལ་བུ་ལ་ཤེས་རབ་ཅེས་བརྗོད་ཀྱི། བདེ་བ་དང་སྟོང་པ་གཉིས་ཕན་ཚུན་རྒྱས་འདེབས་པའི་ཕྱིར་རྩེ་མོར་རྡོ་རྗེ་ཕྱེད་པས་མཚན་པ་རྡོ་རྗེའི་ལྟེ་བ་ལ་གནས་པའི་རྡོ་རྗེ་སེམས་དཔའ་དང་། དྲིལ་བུའི་རྡོ་རྗེ་སྙེམས་མའི་ཞལ་མཉམ་པར་སྦྱོར་བའི་ཐབས་ཤེས་ཟུང་འཇུག་ཏུ་མཚོན་ཞིང་། དེས་ན་དྲིལ་བུ་འཁྲོལ་བའི་ཚེ་ལག་པ་སོ་སོའི་མཐེ་བོང་དང་མིང་མེད་ཀྱིས་རྡོར་དྲིལ་བཟུང་ནས་དྷཱུ་ཏིའི་མར་སྣ་ཁ་དབྱེ་ཞིང་བདེ་སྟོང་ཡེ་ཤེས་སྐྱེ་བའི་དོན་དུ་རྩ་བརྒྱད་བསྐྱོད་པ་སྟེ་དྲིལ་བུ་ཕྱོགས་བརྒྱད་དུ་བསྐྱོད་

(༩༧)ནས་འཁྲོལ་བར་གསུངས་ལ། དེ་ཡང་གདན་བཞིའི་འགྲེལ་པར། གཏོར་མ་ལ་སོགས་པའི་དུས་སུ་རྡོ་རྗེ་མ་གཏེགས་པའི་དྲིལ་བུ་འབའ་ཞིག་གམ་དྲིལ་བུ་མ་གཏོགས་པའི་རྡོ་རྗེ་འབའ་ཞིག་གིས་མི་བསྒྲུབ་ཀྱི། ཟུང་དུ་འབྱོར་པས་བསྒྲུབ་པར་བྱའོ། །ཞེས་བཤད་པ་ལྟར་རྡོར་དྲིལ་ནི་འཛིན་པའི་ཚེ་ཡང་གཉིས་ཀ་ཟུང་དུ་ཆུད་པར་བྱ་བ་ལས་ལག་པ་གཅིག་ཁོ་ནས་དྲིལ་བུ་འཁྲོལ་བ་དང་། ལག་པ་གཉིས་ཀས་དྲིལ་བུ་དཀྲོལ་བ་དག་ནི་གསང་སྔགས་ཀྱི་བརྡ་ཅུང་ཟད་ཀྱང་མ་བྱང་བའི་རྣམ་འགྱུར་ཕྱི་གསལ་དུ་གྱུར་བ་སྟེ་བྱིས་པའི་རྩེད་མོ་དང་འདྲ་བའོ། །གཉིས་པ་ནི། དྲིལ་བུའི་ཁོག་པའི་ནང་གི་སྟོང་ཆ་ནམ་མཁའི་རང་བཞིན་ནི། ཟབ་མོ་སྟོང་པ་ཉིད་ཆོས་ཀྱི་དབྱིངས་སྤྲོས་པའི་མཐའ་གང་དུ་ཡང་མ་དམིགས་པ་མཚོན་པའོ། །དེའི་ནང་གི་དབུས་སུ་འཕྱང་བའི་ལྕེ་ལ་ཡེ་ཤེས་ཀྱི་དབྱུག་གུ་ཞེས་བརྗོད་ལ། དེ་ཡང་བསྐྱོད་པའི་ཚེ་ཡུལ་སྟོང་པ་ཉིད་དང་ཡུལ་ཅན་བདེ་བ་ཆེན་པོ་ལྷན་ཅིག་སྐྱེས་པའི་ཡེ་ཤེས་དབྱེར་མེད་ཀྱི་ཆོས་སྒྲ་སྒྲོགས་པའི་རྐྱེན་གྱིས་ཕྱོགས་བཅུའི་དེ་བཞིན་གཤེགས་པ་ཐམས་ཅད་མཉེས་པར་བྱ་བ་དང་། སེམས་ཅན་རྣམས་བག་ཆགས་ཀྱི་གཉིད་འཐུག་ལས་སད་དེ་ཡང་དག་པའི་དེ་ཁོ་ན་ཉིད་རྣམ་པར་དག་པ་རྟོགས་ནས་སྲིད་པའི་སྡུག་བསྔལ་དྲུངས་ནས་འབྱིན་པར་བསམ་པའོ། །དེ་ལྟར་བཤད་མ་ཐག་པའི་ཕྱི་ནང་གི་དག་སྦྱོར་དེ་ཙམ་ཞིག་མི་ཤེས་པར་སྟན་མཐོན་པོའི་སྟེང་དུ་ཁྲོན་པའི་ལག་འགྲོའི་བརྟུལ་ཞུགས་ལ་གནས་ཏེ་རྡོ་རྗེ་འཛིན་པའི་གོ་ས་འཛིན་པ་དག་ནི། སྲོག་ཆགས་ཐ་མལ་པའི་སྐེ་ལ་དྲིལ་བུ་བཏགས་པ་དང་། དེང་སང་ཁ་ཅིག་གིས་སྤྱན་འདྲེན་གྱི་ཚེ་རྡོ་རྗེ་ཕྱེན་དུ་བསླངས་ནས་བཟུང་སྟེ་དེ་ཉིད་སྤོས་ཡིན་པའི་དག་སྦྱོར་སློབ་བའང་མཐོང་སྟེ་ཤིན་ཏུ་རྨོང་བས་སྨྲས་པ་ནི་དགག་པར་ཡང་མི་སྡང་མོད་ཀྱི་རྡོར་དྲིལ་ལ་རྒྱུད་ནས་རྣམ་བཤད་གསུངས་པ་ཐོས་ཀྱང་མ་མྱོང་བསང་བ་ཅོལ་དུ་སྨྲ་བ་སྟེ་སྙིང་རྗེ་བ་ཡིན་ནོ། །རྣམ་དབྱེར་མེད་པ་གསུངས་ཏེ། སམྦུ་ཊ་ལས། དེ་ཉིད་སེམས་མེད་

(༩༨)རྣལ་འབྱོར་པ། །གླང་པོ་དྲིལ་བུ་འཁྲོལ་བ་བཞིན། །རྣལ་འབྱོར་དེ་ཉིད་དམན་པ་ཡི། །རང་གི་དངོས་གྲུབ་རིང་དུ་བརྟག །ཅེས་དེ་ཉིད་མ་ཤེས་པར་དྲིལ་བུ་འཁྲོལ་བ་དང་གླང་པོ་ཆེའི་སྐལ་དྲིལ་བུ་བཏགས་པ་ཁྱད་པར་མེད་པས་དངོས་གྲུབ་རིང་པོར་བྱེད་པ་གསུངས་པས་འདི་ནི་ཤིན་ཏུ་གལ་ཆེའོ། །ངེས་ནི་དྲིལ་བུའི་རྣམ་པར་གཞག་པ་ཤིན་ཏུ་བསྡུས་ནས་མི་འགལ་བའི་ལགས་སུ་བཤད་ཟིན་ཏོ། །ད་ནི་དོན་ཚན་གསུམ་པ་ཅང་ཏེའུའི་རྣམ་པར་གཞག་པ་འཆད་པ་ལ་གསུམ། ཅང་ཏེའུའི་མཚན་ཉིད། དཀྲོལ་བའི་ཚུལ། དགོས་པ་བཤད་པའོ། །དང་པོ་ནི་དཔལ་སམྦུ་ཊ་ལས། དེ་ནས་ཅང་ཏེའུའི་མཚན་ཉིད་བཤད། །བཛྲ་ཤྲིརྵིའི་རྩ་བ་དང་། །ཙན་དན་དམར་པོ་ལས་བྱུང་བ། །གཞན་རྣམས་གང་རྣམས་དེ་རྣམས་ནི། །ཡིད་ལ་འདོད་པ་རྣམས་ལ་བྱ། །ཞེས་གསུངས་པ་ལྟར། བཛྲ་ནི་རྡོ་རྗེ་ཙན་གྱི་ཤིང་དང་། ཤིརྵ་ཞེས་པ་ནི་ཙན་དན་བ་གླང་མགོའི་རྩ་བ་ཡིན་པར་བཤད་ལ། ཕྱི་མ་ནི་གོ་སླ་བདེ་གསུམ་ལས་རྒྱུ་བྱས་པ་བྱུང་ན་མཆོག་ཡིན་ལ། མ་རྙེད་ན་ཤིང་གང་ཡང་རུང་བ་ལ་བྱས་པས་ཚེག་པར་བཤད་དེ། དེའི་ཆུ་ཞིང་གི་ཚད་ནི། དེ་ཉིད་ལས། བཅུ་གཉིས་པ་དང་བཅུ་པ་ཉིད། ཁ་ལ་སོར་ནི་དྲུག་པ་ལྔ། །དགུ་པ་དང་ནི་བཅུ་གཅིག་ཉིད། ཁ་ལ་དེ་ཡི་ཕྱེད་ཉིད་དོ། །ཞེས་ཆེ་ཚད་མཆུང་སོར་མོ་བཅུ་གཉིས་དང་ཁ་ཞེང་ལ་སོར་དྲུག །འབྲིང་ཚད་དཔངས་སུ་སོར་བཅུ་པ། ཁ་ལ་སོར་ལྔ། ཡང་ན་དཔངས་སོར་བཅུ་གཅིག ཁ་ལ་སོར་མོ་ཕྱེད་དང་དྲུག །དེ་རྣམས་ཀྱང་དཔངས་ཚད་ཆ་གསུམ་དུ་མཉམ་པར་བྱས་པའི་གསུམ་ཆད་བུས་མ་སྐྱེད་པའི་དཔངས་སུ་བཞེད་དོ། །དེ་ཉིད་ལས། གཞན་པ་ལས་ནི་རྡེའུ་ཆུང་ནི། ཐོད་རྡལ་ནི་སྐོར་བ་ཉིད། རྡོ་རྗེ་ཕུར་པའི་རྒྱུད་ལྟར་ན། །མི་ཐོང་ཙན་དན་ཤིང་རྣམས་ལ། །སོར་བརྒྱད་བཅུའམ་བཅུ་གཉིས་དང་། །སོར་དགུ་སོར་མོ་བཅུ་གཉིས་ཚད།

(༩༩)ཁ་ཞེས་སོར་བཞི་སོར་ལྔ་དྲུག །།།ཕྱེད་བཅུ་གཅིག་བྱེད་བྱས་པ། །ཞེས་པས་དབྱིངས་གསར་འགྱུར་དཔའ་དྲ་བ་ལ་ཆུང་ཚད་སོར་བརྒྱད་པར་བཤད་དོ། །ཞེས་པས་སྐྱེས་པ་ལོ་བཅུ་དྲུག་པ་དང་། བུད་མེད་ལོ་བཅུ་གཉིས་པ་ལ་ཁུ་ཁྲག་སོ་སོར་འབེབས་འཛག་བྱེད་པས། དེ་གཉིས་མཉམ་པར་སྦྱར་བ་ལས་བདེ་བ་འབྱུང་སྟེ། དེའི་ཕྱིར་ན་བདེ་སྟོང་གི་ཡེ་ཤེས་སྤོར་བའི་རྟེན་འབྲེལ་དུ་སྐྱེས་པ་ལོ་བཅུ་དྲུག་པ་དང་། བུད་མེད་ལོ་བཅུ་གཉིས་པའི་ཐོད་པ་སྤྱི་བོ་སྤྲད་ནས་བཅིང་པ་ལ་བྱ་སྟེ། བརྒྱད་ལྟག་སྤྲོད་ཅེས་སྨྲ་བ་ལ་ཤེས་བྱེད་མེད་པར་མཁས་པ་དག་བཞེད་དོ། །དེ་དག་ཐུན་མོང་གི་རྣམ་བཤད་ནི། སྤྲེའུའི་པགས་པས་གཡོགས་པའོ། །ཞེས་གསུངས་པ་ལྟར་བྱ་ལ། དེ་འཁྲི་བའི་ཁྱད་པར་ནི། དེ་བཞིན་ཁ་སྦྱོར་གཉིས་པ་ནི། །པདྨ་དག་ནི་བྲི་བར་བྱ། །བུད་མེད་ཁྲག་གིས་མཛེས་པར་བྱ། །ཞེས་དང་། པདྨའི་ཟེའུ་འབྲུ་གཉིས་ཀ་ལ། །དཀྱིལ་འཁོར་དག་ནི་བྲི་བར་བྱ། །ཞེས་གསུངས་པ་ལྟར་བུད་མེད་ཀྱི་ཟླ་མཚན་དང་པོས་པགས་པ་གཉིས་ཀའི་ནང་ལ་པདྨ་འདབ་བརྒྱད་བྲིས་ཤིང་ལྟེ་བ་ལ་ཡི་དམ་གྱི་སྐུ་གསུང་ཐུགས་མཚན་ཅི་རིགས་པའམ་ ཡང་ན་ཡི་གེ་ཁྲཻཾ་བྲིས་པ་གཡོགས་པ་དང་། དེ་ཡང་རྒྱས་པར་ན་སྟེང་སྐྱེས་པའི་ཐོད་པ་ཁ་གཡོགས་ཀྱི་ནང་གི་པད་འདབ་ལྟེ་བ་ཡི་དམ་ཡབ་ཀྱི་སྔགས་དང་འོག་བུད་མེད་ཀྱི་ཐོད་པའི་ཁ་གཡོགས་ཀྱི་ནང་དུ་སྔ་མ་བཞིན་ལས་ རྡོ་རྗེ་ཕུར་བའི་རྒྱུད་ལས། སྤྲེའུའི་པགས་པས་གཡོགས་བྱས་ཏེ། །ངོས་གཉིས་པོ་ལ་པདྨ་ནི། །ཟླ་མཚན་ཁྲག་གིས་བྲི་བར་བྱ། །སྙིང་པོ་ལ་ནི་།།།བྲིས་ཏེ། །ཞེས་བཤད་དོ། །ཡུམ་གྱི་སྔགས་བྲིས་ནས་ཐད་ཀར་འབར་བར་བྱ་ཞིང་། དེ་དག་ལྷ་དེ་དང་དེར་བསྐྱེད་ནས་རབ་གནས་བྱས་རྗེས་སྟེང་ངག་།།།མི་འཆོལ་བར་བཞག་པའམ། ཟུར་བསླང་ལ་གཞག་པར་བྱའོ། །དེ་ཡང་མི་ཡི་སྐྲ་ཡིས་བཏགས་ནས་ནི། །ཞེས་པའི་བྱ་ཚུལ་ནི། སྦལ་སོགས་པའི་ཤིང་ཤིན་ཏུ་མཉེན་པས་ཐོད་པའམ། ཤིང་ལས་བྱས་པའི་ཅང་ཏེའུ་དེ་ཉིད་ཀྱི་ཁ་གདངས་ཕྱི་ནས་འཁྱུད་མོ་བྱས་ལ་སྟེང་འོག་གཉིས་ཀ་དཀྲི་ཞིང་ཅང་ཏེའུ་

(༡༠༠)ལ་མ་གནོད་པར་བྱས་ལ་འཁྱུད་མོ་ལ་དགའ་བ་བཅུ་དྲུག་མཚོན་པའི་བརྡར་སྟེང་རོག་ཐད་འཁྲོངས་པའི་བུག་པ་བཅུ་དྲུག་ཕུག་ལ་མིའི་སྐྲ་ཤིན་ཏུ་གྲིམས་པར་བྱས་པའི་སྐུད་པ་ཕྲ་མོ་དག །སྟེང་འོག་གི་བུག་པ་དག་ལས་ཕན་ཚུན་དུ་བསྣོལ་མར་དྲངས་པས་ཆོས་འབྱུང་ལྟ་བུའི་རེ་མིག་བཅུ་དྲུག་འབྱུང་སྟེ། དེའི་སྐེད་པར་དར་སྲབ་མོ་ཞེང་དུ་རྩེ་སོར་གཉིས་ཙམ་གྱིས་བཅིངས་ལ་ཧ་ཅང་མ་བསྡམ་སྟེ་སྐད་སྣ་ཚོགས་འབྱུང་བའི་དགོས་པ་ཡོད་དོ། །བི་ཏོ་ཏ་སའི་རྒྱུད་ལ། དུར་ཁྲོད་སྐྲ་ཡི་སྐུད་བཏགས་ལ། །ཆུ་སྐྱ་ལ་མཐིང་རིལ་རྐང་རུས་ཀྱི། །ཞེས་བཤད་པའི་ཕྱིར་རོ། །དེ་ཉིད་ལ་ལག་བཟུང་གི་ཐག་པ་དང་། ཆུ་སྐྱར་གྱི་རྐང་པ་རློན་པ་ཧྲིལ་མོར་དྲིལ་ཏེ། སྤྲ་ཚིལ་དང་གཡོགས་སྲབ་མོས་གྲིལ་ནས་མི་སྐྲའི་སྐུད་སྣེ་ལ་བཏགས་པའི་ལྕག་དེ་ལྟ་བུ་གཉིས་གཡས་གཡོན་གྱི་སྐེད་པའི་དབུས་ཐ་དཀར་གདགས་པར་བྱ་སྟེ། ཁ་སྦྱོར་ལས། ཆུ་སྐྱར་རྐང་པའི་རུས་པས་བརྡབ། །ཅེས་གསུངས་པའི་དོན་ནོ། །གཉིས་པ་དཀྲོལ་བའི་ཚུལ་ནི། ཅང་ཏེའུའི་དག་དྲན་ཤེས་པའི་ངང་ནས་དཀྲོལ་ཏེ། དེ་ཡང་ཐོད་པའི་སྐད་དོད་ཀ་པཱ་ལ་ཞེས་པའི་ཀཾ་བདེ་བ་དང་། པཱ་ལ་སྐྱོང་བ་སྟེ་དེས་ན་བདེ་སྐྱོང་ཞེས་ཕྱག་རྒྱ་མའི་པདྨ་མཚོན་ལ། ནང་དུ་འདོད་ལྷའི་མཚན་མ་བཀོད་པ་ནི་ལྷན་སྐྱེས་ཀྱི་བདེ་བ་མཚོན་ཞིང་། བདེ་ཆེན་གྱི་ཡས་པ་བསམས་བརྟན་གྱི་དགའ་བ་བཅུ་དྲུག་ནི་དྲྭ་བའི་རེའུ་མིག་གིས་མཚོན་ལ། ཅང་ཏེའུའི་སྒྲས་ནི་ཟབ་མོ་སྟོང་པ་ཉིད་གྲག་སྟོང་སྐྱེ་བ་མེད་པ་མཚོན་ལ། ཐོད་པ་ལ་སོགས་ཀྱིས་མཚོན་པའི་བདེ་བ་ཆེན་པོ་དང་། དེའི་སྒྲས་དོན་དམ་སྟོང་པ་ཉིད། དེ་གཉིས་དབྱེར་མི་ཕྱེད་པར་སྐྱར་བས་བདེ་སྟོང་གཉིས་སུ་མེད་པའི་ཡེ་ཤེས་མཚོན་པར་བྱེད་དེ། རྒྱུད་ལས། ཐབས་ཀྱི་རྡོ་རྗེ་ཅང་ཏེའུ་ཉིད། །ཅེས་དང་། ཤེས་རབ་ཌཱ་མ་རུ་ཡི་སྒྲ། །ཞེས་གསུངས་པ་ལྟར་དག་དྲན་དེ་ལྟ་བུའི་ངང་ནས་མཐེ་བོང་དང་མཛུབ་མོ་གཉིས་ཀྱིས་ཌཱ་མ་རུའི་དྲྭ་བ་བསྣོལ་མཚམས་ཀྱི་སྐེད་དཀྲིས་ནས་བཟུང་ལ། མཐེབ་

(༡༠༡)མཛུབ་གཉིས་ཀྱིས་ཐང་ལྷོད་དུ་གནོན་པ་དང་། སོར་མོས་དྲྭ་བ་ལ་ནེམ་ནེམ་བྱེད་པའི་ཚུལ་གྱིས་རྡུང་བྱེད་ཀྱི་ལྕག་ཕོག་པའི་ཚོན་ཞིང་སྐྱོང་གི་མཁའ་འགྲོ་མ་ལ་སོགས་གང་དགུག་པའི་མིང་དང་སྦྱར་བའི་ཁྲཻཾ་ཧཱུཾ་གི་སྒྲ་སྒྲོགས་པར་བསམ་མོ། །དེ་ཡང་དཔེར་ན་ཙམུནྟྲི་ཨ་ཀརྵ་ཡ་མི་ཁྲཻཾ་ཧཱུཾ། ཞེས་པ་ལྟ་བུས་མཚོན་ཏེ་ཇི་ལྟར་རེགས་པར་སྦྱར་ལ་ངག་ཏུའང་བརྗོད། དེ་ལྟར་བཤད་མ་ཐག་པའི་དག་དྲན་འོག་མ་ནི་དགོས་པ་ཁྱད་པར་བའི་སླད་དུ་ཡིན་ལ། གཞན་དུ་ན་དེའི་གོང་དུ་བཤད་པའི་ བི་ཏོའི་རྒྱུད་ལས། ཁྲཻཾ་ཧཱུཾ་ཞེས་བརྗོད་བརྡུང་ཞིང་འགུགས། །རྡེའུ་ཆུང་སྒྲ་ནི་བཟླས་བྱས་ཏེ། །སྤྱན་འདྲེན་འདོད་ཕྱིར་བཅང་བར་བྱ། །ཞེས་གསུངས་པ་སྟེ། དེ་དག་རྣམས་གས་སྙིང་གི་རྒྱུད་སོ་སོའི་དགོངས་པ་མི་འདྲེས་ཤིང་དཔྱད་བཟོད་པའི་ཕྱིར་མཚན་གྱི་ཚུལ་དུ་བྱས་པ་ཡིན་ནོ། །བདེ་སྟོང་གཉིས་སུ་མེད་པའི་ཡེ་ཤེས་བསྐྱེད་པའི་དག་དྲན་ཁོ་ན་ཡིན་ནོ། །གསུམ་པ་དགོས་པ་ནི། དེ་ཁོ་ན་ཉིད་དྲན་པའི་སྒོ་ནས་དཀྲོལ་བས་བདེ་སྟོང་གཉིས་སུ་མེད་པའི་ཡེ་ཤེས་ཕྱག་རྒྱ་ཆེན་པོ་སྒྲའི་རྣམ་རོལ་དུ་གར་བས་བླ་མ་དང་དཀྱིལ་འཁོར་གྱི་ལྷ་ཚོགས་མཉེས་པར་བྱ་བའི་ཕྱིར་དང་། དེ་ལས་བྱིན་རླབས་དང་དངོས་གྲུབ་ཤིན་ཏུ་མྱུར་བར་སྩོལ་བ་དང་། དཔའ་བོ་དང་རྣལ་འབྱོར་མ་ལ་སོགས་གནས་ཡུལ་གྱི་ཞིང་སྐྱོང་ཐམས་ཅད་སྒྲ་དེས་ཐུགས་རྒྱུད་བསྐུལ་ནས་མྱུར་དུ་འདུ་ཞིང་བྱིན་གྱིས་བརླབས་བ་དང་། བདག་གིས་དབང་དུ་འགྱུར་བ་དང་། དེས་མཚོན་པར་མཁའ་འགྲོ་ཆོས་སྐྱོང་རྣམས་ཀྱང་སྒྲ་དེས་ཐུགས་རྒྱུད་བསྐུལ་ནས་དྲིན་ལས་མྱུར་བར་བྱེད་པ་སྟེ། རྒྱུད་ལས། ཐམས་ཅད་འགུགས་པར་བྱེད་པར་འགྱུར། །གལ་ཏེ་འོང་བར་མ་གྱུར་ན། །དེ་ཚེ་མཁའ་འགྲོ་མ་ཀུན་འཆི། །ངེས་པ་ཉིད་དུ་འགྲུབ་འགྱུར་བས། །ངས་གསུངས་པ་ལ་ཐེ་ཚོམ་མེད། །ཅེས་གསུངས་པས་དམ་ཚིག་དང་སྡོམ་པ་ལ་གནས་པའི་རྣལ་འབྱོར་པས། ལྷའི་ང་རྒྱལ་བརྟན་པོས་གོང་དུ་བཤད་པའི་དེ་ཁོ་ན་ཉིད་དྲན་པས། མཚན་ཉིད་ཚང་བའི་ཅང་ཏེའུ་དཀྲོལ་ན་དགོས་པ་ཁྱད་པར་ཅན་དེ་ལྟ་བུ་ཡོད་པར་གསུངས་ལ། དེ་ཡང་གསང་བའི་རྡེའུ་ཆུང་ཞེས་པ་ནི་བུད་མེད་ཀྱི་བརླའི་

(༡༠༢)དཔྱི་གཉིས་དང་ཚིགས་པའི་རུས་པ་འབྲེལ་བ་དྲེགས་ནས་འཇམ་པོར་བྱས་ཏེ། བྷ་གའི་པགས་པས་གཡོགས་ཤིང་སྐྱེས་པའི་རྡོ་རྗེས་རྡུང་བྱེད་བྱས་པ་ལ་མཁའ་འགྲོ་མ་འབོད་པའི་གསང་བའི་རྡེའུ་ཆུང་ཞེས་དང་སྐྱེས་པ་བསད་པའི་བརླའི་སྐེད་ཕྲ་བའི་ཕྱོགས་ནས་བརྩམས་ཏེ་མཐེབ་སོར་བཅུ་གཉིས་ཀྱི་ཚད་བྲེགས་ནས་འབུར་དུ་རུང་བར་བྱས་པ་ལ་དུང་ཆེན་གྱི་གླིང་བུ་ཞེས་འབོད་པར་ཡང་བཤད་དེ་ཞར་བྱུང་དུ་སྨྲས་པའོ། །བཞི་པ་རྡོར་དྲིལ་ཅང་ཏེའུ་དང་བཅས་པར་ལྷག་གནས་བྱ་ཞིང་བཅད་ཚུལ་ནི། རྒྱས་པར་ན་རྡོར་དྲིལ་སོ་སོའི་དེ་ཉིད་དང་མཐུན་པའི་མངོན་རྟོགས་སྒོམ་པ་སོགས་རྒྱུད་རྣམས་ནས་གསུངས་ཀྱང་འདིར་གཏེར་ཁ་འདི་ཁའི་རང་སྐད་ལས་བྱུང་བ་བཞིན་སྙིང་པོར་དྲིལ་ནས་བྱ་བ་ནི། རྡོར་དྲིལ་མདུན་དུ་སྟེགས་ཀྱི་ཁང་འདུ་བྱས་ལ། ས་བྷཱ་ཝས་སྦྱངས། སྟོང་པའི་ངང་ལས། ཧཱུཾ་ལས་བྱུང་བའི་ཡེ་ཤེས་ཀྱི་རྡོ་རྗེ་ཐབས་ཀྱི་རང་བཞིན་དུ་བསྐྱེད། སེམས་ཅན་ཐམས་ཅད་སྨིན་པར་བྱ་བའི་འོད་ཟེར་ཀུན་ལ་འཕྲོ་བར་གྱུར། ཞེས་རྡོ་རྗེ་སེམས་དཔའི་རང་བཞིན་དུ་བསམས་ལ་ལག་པ་གཡས་པས་ལན་གསུམ་གསོར། དྲིལ་བུ་མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་ཨཱལས་དབྱིངས་ཀྱི་རང་བཞིན་ཤེས་རབ་དྲིལ་བུའི་རྣམ་པར་བསྐྱེད་ལ། སེམས་ཅན་སད་པར་བྱ་བའི་ཆོས་སྒྲ་རྒྱུན་མི་འཆད་པར་གྱུར༔ ཞེས་རྡོ་རྗེ་སྙེམས་མའི་རང་བཞིན་དུ་བསམས་ལ་དག་པ་དྲན་པས་ལན་གསུམ་འཁྲོལ། དེ་ནས་རྡོར་དྲིལ་ཐབས་ཤེས་སུ་སྙིང་གར་བསྣོལ་ལ་ཡབ་ཡུམ་གཉིས་ཐུགས་བདེ་བ་ཆེན་པོའི་ཡེ་ཤེས་ཀྱི་རྗེས་ཆགས་ལྷག་པར་རྒྱས་པའི་མཁའ་གསང་ནས་བྱང་ཆུབ་སེམས་ཀྱི་རང་བཞིན་འོད་ཟེར་ལྔ་ཀུན་ལ་འཕྲོས་པས་འཕགས་པ་མཆོད། སེམས་ཅན་རྣམས་སྨིན་པར་བྱས་པར་བསམས་པ། ཧཱུཾ་ཐབས་ཤེས་ཟུང་འཇུག་ཆོས་ཉིད་མཚོན། འདས་དུས་འགྲོ་རྣམས་སད་པ་དང་། །འགྲོ་རྣམས་སྨིན་པར་བྱ་བའི་ཕྱིར། །རྡོ་རྗེ་གསོར་ཞིང་དྲིལ་བུ་འཁྲོལ། །ཨོཾཱ་བཛྲ་གྷཎྜེ་ཧཱུྃ་ཨཱ

(༡༠༣)ཞེས་བརྗོད་ལ་རྡོ་རྗེ་གསོར་བ་དང་དྲིལ་བུ་འཁྲོལ་བ་ལྷན་ཅིག་ཏུ་བྱའོ། །དེ་ལྟར་རབ་གནས་བྱས་པའི་རྡོར་དྲིལ་དེ་ཉིད་ལས་རྡོ་རྗེ་ནི་དཀུར་བརྟེན་པ་དང་། སྙིང་གར་གཏོང་པ་དང་། གྱེན་དུ་སློང་བ་གང་གི་ཚེ་ཡང་སྔར་རྡོ་རྗེའི་རྣམ་གཞག་ཏུ་བཤད་པའི་ཡབ་ལྔར་མོས་པ་བྱས་པ་དེའམ། དེས་མཚོན་པའི་རབ་གནས་ཀྱི་དུས་རྡོ་རྗེ་སེམས་དཔའི་རང་བཞིན་དུ་སྒོམ་པའི་རྩེ་མོ་སྟེ་དབུ་གཏོད་ཕྱོགས་གང་ལ་བྱས་པ་དེ་ཉིད་ཀྱི་སྟེང་རྭ་ལ་རྟགས་གཞག་སྟེ་མགོ་མཇུག་མ་ལོག་པར་བྱ། སྟེང་དུ་གསོར་བའི་ཚེ་ཡང་སྟེང་རྭ་གཡས་དང་འོག་རྭ་གཡོན་ཕྱོགས་སུ་འོང་བར་བྱས་ལ་གསོར། འཇོག་པའི་ཚེ་ནའང་ཐབས་ཤེས་འདུ་འབྲལ་མེད་པའི་བརྡ་སྟེ་རྡོ་རྗེ་རང་ཉིད་ཀྱི་གཡོན་དང་དྲིལ་བུ་གཡས་སུ་འཇོག་ཅིང་རྡོ་རྗེ་དཀྲོང་མོར་མ་བདེ་ན་རང་ཉིད་ལ་ཞལ་ཕྱོགས་པའི་ཚུལ་དུ་དང་དྲིལ་བུའི་ཤེས་རབ་ཞལ་ཡང་རང་ལ་སྟོན། རྡོར་དྲིལ་ས་རྗེན་པའི་ཁར་འཇོག་པ་ལ་སོགས་ཏེ་མ་གུས་པ་བགྱིས་ན་འདི་ནི་རིགས་ལྔའི་རང་བཞིན་ཤིན་ཏུ་རྨད་དུ་བྱུང་བའི་རྟེན་ཡིན་པས་སྐུ་གསུང་ཐུགས་རྟེན་གཞན་ལ་མ་གུས་པའི་ལས་བསགས་པ་དང་ཁྱད་པར་མེད་པར་བཤད་པས། དེས་ན་བཤད་མ་ཐག་པའི་སྤང་བླང་ཐམས་ཅད་དགོས་པ་ཁྱད་པར་ཅན་འདའ་ཞིག་ཡིན་པའི་ཕྱིར་འཆོལ་བར་མི་གཏོང་། ད་ལྟ་ཕལ་གྱིས་རྡོར་དྲིལ་ཁ་ཟས་ཀྱི་ལྷག་རོལ་དང་མཉམ་དུ་ལག་ཕྱིས་ལ་སོགས་པའི་ནང་དུ་འཇུག་པ་དང་། གསུང་རབ་ཀྱི་པུསྟ་ཀ ལྷ་མ་དང་སྦྲགས་ནས་འཇོག་པ་ལ་སྡིག་པ་ཅི་ཡང་དབྱེ་བ་འབྱེད་མི་ཤེས་སོ། །དེ་ནས་ཅང་ཏེའུ་བྱིན་བརླབ་བྱ་བ་ནི། ཧཱུཾ་ཐོད་རྡ་ལྕག་དང་བཅས་པ་སྟོང་པར་གྱུར། །སྟོང་པའི་ངང་ལས་ཨཱ ལས་ཅང་ཏེའུ། ཀུན་ཏུ་བཟང་མོ་ཡུམ་གྱི་མཁའ་དབྱིངས་སུ། །རྔ་ལྕག་ཀུན་བཟང་།།།ཀྱི་རྡོ་རྗེ་ཡི། །སྙོམས་པར་ཞུགས་པས་བྱང་ཆུབ་སེམས་ཀྱི་རྒྱུན། །ནམ་མཁའི་མཐར་ཐུག་ཁྱབ་ཅིང་བླ་མེད་ཀྱི། །སྙིང་པོའི་ཆོས་སྒྲས་སྟོང་གསུམ་གང་བར་གྱུར། །དྷརྨ་དྷཱརྟུ་ཧཱུཾ་ཧཱུཾ་བཾཀྵ་ས་མ་ཡ་ཧོ ཞེས་འཁྲོལ་ལོ། །སྤྱི་དོན་གཉིས་པ་ཆོ་གའི་

(༡༠༤)དགོངས་པ་འགྲེལ་པ་དངོས་ལ་གསུམ། སྔོན་འགྲོ། དངོས་གཞི། རྗེས་སོ། །དང་པོ་ལ་གཉིས། བཤམ་དགོད་འདུ་བྱ་བ་དང་། ཆོ་གའི་སྔོན་འགྲོའོ། །དང་པོ་ནི་གཞུང་ལས། ལྟ་བསྒྲུབ་དཀྱིལ་འཁོར་འདྲིའམ་ཚོམ་བུ་བཀོད༔ འབྱོར་ཚོགས་གཏོར་མ་བག་བྲོ་རྒྱན་ལྡན་དང་༔ ཕྱི་ནང་གསང་མཆད་སྨན་རག་གཡས་གཡོན་བཤམ༔ ཞེས་གསུངས་པ་ལྟར་བསྙེན་སྒྲུབ་ཡན་ལག་བཞི་སོ་སོའི་ངེས་པས་ཕྱེ་ཞིང་། སྒྲུབ་ཆེན་ལྟ་བུའི་ཚེ་ནི་སྒྲུབ་ཁོག་གི་ཡི་གེ་ཟུར་བཀོད་ལས་ཤེས་པར་བྱའོ། །གཉིས་པ་ཉམས་སུ་ལེན་པའི་སྔོན་འགྲོའི་རྣམ་གྲངས་ལ་གཉིས། ཐུན་མོང་དང་ཐུན་མོང་མ་ཡིན་པའོ། །དང་པོ་ལ་བཞི། སོ་ཐར་གྱི་སྡོམ་པ་ཡར་ལྡན་དུ་བྱེད་ཅིང་ལོག་ལྟའི་གཉེན་པོར་སྐྱབས་སུ་འགྲོ་བ་དང་། བྱང་སེམས་ཀྱི་བསླབ་པ་མ་ཉམས་པར་བྱེད་ཅིང་ཐེག་དམན་གྱི་གཉེན་པོར་སེམས་བསྐྱེད་པ་དང་ཐབས་ཁྱད་པར་ཅན་གྱི་སྒོ་ནས་ཚོགས་ལམ་གྱི་གོམས་སྟོབས་སྐད་ཅིག་ལ་བགྲོད་ཕྱིར་ཡན་ལག་བདུན་པ་དང་། སྔགས་སྡོམ་ཁྱད་པར་ཅན་ཡང་ལྡན་དུ་བྱེད་ཕྱིར་དམ་བཅའ་བཟུང་བའོ། །དང་པོ་ལའང་ནང་གསེས་བདུན་ཏེ། གང་གི་སྐྱབས་སུ་འགྲོ་བའི་རྟེན་གྱི་གང་ཟག །རྒྱུ་གང་གི་སྐྱབས་སུ་འགྲོ་བ། དུས་ནམ་གྱི་ཚེ། ཡུལ་གང་ལ་འགྲོ། ཚུལ་ཇི་ལྟར། ཆེད་དུ་གང་གི་ཕྱིར། སྦྱང་གཞི་སྦྱོང་བྱེད་ཕན་ཡོན་དང་བཅས་སྡོམ་ནས་བཤད་པའོ། །དང་པོ་ནི་རང་ཉིད་ཀྱི་གཡས་གཡོན་དུ་ནམ་མཁའ་དང་མཉམ་པའི་སེམས་ཅན་ཐམས་ཅད་ཚོགས་པར་བསམས་ཏེ་བདུན་པ་གཅིག་གིས་སོ། །གཉིས་པ་ལ་གསུམ་སྟེ། འཇིགས་པ་དང་དད་པ་དང་། སྙིང་རྗེ་བའོ། །དང་པོ་ལ་གསུམ། འཁོར་བའི་སྡུག་བསྔལ་བཟོད་པར་དཀའ་བ་ལ་འཇིགས་པ། རང་དོན་ཡིད་ལ་བྱེད་པའི་འཇོགས་པ། ཐ་མལ་སྣང་ཞེན་གྱི་འཇིགས་པའོ། །གཉིས་པ་དད་པ་ནི། སྐྱབས་ཡུལ་དེ་རྣམས་ཀྱི་སེམས་ཅན་ཐམས་ཅད་

(༡༠༥)སྡུག་བསྔལ་གྱིས་མནར་བའི་ཚུལ་དང་། དེ་ལས་སྐྱོབ་པའི་ཐབས་མཁྱེན་པས་ན་མཁྱེན་པའི་ཡོན་ཏན། སྐྱོབ་པར་བྱེད་པའི་ཐུུགས་ཀྱིས་བརྩེབས་ན་བརྩེ་བའི་ཐུགས་རྗེ། སྐྱོབ་པར་ནུས་པའི་ནུས་མཐུ་ཡོད་པས་ན་ནུས་པའི་བདག་ཉིད་དེ་ཡོན་ཏན་གསུམ་ཡོད་པ་མཐོང་ནས་མཆོག་ཏུ་དད་པའོ། །གསུམ་པ་སྙིང་རྗེ་ནི། སེམས་ཅན་ཐམས་ཅད་རང་རང་གི་རྣམ་པར་སྨིན་པའི་འབྲས་བུ་སྡུག་བསྔལ་གྱིས་གཟིར་བ་དང་། སྡུག་བསྔལ་གྱི་རྒྱུ་འབའ་ཞིག་ལ་གནས་པ་ལ་མི་བཟོད་པའི་སྙིང་རྗེ་བའོ། །གསུམ་པ་དུས་ནི། ཇི་སྲིད་བྱང་ཆུབ་སྙིང་པོའི་གོ་འཕང་ལ་མ་རེག་གི་བར་དུའོ། །བཞི་པ་ཡུལ་ནི། ཕྱོགས་བཅུ་དུས་གསུམ་གྱི་སྐྱབས་གནས་མ་ལུས་པ་དང་། བླ་མ་ཡི་དམ་མཁའ་འགྲོ་སྟེ་རྩ་བ་གསུམ། སངས་རྒྱས་ཆོས་དང་དགེ་འདུན་ཏེ་དཀོན་མཆོག་རིན་པོ་ཆེ་གསུམ་དང་། དེ་དག་གི་བསྟན་པ་རིན་པོ་ཆེ་བསྲུང་བར་བཀའ་བསྒོས་ཤིང་གཉེར་དུ་གཏེད་པའི་ མདོ་ལུགས་དང་བསྟུན་ན་འབྲས་བུ་དག་པ་ ཉིས་ལྡན་ལ་དམིགས་ནས་སྐྱེལ་མ་ཞུ་བ་ལྟར། སངས་རྒྱས་ལ་སྟོན་པ། ཆོས་ལ་ལམ། དགེ་འདུན་ལ་ལམ་བསྒྲུབ་པའི་གྲོགས་སུ་ཞུ་བའི་སྐྲད་དུ་འགྲོ་བ་རྒྱུའི་སྐྱབས་འགྲོ། མ་འོངས་བ་ན་སྐྱབས་གསུམ་དེ་དག་རང་རྒྱུད་ལ་ཐོབ་པ་བྱ་བའི་སླད་དུ་སྐྱབས་སུ་འགྲོ་བ་འབྲས་བུའི་སྐྱབས་འགྲོ་སྟེ་དམིགས་པའི་ཆ་ནས་དེ་སྐད་ཅེས་བཏགས་པའོ། །ཡེ་ཤེས་ཀྱི་སྲུང་མ་ཕོ་རྒྱུད་མོ་རྒྱུད་ཐམས་ཅད་ནམ་མཁའི་ཁྱོན་ལ་སྐར་མ་ཤར་བ་ལྟར་ཁྲ་ཕུང་དེར་བཞུགས་པར་བསམ་པའི་མོས་པ་ལམ་བྱེད་དམ། ཡང་ན་སྨིན་སློབ་ཀྱི་སྐབས་སུ་ངེས་པའི་ཕྱི་ནང་གསང་གསུམ་དེ་ཁོ་ན་ཉིད་སོ་སོའི་ཡུལ་ལ་སྐྱབས་སུ་འགྲོ་ཚུལ་གྱི་དག་པ་དྲན་པའི་ངང་ནས་སོ། །ལྔ་པ་ཚུལ་ཇི་ལྟ་བུས་སྐྱབས་སུ་འགྲོ་བ་ནི། དེ་ཡང་ཚོགས་ཞིང་དེ་རྣམས་རྣམ་པ་ཐ་དད་དུ་ཤར་ཡང་དོན་དམ་པར་རྩ་བ་གསུམ་གྱི་ཡེ་ཤེས་ཀྱི་རོལ་པ་འགག་པ་མེད་པའི་སྐུ་དགེ་འདུན། གསུང་དམ་ཆོས། ཐུགས་སངས་རྒྱས་སུ་ཧྲིལ་གྱིས་འདུ་ཞིང་། དཔལ་གསང་འདུས་པ་ལས། དྲི་མེད་སེམས་ནི་སངས་རྒྱས་འགྱུར། །ཆོས་ཀྱང་

(༡༠༦)དག་ཏུ་ཡང་དག་གསུངས། །སྐུ་ནི་དགེ་འདུན་ཞེས་བྱ་སྟེ། །ཞེས་གསུངས་པས་ཤེས་ལ། དེ་ལ་ཡང་མཐོར་གཏོང་དམར་གཏོང་ཁྱོད་ཤེས་ཀྱི་ཚུལ་དུ་བློས་ལིངས་ཀྱིས་བཀལ་ནས་སྐྱབས་སུ་འགྲོ་བའོ། །དྲུག་པ་གང་གི་ཆེད་དུ་ན་རང་ཉིད་ཞི་བདེ་ཙམ་མ་ཡིན་པར་ནམ་མཁའ་དང་མཉམ་པའི་སེམས་ཅན་ཐམས་ཅད་ཐར་པ་དང་ཐམས་ཅད་མཁྱེན་པའི་གོ་འཕང་ལ་འགོད་པའི་ཆེད་དུ་རང་གིས་བྱང་དྲངས་ནས་སེམས་ཅན་ཐམས་ཅད་ཀྱིས་མགྲིན་གཅིག་འདོན་པར་བསམས་ལ། འཁོར་འདས་མཉམ་སྦྱོར་གྱི་ཚུལ་དུ་ཐལ་མོ་སྙིང་གར་སྦྱར་ནས། ཨོཾཱ་ན་མོ་ཧཱུཾ༔ ཕྱོགས་བཅུ་དུས་གསུམ་བཞུགས་པའི་སྐྱབས་གནས་མ་ལུས་དགོངས ཞེས་པའི་ཚིག་རྐང་ལྔས་སྐྱབས་སུ་འགྲོ་ཞིང་མཇུག་ཏུ་སྐྱབས་ཡུལ་རང་ལ་བསྡུ་བར་གཞན་དུ་བཤད་ཀྱང་། འདིར་རེ་ཞིག་ཡན་ལག་བདུན་པའི་བར་དུ་ཚོགས་ཞིང་དུ་བཞུགས་སུ་གསོལ་བ་ཡིན་ནོ། །བདུན་པ་དེ་ལྟར་སྐྱབས་འགྲོའི་སྦྱང་གཞི་དང་སྦྱོང་བྱེད་ནི། སྤྱིར་རང་སྣང་མ་དག་པ་ཐམས་ཅད་དང་། ཁྱད་པར་གྱི་སྦྱང་གཞི། འཇིག་རྟེན་པའི་དཔོན་པོ། ཚངས་པ་དང་དབང་ཕྱུག་ལ་སོགས་མུ་སྟེགས་ཕྱི་བའི་ལྷ་དང་། ལྷ་ཀླུ་བདུད་བཙན་མཐུ་བོ་ཆེ་ལ་སོགས་སྐྱངས་སུ་འགྲོ་བར་མི་འོས་པའི་རིགས་ལ་སྐྱབས་སུ་སོང་བ་དང་། བླ་མ་དང་དཀོན་མཆོག་གསུམ་ལ་སོགས་སྐྱབས་སུ་འགྲོ་བར་འོས་པའི་ཡུལ་ལ་དེ་ལས་ལྡོག་སྟེ་མ་གུས་པར་བགྱིས་པ་ལ་སོགས་པའི་སེམས་སྣང་བག་ཆགས་དང་བཅས་པ་ནི་སྦྱང་གཞི་ཡིན་ལ། དེ་ཚུལ་བཞིན་དུ་བྱེད་པ་ནི་སྦྱོང་བྱེད་ཀྱི་ལམ་དེ་གཉིས་དབྱེར་མེད་དུ་ཉམས་སུ་ལེན་པ་ནི་གནས་ལུགས་རྡོ་རྗེའི་སྐྱབས་འགྲོར་ངེས་ལ། བདེ་འདུས་ལས། དཀོན་མཆོག་གསུམ་གྱི་རང་བཞིན་བྱང་ཆུབ་སེམས། །ཞེས་གསུངས་པ་ལྟར་སྐྱབས་འགྲོ་བྱེད་མཁན་རྣལ་འབྱོར་པ་རང་ཉིད་ཀྱི་སེམས་སྐད་ཅིག་མའི་འཁྲུལ་འཁོར་རམ་བྱེད་ལས་ཡིན་ལ། དེའི་ངོ་བོ་གསལ་སྟོང་དབྱེར་མེད་དུ་གཏན་ལ་བབ་ནས། རང་བཞིན་ཅིར་ཡང་མ་གྲུབ་པའི་ངང་ལས་མ་གཡོས་བཞིན་དུ་གདངས་

(༡༠༧)མ་འགགས་པ་སྐྱབས་སུ་འགྲོ་བའི་ཡུལ། སྐྱབས་སུ་འགྲོ་བའི་མཁན་པོ། སྐྱབས་སུ་འགྲོ་བའི་ཚུལ་རྣམས་སུ་ཤར་བ་ཟུང་འཇུག་ཏུ་ཉམས་སུ་ལེན་པ་ཡིན་ནོ། །རྒྱུད་བླ་མ་ལས། འདུས་མ་བྱས་ཤིང་ལྷུན་གྱིས་གྲུབ། །ཅེས་གསུངས་པ་ལྟར་ཐམས་ཅད་རང་རིག་གཅིག་པུའི་ཀློང་དུ་འདུས་པ་མོས་པ་ལམ་བྱེད་ཀྱི་སྒོ་ནས་བསླབས་པས་ཅི་ཞིག་ན་མངོན་དུ་འགྱུར་བའོ། །དེ་ལྟ་བུའི་སྐྱབས་འགྲོའི་ཕན་ཡོན་ནི་བསམ་ལས་འདས་ཏེ། ལུང་ལས། སྐྱབས་སོང་འདི་ལ་གཟུགས་མཆིས་ན། །ནམ་མཁའ་འདི་ཡང་སྣོད་དུ་ཆུང་། །རྒྱ་མཚོ་ཆེན་པོ་ཆུ་ཡི་གཏེར། །ཕུལ་ལ་གཞལ་བས་ཟང་མི་ནུས། །ཞེས་གསུངས་པ་ལྟར་དང་། འདི་ནི་ལམ་གྱི་རྨང་རྡོ་ཁོ་ན་ཡིན་ཕྱིར་རྣམ་དག་ཞིག་མ་བྱུང་ན་མགོ་ཉེས་སུ་འགྱུར་བར་མ་ཟད་ནང་བ་སངས་རྒྱས་པའི་ཁོངས་སུའང་མི་ཚུད་པས་གནད་དུ་བསྣུན་པར་བྱའོ། །གཉིས་པ་སེམས་བསྐྱེད་པ་ལ་གསུམ། ཀུན་སློང་འཆོས་པ་དང་སེམས་བསྐྱེད་པ་དངོས། སྦྱང་གཞི་སྦྱོང་བྱེད་ངོ་སྦྲང་པའོ། །དང་པོ་ནི། སྡུད་པ་ལས། སངས་རྒྱས་ཐེག་པ་འདི་ལ་ངེས་པར་འབྱུང་འདོད་གང་། །འགྲོ་བ་ཀུན་ལ་སེམས་སྙོམས་ཕ་མའི་འདུ་ཤེས་དང་། །ཕན་པའི་སེམས་དང་བྱམས་པའི་ཡིད་ཀྱིས་བཏུལ་བྱ་ཞིང་། །ཐབ་མེད་ཅིང་དྲང་ལ་ཚིག་འཇམ་སྨྲ་བར་བྱ། །ཞེས་གསུངས་པ་ལྟར། ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱིས་བདག་གི་ཕ་དང་མ་ནི་མ་བྱས་པ་མེད་ལ། བཤེས་སྤྲིང་ལས། མ་ཡི་ཐུག་མཐའ་རྒྱ་ཤུག་ཚིག་གུ་ཙམ། །རིལ་བུར་དྲིལ་ཀྱང་ས་ཡིས་ལང་མི་འགྱུར། །ཅེས་གསུངས་ཤིང་ཕ་མ་ནི་བྱས་རེས་ད་ལྟའི་ཕ་མ་བཞིན་ཕན་ཤིན་ཏུ་བཏགས་པའི་དྲིན་ཅན་ཤ་སྟག་ཡིན་ཡང་། ཚུལ་དེ་ལྟ་བུ་ངོ་མ་ཤེས་ཤིང་། གཉེན་པོ་དམན་པས། ཕ་མ་བསད་པའི་གྲངས་ཀྱང་མི་ཆོད། ལས་ནི་མ་བྱས་དང་མ་མྱོང་བྱ་བ་མེད། ད་རེས་ཚུལ་དེ་ལྟ་བུའི་གནད་གོ་ཞིང་ཐེག་པ་ཆེན་པོའི་ལམ་ཟབ་མོ་དང་མཇལ་དུས་བྱང་

(༡༠༨)སེམས་ཁྱད་པར་ཅན་ཅིའི་ཕྱིར་མི་བསྒོམ། དེས་ན་བདག་གི་ཕ་མ་འཁོར་བའི་རྒྱ་མཚོ་མུ་མཐའ་མེད་པའི་སྡུག་བསྔལ་གྱིས་གཟིར་བ་སྙིང་རེ་རྗེ་སྙམ་དུ་ཞེ་ཐག་པ་ནས་བསྒོམ་དགོས་ཏེ། སྡུད་པ་ལས། སངས་རྒྱས་ཐོབ་པར་འདོད་པས་ཆོས་མང་པོ་ལ་བསླབ་པར་མི་བགྱི་ཡི། ཆོས་གཅིག་ལ་བསླབ་པར་བྱའོ། །དེ་གང་ཞེན་སྙིང་རྗེ་ཆེན་པོ་ལའོ། །གང་ལ་སྙིང་རྗེ་ཆེན་པོ་མཆིས་པ་དེ་ལ་ནི་སངས་རྒྱས་ཀྱི་ཆོས་ཐམས་ཅད་ལག་མཐིལ་དུ་མཆིས་པ་ལྟར་འགྱུར་རོ། །ཞེས་གསུངས་ཤིང་། འོ་སྐོལ་རྣམས་ཀྱིས་སྙིང་རྗེའི་བསམ་པས་ལུས་སྲོག་གཏོལ་ཡོད་པ་ལྟ་ཅི། ཐུན་རེ་རེ་ཙམ་ཡང་སྙིང་རྗེའི་བསམ་པ་རྒྱུད་ལ་སྐྱེ་མཁན་དཀོན་པར་འདུག་སྟེ། དེ་ལྟ་ན་རྣམ་མཁྱེན་ནི་ལྟ་ཞོག །ཐར་པའི་རེ་བ་ཙམ་ཡང་མ་མཆིས་ཏེ། ཅིའི་ཕྱིར་ན་ཐར་པ་དང་བྱང་ཆུབ་དོན་དུ་གཉེར་བ་ལ་བྱང་ཆུབ་སེམས་དཔས་ཀྱང་ལུས་སྲོག་ལ་འཕངས་པ་མེད་པར་བདག་གཞན་བརྗེས་ནས་སེམས་བསྐྱེད་པ་གྲངས་ཀྱིས་མི་ཆོད་དེ། དེ་ཡང་འདི་ལྟ་སྟེ། སྔོན་ཐུབ་པའི་དབང་པོ་ཉིད་རྒྱལ་པོ་པདྨ་བྱ་བར་འཁྲུངས་ཚེ། དུས་རེ་ཞིག་ན་ཁོང་གི་མངའ་རིས་སུ་ནད་ཡམས་ཆེན་པོ་བྱུང་ནས་མི་མང་པོ་ཤིབས། རྒྱལ་པོས་སྨན་པ་རྣམས་བོས་ནས། འདི་ལ་ཅིས་ཕན་དྲིས་པས། དེ་དག་ན་རེ། ཉ་རོ་ཧི་ཏའི་ཤ་ཡོད་ན་པན། གཞན་གང་ཕན་ནད་གྲིབ་ཀྱིས་རྨུགས་ནས་མི་ཤེས་པ་འདུག་ཞུས་པས། རྒྱལ་པོས་དུས་བཟང་ལ་བབ་པའི་སྔ་དྲོར་ཁྲུས་བྱས། གོས་གསར་བ་གྱོན་གསོ་སྦྱོང་བླངས། །དཀོན་མཆོག་ལ་མཆོད་པ་རྒྱ་ཆེན་པོ་ཕུལ། གསོལ་བ་དྲག་པོ་བཏབ་ནས། ནད་པ་ལ་སྙིང་ཤིན་ཏུ་རྗེ་བའི་བསམ་པས། བདག་ཤི་མ་ཐག་ཏུ་ཆུ་ཀླུང་ལྡོག་བྱེད་དུ་ཉ་རོ་ཧི་ཏར་སྐྱེ་བར་གྱུར་ཅིག་ཅེས་སྨོན་ལམ་བཏབ་ནས་ཁང་བཟང་གི་ཁ་ནས་མཆོངས་ཏེ་ལྕེབས་སོ། །དེ་མ་ཐག་སྨོན་ལམ་གྱི་དབང་གིས་རྒྱལ་པོ་ཆུ་ཀླུང་ལྡོག་བྱེད་དུ་ཉ་དེར་རྫུས་ནས་སྐྱེས་སོ། །དེས་མིའི་སྐད་དུ་ང་ཉ་རོ་ཧི་ཏ་ཡིན་པས་ངའི་ཤ་ཟོ་ཞིག་ཅེས་སྨྲས་པས་ཐམས་ཅད་ཀྱིས་

(༡༠༩)ཤ་བླངས་ཏེ། གཞོགས་གཅིག་གི་ཤ་ཟད་ཙ་ན་གཞོགས་བསྒྱུར་ནས་བཅད་པས། གཅིག་ཟད་ཙ་ན་གཅིག་གི་ཤ་སྐྱེས་ནས་དེ་ལྟར་རེ་མོས་ཀྱིས་ཟོས་པས་མི་ཐམས་ཅད་ནད་ལས་ཐར་རོ། །དེར་མི་རྣམས་ལ་ཁྱེད་རྣམས་ཀྱི་དོན་དུ་ངས་འདི་ལྟར་བྱས་སོ་ཞེས་ལོ་རྒྱུས་གསུངས་ཏེ། དྲིན་ལན་དུ་སྡིག་པ་སྤོངས་ལ་དགེ་བ་ཅི་ནུས་སྒྲུབས་ཤིག་གསུངས་པས་དེ་དག་གིས་ཀྱང་བཀའ་བཞིན་བསྒྲུབས། དེ་ནས་བཟུང་སྟེ་དེ་དག་ཀྱང་ངན་འགྲོར་མ་ལྷུང་ངོ་ཞེས་གསུངས་སོ། །དེས་ན་བྱང་ཆུབ་དོན་དུ་གཉིར་བ་ལ་བདག་པས་གཞན་གཅེས་ཀྱི་སྙིང་རྗེ་ཆེན་པོ་ལ་སྦྱང་དགོས་ཤིང་། ལ་ལ་དག་འདི་སྙམ་དུ་དེ་ནི་སངས་རྒྱས་ཀྱི་མཛད་པ་ཡིན་མོད། སོ་སྐྱེས་ཀྱིས་མི་ནུས་སྙམ་ནས་ཚིག་ཙམ་དུ་བས་ནས་སྒྱིད་ལུག་པར་བྱ་སྟེ། མ་ངེས་ཏེ། སྔོན་གྱི་གཏམ་རྒྱུད་དུ། བྱས་ཀོ་ཁར་ཀོ་བ་གཅིག་གི་ནང་དུ་བཙུན་པ་དྲུག་དང་བང་ཕྱིན་པ་གཅིག་རྣམས་ཞུགས་ཏེ་ཀོ་བ་བཏང་པས་ཆུའི་བཞི་ཆ་ཙམ་སོང་བ་དང་ཀོ་མཁན་ན་རེ། ཅུང་ལྗིང་འདུག་པས་རྒྱལ་ཤེས་པ་ཞིག་ཡོད་ན་ཐོན་རོགས་ཀྱིས། ཡང་ནང་ཡིས་ཐོན་གྱིས་ཁྱེད་རང་གཅིག་གིས་སྐྱ་བ་ཟུང་ཟེར་བ་ལ། ཐམས་ཅད་ཀྱིས་གཉིས་ཀ་མི་ཤེས་པར་འདུག །བང་ཕྱིན་པ་དེ་ན་རེ། ཐམས་ཅད་ཤིང་ལས་ང་གཅིག་པུ་ཤི་བ་དྲག་ཟེར་ནས་ཆུ་ལ་མཆོངས་ནས། དེ་མ་ཐག་འཇའ་ཟུག །མེ་ཏོག་གི་ཆར་བབས། རྒྱལ་བས་ཤེས་ཀྱང་སེམས་བསྐྱེད་རྣམ་པར་དག་པའི་དབང་གིས་མ་ཤི་བར་གྲགས། མི་དེས་སྔར་ཆོས་ཙམ་བྱས་པའི་རིགས་སུ་མི་འདུག་སྐད་དེ། བློ་རྣམ་དག་རེ་རེས་དེ་འདྲ་ཕོད་དེ་འབྲས་བུ་དེ་ལྟ་བུ་འབྱུང་བར་ནུས་པ་ཡིན་འདུག་པས་དེ་དག་ལ་གཞིག་པ་ཡང་ཡང་བཏང་ནས་ཀུན་སློང་འཆོས་པའི་སྙིང་སྟོབས་བསྐྱེད་དགོས་པ་ཡིན་ཏེ། འདི་ལྟ་བུ་སྔོན་དུ་མ་སོང་ན་སེམས་བསྐྱེད་ཀྱི་ཆིག་བརྒྱ་ཚར་ཁྲི་ཚར་བཏོན་ཀྱང་སེམས་བསྐྱེད་རྣལ་མ་ཞིག་སྐྱེ་བར་མི་ནུས་ཏེ། དེས་

(༡༡༠)ན་རྒྱུ་སྙིང་རྗེ་ཆེན་པོའི་བློ་སྦྱངས་ཀྱིས་ཟིན་པ་ཁོ་ན་ལ་རག་ལས་ཤིང་། དེའི་ངོ་བོ་ཧྲིལ་གྱིས་དྲིལ་ན། རང་གཞུང་ལས། དེ་ལ་བྱམས་པ་ནི་ཞེ་སྡང་མེད་པའི་སེམས༔ སྙིང་རྗེ་ནི་འདོད་ཆགས་མེད་པའི་སེམས༔ བྱང་སེམས་ནི་གཏི་མུག་མེད་པའི་སེམས༔ ཞེས་རིམ་པ་ལྟར་སྡེ་སྣོད་གསུམ་དང་བསླབ་པ་གསུམ་གྱི་སྟོང་ཐུན་དང་སྦྱར་ནས་གསུངས་ཤིང་། དེས་ན་སྙིང་རྗེ་གོ་ལོག་ཏུ་མ་སོང་བར་བདག་གིས་སེམས་ཅན་ཐམས་ཅད་ཀྱི་དོན་དུ་སྒོ་གསུམ་དགེ་བའི་ལས་ལ་བཀོལ་ནས་འདི་རྣམས་སངས་རྒྱས་ཀྱིས་ལ་འགོད་པར་བྱའོ་སྙམ་པའི་འདུན་བདེ་དང་མ་བྲལ་བས། ནམ་མཁའི་མཐའ་ཀླས་གྱུར་པའི་འགྲོ་བ་མ་ལུས་པ མི་དགེ་བའི་ཕྱོགས་ལས་རྒྱུད་སྡོམ་པ་ནི་ཚུལ་ཁྲིམས་ཀྱི་སླབ་པ། ཏིང་ངེ་འཛིན་ལ་སོགས་པ་དགེ་བ་གོང་མར་སྤེལ་བ་ནི་སེམས་ཀྱི་བསླབས། དོན་གཉིས་བསྒྲུབ་ཅིང་ཤེས་བྱ་འབྱེད་པ་ནི་ཤེས་རབ་ཀྱི་བསླབ་སྟེ། ཉེས་སྤྱོད་སྡོམ་པ། དགེ་བ་ཆོས་སྡུད། སེམས་ཅན་དོན་བྱེད་ཅེས་ཀྱང་རིམ་པར་འཆད་དོ། །ཞེས་ཤློ་ཀས་སེམས་བསྐྱེད་པར་བྱའོ། །དེ་ལྟར་ཀུན་རྫོབ་ཀྱི་སེམས་བསྐྱེད་མཐའ་དག་སྨོན་འཇུག་གཉིས་སུ་འདུ་སྟེ། སྤྱོད་འཇུག་ལས། བྱང་ཆུབ་སེམས་ནི་མདོར་བསྡུ་ན། །རྣམ་པ་གཉིས་སུ་ཤེས་བྱ་སྟེ། །བྱང་ཆུབ་སྨོན་པའི་སེམས་དང་ནི། །བྱང་ཆུབ་འཇུག་པ་ཉིད་ཡིན་ནོ། །ཞེས་གསུངས་ཤིང་དེ་ཡང་དང་པོ་སྨོན་པ་ཁོ་ན་ལ་གཙོ་ཆེ་བར་བསླབ་དགོས་ཏེ། རང་གཞུང་ལས། སྨོན་པའི་བྱང་སེམས་ལ་བློ་སྦྱངས་ནས། འཇུག་པ་ཤུགས་ལ་འོང་ཞིང་། ཕལ་ཕྱིན་ལུགས་ཀྱི་དགོངས་འགྲེལ་གཞུང་ཆེན་པོ་རྣམས་སུ་སེམས་བསྐྱེད་པའི་རྒྱས་པར་བདུན་ཚན་གྱི་བར་དུ་དབྱེ་ཡང་འདིར་ཤཱནྟ་དེ་བའི་ལུགས་ཀྱིས་མདོར་བསྡུས་གཉིས་ཚན་གྱིས་འདུམས་པའི་སྨོན་འཇུག་གི་དོན་ནི། སྨོན་པ་འགྲོ་བ་འདོད་པ་དང་། འཇུག་པ་འགྲོ་བ་དངོས་ལྟ་བུ་ལ་སྦྱོར་ཞིང་། རྒྱ་གར་གྱི་སློབ་དཔོན་རྣམས་ས་མཚམས་ཀྱི་སྒོ་ནས་དབྱེ་བའི་ཚེ་བདེན་པ་མཐོད་མ་མཐོང་བ་བཞེད་པ་འདུག་ཀྱང་། ཀུན་མཁྱེན་བསམ་ཡས་པས། གཞན་དོན་བྱང་ཆུབ་འདོད་པ་ནི་སྨོན་པ། སྦྱོར་བས་བྱས་ནས་ཞུགས་པ་ནི་འཇུག་པ་སྟེ། ངོ་བོ་གཅིག་ལ་ལྡོག་པ་ཐ་དད་དུ་འདོད་པ་ཡིན་ནོ། །ཞེས་གསུངས་སོ། །སྨོན་པའི་

(༡༡༡)སེམས་མ་བསྐྱེད་ན་འཇུག་པ་འགྲུབ་མི་སྲིད༔ མེད་པ་མི་འབྱུང་བའི་རྒྱུ་འབྲས་སོ། །ཞེས་གསུངས་པས་སོ། །འོན་ཀྱང་ལ་ལ་དག་རྡོ་རྗེའི་ཐེག་པ་ཐབས་ལ་མཁས་པ་ཡིན་པས་རྒྱུའི་ཐེག་པའི་སེམས་སྦྱང་དང་རྒྱས་བཤད་ཀྱི་ལུང་མི་རིགས་སོ་སྙམ་པ་ནི་བླུན་ཏེ། ཐེག་པ་ཆེན་པོའི་རྩ་བ་སེམས་བསྐྱེད་ལ་ཐུག་པས་སྤྲོས་ནས་བཤད་པ་སྟེ། ཇི་སྐད་དུ། ཐེག་པའི་ཁྱད་པར་ཤེས་རབ་སྙིང་རྗེས་ཏེ། དེ་མིན་ཐེག་པ་ཆེན་པོར་ཁས་འཆེས་པ། །བོང་བུས་སེངྒེའི་པགས་པ་གྱོན་དང་མཚུངས། །ཞེས་གསུངས་པར་མ་ཟད་གཞུང་ཚིག་དངོས་བསྟན་གྱིས་གསལ་བར་གོ་ནུས་ལ། དེ་ཡང་གནས་སྐབས་འདི་དག་ཏུ་སྟོང་པ་ཉིད་དང་སྙིང་རྗེ་ཟུང་དུ་མ་འབྲེལ་ན་ཡ་བྲལ་ཕྱིས་ལམ་རྣམ་དག་ཏུ་འགྲོ་བར་མི་ནུས་ཏེ། འཇམ་དཔལ་རྣམ་པར་འཕྲུལ་བ་ལས། སྟོང་པ་ཉིད་ལ་སོ་སོར་རྟོག་ཅིང་སེམས་ཅན་ཡལ་བར་འདོར་བ་ཡང་བདུད་ཀྱི་ལས་སོ། །ཤེས་རབ་ཀྱིས་རྣམ་པར་དཔྱོད་ཅིང་སྙིང་རྗེ་ཆེན་པོ་ལ་དམིགས་པར་འཛིན་པ་ཡང་བདུད་ཀྱི་ལས་སོ། །ཞེས་གསུངས་པས་གསལ་ཆ་ནས་སྙིང་རྗེའི་གདངས་སུ་ཤར་ཡང་། སྟོང་ཆ་ནས་ཞེན་པ་མེད་པ་དགོས་པའི་ཕྱིར་རོ། །གསུམ་པ་སྦྱང་གཞི་སྦྱོང་བྱེད་ངོ་སྤྲོད་པ་ནི། སྤྱིར་བཏང་གི་སྦྱང་གཞི་སྐྱབས་འགྲོ་དང་ཆོས་མཚུངས། ཁྱད་པར་བ་ནི། ཚེ་ཐོག་མ་མེད་པ་ནས་གཞན་ལ་བསམ་ངན་བསྒོམས་པ་དང་། སེམས་བསྐྱེད་གོ་ལྡོག་ཏུ་སྤྱད་པ་ལ་སོགས་པའི་སེམས་དང་སེམས་བྱུང་ཐམས་ཅད་ནི་སྦྱང་གཞི་ཡིན་ལ། སེམས་བསྐྱེད་ཀྱི་རྣལ་འབྱོར་ནི་སྦྱོང་བྱེད། དེ་གཉིས་ཟུང་འཇུག་ཏུ་ཉམས་སུ་ལེན་པ་ནི་དོན་དམ་པའི་སེམས་བསྐྱེད་དེ་ལུགས་གཞན་དུ་འཁོར་འདས་དབྱེར་མེད་ཀྱི་སེམས་བསྐྱེད་ཅེས་གྲགས་སོ། །གསུམ་པ་ཡན་ལག་བདུན་པ་ལ་གཉིས། དངོས་དང་སྤྱིར་བསྡོམས་ཀྱི་ཕན་ཡོན་ནོ། །དང་པོ་ལ་རྣམ་གྲངས་བདུན་ལས། དང་པོ་ཕྱག་འཚལ་བའི་

(༡༡༢)ཡན་ལག་ལ་བཞི། ཡུལ་གདལ། ཚུལ་ཇི་ལྟ་བུས། དོན་གང་གི་ཆེད་དུ། དེ་ལྟར་བཙལ་བའི་ཕན་ཡོན་ནོ། །དང་པོ་ནི་སྔར་བཤད་མ་ཐག་པའི་ཚོགས་ཞིང་རྣམས་ལའོ། །གཉིས་པ་ནི། རང་ལུས་ཐ་མལ་བ་ནམ་མཁའ་གང་བར་སྤྲུལ་ཞིང་མཁའ་ཁྱབ་ཀྱི་སེམས་ཅན་ཡོད་དོ་ཅོག་དང་ལྷན་ཅིག་སྒོ་གསུམ་ཕུ་དུད་ཆེན་པོས་ཁྱེད་ཤེས་ཀྱི་མོས་གུས་དང་དེ་ནས་ཡ་ལག་ལྔ་ལྡན་གྱིས་ཕྱག་བཙལ་ནས། དེ་དག་གི་སྐུ་གསུང་ཐུགས་ལས་འོད་ཟེར་དཔག་ཏུ་མེད་པ་བྱུང་ནས། རང་ཅག་རྣམས་ཀྱི་ལུས་ངག་ཡིད་གསུམ་ལ་ཐིམ་པས་སྡིག་སྒྲིབ་དག་པར་བསམ་པ་ནི་ང་རྒྱལ་གྱི་གཉེན་པོ་ཡན་ལག་དང་པོའོ། །གསུམ་པ་ནི་བདག་སོགས་སེམས་ཅན་ཐམས་ཅད་ལ་སྐུ་གསུང་ཐུགས་ཀྱི་བྱིན་གྱིས་བརླབ་ཅིང་། དངོས་གྲུབ་རྣམ་པ་གཉིས་བདེ་བླག་ཏུ་སྩོལ་བའི་ཆེད་དུ་བསམས་ནས། བདེ་གཤེགས་ཀུན་འདུས་རྡོ་རྗེ་འཆང་ཆེན་བླ་མ་རྗེ། ཞེས་ཤློ་ཀས་ཕྱག་འཚལ་བར་བྱའོ། །བཞི་པ་ཕན་ཡོན་ནི། སྒྱུ་འཕྲུལ་དྲ་བའི་རྒྱུད་ལས། གང་གིས་སྒོ་གསུམ་བཏུད་བྱས་ནས། །རྒྱལ་བའི་སྐུ་ལ་ཕྱག་འཚལ་ན། །དེ་ཡི་བསོད་ནམས་འཇིག་རྟེན་དུ། །གཟུགས་ཅན་གྱུར་ན་ཤོང་མི་འགྱུར། །ཅེས་གསུངས་པ་ལྟར་རོ། །གཉིས་པ་མཆོད་པ་འབུལ་བའི་ཡན་ལག་ལ་བཞི། བླ་ན་ཡོད་པའི་མཆོད་པ་དང་། བླ་ན་མེད་པའི་མཆོད་པ་དང་། །དེ་གཉིས་ཀ་འགྲོ་བའི་དོན་དུ་བསམ་པ་དང་། དེའི་ཕན་ཡོན་ནོ། །དང་པོ་ནི་དངོས་སུ་འབྱོར་པའི་མཆོད་པ་གང་ཞིག་ལྷ་མའི་མེ་ཏོག་ལ་སོགས་ཏེ་ཕྱི་མཆོད་དང་། སྨན་རག་གཏོར་གསུམ་ལ་སོགས་ཏེ་ནང་མཆོད་དང་། བདེ་སྟོང་ཞུ་བདེའི་འབར་འཛག་ལ་སོགས་ཏེ་གསང་མཆོད་རྣམས་དང་། མདོར་ན་བཀོད་པས་ཁྱད་པར་འཕགས་ཤིང་མཆོད་པར་འོས་པའི་དངོས་པོ་ཀུན་གྱིས་སོ། །གཉིས་པ་ནི། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་གྱིས་སྤྲུལ་པའི་མཚོད་པ་བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བ་གང་ཇི་སྙེད་པ་རྣམས་ནི་དེ་ལས་གང་དུ་གྱུར་བའི་མཆོད་པ་

(༡༡༣)གཞན་མེད་པས་བླ་ན་མེད་པ་ཞེས་བྱ་ཞིང་། ཚུལ་དེ་གཉིས་ཀྱིས་མཆོད་པས་ཚོགས་ཞིང་དགྱེས་པ་བསྐྱེད་པར་བལྟ་བ་ནི་སེར་སྣའི་གཉེན་པོ་ཡན་ལག་གཉིས་པའོ། །གསུམ་པ་ནི་བདག་གཅིག་པུ་བསོད་ནམས་ཀྱི་མཐུ་ཕུན་སུམ་ཚོགས་པར་ཐོབ་པའི་དོན་དུ་མི་བསམ་པར། མ་གྱུར་འགྲོ་བ་སེམས་ཅན་ཐམས་ཅད་ཀྱི་དོན་དུ་འབུལ་ལོ་སྙམ་པའི་ལྷག་བསམ་ཟོལ་མེད་དང་བཅས། དངོས་སུ་འབྱོར་དང་ཡིད་ཀྱིས་རྣམ་པར་སྤྲུལ་པ་ཡི༔ ཞེས་ཤློ་ཀས་དབུལ་བར་བྱའོ། །བཞི་པ་ཕན་ཡོན་ནི། པད་དཀར་ལས། མེ་ཏོག་གཅིག་ཙམ་གྱིས་ཀྱང་མཆོད་པ་ཡང་། །བདེ་གཤེགས་སྐུ་གཟུགས་རྩིག་ངོས་བྲིས་པ་ལ། །ལུས་འཁྲུགས་བཞིན་དུ་སེམས་ཀྱིས་ཕུལ་བ་ན། །དེ་དག་རིམ་གྱིས་སངས་རྒྱས་བྱེ་བ་མཐོང་། །ཞེས་གསུངས་པ་ལྟར་རོ། །གསུམ་པ་བཤགས་པའི་ཡན་ལག་ལ་གསུམ། ཉམས་པའི་བརྡ་སྦྱར་བ་དང་། དེ་ལ་འགྱོད་པའི་སེམས་ཀྱིས་བཤགས་པ། དེའི་ཕན་ཡོན་ནོ། །དང་པོ་ནི། བདག་གཞན་ཐམས་ཅད་ཀྱི་ཐོག་མ་མེད་པ་ནས་རྒྱུ་དུག་གསུམ་ཕྱི་བློས་ཀུན་ནས་བསླངས་པའི་སྡིག་པ་བདག་གིས་བགྱིས་པ་དང་། གཞན་ལ་བྱར་བཅུག་པ་དང་། གཞན་གྱིས་བྱས་པ་ལ་རྗེས་སུ་ཡི་རང་བའི་སེམས་སྐྱེས་པ་དང་། ཕ་མ་དང་དགྲ་བཅོམ་པ་གསོད་པ་ལ་སོགས་ཏེ་མཚམས་མེད་ལྔ་དང་། སྲོག་གཅོད་མ་བྱིན་ལེན་ལ་སོགས་ཏེ་མི་དགེ་བ་བཅུ་སྟེ། ལས་ཕྲ་རགས་ཅི་བསགས་པའང་ཤིན་ཏུ་འགྱོད་ཅིང་ཉེས་པ་ཁས་ལེན་པའི་འདུན་པ་བྱེད་པའོ། །གཉིས་པ་ནི། དེ་དག་ཐམས་ཅད་ལ་དྲན་གསོས་བཏབ་སྟེ་གནོང་འགྱོད་དྲག་པོའི་བསམ་པས་ཚོགས་ཞིང་རྣམས་ཀྱི་སྤྱན་སྔར་སྟོབས་བཞིའི་དག་པ་དྲན་པའི་སྒོ་ནས་བཤགས་པ་ནི་གཏི་མུག་གི་གཉེན་པོ་ཡན་ལག་གསུམ་པ་སྟེ། དུས་འདི་ནས་བཟུང་འཁོར་བ་ཐོག་མཐའ་མེད་པ་ནས༔ སོགས་ཤློ་ཀས་བཤགས་པར་བྱའོ། །གསུམ་པ་ཕན་ཡོན་ནི། ཡུམ་བར་མ་ལས། གང་ཞིག་དྲན་པའི་མོད་ལ་

(༡༡༤)ནི། །སྡིག་པ་དྲན་པས་འགྱོད་པ་ཡིས། །བཤགས་པས་ཐམས་ཅད་འཛད་པ་དེ། །རྒྱལ་བའི་སྲས་པོས་ཕྱིས་སྡོམས་ཤིག །ཅེས་གསུངས་པ་ལྟར་རོ། །བཞི་པ་གཞན་རྒྱུད་ཀྱི་བསོད་ནམས་ལ་དགའ་བ་སྒོམ་པ་རྗེས་སུ་ཡི་རང་བའི་ཡན་ལག་ལ་གཉིས། དམིགས་ཡུལ་གྱི་ཁྱད་པར་ལ་བསམ་པ་དང་། ཕན་ཡོན་ནོ། །དང་པོ་ནི། སངས་རྒྱས་དང་བྱང་སེམས་འཕགས་པའི་ཚོགས་ཀྱིས་འགྲོ་དོན་མཛད་པ་དང་། ཉན་རང་ལ་སོགས་ཏེ་མོས་དཔྱོད་པ་རྣམས་ཀྱིས་རང་རང་གི་བསླབ་པའི་ཚུལ་ཁྲིམས་བསྲུང་བ་དང་། ཁྱིམ་པ་ལ་སོགས་ཏེ་སོ་སོ་སྐྱེ་བོས་འདུས་བྱས་ཀྱི་དགེ་ཚོགས་ཅི་བསགས་ཐམས་ཅད་ལ་རྗེས་སུ་ཡི་རང་བའི་སེམས་ཀྱིས་དགའ་བ་སྒོམ་པ་ནི་ཕྲག་དོག་གི་གཉེན་པོ་ཡན་ལག་བཞི་པ་སྟེ། ངག་ཏུ། སངས་རྒྱས་བྱང་ཆུབ་སེམས་དཔའ་ཉན་ཐོས་རང་རྒྱལ་དང་༔ ཞེས་པའི་ཤློ་ཀས་རྗེས་སུ་ཡི་རང་བར་བྱའོ། །གཉིས་པ་ཕན་ཡོན་ནི། འདི་ནི་བྱ་སླ་ལ་རླབས་ཆེ་བ་ཞིག་སྟེ། དགེ་བ་གསོག་པ་པོ་དང་། དེ་ལ་རྗེས་སུ་ཡི་རང་བའི་བསམ་པ་སྐྱེས་པ་གཉིས་བསོད་ནམས་མཉམ་པོར་ཐོབ་པར་གསུངས་ཏེ། སྔོན་རྒྱ་གར་འཕགས་པའི་ཡུལ་དུ་ཀོས་ལའི་རྒྱལ་པོ་ག །རྒྱལ་གྱིས་དེ་བཞིན་གཤེགས་པའི་ཚོགས་ལ་བསྙེན་བཀུར་གྱི་མཆོད་པ་ལས། དབུལ་པོ་ཞིག་གིས་དེ་ལ་རྗེས་སུ་ཡི་རང་བའི་བསམ་པ་སྐྱེས་པ་བསོད་ནམས་མཉམ་པོའི་ནང་ནས་ཆེ་བར་ཐོབ་པར་གསུངས་སོ། །ལྔ་པ་རང་གཞན་ལ་ཕན་པའི་ལྷག་བསམ་གྱིས་ཆོས་ཀྱི་འཁོར་ལོ་བསྐོར་བར་གསོལ་བ་འདབ་ཡན་ལག་གསུམ། གཞུང་ཚིག་དང་བསྟུན་ནས་སྟོང་ཐུན་བརྗོད་པ་དང་། ཆོས་འཁོར་བསྐོར་བར་གསོལ་བ་གདབ་པ་དངོས། དེ་ལ་ཕན་ཡོན་བཤད་པའོ། །དང་པོ་ནི། གང་དག་ཕྱོགས་རྣམས་ཀུན་གྱི་ཞིང་ཁམས་རྣམ་དག་མུ་མེད་པ་ན་བཞུགས་པའི་སངས་རྒྱས་ཐམས་ཅད། སྔོན་སྟོན་པ་ཡང་དག་པར་རྫོགས་པའི་སངས་རྒྱས་ཤཀྱ་ཐུབ་པས་མངོན་པར་རྫོགས་པར་སངས་རྒྱས་པའི་ཚེ། ཟབ་ཞི་སྤྲོས་

(༡༡༥)བྲལ་འོད་གསལ་འདུས་མ་བྱས། །ཞེས་པའི་ཚིགས་བཅད་ཤློ་ཀ་གསུངས་ནས་ཞག་བདུན་ཕྲག་བདུན་གྱི་བར་ཆོས་མ་གསུངས་པར་ཐུགས་ལས་ཆུང་ངུར་གཞོལ་བ་ན། ཚངས་པ་གཙུག་ཕུད་ཅན་དང་བརྒྱ་བྱིན་གྱིས་གསེར་གྱི་འཁོར་ལོ་རྩིབས་སྟོང་ལ་སོགས་པ་ཕུལ་ནས་ཆོས་འཁོར་བསྐོར་བར་བསྐུལ་བའི་གསོལ་བ་བཏབ་པའི་ཚེ། དེ་ལྟར་དུ་ཞལ་གྱིས་བཞེས་པ་ལྟར་རོ། །གཉིས་པ་ནི། ཚུལ་དེ་ལྟ་བུས་སངས་རྒྱས་ཆོས་གསུང་བར་མི་བཞེད་ཅིང་མཉམ་པར་བཞག་པ་གང་ནས་སུ་།།།ཐུགས་པ་དེ་དག་གི་དྲུང་དུ། བདག་ཉིད་ཀྱིས་ལུས་གྲངས་མེད་པར་སྤྲུལ་ཏེ། སངས་རྒྱས་རེ་རེའི་སར་ཕྱིན་ནས་གསེར་འཁོར་རྩིབས་སྟོང་དང་ལྡན་པ་རེ་ཕུལ་ནས། འགྲོ་བའི་དོན་དུ་ཆོས་ཀྱི་འཁོར་ལོ་བསྐོར་བར་གསོལ་བ་ཕུར་ཚུགས་སུ་འདེབས་པ་སྟེ་འདོད་ཆགས་ཀྱི་གཉེན་པོ་ཡན་ལག་ལྔ་པའི་དོན་དྲན་པས། ཕྱོགས་རྣམས་ཀུན་གྱི་ཞིང་ཁམས་མཐའ་ཡས་མུ་མེད་ན༔ སོགས་ཀྱི་ཤློ་ཀས་བསྐུལ་བར་བྱའོ། །གསུམ་པ་ཕན་ཡོན་ནི། གཙུག་ན་རིན་ཆེན་གྱིས་ཞུས་པའི་མདོ་ལས། རྒྱལ་བའི་དགོངས་པ་མཛད་པ་ལ། །གང་གིས་གསོལ་བ་འདེབས་པ་དེ། །དབང་གི་རྒྱལ་པོ་ལྟ་བུ་སྟེ། །དེ་ཡི་བསོད་ནམས་འཆིང་བ་འདྲ། །ཞེས་གསུངས་པ་ལྟར་རོ། །དྲུག་པ་མྱ་ངན་ལས་མི་འདའ་བར་བཞུགས་སུ་གསོལ་བ་གདབ་པའི་ཡན་ལག་ལ་བཞི་སྟེ། ཡུལ་གང་ལ། དོན་གང་གི་ཕྱིར། དུས་ཇི་སྲིད་དུ་གསོལ་བ་བཏབ་པ། དེའི་ཕན་ཡོན་ནོ། །དང་པོ་ནི། རྒྱལ་བ་གང་དག་སེམས་ཅན་གྱི་དོན་ཅི་རིགས་པར་མཛད་ནས་མྱ་ངན་ལས་འདའ་བའི་དགོངས་པ་གཏོད་པའོ། །གཉིས་པ་ནི། འཁོར་བར་འབྱམས་པའི་སེམས་ཅན་རྗེས་སུ་བཟུང་བའི་དོན་དུའོ། །གསུམ་པ་ནི། སྔོན་དེ་བཞིན་གཤེགས་པ་ལ་དགེ་བསྙེན་ཙུན་དས་གསོལ་བ་བཏབ་པ་ལྟར་བདག་གིས་ཇི་སྲིད་འཁོར་བ་མ་སྟོངས་ཀྱི་བར་དུ་བསྟན་པའི་སྒྲོན་མེ་སྦར་ཞིང་མྱ་ངན་ལས་མི་འདའ་བར་བཞུགས་སུ་གསོལ་ཞེས་གསོལ་བ་གདབ་པ་ནི་ལོག་ལྟའི་

(༡༡༦)གཉེན་པོ་ཡན་ལག་དྲུག་པ་སྟེ་དོན་དྲན་པས། རྒྱལ་བ་གང་དག་མྱ་ངན་འདའ་བར་བཞན་པ་རྣམས༔ སོགས་ཤློ་ཀ་གསོལ་བ་གདབ་པར་བྱའོ། །བཞི་པ་དེ་ལྟར་བགྱིས་པའི་ཕན་ཡོན་ནི། མདོ་ལས། ཉོན་ཅིག་ཚངས་པའི་རྒྱལ་པོ་ཁྱོད། །བཅོམ་ལྡན་འདས་ལ་གསོལ་འདེབས་པ། །བསོད་ནམས་དེ་ནི་ཁྱད་པར་འཕགས། །སངས་རྒྱས་མྱ་ངན་འདའ་མི་མངའ། །ཞེས་གསུངས་པ་ལྟར་རོ། །འདུན་པ་བསགས་པའི་དགེ་རྩ་རྣམས་བྱང་ཆུབ་ཏུ་བསྔོ་བའི་ཡན་ལག་ལ་གསུམ། བསྔོ་བྱའི་དགེ་ཚོགས་གསལ་གདངས་དང་། བསྔོ་ཡུལ་དམིགས་པ་མེད་པར་རྒྱས་གདབ་པ། །བསྔོ་དགོས་པའི་རྒྱུ་མཚན་ནོ། །དང་པོ་ནི། བདག་གཞན་འགྲོ་བ་སེམས་ཅན་ཐམས་ཅད་ཀྱི་འདས་མ་འོངས་ད་ལྟ་དུས་གསུམ་དུ་གཏོགས་པའི་སྒོ་གསུམ་དམིགས་བཅས་དམིགས་མེད་ཀྱི་དགེ་བ་བདག་གིས་བགྱིས་པའམ། གཞན་ལ་བགྱིད་དུ་སྩལ་བ། གཞན་གྱིས་བགྱིས་པ་ལ་སེམས་ལྷག་པར་རངས་བ་སོགས་མདོར་ན་ཕྱིན་ཅི་ལོག་མ་ཡིན་པའི་རིགས་བསྔོ་བར་རུང་བའི་དགེ་ཚོགས་རྣམས་སོ། །གཉིས་པ་ནི། འཁོར་གསུམ་ཡོངས་དག་དམིགས་པ་མེད་པ་རྡོ་རྗེ་ཐེག་པའི་ཀློང་དུ་བསྔོ་བ་ནི་ཐེ་ཚོམ་མམ་ལུང་མ་བསྟན་གྱི་གཉེན་པོ་ཡན་ལག་བདུན་པ་སྟེ་གནད་དོན་དྲན་པའི་སྒོ་ནས། བདག་གཞན་འགྲོ་བས་དུས་གསུམ་བསགས་གཏོགས་དགེ་བ་ནི༔ སོགས་ཀྱིས་བསྔོ་བར་བྱའོ། །གསུམ་པ་བསྔོ་དགོས་པའི་རྒྱུ་མཚན་ནི་འོག་ཏུ་མཇུག་བསྡོམས་ཀྱི་བསྔོ་བའི་སྐབས་རྒྱས་པར་འཆད་པར་འགྱུར་རོ། །དེ་ཡང་མདོ་ལུགས་སྤྱི་ཁྱབ་ཏུ་ཡན་ལག་བདུན་པ་བཤད་མ་ཐག་པ་ཁོ་ན་གྲགས་ཆེ་མོད། དེ་དག་ལ་དམིགས་པའི་བྱེ་བྲག་གིས་འགྲེལ་པའང་ཇི་སྙེད་ཅིག་འབྱུང་སྟེ། འདི་ལ་ནི་གཏེར་ཁ་འདི་ཁའི་རང་སྐད་ཁྱད་པར་ཅན་གྱི་མན་ངག་མང་པོ་ཡང་མཆིས་ཏེ་དཔྱོད་ལྡན་གྱིས་བརྟག་པར་བྱའོ། །དེ་ཡང་སྔགས་ལུགས་སྤྱི་དང་སཱ་གཏེར་ཚད་ཐུབ་མང་པོར་ཡན་ལག་བཅུ་པ་ཞེས་སྤྱི་ཁྱབ་དང་མཐུན་པའི་མགོར་སྤྱན་འདྲེན་དང་བཞུགས་

(༡༡༧)གསོལ། མཇུག་ཏུ་སྨོན་ཚིག་སྦྱར་བ་དང་ལ་ལར་སྐྱབས་འགྲོའི་ཚིག་རྐང་དང་འབྲེལ་བའི་ཡན་ལག་བརྒྱད་པ་སོགས་ཀྱང་འབྱུང་སྟེ་མཐའ་གཅིག་ཏུ་མི་བཟུང་ངོ་། །གཉིས་པ་སྤྱི་བསྡོམས་ཀྱི་ཕན་ཡོན་ནི། འདི་ནི་ཤིན་ཏུ་བག་ཆེ་སྟེ། སྤྱིར་ཚོགས་བསགས་པའི་སྒོ་ཐམས་ཅད་འདིའི་ཁོངས་སུ་འདུས་པ་དང་། ཁྱད་པར་ཕར་ཕྱིན་ཐེག་པར་བསྐལ་པ་གྲངས་མེད་གསུམ་ཞེས་གཏམ་དཀྲིགས་མི་འཁྲུག་ཁྱད་འབྱིན་ལ་སོགས་ཏེ་གྲངས་ཀྱི་མངོན་བརྗོད་རིག་པའི་གཞུང་ལུགས་དྲངས་པའི་མཐར་གྲངས་མེད་པ་ནི་ཐ་མའོ། །ཞེས་པའི་གྲངས་མེད་གསུམ་དུ་ཚོགས་བསག་དགོས་པར་གསུངས་པ་ཡང་གནད་ཁྱད་པར་ཅན་འདི་དག་གིས་ཟིན་ན་གྲངས་མེད་ཀྱི་ཚོགས་སྐད་ཅིག་སྐད་ཅིག་ལ་རྫོགས་ནུས་ཏེ་ཀུན་མཁྱེན་ཆོས་ཀྱི་རྒྱལ་པོས། སེམས་སྟོབས་ཆེ་ན་སྐད་ཅིག་རེ་རེ་ལ་ཚོགས་བསྐལ་པ་མང་པོ་འདུམས་པར་བཤད་པས་གྲངས་མེད་གསུམ་ཇི་ལྟ་བར་གསོག་མི་དགོས་ཤིང་། གསང་སྔགས་ལ་དབང་པོ་ཤིན་ཏུ་རྣོན་པོའི་དབང་དུ་བྱས་ཏེ། སེམས་སྟོབས་ཆེན་པོའི་ཚོགས་དཔག་ཏུ་མེད་པ་སྐད་ཅིག་རེ་རེས་འདུམས་པ་ཅན་ལ་རྒྱུན་ཆགས་སུ་བསླབས་པས་ཚེ་གཅིག་ལ་སོགས་པས་གྲོལ་བར་འཐད་པ་ཡིན་ནོ། །ཞེས་དང་། ཚུལ་གསུམ་པའི་སྒྲོན་མེ་ལས། ཐབས་མང་དཀའ་བ་མེད་པ་དང་། །དབང་པོ་རྣོན་པོས་དབང་བྱས་པས། །སྔགས་ཀྱི་ཐེག་པ་ཁྱད་པར་འཕགས། །ཞེས་གསུངས་ལ། གནང་འགག་དེ་ལྟ་བུ་ཁོང་དུ་མ་ཆུད་པར་ངེས་པའི་གནང་ཐམས་ཅད་སྟོང་སྒྲ་ཁོ་ན་ལ་རྒྱས་འདེབས་ཤིང་། ཚིག་ཤར་ཀློག་པ་ཙམ་ལའང་རོ་འཛིན་ལ་རྒྱ་མདུད་ཀྱིས་བརྩེགས་པའི་རྨོངས་པ་དག་གིས་དམ་པའི་བྱ་བ་ལ་རྣན་གྱིས་འགྲན་ཞིང་མུ་ཅོར་སྨྲ་བ་དག་སྙིང་རྗེ་བའོ། །བཞི་པ་སྡོམ་པ་བཟུང་ཞིང་དམ་བཅའ་བ་ལ་གཉིས། ཚུལ་ཇི་ལྟ་བུས་བཟུང་བ་དང་མཇུག་ཏུ་ཚོགས་ཞིང་ལ་དངོས་གྲུབ་བླངས་ཏེ་བསྡུ་བའོ། །དང་པོ་ལ་བཞི། སོ་སོར་ཐར་བའི་སྡོམ་པ་དང་། བྱང་ཆུབ་སེམས་དཔའི་བསླབ་པ། རིག་

(༡༡༨)འཛིན་སྔགས་ཀྱི་དམ་ཚིག །དེ་དག་གིས་ཐམས་ཅད་བློ་འདས་རྫོགས་པ་ཆེན་པོའི་ཀློང་དུ་སྲུང་མཚམས་དང་བྲལ་བར་ལ་བཟླ་བའོ། །དང་པོ་ནི། ད་ཕྱིན་ཆད་ཚེ་རབས་འཁོར་བ་ཐོག་མེད་ནས་བསགས་པའི་སྡིག་ལྟུང་ཉམས་ཆག་སྤྱི་དང་། ཁྱབ་བར་སོ་སོ་ཐར་པའི་སྡོམ་པ་སོགས་མདོར་ན་ལུས་ངག་ཡིད་གསུམ་གྱི་སྒོ་ནས་བསྲུང་བར་འོས་པ་མཐའ་དག་སྤུ་ཙམ་ཡང་མི་ཉམས་པར་བསྐུར་ཞིང་། གལ་ཏེ་སྔར་ཉམས་པ་རྣམས་ལའང་བཤགས་སྡོམ་དྲག་པོས་དུས་ཚིགས་དང་བསྟུན་པའི་གསོ་སྦྱོང་ལ་འདུ་ཤེས་གསུམ་དང་ལྡན་པས་སོ་སོ་ཐར་པ་ལ་སོགས་སོ་ཐར་རིགས་བདུན་ནི་དགེ་སློང་ཕ་མ་གཉིས། དགེ་ཚུལ་ཕ་མ་གཉིས། དགེ་སློང་མ་སྟེ་རབ་ཏུ་བྱུང་བ་ཕྱོགས་ཀྱི་ལྔ་དང་། དགེ་བསྙེན་ཕ་མ་གཉིས་ཏེ་ཁྱིམ་པ་ཕྱོགས་ཀྱི་སྡོམ་པ་དང་བསྡོམས་པས་རྣམ་གྲངས་བདུན་དུ་བྱུང་མ་ཤེས་པར་བྱའོ། །རང་རང་གི་མདོ་ཉན་པ་དང་ལྟུང་བ་བྱིན་བརླབ་སྤྱི་བཤགས་སོགས་དམ་པའི་ཆོས་འདུལ་བ་དང་། རྒྱ་ཆེར་འགྲེལ་ལས་ཇི་སྐད་བཤད་པའི་སྤང་གཉེན་ཁྱད་པར་ཅན་བརྟེན་པའི་བསམ་པ་དྲང་པོས། སླན་ཆད་ཉམས་ཆག་ཀུན་བསྐང་སྡོམ་པ་མ་ལུས་བཟུང་༔ ཞེས་དང་། འདི་ལ་ཁ་ཅིག་ན་རེ་སོ་སོ་ཐར་པའི་སྡོམ་པ་རྫ་ཆག་པ་དང་འདྲ་བས་གཉེན་པོས་མི་སོས་པས་རང་དགའི་གཏམ་མོ་ཞེ་ན། བདེན་མོད་ཀྱི་ངན་པ་བྱས་རྒྱལ་ལས་འགྱོད་སྡོམ་གྱི་གཉེན་པོ་ཁྱད་པར་ཅན་རྟེན་ན་འདུས་བྱས་ཀྱི་སྒྲིབ་པ་འཛད་པར་ནུས་སོ། །གཉིས་པ་ནི། རྣམ་པ་ཀུན་ཏུ་ཉོན་མོངས་པ་དང་ཤེས་བྱའི་སྒྲིབ་པ་སྦྱང་ཕྱིར་བྱང་ཆུབ་སེམས་དཔའི་བསླབ་པ་བཟུང་ནས་ཕ་རོལ་ཏུ་ཕྱིན་པ་དྲུག་གམ་བཅུ་ལ་གཡེལ་བ་མེད་པར་སྤྱོད་ཅིང་། ལམ་ལྔ་དང་། ས་བཅུ་ལ་སྦྱང་བར་བྱའོ་སྙམ་པའི་འདུན་པ་དྲག་པོས། རྒྱུན་དུ་སྒྲིབ་གཉིས་སྦྱང་ཕྱིར་ཕར་ཕྱིན་ས་ལམ་བགྲོད༔ ཅེས་དང་། གསུམ་པ་ནི། སྔགས་སྡོམ་ལ། མཐའ་ཡས་ཀྱང་མདོར་བསྡུ་ན་རྩ་བ་སྦྱིན་པ་ལ་སོགས་དྲུག་གི་སྟེ་རུ། ཐབས་ལ་མཁས་པ་དང་། སྟོབས་དང་། སྨོན་ལམ་དང་། ཡེ་ཤེས་ཀྱི་ཕ་རོལ་ཏུ་ཕྱིན་པ་བཞི་བསྣན་པས་བཅུའོ། །ཐོས་བསམ་དང་བསོད་ནམས་ཚོགས་གཙོ་ཆེ་སྤྱོད་པས་ཚོགས་ལམ།

(༡༡༩)རྣམ་པར་མི་རྟོག་པའི་ཡེ་ཤེས་མཐོང་བ་ལ་སྦྱོར་བས་སྤྱོད་ལམ། ཆོས་ཉིད་མངོན་སུམ་མཐོང་བས་མཐོང་ལམ། མཐོང་ཟིན་སྒོམ་པར་བྱེད་པས་སྒོམ་ལམ། བསླབ་བྱ་མཐར་ཐུག་ནས་སྒོམ་དུ་མེད་པས་མི་སློབ་པའི་ལམ་ཞེས་བྱའོ། །སྐུ་གསུང་ཐུགས་ཀྱི་དམ་ཚིག་ལ་འདུ་སྟེ། དེ་ལ་གཟུགས་སྣང་ལྷར་བལྟ་བ་སྐུའི་དམ་ཚིག་སྒྲར་གྲག་སྔགས་སུ་འཁྱེར་བ་གསུང་གི་དམ་ཚིག །དྲན་རིག་རྒྱུན་ཆད་མེད་ཅིང་གང་ཤར་རང་གྲོལ་འཁོར་འདས་མཉམ་པ་ཉིད་ཀྱི་གདེང་གིས་ཟིན་པ་ཐུགས་ཀྱི་དམ་ཚིག་སྟེ། དེ་ལྟ་བུའི་ཏིང་ངེ་འཛིན་གྱིས་སྣང་གྲག་ཐམས་ཅད་དཀྱིལ་འཁོར་གསུམ་གྱི་རྣམ་རོལ་དུ་རྒྱས་འདེབས་པའི་སེམས་ཀྱིས། བདག་གཞན་སྣང་སྟོང་གཟུགས་སྣང་ཡེ་ཤེས་ལྷ་ཡི་ཚོགས བརྗོད་པའི། དྲན་རྟོག །སྣང་སྲིད། ཅེས་བརྗོད་དོ། །ད་ནི་དོན་ཚན་བཞི་པའམ། ཚིང་རྐང་ཐ་མལ་འབྲུ་འགྲེལ་གཉེར་བར་བྱ་སྟེ། ཡེ་ནས་རང་བཞིན་གྱིས་སྤྲོས་པའི་མཐའ་བཞིའམ་བརྒྱད་དང་བྲལ་ཞིང་མ་བྱས་ལྷུན་གྲུབ་ཀྱི་གནས་ལུགས་ཀ་དག་ཁྱབ་གང་ལ་ཆེན་པོ་ཇི་བཞིན་པར་རྟོགས་པ་དེ་ཉིད། གློ་བུར་གྱི་བློས་མ་བཅོས་པར་བརྡལ་ཁྱབ་ལྷུན་འབྱམས་བཅིང་གྲོལ་ལས་འདས་པའི་རིག་པ་ཁོ་རང་གི་ཡིན་ལུགས་བསམ་བརྗོད་བློ་ལས་འདས་པའི་དགོངས་པར་གནས་ཤིང་དེའི་ངང་ལས་གང་ཤར་གྱི་རྣམ་རྟོག་ཞེན་འཛིན་དང་བྲལ་བས་རྟོག་ཚོགས་ཇི་ཙམ་ཤར་ཡང་མ་བཅོས་རིག་པའི་དབྱིངས་སུ་ནམ་མཁའ་ལ་སྤྲིན་དེངས་པ་ལྟ་བུར་རང་སར་དག་སྟེ། ཡང་དག་པའི་དགོངས་པ་ཀུན་ཏུ་གསལ་ལ་འཁྲུལ་པ་མེད་པ་བྱ་རྩོལ་བློ་ལས་འདས་པ་དབྱིངས་དང་ཡེ་ཤེས་དབྱེར་མེད་ཀྱི་ངང་དུ། སྣང་བའི་ཆ་ཡབ། སྟོང་པའི་ཆ་ཡུམ། དེ་གཉིས་དབྱེར་མི་ཕྱེད་པ་སྟེ་རང་བཞིན་མེད་པ་ཀུན་བཟང་ཡབ་ཡུམ་གྱི་དགོངས་པའི་ཀློང་ཆེན་པོར་འབྱམས་ཀླས་པས། ཨེ་མ་ཧོ ཞེས་པ་ཤིན་ཏུ་ངོ་མཚོར་རྨད་དུ་བྱུང་བའི་སྒྲ་སྟེ། ངོ་བོ་སྟོང་པའི་རང་མདངས་གསལ་ལ་མ་འགགས་པ་སྐྱེ་མེད་སྤྲོས་བྲལ་གྱི་གནས་ལུགས་རྫོགས་པ་ཆེན་པོའི་དང་ལ་གནས་ཤིང་ལ་བཟླ་བའི་དོན་ཏེ་རྡོ་རྗེའི་གསུང་འདི་ལྟ་བུ་

(༡༢༠)ལ་འགྲེལ་བཤད་གཉེར་བའི་སྤོབས་པ་ཐོབ་པ་ནི་སློབ་དཔོན་ཆེན་པོའི་ཐུགས་རྗེ་ཁོ་ན་ལས་གཞན་དུ་མ་དམིགས་པས་དུས་དེ་ཉིད་དུ་མོས་གུས་ཀྱི་མཆི་མ་འཁྲུག་པ་ཙམ་དུ་གྱུར་ཏོ། །གཉིས་པ་ནི། ཚོགས་ཞིང་ལས་དངོས་གྲུབ་བླངས་ཏེ་བསྡུ་བ་ནི། ཨཱོྃ་ཨཱཧཱུཾ་ནི་རྡོ་རྗེ་གསུམ་གྱི་རང་བཞིན། བཛྲ་གུ་རུ་དེ་ཝ་ཌཱཀྐི་ནི་ཞེས་པ་རྩ་བ་གསུམ་གྱི་ཐུགས་སྲོག །བཛྲ་མ་ཧཱ་ཀྲོ་དྷ་ནི་རྡོ་རྗེ་ཁྲོ་བོ་ཆེན་པོ། སིདྡྷི་ས་མ་ཡ་ཧཱུྃ དངོས་གྲུབ་གནད་ནས་བསྐུལ་བ། ཧ་རི་ནིས། མཁའ་འགྲོ་སྡེ་བཞི་དང་། ར་ཙ་ཧྲི་ཡཱ། དཔའ་བོ་སྡེ་བཞིའི་སྲོག་ཡིག །ཐུགས་སྲོག་གི་སྙིང་པོ་དེ་དག་རྣམས་ལས་དྲངས་པས་ཐུགས་རྒྱུད་བསྐུལ་ཏེ། དྷརྨ་ཞེས་པས་ཆོས་ཀྱི་དབྱིངས་ནས། ཀཱ་ཡ་ཞེས་པས་སྐུའི། ཝཱཀྐ་ཞེས་པས་གསུང་གི །ཙིནྟ་ཞེས་པས་ཐུགས་ཀྱི། སིདྡྷི་ཕ་ལ་ཞེས་པས་དངོས་གྲུབ་བཟང་པོ་སྩོལ་ཞེས་པའི་སྒྲས་བསྐུལ་པས། དེ་དག་གི་གནས་གསུམ་ནས་རྡོ་རྗེ་གསུམ་གྱི་དངོས་གྲུབ་བདག་གི་སྒོ་གསུམ་དུ་འོད་ཟེར་དཀར་དམར་མཐིང་གསུམ་གྱི་རྣམ་པར་ཐིམ་རྗེས། ཨཱཞེས་པ་ནི་སྐྱེ་མེད་ཀྱི་ཡིག་འབྲུ་སྟེ། ཚོགས་ཞིང་དང་བདག་ཉིད་གཉིས་སུ་མེད་པར་བསྲེས་ལ་སྐྱེ་མེད་ཆོས་སྐུའི་ཀློང་དུ་མཉམ་པར་གཞག་པར་བྱའོ། །དེས་ནི་ཐུན་མོང་གི་སྔོན་དུ་འགྲོ་བའི་རིམ་པ་བསྟན་ཟིན་ཏོ། །ཨ་ཧོ། ཚེ་རབས་མང་པོར་ཚོགས་གཉིས་བསགས་པའི་རྣལ་འབྱོར་རྣམས། །བློས་བྱས་ལྟར་སྣང་འཆིང་བུའི་བྱི་དོར་རྒྱང་བསྲིངས་ནས། །འདི་འདྲའི་མཆོག་གཏེར་ཡིད་བཞིན་ནོར་བུ་དགའ་བས་ལོངས། །དོན་གཉིས་འབྲས་བུ་གཡུར་དུ་ཟ་བའི་དགོས་པ་ཡོད། །ཅེས་པར་སྐབས་ཀྱི་ཚིག་སྒྲ་བཟང་པོའོ།། །།གཉིས་པ་ཐུན་མོང་མ་ཡིན་པའི་སྔོན་འགྲོ་ལ་གཉིས། འགལ་རྐྱེན་བསལ་བ་དང་། མཐུན་རྐྱེན་བསྒྲུབ་པའོ། །དང་པོ་ལ་གསུམ། ཐ་ཚིག་ལ་གནས་པའི་དཀའ་ཕྱོགས་ཀྱི་དགེ་བསྙེན་ལ་བརྔན་གཏོར་བྱིན་ཏེ་ཕྲིན་ལས་བཅོལ་པ་དང་། དགེ་བའི་ལས་ལ་བར་དུ་གཅོད་པའི་ནག་ཕྱོགས་ཀྱི་འབྱུང་པོ་ལ་གླུད་གཏོར་བསྔོས་ནས་བསྐྲད་ཅིང་གཟིར་

(༡༢༡)བ་དང་། ཅིས་ཀྱང་མི་ཤིགས་པའི་སྲུང་འཁོར་་བསྒོམ་ཚུལ་བསྟན་པའོ། །དང་པོ་ལ་བཞི། ཡས་རྣམས་ཐུན་མོང་དུ་བརླབ་པ། བཀའ་བསྒོ་བ། ང་རྒྱལ་བཟུང་བ། བརྔན་ཏེ་དྲིན་ལས་གཞོལ་བའོ། །དང་པོ་ནི། སྣོད་གཙང་མར། དཀར་ཕྱོགས་པ་རྣམས་ལ་དཀར་གསུམ་མདོར་གསུམ་འབྲུ་སྣ་ལས་བྱུང་བའི་གསེར་སྐྱེམས་དང་གཡུ་སྔོན། སྣོད་གཅིག་ཏུ་འབྱུང་ལོ་དང་ལན་ཆགས་ལ་སོགས་ནག་ཕྱོགས་ཀྱི་རིགས་ལ་སྒྲུབ་པ་པོ་མཆེད་ལྕམ་དང་། རྒྱུ་སྦྱོར་ལ་སོགས་པའི་སྒོས་གླུད་གྱི་མཐའ་སྐོར་དུ། བཤོས་བུ། ཆང་ཀྲད། མར་མེ། འབྲས་ཆེན། ཤ་ཆང་གོས་དུམ། སྐྲ་སེན་ལ་སོགས་པ་བཅུག །ཆུ་གཙང་གིས་བྲན་ལ། བྱིན་གྱིས་བརླབ་བ་དངོས་ལ་གཉིས། བདག་ཉིད་ལྷར་གསལ་བ་དང་། སྔགས་དྲུག་ཕྱག་རྒྱ་དྲུག་གི་དམིགས་པའི་བྱེ་བྲག་འབྱེད་པའོ། །དང་པོ་ནི། སྔར་ཚོགས་ཞིང་དང་དབྱེར་མེད་དུ་བསྲེས་པའི་མཉམ་གཞག་དེ་ཉིད་ཀྱི་ངང་ལས། པད་ཟླའི་སྟེང་དུ་ཧྲཱིཡིག་དངུལ་ཆུའི་མདོག་ཅན་ཞིག་ལས་སྐད་ཅིག་དྲན་རྫོགས་སུ་སྤྱན་རས་གཟིགས་ཁ་སརྤ་ཎི་སྐུ་ཆེ་བ་རྣམ་སྣང་གང་ཆེ་ན་མཚོ་དང་མཉམ་པ་ཞིག་ཏུ་ང་རྒྱལ་བཟུང་ལ། སྟོང་པའི་ངང་ལས་པད་ཟླའི་སྟེང་། ཞེས་སོགས་དང་། ཨཱོྃ་མ་ཎི་པདྨེ་ཧཱུཾ། ཞེས་སྙིང་པོ་དེ། ཐབས་སྙིང་རྗེ་ཆེན་པོ་དང་། ཤེས་རབ་སྟོང་པ་ཉིད་དང་། དེ་གཉིས་དབྱེར་མི་ཕྱེད་པའི་བྱང་ཆུབ་ཀྱི་སེམས་དང་ལྡན་པའི་བརྡར་ལན་གསུམ་བརྗོད་ལ་ཞི་དུལ་གྱི་སེམས་དང་བཅས་པས་སོ། །དེ་ལྟ་བུའི་སྔགས་དོན་ནི། སྤྱིར་བཏང་དུ་རིགས་དྲུག་གི་ས་བོན་ལ་སྦྱོར། རྒྱས་པར་དབྱེ་ན་དག་དྲན་གསུམ་གྱིས་མི་ཁྱབ་ཀྱང་། ཐེག་པ་འདིའི་སྐབས་སུ། ཨཱོྃ་སེམས་དང་ཆོས་ཉིད་སྤྲོས་བྲལ། མ་སེམས་དང་ཆོས་ཉིད་རང་བྱུང་། ཎི་སེམས་དང་ཆོས་ཉིད་རང་གསལ། པད་སེམས་དང་ཆོས་ཉིད་གསལ་དག །མེ་སེམས་དང་ཆོས་ཉིད་སྟོང་གསལ། ཧཱུྃ་སེམས་དང་ཆོས་ཉིད་ཀ་དག་ཅེས་སྤྲུལ་པའི་རྒྱལ་པོ་སྲོང་བཙན་སྒམ་པོས་འགྲེལ་ལོ། །གཉིས་པ་ལ་ལྔ་ཚན་དྲུག་

(༡༢༢)ཡོད་པ་ལས། དང་པོ་ནི། བཅའ་བའི་ཕྱག་རྒྱ། བཟླ་བའི་སྔགས། བསྐྱེད་པའི་ལྷ། ས་བོན་གྱི་ཡི་གེ། བྱིན་རླབས་ཀྱི་ཕན་ཡོན་ནོ། །དེ་ལ་བཅའ་བའི་ཕྱག་རྒྱ་ནི། ཆོས་ཉིད་སྟོང་པ་ཉིད་མཚོན་པའི་བརྡར། ཐལ་མོ་ཁོང་སྟོང་དུ་སྦྱར་ལ། བཟླ་བའི་སྔགས་ནི། ཨཱོྃ་སྭ་བྷཱ་ཝ་ཤུད་དྷོ་སརྦ་དྷརྨསྭ་བྷཱ་ཝ་བི་ཤུད་དྷོ྅་ཧཾ། ཞེས་པ་སྟེ་སྔགས་འདི་མཚན་མའི་དངོས་པོ་གཞིག་པའི་སྙིང་པོ་ཁྱད་པར་ཅན་ཡིན་ཕྱིར་རྣམ་པ་ཀུན་ཏུ་གྲགས་ཆེབས་སྔགས་དོན་འགྲེལ་ཏེ། དང་པོར་ཨོྃ་ཞེས་པ་ཡེ་ཤེས་རྣམ་པ་ལྔ་མགོ་འདྲེན་པ་སྟེ། སྔ་འགྱུར་གྱི་སྐབས་སུ་ཨཱོྃ་ལ་འདོགས་ཀྱང་ངེས་པར་དགོས་ཤིང་། དག་ཡིག་ལ་ལར་འདོགས་བཀག་པ་ལྟར་སྤྱིར་བཏང་ལ་དགོས་པའི་བར་བཀབ་ནི་མ་གྲུབ་མོད། སྔ་འགྱུར་རང་སྐད་ཀྱི་སྔགས་ཐམས་ཅད་ལ་མེད་དུ་མི་རུང་བ་ཡིན་ཏེ་རྒྱུ་མཚན་ཡོད་དོ། །ཡེ་ཤེས་ལྔ་དང་སྐུ་ལྔ་མཚོན་པ་སྟེ། ཨ་ཆོས་དབྱིངས་ཡེ་ཤེས། ལྷ་ནི་རྣམ་པར་སྣང་མཛད། ང་མེ་ལོང་ཡེ་ཤེས། ལྷ་ནི་རྡོ་རྗེ་སེམས་དཔའ། ན་རོ་མཉམ་ཉིད་ཡེ་ཤེས། ལྷ་ནི་རིན་ཆེན་འབྱུང་ལྡན། ཟླ་ཚེས་སོར་རྟོག་ཡི་ཤེས། ལྷ་ནི་སྣང་བ་མཐའ་ཡས། ཐིག་ལེ་བྱ་གྲུབ་ཡེ་ཤེས། ལྷ་ནི་དོན་ཡོད་གྲུབ་པ་སྟེ། ཨཱོྃ། དེས་ན་མིག་འབྲུ་འདི་ལ་རིག་ལྔའི་སངས་རྒྱས་ལྷུན་གྱིས་གྲུབ་པ་ནི། རྒྱུད་ལས། ཨ་ནི་རྣམ་སྣང་མི་བསྐྱོད། ན་རོ་རིན་ཆེན་འབྱུང་ལྡན་ཏེ། །ཟླ་ཚེས་སྣང་བ་མཐའ་ཡས་ལ། །ཐིག་ལེ་དོན་ཡོད་གྲུབ་པའོ། །ཞེས་མཚོན་བྱ་དོན་གྱི་ཡི་གེར་གསུངས་ལ། འདི་ལ་ལོ་ཙཱ་བ་འགའ་ཞིག་གིས་ཕྱོགས་རེའི་ཁ་འཛིན་གྱིས་རྩོད་གཞི་ཆེན་པོར་བྱས་མོད་ཀྱང་ཞར་བའི་ལྟ་སྟངས་དང་འདྲ་སྟེ་ཐ་ཞད་གད་ཀྱི་གནས་སོ། །མཚོན་བྱེད་དཔེའི་ཡི་གེ་རིག་པའི་བསྟན་བཅོས་ཁོ་ནའི་སྐབས་ཀྱང་འདོགས་ཀྱི་ཤེས་བྱེད་ཆོས་འབྱུང་བསྟན་པའི་ཉིན་བྱེད་ནས་བཤད་པ་ལྟར་འགལ་བ་མེད་ལ། སྤྱིར་བཏང་དུ་ནི། སྒྱུ་འཕྲུལ་གྱི་འགྲེལ་བ་བླ་མ་རོང་ཟོམ་པའི་ལུགས་ལ་

(༡༢༣)ཨཱོྃ་ནི་ཨ་ཨུ་མ་གསུམ་འདུས་པ་ལས་ཨོཾ་སྟེ་རྡོ་རྗེ་གསུམ་གྱི་ས་བོན་དུའང་བཞེད་དོ། །སྭ་བྷཱ་ཝ་ནི་རང་བཞིན། ཤུདྡྷོ་ནི་དག་པ། སརྦ་དྷརྨ་ནི་ཆོས་ཐམས་ཅད། སྭ་བྷཱ་ཝ་བི་ཤུད་དྷོ་ཉཧཾ༔ ཞེས་པ་རང་བཞིན་གྱིས་རྣམ་པར་དག་ལ། ཨ་ཉ་ཞེས་པའི་སྒྲས་ནི་ང་རོ་ཞེས་ང་རྒྱལ་ལ་འཇོག་པ་སྟེ། དོན་བསྡུ་ན་འཁོར་འདས་གཉིས་སྣང་གིས་བསྡུས་པའི་ཆོས་ཐམས་ཅད་རང་བཞིན་གྱིས་རྣམ་པར་དག་ལ། དེ་ལྟར་དག་མ་དག་གི་རྣམ་འབྱེད་མཁན་པོ་ཡང་རང་སེམས་ཡིན་ལ་དེའི་ངོ་བོ་ཅིར་ཡང་མ་དམིགས་པ་དེ་ལྟ་བུའི་གནས་ལུགས་དེ་ངས་རྟོགས་སོ། །ཞེས་ང་རྒྱལ་ལ་འཇོག་པའོ། །སྔགས་འདི་བྱུང་ཚད་ལ་དག་པ་དེ་ལྟ་བུ་ཤེས་དགོས་པ་སྤྱི་དོན་གལ་པོ་ཆེའོ། །དེ་ཡང་སྤྱིར་གསང་སྔགས་ཀྱི་སྔགས་སྤྱི་དང་ཁྱད་པར་སྔ་འགྱུར་རང་སྐད་ལ། ཁྱིངས་དང་རྣམ་འགྱུར་རྐྱེན་ལ་སོགས་པས་ཉེ་བར་བསྒྲུབ་པའི་སྒྲ་ཐུན་མོང་པའི་སྐད་དང་མི་འདྲ་བའི་གནད་པི་ཤ་ཅི་དང་། ཨ་ཝ་བྷཾ་ཤ་དང་། སཾ་ཀྲྀ་ཏའི་སྐད་དང་། ཤིན་ཏུ་གསང་བ་བརྡའི་སྐད་ལ་སོགས་པ་ལེགས་སྦྱར་སཾ་ཀྲྀ་ཏའི་ སུམ་ཅུ་རྩ་གསུམ་པ་དང་མཐུན། སྐད་ཀྱིས་བཅོས་སུ་མི་བཏུབ་པའི་རིགས་དང་། གཞན་ཡང་འགྱུར་སྐད་ཐུན་མོང་དང་ཐུན་མོང་མ་ཡིན་པ་ཚིག་འགྱུར་དང་། དོན་འགྱུར་དང་། ཤ་ཟའི་སྐད་འང་མཐུན། ཟུར་ཆག་སྟེ་གོང་མ་དང་འདྲ། ཡུལ་རྗེ་ཐ་དད་པའི་སྐད། དབུས་ན་རྡོ་རྗེ་གདན། ཤར་ན་གྷ་ཡའི་གླིང་། ལྷོ་ན་བྷེ་ཏ། ནུབ་ན་ཨོ་རྒྱན། བྱང་ན་ཁ་ཆེ། ཤར་ལྷོར་ཁར་བུ། ལྷོ་ནུབ་ཟངས་གླིང་། ནུབ་བྱང་རླུང་གླིང་། བྱང་ཤར་ཀ་མ་རུ་པའི་གླིང་སྟེ། དེ་རེ་རེ་སྒྲ་ལྔ་ལྔ་ཡོད། སྲོག་འགྱུར་དང་། ཚན་འགྱུར་དང་། མན་ངག་གི་འགྱུར་ལ་སོགས་པ་མང་དུ་ཡོད་ལ། དེ་བཞིན་དུ་མི་མ་ཡིན་དང་འགྲོ་ལྡིང་བའི་སྐད་ལ་སོགས་པ་ཆེས་མང་བར་བཤད་པས། རིག་འཛིན་བརྒྱུད་པའི་ཞལ་ལུང་ཁོ་ན་ལ་ལྟོས་དགོས་པར་གསུངས་ཕྱིར་བཤད་མ་ཐག་པའི་སྔགས་དོན་གྱིས་མི་ཚོན་ཏེ་རིམ་པར་དེ་ལྟར་དུ་འགྲེལ་པས་རིག་བྱེད་པ་དག་གིས་དཔྱད་པའི་ཡུལ་མ་ཡིན་མོད།

(༡༢༤)འོན་ཀྱང་ར་གནས་སུ་ཝཌྞར་རྫུས་པའི་རིགས་ཀྱིས་གྱ་ཚོམ་གྱི་ཚིག་ལ་སྔ་འགྱུར་གྱི་ཁ་གཡར་བ་ལ་ནི་ཞིབ་མོར་དཔྱད་བྱའི་གཞི་སྟེ། ཨ་རུར་དང་བ་རུར་སོ་སོའི་རང་མདོག་སྟོན་པས་སོ། །བསྐྱེད་པའི་ལྷ་ནི་སྔར་བཤད་མ་ཐག་པའི་ཕྱག་རྒྱ་དེའི་སྟེང་དུ་སྤྱོད་པའི་ལྷ་ཤཱཀྱ་ཐུབ་པ་སྤྱི་འགྲོ་ལྟར་གསལ་ཞིང་། ས་བོན་གྱི་ཡི་གེ་ནི་རིན་ཆེན་མང་གི་ཐུགས་ཀར་ཨཱདཀར་པོ་གཅིག་གསལ་བ་ལས་འོད་ཟེར་འཕྲོས་ནས་གཏོར་རྫས་རྣམས་ལ་ཕོག་པས་བྱིན་བརླབས་ཀྱི་ཕན་ཡོན་ནི། འབགས་བཙོག་དྲ་དྲི་ཉེས་སྐྱོན་སེར་སྣའི་སྒྲིབ་པ་ལ་སོགས་མ་དག་པའི། སྐྱེ་ན་མཐའ་དག་སྦྱངས་རིན་ཆེན་མང་། ནས་རང་བཞིན་གྱི་རྣམ་པར་དག་པ་བྱེད་པ་དེ། དག་དྲན་ཤེས་རྒྱུད་ལ་བྱས་ཏེ། ཕྱག་རྒྱའི་སྟེང་དུ་རིན་ཆེན་མང་། སོགས་ཤློ་ཀས་སྟོང་པར་བསམ་མོ། །ལྔ་ཚན་གཉིས་པ་ལས། བཅའ་བའི་ཕྱག་རྒྱ་ནི་དཔྲལ་བ་མཛོད་སྤུའི་ཐད་དུ་ལག་པའི་སྙིམ་པ་སྤྲད་ལ། གུང་མོ་གཉིས་དང་སྲིན་ལག་གཉིས་སོར་རྩེ་སྤྲད་པའི་ཚིགས་པ་འོག་མ་བཅག །མཐེབ་མཛུབ་གཞན་རྣམས་སྒྲེང་བ་རིན་ཆེན་སྒྲོམ་བུའི་ཕྱག་རྒྱ་བཅས་ལ། ཟླ་བའི་སྔགས་ནི་ནམ་མཁའ་མཛོད་ཀྱི་གཟུངས། ན་མསརྦ་ཏ་ཐཱ་ག་ཏ་བྷྱོ་བི་ཤྭ་མུ་ཥེ་བྷྱསོགས་དང་། བསྐྱེད་པའི་ལྷ་ནི་ཕྱག་རྒྱ་དེའི་སྟེང་དུ་སྤེལ་བའི་ལྷ་ནམ་མཁའ་མཛོད་སེར་པོ་རིན་པོ་ཆེ་དང་སྒྲོམ་བུ་འཛིན་པར་གསལ་བའི་སྒྲོམ་བུའི་ནང་དེར། ས་བོན་གྱི་ཡི་གེ་ཁཾ་སྔོན་པོ་གསལ་བ་ལས་འོད་འཕྲོས་པས། བྱིན་བརླབས་ཀྱི་ཕན་ཡོན་ནི་གཏོར་གླུད་ཐམས་ཅད་གང་ལ་གང་འདོད་ནམ་མཁའ་མཛོད་ཀྱི་རང་བཞིན་དུ་རྒྱ་ཆེར་སྤེལ་ནས་མགྲོན་རྣམས་ཚིམ་པར་བྱེད་པ་སྟེ། ཕྱག་རྒྱའི་སྟེང་དུ་ནམ་མཁའ་མཛོད༔ སོགས་ཤློ་ཀ་བརྗོད། ལྔ་ཚན་གསུམ་པ་ལས། བཅའ་བའི་ཕྱག་རྒྱ་ནི། མགྲིན་པའི་ཐད་དུ་ཐལ་མོ་ཁ་བྱེ་བ་པདྨའི་དབྱིབས་ལྟ་བུར་བྱས་ལ་བཟླ་བའི་སྔགས་ནི་བདུད་རྩི་ཐབ་སྦྱོར་གྱི་གཟུངས། ཨོཾ་བཛྲ་ཨ་མྲྀ་ཏ་ཀུཎྜ་ལཱི་སོགས་དང་། བསྐྱེད་པའི་ལྷ་མི་ཕྱག་རྒྱ་དེའི་སྟེང་དུ་བསྒྱུར་ལྷ་བདུད་རྩི་འཁྱིལ་བ་སྔོན་པོ་ཕྱག་གཉིས་

(༡༢༥)བདུད་རྩིའི་བུམ་པ་འཛིན་པར་གསལ་བའི། ས་བོན་གྱི་ཡི་གེ་ནི་དེའི་ཐུགས་ཀར་ཧཱུཾ་སྔོན་ཞིག་གསལ་བ་རེ་ལས་འོད་ཟེར་འཕྲོས་པས། བྱིན་རླབས་ཀྱི་ནུས་པས། གཏོར་ཡས་དེ་དག་ཐམས་ཅད་དངོས་པོ་གཅིག་ཁོ་ན་མ་ཡིན་པར། གཟུགས་སྒྲ་དྲི་རོ་རེག་བྱ་དཀར་མངར་ཤ་ཁྲག་ལ་སོགས་མགྲོན་སོ་སོ་ཅི་འདོད་པའི་དངོས་པོར་བསྒྱུར་བ་སྟེ། ཕྱག་རྒྱའི་སྟེང་དུ་བདུད་རྩི་འཁྱིལ༔ སོགས་ཤློ་ཀ་བརྗོད། ལྔ་ཚན་བཞི་པ་ལས། བཅའ་བའི་ཕྱག་རྒྱ་ནི། གཡོན་མཛུབ་མོ་ཐུགས་ཀར་སྒྲེང་ཞིང་གཡས་མཆོག་སྦྱིན་ཐུར་དུ་བསྟན་ལ། བཟླ་བའི་སྔགས་རྒྱ་ཚན་ཤུགས་ལྡན་འོད་ཀྱི་གཟུངས། འདི་ཡང་དགོས་གནད་ཆེ་བས་འགྲེལ་ནས་འགོད་དེ། ན་མཞེས་པ་ཕྱག་འཚལ་ལོ། །སརྦ་ཏ་ཐཱ་ག་ཏ་དེ་བཞིན་གཤེགས་པ་ཐམས་ཅད། ཨ་ཝ་ལོ་ཀི་ཏེ་སྤྱན་རས་གཟིགས། ཨོཾཱ་བདེ་ལེགས་སུ་བྱེད་པ། ས་མ་བྷ་ར་ཞེས་པ་ཡང་དག་འཆོགས་པ། སམྦྷ་ར་ཞེས་པ་ཡང་དག་པར་རྒྱས་པ། ཧཱུྃ་ནི་གཏོར་མས་ཚིམ་པར་གྱུར་ཅིག །ཅེས་པ་དང་། སྔགས་འདིའི་ལོ་རྒྱུས་ཞིབ་བ་ཁ་འབར་མའི་མདོ་ལས་འབྱུང་ཞིང་། འགྱུར་ཁྱད་ནི་མགྲོན་དེ་དག་ལ་སྔགས་གྲངས་དང་མཉམ་པའི་འབྲས་མ་གདྷཱའི་བྲེ་བོ་ཆེའི་ཁལ་གྲངས་སྦྱིན་པ་དང་མཉམ་པར་གསུངས། བྲེ་དེ་ནི་ད་ལྟ་དབུས་གཙང་གི་འབོ་དང་མཉམ་པར་བཤད་པ་ཡང་ཡོད་དེ་ཇི་ལྟར་ཡང་ཕན་ཡོན་ནི་བསམ་ལས་འདས་པ་ཞིག་གོ །བསྐྱེད་པའི་ལྷ་ནི་ཕྱག་རྒྱ་དེའི་སྟེང་དུ་ཐོབ་པའི་ལྷ་སྤྱན་རས་གཟིགས་དབང་། ས་བོན་གྱི་ཡི་གེ་ནི་དེའི་ཐུགས་ཀའི་ཧྲཱི དཀར་པོ་ལས་འོད་ཟེར་འཕྲོས་པ་དང་། ཁྱད་པར་བདག་བསྐྱེད་ཀྱི་གཡས་མཆོག་སྦྱིན་དུ་བསྟན་པའི་མཛུབ་མོའི་རྩེ་ནས་བདུད་རྩིའི་འོ་རྒྱུན་བབས་པས། བྱིན་རླབས་ཀྱི་ཡོན་ཏན་ནི། ཡི་དྭགས་ལ་སོགས་པའི་མགྲོན་སོ་སོའི་ལས་སྒྲིབ་ཀྱི་དབང་གིས་མ་བསྔོས་ན་མི་ཐོབ་པ་དང་། དབང་ཆེ་བས་ཐོབ་ཀྱང་ཆུང་བས་མི་ཐོབ་པའི་རིགས་སོགས་ཡོད་པས་དེ་དག་ཐམས་ཅད་ལ་ཉེ་རིང་དང་།

(༡༢༦)ཕམ་རྒྱལ། འཐབ་རྩོད་མེད་པར་ཀུན་སྙོམས་ཆེན་པོར་བྱེད་པ་སྟེ། ཕྱག་རྒྱའི་སྟེང་དུ་སྤྱན་རས་གཟིགས༔ སོགས་ཤློ་ཀས་བསྔོ། ལྔ་ཚན་ལྔ་པ་ལས། བཅའ་བའི་ཕྱག་རྒྱ་ནི། གཡོན་ཐལ་མོ་ཁ་བཟེད་པ་ལྟ་བུའི་སྟེང་དུ་གཡས་ཁུ་ཚུར་ཁ་སྦུབས་ལ་མཐེ་བོང་སྒྲེང་ཞིང་མཛུབ་མོ་རྣམས་གཅིག་རྒྱབ་གཅིག་བསྐོར་བ་དྲིལ་བུའི་ཕྱག་རྒྱར་གྲགས་པ་བཅས་ལ། བཟླ་བའི་སྔགས་ནི་ཡེ་ཤེས་སྐར་མདའི་གཟུངས། ཨོཾཱ་ཛྙཱ་ན་ཨ་ཝ་ལོ་ཀི་ཏེ། ན་མས་མནྟ་སྥ་ར་ཎ་རསྨི་བྷ་ཝ་སོགས་དང་། བསྐྱེད་པའི་ལྷ་ནི་ཕྱག་རྒྱ་དེའི་སྟེང་དུ་ཚིམ་པའི་ལྷ་དོན་ཡོད་གྲུབ་པ་ཕྱག་མཚན་རལ་གྲི་དང་གྲིལ་བུ་བསྣམས་པར་གསལ་ལ། ས་བོན་གྱི་ཡི་གེ་ནི། དེའི་ཐུགས་ཀ་ན་ཧ་ལྗང་གུ་ཞིག་གནས་པ་དེ་ལས་འོད་ཟེར་འཕྲོས། བྱིན་རླབས་ཀྱི་ཡོན་ཏན་ནི། མགྲོན་ཐམས་ཅད་ཀྱི་རེ་བ་ཡིད་བཞིན་དུ་སྐོང་ཞིང་མཐོ་དམན་ཡོངས་ལ་ཁྱབ་པར་བྱེད་པ་སྟེ། ཕྱག་རྒྱའི་སྟེང་དུ་དོན་གྲུབ་སྐུ༔ སོགས་ཤློ་ཀ་བརྗོད་དོ། །ལྔ་ཚན་དྲུག་པ་ལས། བཅའ་བའི་ཕྱག་རྒྱ་ནི་སོར་མོ་རྣམས་རྒྱབ་སྤྲད་ནས་གཅིག་ལ་གཅིག་འཁྱུད་པ། མཐེ་བོང་རང་རང་གི་ལག་མཐིལ་དུ་བཀུག་ལ་དབང་སྒྱུར་འཁོར་ལོའི་ཕྱག་རྒྱ་བཅས་ལ། བཟླ་བའི་སྔགས་དབང་སྒྱུར་མཆོག་གི་གཟུངས། ན་མསནྟ་བུདྡྷ་ནན༔ སོགས་དང་བསྐྱེད་པའི་ལྟ་ནི་ཕྱག་རྒྱ་དེའི་སྟེང་དུ་དབང་དུ་བྱེད་པའི་ལྷ་ཕྱག་ན་རྡོ་རྗེ་རྔམ་བརྗིད་དང་ལྡན་པ། སྐུ་མདོག་མཐིང་ནག་རྡོར་དྲིལ་འཛིན་པ་དང་། ས་བོན་གྱི་ཡི་གེ་ནི་དེའི་ཐུགས་ཀ་ནས་ཧཱུཾ་མཐིང་ནག་ཅིག་གསལ་བ་དེ་ལས་འོད་ཟེར་འཕྲོས་པས། བྱིན་བརླབས་ཀྱི་ཡོན་ཏན་ནི། མགྲོན་རིགས་མཆོག་དམན་ཐམས་ཅད་བདག་གིས་དབང་དུ་འདུས་ནས་ཇི་ལྟར་གསོལ་བའི་ལས་སྒྲུབ་པ་དང་། བསྒོས་པའི་བཀའ་ལ་ཏན་པ་སྟེ། ཕྱག་རྒྱའི་སྟེང་དུ་ཕྱག་རྡོར་སྐུ༔ སོགས་ཤློ་ཀ་བརྗོད། དེ་ལྟར་ཕྱག་རྒྱ་རྣམས་ནི་རང་ཉིད་ཁ་སརྤ་ཎིའི་ཏིང་ངེ་འཛིན་དང་ལྡན་པས་བྱ་རྒྱུ་ཡིན་ལ། ལྷ་རྣམས་ནི་ཚིག་དོན་དང་བསྟུན་ནས་སྐད་ཅིག་སྐད་ཅིག་ལ་གནས་འགྱུར་ནས་དེ་དང་

(༡༢༧)དེར་སྒོམ་པ་གང་ལ་གང་འདུལ་གྱི་རང་བཞིན་ལས་ངོ་བོ་ནི་ཐ་དད་དུ་ལྟའམ་ཡིན་ནོ། །དེ་ལྟ་བུའི་སྔགས་དྲུག་རྒྱ་བརྒྱ་དྲུག་གི་ནི་ལྷོ་བྱང་གི་གཏོང་ཁ་སོ་སོར་དགོངས་པ་མི་མཐུན་ཙམ་ཕྲ་མོ་མཁས་པས་མཐའ་གཅིག་ཏུ་བཟུང་བར་དཀའ་ཡང་། ཧ་ཅང་འགལ་འདུར་གྱུར་པ་མེད་མོད་འོན་ཀྱང་ད་ལྟ་འདི་ཉིད་ལའང་ཕྱག་རྒྱ་བཅའ་ཚུལ་དང་། ལྷག་པར་བཅའ་མཚམས་ཐོག་མ་ཉིད་ནས་འཕྱུགས་པའི་ལག་ལེན་འགའ་ཞིག་ཀྱང་སྣང་སྟེ། དེས་ནི་ཕྱག་རྒྱ་དང་གྱེར་སྒོམ་མཐར་ཆགས་ཡ་བྲལ་དུ་གྱུར་པ་དག་མཐོང་ནས་འདི་ཉིད་དུ་གཞུང་གི་དགོངས་པ་ཤིན་ཏུ་རྐང་ཚུགས་པའི་ངོམ་ནས་ཚད་ལྡན་གྱི་གཞུང་ལ་དབང་པོ་གསོལ་ཏེ་ཚིག་དོན་འགྲེལ་ཆ་གསལ་ཤིན་ཏུ་གསལ་བ་ནི་བྱས་མོད་ཀྱི། བོང་དག་ཕྲ་མ་སྔ་བཙན་ལ་དགའ་བས་སྐྱོན་ཡོན་གང་དུ་འགྲོ་སོམ་ཉིའི་གནས་སུ་མཐོང་ཡང་ལས་ཀྱི་འབྲས་བུས་ནམ་ལང་མི་བསླུ་བའི་ཕྱིར་ནོངས་པར་མ་གྱུར་ཏེ། གཉིས་པ་བཀའ་བསྒོ་བ་ནི། ན་མོཞེས་པས་དཀོན་མཆོག་གསུམ་ལ་འདུད་པའི་ཚིག་སྔོན་དུ་བཏང་ནས། སངས་རྒྱས་ནི་རྐང་གཉིས་ཀྱི་གཙོ་མཆོག་དང་། ཆོས་ཉིད་ལ་ཆགས་པ་དང་བྲལ་བས་བདེན་པའི་མཆོག །སོ་སྐྱེ་ལས་འཕགས་པའི་དགེ་འདུན་ནི་འདུས་པའི་གཙོ་བོར་གྱུར་པས་བདེན་པའི་མཆོག །དཀོན་མཆོག་དེ་གསུམ་གྱི་བཀའ་ལ་མི་ཉན་པ་དང་། འཆི་བའི་སྲོག་ལ་མི་གཅེས་པ་དང་། སྐྱེ་འགྲོ་རླུང་ལ་མི་བརྟེན་པ་དང་། དེ་བཞིན་དུ་འཚོ་བའི་ཟས་ལ་མི་ཆགས་པ་དང་། ཡང་དག་པར་སྨྲས་པའི་ཆག་ལ་མི་ཉན་པ་དང་། ཟབ་མོ་སྟོང་པ་ཉིད་ཀྱི་དོན་ལ་མི་སེམས་པ་ནི་གང་ན་སུ་ཡང་མེད་པས་དེས་ན་འདིར་ཚོགས་པའི་མགྲོན་རྣམས་ཀྱང་དེ་ལ་ཉོན་ཅིག་ཅེས་ཚིག་གིས་བཀྲོལ་བ་སྟེ། དཔེར་ན་སྐྱེ་བོ་མི་བསྲུན་པ་ཞིག་ལ་གཏམ་སྨྲ་ན། དེའི་སྔོན་དུ་ཁོ་དེ་འདི་ལྟར་རྒྱལ་པོ་དང་རྗེ་བོ་ལ་མི་ཉན་པ་སུ་ཡང་མེད་ཅེས་པ་ལྟ་བུས་མཚོན་ཏེ། ཉན་པའི་སྣོད་དུ་རུང་བར་བྱེད་པའི་དོན་དེ། དེའི་ངང་ལས། སངས་རྒྱས་རྐང་གཉིས་གཙོ་དེ་བདེན་པའི་མཆོག༔ སོགས་བརྗོད་པའོ། །གསུམ་

(༡༢༨)པ་ང་རྒྱལ་གཟུང་བ་ནི། ཧཱུྃ་ནི་བདེ་གཤེགས་ཐམས་ཅད་ཀྱི་སྙིང་པོ། ཧྲཱི་ནི་རྟ་མཆོག་ཧེ་རུ་ཀའི་ས་བོན། དེའི་ངོ་བོ་ང་ལས་མི་འདའོ་སྙམ་པའི་ངང་ནས་མགྲོན་རྣམས་ལ་ལས་འདི་དང་འདི་གྱི་མ་ཤིག་ཅེས་པ་དང་། གལ་ཏེ་མི་བྱེད་ན་བདག་ཉིད་དབང་ཆེན་ཁྲོས་པའི་སྐུར་ལངས་ནས་ཁྱོད་རྣམས་གཟིར་བའོ། །ཞེས་དོན་ལ་ཞི་དྲག་ཕྱེད་མའི་ང་རྒྱལ་ཏེ། སྐུ་ཞི་པའི་ཚུལ་ལ་ཐུགས་ཅུང་ཟད་ཁྲོས་པའི་ཚུལ་གྱིས། །ང་ནི་དུས་གསུམ་དཔལ་ལྡན་རྡོ་རྗེ་འཆང་༔ སོགས་བརྗོད། བཞི་པ་ནི། དཀར་ཕྱོགས་ཀྱི་དགེ་བསྙེན་དྲེགས་སྡེ་ཕྱི་ནང་གསང་གསུམ་དང་། མི་སྣང་བའི་ས་བདག་ལྟོ་འཕྱེ་ཆེན་པོ་ལ་སོགས་ཏེ་རྗེ་བོའི་རིགས་སའི་ལྷ་མོ་བརྟན་མ་དང་། ས་བདག་ཐ་སེ་རྒྱལ་པོ་བློན་པོ་ཙང་ཀུན་ལ་སོགས་ཏེ་ལོ་ཟླ་ཞག་དུས་ལ་དབང་མེད་པའི་ཚོགས་ལ་གཏོང་ཡམ་བསྔོས་ནས། དཀྱིལ་འཁོར་བཞེད་པའི་ས་ཡུལ་སོགས་མདོར་ན་ལས་ཇི་ལྟ་བུ་བྱེད་པའི་རིང་གཡར་པོ་ཐོང་ཞེས་པ་ལྟ་བུས་ཀོ་ལོང་སད་པ་སྟེ། འདིས་ནི་ས་བླང་པ་སྤྲོས་པ་ཉེར་བསྡུས་གཞན་གྱི་གོ་ཡང་ཆོད་ཅིང་ཇི་ལྟར་ཡང་དག་ཏུ། ཧྲཱིལྷ་ཀླུ་གནོད་སྦྱིན་རྒྱལ་པོ་གཟའ་བཙན་དང་། སོགས་བརྗོད་ལ་རོལ་མོ་བསྒྲག་ཅིང་། གཏོར་མ་གཙང་སར་གཤེགས། གསེར་སྐྱེམས་ཕྱོགས་བཅུར་གཏོར་རོ། །གཉིས་པ་ལ་བཞི། བསྐྱེད་རིམ་ཁྲོ་བོར་བསྒྱུར་བ། བགེགས་དགུག་པ། གཏོར་ཡས་བསྔོ་བ། བསྐྲད་གཟིར་གསད་གསོད་དང་བཞི་ལས། དང་པོ་ནི། ཞི་བས་མི་འདུལ་བའི་བགེགས་དང་ལོག་འདྲེན་བསྐྲད་ཕྱིར་རང་ཉིད་སྤྱན་རས་གཟིགས་སུ་ཡོད་པ་དེ་ཉིད་སྐད་ཅིག་ལ་གནས་འགྱུར་ཏེ། དཔལ་རྟ་མཆོག་རོལ་པ་འདོན་ཆ་དང་མཐུན་པར་གསལ་བཏབ་ལ་ང་རྒྱལ་གཟུང་སྟེ། ཧྲཱིཡིག་ལས་བྱུང་བདག་ཉིད་རྟ་མགྲིན་དབང་༔ སོགས་བརྗོད། གཉིས་པ་བགེགས་དགུག་པ་ནི། བདག་བསྐྱེད་ཀྱི་ཐུགས་ཀ་ནས་ཁྲོ་བོའི་རྒྱལ་པོ་ཌཀྐི་རཱ་ཛ་དམར་སྐྱ་ཞས་གཅིག་ཕྱག་གཉིས་པ། གཡས་ཐོ་བ་དང་། གཡོན་ལྕགས་ཀྱུ་འཛིན་པ་གྲངས་མེད་སྤྲོས་པོས་བགེགས་རྣམས་འགུགས་པར་

(༡༢༩)བསམས་ལ། དྲིལ་བུ་དང་བཅས་པའི་གཡོན་པའི་ཁུ་ཚུར་གདོང་རང་ལ་ཕྱོགས་པའི་མཐེའུ་ཆུང་བརྐྱང་བའི་སྟེང་དུ་རྡོ་རྗེ་དང་བཅས་པའི་གཡས་པའི་མཛུབ་མོས་འཁྱུད་པ་ལྕགས་ཀྱུའི་ཕྱག་རྒྱ་བཅས་ལ། ཧཱུཾ༔ཕྱོགས་བཞི་མཚམས་བཞི་སྟེང་འོག་ཐམས་ཅད་དུ ཞེས་པའི་མཐར། ཨོཾཱ་བཛྲ་ཌཀྐི་རཱ་ཛ་ཧཱུཾ ཞེས་བརྗོད་པས་ཁྲོ་བོ་དེས་བགེགས་རྣམས་བཀུག་ནས་འདུས་པར་བསམས་ལ་ཁྲོ་བོ་རང་གི་སྙིང་གར་བསྡུ། ཚད་མེད་བཞིའི་སྔགས་རྒྱ་བསྟུན་ནས་ཛཧཱུཾ་བཾ་ཧོ བཛྲ་ཨངྐུ་ཤ་ཛ ཞེས་བརྗོད་པས་བགེགས་རྣམས་འཁྱེར་དབང་མེད་ཅིང་རང་ཉིད་ལ་ཞུམ་པའི་སྒོ་ནས་འདུད་པར་བསམ། གསུམ་པ་གཏོར་ཡས་བསྔོ་བ་ནི། རྫས་རྣམས་འདོད་ཡོན་ལྔའི་རང་བཞིན་སོ་སོ་གང་ལ་ཅི་འདོད་ཀྱི་རང་བཞིན་དུ་བསམས་ལ། ཧཱུྃ་ཉོན་ཅིག་བགེགས་དང་ལན་ཆགས་འབྱུང་པོའི་ཚོགས༔ ཞེས་པའི་མཐར། སུཾ་བྷ་ནིའི་སྔགས་དོན། སུཾ་བྷ་ངེས་པར་འདུལ་བ། ནི་སུཾ་བྷ་མ་ལུས་ངེས་པར་འདུལ་ཞེས་ཁྲོ་བོ་གནོད་མཛེས་ལ་ཐོད་པ་ཧཱུྃ་གསལ་བར་བྱེད་པ། གྲྀ་ཧ་ཎ་གཉིས་ནི་ཟུང་ཟུང་སྟེ། གནོད་བྱེད་འཕྲོས་པ་ལ་ཟུང་ཞིག་དང་། གྲྀ་ཧ་ཎ་པ་ཡ་གཉིས་འཛིན་དུ་ཆུག་འཁོར་ཡང་འཛིན་དུ་ཆུག་ཅེས་དང་། ཧཱུྃ་ནི་བསྐུལ་བ། ཨཱ་ན་ཡ་ཁུག །ཧོནི་ཀྱེ། ལྷག་ཝན་བཅོམ་ལྡན་འདས་ཏེ་ཀྱེ་བཅོམ་ལྡན་འདས་ཁུ་གཅིག་ཅེས་པ་དང་། བི་བྱཱ་རཱ་ཛ་ནི་རིག་པའི་རྒྱལ་པོ་ཞེས་གནོད་མཛེས་ལ་དབུགས་འབྱིན་པ། ཧཱུཾ་ཕཊ་ནི་གསོད་པའི་ཕྱིར་བསྐུལ་བའོ། །གླུད་གཏོར་ཡས་རྫས་དང་བཅས་ཕྱི་རོལ་དུ་དོར་རྗེས་གུ་གུང་གྱིས་འདུག །ཡུངས་ཀར་གྱིས་བྲབ་པོ། བཞི་པ་ནི། རང་ཉིད་རྟ་མཆོག་ཧེ་རུ་ཀའི་ཐུགས་ཀ་ནས་སྤྲུལ་པའི་རོལ་པ། ཁྲོ་བོ་རྡོ་རྗེའི་མེ་ཆར་དཔག་མེད་སྤྲོས། དེ་དག་གིས་བགེགས་རིགས་འབྱུང་པོའི་ཚོགས་ལ་བསྡིགས་ཤིང་གཟིར་བས་རྒྱ་མཚོའི་བ་མཐའ་ཙམ་དུ་ཡང་སྡོད་དབང་མེད་པར་ལས་ཆེན་བཅུ་གཉིས་ ཞི་རྒྱས་དབང་དཔུག་རྨོངས་རེངས་དབྱེ་བསྐྲད་དང་། གནན་གཟིར་གསད་གསོལ་ས་ཆེན་བཅུ་གཉིས་སོ། །ལས་བསྐྲད་གཟིར་གསད་གསུམ་གྱི་སྔོ་ནས་སྒྱུ་མའི་ལྔ་ཕུང་མིང་ཡང་མེད་པར་བྱས་ཤིང་

(༡༣༠)སེམས་ཉིད་ཆོས་སྐུའི་ཀློང་དུ་གསོ་དར་མོས་པའི་དམིགས་གནད་ཁྱད་པར་ཅན་དེ་ལྟ་བུའི་ངང་ནས། དངོས་གྲུབ་བསྒྲུབ་ལ་བར་གཅོད་བྱེད་པའི་བགེགས༔ སོགས་བརྗོད། གསུམ་པ་སྲུང་འཁོར་སྒོམ་པ་ལ་གཉིས། ཀུན་རྫོབ་ཀྱི་རོལ་པར་དམིགས་བཅས་སུ་སྒོམ་པ་དང་། དོན་དམ་གྱི་ངོ་བོར་དམིགས་མེད་དུ་སྒོམ་པའོ། །དང་པོ་ལ་གསུམ། སྤྱིའི་གནད་ལ་བསམས་ནས་ཨ་འཐས་ཀྱི་ཐེ་ཚོམ་བསལ་བ། བསྒོམ་གཞིའི་མན་ངག་བཤད་པ། བསྒོམ་བྱའི་སྲུང་འཁོར་གྱི་རྣམ་གཞག་གོ །དང་པོ་ནི། ཆོས་དང་ཐུགས་རྒྱུད་འདྲེས་པའི་རྒོད་ཚང་པ་ཆེན་པོ་སྣ་ཚོགས་རང་གྲོལ་གྱི་ཞལ་ནས། དམིགས་པ་གཅིག་བསྒོམས་ཚར་ནས་གཞན་སྒོམ་ཐབས་མེད་པ་ལྟ་བུ་མ་ཡིན་ཞིང་། ཐམས་ཅད་སེམས་ཀྱི་རྣམ་རོལ་ཡིན་པ་ལ་འདི་དང་མི་འཁྲུག་པར་འདུག་སྙམ་པ་ལྟ་བུའི་གུ་དོག་བྱར་མི་རུང་བ་ནི་སྤྱིའི་གནད་ཆེ་ཤོས་ཡིན་ཞེས་པ་ཤིན་ཏུ་ཐུགས་བདེན་པར་སྣང་ཞིང་། ནང་གི་དེ་ཁོ་ན་ཉིད་ལ་དབང་འབྱོར་ཞིང་ངེས་ཤེས་སྙེད་ན་དེ་ལྟ་མི་དགོས་མོད་ཀྱང་། བྱིངས་ཀྱི་གནད་དེ་ལྟ་བུ་མགོ་བས་དམིགས་པའི་རིགས་ཇི་ལྟ་བུ་ཞིག་ལའང་ཨ་འཐས་ཀྱི་མཚན་མར་གོལ་ནས་ཐུག་རག་ཕོག་གིས་དོགས་པ་དང་། བྱས་མཚར་བའི་ཉེན་དོགས་དང་། དེ་དང་དེ་མཉམ་པོར་མི་འཁྲུག་སྙམ་པ་དང་། གཅིག་ཟིན་ནས་གཅིག་འདོག་པ་ལྟ་བུ་དགོས་སམ་སྙམ་པའི་ཐེ་ཚོམ་གྱི་དྲྭ་བར་འཐུམས་ནས་ཇི་བཞིན་སྒོམ་ཤེས་མཁན་དཀོན་པར་མཐོང་མོད། འོན་ཀྱང་བཤད་ཚུལ་འདི་འདྲ་བླུན་པོའི་ལུགས་སུ་སྣང་ཡང་། ཇི་སྐད་དུ། ཡུལ་གྱི་སྐད་ཀྱིས་ཆོས་གོ་ན། །བསྟན་བཅོས་སྐད་ཀྱིས་ཅི་ཞིག་བྱ། །ཞེས་གསུངས་པ་ལྟར་འདི་ནི་སྒྲུབ་པ་ལག་ཐོག་ཏུ་ཁེལ་བའི་དབང་དུ་བྱས་ནས་འཆད་པ་ཡིན་ཏེ། དེ་ཡང་གཞུང་ཆེན་རྣམས་སུ་ནི་ཤེས་བྱ་གཏན་ལ་བབ་ནས་གསུངས་པས་ལས་དང་པོ་པ་དང་དབང་རྟུལ་རྣམས་ཀྱིས་ཤེས་རྒྱུད་ལ་འབྱོར་བར་མི་ནུས། དེས་ན་འདི་ལ་དགོས་པ་ཁྱད་པར་ཅན་ཡོད་དེ། སྔོན་དགེ་བའི་བཤེས་གཉེན་པུ་རྟོ་

(༡༣༡)པ་དང་། ཆོས་ཀྱི་འོད་ཟེར་གཉིས་ལ་ཐུན་མོང་གི་སློབ་མ་མང་པོ་ཡོད་པར། གཉིས་ཀས་ཆོས་གཅིག་གི་ལུགས་སུ་གསུངས་ཀྱང་། བཤད་ཚུལ་གྱིས་ཁྱོད་ལ་ཉན་པ་པོ་རྣམས་ཀྱི་རྣ་བར་འཇེབས་མིན་ཁྱད་པར་ཤིན་ཏུ་ཆེ་བར་བྱུང་བའི་གཏམ་རྒྱུད་སྣང་བ་ལྟར་འདིར་ཡང་ཉམས་ལེན་པ་ཁོ་ན་ལ་གོ་བདེ་ཞིང་ཤེས་རྒྱུད་ལ་འབྱོར་པའི་ལུགས་སུ་འཆད་པ་ཡིན་ནོ། །གཉིས་པ་ནི། མ་ཧཱ་ཡོ་ག་ལ་སོགས་པ་ཐབས་བསྐྱེད་རིམ་གཙོ་བོར་བཏོན་པའི་ཚོག་མཁན་དང་མི་འདྲ་བར་འདི་ནི་ལུང་ཨ་ནུ་ཡོ་ག་བྲབ་པ་གཙོར་བཏོན་དབྱིངས་དང་ཡེ་ཤེས་མཉམ་སྦྱོར་རྟོགས་པའི་ལྟ་བ་རྒྱུན་ཆད་མེད་པའི་ངང་ནས་འཇུག་པ་ཡིན་ཕྱིར། རང་གི་རིག་པའི་ངོ་བོ་རྒྱུའི་ཧེ་རུ་ཀ༔ ཞེས་བྱ་བ་ངོ་བོ་སེམས་ཉིད་སྟོང་གསལ་ཀ་དག་ལ། རྣམ་པ་རྡོར་སེམས་དམར་གསལ་ནམ་མཁས་གར་ཁྱབ་སྐུ་ཡིས་ཁྱབ་ཅིང་། དེ་ཡང་ཨ་འཐས་བརྟག་བརྟན་ཐེར་བུག་མ་ཡིན་པར་ཟང་ཐལ་སྒྲིབ་གཡོགས་དང་བྲལ་བས་ཆོས་ཀྱི་དབྱིངས་གང་བ་ཞིག་ཏུ་གསལ་བཏབ་ལ། ཏིང་ངེ་འཛིན་གྱིས་འཕྲོ་འདུ་ཐམས་ཅད་འདིའི་ངང་ལས་མདངས་མ་འགགས་པའི་རོལ་རྩལ་དུ་བྱ་བ་ཡིན་ཏེ། སྲུང་འཁོར་བསྒོམ་པ། མཆོད་གཏོར་བརླབ་སྦྱངས། ཏིང་ངེ་འཛིན་རྣམ་གསུམ་ཐམས་ཅད་འདིའི་རྒྱུ་འཕྲུལ་ཕྱི་རོལ་པར་བྱ་བ་ནི་གཞིག་དག་ཆོས་དབྱིངས་མཚོན་ལ། སྣང་སྲིད་འཁོར་འདས་ཐམས་ཅད་དེའི་ངང་དུ་མ་འདུས་པ་རྡུལ་ཕྲ་རབ་ཙམ་ཡང་མེད་ཅིང་། བྱེར་སྡུད་ཐམས་ཅད་འདིའི་ངང་དུ་བྱ་བའི་ཕྱིར་མངོན་རྟོགས་རིན་ཆེན་ཕྲེང་བའམ། མངོན་རྟོགས་ཆེན་མོར་གྲགས་པ་ལས་འབྱུང་བའི་འདོན་ཚིག །བདག་ཉིད་རྒྱུའི་ཧེ་རུ་ཀའི་ཐུགས་ཀར༔ པཾ་ལས་པདྨ། རཾ་ལས་ཉི་མའི་དཀྱིལ་འཁོར་གྱི་སྟེང་དུ༔ ཧཱུྃ་ལས་སྣ་ཚོགས་རྡོ་རྗེ༔ ཤར་དཀར༔ ཞེས་སོགས་བརྗོད་པའོ། །གསུམ་པ་ནི། བཤད་མ་ཐག་པའི་དམིགས་འདོན་ཟུང་འཇུག་ཏུ་རྡོ་རྗེའི་ལྟེ་བའི་ས་བོན་གྱི་ཡི་གེ་ཧཱུྃ་དེ་ཉིད་ལས་སྣ་ཚོགས་རྡོ་རྗེ་གྲངས་མེད་འཕྲོས་པ་རྣམས་འོད་དུ་ཞུ་ནས་སྲུང་བའི་འཁོར་ལོ་རིམ་པར་

(༡༣༢)སྒོམ་པ་སྟེ། དེ་ལ་ཞར་དུ་སྣ་ཚོགས་རྡོ་རྗེའི་སྒྲ་བཤད་འཆད་དེ་ཁ་དོག་སྣ་ཚོགས་སུ་ཡོད་པ་དང་། འོད་ཟེར་སྣ་ཚོགས་སུ་འཕྲོ་བ་དང་། ཕྲིན་ལས་སྣ་ཚོགས་སུ་འགྲུབ་པ་དང་། རྭ་རྣམས་ཕྱོགས་སྣ་ཚོགས་སུ་གྱེས་པ་སྟེ། དེ་ཡང་ལྟེ་བ་གྲུ་བཞི་མཐིང་ནང་། རྭ་རྣམས་ཕྱོགས་མདོག་ཅན་གྱི་རྭའི་གྲངས་ལ་བཞེད་ཚུལ་ཤིན་ཏུ་མེད་པར་མཆིས་ཀྱང་། འདིར་འཇིག་ཚོགས་ཀྱི་ལྟ་བ་ཉི་ཤུ་འཇོམས་པའི་རྟེན་འབྲེལ་དུ་རྭ་ཉི་ཤུ་པ་སྟེ། དེ་ཡང་དཔེར་ན་རྡོ་རྗེ་རྩེ་ལྔ་པ་གཉིས་རྒྱ་གྲམ་དུ་བསྣོལ་བ་ལྟ་བུ་ལ་ཚང་བའོ། །ད་ནི་ཕྱི་གུར་གྱི་རྣམ་གཞག་འཆད་དེ། སྔར་གྱི་ཐུགས་སྲོག་ལས་འཕྲོས་པའི་སྣ་ཚོགས་རྡོ་རྗེས་ཕྱོགས་མཚམས་ཐམས་ཅད་དུ་གོ་མཚམས་མེད་པར་ཁེངས་པ་ལས། ཕན་ཚུན་དུ་འདུད་ཅིང་བཞུ་བླུགས་སུ་འགྲེལ་བས་འོག་ཐམས་ཅད་རྡོ་རྗེའི་ས་གཞི་ཡངས་ཤིང་རྒྱ་ཆེ་བ། སྲ་ བརྟན་པ། ལོགས་ཐམས་ཅད་དུ་རྡོ་རྗེ་སྔོན་པོ་གྱེན་འགྲེང་ཤིན་ཏུ་ཆེ་བ་དག་བརྩིགས་པའི་བར་མཚམས་ཐམས་ཅད་རྡོ་རྗེའི་རྡུལ་ཕྲ་རབ་ཀྱིས་བཀག་ནས། ནང་གི་འཁྲིགས་ཞལ་བ་ལྟར་བགྲིག་པས་རླུང་ཡང་ཐར་བར་མི་ནུས་ཤིང་། དབྱིབས་ལྕགས་རྨོག་ཁ་སྦུབ་པ་ལྟ་བུར་གྱུར་པའི་རྩེ་མོར་ཁྲོ་བོའི་རྡོ་རྗེ་ནག་པོ་ལྔ་ཕྱེད་པའི་རྣམ་པ་ཅན་རྭ་གདེངས་པས་མཚན་པ་དང་། ནང་དུ་རྡོ་རྗེའི་དྲྭ་བ་དང་། གུར། བླ་བྲེས་ཀྱི་རྣམ་པ་ཅན། དེའི་ཕྱི་རོལ་དུ་འཁོར་ལོ་དཀར་པོའི་ཁུར་ཁང་དབྱིངས་སྔ་མ་ཇི་ལྟ་བ། དེའི་ཕྱི་རོལ་དུ་པདྨ་དམར་པོའི་གུར་ཁང་། དེའི་ཕྱི་རོལ་དུ་རྒྱ་གྲམ་ལྗང་གུའི་གུར་ཁང་། རིམ་བཞིན་རིན་ཆེན་འབར་བ། ཁ་ཏྲཱཾ་དགྲ་སྟྭ། གཏུན་ཤིང་ཞེས་པ་འབྲས་བུའི་ཐོབ་ལྟ་བུ་དང་། བེ་ཅོན། ལྕགས་ཀྱུ། རལ་གྲི་རྣམས་ཀྱི་གུར་ཁང་དང་། དེ་བཞིན་དུ་འབྱུང་བ་ལྔའི་གུར་ཁང་ནི། སའི་གུར་ཁང་ལྕི་ཞིང་འཐས་པ་སེར་པོ། ཆུ་བོ་དཔའ་ཀློང་འཁྲུག་པའི་གུར་ཁང་སྔོན་པོ་གཤེར་ཞིང་བསིལ་བ། མེའུར་སྒྲ་དང་བཅས་པའི་གུར་ཁང་ཚ་ཞིང་སྲེག་པ། རླུང་སྤུ་གྲི་རེག་གཅོད་ལྗང་གུ་ཡང་ཞིང་གཡོ་བ། དེའི་ཕྱི་རོལ་དུ་གཞོམ་གཞིག་

(༡༣༣)དང་བྲལ་བ་ནམ་མཁའ་སྔོ་སངས་གདོད་ནས་ལྷུན་གྲུབ་ཀྱི་གུར་ཁང་དང་བཅས་པའི་རིམ་པ་དེ་དག་ལས་དང་འདྲའི་མཚོན་ཆ་དཔག་ཏུ་མེད་པ་འཕྲོ་ཞིང་འུར་སྒྲ་དང་བཅས་ཀླད་ལ་འཁོར་བས་བགེགས་དང་ལོག་འདྲེན་ལ་སོགས་ལྟ་ཅི། འབྱུང་བའི་རླུང་ཡང་ཐར་བར་མི་ནུས་པ་ཞིག་ཏུ་གསེལ་ཞིང་། སྲུང་འཁོར་དེ་དག་རྣམས་རྣམ་པ་སོ་སོར་གསལ་ཡང་རྒྱུ་སྔར་གྱི་ཐུགས་སྲོག་ལས་འཕྲོས་པའི་རྡོ་རྗེ་ཤ་སྟག་ལས་གྲུབ་ཅིང་། དེའི་རང་བཞིན་ཡེ་ཤེས་ལྔའི་རྔམ་རོལ་དུ་གོ་བསྲུང་འཁོར་འཁོར་འདས་དབྱེར་མེད་དོ། །དེས་ནི་བདག་མདུན་ཟུང་འཇུག་གི་སྲུང་འཁོར་སྒོམ་ཚུལ་ཐུན་མོང་དུ་བཤད་པའོ། །སྲུང་གུར་རྒྱ་ཆེན་པོ་དེའི་ནང་དུ་ཐུགས་སྲོག་གི་ཧཱུྃ་ལས་བྷྲཱུྃ་སེར་པོ་གཅིག་ཆད་པ་ལས། སྐད་ཅིག་དེ་ཉིད་ལ་གནས་འགྱུར་ཏེ་འཁོར་ལོ་སེར་པོ་རྩིབས་བཅུ་པ་བླ་གབ་དང་བར་མཚམས་མེད་ཅིང་ཐོགས་རྡུགས་མེད་པ་ཞིག་ཏུ་གསལ་འདེབས་པ་ཡིན་ལ། འཁོར་ལོ་འདིའི་བཟོ་དབྱིབས་དང་ཡིན་ལུགས་ལེབ་ཆགས་སམ། གདན་ཐབས་སུ་གོ་པ་ཆེས་མང་མོད། མཁས་པ་ལ་ལས་རང་ལུགས་ལའང་། དེ་ལྟར་དུ་བཤད་པ་གསན་གཟིགས་མ་འབྱུང་བའི་སྐྱོན་དུ་སེམས་ཤིང་། དེ་ལྟ་ན་སྟེང་འོག་གི་ཧཱུྃ་ཀཱར་སྟོབས་ཆེན་གཉིས་ལ་བཞུགས་ས་ཡང་མི་འབྱུང་བས་ཧ་ཅང་ཐལ་ཆེས་ཏེ། འདི་འདྲ་སྔགས་གསར་རྙིང་གཉིས་ཀའི་སྒོམ་ཁོག་ལ་ཆེས་མང་བར་འབྱུང་མོད། དེས་ན་གསར་རྙིང་དགོངས་པ་མཐུན་ཏེ། ཚར་པ་ཆོས་རྗེས་ཀྱེ་རྡོ་རྗེའི་ལམ་འབྲས་བུ་འགྲེལ་པ་འདི་ལྟར་མཛད་དེ། མཚོན་ཆ་འཁོར་ལོ་སྟེ་ལྟོ་བ་སུམ་ཆ། དེ་ནས་སུམ་ཆ་རྩིབས་ཀྱི་སྦོམ་པ། དེ་ནས་སུམ་ཆ་རྩིབས་ཀྱི་རྩེ་མོ་རྣོ་བའོ། །དེ་ཡང་དང་པོ་གཉིས་ཁོག་སྟོང་། ཕྱི་མ་རྩེ་མོ་ཤིན་ཏུ་རྣོ་བ། རལ་གྲི་སོ་གཉིས་མ་ལྟ་བུ། །ཞེས་གསུངས་པ་དང་། རྙིང་མ་རང་ལུགས་ལ་རྒོད་ཚང་རིག་འཛིན་ཆེན་པོས་ཞིབ་འགྲེལ་འདི་ལྟར་མཛད་དེ། རྩིབས་བཅུ་ཞེས་པ་དེ་ཡང་ཕྱོགས་མཚམས་ལ་རྩིབས་

(༡༣༤)བརྒྱད་དང་། སྟེང་འོག་གཉིས་སུ་རྩིབས་རེ་རེ། དེ་གཉིས་ནི་དཔེར་ན་མ་ཎི་འཁོར་ལོའི་ལྕགས་ཀྱི་སྲོག་ཤིང་བཀལ་བ་ལྟ་བུ་དང་། འཁོར་ལོའི་རྩིབས་རྣམས་ཀྱང་ལེབ་མོ་མ་ཡིན་པར་སིལ་སྙན་ཁ་སྦྱར་བ་ལྟ་བུའམ། ཕུབ་གཉིས་ཁ་སྦྱོར་ལྟ་བུ་ནང་ཁོང་སེང་ཡོད་པ་དང་། སྟེང་འོག་གཉིས་ཀྱི་རྩིབས་ཀྱང་མདུང་གི་ལྕགས་སྦུབ་ལྟ་བུ་ནང་ཁོར་སྟོང་ཅན་ནོ། །ཞེས་གསུངས་ཀྱི་རྫོགས་ཆེན་གྱི་སྟོང་སྒྲ་ལ་ལྗགས་བསྡུ་མི་དགོས་སོ། །སྔར་བཤད་པའི་འཁོར་ལོ་རྩིབས་བཅུ་པ་རྒྱ་ཁྱོན་ཤིན་ཏུ་ཆེ་བ་སྟོང་ཁམས་དང་མཉམ་པ་དེ་ཉིད་ཀྱི། དབུས་དང་རྩིབས་བཅུ་སོ་སོའི་ནང་དུ་ཉི་གདན་རེ་རེ་ལ། རྒྱུའི་ཧེ་རུ་ཀའི་ཐུགས་སྲོག་ལས་དབུས་མར་བྷྲཱུྃ་ཡིག་དང་། ཕྱོགས་མཚམས་སྟེང་འོག་རྣམས་སུ་ཧཱུྃ་བཅུ་འཕྲོས་པ་སོ་སོའི་གདན་ལ་འཁོད་པ་སྐད་ཅིག་ལ་གནས་འགྱུར་ཏེ། དབུས་མའི་བྷྲཱུྃ་ཡིག་ལ་གཙུག་ཏོར་འཁོར་ལོས་སྒྱུར་བ་བསྐྱེད་ཅིང་དེ་ཡང་བྷྲཱུཾ་ཡིག་དེ་ལ་དག་སྦྱོང་འདི་ལྟར་ཡོད་དེ། ཡི་གེ་རྣམས་ཁ་ཕྲལ་བ་ལ། བལ་ཧ་བྱིན་པས་སྟོབས། ཧལ་བ་བྱིན་པས་འཕྲོག་པ། ཀླད་ཀོར་ལ་མ་བྱིན་པས་མར་དགྲའོ། །དགྲ་བོའི་སྟོབས་འཕྲོག་པ་ཞེས་བྱའོ། །ལྷ་དེའི་སྐུ་མདོག་ནི་སེར་པོ། ཞལ་གཅིག་ཕྱག་གཉིས་ཤིན་ཏུ་ཁྲོ་གཏུམ་ཆེ་བའི་ཕྱག་གཡས་གསེར་གྱི་འཁོར་ལོ་རྩིབས་སྟོང་དང་། གཡོན་སྡིགས་མཛུབ་དང་བཅས་པས་དྲིལ་བུ་འཛིན་པ། སྒྲུལ་སྟག་ལ་སོགས་པའི་རྒྱན་གྱིས་སྤུད་ཅིང་། རྩིབས་བཅུའི་ཁྲོ་བཅུ་ལ་སོགས་གཞུང་བཞིན་དུ་བསྐྱེད་ལ། ཡེ་ཤེས་པ་སྤྱན་དྲངས་ནས་བསྟིམ་པ་དང་དབང་བསྐུར་རྒྱས་གདབ་ལ་སོགས་པ་གཞུང་ཚིག་དང་མཐུན་པར་བྱེད་ཅིང་། དེ་ཡང་འཁོར་ཐམས་ཅད་ཞལ་གཙོ་བོ་ལ་སྟོན་པའི་སྲུང་འཁོར་གྱི་ནང་ཁོངས་སུ་མཁའ་མཉམ་གྱི་སེམས་ཅན་ཐམས་ཅད་སྐྱབས་འོག་ཏུ་འཛུད། བློས་མ་ནུས་ན་དམིགས་བསལ་དང་བཅས་པའི་ལུས་ཐམས་ཅད་རྡོ་རྗེའི་གོ་ཁྲབ་དང་བཞུ་ལུགས་སུ་གྱུར་པས་བར་ཆད་གང་གིས་ཀྱང་གླགས་མི་ཚུགས་པར་སྒོམ་ཞིང་། སྒྲུབ་ཆེན་ལྟ་

(༡༣༥)བུ་མ་ཡིན་པའི་ཚེ་སྲུང་འཁོར་སྒོམ་པའི་གཞུང་ཚིག་རྣམས་འདོན་པར་མ་སྤོབས་ན་དམིགས་པ་ནི་མི་ཤེས་ཁ་མེད་ཡོད་མོད་ད་ལྟ་དགོངས་འདུས་དཀྱིལ་ཆོག་ལ་སྲུང་འཁོར་འདི་ལྟ་བུ་ཞིག་ཡོད་དམ་སྙམ་པའི་རྟོག་པ་ཙམ་ཡང་མ་ཞུགས་པར། མེ་ཏོག་ཕྲེང་མཛེས་ཀྱི་སྲུང་འཁོར་ཉེར་བསྡུས་འཆད་མ་རག་པ་ལ་ཡིད་བརྟན་འཆའ་བའི་དགོངས་འདུས་མཁན་པོ་ཡང་ཡོད་དེ་ཕྲ་མ་སྔ་བཙན་ལ་དགའ་བ་ནི་ཆོས་ཀྱི་བག་ཆགས་དང་བྲལ་བའི་སྐྱོན་དུ་སྣང་ངོ་།། །།ཧྲཱིས་བོན་ཧཱུྃ་ལས་སྣ་ཚོགས་རྡོ་རྗེ་འཕྲོས༔ ཞེས་སོགས་དང་། མཇུག་གི་སྔགས་དོན། ཨོཾཱ་ཨཱཧཱུྃ་སྐུ་གསུང་ཐུགས། བཛྲ་གུ་རུ་དེ་ཝ་ཌཱཀྐི་ནི། བླ་མ་ཡི་དམ་མཁའ་འགྲོ། ཧ་རི་ནི་ས་མཁའ་འགྲོ་སྡེ་བཞི། ར་ཙ་ཧྲཱི་ཡ༔ དཔའ་བོ་རིགས་བཞི། བཛྲ་ནི་རྡོ་རྗེ། མ་ཧཱ་ནི་ཆེན་པོ། ཀྲོ་དྷ་ནི་ཁྲོ་བོ། རཀྵཾ་རཀྵཾ་ནི་སྲུངས་ཤིག །ཧཱུྃ་ནི་ཐུགས་རྒྱུད་བསྐུལ་བ་སྟེ། བདག་གཞན་གྱི་སྒོ་གསུམ་ལ་།།།ཤིག་བསྐུལ་བའོ། །གཉིས་པ་ནི། དེ་ལྟར་མཚན་བཅས་ཀྱི་སྲུང་འཁོར་སྒོམ་པ་དེ་དག་ཀྱང་དོན་དམ་པར་བདག་གཞན་ཕན་གནོད་བསྲུང་བྱ་སྲུང་བྱེད་ཐམས་ཅད་སྤྲོས་པའི་ཡུལ་ལས་འདས་པ་ཆོས་དབྱིངས་གདལ་ཁྱབ་ཡེ་གྲོལ་ཆེན་པོའི་ཀློང་དུ་སྣང་གྲག་ཐམས་ཅད་རྒྱས་འདེབས་པའི་ལྟ་གདེང་གིས་ཟིན་པས། ཧཱུྃ་ཧྲཱིཡེ་ཤེས་རོལ་པ་དབང་གི་དཀྱིལ་འཁོར་འདི༔ ཞེས་སོགས་བརྗོད་ཅིང་འདི་ནི་འཁོར་འདས་མཉམ་པ་ཉིད་ཀྱི་སྲུང་འཁོར་རོ། །ཆོག་ཁྲིགས་རྙིང་པ་ལ་སྐབས་འདིར་ཡང་ཡན་ལག་བདུན་པ་དང་སྐྱབས་སེམས་སོགས་བྱུང་བ་མེ་ཏོག་ཕྲེང་མཛེས་དང་འདྲེས་པ་ཡིན་ཞིང་། དེས་ན་སྔ་མས་གོ་བཅད་དེ་བཏང་སྙོམས་སུ་བཞག་སྟེ་མི་འགྲེལ་ལོ། ཁ་ཅིག་ན་རེ། ཚར་གཉིས་ལྡབ་པ་ལ་ཡོན་ཏན་ལས་སྐྱོན་མེད་དོ་ཞེས་སྨྲ་ན། བློས་ལྕོགས་ན་ཐོག་མའི་སྐྱབས་སེམས་ནས་མཐར་བསྡུ་ཆོག་ལ་ཐུག་གི་བར་བར་ཇི་ཙམ་མང་བ་བསྐྱར་བས་ཆོག་གི་དཀྱིལ་ཆོག་དང་འདྲེས་པ་འདི་ལྟ་བུའི་ཚེ་ཡང་བདག་བསྐྱེད་

(༡༣༦)རྒྱང་པའི་སྒོས་ཆོས་ཐམས་ཅད་འབྱོལ་ཉོག་ཏུ་བསྲེ་དགོས་པ་ཡིན་ན། ད་དུང་མེ་ཏོག་ཕྲེང་མཛེས་ནས་བཤད་པའི་བགེགས་གཏོར་ཟུར་བ་ཡང་ཆད་སྐྱོན་འདུག་པས་བསྣན་དགོས་སོ། །འོན་ཀྱང་ཆོག་ལར་ཞལ་འཕངས་མཛད་པ་ནི། ཀུན་རྫོབ་དང་དོན་དམ་གྱིས་དབྱེ་བས་སྐྱབས་སེམས་ཚར་གཉིས་སུ་བྱུང་བ་ཡིན་ལ། འདི་ནི་གཞུང་ཚིག་གིས་གོ་བར་ནུས་སོ། །གཉིས་པ་མཐུན་རྐྱེན་བསྒྲུབ་པའི་ཡན་ལག་མཆོད་རྫས་བརླབ་པ་ལ་གཉིས། སྤྱིར་བརླབ་པ་དང་། བྱེ་བྲག་ཏུ་བརླབ་པ་ལ། དང་པོ་ནི། འདི་ཉིད་ཀྱི་མཆོད་པའི་ལག་ལེན་དམར་ཁྲིད་ཡིག་ཆུང་ལས་རྣམ་གྲངས་གསུམ་དུ་གསུངས་ཏེ། ཡེ་ནས་ལྷུན་གྱིས་གྲུབ་པའི་མཆོད་རྫས༔ ཞར་བྱུང་གི་མཆོད་རྫས༔ རྩོལ་བས་བསྒྲུབས་པའི་མཆོད་རྫས་སོ༔ དང་པོ་ལ་གསུམ། ཕྱི་མ་བཤམས་ལྷུན་གྱིས་གྲུབ་པ༔ གླིང་བཞི་གླིང་ཕྲན་ལྕགས་རི་ཁོར་ཡུག་ཉི་ཟླ་སྐར་བྲན་ལ་སོགས་པ༔ རི་བོ་མཆོག་རབ་དང་བཅས་ཏེ་ཕྱི་སྣོད་ཀྱི་འཇིག་རྟེན་བཀོད་ལེགས་པ་ནང་རྩོལ་མེད་ཤུགས་ཀྱིས་སྤྲུལ་པ་ལྷ་དང་ལྷ་མོ༔ མི་དང་མི་མོ་ལ་སོགས་པ་བཅུད་ཀྱི་སེམས་ཅན་ཐམས་ཅད་ཀྱི་ལུས་ངག་ཡིད་གསུམ་གྱི་རྒྱན་ཆ་ལུགས་རྣམ་འགྱུར་རོལ་རྩེད༔ སངས་སྤྱོད་འདོད་ཡོན་དང་བཅས་ཏེ་རྒྱུ་བཟང་༔ གསང་བ་སེམས་ཀྱི་རོལ་པ་ཆོ་འཕྲུལ་དུ་མ་ལས་བྱུང་ཞིང་དམིགས་པའི་མཆོད་རྫས༔ འཕགས་པ་ཀུན་ཏུ་བཟང་པོའི་མཆོད་སྤྲིན་ལས་མངོན་པར་ལྷག་པའོ། །གཉིས་པ་ལ་གསུམ། ཕྱི་ཞར་བྱུང་གི་མཆོད་རྫས་གཟུགས་སྒྲ་དྲི་རོ་རེག་བྱའི་རིགས་སུ་གྱུར་ཏོ་ཅོག ནང་ཞར་བྱུང་གི་མཆོད་རྫས་བཟའ་བཏུང་གི་རང་བཞིན་ནང་ནུབ་ཉིན་ཁུང་ལ་སོགས་སུ་ལོངས་སྤྱོད་པ་ཐམས་ཅད་དོ༔ གསང་བ་ཞར་བྱུང་གི་མཆོད་རྫས་རང་ལས་གུད་དུ་མ་མཆིས་པ་ཟབ་མོ་སྦྱོར་སྒྲོལ་དང་༔ ཤ་ལྔ་བདུད་རྩི་ལྔ་ལ་སོགས་པའོ། །གསུམ་པ་ལ་གསུམ། ཕྱི་རྒྱུའི་མཆོད་པ་དང་༔ རྐྱེན་གྱིས་བསྒྱུར་བའི་མཆོད་པ་དང་༔ ནང་རྒྱུའི་དང་༔ རྐྱེན་གྱིས་བསྒྱུར་བ༔

(༡༣༧)གསང་བརྒྱུའི་དང་༔ རྐྱེན་གྱིས་བསྒྱུར་བའི་མཆོད་རྫས་ཏེ༔ ཞེས་གསུངས་ཤིང་དེ་ལ་དང་པོ་ཕྱི་རྒྱུའི་མཆོད་པ་ནི་ཡོངས་གྲགས་ལྟར་གྱི་ཕྱི་མཆོད་རྣམས་ལས། དེ་རྐྱེན་གྱིས་བསྒྱུར་བ་ནི། མཆོད་ཡོན་ལ་ཞིག་དཀར་པོའི་ལྦུ་བ་དང་། གུར་གུམ། ཤང་སྤྱི་ཞུར། རྒྱ་སྐྱེགས་ཀྱི་མེ་ཏོག་ཡུང་བ་དང་ར་མས་ཕྱེ་བསྲེས་པ་ལ་སོགས་པས་ཁ་དོག་ཐ་དད་པར་བསྒྱུར་བ་ལ་གསུངས་ཤིང་། དེ་བཞིན་དུ་མེ་ཏོག་ཀྱང་དངོས་སུ་གྲུབ་པའམ། ཡང་ན་དར་རས་གྲོ་ག་ལ་སོགས་པར་ཚོན་གྱིས་བསྒྱུར་ནས་བྲིས་ཤིང་མཛེས་པར་བྱས་པ་དང་། བདུག་སྤོས་ནི་གཞུང་འདི་ག་ལས་འབྱུང་བའི་སྤོས་སྦྱོར་མཚན་ཉིད་པའམ། སྟབས་བདེ་བར་བྱེད་ན་འདི་ཉིད་ལས་བཤད་པའི་ཚུལ་བཞིའི་སྦྱར་སྤོས་ཞེས། ཤིང་ཚ་ཆུའི་ཚུལ༔ སྤོས་དཀར་ཐལ་གྱི་ཚུལ༔ ལི་ཤི་སྡོར་གྱི་ཚུལ༔ སྤང་སྤོས་ཚྭའི་ཚུལ༔ ཞེས་བཞི་པོ་མང་ཉུང་གི་སྦྱོར་ཚད་བཤད་མ་ཐག་པ་ལེགས་པར་སྦྱར་ལ། སྦྲང་བྲར་གྱིས་མཚར་བཏབ། ཁུ་བ་ཆང་ལ་བྱས། སུག་སྨེལ་གྱི་།།།ང་བར་བཏབ་དྲི་ཞིམ་པའི་སློས་ཁྱད་པར་ཅན་ཤིན་ཏུ་ལས་སླ་བ་ཞིག་ཕྲལ་དུ་འབྱུང་ངོ་། །སྣང་གསལ་ནི། རྩི་མར། འབྲུ་མར། ཏིལ་མར་སོགས་ལས་སྤར་བའམ། མ་འགྲུབ་ན། འོད་མ་དང་། སྒྲོན་ཤིང་ཡང་རུང་བར་བཤད་ཅིང་། དྲི་ཆབ་ནི། ཆུ་གཙང་སྲོག་ཆགས་དང་བྲལ་བར། ག་བུར། ཙན་དན། གུར་གུམ། ཛཱ་ཏི། སི་ཧ་ལ་སོགས་པའི་སྨན་བཟང་པོ་ཅི་འཛོམ་པའི་རྐྱེན་གྱིས་སྦོམ་པའམ། ཡང་ན་བའི་རྣམ་ལྔས་དེ་ཚོད་བྱས་པ། ཞལ་ཟས་ནི་འོག་ཏུ་འཆད་ཅིང་། རོལ་མོ་ནི། དྲིལ་བུ། ཐོད་རྔ་། ཅང་ཏེའུ། ཕེག་རྡོར། གཎྜི། དུང་། བི་ཝང་། གླིང་བུ། འཁར་རྔ་། རྫ་རྔ་། དྲ་བ། རྒྱུད་མངས། རྔ་ཟླུམ་རྣམས་དང་། དེ་དག་གི་པགས་པ་འགྲོ་བ་རྣམས་ལ་རྐྱེན་གྱིས་བསྒྱུར་བ་སྟེ་པགས་རྫས་གཞུང་འདི་ཉིད་ལས་བཤད་པ་ལྟར་གྱི་སྦྱོར་སྡེ་བྱས་པ་དང་། ནང་མཆོད་དང་

(༡༣༨)གསང་མཆོད་གཉིས་རྐྱེན་གྱིས་བསྒྱུར་བའི་རྣམ་གཞག་ནི་འོག་ཏུ་འཆད་པའོ། །དེ་དག་ཐམས་ཅད་ཀྱི་རང་བཞིན་འབྱུང་བ་ལྔའི་ཁོངས་སུ་མ་འདུས་པ་རྡུལ་ཆ་ཙམ་ཡང་མེད་ཅིང་། འབྱུང་ལྔས་ཁྱབ་ཚད་ལ་རིགས་ལྔའི་ངོ་བོས་ཁྱབ་པས་གཙང་དམེའི་གཉིས་རྟོག་དང་། བསང་སྦྱངས་བྱིན་རླབས་ལ་སོགས་པའི་མཐའ་དང་སྤྲོས་པས་དབེན་ཀྱང་། ཀུན་རྫོབ་གློ་བུར་གྱི་བག་ཆགས་སྦྱང་བའི་ཕྱིར་དུ་སྔར་གྱི་རྒྱུའི་ཧེ་རུ་ཀའི་ཐུགས་སྲོག་ལས། རིགས་ལྔའི་ས་བོན། ཨཱོྃ་ཧཱུྃ་ཏྲཱྃ་ཧྲཱིཨ ཞེས་ཆད་པས་ཕྱི་ནང་སྣོད་བཅུད་ཀྱི་དངོས་པོ་བདེན་པ་གཉིས་ཀྱིས་བསྡུས་པ་ཐམས་ཅད་ཡེ་ཤེས་རྣམ་པ་ལྔའི་རང་བཞིན་དུ་རྒྱས་འདེབས་པའི་དག་དྲན་སོ་མའི་ངང་ནས། ཕྱི་ནང་གསང་བའི་མཐོད་པ་འདི་དག་དང་༔ སོགས་བརྗོད། གཉིས་པ་ལ་གཉིས། དངོས་སུ་བཤམས་པའི་ཕྱི་ནང་གི་མཆོད་རྫས་རྣམས་ཏིང་ངེ་འཛིན་དང་སྔགས་ཀྱིས་བརླབ་པ་དང་། སྨན་རཀ་གཏོར་གསུམ་སྒོས་སུ་བརླབ་པའོ། །དང་པོ་ལ་བཞི། སྔགས་དང་དམིགས་པའི་བྱེད་ལས། འདོན་སྒོམ་སྦྲག་མའི་དག་བརྗོད། དེ་ལྟར་མ་བརླབས་པའི་སྐྱོན། བརླབས་པའི་ཡོན་ཏན་ནོ། །དང་པོ་ནི། སྔར་ལྟར་སྟོང་གསལ་རྒྱུའི་ཧེ་རུ་ཀ༔ དེ་ཉིད་ཀྱི་ཐུགས་སྲོག་ལས། རཾ་དམར་པོ་ཚ་ཞིང་བསྲེག་པ་འཕྲོས། དེ་ལས་ཡེ་ཤེས་ཀྱི་མེ་འབར་བས་མཆོད་རྫས་ཀུན་གྱི་མ་དག་པའི་ཉེས་སྐྱོན་དང་། དངོས་འཛིན་གྱི་རྟོག་པ་བསྲེགས། ཡཾ་ལྗང་གུ་ཡང་ཞིང་གཡོ་བ་ཞིག་འཕྲོས་པས་དེ་ལས་ཡེ་ཤེས་ཀྱི་རླུང་བྱུང་ནས་བག་ཆགས་ཀྱི་མངོན་ཞེན་གཏོར། ཁཾ་དཀར་པོ་གཤེར་ཞིང་བསིལ་བ་འཕྲོས་པས། དེ་ལས་ཡེ་ཤེས་ཀྱི་ཆུ་བྱུང་ནས་གཉིས་འཛིན་གྱི་དྲི་མ་ཐམས་ཅད་བཀྲུས། ངོ་བོ་སྟོང་པ་ཨཱོྃ། རང་བཞིན་གསལ་བ་ཨཱ ཐུགས་རྗེ་ཀུན་ཁྱབ་ཧཱུྃ༔ དེ་སྐུ་གསུམ་དབྱེར་མེད་ཀྱི་ཀློང་དུ་མི་དམིགས་པར་སྦྱངས་ལ་དག་ཏུ་ རཾ་ཡཾ་ཁཾ༔ ཨཱོྃ་ཨཱཧཱུྃ༔ ཡེ་ཤེས་མེ་ཡིས་ཉོན་མོངས་བག་ཆགས་བསྲེགས༔ སོགས་དང་། སྔགས་དོན་ནི། རཾ་སླར་ཎ་ཕཊ༔ ཅེས་པ་མེས་བསྲེགས། སཾ་ཧ་ར་ཎ་ཧཱུཾ ཞེས་ཡང་

(༡༣༩)དག་པར་སྦྱངས། ཡཾ་སྤར་ཎ་ཕཊ༔ ཅེས་རླུང་གིས་གཏོར། སཾ་ཧ་ར་ཎ་ཧཱུྃ༔ ཞེས་ཡང་དག་པར་གཏོར། ཁཾ་སྥ་ར་ཎ་ཕཊ༔ ཆུས་བཀྲུས། སཾ་ཧ་ར་ཎ་ཧཱུཾ༔ ཡང་དག་པར་བཀྲུས། ཞེས་པའི་དོན་དེ་སྔགས་འདི་བྱུང་ཚད་ལ་ཤེས་པར་བྱའོ། །གཉིས་པ་ནི། མཚན་འཛིན་གྱི་དངོས་པོ་ཐམས་ཅད་ཞིག་པའི་འཁོར་འདས་མཉམ་པ་ཉིད་ཀྱི་རིག་པ་སོ་མ་དེའི་ངང་ལས། ཐུགས་སྲོག་ལས་ཡི་གེ་ཨཱོྃ་ཨཱཧཱུྃ་སྤྲོས་པས། ཨཱོྃ་གྱིས་མང་པོར་སྤེལ། ཨཱཡིས་དྲི་མ་སྦྱངས། ཧཱུྃ་གིས་གང་ལ་གང་འདོད་ནམ་མཁའ་མཛོད་ཀྱི་རང་བཞིན་དུ་བསྒྱུར་ནས། བློས་དཔག་ཏུ་མེད་ཅིང་རང་བཞིན་གྱིས་རྣམ་པར་དག་པའི་ཡེ་ཤེས་ཆེན་པོའི་རོལ་པས། ཨཱོྃ་ཨཱཧཱུྃ༔ ཨཱོྃ་ནི་སྤེལ་བྱེད་སྐུ་ཡི་ཡིག་འབྲུར་གསལ༔ སོགས་མཐར། ཨཱོྃ་ཨཱཧཱུྃ༔ ཞེས་བརྗོད་པ་ནི་དེའི་རྣམ་རོལ་རྒྱལ་བའི་ཐུགས་གཉིས་སུ་མེད་པའི་ཡེ་ཤེས་ལྷུན་གྱིས་གྲུབ་པའི་དག་པའོ། །གསུམ་པ་ནི། དེ་ལྟར་མ་བརླབས་ན་ཕྱི་མཆོད་ལ་མཚོན་ན། ཡོན་ཆབ་ལ་དྲི་ཟ་ཉེ་བའི་འཁོར། མེ་ཏོག་ལ་མེ་ཏོག་ཚེ་རྒྱལ། བདུག་སྤོས་ལ་ནག་པོའི་དྲི་ལྡང་། སྣང་གསལ་ལ་གྲིབ་གནོན་རྐུན་པོ། །དྲི་ཆབ་ལ་བདུག་པ་དྲི་འཕྲོག །ཞལ་ཟས་ལ་ལོག་འདྲེན་གདོང་བརྒྱ་ཞེས་བྱའི་བགེགས་འཇུག་པར་བདེ་གཤེགས་འདུམ་པ་ལས་གསུངས་པས་མཚོན་ཏེ། ནང་མཆོད་རྣམས་ལའང་འབགས་བཙོག་གི་དྲི་མས་སྤགས་པའི་སྐྱོན་གྱིས་རྩ་བ་གསུམ་དང་དམ་ཅན་ལ་སོགས་དབང་དུ་འདུ་བར་མི་ནུས་པའི་སྐྱོན་ཡོད་དོ། །བཞི་པ་ནི། ཏིང་ངེ་འཛིན་གསལ་ཞིང་བྱེ་བྲག་ཕྱེད་པས་སྐྱོན་དེ་ལས་ལྡོག་སྟེ་ཡོན་ཏན་ངས་མ་གྱིས་མི་ཁྱབ་བོ། །གཉིས་པ་ནང་གི་མཆོད་པ་སྒོས་སུ་བརླབ་པ་ལ་གསུམ། སྨན་བརླབ་པ། རཀྟ་བརླབ་པ། གཏོར་མ་བརླབ་པའོ། །དང་པོ་ལ་བཞི། སྨན་གྱི་སྣོད་དང་ཁ་གྲངས་བཤམ་ཚུལ། སྨན་གྱི་རྒྱུ། སྨན་གྱི་ངེས་ཚིག །བརླབ་པ་དངོས་སོ། །དང་པོ་ནི། གཞུང་ལས། རང་གི་མདུན་དུ་སྔགས་ཀྱི་ཁར༔ རབ་གཙོ་བོའི་གྲངས་དང་མཉམ་པ༔ འབྲིང་ལྔ༔ ཐ་མའང་གསུམ་

(༡༤༠)མམ༔ གཅིག་ལ་སོགས་པའི་ཀ་པཱ་ལ་མཚན་ལྡན་གས་གྲུམས་ཆག་སྐྱོན་སོགས་མེད་པར༔ ཞེས་ཁ་གྲངས་ཀྱང་གཞུང་གི་དགོངས་པ་བཤད་མ་ཐག་པ་ལྟར་ཅི་འགྲུབ་ཏུ་བྱ་བ་ལས་གཅིག་རང་ལ་མཐའ་བཀག་པ་ནི་མ་གསུངས་ཤིང་དཀྱིལ་འཁོར་ཆེན་པོ་དང་འབྲེལ་ཚེ་སྣོད་ཀྱང་བྷནྡྷ་མཚན་ལྡན་སྐྱོན་མེད་ཁོ་ན་ལེགས་པ་ཡིན་ནོ། །བཤམ་ཚུལ་ཀྱང་སྔ་མའི་ཡིག་ཆུང་ལས། རྣལ་འབྱོར་བླ་མེད་བརྒྱུད་རྣམས་སུ་བདེ་སྦྱོང་གི་དཔྱད་རྒྱས་པར་འདུག་པ་རྣམས་ཅུང་ཟད་དགོངས་པ་མི་མཐུན་ཚམ་མ་ཆེས་པ་དང་། གཏེར་ཁ་ཆེན་པོ་འདིར་ལ་ཐོད་བཤད་རྒྱས་པར་ཐོད་པ་རྣམས་བཤད་ཚུལ་ཐ་དད་མཆིས་པ་རང་རང་གི་ ལུགས་ཡིན་པར་ཤེས་དགོས་ལ། དེར་སང་བུ་ཆུང་ལོ་གསུམ་ལན་ཆོད་ཀྱིས་ནས་ཐོད་ཉམས་བྱེད་པ་གདའ་བ་ནི་ཅི་དགར་སྨྲ་བ་ཙམ་དུ་སྣང་ངོ་། །བདུད་རྩི་ལ་སོགས་པའི་སྣོད་ཀ་པཱ་ལའམ དེ་ལས་གཞན་མ་ཡང་རུང་སྟེ༔ གང་ཡིན་པ་དེ་གས་པ་དང་ཆག་གྲུམས༔ ཡོ་བ་མི་བགྱིས་པ་ལ་སོགས་ལས་ཚུལ་མི་མཐུན་པ་སྐྱོན་ཅན་དུ་མི་བཤམ༔ དེ་འདྲའི་སྐྱོན་ཅན་དུ་བཤམས་ན༔ སྣོད་གས་པས་གནས་སྐབས་སུ་ལོངས་སྤྱོད་དབུལ༔ མིས་མི་བྱམས༔ མཐར་ཡུལ་མཐའ་འཁོབ་ལ་སོགས་པར་སྐྱེ་བར་འགྱུར་རོ༔ ཞེས་གསུངས་པས་ཤིན་ཏུ་བཀོད་ལེགས་པར་བཤམ་མོ། །གཉིས་པ་དེའི་ནང་དུ་སྦོམ་པའི་བཅུད་དམ་རྒྱུ་ནི། སྔ་མའི་འཕྲོ་ལས། འཛོམ་ན་ཆང་། མ་འཛོམ་ན་ཡང་ཇི་ལྟར་འཛོམ་པའི་བཏུད་པའི་ནང་དུ༔ པཉྩ་ཨ་མྲྀ་ཏ་ཡོད་ན་རབ༔ དེ་མ་འབྱོར་ན་བདུད་རྩིའི་རིགས་དང་སྨན༔ སིནྡྷུ་ར༔ སྦྲང་བུར་མ་ལ་སོགས་མདོར་ན་དྲི་རོ་བཅུད་ལྡན་གྱི་རྫས་ཁྱད་པར་ཅན་གང་འཛོམ་སྦྱར་བས་ཐོད་པ་རྣམས་གང་བར་བྱ༔ སྟེང་ནས་དར་དམར་སེར་རམ། མེ་ལོང་གི་ཞལ་ཁེབས་དང་ལྡན་པར་བྱས་ལ་གཡས་སུ་བཤམ་མོ༔ ཞེས་གསུངས་པ་ལྟར་དམ་སེལ་མེད་པའི་ཆོས་སླན་མཚན་ཉིད་པ་དང་། བདུད་རྩིའི་རིགས་ལ་གཏོགས་པའི་སྨན། ཆུ་བོ་སིནྡྷུ་རི་འགྲམ་གྱི་རང་བྱུང་གི་ལི་ཁྲི་རྙེད་ན་རབ། མ་རྙེད་ན་གཏེར་ཁ་རྣམ་དག་ལས་བྱོན་པའམ། ཙཱ་རི་གསར་རྙིང་ལ་སོགས་གནས་ཆེན་ཁྱད་པར་ཅན་ལས་བྱུང་བའི་སིནྡྷུ་ར།

(༡༤༡)ཀར་བུར། བཅུད་སོ་ལྔ་ལ་སོགས་པ་ཅི་འགྲུབ་ཀྱི་སྦས་ས་ལ། ཁ་གཡོགས་ནི་གཞུང་ལས་གསུངས་པ་ལྟར་གྱི་དར་རྣམ་ཤེས་ཚོགས་བརྒྱད་མ་སླངས་གནས་སུ་དག་པའི་བརྡ་མཚོན་དུ་ལྟེབ་བབས་བརྒྱད་དུ་བྱས་པས་གཡོགས་པའམ། ཡང་ན་ཁམས་དཀར་དམར་གཉིས་དག་པའི་བརྡར་འཁར་བ་ཞེས་ཟངས་དང་ཤ་དཀར་བསྲེས་པ་ལས་གྲུབ་པའི་མེ་ལོང་མཚན་ཉིད་པས་ཞལ་ཁེབས་བྱ་སྟེ། གཡས་སུ་བཤམ་ཉེས་པ་ནི་གཏོར་མའི་གཡས་སུ་བཤམས་པའི་དོན་ཏེ། འཆད་ཚུལ་གཞན་ཡང་ཡོད་དེ་བཤད་མ་ཐག་ལ་ཉིད་ལེགས་སོ། །གསུམ་པ་དེས་ཚིག་ནི། གཤམ་དུ་འབུལ་ངའི་སྐབས། རྒྱུ་དྲུག་རྐྱེན་བཞི་བདུད་རྩིར་ས་ཡཱ་ན༔ ཞེས་གསུངས་པའི་རྒྱུ་དྲུག་ལ་ཕྱི་ནང་གསང་གསུམ་གྱི་སྒོ་ནས་དབྱེ་ན། ཕྱི་ལྟར་དུ་བདུད་རྩི་ཛ་གད་ཅེས་ཆང་གི་སྐབས་སུ་གྲོ་ནས་འབྲས་རྒུན་འབུམ་ལ་སོགས་ཏེ་འབྲུ་སོ་སོའི་རྩ་བ། སྡོང་པོ། ཡལ་ག །ལོ་མ། མེ་ཏོག །འབྲས་བུ་ལ་སོགས་ཏེ་མེ་ཏོག་གི་དོང་དུ་འདིར་སྙེམ་འདྲེན་པའི་རྒྱུ་དྲུག་དང་། ནང་ལྟར་དུ་ཆོས་སྨན་སྦྱོར་བའི་སྐབས་སུ། སྨན་གྱི་རྩ་བ། སྡེང་བུ་ལ་སོགས་ཏེ་དཀྱུས་སུ་བཤད་མ་ཐག་པའི་རྒྱུ་དྲུག་དང་། དེ་གཉིས་ཀ་ལ་རྐྱེན་བཞི་ནི་ཐུན་མོང་དུ་འཇུག་སྟེ། རྒྱུའི་རྐྱེན། བདག་པོའི་རྐྱེན། དམིགས་པའི་རྐྱེན། དེ་མ་ཐག་པའི་རྐྱེན་ཞེས་བཤད་ལ། དང་པོ་ནི་འབྲུ་སྨན་གང་ཡིན་ཀྱང་རྒྱུ་གཙང་ཞིང་དག་པ། གཉིས་པ་ནི། སྟོན་པ་རྡོ་རྗེའི་སློབ་དཔོན་ཡིན་པས་དེའི་མཚན་ཉིད། རྒྱུད་སྡེ་རྣམས་ནས་བཤད་ཚུལ་ལྟར་དེ་ཉིད་བཅུ་དང་ལྡན་པ། གསུམ་པ་ནི་བྱིན་གྱིས་བརླབ་པའམ་སྒྲུབ་པའི་ཏིང་ངེ་འཛིན་ཚུལ་ལྡན་ལས་སུ་རུང་བ། བཞི་པ་ནི་དམིགས་པའི་བྱེ་བྲག་དང་བསྒྲུབ་ལུགས་ཀྱི་ལག་ལེན་སྦྱོར་དངོས་རྗེས་གསུམ་ཐམས་ཅད་རྣམ་པར་གཙང་བ་ལ་བྱའོ། །གསང་བ་ལྟར་དུ་ཡབ་ཀྱི་རྒྱུ་གསུམ་དང་། ཡུམ་གྱི་རྒྱུ་གསུམ་སྟེ་དྲུག །རྡོ་རྗེ་སྙིང་པོ་རྒྱན་གྱི་རྒྱུད་ལས། །དཀྱིལ་འཁོར་ཏིང་འཛིན་ཕྱག་རྒྱ་དང་། །སྟངས་སྟབས་འདུག་སྟངས་བཟླ་བརྗོད་དང་། །སྦྱིན་བསྲེག་མཆོད་པ་ལས་སྦྱོར་དང་། །སླར་

(༡༤༢)བསྡུ་བ་ཡི་རྣམ་པ་ནི། །ཕྱི་ཡི་དེ་ཉིད་བཅུ་ཡིན་ནོ། །ཞེས་གསུངས་སྟེ། གསར་རྙིང་གི་འགྲེལ་བཤད་སྐབས་རྒྱུད་ཀྱི་དངོས་པོའི་ཤེས་པ་དང་ཆོས་སྐད་ལྡོག་ཕྱོགས་ལྟ་བུ་ཡིན་ནོ། །སོ་སོའི་རྐྱེན་གཉིས་གཉིས་ལས་བཞིར་འཆད་དེ་ཡབ་ཀྱི་རྒྱུ་གསུམ་ནི། བྱང་སེམས་དཀར་པོའི་ཕོ་བྲང་གོ་རོ་ཙ་ན། རྒྱུ་བའི་ལམ་བརྒྱུངས་པ། གནས་རྡོ་རྗེའི་འབྲས་བུ། ཡུམ་གྱི་རྒྱུ་གསུམ་ནི། བྱང་སེམས་དམར་པོའི་ཕོ་བྲང་མཆིན་པ། རྒྱུ་ལམ་མཁལ་མ། ལེན་པའི་གནས་བྷ་ག །ཡབ་ཀྱི་རྐྱེན་གཉིས་ནི། གཤེགས་ཤུལ་རྡོ་རྗེའི་ཆུ་བ། ཧ་ཧ་ཞེས་རྡོ་རྗེ་བཞད་པའི་སྒྲའོ། །ཡུམ་གྱི་རྐྱེན་གཉིས་ནི། གཤེགས་ཤུལ་པདྨའི་ཟེའུ་འབྲུ། ར་ཧཾ་ཞེས་པདྨ་བཞད་པའི་སྒྲའོ། །དེ་ལྟར་རྒྱུ་དྲུག་རྐྱེན་བཞི་ལས། ཀུན་རྫོབ་དཀར་དམར་གྱི་ཁམས་གཉིས་གོང་ནས་གོང་དུ་འཕེལ་ཞིང་། དེ་དོན་དམ་བྱང་ཆུབ་ཀྱི་སེམས་རིན་པོ་ཆེ་དང་དབྱེར་མེད་དུ་གྱུར་པས་ཉོན་མོངས་པ་འདོད་ཆགས་ཀྱི་བདུད་བཅད་ནས། བདེ་སྟོང་གི་ཡེ་ཤེས་སོ་སོར་རྟོག་པའི་ཤེས་རབ་ཀྱི་རྩི་རྒྱས་ཏེ། ར་ས་ནི་རོ་ཏེ་དོན་དམ་པའི་རོ་མཆོག །ཡཱ་ན་ནི་ཐེག་པ་ལ། དོན་དམ་པའི་ཐེག་མཆོག་ཅེས་བཤད་དེ། འདིའི་རྒྱུ་དྲུག་ནི་བཤད་མ་ཐག་པ་ཁོ་ན་ལས་ཐེག་པ་སྤྱི་སྐད་ཀྱི་བྱེད་ལྷན་ལ་སོགས་པའི་རྒྱུ་དྲུག་ལ་མི་སྦྱོར་རོ། །གཞན་ཡང་བདུད་རྩིའི་རྣམ་གྲངས་སུ། ཆོས་བདུད་རྩི། སྨན་བདུད་རྩི། དམ་རྫས་བདུད་རྩི། དོན་བདུད་རྩི་ཞེས་དབྱེ་བ་ཡོད་དེ་འདི་ནི་བར་མ་གཉིས་སུ་གཏོགས་ལ་སྒྲུབ་ཆེན་གྱི་ལས་བྱང་ཚངས་པའི་སྒྲ་དབྱངས་ཀྱི་སྐབས་སུ་ནི་ཤ་དང་བདུད་རྩི་ལྔ་ལ་སོགས་ཏེ་བྱིན་བརླབ་ཀྱི་རྣམ་གཞག་ཆོ་ག་གཞུང་དེ་གས་ཁོག་དབུབ་པའི་ཕྱིར་རོ། །བཞི་པ་བྱིན་གྱིས་བརླབ་པ་ནི། རྒྱས་པར་སྤྲོ་ན་འདི་ཉིད་ཀྱི་བདུད་རྩིའི་མཆོད་སྤྲིན་མ་སོར་གཞག་བྱ་ཞིང་། སྤྱི་ཁྱབ་སྤྲོས་པ་ཉེར་བསྡུས་སུ་དམིགས་པའི་བྱེད་ལས་དེ་ཉིད་ཀྱི་དོན་བསྡུས་པ་ནི། བདུད་རྩིའི་ཞལ་ཁེབས་བསལ་བ། བྷནྡྷའི་ནང་དུ་རིགས་ལྔ་ཡབ་ཡུམ་ལྔ་ཚོམ་སྐད་ཅིག་དྲན་རྫོགས་སུ་གསལ་བཏབ། དེ་དག་རྣམས་སྙོམས་པར་ཞུགས་པའི་རྗེས་ཆགས་ལྷག་པར་རྒྱས་པས་སྦྱོར་མཚམས་ནས་

(༡༤༣)བདུད་རྩིའི་རྒྱུན་དཀར་དམར་ནར་རར་བབ་པས་བདེ་སྐྱོང་གི་སྣོད་དམ་ཚིག་བདུད་རྩིས་མེར་གྱིས་ཁེངས་པར་བསམས་ལ། ཧཱུཾ་ཧྲཱིབྷནྡྷ་ཁོར་ཡུག་ཡངས་པའི་སྣོད་ཆེན་པོར། སོགས་དང་། སྔགས་དོན་ནི། ཨཱོྃ་ཨཱཧཱུྃ་སྔ་མ་དང་འདྲ། སང་པཉྩ་ནི་སྨན་དང་བཅུད་ཐམས་ཅད་བདུད་རྩི་ལྔའི་རང་བཞིན་དང་། ཨ་མྲྀ་ཏ་ནི་བཅུད། ཧཱུྃ་གིས་ ངས་ནས་བསྡུས། ཧྲཱིཡིས་འཛད་མེད་སྤེལ། ཋཡིས་ཅི་འདོད་དུ་ལོངས་སྤྱོད་པའི་རྒྱན་དུ་བྱས་པའོ། །དག་དྲན་དེའི་ངང་ནས་ཡེ་ཤེས་ཀྱི་བདུད་རྩི་དབབ་ཕྱིར། མཐེབ་སྲིན་གཡས་གཡོན་གྱིས་དམ་ཚིག་བདུད་རྩིའི་ཐིགས་པ་བླངས་ལ་ལག་པ་གཡས་གཡོན་ལ་རེ་མོས་སུ་གཏོར་བས་ལག་པའི་དྲི་མ་དག་པར་མོས། སླར་ཡང་སོར་མོ་ཐམས་ཅད་ལ་བདུད་རྩིའི་ཐིག་ལེ་བྱས་ལ། གཡས་སོར་ལྔ་རིགས་ལྔ་ཡབ་ལྔ། གཡོན་སོར་ལྔ་ཡུམ་ལྔར་ཤེས་པར་བྱས་ལ་བད་སྐོར་དང་བཅས་ཐལ་མོ་སྦྱར་ལ་ཅུང་ཟད་མཉེ་བ་དང་སྦྲགས་ནས་ཀ་པཱ་ལའི་སྟེང་དུ་དགབ་ཅིང་སྔགས་དེ་ལན་ཉེར་གཅིག་གམ། བདུན་དང་གསུམ་ལ་སོགས་པ་བརྗོད་པའི་མཐར་ལག་པའི་རིགས་ལྔ་ཡབ་ཡུམ་རྗེས་ཆགས་ཀྱི་མེས་འོད་དུ་ཞུ་ནས་ཀ་བཱ་ལའི་རིགས་ལྔ་ལ་ཐིམ། དེ་རྣམས་ཀྱང་བདེ་སྟོང་གི་ངང་ལ་འོད་དུ་ཞུ་ནས་དམ་ཚིག་བདུད་རྩི་དང་དབྱེར་མེད་དུ་འདྲེས་ནས་དཀྱིལ་འཁོར་བའི་ལྷ་ཚོགས་དགྱེས་པ་སྐོང་བའི་བཅུད་ཁྱད་པར་ཅན་དུ་གྱུར་པར་བསམས་ལ་ཞལ་ཁེབས་སྔར་བཞིན་གཡོགས་ལ་བསྒུལ་བསྐྱོད་མེད་པར་གཞག་གོ །གཉིས་པ་རཀྟ་བརླབ་པ་ལ་བཞི། སྣོད་གྲངས། བཤམ་ཚུལ། རཀྟའི་རྒྱུ། དབྱེ་བ། བྱིན་གྱིས་བརླབ་པ་དངོས་སོ། །དང་པོ་ནི་སྨན་དང་ཆ་མཐུན་དུ་བྱའོ། །གཉིས་པ་རྒྱུ་ནི། རཀྟ་ལ་རྣམ་གྲངས་མང་ཡང་དོན་གྱི་སྙིང་པོར་འཁོར་བའི་རྒྱུ་ཆགས་སྡང་གཉིས། དེ་གཉིས་མཚོན་པར་བྱེད་པ་རཀྟ། དེ་བོད་སྐད་དུ་བསྒྱུར་བས། ངོ་བོའི་སྐབས་སུ་ནི་འདོད་ཆགས། དངོས་པོའི་སྐབས་སུ་ནི་ཁྲག ཁ་དོག་གི་སྐབས་སུ་ནི་དམར་པོ་ལ་འཇུག་པ་སྟེ། དེས་ན་མན་ངག་གིས་ངེས་པ་བཞིན་བསྒྲུབས་པའི་།།།སོ་ལྔ་ཡོད་ན་དེ་ཉིད་ལ་བྱིན་པ་

(༡༤༤)སྣོད་བཅུད་ཐམས་ཅད་ཀྱི་རཀྟ་ཚང་བས། གཏོར་མའི་གཡོན་ཕྱོགས་སུ་ཡུམ་གྱི་བྷ་ག་མཚོན་པའི་བདེ་སྐྱོང་གི་སྣོད་དུ་སྦམས་པའམ། མ་རྙེད་ན། ཆུ་གཙང་ལ་ཤད་མར་འདེབས་པའི་ཕྱག་སྲོལ་མཆིས་ཤིང་། དེས་མཚོན་པར། ཁྲག་གཙང་ངམ། ཇ་ཁུ་ལ་སིནྡྷུར་བཏབ་པ་སོགས་ཀྱིས་ཀྱང་རུང་སྟེ་རྒྱུ་མཚན་ནི་འོག་ཏུ་འཆད་པ་དང་། དགོས་ཆེད་ནི་རཀྟའི་མཆོད་པ་།།།བས་ཆགས་པའི་རྒྱུ་རྐྱེན་ཟད་དེ་འཁོར་བ་གཏིང་ནས་སྟོངས་ཤིང་རྒྱུན་ཆོད་པའི་ཕྱིར་དུ་སྟེ་སྔར་བཞིན་དར་དམར་གྱི་ཁེབས་དང་བཅས་བཤམ་མོ། །གསུམ་པ་དབྱེ་བ་ལ་ལྔ། ཀུན་རྫོབ་རྫས་ཀྱི་རཀྟ། གུ་ཧྱ་མུ་ལ་རཀྟ། ཡན་ལག་བརྟན་པའི་རཀྟ། མཁའ་དབྱིངས་པདྨ་རཀྟ། ཉོན་མོངས་འཁོར་བའི་རཀྟའོ། །དང་པོ་ནི། སྲོག་མ་བཅད་པའི་རཀྟ་ཉེར་ལྔ་ཡིན་ཏེ། ཞེ་སྡང་རྡོ་རྗེས་རཱུ་ཏྲ་བསྒྲལ་བའི་དུས་སུ་ཁྲག་གི་ཐིགས་པ་ས་ལ་ལྷུང་བ་ལས་བྱུང་བ་ཡིན་ཞིང་། དེ་ལ་ལྔ་ཚན་ལྔ་ཡོད་དེ། རྡོའི་རཀྟ་ལྔ། ཤིང་གི་རཀྟ་ལྔ། རྩིའི་རཀྟ་ལྔ། འབྲུའི་རཀྟ་ལྔ། མེ་ཏོག་གི་རཀྟ་ལྔའོ། །དང་པོ་ནི། ཇི་སྐད་དུ། མཚལ་དང་ལྡོང་རོས་བཙག་དང་ནི། མདུད་རྩེ་སྦལ་རྒྱབ་རྣམ་པ་ལྔ། །ཞེས་དང་། གཉིས་པ་ནི། རྒྱ་སྐག་བཙོད་དང་སེང་ལྡེང་དང་། །བཙན་དུག་ཐར་ནུ་རྣམ་པ་ལྔ། །ཞེས་དང་། གསུམ་པ་ནི། གླ་རྩི་གོ་ཆེ་བུ་རམ་དང་། །འབྲི་སྨུག་སྒྲང་རྩི་རྣམ་པ་ལྔ། །ཞེས་དང་། བཞི་པ་ནི། རྒུན་འབྲུམ་སྐྱེར་འབྲུ་སྒྱུ་རུ་ར། །ར་གག་དམར་པོ་ནས་ནག་ལྔ། །ཞེས་དང་། ལྔ་པ་ནི། ཨུག་ཆོས་ལུག་རུ་སྨུག་པོ་དང་། །སྲན་མ་རྒྱ་ལྕམ་རམ་བུ་ལྔ། །ཞེས་བཤད་ཅིང་དེ་ལ་ནང་གསེས་སུ་ཕྱེ་ནས་སྟོང་ལ་སྦྱར་བའི་ཁྲག་ཆེན་རྣམས་འཆད་དོ། །གཉིས་པ་ནི། རྟེན་འབྲེལ་བཅུ་གཉིས་ལུགས་འབྱུང་དུ་ཚང་བའི་མིའི་སྙིང་ཁྲག་ལ་བཤད་དེ། མ་རིག་པ་ནས་རྒ་ཤིའི་བར་ཚང་བ་ནི་མི་རྒན་ཡིན་ཕྱིར་དེའི་སྲོག་པ་རྩལ་གོས་པའི་ཁྲག་ཡིན་པས། ཆུ་དང་མ་འདྲེས་དངས་མའི་ཁྲག །ཅེས་བཤད་པ་ཡང་འདི་ཡིན་པར་བཞེད་དོ། །གསུམ་པ་ནི། ཡན་ལག་རཀྟ་བརྟན་པའི་ཁྲག །ཅེས་པ་ཡོང་རྩའི་ཁྲག་ལ་ངོས་

(༡༤༥""འཛིན། བཞི་པ་ནི། མཚན་ཉིད་ཚང་བའི་མུ་ཏྲ་སྐྱེས་པས་མ་བརྩེགས་པའི་གསང་བའི་རཀྟའོ། །ལྔ་པ་ནི། ཞིང་བཅུ་ཚང་བའི་དགྲ་བོ་བསྒྲལ་བའི་རཀྟ་དང་། གཞན་ཡང་སྣང་བ་བརྔའི་རཀྟ་ནི་ཁ་དོག་དམར་པོར་གྱུར་ཚད་དོ། །འཁོར་བ་རྒྱུའི་རཀྟ་ནི་ཁྲག་གི་རིགས་མཐའ་དག །སྲིད་པ་གཞིའི་རཀྟ་ནི་ལྟེ་བའི་ཁྲག་སྟེ་སྒྲུབ་ཐབས་རྒྱས་པ་རྡོ་རྗེ་ཕུར་པའི་རྒྱུད་དང་མན་ངག་རྣམས་ལས་འབྱུང་ངོ་། །བཞི་པ་བྱིན་བརླབ་བྱ་བ་ནི། རཀྟའི་ཞལ་ཁེབས་བསལ་ལ། བྷནྡྷའི་ནང་དུ་པདྨ་དམར་པོ་ཁ་གྱེས་པའི་དབུས་སུ་ལྷ་མོ་གཱིརྟི་མ་དམར་མོ་ལང་ཚོ་དང་ལྡན་ཞིང་། ཁྲོ་འཛུམ་ཤིན་ཏུ་ཆགས་པའི་རྣམ་པ་ཅན། གཡས་གྲི་གུག་དང་གཡོན་ཐོད་ཁྲག་འཛིན་པ། གཅེར་མོ་རིན་པོ་ཆེ་དང་དུར་ཁྲོད་ཀྱི་ཆས་བརྒྱད་ཀྱིས་བརྒྱན་ཅིང་། དོར་སྟབས་སུ་བཞུགས་པའི་ཐུགས་ཀར་ཉིད་ཀྱིལ་གྱི་དབུས་སུ་ར་ཡིག་དམར་པོའི་མཐའ་སྐོར་དུ། ཨཱོྃ་ཨཱཧཱུྃ་མ་ཧཱ་རཀྟ་ཛྭ་ལ་མཎྜལ་ཧཱུྃ་ཧྲཱི ཐཞེས་པས་བསྐོར་བ་ཞིག་སྐད་ཅིག་དྲན་རྫོགས་སུ་གསལ་བཏབ་ལ། ཨཱདབྱིངས་ཀྱི་རང་བཞིན་སྟོང་ཉིད་ཀ་པཱ་ལ༔ སོགས་དང་། སྔགས་དོན་ནི། ཨཱོྃ་ཨཱཧཱུྃ་སྔ་མ་དང་འདྲ། མ་ཧཱ་རཀྟ་ནི་ཁྲག་ཆེན། ཛྭ་ལ་ནི་འབར་བ། དོན་དུ་ན་རྗེས་ཆགས་ཀྱི་བདེ་བ་ཆེན་པོ་འབར་བའི་དོན། མཎྜལ་དཀྱིལ་འཁོར་ཏེ། དེ་ལྟ་བུའི་བདེ་བ་ཆེན་པོའི་བྷ་གའི་དཀྱིལ་འཁོར་དང་། སྔགས་འཕྲེང་ལས་འོད་ཟེར་འཕྲོས། ཧཱུྃ་ཞེས་པས་དབྱིངས་ཀྱི་དང་ནས་དངས་མའི་བཅུད་ཐམས་ཅད་བསྡུས། ཧྲཱིཞེས་པས་ངང་ལ་ཁྱད་པར་བྱས། ཐཞེས་པས་དབྱེར་མེད་དུ་བསྲེ་བ་སྟེ། སྔགས་དེ་ལན་ཉེར་གཅིག་གམ། བདུན་ནམ་གསུམ་ལ་སོགས་པ་བརྗོད་པས་ལྷ་མོ་དེའི་ཐུགས་རྒྱུད་བསྐུལ་ནས་བདེ་སྟོང་གི་ཡེ་ཤེས་ཁྱད་པར་ཅན་འཁྲུངས་པའི་རྐྱེན་གྱིས་སྔགས་ཕྲེང་ལས་འོད་ཟེར་བྱུང་བྷ་ག་རབ་ཏུ་བསྒྲད་པའི་ནང་ནས་བྱང་ཆུབ་སེམས་ཀྱི་རང་བཞིན་རཀྟའི་རྒྱུན་དམར་ཆི་ལི་ལི་བབས་ནས་ཀ་པཱ་ལའི་ནང་གི་དམ་ཚིག་གི་རཀྟ་དང་དབྱེར་མེད་དུ་འདྲེས་ནས་ཁྲག་

(༡༤༦)མཚོད་པ་རླབས་འཁྲུག་ཅིང་། མི་རོ་དང་རྟ་རོ་ལང་ལོང་བྱེད་པའི་དབུས་ནས། ལྦུ་བ་དམར་པོ་རི་རབ་ལྟ་བུར་འཕྱོ་བར་བསམས་ལ་ཆགས་པའི་སེམས་ཀྱིས་རཀྟ་ཞལ་གཟར་གྱིས་འཕྱར་ཞིང་། མཐར་ལྷ་མོ་ཡང་འོད་དུ་ཞུ་ནས་ཀུན་རྫོབ་ཀྱི་རཀྟ་དང་དབྱེར་མེད་དུ་འདྲེས་པར་བསམས་ལ་ཞལ་ཁེབས་གཡོག་གོ །གསུམ་པ་གཏོར་མ་བརླབ་པ་ལ་ལྔ། གཏོར་མའི་རྒྱུ། གཏོར་མའི་དབྱེ་བ། གཟོ་བཀོད། བཤམ་ཚུལ། བྱིན་གྱིས་བརླབ་པའོ། །དང་པོ་ནི། གཏེར་ཆོས་འདི་ཉིད་ཀྱི་རང་སྐད་ལས། གཏོར་མའི་རྒྱུ་དངོས་པོ་རྣམ་པར་དག་པའི་ཕུང་མ་ཉམས་པ་རོ་བཅུད་ནུས་པ་དང་ལྡན་ཞིང་༔ ཡིད་ལ་ཆགས་པ་རྣམས་ལ༔ སེར་སྣ་འཇུར་གེགས་མི་གཙང་བ་སོགས་ཀྱིས་མ་བཅིངས་པར་ཕངས་མེད་ཆགས་པ་མེད་པར་བཏང་བའོ༔ ཞེས་དང་། བརྐུས་པ་དང་ཕྲོགས་པའི་རྫས་མ་དག་པ༔ ཚུལ་སོ་སོའི་མགྲོན་མེ་དགྱེས་པ་འདྲེས་པ་ལ་སོགས་མ་ཡིན་པ་སྟེ༔ ཤིན་ཏུ་རྣམ་པར་དག་པ་རྣམས་ལའོ༔ ཞེས་གསུངས་པ་དང་། དེས་ན་ཡེ་ཤེས་ལྷ་ལ་ཁ་མངར་གྱི་རྟོག་པ་དང་འདོད་ཡོན་ལ་ཆགས་པའི་ཞེན་པ་མ་མཆིས་ཀྱང་རྣལ་འབྱོར་པ་རང་ཉིད་ཀྱི་བསོད་ནམས་གསོག་པའི་སླད་དུ་ཡིན་ཏེ། གཞུང་ལས། བསོད་ནམས་ཚོགས་ཆེན་སྤེལ་བའི་ཕྱིར༔ ཅི་འབྱོར་གཏོར་དཔུང་ཆེ་བར་བསྐྱེད༔ མ་འབྱོར་གང་བཤམས་དམིགས་པ་བྱ༔ ཡོད་ནས་མ་བཤམས་ལྷ་ཡིས་ཁྲེལ༔ མེད་ན་ཆེད་དུ་གཉེར་ནས་ཀྱང་༔ སེར་སྣ་མ་ཤོར་སྤེལ་བའི་གནད༔ མགྲོན་དགྱེས་བདག་ལ་དངོས་གྲུབ་འབྱུང་༔ ཡེ་ཤེས་ལྷ་ལ་ཆེ་ཆུང་མེད༔ རང་གི་བསོད་ནམས་གསོག་ཕྱིར་ཡིན༔ ཞེས་གསུངས་པ་ལྟར་སེར་སྣ་དང་རློམ་སེམས་ཀྱིས་མ་ཡིན་པར་འཛོམ་ན་ཆུ་མ་རག་ལ་སོགས་པ་དང་༔ དེ་ལྟར་མ་འཛོམ་ཡང་ཕྱེ་ཕུད་གཙང་མ་རུལ་སུངས་སོགས་མདོར་ན་སྐྱོན་ཐམས་ཅད་དང་བྲལ་བ་རང་ཉིད་བཟའ་བ་ན་ཡིད་དུ་ཅི་འོང་བ་དེ་ཚོད་དུ་རྒྱུ་དག་པར་བྱ་ཞིང་། དེ་ཡང་གཞན་གྱི་ལག་ནས་དངོས་སུ་ཕྲོགས་པ་དང་། ལྐོག་ཏུ་བརྐུས་པ་

(༡༤༧)སོགས་མ་ཡིན་པ། འབགས་བཙོག་གིས་སྦགས་པས་མགྲོན་མི་འདུ་ཞིང་མི་དགྱེས་པ་སོགས་མ་ཡིན་པ་ལ་རྣམ་པར་དག་པ་ཟེར་གྱི། དེ་ལྟ་བུའི་རྒྱུ་དང་ལྡན་པ་དེ་ཉིད་ལས་སྔ་རོལ་དུ་དཀར་གསུམ་ཙམ་བཏང་པ་ཅུང་ཟད་གཡོས་ཏེ་ཕྱི་མཆོད་ཀྱི་ཞལ་ཟས་བཞེང་དགོས་ཏེ། གཞུང་ལས། འབྲས་ཟན་ལ་སོགས་པ་གཙང་མའི་བཤོས་སམ༔ ཤ་ཆང་སྒོག་པ་ལྒ་གཡེར་ལ་སོགས་པའི་ཚུལ་མིན་མ་འདྲེས་པའི་སྣ་ཚོགས་གཡོས་ཀྱིས་སྦྱར་བའི་ཞལ་ཟས༔ ཞེས་གསུངས་པ་སྟེ་ལ་ལས་འདི་དོན་མགོ་བར་ཤེས་རློམ་གྱིས་བཤད་པ་དང་བཅས་ཞལ་ཟས་སྔ་རོལ་དུ་བཞེངས་ལ། རྒྱུ་ལ་ཁྱད་པར་མི་བྱེད་པ་དང་། ལ་ལ་ནི། དམིགས་པ་གཙོ་ཆེ་ཟེར་ནས་གྱ་ཚོམ་འབྱོལ་ཉོག་ཏུ་བྱེད་པ་ནི་ཕྱི་ནང་གི་མཆོད་པའི་རྣམ་དབྱེ་མ་དོད་པར་ཟད་ལ། འོ་སྐོལ་ཁ་ཟས་ལ་ལོངས་སྤྱོད་པའི་ཚེ་ལྟོ་བའི་ནང་དུ་ཐམས་ཅད་གཅིག་གོ་ཞེས་ཚ་གྲང་དང་ཁ་མངར་ལ་མ་ལྟོས་པར་གཅིག་ཏུ་བསྲེས་ནས་ཟོས་ན་རོ་མི་ཞིམ་པ་དང་། དུག་ཏུ་འགྱུར་བ་ལ་སོགས་པའི་སྐྱོན་འབྱུང་བ་ལྟར་དབུལ་ཡུལ་དང་དབུལ་བྱའི་བྱེ་བྲག་ལ་ཁྱད་པར་ཤིན་ཏུ་ཆེ་བར་ཡོད་པས་སོ། །དེ་ནས་གཡོས་སྦྱོར་དངོས་གཞིའི་ཚེ། བདུད་རྩིའི་ཕུར་མ་དམ་སེལ་མེད་པ་དང་། ཆང་གི་ཉིང་ཁུ། དཀར་གསུམ་དང་མངར་གསུམ་ལ་སོགས་པའི་ཁ་ཚར་བཏབ་ལ་གར་སླའི་ཚད་རང་ཉིད་ཟ་བའི་ཟན་ཙམ་ལས་སླབ་མི་བྱ་སྟེ། ཇོ་བོ་རིན་པོ་ཆེས། བོད་རྣམས་ཕྱུག་པོ་མི་ཡོང་། གཏོར་ཟན་སླ་མོ་བྱེད་པ་འདུག་ཅེས་གསུངས་པ་ལྟར་དེ་ལས་སླ་བ་མི་བྱེད་ཅིང་། སྒྲུབ་པ་ཡུན་རིང་ལྟ་བུ་ལ་ནམ་ཟླ་དང་བསྟུན་པའི་རྫས་སྦྱོར་ཀྱང་མན་ངག་གིས་ངེས་པ་ལྟར་བྱའོ། །གཉིས་པ་གཏོར་མའི་དབྱེ་བ་ནི། གཞུང་ལས། སྒྲུབ་པའི་དུས་སུ་རྟེན་གཏོར་དང་༔ གཏོར་བསྒྲབ་བཤམ་ཚུལ་གཞན་ལས་བྱུང་༔ ཞེས་ཞལ་གྱིས་འཕངས་པ་ལྟར་ཞིབ་ཏུ་དབྱེ་ན། རྒྱལ་བ་འབྲི་གུང་པའི་གཏེར་བྱོན་ཏི་སྒྲོ་བྲག་གི་ཡང་ཟབ་ལས། རྣལ་འབྱོར་ལྟ་བའི་གདེང་ལྡན་ལ༔ གཏོར་

(༡༤༨)མའི་རྒྱུ་ནི་ཅི་དང་ཅི༔ གཏོར་མའི་དབྱིབས་ནི་གང་དང་གང་༔ དངོས་སམ་ཡིད་སྤྲུལ་མེད་ཀྱང་རུང་༔ ལས་རྣམས་རིག་པའི་མཐུ་ཡིས་འགྲུབ༔ ཅེས་རྣལ་འབྱོར་པ་ལྟ་དགོངས་ཁྱད་པར་ཅན་དང་ལྡན་ཞིང་ཆོས་ཕོར་བདག་གིས་ནི་ཀུན་རྫོབ་གཟུགས་བརྙན་གྱི་གཏོར་མ་ལ་ཆེད་དུ་མ་ལྟོས་པར་སྣང་གྲག་ཐམས་ཅད་གཏོར་མའི་རང་བཞིན་དུ་བསྒྱུར་ནུས་པ་ཡིན་ཀྱང་། ལམ་བ་བྱིངས་ཀྱིས་ནི་རྩོས་པས་དོན་གཉེར་བྱེད་ཅིང་ངེས་ཚིག་དང་དམིགས་གནད་ཤེས་དགོས་ཏེ། དེ་ཉིད་ལས། ལམ་དུ་ཞུགས་པའི་གང་ཟག་ལ༔ མཆོག་དང་ཐུན་མོང་གང་བསྒྲུབས་ཀྱང་༔ ཐུན་མོང་བ་ནི་རྒྱུ་དང་དབྱིབས༔ ཁྱད་པར་དམིགས་པས་མ་ཕྱེ་ན༔ དོན་གང་འགྲུབ་པར་མི་འགྱུར་རོ༔ ཞེས་གསུངས་ཤིང་དེ་ལ་དབྱེ་ན་ལྔ་སྟེ། དོན་གྱི་གཏོར་མ། སྒྲུབ་པའི་གཏོར་མ། མཆོད་པའི་གཏོར་མ། ཕྲིན་བཅོལ་གཏོར་མ། དྲག་པོའི་གཏོར་མའོ། །དང་པོ་ནི། སྔ་མའི་འཕྲོར། དང་པོ་གཏོར་སྣོད་ཆོས་ཀྱི་དབྱིངས༔ དཔལ་བཤོས་དོན་ནི་སྐྱེ་བ་མེད༔ འཁོར་སྒྱུ་འགག་མེད་ཡེ་ཤེས་རྩལ༔ ཞེས་དེ་ཁོ་ན་ཉིད་ཀྱི་ཡེ་ཤེས་དང་སྦྱར་ནས་གསུངས་སོ། །གཉིས་པ་ནི། སྒྲུབ་པའི་དུས་ཀྱི་དམིགས་གནད་དེ་ཉིད་ལས། གཉིས་པ་གཏོར་གཞོང་གཞལ་ཡས་ཁང་༔ དཔལ་བཤོས་རྩ་གསུམ་ཞི་ཁྲོའི་གཙོ༔ འཁོར་སྐྱུ་འཁོར་གྱི་ལྷ་ཚོགས་གསལ༔ ཞེས་པས་གསལ་བར་གོ་ནུས་སོ། །གསུམ་པ་ནི། སྒྲུབ་གཏོར་གྱི་མདུན་དུ་དེ་དང་ཆ་མཚུངས་ཤིག་བཤམས་པ་དེ་ལ་མཆོད་གཏོར་ཞེས་ཟེར་ཏེ་དམིགས་གནད་ནི་སྔ་མའི་འཕྲོར། གསུམ་པའི་གཏོར་སྣོད་རིན་ཆེན་སྣོད༔ དཔལ་བཤོས་དཀར་མངར་བདུད་རྩི་ལྔ༔ འཁོར་སྒྱུ་འདོད་ཡོན་ལྔ་ཡི་རྫས༔ ཞེས་གསུངས་པ་ལྟར་རོ། །འོན་ཀྱང་གཏེར་ཁ་ཕལ་ཆེར་ལ་མཆོད་གཏོར་དང་སྒྲུབ་གཏོར་ཞེས་སོ་སོར་མ་བཤད་པ་ཤས་ཆེ་བས་དེ་དག་གི་དགོངས་པ་འདི་ཡིན་ཏེ། སྒྲུབ་ཆེན་བཀའ་བརྒྱད་ཀྱི་མན་ངག་གཅེས་པའི་ལྡེ་མིག་ལས། ལག་ལེན་ཤེས་པ་བཞིར་བསྟན་

(༡༤༩)ཏེ༔ བ་ལི༚་གཏོར་མ་ཆེན་པོ་ཉིད༔ མཆོད་པར་ཤེས་དང་ལྟར་ཤེས་དང་༔ དམག་དཔུང་ཤེས་དང་ཟོར་ཤེས་བྱ༔ ཞེས་གསུངས་པ་ལྟར་དེ་དང་དེའི་གནས་སྐབས་སུ་ཏིང་ངེ་འཛིན་གྱིས་ཕྲལ་ཕྲལ་བསྒྱུར་བ་ཡིན་ཞིང་། འདི་ལ་མན་ངག་ཁྱད་པར་ཅན་གཞན་ཡང་མཆིས་ཏེ་དྲིས་ལན་གཤིན་རྗེའི་གང་རྒྱངས་སུ་བལྟའོ། །བཞི་པ་གློ་བུར་ལས་བཅོལ་གྱི་གཏོར་མ་ནི། སྔ་མ་དེ་ཉིད་འཕྲོར། བཞི་བའི་གཏོར་སྣོད་ཀ་པཱ་ལ༔ དཔལ བཤོས་མ་ཊཾ་རཱུ་ཏྲའི་སྙིང་༔ འཁོར་སྐྱུ་ཤ་ཁྲག་ནང་ཁྲོལ་རྫས༔ ཞེས་གསུངས་པ་སྟེ་གོ་སླའོ། །ལྔ་པ་ནི་དེ་ཉིད་ལས། ལྔ་པའི་གཏོར་སྣོད་དྲག་པོའི་ཧོམ༔ དཔལ་བཤོས་ནད་མཚོན་ཐོག་དང་མེ༔ འཁོར་སྐྱུ་ཤན་པ་གྲི་ཐོགས་གསལ༔ ཞེས་གསུངས་པ་ནི་སྨད་ལས་གཙོར་བཏོན་གྱི་གཏོར་མ་སྤྱི་ཁྱབ་ལའོ། །ད་ནི་དེ་རྣམས་ལ་ངེས་ཚིག་དང་དག་སྦྱོར་རགས་བསྡུས་བརྗོད་ན། གཏེར་ཁ་དེ་ཉིད་ལས། དཔལ་བཤོས་ཟུར་གསུམ་འོང་བ་ནི༔ སྔོན་ཚེ་རུ་ཏྲའི་སྙིང་གི་དཔེ༔ ཟུར་ནི་རང་ལ་མི་བསྟན་པ༔ ཟུར་ལ་དུག་གསུམ་མཚོན་ཡོད་ཕྱིར༔ འཁོར་སྒྱུ་བཅད་ཁ་ཚལ་བ་ནི༔ རུ་ཏྲའི་ཐོད་ཚལ་བརྒྱ་ཡི་ཚུལ༔ དཔལ་བཤོས་ཟླ་གམ་འོང་བ་ནི༔ རུ་ཏྲའི་སྨྲ་བྱེད་དབང་པོའི་ཚུལ༔ ངོས་གཅིག་རང་ལ་སྟོན་པ་ནི༔ གསུང་གི་དངོས་གྲུབ་ཐོབ་པའི་སྒོ༔ དཔལ་བཤོས་གྲུ་བཞིར་འོང་བ་ནི༔ རུ་ཏྲའི་ལུས་ཀྱི་བྲང་གི་དཔེ༔ ལོགས་གཅིག་རང་ལ་བསྟན་པ་ནི༔ ཆོ་དཔལ་ལོངས་སྤྱོད་རྒྱས་པའི་དཔེ༔ དཔལ་བཤོས་ཟླུམ་པོར་སྣང་བ་ནི༔ རཱུ་ཏྲའི་མགོ་བོ་སྤྱི་ཟླུམ་ཚུལ༔ རྒྱན་ཕྱོགས་པར་བསྟན་ལྷ་ལ་མཆོད ཚུང་བསྟན་དངོས་གྲུབ་བླང་བའི་ཚུལ༔ ཞེས་གསུངས་པ་ལྟར་ན་མཆོད་གཏོར་གྱི་གདོང་ཡང་སྒྲུབ་གཏོར་དང་མཚུངས་པར་གཏོད་པའི་ཕྱག་ལེན་ནི་མཛེས་ཆོས་ཡིན་པར་མངོན་ཞིང་གཞན་དུ་ན་ཞལ་སྤྲོད་བྱ་དགོས་པར་གསུངས་པ་དེ་བཞིན་ནོ། །རྣམ་གཞག་འདི་དག་ནི་རང་བཟོའི་རྣམ་རིག་གང་

(༡༥༠)བཀྲ་དང་། ལུགས་གཞན་ལས་བྱུང་བ་རྒྱས་འགེབས་ཁོ་ན་ལྷུར་བླངས་པ་ལ་མན་ངག་དང་། ཁྱད་ཆོས་ཀྱི་མིང་བཏགས་པ་ཙམ་མ་ཡིན་པར་སློབ་དཔོན་ཆེན་པོའི་གསུང་བརྩོད་མེད་ཀྱི་གཏེར་ལུང་གིས་གཏན་ལ་ཕབ་བཤེས་ལྡན་དག་ཡིད་རྟོན་པའི་གནས་ཡིན་ནོ། །གསུམ་པ་གཏོར་མའི་བཟོ་དབྱིབས་ནི། མཆོག་གཏེར་འདི་གའི་རང་སྐད་ལས། །དང་པོ་གཟུགས་ལ་རྣམ་པ་གཉིས༔ ངེས་མེད་པ་དང་ངེས་པ་ཅན །ཞེས་གསུངས་པའི་སྔ་མ་ནི་དུས་དེས་མེད་དང་། གྲེལ་སྟབས་ལྟ་བུས་མ་གྲུབ་པའི་ཚེ་ན། སྐྱུ་གུ་བཅད་ཁ་ཅན་མང་པོར་སྤུངས་ལ་དམིགས་པ་རྒྱ་ཆེ་སྤམས་མཐོར་བྱེད་པ་ལ་བཤད་དོ། །ཕྱི་མ་ནི་སྤྲོས་བཅས་དང་འབྲེལ་བ་ཀུན་ལ་ཡིན་ཏེ། དེ་ལ་རྣམ་གྲངས་དྲུག །སྔ་མའི་འཕྲོར། ངེས་པ་ཅན་ལ་རྣམ་པ་དྲུག༔ བྱིན་རླབས་བླ་མའི་གཏོར་མ་དང་༔ དངོས་གྲུབ་ཡི་དམ་གཏོར་མ་དང་༔ ཕྲིན་ལས་མཁའ་འགྲོའི་གཏོར་མ་དང་༔ དྲེགས་པ་སྡེ་བརྒྱད་གཏོར་མ་དང་༔ ཐམས་ཅད་འདུས་པའི་གཏོར་མའོ༔ ཞེས་གསུངས་པའི་དང་པོ་བླ་མའི་གཏོར་མ་ལའང་རྣམ་བཞིའི་ལས་སྟབས་དང་བསྟུན་པའི་བཟོ་དབྱིབས་ཐ་དད་པ་རེ་གཞུང་ནས་གསུངས་ཀྱང་ཧ་ཅང་ཡི་གེ་མང་བས་འདིར་འདོམས་ཏེ་བཤད་ན། འདི་ཉིད་ལས། ཀུན་འདུས་བླ་མའི་གཏོར་མ་ནི༔ ཅོག་འདྲ་ལྟོ་ལྡིར་རྩེ་མོ་ཅན༔ མཐེབ་སྐྱུ་པདྨ་འདབ་བརྒྱད་ལྟར༔ ཟེའུ་འབྲུ་ཕྲུམ་ཕྲུམ་བཅས་པས་བསྐོར༔ པདྨ་ཁ་འབུས་དབྱིབས་ལྟར་ལས༔ དབུས་སུ་ཕྱུར་བུར་བྱུང་བའོ། །ཞེས་གསུངས་པས་གཏོར་མའི་སྐེད་པ་ལྡིར་ཆེ་ཞིང་། དེ་ལས་རྩེམ་རིམ་གྱིས་ཇེ་ཕྲར་སོང་བ་ལ་བཟོ་ཁྱད་གང་ལེགས། དེ་བཞིན་དུ་གཏོར་མའི་སྨད་ཀྱང་སྐེད་པའི་ལྡིར་ས་ནས་བཙན་ཐབས་སུ་མར་ཟེ་ཁ་སྦབ་པ་ལྟ་བུ་ལ་པད་འདབ་བརྒྱད་དམ་བཞི་ལ་སོགས་པས་བསྐོར་ཞིང་གཞན་རྣམས་མཐོང་རྒྱུན་བཞིན་བྱ་བ་ལས། ད་ལྟ་འགའ་ཞིག་གི་བློ་མ་བྱས་པའི་བླ་གཏོར་ཀྲོང་མོ་ཞལ་ཟས་ལྟ་བུ་དང་། ལ་ལས་སྐེད་པའི་ལྡིར་ས་ནས་བཙན་ཐབས་སུ་ཀྲོང་མོར་བྱ་ཞིང་གཏོར་ཞབས་ཀྱམ་ཤ་མོའི་ཡུ་བ་ལྟ་བུ་ཞིག་སྣང་བ་ལས་ཤེས་བྱེད་ཅི་ཡང་མེད་

(༡༥༡)ཅིང་། སྔར་གྱི་སྤྱན་རྒྱུན་ལ་ཡང་མི་སྣང་མོད། གཞུང་ནས་ནི་མ་བཤད་པ་ཚད་མས་གྲུབ་སྟེ་དཔྱད་པར་རིགས་སོ། །གཉིས་པ་ཡི་དམ་གྱི་གཏོར་མ་ལའང་ཡི་དམ་ཞི་བའི་གཏོར་མ། ཡི་དམ་ཁྲོ་བོའི་གཏོར་མ། ཞི་ཁྲོ་གཉིས་མེད་ཀྱི་གཏོར་མ་ཞེས་བཟོ་དབྱིབས་ཐ་དད་དུ་ཡོད་ཀྱང་ད་ལྟ་ལག་ལེན་ལ་དར་རྒྱས་ཆེ་བ་འདི་ཉིད་ཡི་དམ་གྱི་རིགས་ཁྲོ་བོ་ཤས་ཆེ་བ་ལ་དགོངས་ནས་ཡི་དམ་ཁྲོ་བོའི་གཏོར་མ་ཡིན་ཏེ། གཞུང་ལས། ཡི་དམ་ཁྲོ་བོའི་གཏོར་མ་ནི༔ ཅོག་ཟླུམ་ཟུར་གསུམ་ལྡིར་པོ་ལ༔ དངོས་འདྲ་ཟུར་ཕྲན་མཐེབ་སྐྱུས་བསྐོར༔ །ཞེས་གསུངས་པ་ལྟར་སྔར་གྱི་བླ་གཏོར་མཚན་ཉིད་ཚང་བ་ཞིག་ལ་དཔལ་གྱི་རི་མོ་ཕྱི་ནང་གཉིས་སུ་ལྡིར་བའི་ཐང་ཀ་ནས་གྱེན་དུ་འཐེན་ལ་བཟོ་དབྱིབས་དོད་པར་བཟོས་པས། གཡས་གཡོན་གཉིས་སུ་ཟུར་རང་གྲུབ་རེ་འབྱུང་ཞིང་། དེ་མཚུངས་རྒྱབ་དྲང་པོར་འདུའམ། ཟུར་ལྡིར་བའི་ཐད་ནས་རྩེ་མོའི་ཕྱོགས་ལ་འཇམ་ཟད་དུ་སོང་ཞིག་དགོས་ཀྱི། དེ་ཡང་ཟུར་གསུམ་ཀའི་རྩ་བ་ཟད་མཚམས་རྡོ་རྗེའི་རྭ་ལྟ་བུར་ཅུང་ཟད་ལྡིར་སྟབས་སུ་གུ་ག་པལ་།།།པོ་རྒྱུད་རྡོ་རྗེའི་རྭ་འདྲ་བ་ཞེས་པའི་རྣམ་གཞག་ཚང་ཞིང་། འགའ་ཞིག་མདུན་གང་ལེགས་བཟོས་ནས་རྒྱབ་ལ་རྩིས་གྲུབ་མི་བྱ་བ་ནི་མི་འཐད་དེ། དེ་ལྟ་ན་གཞུང་ནས་གསུངས་པའི་ཟུར་གསུམ་གྱི་རྣམ་གཞག་མི་ཚང་ངོ་། །འཁོར་རྣམས་ནི་རང་འདྲ་སྟེ་གོ་སླ་མོད། ཁ་གྲངས་ནི་གཙོ་བོ་བརྒྱད་པོའི་ཚུལ་དང་རྒྱབ་ཏུ་སྤྱི་གཏོར་བཅས་དགུས་བསྐོར་བའི་བར་མཚམས་ཐམས་ཅད་སྐྱུ་གུས་བཀང་ངོ་། །གསུམ་པ་མཁའ་འགྲོའི་གཏོར་མ་ལའང་རྣམ་གྲངས་ལྔར་གསུངས་ཏེ། གཞུང་ལས། རྡོ་རྗེའི་རིགས་ལ་རྡོ་རྗེའི་དབྱིབས༔ ཞེས་སོགས་རིགས་ལྔ་སོ་སོར་བཟོ་བཀོད་ཐ་དད་དུ་ཡོད་ཀྱང་། ད་ལྟ་ལག་ལེན་ལ་ཡོངས་གྲགས་འདི་ནི་སྤྱི་ཁྱབ་ཏུ་འདོམས་པ་པདྨའི་རིགས་ཀྱི་མཁའ་འགྲོའི་གཏོར་མ་ཡིན་ཏེ། གཞུང་ལས། པདྨའི་རིགས་ལ་དབང་གི་གཏོར༔ ཟླུམ་པོ་ཟླ་གམ་ཕྱེད་གཤགས་ཅན༔ ཞེས་གསུངས་པས་སྔར་བཤད་མ་ཐག་པའི་

(༡༥༢)ཡི་དམ་གྱི་གཏོར་མ་འདྲ་བ་ལས་རྒྱབ་ཀྱི་ཟུར་མ་བཏོན་པར་ཟླུམ་པོ་ཁོ་ནར་འཇོག་ཅིང་། གཡས་གཡོན་གྱི་ཟུར་གཤམ་གཉིས་ཕུར་པའི་དཔལ་ལྟ་བུར་རྩེ་མོ་རྣོ་བར་བྱ་ཞིང་དེས་ནི་ཟླ་གམ་གྱི་དབྱིབས་ཇི་བཞིན་འབྱུང་ལ། འཁོར་མཁའ་འགྲོ་སྡེ་བཞི་མཚོན་བྱེད་རང་འདྲ་བཞིས་བསྐོར་བ་སྟེ། སྐྱུ་གུ་ནི་སྦམ་བཞིན་ནོ། །བཞི་པ་ཆོས་སྐྱོང་གི་གཏོར་མ་ནི། གཞུང་ལས། དམ་ཅན་ཆོས་སྐྱོང་གཏོར་མ་ནི༔ སོ་སོའི་གཞུང་ནས་འབྱུང་འགྱུར་ཀྱང་༔ ཁྱད་པར་སྙིང་ལ་ཟུར་བཏོད་བཞིན༔ རྔམས་པར་བྱས་ཏེ་ཕོ་མོའི་ཚད༔ ཕོ་རྒྱུད་རྣམས་ལ་ཆེ་ཞིང་བརྗིད༔ མོ་རྒྱུད་རྣམས་ལ་ཕྲ་ཞིང་རིང་༔ སོ་སོར་བཤོས་བྲན་དངོས་འདྲ་དང་༔ མཐེབ་སྐྱུ་བཅད་ཁ་ཕྱིར་བསྟན་བསྐོར༔ །ཞེས་གསུངས་པ་ལྟར་ཟུར་གསུམ་ལས་ཕོ་རྒྱུད་རྣམས་ཅུང་ཟད་ཞེང་ཆེ་ལ་རྩེ་ཟླུམ་པར་བྱེད་ཅིང་། མོ་རྒྱུད་རྣམས་ཕྲ་ལ་རྣོ་བ་བྱས་ལ་འཁོར་རྣམས་སོ་སོའི་གཞུང་བཞིན་དང་། སྐྱུ་གུ་བཅད་ཁ་ཕྱིར་བསྟན་གང་མང་གིས་བསྐོར་བའོ། །ལྔ་པ་ནི་གཞུང་ལས། དྲེགས་པ་སྡེ་བརྒྱད་གཏོར་མའི་གཟུགས༔ གནད་ནས་བསྐུལ་ཕྱིར་རང་གཟུགས་བསམ༔ བཤོས་བྲན་སོ་སོའི་གཞུང་ལ་ཤེས༔ ཞེས་པ་ལྟར་དང་། དྲུག་པ་ནི་གཞུང་ལས། ཐམས་ཅད་འདུས་པའི་གཏོར་མ་ནི༔ སྤུངས་གཏོར་ཅོག་ཟླུམ་རྩེ་མོ་ཅན༔ སྐྱུ་གུ་གྲངས་ངེས་མེད་པས་བསྐོར༔ གཟུགས་ཀྱི་རྣམ་པ་དེ་ལྟར་ནས༔ གྲངས་ལ་མ་ངེས་རབ་རྣམས་ཀྱི༔ རྒྱས་པ་ལྷ་ཡི་གྲངས་དང་མཉམ༔ འཕྲིང་པོ་བདུན་ནམ་ལྔ་གསུམ་སོགས༔ ཐ་མ་གཅིག་ལ་བསྡུས་ཏེ་བྱ༔ ཞེས་གསུངས་པ་ད་ལྟ་ལག་ལེན་དུ་སྐོང་གཏོར་རི་རབ་མ་བཞེངས་པ་འདི་ཡིན་ནོ། །དེ་ལྟར་ཐམས་ཅད་ཀྱང་གཏོར་མའི་གཟུགས་མ་ཡོ་བ། སྣོད་མ་ཁེངས་པ་མེད་པ། སྣོད་ལས་ཕྱིར་འཕྱང་བ་དང་། འཁྱོག་རྒུར་ལ་སོགས་པའི་ཚུལ་མི་མཐུན་པ་མེད་པར་བཟོ་དགོས་པར་གསུངས་མོད་ཀྱང་། ལ་ལ་ནི་སེམས་དང་དམིགས་པའི་བྱེད་ལས་གཙོ་ཆེ་ཞེས། དམིགས་པའི་སྐབས་སྟོང་བསམ་སྒོམ་ཞིང་། ལག་ལེན་གྱི་སྐབས་དམིགས་པ་ལ་ཁག་

(༡༥༣)འགེལ་བ་ལ་ཅིའི་ཐ་སྙད་འོང་། དམིགས་པ་ལ་རྩལ་འདོན་རྒྱུ་ཡོད་ན་འབུལ་བའི་སྐབས་དངོས་སུ་བཤམས་པ་རྣམས་དམིགས་རྟེན་ཙམ་དུ་བྱས་ནས་སྣང་སྲིད་ཐམས་ཅད་གཏོར་མའི་རང་བཞིན་དུ་བསྒྱུར་ནས་འབུལ་དགོས་པ་ཡིན་ཚེ་བྱ་ལོང་ཤོང་གིས། ད་ལྟ་ཤོམ་འགོད་ཀྱི་སྐབས་གཞུང་ནས་བཤད་ཚོད་རྣམས་ལ་དོ་གལ་བྱ་དགོས་ཏེ། འདི་ཉིད་ལས། ད་ལྟར་གཏོར་མའི་གཟུགས་བརྙན་དང་༔ རྒྱན་དང་བཤམ་ཚུལ་ཐམས་ཅད་ཀྱང་༔ གསང་སྔགས་ཐབས་ཀྱིས་ཁྱད་པར་ལས༔ གང་ཟག་འགྲོ་བ་འདྲེན་སླད་དུ༔ འབོག་ཆོལ་མེད་པར་གསོལ་བར་སྤྲོ༔ ཞེས་གསུངས་པས་སོ། །བཞི་པ་བཤམ་པ་ནི། གཞུང་ལས། གསུམ་པ་བཤམ་ཚུལ་རྣམ་པ་དགུ༔ སྒྲུབ་པ་དང་ནི་སྒྲུབ་ཆེན་པོ༔ བསྙེན་པའི་དུས་དང་ལས་སྦྱོར་དུས༔ དབང་དང་ཚོགས་མཆོད་སྤེལ་བའི་དུས༔ དུས་མིན་གློ་བུར་བྲེལ་སྟབས་དང་༔ བྱེས་བགྲོད་ལམ་གཏོར་སྐད་ཅིག་མ༔ ངེས་པ་མེད་པའི་བཤམ་ཚུལ་ལོ། །ཞེས་རྣམ་གྲངས་དགུར་གསུངས་ཀྱང་བྱིངས་རྣམས་སོ་སོའི་གཞུང་ལས་འབྱུང་བས་འདིར་མི་སྤྲོ་ཡིས་དེས་ན་སྙིང་པོར་དྲིལ་ནས་བརྗོད་ན། དེ་ལ་སྤྱིར་བསྙེན་པ་ལྟ་བུའི་ཚེ་ན་ལྷ་དང་དཀྱིལ་འཁོར་ཐམས་ཅད་རང་ཉིད་ཁོ་ན་ཡིན་ཕྱིར་སོ་སོའི་གཞུང་ནས་བཤད་ཚོད་ཀྱི་སྒྲུབ་རྟེན་དམིགས་བསལ་ཡོད་ན་དེ་གའི་ལུགས་སུ་བྱ་ཞིང་། གཏོར་མ་བྱིངས་ནི་མདུན་དུ་ཚོམ་བུའི་ཁར་མཆོད་པའི་ཚུལ་དུ་བཤམས་པ་ཁོ་ནས་ཆོག་སྟེ། གཞུང་ལས། བསྙེན་དུས་གཏོར་མ་ཕྲེང་བ་ལྟར༔ གོ་རིམ་མ་ལོག་སྒྲེང་ལ་བཤམ ཞེས་གསུངས་པ་ལྟར་རྩ་བ་གསུམ་ཀ་ཡོད་ན་དབུས་སུ་བླ་གཏོར། དེའི་གཡས་སུ་ཡི་དམ་དང་སྨན་ཕུད། གཡོན་དུ་མཁའ་འགྲོ་དང་རཀྟ། མདུན་ལ་སོགས་པར་ཆོས་སྲུང་སྤྱི་སྒོས་རྣམས་སྤྱིར་བཏང་དུ་ཕོ་རྒྱུད་གཡས་དང་མོ་རྒྱུད་གཡོན་ཏུ་འགོད་ཅིང་། ཞིབ་པར་ཆེ་ཆུང་མཐོ་དམན་གྱིས་ཁྱད་པར་ཕྱེ་ནས་བཤམ་མོ། །དེ་ཡང་དང་པོའི་ལས་ཅན་ལ་དགོངས་ནས་རིག་འཛིན་ཆེན་

(༡༥༤)པོས། སྤྱིར་ཡང་བདག་བསྐྱེད་ཀྱི་ལས་བྱང་གི་རིགས་གང་གཏོང་ཡང་ལྷ་དང་དཀྱིལ་འཁོར་ནི་བདག་ཉིད་ཁོ་ན་ཡིན་ཕྱིར་གཏོར་མཆོད་ཀྱང་རང་གི་མདུན་ནམ་གང་འོས་སུ་བཤམས་ངས་ཆོག་ལ། དཀྱིལ་ཆོག་སོགས་མདུན་བསྐྱེད་དགོས་པའི་རིགས་ཐམས་ཅད་ལ་གཏོར་མཆོད་སྤྱན་གཟིགས་སོགས་གང་འབྱོར་ཐམས་ཅད་མདུན་བསྐྱེད་ལ་སྲུང་དགོས་པ་སྟེ། དེ་ལྟ་བུའི་སྐབས་དོན་གྱིས་དབྱེ་བ་ཤེས་དགོས་ཀྱི། ཐམས་ཅད་ལ་མདུན་དུ་བཤམས་ཕྱིན་ཆད་དཀྱིལ་འཁོར་ཡིན་པར་མི་བསམ་མོ། །ཞེས་གསུངས་པ་ནི་སྤྱིའི་གནད་འགག་གལ་པོ་ཆེ་ཡིན་ནོ། །ཡང་བསྙེན་སྒྲུབ་སྦྲེལ་མ་ཡིན་ན་དཀྱིལ་འཁོར་གྱི་དབུས་སུ་མཉྫིལ་སོགས་པའི་ཁར་བཤམ་པར་བཤད་པ་ནི། སྒྲུབ་པའི་དུས་སུ་གཏོར་མ་ལྷར་གསལ་དགོས་ཕྱིར་བསྙེན་སྒྲུབ་གཉིས་ཀྱི་མཚམས་སུ་འཕོ་ལེན་བསྒྱུར་དགོད་སོགས་མི་བྱེད་པའི་སྟབས་ཀྱིས་སྔ་ཐོག་ནས་དེ་ལྟར་དུ་བཤམས་ནས་ཁྱད་པར་དམིགས་པས་འབྱེད་དགོས་པའོ། །སྒྲུབ་པ་ཆེན་པོ་དང་སྐོང་བཤགས་ལ་སོགས་ཏེ་དཀྱིལ་འཁོར་མཚན་བཅས་པ་དང་འབྲེལ་བའི་ཚེ། དཀྱིལ་འཁོར་གྱི་ཕྱོགས་མཚམས་རྣམས་སུ་ཚོམ་བུའི་ཚུལ་དུ་བཤམ་པར་བཤད་དེ། གཞུང་ལས། སྒྲུབ་པ་ཆེན་པོའི་དུས་ཀྱི་ཚོ དཀྱིལ་འཁོར་ཆེན་པོའི་ཕྱོགས་མཚམས་སུ༔ ཚོམ་བུའི་ཚུལ་དུ་བཤམ་པར་བྱ༔ ཞེས་གསུངས་པ་ནི་སྔར་སྨན་རག་གི་སྐབས་སུ་བཤད་པ་ལྟར་གཏོར་མ་ལྷ་གྲངས་དང་མཉམ་པས་མཚོན་ཏེ་མང་པོ་ཡོད་པའི་སྐབས་ལ་དགོངས་པ་ཡིན་ཏེ། གཞུང་འདི་ཉིད་ཀྱི་བདུད་རྩིའི་མཆོད་སྤྲིན་ལས། སྨན་རཀ་གཏོར་གསུམ་གྱི་བཀོད་པ གཏོར་མ་དང་བདུད་རྩི་ལྷ་གྲངས་དང་མཉམ་པ་ཡོད་ན གཏོར་མ་རེ་རེ་ལ་བདུད་རྩི་རེ་རེ་སྤེལ་མར་བཀོད་པའི ཚོམ་བུའི་ཚུལ་དུ་བཤམ༔ རཀྟ་དེའི་མདུན་དུའོ༔ ཞེས་གསུངས་པ་ལྟར་གཏོར་མ་གཡས་དང་བདུད་རྩི་གཡོན་དུ་བྱས་ལ་གཅིག་གིས་གཅིག་ལ་མ་རེག་ཙམ་དུ་གཤིབས་ཏེ་བཤམ༔ དེའི་མདུན་དུ་རཀྟ་བཀོད་ནས་ཚོམ་བུ་གསུམ་སྒྲོམ་དུ་བྱ་བ་དང་། དེ་དང་

(༡༥༥)མཚུངས་པར་སྐོང་བཤགས་ཀྱི་སྨན་རཀ་གཏོར་མ་བརྒྱ་རྩ་ཡང་དེ་བཞིན་དུ་བཤམ་མོ། །དེ་དག་གི་མདུན་དུ་སྟེགས་ཀྱི་ཁར་ནང་གི་མཆོད་པ་ཞེས་དབང་ལྔའི་མེ་ཏོག །གསུར་ཆེན་གྱི་འདུག་སྤོས། ཞུན་ཆེན་གྱི་སྣང་གསལ། མཁྲིས་སྦྱར་གྱི་དྲི་ཆབ། ཤ་ཆེན་གྱི་ཞལ་ཟས་རྣམས་སམ། ལ་ལར་རྡོ་རྗེ་དྲི་ཆེན་གྱི་ཞལ་ཟས། དྲི་ཆུའི་མཆོད་ཡོན་ཞེས་ཀྱང་འབྱུང་བ་གཞུང་འདི་ནས་གདམ་དར་བཤད་པས་དབྱེ་བ་མེད་དོ། །འདི་དག་ནི་རྒྱུ་མ་བཅོས་ལྷུན་གྱིས་གྲུབ་པའི་མཆོད་པ་ཤ་ལྔ་བདུད་རྩི་ལྔའི་རང་བཞིན་ལ་རྐྱེན་འདུ་བྱེད་ཀྱིས་སྦྱོར་བས་བཟོ་དང་བཀོད་པ། བཤམ་ཚུལ་ལ་སོགས་ཡིད་དུ་འོང་བར་བྱས་པ་ལ་རྨད་དུ་བྱུང་བའི་མཆོད་པའམ། རྐྱེན་གྱིས་བསྒྱུར་བ་ཞེས་འདི་ཉིད་ཀྱི་མཆོག་པའི་ལག་ལེན་དམར་ཁྲིད་ཡིག་ཆུང་ལས་གསུངས་པ་དང་། དེའི་མདུན་དུ་གོང་ཞུ་རྣམ་དབྱེ་བཤད་པའི་མཆོད་ཡོན་མེ་ཏོག་ལ་སོགས་ཏེ་ཐུན་མོང་ཕྱིའི་མཆོད་པ་རྣམས་བཤམས་ཤིང་ནང་མཆོད་རྣམས་དང་མ་འདྲེས་པར་བྱེད། དེས་མཚོན་ནས་ཕྱི་མཆོད་རྣམས་ལ་སྨན་རག་གི་ཟགས་མའང་མ་འཐོར་བ་བྱ་དགོས་སོ། །དེ་ལྟ་བུའི་གཏོར་མ་རྣམས་ལ་དར་དམར་གྱིས་གཏོར་གསུགས་དབུབ། གཞན་དུ་ལྷ་སོ་སོའི་སྐུ་མདོག་དང་བསྟུན། མདུན་ལོགས་ཅི་བདེ་བར་གཏོར་རྫས་ཇ་།།།ཆོས་དར་ཤ་མར་ཐུད་ལ་སོགས་མདོར་ན་སྲིད་པའི་ཕུན་ཚོགས་རྒྱ་ཆེན་པོ་བཤམ་དགོས་ཏེ། འདི་ཉིད་ལས། དར་གྱི་ཅོད་པན་གྱིས་ལྡིང་གུར༔ རཏྣའི་སྤོ་ཚར སྟག་གཟིག་གི་རྒྱལ་མཚན་ལ་ཤོགས་པའི་རྒྱན་དང་༔ ཤ་མར་ཐུད་ལ་སོགས་པའི་བཟའ་བ༔ པྲ་ཁུར་སྣུམ་ཁུར་ལ་སོགས་པའི་བཅའ་བ་སྟེ༔ མདོར་ན་ཅི་ལྟར་འབྱོར་པའི་མཆོད་རྫས་རྣམས་ཀྱིས་མཛེས་པར་བརྒྱན་ཅིང་དགྲམ་པར་བྱའོ༔ ཞེས་གསུངས་པ་དང་། བཟང་སྤྱོད་ཀྱི་བདུན་རྣམ་དག་ལས། བཀོད་པས་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི། །ཞེས་གསུངས་པ་ལྟར་རང་ཉིད་ཀྱི་ཡིད་སྣང་བ་དེ་སིང་གི་འོང་

(༡༥༦)བར་བཤམས་ན་མཆོད་པ་འབུལ་ཡུལ་རྣམས་ཀྱང་རང་རྩལ་ལས་ཤར་བ་ཡིན་ཕྱིར་བཤམས་པ་ཙམ་གྱིས་བསོད་ནམས་ཐོབ་སྟེ། གཞུང་ལས། དེ་ལྟ་བུ་ནི་བཤམས་པ་ཙམ་གྱིས་མགྲོན་ཚིམ་པར་འགྱུར་བའི་ཕྱིར་རོ། །ཞེས་གསུངས་པ་ལྟར་རོ། །ལྔ་པ་བྱིན་གྱིས་བརླབ་པ་དངོས་ནི། གཞུང་འདི་ཉིད་ཀྱི་སྒྲུབ་ཁོག་མ་ཧཱ་ཡོ་གའི་ལུགས་རྣམས་དང་། དེས་མཚོན་པར་སྒྲུབ་ཆེན་བཀའ་བརྒྱད་ལྟ་བུས་མཚོན་ཏེ་རྒྱ་ཆེ་བ་བསྐྱེད་རིམ་གཙོར་བཏོན་གྱི་ཆོག་རྣམས་ལ་བྷནྡྷ་ལ་སོགས་པའི་སྣོད་དུ་ཤ་ལྔ་བདུད་རྩི་ལྔར་མིགས་པས་བྱེ་བྲག་ཕྱེ་བ་བཞུ་བཏུལ་གྱིས་བརླབ་པ་ཡིན་ཀྱང་། འདི་ནི་ཟབ་པ་གཙོར་བཏོན་ཨ་ནུ་ཡོ་གའི་ལུགས་ཡིན་ཕྱིར་རྫོགས་རིམ་གྱི་ལྟ་བས་སྣོད་བཅུད་གཏོར་མའི་རང་བཞིན་དུ་བརླབ་པ་ཡིན་ཞིང་། དེ་ཡང་ཡེ་ཤེས་ཐིག་ལེ་ལས། བྷ་ཡི་ཡིག་འབྲུ་བྷ་གར་བརྗོད། །ལིང་གི་ཡིག་འབྲུ་ལིང་གར་བསྟན། །ཞེས་གསུངས་པ་ལྟར་གཏོར་མ་ལ་བ་ལི༚་ཞེས་པའི་དག་སྦྱོར་ནི། ཕྱི་ལྟར་དུ་དབང་པོ་གཉིས་སྦྱོར། ནང་ལྟར་དུ་བྱང་སེམས་དཀར་དམར་གྱི་འདུ་འཕྲོད། གསང་བ་ལྟར་ན་བདེ་སྟོང་གཉིས་སུ་མེད་པའི་ཡེ་ཤེས་ཀྱི་རྣམ་རོལ་ཆེན་པོ་ལས་སྣང་སྲིད་སྣོད་བཅུད་ཐམས་ཅད་གཏོར་མའི་རང་བཞིན་དུ་བྱིན་གྱིས་བརླབས་པ་ལས། བཤམས་པའི་གཏོར་མ་ཙམ་ལ་མངོན་ཞེན་རང་དགར་འཐས་ན་གང་ཡང་མི་ཕྱིན་ཏེ། འདི་ཉིད་ལས། ཡུལ་མ་གདྷཱའི་ཁལ་འབུམ་ཕྲག་མང་པོ་ལ་བྱས་པའི་གཏོར་མ་བཤམས་ཀྱང་༔ མགྲོན་ཚན་གཅིག་ཀྱང་ཚིམ་པར་མི་འགྱུར་ལ༔ རྫས་ཏིལ་འབྲུ་ཙམ་གྱི་གཏོར་མ་བཤམས་ནས༔ དམིགས་པ་དཔག་ཏུ་མེད་པས་བྱིན་གྱིས་བརླབས་ཤིང་ཕུལ་ན༔ མགྲོན་བསམ་གྱིས་མི་ཁྱབ་པ་ཚིམ་པར་གྱུར་ལ༔ འཇམ་དཔལ་བཤེས་གཉེན་དང་༔ བི་མ་ལ་མི་ཏྲ་གཉིས་ཀྱིས་སོ་སོར་ཡངས་པ་ཅན་དུ་བྱས་པའི་སྒྲུབ་ལྟར༔ དེས་ན་དམིགས་པ་ཏིང་ངེ་འཛིན་ཤིན་ཏུ་གལ་ཆེ་བས༔ རྣལ་འབྱོར་པ་གཏོར་མ་ལ་བརྩོན་པ་རྣམས གཏོར་

(༡༥༧)མའི་བྱ་བ་འཇུག་པའི་ཚེ དམིགས་པ་མ་ཡེངས་པར་གཏད་པར་བྱའོ། །ཞེས་གསུངས་པའི་ཕྱིར་རོ། །འདི་ལ་ཁ་ཅིག་ན་རེ། འོ་ན་འདིར་དམིགས་པ་ཁོ་ན་གཙོ་ཆེ་བར་བྱུང་བས་གོང་དུ་མཚན་བཅས་ཀྱི་གཏོར་མའི་སྐབས་དེ་དག་གཙོ་ཆེ་བར་བཤད་པས་སྔ་ཕྱི་གོ་མི་མཚུངས་སོ་ཞེ་ན། མ་ཡིན་ཏེ། རྒྱུ་བསོད་ནམས་ཀྱི་ཚོགས་རྫོགས་པའི་ཐབས་སུ་མཚན་མའི་རྫས་ལ་བུངས་བསྐྱེད། འབྲས་བུ་ཡེ་ཤེས་ཀྱི་ཚོགས་རྫོགས་པའི་སླད་དུ་ཏིང་ངེ་འཛིན་དང་དམིགས་པ་ལ་རྩལ་སྦྱང་བ་གལ་ཆེ་བ་ཙམ་དུ་མ་ཟད། སྣང་སྲིད་གཏོར་མའི་རྣམ་རོལ་དུ་འཆར་བའི་ལམ་པ་ཉུང་ཟད་དུ་གདའ་བས་གཉིས་ཀ་དོ་གལ་དུ་བྱ་བ་ཡིན་ཞིང་། དག་དྲན་དེ་ལྟ་བུའི་ངང་ལས། ཧཱུྃ་སྣོད་ཀྱི་འཇིག་རྟེན་ཡངས་པའི་གཞོང་བ་རུ། སོགས་དང་། སྔགས་དོན་ནི། ཨཱོྃ་ཨཱཧཱུྃ་སྔ་མ་དང་མཚུངས། མ་ཧཱ་བ་ལི༚་ཏ་ནི་གཏོར་མ་ཆེན་པོ། བྷ་དྲ་བ་ལི༚་ཏ་ནི་གཏོར་མ་བཟང་པོ། སྭཱ་ཧཱ་ནི་གཞི་ཚུགས་ཞེས་པ་དང་། གཞུང་གཞན་དུ་སྔགས་འདིའི་དོད། ཏི་ཛྭ་བ་ལི༚་ཏ་ཞེས་འབྱུང་བ་ནི། ཐུགས་རྗེས་འགྲོ་བ་འདུལ་བའི་རྩལ་སྣང་གི་གཏོར་མ་ཞེས་པའི་དོན་དང་། བྷ་ལ་བཱ་ཏེ་ཞེས་པ་ནི། དེ་གཉིས་དབྱེར་མེད་རོ་གཅིག་ཏུ་སྦྱོར་བའི་དོན་དང་། གུ་ཧྱ་ནི་གསང་བ་བྱུང་ཚོར་གྱི་རྟོག་པ་ཁྱབ་གདལ་ཆེན་པོའི་གཏོར་མ་དང་། ས་མ་ཡ་ནི་དམ་ཚིག་ཉམས་ཆག་གི་རྟོག་སྒྲིབ་ཐམས་ཅད་དབྱིངས་སུ་བསྐང་བའི་དོན་དེ་འཕྲོ་རྣམས་ནི་སྔར་ནས་བཤད་པ་དང་འདྲའོ། ཁ་ཅིག་ན་རེ། དགོངས་འདུས་ཀྱི་སྒོས་ཆོས་ལ་གཞན་གྱི་ཞོར་འགྲེལ་མི་འཐད་དོ་ཞེ་ན། མ་ཡིན་ཏེ། གཞུང་འདི་ཉིད་གསང་ཆེན་རྙིང་མའི་གཏེར་ཆོས་ཀྱི་སྲོག་ལྟ་བུ་ཞིག་ཡིན་ཕྱིར་འདི་ཉིད་ལས་བརྩམས་ཏེ་ཆོ་ག་ཐམས་ཅད་ཀྱི་ཁོག་ཕུབ་པའི་དབང་དུ་བྱས་ནས་ཟུར་རྡོ་ཉིས་ཆོད་དུ་བརྒྱབ་བའོ། །དེས་ནི་ཁྱད་པར་གྱི་སྔོན་འགྲོ་རྣམས་ཀྱི་རྣམ་གཞག་མདོ་རྒྱས་འཚམས་པར་བཤད་ཟིན་ཏོ། །གཞུང་དོན་མན་ངག་ན་ཀྲའི་གྲོང་ཁྱེར་ནས། །རིག་རྩལ་བརྟུལ་

(༡༥༨)ཞུགས་དེད་དཔོན་གཞོན་ནུ་དེས། །རྣམ་དག་ལག་ལེན་དཔྱད་བཟོད་མ་ཎི་ཀ །བླངས་ཚེ་རྟ་མཆོག་རོལ་བའང་དབྱིངས་ནས་བཞད། །འོན་ཀྱང་ཕ་དང་མེས་པོའི་རིང་ལུགས་ཞེས། ཁྲོན་པའི་ལག་འགྲོ་ཁོ་བོས་མ་བྱས་པས། །ཙུ་ཏའི་ཡུལ་དུ་རྐང་པ་ཟུང་ལྡན་ལ། །བཞད་གད་བྱེད་པ་སྙིགས་མ་ལྔ་བདོའི་མཐུ། །དེ་ཕྱིར་རྨི་ལམ་ཙམ་གྱི་མི་ཚེ་འདིར། །སྒྲོ་སྐུར་གཏམ་ལ་བདེན་འཛིན་དེས་ཅི་བྱ། །ད་ལྟ་རེ་དོགས་བྲལ་བས་སྣང་ཉམས་བདེ། །ཕྱི་མ་ལྷག་བསམ་དག་པས་འབྲས་བུ་དཀར། །ཞེས་པར་སྐབས་ཀྱི་ཉམས་དགའི་གླུའོ།། །།སྤྱི་དོན་གཉིས་པ་དངོས་གཞིའི་ལས་རིམ་ལ་གཉིས་བདག་མདུན་བུམ་གསུམ་གྱི་དཀྱིལ་ཆོག་གི་རྣམ་དབྱེ་དང་། བཤགས་སྐོང་གི་ཡན་ལག་གོ །དང་པོ་ལ་གསུམ། ཨ་ནུ་ཡོ་གའི་ལུགས་སུ་བདག་བསྐྱེད་ལུས་དཀྱིལ་ལྟར་སྒོམ་པ། མ་ཧཱ་ཡོ་གའི་ལུགས་སུ་མདུན་བསྐྱེད་ཕྱི་དཀྱིལ་ལྟར་སྒོམ་པ། ཨ་ཏི་ཡོ་གའི་ལུགས་སུ་བདག་མདུན་ཟུང་འཇུག་ཏུ་སྒྲུབ་པའོ། །དང་པོ་ལ་གསུམ། ཏིང་འཛིན་རྣམ་པ་གསུམ་གྱི་དོན་འགྲེལ། རྟེན་ལུས་དཀྱིལ་གྱི་རྣམ་གཞག །བརྟེན་པ་གཙོ་འཁོར་གྱི་འཕྲོ་འདུའོ། །དང་པོ་ལ་ཡང་གསུམ། དེ་བཞིན་ཉིད་ཀྱི་ཏིང་ངེ་འཛིན། །ཀུན་ཏུ་སྣང་བའི་ཏིང་ངེ་འཛིན། །རྒྱུའི་ཏིང་ངེ་འཛིན་ནོ། །དང་པོ་ནི། གསང་བ་བསམ་གྱིས་མི་ཁྱབ་པའི་རྒྱུད་ལས། བཞི་པ་རྡོ་རྗེ་ལྟ་བུའི་ཏིང་འཛིན་གྱིས། བསྒོམ་དུ་མེད་པའི་ཉམས་ལེན་བརྩོན་པ་ལས། །མཁྱེན་པའི་ཡེ་ཤེས་སངས་རྒྱས་ཞིང་ཁམས་མཐོང་། །མ་བཙལ་ལྷུན་གྲུབ་ཆོས་མཆོག་ཆེན་པོའི་ངང་། །ཞེས་པས་རྒྱུའི་ཐེག་པའི་སྐབས་སུ་ས་བཅུ་རྒྱུན་མཐའི་ཡེ་ཤེས་ཏེ། །དེ་ཉིད་གང་ལ་ཟེར་ན་ད་ལྟའི་ཤེས་པ་བཟོ་བཅོས་དང་བྲལ་བ་འདི་ཉིད་ལ། གློ་བུར་གྱི་བག་ཆགས་མཚན་མར་འཛིན་པའི་ཆོས་ཅན་གྱིས་བསླད་པ་ཐམས་ཅད་མཐའ་བརྒྱད་

(༡༥༩)སྤྲོས་བྲལ་གྱི་ངང་དུ་ལྷན་ནེར་དག་པའི་མཉམ་གཞག་ནམ་མཁའ་ལྟ་བུའི་ངང་ནས། ཧཱུཾ་ཧྲཱིསྣང་སྲིད་འཁོར་འདས་གཉིས་བསྡུས་ཆོས་རྣམས་ཀུན༔ ཞེས་སོགས་ཀྱི་མཐར་སྔགས་དོན་ནི། ཨོཾཱ་ནི་མེ་ལོང་ལྟ་བུའི་ཡེ་ཤེས། མ་ཧཱ་ནི་ཆེན་པོ། ཤུནྱ་ཏཱ་ནི་ཡུལ་སྟོང་པ་ཉིད། ཛྙཱ་ན་ནི་ཡུལ་ཅན་གྱི་ཡེ་ཤེས། སྭ་བྷཱ་ཝ་ཧཱུྃ། ནི་ཡུལ་ཅན་དེ་ཡང་རང་བཞིན་གྱིས་རྣམ་པར་དག་པ་ཞེས་པའི་དོན་ནོ། །འདི་ནི་རང་བཞིན་རྣམ་དག་གདོང་མའི་སྟོང་ཆེན་གྱི་དོན་དྲན་པ་ལ་ཟེར་གྱི། ད་ལྟ་ཕལ་གྱིས་བྱེད་པ་ལྟར་ཆོས་ཅན་ལ་ཆོས་ཉིད་ཀྱི་དམིགས་སུ་བཀར་ནས་སྟོང་པའི་ངང་དུ་རྒྱས་འདེབས་པའི་ཆད་ལྟ་དང་མ་ནོར་བ་གལ་པོ་ཆེའོ། །གཉིས་པ་ནི་སྔ་མའི་འགྲོར། གཉིས་པ་སྒྱུ་མ་ལྟ་བུའི་ཏིང་འཛིན་གྱིས། །སྤྲོས་དང་བྲལ་བའི་མཉམ་གཞག་ཆེན་པོ་ལས། །བསམ་གྱིས་མི་ཁྱབ་ཏིང་འཛིན་རྩལ་དུ་འཆར། །དྲོད་ཐོབ་ནས་ནི་སྐྱེ་བ་དབང་བ་ཡིན། །ཞེས་པས་འཁོར་འདས་ཀྱི་ཆོས་ཐམས་ཅད་སྣང་ངོར་ཇི་ལྟར་འཆར་ཡང་། རིག་ངོར་སྤྲོས་པ་ཐམས་ཅད་དང་བྲལ་ཞིང་བདེན་འཛིན་གྱི་འཆིང་བ་ལས་འདས་པའི་ཀློང་ནས་གཞན་དོན་བྱ་བ་སྟེ། འདི་ལྟར་དོན་དམ་སྟོང་པ་ཉིད་ཀྱི་དོན་ཇི་ལྟ་བ་མ་རྟོགས་པའི་འགྲོ་བ་རྣམས་འཁོར་བའི་སྡུག་བསྔལ་ཁྲོ་ཆུའི་འཁྱུད་མོ་ལྟ་བུའི་ཀློང་དུ་ཉམ་ཐག་པར་གྱུར་པ་དག །བདག་གི་གསལ་ཆའི་རང་གདངས་ཀུན་ཏུ་སྣང་བའི་སྙིང་རྗེར་ཤར་བས་བསྒྲལ་ཏེ་ཟག་མེད་རྡོ་རྗེའི་གོ་འཕང་ལ་དགོད་དོ་སྙམ་པའི་རྗེས་ཐོབ་སྒྱུ་མ་ལྟ་བུའི་ངང་ནས། དེ་ལྟར་མ་རྟོགས་འཁྲུལ་པར་གྱུར་བ་ཡི༔ ཞེས་སོགས་དང་། སྔགས་དོན་ནི། དྷརྨ་ཆོས། དྷཱརྟུ་ཆོས་ཉིད། སཾ་བྷ་ཝ་ཧཱུཾ༔ ཞེས་པ་ཡང་དག་པ་འབྱུང་བའི་གནས་ཞེས་པའོ། །གསུམ་པ་ནི་སྔ་མ་ལས། གསུམ་པ་དབའ་བར་འགྲོ་བའི་ཏིང་འཛིན་གྱིས། དུ་མ་རོ་གཅིག་ས་བཅུའི་རྟོགས་པ་ཤར། །དུས་གསུམ་རྒྱལ་བའི་སྲས་པོས་གཞན་དོན་

(༡༦༠)མཛད། །རྩེ་མོ་ཐོབ་ནས་འཕེལ་བ་རྒྱུན་མི་འཆད། །ཅེས་གསུངས་པ་ལྟར་ཏིང་ངེ་འཛིན་གྱི་རྣམ་རོལ་ཟབ་མོ་དཔའ་ཉམས་སུ་ཤར་བའི་རྐྱེན་གྱིས་ཐེག་པ་ཆེན་པོའི་ལམ་ལ་ཞུགས་པའི་རྒྱལ་སྲས་ཀྱི་སྤྱོད་པ་རྨད་དུ་བྱུང་བས་གང་ལ་གང་འདུལ་གྱི་རོལ་པས་གདུལ་བྱ་འདུལ་བའི་ཕྱིར་དུ་འདི་ལྟར་བླ་མེད་རྡོ་རྗེ་ཐེག་པའི་མྱུར་ལམ། སྟོང་ཉིད་སྙིང་རྗེ་ཆེན་པོ་ཟུང་འཇུག་གི་རང་གདངས་སྒྱུ་མ་ལྟ་བུའི་རྫུ་འཕྲུལ་གྱི་རོལ་པ་ལས། ངོ་བོ་རང་གི་ཤེས་རིག་འགྱུར་བ་མེད་པའི་ཡེ་ཤེས། རང་བཞིན་དཔལ་ཀུན་ཏུ་བཟང་པོའམ། སྣང་མཐའ་རྡོ་རྗེ་སེམས་དཔའ་དེ་ཉིད། རྒྱུའི་ཧེ་རུ་ཀ དབུ་དང་ཕྱག་ཞབས་ཆ་ལུགས་རྣམ་འགྱུར་སོགས་བློས་དཔག་པར་མི་ནུས་ཤིང་། ནམ་མཁས་གར་ཁྱབ་སྐུ་ཡིས་ཁྱབ་ཅིང་། འདུལ་བྱེད་མ་ངེས་པའི་བཀོད་པ་གྲངས་མེད་པས་གང་ལ་གང་འདུལ་གྱི་རྫུ་འཕྲུལ་ལ་མངའ་བརྙེས་པ་དེ་ཉིད་སྡང་ལྟར་ལམ་གྱིས་གསལ་བཏབ་ལ། ཧྲཱིདོན་དམ་དབྱིངས་ལས་འབར་བའི་ཆོ་འཕྲུལ་ཤར། སོགས་ཀྱི་མཐར། སྔགས་དོན་ནི། ཙིཏྟ་ཞེས་པ་ཐུགས། པདྨ་བཛྲ་ནི་པདྨ་རྡོ་རྗེ། ཧཱུྃ་ནི་རང་བཞིན་གྱི་རྣམ་པར་དག་པའོ། །དེ་ལྟར་བཤད་མ་ཐག་པའི་ཏིང་ངེ་འཛིན་ནི་ཆོ་ག་གཞན་དང་མི་འདྲ་བར་གཞུང་འདི་ཉིད་ཀྱི་ཁྱད་ཆོས་བསམ་ལས་འདས་པ་ཞིག་གོ །གཉིས་པ་རྟེན་ལུས་དཀྱིལ་གྱི་རྣམ་པར་གཞག་པ་ལ་གསུམ། རྒྱས་པར་བཤད་པ་དང་། བསྡུས་ནས་བཤད་པ་དང་། ཟབ་མོ་ལུས་དཀྱིལ་ལ་བསྔགས་པ་བརྗོད་པའོ། །དང་པོ་ནི། ཆགས་ཚུལ། གནས་ལུགས། རྣམ་གཞག་སོགས་ནི་རྒྱས་པར་སྒྲོན་ཡི་གེ་ཤིན་ཏུ་མངས་པར་འགྱུར་བ་དང་། འདིར་ཚོགས་བཤད་ཀྱི་དབང་དུ་བཏང་ནས་མི་འགྲེལ་གྱི། དེས་ན་རིམ་པར་གཏེར་ཁ་འདི་ཉིད་ཀྱི་སྐུ་རྡོ་རྗེའི་གནས་ལུགས་དང་། ཡང་གསང་ཐུགས་སྒྲུབ་ཉི་ཟླ་ཁ་སྦྱོར། དེ་ཡང་གོ་བདེ་བའི་ལུགས་སུ་

(༡༦༡)བྱམས་པ་དགེ་བའི་བློ་གྲོས་ཀྱིས་མཛད་པའི་ལས་བྱང་མེ་ཏོག་ཕྲེང་མཛེས་ཀྱི་དོན་འགྲེལ་ནོར་བུའི་དོ་ཤལ་རྣམས་ལ་དཔྱིས་ཕྱིན་པར་རྟོགས་པར་བྱའོ། །གཉིས་པ་ནི། རྒོད་ཚང་རིན་པོ་ཆེའི་ཞལ་ནས་དགོངས་འདུས་དཀྱིལ་ཆོག་གི་དྲིས་ལན་དུ། ཆོག་དངོས་ཀྱི་སྐབས་ལ་བབས་ཚེ། བདག་བསྐྱེད་ལ་ནི་ཏིང་འཛིན་རྣམ་གསུམ་གཞལ་ཡས་ཁང་བསྐྱེད་པའི་ཚིག་དོན་དང་མཐུན་པར་བྱ་ཞིང་། སྲུང་གུར་འཁོར་ལོ་དང་བཅས་པའི་དབུས་སུ་གཙུག་ཏོར་འཁོར་ལོས་སྒྱུར་གྱི་སྐུ་རབ་ཏུ་ཆེ་བའི་ལྟོ་བའི་ནང་དུ་བདག་མདུན་ཐམས་ཅད་བསྐྱེད་པའི་ཡུལ་ཡིན་ཚེ། དང་པོར་བདག་བསྐྱེད་ལའང་ཆོ་ག་གཞུང་གཞན་སོ་སོར་ལ་ནི། རང་རང་གི་རྒྱུད་སྡེའི་རིམ་པ་ལྟར་མཐུན་པའི་སྒོམ་ཚུལ་ཐ་དད་འབྱུང་མོད་ཀྱི། ལས་བྱང་མེ་ཏོག་ཕྲེང་མཛེས་འདི་ནི་ལུང་ཨ་ནུ་ཡོ་ག་དང་མཐུན་པར། མ་བསྐྱེད་རྫོགས་པའི་ཚུལ་དུ་སྒོམ་པ་ཞེས་བྱ་བ་ཡིན་ཕྱིར། བྷྲཱུཾ་འབྱུང་བ་མེ་རླུང་འཁྲུག་པའི་གུར་ཁང་དབུས༔ ཞེས་སོགས་ཀྱིས་གཞལ་ཡས་ཁང་བསྐྱེད་པ་དེ་དག་ཀྱང་། འབྱུང་འདུས་ཀྱི་ཕུང་པོ་འདི་བཟོད་བྱིབས་བསྒྱུར་ནས་གཞལ་ཡས་ཁང་དུ་སྒོམ་རྒྱུ་ནི་མ་ཡིན་ཏེ། གཟུགས་ཕུང་ཁོ་རང་དཀྱིལ་འཁོར་གཞལ་ཡས་སུ་ལྷུན་གྱིས་གྲུབ་པ་ཡིན་པའི་ཚུལ་གྱིས་གསལ་འདེབས་པ་ཡིན་ལ། ཞེས་དང་། རང་གི་ལུས་ཉིད་གཞལ་ཡས་ཁང་གི་རང་བཞིན་ཡེ་ནས་ཡིན་པར་ཤེས་ཤིང་གསལ་འདེབས་པ་ཁོ་ནས་གཞལ་ཡས་ཁང་བསྐྱེད་པའི་མཆོག་ཏུ་འགྱུར་བར་གསུངས། ཞེས་པ་ལྟར་ཡིན་ཞིང་། འདི་ལ་ཁ་ཅིག་ན་རེ། ཡེ་ནས་ཡིན་གྱི་གསལ་ཡང་འདེབས་དགོས་པའི་གཞི་མ་གྲུབ། གྲུབ་ཟིན་པའི་དངོས་པོ་སོལ་བ་བརྡར་བས་དཀར་པོར་མི་འགྱུར་བ་དང་མཚུངས་སོ། །ཞེ་ན་ལན་དུ། ཡེ་ནས་ཡིན་ཀྱང་ཡིན་པར་ངེས་ཤེས་མ་རྙེད་ན་དོན་དུ་མི་འགྱུར་ཏེ། ཅིའི་ཕྱིར་ན། སྲོག་ཆགས་གྲོགས་སྒུར་ཚུན་ཆོད་ལ་བདེ་གཤེགས་

(༡༦༢)སྙིང་པོས་ཡུག་གཅིག་ཏུ་ཁྱབ་པས་དེ་ཐམས་ཅད་སངས་རྒྱས་ཤ་སྟག་ཏུ་འགྱུར་དགོས་ཀྱང་། རིག་པ་དད་མ་རིག་པའི་ཁྱད་པར་ཙམ་གྱིས་འཁོར་འདས་སུ་གྱེས་པ་ཡིན་མོད། ནམ་ཞིག་གནས་ལུགས་ཀྱི་དོན་ཕྱིན་ཅི་མ་ལོག་པར་རང་ངོ་རང་ཤེས་སུ་གྱུར་ནས་དེ་ལ་བརྟན་པ་ཐོབ་ཚེ་གྲོལ་ས་དེ་ལས་གཞན་མེད་པའི་ཕྱིར་རོ། །ཞེས་སྨྲས་ནས། སྔར་ལུང་དྲངས་པ་ལྟར་གཙུག་ཏོར་འཁོར་ལོས་སྒྱུར་བའི་ལྟོ་བ་རབ་ཏུ་ཆེ་བའི་ནང་དུ་བདག་མདུན་ཐམས་ཅད་བསྐྱེད་ཡུལ་དུ་བྱས་ནས་དང་པོ་བདག་བསྐྱེད་ནི་རང་ལུས་དཀྱིལ་འཁོར་གྱི་རང་བཞིན་དུ་རྣམ་གཞག་གཞན་ནས་འཁྱུད་པ་ལྟར་ལྷུན་གྲུབ་ཏུ་གནས་པའི་དག་དྲན་རྒྱུད་ལ་འབྱོར་བའི་ངང་ལས། བྷྲཱུྃ་འབྱུང་བ་མེ་རླུང་འཁྲུགས་པའི་ཕོ་བྲང་དབུས། སོགས་ནས། བདེ་དྲོད་མེ་དཔུང་འཁྲིགས་པའི་དཀྱིལ་ཡོངས་ན ཞེས་པའི་བར་གྱིས་རྟེན་ལུས་དཀྱིལ་གྱི་འཁོར་ལོར་གསལ་བཏབ་བོ། །གསུམ་པ་བརྟེན་པ་ལྷ་བསྐྱེད་པའི་རིམ་པ་དངོས་ནི། རྒྱུད་སྡེ་གཞན་ལྟར་སྐྱེ་གནས་རྣམ་པ་བཞིའི་བག་ཆགས་སྤྱོད་ཕྱིར་མངོན་བྱང་ལྔ་དང་། འདི་ལ་གསང་སྔགས་ཐུན་མོང་བའི་སྐབས་སུ། རྣལ་འབྱོར་རྒྱུད་དང་བསྟན་ནས་ཕྱིའི་མངོན་བྱང་ལྔ། རྣལ་འབྱོར་ཆེན་པོ་དང་བསྟུན་ནས་ནང་གིས་དོན་བྱང་ལྔ་ཞེས་རྡོ་རྗེའི་ལུས་གྲུབ་ཚུལ་དང་ལྟོ་སྦྱར་ནས་འཆད་པའི་སྔ་མ་ནི། རྣམ་དག་ཡེ་ཤེས་སེམས་དཔའ། གདན་ཉི་ཟླ། གསུང་ཡིག་འབྲུ། ཐུགས་ཕྱག་མཚན། སྐུ་ཡོངས་སུ་རྫོགས་པ་སྟེ་མངོན་པར་བྱང་ཆུབ་པ་ལྔ་དང་། ཕྱི་མ་ལྟར་ན་བརྟག་པ་དང་པོ་ལེའུ་བརྒྱད་པ་ནས། ཟླ་བ་མེ་ལོང་ཡེ་ཤེས་ལྡན། །བདུན་གྱི་བདུན་པ་མཉམ་པ་ཉིད། །རང་ལྷའི་ས་བོན་ཕྱག་མཚན་ནི། །སོ་སོར་རྟོག་པ་བརྗོད་པར་བྱ། །ཐམས་ཅད་གཅིག་རྒྱུར་ནན་ཏན་ཉིད། །རྫོགས་པ་ཆོས་དབྱིངས་དག་པ་སྟེ། །ཞེས་ཡེ་ཤེས་ལྔས་མངོན་པར་བྱང་ཆུབ་བའོ། །དེ་ལྟ་བུའི་བསྐྱེད་རིམ་གྱི་རྣམ་གཞག་རྒྱས་པར་འོག་མིན་བཟོད་པའི་ཐེམ་སྐས་ཞེས་པས་ཤིན་ཏུ་གསལ་བར་བྲིས་ཡོད་དོ། །ཆོག་གསུམ་ འོག་ཏུ་རྡོར་སེམས་བསྐྱེད་སྐབས་

(༡༦༣)འཆད་དོ། །ལ་སོགས་པའི་སྤྲོས་བཅས་ཀྱི་བསྐྱེད་རིམ་ལ་མ་ལྟོས་པར། འདི་ནི་རང་གི་རྣམ་པར་ཤེས་པ་ཚོགས་བརྒྱད་གནས་སུ་དག་པ་མཚོན་བྱེད་སྙིང་པདྨ་འདབ་བརྒྱད་ཀྱི་གདན་སྟེང་། དོན་དམ་དུ་ཐབས་ཤེས། ཀུན་རྫོབ་ཏུ་ཆགས་སྡང་གཉིས་པོ་ཟིལ་གྱིས་གནོན་ཕྱིར་ཁམས་དཀར་དམར་གཉིས་ཉི་ཟླའི་གདན་གྱི་ཚུལ་དུ་ལྷུན་གྲུབ་ཏུ་ཡོད་པའི་སྟེང་དུ། སྔར་གྱི་རྒྱུའི་ཧེ་རུ་ཀའི་ཐུགས་སྲོག་ག་ཡི་གེ་ཧཱུྃ་དེ་ཉིད་ནམ་མཁའ་ནས་བྱ་བབས་པ་ལྟར་བྱུང་སྟེ། རང་ཤེས་རིག་པའི་རྒྱལ་པོ་ལྷ་སྐུར་ལམ་གྱིས་ལྡང་བ་ཡིན་ཞིང་། དེ་ཡང་རིག་པ་ལ་སྐུ་གསུམ་རང་ཆས་སུ་ཡོད་པའི་རང་བཞིན་སྣང་བའི་ཆ་པདྨ་བཛྲ། ངོ་བོ་སྟོང་པའི་ཆ་ལྷ་ལྕམ་མནྡཱ་ར་བ། དེ་གཉིས་བདེ་སྟོང་དབྱེར་མེད་ཀྱི་ངང་ལས་ཐུགས་རྗེ་ཀུན་ཁྱབ་ཏུ་བཞུགས་པས་བསྐྱེད་རིམ་འཁོར་འདས་གཉིས་མེད་ཡིན་ལ། དེའི་རོལ་རྩལ་རྣམ་ཤེས་ཚོགས་བརྒྱད། ཉེ་ཉོན་ཉི་ཤུ། སེམས་བྱུང་ལྔ་བཅུ། རྟོག་ཚོགས་བརྒྱད་ཁྲི་བཞི་སྟོང་སོགས་སུ་ཤར་བ་དེ་དག །རྒྱུ་སེམས་ཅན་གྱི་དུས་ན་ཉོན་མོངས་པའི་རྟོག་ཚོགས། ལམ་རྣལ་འབྱོར་པའི་དུས་ན་ཉམས་དང་འཆང་སྒོའི་བྱེ་བྲག །འབྲས་བུ་སངས་རྒྱས་ཀྱི་དུས་ན་མཁྱེན་བརྩེ་མཛད་ཕྲིན་དུ་ཤར་བ་ཡིན་ཕྱིར་གནས་སྐབས་འདི་དག་ཏུ་སྒྱུ་མ་ལྟ་བུའི་རོལ་རྩལ་ལས་ཉི་མ་དང་འོད་ཟེར་ལྟ་བུར་འཁོར་གྱི་རྣམ་པར་ཤར་བ་སྟེ། གཞུང་ལས། སྐུ་མདོག་ཕྱག་མཚན་རྣམ་འགྱུར་དུ་མ་སྟེ༔ གཅིག་ཏུ་མ་ངེས་ཆོ་རོལ་སྣ་ཚོགས་སྟོན༔ སྣང་སྟོང་མ་འགགས་ལྷན་ནེ་ལྷང་ངེར་གསལ༔ ཞེས་དང་། གདངས་གསལ་མ་འགགས་རོལ་པས་ཚུལ་བཞིན་བསྐྱེད༔ ཅེས་གསུངས་པ་ལྟར་ངེས་ཤེས་བསྐྱེད་ཅིང་འདི་དག་གི་ཚུལ་ཞིབ་པ་ནི་འགྲེལ་བ་ནོར་བུའི་དོ་ཤལ་ནས་བཤད་པས་མི་འགྲེལ་ཞིང་། མཇུག་གི་སྔགས་དོན་ནི། ཨཱོྃ་ཨཱཧཱུྃ་ནི་སྐུ་གསུང་ཐུགས་ཀྱི་ས་བོན། གུ་

(༡༦༤)རུ་ནི་བླ་མ། ཤྲཱི་ནི་དཔལ། པདྨ་བཛྲ་ནི་པདྨ་རྡོ་རྗེ། ཧྲཱིནི་ཐུགས་སྲོག །དྷུ་མ་གྷ་ཡེ་ནི་ཡུམ་ལྷ་ལྕམ་མནྡཱ་ར་བའི་སྲོག་སྔགས། ཌཱཀྐི་ནི་མཁའ་འགྲོ། ན་མ་ཞེས་བྱ་བ། སྭཱ་ཧཱ་ནི་གཞི་ཚུགས་ཞེས་པ་དང་། འདི་ནས་མར་ཕྱོགས་མཚམས་ཀྱི་གཙོ་བོ་བརྒྱད་ཀྱི་ས་བོན་ཏེ་ཤར་ཕྱོགས་པ་ལ། བྷུདྡྷ་ནི་སངས་རྒྱས། ཐོད་ཕྲེང་རྩལ་ནི་མཚན་འགྱུར། བཻ་རོ་ཙཱ་ན་ཨོཾཱ༔ རྣམ་པར་སྣང་མཛད། སརྦ་བུདྡྷ་ནི་སངས་རྒྱས་ཐམས་ཅད། ཌཱཀྐི་ཧཱུཾ་ནི་མཁའ་འགྲོ་དང་། ལྷོ་ཕྱོགས་པའི་སྙིང་པོ། ཨཀྵོ་བྷྱ་བཛྲ་ནི་མི་བསྐྱོད་རྡོ་རྗེ། སུ་ཁ་ནི་བདེ་བ། དྷ་རི་ཧཱུྃ་ནི་དབྱིངས་ཀྱི་གཟུངས་མ་དང་། ནུབ་ཕྱོགས་པའི་སྙིང་པོ། པདྨ་བྷ་ཤ་ཧནི་པདྨ་དབང་ཕྱུག །ཌཱཀྐི་ནི་མཁའ་འགྲོ། ཀུ་རུ་ཀུལླེ་ཧྲཱི སྭཱ་ཧཱ་ནི་འདོད་པ་དབང་དུ་སྡུད་པའི་གཞི་ཚུགས་དང་། བྱང་ཕྱོགས་པའི་སྙིང་པོ་ནི། ཨ་ཙརྱ་ནི་སྤྱོད་པ་མེད་པ། མ་ཧཱ་ནི་ཆེན་པོ། བཛྲ་ནི་རྡོ་རྗེ། ཤཱནྟི༚་ནི་ཞི་བ། པདྨ་ནི་སྐྱོན་མེད། ག་རུ་ཏི་ནི་ཁྱུ་མཆོག །བྷྱོསྲོག་ཡིག །ཌཱཀྐི་ནི་ཧཱུྃ་ནི་མཁའ་འགྲོ་དང་། ཤར་ལྷོ་པའི་སྙིང་པོ། ཨ་རྩིཀྲ་ནི་ཤིན་ཏུ་ཁྲོས་པ། ནི་རྩིཀྲ་ནི་རབ་ཏུ་ཁྲོས་པ། མ་མ་རུ་ལུ་རུ་ལུ་ཧཱུཾ་བྷྱོ་ཧཱུཾ། ནི་སྲིད་པ་དབང་དུ་སྡུད་པའི་བདག་ཉིད། ལྷོ་ནུབ་པའི་སྙིང་པོ། བུདྡྷ་ཀ་པཱ་ལི་ནི་སངས་རྒྱས་ཐོད་པ། དཔའ་བོ་ཧཱུཾ་ནི་མཚན་འགྱུར། བུདྡྷ་པྲ་ནི་བྱང་ཆུབ་བརྟན་པ། ཌཱཀྐི་ནི་མཁའ་འགྲོ། མ་མ་རུ་ལུ་སྭཱ་ཧཱ་ནི་བདག་ཉིད་ཐབས་ཤེས་གཞི་ཚུགས། ནུབ་བྱང་པའི་སྙིང་པོ་ནི། བཛྲ་ཀྲོ་དྷ་ནི་རྡོ་རྗེ་ཁྲོ་བོ། །ཧྱ་གྷྲི་ཝ་ནི་རྟ་མགྲིན། མ་མ་ནི་བདག་ཉིད། ཨེ་ཀ་ཙ་ཏི་ནི་རལ་པ་གཅིག་མ། ཧཱུཾ་ནི་སྲོག་ཡིག །བྱང་ཤར་བའི་སྙིང་པོ་ནི། བཛྲ་པཱ་ཎི་ཕྱག་ན་རྡོ་རྗེ། མ་ཧཱ་ཀྲོ་དྷ་ནི་ཁྲོ་བོ་ཆེན་པོ། མ་མ་ནི་བདག་ཉིད། སིདྡྷི་ཧཱུཾ་ནི་དངོས་གྲུབ་སྩོལ། ཞེས་པ་དང་། གཞན་ཡང་སྔར་

(༡༦༥)བཤད་མ་ཐག་པའི་ལུས་དཀྱིལ་གྱི་བ་སྤུའི་བུ་ག་ཚུན་ཆོད་ལའང་། དཔའ་བོ་དང་དཔའ་མོ་རྣམ་འབྱུང་དང་ཆ་ལུགས་མ་ངེས་པ་བློས་དཔག་པར་མི་ནུས་ཤིང་ཉི་ཟེར་ལ་རྡུལ་འཁྲིགས་པའི་གྲངས་ལྟར་བཞུགས་པར་ངེས་ཤེས་བསྐྱེད་ཅིང་། སྔར་གྱི་རྒྱུའི་ཧེ་རུ་ཀའི་སྐུའི་རྣམ་པ་ནི་སྐབས་འདི་ཉིད་དུ་ནམ་མཁའ་ལ་འཇའ་ སྤྲིན་ཡལ་བ་ལྟར་ཆོས་ཀྱི་དབྱིངས་སུ་ཐིམ་པར་མོས་ལ། ཧྲཱིསྟོད་སྨད་པར་ཁྱམས་བ་སྤུའི་གྲོང་ཁྱེར་དུ༔ སོགས་དང་། མཇུག་གི་སྔགས་དོན་ནི་སྔར་ནས་བཤད་པས་གོ་སླ་བར་འགྱུར་རོ། །གསུམ་པ་ཟབ་མོ་ལུས་དཀྱིལ་ལ་བསྔགས་པ་བརྗོད་པ་ནི། དེ་ལྟར་ལུས་གཞལ་ཡས་ཁང་དུ་བསྐྱེད་ཅིང་སྒོམ་པ་ནི་དཀྱིལ་འཁོར་ཐམས་ཅད་ཀྱི་གཙོ་བོའམ། མཆོག་ཏུ་གྱུར་བ་ཞིག་ཡིན་ལ། གསར་རྙིང་དགོངས་པ་མཐུན་པར་རྒྱུད་སྡེ་འོག་མ་གཉིས་ལ་ནི་མིང་ཙམ་ཡང་མ་གསུངས་ཤིང་། ཡོ་ག་རྣལ་འབྱོར་གྱི་རྒྱུད་ལ་བདག་འཇུག་ཙམ་དགོངས་པའི་མིང་རྐྱང་ཙམ་ཞིག་སྔགས་གསར་མའི་རྒྱུད་ལ་བཤད། དེས་ན་འདི་ནི་ཐེག་པ་སྤྱི་སྐད་ལྟར་ན་བླ་ན་མེད་པའི་རྒྱུད་སྡེ་ཁོ་ནའི་ཐུན་མོང་མ་ཡིན་པའི་ཁྱད་ཆོས་དང་། རྙིང་མ་རང་སྐད་ལྟར་ན་ལུང་ཨ་ནུ་ཡོ་གའི་ཐེག་པ་ཁོ་ནའི་ཁྱད་ཆོས་ཏེ། རྒྱུ་མཚན་ནི། ཕྱིའི་བསྐྱེད་རིམ་མཐའ་དག་ནི་བློས་རྣམ་པར་སྒྲོ་བཏགས་པའི་ཁ་ཕྱིར་བལྟས་ཀྱི་རྣལ་འབྱོར་ཤ་སྟག་ཡིན་ལ། རྟེན་དང་བརྟེན་པ་ཐམས་ཅད་རང་དང་ཐ་དད་དུ་བལྟ་ཞིང་། ང་སྒྲུབ་བྱའི་འབྲས་བུ་ཡང་རང་ཉིད་མ་ཡིན་པར་ཕྱི་རོལ་དུ་ཞེན་པས་བྱིན་རླབས་འཇུག་པར་ཕུལ་བ་ནི། དཔལ་སམ་བུ་ཊི་ལས། ཆོས་ཀྱི་ཕུང་པོ་བརྒྱད་ཁྲི་དང་། །བཞི་སྟོང་དག་གི་ཆོ་ག་ཡིས། །ལུས་ཀྱི་དེ་ཉིད་མི་ཤེས་པས། །དེ་དག་ཐམས་ཅད་འབྲས་མེད་འགྱུར། །ཅེས་གསུངས་པས་མཚོན་ཏེ་རང་ཉིད་ལས་གཞན་པའི་སངས་རྒྱས་ཕྱི་རོལ་ནས་མི་འབྱུང་བའི་ཕྱིར་རོ། །ནང་

(༡༦༦)ཟང་།།།མོ་ལུས་ཀྱི་དཀྱིལ་འཁོར་ནི་ཁ་ནང་བལྟས་ཀྱི་རྣལ་འབྱོར་གཙོ་བོར་བྱེད་ལ། འབྱུང་འདུས་ཀྱི་རྟེན་གདོད་ནས་དཀྱིལ་འཁོར་གྱི་རང་བཞིན་དུ་ལྷུན་གྱིས་གྲུབ་པའི་དབུས་སུ། བརྟེན་པ་རང་ཤེས་རིག་པའི་རྒྱལ་པོ་རྡོ་རྗེའི་ལུས་གྲུབ་ཙམ་ཉིད་ནས་འདུ་འབྲལ་མེད་པར་ཞུགས་པ་ལ། ཡིན་ལ་ཡིན་པའི་ངེས་ཤེས་ཀྱིས་གནད་དུ་བསྣུན་ནས་བསྐྱེད་རིམ་གྱི་དུས་སུ་གཞལ་ཡས་ཁང་། རྫོགས་རིམ་གྱི་དུས་སུ་ཙཎྜ་ལིའི་མན་ངག་ལ་བརྟེན་ནས་བསྒོམས་པས་བྱིན་རླབས་འཕྲལ་དུ་འཇུག་ཅིང་དྲོད་རྟགས་མྱུར་དུ་ལོན་ནས། སྙིང་པོ་བདེ་ཆེན་གྱི་ཡེ་ཤེས་ཚེ་གཅིག་ལུས་གཅིག་ལ་མངོན་དུ་བྱེད་ནུས་པས་ཁྱད་པར་ཤིན་ཏུ་འཕགས་པ་ཡིན་ཏེ། ཡེ་ཤེས་མཁའ་འགྲོ་གསང་བའི་རྒྱུད་ལས། རྡོ་ཤིང་འདྲ་འབག་ལ་སོགས་པའི། གཟུགས་བརྙན་ཡོངས་སུ་རྫོགས་པ་དང་། །རས་དང་ཚོན་ལ་སོགས་པ་ཡི། །གཟུགས་བརྙན་ཡོངས་སུ་རྫོགས་པ་ལ། །ལྷ་ཡིན་ཟེར་ནས་མཆོད་སོགས་བྱེད། །བཅོས་མའི་ལྷ་ཚོགས་དེ་ལྟར་ན། །ཕུང་སོགས་ཡེ་ནས་སངས་རྒྱས་ལ། །ཅི་ཡི་ཕྱིར་ན་མཆོད་མི་བྱེད། །ཅེས་གསུངས་པའི་ཕྱིར་རོ། །དེས་བདག་བསྐྱེད་ཨ་ནུའི་ལུགས་སུ་སྒོམ་ཚུལ་རྣམས་བཤད་ཟིན་ཏོ།། །།ད་ནི་ས་བཅད་ལ་མ་ལྟོས་པར་རྣམ་པར་མ་དག་པའི་ལག་ལེན་འགའ་ཞིག་ལ་ཕུང་དང་རིག་པ་གཉིས་ཀའི་སྒོ་ནས་བྱི་དོར་བྱ་སྟེ། དེ་ཡང་གནས་སྐབས་འདི་ཉིད་དུ་མདུན་བསྐྱེད་ཀྱི་མིང་ཙམ་ཡང་མ་བསྒྲུབས་པར་ཞི་ཁྲོའི་བཤགས་སྐོང་གི་སླད་དུ་པདྨ་བཛྲ་རྩལ་གྱི་ཐུགས་ཡེ་ཤེས་ཆེན་པོའི་ཀློང་དཀྱིལ་ཞེས་ཞི་ཁྲོ་དམ་པ་རིགས་བརྒྱ་དམར་འཇུས་སུ་བསྐྱེད་པ་ནི་ལ་ལའི་ལུགས་སུ་སྣང་སྟེ། དེ་ནི་བདག་མདུན་གྱི་རྣམ་དབྱེ་གཏན་ནས་མགོ་བ་ཞིག་གིས་གྱ་ཚོམས་སུ་བྱས་པའི་རྗེས་སུ་ཆུང་ན་ལམ་ཞུགས་ཡིན་པར་མངོན་ལ་ཤིན་ཏུ་མི་རིགས་ཏེ། དེ་

(༡༦༧)ལྟ་ན་ཞི་ཁྲོ་བདག་བསྐྱེད་ཀྱི་ཐུགས་ཀར་བསྐྱེད་པ་ཡིན་ཏེ། སྒྲུབ་མཆོད་དང་བཤགས་སྐོང་ལ་སོགས་མདུན་བསྐྱེད་གཙོ་བོར་བྱ་དགོས་པའི་གནས་སྐབས་འདི་ལྟ་བུ་ལ་མདུན་བསྐྱེད་ཀྱི་མིང་ཙམ་འབྱུང་བ་གཞུང་གི་དགོངས་པ་ནི་མ་ཡིན་པ་འོག་ཏུ་འཆད་ལ། རིགས་མཐུན་གྱི་ཆོ་ག་གཞན་ལའང་ཡོང་བར་སྣང་བས་མ་ཐོས་སོ། །བྱས་པས་ཅུང་ཟད་རྣ་བས་ཐོས་ལ་སྣང་ལ་མ་ངེས་པའི་སྐྱེ་བོ་ཞིག་ན་རེ། སྐྱོན་མེད་དེ་བདག་མདུན་མཉམ་སྒྲུབ་ཏུ་བྱས་པ་ཡིན་ནོ་ཞེན་མི་འདོད་དོ། །བདག་བསྐྱེད་ལུས་དཀྱིལ་ཁོ་ནར་བརྟེན་ནས་བསྒྲུབས་པ་ལ་མདུན་བསྐྱེད་མཉམ་དུ་ཚིག་སྦྱོར་གཅིག་གིས་བསྐྱེད་པ་ནི་མི་རིགས་པ་རིག་པས་ཀྱང་འགྲུབ་སྟེ་གང་ནས་ཀྱང་མ་བཤད་དོ། །ཡང་གཞུང་འདི་ཉིད་ལ་ཧ་ཅང་མ་འདྲིས་ཤིང་རྒྱས་འདེབས་ཀྱི་ལྟ་བས་ཧར་སྤྱོད་དུ་སྨྲ་བ་ཞིག་ན་རེ། སྐྱོན་མེད་དེ། འདུན་བསྐྱེད་སྐད་ཅིག་དྲན་རྫོགས་སུ་ཨ་ཏི་ཡོ་གའི་ལུགས་སུ་གསལ་བ་ཡིན་ནོ། །ཞེ་ན། དེ་ཡང་མི་འཐད་དེ། གཞན་དོན་སྤྲོས་བཅས་ཁོ་ན་དང་འབྲེལ་བའི་ཚེ་དཀྱིལ་འཁོར་ཆེན་པོ་འདི་ལྟ་བུ་ལ་དག་དྲན་ཙམ་ཡང་མེད་པར་སྐད་ཅིག་དྲན་རྫོགས་ཀྱིས་སྤྲོས་པ་ཉེར་བསྒྲུབ་ན། ཞི་ཁྲོ་ཡང་བསྐྱེད་པར་མི་འཐད། ཚིག་དང་མངོན་རྟོགས་ལ་མ་ལྟོས་པས་སྐད་ཅིག་དྲན་རྫོགས་སུ་བྱ་དགོས། དེ་བཞིན་དུ་མཆོད་བསྟོད་སྐད་ཅིག་དྲན་རྫོགས། བཤགས་སྐོང་སྐད་ཅིག་དྲན་རྫོགས། ཅི་ཀ་དེ་ལྟ་ན་མཚན་མ་རྫས་ཀྱི་དཀྱིལ་འཁོར་དང་བཤམ་དགོད་གཞུང་ནས་གསུངས་ཚད་ཐམས་ཅད་ལ་སེལ་འཇུག་བྱ་དགོས་སོ། །གཞུང་གི་དགོངས་པ་ཁས་ལེན་ན། ཞི་ཁྲོའི་མངོན་རྟོགས་སྒོམ་ཁའི་ཡིག་ཆུང་ལས། ཁྱད་པར་ལྷ་བསྐྱེད་པའི་སྐབས་ལ་འབབ་པའི་ཚེ༔ བསྐྱེད་པ་མ་ཧཱ་ཡོ་ག་ལྟར་གྱི་མངོན་རྟོག་བསྒོམ་པའི་མདུན་བསྐྱེད་

(༡༦༨)ཀྱི་གཙོ་བོའི་ཐུགས་ཀར༔ རང་བཞིན་ཞི་ཁྲོ་རང་གསལ་གྱི་ལྷ་ཚོགས་རྣམས་ཀྱང་བཤགས་སྦྱོང་གི་དབང་པོར་གསལ་གདབ་པ་ནི། །ཞེས་གསུངས་པས་ཤིན་ཏུ་གསལ་བར་གོ་ནུས་ཤིང་། གཞན་ཡང་རྒོད་ཚང་རིན་པོ་ཆེས། དཀྱིལ་ཆོག་གི་དྲིས་ལན་སྔ་མའི་འཕྲོར། དེ་ལྟར་བདག་བསྐྱེད་ཀྱི་ལས་གཞུང་རྣམས་ཐམས་ཅད་མཐར་ཆགས་སུ་བགྱིས་གྲུབ་ལ་དང་། བདག་བསྐྱེད་ཀྱི་སྔར་གྱི་ཐུགས་སྲོག་དེ་ཉིད་པདྨ་བཛྲ་ལ་ཧྲཱིདམར་པོར་བསྒྱུར་བ་ཡིན་ཞིང་། དེ་ལས་འབྱུང་བ་རིམ་བརྩེགས་ཀྱི་ས་བོན་རྣམས་སྤྲོས་ཏེ། ཨེ་ལས་ནམ་མཁའ་ཡཾ་ལས་རླུང་། བྷྲཱུཾ་ལས་གཞལ་ཡས་ཁང་སོགས་མངོན་རྟོགས་དེ་ཉིད་ཀྱི་ཚིག་དང་མཐུན་པར་བསྐྱེད། དཀྱིལ་འཁོར་ལྷར་བཅས་ཀྱང་གཙུག་ཏོར་འཁོར་སྒྱུར་གྱི་ལྟེ་བར་བདག་བསྐྱེད་དང་ཞལ་སྤྲོད་ཀྱི་ཚུལ་དུ་གསལ་ནས་ཆོ་གའི་ལས་རིམ་རྣམས་ཐམས་ཅད་བྱའོ། །ཞེས་གསུངས་པ་ལྟར་ཡིན་ནོ། །དེ་ལ་གཞུང་ནས་གསུངས་པའི་བསྐྱེད་པ་མ་ཧཱ་ཡོ་ག་ལྟར་གྱི་མངོན་རྟོགས་ཞེས་པ་ནི། གཞུང་འདི་ཉིད་ཀྱི་མངོན་རྟོགས་རིན་ཆེན་ཕྲེང་བའམ། མངོན་རྟོགས་ཆེན་མོར་གྲགས་པ་བསྐྱེད་པ་མ་ཧཱ་ཡོ་གའི་ལུགས་སུ་རྒྱ་ཆེ་བར་བཤད་པ་དེ་ཡིན་ཅིང་། དེ་ཡང་གཞུང་གི་དགོངས་པ་ཇི་བཞིན་བྱེད་ན་ལས་བྱང་མེ་ཏོག་ཕྲེང་མཛེས་ལ་སྔར་ཞིབ་ཏུ་བཤད་པ་ལྟར་སྔོན་འགྲོའི་ལས་རིམ་ཚངས་པའི་སྒྲ་དབྱངས་བཞིན་དང་སྲུང་འཁོར་མ་ཧཱ་ཡོ་གའི་ལུགས་སུ་རྣམ་གཞག་འདི་ཉིད་ས་བཅད་ཁོ་ན་བྱས་རྗེས་བདག་བསྐྱེད་རྐྱང་པ་མེ་ཏོག་ཕྲེང་མཛེས་གཞུང་སོར་བཞག་མཐར་ཆགས་སུ་བྱས། དེ་ནས་མངོན་རྟོགས་རིན་ཆེན་ཕྲེང་བའི་བསྐྱེད་རིམ་ལ་འཇུག་པ་མདུན་བསྐྱེད་ཡིན་ཏེ། དེ་ཡང་སྲུང་འཁོར་སྒོམ་ཚུལ་རྣམས་བདག་མདུན་གཉིས་ཀའི་སྒྲུབ་ཁོག་ཐུན་མོང་དུ་འགྲོ་དགོས་ཕྱིར་སྔར་ནས་སོང་བས་འདིར་ཆེད་དུ་མི་དགོས་ཤིང་། དངོས་གཞིའི་

(༡༦༩)ལས་རིམ་དེ་ཉིད་ལས། བདག་ཉིད་རྒྱུའི་ཧེ་རུ་ཀའི་རྫུ་འཕྲུལ་ལས་བྱུང་བའི་གཙུག་ཏོར་འཁོར་ལོས་སྒྱུར་བའི་ལྟོ་བ་ཡངས་ཤིང་རྒྱ་ཆེ་བ་ཆོས་ཀྱི་དབྱིངས་དང་མཉམ་པའི་དབུས་སུ། ཞེས་པ་ནས་རྟེན་དང་བརྟེན་པ་ཐམས་ཅད་གཞུང་བཞིན་གསལ་བཏབ་རྗེས། སྤྱན་འདྲེན་སོགས་མ་བྱས་པར་སྐབས་འདིར་ཞི་ཁྲོ་དམ་པ་རིགས་བརྒྱ་བསྐྱེད་ནས། སྔར་གྱི་འཕྲོ་ནས་སྤྱན་འདྲེན་མཆོད་བསྟོད་ལ་སོགས་དེ་གའི་གཞུང་ལྟར་བྱ་ཞིང་། དེ་ནས་བཤགས་སྐོང་གི་ཡན་ལག་ལ་འཇུག་པ་ཡིན་ཏེ། ཞི་ཁྲོའི་བསྐྱེད་རིམ་གྱི་མཇུག་གི་ཡིག་ཆུང་ལས། ཆུལ་ཅན་དེ་ལྟ་བུས་ལས་གཞུང་མངོན་རྟོགས་སྒྲུབ་པ་ཆེན་མོ་དང་བསྟུན་ལ་ཁོག་དབུང་བར་བྱའོ༔ ཞེས་གསུངས་པའི་དགོངས་དོན་ཡིན་ཞིང་། ལར་ནི་འདི་ལ་ཆོག་ཁྲིགས་དབྱིས་ཕྱིན་པ་བཀླགས་ཆོག་ཏུ་ཡོད་པ་ལྟ་བུ་ཞིག་མེད་ན། ཆོག་གཞུང་བཞན་དང་མི་འདྲ་བར་སྒྲུབ་ཁོག་ཤིན་ཏུ་དཔག་པར་དཀའ་བས་མངོན་རྟོགས་རྒྱས་འབྲིང་བསྡུས་གསུམ་ཐམས་ཅད་ཀྱི་དགོངས་དོན་ཕན་ཚུན་ལྟོ་སྦྱར་རྒྱུ་ཆེས་མང་བར་འདུག་པའི་དབང་གིས་ཆོས་བཀའ་འདི་ཉིད་ཀྱང་དར་ལ་མ་སྨིན་པའི་བབ་ཆོལ་སྣ་ཚོགས་སུ་ཡོད་ལས་ཆེ་ཞིང་། ཅིའི་ཕྱིར་ན་ལ་ལས་ཞི་ཁྲོ་མེ་ཏོག་ཕྲེང་མཛེས་ལ་སྦྱར་ནས་བཏང་། ལ་ལས་ནི་ཞི་ཁྲོའི་དཀྱིལ་ཆོག་དང་འབྲེལ་བའི་བཤགས་སྐོང་ལ་བརྟེན་ནས་སློབ་མ་ལྷག་གནས་བྱེད། ལ་ལས་མདུན་བསྐྱེད་མེད་པར་སྨན་སྒྲུབ་ལ་སོགས་པའི་སྒྲུབ་ཆེན་འཛུགས། ལ་ལས་བདག་བསྐྱེད་ཨ་ནུའི་ལུགས་མེ་ཏོག་ཕྲེང་མཛེས་འདི་ཀུན་གྱི་ཁོག་འབུབས་ཡིན་ཡང་། ཆོ་ག་གཞན་ལ་དཔེར་བརྗོད་ཀྱིས་འདི་ཉིད་བཞག་ནས་ལས་གཞུང་གཞན་ལས་བདག་མདུན་མཉམ་སྒྲུབ་བྱེད། དེ་དག་ནི་ཤིན་ཏུ་རིགས་པ་མ་ཡིན་ཞིང་། འཛིན་མའི་ཁྱོན་རྒྱ་ཆེས་པའི་གཤིས་ལ་གསེར་ཆོས་འདི་ཀུན་ཏུ་གྲགས་ཆེ་བས་ཆོག་ཁྲིགས་ནག་འགྲོས་མ་ཞིག་

(༡༧༠)ཡོད་མེད་ཀྱི་ཚོད་ཅི་ལ་བཟུང་བར་ནུས་ཀྱང་། ཁོ་བོས་ནི་མཐོང་སྟོབས་དམན་པའམ་མཚོར་ཞིང་། འོན་ཀྱང་རྩེ་ལེ་རིག་འཛིན་པས་དཀྱིལ་ཆོག་གི་སྐོར་ལ་དྲིས་ལན་དུ་འདུག་པ་དེ་ཉིད་ནི་ཤིན་ཏུ་དཔྱད་བཟོད་པའི་གནས་སུ་མཐོང་ནས་འདི་ཉིད་དུའང་ལུང་དྲངས་ནས་ཡིད་རྟོན་པའི་གནས་སུ་བྱས་མོད། ད་ལམ་བརྩམས་པའི་ཆོ་གའི་རྣམ་གཞག་འདི་ནི། སྐོང་བཤགས་ཁོ་ན་གཙོ་ཆེ་བའི་ལུགས་སུ་བཤད་པ་ཡིན་ཕྱིར་གོང་དུ་བཤད་པ་ལྟར་གཞུང་གི་དགོངས་པ་ཇི་བཞིན་བྱ་དགོས་ཚེ་ཉིན་རེ་ལ་ཆོ་ག་ཚར་རེ་ལས་འགྲེ་ཐེབས་མེད་པར་མ་ཟད་ད་ལྟ་དར་རྒྱས་ཆེ་བ་ཕལ་དང་མ་མཐུན་པས་བྱ་རོག་དཀར་པོར་སོང་གིས་དོགས་ནས་གནའ་བོའི་ལུགས་འཁྱི་དོར་དང་བཅས་བརྩམས་མོད། འོན་ཀྱང་ཅ་ཅོ་སྒྲོག་པ་ལ་ཀུན་ནས་ཉོན་མོངས་པའི་བ་གླང་རྫི་བོ་དང་། འདུ་ཤེས་འཁྲུལ་བའི་སྨྱོན་པ་ཁོ་ན་འུད་ཆེ་བར་གདའ་བས་འདི་སྐད་དུ། སྔོན་བདག་གི་མེས་པོ་མཁས་གྲུབ་འཛོམ་པ་ཆེ་གེ་མོ་དང་། བདག་གི་ཕོ་བོ་ཁམས་གསུམ་དབང་སྡུ་དག་གེ་མོས་ཀྱང་འདི་ལྟར་མི་མཛད་པ་ལ། ཤིན་ཏུ་དམན་ཞིང་བླུན་པ་ཁྱོད་ལྟ་བུས་ཡིད་བརྟན་མེད་པའི་གཏན་ཚིགས་སྨྲ་བ་ཞེས་དངོས་སུ་སྡང་མིག་གིས་གཟིར་ཞིང་ལྐོག་ཏུ་ངན་སྨྲས་ཀྱི་འགྲུག་སྒྲ་ལྡིར་བདག་ལ་ནི་ཇི་སྐད་དུ་ལུང་བསྟན་བཀའ་རྒྱ་མ་ནས། ཆོ་ག་དབྱངས་དང་རོལ་མོའི་སྒྲ་ལ་རེ༔ མཁས་གྲུབ་ཡི་ཆད་ཉན་བཤད་བསྟན་པ་ནུབ༔ ཅེས་གསུངས་པའི་བདེན་པའི་རྔ་བོ་ཆེ་སྒྲོག་པའི་དུས་ལ་བབ་པ་ལགས་ན་བེམ་པོ་ལ་དབྱུག་པས་བསྣུན་པ་བཞིན་དུ་ཚིག་གིས་བཀྲོལ་ཐབས་མེད་པས་ཡིད་དབྱུང་བའི་ངང་ནས་ཁྲོ་བར་མ་གྱུར་ཅིག །ཉེས་པ་ཁས་ལེན་ནོ། །ཞེས་རངས་པར་བྱ་ཡིས་ཚངས་པར་མཛད་པར་རིགས་སོ།། །།གཉིས་པ་མ་ཧཱ་ཡོ་གའི་ལུགས་སུ་མདུན་བསྐྱེད་དམ། ཚོགས་ཞིང་བསྒྲུབ་པ་ལ་གཉིས། རྟེན་གཞལ་ཡས་ཁང་ལ་སྒྲ་བཤད་གཞག་པ་

(༡༧༡)དང་། རྟེན་དང་བརྟེན་པ་ཀུན་གྱི་བསྐྱེད་ཆོ་ག་བཤད་པའོ། །དང་པོ་ལ་གཉིས། དཀྱིལ་འཁོར་གྱི་སྒྲ་བཤད་དང་། རྣམ་གྲངས་སོ། །དང་པོ་ནི། སྔ་རབས་ཀྱི་མཁས་པ་དག །གཙོ་བོ་ལ་དཀྱིལ་དང་། འཁོར་ལ་འཁོར་ཞེས་འདོད་པ་དང་། མཁས་པ་ཁ་ཅིག་བརྟེན་པ་ལྷ་ལ་དཀྱིལ་དང་། རྟེན་གཞལ་ཡས་ཁང་ལ་འཁོར་དུ་འདོད་པ་དང་། ཡང་ལ་ལར། འཇིག་རྟེན་ལས་འདས་པ་ལ་དཀྱིལ་དང་། འཇིག་རྟེན་པ་ལ་འཁོར་ཞེས་འདོད་པའི་རྣམ་དབྱེ་ཐ་དད་ཀྱང་། སྔ་འགྱུར་རང་ལུགས་ལ་ཚོམ་བུ་དང་དཀྱིལ་འཁོར་ཞེས་དབྱེ་བ་བྱ་སྟེ། ཏནྟྲ་སྡེ་བཅོ་བརྒྱད་ཀྱི་བཅུད་ཕུར་སྒྱུ་འཕྲུལ་གསང་བ་སྙིང་པོའི་འགྲེལ་པ་གཡུང་ལུགས་ལས། ལྷ་རྣམས་གྲངས་བྱུང་རྫོགས་ཀྱི་ངོས་ནས་བཞག་པའི་ལྷ་གྲངས་དང་གྲལ་མ་ངེས་པ་ཅན་ལ་དཀྱིལ་འཁོར་དང་། གཙོ་བོའི་ངོས་ནས་བཞག་པའི་ཚོམ་བུ་གཅིག་གསུམ་ལྔ་པ་ཞེས་དོན་ལ་གཙོ་འཁོར་དང་ལྷ་གྲངས་གྲལ་ངེས་ཅན་ལ་ཚོམ་བུ་ཞེས་བཞེད་པར་སྣང་སྟེ། དེས་ན་འདི་ཡང་ཕྱི་མ་ལྟར་འདོད་པའོ། །གཉིས་པ་ནི། དབྱེ་བ་ལ་རྣམ་གྲངས་ཤིན་ཏུ་མང་བར་འབྱུང་སྟེ། འདིར་འདོམས་ནས་འཆད་ན། ཡེ་ནས་རང་བཞིན་དུ་ལྷུན་གྱིས་གྲུབ་པ་རང་བྱུང་འོད་ལྔའི་དཀྱིལ་འཁོར། མ་བསྐྱེད་ཡེ་རྫོགས་སུ་གྲུབ་པ་ཟབ་མོ་ལུས་ཀྱི་དཀྱིལ་འཁོར། རྣལ་འབྱོར་པའི་རིག་རྩལ་གྱིས་བསྒོམས་པའི་ལྷག་པ་ཏིང་ངེ་འཛིན་གྱི་དིལ་འཁོར། བདེ་ཆེན་ཡེ་ཤེས་ཀྱི་འབྱུང་གནས་ཕྱག་རྒྱ་བྷ་གའི་དཀྱིལ་འཁོར། བློས་བླངས་དང་རས་བྲིས་རྡུལ་ཚོན་ལ་སོགས་ཏེ་བཅོས་མ་གཟུགས་བརྙན་གྱི་དཀྱིལ་འཁོར་ཏེ་རྣམ་པ་ལྔར་འདུ་སྟེ། ཕྱི་མའི་རྣམ་གཞག་ཞིབ་པ་ནི་གཞུང་འདི་ཉིད་ཀྱི་དཀྱིལ་འཁོར་གྱི་རྣམ་དག་གསལ་བའི་འོད་དང་། མ་ཧཱ་ཡོ་གའི་ལུགས་སུ་བསྟན་པའི་

(༡༧༢)མངོན་རྟོགས་སྒོམ་ཁོག་ཆེན་མོར་བསྐྱེད་ཆོག་དང་དག་དྲན་བསྒྲགས་ནས་གསུངས་པ་ལས་ལྷག་པ་བདག་གིས་བསྐྱར་ཟློས་བྱ་དོན་མེད་དོ། །གཉིས་པ་ཚོགས་ཞིང་གི་ཆེད་དུ་མདུན་བསྐྱེད་བསྒྲུབ་པ་ལ་གཉིས། རྩ་བའི་དཀྱིལ་འཁོར་བརྟེན་པ་དང་བཅས་པ་བསྐྱེད་པ་དང་། ཚོགས་ཞིང་གི་དབང་པོར་ཞི་ཁོ་བསྐོས་སུ་གསལ་འདེབས་པའོ། །དང་པོ་ལ་གཉིས། བསྡུས་པའི་ལུགས་སུ་བསྐྱེད་པ་དང་། ཤིན་ཏུ་བསྡུས་ནས་བསྐྱེད་ཚུལ་བཤད་པའོ། །དང་པོ་ནི། མངོན་རྟོགས་བསྡུས་པ་རིན་ཆེན་ཕྲེང་བ་ནས་བཤད་པ་ལྟར་བསྐྱེད་པ་ཡིན་ཏེ། དེ་ཡང་སྔར་སྲུང་འཁོར་གྱི་སྐབས་སུ་བཤད་པའི་གཙུག་ཏོར་འཁོར་ལོས། སྒྱུར་བ་སྐུ་རབ་ཏུ་ཆེ་བའི་ལྟོ་བའི་ནང་དུ་བདག་བསྐྱེད་དང་ཞལ་སྤྲོད་ཀྱི་ཚུལ་དུ་ལུས་དཀྱིལ་གྱི་ལྷའི་ཐུགས་སྲོག་ཧྲཱིཡིག་དམར་པོར་གསལ་བ་དེ་ལས་མདུན་དུ་འབྱུང་བ་རིམ་བརྩེགས་ཀྱི་ས་བོན་རྣམས་ཚིག་དོན་འབྲེལ་ཆགས་པར་སྤྲོ་ཞིང་། ཨོཾ་སྭ་བྷཱ་ཝ་སོགས་དང་། མི་དམིགས་པ་སྟོང་པ་ཉིད་དུ་གྱུར། སྟོང་པའི་ངང་ལས་མདུན་གྱི་ནམ་མཁར་སྲུང་བའི་འཁོར་ལོ་ཡངས་ཤིང་རྒྱ་ཆེ་བའི་དབུས་སུ། ཨེ་ཡཾ་ར་སུཾ་ཀེ༚་རཾ་བྷྲཱུཾ། སོགས་ཀྱི་མངོན་རྟོགས་མཐར་ཆགས་ནས། དམ་ཚིག་གི་འཁོར་ལོ་ལ་ཐིམ་པར་གྱུར་ཅིག་ཅེས་པའི་བར་གྱིས་བདག་བསྐྱེད་གསལ་བཏབ་རྗེས། པདྨ་བཛྲ་རྩལ་གྱི་ཐུགས་ཡེ་ཤེས་ཆེན་པོའི་ཀློང་དཀྱིལ་རང་བཞིན་འོད་ལྔ་འཁྲུགས་པའི་དབུས་སུ། ཞེས་ཉོན་མོངས་སྲེག་བྱེད་ལས་བྱུང་བའི་ཞི་ཁྲོ་དམ་པ་རིགས་བརྒྱ་གསལ་འདེབས་པ་ཡིན་ནོ། །གཉིས་པ་ནི། གལ་ཏེ་མངོན་རྟོགས་དེ་ཡང་སྒོམ་པར་མ་ནུས་ན་ཤིན་ཏུ་བསྡུས་པའི་ལུགས་སུ་བཤད་པ་ལ་གཉིས། ལས་བྱང་ཚངས་པའི་སྒྲ་དབྱངས་དང་མེ་ཏོག་ཕྲེང་མཛེས་གཉིས་ལས་གཞུང་ཚིག་ཁ་གྲུ་མ་ཉམས་པར་བཏུས་ཏེ་ཉུང་ངུའི་མངོན་རྟོགས་མི་འགལ་བའི་ལུགས་སུ་བཤད་པ་དང་། དེ་ལ་ཞི་ཁྲོ་སྦྱར་ཚུལ་ལོ། །དང་པོ་ནི། བསྐྱེད་ཡུལ་སྔར་ནས་བཤད་པ་ལྟར་ལས་མངོན་རྟོགས་བསྡུས་པ་རིན་ཆེན་ཕྲེང་བའི་མལ་དུ་འདི་ཉིད་འཇུག་སྟེ། བདག་བསྐྱེད་

(༡༧༣)ཀྱི་ཐུགས་ཀའི་ཧྲཱིཡིག་ལས་བྱུང་བའི་ས་བོན་རྣམས་ཚིག་དོན་མཐུན་པར་སྤྲོ་ཞིང་། ཨེཀུན་བཟང་མཁའ་ཀློང་ངང་དུ་དབྱེར་མེད་ཀྱང་ ལོག་རྟོག་འཁོར་བའི་སྐྱེ་འགྲོ་བསྒྲལ་སླད་དུ༔ མཐའ་དབུས་མེད་པ་ནམ་མཁའི་དཀྱིལ་འཁོར་ནས༔ སྐྱོད་བྱེད་གཡོ་བ་རླུང་གི་རྒྱ་གྲམ་གཏམས༔ དམར་ནག་འཕྱོ་བ་རཀྟའི་རྒྱ་མཚོ་འཁྱིལ༔ ཞིང་ཆེན་ས་གཞི་མཐའ་དབུས་མེད་པར་བརྡལ༔ ཀེ༚་རུས་རིན་ཆེན་རི་རབ་དབྱིངས་དང་མཉམ༔ ཡེ་ཤེས་བསྐལ་པའི་མེ་དབུང་རབ་ཏུ་འབར༔ ཨེ་ཡཾ་ར་སུཾ་ཀེ༚་རཾ༔ དུག་ལྔ་རང་གྲོལ་ཕོ་བྲང་གཞལ་ཡས་གདན༔ འགག་མེད་ཡི་གེ་འབྲུ་ལྔའི་འཕྲོ་འདུ་ཡིས༔ བདེ་གཤེགས་རིགས་ལྔའི་ཆོ་འཕྲུལ་འབྱུང་བ་ལྔ༔ སྐུ་གསུམ་དབྱིངས་སུ་ཡེ་ནས་ལྷུན་གྲུབ་ཅིང་། །དཀྱིལ་འཁོར་ཕོ་བྲང་བཏེག་པའི་ཚུལ་དུ་ཤར། །གཞལ་ཡས་ཆེན་པོ་དགྱེས་ཤིང་བརྟན་པར་བཞུགས། ཨེ་མ་ནི་མཎྜལ། ཡཾ་ཀརྨ་མཎྜལ༔ ར་རཀྟ་མཎྜལ༔ སུཾ་ཏིཀྞཱ་མཎྜལ༔ ཀེ༚་ནིརྟི་མཎྜལ༔ རཾ་ཛྭ་ལ་མཎྜལ་ཧཱུཾ༔ ཞེས་པས་འབྱུང་བ་རིམ་བརྩེགས་རྣམས་བསྐྱེད། དེ་ནས་གཞལ་ཡས་བསྐྱེད་པ་ནི། ཧྲཱིབྷྲཱུྃ་བྷྲཱུྃ་ལས་ཕོ་བྲང་རིན་ཆེན་གཞལ་ཡས་ཁང་༔ ཡངས་ཤིང་རྒྱ་ཆེ་ཕྱི་ནང་མེད་པར་གསལ༔ སྐུ་གསུམ་ཡེ་ཤེས་ལྔའི་རང་མདངས་ཤིན་ཏུ་ཕྲ་བའི་རྣམ་པར་རྟོག་པ་རླུང་ལྔའི་རོལ་རྩལ་བཅུད་དུ་སྨིན་པའི་ས་བོན། ཧྲཱི་ཡིག་ལས་རིམ་བཞིན་ཐིགས་པས་སྣོད་བཅུད་དང་པོར་ཆགས་པའི་ཐ་མལ་གྱི་སྣང་ཞེན་ལུགས་པས་ལྡོག་སྟེ་རྟེན་དང་བརྟེན་པའི་སྣང་ཆང་བསྒྲུབ་ཕྱིར། ཨེ་ལས་ནམ་མཁའ་མཐའ་དབུས་དང་བྲལ་བ་སྤྲོས་བྲལ་ཀུན་ཏུ་བཟང་མོའི་མཁའ་ཀློང་། ཡཾ་ལས་གལ་བྱེད་རླུང་གི་རྒྱ་གྲམ་དམ་ཚིག་སྒྲོལ་མའི་མཁའ་ཀློང་། ར་ལས་རཀྟའི་རྒྱ་མཚོ་འཕྱོ་ཞིང་གཤེར་བ་མཱ་མ་ཀཱིའི་མཁའ་ཀློང་། སུཾ་ལས་ཞིང་ཆེན་གྱི་ས་གཞི་བརྟན་པ་སངས་རྒྱས་སྤྱན་མའི་མཁའ་ཀློང་། རཾ་ལས་བསྐལ་པའི་མེ་དཔུང་ཡེ་ཤེས་ཀྱི་རང་བཞིན་གོས་དཀར་མོའི་མཁའ་ཀློང་སྟེ་ཀློང་ལྔ་མི་ཤིགས་པའི་རང་བཞིན་དང་། ཀེ༚་ལས་ཀེ༚་རུས་ཀྱི་རི་རབ་དབྱིངས་དང་མཉམ་པས་ཕོ་བྲང་ཆེན་པོ་བཏེག་པའི་ཚུལ་དུ་རང་ཤར་བ་སྟེ། དཔལ་

(༡༧༤)གསང་བ་སྙིང་པོ་ལས། ས་ཆུ་སྤྱན་དང་མཱ་མ་ཀཱི། མེ་རླུང་གོས་དཀར་སྒྲོལ་མ་ཉིད། །ནམ་མཁའ་དབྱིངས་ཀྱི་དབང་ཕྱུག་མ། །སྲིད་གསུམ་ཡེ་ནས་སངས་རྒྱས་ཞིང་། །ཞེས་གསུངས་པའི་དོན་ནོ། །སྣ་ཚོགས་རིན་ཆེན་ལས་གྲུབ་ཉམས་རེ་དགའ༔ ཟུར་བཞི་ལོགས་བཞི་རྟ་བབས་བང་རིམ་ཅན༔ རྣམ་ཐར་སྒོ་ཁང་ཡིད་བཞིན་ནོར་བུས་སྤྲས༔ ཡེ་ཤེས་ལྔ་ལྡན་རྩིག་པ་རིགས་ལྔ་ལས༔ དཀར་སེར་དམར་ལྗང་ཕྱི་ནང་འོད་ཟེར་འཕྲོ༔ རིན་ཆེན་ཕ་གུ་གདུང་གི་པར་བཀབ་ཅན༔ སྣ་ཚོགས་རཏྣའི་ཕྲེང་བ་ཟར་བུ་སྦྲེངས༔ པུ་ཤུའི་འཁོར་ཡུག་གདུགས་དང་རྒྱལ་མཚན་སོགས༔ དར་དང་ལྷབ་ལྷུབ་ཅོད་པན་དུ་མས་བརྒྱན༔ ཐུགས་རྗེ་ཞི་བའི་གཞལ་ཡས་ལྷུན་གྱིས་གྲུབ༔ བྷྲཱུྃ་བི་ཤྭ་བི་ཤུདྡྷེ་རཏྣ་ཛྙཱ་ན་མཎྜལ་བྷྲཱུྃ་བྷྲཱུྃ༔ ཧཱུྃ་ཐུགས་ཉིད་ཞི་བའི་ངང་ལས་མ་གཡོས་ཀྱང་༔ ཐབས་མཁས་ཐུགས་རྗེས་ལོག་རྟོག་ཚར་གཅོད་ཕྱིར༔ ཁྲོ་བོ་རྔམས་པའི་དུར་ཁྲོད་གཞལ་ཡས་ཁང་༔ པདྨ་དབང་ཆེན་འཁྲུགས་པའི་དཀྱིལ་འཁོར་ནི༔ ཚད་ དེ་ལྟར་བྷྲཱུྃ་ཡིག་ལ་སོགས་པས་ཡེ་ཤེས་ཀྱི་གཞལ་མེད་ཁང་རིན་པོ་ཆེ་སྣ་ཚོགས་ཀྱི་རང་བཞིན་ཅན་ཕྱི་ལྟར་དུ་ཕྲིན་ལས་རྣམ་པ་བཞི། ནང་ལྟར་དུ་རྣམ་ཐར་བཞི་རྫོགས་ཀྱི་བརྡ་དོན་གྲུ་བཞི་སྒོ་བཞི་རྒྱན་རྟ་བབས་བུམ་པ་བྲེ་ཆོས་ཏོག་ལ་སོགས་པ་མཚན་ཉིད་ཐམས་ཅད་ཡོངས་སུ་རྫོགས་པ་དབྱིངས་ཟང་ཐལ་ཆེན་པོ་ཞི་བ་སྙིང་རྗེའི་རྩལ་ཕྱིས་སེམས་ཅན་རྗེས་སུ་འཛིན་པར་གསལ་ལོ། །ལས་འདས་པ་དཔག་གིས་མི་ལང་ཞིང་༔ བཀོད་པ་རྣམ་པ་བློ་ཡི་ཡུལ་འདས་ནས༔ སྐུ་གསུམ་བྷནྡྷ་སྐམ་རློན་ར་རིའི་མཁར༔ ཕྲིན་ལས་རྣམ་བཞིའི་སྒོ་བཞི་ཕྱོགས་བཞིར་གསལ༔ ཆོས་ཉིད་མི་འགྱུར་གནམ་ལྕགས་གཟེར་ཆེན་གདབ༔ དྲེགས་པ་ལྷ་ཆེན་བརྒྱད་ཀྱིས་ཀ་པ་ལ༔ གདུག་པ་གཟང་ཆེན་བརྒྱད་ཀྱིས་ཀ་ཞུར་བཏེག༔ འཇིགས་བྱེད་ཀླུ་ཆེན་བརྒྱད་ཀྱིས་ཀ་གདན་བྱས༔ ཚངས་པ་གདུང་གྱིས་རྒྱུ་སྐར་དྲལ་གྲབ་ཟེས༔ ཞིང་ཆེན་བླ་རེ་ཉ་ཆེན་འཕན་གདུགས་ཕུབ༔ གདུག་བྱེད་སྦྲུལ་ནག་འཁྱུག་པའི་ཟ་ར་ཚགས༔ ཙིཏྟ་

(༡༧༥)རིན་ཆེན་འབར་བའི་ཕོ་ལོང་རྒྱན༔ ཕྱོགས་བཅུར་དམར་ཆེན་ཁྲག་གི་ཞམ་ཆུ་འཐིགས༔ མི་རོ་རྟ་རོ་མང་པོ་ལང་ལོང་འཁྲོལ༔ ཕྱོགས་མཚམས་དུར་ཁྲོད་འབར་བའི་རྭ་བས་གཏམས༔ མི་ཤིགས་སྲ་བརྟན་སྲུང་བའི་གུར་ཁང་ཕུབ༔ ཕོ་བྲང་རྩེ་མཐོ་པདྨ་རཱ་ག་དང་། ནོར་བུ་རིན་ཆེན་དབང་གི་རྒྱལ་པོས་མཆན༔ ལྟེ་བར་ལིང་ཚེ་དགུ་ཡི་དཀྱིལ་འཁོར་གསལ༔ སྣ་ཚོགས་འདབ་རྒྱས་ཉི་ཟླའི་རིན་ཆེན་གདན༔ ཕོ་བྲང་དགུ་བརྩེགས་དུར་ཁྲོད་གཞལ་ཡས་ཁང་༔ རིམ་དགུག་ནས་རྫོགས་དགུ་བརྩེགས་གདན་དང་བཅས༔ དཀར་སེར་དམར་ལྗང་འཇའ་གུར་འོད་ཟེར་འཕྲོ༔ དབང་ཆེན་འབར་བའི་དཀྱིལ་འཁོར་ལྷུན་གྱིས་གྲུབ༔ བྷྲཱུྃ་བི་ཤྭ་བི་ཤུདྡྷེ༔ བཛྲ་མ་ཧཱ་ཀྲོ་ཏ་བྷནྡྷ་ཛྙཱ་ན་ཙཀྲ་མངྷ་ལ་ཧཱུྃ༔ ཙཀྲ་གརྦྷེ་པདྨ་དྷར༔ བཛྲ་དྷ་ར༔ རཏྣ་དྷ་ར༔ པདྨ་དྷ་ར༔ ཀརྨ་དྷ་ར༔ ཨ་བྷི་ཥིཉྩ་ཨཱ༔ ཨོཾཱ་ཧཱུཾ་ཏྲཱཾ་ཧྲཱིཨ༔ པཾ་པདྨ་མཎྜལ༔ མ་སུརྱ་མཎྜལ༔ ཨ་ཙནྡྲ་མཎྜལ༔ ཨ་ནྀྲ་ཏྲི་མཎྜལ༔ པྲ་བྷར་ནི་མ་ཧཱ་དེ་ཝ༔ ཨུ་མ་དེ་ཝ་ཌཱཀྐི་ནི༔ ཏི་ར་ བྷྲཱུྃ་ཡིག་ལ་སོགས་མཐའ་བརྟེན་བཛྲ་མ་ཧཱ་ཀྲོདྷས་དྲག་པོ་ཁྲོ་བོའི་དཀྱིལ་འཁོར་དུར་ཁྲོད་ཀྱི་རང་བཞིན་ཅན་ཚད་དང་མཚན་ཉིད་ཐམས་ཅད་རྫོགས་པར་གསལ་བའི་ལྟེ་བར་ཡིད་ཚོ་དགུའི་ཕོ་བྲང་སོ་སོའི་དབུས་སུ་པདྨ་ཉི་ཟླ་དགྲ་བགེགས་དབང་ཕྱུག་ཡབ་ཡུམ་རཱུ་ཏྲཱ་ཕོ་མོ་ལ་སོགས་པའི་གདན་དགུ་བརྩེགས་སུ་བསྐྱེད་ཅིང་། དེ་ཡང་ཕྱི་ཞི་བའི་རྣམ་པ་ལ། ནང་ཁྲོ་བོའི་ཕོ་བྲང་དུ་གསལ། ཚར་གཅོད་རྗེས་འཛིན་གྱི་བརྡ་དོན་དུ་ཤེས་པར་བྱའོ། །མཎྜལ་ཧཱུྃ༔ ཞེས་བརྗོད་ཅིང་སྣོད་ཀྱི་འཇིག་རྟེན་གཞལ་ཡས་ཁང་གི་རང་བཞིན་དུ་རྒྱས་འདེབས་པར་ཡིན་ནོ། །དེ་ནས་བཅུད་ཀྱི་སེམས་ཅན་ཐམས་ཅད་རྣམ་པར་དག་པ་ལྷའི་རང་བཞིན་དུ་གསལ་འདེབས་པ་ནི། ཧཱུྃ་ཧྲཱིདུར་ཁྲོད་གསང་བ་མཆོག་གི་དཀྱིལ་འཁོར་ནས༔ དུས་གསུམ་སངས་རྒྱས་ཐམས་ཅད་འདུས་པའི་ལྷ༔ བཅོམ་ལྡན་འགྱུར་མེད་མགོན་པོ་འདོད་དཔག་མེད༔ སྤྲུལ་པ་རང་བྱུང་ཐུགས་རྗེ་སྤྱན་རས་གཟིགས༔ ཕྲིན་ལས་མངའ་བདག་རྟ་མགྲིན་དབང་ཆེན་ཡབ༔ ཞལ་

(༡༧༦)གསུམ་ཕྱག་དྲུག་ཞབས་བཞི་དོར་སྟབས་བགྲད༔ ཕོ་རྒྱུད་ཟིལ་གནོན་དུར་ཁྲོད་ཆས་རྣམས་རྫོགས༔ སྤྱི་གཙུག་ཁམས་གསུམ་དབང་སྡུད་རྟ་སྐད་འཚར༔ གཉིས་མེད་ཡུམ་ཆེན་རྡོ་རྗེ་ཕག་མོ་འཁྲིལ༔ སྤྱི་གཙུག་མཐིང་ནག་ཕག་ཞལ་དུར་སྒྲ་སྒྲོག༔ ཆ་ལུགས་ཡབ་འདྲ་མོ་རྒྱུད་ཟིལ་གྱིས་གནོན༔ ཡབ་ཡུམ་གཉིས་མེད་གསང་བའི་སྤྱི་གཙུག་ཏུ༔ ཐབས་ཤེས་ཉི་ཟླ་དྲི་མེད་པད་སྟེང་དུ༔ དུས་གསུམ་སངས་རྒྱས་ཐམས་ཅད་འདུས་པའི་སྐུ༔ བདག་ཉིད་གཙོ་མཆོག་པདྨ་བཛྲ་རྩལ༔ ཞལ་གསུམ་ཕྱག་དྲུག་ཞབས་བཞི་དོར་སྟབས་བགྲད༔ དབུས་དམར་གཡས་མཐིང་གཡོན་དཀར་ཁྲོ་གཏུམ་ཞལ༔ གཡས་གསུམ་རྡོ་རྗེ་རལ་གྲི་བདུད་རྩི་བུམ༔ གཡོན་གསུམ་དྲིལ་བུ་བྷནྡྷ་ཁ་ཊཱཾ་བསྣམས༔ རུས་རྒྱན་རིན་ཆེན་དུར་ཁྲོད་ཆས་བརྒྱད་རྫོགས༔ གར་དགུའི་ཉམས་ལྡན་བགྱིང་པའི་བར་གཡོན་དུ༔ གསང་བ་ཡེ་ཤེས་ལྷ་ལྕམ་མནྡར༔ ཞལ་གསུམ་ཕྱག་གཉིས་དམར་གསལ་དགྱེས་པར་འཁྲིལ༔ གཡས་པས་ཌཱ་རུ་གཡོན་པས་དུང་དམར་སྟོབ༔ གཞོན་ཚུལ་འཛུམ་ལྡན་ནུ་འབུར་བྷ་ག་རྒྱས༔ དར་དང་རིན་ཆེན་རུས་རྒྱན་དུ་མས་སྤྲས༔ ཡབ་ཡུམ་གཉིས་མེད་རོལ་པའི་སྤྱི་གཙུག་ཏུ༔ རིགས་བདག་འོད་དཔག་མེད་དང་བཅས་པར་གསལ༔ ཕྱི་འཁོར་ཕྱོགས་མཚམས་པདྨ་འདབ་བརྒྱད་སྟེང་༔ ཞེ་སྡང་རྡོ་རྗེ་སྐྱོད་བྱེད་མ་དང་བཅས༔ ང་རྒྱལ་རྡོ་རྗེ་གཤིན་རྗེ་འཇམ་དམར་བཅས༔ འདོད་ཆགས་རྡོ་རྗེ་སྲེག་བྱེད་ཡུམ་དང་འཁྲིལ༔ ཕྲག་དོག་རྡོ་རྗེ་ཙནྡྷི་སེར་མོ་འཁྲིལ༔ གཏི་མུག་རྡོ་རྗེ་རྨོངས་བྱེད་ཡུམ་ལ་འཁྲིལ༔ བདེ་བའི་རྡོ་རྗེ་ཡ་མ་ཡུམ་དང་འཁྲིལ༔ མཚོ་སྐྱེས་རྡོ་རྗེ་མཎྡ་ར་བར་རོལ༔ ཁྲག་འཐུང་རྡོ་རྗེ་གསོད་བྱེད་མ་རུ་སྦྱོར༔ ཀུན་ཀྱང་སྐྱིལ་ཀྲུང་རུས་རྒྱན་ཐུར་ཚུགས་ཅན༔ ཡབ་ཡུམ་གཉིས་མེད་གསང་ཆེན་རོལ་བར་གསལ༔ བདེ་གཤེགས་དགོངས་འདུས་ཆེ་བའི་ཡོན་ཏན་རྒྱས༔ ཨཱོྃ་ཨཱཧཱུྃ་གུ་རུ་ཤྲཱི་པདྨ་བཛྲ་ཧྲཱི༔ དྷུ་མ་གྷ་

(༡༧༧)ཡེ་ཌཱཀྐི་ནི་ན་མ་སྭཱ་ཧཱ༔ ཞེས་དང་། ཕྱོགས་ཀྱི་གཙོ་འཁོར་རྣམས་ཨ་ནུའི་ལུགས་བཞིན་བསྡུས་ནས་བསྐྱེད་དེ། ཧྲཱི༔ཕྱོགས་དང་ཕྱོགས་མཚམས་པདྨ་འདབ་བརྒྱད་སྟེང་༔ བུདྡྷ་ཐོད་ཕྲེང་ཡབ་ཡུམ་སྲས་དང་འཁོར༔ མི་བསྐྱོད་རྡོ་རྗེ་ཡབ་ཡུམ་སྲས་དང་འཁོར༔ པདྨ་དབང་ཆེན་ཡབ་ཡུམ་སྲས་དང་འཁོར༔ རིག་འཛིན་ཐོད་རྩལ་ཡབ་ཡུམ་སྲས་དང་འཁོར༔ མདོག་དམར་མེ་ཕྲེང་ཡབ་ཡུམ་སྲས་དང་འཁོར༔ སངས་རྒྱས་དཔའ་བོ་ཡབ་ཡུམ་སྲས་དང་འཁོར༔ དཔལ་ཆེན་རྟ་མགྲིན་ཡབ་ཡུམ་སྲས་དང་འཁོར༔ ལག་ན་རྡོ་རྗེ་ཡབ་ཡུམ་སྲས་དང་འཁོར༔ ཀུན་ཀྱང་སྤྲུལ་དང་ཡང་སྤྲུལ། སྐུ་མདོག་ཕྱག་མཚན། གཅིག་ཏུ་མ་ངེས། སྣང་སྟོང་མ་འགགས། བུདྡྷ་ཐོད་ཕྲེང་རྩལ་སོགས་ནས། མ་མ་སིདྡྷི་ཧཱུྃ༔ ཞེས་པའི་བར་བརྗོད་ཅིང་། སྔགས་དོན་རྣམས་ནི་བདག་བསྐྱེད་ཀྱི་སྐབས་ནས་བཤད་པ་ལྟར་དང་། ཧཱུྃ་ཧྲཱི༔ དཀྱིལ་འཁོར་བར་ཁྱམས་སྒོ་བཞི་ཕྱོགས་བཞི་ནས༔ ཞིང་ཆེན་གསར་རྙིང་བརྩེགས་པའི་ཁྲི་སྟེངས་སུ༔ གནས་དང་ཡུལ་གྱི་དཔའ་བོ་དཔའ་མོར་བཅས༔ སྒོ་སྐྱོང་མཚམས་མ་ཕྱེད་གཟུགས་བཅས་པ་རྣམས༔ སྣ་ཚོགས་གར་བསྒྱུར་ཆ་ལུགས་ཅིར་ཡང་སྟོན༔ ཞི་རྒྱས་དབང་དྲག་ལས་བྱེད་རོལ་པར་གནས༔ དཀྱིལ་འཁོར་ལྷ་ཚོགས་ཡབ་ཡུམ་སྲས་འཁོར་བཅས༔ སྣང་སྟོང་གསལ་འཚེར་མ་འདྲེས་སོ་སོར་གསལ༔ ཡེ་ཤེས་སྒྱུ་མའི་སྐུ་རུ་རང་ཤར་རོ༔ ཨོཾཱ་ཨཱཧཱུྃ་བཛྲ་གུ་རུ་དྷེ་ཝ་ཌཱཀྐི་ནི མ་ཧཱ་ཀྲོ་ཏ་ཡཀྴ་ཀྲོ་ཏ་ས་མ་ཡ་ཧཱུྃ་ཧྲཱི མ་ཧཱ་རི་ནི་ས་ར་ཙ་ཧྲཱིཡ༔ མ་མ་ཡོ་གི་རུ་ལུ་རུ་ལུ་ཧཱུྃ་བྷྱོ་ཧཱུྃ༔ ཞེས་ཁྱམས་ལྷ་བསྐྱེད་པའི་མངོན་རྟོགས་ཚངས་པའི་སྒྲ་དབྱངས་ནས་བླངས་ཤིང་། འདི་ཙམ་ཞིག་གིས་དོན་ཕྱིན་ཅི་མ་ལོག་པར་བྱས་པས་ཀྱང་ཆད་ལྷག་མེད་པའི་ལུགས་སུ་མདུན་བསྐྱེད་ཚུལ་ལྡན་དུ་བསྒྲུབ་ནུས་པ་ཡིན་ནོ།། །།གཉིས་པ་བཤགས་བསྐང་གི་སླད་དུ་དམ་པ་རིགས་བརྒྱ་གསལ་

(༡༧༨)འདེབས་པ་ལ་གཉིས། དངོས་དང་། དེ་དག་ཐམས་ཅད་ལ་དག་དྲན་རགས་བསྡུས་བརྗོད་པའོ། །དང་པོ་ནི། སྔར་བཤད་མ་ཐག་པའི་མངོན་རྟོག་རྒྱས་འབྲིང་བསྡུས་གསུམ་གང་ཡང་རུང་བའི་སྒོ་ནས་སྒྲུབ་པའི་མདུན་སྐྱེད་རྒྱུའི་ཧེ་རུ་ཀ་རྟ་མཆོག་ཧེ་རུ་ཀའི་དབུ་གཙུག་ན་གནས་པའི་པདྨ་བཛྲ་རྩལ་གྱི་ཐུགས་ཀར་ཞི་ཁྲོ་བསྐྱེད་པའི་ཡུལ་ཡིན་མོད། ཚུལ་དེ་ལྟ་བུ་རྣམ་དབྱེ་ཕྱེད་པའི་ངང་ནས། པདྨ་བཛྲ་རྩལ་གྱི་ཐུགས་ཡེ་ཤེས་ཆེན་པོའི་ཀློང་དཀྱིལ་རང་བཞིན་འོད་ལྔ་འཁྲུགས་པའི་དབུས་སུ། ཞེས་སོགས་ནས། ཁྲོ་བོ་ཁྲག་འཐུང་ལྔ་བཅུ་རྩ་བརྒྱད་རྣམས་གསལ་བར་གྱུར ཅེས་པའི་བར་ཚིག་དོན་འབྲེལ་ཆགས་པར་གསལ་འདེབས་པའོ། །གཉིས་པ་དག་དྲན་བརྗོད་པ་ལ་གཉིས། ཞི་ཁྲོ་ལ་སྒོས་སུ་བརྗོད་པ་དང་། ཐུན་མོང་དུ་སྤྱི་ལ་བརྗོད་པའོ། །དང་པོ་ལ་གཉིས། ལྷའི་རྐང་གྲངས་དང་། བརྡ་དོན་སྦྱར་བའོ། །དང་པོ་ལ་གཉིས། ཞི་བ་དང་ཁོ་བོ་སོ་སོར་དབྱེ་བའོ། །དང་པོ་ནི། ཀུན་བཟང་ཡབ་ཡུམ་གཉིས་དང་རིགས་ལྔ་ཡབ་ཡུམ་བཅུ་སྟེ་ཉི་མའི་གྲངས་ལྡན། དེའི་སྟེང་དུ་སེམས་དཔའ་སེམས་བཅུ་དྲུག་བསྣན་པས་རྒྱུ་སྐར་གྱི་གྲངས་སུ་འཕར། དེའི་སྟེང་དུ་ཐུབ་པ་དྲུག་བསྣན་པས་ཆུ་རྩེའི་གྲངས་སུ་འཕར། དེའི་སྟེང་དུ་ཁྲོ་བོ་རྣམ་རྒྱལ་ལ་སོགས་ཏེ་སྒོ་བ་ཡབ་ཡུམ་བརྒྱད་བསྣན་པས་ཞི་བའི་ལྷ་ཚོགས་བཞི་བཅུ་རྩ་གཉིས་དང་། འདི་ལ་ཁ་ཅིག་ན་རེ། ཞི་བའི་གྲངས་སུ་ཁྲོ་བོ་བྱུང་བས་མི་འཐད་དོ་ཞེན་མ་ཡིན་ཏེ། གཙོ་ཆེ་ཆུང་དང་གྲངས་མང་ཉུང་གི་སྒོ་ནས་བཞག་པ་ཡིན་པས་མི་འགལ་ལོ། །གཉིས་པ་ནི། སངས་རྒྱས་ཧེ་རུ་ཀ་ལ་སོགས་པའི་རིགས་ལྔའི་ཧེ་རུ་ཀ་ཡབ་ཡུམ་བཅུ། ཀཽ་རྭི་ལ་སིགས་དུར་ཁྲོད་བརྒྱད་ལ་དབང་བྱེད་པའི་མ་མོ་ཀླུའི་གྲངས་ལྡན། སིངྷ་ལ་སོགས་ཡུལ་གྱི་ཕྲ་མེན་བརྒྱད། རྟ་གདོང་ལ་སོགས་ཏེ་གདོང་མོ་བཞི། ཕྱོགས་བཞིའི་མི་མོ་བདུན་བདུན་ཏེ་དབང་ཕྱུག་ཉི་ཤུ་རྩ་བརྒྱད་

(༡༧༩)བསྣན་པས་ཁྲག་འཐུང་ལྔ་བཅུ་རྩ་བརྒྱད། སྤྱིར་དྲིལ་བ་ལ་ལྷ་གྲངས་བརྒྱ་ཐམ་པ་འབྱུང་བ་ལ་ཞི་ཁྲོ་དམ་པ་རིགས་བརྒྱ་ཞེས་ཐ་སྙད་དུ་བཞག་པ་སྟེ་ཞི་ཁྲོ་སྒྱུ་འཕྲུལ་གྱི་ལུགས་ཡིན་ལ། ཁ་ཅིག་ཏུ་རྡོ་རྗེ་དབྱིངས་ཀྱི་ལྷ་ལྔ་བཅུ་ལ་ཐབས་ཤེས་ཀྱིས་དབྱེ་བས་རིགས་བརྒྱར་ངེས་པ་ཡིན་ནོ། །འདི་དག་གི་གཞུང་བཤད་རྒྱས་པ་ནི་འདིར་ཡི་གེ་ཤིན་ཏུ་མངས་པས་སྤྲོ་བར་བྱེད་དེ། སྤྲོས་པ་ལ་དགའ་བ་རྣམས་ན་རག་དོང་སྤྲུགས་ཀྱི་གཞུང་རྣམས་དང་། སྒྱུ་འཕྲུལ་གསང་བ་སྙིང་པོའི་འགྲེལ་པ་ལ་ཆེས་ཆེར་གསལ་ལོ། །གཉིས་པ་ལ་གཉིས། ཞི་བའི་བརྡ་དོན་སྦྱར་བ་དང་། ཁྲོ་བོའི་དག་སྦྱོར་བཤད་པའོ། །དང་པོ་ལ་གསུམ། བཞུགས་སྟངས་དང་། སྐུ་མདོག་དང་། ཞི་ཉམས་སོ། །དང་པོ་ནི། གཞུང་འདི་གའི་མངོན་རྟོགས་ལ་བཞུགས་ཚུལ་གྱི་རྣམ་གཞག་གསལ་བར་མ་བྱུང་ཡང་མེད་དུ་མི་རུང་བ་ཡིན་པས་རིགས་མཐུན་གྱི་མ་ཧཱ་ཡོ་ག་ནས་བཤད་པ་ལྟར་འཆད་དེ། དེ་ལ་ཀུན་ཏུ་བཟང་པོ་དང་རིགས་ལྔ་ཡབ་ལྔ་ནི། མཛད་པ་ཡོངས་སུ་རྫོགས་པའི་བརྡར་ཞབས་མཉམ་པའི་སྐྱིལ་མོ་ཀྲུང་དང་། ཀུན་ཏུ་བཟང་མོ་དང་རིགས་ལྔ་ཡུམ་ལྔ་ནི། རང་དོན་གྱི་མཛད་པ་བརྟུལ་ནས་གཞན་དོན་གྱི་མཛད་པར་ཞུགས་པའི་བརྡར་བརྟུལ་ཞུགས་ཀྱི་སྐྱིལ་མོ་ཀྲུང་གིས་ཡབ་ལ་འཁྱུད་པ་དང་། སེམས་དཔའ་དང་སེམས་མ་རྣམས་ནི་མཛད་པ་ཡོངས་སུ་མ་རྫོགས་པའི་བརྡར་རྟ་བབས་སམ་སེམས་སྐྱིལ་གྱི་ཚུལ་དུ་བཞུགས་པ་དང་། སྒོ་བ་ཡབ་ཡུམ་ནི་གདུག་པ་ཅན་འདུལ་ཕྱིར་ཞབས་གྱད་ཀྱི་དོར་སྟབས་དང་། འདིའི་ཞལ་གཟིགས་ཕྱོགས་གཞུང་ལ་གསལ་ག་མ་བྱུང་ཡང་རིགས་མཐུན་གྱི་རྒྱུད་འགྲེལ་རྣམ་དག་ལ་ཞལ་ཕྱིར་གཟིགས་པ་ལྟར་སྒོམ་མོ། །ཐུབ་པ་དྲུག་ནི་འགྲོ་བའི་དོན་ལ་གཤེགས་པའི་ཕྱིར་འགྲེང་བུར་བཞུགས་པ་སྟེ། མངོན་རྟོགས་སྒོམ་པ་དང་། སྐུ་གཟུགས་འདྲི་བའི་ཚོ་དེ་ལྟར་དུ་ཤེས་དགོས་སོ། །གཉིས་པ་ནི། སྐུ་མདོག་དཀར་

(༡༨༠)པོ་རྣམས་ཉེས་པའི་སྐྱོན་གྱིས་མ་གོས་པའི་བརྡ། སྐུ་མདོག་སེར་པོ་རྣམས་ཆེ་བའི་ཡོན་ཏན་རྒྱས་པ་མཚོན་པ། སྐུ་མདོག་དམར་པོ་རྣམས་འགྲོ་བ་ལ་རྗེས་སུ་ཆགས་པ་དང་། སྐུ་མདོག་ལྗང་གུ་རྣམས་ཕྲིན་ལས་སྣ་ཚོགས་སུ་མཛད་པའི་བརྡ། སྐུ་མདོག་ནག་པོ་རྣམས་ཆོས་ཉིད་མི་འགྱུར་བ་མཚོན་བྱེད། སྐུ་མདོག་སྣ་ཚོགས་པ་ནི་རིགས་འདྲེས་པའི་བརྡ་སྟེ་དེ་དག་གི་ཡོན་ཏན་ཆ་ཤས་ནས་མགོ་མཚུངས་པར་ཤེས་པར་བྱའོ། །གསུམ་པ་ནི། དེ་ལྟ་བུའི་ཞི་བའི་ལྷ་ཚོགས་ཀྱིས་མཚོན་ཏེ་རིགས་མཐུན་རྣམས་ལ། ཞི་ཚུལ་དགུ་དགུ་དང་ལྡན་པ་སྟེ། ང་རྒྱལ་མ་སྤངས་གནས་སུ་དག་པའི་བརྡར་ཡན་ལག་གསེར་ཞུན་མ་ལྟར་མཉེན་པ། ༡ ཞེ་སྡང་མ་སྤངས་གནས་སུ་དག་པའི་བརྡར་ཕྱག་སོར་སྦྲུལ་གྱི་མཇུག་མ་ལྟར་ལྕུག་པ། ༢ འདོད་ཆགས་མ་སྤངས་གནས་སུ་དག་པའི་བརྡར་ཐབས་ཤེས་ལ་སོགས་ཏེ་ཕན་ཚུན་གཡུའི་ལྗང་པ་ལྟར་འཁྲིལ་བ། ༣ གཏི་མུག་མ་སྤངས་གནས་སུ་དག་པའི་བརྡར་སྐུ་སྐེད་ཐང་ཤིང་ལྟར་དང་ཞིང་ལྡེམ་པ། ༤ ཕྲག་དོག་མ་སྤངས་གནས་སུ་དག་པའི་བརྡར་གྱིས་བ་ལོ་བརྒྱད་པ་ལྟར་གཞོན་ཤ་ཆགས་པ། ༥ ཐུགས་ལ་མ་རིག་པ་མེད་པའི་རྟགས་སུ་ཟླ་བ་ལྟར་གསལ་བ། ༦ ཆེ་བའི་ཡོན་ཏན་ལྷུན་གྱིས་གྲུབ་པའི་རྟགས་སུ་ཉི་མ་ལྟར་འཚེར་བ། ༧ མཚན་དཔེ་ཡོངས་སུ་རྫོགས་པའི་བརྡར་དབུས་ཀྱི་རི་བོ་མཆོག་རབ་ལྟར་ལྷུན་སྟུག་པ། ༨ ཐམས་ཅད་ཟིལ་གྱིས་གནོན་པའི་བརྡར་སེང་གེ་འབུམ་གཞིབས་པ་ལྟར་གཟི་བྱིན་དང་ལྡན་པ་སྟེ་ཞི་ཚུལ་དགུའོ། ༩ །དེ་རྣམས་ཀྱི་བཞུགས་པའི་གདན་ལ་ཡང་དག་དྲན་བསམ་གྱིས་མི་ཁྱབ་སྟེ། རེ་ཞིག་སྒོམ་དོན་དུ་ན་མངོན་རྟོགས་ཉིད་ཀྱིས་རགས་པ་ཙམ་ཤེས་པར་ནུས་ལ། འོན་ཀྱང་སེམས་དཔའ་སེམས་མ་དང་ཁྲོ་བོ་འགའ་ཞིག་ལ་གཞུང་ནས་གདན་གྱི་གསལ་ག་མ་གསུངས་ཀྱང་། བླ་མ་གོང་མ་དག །དེ་ལ་གདན་གྱི་རིམ་པ་ནི། །སྐྱེས་བུ་ལྔ་ལ་ལྔ་བརྩེགས་ཏེ། །སེམས་དཔའ་

(༡༨༡)ལ་ནི་སུམ་བརྩེག་གོ །ཉི་རྐྱང་ཁྲོལ་བད་རྐྱང་ཐུབ། །ཀུན་བཟང་ཡབ་ཡུམ་བཞི་བརྩེག་གོ །ཞེས་གསུངས་པ་ལྟར་འགྲེལ་སྦྱར་ཤེས་པར་བྱ་ཞིང་། ཟླ་བ་གང་ཡིན་སྟེང་དུ་འོང་བའི་རྒྱུ་མཚན་ནི། འགྲེལ་པ་སྦར་ཁབ་ལས། ཐིག་ལེ་ཆེན་པོ་དང་ས་བོན་ནི་དཀྱིལ་འཁོར་ཐམས་ཅད་ཀྱི་བྱེད་པ་པོའི་ཕྱིར་བདག་པོ་དང་རྡོ་རྗེ་སྟེ་དབུས་ན་ཟླ་བ་སླར་གནས་སོ། །ཞེས་བཤད་པ་ལྟར། ཐབས་ལམ་ལྟར་ན་སྙིང་ག་ཆོས་ཀྱི་འཁོར་ལོ་ན་སྲོག་མི་ཤིགས་པའི་ཐིག་ལེ་དང་། ཀླད་པ་བདེ་ཆེན་གྱི་འཁོར་ལོ་ན་ཀུན་ཏུ་བཟང་པོའི་ཐིག་ལེ་ཡོད་པས་དེ་གཉིས་ནི་ཐམས་ཅད་ཀྱི་བྱེད་པ་པོའི་རྒྱུར་འགྲོ་ལ། གྲོལ་ལམ་ལྟར་ན་ཐབས་སྣང་བ་འགག་པ་མེད་པས། ཟླ་བ་སྟེང་དུ་འོང་བར་མཁས་པ་དག་བཞེད། འོན་ཀྱང་ཞི་དྲག་གི་དབྱེབས་གང་ལས་ལྡོག་པ་ནི་འགྲེལ་པ་མངོན་རྟོགས་ནས་བཤད་པ་ལྟར་རོ། །མི་ཤེས་པ་དག་གཞུང་ནས་དམིགས་བསལ་མ་བྱུང་བདག་ལ་རིགས་འགྲེའི་དཔེ་ཅི་ལ་འགྲོ་སྙམ་ན། མ་ཡིན་ཏེ། རས་ཆོད་དང་གཟུ་ལུམས་ཅན་ལ་གསང་བའི་ཆེད་དུ། རྒྱུད་དཀྲུགས། ལུང་གཅུས། མན་ངག་གབ་པ་དག །གནས་སྐབས་འདི་ལྟ་བུའི་སྐབས་སུ་རྒྱལ་བའི་ཐུགས་རྗེའི་ཡེ་ཤེས་ཀྱི་ཟེར་འགྲེལ་པ་པོ་ལ་ཕོག་སྟེ། དཀྲུགས་པ་བསྡེབས། གཅུས་པ་བསྲངས། གབ་པ་མངོན་དུ་བྱུང་ནས་འཆད་ནུས་པའི་ན་རེ། སྡུད་པ་ལས། འཆད་དང་རིག་པ་དག་དང་ལྡན་པར་བརྗོད་པ་དང་། །མཆོག་འཕགས་བདེ་བ་བྱེད་དང་དེ་ཡི་འབྲས་ཐོབ་པ། །དེ་དག་ཀུན་ཀྱང་དེ་བཞིན་གཤེགས་པའི་སྐྱེས་བུའི་མཐུ། །ཞེས་པས་དགོངས་འགྲེལ་རྣམས་བྱིན་གྱིས་བརླབས་པའི་བཀར་བཞག་པ་ཡང་རྒྱུ་མཚན་དེ་ལྟར་ཡིན་ལ། དེའི་ཕྱིར་སྐྱོན་བཞི་དང་ཕྲལ་ནས་འཆད་དགོས་ཏེ། བཛྲ་ཤྲཱིས། རྟོག་གེ་དང་ཐེ་ཚོམ་གྱི་གེགས་སེལ་མ་ཤེས་ན། མཛངས་པ་ལྕེ་རྡུལ་གྱི་སྐྱོན། མི་མཐུན་

(༡༨༢)པའི་ཚིག་དོན་སྡེབ་མ་ཤེས་ན། ལོང་བ་ལོང་ཐུག་སྟ་པུའི་སྐྱོན། མངོན་པར་རྟོགས་པའི་གོ་རིམ་སྡེང་མ་ཤེས་ན། བདུད་རྩི་རོ་ཉམས་པ་ལྟ་བུའི་སྐྱོན། གོང་འོག་གི་འཁྲུག་སྡེབ་མ་ཤེས་ན། རིན་པོ་ཆེ་རྩལ་འཆོལ་པ་ལྟ་བུའི་བཤད་པའི་སྐྱོན་ནོ། །ཞེས་གསུངས་པ་ལྟར་རོ། །ས་བཅད་གཉིས་པ་ཐུན་མོང་གི་ཐུན་མོང་དུ་འཆད་དེ། དེ་ལ་གཉིས། རྣམ་འགྱུར་དང་། ཆས་རྒྱན་ནོ། །དང་པོ་ནི། ཁྲོ་བོ་སྦྱིང་གར་གྱི་ཉམས་དགུ་ལྡན་ཞེས་པ་དེ་ཉིད་ལ་ནང་གསེས་སུ་དབྱེན་གསུམ་སྟེ། སྐུའི་ཉམས་གསུང་གི་ཉམས། ཐུགས་ཀྱི་ཉམས་སོ། །དང་པོ་ནི། ཐུགས་གཏེར་ཆེན་པོ་གྲོལ་བའི་ཐིག་ལེ་རིག་འཛིན་བདེ་གཤེགས་ཀུན་འདུས་ལས། སྐེག་པ་དཔའ་བ་འཇིགས་སུ་རུང་བ་དང་། ཞེས་གསུངས་པས། སྒེག་པ་ནི། སྐུ་མཚན་དཔེས་སྤྲས་ཤིང་བལྟ་བས་ཆོག་མི་ཤེས་པས་གདུལ་བྱ་འདོད་ཆགས་ཅན་འདུལ་བའི་ཆེད་དང་། དཔའ་བ་ནི། བདུད་བཞི་ལ་སོགས་དམིགས་བསལ་གྱི་གདུག་པ་ཅན་བརྩེགས་པའི་སྟེང་དུ་སྐུ་བརྗིད་ལ་བྱིན་ཆེབས་གདུལ་བྱ་ཞེ་སྡང་ཅན་འདུལ་བ་དང་། འཇིགས་སུ་རུང་བ་ནི། ཞལ་མཆེབ་གཙིགས་ཤིང་ཁྲོ་གཉེར་བསྡུས་པ་ལ་སོགས་རྣམ་འགྱུར་སྐྱི་གཡའ་བ་དུ་མས་གདུལ་བྱ་གཏི་མུག་ཅན་འདུལ་བའོ། །གཉིས་པ་ནི། སྔ་མའི་འཕྲོ་ལས། དགོད་དང་གཤེ་དང་འཇིགས་པར་སྟོན་པ་དང་། ཞེས་པས། དགོད་པ་ནི། རབ་ཏུ་དགྱེས་པ་ཆགས་པའི་བཞད་བགད་ཧ་ཧ་ལ་སོགས་པའི་སྒྲས་གདུལ་བྱ་འདོད་ཆགས་ཅན་འདུལ་བ་དང་། གཤེ་བ་ནི། རབ་ཏུ་གཏུམ་པའི་སྒྲ་ཧཱུྃ་ཧཱུྃ་དང་ཕཊ་ཕཊ་ལ་སོགས་པའི་དྲག་ཤུལ་གྱི་ང་རོར་ཤར་བས་གདུལ་བྱ་ཞེ་སྡང་ཅན་འདུལ་བར་བྱེད་པའོ། །འཇིགས་པར་སྟོན་པ་ནི། བདག་འཛིན་གཞིག་པའི་ཕྱིར་སྒྲ་དེ་དག་ཐམས་ཅད་ཀྱང་གྲག་སྟོང་སྐྱེ་བ་མེད་པའི་སྔགས་ཀྱི་ང་རོར་ཤར་བས་གདུལ་བྱ་གཏི་མུག་ཅན་འདུལ་བར་བྱེད་པའོ། །གསུམ་པ་ནི། སྔ་མའི་འཕྲོ་ལས། སྙིང་རྗེ་རྔམ་དང་

(༡༨༣)ཞི་བ་ལ་སོགས་པ། ཞེས་གསུངས་པ་ལྟར། སྙིང་རྗེ་ནི། སེམས་ཅན་རྗེས་སུ་འཛིན་པར་བཞེད་པའི་ཐུགས་བརྩེ་བ་བླ་ན་མ་མཆིས་པས་གདུལ་བྱ་ཆགས་པ་ཅན་འདུལ་བར་བྱེད། རྔམ་པ་ནི། བྱམས་པ་ཆེན་པོའི་ངང་ལས་ཐུགས་ཁྲོས་ནས་གདུལ་བྱ་ཞེ་སྡང་ཅན་འདུལ་བར་བྱེད། ཞི་བ་ནི། རིག་སྟོང་དབྱེར་མེད་ཀྱི་དང་ནས་ལོག་ལྟ་དང་ལྡན་པའི་གཏི་མུག་ཅན་འདུལ་བར་བྱེད་དོ། །གཉིས་པ་ཆས་རྒྱན་ལ་གཉིས། དུར་ཁྲོད་ཀྱི་ཆས་བརྒྱད་དང་། དཔལ་གྱི་ཆས་བརྒྱད་དོ། །དང་པོ་ལ་གསུམ། བགོ་བའི་གོས་གསུམ། གདགས་པའི་རྒྱན་གཉིས། བྱུག་པའི་རྫས་གསུམ་དང་བརྒྱད་དོ། །དང་པོ་བགོ་བའི་གོས་གསུམ་ནི། ཐབས་མཁས་ཕྲིན་ལས་ཀྱི་གོས་ཞིང་ཆེན་གྱི་གཡང་གཞི། ཁྱབ་པ་ཐུགས་རྗེའི་གོས་གླང་ཆེན་གྱི་ཀོ་རློན། ཕྱི་ནང་གསང་གསུམ་སྡུད་པའི་གོས་སྟག་ལྤགས་ཀྱི་ཤམ་ཐབས་རྣམས་སོ། །གཉིས་པ་གདགས་པའི་རྒྱན་གཉིས་ནི། སྦྲུལ་རྒྱན་དང་ཐོད་ཕྲེང་སྟེ། སྔ་མ་ལ་ནང་གསེས་ཀྱི་བཤང་ན། ཀླུ་རྒྱལ་རིགས་དཀར་ཁྲའི་དབུ་རྒྱན། རྗེ་རིགས་སེར་ཁྲའི་སྙན་ཆ། བྲམ་རིགས་དམར་ཁྲའི་མགུལ་ཆུ། དམངས་རིགས་ནག་ཁྲའི་སྐུ་རགས། གདོལ་རིགས་ལྗང་ཁྲའི་ཕྱག་ཞབས་ཀྱི་གདུ་བུའོ། །ཕྱི་མ་ལ་དབྱེ་ན། ཐོད་པ་སྐམ་པོའི་དབུ་རྒྱན། རློན་པའི་སེ་རལ། ཚལ་བུའི་དཔུང་རྒྱན་ནོ། །གསུམ་པ་བྱུག་པའི་རྫས་གསུམ་ནི། དཔྲལ་བའི་གཡས་སུ་ཐལ་ཆེན་གྱི་ཚོམ་བུ། སྨིན་དབྲག་ཏུ་རཀྟའི་ཐིག་ལེ། ཨོ་ཀོ་ལ་ཞག་གི་ཟོ་རིས་སོ། །དེ་དག་ནི་རྒྱལ་བྱེད་དཔའ་རྟགས་ཀྱི་རྒྱན་ཞེས་གསར་རྙིང་གཉིས་ཀའི་ཐུན་མོང་གི་གླེང་གཞིར་འབྱུང་བ་ལྟར་སྔོན་ཚེ་དཔལ་ཆེན་པོའམ། ཧེ་རུ་ཀས་རཱུ་ཏྲ་བཏུལ་བའི་ཚེ་ཁོའི་རྒྱན་རྣམས་རང་ཉིད་ཀྱི་རྒྱན་དུ་མཛད་པ་སྟེ། འཇིག་རྟེན་དུ་དཔའ་བོའམ། ཇག་པས་དགྲ་བསད་ནས་དེའི་གོས་རྒྱན་རང་གིས་

(༡༨༤)གྱོན་པ་བཞིན་ནོ། །གཉིས་པ་ནི། སྒྱུ་འཕྲུལ་གྱི་འགྲེལ་པར་ལུང་དྲངས་པ་ལྟར། གཟི་བརྗིད་འབར་བ་ཆུ་སྲིན་བརྗིད་པའི་ཆས། །ཐབས་དང་ཤེས་རབ་ཟུང་འབྲེལ་ཉི་ཟླའི་ཆས། །གདུག་པ་ཅན་བསྲེག་ཡེ་ཤེས་མི་ཡི་ཆས། །སྐྱེ་ཤིའི་རྩད་གཅོད་མཆེ་བ་ཟླ་ཚེས་ཆས། ཁྱབ་མཛད་རེ་རྐོར་རྡོ་རྗེའི་གཤོག་པའི་ཆས། །མངའ་ཐང་ཡོངས་རྫོགས་རྡོ་རྗེ་སློག་པའི་ཆས། །སངས་རྒྱས་སར་བགྲོད་དབང་གི་བསེ་ཁྲབ་ཆས། །གནོད་གདུག་ཟློག་བྱེད་རྒྱ་གྲམ་ལྕགས་ཀྱི་ཆས། །ཞེས་གསུངས་པ་སྟེ། དེ་དག་ལ་ཐུགས་རིག་པ་རང་སྣང་གི་རྒྱན་ཞེས་བྱ་སྟེ། དོན་དང་རྟགས་སུ་མི་འགལ་ལོ། །དེ་ནི་གཙོ་བོའི་རིགས་ཀྱི་ཁྲོ་བོ་ཤུས་ཆེ་བ་ལ་སྤྱི་ཁྱབ་ཏུ་འདོམས་ནས་བཤད་པ་ཡིན་ཞིང་། ཕྲ་མེན་དང་དབང་ཕྱུག་ལ་སོགས་འཁོར་གྱི་ལྷ་རྣམས་ལ་ནི་དེ་ལྟའི་རྒྱས་འགེབས་མི་རིགས་སོ། །གཞན་ཡང་སྤྱི་ཁྱབ་ཀྱི་དག་དྲན་གཞུང་ལས། ཕྱག་ཞབས་རྡོ་རྗེ་འདུས་མ་བྱས། །འཁོར་ལོ་འཁོར་བའི་ཉོན་མོངས་གཅོད། །པདྨ་སྐྱོན་གྱིས་མ་གོས་པ། །སྣ་ཚོགས་རྡོ་རྗེ་ཕྲིན་ལས་འགྲུབ། །མཚོན་ཆ་རྣམས་ནི་ལོག་རྟོག་འཇོམས། །ཞེས་ཕྱག་མཚན་གཙོ་ཆེ་བའི་རྣམ་བཞག་དང་། དེ་ལས་གཞན་པའི་རྟེན་དང་བརྟེན་པ་ཐམས་ཅད་ཀྱི་དག་དྲན་ནི་བསྐྱེད་པ་མ་ཧཱ་ཡོ་གའི་ལུགས་སུ་བསྟན་པའི་མངོན་རྟོགས་ཆེན་མོང་ཤིན་ཏུ་ཞིབ་པ་འབྱུང་ཕྱིར་འདིར་ཡི་གེ་མང་པོར་མི་སྤྲོའོ། །ད་ནི་དེ་དག་གི་དོན་སྙིང་པོར་ཧྲིལ་གྱིས་དྲིལ་ན་བདག་མདུན་བུམ་གསུམ་གྱི་དཀྱིལ་འཁོར་ཐམས་ཅད་འང་རིག་ངོས་བཟུང་དང་བྲལ་བའི་གསལ་མདངས་ཀྱི་སྣང་ཆར་སྣང་སྲིད་སྣོད་བཅུད་ཐམས་ཅད་བླ་མ་དགོངས་པ་འདུས་པའི་དཀྱིལ་འཁོར་ཉག་གཅིག་ཏུ་གསལ་ལ་མ་འདྲེས་པ་སྒྱུ་མ་མཁན་གྱི་སྐྱེས་བུའི་ཡོ་ལང་ལྟ་བུར་ཤར་བ་ལ། སྟོང་ཆ་ནས་དངོས་ཞེན་གྱི་དྲི་མ་ཕྲ་མོ་ཙམ་ཡང་མེད་ཅིང་སྤྲོས་པའི་མཐའ་གང་དུའང་མ་དམིགས་པ་འཁོར་འདས་མཉམ་པ་ཉིད་ཀྱི་ལྟ་བའི་གདེངས་གིས་ཟིན་པ་ལ་བསྐྱེད་རྫོགས་ཟུང་འབྲེལ་

(༡༨༥)ཟེར་ཏེ། རིག་འཛིན་ཆེན་པོས། སྣང་གྲག་གསལ་ཆའི་གདངས་ཀུན་བསྐྱེད་རིམ་སྟེ། །ཨ་འཐས་འཛིན་ཞེན་སྣང་བ་རྫོགས་རིམ་ཉིད། །ཡེ་ནས་དབྱེར་མེད་ཡིན་ལ་ཡིན་བཞིན་གློང་། །བསྐྱེད་རྫོགས་ཟུང་འཇུག་ཉམས་ལེན་ཡེང་མེད་འབུངས། །ཞེས་གསུངས་པ་ལྟར་ཡིན་ཞིང་། གནད་དོན་འདི་ལྟ་བུ་མགོན་ལྷ་ཁྲིད་ལ་སོགས་པའི་རྒྱས་བཤད་ཇི་ཙམ་ཤེས་པར་རློམ་ཡང་བྱང་ཆུབ་བསྒྲུབ་པའི་ལམ་རྣལ་མར་མི་འགྲོ་བས་འགག་ལ་དྲིལ་བ་འདི་ཉིད་དོ། །གསུམ་པ་ཨ་ཏི་ཡོ་གའི་དགོངས་པས་ཡེ་ཤེས་ཀྱི་འཁོར་ལོ་སྤྱན་འདྲེན་ལ་སོགས་ཏེ་ལས་གཞུང་རྣམས་མཐར་ཆགས་སུ་ཆོ་ག་གཅིག་གི་སྒོ་ནས་མཉམ་སྒྲུབ་བྱེད་པ་ལ་གཉིས། རྩོད་པ་སྤང་བ་དང་ལས་གཞུང་གི་རྐང་གྲངས་གོ་རིམ་མོ། །དང་པོ་ནི། ཁ་ཅིག་ན་རེ། བདག་མདུན་ཆོ་ག་གཅིག་གིས་གསལ་བ་ནི་ཤིན་ཏུ་མི་རིགས་སོ་ཟེར་བ་ཡོད་དོ། །ལན་དུ། སྐྱོན་མེད་དེ། དབང་པོ་ཤིན་ཏུ་རྣོན་པོའི་དབང་དུ་བྱས་ནས་གསུངས་པ་ཡིན་པས་མི་འགལ་ཏེ། རྒྱུ་མཚན་ཅིའི་ཕྱིར་ན། སྣང་སྲིད་འཁོར་འདས་ཐམས་ཅད་རང་རིག་སོ་མའི་ངང་དུ་མ་འདུས་པ་སྒྲ་རྩེ་ཙམ་ཡང་མེད། རིག་པའི་སྤྲོ་བསྡུ་འདི་བསམ་གྱིས་མི་ཁྱབ་ཅིང་མཐའ་གཏུག་པ་མེད་པ་ནི། སངས་རྒྱས་ཕལ་པོ་ཆེའི་མདོ་ལས། ཀྱེ་རྒྱལ་བའི་སྲས་ཞེས་པོས་ནས་སྟོང་གསུམ་དར་ཡུག་ཆེན་པོའི་དཔེས་བསྟན་པས་ཀྱང་ཤེས་ལ། དེའི་དྲི་མ་མེད་པའི་སངས་རྒྱས་ཀྱི་ཡེ་ཤེས་དང་སེམས་ཅན་གྱི་ཁམས་ལྷུན་གྲུབ་ཏུ་མཆིས་པའི་དཔེ་ཡིན་ཞེ་ན། མཚོན་དེས་སེམས་ཅན་ལའང་འདུ་ཤེས་ཀྱི་འཛིན་པས་བཅིངས་ཏེ་ཡོན་ཏན་མ་མངོན་པ་ཙམ་ལས་ཐམས་ཅད་མཁྱེན་པའི་ཡེ་ཤེས་རྒྱུད་ལ་མ་ཞུགས་པ་མེད་པ་མདོ་དེ་ཉིད་ཀྱིས་བསྟན་པའི་ཕྱིར་ན། འདི་ལྟར་རྡོ་རྗེ་ཐེག་པ་ཤིན་ཏུ་རྣལ་འབྱོར་གྱི་མན་ངག་ཆེས་ཟབ་པས་དྲི་མ་ཐམས་ཅད་དང་བྲལ་བའི་ཀ་དག་གི་ཡེ་ཤེས་སྐད་ཅིག་ལ་ངོ་ཤེས་པའི་

(༡༨༦)རོལ་རྩལ་གྱིས་ཏིང་ངེ་འཛིན་དུ་མ་ལ་དབང་བསྒྱུར་ནུས་པས་དཀྱིལ་འཁོར་གསུམ་དུས་གཅིག་ལ་མཉམ་སྒྲུབ་བྱེད་པ་ཅིའི་ཕྱིར་མི་འཐད། དམུས་ལོང་རྣམས་ཉི་མ་དང་ཟླ་བའི་འོད་ཀྱང་མུན་པའི་རང་བཞིན་ཅན་ནོ་ཞེས་རང་གི་སྣང་ཡུལ་ཇི་ལྟར་གྲུབ་པ་ལས་ཁས་མི་ལེན་པ་ལྟར་ཁྱེད་ཅག་ཀྱང་ཐེག་པ་དང་རྒྱུད་སྡེའི་རྣམ་གྲངས་བསམ་གྱིས་མི་ཁྱབ་པ་དག་ལ་མི་བདེན་ཏོ་ཞེས་སྨྲ་བ་ལ་ཚམ་ཚོམ་མེད་པའི་ཕྱིར་འདི་སྐད་དུ། འོ་ན་རྒྱུད་སྡེ་བཞིན་འདི་ལྟར་མ་བཤད་པས་སོ་ཞེ་ན། འོག་མ་བཞི་ནས་མ་བཤད་པས་གོང་མ་གཉིས་སུ་མ་ཡིན་པར་མི་འགྲོ་སྟེ་རྒྱུད་སྡེ་ལ་རྐང་གྲངས་དང་གོ་རིམ་འབྱེད་པ་གང་ཟག་གི་བློ་ནུས་དང་འཚམས་པར་གསུངས་མོད། དེ་ལྟ་ན་བྱ་སྐྱོད་ལ་སོགས་པའི་རྒྱུད་སྡེ་འོག་མ་དག་ནས་བདག་སྒྲུབ་པ་པོ་དང་བསྒྲུབ་བྱའི་ལྷ་གཉིས་ཐ་དད་དུ་ལྟ་ལ། བླ་མེད་ལ་སོགས་རྒྱུད་སྡེ་གོང་མ་ནས་བདག་དང་ལྷ་གཉིས་དབྱེར་མེད་དུ་ལྟ་བ་འགལ་འདུ་ཅན་དུ་འཛིན་པར་འདོད་དམ། དེས་ན་དབང་པོ་ཡང་རབ་ཀྱི་སྤྱོད་ཡུལ་ལ་དགོངས་ནས་ཤིན་ཏུ་རྣལ་འབྱོར་གྱི་ལྟ་བའི་རྩིས་ཟིན་པས་བདག་མདུན་ཟུང་འཇུག་ཏུ་བཤད་པ་ཡིན་ནོ། །དེ་ཡང་མི་རིགས་ན། སེམས་གསུམ་ཡོད་པར་ཐལ། ལྷ་དང་དཀྱིལ་འཁོར་ཀྱང་རང་རྩལ་མ་ཡིན་པར་ལོགས་སུ་ཡོད་དགོས་པའི་ཕྱིར། འདི་དང་འདི་མི་འཁྲུག་པར་འདུག་སྙམ་པ་ནི་རྣམ་རྟོག་གི་བདུད་མཆོད་པའི་སྐྱོན་ཡིན་པས་སོ། །དེ་ཡང་མི་རིགས་ན། འོ་ན་ཀུན་རྫོབ་དང་དོན་དམ་གཉིས་ཀྱི་སྒོ་ནས་དཔེར་བརྗོད་བྱ་སྟེ། སྔ་མ་ལྟར་ན། ཟླ་བ་གཅིག་གི་གཟུགས་ཆུ་སྣོད་ཐ་དད་པའི་ནང་དུ་དུས་གཅིག་ལ་འཆར་བ་གནས་པས་འདི་ཡང་མི་སྲིད་པར་ཐལ། ཕྱི་མ་ལྟར་ན་རྒྱལ་བའི་ཐུགས་ཁྱབ་གདལ་ཆེན་པོར་བཞུགས་པ་འདི་ཡང་མི་རིགས་ཏེ། སེམས་གཅིག་གིས་ཀུན་ལ་ཁྱབ་པར་འདོད་དགོས་པའི་ཕྱིར་རོ། །དེས་ན་དེ་དག་རྣམས་ཕྱིན་ཅི་ལོག་གི་ཀླན་ཀ་འབའ་ཞིག་

(༡༨༧)ཡིན་ཏེ། དཀོན་མཆོག་བརྩེགས་པ་ལས། སངས་རྒྱས་བྱང་ཆུབ་སེམས་དཔའ་རྣམས་ཀྱི་ཐབས་དང་ཏིང་ངེ་འཛིན་དང་རྫུ་འཕྲུལ་གྱིས་སྤྱོད་ཡུལ་ནི་བསམ་གྱིས་མི་ཁྱབ་བོ། །ཞེས་གསུངས་པས་གདོད་མའི་མགོན་པས་དབང་བསྒྱུར་ཐབས་ཀྱི་ཐེག་པ་ལ་ཏིང་ངེ་འཛིན་འདི་ལྟ་བུའི་གནད་བསྟན་པ་ཡིན་ནོ། །ཅེས་ཀྱང་མ་རིགས་ན་གཙུག་ལག་ཁང་དང་དཀྱིལ་འཁོར་གྱི་ལྷ་ཚོགས་བསམ་གྱིས་མི་ཁྱབ་པ་དག་ལ་རབ་ཏུ་གནས་པའི་ཚེ་ཡང་རྟེན་དང་བརྟེན་པ་རེ་རེ་ནས་ཆོ་ག་བྱེད་དགོས་པ་འདུག་པས་ཁྱེད་རང་འོ་བརྒྱལ་ཆེ་བར་གདའོ། །ཚུལ་འདི་ལྟ་བུའི་རིགས་ནང་རྒྱུད་འདི་གསུམ་ཡང་ཐམས་ཅད་ལ་བདག་མདུན་མཉམ་བསྒྲུབ་ཏུ་བཤད་པའི་ངེས་པ་མེད་པས་རྒྱུད་གཞུང་ནས་ཇི་སྐད་བཤད་པ་ཐོན་ལས་རང་གི་ལོང་ཁྱབ་དང་བསྟུན་པའི་གཟུ་ལུངས་དང་།།།བཅོད་ཀྱིས་བྱིན་རླབས་ཉམས་ཤིང་ངན་སོང་མྱོང་བའི་ལས་རྟིང་མ་བ་རྣམས་ནས་མི་བྱེད་དེ། ལོ་མང་དུ་ཐོས་ཀྱང་ཆོས་ཀྱིས་ཕོངས་པའི་ནོངས་པ་ཤིན་ཏུའང་ཆ་སྟེ། ཨ་ཏི་ཤ་བོད་དུ་བྱོན་པའི་ཚ་ལོ་ཆེན་རིན་བཟང་དང་མངའ་རིས་སུ་མཇལ་བའི་ལོ་རྒྱུས་ཀྱིས་ཤེས་ལ་གཞན་ཡང་རྒོད་ཚང་བས་ཚུལ་འདི་དག་བློང་མི་ཤོང་བའི་སྐྱེ་བོ་དག་གིས་འདི་ནི་འཐད་དོ། །འདི་ནི་མི་འཐད་དོ། །འདི་ནི་མཚུངས་སོ། །འདི་ནི་མི་མཚུངས་སོ། །ཞེས་པ་ལ་སོགས་ཀྱི་རྣམ་པར་རྟོག་པ་མང་པོས་བསླང་བར་བྱེད་པ་ནི། བསྐྱེད་རྫོགས་ཟུང་འཇུག་དོན་དམ་པའི་སྙིང་པོའི་གནད་གསང་ཚུལ་བཞིན་དུ་མ་རྟོགས་པའི་སྐྱོན་ཁོ་ནར་ཟད་ལ། ཞེས་གསུངས་པ་དོན་ལ་གནས་པས་ཁབ་མིག་ཏུ་དར་ཡུག་མ་ཤོང་ནའང་བཏང་སྙོམས་སུ་བཞག་པས་ཆོ་ག་སྟེ། དེས་ན་ཁ་འཛིན་གྱི་ཅ་ཅོས་རྩ་ལྟུང་འབད་པས་སྒྲུབ་པ་དོན་མེད་དུ་ཤེས་པར་བྱའོ། །གཉིས་པ་ལ་བརྒྱད་དེ། ཡེ་ཤེས་ཀྱི་འཁོར་ལོ་སྤྱན་འདྲེན་པ། དེ་ཉིད་བཞུགས་སུ་གསོལ་བ། གཉིས་སུ་མེད་པར་དབང་བསྐུར་བ། དེ་ལ་རྒྱས་གདབ་བ། ཕྱག་འཚལ་བ། མཆོད་པ་འབུལ་བ། བསྟོད་པ་བྱ་བ། བཟླས་པའི་ཡན་ལག་གོ །དང་པོ་ནི། སྤྱི་ཁྱབ་ཏུ་གང་སྤྱན་འདྲེན་པའི་རྟེན། གང་ནས་

(༡༨༨)སྤྱན་འདྲེན་པའི་ཡུལ། གང་གིས་སྤྱན་འདྲེན་པའི་གང་ཟག་སོགས་རང་ལས་ཐ་དད་པར་བལྟ་ཞིང་རང་རྒྱུད་ལ་འབྱུང་འགྱུར་གྱི་ཡེ་ཤེས་པ་སྤྱན་འདྲེན་པར་འདོད་ཀྱང་། དགོངས་འདུས་རང་ལུགས་ལ་རང་བཞིན་གྱི་གནས་ནས་སྤྱན་འདྲེན་པ་ཞེས་དོན་ལ་དག་དྲན་གསལ་འདེབས་པ་ཙམ་གྱིས་ཆོག་སྟེ། རྒྱུ་མཚན་ཅིའི་ཕྱིར་ན་སངས་རྒྱས་རྣམས་ཆོས་སྐུ་སྤྲོས་བྲལ་གྱི་ངང་ལ་བཞུགས་པ་རང་རིག་པའི་ཡེ་ཤེས་དང་རོ་གཅིག་ཀྱང་། གནས་སྐབས་སུ་གཉིས་སྣང་གི་བག་ཆགས་ལ་བརྟེན་ནས་སེམས་ཅན་གྱི་རིགས་དུམ་བུར་ཆད་ནས་འཁོར་འདས་སུ་ཤར་བ་སྟེ། དེའི་རྒྱུ་ལྷན་སྐྱེས་ཀུན་བརྟགས་ཀྱི་མ་རིག་པ་གཉིས་ཀྱི་འཁྲུལ་གཞིའམ་སྒྲིབ་པས་སྔགས་པ་དེ་ཉིད་རིག་ཅིང་ཤེས་པ་ཙམ་གྱིས་དམ་ཡེ་དབྱེར་མེད་དུ་བལྟ་བར་འདོད་དོ། །གཞུང་ལས། དེ་ཡང་དམ་ཚིག་ཕ་དང་ཡེ་ཤེས་པ་གཉིས་སུ་མེད་པ་ལས་རང་གཞན་གྱི་ལུས་ངག་ཡིད་གསུམ་ལྷའི་སྐུ་གསུང་ཐུགས་སུ་ཡེ་ནས་གནས་ཤིང་དེ་ལས་མི་འདའ་བ་དམ་ཚིག་དེ་ལྟར་གསལ་ཞིང་ཐ་མལ་གྱི་ལོག་རྟོག་འཁྲུལ་པ་མེད་པ་ན་སེམས་དཔའོ། །དེ་ལྟར་གདོད་ནས་གནས་ཤིང་ཡེ་ནས་ཤེས་པས་ཡེ་ཤེས་གཉིས་སུ་འཛིན་པའི་དྲི་མ་མེད་པས་སེམས་དཔའ་སྟེ། དེ་ལྟར་ན་དམ་ཚིག་སེམས་དཔའ་དང་ཡེ་ཤེས་སེམས་དཔའ་དབྱེར་མེད་དུ་བཞུགས་པའོ། །དེ་ལྟར་ཡེ་ནས་ཡོད་པ་ལ་ངོས་འཛིན་བྱེད་པ་ཙམ་ལས། རང་བཞིན་གྱི་གནས་ནས་སྤྱན་དྲངས་ནས་བསྟིམ་ཞེས་བྱ་བའི་ཡུལ་ཅན་གཞན་ཞིག་གྲུབ་པ་མེད་དེ། རང་བཞིན་ལྷུན་གྲུབ་གཉིས་མེད་ཀྱི་དཀྱིལ་འཁོར་ཆེན་པོའོ། །ཞེས་གསུངས་པ་དང་། དེའི་དོན་ཤིན་ཏུ་གོ་སླ་བར་བརྗོད་ན། རིག་འཛིན་རྩེ་ལེ་བས་འདི་སྐད་དུ། དེ་ནས་སྤྱན་འདྲེན་ཡང་ཕྱི་རོལ་ནས་མི་གཅིག་པ་ཞིག་སྤྱན་དྲངས་ནས་འབྱོན་རྒྱུ་ཡོད་པ་ལྟ་བུ་མ་ཡིན་ཏེ། མ་དག་པའི་འཁྲུལ་སྣང་སྦྱང་ཕྱིར་ལྷ་སོ་སོའི་མཚན་དང་བཞུགས་གནས་སོགས་ཐ་

(༡༨༩)དད་ནས་སྤྱན་འདྲེན་པའི་ཚིག་ངག་ནས་བརྗོད་ཀྱང་། དོན་དུ་རང་རིག་བྱང་ཆུབ་སེམས་ཀྱི་རོལ་བའི་ཆོ་འཕྲུལ་སྣང་སྲིད་ཀུན་ལ་མ་ཁྱབ་པ་མེད་ཕྱིར། རང་ཤེས་རིག་པའི་དམ་ཚིག་ཡེ་ཤེས་གཉིས་སུ་བྱར་མེད་སོ་སོ་མ་ཡིན་ཐ་མི་དད་དུ་སྤྱན་དྲངས། ཞེས་གསུངས་པའི་དག་དྲན་ཤེས་རྒྱུད་ལ་འབྱོར་བས། སྤོས་རོལ་གདུང་དབྱངས་དང་བཅས། ཧཱུྃ་ཧྲཱིརང་བྱུང་ཐུགས་རྗེ་མ་འགགས་རོལ་པའི་སྐུ༔ སོགས་ཀྱིས་སྤྱན་དྲངས་ལ། སྔགས་དོན་ནི། ཨོཾཱ་ཨཱཧཱུྃ་ནི་སྐུ་གསུང་ཐུགས་ཀྱི་སྲོག་ཡིག །བཛྲ་གུ་རུ་དེ་ཝ་ཌཱཀྐི་ནི༔ རྡོ་རྗེ་བླ་མ་ཡི་དམ་མཁའ་འགྲོ་ཧྲཱིམ་ནི་རྟ་ཕག་གཉིས། ཧ་རི་ནི་ས་ནི་མཁའ་འགྲོ་སྡེ་བཞི། ར་ཙ་ཧྲི་ཡ་ནི་དཔའ་བོ་རིགས་བཞིའི་སྲོག་ཡིག་དང་། ཨེ་ནི་འདིར། ཨར་ལི་རོལ་པ། ཧྲི༚་ཧྲི༚་ནི་དབང་དུ་བྱ་བ་དང་། ཕཻཾ་ཕཻཾ༔ ཞེས་པ་འདི་ལ་མངས་པའི་གསུང་བགྲོས་དང་སྔགས་གསང་མའི་གཞུང་ལ། ཕ་ཨེ་མ་གསུམ་གྱི་སྒྲ་ཐོན་པ་དགོས་ཞེས་གསུངས་པ་དང་། དག་སྦྱོར་ནི་ཁོས་ཁོས་ཞེས་པ་ཡིན་ཞིང་། གསང་སྔགས་ལུང་གི་སྒོ་བཞི་ཞེས་པའི་ཡ་གྱལ། ཐུགས་དམ་གནད་བསྐུལ་གསང་བ་སྔགས་ཀྱི་སྐྲོ། །ཞེས་པའང་གནད་འདི་དག་ལ་དགོངས་པ་སྟེ། གནད་ནས་བསྐུལ་བའི་སྔགས་སྒྲ་ཟབ་མོ་ཞིག་སྟེ་གཞན་དུ་ཕྱག་རྒྱ་བཅའ་བའི་ལུགས་ཀྱང་སྣང་ངོ་། །ཛཧཱུྃ་བྃ་ཧོནི་ཕྱག་རྒྱ་བཞི་ཡིས་དམ་ཡེ་དབྱེར་མེད་དུ་བཅིངས་པའི་དོན་ནོ། །གཉིས་པ་བཞུགས་སུ་གསོལ་བ་ནི། བདག་བསྐྱེད་ཟབ་མོ་ལུས་ཀྱི་དཀྱིལ་འཁོར་དེ་ཉིད་ཀྱི་ནང་དུ་བརྟེན་པ་རང་ཤེས་རིག་པའི་ལྷ་ཚོགས་རྡོ་རྗེ་ལུས་གྲུབ་པ་ཚུན་ནས་འདུ་འབྲལ་མེད་ཅིང་། དེའི་རྣམ་རོལ་ལས་ཤར་བའི་མདུན་བསྐྱེད་ལའང་གཉིས་འཛིན་གྱི་དྲི་མས་གཟོད་ནས་དབེན་པས་དམ་ཡེ་དབྱེར་མེད་དུ་ཡོད་ཀྱང་ཀུན་རྫོབ་གློ་བུར་གྱི་བག་ཆགས་སྦྱོང་བའི་དག་དྲན་ཙམ་དུ་རྡོ་རྗེའི་ཆོས་བདུན་དང་ལྡན་པའི་རང་བཞིན་དུ་འདུ་འབྲལ་མེད་པར་རྒྱས་ཐེབས་པར་བསམས་

(༡༩༠)ལ། ཧཱུྃ་ཧྲཱིསྒྱུ་ལུས་ཕོ་བྲང་བཀོད་པའི་གཞལ་ཡས་འདིར༔ ཞེས་སོགས་དང་། ཁ་ཅིག་ན་རེ་ཚིག་རྐང་དང་པོའི་རྗེས་སུ་འབྲངས་ནས་མདུན་བསྐྱེད་ལ་ཟུང་དུ་བསྒྲུབ་མི་ནུས་སམ་སྙམ་ན། སྐྱོན་མེད་དེ། ཕོ་བྲང་རིན་ཆེན་དམ་པ་བྱིན་རེ་ཆགས ཞེས་ཡོད་པས་འདིའི་སྐབས་སུ་ཚིག་རྐང་དང་པོ་གཉིས་ཀྱིས། བདག་བསྐྱེད་དང་། དེའི་འོག་མ་བཤད་མ་ཐག་པས་མདུན་བསྐྱེད་ལ་བསམས་པས་ཆོག་གོ །སྔགས་དོན་ནི་སྔ་མ་དང་རིགས་འགྲེ་ནས། ཙིཏྟ་བཛྲ་ཛྙཱ་ན་ནི། ཐུགས་རྡོ་རྗེའི་ཡེ་ཤེས་དང་། པདྨ་ཀ་མ་ལ་ཡེ་སྟྭཾ་ནི་དེ་ལ་གད་ན་དབུལ་བའི་དོན་ནོ། །གསུམ་པ་དབང་བསྐུར་བའི་ཡན་ལག་ལ་བཞི། གང་ལ་དབང་བླང་བའི་ཡུལ། གང་གིས་དབང་བླང་བའི་རྟེན། ཇི་ལྟར་བསྐུར་བའི་ཚུལ། བསྐུར་ཐོབ་གཉིས་སུ་མེད་པའི་ངང་དུ་རྒྱས་འདེབས་པའོ། །དང་པོ་ནི་རིགས་བདག་འོད་དཔག་མེད་དང་རྒྱལ་བ་རིགས་ལྔ་ཡབ་ཡུམ་རྣམས་རང་དབང་རང་ཐོབ་ཀྱིས་དབང་རྟགས་མུ་ཡེ་ནས་ལྷུན་གྲུབ་ཏུ་དབུ་ལ་བཞུགས་པ་ལས་སྒྲུབ་པ་པོ་ལ་བྱིན་གྱིས་རློབ་པའི་སླད་དུ་མཁའ་ཁྱབ་ཏུ་སད་པར་མོས་པའོ། །གཉིས་པ་ནི། ལྷག་པའི་དཀྱིལ་འཁོར་དམ་ཡེ་དབྱེར་མེད་དུ་འདྲེས་པ་བདག་མདུན་ཟུང་འཇུག་གི་རྣམ་རོལ་དུ་བཞུགས་པ་དེས་བླང་ངོ་། །གསུམ་པ་ཇི་ལྟར་བསྐུར་བའི་ཚུལ་ལ་བཞི། རིགས་ལྔ་སོ་སོའི་འགོ་སྐལ། དབང་བཞི་ཐོབ་པའི་ཚུལ། དེ་ཉིད་ཀྱི་ཕན་ཡོན། ཡེ་ཤེས་སེམས་དཔའི་སྲོག་དབང་ངོ་། །དང་པོ་ནི་མཁའ་ཁྱབ་ཀྱི་རྡོ་རྗེ་སློབ་དཔོན་འོད་དཔག་མེད་དང་། རིགས་ལྔ་ཡབ་ཡུམ་རྣམས་ཀྱིས་སྔགས་སྒྲ་དང་བཅས་རྡོ་རྗེ་མི་བསྐྱོད་པ་སོགས་ཤར་ཕྱོགས་པ་རྣམས་ཀྱིས་ཆུ་དབང་། ལྷོ་ཕྱོགས་པས་དབུ་རྒྱན། ནུབ་ཕྱོགས་པས་རྡོ་རྗེ། བྱང་ཕྱོགས་པས་དྲིལ་བུ། དབུས་ཕྱོགས་པས་མིང་དབང་དང་བཅས་ཚོམ་བུ་སོ་སོའི་རིགས་ལ་རང་རང་གི་རིགས་གཙོ་ཡབ་ཡུམ་དབུས་སུ་གནས་ནས་ཕྲུགས་གཅིག་ཏུ་དབང་བསྐུར་བར་བསམ་མོ། །གཉིས་པ་ནི། དེ་ལྟར་དབང་

(༡༩༡)བསྐུར་ཞིང་བྱིན་རླབས་མཛད་པས་ལྷ་ཚོགས་རྣམས་ལ་བདེ་སྟོང་ཟུང་དུ་འདྲེལ་བའི་ཡེ་ཤེས་བྱེད་པར་ཅན་གསར་དུ་འཁྲུངས་པར་བསམས་པ་བུམ་དབང་། དབང་ལྷ་ཡབ་ཡུམ་རྣམས་སྦྱོར་པ་མཛད་པའི་རྗེས་ཆགས་ཀྱི་མེས་བཞུ་བའི་བྱང་ཆུབ་སེམས་ཀྱི་རང་བཞིན་ལྷ་ཚོགས་རྣམས་ཀྱི་སྤྱི་བོར་ཐིམ་པས་བདེ་དྲོད་འབར་བ་ནི་གསང་དབང་། དབང་ལྷ་རྣམས་ཀྱང་བདེ་ཆེན་དགའ་བྲལ་གྱི་མེས་འོད་དུ་ཞུ་ནས་ལྷ་ཚོགས་རྣམས་ཀྱི་སྤྱི་བོར་ཐིམ་པས་དེ་དག་ཡབ་ཡུམ་རྣམས་རྗེས་ཆགས་ལྷག་པར་རྒྱས་ཏེ་སྙོམས་པར་ཞུགས་པའི་དགའ་བས་ལུགས་འབྱུང་ལུགས་རྡོག་གི་དགའ་བ་བཞིའི་ཡེ་ཤེས་ཁྱད་པར་ཅན་འཁྲུངས་པ་ཤེར་དབང་། དེའི་ཚེ་བདེ་སྟོང་གཉིས་སུ་མེད་པའི་དོན་གྱི་འོད་གསལ་དང་། ཤིན་ཏུ་ཕྲ་བའི་རླུང་འོད་ཟེར་ལྔ་པ་ཙམ་ལས་གྲུབ་པའི་སྒྱུ་མའི་སྐུ་གཉིས་ཟུང་དུ་འཇུག་པའི་ཡེ་ཤེས་རྒྱུད་ལ་སྐྱེས་པས་ཚིག་དབང་རིན་པོ་ཆེ་བཅས་ཐོབ། སྒྲིབ་གཉིས་བག་ཆགས་དང་བཅས་པ་དག །བདེ་སྟོང་དབྱེར་མེད་ཀྱི་ངོ་བོ་བྱང་ཆུབ་ཀྱི་སེམས་གྱེན་དུ་འཁྱེལ་བ་ལས་བདག་མདུན་སོ་སོའི་གཙོ་བོའི་དབུ་གཙུག་ཏུ་རིགས་བདག་འོད་དཔག་མེད་བཞུགས་ཤིང་། དབང་རྟགས་གཞན་རྣམས་ཕྱི་དཀྱིལ་མཚོན་ན་རང་རང་གི་རིགས་ཀྱིས་གཙོ་བོ་བྱས་པའི་རིགས་ལྔས་དབུ་བརྒྱན་པ་ཡིན་ཏེ་སྒྱུ་འཕྲུལ་གྱི་འགྲེལ་བར། གང་དབུ་སུ་སོང་བདེའི་ཤུལ་དུ་མི་བསྐྱོད་པ་འབྱུང་བར་ཤེས་པར་བྱའོ། །ཞེས་གསུངས་པ་ལྟར་རོ། ཁ་ཅིག་ན་རེ། སྤྲོས་བཅས་གཙོ་ཆེ་བ་དང་འགྲེལ་པ་སྐུའི་རྒྱུད་འགྲེལ་གྱིས་རྒྱས་བཀང་འདི་ལ་མི་རིགས་སམ་སྙམ་ན། ཤིན་ཏུ་མི་རིགས་ཏེ། མདུན་བསྐྱེད་ནི། མ་ཧཱ་ཡོ་གའི་ལུགས་སོར་བཞག་ཡིན་པའི་ཕྱིར་རོ། །གསུམ་པ་ནི། དེ་ལྟར་དབང་བསྐུར་བའི་ལྡན་འབྲས་སམ་ནུས་པས། ཆོས་དབྱིངས་ཡེ་ཤེས་ཀྱི་དབང་ཐོབ་སྟེ་སེམས་ལ་སྒྲིབ་པ་མི་གནས། མེ་ལོང་ཡེ་ཤེས་ཀྱི་དབང་ཐོབ་སྟེ་སེམས་ཉིད་གསལ་སྟོང་དུ་གནས། མཉམ་ཉིད་ཡེ་

(༡༩༢)ཤེས་ཀྱི་དབང་ཐོབ་སྟེ་འཁོར་འདས་མཉམ་པ་ཉིད་དུ་རྟོགས། སོར་རྟོག་ཡེ་ཤེས་ཀྱི་དབང་ཐོབ་སྟེ་རིག་པགས་ལ་ལམ་འགགས་པ་འཆར། ཕྱབ་།།།ནན་ཏན་གྱི་དབང་ཐོབ་སྟེ་ཐམས་ཅད་ཆོས་ཉིད་ཀྱི་རོལ་པར་ཆམ་བརྡལ་དུ་འགྱུར་རོ། །བཞི་པ་ནི་མདུན་བསྐྱེད་ཀྱི་ཐུགས་ཀའི་ཡེ་ཤེས་སེམས་དཔའ་འོད་དཔག་མེད་བདེ་བ་ཆེན་པོའི་ཉམས་རྒྱས་པས་ཟག་མེད་ཀྱི་བྱང་སེམས་ཐུགས་རྡོ་རྗེར་ཐིམ་ཞིང་། ཏིང་འཛིན་སེམས་དཔའ་ཧྲཱིཡིག་དམར་པོའི་རྣམ་པ་ཅན་ལ་ཕོག་པས་འཁོར་འདས་ཀྱི་དངས་བཅུད་ཐམས་ཅད་འདུས་ཏེ་མི་ཤིགས་པའི་ཐིག་ལེ་ལས་གྲུབ་པའི་སྐུ་རྒྱན་མེད་ཆ་བྱད་ཐམས་ཅད་ཡོངས་སུ་རྫོགས་པའི་གཟི་བྱིན་དང་ལྡན་ཞིང་བདེ་སྟོང་ཟུང་དུ་འཇུག་པའི་ཡེ་ཤེས་ལྷག་པར་རྒྱས་པར་མོས་པ་ནི། ཡེ་ཤེས་སེམས་དཔའི་སྲོག་ལ་ལྷན་ཅིག་སྐྱེས་པའི་ཡེ་ཤེས་ཀྱི་དབང་བསྐུར་བའོ། །གཞུང་གི་དབང་ཚིག་རྡོ་རྗེའི་ཚིག་རྐང་ལ་སོ་སྐྱེའི་སློས་དཔག་པར་དཀའ་བའི་ཕྱིར། རིགས་མཐུན་གྱི་མན་ངག་ཁྱད་པར་ཅན་ལ་ཞིབ་ཏུ་དཔྱད་ནས་དགོངས་གསང་ཞིབ་མོར་བཀྲལ་བའི་ལུགས་ཡིན་ལ། ཅི་སྟེ་སྣང་ལ་མ་ངེས་པ་དམུས་ལོང་ནོར་བུ་སྒོམ་པ་ལྟ་བུ་ལ་བྱིན་རླབས་དང་ནུས་པ་མི་འཇུག་པའི་ཕྱིར་རྒྱུད་ལུང་གི་དབང་པོ་དང་བཅས་ཏེ་སྤྱན་དབྱེ་བ་གྱིས་པ་ཡིན་ནོ། །བཞི་པ་དག་དྲན་ནི། ཐེག་པ་འོག་མ་ལྟར་སྤོང་གཉེན་གྱི་ཚུལ་དུ་མ་ཡིན་པས། རང་བཞིན་གྱིས་རྟོགས་པའི་དོན་ལ་འཁྲུལ་མེད་རང་དབང་སྒྱུར་བ་སྟེ་བསྐུར་ཐོབ་གཉིས་སུ་མེད་པའི་དག་དྲན་སོ་མའི་ངང་ལས། ཧྲཱིརིགས་མཆོག་དམ་པ་འོད་དཔག་མེད་པའི་སྐུ༔ སོགས་ནས་སྔགས་དོན་ནི། ཨོྃ་ཨཱཧཱུྃ་ཧྲཱིསྭཱ་ཧཱ། ཞེས་འབྲུ་དྲུག་གི་རིགས་ལྔ་དང་འོད་དཔག་མེད་ཀྱི་ས་བོན། ཨ་བྷི་ཁིཉྩ་ཏུ་མཱཾ༔ ཞེས་མངོན་པར་དབང་བསྐུར་བའི་དོན་ནོ། །བཞི་པ་རྒྱས་གདབ་པ་ལ་གཉིས། སྤྱིར་བཤད་པ་དང་། སྒོས་གནད་འགྲོལ་བའོ། །དང་པོ་ནི་རིགས་བདག་གིས་རྒྱས་འདེབས་བྱ་བ་འདིས་རྡོ་རྗེ་ཐེག་པའི་གཞི་ལམ་འབྲས་བུ་ཐམས་ཅད་མཚོན་ནུས་

(༡༩༣)པར་གསུངས་ཤིང་། གལ་ཏེ་འདི་འཕྲོག་འཆོལ་བར་གྱུར་ན་དངོས་གྲུབ་ཉམས་པའི་ཉེས་དམིགས་ཡོད་དེ། རྒྱུད་ལས། རངས་འཆོལ་སྒོམ་པའི་སྦྱོར་བ་ལས། །དངོས་གྲུབ་མེད་ཅིང་སྒྲུབ་པོའང་མེད། །ཅེས་གསུངས་པ་དང་། དེ་མཚུངས་དབུ་རྒྱན་གྱི་རིགས་ལ་ཡང་གསང་བའི་སྙིང་པོ་དེ་ཁོ་ན་ཉིད་ངེས་པའི་རྒྱུད་འགྲེལ་གསལ་བྱེད་མེ་ལོང་ལས། ལ་ལས་བླ་མེད་ཀྱི་ལྷའི་དབུ་རྒྱན་ཡོ་གའི་རིགས་ལྔས་བྱས་པ་དང་། ལ་ལས་ཡོ་གའི་དབུ་རྒྱན་གྱི་ལྷ་ཡབ་ཡུམ་འཁྲིལ་སྦྱོར་ཅན་བྱས་པ་དང་། ལ་ལས་སྔགས་ནང་ལུགས་ཀྱི་རིགས་ལྔ་ལ་ཡུམ་མེད་པའི་དབུ་རྒྱན་བྱས་ནས་སྣང་མོད་ཀྱི། འདི་ཐམས་ཅད་ནི་ཤིན་ཏུ་རིགས་པ་མ་ཡིན་ཏེ། ཅེས་གསུངས་པ་ལྟར་རིགས་མ་འཆོལ་བ་སྔགས་ཕྱི་ནང་གིས་དབྱེ་བ་བྱེད་པ་གཉིས་ཀ་དགོས་པ་སྟེ། དེས་ན་འདི་ལ་ཡང་གཞན་རྣམས་ནི་གོང་དུ་ཞིབ་པར་བཤད་མོད་ཀྱི་དབུ་རྒྱན་གྱི་ལྷ་རྣམས་ནི་འཁྲིལ་སྦྱོར་དགོས་པ་ཡིན་ནོ། །གཉིས་པ་ལ་གཉིས། རྒྱས་པར་བཤད་པ་དང་། འགག་ལ་དྲིལ་བའོ། །དང་པོ་ལ་གཉིས། སྒྱི་བསྡོམས་སུ་བཤད་པ་དང་། རྒྱུ་དང་འབྲས་བུ་ལ་ཤན་སྦྱར་ནས་བཤད་པའོ། །དང་པོ་ནི། དེ་ཡང་རགས་པའི་ཕུང་ཁམས་སྐྱེ་མཆེད་དངས་མའི་ལྷར་གསལ་བ་ནི་ཀུན་བརྟགས་ལ་གཞན་དབང་གི་རྒྱུ། ལྷ་དེ་དག་གི་དབུ་གཙུག་ཏུ་སོ་སོའི་རིགས་བདག་གིས་རྒྱས་གདབ་པ་ནི་གཞན་དབང་ལ་གཞན་དབང་གི་རྒྱ། རིགས་བདག་རྣམས་ཀྱི་སྤྱི་བོར་རང་རང་གི་ཕྱག་མཚན་གྱིས་རྒྱས་གདབ་པ་ནི་གཞན་དབང་ལ་ཡོངས་གྲུབ་ཀྱི་རྒྱ་སྟེ་མ་ཧཱ་ཡོ་གའི་རིགས་ལ་གཙོ་ཆེ་བར་བྱེད་པའོ། །གཉིས་པ་ལ་ལྔ། ངོ་བོ་ཉིད་ལ་ངོ་བོའི་རྒྱ། ལུས་ལ་སེམས་ཀྱི་རྒྱ། སེམས་ལ་ལུས་ཀྱི་རྒྱུ། རྒྱུ་ལ་འབྲས་བུའི་རྒྱ། འབྲས་བུ་ལ་རྒྱུའི་རྒྱའོ། །དང་པོ་ནི། སེམས་ཀྱི་རང་བཞིན་རྣམ་པར་དག་པ་ལ་ཡིད་ཀྱི་ངོ་བོ་མི་བསྐྱོད་པས་རྒྱས་འདེབས་པའོ། །གཉིས་པ་ནི། ལུས་ཀྱི་ངོ་བོ་

(༡༩༤)རྣམ་པར་སྣང་མཛད་ལ་སེམས་རྣམ་པར་དག་པའི་ངོ་བོ་མི་བསྐྱོད་པས་རྒྱས་འདེབས་པའོ། །གསུམ་པ་ནི། ཡིད་ཀྱི་རང་བཞིན་རྣམ་པར་དག་པའི་ངོ་བོ་མི་བསྐྱོད་པ་ལ་ལུས་རྣམ་པར་དག་པ་རྣམ་སྣང་གིས་རྒྱས་འདེབས་པའོ། །བཞི་པ་ནི། རྒྱུ་འདོད་ཆགས་རྣམ་པར་དག་པའི་ངོ་བོ་འོད་དཔག་མེད་ལ། འབྲས་བུ་སེར་སྣ་རྣམ་པར་དག་པའི་ངོ་བོ་རིན་འབྱུང་གིས་རྒྱས་འདེབས་པའོ། །ལྔ་པ་ནི། འབྲས་བུ་ཕྲག་དོག་རྣམ་པར་དག་པའི་ངོ་བོ་དོན་ཡོད་གྲུབ་པ་ལ། རྒྱུ་འདོད་ཆགས་རྣམ་པར་དག་པའི་ངོ་བོ་འོད་དཔག་མེད་ཀྱིས་རྒྱས་འདེབས་པའོ། །གཉིས་པ་ནི། དེ་རྣམས་མིང་ཐ་དད་དུ་བཏགས་ཀྱང་དོན་ལ་རང་རིག་པའི་ཡེ་ཤེས་ཀྱི་རྣམ་རོལ་གཅིག་པུ་ལས་ཤར་བ་ལེ་ནས་དམ་ཡེ་དབྱེར་མེད་ཆུ་ལ་ཆུ་བཞག་པ་ལྟ་བུར་ཡོད་ཀྱང་། གནས་སྐབས་གཉིས་འཛིན་གྱིས་འཁྲུལ་པས་རང་དགར་ཐ་དད་དུ་བཟུང་བ། དེ་ནས་བྱང་ཆུབ་མ་ཐོབ་ཀྱི་བར་དུ་དབྱེར་མེད་རོ་གཅིག་ཁྱབ་གདལ་ཆེན་པོའི་ཀློང་དུ་འདུ་འབྲལ་མེད་པར་ངེས་ཤེས་བསྐྱེད་ཅིང་དམ་བཅའ་ནི་ཐུན་མོང་མ་ཡིན་པའི་རྒྱས་གདབ་པ་སྟེ། ཧྲཱི ལྷུན་གྲུབ་རྒྱལ་བ་དམ་ཚིག་སེམས་དཔའི་སྐུ སོགས་ནས། སྔགས་དོན་ནི། ཨོཾཱ་ནི་ཡེ་ཤེས་རྣམ་པ་ལྔས་མགོ་འདྲེན་པ། མ་ཧཱ་ཤུ་ཛྙཱ་ཏ་ནི་དག་པ་ཆེན་པོའི་ཡེ་ཤེས། ས་མ་ཡ་ཧཱུྃ་ནི་དམ་ཚིག་གིས་ཐུགས་རྒྱུད་བསྐུལ་བ། ས་མ་ཡ་སྟིྭ་ནི་དམ་ཚིག་པ་དང་གཉིས་མེད། ར་ཧོ་ཧི་ནི་བདེ་བ་དང་སྟོང་པ་གཉིས་སུ་མེད་པའི་ངོ་བོར་རྒྱས་ཐེབས་པའི་དོན་ནོ། །ལྔ་པ་ཕྱག་འཚལ་བ་ལ་གསུམ། གང་ལ་འཚལ་བའི་ཡུལ། ཇི་ལྟར་འཚལ་བའི་ཚུལ། དེ་ལྟར་བཙལ་བའི་དགོས་ཆེད་དོ། །དང་པོ་ལ་གསུམ། ཆོས་སྐུ་སྟོང་ཉིད་ནམ་མཁའ་ལྟ་བུའི་ཀློང་ནས། ལོངས་སྐུའི་གསལ་མདངས་སྣང་ལ་མ་འདྲེས་པར་སྟོན་ཅིང་སྤྲུལ་སྐུའི་ཐུགས་རྗེ་རྣམ་འགྱུར་གང་འདུལ་གྱི་རོལ་བར་ཤར་བ་སྟེ། སྐུ་གསུམ་འདུ་འབྲལ་མེད་པའི་བླ་མ་རྣམས་དང་། དེ་བཞིན་དུ་ཆོས་སྐུའི་གནས་སྐབས་ན་རང་

(༡༩༥)བཞིན་ཞི་བའི་དང་ལས་མ་གཡོས་ཀྱང་། ལོངས་སྐུའི་གསལ་ཆ་གདུག་པ་ཅན་འདུལ་ཕྱིར་ཤིན་ཏུ་ཁྲོ་བར་སྟོན་ཅིང་། སྤྲུལ་སྐུའི་རོལ་རྩལ་ཆ་ལུགས་མ་ངེས་པར་སྣང་བའི་བདག་ཉིད་ཡི་དམ་གྱི་ལྷ་ཚོགས་དང་། ལྷ་ཚོགས་དེ་དག་ཀུན་གྱི་ཡུམ་གྱི་ཚུལ་དུ་སྣང་ཞིང་ངོ་བོའི་སྐབས་སུ་སྟོང་པ། ཡུམ་དེ་དག་གི་ཡབ་ལ་སྣང་ཞིང་རང་བཞིན་གྱི་སྐབས་སུ་གསལ་བ། དེ་གཉིས་གདོད་ནས་དབྱེར་མེད་དུ་བཞུགས་པ་བདེ་སྟོང་ཆེན་པོའི་ཡེ་ཤེས་གྱི་རྩལ་ལས་སྤྲུལ་པའི་སྲས་འཁོར་སྣ་ཚོགས་པར་ཤར་བ་རྣམས་ཕྱག་འཚལ་བའི་ཡུལ་ལོ། །གཉིས་པ་ཇི་ལྟར་འཚལ་བའི་ཚུལ་ལ་གསུམ་རབ་ལྟ་བ་མཇལ་བའི་ཕྱག །འབྲིང་སྒོམ་པ་གོམས་པའི་ཕྱག །ཐ་མ་མོས་གུས་ཀྱི་ཕྱག་གོ །དང་པོ་ནི། པཉྩ་དྲ་མ་ལས། ཇི་ལྟར་ཆུ་ལ་ཆུ་བཞག་དང་། །ཇི་ལྟར་མར་ལ་མར་བཞག་བཞིན། །རང་གིས་རང་གི་ཡེ་ཤེས་གང་། །ལེགས་མཐོང་གང་ཡིན་འདིར་ཕྱག་འཚལ། །ཞེས་གསུངས་པ་ལྟར། ཕྱག་འཚལ་བའི་ཡུལ། ཕྱག་འཚལ་བའི་མཁན་པོ། ཕྱག་འཚལ་བའི་ཚུལ་ཐམས་ཅད་རང་སེམས་སྐད་ཅིག་མའི་བྱེད་ལས་ཀྱིས་རྣམ་པར་སྒྲོ་བཏགས་པ་ལས། དོན་ལ་ཕྱག་འཚལ་ཡུལ་དང་འཚལ་བྱ་གཉིས་སུ་མ་གྲུབ་པའི་ཡེ་ཤེས་ལ་ངེས་བརྙེད་པ་ནི་ཕྱག་འཚལ་བའི་མཆོག་ཡིན་ཞིང་། དེའི་རྣམ་རོལ་ལས་ཀུན་རྫོབ་ཙམ་དུ་བརྡ་ཕྱག་འཚལ་བའི་ལྷ་མོ་བཞི་བདག་བསྐྱེད་ཀྱི་ཐུགས་ཀ་ནས་སྤྲོས་ཏེ། ཨེ་མ་ཧོ། ཆོས་སྐུ་ནམ་མཁའ་ལྟ་བུར་དབྱེར་མེད་ཀྱང་། སོགས་ཀྱི་མཐར། ན་མོ་ནི་ཕྱག་འཚལ་བ། གུ་རུ་དྷེ་ཝ་ཌཱཀྐི་ནི་བླ་མ་ཡི་དམ་མཁའ་འགྲོ་ལ། དྷརྨ་ཀཱ་ཡ་ནི་ཆོས་སྐུ། སམྦྷོ་ཀཱ་ཡ་ནི་ལོངས་སྐུ། ནིར་མ་ཀཱ་ཡ་ནི་སྤྲུལ་སྐུ་ལ། ཨ་ཏི་པུ་ཧོ ཞེས་པས་བརྡ་ཕྱག་སྤང་བླང་མེད་པར་བཙལ་བས། འཚལ་ཡུལ་དང་འཚལ་བྱ་གཉིས་ལ། བཟང་ངན་དང་། གཉིས་ཆོས་མ་གྲུབ་པའི་བརྡར་མདུན་བསྐྱེད་ཀྱི་ཐུགས་ཀ་ནས་ཀྱང་སྤྲུལ་པའི་ལྷ་མོ་བཞི་བྱུང་

(༡༩༦)སྟེ་པྲ་ཏཱིཙྪ་ཧོ ཞེས་ཕྱག་ལན་བཏབ་པར་བསམས་ལ་རང་རང་གི་ཐུགས་ཀར་བསྡུའོ། །ས་བཅད་ཕྱི་མ་གཉིས་ནི་འོག་ཏུ་ཕྱག་འཚལ་བརྒྱ་རྩའི་སྐབས་འདོམས་ནས་འཆད་པ་ཡིན་ནོ། །གསུམ་པ་དགོས་ཆེད་ནི། དོན་དམ་ནམ་མཁའ་ལྟ་བུའི་ཀློང་ནས། ཀུན་རྫོབ་སྒྱུ་མ་ལྟ་བུའི་བརྡ་ཕྱག་སྤང་བླང་མེད་པར་བཙལ་བས། ཚོགས་གཉིས་ཐ་མི་དད་དུ་རྫོགས་པའི་དགོས་པ་ཡོད་དོ། །དྲུག་པ་མཆོད་པ་འབུལ་བའི་ཡན་ལག་ལ་ལྔ། ཕྱིའི་མཆོད་པ། ནང་གི་མཆོད་པ། གསང་བའི་མཆོད་པ། དེ་ཁོ་ན་ཉིད་ཀྱི་མཆོད་པ། སྨན་གཏོར་རཀྟའི་མཆོད་པའོ། །དང་པོ་ལ་གཉིས། འབུལ་བའི་ཏིང་ངེ་འཛིན་དང་། འབུལ་ཡུལ་བཤད་པའོ། །དང་པོ་ནི། ཕྱི་རྫས་ཀྱི་མཆོད་པ་སྔར་བྱིན་རླབས་ཀྱི་སྐབས་སུ་བཤད་པ་སོ་སོའི་རྐང་གྲངས་དང་གོ་རིམ་བཞིན་ཐོགས་པའི་ལྷ་མོ་ཡིད་འོང་མ་བློས་མི་འཁྱུད་པ་ཙམ་བདག་བསྐྱེད་ཀྱི་ཐུགས་ཀ་ནས་སྤྲོ་ཞིང་། རང་གིས་སྤྲུལ་པའི་ལོངས་སྤྱོད་ལ་རང་གིས་ལོངས་སྤྱོད་པའི་ཚུལ་དུ་བདག་བདག་མདུན་ཐ་མི་དད་དུ་འབུལ་བ་ཡིན་ནོ། །གཉིས་པ་ནི། མཆོད་ཡོན་ཞལ། ཞབས་བསིལ་ཕྱག་ཞབས། མེ་ཏོག་དབུ། བདུག་སྤོས་ཤངས། མར་མེ་སྤྱན། དྲི་ཆབ་སྐུ། ཞལ་ཟས་ལྗགས། རོལ་མོ་སྙན་ལ་སོགས་ཏེ་མདོར་ན་སྣང་སྲིད་ཀྱི་འདོད་ཡོན་དབང་པོ་དྲུག་གིས་སྤྱོད་ཡུལ་དུ་གྱུར་ཚད་ཐམས་ཅད་བཟང་ངན་རོ་མཉམ་ཆེན་པོར་རོལ་བསམ་ཉེས་པར་བསམས་ལ། ཧཱུཾ་ཧྲཱིདངོས་སུ་འབྱོར་བཤམས་ཡིད་ཀྱིས་རྣམ་སྤྲུལ་པའི སོགས་བརྗོད། གཉིས་པ་ནང་མཆོད་ནི། བམ་གཙང་མ་ལ་རང་བྱུང་དུ་གནས་པའི་ཁྲག་གིས་ཆོད་ཡོན་དང་ཞབས་བསིལ། མིག་ལྕེ་རྣ་བ། སྣ་སྙིང་སྟེ་དབང་པོ་ལྔ་ཚོམ་བུ་གཅིག་ཏུ་བྱས་པའི་མེ་ཏོག །སྤྱི་ཁྱབ་ཏུ་བཤད་མ་ཐག་པ་ཁོ་ན་གྲགས་ཆེ་ཡང་། ལ་ལར་སྙིང་གི་དོད་དུ་མ་མ་ཆུ་བརྩི་བའང་ཡོད་དེ། གནས་སྐབས་འདིར་ཕྱི་མ་ལྟར་འཐད་པར་སེམས་ཏེ། རྒྱུ་

(༡༩༧)མཚན་ཅིའི་ཕྱིར་ན། འོག་ཏུ། བྷནྡྷ་འབར་བའི་ཀོང་པུ་རུ གོ་རོ་ཙ་ནའི་མར་ཁུ་བལྟམས གསལ་བྱེད་རྩ་ཡི་སྡོང་བུ་བཙུགས དབང་པོ་ལྔ་ཡི་སྒྲོན་མི་སྤར ཞེས་མགོ་བོ་གཅིག་པུ་ལ་དབང་ལྔ་ཚང་བའི་རྣམ་གཞག་བྱུང་བས་སོ། །ཚིལ་ཆེན་དང་ཤ་གསུར་གྱི་བདུག་སྤོས། ཞུན་ཆེན་གྱི་མེ་ལས་སྦར་བའི་མར་མེ། མཁྲིས་པའི་དྲི་ཆབ། ཤ་རུས་ཕྱུར་བུར་སྤུངས་པའི་ཞལ་ཟས། རྐང་གླིང་དང་ཐོད་རྔ་། །ཅང་ཏེའུ་ལ་སོགས་ཏེ་རང་བྱུང་གི་རྫས་ལ་བརྟོན་པའི་མཆོད་པ་རྣམས་དང་། རྩོལ་བས་མ་བསྒྲུབས་པར་རང་བྱུང་གི་མཆོད་རྫས་གཟུགས་སྒྲ་དྲི་རེག་བྱ་ལ་སོགས་ཏེ་འདོད་ཡོན་ལྔའི་རྣམ་རོལ་དུ་འཆར་བ་ཕྱི་རྫས་ལ་བརྟེན་པའི་མཆོད་པ། ལུས་ངག་ཡིད་གསུམ་རྒྱན་དང་ཆ་ལུགས་རྣམ་འགྱུར་རོལ་རྩེད་ཐམས་ཅད་མཆོད་པའི་ཞིང་དུ་བལྟ་ཞིང་། ལྷ་མིའི་མཆོད་རྫས་འདོད་ཡོན་ལོངས་སྤྱོད་རྫས༔ སོགས་ཤློ་ཀ་བརྗོད། གསུམ་པ་གསང་མཆོད་ནི། རྒྱུའི་དུས་ན་འདོད་ཆགས་ཞེ་སྡང་གཏི་མུག་ང་རྒྱལ་ཕྲག་དོག་ལ་སོགས་ཏེ་དུག་ལྔ། དུག་གསུམ་ཐམས་ཅད་ཡེ་ཤེས་ལྔ་དང་རྡོ་རྗེ་གསུམ་གྱི་རྣམ་རོལ་དུ་རང་ཤར་རང་གྲོལ་དུ་སྤྱོད་པ་གསང་བའི་མཆོད་པ་སྟེ། འདོད་ཆགས་ཞེ་སྡང་གཏི་མུག་ང་རྒྱལ་ཆེ སོགས་དང་། བཞི་པ་དེ་ཁོ་ན་ཉིད་བདེ་སྟོང་གཉིས་སུ་མེད་པའི་མཆོད་པ་ནི། ལྷ་ཚོགས་རྣམས་རང་རང་གི་ཡུམ་དང་སྦྱར་བའི་སྲུབ་སྦྱོར་གྱི་རྐྱེན་ལས་དྷཱི་ཏིའི་མར་སྣ་ཁ་གྱེ་ནས་དངས་མའི་རཀྟ་ཡེ་ཤེས་ཀྱི་མེར་གནས་འགྱུར་ཏེ་གཏུམ་མོའི་ཤུགས་ཀྱིས་སྦར་བས་སྤྱི་བོ་བདེ་ཆེན་གྱི་འཁོར་ལོའི་དབུས་ནས་བྱང་ཆུབ་ཀྱི་སེམས་རིན་པོ་ཆེ་ཞུ་བས་དགའ་བ། དེ་ལས་ལོངས་སྤྱོད་ཀྱི་འཁོར་ལོར་བབས་པས་མཆོག་དགའ། དེ་ལས་ཆོས་ཀྱི་འཁོར་ལོར་བབས་པས་ཁྱད་པར་གྱི་དགའ་བ། དེ་ལས་བདེ་སྐྱོང་གི་འཁོར་ལོར་བབས་ཏེ་རྗེས་ཆགས་ལྷག་པར་རྒྱས་པ་ལྷན་སྐྱེས་ཀྱི་དགའ་བ། དེའི་ཚེ་བདེ་སྟོང་གཉིས་སུ་མེད་པའི་ཡེ་

(༡༩༨)ཤེས་འོད་གསལ་གྱི་ངོ་བོར་བཞུགས་པས་ཆགས་སྡང་གི་གཉིས་རྟོག་ཐམས་ཅད་དབྱིངས་རིག་དབྱེར་མེད་ཀྱི་ངོ་བོར་ལ་བཟླ་བ་སྟེ། གང་གི་འདོད་ཡོན་ལ་སྦྱོར་བའི་སྐབས་སུ། ཆོས་ཉིད་འོད་གསལ་གྱི་སྣང་བ་རྒྱ་ཆད་ཕྱོགས་ལྷུང་དང་བྲལ་བའི་གཟུགས། ཆོས་ཉིད་ཀྱི་བདེ་བའི་རང་སྒྲ་སིད་དང་ཧ་ལ་སོགས་པའི་གདངས་སུ་ཤར་བའི་སྒྲ། འོད་གསལ་གྱི་སྣང་ཆ་མ་འགགས་པའི་དྲི་བསུང་ཁྱབ་གདལ་དུ་འཐུལ་བའི་དྲི། འཁོར་འདས་ཀྱི་གཉིས་ཆོས་ཐམས་ཅད་ཀ་དག་གི་ངང་དུ་ཆུ་བབས་དངས་མའི་ཐིག་ལེ་བརྟས་པའི་རོ། འཕོ་མེད་ཀྱི་བདེ་བས་སྣང་སྲིད་འཁོར་འདས་ཐམས་ཅད་ཐིག་ལེ་ཉག་གཅིག་གི་ངོ་བོར་རྒྱས་ཐེབས་པའི་རེག་བྱ་རྣམས་ཏེ་ཏིང་ངེ་འཛིན་དེ་ལྟ་བུ་དང་ལྡན་པས། ཡབ་ཡུམ་གཉིས་མེད་མཁའ་གསང་རོལ་པ་ལསསོགས་དང་། སྔགས་དོན་གོང་མ་རྣམས་ནི་སྔར་བྱིན་རླབས་ཀྱི་སྐབས་ནས་བཤད་ཟིན་ལ་འདིར། བྷོ་བྷི་ཙིཏྟ་ནི་བྱང་ཆུབ་ཀྱི་སེམས། མ་ཧཱ་སུ་ཁ་ནི་བདེ་བ་ཆེན་པོའི། པཱུ་ཛ་མཆོད་པས། ཧོནི་མཉེས་པར་མཛོད་ཅིག་ཅེས་པའོ། །ལྔ་པ་ལ་གསུམ། སྨན་གྱི་མཆོད་པ། རཀྟའི་མཆོད་པ། གཏོར་མའི་མཆོད་པའོ། །དང་པོ་ལའང་ཕྱི་ནང་གསང་གསུམ་ལས། ཕྱི་ཀུན་རྫོབ་ཀྱི་སྨན་ནི་སྔར་བྱིན་རླབས་ཀྱི་སྐབས་སུ་བཤད་པ་ལྟར་རྒྱུ་རྐྱེན་ཚོགས་པར་བྱས་ནས་བྷནྡྷ་ར་བསྐྱིལ་བ་དེའོ། །ནང་དོན་དམ་གྱི་སྨན་ནི་ཕུང་པོ་དང་དབང་པོ་ལྔའི་དངས་མ་འཛག་མེད་དུ་བཅིངས་པའི་མཐུ་ལས་བཅུད་དུ་སྨིན་ནས་འཆི་མེད་ཀྱི་བདུད་རྩིར་གྱུར་བའོ། །གསང་བ་འཁོར་འདས་གཉིས་མེད་ཀྱི་སྨན་ནི། བམ་བརྒྱད་ལས། སྲིད་གསུམ་ཡེ་ནས་བདུད་རྩི་ལྔ། །མ་བཅོས་ལྷུན་གྲུབ་རྫོགས་སངས་རྒྱས། །ཞེས་གསུངས་པ་ལྟར། གཟོད་ནས་རང་བཞིན་གྱིས་རྣམ་པར་དག་པ་མ་བཅོས་རྫོགས་པ་ཆེན་པོའི་ངོ་བོར་བྱང་ཆུབ་པས་ཅིར་སྣང་ལམ་དུ་ལྷོངས། སྣང་སྲིད་བདུད་རྩིའི་དཀྱིལ་འཁོར་དུ་ཤར་བ་ལ་བྱ་ཡི། དེ་ལས་རྒྱུ་བསོད་ནམས་ཀྱི་

(༡༩༩)ཚོགས་བསགས་པའི་སླད་དུ། རང་གི་ཐུགས་ཀ་ནས་མཛེས་ཤིང་ཡིད་དུ་འོང་བའི་མཆོད་པའི་ལྷ་མོ་དཔག་གིས་མི་ལང་བར་སྤྲོས་ཤིང་། དེ་དག་གི་ལག་པ་གཡས་པས་བདེ་སྐྱོང་གི་སྣོད་དུ་དམ་རྫས་བདུད་རྩིའི་རྒྱ་ཚོས་།།།མེར་གྱིས་ཁེངས་པ་བཟུང་བ་ནས། གཡོན་པའི་མཐེབ་སྲིན་ཉི་ཟླའི་གའུར་སྦྱར་བས་བཅུས་ཏེ་བདག་མདུན་དཀྱིལ་འཁོར་བའི་ལྷ་ཚོགས་རྣམས་ཀྱི་རྡོ་རྗེའི་ལྗགས་ཐོག་ཏུ་ཕུལ་བས། ཐུགས་བདེ་གསལ་ཆེན་པོའི་རོས་མཉེས་པར་བལྟས་ལ་བདུད་རྩིའི་ཟེགས་མ་ཕྱི་མཆོད་རྣམས་དང་རཀྟའི་སྣོད་སོགས་སུམ་ཕོག་པར་བྱས་ལ་གཏོར་མར་བྲན་ཅིང་། ཧྲཱིབྷནྡྷ་ཁོར་ཡུག་ཡངས་པའི་སྣོད་ཆེན་དུ སོགས་བརྗོད། སྔགས་དོན་ནི། ཇི་སྐད་དུ། ཨོཾཱ་ལས་ཡེ་ཤེས་བདུད་རྩི་འབྱུང་། །ཨཱཡིས་སྐྱེ་མེད་ཆོས་ཀྱི་དབྱིངས། །ཧཱུྃ་གིས་བདུད་རྩི་རྣམ་པར་དག །སརྦ་ཐམས་ཅད་དབང་དུ་སྡུད། །པཉྩ་རྣམ་ལྔ་མངོན་སངས་རྒྱས། །ཨ་ནི་སྐྱེ་མེད་ཆོས་ཀྱི་དབྱིངས། །མྀྲ་ནི་བདུད་རྩི་རྣམ་པར་དག །ཏ་ནི་འཁོར་བ་སྟོངས་པར་བྱེད། ཁ་རཾ་ཁཱ་ཧི་གསོལ་ལོ་གསོལ། །ཞེས་བཤད་པ་ལྟར་རོ། །ལས་བྱང་ཚངས་པའི་སྤྲ་དབྱངས་དང་གཞུང་བཞིན་དུ་སྐབས་འདིར་བདུད་རྩིའི་དངོས་གྲུབ་ལ་རོལ་བའི་ཚིག་ཀྱང་འབྱུང་སྟེ། དེ་དག་ལ་སངས་རྒྱས་ཐམས་ཅད་ཀྱི་རྡོ་རྗེ་གསུམ་གྱི་བྱིན་རླབས་བདུད་རྩིའི་སྟེང་དུ་ཡི་གེ་འབྲུ་གསུམ་གྱི་རྣམ་པར་གནས་པ་མཐེབ་སྲིན་ཉི་ཟླའི་གའུས་བླངས་ཏེ། རང་གི་གནས་གསུམ་དུ་རེག་པས་སྐུ་གསུང་ཐུགས་ཀྱི་དངོས་གྲུབ་མགུས་པ་ཐོབ་པར་བསམས་ལ་མྱང་ཞིང་། འདིར་ཡང་དངོས་བསྟན་མ་གསུངས་ཀྱང་མཇུག་ཏུ་ཏིང་ངེ་འཛིན་གྱི་རྣམ་པར་འཕྲུལ་པས་དེ་ལྟར་བྱས་ན་ཕུན་སུམ་ཚོགས་པའི་ཡན་ལག་ཏུ་འགྱུར་མོད། མ་བྱས་ཀྱང་སྐྱོན་ནི་མེད་དོ། །གཉིས་པ་རཀྟའི་མཆོད་པ་ལའང་ཕྱི་ནང་གསང་གསུམ་ལས། དང་པོ་ནི། དངོས་སུ་

(༢༠༠)བཤམས་པའི་རཀྟ་སྔར་བྱིན་རླབས་ཀྱི་སྐབས་སུ་རྣམ་དབྱེ་བཤད་པ་དང་། གཉིས་པ་ནི། འདོད་ཆགས་ཀྱི་རྟོག་པ་ཐམས་ཅད་བདེ་སྟོང་གི་ངང་དུ་འབུར་འཇོམས་སུ་སྒྲོལ་བ་དང་། གསུམ་པ་ནི། སྣང་བ་ཡབ་ཀྱི་རྡོ་རྗེས་སྟོང་པ་ཡུམ་གྱི་མཁལ་གསང་དུ་རོལ་པ་ལས་བྱུང་བའི་ཟུང་འཇུག་ཁྲག་ཆེན་གྱི་གདངས་བཅུད་ཁྱབ་གདལ་དུ་འབར་བ་ལ་བྱ་ཡི་དེ་ལས་ཀུན་རྫོབ་འཁོར་བའི་གཞི་རྩ་གཅོད་པའི་སླད་དུ་མཚན་མ་རྫས་ཀྱི་རཀྟ་ཁམས་གསུམ་བྷནྡྷ་འབར་བའི་དབྱིངས་སུ། ཉོན་མོངས་ཀུན་གྱི་རྩ་བ་མ་རིག་ཁྲག་གི་རྒྱ་མཚོ་རླབས་བྲེང་དབའ་ལོང་འཁྲུགས་པ་ཡེ་ཤེས་ཀྱི་ལྷ་ཚོགས་རྣམས་ཀྱི་ཞལ་ཏུ་ཕུལ་བས་འཁོར་བ་ལུགས་ལྡོག་ཏུ་སྐད་ཅིག་ལ་སྟོང་པར་བསམས་ལ། ཧྲཱིདུང་ཆེན་སྣོད་དུ་དམར་ཆེན་དབའ་རླབས་འཕྱོ༔ སོགས་བརྗོད་ཅིང་སྔགས་དོན་ནི་གོང་དུ་བཤད་ཟིན་ཏོ། །གསུམ་པ་གཏེར་མའི་མཆོད་པ་ལ་ཕྱི་ནང་གསང་གསུམ་དེ་ཁོ་ན་ཉིད་དང་བཞི་ལས། དང་པོ་ནི། སྔར་བྱིན་རླབས་ཀྱི་སྐབས་སུ་བཤད་པའི་དངོས་བཤམས་ཀྱི་གཏོར་མ་རྫས་དང་བཅས་པ་འདོད་ཡོན་གྱི་ལོངས་སྤྱོད་བསམ་གྱིས་མི་ཁྱབ་པར་སྤར་བ་རྣམས་དང་། གཉིས་པ་ནི། རང་ལུས་ཕུང་ཁམས་སྐྱེ་མཆེད་དང་ས་བཅུད་ཐམས་ཅད་འཛད་མེད་ཀྱི་བདུད་རྩིའི་རང་བཞིན་དུ་སྦར་བ་དང་། གསུམ་པ་ནི། སངས་རྒྱས་རྣམས་ཀྱི་ཐུགས་དབྱིངས་ཀྱི་རང་བཞིན་ཁྱབ་གདལ་ཆེན་པོ་ལ་མའི་བརྡ་ཆད་བཞག་པ་དང་། མ་དེ་ལས་གཉིས་སྣང་གི་ཞེན་པ་པྲ་མེའི་རྐྱེན་གྱིས་སེམས་ཅན་གྱི་རིག་པ་དུམ་བུར་ཆད་པ་བུའི་སྣང་ཚུལ་དུ་ཤར་བ་ལས། དབྱིངས་རིག་ཐ་དད་དུ་གྱུར་པས་འཁོར་འདས་སུ་བྱ་བའི་གཉིས་འཛིན་གྱི་བྱུར་འདྲེ་ཐམས་ཅད་འཁོར་གསུམ་མི་དམིགས་པའི་ཀློང་དུ་བསྒལ་ནས། ཐ་མལ་སྣང་ཞེན་གྱི་གཏོར་མ་ཟག་མེད་ཀྱི་བདུད་རྩིར་སྦར་ཏེ་ཕུལ་བས་ལྷ་ཚོགས་རྣམས་ཀྱི་ལྗགས་རྡོ་རྗེ་རྩེ་གཅིག་པའི་རྣམ་པར་གནས་པའི་ནང་། སྟོང་སང་སྤུ་གུ་ལས་བྱུང་བའི་ཟེར་

(༢༠༡)གྱིས་འཁོར་འདས་ཀྱི་དངས་མའི་བཅུད་ཐམས་ཅད་དྲངས་ནས་གསོལ་བས་ཤིན་ཏུ་དགྱེས་པ་འཁྲུངས་པར་བལྟ་ཞིང་། འདི་ལ་བསྒྲལ་མཆོད་དམིགས་བསལ་མེད་པར་སྣང་ཡང་། དོན་དམ་ཡེ་གྲོལ་གྱི་ཁོངས་སུ་འདོམས་པ་ཡིན་པས་གཏོར་མ་དང་ཟུང་འབྲེལ་དུ་ཚང་ངོ་། །བཞི་པ་ནི། དེ་དག་ཐམས་ཅད་ཀྱང་འཁོར་གསུམ་ཀ་དག་ཐིག་ལེ་ཉག་གཅིག་གི་ངོ་བོར་རྩལ་རྫོགས་ཐས་མཆོད་བྱ་མཆོད་བྱེད་མཆོད་ཡུལ་ཐམས་ཅད་སྤྲོས་བྲལ་ཆེན་པོའི་རྣམ་རོལ་དུ་བལྟས་ལ། ཧཱུཾ་ཧྲཱཾདབྱིངས་རིག་མ་བུའི་བྱུང་འདྲེ་རབ་བསྒྲལ་ཏེ། སོགས་མཐར་ཆགས་སུ་བརྗོད། སྔགས་དོན་བྱིངས་ནི་སྔར་ནས་བཤད་པས་གོ་ལ། ཁ་ཁ་ཞེས་པ་བཞེས་བཞེས། ཁཱ་ཧི་ཁཱ་ཧི། ཞེས་པ་བཞེས་ཤིག་བཞེས་ཤིག་ཅེས་པ་ལྟ་བུའོ། །དེ་ཡང་མཆོད་པ་དེ་དག་ཐམས་ཅད་ལ་རྣམ་བཞག་གམ་འགག་བསྡོམས་སུ། རྒོད་ཚང་རིག་འཛིན་ཆེན་པོས། དེ་དག་ཐམས་ཅད་ལ་ཕྱི་རོལ་དུ་དམིགས་པ་དངོས་སུ་བཤམས་པ་ནི་མཚན་མ་རྫས་ཀྱི་མཆོད་པ། ནང་གི་ཤ་ཁྲག་དྲོད་དབུགས་ལ་སོགས་རང་ལུས་ཁ་རྗེ་དབང་ཐང་དང་བཅས་པ་ནི་ནང་རང་བྱུང་ལྷུན་གྲུབ་ཀྱི་མཆོད་པ། གསང་བར་གཤིས་སྐྱེ་མེད། གདངས་འགག་མེད། རྩལ་སྣ་ཚོགས་སུ་ཤར་བ་མཐའ་དག་དོན་དམ་པའི་ཡེ་ཤེས་ཀྱི་མཆོད་པ། དེ་དག་ཐམས་ཅད་ཀྱང་དབུལ་བྱའི་ཡུལ་དང་། འབུལ་བྱེད་ཀྱི་གང་ཟག །ཕུལ་རྒྱུའི་དངོས་པོ་སོགས་སོ་སོར་མ་གྲུབ་པ། གཅིག་ཏུ་ཡང་མ་བསྡུས་མིང་དང་མཚན་མའི་ཐ་སྙད་ལས་འདས་ཤིང་། ཡིད་དཔྱོད་ཀྱི་བློའམ། རྟག་ཆད་ཀྱི་ཡུལ་དང་བྲལ་བ་དེ་ཁོ་ན་ཉིད་ཡང་དག་དོན་གྱི་མཆོད་པའི་མཆོག་ཏུ་གྱུར་བའི་དོན་རིག་པར་བྱ་ཞེས་གསུངས་པ་ཤིན་ཏུ་དགོངས་པ་ཟབ་ཅིང་ཡང་དག་པའི་མན་ངག་ཡིན་ནོ། །བདུན་པ་བསྟོད་པའི་རྣམ་གྲངས་ལ་གཉིས། བསྟོད་པའི་ཚུལ། བསྟོད་པ་དངོས་སོ། །དང་པོ་ལ་གསུམ། རང་

(༢༠༢)ཉིད་ལས་སྤྲུལ་པའི་ལྷ་མོ་མཛེས་ཤིང་ཡིད་དུ་འོང་བ་གྲངས་མེད་ཀྱིས་གཙོ་འཁོར་ཀུན་ལ་ཕྱག་འཚལ་ཞིང་ཐོས་པ་ཙམ་གྱིས་བདེ་སྟོང་གི་ཡེ་ཤེས་རྩོལ་མེད་དུ་འཆར་བའི་དབྱངས་དང་བཅས་བསྟོད་པར་བསམ་པ་དང་། འཁོར་གྱི་ལྷ་ཚོགས་རྣམས་ཀྱིས་གཙོ་ལ་ཤིན་ཏུ་འདུད་པའི་སྒོ་ནས་བསྟོད་པར་བསམ་པ་དང་། སྟེང་འོག་ཕྱོགས་མཚམས་།།།ཐམས་ཅད་ནས་གྲག་སྟོང་སྐྱེ་མེད་ཀྱི་རང་སྒྲ་འབྲུག་སྟོང་དུས་གཅིག་ལ་ལྡིར་བ་ཙམ་གྱིས་བསྟོད་པར་བསམ་པ་སྟེ། གསུམ་ཀ་ལ་བསྟོད་བྱའི་ཡུལ་གྱི་གསང་བ་གསུམ་གྱི་ཡོན་ཏན་ཁྱད་པར་ཅན་རྣམས་རྗེས་སུ་དྲན་པས་བསྟོད་པའི་ཚུལ་ལས། འདིར་ཕྱི་མ་ལྟར་བསྟོད་པའོ། །གཉིས་པ་ལ་གསུམ། གཙོ་བོ་ལ་བསྟོད་པ། འཁོར་གྱི་ལྷ་ཚོགས་ལ་བསྟོད་པ། ཐུན་མོང་དུ་བསྟོད་པའོ། །དང་པོ་ལ་གཉིས། སྐུ་གསུམ་ཡན་ལག་འདུན་ལྡན་གྱི་རྣམ་རོལ་ལ་བསྟོད་པ་དང་། བདེ་སྟོང་ཟུང་འཇུག་གི་ཡེ་ཤེས་ལ་བསྟོད་པའོ། །དང་པོ་ནི། ཚིག་རྐང་དང་པོས། འགྲོ་བ་ཀུན་ལ་བརྩེ་བའི་ཐུགས་རྗེ་རྒྱུན་མི་འཆད་ཅིང་ཐུགས་རྗེ་ཆེན་པོས་ཐུགས་རྒྱུད་ཡོངས་སུ་གང་བ། འགོག་པ་མེད་པ་སྟེ་སྤྲུལ་སྐུའི་ཡན་ལག་གསུམ་གྱི་སྒོ་ནས་བསྟོད། ཚིག་རྐང་བར་བས། སྟོང་ཉིད་སྙིང་རྗེ་ཟུང་འཇུག་སྤྲོས་པ་ཐམས་ཅད་དང་བྲལ་བ་རང་བཞིན་མེད་པ་སྟེ། ཆོས་སྐུའི་ཡན་ལག་གཅིག་གིས་བསྟོད། ཚིག་རྐང་འོག་མས། ཟབ་རྒྱས་སྔགས་ཀྱི་ཆོས་འཁོར་ལ་རྟག་པར་ལོངས་སྤྱོད་པ་དང་། ཡེ་ཤེས་ཀྱི་སྐུ་རང་འོད་ཀྱི་ཡུམ་དང་སྦྱོར་བས་ཁ་སྦྱོར། ཟག་པ་མེད་པའི་བདེ་བ་ཆེན་པོ་རྒྱན་ཆད་མེད་པ་སྟེ། ལོངས་སྐུའི་ཡན་ལག་གསུམ་གྱི་སྒོ་ནས་བསྟོད་པའོ། །འདི་ལ་རྒྱུའི་ཡན་ལག་དང་། འབྲས་བུའི་ཡན་ལག་ཅེས་གཉིས་སུ་དབྱེ་བའི་བཤད་མ་ཐག་པ་ནི་འབྲས་བུའི་ཡན་ལག་བདུན་ལྡན་གྱི་དགོངས་པའོ། །གཉིས་པ་ནི། ཨེ་ཝཾ་ཟུང་འཇུག་གི་བདེ་བ་ཆེན་པོའི་ཡེ་ཤེས་ཟག་པ་མེད་པའི་རྩལ་ལས་སྤྲུལ་

(༢༠༣)བསྒྱུར་སྣ་ཚོགས་སུ་འཆང་བར་ནུས་པའི་རང་བཞིན་ལ་བསྟོད་པའོ། །གཉིས་པ་འཁོར་གྱི་ལྷ་ཚོགས་ལ་བསྟོད་པ་ནི། ཁོག་འབུབས་སྤྱི་དོན་ནས་བཤད་པའི་དག་དྲན་མ་འདྲེས་པར་གསལ་བའི་ངང་ལས། བུདྡྷ་ཐོད་ཕྲེང་དཀར་སྔོ་དམར་བའི་ཞལ༔ སོགས་དང་། གསུམ་པ་ནི། དཀྱིལ་འཁོར་ཡོངས་སུ་རྫོགས་པ་ལ་ཤིན་ཏུ་འདུད་པའི་སེམས་ཀྱིས། ཕྱི་ནང་གཞན་གསུམ་ལྷ་དང་ལྷ་མོའི་ཚོགས༔ སོགས་བསྟོད་པ་སྟེ། དེ་ཡང་རྒྱུད་ཀརྨ་མཱ་ལེར་རྡོ་རྗེ་གསོར་ཞིང་དྲིལ་བུ་གསིལ། རིགས་ལྔའི་ཕྱག་རྒྱའི་དྲིལ་སྟབས་བྱ༔ ཞེས་བཤད་པ་ལྟར་དཔྱངས་སྙན་པོ་དང་བཅས་མཐོང་བ་བརྒྱུད་པའི་ལམ་སྲོལ་ཕྱིན་ཅི་མ་ལོག་པའི་ཕྱག་རྒྱ་བསྒྱུར་བས་ཕན་ཡོན་བསམ་གྱིས་མི་ཁྱབ་སྟེ། ཡེ་ཤེས་རིག་པའི་ལྷ་ལ་བསྟོད་པས་མཉེས་རྒྱུ་དང་། མ་བསྟོད་པས་མི་མཉེས་པར་འགྱུར་བའི་གཉིས་རྟོག་ཅི་ལ་མངའ་ཡང་། རང་རིག་དོན་དམ་སྟོང་ཉིད་ཀྱི་རོལ་རྩལ་སྒྱུ་མའི་ལྷ་སྐུར་ཤར་བའི་སྐུ་མདོག་ཕྱག་ན་ཚན་གྱི་བརྡ་དོན་མཚོན་བྱེད་ཀྱི་དག་པ་དྲན་པའི་ངང་ནས་བསྟོད་པས་བསོད་ནམས་ཀྱི་ཚོགས་ལྷག་པར་འཕེལ་ཞིང་དེ་ཉིད་ཀྱི་མཐུ་ལས་ཡེ་ཤེས་ཀྱི་སྣང་བ་ཆེས་ཆེར་རྒྱས་ནས་དོན་གཉིས་ལྷུན་གྲུབ་ཏུ་བྱེད་ནུས་པའོ། །བརྒྱད་པ་བཟླས་པའི་ཡན་ལག་ནི་སྒྲུབ་ཆེན་གྱི་ཁོག་འབུབས་དང་སྦྲགས་ནས་འཆད་དེ་དེ་ལ་དྲུག །བགྲང་ཕྲེང་གི་རྣམ་གཞག །ཛཔྲ་དགོངས་གསལ་འདེབས། ཛཔྲ་བསྐུལ། ཛཔྲ་ཀྱི་རྣམ་དབྱེ། ཛཔྲ་བཟླས་དངོས། ཛཔྲ་མཇུག་བསྡུ་བའོ། །དང་པོ་ལ་བརྒྱད། ཕྲེང་བའི་རྒྱུ། ཁ་གྲངས། ཕྲེང་ཐག །རྒྱུ་ཚུལ། མདོ་འཛིན། བྱིན་བརླབ། བགྲང་ཚུལ། དམ་ཚིག་གོ །དང་པོ་ལ་བཞི། ཕྲེང་བའི་ངོ་བོ། ངེས་ཚིག །རྣམ་གྲངས། དགོས་ཆེད་དོ། །དང་པོ་ནི། གཏེར་ཁ་འདི་ཉིད་ཀྱི་ཕྲེང་བའི་དེ་ཉིད་གསལ་བ་སྔགས་ཀྱི་སྒྲོན་མ་ལས། དང་པོ་ཕྲེང་བའི་ངོ་བོ་ནི༔ རྩར་ལ་བརྒྱུས་དང་གྲངས་ཅན་དང་༔ རྒྱན་དུ་བྱས་དང་ཁྲེགས་ལ་འབེངས༔

(༢༠༤)ཚད་འཛིན་བསྙེན་པའི་སླད་དུ་སྟེ༔ ཞེས་བཤད་པ་ལྟར་རོ། །གཉིས་པ་ནི་འདི་ཉིད་ལས། གཉིས་པ་ཕྲེང་བའི་ངེས་ཚིག་ནི༔ དད་དང་ལྡན་པའི་སྐྱེས་བུ་རྣམས༔ བླ་མ་ལ་ནི་སེམས་ཕྲེང་བ༔ ཞེས་པ་སོགས་ཏེ་རྩ་བ་གསུམ་དང་རྡོ་རྗེའི་སྤུན་གྲོགས་རྣམས་གཅིག་སེམས་གཅིག་ལ་ཕྲེང་བའི་ཕྱིར་ཕྲེང་བ་ཞེས་པའི་སྒྲ་བཤད་གསུངས་སོ། །གསུམ་པ་ནི། འདི་ཉིད་ལས། དང་དུ་བླང་དང་སྤང་བྱ་བ༔ དང་པོ་དང་དུ་བླང་བ་ཡི༔ ཕྲེང་བ་རྣམ་གྲངས་འདི་ལྟར་རོ༔ ཞེས་དང་། རྒྱུ་ནི་རབ་ལ་རིན་པོ་ཆེ༔ འབྲིང་པོ་ཤིང་གི་འབྲས་བུ་སྟེ༔ ཐ་མ་ཤིང་དང་ས་རྡོ་དང་༔ སྨན་གྱི་ལྡེ་གུའི་ཕྲེང་བའོ༔ དུང་ནི་ཞི་བའི་ཕྲེང་བ་སྟེ༔ ཞི་བའི་ལས་ལ་བསྔགས་པའོ༔ གསེར་གྱི་ཕྲང་བ་རྒྱས་པའི་ལས༔ བྱི་རུའི་ཕྲེང་བས་དབང་ལས་འགྲུབ༔ ལྕགས་དང་གཡུ་ཕྲེང་དྲག་པོའི་ལས༔ གཟི་མཆོད་སྣ་ཚོགས་ལས་ལ་ཤིས༔ ས་ཡི་ཤིང་འབྲས་ཞི་བའི་ལས༔ མཐེའུ་ཁམས་འབྲས་རྒྱས་པ་འགྲུབ༔ ལུང་ཐང་དབང་གི་ལས་ལ་ཤིས༔ ནཱ་ག་ཁྱུང་མཆུ་རཀྴ་ཡི༔ དྲག་པོའི་ལས་ཀྱི་ཕྲེང་བར་བསྔགས༔ བོ་དྷི་ཙི་ནི་ཀུན་ལ་ཤིས༔ བྱང་ཆུབ་ཤིང་དང་སྐྱ་གཉེན་ཕྲེང་༔ ཞི་བའི་ལས་ཀྱི་ཕྲེང་བར་ཤིས༔ འོ་སེ་ལ་སོགས་འབྲས་བུ་ཅན༔ རྒྱས་པའི་ལས་འགྲུབ་ཕྲེང་བའོ༔ མཛོ་མོ་ཤིང་དང་འོམ་བུའི་ཕྲེང་༔ དབང་གི་ལས་འགྲུབ་ཕྲེང་བར་བསྔགས༔ སེང་ལྡེང་ཚེར་ནག་དྲག་པོའི་ཕྲེང་༔ བར་གློ་ཤིང་གི་ཕྲེང་བ་ནི༔ ལས་རྣམས་ཀུན་ལ་བསྔགས་པའོ༔ བསོའི་ཕྲེང་བས་ལས་ཀུན་འགྲུབ༔ ས་རིལ་ཞི་བའི་ཕྲེང་བ་ལ༔ རྒྱས་པར་རྡོ་རྗེའི་ཕྲེང་བ་ཤིས༔ སྨན་གྱི་ཕྲེང་བས་དབང་ལས་འགྲུབ༔ ཐོད་པ་ལ་སོགས་རུས་ཆེན་གྱི༔ ཕྲེང་བས་དྲག་པོའི་ལས་འགྲུབ་འགྱུར༔ སྣ་ཚོགས་བསྡུས་པའི་ཕྲེང་བས་ནི༔ ལས་རྣམས་ཐམས་ཅད་འགྲུབ་ཅེས་བཤད༔ ཅེས་དང་། མདོག་ལ་མཚོན་ན་འདི་ཉིད་ལས། དཀར་པོ་

(༢༠༥)ཞི་བའི་ལས་ལ་སྔགས༔ ཁ་དོག་སེར་པོ་རྒྱས་པའི་ཕྲེང་ལ༔ དབང་ལ་ཁ་དོག་དམར་པོའི་ཕྲེང་༔ ནག་པོ་དྲག་པོའི་ཕྲེང་བར་གྲགས༔ ལས་རྣམས་ཀུན་ལ་ཁྲ་བོར་བཤད༔ ཅེས་དང་། དེ་བཞིན་དུ་བཟོས་པའི་ཕྲེང་བ་རྣམས་ལ་ཆེ་ཆུང་གི་ཚང་ཀྱང་གསུངས་མོད་ཀྱི་ཧ་ཅང་དགོས་པ་ཆུང་བས་མ་སྤྲོས་སོ། །དེ་ལས་སླང་བྱའི་ཕྲེང་བ་ནི༔ དེས་མེད་ལུང་མ་བསྟན་གྱི་རིགས༔ ནུས་པ་མི་འབྱིན་སྤང་བར་བྱ༔ ཞེས་གསུངས་ཤིང་། དེ་ཡང་ཤེལ་དང་ཉ་ཕྱིས་ལ་སོགས་བཞི་གསར་མའི་རྒྱུད་ནས་བཤད་ཅིང་། གསར་རྙིང་གཉིས་ཀ་ནས་མ་བཤད་པའི་ཕྲེང་བ་ནི་སྤང་བར་བྱ་དགོས་སོ། །གསུམ་པ་དགོས་ཆེད་ནི། འདི་ཉིད་ལས། སྤྱིར་ནི་སྔགས་ཀྱི་དམ་ཚིག་སྟེ༔ ཡི་དམ་ལྷ་ཡི་ཕྱག་རྟགས་དང་༔ མི་བརྗེད་གཟུངས་ཀྱིས་འཛིན་ཕྱིར་དང་༔ སྙིང་པོ་གྲངས་ལས་བཤར་སླད་དང་༔ ཤེས་རབ་ཡུམ་གྱི་རྟེན་འབྲེལ་དང་༔ ལོངས་སྤྱོད་རྫས་ཀྱི་རྟེན་འབྲེལ་དང་༔ རྒྱུ་རྐྱེན་ནུས་མཐུ་བསྐྱེད་ཕྱིར་དང་༔ དམ་ཚིག་ཡེ་ཤེས་སྐྱེ་ཕྱིར་དང་༔ བདག་དང་ལྷ་ཡི་སྟངས་འཛིན་དང་༔ བསྒྲུབ་བྱ་སྒྲུབ་བྱེད་བསྒྲུབས་པ་ཡི༔ འབྲས་བུ་མི་ཟད་སྤེལ་ཕྱིར་དང་༔ འཛབ་བསྙེན་དགོངས་པ་གསོ་ཕྱིར་དང་༔ ཞི་རྒྱས་དབང་དྲག་ལ་སོགས་པའི༔ ལས་རྣམས་མ་ལུས་བསྒྲུབ་ཕྱིར་དང་༔ འཁོར་ལོ་རྣམ་གསུམ་བསྐོར་ཕྱིར་དང་༔ སྤྱི་ཡི་དགོས་ཆེད་བསམ་མི་ཁྱབ༔ བྱེ་བྲག་སྔགས་ཀྱི་གྲངས་ཚད་འཛིན༔ ཞེས་དང་། ཁྱད་པར་ཕྲེང་བའི་དགོས་ཆེད་ནི༔ སྨིན་གྲོལ་བསྐྱེད་རྫོགས་གཏན་ལ་དབབ༔ གསང་སྔགས་ལམ་གྱི་འཇུག་སྒོ་ལས༔ ཐབས་ཀྱི་ཁྱད་པར་ཡིན་པའི་ཕྱིར༔ རྟེན་འབྲེལ་ཟུང་འཇུག་ཉམས་སུ་བླང་༔ ཞེས་སོགས་དགོས་པ་ཁྱད་པར་ཅན་ཡོད་པར་གསུངས་སོ༔ གཉིས་པ་ཁ་གྲངས་ནི། འདི་ཉིད་ལས། ཕྲེང་བའི་གྲངས་ཀྱི་ཚད་བསྟན་ལ༔ སྤྱི་ལ་བརྒྱ་དང་བརྒྱད་བསྔགས་ཀྱང་༔ ཡང་ན་དེ་ཕྱེད་ལྔ་བཅུ་བཞི༔ ཉེར་གཅིག་

(༢༠༦)དང་ནི་བཅུ་གཅིག་སྟེ༔ ཞི་བའི་ལས་སྔགས་གང་འདྲེན་ཀྱང་༔ བཅུ་གཅིག་གྲངས་ཚང་ཡང་ཡང་བསྐྱར༔ བརྒྱ་སྟོང་ཁྲི་འབུམ་ལ་སོགས་ཀྱི༔ བསྙེན་གྲངས་ཚད་བཟུང་གཞུང་དང་བསྟུན༔ དེ་བཞིན་རྒྱས་པ་བརྒྱ་རྩ་བརྒྱད༔ དབང་ལ་ལྔ་བཅུ་རྩ་ཞིའི་གྲངས༔ དྲག་པོ་ལ་ནི་ཉེར་གཅིག་པ༴ ཀུན་ཀྱང་རང་རང་གཞུང་ལུགས་ལྟར༔ གྲངས་ཀྱི་བསྙེན་པ་ཚད་དུ་བསྐྱལ༔ དེ་ལྟར་རྣམ་པ་བཞི་དག་ལས༔ མང་བ་མི་བྱ་ཉུང་མི་བྱ༔ ཞེས་གསུངས་པ་ལྟར་རོ། །གསུམ་པ་ཕྲེང་ཐག་ནི། འདི་ཉིད་ལས། ཕྲེང་བའི་རྒྱུན་ཐག་འདི་ལྟ་སྟེ༔ ཞི་བ་བལ་སྐུད་དཀར་པོ་ལ༔ རྒྱས་པར་ས་སྐུད་སེར་པོ་སྒྲིལ༔ དབང་ཕྲེང་དར་སྐུད་དམར་པོ་ལ༔ དྲག་པོའི་ཕྲེང་བ་གྲི་རྒྱུས་སམ༔ ཡང་ན་རྒྱུས་ཆེན་སྒྲིལ་བར་བྱ༔ དེ་བཞིན་རྒྱུ་མ་བགས་པའི་རིགས༔ རྒྱུན་བུར་གྲས་པའི་རིགས་ཀྱིས་སྒྲིལ༔ སྣ་ཚོགས་ལས་ཀྱི་ཕྲེང་བ་ནི༔ ཚོན་སྐུད་ལྔ་སྒྲིལ་སྲང་བུ་སྟེ༔ ཀུན་ཀྱང་ཕྲ་སྦོམ་ཕྲེང་བ་ཡི༔ མིག་དང་བསྟུན་ལ་རན་པར་བྱ༔ ཡངས་བ་པ་ཡིན་དོག་པ་མིན༔ རིང་བ་མ་ཡིན་ཐུང་བ་ཡིན༔ ཧ་ཅང་དོག་ན་ལས་མི་འགྲུབ༔ ཡངས་ན་གསེབ་ཆང་བར་ཆད་འཇུག༔ རིང་ན་ལྷ་འགྱངས་སྒྲུབ་པ་གཡེང་༔ ཧ་ཅང་ཐུང་ན་ཚེ་ལ་གཟན༔ འཐུད་མ་ཅན་དང་མདུད་པ་ཅན༔ ཕྲ་སྦོམ་མ་སྙོམས་གོང་ཁ་འབྱུང་༔ ཞེ་སོགས་རྣམ་དབྱེ་ཤེས་པར་བྱ༔ ཞེས་གསུངས་པས་གསལ་བར་གོ་ནུས་ཤིང་༔ འོན་ཀྱང་སྐུད་པའི་རིགས་ལ་མཚོན་སྣ་ལྔ་ཙམ་མ་ཏོགས་ཉག་མའི་ཁ་གྲངས་དང་འཁལ་མཁན་གྱི་རྣམ་བཞག་གསལ་བར་མ་གསུངས་མོད༔ བླ་མ་གོང་མ་དག་འཛག་མེད་ཀྱི་བདེ་བ་སྤོར་བའི་རྟེན་འདྲེལ་དུ་གྲོང་བའི་ཆོས་ཀྱིས་མ་གོས་པའི་མཚན་ལྡན་གྱི་མུ་ཏྲས་འཁལ་བར་བཞེད་ཅིང་། དེའི་རྒྱུ་མཚན་ནི། རྡོ་རྗེ་མཁའ་འགྲོ་ལས་གཞོན་ནུ་མ་ཡིས་བཀལ་བའོ། །དེ་ཡང་གཟུགས་མཛེས་ལུས་རྫོགས་ཤིང་། །གཙང་ཞིང་དྲན་ལྡན་སྙན་པར་སྨྲ། །དེ་ཡིས་བཀལ་བའི་ཕྲེང་ཐག་ནི། །གྲོལ་བའི་དངོས་གྲུབ་སྐྱེ་བར་

(༢༠༧)འགྱུར། །ཅེས་གསུངས་པ་ལ་དགོངས་པ་ཡིན་པར་མངོན་ནོ། །ཉག་མའི་གྲངས་ནི། ས་བུ་ཊི་ལས། ཕྱོགས་དང་མཚམས་ནི་བརྒྱད་རྣམས་སུ། །དབུས་སུ་དགུ་པ་སངས་རྒྱས་ཉིད། །ལྷ་ནི་དགུ་ཡོད་སྲད་བུ་ལ། །ལྷ་དགུ་བྱིན་གྱིས་བརླབ་པར་བྱ། །ཞེས་བཤད་པ་ལྟར་འདི་ལའང་དབུས་ཀྱི་ཉག་མ་པདྨ་བཛྲ་རྩལ་དང་། ཕྱོགས་མཚམས་བརྒྱད་དུ་བུདྡྷ་ཐོད་ཕྲེང་ལ་སོགས་ཁྲོ་བོ་བརྒྱད་མཚོན་པར་བསམས་ནས་ཉག་མ་དགུར་བྱེད་པ་ཤིན་ཏུ་སྦྱོར་དུ་རུང་བ་ཡིན་ནོ། ཁ་ཅིག་ན་རེ། སྔགས་གསར་མའི་རྒྱས་འགེབས་མི་རིགས་སོ་ཞེ་ན། ཤིན་ཏུ་རིགས་ཏེ། གསར་རྙིང་ཐུན་མོང་ལ་གྲགས་པའི་དམ་ཚིག་གི་རྫས་བཅང་དུ་འོས་པ་འདི་དག་ལ་བཤད་ཚུལ་གྱིས་ཁྱད་པར་ཅུང་ཟད་ལས། འགལ་འདུར་གྱུར་པ་མེད་ཅིང་། དེར་མ་ཟད་ཆོས་ཀྱི་གནད་འགག་མཁྱེན་ཅིང་ཕྱོགས་སུ་མ་ལྷུང་བའི་མཁས་གྲུབ་རྣམས་ནི་ཕན་ཚུན་ཆུ་དང་མེ་ལྟ་བུར་ཚ་གྲང་དུ་མི་གཟིགས་མོད། འོན་ཀྱང་ཆོག་དང་སྒྲུབ་ཐབས་ཀྱང་བསྲེ་བ་དག་ནི་ཆོས་བརྒྱད་ཀྱི་མ་དཱ་ནས་ཡིད་རྣམ་པར་མྱོས་ནས་འགྱུར་ཁྱད་དང་ཨཱུདྡྷྭ་དྷ་ཡོད་པ་ལྷན་ཅིག་ཏུ་བསྲེས་པས་དགོངས་སོ། །བཞི་པ་རྒྱུ་ཚུལ་ནི། སཾ་བུ་ཊི་ལས། ཨཱ་ལི་ཀཱ་ལི་ས་བོན་ཉིད། །ཧཱུྃ་གིས་སྲ་དབུས་བརྒྱུ་བར་བྱ། །ཞེས་གསུངས་པ་ལྟར། ཕྲེང་ཐག་ཡི་དམ་གྱི་གཙོ་བོ་ལ། ཕྲེང་བ་འཁོར་གྱི་ལྷ་ཚོགས་ཀྱིས་བསྐོར་བར་བསམས་ཤིང་། ཧཱུཾ་གི་གླུ་ལེན་པ་དང་མཉན་དུ་བརྒྱུ་བར་བྱའོ། །ལྔ་པ་མདོ་འཛིན་ནི། འདི་ཉིད་ལས། ཕྲེང་བའི་མདོ་འཛིན་འདི་ལྟ་སྟེ༔ ཞི་བ་དཀར་ཞིང་ཟླུམ་ལ་སྒྲིལ རྒྱས་པ་སེར་པོ་རྒྱ་མདུད་ཅན ཡང་ན་ལྕིམ་གཞོག་།།།མཆོད་རྟེན་རིས དབར་ལ་མེ་ཏོག་དམར་པོ་བྱ དབྱིབས་ནི་ལེབ་དང་ཟླ་གམ་དང་ ནར་མོ་ཉིད་ཀྱང་ཤིས་པའོ དྲག་པོ་ཁ་དོག་ནག་པོའི་ཆ དབྱིབས་ནི་གྲུ་གསུམ་སེན་ཐབས་རིས ཐུར་ཅན་བུག་བ་ཚག་ཆག་ཅན མདོར་ན་རྩུབ་ལ་རྣོ་བ་ཡི༔ སྣ་ཚོགས་ལས་ཀྱི་ཕྲེང་བ་ལ མདོ་འཛིན་སྐུ་གསུང་ཐུགས་ཀྱི་རྒྱ དཀར་དམར་སྔོན་པོའི་རིགས་ཀྱིས་

(༢༠༨)སྤྲས དེ་སོགས་ཚུལ་མཐུན་རིག་པས་དཔྱད ཅེས་པས་སོ་སོ་དང་མཐུན་པའི་མདོ་འཛིན་བྱ་བར་བཤད་ཅིང་། སྤྱི་རྒྱབ་ཏུ་རྡོ་རྗེ་གསུམ་མཚོན་བྱེད་དུ་སུམ་བརྩེགས་སུ་གསུངས་པ་ལྟར། སྟེང་མ་ཐུགས་ཆོས་དབྱིངས་འགྱུར་བ་མེད་པའི་ཡེ་ཤེས་མཚོན་ཕྱིར་ཁ་དོག་སྔོན་པོ། བར་མ་གསུང་རྡོ་རྗེར་མཚོན་ཕྱིར་ཁ་དོག་དམར་པོ། །འོག་མ་སྐུ་རྡོ་རྗེ་མཚོན་ཕྱིར་ཁ་དོག་དཀར་པོ་བྱ་བ་ཡིན་ཞིང་། དེ་ཡང་དེ་ཁོ་ན་ཉིད་དང་སྦྱར་ན། སྟེང་མ་ངོ་བོ་ཆོས་སྐུ་སྟོང་པ། བར་མ་རང་བཞིན་གསལ་བ་ལོངས་སྐུ། འོག་མ་ཐུགས་རྗེ་ཀུན་ཁྱབ་སྤྲུལ་པའི་སྐུ་སྟེ་སྐུ་གསུམ་ལ་འདུ་འབྲལ་མེད་པའི་བརྡ་དོན་ཡིན་ཞིང་། སྔགས་གསར་མ་ལ་ནི་དག་པ་ཉིས་ལྡན་མཚོན་ཕྱིར་མདོ་འཛིན་ཉིས་བརྩེགས་སུ་བྱ་བར་བཤད་དོ། །སཾ་བུ་ཊི་ལས། མཆོད་རྟེན་ཆོས་ཀྱི་དབང་པོའི་ཕྱིར། །སྟེང་དུ་ཡང་ནི་ཆོས་ཀྱི་དབྱིངས། །ཞེས་པའི་འགྲེལ་བར། དེ་ཡང་འོག་མ་ཡེ་ཤེས། གོང་མ་ཆོས་དབྱིངས་མཚོན་པའམ། ཡང་ན་འོག་མ་གཟུགས་སྐུ་གོང་མཆོས་སྐུ་མཚོན་པ་ཡིན་ནོ། །ཞེས་བཤད་དོ། །ལྔ་པ་དེ་ལ་བྱིན་བརླབ་བྱ་བ་ནི། འདི་ཉིད་ལས། བགྲང་ཚུལ་ཐོག་མ་ཕྲེང་བ་ལ༔ བསང་སྦྱངས་བྱིན་བརླབ་རབ་གནས་བྱ༔ ཞེས་དང་། འཇམ་དཔལ་རྩ་རྒྱུད་ལས། ཆུ་བོ་དག་ནི་དྲི་མེད་པའི། །ཆུ་གཙང་དག་གིས་ཁྲུས་བྱ་ཞིང་། །ཕྲེང་བ་རྗེས་སུ་བླངས་ནས་ནི། །བ་ཡི་རྣམ་ལྔས་རབ་ཏུ་འཁྲུ། །དྲི་ཞིམ་དག་གི་རྗེས་བྱུག་ནས། །རབ་ཏུ་སྔགས་ལ་འབད་པ་ཡིས། །ཉེ་རེག་བྱས་ནས་བཟླས་པར་འཇུག །ཅེས་བཤད་པའི་དོན་འགྲེལ་དུ། རིག་འཛིན་ཆོས་ཀྱི་གྲགས་པས། ཐོག་མ་ཉིད་དུ་ཆུ་གཙང་གིས་རང་གི་ཁ་ལག་བཀྲུས་ནས་རྡོ་རྗེས་ཕྲེང་བ་བའི་རྣམ་ལྔས་བཀྲུ། དྲི་བཟང་བྱུག་ལ་ཞེས་གསུངས་པ་ལྟར་བྱས་རྗེས། འདི་ཉིད་ལས། བདག་ཉིད་ལྷ་ཡི་ང་རྒྱལ་གྱིས ཕྲེང་བ་ལག་པ་གཡོན་དུ་བསྐྱིལ མདོ་འཛིན་སྟེང་དུ་ཡོད་པར་བྱ སྭ་བྷཱ་ཝའི་སྔགས་ཀྱིས་སྟོང་པར་སྦྱངས སྟོང་པའི་ངང་ལས་ཕྲེང་བ་དེ མདོ་འཛིན་ཡི་དམ་གཙོ་བོ་ལ༔

(༢༠༩)ཕྲེང་བ་འཁོར་གྱི་རྣམ་པས་བསྐོར༔ ཡེ་ཤེས་སྤྱན་དྲང་དགུག་ཅིང་བསྟིམ༔ ཞེས་ཞལ་གྱིས་འཕངས་པ་ལྟར་དང་པོའི་ལས་ཅན་ལ་མཁོ་བའི་ཆེད་དུ་འདི་ལྟར་འཆད་དེ། ལག་པ་གཡོན་པའི་ནང་དུ་ཕྲེང་བ་སྤྲུལ་འཁྱིལ་བ་ལྟར་བསྐྱིལ་བའི་དབུས་སུ་མདོ་འཛིན་ཙོག་བུར་ཡོད་པ་བྱས་ལ་འདི་ཉིད་ལས་བཤད་བ་ལྟར་ཐོག་མར་ལག་པ་བྱིན་བརླབ་བྱ་སྟེ་ངག་ཏུ། ལག་པ་གཡས་པའི་མཐིལ་དུ་ཉི་མ་ལ་ཧཱུྃ༔ གཡོན་པའི་མཐིལ་དུ་ཟླ་བ་ལ་ཨས་མཚན་པར་གྱུར༔ ཅེས་བརྗོད་ཅིང་བསམ། དེ་ནས་ལྷའི་ང་རྒྱལ་དང་ལྡན་པས། ཨོཾ་སྭ་བྷཱ་ཝ་ཤུདྡྷོ་སོགས་ཀྱིས་ཕྲེང་བ་ཐ་མལ་དུ་འཛིན་པའི་རྟོག་པ་སྦྱངས། སྟོང་པའི་ངང་ལས་པདྨ་ཉི་ཟླའི་སྟེང་། །སྐད་ཅིག་དྲན་རྫོགས་མདོ་འཛིན་ཡི་དམ་གཙོ། །ཕྲེང་བ་འཁོར་གྱི་རྣམ་པར་གྱུར་པས་བསྐོར། །གནས་གསུམ་ཡིག་འབྲུ་གསུམ་གྱི་ས་བོན་ལས། །འོད་འཕྲོས་རང་འདྲའི་ཡེ་ཤེས་སྤྱན་དྲངས་ནས། །ཛཧཱུཾ་བཾ་ཧོས་གཉིས་སུ་མེད་པར་བསྟིམ། རྡོ་རྗེའི་ཆོས་བདུན་དང་ལྷུན་གྱིས་གྲུབ། །བདེ་གཤེགས་བྱང་ཆུབ་སེམས་དཔའ་སྲས་འཁོར་བཅས། །གདོད་ནས་ཕྲེང་བའི་ངོ་བོར་ཤར་བ་ལས། །ཡིན་ལ་ཡིན་པར་གོ་བའི་ངེས་ཤེས་ཀྱིས། །ཐབས་ཤེས་སོར་མོའི་སྦྱོར་བས་སྙིང་པོའི་སྔགས། །བགྲང་བ་ཙམ་གྱིས་འཇིག་འདས་དངོས་གྲུབ་ཀུན། །ཐོགས་མེད་འགྲུབ་པའི་ནུས་མཐུ་ཅན་དུ་གྱུར། །ཅེས་བརྗོད་ཅིང་རྩ་སྔགས་ཀྱི་མཐར་རྟེན་འབྲེལ་སྙིང་པོ་དང་ཨ་དཱི་ཀ་རཱི་སྤྲེལ་བ་གང་མང་བཟླས་པས་མེ་ཏོག་ལ་སྔགས་ཏེ་འཐོར། ཁྱད་པར་རང་གཞུང་ནས་བཤད་པའི་སྔགས་འདི་བརྒྱ་རྩ་བརྒྱད་བཟླ་ཞིང་། ཐམས་ཅད་ལ་དམིགས་པའི་ཁྱད་པར་ནི། བསྒྲུབ་བྱའི་ལྷ་དེ་དག་ཡིག་འབྲུ་དེ་དག་གི་རྣམ་པར་ལས་མཐུན་གྱི་ཁ་དོག་ཅན་དུ་ནམ་མཁའ་ནས་ཆར་འབབས་པ་བཞིན་དུ་བྱུང་ནས་ཕྲེང་བ་ལ་ཐིམ་པར་བསམས་ལ། ཨོཾ་རུ་ཙི་པྲ་མར་ཏ་ན་ཡེ་རཏྣ་མ་ཎི་དྷ་ར་ཛྙཱ་ན་དེ་ཝ་ཨ་བྷི་ཥིཉྩ་ཧཱུྃ་སྭཱ་ཧཱ༔ ཞེས་བཟླས་རྗེས་ཤིས་པ་བརྗོད། དེ་ནས་

(༢༡༠)ལས་མ་སྦྱོར་བའི་ཚེ། ཐོག་མར་འབྲུ་གསུམ་བརྒྱ་རྩ་བརྒྱད་དང་། དེ་ནས་ཨ་ལཱི་ཀ་ལཱི་དང་རྟེན་སྙིང་ཕྲེང་བ་བྱིན་བརླབ་ཀྱི་སྔགས་ཉེར་གཅིག་ལ་སོགས་བཟླས་རྗེས་བཟླས་པ་གང་ཡིན་ལ་འཇུག་པར་གསུངས་ཤིང་། དེ་དག་རྣམས་གཞུང་གི་དགོངས་པ་འཁྲུལ་མེད་དུ་བསྡེབས་པ་ཡིན་ནོ། །དེ་ལྟར་ཚུལ་བཞིན་དུ་བྱས་ན་ཕྲེང་བ་དེ་ལ་བགྲངས་པའི་སྔགས་གང་ཡིན་འབུམ་འགྱུར་དུ་འགྲོ་བ་གསུངས་ཤིང་། གཞན་ཡང་འདི་ཉིད་ལས། སྐབས་སྐབས་རབ་གནས་བསྐྱར་ན་བཟང་༔ ཞེས་གསུངས་པ་ལྟར་སྐབས་སུ་བྱིན་རླབ་བསྐྱར་བ་ཡང་མན་ངག་ཡིན་ནོ། །བདུན་པ་བགྲང་ཚུལ་ནི། གཞུང་ལས། ཞི་པའི་སྔགས་རྣམས་འདྲེན་པའི་དུས༔ མཛུབ་མོའི་སྟེང་ནས་འདྲེན་པར་བྱ༔ དེ་བཞིན་རྒྱས་པ་གུང་མོའི་སྟེང་༔ དབང་ལ་སྲིན་ལག་དྲག་པོ་ལ༔ མཐེའུ་ཆུང་སྟེང་ནས་འདྲེན་པ་སྟེ༔ ཀུན་ཀྱང་གཡོན་པ་ཀུན་ཉིད་དེ གཡས་ཀྱི་ལག་པས་མི་འདྲེན་ཞིང་༔ འོན་ཀྱང་ལ་ལའི་སྐབས་རྣམས་སུ ལག་པ་གཉིས་ཀས་འདྲེན་པའང་བཤད༔ དེ་ནི་གཉིས་མཉམ་ཁོ་ན་ལས༔ གཡས་པ་གཅིག་བུས་མ་ཡིན་ནོ༔ ཞེས་གསུངས་པ་ལྟར་ལས་བཞི་སོ་སོའི་བབས་དང་བསྟུན་ཞིང་རྡོ་རྗེའི་གསུང་ཕྱི་མ་གཉིས་ནི། ཕྲེང་བ་ལག་པ་གཡས་པས་བཟུང་སྟེ། གཡོན་པས་འདྲེན་པའི་དགོངས་པ་ཡིན་ཏེ་གསར་རྙིང་གཅིག་གོ །ལས་བཞི་སོ་སོ་ལ་ནི། སྔ་མའི་འཕྲོ་ལས། ཞིབ་ལས་ནི་སྙིང་གར་བགྲང་༔ རྒྱས་པ་ལྟེ་བའི་ཐད་དུ་སྟེ དབང་ལ་ཕྲེང་བ་གསང་གནས་ཐད༔ འགུགས་པའི་འདུན་པས་འདྲེན་པར་བྱ༔ དྲག་པོའི་སྐྱིལ་ཀྲུང་བསྣོལ་མཚམས་ཀྱི ཕུས་མོའི་སྟེང་དུ་བགྲང་བར་བཤད སྣ་ཚོགས་ལས་ལ་གང་བདེ་བྱ༔ ཞེས་གསུངས་ཤིང་དེ་དག་གི་དམིགས་པའི་ཁྱད་པར་ནི། མཐེ་བོང་རྡོ་རྗེ་ལྕགས་ཀྱུས་འཇིག་འདས་གཉིས་ཀྱི་དངོས་གྲུབ་ཐམས་ཅད་ཐོགས་མེད་དུ་འགུགས་པར་བསམས་ཏེ། དྲེགས་འདུལ་གནམ་ལྕགས་འཁོར་ལོ་ལས། བགྲང་ཕྲེང་སྣ་ཚོགས་ཕྲེང་ཐག་ལུ་གུ་རྒྱུད༔ མཐེ་

(༢༡༡)བོང་ཛལས་འོད་ཟེར་ལྕགས་ཀྱུ་ཡིས༔ ལྷ་ཉིད་དགུག་ཅིང་ལྟེ་བ་སྙིང་གར་བསྐྱིལ༔ ཞེས་གསུངས་སོ། །བརྒྱད་པ་མཚན་ཉིད་དང་ལྡན་པའི་ཕྲེང་བ་རབ་གནས་ཅན་དེ་ཉིད་བཅང་བའི་དམ་ཚིག་ནི། འདི་ཉིད་ལས། བླ་མས་བགྲངས་པའི་ཕྲེང་བ་ནི༔ མོས་གུས་རྟེན་དུ་མི་བགྲང་བཅང་༔ ཞེས་དང་། ཚུལ་དཔལ་ལྡན་པའི་ཕྲེང་བ་གཅིག༔ ལུས་དང་གྲིབ་ལྟར་མི་འབྲལ་འགྲོགས༔ ཕྲེང་བའི་དམ་ཚིག་རྩ་བ་ཡིན༔ ཡན་ལག་དམ་ཚིག་མང་བཤད་ཀྱང་༔ མདོར་བསྡུས་འདི་ལྟར་ཤེས་པར་བྱ༔ ཕྲེང་བ་གཞན་ལ་མི་བསྟན་ཞིང་༔ ལུས་ཀྱི་དྲོད་དང་མ་བྲལ་ན༔ གང་བསྒྲུབ་མྱུར་དུ་འགྲུབ་པར་འགྱུར དེ་བཞིན་གཞན་གྱི་ལག་མི་འགྲིམ༔ ཁྱད་པར་དམ་ཉམས་གྲིབ་ཅན་དང་༔ རང་དང་དམ་ཚིག་མེ་གཅིག་པའི༔ མི་ཡི་ལག་ཏུ་མི་འགྲིམ་གཅེས༔ བཟླས་པ་བྱེད་དུས་འདྲེན་པ་ལས༔ དུས་མིན་ལག་དལ་སྟོང་འདྲེན་མིན༔ མི་རྩིས་སླད་དུ་བཤར་མི་བྱ༔ རབ་གནས་མི་ལྡན་ཕྲེང་བ་ནི༔ ནམ་ཡང་བཅང་བར་མི་བྱ་ཞིང་༔ རབ་གནས་ལྡན་པའི་ཕྲེང་བ་དེས༔ ལས་གཞན་མི་བྱ་གསང་བར་སྦ༔ ས་ལ་མི་བཞག་ཡལ་མི་དོར༔ ཕྲེང་བསླད་ཅན་ཞེས་བྱ་བ༔ རིགས་མི་མཐུན་རྣམས་བསྡེབ་མི་བྱ༔ ཞེས་གསུངས་ཤིང་འདི་ལ་ཁ་ཅིག་ན་རེ་གོང་དུ། སྣ་ཚོགས་བསྡུས་པའི་ཕྲེང་བས་ནི། ཞེས་རུང་བར་བཤད་ལ་འདིར་སྤང་བྱ་བྱུང་བས་སྔ་ཕྱི་འགལ་ལོ་ཞེ་ན། མ་ཡིན་ཏེ། སྔ་མ་ནི་ས་རྡོ་ལ་སོགས་པར་བཟོས་པའི་ཕྲེང་བ་ཡིན་ཏེ། འདི་ནི་རང་བྱུང་ཤིང་འབྲས་ལ་སོགས་པའི་ཕྲེང་བ་རིགས་མི་གཅིག་པ་བསྡེབ་མི་རུང་བའི་དོད་ཡིན་ནོ། །གཞན་ཡང་སྔ་མའི་འཕྲོར། ཆེ་ཆུང་མ་སྙོམས་ཕྲེང་བའི་སེལ༔ ཡོ་དང་གས་གྲུམས་གྲངས་དེས་མེད༔ ཁ་དོག་མི་སྡུག་གཟུགས་མ་ལེགས༔ ཡིད་དུ་མི་འོང་དམ་སེལ་ཏེ༔ དེ་དག་མི་བཅང་དམ་ཚིག་ཡིན༔ ལས་ཀྱི་ཕྲེང་བ་རྒྱན་དུ་འཆང་༔ དེ་ལ་གང་རིགས་བཀོལ་བར་བཏུབ༔ དམ་ཚིག་ཅན་གྱི་ཕྲེང་བ་ངེས༔ ཁྱི་སོགས་

(༢༡༢)གཞན་ལ་བརྡེག་མི་བྱ༔ གཞན་ལ་སྦྱིན་པར་མི་བྱ་ཞིང་༔ བསྲུང་བའི་སླད་དུ་མ་མིན་པར༔ གཡར་དམ་ཉིད་དུ་བཅང་བར་གཅེས༔ གལ་ཏེ་ཐག་པ་ཆད་གྱུར་ན༔ ཞག་ནར་མཆོད་མྱུར་དུ་བསབ༔ ལས་ལ་བསྔགས་རྣམས་མ་གཏོགས་པ༔ ཚུལ་མིན་བསྲེས་པར་ཆང་མི་བྱ༔ དེ་བཞིན་ལ་རྐང་ཕྲེང་བ་སྤང་༔ ཕྲེང་བ་རླན་དང་གྲིབ་ལ་འཛེམ༔ རྒྱུན་དུ་བཟླས་པ་བྱས་པ་ཡི༔ ཕྲེང་བ་དམ་ཚིག་མི་གཅིག་པའི༔ མི་ལ་མི་སྦྱིན་དམ་ཚིག་སྟེ༔ བྱིན་ན་དངོས་གྲུབ་ཡལ་བར་འགྱུར༔ ཕྱི་ནང་གསང་བའི་སྔགས་ཚུལ་བཞིན༔ ཕྲེང་བ་ཡང་ང་དེ་བཞིན་ཏེ༔ སྦེད་བར་བྱེད་དང་མངོན་དུ་འབྱུང་༔ རིམ་པ་གསུམ་སོགས་ཤེས་པས་འཆད༔ ཕྱི་ཡི་ཕྲེང་བས་རྒྱུན་དུའམ༔ གྲངས་སོགས་བཤར་ཞིང་ལས་ལ་བཀོལ༔ ནང་གི་ཕྲེང་ག་ག་།།།ཡན་གྱིས༔ གང་བསྙེན་སླད་དུ་འདྲེན་པར་བྱ༔ གསང་བའི་ཕྲེང་བ་སྒྲུབ་པ་དང་༔ ལས་སྦྱོར་དུས་རྣམས་མ་གཏོགས་པ༔ གོས་དང་ལུས་ཀྱིས་བར་དུ་འཆང་༔ གོང་བཞིན་དམ་ཚིག་ལྡན་པ་ཡིས༔ ཅི་འདོད་ལས་གང་མྱུར་འགྲུབ་འགྱུར། །ཅེས་དང་། གཞན་ཡང་བཅང་དུ་མི་རུང་བ་ནི། མཚམས་མེད་ཀྱི་ལས་བྱས་པ་དང་། བཤན་པ། དམ་ཉམས། དམེ་ཕོ། ཡུགས་ས། རྐུན་མ། ལ་སོགས་ཀྱི་ལག་ནས་བྱུང་བ་ནི་ཁྲེང་བ་དང་། རྙེད་པ། གཞན་གྱི་ལག་ནས་ཕྲོགས་པ། ལྷའི་རྒྱན་ནས་བཀྲོལ་བ་དང་། ལྷ་ལ་གཞན་གྱིས་ཕུལ་བ། ཁ་གྲངས་མ་འགྲིགས་པ། མེས་འཚིག་པ། དུད་འགྲོས་འགོངས་པ། ཁྲ་བྱིས་ཟོས་པ་སོགས་ཀྱིས་སྔགས་ལ་དམ་སེལ་འཇུག་པར་གསུངས་པས་སྤང་ཞིང་། རང་གི་ཕྲེང་བ་ཡང་ཉམས་པའི་སྐྱོན་གྱི་རིགས་བྱུང་ན། མེ་ལ་བསྲོག་པའམ། ཆུ་ལ་བསྒྱུར་བ་སོགས་བྱ་ཞིང་། དེས་མཚོན་པར་རིན་ཐང་མཆོག་ཏུ་ཆེ་བོའི་ཕྲེང་བ་ཡང་ཕ་རོལ་པོ་རློམ་སེམས་སྐྱེ་བའི་ཕྱིར་ཤིན་ཏུ་གསང་ནས་བཅང་བ་དང་། ཧ་ཅང་ཡིད་དུ་མ་འོང་བའི་ཕྲེང་བ་ཡང་རང་ཉིད་ཤེས་པ་མི་སྤྲོ་ཞིང་། གཞན་གྱིས་

(༢༡༣)བརྙས་པར་འགྱུར་གྱིར་སྤང་བར་བྱ་བ་སོགས་གཞུང་འདི་ཉིད་ཀྱི་དགོངས་པ་མ་ཉམས་པ་ཡིན་པས་བླང་དོར་ཕྱིན་ཅི་མ་ལོག་པར་བྱ་དགོས་ཀྱང་། ལ་ལ་དག་ངེས་པ་མི་འོང་སྙམ་པ་བྱེད་མོད་ཀྱི། དེ་དག་ནི་སྔགས་གསར་རྙིང་གི་གཞུང་གང་གིས་ཀྱང་བརྡལ་མ་བྱང་བར་ཤིན་ཏུ་རྨོངས་པ་ཡིན་ལ། འདི་དག་ནི་རྡོ་རྗེ་ཐེག་པའི་བཅང་བར་བྱ་བའི་དམ་ཚིག་ཁྱད་པར་ཅན་མེད་དུ་མི་རུང་བ་ཡིན་ཏེ། འདི་ཉིད་ལས། ཆོས་རྣམས་རྒྱུ་རྐྱེན་རྟེན་འབྲེལ་ཏེ༔ གཉིས་ཚོགས་ཐབས་ཤེས་རྟེན་འབྲེལ་ལས སྲིད་གསུམ་གཡོ་སོགས་ནུས་པར་ལྡན༔ དེ་ཕྱིར་རྗེས་འཇུག་རྣལ་འབྱོར་རྣམས༔ གཡེལ་བ་མེད་པར་དང་དུ་ལོངས༔ ལུང་བཞིན་སྤྱད་ན་ཚུལ་བཞིན་འབྱུང་༔ ཡོན་ཏན་ངེས་ཤེས་རྒྱུད་ལ་སྐྱེ༔ རྒྱུ་འབྲས་སད་ལ་བསྐུར་རྣམས་ལ༔ དོན་འབྲས་མི་འབྱུང་བར་ཆད་རྒྱུ༔ ཡེ་ཤེས་ལྷ་འགྲུབ་སྨོས་ཅི་དགོས༔ འཇིག་རྟེན་འདྲེ་ཡང་འགྲུབ་མི་སྲིད༔ ཅེས་གསུངས་པ་ལྟར་འདི་ནི་ཤིན་ཏུ་གལ་ཆེ་བའི་ཡན་ལག་ཡིན་ཞིང་རྒྱས་པར་སྤྲོ་ན་གཞུང་དངོས་ལ་རྟོགས་པར་བྱའོ། །གཉིས་པ་ཛཔྲ་དགོངས་གསལ་འདེབས་ལ་གཉིས། བདག་བསྐྱེད་དང་མདུན་བསྐྱེད་དོ། །དང་པོ་ནི། བདག་བསྐྱེད་མེ་རྟོག་ཕྲེང་མཛེས་རྒྱང་པ་ནས་ཛཔྲ་དགོངས་ཀྱི་རྣམ་གཞག་ཤིན་ཏུ་གབ་སྟེ་མིང་ཙམ་ཡང་མ་བྱུང་། དེ་ནི་རང་གི་དབུགས་འབྱིན་འཇུག་གནས་གསུམ་སྙིང་པོ་འབྲུ་གསུམ་གྱི་རང་བཞིན་དུ་ཡེ་ནས་ལྷུན་གྲུབ་ཏུ་ཡོད་པའི་གྲངས་ཚད་ཉིན་ཞག་ཕྲུགས་རེ་ལ་ཉི་ཁྲི་ཆིག་སྟོང་དྲུག་བརྒྱར་འགྱུར་དེ་ཉིད་རིག་ཐོག་ཏུ་མཉམ་པར་གཞག་ཅིང་༔ སྐབས་སུ་རླུང་རྩོལ་དང་བཅས་རིག་པ་གཡོ་མེད་དུ་འཇོག་པ་སྟེ་སྐྱེ་མེད་རྡོ་རྗེའི་བཟླས་པ་ལ་དགོངས་པར་ཛཔྲ་དགོངས་དམིགས་པའི་འཁྲུལ་འཁོར་ལས་གསུངས་ཀྱང་། རིག་འཛིན་རྩེ་ལེ་བས། ད་ལྟ་ཕྱག་བཞེས་དཀྱུས་མར་གང་ཟག་ལས་དང་པོ་པ་།།།གྲ་ཚོགས་ཕལ་པ་རྣམས་ཀྱིས་ཟབ་དོན་འདི་དག་ཤེས་རྒྱུད་ལ་མི་འབྱོར་ཚོ།།། ལྷ་ཚོགས་ཀྱི་ཐུགས་སྲོག་ལ་སྔགས་ཕྲེང་འཁོར་བའི་མོས་པས། རྩ་གསུམ་སྤྱིར་དྲིལ་གྱི་

(༢༡༤)བཟླས་པ་ཅི་འགྲུབ་བྱེད་པ་ལགས་སོ། །ཞེས་གསུངས་ཤིང་འོན་ཀྱང་འདི་ནི་བདག་བསྐྱེད་རྐྱང་པར་བྱེད་པའི་སྒོས་ཆོས་ཡིན་ཀྱང་། འདིར་ལུང་འདྲེན་པ་ནི་བདག་མདུན་མཉམ་བསྒྲུབ་ཀྱི་སྔགས་འཁོར་འགོད་པའི་ཆེད་དུ་ཡིན་ལ། དེས་ན་དང་པོ་བདག་བསྐྱེད་ལ་ཡེ་ཤེས་སེམས་དཔའ་སོགས་ཀྱི་རྣམ་གཞག་མ་གསུངས་པར་སྔགས་འཁོར་འགོད་ཚུལ་འདི་ལྟར་ངེས་དོན་སྙིང་པོ་ལས་གསུངས་ཏེ། རང་ཉིད་དགོངས་པ་འདུས་པའི་ལྷ་ཚོགས་རྟེན་དང་བརྟེན་པར་བཅས་པ་གསལ་བའི་ཐུགས་ཀར་ཉི་མའི་སྟེང་དུ་ཧྲཱིདམར་གྱི་མཐར་སྔགས་འཕྲེང་འཁོར་བ་ལས་ཞེས་གསུངས་པ་ལྟར་བདག་བསྐྱེད་ཀྱི་ཐུགས་ཀར་ཉི་མའི་དཀྱིལ་འཁོར་གྱི་སྟེང་དུ་ཧྲཱིཡིག་དམར་པོའི་མཐར་མདུན་ནས་བརྩམས་ཏེ་གཡོན་དུ་བཀོད་ལ་བཟླ་བའི་དུས་གཡས་སུ་ཀློག་ཐབས་སུ་འཁོར་དགོས་པ་ཡིན་ནོ། །གཉིས་པ་མདུན་བསྐྱེད་ཀྱི་སྔགས་འཁོར་དགོད་ཚུལ་བཤད་པ་ནི། དེ་ཡང་སྒྲུབ་ཆེན་ལྟ་བུའི་ཚེ་ནི་ལྷ་གཙོ་འཁོར་ཐམས་ཅད་ཀྱི་ཐུགས་ཀར་འོག་ཏུ་འཆད་པའི་ཉི་ཟླ་རྡོ་རྗེ་རྩེ་ལྔ་སྣང་མཐའ་ལ་སོགས་པ་གསལ་དགོས་པར་གསུངས་མོད། བཤགས་སྐོང་གི་ཚེ་ནི་དེ་ཙམ་བློས་མ་ལྕོགས་ཀྱང་རྒྱུའི་ཧེ་རུ་ཀ་རྟ་མགྲིན་ལ་གསུམ་དང་། དེའི་དབུ་གཅུས་ན་གནས་པའི་གཙོ་བོ་པདྨ་བཛྲ་རྩལ་གྱི་ཐུགས་མཆོད་གུར་ཕུབ་པ་ལྟ་བུའི་ནང་དུ་ཉི་ཟླའི་གདན་ལ། རྡོ་རྗེ་དཀར་པོ་རྩེ་ལྔ་པ་ཞིག་ཀྲོང་ཐབས་སུ་གནས་པའི་ལྟེ་བར་ཁོང་སེང་གི་ནང་དུ། པདྨ་དམར་པོ་འདབ་མ་བརྒྱད་པའི་ལྟེ་བར་བཅོམ་ལྡན་འདས་སྣང་བ་མཐའ་ཡས་སྐུ་མདོག་དམར་གསལ་ཤིན་ཏུ་དངས་པ། རྒྱན་མེད་གཅེར་བུ་སྐྱིལ་ཀྲུང་མཉམ་གཞག་གི་ཕྱག་རྒྱ་མཛད་པའི་སྟེང་དུ། དུས་གསུམ་བདེ་གཤེགས་ཐམས་ཅད་ཀྱི་ཐུགས་རྗེའི་འོད་ཟེར་ལས་གྲུབ་པའི་བུམ་པ་འོད་ཟེར་ལྔ་ལྡན་དུ་འཕྲོ་བ་ཞིག་གསལ་བའི་ནང་དུ། ཨོཾཱ་ཨཱཧཱུཾ་གི་ཡིག་འབྲུ་བརྩེགས་མ་དང་། སྣང་མཐའི་ཐུགས་ཀར་ཧྲཱིཡིག་དམར་གསལ་འོད་ཟེར་ཁ་དོག་སྣ་ཚོགས་སུ་འཕྲོ་བ་ཞིག་གསལ་བཏབ། སྣང་བ་མཐའ་ཡས་ཀྱི་མདུན་ནས་བརྩམས་པའི་གཡོན་སྐོར་དུ། ཨོཾ་ཨཱཧཱུཾ་བཛྲ་གུ་རུ་དྷེ་ཝ་ཌཀྐི་ནཱི་སརྦ་སིདྡྷི་ཕ་ལ་ཧཱུཾ་ཨཱ། ཞེས་དགོངས་འདུས་ཀྱི་ཡང་སྙིང་བསྡུས་

(༢༡༥)པའི་ཡིག་འབྲུ་རྣམས་ཀྲོང་ཐབས་སུ་ཧྲིལ་གྱིས་འཁྲིལ་བར་བཀོད་ལ་བཟླ་བའི་ཚེ་གཡས་སུ་འཁོར་བར་གསལ་དགོས་པ་དང་། དེ་ཡང་སྒྲུབ་ཆེན་ལ་སོགས་པའི་སྤྲོས་བཅས་དང་འབྲེལ་བ་ཡིན་།།།ན་རྩ་སྔགས་རྒྱས་པ་མངོན་རྟོགས་ཆེན་པོ་དང་ཛཔྲ་དགོངས་ནས་བཤད་པ་བཞིན་བཟླ་དགོས་ཚེ། དེའི་སྔགས་འཁོར་དགོད་ལུགས་སྔ་མ་དང་ལམ་མཚུངས་ལས་ཁྱད་པར་མདུན་ནས་ཡིག་མགོ་བརྩམས་པའི་སྔགས་མགོ་ནང་དང་། སྔགས་མཇུག་ཕྱི་རོལ་དུ་ཐད་ཀར་འགྲིག་པའི་རིམ་པ་གསུམ་ཙམ་གྱི་སྦྲུལ་འཁྱིལ་པ་ལྟ་བུར་བསྒོམ། འདིའི་རྩ་སྔགས་རྒྱས་པར་མགོན་ཨོཾཱ་དང་མཇུག་ན་སྭཱ་ཧཱ་ཡོད་པས་སྤྱི་སྐད་དུ་སྤྲུལ་སྔགས་ཞེས་པའི་ཐ་སྙད་ཀྱང་འཇོག །འོན་ཏེ་སྤྲུལ་སྔགས་ཀྱི་རྣམ་གཞག་ཚང་ཕྱིན་ཆད་འཁོར་ལུགས་རིམ་པ་ཉིས་བརྩེགས་སུམ་བརྩེགས་བྱ་དགོས་པའི་ངེས་པ་མ་མཆིས་ཀྱང་། སྔགས་རིང་པོའི་རིགས་ལ་འཁོར་གཅིག་གིས་མ་རྫོགས་པའི་ཚུལ་དུ་དེ་ལྟར་བྱ་དགོས་པ་ལུང་རིག་གཉིས་ཀས་འགྲུབ་བོ། །དེ་ལ་སྤྱིར་གསང་སྔགས་སྤྲུལ་འཁྱིལ་བ་ལྟ་བུ་ཞེས་དཔེ་བརྗོད་མཛད་པ་ནི་ལྟོ་འགྲོ་རྣམས་མགོ་བོ་དབུས་དང་། མཇུག་མ་ཕྱིར་བཞག་ནས་འཁྱིལ་སྟབས་སུ་ཉལ་བ་ལ་དགོངས་སོ། །དེ་མཚུངས་ཕྱོགས་མཚམས་ཀྱི་གཙོ་བོ་རྣམས་ཀྱི་སྲོག་སྔགས་ཀྱང་སོ་སོའི་ཐུགས་ཀར་དགོད་ཚུལ་སྔ་མ་བཞིན་ལས་ཞིབ་པར་ཛཔྲ་དགོངས་དམིགས་པའི་འཁྲུལ་འཁོར་ནས་བཤད་པ་ལྟར་གསལ་ཞིང་། ཐམས་ཅད་ཀྱང་གང་གི་ཚེ་ཡང་རང་སྒྲ་དི་རི་རི་སྒྲོག་ཅིང་འོད་ཟེར་མཁའ་ཁྱབ་ཏུ་འབར་བར་གསལ་འདེབས་དགོས་པའོ། ཁ་ཅིག་ན་རེ། བྱིངས་ལ་སྔགས་འཁོང་དགོད་ཚུལ་དེ་ལྟར་ཡིན་ཡང་། བཤགས་སྐོང་གི་ཚེ་པདྨ་བཛྲ་རྩལ་གྱི་ཐུགས་ཀར་ཞི་ཁྲོ་དམ་པ་རིགས་བརྒྱ་བསྐྱེད་པ་ཡིན་ཕྱིར་ཡེ་ཤེས་སེམས་དཔའ་ལ་བཞུགས་པའི་གནས་མ་བྱུང་ངོ་ཞེ་ན། མ་ཡིན་ཏེ་སྤྱིར་ཡེ་ཤེས་རང་སྣང་གི་ལྷ་ལ་ཡངས་དོག་གི་གོ་ཡུལ་བརྩི་བའི་རིག་པ་མི་འགྲོ་སྟེ། སེམས་ཀྱི་རང་གདངས་ཡིན་ཕྱིར་ཅི་ཡང་ཤོང་ལ་ཅིར་ཡང་བྱར་བཏུབ་པ་ཡིན་མོད། ཁྱད་པར་འདིའི་སྐབས་

(༢༡༦)སུ་ཡེ་ཤེས་སེམས་དཔའ་ནི་ཐུགས་མཆོད་གུར་སྨུག་པོའི་ནང་དུ་སྒོམ་ལ། ཞི་ཁྲོ་ནི་བྲང་དང་སྙིང་གི་བར་ཁྱམས་སུ་ཡེ་ཤེས་ཀྱི་གསལ་མདངས་ཙམ་དུ་བསྐྱེད་པ་ཡིན་ཏེ། ད་ལྟ་འདིའི་ཚུལ་བསྙེན་སྒྲུབ་པ་ཕལ་གྱིས་གོང་ཆེར་མ་མཐོང་བས་ཞིབ་ཏུ་བརྗོད་ན་དཔལ་གསང་བ་སྙིང་པོའི་རྒྱུད་དོན་གསལ་བྱེད་མེ་ལོང་ལས། ཡལ་ཡེ་ཤེས་སེམས་དཔའ་དང་ཐུགས་ཀྱི་ལྷ་གཉིས་གཅིག་གམ་ཐ་དད་ཅེ་ན། གནས་ཐ་དད་དེ། ཡེ་ཤེས་སེམས་དཔའ་ནི་རྩ་བའི་ལྷ་གང་ཡིན་དང་སྤྱི་རྣམས་འདྲ་བ་ལ་རྒྱན་དང་ཆ་ལུགས་སྤངས་པ། ཕྱག་མཚོན་འཛིན་འཛིན་འདྲ་ལ་མི་འཛིན་པའོ། །ཐུགས་ཀྱི་ལྷ་ནི་རྩ་བའི་ལྷ་གང་ཡིན་ཡང་ཐུགས་ཀྱི་ལྷ་རྡོ་རྗེ་མི་བསྐྱོད་པ་སྐུ་མདོག་མཐིང་ག །ཕྱག་མཚན་རྡོ་རྗེ་ཧཱུྃ་གིས་མཚན་པ་འཛིན་པའོ། །ཞེས་གསུངས་པ་ལྟར་སྒོམ་པའི་ཡུལ་ཐམས་ཅད་འདི་དང་མཚུངས་ལ། རྣམ་འགྱུར་དང་ཆ་ལུགས་ནི་སོ་སོའི་ལུགས་བཞིན་ལས་འདི་ལ་ལྟོས་དགོས་པ་མ་ཡིན་ནོ། །ད་དུང་ཁ་ཅིག་ན་རེ། ཐུགས་ཀྱི་ལྷ་རིགས་འགྲེལ་དེ་ལྟར་ཡིན་ཀྱང་ཞི་ཁྲོ་ལ་དེའི་རིག་པ་མི་འགྲོའོ་ཞེན་ཤིན་ཏུ་འགྲོ་སྟེ། ཞི་ཁྲོ་ཐམས་ཅད་ཀྱང་རྒྱལ་བའི་ཐུགས་ཀྱི་རྣམ་རོལ་འབའ་ཞིག་ལས་ཤར་བ་ཡིན་ཞིང་། ཐུགས་ཀྱི་ལྷ་ལ་སྒེར་དུ་རང་རྒྱུད་པ་ཞིག་གྲུབ་པ་མེད་པའི་ཕྱིར་རོ། །འོ་ན་འདི་ལ་གོ་ཆའི་ལྷ་གསུམ་ཆད་པའི་སྐྱོན་དུ་འགྱུར་རོ་ཞེ་ན། མཆད་དེ། དེ་ཡང་སྤྱིར་སྤྲོས་བཅས་ཀྱི་བསྐྱེད་རིམ་པ་ལ་ལ་གསུངས་པའི་གོ་ཆའི་ལྷ་ཐམས་ཅད་ཀྱང་དོན་ལ་གནས་གསུམ་གྱི་ཡི་གེ་ལ་ཚང་བ་ཡིན་མོད་ཀྱི། རྒོད་ཚང་པ་ཆེན་པོས། གང་ལྟར་གནས་གསུམ་འབྲུ་གསུམ་དགོས་པ་འདི་ཉིད་དོན་གྱི་དབང་དུ་རྒྱལ་བའི་སྐུ་གསུང་ཐུགས་ཀྱི་ཡེ་ཤེས་གསུམ་མཚོན་ལ། བརྡའི་དབང་དུ་ནི་སྙིང་པོ་འབྲུ་གསུམ་མམ། འཁོར་ལོ་རྡོ་རྗེ་པདྨ་སྟེ་ཕྱག་མཚན་གསུམ་དུ་འགྱུར་ལ། རྟགས་ཀྱི་དབང་དུ་ན་སྐུ་རྡོ་རྗེ་དཀར་པོ་འཁོར་ལོ་དྲིལ་བུ་འཛིན་པ། གསུང་རྡོ་རྗེ་དམར་པོ་པདྨ་དྲིལ་བུ། ཐུགས་རྡོ་རྗེ་མཐིང་ག་རྡོར་དྲིལ་འཛིན་པར་བསྟན་ཅིང་། གོ་ཆའི་ལྷ་ཐམས་ཅད་ཀྱི་རྩ་བ་འདི་གསུམ་ལ་འདུ་བའི་ཕྱིར་རོ། །ཞེས་གསུངས་ཀྱང་ད་ལྟ་

(༢༡༧)ཚོག་པ་ཕལ་གྱིས་དག་དྲན་ཤེས་རྒྱུད་ལ་འབྱོར་བ་ལྟ་ཅི། འདི་ལ་རྒྱུ་མཚན་ཞིག་ཡོད་དམ་སྙམ་པའི་རྟོག་པ་ཞུགས་པ་དག་ལའང་རྗེས་སུ་ཡི་རང་བའི་གནས་སུ་མཐོང་བའང་སྤྱོད་ཡུལ་དུ་གྱུར་བས་ཞར་ལ་སྨྲས་པ་ཡིན་ནོ། །དེ་ལྟར་ཛཔྲ་དགོངས་དངོས་གཞིའི་ཡེ་ཤེས་སེམས་དཔའ་དང་སྔགས་ཕྲེང་དགོད་ལུགས་གཞུང་གཞན་དང་མི་འདྲ་བ་ཡོད་པ་ནི་འདི་གའི་རང་སྐད་ཐུན་མོང་མ་ཡིན་པ་ཡིན་ཕྱིར་རིགས་འགྲེ་བསྡུར་བའི་རྒྱས་འགེབས་བྱ་རྒྱུ་མ་ཡིན་ནོ། །གསུམ་པ་ནི། སྒྲུབ་ཆེན་ལྟ་བུའི་ཚེ་ཛཔྲ་བསྐུལ་བའི་ཆེད་དུ། མཆེད་ལྕམ་ཐམས་ཅད། ལུས་ལྷ། ངག་སྔགས། སེམས་ཆོས་ཉིད་ཀྱི་རྩི་དང་མ་བྲལ་བའི་དཀྱིལ་འཁོར་སུམ་ལྡན་གྱི་ངང་ནས་དཔའ་ཤུགས་བསྐྱེད་ཅིང་། གྱེར་དབྱངས་རོལ་མོའི་སྒྲ་དང་བཅས་པས་མཚན་མ་རྫས་ཀྱི་དཀྱིལ་འཁོར་ལ་བསྐོར་བ་བྱ་ཞིང་། ཧཱུཾ་ཧྲཱིབསྐུལ་ལོ་བསྐུལ་ལོ་ཐུགས་དམ་གནད་ནས་བསྐུལ༔ སོགས་ཚངས་པའི་ང་རོ་ནས་གསུངས་པ་ལྟར་བྱའོ། །བཞི་བ་ཛཔྲ་ཀྱི་རྣམ་དབྱེ་ནི། དེ་ཡང་སྤྱིར་བསྙེན་པ་ལ་ཟླ་བ་སྐར་ཕྲེང་ལྟ་བུའི་ཛཔྲ། ཉེ་བསྙེན་ལ་མགལ་མེའི་འཁོར་ལོ་ལྟ་བུའི་ཛཔྲ། སྒྲུབ་པ་ལ་རྒྱལ་པོའི་ཕོ་ཉ་འགྱེད་པ་ལྟ་བུའི་ཛཔྲ། སྒྲུབ་ཆེན་ལ་བུང་བ་ཚང་ཞིག་པ་ལྟ་བུའི་ཛཔྲ་དང་དེ་དག་ལ་ཤམ་བུ་འདོགས་ཚུལ། སྨན་སྒྲུབ། བམ་སྒྲུབ། ཆ་སྒྲུབ་ལ་སོགས་པ་རྣམས་ཀྱི་ཛཔྲ་དམིགས་དང་བྱེ་བྲག་ནི། གཏེར་གཞུང་རྩ་བའི་ཛཔྲ་དགོངས་དམིགས་པའི་འཁྲུལ་འཁོར་དང་། རང་རང་གི་སྒྲུབ་གཞུང་རྣམས་སུ་རྟོག་ཅིང་དཔྱོད་པར་བྱའོ། །ལྔ་བ་སྤྱི་ཁྱབ་ཏུ་བཤད་པའི་ཛཔྲ་བཟླས་དངོས་ལ་གཉིས། འོད་ཟེར་སྤྲོ་བསྡུ་དང་། སྣང་ཞེན་ལ་བསླབ་བའོ། །དང་པོ་ནི། སྔར་ཛཔྲ་དགོངས་ཀྱི་རྣམ་དབྱེ་བདག་མདུན་སོ་སོར་བཤད་པ་དེ་ཉིད་གསལ་ཐེབས་པའི་ངང་ནས་སོ་སོའི་སྔགས་ཕྲེང་གི་ཡིག་མགོ་ནས་བརྩམས་ཏེ་ཀློག་ཐབས་སུ་འཇམ་ན་རར་ཧ་ཅང་རིང་ཐུང་དྲག་ཞན་སོགས་ཀྱི་སྐྱོན་དང་བྲལ་བར་བཟླས་པས། བདག་བསྐྱེད་།།།ཐུགས་སྲོག་སྔགས་ཕྲེང་དང་བཅས་པ་ལས་འོད་ཟེར་བ་ཐག་འཛིངས་བ་ལྟ་བུར་བུན་བུན་

(༢༡༨)འཕྲོས་པས། སྔགས་ཕྲེང་དང་ལྷ་ཚོགས་རྣམས་ཤིན་ཏུ་གསལ་བར་བྱས་ཏེ་བ་སྤུའི་བུ་ག་དང་སྦྱོར་མཚམས་ཐམས་ཅད་ནས་ཕྱིར་འཕྲོས་པའི་སྣེལ་ལྷ་མོ་མཆོད་འཛིན་མ་དཔག་ཏུ་མེད་པ་སྤྲོས་པས་མདུན་བསྐྱེད་བཤགས་སྦྱོང་གི་དབང་པོ་རྣམས་ཀྱི་སྐུ་གསུང་ཐུགས་མཆོད་པས་མཉེས་ཤིང་ཐུགས་རྒྱུད་བསྐུལ། དེ་དང་བདག་ཉིད་གཉིས་ཀའི་མི་འགྱུར་བའི་སྲོག་ཡིག་སྔགས་ཕྲེང་དང་བཅས་པ་རྣམས་ལས་དེ་འདྲ་བའི་འོད་ཟེར་དཔག་ཏུ་མེད་པ་མཁའ་ཁྱབ་ཏུ་སྤྲོས་པས། ཕྱོགས་བཅུའི་སངས་རྒྱས་ཐམས་ཅད་མཆོད་པས་མཉེས་ཤིང་བདེ་སྟོང་ཟུང་འཇུག་གི་ཡེ་ཤེས་གློ་བུར་དུ་འཁྲུངས་པས་རྐྱེན་བྱས་ཏེ་ཐུགས་རྒྱུད་བསྐུལ། རིས་སུ་མ་ཆད་པའི་སེམས་ཅན་ཐམས་ཅད་ལ་ཐུགས་རྗེའི་ཟེར་ཐག་སྤྲོས་ཏེ་པོག་པས། དེ་དག་གི་སྒོ་གསུམ་གྱི་ལས་ཉོན་སྡིག་སྒྲིབ་ཉེས་ལྟུང་བག་ཆགས་དང་བཅས་པ་ཉི་མས་བ་མོ་བཞུ་བ་ལྟར་སྐད་ཅིག་ལ་སྦྱངས་ཏེ། བདེ་ཆེན་གྱི་ཞིང་ལ་བཀོད་པ་སྟེ་དོན་གཉིས་བྱས་ནས་ཚུར་འདུས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ཀྱི་ངོ་བོ་ལྷ་སྐུ། ཡིག་འབྲུ། ཕྱག་མཚན་གྱི་རྣམ་པར་བུན་ལང་ལོང་བྱོན་ནས་བདག་མདུན་གཉིས་ཀའི་དཀྱིལ་འཁོར་རྣམ་གསུམ་དང་། ཁྱད་པར་མདུན་བསྐྱེད་ཀྱི་འོད་ཟེར་དང་མཉམ་དུ་བདག་བསྐྱེད་ཀྱི་ཐུགས་སྲོག་ལ་སིབ་སིབ་ཐིམ་པས། དབང་བཞི་ཐོབ། སྒྲིབ་བཞི་སྦྱངས། རྒྱལ་བ་རྣམས་ཀྱི་ཡེ་ཤེས་རྣམ་པ་ལྔའི་དངོས་གྲུབ་མ་ལུས་པ་ཐོབ་པར་བསམས་ལ་དར་ཅིག་ཀ་དག་གི་ངང་ལ་ཀློང་ནས་བཟླ། ཡང་བདག་མདུན་གཉིས་ཀའི་ཐུགས་སྲོག་ལས་སྔར་བཞིན་འོད་ཟེར་དཔག་ཏུ་མེད་པ་ཁམས་གསུམ་རིགས་དྲུག་གི་གནས་ཐམས་ཅད་དུ་འཕྲོས། དམྱལ་བ་ལ་བཙོ་སྲེག །ཡི་དྭགས་ལ་བཀྲེས་སྐོམ། དུད་འགྲོ་བཀོལ་སྤྱོད། ལྷ་མིན་ལ་འཐབ་རྩོད། མི་ལ་སྐྱེ་འཆི། ལྷ་ལ་འཕོ་ལྟུང་སོགས་རང་རང་གི་མྱོང་འགྱུར་གྱི་སྡུག་བསྔལ་བཟོད་བླག་མེད་པ་དང་། ཁྱད་པར་མོས་སྒོམ་ཉིན་ཆོག་ལྟ་བུས་མཚོན་ཏེ་

(༢༡༩)ཚེ་འདས་ཀྱི་དོན་དུ་ཡིན་ན་དེ་ཉིད་གནས་དེ་དག་ཏུ་སྐྱེས་ཚར་བའམ། དགོངས་འདུས་རང་སྐད་དུ་བར་དོ་རྣམ་པ་བཞིས་དབྱེ་བའི་སྲིད་པ་བར་དོ་ཉམ་ངའི་ཕྲང་ལ་འཇིགས་པའི་སྒྲ་བཞི་དང་། ས་རླུང་ལས་རི་བོ་ཉིལ་བའི་སྒྲ། ཆུ་རླུང་ལས་རྒྱ་མཚོ་འཆོལ་བའི་སྒྲ། མེ་རླུང་ཁམ་ནགས་ཚལ་ཚིག་པའི་སྒྲ། རླུང་གི་རླུང་ལས་དུས་ཀྱང་རླུང་སྒྲ་སྟེ་བཞི། ཡང་བའི་གཡང་ས་གསུམ་ལ་སོགས་ཤིན་ཏུ་སྦུག་ཐུག་པའི་འཇིགས་སྐྲག་རྣམས་སྐད་ཅིག་ཉིད་ལབས་ལ་ནས། དེ་དག་ཐམས་ཅད་བླ་མ་དགོངས་པ་འདུས་པ་བཞི་དང་ཁྲོ་བོའི་སྐུ་འབའ་ཞིག་ཏུ་གྱུར་ཏེ། སྣང་སྲིད་སྣོད་ཀྱི་འཇིག་རྟེན་རིན་པོ་ཆེའི་གཞལ་མེད་ཁང་ཡངས་ཤིང་རྒྱ་ཆེ་བར་གྱུར་བའི་ནང་དུ་འཁོད་ནས་ཛཔྲ་སྒྲ་དི་རི་རི་སྒྲོག །དུག་གསུམ་གྱི་ཤེས་པའི་རང་གདངས་ཀྱི་གཅོང་རོང་། གཡང་ས་དཀར་པོ་དང་དམར་པོ་དང་། ནག་པོ་སྟེ་ཉམ་ང་བའི་གཡང་ས་གསུམ་ཞེས་གསང་སྔགས་ཐུན་མོང་བདག་འཆད་དོ། །པར་བསམས་ཤིང་དཀྱིལ་འཁོར་གསུམ་གྱི་ངང་ལས་མ་གཡོས་པར་ཛཔྲ་བཟླ། དེ་ལྟར་བཟླས་པས་སྐྱོན་སྐབས་སུ་དབྱངས་ཀྱི་རྟལ་བསྐྱོན་ནས། ཕྱི་བླ་མའི་ཛཔྲ་དབྱངས་མོས་གུས་གདུང་ཤུགས་ཀྱི་ཚུལ་དུ་དྲངས་པས་བྱིང་རྨུགས་ཀྱི་སྐྱོན་སེལ་ཞིང་ཏིང་ངེ་འཛིན་དང་རླུང་གི་རྩལ་ཐོན་ནས་ཡོན་ཏན་ཁྱད་པར་ཅན་སྐྱེའོ། །གཉིས་པ་ནི། དེ་ལྟར་བཟླས་པས་ལས་དང་པོ་བ་།།།གང་ལ་ཞིག་དུ་བ་ན། སྐབས་སུ་སེམས་འཛིན་ལ་བསླབ་སྟེ། དེ་ལ་བཞི། རྣམ་པ་གསལ་བ། རྣམ་དག་དྲན་པ། ང་རྒྱལ་བརྟན་པ། རྒྱས་གདབ་པའོ། །དང་པོ་ལ་གཉིས། ཐ་མལ་གྱི་སྣང་བ་དགག་པའི་དོན་དུ་རྣམ་པ་ཕྱི་ལ་སེམས་འཛིན་པ་དང་། བྱེ་བྲག་ཏུ་རྩལ་སྦྱང་བའོ། །དང་པོ་ནི། གཙོ་འཁོར་དེ་ཐམས་ཅད་ཀྱི་སྐུ་ལུས་སྦུབས་སྟོང་ཕྲུམ་ཕུས་བཏབ་པ་ལྟ་བུ་སྟོང་ཆེན་སྒྲིབ་གཡོགས་དང་བྲལ་བ་ལས། ལྡེར་བཟོ་དང་ལུགས་མ་ལྟ་བུའི་ལྡིར་ལྡིར་པོ་མ་ཡིན་པ། བྲིས་སྐུ་ལྟ་བུའི་ལེབ་ལ་ཅར་ཅར་བ་ཡང་མ་ཡིན་པར། ནམ་མཁའི་འཇའ་ཚོན་ནམ་ཆུ་ནང་གི་ཟླ་བ་བཞིན་སྣང་བ་རང་བཞིན་མ་གྲུབ་པ་སྒྱུ་མ་མཁན་གྱི་རོལ་རྩེད་ལྟ་བུའི་རྣམ་པར་ཤར་བ་ལ་སེམས་རྩེ་གཅིག་ཏུ་

(༢༢༠)བཟུང་ལ། ཝལ་ལེ། རྗེན་ནེ། ཡེ་རེ། གསལ་ལེར་བཞག་སྟེ་མི་གཡོ་བར་སྐོམ་མོ། །གཉིས་པ་ནི། གཞུང་ལས། ལྷ་གཙོ་འཁོར་ཆེ་འབྲིང་ཆུང་སོགས་རྒྱས་བསྡུས་ཅི་ལྟར་བསྒོམས་པ་ཐམས་ཅད་ཀྱི སྐུ་མདོག་ཞལ་ཕྱག་རྒྱན་དང་ཆ་ལུགས་བཞུགས་སྟངས་གདན་ཁྲི་དང་བཅས་པ་ཐམས་ཅད་མ་ལུས་ཤིང་གསལ་བར་བསྒོམས་པས གནས་སྐབས་དང་མཐར་ཐུག་གི་དོན་ཐམས་ཅད་འབྱུང་ཞིང་ བར་ཆད་ཀྱི་རིགས་གང་གིས་ཀྱང་མི་ཚུགས དེ་རྣམས་གང་ཡང་མ་།།།ཡོན་ཏན་གང་ཡང་མི་འབྱུང་བའི་སྟེང་དུ བར་ཆད་འཇུག་ཉན་ཡོང་བས ཤིན་ཏུ་གསལ་བ་གལ་ཆེ༔ ཞེས་གསུངས་པ་ལ་བླ་མ་དམ་པའི་མན་ངག་གིས་ཕྱེ་བས་སྒོམ་ལུགས་འདི་ལྟར་བྱ་སྟེ། དང་པོ་གཙོ་བོའི་དབུ་གཙུག་ནས་ཞབས་ཀྱི་བར་དང་། དེ་བཞིན་དུ་གདན་དང་། འཁོར་གྱི་ལྷ། གཞལ་ཡས་ཁང་ལ་སོགས་པར་ཆ་ཤས་ཕྲ་མོ་ནས་གསལ་བཏབ། དེ་ཡང་སྐུ་དེ་རེས་འགའ་ནམ་མཁས་གར་ཁྱབ་སྐུས་ཁྱབ་པར་བསྐྱེད། རེས་འགའ་ཇེ་ཆུང་ལ་བཏང་སྟེ་ཡུངས་འབྲུའི་ནང་དང་། ཁང་གྱི་བུག་པ་སོགས་སུ་འཛུལ་བ་སྙམ་བྱེད། དེ་རྣམས་ཀྱང་དོན་ལ་བསྐྱེད་བྱའི་ལྷ་དང་སྐྱེད་བྱེད་ཀྱི་རྣལ་འབྱོར་པ་རང་ཉིད་ལ་བྲལ་ལམ། ཐ་དད་དུ་མི་ལྟ་བར་རང་སེམས་གསལ་སྟོང་གི་ངང་ལས་མ་གཡོས་བཞིན་དུ་སེམས་བསྐྱེད་ཀྱི་འཕན་པའི་དབང་གིས་རྟེན་དང་བརྟེན་པར་བཅས་པའི་དཀྱིལ་འཁོར་དུ། སྟོང་གཟུགས་སྒྱུ་མའི་རྣམ་རོལ་དུ་ཤར་བ་ལ་ཟབ་གསལ་གཉིས་མེད་དེ། འཁོར་འདས་དབྱེར་མེད་ཀྱི་བསྐྱེད་རིམ་ཞེས་བྱ་སྟེ། བྱང་ཆུབ་བསྒྲུབ་པའི་ཉེ་ལམ་ཐུན་མོང་མ་ཡིན་པ་ཡིན་མོད། ཚུལ་དེ་ལྟ་བུ་མི་ཤེས་པ་དག་གིས་རང་གར་ཉོན་མོངས་དུག་གསུམ་གྱི་ཀུན་སློང་།།།མགོས་གཟུང་འཛིན་དང་བཅས་པའི་ལྟའི་ང་རྒྱལ་འདུན་པ་དྲག་པོས་སྒོམ་པ་ནི། རྣམ་པ་དེ་དང་འདྲ་བའི་ངན་སོང་གསུམ་གྱི་ལུས་རྟེན་ཐོབ་པར་གསུངས་ལ། བཀའ་བརྒྱད་གསང་རྫོགས་ཀྱི་རྩ་རྒྱུད་ལས། དགོངས་པ་མི་འགྱུར་གཟེར་མེད་ན དཔལ་

(༢༢༡)ཆེན་གྲུབ་ཀྱང་ཐུན་མོང་ལས༔ མཆོག་མི་འགྲུབ་ཅིར་རླུ་ཏྲར་།།།གོལ༔ ཞེས་གསུངས་ཤིང་། དེ་ཡང་སྔོན་བསྐལ་པ་ཀུན་བཀོད་ཀྱི་དུས་ན་བྱུང་བའི་དགེ་སློང་ཐར་པ་ནག་པོ་ལྟ་བུ་སྟེ། རྒྱུ་ལྷན་ཅིག་སྐྱེས་པའི་མ་རིག་པ་དང་། རྐྱེན་ཀུན་ཏུ་བརྟགས་པའི་མ་རིག་པ་སྟེ། གཟུང་འཛིན་གཉིས་ལ་མངོན་པར་ཞེན་པས་གསང་སྔགས་ཀྱི་གནད་།།།གསང་ཚུལ་བཞིན་དུ་མ་རྟོགས་པར་མི་དགེ་བ་འབྱོལ་ཉོག་ཏུ་སྤྱོད་ཅིང་། དྲེགས་པ་རང་རྒྱུད་དུ་བསྒོམས་པའི་རྣམ་པར་སྨིན་པས། རྣམ་སྨིན་གྱི་འབྲས་བུས་ངན་སོང་གི་སྡུག་བསྔལ་བཟོད་མི་ཕོད་པ་མྱོང་བ་དང་། རྒྱུ་མཐུན་གྱི་འབྲས་བུར་སྲིན་ཡུལ་ལངྐ་པུ་རང་གི་སྨད་ཚོང་མའི་བུར་སྐྱེས་ནས་རླུ་ཏྲར་གོལ་བ་ལྟ་བུའོ། །དེས་ན་འདི་མི་དགོས་ཁ་མེད་ཀྱི་གནད་གལ་པོ་ཆེ་ཡིན་པས། ཡིད་བརླང་པོར་སྤྱོད་པའི་སྔགས་པ་དག་རང་གིས་མྱོང་འགྱུར་གྱི་འབྲས་བུར་བསམས་ནས་བསྐྱེད་རྫོགས་ཟུང་འབྲེལ་གྱི་གནད་ལ་སྒྲོ་འདོགས་ཆོད་པར་བྱ་དགོས་སོ། །གཉིས་པ་དག་དྲན་ནི། གཞུང་ལས། དབུ་གསུམ་ནི་སྐུ་གསུམ༔ ཕྱག་དྲུག་ནི་ཡེ་ཤེས་དྲུག༔ ཞབས་བཞི་ནི་རྫུ་འཕྲུལ་གྱི་རྐང་པ་བཞི་དྲན་པ་སྟེ༔ ཞེས་གཙོ་བོ་ཤས་ཆེ་བའི་རིགས་ལ་དགོངས་པ་དང་། དེ་བཞིན་དུ་ཞལ་གཅིག་ཕྱག་གཉིས་པ་རྣམས་ནི། ཆོས་ཐམས་ཅད་དེ་བཞིན་དུ་རོ་གཅིག་པའི་བརྡར་ཞལ་གཅིག །སྟོང་པ་དང་སྙིང་རྗེ་ཟུང་དུ་འབྲེལ་བའི་བརྡར་ཕྱག་གཉིས། ཐབས་ཤེས་ཟུང་དུ་འཇུག་པའི་བརྡར་ཞབས་གཉིས། ཕྲིན་ལས་སྣ་ཚོགས་སུ་འགྱེད་པའི་བརྡར་ཕྱག་མཚན་དང་རྣམ་འགྱུར་ཅི་རིགས་པ་དང་། གཙོ་མཆོག་པདྨ་བཛྲ་རྩལ་གྱི་གཡས་ཞལ་མཐིང་ནག་ཏུ་སྟོན་པ་ཆོས་སྐུ་འགྱུར་མེད། གཡོན་ཞལ་དཀར་པོར་སྟོན་པ་ལོངས་སྐུ་རང་གསལ། དབུས་ཞལ་དམར་པོར་སྟོན་པ་སྤྲུལ་སྐུ་ཐུགས་རྗེ་མཚོན་པ། ཐེག་པ་རིམ་པ་དགུ་ཀློང་དུ་གྱུར་བའི་བརྡར་སྤྱན་དགུ། སེམས་ཅན་གྱི་ལས་སྒྲིབ་བསྲེག་པའི་བརྡར་སྨར་དང་སྨིན་མ་མེ་ལྟར་འབར་བ། ཆོས་སྐུ་འགྱུར་མེད་

(༢༢༢)ཀྱི་ལྟ་བ་མཐར་ཕྱིན་པའི་བརྡར་དབུ་སྐྲའི་ལྕང་ལོ་ནག་པོ་གཙུག་ཏུ་འཁྱིལ་ཞིང་ཟར་བུ་ཐུར་དུ་འཁྱིལ་བ། ཕྱག་དྲུག་གཡས་ཀྱི་དང་པོ་ན་དགོངས་པ་མི་འགྱུར་བའི་བརྡར་རྡོ་རྗེ་རྩེ་ལྔ། བར་མ་ན་ཉོན་མོངས་རྩད་གཅོད་ཀྱི་ཤེས་རབ་རལ་གྲི། ཐ་མ་ན་དབང་བཞིའི་ཆུ་རྒྱུན་མི་ནུབ་པའི་བུམ་པ། གཡོན་གྱི་དང་པོ་ན་ཐེག་ཆེན་གྱི་ཆོས་སྒྲ་སྒྲོགས་པའི་དྲིལ་བུ། བར་མ་ལ་།།།འགྲོ་དོན་ལ་རྗེས་སུ་ཆགས་པའི་བདེ་སྐྱོང་གི་ཀ་།།།ལ་ཟག་མཱེ་ཀྱི་བདུད་རྩིས་གང་བ། ཐ་མ་ན་དུག་གསུམ་དྲུངས་ནས་འབྱོན་པའི་ཁ་ཊཱཾ་རྩེ་གསུམ་པ་རྣམས་པ། བདུད་བཞི་ཟིལ་གྱིས་གནོན་པའི་བརྡར་ཞབས་བཞི། ཕར་ཕྱིན་དྲུག་གི་དགོངས་པ་ཀློང་དུ་གྱུར་པས་རུས་རྒྱན་དྲུག །ཡེ་ཤེས་ལྔ་མངོན་དུ་གྱུར་བས་རིན་པོ་ཆེ་སྣ་ལྔའི་ཟར་བུ། སྟོབས་བཅུས་འགྲོ་དོན་མཛད་པས་གླང་ཆེན་གྱི་ཀོ་རློན། རྣམ་བཞིའི་ཕྲིན་ལས་ལ་མངའ་བརྙེས་པས་སྟག་གི་ཤམ་ཐབས། ཉོན་མོངས་རྩད་ནས་གཅོད་པས་ཞིང་ཆེན་གྱི་གཡང་གཞིའི་སྐད་དཀྲིས། དུག་གསུམ་དབང་དུ་འདུས་པས་རཀྟའི་ཐིག་ལེ། འགྲོ་དོན་ཕྲིན་ལས་རྫོགས་པས་ཐལ་ཆེན་གྱི་བྱུག་པ། ཐབས་མཁས་ཀྱི་འགྲོ་དོན་མཛད་པས་ལ་བུར་ཚོས་ལ་ཞག་གི་སོར་རིས། དོན་དམ་གྱི་ཡོན་ཏན་མཐར་ཕྱིན་པས་ཇོ་ད་སྐམ་ལྔ་རྒྱན། ཆེ་བའི་ཕྲིན་ལས་ལྷུན་གྱིས་གྲུབ་པས་རིན་པོ་ཆེའི་རྩེ་བྲན། འདུ་བྱེད་ལྔ་བཅུ་གནས་སུ་དག་པས་ཐོད་རློན་ལྔ་བཅུའི་དོ་ཤལ། རང་རྒྱལ་གྱི་ཐེག་པ་མཐར་ཕྱིན་པའི་བརྡར་པདྨའི་ཟེའུ་འབྲུའི་གདན་ནས། ཨ་ཏི་གཞི་རྫོགས་ཀྱི་ལྟ་བ་མཐར་ཕྱིན་པའི་བརྡར་ཉི་ཟླའི་གདན་གྱི་བར་ལ་སོགས་མདོར་ན་རྟེན་དང་བརྟེན་པ་ཡོངས་སུ་རྫོགས་པའི་དག་དྲན་མངོན་རྟོགས་ཅན་མོ་ནས་བཤད་པ་ལྟར་རེ་རེ་ནས་བསམ་སྟེ་སེམས་འཛིན་ལ་བསླབ་བོ། །གསུམ་པ་ནི། དམིགས་པ་ཤིན་ཏུ་གསལ་དཀའ་ཞིང་ཁམས་འདུས་པ་ལྟར་བྱུང་ན། སྐབས་སུ་ཐ་མལ་གྱི་སྣང་ཞེན་ལྡོག་པའི་དོན་དུ་ང་རྒྱལ་ལ་སེམས་འཛིན་པ་སྟེ། སྣོད་བཅུད་སྣང་གྲགས་ཐམས་ཅད་བླ་མ་དགོངས་པ་འདུས་པའི་རྟེན་དང་

(༢༢༣)བརྟེན་པའི་དཀྱིལ་འཁོར་ཉག་གཅིག་ཏུ་ཤར་བའི་སྤྲོ་བསྡུའི་བྱེད་པོ་པདྨ་བཛྲ་རྩལ་དེ་ང་འོ་སྙམ་པའི་ངང་ནས་འཛིན་མེད་དུ་འཇོག་སྟེ། གཞུང་ལས། ཀུན་བརྟགས་མཉམ་རྗེས་མེད་པ་ལ༔ ང་རྒྱལ་བརྟན་པ་གནད་ཆེ་སྟེ༔ དེ་ཡང་གསལ་རུང་མ་གསལ་རུང་༔ ལྷ་རང་ཡིན་ནོ་སྙམ་བྱ་ཞིང་༔ ཐ་མལ་སྣང་ཞེན་མེད་པར་བྱ༔ ཞེས་གསུངས་པ་ཤིན་ཏུ་གནད་ཟབ་པ་ཡིན་ཞིང་། གལ་ཏེ་མི་གསལ་བཞིན་དུ་ཀུན་བརྟགས་ཀྱི་བློས་རྣམ་པར་སྒྲོ་བཏགས་ནས་སྒོམ་བདག་ནི། འཁྲུལ་རྟོག་ལ་འཁྲུལ་རྟོག་གིས་ལྷན་པ་འདེབས་པ་ཞེས་ལམ་འཁྱེར་མི་ཤེས་པའི་སྐྱེ་བོས་བཤང་ལྕིས་ལག་པ་བཀྲུབ་དང་མགོ་མཚུངས་སོ། །བཞི་པ་རྒྱས་གདབ་པ་ལ་གཉིས། དངོས་དང་། ཉམས་ལེན་གྱི་ཐུན་ཚད་བཤད་པའོ། །དང་པོ་ནི། སྣང་སྲིད་འཁོར་འདས་ཐམས་ཅད་སྣང་གྲག་རིག་གསུམ་གྱི་ངང་དུ་འདུལ། དེ་གསུམ་ལྷ་སྔགས་ཏིང་འཛིན་གསུམ་གྱི་རྣམ་རོལ་འབའ་ཞིག་ཏུ་ཐག་རྦད་ཀྱིས་བཅད་ལ་རྒྱས་འདེབས་པ་ཡིན་ཏེ། ཐུགས་གཏེར་ཆེན་པོ་གྲོལ་བའི་ཐིག་ལེའི་ཡང་དག་ཐིག་ལེ་གཅིག་མའི་མན་ངག་ལས། སྣང་དང་སྟོང་པ་དབྱེར་མེད་སྒོམ༔ སྣང་བའི་དངོས་པོ་འདི་རྣམས་ཀུན༔ གཟུགས་སུ་སྣང་བ་ལྷ་ཡི་སྐུ༔ རྩི་ཤིང་ནགས་ཚལ་བཅས་པ་ཡང་༔ ས་རྡོ་རི་བྲག་ལ་སོགས་ཀུར༔ དཔལ་ཆེན་སྐུ་ཡི་ཆོ་འཕྲུལ་ལོ༔ འགྲོ་བའི་སྒྲ་རྣམས་ཐམས་ཅད་ནི༔ རུ་ལུའི་སྒྲ་རུ་ཤེས་པར་བྱ༔ ས་སྒྲ་མེ་སྒྲ་ཆུ་སྒྲ་དང་༔ རླུང་སྒྲ་ལ་སོགས་འབྱུང་བའི་སྒྲ༔ རུ་ལུའི་སྒྲ་རུ་ཤེས་པར་བྱ༔ འགྲོ་འཆག་ཉལ་འདུག་ཐམས་ཅད་ནི༔ རུ་ལུའི་ངང་དུ་ཤེས་པར་བྱ༔ འདས་དང་མ་འོང་ད་ལྟར་གྱི༔ རྣམ་རྟོག་རི་དྭགས་རྒྱུ་བ་འདི༔ རུ་ལུའི་རྒྱ་རུ་འཛུད་པར་བྱ༔ ཡིད་ཀྱིས་ཅི་བསམ་ཅི་མནོ་།།།བ༔ དུག་ལྔ་གང་སྐྱེས་ངོ་བོ་ཀུན༔ རུ་ལུའི་ངོ་བོ་ཤེས་པར་བྱ༔ མིག་གི་གཟུགས་ཡུལ་

(༢༢༤)ཐམས་ཅད་ཀུན༔ རུ་ལུར་ཀྲོང་གིས་ཤེས་པར་བྱ༔ སྣང་སྲིད་རུ་ལུར་འཇིག་པ་ཡིན༔ ཞེས་དང་། རུ་ལུ་ཟས་སུ་ཟ་བ་ཡིན༔ རུ་ལུ་སྐོམ་དུ་འཐུང་བ་ཡིན༔ རུ་ལུ་གོས་སུ་གྱོན་པ་ཡིན༔ རུ་ལུ་གདན་དུ་འདོད་པ་ཡིན༔ གང་ལྟར་རུ་ལུར་ཤེས་པར་བྱ༔ གང་སྣང་རུ་ལུར་འཆར་བ་ཡིན༔ དཔལ་ཆེན་སྐུ་དང་མ་བྲལ་ན༔ འཁྲུལ་བའི་སྣང་བར་ཡ་མིང་༔ བར་ཆད་གདོན་གྱིས་མི་ཚུགས་ཤིང་༔ ཡང་དག་དོན་དང་མྱུར་དུ་འཕྲད༔ ཆོས་ཉིད་དོན་དང་མ་བྲལ་ན༔ གཉིད་ལོག་སྒྲིབ་བར་མི་འགྱུར་ཅིང་༔ རྨི་ལམ་འཁྲུལ་པ་ཉམ་མིང་༔ ཞེས་གསུངས་པ་ལྟར་གང་སྣང་གང་ཤར་གང་བྱེད་ཐམས་ཅད་ལྷ་སྔགས་ཏིང་ངེ་འཛིན་གསུམ་གྱི་རྣམ་རོལ་འབའ་ཞིག་ཏུ་རྩལ་སྦྱངས་པས༔ སྣོད་བཅུད་གང་ལ་བལྟས་ཀྱང་རྗེས་ཆགས་བདེ་བ་ཆེན་པོའི་ལྷ་སྐུར་འཆར་ཞིང་། ལྟ་བྱེད་ཀྱི་རིག་པའི་ངོ་བོ་ཁས་ལེན་ངོས་བཟུང་དང་བྲལ་བའི་རྒྱ་ཡན་ཅོག་གཞག་ཆེན་པོར་ལ་བཟླ་བའི་དུས་ཤིག་འོང་གི །གཞུང་ལས་ཀྱང་། མདངས་མ་འགགས་པ་ལྷ་སྐུར་ལམ་མེ༔ གཤིས་མ་གྲུབ་པ་སྟོང་པར་ཕྱམ་མེ༔ ངོ་བོ་གསལ་སྟོང་གཉིས་མེད་དུ་ཁྲང་ངེ་༔ དེ་ལྟར་གཉིས་མེད་དུ་སྒོམ་པས༔ ཡོན་ཏན་ཚོགས་གཉིས་རྫོགས་ནས༔ མཐར་ཐུག་དོན་གཉིས་ལྷུན་གྲུབ་ཏུ་འབྱུང་སྟེ༔ སངས་རྒྱ་བ་ལ་ཐེ་ཚོམ་མེད་དོ༔ ཞེས་དང་། ཡང་དག་ཐིག་ལེ་གཅིག་མའི་མན་ངག་ལས། སྣང་ཞིང་སྟོང་པ་རྒུ་ཟླ་འདྲ༔ བརྗོད་ཅིང་སྟོང་པས་བྲག་ཅ་འདྲ༔ གསལ་ཞིང་སྟོང་པས་འཇའ་ཚོན་འདྲ༔ མེད་བཞིན་སྟོང་པས་ནམ་མཁའ་འདྲ༔ མྱོང་ཞིང་སྟོང་པས་རྨི་ལམ་འདྲ༔ དེ་ལྟར་གསལ་ཞིང་གོམས་པའི་ཚེ༔ བསྐྱེད་པའི་རིམ་པ་གོམས་པ་ཡིན༔ སྣང་སྲིད་རྣམ་དག་རང་གི་སེམས༔ སྟོང་གསལ་འཛིན་མེད་ངང་ལ་གཞག༔ རང་བྱུང་རིག་པ་ཟང་ཐལ་ཀྱང་༔ སྣང་ལ་རང་བཞིན་མེད་པ་ཡིན༔ རྫོགས་

(༢༢༥)པའི་རིམ་པ་ཨེ་མ་ཧོ བསྐྱེད་རྫོགས་ཟུང་འཇུག་ལམ་དུ་ཁྱེར༔ བསྐྱེད་རྫོགས་གོམས་པ་སངས་རྒྱས་ཡིན༔ སྒྱུ་ལུས་བརྟན་པར་གྱུར་ནས་ནི༔ བར་དོར་ཡི་དམ་བཞད་ཅིང་འབྱོན༔ འདི་ལ་ཐེ་ཚོམ་ཅུང་ཟད་མེད། །ཅེས་གསུངས་པ་ལྟར་སྐྱེ་བ་འདི་ལ་ཟུང་འཇུག་དངས་མའི་སྐུ་མངོན་དུ་མ་གྱུར་ཀྱང་། བསྐྱེད་རིམ་གསལ་བརྟན་གྱི་ཚད་བརྒྱད་ཀྱིས་སེམས་ཉིད་ལྷའི་སྐུར་རྩལ་རྫོགས་ཤིང་། རྣལ་འབྱོར་བ་དེའི་ལུས་ཐ་མལ་ལྟར་སྣང་བས་སྐྱེ་འཆི་ལ་རང་དབང་མ་ཐོབ་ཀྱང་། སེམས་ལྷའི་སྐུར་རྣམ་པར་སྨིན་པས་རྣམ་སྨིན་རིག་འཛིན་ཚེ་འདིར་ཐོབ་ཅིང་། སྒྱུ་མའི་ལུས་བོར་མ་ཐག་སཱཙྪ་བརྐོས་པོར་ནས་ཕྱུང་བ་ལྟར་བར་དོར་ཕྱག་རྒྱ་ཆེན་པོའི་དངོས་གྲུབ་ཐོབ་པར་གདོན་མི་ཟའོ། །གཉིས་པ་སྨིན་སློབ་ཀྱི་རིགས་རྣམས་ལ་བསྐྱེད་རྫོགས་ཀྱི་ཐུན་ཚད་ནི། ཐིག་ལེ་གཅིག་མའི་མན་ངག་ལས། ཐུན་གཅིག་ལྷ་ལ་སེམས་གཏད་སྒོམ༔ ཐུན་གཅིག་གསང་སྔགས་བཟླས་པ་བྱ༔ ཐུན་གཅིག་རླུང་དང་འགྲོ་འོང་བསྟུན༔ ཐུན་གཅིག་མངོན་སུམ་གནད་ལ་དབབ༔ མ་བཅོས་རིག་པ་ཀུན་ཏུ་བཟང་༔ བཅིང་གྲོལ་མེད་པའི་ནམ་མཁའ་ལ༔ རྒྱ་ཆད་མེད་པར་ཁྱབ་གདལ་ལེ༔ ཡུལ་མེད་ཤེས་པ་སོ་མ་ལ༔ མ་ཡེངས་དྲན་པའི་འཛིན་པུར་གདབ༔ དབྱིངས་རིག་ཐིག་ལེ་མངོན་སུམ་ལ༔ ལྷན་ནེ་རྗེན་ནེ་ཧྲིག་གེ་བལྟ༔ སངས་རྒྱས་དགོངས་པ་འདུས་པའི་དོན༔ འདི་ལས་མི་འདའ་ཨེ་མ་ཧོ༔ ཞེས་གསུངས་པ་ལྟར་རོ། །འདི་དག་རྣམས་ས་ཁོང་འཛིན་པ་དང་སྨིན་སློབ་ཀྱི་རིགས་མཐའ་དག་གི་གོ་ཕྱེས་པར་སེམས་ནས་ཅུང་ཟད་སྤྲོས་ནས་བཤད་ཀྱི། མོས་སྒོམ་ཉིན་ཆོག་པ་རྣམས་སེམས་འཛིན་ས་བཅད་དང་༔ ང་རྒྱལ་རང་གཙོ་ཆེར་བསླབ་པ་གལ་ཆེ་སྟེ། རིག་འཛིན་རྩེ་ལེ་པས། ཡི་དམ་བསྐྱེད་རིམ་སྒོམ་པ་མང་ལགས་ཀྱང་། བསྐྱེད་

(༢༢༦)རིམ་གོ་དོན་ཤེས་པ་ཉུང་བར་གདའ། །སྣོད་བཅུད་གཟོད་ནས་དག་པའི་ལྷ་སྔགས་སུ། །ཡིན་ཚུལ་ཇི་བཞིན་ཤེས་པ་མེད་ཐབས་མེད། །ཅེས་གསུངས་པ་ལྟར་རོ། །དྲུག་པ་ཛཔྲ་འཇུག་བསྡུ་བ་ལ་བཞི་ལས། སྒྲུབ་ཆེན་ལྟ་བུའི་ཚེ། དང་པོ་སྟོང་ཚིག་གི་མཆོད་པ་ནི། བདག་གི་ཡེ་ཤེས་ཀྱི་རོལ་པ་ལས། འདོད་ཡོན་གྱི་ལྷ་མོ་ནམ་མཁའ་ཁེངས་པར་སྤྲོས་ཏེ། བདུན་བསྐྱེད་ཀྱི་ལྷ་ཚོགས་རྣམས་ལ་མཆོད་པས་མཉེས་ཤིང་ཉམས་ཆག་བསྐང་བར་བལྟས་ལ། གཏེར་ཁ་ཐ་དད་ལས་བྱུང་བའི་རྡོ་རྗེའི་ཚིག་དང་། ཧཱུྃ་ཡེ་ཤེས་ལྷ་ཚོགས་སྤྱན་འདྲེན་གཤེགས༔ སོགས་ཀྱི་མཐར། བཛྲ་ཨརྒྷཾ་སོགས་དང་། མ་ཧཱ་པཉྩ་རཀྟ་བ་ལི༚་ཏ་ཁཱ་ཧི ཞེས་རོལ་མོ་དཀྲོལ་ཞིང་། ཕྱི་མཆོད་གསོ། སྨན་རཀ་བྲན་ནོ། །སྒྲུབ་ཆེན་གྱི་དུས་བཟླས་པ་སྟོང་ཕྲག་རེའི་མཚམས་སུ་དེ་བཞིན་བྱ་བ་ལ་སྟོང་ཚིག་གི་མཆོད་པ་ཞེས་སྒྲ་བཤད་བཞག་པའོ། །གཉིས་པ་བསྟོད་པ་ནི། གཙོ་བོ་ལ་འཁོར་རྣམས་ཀྱིས་འདོད་པའི་དོན་ལ་བསྐུར་ཕྱིར་བསྟོད་པར་བསམས་ལ། བསྟོད་འབུམ་ཆེན་མོ་ནས་བསྟོད་པའམ། ཤིན་ཏུ་བསྡུ་ན། བརྗོད་མེད་ཤེས་རབ་མི་གཡོ་ཆོས་ཀྱི་སྐུ༔ སོགས་ཤློ་ཀས་བསྟོད། གསུམ་པ་སྒྲུབ་ཆེན་གྱི་ཚེ་ཐུགས་དམ་བསྐུལ་བ་ནི། སྒྲུབ་པ་པོ་མཆེད་ལྕམ་རྣམས་བཞེངས་ནས་དཀྱིལ་འཁོར་གསུམ་གྱི་དགོངས་པ་དང་ལྡན་པས་དཔའ་ཤུགས་བསྐྱེད་ཅིང་། གར་གྱི་སྟངས་སྟབས་དང་བཅས། ལྷ་ཚོགས་ཐམས་ཅད་ཀྱི་ཐུགས་དམ་གནད་ནས་བསྐུལ་ཕྱིར་གདུང་ཤུགས་དྲག་པོའི་དབྱངས་དང་བཅས། ཧཱུཾ་ཧྲཱིཆོས་དབྱིངས་མུ་མཐའ་མེད་པའི་ཕོ་བྲང་ནས༔ ཞེས་སོགས། དགོངས་འདུས་རྩ་བའི་ལྷ་དགུ་དང་། །ཧཱུྃ་ཧྲཱིདཀྱིལ་འཁོར་ཆེན་པོའི་བར་ཁྱམས་ཡངས་པ་རུ༔ སོགས་ནས། མ་འགྲུབ་བར་དུ་ཏིང་འཛིན་མི་གཏང་ངོ་༔ ཞེས་ཕྱི་མ་ལ་ཐུག་གི་བར་དུ་བཏང་ནས་འཁོར་

(༢༢༧)གྱི་ལྷ་ཚོགས་རྣམས་ཐུགས་རྒྱུད་བསྐུལ་བས། ཡེ་ཤེས་ཀྱི་འཁོར་ལོ་ལས་སྐུ་ཕྱག་རྒྱ་ཞལ་།།།ཕྱག་ཡོངས་རྫོགས་གཟི་བརྗིད་འབར་བ། གསུང་ཡིག་འབྲུ་།།།གྲ་སྟོང་རྡོ་རྗེའི་རང་སྒྲ་སྒྲོག་པ། ཐུགས་ཟབ་གསལ་བདེ་ཆེན་གྱི་ངོ་བོ་ཕྱག་མཚན་གྱི་རྣམ་པ་དང་སྒྲག་པ་མེད་པའི་བདུད་རྩིའི་རྒྱུན་འཇའ་ཚོན་ལྟ་བུ་དཔག་ཡས་ཐོན་ནས་སྟོང་གསུམ་འཇིག་རྟེན་ཐམས་ཅད་གང་། སྤར་དེ་ཐམས་ཅད་བདག་གི་བ་སྤུའི་བུ་ག་ཐམས་ཅད་ནས་ཞུགས་ཏེ་ལུས་ཀྱི་ཆ་ཐམས་ཅད་གང་བས་དངོས་གྲུབ་མ་ལུས་པ་ཐོབ་སྟེ་གསལ་བའི་ཚད། གསལ་ལེ། སང་ངེ་། ལྷག་གེ། ལྷང་ངེ་བ་བཞི་དང་། བརྟན་པའི་ཚད་མི་གཡོ། མི་འགྱུར། མངོན་པར་མི་འགྱུར་བ། ཅིར་ཡང་བསྒྱུར་དུ་བཏུབ་པ་སྟེ་བཞི། དེ་ལྟར་གསལ་བརྟན་གྱི་ཚད་བརྒྱད་ཐོབ་སྟེ་གཟི་བྱིན་དང་ལྡན་པར་བསམ་མོ། །བཞི་པ་སྒྲུབ་ཆེན་གྱི་ཚེ་ཛཔྲ་བཅོལ་བ་ནི། མདུན་བསྐྱེད་ལ་དམིགས་ཏེ། དཀྱིལ་འཁོར་ལྷ་ཚོགས་འཁོར་དང་བཅས་རྣམས་ཀྱིས། །རྣལ་འབྱོར་བདག་ཅག་ཐུན་མཚམས་བྱ་ཡི་བར། །གྲག་སྟོང་རྡོ་རྗེའི་སྔགས་སྒྲ་འུ་རུ་དུ། །བཟླ་བའི་ཕྲིན་ལས་གཡེལ་མེད་མཛད་དུ་གསོལ། །ཞེས་གསོལ་བ་བཏབ་པས་ཞལ་གྱིས་བཞེས་ཏེ་ཛཔྲ་སྒྲ་དི་རི་རི་སྒྲོག་པར་བསམ་མོ། །ཨ་ཧོ་སྒྲུབ་ཆེན་ཁོག་འབུབས་ཁྱུང་ཆེན་འགྲོས། །མཐའ་རྒྱ་རླབས་ཀྱིས་གཅོད་པའི་མན་ངག་དང་། །ཛཔྲ་དགོངས་དམིགས་པའི་གནད་འགག་རུས་སྤལ་འགྲོས། །རིན་ཐད་མཚམས་སུ་སྒྲིམ་པའི་བློ་ཡིས་ནུར། །གཙུག་ལག་ཁང་གི་དཀོན་གཉེར་དམུས་ལོང་བཞིན། །འོལ་ཚོད་མཛུབ་མོའི་བཤད་ཡམས་འདི་ཀོ་མིན། །རྒྱུད་ལུང་དཔང་པོར་གསོལ་བའི་རྒྱབ་གཉེར་དང་། །ཉམས་མྱོང་གནད་ཀྱི་བཞིན་ལག་རྡོམ་པའི་གཏམ། །གནའ་བོའི་གཏམ་རྒྱུད་པ་ཕོར་གཙང་པའི་འགྲོས། །གླེང་རྣམས་འདི་འདྲ་རིང་པོར་དོར་བས་

(༢༢༨)ཆོག །བདག་དང་སྐལ་མཉམ་དང་པོའི་ལས་ཅན་ལས། །ཕན་པའི་སྨན་པ་བཙུགས་ཏེ་ནན་ཏན་བྱས། །གཉིས་པ་བཤགས་སྐོང་གི་ཡན་ལག་ལ་ལྔ་སྟེ། །ཕྱག་འཚལ་བརྒྱ་རྩ་རྗེས་འབྲང་དང་བཅས་པ། །མཆོད་པ་ཚོགས་བསག་པའི་ཡན་ལག །བཤགས་པའི་རིམ་པ་སྨོན་ལམ། ཐུགས་དམ་བསྐང་བའི་རིམ་པའོ། །དང་པོ་ལ་གསུམ། ཚོགས་ཞིང་གསལ་གདབ་པ། ཇི་ལྟར་འཚལ་བའི་ཚུལ། དེ་ལྟར་འཚལ་བའི་དམིགས་པའོ། །དང་པོ་ནི། མ་།།།ཁྱབ་ཀྱི་དེ་བཞིན་གཤེགས་པ་ཐམས་ཅད་བླ་མ་དགོངས་པ་འདུས་པའི་དཀྱིལ་འཁོར་རྣམ་པ་བདུན་གྱི་ངོ་བོར་ཤར་བ་ལ་ཕྱག་འཚལ་བའི་ཡུལ་ཏེ། དེ་ལ་དཀྱིལ་འཁོར་རྣམ་པ་བདུན་གང་ཞེ་ན། རྒྱུད་ལས། འདིར་ནི་རང་བཞིན་དཀྱིལ་འཁོར་དང་། །གཟུགས་བརྙན་ལྷག་པའི་དཀྱིལ་འཁོར་གསུམ། །ཏིང་འཛིན་ལྷག་པའི་དཀྱིལ་འཁོར་དག །བྱང་ཆུབ་སེམས་དང་ཚོགས་མཆོག་བསྟན། །ཞེས་པའི་འགྲེལ་པ་ནི་རྒྱུད་འགྲེལ་རྣམ་པ་གསུམ་ལས་རང་ལུགས་ལྟར་འཆད་ན། དེ་ལ་རང་བཞིན་གྱི་དཀྱིལ་འཁོར་ནི། ཆོས་ཐམས་ཅད་ཀྱི་རང་བཞིན་ཡེ་ནས་རྣམ་པར་དག་པ་ཇི་ལྟ་བ་ཡིན་པ་དང་། གཟུགས་བརྙན་གྱི་དཀྱིལ་འཁོར་ནི། སེམས་ཅན་རྣམས་ཀྱི་དབང་པོའི་སྤྱོད་ཡུལ་དུ་ཇི་ལྟར་སྣང་ཡང་ཐམས་ཅད་ལྷུན་གྱིས། སྒྱུ་འཕྲུལ་གསང་བ་སྙིང་པོ་ལ་འཕགས་བོད་ཀྱི་ལོ་པཎ་རྣམས་ཀྱིས་མཛད་པའི་འགྲེལ་བ་དགུ་ཙམ་ཡོད་ཀྱང་། ད་ལྟ་ཡོངས་གྲགས་ཆེ་བ་དགའ་ལྡན་ཕུན་ཚོགས་གླིང་གི་བར་མ་རོང་ཟོམ་ཆོས་ཀྱི་བཟང་པོའི་དཀོན་མཆོག་འགྲེལ་དང་གཡུང་སྟོན་རྡོ་རྗེ་དཔལ་བའི་གསལ་བྱེད་མེ་ལོང་། ཁམས་བར་ཀུན་མཁྱེན་ཆེན་པོའི་འགྲེལ་བ་བཅས་པའོ། །མ་ཧཱ་ལོ་ཙཱ་བ་དྷརྨ་ཤྲཱིས་ཀྱང་བསྟན་པ་འདི་ལ་བྱ་བ་བྱས་པ་ཡིན་ནོ། །གྲུབ་པའི་དཀྱིལ་འཁོར་དུ་འདོད་དོ། །ལྷག་པར་གཟུགས་བརྙན་ནི། དེ་ལས་ཀྱང་ཁྱད་པར་དུ་གྱུར་པ་གཟུགས་སྐུ་དང་མཆོད་རྟེན་ལ་སོགས་པ་ཕྱག་རྒྱའི་མཚན་མར་གྱུར་པ་གང་ཡིན་པའོ། །ཏིང་ངེ་འཛིན་གྱི་དཀྱིལ་

(༢༢༩)འཁོར་ནི། ཆོས་ཐམས་ཅད་དབྱེར་མེད་པར་སྐུ་གསུང་ཐུགས་ཀྱི་དཀྱིལ་འཁོར་དུ་རྟོགས་ནས་དེ་ཉིད་ཏིང་ངེ་འཛིན་གྱི་ཡུལ་དུ་བྱས་པའོ། །ལྷག་པའི་ཏིང་ངེ་འཛིན་ནི། གཞི་དེ་ལས་བྱེ་བྲག་ཏུ་ལྷ་སོ་སོའི་རིགས་དང་། སྐུ་མདོག་ཕྱག་མཚན་ལ་སོགས་པ་སོ་སོར་གསལ་བར་བྱས་པའོ། །གསང་བ་བྱང་ཆུབ་སེམས་ཀྱི་དཀྱིལ་འཁོར་ནི། བྱང་ཆུབ་ཀྱི་སེམས་བདེ་བ་ཆེན་པོ་ཉིད་ཀྱི་དཀྱིལ་འཁོར་དམ་པ་ཡིན་ཏེ། དེ་ཉིད་རྟོགས་པ་དང་སྒོམ་པའི་མན་ངག་སྟོན་པའོ། །ཚོགས་ཀྱི་དཀྱིལ་འཁོར་ནི་འདི་ལྟར། །ལྷ་རྣམས་ཐམས་ཅད་ཚོགས་པ་དང་། །སྐྱེ་བོ་དམ་པ་ཀུན་ཚོགས་པས། །ཚོགས་ཀྱི་དཀྱིལ་འཁོར་དམ་པ་ནི། །དེ་བཞིན་ཉིད་དུ་འདུས་པར་གསུངས། །ཞེས་བཤད་པ་ལྟར་རོ། །གཉིས་པ་ལ་གསུམ། ཕྱི་ལྟར་དུ་འཚལ་བ། ནང་ལྟར་དུ་འཚལ་བ། གསང་བ་ལྟར་དུ་འཚལ་བའོ། །དང་པོ་ནི། ལས་གཞུང་ལས། ཕྱི་ལྟར་བེར་ཕོད་ཆོས་གོས་ལྡིང་སྟབས་ཅན སྙན་པའི་དབྱངས་དང་གུས་པའི་ཚུལ་ཉིད་ཀྱིས༔ ལུས་ཀྱི་མ་ལྔ་ས་ལ་ཕབ་ཅིང་འཚལ ཞེས་ད་ལྟ་ཡོངས་གྲགས་ཀྱི་ཡན་ལག་ལྔ་ལྡན་གྱི་ཕྱག་ཅེས་བདེའོ གཉིས་པ་ནི། ལས་གཞུང་ལས། ནང་ལྟར་།།།གདོང་བཀྲུ་ཆས་ཀྱིས་བརྒྱན མཛེས་ཤིང་ཡིད་འོང་གོས་ཀྱིས་སྤྱང་བྱས་ཏེ ལྷ་ཡི་ཕྱག་མཚན་གང་རིགས་ལག་ཏུ་ཐོགས༔ གར་སྟབས་གླུ་དབྱངས་གྱེར་མཚམས་སྤྲད་ཅིང་འཚལ༔ ཞེས་ཐམས་ཅད་དགྱེས་པ་བསྐྱེད་པའི་ཕྱག་དང་། གསུམ་པ་ནི། ལས་གཞུང་ལས། གསང་བ་ལྟར་དུ་མཆེད་དང་ལྕམ་དྲལ་རྣམས༔ བླ་མ་ལྷ་དང་དཀྱིལ་འཁོར་ཚོགས་གྲལ་དུ༔ ལུས་ཉིད་གཅེར་བུར་ཕྱུང་ཞིང་སྨྲེ་སྔགས་བཅས༔ གནོད་འགྱོད་ཚུལ་གྱིས་ལུས་རྡེབ་རྐྱང་ཕྱག་འཚལ༔ ཞེས་མཚམས་མེད་ཀྱི་ལས་བྱས་པའམ། ཉམས་ཆག་ཆེན་པོ་བྱུང་ན་ཕྱི་མ་ཉིད་དགོངས་པ་

(༢༣༠)ཤིན་ཏུ་ཟབ་པའོ། །གསུམ་པ་ལ་གཉིས། སྒོམ་པ་གོམས་པའི་ཕྱག་སྤྲུལ་པ་འགྱེད་པ་དང་། མོས་གུས་གདུང་བའི་ཕྱག་དངོས་སུ་འཚལ་བའོ། །དང་པོ་ནི། ལས་གཞུང་ལས། ཞིང་རྡུལ་ཀུན་གྱི་གྲངས་སྙེད་དུ༔ ཞེས་གསུངས་པ་ལྟར། ཕྱག་འཚལ་བའི་ཡུལ་ཀྱང་། རྡུལ་གཅིག་གི་སྟེང་ན་རྡུལ་སྙེད་ཀྱི་གྲངས་ཞེས་པ་མདོར་ཧྲིལ་གྱིས་དྲིལ་ན། དེ་ལྟ་བུའི་གྲངས་ཚད་བློས་དཔག་པར་མི་ནུས་ཤིང་། །བགྲང་བའི་ཡུལ་ལས་འདས་པར་སྤྲུལ། །དེས་ན་ཚུངས་པར་རང་ལུས་ཀྱང་རེ་ཞིག་ཐ་མལ་དུ་འདུ་ཤེས་པའི་གཅིག་ཙམ་ལ་བུ་དོག་ཏུ་མི་ཞེན་པར་རང་རང་གི་བློ་ནུས་དང་འཚམ་པའི་བྱེ་བ་ཐེར་འབུམ་བམ་མ་ལས་འདས་པར་ཏིང་ངེ་འཛིན་གྱིས་སྤྲུལ་པ་བཀྱེ་བའོ། །གཉིས་པ་ནི། ལས་གཞུང་ལས། ལུས་བཏུད་པ་ཡིས་རྣམ་ཀུན་ཏུ༔ མཆོག་ཏུ་དད་པས་ཕྱག་འཚལ་ལོ༔ ཞེས་པ་ལྟར། ལུས་དེ་རྣམས་ཀྱི་ཡན་ལག་ལྔ་ས་ལ་གཏུགས། ངག་གི་སྒོ་ནས་དབྱངས་དང་བསྟོད་ཚིག་བརྗོད། ཡིད་ཀྱིས་མོས་གུས་དུང་སེམས་དང་བཅས་ཏིང་ངེ་འཛིན་གྱི་ཆོ་འཕྲུལ་གྱིས་དུས་གཅིག་ཏུ་འཚལ་པའི་འདུན་པ་གཏོད་པ་ལ། གཞུང་གཞན་དུ་འཕྲུལ་དགའི་ཕྱག་ཅེས་ཀྱང་བྲགས་ཏེ། དེ་ནི་ཕྱག་རྡོག་རེ་རེ་ལའང་རང་ལུས་ཇི་ཙམ་མང་བར་།།།ནུས་པའི་གྲངས་དེ་སྲིད་ཀྱི་ཕྱག་ཏུ་འགྱུར་བར་གསུངས་ཤིང་། ཤིན་ཏུ་ཟབ་པའི་མན་ནག་ཡིན་པས་ཕྱག་འཚལ་སོ་ཅོག་ལ་སྦྱོར་དུ་ཡོད་ལ། རང་ཉིད་ཀྱང་དེ་ལྟར་དུ་བྱ་ཞིང་མི་ཤེས་པའི་རིགས་ཐམས་ཅད་ལའང་བསླབ་ན་དགེ་སྟོབས་ཆེན་པོར་འགྱུར་བ་དགོངས་པར་མཛད་དུ་གསོལ་ཞེས་བདག་གིས་ཐལ་མོ་སྦྱར་རོ། །ཨེ་མ་ཧོ་སངས་རྒྱས་ཀུན་དངོས་རྡོ་རྗེ་ལྟ་བུའི་སྐུ༔ ཞེས་འཚལ་ལོ། །དེ་ཡང་སྔར་མདུན་བསྐྱེད་ཀྱི་སྐོར་ལ་གླེང་བསླངས་པ་ལྟར། འདིར་གསུངས་པའི་ཕྱག་འཚལ་བརྒྱ་རྩ་ཡོངས་རྫོགས་ཕྱི་དཀྱིལ་གྱི་འཁོར་ལོ་ལ་ཕྱག་འཚལ་བའི་

(༢༣༡)ཡུལ་ཡིན་ཚེ། ལྷ་དེ་དག་གཙོ་འཁོར་མ་ལུས་པའི་མངོན་རྟོགས་འདི་ནས་གསལ་བའི་སྟོན་པས་ཀྱང་ཆེས་ཆེར་གོ་མོད། ལུས་དཀྱིལ་ལ་ཞི་ཁྲོ་སྦྱར་བའི་ལུགས་ལྟར་ན། བདག་མདུན་གྱི་རྣམ་གཞག་ཐམས་ཅད་འཇིག་པའི་སྟེང་དུ། འདི་ནས་གསུངས་པའི་ཕྱག་འཚལ་བརྒྱ་རྩའི་ལྷ་རྣམས་ཀྱང་དགོངས་འདུས་ཀྱི་ལྷ་ཡིན་པར་ངོ་མི་ཤེས་པའི་སྐྱོན་ཡང་ཡོད་དེ་ཤིན་ཏུ་དཔྱད་པར་འཚལ་ལོ། །ཡང་ཁ་ཅིག་ན་རེ། དཀྱིལ་འཁོར་གྱི་གཙོ་བོར་སློབ་དཔོན་ཆེན་པོ་པདྨ་བཛྲ་བཞེངས་ནས། སླར་ལྷོའི་འཁོར་འདས་ན་གུ་རུ་ཉིད་བཞུགས་པ་ལ་ཐེ་ཚོམ་ཟ་བ་མཐོང་ངོ་། །ཚུལ་དེ་དག་ཇི་འདྲ་བ་སྔ་རབས་སུ་ཡང་བྱུང་བར་སྣང་སྟེ། དེ་དག་ལ་རིག་འཛིན་རྩེ་ལེ་པས། གསང་སྔགས་ཀྱི་དཀྱིལ་འཁོར་ལྷ་ཚོགས་མང་ཉུང་ཇི་འདྲར་བསྟན་ཀྱང་དོན་དམ་པར་གཙོ་བོ་ཉིད་ཀྱི་རྣམ་རོལ་ཁོ་ན་མ་གཏོགས་གང་ཟག་ཕལ་པའི་དཔོན་གཡོག་བཞིན་དྲག་ཞན་ཐ་དད་དུ་ཚོགས་ཤིང་འདུས་པ་ལྟ་བུ་མ་ཡིན་ཏེ། སོགས་དང་དེའི་འཕྲོར། གནས་སྐབས་ལྟར་སྣང་ཙམ་ལ་ལྷོ་ཕྱོགས་ཀྱི་ཤར་འདབ་ལ་གུ་རུ་ཉིད་བཞུགས་པར་མ་ཟད། འདབ་མ་གཞན་བདུན་པོའི་མཚན་བརྒྱད་ཐམས་ཅད་ཀྱང་གུ་རུ་ཉིད་ཡིན་མོད་ཀྱི། འདི་འདྲ་བ་ནི་གསར་མ་ལ་ཡང་མང་མོད། འཆད་པ་བོད་ཆོས་ཀྱང་ད།།། ཞེས་པའི་དགོངས་དོན་བདེ་མཆོག་འཁོར་ལོས་སྒྱུར་དྲུག་གི་དཀྱིལ་འཁོར་གྱི་ལྷ་དྲུག་ཀ་བདེ་མཆོག་ཉིད་ཡིན་པ་དང་། བདག་མེད་ལྷ་མོ་བཅོ་ལྔ་ཐམས་ཅད་བདག་མེད་མ་འབའ་ཞིག་།།།བལྟ་བུ་དང་། གཞན་ཡང་དུས་འཁོར་སོགས་ཀྱི་སྐུ་དཀྱིལ། གསུང་དཀྱིལ། ཐུགས་དཀྱིལ་གྱི་ལྷ་ཐམས་ཅད་དང་པོའི་སངས་རྒྱས་ཉིད་ཀྱི་སྐུ་གསུང་ཐུགས་སོ་སོའི་བཀོད་པ་ཡིན་པའི་དཔེ་བཞིན་དཀྱིལ་འཁོར་གྱི་རིགས་ཐམས་ཅད་དེ་དང་མཚུངས་པ་ལགས་སོ། །ཞེས་གསུངས་པ་ལྟར་ཡིན་ཡང་དེ་དག་ནི་བསྐྱེད་རྫོགས་ཀྱི་གནད་གསང་ལ་གོ་དོན་ཅུང་ཟད་ཀྱང་མ་ཆགས་པའི་རང་གདངས་སུ་ཟད་ལ། ཅི་ཕྱིར་ན་དཀྱིལ་འཁོར་གང་

(༢༣༢)གིས་ཀྱང་གཙོ་འཁོར་ལ་ཐ་དད་དུ་མི་བལྟ་བ་ལས་ལྷག་པ། གཙོ་བོ་ཉིད་ཀྱང་དེ་འདྲ་བའི་རང་རྒྱུད་པ་ཞིག་ཅི་ལ་སྲིད་ཀྱི་སྒྲུབ་ཆེན་བཀའ་བརྒྱད་ཀྱི་རྩ་རྒྱུད་ལས། མདོར་ན་སྐུ་མདོག་ཕྱག་མཚན་སོགས༔ ཞལ་ཕྱག་མང་ཉུང་བསམ་ཡས་ཀྱང་༔ ཡེ་ཤེས་ལྷ་ལ་རང་རྒྱུད་པར༔ རྩིས་གདབ་ཁྲིགས་སུ་གཙང་བ་མེད། །གདུལ་བྱའི་མོས་བློ་དང་མཐུན་པར ཆོས་སྐུའི་རང་རྩལ་ཅིར་ཡང་སྣང་། །ཞེས་གསུངས་པ་ལྟར་ཡིན་ནོ། ཁ་ཅིག་ན་རེ། འོ་ན་ལྷའི་ཞལ་མཐོང་གསུང་ཐོས་པར་བཤད་པའི་ལུང་གིས་གནོད་དོ་ཞེ་ན། མ་ཡིན་ཏེ། བསྐྱེད་རིམ་ལ་བརྟན་པ་ཐོབ་པའི་བག་ཆགས་བསྙས་པའི་དེ་ཏ་དེ་ལ་དགའ་བྲོད་མི་བྱའོ། །འོན་ཀྱང་གང་ཟག་ཁྱད་པར་ཅན་ལ་དེ་ལྟར་འབྱུང་བ་ནི་རང་སྣང་དག་པའི་རྩལ་མདངས་ཕྱི་གསལ་དུ་ཤར་བ་ལས་དོན་ལ་དེ་ཡང་རང་རྒྱུད་པར་གྲུབ་བོ། །དེས་མཚུངས་པར་བདུད་ཀྱིས་ཆོ་འཕྲུལ་ལའང་འབྱུང་བར་བཤད་དེ་མན་ངག་གི་གནད་།།།དང་ལྡན་པས་ཞིབ་མདོ་བརྟག་ཅིང་རེ་དོགས་ཀྱི་ཕྱི་ལ་མི་འབྲང་པོ། གཉིས་པ་མཆོད་པའི་ཡན་ལག་ལ་ལྔ། མཎྜལ། འདོད་ཡོན་ལྔ། རྒྱལ་སྲིད་བདུན། བཀྲ་ཤིས་རྟགས་བརྒྱད། ཀུན་བཟང་མཆོད་སྤྲིན་ནོ། །དེ་ལ་དང་པོ་མཎྜལ་གྱི་རྣམ་པར་བཞག་པ་ནི། རྒྱུད་ལས། སངས་རྒྱས་ཞིང་ཁམས་ཐམས་ཅད་ལ། །སྟོང་གསུམ་ཞིང་ཁམས་མ་ལུས་པ། །འདོད་པའི་ཡོན་ཏན་བརྒྱན་པ་།།། །མཆོད་ན་སངས་རྒྱས་ཡེ་ཤེས་རྫོགས། །ཞེས་དང་བཀོད་པ་ཆེན་པོ་ལས། །རྣམ་དག་སེམས་ལྡན་མཎྜལ་ནི། །ཕུལ་བའི་བསོད་ནམས་གལ་དུ་མེད། །ཅེས་དང་། འདི་ཉིད་ལས། ཆོས་སྤྱོད་གཞན་ཐམས་ཅད་གཅིག་དྲིལ་བའི་བསོད་ནམས་ལས། མཎྜལ་ཕུལ་བའི་བསོད་ནམས་ཁྱད་པར་ཆེ་ཞིང་༔ ཏིང་ངེ་འཛིན་དང་རྟོགས་པ་ཁྱད་པར་ཅན་རྒྱུད་ལ་སྐྱེས༔ ཚེ་ཕྱི་མ་ལ་སོགས་པའི་མཐར་ཐུག་རང་ཉིད་ཅི་ལྟར་འདོད་པའི་ལོངས་སྤྱོད་དང་༔ དཔལ་འབྱོར་ཐོབ་ཅིང་ཞིང་ཁམས་བགྲོད་པར་འགྱུར༔

(༢༣༣)བདེ་བར་གཤེགས་པ་ཐམས་ཅད་ཀྱི་དགོངས་པར་འགྱུར་བ་ལ་སོགས་པའི་བསོད་ནམས་ཀྱི་ཕུང་པོ་གང་གིས་ཀྱང་དཔག་པར་མི་ནུས་སོ༔ ཞེས་གསུངས་པ་ལྟར་འབྲས་བུ་དག་པ་ཉིས་ལྡན་གྱི་གོ་འཕང་མངོན་དུ་བྱེད་པ་ལ་རྒྱུའི་དུས་སུ་བསོད་ནམས་དང་ཡེ་ཤེས་ཀྱི་ཚོག་གཉིས་ཟུང་འབྲེལ་དུ་བསག་དགོས་ཏེ། མཚན་བརྗོད་ལས། བསོད་ནམས་ལྡན་པ་བསོད་ནམས་ཚོགས། །ཡེ་ཤེས་ཡེ་ཤེས་ཁྱད་པར་ཆེ། །ཚོགས་གཉིས་ཚོགས་ནི་གསོག་པ་པོ། །ཞེས་གསུངས་པ་ལྟར། སྔགས་གསར་རྙིང་གང་གི་སྐབས་སུ་ཡང་ཐུན་མོང་མ་ཡིན་པའི་ལམ་གྱི་སྟེགས་སུ། མཐུན་རྐྱེན་ཚོགས་གསོག་པ་མཎྜལ་གྱི་ཁྲིད་ཅེས་ཤིན་ཏུ་གནད་ཆེ་བར་གསུངས་པ་ལྟར། འདིར་ལག་ཏུ་བླང་བའི་ཡན་ལག་ལ་དྲུག །མཎྜལ་གྱི་རྒྱུ་ཚད། ཚོམ་བུའི་རྒྱུ། ཚོགས་ཞིང་གི་རྣམ་དབྱེ། དགོད་པའི་ལུགས། དམིགས་པའི་ཁྱད་པར། དེ་དག་གི་ལྡན་འབྲས་སོ། །དང་པོ་ནི། རབ་གསེར་དངུལ་སོགས་རིན་པོ་ཆེ་ལས་གྲུབ་པའི་མཎྜལ་དབྱིབས་ཟླུམ་པོ་ལ་སོགས་རྣམ་པ་བཞི་རིགས་པ་དང་། འབྲིང་འཁའ་བ་དང་ལྕགས་ལ་སོགས་རིན་པོ་ཆེ་ཕལ་པ་ལས་གྲུབ་པའི་མཎྜལ་སྔ་མ་ལྟར་དང་། ཐ་མས་རྡོ་དང་ཤིང་ལ་སོགས་པའི་མཎྜལ་ཁྲུ་གང་ལས་མི་ཆུང་བ་དགོས་པར་གསུངས་ལ། འོན་ཏེ་གང་ཟག་འབྱོར་བར་ལྡན་ཀྱང་སེར་སྣའི་འཆིང་བ་ཅན་དག་ལ་ནི། རྒྱུ་ཕྱི་མ་གཉིས་ལ་གྲུབ་པའང་ལེགས་པར་གསུངས་ཏེ། ཅི་ཞེ་ན། རིན་པོ་ཆེ་ལ་སོགས་རིན་ཐང་ཅན་གྱི་མཎྜལ་བཤམས་ཚེ་དེ་ཉིད་དངོས་པོར་འདུ་ཤེས་པའི་རློམ་སེམས་དང་བདག་འཛིན་གྱི་ཞེན་པས་སྲིན་བུ་རང་ཉིད་ཀྱི་ཁ་ཆུས་འཆིང་བའི་རྐྱེན་བྱེད་པ་དང་མཚུངས་ཏེ། ཚོགས་གསོག་པར་འདོད་ཀྱང་ཞེན་འཛིན་གྱི་སྒྲོག་དམ་པོས་བཟུང་བས་འབྲས་བུ་ཕྱིན་ཅི་ལོག་ཏུ་འགྱུར་བས་དགོངས་ཏེ། མདོར་ན་ཆགས་ཞེན་སྐྱེས་ཕྱིན་ཆད་དེ་ཉིད་བསོད་ནམས་གསོག་པའི་ཡན་ལག་རྣམ་དག་ཏུ་མི་འགྲོ་བར་གསུངས་ཏེ། སྤྱོད་འཇུག་ལས། བདག་ནི་ཡོངས་སུ་མ་བཏང་ན།

(༢༣༤)སྡུག་བསྔལ་སྤོང་བར་མི་ནུས་ཏེ། །ཇི་ལྟར་མེ་ནི་མ་བཏང་ན། །བསྲེག་པ་སྤོང་བར་མི་ནུས་བཞིན། །ཞེས་དང་། གཏེར་ཁ་འདི་ཉིད་ཀྱི་མཎྜལ་གྱི་ཆོ་ག་ཡིད་བཞིན་ནོར་བུ་ལས། མ་གུས་པ་དང་དབང་མེད འགྲན་སེམས་ལོ་འདོད་ཆོས་བརྒྱད་ཀྱི་རྣམ་པས་མ་ཡིན་པར༔ མོས་གུས་ལ་སོགས་པས་འབུལ་བ་གལ་ཆེ༔ ཞེས་གསུངས་པ་ལྟར་བྱ་དགོས་སོ། །གཉིས་པ་ཚོམ་བུའི་རྒྱུ་ལ་གཉིས། གཏེར་ཁ་འདི་ག་ལི་།།།རང་སྐད་དང་། སྤྱི་ཁྱབ་ནས་གསུངས་པའི་ལུགས་སོ། །དང་པོ་ནི། འདི་ཉིད་ལས། བླ་མ་ཆོས་སྐུའི་ཚོགས་ལ་སྨན་གྱི་མཎྜལ་དབུལ༔ ཡི་དམ་ལོངས་སྐུའི་ཚོགས་ལ་རིན་པོ་ཆེའི་མཎྜལ་དབུལ༔ སྤྲུལ་སྐུ་དང་མཁའ་འགྲོ་རྣམས་ལ་འབྲས་བུའི་མཎྜལ་དབུལ་བར་བྱའོ༔ ཞེས་གསུངས་པ་དང་། གཉིས་པ་ནི། ཅི་འབྱོར་གྱི་དངོས་པོ་དང་བསྟུན་པ་ལས་རྣམ་དབྱེ་མ་གསུངས་པས། རབ་རིན་པོ་ཆེའི་རིགས། འབྲིང་མཆོད་པར་འོས་པའི་སྨན་གྱི་རིགས། ཐ་མ་ནས་འབྲས་གྲོ་ལ་སོགས་པ་ངག་གང་ལེགས་པར་བྱས་པ་དྲི་བཟང་པོས་སྔགས་པ་དང་། དེ་ཡང་ལན་གྲངས་མང་པོ་གསོག་དགོས་པ་ལྟ་བུ་ལ་འབུལ་ཐེབས་རེ་རེ་ནས་བརྗེ་ཞིང་སྔ་མ་རྣམས་མི་ལྔ་བ། འབྲུ་རྙིང་པ་རྣམས་ཀྱང་ཞེན་ཆགས་ཀྱི་བློས་བདག་གིར་མི་གཟུང་བར་མཆོད་སྦྱིན་གྱི་རྒྱུར་འགྲོ་བར་བྱེད། གལ་ཏེ་འབྱོར་པས་།།།བོངས་པ་དག་ཅུང་ཟད་ཁ་གསོ་བ་ཙ་མར་གྱིས་ཏེ་བལྡབས་ནས་ཕུལ་བས་ཀྱང་བསོད་ནམས་ཐོབ་སྟེ། ཁྱེའུ་ལུང་བསྟན་པའི་མདོ་ལས། བཅོམ་ལྡན་འདས་མཉན་ཡོད་དུ་བྱོན་པའི་ཚེ། ཁྱེའུ་ཞིག་གིས་ས་སྙིམ་པ་གང་སངས་རྒྱས་ལ་ཕུལ་བས། དེ་བཞིན་གཤེགས་པའི་ཞལ་ནས། ཁྱེའུ་འདི་བསོད་ནམས་འདི་ལ་བརྟེན་ནས་འཛམ་བུའི་གླིང་ལ་དབང་བའི་རྒྱལ་པོར་འགྱུར་ཞིང་། དེ་བཞིན་གཤེགས་པའི་སྐུ་གདུང་གི་མཆོད་རྟེན་བྱེ་བ་བྱས་ནས་སངས་རྒྱ་བར་འགྱུར་རོ། །ཞེས་བཀའ་རྩལ་བ་ལྟར་བསམ་པ་རྣམ་པར་དག་ན་ཚོགས་ཞིང་ལ་ཞེན་ཆགས་ཀྱི་འཆིང་བ་མི་མངའ་བའི་སྟོབས་ཀྱིས་བསོད་ནམས་ཚུལ་བཞིན་

(༢༣༥)དུ་ཐོབ་པ་ཡིན་ནོ། །དེ་བཞིན་དུ། མཎྜལ་བཟུང་བའི་ལྷ་ཆས། ཆག་ཆག་གདབ་པའི་དྲི་བཟང་དང་། བ་བྱུང་ལྔ་སྦྱར་བ་ཡང་ཉེར་བསྡོགས་བྱ་ཞིང་། དེ་ལ་བ་བྱུང་ལྔ་ཞེས་པ། དཀྱིལ་འཁོར་ལ་སོགས་པའི་ཆག་ཆག །བུཾ་རྫས། ཁྲུས་རྫས་སོགས་ལ་ཆེས་མང་བར་འཇུག་ཅིང་དགོས་གནད་ཤིན་ཏུ་ཆེ་ནའང་། ད་ལྟ་འཕྲལ་མར་རྩོལ་བ་བྱེད་པའི་ཕྱག་ལེན་མཁན་ཡང་ཆེས་མང་བར་ཡོད་དེ། དེ་ནི་གཅིག་གྱིས་ལག་པ་བཀྲུབ་དང་མགོ་མཚུངས་མོད། དེས་ན་འདིའི་ཚུལ་ཅུང་ཟད་བརྗོད་པ་ལ་གཉིས། རྒྱ་གར་མཁས་པའི་ལུགས་དང་། བོད་ཀྱི་བླ་མ་ཁ་ཅིག་བཞེད་པའི་ཚུལ་ལོ། །དང་པོ་ནི་སློབ་དཔོན་སངས་རྒྱས་གསང་བས། དང་པོ་དཀྱིལ་འཁོར་ཆེ་ཆུང་གི། །བསྐུས་པས་ཡོག་པའི་མར་བཤམས་ལ། །ལྕེ་བ་དངོས་པོ་ཉི་ཤུ་འགྱུར། །འོ་མ་དག་དང་ཞོ་དག་ཀྱང་། །དང་པོ་མར་གྱི་སུམ་འགྱུར་རོ། །དང་པོ་ལྕི་བ་བཅིར་བ་ཡང་། །དང་པོར་ཆུ་ཡི་བསྣོས་ལ་བཙིར། །དེ་ནས་ཚགས་ཀྱིས་བཙགས་བྱས་ཏེ། །དེ་ནས་དེ་རྣམས་སྦྱར་བྱས་ལ། །ཞག་ནི་གཉིས་དང་གསུམ་བར་དུ། །དེ་ནི་རས་སུ་བཅུག་པ་ཡང་། །ཉི་མ་གཉིས་པར་མ་ཆོད་པར། །ཉི་མ་བདུན་དུ་རིམ་གྱིས་བྱུག །ཅེས་མར་དེ་ཉིད་སྦྱར་གཞིར་བྱས་ནས་གཞན་བཞི་པོའི་སྦྱོར་སྡེ་ཚད་ཅན་དུ་གསུངས་པ་ལས་བསྐོལ་བའི་རྒྱུ་མཚན་མ་བཤད་ཀྱང་། དགྲ་ལས་རྣམ་རྒྱལ་གྱིས། སྣོད་གཙང་བསྐོལ་ཏེ་ཆུ་རྣམས་དབོ། །ཆིག་མ་བར་ཏེ་དབུས་ཀྱི་ཆས། །ཞེས་གསུངས་པ་གང་ཡང་རུང་བར་བྱ་བ་ཡིན་ནོ། །གཉིས་པ་ནི། བོད་མཁས་པའི་ཡིག་ཆ་ལས། དགོན་པའི་རྩ་ཟེས་གཙང་མ་ཡི། །བ་ཡི་མར་དང་འོ་མ་ཞོ། །བཤང་།།།བ་གཅིན་དང་བཅས་པ་ལ། །བ་བྱུང་ལྔ་ཞེས་རྒྱལ་བས་གསུངས། །བརྔས་པའི་རྩ་དང་སྤང་མ་སོགས། །མི་གཙང་སྣ་ཚོགས་ཟོས་པ་ཡི། །བ་ཡི་རྣམ་ལྔས་གོ་མི་ཆོད། །དེས་ན་གཙང་མ་རྨོས་པ་ཡིན། །དགོས་དུས་ འདིར་བོད་མ་ལྟར་སྣང་གང་། བཤང་

(༢༣༦)ཚུལ་དཔྱད་བཟོད་ཅིང་ལག་ལེན་དུ་བདེ་བས་སྐབས་འདི་ལ་ལྟོས་དགོས་པ་ཞིག་ཏུ་འཁུམས་པས། ཀླུན་པོས་བྱ་ཚོམས་སུ་བྱས་པ་ཙམ་མིན་པར་ཁུང་ངར་འགྲེལ་བ་ཞིག་ཡོད་པར་མངོན་པས་ཁ་ཅིག་བླན་ཀའི་གནས་བྱེད་པའང་སྣང་སྟེ་གཉིས་ཀས་བརྟག་གོ །དེ་རྣམས་སྙེད་དཀའ་བས། རིལ་བུར་བསྒྲུབ་པའི་ཆོ་ག་བཤད། །ལྕིབས་ལ་མ་ལྷུང་ག་ཉི་མ་ལ་བསྐམས་གྲིབ་མར་བཏགས། དེ་ལ་གཅིན་བསྲེས་སླར་ཡང་བསྐམ། །དེ་ལྟར་ལན་གསུམ་བྱས་པ་ལ། །མར་དང་འོ་མ་ཞོ་བསྲས་ཏེ། །བྱིའུའི་སྒོ་ངའི་ཚད་ཙམ་དུ། །རིལ་བུར་བྱས་ལ་གྲིབ་བསྐམ་བྱ། །འདི་ནི་བླ་མའི་མན་ངག་ཡིན། །ཞེས་བཤད་ཅིང་། དེ་ཡང་བརྙེད་པས་མི་ཆོག་པར་ཁ་དོག་ཀྱང་སེར་སྐྱའམ། མ་རྙེད་ནང་ནང་མོལ་ཡང་རུང་བའི་བེའུ་ཐོག་མར་སྐྱེས་པ་འཇིག་རྟེན་པ་རྣམས་པ་གསར་དུ་འབོག་པ་དེ་ཡིན་ཞིང་། མཚན་ཉིད་ཚང་བའི་བདེ་ལ་བླང་ཆེན་རྩི་ཞེས་བྱ་བའི་སྨན་ཡོན་ཏན་ལྔ་ཚང་བ་ཞིག་ཡོད་པས། གདོན་བགེགས་ཐུབ་པ་དང་། འདུ་བའི་ནད་སེལ་འདའ། དྲི་ཞིམ་པ་དང་། འགྲོ་བ་དབང་དུ་འདུ་བ་དང་། ཤིན་ཏུ་གཙང་བ་རྣམས་ཡོད་པའི་དབང་གིས་སོ། །གསུམ་ནི། མཆོད་ཡུལ་ཐམས་ཅད་བླ་མ་དགོངས་པ་འདུས་པའི་དཀྱིལ་འཁོར་ཉག་གཅིག་ཏུ་ཤར་བ་དེ་ལ་འབུལ་བའི་འདུན་བ་གཏད་པ་ཁོ་ནས་ཆོག་གོ །བཞི་པ་ལ་གཉིས། རང་སྐད་སྤྱའི་ཐུན་ནོ། །དང་པོ་ནི། ཆོས་སྐུའི་མཎྜལ་ལ་ཚོམ་བུ་ཉི་ཤུ་རྩ་བདུན། ལོངས་སྐུའི་མཎྜལ་ལ་ཚོམ་བུ་དགུ། སྤྲུལ་སྐུའི་མཎྜལ་ལ་ཚོམ་བུ་བཅོ་ལྔ་ལ་སོགས་ཏེ་ལེ་ཚན་གསུམ་དུ་བྱ་ཞིང་འབུལ་ཚིག་ཀྱང་ཐ་དད་དུ་ཡོད་པ་ལྟར་བྱའོ། །གཉིས་པ་ནི། མཎྜལ་གྱི་མདོ་ལས། བ་ལྕི་ཚུར་བཙས་སྦྱིན་པ་སྟེ། །བྱི་དོར་བྱས་པ་ཚུལ་ཁྲིམས་ཡིན། །སྲོག་ཆགས་བསལ་བ་བཟོད་པ་སྟེ། །བརྩོན་འགྲུས་བྱ་བ་བྱེད་ལ་བརྩོན། །བསམ་གཏན་དེར་སེམས་སྐད་ཅིག་པ། །རི་མོ་ལེགས་འབར་ཤེས་རབ་བོ། །ཞེས་པར་ཕྱིན་དྲུག་དང་སྦྱར་ནས་གསུངས་ཤིང་། ད་ནི་དེ་ལྟ་བུའི་ལག་ལེན་དངོས་ལ་འཇུག་པར་བྱ་བ་ལ། ལག་གཡོན་མེ་ཏོག་དང་བཅས་ཆོས་ཀྱིས་མཎྜལ་ལོ་འཁྱོག་

(༢༣༧)མེད་པར་བཟུང་། གཡས་པས་མཎྜལ་ལན་གསུམ་འཕྱི་ཞིང་ཡི་གེ་བརྒྱ་པ་བཟླས་པས་སྒྲིབ་གཉིས་བག་ཆགས་དང་བཅས་དག་པར་བསམ་པ་ནི་གཞུང་འདི་ཉིད་ཀྱི་སྒོས་ཆོས་ཡིན་ནོ། །དེ་ནས་གཡས་པའི་མཐེབ་མཛུབ་ཀྱི་བར་དུ་མེ་ཏོག་ཅུང་ཟད་བཟུང་སོར་མོ་ལྷག་མ་རྣམས་བརྒྱད་འདྲི་བཟང་དང་བ་བྱུང་གིས་སྦགས་ཏེ། སྙིང་རྗེ་བྱང་སེམས་ཀྱི་རླན་དང་མི་འབྲལ་ཞིང་སྦྱིན་པ་རྣམ་པ་བཞི་ཡོངས་སུ་གཏོང་བའི་བརྔར་མཎྜལ་གྱི་མཐའ་སྐོར་ནས་གཡོན་འཁོར་དུ་བྱས་ལ་རིམ་པར་བྱུག་ཅིང་། ངག་ཏུ། ཨོཾཱ་བཛྲ་བྷཱུ་མི་ཨཱཧཱུཾ། གཞི་ཡོངས་སུ་དག་པ་དབང་ཆེན་གསེར་གྱི་ས་གཞི། ཞེས་བརྗོད་པ་ན། མཎྜལ་དེའི་སྟེང་དུ་འབྱུང་བ་རིམ་བརྩེགས་ཀྱི་དཀྱིལ་འཁོར་གྱི་སྟེང་དུ་དབང་ཆེན་གྱི་ས་གཞི་རྒྱ་ཁྱོན་ཆད་ལས་འདས་པ་ལམ་གྱིས་གྲུབ་པར་བསམ། ཨོཾཱ་བཛྲ་རི་ཁེ་ཨཱཧཱུཾ། ཕྱི་ལྕགས་རི་མུ་ཁྱུད་ཀྱིས་བསྐོར་བའི་ཟེར་བ་དང་མཉམ་དུ་སྔར་དྲིའི་ཐིག་ལེ་བྱུགས་བཞི་པའི་ལག་པ་མ་བཏེག་པའི་འཕྲོ་ལས་སྲིན་ལག་གིས་མཎྜལ་གྱི་མཐའ་བསྐོར་ཞིང་། དབུས་སུ་ཏྭུཾ་ཞེས་བརྗོད་པ་དང་། གཡས་པའི་མཐེབ་མཛུབ་ན་ཡོད་པའི་མེ་ཏོག་དབུས་སུ་བཞག་པས་བགེགས་བསལ་བར་བསམ་པའམ། ལུགས་གཅིག་ཏུ་ཧཱུཾ་ལས་ཞེས་པ་ལྟར་ན་རི་རབ་བསྐྱེད་པའི་ས་བོན་ཡིན་པར་མངོན་ཞིང་ལུགས་གཉིས་གང་འཐད་བརྟག་པར་བྱ། སླར་ཡང་དེ་གའི་སྟེང་དུ་ཚོམ་བུ་ཆེ་བ་གཅིག་འགོད་པ་དང་མཉམ་དུའིའི་རྒྱལ་པོར་རི་རབ་ཅེས་བརྗོད་ཅིང་ཚུལ་བཞིན་དུ་བསམ། མདུན་ནས་བརྩམས་ཏེ་གཡས་སྐོར་དུ་རིམ་པར་དགོད་ཅིང། ཤར་ལུས་འཕགས་པོ། ཞེས་ཤར་དུ་འགོད་ཅིང་གླིང་དབྱིབས་ཟླ་གམ་ཆུ་ཤེལ་གྱི་རང་བཞིན་དུ་བསམ། ལྷོ་འཛམ་བུ་གླིང་། ཞེས་བརྗོད་པ་དང་ལྷོར་འགོད་ཅིང་གླིང་དབྱིབས་སོགས་ཁ་བཻ་ཌཱུརྻའི་རང་བཞིན་དུ་བསམ། ནུབ་བ་གླང་སྤྱོད། ཅེས་ནུབ་ཏུ་བཀོད་ཅིང་གླིང་དབྱིབས་ཟླུམ་པོ་པདྨ་རཱ་གའི་རང་བཞིན་དུ་བསམ། བྱང་སྒྲ་མི་སྙན། ཞེས་བྱང་དུད་གོད་ཅིང་གླིང་དབྱིབས་གྲུ་བཞི་གསེར་གྱི་རང་བཞིན་དུ་བསམ། གླིང་དེ་

(༢༣༨)དག་ཐམས་ཅད་ཀྱང་མཎྜལ་གྱི་ཚོམ་བུ་འགོད་པའི་དབང་དུ་རི་རབ་ལ་རྒྱབ་ཀྱིས་ཕྱོགས་ཤིང་། རང་རང་གི་ལྷོར་མདུན་གཏད་པར་གོ་བས་གླིང་བྲན་གྱི་ཚོམ་བུ་དགོད་དགོས་ཏེ། ལྷོ་ནུབ་རྔ་ཡབ་གླིང་བྲན་སྲིན་པོའི་ཡུལ། །ཞེས་པ་དང་། རྒྱལ་བའི་བཀའ་དྲི་མ་མེད་རྣམས་ཕྱོགས་སྐྱོང་བཅུ་གནས་ལ་བཤད་པ་དང་ཡང་མི་འགལ་མོད། འོན་ཏེ་གླིང་ཁ་ནང་བསྟན་གྱི་གཡས་གཡོན་དུ་གླིང་ཕྲན་གྱི་ཚོམ་བུ་བཀོད་པ་ལྟར་ན་ཕྱོགས་ཤིན་ཏུ་འཚོལ་བ་རིག་པས་ཀྱང་འགྲུབ་བོ། །དེ་ལྟ་བུའི་ཚུལ་གྱིས་ཤར་དུ་ལུས་དང་ལུས་འཕགས་ཞེས་ཤར་ཀྱི་གཡས་སུ་ལུས་དང་གཡོན་དུ་ལུས་འཕགས། དེ་བཞིན་དུའི་།།།ངག་འདོན་དང་འབྲེལ་ཆགས་པར་ལྷོའི་གཡས་སུ་རྔ་ཡབ་དང་། གཡོན་དུ་རྔ་ཡབ་གཞན། གླིང་འདི་ཉིད་དུ་ལང་ཀར་གཤེགས་པའི་མདོ་གསུངས་པར་གྲགས་སོ། །ནུབ་ཀྱི་གཡས་སུ་གཡོ་ལྡན་དང་གཡོན་དུ་ལམ་མཆོག་འགྲོ། བྱང་གི་གཡས་སུ་སྒྲ་མི་སྙན་དང་གཡོན་དུ་སྒྲ་མི་སྙན་གྱི་ཟླ་རྣམས་རང་རང་གི་གླིང་དབུས་མ་དང་བྱང་དབྱིབས་མཚུངས་པ། འདི་དག་གི་ཕྱོགས་སོ་སོའི་གླིང་གི་རྒྱ་ཁྱོན་གྱི་ཚད་བཤད་པ་དག །བཟོ་དབྱིབས་བཀོད་པ་འདིའི་ཁོངས་སུ་འགྲིག་པ་དཔེར་ན་རི་མོ་པས་ས་དཔྱད་ལུང་སྟོན་གྱི་འདྲ་དབྱིབས་བྲིས་པ་ལྟ་བུ་ལ་ཚང་དགོས་པ་ནི་མ་གསུངས་ལ། ཚད་ཀྱིས་གླིང་དེ་དག་གི་རྒྱ་ཁྱོན་རིལ་པོ་བསྟན་ནས་མཚན་མ་དེ་ལྟ་བུ་རང་གླིང་གི་དབུས་སུ་ཡོད་པར་བཞེད་པའི་རྣམ་དབྱེ་ཞིབ་པར་དོན་གྱི་བཞིན་སྟོན་ལས་བཤད་དོ། །ཤར་གླིང་གི་ནང་དུ་རིན་པོ་ཆེའི་རི་བོ་རིན་པོ་ཆེ་སྣ་ཚོགས་ཀྱི་རང་བཞིན་ཅན་ར་།།།ལ་ཚང་གཟུང་མེད་པ། ལྷོ་གླིང་གི་ནང་དུ་དཔག་བསམ་གྱི་ཤིང་རིན་པོ་ཆེ་སྣ་བདུན་གྱི་རང་བཞིན་ཅན་རྩ་སྡོང་ཡལ་འདབ། མེ་ཏོག་འབྲས་བུ་ལ་སོགས་དགོས་འདོད་བའི་ཡོན་ཏན་གྱིས་དུད་པ། ནུབ་གླིང་གི་ནང་དུ་འདོད་འཇོའི་བ་དམར་སེར་གཟུགས་བཟང་། རྒྱ་གདུང་དང་པོར་གྱི་མཁས་པ་མང་པོ། རང་ལུགས་ལའང་ཀུན་མཁྱེན་ཆོས་རྗེ་སོགས་ཚོམ་བུ་ཉེར་གསུམ་མཁོན་བཞེད་པ་།།།མང་ཡང་། ད་ལྟ་ཡོངས་གྲགས་སུ་སྔ་མའི་སྟེང་དུ་རིན་པོ་ཆེའི་རི་བོ་ལ་སོགས་པ་བཞི་དང་། སྒེག་སོགས་བརྒྱད། གདུགས་དང་

(༢༣༩)རྒྱལ་མཚན་བསྣན་པས་སོ་བདུན་དུ་འགྱུར་དང་བྲོ་ནི་གིན་ཆོས་རྒྱལ་དཔགས་པའི་ལུགས་ཡིན་པར་གྲགས་ཆབ་ལྟར་བཀང་། ཞིང་བལྟ་ན་སྡུག་པ་རང་གི་ཡོན་ཏན་དང་ལྡན་པ། བྱང་གླིང་གི་ནང་དུ་མ་རྨོས་པའི་ལོ་ཐོག་རོ་བཅུད་ཕུན་སུམ་ཚོགས་པའི་འབྱུང་ཁུས། རིན་པོ་ཆེའི་རི་བོའི་མདུན་དུ་འཛམ་བུ་ཆུའི་གསེར་སྦྱངས་ལས་གྲུབ་པའི་འཁོར་ལོ་རིན་པོ་ཆེ་རྩིབས་སྟོང་དང་ལྡན་ལ་ཉི་མའི་གཟི་བྱིན་འཕྲོག་པ། དཔག་པས་མ་ཤིང་གི་མདུན་དུ་ནོར་བུ་རིན་པོ་ཆེ་བཻ་ཌཱུརྻ་ཟུར་བརྒྱད་པ་འོད་ཟེར་གྱིས་དཔག་ཚད་བརྒྱའི་བར་གྱི་ཁོར་ཡུག་ཀུན་གྱི་མུན་པའི་གོ་སྐབས་འཕྲོག་པར་བྱེད་ཅིང་། ཚངས་གདུངས་ན་བསིལ་བའི་ནུས་པ། གྲང་བས་གདུངས་ན་དྲོ་བའི་ནུས་པ། གང་དུ་གནས་ཀྱང་ས་ཕྱོགས་དེའི་སྐྱེ་བོ་ཀུན་གྱི་མི་དགེའི་རྒུད་ཚོགས་མཐའ་དག་སེལ་བར་ནས་ཤིང་ཡིད་ལ་སྨོན་ཚད་འགྲུབ་པའི་རང་བཞིན་མན། འདོད་འཇོའི་བའི་མདུན་དུ་བཙུན་མོ་རིན་པོ་ཆེ་བུད་མེད་ཀྱི་སྐྱོན་ལྔ་དང་བྲལ་ཞིང་ཡོན་ཏན་བརྒྱད་དང་ལྡན་ལ་ཤིན་ཏུ་ཡིད་འཕྲོག་པ། རེག་པ་ཙམ་གྱིས་བདེ་སྟོང་གི་ཡེ་ཤེས་རྩོལ་མེད་དུ་འཆར་བ་ནུས་པ་བྲམ་ཟེའི་བུ་མོ་གཟུགས་ཀྱི་ཉི་མ་ལྟ་བུ། མ་རྨོས་པའི་ལོ་ཏོག་གི་མདུན་དུ་བློན་པོ་རིན་པོ་ཆེ་གཟུགས་བཟང་ཞིང་སྟོབས་ཆེ་བ། རྩལ་དང་ལྡན་ཞིང་ཐམས་ཅད་ལ་དཔྱད་བཟོད་པ། སའི་བདག་པོ་ལ་སྙིང་ཉེ་ཞིང་ངང་གིས་བརླིང་བ་དེ་དཔོན་བཞིན་བཟང་ལྟ་བུ། ལུས་དང་རྔ་ཡབ་གཞན་གྱི་བར་མཚམས་ཀྱི་ཤར་ལྷོར་གླང་པོ་རིན་པོ་ཆེ་ཁ་དོག་ཐལ་སྐྱ་མཆེ་བ་དྲུག་ལྡན། སྤྱི་གཙུག་དམར་ཞིང་དཔངས་མཐོ་བ་ནོར་བུའི་དྲྭ་བས་གཡོགས་པ། གླང་ཆེན་ཕལ་པ་སྟོང་གི་སྟོབས་ཐུགས་མངའ་ཤིང་། གངས་ལྡན་གྱིས་འཛིན་ཐང་ལ་ཕབ་བ་ལྟར་དལ་གྱིས་འགྲོ་བ་གླང་ཆེན་ས་སྲུང་ལྟ་བུ། རྔ་ཡབ་དང་ལམ་མཆོག་འགྲོའི་བར་མཚམས་ཀྱི་ལྷོ་ནུབ་ཏུ། རྟ་མཆོག་རིན་པོ་ཆེ་ཁ་དོག་སྔོན་པོའི་སྦུ་རྨ་བྱའི་མགྲིན་པ་ལྟར་སྡུག་ལ། ནད་གཅོད་མེད་ཅིང་ཡིད་དུ་འོང་བ། གཡོབ་པའི་ཚེ་འཛམ་གླིང་ཉིན་གཅིག་ལ་ལན་གསུམ་བསྐོར་བར་ནུས་པའི་བང་འགྲོས་ཅན་རྟའི་རྒྱལ་པོ་ཅང་ཤེས་བྷ་ལ་ཧ་ལྟ་བུ། གཡོ་ལྡན་དང་གླིང་ཆུང་སྒྲ་མི་སྙན་

(༢༤༠)གྱི་ཟླའི་བར་མཚམས་ཀྱི་ནུབ་བྱང་དུ་དམག་དཔོན་རིན་པོ་ཆེ་སྙིང་སྟོབས་དང་ལྡན་ཞིང་སྒྱུ་རྩལ་དང་གཡུལ་གྱི་བྱ་བ་ལ་མཁས་པས་དཔུང་གི་ཚོགས་ཡན་ལག་བཞི་པའི་འགྲོ་ལྡོག་ལ་གོམས་ཤིང་གོ་ཞུབ་ཀྱིས་སྤྲས་ལ། གཟི་བྱིན་བཟོད་པར་དཀའ་བ་རྒྱལ་ཆེན་མིག་གི་བཟང་ལྟ་བུའམ། ལུགས་གཞན་དུ་ཁྱིམ་བདག་རིན་པོ་ཆེ་འབྱུང་བའི་ཚེ་ན། སྐྱེ་བོ་ཐམས་ཅད་རབ་ཏུ་དགའ་བར་བྱེད་པའི་བསོད་ནམས་ཀྱི་མཐུ་ཕུན་སུམ་ཚོགས་པ། གཡོ་གྱུ་མེད་ཅིང་བྱས་པ་ཤེས་ལ་དྲིན་གཟོབ་རྡོ་རྗེ་དང་། རིན་པོ་ཆེ་དང་། ཐོན་ཀ་དང་། མར་གད་དང་། སུ་ཝརྞ་དང་། དངུལ་དང་། སྤུ་ག་ལ་སོགས་པའི་བང་མཛོད་ཀྱིས་ཕྱུག་པ་རྣམ་ཐོས་ཀྱི་བུ་ལྟ་བུའོ། །སྒྲ་མི་སྙན་དང་ལུས་འཕགས་ཀྱི་བར་མཚམས་ཀྱི་བྱང་ཤར་དུ་གཏེར་ཆེན་པོའི་བུམ་པ་དགོས་འདོད་ཀུན་ཚང་རིན་པོ་ཆེའི་ཕྲས་སྤུད་པ། འཁོར་ལོ་རིན་པོ་ཆེའི་མདུན་དུ་སྒེག་མོ་མ་མཛེས་ཤིང་བལྟ་ན་སྡུག་པ་སྒེག་པའི་རྣམ་འགྱུར་བསམ་གྱིས་མི་ཁྱབ་པར་སྟོན་པ། ནོར་བུ་རིན་པོ་ཆེའི་མདུན་དུ་ཕྲེང་བ་མ་ཕྲེང་བ་འཛིན་ཞིང་བཞིན་ལག་ཇོམ་པ། བཙུན་མོ་རིན་པོ་ཆེའི་མདུན་དུ་གླུ་མ་འགྱུར་ཁུག་དང་ལྡན་པའི་གླུ་ལེན་པ། བློན་པོ་རིན་པོ་ཆེའི་མདུན་དུ་གར་མ་རྣམ་འགྱུར་དཔག་གིས་མི་ལང་བའི་གར་རྩེབ། མེ་ལྷའི་གླང་པོ་རིན་པོ་ཆེའི་མདུན་དུ་མེ་ཏོག་མ་འགྱིར་ཞིང་མེ་ཏོག་འཆང་བ། སྲིན་པོའི་རྟ་མཆོག་རིན་པོ་ཆེའི་མདུན་དུ་བདུག་སྤོས་མ་བདུག་སྤོས་འཛིན་པ། རླུང་ལྷའི་དམག་དཔོན་རིན་པོ་ཆེའི་མདུན་དུ་སྣང་གསལ་མ་སྣང་བྱེད་ཀྱི་མར་མི་འཛིན་པ། དབང་ལྡན་གྱི་གཏེར་བུམ་ཆེན་པོའི་མདུན་དུ་དྲི་ཆབ་མདུང་ཞལ་འཛིན་པ། སྒེག་མོ་མའི་མདུན་གྱི་སྟེང་གི་ནམ་མཁའ་ལ་མེ་ཤེལ་ལས་གྲུབ་པའི་ཉི་མའི་དཀྱིལ་འཁོར་འོད་ཟེར་འབར་བ། གླུ་མའི་མདུན་གྱི་སྟེང་གི་ནམ་མཁའ་ལ་ཆུ་ཤེལ་ལས་གྲུབ་པའི་ཟླ་བའི་དཀྱིལ་འཁོར་དངས་ཤིང་གསལ་བ། གར་མའི་མདུན་གྱི་ནམ་མཁར་རིན་པོ་ཆེའི་གདུགས་དཀར་པོ་གསེར་གྱི་ཡུ་བ་ཅན། ཕྲེང་བ་མའི་མདུན་གྱི་ནམ་མཁར་ཕྱོགས་ལས་རྣམ་པར་རྒྱལ་བའི་རྒྱལ་མཚན་དྲང་ཞིང་ལྡེམ་པ་དེ་དག་གི་དབུས་དང་བར་མཚམས་རྣམས་སུ་ལྷ་དང་མིའི་དཔལ་འབྱོར་ཕུན་

(༢༤༡)སུམ་ཚོགས་པ་ཐམས་ཅད་ཀྱིས་མ་ཚང་བ་མེད་པས་ཕྱུར་བུར་བཀང་ཞིང་། ཤིན་ཏི་གཙང་ཞིང་ཡིད་དུ་བོད་པའི་རྣམ་པ་ཅན། དེ་ཐམས་ཅད་ཀྱང་དང་རང་ལ་མངའ་བའི་ཡོན་ཏན་ཆ་མཐུན་གྱི་ལོངས་སྤྱོད་ཉི་ཟེར་ལ་རྡུལ་ཕྲན་འཁྲིགས་པའམ། ཁ་ཆར་བུ་ཡུག་འཚུབས་པ་ལྟ་བུ་ལང་ལོང་དུ་འཕྲོ་ཞིང་། དེ་འདྲ་བའི་རྡུལ་ཕྲར་བ་རེ་རེའི་ཁོངས་སུ་ཡང་བཤད་མ་ཐག་པའི་མཎྜལ་རྡུལ་སྙེད་དུ་འཁྲིགས་ཤིང་། སོ་སོ་སྐྱེ་ངོའི་བློས་དཔག་བད་།།།མི་ནུས་ཤིང་མཐའ་གཏུགས་པ་མེད་པའི་བར་དུ་ཏིང་ངེ་འཛིན་གྱིས་རྣམ་པར་སྤྲུལ་ནས་འབུལ་བ་ནི། བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་པར་ཐར་པ་ལས་བྱུང་བའི་མཆོད་པ་འབུལ་ཚུལ་དུ་གྲགས་ལ། ལུགས་ལ་ཡར་བྱང་ཆུབ་སེམས་དཔའ་ཀུན་ཏུ་བཟང་པོ་གཅིག་གི་ཐུགས་ཀ་ནས། འོད་ཟེར་བྱེ་བ་ཐེར་འབུམ་ཁུག་པ་གསུམ་གྱི་གྲངས་ཀྱིས་ཀྱང་མི་ཆོད་པ་སྤྲོས་པའི་སྣེ་མོར་ཀུན་བཟང་རེ་སྤྲོས་ཏེ་མཎྜལ་འབུལ་འཁོར་བགྱིས་ནས། དེ་ལྟ་བུ་རེ་རེའི་ལྟེ་བ་ལས་ཀྱང་འོད་ཟེར་དེ་འདྲ་བ་སྤྲོས་ནས་མཁའ་ཁྱབ་ཏུ་ཕུལ་བ་ལ་ཀུན་ཏུ་བཟང་པོའི་མཎྜལ་དུ་བཞེད་པའོ། །ལྔ་པ་ནི། དམིགས་པའི་ཁྱད་པར་ཚོམ་བུ་བཀོད་པ་དང་ཚུལ་།།།བར་སྒོམ་དོན་དེ་དང་དེ་དེར་བསྒྱུར་བར་བཞེད་པ་དང་། ཁ་ཅིག་ཏུ་ན་བཤད་མ་ཐག་པ་ཉིད་མི་འཐད་དེ། ཚོམ་བུ་འགོད་པ་གནས་མི་འཚོལ་བའི་ས་བཅད་འཛིན་པ་ཡིན་པར་བཞེད་ཀྱང་སྔ་མ་ཉིད་ལེགས་པར་བསམ་མོ། །དེས་ནི་ཕྱི་མཚན་མ་རྫས་ལ་རྟེན་པའི་མཎྜལ་གྱི་རྣམ་གཞག་བཤད་ནས། ནང་རང་གིས་བདག་གིར་བཟུང་བའི་དངོས་པོ་ཀུན་ཀྱང་མཎྜལ་དུ་དམིགས་ནས་འབུལ་བ་ནི། ཕྱི་ཚོགས་དྲུག་གི་ཡུལ་སྣང་ལ་ཞེན་པའི་སྣང་བ་ཐམས་ཅད་ནི་གསེར་གྱིས་གཞི། དེ་ལས་ས་གཞིས་དང་ཡུལ་ཁང་སོགས་བདག་ཏུ་བཟུང་ངོ་ཅོག་ནི་རི་རབ་དང་གླིང་བཞི། དེ་དག་གི་སྐར་ཁུང་ལ་སོགས་སྣང་བའི་ཆ་ཐམས་ཅད་ནི་ཉི་ཟླ། དེའི་ཡངས་སུ་གནས་པའི་བ་མ་བུ་ཆ་མཛའ་གྲོགས་འཁོར་གཡོག་ལོངས་སྤྱོད་སོགས་མདོར་ན་འཛིན་ཡིད་ཀྱིས་གཅེས་དགུར་བཟུང་བ་ཐམས་ཅད་ནི་འདོད་

(༢༤༢)པའི་ཡོན་ཏན་ལྔའི་རང་བཞིན་དུ་བརྒྱན་ནས་ཆགས་མེད་ཞེན་མེད་དུ་འབུལ་བར་དམིགས་པ་དང་། གསང་བར་བདག་ལུས་འབྱུང་བཞི་འདུས་པའི་ཕོ་བྲང་རྡོ་རྗེའི་ལུས་དབང་ལྔ་དང་རྣམ་ཤེས་ཚོགས་བརྒྱད་རྟེན་དང་བརྟེན་པར་བཅས་པ་ཐམས་ཅད་ཕྱི་ལྟར་དུ་སླིང་བཞིའི་བཀོད་པ། ནང་ལྟར་དུ་དཀྱིལ་འཁོར་གྱི་རང་བཞིན་དུ་ཡི་ནས་ལྷུན་གྲུབ་ཏུ་གནས་པ་དེ་ཉིད་འབུལ་བར་དམིགས་པ་དང་། གཞན་ཡང་སྤྲུལ་སྐུའི་མཎྜེལ་ཚངས་ཆེན་གྱི་ཞིང་ཁམས་རིགས་ལྔ་གང་ཆེན་མཚོའི་སྐུ་གསུང་ཐུགས་མ་ཟད་པ་རྒྱན་གྱི་འཁོར་ལོའི་རོལ་གར། ལོངས་སྐུའི་མཎྜལ་འོག་མིན་སྟུག་པོ་བཀོད་པའི་ཞིང་ཁམས་རང་བྱུང་རིག་པའི་དཀྱིལ་འཁོར་ཡེ་ཤེས་ལྔའི་རྣམ་རོལ་ལས་སྐུ་དང་ཞིང་ཁམས་ཀྱི་སྣང་བ་རྒྱ་ཆེ་མུ་མེད་དུ་ཤར་བ། ཆོས་སྐུའི་མཎྜལ་གདོད་མའི་གཤིས་ལུགས་སྐྱེ་འགག་གནས་གསུམ་དང་བྲལ་བ་སྐུ་གསུམ་གྱི་རང་བཞིན་དུ་ལྷུན་གྱིས་གྲུབ་ཅིང་། བཅིངས་གྲོལ་ལས་འདས་པའི་རིག་པ་རྒྱ་ཡན་ཅོག་བཞག་ལྷུན་འབྱམས་ཟང་ཐལ་སྒྲིབ་གཡོགས་དང་བྲལ་བའི་ཀློང་དུ་འཁོར་འདས་ཀྱི་གཉིས་ཆོས་ཐམས་ཅད་དུ་མདོ་གཅིག་གི་ཚོམ་བུར་བཀོད་པ་དང་། དེ་ཁོ་ན་ཉིད་ཀྱི་མཎྜལ་སྨྲ་བསམ་བརྗོད་མེད་སྤྲོས་པའི་མཐའ་གང་དུའང་མ་དམིགས་པ་བློ་འདས་རྫོགས་པ་ཆེན་པོའི་རྣམ་རོལ་དུ་དཔུལ་།།།བྱ་འབུལ་བྱེད་ཀྱིས་སྟོངས་པའི་རྩིས་ཟིན་པ་སྟེ། མདོར་ན་གཞན་དུ་མཎྜལ་ལ་རྣམ་བྱེ་དང་མིང་ཇི་ཙམ་དུ་བཏགས་ཀྱང་བཤད་མ་ཐག་པ་རྣམས་ཀྱི་ཁོངས་སུ་འདུ་བས་ཡི་གེ་མང་པོ་སྤྲོ་བར་མ་བྱས་སོ། །དྲུག་པ་ལ་གསུམ། ལས་དང་པོ་པས་སྨོན་ལམ་གདབ་པའི་དམིགས་ཡུལ་གྱི་གོ་གྱེས་པར་བསམས་ནས་གླིང་དང་སྟོང་ཁམས་ཀྱི་རྣམ་དབྱེ་ཟུར་བསྟན། ཕྱི་ནང་གསང་གསུམ་དང་སྦྱར་བའི་མཎྜལ་གྱི་སྒྲ་དོན། ཕུལ་བ་ལ་ཡོན་ཏན་བསམ་གྱིས་མི་ཁྱབ་པའི་སྟོང་ཐུན་རང་བཅས་གཞན་ལ་བསྐུལ་བའོ། །དང་པོ་ནི། འདི་ཉིད་ལས། རི་རབ་ལྷ་གནས་རྣམ་གཉིས་ཀྱང་། །དཔེར་ན་ཆ་ལང་སྤྱི་སྤྲད་འདྲ༔ རི་རབ་རིན་ཆེན་ལས་གྲུབ་ནི། ཤར་ཤེལ་ལྷོ་ཕྱོགས་བཻ་ཌཱུརྻ ནུབ་ཕྱོགས་པདྨ་རཱ་ག་ལས༔ དེ་བཞིན་བྱང་ཕྱོགས་གསེར་ལས་གྲུབ གླིང་བཞིའི་བྱང་ལ་རིག་ནས་

(༢༤༣)ནི༔ ཉི་ཟླ་འཁོར་བའི་ལྷོ་ཕྱོགས་ལ༔ ལུས་འཕགས་ནུབ་ལ་འཛམ་གླིང་ཤར༔ འཛམ་གླིང་ནུབ་ལ་བ་གླང་ཤར༔ བ་གླང་སྤྱོད་ནུབ་སྒྲ་མི་ཤར༔ སྒྲ་མི་སྙན་ནུབ་ལུས་འཕགས་ཤར༔ ལུས་འཕགས་པོ་དང་བ་གླང་སྤྱོད༔ དེ་གཉིས་སྟོན་དཔྱིད་གཉིས་དང་མཚུངས༔ དེ་བཞིན་ལྷོ་བྱང་དབྱར་དགུན་མཚུངས༔ དབྱར་དགུན་ཉི་མ་རིང་དང་ཐུང་༔ དེ་ཡིས་དུས་ཚོད་གཅིག་པའི ཞེས་གླིང་རང་རང་གི་ཁ་ལྷ་ཕྱོགས་སྔར་བཤད་པ་ལྟར་ལས་མདུན་གང་ཡིན་ལྷོ། གཡས་གང་ཡིན་ནུབ། གཡོན་གང་ཡིན་ཤར། རྒྱབ་གང་ཡིན་བྱང་ཤ་སྟག་ཏུ་ཡོང་དགོས་པ་གསལ་བར་བསྟན་པ་དང་། ཚིག་རྐང་བྱིར་ལྔས་དུས་བཞིའི་འཁོར་ལུགས་རགས་ཙམ་བསྟན་ཞིང་འདི་ལྟར་བློ་གྲོས་ཀྱི་མིག་དང་ལྡན་པས་མཆོག་གཏེར་ཆེན་པོ་འདིའི་གཞུང་ལ་རྣམ་པར་དཔྱད་ན། དཔལ་དུས་ཀྱི་འཁོར་ལོའི་ཕྱི་ནང་གཞན་གསུམ་གྱི་རྣམ་གཞག་དང་མཐུན་པའི་བཤད་སྲོལ་དུ་མ་གདའ་བས་ངོ་མཚར་གྱི་རང་བཞིན་དུ་ངེས་ཤིང་། འོན་ཀྱང་ལམ་གྱི་མན་ངག་དངོས་གཞིའི་བབས་ལ་འདི་དག་དང་སྦོལ་བཤད་ཀྱིས་འཆད་པ་ནི་ནམ་ཡང་མི་རིགས་ཏེ། རྫོགས་ཆེན་དུ་ཆོས་ཉིད་མངོན་སུམ་པར་གཞལ་བའི་སྣང་ཉམས་གཙོ་བོར་བྱེད་ལ་གཞན་དུ་ཤེས་ཉམས་དག་བྱའི་རྟགས་བཙུ་།།།གཙོ་བོར་འདོན་པས་མངོན་སུམ་དང་རྗེས་སུ་དག་།།།པའི་ཟབ་ཁྱད་བསམ་གྱིས་མི་ཁྱབ་པར་མཆིས་པ་མ་རྟོགས་ན་ནོངས་ཏེ། ཨུ་རྒྱན་ཆེན་པོས། རྒྱུད་གཞུང་མ་རྟོགས་བསྲེ་སླད་རྒྱས་བསྡུས་བྱེད། གསང་སྔགས་དགོངས་དོན་གཅིག་ཟེར་གོང་འོག་དཀྲུག །ཅེས་གསང་སྔགས་འཆལ་པའི་རྟགས་སུ་བསྟན་པས་བསྟན་པ་འདིའི་སྲོལ་འཛིན་པ་རྣམས་ཀྱི་ཁོང་དུ་ཆུད་པར་བྱ་བ་གལ་པོ་ཆེ་ཡིན་ལ། འོན་ཀྱང་ནང་དུ་ཐོས་པ་ལུང་གི་ཡོན་ཏན་ཐམས་ཅད་མཁྱེན་པའི་གཞི་ཡིན་ཕྱིར་ཚུལ་དེ་དག་ལའང་མི་རྨོངས་པར་འདོད་ན། དུས་ཀྱི་འཁོར་ལོའི་རྒྱུད་གཞུང་སྤྱི་དང་ཁྱད་པར་ས་བཅུའི་དབང་ཕྱུག་གི་འགྲེལ་འཁྲི་མེད་འོད། གཞན་ཡང་དུས་བཞིའི་དགག་སྒྲུབ་དམིགས་བསལ་གྱི་ཡི་གེ་ལས་

(༢༤༤)རྟོགས་ཤིང་། དེ་ཡང་རང་ཅག་གནས་པའི་ལྷོ་གླིང་འདི་ལ་གྲུ་གསུམ་མ་མ་སོག་ཁའི་དབྱིབས་སུ་ཡོད་པའི་གྲུ་བཏོད་ཕྱོགས་ལ་བཞེད་ཚུལ་མི་འདྲ་བ་ཆེས་མང་བར་བྱུང་བའི་མཚམས་ལ་ཆག་ལོའི་དུས་འཁོར་ཆོས་འབྱུང་དུ། ལྷོར་འཛམ་བུའི་གླིང་ཆུང་དུ་གྲུ་གསུམ་རྩེ་ནང་དུ་བསྟན་པ་དཔག་ཚད་བརྒྱ་སྟོང་དང་། ཞེས་གླུ་རི་རབ་ལ་གཏད་པར་བཤད་ཅིང་བྲིས་ཆ་ཕལ་ཆེར་ལ་ཡང་དེ་ག་སྣང་མོད། འཇམ་མགོན་ལྷ་སྲས་སཱ་རའི་ཞབས་ཀྱི་གཡའ་སེལ་དུ་ཡང་དགོན་པའི་རི་ཆོས་དང་། རཏྣའི་ཕུར་པ་ཡང་གསང་བླ་མེད་ཀྱིས་དཔྱད་ལུང་སྟོན་གྱི་ལུང་འདྲེན་དཔེ་བརྗོད་དང་བཅས་ཤིན་ཏུ་གསལ་བར་གསུངས་པ་ལྟར། འདི་གཉིས་ཞལ་འཆམ་པར་གྲུ་ལྷོར་བསྟན་དུ་བྱུང་མོད། དེའི་རྒྱུ་མཚན་ནི་བྱི་མའི་ས་དཔྱད་སྟོན་པའི་སྐབས་ལས། ལྷོ་འཛམ་བུ་གླིང་པའི་མི་རྣམས་ཀྱང་མིའི་གདོང་མགོ་ལུས་ལྷུ་ཚིགས་རྣམས་དང་༔ ལུས་པོ་དང་བཅས་སོགས་ཁར་ཡོད་པའོ༔ བོད་རྣམས་སོག་པའི་ཐེར་ལ་ཡོད་པས་དྲང་ཞིང་དབུལ་ཕོངས་དྲན་པ་གསལ་བའོ༔ རྒྱ་གར༔ ཁ་ཆེ༔ ཏ་ཟིག་གསུམ་སོག་པའི་ཡུ་བ་ལ་ཡོད་པས་སེམས་ཆུང་༔ བློ་སྲབ༔ འབྱོར་པ་ལྡན་པའོ༔ རྒྱ་ནག་ཧོར་འཇང་གསུམ་སོག་པའི་ཁ་གདངས་ལ་ཡོད་པས་རྒྱ་ཆེ༔ ཁོང་ཡངས༔ རིག་པ་གཟོ༔ ལོངས་སྤྱོད་ཕུན་སུམ་ཚོགས་པའོ༔ གཞན་ཡང་སོག་པའི་ཁ་སྒོར་ལ་མཐའ་འཁོབ་སུམ་ཅུ་རྩ་དྲུག་ཅེས་བྱ་བ་ལ། གློ་དང་༔ རྡོ་དང་༔ ཁ་ཁྲ་དང་༔ ཁ་སོགས་དང་༔ གཞའ་དང་༔ ཁ་སུར་དང་༔ དམར་དང་༔ རྩ་ཕུད་དང་༔ རྡོ་།།།བོ་རོ་དང་༔ བྲམ་ཚ་དང་༔ ཧུ་ཐུག་དང་༔ ཁ་གླིང་དང་༔ སྤྲེལ་སླག་དང་༔ ཁྱི་ཁྱ་དང་༔ དར་སློག་དང་༔ ཞང་ཚ་བྱ་སོགས་པས༔ འདི་དག་ནི་མུན་པའི་གླིང་སྟེ༔ སངས་རྒྱས་བསྟན་པའི་མིང་མེད༔ དཀོན་མཆོག་གི་མིང་མི་ཤེས༔ དགེ་སྡིག་མི་ཤེས༔ རྒྱུ་འབྲས་མི་གོ༔ ཤ་ཁྲག་ལ་དགའ་ཞིང་གསོད་

(༢༤༥)གཅོད་པ་རྔམས་པ༔ མི་མིན་འདྲེ་མིན་དུད་འགྲོའི་རྣམ་པ་མང་ངོ་༔ ཞེས་གསུངས་པ་ལ་བརྟེན་ནས་སོ་སོའི་ལུགས་བཀོད་པར་མཛད་པ་ལས་ཕྱོགས་སུ་ལྷུང་བའི་ཞལ་ལྕེ་གཅོད་པར་མ་མཛད། དོན་དུ་ནི་གཏེར་ལུང་ལས་གསུངས་པའི་དོན་བཤད་མ་ཐག་པ་ལྟར་འཐད་དེ། མདོ་སྡེ་ཁང་བུ་བརྩེགས་པ་ལས། ཀུན་དགའ་བོ་ཁྱོད་ཀྱིས་འཛམ་བུའི་གླིང་འདི་མཐོང་ངམ། ཀྱེ་བཙུན་པ་མཐོང་ལགས་སོ། ཀུན་དགའ་བོ་འཛམ་བུའི་གླིང་གི་གླིང་ནི་ཞེང་དུ་དཔག་ཚད་བདུན་སྟོང་། ཚུར་ཡང་དཔག་ཚད་བདུན་སྟོང་སྟེ། བྱང་གི་ཞེང་ནི་ཆེ། ལྷོ་ནི་ཤིང་རྟའི་དབྱིབས་སོ། །ཞེས་གསུངས་པས་བསྙོན་ཚིག་རང་གྲོལ་དུ་འགྲོ་ལ། དེ་ལ་ལྷོ་བྱང་གི་རྣམ་དེས་ནི་ཇི་སྐད་དུ། དབུས་ཀྱི་རི་རྒྱལ་ལྷུན་པོ་ནི། །གླིང་བཞི་ཐུན་གྱི་བྱང་ན་ཡོད། །ཅེས་པས་གསལ་ཞིང་། དེ་ཡང་གླིང་བཞི་སོ་སོའི་རྒྱ་ཁྱོན་སོགས་ཀྱི་རྣམ་གཞག་མངོན་དུས་གཉིས་དགོངས་པ་མི་མཚུངས་ཀྱང་རེ་ཞིག་དམིགས་པའི་གོ་འབྱེད་ཙམ་ལ་དུས་ཀྱི་འཁོར་ལོ་ལྟར་ན། རྒྱ་འགྲེལ་པདྨ་ཅན་ལས། གླིང་བཞི་པོའི་ཚད་ནི་ཇི་ལྟ་བུ་ཡིན་ཞེན་རི་དང་ཀླུ་ཞེས་བྱ་བ་ནི་རིམ་པ་ཇི་ལྟ་བས། དཔག་ཚད་སྟོང་ཕྲག་བདུན་དང་། བརྒྱད་དང་། དགུ་དང་། བཅུ་ནི་ཤར་གླིང་ལ་སོགས་པའི་ཚད་དུ་ཤེས་པར་བྱའོ། །ཞེས་གསུངས་པས་ཞིང་འགྲེལ་ནི་གཞན་དུ་བལྟ་བར་བྱའོ། །དེ་བཞིན་དུ་དབུས་ཀྱི་རི་རྒྱལ་ལྷུན་པོ་ཡང་དུས་འཁོར་དང་མངོན་པ་དགོངས་པ་ཐ་དད་པ་ལས། ཕྱི་མ་ལྟར་ན་དཔག་ཚད་བརྒྱད་ཁྲི་མཚོ་ནང་དུ་ནུབ་ལ། བརྒྱད་ཁྲི་སྟེང་དུ་འཕགས་པར་བཤད་ཅིང་། དེ་ལ་ཡོངས་སུ་བསྐོར་བའི་རི་བདུན་ཞེས་བྱ་བ་ནི། གཉའ་ཤིང་འཛིན་དཔག་ཚད་བཞི་ཁྲི། གཤོལ་མདའ་འཛིན་དཔག་ཚད་ཉི་ཁྲི། སེང་ལྡེང་འཛིན་དཔག་ཚད་ཆིག་ཁྲི། བལྟ་ན་སྡུག་དཔག་ཚད་ལྔ་

(༢༤༦)སྟོང་། རྟན་དཔག་ཚད་ཉིས་སྟོང་ལྔ་བརྒྱ། རྣམ་མདུང་དཔག་ཚད་ཆིག་སྟོང་ཉིས་བརྒྱ་ལྔ་བཅུ་ཡོད་པར་བཤད་ཅིང་། འདིའི་སྟེང་གི་ནམ་མཁའ་དཔག་ཚད་བཞི་ཁྲིའི་ས་ན། དངས་ཤིང་རབ་ཏུ་བརྟན་པའི་རླུང་གི་དཀྱིལ་འཁོར་ལ། ཉི་ཟླ་རྒྱུ་སྐར་གྱི་ཚོགས་བཀྲམ་ནས་ཡོད་པར་བཤད་དོ། །མུ་ཁྱུད་འཛིན་དཔག་ཚད་དྲུག་བརྒྱ་ཉི་ཤུ་རྩ་ལྔ་སྟེ་ནང་ནས་རིམ་པར་ཇེ་ཆུང་དུ་སོང་བའོ། །རོལ་པའི་མཚོ་བདུན་ནི། རི་དེ་དག་གི་བར་མཚམས་སོ་སོར་ཡོད་ལ། གླིང་བཞི་ཡོངས་རྫོགས་གནས་པའི་ཆུ་དཀྱིལ་གྱི་ཐད་ཀར་དཔག་ཚད་འབུམ་ཕྲག་བཅུ་དང་བརྒྱ་ཕྲག་ཕྱེད་ལྔའི་མཐའ་ལྕགས་རི་ཆེན་པོ་གཅིག་གིས་ཁོར་ཡུག་ཏུ་བསྐོར་བ་སྟེ། ལྷུན་པོའི་སྟེང་རྣམ་རྒྱལ་གྱི་ཁང་བཟངས་ནས་དཔག་ཚད་བརྒྱད་ཁྲི་འཕགས་པ་ན་མཐའ་བྲལ་ལ་སོགས་ཏེ་རིམ་པར་ལྷ་གནས་རྣམས་མཆོད་རྟེན་གྱི་བང་རིམ་ལྟ་བུར་ཡོད་པའི་དབང་གིས་གཞུང་འདི་ཉིད་ལས་ཆ་ལང་སྤྱི་སྤྲད་ཀྱི་དཔེ་བརྗོད་གསུངས་ལ། བརྗོད་བྱ་རྒྱས་པ་ནི་ཡིད་བཞིན་རིན་པོ་ཆེའི་མཛོད་དུ་བལྟ་བར་བྱའོ། །དེ་ལྟ་བུའི་གླིང་བཞི་རི་རབ་དང་བཅས་པ་བགྲང་གཞིར་བྱས་ནས་གཅིག་ནས་གཉིས་སུ་བགྲངས་པའི་སྟོང་ཕྲག་གཅིག་ལ་སྟོང་དང་པོའི་སྤྱི་ཕུད་ཀྱི་འཇིག་རྟེན། དེ་ཉིད་བགྲང་གཞི་རུ་བྱས་ཏེ་གཅིག་ནས་གཉིས་སུ་བགྲངས་པ་སྟོང་ལ་སྟོང་རྒྱུ་བཀོད་གཉིས་པའམ་བར་མའི་འཇིག་རྟེན། དེ་ཡང་སྔ་མ་ལྟ་བུར་བགྲང་གཞིར་བྱས་པའི་སྟོང་ཕྲག་གཅིག་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཞེས་བྱ་སྟེ། མངོན་པ་མཛོད་ལས། གླིང་བཞི་དང་ནི་ཉི་ཟླ་དང་། །རི་རབ་དང་ནི་འདོད་ལྷར་བཅས། །ཚངས་པའི་འཇིག་རྟེན་སྟོང་ལ་ནི། །སྟོང་ནི་སྤྱི་ཕུད་ཡིན་པར་འདོད། །དེ་སྟོང་ལ་ནི་སྟོང་གཉིས་པ། །བར་མའི་འཇིག་རྟེན་ཁམས་ཡིན་ནོ། །དེ་སྟོང་ལ་ནི་སྟོང་གསུམ་སྟེ། །མཉམ་

(༢༤༧)དུ་འཇིག་ཅིང་འབྱུང་བ་ཡིན། །ཞེས་གསུངས་པ་ལྟར་དེ་ལྟ་བུའི་འཇིག་རྟེན་གྱི་ཁམས་ཀྱི་ས་གཞི་ཐམས་ཅད་སྤོས་ཆུས་བྱུགས་ཤིང་། མེ་ཏོག་གི་རྣམ་པར་བཀྲམ་ནས་སངས་རྒྱས་ཀྱི་ཞིང་ཁམས་མུ་མེད་པ་ལ་ཕུལ་བས། འགྲོ་ཀུན་རྣམ་པར་དག་པའི་ཞིང་ཁམས་ཁྱད་པར་ཅན་ལ་སྤྱོད་པར་སྨོན་པའི་འདུན་པ་ཆིག་དྲིལ་གྱི་སྒོ་ནས། སྙན་པའི་དབྱངས་དང་བཅས་ཐལ་མོ་སྙིང་གར་སྦྱར་ལ། ས་གཞི་སྤོས་ཆུས་བྱུགས་ཤིང་མེ་ཏོག་བཀྲམ། སོགས་ཤློ་ཀས་སྨོན་ལམ་གདབ་གོ །གཉིས་པ་མཎྜལ་གྱི་སྒྲ་བཤད་གཞག་པ་ལ་གསུམ། ཕྱི་ལྟར་དུག་ཞག་པ། ནང་ལྟར་དུ་གཞག་པ། གསང་བ་ལྟར་དུ་གཞག་པའོ། །དང་པོ་ནི། མང་ནི་མནན་པའམ་བརྗིད་ཕང་བ། ལ་ནི་གཞི་འཛིན་པ་སྟེ། དེས་ན་གླིང་བཞི་རི་རབ་དང་བཅས་པ་ཤིན་ཏུ་བརྗིད་ཆགས་པ། འཕོ་འགྱུ་དང་བྲལ་བའི་དཀྱིལ་འཁོར་ཞེས་བྱའོ། །གཉིས་པ་ནི། མཎྜ་ནི་སྙིང་པོའམ་ཉིས་བུའམ་དཀྱིལ་འཁོར་ལྟ་བུ་ལ་བྱ་ལ། ལ་ནི་ལེན་ཞིང་འཛིན་པ་སྟེ། དེས་ན་ཆོས་ཀྱི་རྒྱལ་སྲིད་བསྒྲུབ་པར་བྱ་བ་ལ་སྙིང་པོ་གཞི་འཛིན་དུ་གྱུར་བའི་ཕྱིར་བསོད་ནམས་ཁྱད་པར་ཅན་བསགས་ཏེ་མངོན་མཐོའི་དཔལ་ཡོན་ཐོབ་པར་འགྱུར་བས་ན་དེ་སྐད་ཅེས་བྱའོ། །གསུམ་པ་ནི། ཡེ་ཤེས་ཐིག་ལེ་ལས། མ་ཡི་ཡིག་འབྲུ་འདབ་མར་བརྗོད། །ཎ་ཡི་ཡིག་འབྲུ་ལྟེ་བར་དྲན། །ཌ་ཡི་ཡིག་འབྲུ་།།།ག་སར་དར། །ལ་ཡི་ཡིག་འབྲུ་དེར་ལྟ། །ཞེས་གསུངས་པས་ཕྱི་ལྟར་དུ་པདྨའི་འདབ་ན། ནང་ལྟར་དུ་ཕྱག་རྒྱའི་མཁའ་གསང་། གསང་བ་ལྟར་དུ་ཡུལ་དེ་ལ་རོལ་བས། མའི་སྐྲ་ལས་དྲངས་བསམ་ནུ་པཱར་སྙིང་པོ། ལའི་སྒྲ་ལས་དྲངས་པས། ལ་ལི་ཏ་ཏེ་རོལ་པའམ། འགྲེལ་པའམ། འཛིན་པ་ལ་འཇུག་པས་

(༢༤༨)མྱུར་ལམ་ཕོ་ཉའི་མན་ངག་གིས་གཟུང་འཛིན་རོ་རྐྱང་གི་རྒྱུ་བ་ཡེ་ཤེས་སྒྲ་གཅན་གྱིས་དབང་དུ་བསྡུས་ཏེ། དབུ་མའི་མདུད་པ་ཉི་ཤུ་རྩ་གཅིག་བཙན་ཐབས་སུ་བཀྲོལ་ནས་ལམ་ལྔ་ས་བཅུའི་རྟོགས་པ་མངོན་དུ་བསྒྲུབ་ཕྱིར་མཁས་པ་བཞིའི་གནད་ལ་གོམས་པས་བྱང་ཆུབ་ཀྱི་སེམས་རིན་པོ་ཆེ་དབབ་ལྡོག་གི་འཁྲུལ་འཁོར་ལ་བརྟེན། སྙིང་པོ་བདེ་ཆེན་གྱི་ཡེ་ཤེས་རིང་པོར་མི་ཐེགས་པར་ལེན་པར་བྱེད་པའི་དཀྱིལ་འཁོར་ཞེས་བྱ་སྟེ། ཐབས་ཁྱད་པར་ཅན་གྱིས་ཟིན་པའི་རྣལ་འབྱོར་དམ་པའི་སྤྱོད་ཡུལ་ལོ། །གསུམ་པ་ནི། དེ་ལྟ་བུའི་གནད་རྣམས་ཀྱིས་ཟིན་པའི་ཕྱི་མཚན་མ་རྫས་ཀྱི་མཎྜལ་རྒྱུ་རྐྱེན་དང་ཤོམ་འགོད། ནང་ཏིང་ངེ་འཛིན་གྱི་འཁྲུལ་འཁོར་བྱེད་པས། གསང་བ་འཁོར་འདས་མཉམ་པ་ཉིད་ཀྱི་ལྟ་གདེང་གྱི་རྒྱས་ཐེབས་ཏེ་ཚུལ་བཞིན་དུ་ཕུལ་བས། ཐབས་ཁྱད་པར་ཅན་གྱིས་ཟིན་པའི་མཐུ་ལ་བརྟེན། བསྐལ་པ་གྲངས་མེད་གསུམ་དུ་ཤིན་ཏུ་དུབ་པའི་ཚོགས་བསག་དགོས་པ་དང་། སྐད་ཅིག་སྐད་ཅིག་ལ་འུབ་ཀྱིས་འུབ་ཀྱིས་བཟླུམས་པར་གདོན་མི་ཟ་སྟེ། ཀུན་མཁྱེན་ཆེན་པོས། དེ་ཕྱིར་གྲངས་མེད་གསུམ་སོགས་གསུངས་པ་ཀུན། །མྱུར་དུ་རྫོགས་དང་རིང་དུ་རྫོགས་པ་དང་། །ཚེ་གཅིག་གྲོལ་བ་བློ་ཡི་སྟོངས་ལ་རག །དེ་ཡང་ཐབས་དང་ཤེས་རབ་བརྩོན་འགྲུས་མཆོག །གསུམ་གྱིས་བསྒྲུབས་གང་བླ་མེད་སྟོབས་ཆེའོ། །ཞེས་དང་། དེའི་རྗེས་འགྲེལ་དུ། འཇིག་རྟེན་བརྩོན་འགྲུས་དང་ཐབས་ཆེ་ལ། ཤེས་རབ་ཆེ་བ་ཞིག་གིས་བྱ་བ་མྱུར་དུ་འགྲུབ་པ་དང་། ཕལ་པས་མི་འགྲུབ་པས་ཀྱང་དཔེ་གོ་བར་བྱས་མོད། ཅེས་གསུངས་པ་དང་། སློབ་དཔོན་འཇམ་དཔལ་གྲགས་པས་མཛད་པའི་སྙིང་པོ་རྒྱན་ལས། མཎྜལ་མཆོད་རྟེན་སྐོར་བའི་ལས། །སྦྱིན་སྲེག་དང་ནི་རབ་གནད་དང་། །འབྱུང་པོ་ཆེ་དང་དམན་པ་ཡི། །གཏོར་མའི་

(༢༤༩)ལས་ལ་བརྩོན་བྱས་ན། །ཚེ་དང་བསོད་ནམས་འཕེལ་བར་འགྱུར། །བྱང་ཆུབ་ཀྱི་ནི་རྒྱུ་ཉིད་ཕྱིར། །འབད་དོ་དེ་ཡི་ལས་བྱའོ། །ཞེས་དང་། འདི་ཉིད་ལས། ཐར་བ་དང་ཐམས་ཅད་མཁྱེན་པ་མྱུར་དུ་བསྒྲུབ་པར་འདོད་པའི་སྐྱེས་བུ་གང་དང་གང་། དུས་དང་རྣམ་པ་ཐམས་ཅད་དུ་མཎྜལ་དབུལ་བ་ལ་རབ་ཏུ་བརྩོན་པ་ཤིན་ཏུ་གལ་ཆེའོ༔ མཎྜལ་ཕུལ་བའི་ཡོན་ཏན་དང་ལྡན་འབྲས་ནི། གནས་སྐབས་ལོངས་སྤྱོད་ཕུན་སུམ་ཚོགས་པ་དང་ལྡན་ཞིང་དབུལ་ཕོངས་ཀྱི་སྡུག་བསྔལ་དང་བྲལ་ཞིང་ ལོངས་སྤྱོད་རྒྱ་ཆེན་པོ་འབྱུང་ བླ་མ་དམ་པ་ལ་མི་ཕྱེད་པའི་དད་པ་དང་། ཐེག་པ་ཆེན་པོའི་ཚེས་ལ་དེས་ཤེས་ཁྱད་པར་ཅན་རྒྱུད་ལ་སྐྱེ༔ འགྲོ་བ་མཐའ་དག་གི་ཡིད་དུ་འོང་ཞིང་ཀུན་གྱིས་བཀུར་བར་འགྱུར༔ དུས་ཁྱད་པར་ཅན་རྣམས་ལ་བླ་མ་དཀོན་མཆོག་ལ་སོགས་པའི་རྟེན་ཁྱད་པར་ཅན་གྱི་དྲུང་དུ༔ གྲུབ་པ་དང་ལྡན་པས་མཎྜལ་ཚར་གཅིག་ཕུལ་བའི་བསོད་ནམས་ཀྱི་ཕུང་པོ་ནི༔ བསྐལ་པ་དཔག་ཏུ་མེད་པའི་བདེ་བར་གཤེགས་པའི་ཚོགས་དང་བཅས་པ་ཐམས་ཅད་ཕྱི་ནང་གི་མཆོད་གསོལ་རྒྱ་ཆེན་པོ་བྱས་པ་ལས་ལྷག་པའི་བསོད་ནམས་ཐོབ་པར་འགྱུར༔ ཅི་བསམ་པའི་དོན་ཐམས་ཅད་འགྲུབ༔ བསྐལ་པ་ནས་བསྐལ་པར་བསགས་པའི་སྡིག་སྒྲིབ་ཉེས་ལྟུང་གི་ཚོགས་ཐམས་ཅད་བྱང་ཞིང་དག་པར་འགྱུར༔ མཎྜལ་ཚར་གཅིག་ཕུལ་ནས་ཡིད་དད་པས་སྨོན་ལམ་ཅི་ལྟར་བཏབ་པ་ཐམས་ཅད་འབད་མེད་དུ་འགྲུབ། དེ་བས་ན་ཕྱི་རབས་ཀྱི་སྐྱེས་བུ་དམ་པ་རྣམས་ཀྱིས་མཎྜལ་འབུལ་བ་ལ་བརྩོན་པར་གྱིས་ཤིག༔ ཅེས་གསུངས་པ་དང་དམ་ཆོས་པད་དཀར་ལས། སངས་རྒྱས་ལ་དམིགས་ནས་མེ་ཏོག་གཅིག་ནམ་མཁར་གཏོར་ནའང་སྔོན་གྱི་མཐའ་མི་མངོན་པ་དེ་ཙམ་གྱི་བསྐལ་བར་འཁོར་བའི་ཚེ། བརྒྱ་བྱིན་དང་འཁོར་ལོས་སྒྱུར་རྒྱལ་ཐོབ་བའི་མཐའ་མི་རྙེད། ཅེས་གསུངས་པ་དང་། ཁྱེའུ་ཞིག་གིས་དེ་བཞིན་གཤེགས་པ་བསོད་སྐྱབས་ཀྱིས་གྲོང་དུ་

(༢༥༠)བསོད་སྙོམས་ལ་བྱོན་པ་མཐོང་བས། ཁོ་ཤིན་ཏུ་དད་དེ་སྲན་མ་སྤོར་བ་གང་ཡོད་པ་དེ་སངས་རྒྱས་ལ་གཏོར་བས་བཞི་ལྷུང་བཟེད་ནང་དུ་སོང་། གཉིས་ཐུགས་ཀར་ཕོག་པའི་བསོད་ནམས་ལ་བརྟེན་ནས། ཁྱེའུ་དེ་སླར་རྒྱལ་པོ་སྤྱི་བོ་སྐྱེས་ཞེས་བྱ་བ་གླིང་བཞི་དང་རྒྱལ་ཆེན་བཞིའི་བདག་པོ་ལོ་བརྒྱད་བྲི་རེ་རེ་དང་། བརྒྱ་བྱིན་སུམ་ཅུ་རྩ་བདུན་བརྗེ་རེས་ཀྱི་བར་དུ་སུམ་རྩེན་པའི་རྒྱལ་སྲིད་ཕྱེད་ལ་དབང་བར་བྱས་པར་ལུང་ལས་གསུང་ན་རང་ཅག་རྣམས་ཀླ་ཀློ་དང་མི་ཁོམ་དུད་འགྲོ་ལ་སོགས་པའི་རིགས་སུ་མ་སྐྱེས་པར། བརྒྱ་ལ་ལན་ཅིག་ཙམ་གྱི་སྟབས་ལེགས་དང་འགྲིག་པའི་མི་ལུས་དང་དབང་ཅན་འདི་འདྲ་ཐོབ་པའི་དུས་སུ་གནས་ཟབ་མོ་འདི་ལྟ་བུ་ལ་དུས་ནཾ་དུའང་འབད་པས་གཉེར་བར་སུ་ཞིག་མི་བྱེད། གལ་ཏེ་ཚེ་འདིའི་རྣམ་གཡེང་ངོས་དྲག་ཅིང་སྦྱོར་བ་ངན་གོམས་ཀྱི་བག་ཆགས་བཙན་པར་གྱུར་ཏེ་གཏན་དུ་མ་ནུས་ནའང་། གནས་སྐབས་འདི་དང་མཚུངས་པར་དཀྱིལ་འཁོར་ནལ་ཕྱེ་བའི་སྤྱན་སྔ་དང་། རྟེན་གསུམ་ཁྱད་འཕགས་ཀྱི་མདུན་དུ་ཁྲལ་འཇལ་དུ་མ་མངོན་པར་ངེས་པར་འབུལ་དགོས་ཏེ། སློབ་དཔོན་ཆེན་པོས། ལྷ་དང་བླ་མ་མན་དྲན་དུས་ཉིད་དམ ཚོགས་པ་རྒྱ་མཚོའི་དབུས་དང་ཆོས་འཕེལ་ཚེ ཆོས་སྤྱོད་ཀུན་གྱི་སྙིང་པོ་མཎྜལ་དབུལ ཞེས་གསུངས་པས་རང་གིས་རང་སླུ་བའི་སླ་བཅོས་བག་ལ་ཉལ་གྱི་མིག་ལྟོས་ངན་རྗེས་སུ་མི་འབྲང་བར་ཡོན་མཆོད་ཐམས་ཅད་ཀྱི་རྒྱུ་རྐྱེན་ཕྱོགས་ཕྱོགས་ནས་འཛོམ་པར་བྱས་ཏེ་བྱ་སླ་རླབས་ཆེན་གྱི་དོན་ལ་དགོངས་པ་དང་། མཎྜལ་གྱི་མདོ་ལས་ཀྱང་། འདི་ནི་ལུས་ཀྱི་ལས་བྱས་ན། ཁ་དོག་གསེར་ལྟར་འགྱུར་བ་དང་། །ནད་རྣམས་ཀུན་ལས་རྣམ་པར་གྲོལ། །ལྷ་དང་མི་ལས་ཆེས་ལྷག་ཅིང། །ཟླ་བ་ལྟ་བུར་གཟི་བྱིན་ལྡན། །ནོར་དང་གསེར་ནི་ཕུན་སུམ་ཚོགས། །རྒྱལ་བའི་རིགས་དང་སངས་རྒྱས་པ། །མཆོག་གི་ཁྱིམ་དུ་སྐྱེ་བ་ཉིད། །ཅེས་སྔ་ཕྱིའི་ལུང་ཐམས་ཅད་ནས་ལག་པ་ནར་གྱིས་བརྐྱང་བ་ལ་མཎྜལ་འབུལ་བ་ལས་བསོད་ནམས་ཆེ་བར་མེད་པར་གསུམ་པས། རང་གཞན་མཁའ་མཉམ་གྱི་སེམས་ཅན་ཕ་མའི་རང་བཞིན་ཐམས་ཅད་ཀྱི་ཆེད་དུ་དགོངས་ནས་འདི་ལ་བརྩོན་པ་འཚལ་ཞེས་བདག་གིས་ཐལ་མོ་སྙིང་གར་

(༢༥༡)སྦྱར་ནས་སྐལ་བ་མཉམ་པ་ཐམས་ཅད་ལ་གསོལ་བ་འདེབས་པ་ཡིན་ནོ། །དེས་ནི་མཎྜལ་གྱི་རྣམ་པར་གཞག་པ་མདོ་རྒྱས་འཚམས་པ་བཤད་ཟིན་ཏོ། །གཉིས་པ་འདོད་ཡོན་ལྔའི་མཆོད་པ་ལ་གཉིས། སྣང་གྲག་ཐམས་ཅད་ཏིང་ངེ་འཛིན་གྱི་རྩལ་ལས་འདོད་ཡོན་གྱི་ལྷ་མོར་རྒྱས་འདེབས་པའི་དམིགས་པའི་ཁྱད་པར་དང་། ཚིག་དོན་ཟུང་འབྲེལ་དུ་ཕྱག་རྒྱའི་རྣམ་འགྱུར་བཤད་པའོ། །དང་པོ་ནི། སྣོད་བཅུད་ཀྱི་དངོས་པོ་གཟུགས་སུ་སྣང་བ་ཐམས་ཅད་རྡོ་རྗེ་གཟུགས་མ་ཤིན་ཏུ་མཛེས་ཤིང་། གཡོན་པའི་ལག་པ་རྣ་ཆུ་ཤེལ་དབང་བའི་དཀྱིལ་འཁོར་བཅོ་འདྲི་བའི་དངུལ་དཀར་གྱི་མེ་ལོང་ཐོགས་པ་འབའ་ཞིག་ཏུ་ཤར་བ་དང་། དེ་བཞིན་དུ་སྒྲ་རུ་གྲག་ཚད་རྡོ་རྗེ་སྒྲ་མ་ཁུ་ཚུར་གཉིས་ཀྱིས་བནྡྷ་རྦ་རབ་དགའི་ཁེངས་པ་འཕྲོག་ནུས་པའི་པི་ཝང་བརྡུང་ཞིང་ངག་ནས་སྙན་པའི་གླུ་ལེན་པ་དང་། དྲི་རུ་མནམ་ཚད་རྡོ་རྗེ་དྲི་མདུང་ཕོར་དྲི་བཟང་གི་ཆུས་གང་བ་འཛིན་པ་དང་། རོ་འཛིན་གྱི་ཚོར་བས་མྱོང་བར་འོས་པའི་དངོས་པོ་ཐམས་ཅད་རྡོ་རྗེ་རོམ་པད་ཕོར་གྱི་ནང་དུ་རོ་བརྒྱའི་བཅུད་ལྡན་གྱི་ཞལ་ཟས་འཛིན་པ་དང་། ཚོར་བས་ཁྱབ་ཚད་ཀྱི་རེག་བྱ་ཐམས་ཅད་རྡོ་རྗེ་རེག་མ་ནམ་མཁའི་རྒྱན་དུ་འོས་པའི་ལྷ་གོས་རིན་ཐང་དང་བྲལ་བ་འཛིན་པའི་རང་བཞིན་དུ་རྒྱས་གདབ་ལ། ཐ་མལ་གྱི་སྣང་ཞེན་ཐམས་ཅད་ཆམ་གྱིས་སྦྱང་བར་བྱ་ཞིང་། འདི་ནི་ཐུགས་ཀ་ནས་ལྷ་མོ་སྤྲོ་བ་ཙམ་མ་ཡིན་པར་སྒྱུ་མ་ལྟ་བུའི་ཏིང་ངེ་འཛིན་གྱི་རྩལ་ལས་སྣང་གྲག་ཐམས་ཅད་དེ་དང་དེའི་ངོ་བོར་བལྟ་བ་ཡིན་ནོ། །གཉིས་པ་ནི། བདེ་སྟོང་ཟུང་འཇུག་གི་སྒོ་ནས་ལྷག་པའི་དཀྱིལ་འཁོར་རྣམས་མཆོད་པའི་བརྡར་ཐལ་མོ་གཉིས་སྙིང་གའི་ཐད་དུ་པདྨ་ཁ་འབུས་པ་ལྟ་བུར་སྦྱར་ལ། སྙན་པའི་དབྱངས་དང་བཅས། ཧཱུྃ་སྣང་སྲིད་སྣོད་བཅུད་ཡིད་འོང་གཟུགས་རྣམས་ཀུན༔ ཞེས་ཤློ་ཀའི་མཐར་པད་སྐོར་དང་བཅས་གཡོན་པའི་ལག་པ་སྙིང་གའི་ཐད་དུ་མཆོག་སྦྱིན་གྱེན་དུ་སློང་བ་ལྟར་བྱས་པའི་ལག་མཐིལ་དུ། གཡས་པའི་མཆོག་སྦྱིན་ཁ་སྦུབ་ལ་སྦྱར་བ་མེ་ལོང་གི་ཕྱག་རྒྱ་བསྟན་ལ། ཨོཾཱ་བཛྲ་རཱུ་པ་པྲ་ཏཱིཙྪ་ཧཱུྃ༔ ཞེས་བརྗོད་ཅིང་སེ་གོལ་གཏོགས། འདི་ལ་ཀུན་མཁྱེན་ལྔ་པ་ཆེན་པོ་ནི། གཡོན་པའི་

(༢༥༢)རྡོ་རྗེ་ཁུ་ཚུར་ཁ་ནང་དུ་བསྟན་པའི་སྟེང་དུ། གཡས་པའི་ལག་མཐིལ་བསྟན་ཏེ་བཞག་པ་མེ་ལོང་གི་ཕྱག་རྒྱ་དང་། ཞེས་གསུངས་ཤིང་། སྔར་བཤད་མ་ཐག་པ་ཉིད་ལྟ་སྔར་གྱི་ཕྱག་ལེན་མ་འཕྱུགས་པར་ཐམས་ཅད་ཀྱིས་གཅིག་ཏུ་མཐུན་པར་མཛད་འདུག་པས་ཡིད་བརྟན་རུང་མོད། གཞན་རྣམས་ནི་སྣ་ཚོགས་པར་སྣང་བས་དཔྱད་བྱའི་གཞིའོ། །དེ་བཞིན་དུ་རྡོ་རྗེ་སྒྲ་མ་ལ་རྡོ་རྗེ་ཁུ་ཚུར་གཉིས་ཁ་གྱེན་དུ་བསྟན་ལ་པི་ཝང་བརྡུང་བའི་ཕྱག་རྒྱ་གཡོན་དལ་གྱིས་ཕྱིར་རྒྱངས་ཤིང་། གཡས་ནང་དུ་དལ་གྱིས་འཐེན་སྟངས་དང་བཅས་ཤབྟ་ཞེས་བརྗོད། རྡོ་རྗེ་དྲི་མར་ལག་གཡོན་རྡོ་རྗེ་ཁུ་ཚུར་གན་རྒྱལ་དུ་བརྐྱང་པའི། གཡས་པས་དྲི་བྱུག་པའི་ཕྱག་རྒྱ་དང་། གྷནྡྷེ་ཞེས། རྡོ་རྗེ་རེ་མ་ཁུ་ཚུར་གཉིས་ཁ་གྱེན་དུ་སྟོན་པ་དང་མཉམ་དུ་ཐལ་མོ་རྣམས་བརྐྱང་བའི་ཕྱག་རྒྱ་དང་། རཱ་ས་ཞེས་བརྗོད། རྡོ་རྗེ་རིག་བྱ་མར། རྡོ་རྗེ་ཁུ་ཚུར་གཉིས་ཀྱིས་ལྷ་གོས་འབུལ་བའི་ཚུལ་དང་བཅས། པརྴེ་ཞེས་བརྗོད་དོ། །གསུམ་པ་རྒྱལ་སྲིད་སྣ་བདུན་གྱི་མཆོད་པ་ལ་གསུམ། ཁུངས་དགོད་པ་དང་། དེ་དག་སོ་སོའི་ཡོན་ཏན། འབུལ་བའི་ཚུལ་ལོ། །དང་པོ་ནི། མདོ་སྡེ་རྒྱན་ལས། བྱང་ཆུབ་སེམས་དཔའ་རྟག་ཏུ་ནི། ཁྱིམ་པ་འཁོར་ལོས་སྒྱུར་རྣམས་སུ། །གྱུར་ནས་སྐྱེ་བ་ཐམས་ཅད་དུ་། །སེམས་ཅན་རྣམས་ཀྱི་དོན་བྱེད་དོ། །ཞེས་གསུངས་པ་ལྟར་འཇིག་རྟེན་དུ་དེ་ལྟ་བུའི་འཁོར་ལོས་སྒྱུར་རྒྱལ་བྱུང་བའི་ཚེ། རྒྱལ་པོ་དེའི་བསོད་ནམས་ཀྱི་མཐུ་ཕུལ་དུ་ཕྱིན་པ་ལས་རྒྱལ་པོའི་སྲིད་ལ་འོས་པའི་རིན་པོ་ཆེ་སྣ་བདུན་བྱུང་བར་གྲགས་ཏེ། དེ་ལ་འཁོར་ལོས་སྒྱུར་བའི་རྒྱལ་པོ་དེ་ཉིད་བཙུན་མོའི་ཚོགས་དང་བཅས་ཚེས་བཅོ་ལྔའི་ཉིན་ཁྲུས་བྱས་ཏེ་གསོ་སྦྱོང་ལ་གནས་པའི་ཚེ། ཤར་ཕྱོགས་ཀྱི་ནམ་མཁའ་ལས་ལྷའི་འཁོར་ལོ་རིན་པོ་ཆེ་རྩིབས་སྟོང་དང་ལྡན་ཞིང་མུ་ཁྱུད་དང་བཅས་པ་ཐམས་ཅད་གསེར་ལས་གྲུབ་པ་མགར་བས་མ་བྱས་པ་ཞིག་ཤིང་ཏཱ་ལ་བདུན་ཙམ་གྱི་འཕང་ཐད་ནས་བྱུང་བར་མདོ་སྡེ་རྒྱ་ཆེར་རོལ་པ་ལས་གསུངས་ཤིང་། མདོ་གཞན་དུ་བརྒྱ་བྱིན་གྱིས་བྱིན་པ་དང་། ལ་ལར་བསོད་ནམས་ཀྱི་མཐུས་རི་རབ་ཀྱི་ཁོང་སེང་ནས་རང་ཤུགས་ཀྱིས་བྱུང་བ་སོགས་བཤད་ཚུལ་མི་འདྲ་ཙམ་མཆིས་

(༢༥༣)ཤིང་། གང་ལྟར་ཡང་དེའི་ཚེ་རྒྱལ་པོའི་བསམས་པ་ལ། བདག་ནི་སྔོན་གྱི་བསོད་ནམས་ཀྱི་མཐུས་འཁོར་ལོས་སྒྱུར་རྒྱལ་དུ་འགྱུར་རོ་སྙམ་ནས་ལག་པ་གཉིས་དེངས་བྱས་པ་ཙམ་གྱིས་འཁོར་ལོ་ལག་ཐོག་གི་ཐད་ཀར་བྱུང་བར། རྒྱལ་པོས། ཀྱེ་འཁོར་ལོ་རིན་པོ་ཆེ་སྔོན་གྱི་འཕགས་པའི་ལམ་སྲོལ་གང་ཡིན་པར་རྣམ་པར་རྒྱལ་བར་གྱུར་ཅིག་ཅེས་སྨྲས་ནས་ནམ་མཁའ་ལ་སྤར་བས། འཁོར་ལོ་དེ་སླར་ཡང་སྟེང་གི་ནམ་མཁའ་ལ་འཕགས་ཏེ། ཤར་གྱི་ཕྱོགས་ལ་སྔོན་གྱི་འཁོར་ལོས་སྒྱུར་བའི་ལམ་སྲོལ་ཇི་ལྟ་བུར་འགྲོའོ། །དེའི་རྗེས་སུ་འཁོར་ལོས་སྒྱུར་བའི་རྒྱལ་པོ་དཔུང་ཚོགས་ཡན་ལག་བཞི་པའི་ཚོགས་དང་བཅས་བགྲོད་པ་ལས་ཤར་ཕྱོགས་པའི་ཁམས་ཀྱི་རྒྱལ་བྲན་ཐམས་ཅད་ཟིལ་གྱིས་གནོན་ནས་ཅི་བགྱིའི་འབངས་སུ་མཆི་ཞིང་དབང་དུ་འདུའོ། །དེ་བཞིན་དུ་ལྷོ་ལ་སོགས་པའི་གླིང་གཞན་དུའང་སྔ་མ་ལྟར་འགྲོ་ཞིང་རྒྱལ་ཕྲན་རྣམས་འདུད་པའི་བྱ་བ་འཁོར་ལོ་དེའི་ནུས་པས་བྱེད་ཕྱིར་འཁོར་ལོས་སྒྱུར་བའི་རྒྱལ་པོར་གྲགས་ལ། གཞན་ཡང་མཛོད་སོགས་སུ། དངུལ་གྱི་འཁོར་ལོས་སྒྱུར་བའི་རྒྱལ་པོ། ཟངས་ཀྱི་འཁོར་ལོས་སྒྱུར་བའི་རྒྱལ་པོ། ལྕགས་ཀྱི་འཁོར་ལོས་སྒྱུར་བའི་རྒྱལ་པོ་ཞེས་བཤད་པ་འགྲོ་ལུགས་སོགས་སྔ་མ་ཇི་ལྟ་བ་ལས་རྒྱུའི་ཁྱད་པར་གྱིས་གླིང་གསུམ་དང་། གཉིས་དང་། གཅིག་ལ་སོགས་དབང་བ་ལ་བྱེ་བྲག་ཡོད་པར་བཤད་ཅིང་། དེ་ཀུན་ཀྱང་རང་ཉིད་རྒྱལ་ཞིང་ཕ་རོལ་པ་གནོད་འཚེ་མི་བྱེད་པར་གསུངས་པ་ནི་རྒྱལ་པོ་དེ་བྱང་ཆུབ་སེམས་དཔའི་རིགས་ཡིན་པའི་ཁྱད་ཆོས་སོ། །གཉིས་པ་ལ་བདུན་ལས། དང་པོ་འཁོར་ལོ་རིན་པོ་ཆེ་སྟོང་གསུམ་མམ། གླིང་བཞི་ལ་དབང་བསྒྱུར་ནུས་པ། དེ་ལ་ཡོན་ཏན་ལྔ་ཡོད་པར། རྒྱ་ཆེར་རོལ་པ་ལས། རྒྱུ་འཛམ་བུ་ཆུ་བོའི་གསེར་ལས་བྱས་པ། རྒྱར་དཔག །ས་དང་པོ་ལ་གནས་པས་འཛམ་བུ་གླིང་། ས་གཉིས་པས་གླིང་བཞི། གསུམ་པས་བརྒྱ་བྱིན་ལ་སོགས་པ་རིམ་བཞིན་ས་བཅུའི་བྱང་ཆུབ་སེམས་དཔས་སྟོང་གསུམ་གྱི་སྟོང་ཆེན་པོའི་བདག་པོ་ལྷའི་བུ་དང་དབང་ཕྱུག་ཆེན་པོའི་སྐྱེ་བ་བཟུང་ནས་སེམས་ཅན་གྱི་དོན་བྱེད་ནུས་པའི་ཆ་ནས་དེ་སྐད་ཅེས་བཏགས་ཏེ། འོན་ཏེ་

(༢༥༤)དེ་དག་གི་རྒྱལ་པོ་ཡིན་ཚད་བྱང་ཆུབ་སེམས་དཔའ་ཡིན་པས་མ་ཁྱབ་སྟེ་སོ་སོ་སྐྱེ་བོ་བསོད་ནམས་རླབས་ཆེན་བསགས་པས་ཀྱང་བྱེད་དོ། །ཚད་ལྔ་བརྒྱ་པ། མདོག་ཉི་མ་ལྟར་མཛེས་པ་ ནམ་མཁའ་ལ་དཔག་ཚད་འབུམ་དུ་ཉི་མ་གཅིག་གིས་ཐོགས་པ་མེད་པར་འགྲོ་བ། རྒྱལ་པོ་གླིང་སོགས་གང་དུ་འགྲོ་བའི་ཚེ་འཁོར་ལོ་དེ་ཡང་ནམ་མཁའ་ལ་འགྲོ་ཞིང་། དེའི་མཐུས་རྒྱལ་པོ་དཔུང་ཚོགས་ཡན་ལག་བཞིའང་ནམ་མཁའ་ལ་འགྲོ་བ། རྒྱལ་པོས་མི་ཐོས་པ་ཐམས་ཅད་དེས་གྲོགས་བྱས་ནས་ཐོས་པ། བསྒོ་བ་གང་ཡང་མེད་པ་དེས་རྒྱལ་པོ་བློན་པོ་སོགས་གྲོགས་སོ་སོས་འདོད་པ་ཐམས་ཅད་འབུལ་བའོ། །ཞེས་བཤད་དོ། །གཉིས་པ་གླང་པོ་རིན་པོ་ཆེའི་ཡོན་ཏན་ལ་བརྒྱད་དེ། ཅང་ཤེས་པ། བཀའ་ལ་ཉན་པ། ཡན་ལག་བདུན་པོ་ལ་ལེགས་པར་གནས་པ། གླང་ཆེན་སྟོང་གི་སྟོབས་དང་ལྡན་པས་གདུལ་དཀའ་བ་བརྒྱ་བྱིན་གྱི་གླང་པོ་ཆེ་ལྟ་བུ་དེ་འདྲའི་དྲི་ཚོར་བས་ཀྱང་གླང་ཆེན་ཕལ་པ་དག་ཀླད་པ་འགེམས་ཤིང་། ཕ་རོལ་གྱི་སྡེ་ལས་རྒྱལ་བ། ཆུ་དང་སྐམ་དང་བར་སྣང་ལ་གཡུལ་འགྱེད་ནུས་པ། ཉིན་ཅིག་ལ་འཛམ་གླིང་བསྐོར་ནུས་ཤིང་ཁ་དོག་ཐལ་དཀར་དུ་གྱུར་ལ་སྐུད་པས་ཀྱང་དཀྲི་ཐུབ་པ། རྒྱལ་པོས་བཞོན་ཚེ་གང་དུ་འཕྲོ་བར་འདོད་པ་དེར་མ་བསྐུལ་ཡང་འཇུག་པ། གཙུག་ན་གསེར་གྱི་རྒྱན་གྱིས་བརྒྱན་ཞིང་། གསེར་གྱི་དྲྭ་བས་གཡོགས་པའོ། །གསུམ་པ་རྟ་མཆོག་རིན་པོ་ཆེ་ལ་ཡང་ཡོན་ཏན་བརྒྱད་དེ། ཁ་དོག་ཤིན་ཏུ་མཚར་བ་རྨ་བྱའི་མགྲིན་པ་ལྟ་བུ། རྔམས་པ་མཛེས་པ་སྟེ་དབྱིབས་ཕུན་སུམ་ཚོགས་པ། བསྒོ་བ་ན་འཛམ་གླིང་ཉིན་ཅིག་ལ་ལན་གསུམ་བསྐོར་བར་ནུས་པ། ལུས་ལ་ནད་གཅོད་མེད་པ། ནོར་བུའི་གཙུག་ལ་སོགས་མཚན་མ་བཟང་པོ་ཡོད་པ། ནམ་མཁའ་ལ་རྫུ་འཕྲུལ་གྱིས་འགྲོ་བ། རྒྱལ་པོས་བཞོན་ཚེ་གུས་པར་བྱེད་ལ། རྣམ་འཕྲུལ་དུ་མ་དང་ལྡན་པའོ། །བཞི་པ་བུད་མེད་དམ་བཙུན་མོ་རིན་པོ་ཆེ་ལ་ཡོན་ཏན་དུ་མ་བཤད་ཀྱང་འདོམས་ན་ལྔ་སྟེ། གང་དུ་རྒྱལ་པོའི་བསམ་པ་དང་མཐུན་པ། བུ་མང་པོ་བཙའ་བའམ་ལུགས་གཅིག་ཏུ་ན་བུ་གཅིག་ཀྱང་མི་སྐྱེ་བ་

(༢༥༥)བུད་མེད་གཞན་ལ་ཕྲག་དོག་མི་བྱེད་པ་མ་དང་སྲིང་མོ་ལྟ་བུར་མཐོང་བ། ཚིག་ཅལ་ཅོལ་མི་སྨྲ་ཞིང་རྒྱལ་པོའི་སྲིད་མཐོ་བར་འགྱུར་བ། ལོག་ལྟ་མེད་པ་སྟེ་ལྔ་དང་ལྡན་པའོ། །ལྔ་པ་ནོར་བུ་རིན་པོ་ཆེ་དབྱིབས་ཟུར་བརྒྱད་པ་མི་ཆེན་པོའི་བརླ་གང་ཙམ་དངས་ལ་གསལ་བ་དེའི་ཡོན་ཏན་ལ་བརྗོད་ཀྱིས་མི་ལངས་ཀྱང་། འདོམས་ཏེ་བཤད་ན་བརྒྱད་དེ། ཁོར་ཡུག་དཔག་ཚད་བརྒྱད་ཀྱིས་སྣང་བས་ཁྱབ་ཅིང་མཚན་མོ་བདེ་འབྱུང་གི་གཙུག་རྒྱན་ལྟར་གསལ་བ། ལམ་དུ་ཞུགས་པ་ན་ཆུ་དང་བྲལ་སར་སྐོམ་བས་གདུངས་པ་རྣམས་ལ་ཡན་ལག་བརྒྱ་ན་ལྡན་གྱི་ཆུ་བྱུང་ནས་སྐོམ་བ་སེལ་བ། རྒྱལ་པོའི་གྲོས་ཐམས་ཅད་ནོར་བུ་ལས་བྱུང་བ། དེའི་བརྒྱད་ཆ་རེ་རེ་ནས་འོད་ཟེར་སྣ་ཚོགས་པ་འཕྲོ་བས་ནོར་བུ་གང་དུ་ཡོད་པའི་དཔག་ཚད་བརྒྱ་ཡིས་འཁོར་སར་ནད་མེད་ཅིང་རྟག་ཏུ་ཡིད་ལ་མཉམ་པར་གཞག་པ་དང་། འདོད་པའི་འབྲས་བུ་མེད་པ་མ་ཡིན་པ། རླུང་ངན་བས་ཆར་མི་བཟད་པར་འབེབས་མི་ནུས་པ། མྱ་ངན་དང་གཡང་ས་སོགས་མེད་ཅིང་། མཚེའུ་ཚལ་ནགས་ནེའུ་སིང་ཕུན་སུམ་ཚོགས་པ་འབྱུང་བ། དུས་མ་ཡིན་པའི་འཆི་བ་མི་འབྱུང་ཞིང་དུད་འགྲོའི་རིགས་ཀྱིས་མི་གནོད་པ། རྒྱལ་པོ་དེ་ལ་བུ་དབའ་ཞིང་རྟུལ་ཕོད་པ་སྟོང་འབྱུང་ནུས་པ་སྟེ་བརྒྱད་དོ། །དྲུག་པ་ཁྱིམ་བདག་རིན་པོ་ཆེའམ། བློན་པོ་རིན་པོ་ཆེ་གདམ་ངར་བཤད་པ་ལ་ཡོན་ཏན་བཞི་སྟེ། རྡོ་རྗེ་དང་། མཐོན་ཀ་དང་། མར་གད་དང་། སྤུག་དང་། གསེར་དངུལ་ལ་སོགས་པའི་རིན་པོ་ཆེའི་ནོར་རྫས་རྩོལ་བ་མ་བྱས་ཀྱང་མོད་ལ་ཟད་པ་མེད་པ། རྒྱལ་པོའི་བཀའ་ཅི་གསུངས་ལ་ཡིད་གཞུངས་པ། རྒྱལ་པོའི་བསམ་པ་ཇི་ལྟ་བ་བློན་པོས་རྟོགས་ནས་མ་བསྒོས་ཀྱང་ལས་བྱེད་ལ་ཆོས་ཀྱི་བྱ་བ་དང་ལྡན་པ། ཉོན་མོངས་པས་འཁོར་གཞན་ལ་མཐོ་དགོས་མེད་ཅིང་རྒྱལ་པོའི་དོན་ལ་མ་གཏོགས་གཞན་ལ་གནོད་པ་མེད་པ་རྣམས་སོ། །མདོ་ཕལ་ཆེར་ནས་ཁྱིམ་བདག་རིན་པོ་ཆེ་ཞེས་པ་ལས། བློན་པོ་ཞེས་མ་བཤད་ཀྱང་སྔོན་བྱུང་གི་

(༢༥༦)གཏམ་དང་སྦྱར་ཏེ། དེ་གཉིས་དོན་གཅིག་ཏུ་འཐད་པར་སེམས་ཞེས་མཁས་པ་དག་བཞེད་དོ། །བདུན་པ་དམག་དཔོན་རིན་པོ་ཆེ་ལ་ཡོན་ཏན་བརྒྱད་ཡོད་པར་བཤད་དེ། རྒྱལ་པོའི་དེ་ལ་བསམ་པའི་བྱ་བ་སྤྱི་དང་། བྱེ་བྲག་ཏུ་དྲག་པོའི་ལས་རྣམས་མ་སྒོས་ཀྱང་བྱེད་པ། དཔའ་རྩལ་གྱི་ཡོན་ཏན་མ་ལུས་པ་རྫོགས་པ། རང་དོན་ལ་ཆོས་མིན་རྣམ་པར་སྤངས་པ། གཞན་གྱིས་བརྔན་པའི་ནོར་སོགས་ལ་མ་ཆགས་པར་རྒྱལ་པོའི་བྱ་བ་ཚུལ་བཞིན་དུ་བྱེད་པ། གཞན་གྱིས་གླགས་ལྟ་བའི་འགྲོ་ལྡོག་མ་ལུས་པ་འཇོམས་པ། མཐུ་སྟོབས་ཀྱི་དཔལ་དང་ལྡན་པ་ལས་གང་ཡང་ཤིན་ཏུ་རིགས་པར་སྤྱོད་པ། ཉོན་མོངས་པའི་དུག་གསུམ་སྤངས་པ། རྒྱལ་པོའི་བྱ་བ་མ་ཡིན་པར་སྐྱེ་བོ་གཞན་ལ་མི་འཚོ་བ་དང་བརྒྱད་དོ། །དེ་དག་རྣམས་ཀུན་ཀྱང་རྒྱལ་པོ་དེའི་བསོད་ནམས་ཀྱི་མཐུ་ལས་རང་བཞིན་གྱིས། ནམ་མཁའ་ལས་བྱུང་བ་མདོ་སྡེ་རྒྱ་ཆེར་རོལ་པ་ལས་བཤད་ཅིང་། ཡོན་ཏན་མངའ་བའི་ཚུལ་ནི་མདོ་དྲན་པ་ཉེར་གཞག་ལས་གསུངས་པ་ལྟར་དང་། འཇམ་མགོན་ལྷ་སྲས་སླ་རའི་མཚན་ཅན་གྱིས་མངོན་བྱུང་གི་མདོ་ལས་གསུངས་པའི་དོན་བསྡུ་བར་མཛད་པ་དགོངས་པ་བསྟུན་ནས་བཀོད་པ་ཡིན་ཞིང་། ཁ་ཅིག་ན་རེ། འདིར་དེ་དག་གི་རྒྱུ་མཚན་སྨོས་པ་ལ་བཀོས་པ་ཅི་ཡོད་ཅེ་ན། དགོས་འགྲེལ་གཉིས་སུ་ཡོད་དེ། དགོས་པ་ཡོད་ཀྱང་འགྲེལ་པ་མེད་པ་ཀླུའི་རྒྱལ་པོའི་གཙུག་གི་ནོར་བུ་ལྟ་བུ་མ་ཡིན། འགྲེལ་པ་ཁོ་ན་ཡོད་ཀྱང་ཚིག་ཏུ་བརྗོད་དུ་མེད་པ་ལྐུག་པའི་རྨི་ལམ་ལྟ་བུ་མ་ཡིན། འགྲེལ་པ་ཡོད་ཀྱང་སངས་རྒྱ་བའི་དགོས་པ་མེད་པ་བྲམ་ཟེའི་དན་ན་ངག་ལྟ་བུ་མན་ཡིན། ཡང་དག་པར་རྫོགས་པའི་སངས་རྒྱས་ཀྱི་བཀའ་དང་འབྲེལ་བས་འགྲེལ་པ་ཡོད་ལ་ཡོན་ཏན་དེ་ལྟ་བུ་མངའ་བའི་ཚུལ་གྱིས་མཆོད་པས། ཚིག་ཤར་བསྟེན་པའི་ཕན་ཡོན་ཙམ་ལ་མི་རེ་བར། ཚོགས་ཞིང་ལ་དགྱེས་པ་ཁྱད་པར་ཅན་བསྐྱེད་ཅིང་། དེའི་མཐུ་ལས་ཚོགས་གཉིས་ཟུང་འབྲེལ་

(༢༥༧)དུ་རྫོགས་པའི་དགོས་པ་ཡོད་དེ། རྒྱུ་མཚན་དེ་ལྟ་བུ་མགོན། ཀུན་བཟང་མཆོད་སྤྲིན་གྱི་དོན་མི་གོ་བའི་བྱིས་པ་ཞིག་གིས་ཀུན་བཟང་མཆོད་སྤྲིན་གྱི་འདོན་པ་བྱས་པ་ལྟ་བུའོ། །གསུམ་པ་དབུལ་བའི་ཚུལ་ལ་གཉིས། ཐུན་མོང་དང་། ཐུན་མོང་མ་ཡིན་པའི་དོན་དུའོ། །དང་པོ་ནི། དེ་ལྟ་བུའི་ཡོན་ཏན་ཁྱད་པར་ཅན་མངའ་ཞིང་འཇིག་རྟེན་ན་བཙལ་བས་ཀྱང་མི་རྙེད་པའི་རྒྱལ་སྲིད་རིན་པོ་ཆེ་བདུན་གྱི་བཀོད་པ་རྣལ་འབྱོར་པའི་ཏིང་ངེ་འཛིན་དང་། སྔགས་དང་ཕྱག་རྒྱ་ཟབ་མོའི་རྟེན་འབྲེལ་ལ་བརྟེན་ནས་དག་པ་རབ་འབྱམས་ཀྱིས་ཞི་ཁྲོའི་འཁོར་ལོ་ལ་མཆོད་པས་བྱེད་པ་རྒྱུ་མཐུན་གྱི་འབྲས་བུར་འཁོར་ལོས་སྒྱུར་བའི་རྒྱལ་སྲིད་ལ་དབང་ཐོབ་པས་སོ། །གཉིས་པ་ནི། ཐུན་མོང་མ་ཡིན་པའི་དམིགས་གནད་དང་། ཕྱག་རྒྱའི་བརྡ་ཐབས་ངག་འདོན་རྣམས་སུམ་སྦྲག་ཏུ་འཆད་དེ། དེ་ལ་བདུན་ལས། དང་པོ་འཁོར་ལོ་རིན་པོ་ཆེ་ཕུལ་བས། འཁོར་བ་ལུ་གུ་རྒྱུད་དུ་འཁྲུལ་པའི་རྒྱུ་བདག་འཛིན་གཉིས་སྣང་གི་བག་ཆགས་རྩད་ནས་བཅད་དེ། བདག་དོན་དུ་དག་པ་ཉིས་ལྡན་གྱི་སྐུ་མངོན་དུ་བྱས། གཞན་དོན་དུ་ཆོས་ཀྱི་འཁོར་ལོ་རྒྱ་ཆེན་པོ་བསྐོར་ནས་འགྲོ་བའི་དོན་བླ་ན་མེད་པར་བྱེད་ནུས་པའི་བདག་ཉིད་ཅན་དུ་གྱུར་ཅིག་སྙམ་པའི་ངང་ནས་ཐལ་མོ་སྙིང་གར་སྦྱར་ལ། ངག་ཏུ། རྒྱལ་བ་སྲས་དང་བཅས་རྣམས་ལ༔ འཁོར་ལོ་རིན་ཆེན་འདི་ཕུལ་བས སོགས་ཀྱི་མཐར། ཕྱག་རྒྱ་ནི་པད་སྐོར་དང་བཅས་པའི་ལག་པའི་མཁྲིག་མ་གཉིས་རྒྱ་བ་སྤྲོང་དུ་བསྣོལ་ཏེ། སོར་མོ་རྣམས་གཅིག་ལ་གཅིག་གིས་འཁྱུད། མཐེ་བོང་གཉིས་ལག་མཐིལ་དུ་བཀུག་ལ། ཙཀྲ་རཏྣ་པཱུ་ཛི་ཨཱཧཱུྃ། ཞེས་སེ་གོལ་བསྣོལ་མར་ཚར་གཉིས་གཏོགས། འདིའི་ཕྱག་རྒྱ་འགའ་ཞིག་གིས་སྡིགས་མཛུབ་རྒྱབ་བསྣོལ་ལས་རྩེ་བཞི་འདུད་པ་ལྟ་བུ་ཞིག་བྱ་བ་རྡོར་དྲིལ་འཛིན་སྐབས་

(༢༥༨)ཀྱི་དགུག་འགྲེན་བྱར་རྒྱ་ནོར་རམ་སྙམ་སྟེ་གཟུར་གནས་ཀྱིས་དཔྱད་པར་འཚལ་ལོ། །གཉིས་པ་ནོར་བུ་རིན་པོ་ཆེ་ཕུལ་བས་ཀུན་རྫོབ་ཏུ་ཟང་ཟིང་གི་དངོས་པོ་གྱ་ནོམ་པ་དང་། དོན་དམ་དུ་ཡང་དག་དང་ལྟར་སྣང་འབྱེད་པའི་བློ་གྲོས་ཀྱི་མཐུ་བཀྲེས་ཤིང་ཕོངས་པ་དག་བསལ་ནས། འཕགས་ནོར་བདུན་ལ་སོགས་པའི་འབྱོར་པས་ཕྱུག་སྟེ། ཕུན་སུམ་ཚོགས་པ་ལྔ་ལྡན། གནས། དུས། སྟོན་པ། ཆོས། འཁོར། ཀྱི་སྒོ་ནས་བསྟན་འགྲོའི་དོན་རྒྱ་ཆེན་པོ་འགྲུབ་པར་གྱུར་ཅིག་པའི་བདུན་པས། རྒྱལ་བ་སྲས་དང་། ནོར་བུ་རིན་ཆེན། སོགས་སྔ་མ་ལྟར་ལས་མཐེབ་མཛུབ་གཉིས་དང་པོ། ཚུལ་ཁྲིམས། གཏོང་བ། ཐོས་པ། ཁྲེལ་ཡོད། ངོ་ཚ་ཤེས་པ། ཤེས་རབ་ཀྱི་ནོར་ཏེ་བདུན་ནོ། །རྩེ་སྤྲད་པའི་བུག་པ་གཡག་མིག་ལྟར་བྱས་ལ། གོང་མོ་གཉིས་ཀྱང་རྩེ་སྤྲད་ཅིང་ཐ་མ་བཞི་རང་སར་སྒྲེང་བ་དག་གྱེན་དུ་བསླངས་ལ། མ་ཎི་རཏྣ་སོགས་སྔ་མ་ལྟར་རོ། །གསུམ་པ་བཙུན་མོ་རིན་པོ་ཆེ་ཕུལ་བས་ཐེག་པ་འོག་མ་ལྟར་ཐབས་ལ་རྨོངས་པའི་མ་རིག་པ་རྒྱུན་བཅད་དེ། ཟབ་མོ་སྟོང་པ་ཉིད་ཀྱི་ཤེས་རབ་རྣམ་པར་དག་པ་རྟོགས་པས། ཐབས་སྣང་བའི་ཆ་གང་དུ་ཡང་མ་སྤངས་ཤིང་། ཅིར་ཡང་མ་བསྒྱུར་བར་ཤེས་རབ་ཡེ་ཤེས་ཀྱི་དེ་ཁོ་ན་ཉིད་ལ་དབང་འབྱོར་ནས། སྣང་སེམས་དབྱེར་མེད་དུ་དག །ཕྱི་ཀུན་རྫོབ་ཀྱི་ཐབས་ཤེས་ལ་མཉམ་པར་སྦྱར་བས་དགའ་བ་བཞི་ལུགས་འབྱུང་ལུགས་ལྡོག་གི་རྩལ་སྤྱངས། ཨ་ཝ་དྷུ་ཏིའི་རྩ་མདུད་ཉི་ཤུ་རྩ་གཅིག་དུས་གཅིག་ལ་གྲོལ་ཏེ། ཁ་སྦྱོར་ཡན་ལག་བདུན་ལྡན་གྱི་སྐུ་མངོན་དུ་འགྱུར་བའི་རྟེན་འབྲེལ་དུ་བལྟས་ལ། རྒྱལ་བ་སྲས་དང་། བཙུན་མོ་རིན་ཆེན། སོགས་དང་། རྡོ་རྗེ་ཐལ་མོ་ལས་མཛུབ་མོའི་རྩེ་མོ་གཉིས་བཀུག །གུང་མོ་གཉིས་མཉམ་པའི་ཚིགས་སུ་སྦྱར་ལ། སྟྲི་རཏྣ་སོགས། བཞི་པ་བློན་པོ་རིན་པོ་ཆེ་ཕུལ་བས་ཕྱི་སྐུའི་རྒྱུད་བསྐྱེད་པ་མ་ཧཱ་ཡོ་ག །ནང་

(༢༥༩)གསུང་གི་རྒྱུད་ལུང་ཨ་ནུ་ཡོ་ག །གསང་བ་ཐུགས་ཀྱི་རྒྱུད་རྫོགས་ཆེན་ཨ་ཏི་ཡོ་ག་སྟེ། ཐེག་པ་རྣམ་པ་གསུམ་གྱི་དོན་ལ་མ་རྨོངས་ཤིང་། དེ་ཁོ་ན་ཉིད་ཀྱི་དོན་བློ་བྲལ་བ་བསམ་ལས་ཡས་པའི་བསྟན་པ་རིན་པོ་ཆེ་འཛིན་སྐྱོང་སྤེལ་བར་བྱེད་པའི་ཡོན་ཏན་ཅན་དུ་གྱུར་ཅིག་སྙམ་པའི་སྨོན་པས། རྒྱལ་བ་སྲས་དང་། བློན་པོ་རིན་ཆེན། སོགས་མཐར། རྡོ་རྗེ་བསྡམས་པ་ལས་གུང་མོ་གཉིས་དང་ཐ་མ་བཞི་གཤིབས་ཏེ་སྒྲེང་བའི་ཕྱག་རྒྱ་དང་བཅས། མ་ཧཱ་ཏ་སོགས། འདི་ལ་འགའ་ཞིག་ཐ་མ་བཞི་ཡང་བསྐུམ་པའི་སྲོལ་སྣང་བ་ལུང་གིས་རྒྱབ་སྐྱོར་ཡོད་ན་ཅི་ཆ། འདིར་བཤད་པ་ནི་ཀུན་མཁྱེན་རྒྱལ་བའི་དབང་པོ་ཟིལ་གནོན་བཞད་པ་རྩལ་གྱི་དགོངས་པ་ཡིན་པས་ཡིད་རྟོན་པའི་གནས་སོ། །ལྔ་པ་གླང་པོ་རིན་པོ་ཆེ་ཕུལ་བས་མུ་སྟེགས་བྱེད་ཀྱི་རྟག་ཆད་དང་། ཉན་ཐོས་ཀྱི་དངོས་ཞེན་ལ་སོགས་ཐེག་པ་དམན་པའི་ལྟ་ངན་གྱི་རི་དྭགས་ཕལ་པ་དག་ཟིལ་གྱིས་མནན་ནས། བླ་མེད་རྡོ་རྗེ་ཐེག་པའི་གླང་པོ་ལ་ཞོན་ཏེ། རྣམ་པ་ཐམས་ཅད་མཁྱེན་པའི་གྲོང་དུ་ཕྱིན་པ་མེད་པར་བགྲོད་པའི་འདུན་པས། རྒྱལ་བ་སྲས་དང་། གླང་པོ་རིན་ཆེན། སོགས་མཐར། ལག་པ་གཡོན་པའི་མཐིལ་དུ་གཡས་པའི་གྲུ་མོ་བཞག་སྟེ་ལག་དར་སྒྲེང་ལ། གཡས་པའི་ཁུ་ཚུར་འོག་ཏུ་གླང་པོའི་རྣམ་པར་བསམས་པའི་གུང་མོ་སྣའི་ཚུལ་དུ་བཀུག་ལ། ཧསྟི་རཏྣ་སོགས། དྲུག་པ་རྟ་མཆོག་རིན་པོ་ཆེ་ཕུལ་བས་ཚོགས་ལམ་ཆེན་པོའི་རྫུ་འཕྲུལ་གྱི་རྐང་པ་བཞིའི་ཤུགས་ཐོབ་ཅིང་། སྦྱོར་ལམ་དང་མཐོང་ལམ་གྱི་རིམ་པ་རྣམ་པར་མི་རྟོག་པའི་གོམ་སྟབས་ཆེན་པོས་སྐད་ཅིག་ཉིད་ལ་བརྒལ་ནས། སྒོམ་ལམ་དང་མི་སློབ་པའི་ལམ་མངོན་དུ་གྱུར་ཏེ། མྱུར་དུ་སངས་རྒྱས་ཀྱི་ཞིང་ཁམས་བགྲོད་ལ་སྨོན་པའི་སྒོ་ནས། རྒྱལ་བ་སྲས་དང་། རྟ་མཆོག་རིན་ཆེན། སོགས་མཐར། ཁུ་ཚུར་གཉིས་བཅེར་

(༢༦༠)བའི་གུང་མོ་དང་སྲིན་ལག་གཉིས་བརྐྱང་། མཐེ་བོང་གཉིས་རྣ་བའི་ཚུལ་དུ་ཀྲོང་གིས་བསླང་བའམ། ཡང་ན་སྔ་མ་ལྟར་ལས་མཐེའུ་ཆུང་གཉིས་ཀྱང་བརྒྱང་བའི་ལུགས་ཀྱང་སྣང་བ་གང་འཐད་བརྟག་པར་བྱ་ཞིང་། ཏུ་རིག་ཨ་ཤྭ་རཏྣ་སོགས། བདུན་པ་དམག་དཔོན་རིན་པོ་ཆེ་ཕུལ་བས། རྣམ་རྟོག་ཕལ་པས་ཡེ་ཤེས་ལ་རྒོལ་བའི་དགྲ་བོ་རྩད་ནས་བཅད། བདག་འཛིན་ཉོན་མོངས་པའི་གཡུལ་ལས་རྒྱལ་ཏེ། གང་ལའང་བསྙེངས་འཁྲིག་དང་བྲལ་བ་ཕྱོགས་ལས་རྣམ་རྒྱལ་གྱི་སྤྱོད་པས་སྟག་མོ་རི་སུལ་འགྲིམ་པ་ལྟ་བུར་འགྲོ་དོན་ཕྱོགས་མེད་དུ་སྤྱོད་པའི་སྨོན་པ་དང་བཅས། རྒྱལ་བ་སྲས་དང་། དམག་དཔོན་རིན་ཆེན། སོགས་མཐར། མཁས་བདག །གཡོན་ཕུང་འཛིན་པ་དང་། གཡར་རལ་གྲི་འདེབས་པ་ལྟར་བྱེད་པ་ལ་དམག་དཔོན་གྱི་ཕྱག་རྒྱར་བཞེད་དོ། ཁ་ཌྒ་རཏྣ་སོགས་བརྗོད། ལུགས་བཞིན་དུ་ཁྱིམ་བདག་རིན་པོ་ཆེ་འབྱུང་བ་ལྟར་ན། ཐལ་མོ་གཉིས་བཀན་ལ་སྟིམ་པའི་ཚུལ་དུ་བྱས་པ་ནམ་མཁའ་མཛོད་ཀྱི་ཕྱག་རྒྱར་གྲགས་པ་དཔྲལ་བར་འཇོག་པར་གསུངས་སོ། །དེ་ལྟར་ཕྱག་རྒྱའི་རིམ་པ་རྣམས་ཚོམ་བུ་གཅིག་གི་གྲལ་དུའང་བཅའ་བ་སོ་སོའི་བློ་གྲོས་དང་མཚུངས་པའི་རྣམ་འགྱུར་སྣ་ཚོགས་པར་སྣང་མོད། ཕྱག་རྒྱ་འདི་རིགས་གསར་རྙིང་ཐུན་མོང་ལ་བསྙོན་མེད་དུ་གྲུབ་པས། སོ་སོའི་བཞེད་ཚུལ་ལ་རྣམ་འགྱུར་ཅུང་ཟད་ཀྱི་ཁྱད་ལས་ཧ་ཅང་འགལ་འདུར་གྱུར་པ་མ་མངོན་པས་ཡིད་བརྟན་མེད་པའི་བློས་བྱས་ལ་རང་ལུགས་དང་སྙིང་ཁུང་དུ་སྨྲ་བ་དག་རང་དགའི་གཏམ་དུ་ཟད་ཅིང་། ལ་ལ་ནི་རྫོགས་པ་ཆེན་པོ་བྱ་རྩོལ་ལས་འདས་པས་ཕྱག་རྒྱ་འཆིང་བ་ལ་མི་ལྟོས་ཞེས་གནད་མ་རྟོགས་པའི་མྱོས་བྱེད་ཀྱི་ཁ་དྲི་ལྷ་མིན་ཁྲག་གིས་བསུབས་ཀྱང་། ཤིན་ཏུ་སྤྲོས་མེད་ལ་ཐུག་ཚེ་འདི་དག་ལ་མི་ལྟོས་ཤིང་སྤྲོས་བྲལ་གྱི་ཐེག་པ་ནས་བྱ་བ་དགུ་ཕྲུགས་སུ་གཏོང་བ་ལས། སྔགས་དང་ཕྱག་རྒྱ་མ་བཤད་པས་མ་ཧཱ་ཡོ་གའི་སྤྲོས་བཅས་ཀྱི་ལག་ལེན་འདི་དག་ངེས་ཅན་དུ་མི་དགོས་པར་འགྱུར་བས་གཞུང་ནས་

(༢༦༡)གསུངས་པའི་དེ་དག་གི་འདོན་ཚིག་རྣམས་ཀྱང་འདོན་དུ་མི་རུང་ངོ་། །བཞི་པ་བཀྲ་ཤིས་རྟགས་བརྒྱད་ཀྱི་མཆོད་པ་ནི། སྔོན་གྱི་སངས་རྒྱས་རྣམས་ལ་ཚངས་པ་ལ་སོགས་པས་བཀྲ་ཤིས་པའི་རྟགས་བརྒྱད་ཕུལ་བ་ལྟར། བདག་གཞན་ཀུན་གྱི་བསོད་ནམས་གསོག་པའི་སླད་དུ། ལྷག་པ་གཟུགས་བརྙན་གྱི་དཀྱིལ་འཁོར་དམིགས་རྟེན་ཙམ་དུ་བྱས་ནས་སྣང་སྲིད་ཡེ་ཤེས་ཀྱི་འཁོར་ལོར་ཤར་བ་དེ་ལ། དངོས་སུ་གཟུགས་བརྙན་ལས་གྲུབ་པའམ་ཡེ་ཤེས་ཀྱི་རྩལ་མདངས་ལས་སྤྲུལ་པའི་གདུགས་དཀར་པོ་གསེར་གྱི་ཡུ་བ་ཅན་འཕུར་ལྡིང་གཡོ་ལ་རིན་པོ་ཆེ་ཨིནྡྲ་ནཱི་ལའི་ཏོག་གིས་མཛེས་པ་དབུའི་སྟེང་དང་། གསེར་ཉ་གཡུའི་གཤོག་པ་ཅན་མཉེན་ཞིང་ལྕུག་པ་སྤྱན་གྱི་ཡུལ། འདབ་སྟོང་རྣམ་པར་གཡོ་ཞིང་དྲི་ངད་དང་ལྡན་པའི་ཆུ་སྐྱེས་ཀྱི་པདྨ་ལྗགས་ལ། བྱང་ཆུབ་སེམས་དཔའ་རྣམས་འགྲོ་བའི་དོན་དུ་སྲིད་པ་བཟུང་བའི་བཀྲ་ཤིས་ཀྱི་ཆོས་དུང་གཡས་འཁྱིལ་ཚེམས་ལ། འཆི་མེད་ཀྱི་བདུད་རྩིའི་བུམ་པ་དཔག་བསམ་ཤིང་གི་ཁ་རྒྱན་ཅན་མགུལ་ལ། ཡིད་བཞིན་རིན་པོ་ཆེའི་གཏེར་གྱི་འབྱུང་ཁུངས་རིན་པོ་ཆེའི་དཔལ་བེའུ་ཐུགས་ལ། བསྟན་པ་མི་ནུབ་པའི་ཆོས་ཀྱི་རྒྱལ་མཚན་རིན་ཐང་དང་བྲལ་བ་སྐུ་ལ། སྲིད་པའི་དྲྭ་བ་ཉོན་མོངས་པའི་རང་བཞིན་ཅན་རྩད་ནས་གཅོད་པའི་འཁོར་ལོ་ཞབས་རྣམས་ལ་དབུལ་ཞིང་། དེའི་མཐུ་ལས་བདག་སོགས་འགྲོ་བ་ཀུན་བཀྲ་ཤིས་རྒྱ་མཚོའི་དཔལ་ལ་སྤྱོད་པར་ཤོག་ཅིག་པའི་གདུང་དཔྱངས་དང་བཅས། རིན་ཆེན་གདུགས་མཛེས་གསེར་གྱི་ཡུ་བ་ཅན༔ སོགས་ཀྱིས་དབུལ་ལོ། །ལྔ་པ་ཀུན་ཏུ་བཟང་པོའི་མཆོད་སྤྲིན་དབུལ་བ་ནི། རིག་རྩལ་སྤྱོད་ཞིང་ཚོགས་གཉིས་གསོག་ཕྱིར་རང་ཉིད་ལས་སྤྲུལ་པའི་རྡོ་རྗེ་ལྷ་མོ་བཅུ་དྲུག་ལ་སོགས་པ་རང་རང་གི་མཆོད་རྫས་ཐོགས་པ་བློས་དཔག་ཏུ་མེད་པ་ནམ་མཁའ་ཁེངས་པར་སྤྲོ་ཞིང་། དེ་ཡང་རྡོ་རྗེ་སྒེག་མོ་གཟུགས་ཤིན་ཏུ་སྒེག་ཅིང་གར་

(༢༦༢)སྟབས་དང་ལྡན་པ། རྡོ་རྗེ་ཕྲེང་བ་མ་རིན་པོ་ཆེའི་ཕྲས་སྤུང་པའི་ཕྲེང་བ་འཕྱོར་སྟབས་ཀྱིས་འཛིན་པ། རྡོ་རྗེ་གླུ་མ་ཤིན་ཏུ་ཡིད་འཕྲོག་པའི་གླུ་དབྱངས་ཀྱི་ངེས་པ་བདུན་དང་ལྡན་ཞིང་། དེ་རེ་རེ་ལའང་འགྱུར། ཁུགས། འདེགས། འཇོ་བ། སྤོམ་ཕྲ་དྲུག་དང་ལྡན་པའི་གླུ་ལེན་པ་སྟེ། དེ་ཡང་དབྱངས་བདུན་གང་ཞེ་ན། ཨ་མར་ཀོ་ཤར། འཁོར་ཉན་དྲང་སྲོང་ས་འཛིན་དང་། །དྲུག་སྐྱེས་བར་མ་བློ་གསལ་བ། །ལྔ་པ་ཞེས་བྱ་བདུན་པོ་ནི། །ཞེས་བཤད་པ་ལྟར་དང་། རྡོ་རྗེ་གར་མ་རྣམ་འགྱུར་བརྗོད་ཀྱིས་མི་ལང་པའི་གར་བརྩེ་བ། རྡོ་རྗེ་གདུག་སྤོས་མ་དྲི་ཞིམ་པའི་སྦྱར་སྤོས་དང་རང་བྱུང་གི་སྤོས་ཀྱི་བྱེ་བྲག་འཛིན་པ། རྡོ་རྗེ་མེ་ཏོག་མ་ཐང་སྐྱེས་དང་ཆུ་སྐྱེས་ལ་སོགས་པའི་རྣམ་བཀྲའི་མེ་ཏོག་འཛིན་པ། རྡོ་རྗེ་མར་མེ་མ་ཏིལ་མར་དང་རྩི་བཅུད་ལས་བྱས་པའི་མར་མེ་འཛིན་ལ་མུན་པའི་གོ་སྐབས་འཕྲོག་པ། རྡོ་རྗེ་དྲི་ཆབ་མདུང་ཕོར་དྲི་ངད་ཅན་འཛིན་པ། རྡོ་རྗེ་པི་ཝང་མ་སྐད་།།།ཀྱི་རྣམ་འགྱུར་བརྗོད་ཀྱིས་མི་ལང་བའི་ཏམ་བུ་རའི་རྒྱུད་བརྡུང་བ། རྡོ་རྗེ་གླིང་བུམ་དབུགས་ལག་གི་སྦྱོར་བས་འགྱུར་ཁུགས་ཀྱི་གློ་ལེན་པ། རྡོ་རྗེ་རྔ་ཟླུམ་མ་རྔ་མྲི་ཏཾ་གེ་ལག་གཉིས་ཀྱིས་བསྣོལ་མར་བརྡུང་བ། རྡོ་རྗེ་རྫ་རྔ་མ་སོར་མོ་རྣམས་ཀྱིས་མཆན་ཁུང་གི་ཐད་དུ་རྫ་རྔའི་སྒྲ་བསྐྱོད་པ། རྡོ་རྗེ་གཟུགས་མ་དངུལ་དཀར་ཞུན་མའི་མེ་ལོང་ཐོགས་པ། རྡོ་རྗེ་རེག་བྱ་མ་རིན་ཐང་དང་དྲལ་བའི་ལྷ་གོས་པཉྩ་ལི་ཀ་ཐོགས་པ། རྡོ་རྗེ་རོ་མ་རོ་བརྒྱའི་བཅུད་དང་ལྡན་པའི་ཞལ་ཟས་འཛིན་པ། ཆོས་ཀྱི་རྡོ་རྗེ་མ་ཆོས་འབྱུང་ཕྱི་དཀར་ལ་ནང་དམར་བ་འཛིན་པ། དེ་དག་ཐམས་ཅད་ཀྱང་བཅུ་དྲུག་ལོན་པའི་ན་ཚོད་ཅན་ཤིན་ཏུ་མཛེས་ཤིང་ཡིད་དུ་འོང་བས་དཀྱིལ་འཁོར་བའི་ལྷ་ཚོགས་རྣམས་ཀྱི་དབང་པོའི་ཡུལ་སོ་སོར་དགྱེས་པ་བསྐྱེད་པ་དང་། གཞན་ཡང་རྔ་སྦུག་སིལ་ཤང་འཁར་རྔ་དུང་ལ་སོགས་རོལ་མོའི་བྱེ་བྲག་བཅོ་བརྒྱད་ཀྱིས་སྐང་རིགས་སྣ་ཚོགས་སུ་སྒྲོག་པ་འབུད་འཁྲོལ་རྡུང་སྒྲེང་ལ་སོགས་

(༢༦༣)པའི་ལས་ལ་གོམས་པའི་མཆོད་པའི་ལྷ་མོ་ནམ་མཁའ་ཁེངས་པ་དང་། སྔར་བཤད་པ་ལྟར་ཕྱི་ནང་གསང་བ་དེ་ཁོ་ན་ཉིད་ལ་སོགས་པའི་མཆོད་རྫས་ཀྱི་རྣམ་རོལ་དཔག་ཏུ་མེད་པས་འཛིན་མའི་ཁྱོན་དོག་པོར་བྱེད་པ་དང་། དེ་དག་ཀུན་ཀྱང་རྡུལ་ཕྲ་རབ་རེ་རེའི་ཁོངས་སུ་ཡང་དེ་འདྲ་བའི་མཆོད་པས་རྡུལ་སྙེད་དུ་ཁེངས་པ་དང་། དེ་ལྟ་བུའི་རྡུལ་ཕྲ་རབ་རེ་རེའི་ཁོངས་སུ་ནམ་མཁའ་དང་མཉམ་པའི་དག་པའི་ཞིང་ཁམས་ལ་རྡུལ་སྙེད་ཀྱི་མཆོད་པ་ཕྱི་ནང་གསང་གསུམ་གྱིས་མུ་མཐའ་མེད་པར་བཀང་བ། དག་པ་རབ་འབྱམས་ཀུན་ཏུ་བཟང་པོའི་མཆོད་སྤྲིན་ཆེན་པོར་འབྱམས་ཀླས་པའི་རྣམ་རོལ་ཆེན་པོར་བལྟས་ཤིང་། ལག་ཏུའང་མེ་ཏོག་ལ་སོགས་པའི་མཆོད་འོས་ཇི་སྙེད་ཡོད་པ་ཐོགས་ལ། སྙན་པའི་དབྱངས་དང་བཅས། ཨོཾཱ་ཨཱཧཱུྃ། ཕྱོགས་བཅུའི་ཞིང་ཁམས་རབ་འབྱམས་རྒྱ་མཚོ་མཐའ་ཡས་ཀྱི༔ སོགས་བརྗོད་ལ་རོལ་མོའི་བྱེ་བྲག་དང་བཅས་མཆོད། དེ་ལྟར་མཆོད་པའི་རིམ་པ་རྣམས་ཚིག་དོན་འབྲེལ་ཆགས་ཤིང་། ཀུན་རྫོབ་ཀྱི་སྣང་ཆར་ལས་འབྲས་མི་བསླུ་བར་ངེས་ཤེས་རྙེད་པ་དང་། དོན་དམ་གྱི་སྟོང་ཆར་འཁོར་གསུམ་དམིགས་པ་མེད་པའི་རྩིས་ཟིན་ཞིང་སྣང་སྟོང་ཟུང་འཇུག་སྒྱུ་མ་ལྟ་བུའི་རྣམ་རོལ་དུ་ཕུལ་ལ་ཚོགས་ཞིང་རྣམས་དགྱེས་པ་འཁྲུངས་པར་བསྟས་པས་ཚོགས་གཉིས་ཟུང་འབྲེལ་དུ་རྫོགས་པར་ནུས་ཤིང་། རྒྱལ་བའི་ཐུགས་རྣམ་པར་མི་རྟོག་པའི་ཡེ་ཤེས་ལ་མཉེས་དང་མི་མཉེས་ཀྱིས་འཆིང་བ་མི་མངའ་ཡང་། བདག་གཞན་ཀུན་གྱིས་རླབས་ཆེན་གྱི་བསོད་ནམས་བསག་པའི་སླད་དུ་ཡིན་པས། ཚིག་བཤར་ཙམ་དུ་མ་སོང་བར་གནད་ལ་དྲིལ་བ་ཡིན་ནོ། །ཨ་ཧོ་ངོས་གཟུང་མེད་པའི་སེམས་ཀྱི་གདངས། །ཟུང་འཇུག་སྒྱུ་མའི་ལྷ་སྐུར་ཤར་བ་ལ། །མཆོད་དང་མཆོད་བྱའི་བག་ཆགས་མི་མངའ་ཡང་། །གློ་བུར་ཉེས་ཚོགས་དྲི་མ་འཁྲུད་ཕྱིར་ཡིན། །མ་བཅོས་ཡེ་སངས་རྒྱས་པའི་རང་ངོ་ནས། །

(༢༦༤)གསལ་མདངས་ཀུན་ཏུ་བཟང་པོའི་རྣམ་རོལ་སྤྲིན། །མུ་བཞིའི་སྤྲོས་དང་བྲལ་བའི་དཀྱིལ་འཁོར་ལ། །མཆོད་ཚེ་བདེ་གཤེགས་ཞི་ཁྲོ་ཅིར་ཡང་བཞད། །ཞེས་པར་སྐབས་ཀྱི་ཉམས་གླུ་གསར་པའོ།། །།གསུམ་པ་བཤགས་པའི་ཡན་ལག་ལ་གཉིས། རྡོར་སེམས་སྒོམ་བཟླས་དང་། ན་རག་དོང་སྤྲུགས་ཀྱི་བཤགས་པའོ། །དང་པོ་ལ་བཞི། ལྷ་བསྒོམ་པ། བཟླས་པ་བྱ་བ། བཤགས་བསྡམ་བྱ་བ། སྦྱང་གཞི་སྦྱོང་བྱེད་ངོ་སྤྲད་པའོ། །དང་པོ་ནི། རྒྱུད་ལས། ཐོག་མཐའ་མེད་པའི་སེམས་དཔའ་ནི། །རྡོ་རྗེ་སེམས་དཔའ་གསང་བ་ཆེ། །ཀུན་ཏུ་བཟང་པོ་ཀུན་བདག་ཉིད། །རྡོ་རྗེ་སྙེམས་པའི་བདག་པོའོ། །ཞེས་དང་དེ་ཡི་ངེས་ཚིག་ནི། །རྡོ་རྗེ་མི་ཕྱེད་ཅེས་བྱར་བརྗོད། །སེམས་དཔའ་སྲིད་པ་གསུམ་བདག་ཉིད། །ཅེས་གསུངས་ཤིང་འདི་ལ་བསྒོམ་ཚུལ་གསུམ། ཕྱི་བསྐྱེད་པ་མ་ཧཱ་ཡོ་ག་དང་བསྟུན་ནས་སྤྱི་བོར་བསྒོམ་པ། ནང་ལུང་ཨ་ནུ་ཡོ་ག་དང་བསྟུན་ནས་རང་ལུས་སུ་བསྒོམ་པ། གསང་བ་རྫོགས་ཆེན་ཨ་ཏི་ཡོ་ག་དང་བསྟུན་ནས་སྣང་གྲག་རྡོ་རྗེ་སེམས་དཔའི་རང་བཞིན་དུ་བསྒོམ་པ་ལས། འདིར་མན་ངག་དང་སྦྱར་ནས་སྔ་མ་ལྟར་བསྒོམ་པར་གསུངས་ཏེ། དེ་ལ་ཡང་ཕ་རྒྱུད་དང་བསྟུན་ཏེ་རྡོ་རྗེའི་ཆོ་ག་གསུམ་གྱིས་བསྐྱེད་པ། མ་རྒྱུད་དང་བསྟུན་ཏེ་མངོན་བྱང་ལྔས་བསྐྱེད་པ། གཉིས་མེད་རྒྱུད་དང་བསྟུན་ཏེ་ཟུང་འཇུག་ཏུ་བསྐྱེད་པ་གསུམ་ལས། འདིར་སྔ་མ་ལྟར་བསྐྱེད་པར་བཤད་དེ། དེ་ལའང་གཉིས། རྡོ་རྗེའི་ཆོ་ག་གསུམ་གྱི་དག་སྦྱོར་བཤད་པ་དང་། དེ་ཡན་ལག་བཞི་རྫོགས་སུ་བསྐྱེད་པའོ། །དང་པོ་ནི། རང་ལུས་དྲང་པོར་བསྲངས་བ་སྤྱི་བོའི་སྟེང་དུ་རྡོ་རྗེ་རྩེ་ལྔ་བསྒོམ་པ་ཡིད་སྤྱོད་པ། དེ་ཧཱུྃ་ཡིག་གིས་མཚན་པས་ངག་སྦྱོང་བ། དེ་ལས་འོད་ཟེར་སྤྲོ་བསྡུས་ལྷ་ཡོངས་སུ་སྡོགས་པ་ལུས་སྦྱོང་བའོ། །གཉིས་པ་ལ་བཞི། དམ་ཚིག་འཁོར་ལོ་སྔགས་ཕྲེང་དང་བཅས་བསྐྱེད། དེ་ལ་ཡེ་ཤེས་ཀྱི་འཁོར་

(༢༦༥)ལོ་བཅུག་པ། དབང་བསྐུར་བ། མཆོད་བསྟོད་བྱེད་པའོ། །དེ་ཡང་མན་ངག་གི་གནད་ནི། ངོ་བོ་རྩ་བའི་བླ་མ་ལ་རྣམ་པ་རྡོར་སེམས་སུ་གསལ་བས་བྱིན་རླབས་མྱུར་བའི་ཁྱད་པར་ཡོད་དེ། དེའི་གནད་ཤེས་པ་དག་གིས་དམིགས་འདོན་ཟུང་འཇུག་ཏུ་ངག་འདོན་དུ་མ་ཁྲིགས་ནས་བཤད་པ་ལྟར། རང་ཉིད་ཐ་མལ་དུ་གནས་པའི་སྤྱི་བོར་པད་ཟླའི་གདན་ལ་རྡོ་རྗེ་རྩེ་ལྔ་པ་སོགས་བརྗོད་ཅིང་ཡན་ལག་བཞི་རྫོགས་ཀྱི་ཚོགས་ཚུལ་བཞིན་དུ་བསྒྲུབ། དེ་ལྟར་བསྐྱེད་པའི་རྟེན་དེ་ཉིད་སྒྲིབ་པ་བཤགས་བྱའི་ཡུལ་ལམ། དབང་པོ་ཡིན་པས་ཤིན་ཏུ་གསལ་ཐེབས་པ་གལ་ཆེ་སྟེ། ཚེས་བཞི་བསྟན་པ་ལས། བཅོམ་ལྡན་འདས་ཀྱིས་བཀའ་སྩལ་པ། བྱམས་པ་ཆོས་བཞི་དང་ལྡན་ན་སྡིག་པའི་ལས་བྱས་ཤིང་བསགས་པ་ཐམས་ཅད་བྱང་ཞིང་ཡོངས་སུ་དག་པར་འགྱུར་རོ། །བཞི་གང་ཞེ་ན། རྟེན་གྱི་སྟོབས་དང་། སུན་འབྱིན་པའི་སྟོབས་དང་། གཉེན་པོ་ཀུན་ཏུ་སྤྱོད་པའི་སྟོབས་དང་། སླན་ཆད་བསྡམ་པའི་སྟོབས་སོ། །ཞེས་བཤགས་པའི་རིགས་མཐའ་དག་ལ་སྟོབས་བཞི་ཚད་དགོས་པར་གསུངས་པ་ལྟར། བཤད་མ་ཐག་པ་ཉིད་རྟེན་གྱི་སྟོབས། སྔར་བྱས་ཀྱི་སྡིག་ལྟུང་ཐམས་ཅད་ལ་ལྷག་པར་འགྱོད་བསུན་འབྱིན་པའི་སྟོབས། ཡི་གེ་བརྒྱ་པ་གསལ་དག་ཐོན་པར་བཟླ་བ་གཉེན་པོ་ཀུན་ཏུ་སྤྱོད་པའི་སྟོབས། སླན་ཆད་སྲོག་ལ་བབ་ཀྱང་སྡིག་པ་མི་བྱེད་སྙམ་པ་སྡོམ་པའམ་ལྡོག་པའི་སྟོབས་སོ། །གཉིས་པ་བཟླས་པ་བྱ་བ་ལ་གསུམ་སྟེ། ཁྱད་པར་ཅན་གྱི་བསྔགས་པ་བརྗོད་པ། དམིགས་པ་གསལ་འདེབས་པ། སྔགས་དོན་བཀྲལ་བའོ། །དང་པོ་ནི། ཨ་བྷི་དྷ་ན་ལས། གང་དུ་དམ་ཚིག་ཉམས་པ་ལ། །སྦྱོར་བ་འདི་ནི་སྦྱིན་པར་བྱ། །ཞེས་དང་། མེ་ཏོག་བཀོད་པའི་རྒྱུད་ལས། བླ་མ་རྡོ་རྗེ་སེམས་དཔའ་སྒོམ། །རང་བྱུང་ཡི་གེ་བརྒྱ་ཡི་མཐུས། །སྒྲིབ་པ་རྣམ་གཉིས་བྱང་བར་འགྱུར། །ཅེས་ཉམས་ཆག་བསྐང་

(༢༦༦)པའི་ཐབས་འདི་ལས་ཟབ་པ་མེད་པ་དང་། དཔའ་བོ་དང་ནི་རྣལ་འབྱོར་མ། །འདི་ནི་ཀུན་གྱི་གསང་སྔགས་ཏེ། །ཞེས་ཨ་བྷི་དྷ་ན་ལས་དཔའ་བོ་དང་རྣལ་འབྱོར་མ་ཀུན་གྱི་སྙིང་པོ་ཡང་ཡིན་པར་བཤད་དོ། །གཉིས་པ་ལ་གསུམ། ལུས་ཀྱི་སྒོ་ནས་བཤགས་པ། ངག་ག་སྒོ་ནས་བཤགས་པ། ཡིད་ཀྱི་སྒོ་ནས་བཤགས་པའོ། །དང་པོ་ནི། སྔར་བཤད་མ་ཐག་པའི་བསྐྱེད་རིམ་ཤིན་ཏུ་གསལ་བར་བྱས་ལ། སྒྲུབ་པ་པོ་རྣམས་ཕྱག་རྒྱ་གར་སྟབས་དང་བཅས་དཀྱིལ་འཁོར་ལ་བསྐོར་བ་བྱ་བར་བཤད་དོ། །གཉིས་པ་ནི། ངག་ནས་ཡི་གེ་བརྒྱ་བའི་ཛཔྲ་དབྱངས་མགྲིན་གཅིག་ཏུ་སྒྲོག་ཅིང་བརྒྱ་སྟོང་ལ་སོགས་པ་ཇི་ཙམ་བཟླ་བའི་གྲངས་ཚད་རྡོ་རྗེ་སློབ་དཔོན་གྱིས་གཟུང་བར་བྱའོ། །གསུམ་པ་ནི། སེམས་རྒྱ་ཡན་ལུང་མ་བསྟན་དང་མ་འདྲེས་པར་རྡོར་སེམས་ཀྱི་ཐུགས་ཀར་གསལ་བའི་སྔགས་ཕྲེང་རྣམས་ལས་འོད་ཟེར་སྐར་མའི་ཕྲེང་བ་ལྟར་འཕྲོས་ཕྱོགས་བཅུའི་བདེ་བར་གཤེགས་པ་ཐམས་ཅད་ཀྱི་ཐུགས་རྒྱུད་བསྐུལ་བས་བདེ་སྟོང་གི་མཆོད་པས་མཉེས་ཤིང་ཉམས་ཆག་བསྐང་། དེ་དག་གི་ཐུགས་ཀ་ནས་སེམས་ཅན་ཐམས་ཅད་ལ་འོད་ཟེར་དཔག་ཏུ་མེད་པ་འཕྲོས། ཁམས་གསུམ་རིགས་དྲུག་གི་སེམས་ཅན་སྤྱི་དང་ཁྱད་པར་དམིགས་ཡུལ་ཚེ་འདས་ལ་སོགས་གང་ཡིན་དེའི་ལས་ཉོན་གྱི་སྒྲིབ་བ་སྦྱངས་ནས་སྣང་སྲིད་ཐམས་ཅད་རྡོ་རྗེ་སེམས་དཔའི་རང་བཞིན་དུ་བསམས། སླར་འོད་ཟེར་ཚུར་འདུས་སྤྱི་བོའི་རྡོར་སེམས་ཀྱི་སྐུ་གསུང་ཐུགས་ལ་ཕོག་པས། ཐུགས་དམ་གྱི་རྒྱུད་བསྐུལ་རྡོ་རྗེ་གསུམ་གྱི་བྱིན་རླབས་ཐམས་ཅད་འོད་ཟེར་དཀར་པོའི་རྣམ་པར་བབས་པ་ཞབས་གཡས་པའི་མཐེ་བོང་ནས་ཐོན། རང་གི་སྤྱི་བོ་ཚངས་པའི་བུ་གར་ཞུགས་པས་འཁོར་བ་ཐོག་མེད་ནས་བསགས་པའི་ལས་ཉོན་ཤེས་སྒྲིབ་དམ་ཚིག་ཉམས་ཆག་ཐམས་ཅད་ཤིན་ཏུ་བྱང་བར་བཀྲུས། ནང་ཐམས་ཅད་རྣག་ཁྲག་ལྗན་ལྗིན། སྡིག་སྒྲིབ་ཐམས་ཅད་དུད་སོལ་གྱི་ཁུ་བ། གདོན་

(༢༦༧)ཐམས་ཅད་སྡོམ་སྡིག་སྦལ་ལྕོང་གི་རྣམ་པར་བ་སྤུའི་བུ་ག་ཐམས་ཅད་དང་། ཁྱད་པར་འོག་སྒོ་ནས་སངས་ཀྱིས་ཐོ་ནས་རིམ་པ་དགུའི་འོག་ཏུ་སོང་བས། འཆི་བདག་ལས་ཀྱི་གཤིན་རྗེའི་ཁར་སོང་སྟེ་ཁོ་ངོམས་ཤིང་ཚིམ་ནས་བྱང་ཆུབ་བསྒྲུབ་པའི་འགལ་རྐྱེན་དུས་མིན་གྱི་འཆིང་བསླུས་པར་བྱས། ལུས་ཤེལ་སྒོང་གཡའ་དག་པ་ལྟར་རམ། འོད་ཟེར་གྱི་རྣམ་པར་ཟང་ཐལ་དུ་གྱུར་པར་བསམ་པའི་དམིགས་པ་བཟླས་པ་ཇི་ཙམ་བཟླ་བ་དེའི་ཕྱེད་ཚད་དུ་བྱ་ཞིང་། ཕྱེད་འོག་ལ་ལུས་ཀྱི་ནང་ཐམས་ཅད་བདུད་རྩིས་མེར་གྱིས་ཁེངས་ནས་ཤེལ་དཀར་གྱི་བུམ་པར་ཞེ་བླུགས་པ་ལྟ་བུའི་དམིགས་པ་བྱ་ཞིང་། ལ་ལར་རང་གི་སྙིང་གར་རིགས་དྲུག་གི་སེམས་ཅན་གསལ་བཏབ་ནས་བདུད་རྩི་འབེབས་སྦྱོང་བྱེད་པའི་ལུགས་ཀྱང་སྣང་མོད་ཀྱི། འདིར་གཞུང་གི་དགོངས་པ་དངོས་བསྟན་ལྟར་བཀོད་པ་ལ་གནད་ཐམས་ཅད་འདུས་ཤིང་། ལྷག་པར་ཐུན་མོང་མ་ཡིན་པའི་དམིགས་པའི་མན་ངག་སློབ་དཔོན་ཆེན་པོའི་གསུང་ལས་བྱུང་བ་འགའ་ཞིག་ཀྱང་མཆིས་པས་ཉམས་སུ་ལེན་པ་རྣམས་ཡིད་ཤིན་ཏུ་གཞུངས་པས་དཔྱད་པར་འཚལ་ལོ། །དེ་ལྟར་ལུས་ངག་ཡིད་གསུམ་གྱི་བྱ་བ་ཐམས་ཅད་ཕྲུགས་གཅིག་ཏུ་བགྱི་བ་ལས་ཐ་དད་དུ་ལྟ་བ་མ་ཡིན་པ་དཀྱིལ་འཁོར་དང་འབྲེལ་བའི་དབང་དུ་བཤད་པའོ། །དེ་ཡང་འདི་ཉིད་ཀྱི་རྡོར་སེམས་སྒོམ་བཟླས་ལ་ད་ལྟ་ལག་ལེན་པ་འགའ་ཞིག་གིས་རྡོར་སེམས་ཀྱི་བསྐྱེད་ཆོག་གཞུང་ནས་གསུངས་པ་ལྟར་བྱེད་ལ་ཡན་ལག་བཞི་རྫོགས་ཀྱི་ཆོ་ག་གཞུང་ནས་ཞལ་གྱིས་འཕངས་པ་ལྟར་ཆོག་ཁྲིགས་རྙིང་པར་མཛད་འདུག་པ་དོར་ནས་བསྡུས་པའི་ལུགས་ཡིན་ཞེས་བཟླས་པ་དམར་འཇུས་སུ་མཛད་པའང་མཐོང་མོད། དེ་ལྟར་གཞུང་དང་རྒྱུད་སྡེའི་དགོངས་པ་ཕྱིན་ཅི་ལོག་ཏུ་སོང་བས་མི་རིགས་ཏེ། ཅིའི་ཕྱིར་ན་ཐེག་པ་གོང་མ་གཉིས་ཀྱི་ལུགས་ཡིན་ན་བསྐྱེད་ཚུལ་དེ་ཡང་མ་ཡིན། མ་བསྐྱེད་ཡེ་རྫོགས་སྙིང་པོ་དྲན་པ་ཙམ་གྱིས་ལྷ་སྐུར་ལ་ལྡང་བ་ལ་སྦྱང་གཞི་སྦྱོང་བྱེད་ཀྱི་སྒྲོ་

(༢༦༨)བསྡུའི་ཆོ་གས་ཅི་བྱ། འོན་ཏེ་རྒྱུད་སྡེ་འོག་མའི་ལུགས་ཇི་བཞིན་པར་ཡིན་ན་ཡན་ལག་བཞི་རྫོགས་ཀྱི་སྤྲོས་པ་བོར་བ་མི་འཐད་དམ་སྙམ་ཞིང་། ཆོ་གའི་ཆ་ལག་མ་ཚང་བར་བསྡུས་པ་ཡིན་པའི་མིང་འདོགས་པ་ནི་ཧ་ཅང་ཐལ་ཆེས་སོ། །གསུམ་པ་སྔགས་དོན་བཀྲལ་བ་ནི། ཨོཾཱ་ནི་ཡེ་ཤེས་ལྔ་ལྡན་གྱིས་མགོ་འདྲེན་པ། བཛྲ་ས་ཏྭ་ནི་རྡོ་རྗེ་སེམས་དཔའ། ས་མ་ཡ་ནི་དམ་ཚིག །མ་ནུ་པཱ་ལ་ཡ་རྗེས་སུ་བསྐྱེད་།།།པར་མཛོད། བཛྲ་ས་ཏྭ་ནི་རྡོ་རྗེ་སེམས་དཔའ། ཏྭེ་ནོ་པ་ཏེཥྛ་ནི་རང་བཞིན། དྲྀ་ཌྷོ་མེ་བྷ་ཝ་ནི་བཞུགས་ཤིང་བརྟན་པར་གྱུར་ཅིག །སུ་ཏོ་ཥྱེ་མེ་བྷ་ཝ་ནི་གསོ་སླ་བར་བདག་གྱུར་ཅིག །ཨ་ནུ་རཀྟོ་མེ་བྷ་ཝ་ནི་རྗེས་སུ་ཆགས་པར་བདག་གྱུར་ཅིག །སུ་པོ་ཥྱོ་མེ་བྷ་ཝཱ་ནི་ཤིན་ཏུ་ཚིམ་པར་གྱུར་ཅིག །སརྦ་སིདྡྷོ་མྨེ་ནི་དངོས་གྲུབ་ཐམས་ཅད། པྲ་ཡཙྪ་ནི་བདག་ལ་སྩོལ་ཅིག །སརྦ་ཀརྨ་སུ་ཙ་མེ་ནི་ལས་ཐམས་ཅད་གྲུབ་ནས། ཙིཏྟཾ་ཤྲེ་ཡ ནི་བདག་གི་སེམས་ཀྱི་དཔལ་མཛོད་ཅིག །ཀུ་རུ་ཧཱུྃ། ཧ་ཧ་ཧ་ཧ་ཧོ ནི་དངོས་གྲུབ་ཐམས་ཅད་བསྒྲུབ་ཏུ་གསོལ། བྷ་ག་ཝཱ་ན་ནི་བཅོམ་ལྡན་འདས། སརྦ་ནི་ཐམས་ཅད། ཏ་ཐཱ་ག་ཏ་ནི་དེ་བཞིན་གཤེགས་པ། ཧྲྀ་ད་ཡ་ནི་སྙིང་པོ་སྟེ་འདི་དགོངས་འདུས་ཉིད་ལས་གཞན་དུ་ཆེར་མི་སྣང་ངོ་། །མ་མེ་མུཉྩ་ནི་བདག་ལ་སྩོལ་ཅིག །བཛྲི་བྷ་ཝ་ནི་རྡོ་རྗེ་ཅན་དུ་བདག་གྱུར་ཅིག །མ་ཧཱ་ནི་ཆེན་པོ། ས་མ་ཡ་ནི་དམ་ཚིག །ས་ཏྭ་ཨཱ༔ ནི་སེམས་དཔའི་སྙིང་པོ། ཞེས་པའི་དོན་ནོ། །གསུམ་པ་བཤགས་སྡོམ་བྱ་བ་ནི། །དེ་ལྟར་བཟླས་པའི་འཇུག་ཏུ་སྤྲོ་ན་ཁྲིགས་སུ་སྣང་བ་ལྟར་མཆོད་བསྟོད་བྱ་ཞིང་། མི་སྤྲོ་ན་སྔར་བཤད་པའི་སྟོབས་བཞིའི་དམིགས་པ་ཤིན་ཏུ་གསལ་ཐེབས་པའི་ངང་ནས། གཞུང་ལ་མི་གསལ་ཀྱང་ཞལ་རྒྱུན་དུ་མཆིས་པ་ཨ་བྷི་དྷ་ན་ལས། མགོན་པོ་བདག་ནི་མི་ཤེས་རྨོངས་པ་ཡིས། །ཞེས་ཚིག་རྐང་དྲུག་པོའི་བཤགས་སྡོམ་དང་། དེ་དང་ཚུལ་མཚུངས་པ་འཕགས་པ་རིན་པོ་ཆེས་

(༢༦༩)མཛད་པའི། སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་ཆག་སྡིག་སྒྲིབ་སོགས་ཚིག་ལྷུག་པའི་བཤགས་པ་དང་། དེའི་དོན་ནི། གསང་སྔགས་ཀྱི་དམ་ཚིག་ཐམས་ཅད་སྐུ་གསུང་ཐུགས་ཀྱ་ས་མ་ཡ་ལ་འདུས་པའམ། ཡང་ན་རྩ་བ་དང་ཡན་ལག་ཅེས་པའི་ཁོངས་སུ་མ་འདུས་པ་མེད་ལ། སྡིག་པ་ནི་ཉོན་མོངས་པས་ཀུན་ནས་བསླངས་པ་སེམས་ཅན་ཐམས་ཅད་ཀྱི་ཤེས་རྒྱུད་ལ་འདུ་འབྲལ་མེད་པ་འདི་དང་། སྒྲིབ་པ་ནི་ཤེས་བྱའི་སྒྲིབ་པ་སྟེ་བསམ་གཏན་པ་ཐམས་ཅད་ཀྱི་གཉའ་བ་གནོན་ཞིང་འབྲལ་མི་ཕོད་པའི་སྒོམ་འཛིན་གྱི་བློ་དོས་དྲག་ལ་དཔྱད་བཟོད་པ་འདི་མཁས་པའི་རིགས་ཀྱང་ཐུགས་གཙིགས་ཆེ་བས་གྲུབ་པའི་མཐའ་ཕན་ཚུན་ལ་རྩོད་པའི་གཞི་འཛིན་པ་དང་། ཉེས་པ་ནི་རང་བཞིན་གྱི་ཉེས་པ། ལྟུང་བ་ནི་བཅས་པའི་ཉེས་པ་སྟེ་བསྙེན་གནས་སོ་ཐར་བྱང་སེམས་ལ་སོགས་པའི་སྡོམ་པ་དང་འགལ་བ། གྲིབ་མ་ནི་གནས་ཀྱི་གྲིབ་མ་ལ་སོགས་དྲུག་སྟེ། ཚིག་དུམ་དེའི་མཐར་རྡོ་རྗེ་སེམས་དཔས་ཀྱང་དེ་བཞིན་ཞལ་གྱིས་བཞེས་ནས་འོད་དུ་ཞུ་སྟེ། རང་ཉིད་ཀྱི་སྤྱི་གཙུག་ནས་ཐིམ་སྟེ་དབྱེར་མེད་དུ་འདྲེས་པའི་ངང་ལ་བློ་བྲལ་དུ་མཉམ་པར་འཇོག་པ་ནི་འགྱོད་ཚངས་ཀྱི་རྒྱལ་པོ་སྟེ། ལུང་ལས། དྲང་པོར་འདུག་ལ་དྲང་པོར་ལྟོས། །འགྱོད་ཚངས་རྣམས་ཀྱི་ནང་ན་མཆོག །ཅེས་གསུངས་པས་སོ། །བཞི་པ་ལ་གཉིས། སྦྱང་གཞི་དང་། སྦྱོང་བྱེད་ངོ་སྤྲོད་པའོ། །དང་པོ་ནི། དེ་ཡང་སྤྱིར་དམ་ཚིག་ཅེས་བྱ་བའི་ངེས་ཚིག་ནི། བསྲུང་བྱ་ཚུལ་ལྡན་དུ་བསྲུངས་ན་།།།དམ་ཞིང་གལ་ཏེ་ཉམས་ན་རྡོ་རྗེའི་མེ་ལྕེ་སོགས་ཀྱིས་ཚིག་པས་ཚིག་ཅེས་བྱ་ལ། དམ་ཚིག་དེར་སྤྱི་དང་བྱེ་བྲག་གཉིས་སུ་ཡོད་པའི་སྤྱི་ནི་སེམས་ཅན་ཐམས་ཅད་ཀྱི་རྟོག་པ་འདུལ་བའི་ཆེད་དུ་སྟེ། འཇིག་རྟེན་གྱི་ཁམས་ན་སེམས་ཅན་ཇི་སྙེད་ཡོད་པ་ཐམས་ཅད་ཀྱི་ནད་གདོན་སྡིག་སྒྲིབ་མ་ལུས་པ་དང་སོ་ཐར་བྱང་སེམས་ཀྱི་བསླབ་པ་ཉམས་པ། བྱེ་བྲག་

(༢༧༠)ཏུ་སྔགས་ལམ་ལ་ཞུགས་པའི་དམ་ཚིག་དང་སྡོམ་པ་ནི་སོ་ཐར་ལས་ཀྱང་ཕྲ་ཞིང་བསྲུང་ལྷག་པར་དཀའ་བའི་ཚུལ་ནི། ཇོ་བོ་ཆེན་པོ་དཱི་པཾ་ཀ་རས་ཀྱང་། །ང་ལ་སོ་སོ་ཐར་པའི་ཉེས་པས་གཏན་ནས་མ་གོས། བྱང་ཆུབ་སེམས་དཔའི་བསླབ་པ་ལ་ཉེས་པ་ཅོ་ལེ་ཙམ་གྱིས་གོས། གསང་བ་སྔགས་ཀྱི་དམ་ཚིག་ལ་ཉེས་པ་ཅ་རེ་ཉ་རེ་རྒྱབ་སྟེ། བཤགས་སྡོམ་མེད་པར་ཉེས་པ་དང་ཞག་གཅིག་ཀྱང་འགྲོགས་མ་མྱོང་། ཞེས་གསུངས་པ་ལྟར་ལོག་རྟོག་འདུལ་བའི་གཉེན་པོའི་དམ་ཚིག་གི་རྣམ་གྲངས་བསམ་ལས་འདས་ཤིང་བརྗོད་ཀྱིས་མི་ལང་བར་གསུངས་ཀྱང་། ལམ་ལ་ཞུགས་པ་རྣམས་ཀྱིས་གཅིས་དོན་མདོར་བསྡུ་བསྲུང་བྱ་ནི། སློབ་དཔོན་ཆེན་པོ་སངས་རྒྱས་གཉིས་པས་ཐུན་མོང་མ་ཡིན་པའི་དམ་ཚིག་གི་རྩ་བ་སྐུ་གསུང་ཐུགས་གསུམ། ཡན་ལག་གི་དམ་ཚིག་ཉེར་ལྔ་དང་། ཐུན་མོང་གི་དམ་ཚིག་ས་མ་ཡ་འབུམ་སྡེའི་དོན་བསྡུས་ཉེར་གཅིག་སོགས་སུ་གསུངས་པ་དང་། སློབ་དཔོན་བྷ་ཝི་ལྷས་རྩ་བའི་དམ་ཚིག་བཅུ་བཞིར་བསྡུས་པའི་ཉམས་ཆག་གིས་གོས་པ་ཐམས་ཅད་ནི་སྦྱང་གཞི་ཡིན་ནོ། །གཉིས་པ་ནི། སྦྱོང་བྱེད་རྡོ་རྗེ་སེམས་དཔའི་རྣལ་འབྱོར་ཁྱད་པར་ཅན་འདི་ལས་གཞན་དུ་མ་དམིགས་ཏེ། གསང་བ་སྤྱི་རྒྱུད་ལས། སངས་རྒྱས་ཀུན་གྱི་སྐུ་གཅིག་པུ། །རྡོ་རྗེ་ འདི་འཛམ་གླིང་མཛེས་པར་བྱེད་པའི་རྒྱན་གཉིས་པ་འཕགས་པ་ལྷས། ལོག་སྨྲའི་ཁེངས་པ་ཚར་བཅད་དེ་ནང་པའི་གྲུབ་མཐའ་ལ་བཙུད་ཅིང་རྗེས་སུ་བཟུང་བས། སྐྱེས་རབས་སོ་བཞིས་སོགས་བསྟན་བཅོས་བསམ་གྱིས་མི་ཁྱབ་པ་བརྩམས་མཁན་གྱི་བསྟན་སྐྱོང་དེ་ཡིན་ནོ། །སེམས་དཔའ་ལ་དམིགས་ནས། ཡི་གེ་བརྒྱ་པ་ཆོ་ག་བཞིན། །ཉིན་རེ་བཞིན་ཡང་དུས་དྲུག་ཏུ། །ཉི་ཤུ་རྩ་གཅིག་རེ་རེ་བཟླས། །དེ་ཡིས་ལྟུང་སོགས་བྱིན་བརླབས་ནས། །འཕེལ་བར་ནམ་ཡང་མི་འགྱུར་རོ། །འབུམ་ཕྲག་གཅིག་ནི་བཟླས་པ་ན། །སྒྲུབ་པ་མཆོག་གི་ལེགས་བཤད་པས། །རྣམ་པར་དག་པའི་བདག་ཉིད་འགྱུར། །ཅེས་གསུངས་ཤིང་། དོན་གྱི་སྙིང་པོར་རིག་

(༢༧༡)པའི་ངོ་བོ་ཅིར་ཡང་མ་དམིགས་པའི་གསལ་ཆ་རྡོ་རྗེ། དེའི་རང་བཞིན་སྣང་བཞིན་དུ་བདེན་པར་མ་གྲུབ་པས་སེམས་དཔའ། དེའི་གཤིས་ལུགས་གསལ་སྟོང་ངམ་སྣང་སྟོང་དབྱེར་མེད་མཐའ་བྲལ་བློ་འདས་ཆེན་པོར་ཉམས་སུ་ལེན་པ་ནི་སྦྱང་ཚུལ་འཁོར་འདས་དབྱེར་མེད་པ་ཡིན་ནོ། །གཉིས་པ་ལ་གསུམ། དབང་པོར་བལྟ་བས་བཤགས་པ། དབང་པོ་འབྲིང་སྒོམ་པས་བཤགས་པ། དབང་པོ་ཐ་མ་འགྱོད་བཤགས་སྨྲེ་སྔགས་ཀྱི་སྤྱོད་པས་བཤགས་པའོ། །དང་པོ་ལ་གཉིས། ལྟ་བའི་གནས་ལུགས་བཤད་པ་དང་། ཐ་སྙད་ཀྱི་རྩོད་པ་སྤང་བའོ། །དང་པོ་ནི། གང་ཟག་དབང་པོ་ཡང་རབ་གནས་ལུགས་ཀྱི་དོན་ལ་སོམ་ཉིའི་ངོ་ཐག་ཆད་ཅིང་། བརྟན་པ་ཆེར་ཐོབ་པའི་རྣལ་འབྱོར་པ་དག་གིས། སྒྲིབ་པ་བཤགས་བྱ་བཤགས་བྱེད་བཤགས་ཡུལ་ཐམས་ཅད་འཁོར་གསུམ་ཡོངས་དག་ལས་མ་འདའ་ཞིང་། དེ་ཡང་རྫོགས་ཆེན་རང་ལུགས་ལ་ཀ་དག་གི་རིག་པ་བརྒལ་ལན་གྱིས་གཏན་ལ་དབབ་པའི་དུས་སུ། དབྱིངས་ཀ་དག །ཡེ་ཤེས་ཀ་དག །སྐྱོན་མེད་ཀ་དག །གྲོལ་གཞིའི་ཀ་དག །གྲོལ་སའི་ཀ་དག་ཅེས་རྣམ་དབྱེ་བས་མ་གྱིས་མི་ཁྱབ་ལ། དེ་ཡང་སྔ་མ་གཉིས་ལ་ལྷུན་གྲུབ་ཀྱི་གྲུབ་མཐས་གནོད་ཅིང་། ཕྱི་མ་གཉིས་ནི་མན་ངག་གི་དགོངས་པ་ཡིན་ལ། འདིར་བརྗོད་བྱའི་སྙིང་པོ་ནི་བར་མའི་ཀ་དག་ཆེན་པོའམ། སྐྱོན་མེད་དུ་གྲགས་པ་གཞི་འབྲས་ཀྱི་མ་རིག་པ་མ་སྤངས་ལ་མི་ལྡན་པར་འདོད་པའི་དོན་ཧྲིལ་གྱིས་དྲིལ་ན། བློས་ཕར་མ་བསྒོམས་པ། རིག་པས་ཚུར་མ་བཅིངས་པ། བཅིངས་ཕྲོལ་གཉིས་ཀའི་མཐའ་ལས་འདས་པ། ཡིད་ཆེས་ཀྱི་སྒྲོག་གིས་མ་བསླུས་པ། ཡེ་ནས་རང་བཞིན་གྱིས་རྣམ་པར་དག་པས་ཡེ་དག །ཡིད་ལ་བྱ་རྒྱུ་སྐྲའི་རྩེ་མོ་ཙམ་ཡང་མེད་པས་བྱར་མེད། སྒོམ་འཛིན་གྱི་བློ་དང་བྲལ་བས་བློ་བྲལ། གཉུག་མ་རང་ངོ་ལ་ཡོད་པས་མ་བཅོས་ལྷུག་པ། ཚུར་ལམ་གཅུར་བས་

(༢༧༢)རྒྱ་ཡན། ཕར་ལམ་བསྒོམས་པས་ཅོག་བཞག །བཅིངས་གྲོལ་གཟོད་ནས་དག་པ་དེ་གའི་ངང་ལས་འགྱུ་བ་ཕྲ་རགས་ཐམས་ཅད་རང་གྲོལ་རྗེན་པ་ལྷག་གེར་གཞག་པའི་ལྟ་བའི་ཀློང་བཤགས་ཀྱི་དགོངས་པ་ཡིན་ཏེ། ཨུ་རྒྱན་ཆེན་པོས། ཐོས་བསམ་འབད་རྩོལ་སྒོམ་པ་དང་༔ མི་བསྒོམ་ནི་རྟོག་བྱར་མེད་སོགས༔ གང་ལྟར་བྱས་ཀྱང་བཅོས་མའི་ལམ༔ མ་བཅོས་ཆོས་སྐུའི་ཀློང་དུ་བཤགས༔ བྱས་པའི་ཆོས་ཀྱིས་སངས་མི་རྒྱ༔ བློ་ཡི་ཆོས་ཀྱིས་རང་ཉིད་འཆིང་༔ གང་ལ་དམིགས་ཀྱང་ཡིན་ལུགས་སྒྲིབ༔ དམིགས་མེད་ཆོས་སྐུའི་ཀློང་དུ་བཤགས༔ ཞེས་གསུངས་པ་ལྟར་རོ། །གཉིས་པ་ནི། ཁ་ཅིག་གིས་རྫོགས་པ་ཆེན་པོའི་ལྟ་བ་དཔེ་རྒྱུད་དུ་མཚོན་བྱེད་ཚིག་གིས་བཤད་པ་དེ་དག་ལ་ཧྭ་ཤང་དང་བོན་པོའི་ལྟ་བ་དང་མཚུངས་སོ་ཞེས་སྐུར་བ་མི་བཟད་པ་བྱེད་མོད། དེ་ནི་མཚོན་བྱ་དོན་གྱི་ཡེ་ཤེས་དགོངས་པའི་རྒྱུད་ལ་འབྱོར་བ་དག་གི་སྤྱན་སྔ་རང་མཚང་རྗེན་པར་སྟོན་པའི་གཏམ་སྟེ། དེ་ཡང་ཧྭ་ཤང་གི་ལུགས་མི་འཐད་ཅེས་ཟེར་བ་ལ་རིམ་གྱིས་སྨྲ་བ་ཐམས་ཅད་མཐུན་མོང་དེ། དེ་དང་མ་ཧཱ་སནྡྷི་པའི་ལྟ་བ་མཐུན་པར་གོ་བ་ལ་སྔོན་དུ་ཧྭ་ཤང་གི་གཞུང་ལུགས་མཚང་རིག་པའི་སྒོ་ནས་རྒོལ་བར་རིགས་པའི་ཕྱིར། དེའི་གཞུང་ལུགས་གཏེར་དུ་སྦས་ནས་མེད་པས་གྱ་ཚོམས་ཀྱི་གཏམ་ཡང་ཡིན་ནོ། །སློབ་དཔོན་ཀ་མ་ལ་ཤཱི་ལས་ཧྭ་ཤང་གི་ལུགས་ལ་དགག་པ་བྱས་པ་དེ་ཉིད་ཀྱི་རྗེས་སུ་འབྲང་ན་ནི་དགག་པ་པོ་ཉིད་ཀྱིས་འདོད་པ་ཡང་དབུ་མ་རང་རྒྱུད་པ་ཡིན་པས། ཤིང་རྟའི་སྲོལ་བྱེད་གཉིས་ལས་ཟབ་མོ་ལྟ་རྒྱུད་ཀྱི་རྗེས་སུ་ཞུགས་པ་རྣམས་འགྲེལ་བ་བུདྡྷ་བ་ལི་ཏ་སོགས་པའི་རྗེས་སུ་འགྲངས་ནས། དབུ་མ་ཐལ་འགྱུར་ལས་རང་རྒྱུད་པའི་ལྟ་བ་ཤིན་ཏུ་རྣམ་དག་མ་ཡིན་པར་བཞེད་པའི་ཕྱིར་དགག་བྱ་ཁེགས་པའི་སྐབས་ཀྱང་མེད་ལ། འོན་ཏེ་ཡིད་ལ་མི་བྱེད་པ་ཟེར་བའི་ འཛམ་གླིང་མཛེས་པའི་རྒྱན་གྱི་གཙོ་བོ། བྲམ་ཟེ་གཙུག་ཕུད་ཅན་གྱི་སྲས་འཕགས་པ་ཀླུ་སྒྲུབ་དང་། བྲམ་ཟེ་མོ་སུ་པྲ་ཀཱ་ཤ་ཤཱི་ལ་ཞེས་བྱ་བས་སངས་

(༢༧༣)རྒྱས་ཀྱི་བསྟན་པ་ལ་བསམས་ནས་རྒྱལ་རིགས་དང་འདུས་པ་ལས་བྱུང་བའི་ལུས་འཕགས་པ་ཐོགས་མེད་གཉིས། ས་བོན་ཙམ་ལ་བརྟེན་ནས་ཧྭ་ཤང་དང་མཐུན་ནོ་སྙམ་ན་ནི། སྒྲ་གཅན་འཛིན་གྱིས་ཡུམ་ལ་བསྟོད་པ་ལས། །སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །ཅེས་པ་ལྟ་བུས་མཚོན་ཏེ་དགོངས་འབྲེལ་དང་བཀའ་ལུང་མང་པོ་ནས་དེ་ལྟར་གསུངས་པའི་ལུང་མང་པོ་ཡོད་པའི་ཕྱིར་དང་། ཅི་སྟེ་བཟང་རྟོག་ངན་རྟོག་གཉིས་ཀ་དགག་བྱར་བྱེད་པ་ཞིག་ཏུ་ཁྱེད་ཅག་གིས་མཐོང་ཕྱོགས་སུ་སྣང་ན་ནི། ཡེ་རྫོགས་པས་དེ་གཉིས་ཀ་སྤང་བསྒྱུར་གང་ཡང་མི་བྱེད་པར་ཟང་ཐལ་དུ་ལམ་བུ་འཁྱེར་བའི་ཕྱིར་དང་། སོ་སོར་རྟོག་པའི་ཤེས་རབ་ཁོ་ན་ལ་མ་བརྟེན་པར་སྒོམ་གྱི་གནས་ལུགས་མི་རྟོགས་པར་འདོད་ཅིང་མདོ་སྔགས་གཉིས་ཀྱང་ཐབས་ཀྱིས་ཁྱད་པར་མ་གཏོགས་ལྟ་བའི་ངོ་ནས་དབྱེ་རུ་མེད་ཅེས་ཟེར་བ་ནི། སྔགས་ཀྱི་སྔས་དོན་མཐར་ཐུག་གི་དོན་ཁྱད་པར་བ་རྣམས་སུ་ལྟ་བའི་གནད་ཐུན་མོང་མ་ཡིན་པ་བཤད་པ་ཐམས་ཅད་སྙིང་པོ་མེད་པར་བཏང་བའི་ཕྱིར་དང་། ཅི་སྟེ་ཐ་སྙད་ལ་མ་བརྟེན་པར་དོན་དམ་པའི་གནས་ལུགས་མི་རྟོག་པར་འདོད་ན་ནི། རྫོགས་རིམ་ཟབ་མོ་རྟོག་དཔྱོད་ཀྱི་ཡུལ་མ་ཡིན་པར་རྒྱུད་སྡེ་རྣམས་ནས་ཇི་སྙེད་ཅིག་གསུངས་པ་རྣམས་དགག་པར་འགྱུར་བ་དང་། གལ་ཏེ་རྟོག་པས་བཏགས་པའི་རིགས་ཤེས་ཀྱི་གཉེན་པོ་ཡིན་པར་འདོད་ན་བྱིས་པ་སོ་སོ་སྐྱེ་བོའི་བློས་བསམ་གྱིས་མི་ཁྱབ་པ་རྣམས་མ་ཡིན་པར་འགྱུར་བའི་ཕྱིར་དང་། དབུ་མའི་རྩོད་བཟློག་གི་སྐབས་སུ་དེ་སྐད་གསུངས་པ་ནི་བདེན་པ་གཉིས་ཀྱིས་འབྱེད་ཅིང་འཇལ་བ་ལ་དགོངས་ཀྱི། རྡོ་རྗེ་ཐེག་པ་ལ་དབང་ལས་བྱུང་བའི་ཡེ་ཤེས་སྐད་ཅིག་མ་ཡོད་པས་དེ་ལ་མི་ལྟོས་པ་ཤེས་པར་བྱའོ། །ཐ་སྙད་ཙམ་ལ་བརྟེན་ནས་དོན་ཇི་བཞིན་པར་རྟོགས་པར་འདོད་ན། ཕྱི་རོལ་པའི་ཐ་སྙད་ཀྱིས་ཀྱང་ནང་པའི་གྲུབ་མཐའ་རྟོགས་པར་ཧ་ཅང་ཐལ་བའི་ཕྱིར་དང་། ཅི་སྟེ་བློས་བསྒྲུབས་པའི་སྟོང་ཉིད་ལ་མཆོག་ཏུ་བཟུང་ནས་ལྟ་བ་མཐོད་མའི་ས་མཚམས་བཟུང་དུ་ཡོད་ན་ནི། རང་ལྟ་མཆོག་

(༢༧༤)འཛིན་གྱི་གོ་ལས་མ་སྤངས་ཤིང་ཡང་དག་གི་ལམ་རྣལ་མ་ལ་ཤིན་ཏུ་ཁ་འགྱངས་པའི་ཕྱིར་ཏེ། དེ་ཅིའི་ཕྱིར་ཞེ་ན། ཆོས་ཐམས་ཅད་ཀུན་བརྟགས་ཡིན་པའི་ཕྱིར་རང་གི་མཚན་ཉིད་མ་གྲུབ་པས། ངོ་བོ་ཉིད་མེད་དོ་ཞེས་པ་ནི་ཐུན་མོང་ཐེག་པའི་སྐབས་ནས་ཀྱང་ཁས་ལེན་དགོས་པའི་རྒྱུ་མཚན་གྱི། དོན་དུ་ནི་ཅི་ཡང་ཡོད་མ་མྱོང་བས་རྟག་པའི་མཐའ་དང་བྲལ་ཞིང་། རང་བཞིན་གྱི་འོད་གསལ་བ་ནི་གདོང་མ་ནས་ལྷུན་གྱིས་གྲུབ་པས་མེད་མ་མྱོང་བས་ཆད་པའི་མཐའ་དང་བྲལ་བས། དེ་ལྟར་ཡོད་མེད་ཀྱི་སྒྲོ་འདོགས་རིག་པ་གཅིག་པུའི་སྟེང་དུ་དུས་གཅིག་ལ་ཆོད་ནས་རྡོ་རུས་སིང་སྟེ་ཐུག་པ་ནི་སངས་རྒྱས་ཀྱི་དགོངས་པ་རྣལ་མ་ཡིན་པར་ཁོ་བོ་ཅག་འདོད་པའི་ཕྱིར་བསམ་ངོ་དང་བྲལ་བར་འཇོག་སྟེ། འཕགས་ཡུལ་གྱི་ཤིང་རྟ་ཆེན་པོ་བ་རྣམས་དང་གྲུབ་ཆེན་ས་ར་ཧའི་རྗེས་འབྲངས་རྣམས་ཀྱང་འདི་བཞེད་དེ་དབུ་མ་ལས། ཡོད་པ་མ་ཡིན་མེད་པའང་མིན། །གཉིས་ཀྱང་མ་ཡིན་གཉིས་མེད་མིན། །མཐའ་བཞི་དག་དང་བྲལ་བ་ལ། །འདིའི་སྐོར་རྒྱས་པར་སྣང་ཉམས་སོ་སོའི་འཆར་ཚུལ་ལྟོ་སྦྱར་བའི་ཉམས་བཤད། རིག་བསྒོམ་སྟོངས་ཀྱི་རྩལ་ལས་བྱུང་བའི་ཉམས་མྱོང་གནད་ཀྱི་མན་ངག་དང་འགལ་སྤོང་སོགས་ཁོ་བོའི་མགུར་འབུམ་ཡེ་ཤེས་མེ་ལོང་དང་། མན་ངག་གི་དྲིས་ལན་དུ་བརྗོད་པའི་ཡིག་ཆུང་རྣམས་སུའང་གསལ་བར་གྲིས་ཡོད་དོ་བགྱི་བ་དོན་ལྡན་ཡིན་ནོ། །དབུ་མ་ཞེས་ནི་རབ་ཏུ་བརྗོད། ཅེས་ཁ་ཙམ་གྱིས་ཡོད་པ་མ་ཡིན་མེད་པ་མ་ཡིན་ཞེས་བརྗོད་པ་མ་ལགས་པར་སེམས་ཀྱི་ངོ་བོ་ཡོད་མེད་ཀྱི་མུ་བཞི་དང་བྲལ་བས་བསམ་བརྗོད་དང་བྲལ་འགྲོ་བརྒྱུད་ཐོག་ཏུ་དཔྱད་པར་བྱ་ལ་དེ་སྐད་དུ། དོ་ཧ་མཛོད་ལས། འདི་ལྟར་དུས་གསུམ་རྣམ་པ་ཐམས་ཅད་དུ། །ཡིད་ལ་བྱར་མེད་མཐའ་བྲལ་གཉུག་མའི་ངང་། །དེ་ཉིད་སྐྱོང་ལ་སྒོམ་ཞེས་ཐ་སྙད་བཏགས། །ཞེས་དང་། དེ་བཞིན་དུ་མགོན་པོ་ཀླུས་ཀྱང་། གློ་ཏུང་གང་དག་དངོས་ ཡུམ་ལས་སྟོང་པ་ཉིད་ལ་གཟུགས་མེད་ཅེས་པ་ལ་སོགས་པས། ཕུང་པོ་ལྔ་དང་དྲལ་བའི་མཉམ་གཞག །ཚོགས་བརྒྱད་ཀྱི་དྲི་མས་མ་གོས་པའི་རྗེས་ཐོབ་གསལ་བར་བསྟན་ཀྱང་རྟོག་གེའི་རིག་པས་འདོད་ཁའི་

(༢༧༥)ལྟ་བ་ཙམ་ལས། ཚུལ་ཇི་བཞིན་པ་མ་དཔོགས་པས་ལམ་རྣལ་མ་བསྐུར་བ་འདེབས་པ་སྙིང་རྗེ་བའོ། །རྣམས་ལ། ཡོད་པ་ཉིད་དང་མེད་ཉིད་དུ། །ལྟ་བ་དེས་ནི་བལྟ་བྱ་ལ། །ཉེ་བར་ཞི་བ་ཞི་མི་མཐོང་། །ཞེས་པའང་སྔ་མ་དང་དགོངས་པ་གཅིག་གོ །ཏིལྻི་པས། མི་མརྣོ་མི་བསམ་མི་དཔྱད་ཅིང་། །མི་བསྒོམ་མི་སེམས་རང་བབ་གཞག །ཅེས་དང་། ནཱ་རོ་པས། གང་ཡང་ཡིད་ལ་མི་བྱ་བར། །ལམ་ཁར་བོར་བའི་རོ་བཞིན་དུ། །ལུས་ཀྱི་བདག་འཛིན་བོར་བྱས་ལ། །འཛིན་མེད་ནམ་མཁའི་ངང་ལ་གཞག །ཅེས་དང་། ས་སྐྱ་པ་ཆེན་པོས། ཡོད་པར་འཛིན་ལ་ཐར་པ་མེད། །མེད་པར་འཛིན་ལ་མཐོ་རིས་མེད། །གཉིས་ཀར་འཛིན་པ་མི་རིགས་ཀྱི། །གཉིས་མེད་གང་ལ་གང་དགར་ཞོག །ཅེས་དང་། རྗེ་བཙུན་མི་ལས། གང་དག་དོན་ལ་བསམ་རྒྱུ་མེད། །བསམ་རྒྱུ་མེད་པར་སྒོམ་ཤེས་ན། །ཉོན་མོངས་གྲི་ཟད་བརྡར་ཟད་ཡིན། །བསམ་བློ་མང་པོ་སྐྱེས་ཕྱིན་ཆད། །ཇི་ལྟར་བསྒོམས་ཀྱང་གྲོལ་མི་ནུས། །ཞེས་དེ་དག་ཐམས་ཅད་བསམ་རྒྱུ་མེད་པའི་ཅིར་ཡང་མི་འཛིན་པར་དགོངས་པ་མཐུན་པ་དང་། ཞི་བྱེད་པ་རྣམས་ཀྱང་འདི་བཞེད་དེ། ཕ་དམ་པས། སྒོ་ལྔའི་དབང་པོ་གསལ་བ་ལ། །ཡིད་ཀྱི་རྣམ་ཤེས་མི་འཕྲོ་བ། །དེ་ནི་མཉམ་གཞག་ཐབས་ཆེན་ཡིན། །ཞེས་དང་། གཅིག་པུར་ལྐོག་ཏུ་ཉལ་ཙ་ན། །རིག་པ་རྗེན་པར་འཇོག་པ་ཡིན། །མང་པོའི་གསེབ་ཏུ་འདུག་ཙ་ན། །གང་ཤར་དབང་པོར་ལྟ་བ་ཡིན། །ཞེས་དང་། རིག་པ་དྲི་མེད་སྒོམ་པ་ལ། །བློས་སྒོམ་གྱིས་ཞབས་ཏོག་མི་བྱ་ཞབས་འདྲེན་དུ་འགྲོ་གསུངས་པ་སོགས་དེ་ཐམས་ཅད་ཀྱང་བསམ་རྒྱུ་མེད་པར་དགོངས་པ་མཐུན་མོད། འོན་ཀྱང་དང་པོ་སེམས་ཀྱི་མཚང་དབྱུང་བ་དང་། གནས་ལུགས་ཀྱི་གཞི་གཏན་ལ་འབེབས་པའི་རྩལ་སྦྱོང་བ་ཙམ་ལ་ནི། དབུ་མ་པས་འཇོག་སྒོམ་དང་། དཔྱད་སྒོམ། རྡུལ་ཕྲན་དུ་བསིལ་གཏོར་སོགས་དང་ཕྱག་ཆེན་

(༢༧༦)པས་ཐོལ་སྐྱེས་རྦད་གཅོད། གང་ཤར་བཟོ་མེད། གང་སྐྱེས་གཉུག་མ་སོགས་དང་། རྫོགས་ཆེན་པས་བྱུང་ཁུངས་རྩད་གཅོད། གནས་འགྱུ་ཁུངས་བརྟག །འགྲོས་གཏན་འབེབས་སོགས་སོ་སོའི་མན་ངག་གིས་ངེས་པས་སེམས་ལ་སེམས་ཀྱི་ལས་བཀོལ་ནས་ཁ་ཕྱིར་བལྟས་ཀྱི་རྟོག་དཔྱོད་གཏོང་བ་དག་ནི་མཁན་པོ་རྩད་གཅོད་ཀྱི་མན་ངག་ཤིན་ཏུ་རིགས་མོད། གནས་ལུགས་ཀྱི་ངོ་སྤྲོད་ཕྱིན་ཅི་མ་ལོག་པ་ཞིག་ཐོབ་ནས་རིག་པ་ཡིན་ལུགས་ཀྱི་སྟེང་དུ་མི་འཇོག་པར། ལྟ་རྒྱུ་དང་། སྒོམ་རྒྱུ་དང་། དཔྱད་རྒྱུ་དང་། སེམས་རྒྱུ་ཞིག་ཡོད་ན་བློས་བྱས་ཀྱི་ལྟ་བ་རེས་འཇོག་ཅན་ཞིག་ལས། རྣམ་ཀུན་མཆོག་ལྡན་གྱི་གསལ་བས་ཀུ་སཱ་ལིའི་འཇོག་སྒོམ་རྣམ་དག་གི་དྲི་ཙམ་མ་ཡིན་ལ། ཚུལ་དེ་ལ་དགོངས་ནས་ཀུན་མཁྱེན་ལྔ་པ་ཆེན་པོས། དགག་སྒྲུབ་ཚིག་སྐམ་ལ་ཞེན་སྟོང་ཆེན་དང་། །ཐ་སྙད་རྫུན་གྱི་འཁྲུལ་འཁོར་བསྐོར་དེས་ཀྱང་། །དེས་ལེགས་གྲོང་དུ་བགྲོད་ལ་ཅུང་མ་ཉེ། །ཞེས་ཡིད་དཔྱོད་ཀྱིས་རྣལ་མའི་དོན་མི་མཐོང་བར་བསྟན་པ་དང་། ཡང་དགོན་པས། ཡེ་སྒོམ་ལ་བློ་ཡིས་མ་བསྒོམས་མཛོད། རང་བབ་ལ་བཟོ་ཡིས་མ་བཅོས་མཛོད། །མི་རྟོག་པ་མེད་དུ་མ་བསྒོམས་པར། །སེམས་རང་ལུགས་སུ་ཞོག་ལ་རྒྱང་སོ་ཚུགས། །ཞེས་དང་། འགྲོ་མགོན་ཞང་རིན་པོ་ཆེས། ཇི་སྲིད་ཡིད་ཀྱིས་དཔྱད་བཟོད་དེ་བཞིན་དུ། །ཇི་ཙམ་ཟབ་པར་རྟོགས་ཀྱང་གནས་ལུགས་མིན། །བལྟ་བྱ་ལྟ་བྱེད་གཉིས་འཛིན་དེ་སྲིད་དུ། །གཉིས་སུ་མེད་པའི་གནད་ལུགས་རྟོགས་མི་སྲིད། །ཅེས་དང་། ཁུ་ལུང་པའི་ཞལ་ནས། སེམས་དང་ཆོས་ནི་ཅི་ཡང་མ་ཡིན་པས། །སྒོམ་པའི་ཚེ་ན་ཅི་ཡང་མི་སྒོམ་མོ། །ཞེས་གསུངས་པས་ཤིན་ཏུ་གསལ་བར་གོ་ནུས་ཤིང་། དེ་དག་རྣམས་དོན་རྒྱུད་ཀྱི་བདག་པོ་རྣལ་མ་ཡིན་པར་ངེས་ལ། རང་ལུགས་རྫོགས་པ་ཆེན་པོ་ནས་ལན་གདབ་ན་ཁྱེད་དང་ལས་འབྲེལ་མེད་པའི་ཕྱིར་ས་ཀུ་རྩིའི་རྣ་བར་དབྱར་གྱི་རྔ་གསང་བསྒྲགས་པ་བཞིན་ད་དུང་དང་ངེས་ཤིང་

(༢༧༧)སྐྲག་ནས་དམྱལ་བ་མནར་མེད་དུ་ཡུན་རིང་པོར་ཆགས་པའི་ལོག་ལྟ་མི་བཟད་པ་སྐྱེ་བའམ། ཡང་ན་རང་ཉིད་འདོད་པའི་སྟོང་ཉིད་ཟབ་མོ་བདེ་འཐོར་ཡས་སྲངས་སུ་མི་ཚུད་པ་ཙམ་དུ་གྱུར་གྱིས་དོགས་པར་ཡང་མ་ཐད། རིན་པོ་ཆེ་སྤུངས་པའི་རྒྱུད་ལས་བཀའ་རྒྱ་གདམས་པའི་ཕྱིར་རྟོག་གེའི་ཚིག་ལན་དང་ཆང་གྲལ་དུ་ཆོས་གཏམ་གླེང་བའི་ཆོས་མ་ཡིན་པས་དབུ་མའི་སྦུབས་སུ་བསྐྱིལ་བ་ཡིན་ནོ། །དེ་ལྟ་ནའང་ཁྱད་པར་གྱི་ཆོས་ཟུར་ཙམ་བརྗོད་ན། འདོད་ཁའི་ལྟ་བ་ལུང་རིག་ལ་མ་ལྟོས་པར་རྟོགས་པ་ནང་ནས་འཆར་བའི་ཁྱད་པར། ཡིད་སྨོན་གྱིས་སྒོམ་པ་སེམས་འཛིན་ལ་མ་ལྟོས་པར་བྱིང་རྒོད་ཟང་ཐལ་དུ་གྲོལ་བའི་ཁྱད་པར། ཚུལ་འཆོས་ཀྱི་སྤྱོད་པ་གནང་བཀག་ལ་མ་ལྟོས་པར་སྤང་གཉེན་རིས་མེད་དུ་སངས་པའི་ཁྱད་པར། འབྲས་བུ་བསོད་ནམས་ལ་མི་རེ་བར་སྐུ་གསུམ་ལྷུན་གྲུབ་ཆུ་གྲོལ་བའི་ཁྱད་པར་དང་བཞི་སྟེ། དོན་ལ་དབྱིངས་ཐོག་ཏུ་རིག་པ་ཐིམ་པས་གནས་ལུགས་བརྗོད་བྲལ་དུ་རྟོགས་ནས་མངའ་དབང་རྫོགས་པའི་སངས་རྒྱས་ཀུན་ཏུ་བཟང་པོ་ལག་པའི་མཐིལ་དུ་ཟིན་པས་མཚན་མ་དང་བྲལ་བའི་བློ་བདེ་རྒྱུན་ཆད་མེད་པ་ཞིག་ལགས་སོ། །འོན་ཀྱང་ཁྱེད་ཅག་རྣམས་ཡུས་པ་ཅུང་ཟད་བདེན་མོད་ཀྱི། གནས་ལུགས་ཀྱི་སྟེང་དུ་ལྷན་ནེ་འཇོག་པའི་ཚེ་ཡང་། བག་ཆགས་ཀྱི་གོམ་།།།ཏོབས་ཚན་ཆེ། འཁྲུལ་པའི་སྣང་བ་འདི་ཤུགས་དྲག །སྒོམ་འཛིན་གྱི་ཤེས་སྒྲིབ་འདི་ཕྱི་གཞུང་རིང་། རྣམ་རྟོག་གི་འགྱུ་དྲན་འདི་མགོ་ལོ་རྒོད། ཡུལ་སྣང་གི་གཉིས་འཛིན་འདི་རྩལ་ཆེ། ཡིད་ཆེས་ཀྱི་དཔྱད་བཟོ་འདི་ཤུགས་དྲག་པས་ཧར་སངས་པས་།།།་མདོ་དང་བྲལ་བ་འདི་ཤེས་རྒྱུད་ལ་འགེལ་པར། ཚེ་འདིའི་རྗེས་སུ་སྐད་ཅིག་ཀྱང་མ་འབྲེངས་ཤིང་། སེ་གོལ་གཏོགས་ཡུན་ཡང་ཡེད་མེད་དུ་བྲག་ཕུག་ལ་ཞྭ་བྱས་ནས་བསྒོམ་ན་མ་གཏོགས་འདི་དང་མཇལ་ལན་མི་འོང་ངེས་ཅན་དུ་འཁྲུམས་།།།མོད། དེའི་རྒྱུ་མཚན་ཡང་། དགྲ་ནག་འཇིགས་བྱེད་ལས། ཆོས་ཉིད་བསམ་གྱིས་མི་ཁྱབ་པས། །

(༢༧༨)དོན་ལ་ཐེ་ཚོམ་མེད་པ་ཡིས། །མཁས་པ་དེ་ལ་དངོས་གྲུབ་ཉེ། །ཡང་ན་རྐུན་པོ་དད་པ་བརྟན། །དེ་ལ་སྦྱོར་བའི་དངོས་གྲུབ་ཉེ། །རྟོག་ཅིང་དཔྱོད་པའི་རྟོག་གེ་བ། །དེ་ལ་དངོས་གྲུབ་རིང་བར་བཤད། །ཅེས་གསུངས་པའི་ཕྱིར་རོ། །དེས་ན་ཀློག་པ་ཐོས་བསམ་པ་རྣམས་མདོ་ལུགས་ཀྱི་དཔྱད་སྒོམ་ལ་གཞིག་པའི་ཏིང་ངེ་འཛིན་དང་། སྤོང་བ་བསམ་གཏན་པ་རྣམས་སྔགས་ལུགས་ཀུ་སཱ་ལིའི་འཇོག་སྒོམ་ལ་བློ་བཞག་པ་ལ་ཁྱད་པར་ཤིན་ཏུ་ཆེ་བ་ཡོད་ཕྱིར། རང་ལུགས་འཐད་ཕྱོགས་སུ་བསྒྲུབས་ནས་གཞན་ལ་སུན་དབྱུང་བ་ནི་ཆོས་ལ་བརྟེན་ནས་སྒྲིབ་པ་གསོག་པའི་རྒྱུ་ཁོ་ནར་འགྱུར་བ་དང་། ཁ་ཅིག་ལྟ་བ་མཐོ་དམན་ལ་རྩོད་པ་འདི་ནི་སེམས་ཅན་གྱི་དོན་དུ་འགྱུར་ལ་རྒྱལ་བས་ཀྱང་གནང་བ་ཡིན་ཞིང་། སྔོན་གྱི་མཁན་པོ་དག་གིས་ཀྱང་བཤད་ཅེས་ཟེར་བ་ཡོད་དེ། དེ་ནི་ཚུལ་འདི་ལྟ་བུ་གཞན་ལ་སུན་རྣམ་པར་གྱུར་བ་མ་ཡིན་ལ། ངེས་པའི་དོན་ལ་གང་ཉེ་བའི་རིག་པ་འགྲན་པ་ཙམ་ལ་ཉེས་སྐྱོན་མེད་པར་བཤད་དེ་སྔ་མ་ལྟར་ན་ཐེག་པ་ཆེན་པོ་ལ་བཀའི་སྤོང་ལེན་གྱིས་ཉམས་པའི་རྒྱུར་ཡང་བཤད་དེ། ཇི་སྐད་དུ། དད་པ་ཙམ་གྱིས་རབ་ཏུ་འཇུག་བྱའི་ཕྱིར། །རྣམ་པར་དཔྱད་པ་འདི་ནི་མིང་ཙམ་སྟེ། །གང་ཞིག་སྒོམ་པ་དེ་ནི་ཡང་དག་བྲལ། །ཞེས་དང་། རྒྱུད་ལས། གྲུབ་མཐའི་ཕྱོགས་ཆ་བཟུང་ནས་ནི། །གང་ཞིག་གཞན་ལ་སྨོད་བྱེད་པ། །སྒྲིབ་པའི་ནང་ནས་སྒྲིབ་པ་སྟེ། །དེ་ལ་ཡོན་ཏན་འབྲས་བུ་དབེན། །ཆ་འཕོས་ན་རག་སྡུག་བསྔལ་སྤྱོད། །མཚམས་མེད་ལས་དང་འདི་མཚུངས་སོ། །ཞེས་དང་། གསང་སྔགས་ཀྱི་རྩ་ལྟུང་ཀྱང་འཕོག་སྟེ། སློབ་དཔོན་བྷ་ཝི་ལྷས། རང་ངམ་གཞན་གྱི་གྲུབ་མཐའ་ལ། །ཆོས་ལ་སྨོད་པ་དྲུག་པ་ཡིན། །ཞེས་གསུངས་པ་དེས་ན། གལ་ཏེ་མུ་སྟེགས་ཅན་གྱི་ལེགས་པར་བཤད་པའི་གཞུང་ལ་ཡང་། སངས་རྒྱས་རྣམས་ཀྱིས་བྱིན་གྱིས་བརླབས་པ་དང་སྤྲུལ་པས་བཤད་པ་ནུས་པ་ཉིད་ཀྱིས་ལུང་བསྟན་ན། ལུང་འགྲེལ་གང་ཟག་གིས་དབང་པོ་

(༢༧༩)དང་ལྡན་པ་དེ་བཞིན་ཉིད་དུ་སྣང་བས་གསུངས་པ་འདི་དག་ལ་སྐུར་བ་གདབ་པ་ལྟ་ཅི་སྨོས་ཏེ། དེས་ན་འདི་ལྟ་བུ་ལ་སོགས་པའི་ཉེས་པ་ནི་ཤིན་ཏུ་བཟོད་པར་དཀའ་བས་ཁ་འཛིན་གྱི་ཕྱོགས་ཆས་ངན་སོང་གི་དུས་།།།པ་མི་བསྒྲུབ་པར་འཚལ་ཞེས་བདག་གིས་ཐལ་མོ་སྦྱར་ནས་རངས་པར་བྱའོ། །གཉིས་པ་ནི། དབང་པོ་འབྲིང་དུ་གྱུར་པ་རྣམས་ཀྱིས་ཕྱི་ནང་སྣོད་བཅུད་རང་ལུས་ཕུང་ཁམས་སྐྱེ་མཆེད་དང་བཅས་པ་ཐམས་ཅད་ཞི་ཁྲོའི་དཀྱིལ་འཁོར་ཉག་གཅིག་ཏུ་བསྒོམས་ལ། སྒོ་གསུམ་དཀྱིལ་འཁོར་གསུམ་གྱི་ངང་ལས་མ་གཡོས་པར་བྱས་ཏེ་ཉམས་ཆག་ཐམས་ཅད་སྦྱང་བའོ། །གསུམ་པ་ནི། དབང་པོ་ཐ་མའི་རྣལ་འབྱོར་པའམ། ངེས་པའི་དེ་ཁོ་ན་ཉིད་ཤེས་རྒྱུད་ལ་འབྱོར་བར་མི་ནུས་པའི་གྲྭ་ཚོགས་ཕལ་གྱིས་བདག་དང་དམིགས་ཡུལ་སེམས་ཅན་ཐམས་ཅད་ཀྱི་སྡིག་སྒྲིབ་སྦྱོང་ཕྱིར་འགྱོད་བཤགས་སྨྲེ་སྔགས་ཀྱི་སྒོ་ནས་བཤགས་པ་ཡིན་ཏེ། དེ་ལ་གསུམ། ལས་འདག་ཚུལ་གྱི་རྣམ་དབྱེ། དམིགས་པའི་ཁྱད་པར། མིང་འདི་དཔྱད་ན་ཤིན་ཏུ་ཆེ་བ་ཡིན་པས་དབང་པོ་འབྲིང་པོས་འང་གདགས་པར་མི་འོས་ཀྱང་འཇིག་རྟེན་སྤྱི་སྐད་ཀྱི་དབང་དུ་དེ་སྐད་མཆིས་པའོ། །བཤགས་སྡོམ་དངོས་སོ། །དང་པོ་ལ་བཞིར་གསུངས་ཏེ། རྟོགས་པས་འདག་པ། བཤགས་པས་འདག་པ། གཉེན་པོས་འདག་པ། མྱོང་བས་འདག་པའོ། །དང་པོ་ནི། བདག་མེད་རྟོགས་པའི་ཤེས་རབ་ཀྱིས་འཁོར་འདས་ཀྱི་ཆོས་ཐམས་ཅད་སྣང་ཡང་བདེན་མེད་དུ་རྟོགས་ན་ལས་ཀྱི་འབྲས་བུས་གནོད་པར་མི་ནུས་ཏེ། སམྦྷུ་ཊ་ལས། ཉིན་བཞིན་བྲམ་ཟེ་གསོད་པ་དང་། །མཚམས་མེད་ལྔ་ནི་བྱེད་པ་དང་། །ཆོམ་རྐུན་ལས་ཀྱི་ལོངས་སྤྱོད་པ། །འདི་ཡི་ལམ་གྱིས་གྲོལ་འགྱུར་ཏེ། །སྡིག་པས་གོས་པར་མི་འགྱུར་ཅིང་། །སྲིད་པའི་སྐྱོན་ལས་ཤིན་ཏུ་རིང་། །ཞེས་གསུངས་ཤིང་། འོན་ཀྱང་འདི་ནི་དགོངས་པ་ཅན་གྱི་གསུང་དང་། བདག་གཞན་བདེ་སྡུག་འཁོར་འདས་ཐམས་ཅད་མཉམ་པ་ཉིད་དུ་རྟོགས་པའི་རྣལ་འབྱོར་དབང་ཕྱུག་ལ་དགོངས་ནས་

(༢༨༠)གསུངས་པ་ཡིན་གྱི། འདི་ལྟ་བུའི་རྣལ་འབྱོར་པད་དུས་འཇིག་རྟེན་གྱི་ཁམས་ན་འཕྱང་མོ་ཉུག་གི་གནས་ཡིན་པས་ལས་འབྲས་བསླུ་མེད་ལ་ཁྱད་དུ་གསོད་ཅིང་། བག་མེད་པའི་བགྱི་བ་ལ་སྟོང་སྒྲས་འགོམ་པའི་ཕུར་བུ་པའི་བློ་ཅན་རྣམས་ཀྱིས་ལུང་འདི་ལ་སྙོག་པ་ནི་ཤིན་ཏུ་ཐལ་ཆེས་པས་རྣམ་སྨིན་གྱི་ཁུར་པོ་གཞན་ལ་སྤོ་རུ་མེད་པ་བསམ་པར་བྱ་དགོས་སོ། །གཉིས་པ་ནི་སྟོབས་བཞི་རྫོགས་པའི་སྒོ་ནས་བཤགས་པས་མཚམས་མེད་པའི་ལས་བྱས་པ་ཡང་བྱང་བར་འགྱུར་ཏེ། ཇི་སྐད་དུ། སྒྲིབ་པ་ཀུན་རྫོབ་ཉིད་ཡིན་ཕྱིར། །མཐའ་གྲོལ་གྲོང་ཡངས་ཆེན་པོའི་རྟོགས་པ་ཀློང་དུ་མ་གྱུར་བཞིན་དུ་གསང་སྔགས་ཀྱི་སྤྱོད་པ་སྒྲ་ཇི་བཞིན་པར་སྤྱོད་པ་འདི་ཆ་ལུགས་མ་འཛོལ་བ་ཙམ་ལས་རྒྱང་ཕན་པ་དང་བསམ་ཡུལ་གཅིག་པར་འདུག་གོ །སྤྱང་ན་འདག་པར་གདོན་མི་ཟ། །ཞེས་དང་། འོན་ཏེ་དེ་ལྟ་བུའི་གཉེན་པོ་ཁྱད་པར་ཅན་གྱིས་འཕྲལ་འཕྲལ་མ་བཅོམ་ན་རང་རང་གི་ལས་འཕྲལ་དུ་མ་སྨིན་ཀྱང་ཆུད་ཟོས་སུ་ནམ་ཡང་མི་འགྱུར་ཏེ། མདོ་སྡེ་ལས་བརྒྱ་པ་ལས། ལུས་ཅན་དག་གི་ལས་རྣམས་ནི། །བསྐལ་པ་བརྒྱར་ཡང་ཆུད་མི་ཟ། །ཚོགས་ཤིང་དུས་ལ་བབས་པ་ན། །འབྲས་བུ་ཉིད་དུ་སྨིན་པར་འགྱུར། །ཅེས་པས་རང་རང་གིས་བསགས་ལ་མ་བྱས་པའམ། བྱས་ལ་བསགས་པའི་ལས་ཕྲ་སྦོམ་གང་ཡིན་ཀྱང་ཆ་ཤས་ཕྲ་མོ་ཚུན་ཆོད་ནས་ལུས་དང་གྲིབ་མ་བཞིན་དུ་འབྲོགས་ཤིང་། སྐབས་སུ་ན་མ་བབས་པ་ན་རང་ཉིད་ཁོ་ནས་མྱོང་དགོས་པར་བསམ་གཞིགས་ཡང་ཡང་གཏོང་ཞིང་བླང་དོར་ཕྱིན་ཅི་མ་ལོག་པར་རྒྱུན་དུ་བསམ་པར་བྱའོ། །དེ་ཡང་ལས་ཆེན་པོས་དེ་འདྲ་ནུས་ལ་ཆུང་ངུ་དག་ལ་སྒྲིབ་པ་མི་འཁྲིགས་སོ། །སྙམ་པ་ཡང་མི་བྱ་སྟེ། འདུལ་བ་ལུང་ལས། སྡིག་པ་ཆུང་ངུ་དག་ལ་ཡང་། །མི་གནོད་སྙམ་དུ་བརྙས་མི་བྱ། །མེ་སྟག་ཆུང་ངུ་དག་གིས་ཀྱང་། །རྩ་པུང་རི་ཙམ་སྲེག་པར་བྱེད། །ཅེས་གསུངས་པས་མི་དགེ་བའི་ལས་ཆ་ཤས་ཕྲ་མོ་དག་ལའང་ཤིན་ཏུ་འཛེམ་པར་བྱ་ཞིང་གལ་ཏེ་ཆེད་དུ་མ་ཡིན་པར་དབང་མེད་དུ་ཤུགས་ཀྱིས་གོས་པ་བྱུང་ན་ཡང་། སྟོབས་བཞིའི་གནད་ཟབ་མོ་འདི་ལྟ་བུའི་སྒོ་ནས་

(༢༨༡)བཤགས་ཐབས་ཡོད་པའི་ཚེ་དེ་མ་ཐག་ཏུ་བཤགས་པར་བྱའོ། །གསུམ་པ་གཉེན་པོས་དག་པ་ནི། མི་དགེ་བ་ཆུང་ངུའི་གཉེན་པོར་དགེ་བ་ཆེན་པོ་སྤྱང་ན། མི་དགེ་བའི་འབྲས་བུ་བག་ལ་ཞེ་ནས་གནོད་པར་མི་ནུས་ཏེ། དེ་ཡང་དཔེར་མཚོན་ན། ཇོ་བོ་རྗེས་བི་ཀ་མ་ཤི་ལའི་གཙུག་ལག་གི་གནས་བརྟན་མཛད་དུས། མཻ་ཏྲི་པས་རང་གི་རྫས་ཅུང་ཟད་བརྟེན་པས་དེ་ཉིད་ལ་གནས་དབྱུང་མཛད་པ་ན། དེ་ནུབ་ཇོ་བོའི་མནལ་ལམ་དུ་མཻ་ཏྲི་པ་བྱང་སེམས་ཡིན་པ་ལ་གནས་དབྱུང་བྱས་པའི་རྣམ་སྨིན་ལ་རི་རབ་ལ་ལན་གསུམ་བསྐོར་ཐུབ་པའི་སྤྲུལ་དུ་སྐྱེ་ཞེས་ཟེར་བ་ལ། དེ་ལ་ཅིས་ཕན་དྲི་བ་མཛད་པས། ཉིན་རེ་ལས་ཚྭ་བདུན་རེ་བཏབ་ན་ཕན། བོད་དུ་ཕྱིན་ན་ཕན་ཞེས་བྱུང་བ་གནས་སྐབས་དྲང་བའི་དོན་དུ་བྱང་ཆུབ་སེམས་དཔའ་ཁྱད་པར་ཅན་དེ་ལྟ་བུ་ལའང་ཆུང་ངུའི་སྒྲིབ་པ་རང་འདོད་ཀྱིས་མ་གོས་པ་དག་ལ་གཉེན་པོ་དེ་ཙམ་བརྟེན་ཚུལ་དང་། འདི་ལྟར་སྟོན་པས་གྲགས་འཛིན་མའི་ལྷུམས་སུ་རབ་ཏུ་བྱུང་བར་བྱིན་གྱིས་བརླབས་པའི་སྲས་རྡོ་རྗེ་སེམས་དཔའི་སྤྲུལ་པ་སྒྲ་གཅན་འཛིན་གྱི་སྐུ་ཚེ་སྔོན་མ་ལ། རྒྱལ་པོ་ཞིག་ཏུ་གྱུར་དུས་དྲང་སྲོང་ཞིག་ཞག་དྲུག་གི་བར་ལྟོགས་སུ་བཅུག་པ་དང་། ཡུམ་གྱིས་སྐུ་ཚེ་སྔོན་མ་ལ་དར་བའི་བུམ་པ་བསྐུར་བའི་རྣམ་པར་སྨིན་པ་ཙམ་གྱིས་མངལ་དུ་ལོ་དྲུག་གི་བར་བཞུགས་ཤིང་། སྟོན་པ་སངས་རྒྱས་པའི་ཚེ་ཟླ་བ་སྒྲ་གཅན་གྱིས་ཟིན་པ་དང་དུས་མཚུངས་པར་མ་གཏོགས་མངལ་གྱི་འདབ་རྒྱ་ལས་མ་གྲོལ་བའི་རྣམ་སྨིན་མྱོང་ཚུལ་བསྟན་པའི་ཕྱིར་ན། རང་ཅག་སོ་སྐྱེ་རྣམས་ཀྱི་ལས་ལ་འཛད་སྐབས་མེད་པ་ལྟ་བུ་ཡིན་ཕྱིར། ལོག་འཚོ་འབའ་ཞིག་དང་འདྲེས་པའི་དགེ་བ་བག་ཙམ་རེ་བགྱིས་པ་དག་ལ་ཧ་མི་ལས་པར་ལུས་ངག་ཡིད་གསུམ་གྱི་སྒོ་ནས་གཉེན་པོ་འབད་པས་བརྟེན་པ་ལ་ནམ་ཡང་བརྩོན་པར་བྱ་དགོས་སོ། །བཞི་པ་ནི། གལ་ཏེ་དེ་གསུམ་གང་དང་ཡང་མི་ལྡན་ན་མྱོང་འགྱུར་གྱི་ལས་ཏེ། དགེ་སློང་ཐར་པ་ནག་པོས་དམྱལ་བ་རབ་ཏུ་

(༢༨༢)ཚ་བ་དང་། རབ་ཏུ་སྦྲེབས་པ་དང་། པདྨ་ལྟར་གས་པ་དང་། ཡང་སོས་དང་། ཐིག་ནག་དང་། བསྡུས་འཇོམས་དང་། ངུ་འབོད་དང་། ངུ་འབོད་ཆེན་པོ་དང་། ཚ་བ་དང་། རབ་ཏུ་ཚ་བ་ཆེན་པོ་དང་། མནར་མེད་པ་ལ་སོགས་པའི་སྡུག་བསྔལ་དང་། དེ་བཞིན་དུ་ཆུ་བུར་ཅན་དང་། ཆུ་བུར་རྡོལ་བ་ཅན་ལ་སོགས་པའི་ཚ་གྲང་གི་དམྱལ་བ་བཟོད་མི་ཕོད་པ་བར་བསྐལ་བརྒྱད་ཅུ་ལ་བསྐལ་ཆེན་གཅིག་ཏུ་བརྩིས་པའི། དེ་ལྟ་བུའང་སྟོང་ཕྲག་བཅུ་གཉིས་དང་། དེ་ལས་ཡི་དགས་སུ་བརྒྱུད་དེ་བཀྲེས་སྐོམ་གྱིས་སྡུག་བསྔལ་བསྐལ་པ་ཆེན་པོ་དྲུག་གི་བར་དུ་མྱོང་བ་ལྟ་བུ་སྟེ། གཉེན་པོས་མཆོམས་ན་རང་གཞན་སེམས་ཅན་ཐམས་ཅད་ཀྱི་ལས་མཐའ་དེ་ལས་མི་འདའ་བ་སྟེ་ཤིན་ཏུ་འཇིགས་ཤིང་བག་ཚ་བར་གྱུར་ཀྱང་། ད་དུས་ཀྱི་གྲོགས་པོ་དག་དགེ་བའི་ལས་སྐད་ཅིག་ཙམ་ཡང་མི་དྲན་ཞིང་། དཀོན་མཆོག་དང་དགེ་འདུན་གྱི་རྫས། དད་གཤིན་གྱི་དཀོར་ལ་ཉམ་ང་མེད་པར་སྤྱོད་ཅིང་། གཡོ་སྒྱུ་ལ་སོགས་ཏེ་གྱ་གྱུའི་ཀུན་སྤྱོད་སུ་མཁས་ལ་དཔའ་བོར་བརྩིལ། ངོ་ཚ་ཅན་དང་ཆོས་མཐུན་གྱི་སྐྱེས་བུར། ལྐུགས་པ་དང་རྫི་མེད་དུ་ལྟ་བའི་གནས་སྐབས་འདི་ནི། སྙིགས་མ་ལྔའི་མཐུ་ནུས་ཅིག་ཅར་དུ་དར་བ་ལས། རྒྱལ་བ་རྣམས་ཀྱིས་ཐུགས་རྗེའི་དཔྱང་ཐག་ཀྱང་ཐུང་ངུར་བྱེད་ཅིང་། རང་རང་གི་རྣམ་པར་སྨིན་པ་མཐུ་བདོ་བའི་ཚེ་དང་། ཚེ་འདི་ཙམ་གྱི་ཁོངས་སུ་ཡང་མི་རིང་བར་ཉེ་འགྲེལ་གྱིས་མཐའ་བསྐོར་ཏེ། དབུགས་ཧད་ཧད་པ་དང་། མིག་ཀྲེ་ལོག་ལོག་པ་དང་། དང་ཁར་ཆུ་ལས་མི་འོང་ཞིང་ཤིན་ཏུ་ཉམ་ཐག་ཅིང་ཅི་དྲག་ལ་གྱ་བའི་གནས་སྐབས་ན་ཤིན་ཏུ་འགྱོད་པ་ཞིག་འོང་སྟེ། འཕྱིས་པར་གྱུར་ནས་རྣམ་པར་ཤེས་པ་བར་དོར་མདའ་འཕངས་པ་བཞིན་འགྲོ་ལ། རྣམ་སྨིན་གྱི་དོས་ཆེན་འདུ་འབྲལ་མེད་པར་འགྲོགས་པའི་སྣང་ཚུལ་དེ། ཨ་ཙམ། ཞེས་ཁམས་འདུས་པར་གྱུར་ཏོ། །གསུམ་པ་ནི། དེ་ལྟར་བཤད་མ་ཐག་པའི་བཤགས་ཚུལ་བཞི་ལས། གཞུང་འདིའི་སྐབས་སུ་གཉེན་

(༢༨༣)ལོས་འདག་པ་དང་། བཤགས་པས་འདག་པའི་ཐབས་གཉིས་གཙོ་བོར་གསུངས་པ་ཡིན་ཏེ། སྔ་མ་ནི། གཞུང་ནས། ཕྱིར་ལ་ཁོར་ཡུག་རྡོ་རྗེའི་རྭ་བ་མི་རིའི་ནང་དུ་ཚུད་པར་གཏོར་མ་དཔལ་བཤོས་བརྒྱ་རྩ་བརྒྱད༔ སྣང་གསལ་ཞུན་མར་གྱི་མར་མེ་བརྒྱ་རྩ་བརྒྱད༔ ཐབས་ཤེས་ཀྱི་ཤ་ཟན་ཚོགས་རྫས་བརྒྱ་རྩ་བརྒྱད་བཤམ༔ ཕྱི་རོལ་དུ་གཞུང་སྤྱི་དང་མཐུན་པའི་ཕྱི་མཆོད༔ ནང་མཆོད༔ གསང་མཆོད༔ སྨན་རཀ་གཏོར་གསུམ༔ ག་ནའི་རྫས་ཅི་འཛོམ་པ་སོགས་མདོར་ན་འོས་པའི་སྤྱན་གཟིགས༔ དཀྱིལ་འཁོར་གྱི་རྒྱན་དང་བཅས་སྒྲུབ་ཆེན་ལྟར་བཤམ༔ ཟུར་བཞིར་ཁྱད་པར་རྨད་དུ་བྱུང་བའི་ཐུགས་དམ་བསྐང་བའི་གཏོར་མ་རྩ་གསུམ་ཡོངས་ཁྱབ་ལ་གཅིག་དང་༔ བཞི་སྐོང་བའི་ཆོ་ག་ནས་བྱུང་བ་ལྟར་རྫས་ཀྱིས་བརྒྱན་པ༔ དར་སྣ་ཚོགས་ཀྱིས་བཀླུབས་པར་བཤམ༔ ཞེས་གསུངས་པ་ལྟར་བྱ་དགོས་ཀྱང་། ད་ལྟ་འགའ་ཞིག་གིས་བཤགས་སྐོང་གི་དཀྱིལ་འཁོར་ཆེན་པོ་འདི་ལྟ་བུ་ཞལ་ཕྱེ་བའི་དུས་སུའང་གཏོར་མ་ཆུང་ངུ་ལ་ཕྲིན་ལས་དྲག་པོར་རེ་བའི་སླ་བཅོས་བག་ལ་ཉལ་གྱིས་གཞན་ནས་བཤད་ཚོད་ཀྱི་མཆོད་པ་རྣམས་འབྱོར་པས་ཁྱོགས་མིན་ལམ་ལྟོས་པར་ཆོ་ག་དཀྱུས་མ་ལྟར་སྨན་རཀ་གཏོར་གསུམ་ཙམ་ལ་བརྟེན་ནས་ཇི་བཞིན་མི་བྱ་བ་ནི་ཤིན་ཏུ་མི་རིགས་ཏེ། རྒྱུ་མཚན་ཅིའི་ཕྱིར་ན། འདི་ནི་ན་རཀ་སྐོང་བཤགས་ཀྱི་ཆོ་ག་ཞེས་སྒྲིབ་སྦྱང་སྤྱི་དང་ཁྱད་པར་གཤིན་པོའི་བསག་སྦྱང་ལ་གཙོ་བོར་བྱ་དགོས་པ་ཡིན་ཚེ། གཤིན་པོ་དེ་ཉིད་ལ་ཕན་གནོད་ཀྱི་ཁྱད་པར་ཤིན་ཏུ་ཆེ་མོད། འདི་ཉིད་ཀྱི་བཤགས་པའི་སྐབས། ཟོལ་ཟོག་ལས་ཀྱིས་ཡི་དྭགས་རྒྱུ་བསགས་པ༔ ཞེས་གསུངས་པའི་ལྟུང་བ་གསོག་པ་དང་། སྒྲིབ་པ་བཤགས་པ་མགོ་མཉམ་དུ་འབྱུང་བས། དེས་ན་གསང་སྔགས་འདི་ཐབས་ཁྱད་པར་ཅན་གྱིས་ཟིན་པས་སྨན་རཀ་གཏོར་གསུམ་བརྒྱ་རྩ་ཕུལ་བའི་བསོད་ནམས་གཞལ་དུ་མེད་པའི་དགེ་ཚོགས་ཇི་བཞིན་

(༢༨༤)བཤད་པ་ལྟར་ཚེ་འདས་སོགས་སྒྲིབ་པ་སྦྱང་གཞི་དེ་ལ་ཐོབ་པ་ནི་བྱ་སླ་རླབས་ཆེན་གྱིས་གཉེན་པོ་ཁྱད་པར་ཅན་ཏེ། གནས་སྐབས་སུ་དགེ་བ་བྱེད་པ་པོའི་ལག་རྩ་ནས་རྒྱས་པ་ལ་མཐའ་མེད་ཀྱང་། ས་བཅད་མ་སྟོངས་ཙམ་བྱ་བ་ལ་རྩམ་བྲེ་བཅུ་དང་། མར་ཉག་གང་ལས་མི་དྲན་པ་ཡོན་གྱིས་ཅི་ལ་མི་ལྕོགས། ས་ཏུ་ཤིན་ཏུ་བཀོན་།།།པའི་ལུང་བདག་ཏུའང་བརྒྱ་བཞིའི་ཞལ་ཟས་བཞེངས་པ་དང་ཆོས་མཚུངས་བྱས་ནས་ཤིང་སྟེགས་ལྟ་བུའི་ཁར་ཁ་གྲངས་ལོངས་པ་བགྱིས་ཏེ་ཕྱོགས་བཞིར་འགོད་པ་དང་། སྨན་རཀ་གཉིས་ཀྱང་སྣོད་ཀྱིས་མཁོམ་ན་གཏོར་མ་དང་རྗེས་མཐུན་གྱི་ཁ་གྲངས་ཟན་གཏོར་ཆུང་ངུའི་རྩེ་མོར་ཀོང་ཀོང་ཟུར་གསུམ་གྱི་དབྱིབས་སུ་བཟོས་པའི་སྨན་སྣོད་ལ་དཀར་རྩི་དང་། རཀྟའི་སྣོད་ལ་དམར་རྩིས་བྱུགས་ཏེ་སོ་སོའི་ནང་དུ་རྫས་ལྡན་གྱི། བསག་པའི་ལུགས་མཆིས་པ་དག་ཤིན་ཏུ་ལག་ལེན་གཙང་ཞིང་རྗེས་སུ་ཡི་རང་མོད། དེ་ལས་ལྡོག་པའི་སྐོང་བཤགས་པ་དག་ལྷ་ལ་བསླུ་བའི་བསམ་པས་མཆོད་པ་དང་ཤོམ་འགོད་གཞུང་ནས་བཤད་ཚོད་དག་དོར་ནས། འཇིག་རྟེན་འདིའི་ཁེ་གྲགས་ཀྱི་རྗེས་སུ་འབྲངས་པའི་ཚོགས་གསོག་ཁ་ལེན་ལ་གཙོར་འདོན་བྱེད་པ་ནི་སྦྱོར་བ་གོ་ལྡོག་ཏུ་གྱུར་པ་ཡིན་མོད། འོན་ཀྱང་སློབ་དཔོན་ཆེན་པོའི་གསུང་ལ་རི་དང་རི་ཟས་ཀྱི་དཔེ་བཞིན་སྐོང་བཤགས་ཀྱི་ཕན་ཡོན་དང་བཅས་ཚུལ་བཞིན་འདོད་ལ་ཡོད་དུ་རེ་ཞིང་། འདི་ཉིད་ཀྱི་གཙོ་བོ་མཆོད་པའི་ཤོམ་འགོད་ལ་གཡས་ཆུང་ངུ་དོར་ནས་ཚད་མར་མི་འཛིན་པ་དག་ལ། འདིར་བསྐྱར་ཟློས་སུ་འགོད་པ་མི་ཁྱུར་མི་འདྲ་ཞིང་ཐལ་ཆེས་པ་ཙམ་དུ་གྱུར་ཀྱང་། ཆོ་གའི་དགོངས་འགྲེལ་ལོག་པར་འཆད་པ་དང་ཚུལ་མ་ཡིན་པ་བཏང་སྙོམས་སུ་འཇོག་པར་མི་རིགས་པས་བརྗོད་པ་ཡིན་ལ། དེས་ན་དུས་གསུམ་གྱི་གནས་སྐབས་ཕྱི་ཐག་རིང་ལ་ཅི་ཞིག་ནག་ཟུར་གནས་ཀྱི་སྐྱེ་བོ་འགའ་ཡང་མི་འབྱུང་བའི་མཐའ་མ་བཀག་པས་ན། དེ་དག་ན་འབྲོས་ཞོར་འདི་སྐད་ཀྱང་སྨྲ་སྟེ། ཆོ་ག་འདི་ཉིད་གཤིན་པོའི་རྒྱུན་

(༢༨༥)ཆོ་ག་སོགས་ལ་གཙོང་བཏོན་དུ་བྱ་བའི་ཚེ་ནའང་། སྔར་བཤད་པ་ལྟར་ཆེ་ཆུང་འབྱོར་བབས་དང་བསྟུན་པའི་ཉིན་ལྟར་གྲངས་ལོངས་མ་ཐུབ་ཀྱང་ཉི་ཤུ་རྩ་གྲངས་རེ་ཕུལ་བའི་བརྒྱ་རྩ་གྲངས་འགྲིག་ཐུབ་པ་བྱུང་ན་ཚེ་འདས་དེ་ཉིད་ཤིན་ཏུ་སྡུག་ཐུག་པའི་གནས་སྐབས་ཡིན་ཕྱིར་ཕན་ཐོགས་ཤིན་ཏུ་ཆེ་བ་ཞིག་འབྱུང་བས་བརྩོན་པས་དོན་གཉེར་བྱ་བ་དང་། ཁྱད་པར་སྨད་བྱུང་གི་གཏོར་མ་ཞེས་པ་དེ་ནི་ཇི་ལྟ་བུའོ་སྙམ་ན་ཟུར་བཞི་ལ་བཤམ་རྒྱུ་ནི་གཞུང་འདི་ཁ་ནས་གསུངས་པའི་དམིགས་བསལ་གྱི་རྫས་ཀྱིས་བརྒྱན་བསྐོང་བའི་སྐབས། བྷནྡྷ་འབར་བའི་གཏོར་གཞོང་དུ༔ ཞེས་གསུངས་པ་ལྟར་དང་། རྩ་གསུམ་ཡོངས་ཁྱབ་ལ་གཅིག་བཤམ་པར་བཤད་པ་དེ་ནི་སྤྱི་ཁྱབ་ཏུ་གྲགས་པ་ལྟར་ལ་དམིགས་པའི་བྱེད་ལས་ཀྱིས་བསྒྱུར་བར་བཤད་དེ། རིག་འཛིན་ཆེན་པོས། ཁྱད་པར་རྨད་བྱུང་གི་གཏོར་མ་ཞེས་པ། གཏོར་མ་དེ་དག་བཟོ་དབྱིབས་ཆེ་ཆུང་རྒྱས་བསྡུས་ཅི་ལྟ་བུ་ཡིན་ནའང་། སྔགས་དང་ཏིང་འཛིན་བྱིན་རླབས་ནུས་པས་རྣམ་པ་གཏོར་མའི་ཚུལ་ཙམ་ལ། ངོ་བོ་ནི་གཟུགས་སྒྲ་དྲི་རོ་རེག་བྱ་སོགས་གཏོར་མགྲོན་མཆོག་དམན་སོ་སོའི་ཡིད་ལ་ཅི་དང་ཅི་འདོད་པའི་དངོས་པོར་འགྱུར་ནུས་པ་དེ་ལ། ཁྱད་པར་རྨད་དུ་བྱུང་བའི་གཏོར་མ་ཞེས་བྱའོ། །ཞེས་གསུངས་པ་ལྟར་ཡིན་ཞིང་འདི་དག་གི་དོན་བློ་ལ་མི་ཆུད་ཀ་མེད་ཡོད་པ་ཡིན་ནོ། །ཕྱི་མ་བཤགས་པས་འདག་པ་ལ་གཉིས། ན་རག་ཤི་སྤྱི་བཤགས་ཆེན་མོ་འདི་གཤགས་པ་གཞན་ལས་ཁྱད་པར་དུ་གྱུར་ཚུལ་དང་། དམིགས་པ་དང་བཅས་གནད་ལ་བཀའ་ནས་ལག་ཐོག་ཏུ་འགེལ་བའོ། །དང་པོ་ནི། གཏེར་ཁ་གཞན་ལས་བྱུང་བའི་ནར་གདོང་སྤྲུགས་ཀྱི་གཞུང་ལེའུ་དང་པོ་ལས། གླེང་གཞིའི་སྐབས་སུ། འདོད་ཁམས་ཀྱི་གནས་རིགས་འདི་ན། བྲམ་ཟེ་དུང་གི་ཕྲེང་བ་ཅན་ཞེས་བྱ་བ༔ གོས་སུ་དུང་གི་ཕྲེང་བ་གྱོན་པ་རྫུ་འཕྲུལ་དང་ལྡན་པ་ཞིག་ལ༔ སློབ་མ་རྒྱལ་པོའི་ཕྲུག་གུ་ཞིག་ཡོད་པ་ལ༔ བྲམ་ཟེས་སློབ་སྦྱོང་རྫོགས་པར་བྱས་ཏེ༔ རིག་པའི་

(༢༨༦)གནས་ལྔ་ལ་མཁས་པར་གྱུར་པ་དང་༔ རྒྱལ་པོའི་ཕྲུག་གུས་བསམས་པ་ལ། དའི་གོང་ན་བྲམ་ཟེ་འདི་ལས་མ་གཏོགས་པ་གཞན་མེད་པས༔ འདི་དེའི་གོང་དུ་མི་བཏང་ངོ་སྙམ་སྟེ༔ བྲམ་ཟེ་ལ་རྒུན་ཆང་བླུད་ནས ར་རོ་བ་དང་བརྒྱལ་བ་ལ མིག་ཁབ་ཀྱིས་གཙགས༔ ལྕེ་ལྕགས་ཀྱུས་དྲངས་ཏེ་བཅད ལུས་རུས་སྦལ་གྱི་ཁྲག་གིས་བྱུགས བུད་མེད་མང་པོས་ཀྱང་ལུས་བརྗིས སྒྱིད་པ་ཡང་བཅད་དེ་བཞག་པ་ལས ནངས་པར་བྲམ་ཟེ་དྲན་པ་བག་ཅིག་རྙེད་ནས མིག་ཕྱེ་བས་ཀྱང་ལོང་ནས་མེད དྲུང་ན་སུ་འདུག་འབོད་པར་བྱས་པས་ཀྱང་ལྕེ་མེད༔ ལངས་ནས་འགྲོ་བར་བྱས་པས་ཀྱང་སྒྱིད་པ་བཅད་པ་དང་༔ བུད་མེད་མང་པོས་ལུས་བརྗིས་པས་ཀྱང་འགུལ་བར་མ་ནུས༔ ལུས་རུས་སྦལ་གྱི་ཁྲག་གིས་བྱུགས་པས་ཀྱང་ཆུ་བུར་དང་རྐོང་པོ་མང་དུ་བྱུང་སྟེ་ལུས་ཀྱང་འཁུམས༔ དྲན་པ་ཡང་ཉམས་པ་སྙམ་བྱེད་དོ༔ དེ་ནས་བྲམ་ཟེས་བསམས་པ་ལ་བདག་འདི་ལྟར་ཉོན་མོངས་པར་གྱུར་པ ཚེ་རབས་སྔོན་གྱི་ལས་ཀྱི་རྣམ་པར་སྨིན་པ་ཞིག་ཡིན་ནམ། འོན་ཏེ་ཕྲག་དོག་གི་གོང་དུ་ཤོར་བ་ཞིག་གིས་བྱས་སམ་བརྟགས་པས སློབ་མ་རྒྱལ་པོའི་ཕྲུག་གུས་བྱས་པར་རིག་ནས༔ བྲམ་ཟེས་དམོད་པོར་བ རྒྱལ་པོའི་ཕྲུག་གུ་ཁྱོད་ངས་སློབ་སྤྱོད་།།།རྫོགས་པར་བྱས་ནས་ང་ལ་འདི་འདྲ་བའི་ལས་ངན་བྱེད༔ ཁྱོད་ཀྱང་སྲོག་གི་ལན་ཆགས་ཞིག་གིས་ཚེ་ཐུང་ལ༔ སེམས་ཅན་ལུས་སྲུལ་པོ་ཞིག་ཏུ་སྐྱེས་ལ༔ དེའི་ལུས་ལ་ཡང་མིག་མེད་པ་དང་ ལྐུགས་པ་དང་༔ མཛེ་དང་༔ ཤུ་བ་དང་། ལུས་ལ་ཤ་ཟ་མོ་སྟོང་གི་ཚང་འཆའ་བ་དང་༔ རྐང་པ་ཆད་པ་དང་། ཚེ་འཕོས་ནས་ཀྱང་དམྱལ་ཁམས་བཅུ་དྲུག་གི་ཁ་འཁོར་ནས༔ ཐར་པའི་དུས་མེད་པར་གྱུར་ལ༔ ཚེ་རབས་ཐམས་ཅད་དུ་འཕགས་པའི་ཞལ་ཉི་ཟེར་ཙམ་ཡང་མི་མཐོང་ཞིང་༔ བྱང་ཆུབ་ཀྱི་མྱུ་གུ་བསྐམ་པར་གྱུར་ཅིག ཅེས་དམོད་པོར་བས བྲམ་ཟེ་ཉིད་ཀྱི་ངན་སེམས་ཀྱིས་དམོད་པས༔ དུར་ཁྲོད་ཀྱི་ཤ་ནང་ཁྲ་མགོ་དཀར་པོ་

(༢༨༧)ཞིག་ཏུ་སྐྱེས་སོ༔ དེའི་མོད་ལ་རྒྱལ་པོའི་ཕྲུག་གུ་དེ་ཡང་ཤི་བར་གྱུར་ཏེ༔ བྲམ་ཟེའི་རིགས་ལ་བུ་ལ་དུང་བ་ཞིག་ཏུ་སྐྱེས་སོ༔ བུ་འདོད་པའི་དོན་དུ་མོ་དང་ཕྱ་དང་ཕྲལ་སོགས་པ་བྱས་ཏེ༔ ལན་ཆགས་ཀྱི་དབང་གིས༔ དུར་ཁྲོད་ཀྱི་ཤ་ནང་ཁྲ་མགོ་དཀར་པོ་ཞིག་ཡོད་དེ༔ དེ་ཚེ་འཕོས་ནས་བུར་སྐྱེ་བར་མཐོང་ངོ་༔ ལོ་མང་དུ་ལོན་པ་དང་ཕ་བྱུང་ནས་བྱ་བ་མང་པོ་བསགས་ནས་བསད་པས༔ བུར་སྐྱེས་པ་ལས་བུ་དེའི་མགོ་ལ་ལྕགས་ཀྱི་འཛེར་པ་ཞིག་སྐྱེས་ཏེ༔ སྤྱི་བོ་ནས་མཆེད་པས་ཐོད་པ་ཇི་བཞིན་ཁེབས་ཏེ༔ མདངས་ཡང་ཤོར༔ སྐྱེད་ཡང་མེད་དོ༔ མོ་བདར་བྱས་པས་རིམ་གྲོས་མ་ཕན་ཏེ༔ ཕས་ལན་ཆགས་ཀྱི་དབང་གིས་མ་བཟོད་དེ༔ ལྕེས་པ་ལྡག་པས་ཆུང་ངུ་སོང་དེ༔ མདངས་དང་ཡང་ཤིན་ཏུ་ལྡན༔ སྐྱེད་གང་ཤིན་ཏུ་ཆེ་བར་གྱུར་ཏེ༔ བུ་དེའི་མིང་བྲམ་ཟེ་མི་ཡི་ཐོད་པ་ཅན་ཞེས་གྲགས་སོ། །དེ་ནས་འཛེར་པ་ཟད་པ་དང་ཕ་ལྕེ་རྡོལ་ཏེ་ཤི་བར་གྱུར་ཏོ༔ རང་གིས་ཉེས་བྱས་དང་བྲམ་ཟེའི་དམོད་པས༔ སེམས་ཅན་གྱི་ནང་ན་ཡང་ལུས་སྲུལ་པོ་གཅེར་བུ་ཅན་བྱ་བར་སྐྱེས་ནས༔ ལུས་ལ་ནད་སྣ་ཚོགས་དང་༔ ཤ་ཟ་མོ་སྟོང་གི་ཚང་འཆའ་བ་དང་༔ བྱང་ཆུབ་ཀྱི་མྱུ་གུ་སྔོ་བསྐམས་སུ་གྱུར་ཏེ༔ འགྲོ་བ་རིགས་དྲུག་གི་ལུས་དང་༔ སྡུག་བསྔལ་དུས་གཅིག་ཏུ་མྱོང་ནས༔ ཤིན་ཏུ་སྡུག་བསྔལ་བར་གྱུར་ཏོ༔ དེ་ནས་ཕྱོགས་བཅུའི་བདེ་བར་གཤེགས་པ་རྣམས་ཀྱི་ཐུགས་ཡེ་ཤེས་ལས་ཐུགས་རྗེ་བྱམས་པས་འགྲོ་བའི་དོན་མཛད་དེ༔ བདེ་བར་གཤེགས་པ་རྣམས་ཀྱི་ཐུགས་ཀྱིས་སྤྲུལ་པ་ལས༔ བཅོམ་ལྡན་འདས་དཔལ་ཀུན་ཏུ་བཟང་པོ་དང་༔ ཀུན་རིག་རྣམ་པར་སྣང་མཛད་གཉིས་སུ་སྤྲུལ་ཏེ༔ ཀུན་ཏུ་བཟང་པོའི་བྱིན་རླབས་ལས་རྡོ་རྗེ་སེམས་དཔར་སྤྲུལ་ཏེ༔ རྣམ་པར་སྣང་མཛད་ཀྱི་བྱིན་རླབས་ལས༔ ཕྱག་ན་རྡོ་རྗེར་སྤྲུལ་ནས༔ ཀུན་ཏུ་བཟང་པོ་དང་ཀུན་རིག་གིས༔ རྡོ་རྗེ་སེམས་དཔའ་དང་ཕྱག་ན་རྡོ་རྗེ་ལ་བཀའ་སྩལ་པ༔ འདོད་ཁམས་ཀྱི་གནས་རིགས་

(༢༨༨)མ་གིན༔ སློབ་མས་སློབ་དཔོན་ལ་ཉེས་པ་བྱས་པའི་རྣམ་སྨིན་ནི༔ སེམས་ཅན་ལུས་སྲུལ་པོ་གཅེར་བུ་ཅན་བྱ་བ་ཞིག༔ སྡུག་བསྔལ་སྣ་ཚོགས་ཀྱིས་གདུངས་ནས༔ བྱང་ཆུབ་ཀྱི་མྱུ་གུ་བསྐམས་ཏེ༔ ཚེ་འཕོས་ནས་ཀྱང་དམྱལ་ཁམས་བཅུ་དྲུག་ལས་མི་ཐར་བས༔ དེ་ལས་ཁྱེད་གཉིས་ཀྱིས་ལྡོག་ཅིག༔ དེ་ལས་མ་ལྡོག་ན་ལས་ཀྱི་རྣམ་པར་སྨིན་པ་གཞན་གྱིས་ངན་སོང་དུ་ལྟུང་བ་ནི་སླར་ཡང་ཐར་སྲིད་ཀྱི༔ སློབ་དཔོན་ལ་སློབ་མས་ཉེས་པ་བྱས་པའི་རྣམ་སྨིན་ནི༔ ཐར་བའི་དུས་མེད་དོ༔ ཞེས་བཀའ་སྩལ་བ་དང་༔ དེ་ནས་རྡོ་རྗེ་སེམས་དཔའ་དང་ལག་ན་རྡོ་རྗེས་གསོལ་བ༔ འདུལ་བའི་དུས་ལ་བབ་ན་བདག་གིས་ལྡོག་པའི་ཐབས་བསྟན་དུ་གསོལ༔ ཞེས་ཞུས་པས༔ ཀུན་ཏུ་བཟང་པོས་རྡོ་རྗེ་སེམས་དཔའ་ལ༔ རིགས་ཀྱི་ ཚིག་འདི་ཡི་གེ་བར་མ་ཞིག་ལ་རིག་སྐྱོན་ཤོར་ནས་འདུག་པ་འདིར་དཔྱད་པ་གསུམ་གྱི་སྲང་ལ་གཞལ་ཡོད་དོ། །བུ་རྣལ་འབྱོར་གྱི་སྤྱི་ཁྲུས་ན་རག་དོང་སྤྲུགས་འགྱོད་ཚངས་ཀྱི་རྒྱལ་པོ་སེམས་ཅན་དེ་ཡི་རྣ་བར་སྒྲོགས་ལ༔ ལུས་ངག་ཡིད་གསུམ་གྱི་སྒོ་ནས་འགྱོད་ཚངས་བྱེད་དུ་ཆུག་ལ་ལྡོག་ཅིག །ཀུན་རིག་རྣམ་པར་སྣང་མཛད་ཀྱིས་ལག་ན་རྡོ་རྗེ་ལ་རིགས་ཀྱི་བུ་ཕྱི་ནང་གསང་བ་གསུམ་གྱི་དབང་བསྐུར་ལ་ལྡོག་ཅིག །ཅེས་བཀའ་སྩལ་བ་དང་༔ དེ་ནས་དཔལ་རྡོ་རྗེ་སེམས་དཔའ་དང་ལག་ན་རྡོ་རྗེས༔ བྲམ་ཟེ་མི་ཡི་ཐོད་པ་ཅན་དང་༔ སེམས་ཅན་ལུས་སྲུལ་པོ་དེ་ཡི་གམ་དུ་བྱོན་ནས༔ རྡོ་རྗེ་སེམས་དཔས་བཀའ་སྩལ་པ༔ བྲམ་ཟེ་མི་ཡི་ཐོད་པ་ཅན་དང་༔ སེམས་ཅན་ལུས་སྲུལ་པོ་ཁྱེད་གཉིས༔ སྔོན་ཚེ་ཡང་སྔ་ལ་སློབ་དཔོན་དང་སློབ་མ་དམ་ཚིག་ཉམས་པ་བསྐལ་པའི་མཐར་སྡུག་བསྔལ་ལས་མི་ཐར་བས༔ བཤགས་ཚངས་ཀྱིས་ཤིག་ཅེས་བཀའ་སྩལ་པ་དང་༔ བྲམ་ཟེ་མི་ཡི་ཐོད་པ་ཅན་གྱིས༔ བཅོམ་ལྡན་འདས་དཔལ་རྡོ་རྗེ་སེམས་དཔའ་དང་༔ ཕྱག་ན་རྡོ་རྗེ་ལ་འདི་སྐད་ཅེས་གསོལ་ཏོ༔ བདག་ཅག་རྣམས་ལ་ཉེས་པ་ལས་བཤགས་ཐབས་བསྟན་དུ་གསོལ༔ ཞེས་གསོལ་བ་དང་༔ ལག་ན་རྡོ་རྗེས་རིམ་པ་བཞིན་དུ་དབང་བསྐུར་བས༔ བྱང་ཆུབ་ཀྱི་

(༢༨༩)མྱུ་གུ་སྔོ་བསྐམས་སླར་གསོས་ཏེ༔ བྲམ་ཟེ་མི་ཡི་ཐོད་པ་ཅན་དང་༔ སེམས་ཅན་ལུས་སྲུལ་པོ་དང་༔ ཕྱོགས་བཅུའི་གསང་སྔགས་ཀྱི་སྒོར་ཞུགས་པའི་རྣལ་འབྱོར་ཕོ་མོ་རྣམས ཀུན་གཞི་བྱང་ཆུབ་སེམས་དང་འཕྲད་པར་བྱས་ཏེ་འབང་བས༔ མཇུག་རིག་འཛིན་རྣམ་པ་ལྔ་རིམ་གྱིས་བགྲོད་པར་གྱུར་ཏོ། །ཞེས་དང་། འདི་ལྟ་བུའི་བཀའ་གསང་བབས་ཀྱང་ཆེས་གསང་བ༔ ཡང་གསང་ཐུགས་ཀྱི་མན་ངག་འདི་ལྟ་བུ་ནི༔ དུས་གསུམ་སངས་རྒྱས་རྣམས་རྣམས་ཀྱིས་གཤེགས་ཤུལ་རིག་འཛིན་ཕོ་མོ་རྣམས་ཀྱི་ལམ༔ རྣལ་འབྱོར་ཕོ་མོ་རྣམས་ཀྱིས་སྐུ་གསུང་ཐུགས་ཀྱི་དངོས་གྲུབ་བསྒྲུབ་པའི་གནས འདི་ལྟ་བུའི་བཀའ་ཟབ་མོ་ཐོས་པའང་དཀའ་ན༔ སྒོམ་ཞིང་སྒྲུབ་པ་དང་རྟོགས་པ་ལྟ་ཅི་སྨོས༔ འདི་ལྟ་བུའི་བཀའ་ཟབ་མོ་ནི་བསྐལ་པ་དཔག་ཏུ་མེད་པའི་སྔོན་རོལ་ནས་སྦྱངས་སྦྱངས་པའི་ལས་འཕྲོ་དང་ལྡན་པའི་སྐལ་ལྡན་འགའ་ཞིག་གི་སྤྱོད་ཡུལ་ཡིན་གྱི༔ གང་རུང་རུང་ཀུན་གྱི་ཐུན་མོང་མ་ཡིན་ནོ ཞེས་གསུངས་པ་ལྟར་རོ། །གཉིས་པ་ལ་གཉིས། བཤགས་པ་དངོས་དང་། ལྡན་འབྲས་བཤད་པའོ། །དང་པོ་ནི་སྟོབས་བཞི་ཚང་བའི་སྒོ་ནས་བཤགས་པར་བྱ་སྟེ། དེའི་དམིགས་གནད་ནི། རང་གི་གཡས་གཡོན་དུ་ཕ་མ། མདུན་དུ་བཤགས་བྱ་དམིགས་བསལ། མཐའ་སྐོར་དུ་སེམས་ཅན་ཐམས་ཅད་རང་ཉིད་དང་འདུན་པ་ཆིག་སྒྲིལ་དུ་འཁོར་བར་བསམས་ལ། མཁའ་ཁྱབ་ཀྱི་བདེ་བར་གཤེགས་པ་ཐམས་ཅད་བླ་མ་དགོངས་པ་འདུས་པའི་ཞི་ཁྲོའི་དཀྱིལ་འཁོར་ཉག་གཅིག་ཏུ་ཤར་བ་ལ་ཡིད་ཁྱེད་ཤེས་ཀྱིས་བློ་འགེལ་ཞིང་། བདག་གཞན་སེམས་ཅན་སྤྱི་དང་བྱེ་བྲག་དམིགས་ཡུལ་དེའི་སྡིག་སྒྲིབ་ཐམས་ཅད་བཤགས་བྱའི་ཡུལ་ལ་འདུན་བརྩེ་གཅིག་ཏུ་གཏོད་པ་རྟེན་གྱི་སྟོབས། རང་གཞན་ཀུན་གྱིས་སྔར་བྱས་ཀྱི་སྡིག་པ་ཐམས་ཅད་དང་། ཁྱད་པར་དུ་སྔགས་ལམ་ལ་ཞུགས་པའི་ཉམས་ཆག་ཕ་ཞིང་།།།དཀའ་བ་ལས་འགལ་བ་ཐམས་ཅད་ཡིད་ལ་དྲན་པར་བྱས་ཏེ། འདི་སྙམ་དུ། བདག་གམ་

(༢༩༠)གཞན་གྱིས་འདི་དང་འདི་ལྟ་བུའི་ལས་མི་དགེ་བ་རླབས་པོ་ཆེ་བསགས་ནས་ངན་སོང་གི་རྒྱུ་འབད་པས་བསྒྲུབས་འདུག་པ་ད་ནི་ཤིན་ཏུ་གནོང་ངོ་འགྱོད་དོ་བཟོད་པར་བཞེས་སུ་གསོལ། སྙམ་པ་སུན་འབྱིན་པའི་སྟོབས། ད་ཕྱིན་ཆད་འཆིབ་སྲོག་ལ་བབས་ཀྱང་དེ་ལྟ་བུའི་ལས་ངན་དང་སྡིག་པ་བྱེད་རི་ཤི་སྙམ་པའི་ཞེ་གཅོད་པ་སླན་ཆད་སྡོམ་པའི་སྟོབས། གཞུང་གི་རྡོ་རྗེའི་ཚིག་རྐང་འགྱོད་ཚངས་ཀྱི་བཤགས་པ་དགོངས་གསོལ་མ་འདོན་ཞིང་ཚིག་དོན་ཡིད་ལ་དྲན་པ་གཉེན་པོ་ཀུན་ཏུ་སྤྱོད་པའི་སྟོབས་ཏེ། རྣམ་པ་བཞི་ལས་མ་གཡོས་པའི་སེམས་ཀྱིས་དཀྱིལ་འཁོར་གྱི་དྲུང་དུ་པུས་བཙུགས་ཐལ་མོ་སྦྱར་ལ་ཤིན་ཏུ་གདུངས་པའི་དབྱངས་དང་བཅས་ཏེ་རྩེ་གཅིག་ཏུ། ཧོ་དགོངས་སུ་གསོལ༔ གསན་དུ་གསོལ༔ གཟིགས་སུ་ རྒྱུད་ལས་རཱུ་ཏྲའི་སྨྲེ་བཤགས་ཞེས་གསུངས་པ་དང་དོན་གཅིག་གོ །གསོལ༔ སྟོན་པ་ཀུན་བཟང་ཡབ་ཡུམ་སྲས་དང་འཁོར༔ སོགས་ཀྱིས་བཤགས་པར་བྱ་ཞིང་། འདིའི་གཞུང་ནས་གསུངས་པའི་དམ་ཚིག་སོ་སོའི་རྣམ་དབྱེ་དང་རྐང་གྲངས་དག་སྔགས་ལམ་ལ་ཞུག་པའི་གཟུ་བོའི་བློ་ཅན་དག་གིས་ཁོང་དུ་ཆུད་པར་མ་བྱས་ཁ་མེད་ཡོད་ཀྱང་འདིར་ཧ་ཅང་ཡི་གེས་འཇིགས་ཏེ་མ་སྤྲོས་པས། རྫོགས་པ་ཆེན་པོའི་རྒྱུད་སྡེ་རྣམས་ཀྱི་དམ་ཚིག་གི་གནས་ངེས་པའི་སྲུང་མཚམས་བཤགས་ཐབས་སོགས་ཞིབ་མོར་བཀྲལ་བ་ནི་ཐེག་པའི་མཆོག་རིན་པོ་ཆེའི་མཛོད་ཀྱི་རིམ་ཁང་བདུན་པ་ལས་ལྷག་པ་མེད་ཅིང་། སྤྲོས་པ་ཆུང་བ་རྣམས་གཏེར་གཞུང་རྩ་བའི་དམ་ཚིག་རྣམ་བཤད་རྒྱ་མདུད་སྤྱི་དོན་བཅུ་གཅིག་པ་དང་། སྔར་བཤད་པའི་ནར་ཀ་དོང་སྤྲུགས་ཀྱི་ལེའུ་ཐ་མ་ལ་རྟོགས་པར་བྱའོ། །གཉིས་པ་ལྡན་འབྲས་ནི། སྔ་མའི་འཕྲོ་ལས། དེ་ནས་སྟོན་པ་ཀུན་ཏུ་བཟང་པོས་བཀའ་སྩལ་པ༔ རིག་འཛིན་མི་ཡི་ཐོད་པ་ཅན་རྣམས་འགྱོད་པའི་ལས་རྣམས་བཤགས་པ་ལེགས་ཀྱི༔ ཉོན་མོངས་པའི་སྒྲིབ་པ་དང་༔ ཤེས་བྱའི་སྒྲིབ་པ་འདག་པར་འགྱུར་རོ། །ཡེ་ཤེས་ཀྱི་ཚོགས་རྫོགས་སོ༔ ས་ནས་སར་འཕར་ཞིང་སངས་རྒྱས་ཀྱི་འབྲས་བུ་

(༢༩༡)ཡོངས་སུ་རྫོགས་པར་འགྱུར་རོ༔ ཞེས་གསུངས་པ་ལྟར་ཐོབ་ཅིང་། དེ་ཡང་གཙོ་བོར་སྔར་ཤིན་ཏུ་བཀྲོལ་ནས་བཤད་པ་ལྟར་གྱི་སྟོབས་བཞིའི་དོན་ལ་རྩེ་གཅིག་ཏུ་མ་འདུན་ན། ད་ལྟའི་རྟོག་པ་ཕལ་གྱིས་བྱེད་པ་བཞིན་བཤགས་ཚིག་ཁ་ནས་འདོན་པ་ཙམ་གྱིས་སྒྲིབ་པ་འདག་པ་དང་ཡོན་ཏན་བཤད་ཚོད་རྣམས་ཇི་བཞིན་ཐོབ་ཏུ་རེ་བ་ནི་ནམ་མཁའི་པདྨོར་འགྱུར་ཏེ་རྡོ་རྗེའི་གསུང་ལས། དེ་མིན་ལྟར་སྣང་ངོ་དགའ་དང་༔ གཞན་རྐྱེན་ཉམས་པའི་མིང་མི་འདོད༔ གྲགས་འདོད་རློམ་སེམས་ཡོད་གྱུར་ན༔ གསེར་སྲང་སྟོང་ལ་སྦྱངས་པ་ཡི༔ ཚོགས་འཁོར་བཤགས་ཀྱང་མི་བསྐང་སྟེ༔ སླར་ལ་ཐུར་དུ་བལྟས་ཏེ་ལྟུང་༔ ཞེས་གསུངས་པའི་ཕྱིར་རོ། །ཕུང་པོ་གསུམ་པའི་མདོར་གྲགས་པ་ལྟུང་བཤགས་ཉིད་སྐབས་འདི་ཉིད་དུ་འདོན་པ་ཤིན་ཏུ་འཐད་པ་རིག་པར་བྱའོ། །བཞི་པ་སྨོན་ལམ་གདབ་པ་ལ་གཉིས། དངོས་བསྟན་དང་། རྒྱས་པར་སྤྲོ་བའོ། །དང་པོ་ལ་དོན་བསྡུ་ན་གཉིས། ནོངས་བཤགས་དང་འབྲེལ་བའི་སྨོན་ལམ་དང་། བདག་གཞན་ཀུན་གྱི་དོན་ལ་སྨོན་པའོ། །དང་པོ་ནི། འདུས་པའི་འཁོར་ཚོགས་རྣམས་ལག་ཏུ་མེ་ཏོག་གཟུང་། ཕྱག་རྒྱ་དང་སྟངས་སྟབས་བྱ་ཞིང་དཀྱིལ་འཁོར་ལ་བསྐོར་བ་བྱེད་པ་དང་མཉམ་དུ། ཨེ་མ་ཧོ༔ རང་སྣང་དག་པའི་དཀྱིལ་འཁོར་ལྷ་རྣམས་དང་༔ ཞེས་པ་ནས། ཉམས་ཆག་རྟོག་སྒྲིབ་ཐམས་ཅད་བྱང་གྱུར་ཅིག༔ ཅེས་པའི་བར་གྱིས་སོ།། །།གཉིས་པ་ལ་དགུ། བླ་མེད་ཀྱི་སྒོར་ཞུགས་སོ་ཅོག་ལ་སྨོན་པ་དང་། བྱང་སེམས་ཀྱི་བསླབ་བར་གནས་པ་རྣམས་ལ་སྨོན་པ་དང་། རང་སངས་རྒྱས་རྣམས་ལ་སྨོན་པ་དང་། ཉན་ཐོས་པ་རྣམས་ལ་སྨོན་པ་དང་། ཁམས་གསུམ་གྱི་སེམས་ཅན་ཐམས་ཅད་ལ་སྨོན་པ་དང་། བསྟན་འཛིན་གྱི་སྐྱེས་བུ་དམ་པ་རྣམས་མྱ་ངན་ལས་མི་འདའ་བར་སྨོན་པ་དང་། གནས་སྐབས་དང་མཐར་ཐུག་ཐུན་མོང་དུ་སྨོན་པ་དང་། རྡོ་རྗེ་ཐེག་པ་ལ་དར་རྒྱས་

(༢༩༢)འབྱུང་བར་སྨོན་པ་དང་། སེམས་ཅན་ཐམས་ཅད་བདེ་ཞིང་སྐྱིད་པར་སྨོན་པ་སྟེ་དགུ་ལས། དང་པོ་ནི། དེ་ལྟར་ཕྱག་འཚལ་མཆོད་པ་འབུལ་བ་དང་༔ ཞེས་ཤློ་ཀ་གཉིས་ཀྱི་སྒོ་ནས་བདག་གཞན་གསང་སྔགས་ཟབ་མོ་བསྐྱེད་རྫོགས་ཀྱི་ལམ་ལ་ཞུགས་པ་རྣམས། སྒོ་གསུམ་གྱི་རྟོག་སྒྲིབ་ཐམས་ཅད་དག་ནས། རྒྱུ་ཤེས་པའི་མཚན་ཉིད་ལྟ་བ་རྟོགས། རྐྱེན་འཇུག་པའི་མཚན་ཉིད་ཏིང་ངེ་འཛིན་སྒོམ། ལྟ་སྒོམ་གཉིས་མགོ་འབྱོར་བས་ཚོགས་གཉིས་མཉམ་རྫོགས་སུ་གྱུར་ནས་མཆོག་གི་དངོས་གྲུབ་སྐྱེ་འཆིལ་རང་དབང་མ་ཐོབ་པ་རྣམ་སྨིན་གྱི་རིག་འཛིན་ཞེས་རྒྱུའི་ཐེག་པའི་མཐོང་ལམ་པ་དང་དགོངས་པ་མཉམ་པ་དང་། རྒྱུའི་ཐེག་པའི་ས་བརྒྱད་པ་ལ་གནས་པའི་བྱང་སེམས་དང་དགོངས་པ་མཉམ་ཞིང་སྐྱེ་བ་ལ་རང་དབང་ཅན་ཚེ་དབང་གི་རིག་འཛིན་དང་། རྒྱུའི་ཐེག་པའི་ཐར་ལམ་པ་དང་དགོངས་པ་མཉམ་པ་ཕྱག་རྒྱ་ཆེན་པོའི་རིག་འཛིན་དང་། རྒྱུའི་མཐར་ཐུག་ཀུན་ཏུ་འོད་དང་དགོངས་པ་མཉམ་པའི་ལྷུན་གྲུབ་ཀྱི་རིག་འཛིན་ལ་སོགས་ཏེ་རིག་འཛིན་བཞི་ཐོབ་པར་སྨོན་པའོ། །ཤློ་ཀ་གསུམ་པས། བདག་ལ་འབྲེལ་བ་ཐོགས་པ་དང་གདུལ་བྱར་གྱུར་པ་ཐམས་ཅད་སྔགས་ལམ་གྱིས་ཁྱད་པར་ཅན་ཡེ་ཤེས་བླ་མའི་ས་ནོན་ཏེ་ཕྱིར་མི་ལྡོག་པར་སྨོན་པའོ། །གཉིས་པ་བདེན་པའི་ས་ལ་གནས་པའི་བྱང་ རིག་འཛིན་འདི་དག་ལ་མིང་གི་རྣམ་བྲངས་རིམ་པ་བཞིན། རྣལ་འབྱོར་དང་། རྣལ་འབྱོར་ཆེན་པོ་དང་། འབྱེད་པའི་རྣལ་འབྱོར་དང་། རྟོགས་པའི་རྣལ་འབྱོར་ཞེས་ཀྱང་གྲགས་སོ། །སེམས་རྣམས་ལ་སྨོན་པ་ནི། བྱང་ཆུབ་སེམས་དཔའ་དེ་དག་ལ་ཉོན་མོངས་པའི་སྒྲིབ་པ་མངོན་གྱུར་པ་མེད་ཀྱང་ཤེས་བྱའི་སྒྲིབ་པ་ཕྲ་མོ་ཙམ་མཆིས་པ་དག །རྡོ་རྗེ་ལྟ་བུའི་ཏིང་ངེ་འཛིན་གྱི་གཉེན་པོ་གཞུང་དུངས་པ་ལྟ་བུས་བཅོམ་ནས། ས་བཅུ་སྤྲོས་བྲལ་གྱི་ངང་དུ་རིམ་གྱིས་རྫོགས་ཏེ་རྒྱུའི་ཐེག་པའི་མཐར་ཐུག་ཀུན་ཏུ་ ཚུལ་ཁྲིམས་རྣམས་གསུམ་ཡོན་ཏན་ཕྱི་གཞི་རྟེན་དུ་བྱས་ནས་བདེན་གཉིས་ཟུང་འཇུག་གི་ལམ་ལྔ་ས་བཅུ་བགྲོད་ཅིང་། བྲལ་བྱའི་དྲི་མ་ནི་ས་བདུན་པ་ཡན་ཆད་ལ་བུད་མེད་ངན་མའི་མངལ་ན་གནས་

(༢༩༣)པའི་མི་བདག་དང་། དག་པ་ས་གསུམ་ལ་གནས་པ་གསེར་གྱི་དབུས་ནག་ནས་པའི་གསེར་གྱི་དཔེར་རྒྱུད་བླ་མ་ལས་བཤད་པ་ལྟར་དང་། གྲལ་འབྲས་ནི་དག་པ་ཉིས་ལྡན་གྱི་སངས་རྒྱས་སོ། །འོད་ཀྱི་ས་ལ་ཕྱིན་པར་སྨོན་པ་སྟེ། དེ་ལྟར་བདེན་པའི་ས་ཆེན་ལ་གནས་པའི ཞེས་པའི་ཤློ་ཀས་སོ། །གསུམ་པ་ནི། རང་རྒྱལ་རྣམས་ཉན་ཐོས་པའི་གང་ཟག་གི་བདག་མེད་རྟོགས་པའི་སྟེང་དུ། བདག་གི་གཟུང་ཆ་རྡུལ་ཕྲ་རབ་ཀྱང་རང་བཞིན་མེད་པར་རྟོགས་ནས། རྟེན་འབྲེལ་ཡན་ལག་བཅུ་གཉིས་ལུགས་འབྱུང་ལུགས་ལྡོག་ཏུ་སྒོམ་ནས་མཐར་ཐུག་གི་འབྲས་བུ་བསེ་རུ་ལྟ་བུ་གཅིག་པུར་གནས་པའམ། ནེ་ཚོ་ལྟ་བུར་ཚོགས་ན་གནས་པ་གཉིས་གང་ཡང་རུང་བའི་སངས་རྒྱས་མངོན་དུ་བྱེད་པར་སྨོན་ཏེ། རང་རྒྱལ་རྣམས་ཀྱང་རྟེན་འབྲེལ་བཅུ་གཉིས་པོ༔ སོགས་ཤློ་ཀ་བརྗོད། བསེ་རུ་དང་ཚོགས་སྤྱོད་ཆེ་ཆུང་གསུམ་གྱིས་དབྱེ་བས་ཚོགས་བསྐལ་ཆེན་བརྒྱ་ནས་མི་ཚེ་བཅོ་ལྔ་མན་ཆད་ཀྱིས་བསྡུས་པ་བསགས་པའི་རྟེན་དེ་ཉིད་ལ་བྱང་ཆུབ་ཐོབ་པའི་སྐལ་པ་མེད་པར་ཤེས་ནས་ཉན་ཐོས་ཀྱི་སྔོ་སྣོད་ལ་ཐོས་བསམ་མཁས་པར་བྱས་ཏེ། སྨོན་ལམ་རྣམ་པ་གསུམ་བཏབ་པ་ལ་རྟེན་ནས་སྐྱེ་བ་དེའི་འོག་ཏུ་སངས་རྒྱས་དང་ཉན་ཐོས་མེད་པའི་འཇིག་རྟེན་དུ་སྐྱེས་ཏེ་དུར་ཁྲོད་ཀྱི་རྩ་བ་མཐོང་མ་ཐག་ཡིད་བྱུང་ནས། ཀྱེ་མ་རུས་པ་འདི་དག་ཅི་ལས་བྱུང་རྒ་ཤི་ལས་བྱུང་། རྒ་ཤི་ཅི་ལས་བྱུང་སོགས་རྟེན་འབྲེལ་ལུགས་འབྱུང་དུ་བརྟགས་པའི་མཐར། འདི་ལས་ཇི་ལྟར་ཐར་བར་བྱ་སྙམ་པ་ལས། ཡང་མ་རིག་པ་འགགས་ནས་རྒ་ཤིའི་བར་དུ་འགགས་པས་རྟེན་འབྲེལ་ལུགས་ལྡོག་རྩ་བ་ཆོད། སྦྱོར་ལམ་ལ་སོགས་པའི་ལམ་གྱི་རྟོགས་པ་རང་བྱུང་དུ་རྒྱུད་ལ་སྐྱེ་སྟེ་སྒོམ་ལམ་གྱི་མཐར་ཟད་པ་ཤེས་པ་དང་མི་སྐྱེ་བ་ཤེས་པའི་ཡེ་ཤེས་གཉིས་མངོན་དུ་བྱས་ཏེ་དགྲ་བཅོམ་ཐོབ་པ་ཡིན་ནོ། །འདི་ལྟར་མགོ་བ་རྣམས་ཀྱིས་ནེ་ཙོ་དང་བསེ་རུ་ཞེས་དུད་འགྲོའི་སྐྱེ་བ་ལ་སྨོན་པ་མཐོང་ཞིང་དེ་ནི་ཤིན་ཏུ་རྨོངས་ཏེ། དུད་འགྲོ་ལ་སོགས་པའི་ངན་འགྲོའི་རིགས་ལ་སྨོན་ཡང་མ་དགོས་ཏེ་རང་རང་གིས་སྙིགས་མའི་བརླང་སྤྱོད་ཀྱི་འབྲས་བུས་དེ་དག་ཏུ་བརྩོལ་བ་མ་དགོས་པར་འཕེན་པ་སྲིད་དོ། །དེ་ལ་ཅིའང་

(༢༩༤)ཕྱིར་རབ་སངས་རྒྱས་བྱ་ཞེ་ན། འདི་ལ་བཤད་ཚུལ་མི་འདྲ་བ་བཞི་ཙམ་ཡོད་ཀྱང་། བྱང་ཆུབ་སེམས་དཔའ་ལྟར་སེམས་ཅན་མང་པོའི་དོན་དུ་སེམས་མི་བསྐྱེད་པར། རང་འབའ་ཞིག་ཐར་བར་བྱ་བས་དེ་སྐད་ཅེས་བྱ་བར་འཐད་དོ། །བཞི་པ་ནི། ཉན་ཐོས་པ་རྣམས་བདེན་པ་བཞིའི་ལམ་ལ་ཞུགས་ནས་གང་ཟག་གི་བདག་མེད་བསྒོམས་ནས་འཁོར་བའི་རྒྱུན་བཅད་དེ་དགྲ་བཅོམ་པའི་འབྲས་བུ་ཐོབ་པར་སྨོན་པ་སྟེ། ཉན་ཐོས་རྣམས་ཀྱང་འདེན་པ་བཞི་ཡི་དོན༔ མཐར་ཐུག་དགྲ་བཅོམ་འབྲས་བུ་ཐོབ་གྱུར་ཅིག༔ ཅེས་པའོ། །དེ་ལ་གང་གི་ཕྱིར་ཉན་ཐོས་བྱ་ཞེ་ན། འདི་ལ་སྒྲ་དོན་འགྲེལ་ལུགས་ཐ་དད་དུ་སྣང་ཡང་རང་སངས་རྒྱས་ལྟར་དགེ་བའི་བཤེས་གཉེན་གྱི་ དཔལ་མགོན་འཕགས་པ་དབྱིན་གཉེན་གྱིས། །ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྤྱོད། །ཞེས་པ་ལྟར་སོ་སོ་ཐར་པའི་ཚུལ་ཁྲིམས་གཞི་རྟེན་དུ་བྱས་ནས། ཕུང་པོ་དང་། ཁམས་དང་། སྐྱེ་མཆེད་དང་། རྟེན་འབྲེལ་བཅུ་གཉིས། གནས་དང་། གནས་མ་ཡིན་པ་སོགས་ལ་མཁས་པར་བྱས་ཏེ། བདེན་པ་བཞི་གཙོ་བོར་བཏོན་པའི་ལམ་དུ་འཇུག་ཅིང་། ཚོགས་ལམ་ཆུང་ངུའི་དྲན་པ་ཉེར་གཞག་ནས་བཟུང་སྟེ་སྒོམ་ལམ་ལ་ཐུག་གི་བར་ལམ་འགྲོད་པའི་རྗེས་ལ་དེ་ཉིད་ཀྱིས། ཟད་དང་མི་སྐྱེ་ཤེས་པ་ཡི། བྱང་ཆུབ་རྩེས་པ་ལྟར་ཡེ་ཤེས་ཉིས་ལྡན་གྱི་འབྲས་བུ་དགྲ་བཅོམ་མངོན་དུ་བྱེད་ལ། དེ་ལྟར་ཉན་རང་གི་དགྲ་བཅོམ་དེ་དག་ལྷག་མེད་དུ་འདས་ནས། འགོག་པའི་དབྱིངས་ལ་བཞུགས་པ་རང་གི་ལུགས་ལ་རྟག་པར་མི་གཡོ་བར་འདོད་ཀྱང་། ཐེག་ཆེན་པས་གཞལ་ན། སྔར་ཚོགས་ཇི་ཙམ་བསགས་པའི་ཡུན་དུ་བློའི་འཇུག་པ་ཞི་བར་ཐིམ་ཡང་། དེ་ནས་བདེ་བ་ཅན་ལ་སོགས་པའི་དག་ཞིང་དུ་སྐྱེ་བ་པདྨོའི་སྤུབས་སུ་བཟུང་ནས་མ་རིག་པའི་བག་ཆགས་དང་ཤེས་བྱའི་སྒྲིབ་པ་ཕྲ་མོའི་མཐུས་ལོ་བདུན་དུ་པདྨོ་ཁ་བྲུམ་ནས་གནས་པའི་དུས། ཞིང་དེའི་སངས་རྒྱས་ཀྱི་ཐུགས་རྗེའི་མཐུས་པདྨོ་ཁ་འབྱེད་ཅིང་ཏིང་ངེ་འཛིན་དེ་ལས་བསླངས་པས། ཐེག་པ་ཆེན་པོ་ལ་འཇུག་པའི་སྤྲོ་བ་སྐྱེས་ཏེ་སེམས་བསྐྱེད་ནས་ལམ་བསྒོམས་པས་སྐུ་ཚེ་དེ་ཉིད་ལ་སངས་རྒྱ་བ་ལངྐར་གཤེགས་པ་དང་། པདྨ་དཀར་པོ་ལས་བཤད་དོ། །བཀའ་ལ་མི་བརྟེན་པ་མ་ཡིན་གྱི།

(༢༩༥)འབྲས་བུ་ཐོབ་ཁར་ཡང་སངས་རྒྱས་ཀྱི་ལུང་ལ་བརྟེན་ཅིང་ཉན་པར་བྱེད་པ་ན་པྲ་བཀའམ། ཉན་ཐོས་ཞེས་བྱའོ། །ལྔ་པ་ནི། ཁམས་གསུམ་གྱི་སེམས་ཅན་ཐམས་ཅད་དགེ་བ་བཅུའི་ཆོས་ལ་ཚུལ་བཞིན་དུ་སྤྱོད་པ་དང་། དེའི་མཐུ་ལས་གནས་སྐབས་ཙམ་གྱི་བདེ་འབྲས་ལྷ་མི་སྟེ་མཐོ་རིས་ཀྱི་གོ་འཕང་ཐོབ་ཅིང་། དེ་ཡང་ལོག་ལམ་དུ་མི་ཞུགས་པར་ཆོས་སྤྱོད་བཅུའི་བྱ་བ་ལ་བརྩོན་ཞིང་སངས་རྒྱས་བསྟན་པའི་སྲོག་ཤིང་འཛིན་པར་སྨོན་པ་སྟེ། ཁམས་གསུམ་འགྲོ་བ་མ་ལུས་ཐམས་ཅད་ཀྱང་ ཞེས་པ་ནས། སངས་རྒྱས་བསྟན་པའི་སྲོག་ཤིང་འཛིན་གྱུར་ཅིག༔ ཅེས་པ་ཡན་ཆོད། དྲུག་པ་ནི། བསྟན་པ་འཛིན་སྐྱོང་སྤེལ་བའི་སྐྱེས་བུ་དམ་པ་དང་། དགེ་བའི་བཤེས་གཉེན། རྡོ་རྗེའི་མཆེད་ལྕམ་ལ་སོགས་པ་རྣམས་སྐུ་ཚེ་རིང་ཞིང་ཆབ་སྲིད་བརྟན་པར་སྨོན་པ་སྟེ། བསྟན་པ་འཛིན་སྐྱོང་སྤེལ་བར་མཛད་པ་ཡི༔ ཞེས་ནས། བསྟན་པའི་སྒྲོན་མེ་ཡུན་རིང་གནས་གྱུར་ཅིག༔ ཅེས་པའི་བར་རོ། །བདུན་པ་ནི། བདག་ཅག་དཔོན་སློབ་ཡོན་མཆོད་དང་བཅས་པ་ཐམས་ཅད་འཇིག་རྟེན་འདིར་ཡང་བསམ་པའི་དོན་ཡིད་བཞིན་དུ་འགྲུབ་པ་དང་། ཚེ་འཕོས་ནས་ཀྱང་སེམས་ཅན་ཐམས་ཅད་སྐྱོབ་པར་ནུས་པའི་བླ་མ་དང་དགེ་བའི་བཤེས་གཉེན་ཁྱད་པར་ཅན་དུ་གྱུར། ཐེག་པ་ཆེན་པོའི་ཆོས་ཀྱི་འཁོར་ལོ་རྒྱུན་ཆད་མེད་པར་བསྐོར་ཞིང་། སྤྱིན་པ་དང་། སྙན་པར་སྨྲ་བ་དང་། དོན་སྤྱོད་པ་དང་། དོན་མཐུན་པ་སྟེ་བསྡུ་བ་རྣམ་པ་བཞིའི་སྒོ་ནས་འགྲོ་དོན་བྱེད་པར་སྨོན་པའི་ཚིག །བདག་ཅག་དཔོན་སློབ་ཡོན་མཆོད་འཁོར་བཅས་ཀྱིས༔ ཞེས་པ་ནས། བསྡུ་བ་རྣམ་བཞིའི་འགྲོ་དོན་བྱེད་པར་ཤོག༔ ཅེས་པའི་བར་དང་། བརྒྱད་པ་ནི། རྡོ་རྗེ་ཐེག་པ་བཀའ་བཙན་པ་ཞེས་འཆོལ་པོར་མ་སྤྱད་པའི་སྒོ་ནས་ཕྱོགས་རྣམས་ཐམས་ཅད་དང་། དུས་ཐམས་ཅད་དང་། གནས་སྐབས་ཐམས་ཅད་དུ་ཤིན་ཏུ་དར་རྒྱས་ཆེ་བ་དང་། དེའི་མཐུ་ལས་ཡུལ་དང་རིས་སུ་

(༢༩༦)མ་ཆད་པའི་རྒྱལ་ཁམས་ཐམས་ཅད་དུ་བདེ་ལེགས་ཕུན་སུམ་ཚོགས་པར་འབྱུང་བར་སྨོན་པ་སྟེ། རྡོ་རྗེ་ཐེག་པ་བཀའ་བཙན་བྱིན་ཆགས་ཤིང་༔ ཞེས་པ་ནས། བཀྲ་ཤིས་དཔལ་འབྱོར་བདེ་ལེགས་ཕུན་སུམ་ཚོགས༔ ཞེས་པའི་བར་རོ། །དགུ་པ་ནི། ཕྱོགས་དུས་གནས་སྐབས་ཀུན་ཏུ་རྒྱལ་བའི་བསྟན་པ་རིན་པོ་ཆེ་དར་ཞིང་རྒྱས་པ་དང་། དེའི་མཐུ་ལས་སེམས་ཅན་ཐམས་ཅད་ནད་མཚོན་མུ་གེ་དམག་འཁྲུག་ལ་སོགས་པ་རྒྱང་རིང་པོ་རང་དབེན་ཞིང་ཤིན་ཏུ་བདེ་ཞིང་སྐྱིད་པར་སྨོན་ནས་མཇུག་བསྡུ་བ་སྟེ། ཕྱོགས་དང་དུས་དང་གནས་སྐབས་ཐམས་ཅད་དུ༔ སོགས་ནས། བདག་གཞན་དོན་འབྲས་ལྷུན་གྱིས་གྲུབ་པར་ཤོག༔ ཅེས་བརྗོད་དོ། །དེ་ལྟར་སྨོན་ལམ་གྱི་དོན་བཀྲལ་བ་ལ་དགོས་པ་ཅི་ཡོད་ཅེ་ན། ཚིག་དོན་རྣལ་མར་མགོ་བ་རྣམས་ཀྱིས་གོ་བ་ཕྱིན་ཅི་ལོག་ལ་བརྟེན་སྨོན་ལམ་ག་འཛོལ་དུ་འདེབས་པ་ལས་ལྡོག་ཕྱིར་རོ། །གཉིས་པ་ལ་གསུམ། སྨོན་ལམ་གཞན་གྱིས་ཁ་འབངས་པ་དང་། སྨོན་ལམ་དེ་དག་ཇི་ཙམ་དུ་འདེབས་པའི་ཚད། ཆོ་ག་དང་སྨོན་ལམ་ཐམས་ཅད་ལ་དམིགས་པ་དང་བསམ་པ་གཙོ་ཆེ་བར་གདམས་པའོ། །དང་པོ་ནི། གཞུང་ལས། ཞེས་པ་རྣམས་དང་གཞན་ཡང་གང་འོས་ཀྱིས༔ སྨོན་ལམ་རྒྱས་བསྡུས་སྐབས་དང་སྦྱར་ལ་གདབ༔ ཅེས་དངོས་བསྟན་གྱིས་མཇུག་ཏུ་སྨོན་ལམ་རྒྱ་ཆེར་འདེབས་པ་ཞལ་གྱིས་འཕངས་པ་ལྟར། ཕལ་པོ་ཆེའི་མདོ་ལས། དེ་ནས་བྱང་ཆུབ་སེམས་དཔའི་ཀུན་ཏུ་བཟང་པོས་བསྐལ་པ་དང་བསྐལ་བར་འབྱམས་ཀླས་པ་ཉིད་དང་འཇིག་རྟེན་གྱི་ཁམས་གཅིག་ཏུ་བརྒྱུད་པ། སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་པ་དེ་དག་བསྣན་ཏེ། མངོན་པར་བརྗོད་པའི་ཕྱིར་ཚིགས་སུ་བཅད་པས་སྨོན་ལམ་བཏབ་བ། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། ཞེས་སོགས་གསུངས་པའི་སྨོན་ལམ་གྱི་རྒྱལ་པོ་བཟང་པོ་སྤྱོད་པ་ཞེས་གངས་ཅན་འདིར་ཉི་ཟླ་ལྟར་གྲགས་པ་འདི་ཤིན་ཏུ་

(༢༩༧)རྨད་དུ་བྱུང་བའི་སྨོན་ལམ་ཞིག་སྟེ། རྒྱུ་མཚན་ནི། རང་གཞུང་ལས། ལན་ཅིག་ཙམ་ཡང་དད་པ་སྐྱེས་པ་ནི། སོགས་གསུངས་པ་ལྟར་དང་། ལོ་ཆེན་བཻ་རོའི་རྣམ་སྦྲུལ་གཡག་སྡེ་པཎ་ཆེན་ལ་བྱ་བྲལ་བ་ཞིག་གིས། གཞུང་ས་རགས་གོང་རྡོ་རྗེས་གུང་ཐང་མེ་ཏོག་མཆོད་པ་ལན་བཅུ་ཙམ་བསྒྲུབས་གདའ་བ། འདི་ཀུན་བསོད་ནམས་ཆེ་བར་གླེང་གི་འདུག་ལགས་ཞུས་པས། པཎ་ཆེན་གྱིས་གསུངས་ནས། དེ་འདྲའི་བསོད་ནམས་ལས་ཁོ་བོས་བཟང་སྤྱོད་ཚར་གཅིག་བཏོན་ནས་ཉལ་བ་བསོད་ནམས་ཆེ་ཞིང་དཀའ་ལས་ཆུང་གསུངས་པ་ལྟར། བྱ་སླ་དོན་ཆེན་གྱི་སྨོན་ལམ་ཁྱད་པར་ཅན་འདི་དང་། བྱང་ཆུབ་བསྒྲུབ་པའི་ཐབས་ལ་ཐེག་པ་བདེ་བ་དང་། ལམ་བདེ་བ་དང་། འཇུག་པ་བདེ་བ་ལ་སོགས་ཀྱིས་མཁས་པ་ཨཱརྱ་མཻ་ཏྲིས་བྱང་ཆུབ་ཀྱི་སྤྱོད་པ་ལ་བསླབས་པའི་ཚེ་ཉིན་ལན་གསུམ་དང་མཚན་ལན་གསུམ་དུ་བླ་གོས་ཕྲག་པར་གཟར། པུས་མོ་གཡས་པའི་ལྷ་ང་ས་ལ་ཚུགས་ཏེ་མཐའ་མི་དབོགས་པར་བཏབ་པས་བྱམས་པའི་སྨོན་ལམ་དུ་གྲགས་པ་དང་། རིག་འཛིན་རྒོད་ལྡེམ་པས་བྲག་རི་དུག་སྦྲུལ་སྤུངས་པ་ནས་ཕྱུང་བའི་དགོངས་པ་ཟང་ཐལ་རྒྱུད་ཀྱི་སྨོན་ལམ་ལ་སོགས་པ་ཅི་འགྲུབ་ཏུ་བྱའོ། །གཉིས་པ་ནི། དེ་ལྟར་སྨོན་ལམ་ཐམས་ཅད་རང་ཉིད་གཅིག་བུ་ཞིང་དེ་ཙམ་གྱི་ཆེད་དང་། དུས་དང་བསྐལ་པ་ལ་མཐའ་མི་བཀག་པར་རྒྱ་ཆེ་མུ་མེད་ཀྱི་བསམ་པས་འདེབས་པ་ཡིན་ཏེ། བཟང་སྤྱོད་ལས། ནམ་མཁའི་མཐར་ཐུག་གྱུར་པ་ཇི་ཙམ་པར། །སོགས་ཤློ་ཀས་གསལ་བར་བསྟན་པ་ལྟར་རོ། ཁ་ཅིག་དེ་ཙམ་དུ་སྨོན་ལམ་འདེབས་པ་ལ་རྟེན་གྱི་མི་ཁོམ་པར་རྟོག་རིག་འཇུག་སྟེ། དེ་ནི་མ་ཡིན་ཏེ། ཆོས་ཀྱི་དབྱིངས་རྣམ་པར་དག་པའི་མཐུ་དང་། སངས་རྒྱས་རྣམས་ཀྱི་ཐུགས་རྗེ་ཆེན་པོའི་བྱིན་རླབས་དང་། གདུལ་བྱ་རྣམས་ཀྱི་དཀར་པོའི་བག་ཆགས་ཀྱི་ས་བོན་གྱི་དབང་ལས་རྟེན་མེད་ཀྱང་སྨོན་ལམ་རིང་པོའི་མཐར་ཡང་འགྲུབ་སྟེ།

(༢༩༨)དཔེར་ན་དྲང་སྲོང་སྨོན་ལམ་འགྲུབ་པས་མ་འོངས་པའི་དུས་ན་སྨོན་ལམ་བཏབ་པ་དང་། དྲང་སྲོང་ཤི་ནས་ཡུན་རིང་མོ་འདས་ཀྱང་སྨོན་ལམ་འགྲུབ་པར་འགྱུར་བ་ལ་རྟེན་མི་དགོས་པ་བཞིན་ནོ། །གསུམ་པ་ནི། སྤྱིར་དགེ་བའི་ཆོས་ཐམས་ཅད་ལ་ལྷན་ཅིག་སྐྱེས་པའི་མ་རིག་པས་མ་བསླད་པར་བྱ་དགོས་པའི་སྙིང་པོ་ནི་ཤེས་བཞིན་གྱི་དྲན་པ་ཡིན་པས་ཤིན་ཏུ་གལ་ཆེ་མོད། ལྷག་པར་བསྐྱེད་རྫོགས་ཀྱི་ལམ་སྤྱི་དང་། བྱེ་བྲག་ཏུ་ཚེ་འདས་ཀྱི་རྗེས་འཛིན་ལ་སོགས་པ་འདི་ལྟ་བུའི་སྐབས་སུ་དམིགས་པ་སོགས་གང་ཡང་མེད་པར། ཉོན་མོངས་དང་འདྲེས་པའི་འཕྲོ་རྒོད་ཀྱི་རྟོག་པ་ཕྱིན་ལོག་དང་། བཏང་སྙོམས་ལུང་མ་བསྟན་གྱི་དབང་དུ་མི་གཏོང་བར། མགོ་ཚུགས་པ་ནས་མཇུག་མ་འཁྲིལ་གྱི་བར་དུ་ཐད་ཀ་ཐད་ཀའི་དོན་ལ་དེས་ཤེས་འདྲོངས་པ་དང་། དམིགས་པ་གསལ་ཞིང་སེམས་མ་ཡེངས་པ་ཤིན་ཏུ་གལ་ཆེ་སྟེ། རྒྱལ་བ་ཡང་དགོན་པས། འོད་གསལ་གྱི་ངང་ལ་བར་དོའི་སེམས་ཅན་དངོས་སུ་གཟིགས་པ་དང་། ཁྱད་པར་སྐུ་སྐྱེ་སྔ་མའི་བར་དོའི་སྣང་ཚུལ་ཇི་ལྟར་བྱུང་བ་ཐུགས་ཀྱི་དགོངས་ནས་འདི་སྐད་གསུངས་ཏེ། བདུན་ཚིགས་ཀྱི་ཆོ་ག་དག་པ་དང་། དམིགས་པ་གསལ་བ་དང་། མ་ཡེངས་པ་བྱས་ཙ་ན་ཉམས་དགའ་ཤེས་པ་གསལ། སྡོང་སྙིང་འདོད། རིག་པ་ལྷན་ནེར་ཕེབས་པ་འོང་བར་འདུག །སེམས་ཡེངས་པ་དང་། ཆོ་ག་མ་དག་པ་ཤེས་པ་འཚུབས་ཤིང་། ཅི་ཞིག་ན་འཇིགས་སྐྲག་གིས་བསྐྱོད་དེ་རང་དབང་མེད་པར་འགྲོ་བ་འདུག་གོ །བདུན་ཚིགས་ལ་གཤེད་ཕྲལ་བས་མི་ཕན་ལྕག་འབྲལ་བ་གལ་ཆེའོ། །མིང་བཞིའི་རྣམ་པར་ཤེས་པ་མཆོག་ཏུ་གྱུར་པ་ཡིན་པས་མིང་བྱང་འབྲི་བའི་རྒྱུ་མཚན་ནོ། །གཏི་མུག་ཤས་ཆེ་བའི་གཉེན་པོར་རླུང་ལས་གཏོར་དགོས་པས། གཏི་མུག་ཡེ་ཤེས་ཀྱི་མེས་བསྲེག་པའི་རྟེན་འབྲེལ་དུ་བྱེ་མ་རྡོས་པས་འབྲབ་པ་ཡིན་ནོ། །དེ་ལྟ་བུའི་བདུན་ཚིགས་ཟབ་མོ་

(༢༩༩)བླ་མ་ཐུགས་རྗེ་ཅན་གྱིས་སློབ་མ་དམ་ཚིག་ཅན་གྱི་དོན་དུ་ཆོ་ག་དག་ཅིང་། ཏིང་ངེ་འཛིན་གསལ་བར་བྱས་ན་བར་དོའི་རྟེན་བཟང་ཞིང་ཤེས་པ་གསལ་བས། བག་ཆགས་མགོ་སླ་བའི་རྟེན་འབྲེལ་གྱིས་འཚང་རྒྱ་བར་གསུངས་སོ། །རྡོ་རྗེ་ཐེག་པའི་ཉེ་ལམ་ཐུན་མོང་མ་ཡིན་པ་ཡིན་ལ་གཞན་ཡང་ཡུན་རིང་དུ་ལོན་པའི་རུས་པའམ་མིང་ནས་བརྗོད་ཅིང་དབང་བསྐུར། གཟུངས་སྔགས་བཟླས་པས་ལས་ཀྱི་སྒྲིབ་པ་འཛད་ཅིང་ངན་སོང་ལས་ཐར་བར་བཤད་དེ། སྤྱོད་རྒྱུད་ནས། ཀྱེ་ལྷའི་བུ་རྣམས་ངན་སོང་དུ་སྐྱེས་ཟིན་པ་གང་ཡིན་པ་དེ་དག་གི་མིང་ལ་ཡང་དབང་བསྐུར་ཅིག །གང་གཟུགས་བརྙན་ལ་ཡང་དབང་བསྐུར་བར་བྱོས་ཤིག །མཆོད་རྟེན་ལ་ཡང་དབང་བསྐུར་བར་བྱོས་ཤིག །རང་གི་ལྷའི་སྐུ་ལ་ཡང་དབང་བསྐུར་བར་བྱོས་ཤིག །ཆུང་ངུ་ན་དེར་རིགས་མཐུན་པ་དང་དེའི་བུ་དང་། དེའི་རུས་མཐུན་པ་དང་། དེའི་མིང་འཛིན་པའམ་བྲན་ལ་ཡང་དབང་བསྐུར་ཅིག །ཞག་བདུན་དུ་དཀྱིལ་འཁོར་དུ་བཅུག་སྟེ་དབང་བསྐུར་ན་གདོན་མི་ཟ་བར་ཞག་བདུན་གྱིས་ངན་སོང་གི་སྒྲིབ་པ་ལས་རྣམ་པར་གྲོལ་བར་འགྱུར་རོ། །ཞེས་གསུངས་ཤིང་། འདི་ལྟར་མཽངྒལ་གྱི་བུས་མ་དམྱལ་བ་ནས་བཏོན་པ་དང་། ཨ་ཙ་ར་དཔལ་དབྱངས་ཀྱིས་མ་དམྱལ་བ་ནས་བཏོན་པ་ལྟ་བུའོ། །གཞན་ཡང་དེའི་དོན་དུ་དགེ་བ་བྱས་ཤིང་། དགེ་བའི་བཤེས་གཉེན་གྱིས་བསྔོ་བ་དང་སྨོན་ལམ་རྣམ་པར་དག་པ་བྱས་ན་བྱེད་མཁན་གྱི་བསམ་པ་རྣམ་པར་དག་པའི་སྟོབས་དང་། ཆོས་ཀྱི་དབྱིངས་ཅི་ཡང་མ་ཡིན་པ་ལ་ཅིར་ཡང་བྱར་བཏུབ་པའི་བྱིན་རླབས་དང་སངས་རྒྱས་ཀྱི་ཐུགས་རྗེ་དང་སེམས་ཅན་གྱི་ཁམས་དབྱེར་མེད་པའི་ཆོས་སྐུའི་བྱིན་རླབས་དང་། བསྔོ་བ་དང་སྨོན་ལམ་རྣམ་པར་དག་པའི་བྱིན་རླབས་ཀྱི་སྟོབས་ཀྱིས་རྣམ་སྨིན་གྱི་འབྲས་བུ་མི་བསྐྱེད་ཀྱང་། སྐྱེས་བུའི་བྱེད་པ་དྲི་མ་མེད་པའི་དབང་འབྲས་འབྱུང་སྟེ། བར་དོའི་སེམས་ཅན་དེ་ངན་འགྲོར་སྐྱེ་ངེས་པ་ཡིན་ཡང་

(༣༠༠)མཐོ་རིས་སུ་འགྲོ་སྟེ། དཔེར་ན་ལམ་དུ་ཞུགས་པའི་གྲོགས་ཀྱིས་བསྒྱུར་བ་བཞིན་ནོ། །དེ་ཡང་ཚེ་འདས་དེ་ལ་ཞག་བདུན་བདུན་བྱི་ཁོངས་སུ་འཆི་བའི་སྡུག་བསྔལ་བ་རེའང་ཞག་ཞེ་དགུའི་བར་དུ་འབྱུང་ཕྱིར་ད་ལྟ་བདུན་ཚིགས་བྱེད་པ་དེ་ལས་སྐྱོབ་ཕྱིར་ཡིན་མོད། དེས་ན་དམིགས་པ་གསལ་མི་གསལ་དང་བསམ་པ་དག་མ་དག་ཙམ་གྱིས་ཁྱད་ལ་གཤིན་པོ་དེ་ལ་ཕན་གནོད་ཀྱི་ཁྱད་པར་དེ་ཙམ་འབྱུང་བར་གསུངས་པས་ན། དེ་ཉིད་བར་དོར་སྡུག་ཐུག་པའི་གནས་སྐབས་ཡིན་ཕྱིར་དེ་དག་གི་སྣང་ཚུལ་ལ་བསམས་ནས་སྙིང་རྗེའི་བསམ་པ་དར་དྲགས་པས་ཀུན་ནས་སླངས་ཏེ་ཆོ་ག་དང་དམིགས་པ་ལ་གནད་དུ་བཀར་ནས་དོན་གཉེར་ཆེན་པོ་བྱས་ན། གཤིན་པོ་དེ་ལ་ཕན་ཐོགས་ཤིན་ཏུ་ཆེ་ཞིང་རང་གཞན་གཉིས་ཀ་མ་བསླུས་པ་ཡིན་མོད། ཚུལ་དེ་ལྟ་བུ་དང་མི་ལྡན་ཕྱིན་ཆད། འཇིག་རྟེན་ཚུལ་མཐོང་བྱིས་པའི་སྣང་ངོར་སྣང་རིག་ཇི་ལྟར་བཀྲ་ཡང་དེ་འདྲའི་ཆོ་ག་དང་ངོ་སྤྲོད་ལ་དགེ་མཚན་ཆེ་བར་མ་མངོན་ཏེ། རྗེ་བཙུན་མི་ལས། མི་ཤི་བའི་རོ་ཡི་མགོ་བོ་ནི། ནོར་འདོད་པའི་བན་བོན་གླུ་དབྱངས་ལེན། །ཞེས་གསུངས་པའང་གནས་སྐབས་སུ་དོན་ལ་གནས་ཤིང་། མཐར་ཐུག་ནི་བདག་གཞན་གཉིས་ཕུང་ལས་མ་འདས་ཏེ། ཅིའི་ཕྱིར་ན་རེ་ཞིག་ཅིག་ན་དཀོར་དང་ལན་ཆགས་ཀྱི་རྣམ་སྨིན་ཁུར་བས་མི་ཐེག་པ་ཞིག་རང་ཐོག་ཏུ་འབྱུང་སྟེ། རྒོད་ཚད་སྣ་ཚོགས་རང་གྲོལ་གྱི་མནལ་ལམ་དུ་བར་དོར་བྱོན་པའི་ཉམས་སྣང་ལ། གཤེད་མ་བནྡེའི་གཟུགས་ཅན་འཇིགས་སུ་རུང་བ་ཞིག་ན་རེ། དེང་སང་ཁྱེད་ཅག་བླ་མ་མཁན་སློབ་དེང་། དགེ་འདུན་མིང་བཏགས་ཆོས་པའི་གཟུགས་བཟུང་ནས། །ཤི་གསོན་ཀུན་གྱི་སྐྱབས་ཡུལ་བྱེད་མཁན་ཚོ། །ཕ་མར་གྱུར་པའི་སེམས་ཅན་སྲོག་བཅད་པའི། །ཤ་ལ་ལྟོ་ཡི་དངས་མ་བྱེད་ནུས་པའི། །སྙིང་སྟོབས་འདི་འདྲའི་ཆེ་ལུགས་ཨ་ལ་ལ། །གློ་བ་ཁྲག་གིས་བརྒྱངས་པའི་ཞིམ་ཤ་དང་། །མཆིན་པ་འཁྱགས་ལ་བོར་བའི་མཚར་ཟས་དང་། །

(༣༠༡)གསོན་ཁྲག་ཚོད་མར་བྱས་པའི་བཞེས་སྤྲོ་སོགས། ཁྱེད་ཅག་བཙུན་པ་རྣམས་ཀྱིས་བྲ་ལུགས་ལ། །ཤ་ཁྲག་ཟས་ལ་བཅན་གཟན་པས་ཀྱང་ཉམ། །ཆང་རག་འཐུང་ལ་སྤུར་གོག་བས་ཀྱང་སྲེད། །དཀོར་ཆས་འཚོལ་ལ་ཡི་དྭགས་པས་ཀྱང་མུག །ད་རུང་དགེ་སློང་ཡིན་པར་ཁས་ལེན་ནམ། །ལྷུང་བཟེད་ཐོགས་བཞིན་ཤ་ཁྲག་ཟ་ལུགས་དང་། །ཆོས་གོས་ཤམ་ཐབས་ཆང་གིས་སྤང་ལུགས་དང་། །ཚོང་ཁེ་ནོར་རྫས་བུད་མེད་འཚོལ་ལུགས་ནི། །དཀོན་མཆོག་གསུམ་ལ་ངོ་ཡང་མི་ཚའམ། །སྦྱིན་བདག་རྣམས་ཀྱི་དཀོར་ལ་ཟ་དུས་སུ། །ཤ་ཟ་ཆང་འཐུང་བྱེད་པའི་སྐྱིད་བུ་དེ། །ལས་ཀྱི་ཁྲིམས་ར་འདི་རུ་སླེབས་དུས་སུ། །སྐྱིད་སྡུག་ཅི་འདུག་ལྟོས་དང་དཀོར་ཟན་ཚོ། །མ་གི་ཤ་ཁང་ནག་པོའི་བཙོན་ཁང་ན། ཁྱེད་རང་རྣམས་ཀྱི་ཤ་ཡི་ཟ་ལུགས་དང་། །བྱེད་ལུགས་མཐུན་པའི་བཀོད་པ་དུ་མ་བཅས། ཁྱེད་རང་བཙུན་པ་ཚོ་ལ་བྱེད་ཀྱིན་ཡོད། །ལ་ལ་བརྩབས་ཡོད་ལ་ལ་བཏུབ་ཀྱིན་ཡོད། །ལ་ལ་འཚོད་ཅིང་ལ་ལ་འཁྱགས་ལ་བོར། །ལ་ལ་ཁྲམ་གཉག་ཚ་བླུགས་སྲེག་གིན་ཡོད། །ཅེས་ཟེར་ཞིང་དེ་དག་ཇི་ལྟ་བར་གཟིགས་པ་དང་། ཉིད་ཀྱི་ཤུལ་ཟླ་ལ་ཡང་སྔར་ནས་ཤི་བའི་གཉེར་ལས་བྱེད་དང་གྲ་རྒན་གྲོང་ཆོག་འབའ་ཞིག་ལ་འགྲོ་མཁན་མང་བར་འདུག་གསུངས་པ་སོགས་གཞན་དོན་དུ་མིང་བཏགས་ཀྱང་རང་ཉིད་ལ་ནོམ་པ་ཅུང་ཟད་ཙམ་གྱི་ཆེད་དང་། བསམ་པ་རྣམ་པར་མ་དག་པའི་སྐྱོན་ཁོ་ན་ཡིན་ཕྱིར། དེ་ལྟ་བུའི་མྱོང་འགྱུར་གྱི་འབྲས་བུ། ཇི་སྐད་དུ། ལས་ནི་ས་ལ་མི་སྨིན། རྡོ་ལ་མི་སྨིན། ཟིན་པའི་ཕུང་པོ་འབའ་ཞིག་ལ་སྨིན་ཏེ། ཞེས་པའི་དོན་བསམ་པར་བྱ་བའི་སླད་དུ་འདིར་དམིགས་པའི་བྱེ་བྲག་དང་གཏམ་རྒྱུད་ལྟོ་སྦྱར་ནས་ཡུལ་སྐད་ཀྱི་གོ་བདེ་བར་བྱས་ཏེ་བཤད་པ་ལས། མངོན་པའི་ང་རྒྱལ་དང་བཅས་པའི་སྡང་ཞེན་གྱི་ཚིག་རྩུབ་རྣོན་པོས་གཞན་སྙིང་འཕུགས་པའི་རྣམ་ཐར་ཙམ་དུ་དོགས་པར་མི་བྱ་སྟེ། འདི་ལྟར་རྒྱུད་དང་མན་ངག་གི་དགོངས་

(༣༠༢)འགྲེལ་མཐའ་དག་ཆིངས་ཆེན་ལྔ་དང་ཡན་ལག་བཞིའི་སྒོ་ནས་རྩ་བ་ཕིགས་བར་འཆད་དགོས་ལ། དེའི་ཕྱིར་རིག་པ་རང་གྲོལ་ལས། ཁྱུང་ཆེན་མཁའ་ལྡིང་ལྟ་བུའི་བློས། །དོན་གྱི་ཁོག་རྣམས་ཕུས་སྟེ་བཤད། །སྟག་མོའི་མཆོངས་སྟངས་ཤེས་རབ་ཀྱིས། །དོན་གྱི་ས་ཆེན་བཅད་དེ་བཤད། །རུས་སྦལ་ནུར་འགྲོས་ལྟ་བུའི་བློས། །ཡི་གེའི་འབྲུ་རྣམས་ཆོམས་པར་བཤད། །མུ་ཏིག་སྟར་བརྒྱུས་ལྟ་བུའི་བློས། །མན་ངག་དོན་དུ་བསྡེབས་ཏེ་བཤད། །ཅེས་ཡན་ལག་བཞིས་བཤད་ཚུལ་བསྟན་པ་ལྟར་ཚིག་གིས་དོན་བཀྲལ་བའི་ཕྱིར་རོ། །ཨེ་མ་ཚེ་རབས་མང་པོའི་བསགས་ཁྱབ་དང་། །རྩ་བརྒྱུད་བླ་མའི་བྱིན་རླབས་འཛོམ་པ་ལས། །རྣམ་གཡེང་སད་ལ་བསྐུར་བའི་དབེན་མལ་དུ། །སྙིང་པོའི་སྒྲུབ་པ་ལྷུར་ལེན་སྤྲང་པོའི་ལས། །སྡུམ་པར་སྲིད་འདིའི་བགྱི་བ་བསྒྲུབ་པ་ལ། །སྒོ་རྩར་མཚམས་ཐོ་བཞག་པའི་སྙན་གྲགས་རྔ་། །བགྲད་བྱའི་དབྱུག་གུས་བརྡུང་བར་མ་ཁོམ་དེས། །ཆོས་བརྒྱད་གང་རྒྱངས་སྒྲོག་པའི་ཁེངས་པ་བསྙིལ། །ཀྱེ་ཧོ་རྣལ་མའི་ངག་ལ་ད་དུས་ཀྱི། །ཚུལ་འཆོས་སྐྱེ་བོ་ཕལ་ཆེར་ཁྲེལ་སྲིད་དེ། །ཟང་ཐལ་ཉམས་བཟང་འཕར་བའི་གླུ་ཆུང་ལས། །རྒྱུ་དང་རློམ་སོགས་སྒྲིབ་པར་ཅི་ལ་འགྱུར། །ཅེས་ཀུ་སུ་ལུ་ཉམས་བཟང་འབར་བའི་སྐབས་ཀྱི་གླུའོ།། །།ལྔ་པ་ཐུགས་དམ་བསྐང་བའི་རིམ་པ་ལ་བདུན། ཚོགས་འཁོར་དང་ཚོགས་མཆོད་ཀྱི་རྣམ་དབྱེ། དེ་ཉིད་བཤམ་དགོད། བྱིན་བརླབ། ཕྱི་ནང་གསང་གསུམ་གྱི་བསྐང་བ། ཚོགས་ལྷག་བསྔོ་བ། དེ་ཁོ་ན་ཉིད་ཀྱི་བསྐང་བཤགས། བྱིན་རླབས་གནས་སྔར་གྱི་རིམ་པའོ། །དང་པོ་ནི། རྡོ་རྗེ་དྲྭ་བ་ལས། བསོད་ནམས་ནང་ན་ཚོགས་འཁོར་མཆོག །ཚེ་འདིར་བསམ་པ་ཀུན་འགྲུབ་ཅིང་། །བགེགས་དང་བར་ཆད་ཞི་བ་དང་། །ཕྱི་མ་རིག་འཛིན་རྒྱལ་བའི་ཞིང་། །ཀུན་ཏུ་བཟང་པོ་ཐོབ་པར་འགྱུར། །

(༣༠༣)ཅེས་གསུངས་པ་ལྟར་གནས་སྐབས་སུ་ཚོགས་གསོག་པ་དང་འགལ་རྐྱེན་སེལ་བ། མཐར་ཐུག་ཞིང་ཁམས་རྣམ་པར་དག་པ་ལ་བགྲོད་པ་སོགས་མདོར་ན་རྡོ་རྗེ་ཐེག་པའི་འཇུག་སྒོའི་ཟག་གནད་གལ་པོ་ཆེ་ཞིག་འདི་ཉིད་ཡིན་པ་དང་། དེ་ལ་ཡང་སྤྱིར་ཚོགས་ཀྱི་འཁོར་ལོ་མཚན་ཉིད་ཚང་བ་ཞིག་བྱ་བ་ལ་གནས་དུས་ཡོ་བྱད་ཐམས་ཅད་ཕུན་སུམ་ཚོགས་པ་གཞུང་ནས་བཤད་ཚོད་དང་མཐུན་པ་ཞིག་དང་། རྣལ་འབྱོར་བ་རྣམས་ཀྱང་དཀྱིལ་འཁོར་སུམ་ལྡན་གྱི་ནུས་པ་ཅན་ཐབས་ཤེས་ཆ་མཉམ་པར་ཚོགས་ཤིང་། དེ་ཡང་རབ་ཇི་ཙམ་མང་བའི་ཚོམ་བུ། འབྲིང་ལྷ་གྲངས་དང་མཉམ་པ། ཐ་མའང་གཙོ་བོ་ཡབ་ཡུམ་ཙམ་ཚོགས་དགོས་པར་གསུངས་ཞིང་། ད་ལྟའི་ལག་ལེན་དཀྱུས་མ་པ་འདི་དག་ལ་ཕོ་རྐྱང་ཚོགས་ན་དཔའ་བོའི་སྟོན་མོ། མོ་རྐྱང་ཚོགས་ན་དཔའ་མོའི་སྟོན་མོ་ཞེས་པ་ལས་ཚོགས་འཁོར་མཚན་ཉིད་པ་མི་འབྱུང་མོད། དེ་ཡང་གསང་སྔགས་ཀྱི་ཆོས་ཟབ་མོའི་ཉེ་ལམ་ལ་འདོད་པའི་ཡོན་ཏན་དང་ཉོན་མོངས་པ་མི་སྤང་ཞིང་བཟང་ངན་གཙང་བཙོག་ཐམས་ཅད་རོ་མཉམ་ཆེན་པོར་ལམ་དུ་ཁྱེར་དགོས་པ་ཡིན་ཚེ་དེ་དག་བློར་མི་ཤོང་བའི་ཐེག་དམན་ཉན་རང་དང་། བྲམ་ཟེ་སྔགས་ལམ་ལ་མ་ཞུགས་པ། དབང་མ་ཐོབ་པ་རྣམས་དང་། དམ་ཉམས་ལ་སོགས་པ་ཚོགས་གྲལ་དུ་མི་འཇུག །ཅིའི་ཕྱིར་ན་དེའི་ཟས་དང་སྤྱོད་ལམ་སོགས་བློར་ཤོང་ཞིང་ལམ་དུ་ཁྱེར་ནུས་པ་དགོས་ཕྱིར་རོ། །ཚོགས་ཀྱི་ཡོ་བྱད་ནི་ཤ་ལྔ་དང་། དགོངས་འདུས་རང་སྐད་སྨན་གཞུང་དུ། གླང་པོ་ཆེ། རྨ་བྱ། སེང་གེ །རྟ་དཀར། ཤང་ཤང་རྣམས་དངོས་སམ་ཚབ་རུང་དམིགས་བསལ་སྐུ་ལྔའི་ཐུགས་དམ་སྐོང་བའི་རྫས་སུ་བཤད་དོ། །བདུད་རྩི་ལྔ་དང་། དེ་ཡང་བདུད་རྩིའི་སྒྲུབ་གཞུང་རྣམས་སུ་དྲི་ཆེན་རྣམ་པར་སྣང་མཛད། བྱང་སེམས་རྡོ་རྗེ་སེམས་དཔའ། མཱཾ་ས་རིན་ཆེན་འབྱུང་ལྡན། རཀྟ་སྣང་བ་མཐའ་ཡས། དྲི་ཆུ་དོན་ཡོད་གྲུབ་པ་ཞེས་བཤད་ནས་རང་རང་གི་རིགས་དང་མཐུན་པའི་དངོས་གྲུབ་ཐོབ་པར་གསུངས་སོ། །ཤ་ཆང་། སྒོག་བཙོང་། གསོ་དཔྱད་ཀྱི་གཞུང་རྣམས་སུ་རིག་བྱེད་ཀྱི་གཏམ་རྒྱུད་དང་སྦྱར་

(༣༠༤)ནས་འདི་ལ་ལྷ་མ་ཡིན་གྱི་ཁྲག་ཅེས་བཤད་ལ། དམེ་བར་བལྟ་བའི་རྒྱུ་མཚན་ཡང་དེ་ལྟར་ཡིན་ནོ། །ཉ་ཕག་ལ་སོགས་དམན་པ་དང་བཙོག་པར་བལྟ་དགོས་པ་ཐམས་ཅད་ཚོགས་པ་ཡིན་ཕྱིར། དེའི་དབང་གི་ཞིམ་མངར་གཙང་བཙོག་ཐམས་ཅད་ལ་བཟང་ངན་དང་གཙང་དམེའི་གཉིས་རྟོག་མེད་པར། ཐམས་ཅད་མཉམ་པ་ཉིད་དུ་རྟོགས་ནས་བདུད་རྩིའི་རང་བཞིན་དུ་ལོངས་སྤྱོད་དགོས་པ་སྟེ། བདུད་རྩི་འབྱུང་བའི་རྒྱུད་ལས། །ཀླུ་དང་བྲམ་ཟེ་གཙང་མ་ཟ། །དེ་དག་གྲོལ་བར་ངས་མ་བཤད། ཁྱི་ཕག་གདོལ་པ་མི་གཙང་ཟ། །དེ་དག་གྲོལ་བར་ངས་མ་བཤད། །ཡང་དག་ངེས་པའི་ལུང་འདི་ཉོན། །རྣལ་འབྱོར་ཐབས་ལྡན་རྣམས་ཀྱིས་ནི། །ཆོས་སྐུ་གཅིག་ལ་ཐ་དད་པའི། །རིགས་ལྔའི་རང་བཞིན་འདི་སྤྱོད་དོ། །དེ་ལྟར་རྟོགས་ན་གྲོལ་བར་བཤད། །ཅེས་གསུངས་པ་དང་། འོ་ན་མཚན་ཉིད་ཚང་བའི་རྣལ་འབྱོར་པའི་ཚད་གང་གིས་བྱེད་ཅེ་ན། རྒྱུ་ཤེས་པའི་མཚན་ཉིད་ལྟ་བའི་གདེང་དང་ལྡན་པས། རྐྱེན་འཇུག་པའི་མཚན་ཉིད་ཏིང་ངེ་འཛིན་བསྒོམས་པའི་སྟོབས་ཀྱིས། ཉོན་མོངས་པ་སྤྱད་ཀྱང་འཆིང་བར་མི་ནུས་ཤིང་ལམ་གྱི་གྲོགས་སུ་གྱུར་པ་རྨ་བྱས་དུག་ཟོས་པ་ལྟ་བུའི་རྣལ་འབྱོར་པ་ཞིག་དགོས་ཏེ། ངེས་ལམ་དུ་ཇི་ལྟར་ཁྱེར་སྙམ་ན། སྐྱེ་བོ་ཐ་མལ་པ་ལྟར་ཉོན་མོངས་པ་དང་གཙང་བཙོག་རང་ཁའི་རྗེས་སུ་མི་འབྲེང་། ཉན་ཐོས་ལྟར་མི་སྤོང་། རང་རྒྱལ་ལྟར་མི་འགེགས། བྱང་སེམས་ལྟར་མི་སྦྱོང་། སྔགས་ཕྱི་བ་ལྟར་མི་བསྒྱུར་བར། དུག་ལྔ་དང་གཙང་བཙོག་འདོད་ཡོན་ལ་སོགས་པ་གང་ཡིན་ཀྱང་དེའི་རང་བཞིན་གྲ་མ་ཆག །གྲུ་མ་ཉམས་པར་ཉམས་སུ་མྱོང་ལ་ཞེན་པའི་མཐའ་ཏིལ་ཤུན་ཙམ་ཡང་མེད་པ་ལྟ་བའི་རྩིས་ཟིན་པ། རང་རྒྱུད་དུ་མ་ཤོར་བ། སྒྲ་ཇི་བཞིན་ལ་ལམ་དུ་ཁྱེར་ནུས་པ་ཞིག་ལ་ཟེར་གྱི། ཧེ་བཛྲ་ལས། དུག་གི་དུམ་བུ་གང་ཉིད་ཀྱིས། །སྐྱེ་བོ་ཐམས་ཅད་འཆིང་བར་འགྱུར། །དུག་གི་དེ་ཉིད་ཤེས་པ་ཡིས། །

(༣༠༥)དུག་གིས་དུག་ནི་འབིགས་པར་བྱེད། །ཅེས་གསུངས་པ་ལྟར་ཡིན་ལ། དེ་ལྟར་མ་ཡིན་པ་ད་ལྟའི་གདོལ་སྤྱོད་མཁན་རྣམས་ཀྱི་སྤྱོད་ཡུལ་དུ་གྱུར་པ་དུག་ལྔ་དང་འདོད་ཡོན་ལ་ཉོན་མོངས་རང་ཁ་མའི་གཤིས་སུ་གསང་སྔགས་ཀྱི་མིང་སྙན་པའི་གསོབ་ཏུ་ཞུགས་ཏེ། སྦྱོར་བ་ཕྱིན་ཅི་ལོག་གི་ལམ་ལ་འགོམ་པ་དག་གིས་གབ་པའི་གསང་བ་ཇི་བཞིན་མ་རྟོགས་བསམ་གཏན་།།།ལ་སོགས་པའི་ལམ་སྒྲ་ཇི་བཞིན་བར་སྤྱད་ན། མནར་མེད་པའི་དམྱལ་བ་ཆེན་པོར་བསྐལ་པ་མང་པོར་སྡུག་བསྔལ་མྱང་དགོས་པ་གསར་རྙིང་གི་རྒྱུད་སྡེ་དུ་མ་ནས་གསུངས་ལ། རཱུ་ཏྲ་ཐར་པ་ནག་པོ་ཡང་གོལ་བའི་རྒྱུ་རྐྱེན་བཤད་མ་ཐག་པ་ཁོ་ནའི་སྐྱོན་ཡིན་པས་སོ། །དེས་ན་ལམ་འཁྱེར་གྱི་དོན་ཕྱིན་ཅི་མ་ལོག་པར་གོ་རྟོགས་མྱོང་བའི་འདུས་པའི་ཚོམ་བུ་ཐབས་ཤེས་སུ་ཚོགས་པའམ། རྐྱང་པར་ཚོགས་པ་ལ་སྔར་བཤད་པ་ལྟར་དེ་དང་དེའི་སྒྲ་བཤད་གཞག་པའོ། །གཉིས་པ་ཚོགས་ཤོམ་ནི། གཏེར་ཁ་འདི་ཁའི་རང་སྐད་ལས། སྣམ་རས་དྲི་མེད་དར་དཀར་གཙང་མའི་གདན༔ རིན་ཆེན་གས་ཆག་མེད་པའི་སྣོད་ནང་དུ༔ ཐབས་ཤེས་རྫས་ཚོགས་གཡོས་སྒྱོར་བཤོས་གཙང་དང་༔ ཤ་མར་ཐུད་སོགས་བའ་བ་སྣ་ཚོགས་དང་༔ ཀ་ར་བུ་རམ་ལ་སོགས་ཁ་དངར་སྐྱུར༔ སྟག་ཁ་རྒུན་འབྲུམ་ཤིང་ཏོག་སྣ་ཚོགས་དང་༔ རི་སྒོག་ཀླུང་སྒོག་ཉ་ཉུང་ལ་ཕུག་དང་༔ བྲ་ཁུར་སྣུམ་ཁུར་ཟས་སྣ་མང་པོ་དང་༔ ཤེས་རབ་རྫས་གྱུར་སྨན་རཀ་སུ་ར་དང་༔ སྦྲང་ཆང་བུར་ཆང་ཞོ་དང་འོ་མར་བཅས༔ ཐག་ཐུག་སྤོས་སྦྱོར་བདུད་རྩི་བཏུང་བའི་རྫས༔ མདོར་ན་ཚོགས་འོས་གྱུར་པ་ཀྱི་འབྱོར་བཤམ༔ ཁྱེའུ་ཕོ་མོ་ཐབས་ཤེས་རྫས་ལ་སོགས༔ གོ་རིམ་མ་ལོག་གཡས་གཡོན་མཛེས་པར་བཤམ༔ ཞེས་གསུངས་པས་མཚོན་ཏེ་མདོར་ན་སྲིད་པའི་འདོད་ཡོན་ལ་གཏོགས་སོ་ཅོག་དང་། བྱང་སེམས་དཀར་དམར་ལ་སོགས་དང་དུ་བླང་བའི་རྫས་མཆོག་ཆེན་དང་མཆོག་ཕྲན་ལ་སོགས་པ་ཐམས་ཅད་བཤམ་

(༣༠༦)པའི་ལོས་སུ་གྱུར་བ་སྟེ། དེའི་ནང་ནས་ཀྱང་མང་དུ་མི་རུང་བའི་རྫས་མཁའ་འགྲོ་གསང་བའི་བརྡ་སྐད་དུ་པཱ་ལ་ཞེས་ཤ་དང་། མ་དཱ་ར་ཞེས་ཆང་གཉིས་གཙོ་བོར་བཤམ་ཞིང་། འོན་ཀྱང་ཚོགས་རྫས་དང་དགེ་བའི་ཆེད་དུ་ཡིན་ཞེས་སེམས་ཅན་དམིགས་ཕུད་ནས་གསོད་ཅིང་། གཞན་དུ་དགོས་དབང་གིས་གསུངས་པའི་གཏམ་རྒྱུད་དང་། ལུང་འདྲེན་ལ་རེ་བ་འཆའ་བ་ནི་ཤིན་ཏུ་མི་རིགས་ཏེ། འདི་ནི་ཆོས་ལ་དམིགས་པའི་ཉེས་བྱས་ཞེས་སྡིག་པ་ལྷག་པར་ལྕི་བར་བཤད་པས་མཁས་པས་སྤང་ཞིང་གཞན་ལའང་བགྱིད་དུ་མི་སྩལ་ལོ། །གཞན་ཡང་བསྒྲལ་མཆོད་ཀྱི་ཆེད་དུ་མཆོག་ཕྲན་ཞེས་ཟན་ལིང་བཤམ་པའམ། མེད་ན་འོག་ཏུ་ཚོགས་སྤེལ་བའི་སྐབས་སུ་འཆད་པ་ལྟར་དང་། དེ་ལྟར་ཚོགས་རྫས་ཐམས་ཅད་ཀྱང་ཐབས་རྫས་ཞེས་བཟའ་བའི་རིགས་གཡས་ཕྱོགས་དང་། ཤེས་རྫས་ཞེས་བཏུང་བའི་རིགས་གཡོན་ཕྱོགས་སུ་བཤམ། དེ་བཞིན་དུ་སྒྲུབ་པ་པོ་རྣམས་ཀྱང་། ཇི་སྐད་དུ། དབང་ཕྱུག་དབུས་སུ་ཁྲིལ་འཁོད། །ཕོ་རྣམས་གཡས་ལ་མོ་རྣམས་གཡོན། །རྣལ་འབྱོར་རིམ་པས་འདུག་པར་བྱ། །ཞེས་པ་ལྟར་དང་། ཚོགས་རྫས་རྣམས་ལའང་ཀུན་རྫོབ་ཀྱིས་སྦྱང་བ་མེ་རླུང་ཆུ་གསུམ་གྱིས་བསྲེག་གཏོར་བཀྲུ་བ་སོགས་ཕྱག་ལེན་ལྟར་བྱ་ཞིང་། བདུད་རྩིའི་ཟེགས་མ་འཐོར། སྤྲོ་ན་འདི་ནས་བཟུང་སྟེ་ཚོགས་ལས་མཐར་མ་ཕྱིན་གྱི་བར་དུ། ལས་ཀྱི་རྡོ་རྗེའམ། རྒྱལ་ཐེབས་ཀྱིས་རྡོ་རྗེ་རྒྱལ་པོ་ལ་ཕྱག་སྔོན་དུ་འགྲོ་བའི་ཐང་ཀ་ཐད་ཀའི་སྙན་གསན་ཞུ་བའི་ཚིག་ཆོག་རྒྱས་པའི་སྐབས་སུ། ལས་བྱང་ཚངས་པའི་སྒྲ་དབྱངས་ལས་འབྱུང་བ་ལྟར་རམ། དེ་ཙམ་མ་ནུས་ན་གསང་སྔགས་སྤྱི་ཁྱབ་ཏུ་གྲགས་པ་ལྟར་བྱ་བ་ཡིན་ནོ། །གསུམ་པ་བྱིན་བརླབ་བྱ་བ་དངོས་ནི། སྔར་སྐོང་བཤགས་ཀྱི་དུས་རང་ལུས་ཐ་མལ་པར་འདུ་ཤེས་པ་དེ་ཉིད་སྐད་ཅིག་དྲན་རྫོགས་ཀྱིས་བསྐྱེད་རིམ་སྔ་མ་ལྟར་བཟུང་ལ། ཨོཾཱ་བཛྲ་ཨ་མྲྀ་ཏ་སོགས་བདུད་རྩི་འཁྱིལ་བའི་སྔགས་བརྗོད་ཅིང་། དེའི་སྔགས་དོན་ནི། ཨོཾཱ་བཛྲ་ནི་མི་

(༣༠༧)འཇིགས་པའི་རྡོ་རྗེ། ཨ་ནི་སྐྱེ་བ་མེད་པ་ཆོས་ཀྱི་དབྱིངས། མྲྀ་ནི་བདུད་རྩི་རྣམ་དག །ཏ་ནི་འཁོར་བ་སྟོང་བྱེད། ཀུཎྜ་ལཱི་ནི་འཁོར་གསུམ་ཡོངས་དག །ཧ་ན་ཧ་ན་ཧཱུྃ་ཕཊ་ནི་ཉེས་སྐྱོན་ཐམས་ཅད་དག་པའོ། །དེ་ནས། ཞལ་ཟས་ཚོགས་ལ་ཉེས་སྒྲིབ་མ་མཆིས་ཀྱང་༔ ཞེས་སོགས་ཀྱིས་ཀུན་རྫོབ་མཚན་མའི་རྫས་རྣམས་ལ་དམེ་ཡུགས་དང་ཉམས་གྲིབ་ལ་སོགས་པས་གློ་བུར་དུ་སྦགས་པ་རྣམས་ཡེ་ཤེས་ཀྱི་མེ་རླུང་ཆུ་གསུམ་གྱིས་བསྲེག་གཏོར་བཀྲུ་བའི་དམིགས་པ་དང་སྔགས་དོན་ནི་སྔར་མཆོད་པའི་སྐབས་ནས་བཤད་ཟིན་ཏོ། །དེ་ལ་སྦྱངས་སྤེལ་བསྐྱུར་གསུམ་གྱི་རང་བཞིན་གྱི་མཐུ་ལས་སྣང་སྲིད་སྣོད་བཅུད་ཐམས་ཅད་ཚོགས་ཀྱི་འཁོར་ལོའི་རོལ་པ་འབའ་ཞིག་ཏུ་བལྟས་ནས་ཨོཾཱ་ལས་འོད་འཕྲོས་དབྱིངས་དང་མཉམ་པར་སྤེལ སོགས་མཐར་ཆགས་སུ་བྱ་བ་དང་། འཇིག་རྟེན་ཁམས་ཀྱི་འདོད་ཡོན་གྱི་བཅུད་ཐམས་ཅད་བདག་གི་འོད་ཟེར་གྱིས་བསྡུས་ནས་ཚོགས་ལ་བསྟིམ་པའི་དམིགས་པ་བྱ་བ་ནི་ཤིན་ཏུ་ཟབ་པ་ཡིན་ནོ། །བཞི་བསྐོང་བའི་ཆོ་ག་ལ་གསུམ། ཕྱི་ཐུན་མོང་གི་མཆོད་པས་བསྐང་བ། ནང་ཐུན་མོང་མ་ཡིན་པའི་རྫས་ཀྱིས་བསྐང་བ། གསང་བ་ཁྱད་པར་བླ་མེད་ཚོགས་ཀྱིས་བསྐང་བའོ། །དང་པོ་ནི། དེ་ལ་སྤྱིར་སྐོང་བཤགས་རང་ལ་ཆེད་དུ་དམིགས་ནས་བཤམ་དགོས་པའི་མཆོད་རྫས་ཁྱད་པར་བ་རྣམས་བསྐང་བ་འདིའི་དོད་ཁོ་ན་ཡིན་པ་དང་། དེའི་ཚུལ་གྱི་སྐོང་ཆོག་འདི་དག་རྣམས་ཀྱང་སྔར་བཤགས་པའི་སྐབས་ལོ་རྒྱུས་བརྗོད་པ་ལྟར་གཉེན་པོའི་སྒོ་ནས་བྱ་བའི་བསགས་སྦྱངས་ཀྱི་གཙོ་བོ་ཡིན་ཕྱིར། འདི་དག་གི་ཆོ་ག་རྣམས་ཡན་ལག་ལྟ་བུར་མ་སོང་བར་ཤིན་ཏུ་སྤྲོས་ནས་དལ་གྱིས་བྱ་ཞིང་། དམིགས་པ་དང་བཅས་བདོན་སྒོམ་ཟུང་འབྲེལ་དུ་གནད་ལ་བཀར་བའི་ཡུལ་ཡིན་ཡང་། ད་ལྟ་ལག་ལེན་པ་ཕལ་གྱིས་སྐོང་ཆོག་འདི་ཞར་བྱུང་དུ་བཏང་ནས་ཚིག་ཤར་བཏོན་ཚར་བ་ཙམ་གྱིས་རྗེས་སུ་ཡི་རང་བ་བྱེད་ཅིང་། བར་རྩ་

(༣༠༨)ལག་ཏུ་ཆོས་སྐྱོང་གི་བསྐང་སོ་སྒྲ་འུར་ཅི་ཆེ་དང་། དམིགས་བསལ་མ་ཡིན་པའི་འདོན་ཆོས་སྤྱོད་རྒྱ་ཆེ་མུ་མེད་དུ་བྱེད་མོད། ན་རཀ་སྐོང་བཤགས་ལ་དགོས་རྒྱུའི་གཙོ་བོ་འདི་ཞར་བྱུང་གཡེས་མེད་དུ་བག་ལ་ཞབ་འདི་ནི་ཅུང་ཟད་འཇིག་རྟེན་སྣང་ཤས་ཀྱི་ཕྱོགས་སུ་ལྷུང་བར་ངེས་སོ། །དེས་ན་དུས་མཐར་འབྱོན་པའི་རྡོ་རྗེའི་སྤུན་གྲོགས་རྣམས་ནས་རང་གཞན་ཕ་མར་གྱུར་པའི་སེམས་ཅན་ཤི་གསོན་ཐམས་ཅད་ཀྱི་དོན་ལ་དགོངས་ནས་འདི་དག་རྣམས་འབད་པ་ཆེན་པོས་དོན་གཉེར་གཟབས་རྒྱས་སུ་མཛད་པར་ཞུ་ཞེས་སྔོན་དུ་གསོལ་ནས། མཆེད་ལྕམ་རྣམས་ཆས་གོས་དང་རྒྱན་ཕྲེང་ལ་སོགས་པས་མཛེས་པར་བྱས། སྔར་མཆོད་པའི་སྐབས་སུ་བཤད་པའི་མཚན་ཉིད་དང་ལྡན་པའི་ཕྱི་མཆོད་རྣམས་ལག་ཏུ་ཐོགས་ནས་དཀྱིལ་འཁོར་ལ་བསྐོར་བ་བྱེད་ཅིང་། ཀུན་བཟང་མཆོད་སྤྲིན་གྱི་ཏིང་འཛིན་དང་ལྡན་པས་སྙན་པའི་དབྱངས་དང་བཅས། ཧཱུྃ་ཧྲཱི སྟོང་གསུམ་འདིའམ་གཞན་དག་ན༔ སོགས་བརྗོད། གལ་ཏེ་བསྐོར་བ་སོགས་སྤྲོས་པས་མ་ལྕོགས་ན། ལས་ཀྱི་རྡོ་རྗེས་ཕྱི་མཆོད་རྣམས་འབུལ་ཚིག་དང་བསྟུན་ནས་བཏིག་ཅིང་སོ་སོར་འབུལ་བའི་སྟངས་ཀ་བྱ་ཞིང་། གཞན་ཡང་ལས་གཞུང་ལས་བྱུང་བའི། ཧཱུྃ་ཧྲཱཱི དངོས་སུ་འབྱོར་བཤམས་ཡིད་ཀྱིས་རྣམ་སྤྲུལ་པའི༔ སོགས་ཀྱང་བརྗོད། གཉིས་པ་ལ་བཞི། བདུད་རྩི་སྨན་གྱིས་བསྐང་བ། དམར་ཆེན་རཀྟས་བསྐང་བ། རྨད་བྱུང་གཏོར་མས་བསྐང་བ། སྣང་གསལ་མར་མེས་བསྐང་བའོ། །དང་པོ་ནི། བདུད་རྩི་བརྒྱ་རྩའི་སྣོད་རྣམས་སྒྲུབ་པ་པོ་ཀུན་ལ་བཀྱེ་ཞིང་སོ་སོའི་ལག་པ་གཡས་ཀྱིས་བཟུང་། གཡོན་པའི་སྲིན་ལག་གིས་སྒྲེང་ཞིང་སྔར་གྱི་དམིགས་པ་དྲན་པར་བྱས་ལ། ཧཱུྃ་ཧྲཱི ཀུན་གཞི་ཀློང་ཡངས་བྷན་དྷ་རུ༔ སོགས་བརྗོད་ཅིང་འདིའི་གོང་དུ་བདུད་རྩི་བྱིན་བརླབ་བྱ་བའི་ལུགས་ཤིག་ཡི་གེ་རྙིང་པ་ལ་སྣང་སྟེ། སྔར་ནས་ཐུན་མོང་དུ་སོང་བས་ཧ་ཅང་དགོས་པ་ཡོད་པར་མ་མངོན་པས་བཏང་སྙོམས་སུ་བཞག་གོ །རྒྱས་པར་སྤྲོ་ན་ལས་

(༣༠༩)གཞུང་ལས། ཧྲཱིབྷནྡྷ་ཁོར་ཡུག་ཡངས་པའི་སྣོད་ཆེན་དུ༔ སོགས་ཀྱང་བྱ་ཞིང་གཏོར་མ་ལ་ཡང་སྒྲེང་ངོ་། །གཉིས་པ་ནི། སྔ་མ་ལྟར་ལས་རཀྟའི་སྣོད་གཡོན་པས་བཟུང་ལ། གཡས་པས་འཕྱར་ཞིང་། དམིགས་པ་ལས་གཞུང་གི་སྐབས་ལྟར་དྲན་པས། ཧཱུྃ་ཧྲཱི སྤྱི་གཙུག་བདེ་ཆེན་འཁོར་ལོའི་བྷནྡྷ་རུ༔ སོགས་དང་རྒྱས་སྤྲོས་སུ། ཧྲཱིདུང་ཆེན་སྣོད་དཱ་དམར་ཆེན་དབའ་རླབས་འཕྱོ༔ སོགས་ཀྱིས་དབུལ། གསུམ་པ་གཏོར་མས་བསྐང་བ་ནི། འདིར་དམིགས་སུམ་བསལ་ཡང་ འདིའི་སྨན་རཀྟ་གཉིས་པོ་དོན་དམ་མཚན་མེད་ཀྱི་བསྐང་རྫས་ཡིན་ཞིང་། དེའི་དམིགས་པའི་ཞིབ་འགྲེལ་ནི་ནོར་བུའི་དོ་ཤལ་ནས་གསུངས་པ་ལྟར་དང་། འདི་ནི་རེ་ཞིག་ལས་དང་པོ་བས་དེ་དོན་ཤེས་རྒྱུད་ལ་མི་འབྱོར་བས་སྤྱི་འཐོ་།།།ལྟར་བཤད་དོ། །གཅོད་དམིགས་དང་སྒྲེལ་བར་རང་ལུས་ཀྱི་ཕུང་པོ་གཞུང་ཚིག་དང་མཐུན་པའི་བདུད་རྩིའི་རང་བཞིན་དུ་སྦར་ཞིང་། རང་རིག་ཡེ་ཤེས་ཀྱི་འཁོར་ལོ་ལོགས་སུ་ཕྱེ་ནས་འབུལ་བ་བགྱིས་པའམ། བསྒྲུབ་བྱ་གཞན་ལ་དམིགས་པ་ཁ་བསྒྱུར་བའང་རུང་། རང་གཞན་གྱི་དམིགས་བྱའི་ནད་གདོན་སྡིག་སྒྲིབ་ཐམས་ཅད་བཀུག་ནས་ཕུང་པོ་ལ་བསྟིམ། དེ་བདུད་རྩིའི་རང་བཞིན་དུ་སྦར་ནས་འབུལ་བ་ནི་མན་ངག་གི་ཁུངས་དང་འབྲེལ་བ་ཟབ་ཁྱད་ཅན་ཡིན་ནོ། །སྐོང་ཚིག་དངོས་ནི། ཧཱུྃ་ཧྲཱིབྷནྡྷ་འབར་བའི་གཏོར་གཞོང་དུ༔ ཞེས་སོགས་དང་རྒྱས་སྤྲོས་སུ་སྐོང་གཏོར་བཞི་པོ་ཡང་ཐང་ཀར་ཚིག་གོང་མ་ནས་བཏོག་ཅིང་། ཧཱུཾ་ཧྲཱི དབྱིངས་རིག་མ་བུའི་བྱུར་འདྲེ་རབ་བསྒྲལ་ཏེ༔ སོགས་ཀྱང་བརྗོད། བཞི་པ་ནི། དཔོན་སློབ་ཐམས་ཅད་ལག་པ་གཡས་པ་བསྣོལ་ཐབས་ཀྱིས་སྲིན་ལག་སྒྲེལ་།།།བའམ། ཡང་ན་བགྲད་ཕྲེང་གིས་སྦྲེལ། མར་མེ་རྣམས་སྤར་ཞིང་ལག་གཡོན་དུ་ཐོགས་ལ། ཧཱུྃ་ཧྲཱི བརྡལ་།།།ཁྱབ་པགས་པའི་ཀོང་བུ་རུ༔ སོགས་དང་། དེའི་རྗེས་འབྲེལ་དུ་མར་མེའི་སྨོན་ལམ་གདབ་

(༣༡༠)པ་ནི། དཀྱིལ་འཁོར་ལ་བསྐོར་བ་བྱ་ཞིང་། ཧཱུྃ་ཧྲཱི དུར་ཁྲོད་གསང་བ་མཆོག་གི་དཀྱིལ་འཁོར་དུ༔ རྡོ་རྗེ་སློབ་དཔོན་གཉན་གྱིས་དབུ་བཟུང་ནས༔ སོགས་པས་འདུན་བ་རྩེ་གཅིག་ཏུ་སྨོན་ལམ་བཏབ་ན། ཤི་གསོན་གང་ལ་ཡངས་ན་ཡོན་གྱི་ནུས་པ་ཤིན་ཏུ་ཆེ་བས་སོ། །གསུམ་པ་ཁྱད་པར་བླ་མེད་ཚོགས་ཀྱིས་བསྐང་བ་ལ་གཉིས། ཕྱི་ལྟར་དུ་བསྐང་བ་དང་། ནང་ལྟར་དུ་བསྐང་བའོ། །དང་པོ་ལ་ལྔ། ཚོགས་ཕུད། བསྒྲལ་མཆོད། ཚོགས་བཤགས། གནམ་ཕུད། གཙང་ལྷག་གོ །དང་པོ་ནི། ཚོགས་ཕུང་ཆ་ལྔར་བཅད་པའི་དང་པོ་ཐུགས་དམ་བསྐང་བའི་སླད་དུ་ཡིན་གྱིས་ཚོགས་རྫས་རྣམས་ཀྱི་ཕུད་ཅི་འཛོམ་ཚོགས་པ། གཉིས་པ་གཞུང་འདི་གའི་སྒོས་ཆོས་ཚོགས་བཤགས་ཀྱི་སྔོན་ལ་བསྒྲལ་བསྟབ་འབྱུང་བ་ཡིན་པས་ཟན་ལིང་མེད་ན་ཚོགས་ཟན་དང་ཤ་དུམ། གསུམ་པ་ཁོ་ན་གཅུགས་སྦྱང་བའི་ཆེད་དུ་ཡིན་པས་ཚོགས་ཟན་དང་ཚོགས་རྫས་ཀུན་འཛོམ། བཞི་པ་གནམ་ཕུད་ཀྱི་ཆེད་དང་། ལྔ་པ་གཙང་ལྷག་གི་དོད་གོང་འདྲ་རྣམས་བཤམས་ལ། ལས་ཀྱི་རྡོ་རྗེས་ཕུད་དང་པོ་དཀྱིལ་འཁོར་གྱི་མདུན་དུ་མཉྫའི་ཁར་ཕུལ་ལ་སྨན་རག་བྲན་ཞིང་། ཚོགས་ཕུད་འདོད་ཡོན་གྱི་གཏེར་ཆེན་པོའི་རང་བཞིན་དུ་གྱུར་པ་དཀྱིལ་འཁོར་བའི་ལྷ་ཚོགས་ཐམས་ཅད་དགྱེས་ཤིང་ཚིམ་ནས་དངོས་གྲུབ་རྣམ་པ་གཉིས་བདེ་བླག་ཏུ་སྩོལ་བར་དམིགས་ལ། ཧཱུྃ་ཧྲཱི དུར་ཁྲོད་གསང་ཆེན་རོལ་པའི་དཀྱིལ་འཁོར་འདིར༔ སོགས་ཀྱིས་དབུལ་ལ་སྔགས་དོན་ནི། ག་ན་ཞེས་པ་ཐབས་ཤེས་ཟུང་འཇུག་གི་ཚོགས་དང་། ཙཀྲ་ནི་འཁོར་ལོ་སྟེ། བདེ་སྟོང་ཟུང་འཇུག་ཡེ་ཤེས་ཀྱི་འཁོར་ལོས་ཉོན་མོངས་པའི་དྲྭ་བ་གཅོད་པར་མཚོན་པ་དང་། པཱུ་ཛ་ཧོ༔ནི་མཆོད་པ་བཞེས་ཤིག་པའོ། གཉིས་པ་བསྒྲལ་བསྟབ་ལ་གཉིས། རྣམ་པར་མ་དག་པའི་རིང་ལུགས་དགག་པ་དང་། བསྒྲལ་བསྟབ་ཀྱི་རིམ་པ་དངོས་བསྟན་བཤད་པའོ། །དང་པོ་ནི་

(༣༡༡)གཞུང་འདི་ལ་གབ་སྦས་ཀྱི་དབང་དུ་གདབ་ལས་གསལ་གཅན་མ་གསུངས་པར་བརྟེན་ཆོ་གའི་སྙིང་པོ་མ་ལོན་པ་།།།ཀྱིས་ཚིག་ཤར་བཀླག་ཐབས་སུ་བསྒྲལ་མཆོད་འབུལ་བ་ནི་ཤིན་ཏུ་མི་རིགས་ཏེ། རིགས་མཐུན་གྱི་གཞུང་ནས་གདབ་ལས་སྦྱར་དགོས་སོ། །ཅིའི་ཕྱིར་ན་ཐོག་ཏུ་འབྱུང་མ་ཐག་གི་བསྟབ་པའི་ཚིག་གིས་གསལ་བར་གོ་ནུས་ལ། གནོད་བྱེད་གཟུགས་ཕུང་ཤ་ཁྲག་ཞལ་དུ་བསྟབ༔ ཅེས་འབྱུང་བས་སོ། །གཏི་མུག་གིས་མདོངས་བདག་ཆོག་འགྲེལ་བ་པོའི་བློ་བཟོ་སྟེ། གཞུང་ལ་མ་གསལ་ཞིང་སྔོན་གྱི་མཁས་པ་གེ་མོ་དང་། སྔགས་འཆང་ཆྒཻ་མོའི་དུས་ནས་འདི་ག་ཡིན་པ་ལ། ཞེས་གོར་མོའི་སྟེང་དུ་ཁབ་འཛུགས་པ་ལྟ་བུའི་རང་གདངས་ལ་ཅིས་བསྙོན། འདི་ལྟར་རྒྱུད་གཞུང་ཐམས་ཅད་ལ་སྣོད་མིན་ལགས་ཕྱིར་གཅུས་སྐྲུགས་གང་གསུམ་གྱིས་སྦས་པ་ཆེས་མང་བར་འབྱུང་བ་དང་། ལུང་དང་རིག་པ་གཉིས་ཀའི་སྒོ་ནས་གཏན་ལ་འབེབས་དགོས་ཕྱིར་སྔ་འགྱུར་གྱི་ཆོ་ག་ཐམས་ཅད་ལ་བརྟགས་པས་གོ་སླ་མོད། དེ་ཡང་མ་ཡིན་ན་རིག་འཛིན་ཆེན་པོའི་དྲི་ལན་དོགས་གཅོད་དུ། དུར་ཁྲོད་གསང་ཆེན་རོལ་བའི་ཚིག་དེ་ཚོགས་མཆོད་འབུལ་བ་ཡིན། དེ་ནས་ཚོགས་སྣོད་དེ་ཧོམ་ཁུང་དང་། ཚོགས་རྫས་དགྲ་བགེགས་ཀྱི་གཟུགས་ཕུང་དུ་བསམས་ལ་དགུག་གཞུག་བྱས་ནས། བདག་གཞན་ལྷ་སོགས་དང་། གནོད་བྱེད་དགྲ་བགེགས་རཱུ་ཏྲ་བདུད་དཔུང་ལ། སོགས་ཀྱིས་བསྒྲལ་ནས་གཏུབས་ཏེ་སྤྲན་ཞིང་། ཧཱུྃ་ཧྲཱི བསྟབ་བོ་བསྟབ་པོ་ལྷ་ཚོགས་ཞལ་དུ་བསྟབ༔ སོགས་བྱ་བ་ནི་དགོངས་འདུས་པ་གཞན་ཐམས་ཅད་མཛད་འདུག་ཀྱང་དེ་ང་རང་ཚོ་རྩིང་ཆོས་སུ་ཤོར་བར་སྣང་ངོ་། །ཞེས་གླེང་བསླངས་ནས་སྒྲུབ་བྱེད་གསུངས་པ་དང་། དཀར་པོ་བྱམས་པ་དགེ་བའི་བློ་གྲོས་ཀྱིས་མེ་ཏོག་ཕྲེང་མཛེས་ལ་འབྲུ་འགྲེལ་མཛད་པའི་ཆོ་གས་འདིའི་སྐབས་སུ། དེ་ནས་སྐབས་འདིའི་ཚོགས་ལ་དགུག་གཞུག་དང་།

(༣༡༢)བསྒྲལ་ལས་སོགས་བྱས་ལ་བསྟབ་བ་དངོས་ནི། ཧཱུྃ་ཧྲཱི བསྟབ་བོ་བསྟབ་བོ་ལྷ་ཚོགས་ཞལ་དུ་བསྟབ༔ ཞེས་སོགས་གསུངས་པས་ཀྱང་ཆེས་ཆེར་གསལ་བར་མ་ཟད། བློ་འབྲིང་ཡན་ཆད་ཀྱིས་བརྟགས་ན། ཟན་དང་རྩམ་པ་གཉིས་རྒྱུ་གཅིག་ཀྱང་གཡོས་སྦྱོར་གྱིས་ཁྱད་ལས་ལྡོག་པ་ཐ་དད་དུ་ཡོད་པ་སུ་ཞིག་གིས་མི་གོ །དེས་ན་གདབ་ལས་ཚུལ་བཞིན་དུ་མ་བྱས་ན་བསྒྲལ་མཆོད་ཀྱི་རྣམ་གཞག་མི་ཚང་བས་ཤེས་ལྡན་དག་རིག་པ་དངས་སྙིགས་འབྱེད་པར་རིགས་སོ།། །།གཉིས་པ་ལ་གཉིས། གདབ་ལས་དང་། བསྟབ་པའི་ཆོ་གའོ། །དང་པོ་ལ་གསུམ། བཙོན་དམིགས་བསྐྱེད་པ། དགུག་འདྲེན་བྱ་བ། རྫོང་ཕྲང་སྲོང་གསུམ་གྱི་སྒོ་ནས་བསྒྲལ་ལས་བྱ་བའོ། །དང་པོ་ནི། བྲན་གྱི་ཉ་པོ་ཡོད་ན་འཁོར་བ་རུ་ལོག་གི་རྟེན་འབྲེལ་དུ་མགོ་བོ་ལྷོ་ནུབ་དང་རྐང་པ་བྱང་ཤར་དུ་བསྟན་ཏེ་གན་རྐྱལ་དུ་གཞག་པའམ། ཡང་ན་འཁོར་བ་ལ་རྒྱབ་ཀྱིས་ཕྱོགས་པའི་རྟེན་འབྲེལ་དུ་མགོ་བོ་རྒྱབ་ཏུ་བསྟན། མྱང་འདས་ལ་མངོན་པར་ཕྱོགས་པའི་རྟེན་འབྲེལ་དུ་གདོང་པ་རང་ལ་བསྟན་ཏེ་གཞག །བླ་སྲོག་སྐད་ཅིག་ལ་ཆགས་པའི་རྟེན་འབྲེལ་དུ་འཁོར་བའི་རྒྱུ་རྟེན་འབྲེལ་བཅུ་གཉིས་ཀྱི་རྩ་བ་རཀྟ་བྲན། ཙ་ར་མེད་ན་ཚོགས་ཟན་དང་ཤ་དུམ་ལ་སྔ་མ་ལྟར་དམིགས་རྟེན་བཅས་ལ། ཏིང་ངེ་འཛིན་གྱི་ངར་དང་ལྡན་པས་འདོན་དམིགས་ཟུང་འཇུག་ཏུ། བཀའ་བརྒྱད་བདེ་འདུས་ལས་བྱང་ལས་བྱུང་བའི་ཚིག །ཨེ་ལས་གནམ་ལྕགས་འབར་བའི་ཁང་སྒྲོམ་ནང་། ནྀྲ་དང་ཏྲི་ལས་གནོད་བྱེད་དགྲ་བགེགས་རྣམས༔ ཡན་ལག་ལྕགས་སྒྲོག་གིས་བཅིངས་ཉམ་ཐག་པ། །མངོན་སུམ་ལྟ་བུར་གསལ་བ་ཉིད་དུ་གྱུར། །ཅེས་པས་ཇི་ལྟ་བ་བཞིན་དུ་བསམ། གཉིས་པ་ནི། ཀུན་མཁྱེན་ཆོས་ཀྱི་རྒྱལ་པོའི་བཞེད་པ་ལྟར། རྡོར་དྲིལ་དང་བཅས་པའི་རྡོ་རྗེ་ཁུ་ཚུར་བསྡམས་པ་ལས། གཡོན་པའི་མཛུབ་མོ་བརྐྱང་བའི་

(༣༡༣)སྟེང་དུ། གཡས་པའི་མཛུབ་མོ་ལྕགས་ཀྱུ་ལྟར་རྩེ་བཀུག་པ་དགུག་པ་ལྕགས་ཀྱུའི་ཕྱག་རྒྱ། དེ་ཉིད་ལས་ཞགས་པ་ལྟར་མཛུབ་མོའི་རྩེ་ཟླུམ་པོར་བཀུག་ལ་འཆིང་བ་ཞགས་པའི་ཕྱག་རྒྱ། དེ་ཉིད་ལས་མཐེབ་མཛུབ་གཉིས་ཀྱི་གཅིག་གི་ནང་དུ་གཅིག་པོ་ཨ་ལུང་ལྟར་སྒྲེལ་བ་བསྡམས་པ་ལྕགས་སྒྲོག་གི་ཕྱག་རྒྱ། རྡོ་རྗེ་ཁུ་ཚུར་གཉིས་ཀྱི་མཐེ་བོང་ནང་དུ་བཀུག་ལ་མྱོས་པ་དྲིལ་བུའི་ཕྱག་རྒྱ་སྟེ། ཡང་ན་སྤྱི་འགྲོ་རྡོ་རྗེ་སྙིང་པོ་རྒྱན་གྱི་རྒྱུད་ལས་གསུངས་པ་ལྟར་བྱས་ལ་བདག་མདུན་གྱི་ཐུགས་ཀའི་འོད་ཟེར་གྱིས་དཀྱིལ་འཁོར་གྱི་ཁྱམས་ལ་གནས་པའི་དྲེགས་སྡེ་སྤྱི་དང་། ཁྱད་པར་སྲིན་ཕྱོགས་ཀྱི་དཀྱིལ་འཁོར་ཆེན་པོའི་བར་ཁྱམས་ལ་གནས་པའི་བཀའ་སྡོད་འཛིན་གིང་འགུགས་བྱེད་ཀྱི་རྡོ་རྗེ་གིང་མོ་གཉིས་ཀྱི་ཐུགས་རྒྱུད་བསྐུལ་བས་དེ་དག་རྣམས་སྤྲུལ་པའི་ཕོ་ཉ་དཔག་ཏུ་མེད་པ་དང་བཅས་དགུག་པའི་ལས་ལ་བརྔམས་ཤིང་། རེངས་པས་ཞིང་བཅུ་ཚང་བའི་གཟས་པོའི་བླ་སོགས་འཕྲོག་པར་བལྟས་ལ། སྔ་མའི་འཕྲོ་ལས། ཚིག་ཟུར་བསྒྱུར་བ། ན་མོ་རྩ་བརྒྱུད་བླ་མ་དགོངས་པ་འདུས་པའི་ལྷ། ཁྱད་པར་དྲེགས་པའི་དེང་དཔོན་ཉེར་གཅིག་སོགས། །ཏིང་འཛིན་སྔགས་དང་ཕྱག་རྒྱའི་ནུས་མཐུ་ཡིས། །དགྲ་བགེགས་ཐམས་ཅད་ཁུག་ཅིག་གཟུགས་ལ་ཕོབ། །ཅེས་པའི་མཐར། ནྀྲ་ཏྲི་རཱུ་ཏྲ་ཨངྐུ་ཤ་ཡ་ཛ༔ རང་རང་གི་ཕྱག་རྒྱ་དང་བཅས། ཛཧཱུྃ་བྃ་ཧོཞེས་བརྗོད་པས་རཱུ་པ་དང་དབྱེར་མེད་དུ་འདྲེས་པར་བལྟའོ། །གསུམ་པ་བསྒྲལ་བའི་ལས་ལ་རྣམ་པ་གསུམ། དམིགས་པའི་བྱེ་བྲག །ཕུར་པའི་རྣམ་དབྱེ། ཚེ་ཁྲུས་གནས་གསུམ་གྱི་དགོངས་པས་ཚར་གཅད་པའོ། །དང་པོ་ལ་གསུམ་ཚན་བཞི་སྟེ། གསལ་བ་གསུམ་དང་ལྷ་གསུམ་དང་། །ལྟ་སྒོམ་སྤྱོད་གསུམ་རྫོང་ཕྲང་སྲོག །ཅེས་པ་སྡོམས་པ་ལས། དང་པོ་ནི། མི་ལྡོག་པའི་ཕྱིར་དུ་སྒྲོལ་མཁན་གྱི་རྣལ་འབྱོར་པ་ལྷར་གསལ་བ། མི་རྡུགས་པའི་ཕྱིར་དུ་སྒྲོལ་

(༣༡༤)བྱེད་ཀྱི་ཕུར་པ་ཡཀྴ་ཀཱ་ལིར་གསལ་བ། མི་འབྱམ་པའི་ཕྱིར་དུ་བསྒྲལ་བྱའི་རཱུ་ཏྲ་དངོས་སུ་གསལ་གདབ་བའོ། །གཉིས་པ་ནི། གསང་རྫོགས་རྩ་རྒྱུད་ལས། བདག་ཉིད་ལྟ་སྤྱོད་ཟུང་འཇུག་པས། །ཕུར་པ་འདྲིལ་ཞིང་དྲགས་སྔགས་བཟླས༔ ཞེས་གསུངས་པ་ལྟར། ལྟ་བའི་གདེང་གིས་ཟིན་པ་སྟོང་ཉིད་གྱད་ཀྱི་ལྷ། བསྐྱེད་རིམ་ཕྱི་ངར་དང་ལྡན་པ་གཉེན་པོ་ཡེ་ཤེས་ཀྱི་ལྷ། ཟུང་འཇུག་ལས་ཕོ་ཉ་འགྱེད་པ་སྤྱོད་པ་ལས་ཀྱི་ལྷའོ། །གསུམ་པ་གཉིས། ལྟ་སྒོམ་སྤྱོད་གསུམ་གྱི་རྒྱབ་བརྟེན་དང་ཐུན་མོང་མ་ཡིན་པའི་ཚད་མེད་བཞིའི་དག་སྦྱོར་རོ། །དང་པོ་ནི། རང་བཞིན་གྱིས་སྒྲོལ་བའི་ལྟ་བ། སྙིང་རྗེས་སྒྲོལ་བའི་སྒོམ་པ། དབང་པོ་ཡུལ་དུས་ཀྱིས་སྒྲོལ་བའི་སྤྱོད་པའོ། །གཉིས་པ་ནི། སྙིང་རྗེ་ཁྲོས་པའི་ཚུལ་གྱིས་གདུག་པ་ཅན་རྗེས་སུ་འཛིན་པའི་བྱམས་པ། ཤིན་ཏུ་བརྩེ་བ་ཆེན་པོས་མྱུར་དུ་སྒྲོལ་བའི་སྙིང་རྗེ། ཤེས་པ་གནས་སྦར་ཞིང་གུང་པོ་ཚོགས་སུ་སྟོབ་བ་དགའ་བ། གདུལ་བྱ་ཡལ་བར་མི་འདོར་བའི་བཏང་སྙོམས་ཏེ་ལས་འདི་ལ་བསྔགས་པའི་ཐུན་མིན་གྱི་ཚད་མེད་བཞིའོ། །བཞི་བ་ནི། ལྟ་བ་བློ་འདས་ཀྱི་རྫོད། སྒོམ་པ་ཡེང་མེད་ཀྱི་ཕྲང་། སྤྱོད་པ་དེས་མེད་ཀྱི་སྲོག་སྟེ་རྫོད་ཕྲང་སྲོག་གསུམ་གྱིས་གཞི་འཛིན་པས་སོ། །གཉིས་པ་ཕུར་པའི་རྣམ་དབྱེ་ལ་གསུམ། ཚད་མེད་སྙིང་རྗེའི་ཕུར་བ། བྱང་ཆུབ་སེམས་ཀྱི་ཕུར་བ། མཚན་མ་རྫས་ཀྱི་ཕུར་བའོ། །དང་པོ་ནི། རྩ་རྒྱུད་སྔ་མའི་འཕྲོར། ལོག་ལྟ་རྣམས་ལ་སྙིང་རྗེ་བསྐྱེད༔ གཉིས་མེད་སྒྲོལ་བའི་སྙིང་རྗེ་སྒོམ༔ དེ་ནི་སྙིང་རྗེའི་ཕུར་བ་སྟེ། ཞེས་གསུམ་པ་ལྟར། ཞིང་བཅུ་ཚང་བའི་དགྲ་བོ་དེ་ཉིད་ཐབས་ཁྱད་པར་ཅན་གྱིས་འཕྲལ་དུ་མ་བསྒྲལ་ན། ལས་ངན་ཚབས་ཆེན་པོ་བསགས་པའི་འབྲས་བུ་ངན་སོང་དུ་ལྷུང་སྟེ། བཟོད་མི་ཕོད་པའི་སྡུག་བསྔལ་དོས་དྲག་ལ་ཡུན་རིང་བ་མྱོང་དགོས་པ་ལ་སྙིང་རྗེ་རི་བསམ་པས་མ་བཟོད་པར་བསྒྲལ་བའི་

(༣༡༥)ལས་བརྩམ་པའི་ཀུན་སློང་དང་ལྡན་དགོས་པའོ། །གཉིས་པ་ནི། སྔ་མའི་འཕྲོར། རང་ཉིད་ལྷར་གསལ་ཕྱག་གཡས་གཡོན༔ རིགས་ལྔ་ཁྲག་འཐུང་ཡབ་ཡུམ་བསྐྱེད༔ ཕུར་པ་བྱང་ཆུབ་སེམས་སུ་འདྲིལ༔ འདི་ནི་བྱང་སེམས་ཕུར་བ་ཡིན༔ ཞེས་གསུངས་པ་ལྟར་བསྒྲལ་བྱ་སྒྲོལ་བྱེད་ཀྱི་ང་བདག་ཀ་ནས་དག་པའི་གསལ་མདངས་སྒྱུ་མ་ལྟ་བུའི་རྣམ་རོལ་དུ་རང་ཉིད་ལྷར་གསལ་བའི་ཕྱག་གཡས་གཡོན་རིགས་ལྔ་ཡབ་ཡུམ་དུ་མོས་ནས་སྐྱེ་འགག་གཉིས་མེད་ལྷུན་གྲུབ་སྙིང་རྗེའི་ཕུར་པ་འདྲིལ་བ་ཡིན་ཏེ། མན་ངག་སྙིང་གཟེང་ན་པོ་ལས། སྐྱེ་མེད་བྱང་ལ་འགག་མེད་ཆུབ༔ གཉིས་སུ་མེད་པའི་སེམས་ཞེས་བྱ༔ ཞེས་གསུངས་པའི་དགོངས་དོན་ནོ། །གསུམ་པ་ནི། རྩ་རྒྱུད་སྔ་མའི་འཕྲོ་ལས། ཕུར་པ་དེ་ལ་ཡུངས་ཀར་འདྲིལ༔ གུ་གུལ་བདུག་ཅིང་དུག་ཁྲག་བྱུགས༔ འབར་བ་ཨེ་ཡི་གདན་ལ་ཞུགས༔ མཚན་མ་རྫས་ཀྱི་ཕུར་པ་ཡིན༔ ཞེས་གསུངས་པ་ལྟར་མཚན་ཉིད་དང་ལྡན་པའི་ཕུར་ཕ་ལ་བྱུག་བདུག་བྲབ་གསུམ་གྱིས་གཟི་བྱིན་བསྐྱེད་ཅིང་། ཟུར་གསུམ་ཤིན་ཏུ་རྣོ་ཞིང་མགར་གྱི་སོ་མལ་ནས་བྱུང་མ་རེག་པ་ལྟ་བུ་ལ་མེའི་ཚྭ་ཚྭ་འཕྲོ་བར་བསམས་ནས་ལག་ཏུ་ཐོགས་པའོ། །གསུམ་པ་དགོངས་པ་གསུམ་གྱི་སྒོ་ནས་ཚར་གཅད་པ་ལ་གསུམ། ཚེ་ལུང་གི་དགོངས་པ། ཁྲུས་ལུང་གི་དགོངས་པ། གནས་ལུང་གི་དགོངས་པའོ། །དང་པོ་ནི། རྒྱུད་ལས་ཁོ་ཡི་རྣམ་ཤེས་སྲོག་དངོས་པོ༔ སྙིང་ནང་ཁྲག་དངས་བྱི་མགོ་ཙམ༔ དེ་དབུས་ཨ་འོད་ཐིག་ལེའི་ནང་༔ ནྀྲ་ལྗང་གཅིག་ཡོད་གདབ་པའི་ཡུལ། དེ་ནས་ཕུར་རྩེ་ཧཱུྃ་གསུམ་དང་༔ རྩེ་སྒ་བདག་ཏུ་ཕཊ་གསུམ་བསམ༔ ངག་ཏུ་དྲག་སྔགས་དགུ་བཟླས་ཤིང་༔ འདྲིལ་ཞིང་འདྲིལ་ཞིང་སྒོ་ལ་གདབ༔ ནྀྲ་དང་ཨ་བཅས་ཕུར་རྩེ་ཡི༔ ཧཱུྃ་ལ་བསྡུས་ནས་ཨ་དཀར་གསལ༔ རང་ལ་བསྟན་པས་དེ་ཚུར་འདུས༔ དེ་ནི་ཚེ་ལུང་དགོངས་པ་ཡིན༔ ཞེས་འདི་ལ་ཅུང་ཟད་གབ་དཀྲུགས་ཀྱི་

(༣༡༦)རྣམ་པར་གསུངས་པ་མན་ངག་ཚད་ལྡན་དང་བསྟུན་ནས་ཞིབ་མོར་འཆད་ན། ཕུར་བུ་བསྒྲིལ་ཞིང་དེ་ལས་བྱུང་བའི་འོད་ཀྱིས་ཕྱོགས་བཅུའི་རྒྱལ་བ་སྲས་བཅས་ཀྱི་བྱིན་རླབས་ནུས་མཐུ་ཐམས་ཅད་བཀུག་ནས་ཕུར་བུ་ལ་ཐེམ་པས་སྲིད་པ་གསུམ་ཡང་བརླག་པར་ནུས་པའི་མཐུ་ལྡན་དུ་བསམས་ལ། བླ་གནས་དང་བསྟུན་ནས་དབང་པོའི་སྒོ་རྣམས་སུ་རིམ་པར་གདབ་རྗེས། སྙིང་གར་བསྣུན་པས་ཁོའི་སྙིང་ནང་ན་ཁྲག་གི་དངས་མ་བྱིའུ་ལེན་པའི་མགོ་ཙམ་ཞིག་གི་དཀྱིལ་ན་བཀྲག་མདངས་གཟི་བརྗིད་ཀྱི་ལྷག་མཚེ་རྟེན་འོད་ལས་གྲུབ་པའི་ཡི་གེ་ཨ་དཀར་གྱི་རྣམ་པར་གནས་པ་ཕུར་རྩེའི་ཧཱུྃ་གསུམ་གྱིས་རྩེན་གྱིས་བླངས་ནས་རང་ཉིད་ལ་ཕྱོགས་པས། རྡོ་ཁབ་ལེན་གྱི་ལྕགས་བྱེ་བླངས་པ་བཞིན་དུ་འུབ་ཀྱིས་བྱུང་ནས་རང་ཉིད་ཀྱི་ཐུགས་སྲོག་དང་འདྲེས་པས་ཚེའི་བསྣོན་མར་ཐོབ། བཀྲག་མདངས་འབར་ཏེ་རྡོ་རྗེའི་སྲོག་ལ་དབང་ཐོབ་པར་བསམས་པ་ནི་ཚེ་ལུང་ངོ་། །གཉིས་པ་ནི། དགྲ་བོའི་རྣམ་ཤེས་ཀུན་གཞིའི་ཉོན་ཡིད་ནྀྲ་ཡིག་ལྗང་གུའི་རྣམ་པར་ཁྲག་གི་དངས་མའི་རང་ན་གནས་པ་དེའི་སྟེང་དུ་ཕུར་བ་བསྒྲིལ་བས་ནག་ཐུམ་།།།གྱིས་སོང་ནས་དྲན་པ་ཉམས། བྱུང་ཚོར་གྱི་སྒོ་འགགས། ཉོན་མོངས་པའི་བག་ཆགས་རྩད་ནས་ཆོད་དེ་སྐུ་གསུམ་གྱི་རང་བཞིན་དུ་གོ་འབོས་ཏེ་ཕུར་རྩེའི་ཧཱུཾ་ཡིག་གསུམ་དང་དབྱེར་མེད་དུ་འདྲེས་པར་བལྟ་བ་ནི་ཁྲུས་ལུང་གི་དགོངས་པའོ། །གསུམ་པ་ནི། རྒྱུད་ལས། དེ་ནས་དགྲ་སྲོག་དུག་གསུམ་གྱི༔ ངོ་བོ་ཧཱུཾ་གསུམ་གནས་པ་དེ༔ ཟུར་གྱི་ཕཊ་གསུམ་གྱིས་འཕངས་ཏེ༔ འོག་མིན་དཔལ་གྱི་ཐུགས་ཀར་སྤྲོས༔ ཧཱུྃ་ཉིད་འོད་ཞུམ་བྲིན་པ་ཡི༔ ཨཱལ་ཐིམ་ནས་ཨཱདེ་ཞུ༔ དུང་ཁང་ཨོཾཱ་ཐིམ་ཨོཾཱ་འོད་ཞུ༔ སྒལ་ཚིགས་རྟ་བརྒྱུད་ཡུམ་མཁར་བབས༔ རྒྱལ་བའི་སྲས་སུ་བྱས་པ་ནི༔ གནས་སྤར་ཟབ་མོ་ཁྲུས་ལུང་ཡིན༔ ཞེས་གབ་དཀྲུགས་དང་བཅས་གསུངས་པ་སྔར་ནས་བཀྲལ་བ་ལྟར་ཕུར་རྩེ་ནམ་མཁའ་ལ་དེང་ཙམ་བྱས་ལ་ཕཊ་སྒྲ་དྲག་པོ་གསུམ་གྱིས་བསྐུལ་བས།

(༣༡༧)ཁོའི་རྣམ་ཤེས་ཀྱི་ངོ་བོ་གཞི་དུས་ན་ཉོན་མོངས་དུག་གསུམ། འབྲས་དུས་ན་སྐུ་གསུམ་གྱི་རང་བཞིན་དུ་གོ་འཕོས་པ་དེ་ཉིད་ཧཱུཾ་ཡིག་གསུམ་གྱི་རྣམ་པར་གནས་པ་ཟུར་གྱི་ཕཊ་གསུམ་པོས་མེ་སྟག་ཡར་བ་ལྟར་འཕངས་ལ་འོག་མིན་གྱི་ཞིང་དུ་མགོན་པོ་འོད་དཔག་མེད་ཀྱི་ཐུགས་ཀར་སྤྲོས་པས་ཐུགས་སྲོག་གི་ཡི་གེ་ཧཱུྃ་གི་རྣམ་པ་ཅན་ ཀུན་གྲོལ་ཡངས་པའི་རྒྱུད་ལས། གདོད་ནས་དོན་དམ་གྱི་ཀུན་གཞི་ནི་ངོ་བོ་ཉིད་ཀྱི་སྐུ་ཡིན་ནོ། །སྦྱོར་བ་རྐྱེན་གྱི་ཀུན་གཞི་ནི་མ་རིག་པའི་མུན་པའོ། །ཞེས་གསུངས་པ་ལྟར་ཚོགས་པ་གཅིག་གི་སྟེང་ནས་སྒྲིབ་པ་སྤངས་མ་སྤངས་ཀྱི་བྱེ་བྲག་ལས་གཞི་འབྲས་སུ་དབྱེ་བ་ཁོ་བོའི་འདོད་པའོ། །དང་དབྱེར་མེད་དུ་བསྲེས། དེའི་རྐྱེན་གྱིས་བདེ་སྟོང་གཉིས་སུ་མེད་པའི་ཡེ་ཤེས་ཁྱད་པར་ཅན་སྐད་ཅིག་ལ་འཁྲུངས་པས་བདེ་བ་ཆེན་པོའི་རྗེས་ཆགས་ཀྱི་ཧཱུཾ་ཡིག་ཀྱང་འོད་དུ་ཞུ་ནས་ཡར་མགྲིན་པར་འཕགས་ཏེ་གསུང་གི་ངོ་བོ་ཨཱཡིག་ལ་ཐིམ། ཨཱདེ་ཉིད་ཀྱང་འོད་དུ་ཞུ་ནས་ཀླད་པ་དུང་ཁང་གི་འཁོར་ལོར་འཕགས་ཏེ་སྐུའི་ས་བོན་ཨཱོྃ་ཡིག་ལ་ཐིམ། ཨཱོྃ་དེ་ཡང་འོད་དུ་ཞུ་ནས་ཨ་བ་དྷཱུ་ཏི་ལས་བརྒྱུད་དགའ་བ་བཞིའི་འགྲོས་ཀྱིས་བབས་ནས་ཡུམ་གྱི་མཁའ་ནང་དུ་བབས་པས་གཟས་པ་པོ་རྒྱལ་བའི་སྲས་སུ་འཁྲུངས་པར་བསམ་པ་ནི་སྦྱོར་སྒྲོལ་ཟུང་འཇུག་གི་མཆོད་པའི་མན་ངག་ཁྱད་པར་ཅན་ཡིན་ཞིང་། དེ་ཡང་རྒྱུད་འབྲེལ་གསལ་བྱེད་མེ་ལོང་ལས། ཤེས་པ་ཆོས་ཉིད་དུ་བསྒྲལ་བ། ཤེས་པ་འོག་མིན་དུ་བསྒྲལ་བ། ཕུང་པོ་དུར་ཁྲོད་དུ་བསྒྲལ་བ། ཞེས་བསྒྲལ་ལུགས་རྣམ་པ་ལྔར་གསུངས་པ་ཡང་འདི་ལ་ཚང་ཞིང་། དེ་ལྟར་བཤད་མ་ཐག་པའི་དམིགས་གནད་རྣམས་ལ་རང་བྱང་ཆུབ་བའི་རྣལ་འབྱོར་པས་ཕུར་བུ་ཐོགས་ལ། ཧཱུྃ་ད་ནི་རིག་པ་དཔལ་ཆེན་ཧེ་རུ་ཀ༔ འཁོར་འདས་རོ་གཅིག་ལྟ་བའི་ཕུར་བུ་ཡིས༔ མ་རིག་གཉིས་འཛིན་བདུད་དང་དགྲ་བགེགས་རྣམས༔ སྙིང་རྗེས་བསྒྲལ་ཞིང་གཏུབ་པོ་ཀི་ལཱ་ཡ༔ ཀ་དག་མངོན་རྫོགས་སངས་རྒྱས་ཕྱིར་མ་ལྡོག༔ ཨཱོྃ་དྷརྨ་དྷུརྟུ་ཀི་ལཱ་ཡ་རཱུ་ཏྲ་ཡ་མདུན་མྱོང་ཐུཾ་རྦད། ཅེས་བརྗོད་ཅིང་ཕུར་བའི་ལས་སྦྱོར་རྣམས་ཟིན་མཐར།

(༣༡༨)དཀྱིལ་འཁོར་གྱི་ཁྱམས་ལ་གནས་པའི་བཀའ་སྡོད་སྒྲོལ་གིང་གསོད་བྱེད་རིན་ཆེན་རིགས་ཀྱི་གིང་མོ་སྤྲུལ་པ་ཡང་སྤྲུལ་དང་བཅས་པས་སྲོག་ལས་བྱེད་པར་བལྟ་ཞིང་། རལ་གྲི་འཇམ་དཔལ་རྣོན་པོར་གསལ་ལ། རྔམ་གློག་ལས། ཕོ་ནི་རྐང་པ་གཡས་ནས་གཏུབ། །མོ་ནི་རྐང་པ་གཡོན་ནས་གཏུབ། །ཅེས་གསུངས་པ་ལྟར་གཏུབ་ཅིང་སྒྲོན། ཧཱུྃ་ཧྲཱི གནོད་བྱེད་དགྲ་བགེགས་རཱུ་ཏྲ་བདུད་དཔུང་ལ༔ ཞེས་སོགས་ཚངས་པའི་སྒྲ་དབྱངས་ལྟར་བརྗོད། དེ་ཡང་ཕུར་བུ་དེ་རྣམས་ཀྱི་ཐེབས་ཚད་དང་གྲུབ་མཐའ་ནི། དེ་ཉིད་ལས། ཕུར་བུ་ཐེབས་ཚད་འབྲས་བུ་ནི༔ བདག་ཕུར་འབེན་གསུམ་གྲུབ་མཐའ་གཅིག༔ ཐམས་ཅད་ཆོས་དབྱིངས་སྟོང་བར་བསྒྲལ རིག་པ་ཡེ་ཤེས་ཕུར་བ་དེ༔ ཆོས་དབྱིངས་ཐེབས་པ་ཆོས་ཀྱི་སྐུ ཚད་མེད་སྙིང་རྗེའི་ཕུར་བ་དེ༔ འགྲོ་དྲུག་ལ་བཏབ་སྤྲུལ་སྐུ་ཐོབ༔ བྱང་ཆུབ་སེམས་ཀྱི་ཕུར་བ་དེ༔ ཡུམ་མཁར་ཐེབས་པས་ལོངས་སྐུ་ཐོབ༔ མཚན་མ་རྫས་ཀྱི་ཕུར་བ་དེ༔ དགྲ་བགེགས་ལ་བཏབ་བསྟན་པ་ཚུགས༔ ཞེས་གསུངས་ཤིང་བསྒྲལ་ལུགས་དེ་ལྟར་དུ་ཤེས་པ་ལ་འཚེངས་པ་རྣམ་པ་ལྔ་འབྱུང་སྟེ། ཚེ་ལུང་གི་དགོངས་པས་སྒྲོལ་མཁན་གྱི་རྣལ་འབྱོར་བ་འཚེངས་པ། ཁྲུས་ལུང་གི་དགོངས་པས་བསྒྲལ་བྱའི་གཟས་པ་པོ་འཚངས་པ། ནས་ལུང་གི་དགོངས་པས་འོག་མིན་དུ་སྦྱོར་མཆོད་ཀྱིས་འཚེངས་པ། སྙིགས་མའི་ཤ་ཁྲག་གིས་དཀྱིལ་འཁོར་བའི་ལྷ་ཚོགས་འཚེངས་པ་ གནོད་བྱེད་དང་བྲལ་བས་བསྟན་པ་རིན་པོ་ཆེ་འཚེངས་པ་སྟེ། མདོར་ན་བདག་ལ་སྒྲིབ་པ་མི་གསོག་ཅིང་། གཞན་སྡུག་བསྔལ་མི་བསྐྱེད་པའི་ཐབས་དེ་ལྟ་བུས་གནས་ངན་གྱི་འགྲོ་བའི་རྒྱུ་བསྟན་པའི་སྤྱི་དགྲ་ལ་སོགས་པ་ཞིང་བཅུ་ཚང་བ་དང་། ངན་སོང་དུ་འཁྱམས་པའི་སེམས་ཅན་རྣམས་བསྒྲལ་གཞི་ཡིན་པ་ལས་རང་ཉིད་ཀྱི་ཟས་པོར་གང་ཙམ་གྱི་ཆེད་དུ་ཆགས་སྡང་གི་བསམ་ངན་སྒོམ་པ་དང་། མཐུ་གཏད་ལ་བརྟུལ་ཞུགས་སུ་བསླབ་པའི་ལས་འབྲས་མི་དྲན་བ་དག་གིས་གྱ་

(༣༡༩)གྱུའི་སྦྱོར་བ་ལྐོག་གྱུར་དུ་བརྩམ་ནའང་། དཀོན་མཆོག་རིན་པོ་ཆེས་དུས་གསུམ་སྒྲིབ་མེད་དུ་གཟིགས་པས་འདི་ཕྱིའི་མདུན་མ་གཏན་བརླག་ཏུ་སོང་བ་སྟེ། དེ་ཅིའི་ཕྱིར་སྙམ་ན། རྡོ་རྗེའི་ཐེག་པ་ལ་སྦྱོར་སྒྲོལ་གྱི་ལམ་བསྟན་པའང་ཐེག་པ་འོག་མ་ལས་ཁྱད་ཆོས་དུ་མས་འཕགས་པའི་ཕྱིར་འདི་ལྟར་སྒྲོལ་བ་ལ་མཚོན་ན། རྟོགས་པས་བདག་སྔོན་དུ་བསྒྲལ་ནས། དེའི་རྗེས་ཐོབ་ཏུ་ཐུགས་རྗེས་གཞན་སྒྲོལ་བ་ཡིན་ཏེ། འོན་ཀྱང་ཟན་ལ་ཕུང་པ་འདེབས་ཚད་ཀྱིས་སྡང་ཞེན་གྱི་ནུས་པ་མངོན་དུ་མི་འབྱིན་ཡང་། སྲོག་གཅོད་ཀྱི་མི་དགེ་བའི་བསམ་པ་སྦྱོར་བ་མཐར་ཐུག་གསུམ་ལས་བསམ་སྦྱོར་གཉིས་ཚང་བའི་རྣམ་སྨིན་མྱོང་དགོས་པའི་ཕྱིར་རོ། །དེས་ན་རང་གིས་རང་ཉིད་མི་བསླུ་བར་གཉེན་པོས་ཟིན་པ་བྱ་དགོས་སོ། །གཉིས་པ་བསྟབ་པ་ནི། ལིང་རོ་རྣམས་མཆོད་གྲལ་དུ་བསྒྲིག །ཆ་ཤས་ལྷག་གཏོར་ལའང་བསྲེ་ཞིང་། ཚོགས་ཞིང་རྣམས་ཞལ་ཧོམ་ཁུང་ལྟ་བུར་གདངས་པའི་ནང་དུ་བསྟབ་གིང་ཟ་བྱེད་པདྨའི་གིང་མོ་སྤྲུལ་པ་ཡང་སྤྲུལ་དང་བཅས་པ་རྣམས་ཀྱིས་བསྒྲལ་མཆོད་རྣམས་སྟངས་སྟབས་ཀྱི་གར་དང་བཅས་བཏག་ནས་བསྟབ་ཅིང་དགྱེས་པ་བསྐྱེད་པར་བལྟས་ལ། ཧཱུྃ་ཧྲཱི བསྟབ་པོ་བསྟབས་སོ་ལྷ་ཚོགས་ཞལ་དུ་བསྟབ༔ སོགས་ཀྱིས་འབུལ། ལ་ལར་ལྷ་ཚོགས་རྣམས་ཀྱི་ཡ་རྐན་ཁྲོ་བོ་དང་མ་རྐན་ཁྲོ་མོ་གསལ་བའི་སྦྱོར་མཚམས་སུ་དགྲ་བགེགས་ཀྱི་ཤ་ཁྲག་རུས་པ་དུག་གསུམ་གྱི་ཕུང་པོ་དང་བཅས་བསྟབས་པས་གསོལ་བར་བསམ་པ་ལ་སྦྱོར་སྒྲོལ་ཟུང་འཇུག་གི་སྒོ་ནས་མཆོད་པའི་དམིགས་གནད་ཟབ་མོ་ཡིན་པར་ཡང་བཤད་དོ། །སྔགས་དོན་ནི་གོང་མ་དང་ཆ་འདྲའོ། །ཚུལ་དེ་ལྟ་བུ་ལ་བསྒྲལ་མཆོད་ཀྱི་རྣམ་གཞག་ཚང་སྟེ། རྒྱུད་ལས། བདུད་རྩི་ དམིགས་བྱའི། ལྔའམ་ཟས་ལྔ་ལ། ཉང་བུར་མ་སྦྲང་རྩི་ཏིལ་ཤའོ། །མཚན་མ་མིང་དུ་བཅས་པ་བྱ། །བཀུག་ནས་རྡོ་རྗེ་ཕུར་བུས་བརྡབ། །རྡུལ་དུ་ནས་ཚོགས་

(༣༢༠)ལ་དབུལ། །ཞེས་གསུངས་པ་སྟེ། ཕྲ་མ་སྔ་བཙན་གྱི་ཕྱི་ལ་འབྲངས་བའི་བླུན་པོ་དག་ད་དུང་ལས་གཞུང་ནས་མ་གསལ་སྙམ་ནས་ཐེ་ཚོམ་པར་སྲིད་ཀྱང་མ་ཡིན་ཏེ། ཚུལ་འདི་ལྟ་བུ་འཆད་པའི་སྐབས་སུ་འབྲེལ་བ་བཞི་དང་ལྡན་པ་ཞེས། རྒྱུད་སྒྲུབ་ཐབས་དང་འབྲེལ་བ། སྒྲུབ་ཐབས་ཆོག་ཁྲིགས་དང་འབྲེལ་བ། ཆོག་ཁྲིགས་ཕྱག་བཞེས་དང་འབྲེལ་བ། ཕྱག་བཞེས་བླ་མ་བརྒྱུད་པའི་གདམས་ང་དང་འབྲེལ་བའོ། །ཞེས་གསུངས་པའི་དོན་གོ་བར་བྱ་ཞིང། འོན་ཀྱང་ཕྱག་བཞེས་དང་ཆོག་ཁྲིགས་ལ་རྣམ་པ་མང་བས་རྒྱུད་ལུང་རྣམ་དག་ལ་ཡིད་བརྟན་འཆའ་བ་ཡིན་ནོ། །གསུམ་པ་ནི། སྔར་གྱི་ཚོགས་བཤགས་ཀྱི་དོད་ཆ་གསུམ་པ་དམ་ཚིག་རྫས་སུ་མོས་ཏེ་སྨན་རག་དང་བཅས་གཏོར་མར་བྲན་ལ། དོན་དམ་ནམ་མཁའ་ལྟ་བུའི་ཀློང་ནས་ཀུན་རྫོབ་གློ་བུར་གྱི་བག་ཆགས་དྲི་མ་དང་བཅས་པ་སྟོབས་བཞི་ཚངས་པའི་སྒོ་ནས་བཤགས་པས་འཁོར་གསུམ་ཡོངས་དག་གི་རྣམ་རོལ་དུ་དག་པར་བསམས་ལ། ཧོ བདག་སོགས་མ་རིག་ལུས་དང་ངག་སེམས་ཀྱིས༔ སོགས་དང་གན་ཙཀྲའི་ཡིག་བརྒྱ་བརྗོད། བཞི་པ་ནི། སྔ་མ་ཇི་ལྟ་བར་སྨན་ཀླ་བྲན་ནས་གནམ་ཕུད་ཅེས་ནམ་མཁའ་གང་བའི་ལྷ་ཚོགས་ལ་ཕུལ་ནས་ཀུན་རྫོབ་དང་དོན་དམ་ཟུང་འཇུག་ཏུ་བསྐང་བ་ཡིན་ཕྱིར་ཐོག་སྟེང་གཙང་སར་གཤེགས་ལ། ཧཱུྃ་ཧྲཱི སྐོང་ངོ་གསོལ་ལོ་མཆོད་དོ་ཐུགས་དམ་སྐོང་༔ སོགས་བརྗོད་པ་ཡིན་ཏེ་ད་ལྟ་ལག་ལེན་ཕལ་པ་ཆོ་ག་གཞན་གྱི་རྗེས་སུ་འབྲངས་ནས་གནམ་ཕུད་འདི་ཚིག་ཤར་ཙམ་ལས་འབུལ་རྫས་དངོས་ཆད་པ་མང་ངོ་། །གཉིས་པ་ནང་ལྟར་དུ་མཆོད་པ་ལ་གཉིས། རང་ལུས་ཨ་ནུའི་ཚོགས་མཆོད་ལ་བརྟེན་ནས་རྡོ་རྗེ་རྒྱལ་པོ་མཆོད་པ་དང་། དེ་བཞིན་དུ་འདུས་པའི་ཚོགས་ལ་འགྲིམ་པའོ། །དང་པོ་ལ་གཉིས། ཀྱེ་རྡོ་རྗེས་སློབ་དཔོན་ལ་འབུལ་བ་དང་། །རྡོ་རྗེ་སློབ་དཔོན་གྱིས་དེ་ལ་ལན་གདབ་པའོ། །དང་པོ་ནི། ཚོགས་འཁོར་མཚན་ཉིད་པའི་ཚེ་རྡོ་རྗེ་

(༣༢༡)གཟུངས་མའམ། སྐྱི་ཁྱབ་ཏུ་ལས་ཀྱི་རྡོ་རྗེས་འདུས་པའི་གཙོ་བོ་ལ་ཕྱག་སྔོན་དུ་བཏང་ནས། མཚན་ཉིད་དང་ལྡན་པའི་ཀ་པཱ་ལ་མ་དཱ་ནས་བཀང་བ་ལ་ལག་གཉིས་པད་སྐོར་གྱི་ཕྱག་རྒྱ་བྱས་པའི་གཡོན་པའི་སྟེང་དུ་ཐོགས། གཡས་པས་རྩེ་གསུམ་གྱི་ཕྱག་རྒྱ་བསྟན་ལ། རྡོ་རྗེ་སློབ་དཔོན་ཀུན་ཏུ་བཟང་པོར་འདུ་ཤེས་པའི་མོས་གུས་བསྐྱེད་ཅིང་། དེའི་རྗེས་འབྲེལ་དུ་ཐབས་རྫས་རྣམས་ཐོགས་ལ་དབྱངས་དང་བཅས། ཧོརྡོ་རྗེ་རྒྱལ་པོ་ཡབ་ཡུམ་དགོངས་སུ་གསོལ༔ ཞེས་པའི་མཐར། ག་ན་ཙཀྲ་པཱུ་ཛ་ཧོ༔ ཞེས་དབུལ། གཉིས་པ་དེ་ལ་རན་གདབ་པ་ནི་སློབ་དཔོན་གྱིས་པད་སྐོར་དང་བཅས་རྩེ་གསུམ་གྱི་ཕྱག་རྒྱས་བླངས་ལ། ཨེ་མ་ཧོ། གདོད་ནས་རྣམ་དག་ཟག་མེད་བདུད་རྩིའི་བཅུད༔ ཅེས་སོགས་ཀྱི་མཐར། གསང་སྔགས་བླ་མེད་ཀྱི་རྫས་ཁྱད་པར་ཅན་དེ་ལ་ཤིན་ཏུ་ངོ་མཚར་བའི་སྒྲ། ཨ་ཧོ མ་ཧཱ་སུ་ཁ༔ ཞེས་བརྗོད་ཅིང་བདེ་སྟོང་གི་ངང་ནས་མཐེབ་སྲིན་གྱི་གདུས་།།།བཅུས་ཏེ་རོལ། སྔགས་དོན་ནི། ཨ་སྐྱེ་མེད། ཧོ་ནི་དགྱེས་པ། མ་ཧཱ་ནི་ཆེན་པོ། སུ་ཁ་ནི་བདེ་བའོ། །ལུགས་གཞན་དུ་སྙིང་ག་ནུ་མ་གཡས་གཡོན། དབུས་ལ་སོགས་པར་པད་སྐོར་བྱ་བ་ནི་རྣམ་ལྔ་འདོད་པའི་ཕྱོགས་སུ་བསྐོར་བ་ཞེས་པའི་དོན་ནོ། །གཉིས་པ་ལ་གཉིས། ལས་ཀྱི་རྡོ་རྗེས་འདུས་པའི་ཚོགས་ལ་དྲངས་པ་དང་། འདུས་པ་རྒྱ་མཚོས་དེ་ལ་ལན་གདབ་པའོ། །དང་པོ་ནི། ཕྱག་ཐ་དད་དུ་མ་འགྲུབ་ན་སྤྱི་ཕྱག་སྔོན་དུ་འགྲོ་བས་བཟའ་བ་རྣམས་གཡས་གྲལ་ནས་སྔོན་དང་། བཏུང་བ་རྣམས་གཡོན་གྲལ་ནས་སྔོན་ལ་འགྲིམས་ཤིང་། འདུས་པ་ཆེན་པོའི་ཚེ་གྲལ་གཤམ་ནས་མཆེད་ལྕམ་རྣམས་དཀྱིལ་འཁོར་བའི་འཁོར་ཚོགས་སུ་མོས་པའི་དག་སྣང་དང་བཅས་དབྱངས་སྙན་པོས། ཧོ། དགོངས་ཤིག་རོལ་ཅིག་མཆེད་ལྕམ་རྣལ་འབྱོར་རྣམས༔ ཞེས་དྲངས་པའི་བརྡས་བསྐུལ་ལོ། །གཉིས་པ་ལ་གཉིས། ལན་གདབ་པ་དངོས་དང་། རོལ་པའི་རྣལ་འབྱོར་གྱི་ཚུལ་

(༣༢༢)སྤྲོས་ནས་བཤད་པའོ། །དང་པོ་ནི། འདུས་པའི་ཚོགས་ཀྱིས་འདོད་ཡོན་གྱི་སྣང་བ་དེ་དག་སྒྱུ་མ་ལྟ་བུའི་ངང་ནས་དངོས་གྲུབ་ཀྱི་རྫས་སུ་བལྟས་ལ། ཨེ་མ་ཧོ། སྐྱེ་འགག་གནས་གསུམ་མཐའ་བྲལ་དོན་གྱི་དབྱིངས༔ སོགས་བརྗོད་ཅིང་སྔགས་དོན་ནི། གུ་ཧྱ་གསང་བ། སིདྡྷི་དངོས་གྲུབ། ཨ་ལ་ལ་ཧོ་ནི། བཟའ་བྱ་ཟ་བྱེད་ཀྱི་གཉིས་ཆོས་དང་བྲལ་བའི་མཐའ་བྲལ་ཆེན་པོའི་ཚུལ་དུ་ལོངས་སྤྱོད་པ་ལ་ངོ་མཚར་བའི་སྒྲའོ། །གཉིས་པ་ནི། དེ་ལྟ་བུའི་དང་ལས་བཟང་བཏུད་རྣམས་དཀྱིལ་འཁོར་སུམ་ལྡན་གྱི་དང་ལས་དང་དུ་བླང་དགོས་ཏེ། སློབ་དཔོན་ཆེན་པོས། བསྐྱེད་རྫོགས་དང་བྲལ་བཟའ་བཟབ་རྣམས༔ ཁྱི་ཕག་ཟས་ལ་སྤྱོད་དང་ཁྱད་མེད་པས། ཞེས་གསུངས་པས་འདི་ནི་ཤིན་ཏུ་གལ་ཆེ་བ་ཡིན་ཞིང་། དེ་ཡང་བུམ་དབང་གི་བཟའ་བའི་དམ་ཚིག་དང་བསྟུན་ནས་ཤ་ལྔ་བདུད་རྩི་ལྔའི་རང་བཞིན་དུ་ཤེས་པ། གསང་དབང་གི་བཟའ་བའི་དམ་ཚིག་དང་བསྟུན་ནས་བྱང་སེམས་དཀར་དམར་གྱི་རང་བཞིན་དུ་ཤེས་པ། དབང་གསུམ་པ་དང་བསྟུན་ཏེ་ཐབས་ཤེས་ཟུང་འཇུག་གི་རྣམ་རོལ་དུ་ཤེས་པ། བཞི་པ་ཚིག་དབང་དང་བསྟུན་ནས་སྟོང་ཉིད་གསལ་ཁྱབ་ཅན་དུ་ཤེས་པའི་དང་ནས་དང་དུ་བླང་བ་སྟེ། དེ་ཡང་ལས་དང་པོ་པ་དེ་ཙམ་མི་གོ་བ་ཡིན་ན། ལུང་ཨ་ནུ་ཡོ་གའི་ལུགས་སུ་རང་ལུས་ཕུང་ཁམས་སྐྱེ་མཆེད་ཞི་ཁྲོའི་དཀྱིལ་འཁོར་གྱི་རྣམ་པར་མ་བསྐྱེད་ཡེ་རྫོགས་སུ་ཡོད་ཕྱིར། དེ་ལ་ངེས་ཤེས་འདྲོངས་ཤིང་དག་པ་དྲན་བཞིན་པའི་ངང་ནས་ནང་གི་སྦྱིན་སྲེག་མན་ངག་གི་ལུགས་སྒྲ་ཇི་བཞིན་པའམ། དེ་ཡང་མ་ནུས་ན་ལྷ་ཚོགས་དེ་དག་ལ་མཆོད་པ་འབུལ་བའི་བསམ་པ་ཁོ་ནས་ཐ་མལ་གྱི་སྣང་ཞེན་སྦྱངས་ནས་ཟོས་པས། བདག་ལ་ཁ་ཟས་ཀྱི་བུ་ལོན་དུ་མི་འགྱུར་ཅིང་། གཞན་སྦྱིན་པའི་བདག་པོ་ལ་བསོད་ནམས་ཁྱད་པར་ཅན་ཐོབ་པའི་དགོས་པ་ཡོད་དོ། །སློབ་དཔོན་ཆེན་པོས། རང་ལུས་ཨ་ནུ་ཡོ་གའི་བསྐྱེད་རིམ་ལས༔ མ་གཡོས་བཞིན་དུ་ཁ་ཟས་སྤྱོད་

(༣༢༣)གྱུར་ན༔ དཀོན་མཆོག་གླུད་དང་དགེ་འདུན་དཀོར་ལ་སོགས༔ ལོག་པའི་ཟས་ཀྱི་འཇིགས་པ་ཀུན་ལས་གྲོལ༔ ཞེས་གསུངས་པ་ལྟར་ཡིན་མོད། ཚུལ་དེ་ལྟ་བུ་མི་གོ་བར་གྲུབ་མཐའ་དང་ཆ་ལུགས་ཙམ་གྱིས་དད་གཤིན་གྱི་དཀོར་ལ་ནོར་སྐྱོང་ཟན་གོང་ལ་འཇབས་དེ་ལྟར་སྦྱང་ནས་ཚངས་སྤྱོད་པ་ལ་བར་མི་བྱ་སྟེ། ཀུན་མཁྱེན་ལྔ་པ་ཆེན་པོས། རྡོར་དཀར་དུ་ཚུལ་འཆོས་པའི་སྒྲིབ་ཤིང་། ཤ་ཆང་ཕུང་པོར་སྤུངས་པའི་ཚེས་བཅུ་མཁན་པོ། ཆེར་རློམ་སྟོང་འུར་ཅན་རྣམས་ཀྱིས་སྤྱོད་ཡུལ་ནི་མ་ཡིན་ནོ། །ཞེས་གསུངས་པ་ལྟར་ཡིན་ཞིང་། དེ་ཡང་མཚན་ཉིད་ཚང་བའི་བླ་མ་དམ་པ་ལས་ཉམས་ཁྲིད་ལེགས་པར་ཐོབ་ཅིང་། དགེ་སྦྱོར་མཚན་བཅས་པ་རྣམས་རྣལ་འབྱོར་གྱི་ཁྲིགས་རིམ་གྱིས་གཏན་ལ་འབེབས་པ་དག་ལ་འགལ་འདུ་མི་འོང་མོད་ཀྱང་། ཆོ་ག་ཀློག་འཛིན་ཐུབ་པ་ཙམ་གྱིས་གསང་སྔགས་ཀྱི་རྣལ་འབྱོར་པར་རློམ་པས་རྫོགས་པ་ཆེན་པོ་བྱ་རྩོལ་ལས་འདས་པ་ཡིན་ཞེས་རྒྱས་འདེབས་ཀྱི་སྨྲ་བས་བླ་མ་དང་ཆོས་ལུགས་ཀྱི་ཞབས་སྡུད་མ་དག་ལ་བསམས་པའོ།། །།ལྔ་པ་ལྷག་མའི་ཆོ་ག་ནི། གཞུང་ལས། ཚོགས་ལྷག་ཡོངས་བསྡུས་གཙོ་བོའི་ཞལ་ཆབ་བྲན བདུད་རྩིར་བྱིན་བརླབས་འདི་སྐད་ཕུལ་ཏེ་གཤེགས༔ ཞེས་གསུངས་པ་ལྟར་ཚོགས་ལྷག་ཐམས་ཅད་གསོག་འཇོག་མེད་པར་བསྡུས། སྔར་ཚོགས་ལྷག་ཏུ་བཅད་དེ་བཞག་པའི་གཅིང་ལྷག་ཆ་ལྔ་པ་ཡང་བསྣན། སྒྲུབ་ཆེན་ལྟ་བུའི་ཚེ་ནི་གཞུང་འདི་ཉིད་ཀྱི་སྒོས་ཆོས་ལྷག་གཏོར་ཞེས་དམར་གཏོར་ཤ་ཁྲག་དང་ཡུངས་ཀར་གྱིས་བརྒྱན་པ་ཡང་མཉམ་དུ་བསྔོ་བར་བཤད། གང་ལྟར་ཡང་སློབ་དཔོན་ལྟ་དགོངས་དང་ལྡན་ན་གཙོ་བོའི་ང་རྒྱལ་ལ་གནས་པས་ཡ་རྐན་རྟ་མགྲིན་དང་མ་རྐན་རྣལ་འབྱོར་མར་གསལ་བའི་སྦྱོར་མཚམས་ནས་བྱང་སེམས་ཀྱི་བདུད་རྩི་བབས་པས་ལྷག་གཏོར་བྱིན་གྱིས་བརླབས་པར་བལྟས་ལ། སོར་མོ་རྣམས་ཕན་ཚུན་དུ་བཅིངས་པ་ལས། མཐེ་བོང་གཉིས་དང་མཛུབ་མོ་

(༣༢༤)གཉིས་རྩེ་སོ་སོར་སྤྲད། མཐེའུ་ཆུང་བརྐྱངས་ཏེ་རྩེ་སྤྲད་པའི་ནང་དུ། ཨོཾཱ་ཨཱཧཱུྃ། སརྦ་པཉྩ་ཨ་མྲྀ་ཏ་ཧ་ཧོ་ཧྲཱི ཞེས་བརྗོད་པའི་ཁ་དུས་བཏབ་པའམ། གཙང་དམེའི་གཉིས་རྟོག་མ་དག་ན་དེ་ལྟར་མི་བྱ་བས་གསང་སྔགས་མོས་སྤྱོད་ཀྱི་ཕྱག་བཞེས་དཀྱུས་མ་ཚོགས་ལྷག་ལ་བདུད་རྩིའི་ཟེགས་མ་རཀྟ་རྣམ་བཅས་པ་འཐོར་ལ། ཨ་ཀཱ་རོས་བརླབ། དཀྱིལ་འཁོར་གྱི་བྱང་ཤར་རམ། ལྷོ་ནུབ་ཏུ་ཞིང་ལྤགས་སམ། མ་ཏྲཾ་བྲིས་པའི་སྟེང་དུ་མཉྫིའི་ཁར་ཚོགས་ལྷག་འགོད་པའི་ལུགས་ཡོད་ཀྱང་། རྒྱུན་དུ་མ་འགྲུབ་ན་སྒྲུབ་ཆེན་སོགས་ལྷག་མ་བཙོན་དུ་འཛིན་པའི་ཚེ་དེ་ལྟར་བྱ། མཚན་མོ་ཡིན་ན་དུས་མཚན་གྱི་གདོང་ཐུག་བསུང་བྱིར་དཔལ་འབར་དང་། ཉིན་མོ་སྤོས་མེ་བཙུགས་ལ། ལྷག་གཏོར་ལ་དབང་བའི་བཀའི་ཕོ་ཉ་དབང་མོ་ཉེར་བརྒྱད། མཁའ་འགྲོ་སོ་གཉིས། གིང་ཆེན་བཅོ་བརྒྱད། ལངྐ་ཚར་གསུམ། དབང་གི་མ་མོ་བདུན། སྲིང་མོ་བཞི། འབར་མ་བརྒྱད། ཕོ་ཉ་སུམ་བཅུ་རྩ་དྲུག་ལ་སོགས་པ་རྣམས་ལ། ནམ་མཁའ་མཛོད་ཀྱི་རང་བཞིན་བདུད་རྩིའི་ངོ་བོར་སྦར་ནས་བསྡོས་པས། དེ་དག་རྣམས་ཤིན་ཏུ་དགྱེས་ཤིང་དམ་ཚིག་དྲན་པས་ཅི་བཅོལ་གྱི་ལས་རྣམས་བསྒྲུབ་པར་མོས་ལ། ཧཱུྃ་ཧྲཱི དུར་ཁྲོད་གསང་ཆེན་རོལ་པའི་དཀྱིལ་འཁོར་དུ༔ སོགས་བརྗོད། སྔགས་དོན་ནི། ཨུ་ཙི་ཊ་ལྷག་མའི། བ་ལི༚་ཏ་གཏོར་མ། བྷཀྵ་སི་སྭཱ་ཧཱ ཚིམ་པར་གྱུར་ཅིག །ཅེས་པ་སྟེ། ལས་ཀྱི་རྡོ་རྗེས་ཞྭ་དང་ལྷ་མགྱོན་ནས་པད་སྐོར་དང་བཅས་ནམ་མཁའ་ལྡིང་གི་ཕྱག་རྒྱས་ལྷག་མ་བཏེག་ལ་སྒོ་དྲུང་གི་བར་གྱེར་ཚིག་དང་བསྟུན་ནས་ཕྱི་ནུར་གྱིས་འགྲོ་འཛིན་དེ་ལས་སྒྲུབ་ཁང་གི་ཕྱི་རོལ་གོམ་པ་བདུན་ཅུའི་སར་སྲིད་མོའི་ཟལ་མ་ཡིན་པས་དེར་འདོར་རྗེས། སྣོད་ཀྱང་བཤལ་ནས་བསྔོ་བར་བཤད་དོ། །སྒྲུབ་ཆེན་ ༢ གསང་སྔགས་ཐབས་ཀྱིས་ཆེ་བའི་རྟེན་འགྲེལ་དམ་ཚིག་གི་རྫས་ ཞྭའི་དམ་ཚིག་དགོས་ཆེད་ལ་སོགས་པ་ནི་གཏེར་ཁ་འདི་ཉིད་ཀྱི་ཞྭ་ཆོས་རིན་ཆེན་སྤུངས་པ་ལྟ་བུའི་དོན་ཁོང་དུ་ཆུད་པར་བྱའོ། །ལྟར་

(༣༢༥)ཚེ་ལྷག་མ་བཙོན་དུ་བཟུང་བ་ཡིན་ཚེ་གྲོལ་རྒྱུའི་ནུབ་ཐ་མར་ལྷག་མ་དང་མཉམ་དུ་གད་རོ་རྣམས་ཀྱང་འདོར་རོ། །སྐབས་འདིར་ཛཔྲ་བསྙེན་བྱ་བར་བཤད་པ་ནི་བདག་བསྐྱེད་རྐྱང་པ་འདི་ཡིན་གྱིས་བཅད་བཟུར་ལ། དེ་ལས་སྒྲུབ་ཆེན་བྲ་ཁྲིད་ཀྱི་ཁོག་ཕུབ་ནས་སྒྲུབ་བ་ཞུང་ཆེན་མོ་གང་ཡིན་ལ་འཇུག་པའི་དགོངས་པ་ཡིན་ཏེ། སྐབས་འདི་ཉིད་ཀྱི་བསམ་པ་ལས། ལྷ་བསྙེན་ལ་སོགས་རང་རང་གཞུང་བཞིན་བཟླས༔ དམིགས་པ་སྤྲོ་བསྡུ་གང་རིགས་ཁ་བསྒྱུར་འབད༔ ཅེས་གསུངས་པ་སྟེ། དཔེར་ན་དབང་སྒྲུབ་ལྟ་བུའི་ཚེ་ནའང་འདིར་བཤད་པའི་བཤགས་སྐོང་གི་ལེ་ལག་གང་ཡིན་བོར་ལ། སྲུང་འཁོར་ལ་སོགས་འདི་ལ་ཇི་བཞིན་གྱི་མཇུག་མེ་ཏོག་ཕྲེང་མཛེས་རྐྱང་པས་བདག་བསྐྱེད་འདི་ཡན་ཆད་བསྒྲུབས་རྗེས། མདུན་བསྐྱེད་ཀྱི་སྒྲུབ་ཁོག་ཆེན་མོ་ལ་འཇུག་པ་གཏེར་གཞུང་གི་དགོངས་པ་སོར་བཞག་ཡིན་པའོ།། །།དྲུག་པ་དེ་ཁོ་ན་ཉིད་ཀྱི་སྐོང་བཤགས་ནི། ཕྱི་ཀུན་རྫོབ་སྒྱུ་མ་ལྟ་བུའི་རྣམ་རོལ་ལས་ལུས་ཀྱི་སྒོ་ནས་ཕྱག་རྒྱ་གར་སྟབས། ནང་རིག་པ་སྐྱེ་འགག་གནས་གསུམ་དང་བྲལ་བ་སྤྲོས་བྲལ་བདེ་བ་ཆེན་པོའི་ངང་ལ་མ་བཅོས་པར་གཞག །གསང་བདག་གྲག་སྟོང་སྐྱེ་མེད་ཀྱི་གདངས་ལས་ཀུན་རྫོབ་ཀྱི་སྦྱང་བྱ་ཐམས་ཅད་འཁོར་གསུམ་ཡོངས་དག་ཆེན་པོའི་ཀློང་དུ་བསྐང་ཞིང་། ཧཱུྃ་ཧྲཱི དངོས་པོ་ཆོས་ཉིད་ཡངས་པའི་ཀློང་དུ་སྐང་༔ སོགས་བརྗོད་ཅིང་དེ་ཡང་། སྐྱེ་བ་མེད་པས་བྱང་། འགག་པ་མེད་པས་ཆུབ། གཉིས་སུ་མེད་པས་སེམས་ཞེས་བཏགས་པ་དེ། དེ་ལྟ་བུའི་བྱང་ཆུབ་སེམས་ཀྱི་ཀློང་དུ་ཉམས་ཆག་དང་རྟོག་སྒྲིབ་ཐམས་ཅད་བསྐང་བར་བྱའོ། །དེ་ནས་ཚོགས་སྐོང་དེ་རྣམས་ཐམས་ཅད་ཀྱི་མཇུག་བསྡོམས་བསྡུ་བ་ནི། ལུགས་གཞན་དུ་ཚོགས་ལ་རོལ་རྗེས་བྱ་བ་ལྟར། ཧེ་རུ་ཀ་དཔལ་མས་བསྔོ་བ་བྱ་བའང་ཕུན་སུམ་ཚོགས་པའི་ཡན་ལག་གོ །བདུན་པ་

(༣༢༦)བྱིན་རླབས་གནས་སྤར་གྱི་རིམ་པ་ལ་གཉིས། དམིགས་པའི་མན་ངག་ཁྱེད་པར་ཅན་བཤད་པ་དང་། བྱིན་རླབས་གནས་སྤར་གྱི་རིམ་པ་དངོས་སོ། །དང་པོ་ནི། རྡོ་རྗེ་སློབ་དཔོན་གྱིས་སློབ་མ་རྗེས་སུ་བཟུང་ཚེ་གཞུང་ནས་བཤད་པའི་བསམ་བྱ་ཁོ་ནས་འགྲུབ་ཀྱང་། བདག་འཇུག་གི་ཚེ་དམིགས་པའི་ཁྱད་པར་ནི། རང་གི་རིག་པ་རྣམ་དག་ཡེ་ཤེས་ཀྱི་འཁོར་ལོར་རྫོགས་པ་བླ་མ་དང་དཀྱིལ་འཁོར་བདག་པོར་དབྱེར་མེད་དུ་གྲུབ་པ་དེ་ཉིད་དབང་ལེན་བྱའི་ཡུལ་ལ། གློ་བུར་འཁྲུལ་རྟོག་རྣམ་སྨིན་བག་ཆགས་ཀྱི་རྟེན་སློབ་བུའི་ཚུལ་དུ་བྱས་ནས་བྱིན་རླབས་གནས་སྤར་བྱ་བ་སྟེ་བདག་འཇུག་གི་རིགས་ཐམས་ཅད་ལ་ཁྱད་དུ་འཕགས་པའི་དམིགས་གནད་དེ། ཐམས་ཅད་མཁྱེན་པ་པྲཛྙཱ་རསྨི་དང་འགྲོ་འདུལ་གཏེར་བདག་གླིང་པ་བཞེད་དོ། །དེ་ཡང་འདི་ནི་གཤིན་པོའི་རིགས་ཁོ་ན་ལ་ཆེད་དུ་བསྔགས་ཕྱིར། དམིགས་བྱ་དེ་ཉིད་ཏིང་ངེ་འཛིན་གྱི་མཐུས་སྐད་ཅིག་ཉིད་ལ་མདུན་དུ་བཀུག་རྗེས། རང་ཉིད་ཀྱིས་སློབ་དཔོན་དང་ཚེ་འདས་ཀྱིས་སློབ་མའི་བྱ་བ་བྱས་པར་མོས་ལ། བྱིན་རླབས་གནས་སྤར་གྱི་རིམ་པ་ཚུལ་བཞིན་དུ་བྱས་ན་དམིགས་བྱ་དེ་ལ་ཕན་ཐོགས་ཤིན་ཏུ་ཆེ་བས་སྙིང་རྗེ་ཅན་གྱིས་དང་དུ་བླང་བར་རིགས་སོ། །གཉིས་པ་ལ་སྦྱོར་དངོས་རྗེས་གསུམ་ལས། དང་པོ་སྦྱོར་བ་ལ་ཡང་གསུམ། མཎྜལ་དབུལ་བ། གསོལ་བ་གདབ་བ། དཀྱིལ་འཁོར་དུ་འཇུག་པའོ། །དང་པོ་ནི། རྡོ་རྗེ་སློབ་དཔོན་ཁྲི་ལ་འཁོད་པ་ལ་སློབ་མ་རྣམས་ཀྱིས་ཕྱག་བྱས་ལ་སྙིམ་པ་མེ་ཏོག་དང་བཅས་བྱིན་རླབས་གནས་སྤར་གྱི་དབང་ཟབ་མོ་ཞུ་བའི་ཡོན་དུ། ས་གཞི་སྤོས་ཆུས་སོགས་པས་མཎྜལ་དབུལ་ལོ། །གཉིས་པ་ནི། སློབ་མ་རྣམས་གུས་པས་ཐལ་མོ་སྦྱར་ཞིང་མགྲིན་གཅིག་ཏུ། ཨེ་མ མགོན་པོ་ཐུགས་རྗེ་ཅན༔ སོགས་ཤློ་ཀ་གསུམ་གྱིས་གསོལ་བ་བཏབ། གསུམ་པ་ནི། རྡོ་རྗེ་སློབ་དཔོན་གྱིས་འདི་སྐད་དུ། ཨེ་མ་འདུས་པའི་

(༣༢༧)མཆེད་ལྕམ་སྐལ་ལྡན་ལས་ཅན་རྣམས༔ སོགས་བརྗོད་ཅིང་དལ་ལ་བསྐོར་བ་ལན་གསུམ་བྱེད་དུ་བཅུག་ལ་དཀྱིལ་འཁོར་དུ་གཞུག་པར་བྱའོ། །གཉིས་པ་དངོས་གཞི་ལ་གསུམ་ལས། དང་པོ་བླ་མ་རྡོ་རྗེ་སེམས་དཔའི་སྒོ་ནས་རྣམ་རྒྱལ་བུམ་པས་བྱིན་གྱིས་བརླབ་ཅིང་། དམྱལ་བའི་གནས་ནས་སྤར། རིག་འཛིན་གྱི་གྲལ་དུ་དགོད་པ་ནི། རྣམ་རྒྱལ་གྱི་བུམ་པར་བླ་མ་རྡོ་རྗེ་སེམས་དཔའི་དཀྱིལ་འཁོར་གསལ་བཏབ་ཅིང་སློབ་མའི་སྤྱི་བོར་བཞག་ལ། ཧཱུྃ་ཧྲཱི སངས་རྒྱས་ཀུན་གྱི་རང་བཞིན་གཙོ༔ སོགས་ཀྱིས་བསྐུར་ལ་དག་པ་བརྗོད་པ་ནི། སྐལ་ལྡན་ཁྱོད་ལ་ཡེ་ཤེས་རྣམ་དག་བདུད་རྩི་བུམ་པའི་དབང་བསྐུར་བ་ལ་བརྟེན་ནས་སོགས་བརྗོད་ཅིང་བུམ་ཆུ་བྱིན་ལ་སློབ་མས་ཀྱང་འཐུང་བ་དང་ལུས་བཀྲུ་བ་སོགས་བྱའོ། །གཉིས་པ་ཡི་དམ་ཞི་ཁྲོ་རང་གསལ་གྱི་སྒོ་ནས་ཤེལ་དང་མེ་ལོང་གིས་བྱིན་བརླབ་བྱ་ཞིང་། དུད་འགྲོའི་གནས་ལས་སྤར། རིག་འཛིན་གྱི་གྲལ་དུ་དགོད་པ་ནི། མེ་ལོང་གི་སྟེང་དུ་ཤེལ་དངས་པའི་ནང་དུ་ཡི་དམ་ཞི་ཁྲོའི་དཀྱིལ་འཁོར་གསལ་བཏབ་ཅིང་སློབ་མའི་མགྲིན་པར་བཞག་ལ། ཧཱུྃ་ཧྲཱི ཞི་ཁྲོ་རབ་གསལ་དཀྱིལ་འཁོར་གཙོ༔ སོགས་དང་རྗེས་འབྲེལ་དུ་དག་པ་བརྗོད་པ་ནི། སྐལ་ལྡན་ཁྱོད་ལ་ཞི་ཁྲོ་རང་གསལ་འོད་ཀྱི་ཕོ་བྲང་རིན་པོ་ཆེ་ཤེལ་དང་མེ་ལོང་གི་རྫས་མཆོག་འདི་ཉིད་དབང་བསྐུར་བ་ལ་བརྟེན་ནས་སོགས་བརྗོད་ཅིང་ཤེལ་དང་མེ་ལོང་གི་ངོས་ལ་དལ་གྱི་ལྷ་ཚོགས་སྣང་ལ་རང་བཞིན་མ་གྲུབ་པར་ངོ་སྤྲོད་པར་བྱའོ། །གསུམ་པ་ཌཱཀྐི་དམ་ཅན་རྒྱ་མཚོའི་སྒོ་ནས། བདུད་རྩི་རྫས་མཆོག་གཏོར་མས་བྱིན་གྱིས་བརླབ་ཅིང་། ཡི་དགས་ཀྱི་གནས་ལས་སྦར། རིག་འཛིན་གྱི་གྲལ་དུ་དགོད་པ་ནི། མཁའ་འགྲོའི་གཏོར་མཱ་རཀྐི་དམ་ཅན་རྒྱ་མཚོའི་དལ་དུ་གསལ་བཏབ་པ་སློབ་བུའི་ལག་ཏུ་གཏད་ལ། ཧཱུྃ་ཧྲཱི བ་ལི༚་བཅུད་ལྡན་ཕོ་བྲང་དུ༔ སོགས་ཀྱིས་བསྐུར་ལ་དག་པ་བརྗོད་པ་ནི། སྐལ་ལྡན་ཁྱོད་ལ་ཌཱཀྐི་གསང་བའི་ཕོ་བྲང་

(༣༢༨)བྱིན་རླབས་རྨད་བྱུང་གཏོར་མའི་དབང་བསྐུར་བ་ལ་བརྟེན་ནས། སོགས་བརྗོད་ཅིང་གཏོར་མའི་བསམ་ནས་ཅུང་ཟད་ཀྱང་བྱིན་ནོ། །གསུམ་པ་རྗེས་ལ་གཏང་རག་གི་མཆོད་པ་ནི། རྡོ་རྗེ་སློབ་དཔོན་ལ་ཡོན་དང་མཎྜལ་དབུལ་ཞིང་ཕྱག་འཚལ། དཀྱིལ་འཁོར་ལྷ་ཚོགས་ལ་སྨན་རཀ་གཏོར་མཆོད་དབུལ་ཞིང་བསྟོད་པ་བྱ། མཆེད་ལྕམ་རྣམས་ཀྱང་གཅིག་གིས་གཅིག་ལ་བསྙེན་བཀུར་བྱ་ཞིང་དག་སྣང་སྦྱང་། རྡོ་རྗེ་སློབ་དཔོན་གྱི་གནང་བ་ཐོབ་ན་རྡོ་རྗེའི་གླུ་གར་ལ་སོགས་པ་ཡང་བྱ་ཞིང་། ཉམས་བྱུང་རྒྱལ་དུ་བསྐྱང་། དེ་ལ་རྡོ་རྗེའི་གླུ་གར་ནི། ཆོག་ཁྲིགས་དང་རྣམ་བཤད་ཕལ་ཆེར་དུ་ཁ་འཕགས་ཙམ་ལས་ཇི་བཞིན་བཤད་པ་ཆེར་མི་སྣང་བས་འདི་ཉིད་ཕུན་སུམ་ཚོགས་པའི་ཡན་ལག་ཡིན་པས་སྐབས་འདིར་ཆུ་བབས་སུ་བཤད་པ་ལ་གསུམ། གླུ་གར་འདི་བྱ་བའི་དུས། གླུ་གར་དངོས། གླུ་གར་བྱས་པའི་ཕན་ཡོན་ནོ། །དང་པོ་ནི། རྫོགས་པ་ཆེན་པོའི་རྒྱུད་མུ་ཏིག་ཕྲེང་བའི་རྒྱུད་ཀྱི་རྣམ་བཤད་སྟོན་པའི་སྐབས། ཡེ་ཤེས་གཡུལ་བཟློག་རྒྱུད་ཤེས་ན། །ཕྱོགས་བཞིར་སྐར་ཁུང་བཏེད་པ་འདྲ། །ཞེས་གསུངས་པའི་ཉི་ཟླ་ཁ་སྦྱོར་རྒྱུད་ཡིན་ཏེ། དེ་ཉིད་ལས། རྣལ་འབྱོར་གང་ཞིག་སྐལ་ལྡན་པ། །དུར་ཁྲོད་རྣམས་སུ་རྒྱུ་བའི་ཚེ། །རྡོ་རྗེའི་གླུ་ནི་གང་ཡང་བླང་། །མི་རྟག་བསམ་བརྟན་བསྟན་པའི་གྲོགས། །སྤྱོད་པ་ཀུན་གྱི་སྔོན་དུ་འགྲོ། །དེ་ཕྱིར་རྡོ་རྗེའི་གླུ་ཉིད་བླང་། །ཚོགས་དང་དབང་བསྐུར་དཀྱིལ་འཁོར་འཇུག །དེ་ནས་གླུ་ལ་བརྩོན་པར་བྱ། །མི་རྟག་རྒྱུད་ལ་བརྟེན་དུས་སུ། །འདི་ཉིད་སྐབས་སུ་བླང་བར་བྱ། །ཞེས་གསུངས་པས། བརྟུལ་ཞུགས་ཀྱི་སྤྱོད་པ་བསྐྱང་བ་དང་། འཁོར་འདས་རུ་ཤན་འབྱེད་པ་དང་། ཚོགས་འཁོར་དང་། དབང་བསྐུར་དང་། དཀྱིལ་འཁོར་སྒྲུབ་པའི་དུས་དང་། ཏིང་ངེ་འཛིན་གོང་དུ་སྤེལ་བ་ལ་སོགས་ཀྱི་ཚེ་སྐྱེ་བོ་ཐ་མལ་པས་མཚོར་བར་གསང་ནས་བྱ་བ་ཡིན་པའི་ཕྱིར་རོ། །གཉིས་པ་གླུ་གར་དངོས་ལ་གསུམ།

(༣༢༩)ལུས་ཀྱི་རྣམ་འགྱུར། ངག་གི་བཟླས་བརྗོད། སེམས་ཀྱི་ཏིང་འཛིན་ནོ། །དང་པོ་ལ་གཉིས། ཆས་དང་ཟོག་ར་དངོས་སོ། །དང་པོ་ནི། ཚོགས་དང་དཀྱིལ་འཁོར་ལ་འཇུག་པ་དང་ཏིང་ངེ་འཛིན་སྤེལ་དུས། ཞི་ཁྲོ་གང་རུང་གི་ཆས་སོ། །ཞི་བ་ནི། དར་དང་རིན་པོ་ཆེའི་རྒྱན་ཆས་སྤྲས་ཏེ། གོས་ཀྱི་ལྷབ་ལྷུབ་དང་། ཞི་བའི་དབུ་རྒྱན་དང་། རྡོར་དྲིལ་འཛིན་པའོ། ཁྲོ་བོའི་ཆས་ནི། རུས་པའི་རྒྱན་དྲུག །ཐལ་ཆེན་གྱི་བྱུག་པ། ཞག་གི་ཟོ་རིས། བྷནྡྷ་དང་ཕུར་པ་འཛིན་པའོ། །གཉིས་པ་བྲོ་གར་ནི། ལྷའི་ཕྱག་རྒྱ་མ་ནོར་བར་འཆའ་བའོ། །གཉིས་པ་དག་བཟླས་ནི་འོག་ཏུ་འཆད་དོ། །གསུམ་པ་སེམས་ཀྱི་ཏིང་ངེ་འཛིན་ནི། ལྷའི་སྐུ་ཞི་དྲག་གང་ཡིན་གྱི་བསྐྱེད་རིམ་ལ་གནས་པའོ། ཁྱད་པར་འཁོར་འདས་རུ་ཤན་འབྱེད་པ་དང་། ཉམས་གོང་དུ་སྤེལ་བའི་ཚེ་བྱ་ལུགས་གཞན་དུ་ཤེས་ལ། འདིར་ཚོགས་ཀྱི་དུས་རྣལ་འབྱོར་པ་ཐམས་ཅད་བསམ་གཏན་གྱི་དང་ལས་ལངས་ཏེ། ཞི་བའི་ཉམས་དགུ་དང་། ཁྲོ་བོའི་གར་དགུ་སོ་སོའི་ངེས་པས་སྒོ་གསུམ་གྱི་བྱ་བ་ཐུགས་གཅིག་ཏུ་བྱ་ཞིང་། ཁྱད་པར་སྣང་སྟོང་གཉིས་སུ་མེད་པ་ཀུན་ཏུ་བཟང་པོ་ཡབ་ཡུམ་གྱི་དགོངས་པའི་ཀློང་ནས་ཆོས་ཉིད་ཀྱི་གླུ་འདི་ལྟར་བླང་ངོ་། །ཨ་དཱི་ཀ་དཱི། རིང་པོ་དང་ཐུང་དུ་དང་། འཁྱོག་པོར་གདངས་སྙན་པོས་བརྗོད། ཨཱོྃ་དང་། ཨེ་དང་། ཧཱུྃ་དང་། ཧེ་དང་། ལྱཱི་ཤག་ལ་སོགས་པས་སྣ་དྲངས་ནས། མཆོག་གསང་བླ་ན་མེད་པ་རྡོ་རྗེའི་ཚིག །ཨེ་མ་ཀི་རི་ཀཱི་རཱི། མ་སྟ་པཱ་ལི་པཱ་ལི། ས་མི་ཏ་སུ་རུ་སུ་རུ། ཀུ་ཏ་ལི། མ་སུ་མ་སུ། ཨི་ཀ་རཱ་སུ་ལི་བྷ་ཏ་ཡཱེ། ཅི་ཀིར་དྷུ་ལི་པ་ལ་ཡཱེ། ས་མུནྟ་ཙརྱ་སུ་བྷ་ཡ། དྷི་ཏ་ས་ན་བྷྱ་ཀུ་ལེ་ཡཱེ། ས་ཀ་རི་དྷཱུ་ཀ་ན། མ་ཏ་རི་བཱཻ་ཏ་ན། བར་ལི་ཏི་སྭཱ་ན། མ་ཁ་རྟ་ཀཱ་ལ་ནཱི། སཾ་བྷུར་ར་མེ་ཀ་ཙ་དྷི་པ། སུརྱ་བྷ་ཏར་ཨེ་པ་ཤ་ན་པ། ར་ན་བྷི་ཏི་ས་གྷུར་ལཱ་བ། མ་སྨིན་ས་གུ་ལི་ཏ་

(༣༣༠)ཡ་བ། འགུར་འགུར་སག་རན་སཱཾ། ན་ར་ན་རཱ། ཨི་ཐར་བ་ཊཱ་ལཾ། སིར་ཎ་སིར་ཎ། བྷེ་ས་རས་པ་ལ། བྷུནྡྷ་བྷུནྡྷ། ཚི་ཥ་ས་ཀེ་ལི། ས་སཱ། རི་རཱི། ལེ་ལཱེ། ཨི་ཨཱི། མ་མཱི། ར་ར་རཱ། མ་སྐྱེས་པས་ན་མི་འགག་ཅིང་། །འགྲོ་དང་འོད་མེད་ཀུན་ཏུ་ཁྱབ། །བདེ་ཆེན་ཆོས་མཆོག་མི་གཡོ་བར། །མཁའ་མཉམ་རྣམ་གྲོལ་གོས་པ་མེད། །རྩ་བ་མེད་ཅིང་རྟེན་མེད་ལ། །གནས་མེད་ལེན་མེད་ཆོས་ཆེན་པོ། །ཡེ་གྲོལ་ལྷུན་མཉམ་ཡངས་པ་ཆེ། །བཅིང་མེད་རྣམ་པར་བཀྲོལ་མེད་པ། ཁྱབ་གདལ་ཁང་བཟངས་ཡེ་ཡོད་ཉིད། ཁྱབ་མཉམ་པ་ལས་རྣམ་འདས་པ། །ཡངས་སོ་ཆེའོ་ནམ་མཁའི་དབྱིངས། །ཆོས་ཆེན་འབར་བ་ཉི་ཟླའི་དཀྱིལ། །ལྷུན་གྱིས་གྲུབ་དང་མངོན་སུམ་པ། །རྡོ་རྗེ་རི་བོ་པདྨ་ཆེ། །ཉི་མ་སེང་གེ་ཡེ་ཤེས་གླུ། །སྒྲ་ཆེན་རོལ་མོ་མཚུངས་པ་མེད། །ནམ་མཁའི་མཐའ་ལ་ཁོངས་སྤྱོད་པ། །སངས་རྒྱས་སངས་རྒྱས་ཀུན་མཉམ་ཞིང་། །ཀུན་བཟང་ངེས་པ་ཆོས་ཀྱི་རྩེ། །མཁའ་དབྱིངས་བཟང་མོའི་དབྱིངས་རུམ་དུ། །ཀློང་གསལ་ལྷུན་གྲུབ་ཡེ་རྫོགས་ཆེ། །ཞེས་པའི་དོན་ཏེ་རིག་པ་ཁྱབ་གདལ་ཡངས་པའི་ངང་ནས་བླང་ངོ་། །གསུམ་པ་ཕན་ཡོན་ནི། ཉི་ཟླ་ཁ་སྦྱོར་གྱི་རྒྱུད་ལས། དེ་ཡང་རྣལ་འབྱོར་ཐབས་ཀྱི་གཙོ། །ཟག་པ་མེད་པ་རྡོ་རྗེའི་གླུས། །སངས་རྒྱས་ཀུན་གྱི་ཡིད་ཀྱང་ཚིམ། །རྣལ་འབྱོར་པ་ཡི་ཉམས་ཀྱི་གྲོགས། །མཁའ་འགྲོ་མ་མེ་ཡིད་རྣམས་འཕྲོག །རིགས་དྲུག་འཁོར་བའི་ཞེན་པ་སྤོར། །སྐལ་དང་ལྡན་པའི་དང་འདུའི་གནས། །སེམས་ཀྱི་རྒྱུན་ཀུན་རང་དལ་མཐོང་། །རང་རིག་བདེ་བའི་གསལ་རྣམས་འདེབས། །ཤེས་པ་གཅིག་པའི་དཔུང་རྣམས་འབྱེད། །ཡིད་ཅན་རྣམས་ཀྱི་སྐྱོན་རྣམས་སེལ། །ལུས་ཅན་ཀུན་གྱི་སྒྲིབ་པ་སྦྱོང་། །དབང་དང་དམ་ཚིག་བདེ་བ་སྟེར། །མ་རིག་པ་དག་ཅེར་ལ་གནོན། །ཐེག་པ་རྣམས་ཀྱི་ངལ་བསོའི་ས། །

(༣༣༡)ལྷ་དང་སྒོམ་པའི་བྲལ་བའི་མཚམས། །སྙིང་པོ་རྣམས་ཀྱིས་གདུལ་བྱའི་ཞིང་། །མི་བསྐྱེད་སྣང་བ་རང་སྐྱེད་ནས། །རྡོ་རྗེ་སེམས་དཔའི་སྐུ་ཡང་འཛིན། །ཞེས་དང་། རྡོ་རྗེ་གསང་བའི་གླུ་ཡིས་ནི། །དགོངས་པས་ངན་སོང་སྒོ་དགག་ཕྱིར། །སངས་རྒྱས་ཉིད་ཀྱི་མཛད་སྤྱོད་ཡིན། །ཞེས་གསུངས་པས་འདི་ནི་རྡོ་རྗེ་ཐེག་པའི་གསང་ཚིག་བླ་ན་མེད་པ་ཡིན་ཞིང་། ཕན་ཡོན་བསམ་གྱིས་མི་ཁྱབ་པའི་ཕྱིར་ཚོགས་དང་དཀྱིལ་འཁོར་མཆོད་པའི་ཚེ་ན་བརྟུལ་ཞུགས་ཅན་གྱི་རྣལ་འབྱོར་པས་ཤིན་ཏུ་གསང་ནས་ཉམས་སུ་ལེན་པར་བྱའོ། །དེ་ནས་རྡོ་རྗེ་སློབ་དཔོན་གྱིས་ཀྱང་ལོང་ཁྱབ་དང་བསྟུན་པའི་གསང་སྔགས་ཀྱི་ཆེ་བ་དང་དམ་ཚིག་གི་རྣམ་དབྱེ་བཤད། དེ་རྗེས་སློབ་བུ་རྣམས་མགྲིན་གཅིག་ཏུ། ཐལ་མོ་སྦྱར་ལ། ཨེ་མ་རྒྱལ་བའི་གདུང་ཚབ་བཀའ་དྲིན་ཆེན་པོའི་དཔལ༔ ཞེས་པ་ལན་གསུམ་བརྗོད་རྗེས་ཕྱག་འཚལ། གཏོར་མཆོད་ཁ་གསོ་ཞིང་སྨན་རཀ་བྲན། གཞུང་ནས་གསུངས་པའི་གཏོར་བསྔོ་དང་། བསྟོད་འབུམ་ཆེན་མོ་ཡང་སྐབས་འདིར་བྱ་བར་གསུངས་ཀྱང་མ་འགྲུབ་པའི་ཚེ་རྒྱས་བསྡུས་སྐབས་དང་བསྟུན་ཚོག་པའི་ཞལ་འཕངས་བྱུང་གཤིས། ས་བཅད་མི་སྟོང་པའི་ཆེད་དུ། ཡེ་ཤེས་ལྷ་ཚོགས་སྤྱན་འདྲེན་གཤེགས། སོགས་བརྗོད་ཅིང་རོལ་མོར་སྒྲག །སླར་ཡང་སློབ་དཔོན་དང་དཀྱིལ་འཁོར་གྱི་གཙོ་བོ་ཐ་མི་དད་པའི་སྤྱན་སྔར། སྐུ་དྲིན་གཏང་རག་གི་ཡོན་དུ། ས་གཞི་སྤོས་ཆུས་སོགས་བརྗོད་ཅིང་མཎྜལ་དབུལ། གཉིས་ཀ་མེད་དུ་མི་རུང་བ་གཞུང་གི་དགོངས་པ་དངོས་བསྟན་ཡིན་ནོ། །དངོས་གཞིའི་ཁོག་འབུབས་ནམ་མཁའ་ལྡིང་འགྲོས་དང་། མན་ངག་གནད་གསང་རུས་སྔལ་ནུར་འགྲོས་ཀྱིས། །པད་འབྱུང་དགོངས་གསང་གོ་ལའི་ཁྱོན་ཡངས་པོར། །གཞལ་ཚེ་བྷྲ་མར་ཡི་ཁེངས་པ་བསྙིལ། །གཞུང་ལུགས་མང་དུ་མ་ཐོས་བློ་དམན་ཡང་། །རྩ་བརྒྱུད་

(༣༣༢)བླ་མའི་ཡེ་ཤེས་གཟིགས་པ་ཡིས། །ཐུགས་རྗེའི་ཆུ་རྒྱུན་སྙིང་ལ་ཞུགས་དེའི་མཐུས། །ལོངས་སྤྱོད་འཁོར་ལོའི་མཛོད་ནས་འདི་སྐྱུགས་སོ། །འོན་ཏེ་ཐང་ཁྲོམ་ཟ་བའི་རྒན་མོ་ཡི། །མིག་ལ་སྐྲ་ཤད་འཛག་པ་རབ་རིབ་སྐྱོན། །དག་སྣང་ཅན་གྱི་རྡོ་རྗེ་སྤུན་གྲོགས་རྣམས། །བསྲེགས་བཅད་བརྡར་བའི་རྒྱན་འདི་མགུལ་བར་ལོངས། །ཞེས་པའང་བར་སྐབས་ཀྱི་ཉམས་དགའི་གླུའོ།། །།སྤྱི་དོན་གསུམ་པ་རྗེས་ཀྱི་བྱ་བ་ལ་རྣམ་གྲངས་བཅུ་སྟེ། ཐུགས་དམ་བསྐུལ་བ། ཆད་ཐོ་བྱེར་བ། བརྟན་མ་སྐྱོང་བ། རྟ་བྲོ་བརྡུང་བ། དངོས་གྲུབ་རླང་བ། བཤགས་པ་བྱ་བ། ཤིས་པ་བརྗོད་པ། དཀྱིལ་འཁོར་བསྡུ་བ། བསྔོ་བ་བྱ་བ། སྨོན་ལམ་གདབ་པའོ། །དང་པོ་ནི། གཞུང་ལས། གཏོར་མར་སྨན་རཀ་བྲན་ཞིང་གཟི་བྱིན་བསྐྱེད༔ རོལ་མོ་དང་བཅས་ལྷ་རྣམས་འདི་ལྟར་བསྐུལ༔ ཞེས་གསུངས་པས། གཏོར་མ་རྣམས་ལ་སྨན་རཀ་བྲན། དཀྱིལ་འཁོར་གྱི་ལྷ་ཚོགས་ཐམས་ཅད་ཐུགས་ཟབ་ཞི་སྤྲོས་བྲལ་གྱི་ཀློང་ནས་འགྲོ་བའི་དོན་དུ་གང་འདུལ་གྱི་ཁམས་དང་འཚམ་པའི་གཟུགས་སྐུར་བཞེངས་ཏེ། ཁམས་གསུམ་དང་དུག་གསུམ་གྱིས་བསྡུས་པའི་ཆོས་ཐམས་ཅད་སྐུ་གསུམ་འདུ་འབྲལ་མེད་པའི་ཀློང་དུ་རྒྱས་གདབ་པའི་ཆེད་དུ་བདག་མདུན་ཐམས་ཅད་གཟི་བྱིན་བསྐྱེད་ལ། རྐང་གླིང་དང་ཅང་ཏེའུ་ཀུ་ཤའི་གླུད་དང་སྦྱར་ནས། ཧཱུྃ་ཧྲཱི ཆོས་སྐུ་སྐྱེ་མེད་ཞི་བའི་ངང་ཉིད་ལས སོགས་ཀྱིས་བསྐུལ་ལ་རྣལ་འབྱོར་པ་མཆེད་ལྕམ་རྣམས་ཀྱང་བྲོ་གར་ལ་སོགས་པའི་རོལ་རྩེད་སྣ་ཚོགས་དང་། རྡོ་རྗེའི་གླུ་ལ་སོགས་པས་བརྟུལ་ཞུགས་ཀྱི་སྤྱོད་པ་བྱུང་རྒྱལ་དུ་བསྐྱང་ཞིང་ཡང་པ་ལ་ཐོག་བརྫིས་བྱ། གཞན་ཡང་ཞི་རྒྱས་དབང་དྲག་ལ་སོགས་པའི་ཕྲིན་ལས་ཀྱི་ཁ་བསྒྱུར་གང་འདོད་གཞུང་རང་རང་གིས་ཁོག་ཕུབ་ནས་སྐབས་འདིར་བརྩམ་པར་ ༢ ས་འདུལ་བ་ནས་བཟུང་སྟེ་ལས་མཐར་མ་ཕྱིན་གྱི་ལམ་སོ་སོར་རྒྱུད་སྡེ་ཐ་དད་པའི་དགོངས་པས་སྟང་ལྟབས་ལ་སོགས་པ་ཅིང་ལང་སྣང་སྟེ། སྐབས་འདིར་ནི་

(༣༣༣)གཞུང་འདི་ཉིད་གར་འཆམས་འཕྲུལ་གྱི་བཏྲ་།།།ལྟར་སྦྱར་བ་ལས། ཕྱི་རབས་ཀྱི་གང་ཟག་བླུན་པོ་རྣམས་ཆང་གིས་མྱོས་པའི་འབག་འཆམས་ལ་བརྟུལ་ཞུགས་ཀྱི་མིང་འདོགས་པའི་གྱ་ཚོམ་དེ་དང་མ་ནོར་བ་བྱའོ། །གསུངས་སོ། །གཉིས་པ་ཆད་ཐོ་གྱེར་བ་ལ་གཉིས། རྗོད་བྱེད་ཀྱི་མིང་ལ་སྒྲ་བཤད་བཞག་པ་དང་། བརྗོད་བྱའི་དོན་ལ་སྟོང་ཐུན་བརྗོད་པའོ། །དང་པོ་ནི། ཆད་ཅེས་པ་ནི་སྔོན་ནས་ཁས་བླངས་པའི་དོན་དང་། ཐོ་ཞེས་པ་ནི་ལས་འདི་ཙམ་ཞིག་གྱིས། འདི་ཙམ་ཞིག་མ་བྱེད་ཅེས་བླང་དོར་གྱི་སྒོ་ནས་མཚམས་བཟུང་ལ་སྔོན་དཔལ་ཆེན་པོ་ནས་རིམ་བཞིན་དུ་བརྒྱུད་དེ་གྲུབ་པའི་རིག་འཛིན་རྣམས་ཀྱི་སྤྱན་སྔར་ཁས་བླངས་པའི་ཐ་ཚིག་རྣམས་རིམ་པར་དྲན་གསོས་བཏབ་ནས་བསྒྲག་པ་སྟེ། དེས་ནི་སྔོན་གྱི་དམ་བཅའ་དང་བྲོ་བོར་བདག་དྲན་ནས་ལས་ལ་མྱུར་དུ་འཇུག་པའི་དགོས་པ་ཡོད་པ་དང་། དེ་ཕྱིར་ཆད་ཐོའི་གཏོར་མ་དང་སྒྲུབ་འཇུག་ལྟ་བུའམ་སྤྲོས་བཅས་ཉིན་ཆོག་པའི་ཚེ་ཆོས་སྲུང་གི་གཏོར་མ་རྣམས་ཀྱང་གྲལ་ལས་ཅུང་ཟད་བསྐྱོད་དེ་སྨན་རཀ་བྲན། ལག་ལེན་དུ་བརྟན་མ་ལ་བཤོས་བུ་བཟོ་བ་ཤས་ཆེ་བས་དེ་ལྟར་དུ་བསྐོས་སུ་ཡོད་ན་ཆད་ཐོ་དང་སྔ་ཕྱི་འགྲོ་ཕྱོགས་མཐུན་པར་བྱས་ལ་སྟེགས་ཀྱི་ཁར་གཞག་གོ །གཉིས་པ་ནི། ཚིག་རྐང་དང་པོར་འབྲུ་འགྲེལ་གྱི་དབང་དུ་བྱས་ན། ཧཱུཾ་ནི་རྡོ་རྗེ་གསུམ་གྱི་ས་བོན། བྷྱོནི་སྣང་སྲིད་མ་མོའི་སྲོག་ཡིག་སྟེ་འདིར་སྣང་སྟོང་དབྱེར་མེད་དམ། ཀུན་བཟང་ཡབ་ཡུམ་ལ་སྦྱར་ནས། སྔོན་ཚེ་འདས་པ་ལ་སོགས་དུས་གསུམ་གྱི་རྣམ་གཞག་དང་བྲལ་བ་ནི་གདོད་མའི་གཞི་ཡིན་ཞིང་། དེ་ཉིད་བསྐྱལ་བ་དང་པོ་ལ་དཔེ་བརྗོད་དུ་བཞག་ནས། གཞིའི་ཀ་དག་གི་གནས་ལུགས་བརྗོད་དུ་མེད་པ་དེའི་ངང་ནས་རང་བཞིན་གྱིས་གསལ་བའི་རིག་མདངས་ཤར་བ་ན། ལྷུན་གྲུབ་ཀྱི་སྣང་བ་ཤར་གྲོལ་དུས་ཚོང་མཉམ་པའི་ཚུལ་དུ་ཆོས་ཀྱི་དབྱིངས་མུ་མཐའ་མེད་པའི་ཕོ་བྲང་དུ། ཐོག་མའི་མགོན་པོ་སྟོན་པ་ཀུན་ཏུ་བཟང་པོ་ཡེ་སངས་རྒྱས་ནས། རང་གིས་རང་བྱུང་འོད་ལྔའི་དཀྱིལ་འཁོར་ཆེན་པོ་ཞལ་ཕྱེ་བའི་ཚེ་ན། ཐུགས་རྗེ་

(༣༣༤)ལས་སྤྲུལ་པའི་ཚོགས་དྲུག་གི་སྣང་བ་ཌཱཀྐི་དང་ཤུགས་འགྲོ་མ་ཡིས། སོ་སོའི་ཡུལ་དང་ཡུལ་ཅན་གྱི་སྣང་བའི་རང་གཟུགས་གཉིས་མེད་མཐའ་བྲལ་ཆེན་པོའི་ཀློང་དུ་བསྟན་ནས་ཀྱང་། ཅིར་སྣང་ལམ་དུ་ཁྱེར་བའི་གཏོར་མ་ལེན་པར་མ་ཆད་དམ། རིག་པ་འགྱུར་མེད་ཀྱི་བསྟན་པ་བསྲུང་བར་མ་ཆད་དམ། ཉོན་མོངས་པ་དུག་ལྔའི་དགྲ་བགེགས་ཐམས་ཅད་ཡེ་ཤེས་ལྔའི་རྣམ་རོལ་དུ་འདུལ་བར་མ་ཆད་དམ། སྔོན་གྱི་ཚེ་དེ་ལྟར་ཞལ་གྱིས་བཞེས་པའི་གཡར་དམ་ལས་མ་འདའ་བར་ཡེ་ནས་རང་བཞིན་གྱིས་རྣམ་པར་དག་པའི་གཏོར་མ་དབུལ་བྱ་དང་འབུལ་བྱེད་ཀྱི་གཉིས་ཆོས་ཀྱིས་དབེན་པ་འདི་བཞེས་ལ། ཐུགས་དམ་དེ་ལྟ་བུའི་ཐུགས་རྒྱུད་བསྐུལ་བས་བཅོལ་བའི་ཕྲིན་ལས་མཚན་མའི་ཡུལ་ལས་བརྒལ་བ་དེ་མཛོད་ཅིག །ཅེས་པ་སྟེ། དེས་འགྲེ་བར་ཚིག་རྐང་ཕྱི་མ་རྣམས་ལའང་ཆད་ཐོ་དཀྱུས་མ་དང་མི་འདྲ་བའི་ངེས་པའི་དེ་ཁོ་ན་ཉིད་ལ་སྦྱོར་རྒྱུའི་དག་སྦྱོར་ཤ་སྟག་ཏུ་མཆིས་ཀྱང་མཁས་དང་འཕགས་ཆེན་རྣམས་ལ་ནི་འགྲེལ་པ་མ་དགོས་ཤིང་། གང་ཟག་ཐུན་མོང་བ་རྣམས་ཀྱིས་ནི་སྤྱོད་ཡུལ་དུ་མ་གྱུར་བས་མ་སྤྲོས་སོ། །དེ་ཡང་སྤྱི་ཁྱབ་ཀྱི་དམིགས་པར་རྫོགས་པ་ཆེན་པོའི་བཀའ་སྲུང་སྤྱི་དང་། ཁྱད་པར་བླ་མ་དགོངས་པ་འདུས་པའི་བཀའ་གཏེར་གྱི་སྲུང་མ་ཐམས་ཅད་རང་རང་སོ་སོའི་གནས་ནས་སྐད་ཅིག་དེ་ཉིད་ལ་འདུས་པར་བསམས་ལ་མཆོག་གཏོར་གྱིས་མཉེས་པར་བྱས། སྔོན་གྱི་ཐུགས་དམ་རྗེས་སུ་བསྐུལ་བས་ཐ་ཚིག་གཉན་པོ་ལས་མི་འདའ་བར་དགེ་བ་ཅན་གྱི་སྟོང་གྲོགས་བྱེད་པར་བལྟས་ལ། ཚིག་རྐང་འོག་མ་རྣམས་མཐར་ཆགས་སུ་གྱེར་ཞིང་། གཏོར་མ་རྣམས་རྡོ་རྗེ་སློབ་དཔོན་གྱི་ལག་པས་བཏེག་པའི་བརྡ་བྱ་ཞིང་མེ་ཏོག་འཐོར་བས་སྒྲུབ་ཁང་གི་ཡང་ཐོག་ཞལ་ནང་བསྟན་གྱི་དབུལ་བར་བྱའོ། །མངོན་སྤྱོད་གློ་བུར་བའི་རིགས་ལ་ཚོགས་ཐ་མ་དང་རྗེས་སུ་འབྲེལ་བར་ཆད་ཐོ་ཟོར་དུ་འཕངས་པའི་ལུགས་ཀྱང་ཡོད་དེ་མན་ངག་གི་གནད་ལ་བརྟེན་དགོས་པ་གཅེས་སོ། །

(༣༣༥)གསུམ་པ་བརྟན་མ་སྐྱོང་བ་ལ་གཉིས། སྟོང་ཐུན་བརྗོད་པ་དང་། གཏོར་མ་བསྔོ་བའི། །དང་པོ་ནི། སྤྱིར་གསང་སྔགས་སྔ་འགྱུར་གྱི་ཆོ་ག་ཐམས་ཅད་ལ་བསྟན་མ་བསྐྱང་བའི་རྣམ་གཞག་འབྱུང་མོད། ལྷག་པར་ལྷ་བསངས་སོགས་ཀྱི་སྐབས་སུ་མེད་དུ་མི་རུང་བར་བྱ་དགོས་པ་འདི་ནི། སློབ་དཔོན་ཆེན་པོའི་ཐུན་མོང་མ་ཡིན་པའི་བཀའི་ཕོ་ཉ་ཡིད་པ་དང་། དེ་ཡང་བོད་གངས་ཅན་སྤྱིའི་ཡུལ་ལྷར་མངའ་གསོལ་མཛད་ཅིང་ཕྱིན་ལོག་མུ་སྟེགས་ཀྱི་རྒོལ་བ་བསྲུང་བ་ལ་བསྔགས་ཤིང་བཀའ་བསྒོས་པའི་གཡར་དམ་ལས་ནམ་ཡང་མི་འདའ་བ་ནི། ད་ལྟ་གངས་ཅན་འདིར་མུ་སྟེགས་ཀྱིས་དངོས་སུ་བགྲོད་མི་ནུས་པ་ཡང་། སྔོན་ཆོས་རྗེ་ས་པཎ་གྱིས་ཕྱི་རོལ་མུ་སྟེགས་ཀྱི་སྟོན་པ་འཕྲོག་བྱེད་དང་རྩོད་པ་མཛད་ནས་དེ་དག་གི་ལུགས་ཕམ་པར་བྱས། སླར་གངས་ཅན་པ་རྣམས་ལ་སྟོན་པའི་ཆེད་དུ་འཕྲོག་བྱེད་དགའ་བོ་ཁྲིད་དེ་བྱོན་པས། རྒྱ་བོད་ཀྱི་མཚམས་སུ་མུ་སྟེགས་དེ་རྐྱེན་མེད་པར་ཁ་ནས་ཁྲག་སྐྱུགས་ཏེ་ཤི་བ་ཡང་བརྟན་མ་བཅུ་གཉིས་ཀྱི་བཀའ་ཆད་ཡིན་ལ། དེའི་ཚུལ་གྱི་འདི་དག་རྣམས་གངས་ཅན་བོད་ཀྱི་སྲུང་མ་ཁྱད་པར་ཅན་ཡིན་ཕྱིར་སྒོས་སུ་བསྐང་དགོས་པའི་རྒྱུ་མཚན་དེ་ལྟར་ཡིན་མོད། དེ་ཡང་ངེས་པའི་དོན་དུ་ན་འདི་དག་རྣམས་ཡེ་ཤེས་ཀྱི་དབྱིངས་ལ་བཞུགས་པའི་མཁའ་འགྲོ་མ་ཤ་སྟག་ཡིན་ཏེ། རྟེན་འབྲེལ་ཡན་ལག་བཅུ་གཉིས་ལུགས་ལས་ལྡོག་སྟེ་བདེན་དོན་རྣམ་པ་བཅུ་གཉིས་ཀྱི་ངོ་བོར་དག་པའི་སྣང་ཆར་སྒོ་མཚམས་མ་བརྒྱད་དང་། སྙིང་པོའི་རྣལ་འབྱོར་མ་རིག་བྱེད་ཀྱི་གྲངས་སུ་ཤར་བ་ལས་བོད་སྐྱོང་བརྟན་མ་བཅུ་གཉིས་སུ་གྲུབ་སྟེ། དེ་ལ་ཡང་ཞིབ་ཏུ་དབྱེ་ན། བདུད་མོ་བཞི། གནོད་སྦྱིན་མོ་བཞི། སྨན་བཙུན་མོ་བཞི་སྟེ་ཚན་གསུམ་དུ་མེད་པ་ལས། བདུད་མོ་བཞི་ནི། བལ་བོད་མཚམས་སུ་རྡོ་རྗེ་ཀུན་གྲགས་མ་ཞེས་བྱང་གི་གནམ་མཚོ་ཕྱུག་མོ་ཡང་འདི་ཉིད་ཡིན།

(༣༣༦)གསང་མཚན་དུ་མགོ་ཡུལ་ཇོ་མོ་ལྷ་རི་ཞེས་པ་དང་། ཡོངས་གྲགས་སུ་ལ་སྟོད་བྱང་གི་དཔལ་ལྡན་ཧ་རི་རྡོ་རྗེ་གཡང་སྐྱོང་ཞེས་དང་། གཙང་ཉང་སྟོད་ཀྱི་གནོད་སྦྱིན་གངས་བཟང་གི་ཡུམ་རྡོ་རྗེ་ཀུན་བཟང་མ་ཞེས་རྗེ་བཙུན་མི་ལམ་ཕྱག་རྒྱར་བཞེས་པའི་བྲིན་གྱི་བཀྲ་ཤིས་ཚེ་རིང་མ་དང་ངོ་བོ་གཅིག་པ་དང་། ཡང་འབྲོག་ཡོན་པོ་དོ་ལ་གནས་པའི་འབྲོག་ཆེན་འཁོར་འདུལ་རྡོ་རྗེ་བགེགས་ཀྱི་གཙོ་དང་བཞིའོ། །གནོད་སྦྱིན་མོ་བཞི་ནི། གཙང་རོང་ནང་གི་རྒྱབ་རི་ཇོ་མོ་གངས་ལ་གནས་པའི་གངས་དཀར་ཤ་མེད་རྡོ་རྗེ་སྤྱན་གཅིག་པའམ་མིང་གཞན་ལྟ་བུ་གངས་དཀར་མ་དང་། དབུས་གཙང་གི་མཚམས་ངོ་བོ་ཁ་རག་གི་གངས་ལ་རྡོ་རྗེ་ཁྱུང་བཙུན་མའམ། རྡོ་རྗེ་དཔལ་གྱི་ཡུམ་དང་། བྱང་ལམ་རྒྱུད་ལ་གསེར་ཆེན་མཁའ་ལྡིང་རྡོ་རྗེ་ཀླུ་མོ་རྒྱལ་ལམ། གསང་མཚན་དུ་བྱང་སྟོད་དམར་གྱི་མཚོ་བདག་ཅེས་པ་དང་། ཁམས་རྨ་ཆེན་སྤོམ་རའི་གངས་ལ་རྨ་རི་རབ་འབྱམས་རྡོ་རྗེ་དྲག་མོ་རྒྱལ་ལམ། རྨ་ཆེན་སྤོམ་རའི་སྲིང་གཅིག་ཅེས་གསང་མཚན་དུ་གྲགས་པ་སྟེ་བཞིའོ། །སྨན་བཙུན་མ་བཞི་ནི། ཀོང་ཡུལ་དྲི་ལྷ་གངས་ལ་ཀོང་བཙུན་དེ་མོ་རྡོ་རྗེ་བོད་ཁམས་སྐྱོང་དང་། འབྲོག་སྒང་གི་བཙན་ཡུལ་དུ་བཙན་ལ་ལ་རོ་རྡོ་རྗེ་སྨན་གཅིག་མའམ། གསང་མཚན་ཨེ་ཉམས་ར་མདོའི་སྤེན་ཞེས་པ་དང་། གཙང་གི་ཇོ་མོན་གས་རྒྱལ་ལམ། སྨན་བཙུན་ཨུག་ཆོས་རྡོ་རྗེ་གཡའ་མོ་བསིལ་ཞེས་པ་དང་། དབུས་རི་སྤུས་རྒྱུད་ལ་གནས་པའི་གཡུ་ཡི་དྲིལ་བུ་རྡོ་རྗེ་ཟུ་ལེ་སྨན་ནམ། གསང་མཚན་དུ་བུད་ཏི་ཇོ་མོ་གཡུ་ཏིང་ཞེས་པ་བཞི་སྟེ་ཀུན་དྲིལ་བས་བཅུ་གཉིས་སོ། །དེ་ཡང་གསང་མཚན་རྣམས་ནི་སློབ་དཔོན་ཆེན་པོས་དམ་ལ་བཞག་དུས་བཏགས་པ་དང་། སྤྱི་སྐད་དུ་མིང་དེ་ལྟར་དུ་ཡིག་ཆ་ཕལ་ཆེར་ལ་གྲགས་ཤིང་། དེ་ཡང་དཔེ་ཆ་དང་མི་མཐུན་པ་ནི་ཡུལ་རང་རང་གི་མི་ཕལ་རྣམས་ཀྱིས་སོ་སོའི་ཡུལ་ལ་གྲགས་ཚོད་ཀྱི་མིང་འབོད་པ་ཡིན་ལ། ངོ་བོ་ནི་དེ་ལས་མི་འདའ་བ་ཆོས་

(༣༣༧)དབང་གི་གཏེར་བྱོན་དང་། ཕུར་བའི་གཏེར་ཁ་ལས་གསུངས་པ་གུང་འགྲིག་ཏུ་གྱུར་བ་ལྟར་བཀོད་མོད། ཁ་ཅིག་འདིར་མངོན་རྟོགས་འཆད་པ་སྐབས་སུ་མ་འབྲེལ་སྙམ་ན། འབྲེལ་ཏེ། གཏོར་མ་འབུལ་བ་ལ་དབུལ་བྱའི་ཡུལ་ངོ་མ་ཤེས་ན་འཇིག་རྟེན་གཏམ་དཔེར་འདྲེ་ཤར་དང་། གཏོར་མ་ནུབ་ཏུ་གྲགས་པ་ལས་མ་འདས་མོད། དེ་ཡང་ནང་ལྟར་ན་གཞི་དུས་ཀྱི་རྟེན་འབྲེལ་བཅུ་གཉིས་དང་། ལོ་ཟླ་ཞག་དུས་ཀྱི་སྦྱོར་བ་བཅུ་གཉིས་དག་པར་བྱས་ནས། ལམ་དུས་སུ་དམར་ཆ་འབབ་པའི་ཆ་ལས་དགའ་བ་བཅུ་གཉིས་ཀྱི་འབར་འཛག་སྦོར་ཞིང་། དུས་སྦྱོར་བཅུ་གཉིས་ཀྱི་རླུང་དག་པའི་རྫོགས་རིམ་རྒྱུད་ལ་སྨིན་པར་བྱེད་པའི་ནུས་པ་རྫོགས་པའི་ཚུལ་དང་སྦྱོར་བར་མཁས་བདག་བཞེད་དོ། །གཉིས་པ་ནི། གཏོར་མ་ཟླུམ་པོ་འདབ་མ་བཅུ་གཅིག་པ་བསྐོས་སུ་ཡོད་ན་བཤལ་ཆུས་བྲན་པ་དང་། མེད་ན་ཆད་ཐོའི་བཤལ་ཆུ་དང་སྨན་ཕུད་ལ་འབྲུ་གསུམ་གྱིས་བདུད་རྩིའི་རྒྱ་མཚོར་བརླབ། རང་གི་ཐུགས་ཀའི་འོད་ཟེར་གྱིས་བོད་སྐྱོང་བརྟན་མ་བཅུ་གཉིས་གཡོག་འཁོར་དང་བཅས་པ་རང་རང་གི་གནས་ནས་སྐད་ཅིག་ལ་བཀུག་སྟེ་གཏོར་གཞོང་གི་ཁ་ཁྱེར་ལ་འཁོད་པར་བསམས་ལ། མཐུན་རྫས་ཀྱིས་མཉེས་པར་བྱས་པས་བསམ་དོན་སྤྱི་དང་བྱེ་བྲག་ཏུ་སོ་སོའི་ལས་སྐལ་གྱི་སྒོ་ཕྲེང་བསྲུང་ཞིང་། བོད་ཁམས་བདེ་ཐབས་ཀྱི་ཕྲིན་ལས་གཞོལ་བའི་ཐ་ཚིག་དྲན་པར་མོས་ལ། བྷྱོ བརྟན་མ་སྐྱོང་མཛད་མ་སྲིད་རྒྱ་མཚོའི་ཚོགས། །ཞེས་གཞུང་ཚིག་གིས་བྱེར་རྗེས་གཏོར་མ་གཙང་སར་གཤེགས་ལ་གནས་སུ་གཏང་ངོ་། །བཞི་པ་རྟ་བྲོ་བརྡུང་བ་ནི། གཞུང་ལས། གནོད་བྱེད་དགུག་གཞུག་བྱ་སྟེ་གཏེར་གཞོང་སྤུབ། །གཏོར་གཞོང་རི་རབ་མནན་དམིགས་རྟ་དྲོ་བརྡུང་༔ ཞེས་གསུངས་པ་ལྟར་སྣོད་ཀྱི་འཇིག་རྟེན་ཨེའི་བཙོན་ཁང་དུ་གསལ་ཞིང་སྤྲོས་བཅས་དང་འབྲེལ་བ་གཏོར་མནན་ལྟ་བུའི་ཚེ་ནི་ས་ལ་ཆོས་འབྱུང་གི་རི་མོ་

(༣༣༨)སུམ་བརྩེགས་སུ་བྲིས་པའི་ནང་དུ་ཟུར་ངོས་ལ་ཡིག་མགོ་ཕྱོགས་པའི་དགྲ་འདྲེའི་ས་བོན་བྲིས་ལ་དགུ་གཞུག་དྲག་ཏུ་བྱ་ཞིང་། ཇི་ལྟར་ཡང་གཏོར་གཞོང་རི་རབ་ཏུ་གསལ་བའི་ཞབས་སུ་རྡོ་རྗེ་རྒྱ་གྲམ་བསམས་ལ། ཁ་སྤུབ་པའི་འོག་ཏུ་དགྲ་འདྲེ་ཐམས་ཅད་ནོན་ཅིང་དེའི་སྟེང་དུ་བཅུད་ཀྱི་སེམས་ཅན་ཐམས་ཅད་རྟ་མཆོག་ཧེ་རུ་ཀའི་རང་བཞིན་དུ་བསམས་ལ་སྲིད་པ་སྤྱི་གནོན་གྱི་དགོངས་པར་ལྡན་པའི་ངང་ནས་རྟ་བྲོ་བརྡུངས་པས། གཉིས་འཛིན་ལས་ཤར་བའི་དགྲ་བགེགས་ཐམས་ཅད་ཡེ་ཤེས་ལྔའི་ཀློང་ལས་ནམ་ཡང་ལྡང་མེད་ཀྱི་རྒྱས་བཏབ་པར་མོས་ཤིང་། སྤྲོས་བཅས་ཀྱི་ཚེ་མཆེད་ལྕམ་རྣམས་ལག་པ་ཕན་ཚུན་བསྣོལ་བའི་ཞི་བ་ལ་མཛུབ་མོ་སྦྲེལ་ཞིང་བྲོར་ཟླུམ་པོ། རྒྱས་པ་ལ་གུང་མོ་སྦྲེལ་ཞིང་བྲོར་གྲུ་བཞི། དབང་ལ་སྲིན་ལག་སྦྲེལ་ཞིང་བྲོར་ཟླ་གམ། དྲག་པོ་ལ་མཐེའུ་ཆུང་རྣམས་ལུ་གུ་རྒྱུད་དུ་སྦྲེལ་ཞིང་བྲོར་གྲུ་གསུམ་དུ་བཅས་པའམ། རྒྱུན་དུ་དམིགས་པ་སྔ་མས་འགྲུབ་ལ། ཧཱུྃ་ཧྲཱི བླ་མའི་བྱིན་རླབས་ཡི་དམ་ཏིང་འཛིན་ལྷ༔ སོགས་དང་། སྔགས་དོན་ནི། ཨོཾཱ་ཨཱཧཱུཾ་ནི་སྐུ་གསུང་ཐུགས་ཀྱི་ཀློང་དུ། སྟམ་བྷ་ཡ་ནི་གནོན་པ་དང་། མཱར་ཡ་ནི་དམིགས་པ་མེད་པར་གསང་ཅིང་གནོན་པའོ། །དེ་ལྟར་རྟ་བྲོ་བརྡུངས་པ་ལ་དགོས་ལ་ཅི་ཡོད་ཅེ་ན། རྒྱུད་ལས། ཨེ་ཡི་ཚོགས་ཀྱི་དཀྱིལ་འཁོར་དུ། །ལུ་གུ་རྒྱུད་དུ་སྤྲེལ་བསྡམས་ནས། །བཅིངས་འགྱུར་བསྐྱོད་ནས་ཕྱོགས་བཅུར་གཡོ། །མྱོས་ནས་གས་ཏེ་འཚིག་པར་འགྱུར། །ཅེས་དང་། སྔགས་སྡེབ་ལས། མི་མཐུན་གླུ་སྣ་བླང་བ་ནི། ལས་མཇུག་བྲོ་ཡིས་བསྡུ་བ་ཡིན༔ ཞེས་གསུངས་པས། ལས་དེ་དག་བྱས་ཟིན་ནས་རྡོ་རྗེ་ཁྲོ་བོས་མནན་པའི་ལས་བྱས་པས་དེ་ཉིད་གསོར་མི་བཏུབ་ཅིང་ལས་རྣམས་ཐོགས་མེད་དུ་འགྲུབ་པའི་དགོས་པ་ཁྱད་པར་ཅན་ཡོད་ཕྱིར་མངོན་སྤྱོད་ཀྱི་མཇུག་སྡོམ་ཀུན་ལ་བྱུང་བ་ཡིན་ནོ། །དེ་ཡན་གྱིས་ཚོགས་

(༣༣༩)ཀྱི་འཁོར་ལོ་ཚུལ་བཞིན་དུ་བགྱིས་པས་ཚིམ་པ་དྲུག་ལྡན་དུ་འགྱུར་ཏེ་ཚོགས་ཞིང་རྣམས་མཆོད་པས་ཚིམ་པ། རྣལ་འབྱོར་པ་རྣམས་རྡོ་རྗེའི་བཟང་བཏུང་གིས་ཚིམ་པ། ཡེ་ཤེས་ཀྱི་འཁོར་ལོ་བདུད་རྩིའི་དངས་མས་ཚིམ་པ། ལུས་དཀྱིལ་གྱི་ལྷ་རྣམས་བདེ་སྟོང་ཡེ་ཤེས་ཀྱིས་ཚིམ་པ། ཕྱི་ནང་གི་མཁའ་འགྲོ་མ་རྣམས་གླུ་དབྱངས་ཀྱིས་ཚིམ་པ། དྲེགས་པ་ལས་བྱེད་ཀྱི་འབྱུང་པོ་རྣམས་གཏོར་མས་ཚིམ་པ་ཞེས་སྔོན་གྱི་བླ་མ་དག་བཞེད་དོ། །ལྔ་པ་དངོས་གྲུབ་བླང་བའི་ཆོ་ག་ལ་གཉིས། སྒྲུབ་བསྙེན་ལ་སོགས་ཀྱི་ཁོག་འབུབས་མན་ངག་བཤད་པ་དང་། ཆོ་ག་དངོས་སོ། །དང་པོ་ལ་དྲུག་སྟེ། དངོས་གྲུབ་ཀྱི་རྫས་བཤམ་པ། བར་ཆད་ཀྱི་བགེགས་བསྐྲད་པ། དཀྱིལ་འཁོར་ལ་བྱིན་འབེབས་པ། ཛཔྲ་བསྐུལ་བྱ་ཞི་བཤམ་བུ་འདོགས་པ། མཆོད་པ་འབུལ་བ། འཁོན་གཅུགས་སྦྱང་བའོ། །དང་པོ་ནི། སྨིན་སློབ་ཀྱི་སྒྲུབ་པ་གྲོལ་རྒྱུའི་ཐུན་ཐ་མ་དང་། ཚེས་བཅུ་ལ་སོགས་པས་མཚོན་ཏེ་སྤྲོས་བཅས་ཀྱི་ཆོ་གའི་ཚེ། དངོས་གྲུབ་ཞུ་བའི་རྫས་ཁྱད་པར་ཅན། ཟླ་ཕྲོམ། ཟླ་རྒྱས། འཇམ་དེས། སྤང་ན་སྐྱེས། ཀུན་ཏུ་རྒྱུ། སི་ཐོབ། ཛ་གད། འཛག་ཏི། ཤེལ་སྒོང་། ཐང་པ། ཚོམ་པོ། ཙི། ཚེ། གལ། མཱཾས། བ་སུ་ཏ་ལ་སོགས་པ་བཟང་དགུའི་ཡོ་བྱད་དང་། ཚེ་རིལ། ཚེ་ཆང་ལ་སོགས་པའི་རིམ་པ་ཡང་འདུ་བྱས་ལ་བཀོད་ལེགས་སུ་བཤམ་མོ། །གཉིས་པ་ནི། དེ་དག་རྣམས་ལ་གུ་གུལ་གྱིས་བདུག་ཅིང་ལས་གཞུང་ནས་འབྱུང་བ་ལྟར་གྱི་བགེགས་བསྐྲད་ཚ་ངར་དང་ལྡན་པ་ཡང་བྱའོ། །གསུམ་པ་ནི། སྤོས་རོལ་དང་རྐང་གླིང་བཤུག་པའི་སྒྲ་དང་། ཅང་ཏེའུ་ལ་སོགས་པའི་རོལ་ཆ་ཡང་སྒྲོག་ཅིང་། དར་ཚོན་སྣ་ལྔའི་གཡབ་མོ་བཅས་གདུང་དབྱངས་སྙན་པོས་གཞུང་ནས་བྱུང་བའི་བྱིན་འབེབས་སམ། མ་བདེན་ཏེ་སྒྲོ་བྲག་གི་གཏེར་བྱོན། ཧཱུྃ་ཧཱུྃ་ཧཱུྃ༔ རྗེ་བཙུན་ཆེན་པོ་པདྨ་ཐོད་ཕྲེང་རྩལ༔ འགྲོ་

(༣༤༠)པ་ལོངས་ཀྱི་སྐྱབས་གནས་རིན་པོ་ཆེ༔ སོགས་དང་། ལེའུ་བདུན་མའི་བཞིངས་བསྐུལ་མས་དབབ་ཅིང་། རྩ་སྔགས་ཀྱི་ཛཔྲ་དབྱངས་ལན་མང་དུ་བརྗོད་པས་རྟེན་དང་བརྟེན་པ་ཐམས་ཅད་གཟི་བྱིན་སྔར་ལས་ཀྱང་ཆེས་ཆེར་འབར་བར་བལྟའོ། །བཞི་པ་ཛཔྲ་བསྐུལ་ནི། རང་གཞུང་ཛཔྲ་དགོངས་དམིགས་པའི་འཁྲུལ་འཁོར་ལས་བྱུང་བ་འདི་ལྟར། ཧཱུྃ་ཧྲཱི༔ བསྐུལ་ལོ་བསྐུལ་ལོ་ཐུགས་དམ་གནད་ནས་བསྐུལ༔ ཞེས་པ་ནས། ཡེ་ཤེས་ལྷ་ཚོགས་འགྲུབ་པར་མཛད་དུ་གསོལ༔ ཞེས་པའི་བར་གྱིས་བསྐུལ་ཞིང་ལྡེའུ་གདགས་པའི་སྔགས་མན་ངག་ལྟར་བཟླའོ། །ལྔ་པ་དངོས་གྲུབ་ཀྱི་རྫས་རྣམས་ཀྱིས་མཆོད་པ་ནི། གསང་འདུས་ལས་བྱང་ནས་བྱུང་བ། ཧཱུྃ༔ སྣང་བ་སྣོད་ཀྱི་འཇིག་རྟེན་གཏོར་གཞོང་དུ༔ སྲིད་པ་བཅུད་ཀྱི་སེམས་ཅན་གཏོར་མར་སྦྱར༔ ཞེས་པ་ནས། གུ་རུ་དེ་ཝ་ཌཱཀྐི་ནི་མ་ཧཱ་བ་ལི༚་ཏ་ཁཱ་ཧི༔ ཞེས་པའི་བར་གྱིས་མཆོད་ཅིང་འདི་ལ་འཐད་ཕྱོགས་རྣམ་དག་ཡོད་པའི་ཕྱིར་རོ། །དྲུག་པ་འཁོན་གཅུགས་སྦྱར་བ་ནི། གསང་རྫོགས་རྩ་རྒྱུད་ལས། དངོས་གྲུབ་ལེན་ཁར་བྲོ་བཤགས་བྱ། ཞེས་ཤིན་ཏུ་གནད་ཆེ་བར་གསུངས་པས་ཡེ་ཤེས་སྐུ་མཆོག་མའི་བཤགས་པ་དང་། སྔགས་སྡེབ་ལས་བཤད་པ་ལྟར་ཡི་གེ་བརྒྱ་བའི་མགོར། བཛྲ་ས་མཱ་ཛས་བརྒྱན་པའི་ཡིག་བརྒྱ་ཅི་འགྲུབ་སྟོབས་བཞི་ཚང་བའི་སྒོ་ནས་དག་པར་བཟླའོ། །གཉིས་པ་ནི། དངོས་གྲུབ་ལེན་པ་དང་། གཏང་རག་གི་ཆོ་གའོ། །དང་པོ་ནི། སྒྲུབ་ཆེན་སོགས་སྤྲོས་བཅས་ཚོགས་སྒྲུབ་ཀྱི་སྐབས་སུ། གཞུང་ནས་གསུངས་པ་ལྟར་དངོས་གྲུབ་ཀྱི་རྫས་རྣམས་ལག་ཏུ་ཐོགས། དཀྱིལ་འཁོར་ལ་བསྐོར་བ་བྱ་ཞིང་མདུན་བསྐྱེད་ཀྱི་ལྷ་ཚོགས་རྣམས་རྗེས་ཆགས་ཀྱིས་སྦྱོར་བ་མཛད་པའི་བདེ་བའི་སྒྲས་བསྐུལ་བས། མཁའ་དབྱིངས་གང་བའི་རྒྱལ་བ་ཐམས་ཅད་འདུས་ཏེ་བྱང་ཆུབ་སེམས་ཀྱི་ངོ་བོར་ཞུ་ནས་ཆར་བཞིན་བབས་ཏེ་སྐུའི་ཆ་ཤས་ཀུན་ཏུ་མཚོ་ལྟར་འཁྱིལ་བའི་གནས་སོ་སོ་ནས་མཆོག་དང་ཐུན་མོང་གི་དངོས་གྲུབ་ཐམས་

(༣༤༡)ཅད་སྐུ་ཕྱག་རྒྱ། གསུང་ཡིག་འབྲུ། ཐུགས་ཕྱག་མཚན་གྱི་རྣམ་པ་དང་། ཟག་མེད་བདེ་བ་ཆེན་པོའི་རང་བཞིན་བྱང་ཆུབ་ཀྱི་སེམས་འཇའ་འོད་ཁ་དོག་ལྔ་ལྡན་གྱི་རྣམ་པར་བུན་ལང་ལོང་བྱོན་ནས། བདག་བསྐྱེད་ཀྱི་གནས་བཞིར་ཐིམ་པས་མཆོག་དང་ཐུན་མོང་གི་དངོས་གྲུབ་མ་ལུས་པ་ཐོབ་སྟེ། བསྒྲུབ་བྱ་དང་སྒྲུབ་བྱེད་དབྱེར་མེད་ཀྱི་ངོ་བོར་ལྷུན་གྱིས་གྲུབ་པར་བལྟས་ལ། ཧཱུྃ་ཧྲཱི བདེ་ཆེན་ཡངས་པ་ཆེན་པོའི་ཕོ་བྲང་ནས༔ སོགས་བརྗོད་ཅིང་སྔགས་དོན་ནི། ཨོཾཱ་ཨཧཱུྃ་ནི་རྒྱལ་བའི་སྐུ་གསུང་ཐུགས་ཀྱི་བྱིན་རླབས། ཀཱ་ཡ་ནི་བདག་ལ་ཞུགས་ཏེ་ལུས་སྤྲུལ་སྐུ། ཝཱཀྐ་ནི་དག་ལོངས་སྐུ། ཙིཏྟ་ནི་སེམས་ཆོས་སྐུ། སརྦ་ནི་ཐམས་ཅད་འདུས་པའི་ངོ་བོ་ཉིད་སྐུ། སིངྷི་ནི་དངོས་གྲུབ། ཕ་ལ་ནི་བཟང་པོ། ཨ་ལ་ལ་ནི་ངོ་མཚར་ཅན། ཧོནི་སྤྲོས་པ་མེད་པའི་དབྱིངས་སུ་ཐོབ་པར་བྱས་པའི་དོན་ནོ། །དེ་ནས་དཀྱིལ་འཁོར་གྱི་བདུད་རྩི་མྱང་བ་ལ་སོགས་དངོས་གྲུབ་ཀྱི་རྫས་རྣམས་རང་གི་ལོངས་སྤྱོད་པ་ལས་དམ་ཚིག་མི་གཙང་བ་དང་། ཁྱི་ཕག་བོད་བུ་སོགས་ལ་བྱིན་ན་ཤིན་ཏུ་ཉམས་པར་བཤད་དེ། འདི་ཉིད་ལས། དངོས་གྲུབ་བླང་བའི་གཏོར་མ་ནི༔ རང་དང་དམ་ཚིག་མི་གཅིག་པ༔ དུད་འགྲོ་ཕག་དང་བོང་བུ་ལ༔ བྱིན་ན་དངོས་གྲུབ་ཡལ་ཞེས་བཤད། །ཅེས་གསུངས་པ་ལྟར་བླང་དོར་ཕྱིན་ཅི་ལོག་ཏུ་མ་སོང་བར་བྱ་དགོས་ཤིང་། དེ་ཡང་སྤྱིར་བསྙེན་སྒྲུབ་ཀྱི་སྐབས་ལྟ་བུའི་ཚེ། སང་ཞོགས་སྒྲུབ་པ་གྲོལ་རྒྱུའི་དགོངས་ཐུན་ཐ་མར་དངོས་གྲུབ་བསྐུལ་བའི་སྔགས་ལྡེ་བསྡེབས་པ་མན་ངག་གི་དགོངས་པ་ལྟར་གྱིས་སྙན་གསན་དབབ་པའི་ཚུལ་དུ་བག་ཙམ་བཟླ། ཡང་མདུན་བསྐྱེད་དམིགས་བསལ་མེད་པ་བསྙེན་པ་ལྟ་བུའི་བདག་བསྐྱེད་རྐྱང་པའི་ཚེ་ན་དམིགས་གནད་ཇི་ལྟར་བྱ་བའི་བཤད་མ་ཐག་པའི་དངོས་གྲུབ་ལེན་ཆོག་གི་ཚེ་གཏོར་མ་ཤེས་པ་རྣམ་གསུམ་ལས་སྐབས་འདིར་ཡེ་ཤེས་ཀྱི་འཁོར་ལོ་ལོགས་སུ་དབྱེ་ནས་གཏོར་མ་དང་དབྱེར་མེད་སུ་བྱས་ཏེ་ལྷར་ཤེས་པ་དེ་ཉིད་དབང་ལེན་བྱའི་ཡུལ་དུ་བྱས་ལ། རང་

(༣༤༢)ཉིད་དམ་ཚིག་གི་འཁོར་ལོས་དབང་ལེན་པ་སྟེ། ཀུན་མཁྱེན་ཟིལ་གནོན་བཞད་པ་རྩལ་ལ་སོགས་པ་རིག་འཛིན་བརྒྱུད་པའི་མན་ངག་ཡིན་ཏེ། དམིགས་པ་སྐབས་ཕྱེད་ཅིང་གཞན་ལས་ཁྱད་པར་དུ་ཟུར་པ་ཞིག་གོ །མི་ཤེས་པ་དག་ནི་འདི་ལྟར་དངོས་གྲུབ་ལེན་པའི་ཆོ་ག་གཞུང་ལ་མི་གསར་བའི་གསང་སྤྲོས་མི་འཐང་སྙམ་ན་མ་ཡིན་ཏེ། འདི་ནི་སྒྲུབ་ཆེན་གྱི་ཁོག་འབུབས་དང་། འདིས་མཚོན་ཏེ་བསྙེན་སྒྲུབ་ཀྱི་རིགས་མཐའ་དག་གི་མཇུག་ཆོག་གི་དངོས་གྲུབ་ལེན་ཚུལ་ལ་ཕན་པར་བསམས་ཏེ་མན་ངག་གི་གནད་ལ་སྦྱར་ནས་བཤད་པ་ཡིན་པ་བླ་མ་གོང་མའི་ཕྱག་ལེན་ལ་བརྟགས་པས་ཤེས་པར་མ་ཟད། འདོན་ཚིག་རྣམས་ཀྱང་གསར་སྙིང་གཅིག་ཅེས་བརྒྱུད་ཁུངས་དང་རིགས་ཡེ་ཐ་དད་པ་རྣམས་ཆུ་དང་འོ་མ་ལྟ་བུར་ཆམ་གཅིག་ཏུ་བསྲེས་པ་ཡང་མང་། བཀའ་ཆད་དང་དམ་སེལ་གྱིས་བསླད་པ་ལ་སོགས་པས་མཚོན་ཏེ་གཏེར་གྱི་མིང་ཐོགས་ཚང་འབྱོལ་ཉོག་ཏུ་བསྲེས་པའང་མེད་དེ་ཆོས་ཀྱི་སྤྱན་ལྡན་དག་གིས་དཔྱད་བཟོད་པ་ཡིན་ནོ། །གཉིས་པ་གཏང་རག་གི་མཆོད་པ་ནི། དངོས་གྲུབ་སྩལ་བའི་དྲིན་ལན་བསབ་ཕྱིར་རང་ཉིད་ལས་སྤྲོས་པའི་མཆོད་པའི་ལྷ་མོ་མཛེས་ཤིང་ཡིད་དུ་འོང་བ་དཔག་ཏུ་མེད་པ་དག་གིས་མདུན་བསྐྱེད་ཀྱི་འཁོར་ལོ་ལ་མཆོད་སྤྲིན་དཔག་མེད་སྤྲོ་ཞིང་། ཐོས་པ་ཙམ་གྱིས་བདེ་སྟོང་གི་ཡེ་ཤེས་རྩོལ་མེད་དུ་འཆར་བར་ནུས་པའི་འགྱུར་དབྱངས་ཀྱིས་བསྟོད་པར་བསམས་ལ། ཕྱི་ནང་གི་མཆོད་པ་ཞལ་གསོ་ཞིང་སྨན་རཀ་བྲན་ལ། ཨཱོྃ་ཨཱཧཱུྃ༔ ཕྱོགས་བཅུའི་ཞིང་ཁམས་རབ་འབྱམས་རྒྱ་མཚོ་མཐའ་ཡས་ཀྱི༔ སོགས་ལས་གཞུང་ལས་བྱུང་བ་ལྟར་གྱིས་མཆོད་དོ། །དྲུག་པ་ཁྱད་པར་གྱི་ནོངས་བཤགས་ནི། སྟོངས་བཞིའི་དག་པ་དྲན་པའི་ངང་ནས་ཐལ་མོ་སྙིང་གར་སྦྱར་ལ། ཀྱེ་དུས་གསུམ་བླ་མ་ཡི་དམ་མཁའ་འགྲོའི་ཚོགས༔ སོགས་དང་དབྱངས་གསལ་ལ་ཡི་གེ་བརྒྱ་པ་སྤྱི་འགྲོའམ། པདྨའི་རིགས་ཀྱི་ཡིག་བརྒྱ་བཏགས་པ་གསལ་དག་ཐོན་པར་བཟླ། བདུན་པ་ཤིས་བརྗོད་ནི། འཁོར་གསུམ་རྣམ་པར་དག་པའི་གདེང་གིས་

(༣༤༣)ཟིན་པའི་ངང་ལས། མཁའ་དབྱིངས་གང་བའི་རིག་འཛིན་བླ་མ་རྒྱལ་བ་རྒྱ་མཚོའི་ཚོགས་དང་བཅས་པས་བཀྲ་ཤིས་ཀྱི་བདེན་ཚིག་འགོག་པ་མེད་པའི་སྒྲ་དབྱངས་འབྲུག་སྟོང་དུས་གཅིག་ལ་སྡིར་བ་ལྟར་སྒྲོག་ཅིང་། དེ་དང་ཆབས་ཅིག་པར་ཕུན་སུམ་ཚོགས་པ་མནྡཱ་ར་བའི་མེ་ཏོག་གི་ཆར་ཆེན་པོས་གནམས་པར་སྣང་ཁྱབ་པར་ཕབ་པས། སྣོད་བཅུད་ཀུན་གྱི་བཀྲག་མདངས་ཉམས་པ་ཐམས་ཅད་སྐད་ཅིག་ལ་གསོས་ཏེ་དགེ་ལེགས་ཀྱི་གཟི་བྱིན་མཆོག་ཏུ་འབར་བར་བལྟས་ལ། འཐོར་ནས་དང་བཅས། ཧཱུྃ་ཧྲཱི རྒྱལ་བའི་སྐུ་ནི་རི་རྒྱལ་ལྷུན་པོར་ལྟར༔ སོགས་བརྗོད། བརྒྱད་པ་དཀྱིལ་འཁོར་བསྡུ་བ་ལ་གཉིས། མདུན་བསྐྱེད་ཀྱི་ཡེ་ཤེས་པ་གཤེགས་གསོལ་བྱ་བ་དང་། རྫོགས་རིམ་བསྡུས་ཏེ་སྤྲོས་བྲལ་གྱི་གནས་ལུགས་ལ་གཞོལ་བའོ། །དང་པོ་ནི། མངོན་རྟོགས་ཆེན་མོ་ནས་གསུངས་པ་ལྟར། ཨོཾཱ་ཁྱེད་ཀྱིས་སེམས་ཅན་དོན་ཀུན་མཛོད༔ རྗེས་སུ་མཐུན་པའི་དངོས་གྲུབ་ཞུ༔ སངས་རྒྱས་ཡུལ་དུ་གཤེགས་སུ་གསོལ༔ སངས་རྒྱས་ཡུལ་དུ་གཤེགས་ནས་ཀྱང་༔ ཁྱེད་ཀྱི་བརྩེ་བའི་ཐུགས་རྗེ་ཡིས༔ སེམས་ཅན་རྣམས་ལ་དགོངས་ནས་ཀྱང་༔ སླར་ཡང་འབྱོན་པར་མཛད་དུ་གསོལ༔ འགྲོ་རྣམས་ ༢་སྔར་ཤིན་ཏུ་བསྡུས་པའི་མདུན་བསྐྱེད་བཅུ་གནས་ཆོག་ཆ་ལག་ཚང་ཙམ་བྱས་པའི་དབང་དུའོ། །ལུགས་གཞན་ལྟར་ན་བསྡུ་བའི་གནས་མེད་པར་འདི་ཅི་བྱ། བདེ་ལ་བཀོད་དུ་གསོལ༔ ཨོཾཱ་ཨཱཧཱུཾ༔ བཛྲ་མུཾ ཞེས་པས་མདུན་བསྐྱེད་ཀྱི་ཡེ་ཤེས་པ་གདོད་མའི་འཁོར་ལོར་བསྲེས། གཉིས་པ་ནི། ཕྱི་སྣོད་བཅུད་ཀྱི་སྣང་བ་རགས་པ་ཐམས་ཅད་སྲུང་གུར་ལ་བསྡུ། སྲུང་གུར་ཁྲོ་བཅུ་དང་བཅས་པ་རྣམས་གཙུག་ཏོར་འཁོར་ལོས་སྒྱུར་བ་ལ་བསྡུ། འཁོར་ལོས་སྒྱུར་བ་གཞལ་ཡས་ཁང་ལ་བསྡུ། དེ་ལྷ་ཚོགས་རྣམས་ལ། ལྷ་དེ་དག་ཐམས་ཅད་ཀྱང་གཙོ་བོ་ཡབ་ཡུམ་ལ། ཡུམ་ཡབ་ལ། ཡབ་ཀྱང་སྔགས་ཕྲེང་ལ། དེ་ཡེ་ཤེས་སེམས་དཔའ་ལ། དེ་ཐུགས་སྲོག་ཧྲཱིཡིག་ལ། ཧྲཱིཡིག་ལུས་དཀྱིལ་གྱི་ཐུགས་ཀར། ལུས་དཀྱིལ་

(༣༤༤)ཀྱང་མཐའ་ནས་རིམ་པར་སྔ་མ་བཞིན་དུ་རིམ་གྱིས་ཐུགས་སྲོག་ལ་བསྡུ། ཐུགས་སྲོག་དེ་ཉིད་ཀྱང་བར་སྣང་ལ་འཇའ་ཡལ་བ་ལྟར། ནམ་མཁའ་ལ་སྤྲིན་དེངས་པ་ལྟ་བུར་དངོས་མེད་དུ་ལ་ལ་ནས་སྔར་ཏིང་འཛིན་རྣམ་གསུམ་གྱི་བསྐྱེད་གཞི་དེ་བཞིན་ཉིད་ཀྱི་ཏིང་ངེ་འཛིན་སྤྲོས་པའི་མཐའ་བཞིའམ་བརྒྱད་དང་བྲལ་བའི་རང་བཞིན་སྤྲོས་བྲལ་གྱི་གནས་ལུགས་རྫོགས་པ་ཆེན་པོའི་ངང་ལ་བཅོས་བསླད་མེད་པར་མཉམ་པར་འཇོག་ཅིང་། སྣོད་བཅུད་སྐྱེ་འགྲོ་ལྷ་དང་བཅས་པ་རྣམས། སོགས་བརྗོད་འདི་ལ་ཁ་ཅིག་ན་རེ། ཆོ་ག་གཞན་དུ་རྟག་ལྟ་གཞིག་པའི་ཕྱིར་དུ་མཉམ་གཞག་གི་དང་ལ་རྫོགས་རིམ་བསྡུས། ཆ་ད་ལྟ་གཞིག་པའི་ཕྱིར་དུ་རྗེས་ཐོབ་སྟོང་གཟུགས་ཀྱི་ལྷ་སྐུར་ལྡང་བ་ཡིན་པ་ལ། འདིར་ཕྱི་མ་མ་བྱུང་བས་ལུང་གཞན་གྱིས་གནོད་དོ་ཞེ་ན། མི་གནོད་དེ། གཞུང་འདི་ལུང་ཨ་ནུའི་ཐེག་པ་དབྱིངས་དང་ཡེ་ཤེས་དབྱེར་མེད་རྫོགས་རིམ་གཙོ་བོར་བཏོན་པའི་དབང་གིས་དོན་དམ་ལྷན་སྐྱེས་འོད་གསལ་བྱར་མེད་ཀ་དག་བདེ་བ་ཆེན་པོའི་ཀློང་དུ་སྒོམ་མེད་ཡེངས་མེད་ཀྱི་གནས་ལུགས་སྐུ་གསུམ་རང་ཆས་ཀྱི་རང་ནས་ཆོས་ཉིད་ཆད་སར་བསྐྱེལ་བ་ལ་དགོངས་པ་སྟེ། འདི་ཉིད་ལས། རང་དགའ་རང་གཞག་བཅོས་བསླད་མི་བྱ་བར། ཆད་མེད་རྒྱ་ཡན་ཅོག་གཞག་ལྷུག་པར་བོར༔ རང་ལུགས་བབས་ནས་དབྱིངས་རིག་མ་བུ་འདྲེས༔ གདོད་མའི་སངས་རྒྱས་ཉིད་དང་མཇལ་བར་འགྱུར༔ ཅེས་གསུངས་པ་སྟེ། ཁ་ཅིག་སྔགས་ལམ་ལ་བསྐྱེད་རིམ་མེད་ན་སངས་རྒྱས་ལ་སྐུ་དང་ཡེ་ཤེས་མེད་པར་འདོད་པའི་ལོག་རྟོག་ཅན་དུ་འགྱུར་བས་མི་འཐད་དོ་ཟེར་བའང་རིགས་པ་མ་ཡིན་ཏེ་རྒྱུད་སྡེ་ཐོག་མའི་སྐབས་སུ་གང་ཟག་གི་ཤེས་རྒྱུད་དང་བསྟུན་ནས་ཐ་མལ་གྱི་ཞེན་པ་དགག་པའི་ཕྱིར་རིག་པའི་གསལ་ཆ་ལྷ་སྐུར་ལྟ་བས་ལམ་བགྲོད་པ་ཡིན་མོད། འདི་ནི་དེ་བས་ཀྱང་དབང་པོ་ཆེས་ཆེར་རྣོ་བའི་རྣལ་འབྱོར་པ་ལ་དགོངས་ནས་རྫོགས་རིམ་གཙོ་བོར་འདོན་པའི་ལུགས་ཡིན་པའི་ཕྱིར་རོ། །བློ་ཆུང་ཞིང་ཐེག་པ་འདི་ལ་འཇུག་པའི་སྐལ་བ་ཕྲ་བདག་ནི་འདི་སྐད་དུ། རྒྱུད་སྡེ་བཞི་ཐམས་ཅད་ནས་བསྐྱེད་རྫོགས་ཟུང་འབྲེལ་ཤ་སྟག་གིས་ལམ་བགྲོད་

(༣༤༥)པར་གསུངས་པས་བསྐྱེད་རིམ་གྱི་གསལ་ཆ་སྟོང་ན་ཆད་ལྟར་འགྱུར་རོ། །ཞེས་ཟེར་བ་ཡོད་དེ། ལྷའི་ཞལ་ཕྱག་ལ་ལྟ་བའི་འཛིན་པ་མ་ཟད་ནས་བཅུའི་བྱང་ཆུབ་སེམས་དཔའི་ཤེས་སྒྲིབ་ཏུ་འགྱུར་བ་ལ་དགོངས་ནས་ལུགས་འདི་ལ་སྤྲོས་བྲལ་གྱི་རིག་པ་དྲི་མེད་དེ་ཀ་ལ་བསྐྱེད་རྫོགས་དབྱེར་མེད་དུ་གྲུབ་པའི་སྒྲ་བཤད་ཁྱད་དུ་འཕགས་པ་འདི་ཉིད་ཀྱི་ལམ་འབྲས་སྐོར་ལས། ལྷ་བསྐྱེད་པ་ཡང་སེམས་ཀྱིས་ཆོ་འཕྲུལ་རིག་པ་ཡེ་ཤེས་ཀྱི་རོལ་རྩལ་མ་འགགས་པ་སྟེ༔ སྒྲིབ་གཡོགས་དང་བྲལ་བརྗན་པ་ལྷང་གིས་མཐོང་བ་དེ་ཀ་ཡིན་པས༔ དེ་ལ་བཅོས་བསླད་མེད་པར་གསལ་ཡམ་མེར་འཇོག་པ་བསྐྱེད་རིམ༔ དེའི་རང་བཞིན་མ་གྲུབ་གྲུབ་པ་མེད་པ་རྫོགས་རིམ༔ དེའོ་ངོ་བོ་གསལ་སྟོང་གི་ངང་དུ་གཡོ་བ་མེད་པར་འཇོག་པ་བོགས་དབྱུང་བར་བྱེད་པ་སྟེ༔ ཞེས་བསྐྱེད་རིམ་ལ་རྫོགས་རིམ་གྱིས་རྒྱས་ཐེབས་པའི་དབང་དུ་གསུངས་པ་སྟེ། སྐུ་དང་ཡེ་ཤེས་ཡིན་ཕྱིན་ཆད་གཟུགས་སྐུ་ཁོ་ན་ལ་ལྟོས་དགོས་པ་མ་ཡིན་མོད། ཆོས་སྐུ་སྟོང་པ་ཉིད་ཀྱི་ངང་ལས་གསལ་ཆའི་རིག་མདངས་ཡེ་ཤེས་སུ་འཆར་བ་དེ་ནི་དོན་དམ་པའི་སྐུ་དང་ཡེ་ཤེས་ཅིའི་ཕྱིར་མ་ཡིན། རྡོ་རྗེ་ཐེག་པ་ཐུན་མོང་མ་ཡིན་པའི་ལུང་ལ་སྐྲག་པར་གྱུར་ན། ཐེག་ཆེན་ཐུན་མོང་གི་མདོ་སྡེ་ལས། གང་དག་ང་ལ་གཟུགས་སུ་མཐོང་། །གང་དག་ང་ལ་སྒྲར་ཤེས་པ། །ལོག་པའི་ལམ་ལ་ཞུགས་པ་སྟེ། །སྐྱེ་བོ་དེ་དག་ང་མི་མཐོང་། །སངས་རྒྱས་རྣམས་ནི་ཆོས་ཉིད་བལྟ། །འདྲེན་པ་རྣམས་ནི་ཆོས་ཀྱི་སྐུ། །ཞེས་པས་གོ་ལ། འོན་ཏེ་བསྐྱེད་རྫོགས་ཟུང་འཇུག་སྒོམ་ནས་དེའི་འབྲས་བུར་ཐོབ་བྱའི་མཐར་ཐུག་།།།དེ་ལྟ་བུའི་སྐུ་ཞིག་ཡོད་པར་འདོད་ན་ནི་རཱུ་ཏྲ་ཡང་གོལ་ས་མ་ཡིན་པར་ཐལ་ཏེ། དེས་ན་ཚུལ་འདི་ལྟ་བུ་ལོང་དུ་ཆུད་པའང་གདོད་མའི་མགོན་པོའི་བྱིན་རླབས་སོ། །འདི་ལྟར་ལས་དང་པོ་པས་རྫོགས་རིམ་ལ་བསྐྱེད་རིམ་གྱིས་རྒྱས་འདེབས་པ་གཙོ་ཆེ་བས་སྣང་ཆ་ལྷར་གསལ་བ་ཉིད་མི་འདོད་པར་ཁས་བླངས་པ་མ་ཡིན་ཏེ། འདི་ཉིད་ལས། སྣང་བ་དང་སྟོང་པ་ཟུང་འཇུག༔ བསྐྱེད་པ་དང་རྫོགས་པ་ཟུང་འཇུག༔

(༣༤༦)རྣལ་འབྱོར་མ་དང་རྣལ་འབྱོར་པའི་སེམས་ཟུང་འཇུག༔ ལྷ་དང་ལྷའི་དགོངས་པ་ཟུང་འཇུག༔ ཕྱག་རྒྱ་དང་ཆེན་པོ་ཟུང་འཇུག༔ ཉོན་མོངས་དང་ཡེ་ཤེས་ཟུང་འཇུག༔ ཐབས་དང་ཤེས་རབ་ཟུང་འཇུག༔ དབྱིངས་དང་རིག་པ་ཟུང་འཇུག༔ གཞི་དང་གཞིར་ཤེས་ཟུང་འཇུག༔ ལམ་དང་ལམ་སྣང་ཟུང་འཇུག༔ ལས་དང་འབྲས་བུ་ཟུང་འཇུག༔ དེ་ལྟར་ཟུང་འཇུག་ཐམས་ཅད་གཉིས་སུ་མེད་དེ་གཉིས་སུ་བྱར་མེད༔ སོ་སོ་མ་ཡིན་ཐ་མི་དད་དོ ཞེས་གསུངས་པ་ལྟར་གང་ཟག་གི་བློ་མཐུ་དང་བསྟུན་ནས་ལམ་པ་བྱིངས་ལ་འདི་ལ་ཡང་མན་ངག་གི་དགོངས་པས་རྫོགས་རིམ་གྱི་རྗེས་ཐོབ་ལྷ་སྐུར་ལྡང་བར་གསུངས་ཏེ། སྣ་ཚོགས་རང་གྲོལ་གྱིས་མཛད་པའི་དཀྱིལ་ཆོག་ཁོག་འབུབས་རགས་བསྡུས་ལས། བཤད་མ་ཐག་པའི་རྫོགས་རིམ་གྱི་མཇུག་ཏུ་སླར་སྣོད་གཅུད་རང་གི་སྒོ་གསུམ་ལྷའི་སྐུ་གསུང་ཐུགས་སུ་ཤེས་པའི་གདེང་དང་མ་བྲལ་བར་བྱའོ། །ཞེས་གསུངས་པས་ད་ལྟ་བྱིངས་ཀྱི་ཉམས་ལེན་དེ་ཁོ་ན་ལྟར་བྱ་དགོས་པ་ཡིན་ཞིང་། དེ་ལྟར་ནང་རྒྱུད་ཁྱད་པར་ཅན་འདི་དག་ལ་དབང་པོ་རྣོ་རྟུལ་གྱི་གནད་ཟབ་མོས་ཟིན་པའི་ཆོད་འདི་ལྟ་བུ་ཡོད་པ་མ་རྟོགས་བཞིན་དུ་རྫོགས་པ་ཆེན་པོ་ལྷ་མེད་འདྲེ་མེད་ཅེས་དམོད་པ་སོགས་མནར་མེད་པའི་དམྱལ་བ་ཁོ་ནའི་ས་བོན་ལས་མ་འདས་པ་བློ་གྲོས་དང་ལྡན་པ་རྣམས་ཀྱིས་དོར་བར་བྱ་ལ། འདི་ལྟར་གྲུབ་ཐོབ་ཆེན་པོས་ར་ཧས་ཀྱང་ཆོས་ཐམས་ཅད་རང་བཞིན་མེད་པར་རྟོགས་ནས་སྤྲོས་བྲལ་དོ་ཧའི་རྒྱད་གླུ་བླངས་པ་དང་། སྤྲུལ་པའི་རྒྱལ་པོ་སྲོང་བཙན་སྒམ་པོ་མི་བདེན་པ་དྲུག་ཏུ་ལོ་བཟླ་བ་ལྟར། རྫོགས་ཆེན་རང་གིས་ལྷུན་གྲུབ་ཀྱི་ལམ་ལ་ཞུགས་སྐབས་ལྟ་བུར་ནི་ལྷ་མེད་འདྲེ་མེད་པས་ཀྱང་བླངས་པས་ཆོག་སྟེ། དེ་ཉིད་ཀྱིས་སྣང་བ་བཞི་མཐར་སོན་ནས་ཕུང་པོ་འཇའ་སྐུར་གྲོལ་བ་འཕགས་ཡུལ་དུ་དགའ་རབ་འཇམ་དཔལ་བཤེས་གཉེན་ལ་སོགས་པ་དང་། བོད་དུ་གྲུབ་ཆེན་མེ་ལོང་རྡོ་རྗེ་ལ་སོགས་ཏེ་མང་སྔ་རབས་སུ་ཉང་ཏིང་འཛིན་བཟང་པོ་དང་། ལྕེ་བཙུན་སེང་གེ་དབང་ཕྱུག་རྒྱུད་ཉི་ཟླ་ཁ་སྦྱོར་ལས་གསངས་པ་ལྟར་ཉང་ལྷས་བྲག་ལྷའི་ཕུག་དང་། ལྕེ་བཙུན་འོ་ཡུག་ཕྱི་གོང་གི་རྫའི་ཐད་ཀྱི་ནམ་མཁའ་ལ་འོད་ཕུང་དུ་གཤེགས་པས་མཚོན་

(༣༤༧)ཏེ་གྲགས་པ་དང་སླས་པ་བསམ་གྱིས་མི་ཁྱབ་ལ། གཞན་ཡང་ཀུན་སྤངས་རྡོ་རིང་བ་ཆེན་པོས་རྙིང་མ་བ་འཇའ་ལུས་སུ་སོང་བ་བདུན་གཟིགས་པའི་ལོ་རྒྱུས་དང་། དེ་ལྟར་སྔ་།།།ཆད་བྱུང་གི་ཕྱིས་མ་བྱུང་བའང་རིན་ཏེ། ད་ལྟའི་རང་བྱུང་བཅུ་གསུམ་བ་ཤར་མ་ཐག་གི་གོང་ཙམ་དུའང་གཙང་སྟོད་དུ་སྣང་བཞི་མཐར་ཕྱིན་པའི་ལྷག་མེད་གཅིག་དང་ཉི་དོག་།།།སྔོན་པའི་ཚ་བ་དུ་གཅིག་བཅས་འཇའ་ལུས་སུ་གཤེགས་མ་ཐག་པ་ཡིན་ཕྱིར་ཐེག་པ་འདིའི་དགོངས་པ་བསམ་གྱིས་མི་ཁྱབ་པར་ཤེས་པར་བྱའོ། །ཟད་ཅིག །ལྷ་མེད་འདྲེ་མེད་ཀྱི་ལྟ་བས་སངས་རྒྱས་པ་ཡིན་ཕྱིར་མི་ཤེས་པའི་ཀླན་ཀ་ལ་བརྒལ་བརྟག་བྱེད་པ་ལས་གསོག་པ་ཙམ་ལས་མ་འདས་ཕྱིར་ཁ་ནང་དུ་ལོག་ནས་སྙིང་པོ་ལེན་པ་ལ་བརྩོན་པར་བྱའོ། །དགུ་པ་བསྔོ་བའི་ཡན་ལག་ལ་གཉིས། བསྔོ་བ་དང་སྨོན་ལམ་གྱི་ཁྱད་པར་དབྱེ་བ། བསྔོ་བའི་རྣམ་གཞག་རགས་བསྡུས་བརྗོད་པའོ། །དང་པོ་ནི། བཟང་སྤྱོད་ཀྱི་འགྲེལ་པ་ཕྱོགས་སླང་གི་གཞུང་ལ་མ་འཚལ་ཡང་པོད་ཊཱིཀ་ཁ་ཅིག་ཏུ། མཁས་པ་ཕལ་ཆེ་བ་དག་སྨོན་ལམ་སྤྱི་དང་བྱེ་བྲག་ཁྱད་ཡོད་དེ། སྨོན་ལམ་ལ་རྒྱུ་དགེ་བ་ལྟ་བུ་ཞིག་གཞིར་བྱས་ནས་སྨོན་དགོས་བསམ་ཁྱབ་ལ། བསྔོ་བ་ནི་རྒྱུ་དགེ་བ་ལྟ་བུ་ཞིག་གཞིར་བྱས་ནས་བསྔོ་བ་ཡིན་ནོ། །ཞེས་གསུངས་མོད་ཀྱི་དཔྱད་དགོས་པ་ཞིག་གོ །ཞེས་ལུང་མ་བསྟན་གྱིས་འཐད་དཀའ་བར་བསྒྲུབས་པ་ལྟར་རྟོག་རིག་གིས་གཞིགས་ན། རྒྱལ་པོ་བྱམས་པའི་སྟོབས་ཀྱིས་སྐུ་ལུས་བྱིན་པའི་དགེ་རྩར་བརྟེན་ནས་སྨོན་པ་ལྟ་བུས་མཚོན་ཏེ་རྒྱུ་མི་དགོས་བསམ་ཁྱབ་ཀྱང་། ཕལ་ཆེར་དུ་དེ་ལྟར་མི་སྟོན་པས་གཙོ་ཆུང་བར་བཞག་ལ། དེ་བཞིན་དུ་བསྔོ་བ་ཁོ་ན་ལའང་། དུས་གསུམ་པའི་དགེ་ཚོགས་བསྔོ་གཞིར་རུང་བར་བཤད་པ་ཡང་སྣང་སྟེ། དོན་ལ་ཞིང་བསམ་དངོས་པོར་རྣམ་དག་རྟེན་དུ་བྱུང་བས་རང་ལུགས་ལ་སྔ་མའི་ཁུང་བཞིན་ཁས་ལེན་པ་སྟེ། གཏེར་ཆོས་འདི་ཉིད་ཀྱི་རང་སྐད་ལས། དེ་ལྟར་ཞིང་དང་དངོས་པོ་བསམ་པ་གསུམ་འཛོམ་པས་ཚོགས་བསགས་པ་རྣམས་བསྔོ་རྒྱུའི་དགེ་བ་ཡིན་ཞིང་༔ ཞེས་པ་དང་། ཀུན་མཁྱེན་ཆོས་ཀྱི་རྒྱལ་པོས། རྒྱུ་དགེ་བ་སྔོན་དུ་སོང་ནས་ཚིག་དང་སྨོན་པ་བསྡོམས་པ་ནི་བསྔོ་བ། རྒྱུ་དགེ་རྩ་

(༣༤༨)མ་སོང་བར་སྨོན་པ་ནི་སྨོན་ལམ་མོ། །ཞེས་གསུངས་པ་ལྟར་རོ། །གཉིས་པ་ལ་བཞི། བསྔོ་རྒྱུའི་དགེ་རྩ། བསྔོ་བྱའི་ཞིང་། སྔོ་བྱེད་ཀྱི་མཁན་པོ། བསྔོ་བའི་ཚུལ་ལོ། །དང་པོ་ལ་གཉིས། བསྔོ་བ་རུང་བ་དང་མི་རུང་བའོ། །དང་པོ་ནི། གཏེར་ཁ་འདི་ཉིད་ཀྱི་བསྔོ་བ་ནོར་བུ་བསམ་འཕེལ་ལས། དངོས་པོ་རྣམ་པར་དག་པ་རྣམས་བསམ་པ་རྣམ་པར་དག་པས༔ ཡུལ་གོང་མ་ལ་དད་པ་དང་༔ འོག་མ་ལ་སྙིང་རྗེ༔ ཐུན་མོང་དུ་བྱང་ཆུབ་སེམས་ཀྱིས་ཀུན་ནས་བསླང་བར་བྱ་སྟེ༔ ཞེས་གསུངས་པས་དངོས་པོ་རྣམ་པར་དག་པ་ནི་འོག་ཏུ་འཆད་མ་ཐག་པའི་སྐྱོན་གྱིས་མ་གོས་པ་དང་། བསམ་པ་རྣམ་པར་དག་པའི་གཡོ་སྒྱུ་དང་ཕྱི་གྲགས་ཀྱི་དྲི་མས་མ་གོས་པ་ཞིག་དགོས་པར་གསུངས་སོ། །གཉིས་པ་ནི། མདོ་ལས། དངོས་པོ་བརྐུས་འཕྲོག་དཀོར་རྫས་དང་། །གཞན་ལ་གནོད་པ་མ་ཡིན་པ། །རབ་ཏུ་གཅེས་དང་ཡིད་འོང་རྫས། །མཁོ་བར་གྱུར་ན་མཆོད་སྦྱིན་ནོ། །ཞེས་དང་། སྡིག་དང་དུག་སོགས་ལོག་འཚོའི་རྫས། །མཚོན་ཆ་ལ་སོགས་མ་འདྲེས་པར། །སྦྱིན་པ་རྣམ་པ་བཞི་དང་ནི། །འདོད་ཡོན་མཐུན་རྐྱེན་སྣ་ཚོགས་ཀྱིས། །དབུལ་ཕོངས་མ་ནུས་པ་ལ་སྐྱོང་། །ཞེས་གསུངས་པ་ལྟར་མདོར་ན་གཞན་གྱི་ལག་ནས་དབང་མེད་དུ་ཕྲོགས་པ་དང་བརྐུས་པ། དགེ་བའི་ཆེད་ཅེས་སེམས་ཅན་གྱི་སྲོག་བཅད་པའམ། ཁྲག་འབྱིན་པ་ལ་སོགས་ཏེ་འཚོ་བ་བགྱིས་པས་མཚོན་ཏེ་ལོག་འཚོའི་རྫས་ཀྱི་རིགས་བསྔོ་བར་མི་རུང་བར་གསུངས་སོ། །གཉིས་པ་བསྔོ་བྱའི་ཞིང་ལ་གསུམ་སྟེ། མདོ་ལས་བཤད་ཚུལ་དང་། སྔགས་ལས་བཤད་ཚུལ་དང་། ཐུན་མོང་དུ་བཤད་ཚུལ་ལོ། །དང་པོ་ནི། མདོ་སྡེ་རྒྱན་ལས། ཆོས་རྣམས་ཀུན་གྱི་གཏེར་ཡིན་ཕྱིར། །རྣམ་པའི་སྒོ་ནི་རྣམ་འབྱེན་པ། །དགེ་འདུན་ཞེས་ནི་བྱ་བ་སྟེ། །དགེ་འདུན་ལ་ནི་ཀུན་གྱིས་བྱིན། །ཞེས་གསུངས་པ་ལྟར་བསླབ་པ་སུམ་ལྡན་གྱི་དགེ་འདུན་ཉིད་ལ་ཚོགས་ཞིང་གི་གཙོ་བོར་གསུངས་པའོ། །གཉིས་པ་ནི། དཔལ་གསང་

(༣༤༩)བ་འདུས་པ་ལས། །མཆོད་པ་ཀུན་གྱི་ཐོག་མ་ལ། །མཆོད་པ་ཐམས་ཅད་རབ་སྤངས་ཏེ། །བླ་མ་མཆོད་པ་རབ་ཏུ་བརྩམ། །དེ་མཉེས་པ་ལས་དངོས་གྲུབ་ནི། །ཀུན་མཁྱེན་དམ་པ་ཐོབ་པར་འགྱུར། །ཞེས་གསང་སྔགས་པ་ལ་བླ་མ་ཉིད་ལས་ལྷག་པའི་ཚོགས་ཞིང་གཞན་དུ་མ་གྱུར་པ་འདིས་མཚུངས་པར་ཆེས་ཆེར་མང་བར་གསུངས་སོ། །གསུམ་པ་ནི། ཇི་སྐད་དུ། སངས་རྒྱས་འདྲ་བའི་སྟོན་པ་མེད། །ཆོས་དང་འདྲ་བའི་སྐྱོབ་པ་མེད། །དགེ་འདུན་འདྲ་བའི་ཞིང་ས་མེད། །དེ་ཕྱིར་དཀོན་མཆོག་གསུམ་ལ་དབུལ། །ཞེས་ཐུན་མོང་དུ་ནི་དཀོན་མཆོག་གསུམ་ལས་ལྷག་པའི་ཞིངས་གཞན་མ་མཆིས་སོ། །དེ་ཡང་སྤྱི་ཁྱབ་ཏུ་ཐེག་པ་འོག་མ་དང་སོ་སོ་སྐྱེ་བོ་ལ་སོགས་པས་ཞིངས་རྣམ་པར་དག་པ་ལ་རྒྱུའི་དངོས་པོ་ཕུན་སུམ་ཚོགས་པས་བཀུར་སྟི་དང་ཞབས་ཏོག་ཁོ་ན་ལ་བརྩོན་ཞིང་། མ་འབྱོར་པ་རྣམས་ཀྱིས་ཡིད་སྤྲུལ་ཀུན་ཏུ་བཟང་པོའི་མཆོད་པས་རྒྱལ་བ་མཉེས་པའི་ཐབས་ལ་བརྩོན་པར་བྱ། དེ་ནི་ཞིང་བཟང་ལ་ས་བོན་ལེགས་པ་བཏབ་ནས་འབྲས་བུ་ཡར་ལྡན་དུ་འཕེལ་བ་ལྟར་བསོད་ནམས་ལྷག་པར་སྐྱེ་བར་གསུངས་མོད། ཐེག་པ་ཆེན་པོ་བ་རྣམས་ཀྱིས་ཡུལ་འོག་མ་ལ་གཅེས་པར་འཛིན་ཅིང་གཞན་དོན་འབའ་ཞིག་ལྷུར་ལེན་དགོས་པར། ལུང་ལས། གང་ལ་རེ་དང་བཤེས་མེད་དང་། །ནང་པ་དང་ནི་མ་ནུས་པ། །རྒས་ཤིང་འཁོགས་པ་དབང་པོ་ཉམས། །དབུལ་ཕོངས་བཀྲེས་དང་མུ་ཏོ་བ། །བྱང་ཆུབ་སེམས་ལྡན་རྣམས་ཀྱིས་ནི། །མགོན་མེད་དེ་དག་དང་དུ་བླང་། །ཞེས་གསུངས་པ་ལྟར་བདག་པས་གཞན་གཅེས་ཀྱི་བསམ་པ་བཟང་པོས་བྱང་ཆུབ་སེམས་དཔའི་སྤྱོད་པ་ཚུལ་བཞིན་དུ་བསླབ་པ་ལ་བརྩོན་པར་བྱའོ། །གསུམ་པ་ལ་གཉིས། སྔོ་བྱེད་ཀྱི་མཁན་པོ་དང་། བསྔོ་བའི་དུས་ཚོད་དོ། །དང་པོ་ནི། སློབ་དཔོན་མཚོ་སྐྱེས་ཀྱི་ཞལ་ནས། །ལྟ་བ་གནས་ལུགས་དོན་རྟོགས་ཤིང་། །སྒོམ་པ་ཏིང་འཛིན་ལས་སུ་རུང་། །སྙིང་རྗེ་བྱང་ཆུབ་སེམས་སུ་ལྡན། །མཚན་

(༣༥༠)ཉིད་ཐམས་ཅད་ཡོངས་རྫོགས་པའི། །བཤེས་གཉེན་དམ་པ་རྣམས་ཀྱིས་ནི། །ཡོན་རྣམས་བསྔོ་བའི་སློབ་དཔོན་མཆོག །ཅེས་གསུངས་པའི་མཚན་ཉིད་ཚང་ལ་ཡེ་ཤེས་གཟིགས་པའི་འཕགས་ཆེན་བདེན་ཚིག་འགྲུབ་པ་འཛོམ་ན་རབ། མ་འཛོམ་ན་འདི་ཉིད་ལས། གང་གིས་དད་པས་འདུན་བྱས་པས། །བླ་མ་དེ་ནི་སྟོན་པ་དངོས། །ཞེས་གསུངས་པ་ལྟར་བསླབ་པ་གསུམ་དང་ལྡན་ཞིང་ཚངས་པར་མཚུངས་སྤྱོད་ཀྱི་བཤེས་གཉེན་ཚུལ་ལྡན་ལ་ཡོན་གྱི་བདག་པོས་ཀྱང་དད་འདུན་ཚུལ་བཞིན་དུ་ནུས་ན་རྒྱུ་འབྲས་རྟེན་འབྲེལ་མི་བསླུ་བའི་བདེན་པ་ཆེན་པོའི་མཐུ་ལས་ཇི་བཞིན་འགྲུབ་པར་བཤད་ཅིང་། གལ་ཏེ་དེ་ཡང་དཀའ་ན། འདི་ཉིད་ལས། རང་གི་དད་པ་ཐོབ་པ་དང་ དཀོན་མཆོག་དྲུང་དུའང་རུང་བར་བཤད ཅེས་གསུངས་པས། རང་ཉིད་ཀྱིས་ཀྱང་རྟེན་གསུམ་ཁྱད་འཕགས་ཀྱི་དྲུང་དུ་ཤིན་ཏུ་དད་པའི་སྒོ་ནས་བསྔོ་བ་རུང་བར་གསུངས་སོ། །གཉིས་པ་ནི། སྔ་མའི་འཕྲོ་ལས། ཉ་སྟོང་བརྒྱད་གསུམ་ལ་སོགས་དུས༔ དགེ་རྩ་དཀོན་མཆོག་དྲུང་དུ་བསྔོ ཞེས་པས་བྱུང་ངོ་ཅོག་སྤྱིར་བཏང་གི་དུས་ཆེན་ཁྱད་པར་ཅན་ཉ་ཞེས་བདེ་འབྱུང་གི་གཙུག་རྒྱན་ཆ་ཤས་རིལ་པོར་གདབ་ལ་སྒྲ་བཤད་བཞག་པ་ཚེས་བཅོ་ལྔ་སྟེ་སངས་རྒྱས་སྣང་བ་མཐའ་ཡས་ཀྱི་དུས་བཟང་དང་། དེ་བཞིན་དུ་སྟོང་ཞེས་ཉི་ཟླ་སྐར་ཁོངས་གཅིག་ཏུ་ཚོགས་པས་མཚན་མོའི་སྣང་བྱེད་མེད་པ་ལ་སྟོང་གི་སྒྲ་བཤད་བཞག་པ་སྟེ་ཚེས་གནམ་གང་ནི་བཅོམ་ལྡན་འདས་ཐུབ་དབང་གི་དུས་ཆེན་དང་། ཆོས་བརྒྱད་ནི་སངས་རྒྱས་སྨན་རྒྱལ་གྱི་དུས་ཆེན་དུ་གསུངས་པ་འདི་རྣམས་ཀྱི་དུས་ཁྱད་པར་ཅན་ལ་དགེ་བའི་ལས་མཐའ་དག་བརྩི་ཞིང་བསྔོ་བར་བྱ་བའི་དུས་ཚོད་དུ་གསུངས་པ་ནི་འཕེལ་འགྱུར་གྱི་སྟོབས་ལ་དགོངས་པའོ། །བཞི་པ་བསྔོ་བའི་ཚུལ་ལ་གསུམ། འབྲས་བུ་ཅི་ལྟ་བུའི་རྒྱུར་བསྔོ་བ་དང་། ཚོགས་ཞིང་ལ་དབང་པོ་འཆོལ་བ། བསྔོར་དངོས་སོ། །དང་པོ་ལ་གཉིས། བསྔོ་བའི་ས་དང་གང་གི་ཆེད་དུ་བྱ་བའོ། །དང་པོ་ནི། ཡུམ་བར་མ་ལས། རབ་འབྱོར་

(༣༥༡)དགེ་བའི་རྩ་བ་འདི་ནི་སངས་རྒྱས་ཀྱིས་ཁོ་ནར་བསྔོ་བར་བྱའོ། །ཉན་ཐོས་དང་རང་སངས་རྒྱས་དང་དེ་གཞན་གྱི་སར་བསྔོ་བར་མི་བྱ་སྟེ། ཞེས་གསུངས་པ་ལྟར་རྣམ་པ་ཐམས་ཅད་མཁྱེན་པའི་ས་ཁོ་ན་མ་གཏོགས། ཚེ་འདིའི་ཕུན་སུམ་ཚོགས་པ་ཙམ་དང་ཐོག་དམན་གྱི་བློས་བསྔོ་བར་མི་བྱའོ། །གཉིས་པ་ནི། དེ་ཡང་སེམས་ཅན་ཐམས་ཅད་ཀྱི་ཕྱིར་བསྔོ་ཡི། རང་ཡོངས་སུ་ཐོབ་པ་ཙམ་གྱི་དོན་དུ་ནི་མ་ཡིན་ཏེ། ཉན་ཐོས་དང་རང་སངས་རྒྱས་ཀྱི་སར་ལྟུང་བར་འགྱུར་བའི་ཕྱིར་རོ། །ཞེས་གསུངས་པ་ལྟར་སེམས་ཅན་ཐམས་ཅད་ཀྱི་དོན་དུ་ལྷག་པའི་བསམ་པ་དཀར་པོས་བསྔོ་བ་ལས། རང་ཉིད་གཅིག་བུ་ཞི་བདེའི་ཆེད་དུ་བསྔོ་བ་བྱ་ན། བྱང་སེམས་ཀྱི་བསླབ་པ་ཉམས་པར་བཤད་པས་ཚུལ་བཞིན་དུ་བྱའོ། །གཉིས་པ་ཚོགས་ཞིང་གསལ་འདེབས་པ་ལ་གཉིས། སྤྱི་དང་བྱེ་བྲག་གོ །དང་པོ་ནི། དུས་ངེས་མེད་ལྟ་བུའི་ཚེ་བསྔོ་བ་བྱ་ན། ཚོགས་ཞིང་གི་དབང་པོ་གལ་ཆེ་བར་བཤད་པས་བདེ་གཤེགས་རྒྱལ་བ་རྒྱ་མཚོའི་ཚོགས་དང་བཅས་པ་མཁའ་ཁྱབ་ཏུ་གསལ་འདེབས་པའམ། ཡང་ན་རྟེན་གསུམ་བྱིན་རླབས་ཅན་ཡོད་ཚེ་དེ་དག་གི་སྤྱན་སྔར་བྱེད་པའོ། །གཉིས་པ་བྱེ་བྲག་གི་གནས་སྐབས་སྒྲུབ་དཀྱིལ་ཞལ་ཕྱེ་བ་ལ་སོགས་ཏེ་འདི་ལྟ་བུའི་གནས་སྐབས་ན། ཕྱོགས་བཅུའི་དེ་བཞིན་གཤེགས་པ་ཐམས་ཅད་མདུན་བསྐྱེད་ཚོམ་བུའི་དཀྱིལ་འཁོར་གྱི་ལྷག་པའི་འཁོར་ལོར་ཤར་བ་ལ་དབང་པོ་གསོལ་བས་འཐུས་ཀྱང་། ཁ་ཅིག་ཨ་འཐས་ཀྱི་བློས་རྣམ་པར་སྒྲོ་བཏགས་ནས་ཚོགས་ཞིང་གསལ་འདེབས་ཀྱི་སྟོང་མཐུན་བརྗོད་པ་ནི། མདུན་དུ་དཀྱིལ་འཁོར་ཡོད་པ་ཐུགས་ཀྱིས་གཡེངས་པའམ། ཡང་ན་དཀྱིལ་འཁོར་དེ་ཉིད་ཀྱིས་ཚོགས་ཞིང་གི་གོ་མཆོད་པར་མངོན་ནོ། ཁ་ཅིག་ན་རེ། ཆོ་གའི་ས་བཅད་ལ་གཞིགས་ནས་བསྡུ་ཆོག་སྔོན་འགྲུབ་པས་སོ་ཞེ་ན། སྒྲུབ་མཇུག་ལྟ་བུར་ཐུན་ཐ་མལ་དེ་བཞིན་འཐད་ཀྱང་། སྒྲུབ་པའི་ཐུན་མཚམས་ཐམས་ཅད་ལ་བསྔོ་བས་རྒྱས་འདེབས་དགོས་པར་མ་ཟད།

(༣༥༢)སྒྲུབ་པ་ཚུགས་ནས་མགྲོལ་གྱི་ཁོངས་སུ་ཡོན་བདག་ཐ་དད་པས་བསྙེན་བཀུར་བ་ལྟ་བུའི་ཚེ་བསྔོ་བ་སྐབས་བསྡུ་ཆོག་མ་ཟིན་ནོ། །གསུམ་པ་ནི། བསྔོ་བ་དངོས་བསྟན་དང་། འཁོར་གསུམ་ཡོངས་དག་གི་རྒྱས་འདེབས་པའོ། །དང་པོ་ལ་གཉིས། གཞུང་འདིའི་སྒོས་ཆོས་ཀྱི་དམིགས་གནད་ཁྱད་པར་ཅན་བཤད་པ་དང་། མཚམས་སྦྱོར་དངོས་གཞིའོ། །དང་པོ་ནི། རྡོ་རྗེ་སློབ་དཔོན་མཚན་ཉིད་དང་ལྡན་པ་དེས་གཞན་དོན་དུ་བསྔོ་བ་བྱེད་པའི་ཚེ། ཡོན་བདག་གསོན་པོ་ཡིན་ཚེ་སྔར་གྱི་སྟོང་མཐུན་རྣམས་ཁོའི་རྣ་བར་ཐེབས་པར་གདག་ལ་ཚོགས་སྒྲུབ་ལྟ་བུའི་སྐབས་གྲལ་གཤམ་དུ་བཞག་ལ་རྗེས་ཟློས་བྱར་བཅུག །ཚེ་འདས་ཀྱི་དོན་དུ་ཡིན་ན་ཏིང་ངེ་འཛིན་གྱིས་རྣམ་པར་ཤེས་པ་བཀུག་ལ་སྔ་མ་ལྟར་རྗེས་ཟློས་བྱེད་པར་བསམ་མོ། །དེ་ལྟར་རྗེས་ཟློས་བྱ་ཚུལ་འདི་ལ་ནོར་ས་ཡོད་དེ། མཐུན་འགྱུར་ནི་མ་ཡིན་ཏེ། ཀུན་མཁྱེན་ཆེན་པོས། དེ་ཡང་བསྔོ་བ་སྦྱིན་བདག་གི་སེམས་ཀྱི་བདུན་པ་ཚིག་གི་ནུས་པས་བྱང་ཆུབ་ལ་སོགས་པར་བསྒྱུར་བ་ཡིན་ནོ། །དེ་ཡང་སློབ་དཔོན་རྣམས་ཀྱི་བྱེད་པ་ནི་དེས་མི་ཤེས་པའི་དབང་དུ་བྱས་ཏེ་གཞན་དུ་ན་དབང་པོ་ཡིན་པས་བླ་མ་དང་དགེ་འདུན་རྣམས་ཀྱིས་ཁོའི་ཚིག་གི་རྗེས་སུ་སེམས་ཕྱོགས་པས། འགྲུབ་པར་གྱུར་ཅིག་པའི་མཐུན་འགྱུར་བརྗོད་པ་ཡིན་ནོ། །ཞེས་གསུངས་པ་ལྟར་རོ། །གཉིས་པ་ནི། སྔར་བཤད་པ་ལྟར་དུས་མ་ཡིན་པའི་ཚེ་གཞུང་ནས་གསུངས་པ་ལྟར་མདུན་གྱི་ནམ་མཁར་ཚོགས་ཞིང་གསལ་འདེབས་བྱ་ཞིང་། ཡན་ལག་བདུན་པས་མཆོད་ཅིང་བརྡ་སྦྱོར་སྤྱི་ལྟར་བྱེད། གནས་སྐབས་འདི་ཉིད་དུ་ནི་བསྔོ་བའི་དབང་པོ་དཀྱིལ་འཁོར་རྒྱ་མཚོའི་ལྷ་ཚོགས་འདི་ལྟ་བུ་བཞུགས་པ་ལ་སྔར་གྱི་འདུན་པ་རྩེ་གཅིག་ཏུ་བཏོད་ཅེས་བརྡ་སྦྱར་ལ་རང་ཡང་དེ་ལྟར་དུ་བསམ་ཞིང་། མཉམ་གཞག་ནམ་མཁའ་ལྟ་བུར་གཡོ་མེད་ཀྱི་ངང་ལས། རྗེས་ཐོབ་སྙིང་རྗེའི་གསལ་སྣང་སྒྱུ་མ་ལྟ་བུའི་རང་བཞིན་དུ། བསྔོ་གཞུང་ནས་བྱུང་བ་ལྟར། ཕྱོགས་བཅུ་

(༣༥༣)ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་སོགས་བརྗོད་ཅིང་། འདུས་པ་རྒྱ་མཚོ་དང་བཅས་པས་མཐུན་འགྱུར་བྱེད། བསྔོ་མཁན་རང་ཉིད་ལས་དགོངས་པ་ལྷག་པའི་སྐྱེས་བུ་ཁྱད་པར་ཅན་གྱི་དགོངས་རྫོགས་ལྟ་བུའི་ཚེ་ན་དེ་ཉིད་དགོངས་གསོལ་གྱི་དབང་པོར་བྱས་ནས། དགེ་རྩ་སེམས་ཅན་ཐམས་ཅད་ཀྱི་དོན་དུ་བསྔོ་ཞིང་ངེས་མཚོན་པའི་བསྔོ་ཆོག་དང་སྨོན་ལམ་ལ་མཐའ་བསྒྱུར་བྱ་བར་གསུངས་ལ། དེ་བཞིན་དུ་ཤི་གསོན་གྱི་བསྔོ་བ་ཡང་འགག་བྱེད་པར་བྱ། གང་གི་ཚེ་ཡང་མཐར་སློབ་དཔོན་གྱིས་བསྐུལ་ལ་འདུས་པ་རྒྱ་མཚོས་ཀྱང་ཆབས་ཅིག་པས། དེ་ལས་བྱུང་དང་གཞན་ཡང་དགེ་བའི་རྒྱུན༔ སོགས་ནས། བླ་མེད་ཐེག་པ་ཆེན་པོར་བསྔོ་བར་བགྱི ཞེས་པའི་བར་བརྗོད་རྗེས་དཀྱིལ་འཁོར་རམ། བསྔོ་བའི་དབང་པོ་དམིགས་བསལ་གང་ཡིན་དེའི་ཐུགས་ཀ་ནས་འོད་ཟེར་གྱི་སྣང་བ་དཀར་ལ་དངས་བཞིར་ཡེར་གྱིས་བྱུང་ནས། གང་གི་དོན་དུ་བསྔོ་བའི་འགྲོ་བ་དེ་དག་གི་སྒོ་གསུམ་ལ་ཕོག་པས། སྡིག་སྒྲིབ་ཉེས་ལྟུང་ཐམས་ཅད་ཉི་མས་བ་མོ་བཞུ་བ་ལྟར་སངས་ཀྱིས་དག །ལུས་འོད་ཀྱི་གོང་བུར་གྱུར་ནས་དམིགས་ཡུལ་གསོན་པོ་ཡིན་ཚེ་རིག་འཛིན་གྱི་གྲལ་དུ་འཁོད་པར་བསམ། གཤིན་པོ་ཡིན་ཚེ་འོད་གོད་དེ་ཡང་རིག་པའི་ངོ་བོ་ཨཱདཀར་པོ་ཞིག་ཏུ་དངས་མར་འདྲིལ་ཏེ་མེ་སྟག་ཡར་བ་ལྟར་སོང་ནས་དཀྱིལ་འཁོར་ལྷག་པའི་གཙོ་མཆོག་གི་ཡེ་ཤེས་སེམས་དཔའི་ཐུགས་སྲོག་དང་འདྲེས་པར་བལྟ་བའམ། ཚོགས་ཞིང་གསལ་བ་ཡིན་ཚེ་བཅོམ་ལྡན་འདས་ཀྱི་ཐུགས་ཀར་ཐིམ། བཅོམ་ལྡན་འདས་བདེ་བར་གཤེགས་པ་འཁོར་བཅས་ཀྱང་ནམ་མཁའ་ལ་འཇའ་སྤྲིན་དེངས་པ་ལྟར་མི་མངོན་ཆོས་ཀྱི་དབྱིངས་སུ་གཤེགས་པར་བསམ་མོ། །དམིགས་པ་འདི་ནི་གཞུང་འདི་ཉིད་ཀྱི་ཁྱད་ཆོས་བླ་ན་མེད་པ་ཞིག་ཡིན་ཞིང་། དེས་ན་བསྔོ་བའི་རིག་མཐའ་དག་ལ་སྦྱར་དུ་ཡོད་ལ། ཤི་གསོན་གྱི་དབྱེ་བ་འབྱེད་པ་གཞུང་ལ་ཧ་ཅང་མི་གསལ་ཡང་ལུང་རིག་གཉིས་ཀའི་སྒོ་ནས་འཐད་ཕྱོགས་

(༣༥༤)བསྒྲུབ་རྒྱུ་ཡོད་དོ། །གཉིས་པ་ལ་གཉིས། འཁོར་གསུམ་མི་དམིགས་པའི་ཀློང་དུ་རྒྱས་གདབ་པ་དང་། ལྡན་འབྲས་ཀྱི་ཕན་ཡོན་བཤད་པའོ། །དང་པོ་ནི། ལུང་ལས། ཡོངས་སུ་བསྔོ་བ་ཁྱད་པར་ཅན། །དེ་ཡི་བྱེད་པ་མཆོག་ཡིན་ཏེ། །དེ་ཡང་དམིགས་མེད་རྣམ་པ་ཅན། །ཕྱིན་ཅི་མ་ལོག་མཚན་ཉིད་དོ། །ཞེས་དང་། ཡུམ་བར་མ་ལས། རབ་འབྱོར་ཆོས་ཐམས་ཅད་རྨི་ལམ་ལྟ་བུ། སྒྱུ་མ་ལྟ་བུ། དགེ་བ་ཡང་རྨི་ལམ་ལྟ་བུ། སྒྱུ་མ་ལྟ་བུའི་ཚུལ་གྱིས་ཡོངས་སུ་བསྔོ་བར་བྱ་སྟེ། ཞེས་དང་། ཀུན་མཁྱེན་གྱིས། དམིགས་པའམ་ཞེན་པས་དགེ་རྩ་བདེན་བདེན་པོར་ཤེས་པ་ནི་མི་བཟང་སྟེ་ཞེས་པའི་རྗེས་ལ་མདོ་སྡུད་པའི་ལུང་འདྲེན་མཛད་པ་དང་། ད་དེ་དག་གི་དོན་སྙིང་པོར་ཧྲིལ་གྱིས་དྲིལ་ནས་གོ་བདེ་བར་བརྗོད་ན། དགེ་བ་རྨི་ལམ་ལྟ་བུ། གསོག་པ་པོ་རྨི་ལམ་ལྟ་བུ། ལེན་པ་པོ་རྨི་ལམ་ལྟ་བུ། སྣང་ཚུལ་མ་འགགས་ལ་དོན་དུ་བདེན་པར་མི་འཛིན་པ་དག་ལ་འཁོར་གསུམ་ཡོངས་དག་གི་བསྔོ་བ་ཟེར་གྱི། ལ་ལས་འདི་དོན་མགོ་བར་ཅི་ཡང་མེད་པར་སྒོམ་པ་ནི་མུ་སྟེགས་ཆད་པར་ལྟ་བ་རྣམས་དང་ཁྱད་པར་མེད་པས་འདིའི་དོན་ལ་ཐོས་པ་དང་བསམ་པ་གཉིས་ཀས་སྒྲོ་འདོགས་ཆོད་པར་བྱ་སྟེ། དེ་ཡང་ཀུན་མཁྱེན་རིན་པོ་ཆེས། སྤྱིར་དགེ་བ་གང་བྱད་ཀྱང་སྦྱོར་བ་བྱང་ཆུབ་སེམས་ཀྱིས་ཟིན་པ། དངོས་གཞི་ལ་དམིགས་པ་དང་མཚན་མ་མེད་པའི་ཤེས་རབ་ཀྱིས་ཟིན་པ། རྗེས་སྒྱུ་མ་རྨི་ལམ་ལྟ་བུའི་བསྔོ་བ་དམ་པས་ཟིན་པ་སྟེ། དམ་པ་གསུམ་དང་འབྲེལ་ན་ཐར་པ་ཆ་མཐུན་གྱི་དགེ་བ་ཞེས་བྱ་ལ། སངས་རྒྱས་ཀྱི་ལམ་མམ་རྒྱུ་བྱེད་པ་ཡིན། །ཞེས་གསུངས་ཤིང་། དེ་ལྟ་བུའི་གནད་ཀྱིས་མ་ཟིན་པ་སོགས་ལ་འཛད་པའི་རྒྱུ་བ་ཞིག་གསུངས་ཏེ། ལུང་ལས། དགེ་བའི་རྩ་བ་བསགས་ནས་ནི། །མ་བསྔོས་ཡང་ན་ལོག་པར་བསྔོས། །གཞན་ལ་བསྒྲགས་དང་འདོད་པ་སྐྱེས། །དེ་ནི་ཟད་པའི་རྒྱུ་བཞི་ཡིན། །ཞེས་གསུངས་པ་ལྟར་འདུས་བྱས་ཀྱི་དགེ་བ་མཐའ་དག་མ་བསྔོས་

(༣༥༥)པར་ལུང་མ་བསྟན་དུ་ལུས་པ་དང་། བསྔོས་ཀྱང་འབྲས་བུ་ཕྱིན་ཅི་ལོག་ཏུ་བསྔོས་པ་དང་། བདག་གིས་དགེ་བ་འདི་ལྟ་བུ་བྱས་སོ་ཞེས་ང་རྒྱལ་གྱི་བསམ་པས་གཞན་ལ་བསྒྲགས་པ་དང་། འདོད་པའི་དབང་གིས་འགྱོད་སེམས་དང་སེར་སྣ་སྐྱེས་པ་སོགས་ལ་བསོད་ནམས་ཆ་མཐུན་གྱི་འབྲས་བུ་ལན་ཅིག་ཐོབ་ནས་སླར་འཛད་པར་འགྱུར་ཏེ། ཀུན་མཁྱེན་གྱིས་སྔ་མའི་འཕྲོར། དེས་མ་ཟིན་ན་བསོད་ནམས་ཆ་མཐུན་ཞེས་བྱ་སྟེ། རང་རང་གི་དགེ་འབྲས་ལན་ཅིག་བྱུང་ནས་ཟད་པར་འགྱུར་བ་ཉིད་དུ་ཤེས་པར་བྱའོ། །ཞེས་གསུངས་པ་སོགས་འདི་ནི་ཤིན་ཏུ་ཁག་ཆེའོ། །གཉིས་པ་དེ་ལྟར་ཚུལ་བཞིན་དུ་བགྱིས་པའི་ཕན་ཡོན་ནི། བློ་གྲོས་མི་ཟད་པས་ཞུས་པའི་མདོ་ལས། ཇི་ལྟར་ཆུ་ཐིགས་རྒྱ་མཚོ་ཆེ་ནང་ལྷུང་། །རྒྱ་མཚོ་མ་བསྐམས་བར་དུ་དེ་མི་ཟད། །དེ་བཞིན་བྱང་ཆུབ་སེམས་བསྔོས་དགེ་བ་ཡང་། །བྱང་ཆུབ་མ་ཐོབ་བར་དུ་དེ་མི་འཛད། །ཅེས་རྒྱ་མཚོ་ཆེན་པོའི་ནང་དུ་ཆུ་ཐིགས་པ་གཅིག་སོང་ཡང་། རྒྱ་མཚོ་མ་བསྐམས་ཀྱི་བར་དུ་ཐིགས་པ་དེ་ཟད་པར་མི་ནུས་པ་བཞིན་དུ། འདི་ལྟར་དགེ་བའི་རྩ་བ་རྣམས་འཁོར་གསུམ་ཡོངས་དག་ཆེན་པོའི་ཀློང་དུ་བསྔོས་པ་དག་བྱང་ཆུབ་མ་ཐོབ་ཀྱི་བར་དུ་འཛད་པ་མེད་ཅིང་ལམ་གྱི་སྟེགས་ཁྱད་པར་ཅན་དུ་འགྱུར་བར་གསུངས་སོ། །བཅུ་པ་ལ་གཉིས། སྨོན་ལམ་གདབ་པ་དང་། རྗེས་ཆོག་བྱ་བའོ། །དང་པོ་ནི། ལས་གཞུང་ལས། ལྷའམ་བླ་མ་ལ་སོགས་པ༔ དཀོན་མཆོག་གསུམ་གྱི་རྟེན་དྲུང་དུ༔ བསམ་འདུན་དག་པས་ཚོགས་བསགས་ཤིང་༔ སྨོན་ལམ་རྒྱ་ཆེར་གདབ་པར་བྱ༔ དེ་ཡི་ཡོན་ཏན་བརྗོད་ལས་འདས༔ ཞེས་གསུངས་པ་ལྟར་སྤྱིར་བོད་གངས་ཅན་གྱི་སའི་ཐིག་ལེ་གཙུག་ལག་ཁང་རྣམ་པ་གསུམ་དང་སྒྲུབ་གནས་རྣམས་སུ་དུས་རྟག་པར་འདོད་པ་དང་བྲལ་བའི་སྨོན་ལམ་རྒྱ་ཆེན་པོ་བཏབ་ན་འགྲུབ་པར་གདོན་མི་ཟ་སྟེ། སློབ་དཔོན་ཆེན་པོས། ལྷས་བསམ་ཡས་ཁྲ་འབྲུག་

(༣༥༦)གནས་རྣམས་སུ རང་འདོས་སྤངས་པའི་སྨོན་ལམ་གང་བཏབ་འགྲུབ༔ ཅེས་གསུངས་པ་དང་། གཞན་ཡང་དཀྱིལ་འཁོར་ཞལ་ཕྱེ་བ་དང་བླ་མ་དཀོན་མཆོག་ལ་སོགས་པའི་དྲུང་དུ་གང་གི་ཚེ་ཡང་སྨོན་ལམ་རྒྱ་ཆེན་པོ་གདབ་ཅིང་། དེ་ཡང་ཚེ་འདི་རྨི་ལམ་ཙམ་ཡིན་ཞིང་ཕྱི་མ་ཤུལ་ཐང་རིང་པར་ཤེས་པར་བྱས་ལ། སྨོན་ལམ་ཕྱིན་ལོག་གི་རིགས་དང་། ཚེ་འདིའི་ཁེ་གྲགས་དཔལ་འབྱོར་སོགས་ཀྱི་སྨོན་ལམ་མི་གདབ་པར། སྔོན་རྒྱལ་པོ་བྱམས་པའི་སྟོབས་ཀྱིས་གནོད་སྦྱིན་སྤུན་ལྔ་ལ་སྐུ་ལུས་སྦྱིན་པར་བཏང་ནས། བསོད་ནམས་འདི་ཡིས་ཐམས་ཅད་གཟིགས་པ་ཉིད། སོགས་པའི་ཤློ་ཀ་གསུངས་པ་ལྟར། འགྲོ་བ་ཐམས་ཅད་ཕ་མར་མ་གྱུར་བ་མེད་ཅིང་། ཚུལ་དེ་ལྟ་བུའི་དྲིན་ལན་བསབ་པའི་སླད་དུ་བདག་གིས་བསོད་ནམས་དང་ཡེ་ཤེས་ཀྱི་ཚོགས་རྣམ་འདུ་མའི་སྒོ་ནས་བསགས་ཏེ་དོན་གཉིས་ལྷུན་གྲུབ་ཏུ་གྱུར་ནས། ཁམས་གསུམ་འཁོར་བ་དོང་ནས་སྤྲུག་ནུས་པའི་མཐུ་ཅན་དུ་གྱུར་ཅིག་སྙམ་པ་ཞེ་ཐག་པ་ནས་བསམ་ཞིང་ཐལ་མོ་སྙིང་གར་སྦྱར་ལ། བདག་དང་མཐའ་ཡས་འགྲོ་བ་མ་ལུས་ཀུན༔ སོགས་བརྗོད་ཅིང་གཞུང་ལས། ཞེས་པ་ལ་སོགས་བསྔོ་བ་སྨོན་ལམ་རིགས། ཇི་ལྟར་འདོད་བཞིན་མཆེད་ལྕམ་རྣམས་ཀྱིས་བྱ༔ ཞེས་གསུངས་པ་ལྟར་ཅི་ལྟར་རིགས་པའི་སྨོན་ལམ་རྒྱ་ཆེར་གདབ་པར་བྱའོ། །གཉིས་པ་ལ་གཉིས། ལས་མཇུག་བསྡུ་བ་དང་། ཐུན་མཚམས་ཀྱི་རྣལ་འབྱོར་རོ། །དང་པོ་ནི། གཞུང་ལས། གཞན་ཡང་རྗེས་ཀྱི་བྱ་བ་སྤྱི་མཐུན་བྱ༔ ཞེས་གསུངས་པ་ལྟར་སྒྲུབ་པ་དང་སྒྲུབ་ཆེན་ལྟ་བུའི་ཚེ་དང་། ཁྱད་པར་མངོན་སྤྱོད་ལ་མན་ངག་སྙིང་གཟེར་ནག་པོ་ལས། ཆ་གསུམ་དག་ཏུ་དག་པ་ནི༔ གནན་བསྲེག་འཕངས་པའི་ལས་གསུམ་ཡིན༔ ཞེས་གསུངས་པ་ལྟར་གབ་ཚིག་ཏུ་རྒྱ་མཚོར་སྦ་བ། རླུང་ལ་བསྐུར་བ། བུད་ཤིང་བྱ་བ་སྟེ་གསུམ་དང་། སྤྱིར་བུ་མ་གཏེར་སྦ་བ། ཁ་བསྐང་གི་སྲེག་བླུགས། ཡི་དམ་དང་ཆོས་སྲུང་ལ་གཏད་རག །སྐོང་

(༣༥༧)བཤགས། ཐོ་བཀྲོལ། གནས་བསྲུང་། དགའ་སྟོན་ལ་སོགས་མཐའ་རྒྱས་ཀྱི་ལས་རྣམས་སོ་སོའི་མཚམས་སུ་བྱ་ཚུལ་སྒྲུབ་ཁོག་གི་ཡི་གེ་དང་མན་ངག་གི་གནད་ལ་བརྟེན་པར་བྱ་ཞིང་གཤིན་ཆོག་ལ་སོགས་པའི་སྐབས་ན་ལས་རྗེས་མི་མངོན་པར་ཅིག་ཆར་དུ་བསྡུ་བར་བྱའོ། །གཉིས་པ་ལ་གཉིས། ཐུན་མཚམས་ཀྱི་བྱ་བ་བཤད་པ་དང་། བརྩམས་པ་དོན་ལྡན་དུ་བྱ་བའོ། །དང་པོ་ནི། དེ་ལྟར་བསྐྱེད་རྫོགས་ཀྱི་ལམ་ལ་ཞུགས་ཕྱིན་ཆད་ཐུན་མཚམས་ཐམས་ཅད་དུ་ཅིར་སྣང་ལྷ་སྐུ་སྒྱུ་མའི་རྣམ་རོལ། སྒྲར་གྲག་སྔགས་ཀྱི་རང་སྒྲ་དྲན་རིག་ཡེ་ཤེས་ཀྱི་འཁོར་ལོར་རྒྱས་གདབ་ཅིང་། བླ་མ་ལ་སངས་རྒྱས་སུ་མཐོང་བ། གདམས་ངག་ལ་བདུད་རྩི་མཐོང་བ། དམ་ཚིག་ལ་སྲོག་ཏུ་མཐོང་བ་སྟེ། མཐོང་བ་རྣམ་གསུམ་ལས་མི་གཡོ་བར་བྱེད་ཅིང་། དེ་ལྟར་མ་ཡིན་པར་དབང་བསྐུར་དང་ལུང་ཁྲིད་ལ་ཐོབ་གྲངས་གཙོ་བོར་བྱས་ཀྱང་སྐྱོན་ལས་ཡོན་ཏན་ཅི་ལ་སྲིད་དེ། གྲུབ་ཐོབ་གོང་མས། དམ་ཚིག་མེད་ན་དབང་མང་དུ་ཐོབ་ཀྱང་དམྱལ་བར་ཡུན་རིང་རོགས་བྱེད་གསུངས་པ་ལྟར་བླང་དོར་གམ་འཛོལ་བར་བྱེད་ཅིང་། དུས་རྟག་པར་གང་དུ་འདུག་པའི་གནས་ཀྱང་པདྨ་འོད་ལ་སོགས་དག་པའི་ཞིང་ཁམས་འབའ་ཞིག་ཡིན་ནོ་སྙམ་པ་ལས་ཐ་མལ་དུ་མི་བལྟ། དེ་ལྟར་བགྱིས་ན་མཐར་ཐུག་ཞིང་ཁམས་རྣམ་པར་དག་པ་ལ་དབང་བར་གསུངས། ཟླ་གྲོགས་ཉེ་འཁོར་ལ་སོགས་པས་མཚོན་ཏེ་བཅུད་ཀྱི་སེམས་ཅན་རྣམས་ཀྱང་ལྷ་དང་ལྷ་མོའི་རང་བཞིན་དུ་བསམས་ནས་དག་སྣང་སྦྱང་། བཟའ་བཏུང་ལ་རོལ་བའི་ཚེ་ཡང་སྔར་བཤད་པ་ལྟར་བཟའ་བའི་རྣལ་འབྱོར་ཁོ་ན་ལ་བརྟེན་ནས་ལོངས་སྤྱོད། འདི་ལྟར་ཚོགས་ཀྱི་དབུས་ན་གསང་སྔགས་མོས་སྤྱོད་ཙམ་ལས་སྣང་སེམས་བདེན་མེད་དུ་མ་རྟོགས་ཤིང་ཉོན་མོངས་པ་ལམ་དུ་སློང་བའི་ནུས་པ་དམན་པའི་ཚངས་སྤྱོད་ཀྱི་ཁྲིམས་ལ་གནས་པ་དག །བྱང་ཆུབ་སེམས་དཔའི་སྡེ་སྣོད་ལས་གསུངས་པའི་འདོད་ཆགས་ལ་

(༣༥༨)མི་གཙང་བའི་འདུ་ཤེས་དགུ། ཞེ་སྡང་ལ་སྐྱེས་བུ་ཆེན་པོའི་རྣམ་རྟོག་བརྒྱད། གཏི་མུག་ལ་སྤྱོད་ཡུལ་ཡོངས་སུ་དག་པའི་གཉེན་པོ་བརྟེན་པ་ལ་སོགས་པས་སྒོ་གསུམ་ཐ་མལ་དུ་སྐད་ཅིག་ཀྱང་མགོལ་བ་ལ་བསླབ་པ་མདོ་སྡེ་དང་མཐུན་པའི་སྤྱོད་ལམ་ཡིན་ལ། སྐབས་སུ་སྣང་སྲིད་སྣོད་བཅུད་ཐམས་ཅད་རྩ་བའི་བླ་མར་གསལ་ནས་གསོལ་བ་ཕུར་ཚུགས་སུ་འདེབས། ཉལ་བའི་ཚེ་ཉམས་ལེན་ལ་བརྟན་པ་ཆེར་ཐོབ་པའི་རྣལ་འབྱོར་པ་ཡིན་ཚེ་རྫོགས་རིམ་གྱི་ཉེར་བསྡུའི་ངང་ལས་གཉིད་འོད་གསལ་དུ་འཇུག །འདིའི་འོད་གསལ་གྱི་འཆར་ཚུལ་ཡང་རྒྱུད་ལུང་མན་ངག་གསུམ་གྱི་བསྟན་པའི་བདག་པོ་ཀུན་མཁྱེན་ཀློང་ཆེན་པ་ཚད་མར་གྱུར་ལ། དེའི་རྒྱུ་མཚན་ནི་འོད་གསལ་རང་རྒྱུད་ལ་ཤར་བའི་རྣལ་འབྱོར་དབང་ཕྱུག་ཆེན་པོ་ཞིག་གིས་སྤྱད་ན་མཁའ་འགྲོ་ཡང་ཏིག་གི་མཐོང་སྣང་རིན་ཆེན་འོད་ཀྱི་དྲྭ་བ་དང་། འོད་གསལ་སྦུབས་འཇུག་སོགས་ཀྱིས་ཡིད་ཆེས་སྟེ་བར་འགྱུར་ལ། ཚིག་ཙམ་ལ་ཞེན་པའམ། རྨོངས་པ་མངོན་པའི་ང་རྒྱལ་གྱི་མཐུ་བརྟས་པས་ནི་དཔྱད་ཀྱང་ཉམས་མྱོང་གི་རྩི་དང་བྲལ་བའི་ཕྱིར་ཕྱོགས་འཛོལ་བའི་གོ་བ་སྐྱེས་པས་ཆུ་ཤིང་གི་སྙིང་པོ་ལྟ་བུར་ཟད་ལ། སྤྱིར་འོད་གསལ་ལ་དགོངས་འདུས་རང་སྐད་ལའང་ཉམས་ཀྱི་འོད་གསལ། རྟོགས་པའི་འོད་གསལ། དུམ་བུའི་འོད་གསལ། མཆོག་གི་འོད་གསལ་ཞེས་གང་ཟག་གི་རྩ་གཟུགས་དང་ཉམས་ལེན་གྱི་སྟོབས་ཆེ་ཆུང་ལ་ཇི་སྙེད་ཅིག་འཆར་བར་གསུངས་ཀྱང་། གཞུང་ཆེན་རྣམས་སུ་བཤད་པའི་དགོངས་པ་མྱོང་པ་ཚད་མས་དཔག་པར་མ་ནུས་པའི་བསམ་གཏན་པ་ལ་ལའི་ཡིག་ཆ་དང་། ད་དུས་ཀྱི་གང་ཟག་ལ་ལས་འོད་གསལ་གྱི་ཡིན་ལུགས་བཤད་པ་དག་ནི་མི་རྟོག་པའི་གཞི་གནས་ཀྱི་འོད་གསལ་ཡུལ་ལྔའི་གཟུང་ཡུལ་ནུབ་པ་དེ་ཉིད། ལྷག་མཐོང་གསལ་བའི་འོད་གསལ་གྱིས་སད་པར་མ་བྱས་པས་གཟུགས་མེད་དུ་འཁོར་བའི་རྒྱུ་དང་། ལ་ལ་ནི་གསལ་བའི་འོད་གསལ་ལ་ཞེན་ཅིང་མཐའ་གྲོལ་ཀློང་ཡངས་ཆེན་པོའི་རྩིས་མ་ཟིན་པས་གཟུགས་

(༣༥༩)ཁམས་སུ་སྐྱེ་བའི་ས་བོན་དུ་བཤད་ཅིང་། སྒོམ་ཉིན་མཚན་འདྲེས་པའི་ལོ་རྒྱུས་སྨྲ་བ་ཁ་ཅིག་ནི་རྩེ་གཅིག་ཆེན་པོའི་བག་ཆགས་ཉིན་མཚན་བརྟས་པ་ལ་མགོ་འཁོར་བས་འོད་གསལ་གྱི་དྲི་མས་གོས་པར་མ་གྱུར་ལ། ཀྱེ་མ་སྙིགས་དུས་ཀྱི་སེམས་ཅན་སོམ་ཉི་དང་ལོག་ལྟའི་འདུ་ཤེས་རགས་ཤིང་རང་རྩིས་ཁོ་ན་ལྷུར་ལེན་པས་ཤེས་རབ་གསུམ་ལ་ཡིད་མི་རྟོན། ཀུན་ཏུ་ཉོན་མོངས་པའི་གཏི་མུག་གི་ར་བར་སྲིད་པའི་སྟོབས་འབྱོར་གྱི་ལང་ཚོ་བསྒྱིངས་ཤིང་རྣོ་མཐོང་དང་གྱེར་ཆོག་ཕྲ་མོས་གློ་བ་ཁེངས་ནས་གདོད་མའི་མགོན་པོའི་ཞལ་ཚབ་ཏུ་ཁས་འཆེ་བ་ལ་ཚམ་ཚོམ་མེད་པའི་མུན་སྤྲུལ་བརྟུན་ངས་ཀྱི་བདག་པོ་དག །རྒྱལ་བའི་བཀའ་ཚད་མ་དང་འབྲེལ་བའི་བླ་མའི་མན་ངག་ཚད་མ། དེ་རང་གི་མྱོང་བ་དང་འབྲེལ་བའི་ཚད་མ་གསུམ་གྱིས་གཏན་ལ་ཕབ་པ་དག་ལ་དེ་ནི་ཚིག་གོ་ཞེས་སུན་འབྱིན་དང་། གཞར་སྨྲ་ཞིང་། གསང་རྒྱུད་རྒྱ་མཚོ་ལྟ་བུའི་གྲུབ་པའི་མཐའ་སློང་ནུས་པའི་དུས་གསུམ་གྱི་བསྟན་པའི་རྒྱལ་ཚབ་རྣམས་ལ་དགྲ་ལྟར་གཤེ་ཞིང་ཆུ་སྲིན་རྒྱལ་མཚན་གྱི་གནས་མལ་སྙིང་ལ་བཅས་པའི་གང་ཟག་དགྲ་སྟྭའི་དུམ་བུ་རྣམས་ཀྱི་རྣམ་པར་ཐར་པ་ལ་དཔྱད་ན་མཚར་ཆེ་སྟེ། ཀྱེ་ཧུད། ཕྱི་མཐའི་དུས་འདིར་སྙིང་ཐིག་མོས་པས་སྤྱོད་པའི་ལུང་བསྟན་མངོན་དུ་གྱུར་པས་ཡིད་ཁོང་དུ་ཆུད་པར་གྱུར་ཏོ། །དེ་ལྟ་ནའང་རྙིང་བསྟན་འཇུག་པ་བཅུ་པའི་ཐུགས་ཀར་རྒྱས་བཏབ་སྟེ་བསྐལ་པའི་བར་དུ་བསུབ་ཏུ་མེད་པར་བྱིན་གྱིས་བརླབས་པའི་བདག་པོའི་རྐྱེན་རྡོ་རྗེ་གདན་གྱི་ནམ་མཁའ་ལ་སོགས་པར་མཁའ་འགྲོ་མས་བཟུང་སྟེ་གནས་པའི་བསྟན་པའི་བཙས་གསུམ་གྱི་རང་བཞིན་གྱི་ནུས་མཐུ་དང་། རྒྱལ་སྲས་པད་འབྱུང་ཡབ་ཡུམ། ཆོས་ཀྱི་རྒྱལ་པོ་ཀློང་ཆེན་པའི་བཀའ་དྲིན་ལ་རྡོ་རྗེ་ཐེག་པའི་དགོངས་པའི་ཞི་ཐུགས་ཀྱི་ལྟད་མོ་ཅུང་ཟད་མཐོང་བས་རྣལ་འབྱོར་པ་ཉམས་མྱོང་ཅན་དང་མཇལ་ན་ངོ་མཚར་གཏམ་གྱི་མཆོད་སྤྲིན་སྤྲོ་རྒྱུར་ཡོད་དོ། །དེས་ན་འདིར་རེ་ཞིག་དེ་ཙམ་གྱིས་མཐའ་

(༣༦༠)བསྡུས་ནས། བྱིངས་རྣམས་ནི་འོད་གསལ་དང་རྨི་ལམ་འཛིན་པའི་མན་ངག་རང་རང་གི་ལུགས་དང་། ཡང་ན་ཡི་དམ་གང་ལ་བྱེད་པའི་ལྷ་དེ་ཉིད་ཀྱི་ཐུགས་སྲོག་ལ་རིག་པ་གཏད་དེ་སྔགས་བཟླ་བཞིན་པར་གཉིད་ལོག་པར་བྱ། སང་ཞོགས་ལྡང་བའི་ཚེ་ན་ཡང་ནམ་མཁའ་ལས་གྲག་སྟོང་གི་སྔག་སྒྲ་ཅང་ཏེའུ་དགྲོལ་བ་ལྟ་བུའི་སྒྲས་བསྐུལ་ཏེ་ཆུ་ལས་ཉ་འཕར་བ་ལྟ་བུར་སྟོང་གཟུགས་ཀྱི་ལྷ་སྐུར་ལངས་ཏེ་ལུས་གནད་དྲང་པོར་བསྲང་། རང་གི་སྣ་སྒོར་ཡེ་ཤེས་ཀྱི་མི་གསལ་ལ་ངར་ལྡན་བྱ་སྒོང་ཙམ་ཞིག་གསལ་བཏབ། རླུང་རོ་དགུ་ཕྲུགས་སུ་བུས་པས་ནད་གདོན་སྡིག་སྒྲིབ་བག་ཆགས་རྟོག་ཚོགས་དང་བཅས་པ་སྡིག་པར་ཅན་གྱི་རྣམ་པར་འཐོན་ནས་གཞོབ་ཐུལ་གྱིས་ཚིག་པར་བསམས་ལ་དྲན་དང་ཤེས་བཞིན་གྱི་རང་མདངས་སོ་སོའི་རྒྱུད་ཚོད་ལ་དཔགས་པ་སྐྱོང་ཞིང་དགེ་སྦྱོར་བསྒྲིགས་མ་ལ་འཇུག །དེ་ཡང་འདི་ཉིད་ཀྱི་གཏེར་སྟོན་ལ་བསླབ་བྱའི་སྐབས། ཕྱི་ལྟར་ལག་ལེན་མདོ་སྡེའི་ལུགས་སུ་སྤྱད༔ གདུལ་བྱ་ལམ་ལ་ཞུགས་པའི་དགོས་པ་ཡོད༔ ནང་ལྟར་གསང་སྔགས་སྤྱི་ཡི་ལུགས་སུ་སྤྱད༔ ལུང་རིག་རྒྱབ་དང་འབྲེལ་བའི་དགོས་ཆེད་ཡོད༔ གསང་བ་ཨོ་རྒྱན་བཀའ་སྲོལ་ལུགས་སུ་སྤྱད༔ ཟབ་གཏེར་བསྟན་པ་ཚུགས་པའི་དགོས་ཆེད་ཡོད༔ ཡང་གསང་དགོངས་པ་འདུས་པའི་ལུགས་སུ་སྤྱོད༔ ཚེ་གཅིག་སངས་རྒྱས་འགྲུབ་པའི་དགོས་ཆེད་ཡོད༔ ཅེས་དང་། ཉིན་དང་མཚན་མེད་ཆོས་ལ་འབད་པར་བྱ། ཐ་མ་རང་དགར་མི་ལུས་དགོས་ཆེད་ཡོད༔ འཇིག་རྟེན་འཁྲུལ་ཕྱིར་མི་འབྲེང་བློ་ཐག་བཅད༔ རྒྱལ་བའི་དགོངས་པ་ལོན་པའི་དགོས་ཆེད་ཡོད༔ ཅེས་གསུངས་པ་ལྟར་ཕྱི་འདུལ་བ་དང་མཐུན་ཞིང་ཞི་དུལ་གྱི་སྤྱོད་པས་ལས་འབྲས་ལ་རྩིས་སུ་བྱ། ནང་གསང་སྔགས་པ་སྤྱི་དང་མཐུན་པར་བསྐྱེད་རྫོགས་ཟུང་འབྲེལ་གྱི་དོན་ལ་རྩལ་སྦྱང་། གསང་བ་རྫོགས་པ་ཆེན་པོའི་ལུགས་སུ་གཟུང་འཛིན་ལ་ཐོག་བརྫིས་བྱ་ཞིང་གནས་ལུགས་ཀྱི་རྟོགས་པ་རྒྱ་ཡན་ཅོག་བཞག་བཅིང་

(༣༦༡)གྲོལ་གཉིས་ཀའི་མཐའ་དང་བྲལ་བ་དེ་ཉིད་ལ་བློ་བཟོ་མི་འཆོས་པར་གཞག །མདོར་ན་དུས་དང་རྣམ་པ་ཐམས་ཅད་དུ་ཐ་མལ་རང་དགར་མི་སྡོད་པར་དལ་འབྱོར་གྱི་སྙིང་པོ་ལེན་པའི་ཐབས་ཁོ་ན་ལ་འབད་དགོས་ཏེ། སློབ་དཔོན་ཆེན་པོས། ད་ཁྱོད་ཆགས་སྡང་དགོས་པ་མེད༔ བཟོད་ཀའི་ངན་སོང་ཐར་མེད་དུ༔ རང་ཉིད་བསྒྱུར་བར་མ་བྱེད་ཅིག༔ དོན་དུ་བཙན་ས་མ་ཟིན་ན༔ ཚེ་འདིའི་མདུན་མ་ཀུན་གྱིས་བསླུ༔ དེ་དོན་ཚེ་འདིའི་དགྲ་གཉེན་གྱིས༔ མཐར་ཡང་རང་ཉིད་བརླག་པར་བྱེད༔ ཆགས་མེད་ཞེན་པ་དང་བྲལ་བས༔ དགའ་དང་སྤྲོ་བའི་སེམས་ཀྱིས་ཀྱང་༔ རྒྱུན་དུ་དམ་པའི་ཆོས་ལ་སོམས༔ གལ་ཏེ་ན་ཚ་སྡུག་བསྔལ་གྱིས༔ སེམས་ཉིད་བཀོལ་དུ་མ་ཐུབ་ན༔ ལས་ངན་སྒྲིབ་པའི་བུད་ཤིང་དུ༔ བསམས་ལ་ཟད་པའི་དགའ་བ་སྒོམས༔ ཉམས་དང་རྟོག་པ་ཅི་བྱུང་ཡང་༔ ཀུ་སཱ་ལི་ཡིས་དུས་འདའ་བྱ༔ འདི་རྣམས་ལམ་གྱི་གེགས་སེལ་དང་༔ བོགས་འདོན་གནད་ཀྱི་གདམས་ངག་གོ༔ ཞེས་གསུངས་པ་ལྟར་ལ་གནད་ཐམས་ཅད་འདུ་ཞིང་། དེ་ལས་ཕྱིན་ལོག་ཏུ་འགོམས་པའི་རྫོགས་པ་ཆེན་པོ་སྤང་བླང་དང་བྲལ་བ། བྱ་རྩོལ་ལས་འདས་པ། སྒྱུ་མ་དང་རྨི་ལམ་ཡིན་ཞེས་གྱ་ཚོམས་ཀྱི་སྤྱོད་པས་བླ་མ་དང་དམ་ཆོས་ཀྱི་ཞབས་མི་སྡུད། ད་ཧྲིལ་གྱིས་དྲིལ་ན། རྒོད་ཚང་རིན་པོ་ཆེས། དེང་སང་གི་ཆོས་པ་དང་སྒོམ་ཆེན་པར་རློམ་ཡང་། ཉིན་བར་ཚེ་འདིའི་བྱ་བ་དང་འཇིག་རྟེན་འཁྲུལ་འབྱམས་ལ་གཡེངས། ཅུང་ཟད་དལ་བའི་དུས་ཀྱང་ལོང་གཏམ་ཟ་འཐུང་རྩེད་མོ་སོགས་མི་ཚེ་ཟད་ཐབས་ལ་སྐྱིད་པོ་ཡིན་པར་བརྩི། མཚན་མོ་ནི་གཏི་མུག་གི་ངང་ལ་རོ་དང་ཁྱད་མེད་པས་ཚེ་ཕྱེད་ཟད། ནངས་ལང་གཉིད་སད་པ་དང་འཁྲུལ་པ་ཨ་འཐས་ཀྱི་རྣམ་རྟོག་སླེབས་པ་དུས་མཉམ་དུ་བྱེད་ཅིང་། ཆོས་ཞུས་ཞུས་དང་ཐོབ་ཐོབ་འདྲེན་ཀྱང་ལག་ལེན་ཚེ་འདི་དོན་འབའ་ཞིག་ལ་དྲིལ་མཁན་ཆོས།

(༣༦༢)བློ་ཆོས་མཐུན་ལ་ལྐུག་པ་རྫི་མེད་དུ་བརྩི་ཞིང་། གཡོ་རྒྱུ་ཟོལ་ཟོག་སུ་ཆེ་ལ་ཕེར་ཡོད་གྲུང་པོར་བརྩི་བའི་དུས་འདི་འདྲར་རང་མགོ་རང་གིས་འདོན་པ་ལ་འབད་པར་བྱའོ། །ཞེས་བཀའ་སྩལ་པ་ཤིན་ཏུ་དགོངས་མོད་པར་སྣང་ཞིང་། དེས་ན་དག་སྣང་ཕྱོགས་མེད་དུ་འབྱོངས་པའི་སྐལ་མཉམ་གྱི་གྲོགས་པོ་དག་ཚེ་ཐར་ལ་འགྲོ་བའི་ཐུགས་བསམ་མི་བཞེས་པར་མཇུག་བསྡོམས་ཀྱི་ཚུལ་སྙིང་པོར་དྲིལ་བ་འདི་དོན་ལ་དཔྱད་པར་འཚལ་ལོ། །དེས་ནི་ཆོ་གའི་དགོངས་འགྲེལ་ལེ་ལག་དང་བཅས་པ་ལྷག་མ་མ་ལུས་པ་རང་གི་བློ་ནུས་དང་འཚམ་པར་བཤད་ཟིན་ཏོ། །གཉིས་པ་ནི། དེ་ལྟར་བཤད་པ་རྣམས་དོན་ཡོད་པར་བྱ་བའི་སླད་དུ་དལ་བའི་དགེ་བ་གང་དག་སེམས་ཅན་ཐམས་ཅད་ཀྱི་དོན་དུ་བསྔོ་བར་བྱ་སྟེ། ཨ་ཧོ། །རྒྱུ་རློམ་སྒྲིབ་པའི་བློ་ཡིས་མ་གོས་ཤིང་། ཁེ་དང་གྲགས་པའི་ཆེད་དུ་མ་ཡིན་པར། །སྙིགས་དུས་བསྟན་པའི་བཙས་སུ་སྨོན་བཙུགས་ནས། །འདི་བརྩམས་དལ་བའི་དགེ་བ་བསྔོ་བྱའི་གཞི། ༡ །དེ་ཡང་སྲིད་པའི་ཕུན་ཚོགས་སླང་དང་ཉན་རང་ཞི་བདེའི་ཆེད་དུ་མིན། །དམིགས་པ་ཅན་དང་དམིགས་མེད་སྟོང་པའི་ཕྱོགས་སུའང་མིན། །ཀུན་ཏུ་བཟང་དང་འཇམ་དཔལ་གཞོན་ནུའི་ཡོངས་བསྔོ་བཞིན། །འཁོར་གསུམ་ཡོངས་དག་གདོད་མའི་མགོན་པོའི་གྲོང་ཁྱེར་དུ། ༢ །རྒྱལ་བའི་བཀའ་ལུང་ཀཻ་ལ་ཤར་རི་གནས་བཅས་ཤིང་། །བླ་མའི་མན་ངག་གཡུ་རལ་སྔོན་མོའི་རྒྱན་བཏགས་ནས། །འཆོལ་པོའི་ལག་ལེན་ཅེ་སྤྱང་དྲེགས་པའི་སྲོག་བཅད་པས། །དེ་ཡི་དགེ་བ་མ་རྒན་འགྲོ་བའི་དོན་ཕྱིར་བསྔོ། ༣ །བདག་གི་སྒོ་གསུམ་སྒྲིབ་ཚོགས་མ་ལུས་དང་། །དག་འཁྱལ་ཅ་ཅོ་ལ་བརྟེན་མི་དགེའི་ལས། །སྐྱེ་དང་སྐྱེ་བར་བསགས་པ་འདིས་བྱང་ནས། །སློབ་དཔོན་དཔའ་བོའི་རྣམ་ཐར་ཐོབ་པར་ཤོག། ༤ །།ཅེས་སྨྲས་ནས། ད་ནི་ས་བཅད་ཡོངས་སུ་རྫོགས་པའི་གནས་སྐབས་ན་བསྟན་བཅོས་ཀྱི་མཚན་ཉིད་རྣམས་ཚིག་གིས་ལེགས་པར་བཀྲལ་ཏེ་རངས་པའི་གནས་སུ་བྱ་བ་ལ། དེ་ཡང་སྤྱིར་

(༣༦༣)བྱ་།།།འདི་ཉིད་ཀྱི་མགོ་མཇུག་ཚང་མར་དགག་སྒྲུབ་དང་། སྐྱོན་ཡོན་གྱི་གླེང་སློང་། ཡིན་མིན་གྱི་གཤགས་འགྱེད་སོགས་ཅི་རིགས་པར་སྣང་བ་དག་ལ། རང་འདོད་དང་ང་རྒྱལ་ཤེས་རློམ། དམིགས་པ་དང་བཅས་པའི་སུན་འབྱིན་དུ་དོགས་པར་མི་བྱ་སྟེ། མགོན་པོ་ཀླུ་སྒྲུབ་ཀྱིས། གཞན་གྱི་སྐྱོན་ནི་བརྗོད་མི་བྱ། །གཞན་གྱི་སྐྱོན་ནི་སུས་བརྗོད་པ། །དེ་བཞིན་བདག་ལའང་ཡོད་པ་སྟེ། །དཔེར་ན་ཝ་དང་བུད་མེད་བཞིན། །ཞེས་དང་། བདག་ལ་ཕུན་སུམ་ཚོགས་ཡོད་ཀྱང་། །གཞན་ལ་བརྙས་པར་མི་བྱ་སྟེ། །ཞུན་མར་ལྟ་བུའི་སེམས་ཀྱིས་སུ། །ཡོན་ཏན་མཐའ་དག་ཁོང་དུ་སྦ། །ཞེས་གསུངས་པ་ལྟར་ལ་ནནྟིའི་རང་མདངས་ལུང་མ་བསྟན་གྱི་སྡང་ཞེན་གྱི་ནའི་དབང་དུ་སོང་བ་ནི་མ་ཡིན་ལ། འདི་ལྟར་གྲུབ་མཐའི་ཀོ་ལོང་གིས་བསྟན་པ་གཞན་ལ་སུན་ཕྱུང་བ་དང་། རང་ཉིད་ཁོ་ནའི་ཕ་བོར་དངོས་གཙང་གཙོར་འདོན་དུ་མ་བྱས་པའི་རྗེས་ལ་སྐྱོན་ངོས་བཟུང་ཞིང་། མཚང་ཡུལ་ནས་མ་ཕུད་ན་ཆོས་དང་ཆོས་མ་ཡིན་པ་ཤན་མི་བྱེད་ཅིང་སྤང་བླང་མི་ཤེས་པའི་སྐྱོན་ཡོད་ལ། དེའི་ཕྱིར་ཡང་དག་པའི་ཐོས་པས་དྲང་དོན་དང་ཕྱོགས་ཞེན་གྱི་ཚིག་ལ་འཆེལ་བདག་ཚར་གཅོད་པ་ཡིན་ཏེ། ཇི་སྐད་དུ་མདོ་ལས། དགེ་སློང་དག་གམ་མཁས་རྣམས་ཀྱིས། །བསྲེགས་བཅད་བརྡར་བའི་གསེར་བཞིན་དུ། །ལེགས་པར་བརྟགས་ལ་ང་ཡི་བཀའ། །ཀླང་བར་བྱ་ཡིས་གུས་ཕྱིར་མིན། །ཞེས་གསུངས་པས་མུན་སྤྲུལ་དང་གཟུ་ལུམ་ཐམས་ཅད་གཅིག་ཏུ་མི་བསྲེ་བར་ལུང་རིག་གི་སྒོ་ནས་བྱི་དོར་བྱས་པ་ལ་ཉེས་པས་མི་གོས་ཤིང་། ཡོན་ཏན་མངོན་གྱུར་དུ་མཐོང་ནས་ཉེས་སྐྱོན་རང་ཞིག་ལ་འགྲོ་བའི་གནད་འགག་ཡོད་ཅིང་བསྟན་བཅོས་ཀྱི་མཚན་ཉིད་ཀྱང་ཡིན་ཏེ། རྣམ་བཤད་རིག་པ་ལས། དགོངས་པ་འདུས་པའི་དོན་བཅས་དང་། །བརྒལ་ལན་བཅས་དང་མཚམས་སྦྱོར་བཅས། །ཚིག་དོན་བཅས་ཏེ་བསྙད་པར་བྱ། །ཞེས་གསུངས་ཤིང་དེ་ཡང་ཉོན་མོངས་པའི་དགྲ་རྣམས་འཆོས་

(༣༦༤)པ་དང་། ངན་འགྲོའི་སྲིད་པས་སྐྱོབ་པ་སྟེ་འཆོས་སྐྱོབ་གཉིས་དང་། ནང་པའི་ཚུལ་གསུམ་དང་ལྡན་ཞིང་། ཕྱི་རོལ་པའི་ངན་པ་དྲུག་དང་བྲལ་བས་གནས་སྐབས་བདེ་ཞིང་དྲང་ངེས་ལྡེམ་དགོངས་ཀྱིས་གབ་པ་དང་མངོན་དུ་ཕྱུང་བས་མཐར་ཐུག་གྲོལ་བ་འགྲུབ་པའི་དོན་ཆེན་པོ་དང་ལྡན་པ་ཡིན་ལ། འདི་ལྟར་མི་ཤེས་པའི་རྨོངས་པ་མངོན་པའི་ང་རྒྱལ་ཅན་ནམ། སྣང་བ་གདོད་འདེད་ཙམ་གྱིས་ལ་བཟླ་ཞིང་། བློ་གྲོས་ཀྱི་མིག་ཟུམ་པ་དག་གིས་གསལ་སྣང་གི་དབང་དུ་ཕྱར་ཀ་དང་སྐྱོབ་རུ་མི་འགྱུར་བའི་ཐབས་ནི་སུས་ཀྱང་བྱ་རུ་མེད་ཅིང་། སེམས་ཅན་རང་རང་གི་ལས་དབང་གིས་མནར་དགོས་པ་དག་ལ་སངས་རྒྱས་དང་བྱང་སེམས་ཀྱང་ལོག་པ་ཅན་དུ་མཐོང་བསེར་སྐྱ་ལ་སོགས་པ་དང་། མཁན་སློབ་ཆོས་གསུམ་གྱི་དུ་ས་བོན་དང་སྡིག་བློན་ལྟ་བུས་མཚོན་པ་དང་། དེ་བཞིན་དུ། དཔེར་ན་ལྷའི་རྒྱལ་པོ་དབང་བསྒྱུར་གྱི་གནས་མན་ཆད་ནས། འཛམ་བུའི་གླིང་ཡན་ཆད། མཐོ་རིས་ཀྱི་གནས་རྣམས་སུ་འདོད་པའི་ཡོན་ཏན་གྱི་རྐྱེན་ཆར་སོ་སོར་འབབས་པ་ཡང་། རྒྱ་མཚོའི་ལྷའི་དབང་དང་། གནས་སོ་སོའི་ནམ་མཁའི་དབང་དང་། འགྲོ་བ་སོ་སོའི་ལས་ཀྱི་རྒྱུད་ལས། ཆར་སོ་སོར་འབབས་པར་འགྲུབ་པ་ཡིན་ཡང་། རྒྱ་མཚོའི་ལྷ་ཡང་འདི་སྙམ་དུ། །བདག་གིས་ནི་གནས་འདི་རྣམས་སུ་སོ་སོའི་ལས་དང་སྐལ་བ་དང་འཚམ་པར་སྤྲིན་འདི་ལྟ་བུ་བསྡུ་བར་བྱའོ། །སློག་འདི་ལྟ་བུར་དབྱུང་བར་བྱའོ། །འབྲུག་འདི་ལྟ་བུ་བསྒྲག་པར་བྱའོ། །ཆར་འདི་ལྟ་བུ་དབབ་པར་བྱའོ་སྙམ་དུ་མི་རྟོག །རྣམ་པར་མི་རྟོག །མངོན་པར་མི་རྩོལ་བཞིན་དུ་སོ་སོའི་ལས་དང་སྐལ་བ་དང་འཚམ་པའི་འབྲུག་གློག་དང་། ཆར་ཡང་རིན་པོ་ཆེ་སྣ་ཚོགས་ཀྱི་ཆར་དང་། མཚོན་ཆའི་ཆར་དང་། ཆུ་དང་སའི་ཆར་གྱི་བར་དུ་འབྱུང་བ་བཞིན་དུ། འདིར་ཡང་གྲུབ་པའི་རིག་འཛིན་དང་། ལུང་གིས་ཕྱུག་པ་དང་། སྨྲ་བར་མཁས་པ་དང་། བསྟན་ལ་དད་པ་དང་། དཔྱད་བཟོད་པ་དང་། བར་མ་དང་། ཀུན་ནས་

(༣༦༥)ཉོན་མོངས་པ་དག་རང་རང་གི་ངོ་ཁ་ལ་ཐ་དད་དུ་སྣང་བ་སྟེ། དོན་ལ་སངས་རྒྱས་གཉིས་པ་སློབ་དཔོན་ཆེན་པོའི་བསྟན་པ་ལ་སྲི་ཞུ་དང་རྡོ་རྗེ་ཐེག་པའི་གྲུབ་པའི་མཐའ་ཅུང་ཟད་སློང་ནུས་པ་ཡིན་པས་བསྟན་འཛིན་གྱི་སྐྱེས་བུ་དམ་པ་རྣམས་ཨ་ལ་ལ་ཧོ་གསུང་པར་གདོན་མི་ཟའོ། །སླར་སྨྲས་པ། སངས་རྒྱས་གཉིས་པ་པདྨ་ཀཱ་ར་ཡི། །ཐུགས་ཀྱི་ཐིག་ལེས་འོག་གཏེར་གཅིག་མ། །དགོངས་འདུས་གསེར་ཆོས་མཐའ་བྲལ་ནམ་མཁའི་ཁྱོན། །རྐང་པ་དྲུག་པའི་སྤྱོད་ཡུལ་མ་ལགས་སོ། ༡ །བློ་གྲོས་ན་ཚོད་ཕྲ་བའི་བྱིས་པ་འགས། །རློམ་སེམས་ཁྲོན་པའི་ལག་འགྲོའི་བརྟུལ་ཞུགས་ཀྱིས། །ཐོས་པ་ལྷུར་ལེན་པའི་བསྟན་བཅོས་མ་ཡིན་པའི་དནྜི་འཁྱོག་ཚིག་གི་སྤྲོས་པ་ཉེ་བར་ཞིབས་ཤེས་པ་རྟོག་མེད་ཀྱི་ངང་ནས་འབོལ་རྩོམ་བྱུང་རྒྱལ་ཏུ་སྨྲས་པ། གསང་སྔགས་རྩེད་མོར་བྱེད་ལ་ཡིད་འཕམ་ནས། །ཤ་ཝ་རི་བས་རུས་སྦལ་བློ་ལྡན་བྱས། ༢ །ཀ་ཡེ་ཚུར་ཤོག་ཤེས་ལྡན་གྲོགས་པོ་དག །ཕྱོགས་ལྷུང་མྱོས་བྱེད་རོ་ལ་མ་ཆགས་པར། །དཀའ་གནད་བཞིན་སྟོན་མཁྱེན་བརྩེའི་མེ་ལོང་ལ། །འདྲེན་བྱེད་ཅུང་ཟད་གཡོས་ལ་ལྟད་མོ་བྱོས། ༣ །འོན་ཏེ་མ་རིག་གདོན་ཞུགས་འབྱུང་པོའི་བྱ། །ལེགས་བཤད་འོད་ཟེར་བརྒྱ་བའི་མདངས་ཤར་ཚེ། །གནག་དཀའ་མུན་པའི་སྨག་རུམ་བྱུང་སྙམ་ནས། །ལོག་རྟོག་ས་ཕག་ཡིབས་ལ་འདི་མ་འཚལ། ༤ །དགེ་སློང་ལྷས་བྱིན་སྨོན་ལམ་མ་དག་པས། །བདེ་གཤེགས་ལ་ཡང་ནནྟིའི་གོང་བུར་མཐོང་། །བླུན་པོ་དྲུག་སྟོན་ལ་ཡང་འདུད་བྱེད་ན། །ཀུན་ཡིད་མགུ་བའི་ནུས་པ་བདག་ལའང་དམན། ༥ །དེ་ཕྱིར་མི་གཙང་རོལ་པའི་ཁཱ་ཏ་ཡིས། །འགྱུར་བྱེད་མཆུ་སྒྲོས་བརྟེག་ནས་འབྲེལ་མེད་ཀྱི། །ཅལ་སྒྲོག་བྱེད་པ་སྙིང་རྗེའི་ཡུལ་ཡིན་པས། །གང་ལ་དེ་ཡིས་སྒྲིབ་པར་མ་གྱུར་ཅིག ༦ །ཡུལ་དུས་གང་ཟག་བསོད་ནམས་དམན་པ་བདག་འདྲ་ཡིས། །རྡོ་རྗེའི་ཚིག་ལ་འགྲེལ་བཤད་གཉེར་བ་ག་ལ་རིགས། །གནོད་པ་བཀུར་རོ་ནོངས་པའི་ཆ་རུ་གྱུར་ཏོ་

(༣༦༦)འཚལ། །མཁས་དང་འཕགས་ཆེན་དམ་པའི་སྤྱན་སྔར་སྙིང་ནས་འཆགས། ༧ ཁེངས་དང་རློམ་སེམས་དྲེགས་པ་ཐག་ཁྲའི་གཟུགས། །དྲན་དབང་ལྷོ་འགྲོའི་གོ་སར་ཞུགས་མིན་ཡང་། །གཞན་གྱིས་བསྐུལ་བའི་བཞིན་རས་མཚར་སྡུག་མས། །ཡིད་ཀྱི་ཆོམ་རྐུན་བྱས་ཏེ་གླུ་འདི་བླངས། ༨ །ཀྱེ་ཧོ་འདམ་བུའི་ཁྲོད་ནས་པདྨ་བཞིན། །མང་པོར་བཤད་པའི་སྙིང་པོ་ནི་ཏཱརྠ།།། །ལ་འབབ་དགོངས་འགྲེལ་མཁྱེན་བརྩེའི་མེ་ལོང་གི། །འོད་ཟེར་བརྒྱ་བ་ནོར་འཛིན་རྒྱན་དུ་ལོང་། ༩ །སྲིད་འདིར་བཤེས་གཉེན་མ་བསྟེན་འཁྲུལ་ཡང་སྲིད། །དགོངས་པའི་གསང་མཛོད་རྡོལ་བས་མ་འཁྲུལ་སྲིད། །འཁྲུལ་ན་ལྷ་དང་བླ་མའི་སྤྱན་སྔར་བཤགས། །མ་འཁྲུལ་གྱུར་ན་བསྟན་པའི་བཙས་སུ་སྨོན། ༡༠ ཁོ་བོའི་རྣམ་རྟོག་དུག་ལྔའི་རི་མོ་མཁན། །པདྨའི་ཐུགས་རྗེས་བྱིན་གྱིས་བརླབས་དེའི་མཐུས། །འདྲི་བར་སྤོབས་པ་ཐོབ་སོ་ཅོག་རྣམས་ཀྱིས། །ནམ་ཞིག་གཞན་ཕན་རྒྱ་ཆེར་འགྲུབ་པར་ཤོག ༡༡ །ཐོས་དང་ཤེས་རློམ་དྲེགས་པའི་མཆེ་སྡེར་ཅན། །ལྷ་གྲུབ་ཕྱོགས་ལྷུང་ནགས་སུ་མི་ཡན་པར། །ཆོས་ཀུན་ཤ་མོའི་སུལ་ལྟར་དབྱེ་མུས་ལ། །ཤ་མོའི་ཕུ་ལྟར་གཅིག་ཏུ་གཟུང་ནུས་ཤོག ༡༢ །སྲིད་འདིའི་ཕུན་ཚོགས་ཨེར་ན་ཌི་ཤིང་ལྟར། །སྙིང་པོ་མེད་པར་གོ་བའི་ངེས་འབྱུང་གིས། །གྱོང་པོའི་རང་རྒྱུད་སྤྱངས་ནས་རི་སུལ་དང་། །གངས་སྟོང་འགྲིམ་པའི་སྙིང་སྟོབས་སྐྱེ་བར་ཤོག ༡༣ །འཇིག་རྟེན་སྐྱེ་བོས་བརྙས་ཀྱང་དམ་པས་མིན། །སྙན་གྲགས་བྲག་ཅའི་སྒྲ་རུ་རབ་གོ་ཞིང་། །འདོད་ཡོན་བདུད་ཀྱི་ཞགས་པས་མི་བསླུ་བར། །སྤྲང་པོའི་སྤྱོད་པས་མི་ཚེ་འདའ་བར་ཤོག ༡༤ །རྩ་བརྒྱུད་བླ་མའི་ཡེ་ཤེས་གཟིགས་པ་ཡི། །བརྩེ་བ་ཆེན་པོས་རྗེས་སུ་བསྐྱངས་པའི་མུར། །བཟོད་དཀའི་རྐྱེན་ངན་དང་དུ་ལེན་པ་དང་། །འཁོར་བར་ཕྱི་ཕྱག་འཚལ་ལ་བརྩོན་པར་ཤོག ༡༥ །ཨེ་མ་ཁས་ལེན་བྲལ་བ་ལྟ་བའི་རྫོང་། །རིག་སྟོང་ཡིད་ལ་བྱར་མེད་སྒོམ་པའི་ཕྲང་། །ཆུ་ལ་རལ་གྲི་བསྣུན་འདྲ་སྤྱོད་པའི་སྲོག །ལྡོམ་བུ་བདག་གི་སྙིང་ལ་གནས་

(༣༦༧)པར་ཤོག ༡༦ །རང་བཞིན་འོད་གསལ་རྫོགས་པ་ཆེན་པོའི་དོན། །རྒྱས་འདེབས་མཛུབ་རིས་ཙམ་དུ་མི་ལུས་པར། །ཅིར་སྣང་ལམ་དུ་ལྷོངས་པའི་དྲན་རིག་དང་། །མཉམ་རྗེས་གཉིས་ཀྱི་སྤུ་རིས་དག་པར་ཤོག ༡༧ །ཚོགས་དྲུག་སྣང་བ་གྲ་།།།ཆགས་གྲུ་མ་ཉམས། །སེམས་ཀྱི་རང་བཞིན་གཞི་རྩ་ཆོད་པ་དང་། །རྨི་ལམ་འཁྲུལ་པ་གཞོན་ནུ་བུམ་སྐུའི་ཀློང་། །ཐིམ་ནས་འོད་གསལ་ངང་ལ་གནས་པར་ཤོག ༡༨ །རྩེ་གཅིག་ཀློང་དུ་རང་རྒྱུད་དབུ་མ་ཆམ་ལ་ཕེབས། །སྤྲོས་བྲལ་ཀློང་དུ་ཁས་ལེན་མེད་པའི་ཐལ་འགྱུར་མཇལ། །རོ་གཅིག་ཀློང་དུ་འཁོར་འདས་ཕྱག་རྒྱ་ཆེན་པོར་དག །སྒོམ་མེད་ཀློང་དུ་རྫོགས་ཆེན་སྣང་བཞི་ཟད་པར་ཤོག ༡༩ །བདག་གི་དོན་དུ་སྤངས་རྟོགས་ཡོན་ཏན་མཐར་ཕྱིན་ནས། །གཞན་གྱི་དོན་དུ་འགག་མེད་སྙིང་རྗེའི་བརྟུལ་ཞུགས་ཀྱིས། །སྔོན་གྱི་རྒྱལ་བས་ཐུགས་བསྐྱེད་སྨོན་ལམ་མཛད་པ་ལྟར། །མ་རྒན་འགྲོ་རྣམས་བདག་ཉིད་གཅིག་པུས་འདྲོངས་པར་ཤོག ༢༠ །ཐུབ་བསྟན་སྤྱི་དང་ཁྱད་པར་རྡོ་རྗེ་སྙིང་པོ་ཡི། །བསྟན་པ་རིན་ཆེན་མི་ཉམས་དབྱར་མཚོ་ལྟར་འཕེལ་ཞིང་། །དེ་འདྲའི་མཐུ་ལས་གངས་རིས་བསྐོར་བའི་རྒྱལ་ཁམས་འདིར། །དུས་འཁྲུག་ནད་མཚོན་མུ་གེའི་དུཁ་ཞི་བར་ཤོག ༢༡ །བདག་དང་གཞན་གྱིས་བསམ་གཏན་སྒོམས་པའི་དགེ་བ་ཡིས། །འགྲོ་ཀུན་འོད་གསལ་རྡོ་རྗེ་སྙིང་པོའི་གྲུར་ཆུད་དེ། །ཤིན་ཏུ་བརྒལ་དཀའ་འཁོར་བའི་རྒྱ་མཚོ་རབ་སྒྲོལ་ནས། །རྒྱལ་བའི་གོ་འཕང་རིན་ཆེན་གླིང་དུ་ཕྱིན་པར་ཤོག ༢༢ །འདི་བརྩམས་དགེ་བས་བསྐྱེད་རྫོགས་མན་ངག་ལ། །ལྟ་བའི་རབ་རིབ་མིག་གི་དྲི་ཕྱིས་ནས། །སྐད་ཅིག་ཡུད་ལ་བརྩོན་པ་མ་དགོས་པར། །ཆོ་ག་ཀུན་གྱི་སྙིང་པོ་མཐོང་བར་ཤོག ༢༣ ཁྱད་པར་ཉམ་ཐག་བར་དོའི་སེམས་ཅན་གྱི། །སྐྱབས་གཅིག་འདི་ལས་གཞན་དུ་མ་དམིགས་པས། །བདག་གི་ལྷག་བསམ་དག་པའི་དགེ་འབྲས་ཀྱིས། །འདི་དོན་གནད་ལ་ཀུན་གྱིས་རྟོགས་པར་ཤོག ༢༤ །དེ་མཐུས་མ་གཅིག་ཡེ་ཤེས་མཚོ་རྒྱལ་གྱི། །ལྕགས་ཁང་དྲུང་དུ་

(༣༦༨)དོང་སྤྲུགས་མཛད་པ་ལྟར། །ངན་སོང་སེམས་ཅན་ཕ་མའི་རང་བཞིན་ཀུན། །ཆོ་ག་འདི་ཡི་སྒོ་ནས་འདྲོངས་པར་ཤོག ༢༥ །དགོངས་ཤིག་མཁའ་ཁྱབ་རིག་འཛིན་རྒྱ་མཚོས་དགོངས། །རློབས་ཤིག་སྨོན་ལམ་འགྲུབ་པར་བྱིན་གྱིས་རློབས། །མཛོད་ཅིག་བདེན་ཚིག་འགྲུབ་པའི་མཐུན་འགྱུར་མཛོད། །སྲུངས་ཤིག་ཤ་ཟ་ཌཱཀྐི་བཀའ་འདི་སྲུངས། ༢༦ །བདག་གིས་བསྐལ་པར་བསགས་པའི་སྡིག་སྒྲིབ་ཀུན། །བདག་གི་སྨོན་ལམ་རྣམ་དག་འདིས་བྱང་ནས། །བདག་གིས་ཀུན་བཟང་ས་ལ་བྱིན་ནས་ཀྱང་། །བདག་གིས་འཁོར་བ་དོང་ནས་སྤྲུག་ནུས་ཤོག ༢༧ །དེ་ལྟར་བླ་མ་དགོངས་པ་འདུས་པའི་ན་རག་སྐོང་བཤགས་ བྱིན་གྱིས་བརླབས། གཙོར་བཏོན་གྱི་ཆོ་གའི་རྣམ་གཞག་དང་འབྲེལ་བའི་བསྐྱེད་རྫོགས་ཟུང་འཇུག་གི་སྒྲོམ་ཁོག་མཁྱེན་བརྩེའི་མེ་ལོང་འོད་ཟེར་བརྒྱ་པ་ཞེས་བྱ་བ་འདི་ནི། སྔ་ལོའི་དུས་ནས་བླ་མ་གྲོལ་མཆོག་ལགས་ཀྱིས་ངོས་དང་གསུང་ཤོག་གི་ལམ་ནས་ཉམས་ལེན་གྱི་གནད་ཁྲོལ་བ་ཞིག་ཅིས་ཀྱང་འདྲི་དགོས་ཞེས་བསྐུལ་འདེབས་གནང་རིགས་བྱུང་ཡང་། གནས་སྐབས་ཀྱི་སྣང་ཚུལ་ལ་འགྲོ་རྒོད་སྣ་ཚོགས་ཤར་ཏེ་རིམ་འགྱངས་སུ་སོང་ཐོག །ཉེ་ཆར་འདི་ལོར་སྐུ་ཚེ་བློས་བཏང་གིས་སྙིང་པོའི་སྒྲུབ་པ་ལྷུར་ལེན་ལ་བརྩོན་པའི་དོན་ལྡན་སྟོབས་ཅན་སྒོམ་ཆེན་དྷརྨའི་མཚན་ཅན་གྱིས་དྲི་མེད་ཀྱི་ལྷ་རྫས་གངས་རིའི་མདངས་ལྡན་བཅས་སྐུ་དངོས་དང་གསུང་ཤོག་གི་ལམ་ནས་ནན་ཏན་ཆེན་པོས་བསྐུལ་འདེབས། ཤིན་ཏུ་ཉེ་བའི་གམ་དུ་འཁོད་པའི་ཡིད་བཞིན་རེ་སྐོང་གི་རྡོ་རྗེའི་སྤུན་གྲོགས་དག་པའི་སྣང་བ་ཅན་སྨན་མཁྱེན་གཉིས་ཀྱི་རིང་ལུགས་ལ་བཟང་པོའི་བག་ཆགས་སད་པ་ཝ་གིནྡྲའི་མཚན་ཅན་གྱིས་ཡིག་འཕྲིན་གྱི་ལམ་ནས་དོ་གལ་ཆེན་པོས་བསྐུལ་འདེབས་དང་། ཤོག་ལས་སོགས་མཐུན་རྐྱེན་ཚུལ་བཞིན་དུ་སྦྱར་བ་རྣམས་འཛོམ་པ་ལས། རང་བློར་ཡང་གཏེར་ཆོས་འདི་ཉིད་ཁྱབ་གངས།།།་དུ་གྲགས་ཆེ་བས་ལག་ལེན་བཟང་ངན་གྱི་སྤུ་རིས་ཅི་ལ་བྱེད་ཀྱང་། ཅུང་ཟད་མཐོང་བ་དག་ཆོག་རང་རང་གི་ཐད་ཀར་

(༣༦༩)དགག་སྒྲུབ་ཀྱི་གླེང་སློང་པ་ལྟར་ཅི་རིགས་པར་མཐོང་བས་སྙིགས་དུས་སུ་བསྟན་པ་རིན་པོ་ཆེའི་བཙས་སུ་སྨོན་པ་བཙུགས་ནས་ལྷག་པའི་ལྷ་དང་དམ་ཅན་གཏེར་བདག་རྣམས་ལ་གནང་བཞུས་པ་ལས་བགྱིར་རུང་བའི་ལྟས་ཁྱད་པར་ཅན་མཐོང་བ་ལ་བརྟེན། བདག་ཅག་གི་སྟོན་དྲག་པོ་ཞེས་པ་ལྕགས་ཕོ་སྤྲེའུའི་ལོ། །སྐར་མས་གས་ཉ་བའི་དཀར་ཕྱོགས་ཀྱི་བཟང་པོ་གཉིས་པའི་ཆེས་ཀྱི་མཚན་མོའི་དགུང་ཐུན་གྱི་ཆ་ན་སྐྱེ་དགུའི་བསོད་ནམས་ཀྱི་དཔལ་ཡོན་དུ་ཐོབ་པ་ནས་ལོ་ཚིགས་ཀྱི་བགྲོད་པ་ཀུན་ལྡན་སྐྱོན་དང་རྒྱུ་སྐར་གྱི་འཁོར་ལོའི་གྲངས་སུ་སླེབས་ཤིང་། སངས་རྒྱས་གཉིས་པ་པདྨ་ཀཱར་བསིལ་ལྡན་ཕན་བདེའི་བྱེད་པོར་ཕེབས་ནས་བགྲང་བྱའི་འཁོར་ལོ་དུས་མེ་བུ་གའི་ ༧ སྟོན་པ་འཁྲུངས་པའི་ལོ་ཟླ་ལ་རྒྱབ་ལ་།།།བ་ཚེའི་པཎྜི་རྟ་མང་པོ་ཞལ་མ་འཆམས་པའི་འདོད་ཕྱོགས་ཐ་དད་ཡོང་ཀྱང་འདི་ནི་དཔལ་དུས་ཀྱི་འཁོར་ལོའི་སྐར་རྩིས་དྷཱུ་ལ་ཡང་ཀློག་གི་དུས་ཚིག་བརྟག་པའི་འགྲོས་ཅན་དང་སྒོར་ལྟུན་རྣམ་པར་དཔྱད་པའི་རྗེས་སུ་འདྲངས་པའི་ལེགས་བཤད་བཻ་ཌཱུར་དཀར་པོ་ཞེས་པད་དཀར་ཐལ་ལུང་ལ་ཅ་འདྲི་བ་དང་། འཇིག་རྟེན་མིག་གཅིག་ཆེན་པོའི་བསྟན་བཅོས་རྒྱལ་རབས་དཔྱིད་རྒྱལ་མ་སོགས་ཀྱི་རྗེས་སུ་འབྲས་པའི་མན་ངག་རྣམ་དག་ཡིན་ནོ། །ཐོག་ཏུ་སླེབ་པ། འཕགས་པའི་ཡུལ་དུ་ཨི་ཤྭར་ཞེས་འབོད་ཅིང་སྟོད་འགྲེལ་ལས་གངས་ཅན་པའི་སྐད་དུ་དབང་ཕྱུག་ཅེས་པ་དང་། ཤར་ཕྱོགས་རྒྱན་གཏང་འཁུན་གྱི་གྲོང་ཁྱེར་དུ་དིང་ཚིའུ། འབྱུར་རྩིས་པས་དབང་ཐང་དང་བསྟུན་ནས་མེ་གླང་དུ་འབོད་ཅིང་། བདུན་པ་ཆེན་པོ་རི་བོ་ཏ་ལར་ཞལ་གཟིགས་པའི་ལོ། རང་ལོ་ཉེར་དགུ་པ་སྟེ་བགྲང་བྱའི་འཁོར་ལོ་རྩེ་མོའི་གྲངས་མཉམ་ལ་བསྐྱེད་རྫོགས་ཀྱི་དམ་བཅས་མི་གཡེལ་བའི་གནས་སྐབས། དཔྱིད་འབྲིང་ས་ག་ཟླ་བའི་དཀར་ཕྱོགས། ཉིན་བྱེད་དབང་པོ་གླང་གི་ཁྱིམ་ན་དགའ་མགུར་རོལ་བའི་དུས། ༢ འཛམ་གླིང་ཆུང་ངུ་འདིའི་ཡུལ་ཆེན་དྲུག་གི་ནང་ཚན་ཆ་བསགས་ཀྱི་གྲོང་ཁྱེར་ཅེན་པོར་ས་བཅུའི་བྱང་ཆུབ་སེམས་དཔའ་སའི་དབང་ཕྱུག་གི་རྣམ་པས་ལོ་བརྒྱ་བརྒྱར་ཆོས་སྟོན་པ་འབྲས་ཐོབ་ཆོས་རྒྱལ་བདུན་དང་རིགས་ལྡན་ཉི་ཤུ་རྩ་ལྔ་ལས། རིགས་ལྡན་རྒྱ་མཚོ་རྣམ་རྒྱལ་མིག་ཀླུ་རི་བོང་ཅན་དང་། རྒྱལ་དཀའ་གཟུགས་མིག་ཧ་སྟའི་གྲངས་གཉིས་བསྡོམས་པས་

(༣༧༠)མེ་མཁའ་རྒྱ་མཚོའི་བགྲང་བྱར་གྲུབ་པ་ཟད་པ་མེ་སྟག་ལ་རྫོགས་པའི་མེ་ཡོས་ལོང་ཀ་ལ་ཙཀྲ་བོད་དུ་ཐོག་མར་ཕེབས་པར་རབ་བྱུང་དང་པོར་བཟུང་སྟེ་རིམ་པར་བགྲང་བའི་ལོ་རྒན་དྲུག་ཅུ་བཅུ་གཉིས་བུད་པའི་རབ་བྱུང་བཅུ་གསུམ་པའི་ནང་ཚན་ཡིན་ལ། གཎྜ་ཁ་རི་མོ་གཉེར་བའི་གཏི་མུག་ཅན་ཁ་ཅིག་གིས་བགྲང་གཞིའི་རྩ་བ་མ་ཕིགས་བསར་འབྱུང་བཅུ་གསུམ་ཟེར་བ་འོང་མི་ཐང་ཟེར་བ་མུན་སྤྲུལ་ལོ། ཚེས་ལ་འཆར་བའི་དབྱངས་ཡིག་མ། །གསལ་བྱེད་ཛྫུ། རྟེན་འབྲེལ་ལེན་པ། དར་གུད་སྨིན་པ། རྣམ་དག་གྲུབ་པའི་རེས་གཟའ་བུ་དྷྱ༔ རེས་འགྲོགས་ཀྱི་ཟླ་སྐར་ཨ་ནུར་དྷྱ་དང་དགའ་མགུར་སྤྱོད་པའི་ཉིན་ནས་མགོ་བརྩམས་ཏེ་གུང་ཐུན་གྱི་བསྲུབས་སུ་ཟེ་གསོག་བྲིས་པ་ལས། ལོ་དེ་ཉིད་ཀྱི་དབྱར་སྨད་སྐྱེ་བོ་རྣམས་རང་རང་གི་ལོ་ཏོག་གི་འབྲས་བུ་གཡུར་དུ་ཟ་བའི་ཕྱོགས་ལ་ཉེ་ཞིང་། རྒྱལ་མོ་བཞི་ལས་སྟོན་གྱི་བྱེད་པ་པོ་ཁུ་ཚུར་ན་ཤིང་འབྲས་ཐོགས་ནས་རྣམ་པར་དགོད་པའི་བཞིན་རས་སྟོན་པའི་གནས་སྐབས། ཉིན་བྱེད་དབང་པོ་ན་ཆུང་མའི་ཁྱིམ་ན་རླུང་ཁམས་ཨུཏྟར་ཕལྐུ་ནིའི་དགའ་མདང་རོལ་ཞིང་། ལེགས་བྲིས་ཀྱི་བདེན་ཚིག་གྲུབ་པའི་དྲང་སྲོང་ཆེན་པོ་རྀ་ཥའི་འོད་ཟེར་གྱིས། ཉལ་འགྲོ་མའི་རྒྱུན་ཐམས་ཅད་ཡན་ལག་བརྒྱད་ལྡན་གྱི་བདུད་རྩིའི་ནུས་པ་བྱིན་པས་སྐྱེ་བོ་ཐམས་ཅད་མཱ་མ་ཀཱིའི་མཁའ་དབྱིངས་སུ་སྦྱོར་ཞིང་། ཆོས་ཀྱི་འཁོར་ལོ་འདོད་པའི་གྲངས་ལ་སླེབ་པའི་ཉིན་རྣམ་དག་གྲུབ་པའི་རེས་གཟའ་ཁྱུང་སྔོན་སྐྱེས་དང་། ཟླ་སྐར་མོན་གྲུ་ལྷན་ཅིག་ཏུ་ཚོགས་ཤིང་། ལེགས་ལྡན་གཟའ་ལྔའི་སྤྱོད་འགྲོས་དལ་མྱུར་འབྱུང་འཁྱོག་ཅི་རིགས་པར་རྩོམ་པ་དང་། མཁའ་ལན་གྲའི་ཏཀྐ་ལ་འཆར་ཞིང་ཐུར་གྲིབ་རང་ཆ་དང་བཅས་བཅོ་ལྔ་འཆར་བའི་ཚེ་ན་ཡོངས་སུ་གྲུབ་པ་སྟེ། འདི་ལ་ཉེས་པ་བཤད་གང་བདག་གི་སྐྱོན། །ཡོན་ཏན་ཅུང་ཟད་མཆིས་ན་བླ་མའི་དྲིན། །ཅི་ཕྱིར་ཞེན་པདྨ་ཀཱ་ར་ཡི། །མཁྱེན་བརྩེ་ནུས་པའི་མཐུ་ཡིན་བདག་འདྲས་མིན། ༡ །འོད་གསལ་དབུ་མའི་རྒྱལ་ཁབ་ཆེན་པོ་ལ། །གཟུང་འཛིན་རྣམ་རྟོག་ཀུན་གྱིས་ཕྱག་བྱས་པས། །དཔལ་རི་གསང་སྔགས་ཐེག་

(༣༧༡)ཆེན་གླིང་མཆོག་གི །སྒོམ་མལ་འོད་གསལ་ཀློང་ནས་འདི་བྱུང་ངོ་། ༢ །དགའ་བར་བྱོས་ཤིག་ཤ་ཟ་རལ་གཅིག་མ། །མགུ་བར་བྱོས་ཤིག་རྡོ་རྗེ་སྤུན་གྲོགས་ཚོ། །མཉམ་གཞག་དྲན་པ་ནམ་མཁའི་ངང་སྒོམ་ནས། །རྗེས་ཐོབ་སྒྱུ་མའི་རྩལ་གྱིས་འདི་བྲིས་སོ། ༣ །ད་ནི་རྨི་ལམ་ཙམ་གྱི་ ༧ ཐུགས་ཀྱིས་བྱིན་གྱིས་བརླབས་པས་ཤཱ་རིའི་བུ་དང་སྤྱན་རས་གཟིགས་ཀྱིས་འདྲི་བ་དང་ལན་ལྡོན་པའི་ཚུལ་དུ་ཤེས་རབ་སྙིང་པོ་བྱུང་བ་ལྟ་བུ། མི་ཚེ་འདིར། རྣམ་གཡེང་ཆོས་སུ་མིང་བཏགས་དེས་ཅི་བྱ། །ཀུན་བརྟགས་རྟོག་དཔྱོད་རྣོན་པོ་ཅི་དགར་ཐོང་། །རིག་པ་འོད་གསལ་ཀློང་དུ་ངལ་བསོས་ཤིག ༤ །འདི་ནི་གངས་རིའི་ཁྲོད་ཀྱི་སྒྲུབ་པ་པོ། །སྲོག་རྩོལ་དབུ་མར་ཡན་པའི་གྲོང་ཁྱེར་ནས། །སྣང་བཞིའི་ལྟད་མོར་གཡེངས་པའི་རྣལ་འབྱོར་བ། །པདྨ་དབང་ཆེན་མཁྱེན་བརྩེའི་འོད་ཀྱིས་སྦྱར། ༥ །གཞི་ཡི་རིག་པ་ནད་གསལ་མཁའ་དབྱིངས་འཁོར་འདས་ཀུན་གྱི་བྱེད་པ་པོ། །ལམ་གྱི་རིག་པ་གཞི་སྣང་ཆེན་པོ་གཞོན་ནུ་བུམ་སྐུའི་སྤྲོས་བྲལ་དང་། །གཉུག་མའི་གཤིས་ལ་གོམས་པ་མཐར་ཕྱི་ནས་ལམ་ཡོན་ཏན་རང་དོར་རྫོགས། །ཞི་ལམ་འབྲས་གསུམ་རྣམ་དབྱེར་མེད་པ་གདོད་མའི་ངང་དུ་གྲོལ་གྱུར་ཅིག། ༦ །།དགེའོ།།

(༣༧༢)གཏམ་གྱི་ཚོགས་ཐེག་པའི་མཚོ་ཞེས་བྱ་བ་བཞུགས།

(༣༧༣)གཏམ་ཚོགས་ཡོན་ཏན་རྒྱ་མཚོའི་སྤྱི་དོན་ཐེག་པའི་གྲུ་གཟིངས་ཞེས་བྱ་བ། གཉིས་སུ་མེད་པར་གསུང་པ་སངས་རྒྱས་ལ་ཕྱག་འཚལ་ལོ། །ཕུན་ཚོགས་ནོར་བུའི་ཕྲེང་བ་དོ་ཤལ་དུ། །འཛིན་པ་མཐོ་རིས་དང་པོའི་དགེ་མཚན་གྱི། །འཇིག་རྟེན་དགའ་མགུར་བྱས་པའི་གཏམ་གྱི་རྔས། །སྐྱེ་དགུའི་རྣ་ལུང་གསར་པ་མཛེས་གྱུར་ཅིག །རྨོངས་དང་མ་རིག་ལས་ཀྱི་གཞན་དབང་གིས། །དགེ་བའི་དཀའ་ཐུབ་ཉམས་པར་བྱས་པའི་གཟུགས། །འཁོར་བ་ཆུ་སྲིན་འབྱུང་གནས་མཐའ་དག་ལས། །འགྲོ་བ་གདོན་པའི་སྟོན་མཆོག་ལྗོན་པ་རྒྱལ། །གང་ལ་ཡང་དག་འབྱོར་པ་དམ་པའི་ཆོས། །ལུང་དང་རྟོགས་པའི་གདུགས་དཀར་ཡུ་བ་ལ། །འཇོ་སྒེག་རོལ་པའི་ཁྱུ་མཆོག་རིག་གྲོལ་སྡེས། །གཏམ་གྱི་གྲགས་པ་མཆོད་ལ་མངོན་ཕྱོགས་ཤིག །དེ་ལ་བདག་ཅག་གི་སྟོན་པས་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གསུངས་པ་མཐའ་དག་གི་དོན། ཀུན་འབྱུང་འདྲེན་པའི་ཐེག་པ་སྡེ་སྣོད་རིན་པོ་ཆེ་རྣམ་པ་གསུམ་དུ་འདུས་པའི་ནང་ཚན་ལས་ཀྱང་། དམ་པའི་ཆོས་འདུལ་བ་ནི་གྲུབ་མཐའ་ལ་ཐོག་མར་ཞུགས་པ་རྣམས་ཀྱི་སྟོན་པ་དང་བསྟན་པ་གཉིས་ཀ་ཡིན་ལ། མདོ་སྡེ་དང་མངོན་པའི་སྡེ་སྣོད་ནི་བསྟན་པ་གཅིག་པུར་ངེས་པའི་ཚུལ་སློབ་དཔོན་ཆོས་ཀྱི་ཚོད་དཔོན་གྱིས། རྒྱལ་བ་སྟོན་པ་དེ་ཡི་དམ་ཆོས་དག །མདོ་དང་ཆོས་མངོན་ཡིན་གསུངས་འདུལ་བ་ནི། །སྟོན་དང་བསྟན་བཅོས་དངོས་ཡིན་དེ་ཡི་ཕྱིར། །ཉིས་འགྱུར་ཕྱག་བྱས་སངས་རྒྱས་

(༣༧༤)ཁྱོད་ཅིག་ཡིན། །ཞེས་འདུལ་བའི་སྡེ་སྣོད་ལ་བསྔགས་པའི་ཁྱད་གཞིའང་། ལྟུང་བ་བསླབ་བྱ་དང་བཅས་པ་སྟོན་པའི་ལྷག་པ་ཚུལ་ཁྲིམས་ཀྱི་བསླབ་པ་ལ་བརྟེན། གནས་སྐབས་སུ་མངོན་པར་མཐོ་བའི་སྲིད་པ་དང་། མཐར་ཐུག་སྒྲིབ་གཉིས་བག་ཆགས་དང་བཅས་པའི་དགྲ་སྡེའི་ཚོགས་ཐམས་ཅད་བཅོམ་པས་ན། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་ཞེས་པས་ཐོབ་བྱའི་སྒྲ་བཤད་ཀྱང་གྲུབ་ལ། དེ་ལྟ་བུའི་ལྷག་པ་ཚུལ་ཁྲིམས་ཀྱི་བསླབ་པའི་མཚན་ཉིད་ཀྱང་། སུམ་བརྒྱ་པ་ལས། གང་ཞིག་སྲོག་གཅོད་གཞན་གྱི་ནོར་འཕྲོག་དང་། །མི་ཚངས་སྤྱོད་རྫུན་བཅོས་པའི་ཆང་ལ་སོགས། །གར་སོགས་ཕྲེང་སོགས་མལ་ཆེན་མཐོ་བ་དང་། །ཕྱི་དྲོའི་ཁ་ཟས་གསེར་དངུལ་སྤོང་བྱེད་པ། །ཉོན་མོངས་དགྲ་གཡུལ་རྒྱལ་བྱེད་ཚུལ་ཁྲིམས་ཏེ། །དགེ་ཚུལ་བརྟུལ་ཞུགས་ཆུ་ལོན་བརྩིགས་པ་དང་། །འཆི་བའི་མཆེ་བ་འབྱིན་པར་བྱེད་པའི་ཐབས། །རྫོགས་པའི་བྱང་ཆུབ་དཔལ་ནོད་དབང་བསྐུར་ཡིན། །ཞེས་མཐའ་དག་པའི་ཉོན་མོངས་ཀྱི་ཆུ་ཀླུང་དང་ཁ་ན་མ་ཐོ་བའི་ཚོགས་ལ་མི་སྡུག་པའི་འདུ་ཤེས་དགུ་བསྒོམས་པས་མཚོན། བཅས་པའི་ཁྲིམས་ཀྱི་རྣམ་གྲངས་ཆུ་ལོན་བརྩིགས་པ་ལྟ་བུས་འདུལ་བ་ལ་མཆོག་ཏུ་སྤྲོ་བས་ན་བསྟན་པའི་གཞི་མར་བཞག་ལ། དེ་ལྟར་སོ་སོར་ཐར་པའི་སྡེ་སྣོད་དེ་རྣམ་པར་གྲོལ་བའི་ཐབས་ཀྱི་དང་པོའང་ཡིན་པའི་ཚུལ་འདུལ་བ་སྨན་གྱི་གཞིར། དགེ་སློང་དག་ཚུལ་ཁྲིམས་གོམས་

(༣༧༥)པར་བྱས་ན་ཏིང་ངེ་འཛིན་ཡུན་རིང་དུ་གནས་པར་འགྱུར་རོ། །ཏིང་ངེ་འཛིན་གོམས་པར་བྱས་ན་ཤེས་རབ་ཡུན་རིང་དུ་གནས་པར་འགྱུར་རོ། །ཤེས་རབ་གོམས་པར་བྱས་ན་འདི་ལྟར་ཏ། །འདོད་ཆགས་དང་། ཞེ་སྡང་དང་། གཏི་མུག་པས་སེམས་ཡང་དག་པ་ཁོ་ནར་རྣམ་པར་གྲོལ་བར་འགྱུར་རོ། །ཞེས་འདུལ་བའི་སྡེ་སྣོད་ཀྱིས་སོ་སོ་ཐར་པའི་སྡོམ་པའི་བསླབ་བྱ་ལ་བསླབས་པས། གདུལ་བྱའི་རྒྱུད་ལ་ཚུལ་ཁྲིམས་ཀྱི་ཕུང་པོས་འདོམས། དེ་ལས་འདའ་བ་མ་ཡིན་པས་འགྱོད་པ་དང་བྲལ། སེམས་རྩེ་གཅིག་པའི་ཏིང་ངེ་འཛིན་འཐོབ། མདོ་སྡེའི་སྡེ་སྣོད་ཀྱི་ཐེག་པ་ཆེ་ཆུང་གཉིས་ཀའི་བསླབ་པ་གསུམ་རྒྱས་པར་དབྱེ་ཞིང་ལྷག་པ་སེམས་ཀྱི་བསླབ་པ་ལ་ཡང་དག་པར་སྦྱོར། ཆོས་མངོན་པའི་སྡེ་སྣོད་ཀྱིས་བརྗོད་བྱའི་མཚན་ཉིད་མ་འཁྲུལ་བར་ཆོས་རབ་ཏུ་འབྱེད་པའི་བློ་གྲོས་ཀྱི་དྲི་མ་སྤངས་པ་བསྒྲུབ་པའི་ཕྱིར་ལྷག་པ་ཤེས་རབ་ཀྱི་བསླབ་པ་ལ་སྦྱོར་བར་དགོངས་པ་ཡིན་ནོ། །དེའི་དོན་འཕགས་པའི་བསྟན་བཅོས་དགོངས་འགྲེལ་དང་བཅས་པས་ཅུང་ཟད་བསྙད་ན། བཤེས་སྤྲིང་ལས། ཐར་པ་བདག་ལ་རག་ལས་འདི་ལ་ནི། །གཞན་གྱིས་གྲོགས་བགྱིར་ཅི་ཡང་མ་མཆིས་ཀྱིས། །ཐོས་དང་ཚུལ་ཁྲིམས་བསམ་གཏན་ལྡན་པ་ཡི། །བདེན་པ་རྣམ་པ་བཞི་ལ་འབད་པར་མཛོད། །ལྷག་པའི་ཚུལ་ཁྲིམས་ལྷག་པའི་ཤེས་རབ་དང་། །ལྷག་པའི་སེམས་ལ་རྟག་ཏུ་བསླབ་པར་བགྱི། །བསླབ་པ་བརྒྱ་རྩ་ལྔ་བཅུ་ལྷག་གཅིག་ཀྱང་། །གསུམ་པོ་འདི་ནང་ཡང་དག་འདུ་བར་འགྱུར། །ཅེས་གསུངས་པ་བཞིན་ཐར་པ་ནི་གྲོགས་ཀྱིས་བསྟང་བའི་ཁ་ན་རག་ལུས་པ་མ་ཡིན་པར་བདག་འབའ་ཞིག་གི་ལུང་དང་། རིག་པ་དང་། གཏན་ཚིགས་དང་། དཔྱད་བཟོད་པ་དང་། ལྡན་པ་དང་མཐུན་པའི་མང་དུ་ཐོས་པ། ཉམས་པ། བཅོམ་པ། ལྟུང་བ། ཕམ་པར་གྱུར་པ་མེད་པའི་ཚུལ་ཁྲིམས། ངེས་པར་འབྱེད་པའི་ཆ་དང་མཐུན་པའི་བསམ་གཏན་རྣམས་དང་ལྡན་པས་འཕགས་པའི་བདེན་པ་བཞི་ལ་

(༣༧༦)དམིགས་པར་བྱའོ། །བཞི་གང་ཞེ་ན། སྡུག་བསྔལ་དང་། ཀུན་འབྱུང་དང་། འགོག་པ་དང་། ལམ་གི་བདེན་པ་བཞིའོ། །དང་པོ་ནི། ཉེ་བར་ལེན་པའི་ཕུང་པོ་ལྔའི་མཚན་ཉིད་ཀྱི་སྐྱེ་བ་གང་ཡིན་པ་དེ་ནི་སྡུག་བསྔལ་བའི་བདེན་པའོ། །གཉིས་པ་ནི། ཡང་འབྱུང་བའི་སྲེད་པ། དགའ་བའི་འདོད་ཆགས་དང་ལྷན་ཅིག་པ། དེ་དང་དེར་མངོན་པར་དགའ་བ་གང་ཡིན་པ་སྟེ། འདི་ལས་སྡུག་བསྔལ་ཀུན་འབྱུང་བས་ན་ཀུན་འབྱུང་སྟེ་སྡུག་བསྔལ་གྱི་རྒྱུར་བསྟན་ཏོ། །གསུམ་པ་ནི། སྲེད་པ་དེ་ཉིད་གཏན་འགོག་པ་དང་རྣམ་པར་ཞི་བ་གང་ཡིན་པ་དེ་ནི་ཐར་པའོ། །བཞི་པ་ནི། མྱ་ངན་ལས་འདས་པ་དེ་ཐོབ་པར་བྱེད་པའི་ལམ་གྱི་བདེན་པ་འཕགས་པའི་ལམ་ཡན་ལག་བརྒྱད་དེ་ཡང་དག་པའི་ལྟ་བ་ནི་ཟག་པ་མེད་པའི་ཤེས་རབ་བོ། །ཡང་དག་པའི་འཚོ་བ་ནི་ཁ་གསགས་ལ་སོགས་པ་ལོག་པའི་འཚོ་བ་ལྔ་སྤངས་པའི། །ཡང་དག་པའི་རྩོལ་བ་ནི་བརྩོན་འགྲུས་བརྩམ་པའོ། །ཡང་དག་པའི་དྲན་པ་ནི་དམིགས་པ་མ་བརྗེད་པའོ། །ཡང་དག་པའི་ཏིང་ངེ་འཛིན་ནི་བསམ་གཏན་བཞི་པའོ། །ཡང་དག་པའི་ངག་ནི་དགེ་བའི་ལས་ཀྱི་ལམ་བཞིའོ། །ཡང་དག་པའི་ལས་ཀྱི་མཐའ་ནི་ལུས་ཀྱི་མི་དགེ་བའི་ལས་ལམ་སྤོང་བའི་རང་བཞིན་གསུམ་མོ། །ཡང་དག་པའི་རྟོག་པ་ནི་གནོད་སེམས་མེད་པ་དང་། ངེས་པར་འབྱུང་བའི་རྟོག་པ་ལ་སོགས་པའི་རྟོག་པ་རྣམ་པ་དུ་མའོ། །དེ་བཞིན་དུ་ལྷག་པའི་ཚུལ་ཁྲིམས་ནི་མྱ་ངན་ལས་འདའ་བར་ཡོངས་སུ་བསྔོ་བ་གང་ཡིན་པའོ། །ལྷག་པའི་སེམས་ནི་འཕགས་པའི་ལམ་གྱི་རྟེན་བསམ་གཏན་བཞི་པའོ། །ལྷག་པའི་ཤེས་རབ་ནི་ངེས་པར་འབྱེད་པའི་ཆ་དང་མཐུན་པའོ། །བསླབ་པ་གསུམ་པོ་འདིའི་ནང་དུ་བསླབ་པ་བརྒྱ་ལྔ་བཅུ་ལྷག་གཅིག་འདུ་བ་དེ་ལ་འབད་པས་བསླབ་པར་བྱེད་པ་གང་ཞིག་ལ་འཕགས་པའི་དགེ་འདུན་ཞེས་བྱའོ། །རྟེན་དེ་ཐེག་པ་ཆེན་པོའི་ལམ་ལ་སྦྱར་ན། སོ་སོ་ཐར་པའི་སྡོམ་པ་ནི་གཞན་གནོད་གཞི་བཅས་ལས་ལྡོག་པ་ཙམ་ཡིན། བྱང་ཆུབ་སེམས་

(༣༧༧)དཔའི་སྡོམ་པ་ནི་དེའི་སྟེང་དུ་ཕན་འདོགས་པ་དང་བཅས་པའི་ཉེས་སྤྱོད་སྡོམ་པའི་ཚུལ་ཁྲིམས། དགེ་བ་མཐའ་དག་ཕ་རོལ་ཏུ་ཕྱིན་པ་དྲུག་ལྡན་དུ་བསྒྲུབ་པས་དགེ་བའི་ཆོས་སྡུད་ཀྱི་ཚུལ་ཁྲིམས། དངོས་སམ་བརྒྱུད་ནས་གཞན་དོན་འབའ་ཞིག་བྱེད་པ་སེམས་ཅན་དོན་བྱེད་ཀྱི་ཚུལ་ཁྲིམས་ཏེ་རྣམ་པ་གསུམ། དེ་བཞིན་དུ་སོ་སོ་ཐར་པ་སྤངས་པ་བདུན་གྱིས་བསྡུས་པ་ལུས་ངག་གཉིས་གཙོ་བོར་བྱེད་ཅིང་། གཞན་དོན་དུ་བཅས་པ་མི་འདྲལ། བྱང་ཆུབ་སེམས་དཔའ་སྤངས་པ་བཅུ་ཀ་གཙོ་བོར་བྱེད་ཅིང་གཞན་དོན་དུ་བཅས་པ་འདྲལ་བས་བསླབ་པ་དང་། བསླབ་བྱ་གཉིས་ཀ་ལ་ཁྱད་པར་ཡོད་དོ། །དེ་བཞིན་དུ་འབྲས་བུའང་ཉན་རང་གཉིས་རྒྱུའི་དུས་ན་ཚོགས་རྒྱ་ཆུང་ངུ་ལས་མི་གསོག་པས་རང་ཉིད་རྣམ་པར་གྲོལ་བའི་ལམ་ཙམ་ལས་མི་ཐོབ། བྱང་ཆུབ་སེམས་དཔའ་ནི་རྒྱུའི་དུས་ན་བསོད་ནམས་དང་ཡེ་ཤེས་ཀྱི་ཚོགས་དཔག་ཏུ་མེད་པ་ལ་བརྩོན་པས་འབྲས་བུ་སྐུ་གསུམ་ཐོབ་པ་ཡིན་ནོ། །དེའི་སྟེང་ན་སྔགས་ཀྱི་དབང་བསྐུར་ཐོབ་ནས་སྡོམ་པ་སུམ་ལྡན་དུ་འགྲོ་སྟེ། རྩིག་པ་ལ་ཕ་གུ་དང་པུ་ཤུ་བསྣན་པ་བཞིན། བསླབ་བྱ་དང་ཡོན་ཏན་གཉིས་ཀ་མངལ་ཆེ་བར་སོང་བ་ཡིན་པས། དེ་དག་ནང་འགལ་བྱུང་ན་གོང་མ་གཙོ་བོར་བྱེད་པ་དང་། འོག་མ་གཙོ་བོར་བྱེད་པའི་འདོད་པ་གཉིས་ཀའང་གནོད་པ་སྤོང་བ་དང་། ཕན་འདོགས་པ་དགོས་པ་མཐུན་པའི་དོན་གང་ཟག་གི་རྒྱུད་ལ་ནུས་པ་གང་ཆེ་བའི་ཐོག་ཏུ་བཏང་ནས་འགལ་ན་ནི་གནད་མི་སྲིད། གནང་ན་ནི་འགལ་མི་སྲིད་པའི་དོན་དང་མ་འཛོལ་བ་དགོས་ཏེ། འདི་ལྟར་སྡོམ་པ་གསུམ་པོའི་རྣམ་པར་ངེས་པ་ནི་ལུང་གི་ཆོས་ཀྱིས་བརྟག་ལ། དེ་གནས་འགྱུར་མི་འགྱུར་གང་ཟག་རང་རྒྱུད་ཀྱི་རྟོག་པའི་ཆོས་ལ་རག་ལུས་པའི་ཕྱིར་རོ། །དན་ལ་སྡོམ་པ་སུམ་ལྡན་དུ་ཁས་འཆེ་བའི་ལམ་ཞུགས་མོས་པས་དཔྱོད་པ་དང་། ཆོས་ཉིད་ཇི་བཞིན་པ་ལ་བརྟུལ་ཞུགས་གྲུབ་པའི་རྒྱུད་གཉིས་རྫས་མ་འགལ་ཡང་མཚན་ཉིད་ཤིན་ཏུ་འགལ་བའི་ཁྱད་པར་ཉིད་གཙོ་བོར་བཟུང་ངོ་། །དེ་ལ་སྤྱིར་

(༣༧༨)དམ་པའི་ཆོས་ཀྱི་མཚན་ཉིད་ནི། བསོད་ནམས་དང་། ལམ་དང་། མྱ་ངན་ལས་འདས་པ་གསུམ་བརྗོད་བྱའི་དོན་ཉིད་དུ་ངེས་པར་བྱའོ། །དེ་ལའང་བརྗོད་བྱ་དེ་བརྗོད་བྱེད་ལ་ལྟོས་ནས་ལུང་དང་རྟོགས་པའི་དམ་ཆོས་གཉིས་སུ་གནས་པའི་ཚུལ་མཛོད་ལས། སྟོན་པའི་དམ་ཆོས་རྣམ་གཉིས་ནི། །ལུང་དང་རྟོགས་པའི་བདག་ཉིད་དོ། །ཞེས་པའི་ལུང་གི་ཆོས་ནི་རྟོགས་པའི་དོན་ལ་འཇུག་པར་བྱེད་པས་བརྗོད་པ་ཕུན་སུམ་ཚོགས་པ་མཐའ་དག་སྟེ། དེ་ལའང་འཇིག་རྟེན་དང་འཇིག་རྟེན་ལས་འདས་པའི་མངོན་བརྗོད་གཉིས་ལས། སྔ་མ་ནི་བརྟག་པ་བརྒྱད་ལ་སོགས་པའི་གཏམ་འཁོར་བའི་ཆོས་དང་མཐུན་པ་དག་ལ་གྲགས་པའི་ཕྱིར། འདིར་ཡང་འཇིག་རྟེན་དང་མཐུན་པར་འཇུག་པའི་ཕྱིར་སྣོད་བཅུད་བཏག་པ་ལ་སོགས་པའི་གཏམ་གྱི་རབ་བྱེད་ཐོག་མར་བཀོད་པ་ཡིན་ཏེ། ཤེས་རབ་བརྒྱ་པ་ལས། མི་ཡི་ཆོས་ལུགས་ལེགས་སྤྱད་ན། །ལྷ་ཡུལ་བགྲོད་པར་ཐག་མི་རིང་། །ལྷ་དང་མི་ཡི་ཐེམ་སྐས་ལ། །འཛེགས་ན་ཐར་པ་གམ་ན་ཡོད། །ཅེས་པ་ལྟར། ཅེས་པ་ལྟར། དངོས་བསྟན་མངོན་པར་མཐོ་བའི་རྒྱུ་ལས་མ་སྨོས་ཀྱང་། རྒྱུད་ནས་རྟོགས་པའི་ཆོས་ལ་འཇུག་པའི་རྐང་བཏེགས་ཡིན་པའི་ཕྱིར་ལྷ་མིའི་ཐེག་པར་བཀྲི་བའི་སླད་དུའོ། །ཕྱི་མ་ནི་རྗེད་བྱེད་ཀྱི་སྒོ་ནས་གསུང་རབ་ཡན་ལག་བཅུ་གཉིས་སུ་བཞག་ཀྱང་། གཉེན་པོའི་སྒོ་ནས་སྡེ་སྣོད་གསུམ་དུ་ངེས་པ་སྟེ། དེ་ཀུན་ཀྱང་ཆོས་ཉིད་རྟོགས་པར་བྱེད་པའི་རྒྱུ་མཐུན་ནམ། ཆོས་དབྱིངས་རྟོགས་པར་བྱེད་པའི་རྒྱུ་མཐུན་ལས་བྱུང་བས། མྱ་ངན་ལས་འདས་པའི་མདོ་ལས། ཆུ་བོ་ཆེན་པོ་རྒྱ་མཚོར་འབབ། འབབ། གཞོལ་བ་དེ་བཞིན་དུ་ཆོས་ཐམས་ཅད་མྱ་ངན་ལས་འདས་པར་བབ། འབབ། གཞོལ་ཞེས་གསུངས་པ་ལྟར། དེ་བཞིན་གཤེགས་པའི་ཆོས་ཁམས་མཐའ་དག་ངེས་པའི་དོན་འབའ་ཞིག་ལ་འབབ་ཅིང་གཞོལ་བར་འགྱུར་བ་ལ་འབྲས་བུ་རྟོགས་པའི་དམ་པའི་ཆོས་ཞེས་

(༣༧༩)བྱའོ། །དེ་ལའང་གང་གིས་འདོད་ཆགས་དང་བྲལ་བར་གྱུར་པ་དང་། གང་གིས་འདོད་ཆགས་དང་བྲལ་བར་བྱེད་པའི་དབྱེ་བ་གཉིས་སུ་གནས་པའི་ཕྱིར། མགོན་པོ་བྱམས་པས། གང་ཞིག་གང་གིས་ཆགས་བྲལ་བ། །བདེན་གཉིས་མཚན་ཉིད་ཅན་དེ་དངོས། །ཆགས་བྲལ་ཉིད་ཀྱི་འགོག་པ་དང་། །ལམ་གྱི་བདེན་པ་དག་གིས་བསྡུས། །ཞེས་འབྲས་བུའི་རང་བཞིན་དུ་གནས་པ་འགོད་པའི་བདེན་པའི་ཆོས་དང་། བྱ་བའི་རང་བཞིན་དུ་གནས་པ་ལམ་གྱི་བདེན་པའི་ཆོས་གཉིས་སུ་གནས་པའོ། །དེ་ལྟ་ནའང་ཆོས་ཀྱི་དོན་གཞུང་ལུགས་ཀྱིས་རྣམ་པར་བྱེ་བ་འདི་ནི་གདུལ་བྱ་བློ་དམན་པ་གྲུབ་མཐའ་ལམ་ཞུགས་པ། སྣང་བ་ལ་བདེན་འཛིན་འཐས་པ། ཆོས་ཀྱི་ཚིག་དོན་ལ་རྨོངས་པ། སྐྱེས་བུ་དམ་པས་མ་ཟིན་པ། ཤེས་རབ་དང་སྙིང་རྗེ་འཛོལ་བ། ལམ་གོལ་དམན་པར་འཁྱམས་པ། དབེན་པར་ལྟ་བ་ཉམས་པ། ལུང་དང་རིག་པ་སྤངས་པ། ཆོས་དང་གང་ཟག་འཛོལ་བ་དག་གིས་ཤེས་པར་མི་ནུས་པས། དེ་དག་ལ་གཏམ་རྒྱུད་དང་། ཡུལ་སྐད་གོ་བ་དེར་སྦྱར་ནས་ལུང་རིག་གཏན་ཚིགས་ལ་མ་ལྟོས་པར་བཤད་པས་ཕན་པ་རྒྱ་ཆེན་པོ་འགྲུབ་པར་མཐོང་ནས་གཏམ་གྱི་ཚོགས་འདོད་རྒྱལ་རྣམས་ལེའུར་བསྡུས་པ་ཡིན་ཏེ། གང་ཞིག་ཐར་པའི་ལམ་དུ་འཇུག་ཅིང་འཁོར་བ་སྤོང་བ་ཐམས་ཅད་སྟོན་པ་སངས་རྒྱས་ཀྱི་གྲུབ་པའི་མཐའ་ཡིན་པའི་ཕྱིར་རོ། །དེ་སྐད་དུ་རྒྱུད་བླ་མ་ལས་ཀྱང་། ཁམས་གསུམ་དག་ན་ཉོན་མོངས་སྤོང་བྱེད་གསུང་། །ཞི་བའི་ཡོན་ཏན་བརྗོད་པར་མཛད་པ་གང་། །དེ་ནི་དྲང་སྲོང་གསུང་ཡིན་ལྡོག་པ་གཞན། །ཞེས་གསུངས་སོ། །གཏམ་ཚོགས་ལེའུ་དང་པོའོ།། །།ནམ་མཁའ་བརྟག་པ་གཟའ་དང་རྒྱུ་སྐར་གྱི་གཏམ་གོ་ལའི་རྣ་རྒྱན་ཅེས་བྱ་བ། ན་མ་ཤྲཱི་ཀཱ་ལ་ཙཀྲ་ཡ། དྲང་སྲོང་ཐུབ་པ་ཉིན་བྱེད་ནི། །བསྟན་པ་ཀུན་གྱི་ངོ་བོ་ཉིད། །དཔལ་ལྡན་ཆ་བསགས་གྲོང་ཁྱེར་ན། །དམ་པ་དང་པོའི་སངས་རྒྱས་ཞེས། །ཟླ་བཟང་ལ་སོགས་ཆོས་རྒྱལ་

(༣༨༠)བདུན། །རིགས་ལྡན་ཉེར་བཞི་ཕྱི་མའི་སྲས། །དྲག་པོ་འཁོར་ལོ་ཀླ་ཀློའི་གཤེད། །རྒྱལ་དང་དེ་སྲས་རྣམ་བར་འདུད། །ཕྱི་ནང་གཞན་གསུམ་རྣམ་གཞག་པ། །དཔལ་ལྡན་དུས་ཀྱི་འཁོར་ལོ་སྟེ། །ཕྱི་ལྟར་སྣོད་ཀྱི་འཇིག་རྟེན་དང་། །བླ་འོག་ལྟར་གྱུར་གོ་ལ་ནི། །བརྟན་གཡོའི་རླུང་འདུས་འཁོར་ལོའི་དབྱིབས། །སྟེང་ནས་སྟེང་བརྩེགས་རྨོག་བརྩེགས་མ། །ཕྱིར་བསྐྱེད་སྟེང་བསྐྱེད་ལྕགས་སྒྲོག་མ། །གྲུ་ཆགས་མ་ཞེས་ཁྱིམ་དང་ནི། ཁྱིམ་ཅན་ཞེས་གྲགས་ཐ་སྙད་གཉིས། །རི་རབ་བླ་ལ་གདུགས་ལྟར་ཕུབ། །དབུས་མཐོ་ལྷུན་པོ་ལ་ཉེ་ཞིང་། །མཐའ་གཞོལ་མེ་ལ་ཉེ་བར་དམའ། །སྒང་གཤོངས་ཚུལ་གྱིས་གཡས་སྐོར་འགྲོ། །གཉའ་ཤིང་འཛིན་རིའི་བླ་གབ་ལ། །དབང་བྱེད་གཟའ་དང་རྒྱུ་སྐར་གྱི། །གནས་དང་ལོངས་སྤྱོད་ལི་ཁ་ནིས། །རྗེས་དཔག་ཤེས་བྱའི་ཡན་ལག་ལ། །སྐར་མའི་རྩིས་ཞེས་ཡོངས་སུ་གྲགས། །དེ་ལ་བཤད་གཞི་ཁྱིམ་ཡིན་ཏེ། །ལུག་གླང་འཁྲིགས་པ་ཀརྐ་ཊ། །སེང་གེ་བུ་མོ་སྲང་སྡིག་གཞུ། །ཆུ་སྲིན་བུམ་པ་ཉ་རྣམས་ཀྱི། ཁྱིམ་རེར་རྒྱུ་སྐར་རྐང་པ་དགུ། །རྒྱུ་སྐར་རེ་ལ་རྐང་པ་བཞི། །རྐང་རེར་ཆུ་ཚོད་བཅོ་ལྔ་རེས། །ཕྱེ་ནས་འདི་ལྟར་གཞལ་བྱ་སྟེ། །ཐ་སྐར་བྲ་ཉེའི་རྐང་བརྒྱད་དང་། །སྨིན་དྲུག་བཞི་ཆ་ལུག་ཁྱིམ་མཐོ། །སྨིན་དྲུག་རྐང་གསུམ་སྣར་མ་དང་། །མགོ་མི་ཕྱེད་ཆ་གླང་གི་ཁྱིམ། །མགོ་ཕྱེད་ལག་པ་རིལ་པོ་དང་། །ནབས་སོའི་དང་གསུམ་འཁྲིག་པའི་ཁྱིམ། །ནབས་སོའི་རྐང་གཅིག་རྒྱལ་དང་སྐག །གཉིས་བསྡོམས་ཀརྚའི་ཁྱིམ་སྟེ་དམའ། །མཆུ་གྲེ་གཉིས་དང་དབོའི་རྐང་གཅིག །སེང་གེའི་ཁྱིམ་མོ་དབོའི་གསུམ་དང་། །མེ་བཞི་རིལ་བོ་ནག་པའི་ཕྱེད། །བུ་མོའི་ཁྱིམ་དུ་ཤེས་པར་བྱ། །ནག་པའི་ཕྱེད་དང་ས་རི་ཡོངས། །ས་གའི་རྐང་གསུམ་སྲང་ཁྱིམ་མཐོ། །ས་གའི་རྐང་གཅིག་ལྷ་མཚམས་སྣོྲན། །གཉིས་རྫོགས་སྡིག་པའི་ཁྱིམ་དུ་གྲགས། །སྣུབས་

(༣༨༡)དང་ཆུ་སྟོད་གཉིས་བསྡོམས་བརྒྱད། །ཆུ་སྨད་རྐང་གཅིག་གཞུ་ཡི་ཁྱིམ། །ཆུ་སྨད་རྐང་གསུམ་གྲོ་བཞིན་ཡོངས། །མོན་གྲེའི་རྐང་གཉིས་ཆུ་སྲིན་དམའ། །མོན་གྲེའི་ཕྱེད་དང་མོན་གྲུ་རིས། །ཁྲུམས་སྟོད་རྐང་གསུམ་བུམ་པའི་ཁྱིམ། །ཁྲུམས་སྟོད་རྐང་གཅིག་ཁྲུམས་སྨད་དང་། །ནམ་གྲུ་གཉིས་རྫོགས་ཉའི་ཁྱིམ་མོ། །གཟའ་རྣམས་སོ་སོའི་སྐྱེས་ཁྱིམ་ནི། །ཉི་མ་ཀརྐ་ཊ་ཡི་ཁྱིམ། །ནབས་སོའི་རྐང་པ་བཞི་པར་སྐྱས། །ཟླ་བ་ལུག་ཁྱིམ་ཐ་སྐར་ཐོབ། །མིག་དམར་སེང་ཁྱིམ་མཆུ་ཕྱེད་སྐྱེས། །ལྷག་པ་སྡིག་ཁྱིམ་ལྷ་མཚམས་དབུས། །ཕུར་བུ་བུ་མོའི་མེ་བཞིའི་ཐོག །པ་སངས་འཁྲིག་ཁྱིམ་ནབས་སོའི་ཐོག །སྤེན་པ་གཞུ་ཁྱིམ་སྣུབས་ཐོག་མ། །སྒྲ་གཅན་གདོང་པ་སྲང་ཁྱིམ་གྱི། །ནག་པའི་ཕྱེད་དང་མཇུག་མ་ནི། །ཉ་ཁྱིམ་ནམ་གྲུའི་མཐའ་ལ་སྐྱེས། །མཇུག་རིང་གཞུ་ཁྱིམ་ཆུ་སྨད་མཐའ། །བུམ་པར་དམའ་ཤོས་རྀ་ཤི་དང་། །གླང་ལ་མཐོ་ཤོས་བརྟན་པར་སྐྱེས། །དེ་བཞིན་ཁྱིམ་གྱི་མཐོ་ཤོས་ནི། །སྨེ་བདུན་དམའ་བར་སྤེན་པ་གནས། །ཟླ་ལྷག་པ་སངས་མཇུག་རིང་བཞི། །དམར་ཕུར་སྤེན་པ་སྒྲ་གཅན་དྲག །ཞི་བ་དྲག་ཕྲད་གཡོན་ནས་འགྲོ། །ཅིག་ཤོས་དེ་ལས་ལྡོག་པ་སྟེ། །རང་རང་ནང་ཕྲད་ངེས་པ་མེད། །ཀུན་ལ་ཤར་ནུབ་ལྷོ་བྱང་གི། །འགྲོས་བཞིའི་ཐ་སྙད་གྲགས་ན་ཡང་། །ཉི་ཟླའི་རང་འགྲོས་ནུབ་མི་མངོན། །དེ་བཞིན་དུས་བཞི་གཡོན་སྐོར་དུ། །འཁོར་བར་འདོད་ལ་དགག་བསྒྲུབ་དང་། །དབྱར་དགུན་སྟོན་དཔྱིད་དུས་ཚིགས་བཞིའི། །སྔ་དྲོ་ཉིན་གུང་ཕྱི་དྲོ་ལ། །ཉི་མ་རིང་ཐུང་ཡོད་པ་སོགས། །མངོན་སུམ་ཉིད་དེ་ཞལ་ལུང་དཔྱད། །དེ་ལ་ལོ་ཡི་དབྱེ་བ་ནི། །ནད་མེད་སྐྱེས་བུ་དར་མ་ཡི། །འབྱུང་འཇུག་གནས་པའི་དབུགས་གཅིག་ལ། །ཁུག་པ་ཞེས་གྲགས་དྲུག་ལ་སྲང་། །ཆུ་སྲང་དྲུག་ཅུར་ཆུ་ཚོད་དེ། །ཆུ་ཚོད་དྲུག་ཅུར་ཉིན་ཞག་གཅིག །ཞག་རེར་དབུགས་

(༣༨༢)གྲངས་ཉི་ཁྲི་དང་། །ཆིག་སྟོང་དྲུག་བརྒྱ་འགྱུ་བ་ཡིན། །དེ་ལྟའི་ཞག་ནི་སུམ་ཅུར་ཟླ། །ཟླ་བ་བཅུ་གཉིས་ལོར་བཤད་པ། །རགས་པའི་རྣམ་གཞག་ཡོངས་གྲགས་ཏེ། །ཞིབ་པར་རྒྱུ་སྐར་ཆུ་ཚོད་ནི། །སྟོང་དང་དྲུག་བརྒྱ་ཉི་ཤུའི་གྲངས། །ཉི་མས་ཡོངས་སུ་འཁོར་བ་ནི། །ལོ་གཅིག་ཡིན་ཏེ་ཚེས་ཞག་གིས། །གཞལ་ན་ཞག་གྲངས་སུམ་བརྒྱ་དང་། །དོན་གཅིག་ཆུ་ཚོད་རིག་བྱེད་དེ། །ཆུ་སྲང་དུས་མེ་དབུགས་མདའ་དང་། །འདོད་ཆ་ཐུབ་པས་འཁོར་བ་ཡིན། །དེ་ཡང་ཉིན་ཞག་གིས་གཞལ་ན། །ཞག་གྲངས་སུམ་བརྒྱ་རེ་ལྔ་དང་། །ཆུ་ཚོད་མི་བདག་ཆུ་སྲང་ཡིད། །དབུགས་གཟུགས་འདོད་ཆ་ཉི་མ་དང་། །རི་མཁའ་རི་ཆ་གཟུགས་ཉེ་མས། །ཁྱིམ་ཞག་སུམ་བརྒྱ་དྲུག་ཅུ་འཁོར། །དེ་ནས་ལོ་འགོ་འཛིན་ཚུལ་ནི། །མདོ་རྒྱུད་མངོན་པ་ནག་རྩིས་སོགས། །བཞེད་ཚུལ་མང་ཡང་སྐབས་འདིར་ནི། །དཔལ་ལྡན་འབྲས་སྤུངས་མཆོད་རྟེན་ཆེན། །ནག་ཉར་དུས་འཁོར་གསུངས་པ་དང་། །གོ་ལ་གཡས་སྐོར་ལྷོ་གླིང་འདིར། །ཐ་སྐར་ཐོག་མར་འཆར་བའི་ཕྱིར། །ཁྱིམ་ལ་ལྟོས་ནའང་ལུག་གི་ཁྱིམ། །ནག་པ་ནས་བཟུང་ལོ་འགོ་འཛིན། །དུས་བཞི་ཆེན་པོ་རྫོགས་པའི་ཚེ། །ཟད་པ་མེ་སྟག་དབོ་ཟླའི་མཐར། །སྟོང་པར་ཞུགས་པ་ལ་ལྟོས་ནས། །ལོ་ཡི་ཐོག་མར་རབ་བྱུང་བཞག །སྟོད་འགྲེལ་ལས་ཀྱང་དེ་སྐད་དུ། །རབ་བྱུང་རྣམ་བྱུང་དཀར་པོ་དང་། །རབ་མྱོས་སྐྱེས་བདག་ཨངྒི་ར། །དཔལ་གདོང་དངོས་པོ་མ་།།།ཚོད་ལྡན། །འཛིན་བྱེད་དབང་ཕྱུག་འབྲུ་མང་པོ། །མྱོས་ལྡན་རྣམ་གནོན་ཁྱུ་མཆོག་དང་། །སྣ་ཚོགས་ཉི་མ་ཉི་སྒྲོལ་བྱེད། །ས་སྐྱོང་མི་ཟད་ཐམས་ཅད་འདུལ། །ཀུན་འཛིན་འགལ་བ་རྣམ་འགྱུར་དང་། །བོང་བུ་དགའ་བ་རྣམ་རྒྱལ་ཉིད། །རྒྱལ་དཔོ་མྱོས་བྱེད་གདོང་ངན་དང་། །གསེར་འཕྱད་རྣམ་འཕྱང་སྒྱུར་བྱེད་དང་། །ཀུན་ལྡན་འཕར་བ་དགེ་བྱེད་དང་། །མཛེས་བྱེད་ཁྲོ་མོ་སྣ་ཚོགས་

(༣༨༣)དབྱིག །ཟིལ་གནོན་སྤྲེའུ་ཕུར་བུ་དང་། །ཞི་བ་ཐུན་མོང་འགལ་བྱེད་དང་། །ཡོངས་འཛིན་བག་ཡོད་ཀུན་དགའ་དང་། །སྲིན་པོ་མེ་དང་དམར་སེར་ཅན། །དུས་ཀྱི་ཕོ་ཉ་དོན་གྲུབ་དྲག །བློ་ངན་རྔ་ཆེན་ཁྲག་སྐྱུག་པ། །མིག་དམར་ཁྲོ་བོ་ཟད་པའོ། །རྒྱ་ནག་ལུགས་ལ་བྱི་བ་ནས། །ཕོ་ལོ་དྲུག་དང་མོ་ལོ་དྲུག །བསྣོལ་མར་སྤེལ་བའི་ལོ་བཅུ་གཉིས། །འབྱུང་བའི་ཁམས་ལྔས་ཕྱེ་བ་ལས། །དྲུག་ཅུ་སྐོར་ཞེས་གྲགས་པ་ཡི། །ལོ་འགོར་དཔྱིད་ར་སྟག་མཐུན་ཀྱང་། །སྟག་གི་ངོས་འཛིན་མི་མཐུན་ཏེ། །གསོ་དཔྱད་ལུགས་ལ་མཆུ་ཟླ་དང་། །ཧོར་གྱིས་རྒྱལ་ཟླར་ངོས་འཛིན་ཡང་། །ད་ལྟ་ཡོངས་སུ་གྲགས་པ་ལ། །སྨལ་པོའི་ཟླ་བ་བཅུ་གཅིག་པ། །དཔྱིད་ར་སྟག་གི་ཚེས་གཅིག་སྟག །ནམ་ལངས་ཡོས་ནས་ལོ་འགོ་གཟུང་། །ས་བདག་ཐམས་ཅད་དེ་ཡིས་བརྟག །གཞན་དུ་དོན་ལ་འགལ་མི་འགྱུར། །ལོ་ཡི་མིང་གི་ཐ་སྙད་ལ། །བགྲང་བྱ་འདར་བྱེད་དུས་ཚིགས་དང་། །འགྲོ་འོང་ཟླ་བའི་ཕྲེང་བ་དང་། །ཟླ་བའི་ཕུང་པོ་དུས་ཀྱི་ཆ། །ཞེས་དང་ཟླ་བའི་ཐ་སྙད་ལ། །ལོ་ཡི་ཡན་ལག་ལོ་ཡི་མཛོད། །དབུགས་སྐྱེས་ཞག་གི་ཕུང་པོར་གྲགས། །ལོ་ཚོགས་བསགས་པ་བསྐལ་པ་སྟེ། །རྫོགས་ལྡན་སུམ་ལྡན་ཉིས་ལྡན་དང་། །རྩོད་ལྡན་ཞེས་གྲགས་རིམ་པས་དམན། །དེ་བཞིན་ལོ་ཟླའི་ལེགས་སྦྱར་དང་། །རྒྱ་སྐད་དགའ་བཟང་རྒྱལ་སྟོང་རྫོགས། །དབྱངས་དང་གསལ་བྱེད་ཚེས་ཀྱི་ལྟ། །བྱིས་གཞོན་རྒན་པོ་ལང་ཚོ་སྨིན། །འབྱུང་བ་ལྔ་དང་འདོད་ཡོན་ལྔ། །རྟེན་འབྲེལ་བཅུ་གཉིས་འབྱུང་ལྡོག་སོགས། །བཻ་ཌཱུརྻ་ལ་ཁ་དོག་གིས། ཁྱད་པར་རྒྱས་པའི་དཔེས་མཚོན་པའི། །གཏན་ལེས་གསལ་བ་འདིར་ཡང་དྲན། །རེས་ཀྱི་གཟའ་ནི་རྣམ་པ་བདུན། །ཉི་ཟླ་དམར་ལྷག་ཕུར་སངས་སྤེན། །དེ་དག་མིང་གི་ཐ་སྙད་ནི། །མང་དུ་མཆིས་ཀྱང་མདོར་བསྡུ་ན། །ནམ་མཁའི་ནོར་བུ་ཉིན་མོར་ཕྱེད། །

(༣༨༤)པདྨའི་གཉེན་དང་ཀུནྡའི་དགྲ། །སྣ་ཚོགས་ཤིང་རྟ་ཚ་ཟེར་ཅན། །མུན་པའི་དགྲ་བོ་མེ་སྦྱིན་སྐྱེས། །བདུན་གྱི་བདུན་པ་ཉི་མའི་མིང་། །དྲག་པོའི་གཙུག་རྒྱན་རྒྱ་མཚོ་སྐྱེས། །རྡུལ་གྱི་ཐིག་ལེ་རི་དྭགས་ཅན། །རྒྱུ་སྐར་མུ་ཁྱུད་ཁ་བའི་འོད། །ཆགས་བྱེད་འོད་དཀར་ག་པུར་འཛིན། །ཤར་གྱི་ཐིག་ལེ་ཟླ་བའི་མིང་། །བཀྲ་ཤིས་ས་སྐྱེས་ཡན་ལག་དམར། །འོད་ཟེར་དགུ་པ་པ་སངས་བུ། །རོལ་མཚེ་རྩིབས་ལྡན་དམག་དཔོན་མིང་། །བླ་སྐྱེས་རྒྱལ་བུ་གསལ་ལྡན་དང་། །སྔོ་སངས་མཁས་པ་ཚིམ་བྱེད་སྐྱེས། །མཛའ་ལྷའི་གྲོགས་པོ་ལུས་གཅིག་པ། །ལྷ་མཚམས་སྐྱེས་རྣམས་ལྷག་པའི་མིང་། །བློ་ལྡན་སྒྲ་མཁས་དཔྱོད་ལྡན་དང་། །འཚོ་བྱེད་འབར་ལྡན་མཐོ་རིས་ཐོབ། །རིག་བྱེད་བདག་པོ་མེ་བཞི་སྐྱེས། །ལྷ་ཡི་བླ་མ་ཕུར་བུའི་མིང་། །ངན་ལས་རྒྱལ་དང་ལྷ་མིན་བདག །བཅུ་དྲུག་འོང་ལྡན་དཀར་པོ་དག །ལྷ་མིན་བླ་མ་སྙན་ངག་མཁན། །ཁུ་བོ་སྦྱིན་བྱེད་མཆུ་ལས་སྐྱེས། །དཀར་པོ་མཆུ་སྐྱེས་པ་སངས་མིང་། །དལ་བར་འགྲོ་དང་ཉི་མའི་བུ། །གཤིན་རྗེའི་བདག་པོ་མི་བཟད་མིག །འཁྱོག་འགྲོ་གོས་སྔོན་འོད་ཟེར་བདུན། །ཚངས་སྐྱེས་རྗེས་སྐྱེས་སྤེན་པའི་མིང་། །དེ་བཞིན་སྒྲ་གཅན་གདོང་པ་ལ། །མཐོ་རིས་སྣང་བྱེད་བསོད་ནམས་ལྡན། །མུན་པ་ཅན་དང་ཟླ་བའི་དགྲ། །མགོ་ཟླུམ་སེང་གེ་མོ་ཡི་བུ། །ལམ་ནག་གཟའ་ཡི་རྣ་བ་དང་། །ཤ་ཟ་འཕར་འགྲོ་སྤྲིན་ལས་རྒྱལ། །སྲིད་གསུམ་རྣམ་རྒྱལ་བྲ་ཉེ་སྐྱེས། །མཇུག་མར་དུས་མི་སྤྱང་ཀི་དང་། །སྣ་ཚོགས་མདོག་ཅན་ཉི་ཟླ་ཟ། །མེ་དང་མིག་སྨན་མདོག་ཏུ་གྲགས། །ཀེ་ཏུ་ཁོད་ཅན་གཙུག་ཕུད་ཅན། །སྐག་སྐྱེས་སྤྲུལ་ཅན་སྐྲ་གཉིས་པ། །དུ་བ་མཇུག་རིང་མིང་དུ་གྲགས། །སྒྲོལ་བྱེད་འཕུར་བྱེད་སྐར་མའི་མིང་། །ཕལ་པའི་སྐར་མ་དུང་ཕྱུར་གཉིས། །བྱེ་བ་བརྒྱད་དང་ས་ཡ་ལྔ། །ཡོད་

(༣༨༥)ཀྱང་ལོངས་སྤྱོད་གཏན་བེབས་པ། །རྒྱུ་བའི་སྐར་མ་ཉི་ཤུ་བརྒྱད། །ཐ་སྐར་བྲ་ཉེ་སྨིན་དྲུག་སྣར། །མགོ་ལག་ནབས་སོ་རྒྱལ་དང་སྐག །མཆུ་གྲེ་དབོ་དང་མེ་བཞིན་ག །ས་རིས་།།།ག་ལྷ་མཚམས་སྣོན། །སྣུབས་དང་ཆུ་སྟེང་ཆུ་སྨད་དང་། །གྲོ་བཞིན་བྱི་བཞིན་སྐར་ཁོངས་གཅིག །མོན་གྲེ་མོན་གྲུ་ཁྲུམས་སྟོད་སྨད། །ནམ་གྲུ་ཀུན་ལ་སྐར་ཆུང་རེ། །རང་རང་མིང་གི་རྣམ་གྲངས་དང་། །དབྱིབས་དང་རྟག་པའི་ལོངས་སྤྱོད་ཟས། །རྒྱུད་གྲངས་རིགས་ཀྱི་ལྷ་དང་དྲུག །གརྒའི་མདོ་སོགས་པ་རྟག་པར་བྱ། །གཟའ་སྐར་ཕྲད་པའི་འཕྲོད་ཆེན་ནི། །ཀུན་དག་འདུས་ཀྱི་དབྱིག་པ་དག །དུལ་བ་སྐྱེ་དགུ་གཞོན་བྱ་རག །རྒྱལ་མཚན་དཔལ་བེའུ་རྡོ་རྗེ་ཐོ། །གདུགས་གྲོགས་དེ་འདོད་མགལ་མེ་དང་། །རྩ་བཏོན་འཆི་བདག་མདའ་གྲུབ་པ། །མདུང་དང་བདུད་རྩི་གཏུན་ཤིང་དང་། །གླང་པོ་རྟག་མྱོས་ཟད་གཡོ་བརྟན། །འཕེལ་བ་རྣམས་སོ་སྦྱོར་བའི་མིང་། །སེལ་བ་མཛའ་བོ་ཆེ་ལྡན་དང་། །བསྐལ་བཟང་བཟང་པོ་ཤིན་ཏུ་སྐྲངས། །ལས་བཟང་འཛིན་པ་གཟེར་འབྲས་འཕེལ། །ངེས་པ་ཀུན་འཇོམས་དགའ་བ་དང་། །རྡོ་རྗེ་དངོས་གྲུབ་ཀུན་ཏུ་བརྡུང་། །དཔའ་བོ་ལོངས་བསྣུན་ཞི་གྲུབ་པ། །བསྒྲུབ་བྱ་དགེ་བ་དཀར་པོ་དང་། །ཚངས་པ་དབང་པོ་འཁོན་འཇན་ནོ། །བྱེད་པ་བཅུ་གཅིག་ཞེས་གྲགས་པ། །གདབ་པ་བྱིས་པ་རིག་པ་ཅན། །ཏིལ་བརྡུང་ཁྱིམ་སྐྱེས་ཚོང་བིཥྚི། །ཚེས་གཅིག་ཕྱི་དྲོའི་ཆ་ནས་བཟུང་། །ཉེར་དགུའི་སྔ་ཆར་འཁོར་བའོ། །ཤངྐུ་དང་ནི་རྐང་བཞི་ཀླུ། །མི་སྡུག་བཞི་པོ་ཉེར་དགུ་ཡི། །ཕྱི་ཆ་ནས་བཟུང་ཚེས་གཅིག་པར། །ཚེས་གྲངས་ཕྱེད་ལ་བདག་པའོ། །གྲངས་ཀྱི་ཐ་སྙད་འདི་ལྟ་སྟེ། །གཅིག་བཅུ་བརྒྱ་སྟོང་ཁྲི་འབུམ་དང་། །ས་ཡ་བྱེ་བ་དུང་ཕྱུར་རྣམས། །རྐྱང་པའི་གྲངས་ཡིན་ཐེར་འབུམ་སོགས། །གྲངས་མེད་མཐར་ཐུག་གཞན་ལས་ཤེས། །འདིར་ནི་རི་མོའི་སྦྱོར་བ་ན། །མཁོ་བའི་གྲངས་

(༣༨༦)ཀྱི་མངོན་བརྗོད་བཤད། །གཟུགས་དང་ཟླ་བ་འོད་དཀར་ཅན། །བསེ་རུ་རི་བོང་གཅིག་གི་མིག །ཐབས་ཤེས་མཚེ་མ་འཁྲིག་བགྲོད་དང་། །ལག་མི་གཟུང་རྣམས་གཉིས་ཀྱི་མིང་། །འཇིག་རྟེན་རྩེ་མོ་ཚ་བ་མེ། །སྲིད་པ་ཡོན་ཏན་གསུམ་གྱི་མིང་། །ཆུ་བོ་རིག་བྱེད་རྒྱ་མཚོ་དང་། །སྡེ་པ་ཆུ་གཏེར་བདུད་རྣམས་བཞི། །དབང་པོ་ཉེར་སྤྱོད་འདོད་ཡོན་དང་། །འབྱུང་བ་མདའ་རྣམས་ལྔ་ཡི་མིང་། །དུས་མཚམས་རོ་དང་བྲོ་བ་དང་། །རྒྱན་དང་བཟང་པོ་དྲུག་གི་མིང་། །ཐུབ་པ་རིན་ཆེན་ས་འཛིན་དང་། །རྟ་བདུན་རི་བོ་དྲང་སྲོང་བདུན། །ལྷ་ཀླུ་བཀྲ་ཤིས་གདེངས་ཅན་ནོར། །ལྟོ་འགྲོ་སྲིད་པ་བརྒྱད་ཀྱི་མིང་། །སྲིན་པོ་བུ་ག་རྩ་གཏེར་དགུ། །སྟོབས་དང་འབྱོར་པ་ཕྱོགས་འཇུག་པ། །ཁྲོ་བོ་སོར་མོ་རྣམས་ནི་བཅུ། །དྲག་པ་དབང་ཕྱུག་བདེ་བྱེད་དང་། །བདེ་འབྱུང་བྱེད་པ་བཅུ་གཅིག་མིང་། །རྟེན་འབྲེལ་ཉི་མ་ཁྱིམ་བཅུ་གཉིས། །ལུས་མེད་མྱོས་བྱེད་འདོད་པ་དང་། །སྣ་ཚོགས་གདུགས་རིམ་བཅུ་གསུམ་མོ། །ཤེད་བུ་མ་ནུ་སྲིད་པ་དང་། །ཡིད་རྣམས་བཅུ་བཞིའི་མིང་དུ་གྲགས། །ཚེས་དང་ཉིན་ཞག་བཅོ་ལྔའི་མིང་། །རྒྱལ་པོ་མི་བདག་བཅུ་དྲུག་གོ །སྐྱོན་དང་ཉེས་པ་ཁམས་བཅོ་བརྒྱད། །ཡུལ་དང་རྒྱལ་བ་ཉེར་བཞིའོ། །དེ་ཉིད་ཅེས་པ་ཉི་ཤུ་ལྔ། །འཁོར་ལོ་སྐར་མ་ཉེར་བདུན་མིང་། །སོ་དང་གཉིས་སྐྱེས་སུམ་ཅུ་གཉིས། །དབྱུ་གུ་ཞེས་བྱུང་དྲུག་ཅུ་ཐམ། །སྟོང་པ་ནམ་མཁའ་ཐིག་ལེའོ། །རྣམ་དག་གྲུབ་པའི་གཞུང་ལུགས་ལ། །ཇི་ལྟ་བ་ནི་སྟོང་པ་ཉིད། །ཐིག་ལེར་མཚོན་པས་གྲངས་ངེས་ཀྱི། །གྲལ་འགོར་ཐིག་ལེ་འབྱུང་མི་སྲིད། །ཇི་སྙེད་རིག་པས་གཞལ་ནུས་པས། །གྲངས་མཐའ་ཐིག་ལེར་སྟོང་པ་ནི། །འཁྲུལ་པ་མེད་པའི་རྟགས་སུ་གཟུང་། །ཤེས་བྱར་སྲིད་དོ་ཅོག་གཞལ་ཡང་། །དགུ་མཐའི་ནང་དུ་མ་འདུས་མེད། །དེ་ཕྱིར་ཐོག་མར་འདི་ཟུང་

(༣༨༧)ཞིག །དགུ་གཅིག་གཅིག་དགུ་དགུ་ཉིད་དེ། །གཅིག་བསྒྱུར་འཕེལ་འགྲིབ་མེད་པའི་ཕྱིར། །དགུ་གཉིས་གཉིས་དགུ་བཅོ་བརྒྱད་ལ། །དགུ་གསུམ་གསུམ་དགུ་ཉི་ཤུ་བདུན། །དགུ་བཞི་བཞི་དགུ་སུམ་ཅུ་དྲུག །དགུ་ལྔ་ལྔ་དགུ་བཞི་བཅུ་ལྔ། །དགུ་དྲུག་དྲུག་དགུ་ལྔ་བཅུ་བཞི། །དགུ་བདུན་བདུན་དགུ་དྲུག་ཅུ་གསུམ། །དགུ་བརྒྱད་བརྒྱད་དགུ་བདུན་ཅུ་གཉིས། །དགུ་དགུ་བརྒྱད་ཅུ་རྩ་གཅིག་གོ །ཚིག་དོན་དེ་ཡིས་འགྲེ་བྱས་ནས། །ཨངྐིའི་གྲངས་ལ་འདི་ལྟར་བརྟག །བརྒྱད། བདུན། དྲུག །ལྔ། བཞི། གསུམ། གཉིས། གཅིག །འདྲ་དང་བགྲང་བ་གཡས་ནས་རིམ། །བསྒྱུར་དང་བགོད་པ་གཡོན་ནས་བརྩམ། །བསྒྱུར་བའི་མངོན་བརྗོད་བསྣུན་དང་སྤེལ། །བསྒྲེས་དང་གསིལ་བ་ཞེས་ཀྱང་གྲགས། །བགོད་ལ་ཕྱེ་དང་བསལ་བ་དང་། །བཅད་པ་ཞེས་གྲགས་དོན་གཅིག་གོ །སྒྱུར་བྱེད་གྲངས་མཐར་ཐིག་ཡོད་ན། །བསྒྱུར་བྱའི་གྲལ་གྱི་མཐའ་ལ་བཀོད། །བསྒྱུར་བྱ་སྒྱུར་བྱེད་གང་སྟོངས་ཀྱང་། །འདྲ་སྟེ་ཆོ་གའི་རི་མོ་དཔྱི། །འོན་ཀྱང་བགོད་བྱེད་དབུས་མཐའི་ཐིག །རང་གནས་འཛིན་པའི་དགོས་དབང་ཅན། །བགོད་ལ་རྐྱང་བགོད་སྦྲག་བགོད་གཉིས། །རྐྱང་བགོད་ཇི་ལྟར་ཐོབ་པ་དང་། །སྤྲག་བགོད་འོག་མར་འདེངས་ཚོད་ཁྱེར། །གང་ཐོབ་དེ་ནི་ནོར་ཡིན་ཏེ། །རྙེད་དང་ཐོབ་པ་ཞེས་སུའང་གྲགས། །མ་ཐོབ་ནོར་སྐལ་ཐིག་ལེ་བྲི། །བགོད་དུས་རང་རང་མགོ་ཐག་

(༣༨༨)ནས། །མ་ལྡང་གོང་ནས་འབབ་དགོས་ན། །རིམ་བབ་རང་ཐོབ་གང་ཡིན་ཁྱེར། །འཕྲོ་རྣམས་རང་གནས་མ་འཆོལ་གཅེས། །གཞན་ཡང་ཆོ་གའི་གནས་སྐབས་སུ། །བསྣོན་འབྲི་བྱེད་པའི་ཐ་སྙད་ལ། །བསྲེ་བ་སྟེར་བ་སྦྱིན་བསྣན་དང་། །འབུལ་དང་མཁན་པ་བསྣོན་པའི་དོན། །འཕྲོག་དང་དབྲི་དང་འབྲིད་དང་དོར། །ཞུ་དང་བྲལ་དམན་སྤྱང་བའི་དོན། །དེ་བཞིན་དབྱི་དང་ཕྱིས་པ་བསུབས། །དེར་བའང་མཐུན་ཏེ་ཕྱི་མ་འདིར། །འཁྲུལ་པ་བསྐྱེད་པའི་གནས་ཡོད་སྲིད། །སྐར་རྩིས་ཀྱི་རིག་པ་ལ་འཇུག་པ་གོ་ལའི་རྣ་རྒྱན་ཅེས་བྱ་བ་ལས། སྤྱི་ཆིངས་བཤད་པའི་སརྒ་སྟེ་དང་པོ།། །།བསྐལ་པ་གང་ཞིག་སྒྲོན་མེ་རུ། །འགྱུར་བའི་ཁྱད་པར་སྟོན་པ་དང་། །བསྟན་པ་བྱོན་ལ་རག་ལུས་ཕྱིར། །བསྟན་རྩིས་རྣམ་གཞག་མདོ་ཙམ་བསྟན། །སྤྱིར་ནི་མདོ་དང་རྒྱུད་ལུགས་གཉིས། །དང་པོའི་ཕྱོགས་ལ་བསྐལ་བཟང་དང་། །འདུལ་ལུང་བྲན་ཚེགས་ལོ་སྟོང་གནས། །སྙིང་རྗེ་པདྨ་དཀར་པོ་དང་། །ཟླ་བའི་སྙིང་པོས་ཞུས་པའི་མདོར། །ཉིས་སྟོང་རྡོ་རྗེ་གཅོད་པའི་འགྲེལ། །ལྔ་བརྒྱ་ཕྲག་ལྔར་བཤད་པ་དང་། །འབུམ་ཊཱིཀ་ལས་ནི་ལྔ་སྟོང་གསུངས། །དེ་ལ་དང་པོའི་དགོས་པ་ནི། །གྲོལ་བ་ཐོབ་པ་ཤས་ཆེར་དགོངས། །གཉིས་པ་འབྲས་བུ་ལ་ཞུགས་དང་། །ལུང་ལ་སློབ་པའི་དབང་དུ་མཛད། །གསུམ་པ་ཕལ་ཆེར་ལྟ་བ་དང་། །བསྒྲུབ་པ་མཐུན་དགོངས་བླ་མ་བཞེད། །འདིར་ནི་འབུམ་ཊཱིཀ་དབྱིག་གཉེན་ཞབས། །མཐུན་པའི་ལྔ་སྟོང་ཕྱེད་ཕྱེད་དུ། །བཅད་པའི་སྔ་བརྒྱ་ཕྲག་བཅུ་ལས། །སྐྱེ་དགུའི་བདག་མོ་ལ་སོགས་པའི། །བུད་མེད་རབ་ཏུ་བྱུང་བ་ཡིས། །ལྔ་བརྒྱ་ཐ་མ་རྟགས་ཙམ་འཛིན། །དེ་ལ་དང་པོ་འབྲས་བུའི་དུས། །ལྔ་བརྒྱ་ཕྲག་གསུམ་དང་པོ་ལ། །དགྲ་བཅོམ་པ་དང་ཕྱིར་མི་འོང་། །མང་ལ་ཕྱིར་འོང་

(༣༨༩)དག་ཀྱང་ཡོད། །གཉིས་པ་ཕྱིར་མི་འོང་མང་ཞིང་། །ཕྱིར་འོང་དག་ཀྱང་ཡོད་པའོ། །གསུམ་པ་རྒྱུན་ཞུགས་མང་གཞན་ཉུང་། །ལུང་གི་དུས་གསུམ་དང་པོ་ལ། །མངོན་པ་གཉིས་པར་མདོ་སྡེ་དང་། །གསུམ་པར་འདུལ་བ་འཛིན་པ་མང་། །སྒྲུབ་པའི་གསུམ་ནི་དང་པོ་ལ། །ཚུལ་ཁྲིམས་གཉིས་པར་སེམས་དང་ནི། །གསུམ་པར་ཤེས་རབ་གཙོ་བོར་བསྒྲུབ། །གཞན་དུ་ལུང་དང་སྒྲུབ་པ་གཉིས། །སྔ་ཕྱི་བརྗེ་བ་གྲགས་ཆེ་ཡང་། །སྒྲུབ་དུས་སྐྱོ་ཤས་ཆེ་ལྡན་ཞིང་། །ཐར་བར་འདུན་པ་ཙམ་མང་བས། །ལུགས་འདི་འཐད་པར་ཀུན་མཁྱེན་བཞེད། །དེ་ཡང་སྟོན་པ་ལྷུམས་ཞུགས་ལོ། །མེ་མོ་ཡོས་ལ་ངོས་བཟུང་ནས། །མེ་མོ་ཕག་ལ་མྱང་འདས་ཚུལ། །མངའ་རིས་རྒྱལ་པོ་ཡོན་མཆོད་ཀྱི། །འདུན་སར་བཤེས་གཉེན་ཀུན་འཛོམ་ནས། །བརྩིས་པའི་རྣམ་གཞག་གཞན་པ་དང་། །བྷཾ་ག་ལ་ཡི་པཎྜི་ཏས། །བྱི་ལོ་དབྱར་འབྲིང་ལྷུམས་ཞུགས་ནས། །སྤྲེའུ་ལོ་སྟོན་འབྲིང་ཚེས་བཅོ་ལྔར། །མྱང་འདས་བཤད་པའི་ལུགས་ལ་སོགས། །རྣམ་གྲངས་ཤིན་ཏུ་མི་མཐུན་ཏེ། །ལུགས་འདིར་རྟོག་དཔྱོད་ཞུགས་པ་ཡི། །དཔྱོད་ལྡན་མང་པོས་དུས་གཟེར་གྱི། །གནས་དང་གསུང་རབ་མདོ་བསྟུན་པ། །གང་འདི་ཡིན་ནོ་གྲགས་པའི་ཕྱིར། །ཆུ་མཚོ་འཁོར་ལོའི་ལོ་ཚོགས་ལ། །རབ་འདོད་ནང་གི་མཛེས་བྱེད་སོགས། །འདས་ལོ་བསྲེས་པའི་གྲངས་ངེས་དེ། །དོན་གྲུབ་ས་ལུག་ཆུ་སྟོད་ཟླའི། །བཅོ་ལྔར་ལྷུམས་ཞུགས་ཕྱིན་གྱི་ལོ། །དེ་ལ་གཟུགས་ཕྲི་ལྕགས་སྤྲེའུ་ལ། །ལུམྦིའི་ཚལ་དུ་བདག་ཅག་གི། །སྟོན་པ་མཆོག་གི་སྤྲུལ་སྐུར་བཞེངས། །ཀླུ་ལག་གིས་དམན་ས་བྱི་ལ། །རབ་བྱུང་དྲང་སྲོང་རྒྱལ་མཚན་བཟུང་། །དུས་ཕྲི་རྒྱལ་བ་ཤིང་ཕོ་རྟར། །རྡོ་རྗེའི་གདན་དུ་མངོན་བྱང་ཆུབ། །སྒྲ་གཅན་ཟིན་དང་ཀུན་དགའ་བོའང་བཙས། །གོང་ནས་བདུན་ཕྲག་བདུན་གྱི་མཐའ། །

(༣༩༠)ཆུ་སྟོད་ཟླ་བའི་ཚེས་བཞི་ལ། །ཝ་ར་ཎ་སཱིར་ལྔ་སྡེ་ལ། །བདེན་བཞིའི་ཆོས་འཁོར་བསྐོར་བའི་ལོ། །གཟུགས་མིག་ཕྲི་བའི་ཤོང་ཡོས་ལ། །མུ་སྟེགས་བྱེད་ཀྱི་སྟོན་པ་དྲུག །ཆོ་འཕྲུལ་ཆེན་པོའི་མཛད་པས་བཏུལ། །དེ་ལ་དེ་ཉིད་ཕྲི་བ་ཡི། །དཔའ་བོ་ལྕགས་འབྲུག་ནག་པའི་ཉར། །དཔལ་ལྡན་འབྲས་སྤུངས་མཆོད་རྟེན་ཆེར། །དུས་འཁོར་གསུངས་དང་ལོ་དེ་ཡི། །ས་གའི་ཉ་ཡི་གུང་ཐུན་ལ། །རྩྭ་མཆོག་གྲོང་དུ་མྱ་ངན་འདས། །མཆོག་ཟུང་དགྲ་བཅོམ་མང་པོའང་ཞི། །གནས་ཚད་འདས་ལོའི་ཐོག་མར་བཟུང་། །གཟུགས་དམན་ཁྱུ་མཆོག་ལྕགས་སྦྲུལ་ལ། །མ་སྐྱེས་དགྲ་ཡིས་ཡོན་སྦྱར་ནས། །བཀའ་བསྡུ་དང་པོར་བྱས་པ་དང་། །ཆོས་རྒྱལ་ཟླ་བ་བཟང་པོ་ཡིས། །རྩ་རྒྱུད་བསྡུས་ཤིང་འགྲེལ་པས་བཀྲལ། །ཟུང་ཕྲི་ཉི་མ་ཆུ་ལུག་ལ། །ཟླ་བཟང་ལོངས་སྤྱོད་རྫོགས་སྐུར་བཞེངས། །གཟུགས་དམན་ཉི་སྒྲོལ་ཤིང་སྤྲེའུ་ལོར། །ཨུ་རྒྱན་སངས་རྒྱས་གཉིས་པ་འཁྲུངས། །ལྷ་དབང་ཉིད་ཀྱང་སྟོན་པར་བྱོན། །རྒྱལ་བས་སྦྱངས་པའི་ས་སྤྲེའུ་ལ། །དམ་པའི་རིགས་ཅན་དྲ་མ་ལྔར། །གསང་འཛིན་དཔའ་བོས་ཆོས་འཁོར་བསྐོར། །ཨིནྡྲ་བོ་དྷི་བར་པ་ལ། །ཏནྟྲའི་གླེགས་བམ་བབས་ནས་ལོ། །མི་བདག་གིས་སྦྱངས་ཤིང་བྱི་ལ། །རི་བོ་རྩེ་ལྔར་འཇམ་དཔལ་འཁྲུངས། །དབང་ཕྱུག་གིས་སྦྱངས་ས་ལུག་ལོར། །བསྡུ་བ་གཉིས་པའི་སྦྱིན་བདག་ནི། །རྒྱལ་པོ་མྱ་ངན་མེད་པ་བྱུང་། །དུས་མཚོ་མིག་སྦྱངས་ཤིང་གླང་ལོར། །ཐེག་མཆོག་སྟོན་པ་དགའ་རབ་འཁྲུངས། །འདི་དུས་འབྲས་བུའི་བསྟན་པའི་སྒང་། །བསྡུ་བ་གསུམ་པའི་དུས་ཙམ་ནས། །ཐེག་པ་ཆེན་པོའི་ཆོས་དར་ཡང་། །རྩོད་པ་ཅན་དུ་བགྱིད་པའི་སྐབས། །གྲུབ་ཆེན་ས་ར་ཧ་པ་བྱོན། །གོང་མར་དབང་འབྱུང་གིས་སྦྱངས་པའི། །དྲག་པོ་ལྕགས་སྤྲེར་ཀླུ་སྒྲུབ་འཁྲུངས། །

(༣༩༡)ཆུ་མཁའ་མིག་སྦྱངས་ཤིང་སྤྲེའུ་ལོར། །རིགས་ལྡན་གྲགས་པས་བསྡུས་རྒྱུད་བསྟན། །བུག་མཁའ་རོས་ཕྲི་ཆུ་སྦྲུལ་ལོར། །ཕོ་བྲང་ཡུམ་བུ་བླ་སྒང་དུ། །ཐོ་རི་གཉན་བཙན་དོན་དགུའི་སྟེང་། །གཉེན་པོ་གསང་བ་བབས་པའི་ལོ། །ཐ་རི་གཉན་དང་འཕགས་ཡུལ་གྱི། །སློབ་དཔོན་དབྱིག་གཉེན་ཐོག་མཉམ་པས། །ཀླུ་སྒྲུབ་བྱོན་ནས་དབྱིག་གཉེན་བར། །ལོ་གྲངས་བརྒྱད་བརྒྱ་ཐལ་བའི་ཁོངས། །ཀླུ་སྒྲུབ་སློབ་མ་ཤ་ཝ་རི། །འཕགས་པ་ལྷ་དང་དཔའ་བོའི་ཞབས། །ཐོགས་མེད་རིམ་པར་བྱོན་པ་ཡིན། །རྣལ་འབྱོར་བླ་ན་མེད་པ་ནི། །མངོན་ཚན་ཉིད་དུ་མི་སྤྱོད་ཀྱང་། །གྲུབ་ཐོབ་གྲགས་པ་ཆེ་བ་རྣམས། །ས་ར་ཧ་པ་བྱོན་པ་ནས། །ཐོགས་མེད་ཡན་ལ་རིམ་པར་བྱོན། །བོད་དུ་དམ་ཆོས་དབུ་བརྙེས་དེའི། །ལོ་ལ་རི་ཀླུ་མིག་སྦྱངས་པས། །ལྕགས་འབྲུག་འབྲས་བུའི་དུས་གསུམ་རྫོགས། །ལུང་གི་དུས་ཀྱི་ཐོག་མར་སླེབ། །མཚོས་སྦྱངས་ཤིང་སྤྲེའུ་བདེ་འབྱུང་གི། །ཁྲི་ལ་རྒྱ་མཚོ་རྣམ་རྒྱལ་བཞུགས། །མ་གར་མུ་སྟེགས་བྱེད་པ་ཞུགས། །མེ་མཁའ་རྒྱ་མཚོའི་ཐོག་མ་ཡིན། །འབྱུང་བས་སྦྱངས་པའི་ས་གླང་ལ། །ཆོས་རྒྱལ་སྲོང་བཙན་སྒམ་པོ་འཁྲུངས། །འདི་དང་འཕགས་ཡུལ་སྨྲ་བའི་ཉི། །ཆོས་ཀྱི་གྲགས་པ་ཐོག་མཉམ་པས། །ཐོ་ཐོ་རི་ནས་སྲོང་བཙན་བར། །དབྱིག་གཉེན་སློབ་མ་ཕྱོགས་ཀྱི་གླང་། །སངས་རྒྱས་བསྐྱངས་དང་ལེགས་ལྡན་འབྱེད། །གཉིས་ཀས་དབུ་མ་ངོ་བོ་ཉིད། །མེད་པར་སྨྲ་བའི་གཞུང་བཙུགས་ཤིང་། །ཤིང་རྟའི་ལམ་སྲོལ་གཉིས་སུ་བྱེད། །དེ་ནས་ཙནྡྲ་གོ་མི་དང་། །ཟླ་བ་གྲགས་པ་ཞི་བའི་ལྷ། །དཔལ་ལྡན་ཆོས་ཀྱི་གྲགས་པ་ཡན། །རིམ་པར་བྱོན་པའི་རགས་རྩིས་ལ། །བསླུ་བ་མེད་པས་འཕགས་ཡུལ་དུ། །རྒྱན་དྲུག་གམ་ནི་མཆོག་བརྒྱད་པོ། །ཀླུ་སྒྲུབ་མན་ནས་སྲོང་བཙན་ཡན། །བྱོན་པའི་རྣམ་གཞག་ཤེས་པར་བྱ། །

(༣༩༢)སྲོང་བཙན་འཁྲུངས་པའི་ས་གླང་ལ། །རྒྱལ་བས་ཕྲི་བའི་ཆུ་གླང་ལོར། །ལྷ་ལྡན་སྤྲུལ་པའི་གཙུག་ལག་བཏབ། །དེ་ལ་ཐུབ་པ་རིས་སྦྱངས་པའི། །ལྕགས་རྟར་ཁྲི་སྲོང་ལྡེའུ་བཙན་བལྟམས། །བུག་གཟུགས་ཀྱིས་དམན་ས་མོ་གླང་། །དུས་གསུམ་མཁྱེན་པ་པདྨ་འབྱུང་། །བོད་དུ་སྤྱན་དྲངས་བྱོན་པའི་ལོ། །མིག་དམན་ལྕགས་ཡོས་བསམ་ཡས་བཏབ། །རི་མེས་སྦྱངས་པའི་ས་འབྲུག་ལ། །མངའ་བདག་ཁྲི་སྲོང་ལྡེའུ་བཙན་གཤེགས། །མི་བདག་གིས་དམན་ཤིང་སྤྲེའུ་ལ། །སློབ་དཔོན་ཆེན་པོ་སྲིན་ཡུལ་གཤེགས། །ལག་པས་སྦྱངས་པའི་མེ་ཁྱི་ལ། །བྱེད་པའི་རྩིས་འགོ་ཐོག་མར་ཟུག །མཁའ་རོས་སྦྱངས་པའི་མེ་ཁྱི་ལ། །དབོན་སྲས་རལ་པ་ཅན་དེ་འཁྲུངས། །འབྱུང་མེས་དམན་པའི་ལྕགས་བྱ་ལ། །དར་མས་བསྟན་པ་བསྣུབས་པའི་ལོ། །བསེ་རུས་དམན་པའི་ཆུ་ཁྱི་ལ། །དཔལ་གྱི་རྡོ་རྗེས་གླང་དོར་བསྒྲལ། །དུས་རིས་སྦྱངས་པའི་ས་སྟག་དེ། །ཕྱི་དང་ཐོག་མར་བཙན་པའི་ལུགས། །བསྟན་པ་སྔ་དར་ཕྱིར་དར་གྱི། །བར་སྐབས་སྨྲྀ་ཏིས་བོད་བྱོན་ཡང་། །ལོ་ཙཱ་མ་རྙེད་ཁམས་སུ་འཁྱམས། །དེ་མ་ཐག་པའི་སྐྱེ་བ་ནི། །སྔོན་གྱི་ལས་སད་པཎྜི་ཏ། །རོང་པ་ཆོས་ཀྱི་བཟང་པོ་དང་། །ཇོ་བོ་བྱོན་པ་ཐོག་མཉམ་པས། །དེ་ཡི་སྔ་ཕྱི་ཅི་རིགས་པར། །ལྷ་རྗེ་ཟུར་པོ་ཆེ་ཆུང་དང་། །དམ་པ་སངས་རྒྱས་མར་མི་འབྲོག །ལ་སོགས་མཁས་དང་གྲུབ་པ་མཆོག །མ་བཞིག་བྱོན་པའི་དུས་ཡིན་ཡང་། །འདུལ་བའི་བསྟན་པ་སྟང་ཞན་པས། །དཱི་པཾ་ཀཱ་ར་སྤྱན་དྲངས་ཤིང་། །ཕྱིས་ནས་ཁ་ཆེའི་བསོད་སྙོམས་པས། །སྡོམ་རྒྱུན་རྣམ་དག་སྤེལ་བའི་དུས། །ལ་སོགས་གཞན་དུ་ཤེས་བྱ་སྟེ། །གཏན་ཚིགས་ཉིད་ནི་གཏན་ཚིགས་དང་། །བསྟུན་པ་ལས་གཞན་མངོན་ཤེས་ཀྱིས། །དཔྱད་པའི་གནས་སུ་མ་གྱུར་ན། །དེ་དག་ལ་ཡང་ལོ་ཚིགས་དང་། ཁམས་ལ་འགལ་བ་སྣ་ཚོགས་འདུ། །དེ་ཕྱིར་

(༣༩༣)གྲགས་པ་བརྟན་པའི་རྗེས། །བསྐྱར་ཟློས་བྱ་བ་འཇིག་རྟེན་ན། །ཡོངས་སུ་གྲགས་པ་ཉིད་དང་བསྟུན། །འོན་ཀྱང་བསྟན་རྩིས་དང་པོ་ནི། །བསྟན་པའི་གནས་ཚད་བརྟག་པ་ཉིད། །གཙོ་བོར་ངེས་ཀྱི་ཕྱི་དར་གྱི། །ཐོག་མ་ས་ཕོ་སྟག་གི་ལོར། །ཀླུ་མཚོས་དམན་པའི་མེ་སྟག་ལ། །མེ་མཁའ་རྒྱ་མཚོའི་འདས་ལོ་རྫོགས། །དེ་ལ་གཟུགས་དམན་མེ་ཡོས་ལ། །དུས་འཁོར་བོད་དུ་གདན་དྲངས་ཤིང་། །རབ་བྱུང་ཐོག་མའི་བགྲང་གཞི་ཡིན། །མེ་བུག་ཕྲི་བའི་ལྕགས་བྱི་ལ། །མངོན་པའི་དུས་རྫོགས་མདོ་སྡེ་ཡི། །ཐོག་མ་ཉིད་དུ་རིག་པར་བྱ། །དེ་ལ་མཁའ་མཁའ་འབྱུང་བ་ཡིས། །དམན་པ་ལྕགས་སྤྲེའུ་མདོ་སྡེའི་དུས། །རྫོགས་ཤིང་འདུལ་བའི་གོ་ཚུགས་ནས། །ད་ལྟའི་རབ་འདོད་ཆུ་ཡོས་འདི། །ཡན་ལ་འདུལ་བའི་རང་ཆ་ནས། །བརྒྱ་དང་དྲུག་ཅུ་རེ་གསུམ་འདས། །ལྷག་མ་སུམ་བརྒྱ་སོ་བདུན་པོ། །རབ་བྱུང་བཅུ་དགུ་པའི་ནང་གི། །རྣམ་གནོན་ལྕགས་འབྲུག་ཤར་ཚེ་རྫོགས། །དེ་ནས་སྒྲུབ་པའི་གསུམ་པོ་ལ། །ལྔ་བརྒྱ་ཕྲག་གསུམ་སྦྱངས་པའི་མཐར། །རྟགས་ཙམ་འཛིན་པའི་ཐོག་མར་སླེབ། །རྟགས་ནི་བསྟན་པར་མི་ཐེའོ། །ཕྱིན་ཆད་བསྟན་པ་རྣལ་མ་ཡི། །ལྷག་མ་ཇི་ཙམ་ཡོད་ཅེ་ན། །རབ་བྱུང་འདོད་པའི་ཆུ་ཡོས་མན། །སྟོང་དང་བརྒྱད་བརྒྱ་སོ་བདུན་ཡོད། །འོན་ཀྱང་བསྟན་པའི་དར་ནུབ་ལ། །གཞིགས་ན་སྔོན་གྱི་མཁན་པོ་ཡིས། །བཤད་པའི་བསྟན་རྩིས་རྣམས་ལ་ཡང་། །ཀླན་ཀ་རུང་བ་མ་ཡིན་ནོ། །དེ་ཕྱིར་སྐྱེས་བུ་ཤེས་ལྡན་རྣམས། །བསྟན་པ་རིང་པོར་མི་ཐོགས་པར། །ནུབ་པའི་ཚུལ་ལ་ལེགས་བསམས་ནས། །སྐྱོ་ཤས་བསྐྱེད་ལ་དམ་ཆོས་མཛོད། །རྒྱུད་དང་ཟབ་མོའི་མདོ་སྡེ་ལས། །གསུངས་པའི་བསྟན་པའི་གནས་ཚད་ནི། །ངེས་པའི་དོན་ཕྱིར་རབ་བྱུང་གི། །རྟགས་དང་ཆོ་གས་མི་མཚོན་པས། །དེ་དག་འདིར་ནི་མ་བརྗོད་དེ། །ཐེག་པ་མཆོག་དང་གྲུབ་པའི་མཐའ། །རིན་ཆེན་མཛོད་དོན་

(༣༩༤)ཁོང་ཆུད་པའི། །སྐྱེས་བུ་དེ་ནི་བློ་གསལ་ཡིན། །སྐར་རྩིས་ཀྱི་རིག་པ་ལ་འཇུག་པ་གོ་ལའི་རྣ་རྒྱན་ཅེས་བྱ་བ་ལས། བསྟན་རྩིག་བཤད་པའི་སརྒ་སྟེ་གཉིས་པའོ།། །།ཐབས་ཤེས་གཉིས་སུ་མེད་པའི་རྒྱུད། །དཔལ་ལྡན་དུས་ཀྱི་འཁོར་ལོ་ཡིན། །དེ་ལ་རྩ་རྒྱུད་བསྡུས་རྒྱུད་གཉིས། །དང་པོ་རྩ་རྒྱུད་རྗེས་འབྲངས་ནས། །གཟའ་དང་རྒྱུ་སྐར་ཆུ་ཚོད་ཀྱི། །ལྐོག་གྱུར་མངོན་སུམ་མི་བསླུ་བ། །དྲང་སྲོང་ཆེན་པོ་རྔ་བོང་བཞིན། །གཎྜ་ཡངས་པའི་སྐྱེད་མོས་ཚལ། །གོ་ལའི་བགྲོད་པ་འཆིང་བ་ལ། །མི་མཇེད་ཞིག་པར་མ་གྱུར་བར། །ཀུན་འབྱུང་རྣམ་རྟོག་གཞན་དབང་གི། །ལྷག་མས་ནོངས་པར་མི་འགྱུར་བ། །རྣམ་དག་གྲུབ་པའི་སྔ་བསྡུས་བཤད།། །།རབ་བྱུང་འདོད་པའི་མཇེས་བྱེད་སོགས། །འདས་པའི་ལོ་ཚོགས་ཁྱིམ་གྱིས་བསྒྱུར། །འདས་ཟླ་བསྲེས་པ་གནས་གཉིས་གཞག །འོག་མ་ལག་བསྒྲེས་ཆུ་མཚོས་བརྒྱན། །མདའ་རོས་ཐེབ་ནོར་སྟེང་བསྲེས་ལ། །ཟླ་བ་རྣམ་དག་ཅེས་སུ་གྲགས། །ལྷག་མས་ཟླ་བཤོལ་སྒད་དབུགས་དང་། །ལྡོག་གཉིས་ཕག་ཞག་རྀ་ཥི་ཁྱིམ། །དུས་གཟེར་སྟོན་པའི་ས་མཁན་བྱེད། །ཟླ་བ་དག་པ་གནས་ལྔ་བརྩེགས། །སྟེང་ནས་རིམ་པར་ཟླ་བ་དང་། །གཟུགས་མེ་མཁའ་མདའ་དབུགས་གནས་ཐིག །སྟོང་པ་གདེངས་ཅན་མཚོས་བསྒྱུར་ལ། །སྟེང་རིམ་གཟར་མེ་ཆུ་ཚོད་མཁའ། །ཆུ་སྲང་ཀླུ་མེ་དབུགས་ལ་གཟུགས། །ཆ་གནས་རི་བུག་རྣམས་ཀྱིས་ཕྲི། །འོག་ནས་རིམ་བཞིན་རི་མཁའ་རི། །དུས་དང་མཁའ་རོ་མཁའ་རོ་དང་། །ཐུབ་པས་དོར་ལྷག་གཟའ་དྷྲཱུའོ། །ཡང་ན་གཟའ་གནས་རྩེ་མོ་དང་། །ཆུ་ཚོད་གཏེར་དབང་སྲང་གཟུགས་མིག །དབུགས་མཚོ་ཆ་གནས་ཕྱོགས་དུས་བྱིན། །འཁོར་ལོ་དྲིལ་ཀྱང་སྔར་བཞིན་འཆར། །ཟླ་དག་གནས་གཉིས་གོང་མ་བགྲོད། །འོག་མ་རི་བོང་ཅན་གྱིས་བསྒྱུར། །སྟེང་མ་དུས་དང་འོག་མ་ནི། །མཁའ་

(༣༩༥)ཆུས་སྦྱངས་ལ་དུས་ཉི་མས། །བགོས་ནོར་སྟེང་བསྲེ་ཀླུ་ལག་གིས། །བསྒྲིལ་བས་རིལ་གོ་ཆ་ཤས་གྲུབ། །ཡང་ན་རིལ་གོར་གཟུགས་མིག་དང་། །ཆ་ཤས་དུས་ཀླུས་བརྒྱན་པ་ལ། །དུས་ཉིས་ཐོབ་ནོར་སྟེང་དུ་བསྲེ། །ཀླུ་ལག་གིས་སྒྲིལ་སྔར་བཞིན་འཆར། །ཟླ་དག་གནས་ལྔ་སྟེང་རིམ་བཞིན། །མིག་དང་ཕྱོགས་དང་ཀླུ་དབང་དང་། །གཟུགས་དང་རི་ཟླས་སོ་སོར་བསྒྱུར། །སྐར་གནས་གཟུགས་དང་དབྱུག་ཀླུ་ལག །སྲང་གནས་བུག་མི་དབུགས་མིག་དང་། །ཆ་ཤས་ཀླུ་ལག་དག་གིས་པྲི། །འོག་ནས་རིམ་བཞིན་རི་རོ་དང་། །དུས་དང་མཁའ་རོ་མཁའ་ར་དང་། །སྐར་མས་དོར་ལྷག་ཉི་དྷྲཱུའོ། །ཡང་ན་སྐར་གནས་འབྱུང་མིག་དང་། །དབྱུ་གུར་གཟུགས་མེ་སྲང་མཁའ་མིག །དབུགས་མེ་ཆ་ཤས་བུག་མེས་བརྒྱན། །རང་འཁོར་དྲིལ་བའང་རྣམ་འགྱུར་ཙམ། །སྟོང་འཇུག་འོག་མའི་ཆུ་གཏེར་སྐྱེས། །ངོ་མཚར་དྷྲཱུ་ཕ་ཞེས་གྲགས་པ། །ཟླ་དག་མཁའ་སྟོང་འབྱུང་ཀྱུས་བརྒྱན། །རི་དབང་དུས་ཀླུས་བསྒྱུར་བ་དེ། །མེ་བུག་འབྱུང་རྩ་མེ་ཡིས་དོར། །ལྷག་མ་རིས་བསྒྱུར་བགོད་བྱེད་ཀྱིས། །ཐོབ་པ་དགའ་སྟེ་ཡང་ལྷག་པ། །མཁའ་རོ་མཁའ་རོ་དང་ནི་དུས། །རི་མཁའ་རིས་བསྒྱུར་བགོད་བྱེད་ཀྱིས། །རིམ་ཐོབ་གཟའ་དྷྲཱུ་ལྔར་བཞིན་འཆར། །རིལ་ཆའི་དོན་དུ་ཟླ་དག་གང་། །ཀླུ་ཟུང་ལག་པ་མིག་གིས་བརྒྱན། །འཇིག་རྟེན་དབང་པོ་ཟུང་གིས་བསྒྱུར། །ལྟོ་འགྲོ་ལག་འབྱུང་མེ་ཡིས་དོར། །ལྷག་མ་ཀླུ་ལག་གིས་བསྒྱུར་ལ། །བགོད་བྱེད་ཀྱིས་ཐོབ་རིལ་པོ་དང་། །ཡང་ལྷག་དུས་གཉིས་བསྒྱུར་བ་དེ། །བགོད་བྱེད་ཀྱིས་ཐོབ་དུས་ཉིའི་ཆ། །ཟླ་དག་ཟུང་རྩ་དུས་ཀྱིས་བརྒྱན། །འབྱུང་པོས་བསྒྱུར་ལ་ཆུ་མཁའ་ཀླུས། །དོར་ལྷག་སྐར་བསྒྱུར་བགོད་བྱེད་ཀྱིས། །ཐོབ་པ་སྐར་མའོ་ཡང་ལྷག་པ། །མཁའ་རོ་མཁའ་རོ་དང་ནི་དུས། །རི་རོས་རིམ་བསྒྱུར་བགོད་བྱེད་ཀྱིས། །

(༣༩༦)ཐོབ་པས་ཉི་དྷྲཱུ་སྔར་བཞིན་འཆར། །དེ་ནས་ཉིན་ཞག་གཅིག་པའི་རྩིས། །གཟའ་དྷྲཱུར་ཆུ་ཚོད་རྩ་དབང་དང་། །སྲང་མེ་དབུགས་མཚོ་ཆ་མི་བདག །ཉི་དྷྲཱུར་དབྱུག་མཚོ་སྲང་གཟུགས་མིང་། །དབུགས་དབང་ཆ་ཤས་མེ་མཚོ་རྣམས། །ཚེས་བསྒྱུར་སྟེར་རམ་རེའུ་མིག་བྱིན། །གཟའ་ཉི་བར་པ་ཞེས་སུ་གྲགས། །རིལ་པོར་ཚེས་བསྲེ་སྲིད་པས་བགོ། །རྙེད་ནོར་མཉམ་དང་མི་མཉམ་བརྟག །མིག་མཚོ་སྟོང་པ་མཉམ་པ་སྟེ། །གཟུགས་དང་རྩེ་མོ་མི་མཉམ་མོ། །འོག་ནས་འབྱུང་བའི་ཟླ་རྐང་གི། །ལོངས་སྤྱོད་དྲང་སྲོང་བར་པ་ལ། །སྣོན་འབྲིའི་མཚན་མ་ཉིད་དུ་གཟུང་། །ལྷག་མས་ཟླ་རྐང་འཛིན་བྱ་སྟེ། །གཟུང་བྱའི་རྐང་པ་འདི་ལྟར་རོ། །དབང་འབྱུང་འདོད་ཡོན་མཚོ་རྩེ་མོ། །མིག་དང་བསེ་རུ་སྔ་རྐང་བདུན། །ཕྱི་རྐང་དེ་ལྡོག་གནས་བཅུ་བཞི། །རྐང་མཚམས་སླེབ་ཚེ་ཕྱི་རྐང་བྱ། །དེ་ཡང་གཟུགས་དང་འདོད་པར་འབྱུང་། །ཟུང་དང་ཉི་མར་ཕྱོགས་སྡོམ་ཞིང་། །མེ་དང་དྲག་པོར་ཚེས་སྡོམ་ལ། །ཆུ་བོ་ཕྱོགས་ལ་བུ་ག་གཟུགས། །འབྱུང་དང་སྲིན་པོར་ལག་མིག་དང་། །དུས་དང་ཀླུ་ལ་རྒྱལ་བ་སྟེ། །རི་བོ་ལ་ནི་འབྱུང་མིག་སྡོམ། །སྔ་རྐང་ལ་ནི་སྤྱད་ཟིན་དང་། །ཕྱི་རྐང་ལ་ནི་སྤྱོད་རྒྱུ་སྡོམ། །རྐང་འཛིན་སྟོངས་ན་རྐང་སྡོམ་དབྱི། །རྐང་བཟུང་མདུན་མས་ཆ་ཤས་བསྒྱུར། །མ་ཟིན་རྐང་པ་ཐོག་མས་ཏེ། །དུས་ཁྱིམ་གྱིས་ཐོབ་ཡང་དག་རྒྱུ། །ལྷག་མ་མཁའ་རོས་བསྒྱུར་བ་ལ། །དུས་ཁྱིམ་གྱིས་ཐོབ་ཆུ་སྲང་སྟེ། །ཡང་ལྷག་རོས་བསྒྱུར་དུས་ཁྱིམ་གྱིས། །ཐོབ་པ་དབུགས་ཏེ་སླར་ལྷག་པ། །རི་མཁའ་རིས་བསྒྱུར་དུས་ཁྱིམ་གྱིས། །ཐོབ་པ་ཆ་སྟེ་ལྷག་མེད་དག །རྐང་འཛིན་སྔ་རྐང་ལ་ཡོད་ན། །ཡང་དག་རྒྱུ་དང་རྐང་སྡོམ་བསྲེ། །ཕྱི་རྐང་ལ་ཡོད་ཡང་དག་རྒྱུས། །རྐང་སྡོམ་ལ་ཕྲི་སླར་ཡང་གཅིག །ཕབ་པའི་མཁའ་རོར་སྲང་གིས་སྦྱང་། །དེ་བཞིན་སླར་

(༣༩༧)ཡང་རིམ་ཕབ་ལ། །དབུགས་དང་ཆ་ཤས་དག་གིས་སྦྱང་། །དེ་ཉིད་གཟའ་བར་ལོངས་སྤྱོད་ལ། །ནོར་མཉམ་བསྣན་ལ་མི་མཉམ་ཕྲི། །གཟའ་ཕྱེད་དག་པ་ཞེས་སུ་གྲགས། །དེ་ཡི་ཆ་ཤས་རི་རོས་བསྒྱུར། །རི་མཁའ་རིས་བགོས་ནོར་རི་རོའི། །ཆ་ཤས་དང་བཅས་གནས་དྲུག་སྤེལ། །ཉི་བར་གནས་གཉིས་བཀོད་པ་དེར། །གཅིག་ལ་སྐར་མཚམས་ཆུ་ཚོད་ནས། །ཞེ་ལྔས་སྦྱང་ཞིང་མ་ལྡང་ན། །འཁོར་ལོ་བསྣན་པ་ལག་ལེན་ཡིན། །བཅུ་གསུམ་སུམ་ཅུ་ལྷག་ན་དོར། །དོར་དང་མ་དོར་མཚན་མ་བཟུང་། །ལྷག་མའི་སྐར་གནས་མཁའ་རོས་བསྒྱུར། །ཆུ་ཚོད་བཅུག་ལ་འབྱུང་ཡོན་ཟླས། །བགོས་ཐོབ་ནོར་གྱིས་ཉི་རྐང་འཛིན། །འཛིན་བྱའི་རྐང་པ་འདི་ལྟ་སྟེ། །དུས་མཚོ་ཟླ་བ་སྔ་རྐང་གསུམ། །ཕྱི་རྐང་དེ་ལྡོག་རྐང་གནས་དྲུག །གཟུགས་དང་འབྱུང་བ་དག་ལ་དུས། །མིག་དང་མཚོ་ལ་ཕྱོགས་སྡོམ་ཞིང་། །མེ་ལ་དྲག་པོ་སྟིང་ལ་སྟོང་། །སྔ་ཕྱི་སྤྱད་དང་སྤྱོད་རྒྱུ་སྡོམ། །རྐང་འཛིན་མདུན་མས་ལྷག་རྣམས་བསྒྱུར། །རང་རང་འཁོར་ལོས་སྟེང་དུ་དྲིལ། །དེ་ལ་འབྱུང་ཡོན་ཟླ་བ་ཡིས། །ཐོབ་པ་ཡང་དག་རྒྱུ་བའི་དབྱུག །སླར་ལྷག་མཁའ་རོས་བསྒྱུར་བ་དེར། །རང་ཆ་བསྲེས་ལ་འབྱུང་ཡོན་ཟླས། །ཐོབ་ནོར་སྲང་ལ་ལྷག་མ་དེ། །དུས་ཀྱིས་བསྒྱུར་ལ་དབུགས་གནས་བཅུག །འབྱུང་ཡོན་ཟླས་ཐོབ་དབུགས་ཡིན་ཏེ། །སླར་ལྷག་རི་རོས་བསྒྱུར་བ་ལ། །ཆ་བཅུག་ཐོབ་པ་ཆ་ཤས་ཏེ། །དེ་ཡང་རྐང་འཛིན་སྔ་རྐང་ལ། །ཡོད་ཚེ་དབྱུ་གུ་གཉིས་བསྲེ་ཞིང་། །ཕྱི་རྐང་ཚེ་ན་ཡང་དབྱུག་གིས། །རྐང་སྡོམ་ལ་ཕྲ་སླར་ཡང་ཕབ། །རིམ་བཞིན་རང་འཁོར་ལ་སྦྱངས་ལྷག །གཟའ་ཕྱེད་ཉི་བར་ལོངས་སྤྱོད་ལ། །འཁོར་ཕྱེད་དོར་བསྣན་མ་དོར་ཕྲི། །དེ་ཡིས་གཟའ་ཉི་རྣམ་པར་དག །སླར་ཡང་ཉི་དག་གནས་གཉིས་གཞག །གཅིག་ལ་སྐར་ཐིག་དབྱུག་མཚོ་

(༣༩༨)དབང་། །ཚེས་བསྒྱུར་སྟོར་རམ་རྟག་ལོངས་ཀྱི། །རེའུ་མིག་བྱིན་པས་ཚེས་ལ་ནི། །འཁྱུད་པའི་ཟླ་སྐར་ཞེས་སུ་གྲགས། །དེ་ལ་གཟའ་ལོངས་མན་གྱིས་སྦྱངས། །རེས་འགྲོགས་ཟླ་བའི་སྐར་མ་སྟེ། །ཉི་ཟླ་གཉིས་བསྲེས་སྦྱོར་བ་འགྲུག །འདི་ཡང་དུས་ཀྱི་ལྷ་ཡིན་ནོ། །བྱེད་པ་ཚེས་གྲངས་མིག་གིས་བསྒྱུར། །གཟུགས་ཕྲི་ཐུབ་པས་དོར་བའི་ལྷག །ཕྱི་མའི་བྱེད་པ་ཡིན་པ་སྟེ། །སྔ་བྱེད་ཤུགས་ལ་རྟོགས་པར་འགྱུར། །དེ་ཡིས་གྲུབ་འབྲས་འདི་ལྟར་བརྟག །གཟའ་ནི་ཉིན་ཞག་བདག་པོ་ཡིན། །ནམ་ལངས་ནས་ནི་ནམ་ལངས་བར། །དེ་ཡི་ཆུ་ཚོད་ཆེས་བདག་སྟེ། །ནམ་ལངས་ཡན་ལ་འདས་པའི་ལྷག །ནམ་ ཉེར་དགུ་དང་གནམ་སྟོང་ལ་རི་མོ་མེད། ལངས་ནས་བཟུང་ཟད་པའི་མཐའ། །དེ་ཉིན་ཚེས་རྫོགས་ཕྱི་མ་འཇུག །ཚེས་ལ་རྒྱུ་བའི་ས་བདག་ཀུན། །དེ་དང་རྗེས་སུ་མཐུན་པར་འཇུག །ཟླ་སྐར་ལོངས་སྤྱོད་དེ་ལས་ལྡོག །ནམ་ལངས་ཡན་ལ་འདས་པའི་ཚད། །དེ་ཡིས་མཁའ་རོ་ལ་སྦྱངས་པས། །ནམ་ལངས་ནས་བཟུང་ལྷག་ལུས་རྟོགས། །ཉི་སྐར་སྦྱོར་བ་དེ་དང་མཚུངས། །གཟའ་གནས་ལན་གཉིས་བལྡབས་པའི་ཚེ། །ཆུ་ཚོད་མང་བའི་ཚེས་གྲངས་ཆད། །མཆོངས་ན་ཆུ་ཚོད་ཉུང་བ་ལྷག །དོན་ལ་ལྷག་ཆད་ཡོད་མིན་ཏེ། །རྐང་པའི་ལོངས་སྤྱོད་འཕེལ་འགྲིབ་ལས། །ཆད་དང་ལྷག་པ་ལྟ་བུར་སྣང་། །ལྷག་པ་སྔ་མ་འཆོས་དགོས་ཏེ། །གཟའ་གནས་རང་གིས་རེས་བཞིན་ལ། །དབྱུ་གུར་མཁའ་རོ་བཀོད་པར་བྱ། །མཆོངས་པའི་ཚེས་དེའི་ཉི་སྐར་ལ། །ཚེས་འཁྱུད་བརྟག་པའི་ལོངས་སྤྱོད་ནི། །མཚོ་དབང་ལྷག་ཆས་དེས་བསྒྱུར་བྱིན། །རེས་གཟའི་ལོངས་སྤྱད་རྣམས་ཀྱིས་སྦྱང་། །ཟླ་སྐར་ཡིན་ནོ་ཉི་སྐར་དང་། །དེ་གཉིས་བསྲེས་པས། ཉི་མ་ནས་མིག་དམར་ལ་མ་ཚངས་ན་ཟླ་བ་ལྟ་བུ། སྦྱོར་བ་འགྲུབ། གཟའ་དང་ཚེས་གྲངས་སྐར་མ་

(༣༩༩)དང་། །སྦྱོར་བ་བྱེད་པ་ཡན་ལག་ལྔ། །ཚོགས་པས་ལྔ་བསྡུས་ཞེས་སུ་གྲགས། །སྐར་རྩས་ཀྱི་རིག་པ་ལ་འཇུག་པ་གོ་ལའི་རྣ་རྒྱན་ཅེས་བྱ་བ་ལས། གྲུབ་མཐའི་ལྔ་བསྡུས་བཤད་པའི་སརྒ་སྟ་གསུམ་པའོ།། །།བསྡུས་པའི་རྒྱུད་ལ་གྲགས་པ་ཡི། །ལྷག་བཅས་བྱེད་པའི་ལྔ་བསྡུས་བཤད། །རབ་འདོན་ནང་གི་མཛེས་བྱེད་སོགས། །འདས་ལོ་ཉིས་བསྒྱུར་གནས་གཉིས་གཞག །འོག་མ་མིག་བསྒྱུར་ཀླུ་མཚོས་བརྒྱན། །ཟླ་རོས་ཐོབ་ནོར་སྟེང་བསྲེས་པ། །ཟླ་བ་དག་པ་ཉིད་ཡིན་ནོ། །ལྷག་མ་དུས་གཟེར་བརྟག་གཞིར་གཟུང་། །ཟླ་དག་གནས་གསུམ་སྟེང་རིམ་བཞིན། །གཟུགས་དང་གཟུགས་མེ་མཁའ་མངས་།།།བསྒྱུར། །གཟར་མེ་དབྱུ་གུར་མི་བདག་བྲི། །འོག་ནས་མཁའ་རོ་མཁའ་རོ་དང་། །རི་བོས་སྒྲིལ་བ་གཟའ་དྷྲཱུ་འ།།། །ཟླ་དག་གནས་གཉིས་སྟེང་མིག་དང་། །འོག་མ་གཟུགས་ཀྱིས་བསྒྱུར་བ་ལ། །སྟེང་དུས་འོག་མ་བྲོ་ལག་སྦྱང་། །འོག་ནས་དུས་ཉི་ཀླུ་ལག་གིས། །སྒྲིལ་བས་རིལ་ཆའི་དྷྲཱུ་ཝ་འཆར། །ཟླ་དག་གནས་ལྔ་སྟེང་རིམ་བཞིན། །མིག་ཕྱོགས་ཀླུ་དབང་མིག་ཕྱོགས་བསྒྱུར། །སྐར་མཁའ་དབྱུ་གུར་རི་མཚོ་དང་། །ཆུ་སྲང་མཁའ་འབྱུང་དབུགས་རིག་བྱེད། །ཆ་གནས་ཀླུ་ཡིས་བྲི་བ་ལ། །འོག་ནས་འདོད་པ་དུས་མཁའ་རོ། །མཁའ་རོ་འཁོར་ལོས་དྲིལ་བའི་ལྷག །ཉི་མའི་དྷྲཱུ་ཝ་ཉིད་ཡིན་ནོ། །བྱེད་པའི་སྐྱོན་གྱི་ཆོམ་རྐུན་ནི། །དྲུག་ཅུ་སྐོར་རེར་མང་བྱུང་ན། །རི་།།།བ་སོགས་པའི་རྒྱ་འབྱམས་ནི། །ཐུག་པ་མེད་པས་འདི་ལོངས་ཤིག །བྱེད་པ་ཉིད་ཀྱི་ལེ་རེ་ཡི། །དྷྲཱུ་ཝ་སྤྱི་མཐུན་དེ་ཉིད་ལ། །གཟའ་དྷྲཱུའི་ལོངས་སྤྱོད་འདོད་པས་བརྒྱན། །ཉི་དྷྲཱུ་ཆུ་ཚོད་དུས་མི་གྲི། །གཟའ་ཉིའི་ངེས་པ་ཞལ་ལུང་ལུགས། །ཕྱི་དྷྲཱུ་རིམ་གྱིས་འཆར་བའི་ཕྱིར། །སྔ་དྷྲཱུར་རང་རང་སྒྱུར་བྱེད་བྱིན། །བྱེད་པའི་ཉིན་རྩིས་ལ་འཇུག་ཕྱིར། །གཟའ་དྷྲཱུར་ཆུ་ཚོད་རྩ་དབང་དང་། །སྲང་མེ་དབུགས་གནས་རིམ་བྱེད་བྱིན། །ཉི་དྷྲཱུར་དབྱུག་མཚོ་

(༤༠༠)སྲང་གཟུགས་ཡིག །དབུགས་འབྱུང་ཆ་གནས་བུག་པ་རྣམས། །གང་བརྩིའི་ཚེས་བསྒྱུར་བྱིན་པ་ལ། །གཟའ་ཉེ་བར་པ་ཞེས་བྱའོ། །ཟླ་ཉིའི་རྐང་ཆོག་སྦྱོར་བྱེད་སོགས། །གྲུབ་མཐའ་བཞིན་ལས་ལོགས་སུ་མེད། །དེ་ལྟ་ན་ཡང་ཆ་ཤས་ཀྱི། །འཁོར་ལོ་འདོད་པས་བྱ་བ་ཁྱད། ༈ །དེ་ནས་སྒྲ་གཅན་ལ་སོགས་པའི། །རྩིས་ཕན་འགའ་ཞིག་བཤད་བྱ་བ། །བྱེད་གྲུབ་གང་འདོད་ཟླ་དེ་གང་། །དུས་དང་རིག་བྱེད་ལག་པས་བརྒྱན། །མིག་གིས་བསྒྱུར་ལ་ཉ་ལ་གཟུགས། །སྟོང་ལ་མིག་སྦྱིན་མཁའ་དུས་ཆུས། །ཐོབ་པ་དོར་ལ་ལྷག་མ་དེ། །འཁོར་ལོས་བསྒྱུར་ལ་མཁའ་དུས་ཆུས། །ཐོབ་པ་སྐར་མའོ་ཡང་ལྷག་པ། །མཁའ་རོ་མཁའ་རོ་དུས་དང་ནི། །རྩེ་མོ་ལག་པས་རིམ་བསྒྱུར་ལ། །མཁའ་དུས་ཆུ་བོས་ཐོབ་པའི་ནོར། །དབྱུག་སྲང་དབུགས་དང་མེ་ལག་ཆའི། །གནས་དེ་སྒྲ་གཅན་རྩ་བའོ། །དེ་ཡིས་རང་རང་འཁོར་ལོ་ལ། །རིམ་སྦྱངས་གདོང་གི་སྐར་ལོངས་ཏེ། །གདོད་ལ་འཁོར་ཕྱེད་བསྲེས་པའམ། །ཕྲི་བ་དུས་མའི་སྐར་ལོངས་སོ། །དེ་བཞིན་ཚེས་ཞག་རེ་རེ་ཡི། །སྒྲ་གཅན་བརྟག་ན་ཟླ་དག་དེ། །དུས་དང་རིག་བྱེད་མིག་གིས་བརྒྱན། །མཁའ་མེས་བསྒྱུར་ལ་གང་འདོད་དེའི། །ཚེས་བསྲེ་མཁའ་མཁའ་རྩ་རོས་དོར། །ལྷག་མ་འཁོར་ལོས་བསྒྱུར་བ་ལ། །མཁའ་སྟོང་རྩ་རོས་ཐོབ་པ་སྐར། །ལྷག་མ་མཁའ་རོ་མཁའ་རོ་དང་། །དུས་དང་མེ་མིག་གིས་བསྒྱུར་ལ། །མཁའ་མཁའ་རྩ་རོས་རིམ་ཐོབ་ནོར། །རྩ་བ་ཡིན་ནོ་གདོང་མཇུག་ག །ཆོ་ག་སྔར་བཞིན་བགྱིས་པ་ཡིས། །ཚེས་ལ་འཕོ་བའི་སྒྲ་གཅན་རྟོགས། །ཟླ་རེའི་སྒྲ་གཅན་རྟོགས་པའི་ཆེད། །ཟླ་དག་དུས་དང་རྒྱལ་བ་ཡིས། །བརྒྱན་ཏ་མཁའ་མེ་ལག་པས་དོར། །ལྷག་མ་སྐར་མས་བསྒྱུར་བ་སོགས། །རྩ་གདོང་མཇུག་གི་ཆོ་ག་རྣམས། །སྔར་བཞིན་བྱས་པས་ཟླ་བ་རེའི། །སྒྲ་གཅན་བདེ་བླག་རྟོགས་པར་འགྱུར། ༈ །བྱེད་པ་ལོ་ཡི་བདག་པོ་ནི། །ཆོ་གའི་

(༤༠༡)རྣམ་འགྱུར་གསར་པས་སྟོན། །མཛེས་བྱེད་འདས་ལོ་ཡིད་གཟུགས་བསྒྱུར། །ཆུ་མེ་མཚམས་ཀྱིས་དེར་བའི་ལྷག །རིས་བསྒྱུར་རིག་བྱེད་མེ་མཚམས་ཀྱིས། །ཐོབ་ནོར་གཟའ་གནས་ལྷག་མ་ནི། །མཁའ་རོ་མཁའ་རོ་དུས་དང་ནི། །རི་གཟུགས་རྩེ་མོས་རིམ་བསྒྱུར་ལ། །ཆུ་མེ་མཚམས་ཀྱིས་སོ་སོར་བགེས། །ནོར་ད་དབྱུག་སྲང་དབུགས་དང་ནི། །ཆར་བཅས་ལྷག་མེད་དག་འགྱུར་བའི། །གཟར་མེད་བྱུ་གུར་མིག་མཚོ་དང་། །སྲང་སྐྱོན་དབུགས་གཟུགས་ཆ་རི་ཡིས། །ཕྲི་བ་བྱེད་པའི་ལོ་བདག་གོ །དེ་ལས་ཕྱི་ལོ་རྟོགས་འདོད་ན། །གཟར་འབྱུང་དབྱུ་གུར་ཆུ་མཚོ་དང་། །ཆུ་སྲང་ཀླུ་ལག་དབུགས་རིག་བྱེད། །ཆ་ཤས་དུས་རྩ་གཟུགས་ཀྱིས་ཕྲི། །ཕྱི་མ་ཕྱི་མའི་ལོ་བདག་འཆར། །དེ་ཡང་ལོ་འཕོ་སྐྱོན་བྲལ་ནི། །མཛས་བྱེད་འདས་ལོ་གནས་བདུན་བཀོད། །སྟེང་ནས་གཟུགས་དང་མི་བདག་ཡིད། །བསེ་རུ་དུས་བུག་མིག་དང་ཕྱོགས། །རྩ་རི་ཟླ་བས་བསྒྱུར་བ་ལ། །གཟར་གཟུགས་དབྱུ་གུར་བུག་མེ་དང་། །ཆུ་སྲང་མཁའ་མེ་དབུགས་ཟླ་བ། །ཆ་གོང་སྟོང་པ་དེ་ཉིད་དང་། །འདོད་ཆར་བུག་པ་རི་མཁའ་རིའི། །ཆ་གནས་མཁའ་མིག་མཚོས་ཕྲི་ལ། །འོག་ནས་རི་མཁའ་རི་འདོད་དང་། །རི་གཟུགས་མེ་དང་དུས་མཁའ་རོ། །མཁའ་རོ་ཐུབ་པས་དྲིལ་བའི་ལྷག །སྐྱོན་བྲལ་ལོ་འཕོར་ངེས་པར་བྱ། །ང་ཡང་སྔ་ལོའི་བདག་པོ་ལ། །སྒྱུར་བྱེད་བྱིན་པས་ཕྱི་མ་འཆར། །ཁྱིམ་གཟའ་བཅུ་གཉིས་བསྒྲུབ་པའི་ཕྱིར། །བྱེད་པ་ལོ་འཕོ་རགས་ཞིབ་གཉིས། །གང་འདོད་གཟའ་དང་དབྱུ་གུའི་གནས། །ཚར་ནི་བཅུ་གཉིས་བཀོད་པ་ལ། །སོ་སོར་ཁྱིམ་རེའི་ཁ་བྱང་གདགས། །ལུག་ཁྱིམ་འབྱུང་བ་རྩེ་མོས་ཕྲི། །གླང་ལ་མིག་དང་རི་ཡིས་སྤྱང་། །འཁྲིག་པར་འབྱུང་བ་མེ་མཚོས་དམན། །ཀརྚར་མིག་དང་ཐུབ་པས་འཕྲོག །སེང་གེར་དབང་པོ་ཀླུ་མེས་དཔྲི། །བུ་མོར་མིག་དང་དུས་མེས་ཞུས། །སྲང་ལ་སྟང་པ་སྲིན་པོས་དོར། །སྡིག་པར་

(༤༠༢)ཕུང་པོ་བྱེ་ཟླས་འབྲིད། །གཞུ་ལ་ཡོན་ཏན་ཆུ་མཚོས་དམན། །ཆུ་སྲིན་ལག་པ་མེ་མིག་སྤྱང་། །བུམ་པར་སྟོང་པ་དུས་འབྱུང་དམན། །ཉ་ལ་དུས་དང་ཀླུ་ཡིས་འཕྲོག །ལྷག་རྣམས་བྱེད་པའི་ཟླ་བདག་གོ ༈ །རྒྱལ་བློན་ཆེད་དུ་འདས་ལོ་དེ། །རྩེ་མོས་བསྒྱུར་ལ་གནས་གཉིས་གཞག །སྟེང་མ་མེས་ཕྱི་གཉིས་ཀ་ཡང་། །རི་ཡིས་ཐ་དད་དོར་བའི་ལྷག །སྟེང་རྒྱལ་འོག་མ་བློན་པོར་བོས། །ཆུ་ཡིས་ཕྲིའམ་མེས་བརྒྱན་ན། །ཕྱི་ལོའི་རྒྱལ་བློན་བདེ་བླག་རྟོགས། ༈ །ཀར་མྱང་ འདི་ནམས་སྦྱོར་རམ་གདངས་ན་འཁོར་ལོ་བབ། རྩིས་ཞེས་གྲགས་པ། །ནེ་པ་ལ་ཡི་རྩིས་ཕྲན་ནི། །འབྱུང་མཁའ་རི་གཟུགས་ལོ་ཚོགས་ལ། །མཛེས་བྱེད་འདས་ལོ་བྱིན་པ་དེར། །ཤ་ཀའི་ལོ་ཞེས་གྲགས་པ་གང་། །མེས་བསྒྱུར་རིས་ཐོབ་ལྷག་མ་ནི། །ལག་བསྒྲེས་འབྱུང་བ་བརྒྱན་པ་དེས། །ཆར་པ་ཆེ་ཆུང་ལུང་དུ་སྟོན། །སྔོན་ཆད་རི་བྲོས་ཐོབ་ནོར་དེ། །རྨེས་བསྒྱུར་རིས་བགོད་ལ་སོགས་པ། །སྔ་མ་བཞིན་དུ་ལན་བརྒྱད་བགྱིད། །འབྲུ་རྩ་བསིལ་དྲོད་རླུང་འཕྲེལ་ཟད། །འཁྲུག་པ་རྣམས་ནི་ཉུང་ཚད་ལྔ། །མང་མཐའ་བཅུ་བདུན་འབྲིང་བཅུ་གཉིས། །ཉིད་ལ་བརྟགས་ནས་ལུང་དུ་སྟོན། །ཤ་ཀའི་ལོ་ནས་དྲག་པོས་སྤྱང་། །ཆུས་ཐོབ་ལྷག་མར་གཟུགས་ཤར་ན། །རྫིང་བུར་འཇུག་ཅེས་ཆར་པ་ཉུང་། །ཟུང་ཤར་ཡན་ལག་འཇུག་ཅེས་པ། །ཆར་པ་ཕྱོགས་ལྷུང་ཅན་དུ་འབབ། །མི་ཤར་ཀུན་འཇུག་ཅེས་བྱ་སྟེ། །ཆར་པ་སྙོམས་པར་འོང་ཞེས་འདོད། །ཐིག་ཤར་ཞོད་ཅེས་ཆར་ཆུ་རྒྱས། །སྐར་རྩིས་ཀྱི་རིག་པ་ལ་འཇུག་པ་གོ་ལའི་རྣ་རྒྱན་ཅེས་བྱ་བ་ལས། བྱེད་པ་ལྔ་བསྡུས་དང་། རྩིས་ཕྲན་རྣམས་བཤད་པའི་སརྒ་སྟེ་བཞི་པའོ།། །།དེ་ནས་ལེགས་ལྡན་གཟའ་ལྔ་པོ། །ཉིན་ཞག་དག་ལ་སྤྱོད་པ་བཤད། །གྲུབ་མཐའི་ཟླ་དག་མཁའ་མེས་བསྒྱུར། །གང་འདོད་ཚེས་བསྲེ་གནས་གསུམ་གཞག །འོག་མ་མཁའ་ནོར་ཆུ་ཡིས་བརྒྱན། །

(༤༠༣)རི་མཁའ་རིས་ཐོབ་བར་པར་བྱིན། །བར་མ་ཆུ་རོས་ཕྱེ་བ་ཡི། །ནོར་གྱིས་སྟེང་སྤྱང་སྤྱི་ཞག་གོ །མི་གསལ་ཞག་ལས་ཁྱད་གྱུར་པའི། །གསལ་ཞག་བལྟ་ན་སྤྱི་ཞག་དེ། །གནས་གཉིས་གཅིག་ལ་རྩེ་མོ་བྱིན། །རི་ཡིས་བགོས་ལྷག་རེས་གཟའ་དང་། །མཐུན་ནམ་བརྟགས་ལ་མི་མཐུན་ན། །མང་ན་ཅིག་ཤོས་སྟེང་ནས་འཕྲོག །ཉུང་ན་ཕྲི་བ་གསལ་ཞག་སྟེ། །ཤིན་ཏུ་ཕྲ་བའི་སྒོས་ཆོས་དག །སྟོན་པའི་ཆོ་ག་ཉིད་ཡིན་ཡང་། །འདིར་ནི་སྤྱི་དང་མཐུན་པར་བརྗོད། །སྤྱི་ཞག་ཚར་ལྔ་བཀོད་པ་ལ། །རང་རང་རྩིས་འགྲོའི་ངེས་པ་ནི། །མིག་དམར་མིག་དང་དུས་མཚོ་བྱིན། །ཕུར་བུ་མཚོ་འབྱུང་མེ་རྩིས་བརྒྱན། །སྤེན་པ་ལག་མིག་འབྱུང་རི་བསྣན། །ལྷག་པ་མཁའ་མཁའ་གཟུགས་ཀྱིས་བསྒྱུར། །དབང་པོ་རིག་བྱེད་ཀླུ་དབང་བསྲེ། །པ་སངས་ཕྱོགས་བསྒྱུར་སྲིན་ཚེས་བརྒྱན། །དྲག་གསུམ་རྐང་འཛིན་ཞི་གཉིས་ཀྱི། །དལ་བ་བར་པའི་ཆེད་དུ་ནི། །ཉིན་ཞག་ཉི་དྷྲཱུ་འཆོས་དགོས་ཕྱིར། །སྤྱི་ཞག་མིག་ཀླུ་མེ་སྐྱོན་གྱིས། །བསྒྱུར་ལ་དབང་པོ་ཡིད་རི་དང་། །ཆུ་མེ་བྲོ་བ་བསྲེས་པའམ། །ཡང་ན་མིག་དམར་དེ་ཉིད་ཟུང་། །ཕུར་བུ་ཀླུ་རི་གཏེར་གྱིས་འཕྲོག །སྤེན་པ་མཚོ་རྒྱལ་རྩེ་མོས་དམན། །ལྷག་པ་མིག་དབང་གཏེར་ལག་ཕྲི། །པ་སངས་ཀླུ་ནོར་མཁའ་མིག་སྦྱང་། །ཉི་མར་ནམ་མཁའ་དུས་མིག་དང་། །རི་རོ་མེས་ཕྲི་རང་རང་གི། །ཉིན་ཞག་དཀྱིལ་འཁོར་འདི་ལྟ་སྟེ། །མིག་དམར་གྱི་ནི་རི་ཀླུ་རོ། །ཕུར་བུའི་སོ་མེ་རིག་བྱེད་དང་། །སྤེན་པའི་རོ་དུས་ཐུབ་པ་ཕྱོགས། །ལྷག་པའི་རི་བུག་རི་བོ་ཀླུ། །པ་སངས་དྲང་སྲོང་རྒྱལ་བ་མིག །ཉི་མའི་འབྱུང་མཁའ་མཚོ་ཡིད་རི། །མཚམས་ཀྱིས་བགོས་པའི་ལྷག་པ་རྣམས། །རང་རང་སྒོས་ཀྱི་ཉིན་ཞག་གོ །སོ་སོའི་སྒོས་ཀྱི་ཞག་པོ་དེ། །སྐར་མས་བསྒྱུར་ལ་རང་རང་གི། །དཀྱིལ་འཁོར་གྱིས་ཐོབ་སྐར་མ་སྟེ། །ལྷག་མ་མཁའ་ར་མཁའ་རོ་དང་། །དུས་དང་སོ་སོའི་ཆ་ཤས་ནི། །མིག་དམར་སུམ་ཆ་བུག་མིག་ལག །ཕུར་བུའི་ཉི་ཆ་གཟུགས་

(༤༠༤)དུས་མེ། །སྤེན་པའི་གཉིས་ཆ་མེ་ཀླུ་དང་། །འཇིག་རྟེན་དབང་པོར་ཤེས་པར་བྱ། །ལྷག་པའི་རི་བུག་རི་ཀླུ་སྟེ། །པ་སངས་གསུམ་ཆ་བུག་མཚོ་རི། །ཉི་མའི་བཞི་བཅུ་ཞེ་ལྔའི་ཆ། །ཕུག་མཁའ་མིག་བུག་ཡིད་རྣམས་ཀྱིས། །རིམ་གསིལ་སྔར་བཤད་དཀྱིལ་འཁོར་གྱི། །ཐོབ་ནོར་དབྱུག་སྲང་དབུགས་ཆར་བརྩེགས། །དེ་ཡིས་དལ་བར་རྐང་འཛིན་འགྲུབ། ཁྱད་པར་དབུགས་གནས་བཏོན་པའི་ལྷག །སྔར་སྨོས་ཆ་ཤས་ཉུང་བ་དེས། །བགོ་བ་མྱུར་རྩིས་མན་ངག་ཡིན། །གཞན་ཡང་སྒོས་ཞག་སྤངས་པ་ཡི། ཁྱད་ཆོས་སཱ་རའི་འོ་མཚོ་ལས། །ལུང་འདི་རྩ་བསྒྲུབ་ལ་བདེ་བ། །བསྒྲུབ་ན་སྤྱི་ཞག་གནས་ལྔ་པ། །ཚར་དྲུག་བཀོད་ལ་དང་པོ་དེ། །སྐར་མཁའ་དབྱུག་མཚོ་སྲང་དུས་མིག །དབུགས་ཐིག་ཆ་ཤས་དུས་དང་ཆོས། །མེ་བུག་གིས་བསྒྱུར་སྟེང་ནས་རིམ། །སྐར་གཟུགས་དབྱུ་གུར་ཀླུ་ལག་དང་། །ཆུ་སྲང་དུས་མེ་དབུགས་རྩེ་མོ། །ཆར་བུག་མཁའ་རི་གཟུགས་ཐུབ་ཕྲི། །འོག་རིམ་བུག་མཁའ་མིག་བུག་ཡིད། །མཚམས་དང་མཁའ་རོ་མཁའ་རོ་དང་། །སྐར་མས་དྲིལ་བ་དྲག་གསུམ་གྱི། །རྐང་འཛིན་ཞི་གཉིས་དལ་བར་རོ། །གཉིས་པ་སྐར་གནས་སྟོང་པ་དང་། །དབྱུག་མིག་ཆུ་སྲང་གཟུགས་མིག་དང་། །དབུགས་ཟུང་ཆ་ཤས་གདེངས་ཅན་མཁའ། །མིག་གིས་བསྒྱུར་ལ་སྟང་ནས་རིམ། །སྐར་ཀླུ་དབྱུ་གུར་མཁའ་དབང་དང་། །ཆུ་སྲང་མཚོ་མེ་དབུགས་སྟོང་པ། །ཆ་ཤས་མཚོ་ཀླུས་དམན་པ་དེ། །བུག་མིག་ལག་དང་དུས་མཁའ་རོ། །མཁའ་རོ་འཁོར་ལོས་དྲིལ་བའི་ལྷག །མིག་དམར་དལ་བ་བར་པ་ཡིན། །གསུམ་པ་སྐར་སྟོང་དབྱུག་སྐྱོན་དང་། །སྲང་རྒྱལ་དབུགས་དབང་ཆ་ཤས་གནས། །རི་ཀླུ་དུས་མཚོས་བསྒྱུར་བ་དེར། །སྐར་བུག་དབྱུག་མེ་སྲང་རི་རྩེ། །དབུགས་གཟུགས་ཆར་བུག་ཕྱོགས་རིས་དམན། །རི་བུག་རི་ཀླུ་དུས་མཁའ་རོ། །མཁའ་རོ་སྐར་མས་དྲིལ་བའི་

(༤༠༥)ལྷག །ལྷག་པའི་རྐང་འཛིན་ཉིད་དུ་བཟུང་། །བཞི་པ་སྐར་དབྱུག་སྟོང་པ་དང་། །ཆུ་སྲང་ལག་མིག་དབུགས་ཟུང་དང་། །ཆ་ཤས་དུས་མིག་ལག་གིས་བསྒྱུར། །སྐར་མཚམས་དབྱུག་དབང་སྲང་ཆུ་མཚོ། །དབུགས་ཐིག་ཆ་ཤས་དུས་པུ་གནས། །སྦྱངས་ལ་གཟུགས་དུས་མེ་དང་རོ། །མཁའ་རོ་མཁའ་རོ་སྐར་མས་དྲིལ། །ལྷག་མ་ཕུར་བུའི་དལ་བར་རོ། །ལྔ་པ་སྐར་མཁའ་དབྱུག་རི་དང་། །སྲང་ཉི་དབུགས་རྩེ་ཆ་ཤས་གནས། །དབང་པོ་རིག་བྱེད་རྩེ་མོས་བསྒྱུར། །སྐར་གནས་དེ་ཉིད་དབྱུག་འབྱུང་བ། །ཆུ་སྲང་ལག་མིག་དབུགས་ནམ་མཁའ། །ཆ་ཤས་མིག་དང་འདོད་པས་འཕྲོག །བུག་མཚོ་རི་དང་དུས་མཁའ་ར། །མཁའ་རོ་འཁོར་ལོས་དྲིལ་བའི་ལྷག །པ་ཝ་སངས་ཀྱི་རྐང་འཛིན་ནོ། །དྲུག་པ་སྐར་དབྱུག་སྟོང་པ་དང་། །སྲང་བུག་དབུགས་སྟོང་ཆ་ཤས་གནས། །སྐྱོན་རྩས་བསྒྱུར་ལ་སྐར་ཀླུ་དང་། །དབྱུག་ནོར་སྲང་སྦྲུལ་དབུགས་ཟླ་བ། །ཆ་གནས་མེ་བུག་དྲག་པོས་ཕྲི། །མེ་ཀླུ་མི་འབྱུང་དུས་ཐིག་མཚམས། །མཁའ་དུས་སྐར་མས་དྲིལ་བ་ཡི། །ལྷག་མ་སྤེན་པའི་དལ་བར་རོ། །སྔར་བཤད་རྩིས་འཕྲོའི་ངེས་པ་རྣམས། །གལ་ཏེ་སྦྱངས་པར་མ་ལྡང་ན། །སྟེང་ནས་རང་འཁོར་ཕབ་ལ་སྦྱང་། །གཞན་ཡང་རི་མོའི་རྣམ་གྲངས་ནི། །རང་རང་སྒོས་ཞག་གནས་ལྔར་བརྩེགས། །དྲག་གསུམ་སྔར་བཤད་སྒྱུར་བྱེད་དང་། །ལྷག་པ་ཐིག་སྟོད་དབང་ཕྱུག་མཁའ། །ཀླུ་བུག་འབྱུང་བ་མིག་གིས་བསྒྱུར། །པ་སངས་མཁའ་སྟོང་མེ་མཚོ་གཟུགས། །བུག་མཁའ་རིག་བྱེད་རྣམས་ཀྱིས་བསྒྱུར། །རང་རང་འཁོར་ལོ་དྲིལ་བ་ཡིས། །རྐང་འཛིན་དལ་བར་སྔར་བཞིན་འཆར། །དེ་བཞིན་ཚེས་གྲངས་མ་བསྲེས་པའི། །སྤྱི་སྒོས་ཞག་ལ་ཉི་དྷྲཱུ་ནི། །བསྒྲུབ་ན་མཁའ་མཚོ་དུས་མིག་སྟོང་། །ཆ་ཤས་མཚམས་ཚེས་མེ་བུག་རྣམས། །གང་བརྩིའི་ཚེས་བསྒྱུར་སྟེར་བ་ཁྱད། །དེ་ནས་དལ་དག་བསྒྲུབ་པའི་སླད། །རང་རང་དལ་བར་ཚར་

(༤༠༦)གཉིས་བཀོད། །སོ་སོའི་སྐྱེས་ཁྱིམ་འདོར་དགོས་པས། །མིག་དམར་སྲིན་པོ་མཁའ་མེ་དང་། །ལྷག་པ་མི་བདག་སུམ་ཅུའོ། །ཕུར་བུ་ཁྱིམ་དང་པ་སངས་དུས། །སྤེན་པ་གདེངས་ཅན་ཟླ་བས་སྦྱང་། །སྦྱངས་ཤུལ་འཁོར་ཕྱེད་ལྷག་ནའང་དོར། །ལྷག་མའི་སྐར་གནས་མཁའ་རོས་བསྒྱུར། །ཆུ་ཚོད་བསྲེས་ལ་འབྱུང་ཡོན་ཟླས། །བགོས་ཐོབ་ནོར་གྱིས་ངལ་རྐང་འཛིན། །གཟུང་བྱའི་རྐང་པ་འདི་ལྟ་སྟེ། །མིག་དམར་འབྱུང་མིག་སྐྱོན་དང་རི། །ལྷག་པའི་ཕྱོགས་དང་རི་བོ་མེ། །ཕུར་བུའི་དབང་ཕྱུག་བུ་ག་རྩེ། །པ་སངས་དབང་པོ་རིག་བྱེད་གཟུགས། །སྤེན་པའི་ལག་མིག་ཚེས་དང་མཚམས། །སོ་སོའི་སྔ་རྐང་ཉིད་དུ་བརྟག །ཕྱི་རྐང་དེ་ལས་ལྡོག་པ་སྟེ། །སྔ་ཕྱི་སྤྱད་དང་སྤྱོད་རྒྱུ་སྡོམ། །རྐང་བཟུང་མདུན་མས་ལྷག་རྣམས་བསྒྱུར། །མ་ཟིན་རྐང་པ་དང་པོས་ཏེ། །རང་རང་འཁོར་ལོས་སྟེང་དུ་དྲིལ། །སྟང་མ་འབྱུང་ཡོན་ཟླས་ཐོར་པ། །ཡང་དག་རྒྱུའོ་སླར་ལྷག་རྣམས། །རང་ཆར་བཤིགས་ལ་རང་ཆ་བཅུག །དེ་ལ་རིམ་བཞིན་འབྱུང་འདོད་ཀྱིས། །ཐོབ་པ་དལ་བའི་ལོངས་སྤྱོད་དེ། །སྔ་རྐང་དབྱུ་གུར་གཉིས་བསྲེ་ཞིང་། །ཕྱི་རྐང་ཡང་རྒྱུས་རྐང་སྡོམ་ཕྲི། །དེ་ལས་རིམ་ཕབ་སྲང་དབུགས་དང་། །ཆའི་བར་རང་འཁོར་ལ་སྦྱངས་ཏེ། །དལ་བ་བར་པ་ཅིག་ཤོས་ལ། །འཁོར་ཕྱེད་དོར་བསྣན་མ་དོར་ཕྲི། །དེ་ཡིས་དལ་བ་རྣམ་དག་འགྲུབ། །དེ་ནས་མྱུར་བ་དག་པའི་ཆེད། །རང་རང་རྐང་འཛིན་ཚར་རེ་དང་། །དལ་དག་ཚར་རེ་བཀོད་བྱས་ལ། །དྲག་གསུམ་རྐང་འཛིན་ཆ་ཤས་དེ། །གང་འདོད་གཟའ་དེའི་ཆ་ཤས་ཀྱིས། །འཁོར་ལོས་བསྒྱུར་ལ་བུག་མཁའ་དང་། །མིག་བུག་ཡིད་ཀྱིས་བགོས་ཐོབ་ནོར། །དལ་དག་ཆར་འགྱུར་ལྷག་རང་ཆར། །བཞག་པས་གནས་དྲུག་དག་ཏུ་འགྱུར། །དེ་བཞིན་ཞི་གཉིས་དལ་དག་ལ། །རྐང་འཛིན་ཆ་ཤས་སྔར་བཞིན་སྤེལ། །དལ་བ་དག་པས་རྐང་འཛིན་སྦྱང་། །སྦྱངས་ཡུལ་འཁོར་ མིག་དམར་གྱི་།།།མིག་ལག་ལྟ་བུ་ ཕྱེད་ལྷག་ན་དོར།

(༤༠༧)ལྷག་མའི་སྐར་མས་མྱུར་རྐང་གཟུང་། །འཁོར་ཕྱེད་དོར་ན་རིམ་མིན་དང་། །མ་དོར་རིམ་པ་ནས་མར་གཟུང་། །རིམ་མིན་རྐང་འཛིན་སྟོངས་གྱུར་ན། །ཆུ་ཚོད་མཁའ་མེར་ལོངས་པ་ནས། །གཟུང་སྟེ་རིམ་མིན་མ་རྫོགས་པར། །མཁའ་མེ་བསྣན་ནས་འཛིན་པ་གནད། །གཟུང་བྱའི་མྱུར་རྐང་འདི་ལྟ་སྟེ། །མིག་དམར་རྒྱལ་བ་ཡོན་ཏན་ལག །མེ་མིག་རྩེ་ཟུང་གཟུགས་མིག་དང་། །གཟུགས་ཟུང་སྐྱོན་དང་ཚེས་དྲག་པོ། །རྩེ་མོ་རྣམས་ནི་རིམ་པའོ། །རིམ་མིན་བདེ་བྱེད་ཀླུ་མེ་དང་། །སྟོངས་པ་གདེངས་ཅན་མེ་དབང་ངོ་། །ལྷག་པའི་མི་བདག་མི་བདག་ཚེས། །ཡིད་འདོད་བདེ་འབྱུང་རི་དབང་མཁའ། །རིམ་པ་ཉིད་དེ་རིམ་མིན་ནི། །མཚོ་དྲག་མཁའ་མིག་གདེངས་ཅན་ལག །རིག་བྱེད་འཇིག་རྟེན་བཅས་པའོ། །ཕུར་བུར་ཕྱོགས་ཕྱོགས་རྩ་དང་ཀླུ། །དུས་དང་མཚམས་དང་ཟུང་དང་གཟུགས། །རིམ་པ་ཉིད་དེ་རིམ་མིན་ནི། །རྩེ་མོ་རོ་དང་བུག་པ་དྲག །མི་བདག་དྲང་སྲོང་བཅས་པའོ། །པ་སངས་དེ་ཉིད་ལན་གསུམ་དང་། །རྒྱལ་བ་ལག་མིག་ལག་མིག་དང་། །སྐྱོན་ཚེས་ཀླུ་རྣམས་རིམ་པའོ། །རིམ་མིན་དུས་དང་མཁའ་མེ་དང་། །རྩ་དང་ཕུག་པ་མེ་རིའོ། །སྤེན་པ་དུས་དང་དབང་པོ་འབྱུང་། །ཆུ་བོ་རིག་བྱེད་ལག་མིག་ཐིག །རིམ་པ་ཉིད་དོ་རིམ་མིན་ནི། །མིག་དང་རིག་བྱེད་དབང་པོ་དང་། །དུས་དང་གདེངས་ཅན་ཡོན་ཏན་རྣམས། །རིམ་པར་སྤྱད་ཟིན་རིམ་མིན་ལ། །སྤྱད་བྱ་སྡོམ་ལ་འཛིན་བྱེད་དཔྱི། །རྐང་བཟུང་མདུན་མས་ལྷག་རྣམས་བསྒྱུར། །རང་རང་འཁོར་ལོས་ཆུ་ཚོད་ཀྱི། །གནས་སུ་དྲིལ་བ་མཁའ་རོ་ཡིས། །ཐོབ་ནོར་ཡང་དག་རྒྱུ་བའི་དབྱུག །ཡང་ལྷག་མཁའ་རོས་བསྒྱུར་བ་ལ། །སྲང་བསྲེས་མཁའ་རོས་ཐོབ་ནོར་སྲང་། །སླར་ལྷག་རོས་བསྒྱུར་དབུགས་བཅུག་པ། །མཁའ་རོས་ཐོབ་པ་དབུགས་ཡིན་ཏེ། །དེ་ལྷག་རང་རང་ཆ་ཤས་ཀྱིས། །བསྒྱུར་ལ་རང་ཆ་བཅུག་པ་དེ། །མཁའ་རོས་ཟོབ་།།།ནོར་རང་ཆ་གོང་། །དེ་ལྷག་བུག་མཁའ་མིག་བུག་དང་། །

(༤༠༨)ཡིད་བསྒྱུར་རང་གི་ཆ་བཅུག་ལ། །མཁའ་རོས་བགོས་ཐོབ་ཆ་འོག་མ། །དེ་ཡང་གནད་ཀྱི་ལག་ལེན་ལ། །རིམ་པའི་ཕྱི་རྐང་ཐ་མ་དང་། །རིམ་མིན་སྔ་རྐང་དང་པོ་ཡི། །ཆུ་ཚོད་སུམ་ཅུ་ཚུན་ཆད་ལ། །རྐང་སྔོན་བབས་ཚེ་མཁའ་མེས་བགོ། །ལྷག་སྤེན་གཉིས་ཀྱི་རྐང་པ་ནི། །སྟོང་པར་བབས་ན་རྐང་འཛིན་ཕྱི། །ཡང་དག་རྒྱུ་སོགས་རྐང་ལོངས་མེད། །སྤྱི་ལ་ཡང་དག་རྒྱུ་བའི་དབྱུག །སྔ་རྐང་རྐང་སྡོམ་སྟེང་དུ་བསྣན། །ཕྱི་རྐང་རྐང་སྡོམ་ལ་ཕྲི་ཞིང་། །སླར་ཡང་ཕབ་ལ་སྲང་དབུགས་དང་། །ཆ་ཤས་བར་དུ་རང་འཁོར་ལ། །སྦྱངས་དས་དལ་དག་ཅིག་ཤོས་ལ། །རིམ་པ་བསྣན་ལ་རིམ་མིན་ཕྲི། །དབྲི་བྱ་ཉུང་ན་དེ་ཉིད་ཀྱིས། །དབྲི་བྱེད་ཉིད་ལ་ཕྲི་བའམ། །སྐར་མ་བསྣན་ལ་ཕྲི་བ་ཡིས། །ལུགས་འབྱུང་ལུགས་ལྡོག་རི་མོ་འཆར། །རིམ་པའི་སྔ་རྐང་མྱུར་འགྲོས་ཤར། །ཕྱི་རྐང་དལ་འགྲོས་ཉིད་དེ་ལྷོ། །རིམ་མིན་སྔ་རྐང་འཁྱོགས་འགྲོས་ནུབ། །ཕྱི་རྐང་འབྱུང་འགྲོས་བྱང་དུ་བརྩམ། །དེ་ཡིས་མྱུར་བ་རྣམ་པར་དག །གཟའ་རྣམས་སྐར་མ་འཕོ་མཚམས་ལ། །བརྟག་སྔོན་མའི་མྱུར་དག་གིས། །ཕྱི་མའི་མྱུར་དག་ཕྲི་བའི་ལྷག །སྐར་མ་ནས་བཟུང་ཆ་ཤས་བར། །བཅོ་ལྔས་ཕྱེ་བའི་རྙེད་པ་རྣམས། །རང་གནས་གཞག་ལ་ཞག་རེ་ལ། །སྤྱོད་པའི་ལོངས་སྤྱོད་རིགས་པ་དེ། །འཕོས་པའི་གཟའ་དེའི་མྱུར་དག་ལ། །ཉུང་སྟེང་བསྣན་ནམ་མང་སྟེང་ནས། །ཕྲི་བའི་ལན་རེར་ཉ་སྟོང་ནི། །གང་ཡིན་ནས་བཟུང་ཞག་རེར་བགྲང་། །འཕོས་པའི་སྐར་མ་དང་འགྲིག་ཚེ། །དེ་ཡི་ཉིན་ཞག་ཡིན་པར་རྟོགས། །སྐར་རྩིས་ཀྱི་རིག་པ་ལ་འཇུག་པ་གོ་ལའི་རྣ་རྒྱན་ཅེས་བྱ་བ་ལས། ལེགས་ལྡན་གཟའ་ལྔ་ཉིན་ཞག་ལ་སྤྱོད་པ་བཤད་པའི་སརྒ་སྟེ་ལྔ་པའོ།། །།དེ་ནས་ཚེས་སྤྱོད་གཟའ་ལྔ་བཤད། །གྲུབ་མཐའི་ཟླ་དག་གནས་དྲུག་པ། །གཟའ་རེ་ལ་ནི་ཚར་རེ་བཀོད། །དང་པོ་མིག་དམར་དྷྲཱུ་བའི་ཆེད། །སྐར་གཟུགས་དབྱུག་སྲེན་སྲང་ཀླུ་མེ། །དབུགས་སྟོང་ཆ་གོང་མཚོ་རི་གཟུགས། །འོག་མ་ནོར་

(༤༠༩)དང་དྲང་སྲོང་གིས། །བསྒྱུར་ལ་སྐར་ཀླུ་དབྱུག་མཁའ་དབང་། །ཆུ་སྲང་འབྱུང་མེ་དབུགས་རྩེ་མོ། །ཆ་གོང་དབང་པོ་ཀླུ་དང་ནི། །འོག་མ་དུས་དང་མི་བདག་ཕྲི། །ལྷག་པ་སྐར་བུག་དབྱུག་མེ་དང་། །ཆུ་སྲང་ཀླུ་མཚོ་དབུགས་འབྱུང་བ། །ཆ་གོང་མིག་དབང་རི་ཀླུ་དང་། །འོག་མ་སྲིན་པོ་དུས་ཀྱིས་བསྒྱུར། །སྐར་བུག་དབྱུག་མ་སྲང་སྲིན་མཚོ། །དབུགས་སྟོང་ཆ་གོང་མིག་བུག་དྲག །འོག་མ་ཕྱོགས་དང་རྩེ་མོས་ཕྲི། །ཕུར་བུ་སྐར་ཐིག་ཆུ་ཚོད་དྲག །སྲང་མིག་དབུགས་མེ་ཆ་ཤས་གེང་། །དབང་ཕྱུག་ལག་པ་འོག་མའི་ཆ། །དུས་མཚོ་རི་ཡིས་བསྒྱུར་བ་ལ། །སྐར་དུས་དབྱུག་དབང་སྲང་ཆུ་མཚོ། །དབུགས་གཟུགས་ཆ་གོང་མཁའ་དབང་མིག །འོག་མ་མཁའ་བུག་ཐུབ་པས་གི། །པ་སངས་སྐར་རྩེ་དབྱུག་མིག་མེ། །སྲང་ནི་རིག་བྱེད་དབང་པོ་དང་། །དབུགས་གཟུགས་ཆ་གོང་མཚམས་དབང་མེ། །འོག་མ་རྩེ་མོ་དྲང་སྲོང་གིས། །བསྒྱུར་ལ་སྐར་གནས་འབྱུང་བ་མིག །དབྱུག་དབང་ཆུ་སྲང་དུས་མིག་དང་། །དབུགས་མེ་ཆ་གོང་གཟུགས་མ་དབང་། །འོག་མ་དུས་དང་རྒྱལ་བས་ཕྲི། །སྤེན་པ་སྐར་ཐིག་དབྱུག་མཚོ་དང་། །ཆུ་སྲང་དུས་མིག་དབུགས་རྩེ་མོ། །ཆ་གོང་ལག་ཐིག་རི་ཡོན་དང་། །འོག་མ་རི་དྲག་གིས་བསྒྱུར་ལ། །སྐར་ནོར་དབྱུག་ཀླུ་སྲང་སྦྲུལ་དང་། །དབུགས་གཟུགས་ཆ་གོང་དུས་ཀླུ་མིག །མཚོ་དང་འོག་མའི་ཆ་གནས་དེ། །སྲིན་པོ་རིག་བྱེད་མིག་གིས་སྦྱང་། །ཡང་ན་མིག་དམར་སྐར་སྐྱོན་དང་། །དབྱུག་སྲིན་སྲང་རྒྱལ་དབུགས་ལག་པ། །ཆ་གོང་མེ་ཡིད་འོག་མ་ནི། །བསེ་རུ་རིག་བྱེད་དབང་པོ་སྟེ། །ལྷག་པའི་སྐར་གནས་རི་གཟུགས་དང་། །དབྱུ་གུར་དུས་འབྱུང་ཆུ་སྲང་ཕྱོགས། །དབུགས་དབང་ཆ་གོང་མཚོ་མཁའ་དུས། །རི་བོའི་འོག་མ་རི་སྲིན་མེ། །བླ་མའི་སྐར་གནས་མཁའ་མིག་དང་། །དབྱུ་གུར་མཚོ་དབང་ཆུ་སྲང་ཚེས། །དབུགས་མཚོ་ཆ་གོང་ཐིག་ལེ་དྲག །འོག་མ་རིག་བྱེད་མིག་དང་

(༤༡༠)དུས། །པ་སངས་སྐར་གཟུགས་དབྱུག་མཚོ་དབང་། །སྲང་ལ་མ་རྩ་དབུགས་ལ་མིག །ཆ་གོང་རི་གཟུགས་ལག་པ་དང་། །འོག་མ་གཟུགས་རོ་རིག་བྱེད་དོ། །སྤེན་པའི་སྐར་སྤྱོན་དབྱུག་གཟུགས་འབྱུང་། །ཆུ་སྲང་གཟུགས་དབང་དབུགས་ཆུ་གཏེར། །ཆ་གོང་དུས་བུག་སྟོང་པ་གཟུགས། །འོག་མར་ཀླུ་དབང་རིག་བྱེད་རྣམས། །བརྒྱན་ལ་འོག་མའི་ཆ་ཤས་ནི། །ཕུར་བུའི་ཁྱད་པར་མ་ནུ་ཡིད། །གཞན་རྣམས་རི་མཁའ་རི་ཆ་ཡིན། །སྟེང་མའི་ཆ་ཤས་ཉིན་ཞག་དང་། །མཚུངས་ལ་སྐར་མའི་བར་དྲིལ་བའི། །ལྷག་རྣམས་སོ་སོའི་དྷྲཱུ་ཝ་ཀ །ངག་གསུམ་རྐང་འཛིན་ཞི་གཉིས་ཀྱི། །དལ་བ་བར་པའི་དྷྲཱུ་ཝ་ནི། །གྲུབ་པའི་ལྔ་བསྡུས་ཉི་དྷྲཱུ་ཡིན། །ཡང་ན་ཆོ་གའི་རྣམ་འགྱུར་ཆེད། །གང་བརྩིའི་བཤོལ་འཕྲོ་གནས་ལྔར་བརྩེགས། །མཁའ་མིག་ཐིག་དབང་འབྱུང་མིག་གིས། །བསྒྱུར་ལ་རང་རང་འཁོར་ལོས་དྲིལ། །ལྷག་མས་ཟླ་བ་སོ་སོ་ཡིས། །ཁྱིམ་གྱི་སླབ་ཆད་དག་ལ་ཕྲི། །སླར་ཡང་ཆུ་སྲང་དབུགས་དང་ཆས། །རང་རང་འཁོར་ལོར་སྦྱངས་པའི་ལྷག །དེས་ནི་ཉི་དྷྲཱུ་སྔར་བཞིན་སྟོན། །སྔ་དྷྲཱུར་རང་རང་སྒྱུར་བྱེད་བྱིན། །ཕྱི་མ་རིམ་བཞིན་འཆར་བར་འགྱུར། །དེ་རྗེས་རང་རང་དྷྲཱུ་ཝ་ལ། །ཚེས་ཞག་བརྟག་པའི་ལོངས་སྤྱོད་ནི། །དམར་པོར་མཁའ་མིག་བུག་གཟུགས་གཟུགས། །སྟེང་མར་མེ་མཚོ་གཟུགས་འོག་ཆར། །རིག་བྱེད་རྒྱ་མཚོ་རི་བོང་ཅན། །ལྷག་པར་ཐིག་སྐྱོན་རི་ཡོན་ཏན། །ཆ་གོང་དུས་མ་མཁའ་རི་དང་། །འོག་མའི་ཆ་གནས་མི་རིའོ། །ཕུར་བུར་མཁའ་སྟོད་ལག་མིག་ཐིག །ཆ་གོང་རི་བོ་གདེངས་ཅན་གཟུགས། །འོག་མ་རྩ་རི་ཐུབ་པའོ། །པ་སངས་ཐིག་རི་དབང་པོ་ཆུ། །ཆ་གོང་བྲོ་བ་རྩེ་མོ་དུས། །འོག་མ་མཚམས་དང་ལག་པའོ། །སྤེན་པར་མཁའ་ཐིག་གདེངས་ཅན་དབང་། །ཆ་གོང་ཀླུ་མེ་རི་བོ་གཟུགས། །འོག་མ་མི་

(༤༡༡)བདག་བགྲད་པའོ། །ཉི་དྷྲཱུ་ཐིག་མཚོ་ཟླ་ཟུང་དབང་། །ཆ་ཤས་རྩེ་མོ་རིག་བྱེད་རྣམས། །གང་བརྩིའི་ཚེས་བསྒྱུར་བྱིན་པ་ཡིས། །དལ་བར་རྐང་འཛིན་བཅས་པ་འགྲུབ། །དལ་དག་མྱུར་བའི་ཆོ་ག་རྣམས། །ཉིན་ཞག་བཞིན་ལས་ཁྱད་པར་ནི། །རྐང་འཛིན་དལ་དག་ཆ་ཤས་རྣམས། །ཤོད་སྙོམས་ཕྱིར་དུ་དྲག་གསུམ་གྱི། །དལ་དག་རང་ཆ་རི་རོས་བསྒྱུར། །རང་ཆས་བགོས་ནོར་རྐང་འཛིན་ཆ། །དེ་བཞིན་ཞི་གཉིས་རྐང་འཛིན་ལ། །དལ་དག་ཆ་སྤེལ་གནས་བདུན་འགྱུར། །དེ་ཡིས་ཆོས་ཞག་རྣམ་པར་དག །སྐར་རྩིས་ཀྱི་རིག་པ་ལ་འཇུག་པ་གོ་ལའི་རྣ་རྒྱན་ཅེས་བྱ་བ་ལས། དྲང་སྲོང་གཟའ་ལྔ་ཚེས་ཞག་ལ་སྤྱོད་པ་བཤད་པའི་སརྒ་སྟེ་དྲུག་པའོ།། །།དེ་ནས་ཁྱིམ་ཞག་ལ་སྤྱོད་པའི། །གཟའ་ལྔའི་དལ་མྱུར་བསྒྲུབ་ཚུལ་བཤད། །རབ་འདོད་ནང་གི་མཛེས་བྱེད་སོགས། །འདས་ལོ་གནས་དྲུག་ཚར་ལྔ་བཀོད། །དེ་ལ་རང་རང་སྒྱུར་བྱེད་ནི། །དམར་པོ་སྐར་ཡིད་དབྱུག་གཟུགས་མིག །ཆུ་སྲང་མཁའ་མིག་དབུགས་ཟླ་བ། །ཆོ་གོང་ཆུ་རོ་འོག་མའི་གནས། །རི་གཟུགས་བུག་པ་རྩེ་མོ་དང་། །ལྷག་པའི་སྐར་མཚོ་དབྱུག་དུས་འབྱུང་། །སྲང་མེ་དབུགས་རྩེ་ཆ་གོང་མ། །རོ་མཚོ་མེ་དུས་འོག་མ་ནི། །རྩེ་མོ་མཚོ་ཀླུ་ཐུབ་པ་དང་། །ཕུར་བུའི་སྐར་མིག་དབྱུག་མི་བདག །ཆུ་སྲང་འབྱུང་མེ་དབུགས་རིག་བྱེད། །ཆ་གོང་གདེངས་ཅན་རི་རོ་དང་། །འོག་མ་མཚོ་དབང་ཕུང་པོ་དུས། །པ་སངས་སྐར་གནས་མི་བདག་དང་། །དབྱུ་གུ་མེ་དབང་སྲང་རི་མིག །དབུགས་མེ་ཆ་གོང་དུས་མིག་མཚོ། །འོག་མ་དུས་མཁའ་རིག་བྱེད་མིག །སྤེན་པའི་སྐར་སྟོང་དབྱུག་མཚོ་དབང་། །ཆུ་སྲང་རི་འབྱུང་དབུགས་རྒྱ་མཚོ། །ཆ་གོང་མིག་ཀླུ་ནོར་རིག་བྱེད། །འོག་མ་མཁའ་ཀླུ་ཉི་མ་ཡིས། །བསྒྱུར་ལ་དེ་སྟེང་རྩིས་འཕྲོ་ནི། །དམར་པར་སྐར་སྐྱོན་དབྱུག་དུས་འབྱུང་། །སྲང་སོ་དབུགས་མཚོ་ཆ་གོང་མར། །རི་དབང་

(༤༡༢)འོག་མ་བུ་ག་དང་། །ལག་པ་བྲོ་བ་མཚེ་མའོ། །ཟླ་སྐྱེས་སྐར་གནས་རྒྱལ་བ་དང་། །དབྱུ་གུར་རིག་བྱེད་ཆུ་སྲང་སྐྱོན། །དབུགས་གཟུགས་ཆ་གོང་སོ་མཁའ་རི། །འོག་མར་འབྱུང་བ་དུས་མཚོ་རི། །བླ་མར་སྐར་གནས་གཟུགས་ལག་པ། །དབྱུག་གཟུགས་སྲང་ལ་མཚོ་རིག་བྱེད། །དབུགས་གཟུགས་ཆ་གོང་སྟོང་མཚོ་རྩེ། །འོག་མར་མཁའ་གཟུགས་བུ་ག་དབང་། །པ་སངས་སྐར་གནས་རིག་བྱེད་དང་། །དབྱུག་སྐྱོན་ཆུ་སྲང་ནམ་མཁའ་མཚོ། །དབུགས་མེ་ཆ་གོང་འགྱུང་ཀླུ་མིག །འོག་མ་ཀླུ་མཁའ་སྲིན་པོ་རི། །སྤེན་པར་སྐར་གནས་སྐྱོན་དང་ནི། །དབྱུ་གུར་མཚོ་དབང་སྲང་མིག་འབྱུང་། །དབུགས་གཟུགས་ཆ་གོང་མིག་རི་རྩེ། །འོག་མ་བུག་མེ་འབྱུང་ཀླུ་རྣམས། །བརྒྱན་ནམ་ཡང་ན་མིག་དམར་ནས། །གདེངས་ཅན་མེ་དང་རི་ལག་གཟུགས། །ཆ་གོང་བསེ་རུ་རི་ཟླ་བ། །འོག་མ་མིག་དུས་དབང་པོ་རོ། །ལྷག་པ་མིག་དང་དབང་འབྱུང་དང་། །གཟུགས་ཆུ་རིག་བྱེད་ཆ་གོང་ནས། །མཚོ་དུས་རི་གཟུགས་འོག་མ་ནས། །དུས་མིག་ཐུབ་པ་བསེ་རུ་དང་། །བླ་མ་འབྱུང་བ་ཀླུ་དབང་དང་། །ཆོས་མཚོ་ཆ་གོང་གཟུགས་ཀླུ་མི། །འོག་མ་བསེ་རུ་ཀླུ་ལག་རྩེ། །པ་སངས་ལག་མིག་གཟུགས་ཆུ་དང་། །བུག་གཟུགས་ལག་པ་ཆ་གོང་ནས། །རི་བོ་བུ་ག་སྟོང་པ་འབྱུང་། །འོག་མ་མེ་ཀླུ་ལག་པ་གཟུགས། །སྤེན་པ་གདེངས་ཅན་འབྱུང་བ་དང་། །ཐུབ་པ་རིག་བྱེད་ཆ་གོང་ནས། །ཐིག་གཟུགས་ཐིག་དབང་འོག་མ་ནས། །མཚེ་མ་དབང་དུས་རྣམས་ཕྲི་ལ། །ཀུན་ཀྱང་འོག་མེའི་ཆ་ཤས་ནི། །བསེ་རུ་བུག་པ་གཟུགས་སྲིན་པོ། །སྟེང་ཆ་ཕུར་བུའི་ལག་མིག་རི། །གཞན་རྣམས་ཉིན་ཞག་ཇི་བཞིན་པས། །སྒྲིལ་བས་དྲག་གསུམ་དལ་བར་དང་། །ཞི་གཉིས་རྐང་འཛིན་དྷྲཱུ་ཝ་འགྲུབ། །སྒྱུར་བྱེད་དེ་རྣམས་ལོ་རེ་ཡི། །ཡུལ་གྱི་རྟག་པའི་ལོངས་སྤྱོད་དོ། །དེ་

(༤༡༣)ཡང་དྲག་གསུམ་རྐང་འཛིན་དར། །ཞི་གཉིས་དལ་དྷྲཱུ་ཐུན་མོང་ནི། །ཁྱིམ་ཟླ་སྔ་མའི་རྫོགས་ཆད་ཉིད། །ཕྱི་མའི་ཉི་དྷྲཱུའང་དེ་ཉིད་དོ། །འོན་ཀྱང་ཆོ་གའི་རྣམ་འགྱུར་ནི། །ལུག་ཁྱིམ་ལ་སོགས་འདས་པའི་གྲངས། །འབྱུང་ཡོན་གཟུགས་བསྒྱུར་མཁའ་རོས་བགོས། །རྙེད་ནོར་སྐར་གནས་ལྷག་དབྱུག་གོ །ད་ནས་དྲུག་གསུམ་དལ་དྷྲཱུ་དང་། །ཞི་གཉིས་རྐང་འཛིན་དྷྲཱུ་ཝ་དེར། །ཁྱིམ་ཟླ་གཅིག་གི་ལོངས་སྤྱོད་ནི། །མིག་དམར་གཟུགས་དྲག་དུས་མཚོ་ཆུ། །རྒྱལ་བ་དུས་ཚེས་རྒྱ་མཚོའོ། །ལྷག་པའི་བུ་ག་མཁའ་མིག་སོ། །ཕུང་པོ་དུས་ཉི་རི་བོ་དང་། །དབང་པོ་གཟུགས་མཁའ་བྲོ་བའོ། །ཕུར་བུའི་མཁའ་དྲག་ལག་མིག་དབང་། །ཀླུ་དབང་རོ་སྦྲུལ་ཐུབ་མཁའ་མིག །པ་སངས་མེ་དང་བུག་ཡོན་ཏན། །འཁོར་ལོ་བསེ་རུ་རི་བུག་དབང་། །བྲོ་བ་བུ་ག་རི་མཚོའོ། །ཉི་བུའི་ཐིག་མཚོ་རིག་བྱེད་མེ། །ཆུ་བོ་མིག་བུག་ཀླུ་དང་མཚོ། །ཆུ་མེ་ལག་པ་དུས་རྣམས་ནི། །ལུག་ནས་རིམ་བརྩེགས་ཉའི་བར་སྤེལ། །ཡང་ན་འདས་ལོ་ཉི་མས་བསྒྱུར། །འདས་པའི་ཁྱིམ་གྲངས་བསྲེས་པ་དེ། །གནས་དྲུག་ཚན་པ་ལྔར་བཞག་ལ། །སྔར་བཤད་ཟླ་གཅིག་ཡུལ་ལོངས་ཀྱིས། །བསྒྱུར་ལ་སྔར་བཤད་བརྩིས་འཕྲོ་དབྲི། །རང་རང་འཁོར་ལོས་དྲིལ་བ་ཡིས། །སོ་སོའི་ཁྱིམ་ཟླའི་དྷྲཱུ་ཝ་འཆར། །དེ་ནས་ཁྱིམ་གྱི་ཟླ་ཞག་ནི། །གང་གནས་བརྟག་ཕྱིར་འདས་ཟླ་ནས། །གཅིག་ཕབ་འོག་ཏུ་རི་རོ་ཆར། །བྱས་ལ་གང་བརྩིའི་ཟླ་བཤོལ་འཕྲོས། །སྦྱངས་ཏེ་ལྷག་མ་མཁའ་མེ་དང་། །གྲུབ་པའི་ཉི་རང་ལ་བསྒྲུབ་ཀྱང་ཁྱད་པར་མེད། གང་བརྩིའི་ཚེས་གྲངས་དབང་མཚམས་བསྒྱུར། །དེ་གཉིས་བསྲེས་ལ་རི་རོས་བགོ། །རྙེད་ནོར་ཞག་མིན་ལྷག་མ་དེ། །མཁའ་རོ་མཁའ་རོ་དུས་རི་རོས། །རིམ་བསྒྱུར་རི་རོས་རྙེད་ནོར་བརྩེག །ཞག་གནས་

(༤༡༤)མཁའ་མེས་ཐོབ་པའི་ནོར། །སྟེང་བསྲེས་དེ་ཡང་ཁྱིམ་གྱིས་དོན། །སྟེང་ནས་རིམ་བཞིན་འདས་ཁྱིམ་དང་། །འདས་ཞག་དབྱུག་སྲང་དབུགས་ཆར་བཅས། །དེ་ཡི་འདས་ཁྱིམ་འདས་ཞག་དང་། །བསྟུན་ནས་རྐང་འཛིན་དལ་དྷྲཱུ་ལ། །བརྩི་བྱའི་རྟག་ལོངས་སྟེར་བྱ་ནི། །མིག་དམར་མཁའ་ཟུང་མ་མིག་རྩེ། །ཐུབ་རི་ཆུ་རོ་འདོད་པའོ། །ལྷག་པའི་མཁའ་སྐྱོན་གཟུགས་ཆུ་སྟོང་། །ལག་ཟུང་མཚེ་མ་དབང་བ་དང་། །དུས་རྩ་དྲང་སྲོང་ཆུ་གཏེར་རོ། །སྒྲ་མཁན་མཁའ་སྟོང་ལག་མིག་ཆུ། །གཟུགས་རྩེ་མཚོ་དང་མིག་ཀླུ་དུས། །པ་སངས་མཁའ་རི་སྐྱོན་དབང་པོ། །ཆུ་བོ་རིག་བྱེད་ཡོན་ཏན་དང་། །བུག་མཚོ་ཆུ་བོ་རྒྱ་མཚོའོ། །སྤེན་པ་མཁའ་སྟོང་བུ་ག་མཁའ། །རི་བོ་གདེངས་ཅན་གཟུགས་ཕུང་པོ། །དུས་མཚོ་ནམ་མཁའ་ལག་པ་སྟེ། །ཉི་མར་ཐིག་མཚོ་མཁའ་ཡོན་རྣམས།་ །སྔར་གྱི་འདས་ཞག་དང་བསྟུན་ནས། །བརྩི་བྱའི་ཚེས་གྲངས་ཀྱིས་བསྒྱུར་བྱིན། །དེ་ནས་དལ་མྱུར་ཆོ་ག་རྣམས། །ཉིན་ཞག་ཇི་བཞིན་བྱས་པས་འགྲུབ། །སྐར་རྩིས་ཀྱི་རིག་པ་ལ་འཇུག་པ་གོ་ལའི་རྣ་རྒྱན་ཅེས་བྱ་བ་ལས། ལེགས་ལྡན་གཟའ་ལྔ་ཁྱིམ་ཞག་ལ་སྤྱོད་པ་བཤད་པའི་སརྒ་སྟེ་བདུན་པའོ།། །།དེ་ལྟར་མཐའ་དག་རི་མོའི་ཁུར། །བསྐལ་ལྀའི་ཤིང་རྟས་དབུགས་འབྱིན་ལ། །མགྱོགས་རྩིས་བདེ་བླག་གསར་པའི་བྱད། །དུས་གཟེང་རྣ་རྒྱན་གཡོ་བཞིན་འོང་། །དེ་ལ་གྲུབ་པའི་མགྱོགས་སྟེར་ནི། །བཤོལ་ཡོད་སྔ་ལོའི་དབོ་ཟླའམ། །སྤྱིར་བཏང་ནག་པའི་ཟླ་བཤོལ་འཕྲོ། །མཁའ་མེས་བསྒྱུར་ལ་འབྱུང་རོས་བགོ། །ལྷག་ན་ནོར་ལ་གཅིག་བྱིན་པ། །རགས་པ་ཟིན་པའི་ཚེས་གྲངས་ཡིན། །གང་འཛིན་ཉི་མའི་རྟག་ལོངས་དེ། །ཉི་མའི་དྷྲཱུ་ཝ་ལ་བྱིན་པས། །ཞག་གཅིག་རྟག་པའི་ལོངས་སྤྱོད་

(༤༡༥)ལས། །ཉུང་ཤར་ལོ་དགེ་ཉི་རགས་ཡིན། །དེ་མཐུན་གཟའ་དྷྲཱུ་ལ་བྱིན་པས། །ལོ་དེའི་གཟའ་ཡི་རགས་པའོ། །སྔ་ལོར་བཤོལ་ཡོད་སྔ་ལོ་ཡི། །དབོ་ཟླའི་གཟའ་ཉིའི་དྷྲཱུ་ཝར་བསྒྲུབ། །གཟའ་རགས་ཆ་ཤས་རི་བོས་བསྒྱུར། །རི་མཁའ་རིས་བགོས་ནོར་རི་རོའི། །ཆ་དང་ལྷག་མ་བགོད་བྱེད་ཆ། །ཉི་མར་རགས་པ་འབྱུང་ཡོན་མདས། །རིམ་བཞིན་ཆ་ཤས་བར་དུ་བགོ། །རྙེད་ནོར་བསེ་རུའི་སྐྱེས་བུ་དེ། །གནས་གསུམ་གཞག་ལ་གཟུགས་མཚོ་རེས། །བསྒྱུར་ལ་རང་རང་འཁོར་ལོས་དྲིལ། །ཉི་མའི་རྐང་འབྲས་གསུམ་པོ་འགྲུབ། །གཟའ་ཉི་རགས་པ་གནས་དྲུག་གཞག །ཁྱིམ་མིང་གཉིས་རེའི་ཁ་བྱང་གདགས། །ལུག་དང་བུ་མོར་གཟུགས་འབྲས་དམན། །ཉ་དང་སྲང་ལ་བྱིན་པར་བྱ། །གླང་དང་སེང་གར་མཚོ་འབྲས་དབྲི། །བུམ་དང་སྡིག་པ་གཉིས་ལ་བརྒྱན། །འཁྲིག་དང་ཀརྚར་དུས་འབྲས་སྦྱང་། །ཆུ་སྲིན་གཞུ་ལ་བསྲེས་པ་ཡིས། །ཁྱིམ་དྲུག་སྤྱི་ནོར་རྣམ་པར་དག །དེ་ནས་རེའུ་མིག་འཛིན་པའི་ཚུལ། །ཉི་དྷྲཱུར་གང་བརྩིའི་ཆེས་དེ་ཡི། །རྟག་ལོངས་བྱིན་ལ་ཉི་རགས་ཀྱིས། །ཕྲི་བ་ལྷག་མས་བསྐལ་ལི་ཡི། །ཕྱེད་དག་རེའུ་མིག་དང་མཐུན་གཟུང་། །གཡས་གཡོན་གཟའ་དང་ཉི་མ་ལ། །ཁྱིམ་མཐུན་སྡང་གྱི་སྤྱི་ནོར་བསྲེ། །འོན་ཀྱང་རགས་པ་རྙེད་པ་ཡི། །ཞག་གྲངས་ཕན་ཆད་སྔ་ལོ་ཡི། །ཆོ་ག་ལ་བརྟེན་སྤྱི་ནོར་སྟེར། །དེ་ཡིས་གཟའ་ཕྱེད་ཉི་མ་དག །རི་ལ་དྷྲཱུར་གང་བརྩིའི་ཚེས་གྲངས་བསྲེ། །སྲིད་པས་བགོས་ནོར་ལོགས་སུ་གཞག །ད་ལྷག་ཆ་ཤས་དང་བཅས་པས། །རིལ་ཆའི་རེའུ་མིག་གང་ཟིན་གཟར། །ནོར་མཉམ་བསྟན་ལ་མེ་མཉམ་པ། །དེ་ཡིས་གཟའ་ཉིད་རྣམ་པར་ལ། །ཉི་དག་གནས་གཉིས་གཅིག་ལ་ནི། །སྐར་ཐིག་དབྱུ་གུར་རིག་བྱེད་དབང་། །ཆེས་བསྒྱུར་སྟེར་རམ་རེའུ་

(༤༡༦)མིག་བྱིན། །དེ་ལ་གཟའ་ལོངས་མན་གྱིས་སྦྱང་། །རེས་འགྲོགས་ཟླ་བའི་སྐར་མ་སྟེ། །ཉི་ཟླ་གཉིས་བསྲེས་སྦྱོར་བའོ། །བྱེད་པ་ཚེས་ཀྱི་རེའུ་མིག་གཟུང་། །དེ་ཡིས་གྲུབ་མཐའི་ཡན་ལག་ལྔ། །སྔར་བཤད་བཞིན་དུ་འདིར་ཡང་དྲན། །དེ་ལས་གཞན་པ་བྱེད་པའི་ལུགས། །མགྱོགས་སྟེར་ཆོ་ག་གྲུབ་མཐའ་དང་། །མཚུངས་མེད་འོན་ཀྱང་རང་ལུགས་དེའི། །རྟག་ལོངས་དང་ནི་ཆ་ཤས་ཁྱད། །རྣམ་རིག་གསར་པས་འབྱེད་པར་བྱ། །དེ་བཞིན་རགས་པའི་ཟིན་ཚད་ཀྱང་། །གྲུབ་མཐའ་བཞིན་དུ་ཟླ་བཤེལ་འཕྲོས། །སྟོན་མིན་ཕྱིར་ན་དྷྲཱུ་ཝ་དང་། །རྟག་ལེངས་ཉི་ཁྱད་བརྟགས་ལ་སྟེར། །དེ་ཡང་སྔ་ལོའི་བྱེད་གྲུབ་ཀྱི། །རགས་དང་སྤྱི་ནོར་ཡོད་གྱུར་ན། །གྲུབ་མཐའི་ཉི་མ་རགས་པ་ཡི། །ཆུ་སྲང་མཁའ་མིག་ཆར་མཁའ་རོས། །ཕྲི་བ་ཕྱི་མའི་ཉི་རགས་ཏེ། །མ་ལྡང་ཞག་གཅིག་རྟག་ལོངས་གང་། །བསྣན་ནས་སྦྱང་ངོ་གཟའ་རགས་ལ། །གཟུགས་དྲག་གཟུགས་མཚོ་རིག་བྱེད་དང་། །དུས་མིག་ཀླུ་རི་རྩེ་མོ་རྣམས། །བྱིན་པས་ཕྱི་ལོའི་རགས་པ་འཆར། །སྤྱི་ནོར་ལ་ནི་སྤྱི་ནོར་གྱི། །རེའུ་མིག་བྱིན་པས་ཕྱི་ལོ་སྟོན། །བྱེད་པ་ལ་ནི་ཉི་རགས་དེར། །སྲང་ནས་རི་གཟུགས་ཆ་ཤས་ནས། །མིག་ཕྲི་ཕྱི་མའི་རགས་པ་འཆར། །མ་ལྡང་ཞག་གཅིག་རྟག་ལོངས་བསྣན། །གཟའ་ལ་གཟུགས་དྲག་མཁའ་མཚོ་ལག །བྱིན་པ་ཕྱི་མའི་གཟའ་རགས་སོ། །སྔ་ལོའི་ཚེས་ལ་དྲག་པོ་བསྣན། །ཕྱི་མའི་རགས་པ་ཟིན་པ་ཡི། །ཚེས་སྟོན་ཉི་མ་སྟེང་ཞུགས་ལ། །མིག་གཟུགས་སྟེར་བ་ཁྱད་པར་ཡིན། །གྲུབ་མཐའི་རེའུ་མིག་རྒྱས་པ་གང་། །འཛིན་ན་ཟླ་དག་མཁའ་མེས་བསྒྱུར། །གང་བརྩིའི་ཚེས་བསྲེ་དེ་སྟེང་ནས། །མཁའ་རོ་ཡོན་ཏན་རྩེ་མོས་ཕྲི། །དེ་ལ་ཆུ་མིག་ཀླུ་མཚོ་

(༤༡༧)ཡིས། །ཐོབ་ནོར་གནས་དྲུག་བརྩེགས་པ་ལ། །མིག་དང་གཟུགས་མེ་བྲོ་བ་དང་། །གཟུགས་དང་དྲག་པོ་མཁའ་རྩེ་མེས། །བསྒྱུར་ལ་ཆུ་བོ་མེ་དབང་དང་། །ཀླུ་མཚོ་བསེ་རུ་གདེངས་ཅན་མཚོ། །རྩེ་མོ་མཁའ་རིས་བརྒྱན་པ་དེ། །རང་འཁོར་དྲིལ་བས་ལོ་ཡི་གྲངས། །མྱོས་བྱེད་བར་རེའི་གཟའ་རགས་འགྲུབ། །ཡང་ན་ཉི་རགས་སྟོང་ཞུགས་ལོའི། །གཟའ་ཡི་རགས་པ་དེ་ཉིད་གཟུང་། །ཆུ་མིག་ཀླུ་མཚོས་བགོས་ལྷག་དེས། །རེའུ་མིག་བྱར་གཟུང་བྱས་ལ། །གནས་གསུམ་གཡས་པར་གཟའ་རགས་བྱིན། །དབུས་ཁྱིམ་གཡོན་པ་ཉི་དག་གོ །དེ་ནས་རིལ་ཆའི་རེའུ་མིག །འཛིན་སོགས་ཆོ་ག་སྔར་བཞིན་ནོ། །སྒྲ་གཅན་རེའུ་མིག་གཟུང་པའི་ཚུལ། །ཟླ་དག་སོས་བརྒྱན་མིག་གིས་བསྒྱུར། །ཉར་གཟུགས་སྟེང་ལ་ལག་པ་བྱིན། །མཁའ་དུས་ཆུ་བོས་བགོས་ལྷག་ནི། །འབྲིང་པོའི་བྱ་ར་ཡིན་པར་གཟུང་། །བསྡུས་པ་འཛིན་ན་ཟླ་དག་དེ། །ཐུབ་པ་བསེ་རུས་བརྒྱན་བྱས་ལ། །མཁའ་མེ་ལག་པས་དོར་བའི་ལྷག །གཉིས་ཀའི་སྟེང་ཉ་འོག་མ་སྟོང་། །ཕྱེད་པ་ལོ་འཕོའི་རེའུ་མིག་ནི། །མཛེས་བྱེད་འདས་ལོར་ཆུ་མི་བྱིན། །རི་གཟུགས་མེ་ཡི་དོར་ལྷག་གོ །དེ་ནས་ལེགས་ལྡན་གཟའ་ལྔའོ། །ཉིན་ཞག་ལ་སྤྱོད་མགྱོགས་རྩིས་ནི། །ནག་ཉའི་སྤྱི་ཞག་རྩ་སྒྲུབ་དེའི། །ཞག་གནས་ཆུ་རོ་རི་མཁའ་རིའི། །ཆ་བརྩེགས་གསུམ་ཀར་བཅོ་ལྔ་རེ། །བྱིན་པ་ཉ་སྟོང་རེ་མོས་སྤལ། །རི་མཁའ་རིས་དྲིལ་བར་མར་བྱིན། །ཆུ་རོས་རྙེད་ནོར་སྟེང་སྦྱོང་ཚེ། །མ་ནོར་མཚན་མ་བཀོད་པར་བྱ། །ནག་པའི་ཉ་ཡི་སྒོས་ཞག་ནི། །རྩ་སྒྲུབ་བཞིན་དུ་དག་པར་བསྒྲུབ། །ཉི་མའི་སྒོས་ཞག་སླར་ཡང་ནི། །མིག་ཀླུ་མེ་སྐྱོན་གྱིས་ཐབ་པ། །སྒོས་ཞག་གནས་གཞག་ཀུན་ཀྱང་ནི། །དབོ་ཟླའི་སྟོང་པར་བཅོ་ལྔ་རེའམ། །སྤྱི་ཞག་རྟགས་ཅན་ལ་བཅུ་བཞི། །

(༤༡༨)བྱིན་ལ་སྤེལ་ཞིང་ཞི་གཉིས་ལ། །ཚེས་དང་མ་ནུ་བརྒྱ་དང་བཅུས། །བསྒྱུར་ལ་བསྣོན་པ་ཤེས་པར་བྱ། །ཉི་རགས་དོན་དུ་ཉི་མའི་ཞག །མིག་ཀླུ་མེ་སྐྱོན་གྱིས་དོར་ལྷག །སྐར་མ་ནས་བཟུང་ཆ་ཤས་བར། །རིམ་གསིལ་ཉི་མའི་དཀྱིལ་འཁོར་ནི། །མདའ་མཁའ་མཚོ་ཡིད་རི་མཚམས་ཀྱིས། །ཐོབ་དེ་ཉི་རགས་རྣམ་དག་གོ །ཡང་ན་སྔ་ལོའི་རགས་པ་ལ། །དབྱུག་གཟུགས་སྲང་ཁྱིམ་དབུགས་སྟོང་པ། །ཆ་ཤས་ཁྱིམ་དང་ཐུབ་རི་ཟླས། །ཕྲི་ཞིང་མ་ལྡང་རྟག་ལོངས་བསྣན། །ཕྱི་ལོའི་རགས་པ་རྣམ་དག་འཆར། །དེ་ལྟའི་ཉི་རགས་འབྱུང་ཡོན་ཟླས། །ཆ་ཤས་བར་དུ་ཕྱེ་བའི་ནོར། །རིམ་བཞིན་མ་ནོར་བརྩེགས་པ་ནི། །ཞི་གཉིས་དལ་རྐང་གསུམ་པོ་ཡིས། །གསིལ་བ་རང་རང་རྐང་འབྲས་ཡིན། །ཉི་རགས་གནས་དྲུག་ཚར་གཉིས་གཞག །སོ་སོའི་རྐང་འབྲས་གསུམ་སྔ་མར། །བསྣན་ཞིང་ཕྱི་མར་ཕྲོགས་པ་དེར། །ནོར་དང་བུ་ལོན་མིང་དུ་གདགས། །དེ་ནི་ཞི་གཉིས་སྤྱི་ནོར་ཡིན། །དེ་ནས་མན་ངག་སྒོས་ཞག་ལྷག ༡༠༩༣ སངས་པ་།།།༤༡ དེས། ཐུན་མོང་བསྐལ་ལྀའི་རེའུ་མིག་གཟུང་། །སྟེང་མར་ཉི་མ་རགས་པ་བྱིན། །དྲག་གཟའ་གསུམ་གྱི་རྐང་འཛིན་འགྲུབ། །དེ་འོག་གཉིས་ལ་སྤྱི་ནོར་དེ། །ནོར་དང་བུ་ལོན་ཁ་བྱང་བཞིན། །བྱིན་པས་ཞེ་གཉིས་དལ་དག་འགྲུབ། །དྲག་གསུམ་དལ་བ་དག་པ་ནི། །རྒྱས་པ་རང་རང་སྒོས་ཞག་དང་། །མཐུན་པར་བཟུང་བས་འགྲུབ་པའོ། །འབྲིང་པོ་རེའུ་མིག་མཐུན་ན་གཟུང་། །མི་མཐུན་ཅུང་ཟད་ཉུང་བ་ཡི། །བྱ་རས་སྒོས་ཞག་ལ་སྦྱངས་པའི། །ལྷག་མས་ཞག་རྩིས་རེའུ་མིག །སྔོན་གྱི་སྤྱོད་བྱེད་བྱར་དེའི། །རེའུ་མིག་ནང་གི་ཀ་ཐོ་དང་། །མཐུན་པར་བཟུང་ལ་བསྲེས་པས་འགྲུབ། །ལྷག་པའི་སྒོས་ཞག་བརྒྱ་དང་ནི། །པ་སངས་སྒོས་ཞག་ཕྱོགས་ཀྱིས་བགོས། །ནོར་གྱིས་རྐང་འཛིན་རེའུ་མིག་དང་། །ལྷག་

(༤༡༩)མས་སྤྱི་ནོར་རེའུ་མིག །བཟུང་ལ་བསྲེས་པ་རྐང་འཛིན་ནོ། །དེ་ནས་མྱུར་དག་རེའུ་མིག་ནི། །རང་རང་དལ་བ་དག་པ་དེས། །དྲག་གསུམ་རྐང་འཛིན་ཉི་བར་དང་། །ཞི་གཉིས་སོ་སོའི་རྐང་འཛིན་ལ། །སྤྱང་ཞིང་མ་ལྡང་འཁོར་ལོ་བསྣན།་ །སྦྱངས་ཤུལ་འཁོར་ཕྱེད་ལྷག་ན་དོར། །ཆུ་སྲང་གནས་སུ་མཁའ་མ་ལས། །མང་ན་དབྱུ་གུར་ཟླ་བ་བྱིན།་ །སྦྱངས་ལྷག་སྐར་གནས་མཁའ་རོས་བསྒྱུར། །དབྱུ་གུར་བསྲེས་པའི་གྲངས་དེ་ཡི། །མྱུར་བའི་རྐང་པའི་རེའུ་མིག་ལས། །འཁོར་ཕྱེད་དོར་ན་རིམ་མིན་དང་། །མ་དོར་རིམ་པ་ལུགས་འབྱུང་དུ། །བཟུང་བ་རང་རང་དལ་དག་ལ། །རིམ་པ་བསྣན་ལ་རིམ་མིན་སྦྱང་། །དེ་ཡིས་མྱུར་དག་རི་མོ་འགྲུབ། །འགྲོས་བཞི་རྩ་སྒྲུབ་བཞིན་དུ་དྲན། །དེ་ལས་གཞན་པ་ཁྱིམ་ཚེས་ཀྱང་། །བྲེང་ཆགས་ཉིད་དུ་བསྒྲུབ་པ་ནི། །བརྩོན་འགྲུས་ཉིད་ཀྱིས་སྨ་།།།ཐབ་པས། །སྐྱེས་བུའི་མདུན་སར་མི་གནས་པ། །མཐོང་ཆོས་ཉིད་ཕྱིར་འདིར་མ་སྨོས། །འདོད་ནའང་གཞན་དུ་གསལ་བས་ཤེས། །སྤྱིར་ན་མཁའ་ལ་ཁྱམ་དང་ནི། །ས་ལ་དུས་བཞི་འཁོར་བ་ལས། ཁྱིམ་གྱི་རྟེན་གཞི་གོ་ལ་ནི། །གཡས་སྐོར་ཆུ་ཚོད་རེའི་ཡུན་ལ། །དཔག་ཚད་དྲུག་སྟོང་ཕྱེད་སུམ་བརྒྱ། །འགྲོ་བས་ཉིན་ཞག་གཅིག་ལ་ནི། །དཔག་ཚད་གསུམ་འབུམ་བདུན་ཁྲི་དང་། །ལྔ་སྟོང་རེ་བགྲོད་གླིང་བཞི་འཁོར། །དེ་བཞིན་ས་ལ་དུས་བཞི་ཡང་། །ཉི་མས་སྐར་ཁྱིམ་འཁོར་བ་དང་། །དུས་བཞིའི་དེས་།།།པ་རྫོགས་པ་ལ། །ལོ་གཅིག་ཅེས་གྲགས་ཚེས་ཞག་གི། །ཞག་མི་ཐུབ་བསགས་ཟླ་བཤོལ་བྱུང་། །ཞིབ་པ་ཡེ་ཤེས་རླུང་ལས་སོ། །གནས་ཚུལ་གཡོན་དུ་བསྐོར་ན་ཡང་། །འཁོར་ཚུལ་གཡས་སུ་བསྐོར་བ་སྟེ། །དཔྱིད་དང་དབྱར་དང་སྟོན་དང་དགུན། །ར་བ་དང་ནི་འབྲིང་པོ་དང་། །ཐ་མའི་རིམ་པ་གསུམ་གྱིས་འཕོ། །ལྷོ་གླིང་དཔྱིད་ཟླ་གསུམ་ཡོད་དུས། །དབུས་མའི་དཔྱིད་འབྲིང་ནུབ་ཏུ་འཕོ། །

(༤༢༠)ཤར་གྱི་དཔྱིད་ཐད་པུས་འཕོ་སོགས། །དུས་བཞི་གཡས་བསྐོར་ངེས་པ་དང་། །དུམ་བུ་བཅུ་གཉིས་གང་གང་དེར། །བྱང་བགྲེད་མཐའ་རུ་ཐུག་པའི་ཚེ། །དེ་ནས་བགྲངས་པའི་ཚིགས་བདུན་པར། །ལྷོ་བགྲོད་མཐར་ཐུག་ཡོད་པ་སྟེ། །གང་དུ་དཔྱིད་མཉམ་ཡོད་པ་ནས། །བགྲངས་པའི་བདུན་པར་སྟོན་མཉམ་མོ། །དེ་ཕྱིར་ཟླ་བའི་དབུགས་ཐོབ་དང་། །སྒད་ཆད་ཁྱིམ་སླེབ་ལྡོག་གཉིས་སོགས། །དུས་གཟེར་ངེས་པ་འདི་ལྟར་བརྟག །དབུགས་ཐོབ་ཟླ་བ་སྔོན་མ་དང་། །སྒང་ཁྱིམ་བརྩི་བྱ་གང་ཡིན་པ། །དབྱར་ཉིར་འདས་ཟླ་གཉིས་དང་ནི། །དགུན་ཉིར་བརྒྱད་བསྲེས་བཤོལ་འཕྲོ་རྣམས། །མཁའ་མེས་བསྒྱུར་ནས་དབུགས་ཐོབ་ལ། །རི་བོང་ཅན་དང་རིག་བྱེད་ཚེས། །སྒང་ལ་དུས་མེ་དབང་པོ་དང་། །ལྡོག་གཉིས་ཕུང་པོ་ཡོན་ཏན་མེ། །བསྲེས་ལ་འབྱུང་རོས་ཐོབ་པའི་ནོར། །རང་རང་ཚེས་གྲངས་བྱ་ར་ཡིན། །མཁའ་མེ་ལས་ལྷག་དོར་བྱས་པ། །དེ་ཚེ་ཕྱི་དྷཱུ་ལ་བརྟེན་བསྒྲུབ། །འབྱུང་རོས་ཐོབ་པའི་ནོར་དེ་ཡིས། །ཚེས་གྲངས་སྟོན་ལ་ལྷག་མ་ཡིས། །རེ་ལྔ་ཆ་ཡི་རེའུ་མིག་གཟུང་། །ཡང་ན་ལྷག་དེ་འབྱུང་བས་བགོ། །ནོར་གྱིས་བཅུ་གསུམ་ཆ་དང་ནི། །ལྷག་མས་ལྔ་ཆའི་རེའུ་མིག་གཟུང་། །རང་རང་གང་ཟིན་ཚེས་གྲངས་ཀྱི། །རྟག་ལོངས་གཟའ་ཉི་བར་པར་བསྣན། །རང་རང་ཚད་འཆར་མ་མཐུན་ན། །སྔ་མའི་བཤོལ་འཕྲོས་གཟུང་བར་བྱ། །སྦྱར་ན་ཁྱིམ་སླེབ་གྲུབ་མཐའ་ཡི། །ཉི་དག་གིས་ནི་སྟོན་ཟེར་ཡང་། །ཚད་ཁྲ་ཇི་བཞིན་འཆར་ཉུང་བས། །གང་ཉེའི་ལོངས་སྤྱོད་མང་བ་ལ། །ཆོ་ག་བྱེད་པའི་ལུགས་ཡོད་མོད། །དེས་ཀྱང་ཇི་བཞིན་མི་སྟོན་ཕྱིར། །ཉི་རྐང་འཕོ་བའི་མཚམས་ཉིད་ནས། །རིག་པས་ཞིབ་མོ་རྣམ་པར་འཐག །རྀ་ཥི་ཁྲུམས་ཟླའི་དབུགས་ཐོབ་ཀྱིས། །སྟོན་མོད་འཆར་བའི་ཚད་མ་ཡིན། །དྲང་སྲོང་དེ་ཡི་གཞལ་མེད་ཁང་། །ཉི་མས་གདུངས་

(༤༢༡)ཤིང་ཟླ་བས་བསིལ། །ཀེ་ཏ་ཀ་ཡིས་རྙོག་མ་བགྲུངས། །དམོད་པའི་མཐུ་ཡིས་ཆུ་ཀླུང་ཀུན། །ཞག་བདུན་ཡན་ལག་བརྒྱད་ལྡན་ཆུར། །འགྱུར་བའི་དུས་ལ་རྣམ་པར་གཞག །ཕག་ཞག་སྣོྲན་ཟླའི་ཟླ་བཤོལ་འཕྲོ། །མཁའ་མེས་བསྒྱུར་ལ་གཏེར་ཡོན་དྲག །བསྲེས་ལ་འབྱུང་རོས་ཐོབ་ནོར་གྱིས། །ཆེས་སྟོན་ཞག་འཁོར་ལོངས་ན་དོར། །དེ་བཞིན་དུམ་བུ་བཅུ་གཉིས་པའི། །ཆ་ལས་རང་གནས་གངས་ཅན་འདིའི། །ལྡོག་གཉིས་འཁྲིག་གཞུའི་ཞག་ལྔ་པས། །རགས་པར་སྟོན་ཞིང་གཞན་ཡང་ནི། །བགྲོད་གཉིས་ཐུར་གྲིབ་ལྷོ་བྱང་དུ། །སོ་སོར་ལོག་པའི་ཤེས་བྱེད་ནི། །རྒྱུད་འགྲེལ་དང་བསྟུན་དཔྱད་པ་ཡི། །གསལ་སྒྲོན་ལུགས་དང་དུས་འཁོར་ལུགས། །དེང་འདིར་བཤད་ལ་གསང་བ་ཡི། །ཉི་ལྡོག་ཅེས་གྲགས་གང་ཆེ་ཡང་། །གནད་ཀྱི་ལག་ལེན་ཕྲ་ཞིབ་ནི། །གཟའ་མཐུན་བརྟག་པ་ལ་རྨོངས་ན། །དུས་གཟེར་སྤྱི་དང་ཁྱད་པར་དུ། །བཤོལ་ཟླའི་ལུང་སྟོན་འཛོལ་བ་ཡིས། །ཟླ་བའི་ས་བདག་འཆོལ་བས་སྒྲིམས། །བརྩི་བྱའི་གཟའ་ཉིའི་རིལ་ཆའི་དྷྲཱུར། །རྟག་ལོངས་བཅུ་གསུམ་ལྔ་ཆ་བསྣན། །རིལ་པོར་ཚེས་བསྲེས་ཆ་ཤས་ནི། །སྟོང་པ་གདེངས་ཅན་རི་མེས་བགོ། །ཡང་དག་རྒྱུའོ་ལྷག་མ་རྣམས། །སྲང་དབུགས་རི་རོ་རི་མཁའ་རིའི། །ཆ་ཤས་བར་བསྒྱུར་བགོས་ཐབ་པ། །སྔ་རྐང་ལ་བསྣན་ཕྱི་རྐང་ཕྲ། །དེ་ཡིས་གཟའ་བར་ནོར་མཉམ་བསྣན། །མི་མཉམ་ཕྲི་ལ་དེ་བཞིན་དུ། །ཉི་བར་གནས་གཉིས་བཀོད་པ་ཡང་། །སྐྱེས་ཁྱིམ་སྐར་དྲུག་ཞེ་ལྔས་སྦྱང་། །རྐང་པའི་ཆོ་ག་ལྔ་བསྡུས་བཞིན། །རྐང་ལོངས་གཟའ་ཉིའི་ལོངས་སྤྱོད་ལ། །འཁོར་ཕྱེད་དོར་བསྣན་མ་དོར་ཕྲི། །གཟའ་མཐུན་ཆས་ཁོངས་དེའི་ལོངས་སྤྱོད། །ཟད་ཚེ་དུས་གཟེར་དེ་དང་དེའི། །ངེས་པ་ཞིབ་སྟོན་མན་ངག་ལུགས། །སྐར་རྩིས་ཀྱི་རིག་པ་ལ་འཇུག་པ་གོ་ལའི་རྣ་རྒྱན་ཅེས་བྱ་བ་ལས། མགྱོགས་རྩིས་དུས་གཟེར་དང་བཅས་བཤད་པའི་སྐབས་ཏེ་སརྒ་བརྒྱད་པའོ།། །།

(༤༢༢)འདི་ན་ཉིན་ཞག་ཕྲུགས་རེ་བཞིན། །དུས་སྦྱོར་བཅུ་གཉིས་འཆར་བ་བཤད། །དེ་ལ་ཁྱིམ་གྱི་ཉིན་ཚད་ནི། །ཉ་དང་བུ་མོ་མཁའ་མེར་མཉམ། །ལུག་སེང་དབྱུག་གུ་གཟུགས་མེ་དང་། །ཆུ་སྲང་ཕྱོགས་ཡིན་གླང་ཀརྚ། །མིག་མེའི་དབྱུག་ལ་མཁའ་མིག་སྲང་། །འཁྲིག་པ་ཕྱོད་བཅས་མེ་རྩེའི་དབྱུག །བུམ་སྲང་ཆུ་ཚོད་གདེངས་ཅན་ལག །མཁའ་དབང་ཆུ་སྲང་སྡིག་སྲིན་གཉིས། །འཁོར་ལོའི་དབྱུ་གུ་མཁའ་ཆུའི་སྲང་། །གཞུ་དབྱུག་དུས་མིག་ཕྱེད་བཅས་སྲང་། །སོ་སོས་མཁའ་རོ་ལ་སྦྱངས་པས། །ཕྲི་ལྷག་རང་རང་མཚན་ཚད་ཡིན། །གང་བརྩིའི་ཚེས་དེའི་གྲུབ་རྩིས་ཀྱི། །ཉི་བར་སྐར་གནས་མཁའ་རོས་བསྒྱུར། །འོག་གི་དབྱུག་བཅུག་འབྱུང་ཡོན་ཟླས། །ཐོབ་པ་འདས་པའི་ཁྱིམ་གྱི་གྲངས། །ལྷག་མ་མཁའ་མེས་བསྒྱུར་བ་ལ། །ཆུ་སྲང་མཚེ་མས་བགོས་ནོར་བསྲེ། །འབྱུང་ཡོན་ཟླས་ཐོབ་འདས་ཞག་གོ །དོན་གྱི་ཁྱིམ་འཕོ་ཡིན་པར་བརྟག །འདས་ཞག་སྟེང་ནས་ཐུབ་པས་སྦྱངས། །མ་ལྡང་ཁྱིམ་ཕབ་དེ་ཡང་ནི། །འཁོར་ལོ་རྫོགས་ན་བསྣན་པར་བྱ། །ལྷག་མ་འདས་ཁྱིམ་གྲངས་ཡིན་ཡང་། །ཆོ་ག་སླ་ཕྱིར་ངོ་ཐོག་ཁྱིམ། །རང་ཁྱིམ་ད་ལྟ་བར་འདོགས་སོ། །ཐུབ་པས་དམན་པའི་ཞག་ལྷག་དེ། །གནས་གཉིས་སྟེང་འོག་མིག་གིས་གསིལ། །དུས་དང་མཁའ་རོས་སྟེང་སྒྲིལ་བའི། །དབྱུ་གུ་སྲང་དང་དབུགས་གསུམ་གྱིས། །བྱེད་ཟླའི་ངོ་ཐོག་ཁྱིམ་དེ་ཡི། །འཁྲིམ་སོགས་ལྷོ་བགྲོད་ཉིན་མོར་དབྲི། །གཞུ་སོགས་བྱང་བགྲོད་ཉིན་མོར་བསྣན། །བརྩི་བའི་ཉིན་དེའི་ཉིན་ཚད་ཡིན། །དེ་ཡིས་མཁའ་རོར་སྦྱངས་པ་མཚན། །དེ་ནས་དུས་སྦྱོར་བཅུ་གཉིས་པོའི། །འཆར་ཡུན་སྲང་ཆད་འདི་ལྟ་སྟེ། །འདོད་ཡོན་མཁའ་མེ་ཉ་བུམ་ཆད། །སྟོད་པ་བུག་མིག་ལུག་ཆུ་སྲིན། །མཁའ་སྟོང་ལག་པ་གླང་དང་གཞུ། །སྟོང་པ་འཁོར་ལོ་འཁྲིག་དང་སྡིག །མཁའ་རོ་རྩེ་མོ་ཀརྚ་སྲང་། །

(༤༢༣)འབྱུང་རི་ཡོན་ཏན་སེང་གེ་དང་། །བུ་མོའི་འཆར་ཚད་སྲང་ཉིད་དོ། །ཐུབ་པས་པྲི་བའི་ཞག་ལྷག་དེ། །སོ་སོའི་འཆར་ཡུན་སྲང་གིས་བསྒྱུར། །མཁའ་མེས་བགོས་ནོར་འདས་སྲང་སྟེ། །དེ་ཡིས་རང་རང་སྲང་ཚད་ལ། །སྦྱངས་ལྷག་མ་འོངས་ཆུ་སྲང་ཡིན། །ཐུར་མའི་བགོད་གཞི་རགས་པ་ནི། །ཆུ་སྲང་མཁའ་སྟོང་མཁའ་བུག་ལ། །ལུག་སེང་ཕུང་པོ་ཀླུ་དབང་སྦྱང་། །གླང་ཀར་ནམ་མཁའ་མཚོ་ཁྱིམ་འཕྲོག །འཁྲིག་པར་འབྱུང་དུས་བུག་གཟུགས་དམན། །ཉ་དང་བུ་མོ་རྣལ་མར་གཞག །བུམ་སྲང་ཚེས་དང་འདོད་ཡོན་བྱིན། །ཆུ་སྲིན་སྡིག་པར་མཁའ་རོ་བུག །གཞུ་ལ་འབྱུང་རྩེ་འདོད་པ་བསྣན། །ཐུར་མའི་རང་གྲིབ་བདུན་བཅས་ཀྱིས། །བགོས་ཐོབ་ནོར་ནི་ཆུ་སྲང་ཡིན། །ལྷག་མ་རོས་བསྒྱུར་ཐོབ་པ་དབུགས། །སྲང་ལ་མཁའ་རོས་ཐོབ་པའི་ནོར། །དབྱུ་གུའི་གནས་སུ་གཞིག་པ་ཡིས། །སྔ་དྲོ་འདས་དང་ཕྱི་ལུས་རྟོགས། །དེ་དག་རྣམས་ཀྱིས་ཉིན་ཚད་ལ། །སྦྱངས་ལྷག་སྔ་ལུས་ཕྱི་འདས་ཀྱི། །ཆུ་ཚོད་ལ་སོགས་འཁྲུལ་མེད་རྟོགས། །དེ་ནས་ཏཱཏྐལ་བརྟག་བྱ་སྟེ། །ཐུར་བཙལ་འདས་དབྱུག་མཁའ་རོས་བསྒྱུར། །འོག་གི་སྲང་བསྣན་དེ་ཉིད་ལ། །རང་རང་ཆུ་སྲང་མ་འོངས་པས། །ཐོག་མ་བྱས་ནས་རིམ་བཞིན་སྦྱང་། །ཉ་སོགས་དྲུག་ལ་ལུགས་འབྱུང་འཕྲོག །བུ་མོ་སོགས་ལ་ལྡོག་སྟེ་ཕྲི། །གང་དུ་མ་ལྡངས་ཏཱཏྐ་ལ། །སྦྱངས་པའི་ལྷག་མ་མཁའ་མིས་གསིལ། །ཏཱཏྐལ་གང་ལ་བབས་པ་ཡི། །སྲང་ཚད་གྱིས་ཐོབ་ཆ་ཤས་ཏེ། །ལྷག་རྣམས་མཁའ་རོ་མཁའ་རོ་དང་། །དུས་ཀྱིས་བསྒྱུར་ཐོབ་རིམ་བརྩེགས་ཏེ། །ཏཱཏྐ་ལ་བཀོད་རིམ་པ་

(༤༢༤)བཞིན། །ཏཱཏྐལ་དང་དེའི་ཆ་ཤས། །ཆུ་ཚོད་ཆུ་སྲང་དབུགས་རྣམས་ཏེ། །དུས་སྦྱོར་ཉིད་ཀྱི་གནས་ལྔའོ། །དབུགས་ནས་ལྷག་སྲིད་དག་འདོད་ན། །རང་སྲང་ལྔ་ཆས་བསྒྱུར་ཐོབ་ཆ། །དེ་ནས་མི་མཉམ་མཉམ་པ་གཉིས། །དང་པོ་མི་མཉམ་དུམ་དྲུག་ལས། །གཅིག་པ་བརྟག་ཕྱིར་གནས་ལྔའི་སྟེང་། །ཏཱཏྐལ་མཁའ་མིས་བསྒྱུར་བ་ལ། །ཆ་བཅུག་མཁའ་རོས་གསིལ་དབྱུག་བཅུག །སྟོང་པ་ཐིག་ཀླུ་གཟུགས་ཀྱིས་བཅད། །ཐོབ་པ་གཅིག་པའི་ཏཱཏྐལ། །ལྷག་མ་གང་བྱུང་ཕྱེད་པ་ནས། །སུམ་ཅུ་ཆའི་བར་བགོད་གཞིའམ། །སྤྱི་དྷྲཱུ་ཞེས་སུ་འབོད་པ་སྟེ། །དེ་ལ་ཕྱེད་པ་བརྟག་པའི་ཕྱིར། །བགོད་གཞི་མཁའ་སྟོང་སྲིན་པོས་བགོ །རྙེད་པ་ཡོད་མེད་ཇི་ལྟར་ཡང་། །འདི་ནས་སུམ་ཅུ་ཆའི་བར་དུ། །ལྷག་མ་བྱུང་ཚེ་བསེ་རུ་བསྣན། །རྙེད་པ་གཉིས་ལས་མི་སྲིད་པས། །གཅིག་བདག་ཉི་མ་གཉིས་ཟླ་བ། །སུམ་ཆ་བརྟག་ཕྱིར་བགོད་གཞི་དེ། །ཐིག་ལེ་སྟོང་པ་དུས་ཀྱིས་བཅད། །རྙེད་ནོར་གསུམ་ལས་མང་མི་སྲིད། །གཅིག་ནི་ཏཱཏྐལ་ཞིང་གི་བདག །གཉིས་ནི་ཏཱཏྐལ་ནས་བགྲངས་ལྔ། །གསུམ་ནི་ཏཱཏྐལ་ནས་བགྲངས་པའི། །དགུ་པའི་ཞིང་བདག་གཟའ་འབྲས་འབྱུང་། །དགུ་ཆུའི་དུས་སྦྱོར་བགོད་གཞི་ལས། །མཁའ་སྟོང་མིག་ཐོབ་དགུ་ཆ་བརྟག །ཏཱཏྐལ་གང་ཡིན་ངེས་པར་བྱ། །ལུག་སེང་གཞུ་རྣམས་ལུག་ནས་བགྲངས། །ཆུ་སྲིན་བུ་མོ་གླང་རྣམས་ནི། །ཆུ་སྲིན་ཉིད་ནས་ཐོག་མར་བགྲང་། །འཁྲིག་བུམ་སྲང་གསུམ་སྲང་ནས་འདྲེན། །ཀརྐ་ཊ་དང་སྡིག་པ་ཉ། །ཀརྚ་ནས་བཟུང་དགུ་པའི་ཆ། །གང་བབས་ཞིང་བདག་གཟའ་འབྲས་བརྟག །བཅུ་གཉིས་ཆ་ལ་བགོད་གཞི་དེ། །མཁའ་ཚེས་ཀྱིས་ཐོབ་ཏཱཏྐལ་ནས། །བགྲངས་པའི་ཞིང་བདག་གཟའ་འབྲས་འབྱུང་། །སུམ་ཅུ་ཆ་ལ་སྤྱི་དྷྲཱུ་དེ། །

(༤༢༥)

(༤༢༦)མཁའ་རོས་བགོས་ལ་དམར་པོ་དང་། །སྤེན་པ་ཕུར་བུ་ལྷག་སངས་ལྔ། །དབུས་གཞག་དེ་ཡི་གཡས་དང་གཡོན། །འབྱུང་བ་མདའ་ཀླུ་རི་དབང་བཀོད། །ལུག་སོགས་མི་མཉམ་རིམ་པ་གཡས། །གླང་སོགས་མཉམ་པ་རིམ་མིན་གཡོན། །གྲངས་མཐུན་ཐད་ཀའི་གཟའ་འབྲས་སྟོན། །དེ་ལ་གཟའ་འབྲས་འདི་ཡིན་ཏེ། །ཕྱང་བ་སྲིད་ཆ་གཙོ་ཆེ་སྟེ། །ཉི་མར་བུ་དང་ཟླ་བར་མོ། །གསུམ་ཆ་དོན་ཆ་བརྟག་པ་སྟེ། །གཅིག་བྱུང་རེ་འབྲས་གཉིས་བྱུང་དོགས། །གསུམ་པས་རེ་དོགས་གང་ཡང་མེད། །དགུ་ཆ་རྐུན་པོ་བརྟག་པ་སྟེ། །དངོས་པོའི་ཁྱད་པར་ཤེས་པ་ཡོད། །བཅུ་གཉིས་ཆ་ཡིས་ཚོད་དང་ནད། །དགོས་དོན་ཤེས་འགྱུར་སུམ་ཅུ་ཆས། །དར་གུད་བརྟག་སོགས་གཞན་དུ་ཤེས། །གཉིས་པ་མཉམ་པའི་དུས་སྦྱོར་ནི། །ཉིན་ཞག་གཅིག་ལ་དུས་སྦྱོར་ཡང་། །ཉིན་དྲུག་མཚན་དྲུག་བཅུ་གཉིས་རྫོགས། །དུམ་བུའི་ལོངས་སྤྱོད་སོ་སོར་བཤད། །ཉིན་ཞག་གཅིག་ལ་དབུགས་ཀྱི་གྲངས། །ཉི་ཁྲི་ཆིག་སྟོང་དྲུག་བརྒྱ་ལས། །ཉི་མས་ཐོབ་ནོར་གཅིག་པའི་ཚད། །ལག་པ་རྩེ་མོ་སྲིན་པོ་དང་། །ཁྱིམ་དང་མཁའ་མེས་ཐོབ་པའི་ནོར། །རིམ་བཞིན་ཕྱེད་པ་གསུམ་ཆ་དང་། །དགུ་ཆ་དང་ནི་བཅུ་གཉིས་ཆ། །སུམ་ཅུ་ཆ་ཡི་ལོངས་སྤྱོད་དེ། །དུས་དད་མཁའ་རོས་སྟེང་དུ་དྲིལ། །སོ་སོའི་ཆུ་ཚོད་ལ་སོགས་འཆར། །སྤྱིར་ནི་ལྷོ་གླིང་དབུས་མའི་ཡུལ། །གངས་ལྡན་དང་ནི་ཀེ་ལ་ཤ །རྒྱ་ནག་ལི་ཡུལ་བོད་ཡུལ་དང་། །འཕགས་པའི་ཡུལ་ཏེ་ཡུལ་དྲུག་པོར། །ཀརྚའི་ཁྱིམ་གྱི་ཐོག་མ་ནས། །གཞུ་ཡི་མཐར་ཐུག་སླེབས་པའི་བར། ཁྱིམ་ཟླ་དྲུག་ལ་གངས་ལྡན་ནས། །རིམ་པར་ཆུ་ཚོད་ལྔ་དང་བཞི། །ཆུ་སྲང་བཅུ་བདུན་བདུན་ཆ་གཅིག །འཕེལ་བའི་གྲིབ་གཟུགས་ལ་ལྟོས་ནས། །ས་འདིར་འོས་པའི་དུས་སྦྱོར་གྱི། །རི་མོ་དྲི་མེད་

(༤༢༧)འོད་བཞིན་དཔྱད། །སྐར་རྩིས་ཀྱི་རིག་པ་ལ་འཇུག་པ་གོ་ལའི་རྣ་རྒྱན་ཅེས་བྱ་བ་ལས། ངོ་མཚར་གྱི་ཡོན་ཏན་རྒྱ་ཆེན་པོ་དང་ལྡན་པའི་དུས་སྦྱོར་བཤད་པའི་སརྒ་སྟེ་དགུ་པའོ།། །།ད་ནས་ཉི་ཟླ་སྒྲ་གཅན་དང་། །ཕྲད་པའི་ངེས་པ་བཤད་པར་བྱ། །དུས་ཚིགས་ཟླ་བ་དྲུག་རིའི་མཚམས། །ནང་ལྟར་འབྱུང་ལྔ་ཡེ་ཤེས་ཁམས། །ཁྱད་པར་དུས་གསུམ་དཀར་ནག་ཚིགས། །དྷྲཱུ་ཏིར་རླུང་སེམས་དག་པ་མཚོན། །འོན་ཀྱང་གླིང་གཞན་དེ་དང་དེར། །ཉི་ཟླར་སྒྲ་གཅན་ཞུགས་ན་ཡང་། །བྱིས་པ་རྣམས་ནི་ཡིད་མི་རྟོན། །དེ་ཕྱིར་མཐོང་ཆོས་གཏན་འབེབས་པ། །རི་མོའི་ལག་ལེན་ཡིན་པར་བརྟག །དེ་ལ་དང་པོ་ཟླ་འཛིན་ནི། །བཅོ་ལྔའི་གྲུབ་མཐའི་ཚེས་འཁྱུད་དང་། །སྒྲ་གཅན་ཆ་ཤས་ཤེད་མཉམ་འཆོས། །དེ་ལྟའི་ཚེས་འཁྱུད་ཟླ་སྐར་དེའི། །སྐར་གནས་དུས་མིག་དབྱུག་ཀླུ་ལག །སྲང་སྐྱོན་དབུགས་གཟུགས་ཤེད་མཉམ་ཆ། །འདོད་པས་སྦྱངས་པ་དེ་དང་ནི། །གདོང་མཇུག་སྐར་གནས་གཅིག་པའམ། །གཅིག་ཁྱད་འདུག་ཀྱང་བརྟག་བྱ་སྟེ། །གང་ཉེ་མང་ལ་ཉུང་གིས་སྦྱངས། །སྐར་གནས་སྟོང་པ་དབྱུ་གུ་རུ། །ཐིག་དབང་ཚུན་ཆད་ཤར་གྱུར་ནས། །སྤྲིན་ལས་རྣམ་རྒྱལ་ཚེས་བདག་དང་། །ངེས་པར་ཕྲད་པའི་ཚད་ཡིན་སྒྲིབ། །གཉིས་ཀ་སྟོངས་ན་འཛིན་པ་དཀའ། །སྒྲིབ་ཆ་ཆེ་ཆུང་སྦྱངས་ལྷག་གིས། །ཆུ་ཚོད་འབྱུང་བས་བགོས་ཐོབ་ནོར། །སྟོང་པ་ནས་བཟུང་རིག་བྱེད་པར། །ཤར་ན་དཀྱིལ་འཁོར་རིལ་པོར་སྒྲིབ། །འབྱུང་བ་ཤར་ན་དྲུག་ཆ་ལུས། །ཕྲོ་བར་གསུམ་གཉིས་རི་བོར་ཕྱེད། །གདེངས་ཅན་སུམ་ཆ་དགུར་དྲུག་ཆ། །བཅུ་ཐོབ་བརྒྱད་ཆ་ཙམ་སྒྲིབ་ཀྱང་། །སྤྱི་མཐུན་ཉིད་དུ་མངོན་པར་དཀའ། །སྒྲིབ་ཡུན་ཟླ་བ་བཅུ་དྲུག་ཆ། །མདུན་གྱིས་ཉ་བའི་བདག་ཉིད་ཅན། །དེ་ཡང་གདོང་འཛིན་མཐོང་མྱུར་བས། །རིལ་འཛིན་ཆུ་ཚོད་མི་བདག་དང་། །མཇུག་འཛིན་ཟིན་མ་ཐག་མི་མངོན། །ཆུ་ཚོད་བཅོ་ལྔར་རིག་པས་

(༤༢༨)བརྟག །དེ་བཞིན་གདོང་གིས་ཕྱེད་འཛིན་ཀླུ། །མཇུག་འཛིན་དེ་བས་གཅིག་དམན་སོགས། །མཐོང་ཆ་ཉིད་དང་བསྟུན་པར་དཔྱད། །ཟླ་བའི་འགྲོས་བཞིའི་ཁྱད་པར་དང་། །གཟའ་གཉིས་ཐུག་ཕྲད་གཡོན་བསྐོར་དུ། །རིམ་པར་སྒྲིབ་པའི་ངེས་པ་ནི། །ཟླ་བས་གདོང་དམ་མཇུག་མ་ཡིས། །ཟླ་བར་སྦྱོང་ཚེ་ནམ་ཕྱེད་ལ། །དབང་ལྡན་ནམ་སྟོད་བྱང་ལ་ཉེ། །ནམ་སྨད་བྱང་ཤར་ཤར་ཉེར་འཛིན། །གདོང་གིས་ཟླ་བའམ་དེ་ལྡོག་སྦྱངས། །ནམ་ཕྱེད་ཤར་ལྷོ་སྲོད་ཤར་ཉེ། །ཐོ་རེངས་མེ་ལྷ་དབང་ཉེར་འཛིན། །མཉམ་ན་ནམ་ཕྱེད་དབང་པོ་དང་། །སྲོད་ལ་དབང་ལྡན་ཐོ་རེངས་ནི། །མེ་ལྷར་ཉེ་བའི་ཤར་ནས་འཛིན། །དུས་ནི་དཀར་ཕྱོགས་ཟད་པ་དང་། །ནག་ཕྱོགས་ཐོག་མའི་མཚམས་ཉིད་ཕྱིར། །གྲུབ་མཐའི་ཟླ་རྐང་ཞལ་ལུང་བཞིན། །ཞིབ་བརྩིས་གྲུབ་པའི་ཚེས་ལོངས་གྲངས། །ཟད་པའི་དམར་ཕྱོགས་ཐོག་མར་འཇུག །དེ་ཡང་ཉིན་ཞག་ལོངས་སྤྱོད་ནི། །མཁའ་རོར་ཚེས་ལོངས་སྔ་མས་ཕྲི། །ལྷག་དང་ད་ལྟའི་ལོངས་སྤྱོད་བསྲེས། །དབང་པོ་རོར་སྦྱངས་ལྷག་མ་དེས། །སླར་ཡང་དྲག་པོར་སྦྱང་བར་བྱ། །གང་ལྷག་ནམ་མཁའ་མེ་ཡིས་བསྒྱུར། །མཁའ་རོས་ཐོབ་ནོར་དབྱུ་གུ་དང་། །ལྷག་མ་ཆུ་སྲང་གནས་སུ་བྱིན། །དེ་ཟད་མཚམས་སུ་ངེས་པར་འཛིན། །འོན་ཀྱང་ལྷོ་བགྲོད་འཆར་བ་བུལ། །ནུབ་པ་དེ་ལྡོག་བྱང་བགྲོད་དུས། །འཆར་མྱུར་ནུབ་པ་གོ་ལྡོག་གི ཁྱད་དང་གདགས་སྲིབས་རིའི་མཐོ་དམན། ཁོང་དུ་མ་ཆུད་སྐྱེས་བུ་ལ། །འཆར་ནུབ་མཚམས་ན་སྐྱེ་བོ་ཡི། །ཡ་ག་ཉོ་བའི་རིན་ཡོད་སྲིད། ཁ་དོག་རིལ་འཛིན་ཐོག་མཐའ་དུད། །ཆ་རྫོགས་གདོང་འཛིན་དམར་ནག་དང་། །མཇུག་འཛིན་ཟངས་ཁ་ཕྱེད་འཛིན་སྔོ། །དུམ་འཛིན་མིག་སྨན་མདོག་ཅན་ནོ། །སུམ་གཉིས་ལས་ལྷག་གདོང་འཛིན་ནི། །ལྕགས་བསྲེགས་མདོག་ལ་འཇུག་འཛིན་ཁམ། །མགོ་ལག་སྟེང་བཟུང་སྒྲ་གཅན་གྱི། །རང་མདོག་

(༤༢༩)བཻ་ཌཱུརྱ་ལྟར་སྣང་། །གཏོང་ལུགས་རིལ་འཛིན་གང་བཟུང་ཕྱོགས། །ཆ་འཛིན་ལྷག་པའི་ཕྱོགས་ནས་ཏེ། །གང་བཟུང་ཕྱོགས་དེའི་གདོང་ཐད་ནས། །སྒྲ་གཅན་གྲིབ་མ་ཟད་པའི་ཕྱིར། །གཡོན་བསྐོར་རིམ་བཞིན་གཏོང་བ་ཡིན།། །།དེ་ནས་ཉི་འཛིན་བརྟག་པའི་ཕྱིར། །གྲུབ་མཐའི་གནམ་སྟོང་ཉི་དག་དེའི། །ཆ་ཤས་སྒྲ་གཅན་ཤེད་མཉམ་བཟོ། །སྔར་གྱི་དབྲི་བྱེད་དེས་དམན་པ། །གནས་གཉིས་བཀོད་པའི་ཕྱོགས་གཅིག་དང་། །སྒྲ་གཅན་རྩ་བའམ་བུལ་བ་བསྲེ། །རྒྱུད་འགྲེལ་ཆོ་ག་མིན་སྲིད་ཀྱང་། ཁ་ཆེའི་པཎྜི་ཏ་ཡི་ལུགས། །གཅིག་དང་གདོང་མཇུག་གང་ཉེ་གཉིས། །སྐར་ཁོངས་གཅིག་ཏུ་ཚོགས་པའམ། །གཅིག་ཁྱད་འདུག་ཀྱང་བརྟག་བྱ་སྟེ། །གང་ཉེ་མང་ལ་ཉུང་གིས་སྦྱང་། །གདོང་གིས་ཉི་མར་ཕྲོགས་པའི་ཚེ། །སྐར་གནས་སྟོང་པ་དབྱུ་གུ་རུ། །མཁའ་དབང་ཚུན་ཆད་ཤར་གྱུར་ན། །ཕྱོགས་གཅིག་ཕྲད་པས་སྒྲིབ་པའི་ཚད། །ཁྱད་པར་དེ་ནི་རང་ཆ་ནས། །འདོད་ཡོན་སྤངས་ན་མན་ངག་ཡིན། །ཉི་མས་གདོང་སྦྱངས་གོ་ལྡོག་ཅེས། །འཛིན་ཆད་ཤར་ཡང་ནེམ་ནུར་ཅན། །ཆད་ནི་ཕུང་པོ་ཚུན་ཆད་དོ། །དུས་མེས་ཉི་མར་སྦྱངས་པའི་ལྷག །སྐར་ཐིག་དབྱུ་གུར་གདེངས་ཅན་ཚུན། །གོ་ལྡོག་ཡིན་ཡང་མཇུག་རིང་པས། །འཛིན་པར་བཤད་མོད་དེ་ལྟ་ནའང་། །འཇིག་རྟེན་ལས་དམན་བཤུལ་འཛོལ་སྲིད། །ཉི་མས་དུས་མེའི་ཆ་ཕྲོགས་ལྷག །སྐར་ཐིག་དབྱུ་གུར་མཁའ་ཆུ་ཚུན། །འཛིན་པའི་རི་མོ་ཡིན་པ་སྟེ། ཁྱད་པར་གདོང་འཛིན་སྒྲ་གཅན་ལས། །ཉི་མ་མང་བ་བཙན་པའི་ལུགས། །མཇུག་འཛིན་ལ་ནི་དེ་ལས་ལྡོག །གང་ཚེའང་ཕན་ཚུན་སྦྱངས་ལྷག་དེས། །སྔར་བཤད་ཉི་བུལ་གཉིས་བསྲེས་དེར། །གདོང་འཛིན་ཡིན་ན་དམན་པར་བྱ། །མཇུག་འཛིན་དེ་ལྡོག་རང་འཁོར་དྲིལ། །འཁོར་བྱེད་ལྷག་ནའང་ཀུན་འབྱུང་གི། །རི་མོ་ཆོས་ཀྱི་དབྱིངས་སུ་སྦྱང་། །གནས་ཀུན་སྟོང་པ་

(༤༣༠)ཉིད་ཀྱི་ཆོས། །བཟུང་འཛིན་ལས་རླུང་རོ་རྐྱང་གི། །རྒྱུ་བ་དབུ་མ་སྒྲ་གཅན་དབྱིངས། །ཡེ་ཤེས་ཆེན་པོར་རོ་གཅིག་པས། །སྣོད་དུ་ཉི་ཟླ་སྒྲ་གཅན་གྱིས། །ཟིན་དང་ལྷན་ཅིག་བཅུད་ཀྱི་མཆོག །སྟོན་པ་མངོན་པར་སངས་རྒྱས་པའི། །རང་བཞིན་ཤེས་པའི་སྐྱེས་བུ་ཡི། །ཕྱི་ནང་གཞན་གསུམ་རྣམ་གཞག་རིག །འོན་ཀྱང་སྐྱེ་བོ་རྨོངས་པ་རྣམས། །དགེ་ལ་སྦྱོར་ཕྱིར་རིགས་བྱེད་དང་། །གཏམ་རྒྱུད་ལས་བཤད་དྲང་དོན་གྱི། །ཆོ་ག་ཞིབ་མོས་གཞན་སྣང་བསྒྱུར། །དེ་ལ་སྒྲ་གཅན་མཐོ་དམའ་མེད། །རྟ་བདུན་ལ་ནི་འགྲོས་བཞི་དང་། །ཁྱིམ་གྱི་བྱེ་བྲག་མཐོ་དམན་དང་། །གཡོ་བ་འཁྲིག་གཞུའི་ཁྱིམ་གནས་དང་། །ལྷོ་བགྲོད་ཀརྚའི་ཁྱིམ་ནང་དུ། །འཁྱོག་འགྲོས་དང་པོའི་ཉིན་ཞག་དང་། །ལྡོག་གཉིས་ཕྱོགས་ལ་ཉེ་བ་དང་། །ཚེས་གྲངས་ལྷག་ཆད་གཏུགས་པ་དང་། །ཞི་གཟའ་གཉིས་དང་ལྷན་ཅིག་ཚོགས། །ཉི་ཟླའི་རྣ་ཆ་དག་པ་ཞེས། །འཛིན་པ་དཀའ་ལ་ཀརྚ་དང་། །ཆུ་སྲིན་ཁྱིམ་ལ་བཟུང་ན་ཡང་། །ཆ་ཆུང་དེ་ཡི་ཏཱཏྐལ་དང་། །འགྲིག་ཀྱང་འཛིན་ཆ་ཆུང་བ་ཉིད། །ཤར་ནུབ་གླིང་གཉིས་ཉིན་མཚན་མཉམ། །དེ་ཚེ་ལྷོ་གླིང་སྔ་དྲོ་དང་། །ཕྱི་དྲོའི་ཆ་བཙན་དགུང་གི་དུས། །བགྲོད་གཉིས་སྟབས་ལས་ལམ་འཛོལ་སྲིད། །གླིང་འདིར་སྟོན་དཔྱིད་ཉིན་མཚན་མཉམ། །དགུང་ལ་འཛིན་པའི་རི་མོ་བཙན། །ཤར་ནུབ་གཉིས་ཀྱི་བགྲོད་པ་དང་། །མཉམ་གཉིས་ལམ་དུ་ཕྲད་པ་ཡིན། །སྔ་དགུང་དེ་ལས་ལྡོག་པའོ། །དེ་བཞིན་ཉི་རྐང་རི་བོང་ཅན། །བདག་གིར་སྐྱེད་པའི་དུས་མི་བསླུ། །མཚོ་ལ་སྣ་ཆགས་དུས་ལ་དཀའ། །འཛིན་ཆ་ཆེ་ཆུང་རགས་པ་ནི། །སྦྱངས་ལྷག་གདོང་འཛིན་ཉེར་གཉིས་གསུམ། །མཇུག་འཛིན་བཅུ་དགུ་ཉི་ཤུ་ལ། །རིལ་པོར་སྒྲིབ་ཅེས་གྲགས་པ་སྟེ། །ཞིབ་པར་ཉི་མའི་དཀྱིལ་འཁོར་ནི། །བཅུ་གཉིས་ཆ་སྟེ་རྒྱབ་

(༤༣༡)ཀྱིས་ཉ། །སྦྱངས་ལྷག་དབྱུ་གུར་དྲང་སྲོང་ཚུན། །གདོད་འཛིན་ཕྱོགས་དང་དུས་མེར་ཚེས། །སླན་ནོ་ཐུབ་པ་ལས་ཐལ་ན། །གདོང་འཛིན་ཡོན་ཏན་མཇུག་མར་བགྲོད། །བརྒྱན་དེ་སྐབས་བཙལ་ནུར་བྱིན་རྗེས། །གདོང་མཇུག་གཉིས་པོ་གང་ཡང་རུང་། །སླན་པའི་ཚོགས་དེས་མཁའ་རོར་སྦྱངས། །ལྷག་མ་ཁྱིམ་བསྒྱུར་མཁའ་རོ་ཡིས། །ཐོབ་པ་སྒྲིབ་ཆའི་བྱ་ར་སྟེ། །འཇིག་རྟེན་ལ་ནི་བཞི་ཆ་སྒྲིབ། །ཕྲ་བར་ཕྱད་འཛིན་སྲིན་པོ་ལ། །བཞི་ཆ་གསུམ་དང་ཁྱིམ་བྱུང་ན། །རིལ་པོར་འཛིན་ཞེས་གྲགས་ན་ཡང་། །བསླུ་བ་མེད་པའི་ཞིབ་རྩིས་ནི། །མྱོང་བ་ཉིད་ཕྱིར་ངག་ལས་ལོངས། །འཛིན་ཡུན་ཆ་རེར་ཆུ་ཚོད་རེ། །ཕྱོགས་ནི་ཉི་མར་གདང་མཇུག་སྦྱངས། །ཉི་ཕྱེད་ལྷོ་ནུབ་སྔ་དྲོ་ལྷར། །ཉེ་དང་ཕྱི་དྲོ་ནུབ་ལ་ཉེ། །ཉི་མས་དུས་མེར་སྦྱངས་པའི་ཚེ། །ཉི་ཕྱེད་ནུབ་བྱང་སྔ་དྲོའི་དུས། །བྱང་ཉེ་ཕྱི་དྲོ་ནུབ་ལ་ཉེ། །མཉམ་ན་ཆུ་ལྷའི་ཕྱོགས་དྲང་པོའོ། ཁ་དོག་དང་ནི་ལུས་པའི་ཕྱོགས། །གཏོང་ལུགས་ཕལ་ཆེར་ཟླ་བར་མཚུངས། །དུས་ནི་སྤྱི་དང་བྱེ་བྲག་གཉིས། །སྤྱིར་ནི་ཁྱིམ་ཟླ་ལུག་འཁྲིག་སོགས། །མཉམ་པ་མིན་པའི་གནམ་སྟོང་ལ། །སྲེད་དང་སྡང་བ་མུན་པ་ཅན། ཁམས་རྫགས་གསུམ་པ་མུན་པའི་དུས། །ཉི་རྐང་རྟེན་འབྲེལ་རེག་པའི་དབུས། །ཞུགས་ལས་འཛིན་དང་ཕྱོགས་གཉིས་ཏེ། །སྔ་ཕྱིའི་ཉ་དེར་དཀར་ཆ་ལའང་། །སྒྲ་གཅན་འཇུག་པ་ཆོས་ཉིད་དོ། །བྱེ་བྲག་སྟོང་དེའི་གུང་མཐའ་ཡི། །ཟླ་རྐང་དེས་བ་ཞལ་ལུང་བཞིན། །ཞིབ་བརྩིས་ཆུ་ཚོད་ཟད་པའི་མཚམས། །དཀར་ཕྱོགས་ཐོག་མ་ཉིད་དུ་འཛིན། །དེ་ཡང་ས་འདིར་མངགས་པ་ཡི། །དུས་སྦྱོར་རྣམ་དག་འཆར་གཞི་ལས། །ཐུར་ཤིང་གིས་བཙལ་ཆུ་ཚོད་ཀྱིས། །གདགས་སྲིབས་རི་བོའི་མཐོ་དམན་དཔྱད། །དེ་བཞིན་ཟླ་གྲིབ་ཉིད་ལ་ཡང་། །མྱུར་ཁྱད་རིག་པས་དཔྱད་པ་ཡི། །ཏཱཏྐལ་ཡི་མེ་ལོང་ནང་། །འདས་དང་མ་འོངས་སྲང་གི་བྱད། །ཆོ་ག་ཟབ་མོས་དཔྱད་ཤེས་

(༤༣༢)ན། །དུས་ཀྱི་ངེས་པ་བསླུ་མི་འབྱུང་། །བསྡུས་རྒྱུད་བུ་ཡིག་མྱོང་རྩིས་ཀྱི། །ཁྱད་པར་མང་མོད་འདིར་རེ་ཞིག །བརྗོད་པ་ཉུང་བ་ཉིད་ལ་བསྡུས། །སྐར་རྩིས་ཀྱི་རིག་པ་ལ་འཇུག་པ་གོ་ལའི་རྣ་རྒྱན་ཅེས་བྱ་བ་ལས། །ཉི་ཟླར་སྒྲ་གཅན་འཇུག་པ་བཤད་པའི་སྐབས་ཏེ་སརྒ་བཅུ་པ་དོན་དམ་བདེན་པའི་མཚན་ཉིད་ལ་སྦྱར་བས་རེ་ཞིག་རྫོགས་སོ།། །།རི་མོ་སྐྱེ་ བ་ཤཱག་གྲི། ཤང་དབང་། སིངྷརྦར། ལྷ་ཕྱག །ཀོང་འབུམ། བྷུ་ཏི། འབྲི་དཀོན། གསོར་ཤིང་སོགས། བའི་ས་བོན་ཏེ། །འདས་ལོ་རྒ་བའི་གཉའ་ཤིང་གིས། །རྩིས་མཁན་ཕྲག་པ་རྡུབ་བྱས་པ། །དབུགས་འབྱིན་སླད་དུ་དེ་ཙམ་སྨོས། །དེ་ལས་གཞན་པ་ཞག་གསུམ་གྱི། །དཀྱིལ་འཁོར་རྣམ་པར་དབྱེ་བ་ཞེས། །ཉི་མས་དུམ་བུ་བཅུ་གཉིས་པའི། །གླིང་ལ་ཉིན་ནུབ་བྱེད་ཚུལ་གྱི། །ཉིན་ཞག་ཕྲུགས་གཅིག་འཁོར་ལོ་དང་། །ཟླ་བའི་དཀར་ནག་འཕེལ་འགྲིབ་ནི། །བཅོ་ལྔ་བཅོ་ལྔའི་ཆ་རེ་ཡི། །ཡུན་ལ་བཏགས་པ་ཚེས་ཞག་དང་། །ཉི་བར་ཁྱིམ་རེ་འཕོ་བའི་ཡུན། །སུམ་ཅུའི་ཆར་བཏགས་ཁྱིམ་དག་གསུམ། །རང་རང་རྟག་པའི་ལོངས་སྤྱོད་ཀྱིས། །རྣམ་པར་གཞལ་བྱེད་ཉི་མ་ཡིས། །སྐར་ཁྱིམ་འཁོར་བའི་ཡུན་ཚད་ལ། །ཞག་གསུམ་ཚད་དེས་གཞལ་བ་ཡིས། །དཀྱིལ་འཁོར་གསུམ་དུ་འབྱུང་བ་དང་། །དུས་མེ་མ་གཏོགས་གཟའ་ཀུན་གྱི། །རང་འཁོར་ཟད་པ་མེ་སྟག་ལོའི། །དབོ་ཟླའི་སྟོང་གི་ཉ་ཁྱིམ་མཐར། །ལྷན་ཅིག་སྟོང་པར་འཇུག་བྱེད་ཅིང་། །སོ་སོའི་རྐང་པ་དག་ཚུལ་གྱི། །དཀྱིལ་འཁོར་མཚན་ཉིད་དབྱེ་བ་ལ། །སྟོང་འཇུག་ཅེས་གགས་རི་མོ་ཡི། །གོ་བ་མཐའ་དག་སློང་བའི་ཐབས། །དཔལ་ལྡན་རྒྱུད་དང་དེའི་འགྲེལ་ཆན། །བྷོ་ཊའི་པད་དཀར་ཞལ་ལུང་དང་། །ལྷན་ཐབས་སྒོ་བརྒྱ་འབྱེད་ལྡེ་དང་། །ཚིག་དོན་རྟོགས་དཀའི་བྲིན་བྲིས་དང་། །སྤྱི་ནོར་གསལ་བྱེད་སྒྲོན་མེ་དང་། །བྱེད་གྲུབ་རྣམ་འབྱེད་མུན་སེལ་སྒྲོན། །དེ་ལ་སོགས་

(༤༣༣)པའི་གནད་བསྡུས་པའི། །རྩིས་གཞུང་དག་ཏུ་གསལ་ཕྱིར་དང་། །དེ་བཞིན་སྦྱོར་དགྲོལ་འབྲས་རྩིས་སོགས། །ལེགས་འདོམས་ཤོག་ཁྲས་གཏན་ཕེབས་ཕྱིར། །འདིར་མང་སྨོས་པ་དགོས་པ་ཅི། །གང་ཞིག་སྤྱི་བ་ཡོད་ཕྱིན་ཆད། །རྒ་རྣ་འཆི་འཕོས་འཇིག་རྟེན་ཀུན། །མ་རུངས་བྱས་པའི་འཁྲུལ་འཁོར་འདིར། །སྐྱོ་ནས་དབེན་པར་བསམ་གཏན་པ། །ལམ་འདིའི་ཀུན་རྟོག་ཉེར་ཞི་ནས། །འདོར་བྱེད་སུམ་ཅུའི་གྲངས་སུ་ཐལ། །དེ་ལྟ་ན་ཡང་དེ་རིང་འདིར། །གསར་དབུའི་རིག་པ་བློ་གསལ་བ། །དཔོན་པོ་འོད་ཟེར་ཕྲིན་ལས་ཀྱིས། །བསྐུལ་ཞིང་རི་མོའི་གྲོགས་བགྱིས་ནས། །བྱང་ཆུབ་དམ་པའི་ནགས་ཁྲོད་ནི། །དཔལ་ལྡན་པདྨ་འོད་གླིང་དུ། །རང་བྱུང་རྡོ་རྗེ་མཁྱེན་བརྩེའི་ལྷ། །ཨ་བྷ་ཝ་དྷཱི་པ་དེས་སྦྱར། །ཐ་སྙད་རྟོག་པའི་ས་བོན་ཕྱིར། །གོམས་པ་མ་བརྟས་ནོངས་གྱུར་གང་། །རྙོག་པའི་ཆ་ཤས་བགྲུངས་བྱེད་པའི། །དྲན་དབང་རྣམས་ལ་གཤུང་བ་མིན། །དགེ་བ་འདི་ཡིས་བདག་དང་འགྲོ། །ཕྱི་ནང་གཉིས་ལས་གཞན་གྱུར་པའི། །ངོ་བོ་ཉིད་མེད་དུས་འཁོར་ལོའི། །གོ་འཕང་ཚེ་འདིར་མངོན་གྱུར་ཤོག། །།གཏམ་ཚོགས་ལེའུ་གཉིས་པའི།། །།ལྷོ་ཕྱོགས་རྒྱ་གར་གྱི་གཏམ་བརྟག་པ་བརྒྱད་ཀྱི་མེ་ལོང་ཞེས་བྱ་བ། ལྷ་མོ་འོད་ཟེར་ཅན་མ་ལ་ཕྱག་འཚལ་ལོ། །གང་ཞིག་དམ་པ་མ་ཡིན་ཀྱང་། །ཆོས་ཞེས་བྱ་བའི་ངེས་ཚིག་ནི། །འཇིག་རྟེན་ཉིད་ཀྱི་མངོན་བརྗོད་ལའང་། །འཇུག་ཅིང་ཁྱད་པར་རི་བོང་ཆལ། །ལ་བརྟེན་བསྟི་གནས་སྤོང་བ་དང་། །བསམ་གཏན་ཚེར་མ་འབྱིན་པའི་སླད། །བརྟག་པ་བརྒྱད་ཀྱི་མེ་ལོང་བཤད། །དེ་ལ་ལྷོ་འཛམ་བུའི་གླིང་འདི་སོ་བ་ཁའམ་ཤིང་རྟའི་དབྱིབས་སུ་ཡོད་པའི་ཁ་གདངས་ཆེ་བ་རི་རབ་དང་། ཆུང་བ་རྒྱ་མཚོའི་མུ་ཁྱུད་ལ་བསྟན་པའི་ཚུལ་མདོ་སྡེ་ཁང་བུ་བརྩེགས་པ་ལས། ཀུན་དགའ་བོ་ཁྱོད་ཀྱིས་འཛམ་བུའི་

(༤༣༤)གླིང་མཐོང་ངམ། ཀྱཻ་བཙུན་པ་མཐོང་ལགས་སོ། །འཛམ་བུའི་གླིང་གི་གླིང་ནི་ཞེང་དུ་དཔག་ཚད་བདུན་སྟོང་། ཆུར་ཡང་དཔག་ཚད་བདུན་སྟོང་། དེ་ལ་བྱང་གི་ཞེང་ནི་ཆེ། །ལྷ་ནི་ཤིང་རྟའི་དབྱིབས་སོ། །ཞེས་པ་ལས། རྒྱ་གར། ཁ་ཆེ། ཏ་ཟིག་གསུམ་ནི་སོག་པའི་ཡུ་བ། བོད་རྣམས་སོག་པའི་ཏེར་ཏེར་པོ། རྒྱ་ནག །འཇང་། ཧོར་རྣམས་སོག་པའི་ཁ་གདངས། སོག་པའི་ཁ་སྒོར་ལ་མཐའ་འཁོབ་སུམ་ཅུ་རྩ་དྲུག་ཡོད་པ་ལས། རྒྱ་བོད་ཀྱི་མཚམས་ན་ལྷོ་མོན་ཁ་བཞིར་གྲགས་པའི་ལས་སྒོ་ནི། འདི་ལྟ་སྟེ། སྤུངས་ཐང་དབུས་སུ་བྱས་པའི་ཤར་གདུང་བསམ་ཁ། ལྷོ་དཔག་བསམ་ཁ། ནུབ་རྔ་གླིང་ཁ། བྱང་སྟག་རྩེ་ཁ་བཞི་ལས་དང་པོ་གསུམ་ནས་རྒྱ་གར་དུ་བགྲོད་པ་མང་བས། ཤར་གྱི་ཤར་ཨ་མ་ཏཱ་ལ་ནས་ལྷོ་དྲང་པོར་ཕྱིན་པ་ཨ་ཤོང་གིས་མཚམས་ན་ཤིང་གྷི་རི་ཟེར་བའི་གནས་ཕྱི་མཆོད་རྟེན་ལ་ནང་མཚོར་སྣང་བའི་དབུས་ན་སྟོན་པའི་རྡོ་སྐུ་དང་པོ་སྐུ་དངོས་སུ་མཐོང་ཡང་། དུས་ཕྱིས་མཚོར་ནུབ་པ་ལག་པས་བཙལ་ན་དབུའི་གཙུག་ཏོར་ལ་རེག་པ་དང་། ཉེ་སྐོར་རྡོ་ལེབ་ཆེན་པོའི་དབུས་ཀྱུ་རུ་རའི་སྡོང་པོ་ཡོད་པ་སྟོན་པའི་དབུ་སྐྲ་ཉ་གཅིག་ལུས་པ་ལས་འཁྲུངས་པ་ཡིན་ཟེར། དེའི་ཤར་ཕྱོགས་ལ་ཨ་ཤོང་གི་ཡུལ་ཁམས་ལ་རི་ཐང་གཉིས་ཀ་ཡོད་པས། གླང་པོ་ཆེ་དང་། མ་ཧེ་དང་། སྦྲུལ་སོགས་ཡོད་ལ། ཁོ་རང་གི་ཁྱད་ནོར་རྒྱ་དར་འཁོར་ལོ་དང་། གླང་ཆེན་དང་། མེ་ཏོག་ལ་སོགས་པའི་རི་མོ་ཡོད་པ་དང་། ལིའི་དཔྱད་པ། ཐ་ལི། གྷ་ཊ། བྷ་ཊ། ལོ་ཊ། གཟེད་ཞལ་སྐེད་ཉག །བ་སོ་ལས་གྲུབ་པའི་རེ་ལྡེ་དང་། བསིལ་ཡབ། གཡའ་ཕྲུག །སྒམ་ཆུང་གླིང་མང་། གླང་མཆེ་སོགས་རུས་དཔྱད་དང་། རྨ་བྱའི་གདུགས་དང་། བསིལ་ཡབ་སོགས་ཐོན། རང་གི་

(༤༣༥)ཡུལ་ནས་གསེར་ཐོན་ཟེར་ཡང་། བོད་ཀྱི་གསེར་ཐམས་ཅད་ལོའི་ལས་སྒོ་ལ་འགྲོ་བ་མང་། མངའ་རིས་ཀྱི་མཐའ་ཚོར་མི་མཇུག་མ་ཅན་དང་། རྣ་བ་ཆེན་པོ་ཡང་ཡོད། རྟ་མཆོག་ཁ་འབབ་ཀྱི་ལོ་ཧི་ཏ་འདི་ཡང་ཀོང་པོ་རྒྱལ་ནས་ཀློ་ཡུལ་དང་། པདྨ་བཀོད་ཆེ་ཆུང་ལ་བདར་ཏེ་ཙཱ་རི་བསྐོར། རྒྱ་དཀར་ནག་གི་མཚམས་ཀློ་ཁ་ཁྲའི་ཡུལ་བརྒྱུད་ཨ་ཤོང་གི་གཞུང་ལ་འབབ་པས། རོང་སྐོར་ལམ་ཕྱོགས་གཅིག་གི་དུས་ཆུ་ཆེན་གྱི་ཕ་རིར་ཨ་ཙ་ར་འགྲོ་ལྡོག་བྱེད་པ་མཐོང་ཟེར། ཨ་ཤོང་གི་ཤར་མཐའ་ཟད་པའི་རི་བྲག་གི་དབར་ན་བུ་ལ་མདུན་མ་བྱེད་པའི་ཚེ་ཆུང་མའི་འབོགས་སུ་མ་མགོ་གཤེར་བའི་ཁ་ཁྲ་དང་། བྷྲྀ་དྷོ་ཟེར་བའི་ཀློ་ལོངས་སྤྱོད་ཀྱི་གཙོ་བོ་བ་མེན་ལ་བྱེད་པ་ཡོད། ཐུབ་པས་སྤངས་པ་མིན་པའི་བསྐལ་པར་ཡང་། །མ་ཤ་བཟའ་དང་དུད་འགྲོའི་རྣམ་ཤེས་ཅན། །སངས་རྒྱས་འབྱུང་ལ་མཉེས་པར་མི་བྱེད་པའི། །ལས་འབྲས་ཡིན་ན་བསམ་ཤེས་ཅན་དག་སྨྱོ། །དེ་ལ་གྷྲྀ་དྷོ་ན་རེ། ངེད་ཅག་དང་པོར་སྲིན་པོའི་རིགས་ཡིན་པས། མིའི་ཤ་ཁྲག་ལ་ལོངས་སྤྱོད་དེ་སློབ་དཔོན་གུ་རུས་བཀག་པ་ནས། ངེད་ཀྱི་དཔོན་དང་གུ་རུ་རྫུ་འཕྲུལ་འགྲན་པར་བྱས་པས། བྲག་ལ་མདའ་འཕེན་པ་སོགས་ཁྱད་པར་མ་བྱུང་། སློབ་དཔོན་གུ་རུ་ནམ་མཁར་གཤེགས་པས་འགྲན་མ་ནུས་ཏེ། ངེད་ཅག་དམ་འོག་ཏུ་བཅུག་པའི་རྟགས་ཡིན་ཟེར། ད་ལྟ་རྐང་ལག་གི་ངར་པ་ཚོར་རྩིད་སྐུད་ཀྱིས་དཀྲིས། མི་ཤ་མི་ཟ་བར་བཀར་བཏགས་ཚེ། བདག་ཅག་གི་ལྟོ་མི་རྙེད་བྱས་པས། སློབ་དཔོན་གུ་རུས་ནམ་མཁའ་ནས་བ་མེན་ཕོ་མོའི་ས་བོན་བཀུག་ནས་འདིའི་འོ་མ་ལ་ལོངས་སྤྱོད་ཅེས་ལྟོ་སྐལ་དུ་བྱིན་པ་ལས། འཕེལ་བ་ཡིན་ཟེར། དེ་ལ་རིན་ཆེན་པོ་བྱིན་ནས་ཤར་ལས་སྒོ་ཚོར་འཕེལ་བ་ལ་རྒྱ་ཚ་ཟེར། ཤིང་གྷྲྀ་རི་ནས་ནུབ་དྲང་པོ་ན་ད་ལྟ་གྲགས་ཚོད་ཀྱི་རྩྭ་མཆོག་གྲོང་དང་། བྱ་རྒོད་ཕུང་པོ་ཡོད། རྩྭ་མཆོག་གྲོང་ནས་བྱང་དྲང་པོར་ཉིན་ལམ་

(༤༣༦)གསུམ་ཕྱིན་ན་གདུང་བསམ་བདེ་བ་ཐང་ཟེར་བར་སླེབ། ཨ་རུ་རས་མཚོན་པའི་འབྲས་བུ་གསུམ་ཀའི་ནགས་ཚལ། ཨ་ཀ་རུ་དང་། དུ་རུ་ཀ །བིལྦ་སོགས་ཡོད། གདུང་བསམ་བདེ་བ་ཐང་ཟེར་བ་ནས། ཨ་ཤོང་གི་ལས་སྒོ་ཆེ་བ་བ་ཤ་ཀའམ། ཀཱ་མོ་རཱུ། པ་ཟེར་བ་ཡོད་པའི་བར་ལའང་ལོ་ཧི་ཏའི་ཆུ་ཀླུང་འགྲོ། རྒྱ་མཚམས་དེར། བིལྦ། དོང་ཀ །ཀོ་བྱི་ལ། ཞོ་ཤ་གསུམ། སེ་འབྲུ། བ་ཤཀ །ང་ལག་སི། ན་ལེ་ཤམ། པི་པི་ལིང་། ཀ་ཀོ་ལ། འཁྲི་ཤིང་། སླེ་ཏྲེས། སོ་མི། སྒྲུ་མ་སོགས་སྐྱེ། ཨ་ཤོང་བརྒལ་བའི་ལྷོ་ཕྱོགས་རི་བྲག་བཙན་པོ་ཞིག་ན། གྷ་རོ་གཟེར་བའི་རྒྱལ་ཕྲན་ཞིག་ཡོད། ལིའི་སྡེར་དཔྱད་ཆེན་པོ་ཐོ་རིས་གསལ་བ་དེ་ནས་འོང་། ཁོའི་ཡུལ་མཐའ་ལ་ཆུ་ཀླུང་ཆེན་པོ་ཞིག་ཤར་ནས་ནུབ་བརྒྱུད་འགྲོ་བ་ཀ་ལི་ཀ་ཏར་སླེབས་མཚམས་ནས་ཕེ་རེང་བ་རྣམས་ཀྱིས་གྲུ་གཟིངས་སྒོར་མོ་ལྕགས་གཟེར་ཀྱི་ཚ་བ་ཏུ་ཚར་ཟེར་བའི་སྦ་འདོམ་ཉི་ཤུ་ཙམ་ཡོད་པས་བསྡམས་པ་ལ་ཞུགས་ནས་རྒྱ་ནག་ཏུ་ཚོང་ལ་འགྲོ། རྒྱ་ནག་པས་པི་ཅིང་ནང་ལ་མི་གཏོང་ཡང་། ཚོང་རྒྱག་པའི་ས་ཡུལ་ཅིག་ཁོ་ལ་བྱིན་བར་རྒྱ་དཀར་ནག་གཉིས་ཀ་འཛོམ། དེའི་སྟབས་ཀྱིས་རྒྱ་གར་ལ་ཙི་ནའི་དཔྱད་དངོས་ཐམས་ཅད་ཡོད་ཟེར། ཡང་ཕག་རི་དང་མོན་སྤ་གྲོ་ཉེ་ཞིང་། སྤ་གྲོ་ནས་ལྷོ་དྲང་པོ་ཉིན་ལམ་ལྔ་དྲུག་གིས་ན་དཔག་བསམ་ཁ་ཡོད། དེ་ནས་ལྷོ་དྲང་པོར་ཉིན་ལམ་གཅིག་ན། རྩེ་བཟང་ཁ་སྟོད་ཟེར་བ་ད་ལྟ་ལྷོ་འབྲུག་གིས་བདག །ཀ་ཙ་རའི་གྲོང་རྡལ་ཡོད། འདི་དག་རྒྱ་གར་ཁ་སྟོད་རི་ཐང་གཉིས་ག་ཡོད་པས་སྟག་གཟིག་དང་། གུང་། ཕག་རྒོད། མ་ཧེ། ཤ་བ་སོགས་ཀྱང་ཡོད། སྟག་དང་ཕག་རྒོད་གཉིས་མཐོང་བར་སྔ་ཤོས་དེ་རྒྱལ་ལ། གུང་རྩལ་ཆེ་བས་ལྗོན་ཤིང་སྟེང་ནས་སྟག་ལ་མཆོངས་ཏེ་གསོད་པས། བོད་ན་གུང་གདན་ཆེ་བར་བྱེད་པ་འདི་ལ་རྟོག་

(༤༣༧)པས་བརྟགས། དེ་ནས་ལྷོ་དྲང་པོར་ཉིན་ལམ་གཅིག་ན་བྷེ་ཧར་རམ། གྷ་ཊ་ཀ་ཟེར་བ་དབང་ཕྱུག་གི་བརྒྱུད་པ་ཡིན་ནོ་བའི་རཱ་ཛ་ཆེ་བ་ཞིག་ཡོད་པ་ད་ལྟ་ཕེ་རེང་གིས་བདག །དེ་ནས་ལྷོ་དྲང་པོར་རོང་ཕུའི་ལས་སྒོ་ནས་བྱུ་རུ། སྤོས་ཤེལ། མུ་ཏིག །འགོ་སྣམ། ཙན་དན། བཟང་དྲུག །རས་སྲབ་ལ་ཁ་ཞེང་ཆེ་བའི་ཁ་ཤ་ཟེར་བ་རྣམས་ཐོན། རོང་ཕུ་ནས་ཤར་ཕྱོགས་སུ་སོང་ན་ཛོ་ཀི་གྷོ་བ་ཟེར་བའི་ཡུལ་རི་ཐང་གཉིས་ཀ་ཡོད་པའང་ཨ་ཤོང་གིས་མཚམས་ཡིན། དེ་དང་ཐག་ཉེ་བ་ན་སྤྲེའུའི་ཡུལ་ཁམས་སུ་གྲགས་པ། སྤྲེའུའི་དཔོན་བློན་འཁོར་མང་པོ་དང་བཅས་པའི་ཞལ་ཏ་བ་བྲམ་ཟེ་ཞིག་གིས་བྱེད་པ་ཡོད། སྤྲེའུའི་མངའ་ཞབས་སུ་སྡོད་པའི་མི་རྣམས་ཀྱི་འབྲས་ཞིང་བགོ་བཤའ་བྱས་པའི་ཆ་ནས་འབྲས་གཡོས་སྦྱར་བ་སྤྲེའུ་ལ་བསྟབ་དགོས། གལ་ཏེ་མ་བསྟབས་ན་སྤྲེའུ་ཐམས་ཅད་ཀྱིས་འབྲས་ཞིང་རྙོག་ནས་སྟོན་ཐོག་བསྡུ་རྒྱུ་མི་ཡོད། མངའ་ཞབས་པས་གཡོས་སྦྱར་བ་བྱུང་བའི་ཚེ། བྲམ་ཟེ་ཞལ་ཏ་བས་སྤྲེའུའི་རྒྱལ་པོ་བཙུན་མོ་བློན་པོ་ནས་རིམ་པར་སྐལ་བ་བཅད་ཚར་བ་དང་། རྒྱལ་པོ་ནས་རིམ་པར་འོངས་ཏེ་ལོངས་སྤྱོད། གཡོས་སྟབ་མཁན་ལ་མི་དགེ་བ་འོང་རྒྱུ་ཡིན་ན་སྤྲེའུས་ཟས་མི་ཟ། མི་དེ་རྣམས་བུ་ལོན་ཆགས་པ་སོགས་སྔ་ཕྱི་དགོས་པ་བྱུང་ཡང་། བྲམ་ཟེ་ལ་བརྡ་སྦྱར་བས། སྤྲེའུའི་རྒྱལ་པོས་ཊཾ་ཁ་ཙམ་དགོས་སྔ་ཕྱི་སྟེར་ཟེར། སྲིད་པ་ལས་ཀྱིས་བསྐོས་པ་འདིར། །བཙན་པོའི་མཐུས་ཀྱང་མི་བརྫི་ན། །གྱ་གྱུའི་སྤྱོད་པ་འབའ་ཞིག་ལ། །རེ་ལྟོས་འཆའ་བ་སྨྱན་པ་ཡིན། །ཡང་རོང་ཕུའི་ལས་སྒོ་ནས་ལྷོ་ཕྱོགས་ཀྱི་ཡུལ་གྲུ་མང་པོ་བརྒལ་བ་ན། ཌ་ཀ་ཟེར་བའི་རྒྱལ་ཁག་ཆེ་བ་རྒྱ་མཚོ་དང་ཐག་ཉེ་བར་ཡོད་པར་ཡང་ཕེ་རེང་པས་བདག །རོང་ཕུའི་ནུབ་ཕྱོགས་ལ་མོང་གོར་ཟེར་བའི་རྒྱལ་ཕྲན་ཞིག་ཡོད་པ་སྔར་ལྷོ་འབྲུག་གིས་བདག་ཀྱང་གོརྵས་བླངས། ཡུལ་དེའི་ལྷོ་ཕྱོགས་ན་

(༤༣༨)ཁ་གྷར་ཟེར་བའི་ཡུལ་ཕྲན་ན་ཚོང་དཔོན་ཙནྜ་ཕ་ལའི་ཁྱིམ་ཡིན་ཟེར་བའི་ཁང་ཤུལ་ཡོད། མོང་གོར་གྱི་ནུབ་ཕྱོགས་བལ་པོ། ཡམ་བུ། ཡེ་རང་། ཁོ་ཁོམ་གྱིས་མཚོན་པའི་རྒྱལ་ཕྲན་ཉི་ཤུ་སྐོར་ཡོད་པ་རྒྱལ་བསྟན་ལ་གུས་པ་ཅན་ཡིན་ཡང་། འཕྱིས་ཨ་སུ་རའི་བརྟུལ་ཞུགས་འཛིན་པ་གོརྵས་མནན། ད་ལྟ་ཡུལ་དེ་ན་བཞུགས་པའི་མཆོད་རྟེན་བྱ་རུང་ཁ་ཤོར་དང་། འཕགས་པ་ཤིང་ཀུན་གཉིས་ཀྱང་གཞན་སྣང་ཙམ་དུ་བསྟི་སྟང་ཆུང་བར་བཞུགས། མོང་གོར་གྱི་བྱང་ཕྱོགས་འབྲས་མོ་ལྗོངས། ཁ་ཆེ་ནི་བལ་པོའི་བྱང་ཕྱོགས་ཡིན། དེ་ན་ཛ་ལནྡྷ་ར་དང་། ཕུ་ལ་ཧ་རི་ཡོད། ནཱ་རོ་པའི་ཚོགས་ཁང་གྲོང་གི་དབུས་ན་ཡོད་ཀྱང་། མུ་སྟེགས་ཀྱིས་གནོད་པས་རྡོ་བཅལ་སྤུབ་པ་ལ་ལྷ་མོའི་སྐུ་སྣང་ཟེར། དགོན་པ་དངོས་དེའི་ཕུ་ན་ཡོད་པའང་འུག་པའི་ཚང་བཅས་པའི་ཉམས་གོག་ལ་ཐུག་བཞིན། བོད་འདིར་ཛོ་ཀིའི་རྫུན་གཏམ་ལ་ཡིད་རྟོན་པའང་སྣང་། ཡང་རོང་ཕུ་ནས་ལྷོ་ནུབ་མཚམས་སུ་ཕྱིན་པ་ན་དྷེ་ན་ཕུར་ཟེར་བའི་རྒྱལ་ཁག་ཅིག་ཡོད་པར་རོང་ཕུ་ཇི་ལྟ་བའི་ཚོང་འདུས་ཡོད། དེ་ནས་ལྷོ་ཕྱོགས་སུ་གཙང་ཆུ་ཟེར་བའི་ཆུ་ཆེན་ལ་གྲུ་གཟིངས་བྱས་ནས་འགྲོ་བ་དང་། བྲང་ཟེར་བའི་ཕྱུགས་ལ་ཁལ་བྱས་ནས་སྐམ་ལ་འགྲོ་བའི་ཚོང་པ་མང་། དེ་དག་འགྲོ་བའི་ཚོང་འདུས་མང་པོ་བརྒལ་ནས་ཕྱིན་པ་ན། མ་ཧཱ་ནོ་དེ་ཟེར་བའི་ཅོད་ཆུང་དང་། གཙང་ཆུ་གཉིས་འཛོམ་སར་སླེབ། དེ་ནས་ཀྱང་ཚོང་དུས་དང་ཡུལ་ཁམས་མང་པོ་བཅད་ནས་ཕྱིན་པའི་ནུབ་ཕྱོགས་ནས་ཆུ་བོ་གངྒཱ་ཚན་པ་གཉིས་སུ་གྱེས་པའི་ཆེ་ཤོས་དང་ཕྲད། དེ་ཡང་ཉིན་ལམ་དགུ་བཅུའི་ས་ནས་ཚན་པ་གཉིས་སུ་གྱེས་པའི་གཅིག་ཤར་ལྷོ་ཌ་ཀིའི་རྒྱལ་ཁབ་དང་། གཅིག་ལྷོ་དྲང་པོར་འགྲོ་བ་ཤཱནྟ་པུར་གྲགས་པའི་ཡུལ་ཁམས་སུ་བྷངྒ་ལའི་རྒྱལ་པོའི་ཕོ་བྲང་གི་རྩ་བ་བརྒྱུད་འོངས་པའི་གངྒཱ་དང་འདྲེས། དེ་ལྷོ་ཕྱོགས་ཀ་ལི་ཀ་ཏ་བརྒྱུད་ནས་རྒྱ་མཚོར་འབབ། གངྒཱ་གཉིས་འདྲེས་ས་ནས་ཞག་བཅུ་

(༤༣༩)སྐོར་གྱིས་མ་སླེབ་ཙམ་ནས་ཀ་ལི་ཀ་ཏ་ཟེར་བའི་ཡུལ་གྱི་སྣེ་ཟིན། སྔོན་དེ་ན་ཕྱི་རོལ་པའི་དྲང་སྲོང་ཞིག་ཡོད་པ་ཤི་བའི་ཚེ་ངའི་ཕུང་པོ་འདུ་བཟུང་ནས་འདིར་ཡུལ་སྡེ་ཆེན་པོ་ཆགས་ཟེར་བ་བཞིན་བྱས་པས་ཡུལ་གྲུ་ཆེན་པོ་ཆགས་པ་སྔར་བྷངྒཱ་ལའི་སྡེ་ཡིན། ཁོའི་རོ་ཀ་ལི་ཀ་ཏར་ཀ་ཤི་བྷ་བྷུར་ཟེར་བའི་ཕྱུག་པོ་ཞིག་གི་ཁྱིམ་ན་ཡོད། འཕྱིས་ཡུལ་འདི་ཕེ་རེང་པས་བཟུང་ནས་དཔོན་ཞིག་བཞག་པ་ལ་གྷོ་རོ་ས་ཧེབ་དང་། གྲོས་ལ་དབང་བའི་ལས་དོན་བྱེད་མི་ཆེ་བ་བཞི་ཡོད་སྐད། ཀ་ལི་ཀ་ཏ་འདི་ཡུལ་ལྗོངས་ཆེ་བས་འཛམ་བུའི་གླིང་གི་མི་སྣ་ཕལ་ཆེར་འཛོམ། རྒྱ་གར་པ་ལ་གྱད་དང་རྩལ་བའི་རིགས་གཉིས་ལས་གྱད་སྟོབས་ཆེ། རྩལ་བ་བདེ་བླག་འཛོམ་པས་ཤེད་སྟོབས་གཅིག་པོས་མི་འགྲོ། མི་རིགས་ཤིན་ཏུ་མཚར་སྡུག་དང་ལྡན་པའང་ཡོད་ཅིང་། མཛེས་མ་གླུ་གར་ལ་མཁས་པ་རྫ་རྔ་དང་། གླིང་བུ་དང་ལྷན་ཅིག་བརྩེ། ཙུ་ཏའི་ཡུལ་གྱི་མི་རྐང་གཅིག་པས་ཀྱང་སླེབ། རྐང་གཅིག་པ་དེ་ཁོ་རང་གཅིག་པོས་ཀྱང་གྱོལ་ལེར་འགྲོ་ཤེས་ཏེ། གཉིས་གཉིས་སྤྲེལ་བ་ཤིན་ཏུ་མགྱོགས། ཤ་དཀར་དང་དངུལ་ཆུ་ལ་དངུལ། འཇོན་ལ་གསེར་བཟོ་ཤེས་པའི་ཚོང་པས་ཀྱང་སླེབ། རྡོའི་སྣོད་སྤྱད་དང་། སྣང་བརྙན། ལི་ཁྲི། རྒྱ་ཚྭའི་རིགས་ཀྱང་བཟོ། ཨ་མྲ། གོ་ཡུ། ཏཱ་ལ། བེ་ཏ་ས། འཁྲི་ཤིང་། ཁ་རུ་མུས་རིགས་གཉིས། ག་གོན་ཆེ་ཆུང་། ཀ་ཀ་རུ་དཀར་སྔོན། འབྲས་བུ་མི་ཁུར་ལོངས་པའི་སྦྲམ་སིལ་སོགས་ཤིང་འབྲས་མང་། ངང་ལག་ཟེར་བ་ཆུ་ཤིང་གི་འབྲས་བུ་དང་། བུར་ཤིང་ལས་བུ་རམ། བུ་རམ་ལས་བྱེ་དཀར། དེ་ལས་ཤེལ་དཀར་བཟོ། མེ་ཏོག་ལས་བྱུང་བའི་ཆང་དང་། ཤིང་ལས་བྱུང་བའི་ཆང་ནི་ཛཱ་ཏི་སྲུང་བ་དག་འཐུངས་པས་མྱོས་བྱེད་ཀྱི་རིགས་མིན། མེ་ཏོག་པདྨ་དང་། ཨུཏྤལ་དང་། ཀ་ར་ཝཱིར་སོགས་དྲི་ཞིམ་པ་དང་། མདངས་མཚར་བ་གང་ཡང་སྐྱེ། ས་འོག་ཏུ་སྨིན་པའི་ཁ་ཟས་སྐྱེ་བ་

(༤༤༠)དཀར་དམར་ཟེར་བ་ཡོད། རྨ་བྱ་དང་། གླང་ཆེན། བསེ་རུ། ནེའུ་ལེ་ཆེ་ཆུང་གཉིས། ཤེའུ་ལེ་སྟེ་རྐུན་པོ་ཅེ་སྤྱང་ལ་སོགས་པ་ཡུལ་ལྗོངས་ཕལ་ཆེར་ལ་ཡོད་ཀྱང་། ནོར་སྣར་རྩི་བའི་གླང་ཆེན་མཆེ་བ་དྲུག་པ་ནི་མངོན་གྱུར་དུ་མེད། མཆེའུ་ཆུང་དང་བཅས་པའི་མཆེ་བ་བཞི་ཡོད་པ་སྲིད་པ་ཙམ་ཡིན། གླང་ཆེན་ཐལ་ཀར་དཀར་པོའི་རིགས་བྱུང་ན། དེས་གླང་པོའི་ཁྱུ་མཆོག་བྱེད་པས། བྱིངས་རྣམས་དེའི་འགྲོ་སྡོད་ཀྱི་རྗེས་སྙེག །བལ་གྱི་གླང་པོ་ཆེ་སོགས་དག་པའི་ཞིང་ཁམས་ཀྱི་བགྲོས་ཡིན་པ་འདྲ། གླང་པོ་བས་བསེ་རུ་ཆུང་ཡང་། ཤེད་སྟོབས་ཁོ་ཆེ་བས། འཐབ་མོ་ཆེན་པོ་བྱེད། ཁོའི་མཆན་འོག་གི་གྲོད་དང་རླན་ལ་འབུ་སྦྲང་འཁོར་བ་ཡན་ཆད་ལྕེས་ལྡག་ཟེར། གཅིག་པུར་སྡོད་པ་ལས་ཁྱུས་འཚོ་བ་མ་ཡིན། ཀྲྀཥྞ་སའམ་ཁྲི་གཉན་ནི་དཀོན་ལ་བྱམས་པའི་སེམས་དང་ལྡན་པས་ཁོ་གཞན་གྱིས་སྲོག་འཕྲོག་པའི་ཆེད་དུ་དེད་ཀྱང་འགྲོས་ལམ་གྱི་སྲོག་ཆགས་ཆུང་དུ་རྨིག་པས་གཞར་གྱིས་དོགས་ནས་སྣས་བསལ་བ་ཡིན་ཟེར། དེ་ལ་བརྟེན་ནས་བྱང་ཆུབ་ཀྱི་སེམས་འཕེལ་བའི་རྟེན་འབྲེལ་དུ་གྲུབ་ཆེན་རྣམས་ཀྱིས་སྟན་མཛད་ཅིང་རིན་ཐང་ཆེ། གཅུས་ར་དེའི་སྒྲ་ཐོས་པའང་བྱང་ཆུབ་ཀྱི་སེམས་སྐྱེ་བས་འབུད་དུང་ཞིག་ལ་འདི་བཟང་ངོ་། །དམ་པའི་ལེགས་སྨོན་སྔོན་སོང་ནས། །དུད་འགྲོ་ལ་ཡང་བྱང་ཆུབ་ཀྱི། །རིགས་ཡོད་ཕྱིར་ན་རྣམ་རིག་ཀུན། །སྡིག་ཏོར་སོང་བའི་སྐྱེས་བུས་ཅི། །ཀ་ལི་ཀ་ཏ་དེར་སྔོན་དབང་ཕྱུག་གི་ཆུང་མ་ཙཎྜི་ཤི་བའི་རོ་བསྐྱུར་མ་ཕོད་ནས་ཕང་བར་བཟུང་སྟེ་འཛམ་གླིང་བསྐོར་བའི་ཡན་ལག་རྣམས་ཡུལ་གླིང་སོ་སོར་བཞག་པའི་མགོ་བོ་ཡིན་ཟེར། ད་ལྟ་རྡོའི་མི་མགོ་ལྕེ་ནར་བའི་ལྷ་ཁང་ཞིག་ཡོད། དེ་ལ་སེམས་ཅན་མང་པོ་སྲོག་བཅད་ནས་དམར་མཆོད་བྱེད། དེ་ནས་ནུབ་ཕྱོགས་ཉིན་ལམ་ལྔ་ནས་སྔོན་རྒྱལ་པོ་ར་མ་ཕ་ལས་སྲིན་པོར་དམག་དྲངས་པའི་ཚེ་ཕྲུ་མ་བཏབ་པ་ཡིན་ཟེར་

(༤༤༡)བའི་ལྷ་ཁང་ཞིག་ན། མཚོན་ཆ་མང་པོ་དང་། ཉེ་འདབས་སུ་ཙནྡན་དཀར་པོའི་ཤིང་ཡོད་པས་ཕྱོགས་གཞན་ལ་དེའི་ས་བོན་བཏབ་ཀྱང་མི་སྐྱེ། ཁྱོ་ཕོ་ཤིན་ཆུང་མ་ལ་ལ་རོ་དང་མཉམ་བསྲེགས་སུ་འགྲོ་བའི་སྲོལ་ཡང་ཡུལ་འདི་དག་ཕལ་ཆེར་ལ་ཡོད་ཟེར། ལར་འདི་དག་ལྟ་བ་ངན་པ་ལ་ཞུགས་པ་ཡིན་པས་ཤཱནྟ་པུར་དུའང་སྔོན་ཡུལ་དེའི་རྒྱལ་པོ་བྷ་གིར་ཐས། སྔོན་སྐྱབས་སེང་བུས་དགྲ་རྔན་དཔུང་བཅོམ་པ་དམྱལ་བའི་མེ་དཔུང་ནང་སྐྱེས་པ་དམྱལ་བའི་མེ་གསོད་པའི་ཆེད་དུ་ལྷ་ཚངས་པ་མཉེས་པར་བྱས་ནས་གངྒཱའི་རྒྱུན་བྱུང་བ་ཡིན་ཟེར། མཆོད་པའི་གཙོ་བོ་མུག་ཤུ་དྷཱི་ཕོ་བྲང་རྩ་བ་བརྒྱུད་ཡོང་བའི་གངྒཱ་དེ་རང་ལ་བྱེད། ལྕགས་བསྲེགས་ས་གཞི་སུ་ཡིས་བྱས། །མེ་ཚོགས་འདི་དག་གང་ལས་བྱུང་། །དེ་འདྲ་དེ་དག་ཐམས་ཅད་ནི། །སྡིག་སེམས་ལེགས་པར་ཐུབ་པས་གསུངས། །ཞེས་རང་རང་གི་སྡིག་སེམས་གོམས་པའི་འབྲས་བུ་རྨི་ལམ་གྱི་སྣང་བ་ལྟ་བུར་སོ་སོའི་ངོ་ཁ་ལ་སྣང་བའི་དམྱལ་མེ་སྤྱི་མཐུན་གྱི་སྣང་ངོ་ལ་ཤར་བ་འབྱུང་བའི་ཆུས་ག་ལ་གསོད་ཐུབ། མ་རྟོགས་པ་རྣམས་ཤིན་ཏུ་ཡང་། །སྙིང་རྗེ་ཆེན་པོའི་གནས་ཡིན་ཏེ། །ལོག་པར་རྟོགས་དང་དེའི་རྗེས་སུ། །འབྲེང་འདི་བསོད་ནམས་ཟད་པའི་སྐྱོན། །གོང་དུ་སྨོས་པའི་ཤཱནྟ་པུར་གྱི་བྱང་ཕྱོགས་ན་བྷངྒ་ལའི་རྒྱལ་ཁབ་དེ་ཚོང་འདུས་ཆེན་པོ་བཞིས་བསྐོར་ནས་ཡོད། ཕོ་བྲང་གསེར་གྱི་རྒྱལ་མཚན་ལ་སོགས་ཇོ་བོའི་རྣམ་ཐར་ན་ཡོད་པ་དེ་ཚོའི་རྟེན་དང་བརྟེན་པ་ཐམས་ཅད་དེངས་ནས་རིང་ཞིག་ལོན་པ་འདྲ། དེང་སང་ནི་རྒྱལ་ས་དེའི་མིང་ལ། མུག་ཤུ་དྷར་ནོ་བབ་ཟེར། སྔར་རྒྱལ་ས་དེ། ཊི་ལིང་བཅས་བདག་པ་ཕྱིས་ཕེ་རེང་པས་འཕྲོགས་ནས་སྔར་གྱི་རྒྱལ་ས་པ་ལ་ཏི་རུབ་འབུམ་བཅུ་དྲུག་རེའི་ཕོགས་སྟེར་སྐད། སྔོན་རྒྱལ་ཁབ་དེ་དར་ཆེ་བའི་སྐབས་སོ་ཕག་གི་ལྕགས་རིས་བསྐོར་བའི་སྐྱེད་མོས་ཚལ་ན་ཁྲུས་ཀྱི་རྫིང་བུ་གཉིས་

(༤༤༢)གཉིས་ཡོད་པ་མུ་ཏིག་རྫིལ་དང་། ཧི་ར་རྫིལ་གཉིས་ཀྱི་སྟེང་ན་སྤྲོ་ཁང་བརྒྱད་འབབ་སྟེགས་རྡོ་སྐས་དང་བཅས་པའི་ཧི་ར་རྫིལ་དུ་མེ་ཏོག་རྒྱས་པའི་དུས་ནམ་མཁའ་ནས་ལྷ་མོ་ཁྲུས་ལ་འོང་བ་བཟུང་བར་སེམས་པ་ན། ནམ་མཁའ་ལ་འཕུར་བའི་ཤུལ་དུ་མཆིལ་ལྷམ་ཅིག་ལུས་པ་ཤའི་དྷེ་ཅིག་གིས་ཏི་རུབ་འབུམ་རི་ཟེར། རྫིང་བུ་དེ་ལས་གཅིག་ལ་ལྷས་དམོད་བོར་བས་ཁྲག་མདོག་ཏུ་སྣང་ཞིང་ད་ལྟ་ཁྲུས་དང་བཏུང་བ་མི་བྱེད་སྐད། བྷངྒ་ལའི་ནུབ་ཕྱོགས་ཕཊ་ན་ཟེར་བའི་རྒྱལ་ཁབ་ཆེ་བ་ཞིག་ཡོད་པའི་མི་རིགས་ལ་མོ་གོལ་ཟེར། ཀ་ལི་ཀ་ཏ་ནས་རྒྱ་མཚོར་འགྲོ་བའི་ལམ་བར་ན་བ་ཚྭ་དང་བཅས་པའི་བྱེ་མ་བཙོས་ནས་ལན་ཚྭ་བཟོ་བ་ཡོད། ལར་ཡུལ་འདི་དག་ལྷ་ཡུལ་ལྟར་གྱ་ནོམ་ཞིང་། ཉམས་བདེ། གྲོང་ཁྱེར་མང་། ལམ་ཐམས་ཅད་ཀྱང་རྫ་ཕག་ལས་བྱས་པས་དངོས་གཙང་ཞིང་། འགྲོད་པ་དེ་ཡང་ཐར་པའི་ལམ་མེད་པས་བླུན་པོ་རྟག་འཛིན་ཅན་ཚོའི་སྤྱོད་ཡུལ་ལ་བདེ་བ་ཅན་ཞིག་གོ །དེའི་ནུབ་བྱང་མཚམས་ན་ཝཱ་རཱ་ཎ་སཱི་དགོན་པའི་ཚུལ་དང་། ཀ་ཤི་གྲོང་རྡལ་གྱི་ཚུལ་དུ་ཡོད། ཀ་ཤི་ཀའི་རས་དངོས་འདི་ནས་ཐོན་ཞིང་རས་ལུག་ཤིན་ཏུ་རིང་། སྲབ་པའི་ཚད་ཕྱི་ནང་བསྒྲིབ་མེད་དུ་གསལ་བས་ནེའུ་གསིང་གི་ཁར་བཞག་ཀྱང་རྩྭ་ལྗང་གི་མདོག་མི་བསྒྲིབ། དེ་ནས་ལྷོ་ཕྱོགས་སུ་ཕྱིན་པ་ན་གྷ་ཡ་ཟེར་བའི་གནས་སྟོབས་ཆེན་བྲམ་ཟེའི་གླིང་དུ་ཡོད་པ་ལ་གསོན་གཤིན་གཉིས་ཀའི་སྦྱིན་པ་གཏོང་ས་བྱེད། ཁོར་ཡུག་ལྕགས་རིས་བསྐོར་བའི་ནང་ན་རྡོའི་མཆོད་རྟེན་གཅིག །སྤྱན་རས་གཟིགས་རྡོ་སྐུ། སྟོན་པའི་ཞབས་རྗེས་ཡིན་ཟེར་བ་ལ་མཆོད་ཅིང་། རང་རང་གི་ཕ་མེས་ཀྱི་མིང་ནས་བོས་ན་ངན་སོང་ནས་ཐར་ཟེར། འདི་མ་གྷ་དྷཱ་ཡིན་ནམ་ཟེར་བའི་ཕོ་ཚོད་ཙམ་ལས་ཡོངས་གྲགས་སུ་སྟངས་ཆོད་པ་མེད། མུ་སྟེགས་ཀྱི་དཀའ་ཐུབ་པ་ཤོ་ན་བྷྲཾ། བྷེ་རཾ་གི། ཛོ་གི་སོགས་

(༤༤༣)སུ་འབོད་ཅིང་། ལག་པ་གཉིས་སྤྱི་བོར་བཀན་པ་དང་། ཐལ་མོ་སྦྱར་བ་དང་། ཅིག་ཤོས་གདེངས་བཞིན་དུ་རེངས་པ་ལ་ལའི་ཟེར་ལུགས། གྷ་ཡ་ནས་ནུབ་ཕྱོགས་ཟླ་ལམ་གསུམ་གྱི་ས་ན་རྡོ་རྗེ་གདན་གྱི་ངོ་བོ་ཙམ་ཡོད། ལྕགས་རི་སོགས་ཉམས་ནས་མེད་ཟེར། ལར་སློབ་དཔོན་དཔའ་བོ་བྱོན་པའི་ཡང་ཕྱི་ནས་རྒྱལ་པོ་དྷརྨ་པཱ་ལས་རྒྱལ་སྲིད་བྱེད་ཚེ། ཏུ་རུཥྐའི་དམག་གིས་མ་གྷ་དྷཱ་པ་བཅོམ། ན་ལནྡྲར་ཡང་གནོད་པ་ཆེན་པོ་བྱུང་། དེའི་ཕྱི་ནས་རྒྱལ་པོ་སངས་རྒྱས་ཕྱོགས་ཀྱིས་ཏ་ཟིག་གི་རྒྱལ་པོ་ཏུ་རུཥྐ་ཕམ་པར་བྱས། ཆོས་གཞི་མང་པོ་སོར་ཆུད་པར་བྱས་ཀྱང་མུ་སྟེགས་ཅན་གཉིས་ཀྱིས་ཉི་མའི་རིགས་སྔགས་བསྒྲུབས་པས་སངས་རྒྱས་པའི་ཆོས་གཞི་བརྟེན་པའི་ལྷ་ཁང་བརྒྱད་ཅུ་སྐོར་མེ་ལ་བསྲེགས། དེ་བཞིན་དུ་བྲམ་ཟེ་རྒྱལ་བཤེས་ལ་སོགས་པའི་མུ་སྟེགས་ཅན་རྣམས་ཀྱིས་ཀྱང་ཡུལ་དབུས་ཛ་ལནྡྷ་རའི་བར་གྱི་གཙུག་ལག་ཁང་མང་པོ་ཞུགས་ལ་སྦྱངས་པས་རྡོ་རྗེ་གདན་གྱི་བཀོད་པ་མཐོང་དཀའ་བའི་གནས་ལ་སྐྱོ་བ་སྐྱེས་ནས། མེས་དབོན་གྱི་གཙུག་ལག་ཁང་རྣམས་ལ་བསྟི་སྟང་བསྐྱེད་པར་རིགས། གྷ་ཡ་དེ་ཡུལ་དབུས་སུ་བྱས་པའི་ནུབ་ཕྱོགས་ཟླ་ལམ་གསུམ་གྱི་ས་ན་ཊི་ལིང་པ་ཅ་ཁོལ་ཕེ་རེང་པས་འབུལ་སྣ་རེ་བྱེད་ཟེར། གྷ་ཡ་ནས་ལྷོ་ཕྱོགས་སུ་ལོ་བཞི་ལྔ་སྐོར་བགྲོད་པ་ན་སྔ་མ་ལས་སྟོབས་ཆེ་བ་རུམ་པ་ཅ། འདིས་འཛམ་བུའི་གླིང་གི་མཐའ་དཔལ་ལྡན་འབྲས་སྤུངས་ལ་བདག་བྱེད། ཁོང་གཉིས་འཛམ་བུའི་གླིང་གི་རྒྱལ་ཁབ་ཆེ་ཤོས་ཡིན་ཡང་། ཊི་ལིང་པ་ཅའི་མངའ་རིས་རྣམས་རྒྱལ་པོའི་ལུང་འོག་ཏུ་སྡོད་མི་སྡོད་སྣ་ཚོགས་པས་སྙིགས་མ་རྩོད་ལྡན་ལ་རང་སྲིད་ཀྱང་རྣལ་དུ་མི་ཕེབས་ན་གྲིབ་མ་ཤ་ཟར་དོགས་པའི་རེ་དོགས་སྤངས་ལ་རང་གི་དལ་རྟེན་ལ་དཀའ་བ་བསྒོམ་ནས་ཆོས་ལ་བརྩོན་པ་བསྐྱེད་ཅིག །པ་ཅ་འདི་གཉིས་ཀ་ཀླ་ཀློའི་ཆོས་ལུགས་འཛིན་ཞིང་གཞན་དག་ཀྱང་དེ་ལ་འཛུད་གང་ཐུབ་བྱེད་པས་རྒྱ་གར་པ་ཕལ་ཆེར་ཀྱང་ཀླ་ཀློའི་ཆོས་

(༤༤༤)ལུགས་མང་། དེ་སྐད་དུ་རབ་དབྱེར། སྙིགས་མའི་དུས་སུ་འཕགས་པའི་ཡུལ། །ཀླ་ཀློའི་ཆོས་ཀྱིས་གང་བར་འགྱུར། །དེ་ནས་ཀླ་ཀློའི་རྫུ་འཕྲུལ་གྱིས། །ཤམ་བྷ་ལ་རུ་དམག་འདྲེན་འགྱུར། །དེ་ཚེ་ཕྱག་ན་རྡོ་རྗེ་ཡི། །སྤྲུལ་པ་དྲག་པོ་ཞེས་བྱ་བའི། །རྒྱལ་པོས་ཀླ་ཀློ་ཀུན་བཅོམ་ནས། །འཕགས་པའི་ཡུལ་གྱི་བར་དུ་ཡང་། །སངས་རྒྱས་བསྟན་པ་སྤེལ་བར་གསུངས། །ཞེས་སོ། །ཀླ་ཀློའི་ཁུངས་ནི། སློབ་དཔོན་ཀླུ་སྒྲུབ་ལྷོ་ཕྱོགས་ཀྱི་རྒྱུད་ན་བཞུགས་པའི་ཚེ། སྡེ་སྣོད་འཛིན་པ་གཞོན་ནུ་སྡེ་ཞེས་བྱ་བ་བདུད་སྡིག་ཅན་གྱིས་བཀབ་ནས། འཚེ་བ་ཆོས་སུ་སྨྲ་བ་ཀླ་ཀློའི་གྲུབ་མཐའ་བརྩམས་པ་ཡིན། དེའི་ཚུལ་ནི་གསང་ཚིག་ལས། །ངེས་པར་བརྩེ་མེད་དཔའ་བོ་ཡིས། །གཡུལ་ངོར་འབྲོས་པ་མེད་པར་ནི། །གཡུལ་ལ་མངོན་པར་ཕྱོགས་གྱུར་ན། །ཤི་ནས་མཐོ་རིས་འགྲོ་བར་འགྱུར། །ཅེས་པ་དང་མཐུན་པར་གླེང་ངོ་། །མུ་སྟེགས་ཀྱི་སྡེ་ཚན་གཅིག་ལས་འབྲས་ལ་གུས་པ་དང་། ལྟ་བ་ནང་པ་དང་ཉེ་བའང་ཡོད་པ་དེ་འདྲའི་རིགས་ཐལ་འགྱུར་རྣམ་དག་གིས་ཚར་གཅོད་ནུས་པ་བྱུང་ན། སློབ་དཔོན་དཔའ་བོ་ལ་སོགས་པ་ལྟར་གདུལ་དུ་རུང་བ་སྐྱེས་བུའི་མཚན་ཉིད་ལ་གནས་པ་ཡིན། བྷོ་ཊའི་ཡུལ་འདིར་དགེ་སྦྱོང་ཡིན་ནོ་བར་བསྙེམས་ནས་ལས་འབྲས་ལ་ཅི་ཡང་མི་སེམས་པར་གཞན་གནོད་གཞི་བཅས་ལྷུར་ལེན་པའི་ཁྱིམ་པ་སུན་འབྱིན་གྱིས་ནི་བསྟན་པ་ལ་མོས་པ་ལྡོག་ཅིང་། མེས་དབོན་རྣམ་གསུམ་གྱིས་དབང་དགེ་འདུན་ལ་བསྐུར་བའི་ཕྲིན་ལས་ཆུད་སོན་པར་བྱེད་ན། དོན་གྱི་ཀླ་ཀློའི་ཆོས་ལུགས་ལ་ཉེ་བས་བསྟན་པ་ནུབ་བའི་སྔོན་འགྲོར་འོང་བའི་ཚུལ། །བཟོད་པ་དཀའ་ཐུབ་བཟོད་པ་དམ་པ་ནི། སོགས་པའི་ཤློ་ཀས་བསྟན། རུམ་པ་ཅའི་རུས་ལ་ཏ་ཟིག་ཏུ་རུཥྐ་ཟེར་ཞིང་། དེ་ཡང་རུས་ལས་ཏུ་རུབ་དང་། ཆོས་ལུགས་ལས་ཀླ་ཀློར་བཏགས་ཀྱང་། ཁོའི་སྡུན་དུ་

(༤༤༥)མིང་དེ་བརྗོད་ན་མི་དགའ་བས། མུ་སུར་མན་ཟེར་སྐད། ཁོའི་རྟ་དེ་རྟ་གཞན་ལས་ཉིས་འགྱུར་རམ་འབུན་གྱིས་ཆེ་བས་མིང་ལ་ཏ་ཟིག་དུརྐི་ཟེར། ཊི་ལིང་པ་ཅའི་ལྷོ་ཕྱོགས་ན་བྷོ་རོང་གྷི་ཟེར་བའི་རྒྱལ་ཁབ་ཅིག་ཡོད་པ་དེའི་མི་དང་རྟ་གཉིས་ཀ་རྩལ་ཆེ། ཁོ་ལ་མཚོ་རྟའི་བརྒྱུད་ཡིན་ཟེར་ཤ་གཟུགས་གྲིམས་ཤིང་ཆུའི་གཏིང་ལའང་ཞོན་ནས་འགྲོ་ཐུབ་པས། རྟ་གཞན་གྱི་ཉིན་ལམ་གསུམ་དེས་ཉིན་གཅིག་ལ་ཆོད་ཟེར་ཡང་། རྟ་ཐམས་ཅད་དེ་འདྲ་ཡིན་པ་དཀའ། བོད་འདིར་སྟོད་ཧོར་དང་། དེའི་རྟ་སོགས་རི་བོང་གི་ཆལ་བྲག་ཅ་ལྟ་བུར་སྒྲོག་ཅིང་། ལུང་བསྟན་མཁན་པོ་རྣམས་ཀྱིས་ཀྱང་དེ་དང་མཐུན་པར་སྒྲོག་པ་འདི་དག་མ་ཕྱེད་པའི་སྒྲ་འགྲོགས་པ་འདྲ། གཏེར་ཁ་གོང་འོག་དང་། ཡར་རྗེ་ཨོ་རྒྱན་པ་སོགས་རྩོད་མེད་ཀྱི་ལུང་བསྟན་རྣམས་ནི་སྔར་རྒྱལ་པོ་སེ་ཆེན་གན་གྱི་བུ་བོ། ཧུ་ལ་ཧུས་རྒྱལ་ས་མཐོབ་ནས་སྐལ་བར་དམག་འབུམ་ཚོ་གཅིག་བྱིན་པ་ཁྲིད་ནས་སྟོང་དུ་གཞི་ཆགས་པ་ལ་སྟོད་ཧོར་དང་། ཙི་ན་ལ་སྨད་ཧོར་དུ་གྲགས། གཞི་ཆགས་ནས་རིང་པོར་མ་ལོན་པར་ས་འབྲི་གཉིས་བྱ་འུག་གི་བརྟུལ་ཞུགས་འཛིན་པའི་ཚེ་འབྲི་གུང་དབོན་པོས་ས་སྐྱའི་སྟེང་དུ་ཧོར་དམག་དྲངས་པས། ཙི་ནའི་དམག་དཔོན་ཐི་མུར་བྷོ་ཁ་དང་། དཔོན་ཆེན་ཨང་ལེན་གྱིས་བོད་ཁྲི་སྐོར་བཅུ་གསུམ་གྱི་དམག་ཁྲིད་ནས་དཔལ་མོ་དཔལ་ཐང་དུ་སྟོད་ཧོར་ལ་དུས་ཉེས་བཏང་། རྣ་བ་ཡ་གཅིག་གཞུར་འདྲེལ་རྒྱབ་གཉིས་དང་། གཙོ་བོ་ཁ་ཤས་ཀྱི་མགོ་ལག་དྲངས། ཧུ་ལ་ཧུའི་རྒྱལ་བུ་རིན་ཆེན་དང་། འབྲི་གུང་དཔོན་པོ་བཙོན་དུ་བཟུང་ནས་ས་སྐྱར་ཁྲིད། སླར་ཙི་ན་པ་ཅའི་ལུང་དང་བསྟུན་ནས་ཧུ་ལ་ཧུའི་བུ་གློད། སྒོམ་པ་དབོན་པོ་དཔོན་པོ་རིའི་རྒྱབ་ཏུ་སྙིང་རྒྱབ་ནས་བཏོན་ཏེ་ཁྲག་སྦྱོར་བྱས་པས་མི་ཁྱད་དང་རྟ་ཁྱད་ཤོར་བའི་བགྲོས་མེད། དེའི་བརྒྱུད་པ་རྒྱ་གར་ན་སྟངས་མི་ཆོད་ཀྱང་སྒར་ཐོག་དང་ཉེ་བའི་ཁ་ནུ་ལ་དེ་ཡིན་ནི་ཟེར། ཨོ་རྒྱན་པ་རང་བྱུང་དཔལ་གྱི་ལམ་

(༤༤༦)ཡིག་ན། ཏི་སེ་ནས་རིང་ཙམ་ཐལ་བ་ན། ཡུལ་ཉེར་བཞིའི་ཆ་ལ་ཀ་ཀུ་ལུ་ཧ་དང་། མ་རུ་ཏ། དེ་ནས་རི་རོ་ཆེན་པོ་གཎྜ་ལ། དེ་ནས་ཛ་ལནྡྷ་ར། དེ་ནས་ཞག་ཉི་ཤུ་ན་ཙན་དྷ་བྷ་ག །དེ་ཡན་ཆོད་ལ་ཧིནྟུ་ཞེས་རྒྱ་གར་དང་མུ་སུར་མན་ཞེས་སོག་པོ་གཉིས་འདྲེས་མར་ཡོད། དེ་ནས་ཁ་ཆེའི་ཆུ་མཇུག་གཙང་པོར་ཐལ་བ་ནས་ཧོར་ཞེས་པའི་གྲོང་ཁྱེར་འབུམ་ཕྲག་བདུན་ཡོད། དེ་ནས་ཉིན་ཞག་རེ་རེ་འདས་པ་ན་སྨན་ཚྭའི་རི་དང་། བྷ་ཊོ་ལ་དང་། མ་ལ་ཀོ་ཏྲེ། མུ་ཏིག་འབྱུང་བའི་རྒྱ་མཚོའི་སྐོར་སླེབ། དེར་རྒྱལ་པོ་ཧུ་ལ་ཧུའི་ལྷ་ཁང་བཞེང་ཞིང་འདུག །དེ་ནས་ཞག་ལྔ་ན་རུ་ཀ་ལ་ཞེས་པའི་གྲོང་ཁྱེར་དང་། དེ་ནས་ཞག་བཞི་པ་ལ་ར་ཛ་ཧུར་སླེབ། དེར་ཨོ་རྒྱན་གྱི་སྒོ་བཞི་ལས་ཡ་གྱལ་གཅིག་ཡིན་སྐད་ཟེར་བ་ལ་དཔགས་ན་ལམ་ཕྱོགས་ལྷོ་ནུབ་སོ་སོའི་ཁྱད་ལས་མ་ལ་ཀེ་ཊི་དེ་སྟོད་ཧོར་གྱི་གནས་སུ་མངོན། ལྔ་པ་རིན་པོ་ཆེའི་དུས་སོག་པོ་དགའ་ལྡན་གྱིས་ལ་དྭགས་བཅོམ། ལ་དྭགས་པས་ཡུལ་ན་བབས་ཀྱི་ཆ་ལས་བརྒྱུད་དེ་པ་ཅའི་རྒྱལ་པོ་བརྔན་ཏེ་དམག་རོགས་ལ་ཁྲིད་པ་དེ་ཡང་བཅོམ་ཟེར་བ་འདུག་ཀྱང་། རུམ་དང་ཊི་ལིང་ནི་མིན། བྷོ་རོང་ནི་ཐག་རིང་། ཀླ་ཀློ་རྣམས་རྒྱལ་ཁག་ཆེ་བ་ལ་པ་ཅ་ཟེར་ཏེ་རྒྱལ་པོའི་མིང་ཡིན་ན་སྟོད་ཧོར་དང་པ་ཅ་ཡང་མ་ཕྱེད་པས་དེའི་ཧོར་ལ་རྒྱུ་མཚན་མེད། ཀུན་ལ་ངེས་པར་འབྱུང་བ་འཆི་བ་ཡིན། །འཆི་བ་སྦས་ཡུལ་གྱིས་ཀྱང་ག་ལ་ཐུབ། །བསྟན་པ་ནུབ་ན་ཐར་པའི་ལམ་འགགས་པས། །འཁྲུག་རྩོད་རང་སར་སྤངས་ལ་ཆོས་ལ་འབུངས། །དེ་ལྟར་བྷོ་དོང་གྷི་དེ་འཕྲུལ་ཆེ་བས་སྔོན་གྱི་ཚོ་ཊི་ལིང་པ་ཅས་ཀྱང་ཁོ་གནོན་མ་ཐུབ་པས་བྷངྒ་ལ་རང་འོག་ཏུ་ཡོད་པའི་ཚེ་དཔྱ་ཁྲལ་གྱི་དོད་ཏི་རུབ་རེ་ནས་བརྒྱད་ཆ་རེ་བྷོ་རོང་ལ་སྦྱིན་ནས་དགྲ་ཇག་མི་བྱེད་པའི་ཚད་བྱས། འཕྱིས་བྷངྒ་ལ་པ་ཕེ་རེང་པས་བླངས་རྗེས་བྷོ་རོང་ལ་གང་ཡང་མ་བྱིན་པས་ལོ་མང་ཞིག་ལོན་པ་དང་

(༤༤༧)དགོས་ཟེར་རྩོད། དེར་ཕེ་རེང་པས་ཁོའི་སྟེང་དུ་དཔུང་ཆེན་པོ་བཏང་བས་ཐང་ཆེན་པོའི་དཀྱིལ་ན་བྲག་རི་ཡོད་པའི་སྟེང་། ཛི་ཏར་ཞེས་པའི་བཙན་རྫོད་ལ་འཕྲས་ནས་དགྲ་ཡ་མི་བྱེད་པས་ཕེ་རེང་རྣམས་ཐང་དཀྱིལ་དུ་བག་ཕབ་ནས་ཉལ་བའི་ནུབ་མོ་གང་ནས་འོངས་ཆ་མེད་པའི་ཆུ་ཀླུང་ཆེན་པོས་དམག་རྣམས་ཆུ་ལ་སྦྱངས་སྐད། ཀ་ལི་ཀ་ཏར་ཡང་དམག་གཏང་རྒྱུ་ཡིན་ཟེར་བས་ཕེ་རེང་བ་འཁུམས་ཏེ་གསེར་གླང་པོ་ཆེའི་རྒྱལ་ཁལ་མང་པོ་བྱིན་ཏེ་འདུམས་ནས་ད་ལྟས་བྱ་ཕན་ལ་ལོ་སྐོར་གཅིག་ཙམ་ལས་མ་སོང་། ཀ་ལི་ཀ་ཏ་ནས་ལྷོ་ནུབ་ཕྱོགས་ལ་ཉིན་ལམ་བཅོ་ལྔ་སྐོར་ཕྱིན་པ་ན། ཛོ་ཀ་ན་ཟེར་བའི་མཆོད་རྟེན་ཆེན་པོ་ཉིན་ལམ་གསུམ་ནས་མཐོང་བ་ཞིག་ཡོད། དེ་ལ་མཆོད་པའི་གཙོ་བོ་ཚོགས་འཁོར་ལ་བྱེད་ཀྱང་། ཕེ་རེང་དང་ཏུ་རུབ་ལ་སོགས་པ་རུས་ངན་མི་གཅིག་ཟེར་ནས་མཆོད་དུ་མི་འཇུག །བྷོ་ཊ་དང་ངེད་ཅག་རུས་གཅིག་ཟེར་ནས་མི་བཀག་པ་ལ་དཔགས་ན། རྒྱལ་པོ་རུ་པ་ཏིའི་གཏམ་རྒྱུད་དང་མཐུན་ནམ་སྙམ། ཚོགས་གཡོས་བྱེད་དུས་ཁོག་མ་བདུན་བརྩེགས་བྱས་པའི་སྟེང་མ་སྔ་ཤོས་དང་། དེ་ནས་རིམ་པར་ཚོས་ཟེར། ཚོགས་ལ་རོལ་དུས་བཟང་ངན་མེད་པར་བསྲེས་ནས་མ་ཟོས་ན་ཞིང་སྐྱོང་གི་ཆད་པས་དེ་མ་ཐག་སྣ་ཁྲག་ཟགས་ནས་ཤི་ཟེར་བ་སྔགས་ཀྱི་བརྟུལ་ཞུགས་འདྲ་བ་དང་། གཞན་ཡང་ཧིནྟུ་ཟེར་བའི་རིགས་གཅིག་མཆོད་པ། སྦྱིན་སྲེག །འཕོ་བ། གཅོད་སོགས་ནང་པ་དང་ཆ་འདྲ་བས། ཆོས་ལུགས་གཅིག་ཟེར་བ་དང་། ཛཱ་ཏི་སྲུང་བ་ཟེར་ཆང་མི་འཐུང་། ཕག་དང་ཁྱིམ་བྱའི་ཤ་མི་ཟ། ནོར་གྱི་འོ་མ་བཏུངས་པས་ཨ་མ་དང་འདྲ་ཟེར་དེའི་ཤ་མི་ཟ། ཨ་མ་ལ་ཨ་ཡི་ཟེར། དེ་གཙོ་བོར་བྱས་ནས་ཕ་མ་བཀུར། ལོག་གཡེམ་ལྟ་ཅི་དགག་བྱ་མེད་པའང་རིན་མ་བྱིན་པ་སྲུང་། ནང་པ་དང་ཆོས་ལུགས་གཅིག་ཟེར་ཡང་། སྤྱོད་ལམ་འདྲ་བ་བྲམ་ཟེའི་ཁྲོད་ནའང་ཡོད་ཅིང་། དེ་བཞིན་དུ་ཕྱི་རོལ་པའི་འཇུག་པ་བཅུའི་སྡེ་ཚན་ན་སྟོན་པ་དང་བྱང་སེམས་ཀྱི་སྐུ་

(༤༤༨)འདྲ་བའང་ཡོད་པས་གང་ཡིན་དཔྱད་དཀའ། རྒྱ་གར་གྱི་ཛོ་ཀི་རྣམས་ཡན་ལག་ལ་དཔུང་པ་ནས་རིམ་པར་གསེར་དངུལ་ཟངས་མ་དང་། ཐ་ན་སྦའི་ལྕུག་མ་ཡན་ཆད་ཀྱིས་ཚིགས་རྒྱན་མང་པོ་བྱེད་པའིརིན་པོ་ཆེའི་རིགས་ཚོ་ལ་གཟུགས་བརྙན་དེ་འདྲ་ཡོད་པས་སོ། །དེ་སྐད་དུ་ལོ་མ་ཅན་གྱི་གསང་ཚིག་ཏུ། ཉ་དང་རུས་སྦལ་ཕག་རྒོད་དང་། །ར་མ་ཎ་གཉིས་ནག་པ་དང་། །མི་ཡི་སེང་གེ་མི་ཐུང་དང་། །སངས་རྒྱས་དད་པ་ཅན་དེ་བཅུ། །ཞེས་སོ། །མཆོད་རྟེན་དེ་ལ་ཟླ་བ་དང་པོའི་ཚེས་བཅོ་ལྔའི་མཚན་མོ་སྲིན་པོ་རྣམས་མཆོད་པ་ལ་འོང་བས། དེའི་ཚེ་མི་རྣམས་རྒྱང་རིང་པོར་འབྲོས། མཆོད་རྫས་ལ་ཛཱ་ཏི་ལི་ཤི་མང་པོ་ཕུལ་རྗེས་དེ་ཐམས་ཅད་རྒྱ་མཚོ་ལ་གཏོར་བས་ཚོང་པ་རྒྱུས་ཅན་གྱིས་གྲུ་གཟིངས་བཏང་བས་རས་ཀྱི་ཁུད་དུ་བཟུང་བ་ལས་རིམ་པར་ཚོང་དུས་འགྲིམ་པ་ཡིན། གཞན་ལི་ཤི་ནི་སྡོང་པོའི་ཁུངས་ཀྱང་མི་ཆོད། ཛཱ་ཏིའི་སྡོང་པོ་ཨོ་ལོན་དྷེ་ཟེར་བའི་རྒྱ་མཚོའི་གླིང་དབར་ཞིག་ན་ཡོད་ཟེར། ཛཱ་ཏི་ལ་སྟར་སྐོགས་ལྟ་བུའི་ཤུན་ལྤགས་འཇམ་པོ་སྲབ་ཞིག་འོང་བས་ཆུ་ནང་དུ་ཡུན་རིང་ལོན་ཡང་ཆུད་མི་འཛའ་བ་མཐོང་ཆོས་ཅན་ཡིན། ལྗིད་ཡང་བའི་ཕྱིར་ཤུན་པ་དོར་བར་སྣང་། ཡུལ་དེའི་གཏམ་རྒྱུད་ལ་མཆོད་རྟེན་མཆོད་པའི་སྔོན་རྒྱ་མཚོར་ཁྲུས་ལ་ཞུགས་པ་དང་། རྒྱ་མཚོའི་ནང་གི་གདོན་ཞིག་གིས་ཆོ་འཕྲུལ་བྱས་པའི་སྐུད་པ་ཤིན་ཏུ་ཕྲ་བ་ཞིག་མིའི་ལྟེ་བ་ལ་ཟུག །སྐུད་པ་དེ་གང་གིས་ཀྱང་མི་ཆོད་པས་མཚན་མོ་མི་འཐེན་ནས་སྲོག་གཅོད་ཟེར། སྔོན་དེ་འདྲ་བྱུང་བའི་མི་ཞིག་གིས་མཆོད་རྟེན་དེ་ལ་ལན་མང་བསྐོར་བ་བྱས་པས། སྐུད་པ་དེ་མཆོད་རྟེན་ལ་འཁྲིལ་སྟབས་ཆུ་འདྲེས་སྐུད་པ་འཐེན་པས་མཆོད་རྟེན་འགུལ་བསྐྱོད་ཀྱི་རྐྱེན་ལས་མཆོད་རྟེན་གྱི་རྩེ་མོ་ན་ཡོད་པའི་ལྕགས་ཀྱི་འཁོར་ལོ་ལྷུངས་ནས་སྐུད་པ་ཆད་དེ་ཐར་བ་ཡིན། ད་ལྟ་དེའི་ཤུལ་ན་ཆུ་མིག་ཅིག་ཡོད་སྐད། སྲིན་པོ་དང་འཛམ་བུའི་གླིང་པ་ཚོང་བྱེད་ནའང་མིག་གིས་བརྡ་འཕྲོད་པའི་ཚོད་ཀྱིས་གྲུ་གཟིངས་ལ་

(༤༤༩)ཞུགས། །ཚོང་བྲོང་གི་རིན་ཐང་སྲིན་པོའི་ཡི་གེ་ལ་བྲིས་ནས་བཞག །མེས་མདས་བརྡ་སྦྱར་ནས་ཕྱིར་ལོག་ཙ་ན་སྲིན་པོའི་རྒྱལ་པོས་སྲིན་པོ་རྣམས་ཀྱི་ཐད་ནས་མི་འགྲོ་བ་སོགས་མི་ལ་མི་གནོད་པའི་དམ་ལ་བཞག་ནས་ཚོང་ལ་འོང་། ཆད་བཙན་པས་དགོས་ཚོད་ཀྱི་དངོས་པོ་ཁྱེར་ནས་རིན་འཇོག་པ་ཡིན་ཟེར། ཤང་ཤང་དང་ཚོད་བྱེད་ལུགས་ཀྱང་འདི་འདྲ་བ་ཞིག་སྣང་། ལར་མཐའ་འཁོབ་པ་རྣམས་ནི་སངས་རྒྱས་མི་ཤེས། ཆོས་མི་ཤེས་པ་ཡིན་པས། སྔོན་རྒྱལ་པོར་མ་ཎས་སྲིན་པོའི་རྒྱལ་པོ་བསད། ཁོང་གི་ནུ་བོ་རྒྱལ་པོ་ལ་བསྐོས་ནས་འཛམ་བུའི་གླིང་དུ་སྲིན་པོ་བསྲུང་བཅུག་པ་ཙམ་ལས་རཀྴ་ཐོད་ཕྲེང་རྩལ་གྱི་མཚན་ཉིད་མི་ཤེས། ཀ་ལི་ཀ་ཏ་ནས་གངྒཱ་རྒྱ་མཚོར་འབབ་པ་དེ་ལ་གངྒཱ་ཤ་ཀ་གྷོར་ཟེར། ལྷ་མོ་དབྱངས་ཅན་མ་ཡང་དེར་འཁྲུངས་པའི་ལོ་རྒྱུས་སྨྲ། གངྒཱ་དང་རྒྱ་མཚོ་རང་བཞིན་འདྲེས་ནས་མི་སྡོད་པར་གངྒཱའི་ཀླུང་དཀར་པོར་སྣང་བ་དེ་རྒྱ་མཚོའི་གཏིང་ལ་ཐུག་པར་འགྲོ་བ་དེ་ལ་མུ་སྟེགས་པ་འགའ་ཞིག་ལྕེབ་པར་བྱེད་པ་ནི། རྒྱལ་བྱེད་ལས། དགུན་གྱི་དུས་སུ་ཆུ་ཡི་ནང་དུ་གནས། །ཚ་བའི་དུས་སུ་གདུང་བ་ལྔ་བསྟེན་བྱ། །དབྱར་གྱི་དུས་སུ་བླ་གབ་མེད་པར་གནས། །བྲམ་ཟེ་དེ་དག་དཀའ་ཐུབ་དྲག་པོར་སྤྱོད། །ཅེས་པའི་སྡེ་ཚན་ཡིན་ལ། གཞན་ཡང་མགོ་བྲེགས་ཏེ་ཙནྚི་ཀ་ལ་འབུལ་བ་དང་། ཏྲི་ཤུ་ལའི་རྩེ་ལ་མཆོང་བ་དང་། རྐང་པ་ཡ་གཅིག་སྒྲེང་ཞིང་ཉི་མ་ལ་བལྟས་པས་འཕྱིས་སྡུག་བསྔལ་མྱང་འགྱུར་རྣམས་སྐྱེ་བ་འདིར་ཟད་ནས་ཡང་སྲིད་མི་ལེན་པར་འདོད། འདི་དག་ལ་མི་དགེ་བཅུ་སྤོང་གི་སྡོམ་པ་ཡོད་དོ། །རྒྱ་མཚོའི་དུས་རླབས་ཉིན་ཞག་རེ་ལ་ཚར་རེ་ལྡང་བས་ཆུ་བོ་གངྒཱ་གྱེན་དུ་ལྡོག་པ་ནས་ས་གཞི་ཐམས་ཅད་འུར་སྒྲས་འབེར་ཞིང་། འབྲུག་སྟོང་བསྒྲགས་པ་ལྟ་བུའི་ཟིལ་དང་བཅས། རྒྱ་མཚོའི་རླབས་གིས་གངྒཱ་དེད་ནས་གྱེན་དུ་རློག་པའི་དབའ་རླབས་ཐོག་སོ་ལྔ་དྲུག་ཙམ་དུ་ལྡང་བ་ལ་ལྟད་མོ་དང་འཇིགས་ཟིལ་གཉིས་ཀ་ཡོད། ཀ་ལི་ཀ་ཏ་བརྒལ་ནས་ཞག་བདུན་བརྒྱད་

(༤༥༠)སར་སླེབས་པ་ནས་མར་ལོག་དུས་འཇམ་ཉལ་གྱིས་འགྲོ། ཁོ་རང་ཚོས་དུས་རླབས་ཉིན་མཚན་གྱི་ཆ་གང་ལ་ཡོང་ཤེས་པས་དེའི་གོང་ནས་གྲུ་ལ་སོགས་པ་བསྡུ་ཞིང་འགྲིམ་འཁྲུལ་གཅོད། ལར་དུང་ལ་སོགས་པའི་རྒྱ་མཚོའི་ནོར་སྣ་འགའ་ཞིག་ཀྱང་རྒྱ་མཚོའི་འགྲམ་དུ་དོང་བྲུས་ཏེ་བཞག་པ་ན། དུས་རླབས་འོང་སྐབས་དེའི་ནང་དུ་ཚུད་པ་ལས་འོང་། ཀ་ལི་ཀ་ཏ་ཟད་མཚམས་ནས་རྒྱ་མཚོར་གཟིངས་ལ་ཞུགས། ནུབ་ལ་གཏང་ནས་ཕྱིན་པས་ཟླ་བ་དྲུག་ལ་ཕེ་རེང་པའི་ཡུལ་ངོ་ཐོག་བྷི་ལ་ཏིར་སླེབ་ཟེར། དེར་འགོ་སྣམ་དང་གོས་ཆེན་གཉིས་ཀ་འཐག །རྒྱ་མཚོའི་གླིང་དབར་ཡིན་པས་ནོར་སྣ་མང་པོ་འཐོན། ལོ་རྒྱུས་གཞན་དུ་རིན་པོ་ཆེའི་རིས་རྒྱ་མཚོའི་ཁ་དོག་འགྱུར་བ་ཡོད་པར་གྲགས་ཀྱང་། ཁོང་ཚོས་ཕྱིན་པའི་རྒྱ་མཚོར་ནི་རིའི་གསེབ་ནས་རིན་པོ་ཆེ་མང་པོ་ཐོན་པ་ལས། རིན་པོ་ཆེའི་རི་དངོས་སྣང་མེད་ཟེར་སྐད། བཟོ་གནས་ལ་ཤེལ་མིག་ཆེ་ཆུང་དང་། དཀར་ཡོལ། ཤེལ་བུམ་ལ་སོགས་པའི་ཤེལ་སྤྱད་ཀྱང་སྤུས་ཤིན་ཏུ་དག །ཆུ་ཚོད་ཆེ་ཆུང་དང་། སྤྲ་བ་དང་སྦི་ཐི་མི་དགོས་པ་མེ་མདའ་ཁྱད་མཚར། གྲི་ཆེ་ཆུང་སོགས་མཚོན་ཆ་རྣོ་ངར་ཅན། ཁྱད་པར་བཟོ་རྩེད་ལ་མཁས་པས་སྒམ་ནང་དུ་ཤ་དཀར་གྱི་དོང་བུ་ཆེ་ཆུང་མང་པོ་ལས་སྐད་སྒོམ་ཕྲ། འགྱུར་དང་ཁུགས་དགོས་སར་བཟོ་དབྱིབས་སྣ་ཚོགས་པའི་སྦུག་ཀྱོང་རྣམས་གྲངས་མང་པོ། ཚིག་གི་སྒྲ་དགོས་སར་གཟེར་བུའི་འཁྲུལ་འཁོར་མང་པོ་བྱས་པ་མུ་སྤྲེལ་གྱི་ནང་རླུང་ཁོར་ཡུག་ཏུ་འགྲོ་ས་ཡོད་པར་བྱས་པ་ལ། སྒམ་གྱི་ཕྱི་ནས་གཅུས་པུར་བསྒྲིམས་པས་ནང་དུ་པགས་པ་མཉེན་པོའི་རྒུད་པ་ལས་རླུང་བྱུང་ནས་སྐྱེས་བུའི་ངག་ནས་བཏོན་པ་ལྟ་བུའི་གླུ་དབྱངས་ཤིན་ཏུ་སྙན་པར་སྒྲོག་པ་ལ་ཏི་རུབ་སྟོང་ཕྲག་རི་པ་ནས་རིམ་པར་གོང་ཐང་ཆེ་ཆུང་གིས་བཅད་པ་དང་། ཡང་སྒམ་གྱི་སྟེང་དུ་ཤེལ་སྒོ་

(༤༥༡)བསླངས་པ་ལ་ཕྱིའི་ཡུལ་ལྗོངས་གསལ་བ་གང་ཞིག་གི་གཟུགས་བརྙན་མེ་ལོང་ནང་མ་བསྙལ་པ་ལ་གསལ་བའི་འཕྲུལ་གྱིས་ཡུལ་ལྗོངས་ཆེན་པོའི་བཀོད་པ་བདེ་བླག་ཏུ་འདྲི་ཐུབ་པ་དང་། འཛམ་བུའི་གླིང་གི་ཡུལ་བཀོད་བྱང་བུ་ཆུང་ཆུང་སྣ་ཚོགས་ལ་བྲིས་པ་ཤེལ་སྒོའི་ནང་དུ་ཤིན་ཏུ་ཆེ་བར་འཆར་བ་སོགས་བཟོ་གནས་ངོ་མཚར་བ་མང་པོ་ཐོན་ཡང་། བསྟན་པ་དང་སེམས་ཅན་གྱི་བདེ་སྐྱིད་ལ་སྨན་པ་མ་ཡིན་པས་བཟོ་གནས་སྤྲུལ་པའི་སྐུར་མི་རུང་ཞིང་། ནོར་སྲིད་ཆེ་བས་གླ་སྤྲད་ན་དམག་མི་ཡང་གང་དགོས་འབྱོར་པའི་མིང་ལ་ཤི་བར་ཟེར་བ་ཡིན། འདུ་ཤེས་གསུམ་དང་སྙོམས་འཇུག་གི་ངང་དུ་ཁྱབ་པ་འདུ་བྱེད་ཀྱི་སྡུག་བསྔལ་བསྒྲུབ་པའི་ལོག་ཤེས་ཙམ་མོ། །དེ་ལ་འདི་སྐད་ཅེས། བཟའ་དང་ཉལ་དང་འཆག་པ་གསུམ། །དུད་འགྲོ་རྣམས་དང་ཐུན་མོང་སྟེ། །སྨད་འཚོང་བཀུར་དང་ཕ་རོལ་གྱི། །སྲོག་དང་ནོར་དང་འགྱེད་ལ་དགའ། །དམག་དང་ཆོམ་རྐུན་འདུ་འཛིས་གཡེངས། །སྲོག་ལ་འབེམ་བཅས་རྒྱ་མཚོར་བགྲོད། །དེ་ཙམ་དེ་ཡིས་མཐོ་རིས་ཀྱི། ཁྱད་པར་ཡིན་པ་མཁྱེན་པར་མཛོད། །ལར་ཤང་ཤང་དང་། ཁྲུང་ཁྲུང་དང་། ཀུ་ཤའི་གླིང་ལ་སོགས་པ་དུས་ཀྱི་འཁོར་ལོ་ལ་སོགས་ཏེ་བཀའ་བསྟན་བཅོས་དག་ལས་བཤད་པ་དང་། དེར་མ་ལྟོས་པའང་གཟིངས་ཀྱིས་ཟླ་བ་ཙམ་པ་དང་། ཟླ་བ་ཕྱེད་ཙམ་ལ་སོགས་པས་བགྲོད་པའི་གླིང་བྲན་མང་། རྒྱ་མཚོ་ཆེན་པོ་ལ་བགྲོད་པའི་གཟིངས་ཆེ་ཤོས་ལ་ཛོ་ཧ་ཟེར། ཆེ་ཆུང་ཁང་པ་ཀ་བརྒྱད་མ་ཙམ་ལ་ཐོག་རིམ་བཞི་པ་གནམ་སྒོ་ཅན། ཆུས་མི་འཇིག་པའི་རྩིས་བསྡམས་ཤིང་། འགྲོ་ས་གནམ་སྒོ་དང་། གཞན་གློ་སྐར་མང་། གཟིངས་ཀྱི་སྟེང་དུ་རས་ཀྱི་གུར་དང་། རླུང་གིས་འགྲོ་ལུགས་དང་མཐུན་པར་ཕན་འདོགས་པའི་དར་པོ་ཆེ་བཟོ་དབྱིབས་ཐང་ཀ་ལྟ་བུ་ཏེར་ཏེར་པོར་སྡོད་པ་དང་། ཟུར་གཉིས་སྤྲད་པའི་ཆུད་ཚད་སྦུ་གུའི་རྡུལ་དུ་དོད་པ་སོགས་

(༤༥༢)བཟོ་དབྱིབས་སྣ་ཚོགས་བརྒྱད་ཙམ་ཡོད་པས་རླུང་འགྲོ་ཕྱོགས་ལས་གོ་ལྡོག་ནའང་། གཟིངས་རླུང་ཕྱོགས་སུ་མི་ཁྱེར་ཞིང་། ཚུག་གིའང་།།།སྡོད་མི་དགོས་པའི་ཐབས་ལ་མཁས་པ་ཡོད། དེ་ཡང་དབུས་སུ་ཤིང་རིང་པོ་འདོམ་བརྒྱད་ཙམ་གསུམ་བཞི་སྐོར་བཙུགས་པའི་རྩེར། རླུང་དང་སྤྲིན་གྱི་འགྲོ་ཕྱོགས་ཀྱིས་མཚོན་དགེ་སྒྱོན་བརྟག་པའི་དེད་དཔོན་འདུག་ཏུ་རུང་བ་དང་། དེ་ལ་ཡན་མན་དུ་བགྲོད་པའི་ཐག་སྐས་བྱས། དར་པོ་ཆེ་དེ་སྟོབས་ཆེས་པས་གཟིངས་མི་ལྡོག་པའི་ཐབས་སུ། གཟིངས་ཀྱི་འོག་ཁང་དུ་ཚྭ་ལ་སོགས་པ་འཇོག །གཟིངས་སྡོད་པའི་ཐབས་ལ་ལྕགས་ཀྱི་ལངྐ་ཏེ་གཏིང་རྡོ་ཆེན་པོ་སྔ་ཕྱི་གཉིས་བྱས་པ། འཇུག་ལྡོག་གཅུས་ཕུར་ལྟ་བུའི་འཁོར་ལོས་བྱེད། ཡང་གྲུ་བོ་ཆེ་འདྲད་པའི་གྲུ་ཆུང་ན་ཧོ་ཟེར་བ་མི་བདུན་བརྒྱད་ཙམ་ཤོང་བ་མང་པོས་སྔོན་ལ་འདྲད། སོང་ན་ཐར་ས་མེད་པའི་རྒྱ་མཚོའི་ཀློང་དང་། ཆུ་སྲིན། ཆུ་སྲིན་གྱི་དབྱིབས་འདྲ་བའི་གཟིངས་ལ་གནོད་པ་ཅན་ཀུ་མིར། ཉིན་ལམ་ཙམ་ཁྱབ་པའི་ཉ་བོ་ཆེ། ཆུའི་སྡིག་སྲིན་སོགས་གནོད་པ་མང་བས་གཟིངས་ཀྱི་ཕྱོགས་བཞིར་གནམ་ལྕགས་བསྒྲགས། རྒྱང་ལ་ཤེལ་མིག་གིས་བལྟ། ཆུ་ཕྲན་ལ་བགྲོད་པའི་གྲུ་ཤར་གྱི་མིང་ལ་བྷོ་སོར་ཟེར་ཏེ་དར་ཆེན་གཉིས་དང་གཅིག་མ་ངེས་པས་ཆོག །དེ་ལ་སོགས་ཏེ་རྒྱ་མཚོ་བརྟག་པའི་རབ་བྱེད་སྐྱེས་པ་རབས་ཀྱི་རྒྱུད་དང་། དེད་དཔོན་ཚོའི་གཏམ་རྒྱུད་ཀྱིས་མཚོན་པས། འདི་ནི་མཐོང་ཆོས་གཏན་ལ་ཕབ་པའི་གཏམ་མོ། །ལར་ཀ་ལི་ཀ་ཏ་དེ་འཛམ་བུའི་གླིང་ནས་རྒྱ་མཚོར་འགྲོ་བའི་འགྲོ་ལམ་ཉེ་བ་ཞག་གསུམ་ན་སླེབ་པ་ཞིག་ཡིན་ལ། གཟིངས་ལ་ཞུགས་ནས་ཕེ་རེང་པའི་ཡུལ་ལ་ནུབ་བཅད་འགྲོ་བའི་འགྱངས་ཁ་ཡོད་པ་ཞིག་ན། འཛམ་བུའི་གླིང་ལ་ཉེ་བའི་རྒྱ་མཚོའི་གླིང་དབར་སིངྒ་ལར་གྲགས་པའི་ཡུལ་གླིང་ཆེན་པོ་ཞིག་ཡོད། རིན་པོ་

(༤༥༣)ཆེའི་རིགས་དང་ཁྱད་པར་མུ་ཏིག་མང་པོ་ཐོན། མུ་ཏིག་ལེན་པའི་ཚེ་མགོ་ལ་ཤེལ་གྱི་ཡོལ་གོ་གྱོན། སྐེད་པ་ལ་ལྕགས་ཐག་བཏགས་ནས་རྒྱ་མཚོ་ལ་འཛུལ་བའི་གླ་ཏི་རུབ་སྟོང་ཕྲག་རེ་སྤྲོད། ལར་སེར་བ་བབས་མ་ཐག་ལ་རྫས་སྦྱོར་བྱས་པའི་མུ་ཏིག་ཀྱང་ཡོད་སྐད། ཁྲ་ནི་ཤ་བདའ་བའི་དོན་དུ་ཡིན་ཟེར་བ་དོན་ལ་གནས། མི་རྣམས་ཀྱང་འབྱོར་བ་ཆེ། གཟུགས་བྱད་མཚར། སློབ་དཔོན་ཙནྡྲ་གོ་མིས་བཞུགས་པའི་ཙནྡྲ་དྭི་བ་ནི་ཡིན་མིན་ཆ་མི་ཕྱེད། ལི་རྡོ་རང་བཞུས་བྱུང་བའི་རི་ཡོད་མིན་ཡང་མ་འཚལ། ཡུལ་དེར་ཤིང་ཚྭ་གཞན་ཚོ་ལས་རོ་བཟང་ཞིང་ལི་ཤི་དང་དབྱིབས་མཚུངས་པའི་འབྲས་བུ་ཆགས་པ་ཞིག་ཡོད་པ་ལ་རིན་ཆེ། དེར་འཛམ་བུའི་གླིང་པའི་མི་སླེབས་ན་དགའ་ཚོར་ཆེན་པོ་བྱེད་ཅིང་ནོར་མང་པོ་སྟེར། ཁྱད་པར་ཕོ་བས་མོ་མང་། བུད་མེད་དེ་ཚོས་ངེད་ཚོའི་ནོར་ལོངས་སྤྱོད་ཀྱི་བདག་པོ་གྱིས་ལ་སྡོད་ཟེར། སྡད་མཁན་ཡང་ཡོད་ཟེར། དེ་ཙམ་ནི་ཀ་ལི་ཀ་ཏར་ལོ་གསུམ་བསྡད་ནས། རྒྱ་མཚོ་ལ་ཐུག་གི་བར་ཕྱིན་པའི་ཁོ་བོ་ཅག་གི་སློབ་མ་བདུང་བསམ་པ་བྱང་ཆུབ་རྒྱལ་མཚན་གྱིས་རང་ལོ་བདུན་ཅུ་དོན་གསུམ་པའི་ཁར་བསྙད་པ་ལ། དཔྱད་།།།པ་གསུམ་གྱིས་བརྟགས་ཤིང་བགྲོས་གཞན་དང་ཡང་བསྟུན་ནས་བཤད་པ་སྟེ། གཞན་དུ་ན་རྒྱ་གར་གྱི་ཡུལ་ཤིན་ཏུ་རྒྱ་ཆེ་བའི་གཏམ། སངས་རྒྱས་འཕགས་པའི་སྤྱན་གྱིས་གཟིགས་ནས་སམ། རྫུ་འཕྲུལ་ཐོབ་པས་བསྐོར་བའི་རྒྱུད་འཆང་བ་ལས་རྡོ་ཐོགས་པ་མ་ཡིན་ནོ། །འདི་ནི་བརྟག་པ་བརྒྱད་ཀ་དང་། །མཐུན་པའི་དཔེར་བརྗོད་ལ་བརྟེན་ནས། །ཕ་རོལ་གྱི་ནི་གནས་ཤེས་སླད། །བརྗོད་པས་དགོས་པའི་གནས་མཁྱེན་མཛོད། །གཏམ་ཚོགས་ལེའུ་གསུམ་པའོ།། །།

(༤༥༤)རིན་པོ་ཆེ་བརྟག་པའི་གཏམ། ཙིནྟ་མ་ཎིའི་མཛོད་ཁང་ཞེས་བྱ་བ། སངས་རྒྱས་ལ་ཕྱག་འཚལ་ལོ། །རྒྱལ་བ་བྱོན་ནས་ཀླུ་ཡི་དབང་པོའི་བར། །གྲོག་དང་སྒྲུབ་པའི་འཁོར་ལོས་མ་བསྙེངས་བཞིན། །གཙུག་ལག་ཁང་དང་སྐུ་གསུང་ཐུགས་རྟེན་གྱི། །བྱ་བའི་འཁོར་ལོའང་ཡར་ངོའི་གང་བ་བཞིན། །གངས་རིའི་ཁྲོད་འདིར་སེམས་སྟོབས་ཆེན་པོའི་ལྷ། །མེས་དབོན་གསུམ་གྱི་རྒྱལ་བའི་ལུང་རྟོགས་དང་། །བསྟི་གནས་ཆོས་འཁོར་རིན་ཆེན་རྣམ་གསུམ་གྱིས། །གཏམས་པའི་རྣམ་ཐར་སྒོ་གཏན་སུས་ཁུར་བཟོད། །གང་ཞིག་ས་འདི་རིན་ཆེན་འབྱུང་གནས་དང་། །བཟོ་གནས་སྤྲུལ་པའི་རྣམ་རིག་ཐབས་ཤེས་སུ། །རྟེན་ཅིང་འབྲེལ་བར་འབྱུང་བའི་ཆོས་ཉིད་ལ། །རྟོན་ན་ཡིད་བཞིན་ནོར་བུའི་མཛོད་ཁང་བཤད། །འདི་ལ་གཉིས། རིན་པོ་ཆེའི་རྣམ་གཞག་སྤྱིར་བཤད་པ་དང་། བྱེ་བྲག་ཏུ་སྨོས་པའོ། །དང་པོ་ནི། མདོ་སྡེ་དང་རྒྱུད་སྡེ་རིན་པོ་ཆེ་ལ་སོགས་པའི་བཀའ་དངོས་དང་། པཎ་གྲུབ་རྣམས་ཀྱི་བསྟན་བཅོས་ལས་རིན་པོ་ཆེའི་རྣམ་གྲངས་ལྔ་དང་། བདུན་དང་། བཅུ་དང་། བཅོ་ལྔ་དང་། བཅུ་དགུ་ལ་སོགས་མཆོག་འབྲིང་དམན་བར་ཕྱེ་བ་རྣམས་ཀྱང་རིགས་ཀྱི་སྒོ་ནས་ལྷ་དང་མི་དང་བྱང་ཆུབ་སེམས་དཔའི་ནོར་བུ་གསུམ་དུ་འདུ་བའི་ཚུལ། སློབ་དཔོན་ཀླུ་སྒྲུབ་ཀྱིས། རིན་པོ་ཆེ་རིགས་གསུམ་གྱི་དམན་པ་མིའི་ནོར་བུ་ནི་མཐུ་ཆུང་བ་སྟེ། དེ་ཡང་ཡོངས་སུ་དག་པའི་ཁ་དོག་དང་ལྡན་པས་ཀྱང་། དུག་དང་། གདོན་དང་། མུན་པ་དང་། སྐྲངས་པ་དང་། ཚ་བ་ལ་སོགས་པའི་སྡུག་བསྔལ་སེལ་བར་བྱེད་པས་ན་ཡོན་ཏན་གྱི་ཁྱད་པར་བདུན་དང་ལྡན་ལ། ལྷའི་ནོར་བུ་རིན་པོ་ཆེ་ལ་ཡོན་ཏན་སྔ་མ་དེ་བདུན་གྱི་སྟེང་དུ། རྟག་པར་ལྷའི་ལུས་ཀྱི་རྗེས་སུ་འབྲང་བ་དང་། ཡང་དག་པ་དང་། སྨྲ་བར་རུང་བ་དང་། ཡང་ཞིང་མི་ལྕི་བ་སྟེ་ཡོན་ཏན་བཅུ་གཅིག་དང་ལྡན་ཞིང་། བྱང་ཆུབ་སེམས་དཔའི་ནོར་བུ་རིན་པོ་ཆེ་ནི་སྔ་མའི་ཡོན་ཏན་བཅུ་གཅིག་གི་སྟེང་དུ་སེམས་ཅན་ཐམས་ཅད་ཀྱི་འཆི་འཕོ་བརྟག་པ་དང་།

(༤༥༥)སྐྱེ་བའི་མཐའ་ཤེས་པ་དང་། ཆོས་ཀྱི་སྒྲ་སྐད་སྣ་ཚོགས་པ་འབྱུང་བ་སྟེ་ཡོན་ཏན་གྱི་ཁྱད་པར་བཅུ་བཞི་དང་ལྡན་པའོ། །ཞེས་སོ། །དེ་ལ་བྱང་ཆུབ་སེམས་དཔའི་ནོར་བུ་ནི། ལོངས་སྤྱོད་རྫོགས་པ་རྣམས་ཀྱི་སྐུ་གསུང་ཐུགས་ཀྱི་རྒྱན་དང་། མངོན་པར་དགའ་བ་ལ་སོགས་པའི་ཞིང་ཁམས་དང་གཞལ་མེད་ཁང་གི་རྒྱན་དང་། གཞི་དང་། ལྗོན་པ་ལ་སོགས་པ་དཔེར་ན་འོད་དཔག་མེད་པའི་ཞིང་གི་བཀོད་པ་ལས་བཤད་པ་ལྟར་རོ། །ལྷའི་ནོར་བུ་ནི་དབང་པོའི་རིན་པོ་ཆེ་ཨིནྡ་རྙི་ལ་དང་། མཐོན་ཁ་ཆེན་པོ་དང་། སཱ་རཱ་ཛ་ཏིའོ། །ལྷ་མ་ཡིན་གྱི་རིན་པོ་ཆེ་ཛམྦུ་ཀ་དང་། ཀླུའི་རྒྱལ་པོ་དག་གི་གཙུག་ནོར་བཻ་ཌཱུརྱ་སྔོ་སྐྱ་ཟུར་བརྒྱད་པ་ལ་སོགས་པ་སྡེ་ཚན་མཐུན་པར་བསྡུས་ཀྱང་རུང་སྟེ་ལྷ་མ་ཡིན་ནི་གནས་རིགས་སྣ་ཚོགས་པ་ཅན་གྱི་ཕྱིར་རོ། །དེ་ལས་མིའི་རིན་པོ་ཆེ་ནི་རྣམ་པ་ལྔར་འདུ་སྟེ། སློབ་དཔོན་ཀླུས། གསེར་དང་། དངུལ་དང་། མུ་ཏིག་དམར་པོ་དང་། བཻ་ཌཱུརྱ་དང་། ཙིནྟ་མ་ཎི་སྟེ་ལྔར་བཤད་དོ། །ཞེས་སོ། །འདིར་གཞན་པ་རྣམས་ནི་འོག་ཏུ་འགོད་པར་བྱེད་ལ། ཁྱད་པར་དུ་གྱུར་པ་ཙིནྟ་མ་ཎིའམ། ཡིད་བཞིན་ནོར་བུ་ལ་མཆོག་དམན་གཉིས་ལས། དང་པོ་ནི། དེ་བཞིན་གཤེགས་པའི་རིང་བསྲེལ་རྣམ་པ་ལྔ་དང་། ཁྱད་པར་ཉུང་འབྲུ་ལྟ་བུའི་རིང་བསྲེལ་ཏེ། མདོ་སྡེ་བསྐལ་བཟང་ལས་ཀྱང་། སྐུ་གདུང་ནི་རྒྱས་པར་འགྱུར་རོ། །ཞེས་པ་ལྟར་འདྲེན་པ་བཞི་པའི་བསྟན་པ་འདི་ལ་རྒྱ་གར་གྱི་མཆོད་རྟེན་པདྨའི་སྙིང་པོ་ཅན་ནས་བླངས་པ་བསམ་ཡས་མཆོད་རྟེན་དཀར་པོ་ན་བཞུགས་པ་ལས་ཀྱང་འཕེལ་བ་བཞིན་ནོ། །དེ་ལྟ་བུའི་རིང་བསྲེལ་ནི་མི་འབའ་ཞིག་པ་ལས་བདེ་འགྲོ་གཞན་པས་མི་ཐོབ་ཅེས་གྲགས་པ་ནི་དགོངས་གཞི་ཅན་དུ་མ་ཤེས་ན་སྐུ་གདུང་ཆ་བརྒྱད་དུ་བགོས་པའང་དོན་མེད་ལ། འོན་ཀྱང་ཀླུ་སྒྲུབ་ཞབས་ཀྱིས། མིའི་ཡིད་བཞིན་གྱི་ནོར་བུ་རིན་པོ་ཆེ་ནི་དེ་བཞིན་གཤེགས་པའི་རིང་བསྲེལ་ལས་འབྱུང་སྟེ། དམ་པའི་ཆོས་མ་ནུབ་ཀྱི་བར་དུ་ཡུལ་དེའི་གདུལ་བྱ་སྐྱོང་ལ། དམ་པའི་

(༤༥༦)ཆོས་ནམ་ནུབ་པར་གྱུར་པ་ན་རིང་བསྲེལ་རྣམས་རྒྱ་མཚོ་ཆེན་པོའི་ནང་དུ་ནོར་བུའི་གཟུགས་སུ་འགྱུར་རོ། །དཔེར་ན་ལོ་སྟོང་ལོན་པའི་ཆབ་རོམ་རིན་པོ་ཆེ་སྦུག་ཏུ་གྱུར་པ་བཞིན་ནོ། །ཞེས་པའི་དོན་ནི་བསྟན་པ་ནུབ་པ་ན་རིང་བསྲེལ་གྱི་ཡོན་ཏན་ཤེས་པར་མི་ནུས་པས་རིང་བསྲེལ་རྣམས་རྒྱ་མཚོ་ཆེན་པོའི་ནང་དུ་ནོར་བུར་གནས་གྱུར་ནས་གྲུ་རྣམས་ཀྱི་དོན་བྱེད་པ་ལ་དགོངས་པའོ། །གཉིས་པ་ནི། གསོལ་བ་བཏབ་ན་འདོད་དགུ་འབྱུང་བའི་ཡིད་བཞིན་གྱི་ནོར་བུ་སྟེ། རིང་བསྲེལ་ལས་སླར་གྱུར་པའི་མཆོག་ཀླུ་དབང་རྣམས་ཀྱིས་དེ་བཞིན་གཤེགས་པ་རྣམས་དང་། ལྷ་དང་དྲང་སྲོང་རྣམས་ལ་ཕུལ་བས་འཇིག་རྟེན་གྱི་བསོད་ནམས་སུ་གྱུར་པ་ཉིད་ཀྱང་། རིན་ཐང་འཛམ་བུའི་གླིང་དང་མཉམ་པས་སྐྱེ་བོ་ཕལ་པ་རྣམས་ཀྱི་ལག་ཏུ་མི་འབྱུང་ངོ་། །དེ་ལ་ཙིནྟ་མ་ཎིའི་མཚན་ཉིད་ནི། ཁ་དོག་ནམ་མཁའ་ཞུན་མ་ལྟ་བུ་ལ་སེར་མདངས་ཅུང་ཟད་མངོན་པ། རྨ་བྱའི་མདོངས་ལྟ་བུའི་རི་མོ་བདུན་གྱིས་ཤིན་ཏུ་མཛེས་པར་བྱས་ཤིང་། ཆེ་ཤོས་བྱ་གག་གི་དར་སྒོང་ཙམ་ལ་ཟུར་མང་ཉུང་དུ་མངོན་པ། ནམ་མཁར་བཏེག་ན་དེ་དང་འགྲ་ཞིང་མིག་ལ་བཀབ་པས་ཉིན་མོའི་འོད་ཀྱང་ཟིལ་གྱིས་ནོན་པ་ལྟར་སྐར་ཚོགས་ཐམས་ཅད་མཚན་མོ་ལྟར་མཐོང་བ། དགོས་འདོད་འབྱུང་བའི་རྟགས་སུ་ངོ་བོ་ཉིད་ལ་ཀ་ཤི་ཀའི་རས་བརྩེགས་མར་བཀབ་ནས་བདེན་པའི་སྟོབས་བརྗོད་ན། དེའི་མོད་ལ་བླ་འོག་བརྗེ་བ་ཁྱད་པར་གྱི་ཆོས་སོ། །གཉིས་པ་ལ་བཞི། རྟེན་ཁྱད་པར་ཅན་འགྲུབ་པའི་རྒྱུ་བཞུ་བའི་ཁམས་ཀྱི་རིན་པོ་ཆེའི་མཚན་ཉིད། དེ་ལ་བརྒྱན་པར་འོས་པ་མི་བཞུ་བའི་ཁམས་ཀྱི་རིན་པོ་ཆེའི་རྣམ་དབྱེ། གང་ཞིག་གྲུབ་པའི་འབྲས་བུ་རྟེན་གྱི་ངོ་བོ་ལ་དཔྱད་པ། གང་ལ་རིམ་གྲོ་བསྐྱེད་པའི་ཕན་ཡོན་བཤད་པའོ། །དང་པོ་ནི། དེ་ལ་བཞུ་བའི་ཁམས་ཀྱི་རིན་ཆེན་བཤད། །རྒྱ་གར་ཕྲལ་སྐད་སོན་ཞེས་བྱ་སྟེ། །འཁོར་ལོས་སྒྱུར་བའི་ལྕགས་ཀྱི་དང་པོ་གསེར། །འདི་ལ་རིགས་ཕྲན་མང་ཡང་རིགས་ཆེན་གཉིས། །

(༤༥༧)ཁ་དོག་གིས་བརྟག་དམར་སེར་གཉིས་སུ་ཡོད། །མཆོག་ཏུ་གྱུར་པ་གསེར་དམར་ཉིད་ཡིན་ཏེ། །མ་དྲོས་མཚོ་ནང་འཛམ་བུ་ཏྲིཀྵའི་འབྲས། །ཀླུ་མཆོག་རྣམས་ཀྱིས་རིན་ཆེན་སྣ་བདུན་དང་། །བསྲེས་ནས་ཟོས་པའི་ངོ་བོ་གསེར་དམར་ཏེ། །རྟེན་འབྲེལ་ཚོགས་པའི་རང་བྱུང་ཛྷི་ཀྵི༚་ཡིན། །རླབས་ཀྱིས་དེང་པས་སིནྡྷུའི་འགྲམ་དུ་ཆགས། །དེ་ཉིད་མེ་ཟན་ཞེས་བྱའི་འདབ་ཆགས་ཀྱིས། །ཟོས་པས་ཚེ་རིང་བྱར་གྱུར་དེའི་དྲོད་ཀྱིས། །བཞུ་བཏུལ་སྦྱངས་པས་བཙོམ་ལྟ་བུར་གྱུར། །ཇིད་གིར་དང་ནི་ཧོར་གྱི་ཡུལ་དུ་མོད། །ཟངས་དམར་མཚུར་གྱིས་མདོག་འདོན་བྱས་པ་འདྲ། །སེར་པོ་མཆོག་དམན་གཉིས་ལས་ས་ལེ་སྦྲམ། །མཆོག་སྟེ་ངོ་བོ་བིཀྵའི་འབྲས་བུ་ནི། །ཉ་ཡིས་ཟོས་བྱུང་དམར་སེར་གུར་ཀུམ་མདོག །འོད་ཟེར་སྣུམ་བག་གཉིས་ཀ་ལྡན་པ་ཡོད། །ཕལ་པ་རི་རྡོ་བྱེ་མ་ཟངས་ལས་བྱུང་། །སེར་ལ་དམར་མདངས་ཆགས་པ་རབ་ཡིན་ལ། །སྟོད་གསེར་སྔོ་ཞིང་མཉེན་ལ་བོད་གསེར་གྱོང་། །སྔོ་དང་སྐྱ་དང་ནག་དམས་རིམ་པས་དམན། །རྒྱ་བོད་ཐོ་གར་ལི་ཡུལ་ཀུན་ནས་ཐོན། །ར་གན་བསྲེས་དང་གསེར་འགྱུར་བྱས་པ་ཡི། །གསེར་མེན་དག་དང་མ་འཁྲུལ་གཅེས་པའོ། །ནུས་པས་ཚེ་རིང་རྒས་སྲ་དབྱིག་དུག་སེལ། །རུ་པཱཾ་དངུལ་ནི་ས་རྡོ་ཤིང་ལས་བྱུང་། །མཆོག་ཏུ་གྱུར་པ་གླིང་ཕྲན་ཨ་ལ་ཡིར། །ས་གཤོར་བྱུས་པའི་ནང་དུ་ཆར་པའི་ཆུ། །བབས་པའི་རྐྱེན་ལས་ཆབ་རོམ་ལྟ་བུར་ཆགས། །རྡོ་ལས་བྱུང་བ་དངུལ་རྡོ་འོད་ཕྲོམ་པ། །དབྱེ་ན་རྡོ་ཡི་བྱེ་བྲག་ལྔ་ལས་བྱུང་། །དང་པོ་ལྕགས་སམ་གཤའ་དང་ཞ་ཉེ་དང་། །ཟངས་འབབ་དེ་ནས་སླར་བཞུ་དངུལ་འབྱུང་བའི། །རིགས་བཞིར་ངེས་ཀྱང་བོད་དུ་རྡོ་དངུལ་ཉིད། །དེ་ཡང་ར་དངུལ་སྔོ་ལ་ལུག་དངུལ་དཀར། །འཁར་བ་སུམ་ཆ་འདྲེས་པ་ཧ་ཡང་ཧོ། །གུ་ལང་ཤིང་ཀུན་གར་ལོག་དངུལ་མདོག་བཟང་། །ཉིས་བཞུས་ལྕགས་དངུལ་སྔོ་ལ་གཤའ་དངུལ་དཀར། །ཞ་དངུལ་ཁམ་ལ་ཟངས་དངུལ་དམར་

(༤༥༨)ཞེས་གྲགས། །ཤིང་ལས་བྱུང་བ་ཁ་བ་།།།ས་ན་ནས། །རུ་པ་ད་རུ་ཞེས་བྱའི་ཤིང་བསྲེགས་ཞུན། །བབས་པ་དེ་ལས་ཆགས་པ་དཀོན་པར་སྣང་། །ཆུ་སེར་རྣག་ཁར་སྐེམ་པར་བྱེད་པ་ཡིན། །རྡུལ་ཆུ་རྒྱ་མཚལ་ཕ་ཝང་ལོང་བུ་དང་། །རྡུལ་དྲེག་ཆགས་པའི་གོས་དང་རེ་བ་དང་། །ཕྱུགས་ལྷས་སྔོ་སྣེའུ་ཕུག་རོན་སྡིག་པ་ནག །རྡོ་ལས་འབྱུང་བ་དཀར་ཞིང་གཡོ་བ་བཟང་། །སྔོ་ལ་བུལ་བ་ངན་ཅིང་འདར་འཕྲིག་ཅན། །ཟངས་ནི་མཆོག་དང་ཕལ་པ་གཉིས་སུ་འདུ། །མཆོག་ནི་ཟངས་རྡོ་སྤང་མ་དག་གི་ལྡེབས། །འབྱར་དང་རང་བྱུང་ཐིག་པོ་ས་ལས་འབྱུང་། །ཕལ་པ་གཉིས་ནི་ཟངས་རྡོ་བཞུས་པ་ལས། །ཕོ་ཟངས་དམར་ནག་གྱེང་ལ་སྐད་ཐག་ཐུང་། །མོ་ཟངས་མཉེན་ཞིང་དམར་ལ་སྐད་ཐག་རིང་། །གསེར་བཙོད་ལི་ལྕགས་ཟངས་བཞིར་དབྱེ་བའང་གྲགས། །ལྕགས་ནི་རྡོ་ཡི་སྙིང་པོ་ཉིད་ཡིན་ཏེ། །སྲོག་ཆགས་དག་ལས་བྱུང་དང་གནམ་ལྕགས་སོགས། །ངེས་པ་མེད་ཀྱང་མཐིང་རྡོ་ལྕགས་རྡོ་དང་། ཁབ་ལེན་མདུང་རྩེ་སོགས་ལས་བྱུང་བ་ལ། །འབྱུང་བ་ལྔ་ཡི་མིང་འདོགས་གྲགས་ན་ཡང་། །ཕོ་མོ་མ་ནིང་རྗེས་སུག་སྣ་འདུས་ལྔ། །དཀར་ལ་གྱོང་ཞིང་ངར་ཐོག་གནག་པ་ཕོ། །གནག་ལ་མཉེན་ཞིང་ངར་ཐོགས་དཀར་བ་མོ། །སྔོ་སྐྱ་མ་ནིང་རྗེས་སུག་སྔོ་ལ་དམར། །སྣ་འདུས་རི་མོ་ཅན་དུ་འདོད་པ་ཡིན། །ཀུན་ལ་རྣོ་ཁྱད་འདོན་པ་ངར་གྱི་འཕྲུལ། །ངར་ལ་ཚ་ངར་གྲང་ངར་རྣམ་གཉིས་ལས། །ཕོ་མོ་སྣ་འདུས་མ་འདྲེས་བཞི་པོ་ལ། །རིམ་བཞིན་ཆུ་སྣ་ཚྭ་སྣ་དུག་སྣ་དང་། །སྨན་སྣས་ཚ་ངར་འདོན་པ་ཁྱད་པར་ཡིན། །མ་ནིང་གྲང་ཆུ་རྗེས་སུག་ཚ་འོ་ཡིས། །སྤྲུས་པའི་འཇིམ་པ་གཡོགས་པས་གྲང་ངར་འདོན། །ལྕགས་ལ་ངར་གྱིས་བརྒྱན་པ་ཞེས་སུ་གྲགས། །མགར་ལ་མཁས་པ་སོག་པོ་ཐུབ་རྒྱལ་དང་། །བུད་མེད་གྲི་ལ་བཟོ་བ་ཞང་བཟའ་མོ། །ཧོ་གེ་ཧོར་དང་གྲི་བཀུམ་བཙན་པོའི་རུས། །ལི་ཟི་སྤུན་དགུ་འཇའ་ཡུལ་ཐལ་མགོ་

(༤༥༩)སོགས། །བཟོ་ཁྱད་ཆུབ་པས་བྱས་པའི་རལ་གྲི་ནི། །ཆོད་ཚད་ཕལ་པའི་བརྒྱ་འགྱུར་ལ་སོགས་ཡོད། ཁྱད་པར་ཁབ་ལེན་ལྕགས་ནི་རིགས་བཞི་ལ། །འགུགས་དང་བཅོད་དང་འབིགས་དང་སྐོར་བྱེད་བཞི། །དང་པོས་ས་ལས་རྒྱ་ཁབ་ལེན་པ་ཡིན། །གཉིས་པས་ལྕགས་གཞན་གཅོད་ལ་གསུམ་པས་འབིགས། །སྐོར་བྱེད་ལྷུན་པོའི་ངོས་ལ་ཁབ་ལེན་གྱི། །བྲག་རི་ཡོད་པས་ལྕགས་གཞན་རང་ཕྱོགས་ལ། །བསྐོར་ཚུལ་ཙི་ནའི་ཕྱོགས་བརྟག་འཁོར་ལོས་མཚོན། །དེ་བཞིན་རྒྱལ་ཁབ་དེ་ཡི་ལྕགས་རི་ལ། །ལྕགས་ཀྱི་ཕྱག་རྡོར་བར་སྣང་ལྡིང་བ་ཡང་། ཁབ་ལེན་ལས་བྱས་ལྕགས་རིའི་འཕྲུལ་དུ་སྨྲ། །དུག་ལྕགས་རྡོ་སོལ་ལས་གཞན་བཞུ་མི་ནུས། །གནམ་ལྕགས་རིགས་ལྔར་འབྱུང་ཞིང་སྒྲ་དབྱངས་རིང་། །སྣུམ་ཞག་ཆེ་ལ་དམས་ནག་དངས་ཆ་ཆུང་། །གདོན་བགེགས་འཇོམས་པའི་གཉེན་པོ་ཡིན་པས་ན། །གཏེར་ཕུར་རྩོད་མེད་འདི་ ཆག་ལོའི་ལམ་ཡིག་ལས་གསལ། དར་འགུགས་བྱེད་མང་། །ཐོག་ལྕགས་ལི་འདྲ་ས་རུམ་བསྐལ་པ་རུ། །གནས་ཀྱང་བཙའ་ཡིས་མི་འཇིག་གཟུགས་བརྙན་ཅན། ཁ་དོག་དཀར་སེར་དམར་ནག་མང་བ་ཡིན། །གཤའ་འམ་ཀླུ་ནི་གཤའ་རྡོ་བཞུས་ལས་འབྱུང་། །རྒྱ་གར་རྒྱ་ནག་ལས་བྱུང་དཀར་ལ་མཉེན། །བོད་ཀྱི་གཤའ་དཀར་འབྲིང་ལ་གཤའ་ནག་ངན། །ཚ་བ་རོང་ནས་དོན་པའི་གཤའ་དཀར་དང་། །འཇུས་ནས་ཐོན་པའི་གཤའ་ནག་གཉིས་སུ་སྲིད། །རྨ་གསོ་གདོན་འཇོམས་སྤུ་ནག་དངུལ་ཆུ་འཆིང་། །ཏི་ཚ་སྔོ་དམར་རྡོ་རིགས་གཉིས་ལས་ཏེ། །དངུལ་བས་སྡོམ་དངས་ཆེས་ཆེ་སོ་བར་གསེག །སྟོད་ནས་ཐོན་པ་མོ་རིགས་ལྷེབ་མོ་བཟང་། །སྨད་ནས་བཅག་འཕྲོ་ལྟ་བུ་ཕོ་རིགས་ངན། །གང་ཡང་སོ་མེར་བསྲེགས་ན་དུད་པར་ཡལ། །མིག་ནད་སྤྱི་དང་ལིང་ཏོག་འཇོམས་པའི་མཆོག །ཟི་།།།ལ་རྒྱ་ནག་ནས་འོད་གཤའ་དཀར་འདྲ། །དེ་ལས་སྲ་ཞིང་སོ་བར་བལྡད་མི་སེག །ཟངས་རག་ལ་བསྲེས་ཏོང་དཀར་ཏང་དམར་འབྱུང་། །

(༤༦༠)བཏུལ་མས་རེག་དུག་ནད་ལ་ཕན་པའོ། ཁྲོ་ནི་རྡོ་བཞུས་ལས་བྱུང་བརྡུང་དུ་མེད། །གདོན་གཟེར་འབུ་སྲིན་ལ་སྦྱར་དུག་ནད་སེལ། །ཞ་ཉེ་དངུལ་རྡོ་འདྲ་བའི་རྡོ་ལས་སམ། །དངུལ་གྱི་ཐལ་གདན་ལས་དང་ས་འོག་ནས། །འབྱུང་བའི་རྡོ་བ་ལྗང་སེར་ལྕི་ལྡན་གསུམ། །བཞུ་བའི་ཁུ་བ་དཀར་དམར་གཉིས་སུ་འབྱུང་། །དུག་ནད་ཤ་རོ་འཇོམས་པའི་ནུས་པར་ལྡན། །དེ་ལྟར་འཇུ་བའི་ཁམས་ཅན་བཅོ་ལྔ་ལས། །ཟངས་ལ་སྟོང་གཤའ་བརྒྱད་དང་དྲུག་སྐོར་བསྲེས། །དེ་ལས་འཁར་བ་དཀར་དམར་འབྱུང་བ་ཡང་། །ནཻ་པ་ལ་ལས་སར་ལི་དངོས་རྒྱུ་དག །ར་ལན་ལ་ནི་རྒྱ་རག་བོང་རག་གཉིས། །ཕོ་རག་སྐྱ་ལ་མོ་རག་ལྗང་སེར་ཏེ། །རག་རྡོ་དང་ནི་ཏི་ཚ་བསྲེ་ལུགས་ཁྱད། །སར་མདངས་ཤིན་ཏུ་ཐོན་པ་གར་ནག་རག །ལི་ལ་རང་བྱུང་བཅོས་བུ་གཉིས་སུ་ཡོད། །རང་བྱུང་སིངྒ་ལའམ་ལི་ཡུལ་གྱི། །རི་བོ་རྒྱལ་བས་བྱིན་བརླབས་ལི་རྡོའི་ཞུན། །བཅོས་བུ་འོད་ལ་སོགས་པར་བྱུང་བ་སྟེ། །གསེར་དངུལ་ཟངས་ལྕགས་བཤའ་དང་ཏི་ཚ་དང་། །ཟི་ལ་ཁྲོ་དང་ཞ་ཉེ་རྣམ་པ་དགུ། །ཀུན་ནས་འདུས་སམ་གཙོ་ལ་འཁོར་དུ་ལྡན། །དམན་པ་བསྲིངས་ལས་བཟང་ངན་ཁྱད་པར་ཆེ། །དེ་ཡང་མདོག་ལི་སྐད་ལི་གཉིས་སུ་ཡོད། །མདོག་ལི་སྐུ་གསུང་ཐུགས་རྟེན་གསུམ་ཀར་གཅེས། །གཤའ་རིགས་དྲུག་ལ་ཟངས་ཀྱི་སྐོར་ཐང་དང་། །ཏི་ཚ་གསེར་དངུལ་བསྲེས་པ་མདོག་ལི་སྟེ། །བསྲེ་ལུགས་ལག་རྒྱུན་མཁས་པས་ལི་དཀར་དང་། །ལི་དམར་ལི་སྨུག་ལི་ནག་འབོལ་ཞག་ཅན། །སྐད་ལི་ལ་ནི་ཟི་ལ་བསྲེ་བ་གནད། །དེང་སང་ཁ་ཆུར་ཡུལ་ནས་དོན་པའི་རྡིག །སྐུ་རྒྱུར་བསྲེས་ནས་ཁྱད་པར་འཕགས་པའི་རྒྱུ། །དེ་དག་ཀླ་ཀློའི་ཆོས་ལུགས་འཛིན་པའི་ཕྱིར། །སྔོན་བྱུང་སྐུ་གསུང་ཐུགས་རྟེན་ཁྱད་པར་ཅན། །སྦྱངས་ནས་དཔྱད་པ་བཟོ་ན་མི་ཁོམ་པའི། །གནས་ངན་ལེན་ལའང་སྐྱོ་བ་བསྐུལ་བྱས་ནས། །ཇི་ལྟར་བཤད་པའི་དགོས་པ་རིན་པོ་ཆེ། །རྙེད་ན་བསོད་ནམས་དམ་པའི་ནོར་ཉོས་

(༤༦༡)ཤིག །དེ་སྐད་དུ་ནི་དཔའ་བོ་ཡིས། ཁྱོད་ཀྱིས་མཐོ་རིས་བྱད་གྲོལ་གྱི། །ཐེམ་སྐས་མི་མཉམ་མཉམ་པའི་ཕྱིར། །བསོད་ནམས་ལས་བྱུང་བཟོ་རིག་ཆེ། །རྟག་ཏུ་ལྷ་ཁང་དག་ཏུ་བསོགས། །ཞེས་སོ། །གཉིས་པ་དེ་ལ་བརྒྱན་པར་འོས་པ་ཡི། །རིན་པོ་ཆེ་ཡི་རྣམ་དབྱེ་བཤད་ཀྱིས་ཉོན། །འཇིག་རྟེན་གང་ན་སྙིང་པོར་བཏང་བའི་ལུས། །སོ་བྱས་ཉ་ལ་བཞིན་དུ་འཆི་བདག་གིས། །བདེ་བླག་ཉིད་དུ་སྒྲེན་མོར་བྱེད་པ་ལ། །ནོར་བུའི་དོ་ཤལ་དཔྱད་པ་ཤིན་ཏུ་བླུན། །དེ་ཕྱིར་རིན་ཆེན་རྙེད་ཙམ་བསོད་ནམས་མིན། །བྲམ་ཟེ་དགེ་བས་བཛྲ་ཨ་ས་ནའི། །མ་ཧཱ་བོ་དྷི་བཞེངས་ཚེ་ག་ཤེད་ནས། །ཨཱཏྤ་གརྦྷ་རྙེད་པ་སྤྱན་འབས་དང་། །ཨིནྡྲ་ནི་ལ་མཛོད་སྤུར་ཕུལ་བ་ལས། །མཚན་མོའང་ནོར་བུའི་འོད་ཀྱིས་གསལ་བ་ལྟར། །རྒྱལ་དང་དེ་སྲས་རྣམས་ལ་རྒྱན་མཆོག་གིས། །མངོན་པར་བརྒྱན་པར་བྱ་ཕྱིར་དོན་འདི་བཤད། །དེ་ལ་བཞུ་བ་མ་ཡིན་རིན་པོ་ཆེའི། །དང་པོ་བཻ་ཌཱུརྱ་ལ་རིགས་གསུམ་གྱི། །མཆོག་ནི་གྱི་ལ་མིག་སྟེ་སེར་ཞིང་བཀྲག །གསོན་པོའི་མིག་འདྲ་མཚན་མོ་འོད་ཟེར་འབར། །དེ་བཞིན་མེ་ལ་བཅུག་ན་བཀྲག་མདངས་ཆེ། ཁྱོད་དངས་གསེར་སྐུད་ལྟ་བུའི་ཟེར་གདངས་མང་། །རིན་ཐང་གླིང་བཞི་དང་མཉམ་སྦྲུལ་དུག་བསྲུང་། །མཉྫུ་བཻ་ཌཱུརྱ་ཞེས་གྲགས་པ་ཡིན། །སུ་ག་ཉ་ནི་ཁ་དོག་ལྗང་གུ་ལ། །མཚན་ཕྱེད་འོད་ཟེར་འབར་བས་མུན་པ་འཕྲོག །དཀར་ལ་འོད་ཟེར་མེད་པ་ལ་རྐུ་སྟེ། །རིམ་པས་དམན་ལ་གསེར་སྐུད་ལྟ་བུ་ཡང་། །སྔ་མ་སྔ་མའི་སུམ་ཆ་ཙམ་གྱིས་ཉུང་། །འདི་དག་ས་འོག་སྲན་ཆུང་ཙམ་གནས་ཀྱང་། །ནམ་མཁའ་འོད་ཀྱིས་གང་ཞེས་རྒྱུད་ལས་བཤད། །བཅངས་དང་འོད་ཟེར་འཕོག་པས་ནད་ཀུན་སེལ། །ཨིནྡྲ་ནི་ལ་ཁ་དོག་ལས་སྨོས་ཏེ། །རིགས་ཅན་གསུམ་ལས་མཆོག་ནི་སྟོན་གནམ་འདྲ། །སྟེང་དུ་དར་རས་བཞག་ན་རང་གི་འོད། །དེ་ལ་གདུགས་ལྟར་འཁོར་ཏེ་སྔོན་པོར་འགྱུར། །ནཱི་མ་ལ་ནི་སྔ་མ་ལྟ་བུ་ལས། །བཀྲག་མདངས་དེ་ཡི་སུམ་ཆ་ཙམ་ལས་མེད། །

(༤༦༢)ཀ་ཀ་ནཱི་ལ་སྔ་མ་གཉིས་ལས་ནག །རང་འོད་ཉི་མ་གང་ཡོད་ཕྱོགས་ལ་སྦྲེལ། །ཟུར་ཆག་སྒྲ་ལས་ཨནྡ་རྙིལ་ཞེས་གྲགས། །དབང་པོའི་རྒྱན་ཡིན་རིན་ཐང་རིམ་པ་ལྟར། །གསེར་དང་སྟོང་སྐོར་བརྒྱ་དང་བཅུ་ཕྲག་གོ །ནད་དོ་ཅོག་རྣམས་སེལ་བའི་སྨན་མཆོག་ཡིན། །དེ་བཞིན་རྡོ་ཡི་སྙིང་པོ་མ་རྒད་ལ། མར་ཀ་ཏི་ཞེས་ཀྱང་གྲགས་པ་སྟེ། ཁ་དོག་སྡོ་ལ་དངས་པ་རབ་ཡིན་ལ། །སྔོ་སྐྱ་འབྲིང་པོ་དཀར་ལ་དམར་མདངས་ཞེར། ཁ་དོག་ལྗང་སྔོན་དག་ཀྱང་བཤད་པ་ཡོད། །ཀུན་ཀྱང་དངས་ལ་ཆེ་ཚད་སྟར་ཁ་ཙམ། །ནད་ལ་ཕན་པ་ལགྨན་སིངྒར་འབྱུང་། །པདྨ་རཱ་ག་ལ་ནི་རིགས་དགུ་སྟེ། །དུར་དམར་དངས་པ་པདྨ་རཀྟ་སྟེ། །སོར་གསུམ་ཙམ་དུ་རང་འོད་གསལ་བ་ཡིན། །དམར་སྨུག་དངས་བ་ཧ་རི་གེ་རི་སྟེ། །ཟེར་གདངས་དམར་སེར་གཉིས་ཀ་ཡོད་པ་ལེགས། །པུཥྤ་དམར་སྨུག་རང་གི་བདུན་འགྱུར་འོད། །ཛ་ཏི་མཚམས་སྤྲིན་མདངས་ལ་འོད་ཁྲུ་གང་། །ལ་ལ་སོལ་མེ་ལྟར་བཀྲག་འོད་སོར་གསུམ། །མུ་ལ་སེ་འབྲུ་སྨིན་འདྲ་འོད་ཟེར་དམར། །སྤུག་ནི་དམར་ལ་འོད་ཟེར་སོར་དོ་ཙམ། །རྣམ་རྒྱལ་མེ་འདྲ་འོད་ཟེར་སོར་མོ་གང་། །གོ་མོ་ད་ནི་ཕྱི་བལྟས་མཆིན་ཁ་ལ། །ནང་ནི་མེ་འདྲ་མཁའ་ལ་བཏེག་ན་ཟེར། །ཀུན་ཀྱང་འོད་ཟེར་ཕྱོགས་གཅིག་འཕྲོ་བ་ཡིན། །ཆ་ཚད་མཐེབ་མཛུབ་ཙམ་ནས་ཙུ་ཏའི་འབྲུ། །ཙམ་པའི་བར་ལ་ངེས་པ་མེད་པ་ཡིན། །སིངྒ་ལར་འབྱུང་ནད་གདོན་གཉིས་ཀར་ཕན། །འདི་དག་ཕལ་ཆེར་རིན་ཐང་ཅན་དུ་འདོད། །ཆུ་ཤེལ་ལམ་ནི་ཙནྡྲ་ཀནྟི་ནི། །དཀར་ལ་སྔོ་དངས་ཅུང་ཟད་ལྡན་པ་སྟེ། །བཅོ་ལྔའི་ཟླ་བ་ཉ་དང་ཟེར་འདྲེས་པས། །ཆུ་ཐིགས་གྲང་མོར་འབབ་པ་ཆུ་ཤེལ་རིགས། །བཅངས་།།།ནས་ཚད་སེལ་བ་ཁ་ཆེ་དང་། །མ་ལ་ཝར་འབྱུང་བོང་དུའང་མངོན་རྟོགས་སྲིད། །ཀརྟི་རྐའམ་ཀ་ཀེ་རུ་ལྗང་སེར། །ཆུ་ཡི་ནོར་བུ་གངས་སམ་ཆབ་རོམ་ལོ། །སྟོང་ཕྲག་ལོན་པ་ཁ་དོག་ལྗང་སེར་རམ། ཁྲ་བོར་བཤད་པའི་ཕྱོགས་གཉིས་ངོ་བོ་སྤུག །རཱ་གའི་སྤུག་དང་མ་ནོར་ཚད་པ་སལ། །གངས་

(༤༦༣)ལྡན་དྲག་འགར་ཆ་ཐེགས་འབབ་མ་རག །རྡོ་།།།བ་སྔོ་ཟར་འདྲ་བ་ཆགས་པ་ཡང་། །པུ་ཤ་ལོ་གྲངས་མ་རྫོགས་ཉིད་དུ་ངེས། །མེ་ཡི་འཇིགས་པ་སྐྱོབ་པའི་ཆུ་སྙིང་ནི། ཁ་དོག་དཀར་ལ་སྤ་བ་ཤལ་ལྟར་དངས། །ཆུ་ནང་བཅུག་ན་འདྲེས་པ་ཀླུང་ལ་བརྟག །མེ་སྟེང་བཞག་ན་མེ་ཡང་མོད་ལ་འཆི། །སྲན་སྦོས་ཙམ་པ་ཕྱུར་བུའི་དབྱིབས་སུ་འོང་། །ངོ་བོ་ཆུང་ཡང་གསེར་སྲང་རི་བ་ཡིན། །ནི་ལ་ཚ་ནི་མེ་ཡིས་མི་འཇིག་སྟེ། །སྔོན་བས་ཆེས་ཆེ་རྒྱ་གར་ཕལ་ནས་འབྱུང་། །ཙུ་ཏ་མ་ནི་ཁ་དོག་སེར་པོ་ལ། །གང་བལྟས་ཕྱོགས་ལ་མིག་གི་རི་མོ་མངོན། །འོད་ཟེར་མི་འཕྲོ་གྲིབ་གདོན་རྨི་ངན་བསྲུང་། །སི་རཀ་ཞེས་བྱ་སེར་དངས་དོ་ཀར་འོད། །སོར་གསུམ་འཕྲོ་དང་གཉིས་ཀ་མེས་མི་འཇིག །འདི་དག་ཧོདྨུ་ཙ་དང་ཀ་ལིངྐ། །མུ་ཙེ་ར་ཏ་ཞེས་པའི་ཡུལ་ལས་འོང་། ཁྱད་པར་ཆུ་ཡི་སྙིང་པོ་རིན་ཐང་ཅན། །ནི་ཙུ་ལ་ནི་ཁ་དྲོག་སེར་པོ་ལ། །ཀུན་ནས་མིག་རིས་གསལ་ཞིང་ཉི་མའི་སེར། །ལག་མཐིལ་དུ་བཞག་མོད་ལ་ཆུ་འབྱུང་ཞིང་། ཁ་ནང་བཅུག་ན་སིམ་པ་ཐོབ་པ་སྙམ། །འདི་ནི་གནམ་ཐོག་འབབ་སར་ཐོག་ལྕགས་ལས། །བྱས་པའི་ཡོལ་གོ་ཆུས་བཀང་དེ་ཡིན་པ། །འཁར་གཞོང་བཟེད་པས་ནོར་བུ་དེ་རུ་འབབ། །འཁར་གཞོང་བཤིག་ཀྱང་ནོར་བུ་ཆུ་ནང་ལས། །གཞན་དུ་མི་འཕོ་ཐོག་གི་འཇིགས་པ་བསྲུང་། །ཨཏྨ་གརྦྷ་ལ་ནི་རིགས་གཉིས་ཏེ། །ངོ་བོ་གནག་སྣུམ་དམར་མདངས་ཆགས་པ་ལས། །ཅུང་ཟད་གསལ་དངས་ཆེ་ལ་དྲུ་མར་གྲགས། །ཆུ་ནང་རྡོ་ལས་སྐྱེས་པས་རྡོ་སྙིང་སྟེ། །མཆིན་དུག་སེལ་ལ་མཆོག་ཏུ་བསྔགས་པ་ཡིན། །ཏོ་ར་མ་ཎི་ཞེས་བྱ་རིགས་གསུམ་སྟེ། ཁ་དོག་ལྗང་གུ་འོད་སོར་དོ་པ་དང་། །ཤཀྐ་མདོག་ནག་མིག་འབྲས་འདྲ་བ་རབ། །ཀ་ན་ཀ་ནི་གསེར་གྱི་འོད་ཅན་ནོ། །པུ་གནྟི་ལ་རིགས་གཉིས་རཀྟ་ནི། །ཟངས་ཀྱི་མདོག་ལ་འོད་སོར་ཕྱེད་པ་སྟེ། །ནཱི་ལ་སྔོ་ནག་འོད་སོར་གསུམ་པ་ལེགས། །ཟུར་གསུམ་རང་བྱུང་མ་ག་དྷཱ་ནས་ཐོན། །ཛ་ཏི་རུ་པ་རིགས་

(༤༦༤)གཉིས་སྔོ་སྐྱ་དང་། །དམར་སྐྱས་།།།དབྱེ་སྟེ་གཉིས་ཀ་བླང་བའི་དུས། །རྡུལ་ཆུ་བཞིན་དུ་འགྲོས་སྐྱེན་ཁ་ཆེར་ཡོད། །སྲིད་སྤེལ་བྱིས་གདོན་ཐུབ་པས་ཞོ་བརྒྱ་རི། །པཱ་ནའམ་རྨ་བྱའི་མགྲིན་འདྲ་སྔོན་པོ་ལ། །རི་མོ་ནག་པོ་ཕྲ་མོ་མངོན་ཙམ་པ། །དེ་ཝི་ཀོ་ཊ་ནས་འབྱུང་ཚ་བར་ཕན། །ནལ་ནི་མཆིན་མདོག་དངས་ཤས་ཆེ་བ་ལ། །དུང་གི་སྟེང་བཞག་དེ་ལ་དམར་དམངས་འཕོ། །ཆེ་ཤོས་མཐེབ་ཙམ་གྲུ་བཞིར་ཡོད་པ་མང་། །སྨུག་ཡོས་དུག་དང་དམར་པོས་མཆིན་ཁྲག་སེལ། །བྷི་རོ་ལ་ལ་དྷ་ལ་སིངྒ་གཉིས། །དྷ་ལ་མདོག་སེར་མཐེ་བོང་ལྔ་འགྱུར་ཙམ། །སེར་གངས་བཞི་འཕྲོ་སེངྒ་ལར་འབྱུང་བཟང་། །གཡུ་སྦྲང་མདོག་འདྲ་ཟེར་མེད་ཆུང་བ་ངན། །ཤངྐ་ཤི་ལ་མེ་ཤེལ་དཀར་པོ་སྟེ། །ཉི་འོད་དངས་ལ་མེ་འབྱུང་ཁ་ཆེ་དང་། །མཎྜ་ལར་འོད་གྲང་ནད་གཟའ་གདོན་བསྔགས། །རྒྱ་ཡི་འདྲ་ཅོག་ལྦུ་བ་ཅན་དུ་ཡོད། ཁྱུང་གི་།།།རྒྱ་མཚོར་ནོར་བུ་མིད་སྐྱུགས་པས། ཁྱུང་སྐྱུགས་ཞེས་གྲགས་གཞི་གདན་ལྗང་སྐྱ་མང་། །གཞན་དུ་ཁ་དོག་རིགས་ལྔས་གྲ་རིགས་དབྱེ། ཁྱད་པར་ཅན་ནི་མཁའ་ལྡིང་རྫུས་སྐྱེས་ཀྱིས། །དུག་སྦྲུལ་ཟོས་པས་སྐྱུག་ཅིང་འཆི་བའི་ཚེ། །ལུས་ནི་ཞུགས་སྦྱངས་དོན་སྙིང་བཻ་ཌཱུརྱའི། །ངོ་བོར་གྱུར་བ་བརླ་ཙམ་ཤིན་ཏུ་སྔོ། །དབང་པོས་ཐོབ་ན་གཙུག་ཏོར་།།།བྱེད་ཟེར་ཡང་། ཁང་བཟང་རྣམ་པར་རྒྱལ་བའི་ཀ་བ་ནི། །བརྒྱད་ཁྲི་བཞི་སྟོང་ལྷ་ཡི་བཻ་ཌཱུརྱ། །སྔོན་པོར་མདོ་ལས་གསུངས་པ་མ་མཐོང་ཉམས། །འཁོར་ལོས་སྒྱུར་ཐོབ་ཁྱད་ནོར་བྱེད་པས་དཀོན། །ཕལ་པ་གཡུ་རྙིང་འདྲའོ་མཐིང་མདངས་ཅན། །མཁའ་ལ་བཏེག་ན་ཕྱི་ནང་བསྒྲིབ་མེད་གསལ། །དམར་སེར་འབོལ་ཉམས་ཤེལ་ལྟར་དངས་པ་རབ། །ཀོང་ཡུལ་ནད་རྡོ་ལྗང་སེར་འདྲ་ཅོག་ཙམ། །གཞི་ལྡན་དཀར་ལ་སྔོ་དམར་ལྗང་སེར་འདྲེས། །ཤང་ཤང་གིས་འཁྱོངས་དཀར་གྱི་ཕྲ་མན་གྲགས། །སྦྲུལ་གྱི་ཁ་ནས་བྱུང་བའི་ནོར་བུ་ནི། ཁ་དོག་སེར་པོ་ཆུ་ལ་མི་བྱིང་དངོས། །དུ་གནད་བསྲུང་བ་ཙི་ནའི་ཡུལ་ནས་འོང་། །ཏར་མི་དཀར་

(༤༦༥)སྨུག་ཁྲ་དང་ཞུ་ཧུ་རྫོང་། །མཆིང་བུའི་རིགས་རྣམས་དངས་ཆ་ཆུང་བ་ཡིན། །གྲྀཋྞའི་རྭ་ནི་གཅུས་ཤིང་ཁྲུ་གང་ཙམ། །བསེ་རུ་སྣ་གོང་ལ་ཡོད་འཆི་བའི་ཚེ། །སྒྲ་བཅས་ཡར་བས་གཟུགས་དང་ལྷན་ཅིག་མིན། །སྡེར་ཆགས་སྟག་གི་ར་ཅོ་སེར་གང་ཙམ། །བྱུ་རུའི་མདོག་ཅན་དེ་བཞིན་ཅེ་སྦྱང་དྲ། །ཤ་བ་ཡུ་མོའི་ར་ཅོ་མཐེ་བོང་ཙམ། །རྟ་ཡི་རྭ་ཅོ་རྣ་བའི་ནང་དུ་འོང་། །ཆ་བདུན་ལི་འོས་གླང་པའི་མཆེ་བ་ནི། །ག་ཛ་དནྟ་ཞེས་གྲགས་ཐལ་ཀར་ཆེ། །རབ་ཏུ་གྱུར་ལ་མཆེ་བ་དྲུག་ཡོད་པ། །གང་ལས་ཐམས་ཅད་ནོར་སྣར་འདོང་པ་འཁྲུལ། །རྡོ་ ནག་པོ། པ་ཆར་འབེངས་རྐྱང་ལས་འབྱུང་བ་མང་། །གླད་རྡོ་ཞེས་གྲགས་སྲོག་ཆགས་མ་ངེས་པའི། །གླད་པའི་སྙིང་པོ་རྔོ་།།།བར་གྱུར་པ་ནི། །ངང་སྒྱ་ཀླད་པ་དངོས་དང་འདྲ་བ་ཡིན། །དེ་ཉིད་ཆུར་བཅུག་ཆར་བ་འབེབས་ལ་།།། །ཆར་དབབ་ཆུ་གནས་སྲོག་ཆགས་ལས་བྱུང་བཟང་། །དབང་པོའི་རིལ་བུ་རྒྱལ་རིགས་ལ་སོགས་པ། །རིགས་ཅན་བཞིར་བཤད་དཀར་པོ་མཆོག་ཡིན་ལ། །དེ་བཞིན་དམར་དང་ངང་སེར་སྔོན་པོ་སྟེ། །གླ་བ་གླང་ཆེན་རྨ་བྱ་ར་རྒོད་སྤྲུལ། །ཕོ་ལོང་གྲོད་པའི་ནང་བྱུང་སྦྱར་དུག་སེལ། །སྔོན་བྱུང་བདུད་རྩིའི་ཟེགས་མ་འཐོར་བའི་རྒྱུན། །སྲོག་ཆགས་ཁར་སོང་དེ་ལས་ཆགས་པ་ཡིན། །ནང་ན་ཆུ་ཐིགས་བྱུང་ན་བདུད་རྩི་དངོས། །ལྕིད་ལ་ཙནྡན་ལྟར་གྲང་སོ་མི་སང་། །ཤུན་པར་མི་ཅན་འབོལ་ཞག་ཆེ་བ་ཡིན། །ཉམས་མེད་རྣམས་ལ་སྐྲན་དང་འཛོལ་ས་ཡོད། །དེ་བཞིན་གླ་བའི་རྩི་རིལ་འོད་ཅན་ནང་། །སྦྲུལ་དུག་བསྲུང་བ་དང་ཡང་ཕྱེད་པ་གཅེས། །མུ་ཏིག་མིང་ཅན་དྲུག་ལས་དང་པོ་ནི། །ངོ་བོ་ཉིད་ཀྱི་དམར་བས་རཀྟ་སྟེ། །རྒྱ་མཚོར་གནས་པའི་སྲོག་ཆགས་དམར་པོ་ཡིས། །བདུད་རྩིར་མཚུངས་པའི་ཆར་ཆུ་འཐུངས་པ་ལས། །གྱུར་པ་མཆོག་སྟེ་གསེར་དང་བཅུ་སྐོར་ཐད། །ག་ཛ་མུ་ཏིག་གླང་པོ་ཕལ་པ་རྣམས། །ཟིལ་གྱིས་གནོན་པའི་གླང་མཆོག་སྤྱི་བོའམ། །མཆེ་བའི་ནང་འབྱུང་འཇམ་འབྲས་ཙམ་པ་ལ། །དཀར་ལ་བཀྲག་ཆེ་གསེར་གྱི་བཅུ་སྡེ་བྱེད། །

(༤༦༦)སརྦ་མུ་ཏིག་སེ་འབྲུ་རློན་པ་འདྲ། །སྦྲུལ་གྱི་ཀླད་པ་ལས་བྱུང་གསེར་དང་བརྗེ། །ཤི་སམ་མུ་ཏིག་ཉ་ཕྱིས་ཆ་ཡང་རྩིས། །ཆར་ཆུ་འཐུངས་འབྱུང་དཀར་ལ་འཇའ་མདངས་ཅན། །གསེར་དང་འདབ་འཕར་བ་ཡུ་མུ་ཏིག་ནི། །རྒྱ་གར་ལྷོ་ཕྱོགས་དུ་ལའི་ལྗོན་ཤིང་གི། །འདབ་མར་ཆར་ཆུའི་རྐྱེན་གྱིས་ཆགས་པ་ཡོད། །རི་པ་མུ་ཏིག་ཤར་ཕྱོགས་གླིང་ཕྲན་དུ། །ཀེ་ལའི་འདབ་མར་ཆགས་ཚུལ་གོང་དང་འདྲ། །རིམ་པས་གསེར་འབུན་ཞོ་གང་བཞི་ཆ་ནི། །ཕལ་པ་བཞི་ཡི་ནང་ན་ནག་པོ་མཆོག །རྒྱ་ཏིག་དཀར་ལ་ཨ་མདོ་སྔོ་བ་ཡིན། །སྦྱང་ཏིག་སོབ་ལ་ཤུན་པ་ཅན་དུ་འབྱུང་། །ཀླད་པ་འཛག་གཅོད་དུག་ནད་ཞི་བའི་སྨན། །ཉ་སྐྱོགས་དང་ནི་པ་ཏྲ་ཞེས་བྱ་བ། །འབུ་སྐྱོགས་རིགས་ཡིན་ནུས་པ་མུ་ཏིག་མཚུངས། །རྡོ་ཡི་རྒྱལ་པོ་གཡུ་ལ་འཕགས་ཡུལ་དུ། །རིགས་བཞིར་དབྱེ་ཡང་བོད་དུ་གཡུ་རྙིང་གསུམ། །བར་གཡུ་གཉིས་དང་གཡུ་གསར་གསུམ་དུ་གྲགས། །དང་པོ་གསུམ་ནི་མཆོག་ཏུ་གྱུར་པ་སྟེ། །སྡོ་གདངས་དཀར་ལ་མུན་པར་བཀྲག་པ་དང་། །དམར་ངམས་སྣུམ་ལ་དྲུག་དཀར་དྲུག་དམར་བཏགས། །གང་དང་བསྒྲིགས་ཀྱང་མི་འདྲེ་ཆེས་བཀྲག་ཅིང་། །གཉི་ག་ཟིལ་གནོན་གཡུ་སྦྱང་ཞེས་སུ་གྲགས། །བཀྲག་པའི་ཆོད་ལ་སེམས་ཡོང་འགུལ་བ་སྙམ། །བར་གཡུ་གཉིས་ནི་གོང་ལས་བཀྲག་ཞག་ཆུང་། །དམར་ངམས་བང་དམར་འོ་ཁ་ཅན་གཡུ་སྔོན། །གཡུ་གསར་བརྟག་སླ་འཇིག་རྟེན་གཡུ་དང་ཆེ། །མ་དྲོས་ལས་འོང་རྒྱ་ནག་ཞང་ཞུང་དང་། །གངས་ཅན་གསུམ་ལས་རྒྱ་གར་ལས་མི་འབྱུང་། །བྱེ་རུ་ལ་ནི་དམར་ནག་དཀར་པོ་གསུམ། །རྒྱ་མཚོའི་འགམ་དང་བྲུ་གུའི་ཡུལ་གྱི་མཐའ། །བྲག་སེར་ཆུ་དང་བྱེ་མ་འཐ་།།།བསར་སྐྱེ། །རྒྱལ་མོ་ལག་གཡས་ལ་སོགས་ཤིང་གི་དབྱིབས། །དེ་ཡང་རླན་གཤེར་ཆེ་སར་སྐྱེས་ན་དམར། །སྐམས་ར་ཆད་པས་གདངས་པས་སྐྱ་བ་ཡིན། །ནག་པོ་སོ་ཀི་དྷ་རིའི་གླིང་ནས་འབྱུང་། །དཀར་པོ་དུང་དང་འདྲ་

(༤༦༧)ཡང་ནོར་མིག་ཡོད། །བྱེ་རུ་ཡང་ཞིང་གཞན་དག་ལྕི་བས་ཤེས། །སྤོས་ཤེལ་ལ་ཡང་རང་བྱུང་བཅོས་པུ་གཉིས། །རང་བྱུང་ཐང་ཆུ་རྒྱ་མཚོར་ལྷུང་ལས་བྱུང་། ཁ་ཆེ་ཤིང་ཏོག་སྨིན་འདྲ་སེར་ལ་ལུམ། །དམར་ལ་དངས་ཆ་ཆུང་བ་སྟོད་ཧོར་ཏེ། །དཀར་སྐྱ་སྤྲིན་རིས་ཆེས།།།བསོག་པོའི་ཡིན། །བཅོས་བུ་ཐང་ཆུ་ཁ་ཆེ་ག་པུར་གསུམ། །བསྲེས་པས་ལྤུ་བ་ཤར་དང་འགའ་ཞིག་ལ། །སྲོག་ཆགས་ཚུད་དང་ཚུད་ཤུལ་ཡོད་པ་ཡིན། །སྤུར་མ་ལེན་པས་སྤུར་ལེན་ཞེས་ཀྱང་གྲགས། །འདོད་ཚུལ་གཅིག་ཏུ་ནི་མ་རི་པ་ཏ། །ཞེས་པའི་རྡོ་དཀར་ན་རི་ཀེ་ལའི་ཆུས། །སྦྲུས་ལམ་ཚལ་དང་ཡུང་མཉམ་བསྲེས་པ། །ཤེལ་དང་སྤ་སྣོད་བསྙལ་ནས་ཆགས་ཞེས་ཟེར། །མིག་འགྲིབས་འབྱེད་པ་སྤོས་ཤེལ་རྙིང་མར་འདོད། །མུ་མེན་རིགས་གསུམ་གསེར་ཐིག་ཡོད་པ་དང་། །སྔོ་ནག་བསླད་མེད་མཐིང་ཤུན་འདྲ་བ་དང་། །སྔོ་སྐྱ་ཁྲ་ཐིག་ལྡན་ལ་རིམ་པ་བཞི། །གསེར་མཐིང་ག་ཡི་མུ་མེན་བརྡ་ཆད་བཏགས། །གཟི་ལ་སྟག་ལོག་རྐང་རིང་ཁྲ་ཆུང་གསུམ། །དང་པོ་དབྱིབས་ཟླུམ་ངང་པ་འགྱུར་དབུ་འདི། །མིག་ལ་ཕྱིས་དང་ཆུ་ནང་ཞག་བཞག་ནས། །ཆུ་ལྕག་བརྡེག་དང་བཏུངས་པས་ཁྲག་གཟེར་དང་། །གཟའ་ནད་ལ་ཕན་ལྡེའུར་སྦྱར་བྱས་ནས། །བྱ་གདོན་གཟིང་།།།སྟེང་གདོན་བསྲུང་ཞེས་བཤད། །འདོག་འདྲེས་དང་གཟི་དཀར་འབའ་ཞིག་ཡོད། །ཕྱི་ནང་བསྒྲིབ་པ་མེད་ལ་ཆོད་དུ་གྲགས། །དངས་མིན་དཀར་ལ་དམར་དངས་མ་ན་ཏུཾ། །རྟ་ཡི་ཀླད་པ་འདྲ་བ་གཡང་ཏྲེའུ། །ལུག་ཀླད་དང་འདྲ་དཀར་ཤས་ཆེ་བ་ཡིན། །འདི་དག་སྡེ་བརྒྱད་གནོད་པ་བསྲུང་བ་།།།བསྔགས། །དེ་དག་ཀུན་གྱི་ནང་ནས་དབང་ཆེ་བ། །རྡོ་རྗེ་རིན་ཆེན་ཕ་ལམ་ཉིད་ཡིན་ཏེ། །ཆོས་ཉིད་རང་བཞིན་རྣམ་པ་ཀུན་གྱི་མཆོག །གཞོམ་གཞིང་ཁྲལ་བའི་དོན་ལ་གནས་པ་ལྟར། །ཆོས་ཅན་རྫས་ཀྱི་རྡོ་རྗེ་ཡ་ལམ་གྱིས། །རིན་པོ་ཆེ་ཡི་རིགས་སུ་གྱུར་ཏོ་ཅོག །བརྡར་དང་འབུག་།།།

(༤༦༨)གཅོད་དང་བཟོ་ཡི་དཔྱད། །ཐམས་ཅད་གདོན་ཅིང་ཚུར་ལ་གང་གིས་ཀྱང་། །གླགས་བལྟ་མི་ནུས་བཛྲ་ཧི་ར་སྟེ། །རི་རབ་ཁོང་ན་བདེན་ཚིག་འགྲུབ་པའི་ལྷ། །དྲང་སྲོང་ཞོ་འཐུང་འཕོས་པའི་རུས་པ་ནི། །ཕ་ལམ་རྡོ་རྗེའི་ངོ་བོར་གྱུར་པ་ལས། །རྐང་རུས་ལས་ནི་དབང་པོའི་རྩེ་བརྒྱ་པ། །རྩིབ་མ་ལས་ནི་དབང་ཕྱུག་མདུང་ཐུང་དང་། །སོག་པའི་ཆ་ལས་ཁྱབ་འཇུག་འཁོར་ལོ་བཟོས། །སྔང་།།།ལ་རྒྱབ་དང་རྒྱབ་ཚད་ཕོག་པ་དང་། །ཕོག་ཚད་མཐར་བྱེད་ཤི་ཚད་འདྲེན་པ་ཡི། །དམ་བཅའ་བཞི་དང་ལྡན་པའི་མཚོན་ཆར་གྲགས། །དེ་དག་བཟོས་པའི་ཕྱེ་མ་འཐོར་བ་གང་། །འཛམ་བུའི་གླིང་དབུས་བབས་པས་རྡོ་རྗེའི་གདན། །བསྐལ་པ་ཞིག་ཀྱང་འཇིག་ཏུ་མེད་པ་ཆགས། །གཞན་ཡང་རྡུལ་ཕྲན་གང་དུ་འཆགས་པ་ལས། །རྒྱལ་དང་བྲམ་ཟེ་རྗེའི་དམངས་རིགས་བཞིའི། །རྡོ་རྗེ་རིན་པོ་ཆེར་གྲུབ་དེ་ཡང་ནི། །རྒྱལ་རིགས་ས་ལས་འབྱུང་སྟེ་མེས་མི་འཇིག །བརྡུངས་པས་མི་འཇིག་གཅད་པས་མི་ཆོད་ལ། །བརྡར་བས་མི་འཇིག་རྡོ་རྗེ་ཆེན་པོ་སྟེ། །དམར་ཞིང་སྨུག་པ་ཤིན་ཏུ་དངས་པར་ཡོད། །གསེར་དང་ཉི་ཤུ་རྩ་ལྔའི་སྐོར་ཐང་ནི། །རྡོ་ལས་བྱུང་བ་བྲམ་ཟེའི་རིགས་སུ་འདོད། །མེ་ཡིས་འཇིག་ཅིང་གལ་ཏེ་འཆག་ན་ཡང་། །སྲིད་དུ་དུམ་བུ་གསུམ་པ་ཁོ་ནར་འཆག །སྔོན་པས་ཆེས་དམར་རྡོ་རྗེ་ཆུང་བ་ཟེར། །རིན་ཐང་སྔོན་ལས་ལྔ་སྐོར་ཙམ་གྱིས་དམན། །འདི་གཉིས་ཡུལ་དབུས་དང་ནི་ལྷོ་ཕྱོགས་པ། །བྷཻ་ཏ་བྷེ་རའི་ཡུལ་ནས་འཐོན་པའི་ཁུངས། །རྗེའི་རིགས་ནི་དམར་སྨུག་དངས་ཆ་ཅན། །རིན་ཆེན་གཞན་ལ་མི་ཐོགས་སྟོད་ནས་འཐོན། །དམངས་རིགས་རྡོ་བ་ཀོ་རཉྫ་ནི་སྨུག །ཡར་ལྷ་ཤམ་བོའི་མདུན་ནའང་ཤིན་ཏུ་མོད། །གང་ཡང་གཞན་ལ་ཐོགས་ན་ཕལ་མ་མིན། །དུང་ལ་རིགས་ལྔ་མཆོག་ཏུ་གྱུར་པ་ནི། །སྐྱེ་བ་ལྔ་ཕྲག་བསྟུད་པས་གཡས་འཁྱིལ་ཏེ། །འཁྱིལ་ངོས་དུང་མཇུག་ཡིན་པས་དེ་ལྟར་གྲགས། །བཀྲ་ཤིས་རྫས་མཆོག་གསེར་དང་མཉམ་

(༤༦༩)བརྗེ་བྱེད། །ཆུང་ངུ་ཅུང་ཟད་མོད་ཀྱང་བོད་ན་དཀོན། །རི་མོ་ཅན་ལ་གཟི་དུང་ཞེས་སུ་བརྗོད། །རང་མདོག་སེར་ཁྲ་སོང་ལ་སྟོད་སྨད་རིང་། །གཡས་འཁྱིལ་མཆོག་ལ་གཟི་དུང་རབ་ཏུ་ངེས། །འབྲིང་རྣམས་བཅག་ལ་དམར་མདངས་ཡོད་པ་བཟང་། །ཚོར་མ་ཅན་ཞེས་རྭ་མང་སྐྱེས་པའང་ཡོད། །དུད་དམར་ཞེས་གྲགས་དམར་སེར་རིམ་པས་དམན། །མཱ་ར་ག་ཏི་སི་ཀོ་དྷ་ར་དང་། །རྡོ་བ་རི་ཀ་སོགས་པའི་རྒྱ་མཚོར་འབྱུང་། །དེ་དག་རྒྱན་དང་མཆོད་སྦྱིན་ལ་འོས་པའི། །རིན་པོ་ཆེ་ཡི་རྣམ་དབྱེ་ཤེས་པར་བྱ།། །།སྤྱི་དོན་གསུམ་པ་སྐུ་གསུང་ཐུགས་ཀྱི་རྟེན། །རྒྱུ་དང་རིགས་དང་ངོ་བོའི་སྒོ་ནས་དཔྱད། །རྒྱུ་ལ་འཕགས་པའི་ཡུལ་ན་ཛྙི་ཀྵི༚་རིགས། །གཉིས་དང་གསུམ་དུ་འདོད་པའི་ཕྱོགས་གཉིས་ལས། །ཅིག་ཤོས་གསེར་དམར་ཡིན་པར་རྩོད་པ་མེད། །བཅོས་བྱའི་ཤྭ་ཀརྨའི་སྤྱོད་ཡུལ་ཏེ། །རིན་ཆེན་སྣ་བརྒྱད་བཞུ་བཏུལ་བྱས་པ་ལས། །ཨཥྚ་དྷ་རུའམ་ནི་ལི་ཁྲར་འབོད། །ལི་དཀར་ལས་དམར་ལི་སྨུག་གིས་མི་མཚོན། །སྣ་ཚོགས་འདུས་པའི་བྱེ་ཁ་མངོན་པ་ལ། །སྣང་མུན་མཚམས་སུ་འཇའ་མདངས་གསལ་བ་ནི། །སྟོན་པའི་ཞལ་སྐྱིན་ཤཱཀྱ་མུ་ནེས་མཚོན། །ལི་སྨུག་ཁ་དོག་མཆིན་ཁ་སྔོ་ཞག་ཅན། །སྣང་བས་མདངས་བསྐྱུར་བྱ་ལམ་དངས་རྙོག་ལས། །ད་དུང་མངོན་རྟོགས་གཞན་དུ་སྣང་བ་ཡིན། །ལི་དཀར་ལི་མདངས་སེར་ཞག་ཆེ་བ་དང་། །འདི་གཉིས་སིངྒའི་གླིང་གི་རི་བོ་ལ། །དེ་བཞིན་གཤེགས་པ་དྲུག་གིས་བྱིན་བརླབས་སམ། །ལི་ཡུལ་རིལ་ཐུབ་དབང་བཞིས་བརླབས་ཟེར། །ལི་དམར་ཕལ་པ་རང་བྱུང་ལྗོན་ཉིད་དེ། །དམར་མདངས་ཉིད་ལ་ཅུང་ཟད་སེར་བ་ཡིན། །འདི་ལྟར་མ་ཕྱད་གསེར་དམར་གཅིག་ཉིད་ལ། །མིང་དང་ཁ་དོག་གཉིས་སུ་འདོད་པ་འཁྲུལ། །རིགས་ཀྱི་སྒོ་ནས་དཔྱད་ན་སངས་རྒྱས་ཀྱི། །བསྟན་པ་གང་ཡོད་དེ་ན་སྐྱེས་བུ་ཡི། །རྣམ་རིག་བཟོག་ནས་སྤྲུལ་པར་བྱིན་རློབ་པས། །སྐུ་གསུང་ཐུགས་རྟེན་བསྐྲུན་པའི་བཟོ་བོ་མཁས། །མུ་སྟེགས་ཀླ་ཀློ་

(༤༧༠)དར་ཆེ་དེ་དག་ནུབ། །དེ་ལ་སྟོན་པ་འཚོ་ཞིང་གཞེས་པའི་དུས། །རི་མོ་མཁན་གྱི་སྤྱོད་ཡུལ་ལས་འདས་པའི། །སྣང་བརྙན་རས་ལ་བཀོད་དེ་སིངྒ་ལར། །སྤྲིངས་པས་མུ་ཏིག་འཁྲི་ཤིང་བདེན་པར་བཀོད། །དེ་བཞིན་གཟུགས་ཅན་སྙིང་པོའི་སྐྱེས་ལན་དང་། །ཨུ་ཊ་ཡ་ནའི་ཙནྡན་ཇོ་བོ་ལྟར། །སྟོན་མཆོག་མྱ་ངན་འདས་ནས་ལྷའི་བཟོ་བོ། །མི་རུ་སྤྲུལ་པས་བཛྲ་ཨ་སཱ་ནའི། །གནྡྷོ་ལ་ཡི་བྱང་ཆུབ་ཆེན་པོ་དང་། །དེ་ཡི་ཤར་ངོས་ཆུ་གནོད་བཟློག་པའི་ཕྱིར། །ཀླུ་སྒྲུབ་ཞབས་ཀྱིས་ཕ་ཝང་བདུན་དག་ལ། །སྣང་བརྙན་བརྐོར་སྩལ་ཐུབ་པ་ཆུ་ལོན་མ། །དེ་བཞིན་ཀླུ་ཡི་བཟོ་བོས་མང་དག་བྱས། །མ་གངྒཱ་ཡི་འཇམ་དཔལ་རྔ་སྒྲ་དང་། །མྱ་ངན་མེད་དུས་གནས་བརྒྱད་མཆོད་རྟེན་སོགས། །གནོད་སྦྱིན་གྱི་ནི་བཟོ་བོས་བཞེངས་པ་ཀུན། །བཟོ་གནས་ཁྱད་འཕགས་དངོས་དང་འཁྲུལ་པ་བསྐྱེད། །དེ་ཡི་ཕྱི་ནས་བཟོ་རྒྱུན་མང་དག་ལས། །སངས་རྒྱས་ཕྱོགས་དུས་རིམ་པ་ས་ར། །ལྷ་དང་མཐུན་པའི་དབུས་ཀྱི་བཟོ་བོར་གྲགས། །རྒྱལ་པོ་དང་ཚུལ་དུས་ན་མ་རུའི་ཡུལ། །སྲི་ག་དྷ་རི་ཞེས་པའི་བཟོ་བོ་བྱུང་། །གནོད་སྦྱིན་དང་མཐུན་ནུབ་ཕྱོགས་རྙིང་མའི་ལུགས། །བལ་པོ་རྙིང་མའི་བཟོ་རྒྱུན་འདི་དང་གཅིག །རྒྱལ་པོ་ལྷ་སྐྱོང་དང་ནི་ཆོས་སྐྱོང་དུས། །བ་རེ་ནྟ་རུ་དྷཱི་མཱ་ན་དང་ནི། །དེ་ཡི་བུ་བི་ཏྭ་ལོ་བྱ་བ་གཉིས། །ཀླུ་དང་མཐུན་པའི་བཟོ་རྒྱུན་ཡིན་པ་ལས། །བུ་ནི་བྷཾ་ག་ལར་སོང་དེའི་ཐུགས་ཀྱིས། །གཉིས་པོའི་རྗེས་སུ་འབྲང་བ་ཡིན་ཕྱིན་ཆད། །བཟོ་བོའི་སྐྱེ་ཡུལ་བཟོ་བོའི་གནས་ཡུལ་སོགས། །ཇི་འདྲའང་རུང་སྟེ་ལུགས་སུ་བྱས་ཀུན་ལ། །ཤར་ཕྱོགས་པ་ཡི་ལྷ་ཞེས་དཔྱོད་ལྡན་སྨྲ། །བལ་པོ་བར་རྙིང་རྣམས་ཀྱང་དེ་དང་འདྲེ། །འོན་ཀྱང་རི་མོ་མཁན་ནི་པ་རྗེས་སུ། །འབྲང་ལ་ཤར་བྲིས་བུ་ཡི་རྗེས་འབྲང་ལ། །དབུས་ཀྱི་རི་མོའི་རྒྱུན་ཞེས་གྲགས་པ་བརྟན། །དུས་ཚོད་དེ་ཡི་ཀ་སྨི་ར་པ་ཀུན། །བཟོ་རྒྱུན་དབུས་དང་ནུབ་གཉིས་ཡིན་པ་ལས། །ཕྱི་ནས་བྲིས་

(༤༧༡)འབུར་གཉིས་ཀར་བྱང་ཆུབ་པ། །ཧ་སུར་ཛ་ཞེས་བྱའི་བཟོ་རྒྱུན་ལ། ཁ་ཆེ་མ་ཞེས་མཁས་པ་རྣམས་ལ་གྲགས། །དེ་དག་ཀུན་ཀྱང་བྲིས་འབུར་བརྐོས་ལ་སོགས། །ཕལ་ལ་བློ་གྲོས་བཟོ་བོ་ཉིད་ཡིན་ཀྱང་། །ཨཱ་རྱ་པཱ་ལོའི་གླིང་གྲུབ་དངོས་མེད་དུ། །ཡལ་བའི་སྤྲུལ་པའི་བཟོ་བོའི་ཆར་མི་ཉེ། །གང་དག་སོ་སོ་སྐྱེ་བོའི་རྣམ་རིག་ནི། །ཤིན་ཏུ་ཐ་དད་ཕྱིར་ན་བཟོ་གནས་ཀྱི། །རྣམ་འགྱུར་དཔྱད་ཀྱང་དེ་ཡི་རྗེས་སོན་ཡང་། །བོད་འདིར་རང་ཉམས་བདེན་པར་སྨྲ་བའི་ཁ། །ཡི་གེའི་ཞལ་ལྕེས་འགོག་པའང་སངས་རྒྱས་མཐུ། །དེ་ལ་ངོ་བོའི་སྒོ་ནས་དབུས་འགྱུར་འཆང་། །ཝཱ་རཱ་ཎ་སཱིའི་ལྷ་ཡི་ཁྱད་པར་ནི། །ལི་སྨུག་དབུས་ཀྱི་ལྷ་རིགས་འདྲ་བ་ལ། །འཛམ་བུ་ཆུ་བོའི་ཚ་གསེར་གྱིས་བྱུགས་པ། །རྒྱུ་ཚོགས་ཁྱད་དུ་འཕགས་པ་ཁོ་ན་སྟེ། །སངས་རྒྱས་ཕྱོགས་དེ་བསྟན་ལ་ཆེས་དད་པས། །རྒྱ་ནག་ཡུལ་དུའང་མདོ་སྡེ་སྨྲ་བ་བརྫངས། །ཧོར་གྱི་རྒྱལ་པོས་དྲིན་ལན་བསབ་པའི་ཕྱིར། །གསེར་རྐྱང་མི་ཁུར་བརྒྱ་སོགས་བསྐུར་བས་ན། །ཛྙཻ་ཀྵི༚་དངོས་དང་གསེར་གྱིས་བྱུག་པ་མོད། །ཆོས་རྒྱལ་དེ་ཡི་བཙུན་མོ་དང་བློན་པོ། །བསྟན་ལ་དད་པས་གཙུག་ལག་རྟེན་གསུམ་མང་། །དབུས་ལྷ་བྱིངས་རྣམས་ལི་དཀར་ལི་དམར་ལ། །སྐུ་ཤ་འཚམ་ཞིང་གཙུག་ཏོར་མ་ཐོལ་དྲང་། །ཤངས་རྩེ་རྣོ་བའི་རྒྱུན་ལས་ཤངས་རྒྱུད་གཟར། །སྤྱན་དབར་ཤངས་སྟོད་འཛོམ་སར་མཛོད་སྤུ་འབུར། །ནུ་མ་དེར་མཚུངས་སྲིད་ཚད་ཤངས་རྩེ་མ། །ན་བཟའ་ཤ་མི་བསྒྲིབ་ཀྱང་བླ་གོས་ནི། །ཕྲག་པར་གཟར་བའི་གོན་རྒྱུད་ཤིན་ཏུ་དོད། །སྒྲོས་གཙང་རྣམས་ཀྱི་མདུན་ན་རྡོར་གདན་དང་། །ཕྱག་ཞབས་འཁོར་ལོས་མཚན་པ་དག་ཀྱང་ཡོད། །བཟོ་སྒྲོས་མཛེས་དང་ཅིག་ཤོས་མ་ངེས་ཀྱང་། །ཚུགས་བཟང་བལྟས་ཀྱིན་བྱིན་ཆགས་ཁྱད་ཆོས་ཡིན། །པདྨ་ཉིས་བརྩེགས་འགྲིག་པའི་ནང་མ་འབུར། །པད་ཁ་རྒྱས་ཞུམ་འཚམ་ཞིང་ཡས་མས་ལ། །མུ་ཏིག་ཡོད་མེད་གཉིས་ཅར་སྲིད་པ་ཡིན། །

(༤༧༢)ཁྱད་པར་ཚུགས་བཟང་ཞལ་ཁྱིམ་གྲུ་སྟངས་ལ། །དཀྱུས་རིང་ཕྱག་ཞབས་མཉེན་དང་ཞབས་མཐིལ་སྟུག །གོས་འཁྱུད་ཞིབ་སྙོམས་དལ་འགྲོའི་གམ་བུ་བཞིན། །ལ་མཆོག་གཉིས་ལ་གསེར་དངུལ་ཟངས་སོགས་པས། ཁྲ་བསྒྲིགས་བྱས་པ་སྟོད་ཧོར་ལི་མ་རུ། །འཁྲུལ་གཞི་ཆེ་བས་ཁྱད་པར་ཕྱེད་པ་གཅེས། །ཟངས་ཐད་མ་ནི་སྐུ་ཞ་ན་བཟའ་གཉིས། །ལི་དཀར་ལི་དམར་ཐ་དད་བྱས་ལ་བཏགས། །ཐུབ་དབང་སྐུ་མང་ཕྱི་ནས་བྱང་སེམས་སྐུ། །འགྱི་ཉམས་རྒྱན་ཅན་ནོར་བུ་གཉིས་པའང་སྲིད། །དེ་བཞིན་ཁྲོ་བོའི་སྐུ་ནི་འགྱིང་པག་འཚམ། །སྔ་ཕྱིའི་རྒྱུ་མཚན་ཐེག་པ་ཆེན་པོ་གཉིས། །སྦས་དང་གྲགས་པའི་རྣམ་དབྱེས་གསལ་བ་ཡིན། །གདན་ཆུང་མར་གྲགས་རྡོ་རྗེ་གདན་པས་བཞེངས། །ལི་དཀར་དབུ་ཆུང་མཁུར་ཚོས་རྒྱས་པ་ཡིན། །དེ་ཡང་ཝཱ་ར་ཎ་སཱིར་ཆོས་འཁོར་མ། །མ་ག་དྷཱ་ར་ཐུབ་དབང་བདུད་འདུལ་དར། །དབུས་འགྱུར་འཆང་གི་ནང་གསེས་ཤར་གྱི་ལྷ། །དཔྲལ་མཚམས་དབྱེས་ཆེ་སྐུ་སྟོད་ཅུང་ཟད་རྒྱས། །ཕྱག་སོར་འབྲེལ་ཞིང་གཙུག་ཏོར་རྒྱབ་ཏུ་ཉེ། །ཤར་ཕྱོགས་པ་ལ་ལི་དཀར་ཤས་ཆེ་སྟེ། །ལུགས་གཙང་ཞལ་སྒོ་མཛེས་པ་སྤྱན་དབར་དོག །ཤངས་འདལ་དེ་ཡང་ཤངས་སྨད་ཅུང་ཟད་མཐོ། །སྐེམ་ཞིང་ཚུགས་བཟང་གཙུག་ཏོར་རྒྱབ་ལ་ཉེ། །གོས་འཁྱུད་འཁྲིལ་ཞིང་ངད་འདབ་ཉིས་བརྩེགས་ཞུམ། །པདྨ་ཡས་མས་འགྲིག་པར་མ་ངེས་ཤིང་། །མུ་ཏིག་གོང་མ་ཞིབ་ལ་འོག་མ་རགས། ཁྲི་རྒྱབ་ལ་སོགས་དབུས་ཀྱི་ལྷ་དང་མཐུན། །འོན་ཀྱང་པཱ་ལ་རྣམ་གཉིས་དུས་བྱུང་བས། །ཕ་བུ་གཉིས་ཀྱིས་བཟོ་རྒྱུན་ཁྱབ་ཆེ་ཞིང་། ཁྱད་པར་དེ་ཝ་པཱ་ལ་ཀླུ་ཡི་བུར། །གྲགས་པས་བཟོ་རྒྱུན་དེར་བྱུང་བཟོ་ཡུལ་ཀྱང་། །ངེས་པ་མེད་པས་གཅིག་ཏུ་སྟངས་གཅོད་དཀའ། །དྷརྨ་པཱ་ལ་ཐེག་ཆེན་རྣམ་གཉིས་པ། །ལྷག་པར་དད་པས་བྱང་ཆུབ་སེམས་དཔའ་དང་། །སྔགས་སྐུ་དག་ཀྱང་འདི་

(༤༧༣)ལ་མང་ངམ་སྙམ། །ཡུལ་དེའི་བྱེ་བྲག་བྷཾ་ག་ལ་ཡི་ལྷ། །ལི་དཀར་ཞལ་སྤྱན་སོགས་ལ་གསེར་དངུལ་ཟངས། །ཕ་བྱེད་བཟོ་ཁྱད་བཏོན་དང་ཕྲ་ཁུང་དུ། །རིན་ཆེན་རྒྱན་སྤྲས་ཡི་གར་འོང་བ་ཡིན། །ནུབ་ཕྱོགས་ཀསྨི་ར་པ་རིགས་གཉིས་ལས། །ནུབ་རྙིང་ལི་དམར་ལི་དཀར་སེར་ཞག་ཚེ། །ཞལ་དཀྱུས་མཛངས་སམ་སོགས་མ་གུལ་པ་ཕྲ། །སྤྱན་དབར་དོག་ལ་ཤངས་རྒྱུད་རིང་ཞིང་ཟླུམ། །ཞལ་དང་སྤྱན་ལ་དངུལ་ཟངས་ལྷན་ཐབས་ཅན། །ཚུགས་གྱོང་ལྟུ་ཚིགས་ཐུང་ལན་བཟའ་འཁྲིལ། །གོས་འཁྱུད་རིང་སྙོམས་གཙུག་ཏོར་ནོར་བུ་ནུབ། །པདྨ་འདབ་ཆེ་རྐྱང་སྦྱར་གཉིས་ཀ་སྲིད། །མུ་ཏིག་ལ་སོགས་རྒྱན་གྱིས་སྤྲས་པའང་ཡོད། །བཟོ་བོ་དེ་ཡིས་སྟོད་ཧོར་ནས་བསྒྲུབས་པ། ཁྲོ་ལི་དམར་སྨུག་ནག་པོ་རིགས་གསུམ་ལ། །ཞལ་རས་སྒོང་གཟུགས་དཀྱུས་ཐུང་གོས་འཁྱུད་རིང་། །ཆུ་གཉེར་དང་མཚུངས་མེ་ཏོག་དག་གིས་བརྒྱན། །པདྨ་སྐད་ཉག་འདབ་མ་སྦུབ་ཉམས་ཅན། ཁྲི་གདན་གྲུ་བཞིའམ་ཟླུམ་པོ་ཀླུས་བརྒྱན་དང་། །རྒྱབ་ཡོལ་ཅན་ལ་ཚ་གསེར་ཡོད་མེད་གཉིས། །བྲག་གདན་དག་ཀྱང་རེ་རེ་སྲིད་པའོ། །ཡོན་ཏན་འོད་ཀྱི་སྐུ་ཚེའི་སྨད་བྱུང་བའི། །རྒྱལ་པོ་ངང་ཚུལ་དུས་ལ་ནུབ་རྙིང་ཟེར། །ཏུ་ལ་ཏུ་ནས་སྟོད་ཧོར་ཞེས་སུ་གྲགས། །དེ་ཚེ་ཡུལ་དེར་རྒྱ་ནག་རྙིང་མའི་བཟོ། ཁྲོ་ལི་སྨུག་པོ་ཚུགས་གླེན་ཞལ་སྒོ་ཀྱོང་། །སྤྱན་དང་མཆུ་སྒྲོས་མི་འདོད་གོས་འཁྱུད་མང་། ཁྲི་རྟན་རྒྱ་རྟགས་གཟོང་རིས་བྱས་པའང་འབྱུང་། །ཡུལ་དེའི་བྱེ་བྲག་ཡུ་གུར་ཞེས་བྱའི་ལྷ། །ལི་དཀར་དངུལ་བསྲེས་ཆེ་དང་ཁྲོ་ལི་སྨུག །བཟོ་ཡི་ཁྱད་པར་ཤངས་འདལ་སྐྲ་ཆགས་སྟུག །གོས་འཁྱུང་ཉུང་ལ་ཕྱག་ཞབས་སྒྲོས་མི་གཙང་། །རྒྱན་ཉུང་དབྱིག་ཉམས་པད་གདན་མེད་པ་མང་། །དེ་བཞིན་ལི་ཡུལ་ཁ་ཤ་ཞེས་བྱའི་ལྷ། ཁྲ་འབྲུག་གིས་མཚོན་ཆོས་ལི་སྔ་མ་འདྲ། །སྨད་ཧོར་ཞེས་གྲགས་རྒྱལ་པོ་གོ་དན་ནས། །རྒྱལ་རབས་དྲུག་གི་བར་དུ་ཅོད་ལི་དང་། །ལི་དམར་ཅི་རིགས་ཞལ་རས་སྟོད་ཆ་ཆུང་། །

(༤༧༤)སྤྱན་དང་མཆུ་སྒྲོས་མི་དོད་ཞལ་ཁུང་ལྟེམ། །ཕྱག་ཞབས་གཞོན་ཤ་ཆགས་ལ་ཉིང་ལག་ཐུང་། །ཚ་གསེར་གྱིས་བྱུག་བཟོ་ཁྱད་དམིག་བསལ་རྣམས། །མ་གཏོགས་ཉོར་རིགས་བཞི་པོ་འདྲ་ཤས་ཆེ། །ལྷོ་ཕྱོགས་པ་ལ་རིགས་གཉིས་སྤྱི་ཚན་དུ། །ལི་དམར་ཚ་གསེར་སྨུག་ལ་ཤ་ཉམས་ལྷོད། །ཞལ་རས་དཀྱུས་ཐུང་ཨོལ་ཀོ་བཅུམ་པ་དང་། །ཤངས་དམའ་ཤངས་གོང་ཉག་ལ་སྤྱན་དབར་ཡངས། །མཆུ་ཙོང་ཞལ་ཁུང་ཀྱོང་ལ་དཔྲལ་དབྱེས་ཆུང་། །ན་བཟའ་འཁྲིལ་ཞིང་གཟོང་རིས་མེད་པ་ལ། ཁྲི་ཡངས་པདྨ་རྐྱང་སྦྱར་གཉིས་ཕྲིད་པའི། །པད་མགོ་ཞུམ་ལ་ཟེ་འབྲུ་ཡོད་མེད་གཉིས། །འདི་ལ་ལྡེམ་སྐུ་མང་རྣམས་བདེ་ཉམས་ཆེ། །བྱེ་བྲག་ལྷོ་ཕྱོགས་བེ་ཏར་བསྐྲུན་པ་རྣམས། །ཞལ་རས་སོག་ཀ་གོང་ལས་ཚུང་བ་ལ། །ན་བཟའ་གཟོང་རིས་ཡོད་པའི་ཁྱད་པར་རོ། །བྱང་ཕྱོགས་པ་ནི་ལི་དཀར་ར་གན་དང་། །བསྲེས་པས་སྐྱ་ཉམས་ཞག་ཁ་ཆུང་བ་སྟེ། །ལི་དམར་སོགས་ནི་སྲིད་མཐའ་མ་བཀག་ཙམ། །ཤ་ཚུགས་མཉེན་ལ་འགྱིད་།།།དང་བདེ་ཉམས་ལྡན། །ཞལ་ཁྱིམ་དཀྱུས་ཐུང་ལྷོ་ཕྱོགས་འདྲ་ལས་གཙང་། །ཤངས་བཟང་སྤྱན་དབར་དོག་ལ་ཁྲི་རྒྱན་མཛེས། །འདི་ཡང་གྲོང་ཁྱེར་མ་སོགས་ལྡེམ་སྐུ་མང་། །ཡུལ་དེའི་བྱེ་བྲག་བལ་།།།བོ་རྙིང་མའི་བཟོ། །ནུབ་རྙིང་དང་མཐུན་བར་རྙིང་ཤར་ཕྱོགས་པ། །གསར་པ་རྟོགས་སླ་དེང་སང་ཙནྡན་མང་། །དེ་བཞིན་འཕགས་པའི་ཡུལ་ན་བྱང་ཆུབ་ལྗོན། །ངང་ཞིང་འབོལ་བ་རྡོ་རྗེའི་འདག་པའམ། །ཀླུ་སྒྲུབ་ལ་ཕུལ་ཀླུ་འབྱིན་ཞེས་སུ་གྲགས། །དཀར་ཞིང་བཅག་པ་ཀ་མ་རུ་པའི་རྡོ། །ནག་ཅིང་སྣུམ་པ་བསིལ་ཚལ་རྡོ་ནག་ལས། །གྲུབ་པའི་སངས་རྒྱས་བྱང་སེམས་སྐུ་ཡང་སྣང་། །རྒྱ་ནག་གསར་རྙིང་གཉིས་ལས་རྙིང་མ་ནི། །ཐང་ཅིའི་རབས་ཏེ་རྒྱུ་ནི་ཁྲོ་ལི་སྨུག །ཤ་ཚུགས་སྤེག་ཅིང་ཤངས་ལེབ་མཆུ་སྒྲོས་དོད། །ཞལ་དཀྱུས་མཛངས་ལ་སྤྱན་ཕྲ་གོས་འཁྱུད་གཙང་། །ཕྱག་དཀྱུས་ཐུང་ལ་སོར་མོ་དོད་

(༤༧༥)པ་མང་། །རྒྱ་ནག་གསར་མ་ཏཱ་མིང་རྒྱལ་པོའི་རབས། །ལྗང་སེར་མང་སྟེར་ག་སྐྱ་དག་ཀྱང་སྲིད། །དེ་ལ་ཐུགས་དམ་མ་དང་སྐུ་རིམ་མ། །དང་པོ་ཚུགས་དང་བྲད་བརྡར་གོས་འཁྱུད་ལེགས། །ཞལ་རས་མཛངས་ལ་གྲུ་སྟངས་ཅུང་ཟད་དོད། །སྤྱན་དཀྱུས་རིང་ཞིང་པདྨ་ཁ་སྦྱར་གཙང་། །མུ་ཏིག་ཕྲ་ལ་སྙོམས་སམ་མེད་པའང་སྣང་། །ཚ་གསེར་སྟུག་ལ་མདོག་ལེགས་རྒྱབ་མདུན་གཙང་། །ཞབས་སྡོམ་རྒྱ་གྲམ་རྡོ་རྩིའམ་ལ་མཚལ་བྱུགས། །ཐུགས་དམ་མར་གྲགས་རྒྱ་རྟགས་བྱས་པའང་ཡོད། །གཙང་ཤ་ཆུང་དང་རག་སྐྱ་མང་བ་ལ། །སྐུ་རིམ་མར་གྲགས་གཟུངས་ཞུགས་གཞན་མེད་པར། །གོས་དར་ལས་བྱས་དོན་ལྔ་བཅུག་ཅེས་གྲགས། །བོད་ལ་ཆོས་རྒྱལ་ལི་མ་སྔ་ཕྱི་གསུམ། །མེས་པོ་བདག་ཉིད་སྲོང་བཙན་སྒམ་པོའི་དུས། །ལི་དམར་ཤས་ཆེ་དེ་བཞིན་ལི་དཀར་དང་། །དཀར་དམར་ཤོ་བསྒྲིགས་གསེར་དངུལ་རྡོ་སྐུ་སོགས། །མཐའ་འདུལ་ཡང་འདུལ་བཞེངས་ཚེ་འཕེལ་བ་སྟེ། །ཞལ་ཁྱིམ་འབུར་ཀྱོང་ཆུང་བས་ཤ་ཉམས་འབོལ། །ཨོལ་ཀོ་རྒྱས་པས་ཞལ་དཀྱུས་རིང་བར་མངོན། །ཤངས་བཟང་སྤྱན་དཀྱུས་རིང་ལ་མཆུ་སྒྲོས་གཙང་། །གོས་འཁྱུད་ཉུང་ལ་ཐལ་མོ་ཉམས་འགྱུར་དོད། །པདྨ་རྐྱང་སྦྱར་ཅི་རིགས་པད་མགོ་མཉེན། ཁྱད་པར་གཙུག་ལག་ཁང་གི་ལྷ་ཆེན་རྣམས། །ཞབས་ལ་ཕྱགས་དང་བེར་སོགས་ཁྱིམ་པའི་ཆས། །དབུ་རྒྱན་གསུམ་པ་རྩེ་མོ་ནང་དུ་ཉེ། །ལུགས་མ་རྣམས་ལ་གཟོད་རིས་བྱས་པ་མང་། །བད་གདན་མེད་དང་འབོལ་ལ་བཞུགས་པའང་སྲིད། །ཚ་གསེར་བྱི་བ་བྱུགས་མཆོག་ཏུ་ཕྱིན་ཆགས་ཤིང་། །སེམས་དཔའི་རིགས་རྣམས་ཤིན་ཏུ་མཛེས་པ་དང་། ཁྲོ་བོ་ཞི་ཉམས་བཞང་ཞལ་ཁོ་ནར་འོང་། །ཆོས་རྒྱལ་རང་གི་འདྲ་སྐུ་ཚ་གསེར་དང་། །རྔོ་རྩིས་ཕྱུགས་སམ་མ་བྱུགས་ཅི་རིགས་ཡོད། །འདྲ་ཅོག་རྣམས་ནི་སྐུ་རྒྱུ་ངན་པ་ཡིན། །བར་པ་ལྷ་སྲས་ཁྲོ་སྲོང་ལྡེའུ་བཙན་དུས། །མེས་ཀྱི་ལྷ་ལས་སྐུ་རྒྱུ་ཅུང་ཟད་སྨུག །ཞལ་རས་

(༤༧༦)ཟླུམ་ལ་སོར་མོ་དྲད་བརྡར་ཆུང་། །ལུགས་ཁ་ཅུང་ཟད་འདལ་བའི་ཁྱད་པར་དང་། །ཇོ་རྩེ་འཐུག་པོ་བྱུགས་ས་མཚོན་ཁྲབ་ཀྱེ། །བཙན་པོའི་འདྲ་སྐུ་ལ་ཐོད་མེད་པ་ལ། །ལན་བུ་གཡས་གཡོན་འཕྱང་དང་དབུ་རྒྱན་ཡང་། །རྩེ་བྲན་གསུམ་པ་གྲང་གསེར་བྱུགས་པའང་ཡོད། །ཕྱི་མ་མངའ་བདག་རལ་པ་ཅན་གྱི་དུས། །ལི་དཀར་མང་ལ་བཟོ་བོའང་འཕགས་ཡུལ་བ། །ཡིན་པས་དབུས་འགྱུར་འཆང་དང་རིགས་འདྲ་ལ། །དེ་བས་ཤ་ཉམས་རྒྱས་ཤིང་འགྱིང་བག་ཆེ། །དངུལ་ཟངས་སྤྱན་འབྱེད་རྒྱས་དང་ཟངས་ཐད་མ། །ཟངས་མཆུ་དངུལ་སྤྱན་ལ་སོགས་ཅིར་ཡང་འབྱུང་། །འདྲ་ཅོག་ར་གན་ལས་གྲུབ་སྒྲོས་མི་གཙང་། །ཆོས་ལི་ཕྱི་མར་ཚ་གསེར་བྱུགས་པ་མང་། །བྱང་སེམས་ཁྲོ་བོའི་ལི་རྣམས་སྔོན་དང་འདྲ། །ལི་དམར་རྣམས་ལ་ཟངས་བསེས་ཡོད་པས་སྨུག །གཞན་ཡང་བཀའ་གདམས་རག་སྐུ་ལྷོ་བྲག་དང་། །གཉལ་ལོར་ཡར་མོ་ནུབ་ནས་ཆོས་ལིའི་འདྲ། །མང་བ་སྔོན་བྱུང་རྒྱ་ལི་དངོས་བསྟན་དང་། །ཞག་རྩིའི་རྣམ་པ་ཀུན་ནས་འགལ་བས་དཔྱད། །རྒྱུས་ལ་འདྲིས་དང་མཐོང་མྱོང་ཆེས་ཆེ་བའི། །སྤྱོད་ཡུལ་ལས་གཞན་རང་དགར་སྟངས་མི་ཆོད། །འོན་ཀྱང་ལྷ་བཙུན་ཁུ་དབོན་རྣམ་གཉིས་དུས། །འཇོན་ལ་རྒྱུ་བཟང་འདྲེས་པའི་ལི་སྨུག་དང་། །ལི་ཁྲ་དག་ལ་ཛྷཻ་ཀྵི༚་ཞེས་བཏགས་པ། །རྒྱ་ལི་དང་ཡང་འཁྲུལ་པ་བསྐྱེད་ལ་ཁད། །ཚུགས་ཉམས་ཆོས་ལི་དང་མཚུངས་མང་མཐོང་བ། །འདི་དག་རྣམས་ཀྱང་རྒྱུ་ཚུགས་བཟང་བ་ཡིན། །དེ་བཞིན་རྒྱ་ནག་གསར་མར་འཁྲུལ་བྱེད་པ། །ཚུགས་བཟང་ཞལ་རས་མཚར་ལ་སྐྱིལ་ཀྲུང་ལྷོད། །པད་འཁོར་ཉིས་བརྩེགས་གཉེན་ལ་སྐེད་ཉག་ཐོན། །སྒྲོས་གཙང་ཚ་གསེར་འཐུག་པ་སླེའུ་ཆུང་། །དེ་ལས་བྲད་བརྡར་ཅུང་ཆུང་ཚ་གསེར་སབ། །ན་བཟའ་མེ་ཏོག་རིས་བཀྲ་བདེ་ཉམས་ཆེ། །ཨོལ་ཀོ་ཅུང་ཟད་བཅུམ་པ་པདྨ་མཁར། ཁྱད་པར་རིན་པོ་ཆེ་ཡི་

(༤༧༧)གཏམ་འདི་ཡི། །དུས་ན་སྟོན་པའི་ཞལ་སྦྱིན་མཆེད་ཀྱི་མདུན། །ལྷ་ཡུལ་ལྡན་གྱི་བཟོ་སྒྲོས་རྩེ་མོ་ནི། །རྒྱ་ནག་གསར་མར་མཚུངས་ཀྱང་བྲ་བཟོ་ཡིས། །བྱོན་ལས་འགྱུར་ཚུགས་རྣམ་པ་ཐ་དད་ཅིང་། །རྒྱུ་ལ་ཁ་ཆུར་འདྲེས་རྣམས་ཆོས་ལི་དང་། །མཚུངས་ཤིང་དྲངས་ཐང་མ་ལ་སྐུད་ཚག་གིས། །བལྟ་ན་སྡུག་བྱས་སྦྱར་ལིའི་མདངས་གདོན་ལ། །བཟོ་བས་ཛྷཻ་ཀྵི༚་དང་ཡང་འཁྲུལ་བ་བསྐྱེད། །དེ་བཞིན་ལི་དཀར་འདྲ་ལ་སེར་ཞག་ཆེ། །ལི་དམར་བཅོས་བུ་ཚ་གསེར་གྱིས་བྱུགས་ནས། །དབྱི་བའི་རྫུ་འཕྲུལ་བྱས་པས་རློམ་ལྡན་ཡང་། །རྒྱ་ལི་རྙིང་མར་འདུ་ཤེས་རྨོངས་པ་ཡོད། །འཕགས་པའི་ཡུལ་ན་ཐེག་དམན་གྲགས་ཆེ་ཞིང་། །ཐེག་ཆེན་དར་བ་ནས་ཀྱང་གསང་སྔགས་ནི། །ཤིན་ཏུ་གསང་བ་སྲུང་བ་ཉིད་ཀྱི་ཕྱིར། །སྔགས་སྐུ་ཉུང་བས་ཕལ་ཆེར་རྒྱ་ཧོར་བོད། །སྤུངས་སྐུ་རྒྱ་གར་ཤར་དང་རྒྱ་ནག་མང་། །གསུང་རྟེན་དྲིལ་བུ་ཧོར་དང་རྒྱ་གར་ནག །བོད་ཆེན་རིགས་བཞི་ལས་ནི་རྒྱུའི་སྒོ་ནས། །ཧོར་དྲིལ་གཉིས་ལས་ཤིང་ཀུན་མཆོག་ཏུ་བྲག་ལ། །རྒྱུ་ནི་ལི་དཀར་དངུལ་མདངས་བཀྲག་ཞག་ཆེ། །དྲིལ་བུའི་སྟོད་ཞུམ་བ་ལང་ཁ་ཁེབས་ལ། །ལུགས་གཙང་བརྡར་གད་མ་བྱས་ལི་རྒྱུ་འཇམ། །ནང་ནི་ཞོ་ཁ་ཞེས་པའོ་སྦྲིས་འདྲ། །དྲ་ཕྱེད་འབུར་ལ་བར་སྟོང་འཇམ་སང་མང་། །དཔུང་པའི་པད་འདབ་རིགས་ཀྱི་ཕྱག་མཚན་སྤྲས། །དྲིལ་བུའི་དཔུང་ཟུར་པད་མཐའ་གཅིག་ཏུ་འདྲེས། །སྐད་སྙན་སྦོམ་ལ་རྒྱད་གྲགས་ལྷག་པར་ཆེ། །དབུ་རྡོར་ཅོང་ལི་མང་ལ་དངུལ་དཀར་དང་། །ཛྷཻ་ཀྵི༚་དབ་ཀྱང་ཉུང་ཟང་སྲིད་པ་ཡིན། །རྩེ་ལྔ་བ་མང་ཆུ་སྲིན་ནང་ལ་བལྟ། །འཁོར་ལོའི་རྒྱན་ལྡན་རྩེ་དགུ་ཉུང་བ་ཡིན། །རྒྱུ་དང་གསུང་ལ་དོ་ཟླ་མེད་ན་ཡང་། །བཟོ་སྒྲོས་བྱིལ་བས་ཉམས་མེད་བལ་གྱིས་དོར། །དངོས་བསྟན་ཉུང་ལ་འདྲ་ཅོག་མང་བ་ཡིན། །ཕལ་པ་ལུགས་ཁ་དམ་

(༤༧༨)ལ་གཙང་ཤ་ཆུང་། །ནང་ལ་བྲད་བརྡར་སོང་བས་ཞོ་ཁ་མེད། །རབ་འབྲིང་ཐ་མའི་ཁྱད་པར་ཆེ་བ་སྣང་། །རྒྱ་གར་དྲིལ་བུ་ཆེ་ཚད་ཁྲུལ་ཉེ། །ཆུང་བ་དག་ཀྱང་གཞན་ལས་ཆེ་བ་ལ། །པད་སྤུངས་དབྱིབས་ཅན་བྲད་བརྡར་གཙང་ཤ་མེད། །ཉུང་ཟད་སྣང་བ་ལི་དམར་ཁོ་ནར་མཐོང་། །དྲིལ་བུའི་རྣམ་གཞག་རྒྱུད་སྡེ་ལས་གསུངས་པའི། །ཐ་སྙད་དང་ཡང་མཚུངས་པར་མ་ངེས་པ། །འཕགས་ཡུལ་དམ་ཚིག་སྲུང་ལ་སྒམ་པའི་ཕྱིར། ཁྱབ་གདལ་མ་དར་བཟོ་ལ་འདྲིས་པ་ཆུང་། །གངས་ཅན་ན་ནི་ཁྱིམ་པའི་འཆོར་ཆས་བྱེད། །བླ་མེད་སྔགས་སྐུ་བཞད་གད་གནས་ལྟུང་ན། །དམ་ཚིག་དྲིལ་བུ་དམིགས་པའི་དབྱིངས་ལ་བཞུགས། །རྒྱ་ནག་ཁྱད་དྲིལ་ཕལ་པ་ཏཱ་མིང་གསུམ། ཁྱད་དྲིལ་སྐྱེ་མཆེད་བྲད་བརྡར་འགྲན་ཟླ་མེད། །དཀྱུས་ལས་ཅུང་ཆེ་བ་ལང་ཁ་སྦུབ་འཐུག །རི་མོ་དོད་ཀྱང་ཧྲོབ་ཉམས་གཏན་ནས་མེད། །རྩེ་ལྔ་པ་རྣམས་ཆུ་སྲིན་ནང་ལ་བལྟ། །འཁོར་ལོའི་རྒྱན་དང་རྩེ་དགུ་ཡིན་ནོ་ཅོག །རྩི་བར་དྲ་ཕྱེད་ཁོང་ན་ཕྱག་མཚན་ཅན། །མུ་ཏིག་སྐེ་རགས་ཞིབ་ལ་སྐད་སྙན་འཁྲོལ། །མགོ་རྡོར་གསེར་དང་གསེར་དམར་ལས་གྲུབ་སྲིད། །རྒྱ་རག་ཚ་གསེར་འཐུག་པ་ཀུན་ལ་ཡོད། །ཕལ་པ་སྐྱེ་མཆེད་ཅུང་ཟད་གཙང་ཤ་ཆུང་། །དབྱིབས་ཀྱང་ཙོང་ལ་སྐད་།།།དར་གཉིས་སུ་འཚེར། །དྲྭ་ཕྱེད་སོགས་དང་པད་འདབ་ལྷོངས་ལ་འཇམ། །ས་བོན་ལཉྫར་ཡོད་པ་ཏཱ་མིང་མང་། །ཐེག་ཆེན་གན་དྲིལ་ལྷག་པར་ཆེ་བ་ལ། ཁྱད་དྲིལ་མིང་དུ་གྲགས་པ་མེད་ན་ཡང་། །བཟང་ངན་ཁྱད་པར་ཆེ་བ་ཡོད་པའོ། །དགའ་ལྡན་གན་དྲིལ་དེ་བས་ཅུང་ཐང་ཞེལ། །དྲིལ་བུའི་སྟོད་ཞུམ་མགོ་རྡོར་རྩེ་དགུ་མང་། །བོད་དྲིལ་རྙིང་མ་མདོ་ཁམས་རྩི་ཡུལ་དུ། །ཆེ་ཆུང་གཉིས་བཟོས་བྱི་བྱད་རྒྱ་འདྲ་བས། །ཉམས་མེད་རྣམས་ཀྱིས་རྒྱ་རུ་ངོས་འཛིན་ཡང་། །རི་མོ་མི་གཙང་དཔུང་མགོ་ཧོར་འདྲ་ལ། །བ་ལང་ཁ་ནི་རྒྱ་ཧོར་གཉིས་ཀ་དང་། །འགལ་ཞིང་ནང་ལ་སུལ་གྱི་

(༤༧༩)རྣམ་པ་མང་། །བོང་དྲིལ་གསར་མ་ཟལ་མོ་སྒང་དུ་དར། །རི་མོ་ཧྲོབ་ལ་སྐད་དར་།།།རིང་དུ་བསྲིང་། ཁྱད་དྲིལ་རྣམས་ནི་སྐྱེ་མཆེད་གཙང་ཤ་ཆེ། །དེ་ལས་གཞན་པ་འཇངས་འབའ་ལོ་གྲོ་སོགས། །དྲིལ་བུའི་གཟུགས་བརྙན་བརྟག་པར་སླ་བས་སོ། ༈ །ཏིང་ཏིང་ཤག་ལ་ཧོར་དང་རྒྱབ་ལ་།།།བོད། །ཧོར་ལ་རིགས་གསུམ་ཛ་ལནྡྷར་མཆོག །ཤིང་ཀུན་འབྲིང་ལ་ཕལ་པ་ཐ་མ་སྟེ། །ཛ་ལན་དྷ་ར་གླིང་ཕྲན་ལས་འོངས་པའི། །ཤང་ཤང་ལས་བྱུང་ཐོད་པ་སྦུབ་ལ་ཟླུམ། །ལོ་མ་ཆུང་ཤོས་མཐེའུ་ཆུང་གི་རྒྱ། ཁ་སྒོར་མཐུག་ཅིང་གཞན་ལས་ཆུང་བ་ལ། །སྐད་སྙན་རྒྱང་གྲགས་མཆོག་ཏུ་གྱུར་པ་ཡིན། །ཤིང་ཀུན་ཐོད་པ་དཔངས་མཐོ་རྩེ་མོ་ཕྱུར། །མཐའ་སྐོར་ཁ་སྦུབ་མཐུག་ལ་བར་སྐབས་སྲབ། །རྒྱང་སྐད་ཆེ་ལ་དབུགས་ཐག་རིང་བ་ཡིན། །ཕལ་པ་བརྡར་གད་ཅུང་དོད་ཐོད་པ་དམའ། །ལི་ལ་ཁྲོ་ཉམས་ཡོད་པས་གྲུམས་པའང་སྲིད། །རྒྱ་ཏིང་ཐོད་པ་ཟླུམ་ལ་ཁ་ཕྱར་ཐེག །ལོ་ཐོད་མཚམས་སུ་དཀྲི་ཁ་ཁོར་མོ་ལ། །ནག་གམ་སར་མདངས་གཡའ་སྟུག་སྐད་གཤིས་འབོལ། །བལ་པོ་ཧོར་ཕལ་ལས་ཆེ་ཐོད་པ་ཕྱུར། །སེར་སྐྱ་སྲབ་ཅིང་སྙན་ཆ་ཆུང་བ་ཡིན། །སྙེ་ཤང་ལ་སོགས་བོད་རྙིང་ཁ་དོག་ནག །སྐད་གཟེངས་མཐོ་ལ་སྙན་ཆ་ཆེ་བའོ། །ཟལ་མོ་སྒད་པ་ཐོད་པ་ཆུང་ལ་འདལ། །ལོ་མ་ཆེས་ཆེ་མཚམས་སུ་དཀྲི་ཁ་ཅན། །རྒྱུ་ཚོགས་ཆེ་ལ་སྐད་འབོལ་རྒྱང་གྲགས་ཆེ། ༈ །སིལ་སྙན་ལའང་ཧོར་རྒྱ་བལ་བོད་བཞི། །ཧོར་ལ་རིགས་གསུམ་ཛ་ལནྡྷར་དང་། །ཤིང་ཀུན་མ་དང་སྤྱི་བོ་མཁར་པ་ལས། །ཛ་ལནྡྷར་ཐོད་ཆེ་འཁོར་རྒྱ་ཆུང་། །རྒྱུ་ཚོགས་ཆེ་ལ་སྐད་སྙན་རྒྱང་གྲགས་ཆེ། །སྤྲེལ་ཐོད་སྦལ་ཐོད་ཇི་ལྟའང་གཞན་པས་ཆུང་། །ཤང་ཤང་ཏེའུ་རེག་པའི་དུག་ཅན་ཕྱིར། །ཡི་གེའི་བརྡ་ལས་རིན་ཐང་གཞལ་ཞེས་ཟེར། །དཀོན་པའི་ཕྱིར་ན་ནོར་སྣར་གྲགས་པ་ཡིན། །ཤིན་ཀུན་འཁོར་རྒྱར་དཔག་པའི་ཐོད་པ་ཆུང་། །ཐོད་དབྱིབས་གོང་འདྲ་སྐད་འབོལ་སེར་

(༤༨༠)མདངས་ཆེ། །སྤྱི་བོ་མཁར་ལ་ཐོད་དབྱིབས་གསུམ་དུ་ཡོད། །ར་ཐོད་ཙོང་ལ་སྦལ་ཐོད་ཐོད་ཟུར་ཆག །སྦྲེལ་ཐོད་ཟླུམ་ལ་རྩ་བ་ཉག་པ་སྟེ། །འཁོར་རྒྱ་ཆེ་ཆུང་ངན་ལ་འཁྲོལ་ཆ་ཆུང་། །གསེར་ངམས་ཟིལ་པ་ཆགས་པ་ཚོ་འབྲུམ་ཅན། །ནང་ལ་ཐོ་རིས་གསལ་ཞིང་སྲུངས་རིས་མེད། །ཐོད་པའི་རྩ་ནས་ལོ་མ་ཐུར་སེགས་སུ། །སྤོ་ལ་སོང་མཚམས་ཤང་ཁ་གྱེན་ལངས་ཀྱི། ཁ་སྦྱར་བར་མཐའ་མ་རེག་ཙམ་དུ་ཡོད། །རྒྱ་ནག་ཆེ་ཆུང་འཚམས་ལ་ཆུ་ཞེང་གབ། །ཤང་ཁ་བཙན་ཆུགས་ཡོད་པས་འཁྲོལ་བ་དཀའ། །མཐའ་ལ་ཆ་ག་ནང་ལ་ཐོ་རྗེས་གསལ། །སེར་ནག་སྐད་སིལ་ཧོར་ལས་སྙན་ཆ་ཆུང་། །སྤལ་ཐོད་མ་ཎི་ལནྗར་ཡོང་བ་ཡིན། །བལ་སའི་སྲབ་དང་བོད་སིལ་རྒྱུ་ཚོགས་ཅན། །རྒྱ་ཧོར་གཉིས་དང་འགལ་བས་རྟོགས་པར་སླ། །དེ་ལས་བོད་སིལ་སྙན་ཆ་ཆེ་བ་ཡིན། ༈ །སྦུབ་ཆོས་གསུང་རབ་དག་ལས་ཡོངས་མ་གྲགས། །ཕེག་རྡོག་ལ་པགས་རིག་པས་བསྐྲུན་ནམ་སྙམ། །དེ་ཉིད་ལ་ཡང་ཧོར་རྒྱ་བལ་བོད་བཞི། །ཧོར་རིགས་གསུམ་ལས་མཆོག་ཏུ་གྱུར་བ་ནི། །ཛ་ལནྡྷར་ཐོད་ཁྱིམ་།།།ཆེལ་ཕྱུར། །འཁོར་རྒྱ་ཆུང་ལ་ཐོ་རྗེས་ཤིན་ཏུ་གསལ། །གཡའ་ངམས་སེར་ནག་སྐད་སྙན་རྒྱང་གྲགས་ཆེ། །ངོ་བོ་ཆུང་ལ་རྒྱུ་ཚོགས་སྟག་པ་དང་། ཁ་སྒོར་ཟ་ར་ཚགས་སུ་མདོན་པ་ཡིན། །ཤིན་ཀུན་མ་ནི་ཐོད་པ་ཟླུམ་པ་ལ། །ལོ་ཐོད་བར་ཉག་འཁོར་རྒྱ་སྔོན་པས་ཆེ། །རྒྱུ་ཚོགས་ཆེ་ལ་ངར་པས་གཞན་དག་གནོན། །སྤྱི་བོ་མཁར་བ་ཐོད་པ་ཆུང་བ་ལ། །ལོ་མ་རན་ཞིང་སོན་པས་ཁ་དོག་སྔོ། །མཚན་ཉིད་གཞན་རྣམས་མཚུངས་ཤིང་རྒྱ་གསར་ཀྲོག །བལ་བོ་ཧོར་དུ་བརྫུས་དང་མ་འཛོལ་ན། །ཧོར་གྱི་མཇུག་དང་རྒྱ་ཡི་ཐོག་མ་རུ། །བྱུང་བའི་རོལ་མོ་ཁྱད་གཞིས་འཕགས་པ་སྟེ། །སྐྱེ་མཆེད་དོད་ལ་ཐོད་ལོ་མཆུ་ཞེང་གབ། །ཐོད་ཁྱིམ་ཟད་མཚམས་རྩ་རིས་བྱེ་ཁ་མདོན། །གཡའ་མདངས་གསེར་ཞག་ཅན་དང་སྔོ་ནག་སོགས། །སྣུམ་བག་གཞན་པས་བལྟ་ན་སྡུག་པ་ལ། །སྐད་སྙན་འཁྲོལ་ཞིང་རྒྱང་

(༤༨༡)གྲགས་ཆེ་བ་ཡོད། །རྒྱ་སིལ་ལེགས་དང་དྲིལ་བུ་ཁྱད་འཕགས་དུས། །སྦུབ་ཚོལ་ཉུང་བས་བལ་རྣམས་ཕྱི་ནས་བྱུང་། །ཤིན་ཏུ་གསར་པ་ཁ་དོག་སྐྱའམ་གནག །རྒྱུ་ཚོགས་ལྡན་ཞིང་སྐད་སིང་སྙན་ཆ་ལྡན། །བལ་ཆོལ་སྤལ་མགོ་མ་དང་སྤྲེལ་ཐོད་མང་། །ཐོད་པ་ཅུང་ཆུང་དེ་ཡང་ཅིག་ཤོས་སུ། །ཅིག་ཤོས་ཤོང་ཞེས་ཟེར་ཡང་ཆེ་ཆུང་དུ། །མངོན་པ་ཀུན་ལ་ཡོད་པས་མ་ངེས་ལ། །སྲུབས་རིས་གསལ་ཞིང་ལི་མདངས་སེར་སྐྱར་སྣང་། །བོད་ནི་གྲ་སྦུག་ཉིད་དང་དེ་བཞིན་དུ། །ལྷོ་མོན་དག་ནས་གསར་བྱུང་བལ་རྒྱུད་བཟོ། །རྒྱ་གསར་དག་དང་འཁྲུལ་པ་བསྐྱེད་པ་དང་། །སྔོན་རབས་འཇད་སྦུབ་སོགས་ནི་རྟོགས་པར་སླ། །གང་ཡང་རྒྱུ་ལ་རྒོད་གཡུང་བྱེ་བྲག་གིས། །ཡས་སྦུབ་མས་སྦུབ་ཁྱད་པར་ཆེ་བ་ཡིན། ༈ །ཐུགས་རྟེན་རྒྱ་གར་རྒྱ་ནག་བོད་གསུམ་ལ། །འཕགས་པའི་ཡུལ་ན་པདྨ་སྦྱུངས་པ་ནས། །མྱང་འདས་བར་གྱི་རྣམ་གྲངས་བརྒྱད་བཤད་ལས། །བོད་དུ་བྱོན་པ་ལྷ་བབས་རྣམ་རྒྱལ་གཉིས། །དེ་ཡང་པད་སྤུངས་དབུས་དང་ཤར་ནས་དར། །པདྨ་ཁ་སྦྱར་ཞུམ་ལ་བུམ་སྨད་རྒྱས། །རིམ་པས་སྙོང་ལ་དྲེ་ཡང་ཀྲོང་བ་ལ། །ཡ་མཐའ་བྱིལ་མོ་རྩེག་དུགས་ཐེག་མོའི་སྟེང་། །ནོར་བུ་པདྨའི་འདུས་ནས་འཐོན་པའམ། །ཉི་ཟླས་སྤྲས་པ་ཕལ་ཆེར་ལི་དཀར་མོད། །བྱང་ཆུབ་ཤིང་དང་ཀ་མ་རུ་པའི་རྡོར། །རྡོ་རྗེ་གདན་གྱི་བཀོད་པའི་གནྡྷོ་ལ། །དེ་ཡི་འདྲ་ཅོག་བོད་དུ་བྱས་པའང་སྲིད། །རྒྱ་ནག་པ་ནི་རྒྱ་རག་ཚ་གསེར་ཅན། །བོད་རྙིང་པདྨ་རྐྱང་སྦྱར་གཉིས་པ་མང་། །མས་མཐར་མུ་ཏིག་སྦྲས་དང་བུམ་སྟོང་རྒྱས། །བྲེ་དཔངས་དམའ་ལ་མ་མཐར་ཟེ་བྲོག་ཅན། །ཆོས་འཁོར་སྲིད་ཐུབ་སྦོམ་ལ་ཆར་ཁེབས་སྦུབ། །རྩེ་མོ་པད་འབུས་ཏོག་གམ་ཉི་ཟླས་སྒྲས། །དབུས་ན་ལྕགས་མངོན་ལྕགས་ལྟེ་མ་རུ་གྲགས། །ཞབས་བགགས་མེ་ལོང་ཅན་ལ་མེ་ཞབས་མ། །ལ་མཚལ་མ་ནི་རྒྱ་གྲམ་དེ་ཡིས་བྱུགས། །བྲེ་ངོས་སྤྱན་སོགས་མདུན་རྟགས་བྱས་པའང་ཡོད། །རྙིང་མ་རྣམས་ལ་ནང་བཞུགས་རིང་བསྲེལ་དང་། །ཇོ་བོས་རབ་གནས་འཐོར་བ་གཉིས་

(༤༨༢)སུ་ཡོད། །འདྲ་ཅོག་གསར་མ་བཀའ་གདམས་རག་སྐུར་མཚུངས། །དེ་ལྟར་སྐུ་གསུང་ཐུགས་ཀྱི་རྟེན་རྣམས་ནི། །ལི་ཡི་ཞག་དང་སྐྱེ་མཆེད་ཁོ་ན་ལས། །འདྲིས་ཅན་རྣམས་ལ་རང་བཞིན་ལྷན་སྐྱེས་སུ། །རྣམ་པར་དཔྱོད་པའི་རྩལ་གསུམ་རྫོགས་མོད་དེ། །དེ་དུས་རྒྱུ་ཡང་འདུ་ཤེས་གཞུངས་པ་དང་། །དཔྱད་པ་ཆེ་ཞིང་རྒྱུས་ལ་གོམས་པ་དང་། །མིག་སྔར་མང་མཐོང་ནན་ཏན་དྲིས་པ་ལས། །འབྱུང་གིས་དཔྱད་སྟོན་མཐོང་བ་ཙམ་གྱིས་མིན། །འཇིག་རྟེན་དག་ན་ཟོང་གིས་སྤངས་པ་ལས། །ཉམས་ཀྱིས་སྤངས་པ་གོད་ཁ་ཆེ་བའི་ཕྱིར། །རྣམ་པར་དཔྱོད་པའི་མཐུ་ལ་གོམས་པར་མཛོད།། །།བཞི་པ་ཕན་ཡོན་གྱི་སྒོ་ནས་དེ་ལྟ་བུའི་རིན་པོ་ཆེས་སྐུ་གསུང་ཐུགས་རྟེན་འབའ་ཞིག་ལ་རིམ་གྲོ་བསྐྱེད་པའི་ལུང་སྟོན་པ་ནི་འཕགས་པ་སྒྲ་ཆེན་པོ་ལས། ཀུན་དགའ་བོ་གང་ཞིག་གིས་ཁང་པ་བརྩེགས་པ་དེ་ལྟ་བུ་ཞིག་བྱས་ནས་ཕྱོགས་བཞིའི་དགེ་སློང་གི་དགེ་འདུན་ལ་དཔལ་བར་བྱེད་པ་ལས། གང་ཞིག་གིས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་རིང་བསྲེལ་ཡུངས་འབྲུ་ཙམ་མཆོད་རྟེན་གྱི་བུམ་པ་སྐྱུ་རུ་ར་ཙམ་གྱི་ནང་དུ་བཅུག་སྟེ། སྲོག་ཤིང་ཁབ་ཙམ་བཙུག་ནས་གདུགས་རྒྱ་ཤུག་གི་ལོ་མ་ཙམ་འདོགས་པར་བྱེད་པའམ། དེ་བཞིན་གཤེགས་པའི་སྐུ་གཟུགས་མཚོན་གང་ཙམ་ཞིག་བྱེད་ན། ཀུན་དགའ་བོ་བསོད་ནམས་དེ་ལ་བསོད་ནམས་སྔ་མ་དེས་བརྒྱའི་ཆར་ཡང་ཉེ་བར་མི་འགྲོ། སྟོང་གི་ཆ་དང་། འབུམ་གྱི་ཆ་དང་། གྲངས་དང་། ཆ་དང་། དཔེ་དང་། རྒྱར་ཡང་ཉེ་བར་མི་འགྲོའོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་དཔག་ཏུ་མེད་པའི་ཆོས་འདི་ལྟར་བུ་དང་ལྡན་ཏེ། ཚུལ་ཁྲིམས་དཔག་ཏུ་མེད་པ་དང་། །ཏིང་ངེ་འཛིན་དཔག་ཏུ་མེད་པ་དང་། །ཤེས་རབ་དཔག་ཏུ་མེད་པ་དང་། །རྣམ་པར་གྲོལ་བ་དཔག་ཏུ་མེད་པ་དང་། །རྣམ་པར་གྲོལ་བའི་ཡེ་ཤེས་དཔག་ཏུ་མེད་པ་དང་ལྡན་པའི་ཕྱིར་རོ། །ཞེས་

(༤༨༣)དང་། ཀུན་དགའ་བོ་ལུས་འཕགས་མོའི་བུ་ཡུལ་མ་གངྡཱའི་།།།རྒྱལ་པོ་མ་སྐྱེས་དགྲས་ཕ་རྒྱུན་དུ་ཞུགས་པ་བསད་ནས་དེ་བཞིན་གཤེགས་པའི་སྐུ་གདུང་ལ་མཆོད་པ་བྱ་བའི་ཕྱིར་སྐུ་གདུང་གི་བརྒྱད་ཆ་ལ་བཀུར་སྟིར་བྱ་བ་དང་། བླ་མར་བྱ་བ་དང་། རི་མོར་བྱ་བ་དང་། མཆོད་པར་བྱ་བ་དང་། བརྗེད་པར་བྱ་བ་དང་། གསོལ་བར་བྱ་བ་ལ་བརྩོན་པར་འགྱུར་རོ། །ཞེས་སངས་རྒྱས་ཀྱིས་བསྔགས་པའི་ལས་དེ་དེས་བྱས་པས་སེམས་ཅན་དམྱལ་བར་ལན་ཅིག་སོད་ནས་ལས་དེ་ཉིད་དང་དགེ་བའི་རྩ་བ་དེ་ཉིད་དང་། སྔོན་ལེགས་པར་སྤྱད་པ་དེ་ཉིད་ཀྱིས་དེ་ནས་ཐར་ནས་བསྐལ་བ་ཉི་ཤུར་ལོག་པར་ལྟུང་བར་མི་འགྱུར་ལ། སྐྲ་དང་ཁ་སྤུ་དྲེགས་ནས་གོས་ངུར་སྨྲིག་བགོས་ཏེ། ཡང་དག་པར་ཁྱིམ་ནས་ཁྱིམ་མེད་པར་རབ་ཏུ་བྱུང་ནས་རང་བྱང་ཆུབ་མངོན་དུ་བྱེད་པར་འགྱུར་ཏེ། རང་སངས་རྒྱས་རྣམ་པར་རྒྱལ་བའི་སྡེ་ཞེས་བྱ་བར་འགྱུར་རོ། །ཞེས་པ་ལ་སོགས་པས་མཚོན་ཟད་མི་ཤེས་པ་མོད་དོ། །རྙེད་ལ་ཁངས་ཤིང་འབྱོར་ན་བརྐམ་པ་སྡུག་བསྔལ་བདེན་པའི་ས་བོན་ཏེ། །བྱིས་པ་རྣམས་ཀྱི་སྦྱིན་འབྲས་སྔོན་མོད་དེ་ཡང་གློག་སྤྲིན་ཟློས་གར་ལས། །དཔེར་བྱ་གཉིས་པ་ཡོད་མིན་རིག་པ་འཕགས་པ་རྣམས་ཀྱི་རྗེས་ཐོབ་ནི། །གསེར་དང་པོང་པ་རིན་ཐང་མཉམ་པ་འཁོར་གསུམ་ཡང་དག་ཕྱོགས་སུ་ལྷུང་། །ཆོག་ཤེས་དམ་པའི་གན་མཛོད་ལ་དབང་རྣམས། །རྙེད་ལ་དགའ་མགུར་མི་ལྡང་མི་རྩོལ་ཡང་། །གནས་མ་ཡིན་པར་དེངས་སུ་མི་འཇུག་པ། །རྣམ་སྨིན་ཟླ་ཞུན་ཁམས་སུ་བསྐྲུན་ཕྱིར་ཡིན། །བརྒྱ་ཕྲག་ལྔ་ཡི་གླང་པོའི་ཐུར་སྲང་གིས། །བཏེག་པའི་དངུལ་དཀར་ཞུན་མའི་མཆོད་སྡོང་ནི། །བཅོ་སྦྱངས་རིན་ཆེན་མང་པོས་ཁུར་བཟོད་པའི། །ནོར་བུའི་རྣ་ཆོག་ཡོ་བའི་དུས་ཀྱི་གཏམ། །ཞེས་པའང་རྫོགས་ཆེན་པ་རང་བྱུང་རྡོ་རྗེས་རྒྱལ་བསྟན་ཡུན་དུ་གནས་པ་དང་། གྲོ་བའི་བདེ་སྐྱིད་སྤེལ་བའི་སླད། དངུལ་

(༤༨༤)སྲང་ལྔ་བརྒྱའི་རྒྱུ་ཚོགས་ལས་བྱང་ཆེན་མཆོད་སྡོང་གསར་དུ་བསྐྲུན་ནས་རྒྱལ་དབང་པདྨའི་ལུང་བསྟན་བཞིན་བསམ་ཡས་བར་ཁང་དུ་བཞུགས་སུ་གསོལ་བའི་ཚེ་སྦྱར་བའོ། །གཏམ་ཚོགས་ལེའུ་བཞི་པའོ།། །།སྙན་ངག་གི་གཏམ་རིན་པོ་ཆེའི་གཏེར་ཞེས་བྱ་བ། རྒྱ་གར་སྐད་དུ། ཀ་བེཤཱསྟྲ་རཏྣ་ནི་དྷི་ནམ། བོད་སྐད་དུ། སྙན་ངག་གི་གཏམ་རིན་པོ་ཆེའི་གཏེར་ཞེས་བྱ་བ། སྨྲ་བའི་སེངྒེ་ལ་ཕྱག་འཚལ་ལོ། །ཚངས་པའི་བུ་མོ་ལུས་མཛེས་མ། །ངག་གིས་སེམས་ཅན་ཀུན་ཡིད་འཕྲོག །དབྱངས་ཅན་མ་ཀྱེ་དེ་རིང་འདིར། །བདག་གི་མགྲིན་པའི་དཔལ་དུ་བཞུགས། །ཞེས་བརྗོད་ནས་སྣང་བ་ཚིག་ཏུ་ཤར་བའི་རྟེན་འབྲེལ་གྱི་སྒོ་ནས་དཔལ་ལྡན་དཎྜིས་སྙན་དངགས་ཀྱི་ལེའུ་གཉིས་པར་སྔོན་གྱི་མཁས་པའི་ལུགས་སུ་ས་བཅད་བསྡུས་པའི་དོན་རྒྱན་སོ་ལྔའི་དཔེ་བརྗོད་བློ་གསལ་རིག་པ་ལ་དགའ་བའི་ལས་དང་པོ་པ་དག་སྤྲོ་བར་བྱེད་པའི་ཕྱིར། ཤིན་ཏུ་གོ་བདེ་བར་བརྗོད་པར་བྱ་བ་ལ། དང་པོ་ཡོན་ཏན་རང་བཞིན་བརྗོད་པའི་རྒྱན་ནི་སྒྲོ་མ་བཏགས། སྐུར་པ་མ་བཏབ་པར་བརྗོད་པ་ལ་ཟེར་གྱིས། དཔེ་ནི། དེ་རིང་ཀ་བ་མིག་ལམ་དུ་མངོན་པས་རྐྱེན་སྦྱར། ནོར་འཛིན་ཡངས་པའི་ལྟོ་བ་ན། །ལྗོན་པ་ཡན་ལག་རྨྱང་བ་ཡང་། །འདི་ན་ཁང་བུ་བརྩེགས་པ་བརྒྱའི། །སྲོག་གི་ཟུངས་སུ་ཆས་ལ་ལྟོས། །ཞེས་སོ། །གཉིས་པ་དཔེའི་རྒྱན་ནི། དཔེ་དོན་གཉིས་འདྲ་ཡུལ་དང་འདྲ་ཆོས་མཚུངས་པ་ལ་སྦྱོར་བ་དཔེར་ན་སྨྱུག་མ་མཐོང་བས་མཚམས་སྦྱར། ཆུ་ཤིང་བཞིན་དུ་ཀུན་ནས་དྲང་། །དཱུརྦཱ་ལྟ་བུའི་ཚིགས་པ་དཀོན། །མ་རྒད་གསར་པའི་འདབ་མ་ཅན། །སྨྱུག་མཁོ་ནའི་ཁྱད་པར་རོ། །ཞེས་པ་ལྟ་བུའམ། ཡང་ན། རྐང་པས་འཐུང་བའི་ལང་ཚོ་ནི། །པདྨོ་གཞོན་ནུར་ཤིན་ཏུ་མཚོན། །འདབ་མ་ཨུཏྤལ་སྔོན་པོར་མཚུངས། །ཚིགས་པ་

(༤༨༥)མཛེས་པའི་གདུ་བུ་བཞིན། །ཞེས་པ་ལྟ་བུ་སྟེ་གོང་མ་དངོས་པོའི་དཔེ་དང་། ལོག་མ་ཆོས་དཔེར་སྦྱར་རོ། །གསུམ་པ་གཟུགས་ཅན་གྱི་རྒྱན་ནི། དཔེ་དོན་གཉིས་སྔ་མ་ལྟར་འདྲེ་ཡུལ་འདྲ་ཆོས་མཚུངས་པའི་འདྲ་དཔེ་ཙམ་དུ་མ་བཀོད་པར་དོན་དེ་ཀ་དཔེའི་གཟུགས་སུ་བཀོད་པ་སྟེ་འདི་ལྟར། ཐུབ་དབང་ཁྱོད་ཀྱི་ལུང་རྟོགས་གདོང་ལྔ་བས། །སྣ་ཚོགས་ཐེག་པའི་གཡུ་རལ་སྦྲུགས་པ་ན། །འཇིག་ཚོགས་སུམ་བརྒྱར་སྨྲ་བའི་རི་དྭགས་ཀུན། །རྟག་ཆད་ཚང་ཚིང་སྟུག་པོའི་ནགས་སུ་བྲོས། །ཞེས་པ་ལྟ་བུའོ། །བཞི་པ་གསལ་བྱེད་ཀྱི་རྒྱན་ནི། གང་བརྗོད་པར་བྱ་བའི་གཙོ་བོའི་ཁྱད་གཞི་དེ་ཁྱད་ཆོས་དེའི་གནས་སྐབས་ཀྱི་བརྗོད་དོན་ཐམས་ཅད་དང་འབྲེལ་བར་སྦྱར་ཞིང་། དེའང་ཐོག་མཐའ་བར་གསུམ་གང་དུ་ཡོད་པ་དེ་ལ་དེ་དང་དེའི་གསལ་བྱེད་ཀྱི་མིང་བཏགས་པ་སྟེ། དཔེར་ན། རྒྱལ་པོའི་མདུན་སར་བཙུན་མོ་གཞོན་ནུ་དང་། །རྨ་བྱའི་མགྲིན་པར་སྤུ་སྡུག་འཇའ་ཚོན་རིས། །སྐྱེད་མོས་ཚལ་དུང་ད་དཀར་འཛུམ་པ་རྣམས། །སྲེད་ལྡན་ཀུན་གྱི་ཡིད་ལ་ཆོམ་རྐུན་བྱེད། །ཅེས་པ་ལྟ་བུའོ། །ལྔ་པ་བསྐོར་བ་ཅན་ནི། རྐང་པ་བཞིའི་ཐོག་མཐའ་བར་གསུམ་ཅི་རིགས་པར། བརྗོད་བྱའི་དོན་འདྲ་བའི་རྗོད་བྱེད་ཀྱིས་བསྐོར་བ་སྟེ། །དཔེར་མཚོན་ན། རྡོས་བཅས་ལུས་ཀྱི་འབྱུང་བ་དག་པས་དབང་པོའི་གཞུ་ཡང་འདི་ལས་གང་། །འགྲོ་འོང་རླུང་གི་རྟེན་འབྲེལ་འགགས་པས་སྒྲ་དང་བྲག་ཅའི་དག་མ་ཡིན། །སྣ་ཚོགས་རྟོག་པའི་དྲི་མས་ཡོངས་བཏང་དེ་ཡི་ཐུགས་ལ་གསལ་འགྲིབ་བྲལ། །མཚོ་ལས་འཁྲུངས་པའི་རྡོ་རྗེ་གཞོན་ནུའི་རྣམ་ཐར་དབང་པོའི་རྡོ་རྗེས་མིན། །ཞེས་པ་ལྟ་བུའོ། །དྲུག་པ་འགོག་པའི་རྒྱན་ན། དགག་པའི་ཆོས་རང་བཞིན་གྱི་ཡོན་ཏན་ལྟ་བུ་ཞིག་སྔོན་དུ་བཞག་ནས་དམིག་བསལ་དེ་ཉིད་སྐྱོན་གྱི་རྣམ་པར་འགོག་པ་སྟེ། དཔེར་ན། འཛུམ་པའི་ཞལ་གྱིས་གཞན་ཡིད་འཕྲོག་

(༤༨༦)ན་བཅོས་མའི་ཟུར་མིག་ལྟ་དེས་ཅི། །རང་བཞིན་མཛེས་པའི་སྐེད་པ་ཕྲན་སྣ་ཚོགས་རྒྱན་གྱིས་ཅི་ཞིག་བྱ། །ཨུཏྤལ་ཡི་དྲི་བསུང་འཐུལ་ན་བུར་ཆུས་བཀྲུས་ལ་དོན་ཡོད་མིན། །དེ་ལ་འཁྱུད་རྒྱའི་ཞགས་པས་མི་འཆིང་ཕྱིན་ཆད་རྙིངས་པའི་ཁུར་མི་བཟོད། །ཅེས་པ་ལྟ་བུའོ། །བདུན་པ་དོན་གཞན་བཀོད་པ་ནི། །བསྒྲུབ་བྱའི་དངོས་པོ་ཕྱོགས་མཚུངས་པ་ཞིག་སྔོན་ལ་སྣང་མེད་དུ་བཀོད་ནས། དེ་ནས་སྒྲུབ་བྱེད་ཀྱི་རང་བཞིན་ནུས་པ་ཆེ་བ་ཞིག་བརྗོད་པ་སྟེ། དཔེར་ན། འཇིག་རྟེན་མེས་པོ་ཚངས་པ་ཡང་། །ལས་ཀྱི་ཕྱི་བཞིན་གཞན་དུ་གོང་། །སྐྱེས་མཐའ་འཆི་བར་ངེས་པ་འདིར། །བྲོས་ཀྱང་ཐར་བ་མ་ཡིན་ནོ། །ཞེས་པ་ལྟ་བུའོ། །བརྒྱད་པ་ལྡོག་པ་ཅན་ནི། དང་པོའི་ཚིག་ལ་དཔེ་དོན་ཆོས་ཉིད་མཚུངས་པར་བསྟན་ནས། དོན་ལ་མི་མཚུངས་པའི་ཁྱད་ཆོས་ཀྱིས་བསྒྲུབ་ཕྱིར་གང་ཞིག་འཇིག་རྟེན་ན་གྲགས་ཆེ་བའི་རྒྱུ་དགའ་ཟློས་ནས། དེའི་རང་བཞིན་གསལ་བར་སྟོན་པ་སྟེ། དཔེར་ན། མཛེས་མའི་བཞིན་དང་ཀུནྡའི་འཛུམ། །ཤིན་ཏུ་མཛེས་པར་མཚུངས་མོད་དེ། །ཀུནྡ་ཉི་མའི་འོད་ཀྱིས་ཟུམ། །མཛེས་མ་དེ་ཚེ་ལྷག་པར་རྔོམ། །ཞེས་པ་ལྟ་བུའོ། །དགུ་པ་སྲིད་པ་ཅན་གྱི་རྒྱན་ནི། རྒྱུ་མེད་པར་ཡང་འབྲས་བུ་སྲིད་པར་སྟོན་གྱིར་འཇིག་རྟེན་ན་དེ་དང་ཆོས་མཚུངས་པའི་དགེ་འགའ་ཞིག་ཟློས་ནས་བརྗོད་པ་སྟེ། འདི་སྐད་དུ། འདུ་ཤེས་མེད་པའི་གླིང་བུའི་སྒྲ་ཡིས་རི་དྭགས་རྣམས་ཀྱང་མགོ་བོ་སྐོར། །སེམས་མེད་བེམ་པོའི་པི་ཝང་དེ་ནི་གཏམ་གྱི་བརྗོད་པ་སྙན་པར་སྒྲོག །སུས་ཀྱང་མ་བྲིས་རྨ་བྱའི་རི་མོས་ཚོན་རྣམས་ཀུན་གྱི་བཀྲག་མདངས་འཕྲོག །དྲི་ཟའི་ན་ཆུང་ཤིན་ཏུ་མཛེས་བམ་བཀུག་པར་ཡང་འདིར་བྱུང་ངོ་། །ཞེས་པ་ལྟ་བུའོ། །བཅུ་པ་།།།བ་སྦུས་པ་བརྗོད་པ་ནི། བརྗོད་དོན་གང་ཡིན་ལས་ཕྱིར་ཕྱོགས་པ་ཞིག་ཞེ་འདོད་དུ་སྦས་ནས།

(༤༨༧)ངག་གིས་དངོས་པོ་དེ་ལྟ་མ་ཡིན་པ་ཞིག་གཡོ་སྒྱུའི་ཚུལ་དུ་འགོད་པ། གང་ཚེ་ཟླ་བ་བག་ལ་ཞ། །ཀུནྡའི་ཚལ་ཀྱང་ཟུམ་གྱུར་པས། །དེ་དག་དགའ་བར་མི་བྱེད་ཡང་། །མཁའ་ལ་རྟ་བདུན་རྒྱལ་པོ་མཛེས། །ཞེས་སོ། །བཅུ་གཅིག་པ་ཕུལ་བྱུང་ནི། གང་ཞིག་བརྗོད་བྱར་གྱུར་པ་དེ་འཇིག་རྟེན་ན་ཡོད་པའི་དཔེ་དེ་དག་གིས་མཚོན་པར་མི་ནུས་པས། ཤིན་ཏུ་ཁྱད་པར་དུ་འཕགས་པའི་རང་བཞིན་དུ་བརྗོད་པ་སྟེ། དཔེར་ན། སྲིད་ན་ཟླ་བ་རྣམ་མཛེས་པ། །ངེས་ཀྱང་ཁྱོད་ཞང་མི་མཚོན་ཏེ། ཁྱོད་ཀྱི་བཞིན་རས་འཛུམ་པ་དེར། །ཆགས་ནས་ཚངས་པའང་གདོང་བཞིར་གྱུར། །ཅེས་པ་ལྟ་བུའོ། །བཅུ་གཉིས་པ་རབ་རྟོག་གམ་རབ་བཏགས་ནི། དཔེར་ན་འཇིག་རྟེན་ན་བདག་པོ་དགའ་བར་བྱ་བའི་སླད་དུ་བོང་བུ་ལའང་དྲེའུའི་མིང་དུ་བརྗོད་པ་ལྟར་རྟོག་པས་རྣམ་པར་སྒྲོ་བཏགས་ནས་དོན་ལ་མི་གནས་པའི་བསྔགས་པ་བརྗོད་པ་སྟེ། དཔེ་ནི། གང་སྐུ་མཛེས་ཤིང་ཡོན་ཏན་སྨད་བྱུང་གཏམ་གྱི་ངང་ཚུལ་གསར་པ་དེ། །གླིང་བཞིའི་སྣང་བྱེད་ཉི་ཟླ་ཟུང་དང་སྦྱིན་སྐྱེས་བདུད་རྩིའི་ཟས་ཅན་གྱིས། །སྲིད་པ་སུམ་ཅུ་རྩ་གཅིག་ཀུན་ཏུ་ཅ་ཅོའི་དག་གིས་བསྒྲགས་པ་ལས། །ཚངས་པའི་བུ་མོ་དབྱངས་ཅན་མ་ཡང་འཁུན་པའི་ཞུ་བ་འབུལ་བ་བཞིན། །ཞེས་སོ། །བཅུ་གསུམ་པ་རྒྱུའི་རྒྱན་ནི། ཤེས་བྱེད་ཀྱི་རྒྱུ་ལས་བསྒྲུབ་བྱའམ། སྐྱེད་བྱེད་ཀྱི་རྒྱུ་ལས་འབྲས་བུ་དེ་འདྲ་བ་འགྲུབ་པར་སྟོན་པ་སྟེ། དཔེར་མཚོན་ན། ཁྱོད་ཞལ་མཛེས་པའི་ཟུར་མིག་ལས། །དགའ་བའི་མྱུ་གུ་གསར་པ་དང་། །ཆུ་སྐྱེས་གཞོན་ནུའི་གེ་སར་ལས། །སྦྲང་རྩིའི་དགའ་སྟོན་ཅིར་ཡང་སྦྱིན། །ཞེས་པ་ལྟ་བུའོ། །བཅུ་བཞི་པ་ཕྲ་མོའི་དཔེ་རྒྱན་ནི། །སྔོན་དུ་སློ་གཏང་།།།བའམ། མ་གཏང་ཡང་རུང་སྟེ། ཐབས་ཀྱི་རྟེན་འབྲེལ་དེ་བརྡ་དང་རྣམ་འགྱུར་ཁྱད་པར་ཅན་གྱི་སྒོ་ནས་དོན་གཞན་གོ་བར་སྟོན་པའི་ངག་སྟེ། འདི་ལྟར། མཚར་སྡུག་མིག་གི་བདུད་རྩི་ཅན། །ཚངས་པའི་བུ་མོ་ལུས་མཛེས་

(༤༨༨)མས། །དག་།།།གི་འདོད་པ་འཇོ་བའི་ཚུལ། །རྒྱུ་དམངས་ཟོལ་གྱིས་དོན་དུ་གཉེར། །ཞེས་སོ། །བཅོ་ལྔ་པ་ཆའི་རྒྱན་ནི། གང་ཞིག་བརྗོད་བྱའི་དངོས་པོ་གསལ་པོར་མི་བརྗོད་པར་ཟོལ་གྱིས་བསྒྲིབས་པའི་དག་།།།གིས་སྦྱོར་བ་སྟེ། དཔེར་ན། གཡོན་ཅན་ཟླ་བས་རང་གི་བཞིན། །འཛད་པའི་ཆོས་ལ་ཡིད་ཞུམ་པ། །མཛེས་པའི་ཟོལ་གྱིས་བསྒྲིབ་པའི་ཕྱིར། །གསར་དུ་ཉ་བའི་རྣམ་འགྱུར་སྟོན། །ཅེས་པ་ལྟ་བུའོ། །བཅུ་དྲུག་པ་རིམ་ཅན་གྱི་རྒྱན་ནི། རྗོད་བྱེད་སྔ་མ་སྔ་མས་གོ་ཕྱེ་ནས་ཕྱི་མ་རྣམས་རིམ་པ་བཞིན་དུ་གསལ་བར་བྱས་ནས་གོ་བར་བྱེད་པ་སྟེ། དཔེར་ན། མཛེས་མའི་གདོང་ལ་ཨུཏྤལ་མིག །མཁུར་ཚོས་ལི་ཁྲིའི་ཐིག་ལེ་ཅན། །དེ་ཡི་བཞིན་དཔལ་ཁོ་ན་ཡིས། །དཔའ་བོ་ཀུན་གྱི་བསྙེམས་པའང་ཕྲོགས། །ཞེས་པ་ལྟ་བུའོ། །བཅུ་བདུན་པ་དགའ་བའི་རྒྱན་ནི། བརྗོད་བྱ་དེའི་ངག་ཐོས་པ་ཙམ་གྱིས་ཡིད་ལ་དགའ་བ་ལྟར་གིས་འཆར་བའི་ཚིག་ཏུ་སྟོན་པ་སྟེ། དཔེར་ན། སྐྱེད་མོས་ཚལ་ན་རྨ་བྱ་གཞོན་ནུའི་གྲོགས་བྱས་ཤིང་། །ལང་ཆོས་མྱོས་པའི་སྨིན་ལེགས་ལག་པའི་གདུ་བུ་འཁྲོལ། །ཤིན་ཏུ་ཆགས་པའི་ཟུར་མིག་གཡོ་བའི་ཞགས་པ་དེས། །འཇིག་རྟེན་མེས་པོའི་དཔའ་བའི་ངང་ཚུལ་ཕྲོགས་པ་སྙམ། །ཞེས་པ་ལྟ་བུའོ། །བཅོ་བརྒྱད་པ་ཉམས་ལྡན་གྱི་རྒྱན་ནི། གང་ཞིག་སྨྲ་བར་མཛེས་པའི་ངག་དེས་བསྙད་པ་དང་མཚུངས་པར་ཉན་པ་པོའི་བློ་ཡུལ་དུ། སྐེག་ཆོས་དང་། དཔའ་ཉམས་དང་། དགོད་དྲོ་བ་ལ་སོགས་པའི་ཉམས་འཆར་ནུས་པ་ཞིག་སྟེ། དཔེར་ན། སྨྱོ་བྱེད་ཆང་གིས་སྤྲོ་བ་བསྐྱེད་པའི་བཞིན་བཟང་གིས། །དཔའ་བའི་ངང་ཚུལ་ཇི་ལྟར་བསྟན་ཀྱང་བསྙེམས་མི་དགོས། །རང་མཚང་སྟོན་པའི་མེ་ལོང་ཉིད་དུ་དེ་གྱུར་བས། །བབ་ཅོལ་གནས་ལ་རིངས་པ་རིངས་པར་ཆས་པ་བཞིན། །ཞེས་པ་ལྟ་བུའོ། །བཅུ་དགུ་པ་གཟི་བརྗིད་ཅན་གྱི་རྒྱན་ནི། རྗོད་བྱེད་ཀྱི་ངག་དེ་ཐོས་པ་དང་།

(༤༨༩)སྨྲ་བ་པོའི་བཟི་བརྗིད་ཁྱད་པར་ཅན་དུ་གོ་བར་བྱེད་པའི་གཏམ་གྱིས་སྦྱོར་བ་སྟེ། དམར་སེར་ལི་ཁྲིའི་ཚོན་གྱིས་བསྐུས་པའི་ཕང་ཚོ་བདོ་དེའི་དབལ་གྱི་མགུར། །ཇི་སྙེད་མཁྱེན་པའི་རྫ་རྔ་བརྡུང་ཞིང་རྨོངས་པའི་དྲྭ་བ་གཅོད་པའི་བརྡར། །ཤེས་རབ་རལ་གྲིའི་ཕྱག་རྒྱ་གདེངས་པ་མཐོང་བའི་མོད་ལ་དེ་ཡི་བྱིན། །བློགས་ལ་སྙིང་ལ་ཞུགས་པའི་གཟི་བྱིན་མ་བཟོད་ནག་མོའི་ཁྲོལ་ཀྱང་དྲོས། །ཞེས་པ་ལྟ་བུའོ། །ཉི་ཤུ་པ་རྣམ་གྲངས་བརྗོད་པའི་རྒྱན་ནི། ཡིད་ལ་བསམ་པ་དེ་མངོན་གྱུར་དུ་མ་བརྗོད་པའི་སྒོ་ནས་དོན་ཡིད་ཐོག་ཏུ་འབབ་བར་བྱ་བའི་ཐབས་སུ། རྣམ་པ་གཞན་ལ་ཁ་གཡར་བ་ལྟ་བུའི་ཟོལ་གྱིས་སྒྱུ་ཐབས་སུ་སྨྲ་བའི་ངག་སྟེ། དཔེར་ན། ཡུལ་ལྷོ་ཕྱོགས་པའི་པཎྜི་ཏ། རྟ་ལྗང་ཆུ་ལྷའི་བུ་མོ་དང་། །དགའ་མགུར་སྤྱོད་ཕྱིར་ཕྱོགས་དེར་སོང་། །བདག་ཀྱང་དེ་རིང་གཉིད་བྲོ་བས། །རེ་ཞིག་མལ་དུ་མནལ་བར་བྱེད། །ཅེས་པའོ། །ཉེར་གཅིག་པ་ཀུན་ཏུ་ཕན་པའི་རྒྱན་ནི། བྱ་བའི་ལས་འགའ་ཞིག་བརྩམ་པ་ལ་བསོད་ནམས་ཀྱི་མཐུའམ། སྟོབས་ཀྱིས་འབད་པ་མེད་པར་སྒྲུབ་བྱེད་ཇི་བཞིན་པར་ཚོགས་པར་སྟོན་པའི་ངག་སྟེ། དཔེ་ནི། བསོད་ནམས་འདི་ཡི་ནུས་མཐུ་ནི། །རྩོལ་བའི་གྲོགས་ཀྱིས་མ་བྱས་ཏེ། །ཞིང་པ་གདུང་བས་ཉེན་པའི་ཚེ། །སྤྲིན་གྱི་གསེབ་ནས་ཆུ་རྒྱུན་བྱུང་། །ཞེས་པའོ། །ཉེར་གཉིས་པ་རྒྱ་ཆེ་བའི་རྒྱན་ནི། ལྷག་པའི་བསམ་པའམ། འབྱོར་བ་སྟོབས་ཆེ་བའི་རང་བཞིན་སྟོན་པ་སྟེ། དཔེར་ན། ཆོས་དང་འདོད་ནོར་ཐར་པ་སྟེ། །རྣམ་བཞིས་གཞན་ལ་ཕན་པའི་སེམས། །ནམ་མཁའི་ཁྱོན་ལ་འགྲན་པ་དེས། །མཐོ་རིས་བུ་མོའི་སྐས་ལ་འཛེས། །ཞེས་པ་ལྟ་བུའོ། །ཉེར་གསུམ་པ་བསྙོན་དོར་ནི། བརྗོད་བྱའི་ངོ་བོ་དེ་འདི་ལས་མ་ཡིན་ནོ་ཞེས་པའི་ངག་གིས་བསྙོན་ནས། དེ་ལས་ཆོས་ཉིད་གཞན་དུ་དོར་ནས་སྟོན་པ་སྟེ། དཔེར་ན། མཚན་དཔེས་འཁྱུད་པའི་ལང་ཚོ་མཛེས་པ་སངས་

(༤༩༠)རྒྱས་མ་ཡིན་ཚོགས་གཉིས་རྫོགས་པའི་འབྲས་བུ་སྟེ། །རྩྭ་མཆོག་གྲོང་དུ་མྱ་ངན་འདས་པ་འགྲོངས་པ་མ་ཡིན་དགོངས་པ་དབྱིངས་སུ་འཁྱིལ་བའི་ཚུལ། །རྡེ་སྣོད་གསུང་རབ་རྒྱ་མཚོར་ཞག་པ་ཞལ་ཆེམས་མ་ཡིན་ལུང་དང་རྟོགས་པའི་བསྟན་པ་ཡིན། །ཚིག་གི་སྦྱོར་བ་ཟབ་མོ་འདི་ནི་དྲང་དོན་མ་ཡིན་ངེས་དོན་རྟོགས་པའི་དག་གིས་བསྔགས། ཞེས་སོ། །ཉེར་བཞི་པ་སྦྱར་བའི་རྒྱན་ནི། རྐང་པ་གཅིག་ཉིད་ལའང་བསྟན་བྱའི་དོན་གཉིས་གཉིས་སོགས་ཡོད་པའི་ངག་སྟེ། དཔེར་ན། གང་ཚེ་མུན་པའི་དགྲ་བོ་འཇོམས་ཤིང་པདྨའི་ཚལ་ཀྱང་རབ་ཏུ་དགའ། །སྐྱེ་དགུ་ཀུན་ལ་བལྟ་བའི་མིག་སྦྱིན་གྲང་བའི་རེག་བྱ་དེ་ཡང་བཤུས། །ཤར་ནུབ་གཉིས་ཀྱི་བྱེ་བྲག་ཕྱེ་ཞིང་ནམ་མཁའ་ལ་ཡང་རྒྱན་དུ་བྱས། །གླིང་བཞི་ཀུན་གྱིས་བདག་གིར་བྱེད་པའི་སྣང་བྱེད་དྲང་སྲོང་བདུན་གྱིའང་གཙོ། །ཞེས་པའོ། །ཉེར་ལྔ་པ་ཁྱད་པར་བརྗོད་པའི་རྒྱན་ནི། རྒྱུ་འགའ་ཞིག་རྨད་དུ་བྱུང་བར་བསྟན་པའི་ཕྱིར། རྒྱུའི་ཁྱད་པར་གྱིས་ཆོས་དང་། ཡོན་ཏན་དང་། བྱ་བའི་རང་བཞིན་འགའ་མ་ཚང་ཡང་འབྲས་བུ་སྐྱེད་པར་སྟོན་པའི་ངག་སྟེ། འདི་ལྟར། ལུས་མེད་རྣམས་ཀྱིས་བསྔགས་པ་བརྗོད་པའི་བཞིན་བཟང་མར། །ཞགས་པ་མེད་ཀྱང་ཟུར་མིག་གཡོ་བའི་ལྕགས་ཀྱུ་དེས། །འདོད་སྲེད་ཅན་གྱི་ཡིད་ལ་རྣམ་པར་བཏབ་པ་ཡི། །ནུས་པའི་ཁྱད་པར་དེ་ལ་སུས་ཀྱང་འགོངས་པ་མེད། །ཅེས་པ་ལྟ་བུའོ། །ཉེར་དྲུག་པ་མཚུངས་པར་སྦྱོར་བའི་རྒྱན་ནི། གང་བརྗོད་པར་བྱ་བའི་དོན་དེ་ལས་ཆེས་འཕགས་པ་ཞིག་དང་། མ་ཡིན་བཞིན་དུ་མཚུངས་པར་སྦྱོར་བའི་རང་བཞིན་ཏེ། །དཔེར་ན། ཁྱོད་ཐུགས་ཀློང་ཆེན་མེ་ལོང་དོགས། །ཤེས་བྱ་རབ་འབྱམས་ཀུན་རྫོགས་པས། །འཛམ་གླིང་མཛེས་པའི་རྒྱན་དྲུག་དང་། ཁྱད་པར་འགའ་ཡང་ཡོད་མ་ཡིན། །ཞེས་པ་ལྟ་བུའོ། །ཉེར་

(༤༩༡)བདུན་པ་འགལ་བའི་རྒྱན་ནི། ངོ་བོའམ། རྫས་ཀྱི་ཆོས་འགལ་བ་གཉིས་རྣམ་པ་གཅིག་ལ་མི་འགལ་བར་སྟོན་པ་སྟེ། དཔེར་ན། ལུས་ཀྱི་རྣམ་འགྱུར་མདའ་ལྟར་དྲང་ཡང་ཡིད་ཀྱི་རྣམ་རྟོག་གཞུ་ལྟར་འཁྱོག །བཞིན་རས་ཟླ་བའི་རྗེས་སུ་འགྲོ་ཡང་སྨིན་མ་བུང་བ་བཞིན་དུ་གནག །གཡོ་སྒྱུ་སུམ་ཅུ་རྩ་གཉིས་ཤེས་ཀྱང་སྒྱུ་རྩལ་དྲུག་ཅུ་ཀུན་ལ་རྨོངས། །བདུད་ཀྱི་བུ་མོས་ཐམས་ཅད་བསླུས་ཀྱང་ཟས་གཙང་སྲས་ལ་ནུས་པ་རྡུགས། །ཞེས་པ་ལྟ་བུའོ། །ཉེར་བརྒྱད་པ་སྐབས་མིན་བསྟོདཔའི་རྒྱན་ནི། ཆོས་ཉིད་ཇི་བཞིན་པས་བསྟོད་པའི་སྐབས་མ་ཡིན་ཡང་རང་བཞིན་བསྒྱུར་ནས་བསྟོད་པ་སྟེ། དཔེ་ནི། གང་ཚེ་ཟླ་བ་གཟས་ཟིན་པ། །དེ་ཚེ་སྣང་བྱེད་གཞན་མེད་པས། །ཀུན་གྱིས་ཟླ་བའི་ཡོན་ཏན་མཐོང་། ཁྱོད་ལ་སྒྲ་གཅན་དྲིན་དུ་ཆེ། །ཞེས་པས་མཚོན་ནོ། །ཉེར་དགུ་པ་ཐོལ་བསྟོད་ནི། བརྗོད་བྱའི་དངོས་པོ་ལ་བསྟོད་པའི་གནས་སྐབས་ཇི་བཞིན་པ་མ་མཆིས་ཀྱང་སྐྱོན་ཡོན་ཏན་དུ་བསྒྱུར་ནས་བསྟོད་པའི་ངག་སྟེ། དཔེར་ན། ཤིན་ཏུ་མྱོས་པའི་གླང་ཆེན་མི། །དཔའ་ཡང་ངེས་པ་ཡོད་མིན་ཏེ། །གཡུལ་ངོར་དགྲ་བོ་འཇོམས་པ་ལ། ཁྱོད་ལ་འགྲན་ཟླ་འགའ་ཡང་མེད། །ཅེས་སོ། །སུམ་ཅུ་པ་ངེས་པར་བསྟན་པའི་རྒྱན་ནི། བསྟན་པར་བྱ་བའི་དོན་དེ་ལས་ངང་ཚུལ་ལྡོག་པ་ཞིག་བསྟན་ཡང་། དེ་དང་མཚུངས་པའི་བདག་ཉིད་ཅན་དུ་གོ་བའི་ངག་སྟེ། དཔེར་ན། བུང་བ་པདྨ་ལ་དགའ་བས། །སྦྲང་རྩིའི་འབྱུང་གནས་ཡིན་པར་ཤེས། །རྔོན་པ་མིན་ཡང་རི་དྭགས་གསོད། །གླ་རྩི་འདོད་པའི་རྣམ་འགྱུར་ཡིན། །ཞེས་པ་ལྟ་བུའོ། །སོ་གཅིག་པ་ལྷན་ཅིག་བརྗོད་པའི་རྒྱན་ནི། ཆོས་ཐ་དད་པ་གཉིས་ཡོན་ཏན་ནམ། ནུས་པ་ལྷན་ཅིག་ཏུ་སྨིན་པའི་ངག་སྟེ། དཔེར་ན། རིག་པ་བདག་གིས་ཤེས་པ་དང་། མཁས་པ་

(༤༩༢)གཞན་ལའང་མོས་པ་སྐྱེ། །དམུས་ལོང་མངལ་ལས་གྲོལ་བ་དང་། །ལྷན་ཅིག་མུན་པའི་སྣང་བ་འཆར། །ཞེས་པའོ། །སོ་གཉིས་པ་ཡོངས་བ་རྗེས་ཀྱི་རྒྱན་ནི། བརྗོད་པ་དང་། རང་བཞིན་དང་། བྱ་བ་ལ་སོགས་ཕན་ཚུན་བསྣོལ་མའི་ཚུལ་དུ་བརྗོད་པའི་ངག་སྟེ། དཔེར་ན། བློ་ལྡན་ཕུར་བུས་ལྷ་དགའ་ཕྱིར། །རྒྱུ་འབྲས་མེད་པའི་བསྟན་བཅོས་བརྩམས། །རེ་ཞིག་ལྷ་ལ་ཕན་ན་ཡང་། །མཐར་ཐུག་བདེན་གཉིས་ཆོས་ལ་གནོད། །ཅེས་པ་ལྟ་བུའོ། །སོ་གསུམ་པ་ཤིས་པ་བརྗོད་པའི་རྒྱན་ནི། བརྗོད་བྱ་རྨད་དུ་བྱུང་ཞིང་རྗོད་བྱེད་རང་བཞིན་བརླིང་བའི་ངང་ཚུལ་ལ་སྨོན་པའི་ཚིག་སྟེ། རྐང་པ་ལྔ་པར་བྱས་ན། དྲེགས་ལྡན་མི་སྡུག་ཉམས་ཀྱིས་བཞིན་རས་གསར་པའི་འཛུམ་གྱིས་བསུས་མ་ཡིན། །སྨིན་མ་ཡོན་པོའི་ལྟ་སྟངས་འཁྱོག་པོའི་གཡོ་སྒྱུའི་ཟོལ་གྱིས་བསླུས་པའང་མིན། དཔུང་ཚོགས་ཡན་ལག་བཞི་པའི་གཡུལ་ངོས་གཞན་སྡེ་ཟིལ་གྱིས་གནན་མིན་པར། །མཐོང་ན་མི་མཐུན་མེད་པའི་ཐུགས་རྗེས་བདུད་ཀྱི་དཔུང་ཡང་སྐྲག་བྱེད་པའི། །བགྲོ་བའི་བླ་མ་ཤཱཀྱ་སེང་གེས་ཁྱོད་ལ་བདེ་ལེགས་མཛད་པར་གྱུར། །ཅེས་སོ། །སོ་བཞི་པ་རབ་སྤེལ་གྱི་རྒྱན་ནི། ཚིགས་སུ་བཅད་པ་གཅིག་ལའང་རྒྱན་ཐ་དད་མང་པོ་ཚང་བ་སྟེ། དཔལ་ལྡན་དཎྜིས། སྙན་དངགས་མཛེས་པར་བྱེད་པ་ཡིས། །ཆོས་རྣམས་རྒྱན་ཅེས་རབ་ཏུ་བརྗོད། །དེ་ནི་ད་ལྟའང་རྣམ་རྟོག་སྟེ། །དེ་དག་མ་ལུས་སུས་འཆད་ནུས། །འོན་ཀྱང་རྣམ་རྟོག་ས་བོན་ནི། །སྔོན་གྱི་སློབ་དཔོན་རྣམས་ཀྱིས་བསྟན། །ཞེས་གསུངས་པ་ལྟར། འཁོར་འདས་ལམ་གསུམ་གྱི་ཆོས་ཐམས་ཅད་རྟོག་པས་རྣམ་པར་སྒྲོ་བཏགས་པ་ཙམ་མོ། །དེའི་ཕྱིར་སྐབས་འདིར་སྙན་དངགས་མཁན་གྱིས་རྣམ་པར་རྟོག་པས་སྒྲོ་བཏགས་ན་ཚིག་གི་སྦྱོར་བ་གང་ལའང་རྒྱན་དུ་མི་འགྱུར་བ་མེད་ཕྱིར་དམིགས་བསལ་མ་དགོས་ཀྱང་།

(༤༩༣)དང་པོའི་མགོན་པོའི་འདྲ་འབག་བཞེང་བའི་སླད་དུ་འདི་ལྟར། རང་བཞིན་རྣམ་དག་ལྟ་བའི་དང་ཚུལ་ཤིན་ཏུ་རྨད་བྱུང་དཔེ་ལས་འདས། །འདས་པ་མ་ཡིན་སྒོམ་པའི་རྒྱལ་པོ་དུས་གསུམ་ཀུན་ཏུ་ཁྲི་ལ་བཞུགས། །བཞུགས་ཀྱང་སྣང་བ་ཟིལ་གྱིས་གནོན་པའི་སྤྱོད་པའི་འཕྲུལ་གྱིས་འཁོར་འདས་ཀུན། །ཀུན་ཏུ་བཟང་པོའི་དབྱིངས་ལ་བཞག་ཚེ་བརྟན་གཡོའི་དངོས་པོ་རང་སར་ཞིག །ཅེས་སྨྲས་སོ། །སོ་ལྔ་པ་དགོངས་པ་ཅན་གྱི་རྒྱན་ནི། སྙན་དངགས་མཁན་གྱིས་ཇི་ལྟར་བསམ་པའི་ཡུལ་གྱི་ཡོན་ཏན་ལ་སྦྱོར་བར་ནུས་པས་དེ་ཉིད་ཀྱི་དགོངས་པ་འགྲུབ་པའི་ངག་རྒྱུན་ཡིན་པ་དོན་ལ་གནས་ཕྱིར་དཔེར་བརྗོད་ལོགས་སུ་མི་དགོས་ཏེ། མེ་ལོང་ལས་ཀྱང་། སྙན་དངགས་མཁན་བསམ་དགོངས་པ་སྟེ། །སྙན་དངགས་འགྲུབ་པར་གང་གནས་པ། །རབ་སྦྱོར་ཡུལ་གྱི་ཡོན་ཏན་ཅན། །དེ་ནི་དགོངས་པ་ཅན་ཞེས་བརྗོད། །ཅེས་བཤད་པའི་ཕྱིར་རོ། །མྱུར་བོར་ཕ་རོལ་འགྲོ་བའི་ཚེ། །རང་རིག་བཙན་ས་མ་ཟིན་ན། །བཅོས་མས་བྱས་པའི་སྒྲ་དོན་རྒྱན། །འདི་ལ་སྙིང་པོ་འགའ་ཡོད་མིན། །འོན་ཀྱང་ཤེས་བྱར་སྲིད་ཚད་ཀྱིས། །བསྟན་ལ་བྱ་བ་བྱེད་དོ་ཞེས། །དམ་པས་ཀུན་ཏུ་བསྔགས་མཐོང་ཞིང་། །མཁས་པ་རྣམས་ལའང་རབ་ཏུ་གྲགས། །དེ་ཕྱིར་བདེན་པ་འཇིགས་པ་ཡི། །པཎ་གྲུབ་མང་པོས་འདི་ཉིད་ཀྱི། །བསྟན་བཅོས་གང་ཞིག་མཛེས་བྱས་ཤིང་། །དངོས་ནས་མ་ཡིན་ཀྱང་བརྒྱུད་ནས་སོ། །བློ་གསལ་དགའ་བར་བྱས་པའི་ཚུལ། །མཐོང་ནས་བདག་གིས་འདི་བྱས་སོ། །སྙན་དངགས་གི་གཏམ་རིན་པོ་ཆེའི་གཏེར་ཞེས་བྱ་བ་འདབ་ལྡན་གཡུང་དྲུང་འཁྱིལ་པའི་ཚལ་ནས་སཻ་ན་ཀ་ཨ་ནནྟས་བསྐུལ་བ་ལྟར་དབྱངས་ཅན་མགྲིན་པར་ཆགས་པའི་རྣལ་འབྱོར་པ་མཁྱེན་བརྩེའི་འོད་ཟེར་གྱིས་འོད་གསལ་གཉུག་མའི་ཕོ་བྲང་པདྨ་འོད་གླིང་དུ་རྗེས་ཐོབ་ཀྱི་སྣང་ཆ་རྟོག་པའི་དྲྭ་བར་བཀོད་པ་རྫོགས་སོ། །གཏམ་ཚོགས་ལེའུ་ལྔ་པའོ།། །།

(༤༩༤)རྒྱལ་པོ་དང་དམངས་ལ་སྦྲིར་བའི་གཏམ། རབ་ཏུ་བྱེད་པ་འཇིག་རྟེན་གསོ་བའི་སྨན་ཞེས་བྱ་བ། ལྷ་མོ་དབྱངས་ཅན་མ་ལ་ཕྱག་འཚལ་ལོ། །མདོ་ལས་ཆོས་ལྡན་རྒྱལ་པོ་ལ། །ཡན་ལག་རྣམ་པ་བཅུ་བཤད་དེ། །མང་པོའི་དབུས་ནས་བཀྲབས་པ་དང་། །བློན་དང་བློ་གྲོས་གཡོན་ཅན་གྱི། །དེ་ཡི་བརྟུལ་ཞུགས་མི་བརྗེ་ཞིང་། །འབངས་ལ་གནོད་པ་མེད་པ་དང་། །གནམ་གྱིས་བསྐོས་པ་ཞེས་སུ་གྲགས། །བྱ་བ་ཀུན་ལ་བརྟགས་མཁས་ཤིང་། །རིགས་པའམ་མ་ཡིན་རྣམ་པར་ཕྱེད། །གཟུ་ལུམས་འཁོར་དུ་མི་ལྡན་ན། །འབངས་དང་བློ་ག་ཉེ་བར་འགྱུར། །བསམ་པ་མཆོག་ཏུ་དགེ་ན་ཡང་། །ཐབས་མཁས་ཤེས་རབ་མཐུ་མེད་ན། །སྐྱེ་དགུ་བདེ་བར་སྐྱོང་མི་ནུས། །དེ་ཕྱིར་ལུགས་ཀྱི་བསྟན་བཅོས་བསླབ། །བྱ་བ་དང་ནི་མ་ཡིན་པའི། །གནས་ལ་དེ་མ་ཐག་མི་ཁྲོ། །ཐེག་པ་ཆེ་ན་དགྲ་ཟླ་ཉུང་། །བདེ་བར་གནས་ན་བང་མཛོད་སྤེལ། །རྟག་ཏུ་བསོད་ནམས་འཕེལ་བའི་ཕྱིར། །རྒྱལ་སྲིད་ཆོས་ཀྱི་ལུགས་སུ་བསྐྱང་། །ཧ་ཅང་མི་བསུན་ཚེར་མ་ལྟའི། །སྐྱེས་བུ་འཕེལ་ན་ཁྲིམས་ཀྱིས་གཞར། །དེ་ལྷ་མོད་ཀྱི་ཁྱུ་མཆོག་དང་། །གླ་བ་སྲོག་དང་བྲལ་གྱུར་ཀྱང་། །གི་ཝང་གླ་རྩི་ཡོད་པའི་དཔེས། །ངུར་སྨྲིག་གཟུགས་གནས་ཁྲིམས་འཆལ་ཡང་། །ལྕགས་དང་དབྱིག་པས་གཞུས་པ་དང་། །བཙོན་རར་འཆིང་དང་ཡན་ལག་གཏུབ། །སྟོན་པ་ཉིད་ཀྱིས་མ་གནང་ན། །ཚུལ་ཁྲིམས་ལྡན་ལ་སྨོས་ཅི་དགོས། །བྱ་བ་རྩོམ་ལ་བཀྱེལ་ཆེ་ཡང་། །ལས་མཐའ་རིང་ན་དེ་དང་དེ། །འགྲུབ་བམ་ཅིག་ཤོས་ཐེ་ཚོམ་ཕྱིར། །མྱུར་དུ་རྫོགས་ན་མཁས་པ་ཡིན། །སྤྱོད་པ་བརླང་པོས་ཡུལ་འཁོར་འབྲོས། །འཇིག་རྟེན་ན་ནི་ངེས་པ་དང་། །བྱམས་པར་གྱུར་བ་ཆོས་རྒྱལ་ཞེས། །གུས་པ་ཁྱོད་ཀྱིས་མ་ཐོས་སམ། །སྐྱེ་དགུ་བདེ་བར་སྐྱོང་བ་ལ། །དེ་ཡི་ཀུན་སྤྱོད་རིག་པ་དགོས། །གནས་དང་གནས་མིན་མི་ཤེས་ན། །ཆོ་རིགས་བཙུན་ཡང་ལྐུགས་པ་ཡིན། །

(༤༩༥)བྱ་བ་བདག་གིས་ལེགས་ཤེས་ཀྱང་། །འགྱོད་པ་སྤངས་ཕྱིར་གྲོས་ཀྱིས་བསྒྲུབ། །དེ་ལྟར་བསྒྲུབས་ནས་སྡུག་བསྔལ་ཡང་། །མི་འཇིགས་པ་དེ་བློ་ཆེན་ཡིན། །ཇི་ཙམ་རྒུད་པའི་མཐར་ལྷུང་ཡང་། །དཀོན་མཆོག་རྣམ་གསུམ་མི་སྤང་ཞིང་། །བཤེས་གཉེན་དམ་པའི་ངག་མཉན་པ། །དེ་ལ་ཆོས་ལྡན་རྒྱལ་པོར་གྲགས། །གལ་ཏེ་དེ་ལས་དགྲས་གཅོས་ཀྱང་། །ཐབས་ལ་མཁས་པའི་ནན་ཏན་གསུམ། །ཐོགས་ཐ་བར་དུ་ཉམས་བསྟར་ལ། །འཐབ་མོ་ཞི་བའི་བརྟུལ་ཞུགས་བླང་། །ཕྱི་དུས་འདི་ན་རྒྱལ་པོའམ། །བློན་པོ་དང་ནི་གཙོ་བོ་དག །མི་མཁས་གཏི་མུག་རང་བཞིན་ཕྱིར། །མཛའ་བའི་ཐབས་ལ་ནན་ཏན་བྱ། །དྲེགས་ལྡན་ཉིད་ཀྱང་ནོར་ལ་སྲེད། །གཡུལ་གྱི་ཕྱིར་ན་དེ་བཏང་སྟེ། །གྲོང་ཁྱེར་ཕྱིར་དུ་གྲོང་ཡང་བཏང་། །ནན་ཏན་བྱ་བ་གཉིས་པ་ཡིན། །སྐྱེས་རབས་ལས་ཀྱང་དེ་སྐད་དུ། ཁྱིམ་གྱི་ཕྱིར་ན་གཅིག་བཏང་སྟེ། །སྲོག་གི་ཕྱིར་ན་ཁྱིམ་བཏང་ངོ་། །ལྗོངས་ཀྱི་ཕྱིར་ན་གྲོང་ཁྱེར་ཏེ། །བདག་གི་དོན་ལས་བཏང་བཤད། །དེས་ཀྱང་ཉེ་བར་མ་ཞི་ན། །དཔུང་གི་གཟི་བྱིན་མཐུ་བསྐྱོད་དེ། །ཕྱོགས་ནི་མང་པོ་ཉེ་བར་བཟུང་། །དགྲ་ཟླ་འཇིགས་པའི་བརྟུལ་ཞུགས་རྔོམ། །ནན་ཏན་གསུམ་གྱིས་མ་ལྡོག་ན། །བདག་ནི་གཡུལ་ལ་སྤྲོ་བའང་མེད། །སྐྱེ་དགུ་ཕུང་བར་མི་འགྱུར་གྲང་། །གྱུར་པ་ལས་ཀྱང་སླར་ལྡོག་གོ །སྡིག་པའི་ཕྱོགས་ལས་མ་རྒྱལ་ན། །སྲོག་ཀྱང་གཟུང་བར་ཡོད་མི་ནུས། །བསྟན་པ་ཉིད་ཀྱང་ཉམ་ཉེས་འགྱུར། །སྙམ་དུ་དྲན་པ་ཉེ་བར་གཞག །གཡུལ་གྱི་ཕུ་མ་ལ་གནས་པའི། །དཔའ་བ་རབ་འབྲིང་ཐ་གསུམ་ལས། །བླ་མ་ཉིད་ནི་ཐོག་མར་ཤམ། །རྟ་བའི་ཚོགས་

(༤༩༦)ནི་རྒྱབ་ནས་སོ། །དེ་དག་བདེ་བར་བརྒལ་བ་དང་། །བརྟུལ་ཞུགས་བརྟན་པར་འགྱུར་བ་དང་། །བྱས་པ་གཟོ་བའི་གནས་སྟོན་ཕྱིར། །མི་དབང་ཉིད་ནི་ཕྱི་བཞིན་འབྲང་། །དེ་ལྟར་ཐབས་ལ་མཁས་པ་ཡི། །ཕ་རོལ་གྱི་ནི་དཔུང་བཀུམ་མམ། །རྨ་ཕྱུང་ནའང་རྒྱལ་པོ་ལ། ཁ་ན་མ་ཐོ་ཉུང་བར་འགྱུར། །དེ་བཞིན་འདུ་ཤེས་བརྒྱད་ལ་བསླབ། །ཡུལ་འཁོར་ལ་ནི་བུ་བཞིན་དེ། །བྱམས་པའི་སེམས་ཀྱིས་མཐུན་པར་བལྟ། །སྤྱོད་པ་ཡུལ་ལ་ཁྲོ་བ་སྤང་། །འཕྲལ་དུ་ཟས་དང་དབྱིག་གིས་བརྔན། །ཡུན་དུ་ཕན་དང་བདེ་བའི་ཕྱིར། །ཡན་ལག་བརྒྱད་དང་དགེ་བཅུའི་ཁྲིམས། །འཆའ་ཞིང་རི་རྒྱ་ཀླུང་རྒྱ་བསྡམ། །དཔྱ་ཁྲལ་རིགས་པར་བསྡུ་མོད་ཀྱི། །ལོ་ཏོག་ལ་ནི་སེར་བའམ། །དུས་ཀྱི་ཆད་པས་ཉམས་པའི་ཚེ། །འབངས་ལ་སྣུམ་ལྟར་འཚིར་པ་སྤང་། །གལ་ཏེ་མི་བསྲུན་ཚར་གཅོད་ཀྱང་། །དེ་ལ་ཁྲོ་བ་འགོད་པ་མིན། །སྨན་པས་ནད་ལ་གཏར་བསྲེགས་བཞིན། །སྐྱོན་བསལ་ཆོ་ག་ཡང་དག་བསམ། །འབངས་ལས་ཕྲོགས་པའི་ལོངས་སྤྱོད་ནི། །ཆེན་པོའི་རྒྱན་དུ་མཛེས་མ་ཡིན། །མཚོན་ཆའི་ཐབས་ལ་མཁས་གྱུར་ཀྱང་། །རྔོན་པ་དཔའ་བོར་སུ་ཞིག་སྒོས། །འཇིག་རྟེན་ན་ནི་དགྲ་འབྱུང་བའི། །ལེ་ལན་འཁོན་སེམས་ཉིད་ལ་གནས། །འཁོན་དང་ཁྲོ་བ་ཚར་བཅད་ན། །དགྲ་ཡང་མཛའ་བཤེས་འགྱུར་བ་སླ། །ཉེ་བ་ལྔ་ཡི་ཆར་བཏོགས་པས། ཁྲིམས་ལྡན་མ་ལ་གཡེམ་མི་འགྱུད། །མེ་ལོང་གདོང་གི་གཏམ་རྒྱུད་བཞིན། །ཞལ་ལྕེ་ཉེ་འཁོན་མེད་པར་བཅད། །བདག་ཉིད་བསྲུང་བ་ཡིན་པའི་ཕྱིར། །འཛའ་བཤེས་རྣམས་ལ་ཕྱི་ཕྱིར་བལྟ། །ཀུན་དང་བཤེས་པའི་རྟེན་འབྲེལ་འདིས། །དགྲ་ངོ་མོད་ལ་མེད་པར་

(༤༩༧)འགྱུར། །འཇིག་རྟེན་ཕ་རོལ་འགྲོ་བའི་ཚེ། །རྒྱལ་སྲིད་ལོངས་སྤྱོད་རྗེས་མི་འབྲང་། །ནན་ཏན་ཆོས་ལ་བགྱི་བ་འདི། །བརྟུལ་ཞུགས་ཀུན་གྱི་ནང་ན་མཆོག །རྒྱལ་པོ་ལ་གདམས་པའི་རབ་ཏུ་བྱེད་པ་སྟེ་དང་པོའོ། །གཉིད་དང་རྨུགས་ལ་བརྐམ་པ་ཡི། །སྐྱེས་བུས་ལེགས་ཚོགས་ཐོབ་པ་མེད། །གལ་ཏེ་ཐོབ་ན་ལེ་ལོ་ཡི། །ཉེས་པ་བཤད་པ་བརྫུན་དུ་འགྱུར། །གང་ཞིག་སེར་སྣ་ལ་གནས་པས། །ལོངས་སྤྱོད་ཕུན་ཚོགས་ཐོབ་གྱུར་ཀྱང་། །འཆི་འཚེ་ངན་འགྲོའི་གྲོང་ཁྱེར་དུ། །ལག་པ་སྟོང་པར་སོང་ཞེས་ཐོས། །འགྲོ་བ་གཞན་གྱི་སྲོག་གཅོད་པ། །དེ་ནི་བདག་ཉིད་གསོད་པ་ཡིན། །ཕ་རོལ་ཉམས་པ་སྨོས་ཅི་དགོས། །འཇིག་རྟེན་འདིར་ཡང་ཚེ་ཐུང་འགྱུར། །ཆང་ལ་དགའ་བའི་སྐྱེས་བུ་ཡི། །རིགས་དང་ཡོན་ཏན་བསྲུང་བ་མེད། །ཆེན་པོའི་གནས་དང་འབྱོར་བའི་དཔལ། །མཁས་པས་སྨད་དང་ལྷན་ཅིག་ཉམས། །ལེ་ལོས་དོན་རྣམས་ཉམས་འགྱུར་ན། །གསར་པ་ཐོབ་པ་ག་ལ་ཞིག །སྙིང་སྟོབས་ཕུན་སུམ་ཚོགས་པའང་། །བསྒྲིམ་པ་མེད་པས་མ་རུངས་བྱས། །གཞན་གྱི་ནོར་དང་ལོངས་སྤྱོད་ལ། །བརྣབ་སེམས་ཕྲག་དོག་བསྐྱེད་པ་ནི། །མཛའ་བཤེས་འབྲོས་ཤིང་ཁྱིམ་ཐབ་ལ། །འདུ་བ་གཅོད་པའི་སྒོ་ཡིན་སྤང་། །ཤིན་ཏུ་གཟུ་ལུམས་གཏུམ་པའི་མིར། །ཕ་མ་དག་ཀྱང་འབྲོས་བྱེད་ན། །སྐྱེ་བོ་གཞན་ལྟ་སྨོས་ཅི་དགོས། ཁྲོ་བ་ཐུལ་ལ་འཁོར་འདབ་མང་། །མང་དུ་ཟ་བ་མཁས་པ་མིན། །ཟས་ཀྱི་བུ་ལོན་ལྟ་ཞོག་གི། །ལུས་ལྕི་དགེ་བ་ཉམས་འགྱུར་ལ། །མ་འཇུས་སྲོག་ལ་རྒོལ་བའང་ཡོད། །རྒོད་ཅིང་ཅ་ཅོ་ལ་དགའ་བ། །འགྱོད་པ་མང་པོའི་སྣོད་ཡིན་ཏེ། །དེ་ནི་ཆོས་ཀྱི་ལམ་གནས་ཀྱང་། །བདེན་པ་གཉིས་ལ་རིང་དུ་གནས།

(༤༩༨)ཁ་ནི་སྡིག་པའི་སྒོ་ཡིན་པས། །མང་པོའི་གསེབ་ཏུ་བསྒྲིམས་ཏེ་སྨྲ། །ཚིག་ངན་རྦབ་ཏུ་ལྷུང་བ་འདི། །གནོད་པ་མང་ལ་ལྡོག་པར་བཀའ། །ངེས་པར་བདེན་པའི་ཚིག་ཉིད་ཀྱང་། །སྨྲའན་ཅིག་ཤོས་མཁས་པས་བསྒྲིམ། །བདེན་སྨྲས་རང་ལ་གནོད་པའི་ཚུལ། །གཏུམ་པོ་རབ་སྣང་གཏམ་རྒྱུད་བཞིན། །མ་བསྡམས་སྐྱེ་བོ་བྱི་ལ་དགའ། །དེ་ལ་དེ་ཡི་ཁྱིམ་བདག་དང་། །རང་གི་ཆུང་མའང་དགྲར་གྱུར་ནས། །འདི་ཕྱིར་སྡུག་བསྔལ་མང་པོ་མྱོང་། །ཕྱུག་པོ་འདོད་ནས་མ་བྱིན་ལེན། །དབུལ་པོ་རིན་གྱིས་ཉོ་བ་སྟེ། །གྲགས་པ་ཤིན་ཏུ་ཉམས་པའི་མཐར། །ལུས་དང་ལོངས་སྤྱོད་གཞན་གྱིས་འཕྲོག །རྫུན་དང་ཕྲ་མས་བྱ་བ་འགའ། །རེ་ཞིག་གྲུབ་ཀྱང་ཐ་མར་མིན། །སྲིན་བྱའི་རྫུན་གྱིས་བདག་ཉིད་ནི། །ལྟས་ངན་གནས་སུ་གྱུར་པ་བཞིན། །བསམ་ངན་བསྐྱེད་པའི་གང་ཟག་ལ། །བསོད་ནམས་རི་ཙམ་ཡོད་གྱུར་ཀྱང་། །དེ་མ་ཐག་ཏུ་ཉམས་འགྱུར་ཏེ། །རྒྱལ་པོ་ང་ལས་ནུ་ལ་ལྟོས། །ལོག་ལྟས་རང་གི་དཔལ་ཉམས་པ། །འདི་ནི་གཞན་གྱིས་མི་ཤེས་ཏེ། །མ་སྐྱེས་དགྲ་ལ་རྒྱལ་ཕྲན་གྱིས། །གཡུལ་གྱི་ཕྲུ་མ་བཏབ་པ་བཞིན། །སྐྱེ་བོ་ཆོས་ལམ་མི་གནས་ཀྱང་། །ཕ་མ་ལ་ནི་བསྙེན་བཀུར་བྱ། །མཐོ་རིས་འགྲོད་པའི་ཐེམ་སྐས་གཅིག །དེ་ཉིད་ཡིན་པར་ཐུབ་པས་གསུངས། །སློང་བ་སྐྱེས་བུ་མི་འཇུག་གོ །བཅུག་ན་གཏན་གྱི་མཛོད་ཆུད་གསན། །སྦྱིན་པས་ཕྱི་མར་ཕན་པ་ཙམ། །གཏེར་དུ་སྦས་ཀྱང་འབྱུང་བ་མིན། །གལ་ཏེ་སློང་བའི་རེས་བབ་ན། །ངང་ཐུང་བསམ་ངན་མི་བགྱི་སྟེ། སྤོབས་པའི་བློ་གྲོས་ཀྱིས་སངས་རྒྱས་ལ་བསྙེན་བཀུར་བའི་ཚེ་དབུལ་པོའི་རེ་བ་མ་ཐོབ་པས་སྟོན་པ་ལ་ཁོང་འཁྲུགས་ཤིང་བདག་རྒྱལ་པོར་གྱུར་ན་འདི་དག་གི་མགོ་བཅད་དོ་

(༤༩༩)སྙམས་སྐྱེས་པས་རང་ཉིད་ཀྱི་མགོ་ཤིང་རྟའི་འཁོར་ལོས་ཆད་པ་བཞིན། །ཡིད་ནི་དུག་ཅན་ཉིད་ཀྱི་ཕྱིར། །གནོད་སེམས་རང་གི་ཐོག་ཏུ་འབྱུང་། །ངེས་པར་འབབས་པའི་དཔྱ་དང་ཁྲལ། །སྟོབ་པར་ནུས་བཞིན་མ་བསྟབས་ན། །རྒྱལ་པོའི་བང་མཛོད་ཉམས་པའི་ཕྱིར། །ལ་ཡོགས་རྣམ་སྨིན་ཉིད་ལ་འཛེམ། །མི་ཡི་འབད་ཀྱང་མི་ཐོབ་པའི། །ལོངས་སྤྱོད་ལྷ་ཡུལ་བསམས་པས་འབྱུང་། །དེ་ནི་བསོད་ནམས་མཐུ་ཡིན་ཏེ། །རིགས་ངན་རྒྱལ་པོར་གྱུར་ལ་ལྟོས། །དེ་ཕྱིར་བསམ་པ་དགེ་བ་ལས། །བསོད་ནམས་ཐམས་ཅད་འདུ་བྱེད་དེ། །ལོ་བརྒྱར་འབད་ནས་ངལ་བྱེད་ལས། །ཉིན་གཅིག་བསོད་ནམས་བསགས་པ་མཆོག །དམངས་ལ་གདམས་པའི་རབ་ཏུ་བྱེད་པ་སྟེ་ལེའུ་གཉིས་པའི་བདག་ཉིད་ཅན་རྒྱལ་བའི་མྱུ་གུ་མཁྱེན་བརྩེའི་ལྷས་དཔལ་ལྡན་པདྨ་འོད་གླིང་དུ་སྦྱར་བའོ། །གཏམ་ཚོགས་ལེའུ་དྲུག་པའོ། ༄༅ །ས་རྐྱོད་སྡེ་དགེ་ལ་སྦྲིང་པའི་གཏམས་ལ་སྤྱོད་པའི་རྣ་རྒྱན་ཅེས་བྱ་བ། རྗེ་བཙུན་འཇམ་པའི་དབྱངས་ལ་ཕྱག་འཚལ་ལོ། །གང་གིས་འགྲོ་བ་ཐམས་ཅད་ལ། །གཉེན་དང་འདྲ་བར་སེམས་བསྐྱེད་ཀྱང་། །དད་དང་ལས་འབྲེལ་ཅན་དག་ལ། །ཉེ་འཁོན་ཕོ་ཉར་འོང་བ་བཞིན། ༡ །དེ་ལྟ་ནའང་རྒྱལ་ཁབ་དེར། །སྤྱོན་ལ་བསྐུལ་བའི་ལུས་ཕྲ་མར། །བརྙས་དང་མ་གུས་མ་ལགས་པའི། །སྦྲིང་ཡིག་གསར་པའི་རྣ་ཆས་འཛུམ། ༢ །བགྲེས་རྒུད་མེད་པའི་རྣམ་རིག་ནི། །མི་བདག་བཞེད་པའི་དོན་བསྒྲུབ་པར། །ཉིན་མོའི་དཔལ་གྱི་རྟ་བདུན་བཞིན། །གཡོ་ལ་དལ་ཁོམ་མ་མཆིས་ཀྱང་། ༣ །འབྱུང་བཞིས་བཟུང་བའི་ལང་ཚོ་ནི། །ཞག་དང་ཟླ་བས་སྤུངས་པ་ཡི། །རྒ་བའི་ལྕིད་ཀྱིས་མངོན་སུམ་ནོན། །སྙོམས་ལྡན་མིན་པའི་འདུ་བས་དཀྲུགས། ༤ །ཀུན་ལ་ལྐོག་ཏུ་གྱུར་

(༥༠༠)བ་ནི། །རང་གི་རང་བཞིན་ལགས་མོད་དེ། །ཡུལ་གྲུ་གསར་དང་དེ་ཡི་ཆུས། །སྔོན་ཡང་གནོད་པ་སྣ་ཚོགས་བསྟན། ༥ །གང་ཞིག་རྐྱེན་གྱིས་ཚར་བཅད་པའི། །འདུ་བས་རང་མཚན་མི་འཛིན་ན། །གནོད་པ་མངོན་སུམ་ཐོབ་པའི་ཚེ། ཁྱེད་ལའང་ཕན་པ་ཅི་ལྟར་བསྒྲུབ། ༦ །དེ་བས་ས་ལ་སྤྱོད་པ་ཁྱེད། །མཛའ་བཤེས་བཞིན་དུ་བདག་གི་ཚིག །བསླུ་བའི་གནོད་པ་མ་མཆིས་པ། །འདི་ནི་རྣ་བའི་རྒྱན་དུ་མཛོད། ༧ །འདི་ལྟར་འཁོར་བ་མ་རུངས་པ། །ཆུ་སྲིན་ལྟ་བུའི་ལྟོ་བ་ནས། །བདེ་འགྲོ་ལས་ཀྱང་མཐོ་རིས་ཀྱི། །ཡོན་ཏན་བདུན་པོ་ཕལ་མོ་ཆེས། ༨ ཁྱོད་ལ་མཛའ་བར་བྱས་ཟིན་ན། །ད་ནི་འཚོ་བ་བསྲིང་བའི་ཐབས། །སྲོག་ལ་ཆད་པ་མི་སྦྱིན་པ། །ཡ་རབས་རྣམས་ཀྱི་ཚེ་སྒྲིབ་ལགས། ༩ །འཁོར་བར་སྲོག་ལ་མི་ཕངས་པ། །དམྱལ་བ་པ་ལས་ཡོད་མིན་ན། །མཐར་གྱི་འཆི་བའི་ཆོས་ཉིད་ལ། །ཀུན་ཀྱང་སྐྲགས་ནས་བརྟབ་པ་བཞིན། ༡༠ ཁྱད་པར་བྱ་དང་རི་དྭགས་ཕྱུགས། །མགོན་མེད་ལོག་པར་ལྟུང་བ་རྣམས། །རྣམ་ཀུན་སྡུག་བསྔལ་མེས་གདུངས་ན། །འཚིག་པ་སླར་བསྲིག་མགར་ལས་སུ། ༡༡ །གཞན་སྲོག་འཕྲོག་ལས་ཕྱིར་ཕྱོགས་པས། །རྒྱལ་སྲིད་ཉམས་པར་གྱུར་བ་མེད། །མཚོན་ཆའི་ཐབས་ལ་མཁས་པ་རྣམས། །གཡུལ་ངོར་རྨ་སྲོལ་བཏོད་པ་མང་། ༡༢ །གང་ཞིག་གནོད་པ་ཅན་ལ་འབྲོས། །གནོད་མི་བགྱིད་པ་ཚར་གཅོད་ན། །བདེ་སྐྱིད་ཁྱོད་ལ་རེ་བ་རྣམས། །སུ་ལ་སྐྱབས་སུ་མཆི་བར་དགོངས། ༡༣ །མཐོ་རིས་ཡོན་ཏན་བདུན་ཀུན་གྱི། །གཙོ་བོ་ཚེ་རིང་བ་ཉིད་ན། །དེ་ཡི་བྱེད་པ་རྒྱུ་མཐུན་ནི། །འབད་ནས་བསྒྲུབ་པ་ཅང་ཤེས་ཡིན། ༡༤ །བློ་གྲོས་ཉམ་ཆུང་གྱུར་

(༥༠༡)པ་དང་། །ཆོས་ཀྱི་བསྟན་བཅོས་མི་ཤེས་པ། །དེ་ནི་གདོན་མི་ཟ་བ་རུ། །རང་གཞན་གཉིས་ཀ་བསྲེག་ལ་བརྩོན། ༡༥ །དེ་བས་ཡ་རབས་རིགས་བཟང་ཁྱོད། །བཀྱེལ་ཆེ་སྙིང་རྗེའི་བདག་ཉིད་ནི། །རྟག་ཏུ་ཉོན་མོངས་མེད་པ་ཅན། །གཟུགས་ཅན་སྙིང་པོའི་སྤུན་ཟླར་མཛོད། ༡༦ །གང་དག་ཕ་དང་མ་ལ་དེ་དང་དེར། །ཤེས་ནས་མཆོད་པ་བྲམ་ཟེ་ལའང་ཡོད། །དེས་ཀྱང་བསོད་ནམས་མ་ཡིན་ཕྱོགས་བསྲུངས་ཤིང་། །བདག་ལ་རིམ་གྲོ་ཐོབ་པ་མཁས་པའི་ལུགས། ༡༧ །རིགས་གཟུགས་དབང་ཐང་ཆེ་ལ་རྒྱགས་པ་དང་། །མངོན་པའི་ང་རྒྱལ་འཇུངས་དང་གཡོ་སྒྱུས་འཚོ། །འདི་དག་བག་ཡོད་འཇིགས་པའི་ཆོམ་རྐུན་ཏེ། །སྡིག་སྤྱོད་རྣམས་ཀྱི་རྣམ་པར་ཐར་ཕྱིར་སྲིངས། ༡༨ །དགེ་བའི་ལས་ལམ་བཅུ་དང་བསྙེན་བྱེད་པ། །འདི་ནི་ཚུལ་ཁྲིམས་རྣམས་ཀྱི་ཕྱི་མོ་དང་། །རྣམ་ཤེས་བརྒྱད་དང་འབྲེལ་བའི་ལུས་ངག་ལས། །དཀར་པོ་རྣམ་པར་འཕེལ་བའི་ས་བོན་ཡིན། ༡༩ །དགྲ་བཅོམ་གཏན་ཁྲིམས་ཐར་ལམ་ཡན་ལག་ནི། །རྣམ་པ་བརྒྱད་དུ་བཅས་པའི་དུས་ཀྱི་ཁྲིམས། །དུས་ཆེན་བཞི་དང་ཉ་སྟོང་བརྒྱད་གསུམ་ལ། །བདག་ཉིད་ལྷུར་བཞེས་འབངས་ལའང་སྩལ་བར་བགྱི། ༢༠ །ཆགས་དང་ཁོང་ཁྲོ་ང་རྒྱལ་མ་རིག་པ། །འཇིག་ཚོགས་ལ་བལྟ་ཐེ་ཚོམ་རྣམ་པ་དྲུག །རྩ་བའི་ཉོན་མོངས་སྒྲ་གཅན་གདོང་པ་ཅན། །དགེ་བའི་ཉིན་བྱེད་ལ་སྡང་མཁྱེན་པར་མཛོད། ༢༡ །བླ་ན་མེད་པའི་ཞིངས་།།།དཀོན་མཆོག་གསུམ། །གང་ལ་མཆོད་དང་ཕན་འདོགས་བསམ་པས་གཏོང་། །མི་དགེ་སྤང་བ་ཡང་དག་ལེན་པའི་ཁྲིམས། །ལྷ་རྗེས་དྲན་པ་དྲུག་ལ་གོམས་པར་བགྱི། ༢༢ །རྒྱལ་བ་ཐུགས་རྗེའི་བདག་ཉིད་ཅན་དེ་ཡིས། །གྲངས་མེད་གསུམ་དུ་དགོངས་ཤིང་དཔྱད་པས་ཀྱང་། །

(༥༠༢)བྱང་ཆུབ་སེམས་ལས་གཞན་པའི་ཆོས་མ་གཟིགས། །དེ་ཕྱིར་འདི་ནི་སྲོག་ལས་གཅེས་པར་ཟུང་། ༢༣ །རིན་ཆེན་སེམས་ལ་སྨོན་འཇུག་རྣམ་གཉིས་ལས། །འཇུག་པའི་བསླབ་བྱ་རྒྱལ་སྲིད་ལ་བསྲིང་ན། །སྦྱིན་ཚུལ་བཟོད་པ་གསུང་ལ་བསྙེན་ནས་ཀྱང་། །སྤྱོད་ལམ་རྣམ་བཞིར་སྨོན་སེམས་བཏང་མི་འཚལ། ༢༤ །བསམ་པ་བཟང་པོ་རང་དབང་གྱུར་བའི་སེམས། ཁ་ན་མ་ཐོ་གཞན་དབང་མ་ཡིན་པས། །རྒྱལ་པོའི་སྲིད་ཀྱང་མི་ཉམས་བྱང་ཆུབ་ཆོས། །རྫོགས་པར་འགྱུར་ཞེས་བདེན་པར་སྨྲ་བས་གསུངས། ༢༥ །འདི་ལྟར་རང་སེམས་དགེ་བ་ཙམ་ཞིག་གིས། །མངའ་རིས་བདེ་ལ་འགོད་པར་ཡོངས་མི་ནུས། ཁ་གསགས་གཏུམ་པོ་མི་བཟད་གཟུ་ལུམས་ཅན། །རྒྱལ་པོའི་འཁོར་ན་མང་བ་མཁྱེན་འཚལ་ལོ། ༢༦ །མང་པོས་བཀུར་ལ་བྱས་པ་གཟོ་བ་ཡི། །དྲུག་ཆའི་དཔྱ་ཐང་འཚལ་བ་ནས་བཟུང་སྟེ། །གནའ་བོའི་དུས་ནས་བཞག་པའི་ཡབ་མེས་ཀྱི། །བཞག་པ་གང་ལས་གསར་པའི་སྐབས་མི་དབྱེ། ༢༧ །སྐྱེ་བོ་རྣམས་ནི་འཇུངས་པ་ཁོ་ནའི་ཕྱིར། །གཏོང་ལ་སྤྲོ་བའི་གོ་སྐབས་དབྱེ་དཀའ་ན། །ཐུབ་ཆོད་མཐུས་པ་ན་གཞན་གྱི་སེམས་བསྲེག་ཅིང་། །དངོས་ལའང་གཤིན་རྗེའི་འཇིག་རྟེན་ཐོབ་འདི་སྤངས། །༢༨ །རྟག་ཏུ་སོ་སོའི་སྐྱེ་བོ་དང་། །དམ་པའི་ཁྱད་པར་མཁྱེན་འཚལ་ནས། །མི་ཆོས་གཙང་མ་བཅུ་དྲུག་དང་། །དམ་པའི་རྣམ་ཐར་སྒྲུབ་འདི་གཅེས། ༢༧ །གྱ་ཚོམ་ལ་སྤྱོད་སྡིག་ལ་འབད། །རིག་པའམ་མ་ཡིན་བཏང་སྙོམས་ཅན། །བྱས་པ་གཟོ་མིན་མགུ་བར་དཀའ། །སོ་སྐྱེའི་རྣམ་ཐར་བརྗོད་མི་ལྡང་། ༣༠ །ལས་འབྲས་ལ་གུས་ངོ་ཚ་ཤེས། །སྙིང་རྗེའི་བདག་ཉིད་ཉམས་ལེན་བཟོད། །སྙིང་ཉེ་མཐུ་ཆེ་བརྟུལ་ཕོད་པ། །མཛའ་

(༥༠༣)བཤེས་ཉིད་དུ་བཟུང་བར་འོས། ༣༡ །དུས་།།།དང་དུས་སུ་མ་ཡིན་པར། །རྣམ་ཀུན་རང་དགར་སྤྱོད་པ་དང་། །ཆད་དང་རྒྱན་པོས་དུས་།།།འདའ་བ། །དེས་ནི་ཆོས་ལུགས་གཉིས་ཀ་ཉམས། ༣༢ །མི་སྙན་ན་ཡང་བན་པ་དང་། །དེས་པ་མིན་ཡང་བདེན་པའི་ཚིག །ཐུགས་ལ་བཞག་པའི་གནས་ཡིན་ན། །དེ་ལས་ལྡོག་པ་སྤང་བར་མཛོད། ༣༣ །རང་དོན་གཉེར་བའི་ངོ་བསྟོད་དང་། །ཆོས་ལམ་མིན་པའི་ལེགས་སྨོན་ནི། །ཆེན་པོའི་བཟུང་བའི་རྣ་ཆ་མིན། །སྙན་ཁུང་སྲ་བ་མི་དབང་རྒྱན། ༣༤ །ངང་པ་མ་ཚོལ་།།།དགའ་བ་བཞིན། །དམ་པ་རྣམས་ཀྱིས་བསྙེན་སླ་དང་། །ཆུ་སྐྱར་ནགས་ལས་འབྲོས་པ་བཞིན། །དམ་པ་མིན་པས་བསྙེན་དཀར་མཛོད། ༣༥ །མ་ཡིས་བུ་ལ་དགའ་བ་བཞིན། ཁྱོད་ཀྱིས་འབངས་ལ་བྱམས་བགྱིས་ན། །བུ་ཡིས་མ་ལ་བསྙེན་པ་བཞིན། །འབངས་རྣམས་གུས་པས་ཅིས་མི་ལྟ། ༣༦ །ལུགས་ཀྱི་བསྟན་བཅོས་མི་མཁས་ན། །འཇིག་རྟེན་སྐྱོང་བའི་རྣམ་རིག་སྙོགས། །ཆོས་ཀྱིས་སྟན་བཅོས་ལས་ཕྱོགས་ན། །ཕུན་སུམ་ཚོགས་ཀྱང་ཕྱི་མར་ཉམས། ༣༧ །སྡིག་པའི་གྲོགས་ཀྱི་དབང་བྱས་པས། །བྲམ་ཟེ་ཁྱེའུའང་སོར་ཕྲེང་འཛིན། །དགེ་བའི་གྲོགས་ཀྱིས་ཟིན་པ་ལས། །མྱ་ངན་མེད་པའང་ཆོས་རྒྱལ་གྱུར། ༣༨ ཁྱོད་ལ་འབྱོར་བས་མི་རྡུག་གིས། །ཡོན་ཏན་ཁོ་ན་དོན་དུ་གཉེར། །ཡོན་ཏན་མེད་པའི་རྒྱལ་པོ་ནི། །དཔའ་ཡང་གནོད་སྦྱིན་སྡེ་དཔོན་ཡིན། ༣༩ །ལོངས་སྤྱོད་གཡོ་བ་ཤེས་ན་ཡང་། །དཀར་པོའི་ཕྱོགས་ལ་སྦྱར་བ་ཉུང་། །སྦྱར་ཀྱང་སྡིག་པས་བསྒྲུབ་པ་ནི། །ག་བུར་སྒོག་སྐྱས་བསྒོས་དང་མཚུངས། ༤༠ ཁྱུ་མཆོག་འགྲོ་བའི་ཕྱི་བཞིན་དུ། །བ་ལང་དོགས་པ་མེད་རྒྱུ་ན། ཁྱོད་ནི་དམ་

(༥༠༤)པའི་སྤྱོད་པ་ལ། །ཞུགས་དང་མངའ་རིས་རྣམས་ཀྱང་འབྲང་། ༤༡ །ཇི་ལྟར་བདག་ཉིད་སྲུང་བ་དེས། །ཤུགས་ལ་གཞན་དག་བསྲུང་ནུས་ན། །མེས་དཔོན་དྲང་སྲོང་ཆེན་པོའི་ལུགས། །བསྐྱང་ཞིང་ཉམས་པའང་བཅོས་སུ་གསོལ། ༤༢ །འདི་ལྟར་སྲོང་བཙན་ཡུལ་བཟུང་གི། །རིགས་སུ་སོན་ནས་བྱང་གྲོལ་གྱི། །ཐེམ་སྐས་འཛེགས་ལ་སྤྲོ་བའི་ཕྱིར། །རྗེ་དང་ཡབ་མེས་ཆོས་ལུགས་སྐྱོངས། ༤༣ །འོན་ཀྱང་།།།ཁྲིམས་ལ་སྐྱོན་ཆགས་དང་། །མི་མཁས་བླུན་པོའི་གཟུ་ལུམས་ཀྱིས། །རྙོག་མར་བྱས་པའི་སྡིག་ཏོ་ནི། །གནའ་ནས་མཆིས་ཀྱང་བསལ་དུ་རུང་། ༤༤ །དཀའ་ཐུབ་ཅན་ལ་བརྙས་པ་དང་། །བཀྲེས་ལ་ཤིན་ཏུ་མནར་བ་དང་། །ཧ་ཅང་ཚར་གཅད་གནས་ཐོབ་པའི། །ཆད་པས་སུ་ལའང་གཅད་མི་བགྱི། ༤༥ །དཀོན་མཆོག་རྫས་ལས་འཕྲོག་པ་དང་། །དམ་པའི་ཆོས་ནི་སྤོང་བ་དང་། །རྟགས་ཙམ་འཛིན་པའང་མནར་བ་དང་། །མཚམས་མེད་ལྔ་པོར་གཏོགས་པ་དང་། །མི་དགེའི་ལས་ལམ་འཛིན་པ་ལྔས། ༤༦ །རྒྱལ་པོ་རྒྱལ་རིགས་སྤྱི་བོ་ནས། །དབང་བསྐུར་རྣམས་ཀྱི་དགེ་བའི་རྒྱུན། །གཏོན་མི་ཟ་བར་མེ་བཞིན་དུ། །སྲེག་པར་བྱེད་ཅིང་ཕས་ཕམ་པས། །ཕྱི་ནས་ལྷ་མིའི་བདེ་འབྲས་གཅོད། ༤༧ །དེ་བཞིན་བློན་པོ་རྣམས་ལ་ནི། །ལོག་པར་ལྟ་བའི་གནས་མལ་དུ། །གྲོང་དང་གྲོང་ཁྱེར་འཇོམས་པ་སྟེ། །རྒྱལ་བློན་སོ་སོར་ངེས་པ་ལྔ། ༤༨ །རྩ་ལྟུང་བཅུར་ནི་ནམ་སྙིང་གི། །མདོ་ལས་བཀྲལ་ཏེ་གསུངས་པའི་ཕྱིར། །བདག་ཉིད་བསྲུང་བའི་དོན་འདི་ལ། །གཞན་གྱིས་ཐལ་མོ་སྦྱོར་མི་འཚལ། ༤༧ །སྦྱིན་ལས་གཉེན་གྱུར་ཕ་རོལ་མེད། །མགོན་མེད་ཟས་སྦྱིན་ལ་དགའ་དང་། །བཟོད་

(༥༠༥)མཚུངས་དཀའ་ཐུབ་མ་མཆིས་པས། །སྤྱོས་དང་བཏགས་པའང་ལྷག་པར་སྲུངས། ༥༠ །ས་འདི་རིན་ཆེན་འབྱུང་གནས་ཕྱིར། །དེ་བཞིན་གཤེགས་རྣམས་ཐུགས་རྗེའི་སྤྲུལ། །སྐྱེས་བུའི་རྣམ་རིག་ལ་སྤོས་པའི། །བཟོ་གནས་སྐུ་གསུང་ཐུགས་སུ་མཛོད། ༥༡ །ད་རེས་ཁོམ་ལྡན་མེད་པའི་རྟེན་བརྒྱད་ནས། །འདབ་ཆགས་རྙི་ལས་གྲོལ་བ་ལྟར་གྱུར་དུས། །རང་གཞན་འབྱོར་བའི་ཡན་ལག་ཉམས་སམ་མིན། །དཔྱད་ནས་དེ་ལས་མྱུར་དུ་སོར་ཆུད་འཚལ། ༥༢ །འདི་ལྟར་སྐྱེ་བའི་རང་བཞིན་མཐུ་ཆེ་ཡང་། །དམ་ཆོས་སྒྲུབ་ལ་ཁོམ་ལྡན་དཀོན་པའི་ཚུལ། །ལུས་འཕགས་པོ་ནས་སྒྲ་མི་སྙན་པའི་བར། །རིམ་བཞིན་འཁོར་ལོས་སྒྱུར་བའི་རྒྱལ་པོ་ལས། ༥༣ །ཚངས་དབང་འཇིག་རྟེན་སྐྱོང་བའི་མཐུ་དཔལ་ཅན། །དབང་ཕྱུག་ལང་ཚོས་དྲེགས་པ་དེ་དག་ཀྱང་། །ལས་མཐའ་ལོག་དང་གཞན་འབྱོར་ཕལ་མོ་ཆེས། །སྤངས་ནས་སླར་ཡང་འཁོར་བའི་ཡང་བྲན་ལྟུང་། ༥༤ །ལྟུང་བ་གང་ཞིག་མཉམ་དང་མི་མཉམ་པའི། །གནས་རིགས་དྲུག་ཏུ་དབང་མེད་འགྲོ་བའི་ཚུལ། །གླང་ཆེན་མྱོས་པ་ལྕགས་ཀྱུས་བཏང་བ་བཞིན། །ལམ་མང་རྒྱུན་ལྡན་ཉིད་དུ་འགྲོ་བ་མང་། ༥༥ ཁྱད་པར་གཤིན་རྗེའི་ཞགས་པས་བཏགས་པ་རྣམས། །བཟོད་དཀའ་དམྱལ་མེའི་དབལ་དང་ལྕགས་སྲེག་གཞིར། །མཚོན་རྣན་གྱིས་འབུགས་འཐོར་རླུང་བུ་ཡུག་གིས། །ལུས་སྦྲིབས་ཆུ་བུར་རྡོལ་ལས་རྐང་ཞག་འཛག ༥༦ །དཔག་ཚད་མང་པོའི་ལྟོ་བ་བཟའ་བས་ཉམ་ཐག་ཅིང་། །བཏུང་བའི་ཕྱོགས་ཙམ་མི་ཉེ་དེ་ལ་རྒྱ་མཚོའི་ཆུ། །འཐུང་བའི་རང་དབང་འཚལ་ན་མགྲིན་པ་འཚིར་བའི་བར། །མོད་ལ་བསྐམ་པར་འགྱུར་ཞེས་ཕྱིན་ཅི་ལོག་བཞིས་འཇིགས། ༥༧ །རྨོངས་དང་

(༥༠༦)མགོན་སྐྱབས་སྤངས་པའི་ཆད་པས་ཟིལ་གནོན་བཞིན། །ཕན་ཚུན་གཅིག་ལ་གཅིག་བཟས་ཅུང་བཟད་རྣལ་མི་ཕེབས། །རྡོན་དང་གདོལ་བས་གཞུང་ནས་དམ་ལ་བཞག་པའི་མཐར། །ལུས་སྲོག་གཉིས་ཀར་མནར་གཅོད་མི་འདོད་བཞིན་དུ་མྱོང་། ༥༨ །ཕྲག་དོག་མེ་ལྕེ་རྣོན་པོས་ཀུན་དུ་ཆིག་པའི་སེམས། །གཡུལ་དོར་གདུང་བ་བཞིན་དུ་ཕྱོགས་པ་དེ་ཡི་མགོ། །དགྲ་ཟླའི་མཚོན་གྱིས་བཀས་པ་ཆུང་མས་མཐོང་བའི་མོད། །འོ་དོད་འཕོད་པའི་ཚུལ་ལ་སྒྲ་གཅན་དངངས་པ་བཞིན། ༥༩ །དུག་དང་མཚུངས་པའི་ཡུལ་ལ་རྣམ་ཀུན་སྤྱད་བྱས་ཀྱང་། །སྐྱེ་རྒ་ན་འཆིའི་དུག་གིས་ད་དུང་ཕ་རོལ་འཁྲིད། །སྨན་དང་སྔགས་ཀྱིས་མི་གསོས་དུག་གི་རྣམ་སྨིན་ནི། །ཚེ་རབས་གཞན་ལའང་འཐག་གཅོད་དུག་ལས་ནུས་པ་ཆེ། ༦༠ །དེ་ཕྱིར་ལས་དང་དེ་འབྲས་མཁྱེན་འཚལ་ནས། །ཆུ་དང་ས་དང་རྡོ་བའི་རི་མོ་བཞིན། །ཉོན་མོངས་ཅན་ལ་དང་པོ་དགེ་ཆོས་ལ། །ཐ་མ་ཉད་དུ་བློ་ཡི་བཟོ་བོས་སྒྲུབས། ༦༡ །རིན་ཆེན་གསུམ་དང་ཡང་དག་ལྟ་ལ་དད། །མི་དགེ་བཅུ་ཡི་ལས་ལམ་སྤངས་པའི་ཁྲིམས། །མཆོད་དང་ཕན་འདོགས་ཞིང་ལ་ཟང་ཟིང་གཏོང་། །ཐར་པ་དང་ནི་རྣམ་མཁྱེན་ཆོས་ལ་མཉན། ༦༢ །བདག་གི་དབང་དུ་བྱས་པའི་ངོ་ཚ་དང་། །གཞན་གྱི་དབང་དུ་བྱས་པའི་ཁྲེལ་ཡོད་པ། །ཆོས་དོན་རྣམ་པར་འབྱེད་པའི་ཤེས་རབ་སྟེ། །འཕགས་པའི་ཁྱད་ནོར་འདུན་པོ་འབད་པས་སྒྲུབས། ༦༣ །མཐོ་རིས་རྟེན་ལ་མྱ་ངན་འདའ་བའི་སླད། །ཤེས་དང་ཚུལ་ཁྲིམས་ལྡན་པའི་བླ་མ་ལས། །ཚུལ་བཞིན་ཡིད་ལ་བགྱིད་དང་བགྱིད་བྲལ་བའི། །ཡང་དག་ལྟ་བ་གཉིས་ཀྱི་གནད་མཁྱེན་མཛོད། ༦༤ །གང་དག་དབང་པོ་དྲུག་ཡུལ་གྱུར་པའི་སེམས། །རྣམ་ཤེས་

(༥༠༧)བརྒྱད་ཀྱི་གཞན་དབང་ཅན་ཡིན་ན། །ཉེ་བའི་ཉོན་མོངས་ཉི་ཤུའི་གཡུལ་ངོ་ལས། །རྒྱལ་བའི་དགྲ་ཐངས་དྲན་པའི་རུ་མཚོན་ཕྱོར། ༦༥ །རང་ཉིད་ཐར་ཙམ་ཉན་རང་ལ་ཡང་ཡོད། །རྣམ་མཁྱེན་སྒྲུབ་པ་སྐྱེས་བུ་ཆེན་པོའི་ལུགས། །དྲན་པ་ཉེ་བར་གཞག་པ་ནས་བཟུང་སྟེ། །བྱང་ཆུབ་ཕྱོགས་ཆོས་ཚད་མེད་མཁྱེན་པར་མཛད། ༦༦ །ལྡན་མིན་འདུ་བྱེད་བཏགས་ཡོད་ཙམ་གྱི་ཆོས། །ཉོན་ཤེས་སྒྲིབ་པ་མཐོང་སྤོང་སྒོམ་སྤོང་ཅན། །རང་བཞིན་མེད་པའི་ངང་དུ་ཞི་པ་ན། །བདེ་གཤེགས་སྙིང་པོའི་ཆོས་ཉིད་མཐོང་བར་འགྱུར། ༦༧ །དེ་ལྟར་མཐོང་ནས་གནོད་པ་དུ་མའི་སྣོད། །སྐྱེ་བའི་འབྱུང་གནས་རྟེན་ཅིང་འབྲེལ་འབྱུང་ཆོས། །ཀུན་འབྱུང་ལུང་མ་བསྟན་པ་བཅུ་བཞིར་བཅས། །འཕགས་ལམ་ཡན་ལག་བརྒྱད་ཀྱིས་འགོག་པ་ཐོབ། ༦༨ །དེ་ཡི་རང་བཞིན་ཉོན་མོངས་ཆུ་བོ་ཡི། །ཕ་རོལ་སོན་པ་ཉིད་ན་བདག་ཉིད་ཀྱིས། །གདུལ་བའི་ཞིང་ལ་ཡོན་ཏན་རིན་ཆེན་མཛོད། །བསྟན་པ་ཡོངས་རྫོགས་སྒྲོན་མ་ཕྱོགས་དེར་སྤྱོན། ༦༩ །ཆོས་དོན་མངོན་པར་སྤྲིང་བའི་བསྟི་གནས་སུ། །དད་པའི་པད་ཚལ་མ་རྙིང་བསོད་ནམས་བྱིན། །མྱ་ངན་མེད་པའི་སྤུན་ཟླར་གྱུར་པ་དེས། ཁྱེད་ཀྱང་དགེ་བའི་དབང་པོའི་སྲས་མུ་གྱུར། ༧༠ །གང་ལ་ཟླ་བའི་དབང་པོ་ཞེས་བོས་ནས། །དེ་ཡི་མངའ་རིས་བདག་གི་སེམས་བསྐྱེད་དང་། །སྨོན་པས་བྱམས་པའི་སྟོབས་བཞིན་ལེགས་བསྲུངས་པས། །རྒྱལ་སྲིད་མངོན་པར་མཐོ་བའི་བཀྲ་ཤིས་ཤོག ༧༡ །ས་སྐྱོང་སྡེ་དགེ་ལ་སྤྲིང་བའི་གཏམ་ས་ལ་སྤྱོད་པའི་རྣ་རྒྱན་ཞེས་བྱ་བ། དཔལ་ཨུ་རྒྱན་གྱི་སློབ་དཔོན་ཆེན་པོ་པདྨ་སམ་བྷ་བས་བྱིན་གྱིས་བརླབས་པའི་རྫོགས་ཆེན་པ་རང་བྱུང་རྡོ་རྗེ་མཁྱེན་

(༥༠༨)བརྩེའི་འོད་ཟེར་རམ། རིག་པ་འཛིན་པ་འཇིགས་མེད་གླིང་པས་དཔལ་ལྡན་པདྨ་འོད་གླིང་ཞེས་བྱ་བའི་གཙུག་ལག་ཁང་ནས་ཕུལ་བ་སརྦ་ཛ་ག་ཏཾ། །གཏམ་ཚོགས་ལེའུ་བདུན་པའོ།། ༄༅ །།རྒྱལ་བུ་ལ་སྤྲེང་བའི་གཏམ་ཆར་སྤྲིན་གྱི་རོལ་མོ་ཞེས་བྱ་བ་ བཅོམ་ལྡན་འདས་ཤིན་ཏུ་རྣམ་པར་ངེས་པ་གཟི་བརྗིད་ཀྱི་རྒྱལ་པོ་ལ་ཕྱག་འཚལ་ལོ། །ཤིན་ཏུ་ཞིབ་དམ་པའི་དམ་པ་ཆོས་ཀྱི་དབྱིངས། ཁ་སྦྱོར་བདུན་གྱི་ལོངས་སྤྱོད་མཐའ་ཡས་འཇིག་རྟེན་གྱི། །བཀོད་པར་བཀྲམ་ཡང་སྡུག་བསྔལ་བདེན་པའི་མཚན་ཉིད་དང་། །མཛའ་བ་མ་ཡིན་བདེ་ལྡན་ཞིང་གི་མགོན་དེས་སྲུངས། ༡ །དཀར་པོའི་ཆོས་རབ་ནོར་བུའི་གླིང་ནས་མཐོ་རིས་ཀྱི། །ཡོན་ཏན་བདུན་པའི་ཙིནྟ་མ་ཎི་བོད་ཆེན་པོའི། །མདོ་སྡེ་རྒྱལ་ཁབ་དགེ་བཅུས་སྐྱོང་བའི་ཕོ་བྲང་ཆེར། །སྲོང་བཙན་ཡུལ་བཟུང་མྱུ་གུ་གསར་བའི་འཁྲི་ཤིང་རྒྱལ། ༢ །མངའ་རིས་འཛིན་གྱི་སྐྱེད་ཚལ་ན། །སྡིག་ལྟའི་ཚང་ཚིང་ལ་ཆགས་པའི། །རྒྱལ་ཕྲན་གེལ་པ་མང་མོད་ཀྱི། །འཇིག་རྟེན་ཡང་དག་ལྟ་ལ་རིང་། ༣ །ཐུབ་བསྟན་ས་ཟླའི་མུ་ཁྱུད་རྩིབས་སྟོང་གི། །རྗེས་སུ་དཔུང་ཚོགས་ཡན་ལག་བཞི་འགྲོ་བའི། །མྱུ་གུ་གསར་པའི་གསར་པ་དེའི་རྣ་ལུང་། །ཕུལ་བྱུང་གཏམ་གྱི་རོལ་མོས་སྙན་པར་བྱེད། ༤ །ཚུ་རོལ་མཛེས་པས་མ་བཀབ་མཐུན་པའི་ཡུལ། །དམ་པའི་མགོན་དང་བཤེས་པ་ལེགས་སྨོན་གཟུགས། །ལེགས་སྤྱད་བསོད་ནམས་རྣམ་འཕྲུལ་རྒྱལ་ཐབས་ཏེ། །འཁོར་ལོ་ཆེན་པོ་བཞི་ཡི་བདག་ཉིད་ཁྱོད། ༥ །སྐྱེ་མཆེད་ཟླ་བ་ཉ་བའི་དེ་མ་ཐག །རིན་ཆེན་གསུམ་ལ་འདུས་ཏེ་རེག་པའི་སྤྱན། །ཆོས་རབ་སྣང་བའི་སྒོ་

(༥༠༩)བརྒྱ་དད་པ་ཡི། །འདུ་ཤེས་རོལ་རྩེད་གཟུགས་ལ་རྔམ་དེ་མཚར། ༦ །ཉམ་ཆུང་ཞོ་ཤས་བསྟེན་པའི་སྲོག་ཅན་ལ། །སྙིང་རྗེ་གཞན་དབང་བཙའ་བའི་རྣམ་རིག་ཅན། །གདུལ་དུ་རུང་བ་སྐྱེས་བུའི་མཚན་ཉིད་ཕྱིར། །བདེན་པར་སྨྲ་བ་འདི་ནི་ཆོས་ཀྱི་གཏམ། ༥ །མཐའ་ཡས་ཤེས་དང་ཤེས་བྱའི་མི་བརྗེད་གཟུངས། །ཡི་གེའི་མིང་གཟུགས་ཕུང་པོ་གང་ཞིག་ནི། །རིག་བྱེད་ཚོར་དང་ཚིག་དོན་ཉིང་མཚམས་སྦྱོར། །འདུ་ཤེས་དེར་གཞུངས་བླང་དོར་ལས་འདུ་བྱེད། །སྐྱེ་བས་རྣམ་པར་རིག་བྱེད་འདྲི་ཀློག་བརྩོན། ༨ །མངོན་པར་མཐོ་དང་ངེས་ལེགས་དམ་པའི་སྒོ། །ཤེས་བྱ་ཤེས་བྱེད་རྒྱུ་རྐྱེན་ལས་འབྱུང་ན། །དགེ་བའི་བཤེས་དང་དགེ་བའི་གྲོགས་པོ་ཡི། །ཡོན་ཏན་རྫོགས་པ་ཉེ་བའི་འདུ་བར་བརྟེན། ༩ །ཆོས་ལྟར་བཅོས་ཀྱང་རྣམ་རིག་སྡིག་ཏོས་བཀབ། །ཚུ་རོལ་ལས་གཞན་ཕ་རོལ་ཆད་པར་བལྟ། །སྐྱེས་བུ་གསུམ་ཀའི་གདུལ་བྱ་མ་ཡིན་པ། ཁྱིམ་པའམ་དྲང་སྲོང་རྒྱལ་མཚན་བཟུང་ཡང་སྲིངས། ༡༠ ཁྱིམ་བདག་རིན་ཆེན་ལྟ་བུའི་མདུན་ན་འདོན། །རྩོད་པའི་དུས་ཀྱི་སྤོངས་པ་ལྟར་གྱུར་ཀྱང་། །དྲང་ལ་བཀྱེལ་ཆེ་ཡིད་གཞུངས་བློ་གྲོས་ཅ། །དེ་ལྟ་བུ་ལ་བློན་པོའི་གནང་བ་བྱིན། ༡༡ །དུས་དང་དུས་ཀྱི་རོལ་རྩེང་མ་བཀག་ཀྱང་། །བྱིས་དང་སྡིག་གྲོགས་སྙོམ་ལས་གསུམ་གྱི་དུས། །གྲོན་པ་མེད་པར་ཕྱི་ནང་གཙུག་ལག་ལ། །རྣམ་རིག་གསལ་བའི་སྤོབས་པ་ཐོབ་ཀྱང་འཚལ། ༡༢ །དགེ་བ་མ་ཡིན་བཅུ་དང་མྱོས་བྱེད་ཆང་། །མུན་ནས་མུན་པའི་སྒོ་ལ་རྒྱབ་ཕྱོགས་ཏེ། །འཚོ་བ་བཟང་དང་རྣམ་སྨིན་ཚེ་སྦྱིན་སོགས། །མི་ཆོས་བཅུ་དྲུག་སྣང་ནས་སྣང་བའི་སྒོ། ༡༣ །མི་ཡི་ཆོས་

(༥༡༠)ལུགས་ལེགས་པར་སྤྱད་པ་ནི། །སྟོན་པ་འཇིག་རྟེན་མཁྱེན་དང་བློ་གྲོས་ཀྱི། །དབང་ཕྱུག་དྲང་སྲོང་རྣམས་ལ་གྲགས་པའི་ཕྱིར། །ལུགས་ཀྱི་བསྟན་བཅོས་རྣམས་ལ་འདྲིས་པར་སློབས། ༡༤ །རྒྱལ་རྣམས་ཆིས་ཁམས་རྒྱ་མཚོའི་དུལ་སྙེད་ལས། །དམ་བཅའ་སྙིང་པོ་བྱང་ཆུབ་སེམས་ཀྱི་དངོས། །གང་ལ་ཁྱིམ་གྱི་བར་དུ་མི་གཅོད་པར། །དྲི་མ་མེད་པ་གྲགས་པའི་རྣམ་ཐར་སྐྱོངས། ༡༥ །དེ་ཡི་བློ་གྲོས་འཇམ་དཔལ་གཞོན་ནུས་ཀྱང་། །དགབ་པར་མི་ནུས་སྨོན་དང་འཇུག་པའི་སེམས། །སྐྱེས་པར་བས་དང་ཐེག་པ་ཆེན་པོ་ཡི། །སྡེ་སྣོད་དག་ལས་རང་སྟོབས་མཐུས་ཀྱང་བསྐྱེད། ༡༦ །ཐོག་མར་ཚངས་གནས་བཞི་ཡི་བློ་བཅོས་ནས། །ཀུན་ལ་སེམས་ཉོམས་ཕ་མའི་འདུ་ཤེས་ཀྱི། །ཕན་པར་སྨོན་དང་བྱང་ཆུབ་འཇུག་པ་ནི། །ཐེག་པ་ཆེན་པོར་འཇུག་པའི་ལམ་གྱི་སྒོ། ༡༧ ཁབ་ཀྱི་འབྱོར་བ་མངའ་རིས་ལས་གྱུར་ན། །དྲུག་ཅའི་དཔྱ་ཐང་ཅུང་ཟད་རྨ་བབ་ཀྱང་། །བཟོད་པར་མཛོད་དང་སྦྱིན་ལས་གཞན་པའི་གཉེན། །མ་མཆིས་ད་ནི་ཐུབ་པ་ཆེན་པོའི་བཀའ། ༡༨ །འཆལ་བའི་ཚུལ་ཁྲིམས་མི་དགེའི་གཟུགས་ཉིད་ཀྱང་། །རྒྱལ་སྲས་རྣམས་ཀྱི་ཐབས་ལ་མཁས་པ་ནི། །སྟོང་ཉིད་སྙིང་རྗེའི་མཐུས་ཡིན་དེ་ལྟ་ན་འདྲ། །དུས་ཁྲིམས་ཡན་ལག་བརྒྱད་ལ་གུས་པར་མཛོད། ༡༧ །ལེགས་ཉེས་སྟངས་འཛིན་ཁྲིམས་ཀྱི་རྗེས་འགྲོ་བ། །རྒྱལ་པོ་རང་སའི་ཆོས་ལུགས་ཡིན་མཆིའང་། །རྨོངས་དང་འདོད་པས་གཟིར་བའི་ནག་ཅན་གྱི། །སྲོག་ལ་ཆད་པ་མ་སྦྱིན་བཟོད་ཀྱང་འཚལ། ༢༠ །དེ་ལྟར་གསུམ་གྱི་བྱང་ཆུབ་འཇུག་པའི་ཆོས། །སྡོམ་མིན་རྒྱུན་ལྡན་ཉིད་དུ་མི་འཁྱམས་ཤིང་། །

(༥༡༡)རྒྱལ་བའི་སྲིད་ཀྱང་ཉམས་པར་མི་འགྱུར་ཞེས། །གསལ་རྒྱལ་ཉིད་ལ་གདམས་པའི་མདོ་ལས་བཤད། ༢༡ །ཡིད་དང་ཆོས་སུ་རྟོགས་པའི་བྱ་བྱེད་ནི། །རྒྱལ་པོའི་སྲིད་ལ་མུ་ཁྱུད་ལྟར་བསྐོར་ཡང་། །བརྩོན་དང་བསམ་ཤེས་དབང་རྣོན་མ་བསྲིངས་ཏེ། །རྒྱལ་པོ་ཛ༔དང་དགེ་དཔང་ཡབ་སྲས་བཞིན། ༢༢ །དེ་ཕྱིར་ཆོས་སྤྱོད་བཅུ་ལ་སྐབས་བཙལ་ཞིང་། །ནང་ནུབ་རྡོ་རྗེའི་ལམ་ལ་རྣལ་འབྱོར་པའི། །བརྩོན་འགྲུས་མཆོག་དང་བསམ་གཏན་ལ་བརྟེན་པས། །ཤེས་རབ་ཕ་རོལ་ཕྱིན་ལ་རེག་པར་འགྱུར། ༢༣ །དེ་ཡི་འགལ་ཟླ་ལྟུང་བྱེད་ཆེན་པོའི་གཡང་། །མཆོད་རྟེན་རྫས་དང་དགེ་འདུན་འདུ་སྒོ་འཕྲོག །ལུང་དང་རྟོགས་པའི་དམ་ཆོས་སྤོང་བ་དང་། ཁྲིམས་ལྡན་ལྟ་ཅི་རྟགས་ཙམ་འཛིན་ལའང་། ༢༤ །ངུར་སྨྲིག་འཕྲོག་དང་ཁྱིམ་ན་གནས་སུ་།།། །བརྡེག་ཅིང་ནོར་འཕྲོག་བཙོན་རར་གཞུག་དང་གསོད། །ཕ་མ་དགྲ་བཅོམ་གསོང་དང་དགེ་འདུན་དབྱེ། །མཚམས་མེད་ལྔ་ལས་གང་རུང་བྱེད་པ་དང་། ༢༥ །ཕ་རོལ་མེད་པར་ལྟ་བའི་ལོག་ལྟ་ཡིས། །དགེ་བ་མ་ཡིན་ལས་ལམ་བཅུ་པོ་ལ། །བདག་ཉིད་འཇུག་དང་གཞན་དག་འཛུད་པ་ནི། །རྒྱལ་པོར་གདམས་པའི་རྩ་ལྟུང་ལྔ་ཡིན་པས། ༢༦ །སྲོག་འདི་གཏོང་ཡང་སླ་ཡིས་དེ་སྤོང་ཞིང་། །དེ་བཞིན་གྲོང་དང་གྲོང་ཁྱེར་ཡུལ་འཁོར་གཞོམ། །ལ་སོགས་བློན་པོར་ངེས་པའི་རྩ་ལྟུང་ལྔ། །གཞོམ་སྟེ་བསྐྲོ་བའི་ཕྱོགས་ལ་ཉེ་བས་སྤོངས། ༢༧ ཁ་ན་མ་ཐོའི་ལམ་དང་ཀུན་དཀྲིས་སྒོ། །མཐའ་དག་སེམས་དང་སེམས་བྱུང་ལས་སྐྱེ་ན། །འཇིག་རྟེན་ཡང་དག་ལྟ་དང་དྲན་ཤེས་ལ། །གུས་པས་དཀར་པོའི་ཆོས་རབ་འཕེལ་བར་འགྱུར།

(༥༡༢)༢༨ །མཐོང་ཆོས་སུ་ཡང་མངོན་པར་མཐོ་བ་ཡི། །རྒྱལ་སྲིད་འཕྱོར་དང་རྒྱས་ཤིང་ལོ་ལེགས་ལ། །ཕས་ཀྱི་རྒོལ་བས་མི་བརྫི་བསོད་ནམས་སྟོབས། །མང་པོས་བཏུང་བའི་རྒྱལ་སར་བཞག་པ་བཞིན། ༢༧ །ལེགས་སྨོན་ལམ་དེའི་རྟེན་ཅིང་འབྲེལ་འབྱུང་ལས། །མཐར་ཐུག་ངེས་པར་ལེགས་པའི་ཆོས་ཁམས་ཀྱང་། །བདེ་ལྡན་ཞིང་ཁམས་བཀོད་པའི་ཐེམ་སྐས་རྩེར། །གང་ཆེན་མཚོ་ཡི་རྒྱལ་སྲིད་ལ་གནས་ཤོག ༣༠ །རྒྱལ་བུ་ལ་སྤྲིང་བའི་གཏམ་ཆར་སྤྲིན་གྱི་རོལ་མོ་ཞེས་བྱ་བ། རིག་འཛིན་འཇིགས་མེད་གླིང་པས་གདམས་པ་རྫོགས་སོ།། །།གཏམ་ཚོགས་ལེའུ་བརྒྱད་པའོ། ༄༅ །བཙུན་མོ་ལ་སྤྲིང་བའི་གཏམ་དམ་པའི་གན་མཛོད་ཅེས་བྱ་བ། རྗེ་བཙུན་སྒྲོལ་མ་ལ་ཕྱག་འཚལ་ལོ། །གང་མཚན་དཔྱངས་པའི་རྣ་ལུང་བཻ་ཌཱུརྱས། །རིན་ཐང་མཉམ་པར་བསྐྲུན་པ་རབ་བཏགས་མིན། །གྲོང་ཁྱེར་རྩྭ་ཅན་གཟིམས་པའི་དེ་མ་ཐག །པདྨའི་གེ་སར་ལས་སྤྲུལ་དེས་བྱིན་རློབས། ༡ །འཁོར་བ་ཆུ་སྲིན་འབྱུང་གནས་ཀྱིས་བཟུང་ཡང་། ཁོམ་ལྡན་མིན་པའི་རྟེན་གྱིས་ཁྱོད་སྤོངས་ཏེ། །དལ་དང་འབྱོར་བའི་རིན་ཆེན་གླིང་ཕྱིན་ནས། །མཐོ་རིས་ཡོན་ཏན་བདུན་ལ་བསྙེན་དེ་རྨད། ༢ །རྒྱལ་བསྟན་རིན་ཆེན་འབྱུང་ལྡན་སྙིགས་མ་ལྔའི། །ཞགས་པས་དམ་དུ་བཅིངས་པའི་གནས་སྐབས་འདིར། །རྒྱལ་པོའི་ཁབ་ལ་བསྟེན་ཀྱང་ངེས་འབྱུང་གི། །སེམས་དེ་སོ་སོར་ཐར་བའི་ས་བོན་དངོས། ༣ །ཀུན་འབྱུང་རི་མོ་མཁན་གྱིས་འཁོར་བ་འདིའི། །སྡུག་བསྔལ་གཟུགས་བརྙན་ལ་སྦྱར་རྒྱུ་འབྲས་ཆོས། །བསླུ་བ་མ་མཆིས་ལྐོག་གྱུར་མངོན་མཐོང་ནས། །དེ་འགོག་ལམ་དེ་རྒྱལ་བའི་བསྟན་པ་ཡིན། ༤ །རྟགས་

(༥༡༣)ཙམ་འཛིན་པའི་སྔོན་འགྲོས་དགེ་སྦྱོང་ཡང་། །ཉམས་དང་བཅོམ་ལྟུང་ཕམ་པར་སྦྱར་མང་ན། །དུས་ཁྲིམས་ཡན་ལག་བརྒྱད་དང་གཏན་གྱི་ཁྲིམས། །ཕྱོགས་གཅིག་ལྡན་པ་ཁྱིམ་ནའང་གཟུང་དུ་མཆིས། ༥ །གང་ཕྱིར་ཉ་སྟོང་ལ་སོགས་བཟང་ལྡན་དུས། །གྱི་ནར་མ་འཕྱན་མཐོ་རིས་ཐར་པའི་ལམ། །རྩ་བཞི་མྱོས་དང་གར་ཕྲེང་སྟན་མཐོན་པོ། །ཕྱི་དྲོའི་ཟས་སྤོང་ཡན་ལག་བརྒྱད་པ་སྟེ། ༦ །ཚུལ་ཁྲིམས་དེ་འདྲ་ལགས་ན་གནའ་དུས་ཀྱི། །ས་དབང་གཟུགས་ཅན་སྙིང་པོ་རྒྱལ་ཁབ་ནས། །དགྲ་བཅོམ་གོ་འཕང་བརྙེས་པའི་དཔེ་ཟླ་ལ། །ཕྱག་རྒྱས་བཏབ་པ་མེད་ཀྱི་ཅིས་མི་བརྩོན། ༧ ཁྱད་པར་བྱང་ཆུབ་སེམས་ཀྱི་རྟ་བདུན་པས། །ཉེར་དྲངས་ཐེག་པ་ཆེན་པོའི་སྡེ་སྣོད་ཀྱི། །བསླབ་པའི་ངོ་བོ་གཟུགས་ཅན་མ་ཡིན་ན། །སྨོན་འཇུག་སྣང་བ་ཆེན་པོས་ས་ཆེན་སྐྱོངས། ༨ །གཞན་ཕན་སྙིང་རྗེ་ཆེན་པོའི་ཤིང་རྟ་ཡི། ཁུར་དུ་བཟོད་ཙམ་ཉན་ཐོས་གླང་པོར་མིན། །འགྲོ་བའི་དཔལ་མོ་གར་ལ་བརྩེ་བ་ཡི། །སྒྱུ་མ་ཇི་བཞིན་འབབས་ལ་བྱམས་པར་མཛོད། ༩ །དྲག་ཤུལ་ཅན་ཞུས་མདོ་ལས་སྐྱེ་བ་ཡི། །ཕམ་ལ་ལྟག་བཅས་བཅུ་ཕྲག་དྲུག་གི་སྐྱོན། །གསུང་དེ་རིགས་ཅན་ལྔ་ཡི་རྩའི་རྟེན་འབྱུང་། །ཙམ་ཕྱིར་རང་བཞིན་བཟང་ལ་དེ་ཡོད་མིན། ༡༠ །ཞིང་སྐྱེས་རྣམས་ནི་མངོན་པར་འབྱུང་བའི་མདོར། །རིན་ཆེན་བདུན་གྱི་གཏམ་གྱི་རྗེས་བསྔགས་ནས། །བཙུན་མོ་རིན་ཆེན་མི་མཐུན་ཕྱོགས་ལྔ་དང་། །བྲལ་ནས་ཡོན་ཏན་བརྒྱད་ལ་བསྙེན་དེ་མཚར། ༡༡ །ཐབས་ལས་ཐབས་མྱུར་སྔགས་ཀྱི་སྡེ་སྣོད་ནས། །སྒྱུ་མ་ཀུན་གྱི་དེ་ཉིད་རྨོངས་བྱེད་པའི། །སྒྱུ་མའི་དཔལ་མོ་བདེ་སྟོང་ཡེ་ཤེས་ཀྱི། །མཛོད་ཁང་དམ་པར་བསྔགས་དེས་ཁྱོད་ཅིག་བརྒྱན། ༡༢

(༥༡༤)ཤེས་རབ་ཕ་རོལ་ཕྱིན་པའི་རིགས་སྔགས་ཀྱང་། །དབང་གསུམ་སྒྱུ་མའི་རྟེན་ཅིང་འབྲེལ་འབྱུང་ཆོས། །བཞི་ཙན་བཞི་བའི་ལྷན་ཅིག་སེས་བ་ལ། །དགའ་བའི་སྒྲས་བརྗོད་ཡེ་ཤེས་བདག་པོའང་ཉིད། ༡༣ །གང་ཁྱོད་ཤེས་རབ་དམ་པའི་རང་བཞིན་དུ། །གདོན་ནས་གྲུབ་པའི་རྣམ་པ་གང་ཡིན་པ། །རྐྱེན་གྱིས་སད་བྱེད་སྨིན་གྲོལ་བདུད་རྩིའི་ཆར། ཁྱེད་ལ་གདམས་ན་རིམ་གཉིས་ལམ་ལ་བརྩོན། ༡༤ །ཆོས་ཀྱི་དབྱིངས་ཞེས་རྒྱལ་བ་ཀུན་གྱི་ཡུམ། །དེ་ཡི་རང་བཞིན་དྲན་པའི་དབང་པོ་སྟེ། །དྲན་པ་ཁོ་ནས་མྱ་ངན་འདའ་བ་ལ། །བཅོས་སུ་མེད་འདི་རྫོགས་པ་ཆེན་པོ་ཡིན། ༡༥ །དེ་ཕྱིར་ད་ཡི་ཆོས་ཉིད་གོམས་བྱས་ན། །རྒྱལ་པོའི་ཁབ་ཏུའང་སེམས་དབེན་ཐོབ་གྱུར་ནས། །གདོད་མའི་ཞིང་དུ་རོ་གཅིག་མཛའ་བ་ཡི། །རྟེན་འབྲེལ་སྨོན་ལམ་ཁྱེད་ལ་དགེ་གྱུར་ཅིག ༡༦ །ས་སྐྱོད་སྡེ་དགེའི་བཙུན་མོ་དམ་པ་དང་ཚུལ་བྱང་ཆུབ་རྒྱལ་མོ་ལ་རྫོགས་ཆེན་པ་རང་བྱུང་རྡོ་རྗེས་གདམས་པ་རྫོགས་སོ།། ༈ །།སྤྲིང་ཡིག་གི་དོན། སློབ་དཔོན་རིན་པོ་ཆེའི་མཚན་རྣ་བར་ཐོས་པ་དེའི་རྣ་བ་དང་གཞན་གྱི་རྣ་བ་མི་འདྲ་བས་རིན་ཐང་བཻ་ཌཱུརྱ་དང་མཉམ། །དེའི་རྒྱུའང་སྙན་དངགས་ཀྱི་རབ་བཏགས་རྫུན་གཏམ་མིན། སངས་རྒྱས་རྩྭ་མཆོག་གྲོང་དུ་གཤེགས་འཕྲལ་པདྨ་ལ་བརྫུས་ཏེ་བྱོན་ཟེར་བའི་དོན་ནོ། །དེ་ནས་རྐང་པ་གཉིས་པའི་དོན། འཁོར་བ་ལ་གནས་ཀྱང་མི་ཁོམ་པ་བརྒྱད་དང་བྲལ་བའི་ལུས་རྟེན་དལ་འབྱོར་བཅོ་བརྒྱད་ཚང་བ་ཐོབ་ནས། ཚེ་རིང་བ་ལ་སོགས་མཐོ་རིས་ཀྱི་ཡོན་ཏན་བདུན་མཛོད་འགྲེལ་ན་ཡོད་པ་དེ་དང་ལྡན་པའི་དོན། གསུམ་པ། དེང་སང་རྒྱལ་བསྟན་དར་ཀྱང་མ་སྨིན་པས་སྙིགས་མ་ལྔ་སྟེ།

(༥༡༥)ལྟ་བའི་སྙིགས་མ་ལ་སོགས་པ་ལྔས་བཅིངས་སྐབས་རྒྱལ་ཁབ་ན་གནས་ཀྱང་འཁོར་བ་ལ་ངེས་འབྱུང་གི་བློ་ཡོད་ན། སོ་སོ་ཐར་པའི་སྡོམ་པ་དངོས་དེ་ངས་འབྱུང་རྒྱུད་ལ་སྐྱེས་པའང་ཡོད་ཟེར་བའི་དོན། བཞི་པ། ཀུན་འབྱུང་ནི་ཉོན་མོངས་པ། སྡུག་བསྔལ་ནི་དེའི་འབྲས་བུ། དེ་འདྲའི་རྒྱུ་འབྲས་ལ་ཡིད་ཆས་ནས་ལམ་ཉམས་སུ་ལེན་སྡིག་སྤང་དགེ་བསྒྲུབ་ལ་འབད་ནས་སླར་སྐྱེ་བ་འགོག་པའི་ཐབས་ནི་འདུལ་བའི་བསྟན་པ་ངོ་ཐོག་ཡིན་ནོ། །ལྔ་པ་ནི། ད་ནི་རྟགས་ཙམ་འཛིན་པ་ལ་ཉེ་ལ་དགེ་སྦྱོང་རྣམས་ཀྱང་བསླབ་པ་དང་འགལ་བ་ཉམས་བཅོམ་ལྟུང་གསུམ་དང་། སྡོམ་པ་རྩ་བ་ནས་ཞིག་པ་ཕམ་པ་ལ་སྦྱོར་དུས་འདིར། དུས་ཁྲིམས་ཏེ་ཉ་སྟོང་བརྒྱད་སོགས་ལ་ཡན་ལག་བརྒྱད་ཀྱི་རྣམ་གྲངས་མཛོད་ལ་གསལ་བ་ལྟར་བསྙེན་གནས་བསྒྲུབ་པ་དང་། ཕྱོགས་གཅིག་སྤོང་བ་སྟེ་སྲོག་གཅོད་དམ་རྫུན་ལྟ་བུས་མཚོན་གང་ཡང་རུང་བ་གཏན་དུ་སྤོང་བའི་ཚུལ་ཁྲིམས་ནི་ཁྱིམ་པས་ཀྱང་བྱར་བཏུབ་པས་ན། ཞེས་མཚམས་སྦྱར་ནས། རྐང་པ་དྲུག་པས། ཉ་སྟོང་ལ་སོགས་པའི་དུས་བཟང་པོ་དེ་རྣམས་ལ་བཏང་སྙོམས་སུ་མ་ལུས་པར་ཕྱི་མ་མཐོ་རིས་ངེས་པར་ཐོབ་པའི་རྒྱུ་ཡན་ལག་བརྒྱད་པ་སྲུངས་ཤིག་ཅེས་གདམས་པའོ། །བདུན་པའི་དོན། དེ་ལྟར་ཁྱིམ་པའི་ཕྱོགས་ལའང་ཚུལ་ཁྲིམས་དང་དུ་བླང་ཚུལ་དེ་འདྲ་ཡོད་པས་སྟོན་པ་འཚོ་ཞིང་གཞེས་པའི་དུས་རྒྱལ་པོ་གཟུགས་ཅན་སྙིང་པོ་དགྲ་བཅོམ་པའི་གོ་འཕང་ཁྱིམ་ན་གནས་བཞིན་དུ་ཐོབ་པ་ལ་དགོངས་ནས་བརྩོན་ཅིག་ཅེས་པའོ། །བརྒྱད་པ། ཁྱད་པར་ཐེག་པ་ཆེན་པོ་ནི་བྱང་ཆུབ་ཀྱི་སེམས་ལ་རག་ལུས་པ་ཡིན་ཞིག་སྡོམ་པ་ཡང་ཉན་ཐོས་ལྟར་ལུས་ངག་གི་ཁྲིམས་གཟུགས་ཅན་ལྟར་སྣང་བ་ཙམ་མ་ཡིན་པ། རྣམ་པར་རིག་པ་

(༥༡༦)སེམས་བཟང་བ་ལ་རག་ལས་པས་སྨོན་འཇུག་གི་སེམས་བསྐྱེད་ཁོ་ནས་ས་ཆེན་པོ་སྐྱོངས་ཤིག་ཅེས་པའོ། །དགུ་པ། བྱང་ཆུབ་སེམས་དང་ལྡན་པས་གཞན་ཕན་བྱེད་པ་ཙམ། ཉན་ཐོས་ཀྱི་སྡེ་སྣོད་ཀྱི་མ་ཡིན་པས་ཁུར་ཐེག་ཆེ་ཆུང་གླང་པོ་དང་ཤིང་རྟ་ལ་སྦྱར་ནས། སངས་རྒྱས་ཀྱི་འཁྲུངས་རབས་བརྒྱ་པར་གར་མཁན་འགྲོ་བའི་དཔལ་མོ་ཞེས་པའི་བུ་མོ་བསྐྱེས་ནས་གར་མཛད་ནས་སེམས་ཅན་ལ་ཕན་བཏགས་པ་ལྟར་སྐྱེ་བ་དམན་པས་མི་ལྟོ་བས་འབངས་བྱམས་སྐྱོང་མཛོད་ཅིག་ཅེས་པའོ། །བཅུ་པ། ཁྱིམ་བདག་དྲག་ཤུལ་ཅན་གྱིས་ཞུས་པ་ལས། བུད་མེད་ལ་སྐྱོན་དྲུག་ཅུ་ལྷག་བཅས་གསུངས་པ་དེ། གསང་སྔགས་ཀྱི་གཞུང་ནས་བུད་མེད་ལ་རྩ་རིགས་ཅན་ལྔས་ལྷག་པའི་རྟེན་འབྲེལ་ཙམ་ཡིན་ན། རང་བཞིན་ངང་རྒྱུད་བཟང་པོ་ལ་དེ་མེད་པས་ལུས་རྟེན་དམན་ཀྱང་ཐེག་པ་ཆེན་པོའི་ཆོས་ཉམས་སུ་ལེན་པ་ལ་མི་ལྟོ་བའི་དོན་དང་། བཅུ་གཅིག་པའི་དོན་ནི། ཞིང་སྐྱེས་ཀྱི་ཌཱཀྐི་མ་རྣམས་ནི་མངོན་འབྱུང་གི་མདོར་རྒྱལ་སྲིད་སྣ་བདུན་བཤད་པའི་སྐབས་བུད་མེད་ཀྱི་སྐྱོན་ལྔ་དང་བྲལ་ཞིང་། ཡོན་ཏན་བརྒྱད་དང་ལྡན་པ་ལ་བཙུན་མོ་རིན་ཆེན་གྲགས་པ་དེ་ཁྱོད་ལ་རང་བཞིན་གྱིས་མངའ་ཞེས་བརྗོད་པའོ། །དེ་མན་ཆད་ཀྱི་ཚིག་རྐང་གསུམ་ནི། ཁྱད་པར་སྔགས་ཀྱི་སྡེ་སྣོད་ནི་ཐབས་ལས་ཐབས་མཆོག་ཏུ་གྱུར་པ་ཡིན་པས་དབང་གོང་མ་གསུམ་པོ་ཤེས་རབ་མའི་སྒྱུ་རྩལ་ལ་མ་བསྟེན་པར་བསྐུར་དུ་མེད་པས་དེ་ཉིད་ཀྱི་བདག་པོ་ཁྱོད་གཅིག་ཡིན་ན། དེའི་སྤངས་རྟོགས་ཡོད་པར་བྱེད་པའི་རྟེན་འབྲེལ་སྨིན་བྱེད་ཀྱི་དབང་དང་གྲོལ་བྱེད་ཀྱི་ཁྲིད་ཁྱེད་ལ་གདམས་ཟིན་པས་བསྐྱེད་དང་རྫོགས་པའི་ལམ་རིམ་པ་གཉིས་ལ་བརྩོན་ཅིག་པའོ། །

(༥༡༧)ཚིག་རྐང་བཅོ་ལྔ་པ་ནི། སེམས་ངོ་འཕྲོད་ནས་དྲན་པ་བསྐྱེད་པ་དེ་རྫོགས་པ་ཆེན་པོ་ཡིན་ཚུལ་དང་། བཅུ་དྲུག་པས། དྲན་པ་གོམས་ན་རྒྱལ་ཁབ་འདུ་ལོང་ཅན་དུའང་སེམས་དབེན་པས་རྣམ་རྟོག་གི་རྣམ་གཡེང་ལམ་དུ་འཁྱེར་ཤེས་ནས་གནས་ལུགས་མཐོང་བ་ལ་ཚེགས་མེད་པས་གདོད་མའི་སངས་རྒྱས་ཀྱི་རང་ཞལ་མཇལ་བར་སྨོན་ལམ་དང་ཤིས་པ་བརྗོད་པའོ།། །།གཏམ་ཚོགས་ལེའུ་དགུ་པའོ།། ༄༅ །།དམངས་ལ་སྦྲིང་པའི་གཏམ་དཔེ་དོན་འབྲེལ་བ་ཞེས་བྱ་བ། འཇིག་རྟེན་གྱི་ངེས་བརྗོད་ལ་བརྟེན་ནས་དམ་པའི་གནས་ལུགས་སྟོན་པ། མཚོ་བྱུང་ལྷ་མོ་ལ་ནཱ་མོ། །པ་སངས་ཤར་རིའི་རྩེལ་ཆས་གྱུར་ཅིང་། །ཟླ་བ་སྒྲ་གཅན་ཁ་ནས་ཐར་ན་ཡང་། །ཉི་མ་མེད་ན་འཇིག་རྟེན་ལོང་བར་འགྱུར། །དེ་ཕྱིར་མིག་ཀྱང་ཉིན་མོའི་གཞན་དབང་ཅན། །ཆེན་པོ་རིགས་གཟུགས་ལང་ཚོས་སྒེག་བྱས་ཤིང་། །དབང་ཕྱུག་ལ་སོགས་རྒྱན་གྱིས་འབྱོར་ན་ཡང་། །ཡོན་ཏན་མེད་ན་ནམ་མཁའི་གླང་ཆེན་ཏེ། །འགྲོ་ལྡིང་བརྗིད་ལ་འདི་ཕྱིའི་དོན་རབ་ཉམས། །འཇིག་རྟེན་འདི་ན་ནོར་བུའི་རིན་ཐང་ཙམ། །རྙེད་པ་མིན་པས་ཞོ་འཐུང་རྡོ་རྗེའི་རྡུལ། །ཚངས་དང་དབང་པོའི་རྣ་རྒྱན་ལ་དཔྱངས་ཀྱང་། །མང་དུ་ཐོས་པའི་རྒྱན་ལ་བསྐྲུན་མི་ནུས། །ཡིད་བཞིན་ནོར་ལས་དགོས་འདོད་འབྱུང་བ་ཡང་། །ཤེས་རབ་མཐུས་བྱེད་བེམ་པོའི་རང་བཞིན་ནི། །རྟོག་པ་མེད་ལ་འདོད་པ་འཇོ་བ་དེ། །སྐྱེས་བུའི་རྣམ་རིག་ལ་རག་མཁྱེན་པར་མཛོད། །ཡོན་ཏན་ཡོད་ཀྱང་ཀུན་ཏུ་འཕྱར་བྱེད་ཅིང་། །བདག་ཉིད་བསྟོད་ནས་གཞན་མཚང་འདྲུ་བྱེད་ན། །བརྒྱ་བྱིན་ཡིན་ཡང་ལྷ་ཡི་དམོད་འདོར་བས། །ང་རྒྱལ་འདྲ་བའི་གནོད་པ་གཞན་ན་མེད། །ཡོན་ཏན་མེད་ལ་

(༥༡༨)བརྙས་དང་དཔྱས་གདགས་ཤིང་། །ཡོན་ཏན་ཅན་ལ་ཁྲོས་པའི་རྣམ་འགྱུར་སྟོན། །རང་ལ་དགོས་ཀྱི་གཞན་ལ་མི་རུང་བའི། །སྡུག་བསྔལ་ཅན་དེ་ལྷ་མིན་སྡེ་ཚན་གཅིག །ཡོན་ཏན་ལ་བརྟེན་མཁས་པའི་གནས་ཐོབ་ཀྱང་། །རང་ཕྱོགས་འཕྱར་བ་འབའ་ཞིག་གཟེངས་བསྟོད་ནས། །བསྟན་པ་དཀྲུག་ཅིང་གཞན་གྱི་ཁུར་འགྲོ་ན། །ཆུ་ཀླུང་གནོད་པ་ཅན་ལ་བསྙེན་དང་མཚུངས། །དེ་ཕྱིར་དབང་པོ་ཉེ་བར་ཞི་བ་ཡི། །ཚད་མས་ཐོག་མར་རང་ཉིད་གཞལ་བྱས་ན། །གདོད་ཀྱི་ཕ་རོལ་གཞལ་བའི་གཏན་ཚིགས་ཀྱང་། །དྲང་སྲོང་དག་གི་རྗེས་སུ་སོན་པར་འགྱུར། །གླེང་བཞིའི་རབ་བྱེད་དོ། །མཁས་པ་ཚིག་ལ་རོ་མྱང་གིས། །ཕལ་པོ་ཟས་སྐོམ་ཙམ་གྱིས་ཚིམ། །མུ་ཏིག་མེད་པའི་ཉ་གསོད་པ། །གདོལ་པ་རྣམས་ཀྱི་སྤྱོད་ཡུལ་ཡིན། །དམ་པ་གྲོགས་སུ་བསྟེན་པ་ལས། །འདི་ཕྱིའི་ལེགས་སྨོན་ཐམས་ཅད་འགྲུབ། །ཤཱཀྱ་བཟང་ལྡན་ལ་བསྟེན་ནས། །འདྲེག་མཁན་འདུལ་བ་འཛིན་པར་འགྱུར། །ནགས་ཚལ་ཕལ་པ་མང་མོད་ཀྱི། །ཙན་དན་ཡོད་པ་མཱ་ལ་ཡ། །ཀུན་ཏུ་སྐྱེ་བོས་གང་གྱུར་ཀྱང་། །དགེ་བའི་གྲོགས་པོ་ལ་ལ་ཙམ། །རང་བཞིན་ངན་པ་ལ་བསྟེན་ན། །དམ་པ་མཐོང་ཡང་ཐེ་ཚོམ་སྐྱེ། ཁྱི་ཡིས་ཕུག་པའི་བྱིས་པ་དག །ནེའུ་ལེ་མཐོང་ནའང་སྐྲག་ཅིང་བརྒྱལ། །གཡོ་ཅན་རྣམས་ཀྱིས་རང་ཉིད་ལ། །སྨ་འབེབས་བྱས་པ་མ་ཤེས་པས། །དྲང་ཞིང་བདེན་པར་སྨྲ་བ་ལ། །ལྐུགས་པ་ཡིན་ཞེས་བླ་དྭགས་འདོགས། །ཡོན་ཏན་ལྡན་པའི་སྐྱེས་བུ་ནི། །ས་ཕྱོགས་གཞན་ལ་ཕྱིན་ན་བྲིན། ཁུ་བྱུག་མོན་དུ་སྐྱེས་ན་ཡང་། །ཅ་ཅོ་བྷོ་ཊའི་དབུས་ན་སྙན། །གཞོན་ནུའི་དུས་ན་བསམ་མེད་ཀྱི། །དབང་དུ་

(༥༡༩)གྱུར་པ་ཐལ་ཟིན་ཀྱང་། །ད་ནི་ལང་ཚོར་གྱུར་པའི་དུས། །འཆལ་དང་ཆུང་མའི་དབང་མ་གཏོང་། །རྒས་པ་ཤི་བའི་སྔོན་འགྲོ་ལ། །ངེས་འབྱུང་སྐྱེ་བ་ལྟ་ཞོག་གི། །བུ་ལ་ཁྱིམ་ཐབ་ཕོགས་ཟེར་ནས། །ད་དུང་སོས་དལ་བྱེད་པ་བླུན། །འཇིག་རྟེན་དག་ན་དགྲ་མང་ཡང་། །འཆི་བདག་ལྟ་བུའི་འཇིགས་པ་མེད། །གཤིན་རྗེའི་ཁ་རུ་ཆུད་ཟིན་པ། །བསམས་ནས་ཆོས་ལ་གུས་པར་གྱིས། །ངོ་ཚ་དཔང་པོར་མི་བྱེད་ཅིང་། ཁེ་ཉེན་ཅུང་ཟད་མི་ལྟ་ན། །ཟས་གོས་སྒྲུབ་ལ་ཐབས་མཁས་ཀྱང་། །ཉ་པ་རྣམས་དང་ཁྱད་པར་ཅི། །ངན་པ་ཇི་ཙམ་ཉམ་ཆུང་བ། །དེ་ཡི་བར་དུ་དུལ་ཞིང་འཇམ། །ཅུང་ཟད་རྒྱགས་པར་གྱུར་པའི་ཚེ། །གླང་པོའི་ཀོ་བསྐམས་དང་མཚུངས། །སྒོག་སྐྱ་ག་ཕུར་གྱིས་བྱུགས་ཀྱང་། །རང་གི་མཚན་ཉིད་མི་འདོར་ལྟར། །ཅུང་ཟད་རྐྱེན་གྱིས་མཐོ་དམན་ཅན། །སྲད་མདའ་ལྟ་བུའི་སྐྱེ་བོ་སྤང་། །རྒྱལ་པོ་སྙན་ཁུང་སྲབ་པ་དང་། །བློན་པོ་གཟུ་བོར་མི་གནས་པ། །བཙུན་མོ་ཕྲ་མར་དགའ་བ་གསུམ། །རྒྱལ་སྲིད་དཀྲུག་པའི་སྲུབ་ཤིང་ཡིན། །སེངྒེ་རི་དྭགས་ཤ་ཟ་ཡང་། །ལོ་གཅིག་འདོད་པ་ལན་ཅིག་སྤྱོད། །འབངས་རྣམས་རྒྱལ་པོའི་དཔལ་ཡིན་ཡང་། །དབྱ་ཐང་ཡང་ཡང་སྡུད་ན་ཉམས། །བོང་བུ་བཞིན་དུ་འདོད་པ་ལ། །ཆོག་ཤེས་མེད་པའི་འཁོར་ངན་གྱི། །ལྐོག་ཏུ་མི་ལྟོགས་མནར་བྱེད་པའི། །འཆིར་དཔྱད་མགར་བ་ལ་ཡང་མེད། །དྲུག་ཆའི་དཔྱ་ཐང་ཐོབ་པའི་གནས། །མང་པོས་བཀུར་བ་ཁོ་ན་སྟེ། །དེ་ཡི་ཁྲིམས་ལུགས་མི་སྲོང་ན། །བུ་ལོན་འབངས་ལ་བླངས་པ་ཡིན། །རི་བོ་ས་ཡི་ཁུར་ཡིན་ཀྱང་། །ཐེག་པ་

(༥༢༠)དམན་པའི་རྣམ་འགྱུར་མེད། །གང་དག་བྱས་པ་མི་གཟོའི་ཁུར། །དབང་ཆེན་ས་གཞིས་ག་ལ་ཐེག །སྐྱེ་བོ་ཉོ་ཚད་ལ་དགའ་དང་། །བུད་མེད་ལྐོག་ཟས་བྱེད་པ་གཉིས། ཁྱིམ་ཐབ་བརླག་ལ་མཚུངས་པ་ཡི། །དབང་པོ་སྲང་རྡོ་ཁོ་ན་ཡིན། །གཞན་དག་འབྱོར་བ་མཐོང་ནས་ནི། །ཤིན་ཏུ་འཁྲུགས་པའི་སེམས་བསྐྱེད་ཀྱང་། །དེ་ལས་ཅུང་ཟད་མི་རྙེད་སྟེང་། །རང་གི་བསོད་ནམས་ལྷག་མེད་འཇོམས། །ནོར་ལྡན་སེར་སྣས་བསྡམས་པ་རྣམས། །མཆོད་སྦྱིན་ཡུལ་ལ་འཁོན་པའི་རྒྱུས། །སྒྲ་ལྔ་འདོན་པའི་ཡི་དྭགས་ཀྱི། །རྒྱུ་མཐུན་ད་ལྟ་སླེབ་པ་མང་། །མི་བསྲུན་ཁ་ནས་དོན་པ་ཡི། །ཚེག་ངན་སྒྲུལ་གྱི་ལྕེ་རྐྱོང་ན། །ཕ་རོལ་སྙིང་ལ་ཟིན་པའི་ནད། །རྒྱུན་ཤེས་བུས་ཀྱང་བཅེས་པར་དཀའ། །བདག་ལ་གནོད་པ་དེ་བྱུང་ན། །བཟོད་པའི་སྨན་ལ་བསྟེན་བྱ་སྟེ། །ལང་ཚོ་རྒུད་པར་མི་འགྱུར་བའི། །དཀའ་ཐུབ་ནང་ན་དེ་ཉིད་མཆོག ཁྱིམ་པ་ཡོན་ཏན་མི་ལྡན་ཀྱང་། །བསམ་པ་བཟང་པོར་ནན་གྱིས་སློབ། །མེ་ཡི་གྲོགས་སུ་རླུང་བཞིན་དུ། །དགེ་བའི་ཆོས་རྣམས་སྡུད་པའི་ཕྱིར། །སློང་བ་དང་འདྲའི་མཛའ་བཤེས་དཀོན། །མ་སྦྱིན་ཁ་ནས་མ་འདོན་ཅིང་། །གཏོང་བ་དང་འདྲའི་བང་མཛོད་ནི། །མགོན་མེད་ཟས་སྦྱིན་ལ་ཡང་མེད། ཁྱིམ་ཐབ་རྙེད་པ་སླ་མེད་ཀྱེ། །ཕ་མ་རྙེད་པ་ཤིན་ཏུ་དཀོན། །དེ་ཉིད་བཀུར་བའི་བསོད་ནམས་ཁྱད། །ཤེས་ན་ལོག་ལྟའི་གཡང་ལས་གྲོལ། །གཞན་ལ་གནོད་པ་ལྷུར་བྱེད་ན། །དེ་ནི་ཚངས་པར་སྤྱོད་ཀྱང་ཅི། །སྤུ་གྲིས་བཟུང་བའི་སྦྲང་རྩི་ཡིས། །རྨས་པ་ཉིད་ལས་གསོས་པ་མེད། །དགྲ་བོ་ཐུལ་བའི་མཐའ་འཚོལ་ལ། །ཚེ་ཡིས་གཏུགས་

(༥༢༡)པར་འགྱུར་བ་སྟེ། །དེ་ལ་ཉེ་བར་ལེན་པའི་སེམས། །བཏུལ་ན་རང་ཉིད་བདེ་བ་ཐོབ། །ཇི་སྲིད་ཆོག་ཤེས་མ་ཐོབ་པ། །དེ་སྲིད་ནོར་གྱིས་ཕངས་པ་སྟེ། །བྱི་བས་འབད་ནས་བསགས་པའི་མཐར། །ལྟོགས་དྲིར་ཤི་བ་མ་ཐོས་སམ། །དྲང་པོ་རེ་ཞིག་མཐུ་ཆུང་ཡང་། །དེ་ཡི་རང་བཞིན་ཉམས་པ་མེད། །ཉི་མ་སྤྲིན་གྱིས་སྒྲིབ་ན་ཡང་། །དེ་མ་ཐག་ཏུ་ལྷག་པར་གསལ། །དགྲ་བཅོམ་རྣམས་ཀྱི་ཚུལ་ཁྲིམས་ནི། ཁྱིམ་ནས་རྙེད་པར་མི་འགྱུར་ཀྱང་། །དུས་ཁྲིམས་ཡན་ལག་བརྒྱད་པ་དང་། །དགེ་བསྙེན་གནས་ལ་གུས་པར་གྱིས། །དགེ་སྦྱོང་གཞན་སྡེ་འཐག་པ་དང་། །སྔགས་པ་མཐུ་གཏད་བྱེད་པ་ལས། ཁྱིམ་པ་གཟུ་བོར་གནས་པ་རྣམས། །ཕ་རོལ་ལེགས་པ་མངོན་སུམ་ཡིན། །སྡོམ་པ་ལན་ཅིག་དྲལ་གྱུར་ཀྱང་། །འཆབ་སེམས་མེད་ན་གསོར་ཡོད་ཀྱི། །རྟག་ཏུ་བསམ་པ་ཉམས་པ་རྣམས། །འགྲོ་ས་ངན་སོང་གསུམ་ལས་མེད། །སྡེ་སྣོད་ཤེས་པས་མི་ཆོག་གིས། །བསླབ་པའི་གནས་ལ་གུས་པ་གཅེས། །ལྷས་བྱིན་གྱི་ནི་ཞུགས་ཞུགས་ལྔས། །མེ་ལྕེར་དྲངས་པ་མ་ཐོས་སམ། །དམ་པ་རེ་ཞིག་ཉམས་གྱུར་ཀྱང་། །དེ་ལས་ལྡང་བའི་ཐབས་བྱེད་དེ། །ཟླ་བ་ཉ་བ་གཟས་ཟིན་ཀྱང་། །ད་དུང་གླིང་བཞི་བསྐོར་ལ་བརྩོན། །དགོན་པར་བསྡད་པས་མི་ཆོག་གིས། །དགེ་སྦྱོང་གི་ནི་ཆོས་བཞི་བརྟག །འབྲོག་གནས་དབེན་པ་སྤྱང་ཀི་དང་། །ལྦ་མོས་བཟུང་བ་མ་མཐོང་ངམ། །གང་ལ་སྙིང་རྗེ་ཡོད་པ་དེར། །ངེས་པར་ཐར་པའི་ས་བོན་ཡོད། །ཀུན་ཏུ་རིགས་ཅན་དེ་ཡིན་གྱི། །ཆོ་འབྲང་བཙུན་པ་ལྟར་སྣང་ཙམ། །རིན་ཆེན་སྣ་བདུན་ལྡན་ན་ཡང་། །འཆི་བའི་ཚེ་ན་རྗེས་མི་འབྲང་། །འཕགས་

(༥༢༢)པའི་ནོར་བདུན་བསྟེན་པ་རྣམས། །དབང་ཕྱུག་བརྒྱད་དུ་འགྲོ་བ་མང་། །ཆོས་བཞིན་སྤྱོད་དང་དབང་པོ་ཐུལ། །དེ་ལ་དགྲ་བཅོམ་ཐག་མི་རིང་། །ཆོས་ཀྱིས་བཅོས་ཀྱང་སྡིག་པས་བཀབ། །དེ་འདྲ་ཐར་པའི་རྒྱལ་མཚན་མིན། །རྫས་ལས་འཕེལ་བའི་བསོད་ནམས་བདུན། །བསྒྲུབ་པ་ཐུབ་པའི་ལུགས་ཡིན་གྱིས། །དམ་པར་བཏགས་ནས་དཀོར་རྫས་ལ། །གཟི་བྱིན་བསྒྲུབ་ན་ཤིན་ཏུ་ཉམས། །སོ་སོ་སྐྱེ་བོའི་རང་ཉམས་ཀྱིས། །འཕགས་པ་འཇལ་བར་མི་བྱ་སྟེ། ཁྲོན་པའི་སྤལ་པ་རྒན་པོ་ཡིས། །རུས་སྦལ་བཞད་གད་སློང་མིན་ནམ། །བྱ་བ་ཀུན་ལ་མ་བརྟགས་ན། །འགྱིང་ཚུལ་སྟོན་ཡང་དཔའ་བོ་མིན། །བྱི་ལ་སྤོས་པའི་ཟུངས་ཁྲག་དེ། ཁྱི་རྒན་གོམ་པ་འཁྱོར་བས་ལྡག །གལ་ཏེ་ནོར་ལ་སྲེད་ན་ཡང་། །དྲང་པོའི་སྤྱོད་པས་བང་མཛོད་གང་། །བཀང་ནས་ལེགས་པར་སྤྱོད་ཤེས་ན། །རང་གཞན་སྲུང་བའི་དཔལ་ཐོབ་འགྱུར། །ཇི་སྲིད་ཕ་རོལ་མཐོང་བ་སྟེ། །དེ་སྲིད་གཞན་ལ་ཕན་པ་གྱིས། །གཡོ་སྒྱུ་མེད་པའི་བསམ་སྦྱོར་འདིས། །རང་དོན་ཚགས་སུ་ཚུད་པ་ཡིན། །རྒྱལ་པོ་ཡུལ་འཁོར་མི་བསྲུང་དང་། །བློན་པོ་ཐབས་ལ་མི་མཁས་པས། །རྒྱལ་སྲིད་འཕེལ་ལྟ་ག་ལ་ཞིག །རང་གི་སྲོག་ཀྱང་བསྲུང་མི་ནུས། །མི་མཁས་ང་རྒྱལ་ཆེ་བ་དང་། །གཙོ་བོ་འདོད་དང་ཞལ་ཏ་མང་། །བསམ་པ་མི་མཐུན་འུར་རྡོ་ཡིས། །རང་སྲིད་ཆམ་ལ་ཕབ་པ་མང་། །བྱི་པས་ལྡེ་མིག་འཛིན་པ་དང་། །བྱ་རོག་ཕྱག་ཚང་བྱེད་པ་ནི། །བང་མཛོད་མྱ་ངན་འདའ་བ་ཡི། །སྔ་ལྟས་ཡིན་པ་སུས་མི་ཤེས། །དེ་ཕྱིར་རྒྱལ་བློན་འབངས་བཅས་ཀུན། །ལྗོན་ཤིང་ལ་

(༥༢༣)ནི་འཁྲི་ཤིང་ལྟར། །ཕན་ཚུན་ལྟོས་གྲུབ་གཟུ་བོའི་བློས། །རང་སའི་བྱ་བ་དྲང་པོར་སྲོངས། །བཟའ་ཤིང་བཏུ་བར་བྱ་མོད་ཀྱིས། །སོལ་བ་མཁན་གྱི་ལུགས་མི་སྐྱོང་། །དབྱ་ཁྲལ་ཡན་ལག་མ་རྫོགས་ཀྱང་། །ཞོ་ཤའི་དྲིན་ལ་ལེགས་པར་སོམས། །སྦྲང་རྩི་དང་ནི་ཐི་བྱའི་ཚང་། །ཟླ་བ་ཚེས་དང་རྒྱལ་པོའི་ནོར། །ཅུང་ཟད་བསགས་པས་འཕེལ་བའི་ཕྱིར། །ཆུ་ཐགས་ལྟ་བུའི་རྣམ་འགྱུར་སྤོངས། །མི་དགེ་བཅུ་ལ་ལོག་ལྟ་ཐུ། །དེ་ལས་སྲོག་གཅོད་འབྱུང་བས་ན། །ཕྱི་རོལ་ཉམས་པ་མི་བསམས་ཀྱང་། །ཚེ་ཐུང་གྱུར་ལ་སྐྲག་པར་བྱ། །རྨ་བྱ་ཚད་པས་གདུངས་གྱུར་ཀྱང་། །རྫིང་བུ་སྙོག་མར་འཇུག་མི་བྱེད། །ཡ་རབས་ཤིན་ཏུ་ཉམ་ཐག་ཀྱང་། །མ་བྱིན་ལེན་ལ་སྤྲོ་བ་ཞན། །ལོག་གཡེམ་རྣམ་པ་མང་མོད་ཀྱི། །སྡོམ་པ་འཇིག་པར་བྱེད་པ་ནི། ཁ་ན་མ་ཐོ་ཆེན་པོའི་གནས། །དེ་བཞིན་གཞན་སེམས་བསྲེག་ལས་བྱོལ། ཁྱིམ་པ་ལ་ཡང་རྫུན་བཀག་ན། །ཕ་རོལ་བསླུ་བའི་དགེ་སྦྱོང་དང་། །དགེ་འདུན་ལྷག་མར་ལྟུང་བཞིན་དུ། །ཡང་དག་འབུལ་བ་མཚང་རེ་ཆེ། །དེ་བཞིན་ཕྲ་མ་ལ་སོགས་པ། །བསམ་པའི་ལྷག་མ་གསུམ་པོ་དང་། །སེམས་པ་ཡིད་ཀྱི་རྣམ་གསུམ་པོའི། །རྒྱུ་འབྲས་ཤེས་པའང་མཁས་པ་ཡིན། །དུག་སྦྲུལ་སྲོག་ཆགས་གསོད་པ་དང་། །གླང་པོ་རྩྭ་མཆོག་ཟ་བ་གཉིས། །སྐེམ་སྦེག་ཁྱད་པར་ཆེ་བ་བཞིན། ཁྲེལ་དང་ངོ་ཚ་ཟས་ཀྱི་མཆོག །ངེས་པར་བརྫུན་པ་མེད་པའི་ཚིག །སྨྲ་བའི་ཁ་ནི་ཡི་གེ་སྟེ། །དེ་ལས་གཞན་དུ་ལྕོ་བདེ་ཡང་། །ནེ་ཙོ་བཞིན་དུ་སྙིང་པོ་མེད། །ལོང་བར་ཟ་འོག་སྟོན་པ་དང་། །ཕྱུགས་ཀྱི་མགྲིན་པར་མུ་ཏིག་

(༥༢༤)འདོགས། །དད་པ་མེད་པ་ཆོས་འཆད་གསུམ། །དུས་ཚོད་གྲོན་པའི་རྒྱུ་རུ་ཟད། །སྒྲ་པ་དོན་འགྱུར་ལ་རྨོངས་དང་། །ཚད་མ་རྫས་ལྡོག་མི་ཕྱེད་དང་། །བཟོ་གནས་ཆ་ཚད་མི་ལྡན་དང་། །གསོ་རིག་ཞུ་རྗེས་མི་ཤེས་དང་། །སྡེ་སྣོད་ལ་རྨོངས་ནང་རིག་པ། །རིག་གནས་ཡིན་ཀྱང་གཟུགས་བརྙན་ཙམ། །རང་སྡེ་ཤིན་ཏུ་སྲུང་མཁས་པ། །མུ་སྟེགས་ཀླ་ཀློའི་ཁྲོད་ནའང་ཡོད། །འདོད་པར་བགོ་བཤའ་བྱེད་ནུས་པའི། །སྐྱེས་བུ་དེ་ནི་དྲང་སྲོང་ཡིན། །ཤིན་ཏུ་འདོད་པས་གདུངས་ན་ཡང་། ཁྲེལ་དང་ངོ་ཚའི་གོས་མི་འབུད། །དེ་ལ་ཡ་རབས་ཞེས་བྱ་སྟེ། །འབྱོར་ལྡན་གཡུང་པོའི་ཁྲོད་ནའང་མང་། །གཡུལ་ངོར་ཞུགས་ན་བརྟུལ་ཕོད་ཀྱང་། །ཡུལ་གྱི་མི་ལ་ངེས་ཤིང་འཇམ། །དམན་པ་རྣམས་ལ་སྙིང་རྗེ་བ། །དེ་ལ་དཔའ་བོ་ཞེས་སུ་བརྗོད། །དམ་པ་རྣམས་ལ་མི་སྙན་སྒྲོགས། །བྱིས་པའི་གྲོགས་ལ་ཤིན་ཏུ་གདུང་། །ཆུང་མའི་འོག་ནས་མི་ལྷོངས་པ། །སྐྱེས་པ་འདྲ་བའི་བུད་མེད་ཡིན། །ལུགས་གཉིས་སྒྲུབ་པའི་མཐུ་ཆུང་ཞིང་། །ཕན་དང་གནོད་པའི་མཐའ་མེ་ཤེས། །ལྟོ་བ་འགེངས་པ་གཙོར་བྱེད་པ། །ཆུ་དང་ནགས་མའི་མི་ཆུང་དངོས། །ཡོན་ཏན་མེད་པའི་སློབ་དཔོན་དང་། །སེམས་བསྐྱེད་མེད་པའི་སྨན་པ་དང་། །སྤྱི་ཚིག་མེད་པའི་གྲོས་པ་གསུམ། །ཕན་ལས་གནོད་པ་ཆེ་བའི་རྒྱུ། །མཁས་པ་ང་རྒྱལ་ཆེ་བ་དང་། །ཆེན་པོ་དྲེགས་པས་རྒྱགས་པ་དང་། །ཕྱུག་པོ་སར་སྣས་བསྡམས་པ་གསུམ། །དུག་སྦྲུལ་གདེངས་ཀའི་བསིལ་ཡབ་ཡིན། །སློང་ལ་ངོ་ཚ་མེད་མོད་ཀྱིས། །མི་སྟེར་ཟེར་

(༥༢༥)ན་དེ་བས་དམན། །སྦྱིན་ནོ་ཟེར་བ་དམ་པའི་ཚིག །མི་འདོད་ཟེར་ན་དེ་བས་འཕགས། །རང་ཉིད་བསྲུང་བ་དེ་ཙམ་དུ། །ནན་ལའང་ཕན་པ་འབའ་ཞིག་སྒྲུབས། །དུར་པ་གཅིག་གིས་ཅིག་ཤོས་ལ། །བསྟི་སྟང་ཇི་ལྟར་བྱེད་མཐོང་ངམ། །རྗེ་བོ་ངན་ལ་བསྟེན་པ་དང་། །གྲུ་གཟིངས་གོག་པོར་འཇུག་པ་དང་། །རྒྱ་མཚོའི་ཆུ་ལ་འཐུང་བ་གསུམ། །སྲོག་ལ་འཇིགས་པ་བསྐྱེད་པའི་རྒྱུ། །ངན་པ་ཆེ་སར་སླེབ་པ་དང་། །དབང་ཡོད་ངོ་ཚ་མེད་པ་དང་། །ཕུག་རོན་ལྷ་ཁང་ཞུགས་པ་གསུམ། །གྲིབ་གནོན་བཞིན་དུ་གནོད་པ་མང་། །ཟིལ་པའི་ཆུ་དང་རྩྭ་ཡི་མེ། །སྤྲིན་གྱི་གྲིབ་མ་འཇག་མའི་སྐྱབས། །སྐྱེ་བོ་ངན་པའི་མཛའ་བཤེས་ལྔ། །དགོས་པའི་དུས་སུ་བསླུ་བར་མཚུངས། །གྲོ་གའི་ཕྱིར་དུ་གསོད་ཅིང་འཚེ། །ཐབས་ཀྱིས་རྐུ་དང་ལོག་པར་གཡེམ། ཁེ་ཕྱིར་རྫུན་སོགས་མི་དགེའི་རྒྱུན། །རྒྱ་པའི་ལག་ན་ཡོད་ཟེར་ན། །དེ་ཡི་སྟེང་དུ་ཡུལ་ངན་དང་། །ཆོམ་རྐུན་འཇིགས་ལའང་མི་འཛེམ་པའི། །དགེ་སྦྱོང་ཤོ་སྣ་ཁྲིད་བྱས་ནས། །བསླབ་པ་ཚོང་པ་བདུད་ཀྱི་ལས། །ས་ཞིང་རེངས་དང་ཁེ་མེད་ཚོང་། །མ་དུལ་རྟ་དང་རྐུན་པོའི་བྲན། །ལྐོག་གྱུར་བྱེད་པའི་བུད་མེད་ལྔ། ཁྱིམ་ཐབ་བཤིག་པའི་ཐན་ཆེན་ཡིན། །རྒྱལ་པོ་སྡིག་སྦྱོང་བྱེད་པ་དང་། །བློན་པོ་ལྐོག་བརྔན་ཟ་བ་དང་། །ཧོར་འདྲ་ཡུལ་འཁོར་འཐག་པ་གསུམ། །མངའ་ཞབས་འཇིག་པའི་ཐོ་བར་མཚུངས། །དམག་དཔོན་སྙིང་སྟོབས་མེད་པ་དང་། །དམག་མི་གོ་མཚོན་བྲལ་བ་དང་། །དཔུང་གི་འགྲོ་ལྡོག་མི་ཤེས་དེས། །རུ་པ་ཏི་ཡི་བརྟུལ་

(༥༢༦)ཞུགས་འཛིན། །ཞལ་ལྕེ་འཁྱོག་པོར་སྤྱོད་པ་དང་། །རྟོག་དཔྱོད་མེད་པའི་ཕྲ་མ་དང་། ཁྲིམས་རྐུན་རེངས་སུ་འཇུག་པ་གསུམ། །རྒྱལ་ཁྲིམས་ཞིག་པའི་སྔོན་འགྲོར་འོང་། །གཙུག་ལག་ཁང་དང་བླ་མའི་དཀོར། །མཁན་སློབ་དགེ་འདུན་ལས་བྱེད་དང་། །ཀུན་སློང་ངན་པའི་དགེ་བ་གསུམ། །ངན་འགྲོར་འགྲོ་བའི་ས་མཁན་ཡིན། །དཔོན་ལ་རྒོལ་དང་བག་མེད་ཆང་། །ཕོ་བས་མི་ཆུན་བཟའ་བཅུང་སྲེད། །ཉིན་ཕྱེད་གཉིད་དང་ནམ་ཕྱེད་ཟ། །འདི་ལྔ་འགྱུར་བའི་སྡུག་བསྔལ་རྒྱུ། །སློང་མོས་འཚོ་ཞིང་ཁེངས་ཚིག་སྨྲ། །ཟ་བའི་ཡུལ་ལ་འབར་ཞིང་འཁུན། །ཕ་མའི་དྲིན་ལན་མི་བསམ་པ། །འདི་གསུམ་ཤེས་ལྡན་ཁྲེལ་བའི་རྒྱུ། །དུས་ལ་མ་བབས་འགྲོ་དོན་དང་། །ཉམས་རྟོགས་མེད་པའི་ཐོ་ཅོ་དང་། །བདུད་ཀྱིས་བརླབས་པའི་ལུང་བསྟན་གསུམ། །བླུན་པོ་རྣམས་ལ་མཛེས་པ་ཡིན། །མི་ལུས་ཐོབ་པ་ད་རེས་ཙམ། །དལ་འབྱོར་ཚང་བ་ལན་རེ་ལ། །བཤེས་གཉེན་འབད་ནས་མི་བསྟེན་ཅིང་། །གལ་ཆུང་ཆོས་ལ་བྱེད་པ་འཁྲུལ། །འཕགས་པ་མཐོང་བ་ལན་ཅིག་དང་། །དབང་བཞི་ཐོབ་པ་རེས་འགའ་ལ། །དམ་ཚིག་ཡལ་བར་འདོར་བ་ཡི། །སྐྱེས་བུ་དེ་ནི་སྨྱོན་པ་དངོས། །འབྱོར་པ་ཆུ་ཡི་ལྦུ་བར་མཚུངས། །སྲོག་ནི་གཤིན་རྗེའི་གཞན་དབང་ཅན། །དེ་ཕྱིར་མཆོག་གི་སྨན་པ་ལ། །བསྙེན་ནས་དམ་ཆོས་བདུད་རྩི་འཐུང་། །གསོ་དཔྱད་ཕལ་པ་འདི་འདྲས་ནི། །རྣམ་པ་ཀུན་ཏུ་ག་ལ་སྐྱོབ། །ནད་དོ་ཅོག་གི་རྩ་བ་ནི། །མ་རིག་འཛིན་པ་ཡིན་པའི་ཕྱིར། །

(༥༢༧)དེ་ལྟ་ན་ཡང་རྨོངས་ཆེན་རྣམས། །སྨན་ལས་དུག་ལ་རིན་ཐང་ཆེ། །ཀུན་གྱི་ཕྱག་མཆོད་བྱེད་པ་ཡི། །མཆོད་རྟེན་ཁྭ་ཏས་བརྙས་ལ་ལྟོས། །གང་ཞིག་ནོར་བུའི་འབྱུང་གནས་ནི། །རིན་པོ་ཆེ་ཡི་གླིང་ཡིན་བཞིན། །ཆོས་དང་ནོར་དང་འདོད་པ་དང་། །ཐར་པའི་འབྱུང་གནས་ཤེས་རབ་ཡིན། །དེ་དེ་དགེ་བའི་བཤེས་གཉེན་དང་། །ཐོས་པ་མང་པོ་ལས་འབྱུང་ན། །རིགས་གཟུགས་ལང་ཚོས་སྒེག་གྱུར་ཀྱང་། །དེ་ཉིད་བསྲིང་ན་ཉམས་པའི་རྟགས། །འདི་ན་ནམ་མཁའ་ས་གཞིའི་བར། །རིང་བ་ལས་ཀྱང་ཕལ་པ་དག །དམ་པའི་ཆོས་ལས་རིང་གྱུར་པས། །མཁས་པས་སྤྲེལ་རྒན་ངོ་མཚར་ཆེ། །དེ་བཞིན་རྒྱ་མཚོའི་ཕ་རོལ་དང་། །ཚུ་རོལ་ཡིན་མིན་དེ་སྲིད་ལས། །ཕལ་དང་དམ་པའི་ཆོས་རིང་པས། །ལེགས་པར་བཤད་ལ་སུ་ཡིད་གཏོད། །དེ་ལྟ་ན་ཡང་ཀེ་ཏ་ཀས། །ཆུ་དང་སྙོག་མ་དབྱེ་བ་བཞིན། །རིགས་པ་དང་ནི་མ་ཡིན་པའི། །མཚན་ཉིད་བཤད་ལ་ཉེས་པ་མེད། །ཅི་ཕྱིར་ཞེ་ན་རྨོངས་པ་དང་། །འདྲ་བའི་མུན་པ་ཡོད་མ་ཡིན། །ལེགས་བཤད་འདྲ་བའི་སྐྱེས་མེད་པས། །དམ་པའི་དོན་ལྡན་གཏམ་འདི་བྱས། །ངེས་པ་ཁོ་ནར་འབྱུང་འགྱུར་པའི། །འཆི་བ་ལ་པན་།།།དམ་པའི་ཆོས། །དེ་ཉིད་ཤེས་པའི་སྔོན་འགྲོར་ནི། །འཇིག་རྟེན་གྱི་ནི་ཆོས་ལུགས་བརྟག །ལྷ་དང་མི་ཡི་ཐེམ་སྐས་ལ། །བརྟེན་ནས་ཐར་པ་བསྒྲུབ་པའི་ཕྱིར། །རིག་དང་ཞགས་སུ་ལྡན་པའི་ཟླར། །

(༥༢༨) འཇིག་རྟེན་མཁྱེན་པ་བསྔགས་མིན་ནམ། །ཉི་མའི་སྔ་དྲོ་ཕྱི་དྲོ་དང་། །ནོར་དང་ལང་ཚོ་མི་བརྟན་ཀྱང་། །ཆོས་དང་བདེན་པ་བརྟན་པའི་མཐུས། །འདིས་ཀྱང་གཞན་ལ་ཕན་པར་ཤོག །དམངས་ལ་སྤྲིང་བའི་གཏམ་དཔེ་དོན་འབྲེལ་བ་ཞེས་བྱ་བ་རྒྱལ་བའི་མྱུ་གུ་ཨ་བྷ་ཡ་དྭཱི་པས་རྒྱ་གར་ཀཱ་མ་རཱུ་པའི་གནས་དང་ཉེ་ཞིང་། བྱ་རྒོད་ཕུང་པོའི་རི་བོ་བལྟར་ཡོད་པའི་ཨ་ཙར་ཁ་སྤུ་ཅན་གྱིས་སྟོང་དཔོན་བྱང་ཆུབ་རྒྱལ་མཚན་ལ་གདམས་པ་རྫོགས་སོ། །གཏམ་ཚོགས་ལེའུ་བཅུ་བའོ།། །།བྷོ་ཊིའི་སྲིང་སྐྱོང་ལ་སྤྲིང་བའི་གཏམ། །བཀྲ་ཤིས་རི་མོ་གཡས་སུ་འཁྱིལ་བའི་དུང་། །རིན་ཆེན་གསུམ་གྱི་གྲགས་པའི་བ་དན་ཅན། །རྣ་ལུང་དཔྱངས་པའི་མོད་ལ་སྲིད་བཅས་ཀྱི། །སྡུག་བསྔལ་བདེན་པ་མཐར་བྱེད་གང་ཞིག་རྒྱལ། །ཕྲར་བ་རྡུལ་གྱི་ཞིང་ཁམས་རྡུལ་སྙེད་ཀྱང་། །མི་མཇེད་འདི་ཡི་སྒྲོན་མའི་སྣང་བྱེད་ལ། །སྐྲག་ནས་ཀུན་འབྱུང་མུན་པར་བྲོས་པའི་ཚུལ། །ངེས་པར་འབྱུང་བའི་རབ་བྱེད་དང་པོ་ལགས། །དེ་འགོག་ལམ་ནི་ཐར་པ་དམ་པ་སྟེ། ཁྲིམས་ཀྱི་རྟེན་ལ་བདེན་བཞིའི་མངོན་རྟོགས་ཅན། །འཁོར་ལོ་དང་པོའི་མཛོད་ཁང་གངས་རིའི་ཁྲོད། །གནས་སམ་ཅིག་ཤོས་ཤེས་རབ་གསུམ་ལ་རག །རྒྱལ་བ་སྟོན་པ་དེ་ཡི་དམ་པའི་ཆོས། །ལུང་དང་རྟོག་པའི་སྙིང་པོ་མདོ་སྡེ་དང་། །ཆོས་མངོན་རྒྱ་མཚོའི་བསྡུ་བ་བྱང་ཆུབ་སེམས། །རྣམ་པ་གཉིས་ལས་གཞན་དུ་ཅི་ཞིག་མཆིས། །དེ་ཕྱིར་སེམས་ཅན་མོས་པ་ཐ་དད་པའི། །ཆོས་ཁམས་སོ་སོའི་རྣམ་པར་རིག་པ་དང་། །མཐུན་པར་འཆར་འདི་རྒྱལ་བའི་ཕྲིན་ལས་ཕྱིར། །དགག་སྒྲུབ་སྤངས་པའི་རྣམ་ཐར་མཆོག་ལ་རངས། །རྒྱུད་ལྔར་འཕྱན་པའི་འགྲོ་བ་འདི་དག་གི །སྡུག་བསྔལ་བདེན་པའི་མངོན་རྟོགས་འགོག་པ་ལ། །དམ་པའི་ནང་ནས་དམ་པར་གྱུར་བའི་དོན། །གང་ལ་མཆིས་དེ་འཁོར་བ་

(༥༢༩)མཐའ་ཅན་ཉིད། །ཕུང་པོ་ལྔ་ཡི་མངོན་ཞེན་མ་ལྡོག་ན། །འཇིག་ཚོགས་ལ་བལྟའི་རི་བོའི་ཁུར་གྱིས་ནོན། །སྟོང་པར་བལྟ་དང་གནས་འགྱུར་སྒོམ་པ་ཡང་། །ལམ་བདེན་ཉིད་དེ་སློབ་པ་མིན་དེ་རྨད། །དེ་ལྟ་མོད་ཀྱི་གནས་སྐབས་འཇིག་རྟེན་གྱི། །བདེ་སྡུག་རྒྱལ་པོའི་ཕྱིན་སོན་པའི་ཕྱིར། །བྱམས་པའི་སྟོབས་ཀྱིས་གནོད་སྦྱིན་སྤུན་ལྔ་ལས། །མངའ་རིས་སྨོན་འཇུག་སེམས་ཀྱིས་བསྲུངས་ལྟར་སྐྱོབས། ཡིད་དཔྱོད་།།།ཀྱི་ལྟ་སྒོམ། ཁྱུ་མཆོག་བགྲོད་པ་དྲང་དམ་ སྒོམ་མེད་རྫོགས་ཆེན། གཡོ་བའི་རྗེས། གཞན་དག་དོགས་པ་མེད་པར་རྒྱུ་བྱེད་ན། །བསྡུ་བ་བཞི་ཡི་ཕྲིན་ལས་མེས་དཔོན་དང་། །ཟ་ཧོར་གདུང་གི་རྣམ་ཐར་བདག་གིར་བཞེས། །སེམས་ཅན་ལས་ཀྱི་རྗེས་སུ་འགྲོ་བའི་ཕྱིར། །བདག་ཉིད་ཁོ་ནས་བསུང་བའི་མཐུ་མེད་ཀྱང་། །རྫོགས་ལྡན་གསར་དུ་དབྱེ་བའི་ཐུགས་བསྐྱེད་ལ། །དཀར་ཕྱོགས་ལྷས་ཀྱང་བསྙེན་ལ་སོམ་ཉི་བྲལ། །མི་ཡི་ཆོས་ལུགས་ལེགས་པར་མི་ཤེས་ཤིང་། །རྫུ་འཕྲུལ་ངག་དང་ཀུན་སྤྱོད་བརླང་པོ་ཡིས། །རང་སྲུང་ཕ་རོལ་གནོན་པ་ལྷུར་བྱེད་པ། །རྒྱལ་པོའི་ཁབ་ན་མོད་ལ་གཞུངས་ཀྱང་འཚལ། །བསམ་གཏན་ཐོབ་པའི་མངོན་པར་ཤེས་པ་ནི། །རང་ཉིད་ལ་མེད་གཞན་ལའང་དེ་བཞིན་པས། །གཡོན་ཕྱོགས་ལྷ་ཡི་གྱ་ཆམ་ཚིགས་བཅད་ལ། །དེ་དང་དོགས་པའི་ཆོམ་རྐུན་ཟིལ་གྱིས་གནོན། །ལྐོག་གྱུར་མངོན་པར་གསལ་བའི་མཐུ་མེད་ཀྱང་། །དབེན་པར་ཆོས་ཉིད་སྒོམ་པའི་རྒྱུ་མཐུན་ལས། །བྱང་ཆུབ་སེམས་གཉིས་ལམ་ལ་བསྙེན་དེའི་ཕྱིར། །བཞེད་དོན་འགྲུབ་པའི་སྨོན་པ་ཡང་དག་ཞུ། །གཏམ་ཚོགས་ལེའུ་བཅུ་གཅིག་པའོ།། །།དམ་པ་ལ་སྤྲིང་བའི་གཏམ། ཨོ་རྒྱན་རྡོ་རྗེ་འཆང་ལ་ཕྱག་འཚལ་ལོ། །གང་དུ་སྤྲིང་ན་དེ་ཉིད་ལ། །སྟ་ཟུར་ཁ་ཊྭཱྃ་གས་མཚན་དེའི། །བྱིན་གྱིས་ཆར་རྒྱུན་མི་ཟད་པའི། །རྟེན་ཅིང་འབྲེལ་

(༥༣༠)འབྱུང་ཡང་འདིའོ། །གང་ཞིག་དམ་པའི་ངག་སློབ་པ། །དེ་ཡང་དམ་པའི་རང་བཞིན་ཏེ། །བདག་ཉིད་བསྟོད་ཀྱིས་ཤེས་པ་རྣམས། །རྙེད་བཀུར་གྲགས་པས་མ་རུངས་བྱས། །འཁོར་བ་ཆུ་སྲིན་གྲོང་ཁྱེར་ན། །འཁོར་གསུམ་རྗེས་མཐུན་ཡོན་ཏན་དང་། །འཁོར་ལོ་གསུམ་ལ་དད་ཁྱོད་ཅིག །འཁོར་འདས་རུ་ཤན་དེང་འབྱེད་འཚལ། །དཔལ་དང་མིང་དོན་ཐ་དད་པའི། །གཏི་མུག་གླང་པོའི་གོ་མཚུགས་ཅན། །སྙིང་པོ་བྲལ་བའི་ཕྱིར་མ་ཐང་། །འཁྱམས་ལས་ཕྱིར་ཕྱོགས་ངོ་མཚར་གནས། །རྒྱལ་བསྟན་རིན་ཆེན་འབྱུང་ལྡན་ནི། །སྡེ་སྣོད་གསུམ་དང་སྔགས་རྒྱུད་ཀྱི། །སྤྲོ་དང་གསང་ཚིག་མཐའ་ཡས་ཀྱང་། །གཟུགས་བརྙན་མགྲོན་དུ་གཉེར་བས་སྐྱོ། །དེ་ཕྱིར་གཞི་གསུམ་ཆོ་ག་ཡིས། །དགེ་འདུན་མཛེས་པར་བྱས་ནས་ཀྱང་། །བསླབ་པ་གསུམ་གྱི་མངོན་རྟོགས་ལ། །ཐེམ་སྐས་བཞིན་དུ་འཛེགས་དང་ཀྱེ། །ལྔ་བརྒྱ་ཕྲག་བཅུར་གནས་ཚད་ཀྱིས། །མི་གཏུགས་ཉོན་མོངས་དགྲ་སྡེ་ལས། །རང་དབང་གྱུར་པའི་ཐེག་ཆེན་ལམ། །དོན་གཉེར་མགྲོན་པོའང་བྱང་ཆུབ་སེམས། ཁྱད་པར་དབང་དང་བསྐྱེད་རྫོགས་རྫོགས་པ་ཆེ། །ཐབས་ཤེས་འབྲེལ་བ་ཤིང་རྟའི་སྒྱུ་ཐབས་ལ། །བརྟེན་ནས་ཚེ་གཅིག་རྡོ་རྗེ་འཆང་འགྲོ་བའི། །རྒྱུད་སྡེ་དྲུག་གི་གནས་ལ་མཁས་པར་མཛོད། །དེ་ཡང་ལྷ་སྲས་ཁྲི་སྲོང་ལྡེའུ་བཙན་དུས། །རྒྱལ་བའི་ཞལ་སྐྱིན་ལོ་པཎ་མཁས་རྣམས་ཀྱིས། །བསྒྱུར་ཞིང་ཐུགས་ཉམས་བསྟར་བའི་མདོ་སྒྱུ་སེམས། །ཕྱོགས་དེར་གསལ་མཛད་ཁྱོད་ལ་ལྷག་པར་རངས། །དེ་ལ་ཀུན་འབྱུང་འདྲེན་དང་དཀའ་ཐུབ་རིག །དབང་བསྒྱུར་ཐབས་ཀྱི་ཐེག་པ་རྣམ་གསུམ་ཞལ། །རིམ་པ་དགུར་རྫོགས་རྒྱལ་བསྟན་ཡོངས་རྫོགས་དོན། །སྔགས་སུ་སྟོན་པ་ཚོགས་ཆེན་འདུས་པ་ཡིན། །བཤད་གཞི་དེ་ལས་བཤད་བྱ་མ་

(༥༣༡)འཁྲུལ་བ། །རྒྱུད་ཀྱི་དངོས་པོ་བཅུ་དང་ཐབས་གྲོལ་ལམ། །ཟུང་དུ་འཇུག་པར་མཐའ་དྲུག་ཚུལ་བཞི་ཡིས། །རིག་འཛིན་བཞི་ཡི་ལམ་འགྲོང་སྒྱུ་འཕྲུལ་ཕྱགས། །མདོར་ན་རྡོ་རྗེའི་ལམ་གྱི་ལུས་ཡོངས་རྫོགས། །རིམ་པ་དབང་གི་དེ་ཉིད་རིག་པ་ལས། །མེ་ལོང་ནང་དུ་གཟུགས་བརྙན་རྫོགས་པ་ལྟར། །གསལ་བའི་ངེས་འབྱེད་རྣམ་མཁྱེན་ཤིང་རྟས་མཁྱེན། །མདོ་སྔགས་ཆོ་ག་འགལ་བ་མ་ཡིན་པས། །སྡོམ་པ་གསུམ་དང་ཕྱིར་དྲུག་ལམ་སྲོལ་ཀུན། །དབྱིངས་དང་ཡེ་ཤེས་རིམ་འཇུག་ཅིག་ཅར་ཅན། །བསྐྱེད་དང་རྫོགས་པའི་སྐྱ་རེངས་གཅིག་པས་དྲངས། །དམ་པའི་སྐྱེས་བུ་མཆོག་ལ་བསྙེན་བྱས་ནས། །བསོད་ནམས་ཚོགས་དང་ཐོས་བསམ་ལ་བརྩོན་པ། །དྲན་པ་ཉེར་གཞག་ཚོགས་ཀྱི་ལམ་མཆོག་སྟེ། །རྫུ་འཕྲུལ་རྐང་པའི་ཡོན་ཏན་ངང་གིས་ཐོབ། །བསླབ་པ་ནོར་དང་རིམ་པའི་ཆོ་གས་སྨིན། །སྦྱང་གཞི་སྦྱོང་བྱེད་ཚང་བའི་བརྒྱད་རིམ་ལ། །ཕྱིན་དྲུག་གཞན་དུ་བསྐལ་བར་མི་བལྟ་ན། །དྲོད་རྩེ་ལ་སོགས་སྦྱོར་བའི་ཡོན་ཏན་རྫོགས། །མཆོད་དང་སྦྱིན་དང་ཕྱག་རྒྱའི་དམ་ཚིག་བཞི། །སྐྱོ་ངལ་བཟོད་དང་འགལ་ཟླ་ལེ་ལོ་བསྲུང་། །མཚན་དཔེ་ལྟར་སྣང་ལྟ་བའི་རྩིས་ཟིན་ལ། །བྱང་ཆུབ་ཡན་ལག་བདུན་རྫོགས་མཐོང་ལམ་ཐོབ། །དེ་ལྟར་མཐོང་ཟིན་གོམས་པར་བྱས་པ་ལས། །བལྟར་མི་མངོན་པའི་ཤེས་སྒྲིབ་ཆེས་ཕྲ་བ། །ཐབས་ལས་ཐབས་གྱུར་གསུམ་པའི་དཔེས་སྦྱངས་ནས། །སྒོམ་ལམ་འཕགས་པའི་ཡེ་ཤེས་ཆེན་པོར་རྫོགས། །སློབ་བྱའི་མཐར་ཐུག་སྐུ་ལྔ་ཡེ་ཤེས་ལྔ། །གྲངས་མེད་གསུམ་གྱི་གདུངས་པས་མ་ཐུག་པར། །ཚེ་གཅིག་ལུས་གཅིག་མངོན་སངས་རྒྱ་བ་ཡི། །སྐལ་བ་ཆེན་པོ་ལྡན་པའི་བཀྲ་ཤིས་ཤོག །དམ་པ་ལ་སྤྲིང་བའི་གཏམ་ཞེས་བྱ་བ། །མདོ་སྨད་རྫོགས་ཆེན་སྤྲུལ་སྐུ་ལ། །རྫོགས་ཆེན་པ་རང་བྱུང་རྡོ་རྗེས་སྤྲིང་བ་རྫོགས་སོ། །གཏམ་ཚོགས་ལེའུ་བཅུ་གཉིས་པའོ། །

(༥༣༢)སྟོན་ཆེན་དབེན་པ་ལ་བསྐུལ་བའི་གཏམ། །འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། ཁྱེད་མཚན་ཨུཏྤལ་ཡི་གེ་སར། །རྣ་ལུང་དཔྱངས་པའི་མོད་ལ་སྙིང་དབུས་སུ། །ཤེས་དང་ཤེས་བྱའི་རི་དྭགས་བཀྲག་བརྟས་པ། །གཞོན་ནུ་སྨྲ་བའི་ཉི་མ་གང་ལ་འདུད། །ལེགས་སྨོན་ཁྲིམས་སུ་རློམ་པས་མ་བཅིངས་ཤིང་། །ཐོས་དང་བསམ་པའི་དྲེགས་པས་རྒྱགས་མིན་པར། །རྣམ་གྲོལ་དོན་དུ་གཉེར་བའི་སྐྱེས་བུ་ལ། །དྲང་སྲོང་དག་གི་བདེན་གཏམ་སྨྲ་བའི་རིགས། ཁོམ་ལྡན་ཙམ་གྱི་ལུས་རྟེན་མང་ལགས་ཏེ། །རང་གཞན་འབྱོར་བའི་ཐ་མ་གཉིས་གཉིས་ཀྱིས། །མིག་འཕྲུལ་ལྟ་བུར་འདུ་འབྲལ་བགྱིད་བརྟགས་ན། །སྲིད་ན་དཀོན་པ་མི་ལུས་རིན་ཆེན་ཡིན། །དེ་ཡང་སྐྱེ་རྒན་འཆིའི་འཁྲུལ་འཁོར་གྱིས། །འདུས་པ་འབྲལ་བའི་ཆོས་ཅན་ལ་སྦྱོར་བ། །འདི་ལ་སྐྲག་ནས་ཤཱཀྱའི་སྲས་པོ་ཡང་། །རྒྱལ་པོའི་ཁབ་ནས་བྲོས་ནའོ་སྐོལ་ལ། །ཆགས་རིན་ཆོག་འདིར་ལ་འབྱོར་འདུག་གམ་སེམས། །གངས་རིའི་ཁྲོད་འདིར་འཆིལ་འཇིགས་ལྟའི་ཆོས། །ཕལ་ཆེར་ཆོས་ཀྱང་མ་ཡིན་འཇིག་རྟེན་མིན། །ཆགས་སྡང་ལྟོ་གོས་གཏམ་གྱི་འདུ་འཇིའི་ངང་། །འཇིག་རྟེན་ཕ་རོལ་ལག་སྟོང་འགྲོ་བ་མང་། །དགང་བར་དཀའ་བ་འདོད་པའི་ཉེས་དམིགས་ནི། །ཇི་ཙམ་འབྱོར་ཀྱང་ཆོག་ཤེས་མི་སྐྱེ་ལ། །གསོག་དང་སྲུང་དང་སྤེལ་བས་སྡུག་བསྔལ་བའི། །རྒྱུ་དང་འབྲས་བུའི་གནས་ལ་སྐྱོ་བར་མཛོད། །འཁོར་བར་དགའ་ཞིང་བདག་གཞན་ཕྱོགས་རིས་ཆེ། །བྱས་པ་མི་གཟོ་ཕན་གནོད་རྟག་མི་ཐུབ། །འདུ་འཛི་ལ་དགའ་བྱིས་དང་སྡིག་གྲོགས་ལས། །རི་དྭགས་རྒྱ་ནས་ཤོར་བ་ལྟ་བུར་བྱོལ། །ཚེ་འདི་ཡིད་ལ་བགྱིད་པའི་ཐོས་བསམ་དང་། །སྐྱོ་ཤེས་བྲལ་བའི་ཁྲིམས་ཀྱི་གཟུགས་བརྙན་གྱིས། །ཐར་པའི་ལམ་དུ་ཕྱིན་པ་

(༥༣༣)མ་མཆིས་པས། །དབེན་པའི་གནས་སུ་དེ་རིང་ཉིད་ནས་དེངས། །ཐོས་པའི་མཐའ་ལ་འདི་ཞེས་ཐུག་པ་མེད། །ཇི་ཙམ་པས་མས་།།།བཞིན་འཁོར་བར་མི་སྐྱོན། །དེ་ལས་བྱུང་བའི་དྲེགས་དང་འདུ་འཛི་ཡིས། །ངན་འགྲོའི་ས་མཁན་བྱེད་པ་གཟིགས་ལགས་སམ། ཁྱད་པར་འཕགས་པའི་ཡུལ་གྱི་དགེ་སྦྱོང་ནི། །སྦྱངས་པའི་ཡོན་ཏན་བཅུ་གཉིས་ལྷུར་བྱེད་ཀྱང་། །གངས་རིའི་ཁྲོད་པས་སྤངས་པ་ལྟར་གྱུར་པས། ཁྱིམ་ཆུང་སྤངས་པའི་ཁྱིམ་ཆེན་བྱ་བ་མང་། །རྒྱལ་བས་བསྔགས་པའི་ནགས་ཁྲོད་པས་མཐའ་ན། །འདུ་འཛི་ལས་སྐྱེས་ལོ་ཀའི་ཆོས་བརྒྱད་དང་། །ཚོང་དང་སོན་མ་བྱིས་དང་སྡིག་གྲོགས་མེད། །བྱ་དང་རི་དྭགས་འགྲོགས་ན་བདེ་བས་གང་། །བྲག་རིའི་གུག་དང་ལོ་མའི་ཁང་བཟངས་དང་། །འདུལ་བ་དང་མཐུན་བྲང་ཁང་ཆུང་ངུ་ནི། །བསྒྲུབ་པར་སླ་ཞིང་ཐིག་།།།ཚིགས་རྣམ་གཡེང་ཉུང་། །དེ་ལ་ཆགས་ཞེན་མེད་པས་འགྲོ་སྡོད་བདེ། །ལྗོན་ཤིང་རླུང་གིས་བསྐྱོད་པའི་གཡོ་བ་དང་། །འབབ་ཆུ་ལྷུང་ལྷུང་འགྲོ་བའི་སྒྲ་སྐད་ལ། །ལུས་ངག་ལས་སྐྱེས་མི་དགེའི་ས་བོན་མེད། །དེ་ལ་བརྟེན་ནས་སྐྱོ་ཤས་ངེས་འབྱུང་འཕེལ། །ཚེ་རབས་ཀུན་ཏུ་ཕུང་ཀྲོལ་བསྐྱེད་པ་ཡི། །ཡུལ་གྱི་ཉེས་དམིགས་དུག་ལས་ཐུབ་ཡང་། །དབེན་པའི་གནས་ན་ཆེས་ཆེར་ཉུང་བས་ན། །ཡིད་ལ་བརྟེན་པའི་ལས་ལམ་དག་ཀྱང་དཀོན། ཁྱད་དང་སྡེ་དང་སྟོབས་དང་དབང་ཕྱུག་དང་། །ཕན་ཚུན་འགྲན་དང་གཟི་བྱིན་རྡོམ་པ་དང་། །འཁྲུགས་དང་བསྲེ་བ་ལས་གྱུར་འདུ་འཛིའི་སྒོ། །བརྒྱ་ཕྲག་འབྱེད་པའི་གནས་ལས་རིང་གྱུར་པས། །དབུ་བ་རབ་བརྩེགས་ཕུང་པོའི་ཟག་པ་འདི། །རི་མཆོག་ལྟ་བུར་འཁྲུལ་བར་མི་འགྱུར་ལ། །གནོད་པ་མང་ཞིང་རླུང་གི་དབུས་གནས་པའི། །མར་མེ་ལྟ་བུའི་ཚེ་ལའང་སྐྱོ་བར་འགྱུར། །དེ་ལྟར་སྐྱོན་སྡེ་སྣོད་ཤེས་པ་རྣམས། །ཕྱི་མའི་གནས་

(༥༣༤)རིགས་རང་དབང་ཅན་མིན་པའི། །གནས་ལ་སྐྲག་ནས་བླང་དོར་མི་འཛོལ་ཞིང་། །ཚེ་འདི་བསྒྲུབ་པའི་བསམ་སྦྱོར་རིང་དུ་སྲིངས། །དེ་ཚེ་ཁྱོད་ཀྱིས་བདེན་པ་རྣམ་བཞི་དང་། །གྲུབ་མཐའ་སྨྲ་བ་བཞི་ཡི་ལུང་རིག་དང་། །ཐོས་དང་བསམ་པས་གོམས་པར་བྱས་པ་ཡི། །རྣམ་གྲངས་པ་ཡི་དོན་དམ་ངེས་དོན་འགྱུར། །འཁོར་བའི་ས་བོན་དྲུངས་ནས་འབྱིན་པ་ནི། །སྟོང་པ་ཉིད་དེ་དེ་ཡི་བཞུགས་ཚུལ་ལ། །རྟོག་གེས་རྣམ་པར་བརྟག་ཏུ་མི་བཟོད་པས། །གཤིས་ཀྱི་གནས་ལུགས་སེམས་ཀྱི་ཐོག་ཏུ་དཔྱད། །དེ་ལྟར་དཔྱད་ན་ཐུན་མོང་མ་ཡིན་པའི། །བསམ་བྱུང་ཤེས་རབ་ཁྱད་པར་འཕགས་པ་ཡི། ཁ་ཕྱིར་ཕྱོགས་པའི་ཐོས་བསམ་དང་འགལ་བའི། །སྒོམ་བྱང་ཤེས་རབ་རྣམ་པར་དག་པ་སྐྱེ། །འདི་ལྟར་རྟེན་ཅིང་འབྲེལ་འབྱུང་དམ་པའི་དོན། །སྐྱེ་བ་མེད་པས་རྟག་པའི་མཐར་བསལ་ལ། །འགག་པ་མེད་པས་ཆད་པའི་མཐལ་བསལ་བའི། །སྤྲོས་བྲལ་ལྟ་བ་དབུ་མ་ཆེན་པོ་ཡིན། །དེ་ལྟའི་ལྟ་བ་སྒོམ་པས་ཉམས་བླང་ཕྱིར། །འགྲོ་འོང་སྨོན་འཇུག་ལས་འདས་བྱང་ཆུབ་སེམས། །གཅིག་དང་དུ་མར་འགལ་བའི་བློ་འདས་དོན། །དྲན་པ་ཉེ་བར་གཞག་པས་རྟག་ཏུ་སྐྱོངས། །གང་ཚེ་བློ་ཡིས་སྤྱོད་ཡུལ་མ་ཡིན་པའི། །དོན་དམ་ཞི་བ་འདུས་མ་བྱས་པ་ལ། །རྟོག་དཔྱོད་ཚེར་མ་རྣོན་པོས་གཞར་བྱས་ན། །རྟག་ཆད་མཐར་ལྟའི་གཡང་དུ་ལྷུང་ཉེན་ཆེ། །ཅི་ཕྱིར་ཞེ་ན་དོན་དམ་བདེན་པ་ནི། །བསམ་མི་ཁྱབ་ཅིང་འདུས་མ་བྱས་པ་ཡིན། །རྟོག་དཔྱོད་ཡུལ་ནི་སེམས་དང་བཅས་པའི་ཕྱིར། །དབྱིངས་ལ་དགག་གཞལ་ནམ་མཁའི་མེ་ཏོག་འདྲ། །དོན་འདི་རྒྱལ་བའི་གསུང་རབ་མཐའ་དག་དང་། ཁྱད་པར་སྡུད་པ་ཚིགས་སུ་བཅད་པ་དྲིས། །ངའི་འདི་ཡིན་གྱིས་

(༥༣༥)གཞན་དག་ནོར་རོ་ཞེས། །འཆད་པ་གངས་རིའི་ཁྲོད་ན་མང་མོད་ཀྱང་། །ཡིན་པ་དེ་གས་རང་ལྟ་མཆོག་འཛིན་དང་། །ནོར་སྙམ་དེ་ག་རྟག་ཆད་མཐར་ལྟའི་གཡང་། །ཉིད་དེ་མཉམ་གཞག་ངང་ན་དེ་ཡོད་མིན། །དེ་སྐད་བརྗོད་པ་ཀུན་སློང་མ་རུངས་པའི། །ལྟ་བ་ཡིད་ལ་བཞག་པས་མ་ཡིན་ཏེ། །དོན་དམ་དང་ནི་ཀུན་རྫོབ་བྱང་ཆུབ་སེམས། །རྟག་པར་ཡིད་ལ་འདྲིས་པའི་ཆ་རྒྱུས་ཡིན། །མདོར་ན་དེ་ལས་མང་དུ་སྨོས་ཅི་དགོས། །སྤྱོད་པ་བྱང་ཆུབ་སེམས་དཔའི་ཕྱོགས་ལ་བརྟེན། །ལྟ་བ་མངོན་པ་སྒོམ་པ་གསང་སྔགས་ཀྱི། །ལམ་ལ་མཆོག་གི་དངོས་གྲུབ་བརྙེས་པར་མཛོད། །འདི་ནི་རྟ་མཆོག་རོལ་པ་ཡང་གསང་དང་། །འཕྲོག་བྱེད་བཏུལ་བའི་ཕུར་པ་བཞུགས་པའི་གནས། །སེར་སྨད་སྐུ་སྐྱེ་སྨོན་ལམ་རབ་འབྱམས་པའི། །གསུང་ངོར་དུས་མཐའི་རང་བྱུང་རྡོ་རྗེས་སོ། །གཏམ་ཚིགས་ལེའུ་བཅུ་གསུམ་པའོ།། །།སློབ་མ་ལ་སྤྲིང་པའི་གཏམ་བདུན་ན་འདོན་གྱི་རྒྱན་ཅེས་བྱ་བ། སྟོན་པ་གཟི་བརྗིད་མཐའ་ཡས་ལ་ཕྱག་འཚལ་ལོ། །གཙུག་ལག་སྣ་ཚོགས་སྣོད་གྱུར་ཁྱོད་ལགས་ཏེ། །བཀུག་ཀྱང་མ་མཆིས་གང་ལ་དེ་སྒྲོག་ན། །སྐལ་དང་མཚུངས་པའི་བརྗོད་བྱར་དང་སྲིད་དེ། །རྒ་བའི་སྤྲིན་གྱིས་སྤྲོས་པའི་བཞིན་རས་བཀབ། ༡ །ལྷུན་པོར་ཤར་ནུབ་རེ་ཁཱ་དྲལ་ལྟའི་གོས། །གསེར་རིའི་རྡུལ་ཕྲན་ཞོར་ཆགས་ལ་སྟེགས་པའི། །དབྱངས་ཀྱི་ངས་པ་བདུན་ལྡན་ནཱ་དའི་སྒྲ། །ཡི་གེའི་གཟུགས་སུ་འཕོས་པས་ཞལ་ཏ་བྱས། ༢ ཁོམ་པ་བརྒྱད་ལ་འབྱོར་བའི་ཚོན་རིས་ཀྱི། །འདུ་འབྲལ་བགྱིད་ལ་སྐྱོ་བའི་སྐབས་དབྱེ་ནས། །མཛའ་གཏུགས་ཐགས་སུ་བཏགས་ལ་བདེན་གཏམ་གྱི། །ཚངས་དྲིག་དཎྜིའི་རྒྱུད་མངས་འཁྲོལ་བ་ཁྱོད། ༣ །སྐྱེས་བུའི་ཚེ་ནི་གློག་གི་ཟློས་གར་བཞིན། །མུན་པའི་འཚོ་བར་བསྐལ་བས་གཏུགས་པ་ཡི། །བདེ་དང་སྡུག་བསྔལ་ཁྱད་པར་མཁྱེན་འཚལ་

(༥༣༦)ནས། །མངོན་ནས་མངོན་མཐོའི་འཁྲི་ཤིང་ལ་སྙེག་མཛོད། ༤ །དེ་ཡི་རྒྱུ་ནི་སྲོག་ལ་འཚེ་བ་སོགས། །ལུས་ངག་ཡིད་ཀྱི་ལས་ལམ་རྣམ་པ་བཅུ། །སྤུ་གྲིའི་སོར་ཆགས་སྦྲང་རྩི་ཇི་བཞིན་དུ། །གཟིགས་ནས་འཇིག་རྟེན་ཡང་དག་ལྟ་བ་བརྩོན། ༥ །འབྱོར་བའི་རྒྱུ་ནི་ཆགས་དང་སེར་སྣ་སྟེ། །དེ་ལས་དེ་བྱུང་རི་དབང་ལྟར་སོང་ཡང་། །གཡོ་དང་འཇིག་དང་ཆོམ་རྐུན་ཐུན་མོང་ཕྱིར། །མཆོད་སྦྱིན་བརྒྱ་བའི་རྗེས་སུ་འཇུག་པར་མཛོད། ༦ །འཁོར་ལོ་དང་པོའི་ཁྲིམས་ཀྱི་སྣོད་གྱུར་ནི། །སྙིགས་མའི་མཚོན་གྱིས་ཕུག་པ་ལྟར་གྱུར་ཀྱང་། །ཡོན་ཏན་དམ་པའི་གཞི་རྟེན་བྱང་ཆུབ་སེམས། །ཉིན་མཚན་ཐུན་དྲུག་ཀུན་ཏུ་བསྒྲུབ་པར་བགྱི། ༧ །དབང་པོ་ཚར་བཅད་གདུང་བའི་དཀའ་ཐུབ་ལས། །ཞེ་སྡང་དགྲ་ཟླ་བཟོད་པའི་དཀའ་ཐུབ་ནི། །མྱ་ངན་འདས་པའི་ལམ་ལ་ཆེས་ཉེ་བས། །གཞན་གནོད་གཞི་བཅས་སྤོང་བ་རབ་བྱུང་རྒྱན། ༨ །རྒྱལ་པོའི་ཁབ་དང་ལེ་ལོའི་གྲོང་ཁྱེར་ན། །དམ་པའི་བརྩོན་འགྲུས་བག་ལ་ཉལ་གཟིགས་ནས། །དགེ་བའི་འཁྲི་ཤིང་སློང་བའི་ལྕགས་ཀྱུ་ཡིས། ཁ་ན་མཐོའི་གཉིས་འཐུང་དཀྲི་བར་བགྱི། ༩ །སྡུག་བསྔལ་བདེན་པའི་འབྱུང་གནས་ཀུན་འབྱུང་གི། །རྩ་བ་འགོག་པའི་ཐར་པ་ཤེས་པའི་ཕྱིར། །བསམ་གཏན་དོན་ལ་སེམས་དང་ཤེས་རབ་ཀྱི། །བསླབ་པ་བསྒྲུབ་པའི་དམ་བཅའ་ཁོ་ནར་བརྩོན། ༡༠ །རིགས་གཟུགས་ཐོས་དང་ལང་ཚོས་དྲེགས་པ་དང་། །དབང་ཐང་ཆེན་པོས་རྒྱགས་པའི་གདོང་ལྔ་ནི། །བསོད་ནམས་མ་ཡིན་ཁྲོན་པའི་དཔྱང་ཐག་གི། །རྗེས་སུ་ཕྱོགས་ནས་རང་གིས་རང་ཉིད་བཟའ། ༡༡ །བདག་དང་གཞན་དུ་ཕྱོགས་རིས་ཆེར་བལྟས་ཏེ་། །བཏགས་དང་སྤྱོས་དང་ཕམ་པའི་ཁོན་འཛིན་གྱིས། །རང་གི་སེམས་ལ་འཁྲུགས་པ་ཆེར་སྟེར་བས། །བདེ་བའི་མལ་དུ་རྟོག་དཔྱོད་སྤང་བར་བགྱི། ༡༢ །སྐྱེ་བོ་རྣམས་ནི་ཨ་

(༥༣༧)མྲའི་འབྲས་བུ་བཞིན། །མངོན་རྟོགས་ཕྱི་ནང་མཉམ་པ་མ་ཡིན་པས། །བདེན་དང་སྙིང་ལ་འབབ་པའི་ཚིག་ཚོན་པོས། །བདག་གཞན་གཉིས་ཀ་སྲུང་ཞིང་གནོད་པ་ཉུང་། ༡༣ །སེམས་དང་སེམས་བྱུང་བརྒྱ་ཕྲག་སྒོ་བྱེ་ཡང་། །ཕུང་ཀྲོལ་བསྐྱེད་ལ་འདོད་པ་ལྟ་བུ་མེད། །དེ་ཡི་གཞན་དབང་གྱུར་པའི་ལུས་ཅན་རྣམས། །མེ་དང་ཆུ་དང་གཡུལ་ངོར་སོང་བ་མང་། ༡༤ །ཆོག་མི་ཤེས་དང་དགང་བར་དཀའ་བ་དང་། །གཏོང་ལ་འཇུངས་ཤིང་སྲུང་ལ་བྱི་བ་བཞིན། །བདག་བསྟོད་གཞན་སྨོད་འཁོར་བར་དགའ་བ་ཅན། །བྱིས་དང་སྡིག་པའི་གྲོགས་ལས་འབྲོས་པར་མཛོད། ༡༥ །བདེན་པ་གཟིགས་པ་གང་ཞིག་མ་གཏོགས་པ། །རྙེད་དང་མ་རྙེད་ལ་སོགས་ཆོས་བརྒྱད་ཀྱི། །དགེ་སྦྱོང་བྲམ་ཟེ་བླ་མར་བཏགས་པ་ཀུན། །དཀྲེས་ཤིང་དམ་ལ་མ་བཞག་ཡོད་མ་ཡིན། ༡༦ །སྡིག་པའི་ལྟ་བ་ཅན་དང་མངོན་སུམ་སྤྱོད། །གཞན་གྱི་དོན་དུ་ཡིན་ཡང་དེའི་འབྲས་བུས། །བདག་ཉིད་འཐག་གཅོད་དབང་བའི་འཁྲུལ་འཁོར་གྱིས། །གཏུགས་ཚེ་བགོ་སྐལ་གཞན་ལ་དཔོད་དུ་མེད། ༡༧ །སྐྱེས་བུ་བཞིན་མཛེས་རྒྱན་གྱིས་སྤུད་པའི་གྲལ། །བསམ་སྦྱོར་མཐུན་པ་བཞིན་དུ་གནས་ན་ཡང་། །བསམ་པ་སྣ་ཚོགས་དགེ་སྡིག་ཐ་དད་ཕྱིར། །འཇིག་རྟེན་ཕ་རོལ་གནས་རིས་སོ་སོར་འགྲོ། ༡༨ །ལེ་ལོ་ཅན་ཡང་སྡིག་པའི་གྲོགས་དང་ཆང་། །མཐོང་ན་མཚན་མོ་རྒྱུ་དང་ཚོམ་རྐུན་དང་། །ཤ་ཟའི་གདོན་ལའང་ཇི་མི་སྙམ་པའི་བློས། །གྲགས་པ་ཉམས་པའི་བརྩོན་འགྲུས་རྩོམ་ལ་གཟིགས། ༡༧ །དེ་ལྟའི་བྱ་བ་ངན་ཞེན་ཤེས་འཆལ་གྱི། །ཕྱོགས་ལ་བསྒྲིམས་ཤིང་བསྲུང་བའི་བློ་བཀོད་ནས། །དད་གཏོར་ཚུལ་ཁྲིམས་ཁྲེལ་ཡོད་ངོ་ཚ་ཤས། །མང་དུ་ཐོས་དང་ཤེས་རབ་ནོར་བདུན་བསྙེན། ༢༠ །དེ་ཡིས་དྲན་པ་ཉེར་གཞག་ལ་སོགས་པའི། །བྱང་ཆུབ་ཕྱོགས་ཀྱི་ཆོས་ལམ་ལ་འཇུག་ཅིང་། །སློབ་ལམ་བཞི་

(༥༣༨)དང་སློབ་པ་མིན་པའི་ལམ། །མཐར་ཕྱིན་མྱ་ངན་འདས་པ་སྙིག་པར་འགྱུར། ༢༡ །མདོར་ན་དེ་ལས་མང་དུ་སྨོས་ཅི་དགོས། །ཤེས་རབ་ལྡན་པ་ལོག་པའི་ལམ་ཞུགས་ཀྱང་། །ཤེས་རབ་ཉིད་ཀྱིས་གང་ལས་ཅིག་ཤོས་ཀྱི། །ལམ་ལ་རང་སྟོབས་ཁོ་ནས་འཇུག་པའི་ཕྱིར། ༢༢ །འདི་ལྟར་དུས་ཀྱི་རྒུད་པ་སྣ་ཚོགས་དང་། །དུས་བཞིའི་འགྱུར་ལྡོག་སྐྱེ་རྒ་ན་འཆི་ཡི། །ངེས་འབྱུང་སྤྲིང་ཡིག་འགྲེམས་པ་ལ་གཟིགས་ནས། །ཐར་པ་བསྒྲུབ་པའི་དོན་ལ་འབད་པར་མཛོད། ༢༣ །ཐར་པ་དེ་ཡང་ལུང་མ་བསྟན་པའི་སེམས། །ཉེ་བར་ཞི་བའི་ཆོས་ལ་སྡང་བ་དེས། །རྟེན་འབྲེལ་ལུགས་འབྱུང་རྩ་བ་མི་ཆོད་པས། །སྐྱེ་བ་མེད་པའི་ཆོས་ལ་བསྙེན་པར་མཛོད། ༢༤ །དེ་ལྟར་བསྙེན་ན་རྣམ་ཐར་སྒོ་གསུམ་གྱི། །དབྱིངས་ལ་གོམས་པའི་བདེ་གཤེགས་སྙིང་པོའི་བྱེད། །སྤངས་རྟོགས་མཐར་ཕྱིན་རིག་པ་གསུམ་བསྐྱེད་དེ། །སྐུ་གསུམ་གྲོང་དུ་བདེ་བླག་འཇུག་པར་འགྱུར། ༢༥ །དེ་སྐད་གང་ལ་སྤྲིང་བའང་ལྷག་པའི་སེམས། །ཉ་རྒྱས་ཟླ་བ་གསར་བ་ལ་ཆགས་པའི། །རི་དྭགས་དྲང་སྲོང་རྒན་པོའི་བདེན་གཏམ་གྱིས། །དྲན་པའི་དབང་པོས་ཁྱོད་ལ་ཤིས་གྱུར་ཅིག ༢༦ །གཏམ་ཚོགས་ལེའུ་བཅུ་བཞི་པའོ།། །།བཤེས་གཉེན་བུདྡྷ་ལ་སྤྲིང་བའི་གཏམ། ཞི་བ་དམ་པའི་ཡོན་ཏན་གང་ཆེན་མཚོ། །བདེན་གཉིས་ལྷ་ཡི་རྔ་སྒྲ་བསྟན་པའི་དངོས། །རིག་གྲོལ་སྤོབས་པ་ལྷུན་ཆགས་ཚུལ་ཁྲིམས་སྣོད། །རྟག་ཏུ་བསྙེན་དང་རྫོགས་པའི་ཆོས་གཅིག་གོ །སྔན་ཆད་འཕགས་པའི་ཡུལ་ཞེས་བསྔགས་འོས་ཀྱང་། །ད་ནི་སྡིག་སྤྱོད་ཀླ་ཀློས་ཉེར་བཀབ་ཅིང་། །ལྷོ་ཏཱའི་ཡུལ་ཡང་ལྔ་ཕྲག་ཐ་མ་ཡི། །ཆོམ་པོས་མ་རུངས་བྱས་པ་གཟིགས་ལགས་སམ། ཁྲིམས་ཀྱི་བསླབ་པའི་དང་པོ་ངེས་འབྱུང་གིས། །སྤངས་པ་གང་དག་དགེ་སྦྱོང་ལྟ་ཅི་སྨོས། །རང་གཞན་འབྱོར་བའི་རྫས་ཀྱི་ཡན་ལག་ཀྱང་། །ཉམས་ནས་དམན་པར་ལྟུང་ལ་སྐྱོ་བར་མཛོད། །

(༥༣༩)གནས་ཀྱི་སློབ་དཔོན་བསྙེན་དང་ཁྱུས་འཚོ་བ། །སྟོན་པས་བཅས་པའི་བསླབ་པ་ཡིན་མོད་ཀྱང་། །གངས་ཅན་འདི་ན་ཁྱིམ་ཆུང་སྤངས་པ་ཡིས། ཁྱིམ་ཆེན་མང་བས་དབེན་པར་བསྟི་ཡང་འཚལ། །སྤང་བྱའི་རང་བཞིན་ཉིས་བརྒྱ་ལྔ་བཅུ་དང་། །བླང་བྱ་བཅུ་བདུན་འཇུག་པའི་ཚུལ་ཁྲིམས་ཀྱིས། །སྙིགས་མ་ལྔ་བདོའི་གདུལ་དཀའ་སྦྱང་དཀའ་འདིར། །རྣམ་པར་ཤེས་པ་ལྐོག་གྱུར་ཅན་གྱིས་མིན། །གང་ཕྱིར་དལ་འགྲོ་མ་མཆིས་ཁྲོན་པ་དང་། །རི་མོ་མཁན་གྱི་ནཱ་དའི་ཆོས་བཞིན་དུ། །ཡོན་ཏན་སྣོད་མ་གྱུར་ལ་བརྟགས་བྱས་ནས། །སྐྱོ་བའི་སེམས་ཀྱིས་ནགས་ཁྲོད་དམ་པར་བྱོན། །མང་དུ་ཐོས་པ་ནགས་ཀྱི་ནང་སོང་ན། །བསམ་དང་སྒོམ་པའི་ཡོན་ཏན་ཤུགས་ལ་འབྱུང་། །ཡུལ་ལས་བྱུང་བའི་ཉོན་མོངས་བརྒྱ་ཕྲག་གིས། །བརྫི་བར་མི་ནུས་སྡིག་པའི་གྲོགས་པོས་སྤང་། །ལོག་འཚོའི་ཡོན་གྱིས་ཀུན་འབྱུང་མི་བསྐྱེད་ཅིང་། །འཁོར་བའི་རང་བཞིན་སྡུག་བསྔལ་བདེན་པ་རུ། །ཡང་དག་མཐོང་བར་ངེས་པར་འབྱུང་བའི་བློ། །ཤུགས་ལ་སྐྱེས་ན་སོ་སོ་ཐར་པ་ཡིན། ཁྱད་པར་དྲན་པ་ཉམས་པ་མི་མངའ་བའི། །སྟོན་པ་མཆོག་དེས་བསྐལ་པ་གྲངས་མེད་གསུམ། །དགོངས་ཤིང་དཔྱད་ཀྱང་བྱང་ཆུབ་སེམས་མཆོག་ལས། །བསྟན་པའི་ཆོས་གཞན་གང་ཡང་མ་གཟིགས་ན། །ཐེག་དམན་ལམ་ལྟར་རྒྱུ་འབྲས་གཅིག་མིན་པའི། །བྱང་ཆུབ་སེམས་ཀྱི་ལྗོན་པ་བལྟ་ན་སྡུག །ཚད་མེད་བཞི་པའི་རྒྱུན་གྱིས་བསྐྱེད་བསྲིངས་ནས། །སྨོན་འཇུག་འབྲས་བུའི་སྙེ་མ་གཡུར་ཟ་མཛོད། །དེ་ཡིས་སྤྱོད་པ་ཕ་རོལ་ཕྱིན་དྲུག་ཀྱང་། །གསོག་དང་སྲུང་དང་སྤེལ་བའི་བློ་བྲལ་ཞིང་། །གཏོང་སེམས་གོམས་པ་སྦྱིན་པའི་དངོས་པོ་དང་། །བསྲུང་སེམས་བརྟན་པ་ཚུལ་ཁྲིམས་ཕ་རོལ་ཕྱིན། །ལོག་སྒྲུབ་དང་ནི་ཆོས་ཕྱིར་སྐྱོང་ལ་བཟོད། །གོ་ཆ་ཆེ་ཞིང་ལེ་ལོས་ཟིལ་མིན་ནོ། །དམིགས་པ་མེད་པ་དྲན་པའི་བསམ་གཏན་ཏེ། །སོ་སོར་རྟོག་པའི་ཤེས་རབ་དེ་ཉིད་དོན། །

(༥༤༠)ཁྱད་པར་བདེ་གཤེགས་སྙིང་པོའི་རང་བཞིན་ནི། །མ་ནོར་མངོན་སུམ་སྟོན་པ་དབང་བཞིའི་ལམ། །སྲོལ་བྱེད་རྩ་ཐིག་རླུང་གི་ཐབས་མཆོག་ལས། །ཞུགས་གནས་ཐིམ་གསུམ་རྫོགས་པའི་དོན་ལ་བསྙེན། །སྲིད་པའི་རྩ་གེག་གཟུང་འཛིན་རོ་རྐྱོང་མདུད། །རྣམ་གྲོལ་སྤྲོས་པ་ཉེར་ཞིའི་ཧེ་རུ་ཀ ཁ་སྦྱོར་ཡན་ལག་བདུན་གྱི་བདག་ཉིད་ཅན། །གང་ལ་སངས་རྒྱས་བཟང་པོ་རེག་གྱུར་ཅིག །གཏམ་ཚོགས་ལེའུ་བཅོ་ལྔ་བའོ།། །།དགའ་ལྡན་བྱང་རྩེབ་ཤེས་གཉེན་ཕྲིན་ལས་ཐོགས་མེད་ལ་སྤྲིང་བའི་གཏམ། རྒྱལ་བ་སྟོན་མཆོག་དེ་ཡི་ཐུགས་གསུང་སྐུའི། །ཕྲིན་ལས་གང་ཆེན་མཚོ་ཡི་དབྱིངས་ཁྱབ་ཀྱང་། །ལུང་དང་རྟོགས་པའི་དམ་ཆོས་འཛམ་བུའི་གླིང་། །གསལ་མཛད་ཀླུ་སྒྲུབ་ཐོགས་མེད་རིག་གྲོལ་ལྡན། །ཤིང་རྟ་གཉིས་ཀྱི་ལམ་སྲོལ་གངས་ལྡན་རིར། །ཐོས་དང་བསམ་པའི་གྲང་རེག་ལ་གདུང་ཡང་། །མཐོང་སྤངས་དྲིད་ཀྱིས་མ་སྨིན་སྒོམ་སྤངས་ལམ། །འཕགས་ལམ་ཡན་ལག་བརྒྱད་དུ་བསྲིང་བ་བཞིན། །བདེན་པ་བཞི་ཡི་མུ་ཁྱུད་ལ་བསྐོར་ནས། །དབུ་མའི་གཏན་ཚིགས་ཆེན་པོ་རྣམ་པ་བཞིའི། །དམ་བཅའི་བང་རིམ་རྩེ་ལ་འཛགས་བྱས་ཀྱང་། །འོག་མིན་རྣམ་མཛེས་ཆེན་པོའི་གྲོང་ལ་རིང་། །དེ་ཡི་རྒྱུ་ནི་ཀུན་ཏུ་བརྟགས་པ་ཡིས། །རྣམ་པར་རིག་པའི་གཞན་དབང་ལས་གྱུར་ན། །ནགས་ཁྲོད་དབེན་པར་ཞི་བར་གནས་བྱས་ཏེ། །ལྷག་མཐོང་གསལ་བའི་དེ་ཉིད་གཟིགས་པར་མཛོད། །ཚུལ་ཁྲིམས་ལས་ནི་བསམ་གཏན་འདུ་བྱེད་པ། །ཉན་ཐོས་རང་སའི་གྲུབ་མཐའ་ཡིན་མཆི་ལ། །འཁོར་ལོ་གསུམ་ཀའི་སྦས་དོན་མཐར་ཐུག་པ། །སྔགས་ཀྱི་དེ་ཉིད་བླ་མའི་དྲིན་གྱིས་མཐོང་། །སྲུང་དམ་བཅས་ཕུལ། གཏམ་ཚོགས་ལེའི་བཅུ་དྲུག་པའོ། །བླ་མ་ལ་སྤྲིང་བའི་གཏམ། གང་དུ་བསྟི་བ་ཙམ་ནས་མངོན་མཐོ་དང་། ངེས་ལེགས་དམ་

(༥༤༡)པའི་དཔལ་གྱི་བདུད་རྩི་ཡིས། །གཡོན་ཕྱོགས་ལྷ་ལ་འཁྲུགས་པ་སྟེར་བདེའི། །འཕགས་པའི་བདེན་པས་ཁྱོད་ལ་སྲུངས་ཤིག་ཀྱེ། །རྒྱུད་དྲུག་སྲིད་པའི་ཕ་མཐའ་འགྲིམ་པ་ལ། །གཅིག་ཏུ་ཆགས་པ་མ་ཡིན་ལེགས་བྱས་ཀྱི། །བྱེད་པ་རྒྱུ་མཐུན་རཏྣ་འབྲི་མ་ཏོག །སྐྱེ་བའི་རང་ཞལ་ངོམས་པ་རྣམ་པ་གཉིས། །ཆོ་ག་ཞེས་ལྗོན་པའི་ཡི་ལང་བླང་འཕགས་ཤིང་། །བྱང་ཆུབ་བཀྲག་ཏུ་བརྟས་པའི་ཀྲཥྞིས། །སྨན་སེམས་གཞན་ལ་སྤོ་བའི་གོས་སྟབས་ཀྱིས། །བགྲོད་པ་མི་འགོག་དང་ཚུལ་བརྟན་པ་ནས། །ངེས་པ་བདུན་ལྡན་དབྱངས་ཀྱི་རྗེས་འགྲོའི་མཆིད། །ལྷ་ཡི་རྔ་སྒྲ་ལྟ་བུའི་རོལ་མོ་དང་། །ས་ཟླ་ཞོར་ཆགས་བསམ་ཡས་ཆོས་འཁོར་ཆེར། །མངོན་སུམ་འཕྲོད་པས་མངོན་སུམ་མཐོང་བ་བཞིན། །ས་འདིར་ཉིན་མོའི་བགྲོད་པ་བདུན་ཕྲག་བརྩེགས། །རྟེན་དང་བརྟེན་པར་ལྷག་གནས་མེ་ཏོག་གི །ཆར་བསིལ་དབབ་དང་སྣང་སྲིད་རས་ཡར། །སྦྱང་བའི་རྟེན་འབྲེལ་དགེ་མཚན་འབུམ་དུ་འབར། །འདི་ན་སྡུག་བསྔལ་བདེན་པའི་མངོན་རྟོགས་ནི། །བགྲང་བྱའི་ཁུར་གྱིས་དབང་པོ་ལྡོངས་པ་ལས། །རང་བཞིན་ཡོངས་གྲུབ་བྱང་ཆུབ་སེམས་གཉིས་དང་། །དོན་གཉིས་སྒྲུབ་ལ་གཡེལ་བ་མེད་པར་འདུན། །ཆེས་དཀར་སྨན་པའི་ཞགས་པས་ཤུལ་རིང་ལམ། །བཅིངས་ཏེ་དངོས་དཀྱིལ་མཇལ་བའི་གནས་ཐོབ་ཀྱང་། །རྒ་བའི་ཆད་པས་ནོན་པའི་འདྲེན་བྱེད་ཀྱི། །རེ་བའི་ཤིང་རྟ་གཞན་དུ་ཕྱོགས་ཀྱིས་དོགས། །དེ་ལྟ་མོད་ཀྱི་མངོན་སུམ་བདུད་རྩིའི་དོན། །མགུར་གྱི་དཔལ་བེའུ་ལས་བྱུང་འབར་སྟེགས་ནི། །ལེགས་པར་མཉམ་དང་ཡིད་ལ་བཟུང་བ་ལ། །རག་ཕྱིར་དམ་ཆོས་བུམ་པ་གང་བྱོར་གཏད། །མོས་གུས་སྣོད་ཡིན་དགོངས་གཏད་གདམས་པ་དངོས། །ཐོབ་བློ་དབང་དང་སྡོམ་པའི་རྫས་ཡིན་ན། །ཐུགས་གཏེར་བཀའ་འབུམ་བཅས་པ་ཁྱོད་ཉིད་ལ། །སྦྱིན་ཏོ་གཞན་ཕན་རྒྱ་ཆེན་བསྒྲུབ་འཚལ་ལོ། །གློག་གི་དམ་བཅའ་འཛིན་པའི་སྐྱེས་བུའི་ཚེར། །

(༥༤༢)ངེས་ཀྱང་བགྲང་བྱ་རྩེ་མོའི་མུ་ཁྱུད་ནང་། །ངེས་པར་མཇལ་བའི་རྟེན་འབྲེལ་སྲོག་བསླུ་དང་། །སྒྲོལ་དཀར་སྐུ་གཟུགས་འབུམ་ཐེར་དང་དུ་བཞེས། །གདོད་ཀྱི་ཆར་ཡང་བྱང་ཆུབ་སེམས་གཉིས་དང་། །ཕྱིན་དྲུག་ཉམས་སུ་བསྟར་བའི་ཆོ་ག་ལ། །གཡེལ་བ་མེད་པའི་རིང་ནས་མངོན་སུམ་དུ། །མཇལ་བའི་དགེ་མཚན་སྨོན་པས་ཤིས་གྱུར་ཅིག །དམ་པ་རྣམས་ལ་སྐྱེས་སུ་བསྔགས་པའི་རྩེ། །འཁོར་ལོ་དང་པོའི་མཛོད་ཁང་འདུལ་བའི་གཏམ། །ཟུང་དང་དམ་མདུད་རྟེན་འབྲེལ་སྐྱེས་དང་བཅས། །ཨཱརྱ་པ་ལོའི་གླིང་ནས་དཔྱིད་ཟླར་དགེ། །རྒྱ་རོང་སྐུ་སྐྱེ་རྣམ་གཉིས་ཀྱི་ཆབ་ཤོག་ལན་དུ་ཕུལ་བ། གཏམ་ཚོགས་ལེའུ་བཅུ་བདུན་པའོ།། །།ལྷོ་བྲག་གསུམ་སྤྲུལ་ལ་སྤྲིང་བའི་གཏམ་ཚངས་པའི་རྣ་རྒྱན་ཅེས་བྱ་བ། གསུང་གི་རྡོ་རྗེ་ལ་ཕྱག་འཚལ་ལོ། །སྲིད་ཞིར་མི་གནས་པདྨའི་ཀེ་ས་རར། །འོད་མཚན་ཉིན་བྱེད་འབར་བའི་ཐུགས་གསུང་སྐུར། །མངོན་བྱང་ལྔས་ཆུབ་སངས་རྒྱས་པདྨ་སྐྱེས། །ལྷུན་གྲུབ་རིག་འཛིན་མཆོག་དེས་ཁྱོད་ལ་སྲུངས། ༡ །འབྱུང་ཆེན་རྒྱུ་ལས་སྲིད་པའི་རྟེན་འབྲེལ་དང་། །མ་རིག་ཞགས་པས་འདུ་བྱེད་དབང་བྱས་ཏེ། །རྒ་ཤིའི་བར་དུ་འབྲེལ་བའི་རྟེན་འབྱུང་འདིས། །བདག་ཅག་འཁོར་བར་བཅིངས་པ་མཁྱེན་ལགས་སམ། ༢ །དེ་ཉིད་ལྡོག་བྱེད་ལམ་དང་འབྲས་བུའི་ཆོས། །སྡུག་བསྔལ་ཤེས་བྱས་ཀུན་འབྱུང་སྤོང་བ་དང་། །འགོག་པ་མངོན་གྱུར་ལམ་མཆོག་མཐོང་བའི་ཕྱིར། །སྡེ་སྣོད་རྒྱ་མཚོ་གནས་འཇུག་པ་འཚལ། ༣ །དེ་ཡང་འཁོར་ལོ་དང་པོའི་མཛོད་ཁང་གིས། །སྡུག་བསྔལ་བདེན་པའི་ཆོས་ཉིད་ཤེས་བྱས་ནས། །འཁོར་བ་འདི་ལ་སྙིང་ནས་སྐྱོ་བ་ཡི། །ངེས་འབྱུང་ལྷག་པའི་ཚུལ་ཁྲིམས་གོམས་འཚལ་ལོ། ༤ །ངེས་འབྱུང་སྤངས་པའི་ལྟར་སྣང་བསླབ་གཞི་ནི། །མངོན་པར་མཐོ་ལས་ཐར་བའི་ལམ་མིན་པར། །དགའ་བོའི་མདོ་ལས་འདོམས་དེ་ཤེས་བྱས་ནས། །རྟག་ཏུ་སྲིད་པའི་ཁམས་ལ་སྐྱོ་བར་མཛོད། ༥ །དེ་ལྟར་སྐྱོ་ན་འདུས་པ་འབྲལ་

(༥༤༣)བ་དང་། །སྣང་ནས་མུན་པ་མུན་ལས་སྣང་སོགས་བཞིར། །ཉིང་མཚམས་སྦྱོར་བ་ལས་དང་འབྲས་བུ་ཡི། །རྣམ་སྨིན་བསླུ་བ་མེད་ལ་ངེས་ཤེས་སྐྱེ། ༦ །ཇི་སྲིད་རྣམ་པར་རྟོག་པ་མ་ཟད་པར། །དེ་སྲིད་དེ་ཡི་ལས་འབྲས་རྗེས་འབྲང་ན། །དབྱིངས་ལ་གོ་བས་དཔྱད་པའི་སྙམ་བྱེད་དང་། །སྡིག་པས་བསྒྲུབས་པའི་དགེ་རྩ་ཀླ་ཀློའི་ཆོས། ༧ །དེ་ཕྱིར་མཐོང་བས་སྤང་བྱའི་ཉོན་མོངས་ནི། །ཀུན་འབྱུང་རྒྱ་མཚོའི་བདག་ཉིད་ཡིན་པས་ན། །རྟག་ཏུ་རྣམ་པར་རྟོག་པ་བརྟགས་བྱས་ཏེ། །ཀུན་སློང་ཆོས་དང་འདྲེས་ན་དམ་པ་ཡིན། ༨ །དགའ་བར་བགྱིད་པའི་ཡུལ་ལ་ཆགས་པ་དང་། །རྒྱགས་པར་བགྱིད་པའི་སྡེ་ལ་སྲེད་པ་ཡང་། །བལྟར་མི་མངོན་པའི་ཕུང་དཀྲོལ་ཆེན་པོའི་གནས། །ཡིན་གྱི་རྟག་མི་ཐུ་བར་མཁྱེན་ཡང་འཚལ། ༩ །ཟླ་བ་སྒྲོན་མའི་མདོ་སྡེ་ལ་སོགས་ནས། །ནགས་ཀྱི་ཡོན་ཏན་མངོན་པར་བཤད་པའི་ཚེ། །ལྗོན་ཤིང་མེ་ཏོག་བྲག་རིའི་ཁང་བཟང་དང་། །བྱ་དང་རི་དྭགས་རྣམ་ཐར་བཤད་པ་ཡང་། ༡༠ །བདུད་ཀྱི་བཙོན་ར་ཁྱིམ་དང་འདུ་འཛི་ལ། །མངོན་པར་ཞེན་རྣམས་ཐབས་ཀྱིས་འབྲིད་ཕྱིར་ལས། །གཞན་དུ་ཆགས་སེམས་སྐྱེ་ན་ཡུལ་གང་ཡང་། །གསེར་དང་ཐག་སྒྲོག་འཆིང་བར་མཉམ་ལ་ལྟོས། ༡༡ །མདོར་ན་སེམས་ལ་སེམས་བྱུང་སྐྱེ་བའི་ཕྱིར། །འཁོར་དང་མྱ་ངན་འདས་པའི་ལམ་བདེན་ཀུན། །རྒྱལ་བའི་གཞུང་ལམ་ཐེག་པ་ཆེན་པོའི་སྒོར། །བྱང་ཆུབ་སེམས་གཉིས་དོན་ལ་བསྡུ་བར་བྱ། ༡༢ །གྲངས་མེད་གསུམ་གྱི་ཚོགས་གཉིས་བདག་པོ་དེས། །གྲངས་མེད་གསུམ་དུ་དགོངས་ཤིང་དཔྱད་པས་ཀྱང་། །བྱང་ཆུབ་སེམས་ལས་གཞན་དུ་མ་གཟིགས་པས། །བྱང་ཆུབ་སེམས་ཀྱི་དེ་ཉིད་མངོན་དུ་མཛད། ༡༣ །སྡིག་པའི་གྲོགས་ཀྱིས་སྤངས་པ་མཐུན་པའི་ཡུལ། །དགེ་བའི་བཤེས་དང་དགེ་བའི་གྲོགས་པོ་བསྙེན། །སློབ་པར་གུས་ཤིང་ཚོགས་གཉིས་ལ་བརྩོན་པའི། །

(༥༤༤)འཁོར་ལོ་ཆེན་པོ་བཞི་ཡི་ཤིང་རྟར་འཛེགས། ༡༤ །དམ་ཆོས་སྣང་བའི་སྒོ་ནི་དད་པ་སྟེ། །གང་དང་བྲལ་ལ་དམ་པའི་རྩི་མི་འགོ། །སྡེ་སྣོད་ཀློག་དང་ཆགས་སྡང་ལས་བརྒལ་བའི། །བྱང་ཆུབ་སེམས་དཔའ་རྣམས་ཀྱི་རྣམ་ཐར་གཟིགས། ༡༥ ཁྱིམ་ཆུང་ནང་ནས་བསྟན་པའི་སྒོར་ཞུགས་ཀྱང་། ཁྱིམ་ཆེན་གཟུང་ནས་བྱ་བ་མཐའ་ཡས་ཤིང་། །གསོག་དང་སྲུང་དང་སྡེལ་བས་འཁྲུགས་པ་ཡང་། །སྣང་ནས་མུན་པའི་སྒོ་དུ་མཁྱེན་འཚལ་ལོ། ༡༦ །དེ་ལྟར་མཁྱེན་ནས་སྣང་ནས་སྣང་བའི་སྒོ། །གསུམ་ལ་སྐྱབས་ཀྱི་དམ་པར་འཛིན་པ་དང་། །རིགས་ལས་ཉམས་ཤིང་ལུང་མ་བསྟན་པ་ཡི། །སེམས་འདི་ཐེག་པ་ཆེན་པོར་སད་པར་བྱ། ༡༧ །དེ་ཡི་ས་མཁན་ཚད་མེད་བཞི་ཡིན་ཏེ། །བྱམས་པའི་སེམས་དང་སྙིང་རྗེའི་གཞན་དབང་ཅན། །ཀུན་ལ་ལེགས་སྨོན་བྱམས་སྣང་འབྲལ་བ་རྣམས། །བསྡུ་བའི་དངོས་པོ་རྣམ་བཞིའི་ཁུར་གྱིས་བརྟེན། ༡༨ །ཞི་བདེའི་ལྟ་བ་ངན་པ་ཉམས་བྱེད་པའི། །རླབས་ཆེན་བྱང་ཆུབ་སེམས་ཀྱི་རིན་ཐང་ལ། །བདག་གི་སྲོག་ཀྱང་ལྟོས་མེད་གཏང་བྱས་ནས། །ཕྱིན་དྲུག་ལམ་དུ་དགེ་བའི་ཆོས་རྣམ་སྲུང་། ༡༧ །བདག་ལ་བདོག་པ་གཞན་གྱི་རྫས་ཡིན་ཏེ། །དགྲ་དང་ཆོམ་རྐུན་རྒྱལ་པོས་ཕྲོགས་ལ་ལྟོས། །ལུས་དང་སྲོག་ལའང་གཏོང་སེམས་གོམས་པའི་ཚེ། །ཆོས་མིག་རྡུལ་བྲལ་ཐོབ་ལའང་ཐག་མི་རིང་། ༢༠ །མངོན་མཐོའི་རྟེན་གྱུར་ཡན་ལག་བརྒྱད་པ་ནས། །ཡོན་ཏན་སྣོད་མཆོག་བསྙེན་པར་རྫོགས་པའི་བར། །བདེན་པ་བཞི་ཡི་ལམ་དང་འབྲེལ་གྱུར་ན། །དགྲ་བཅོམ་གོ་འཕང་མཐོང་བའི་ཆོས་ལ་གནས། ༡༡ །ཞེ་སྡང་ལས་ནི་དམྱལ་བའི་རྒྱུ་འབྲས་གྲུབ། །གཟོད་པ་ལྟ་བུའི་དཀའ་ཐུབ་ཡོད་ཡིན་ན། །ལྟར་སྣང་བསླབ་པས་བཅིངས་པའི་ཚུལ་འཆོས་ལས། །མི་འདོད་བཟོད་པའི་རྩ་བ་བརྟན་པ་མཆོག ༢༢ །གཉིད་རྨུགས་ལ་སོགས་སྒྲིབ་པ་ལྔ་ཡི་རྒྱར། །དགེ་བའི་རི་དྭགས་འཛུད་པའི་སྐྱེས་བུ་དེ། །

(༥༤༥)སྙོམ་ལས་གནས་སམ་རྣམ་པར་གཡེང་ཡང་རུང་། །བརྩོན་འགྲུས་སྙོག་པའི་ལམ་མིན་རྒྱུན་ལྡན་ཡིན། ༢༣ །ཕུང་པོ་ལྔ་ལ་ཉེ་བར་ལེན་པའི་སེམས། །མིག་གི་འདུས་ཏེ་རེག་པ་ལ་སོགས་པ། །ཚོགས་དྲུག་དག་པའི་བསམ་གཏན་མ་སྐྱེས་ན། །ཞི་བར་གནས་ཙམ་དུད་འགྲོ་ལ་ཡང་ཡོད། ༢༤ །དེ་ཕྱིར་ཐོས་བསམ་སྒོམ་པའི་ཤེས་རབ་མཐའ། །ཤེས་བྱའི་ཚུ་རོལ་མ་ལུས་རྫོགས་པ་ཆེ། །རང་བཞིན་མེད་པའི་དེ་ཉིད་རྟོགས་གྱུར་ན། །ཀློང་ཆེན་རབ་འབྱམས་ནམ་མཁའི་རྣལ་འབྱོར་ལགས། ༢༥ །དེང་སང་འདི་ན་ཐུན་མོང་ལམ་གྱི་གནད། །སྤངས་ཏེ་སྔགས་ཀྱི་ལྟ་སྤྱོད་ལ་སྙེགས་ཏེ། །འཁྲུལ་སྣང་བསྐྱེད་པའི་རིམ་པར་འདོད་པ་དང་། །གཏི་མུག་རྫོགས་པའི་རིམ་པར་འཁྲུལ་བ་རྣམས། ༢༦ །སྐྱེ་གནས་བཞི་ཡི་བག་ཆགས་སྦྱོང་ཚུལ་དང་། །མངོན་བྱང་ལྔ་དང་རྡོ་རྗེའི་ཆོ་ག་གསུམ། །ཕྱག་རྒྱ་བཞི་ཡི་ཆིངས་ཀྱིས་བཅིངས་པའི་མཐར། །ཡོངས་གྲུབ་ལམ་ནས་མྱ་ངན་འདའ་བར་མཛོད། ༢༧ །གང་ཡང་ཕ་རོལ་ཕྱིན་པའི་ལམ་ལྔ་ཡི། །བརྟག་པ་དང་སྦྱར་སྔ་འགྱུར་རྒྱུད་སྡེའི་སྲོལ། །རྣམ་སྨིན་ཚེ་དབང་ཕྱག་རྒྱ་ལྷུན་གྲུབ་ཆེའི། །གྲུབ་མཐའ་མ་འདྲེས་ཡོངས་རྫོགས་བསྐྱེད་རིམ་ལམ། ༢༨ །དེ་བཞིན་རྫོགས་པའི་རིམ་པ་ཉིད་ལ་ཡང་། །སྲིད་པའི་བདག་པོ་གཟུང་འཛིན་རོ་རྐྱང་གི། །ལས་དྲུང་དབུ་མར་ཞུགས་གནས་ཐིམ་གསུང་ལས། །རྩ་མདུད་གྲོལ་ཞིང་དུས་སྦྱོར་རླུང་དག་པས། ༢༩ །འདུན་པ་སེམས་དང་རིགས་ཆེན་འབྱེད་པ་དང་། །དབུགས་ཆེན་འབྱིན་དང་ལུང་ཆེན་ཐོབ་པ་དང་། །རྩལ་ཆེན་རྫོགས་པའི་གོ་འཕང་ལ་སོན་ན། །དང་པོའི་སངས་རྒྱས་མངོན་སུམ་ཉིད་དུ་མཐོང་། ༣༠ །བདག་ཏུ་མི་འཛིན་གཞན་ལ་དམིགས་པ་བྲལ། །བདག་གཞན་གཉིས་ཀར་མི་དམིགས་རྫོགས་པ་ཆེ། །འཁོར་གསུམ་ཡོངས་དག་རང་བྱུང་རྡོ་རྗེའི་ཞལ། །འདི་ཉིད་ཡིན་ནོ་ཐུགས་ཀྱི་ཐིག་ལེར་བསྟིམ། ༣༡ །གཏམ་ཚོགས་ལེའུ་བཅོ་བརྒྱད་པའོ།། །།

(༥༤༦)སྒོམ་པ་ལ་སྤྲིང་བའི་གཏམ། ཆོས་བཞིན་སྤྱོད་པར་བརྩོན་པ་ཁྱོད་ཅག་གི། །ཕྲིན་ཡིག་གསེར་སྲང་གང་གི་ཕྱག་རྟེན་འཕྲོད། །འདི་ན་མཆོག་གསུམ་ཐུགས་རྗེས་བསྐྱངས་པའི་མཐུང་། །གཞན་ཕན་བྱང་ཆུབ་སེམས་དང་འབྲེལ་བཞིན་གནས། །དལ་རྟེན་ལན་ཅིག་རྙེད་པ་དོན་ལྡན་དུ། །སྒྲུབ་རྣམས་དབང་པོ་ཐུལ་ལ་བརྩོན་པའི་ཕྱིར། །འཆིང་བ་ཀུན་གྱི་ནང་ནས་མཐུ་བདོ་ཞིང་། །ཕུད་ཀྲོལ་བསྐྱེད་པའི་ནོར་རྫས་གཏོང་སེམས་ལ། །གོམས་པའི་གནས་ཚུལ་ཐོས་པས་ལྷག་པར་རངས། །ད་ནི་ནམ་འཆི་ཆ་མེད་ཞེན་ལོག་གིས། །རིན་ཆེན་བདུན་ལས་ལྷག་པའི་མི་ལུས་འདི། །འདུ་འཛིའི་ཉེས་དམིགས་གྲོལ་བའི་དབེན་གནས་སུ། །ཚེ་དང་སྒྲུབ་པ་མཉམ་པའི་བརྟུལ་ཞུགས་ཀྱང་། །འགྲོ་ལ་སྙིང་རྗེ་དམ་པར་མོས་གུས་དང་། །སྣང་ཆ་ལྷར་སྒོམ་སྟོང་ཆ་སྤྲོས་བྲལ་གྱི། །གཤིས་ལུགས་བཅོས་མེད་དྲན་པའི་སོ་པས་སྐྱོངས། །མོས་གུས་ཐོབ་ན་བླ་མའི་ཞལ་སྦྱིན་མཇལ། །གཟུགས་བརྙན་མ་མཐོང་སྙམ་པའི་རེ་དོགས་ཆོད། །ཐུགས་ཡིད་འདྲེས་ན་སྐྱེ་དང་ཚེ་རབས་འབྲེལ། །ཐུགས་རྗེའི་ཡུལ་ནི་དད་དང་མོས་གུས་ཕྱིར། །ང་དང་ཁྱོད་ལ་འདུ་འབྲལ་སྐད་ཅིག་མེད། །ཞལ་གདམས་དེ་ཡིན་འཕྲིན་ཡིག་ཡན་ཀྱང་འདི། །བརྩེ་བའི་སེམས་དང་ལྷན་ཅིག་དམ་མདུད་དང་། །སྐྲ་སེན་དང་བཅས་བསམ་ཡས་ཆོས་འཁོར་ནས། །དྷརྨ་བྷ་དྲའི་ལག་ཏུ་སྤྲིང་བཞིན་དེངས། །སྲིད་པའི་མཚོ་ལས་སྒྲོལ་བའི་བཀྲ་ཤིས་ཤོག །གཏམ་ཚིགས་ལེའུ་བཅུ་དགུ་པའོ།། །།སྤོང་བ་བསམ་གཏན་ལ་སྤྲིང་བའི་གཏམ་དོན་རབ་འབྱེད་པའི་རྒྱན་ཅེས་བྱ་བ་དོན་གཉིས་མཐར་སོན་རྒྱལ་བ་གཉིས་པའི་ཞབས། ཚོགས་བརྒྱད་རང་གྲོལ་ཡང་དག་དྲན་པའི་ཞལ། །དུས་གསུམ་དུས་མེད་ཆེན་པོར་སངས་རྒྱས་པ། །སེམས་ལས་འདས་པའི་རིག་པ་མཁྱེན་ལགས་སམ། །སྨྲ་བསམ་བརྗོད་མེད་བློ་ཡིས་འཇལ་བྱེད་པ། །རྟོག་གེའི་ལུགས་ཡིན་སོ་སྐྱེའི་འོལ་

(༥༤༧)ཚོད་ཀྱིས། །དགག་སྒྲུབ་འབྲས་བུ་དབུ་མར་འཁྲུལ་པ་བཞིན། །བཀྲུས་བཞིན་བཀྲུས་བཞིན་སླར་ཡང་དག་བྱ་འཕེལ། །སྒོམ་ཆེན་རྣམས་ཀྱང་སྐྱེ་བགག་སྟོང་པ་རུ། །ཤེས་པའི་རྒྱུན་ལ་འགྱུ་དྲན་ཀུན་དཀྲིས་ཀྱིས། །གོ་མྱོང་རྟོག་པ་ལྟ་བར་འཁྲུལ་གྱུར་ནས། །ཆད་པ་ལྟ་ལ་འབད་པས་འཇུག་པ་མཐོང་། །དེ་ཕྱིར་སེམས་ལས་འདས་པའི་རིག་པ་ནི། །བཅོས་སུ་མེད་པའི་ལྷུན་འབྱམས་རྒྱ་ཡན་ལ། །ཡེང་དུ་མེད་དེ་འདུ་བྱེད་དྲན་པས་སྟོང་། །ཕུང་པོ་ལྔ་བྲལ་མཉམ་གཞན་མཁྱེན་པར་མཛོད། །སེམས་ནི་འདུས་བྱས་རིག་པ་ཅིག་ཤོས་ཏེ། །སེམས་རིག་ཆུ་དང་རྙོག་མ་ལྟར་གྱུར་པའི། །དངས་གསལ་དྲི་མེད་ཀུན་ཏུ་བཟང་པོའི་ཞལ། །མངོན་སུམ་མཐོང་ན་ལམ་བདེན་སྤོང་བའི་དུས། །རྟོགས་སོ་སྙམ་དང་སྙམ་བྱེད་མེད་ཟེར་རྣམས། །གོལ་སར་འཕྱན་ནམ་མ་འཕྱན་རེ་དོགས་ཀྱི། །ཕྲང་ལ་གོམ་པ་འཁྱོར་བ་མི་སྲིད་པས། །ཡོངས་གྲུབ་ལྟ་བ་ལྷུམས་སུ་ཞུགས་པར་མཛོད། །སྒྲ་ཆེ་མིང་མང་ཆོས་ཀྱི་དབྱིངས་ཆེན་ནི། །བླ་མའི་དྲིན་གྱིས་རྟོགས་པར་གྱུར་པའི་ཚེ། །ཤེས་རབ་ལ་སོགས་འཕགས་པའི་ནོར་བདུན་པོ། །རང་བཞིན་རྒྱུད་ལ་སྐྱེ་བ་ལམ་རྟགས་ཡིན། །དེ་ཕྱིར་སྒྲུབ་པའི་དམ་བཅར་རྗེས་ཡི་རངས། །དངོས་ཞལ་མཇལ་ལས་རྣལ་འབྱོར་སྒོམ་པ་ཟག །བླ་མའི་མདུན་སར་མཉམ་འགྲོགས་བདུད་ཞུགས་ན། །ཡོན་ཏན་མི་མཐོང་བྱིན་རླབས་རིང་དུ་བྱེད། །དེ་ཡི་རྒྱུ་མཚན་རྒྱུད་སྡེ་རྒྱ་མཚོ་ནས། །ཕ་བུ་དང་ནི་ཕོ་ནུ་ཉེ་དུ་ཡི། །དཔོན་སློབ་བཀག་པ་མིག་འདྲིས་ཁྱེར་བ་ཡིས། །དངོས་གྲུབ་སྣོད་ལ་རིང་དུ་བྱེད་ལ་དགོངས། །དེ་ཕྱིར་དངོས་ཉིད་དྲན་པ་ངའི་ཞལ་སྐྱིན། །དགོངས་གཏེར་བསྟན་བཅོས་རྟོགས་པའི་འདྲ་འབག་ཡིན། །མ་ཡེངས་མི་སྒོམ་ངང་ན་ང་དང་ཁྱོད། །འདུ་འབྲལ་མེད་དོ་བླ་མ་ཆོས་སྐུའི་ཞལ། །མངོན་སུམ་རྗེན་པར་མཐོང་བའི་བཀྲ་ཤིས་ཤོག །ཅེས་པའང་མདོ་ཁམས་རྒྱ་རོང་རི་ཁྲོད་པ་ཀརྨ་བསམ་འགྲུབ་བམ། །འཇིགས་མེད་བསྟན་

(༥༤༨)དར་གྱི་ནན་གྱིས་བསྐུལ་དེར། །ཀློང་ཆེན་ནམ་མཁའི་རྣལ་འབྱོར་གྱིས་རྟ་མགྲིན་གླིང་དུ་བྲིས་པའོ། །གཏམ་ཚོགས་ལེའུ་ཉི་ཤུ་པའོ།། །།དགེ་སློང་ལ་སྤྲིང་བའི་གཏམ་སྦྱངས་པའི་ཡོན་ཏན་ཕྱིར་འགྱེད་ཅེས་བྱ་བ། སྟོན་པ་བླ་ན་མེད་པ་ལ་ཕྱག་འཚལ་ལོ། །བདེན་པ་བཞི་ལ་བལྟ་དང་ཁྲིམས་ཀྱིས་དགེ། །དེ་དག་སློང་དང་ཟས་སློང་ཉེར་ཞི་ལ། །ཆགས་པ་སྤོང་དང་ལེགས་འཚོ་ལམ་ཞུགས་ཕྱིར། །དགེ་སློང་ཞེས་བྱ་སྒྲ་དོན་འབྲེལ་འཚལ་ལོ། །བསམ་པ་ཐག་པས་མྱ་ངན་འདའ་བ་ནི། །རྫོགས་པའི་དོན་ཏེ་གནོད་པ་ཀུན་བྲལ་ལ། །བསྙེན་པའི་དགེ་ཚུལ་དགེ་བསྙེན་གང་དག་ལའང་། །བསྙེན་པར་རྫོགས་པའི་ཐ་སྙད་ཊཱི་ཀས་བཤད། །ཚིག་ལ་རྟོན་དང་དོན་ལ་རྟོན་པ་ཡིས། །མདོ་སྔགས་ཆོ་ག་འགལ་བ་སྡུད་ཤེས་ན། །སྔགས་སྡོམ་ལྡན་པས་དབང་བཞི་ཐོབ་པའི་ཚེ། །དགེ་སློང་ཉིད་དུ་བཤད་པའི་དོན་ཡང་རིག །རིག་པ་རྗེས་སུ་བསྒྲུབ་པའི་ཆོ་ག་ཡིས། །རྒྱུ་ཚོགས་ཚང་ན་ཚིག་ལ་མ་ལྟོས་པར། །རང་སའི་སྡོམ་པ་ཁོལ་ཕུར་ཕོག་ན་ལང་། །ཆགས་པ་ཡིན་ཏེ་ཉེས་བྱས་དང་བཅས་སོ། །དེ་ཕྱིར་ཉེས་མེད་ཕུན་ཚོགས་སྡོམ་པ་ནི། །མུ་སྟེགས་བྱེད་དང་བུད་མེད་ལས་གཞན་པ། །ཤཱཀྱ་དང་ནི་མེ་པ་རལ་ཅན་སོགས། །དགག་བྱ་མེད་ལ་བསླབ་ཚིགས་སྤེལ་བའང་བསྟན། །མིང་ཆེན་མདོ་ལས་སྐྱབས་གསུམ་འཛིན་པ་དང་། །དུས་ཁྲིམས་ཡན་ལག་བརྒྱད་པ་དགེ་བསྙེན་དུ། །བཏགས་པ་ལྟར་མིན་ས་ཀའི་སྒྲ་ལས་དག །ཟླ་བ་བཞིར་དགེ་བསྙེན་ལ་གནས་དགོས་ཤིང་དགེ་ཚུལ་མའི་རྗེས་ཐོག་ཏུ་བསྙེན་རྫོགས་ཀྱང་ཚིག་འདས་ཀྱི་ཉེས་དམིགས་སུ་ཡོད། ཨུ་པ་བསྙེན་དེ་དགེ་བསྙེན་རིགས་བདུན་ནོ། །སྣ་གཅིག་སྲུང་དང་ཕྱོགས་གཅིག་ལྡན་པ་སོགས། །མདོ་སྡེ་པའི་ལུགས་བྱེ་བྲག་སྨྲ་བ་ནི། །ཡན་ལག་ངེས་ལ་སྡོམ་པ་མི་སྐྱེ་ཞེས། །ཡོངས་རྫོགས་དགེ་བསྙེན་ཉམས་པའི་ཆ་ལ་འདོད། །གང་ཡང་དགེ་བསྙེན་ནས་བཟུང་བསླབ་ཚིགས་

(༥༤༩)གསུམ། །བྱིན་ནས་བླངས་པའི་ཚུལ་གྱིས་ཐོབ་འདོད་ལ། །འབོགས་པ་པོའི་དེ་ཟད་པའི་གནོད་བྱེད་འབབ། །དེ་ཕྱིར་རྗེས་ཟློས་ཚུལ་གྱིས་ཐོབ་པར་གཟུང་། །དེ་ཡི་མཚན་ཉིད་སྡོམ་པ་ཁུར་དང་ནི། །གང་ཟག་ཁུར་འཁྱེར་ཐོབ་སྡེ་སྡོམ་པའི་རྫས། །ལྡན་མིན་འདུ་བྱེད་ནན་ཐག་ལྟ་བུ་དེས། །བསླབ་པའི་ཁུར་ལ་གཏོང་གནས་གཉིས་སུ་བྱེད། །བསླབ་ཚིགས་གསུམ་ཀ་རྫོགས་པའི་གནས་ཚུལ་ཡང་། །གནས་འགྱུར་འདོད་ན་དགེ་སློང་ཕུལ་བའི་ཞར། །གཞན་གཉིས་འཇིག་པའི་གནོད་བྱེད་ཡོད་པའི་ཕྱིར། །སྡོམ་རྫས་ཐ་དད་གནས་པ་བྱེ་སྨྲའི་ལུགས། །འོན་ཀྱང་སྲོག་གཅོད་ལ་སོགས་གཞི་གཅིག་ལ། །ལས་ཀྱི་དངོས་གཞི་གཉིས་སུ་འདྲེན་པ་ནི། །ཉི་ཟླ་སྐར་གསུམ་ཚོགས་པའི་གནས་སྐབས་སུ། །ཟླ་སྐར་གཉིས་ལའང་གྲིབ་མ་འཆོལ་བཞིན་ནོ། །དེ་ལྟར་ན་ཡང་ལྔ་བརྒྱའི་ཐ་མ་འདིར། །འཇིགས་སྐྱོབ་དང་ནི་ལེགས་སྨོན་གཞན་དབང་གིས། །མྱ་ངན་འདས་པའི་བསམ་པ་ཆུད་གཟན་པས། །སོ་སོ་ཐར་པ་ཙམ་པོར་ལུས་པ་མང་། །འདུལ་བ་ལུང་བཞིའི་དགོངས་པའི་མཐར་ཐུག་ནི། །ཆོས་རྣམས་སྔོན་དུ་ཡིད་འགྲོ་ཡིད་གཙོ་ཡིན། །གསུང་ན་མིང་དང་ཁས་འཆེ་སློང་བ་སོགས། །བཏགས་པ་ཙམ་མིན་དོན་གྱི་དགེ་སློང་མཛོད། །དེ་ཡི་རྒྱུ་ནི་ངེས་འབྱུང་ཁོ་ན་སྟེ། །གཞོན་ནུ་དོན་གྲུབ་ཁབ་ནས་འབྱུང་བའི་རྐྱེན། །ཀུན་ཏུ་མཁྱེན་པར་མཛོད་ཅིག་དེ་མཁྱེན་ན། །གཞི་གསུམ་ཆོ་ག་གཟུགས་བརྙན་འདའ་བར་འགྱུར། །སོ་ཐར་ཙམ་པོ་དོན་ལ་གནས་འགྱུར་པ། །ཨ་ནནྟ་ཡི་ཉེ་དུ་གཉིས་དང་ནི། །དགའ་བོ་འཆར་ཀ་ཉེ་སྡེ་ཇི་བཞིན་དུ། །དགེ་སྦྱོང་འབྲས་བུ་བཞི་ལ་གནས་པ་ལགས། །ངེས་འབྱུང་གི་ནི་ཡོན་ཏན་ཕ་མཐའ་ཡས། །རང་བཞིན་དང་རྒྱུད་ངན་པ་འདི་ཡིས་སྤོང་། ཁྱིམ་པ་སུན་འབྱིན་གནས་ལ་སྤྲོ་བ་ཞེན། །གཤེ་ཡང་སླར་ལ་མི་གཤེ་ལ་སོགས་པའི། །དགེ་སྦྱོང་གི་ནི་ཆོས་བཞི་བརྟག་པར་འགྱུར། །

(༥༥༠)ངེས་འབྱུང་གིས་ནི་སྡུག་བསྔལ་ཤེས་པ་དང་། །ཀུན་འབྱུང་སྤོང་ཞིང་འགོས་པ་མངོན་དུ་བྱེད། །དྲན་པ་ཉེ་བར་གཞག་པ་དང་ལྡན་པས། །ལམ་རྒྱུད་ལ་བརྟེན་ཟག་མེད་སྡོམ་པ་ཐོབ། །ངེས་འབྱུང་གིས་ནི་མཁན་སློབ་གདམས་ངག་དང་། །སྤོང་བ་བདུན་སོགས་བསླབ་པའི་གནས་ལ་གུས། ཁྱིམ་དང་འགྲེལ་བའི་བྱ་བ་མཐའ་དག་སྤོང་། །བྱ་བྲལ་རྣམས་ཀྱི་མཆོག་ཏུ་གྱུར་བ་ལགས། །དེ་ཡི་རང་བཞིན་སྦྱངས་ཡོན་བཅུ་གཉིས་ཏེ། །བསོད་སྙོམས་པ་དང་སྟན་གཅིག་ཕྱིས་མི་ལེན། །ཆོས་གོས་གསུམ་དང་ཕྱིང་བ་ཕྱག་དར་ཁྲོད། །དགོན་པ་བ་དང་ཤིང་དྲུང་བླ་གབ་མེད། །དུར་ཁྲོད་པ་དང་ཅོག་བུ་གཞི་ཇི་བཞིན། །བཅུ་གཉིས་ཞིབ་པར་ཕྱེ་བས་ཉི་ཤུའོ། །དེ་ལས་བསོད་སྙོམས་པ་ལ་རྣམ་པ་གཉིས། །རྙེད་པས་ཆོག་པ་འདྲིས་པའི་ཁྱིམ་ནས་ཟ། །མཐར་གྱིས་སློང་བ་ཁྱིམ་རྣམས་བརྒྱུད་པ་ལས། །ཅི་ཐོབ་བཟའ་ཡིས་དེ་ཡི་འགལ་བ་ནི། །བཟའ་ཆེར་དམིགས་ནས་མགོ་འཕང་བསྟོད་དེ་འགྲོ། །ཤྭ་ན་ཟ་བའི་གནས་ཀྱང་དཀྲོགས་པ་མིན། །དེང་སང་ཐོབ་ཀྱིས་འཇལ་ཞིང་འཕྲོག་བཅོམ་བྱེད། །ཐུབ་པའི་ལུགས་མིན་ཀླ་ཀློའི་ཆོས་ལུགས་ཀྱིས། ཁྱིམ་པ་སུན་འབྱིན་བསྟན་ལ་མོས་པ་ལྡོག །ལོག་འཚོའི་ནང་ནའང་འདི་ཉིད་མཐུ་ཆེའོ། །སྟན་གཅིག་པ་ལ་གསུམ་སྟེ་སྟན་གྱི་མཐའི། །སྟན་གཅིག་པ་ནི་ཟས་གང་བཟའ་བ་ཡི། །སྟན་དེ་ལས་ལངས་ཉིན་ཞག་དེ་ཉིད་ལ། །དུས་སུ་རུང་བའི་ཟས་མི་ཟ་བའོ། །ཆུའི་མཐའི་སྟན་གཅིག་ཟས་ཟོས་ཁ་བཤལ་བའི། །ལག་ཆུ་བླངས་རྗེས་སྟན་ལས་མ་ལངས་ཀྱང་། །ཉིན་ཞག་དེ་ལ་དུས་རུང་ཟས་མི་བཟའ། །ཟས་མཐའི་སྟན་གཅིག་ཁམ་གྱི་ཐ་མ་མིང་། །ཟ་འཕྲོ་བཅད་ནས་སྟན་ལས་མ་ལངས་ཤིང་། །ལག་ཆུ་བླངས་པ་མིན་ཡང་སྔ་མ་བཞིན། །ཟས་ཕྱིས་མི་ལེན་པ་ནི་ཇི་ཙམ་གྱི། །བདག་ཉིད་འཚོ་བར་གྱུར་པ་མ་ལྡང་བར། །ཟ་བར་མི་བྱེད་ལྡང་ནས་ཟོས་པ་ཡི། །ཕྱི་ནས་ཅུང་ཟད་ཙམ་

(༥༥༡)ཡང་བླང་བྱ་མིན། །དབྱེ་ན་དུས་གཅིག་པ་དང་གསོག་བུ་པ། །གཉིས་ལས་དང་པོ་བཟའ་བ་བྱེད་པའི་གོང་། །བཏུང་བའང་རུང་གིས་བྱིན་ལེན་ལན་ཅིག་ཉིད། །གཉིས་པའི་དོན་ནི་འབྲས་ཆན་ཚོད་མ་དང་། །ཞོ་སོགས་སྔ་ཕྱི་རིམ་གྱིས་སྦྱིན་ལེན་མཐར། །ཟོས་ནས་ཟ་འཕྲོ་བཅད་རྗེས་ཕྱིས་མི་ལེན། །ཆོས་གོས་གསུམ་ནི་སྣམ་སྦྱར་བླ་གོས་དང་། །མཐང་གོས་གསུམ་སྟེ་དེ་བས་ལྷག་པའམ། །མཁོ་བའི་ཡོ་བྱད་འདྲ་བར་དམ་བཅས་ཀྱང་། །གདིང་བ་དང་ནི་གཡན་པ་དགབ་པ་དང་། །གདོང་ཕྱིས་དབྱར་གྱི་ངས་ཆེན་བླངས་པ་ཡི། །ཆོས་གོས་གསུམ་པ་ཉམས་པར་མི་འགྱུར་ཅེས། །སྦྱངས་པའི་ཡོན་ཏན་བསྟན་པ་ལས་བཤད་དོ། །ཕྱིར་བ་པ་ནི་ལུག་གི་བལ་།།།ལ་གཏོགས། །དར་རས་སོགས་ལ་གོས་ཀྱི་རྒྱུར་མི་རུང་། །ཕྱག་དར་ཁྲོད་པ་གཉིས་ལས་དོར་བ་ནི། །སྲང་མདོ་ནས་རྙེད་གོས་ཀྱི་དུམ་བུ་སོགས། །བཀྲུས་ཤིང་དྲུབས་ལ་ཁ་དོག་བསྒྱུར་ཏེ་འཆང་། །དུས་ཚིགས་གཅོད་པའི་ཕྱག་དང་ཁྲོད་པ་ནི། །ཟླ་བ་པ་ནི་ཡུན་གཞན་གྱིས་ལོངས་སྤྱོད་ནས། །དམན་པར་གྱུར་ལ་སྔ་མ་བཞིན་བྱས་པའོ། །དགོན་པ་པ་ནི་གྲོང་ལས་རྒྱང་གྲགས་ཏེ། །གཞུ་འདོམ་ལྔ་བརྒྱ་ཡན་གྱིས་བསྲིངས་པ་ཡི། །དབེན་པར་བདེན་བཞིའི་དོན་ལ་བསམ་པའོ། །ཤིང་དྲུང་པ་ནི་ཆོས་ཀྱི་གྲགས་པ་བཞིན། །ལྷགས་སྐྱོབས་ཙམ་གྱི་ཤིང་ལ་བརྟེན་པའོ། །བླ་གབ་མེད་པ་བླ་ནི་ནམ་མཁའ་སྟེ། །གབ་མེད་སྒྲ་ལས་ཐོག་དང་བྲལ་བའོ། །དུར་ཁྲོད་པ་ལ་རྣམ་པ་གཉིས་ཡིན་ཏེ། །ཐམས་ཅད་དུར་ཁྲོད་ལྡན་པ་ཞེས་བྱ་ནི། །གནས་མལ་ཟས་གོས་སྣོད་དཔྱད་ཐམས་ཅད་ཀུན། །དུར་ཁྲོད་རྫས་ལ་བརྟེན་པ་ཉིད་ཡིན་ནོ། །ཕྱོགས་འགའ་དུར་ཁྲོད་ལྡན་པ་ཞེས་བྱ་ནི། །ཤི་བའི་ཟས་ལྔ་དུར་ཁྲོད་དོར་བའམ། །རོ་གོས་བཀྲུས་ཏེ་རུང་བར་བྱས་པའམ། །རྗེའུའི་ཁ་གཞོགས་ལྷུང་བཟེད་བྱས་པའམ། །དུར་ཁྲོད་ཉིད་དུ་རྟེན་མེད་གནས་པ་

(༥༥༢)སོགས། །གང་ཡང་རུང་བའི་ཆ་ཤས་སྤྱོད་པའོ། །ཅོག་པུ་པ་ལ་ཆེ་འབྲིང་ཆུང་གསུམ་ལས། །དང་པོ་ཆོས་གོས་ཆུད་མི་འཛའ་བའི་ཕྱིར། །ཅུང་ཟད་དགུ་ལས་མདུན་རྒྱབ་གཡས་གཡོན་སོགས། །བརྟེན་པ་མེད་པས་ཅོག་པུར་གནས་པའོ། །འབྲིང་པོ་རྩིག་པ་སོགས་ལ་ཆུབ་བརྟེན་ཡང་། །གཡས་གཡོན་སོགས་ལས་རྟེན་པ་སྤངས་པའོ། །ཆུང་ངུ་གློ་སོགས་ཅུང་ཟད་བརྟེན་ན་ཡང་། །མགོ་བོ་སྔས་ལ་འཇོག་པ་ནམ་ཡང་མི། །གཞི་ཇི་བཞིན་པ་རྩྭའམ་ལོ་མའི་སྟན། །བཏིངས་པའི་སྟེང་དུ་གནས་མལ་འཆའ་དེ་ཡང་། །ལན་ཅིག་བཏིངས་ལས་ཡང་ཡང་བརྗེ་བ་སོགས། །གནས་མལ་བརྐམ་ཆགས་སྨད་པའི་ཐབས་ལ་འབད། །དེ་ལྟར་ཟས་ལ་བརྟེན་པ་རྣམ་གསུམ་དང་། །དེ་བཞིན་གོས་ལ་བརྟེན་པ་རྣམ་པ་གསུམ། །སྤྱོད་ལམ་ལ་བརྟེན་གཅིག་དང་གནས་མལ་ལ། །བརྟེན་པ་ལྔ་ཡི་སྦྱངས་ཡོན་བཅུ་གཉིས་པོས། །འདོད་སྲེད་ཞེན་པ་སྤོང་ཞིང་ཚངས་སྤྱོད་ལ། །གནས་དང་སེམས་མཉེན་ལས་སུ་རུང་བྱེད་པས། །སྦྱངས་པའི་ཡོན་ཏན་ཞེས་སུ་གྲགས་པ་ཡིན། །མདོར་ན་བསྙེན་པར་རྫོགས་ནས་བརྒྱ་ཕྲག་ལོ། །ལོན་དང་གསར་དུ་རྫོགས་པའི་དགེ་སློང་གཉིས། །ཚུལ་ཁྲིམས་རྒྱུ་མཚན་མཉམ་པ་ཉིད་བསྒྲུབ་ཕྱིར། །མཁན་པོ་དང་ནི་གནས་ཀྱི་སློབ་དཔོན་གཉིས། །བཙུན་དང་བསྟེན་མཁས་ཕན་འདོགས་ཡན་ལག་བཞི། །ལྡན་ལ་བསྙེན་བྱས་ཞུས་ཏེ་བྱ་བ་བསྒྲུབ། །དེ་ལ་བཙུན་པའི་ཡན་ལག་འདི་ཡིན་ཏེ། །ཕམ་པས་མ་གོས་འཆལ་བའི་ཚུལ་ཁྲིམས་གཟུག ཁ་ན་མ་ཐོའི་མི་དགེས་མ་གོས་དང་། །བརྟན་པའི་ཡན་ལག་བསྙེན་པར་རྫོགས་ནས་ལོ། །བཅུ་ཕྲག་ལོན་པས་སྡོམ་པ་བརྟན་པའོ། །མཁས་པའི་ཡན་ལག་འདུལ་བའི་སྡེ་སྣོད་ཤེས། །དེ་གསུམ་ཚད་ན་མཁན་སློབ་བྱ་རུང་ཞིང་། །རང་དབང་ཅན་དུ་འདུག་ཏུ་རུང་བ་ཡི། །ཡོན་ཏན་

(༥༥༣)གསུམ་བཤད་ཕན་འདོགས་ཡན་ལག་ནི། །སྙིང་རྗེ་བཟོད་ལྡན་ནང་འཁོར་དག་པ་དང་། །ཕན་འདོགས་གཉིས་བརྩོན་མཚན་མཐུན་ལྟ་བ་དང་། །སྨྲ་ཤེས་དོན་གོ་ཤེས་པ་རང་བཞིན་གནས། །ཐ་མལ་ལུས་གནས་པ་ནི་རང་བཞིན་གནས། །དེ་ལྟར་བཅུ་གཉིས་ཕལ་ཆེར་གོ་སླ་ཡང་། །ཤེས་པ་རང་བཞིན་མི་གནས་སྨྱོན་པ་སྟེ། །དེ་འདྲས་མཁན་པོ་བྱས་ན་བསྒྲུབ་བྱ་ལ། །ཉེས་བྱས་བསྐྱེད་ཅིང་ ཆོས་དང་ཟང་ཟིང་། དེ་བཞིན་ལུས་ཐ་མ་ལ། དོན་ནི་བལ་འཁུར་ལ་སོགས་ལྟུང་བ་བསྐྱེད། །དེ་བཞིན་ས་གཞན་གནས་ན་མཁན་པོ་སོགས། ཁྱད་པར་ཅན་གྱི་སྤྱོད་པ་སྤང་བ་ཡིན། །གང་དག་བསྙེན་པར་རྫོགས་ནས་ལོ་གྲངས་བཅུ། །འོན་ཀྱང་འདུལ་བའི་སྡེ་སྣོད་མི་ཤེས་ན། །གནས་ཀྱི་བླ་མ་ཉིད་ལ་མ་བརྟན་པར། །འདུག་ཏུ་མི་རུང་གཞན་དབང་ཅན་ཡིན་ཏེ། །འདི་ལྟར་འདུལ་བ་གླེང་གཞིས་འཆད་པའི་དོན། །དགག་བཅས་གསུམ་ལ་རྗེས་བཅས་དགག་སྒྲུབ་གནང་། །བསྒྲུབ་བཅས་གསུམ་ལ་རྗེས་བཅས་བསྒྲུབ་དགག་གནང། །གནང་བཅས་གསུམ་ལ་རྗེས་བཅས་གནང་དགག་བསྒྲུབ། །བཅས་ཀྱང་ལ་སོགས་བསླབ་པའི་གཞི་རྣམས་ལས། །སྤོང་བའི་ཚུལ་ཁྲིམས་ཉིས་བརྒྱ་ལྔ་བཅུ་དང་། །བླང་བྱ་འཇུག་པའི་ཚུལ་ཁྲིམས་བཅུ་བདུན་གཉིས། །མཁན་སློབ་ལ་བརྟན་ཇི་སྲིད་འཚོ་ཡི་བར། །ཚུལ་གནས་ཐོས་དང་བསམ་གཏན་ལ་བརྩོན་ནས། །སྤང་བླང་བགྱིད་ན་ལྟུང་བའི་བྱུང་བའི་སྒོ། །བཞི་ཡི་དང་པོ་མི་ཤེས་སྒོ་བཅད་ནས། །སོ་སོ་ཐར་པ་དོན་ལྡན་ཉིད་དུ་འགྱུར། །མདོར་ན་ཚུལ་ཁྲིམས་ལྡན་དང་ཅིག་ཤོས་ཁྱད། །ཕམ་པས་མ་གོས་སྟེང་དུ་བཅས་པ་ཡི། །ཡན་ལག་ཕྲ་མོ་ལས་ཀྱང་རང་བཞིན་གྱི། །སྡིག་པའི་གཟུགས་ཅན་ཁ་ན་མ་ཐོ་བས། །ཉམས་པ་མཐུ་ཆེ་མཛད་ལས་དེ་སྐད་དུ། །འཆལ་བའི་ཚུལ་ཁྲིམས་མི་དགེའི་གཟུགས་ཞེས་བཤད། །དེ་ཕྱིར་བཅས་པའི་ཡན་ལག་ཕྲ་མོ་ལས། །རང་བཞིན་གྱིས་ནི་ཁ་ན་མ་ཐོ་བ། །གཞན་གནོད་གཞི་བཅས་ངོ་བོར་གནས་མང་

(༥༥༤)ལ། །ཇི་མི་སྙམ་པར་ཁྲིམས་འཆལ་རྒྱུ་འབྲས་འགོག །དེ་ལྟར་ན་ཡང་ལྔ་བརྒྱའི་ཐ་མ་འདིར། །བསྟན་པ་རིན་ཆེན་རྟགས་ལ་ཉེ་བ་ཡི། །ཆབ་དང་བྱིན་ལེན་མཆིལ་ལྷྭམ་བསལ་ཙམ་གྱིས། །ཀྲྀ་ཀིའི་རྨིས་ལྟས་ལུང་སྟོན་ཉམས་སུ་མྱོང་། །དེ་འདྲའི་དུས་ན་སྦྱངས་ཡོན་བཅུ་གཉིས་པོ། །གངས་རིའི་ཁྲོད་པས་སྤངས་པ་ལྟར་གྱུར་ཀྱང་། །སྐྱེ་ཤིས་འཇིགས་པའི་ངེས་འབྱུང་དེ་གང་དག །དབེན་པའི་གནས་ལ་བསྐུལ་ཕྱིར་འདི་སྐད་གསོལ། །སྟོན་པས་བླ་གབ་མེད་སོགས་གནས་ཀྱི་ལྔ། །གསུངས་ལས་ཕྱིར་ཕྱོགས་བླ་གབ་ཆེ་ལ་གཉེར། །དེ་ནི་ཁྱིམ་ཆུང་སྤངས་པའི་ཁྱིམ་ཆེན་ཕྱིར། །འདུ་འཛིས་རྣམ་པར་གཡེངས་ཤིང་ཆོས་ལས་ཉམས། །དུག་དང་འདྲ་བའི་ཡུལ་གྱི་ཉེས་དམིགས་ནི། །དགྲ་གཉེན་ཆགས་སྡང་ཕྱོགས་རིས་ཁྲོན་གཅུགས་ཀྱིས། །བསམ་སྦྱོར་ལྷུར་ལེན་རྙེད་དང་མི་རྙེད་སོགས། །ལོ་ཀའི་ཆོས་བརྒྱད་ཞགས་པའི་གཞན་དབང་གིས། །ངེས་འབྱུང་རི་དྭགས་ཆོས་མིན་མཐའ་ལ་གཅུར། །མང་པོ་ཚོགས་པའི་དབུས་སུ་ལོག་འཚོའི་རྫས། །མྱོང་བཞིན་མྱོང་བཞིན་རང་རྒྱུད་ཆུད་སོན་པའི། །ངང་ལ་འཚོ་བའི་འདུ་བྱེད་སྐབས་ཡོལ་ཏེ། །དགེ་སྦྱོང་གཟུགས་ཀྱིས་ངན་འགྲོའི་ས་མཁན་བྱེད། །འདི་ལྟར་བསམས་ནས་ཟླ་བ་སྒྲོན་མའི་མདོར། །དབེན་པའི་ཡོན་ཏན་བསྔགས་པ་དྲན་བྱས་ནས། །ཚོང་དང་སོ་ནམ་འདུ་འཛིས་དབེན་པའི་གནས། །བས་མཐའི་ནགས་སུ་མྱུར་བ་མྱུར་བར་སྦྱོན། །དེ་ན་བྱ་དང་རི་དྭགས་བུང་བ་རྣམས། །འཁོན་དང་རྩོད་པ་མེད་པས་རང་རྒྱུད་འཇམ། །ཤིང་དྲུང་བླ་གབ་མེད་དང་དུར་ཁྲོད་སོགས། །གནས་མལ་རྣམས་ཀྱི་དགོས་པ་དོན་གྱིས་ཚང་། །དེ་བཞིན་མྱུ་གུ་དང་ནི་ལྡུམ་བུའི་ཟས། །ཅོང་ཞི་མེ་ཏོག་ལ་སོགས་དཀའ་ཐུབ་རྫས། །འཚོ་བ་རང་བཞིན་ཉུང་བའང་དུས་ཚིགས་གཅོད། །ཡང་ཡང་བཟའ་མིན་བསོད་སྙོམས་འགལ་ཟླ་སྤོང་། །མང་པོའི་དབུས་ན་སྤྲོས་པ་མེད་ན་ཡང་། །

(༥༥༥)ཀུན་སྤྱོད་མཐུན་པའི་གོས་ཀྱི་ཉོལ་བསྒྲུབ་འཐོབ། །བས་མཐའ་དོན་དོན་ཙམ་གྱིས་ཆོག་ཤེས་པས། །གོས་ཀྱི་གསུམ་སོགས་དོན་དང་འགལ་མི་འགྱུར། །དབེན་པར་གནས་པའི་གང་ཟག་བུ་ཆུང་བཞིན། །གཅེར་བུར་གློ་ཕབ་ཉལ་བ་མ་ཡིན་ཞིང་། །རྣམ་པར་སྣང་མཛད་ཆོས་བདུན་ལ་བརྟེན་པས། །སྤྱོད་ལམ་གྱི་ནི་གཅིག་ལ་ལྟག་པར་གནས། །བྱ་བ་བཏང་བའི་གང་ཟག་གང་ཞིག་ལ། །ནང་ཚང་ཅན་གྱི་སྟན་སོགས་མི་འབྱོར་ཞིང་། །འབྱོར་ཡང་སྤྲོ་བ་ཞན་པས་ལོ་མའམ །རྩྭ་ཡི་སྟན་གནས་གོམ་པ་ཉམས་སུ་མྱོང་། །ཇི་ལྟར་སྒོམ་ན་ལྟག་པའི་ཚུལ་ཁྲིམས་མཆོག །ཡོན་ཏན་ཀུན་གྱི་རྟེན་དུ་ངེས་བྱས་ནས། །ལྟག་པའི་སེམས་ཏེ་བསམ་གཏན་རྣམ་པ་བཞི། །ལྷག་པའི་ཤེས་རབ་རྟོགས་པའི་སླད་དུ་སྒོམ། །བསླབ་པ་འདི་གསུམ་མུ་སྟེགས་བྱེད་སོགས་དང་། །ཐུན་མོང་མིན་པས་ལྷག་པའི་སྒྲ་ཞུགས་ཤིང་། །མྱ་ངན་འདས་པ་དབང་དུ་བྱེད་པས་ན། །ཉོན་མོངས་སྤོང་ཞིང་ཞི་བ་དམ་པའི་མཛོད། །དེ་ཕྱིར་དབེན་པའི་ཡོན་ཏན་བསམ་མི་ཁྱབ། །གནས་ལ་བརྟེན་ནས་ལུས་དབེན་ཐོབ་འགྱུར་ལ། །ལུས་ལ་བརྟེན་ནས་ངག་དང་སེམས་དབེན་ཐོབ། །སེམས་དབོན་ཐོབ་པས་མྱུར་དུ་མྱ་ངན་འདའ། །དེ་ཉིད་སློབ་བྱའི་དྲན་པ་ཉེར་གཞག་ལས། །རྒྱུན་དུ་ཞུགས་དང་ལན་ཅིག་ཕྱིར་འོང་དང་། །ཕྱིར་མི་འོང་ལ་འབྲས་ཞུགས་འབྲས་གནས་གཉིས། །དགྲ་བཅོམ་འབྲས་བཅས་སློབ་པའི་གང་ཟག་བདུན། །ཟག་མེད་ཚུལ་ཁྲིམས་ཏིང་འཛིན་ཤེས་རབ་དང་། །ཉོན་མོངས་ཅི་རིགས་ལས་གྲོལ་རྣམ་གྲོལ་གཟུགས། །རྣམ་པར་ངེས་གྲོལ་ཤེས་དང་མཐོང་བ་ལྔ། །འཕགས་པ་སློབ་པའི་ཆོས་ལྔར་ངེས་འཚལ་ལོ། །དེ་ཡང་དགྲ་བཅོམ་རྒྱན་མེད་ཤེས་རབ་ཀྱི། །ཆ་ལས་རྣམ་གྲོལ་ཉོན་སྒྲིབ་གྲོལ་བ་ཙམ། །ཡིན་གྱིས་སྙོམས་འཇུག་སྒྲིབ་པ་དང་བཅས་པས། །རྣམ་གྲོལ་ཕུན་སུམ་ཚོགས་ལ་མ་ཡིན་ལ། །རྒྱན་ཅན་ཉོན་མོངས་དང་ནི་སྙོམས་འཇུག་སྟེ། །གཉིས་

(༥༥༦)ཀའི་ཆ་ལས་རྣམ་པར་གྲོལ་བའི་ཕྱིར། །སྤངས་པའི་རྣམ་གྲོལ་ཕུན་སུམ་ཚོགས་པའི་ཁྱད། །ཉོན་མོངས་ཟད་དང་སྡུག་བསྔལ་མི་སྐྱེ་ཤེས། །དེ་ཡང་ཤེས་བཟོད་སྐད་ཅིག་བཅུ་དྲུག་གིས། །སློབ་པ་མིན་པའི་ལྟ་བ་མངོན་མཐོང་བ། །དགྲ་བཅོམ་འབྲས་གནས་རྣམ་པར་གྲོལ་བ་ཡི། །གོ་འཕང་མཆོག་ལ་གནས་པའི་བཀྲ་ཤིས་ཤོག །གང་འདི་རང་བྱུང་རྡོ་རྗེ་མཁྱེན་བརྩེའི་ལྷས། །དཔལ་ལྡན་ས་སྐྱའི་མཁན་ཆེན་ཁྲི་ཐོག་པ། །བརྟེན་མཁས་ཡོན་ཏན་རྫོགས་པའི་ཨ་ནནྟ། །ཕ་ལ་ཤྲཱིར་སྐྱེས་ཀྱི་མཆོག་ཏུ་བསྔགས། །གང་ལ་དེ་སྐད་སྤྱིར་བའང་ལེགས་སྨོན་གྱི། །རྙོག་པ་དྭངས་པའི་ངེས་འབྱུང་གསེར་འགྱུར་རྩིས། །ལྷག་པའི་ཚུལ་ཁྲིམས་མྱ་ངན་འདའ་ཕྱིར་ཡང་། །བདག་དང་གང་ཟག་ཅན་དུ་བལྟ་ལ་ཅི། །དེ་ལྟ་མོད་ཀྱིས་འདི་ཡིས་སྐབས་དབྱེ་ནས། །དྲང་སྲོང་རྒྱལ་མཚན་འཛིན་པ་བརྒྱ་ཕྲག་བརྒྱ། །དེས་འབྱུང་བསེར་བུར་བསྐྱོད་པའི་ཚུལ་ཁྲིམས་ཀྱི། །བསུང་ཞིམ་ཙནྡན་དྲི་ངད་ཐུལ་གྱུར་ཅིག །གཏམ་ཚོགས་ལེའུ་ཉེར་གཅིག་པའོ། །རབ་བྱུང་ལ་སྤྲིང་བའི་གཏམ་པྲ་ཏི་མོཀྵ་གདྡྷ་ཞེས་བྱ་བ། རྒྱལ་བ་བུ་རམ་ཤིང་པ་ལ་ཕྱག་འཚལ་ལོ། །གང་ཞིག་དེ་ཡི་ཚུལ་ཁྲིམས་ཕུང་པོ་ཡེ་ཤེས་དམ་པའི་སྙིང་པོ་ཅན། །སློབ་པ་མིན་པའི་ས་ལ་བཞུགས་སོ་ཅོག་གིས་ཀྱང་ནི་བགྲད་དཀའ་བ། །ཐོག་གསུམ་ལམ་གྱི་སྤངས་རྟོགས་གཟུགས་ལས་ཐོས་སྒྲོག་ཞི་བའི་དགྲ་བཅོམ་མིན། །གང་ཕྱིར་ལྷ་དང་ཀླུ་དབང་མཁའ་ལྡིང་དྲང་སྲོང་རིག་འཛིན་གཙུག་ཏོར་ཡིན། །བདེན་པ་གཉིས་ལ་མ་བརྟེན་དམ་ཆོས་དང་། །ཆོས་ཉིད་ལ་ལྡང་འཇིག་ལྟའི་རི་བོ་ལ། །བསྙེན་བསྲིང་བཤེས་པར་མ་གྱུར་དེ་སྲིད་དུ། །ཀུན་རྫོབ་བདེན་པའི་གནས་ལ་གུས་པར་མཛོད། །བལྟ་ན་སྡུག་པའི་དྲང་སྲོང་རྒྱལ་མཚན་གྱིས། །གངས་རིའི་ཁྲོད་འདི་མཛེས་པར་བྱས་ན་ཡང་། །འཚོ་བའི་དོན་དང་སྒྲོ་སྐུར་ཆད་པས་འཇིགས། །རྙེད་དང་སྲིད་འབྱོར་ལ་ཆགས་ལེགས་སྨོན་མང་། །

(༥༥༧)གང་ཕྱིར་བྱང་ཆུབ་ཡན་ལག་རྗེས་མ་ཐུན་པའི། །ཡང་དག་ལྟ་བ་ཅན་ལ་གུས་རྣམས་ཀྱང་། །ལྔ་ཕྲག་ཐ་མའི་ཆོམ་པོས་བདེན་བཞིའི་དབུགས། །ཕྲལ་པས་ངེས་འབྱུང་ཚུལ་ཁྲིམས་བསབ་།།།པ་དཀོན། །རྒྱལ་བའི་ལུང་རྟོགས་བསྟན་པ་མདོ་སྡེ་དང་། །ཆོས་མངོན་སྡེ་སྣོད་གཉིས་པ་ལགས་གནས་ཀྱང་། །ཕམ་ལྟུང་བསླབ་བྱར་བཅས་པའི་སྟོན་པ་ནི། །འདུལ་བའི་སྡེ་སྣོད་ཡིན་གྱིས་གུས་པར་མཛོད། །དེ་ཡི་ངོ་བོ་སྤང་སེམས་དགེ་བ་དང་། །དགེ་བ་ས་བོན་བཅས་ལ་འདོད་པ་གཉིས། །འགོག་སྙོམས་ཞུགས་དང་གཉིད་མཐུག་དུས་འགལ་བས། །མདོ་སེམས་ལུགས་གཉིས་རྣམ་རིག་ཙམ་དུ་བཞག །དྲང་ལ་དྲང་དོན་བྱེ་བྲག་སྨྲ་བ་ཡིས། །དབང་པོ་ལྔ་དང་དོན་ལྔའི་རྡུལ་ཕྲན་ནང་། །རིག་བྱེད་མིན་གཟུགས་བརྟེན་མེད་ཐོགས་མེད་ཀྱི། །སྡོམ་པ་གཟུགས་ཅན་ཉིད་དུ་མཛོད་ལས་བཤད། །དེ་ཡང་རིག་པས་གཟུགས་སུ་ཡོད་པ་དང་། །ཡུལ་དང་དཔྱད་པས་གཟུགས་སུ་ཡོད་པ་ལས། །རིག་བྱེད་མ་ཡིན་མཚན་ཉིད་ལྡན་པ་ཡི། །སོ་ཐར་བརྟུལ་ཞུགས་ཆུ་ལོན་ལྟ་བུར་མཛོད། །སྡོམ་དངོས་འབྱུང་བ་གཞན་དང་རྒྱུར་བྱས་པའི། །རྣམ་པར་རིག་བྱེད་ལས་འདས་ལུས་ཀྱི་གསུམ། །ངག་གི་བཞི་སྟེ་སྤོང་བདུན་གཙོ་བོ་ལ། །མྱོས་བྱེད་ལ་སོགས་ཁ་ན་མ་ཐོའི་འཁོར། །ཨ་མྲའི་ཚལ་དང་སྨྱིག་ཚལ་བཞིན་དུ་སྲུངས། །ཉོན་མོངས་གཡུལ་དང་མེ་ཏོག་མདའ་།།།ཅན་ལས། །རྒྱལ་ནས་ཀུན་འབྱུང་རྒྱུ་དང་དེའི་འབྲས་བུ། །སྡུག་བསྔལ་སྤང་ཞིང་མངོན་མཐོའི་བདེ་འབྲས་དང་། །རྫོགས་པའི་བྱང་ཆུབ་ཐོབ་བྱའི་བྱེད་ལས་ལགས། །གང་ཞིག་སྤང་བྱ་སྤོང་བའི་མི་མཐུན་ཕྱོགས། །ཕམ་པ་བྱང་དང་དེ་ལ་འཆབ་སེམས་སྐྱེས། །སྡོམ་པའི་དགོས་པ་དྲུག་དང་བྲལ་གྱུར་ན། །རྣམ་པར་གྲོལ་དང་མཐོ་རིས་རིང་དུ་བྱེད། །དགོས་པ་གྲུབ་ནི་བྱང་ཆུབ་མཐོ་རིས་དང་། །བླངས་ན་སྐྱེ་དང་ཆོས་ཀྱི་ལོངས་སྤྱོད་དང་། །ཟང་ཟིང་ལོངས་སྤྱོད་ཚངས་པར་མཚུངས་སྤྱོད་མཚུངས། །ཕྱིར་

(༥༥༨)བཅོས་རུང་བ་འཆབ་མེད་བྱེད་ལས་ཡིན། །དེ་ལྟའི་སོ་ཐར་སྡོམ་པ་འདུས་བྱས་ནི། །དགེ་བར་ལུང་བསྟན་འབྲས་བུ་བདེ་བའི་ཕྱིར། །ལུང་མ་བསྟན་པའི་རྣམ་སྨིན་འབྲས་བུ་དང་། །ལམ་བདེན་བྲལ་འབྲས་འགོག་བདེན་གཉིས་ཀ་མིན། །རྒྱུ་དང་དུས་མཉམ་མམ་ནི་ཕྱི་ནས་བྱུང་། །བྱེད་རྒྱུ་ལས་སྐྱེས་བདག་པོའི་འབྲས་བུ་དང་། །གང་ཞིག་གོམས་པའི་རྒྱུ་མཐུན་གོང་འཕེལ་ལམ། །སྐལ་མཉམ་རྒྱུས་བསྐྱེད་རྒྱུ་མཐུན་འབྲས་བུའང་དེ། །རྔ་སྒྲ་ལྟ་བུར་ལྷན་ཅིག་འབྱུང་རྒྱུ་ལས། །སྐྱེས་བུ་བྱེད་པའི་འབྲས་བུ་གསུམ་ཡིན་པར། །ཤེས་ནས་གཞི་གསུམ་རྩ་བ་བརྟན་གྱུར་ཅིང་། །བདེན་པ་བཞི་ཡི་ལམ་ལ་རབ་གནས་འཚལ། །མདོར་ན་ཉེས་སྤྱོད་ལས་ལོག་ཚུལ་ཁྲིམས་ནི། །གཞན་གནོད་གཞི་བཅས་སྤོང་དང་དགེ་སྦྱོང་གི །ཆོས་བཞི་བརྟེན་ལ་གོམས་པར་མ་བྱས་ན། །སོ་སོ་ཐར་པ་ལམ་མིན་འཁྱམས་པར་འགྱུར། ཁྱད་པར་རྒྱལ་པོའི་བྲན་དང་མངག་གཞུག་པ། །ཞལ་ལྕེ་གཅོད་དང་ཤོག་མ་ཡུལ་ལྗོངས་བསྲུང་། །ཕྱི་ནར་འཕྱན་།།།ལས་ཁྱིམ་པ་སུན་འབྱིན་པའི། །ལས་མཐའ་ལོག་ལ་ངེས་འབྱུང་ཡོད་མ་ཡིན། །ངེས་འབྱུང་བྲལ་བའི་དྲུང་ སྡིག་པ་ཅི་ཡང་མི་བྱ་ཞིང་། །སོགས་དང་། རབ་ཏུ་བྱུང་བ་གཞན་ལ་གནོད་པ་དང་། །གཞན་ལ་འཚེ་བ་དགེ་སྦྱོང་མ་ཡིན་ནོ། །ཞེས་སོ། །སྲོང་རྒྱལ་མཚན་ནི། མཚམས་ཀྱི་སྤྲིན་པས་རྔོན་ལ་བགོས་པ་བཞིན། ཁྲིམས་ཀྱི་གཟུགས་བརྙན་ལྟུང་བྱེད་ཆེན་པོའི་གཡང་། །ཐར་པ་འདོད་པའི་སེམས་ཀྱིས་ཉེ་བར་སྲུངས། །སྐྱེས་བུའི་ཤེས་དང་ལང་ཚོ་གཡོ་བའི་ཆོས། །སྲོག་ནི་ཆུ་བུར་བཞིན་དུ་ཡ་མ་བརླ། །བསྟན་པ་རིན་ཆེན་རྟགས་ལ་ཉེ་བ་ཡི། །དམིགས་པ་འདི་གསུམ་ཆོས་ཀྱི་བསྐུལ་མར་འཚལ། །དེ་ལྟར་བསྐུལ་ནས་ཐོས་པའི་ཤེས་རབ་ལ། །གཅིག་ཏུ་གྲིམས་པའི་བྱང་ཆུབ་སེམས་དཔའ་ནི། །རྒྱལ་པོར་གྱུར་ཀྱང་འདོད་པའི་ཡོན་ཏན་གྱིས། །བསླུ་བར་མི་ཚུགས་ལེ་ལོས་

(༥༥༩)ཟིལ་མི་ནོན། །རྒྱུ་དང་འབྲས་བུ་བསླུ་བ་མེད་པ་ལ། །ངེས་པ་རྙེད་ཅིང་ཆོས་དང་ཆོས་མིན་ཤེས། །ཐུབ་པ་མཆོག་དང་དེ་ཡི་སྡེ་སྣོད་ཀྱི། །ཡོན་ཏན་ཤེས་ནས་དགེ་བའི་བཤེས་གཉེན་མཐོང་། །སྙིང་པོ་མེད་པའི་འཇིག་རྟེན་ཙམ་ལ་ཡང་། །བཟོ་ཡི་གནས་དང་སྒྱུ་རྩལ་བདག་ཉིད་བསྲུང་། །གཙུག་ལག་སྣ་ཚོགས་ཟས་ནོར་བསྒྲུབ་པ་དང་། །གཞན་ལ་ཕན་འདོགས་ཤེས་རབ་མཐུ་ལས་འབྱུང་། །ཤེས་རབ་མེད་ན་རྣམ་པར་གྲོལ་བའི་ལམ། །ཤེས་པ་ལྟ་ཅི་སྦྱིན་དང་ཚུལ་ཁྲིམས་སོགས། །ཕ་རོལ་ཕྱིན་པ་དྲུག་ལ་རྩོལ་བྱས་ཀྱང་། །ཐར་ལམ་བྲལ་བའི་རྙོག་པ་ཅན་དུ་འགྱུར། །དེ་ཕྱིར་རང་རྒྱུད་ལྡན་གྱི་གང་ཟག་ནི། །རྨེངས་དང་སྡིག་གྲོགས་ལེ་ལོ་སྙོམ་ལས་དང་། །རྒོད་དང་གཉིད་དང་འདོད་ལ་འདུན་པ་དང་། །མངོན་པའི་ང་རྒྱལ་ལོག་ལྟའི་གཞན་དབང་ཅན། །ཀུན་ལ་དེ་ལྟར་འཚལ་བའི་ངེས་ཤེས་ཀྱིས། །ཐོས་པའི་ཉེར་ལེན་དགེ་བའི་བཤེས་གཉེན་མཆོག །བསྙེན་ནས་བསྲིད་པར་མི་བྱ་བསམ་སྒོམ་ཀུན། །ཐེག་ཆེན་ལམ་ནས་མྱ་ངན་འདའ་བར་བརྩོན། །ད་རས་སེམས་ཀྱི་སྟོབས་ཆེན་དམ་པའི་རྟེན། །དལ་རྟེན་ཡིད་བཞིན་ནོར་འདྲ་རྙེད་དུས་འདིར། །རྒྱགས་དང་དྲེགས་པས་རྣམ་བྱང་འཇོམས་པ་ཡི། ཁ་ན་མ་ཐོའི་གཡུལ་ལས་རྒྱལ་བར་མཛོད། །།།ལ་དེ་སྐད་སྦྲིང་བའི་དོན་བཟང་པོ། །ཐར་པའི་རྒྱལ་མཚན་ཆོས་གོས་རྣམ་གསུམ་གྱིས། །མཛེས་པར་བྱས་པའི་སྙན་དུའང་དོད་གྱུར་ནས། །རྒྱལ་བསྟན་ཡུན་རིང་གནས་པའི་བཀྲ་ཤིས་ཤོག །དགེ་བའི་བཤེས་གཉེན་ཆེན་པོ་འབྲས་སྤུངས་བདེ་ཡངས་བླ་མ་ལ་རྒྱལ་བའི་མྱུ་གུ་ཨ་བྷ་ཡ་དྭཱི་པས་དཔལ་ལྡན་ཚེ་རིང་ལྗོངས་ཞེས་བྱ་བའི་གཙུག་ལག་ཁང་ནས་གདམས་པ་རྫོགས་སོ། །གཏམ་ཚོགས་ལེའུ་ཉེར་གཉིས་པའོ།། །།སྔགས་པ་ལ་སྤྲིད་པའི་གཏམ་བཤགས་ལེ་བཞི་བའི་ནཱི་ཀ་དམ་ཚིག་རྒྱ་མཚོར་གསལ་བྱེད་ཅེས་བྱ་བ། དཔལ་རྡོ་རྗེ་ཅན་ལ་ཕྱག་འཚལ་ལོ། །དབྱིངས་ཀྱི་རྟག་པ་རྡོ་རྗེའི་སྐུ། །ཀུན་

(༥༦༠)ནས་ཀུན་ཏུ་བཟང་པོའི་ཞལ། །ངོ་བོ་ཉིད་མེད་ཡེ་ཤེས་སྐུ། །བདེ་ཆེན་བྱང་ཆུབ་སེམས་ལ་འདུད། །འདིར་ཆོས་རྒྱལ་ལུང་བསྟན་རྡོ་རྗེའི་ཆོས་ཆར་ཏནྟ་ཆེན་པོ་སྡེ་བཅོ་བརྒྱད་དུ་གྲགས་པའི་ནང་ཚན་གླང་པོ་ཆེ་རབ་ཏུ་བོག་པ་སྟེ། སྐྱེས་བུ་རྣམས་ཀྱི་སྲོག་རྩར་རླུང་ཞུགས་ཏེ་སྨྱོ་བའི་ཕྱི་ནས་དབུ་མར་རླུང་སེམས་འདུས་པའི་ཆོས་ཉིད་ངོ་མ་འཕྲོད་པ་ལ་བོག་པར་འདོགས་པ་ལྟར། འདི་ང་བླ་ན་མེད་པའི་རྒྱུད་སྡེ་རིན་པོ་ཆེ་ཀུན་རྫོབ་ཀྱི་ཚིག་ཙམ་ལ་མི་རྟོན་པར་ཆོས་ཉིད་ཀྱི་དོན་རྣམ་པར་མི་རྟོག་པ་ལ་གཙོ་བོར་རྟོན་པའི་ཆོས་ཀྱི་རབ་ཏུ་བྱེད་པ་ལས། བཤགས་པའི་རྒྱུད་ཀྱི་ལེའུ་བཞི་པའི་དོན་བརྗོད་མེད་དོན་བཤགས་ཀྱི་ནཱི་ཀས་གསལ་བར་བསྟན་པ་ལ། ཨོཾ་ཡེ་ཤེས་སྐུ་མཆོག་རང་བཞིན་དཀྱིལ་འཁོར་ནི། །ཟླ་རྒྱས་བཞིན་དུ་སྤྲོས་པ་མི་མངའ་ཡང་། །ཐུགས་རྗེའི་ཉིགས་ལ་འོད་བཞིན་སྙོམས་མཛད་པ། །འདིར་གཤེགས་བདག་ལ་དགོངས་ཤིང་བཞུགས་སུ་གསོལ། །ཞེས་པ་ནི། སངས་རྒྱས་ཆོས་ཀྱི་སྐུ་རྟག་ཏུ་སྤྲོས་པ་ཐམས་ཅད་དང་བྲལ་བའི་དབྱིངས་ནས་ཡེ་ཤེས་ཀྱི་འཁོར་ལོ་སད་པར་བྱས་ཏེ་ཚོགས་ཞིང་དྲང་བའི་དོན་ཏེ། ཡུལ་དང་ཡུལ་ཅན་གྱི་རྟོག་དཔྱོད་ལ་མི་འཇུག་ཅིང་། བདེ་བར་གཤེགས་པའི་ཁམས་ཀྱི་ཡེ་ཤེས་རང་གསལ་བའི་ཆོས་ཉིད་ནི་གཟུགས་ཀྱི་སྐུ་ལས་འདས་པས་ཆོས་ཀྱི་སྐུའི་མཆོག་སྟེ་སུས་ཀྱང་མ་བཅོས་པར་རང་བཞིན་གྱི་དཀྱིལ་འཁོར་ཆེན་པོའི་བདག་ཉིད་ནི་ཟླ་བའི་དཀྱིལ་འཁོར་འོད་སྣང་ཕྱིར་གསལ་དུ་རྒྱས་པ་བཞིན་དུ་རྟོག་པ་སྣ་ཚོགས་ཀྱི་སྤྲོས་པ་མི་མངའ་ཡང་ཕྱོགས་རིས་བྲལ་བའི་ཐུགས་རྗེའི་རང་གཟུགས་ཉི་མ་ལྟར་གསལ་ཞིང་བྱམས་པའི་འོད་ཟེར་སེམས་ཅན་ལ་བུ་བཞིན་དུ་སྙོམས་པར་འཇུག་པར་མཛད་པ་གང་ཞིག་གཟུགས་ཀྱི་སྐུ་རྣམ་པ་ཐམས་ཅད་པའི་བདག་ཉིད་ཅན་དུ་དེང་འདིར་གཤེགས་ནས་བདག་ཅག་ལ་སོགས་པ་ཐམས་ཅད་ལ་དགོངས་ཤིང་བཞུགས་སུ་གསོལ། ཞེས་སོ། །བརྗོད་མེད་ཤེས་རབ་མི་གཡོ་ཆོས་ཀྱི་སྐུ། །བདེ་ཆེན་ལོངས་

(༥༦༡)སྤྱོད་རྫོགས་སྐུ་རིགས་ལྔའི་གཙོ། །ཐུགས་རྗེ་ཐབས་མཁས་རྒྱ་ཆེར་རོལ་པ་ཡི། །ཞི་ཁྲོ་སྤྲུལ་པའི་སྐུ་ལ་ཕྱག་འཚལ་ལོ། །ཞེས་པ་ནི། ཡོད་མེད་རྟག་ཆད་ཀྱི་དོན་ལ་བརྗོད་དུ་མེད་པའི་ངོ་བོ་ཉིད་ཀྱི་ཤེས་རབ་ཀུན་ནས་མི་གཡོ་མི་འགྱུར་བ་ཆོས་ཀྱི་སྐུ་རྣམ་པ་ཐམས་ཅད་པ་གང་ཞིག །སྡུག་བསྔལ་བ་དང་། ཀུན་འབྱུང་བ་ལ་སོགས་ཏེ་ཟག་པ་ཐམས་ཅད་དང་བྲལ་བའི་བདེ་བ་ཆེན་པོའི་རང་བཞིན་ལ་ངེས་པ་ལྔ་ལྡན་དུ་ལོངས་སྤྱོད་ཅིང་ཡོན་ཏན་ཐམས་ཅད་རྫོགས་པའི་སྐུ་དེ་བཞིན་གཤེགས་པ་རིགས་ལྔའི་བདག་ཉིད་ནི་གཙོ་བོ་སྟེ། གང་གི་ཐུགས་རྗེ་ཆེན་པོ་དང་ཐབས་ལ་མཁས་པས་གདན་གསུམ་ཚང་བའི་དཀྱིལ་འཁོར་གྱི་རྣམ་པ་རྒྱ་ཆེར་རོལ་བའི་སྐུར་སྟོན་པ་ནི་ཞི་བ་བཞི་བཅུ་རྩ་གཉིས་དང་། ཁྲོ་བོ་ལྔ་བཅུ་རྩ་བརྒྱད་དེ་སྤྲུལ་པའི་སྐུ་དཀྱིལ་འཁོར་གྱི་བདག་ཉིད་ཅན་རྣམས་ལ་ཕྱག་འཚལ་ལོ་ཞེས་པའི་དོན་ཏོ། །དངོས་སུ་འབྱོར་དང་ཡིད་ཀྱིས་རྣམ་སྤྲུལ་པའི། །ཀུན་ཏུ་བཟང་པོ་བླ་མེད་མཆོད་སྤྲིན་གྱིས། །མཁའ་དབྱིངས་རྣམ་དག་རྒྱ་ཆེར་ཡོངས་བཀོད་དེ། །ཕྱི་ནང་གསང་བའི་མཆོད་པ་རྒྱ་མཚོས་མཆོད། །ཅེས་པ་ནི། བླ་ན་ཡོད་པ་དངོས་སུ་འབྱོར་བ་དང་། བླ་ན་མེད་པ་ཡིད་ཀྱིས་རྣམ་པར་སྤྲུལ་པའི་བྱང་ཆུབ་སེམས་དཔའ་ཀུན་ཏུ་བཟང་པོའི་ཏིང་ངེ་འཛིན་རྣམ་པ་ཐམས་ཅད་པས་བླ་ན་མེད་པར་སྤྲུལ་པའི་མཆོད་སྤྲིན་གྱིས་རྣམ་ཐར་གསུམ་དང་ལྡན་པའི་ཀུན་ཏུ་བཟང་མོའི་མཁའ་དབྱིངས་ཆོས་ཉིད་ཀྱི་ནམ་མཁའ་རྣམ་པར་དག་པའི་ཁྱོན་ཐམས་ཅད་རྒྱ་ཆེར་ཡོངས་སུ་བཀོད་དེ། དབང་པོས་ཡུལ་ལ་སྤྱོད་པ་ཕྱིའི་མཆོད་པ་དང་། དབང་ཤེས་ཀྱིས་བདེ་སྟོང་དུ་སྤྱོད་པ་ནང་གི་མཆོད་པ་དང་འདི་དག་གི་ངོ་བོ་མཆོད་བྱ་མཆོད་བྱེད་ལས་འདས་པར་རྟོགས་པ་དེ་ཁོ་ཉིད་གསང་བའི་མཆོད་པ་དེ་དག་ཐམས་ཅད་ཀྱང་རྣམ་པ་རྒྱ་ཆེ་ལ་དོན་དབྱིངས་ཟབ་པའི་ཆ་ནས་རྒྱ་མཚོས་མཆོད་ཅེས་སྨོས་པའོ། །ཀུན་ཏུ་བཟང་མོ་གསང་བའི་བྷ་ག་ལ། །རྒྱལ་བའི་དཀྱིལ་འཁོར་མ་ལུས་རབ་འབྱམས་

(༥༦༢)ཀུན། །འདུ་འབྲལ་མེད་པའི་ངང་དུ་རོ་གཅིག་པས། །གཉིས་མེད་བྱང་ཆུབ་སེམས་ཀྱིས་མཉེས་གྱུར་ཅིག །ཅེས་པ་ནི། མཆོད་པའི་ཕྱག་རྒྱ་ཆེན་པོ་སྟེ། དེ་ལ་ཀུན་རྫོབ་དང་དོན་དམ་གཉིས་ལས། དང་པོ་ནི། རྣམ་བཅས་ལྷ་མོ་ལ་བསྟེན་ནས་ཀུན་ཏུའམ་དུས་གསུམ་གྱི་རྟོགས་པ་འགགས་པར་བྱེད་པས་ན་བཟང་མོ་སྟེ། དེ་ཉན་ཐོས་ཀྱི་ཐེག་པ་ཅན་ལ་སོགས་བསྐལ་མེད་ལ་གསང་བའི་དོན། རྣམ་ཐར་སུམ་ལྡན་གྱི་བདག་ཉིད་ཅན་དུ་མཚོན་པའི་བྷ་གའི་དབྱིངས་གལ་བར་རྒྱལ་བའི་དཀྱིལ་འཁོར་མ་ལུས་ཤིང་ལུས་པ་མེད་པ་རབ་ཏུ་འབྱམས་ཀླས་པ་ཀུན་གདན་གསུམ་འདུ་འབྲལ་མེད་པའི་ངང་དུ་རོ་གཅིག་པས་བཞུགས་པ་ལ། ཞུ་བ་དེས་དྲངས་པའི་ཡབ་ཡུམ་གཉིས་སུ་མེད་པའི་བྱང་ཆུབ་སེམས་ཀྱི་དམ་པས་མཉེས་པར་གྱུར་ཅིག་སྟེ་ལྷན་སྐྱེས་ཀྱི་བདེ་ཆེན་དང་མཇལ་བའི་དོན་ཏོ། །གཉིས་པ་ལྟར་ན། དུས་གསུམ་ཀུན་ཏུ་རྟོག་པ་དང་བྲལ་བས་ན་བཟང་མོ་སྟེ། དེ་ཉིད་སོ་སོ་སྐྱེ་བོ་རྣམས་ལ་རང་བཞིན་གྱིས་གབ་པས་ན་གབ་པའི་གསང་བ་དང་། དབང་བསྐུར་མ་ཐོབ་པ་དང་། སྐལ་མེད་ལ་སྦ་བའི་ཕྱིར་ན་སྦས་ཏེ་གསང་བའི་དོན་སྟོང་པ་ཉིད་དང་། མཚན་མ་མེད་པ། སྨོན་པ་མེད་པའི་དབྱིངས་རྡོ་རྗེ་བཙུན་མོའི་བྷ་ག་ལ་རྒྱལ་བའི་དཀྱིལ་འཁོར་མ་ལུས་ཤིང་རབ་ཏུ་འབྱམས་ཀླས་པ་ཀུན་ཆོས་ཉིད་བརྗོད་པ་དང་བྲལ་བའི་ཀློང་ཆེན་པོར་དུས་གསུམ་འདུ་འབྲལ་མེད་པའི་ངང་དུ་ཆོས་མཉམ་པར་རོ་གཅིག་པས་ན། གཉིས་སུ་མེད་པ་དོན་དམ་པའི་བྱང་ཆུབ་སེམས་ཀྱི་རྟོགས་པ་ཁྱད་པར་ཅན་གྱིས་མཉེས་པར་གྱུར་ཅིག་ཅེས་པའོ། །སེམས་ཀྱི་རང་བཞིན་ཆོས་ཉིད་ནམ་མཁའ་ཆེ། །ཆོས་རྣམས་རྣམ་དག་ཡེ་ནས་འོད་གསལ་ཞིང་། །རྣལ་འབྱོར་ཉིད་དབྱིངས་སྨྲ་བསམ་བརྗོད་ལས་འདས། །མཉམ་ཉིད་བྱང་ཆུབ་སེམས་ལ་རྟག་ཏུ་བདུད། །ཅེས་པ་ནི། བསྟོད་པའི་ཕྱག་རྒྱ་ཆེན་པོ་སྟེ། སེམས་ཀྱི་རང་བཞིན་ནམ་མཚན་ཉིད་ནི་མཚོན་བྱེད་དཔེའི་ནམ་མཁའ་སྟོང་ལ་གོ་འགྱེད་པ་ཙམ་མ་ཡིན་པར།

(༥༦༣)མཚོན་བྱ་ཆོས་ཉིད་ཀྱི་ནམ་མཁའ་ཆེན་པོ། ཀུན་རྫོབ་དང་མཚན་མའི་ཆོས་ཅན་རྣམས་རྣམ་པར་དག་པའི་ཆོས་ཉིད་ཡེ་ནས་རང་བཞིན་གྱི་འོད་གསལ་ཞིང་ཞི་བ་ཆེན་པོའི་བདག་ཉིད་ཅན་དེ་ཁོ་ན་ཉིད་ལ་རྣལ་དུ་འབྱོར་བའི་སྟོང་པ་ཉིད་ཀྱི་དབྱིངས་ཚིག་ཏུ་སྨྲ་བ་དང་། བློས་བསམ་པ་དང་། རྗོད་བྱེད་ཀྱིས་མཚོན་པའི་ཡུལ་ལས་འདས་པ་སྟེ། འཁོར་འདས་རོ་མཉམ་གྱི་ཆོས་ཉིད་དོན་དམ་པའི་བྱང་ཆུབ་ཀྱི་སེམས་ལ་དྲན་པ་ཉེ་བར་གཞག་པས་རྟག་ཏུ་འདུད་ཅེས་པའི་དོན་ཏོ། །ཀུན་བཟང་རྫོགས་ཆེན་ཡེ་ནས་གདལ་པ་ལ། །ཕྱི་ནང་གསང་བའི་དཀྱིལ་འཁོར་བཀོད་པ་ནི། །ཞེས་པ་ནི། དུས་གསུམ་གྱི་རྟོག་པ་དང་བྲལ་བ་དུས་མེད་ཀུན་ཏུ་བཟང་པོ། རང་བཞིན་རྫོགས་པ་ཆེན་པོ་ཡེ་ནས་ཀུན་ཁྱབ་ཏུ་གདལ་བ་ལ། ཕྱི་བུམ་དབང་གི་དམ་ཚིག་དང་འབྲེལ་བའི་བསྐྱེད་རིམ། ནང་གསང་དབང་དང་གསུམ་པའི་དམ་ཚིག་དང་འབྲེལ་བ་རྫོགས་རིམ། གསང་བ་བཞི་བ་ཚིག་དབང་དང་འབྲེལ་བ་ལྷན་ཅིག་སྐྱེས་པའི་ཡེ་ཤེས་ཏེ། དཀྱིལ་འཁོར་གསུམ་གྱི་བདག་ཉིད་ཅན་སྟོན་པའི་བཀོད་ནི། སྣང་སྲིད་རྣམ་དག་ལྷ་དང་ལྷ་མོའི་དབྱིངས། །བྱུང་དང་འབྱུང་འགྱུར་ཡབ་ཡུམ་ལྷུན་རྫོགས་རྣམས། །ཞེས་པས་ཕྱིའི་དཀྱིལ་འཁོར་བསྟན་ཏེ། དེ་ཡང་རྒྱལ་བའི་ཁམས་ལ་སྣང་སྲིད་སྣོད་བཅུད་དུ་འཛིན་པའི་རྟོག་པ་རང་ཚན་པ་མེད་ཅིང་། མ་དག་པ་དང་ཅུང་ཟད་དག་པ་ལ་སོགས་པའི་ཆ་ལས་འདས་པ་དག་པ་རབ་འབྱམས་ཆེན་པོའི་ཆོས་ཉིད་དུ་རྣམ་པར་དག་པས་ཞིང་ཁམས་རྒྱ་མཚོ་ལྷ་དང་ལྷ་མོའི་དཀྱིལ་འཁོར་དུ་ཡེ་ནས་སངས་རྒྱས་པའི་དབྱིངས། ཕུང་པོ་ལྔ་དང་། འབྱུང་བ་ལྔ་ནི་གཤེགས་པ་གཤེགས་སམ། དབང་བ་དང་དབང་ཤེས། ཡུལ་དུས་སྐྱེ་མཆེད་རྣམས་ནི་རྒྱལ་སྲས་སངས་རྒྱས་འཕགས་པའི་རྣམ་པ་ཅན་དུ་གདོད་ནས་དག་པ་ལས་གནས་འགྱུར་གྱི་ཚུལ་དུ་མ་ཡིན་པས་ན་བྱུང་བ་དང་། འཁོར་བའི་ཁམས་ཀྱང་བདེ་གཤེགས་སྙིང་པོའི་རང་བཞིན་ཅན་ཡིན་པས་གདོད་ཀྱི་གདན་གསུམ་ཚང་བའི་དཀྱིལ་

(༥༦༤)འཁོར་དུ་གནས་འགྱུར་གྱི་ཚུལ་དུ་སངས་རྒྱ་བའི་ཕྱིར་ན་འབྱུང་འགྱུར་ཏེ། དེ་ཐམས་ཅད་ཀྱང་སྣང་སྟོང་ཐབས་ཤེས་ཟུང་དུ་འཇུག་པས་ཡབ་ཡུམ་གྱི་ཚུལ་ཏུ་ལྷུན་གྱིས་རྫོགས་པ་རྣམས་སོ། །གསང་ཆེན་རབ་དགྱེས་གཟུངས་ཆེན་བདག་ཉིད་མའི། །མཁའ་དབྱིངས་ཀློང་ཡངས་པདྨོར་འཁྱིལ་བ་ལ། །གཉིས་མེད་ཐིག་ལེ་ཆེན་པོར་འོད་གསལ་ཞིང་། །ཞེས་པས་ནང་གི་དཀྱིལ་འཁོར་བསྟན་ཏེ། གསང་བ་ཆེན་པོ་མཆོག་ཏུ་མི་འགྱུར་བའི་བདེ་ཆེན་ལ་རབ་ཏུ་དགྱེས་ཤིང་དགའ་བ་བཞིའི་ཡེ་ཤེས་དམ་པའི་གཟུངས་ཅན་ཀུན་ཏུ་བཟང་མོའི་བདག་ཉིད་མའི། རྡོ་རྗེ་བཙུན་མོའི་མཁའ་ནམ་མཁའི་དབྱིངས་ལྟར་ཀློང་ཡངས་ཤིང་། པདྨ་ལྟར་འཁོར་བའི་འདམ་རྫབ་ཀྱིས་མ་གོས་པར་རྣམ་ཐར་སུམ་ལྡན་གྱི་རང་བཞིན་ཉིད་དུ་འཁྱིལ་བ་ལ། དེ་བཞིན་གཤེགས་པ་རྣམས་ཀྱང་བདེ་སྟོང་གཉིས་སུ་མེད་པའི་ཡེ་ཤེས་ཀྱི་ཐིག་ལེ་ཆེན་པོར་ཐར་པ་བསྟེན་པར་མཛད་ཅིང་ཆོས་ཉིད་བསམ་གྱིས་མི་ཁྱབ་པའི་ངང་དུ་འོད་གསལ་ཞིང་ཞི་བ་ནི་ནང་གི་དཀྱིལ་འཁོར་རོ། །མ་བཅོས་སྤྲོས་མེད་བྱང་ཆུབ་སྙིང་པོའི་སྐུ། །ཅིར་ཡང་སྣང་བ་བདེ་ཆེན་གཡུང་དྲུང་ལྷ། །ཞེས་པས་གསང་བའི་དཀྱིལ་འཁོར་བསྟན་ཏེ། དེ་ཁོ་ན་ཉིད་ཀྱི་དོན་རྟོག་གེའི་བློས་མ་བཅོས་ཤིང་། རྟག་ཆད་ཀྱི་སྤྲོས་པ་དང་སྐྱེ་འགག་གཉིས་སུ་མེད་པ་ནི་བྱང་ཆུབ་སྙིང་པོའི་སྐུ་སྟེ། ནམ་མཁའ་སྟོངས་པ་ལས་ཆོ་འཕྲུལ་སྣ་ཚོགས་སུ་ཤར་བ་ལྟར། ཆོས་ཉིད་དེའི་རང་བཞིན་ཅི་ཡང་སྣང་ཞིང་ཀུན་ཏུ་འགྲོ་བ་ཅན་ཡིན་ཡང་། ངོ་བོའི་ཆ་ནས་མཆོག་ཏུ་མི་འགྱུར་བ་བདེ་བ་ཆེན་པོའི་བདག་ཉིད་རྣམ་པ་ཐམས་ཅད་པའི་མཆོག་ལྡན་ལ་གཡུང་དྲུང་།།།གི་ལྷའི་སྐྲས་གཞོམ་གཞིག་འཕོ་འགྱུར་དང་བྲལ་བ་ནི་གསང་བ་དེ་བཞིན་ཉིད་ཀྱི་དཀྱིལ་འཁོར་རོ། །འདི་ནས་མང་ཚིག་དོན་གོ་སླ་བས་གཞུང་འགྲེལ་སྟབས་གཅིག་ཏུ་བཤད་པར་བྱ་སྟེ། དེ་ལྟར་དཀྱིལ་འཁོར་གྱི་ཐ་སྙད་གསུམ་དུ་བཞག་པའང་ངོ་བོ་ཉིད་ཀྱི་གློང་ན་འདུ་འབྲལ་མེད་ཅིང་ཆོས་མཉམ་པ་ཉིད་ཀྱང་

(༥༦༥)བསོད་ནམས་དམན་པ་རྣམས་ལ་གབ་པ་ལྟར་བཞུགས་པས་གསང་བའི་དཀྱིལ་འཁོར་ནི་ཞེས་སྨོས་པ་སྟེ། སྦྲུལ་གཞི་བདག་ཉིད་ཆེན་པོ་ཀུན་བཟང་ཡབ་ཡུམ་དང་། མཛད་པ་ཡོངས་སུ་རྫོགས་པའི་རིགས་ལྔ་ཡབ་ཡུམ་དང་། བྱང་ཆུབ་ལྕམ་དྲལ་ཏེ་རང་དོན་གྱི་མཛད་པ་བཏུལ་ནས་གཞན་དོན་གྱི་མཛད་པ་ལ་ཞུགས་པའི་བྱང་ཆུབ་སེམས་དཔའ་ཡབ་ཡུམ་བརྒྱད་ཚན་གཉིས་དང་། དེ་བཞིན་དུ་ཁྲོ་བོ་དང་ཁྲོ་མོ་ཡབ་ཡུམ་བཅུའི་ཚོགས། རྡོ་རྗེ་ལྷ་མོ་སྟེ་རིགས་མ་བཅུ་དྲུག་དང་། ཚོགས་རྗེ་ཚོགས་ཀྱི་བདག་པོ་སྟེ་རིགས་ལྔ་དང་ལྡན་པའི་སྤྱི་དཔལ་ཆེན་པོ་དང་། མི་དགེ་བཅུ་གནས་དག་པའི་ཁྲོ་རྒྱལ་ཡབ་ཡུམ་བཅུ། ཕྱི་ལྟར་དུ་གནས་སུམ་ཅུ་རྩ་གཉིས་དང་། ཡུལ་ཉེར་བཞིའི་དཔའ་བོ་རྣམས་ལ་རང་རང་གི་རིགས་ཀྱི་ཡུམ། རྣལ་འབྱོར་མ་མིང་ཅན་རེ་ཡོད་པ་རྣམས་ནི་ལས་ཀྱི་ཕྱག་རྒྱའི་བདག་ཉིད་ཅན་དང་། དེ་ཡང་ནང་ལྟར་དུ་སྤྱི་བོ་ཛ་ལནྡྷ་ར་སོགས་རྡོ་རྗེ་ལུས་ཀྱི་གྲོང་ཁྱེར་ཆེན་པོའི་རྩ་ཡོངས་སུ་གྱུར་བ་ལས་དཔའ་བོ་དང་། ཁམས་ཡོངས་སུ་གྱུར་པ་ལས་རྣལ་འབྱོར་མ་སྟེ། སྣང་སྟོང་ཐབས་ཤེས་ཟུང་དུ་འབྲེལ་བའི་སྟོང་གཟུགས་ནི་ལྷར་སྣང་ཕྱག་རྒྱ་ཆེན་པོ་དང་། གསང་བ་ལྟར་ན་དེ་དག་ཀྱང་ཧེ་རུ་ཀའི་གནས་བཅུར་བསྡུས་ནས་ས་བཅུའི་ངོ་བོ་ཉིད་དུ་མཚོན་པ་ནི་ཆོས་ཀྱི་ཕྱག་རྒྱ་དང་། དཀྱིལ་འཁོར་ཡོངས་རྫོགས་ཀྱི་ཐུགས་རྗེ་ཡུལ་ལ་འཇུག་པའི་སྒོ་ནི་ཚད་མེད་བཞི་དང་། དེའི་བདག་ཉིད་ཕྲིན་ལས་རྣམ་པ་བཞི་ཡིན་པ་ན་དམ་ཚིག་གི་ཕྱག་རྒྱ་ཅན་སྒོ་མ་བཞི། གཞན་ཡང་ཡེ་ཤེས་ལས་སྤྲུལ་པའི་ལྷ་ཚོགས་མང་པོ་ཀུན་ཀྱང་དམ་ཚིག་ཅན་དང་དམ་ཚིག་གི་རྗེས་སུ་ཞུགས་པ་རྣམས་ལ་མ་ལྟར་བྱམས་ཤིང་སྲིང་ལྟར་དུང་བ་ལ་སོགས། ལེགས་ཉེས་བདེན་ཤན་གྱི་སྟངས་འཛིན་ཅིང་དམ་ཚིག་གི་རྗེས་གཅོད་པའི་ཕྱི་གནས་ཡུལ་ཁྱད་པར་ཅན་ལ་ཡུལ་དང་ཡུལ་ཅན་གཉིས་མེད་དུ་སྤྱོད་ཅིང་། ནང་རྡོ་རྗེ་ལུས་ཀྱི་རྩ་གནས་སོ་སོའི་ཁམས་དང་རོ་གཅིག་ཏུ་འདུ་བའི་དཔའ་བོ་དང་མཁའ་འགྲོ་རྣལ་འབྱོར་མའི་ཚོགས་ལ་

(༥༦༦)སོགས། མདོར་ན་ཀུན་ཏུ་ཐོགས་མེད་ཀྱི་རྒྱན་དང་ལྡན་པས་དབང་གྱུར་ཚད་མ་རྡོ་རྗེའི་དམ་ཚིག་ཅན་རྣམས་ཀྱི་ཐུགས་རྗེའི་ཡུལ་ལ་འཇུག་པའི་ཕྱིར་དགོངས་སུ་གསོལ་ཞེས་སྨོས་ནས། སངས་རྒྱས་རྣམས་ཀྱི་ཐུགས་རྗེའི་དྲིན་ལས་རྒྱུན་མི་འཆད་པའི་གདུང་འཚོ་བཅིང་། མེ་ཏོག་གང་ལ་འཕོག་པའི་ལྷ་སོ་སོའི་རིགས་ཀྱི་བདག་ཉིད་འཛིན་པ་བདག་ཅག་གིས། འགྲོ་བ་ཀུན་ལ་ཕན་པའི་དོན་དུ་ཀུན་རྫོབ་སྨོན་འཇུག་གཉིས་དང་། སྔགས་ཀྱི་དོན་དམ་པའི་རྡོ་རྗེའི་རྣལ་འབྱོར་བྱང་ཆུབ་ཏུ་སེམས་བསྐྱེད་དེ། བསྟན་པ་ལ་རིམ་གྱིས་ཞུགས་ཀྱང་ཐོབ་བྱའི་འབྲས་བུ་བླ་ན་མེད་པའི་བྱང་ཆུབ་ཆེན་པོའི་གོ་འཕང་བགྲོད་པར་བྱ་བའི་ཕྱིར་བསྟན་པ་རྒྱ་མཚོ་སྟེ། ཀུན་འབྱུང་འདྲེན་པའི་ཐེག་པ་སྡེ་སྣོད་གསུམ་ལས། འཁོར་ལོ་དང་པོའི་དགོངས་པ་སོ་སོ་ཐར་པའི་ཚུལ་ཁྲིམས་ཀྱི་སློབ་པ་ལ་བརྟེན་ནས་རང་རྒྱུད་ཀྱི་ཉེས་སྤྱོད་སྡོམ་ཞིང་བདེན་པ་བཞིའི་ལམ་ལ་བསྟེན་པ་དང་། འཁོར་ལོ་བར་མཐའི་དགོངས་པ་དེའི་སྟེང་དུ་དགེ་བ་ཆོས་སྡུད་དང་། སེམས་ཅན་དོན་བྱེད་ཀྱི་ཚུལ་ཁྲིམས་བསྣན་ནས་སྨོན་འཇུག་གི་བྱང་སེམས་དང་། ལྷག་པ་ཏིང་ངེ་འཛིན་དང་ཤེས་རབ་ཀྱི་བསླབ་པའི་གནས་ལ་སློབ་པ་སྟེ་སློབ་པ་གསུམ། དེ་བཞིན་དུ་དཀའ་ཐུབ་རིགས་བྱེད་ཀྱི་ཐེག་པ། བྱ་རྒྱུད་སྤྱོད་རྒྱུད་རྣལ་འབྱོར་ཏེ་གསང་སྔགས་ཕྱི་པ་གསུམ་གྱིས་ཁྲུས་དང་གཙང་སྦྲ་ལ་སོགས་ཏེ་རང་རང་གི་དམ་ཚིག་དང་སྡོམ་པའི་གནས། ཁྱད་པར་དབང་སྒྱུར་ཐབས་ཀྱི་ཐེག་པ། རྣལ་འབྱོར་བླ་མེད་ཕྱི་བསྐྱེད་པ་མ་ཧཱ་ཡོ་ག །ནང་ལུང་ཨ་ནུ་ཡོ་ག །གསང་བ་རྫོགས་ཆེན་ཨ་ཏི་ཡོ་ག་གསུམ་གྱིས་བསྐྱེད་རྫོགས་རྫོགས་ཆེན་གྱི་དོན་ལ་འཇུག་ཅིང་། དེ་ཀུན་ཀྱང་ཉན་ཐོས་ཀྱིས་སྤོང་། བྱེད་སེམས་ཀྱིས་བསྒྱུར། སྔགས་ཀྱིས་ལམ་དུ་སློང་བ་གསུམ་གྱིས་ཉོན་མོངས་པའི་ཚོགས་འདུལ་བས་ན་འདུལ་ཁྲིམས་དང་། དེ་ཐམས་ཅད་ཀྱང་མཐར་ཐུག་རྡོ་རྗེ་ཐེག་པ་ཐུན་མོང་མ་ཡིན་པའི་སྡོམ་པའི་རང་བཞིན་དངོས་པོ་གནས་འགྱུར། ཡོན་ཏན་ཡར་འཕེལ།

(༥༦༧)དགག་དགོས་ཡོངས་རྫོགས་ཀྱང་། སྐུ་ཕྱག་རྒྱ་ཆེན་པོ། གསུང་བརྗོད་མེད་ནཱ་ད་ཐུགས་ཟ་བཞི་སྤྲོས་བྲལ་གྱི་དང་དུ་མཉམ་པར་སྦྱོར་བས་ན་སྡོམ་པའི་མཆོག་སྟེ། གསང་བ་སྔགས་ཀྱི་ལས་ཐམས་ཅད་ནི་གཞོམ་གཞིག་དང་བྲལ་ཞིང་ཁྱད་ཆོས་བདུན་ལྡན་ཡིན་པས་རྡོ་རྗེ་དང་། དེའི་རང་བཞིན་ནི་སྡོམ་པ་ལྟར་བྱ་བ་དང་མི་བྱ་བའི་ངས་པ་ཅན་མ་ཡིན་པར་ནམ་དུའང་དེ་ལས་འདའ་བར་དཀའ་བའི་ཕྱིར་ན་དམ་ཚིག་སྟེ། དུས་གཏན་གྱི་དོན་དུ་གཉེར་བྱ་ཡིན་ལ། དེ་ཡང་ལེའུ་ལྔ་པ་དང་དྲུག་པས་གསལ་བར་བསྟན་པའི་དམ་ཚིག་ཉི་ཤུ་རྩ་ལྔ་ལ་སོགས་མདོར་བསྡུ་ན་རིགས་ལྔ་དང་རྩ་ལྟུང་བཅུ་བཞིས་མཚོན་སྤྱི་དང་ཁྱད་པར་ལྷག་པའི་དམ་ཚིག་ཞེས་འགག་བསྡམས་པ་རྣམས། དུས་སྔ་མའི་ཚེའམ་ཕྱི་ཕྱིར་ནོས་ཤིང་གཉེར་དུ་སྨྲས་སོ་འཚལ་རྣམས་ལོ་ཟླ་ཞག་དུས་ཀྱི་ངེས་པས་ཉམས་པ་དང་། འགལ་བ་དང་། རལ་བ་ལ་སོགས་པའི་ཡུན་དུ་མི་གཏོང་ཞིང་གསོར་མི་རུང་བའི་གནས་སུ་འདའ་བར་མི་བགྱིད་པའི་དམ་བཅས་པ་ལ། བདུད་ཀྱིས་ཕྱོགས་བསླད་པའི་དབང་དུ་སོང་ནས་དོན་ལས་གོལ་ཞིང་གཏན་ནས་ལྡོག་པའི་སེམས་མ་མཆིས་ཀྱང་། གདོད་བྱ་སྟེ་སླན་ཆད་ལ་བཤོལ་ཞིང་ལོང་ཡོད་སྙམ་པའི་ལེ་ལོའི་དབང་དུ་གྱུར་ནས། ཀློང་དུ་མ་གྱུར་བ་དང་། རྩལ་ཤུགས་དང་ནུས་པ་ཆུང་བ་དང་། ཤེས་བཞིན་གྱི་དྲན་པ་མི་ལྡན་པ་དང་། ཆང་དང་གཉིད་ལ་སོགས་པ་བག་མེད་པའི་དབང་དུ་གྱུར་ཏེ། བྱང་ཆུབ་ཀྱི་སེམས་དང་བསྐྱེད་རྫོགས་སྒོམ་པ་ལ་མི་བརྩོན་ཞིང་བསྙེན་པའི་དམ་ཚིག་རལ་བ་དང་། སྒྲུབ་པ་གཡེལ་བ་ལ་སོགས་ཏེ། ཚོར་བ་དང་ཞེས་པས་ཉོན་མོངས་པའི་གཞན་དབང་དུ་གྱུར་པ་དང་། མ་ཚོར་བ་སྟེ་མའི་ག་བའི་གཞན་དབང་གིས་ན། སྟོན་པའི་བཀའ་བདེ་གཤེགས་བཀའ་འདས་ཀྱི་རྩ་ལྟུང་དང་། རྡོ་རྗེ་སློབ་དཔོན་གྱིས་བསྒྲགས་པའི་དམ་ཚིག་ལས་འགལ་བར་གྱུར་བ་སྟེ། འདི་ལྟར་རྣལ་འབྱོར་སྒོམ་པ་གང་ཞིག་རྡོ་རྗེའི་བླ་མ་ལ་བརྙས་པ་ལ་སོགས་རྩ་བའི་ལྟུང་བ་རྣམས་ལ་ཀུན་དཀྲིས་ཚང་

(༥༦༨)བའི་ཕམ་པར་གྱུར་ནས་དམ་ཚིག་ཉམས་པ་དག་དང་སྐད་ཅིག་ཙམ་དུ་ཡང་ཕྲད་པར་མི་བྱ་ལ། ལུང་པ་གཅིག་གི་ཆུ་ལ་ཡང་མི་བཏུང་ངོ་ཞེས་རྒྱལ་བའི་བཀའ་ཚད་མ་ལས་བྱུང་ཞིང་དེ་ལྟར་གྱི་ཉེས་དམིགས་རྣམས་མ་རྟོགས་ཏེ། དམ་ཚིག་མེད་པ་དག་གི་མདུན་དུ་སྤྱིར་གསང་བཞི་དང་། བར་གསང་བཞི་ལ་སོགས་གསང་བར་འོས་པ་དང་། ཁྱད་པར་གཉེར་དུ་གཏད་པའི་གསང་སྒོ་འཆོལ་བར་གྱུར་བས་དབྱེ་བསལ་དཀའ་བ་སྟེ། དམ་ཚིག་རྒྱ་མཚོའི་གཞུང་བཤིག་པ་དང་། སྤྱན་དང་མངོན་ཤེས་སོ་སོ་རིག་པ་རྣམས་མེད་པས་དངོས་སམ་བརྒྱུད་ནས་སྐྱོན་ཅན་དུ་གྱུར་བའི་ཚུལ་རྣམས་མ་རྟོགས་ཏེ། དམ་ཚིག་ཉམས་པ་དག་དང་ཚོགས་ཀྱི་འཁོར་ལོ་འདྲེས་ཤིང་། ཉམས་པ་གང་ཞིག་ལས་ལྡོག་སེམས་ཀྱི་བློ་མེད་པ་རྣམས་བསྐང་བ་དང་། སྔན་ཆད་བླ་མར་གྱུར་བའི་གནས་དག་ལ་དམ་ཚིག་ཉམས་བཞིན་པ་སོར་མ་ཆུད་པ་དང་། རྒྱུད་སྡེ་རྣམས་ནས་སྣོད་མིན་དུ་བཤད་པ་རྣམས་ལ་གསང་སྔགས་ཟབ་མོའི་ཆོས་བཤད་པ་དང་། མདོར་ན་ཉམས་པ་ལ་མི་འཛེམ་ཞིང་ཉམས་པའི་སྐྱོན་དང་འགྲོགས་བཞིན་པ་ལ་སོགས། དམ་ཚིག་ཉམས་པའི་གང་ཟག་དང་འགྲོགས་ཤིང་ཉམས་པ་དེ་དག་གི་སྐྱོན་ནམ། གྲིབ་མ་ལྔའི་ནང་ན་ཐུ་བ་ཉམས་སྒྲིབ་ཀྱི་སྐྱོན་ཆེན་པོས་གོས་པར་གྱུར་ཏོ་འཚལ་ལ་བརྟེན་ཚེ་འདིའི་བདེ་ལེགས་དང་། ཡོན་ཏན་འགྲིབ་ཅིང་འཚོ་བ་ཐུང་ལ། ནད་མང་བ་ལ་སོགས་པའི་སྐྱོན་དང་ཡུན་གྱི་སྒྲིབ་པ། གྲུབ་པ་ཆེན་པོ་བརྒྱད་དང་། མཆོག་གི་དངོས་གྲུབ་དམ་པའི་གེགས་སུ་འགྱུར་བ་རྣམས་རབ་ཏུ་ནོངས་ཤིང་འགྱོད་པ་དྲག་པོའི་སེམས་ཀྱིས་མཐོལ་ཤིང་བཤགས་པར་བགྱིད་ན། ཐུགས་བྱམས་པ་ཆེན་པོ་དང་ལྡན་པའི་ངང་ལ་བསྙེན་བསྲིང་མི་མངའ་བའི་ཐུགས་རྗེས་བདག་ཅག་ལ་དགོངས་པར་གྱུར་ནས་ཀྱང་། འདི་ལྟར་རང་བཞིན་རྫོགས་པ་ཆེན་པོའི་དམ་ཚིག་ལ་སྲུང་ཉམས་གཉིས་སུ་མེད་པས་ན་མེད་པ་དང་། དེའང་དབྱིངས་ལས་གཞན་དུ་མི་འཕོ་ཞིང་མི་འགྱུར་

(༥༦༩)བ་གཅིག་པུའི་དམ་ཚིག་ལ་བདག་ཅག་ཀྱང་བཀོད་དེ། དེའི་ཆོས་ཉིད་ཅིར་ཡང་མི་དམིགས་པ་ནི་ཕྱལ་བའི་དམ་ཚིག་གི་ངོ་བོ་ཉིད་དང་། ཕྱོགས་དང་རིས་ཆད་མེད་པས་བཏང་སྙོམས་སམ། ཡེ་བསྲུངས་ལྷུན་གྲུབ་ཆེན་པོའི་དང་དུ་དུས་གསུམ་སངས་རྒྱས་རྣམས་ཀྱང་རྟག་པ་རྒྱུན་གྱི་འཁོར་ལོ་མི་གཡོ་བ་བཞིན་དུ་བདག་ཅག་ལ་སོགས་པ་བདེ་གཤེགས་སྙིང་པོའི་ཆོས་ཉིད་ཅན་རྣམས་འདྲེས་ཤིང་བཞུགས་པར་གྱུར་ནས་ཀྱང་། བདེན་པ་གཉིས་མེད་ཆེན་པོའི་དོན་གྱི་ཚངས་པ་སྒྲིབ་བྲལ་ནི་སངས་རྒྱས་ཆོས་ཀྱི་སྐུ་ཡིན་པས་དེའི་རང་བཞིན་བདག་ལ་སྩལ་དུ་གསོལ། ཞེས་སོ། །དེ་ལྟར་ལམ་བདེན་འདུས་བྱས་པ་རྣམས་ལ་དམ་ཚིག་གི་རྣམ་པར་གཞག་པའང་དོན་དམ་པར་སྨྲ་བསམ་བརྗོད་མེད་སྤྲོས་པ་ཐམས་ཅད་ལས་འདས་པ་གང་ཞིག་ལ། ཀུན་ཏུ་བརྟགས་པའི་བློ་ཅན་གྱི་རྣམ་པར་རྟོག་པའི་ཆོས་གང་ཡང་དམིགས་པར་མ་གྱུར་བའི་ཕྱིར་ན་ཉམས་དང་བཤགས་པར་བྱ་བ་གཉིས་སུ་མེད་ཀྱང་། ཀུན་རྫོབ་ཏུ་རྨི་ལམ་དང་། སྒྱུ་མ་མཁན་གྱིས་སྤྲུལ་པ་བྱས་པ་ལྟ་བུའི་དབང་གིས་ན། ནོངས་པར་མཆིས་ན་རབ་ཏུ་གནོང་ཞིང་འགྱོད་པ་བགྱིད་པས་བཟོད་པར་གསོལ། །ཞེས་སོ། །འདི་ལ་སྔ་ན་ཆད་འགྲེལ་པ་མ་མཐོང་ཡང་། བརྗོད་དོན་དབྱིངས་ཆེན་དོན་ཟབ་ཚིག་བརླིང་བས། །མཐའ་ཡས་ཐེག་པའི་སྒོ་ཡིན་དེ་ཡི་ཕྱིར། །ཚིག་དོན་འགལ་བ་མཐོང་ལའང་དཔྱད་པ་བྱས། །དེང་སང་འདི་ན་སྔགས་ཀྱི་བསྟན་པ་ནི། །གཟུགས་བརྙན་ཙམ་དུ་བས་འདིའི་རྙོག་པའི་ཆ། གཉན་འགྲེལ། བགྲུངས་ཕྱིར་རྒྱལ་བའི་དགོངས་པ་ལས་བརྒྱུད་པ། ཇི་བཞིན་དུས་མཐའི་སྔགས་པ་རྣམས་ལ་སྦྲིང་། དགེ་བ་དེ་ཡིས་ཏནྟྲ་རྣམ་གསུམ་གྱི། །རྣམ་པར་རིག་པ་ཅན་དང་མ་ཡིན་པའི། །ཆོས་ཁམས་སྐྱ་རེངས་གསར་བས་དྲངས་པ་ཡི། །འོད་གསལ་སྣང་བྱེད་ཆེན་པོ་ལ་རེག་ཤོག །ཅེས་པའང་རྭ་ལོའི་བརྒྱུད་འཛིན་ཡང་སྟེངས་པས་ནན་གཏུང་ཆེན་པོའི་ངོར་རྫོགས་ཆེན་པ་རང་བྱུང་རྡོ་རྗེས་ངག་ཐོག་ནས་དཔོག་པའོ། །

(༥༧༠)གཏམ་ཚོགས་ལེའུ་ཉེར་གསུམ་པའོ།། །།སྡེ་བརྒྱད་ལ་སྦྲིང་བའི་གཏམ་གནོད་སྦྱིན་གྱི་རྣམ་ཞེས་བྱ་བ། གཞི་མ་འཁྲུལ་བའི་སངས་རྒྱས་རྫོགས་པ་ཆེན་པོའི་བཀའ། །ལམ་མ་ནོར་བའི་དམ་ཆོས་དབུ་མ་ཆེན་པོའི་ལུང་། །འབྲས་བུ་མ་བཅོས་པའི་རིག་གྲོལ་ཕྱག་རྒྱ་ཆེན་པོའི་གཏམ། །ཡོངས་གྲུབ་རིག་པ་བདེ་གཤེགས་སྙིང་། །མ་རིག་ལས་གྱུར་ཀུན་བརྟགས་ཀྱིས། །གཞན་དབང་གདོན་དུ་ཤར་རྣམས་ཉོན། །ལས་ཀྱིས་སྤྲུལ་པའི་འཁོར་བ་ན། །ཕ་མ་མཛའ་བཤེས་བྱམས་སྡང་གི། །ལན་ཆགས་འབྲེལ་བས་མ་བསྡུས་མེད། །རང་གི་ལུས་ལ་དཔེ་ལོང་ལ། །གཞན་ལ་གནོད་པའི་བསམ་སྦྱོར་སྤོངས། །ཞི་བ་བྱང་ཆུབ་སེམས་མཆོག་བསྐྱེད། ཁྱད་པར་རིག་འཛིན་བདག་ཅག་གིས། །སྨོན་འཇུག་སེམས་ཀྱི་སྐྱབས་འོག་ཏུ། །བཅུག་ཅིང་བསྲུངས་པ་འདི་དག་ལ། །མི་ཕྱུགས་ནད་རིམས་སད་སེར་ཐན། །ལོ་ཉེས་མུ་གེ་འཁྲུག་རྩོད་དང་། །རི་རུད་ཤྭ་ལོག་ཐན་ལྟས་ངན། །སྡེ་བརྒྱད་ཁྲོས་པའི་གནོད་དོ་ཅོག །སྤངས་ལ་གྲོགས་དན་མགོན་སྐྱབས་ཀྱིས། །བདེན་པའི་ཚིག་ལ་མི་ཉན་ཞིང་། །དམ་ཚིག་ཕྱག་རྒྱར་འདའ་བྱེད་ན། །ཡུལ་གསུམ་གྱད་དུ་གྱུར་པའི་ལྷ། །འཇིགས་བྱེད་འཇིགས་མཛད་ཧེ་རུ་ཀའི། །སྡང་མིག་ཉི་ཟླར་འབར་བས་བསྲེག །འགུགས་འཆིང་སྡོམ་མྱོས་ཕྱག་རྒྱ་བཞིས། །དྲག་པོ་ཨེ་ཡི་བཙོན་རར་འཛུད། །ལྕགས་སྡིག་ཁྲོ་བོའི་ཚྭ་ཚྭ་དང་། །རྡོ་རྗེའི་མེ་ཆར་རྩུབ་མོ་ཡིས། །ཚོགས་བརྒྱད་འདུས་པའི་གདོན་གཟུགས་ཀྱི། །མགོ་བོ་བཀས་ཤིང་མིང་གཟུགས་བསྲེག །རྣམ་ཤེས་ཆོས་ཀྱི་དབྱིངས་སུ་ཕཊ། །སྲིད་གསུམ་འདི་ན་རང་རྒྱུད་ཅན། །ཀུན་ཀྱང་སྲོག་ལ་མི་གཅེས་མེད། །དེ་ཕྱིར་དྲག་ཤུལ་མངོན་སྤྱོད་ལ། །སྦྱོར་བའི་ཆད་ཐོ་དྲན་པར་གྱིས། །རཀྴ་སྲིན་པོའི་རྒྱལ་ཁབ་ནས། །སྡེ་བརྒྱད་འབྱུང་པོའི་ཚོགས་ལ་སྦྲིངས། །ས་མ་ཡ། ཨི་དན་ན་རཀྐན

(༥༧༡)གཏམ་ཚོགས་ལེའུ་ཉེར་བཞི་པའོ།། །།ཕྱོགས་བཅུའི་གདོན་ཚགས་ལ་སྦྲིང་བའི་གཏམ། ལྷ་མ་ཡིན་གྱི་གཙུག་ཏོར་ཞེས་བྱ་བ། དཔལ་རྟ་མཆོག་རོལ་པ་ལ་ཕྱག་འཚལ་ལོ། །ཀ་དག་བང་ལས་སྙིང་རྗེ་ཁྲོས་པའི་ཉམས། ཁ་དོག་དམར་ནག་གར་དགུའི་ཕྱག་རྒྱ་ཆེ། །གལ་བདེར་དམིགས་པའི་ལོག་འདྲེན་གཤེད། །ང་རྒྱལ་འཇོམས་བྱེད་རྡོ་རྗེ་སྲིན་པོའི་གཏམ། །ཅ་ཅོ་སྒྲོག་ཀྱང་བལྟར་མི་མངོན་པའི་གཟུགས། །ཆ་བྱད་མི་སྡུག་གནོད་སྦྱིན་གདུག་པ་ཅན། །ཇ་ཡི་མདངས་འཕྲོག་ཆང་གི་བཅུད་ལེན་ཞིང་། །ཉ་བཞི་རེངས་པའི་གདུག་རྩུབ་ཅན་རྣམས་ཉོན། །ཏཱ་ལའི་ཞིང་མགོན་སྤྱན་རས་གཟིགས་དབང་དང་། །ཐ་དད་མ་ཡིན་དྲག་དམར་རྟ་ཁྱུང་ཞལ། །ད་ལྟ་ལྷོ་ནུབ་སྲིན་པོའི་གཉའ་གནོན་ཡང་། །ན་མ་རེ་བཞིན་བོད་ལ་དགོངས་པའི་ཕྱིར། །པ་སངས་ལྟ་བུའི་སེམས་ཀྱི་འགལ་ཟླ་ཡིས། །ཕ་རོལ་གནོན་པ་ཁྱོད་ལ་ཆེར་ཁྲོས་ནས། །བ་མོ་ཉི་མས་བཅོས་པ་ཇི་བཞིན་དུ། །མཱ་ར་ཡ་ཡིས་མངོན་སྤྱོད་རྩུབ་མོས་བསྡིགས། །ཙ་ར་ལ་དགའ་གྲིབ་གདོན་སྨྱོ་བརྗེད་དང་། །ཚ་གྲང་བདག་པོ་མེ་ཆུ་རླུང་ལྟའི་གདོན། །ཛ་དྲག་སྲིན་པོ་དྲི་ཟ་གྲུལ་བུམ་སོགས། །ཝ་དང་བྱ་ཁྱིའི་གཟུགས་ཅན་ཕྱོགས་བཅུའི་གདོན། །ཞ་རེངས་བར་ཏ་པོ་གཟོན་ཀླུས་བདག་གཉན། །ཟ་ཁ་གཏད་ཁྲམ་གཉེར་བྱེད་སྡེ་བརྒྱད་བྱད། །འ་འུར་གློ་བུར་ལྟགས་པའི་འདྲེ་རྒོད་རིགས། །ཡ་མཱནྟ་ཀའི་གྲོང་དུ་གནས་བྱས་ནས། །རྭ་ལྟར་རེངས་པའི་བསམ་སྦྱོར་རྩུབ་མོའི་ཚོགས། །ལ་ཀླུངས་ཉུལ་ཞིང་ཉེས་མེད་སེམས་ཅན་གྱི། །ཤ་ཁྲག་སོགས་ལ་རྔམས་པའི་ནད་དལ་དང་། །ས་ཞིང་ལོ་འབྲས་བཅུད་ལ་འཚེ་བ་སྤོངས། །ཧ་ལ་ལྟ་བུའི་བསམ་སྦྱོར་མི་གཏང་ན། །ཨ་ལ་ལ་ཞེས་བཞད་པ་བརྒྱད་ལྡན་སྒྲས། །མིང་གཟུགས་འདུས་པའི་ཕུང་པོ་རྡུལ་དུ་བརླབ། །བདེ་གཤེགས་སྙིང་པོའི་བདག་ཉིད་ང་ཡིན་པས། །གཟུང་འཛིན་ཚོགས་བརྒྱད་ལས་གྱུར་

(༥༧༢)གདོན་ཁྱོད་ཀྱི། །རྣམ་པར་ཤེས་པ་ཆོས་ཉིད་ཀློང་དུ་བསྒྲལ། །རྒྱུད་དྲུག་རྩད་ནས་གཅོད་པར་གདོན་མི་ཟ། །སྣང་སྲིད་རྣམ་དག་པདྨ་འོད་གླིང་ནས། །དོན་དམ་བདེན་པ་རཀྴ་ཐོད་ཕྲེང་གིས། །མ་རིག་ལས་གྱུར་ཀུན་རྫོབ་གདོན་ལ་སྤྲིངས། །གཏམ་ཚོགས་ལེའུ་ཉེར་ལྔ་བའོ།། །།འབྱུང་པོའི་སྡེ་ལ་སྦྲིང་བའི་གཏམ། པདྨའི་ཞལ་ལུང་ཞེས་བྱ་བ། རིག་པ་བདེ་གཤེགས་སྙིང་པོའི་ཁྱབ་བྱེད་ལ་ཁྱབ་བྱ་རྣམ་པར་ཤེས་པའི་ཚོགས་བརྒྱད་ཀྱི་གཞན་དབང་ལས། འཁྲུལ་སྣང་རང་རྒྱུད་དུ་ཤར་བའི་སྡེ་བརྒྱད་འབྱུང་པོའི་ཚོགས་སྤྱི་དང་། བྱེ་བྲག་སྟོན་པ་སངས་རྒྱས་ཀྱི་ཞལ་མ་མཐོང་། སློབ་དཔོན་སངས་རྒྱས་གཉིས་པའི་དམ་འོག་ཏུ་མཆུད། དཀར་ཕྱོགས་དགེ་བསྙེན་གྱི་བླང་འདས་མི་ཤེས་པའི་འབྱུང་པོ་གཏུམ་པོ་གཟུ་ལུམས་ཅན་གྱི་རིགས་དང་། གློ་བུར་ལྷགས་པའི་རྒྱ་འདྲེ། འཚེ་བ་ཆོས་སུ་རློམ་པའི་ཀླ་ཀློའི་ཆོས་ལུགས་ལ་བག་ཆགས་བརྟས་པའི་རིགས་དང་། ཤི་འདྲེ་གསོན་འདྲེ་འཁྱམས་པོ་དག་ལ་སྤྲིངས་པ། རྒྱུ་འབྲས་བག་ཆགས་འཁྲུལ་འཁོར་ངེས་པ་དང་། མ་ངེས་པའི་ལམ་ཁམས་གསུམ་དང་། རྒྱུད་དྲུག་ཏུ་འཁོར་བའི་སེམས་ཅན་ཐམས་ཅད་ཕན་ཚུན་ཕ་མ་གཉེན་བཤེས། བྱམས་སྡང་གིས་མ་འབྲེལ་བ་གཅིག་ཀྱང་མེད་ན། ཕ་མ་དང་ཉེ་དུལ་ཕན་ལན་གནོད་པས་འཇལ་བ། སྟོན་པ་སངས་རྒྱས་ཀྱིས་སྐྱེས་བུ་ཆུང་འབྲིང་གཉིས་ཀ་ནས་བཀག ཁྱད་པར་སྐྱེས་བུ་ཆེན་པོའི་ལམ་བྱང་ཆུབ་སེམས་དཔའི་སྡེ་སྣོད་ནས་སེམས་ཅན་ཐམས་ཅད་ཕ་མའི་རང་བཞིན་དུ་ཤེས་ནས་དགྲ་ཟུན་གྱི་ཕྱོགས་རིས་མི་འབྱེད་ཅིང་། དེའི་ངོ་བོ་བྱང་ཆུབ་ཀྱི་སེམས་གཉིས་སྒོམ་པ་དང་། བྱེ་བྲག་ཏུ་རྡོ་རྗེ་ཐེག་པའི་འདུལ་བ་ནི་སྣང་སྲིད་ལྷ་དང་ལྷ་མོར་བལྟ་བ་ཡིན་པས། རིག་འཛིན་བདག་ཅག་གིས་སྨོན་འཇུག་དམ་པའི་སྲུང་འཁོར་གྱིས་བསྲུངས་ཤིང་དད་གུས་ཀྱི་ཐུགས་ཡིད་འདྲེས་པ། ས་སྐྱོད་སྡེ་དགེ་མི་ནོར་

(༥༧༣)ཡུལ་གཞིས་མངའ་རིས་རྗོང་སྡེ་དང་བཅས་པ་ལ་བསམ་ངན་སྦྱོར་རྩུབ། ཚེ་རྐུ་མདངས་འཕྲོག །ཟ་ཐང་དབང་ཐང་ལ་འཚེ་བ། ནད་དལ་རིམས་ཡམས། རི་རུང་ཤྭ་ལོག །འབྱུང་བ་སྒང་གཤོངས་ཀྱི་སྣ་འདྲེན། སད་སེར་བཙའ་ཐན། ཀི་ཀང་གནམ་ཐོག །གཟའ་ཀླུའི་གདོང་ཐུག ཁ་སྨྲས་འཁྲུག་རྩོད་།།།སྲིས་རྐུན། འདྲེ་དམག་རྡོ་ཆར། སྲིད་སྡེར་ཁོ་ན་གཅུགས། ཕན་ཚུན་གཡུལ་འགྱེད། ཕྱུགས་ལ་གོད་ཁ་སོགས་བསམ་ངན་བློ་བསྒྱུར་གྱི་རིགས་སྤོངས་ལ་ཞི་བ་བྱང་ཆུབ་ཀྱི་སེམས་དང་ལྡན་པར་གྱིས་ཤིག །མི་དགེ་བཅུའི་ལས་ལམ་ལ་འཛེམ་པ་དང་། ཁམས་བཅོ་བརྒྱད་ཀྱི་ཆོས་ལ་དྲན་པ་ཉེ་བར་ཞོག་ཅིག །འཁོར་འདས་ཀྱི་ཆོས་ཐམས་ཅད་རྟེན་ཅིང་འབྲེལ་འབྱུང་གིས་བསྐྱེད་པའི་རྩ་བ་མ་རིག་པ་ལུགས་ལས་ལྡོག་པའི་ཆོས་ཉིད་རིག་པར་བྱིས་ལ། གཞན་གནོད་གཞི་དང་བཅས་པས་རང་ཉིད་འཁོར་བར་ལྟུང་ཞིང་ཐར་བའི་གོ་སྐབས་མེད་པ་ལ་བསམས་ནས། དཀར་པོ་རྣམ་པར་འཕེལ་བའི་ཕྱོགས་ལ་བརྩོན་པར་བྱ་ཞིང་། སེམས་ཅན་ཐམས་ཅད་ཕ་མའི་རང་བཞིན་དུ་ཤེས་པར་གྱིས་ལ་གནོད་འཚོའི་བསམ་སྦྱོར་ངན་པ་སྤོངས་ཤིག །གལ་ཏེ་རྒྱལ་བའི་བཀའ་དང་བདེན་པའི་ལུང་ལ་མི་ཉན་ན། ཆོས་སྐུ་མཉམ་པ་ཆེན་པོའི་ངང་ནས་ལོངས་སྤྱོད་རྫོགས་པའི་སྐུ་རྟ་གདོང་འབར་བའི་སྐུར་བཞེངས་ནས། རྡོ་རྗེའི་མེ་ཆར་དྲག་པོས་མིད་བཞི་འདུས་པའི་ཕུང་པོ་བསྟོབ་པར་གདོན་མི་ཟ་བས། རྣམ་ཤེས་ཆོས་ཀྱི་དབྱིངས་སུ་ས་མ་ཡ་ཧོ། །ཞེས་ལངྐ་མགྲིན་བཅུའི་རྒྱལ་ཁབ་ནས་སྦྲིངས། གཏམ་ཚོགས་ལེའུ་ཉེར་དྲུག་པའོ།། །།ཨར་ཇག་ལ་སྦྲིང་བའི་གཏམ། དཀོན་མཆོག་གསུམ་གྱི་གྲིབ་སིལ་ཞེས་བྱ་བ། སྐྱོབ་པ་སངས་རྒྱས་ལ་ཕྱག་འཚལ་ལོ། །རི་ཁ་བ་ཅན་གྱི་རྒྱལ་ཁམས་འདིར་རིགས་གསུམ་རྣམ་འཕྲུལ་ཆོས་རྒྱལ་མེས་དཔོན་རྣམ་གསུམ་གྱི་ཐུགས་བསྐྱེད་ལས་བོད་དང་བོད་ཆེན་པོའི་རྒྱལ་ཁམས་ཀྱི་སྐྱེ་བོ་མཐའ་དག་དཀོན་མཆོག་གསུམ་ལ་བླ་མར་མི་བྱེད་པ་འགའ་ཡང་མེད་པས། ལ་

(༥༧༤)ཆུ་ཕྲང་གསུམ་གྱི་བཀག་པོ་དང་། འདྲོག་གནས་བྱང་སྟོངས་ལ་འཁྱམས་ཏེ། ཞོ་ཤའི་སྟོབས་ཀྱིས་སྙེད་པ་འཚོལ་ཞིང་ཕ་རོལ་གནོན་པ་རྣམས་ཀྱིས་ཀྱང་བདེན་པའི་ཚིག་ལ་དགོངས་ཤིང་། སྤྱི་བ་སེམས་ཅན་ཐམས་ཅད་ཕ་མར་མ་གྱུར་བ་མེད་ཅིང་། དཀར་ནག་གི་ལས་དང་ལས་ཀྱི་འབྲས་བུ་འདི་ཡང་རང་གི་ཕྱི་བཞིན་དུ་འབྲང་བ་ལ་བསམས་ན། ཕ་མའི་རང་བཞིན་སེམས་ཅན་གྱི་སྲོག་ལ་གནོད་པ་བྱས་ན་རང་ཉིད་སྐྱེ་བ་ཕྱི་མ་ངན་སོང་གསུམ་ལས་འགྲོས་མེད་པ་ལ་བསམ་ཞིང་། ཁྱད་པར་བོད་ལྗོངས་སུ་ཇོ་བོ་ཤཱཀྱ་མུ་ནེའི་ཞལ་བལྟ་ཞིང་། ཕྱག་སྐོར་སྒྲིབ་སྦྱོང་དང་། ས་གསུམ་མཁྱེན་པ་ཨོ་རྒྱན་སངས་རྒྱས་གཉིས་པའི་སློབ་མར་གྱུར་པ་རྫོགས་ཆེན་པ་འཇིགས་མེད་གླིང་པའི་དྲུང་དུ། འཆི་བ་ལ་འཇིགས་ནས་དམ་ཆོས་ཉན་པ་ལ་འོངས་པ་འདི་དག་ལ་འཕྲོག་བཅོམ། ངན་སྐྱེལ། བསམ་ངན་སྦྱོར་རྩུབ་ཀྱི་རིགས་མེད་པར་བདེ་འཇམ་མགོ་ཐོན་དུ་འགྲོ་འཇུག་པར་གསོལ་བའི་ལག་རྟགས་འདི་བཞིན་བསྐུར་བ་ལ་གནོད་འགལ་མེད་པར་མཛད་ན། ཁྱེད་རྣམས་ཀྱི་ལས་ངན་ཟད་ནས། བདེ་འགྲོ་མཐོ་རིས་སུ་འགྲོ་བའི་སྨོན་ལམ་ཡང་དག་བྱེད་པ་ཡིན་པས། བསམ་པ་བཟང་པོ་ལ་སྦྱོར་འཆལ། ཞེས་རྫོགས་ཆེན་པ་རང་བྱུང་རྡོ་རྗེས་སོ། །གཏམ་ཚོགས་ལེའུ་ཉེར་འདུན་པའོ།། །།གནས་སྐོར་བ་ལ་སྦྲིང་བའི་གཏམ། ལྷག་བསམ་གྱི་ཆུན་པོ་ཞེས་བྱ་བ། སྲིད་པའི་ཟུག་རྔུ་དྲུངས་འབྱིན་པའི། །མཆོག་གི་སྨན་པ་ཐམས་ཅད་མཁྱེན། །ངེས་གསུངས་འགོག་ལམ་དམ་པའི་ཆོས། །རིག་གྲོལ་ཉིས་ལྡན་ཚོགས་ལ་འདུད། ཁྱེད་ཁམས་སྒོམ་གནས་སྐོར་ལ་གདུང་བ་ཆ། །ཡུལ་རྐྱེན་གྱིས་དགེ་སྦྱོར་བཅོམ་ཏ་རེ། །ལས་ངན་གྱི་རླུང་འཚུབས་ལངས་ནས་ཡོང་། །གནས་མཐོང་བས་སངས་རྒྱས་ཐོབ་གྱུར་ན། །དུས་ད་ལྟ་རྒྱ་གར་རྡོ་རྗེ་གདན། །མུ་སྟེགས་དང་ཀླ་ཀློས་བཟུང་སྟེ་མཆི། །དེ་དག་ལ་མོས་པ་མེད་

(༥༧༥)ཟེར་ན། །ཇོ་ཤཱཀ་རྣམ་གཉིས་ཀྱི་སྐུ་མདུན་ན། །གནས་བཤད་དང་རྟན་བཤད་འདོན་པ་རྣམས། །ཡི་དྭགས་སུ་སྐྱེས་པ་མ་མཐོང་ངམ། །དེ་བསམ་པ་དང་སྦྱོར་བ་མ་མཐུན་པས་ལན། །གནས་ལ་སྙིང་ནས་དད་པ་དང་། །ལྟད་མོའི་འདུ་ཤེས་ཀྱང་ནོར་ཉན་ཆེ། །འབངས་ལ་ལོངས་སྤྱོད་བྱེད་རྣམས་ནི། །གནས་སྐོར་མ་ཡིན་སྡིག་སྐོར་ཡིན། ཁྱད་པར་ཨ་ཁུ་ཁམས་པ་དང་། །སྒོམ་ཆེན་ས་མཐའ་འགྲིམ་པ་རྣམས། །ཤུལ་རིང་ལམ་དུ་ཞུགས་ཙ་ན། །རྐང་འོག་ཏུ་བསད་པས་མཆོག་པར། །གྲོ་གའི་དོན་དུ་སེམས་ཅན་གསོད། །ཨ་ར་ཇག་དང་གཡུལ་སྤྲོད་ཞེ་སྡང་འབར། །བཟོད་པའི་གོ་ཆ་རླུང་ལ་བསྐུར། །རྐུ་འཕྲོག་དང་གཞོགས་སློང་མ་བྱིན་ལེན། །སྦྱིན་པའི་མི་མཐུན་ཕྱོགས་ལ་བསྙེན། །ལམ་གྲོགས་སྣ་ཚོགས་པས་སྲུང་སྡོམ་སྐྱེལ། །ཚུལ་ཁྲིམས་ཐལ་བ་བཞིན་དུ་གཏོང་། །ལུས་ཀྱི་ལས་གསུམ་པང་དུ་བླངས། །ཕྱག་དང་སྐོར་བའི་རྒྱུན་ལམ་གཅོད། །རྙེད་པ་འཚོལ་ཕྱིར་རྫུན་ཚིག་སྨྲ། །ཤོ་སྣ་སྔ་ཕྱིར་ཕྲ་མ་འཛུད། །ལམ་འཕྲང་ཡངས་དོག་ལ་ཚིག་རྩུབ་འཕེལ། །ཤུལ་རིང་གི་ངལ་དུབ་ངག་འཁྱལ་གྱིས་བསྒྲིབ། །ངག་གི་ལས་ལམ་བཞིར་བསྙེན་སྒྲུབ་བྱེད། །བཟླས་བརྗོད་དང་ཆོས་སྤྱོད་འབག་འབུག་ཆག །བརྩོན་འགྲུས་ལོག་ལམ་གྱི་ཕྱོགས་ལ་འཁྱོག །ལྷ་ཁང་དང་རྟེན་གསུམ་མཐོང་ཙ་ན། །ཕྲ་རྒྱན་དང་མཆོད་རྫས་ལ་བརྣབ་སེམས་དང་། །དཀོན་གཉེར་གྱི་ཚིག་རྩུབ་ལ་གནོད་སེམས་འཕེལ། །འགྲོད་ལམ་གྱི་ཁ་ཆར་བུ་ཡུག་དང་། །དགྲ་གྱོད་དང་ནད་གདོན་ཆོམ་རྐུན་སོགས། །ལས་ངན་གྱི་རླུང་འཚུབས་ལངས་ཙ་ན། །དཀོན་མཆོག་དང་ཆོས་སྐྱོང་ལ་ཡི་ཆད་དང་། །ལོག་ལྟའི་གཡང་སར་གོམ་པ་འཇོག །ཡིད་ཀྱི་ལས་ལམ་རྣམ་པ་གསུམ། །ལ་སོགས་རྣམ་རྟོག་

(༥༧༦)གི་ཆོམ་རྐུན་རྣམས། །བསམ་གཏན་དང་ཤེས་རབ་ཀྱི་འགལ་ཟླར་སླེབས། །དེ་ལྟར་ཕྱིན་དྲུག་སྨ་འབེབས་ཤིང་། །མི་དགེའི་ལས་ལམ་རྣམ་པ་བཅུ། །བལྟར་མི་མངོན་པར་འདུ་བྱེད་པ། །སྡོམ་མིན་རྒྱུན་ལྡན་གྱི་རྒྱལ་བློན་དང་། ཁེ་འདོད་ཀྱི་ཚོད་པ་གཡོན་ཅན་དང་། ཁམས་པ་གནས་སྐོར་ལ་གདུང་བ་དང་། །སྒོམ་ཆེན་སྒྲུབ་ཚུགས་མ་ཟིན་པ། །ཐམས་ཅད་ཀུན་གྱི་འབུག་པ་ཡིན། །གཉན་ས་འགྲིམ་པ་སྐད་རྣམས་ཀྱང་། །སྔོན་འགྲོས་རང་རྒྱུད་མ་སྦྱངས་ཤིང་། །བསྐྱེད་དང་རྫོགས་པའི་གཞུང་ལམ་ལ། །གཡོ་ཐོབ་གོམས་བརྟེན་མཐར་ཕྱིན་ལྔའི། །དྲོང་རྟགས་ཀྱི་སྣེ་ཡང་མ་ཟིན་པར། །བཟའ་བཏུང་རྐར་གླིང་དང་ཌཱ་རུས་འཚོལ། །ཐོགས་བཅས་བདུད་ལ་སྐྲག་ཅིང་འདར། །ཐོགས་མེད་བདུད་ཀྱིས་ཀུན་ནས་དཀྲིས། །དགའ་བྲོད་བདུད་ལ་མངོན་པར་རློམ། །སྙེམས་བྱེད་བདུད་ལ་འཁུམས་བཞིན་དུ། །ཆང་དང་ལམ་ཟན་འཆེལ་བཞིན་པར། །ཤ་ཁྱེར་ཁྲག་ཁྱེར་ཟེར་བ་མཚར། །ཞི་གནས་ཀྱི་མྱོང་བ་མཐར་ཕྱིན་ནས། །ལྷག་མཐོང་ལ་ཉམས་སད་བྱེད་པ་དང་། །རོ་སྙོམས་ཀྱི་འཕྲང་ལ་བཤར་ནུས་པའི། །གཅོད་མཁན་དེང་སང་ཡོད་མི་འདྲ། །དུར་ཁྲོད་དུ་ཉལ་བས་སངས་རྒྱ་ན། །མི་ཚེར་རི་སྟོངས་སུ་ཉལ་བྱེད་པའི། །རྫི་བོ་རྣམས་འཇའ་ལུས་འགྲུབ་ལ་ཉེ། །དེ་ཀུན་གླེན་པའི་བརྟུལ་ཞུགས་ཡིན། །གདོན་བགེགས་རང་གི་སེམས་ལ་ཚང་། །དུར་ཁྲོད་མ་ལས་ལས་གཉན་པ་མེད། །འཇིག་རྟེན་ཆོས་བརྒྱད་ཀྱི་རོ་ལངས་དང་། །འདུ་འབྲལ་མེད་པ་མ་ཤེས་སམ། །འདི་ཉིད་ལ་གཅོད་ན་གཅོད་མཁན་ཡིན། །བརྟུལ་ཞུགས་གྲུབ་པའི་ནང་ན་མཆོག །དེ་བས་གནས་སྐོར་དང་ས་སྐོར་ལ། །རྒྱུ་བ་།།།རྣམས་བག་ཡོད་ཀྱིས་དྲན་པ་བརྟན། ཁྱད་པར་ཆོས་ལྡན་གྱི་གང་ཟག་དང་། །སྒོམ་ཆེན་གནས་སྐོར་ལ་འགྲོ་བའི་མཚམས། །བྱང་ཆུབ་སེམས་གཉིས་ལ་རང་དབང་ཐོབ། །རོ་སྙོམས་ཀྱི་སྐྱིད་སྡུག་ལ་འདམ་ག་བྲལ། །

(༥༧༧)བཟོད་པའི་གོ་ཆས་ཡུལ་རྐྱེན་ཐུབ། །ཉིན་གཅིག་ལ་བརྡུངས་བཏགས་བརྒྱ་བྱུང་ཡང་། །འབྱུང་བཞི་ལ་དབྱུག་པས་བསྣུན་པ་ལྟར། །ཅི་མི་སྙམ་པའི་བརྟུལ་ཞུགས་ཀྱི། །སྤོབས་པ་གདེང་དུ་གྱུར་པའི་ཚེ། །ཡུལ་ཆེན་ཉི་ཤུ་རྩ་བཞི་སོགས། །བགྲོང་པར་སྔགས་ཀྱི་གཞུང་ནས་གདན། །ཚོགས་ལམ་གྱི་སྣ་ཡང་མ་ཟིན་ཅིང་། །སྤྲེའུ་ལས་བཟོད་བསྲན་ཆུང་བ་ཡི། །དགེ་སློང་རྡོ་རྗེ་འཛིན་པ་དང་། །སྨྱོ་སྤྱོད་ལ་གྲུབ་ཐོབ་ཏུ་རློམ་པ་ཡི། །ངོ་ཚའི་གདོང་པགས་རལ་བ་རྣམས། །གནས་སྐོར་གྱིས་ངན་སོང་སྒྲུབ་ཉེན་ཆེ། །བར་དོར་ཟུང་འཇུག་ཐོབ་ངེས་པའོ། །ནག་པོ་སྤྱོད་པ་ལྟ་བུ་ཡང་། །གནས་སྐོར་གྱིས་སྐུ་སྲོག་བསྐྱབ་གྱུར་ན། །ཕྱོགས་ལས་རྣམ་རྒྱལ་དང་ཁ་འགྱངས་པས། ཁྱེད་ཅག་གི་རྒྱུད་ཚོད་རིག་སྟེ་མཆི། །ཟས་གོས་ཀྱི་ཞེན་པ་མ་ཆོད་པས། ཁལ་མ་དང་ཚོད་ཟོག་ལམ་ཡིག་ལ་གདུང་། །བརྟུལ་ཞུགས་ཀྱི་སྤྱོད་པས་གནས་ཉུལ་བ། །ཨོ་རྒྱན་པ་རང་བྱུང་དཔལ་སོགས་ཡིན། །དེ་དག་གིས་དེ་འདྲ་ཨེ་མཛད་ལྟོས། །བྱིས་པས་ཉེར་སྤྱོད་ཀྱི་བསམ་གཏན་ལ། །རླུང་རྐྱེན་དང་མངོན་ཤེས་གྱལ་གྱོལ་སོགས། །ལྷའི་བུའི་བདུད་ཀྱི་འཕྲང་དམ་པས། །ཀུན་ཏུ་བཟང་པོའི་སྦྱོན་པ་ལྔར། །བག་ཡོད་བརྟེན་ན་མི་ལེགས་སམ། །དེ་ལ་དག་པ་ལྔ་ཡོད་དེ། །གནས་དག་དགོན་པ་བས་མཐའ་བཟུང་། །ལོག་འཆོས་མ་གོས་འཚོ་བ་དག །གྲོགས་དག་ཚངས་པར་མཚུངས་སྤྱོད་ལྡན། །སྡོམ་པ་དག་པ་བྱང་སེམས་དང་། །རིག་འཛིན་ཟུང་དུ་སྤྲལ་པ་བསྲུང་། །ཆོས་དག་སྦྱང་གཞི་སྤྱོད་བྱེད་ཀྱི། །གནད་དོན་གོ་བའི་བསྐྱེད་རིམ་དང་། །ས་བཅུའི་སྤངས་རྟོགས་ལ་རིག་པའི། །རྫོགས་རིམ་ཟུང་དུ་འབྲེལ་འགྱུར་ན། །སངས་རྒྱས་རང་ལ་ཡོད་པའི་ཕྱིར། །བྱང་ཆུབ་མལ་གྱི་ནང་ནས་ཐོབ། །འདི་ལྟར་མི་ཤེས་རྨོངས་ཆེན་རྣམས། །འཁོར་བའི་རྒྱུ་འབྲས་མིང་གཟུགས་ལ། །ཆགས་ནས་གཟུང་འཛིན་ཡུལ་ལ་བགྲོད། །ཡུལ་ནི་གཟུགས་ཡིན་གནས་ཀྱང་དེ། །མིང་ནི་རྣམ་ཤེས་ལ་སོགས་བཞི། །གནས་ཀྱི་མིང་ཐོས་ཚོར་བ་སྟེ། །འགྲོ་བར་འདོད་པ་

(༥༧༨)འདུ་ཤེས་དང་། །རྒྱུ་འབྲས་སྣ་ཚོགས་འདུ་བྱེད་དེ། །རྣམ་ཤེས་ལས་སུ་མི་རུང་བའི། །བློ་ལྷག་གནས་སྐོར་བདུད་ཀྱི་ལས། །ཅིས་ཀྱང་སྡོད་དུ་མ་ཚུགས་ན། །གནས་ཆེན་གསུམ་དང་མཐའ་ཡང་འདུལ། །རུ་གནོན་གཙུག་ལག་ཁང་རྣམས་ལ། །ཕྱག་སྐོར་སྨོན་ལམ་རྒྱ་ཆེན་མཛོད། །ལམ་མ་ཞུགས་ཀྱི་སྐྱེ་བོ་ལའང་། །བག་ཡོད་ཤུགས་ལ་བརྟེན་དགོས་པའི། །ཚོགས་གསོག་སྒྲིབ་སྦྱོང་འདི་ཉིད་ཟབ། །དགེ་བའི་ཆོས་རྣམས་སྡུད་པས། །ཡན་ལག་བདུན་དང་ཕར་ཕྱིན་དྲུག །ཆོས་སྤྱོད་བཅུ་སོགས་གསུངས་པ་ལས། །གཅན་གཟན་དང་ནི་ཆོམ་རྐུན་གྱི། །བརྟུལ་ཞུགས་བསྟན་པ་མེད་པའི་ཕྱིར། །ཕན་པའི་སེམས་ཀྱིས་སྨྲས་པ་ཡིན། །ཞེས་ཀསྒོམ་རྩྭ་མཆོག་གྲོང་ལ་འགྲོ་ཟེར་བ་ལ་གདམས་པ་རང་བྱུང་རྡོ་རྗེས་སོ། །གཏམ་ཚོགས་ལེའུ་ཉེར་བརྒྱད་པའོ། །བསམ་ཡས་གཙུག་ལག་ཁང་གི་གཏམ་འདོད་པ་ཁམས་ཀྱི་རྣ་རྒྱན་ཅེས་བྱ་བ། བྱང་ཆུབ་ཆེན་པོ་ལ་ཕྱག་འཚལ་ལོ། །བསྟན་པ་རིན་ཆེན་མཛོད་ཁང་གངས་རིའི་ཁྲོད། །ཐུགས་བསྐྱེད་ཤིང་རྟས་འདྲེན་པ་མེས་དཔོན་གསུམ། །མཁན་སློབ་ལོ་པཎ་རྣམས་ཀྱི་བཀའ་དྲིན་ལ། །དད་པའི་མེ་ཏོག་མ་རྙིང་མཆོད་སྤྲིན་འབུལ། །དེ་ལ་བདག་ཅག་གི་སྟོན་པ་འཚོ་ཞིང་གཞེས་པའི་དུས་ན། །མ་འོངས་པ་ན་མཐའ་ཁོབ་གདོང་དམར་ཁ་བ་ཅན་གྱི་ཡུལ་དེར་དམ་པའི་ཆོས་ཉི་མ་ཤར་བ་ལྟ་བུ་ཞིག་རྒྱས་པར་འགྱུར་རོ། །མཐའ་ཁོབ་དེ་འདུལ་བའི་གཉེན་པོ་ནི་འཕགས་པ་སྤྱན་རས་གཟིགས་ཡིན་ནོ། །ཞེས་ལུང་བསྟན་པ་ལྟར། འཇིག་རྟེན་བླུན་པོ་རྣམས་ཀྱང་རྒྱལ་པོ་ལ་གཙོ་བོར་འཛིན་པས་ལྷ་ཐོ་ཐོ་རི་གཉན་བཙན་གྱི་རིང་། །གཉེན་པོ་གསང་བ་ལ་སོགས་པ་ཕོ་བྲང་ཡུམ་བུ་གླ་སྒང་དུ་བབས་པས་དམ་པ་ཆོས་ཀྱི་དབུ་བརྙེས། རྒྱལ་རབས་ལྔ་ནས་འདིའི་དོན་ཤེས་པ་འབྱུང་ངོ་ཞེས་པ་ལྟར་ཨ་མི་དེ་ཝའི་དལ་སྐྱིན་སྲོང་བ་ཙམ་གྱི་རིང་ལ། ཇོ་ཤཱཀ་རྣམ་གཉིས་སྤྱན་དྲངས། ལྷ་ས་དང་། ཕྲང་འཕྲུག་ལ་སོགས་པ་

(༥༧༩)མཐའ་འདུལ་དང་ཡང་འདུལ་རུ་གནོན་གྱི་གཙུག་ལག་ཁང་བཞེངས། ཡི་གེ་དང་དམ་པའི་ཆོས་ཀྱི་སྲོལ་བཏོད། དེ་ནས་རྒྱལ་རབས་ལྡན་དབོན་སྲས་ཁྲི་ལྡེ་གཙུག་བརྟན་གྱིས་མེས་སྲོང་བཙན་གྱི་བཀའ་ཆེམས་ལ། ངའི་དབོན་སྲས་རྒྱལ་པོ་ལྡེ་ཞེས་བྱ་བའི་རིང་ལ་དམ་པའི་ལྷ་ཆོས་འབྱུང་ཞེས་པ་ལ་སོགས་པ་གཟིགས་པས་རང་ཉིད་ཡིན་ནོ་སྙམ་ནས་བྲན་ཀ་དང་གཉག་གཉིས་རྒྱ་གར་དུ་ཆོས་འཆོལ་དུ་བཏང་བས་པཎྜི་ཏ་སངས་རྒྱས་གསང་བ་དང་། སངས་རྒྱས་ཞི་བ་གཉིས་གངས་ཏི་སེལ་བཞུགས་པ་དང་མཇལ་ཀྱང་ལུང་བསྟན་གྱི་དོན་ལྷ་སྲས་ཁྲི་སྲོང་ཡིན་པས་གདན་མ་འདྲོངས། མདོ་སྡེ་ལས་རྣམ་འབྱེད་དང་། གསེར་འོད་དམ་པ་གཉིས་ཐུགས་ལས་སྤྱན་དྲངས་ནས་དེའི་བཞུགས་ཁང་དུ་བྲག་དམར་མགྲིན་བཟང་། མཆིམས་ཕུ་ན་ར། ཀ་ཆུ་དཔལ་འབྱུང་། ལྷ་ས་མཁར་བྲག །ག་པ་གོང་སྟེ་གཙུག་ལག་ཁང་ལྔ་བཞེངས། དེ་ལ་ཞང་བློན་རྣམས་མི་དགའ་ཡང་རྒྱལ་པོའི་ཐུགས་སྨོན་ལས་ཕོ་བྲང་ཕང་ཐང་དུ་ལྷ་སྲས་ཁྲོ་སྲོང་ལྡེའུ་བཙན་འཁྲུངས། རེ་ཞིག་རྒྱལ་བུ་སྐུ་ནར་མ་སོན་རིང་པོ་ན་བློན་ངན་པས་ཁྲིམས་བུ་ཆུང་བཅས་ནས་ཡབ་མེས་ཀྱི་ཆོས་དང་། བྲག་དམར་སོགས་ལ་གནོད་པ་ཆེར་བསྐྱལ། དགུང་ལོ་བཅུ་གསུམ་པའི་ཚེ་ཡབ་མེས་ཀྱི་ཡིག་ཚངས་གཟིགས་པས་སྔོན་གྱི་ལས་སད་དེ་ཆོས་ལ་དད་པ་ཆེན་པོ་ཐོབ་ཀྱང་། མ་ཞང་ཁྲོམ་པ་སྐྱེས་ཀྱིས་ཡབ་མེས་སྐུ་ཚེ་ཐུང་བ་ཆོས་བྱས་པས་ལན། སྐྱེ་བ་ཕྱི་མ་ཡོད་པ་རྫུན་ཡིན། ཆོས་བྱས་པས་བཀྲ་མི་ཤིས་པ་ཡོང་ཟེར་ནས་ལྷ་སའི་ཇོ་ཤཱཀ་བྱེ་སྟོངས་སུ་སྦས་པ་སོགས་བར་ཆད་ཆེན་པོ་བྱས་པས། སློབ་དཔོན་ཧཱ་ཤང་གི་ཚེ་སྔ་ཕྱི་དང་ཆོས་བདེན་པའི་ཡིད་ཆེས་བྱས་པའི་ཁར་བཙན་པོས་དག་པ་བཅུའི་མདོ་བཀླགས་པས་སྤྱོད་པ་དག་པར་གོ །རྡོ་རྗེ་གཅོད་པ་བཀླགས་པས་ལྟ་བ་དག་པར་གོ །སཱ་ལུ་ལྗང་པ་བཀླགས་པས་འབྲས་བུ་དག་པར་ཡིད་ཆེས། དེའི་གྲོགས་སྦགས་ལ་སྣང་གིས་བྱས། ཆོས་བློན་ཁྲི་བཟང་གིས་ཐབས་བསམས་ནས་ལྟས་མཁན་རྣམས་བྲིང་

(༥༨༠)ཅིང་བརྔན། དེའི་གྲོགས་བློན་པོ་འགོས་ཀྱིས་བྱས་ཏེ་མ་ཞང་སྟོད་ལུང་དུ་གསོན་དུར་ལ་བཅུག །སྦགས་ལ་སྣང་ཕོ་ཉར་མངགས་ཏེ་མཁན་པོ་ཞི་བ་འཚོ་སྤྱན་དྲངས། ཁ་ཆེ་ཨ་ནནྟས་ལོ་ཙཱ་བགྱིས་ཏེ་རྒྱུའི་ཐེག་པ་བཤད་པས། འདྲེ་སྲིན་རྣམས་ཁྲས་ཏེ། ཤམ་པོས་ཕོ་བྲང་ཕར་ཐར་ཆུ་ལ་བསྐུར། ཐང་ལྷས་དམར་པོ་རིལ་ཐོག་ཕབ། མི་ནད་དང་ལོ་ཉེས་ཆེན་པོ་བྱུང་བས་འདི་བཙན་པོས་ཆོས་བྱས་པས་ལན། ཨ་ཙ་ར་ངན་སྔགས་ཅན་པར་སྤྱུགས་ཤིག་ཟེར། བོད་འབངས་ཀུན་ཁ་ལོག་ནས་ཆོས་བྱར་མ་བཏུབ་པས། མཁན་པོའི་ཞལ་ནས། བོད་ཀྱི་གནོད་སྦྱིན་གདུག་པ་སངས་རྒྱས་ཀྱི་དམ་འོག་ཏུ་མ་ཆུད་པས་ཆོས་ལ་སྡང་། ད་འཛམ་བུའི་གླིང་ན་ཆེ་བའི་དགེ་སློང་པདྨ་སམྦྷ་ཝ་ཞེས་བྱ་བ་ཡོད་ཀྱིས་དེ་སྤྱན་དྲོངས་ཞེས་ལུང་བསྟན། མཁན་པོ་བསྐྲད་པ་ལྟར་བྱས་ནས་བཞུད། གསལ་སྣང་ཆོས་ཀྱི་སྤྱན་པ་བར་བསྐོས་བཞེས། སླར་ཡང་ལྷོ་བལ་དུ་རྟོལ་ནས་སློབ་དཔོན་སངས་རྒྱས་གཉིས་པ་སྤྱན་དྲངས། ལམ་དུ་ལྷ་སྲིན་གདུག་པ་ཅན་འདུལ་བཞིན་བྱོན། མང་ཡུལ་གྱི་རི་བོ་དཔལ་འབར་གཡས་གཡོན་བརྗེས། སྟོད་ལུང་མདར་མྱ་ངམ་གྱི་ཐང་ལ་གསེག་ཤང་རྒྱབ་ནས་གྲུབ་ཆུ་ཆེན་པོ་བཏོན། བཙན་པོས་སློབ་དཔོན་གྱི་ཕྱག་བཞེས་སུ་འཆའ་བ་ལ། རབ་ཏུ་བྱུང་བའི་ཕྱག་མི་ཐུབ་གསུངས་ནས་ཕ་ཝང་ལ་ལྟ་སྟངས་མཛད་པ་དེ་ཕྱེད་ཚལ་དུ་གས།།། དེའི་སྒྲིབ་སྦྱོང་དུ་དམིགས་ནས་ཟུང་མཁར་ཕྲང་ལ་རྡོའི་མཆོད་རྟེན་ལྔ་མཛད། ཤམྦྷོས་སློབ་དཔོན་གྱི་ཐོག་ཏུ་ཆུ་ཆེན་པོ་དྲངས་པ་ལ་རྡོ་རྗེ་དེངས་པས་ཆུ་གྱེན་དུ་ཕྲོས། སླར་ལྟ་སྟངས་མཛད་པས་གངས་རི་ཞུ་ནས་རི་ནག་ཉིལ་སོང་བས་ཁོ་སྐྲག་སྟེ་བཀའ་ལ་ཉན་པར་བྱས། དེ་བཞིན་དུ་བོད་ཀྱི་ལྷ་འདྲེ་ཐམས་ཅད་ཀྱིས་ཐོ་བ་ཙམ་།།།རྫུ་འཕྲུལ་གྱིས་སྦ་བཀོང་སྟེ་དམ་པའི་ཆོས་དར་དུ་བཏུབ་པ་མཛད། ཐུགས་རྗེ་དང་རྫུ་འཕྲུལ་བསམ་གྱིས་མི་ཁྱབ་པས་བོད་འབངས་ལ་ཕན་གདགས་པར་བཞེད་ནས་ཛམྦྷ་ལ་ལམ་ནོར་བླངས་ནས་དབུལ་བ་བསལ། དམ་ཤོད་ནེ་ཐང་བསྒྱུར། གྲམ་པ་རྣམས་ཞིང་དུ་བཏང་། རྒྱ་གར་དུ་

(༥༨༡)ཆུ་འདི་བས་ཆེ་བ་ཞིག་ས་འོག་བཅུག་གསུང་ནས་གཙང་པོས་འོག་ཏུ་འཇུག་པར་མཛད་རྒྱུ་ལ། ཞང་བློན་ངན་པས་དབྱེན་བཅོས་ནས་ཞིང་ཡར་གླུངས་ཀྱིས་ཆོག་ཟེར་བ་སོགས་རྟེན་འབྲེལ་ཕྱིན་ཅི་ལོག་ཏུ་སྦྱར་བས་མ་གྲུག །དེ་ནས་མཁན་སློབ་གདན་འཛེམ་སྟེ་ཨཱརྱ་པ་ལོའི་གླིང་འབྱོངས་ནས་བཙན་པོ་དགུང་ལོ་བཅུ་གསུམ་པའི་ཚེ་ཨོ་ཏནྟ་པུ་རིའི་གཙུག་ལག་ཁང་ལ་དཔེ་བྱས་ནས་དབུ་རྩེ་རིགས་གསུམ་གླིང་བཞི་གླིང་ཕྲན་དང་བཅས་པའི་རྨང་བཏིང་། ས་རྣམས་ཡར་ཀླུངས་གད་པ་ཐོག་དང་། རྡོ་ཧས་པོ་རི་ནས་ཤིང་རྟ་ལ་དྲངས། ཤིང་ཤུག་པ་ལ་བྱས། སློབ་དཔོན་ཆེན་པོས་ལྷ་འདྲེ་དམ་འོག་ཏུ་བཙུད་དེ་ལས་ལ་བཀོལ་བས་ཉིན་པར་མིས་བརྩིགས་པ་ལས་མཚན་མོ་ལྷ་འདྲེས་བརྩིགས་པ་ཚར་ཆེ་བའི་ལོ་རྒྱུས་ལ་ཕྱིས་ཞིག་གསོའི་དུས་གྱང་དབར་ནས་མི་མ་ཡིན་གྱི་རྐང་རྗེས་ཁྲུ་གང་བ་ཐོན་པ་སོགས་ངེས་པ་འདྲོངས། ལྷ་ཁང་འབྱོངས་ནས་བཙན་པོའི་མནལ་ལམ་དུ་མི་དཀར་པོ་གཅིག་གིས་ས་གཞི་འདི་ཇོ་མོ་སྒྲོལ་མས་བྱིན་གྱིས་བརླབས་པ་ཡིན། ཧས་པོ་རིའི་རྩེན་བཅོམ་ལྡན་འདས་ཀྱི་བྱིན་གྱིས་བརླབས་པའི་ཤཱཀྱ་ཐུབ་པ་གཙོ་འཁོར་བཅུ་གསུམ་ཡོད་ཅེས་ལུང་བསྟན་པ་ལྟར། ནངས་བར་བློན་པོ་ཁམས་པ་གོ་ཆ་ཁྲིད་དེ་བལྟར་བྱོན་པས་བྱེ་མའི་འབོལ་ནས་རྡོ་སྐུ་རང་བྱུང་ཐེའུའི་རྗེས་མེད་པ་སྤྱན་བཀྲ་ཧྲིག་གེ་བའི་ངོ་བོ་བྱང་ཆུབ་ཆེན་པོ་རྙེད། དེ་ཤིང་རྟ་ལ་སྤྱན་དྲངས་པས་གཙུག་ལག་ཁང་གི་ཤར་སྒོར་བྱོན་པ་དངས་གཡོས། དྲི་གཙང་ཁང་དུ་བྱོན་པ་དང་ཆེར་གཡོས། ཁྲི་ལ་བཞུགས་སུ་གསོལ་བ་ན་ཕྱྭ་མཁན་ན་རེ། བཙན་པོའི་ལྷ་ཁང་ལ་དཔགས་ན་ལྷ་སྐུ་ཚང་ཆུང་མཆི་ཟེར་བས། སྤྲུལ་པའི་བཟོ་བོས་འཇག་མ་དང་དར་རས་ཀྱིས་གཡོགས། གསེར་ལ་སོགས་རིན་པོ་ཆེ་འབའ་ཞིག་བསྲེས་པའི་འཇིམ་ལས་བཟོ་གནས་བོད་ཀྱི་ལུགས་སུ་བྱས་པས་མཐོང་ན་མི་མཐུན་པ་མེད་པའི་སྐུ་རྒྱལ་བ་མངོན་སུམ་པའི་མཚན་དཔེ་རྫོགས་པར་བྱོན། དེ་ཡང་རྩིག་ལུགས་འདུལ་བ་དང་མཐུན། རྒྱུད་རིས་མདོ་སྡེ་དང་མཐུན། ལྷ་ཚོགས་གསང་སྔགས་དང་མཐུན་པས་ལུགས་གསུམ་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཞེས་གྲགས་ལ་

(༥༨༢)བཟོག་ནས་ཀྱང་རྒྱ་གར། རྒྱ་ནག །ལི་ཡུལ་ཐ་དད་པའི་ལུགས་སུ་བྱས་པས་ཤིང་བསྒྲིགས་དང་བཀོད་པའི་རྣམ་ཆ་ལང་བློ་ཡུལ་དུ་འདོམས་པར་མི་ནུས་པས་ན་བཀའ་ཆེམས་ལས་ཀྱང་། ཁྲི་གདུགས་འོག་ན་འགྲན་ཟླ་མ་མཆིས་པའི། །རྒྱ་གར་རྡོ་རྗེ་གདན་མཚུངས་བསམ་ཡས་འདི། །མིག་གིས་མཐོང་ཚད་ངན་སོང་སྐྱེ་སྒོ་གཅོད། །གང་དག་འདི་ལ་སྐོར་བ་སུས་བསྐོར་བ། །ཤན་པ་ཡིན་ཀྱང་མཐོ་རིས་གནས་སུ་སྐྱེ། །གང་ཞིག་བསམ་ཡས་འདི་ལ་ཕྱག་འཚལ་བ། །ཐུན་མོང་ཁྱད་པར་ཆེས་ཆེར་རྒྱལ་པོར་འགྱུར། །གང་ཞིག་བསམ་ཡས་རྣམ་ཐར་སུས་བརྗེད་པ། །གང་གིས་ཐོས་པས་ལས་རྣམས་ཀུན་ལས་གྲོལ། །ཅེས་པས་མཚོན་ན་སངས་རྒྱས་འབྱུང་བ་ལ་མཉེས་པར་མི་བགྱིད་པའི་ལས་མཐའ་ལོག་པ་རྣམས་ལ་བསམས་ནས་ཆོས་སྣང་བའི་སྒོ་དད་པ་བླ་ལྷག་ཏུ་བསྐྱེད་འཚལ། གཏམ་ཚོགས་ལེའུ་ཉེར་དགུ་པའོ།། །།ཨཱརྱ་པ་ལོའི་གླིང་ཞི་གཏམ་བདེན་པའི་རྣ་རྒྱན་ཅེས་བྱ་བ། འདུལ་འཛིན་བསྟན་པའི་ཆུ་འགྲོ་ཞི་བ་འཚོ། །སངས་རྒྱས་གཉིས་པར་རྩོད་མེད་ཨོ་རྒྱན་རྗེ། །རྒྱལ་བསྟན་མགྲོན་པོར་འབོད་པ་ལྷའི་མེ་ཏོག །བསྟན་པ་རྒྱ་མཚོའི་རྩ་ལག་གསུམ་ལ་འདུད། དེ་ལ་འཇམ་དཔལ་དབྱངས་དངོས་ཁྲི་སྲོང་ལྡེའུ་བཙན་གྱིས་ཡབ་མེས་ཀྱི་ཞལ་ཆེམས་གཟིགས་པས། གངས་རིའི་ལྗོངས་སུ་སངས་རྒྱས་ཀྱི་བསྟན་པ་དར་བའི་བྱེད་པོ་རང་ཉིད་དུ་ལུང་བསྟན་པར་ཡིད་ཆེས་ཤིང་། སློབ་དཔོན་ཏྭ་ཤང་ཆེན་པོའི་ལུང་བཞིན་དགེ་བ་བཅུའི་མདོ་དང་། རྡོ་རྗེ་གཅོད་པ་སཱ་ལུ་ལྗང་པ་གསུམ་གཟིགས་པས་དམ་པའི་ཆོས་ཀྱི་ལྟ་སྤྱོད་འབྲས་བུ་གསུམ་ག་ལ་ལྷག་པར་དད་ཀྱང་། མ་ཞང་ལ་སོགས་པའི་བདུད་བློན་རྣམས་ཀྱི་གཞན་དབང་གིས་བཀབ་པ་སྙིང་སྟོབས་ཀྱི་གོ་ཆ་དང་། སྦྱོར་བ་དང་ཆོག་མི་ཤེས་པའི་བརྩོན་འགྲུས་ཀྱིས་ནག་པོའི་རྩལ་ག་མཐའ་དག་ཚར་བཅད་དེ། མཁན་པོ་ཤཱནྟ་རཀྵི་ཏ་སྤྱན་དྲངས། དགེ་བ་བཅུ་དང་ཁམས་བཅོ་བརྒྱད་དང་། རྟེན་འབྲེལ་བཅུ་གཉིས་ཀྱི་ཆོས་བཤད་པས། བོད་ཀྱི་འདྲེ་སྲིན་གདུག་པས་བར་གཅོད་བརྩམས་ནས་བཀྲ་མི་ཤིས་པ་ཆེན་པོ་བཏང་། དེར་མཁན་པོས་ལུང་བསྟན་ཏེ། སངས་རྒྱས་གཉིས་པ་སློབ་དཔོན་ཆེན་པོ་སྤྱན་དྲངས། ལྷ་

(༥༨༣)སྲིན་དམ་ལ་བཞག །གྲག་དམར་མགྲིན་བཟང་ལ་མངའ་གསོལ་མཛད་པས་ལྷ་རྣམས་ཕྱི་རོལ་དུ་འཐོན་ནས་སླར་ནང་དུ་ལོག །ཐོད་ཡུལ་བཟང་པོར་གཏོང་ཕྱིར་དམ་ཞོད་ན་ཐར་དུ་བསྒྱུར། གཙང་པོ་སྤུབས་སུ་འཇུག་ནུས་པ་ཤེས་ཕྱིར། ཀླུ་རྫི་དང་ཟུང་མཁར་ནས་ཁུ་ཆུ་བཏོན། གསེག་མ་ནེ་ཐང་དུ་བཏང་བས་བདུད་བློན་རྣམས་རྫུ་འཕྲུལ་ལ་སྐྲག་ནས། ཨ་ཙར་འདིས་བོད་ཡུལ་བཟང་པོར་བཏང་རྗེས་རྒྱལ་སྲིད་རྒྱ་གར་ལ་སྤྲོད་དོ་ཞེས་དབྱེན་བཅོས་ནས་སློབ་དཔོན་བཞུད་པར་ཞུ་འཕུལ་བས། བཙན་པོ་མ་མཉེས་ཀྱང་མ་དག་པའི་སྣང་དོར་གཤེགས་པ་ལྟར་མཛད་དེ་སྒྲུབ་གནས་དང་གངས་བྲག་རྣམས་བྱིན་གྱིས་བརླབས། སྔར་མཁན་སློབ་གཉིས་ཀ་གདན་འཛོམ་སྟེ་སའི་དཔྱད་གཟིགས་ནས་མཚོ་མོ་མགུལ་དང་། ཧས་པོ་རིའི་བར་ན་ས་བཞི་འཇག་སྐྱ་སྐྱ་ཆད་དེབ། ཕང་ཕུང་སྣ་ཚོགས་འདུག་པ་དེ་འཁར་གཞོང་མར་ཁུས་བཀང་བ་འདྲ་བས་སའི་དཔྱད་ལེགས་པར་བསྟན་ནས་ཕག་འཁར་གྱིས་ས་རིས་བཅད། བོད་འབངས་ཁ་ལོག་གིས་དོགས་ནས་ཐབས་ལ་མཁས་པས་ཝ་ལུང་གྲོགས་པོ་གསེར་བྱེས་འགོངས་པ་དང་། གཙང་པོ་ཟངས་ཀྱི་སྦུབས་སུ་འཇུག་པ་ལ་སོགས་པའི་གདམ་པ་མི་གཅིག་པ་ལ་བསྐུར་བས་ལྷ་ཁང་བརྩིག་པར་ཁ་འཆམས་ཀྱང་། ཏར་ཀླུ་གོང་ཆོས་ལ་གནག་ཅིང་བོན་གྱི་ཕྱོགས་འཛིན་པས་ལྷ་ཁང་བཞེང་བ་ལ་གེགས་བྱེད་པ་མཐའ་ལ་སྦྱུགས། དེས་བོད་འབངས་ཀུན་བྲེད་དེ་ཁ་རོག་པར་འདུག་པའི་སྐབས། གཙུག་ལག་ཁང་གིས་ཆོ་ག་མཛད་པས་ས་བྲ་ལགས་ཤིང་ས་ཞག་དཀར་པོ་དང་། ནས་འབྲས་ཕུལ་དོ་རེ་བྱུང་། དེ་ནས་མཆོད་རྟེན་བཞིའི་ཕུར་བ་བཏབ་རྗེས། བཙན་པོས་ལྷ་ཁང་བརྩིག་པའི་ཞུ་བ་མཛད་པས། སློབ་དཔོན་གྱི་ཞལ་ནས། བཙན་པོ་ཉིད་དང་པོ་བྱང་ཆུབ་ཏུ་ཐུགས་བསྐྱེད་པ་ཡང་ཇོ་མོ་སྒྲོལ་མ་ཡིན། མཐར་སངས་རྒྱས་ནས་ཆོས་ཀྱི་འཁོར་ལོ་བསྐོར་བ་ཡང་ཇོ་མོ་སྤྲོལ་མས་གསོལ་བ་འདེབས་པ་ཡིན་པས་ཐུག་མར་ཇོ་མོའི་ལྷ་ཁང་རྩིགས་ཤིག་ཅེས་ལུང་བསྟན་པས། ལྷོ་ངོས་སུ་ཨཱརྱ་པ་ལོའི་གཙུག་ལག་ཁང་འདི་བརྩིགས་པ་ཡིན་ཏེ། དེའི་ཆས་ཕུང་ལ་གནས་པའི་ཀླུས་སེ་ཕུང་གཅོད་པར་ཤིས་ནས་མ་བཟོད་དེ་མ་ལ་གྲོ་གཟི་ཅན་ལ་སོགས་པ་ཐམས་ཅད་སྦྲན་པས་ཉིན་བར་མིས་བརྩིགས་པ་མཚན་མོ་ལྷ་འདྲེས་བཤིག་ནས་ས་རྡོ་རང་གནས་

(༥༨༤)སུ་སྐྱལ་བས། སློབ་དཔོན་པདྨས་དྲག་པོའི་སྦྱིན་སྲེག་ལན་གཉིས་དང་། མཆིམས་ཕུར་གླུ་འདུལ་གྱི་དགོངས་པ་ལ་བཞུགས་ནས་ཀླུ་ལ་སོགས་པའི་འདྲེ་སྲིན་དམ་འོག་ཏུ་བཅུད་ཅིང་ཚར་བཅོད་ལོག་གནོན་གྱི་ཚུལ་དུ་སེ་ཕུང་འཁྱུད་མས་བསྡམས་པ་ལ་སྲོག་ཤིང་བྱས་ནས་འཕགས་པ་སེངྒེ་སྒྲའི་སྐུ་བཞེངས་ལ་ད་ལྟ་ཀློ་འབུར་གཡོན་ལོགས་བཞུགས། དེ་ནས་ལྷ་ཁང་གེགས་མེད་དུ་གྲུབ་པ་དང་བཙན་པོ་ན་རེ། ད་ནི་ལྷ་ཁང་ཚར་ལེགས་ཏེ་ལྷ་ཇི་ལྟར་བགྱི་ཞུས་པས། ཡོ་བྱད་བསྡེགས་ཤིག །ལྷའི་བཟོ་བོ་འོང་གི་གསུངས། དེར་རྒྱ་མཚན་མ་ཅན་བྱ་བ་ལ་སྤྲུལ་པའི་བཟོ་བོ་བིར་ཕྱག་པ་གང་དང་། ཚོན་རྩིའི་ཀོང་བུ་ཀོང་ཟེ་གང་ཁྱེར་བ་ཞིག་བྱུང་བ་ན་རེ། འཇིམ་གཟུགས་དང་རི་མེ་བྱེད་པ་ལ་འཛམ་བུའི་གླིང་ནང་མཁས། ལྷ་རྒྱ་གར་དང་རྒྱ་ནག་གང་གི་ལུགས་སུ་བྱ་ཟར། སློབ་དཔོན་གྱི་ཞལ་ནས། སྟོན་པ་རྒྱ་གར་དུ་བྱོན་པ་ཡིན་པས་དེའི་ལུགས་སུ་བྱའོ་གསུངས། དེ་ལ་བཙན་པོས། བོད་ནག་པོ་ལ་དགའ་བ་རྣམས་དད་དུ་རེ་བ་ལགས་པས། ལྷའི་གཟུགས་བརྙན་བོད་དང་མཐུན་པར་འཚལ་ཉུས་པས། སློབ་དཔོན་གྱིས། འོ་ན་བོད་འབངས་ཀུན་སྡུས་ཤིག་གསུངས་པ་ལྟར་བྱས་ནས། ཕོ་ལ་མཚར་བ་ཁུ་སྟག་ཚབ་ལ་དཔེ་བྱས་རྟེན་གྱི་གཙོ་བོ་སེམས་ཉིད་ངལ་བསོ་བཞེངས། མོ་ལ་མཚར་བ་ཅོག་རོ་བཟའ་བུ་ཆུང་ལ་དཔེ་བྱས་འོད་ཟེར་ཅན་མ་ཕྱག་བཞི་པ་བཞེངས། དེ་བཞིན་དུ་ཅོག་རོ་བཟའ་བུ་སྨན་ལ་དཔེ་བྱས་རྗེ་བཙུན་སྒྲོལ་མ་ཞབས་ལ་ཕྱགས་གསོལ་བ་བཞེངས། ཐང་བཟང་སྟག་པོ་ལ་དཔེ་བྱས་ཏེ་སྤྱན་རས་གཟིགས་ཡི་གེ་དྲུག་པ། རྨ་གཡས་སྐོར་ལ་དཔེ་བྱས་ནས་རྟ་མགྲིན་ཞབས་བཞི་ཕྱག་བརྒྱད་པ་སྒྱུ་འཕྲུལ་གྱི་ལུགས་ལྟར་བཞེངས་ནས་སྒོ་སྲུང་གི་ཚུལ་དུ་བྱས། དེ་རྣམས་གྲུབ་ཕལ་བཙན་པོས་བཟོ་བོ་ལ་བྱ་དགའ་གཏང་བའི་སྟ་གོན་བྱས་པ་ན། བཟོ་བོ་གར་སོང་མ་བྱུང་བས་སྤྲུལ་པ་ཡིན་པར་རྩོད་པ་བྲལ། དེའི་ཚེ་སློབ་དཔོན་གྱིས་མངའ་གསོལ་མཛད་པའི་ནུབ་མོ་ཨཱརྱ་པ་ལོའི་ཡང་ཐོག་ཏུ་འོད་ཟེར་ཉི་མ་ཤར་བ་ལྟར་བྱུང་བ། དེ་ཅི་ཡིན་ཞུས་པས། དེ་ནི་བོད་ལ་ཨ་མི་དེ་ཝས་དགོངས་པའི་རྟགས་ཡིན་པས། ཡང་ཐོག་ཏུ་ལྷ་ཁང་བྱ་དགོས་པར་ལུང་བསྟན་པས་སྟེང་དུ་སྣང་བ་མཐའ་ཡས་གཙོ་འཁོར་ལྔ་བཞེངས། དེ་བཞིན་དུ་ནུབ་ཀྱི་བློ་འབུར་ལ་

(༥༨༥)འཇམ་དཔལ་སྨྲ་སེང་གཙོ་བོར་བཞུགས་པའི་རིགས་གསུམ་མགོན་པོ་དང་། མེས་དཔོན་རྣམ་གསུམ། སྒོ་རྒྱ་ཅན་དུ་ཕྲ་མེན་མཆོད་རྟེན། བཙན་པོས་སློབ་དཔོན་ཆེན་པོར་རྟ་མགྲིན་སྒྲུབ་པའི་ལུང་ཞུས་ནས་བསྒྲུབས་པས། ཟླ་བ་ཕྱེད་ན་རྟ་མགྲིན་གྱིས་རྟ་སྐད་ལན་གསུམ་བཏོན་པ་འཛམ་བུའི་གླིང་སུམ་གཉིས་སུ་ཐོས་ཏེ། རྒྱལ་པོའི་ཆབ་སྲིད་ཀྱང་དེ་ཙམ་མོ་གསུངས་པ་ལྟར། གནས་སྐབས་ཀྱི་རྟེན་འབྲེལ་མཆོད་རྟེན་དཀར་པོ་གཙོ་བོར་ བཙན་པོའི་སྐུ་རུས་ལ་ཙནྡན། གུ་གུལ་གྱི་ཤ །དངུལ་གྱི་པགས་པ་གཡོགས་ཟེར་བ་སྣང་། གྱུར་པའི་ནང་གཟུངས་ལ་དམིགས་ཏེ་རྒྱ་གར་གྱི་མཆོད་རྟེན་པདྨའི་སྙིང་པོ་ཅན་ནས་དེ་བཞིན་གཤེགས་པའི་རིང་བསྲེལ་སྤྱན་དྲངས་པའི་ཕྱིར་སྤྲུལ་པའི་དམག་བྱེ་བ་ཕྲག་བཅུ་བཞི་བཏང་ནས་ཆུ་བོ་གངྒཱ་ཚུན་ཆད་དབང་དུ་བསྡུས་ནས་རྡོ་རིང་བསླངས་པས་བཙན་པོས་སྤྲུལ་པར་ཡིད་ཆེས། ཕྱི་ནས་དད་པ་དང་བསོད་ནམས་ལ་མངོན་པར་འདུན་པ་དག་གིས་གསར་དུ་བཞེངས་པ་རྣམས་ནི་རང་རང་གི་མངོན་རྟོགས་ཀྱིས་གསལ་ལ། སྔགས་ཀྱི་སྡེ་སྣོད་ནི་རྣམ་པར་འཁྱམས་བཞིན་དུ་བླ་མེད་ཀྱི་སྔགས་སྐུ་རྣམ་པར་ཤེས་པའི་སྒོག་ཏུ་གྱུར་པའི་གསལ་འདེབས་ཙམ་འཚལ་ན་བདུད་རྩི་སྨན་སྒྲུབ་ཀྱི་བརྟེན་པའི་འཁོར་ལོ། བདུད་རྩི་རང་བྱུང་། ཕྱོགས་བཅུ་ཁྲོ་བོ། རྟ་མགྲིན་དབང་། སྐུ་གདུང་འབར་བ། མཁའ་མཉམ་ཀློང་། ཆེ་མཆོག་རྩ་བ། འཆི་མེད་རྡོ་རྗེ་སྟེ་དཀྱིལ་འཁོར་བདུན་དང་། སྦྱོར་བ་བརྒྱད་ཀྱི་ངེས་པ་རྫོགས་པའི་ཕོ་བྲང་ཉིད་དུ་བརྟག་ཅིང་། དེའི་རྟེན་གཞལ་ཡས་ཁང་བློས་བླང་གི་ཚུལ་དང་ཉེ་བར་རྟ་མགྲིན་ལྕགས་རལ་ཅན། ཕྱག་རྡོར་དྲག་པོ་སུམ་སྒྲིལ། གཡོན་ངོས་སུ་རྟ་མགྲིན་ཡང་གསང་རྣམས་བཞུགས་པ་ལ་ཆོས་སྣང་བའི་སྒོ་དད་པ་བླ་ལྷག་ཏུ་བསྐྱེད་ནས། བྱང་ཆུབ་ཏུ་སེམས་བསྐྱེད་པ་དང་། མཎྜལ་དང་ཡན་ལག་བདུན་པ། བསྔོ་བ་སྨོན་ལམ་ཁྱད་པར་ཅན་སོགས་རང་རང་གི་དགེ་ཚོགས་ཐར་པ་ཆ་མཐུན་དུ་འགྱུར་པའི་བསག་སྦྱང་ལ་འབད་འཚལ། ཕྱག་འཚལ་བ་དང་མཆོད་ཅིང་བཤགས་པ་དང་། སོགས་དང་། བྱང་ཆུབ་སེམས་དཔའ་རྣམས་ཀྱིས་ནི། །འགྲོ་དོན་ཐུགས་ལ་དགོངས་འགྲུབ་ཤོག །སོགས་བརྗོད། སྐུ་གཉེར་བློ་གསལ་གྱི་ངོར་མ་ཧཱ་སནྡྷིང་ཨ་བྷ་ཡ་དྭཱི་བས་སོ། །གཏམ་ཚོགས་ལེའུ་སུམ་ཅུ་པའོ།། །།

(༥༨༦)དཔལ་གྱི་བསམ་ཡས་མཆིམས་བུའི་གཏམ་ཀ་ལ་པྐི་།།།ངའི་རོལ་མོ་ཞེས་བྱ་བ། མ་ཧཱ་གུ་རུ་ལ་ཕྱག་འཚལ་ལོ། །ཐུབ་པའི་མཛད་པ་མཐའ་མ་ནི། །རྫུས་སྐྱེས་སྟོན་པའི་སྔ་རོལ་ཏེ། །ཀུན་མཁྱེན་སངས་རྒྱས་པདྨ་སྐྱེས། །རྒྱ་གར་པཎ་ཆེན་ཞབས་ལ་འདུད། །དེ་ལ་དཔལ་གྱི་བསམ་ཡས་མཆིམས་ཕུའི་ལོ་རྒྱུས་ཅུང་ཟད་བརྗོད་ན། སྤྱིར་དད་པ་ནི་ཆོས་སྣང་བའི་སྒོ་ཡིན་ཏེ། ཇི་སྐད་དུ། དད་པ་སྔོན་འགྲོ་མ་ལྟར་བསྐྱེད་པ་སྟེ། ཡོན་ཏན་ཐམས་ཅད་སྲུང་ཞིང་འཕེལ་བར་བྱེད། །དོགས་པ་སེལ་ཞིང་ཆུ་བོ་རྣམས་ལས་སྒྲོལ། །དད་པ་བདེ་ལེགས་གྲོང་ཁྱེར་མཚོན་བྱེད་ཡིན། །དད་པ་རྙོག་པ་མེད་ཅིང་སེམས་དང་བྱེད། །ང་རྒྱལ་སྤོང་ཞིང་གུས་པའི་རྩ་བ་ཡིན། །དད་པ་ནོར་དང་གཏེར་དང་རྐང་པའི་མཆོག །ལག་པ་བཞིན་དུ་དགེ་སྡུད་རྩ་བ་ཡིན། །ཞེས་པ་ལྟར། དད་པ་མེད་ན་དཀར་པོའི་ཆོས་རྣམས་འཕེལ་བར་མི་འགྱུར་ཅིང་། གནས་ལ་ངེས་ཤེས་མི་སྐྱེ་བས་བྱིན་རླབས་མི་འཇུག་པའི་ཕྱིར་དད་པ་བླ་ལྷག་ཏུ་བསྐྱེད་འཚལ། དེ་ལ་ལྷོ་འཛམ་བུའི་གླིང་འདིར་དཔའ་བོ་མཁའ་འགྲོ་འདུ་བའི་ཡུལ་ཆེན་ཉི་ཤུ་རྩ་བཞི་དང་། གནས་སུམ་ཅུ་རྩ་གཉིས་ལ་སོགས་པ་བསམ་གྱིས་མི་ཁྱབ་པ་ཡོད་པའང་རྣམ་སྣང་གང་ཆེན་མཚོའི་ཐུགས་བསྐྱེད་ལས་གདོད་ནས་རང་བྱུང་དུ་གྲུབ་པ་སྟེ། དེ་ཡངས་ཚིགས་ཀྱི་ལྟེ་བ་བོད་གངས་ཅན་གྱི་ལྗོངས་འདིར་རིགས་གསུམ་སྒྱུ་འཕྲུལ་མེས་དབོན་རྣམ་གསུམ་གྱི་ཐུགས་བསྐྱེད་ལས་འགྲན་ཟླ་མེད་པའི་གཙུག་ལག་ཁང་ཆེན་པོ་གསུམ་ལ་གོས་དང་གོང་པའི་ཚུལ་དུ་འབྲེལ་བའི་སྒྲུབ་གནས་ཁྱད་པར་ཅན་རེ་རེ་ཡོད་པ་ལས། འདིར་གསུང་གི་དབེན་གནས་དཔལ་གྱི་བསམ་ཡས་མཆིམས་ཕུའི་ཡུལ་ལྗོངས་ཀྱི་བཀོད་པ་ནི། བཀའ་ཐང་ལས། མཆིམས་ཕུའི་ལུང་པ་པདྨ་ཁ་ཕྱེ་འདྲ༔ ཞེས་པ་ལྟར་ཕྱི་ལྟར་དུ་པདྨའི་འདབ་མ་ཁ་བྱེ་བའི་དབྱིབས། ནང་ལྟར་དུ་རྡོ་རྗེ་ཕག་མོའི་ཆོས་འབྱུང་རྣམ་ཐར་སུམ་ལྡན། གསང་བ་རྡོ་རྗེ་བཙུན་མོའི་བྷ་གའི་དབྱིངས་སུ་བཞུགས་པའི་གནས་ཀྱི་ལྟེ་བ་རི་བོ་

(༥༨༧)རྒྱལ་མཚན་འདྲ་བའི་མགུལ་དུ་བྲག་དམར་ཀེའུ་ཚང་འདི་ཉིད་བཞུགས་པ་ཡིན་ཏེ། ཇི་སྐད་དུ། བསམ་ཡས་མཆིམས་བུའི་བྲག་དམར་ཀེའུ་ཚང་དུ༔ སྒྲུབ་ཆེན་བཀའ་བརྒྱད་གསང་སྔགས་དཀྱིལ་འཁོར་དུ༔ ལས་ཅན་རྒྱལ་པོ་རྗེ་འབངས་སྨིན་པར་མཛད༔ གསང་སྔགས་འབྲས་བུའི་ཐེག་རྒྱས་པར་མཛད༔ །ཅེས་པ་ལྟར་མདའ་བདག་ཚངས་པ་ལྷའི་མེ་ཏོག་ལ་སོགས་རྗེ་འབངས་ལས་ཅན་བརྒྱད་ལ་སངས་རྒྱས་གཉིས་པ་སློབ་དཔོན་ཆེན་པོས་བདེ་གཤེགས་འདུས་པའི་དཀྱིལ་འཁོར་ཞལ་ཕྱེ་ནས་སྨིན་བྱེད་ཀྱི་དབང་སྐུར་ཟབ་མོ་མཛད་པའི་ཚེ། རྗེ་འབངས་སོ་སོས་གསེར་སྲང་རེ་རེའི་མེ་ཏོག་དོང་བས་དབུས་ཆེ་མཆོག་ལ་མངའ་བདག་རྒྱལ་པོའི་མེ་ཏོག་བབས་ཤིང་ལྷག་པའི་ལྷར་བཟུང་ནས་བསྒྲུབས་པས་ས་ལམ་མཐོན་པོའི་ཏིང་ངེ་འཛིན་ཅིག་ཅར་དུ་བརྙས། བཀའ་ཡང་དག་པའི་མཚན་མ་ཞེས་བྱ་བའི་བསྟན་བཅོས་ཀྱང་མཛད། གྲུབ་ཆེན་གཞན་སོ་སོས་ཀྱང་དངོས་གྲུབ་ཁྱད་པར་ཅན་ཐོབ་ཅིང་རྫུ་འཕྲུལ་ཡམ་ཟུང་མངའ་བརྙེས། ཡེ་ཤེས་ཕབ་པའི་ཆོས་རྡོ་རི་བྲག་ཐམས་ཅད་འགུལ་ཞིང་བྲག་ཅན་ཁྲོ་བོ་ཞེས་པ། ཆེ་མཆོག་གི་རང་བྱོན་དུ་གྱུར། ཡེ་ཤེས་ཀྱི་འཁོར་ལོ་སྟེང་གི་བྲག་ལོགས་ལ་བསྟིམས་པས་རྡོས་བཅས་སྤྲུལ་པའི་སྐུ་རང་བྱོན་གྱི་རྣམ་པ་དཔག་ཏུ་མེད་པ་བྱོན། རྗེ་འབངས་ལས་ཅན་རྣམས་ལ་གནས་མཆོག་ཁྱད་པར་ཅན་འདིར་ཕྱེད་ལོ་གསུམ་གྱི་བར་ཆོས་ཀྱི་འཁོར་ལོ་བསྐོར་བའི་ཚེ། རྒྱལ་པོའི་སྲས་མོ་ལྷ་ལྕམ་པདྨ་གསལ་སྲིན་ཕོ་ལངས་ཀྱིས་གཤེགས་པའི་ཕུང་པོ་ལ་རྣམ་ཤེས་མངོན་སུམ་པར་བཀུག་ནས་མཁའ་འགྲོ་སྙིང་ཏིག་གི་དབང་བསྐུར་གཏད་རྒྱ་དང་བཅས་མཛད་པས་ཕྱི་རབས་ཀྱི་འགྲོ་བ་ལ་ཕན་པ་ཤིན་ཏུ་ཆེ། ཕུང་པོ་བཞག་སའི་རྡོ་ཆོས་འབྱུང་འདྲ་བར་རྗེས་ཤུལ་ལམ་མེ་བ་འདི་ཡང་བྱུང་། མ་འོངས་པའི་སེམས་ཅན་བསོད་ནམས་གསོག་པའི་ཞིང་དུ་དགོངས་ནས་རྒྱ་མཚོའི་གླིང་གི་རིན་པོ་ཆེ་ལྟ་བུའི་བྱེ་མ་ཨ་ཀྲོང་ལ་བཻ་རོ་ཙ་ན་དང་། ཐ་མི་མགོན་བརྩོན་གྱིས་ཕྱག་བཟོ་མཛད་པའི་སྐུ་ཚབ་རིན་པོ་ཆེ་མཐོང་བ་དོན་ལྡན་གཙོ་འཁོར་

(༥༨༨)གསུམ་བཟོ་བཀོད་དང་གཟི་བྱིན་དཔེ་ཟླས་བསྒྲུན་དུ་མེད་པར་ཡེ་ཤེས་ཀྱི་འཁོར་ལོར་བཙུག་ནས་མཐོང་གྲོལ་ཆེན་པོར་མཛད། བྱིན་རླབས་ཤིན་ཏུ་ཆེ་བས་གནས་གསུམ་མཁའ་འགྲོ་འདུ་ཞིང་རྒྱུན་པར་མི་མ་ཡིན་དང་མཁའ་འགྲོ་སྔ་ལྔས་བསྐོར་བ་བྱེད་ཅིང་མ་མཱ་ཥ་ཥཱ་ཤཾ་ཤཱཾ་ཞེས་པའི་བརྡ་སྐད་མངོན་སུམ་དུ་སྒྲོག་པ་ལས་ཅན་གྱིས་མཐོང་། དུས་དེའི་ཚེ་བོད་ཀྱི་ལྷ་སྲིན་རྣམས་ནག་ཕྱོགས་པར་ཡོད་པས་སློབ་དཔོན་ཆེན་པོའི་སྐུ་ལ་ཐོབ་ཙམ་པའི་ཕྱིར་རྫ་རི་ཆེན་པོ་བསྙིལ་པ་ལ་ལྟ་སྟངས་མཛད་ཅིང་ཧཱུྃ་སྒྲས་གྱེན་དུ་གཟིར་བས་རྫ་རྣམས་ཉི་ལ་འཕྲོ་བསྡད་ཅིང་ཡེ་གེ་ཧཱུྃ་གི་རྣམ་པར་གྱུར། ཕ་ཝང་ལ་འདམ་ལྟར་བརྫིས་པས་ཞབས་རྗེས་གྲངས་མེད་པ་བྱུང་། དེ་དང་ཉེ་བར་བྲག་ཅན་ལ་ཆེ་བུམ་རང་བྱུང་དུ་འཁྲུངས་པ་ནས་ཚེ་ཆུའི་རྒྱུན་འབབ་པར་མཛད། ཀླུ་བདུལ་ཕྲུག་པར་བྱ་ཁྱུང་དུ་སྤྲུལ་ནས་བོད་ལ་གནོད་པའི་ས་བདག་གདུག་པ་ཅན་རྣམས་བཏུལ། བློན་པོ་མགུལ་དུ་ཟླ་བ་གསུམ་བཞུགས་པས་རྗེ་འབངས་ཉེར་ལྔའི་སྒྲུབ་ཕུག་ཀྱང་ཡོད། དགེའུ་འོག་ཏུ་རྫུ་འཕྲུལ་གྱིས་ཞབས་རྗེས་འདོ་མདོ་ཙམ་དང་དབུ་དང་ཕྱག་འཁར་གྱི་རྗེས་འདམ་ལ་རྒྱབ་པ་ལྟར་བཞག་ཅིང་ལྷ་སྲས་རྗེ་འབངས་ལ་བླ་མ་དགོངས་འདུས་གསུངས། གཏེར་ཁ་ཆེན་པོ་གྲངས་མེད་པ་རྒྱས་བཏབ་ཅིང་གནས་རི་ཐམས་ཅད་རང་བྱོན་གྱི་བཀོད་པ་འབའ་ཞིག་ཏུ་བྱིན་གྱིས་བརླབས། དེ་བཞིན་དུ། རིན་ཆེན་མཆོག་གིས་ཕ་ཝང་ཟན་ལྟར་བཅད་པ་དང་། ཤུད་པུས་ཆུ་བོའི་རྒྱུན་གྱེན་དུ་དྲངས་པའི་རྗེས་ཤུལ། ཉང་བན་གྱི་སྒྲུབ་ཕུག་དང་དེའི་འོག་ཏུ་ཆོས་རྒྱལ་གྱི་ཕུག་པ། གཡས་རིའི་རྒྱུད་ལ་རྡོ་རྗེ་ཕག་མོ་རང་བྱོན་གྱི་ཐུགས་ཀར་མཚོ་རྒྱལ་གྱི་ལོ་བཅུ་གཉིས་སྒྲུབ་པ་མཛད་པའི་གཟིམ་ཕུག་དང་། གསང་གནས་ན་བསིལ་བའི་ཚལ་དང་མཚུངས་པའི་དུར་ཁྲོད་ཆེན་པོ་སྟེ་ཕུང་པོ་ཚོགས་སུ་སྦྱངས་པ་རྣམས་ངན་སོང་གི་སྐྱེ་སྒོ་ཁེགས་པའི་ཚུལ་ཡང་། ཞིང་སྐྱོང་དུར་ཁྲོད་བདག་པོས་ནངས་བར་ཡོང་པའི་བམ་རི་

(༥༨༩)འཁྱར་བ་མངོན་སུམ་དུ་མཐོང་བས་ཤིན་ཏུ་མཉམ་ཞིང་དཀྱིལ་འཁོར་མུ་རན་སྐྱོང་བ་རྣམས་ཀྱིས་ཚོགས་འཁོར་དུ་ལོངས་སྤྱོད་པར་གདོན་མི་ཟ་ལ། དབེན་རྩར་མཆོག་དབྱངས་ཀྱིས་རྟ་མགྲིན་གྲུབ་པའི་གཟིམ་ཕུག་དང་། གཡོན་གྱི་རི་རྒྱད་ལ་ཇོ་མོ་མཚོ་རྒྱལ་གྱི་གཟིམ་ཕུག་རིང་མོ་ཕུག་ཅེས་བྱ་བ་དང་། དེའི་གཤམ་དུ་རྒྱལ་བ་གཉིས་པ་ཀུན་མཁྱེན་ངག་གི་དབང་པོས་ལོ་གསུམ་སྒྲུབ་པ་མཛད་ཅིང་དེར་རྩ་གསུམ་གྱི་ལྷ་ཚོགས་ཏིལ་གྱི་གོང་བུ་ཁ་བྱེ་བ་ལྟར་ཞལ་གཟིགས་ནས་སྙིང་ཐིག་གི་གདམས་པ་མངོན་སུམ་པ་སྩལ་བའི་བྲག་དམར་རིང་མོ་ཅན་དང་། སླན་ཆད་མཛད་པ་བརྡུལ་བའི་ཚེ་ཡང་གནས་གཞན་སྐྱེ་བ་ལ་ནང་ལས་འདིར་འཆི་བ་དགའ་བ་ཡིན་ཞེས་ས་ཆེན་པོ་འདི་གཡོ་བ་དང་བཅས་གཟུགས་སྐུའི་བཀོད་པ་བསྡུས་ལ་དེ་བཞིན་དུ་ཨ་ཙ་རས་སྙིང་ཡང་གནས་འདིར་གཤེགས་པས་བི་མ་ལ་གྲོངས་པར་དོགས་པ་ཙམ་གྱི་རྟགས་མཚན་ཁྱད་པར་ཅན་བྱུང་ངོ་། །མདོར་བསྡུ་ན་མཆོག་གཟིགས་ཀྱི་པཎ་གྲུབ་དུ་མས་ཉི་ཤུ་རྩ་བཞིའི་ཡུལ་དང་མཚུངས་པར་བསྔགས་པ་བརྗོད་ནས་ཞབས་ཀྱིས་བཅགས་པའི་ཚུལ་ཡང་། བི་མ་ལ་དང་བཻ་རོ། སྐ་ཅོག་ཞང་གསུམ། རྨ་གཉགས་གནུབས་གསུམ་ལ་སོགས་པ་དང་། བསྟན་པ་ཕྱི་དར་གྱི་མགོར་ཇོ་བོ་ཨ་ཏི་ཤས་ཀྱང་རེ་ཞིག་བཞུགས་ཤིང་ཉེ་གནས་རྣལ་འབྱོར་བ་ལ་གསང་སྔགས་ཀྱི་ཐབས་ལམ་ཟབ་མོ་ལྐོག་ཆོས་སུ་བསྟན། ལོ་ཙཱ་བ་རྒྱ་བརྩེན་སེད་དང་། ནག་ཚོ་ལོ་ཙཱ་བ། རོག་ཤཱཀྱ་འབྱུང་གནས། ལྷ་རྗེ་ཟུར་པོ་ཆེ། ཉང་ཤ་བ་ཅན་ལ་སོགས་མཆོག་གཟིགས་དུ་མས་སྒྲུབ་པའི་རྒྱལ་མཚན་བཙུགས། རྒྱལ་བ་ཀློང་ཆེན་རབ་འབྱམས། ཀརྨ་པ་རང་བྱུང་རྡོ་རྗེ། མངའ་རིས་པ་པདྨ་དབང་རྒྱལ། ཀུན་མཁྱེན་པྲཛྙཱ་རསྨི་སྟེ། མཐོང་ལམ་བརྙེས་ཤིང་རང་གཞན་གྱི་གྲུབ་མཐའ་རྒྱ་མཚོའི་ཕ་རོལ་ཏུ་སོན་པ་རྣམས་ཀྱིས་ཀྱང་ཆོས་གཏེར་དང་རྫས་གཏེར་རྩོད་མེད་དུ་སྤྱན་དྲངས། ཡུལ་ཆེན་ཉི་ཤུ་རྩ་བཞིའི་ངོ་བོ་ཉིད་ཡིན་པས་ན།

(༥༩༠)བཀའ་ཕྲང་ལས། བསམ་ཡས་མཆིམས་ཕུ་ཡར་ཀླུངས་ཤེལ་གྱི་བྲག །ཡེར་པ་ཟླ་བ་ཕུག་གི་གནས་འདི་གསུམ། བསམ་ཡས་ཁྲ་འབྲུག་ར་སའི་གཙུག་ལག་དང་༔ ཟུང་དུ་འབྲེལ་བའི་གནས་ཆེན་སྒྲུབ་པའི་གནས༔ ཞིང་མཆོག་དམ་པ་ཀུན་ལའང་དེ་ལས་མེད༔ འདི་གསུམ་གནས་ན་མཆོག་ཐུན་གང་བསྒྲུབ་པ༔ སྒྲུབ་པ་བྱས་ན་མི་འགྲུབ་གང་ཡང་མེད༔ གནས་འབྲེལ་ཙམ་ཡང་རིག་འཛིན་གྲལ་ལ་ཚུད༔ ཕུང་པོ་བོར་ན་མཁའ་སྤྱོད་གནས་སུ་འགྲོ༔ ཞེས་གསུངས་པ་ལྟར་གནས་འདིར་བསྒྲུབ་པ་བྱས་ན་མཆོག་གི་དངོས་གྲུབ་བརྙེས་པ་གདོན་མི་ཟ་ཞིང་། གནས་འབྲེལ་དང་ཕྱག་བསྐོར་ཚོགས་སྐོང་དང་མཆོད་འབུལ། ཐ་ན་ཕུང་པོ་བོར་བ་ལ་ཡང་ཡོན་ཏན་བསམ་གྱིས་མི་ཁྱབ་པ་དང་ལྡན་པས་སྒོ་དུ་མ་ནས་ཚོགས་གསོག་སྒྲིབ་སྦྱོང་དང་འབྲེལ་བར་བསྔོ་བ་སྨོན་ལམ་གྱིས་རྒྱས་འདེབས་ཡང་དག་མཛད་འཚལ། ཕྱག་འཚལ་བ་དང་མཆོད་ཅིང་སོགས་དང་། ལྷ་ཡང་དུས་སུ་ཆར་འབེབས་ཤིང་སོགས་བརྗོད། ཅེས་པའང་ཚེའི་རིག་བྱེད་པ་ཆུ་སྐྱེས་མིང་ཅན་གྱི་ངོར་རྫོགས་ཆེན་པ་རང་བྱུང་རྡོ་རྗེས་སོ། །གཏམ་ཚོགས་ལེའུ་སོ་གཅིག་པའོ། །བསམ་ཡས་གཙུག་ལག་ཁང་ལ་དངུལ་དཀར་ཞུན་མཐུར་སྦྲང་བརྒྱ་ཕྲག་ལྔ་དང་གསིང་རྡོ་ཚད་གཉིས་ལས་བསྐྲུན་པའི་མཆོད་སྡོང་ཕུལ་ནས་བརྟན་བཞུགས་གསོལ་བའི་གཏམ་འཕྲུལ་དགའི་རྣ་རྒྱན་ཅེས་བྱ་བ། གང་ཞིག་སྟོབས་བཅུ་མངའ་རྣམས་ཀྱི། །མཚན་གྱི་གདེངས་ཀ་རྣ་ལུང་དུ། །དབྱངས་པའི་རིན་ཐང་མི་བསྐྱེད་ན། །བསྟི་སྟངས་བསོད་ནམས་གང་གིས་བགྲང་། བསྐལ་བཟང་རྣམ་འདྲེན་ཡོངས་ཀྱི་ཐུགས་རྗེའི་རང་གཟུགས་ལྷ་སྲས་ཁྲི་སྲོང་ལྡེའུ་བཙན་གྱིས་སྟོང་ཉིད་སྙིང་རྗེ་ནོར་བུའི་ཏོག་རི་ཁ་བ་ཅན་གྱི་གཙུག་ཏོར་དུ་མངོན་པར་གསལ་བར་དཔལ་བསམ་ཡས་ལྷུན་གྱིས་གྲུབ་པའི་རྟེན་གསུམ་དག་གི་ཡེ་ཤེས་སེམས་དཔའི་རང་བཞིན་ནི། ཐོག་མ་མེད་པའི་དུས་

(༥༩༡)ནས་མངོན་པར་བྱང་ཆུབ་ཀྱང་སྤྲུལ་པའི་སྐུ་སྒྱུ་མ་ལྟ་བུས་སེམས་ཅན་གྱི་ཁམས་རྒྱ་མཚོལ་མ་བདེན་འདུས་བྱས་པ་ལ་བགྲིས་ནས་འབྲས་བུའི་ངོ་བོ་ཉིད་དུ་མཛད་པའི་ཕྱིར། སློབ་པ་ལམ་གྱི་མངོན་པར་རྟོགས་པ་ལ་ཆེ་ཐང་དུ་མཛད་ནས་བསྡུ་བའི་དངོས་པོ་བཞི་དང་། ཕྱིན་དྲུག་གི་ལང་ཚོ་དུས་ལས་ཡོལ་བ་མེད་པའི་ཚུལ་སྟོན་ཅིང་། འདོད་པའི་བསོད་ནམས་དང་། སོ་སོར་སྐྱེ་བའི་ཉོན་མོངས་པའི་མཐའ་གཉིས་ལས་བརྒལ། མངོན་པར་ཤེས་པ་དང་། ཡེ་ཤེས་དང་། རིག་པའི་བདག་ཉིད་དུ་མྱ་ངན་ལས་འདའ་བའི་མིག་དང་ཡེ་ཤེས་མངོན་དུ་བསྐྱེད་ནས་འཇིག་ཚོགས་ལ་བལྟ་བའི་རིའི་རྩེ་མོ་ནི་བཤིག །ཆོས་ཀྱི་མིག་རྡུལ་བྲལ། འཕགས་པའི་ལམ་ཡན་ལག་བརྒྱད་ལ་བསྟེན་གོམས་རྟག་ཏུ་མཛད་ནས་རྡོ་རྗེ་གདན་དོག་པོར་བྱེད་པའི་སངས་རྒྱས་རྣམས་ཀྱི་ངོ་བོ་ཉིད་ལས་གཞན་དུ་མི་འགྱུར་བས། ཕུང་པོ་ལྔའི་ཉར་ལེན་དང་། སྡུག་བསྔལ་བདེན་པའི་ཆོས་ཉིད་ཀྱིས་བརྫི་བ་མ་ཡིན་ཀྱང་། གཟུགས་ཀྱི་སྐུ་རྣམ་པ་ཐམས་ཅད་པའི་བདག་ཉིད་ཅན། མྱ་ངན་ལས་མི་འདའ་བར་གསོལ་བ་འདེབས་པའི་ཡན་ལག་གིས་གཞན་རྒྱུད་ལ་བསོད་ནམས་ཀྱི་ཚོགས་རྒྱ་ཆེན་པོ་འདུ་བར་མཛད་པའི་ཐབས་ལ་མཁས་པའི་ཕྲིན་ལས་དང་དུ་བཞེས་པ་ནི། རྒྱལ་དང་རྒྱལ་སྲས་དམ་པའི་ཆོས་ཉིད་ཡིན་ན། ཞིང་གི་མཆོག་དཀོན་མཆོག་གསུམ་གྱི་ངོ་བོ་ཉིད་ལུས་ཅན་ཀུན་གྱི་མཐུན་སྣང་དུ་གྲུབ་པའི་སྐུ་མཆོག་མཐོང་ན་མི་མཐུན་པ་མེད་པ་གང་ཞིག་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པའི་འཇིག་རྟེན་དང་། དགེ་སྦྱོང་བྲམ་ཟེ་དང་བཅས་པའི་སྐྱེ་དགུའི་མཆོད་སྡོང་གཅིག་ཏུ་ལྷམ་མེ། ལྷན་ནེ། ལྷང་ངེར་འཚོ་ཞིང་གཞེས་པའི་རྟེན་ཅིང་འབྲེལ་འབྱུང་གསར་པའི་སྒོ་ནི་འདི་ལྟ་སྟེ། རིགས་ལྔ་གང་ཆེན་མཚོའི་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོའི་ཡེ་ཤེས་ཀྱི་རོལ་པ་ལས་སྤྲུལ་པས་འདུལ་བའི་གནས་འཛམ་བུའི་གླིང་འདིར་སྐུ་གསུང་ཐུགས་ཀྱི་སྤྲུལ་པ་ཆེན་པོ་གསུམ་དུ་སྣང་བས་འགྲོ་བ་ལ་ཕན་པ་མཛད་པ་ནི་ཆོས་ཉིད་རྫོགས་པ་ཆེན་

(༥༩༢)པོའི་བྱིན་རླབས་ལས་རང་བྱུང་བའི་རྡོ་རྗེ་རིན་པོ་ཆེ་སྐྱེས་བུ་རྣམས་ཀྱི་ཕྱག་གང་བ་དང་། བསྟན་པ་བུ་གཅིག་གི་བྱིན་རླབས་ལས་རང་བྱུང་བའི་གླེགས་བམ་སོར་བཞི་བ་ཆོས་ཀྱི་རང་སྒྲ་སྒྲོགས་པ་དང་། གྲགས་ཆེན་གྱི་སྟོན་པ་བཅུ་གཉིས་པོའི་བྱིན་རླབས་ལས་རང་བྱུང་བའི་སྐུ་གཟུགས་ལུས་ཚད་དང་མཉམ་པ་སྟེ། གསུམ་ཀའང་རིན་པོ་ཆེ་བརྒྱ་རྩ་གཅིག་གི་རྒྱུ་ལས་སུས་ཀྱང་མ་བྱས་པར་རང་བྱུང་བས་གང་གིས་ཀྱང་མི་འཇིག་ཅིང་། གནས་དུས་སོ་སོའི་སྐྱེས་བུའི་ལུས་ཚད་ཀྱི་ཆས་གཞལ་རུང་དུ་འཕེལ་འགྲིབ་བྱེད་པའི་རྫུ་འཕྲུལ་དང་ཡོན་ཏན་དཔག་ཏུ་མེད་པ། དེ་ཡང་སྐུ་དེ་གང་དང་ཕྲད་པའི་ལུས་འོད་གསལ་དུ་གྲོལ་ཅིང་། གསུང་རྟེན་གྱི་སྒྲ་ཐོས་པས་ངག་ལ་བྱིན་རླབས་འཇུག་པ། ཐུགས་རྟེན་གྱིས་ནད་ཞི་བ་ལ་སོགས་པའི་འདོད་པ་སྒྲུབ་ཅིང་ཐར་པ་ལ་སྦྱོར་བའི་ཕྲིན་ལས་ཅན། སྐུ་གསུང་ཐུགས་ཀྱི་བསྟན་པ་སོ་སོའི་དུས་སྐབས་དང་མཐུན་པར་གནས་འཕོ་བ་ལས། ད་ལྟ་ཐུགས་ཀྱི་བསྟན་པའི་དུས་རྡོ་རྗེ་ནི་རྡོ་རྗེ་གདན་གྱི་ནམ་མཁའ་དང་། གླེགས་བམ་ནི་རབ་ཏུ་ཁྲོས་པ་དྲང་སྲོང་གི་ཕུག །སྐུ་ནི་སུམ་ཅུ་རྩ་གསུམ་པའི་ལྷའི་གཞལ་མེད་ཁང་པ་ལས་ལ་ག་ན་རྡོ་རྗེའི་ཁང་པ་བརྩེགས་པའི་ཡང་ཐོག་ན་གནས་པས་བསྟན་པའི་བཙས་བྱེད་ཅིང་། ལྷ་དང་མིའི་འདུག་ཁྱད་པར་ཅན་གྱི་མཆོད་པའི་ཞིང་དང་། སྤྲུལ་གཞི་བྱེད་པའི་རྟེན་འབྲེལ་གྱི་ཆོས་ཉིད་ལས་རང་བྱུང་བ་དཔལ་བསམ་ཡས་ལུགས་གསུམ་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་གི་བར་ཁང་གཡུ་གཅལ་འབར་བར་རིན་པོ་ཆེ་དངུལ་དཀར་ཞུན་མཐུར་སྲང་བརྒྱ་ཕྲག་ལྔ་དང་། ས་སྙིང་ཞོ་འཁོར་བརྒྱའི་གྲངས་ཀྱི་གཉིས་འཐུང་དབང་པོས་ཁུར་དུ་བཟོད་པ་ལ་ནོར་བུའི་བྱེ་བྲག་རྣམ་པ་སྣ་ཚོགས་ཀྱིས་ཀུན་ནས་ཀུན་ཏུ་ཡངས་སུ་སྤུད་པ་དེ་བཞིན་གཤེགས་པ་ཐམས་ཅད་ཀྱི་རྣམ་པ་ཐམས་ཅད་རྫོགས་པའི་མཆོད་སྡོང་ཟབ་ཞི་སྤྲོས་བྲལ་རྣམ་པ་ཀུན་གྱི་མཆོག་དང་ལྡན་པའི་རྟེན་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་གྱི་བདག་ཉིད་ཅན། དེ་བཞིན་གཤེགས་པ་

(༥༩༣)སྲས་དང་བཅས་པ་རྣམས་ཀྱི་རིང་བསྲེལ་རྣམ་པ་བཞིའི་བརྟེན་པས་ཕྱུར་བུར་གཏམས་པ་གང་ཞིག །སྟོབས་བཅུའི་མངའ་བདག་རང་གི་རིགས་ལས་འཁྲུངས་པ་དང་བཅས་པ་རྣམས་ཞིང་ཁམས་གཞན་དུ་གཟིགས་པ་ཡོལ་ཏེ། རི་ཁ་བཅན་ན་གནས་པའི་རྒྱལ་བའི་བསྟན་པ་དང་། སེམས་ཅན་གྱི་ཉེར་འཚེ་ཁོ་ནར་མོས་པ་མ་བྱོན་གྱི་བར་དུ་ལྟག་པར་གནས་པའི་དམ་བཅའི་རི་མོ་འདོད་པའི་ལྷ་སྡེ་དང་བཅས་པས་ཀྱང་བསུབ་ཏུ་མེད་པའི་རྟེན་ཅིང་འབྲེལ་འབྱུང་ཆེན་པོ་རྡོ་རྗེའི་ཆོས་བདུན་གྱི་རྣམ་པར་འཕྲུལ་པ་ཅན་དུ། ལྷམ་མེ། ལྷན་ནེར་བཞུགས་སུ་གསོལ་བའི་གོ་སྐབས་ཡངས་བར། དེང་ཕན་ཆད་མཆོད་པ་སྣ་ལྔ་ཁྲི་ཚར་གཅིག་དང་། ཚོགས་ཀྱི་འཁོར་ལོ་དེ་སྙེད་ཀྱིས་ཐོག་དྲངས་པའི་བྱས་དང་བྱེད་འགྱུར་གྱི་དགེ་བའི་རྩ་བ་དང་བཅས་པ་གཅིག་ཏུ་བསྡོམས་ཏེ། མཐའ་ཡས་པའི་སེམས་ཅན་ཐམས་ཅད་ཀྱི་དོན་དུ་བསྔོ་ཞིང་དབུལ་བའི་ལྷག་བསམ་རྣམ་དག་གིས་ཐོག་དྲངས། སྒྲིབ་པ་ལྔ་དང་། དགེ་རྩ་ཟད་པའི་རྒྱུ་བཞི་ལ་སོགས་ཀྱི་ཁམ་མ་ཐོབ་དང་མཇའ་བ་མ་ཡིན་པས། ཐབས་ཀྱི་རྣམ་པར་ཆེ་བ་རིག་པ་འཛིན་པའི་སྡེ་སྣོད་ལ་དྲན་པ་ཉེ་བར་བཞག་ནས་དངོས་སྟ་ཉིན་གཉིས་པའི་ལྷག་གནས་ཆོ་གར་ལྡན་པ་ཉིན་ཞག་བདུན་གྱི་སྲིད་དུ་ཡེ་ཤེས་སེམས་དཔའ་དགུག་གཞུག་བཅིང་བ་བཅས་པའི་ཏིང་ངེ་འཛིན་གྱི་རྣམ་པར་འཕྲུལ་པས་སྣང་གྲག་རིག་པ་རྒྱལ་པ་འོད་མཚན་སྟེང་དུ་འབར་བའི་སྐུའི་དེ་ཁོ་ན་ཉིད་དང་། དབྱངས་ཀྱི་དེ་ཁོ་ན་ཉིད་དང་། ཡེ་ཤེས་ཀྱི་དེ་ཁོ་ན་ཉིད་ལ་གཅིག་ཏུ་བསམ་གཏན་པས་ཉེ་བར་བསྟེན་ཅིང་བསྒྲུབས་པའི་གཏོར་བླུགས་ཀྱི་ཆུ་རྒྱུན་རྗེས་འབྲང་རིག་པའི་དབང་ལྔ་དང་། མཆོག་ཏུ་གསང་བ་ཆེན་པོའི་བྱང་ཆུབ་སེམས་ཀྱི་བདུད་རྩི། རྡོ་རྗེའི་དམ་ཚིག་ཆེན་པོ་གསུམ་པའི་དབང་རིན་པོ་ཆེ་རྣམ་བཅས་རྣམ་མེད་ཀྱི་དཔེའི་ཡེ་ཤེས་བཞི་ཚན་བཞིའི་ཕྱི་ལོ་གསལ་སྲིད་པ་ངོ་བོ་ཉིད་ཀྱི་རྣམ་པར་དག་པ་དེ་ཁོ་ན་ཉིད་ཀྱི་དབང་དང་བཅས་པའི་མཆོད་པའི་སྤྲིན་ཆེན་པོའི་ཁྱད་པར་ཡང་། དད་པ་དང་། འདུན་པ་དང་། སྨོན་ལམ་དང་། བྱང་ཆུབ་ཀྱི་

(༥༩༤)སེམས་རིན་པོ་ཆེ་ཕ་རོལ་ཏུ་ཕྱིན་པ་དྲུག་གི་འཇུག་པ་ཅན། རྟེན་ཅིང་འབྲེལ་འབྱུང་གི་དངོས་པོའི་ཆོས་ཉིད་དུ་འབུལ་བ་དངོས་གཞིའི་ཆོ་གར་བྱས་ནས། ཇི་ལྟར་མངའ་གསོལ་བ་དང་། ཇི་ལྟར་བཞུགས་སུ་གསོལ་བ་བཏབ་པའི་དོན་གང་ཡིན་པ་ལུས་ཅན་རྣམས་ལ་རྗེས་སུ་བརྩེབས་རང་གིར་མཛད་དུ་ཟིན་ན། བསོད་ནམས་མ་ཡིན་པས་གློ་བུར་དུ་བོས་བའི་བྱིན་ཟ་ལ་སོགས་པའི་འབྱུང་བཞིའི་བྱེད་ལས་གཏུམ་པོའང་སྟོབས་བཅུའི་མངའ་བདག་རྣམས་ཀྱི་རང་དབང་དུ་གྱུར་པ་ཡིན་པས་མི་འཇིགས་པ་བཞིའི་ཕྲིན་ལས་ལ་སྙེལ་བ་སྤངས་པའི་བརྟུལ་ཞུགས་ཆེན་པོས་གཟུགས་ཀྱི་སྐུ་མཐོང་ན་མི་མཐུན་པ་མེད་ཅིང་། དད་པས་མོས་པ་རྣམས་ལ་མངོན་པར་དགའ་བ། གང་ཞིག་རྡོ་རྗེའི་ཆོས་བདུན་གྱི་རང་བཞིན་ལས་གཞན་དུ་མ་གྱུར་བར་རྟག་པ་རྒྱུན་གྱི་འཁོར་ལོར་བརྟེན་ནས། ལས་དང་ཉོན་མོངས་པ་ཁོ་ནའི་གཞན་དབང་དུ་གྱུར་ནས་གྲོང་ཁྱེར་ཆེན་པོ་བཞིའི་མུ་ཁྱུད་ལ་ཕྲུམ་བཏབ་པ་ལྟ་བུར་བཅགས་ཤིང་འཐས་པའི་འཇིག་རྟེན་གྱི་རྒུད་པ་མཐའ་དག་དྲུངས་ནས་ཕྱུང་སྟེ། རང་བཞིན་དུ་འབྱོར་བ་རྒྱས་པ། བདེ་བ། ལོ་ལེགས་པ། སྐྱེ་བོ་དང་མི་མང་པོས་གང་བ། དེ་དག་ཀྱང་འབྱེད་པ་དང་རྩོད་པ་མེད་པ། ནད་ཡམས་དང་མུ་གེ་མེད་པ། ཁོ་ན་འཛིན་དང་ཕྲག་དོག་མེད་པ། རང་དབང་གི་དཔལ་གྱིས་ངོམས་པས་རྫོགས་ལྡན་གྱི་བསྐལ་པ་ལ་སྤྱོད་པའི་སྐབས་དབྱེ་བར་གསོལ་བ་འདེབས་ན་དེ་དེ་བཞིན་དུ་འགྲུབ་པར་མཛད་དུ་གསོལ། བྱང་ཆུབ་སེམས་དཔའ་རྣམས་ཀྱིས་ནི། །འགྲོ་དོན་ཐུགས་ལ་དགོངས་འགྲུབ་ཤོག །མགོན་པོ་ཡིས་ནི་གང་དགོངས་པ། །སེམས་ཅན་རྣམས་ལ་དེ་འབྱུང་ཤོག །གཏམ་ཚོགས་ལེའུ་སོ་གཉིས་པའོ།། །།གུ་རུ་མཚོ་སྐྱེས་རྡོ་རྗེ་དང་ཞབས་རྗེས་རིན་པོ་ཆེའི་གཏམ། ཐུབ་བསྟན་སྡེ་སྣོད་ཤིང་རྟ་ཞི་བ་འཚོ། །རྒྱལ་ཀུན་བརྟུལ་ཞུགས་གྲུབ་པ་པདྨ་འབྱུང་། །བསྟན་གཉིས་

(༥༩༥)མགྲོན་པོར་འབོད་པ་ཁྲི་སྲོང་རྗེ། །ལོ་པཎ་མཁས་གྲུབ་རྣམས་ལ་ཕྱག་འཚལ་ལོ། །དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ན་གྲགས་པའི་བ་དན་གྱི་མངོན་པར་མ་ཐོབ་གུ་རུ་མཚོ་སྐྱེས་རྡོ་རྗེར་གྲགས་པའི་སྐུ་ཚབ་རིན་པོ་ཆེ་འདི་ཉིད་ཀྱི་ལ་རྒྱུས་ནི། ལྷོ་རྒྱལ་འཛམ་བུའི་གླིང་ལ་ཡུལ་གླིང་ཆེན་པོ་ལྔ་ཡོད་པའི་ལྷོ་ཕྱོགས་རྒྱ་གར་ལ་གླིང་དགུ་ཡོད་དེ། ཤར་ན་བྷ་ལའི་གླིང་། ལྷོ་ན་བྷེ་ཏའི་གླིང་། ནུབ་ན་ཨོ་རྒྱན་གླིང་། བྱང་ན་ཁ་ཆེའི་གླིང་། ཤར་ལྷོ་ན་ཁང་བུའི་གླིང་། ལྷོ་ནུབ་ན་ཟངས་གླིང་། ནུབ་བྱང་ན་རླུང་གླིང་། བྱང་ཤར་ན་ཀཱ་མ་རཱུ་པའི་གླིང་། དབུས་ན་རྡོ་རྗེ་གདན་རྣམས་ལས་ནུབ་ཕྱོགས་ཨོ་རྒྱན་དྷཱུ་མ་ཐཱ་ལའམ། འཕུར་འགྲོའི་རྒྱལ་ཁམས་ལ་དབང་བྱེད་པའི་རྒྱལ་པོ་ཨིནྡྲ་བྷོ་དྷི་ལ་སྲས་མེད་ནས་རྒྱལ་བུ་འབྱུང་བའི་སླད་དུ་དཀོར་མཛོད་ཐམས་ཅད་སྦྱིན་པར་བཏང་། དེའི་བདེན་པས་རྒྱ་མཚོར་བགྲོད་པའི་རྟོག་པ་སྐྱེས་ནས་གཟིངས་ཀྱི་ཡོ་བྱད་རྡོ་ཐོགས་པར་བྱས། བློན་པོ་ཏྲིག་ན་འཛིན་དང་ལྷན་ཅིག་སོང་བ་ལས། ཡིད་བཞིན་གྱི་ནོར་བུ་རིན་པོ་ཆེས་སྔོན་བསུས་ནས། བུ་སྐལ་གྱི་མཆོག་ཏུ་སངས་རྒྱས་སྣང་བ་མཐའ་ཡས་མངོན་སུམ་པ་གུ་རུ་མཚོ་སྐྱེས་རྡོ་རྗེ་པདྨའི་གེ་སར་ལ་བྱོན་པ་རྙེད་ནས་ཕོ་བྲང་དུ་སྤྱན་དྲངས་ཏེ་རྒྱལ་ཐབས་ལ་བཞག །རྒྱལ་པོ་ཙནྡྲ་ཀུ་མ་ཤིའི་བུ་མོ་འོད་འཆང་མ་དང་ལྷན་ཅིག་དགའ་མགུར་སྤྱོད་པ་ལས། རྡོ་རྗེ་སེམས་དཔའི་ལུང་གིས་རྒྱལ་སྲིད་ལ་སྙིང་པོ་མེད་པར་བསྐུལ་བས་ངེས་འབྱུང་ཆེན་པོ་སྐྱེས་ཏེ་འདོད་པའི་ཡོན་ཏན་ལ་སྤྲོ་བ་ལྷོད་པོར་སོང་། རྒྱུ་དེས་སྤྱོད་པ་བརླང་པོའི་ཟོལ་གྱིས་རྒྱལ་ཁྲིམས་བཤིག་པས་བློན་པོའི་ཚོགས་ཀྱིས་ཡུལ་གྲུ་ཐ་དད་པར་སྤྱུག་པར་བགྲོས་པའི་ཚེ། ཨིནྡྲ་བོ་དྷི་མྱ་ངན་ཆེན་པོས་ནོན་ཀྱང་མི་སྤྱུག་པའི་རང་དབང་མེད་ནས་ཡིད་བཞིན་གྱི་ནོར་བུ་དབུལ་ཕོངས་མེལ་བའི་སླད་དུ་བསྐུར། དེའི་ཚེ་སྲས་ཀྱི་ཞལ་ནས། ཡབ་ཀྱི་ནོར་བུས་

(༥༩༦)བདག་ལ་ཅི་ཞིག་བྱ། འདི་ལ་ནོར་བུའི་ཟླ་བོ་མཛད་ཅིག་གསུངས༔ ལྗགས་ཀྱི་མཆིལ་མ་རྒྱལ་པོའི་ཕྱག་ཏུ་བསྐུར༔ དེ་ཉིད་ཡིད་བཞིན་ནོར་བུ་བསམ་འཕེལ་གྱུར༔ ཅེས་སོ། །དེ་བཞིན་དུ། བཙུན་མོ་འོད་འཆང་མ་ནི་ཕྱི་ལ་འཕྲེང་༔ དྲི་མེད་དྲི་བྲལ་ཁྱོད་ནི་གར་བཞུད་པ༔ བདག་ཀྱང་ཁྱེད་དང་ལྷན་ཅིག་འགྲོ་བར་བགྱི༔ ཞེས་སྨྲེ་སྔགས་ཕྱུང་བས། རྒྱལ་ཆེན་སྡེ་བཞིས་ཕུལ་བའི་ལྷ་གླུ་མི་གསུམ་གྱི་ནོར་བུ་རིན་པོ་ཆེ་འདུས་པའི་ཕུང་པོ་ལ་ལྗགས་ཆབ་བྲན་པས་སྐུ་ཚབ་རིན་པོ་ཆེ་འདི་ཉིད་རང་བྱུང་དུ་བྱོན་པ་འོད་འཆང་མའི་དང་རྟེན་དུ་སྩལ་ནས་ཕོ་བྲང་ཐོར་ཅོག་དགུ་ལྡན་གྱི་རྟེན་གཙོར་བཞུགས། རེ་ཞིག་ནས་མཁའ་འགྲོ་མ་བྱེ་བ་ཕྲག་བརྒྱས་ཨཽ་ཌི་ཡན་སྤྲིན་ནག་འདུ་བའི་དུར་ཁྲོད་དུ་སྤྱན་དྲངས་ནས་བསྟི་སྟང་དང་། ཚོགས་ཀྱི་འཁོར་ལོའི་རྟེན་བྱེད་པ་ལས། རྗེ་བཙུན་འཇམ་དཔལ་དབྱངས་ཀྱི་རྣམ་འཕྲུལ་ཆོས་སྐྱོང་རྒྱལ་པོ་ཁྲི་སྲོང་ལྡེའུ་བཙན་གྱིས་ལུགས་གསུམ་མི་འགྱུར་བའི་རྡོ་རྗེ་གདན་དཔལ་བསམ་ཡས་ཆོས་འཁོར་ཆེན་པོ་བཞེང་བར་རྩོམ་པ་ན། དམར་པོ་རི་ལ་ཐང་ལྷས་ཐོག་ཕབ། ཤམ་ཕོས་ཕོ་བྲང་འཕང་ཐང་ཚུལ་བསྐུར། ལྷ་སྲིན་རྣམས་ཀྱིས་མི་ངས་དང་རྩུབ་འགྱུར་ཆེན་པོ་བཏང་བས་བོད་རྨོངས་པ་རྣམས་འདི་ཆོས་བྱས་པས་ལན་ཟེར། གཙུག་ལག་ཁང་ཡང་བརྩིག་ཏུ་མ་སྟེར་བ་ལ། གནོད་སྦྱིན་མ་རུངས་པའི་གཉེན་པོར་སངས་རྒྱས་གཉིས་པ་སློབ་དཔོན་ཆེན་པོ་སྤྱན་དྲངས་པ་ལས། འབྱོན་ལམ་ནས་རིམ་པར་ལྷ་སྲིན་དམ་ལ་བདག །མང་ཡུལ་གྱི་རི་བོ་དཔལ་འབར་ཕན་ཚུན་བརྗེས། ཁ་རག་གི་རིའི་དཀྱིལ་གཤགས། བསམ་ཡས་ཀྱི་ནེའུ་ཐང་དང་ནགས་ཚལ་ཕན་ཚུན་སྤོས། གསེག་མ་ནེའུ་གསིང་དུ་འགྱུར། ཕུ་ཆུའི་རྒྱུན་ཆེན་པོ་བཏོན། ལྷ་སྲིན་གདུག་པ་ཅན་འདའ་བར་མི་ནུས་པའི་དམ་འོག་ཏུ་བཞག །གཙུག་ལག་ཁང་གེགས་མེད་དུ་འབྱོངས། རབ་གནས་དང་མངའ་གསོལ་མཛད། གངས་རིའི་ཁྲོད་འདིར་རྒྱལ་བའི་བསྟན་

(༥༩༧)པ་རིན་པོ་ཆེ་ཉི་ཟླ་ལྟར་གསལ་བའི་བདག་རྐྱེན་གཅིག་ཏུ་གྱུར་པས། ཕྱིས་ཨ་ཏི་ཤས་དཀོར་མཛོད་གླིང་གི་རྒྱ་དཔེ་གཟིགས་པ་ན། སྔོན་ཆད་བོད་དུ་བསྟན་པ་དང་བཙམ་རྒྱ་གར་དུའང་མ་བྱུང་། ཐེག་པ་ཆེན་པོའི་སྡེ་སྣོད་ལ་ཁོ་བོ་ལ་མཁས་པ་མེད་སྙམ་སྟེ། རྒྱ་གར་ནམ་གྲགས་པའི་དམ་ཆོས་བོད་དུ་སྣང་བས་སློབ་དཔོན་པདྨས་མཁའ་འགྲོའི་གསང་མཛོད་ནས་བླངས་པ་ཡིན་མཆི། ཐེག་པ་ཆེན་པོའི་གསང་སྔགས་འདི་ལ་མཐའ་ཡོད་ཡོད་མི་འདྲ་གསུང་ནས་ཐུགས་རྒྱལ་ཆག །བོད་ཀྱི་ཆོས་རྒྱལ་རྣམས་ལ་རྗེས་སུ་ཡི་རང་འཕུལ། དེ་ལ་སློབ་དཔོན་ཆེན་པོ་བདུད་བློན་སོགས་མ་དག་པའི་སྣང་ངོར་རིང་བར་མ་ཐོགས་པར་གཤགས་པའི་ཚུལ་བསྟན་ཡང་། དོན་གྱིས་ཡུན་རིང་པོའི་བར་དུ་བྲག་ཕུག་ཆེན་པོ་བརྒྱད་དང་། གངས་ཆེན་བཞི་ལ་སོགས་དབེན་པའི་གནས་མང་པོར་བཞུགས་ནས་སྒྲུབ་གནས་རྟེན་གསུམ་མང་པོ་བྱིན་གྱིས་བརླབས། གཏེང་ཁ་གྲངས་མེད་སྤས། བུམ་ཐང་དང་བྲག་ལེ་ཕྲེང་སོགས་ལྷོ་མོན་ཕྱོགས་ལ་སྐུ་རྫས་བརྒྱ་དང་བརྒྱད། ཕྱོགས་བཞིའི་བྲག་ལ་ཞབས་རྗེས། མཚོ་ཆེན་བཞི་ལ་ཕྱག་རྗེས་སོགས་རྫུ་འཕྲུལ་གྱི་བཀོད་པ་གྲངས་པ་ལས་འདས་པ་བསྟན། མཐར་ལྷོ་ནུབ་སྲིན་ཡུལ་དུ་གཤེགས་ཁར་ཁྲ་འབྲུག་བྱམས་པ་མི་འགྱུར་གྱི་གཙུག་ལག་ཁང་དུ་ལྷ་སྲས་མུ་ཏིག་བཙན་པོ་དང་། མཁའ་འགྲོ་ཡེ་ཤེས་མཚོ་རྒྱལ། བཙུན་མོ་དང་ཚུལ་མ་ལ་སོགས་པར་བཀའ་འདུས་ཆོས་ཀྱི་རྒྱ་མཚོའི་དཀྱིལ་འཁོར་ཞལ་ཕྱེ་ནས་སྨིན་ཅིང་གྲོལ་བར་མཛད་པའི་ཚེ་དེ་དག་གིས་གསོལ་བ། ཉིད་ལྷོ་ནུབ་སྲིན་ཡུལ་དུ་གཤེགས་པ་ནི་བདག་ཅག་རྣམས་ཀྱིས་བཤོལ་དུམ་སྤོབས། ད་ནི་བདག་ཅག་རྣམས་དང་མ་འོངས་པའི་དད་ལྡན་རྣམས་ལ་རྗེས་སུ་དགོངས་ནས་གུ་རུ་ཉིད་དང་དབྱེར་མ་མཆིས་པའི་སྐུ་ཚབ་ཀྱི་རྟེན་ཅིག་དགོས་ཞེས་ཞུས་པས། སྤྲིན་ནག་འདུ་བའི་དུར་ཁྲོད་ལ་སྡིགས་མཛུབ་གཏང་ནས་ཛ་ཧཱུཾ་ཧཱུྃ་གསུངས་པས་ལྷ་ལྕམ་མནྡཱ་ར་བ་མངོན་སུམ་དུ་བྱོན་ནས་སྐུ་ཚབ་རིན་པོ་ཆེ་འདི་ཉིད་ཕྱག་

(༥༩༨)ཏུ་ཕུལ་བའི་ཚེ། ཉོན་ཅིག་ལྷ་མོའི་གཟུགས་ཅན་ཡིད་འོང་མ༔ ང་དང་མ་ཕྲད་མ་འོངས་སེམས་ཅན་རྣམས༔ མ་རིག་མུན་པའི་སྒྲོན་མེ་སྐུ་འདྲས་བྱད༔ དེ་ལ་འདུན་ཞིང་མོས་གུས་སུས་བྱེད་པ༔ འདོད་པ་ཀུན་ཚོགས་རིན་ཆེན་ཕུང་པོ་འདྲ༔ ཞེས་སོགས་གསུངས་ནས་ཁྲ་འབྲུག་གི་ཁྱམས་སུ་སློབ་དཔོན་ང་འདྲ་མ་བཞེངས། ལྷ་སྲས་ལ་ཐུགས་ཤིན་ཏུ་བརྩེབས་རང་བྱུང་གི་སྤྲུལ་པའི་སྐུ་ཡིད་བཞིན་གྱི་ནོར་བུ་རིན་པོ་ཆེའི་རིན་ཐང་གིས་དཔེ་བྱ་བར་མི་བཟོད་པའི་སྐུ་ཚབ་རིན་པོ་ཆེ་འདི་ཉིད་སྩལ། སླར་ལྷ་སྲས་ཉིད་ལ་ཡུམ་གྱིས་ཟས་ངན་སྦྱར་བའི་ཚེ་སྟེང་ཁང་སྙིང་མཛོད་སྨུག་པོར་སྦས་པ་སྤྲུལ་པའི་སྐུ་ཉང་ཉི་མ་འོད་ཟེར་གྱིས་གསང་གཏེར་དུ་སྤྱན་དྲངས། སྔོན་གྱི་སྨོན་ལམ་གྱི་དབང་ལས་མངའ་བདག་རྩེ་ལྡེའི་གདུང་རབས་རྣམས་ཀྱིས་རྟེན་སྐལ་དུ་ཐོབ་པ་ནས་བཟུང་རྒྱལ་བརྒྱད་རིམ་པའི་འབྲལ་སྤང་རྟེན་དུ་བཞུགས་པ་དེ་ཆོས་རྗེ་དཀར་པོ་བ་སྣ་ཚོགས་རང་གྲོལ་གྱི་དུས་བསམ་ཡས་གཙུག་ལག་ཁང་གི་ཞབས་ཏོག་དང་། ཞིག་གསོའི་བསྟི་སྟང་མཐོ་བ་ལ་མངའ་རིས་གུང་ཐང་རྒྱལ་པོ་རྗེས་སུ་ཡི་རང་བ་ཐོབ་ནས། གནས་རྟེན་གཉིས་ཡ་མི་བྲལ་བའི་ཐུགས་བསྐྱེད་རླབས་པོ་ཆེས་མངའ་རིས་ཁྱུང་རྫོད་དཀར་པོར་བཀའ་བརྒྱད་ཀྱི་དབང་ཡོན་དུ་ཕུལ། བཞུགས་ཁང་པདྨ་སྤུངས་པ་འདི་ཉིད་སྤྲུལ་པའི་བཟོ་བོའི་རྣམ་རིག་གིས་བསྐྲུན་པའི་ངོ་མཚར་གྱི་ཕྱེད་པ་དང་མཐུན་པའི་རྐྱེན་ལས། གནས་ཡུལ་འདིར་གུ་རུ་མཚོ་སྐྱེས་རྡོ་རྗེ་ཞེས་གྲགས་ལ། དེའང་རྣམ་པ་ཙམ་དུ་འབྱོན་བཞུད་ཀྱི་རྟེན་འབྲེལ་དལ་འགྲོའི་ཆབ་རྒྱུན་གྱིས་བྱེད་པ་ལྟར་སྣང་ཡང་། ལས་ཅན་ལ་དལ་འགྲོའི་ཆབ་རྒྱུན་ཉུང་ཟང་ཙམ་གྱིས་གདན་འདྲོངས་པར་སླ་ཞིང་། ཞལ་ཕྱོགས་ཀྱང་དེ་ཉིད་དུ་སྟོན་པ་ཞག་གྲངས་མང་པོར་བཞུགས་སུ་རུང་བ་མངོན་སུམ་ལ། སྡིག་ཏོ་ཅན་ལ་དེ་ལས་ལྡོག་པའི་མངོན་སུམ་ཚང་མས་བཟོ་གནས་སྤྲུལ་པའི་སྐུའི་དགེ་མཚན་གཏན་ལ་ཕེབས་པ་ཉིད་ཀྱང་། སོ་སོའི་

(༥༩༩)སྐྱེ་བོའི་རྣམ་རིག་གིས་བཟོ་རྩེད་ཀྱི་རྣམ་འཕྲུལ་དཔགས་པར་སེམས་པའི་གཟུ་ལུམས་ཅན་སྣེའུ་གདོང་པ་སོགས་ཀྱིས་བལ་པོའི་བཟོ་བོ་གསུམ་བཞུགས་ཁང་གི་འདྲ་ཅོག་ལེན་པར་མངགས་།།།པ་ན། བུམ་ལྡིར་གྱི་གཟེར་གསུམ་བཀྲོལ་མ་ཐག་སྣ་ཁྲག་གཟགས་ཏེ་འཇིག་རྟེན་ཕ་རོལ་ཏུ་སོང་བ་ནི་འདིའི་སྲུང་མ་ཁྱབ་འཇུག་རེག་ཏིའི་མཐུར་ངེས་པས་ཤིན་ཏུ་གཉན་པའང་ཡིན་ལ། དེ་ལྟ་བུའི་སྐུ་ཚབ་རིན་པོ་ཆེ་དང་འབྲེལ་མཚུངས་སུ་བཞུགས་པའི་ཞབས་རྗེས་རིན་པོ་ཆེ་འདི་ཉིད་ནི། སློབ་དཔོན་ཆེན་པོ་ཉིད་སྐུ་དངོས་ཀྱིས་བོད་འབངས་འདུལ་བའི་རྟེན་འབྲེལ་རྫོགས་པ་དང་། རྒྱལ་སྲས་མུ་ཏིག་བཙན་པོས་དབུ་མཛད་པའི་སྣ་བོ་ཆེ་ཐམས་ཅད་གུང་ཐང་ལ་ཁར་གཤེགས་སྐྱེལ་ལ་བྱོན་པའི་ཚེ། ལྷ་སྲས་ཉིད་ཀྱི་བཀའ་ཆེམས་ལས། བདག་གི་ཡབ་ཅིག་ཁྲི་སྲོང་ལྡེའུ་བཙན་དེ༔ སྲོང་བཙན་སྒམ་པོ་ལྟ་བུར་མ་གྱུར་པས༔ རྒྱལ་པོའི་དབང་ཕྱེད་བློན་པོའི་ལག་ཏུ་ཤོར༔ གོ་མ་ཆོད་ཀྱི་ནོར་བ་བག་རེ་བྱུང་༔ ཐལ་ཟིན་ལྡོག་ཏུ་མེད་པའི་འགྱོད་པས་སླེབ༔ ད་ནི་གུ་རུ་གཤེགས་པའི་དུས་ཀྱང་བྱུང་༔ ཞེས་པ་ལ་སོགས་པའི་སྨྲེ་སྔགས་དང་། སྤྱན་ཆབ་མང་པོ་ཟགས་ཤིང་། ཕྱག་ལ་འཇུས་ནས་ཕྱག་སེན་ཞོ་གཅིག་ཞུས། །ཞབས་ལ་འཇུས་ནས་ཞབས་སེན་ཞོག་ཅིག་ཞུས། །ཞེས་ཉ་ཅད་གདུང་པའི་ཚོར་བ་དྲག་པོ་ཉམས་སུ་མྱོང་བས་རྣམ་པར་ཤེས་པའི་ཚོགས་ཀྱང་རང་གི་མཚན་ཉིད་མི་འཛིན་པའི་ངང་དུ་བརྒྱལ་བ་ན། སློབ་དཔོན་ཆེན་པོས་ལྗགས་ཀྱི་མཆིལ་མ་གཏོར་ཏེ་དབང་པོ་ཡུལ་ལ་སད་པར་མཛད་པའི་མོད། གོར་མོའི་རྡོ་ལ་ཞབས་རྗེས་ཟུང་ཅིག་ལྷམ་མེར་བཞག་པ་ལས། ཅིག་ཤོས་དམར་པོ་རིང་ལོ་གི་ཤྭ་རའི་མདུན་ན་བཞུགས་ཤིང་། ཤེས་རབ་ཞབས་ཀྱི་ཆ་འདིར་མིག་གི་དགའ་སྟོན་དུ་མངོན་སུམ་པ་ལ་དད་གུས་ཆེན་པོ་བསྐྱེད་པར་མཛད་ནས་ལུས་ལོངས་སྤྱོད་དགེ་བའི་ས་བོན་དང་བཅས་པའི་མཆོད་སྤྲིན་དངོས་སུ་ཅི་འབྱོར་དང་། ཡིད་སྤྲུལ་ཀུན་ཏུ་བཟང་པོའི་མཆོད་པས་སྣ་དྲངས་ཏེ་ཡན་ལག་གདུན་པའི་རྩའི་

(༦༠༠)དོན་ལ་དྲན་པ་ཉེ་བར་གཞག་ནས་རང་རང་གི་རྒྱུད་ལ་དགེ་བའི་ས་བོན་རྒྱ་ཆེན་པོ་འདུ་བྱེད་ཅིང་། སེམས་ཅན་གཞན་གྱི་དོན་དུ་སྨོན་ལམ་རྒྱ་ཆེན་པོ་མཛད་པར་ཞུ། ཕྱག་འཚལ་བ་དང་མཆོད་ཅིང་བཤགས་པ་དང་། སོགས་དང་། ཕན་བདེ་འབྱུང་བའི་གནས་གཅིག་པུ། སོགས་བརྗོད་པར་བྱའོ། །ཞེས་པའང་གཏམ་རྒྱུས་འདོད་རྒྱལ་བས་རྙོག་པ་ལུང་རིག་གཏན་ཚིགས་གསུམ་གྱིས་ལེགས་པར་བསལ་ཞིང་། ངོ་མཚར་གྱི་གསལ་སྣང་གླེང་དུ་ཡོད་པའང་བསྣན་ནས་སངས་རྒྱས་གཉིས་པ་དེ་ཉིད་ཀྱི་བྱིན་རླབས་སྙིང་ལ་ཞུགས་པའི་རྗེས་འཇུག་རྫོགས་ཆེན་པོ་རང་བྱུང་རྡོ་རྗེས་སྒྲ་བསྒྱུར་རྒྱ་གར་གླིང་དུ་ཡུད་ཙམ་ལ་སྨྲས་པའོ།། །།གཏམ་ཚོགས་ལེའུ་སོ་གསུམ་པའོ།། །།གཞུ་སྟོད་གཏེར་སྒྲོམ་གྱི་གཏམ་མཁའ་འགྲོའི་ཀླུ་གར་ཞེས་བྱ་བ། རང་བཞིན་རྣམ་པར་དག་པ་ཆོས་ཀྱི་དབྱིངས། ཁ་སྦྱོར་ཡན་ལག་བདུན་ལྡན་ལོངས་སྤྱོད་རྫོགས། །མཛད་པ་བཅུ་གཉིས་སྟོན་པ་མཆོག་སྤྲུལ་ཡིན། །དེ་ལས་སྐྱེ་དང་བཟེ་དང་རང་བྱོན་དང་། །གྲུ་གཟིངས་ཟམ་པ་རྡོས་བཅས་སྤྲུལ་པ་སྟེ། །འཛམ་བུའི་གླིང་འདིར་མཁའ་འགྲོ་འདུ་ངེས་པའི། །ཉེར་བཞིའི་ཡུལ་དང་གནས་ཆེན་པོ་གཉིས་སོགས། །གངས་བྲག་མཚོ་གླིང་ལྗོན་ཤིང་རྣམ་པ་ཅན། །རྡོས་བཅས་གཟུགས་ཀྱིས་ཡེ་ཤེས་བརྟེན་པ་ལས། །སངས་རྒྱས་གཉིས་པ་པདྨས་བྱིན་བརླབས་ཤིང་། །མཁའ་འགྲོའི་གཙོ་མོ་ཡེ་ཤེས་མཚོ་རྒྱལ་ལ། །མན་ངག་མཁའ་འགྲོའི་སྙིང་ཏིག་གསུངས་པའི་གནས། །གཞུ་སྟོང་གཏེར་སྒྲོམ་མཁའ་འགྲོའི་ཚོགས་ཁང་ནི། །ཕྱི་ལྟར་བྲག་རི་རྡོ་རྗེ་གནས་སློང་དབྱིབས། །དངུལ་དཀར་མདངས་ཅན་རང་བྱོན་བསམ་མི་ཁྱབ། །ནང་ལྟར་ཡུལ་ཆེན་ཉེར་བཞིའི་བཀོད་པ་ཚང་། །དཔའ་བོ་མཁའ་འགྲོའི་འདུ་བ་རྒྱུན་མི་འཆད། །ཆུ་བུར་མིག་གིས་སྤྱོད་ཡུལ་མ་ཡིན་ཡང་། །ཀུན་བརྟགས་བྲག་རིའི་ཁང་བཟངས་ཡངས་པའི་ནང་། །དག་ལ་

(༦༠༡)རབ་འབྱམས་གཞན་དབང་གཞལ་མེད་ཁང་། །ཡོངས་གྲུབ་དཔའ་བོ་མཁའ་འགྲོའི་ཕྱག་རྒྱས་མཛེས། །དེ་དག་རྣམས་ཀྱི་རྡོ་རྗེའི་ཀླུ་གར་ནི། །རང་སྣང་དག་པའི་རྩལ་ལ་འདི་ལྟར་ཤར། །ཨེ་མ་ཧོ། གང་ཟག་གི་བློ་དང་གཏེར་སྒྲོམ་གྱི་བྲག །རང་རྒྱུད་ཅན་དུ་མཚུངས་དེ་སྲིད། །དད་པས་ཕྱག་དང་བསྐོར་བ་གྱིས། །ཚོགས་དང་མེ་མཆོད་ཀྱིས་ཐུགས་དམ་སྐོངས། །གསོལ་བ་བཏབ་ན་བྱིན་རླབས་འབྱུང། །དབང་བཞི་བླངས་ན་ཉམས་རྟོགས་སྐྱེ། །སྒྲུབ་པ་བྱས་ན་དངོས་གྲུབ་ཐོབ། །མ་མོ་དང་ཞིང་སྐྱོང་གནས་ངེས་པའི། །དུར་ཁྲོད་དུ་ཕུང་པོ་ཚོགས་སུ་ཕུལ། །བྱ་རྒོད་རྣམས་མཁའ་འགྲོའི་སྤྲུལ་པ་ཡིན། །ཚོགས་དཔོན་དུ་དུར་བྱ་ཀང་ཀའང་འབྱོན། །པདྨའི་བྱིན་རླབས་དང་རྫུ་འཕྲུལ་གྱི། །རྡོ་རྗེས་བདུད་སྡེའི་སྙིང་ཕུག་ཅིང་། །རྣམ་པར་སྤྲུལ་པའི་ཆུ་ཚན་ལ། ཁྲུས་ཆོག་བྱས་ན་སྡིག་སྒྲིབ་འདག །འདུ་བ་རྣམ་བཞིའི་ནད་རྣམས་བྱང་། །དེ་ཀུན་རྫོབ་བདེན་པ་བསླུ་མེད་ཡིན། །དེ་དོན་དམ་བདེན་པ་བཤད་ཀྱིས་ཉོན། །ཕྱི་རོལ་ས་རྡོ་རི་བྲག་དང་། །ཆུ་གླུང་ནགས་ཚལ་གནས་དང་ལྗོངས། །འགྲོ་བ་རིགས་དྲུག་དགྲ་དང་གཉེན། །ཕར་བལྟས་ཡུལ་དུ་སྣང་བ་ཀུན། །མིང་དང་གཟུགས་ཀྱི་ཕུང་པོ་ཡིན། །དེ་བཞིན་རྣ་བས་སྒྲ་ཐོས་ཤིང་། །སྣ་ཡིས་དྲི་མྱོང་ལྕེ་ཡིས་རོ། །ལུས་ཀྱིས་རེག་བྱ་ལ་སོགས་པ། །དབང་ཤེས་ཡུལ་དང་ཡུལ་ཅན་གཉིས། །འདུས་ཏེ་རེག་པའི་རྐྱེན་དག་ལས། །དགའ་སྡུག་ཆགས་སྡང་བར་མ་ཡི། །ཚོར་བའི་ཕུང་པོ་སྐྱེ་བ་འདི། །སྒོམ་ཆེན་རྣམས་ཀྱིས་མཁྱེན་པར་མཛོད། །དེ་ལ་བརྟག་དཔྱད་བསམ་གཞིགས་དང་། །སྤོང་ལེན་དགག་སྒྲུབ་བློ་སྐྱེས་ལ། །འདུ་ཤེས་ཕུང་པོ་ཞེས་སུ་གྲགས། །དེ་ལ་དགེ་དང་མི་དགེ་ཡི། །ལས་ལམ་བག་ཆགས་འདུ་བྱེད་པས། །འདུ་བྱེད་ཕུང་པོ་ཞེས་སུ་གྲགས། །དེ་དག་ཀུན་གྱི་བདག་པོ་ནི། །རྣམ་པར་་

(༦༠༢)ཤེས་པ་ཉིད་ཡིན་པས། །རྣམ་ཤེས་ལས་འདས་ཡེ་ཤེས་ཀྱི། །མཉམ་གཞག་ཕུང་པོ་ལྔ་བྲལ་འདི། །ལྟ་བ་ཡིན་པ་མཁྱེན་པར་མཛོད། །དེ་ཉིད་ངང་དུ་ཚོགས་དྲུག་གི །རང་མདངས་མི་འགག་རྟོག་དཔྱོད་བྲལ། །སྤྱན་དང་མཐོན་པར་ཤེས་པའི་རྒྱུ། །ཡང་དག་དྲན་པ་ཉེར་གཞག་ནི། །རྣམ་བྱང་སྐྱེ་བ་འཕགས་པའི་ལམ། །སྒོམ་པ་ཡིན་པ་མཁྱེན་པར་མཛོད། །མཉམ་གཞག་རྗེས་ཐོབ་གང་ལ་ཡང་། །གྲུབ་མཐའི་ཞེན་པས་མ་བཅིངས་པར། །བླང་དོར་མེད་པའི་རྒྱས་ཐེབས་ན། །ཚུལ་འཆོས་བྲལ་བའི་སྤྱོད་པ་ཡིན། ཁྱད་པར་རྡོ་རྗེ་ཐེག་པའི་དོན། །དབང་བཞིའི་ལམ་དང་མ་འབྲེལ་ན། །མཐོང་ལམ་སྐྱེ་བ་མི་སྲིད་པས། །བདེན་པ་གཟིགས་པའི་བླ་མ་ཡིས། །མོས་གུས་ལྡན་པའི་སློབ་མ་དེ། །སྨིན་པའི་མཚན་ཉིད་འདི་ཡིན་ནོ། །དང་པོ་བུམ་པའི་དབང་བསྐུར་གྱིས། །རྣམ་ཤེས་རྡོ་རྗེ་མི་བསྐྱོད་པར། །སྨིན་ན་སེམས་རིག་ལ་ཤན་བྱེད། །གཉིས་པ་དབུ་རྒྱན་དབང་བསྐུར་གྱིས། །ཚོར་བ་རིན་ཆེ་འབྱུང་ལྡན་དུ། །སྨིན་ན་སྲེད་ལེན་རེག་པ་སྦྱོང་། །གསུམ་པ་རྡོ་རྗེའི་དབང་བསྐུར་གྱིས། །འདུ་ཤེས་སྣང་བ་མཐའ་ཡས་སུ། །སྨིན་ན་ཀུན་འབྱུང་མ་རིག་གཅོད། །བཞི་པ་དྲིལ་བུའི་དབང་བསྐུར་གྱིས། །འདུ་བྱེད་དོན་ཡོད་གླུ་བས་རུ། །སྨིན་ན་སྐྱེ་དང་སྲིད་པ་དག །ལྔ་པ་རྡོ་རྗེ་མིང་དབང་གིས། །མིང་གཟུགས་རྣམ་པར་སྣང་མཛད་དུ། །སྨིན་ན་རྒ་ཤིའི་འཁྲུལ་འཁོར་འཇོམས། །དེ་ལྟར་རིག་པའི་དབང་བསྐུར་ལྔ། །བསྐུར་ནས་ཐོག་པར་གྱུར་པའི་ཚེ། །ཕུང་པོ་ལྔ་བྲལ་མཉམ་བཞག་དེ། །རྒྱུད་ལ་སྐྱེ་བར་མཁྱེན་པར་མཛོད། །དེ་བཞིན་ཁམས་ལྔ་ཡུམ་ལྔར་དག །སྐྱེ་མཆེད་སེམས་དཔའ་སེམས་མར་སྦྱོང་། །ཚངས་པའི་གནས་པ་བཞི་པོ་ནི། །ལས་དབང་ཁྲོ་བོ་ཁྲོ་མོར་སྨིན། །འདི་ལྟར་གདན་གསུམ་

(༦༠༣""ཚང་བའི་ལྷ། ཁམས་དྲུག་ལྡན་པ་རྡོ་རྗེའི་ལུས། །ཀུན་ལ་ཡོངས་གྲུབ་ཆེན་པོ་རུ། །གནས་པ་རྡོ་རྗེའི་སློབ་དཔོན་གྱི། །བདག་པོའི་རྐྱེན་གྱིས་སད་དགོས་པས། །ངེས་པར་མཐོང་ལམ་ཐོབ་པ་ཡི། །བླ་མ་བསྙེན་ཅིག་རིགས་ཀྱི་བུ། །དེ་ལས་མཆོག་དབང་གོང་མ་ནི། །ཤིས་སྒྲིབ་སྦྱོང་ཐབས་གཙོར་བྱེད་པས། །ཐབས་ལས་ཐབས་གྱུར་ཕོ་ཉའི་ལམ། །རྒྱལ་བ་རྡོ་རྗེ་འཆང་གིས་ཀྱང་། །གསང་སྔགས་ཕྱི་པ་མན་ཆད་དུ། ཐོ་བོས། བོད་ན་སློབ་མ་སྣོད་ལྡན་རེ་ཙམ་འདུག་སྟེ། དབང་བསྐུར་ནུས་པའི་བླ་མ་མི་འདུག་གསུངས་པ་དེ་དོན་འདིར་དགོངས། །སྦས་ཏེ་མངོན་དུ་མ་གསུངས་ན། །འདིར་ནི་བརྗོད་པའི་གནས་ཅི་ཞིག ཁྱོད་ལ་མཁའ་འགྲོ་སྡེ་ལྔ་ཡི། །གཙོ་མོས་རྣམ་ཐར་སུམ་ལྡན་གྱི། །དཀྱིལ་འཁོར་ཟབ་མོས་ལྐོག་གྱུར་དུ། །དབང་བསྐུར་ཚེ་ན་གཟུང་འཛིན་གྱི། །མགོ་བོ་བཅད་དེ་རྦབ་ལ་སྒྲིལ། །མཁའ་འགྲོའི་བརྡ་ཡིག་དངོས་སུ་ཐོབ། །མངོན་སུམ་ཉིད་དུ་ས་གཡོས་དེ། །བྱང་ཆུབ་སེམས་དཔའ་ས་ནས་སར། །འཕར་བའི་མངོན་རྟགས་ཡིན་སྲིད་ཀྱང་། །འཇིག་རྟེན་མོངས་པས་ག་ལ་རིག །གཞུ་སྟོད་གཏོར་སྒྲོམ་ཕོ་བྲང་དུ། །དཔའ་བོ་དང་ནི་མཁའ་འགྲོའི་ཚོགས། །མེ་ཚོགས་སྟོང་རྩས་མཉེས་བྱས་པའི། །གདབ་ལན་རྡོ་རྗེའི་གླུ་གར་འདི། །རང་ལས་བྱུང་ཞིང་རང་ལ་ཤར། །སྣང་བ་དཔེ་ཆར་ཤར་བའི་གཏམ། །རྒྱལ་སྲས་པདྨའི་བུ་བརྒྱུད་ཀྱི། ཁྱད་ཆོས་ཡིན་ནོ་ཨེ་མ་ཧོ། །དད་ལྡན་གྱི་སློབ་བུ་དགེ་དོན་འཇིགས་མེད་འབངས་ཀྱི་ངོར་དགོངས་བརྒྱུད་ལས་ཡི་གེར་སྤེལ་ཞིང་། རིགས་ཀྱི་བུ་རྒྱལ་སྲས་ཉིན་བྱེད་འོད་ཟེར་རིག་འཛིན་མཐུ་སྟོབས་གྲུབ་པའི་སྡེའི་ཆོས་སྐལ་དུ་རིག་འཛིན་འཇིགས་མེད་གླིང་པས་སོ། །གཏམ་ཚོགས་ལེའུ་སོ་བཞི་པའོ།། །།དབུ་རུ་ཞེ་ལྷ་ཁང་གི་གཏམ་ཆོས་འབྱུང་གི་མེ་ཏོག་ཅེས་བྱ་བ། བསམ་གྱིས་མི་ཁྱབ་རྒྱལ་བ་འདྲ་ལས་ཏེ། །སེམས་ཅན་ཁམས་ཀྱང་དེ་དང་མཚུངས་པར་ལྡན། །དེ་

(༦༠༤)སྙེད་གདུལ་ལ་གཞན་དྲིན་མི་འཇོག་པ། །ཀུན་མཁྱེན་རྒྱལ་དང་དེ་སྲས་རྣམས་ལ་འདུད། །དེ་ལ་དབུ་རུ་ཞྭ་ལྷ་ཁང་གི་ལོ་རྒྱུས་ཅུང་ཟད་བརྗོད་ན། སྤྱིར་ཀུན་གཞིའི་ཁམས་ལ་རྟེན་འབྲེལ་བཅུ་གཉིས་སུ་ཤར་བ་ནི་སེམས་ཅན་གྱི་ལས་སྣང་། དེ་ཉིད་གདུལ་ཕྱིར་རྣམ་པར་སྣང་མཛད་གང་ཆེན་མཚོའི་ཞིང་ཁམས་བཀོད་པ་ལས་སྟོང་གསུམ་མི་མཇེད་བྱེ་བ་ཕྲག་བརྒྱའི་ནང་ཚན་རང་ཅག་གནས་པའི་ལྷོ་གླིང་འདིའི་ཡུལ་དབུས་མ་གངྷཱ་རྡོ་རྗེའི་གདན་གྱི་བྱང་ཕྱོགས། རི་ཁ་བ་ཅན་ལ་སྟོད་མངའ་རིས་སྐོར་གསུམ། བར་དབུས་གཙང་རུ་བཞི། སྨད་མདོ་ཁམས་སྒང་དྲུག་ཏུ་གྲགས་པ་ལས། གཙང་ལ་གཡས་རུ་དང་རུ་ལག །དབུས་ལ་གཡོ་རུ་དང་དབུ་རུ་གཉིས་ལས་མཐའ་འདུལ་གྱི་གཙུག་ལག་ཀ་ཚལ་དང་ཧ་ཅང་མི་རིང་བ་དབུར་སྟོང་ཞྭ་ལྷ་ཁང་ཞེས་བྱ་བ་འདི་ནི། ལྷ་བཙན་པོ་ཁྲི་སྲོང་ལྡེའུ་བཙན་གྱིས་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་བཞེངས་ཤིང་། མཁན་སློབ་ཆོས་གསུམ་གདན་འཛོམ་ནས་རྒྱལ་བའི་བསྟན་པ་རིན་པོ་ཆེ་ལ་བསྟི་སྟང་བླ་ལྷག་ཏུ་མཛད་པའི་སྐབས་ཤིག་ན་ཆོས་རྒྱལ་ཉིད་ཀྱི་བླའི་མཆོད་གནས་སུ་གྱུར་པ་ཉང་ཏིང་འཛིན་བཟང་པོ་ཞེས་བྱ་བ། ཞི་གནས་ཀྱི་ཏིང་འཛིན་ལོ་བདུན་དུ་མི་འཆོར་ཞིང་། ཤའི་སྤྱན་གྱིས་གླིང་བཞི་དུས་གཅིག་ཏུ་གཟིགས་པ་དེས་བཙན་པོ་ལ་ལུང་བསྟན་ནས་མཁས་ཤིང་གྲུབ་པ་བརྙེས་པའི་སློབ་དཔོན་ཆེན་པོ་རིམ་ལ་མི་ཏྲ་རྒྱ་གར་ནས་སྤྱན་དྲངས། བཙན་པོ་ཡིད་ཆེས་པའི་ཕྱིར་དབུ་ཚལ་སྟེང་ཁང་གི་ལྡེར་ཚོ་ལ་ཕྱག་མཛད་པས་ཐལ་ཕུང་དུ་སོང་། ཐེ་ཚོམ་སྐྱེས་པ་ན་སླར་ཐལ་ཕུང་ལས་རྣམ་སྣང་རང་བྱོན་དུ་གྲུབ་པའི་རྫུ་འཕྲུལ་དང་། ནམ་མཁའ་རྡོ་རྗེ་དབྱིངས་ཀྱི་དཀྱིལ་འཁོར་སྤྲུལ་ནས་རྒྱལ་བློན་རྣམས་ལ་མངོན་སུམ་དུ་བསྟན། རྡོ་རྗེ་སེམས་དཔའ་སྒྱུ་འཕྲུལ་དྲྭ་བ་ལ་སོགས་གསང་སྔགས་ཕྱི་ནང་དང་། སོ་སོ་ཐར་པའི་རྒྱ་ཆེར་འགྲེལ་བ་ལ་སོགས་མཚན་ཉིད་ཀྱི་ཆོས་ཀྱང་མང་དུ་བསྒྱུར་ཞིང་བཤད། ཁྱད་པར་དུ་

(༦༠༥)མཚན་མོ་དབུ་རྩེའི་བར་ཁང་དུ་བཙན་པོ་ཡབ་སྲས་དང་ཉང་བ་ན། སྐ་ཅོག་སྟེ་ལྔ་ལ་གསང་བ་སྙིང་ཐིག་རྒྱུད་ལུང་མན་ངག་ལྐོག་ཆོས་སུ་གསུངས། ཟབ་པ་བོད་བཞིམ་ཆིམས་ཕུ་ཕྲག་དམར་དུ་གཏེར་དུ་སྦས། རྒྱ་ནག་རི་བོ་རྩེ་ལྔ་ན་ད་ལྟའི་བར་དུ་བཞུགས་ཏེ་ལོ་བརྒྱ་བརྒྱན་བོད་དུ་སྤྲུལ་པ་རེ་འབྱོན། དེ་ལྟར་བི་མ་ལའི་དངོས་སློབ་ཉང་ཏིང་འཛིན་བཟང་པོས་རྡོ་རྗེ་ལེགས་པ་བྲན་དུ་བཀོལ་ནས། གཙུག་ལག་ཁང་བཞེང་བར་རྩོམ་པ་ན། རྡོར་ལེགས་ཀྱིས་མདོ་ཁམས་སུ་སེར་བ་ཕབ་སྟེ་འབྲུ་རྔ་བོད་གི་རྒྱབ་ཁལ་ལྔ་བརྒྱ་ལོངས་པ་དྲངས། འཛམ་བུའི་གླིང་གི་དངོས་གྲུབ་བཅུད་ཐམས་ཅད་བསྡུས་པའི་དངོས་གྲུབ་ལོངས་ཤིག་ཟེར་བ་ན། ཉང་བ་ན་ཆེན་པོས་རྫུ་འཕྲུལ་གྱིས་ཞྭ་མོ་ནམ་མཁའ་ལ་གཟེད་པས་རྡོར་ལེགས་ཀྱིས་ལན་གསུམ་བཀང་ཡང་མ་ཁེངས་པས་ཡུལ་འདིའི་ལོངས་སྤྱོད་ཀྱི་རྟེན་འབྲེལ་ལ་ཅུང་ཟད་གཞར་ཟེར། སྣོད་ཀྱི་མིན་ལས་ཞྭ་ལྷ་ཁང་དུ་གྲགས་ཀྱང་། དོན་ལ་དེ་བཞིན་གཤེགས་པ་ཉིད་ཀྱིས་གླང་རི་ལུང་བསྟན་ལས། བྱང་ཕྱོགས་སུ་ཡུལ་ཤེ་སྣ་ཞྭ་ཞེས་བྱ་བ་ནས་ས་འོག་ནས་དེ་བཞིན་གཤེགས་པའི་གཟུགས་བརྙན་བྱུང་ནས་ཡུལ་གྱིས་མཚམས་སྲུང་བར་བྱེད་དོ། །ཞེས་ལུང་བསྟན་པ་ལྟར། ཡུལ་འདིའི་ཉེ་ལོགས་ཤེ་སྣ་ཞེས་པ་ནས་ཉང་བ་ན་ཉིད་ཀྱིས་ཐུབ་དབང་བྱང་ཆུབ་ཤིང་དྲུང་མ་གཏེར་ནས་བཞེས་པ་སྟེང་ཁང་གི་ནང་རྟེན་དུ་བཞུགས། ས་མཚམས་སྲུང་བ་ཞེས་པ་ནི་དབུར་སྟོད་འདི་དབུས་གཙང་རུ་བཞིའི་ཟད་མཐའ་ལ་ཉེ་བ་ཡིན་པས་སོ། །དེ་ལ་བརྟེན་པའི་ལྷ་ཚོགས་ཇི་ལྟར་བཞུགས་པ་ནི། གཙང་ཁང་དབུ་མར་རྟེན་གཙོ་རྣམ་པར་སྣང་མཛད། ཉེ་བའི་སྲས་བརྒྱད། རྒྱ་སྐད་དུ་ཀི་ཀང་སྟེ་སྒོ་སྲུང་ཁྲོ་བོ་གཉིས། གཙང་ཁང་ལྷོར་སློབ་དཔོན་ཆེན་པོ། གཡས་གཡོན་དུ་པཎ་ཆེན་བི་མ་ལ་དང་། ཉང་ཏིང་འཛིན་བཟང་པོ། ཆོས་རྒྱལ་ཁྲི་སྲོང་། བཻ་རོ་ཙ་ན། གཙང་ཁང་བྱང་དུ། རྟེན་གཙོ་

(༦༠༦) ཐུབ་དབང་ཆོས་འཆད་མ། བྱམས་མགོན་འཇམ་དབྱངས། ཚངས་པ་དང་། བརྒྱ་བྱིན། ཁྱད་པར་ཡུལ་ཕྱོགས་འདི་མལ་གྲོ་གཟི་ཅན་གྱིས་དབང་དུ་བྱས་ཤིང་། བོད་ཁམས་སྤྱི་ལ་གནོད་གདུག་ཆེ་བས། དེའི་ཁ་གདོན་དུ་གཟི་ཅན་གནས་པའི་མཚོ་གཉན་གྱི་སྟེང་དུ། ཕྲ་མེན་མཆོད་རྟེན་དྲག་ཤུལ་མངོན་སྤྱོད་ཀྱི་བཅའ་ག་ཅན་ཤིན་ཏུ་བཀའ་གཉན་པ་བཞེངས། ཆོས་སྐྱོང་མ་གཟའ་རྡོར་གསུམ་དངོས་སུ་བཞུགས་ཀྱང་ཆུ་བུར་གྱི་མིག་ཅན་ལ་ལྡེར་སོ་ཙམ་ལས་མི་མངོན་པའི་མགོན་ཁང་ཤིན་ཏུ་གཉན་པ་དང་། ཕྱི་རོལ་ལྷོ་ཕྱོགས་སུས་རྡོ་ལས་བང་སོའི་རྣམ་པ་ཅན་འདིར་རྫུ་འཕྲུལ་གྱི་ཞྭ་དེ་ཉིད་བཞུགས་པས། བསྐོར་བ་བྱས་པ་དག་ལའང་སྟེང་གདོན་གྱི་གནོད་པ་མི་འབྱུང་བའི་བྱིན་རླབས་ཅན་རྣམས་གནས་རྙིང་དངོས་བསྟན་ཡིན་ལ། དེ་ལྟ་བུའི་བདག་པོའི་རྐྱེན་དུ་གྱུར་པ་ཉང་ཏིང་འཛིན་བཟང་པོ་དེ་ཉིད་ཀྱིས་བསྟན་པ་ལ་བྱ་བ་རྒྱ་ཆེན་པོ་དང་། བོད་འབངས་བདེ་བའི་ཐབས་མཛད་དེ་ལྷ་ས་བྲག་ལྷའི་ཕུག་ཏུ་འཇའ་ལུས་སུ་གཤེགས། ཕྱིས་བྱུང་ཐོག་ཤིན་ཏུ་སྔ་བ་ལ། མགོན་ཁང་སྟེང་ན་ནང་རྟེན་ཁྱད་པར་ཅན། ཐུབ་དབང་ལི་དམར། ཉང་བ་ན། འཇིགས་བྱེད། མགོན་པོ་ཕྱག་དྲུག་པ། ཚེ་དཔག་མེད། མི་གཡོ་བ། རྟ་མགྲིན་ལྕགས་རལ། ཁྱད་པར་རྒྱལ་བ་ཀློང་ཆེན་པའི་ཐུགས་དམ་རྟེན་གུར་མགོན་བྱིན་རླབས་ཆེ་བ་དང་གྲི་གུག །བིང་། ལྷ་མོ་འདོད་ཁམས་མ། རྣམ་སྲས་གསེར་ཆེན་རྣམས་དང་། ཕྱིས་བྱུང་འདུ་ཁང་དུ་བཙོང་ཁ་པ་ཆེན་པོའི་སྐུ་དང་། ཇོལ་བྲོམ་གཉིས། གནས་བཅུ་ལ་སོགས་པ་མངོན་སུམ་མིག་གི་དགའ་སྟོན་ལ་བཞུགས། ཉང་བ་ན་གཤེགས་ནས་ལོ་བརྒྱ་སོང་བ་ན་ཞྭའི་གནས་བརྟན་ལྡང་མ་ལྷུན་རྒྱལ་ལ་རྡོ་རྗེ་ལེགས་པས་ལུང་བསྟན་ནས་གཏེར་ཕྱུང་། རིམ་བཞིན་བགྲང་བྱའི་ཁུར་བརྩེགས་པས་གཙུག་ལག་

(༦༠༧)ཁང་ཉམས་ཞིག་ཆེན་པོར་གྱུར་པ་ན་སློབ་དཔོན་བི་མ་ལའི་དངོས་སྤྲུལ་གངས་རིའི་ཁྲོད་ཙམ་ན་རང་གཞན་གྱི་གྲུབ་མཐའ་རྒྱ་མཚོའི་ཕ་རོལ་ཏུ་སོན་པ་རྒྱལ་བ་ཀློང་ཆེན་རབ་འབྱམས་གངས་རི་ཐོད་དཀར་དུ་བཞུགས་དུས། བི་མ་ལས་ཞལ་གཟིགས་ཏེ་དབུ་རུ་ཞྭའི་ལྷ་ཁང་འདི་ཉིད་ལ་ཞིག་གསོས་དགོས་པར་ལུང་བསྟན་པ་བཞིན་མཛད་པའི་ཚེ། རྡོ་རིངས་གཉིས་འགྱེལ་ཞིང་། དེའི་འོག་གི་དམ་སྲིའི་མནན་ཐོད་ཀྱང་ནམ་མཁའ་ལ་ཡར་བ་ལྟ་སྟངས་ཀྱིས་བཀུག་སྟེ་དེ་ཉིད་དུ་མནན། རྡོ་རིངས་འགྱེལ་བ་ཐབས་གང་གིས་ཀྱང་སློང་མ་ཐུབ་པའི་ཚེ་ཐུགས་འུར་པའི་ཚུལ་གྱིས་སྐུ་ཆོས་བརྡབས། ལྟ་བ་བསམ་གྱིས་མི་ཁྱབ་པའི་བརྟུལ་ཞུགས་སྐྱེད་པའི་ཚེ། ཐུབ་དབང་བྱམས་པ། འཇམ་དབྱངས་སོགས། སངས་རྒྱས་དང་བྱང་ཆུབ་སེམས་དཔའ་མང་པོས་ཞལ་གཟིགས། ཁྱོད་དེ་བཞིན་གཤེགས་པ་རི་རབ་སར་མིའི་རྒྱལ་མཚན་ཞེས་བྱ་བར་འཚང་རྒྱ་བར་ལུང་བསྟན་པའི་མོད་ལ་རྡོ་རིངས་གཉིས་ཀྱང་དཀའ་བ་མེད་པར་བསླངས། དབུ་རྩེའི་རྒྱབ་ན་གསེར་མང་པོ་སྣང་བ་ལས་འགུ་རྩེ་གང་བཅུས་ཏེ་ལྷ་ཚོགས་རྣམས་ལ་གསེར་གསོལ་དང་། རབ་གནས་མཐའ་རྒྱས་དང་བཅས་ལེགས་པར་མཛད། མདོར་ན་སངས་རྒྱས་དངོས་ཀྱིས་ལུང་བསྟན་ཞིང་། དེ་དང་མཚུངས་པའི་སྐྱེས་བུ་དམ་པ་ཤ་སྟག་གིས་རང་གིར་མཛད་ཅིང་བྱིན་གྱིས་བརླབས་པའི་ཁྱད་པར་ལས། མ་གཟའ་རྡོར་གསུམ་ལ་སོགས་པའི་སྲུང་མ་ཁྱད་པར་ཅན་དངོས་སུ་བཞུགས་ཤིང་། ཚར་གཅོད་རྗེས་འཛིན་གྱི་ཕྲིན་ལས་མྱུར་བས་བོད་ཁམས་བསྟན་འགྲོའི་རྩ་ལག་གཅིག་ཏུ་གནས་པ་ལ་སྲི་ཞུ་དང་བསྟི་སྟང་ཕྱག་མཆོད་སྨོན་ལམ་རྒྱ་ཆེན་པོ་མཛད་པར་ཞུ། ཞེས་པའང་འབྲས་སྤུངས་སྒོ་མངས་པ་བསྐལ་བཟང་དོན་འགྲུབ་དང་ཞྭ་བའི་གྲྭ་ཚོགས་རྣམས་ཀྱིས་བསྐུལ་ངོར། རྫོགས་ཆེན་པ་རང་བྱུང་རྡོ་རྗེས་འབྲི་གུང་རྫོང་གསར་དུ་ཤར་མར་བྲིས་པའོ།། །།གཏམ་ཚོགས་ལེའུ་སོ་ལྔ་པའོ།། །།ལྷོ་མོ་ན་དཀར་པོ་ཟངས་ཀྱི་གཏམ། རྒྱལ་བ་རྣམས་ཀྱི་སྤངས་རྟོགས་ཡོན་

(༦༠༨)ཏན་ནི། །མཉམ་པ་ཅན་དེ་གངས་ཅན་འགྲོ་བ་ལ། །སངས་རྒྱས་གཞན་ལས་ཐུགས་རྗེ་རྨད་བྱུང་བའི། །མཆི་སྐྱེས་རྡོ་རྗེ་གཙུག་ཏོར་ནོར་བུར་བསྟེན། །དེ་ཡང་རྟོགས་པ་རྣམས་ཀྱི་ཡེ་ཤེས་རོལ་པའི་ཁད་བཟངས་སྣོད་ཀྱི་འཇིག་རྟེན་འདི་ཉིད་རང་དེ་བཞིན་གཤེགས་པའི་མཆོད་སྡོང་ཆེན་པོར་ཡོད་དེ་རྒྱུད་ལས། འདོད་ཁམས་དབང་གི་རི་བོ་ལ། །གཟུགས་ཁམས་བང་རིམ་ཁྲི་འཕང་ཅན། །གཟུགས་མེད་བུམ་རྟེན་བུམ་པར་བཅས། །སྐུ་གདུང་ཆེན་པོ་དེ་ལྟར་གནས། །ཞེས་སོ། །དེ་ལ་རྣམ་པར་སྣང་མཛད་གང་ཆེན་མཚོའི་ཕྱག་མཐིལ་གྱི་སྤོས་ཆུའི་རྒྱུན་ལས་འཁྲུངས་པའི་ཐུགས་ཀ་དཔལ་གྱི་བེའུའི་ཐད་ཀྱི་ཡལ་ག་བཅུ་གསུམ་པར་མི་མཇེད་ཀྱི་འཇིག་རྟེན་འདི་ཉིད་གནས་པའི་ནང་ཚན་ལྷོ་རྒྱལ་འཛམ་བུའི་གླིང་འདིར་མཁའ་འགྲོ་རང་བཞིན་གྱིས་འདུ་བའི་གནས་གྲངས་ཅན་དང་། ངེས་པ་མེད་པར་གསུངས་པ་ལས་རྒྱུད་སྡེ་རིན་པོ་ཆེ་རྣམས་ནས་ཡུལ་ཉི་ཤུ་རྩ་བཞི། གནས་སུམ་ཅུ་རྩ་གཉིས། དུར་ཁྲོད་ཆེན་པོ་བརྒྱད་ལ་སོགས་པ་རྣམས་ནི་ཕྱི་ལྟར་དུ་ཡུལ་གྱི་རྣམ་པ་དང་བཀོད་པའི་བྱེ་བྲག་ཐ་དད་པའི་ཚུལ་དུ་གནས་ཤིང་། ནང་ལྟར་དུ་རྡོ་རྗེའི་ལུས་ཀྱི་ཆ་ཤས་སོ་སོར་རྩ་རླུང་ཐིག་ལེའི་རྟེན་ཅིང་འབྲེལ་བར་འབྱུང་བའི་འདུ་བ་དང་བཅས་རང་བཞིན་ལྷུན་གྱིས་གྲུབ་པའི་དང་དུ་བཞུགས་པ་ཡིན་ནོ། །དེ་ལ་གངས་རིའི་ཁྲོད་འདིར་སངས་རྒྱས་གཉིས་པ་སློབ་དཔོན་ཆེན་པོས་ཞབས་ཀྱིས་བཅགས་ཤིང་སྒྲུབ་གནས་སུ་བྱིན་གྱིས་བརླབས་པའི་གནས་ཆེན་ཇི་སྙེད་ཅིག་ཡོད་པ་ལས། ལྷོ་ཕྱོགས་མོན་གྱི་ཡུལ་གྲུ་འདིར་ཤར་ན་སྐུའི་གནས་ངོ་མ་ཚང་། ལྷོ་ན་ཡོན་ཏན་གྱི་གནས་སྒོམ་པ་ཕུག །ནུབ་ན་ཐུགས་ཀྱི་གནས་གཟིག་ཚང་། བྱང་ན་གསུང་གི་གནས་སྦྱང་ཚང་། དབུས་ན་ཕྲིན་ལས་ཀྱི་གནས་དཀར་པོ་ཟངས་ཞེས་བྱ་སྟེ་བྲག་རི་ཐམས་ཅད་དམ་པ་རིགས་བརྒྱའི་དཀྱིལ་འཁོར་དུ་གནས་པ། དབུས་ན གཡུ་མཚོ་གནམ་སྨན་དཀར་མོ་ཞེས་བྱ་བ་ཕྱི་ལྟར་

(༦༠༩)དུ་ཀླུ་དབང་གཙུག་ན་རིན་ཆེན་གྱི་གྲོང་ཁྱེར། ནང་ལྟར་དུ་མཚེ་ལྷ་སྨན་བཙུན་མཆེད་ལྔའི་ཕོ་བྲང་། གསང་བ་ལྟར་དུ་རྒྱལ་ཡུམ་རྡོ་རྗེ་རྣལ་འབྱོར་མའི་བླ་མཚོ་ལ་ལས་ཅན་གྱི་སྣང་ངོར་ལྷ་དང་གཞལ་ཡས་ཁང་གི་རྣམ་པ་དང་། གུ་རུའི་ཕྱག་རྗེས་རྣམ་འགྱུར་དང་ཆེ་ཆུང་མ་ངེས་པ་གསལ་འགྲིབ་བྱེད་ལ། དཔའ་བོ་དང་རྣལ་འབྱོར་མའི་ཚོགས་འདུ་བ་དང་། ཉེ་བའི་འདུ་བ་ལ་དུས་དང་དུས་མ་ཡིན་པར་ག་ན་ཙཀྲའི་ལོངས་སྤྱོད་ལ་རོལ་པས་རོལ་མོའི་སྒྲ་སྣ་ཚོགས་པ་མངོན་སུམ་པར་ཐོས་ཤིང་། རང་བྱོན་གྱི་བཀོད་པ་བསམ་གྱིས་མི་ཁྱབ་པར་ཡོབ་པའི་གནས་ཀྱི་ལྟེ་བ་ཇི་སྐད་དུ་བཀའ་ཐང་ལས། མོན་ཁ་ནེ་རིང་ཟླ་བ་གསུམ༔ སྤ་གྲོ་སྟག་ཚད་ཟླ་བ་བཞི༔ ཆུ་མོ་ཕུག་ཏུ་ཟླ་བ་གཉིས༔ ངོ་མཚར་རོང་དུ་ཞག་ལྔ་བཞུགས༔ སྟག་ཚང་རོང་དུ་ཞག་བདུན་ནོ༔ གཟིག་ཚང་རོང་དུ་ཞག་དགུ་བཞུགས༔ སྤྱང་ཚང་རོང་དུ་ཞག་དུག་གོ༔ ཤ་འུག་སྟག་སྐོར་ལོ་གཅིག་བཞུགས༔ ཞེས་ལྷོ་མོན་གྱི་ཕྱོགས་ལ་བཞུགས་ཡུན་རིང་ཞིང་བྱིན་ཟིལ་ཆེ་བའི་གནས། ཉེ་འདབས་ན་ཕ་ཝང་སྟག་ཉལ་འདྲ་བ་ཡོད་པ་ལ་སོགས་ལས་དེ་སྐད་དུ་གྲགས་ཤིང་། གཟིམ་ཕུག་གཡས་ལོགས་ལ་སྐྱེ་མེད་ཀྱི་ཡི་གེ་ཨའི་རང་བྱོན། འཆི་མེད་ཀྱི་ཆུ་རྒྱུན་ལྷུང་ལྷུང་དུ་འབབ་ཅིང་། རང་བྱུང་གི་བླ་བྲེས་པར་སྣང་ལ་དཔྱངས་པ་ལྟ་བུའི་ངོ་མཚར་གྱི་གཟིམ་ཕུག་འདིའི་རྟེན་གྱི་གཙོ་བོ་གུ་རུའི་སྐུ་ཚབ་པདྨ་མཐོང་གྲོལ། གཡས་ན་གང་གི་མཚན་ཐོས་པའང་འཁོར་བ་དང་ངན་སོང་གི་སྡུག་བསྔལ་ལས་སྐྱོབ་པར་ཐུགས་བསྐྱེད་པའི་སངས་རྒྱས་བཅོམ་ལྡན་འདས་རྡོ་རྗེ་སེམས་དཔའ། གཡོན་ན་ཕྱོགས་བཅུ་དུས་གསུམ་གྱི་སངས་རྒྱས་མ་ལུས་པའི་སྤྲུལ་གཞི་འཕགས་པ་སྤྱན་རས་གཟིགས་སེམས་ཉིད་ངལ་བསོ་རྣམས་པདྨས་རྗེས་བཟུང་རྫོགས་ཆེན་པ་རང་བྱུང་རྡོ་རྗེ་འཇིགས་མེད་གླིང་པས་བཟོ་གནས་ཀྱི་བཀོད་པ་འདོམས་ཤིང་རྒྱུད་སྡེ་རིན་པོ་ཆེ་ནས་ལེགས་པར་གསུངས་པའི་གཟུངས་འབུལ་དང་རབ་གནས་ཀྱི་ཆོ་ག་ཤིན་ཏུ་དག་པ་

(༦༡༠)དང་། རང་གི་རྟོགས་པའི་ཆོས་ཉིད་དང་རོ་མཉམ་པའི་ཡེ་ཤེས་རྡོ་རྗེས་ལྷག་པར་གནས་པས་ཡེ་ཤེས་སེམས་དཔའ་མངོན་སུམ་པར་བཞུགས་པར་མཛད་པའི་སྤྱན་སྔར། ཕྱག་མཆོད། བཀུར་སྟི། བསོད་ནམས་བགྱིས་པའི་ཕན་ཡོན་ནི་གཡོ་རུའི་ཁྲ་འཕྲུག་ཏུ་རྒྱལ་སྲས་ལྷ་རྗེ་ལ་བཀའ་འདུས་ཆོས་ཀྱི་རྒྱ་མཚོའི་ཆོས་འཁོར་བསྐོར་བའི་ཚེ། ལྷ་ལྕམ་མནྡཱར་བའི་ཞུ་ལན་དུ། ཉོན་ཅིག་ལྷ་མོའི་གཟུགས་ཅན་ཡིད་འོང་མ༔ ང་དང་མ་འཕྲད་མ་འོངས་སེམས་ཅན་རྣམས༔ མ་རིག་མུན་པའི་སྒྲོན་མེ་སྐུ་འདྲས་བྱེད༔ པད་འབྱུང་སྐུ་ཚབ་མཆོད་པའི་རྟེན་བཞད་པ༔ སྐུ་གསུམ་དོན་ལྡན་བསྟན་པའི་རྒྱལ་མཚན་འཛུགས༔ དེ་ལ་འདུན་ཅིང་མོས་གུས་སུས་བྱེད་པ༔ འདོད་པ་ཀུན་ཚོགས་རིན་ཆེན་ཕུང་པོ་འདྲ༔ སྙིང་པོ་རྒྱུན་དུ་བཟླ་བར་གང་བྱེད་པའི༔ མི་རྣམས་སྨོན་ལམ་ཇི་ལྟར་བཏབ་པ་བཞིན༔ ལེགས་པར་ཀུན་འབྱུང་ཨེ་མ་ངོ་མཚར་ཆེ༔ པད་འབྱུང་སྐུ་ཚབ་དཀོན་གཉེར་སུས་བྱེད་པ༔ ངན་སོང་གསུམ་ལས་རྟག་ཏུ་ཐར་པ་དང་༔ ཕུན་སུམ་ཚོགས་པའི་ཡོན་ཏན་ཐོབ་པར་འགྱུར༔ པད་འབྱུང་སྐུ་ཚབ་གཞལ་ཡས་ཁང་བཞེངས་པ༔ ལྷ་ཡི་ཕོ་བྲང་ནང་དུ་སྐྱེ་བར་འགྱུར༔ པད་འབྱུང་སྐུ་འདྲར་ན་བཟའ་སུས་ཕུལ་བ༔ ཡེ་ཤེས་རྒྱན་ལྡན་རང་ཆོས་ཐོབ་པར་འགྱུར༔ པད་འབྱུང་སྐུ་འདྲར་རྡུལ་ཕྱིས་སུས་བྱས་པ༔ གཟུགས་བཟང་ཆས་ལེགས་མདོག་སྡུག་ཐོབ་པར་འགྱུར༔ པད་འབྱུང་སྐུ་འདྲར་མཆོད་ཡོན་སུས་ཕུལ་བ༔ རྫུ་འཕྲུལ་རྐང་པའི་མྱུར་མགྱོགས་ཐོབ་པར་འགྱུར༔ པད་འབྱུང་སྐུ་འདྲར་མར་མེ་སུས་ཕུལ་བ༔ མུན་པ་མེད་ཅིང་བློ་རིག་གསལ་བར་འགྱུར༔ པད་འབྱུང་སྐུ་འདྲར་སྤྱན་གཟིགས་སུས་ཕུལ་བ༔ བསོད་ནམས་ལོངས་སྤྱོད་ཡོ་བྱད་འཕེལ་བར་འགྱུར༔ པད་འབྱུང་སྐུ་འདྲར་གསར་ཆབ་སུས་

(༦༡༡)གསོལ་བ༔ རྒྱལ་པོ་རིན་ཆེན་ལྟ་བུར་ཐོབ་པར་འགྱུར༔ ཅེས་སོགས་དང་། སྐྱེ་དགུའི་ཚེ་འཕེལ་པད་འབྱུང་སྐུ་འདྲ་འདི༔ ང་ཡི་ཐུགས་ལས་ཡེ་ཤེས་འོད་འཕྲོས་ནས༔ མ་འོངས་མོས་པའི་རྟེན་དུ་གཏད་པ་ཡིན༔ འདོད་དགུ་འབྱུང་བའི་ཡིད་བཞིན་ནོར་བུ་འདྲ༔ དམངས་པོ་བུ་མེད་ང་ལ་གསོལ་བ་ཐོབ༔ ལུས་སེམས་དཔང་ཚུགས་རྐང་པས་བསྐོར་བ་གྱིས༔ ལོག་འདྲེན་བར་གཅོད་དཔག་ཚད་རྒྱང་གྲགས་འབྲོས༔ དབུལ་པོ་ནོར་མེད་ང་ལ་གསོལ་བ་ཐོབ༔ འཇིག་རྟེན་ཟང་ཟིང་ནོར་གྱིས་ལག་མི་འབོར༔ དོན་དང་མི་ལྡན་ང་ལ་གསོལ་བ་ཐོབ༔ སྨོན་ལམ་གང་བཏབ་དེ་ཡིས་ཐོབ་བར་བྱེད༔ གསོལ་བཏབ་པད་འབྱུང་ང་ལས་དགོས་འདོད་འབྱུང་༔ ཞེས་གསུངས་པས་ཡིད་བཞིན་གྱི་ནོར་བུའི་ཡོན་ཏན་བརྒྱ་ཕྲག་དུ་མས་བརྒྱ་དང་སྟོང་གི་ཆར་ཡང་མི་ཕོད་པའི་རྟེན་མཆོག་འདི་ལ་བཀུར་སྟི་ཞབས་ཏོག་དང་ཕྱག་མཆོད་སྨོན་ལམ་བགྱིས་ན་བརྒྱུད་ནས་རྣམ་པ་ཐམས་ཅད་མཁྱེན་པའི་ཉེ་རྒྱུར་འགྱུར་བ་ནི་སྨོས་མ་དགོས། གནས་སྐབས་ཚེ་འདིའི་ཕུན་སུམ་ཚོགས་པ་ཐམས་ཅད་ཀྱང་ཡིད་ལ་འདོད་པ་བཞིན་དུ་འགྲུབ་པར་གུ་རུ་ཉིད་ཀྱི་ཞལ་གྱིས་བཞེས་པ་ཡིན་པས། རང་གཞན་མཁའ་ཁྱབ་ཀྱི་སེམས་ཅན་ཐམས་ཅད་ཀྱི་དོན་དུ་ཐེག་པ་ཆེན་པོའི་བློ་གྲོས་དང་ལྡན་པས་ཕྱག་མཆོད་སྨོན་ལམ་ཡང་དག་མཛད་པར་ཞུ། གཟིམ་ཕུག་རྟེན་དང་བརྟེན་པར་བཅས་པ་འདི་ཉིད་གུ་རུ་རིན་པོ་ཆེ་ཉིད་ཀྱི་ཐུགས་རྗེ་དང་གནས་སྲུང་གི་མཐུ་ལས་གྲུབ་པའི་ཚུལ་ཁོ་བོ་ཅག་དཔལ་གྱི་བསམ་ཡས་མཆིམས་ཕུར་ལོ་གསུམ་དམ་པོ་ལ་གནས་པའི་ཆུ་ཕོ་རྟའི་ལོར་སྨན་བཙུན་ཆེན་མོ་མོན་མོ་ལང་ཚོ་དར་བབས་ཀྱི་རྣམ་པ་ཅན་ལན་གཉིས་སུ་འོངས་ནས་ལྷོ་རྒྱུད་ཀྱི་འགྲོ་དོན་ལ་བསྐུལ། དེས་ཇི་ལྟར་བསྟན་པའི་ལུང་བཞིན་དེ་ནས་ལོ་བཅུ་དྲུག་པ་མ་མོ་བྱའི་ལོར་གནས་དུས་ཀྱི་རྟེན་འབྲེལ་འགྲིག་པའི་ཚེ། ཁོ་བོ་ཅག་གིས་ཁྱུང་རི་སྒྲུབ་ཕུག་ཏུ་གུ་རུའི་སྐུ་ཆབ་བཞེངས་པས་རྐྱེན་བྱས། ཡོན་གྱི་བདག་པོའི་སྨོན་ལམ་དང་

(༦༡༢)ལས་འཕྲོ་རྣམ་པར་དག་པ་སད་དེ། ཤར་ཕྱོགས་ཀོང་ཡུལ་བ་སྦས་ཡུལ་སྐྱིད་མོ་ལྗོངས་སུ་ཕྲུམ་བཏབ་པའི་མིང་བཀྲ་ཤིས་སྐྱིད་ཚལ་བ་པུ་ནྱཻ་ཤྲཱི་བྷུ་ཏེའི་མིང་ཅན་ལ་འདི་ལྟ་བུ་བསྒྲུབ་པའི་བློ་སྟོབས་སྐྱེས་ནས་དངོས་ཅག་ལའང་གསོལ་བ་བཏབ་པ་བཞིན་ལེགས་སྤེལ་གྱི་རྟེན་འབྲེལ་བསྒྲིགས་ནས་གཡས་གཡོན་གྱི་བྱང་སེམས་གཉིས་པོའི་ཞབས་ཏོག་ཀྱང་བསྒྲུབས། དེ་ཕྱིར་ཁོང་ནས་ལྷག་བསམ་རྣམ་པར་དག་པས་སྐྱོ་དུབ་དང་ངལ་བ་ཁྱད་དུ་བསད་ནས་བསྒྲུབས་པའི་ཚེ་གནས་ཡིག་ཅིག་ཀྱང་དགོས་ཞེས་བསྐུལ་མ་བྱུང་བ་བློ་གྲོས་བླུན་པོའི་གཏམ་གྱི་རྗེས་སུ་མ་ཕྱོགས་པར་གནས་ཚུལ་དང་མཐུན་པ་ཉིད་ལ་དག་པའི་སྣང་བ་ཅུང་ཟད་ཤར་བ་བཞིན་མ་སྤས་པར་བཀོད་པའོ།། །།གཏམ་ཚོགས་ལེའུ་སོ་དྲུག་པའོ།། །།བཀྲ་ཤིས་སྲོང་བཙན་བང་སོའི་གཏམ། ལོ་རྒྱུས་ཀྱི་མཛོད་ཁང་ཞེས་བྱ་བ། བཅོམ་ལྡན་འདས་དཔལ་སྣང་བ་མཐའ་ཡས་ལ་ཕྱག་འཚལ་ལོ། །མཆོག་ཏུ་མི་འགྱུར་དག་བྱེད་ཕུང་པོར་བདེ་ཆེན་ཆུ་སྐྱེས་ཁང་བཟངས་དབུས། །བདེ་གཤེགས་ཀུན་གྱི་སྨོན་པའི་རོལ་རྩེད་བྱང་ཆུབ་སྙིང་པོའི་ནི་མ་ཀ སྲིད་ཞིའི་ཕ་མཐས་བརྟག་ཏུ་བཟོད་མིན་རྣམ་ཀུན་མཆོས་ལྡན་རྡོ་རྗེའི་དངོས། །འོད་མཚན་སྟོང་འབར་ཕྱག་ན་པདྨོ་མིག་མི་འཛུམས་པ་གཙུག་ན་བསྟེན། རྟག་ཆད་སྨྲ་ལ་ལྷག་པར་སྡང་བའི་རྡོ་རྗེའི་སྐུ་ནི་རིག་གྲོལ་ཉིས་ལྡན་དགེ་འདུན་ཏེ། །སྒྲ་དང་བྲག་ཅར་ཡོངས་ཡེ་མ་བཟུང་གདུལ་བྱའི་བློ་དང་འཚམ་པའི་གསུང་ནི་དམ་པའི་ཆོས། །བྲ་བཞི་སྤྲོས་བྲལ་རྟོག་པའི་ཆོས་དང་མཛའ་བ་མ་ཡིན་སོ་སོ་ཡང་དག་རིག་པའི་ཐུགས། །སྟོབས་བཅུ་མ་འཇིགས་རྣམ་བཞིར་རྩལ་རྫོགས་དོན་གྱི་སངས་རྒྱས་སྙིང་གི་དབུས་ན་བསྒྲུབ་བྱ་ཉིད། །སྣ་ཚོགས་གདུལ་བྱའི་ཁམས་ཀྱི་དངོས་ཤེལ་དུ། །ཐུགས་རྗེའི་གཟུགས་སྣང་སྒྱུ་མའི་རོལ་རྩེད་མཁན། །བདེ་བླག་འཆར་བའི་མོད་ལ་འདོད་པའི་ལྷ། །མྱ་ངན་ཁུང་པུར་འཛུད་ལ་ཆུ་སྐྱེས་ཞལ། །བྱང་ཆུབ་སེམས་

(༦༡༣)དཔའ་ས་དབང་རྣམ་རོལ་སྙིང་སྟོབས་ཡན་ལག་བཞི་པའི་དཔུང་། །དགྲ་སྟའི་དུམ་བུའི་གཡུལ་ལས་རྣམ་རྒྱལ་མེས་དཔོན་གསུམ་གྱིས་ཁུར་བཟོད་པའི། །ཐུགས་བསྐྱེད་ཕྲིན་ལས་གཟུགས་སུ་གྱུར་ན་འོད་སྲུངས་བྱིན་གྱི་བུ་མོ་ཡང་། །ཐེག་པར་དཀའ་བའི་དོགས་པས་སྐྲག་ནས་རྣམ་པ་དྲུག་ཏུ་འདར་བར་བྱེད། ལོ་།།།རྟོག་ཚང་ཚིང་འཁྲིགས་པ་ཆུ་སྲིན་གྱི། །རྒྱལ་མཚན་མེ་ལྕེས་བསྲེགས་དང་ཆབས་ཅིག་པར། །རྒྱལ་བསྟན་མགྲོན་པོར་འབོད་ལ་དྲི་མེད་འོད། །པདྨའི་ངང་ཚུལ་གསར་བའི་ཟོལ་གྱིས་འོངས། །ཞེས་སྒྲ་དབྱངས་ལྷ་མོའི་ཕྱག་གི་པི་ཝང་ལ་ཅུང་ཟད་རེག ལྟེ་བསྔགས་པར་བྱ་བའི་ཡུལ་ལ་ཚིག་གི་སྦྱོར་བས་བསྟི་སྟང་དུ་བྱས་ནས། དཔལ་མགོན་ཆེན་པོ་ཀླུ་སྒྲུབ་ཀྱིས། །འདི་ལྟར་ཆོས་རྣམས་ཐམས་ཅད་ཀྱི། །རྩ་བ་མོས་པ་ལེགས་པར་གསུངས། །ཞེས་བསྙད་པར་བྱ་བའི་རང་བཞིན་ལ་ཡོན་ཏན་བརྗོད་པས་དང་པོ་།།།འཕེལ་བར་གསུངས་པ་བཞིན་འདིར་དགེ་བ་བཅུའི་ཡོན་ཏན་མ་ཚང་བ་མེད་པའི་དཔལ་གྱིས་ཕྱུག་པའི་ཡུལ་གཡོར་པོའི་གཞུང་། བཀྲ་ཤིས་སྲོང་བཙན་བང་སོའི་རྟོགས་པ་བརྗོད་ན། སྤྱིར་སྟོན་པ་རྡོ་རྗེ་འཆང་ཡོན་ཏན་མཐའ་དག་རྫོགས་པའི་རང་བཞིན་དུ་བྱང་ཆུབ་ནས་ཆོས་ཀྱི་སྐུ་ལས་གཡོ་བ་མེད་བཞིན། ལོངས་སྤྱོད་རྫོགས་པ་རིགས་ལྔའི་སྐུ་ལས་ཞིང་ཁམས་བསམ་གྱིས་མི་ཁྱབ་པར་བཀོད་པ་ལས། དབུས་མ་རྣམ་པར་སྣང་མཛད་གང་ཆན་མཚོའི་ཕྱག་གི་པདྨའི་ཕྲུམ་ཕྲུམ་ལས་སྐུ་གསུང་ཐུགས་ཡོན་ཏན་ཕྲིན་ལས་རྣམ་པ་ལྔའི་ཞིང་ཁམས་གཞི་དང་སྙིང་པོ་མེ་ཏོག་གིས་བརྒྱན་པ་ཞེས་བྱ་བ་ལྔ་ཚན་ལྔ་ལས། བཅུ་གསུམ་པ་ཐུགས་ཀ་དཔལ་གྱི་མཐུའི་།།།ཐང་དྲང་པོར། རྡོ་རྗེ་ཐེག་པའི་ཞིང་ཁམས་མི་མཛད་ཀྱི་འཇིག་རྟེན་བྱེ་བ་ཕྲག་བརྒྱའི་ནང་ཚན་དེ་བགྲང་བའི་གཞི་གླིང་བཞི་རི་རབ་ལྷ་གནས་དང་བཅས་པའི་རྭ་བ་གཅིག་གི་ནང་ཁོངས་སྡོམ་འབྱུང་ལས། འཛམ་བུ་གླིང་པའི་གཙོ་བོ་མཆོག །ཡུལ་དབུས་སུ་ནི་སྐྱེས་པ་སྟེ།

(༦༡༤)ཞེས་ཕྲེཀྴའི་ལྗོན་བ་ཆར་དུ་དངར་བ་ལས་སྒྲ་དེས་བསྙད་པ་ལྷོ་ཕྱོགས་འཛམ་བུའི་གླིང་ལས་ཀྱིས་པའི་ཡུལ་དབུས་མ་གཞའ་།།།རྡོ་རྗེའི་གདན་དུ་བདག་ཅག་གི་སྟོན་པ་ཐེག་དམན་དང་མཐུན་པར་སངས་རྒྱས། གཟུགས་བདག་ཡིན་པ་ལ་སོགས་འཇིག་ཚོགས་ལ་མངོན་པར་བལྟ་བའི་རིའི་རྩེ་མོ་ཉི་ཤུ་ཡེ་ཤེས་ཀྱི་རྡོ་རྗེས་མངོན་དུ་བཅོམ་ནས་རྟོག་གེ་པ་དྲུག་གསུམ་བཅོ་བརྒྱད་ཀྱི་གྲུབ་པའི་མཐའ་སུན་བྱུང་། ཐར་པ་དང་ཐམས་ཅད་མཁྱེན་པའི་ཆོས་ཀྱི་བདུད་རྩིས་ཐུན་མོང་གི་འཁོར་རྣམ་པ་བཞི་དང་། ཐུན་མོང་མ་ཡིན་པའི་འཁོར་བྱང་ཆུབ་སེམས་དཔའ་མཐའ་དག་སྲིད་པ་མཐའ་ཅན་དུ་མཛད། ཤར་ཕྱོགས་སུ་རྒྱ་ནག་རི་བོ་རྩེ་ལྔ་འཇམ་དཔལ་རྡོ་རྗེ་གཙོ་འཁོར་ལྔའི་ཕོ་བྲང་དུ་བསྟན་ནས་མ་ཧཱ་ཅན་གྱི་མ་ཤང་དང་བཟོག་ནས་ཀྱི་རིག་པས་བཏུལ། ལྷོ་ཕྱོགས་སུ་དཔལ་ལྡན་འབྲས་སྤུངས་སྤྲུལ་ཏེ་གཉིས་མེད་དུས་འཁོར་གསུངས། ནུབ་ཕྱོགས་སུ་ཨོ་རྒྱན་རྡོ་རྗེ་འཆང་ཆེན་པོའི་ཕོ་བྲང་ཧེ་རུ་ཀ་རང་བྱུང་གི་གཙུག་ལག་ཁང་དུ་བསྟན་ནས་རྒྱུད་སྡེ་རྒྱ་མཚོའི་གསང་མཛོད་དུ་བྱིན་གྱིས་བརླབས། བྱང་ཕྱོགས་སུ་ཆོས་རྒྱལ་རིགས་ལྡན་གྱི་གནས་ཤ་མ་བྷ་ལ་སྤྲུལ་ནས་དང་པོའི་སངས་རྒྱས་ཀྱི་ཆོས་འཁོར་བསྐོར། གངས་ཅན་བྷོ་ཊའི་ཡུལ་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་པདྨའི་གདུལ་ཞིང་དུ་དམ་པའི་ཆོས་པདྨ་དཀར་པོ་དང་། འཇམ་དཔལ་རྩ་བའི་རྒྱུད་སོགས་ནས་ལུང་བསྟན་གྱི་བདེན་པའི་རྔ་བོ་ཆེ་བསྒྲགས་པ་བཞིན་རྒྱ་གར་ན་ཤཱཀྱ་ཆེན་པོ་དང་། རི་བྲག་པ་དང་། ལི་ཙ་བྱའི་རིགས་གསུམ་ལས་ཕྱི་མའི་རྒྱུད་དུ་བྱུང་བའི་ཆོས་རྒྱལ་བྱང་ཆུབ་སེམས་དཔའི་གདུང་ལྷ་ཐོ་ཐོ་རི་གཉན་བཙན་གྱི་རིང་ལ་པཎྜི་ཏ་བློ་སེམས་འཆོས་ཀྱང་གླེགས་བམ་ཙམ་བསྐྱལ་བས་དམ་པ་ཆོས་ཀྱི་དབུ་བརྙེས། བོད་བླུན་པོ་རྒྱལ་པོ་ཙམ་ལ་ཡིད་རྟོན་པར་བྱེད་པ་རྒྱུ་མཚན་དུ་བྱས་ནམ་ས་བཅུའི་དབང་ཕྱུག་སྲིད་པ་ལ་མངོན་པར་སྤྲོ་བའི་མི་དབང་གི་སྒྱུ་མ་ལ་བསྙམས་པ་སྲོང་བཙན་གྱི་རིང་ལ་ཉིད་སྤྲུལ་པའི་སྐུ་ཡིན་པའི་རང་སྟོབས་

(༦༡༥)ཀྱིས་དཀོན་ཅོག་གསུམ་ལ་བླ་མར་བྱ་བའི་སྲོལ་བཏོད། ར་སའི་གཙུག་ལག་ཁང་མཐའ་འདུལ་ཡང་འདུལ་དང་བཅས་པ་བཞེངས། ཁྲི་སྲོང་གི་དུས་ན་སྤྲུལ་པའི་དམག་གིས་ཆུ་བོ་གངྒཱ་ཚུན་ཆད་དབང་དུ་བསྡུས་ཤིང་། མཁན་སློབ་རྣམ་གཉིས་སྤྱན་དྲངས་ནས་རྒྱ་གར་དུའང་མ་བྱུང་བའི་བསྟན་པ་དར་རྒྱས་སུ་མཛད། དེ་དུས་རྒྱ་ནག་ཏུ་ཆོས་བྱུང་ནས་ལོ་སྟོང་དང་ཉིས་བརྒྱ་སོང་ཟེར། རལ་པ་ཅན་གྱི་དུས་གསུང་རབ་རྣམས་ལ་སྐད་གསར་བཅད་ཀྱིས་དག་ཐེར་མཛད་ཅིང་དཀོན་མཆོག་ལ་མཆོག་ཏུ་གུས་པར་མཛད། དེ་ལྟ་མོད་ཀྱི་གླང་དར་མ་བུ་དུ་མ་བཙན་གྱིས་བསོད་ནམས་མ་ཡིན་པས་ལྕགས་མོ་བྱའི་ལོ་དམ་པའི་ཆོས་འདུལ་བའི་བསྟན་པ་ལ་རྨ་སྲོལ་ཆེན་པོ་བཏོད་ནས་ལོ་བདུན་ཅུ་རྩ་བརྒྱད་ཀྱི་བར་དུ་སྡེ་སྣོད་འཛིན་པའི་གཟུགས་བརྙན་ཙམ་མེད་ཀྱང་། འོད་སྲུངས་དང་དཔལ་འཁོར་བཙན་རྗེ་འབངས་ཐམས་ཅད་ཀྱིས་དཀོན་ཅོག་ལ་གུས་པ་མ་གཏང་བས་ཆོས་འཁོར་ཆེན་པོ་གསུམ་ལ་སོགས་པའི་གཙུག་ལག་ཁང་རྣམས་ཀྱང་མ་ཞིག ཁྱིམ་དང་རི་སུལ་ན་གནས་པའི་རྡོ་རྗེ་འཛིན་པ་དག་གིས་བཀའ་དང་བསྟན་བཅོས་ཀྱི་གླེགས་བམ་རྣམས་ཀྱང་གུས་པར་བསྲུངས་པས་ས་ཕོ་སྟག་ལ་མདོ་སྨད་ནས། བླ་ཆེན་སྡོམ་རྒྱུན་ལས་བསྟན་པ་ཕྱི་དར་བྱུང་མ་ཐག་ལོངས་སྤྱོད་དུ་བྱུང་། དེ་བཞིན་དུ་པཎྜི་ཏ་དྷརྨ་པཱ་ལ་ལས་སྟོད་འདུལ་དང་། ཀླུ་མེས་ལ་སོགས་པས་ཀྱང་གཙུག་ལག་ཁང་བརྩིགས་ཤིང་བསྟན་པའི་ཕྱག་བཞེས་རྒྱ་ཆེན་པོར་མཛད། དེ་དག་ལས་སྡེ་སྣོད་འཛིན་པའི་བསྟན་པའི་རྒྱུན་དབྱར་གྱི་ཆུ་ཀླུང་བཞིན་དུ་རྒྱས་པས་གངས་ཅན་གྱི་ཡུལ་དང་ཡུལ་ཕྲན་ཀུན་གནས་གཞི་དང་། གཙུག་ལག་ཁང་དང་། དགེ་འདུན་གྱིས་གང་བ་ལས་བསྟན་པ་ཡུན་དུ་གནས་པའི་རྟེན་ཅིང་འབྲེལ་འབྱུང་ཆེན་པོར་གྱུར་པའི་ཕྱིར་ན་འདིར་ཆེད་དུ་བརྗོད་པའི་གཏམ་གྱིས་སྐང་བ་འཚོལ་བ་ལ། པ་ཚིགས་ཀྱི་ཡུལ་དབུས་འགྱུར་འཆང་པོ་མ་ག་དྷཱ་རྡོ་རྗེའི་གདན་བསྐལ་པ་འཇིག་པའི་གནོད་པས་ཀྱང་བོད་བང་མི་ནུས་ཤིང་། དུས་གསུམ་གྱི་སངས་རྒྱས་མ་ལུས་པ་མངོན་པར་

(༦༡༦)འཚང་རྒྱ་བའི་མཛད་པ་སྟོན་པའི་གནས་ནས། བྱང་ཕྱོགས་ཀྱི་རི་བོའི་རྒྱུད་དུ་དཔག་ཚད་བརྒྱ་ཕྲག་ལྷག་བཅས་ཐལ་བའི་ས་ན། ཆོས་ཚིགས་ཀྱི་ཡུལ་དབུས། འབྱོར་བ། རྒྱས་པ། བདེ་བ་ལོ་ལེགས་པ། གྲོང་ཁྱེར་དང་། གྲོང་རྡལ་དང་། སྐྱེ་བོ་མང་པོས་གང་བ་ན་རས་འཕྲུལ་སྣང་གི་གཙུག་ལག་ཁང་ཆེན་པོ་ཞེས་བྱ་བ། རྒྱལ་བུ་རྒྱལ་བྱེད་ཀྱི་ཚལ། ཁྱིམ་བདག་མགོན་མེད་ཟས་སྦྱིན་གྱི་ཀུན་དགའ་ར་བ་ཡང་མོག་མོག་པོར་བྱེད་པ་དག་ཡོད་དོ། །དེ་ན་རྗོད་རྫོགས་པའི་སངས་རྒྱས་ཤཱཀྱ་མུ་ནི། སེམས་ཅན་རྣམས་ཀྱིས་གསོལ་བ་འདེབས་པ་ལ་ཞལ་ནས་ཅང་མི་གསུང་བའི་ལན་བཏབ་ནས་སོ་སོའི་རེ་བ་ཡིད་བཞིན་དུ་སྐོང་བ་དང་། སྤྱོད་ལམ་རྣམ་པ་བཞི་མི་མཛད་པར་རྟག་ཏུ་མཉམ་པར་བཞག་པ་དང་། འོད་འདོམ་གང་བའང་སོ་སོ་སྐྱེ་བོ་རྣམས་ཀྱིས་བལྟར་མི་མངོན་པར་མཛད་ནས་སྤྲོས་པ་ཉེ་བར་ཞི་བ་གང་ལ་བྱང་ཆུབ་སེམས་དཔའ་དང་ཉན་ཐོས་ཀྱི་དགེ་འདུན་ཁྲི་ཕྲག་མང་པོས་བསྐོར་ནས་མཆོད་པར་བྱེད། རི་མོར་བྱེད། བསྟི་སྟང་དུ་བྱེད། རྗེད་པར་བྱེད། བྱང་ཆུབ་མཆོག་ཏུ་སེམས་བསྐྱེད་པར་བྱེད། སྨོན་ལམ་རྒྱ་ཆེན་པོ་འདེབས་པར་བྱེད་པའི་རྟན་དུ་སྨོས་ཅི་དགོས། སློབ་དཔོན་དཔའ་བོས། དགའ་བར་བགྱི་པའི་ཡུལ་རྣམས་དང་། །རྒྱགས་པར་འགྱིད་པའི་ལང་ཚོ་དང་། །བདག་ཉིད་རང་དགར་སྤྱོད་པ་དེ། །ཀུན་ཏུ་དོན་མེད་བགྱིད་པའི་སྒོ། །ཞེས་གསུངས་པ་ལྟར། རང་བཞིན་གྱིས་མི་ཁོམ་པའི་ཀུན་དཀྲིས་ཅན། རང་འབྱོར་གྱི་ཡན་ལག་ཉམས་པ། ངེས་འབྱུང་གི་དམ་ལ་མ་བཞག་པ་འཚེ་བ་ལོངས་སྤྱོད་དུ་ཐོབ་པ་རིགས་དང་། གཟུགས་དང་། དབང་ཐང་དང་། ལང་ཚོས་དྲེགས་པ་མ་ཧཱ་ཙི་ན་དང་། ཧོར་དང་། ཡུ་གུར་དང་། ཁལ་ཁ་དང་། ཐོར་གོད་དང་། འོར་དུ་སུ་བ་དང་། སློ་རོད་དང་། ཨེ་རོད་དང་། སྤྲེལ་སླག་ཅན་ལ་སོགས་པ་མོ་གོལ་གྱི་ཀླ་ཀློ་ཏུ་རུཥྐའི་ཕྱོགས་སུ་ཉེ་

(༦༡༧)པ་རྣམས་དང་། རྒྱ་གར། ཁ་ཆེ། ནཻ་པ་ལ། ཡེར་ཁིན། ཁ་ཆུར། ཕྱི་ལིང་། བར་དང་བར་གྱི་རི་ཕྲག་བའི་རྒྱལ་ཕྲན་རྣམས་ཀྱིས་ཀྱང་། སྤྱི་བོས་བཏུད་པར་བྱེད་ཅིང་། ཆོས་དང་། ནོར་དང་། འདོད་པ་དང་། ཐར་པ་སྟེ་སྡེ་བཞིའི་སྒོ་འཕང་རང་བཞིན་གྱིས་བྱེ་བ་ཞིག་མཆིས་སོ། །གང་ལས་ལྷོ་ཕྱོགས་སུ་གདུགས་གཉིས་ཀྱིས་བདེ་བར་ཕྱིན་པའི་ས་ན། ཨོ་ཏནྟ་པུ་རིའི་གཙུག་ལག་ཁང་བྷོ་ཊའི་ཡུལ་དུ་ཆས་པ་ལ་གཟི་བྱིན་གསར་པ་བརྒྱ་ཕྲག་གིས་འཆོར་ཆེན་པོས་བགོས་ཏེ། ཕྱི་མངོན་པ། ནང་འདུལ་བ། གཞན་གསང་སྔགས་དང་མཐུན་པའི་ལུགས་གསུམ་བྲན་གཡང་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ངམ། ཆོས་འཁོར་དཔལ་གྱི་བསམ་ཡས་སུ་མིང་སྤོས་རྣམ་ཕྲུ་མ་བཏབ་པ་ལ་ངོམས་མི་ཤེས་པར་བལྟས་ནས་སླར་ཡང་ལྷོ་ཕྱོགས་ནས་ལྷོ་ཕྱོགས་སུ་ཉིན་ལམ་གཅིག་པའི་ས་ན། དབུས་གཙང་རུ་བཞིའི་ཆ་ལ་ནམ་མཁའི་བླ་བྲེད་དཔྱངས་པའི་འོག་ན་ཡུལ་གྱི་དགེ་མཚན་རྣམ་པ་བཅུ་མ་ལུས་པ་ཚང་ཞིང་། རི་བོ་འབྲས་ཀྱི་སྙེམ་དཔལ་དུ་འབར་བ་ལྟ་བུས་སའི་དཔྱད་བཀྲ་ཤིས་པར་ཡང་བཟུང་ལ། དམ་པ་ཆོས་ཀྱི་དབུ་བརྙེས་པ་ཕོ་བྲང་ཡུམ་བུ་བླ་སྒང་དང་། ཁྲ་འབྲུག་བྱས་ས་བ་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་གཉིས། དང་དུར་ཁྱོ་ཤུག་ཡན་མན་འཛའ་གཙུགས་ཀྱི་དམ་བཅའ་སྙག་པའི་ཆོ་ག་གསར་དུ་རྩོམ་པ་དང་། བཙུན་མོ་དང་ཚུལ་མའི་ཐུགས་དམ་རྟེན་བཙན་ཐང་གི་གཙུག་ལག་ཁང་རྨ་བྱའི་བུ་མོ་སྐྱེད་མོས་ཚལ་དུ་ཕྱིན་པ་ལྟ་བུའི་དགེ་མཚན་བརྒྱ་ཕྲག་གིས་བཟུང་བ་ཡོད་དོ། །དེ་དང་ཉེ་བར་ལོ་ཙཱ་བ་ཆེན་པོ་ཅོག་རོ་ཀླུའི་རྒྱལ་མཚན་གྱིས་རྒྱལ་པོ་ལ་ཤེལ་སྐུ་འདྲ་ཅོག་པ་བསྟན་ཏེ་རྒྱ་གར་ནས་བྱོན་པའི་ཆུ་ཤེལ་གྱི་འཕགས་པའི་སྐུ་དངོས་བསྟན་ཡུལ་ཞེན་གྱིས་མཆོད་རྟེན་ནང་རྫོངས་ལ་བཅུག་པར་གྲགས་པའི་ཚེ་ཆུ་བུཾ་པ། བྱ་སའི་བཙན་པོ་ལྷ་ཆེན་པོས་བཞེངས་པའི་རྟེན་དང་བརྟེན་བརྙིང་པ་ཇོ་བོ་ཨ་ཏི་ཤས་ཕྱག་ནས་འཐོར་བ་དང་། བཀའ་གདམས་པ་སྣེའུ་

(༦༡༨)ཟུར་བའི་ཡང་སློབ་སྐོར་ཆེན་པོས་བཞེངས་པའི་སྟག་ཅན་འབུམ་མོ་ཆེ། ཡུལ་ཡར་ཀླུངས་ལ་གསེར་པ་དང་གཡུ་བ་ཞེས་གྲགས་པའི་བར་མཚམས་ན་མངའ་བདག་ལྷ་ལྡེའི་དུས་ཙམ་ན་དགོན་ཐ་དགྲ་མིག་ཐད་བྱ་བའི་དགོན་གནས་ཤིན་ཏུ་དར་བ་རེ་ཞིག་ནས་ཉམས་པའི་ཁྱིམ་བཙུན་ཨར་དར་མ་ཞེས་བྱ་བ་ལ་སྒྲོལ་མའི་སྤྲུལ་པ་ནེ་ཙོ་སྨྲ་ཤེས་ཤིག་ཡོད། དེས་ཚོང་རྒྱལ་འཕམ། ལམ་འཕྲང་བདེ་དོག་ལ་སོགས་པའི་མངོན་ཤེས་འཆད་པས་ཁོ་དང་ཕལ་ཆེར་འགྲོགས། ནེ་ཙོ་ཡུལ་དུ་བཞག་པའི་རེས་གཅིག་ལ། ཁོའི་བླ་གཡུ་ཆེན་པོ་ཁྱིམ་ལ་སྦས་ཏེ་ནེ་ཙོ་ལ་བཅོལ་པའི་ཤུལ་དུ་ནེ་ཙོ་ནད་ཀྱིས་བཏབ་པས་གཡུལ་གབ་ནས་ཁ་ཆེམས་སུ་བདག་པོ་མ་སླེབ་བར་དུ་རོམ་སྒུལ་ཅིག་ཟེར། དེར་ཁོ་སླེབས་པ་དང་ལས་ཀྱི་འབྲེལ་བ་ཅན་དུ་ཤེས་ནས་ནེ་ཙོའི་རོ་དང་གཡུ་གཉིས་ཀ་ནང་དུ་བཞག་པའི་མཆོད་རྟེན་ཆུང་ངུ་ཞིག་བཞེངས། སྨྲྀ་ཏིས་ཕྱག་ནས་མཛད་པས་བྱིན་རླབས་ཆེ། ནེ་ཙོ་མཆོད་རྟེན་དུ་གྲགས་ནས་ཐམས་ཅད་དད་པས་བསྐོར་བའི་སྐབས། གཅིག་གིས་གཡུ་འདོན་པར་བརྩམས་པ་དེ་གཞན་གྱིས་རིག་ནས་མཆོད་རྟེན་ལ་ཕྱི་ཐུམས་བྱའམ། ལྕགས་རིས་བསྐོར་བགྲོ་བའི་སྐབས། གསེར་པ་དང་། གཡུ་བ་གཉིས་འཐབ་མོ་ཆེན་པོས་མི་གསད་མང་པོ་བྱེད་པ་ལ། སྲ་གཡུ་དྲུང་གིས་བསྐུལ་ནས་མདོ་སྨད་རོག་དམར་ཞུར་པས་འདུམས་མཛད། ཁོང་རྣམས་ཀྱང་དད་པས་གསེར་བས་ཤར་དང་། གཡུ་ལས་ནུབ་ཀྱི་ལས་མི་བྱས་ནས་ཕྱི་ཐུམས་ཀྱི་སྐུ་འབུམ་ཆེན་པོ་བྱས་པ་ལ་འཁོན་བསྡུམས་སམ། སྲི་ཆོད་འབུམ་པར་ཡང་གྲགས་པ་གནམ་གྱི་ཕྲུམ་བཏབ་པ་ལྟ་བུར་གྱུར་པའི་ཡུལ་ལྗོངས་ཆེན་པོ་སྤྱི་བོ་གཉིས་པ་ལ་ལར་མོ་ཤར་ནུབ་ཅེས་གྲགས་པ་ལས། གཡུ་བའི་ལ་ཐོང་ཡར་མོ་ནུབ་ཅེས་བྱ་བའི་ཡུལ། དཀར་ཆག་འཕང་ཐང་མ་དང་། ལྡན་དཀར་མའི་ཕྱི་ནས་བོད་དུ་རྒྱལ་བའི་བཀའ་འགྱུར་རོ་ཅོག་ཕྱོགས་སུ་སྡེབ་པའི་སྤོབས་པ་ཐོག་མར་ཐོབ་པ་

(༦༡༩)བཅོམ་ལྡན་རིག་པའི་རལ་གྲི། སངས་རྒྱས་མྱ་ངན་ལས་འདས་ནས་ལོ་བརྒྱ་དང་སུམ་ཅུ་རྩ་བདུན་ན་བདུད་ཀྱི་ཕྱོགས་སུ་གྱུར་པའི་དགེ་སློང་གཉིས་ཀྱིས་གཞི་ལྔ་བསྔགས་པར་བྱས་པའི་རྐྱེན་ལས་རིམ་བཞིན་ཀྲྀ་ཀིའི་རྨིས་ལྟས་ལ་མངོན་དུ་སྤྱོད་པའི་ཉན་ཐོས་སྡེ་པ་བཅོ་བརྒྱད་དུ་བྱེ་ཞིང་། དྲུག་ཅུ་རྩ་གསུམ་གྱི་བར་དུ་རང་སྡེ་མཆོག་འཛིན་གྱི་དབྱེན་ཆེན་པོར་གྱུར་པ་གནས་བརྟན་གནས་མའི་བུས་རྣམ་པར་གྲོལ་བའི་རས་ཡུག་མ་ཉམས་པའི་བཀར་བསྡུས་པའི་བློ་གྲོས་དཔེ་ཟླར་རུང་བ། གངས་རིའི་ཁྲོད་འདིར་རྒྱལ་བའི་ཕྲིན་ལས་དང་། གདུལ་ཚུལ་བསམ་གྱིས་མི་ཁྱབ་པས་བསྟན་པའི་ཆུ་མགོ་ཐ་དད་དུ་ཀྱུར་པ་ལ་རྩ་ལྟུང་དྲུག་པ་རིན་གྱིས་ཉོ་བའི་ཕྱོགས་རིས་ཉེ་འཁོན་མེད་པའི་གཏན་ཚིགས་ལ་དགོངས་པར་བློ་གྲོས་དང་ཐུགས་བསྐྱེད་མཚུངས་ཟླ་མ་མཆིས་པ་མཁས་པ་ཆེན་པོ་འགོས་པོ་གཞོན་ནུ་དཔལ། བོད་རྒྱལ་ཕྲན་བསིལ་མའི་ཉམས་འོག་ཏུ་ཆུད་པས་རྒྱལ་བའི་བསྟན་པ་དང་། སེམས་ཅན་གྱི་བདེ་སྐྱིད་རྣལ་དུ་མི་གནས་པ་འཕགས་པའི་ལམ་སྲོལ་ཆོས་ཁྲིམས་གཅིག་གི་གདུགས་དཀར་འོག་ཏུ་བདེ་བར་བྱེད་པའི་ཐུགས་བསྐྱེད་མངོན་དུ་བདོ་བ་ངག་དབང་བློ་བཟང་རྒྱ་མཚོའི་སྡེ། སངས་རྒྱས་གྲགས་ཀྱིས་རང་ཡུལ་དུ་རྡོ་ཐོག་ཐེལ་བཏབ་ནས་རྫུ་འཕྲུལ་གྱི་ནུས་པས་སེ་ཆེན་རྒྱལ་པོའི་འཛའ་མ་དང་དར་རིངས་ཆེན་པོ་བླངས་པ་རྣལ་འབྱོར་གྱི་དབང་ཕྱུག་ཀྱི་ཆོས་ཀྱི་སེང་གེ་དཔོན་སློབ་ལ་སོགས་སྐྱེས་བུ་ཆེན་པོ་དུ་མ་ཞིག་སྐྱེ་བའི་འཁྲི་ཤིང་བཟུང་བའི་ཡུལ། སྤྲུལ་པའི་རྒྱལ་པོ་སྲོང་བཙན་སྒམ་པོས་གཟུགས་སྐུའི་སྣང་བ་སྤྲུལ་གཞིར་བསྡུས་པ་དང་འཇིག་རྟེན་ན་མཐུན་པར་འཇུག་པའི་ལུགས་གཉིས་ལས། རེ་ཞིག་གི་ཚེ་དབང་པོའི་རྡོ་རྗེས་འགྲོ་ལྡོག་གིས་དུབ་པའི་ས་འཛིན་རྣམས་ལ་ངལ་བསོའི་དབུགས་འབྱིན་བྱིན་པའི་རི། བརྒྱ་བྱིན་གྱི་གླང་པོ་ཆེ་རབ་བརྟན་གཡུལ་ངོ་ལ་ཆས་པ་ལྟར་ཚོར་བ་མི་ལྷོད་པ། བག་ཕེབས་པ། གཟི་བརྗིད་ཀྱིས་རྒྱགས་པ། བལྟ་ན་སྡུག་པ། དཔའ་

(༦༢༠)བ་དང་དེས་པའི་དད་ཚུལ་བལྟར་མི་བཟོད་པའི་སྤྱི་བོས་ཀྱང་ཆབ་མི་འཚལ་བར་འདུད་པ་འཕྱིང་དབར་བང་སོ་དམར་པོ་ཞེས་ནོར་གཏེར་དང་། ཆོས་གཏེར་མཐའ་ཡས་པའི་གན་མཛོད་ཆེན་པོ། འགྲོ་བའི་མགོན་པོ་མངའ་བདག་ཉང་ཉི་མ་འོད་ཟེར་གྱིས་ཀྱང་གཏེར་སྒྲོམ་སྨུག་པོའི་ནང་ནས་བྱང་ཆུབ་ལྗོན་ཤིང་ལས་གྲུབ་པའི་བླ་མ་རྡོ་རྗེ་འཆང་ཆེན་པོའི་སྣང་བརྙན་སྤྱན་དྲངས་པའི་དབེན་གནས་ཆེན་པོ་དང་ཡན་མན་མཛའ་བ་ལྟར་འབྲེལ་བའི་སའི་ཐིག་ལེ་འཕྱིང་ཡུལ་ངར་མོའི་ཐང་དང་ཉེ་བར་གནའ་བོའི་ངས་སུ་བང་སོ་རྨུ་ལུགས་སུ་བརྩིགས་པ་ལ་གནམ་གྱི་ཁྲི་བདུན། སའི་ལེགས་དྲུག །བར་གྱི་སྟེང་གཉིས། ལྡེ་བརྒྱད། བཙན་ལྔ་ལ་སོགས་པ་གཡུང་དྲུང་བོན་གྱི་རྗེས་སུ་འབྲངས་པ་ལས། ཆོས་ཀྱི་རྒྱལ་པོ་སྲོང་བཙན་སྒམ་པོའི་རིང་ལ་རྒྱལ་བའི་རིང་ལུགས་དང་འབྲེལ་ཞིང་ཐར་པ་དང་ཐམས་ཅད་མཁྱེན་པའི་ཉེ་རྒྱུ་དྲང་པོའི་དགོས་པ་དང་ལྡན་པས་ཡབ་ཡུམ་གསུམ་རང་བྱོན་བཅུ་གཅིག་ཞལ་གྱི་ཐུགས་ཀར་ཐིམ་པ་སྒྲོ་སྐུར་དང་དཔྱབ་།།།བསལ་ཕྱིར་གསང་རྒྱས་བཏབ་སྟེ། འཕན་ཡུལ་བྲལ་མོའི་སྒང་དུ་འདས་པ་ཡིན་ནོ། །ཞེས་དྲིལ་བསྒྲགས་ནས་བང་སོ་ནང་རྒྱན་ཅན་དུ་བརྩིགས་པའི་ཁྱད་ཆོས་ནི། ཡིག་ཚང་རྙིང་པ་ལས། བང་སོ་གྲུ་བཞི་དཀྱིལ་དུ་རིའུ་མིག་བྱས། །དར་དང་ཤུ་གུ་བསྲེས་པའི་འཇིམ་པ་ལ། །དེ་ལ་ཆོས་རྒྱལ་ཆེན་པོའི་སྐུ་བཞེངས་ནས། །ཤིང་རྟར་སྤྱན་དྲངས་རོལ་མོར་བཅས་ནས་ནི། །སྐུ་དེ་བང་སོའི་ནང་དུ་བཞུགས་པར་མཛད། །ནང་གི་རེའུ་མིག་ཐམས་ཅད་ནོར་གྱིས་བཀང་། །བང་སོ་གྲུ་བཞིར་བརྩིག་པ་དེ་ནས་བྱུང་། །ཞེས་མདོར་བསྟན་དང་། རང་བཞིན་རྒྱས་པར་བརྗོད་པ་ནི། །ཆོས་བློན་ཆེན་པོ་མགར་གྱིས་མཛད་པའི་དཀར་ཆག་ཏུ། །དེར་ཡང་ཁྲི་བདུན་དུར་བཏབ་གནམ་ལ་བཏབ། །ལྷ་ལུས་རོ་མེད་འཇའ་ལྟར་ཡལ་ལོ་ཞེས། །སྟེང་གཉིས་བང་ས་གཡང་དར་རྫ་ལ་བཏབ། །ལས་དཔོན་རུ་ལས་

(༦༢༡)སྐྱེས་ཀྱིས་བྱས་སོ་ཟེར། །ལེགས་དྲུག་བང་སོ་གཡའ་སྤང་མཚམས་སུ་བཏབ། །ལྔ་བརྒྱད་བང་སོ་ཆུ་བོའི་གཞུང་ལ་བརྩིགས། །དེ་ཉིད་མཚོ་ལ་ཁ་བ་བབས་པ་ལྟར། །ཟིན་ལྔ་མན་ཆོད་བང་སོ་ཡུལ་ལ་བཏབ། །དེ་ནི་རྗེ་འབངས་གཉིས་པོ་འཐབས་པའི་ས། །ཡུལ་གྱི་མིང་ནི་འཕྱིང་ཡུལ་དར་མོའི་ཐང་། །བང་སོ་ཡོད་མེད་ས་ཕུང་བརྡལ་འདྲ་ཡོད། ཁྲི་གཉན་བང་སོ་དོན་མཁར་མདའ་རུ་བརྩིགས། །དེ་ཡང་ཡོད་མེད་ས་ཕུང་བརྡལ་འདྲ་ཡོད། །འབྲོང་གཉན་ལྡེ་རུའི་བང་སོ་ཞང་མདར་བརྩིགས། །རྗེ་འབངས་གསུམ་ཙམ་གསོན་པོར་དུར་དུ་སྦས། །མིང་ནི་གསོན་བཅད་ལྡེམ་པོར་ཞེས་སུ་གྲགས། །སྟག་རི་གཉན་གཟིགས་དོན་མཁར་མདའ་རུ་བརྩིགས། །གྲལ་ནི་ཁྲི་གཉན་བང་སོའི་གཡས་ན་ཡོད། །བང་སོ་རྨུ་ལུགས་བརྩིགས་པ་ཡིན་ནོ་ཟེར། །གནམ་རི་སྲོང་བཙན་དོན་མཁར་མདའ་རུ་བརྩིགས། །འཕྲུལ་སྐྱེས་བརྩགས་པའི་སྲོག་མཁར་ཡོད་དོ་ཟེར། །གྲལ་ནི་ཁྲི་གཉན་བཟུང་བཙན་གཡོན་ན་ཡོད། །མིང་ནི་གུང་རི་སོག་པ་ལེགས་སོ་ཟེར། །སྲོང་བཙན་བང་སོ་འཕྱོང་བུའི་མདའ་རུ་ཡོད། །ཆེ་ཆུང་ཚད་ནི་དཔག་ཆེན་མདའ་རྒྱང་གང་། །ཞིང་གི་ཚད་ནི་ཉང་གི་རྡོ་རྒྱང་གང་། །ནང་ན་ལྷ་ཁང་ལྔ་ཡང་བཞུགས་སུ་གསོལ། །བང་སོ་ནང་རྒྱན་ཅན་དུ་གྲགས་པ་ཡིན། །གསང་བའི་མཚན་ནི་རྨུ་རི་སྨུག་པོ་ཞེས། །འཛམ་བུའི་གླིང་གི་ནོར་ཕུད་ལན་གསུམ་བསྡུས། །ལྷ་ཡི་རིན་ཆེན་སྣ་ལྔ་དང་། །གླུ་ཡི་རིན་ཆེན་སྣ་ལྔ་དང་། །མི་ཡི་རིན་ཆེན་སྣ་ལྔ་སོགས། །ས་བཅུད་གསོ་ཞིང་སྐྱེ་འགྲོའི་བད་ཐབས་བསྐྲུན། །དེ་དུས་ས་ཞིང་།།།ཕྲེང་གི་རི་ནས་རྙེད། །དམ་གྱི་ས་ནི་གཉན་གྱི་ཆུ་ནས་བླངས། །སྒོ་ནི་ནུབ་ཕྱོགས་བལ་པོའི་ཡུལ་དུ་བསྟན། །ནང་གི་ཆ་ནི་རྣམ་པ་ལྔ་རུ་བཀོད། །དབུས་སུ་རྡོ་རྗེ་གཙུག་གི་དམ་སྲི་མནན། །དེ་ཡི་སྟེང་དུ་ཙན་དན་ས་མཆོག་གི །ཀ་བ་ཁོར་ཡུག་ཁྲུ་ཆད་བཅོ་བརྒྱད་པ། །ལྟེ་བ་

(༦༢༢)དེ་རུ་རྒྱལ་པོའི་ན་བཟའ་དང་། །ནོར་བུའི་རིགས་བྱེད་བསམ་གྱིས་མི་ཁྱབ་ཅིང་། །རིན་པོ་ཆེ་ཡི་ཕྲོག་ཞུ་བྱེ་བ་ཡོད། །དེ་ཡི་སྟེང་དུ་ཙན་དན་སྦྲུལ་སྙིང་གི །གདུགས་ནི་ཀུན་ལ་ཁྱབ་པར་དུབ་ནས་ཡོད། །རྒྱ་གར་རྒྱལ་པོའི་ནོར་གྱི་སྙིང་ཐོབ་བ། །ཨུ་ཊ་ཡ་ནའི་ཁྲབ་ཀྱི་རྒྱལ་པོ་གཅིག །བྱང་བུ་རེ་ལ་གསེར་སྲང་བྱེ་བ་རི། །དེ་ནི་ནུབ་ཀྱི་ཕྱོགས་ན་ཆེས་བཟང་བ། །རིན་ཆེན་ཟངས་ཀྱིས་བསྒྲིལ་ཏེ་སྦས་ནས་ཡོད། །རི་རྒྱལ་ལྷུན་པོའི་ཕྱོགས་ནས་རྙེད་པ་ཡི། །རྒྱ་ནག་རྒྱལ་པོའི་ནོར་གྱི་སྙིང་ཐོབ་པ། །རིན་ཆེན་བྱུ་རུའི་རྒྱལ་མོ་ལག་གཡས་པ། ཁུ་བརྒྱད་ཡོད་པའི་འོད་ཟེར་འབར་བ་ཞིག །མར་མེའི་ཚུལ་བྱས་བྱང་གི་ཕྱོགས་ན་ཡོད། །རྒྱལ་པོ་རང་གི་ནོར་གྱི་སྙིང་ཐོབ་པའི། །ནོར་བུ་འཕྱིང་བུའི་ཕུང་པོ་ཁྲུ་གང་པ། །དེ་ནི་དབུས་ཀྱི་ཕྱོགས་སུ་ཆས་བཟང་བ། །ཟ་འོག་དག་གིས་བསྒྲིལ་ཏེ་སྦས་ནས་ཡོད། །ཧོར་གྱི་རྒྱལ་པོའི་ནོར་གྱི་སྙིང་ཐོབ་པའི། །གསང་གྱི་མི་རྟའི་གཟུགས་སུ་བྱས་པ་དག །ལེབ་རྒན་འབར་བའི་དར་སྣས་གྲིལ་ཏེ་ཡོད། །མི་རྟའི་གཟུགས་དང་མཉམ་པའི་འཁྲུལ་འཁོར་ཅན། །དེ་ནི་ཤར་གྱི་ཕྱོགས་ན་སྦས་ནས་ཡོད། །ཡ་རྩེ་རྒྱལ་པོའི་ཕྱག་ནས་བླངས་པ་ཡི། །མུ་ཏིག་ཁལ་དུ་གཞལ་བའི་སུམ་གཉིས་དག །ཤ་ཕྲུག་རླིད་ཕུར་བཅུག་ནས་ལྷོ་ཕྱོགས་སྦས། །གཞན་ཡང་ནོར་ནི་རྣམ་པ་སྣ་ཚོགས་པ། །རིན་པོ་ཆེ་ཡི་གདུང་ལ་བཀལ་ནས་ཡོད། །ནང་ན་ལྷ་ཁང་ལྔ་ཡང་བཞུགས་ཚུལ་ནི། །ཐམས་ཅད་རྡོ་ལ་བྱས་པའི་མཎྜལ་སྟེང་། །བཞུགས་པའི་ལྷ་ཚོགས་རྣམས་ཀྱི་གཙོ་བོ་མཆོག །དཀྱིལ་གྱི་ཀ་བ་དེ་ལ་སྐུ་རྒྱབ་བརྟེན། །སངས་རྒྱས་མ་ཆགས་པདྨ་ཅན་ལ་ནི། །བྱིན་རླབས་ལྡན་པའི་སེམས་དཔའ་གཉིས་ཀྱིས་བསྐོར། །ཤར་ན་རྗེ་བཙུན་སྒྲོལ་མ་ལ་སོགས་པའི། །གྲུབ་པ་བརྙེས་པའི་ལྷ་བརྒྱད་ཅེས་པ་བཞུགས། །ལྷོ་ཡི་ཕྱོགས་ན་སངས་རྒྱས་སྨན་པ་ཡི། །རྒྱལ་པོ་ལ་ནི་འཁོར་གྱི་མཆོག་གྱུར་པ། །ཉི་མ་ཟླ་

(༦༢༣)བ་ལ་སོགས་སྣང་བྱེད་བསྐོར། །ནུབ་ཀྱི་ཕྱོགས་ནས་སངས་རྒྱས་དགའ་བ་ཡི། །དཔལ་ལ་ཉེ་བའི་སྲས་བརྒྱད་བསྐོར་ནས་ཡོད། །བྱང་གི་ཕྱོགས་ན་གནོད་སྦྱིན་ཛམ་བྷ་ལར། །རྟ་བདག་བརྒྱད་ཀྱིས་བསྐོར་བའི་གཙོ་འཁོར་བཞུགས། །དབུས་ཀྱི་ཀ་བའི་སྟེང་ན་སྐུ་རྟེན་ལ། །ཐུགས་རྗེ་ཆེན་པོ་སྤྱན་རས་གཟིགས་ཀྱི་སྐུ། །ཆད་དང་ལྡན་པའི་གཙོ་བོ་དེ་ལ་ནི། །བུདྡྷ་ལྷ་འཁོར་དྲུག་ཅུ་ཁྲུ་གང་པས། །བསྐོར་བ་དེ་དག་རིན་པོ་ཆེ་ལས་གྲུབ། །མཆོད་པའི་རྣམ་གྲངས་ལྷ་དང་མཉམ་པ་ཡོད། །དེ་དུས་འདི་ཡི་སྟེང་ཁ་གཅོད་པའི་ཚེ། །སྒོ་ཡི་ཐད་དུ་འཕྲུལ་གྱི་མི་ཆེན་བཞི། །དེ་ཡི་གཡས་གཡོན་འཁྲུལ་འཁོར་དཔག་ཆེན་བཞི། །གཞན་ཡང་འཇིགས་པའི་རྣམ་གྲངས་དུ་མ་ཡོད། །མི་ནི་མ་ཚུགས་པར་ཡང་བཞུགས་པ་སོགས། །ནམ་མཁར་འཕུར་འདྲ་བར་སྣང་འཕྱོང་འདྲ་ཡོད། །དེ་ཚེ་འདི་ཉིད་སྟེང་ཁ་བཅད་པར་འགྱུར། །ཅེས་སོ། །འདི་ལྟར་གྱི་བྱ་བ་ལས་ཀྱི་འཁོར་ལོ་ལ་རབ་ཏུ་གནས་པའང་ཕྱོགས་བཅུའི་སངས་རྒྱས་སྲས་དང་བཅས་པས་མངའ་གསོལ་བ་སོགས་སྦྱོར་དངོས་མཐའ་རྒྱས་དང་བཅས་པ་ལེགས་པར་ཚགས་སུ་བཅུད་པས་བསོད་ནམས་ཚ་མཐུན་གྱི་དགེ་ཚོགས་རིན་པོ་ཆེའི་ཡན་ལག་པ་མཐར་བརྐྱང་ནས་འགྲོ་བའི་བསོད་ནམས་ཀྱི་ཉེར་འཚོ་ཕུལ་དུ་གྱུར་པ་ཉིད་དུ་བསྒྲུབས་པའི་ཚུལ་གཏན་ཚིགས་ཀྱི་ཡི་གེ་རྙིང་པར། ཕྱོགས་བཅུའི་སངས་རྒྱས་རྣམས་དང་ཉན་ཐོས་དང་། །བྱང་ཆུབ་སེམས་དཔའ་དམ་ཅན་ཆོས་སྐྱོང་རྣམས། །གནས་དེར་ལྷགས་ནས་བང་སོ་དེ་ལ་ནི། །བཀྲ་ཤིས་རབ་ཏུ་གནས་པའི་ཕྲིན་ལས་མཛད། །དབོན་སྲས་མང་སྲོང་བཙན་དེ་ལ་སོགས་པའི། །བློན་པོ་བོད་འབངས་འཁོར་དང་བཅས་པ་རྣམས། །མཆོད་པའི་ཡོ་བྱད་བསམ་གྱིས་མི་ཁྱབ་པ། །གནས་དེར་ཁྱེར་ནས་ཕྱག་དང་མཆོད་པ་འབུལ། །དེ་ལྟར་འགྲན་མེད་རྒྱལ་པོའི་བང་སོ་དེ། །ཡུལ་དེའི་ལྷ་སྲུང་རྣམས་ལ་བཅོལ་དམ་མཛད། །གསོལ་བ་བཏབ་

(༦༢༤)ནས་སླར་ཡང་ཡུལ་དུ་བྱོན། །ཞེས་སོ། །གནས་ཚུལ་དེ་ལྟ་བུས་བཀྲ་ཤིས་སྲོང་བཙན་བང་སོའི་རྟོགས་པ་བརྗོད་པའི་ཞར་ལ་བློ་གསལ་དབང་པོ་དངས་པ་རྣམས་ལོ་རྒྱུས་ལ་འདྲིས་པར་བྱ་བའི་སླད་དུ་དབོན་སྲས་གཞན་རྣམས་ཀྱི་བད་སོ་དག་གཙོ་དང་འཁོར་གྱི་ཚོམ་བུའི་ཚུལ་དུ་ཉེ་བར་གནས་པའི་གཏམ་གྱི་སྦྱོར་བ་གླེང་བ་ལ་འདི་སྐད་ཅེས་ཞུགས་སོ། །གུང་རི་གུང་བཙན་བང་སོ་དོན་མདར་བརྩིགས། །གྲལ་ནི་གནམ་རི་སྲོང་བཙན་གཡོན་ན་བཞུགས། །མིད་ནི་གུད་རི་གུད་།།།རྗེ་ཞེས་བྱར་གྲགས། །མང་སྲོང་བང་སོ་སྲོང་བཙན་གཡོན་ན་ཡོད། །བང་སྲོ་དེ་ཡང་རིན་ཆེན་ནོར་གྱིས་བཀང་། །མིང་ནི་མདོ་གཞེར་ཧྲལ་པོ་ཟེར་བ་ཡིན། །འཕྲུལ་རྒྱལ་བང་སོ་མང་སྲོང་གཡོན་ན་ཡོད། །བང་སོ་ལྷ་རི་ཅན་ཞེས་གྲགས་པར་འགྱུར། ཁྲི་ལྡེ་གཙུག་བརྟན་མེ་ཡི་ཨག་ཚོམ་གྱ། །བང་སོ་མུ་ལ་རི་ལ་བརྩིགས་པ་ཡི། །གྲལ་ནི་འཕྲུལ་གྱི་རྒྱལ་པོའི་གཡོན་ན་ཡོད། །མིང་ནི་ལྷ་རི་གཙུག་ནམ་བྱ་བ་ལགས། །ལྗང་ཚ་ལྷ་དབོན་བང་སོ་མེས་ཀྱི་མདུན། །ཟླུམ་པོར་བརྩིགས་ནས་གཏེར་མང་སྦས་སོ་སྐད། ཁྲི་སྲོང་བང་སོ་མུ་ལ་རི་ལ་བརྩིགས། །གྲལ་ནི་ཡབ་ཀྱི་རྒྱབ་ངོས་གཡས་ན་ཡོད། །དེ་ནི་མ་གྲོངས་པ་ནས་ཉིད་ཀྱིས་བརྩིགས། །མིང་ནི་འཕྲུལ་རི་གཙུག་སྣང་བྱ་བ་ལགས། །དེ་ཡི་རྩ་ན་རྡོ་རིངས་གཅིག་ཀྱང་ཡོད། །བང་སོ་ཕྱི་རྒྱན་ཅན་ཞེས་གྲགས་པར་འགྱུར། །འདི་མུ་ལ་རེ་རྒྱུད་དོན་མཁར་གྱི་མདའ་བྱེས་ཀྱི་གཡོན་ཟུར་ན་ཡོད་ཅིང་། རྡོ་རིངས་དེང་སང་མི་སྣང་བཞིང་པའི་སྙག་གིས་ནོན་ནས་ཆར་མ་སོང་། གཏན་ཚིགས་སུ་མུ་ལ་རི་ཞེས་བྲིས་པ་ནི་རི་རྒྱུད་ད་ཀ་ཡིན་པས་དོན་གྱིས་ཐོབ་པ་ལ་བཏགས་པ་སྟེ། དོན་ལ་མི་འགྱུར་བའི་གཟེར་རྡོ་རིངས་པོ། །ལྷ་སྲས་མུ་ནེ་བཙན་པོའི་བང་སོ་ནི། །ཨག་ཚོམ་བང་སོའི་གཡས་ངོས་མདུན་ན་ཡོད། །མིན་ནི་ལྷ་རི་ལྡེམ་པོ་ཟེར་རོ་སྐད། །འབྲིང་པོ་མུ་རུབ་བང་སོ་

(༦༢༥)དོན་མདར་བརྩིགས། །མིང་ནི་གྱང་རི་གྱང་ལྡམ་བྱ་བར་གྲགས། །ཐ་ཆུད་སད་ན་ལེགས་ཀྱང་དེ་ཡི་ཕྱོགས། །ལ་ལ་འཕྲུལ་རྒྱལ་མདུན་ན་ཡོད་པར་སྨྲ། ཁྲི་ལྡེ་སྲོང་བཙན་གྲལ་ནི་འཕྲུལ་རྒྱལ་མདུན། །ཡུམ་གྱི་ཆབ་གང་དགོངས་པས་གནས་ཀྱི་མཐོང་། །དེ་ཡང་མ་གྲོངས་གོང་དུ་རང་གིས་བརྩིགས། །མིང་ནི་རྒྱལ་ཆེན་འཕྲུལ་གཞིར་བྱ་བ་ལ། །དེ་ཡི་མདུན་ལ་རྩིས་ཀྱི་རྡོ་རིང་ལ། །རྒྱལ་ཁམས་བདེ་ལ་བརྐོད་པའི་དཀར་ཆག་བྲིས། །བང་སོའི་ནང་ལ་རྒྱལ་པོའི་བུར་བཞུགས་ཆེ། །ཟངས་ཆེན་ཁ་སྦྱོང་ནང་དུ་གདན་ལ་བཞུགས། །གཏན་ཚིགས་གཞན་དུ་རྒྱལ་ཆེན་བང་སོ་སད་ན་ལེགས་ཀྱི་སྲས་ལྡེང་ཁྲི་བྱ་བའི་ཡིན་པར་བཤད་ཀྱང་ལོ་རྒྱུས་འདི་བཀའ་མི་བཙན། སྔོན་གྱི་ཡི་གེ་རྙིང་པ་ལ་འདི་ལྟར་བཤད་པ་དཔྱད་བཟོད་ཅིང་། ཁྲི་ལྡེ་སྲོང་བཙན་ཅེས་པ་ནི་མངའ་བདག་ཁྲི་རལ་ཡིན་པར་སྒྲ་སྦྱོར་བམ་པོ་གཉིས་པས་བསྟན་ནོ། །འདི་ལྟར་དབོན་སྲས་རལ་པ་ཅན་ཡན་ལ། སྐྱིད་པའི་གདུང་རབས་ཕྱེད་དང་བཅུ་གསུམ་དང་། །ཤིན་ཏུ་སྐྱིད་པའི་གདུང་རབས་ལྔ་ཞེས་གྲགས། །གདུང་རབས་མནྡཱ་ར་བའི་ཕྲེང་བ་ལ། །ཀ་ར་ཝཱི་རའི་ཆུན་འཕྱང་གླང་དར་གྱི། །བང་སོ་འཕྲུལ་དང་རྒྱལ་ཆེན་བར་བརྩིགས་པ། །འཕྲོ་ཅན། གཉའ་ཁྲི་བཙན་པོ་ནས། ཉིད་དུ་ལུས་མོད་འོད་སྲུངས་བང་། །འཕྲུལ་གྱི་རྒྱལ་པོའི་རྒྱབ་ན་བརྩེགས་པ་སྟེ། །དེ་ཕྱིན་བང་སོ་རྩིག་པའི་སྲོལ་ནུབ་ནས། །བོད་འབངས་བསིལ་བུར་འཐོར་བའི་མགོ་བརྩམས་སོ། །ཞེས་གཏན་ཚིགས་མི་མཐུན་པ་དུ་མ་ལ་གཞིག་འགྲེལ་གྱིས་དཔྱད་པ་གསུམ་དྲང་པོར་བསྲངས་ནས་འདིར་མཐོང་བའི་ཆོས་སུ་བྱུང་བའི་རྟེན་བརྟེན་པའི་ངེས་བརྗོད་ནི། ཇི་སྐད་དུ། སྐུ་གཟུགས་རྣམ་པ་མང་པོ་དེར་སྤྲུལ་ནས། །ཡུམ་བརྟན་དང་འོད་སྲུངས་ནས། འགྲོ་བ་དགེ་ལ་སྤྱོད་པའི་དོན་བྱེད་དོ། །ཞེས་གསུངས་པ་ལྟར།

(༦༢༦)པཎྜི་ཏ་སྒྲའི་ཚེར་མ་བོད་དུ་བྱོན་ནས་རེ་ཞིག་འདས་ཤིང་བསྟན་པ་ཕྱི་དར་ནས་དྲུག་ཅུ་རྩ་ལྔ་པྲ་ཆུ་བོ་རྟ་ལ་རྡོག་ཨ་ཏི་ཤ་བྱོན་ནས་ལྷ་མོས་བདུན་ལྡན་གྱི་བསྟན་པའི་སྣང་བས་གངས་རིའི་ཁྲོད་ཀྱི་མུན་པ་བསལ། སྡེ་སྣོད་འཛིན་པ་སྤྱོད་པ་ལྷོད་པ་དག་གི་གཉེན་པོར་བྱང་ཆུབ་ལམ་གྱི་སྒྲོན་མ་མཛད་ཅིང་། དགེ་འདུན་རྣམས་སྦྱངས་པའི་ཡོན་ཏན་བཅུ་གཉིས་ལ་བཀོད། རིམ་བཞིན་ཁ་ཆེའི་བསོད་སྙོམས་པ་ཆེན་པོའི་སྡོམ་རྒྱུད་རྣམ་པར་དག་པས་བླ་ཆེན་སྡོམ་རྒྱུད་ཆབ་གཏོར་མ་དང་། དེར་བསམ་ལ་སོགས་པ་ལ་བྱི་དོར་བྱས་པའང་འཕེལ། བསྟན་པའི་ཕྱག་བཞེས་གཞི་གསུམ་གྱི་ཆོ་གའང་ཇེ་རྒྱས་སུ་གྱུར། ཕུལ་དུ་བྱུང་བའི་མཁས་པ་ཆེན་པོ་རེང་པ་ཆོས་ཀྱི་བཟང་པོ། དཔལ་ཆེན་ཟུར་པ། མར་འབྲོག་མི་གསུམ་ལ་སོགས་པས་རྡོ་རྗེ་ཐེག་པའི་བཤད་སྒྲུབ་ཀྱི་རྒྱལ་མཚན་བླ་ན་ཕྱར། རྔོག་།།།ལོ་ཆེན་པོ་བློ་ལྡན་ཤེས་རབ། པ་ཚབ་ལོ་ཙཱ་དང་བཅས་པས་སྡེ་སྣོད་གསུམ་གྱི་གངས་ལྡན་ལ་དབུ་ཚད་བྱམས་ཆོས་ལ་སོགས་པའི་ཐལ་འགྱུར་གྱི་གད་རྒྱངས་བསྒྲགས་པས་རིགས་པ་མ་ཡིན་པའི་ཅེ་སྤྱང་རྣམས་བརྒལ་བརྟག་རྩོད་པའི་འཁོར་ལོའི་དཔལ་ལ་མ་ཆགས་པར་རིང་དུ་བྲོས། དུས་དེའི་ཚེ་ཟུར་གསང་བདག་སྒྲོ་ཕུག་པ་ཆེན་པོའི་ཡང་སློབ་རྒྱ་སྨན་རྡོ་ཐོགས་པས་སངས་རྒྱས་གྲགས་ཀྱི་སློབ་མ་སྐྱི་ཆོས་ཀྱི་སེང་གེ་ཞེས་མཐུ་སྟོབས་དང་རྫུ་འཕྲུལ་གྱི་ནུས་པས་གོང་མ་སེ་ཆེན་རྒྱལ་པོའང་ངོ་མཚར་གྱི་གནས་ལ་བཀོད་པའི་གྲུབ་པའི་རིག་འཛིན་གྱི་སློབ་བརྒྱུད་ཉང་སྟོན་ཡབ་སྲས་ཀྱི་རིང་ལ་བང་སོའི་སྟེང་དུ་གཙང་ཁང་དམར་པོ་འདི་ཆགས་ཤིང་། རིམ་གྱིས་ཕྱི་ཁྱམས་ལས་གཙུག་ལག་ཁང་གི་གཞི་མོར་གྱུར་པ་འདི་ཉིད་འགྲོ་བའི་བསོད་ནམས་ཀྱི་ཉེར་འཚོར་དེ་བཞིན་གཤེགས་པའི་ཐུགས་རྗེས་བཀོད་པ་ནི་ ཆོ་འཕྲུལ་རྣམ་པར་བསྟན་པ་ལས། རིགས་ཀྱི་བུ་ལེགས་སོ་ལེགས་སོ། །ཀྱེ་རྒྱལ་བའི་བུ་དག་དེ་བཞིན་གཤེགས་པའི་ཐབས་མཁས་པ་དང་། སེམས་ཅན་ཡོངས་སུ་སྨིན་པར་བྱ་བ་ནི་

(༦༢༧)མང་ངོ་། །ཞེས་པའི་འཕྲོར་ཁ་ཅིག་ནི་སྐུ་གཟུགས་བྱེད་དུ་གཞུག་པ་དང་། རི་མོ་དང་། གསེར་དང་། དངུལ་དང་། ར་གན་གྱིས་སྐུ་གཟུགས་བྱེད་དུ་གཞུག་པའི་དགེ་བའི་རྩ་བ་ལ་སྤྲོ་བ་བསྐྱེད་པས་འདུལ། །ཞེས་གསུངས་པ་བཞིན། བརྟེན་པའི་གཙོ་བོར་ད་ལྟ་དགའ་ལྡན་ན་བྱང་ཆུབ་སེམས་དཔའི་དང་ཚུལ་ཅན། མ་འོངས་པའི་ཆ་ན་བསྟན་པའི་བདག་པོ་ཉིད་དུ་བཞེངས་པར་འགྱུར་བ་རྒྱལ་བ་མ་རྒྱལ་བ་ལས་རྒྱལ་བས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མ་ཕམ་མགོན་པོ། གཡས་སུ་འདས་པའི་སངས་རྒྱས་ཐམས་ཅད་ཀྱི་ངོ་བོ་མར་མེ་མཛད། གཡོན་དུ་ད་ལྟར་བའི་བསྟན་པའི་བདག་པོ་བསྐལ་པ་བཟང་པོའི་སངས་རྒྱས་སྟོང་རྩ་གཉིས་ཀྱི་ནང་ཚན་ལས་ཀྱང་པད་དཀར་ལྟར་བསྔགས་པ་རྒྱལ་བ་ཤཱཀྱ་སེང་གེ། དེ་བཞིན་གཤེགས་པའི་གསུང་གི་གསང་བ་འཛིན་པ་ལ་མི་བརྗོད་པའི་གཟུངས་དང་། སྤོབས་པའི་གཏེར་གྲོལ་བ་མཐུ་སྟོབས་ཀྱི་དབང་ཕྱུག་ཕྱག་ན་རྡོ་རྗེ། དེ་དག་གི་ནང་ཚན་ལས་ཀྱང་ཡེ་ཤེས་ཀྱི་འཇུག་པ་མངོན་དུ་གྱུར་པའི་གཟི་བྱིན་དང་། མཐུ་དབང་བ་ལྷར་མི་བཟོད་པའི་བརྟུལ་ཞུགས་ཀྱིས་ཁྱད་པར་དུ་བྱས་པ་བཅོམ་ལྡན་འདས་རྟ་མཆོག་རོལ་པའི་སྣང་བརྙན་འདི་རྟོག་ཚོགས་ལྷ་སྐུར་ཤར་བ། རྒྱལ་སྲས་བསྟན་པའི་ཉི་མའི་ཕྱག་བཟོས་བསྐྲུན་ཞིང་མཐུན་སྣང་གྲུབ་པར་ཞལ་རས་ལ་རྡུལ་མི་བཞེས། ཐུགས་ཀ་ན་དྲོད་རྟ་རྔ་ཙམ་ཁོར་ཡུག་ཏུ་བཞུགས་པ་ཡོངས་ལ་གྲགས་པས། འདི་ལ་གསོལ་བ་བཏབ་པའམ། རེག་པ་ཙམ་གྱིས་གནོད་སྦྱིན་མ་རུངས་པ་དང་། གྲིབ་གནོན། གནོན་པོ། སྨྱོ་བརྗེད་ལ་སོགས། ཤ་ཟའི་གདོན། གདུག་པ་ཅན་གཟའ་ཀླུའི་ནད་ལས་གྲོལ་བ་སོགས་ཡིད་བཞིན་གྱི་ནོར་བུ་ལས་ཀྱང་དགོས་དགུ་རྩོལ་བའི་ཡོན་ཏན་གྱི་ཁྱད་པར་དུ་བྱས་པའང་། འདི་ལྟར་ཟ་ཧོར་གྱི་རྒྱལ་རིགས་ཤིང་སཱ་ལ་།།།བ་ལྟ་བུའི་ཆོ་རིགས་བཙུན་པོའི་པདྨོའི་གེ་སར་ལས་གྲོལ་

(༦༢༨)ཅིང་། ལྷ་དང་བཅས་པའི་གཙུག་གི་ནོར་བུ། ཐམས་ཅད་གཟིགས་པའི་ཡེ་ཤེས་ལ་མངའ་དབང་ཆུབ་པ། གནས་ལྔ་རིག་པའི་པཎྜི་ཏ། ཆོས་ཀྱི་འཁོར་ལོས་སྒྱུར་བའི་རྒྱལ་པོ། ཐེག་པ་མཐའ་ཡས་པའི་ཁྱད་ནོར་རིན་པོ་ཆེ་སྣ་བདུན་གྱིས་བསྲུངས་པས་ལྗོངས་འདིར་རྒྱལ་བའི་བསྟན་པ་མཐའ་དག་ཉེ་འཁོན་མེད་པའི་གནས་ལ་སྦྱར་ཞིང་། ཤིང་རྟ་ཆེན་པོ་གཉིས་ཀྱི་རིང་ལུགས་འཇམ་པའི་དབྱངས་ཀྱི་ཞལ་ལུང་དུ་སྒྲོག་པ་ལ་རྒྱ་གར་གྱི་ཆུ་བོ་གངྒཱ་ཚུན་ཆད་ན་གྲགས་པའི་དཔལ་གྱིས་མ་ཐོ་བ་གོང་མ་ལྔ་པ་ཆེན་པོ་ཞབས་འབམ་གྱིས་བསྙུན་པའི་ཚེ་རྟ་མགྲིན་འདིའི་ཞབས་ལ་ཞིག་གསོ་དང་མཆོད་འབུལ་མཛད་པས་སྙུན་དངས། གནས་འདིར་ཞབས་པད་བསྐྱོད་པའི་ཚེ་ཡང་སྤྲུལ་པའི་གུ་རུ་མཚན་བརྒྱད་ཞལ་གཟིགས། ཕྱི་ནང་གཞན་གསུམ་རྟེན་འབྲེལ་གཅིག་པའི་ངོ་མཚར་གྱི་བཀོད་པ་མཐོང་བའི་ཆོས་ལ་གནས། བོད་ཀྱི་སྲིད་སྐྱོང་ཀུན་གྱིས་སྲི་ཞུ་བླ་ན་མེད་པ་མཛད། བསིལ་བའི་ཚལ་དང་མཉམ་པའི་མགོན་ཁང་འདིར་སྤྲུལ་པའི་སྐུའི་བྱི་བྱད་ཀྱིས་བཞུགས་པའི་སངས་རྒྱས་ལྔ། རྗེ་བཙུན་སྒྲོལ་མ་དང་། སྣ་ཚོགས་ཡུམ་རིགས་གཅིག །མགོན་པོ་ཕྱག་དྲུག་པ། ཆོས་རྒྱལ་སྲོད་བཙན་དང་བཙུན་མོའི་དམ་པ་གཉིས། སྤྲུལ་པའི་བློན་པོ་གཉིས་དང་བཅས་པ་གནའ་པོའི་བ་ཐོ་བཀོད་ཡེ་ཤེས་ཀྱི་སྲོག་དང་ལྡན་པའི་འདུན་སར་དུག་གསུམ་རཱུ་ཏའི་གཤེད་པོ་དཔལ་ཡེ་ཤེས་ཀྱི་མགོན་པོ་མ་ནིང་ནག་པོ་སྤྲུལ་འཁོར་དགྱེས་སྡེ་དང་བཅས་པ་གཏེར་སྟོན་ཆེན་པོ་གུ་རུ་ཆོས་ཀྱི་དབང་ཕྱུག་གི་ཤངས་མཚལ་ལས། དེའི་སློབ་བརྒྱུད་སྐལ་ལྡན་ཡར་ཀླུངས་སྤྲུལ་སྐུ་རྒྱལ་བ་རིགས་ལྔར་གྲགས་པའི་ནང་ཚན་ཆོས་ལྡན་པ་དང་དུར་ཁྲོད་པའི་སྲས་སུ་གྱུར་པ་སྨན་ལུང་པ་ཤཱཀྱ་གཞོན་ནུས་ཕྱག་བྲིས་སུ་མཛད། ཡེ་ཤེས་སེམས་དཔའ་མངོན་སུམ་པར་བཅུག་པས་ཕྲིན་ལས་རྣམ་བཞི་བདེ་བླག་ཏུ་འགྲུབ་པ་ལ་རྩོད་པ་མེད་པས་དམ་པའི་ཚོགས་ཀྱང་ཞལ་དབྱེ་བར་བག་འཁུམས།

(༦༢༩)ལ། ལྔ་པ་ཆེན་པོ་ནས་བཟུང་ཆོས་སྲིད་ཁྲིམས་ཀྱི་ཁ་ལོ་པ་ཀུན་ནས་ཀྱང་སྐོད་པ་དང་བསྟི་སྟང་བླ་ན་མེད་པ་མཛད་པའོ། །གོང་མ་ལྔ་པའི་རྣམ་ཐར་ན་སྨན་ལུང་པའི་ཤངས་མཚལ་དུ་ཐེབས་པ་རྒྱུས་ལ་མི་མཁས་པས་སྣང་ལ་མ་ངེས་པའི་སྙན་སྒྲོན་བྱས་པ་དོན་ལ་མི་གནས་པ་ཉིད་དོ། །དེ་དག་གི་རྟེན་གསུམ་རྙིང་མའི་ལོ་རྒྱུས་རགས་རིམ་སྟོན་དུ་བསྙད་ནས་ཕྱིས་དད་པ་དང་བསོད་ནམས་ཀྱིས་མངོན་པར་མཐོ་བ་ཐ་དད་པ་ནས་རང་རང་གི་དཀར་པོ་ནམ་བར་འཕེལ་བའི་སླད་དུ་གསར་བཞེངས་རྣམས་མངོན་སུམ་མིག་གི་དགའ་སྟོན་ལ་བཞུགས་ཤིང་། གཡོན་ཕྱོགས་ཀྱི་སྟེགས་བུ་འདི་ནི་ལྷ་བཙན་པོ་ཁྲི་སྲོང་ལྡེའུ་བཙན་གྱི་སྲས་གསུམ་གྱི་འབྲིང་པོ་མུ་རུབ་བཙན་པོའི་སྤྲུལ་པའི་ཟློས་གར་སངས་རྒྱས་གླིང་པས་ཤར་ཕྱོགས་ཤིང་ལོའི་ཚལ་དུ་བདུད་རྩིའི་སྒྲུབ་ཆེན་མཛད་པའི་ཚེ། འབྱུང་པོ་མི་བསྲུན་པས་གླགས་བལྟས་ནས་སྨན་རྣམས་སྡིག་པའི་གོང་བུར་བསྒྱུར། ཞལ་ནས་འདི་བར་ཆད་དུ་འདུག་པས་དངོས་གྲུབ་ལེན་ལུགས་ཤས་དགོས་གསུངས་པ་ན། དཔལ་ཆེན་རྡོ་རྗེ་ཕུར་པའི་རྣལ་འབྱོར་པ་བཛྲ་ཀུ་མཱ་རས། བཀའ་བཞིན་བསྒྲུབ་པར་བདག་འཚལ་ལགས། ཞེས་ཡུལ་གསུམ་བྱད་དུ་གྱུར་པའི་གཉེན་པོ་སྟོབས་ཀྱི་ལྷར་བསྙེམས་ཏེ་སྡིག་གཟུགས་ཞལ་དུ་བསྟབས་པས་ཆོ་འཕྲུལ་མི་བསྲུན་པ་རང་སར་དངས། ཕྱོགས་ཐམས་ཅད་སྨན་དྲིས་ཁྱབ། སླར་སྡིག་པའི་ཁོག་པ་དེ་སྟེགས་བུ་འདིའི་སྟེང་དུ་བཏུལ་ནས་སྨན་དུ་བྱས་པ་ཆོས་ཉིད་འགྱུར་བ་མེད་པའི་ཁ་དོག་ཏུ་ཤར་བས་སྨན་ནག་ཏུ་གྲགས་པ་བྱིན་རླབས་ཤིན་ཏུ་ཆེ་བ་བྱུང་། སྟེགས་བུ་འདིར་སྨན་སྒྲུབ་མཛད་པ་པོ་གུ་རུ་ཆོས་དབང་ཡིན་ཟེར་བ་སོགས་ལོ་རྒྱུས་ཕན་ཚུན་འཆོལ་བར་སྤྲ་བ་ནི་རྒན་པོའི་ངག་འགྲོས་ལ་ཡིད་བརྟན་འཆའ་བ་རྣམས་ཀྱིས་གཏན་ཚིགས་སོ། །འདི་ལྟར་རྒྱ་གར་དུ་མི་ཏྲི་པས་མཆོད་རྟེན་གྱི་སེར་ཁའི་འོད་ལ་གཟིགས་པས། རྒྱུད་བླ་མ་དང་ཆོས་ཉིད་རྣམ་འབྱེད་གཉིས་ཀྱི་དཔེ་བྱུང་། དེ་བཞིན་དུ་མཛངས་བླུན་ན་ཀུན་ཏུ་རྒྱུས་ཚུལ་

(༦༣༠)ཁྲིམས་བསྲུངས་པའི་ལེའུར་ཡང་ཁྱིམ་གྱི་ཀ་བ་ནས་རྟེན་འབྲེལ་བཅུ་གཉིས་ཀྱི་མདོ་དང་། ཉིན་ཞག་གཅིག་པའི་ཁྲིམས་བརྒྱད་ཀྱི་དཔེ་བྱུང་བའི་གཏམ་རྒྱུད་ཡོད་པ་བཞིན་གྱིས་རབ་བྱུང་བཅུ་གཉིས་པའི་ནང་དུ་རྒྱལ་སྲས་ལྷ་རྗེ་སྤྲུལ་པའི་སྒྱུ་འཕྲུལ་ལ་ཆགས་པ། འཛམ་གླིང་རྡོ་རྗེས་རྒྱལ་དབང་པདྨའི་ཕོ་ཉ་ཡེ་ཤེས་དག་པའི་མཁའ་འགྲོ་མས་དུས་གསུམ་དུས་མེད་ཆེན་པོར་རྒྱས་བཏབ་པ་འཕུར་འགྲོའི་ཐེག་པའི་ཡང་བཅུད་དང་ཤྲཱི་སིངྒ་དང་ཨོ་རྒྱན་ཆེན་པོའི་དབུ་ལོའང་སྤྱན་དྲངས་པ་སོགས་ངོ་མཚར་བྱིན་རླབས་ཅན་གྱི་སྟེགས་བུར་གྱུར་པའི་སྟེང་། བརྟེན་པ་བླ་ན་མེད་པ་གངས་ཅན་པ་རྣམས་ཀྱི་དཔུང་གཉེན་གཅིག་པུ་བ་དཔལ་ཨོ་རྒྱན་སངས་རྒྱས་གཉིས་པ་གཙོ་འཁོར་གསུམ་གྱི་སྣང་བརྙན་དང་། དབང་ཤེས་གནས་སུ་དག་པ་ཉེ་བའི་སྲས་བརྒྱད། མདོ་མང་པོ་ཏི་ཉི་ཤུ་ཐམ་པ་རྣམས་རྫོགས་ཆེན་པོ་རང་བྱུང་རྡོ་རྗེས་བསྟན་འགྲོའི་ཉེར་འཚོར་འདུ་བྱས་ཤིང་། ཡོན་གྱི་བདག་པོས་བཞེངས་པའི་རྗེ་བཙུན་སྒྲོལ་མའི་སྣང་བརྙན་དང་བཅས་པ་ལ་རབ་ཏུ་གནས་པ་མཐོང་བའི་ཆོས་ལ་གཟི་བྱིན་གྱི་དཔལ་དུ་འབར་རོ། །བང་སོ་འདིར་ལོ་རྒྱུས་རྙིང་པ་ཁ་ཅིག་ཏུ། ཁེངས་ལོག་ནས་ལོ་དགུ་པ་ལ་ཤུད་པུ་སྟག་རྩེ་སོགས་བཞིས་བགྲོས་ཏེ་བང་སོ་རྣམས་བགོ་བཤའ་བྱས། གཉགས་ཀྱིས་དོན་མཁར་མདའ། ཚེ་སྤོང་ཞང་གིས་རྒྱལ་ཆེན། ཤུད་བུས་སེང་གེ་ཅན། འཕྲུལ་རྒྱལ་གྲོང་འཕྱོས་རྣམས་ཀྱིས་བྲུས་ཤིང་། མདོ་ཞེར་སྙི་པས་ཏེ་འདྲུ་འཕྲོར་ལུས། སྲོང་བཙན་འགྲོ་ལྡོག་ཟུང་གིས་ཐོབ་སྟེ་ལུས། །ཞེས་ཀྱང་བཤད་མོད། ཡོངས་སུ་སྒྲོག་པར། བང་སོའི་དབྱིངས་ལ་ཆུ་བུར་གྱི་མིག་ལ་བལྟར་མི་མངོན་པའི་རླུང་སྤུ་གྲི་རེག་གཅོད་འཕྲུལ་གྱི་འཁོར་ལོའི་རྣོ་དཔལ་དང་། གནོད་སྦྱིན་དཀར་པོའི་ཕྱོགས་ལ་དགའ་བ། མི་མ་ཡིན་གྱི་ཚོགས་རྣམས་ཀྱིས་རྟག་ཏུ་སྲི་ཞུ་དང་སྲུང་བར་བྱེད་པས་ནག་པོའི་རྩ་ལག་གླང་དར་མ་འུ་དུམ་བཙན་གྱིས་ཀྱང་བང་སོ་གཞན་རྣམས་

(༦༣༡)ཉམས་དམས་པར་བྱས་པའི་ཚེ་འདི་ལ་སྨ་དབབ་པར་མ་ནུས་པ་ནི་ཁྱད་གཞི་ཚད་།།།མར་གྱུར་པའོ། །འདི་ལྟར་ཞིང་གི་ཕུལ་དང་རབ་མཆོག་དམ་པར་གྱུར་པའི་ཡུལ་ལ་བདུན་པ་དང་། ཞེ་སྡང་དང་། གཏི་མུག་གིས་འགྲོ་བ་ཙམ་མ་ཡིན་པར་ནང་པ་སངས་རྒྱས་པའི་ཁྱད་ཆོས་གནས་སྐབས་དང་མཐར་ཐུག་ཀུན་ཏུ་མི་བསླུ་བར་ཤེས་པས་སྐྱབས་སུ་འགྲོ་བ་དང་། སེམས་སྦྱང་བ་དང་། ཕྱག་དང་། བསྐོར་བ་དང་། བསྟི་སྟང་དང་། སྲི་ཞུའི་གནས་མུ་མེད་པས་སྒོ་གསུམ་དགེ་བའི་ལས་ལ་སྦྱར་བ་ནི་གྲུབ་པའི་མཐའ་རྒྱ་མཚོ་ལྟ་བུ་གང་གི་སྒོ་ནས་ཀྱང་བློ་མ་བཅོས་པའི་འགྲོ་བ་དད་པའི་རྗེས་སུ་འབྲང་བ་ཀུན་དང་ཐུན་མོང་གི་བྱ་བ་ཡིན་ལ། འདི་ལྟར་མཐོང་ན་མི་མཐུན་པ་མེད་པའི་རྟེན་གྱི་གཟི་བྱིན་ལས་དད་པ་ཉི་ཚེ་བ་ཙམ་ཐོབ་ཀྱང་བསོད་ནམས་དམ་པའི་ཡུལ་ལ་བསྔགས་པའི་ཚུལ་ཕལ་པོ་ཆེ་ལས། ལན་ཅིག་ཙམ་ཡང་དད་པ་སྐྱེས་པ་ནི། བསོད་ནམས་དམ་པའི་མཆོག་ཏུ་འདི་འགྱུར་རོ། །ཞེས་གསུངས་པའི་ཕྱིར་རོ། །དེ་ལས་གཞན་དུ་གང་ཟག་གི་བློའི་ནུས་པའི་དབང་ལས། གནས་སྐབས་ཀྱི་སྡུག་བསྔལ་བརྣག་པར་དཀའ་བ་ལས་གྲོལ་ཅིང་། ཕྱི་མའི་འཇིག་རྟེན་མངོན་པར་མཐོ་བའི་དཔལ་དང་ཡོན་ཏན་ཙམ་དོན་དུ་གཉེར་བ་སྐྱེས་བུ་ཆུང་ངུའི་ཚོགས། མངོན་མཐོའི་འབྲས་བུ་དེ་དག་ཀྱང་། ཀླུ་སྒྲུབ་ཞབས་ཀྱིས་བཤེས་སྤྲིང་དུ་གདམས་པ་བཞིན། བདེ་སྡུག་གི་འཁོར་ལོའི་ས་འཇོག་ཏུ་སྤྱོད་པ་ཙམ་ལས། ཆུ་ཤིང་གི་འབྲས་བུ་ལྟར་སྙིང་པོ་མེད་པར་ཤེས་ནས་འཁོར་བཟོ་ཆུའི་འཁྱུང་མོ་ལྟ་བུའི་གནས་ལས་ངེས་པར་ཞི་སྡེ་ཐར་པའི་གོ་འཕང་དོན་དུ་གཉེར་བའི་སྐྱེས་བུ་འབྲིང་གི་བློ་ཅན་མན་ཆད་དག་ཀྱང་ལམ་ཉི་ཆེ་བ་གཉིས་ལས་ལྡོག་སྟེ་བླ་ན་མེད་པའི་སེམས་བསྐྱེད་དང་བཅས་པས་རྣམ་པ་ཐམས་ཅད་མཁྱེན་པའི་གོ་འཕང་དོན་དུ་གཉེར་བ་ནི་སྐྱེས་བུ་ཆེན་པོའི་ལམ་གྱི་འཇུག་ངོགས་ཏེ། དེའི་ཕྱིར་བྱང་ཆུབ་སེམས་དཔའི་

(༦༣༢)སྤྱད་པ་ལ་འཇུག་པ་ལས། གསོ་དཔྱད་ཕལ་པ་འདི་འདྲ་བ། །སྨན་པ་མཆོག་གིས་མ་མཛད་དེ། །ཆོ་ག་ཤིན་ཏུ་འཇམ་པོ་ཡིས། །ནད་ཆེན་དཔག་མེད་གསོ་བར་མཛད། །ཅེས་གསུངས་པ་བཞིན་ཐེག་པ་ཆེན་པོའི་ཆོས་ཁམས་རྒྱ་མཚོ་ལྟ་བུའི་ལམ་གྱི་སྦྱོར་བའི་ཆོས་བྱང་ཆུབ་ཆེན་པོར་སེམས་བསྐྱེད་པའི་སྔོན་དུ། འདི་ལྟར་ཐར་པའི་ལམ་དང་འབྲེལ་བའི་ཚངས་པའི་གནས་པ་བཞིའི་མི་མཐུན་ཕྱོགས་ལས་གྲོལ་བའི་ཚད་མེད་བཞིའི་བསམ་པས་ཀུན་ནས་བསླངས། སྦྱིན་པ་དང་། སྙན་པར་སྨྲ་བ་དང་། དོན་སྤྱོད་པ་དང་། དོན་མཐུན་པ་སྟེ་བསྡུ་བའི་དངོས་པོ་བཞི་དང་ལྡན་པས་རྒྱལ་བའི་སྲས་ཀྱི་སྤྱོད་པ་རྒྱ་མཚོའི་སྙིང་པོར། ཕྱིན་པར་སྨོན་པ་དང་དངོས་སུ་འཇུག་པའི་ཁྱད་པར་ལས་སྨོན་འཇུག་གི་རྣམ་པར་ཤར་པའང་། བྱ་བའི་སྒོ་ནས་བསོད་ནམས་རྒྱུན་ཆགས་སུ་འཕེལ་བ་འཇུག་པའི་ལམ་ལ་སློབ་མོད་ཀྱི། གང་ཟག་ལས་དང་པོ་པས་སྨོན་པའི་སྒོ་ནས་འབྲས་བུ་ལ་དམ་བཅས་ན། ཐེག་དམན་གྱི་སྡོམ་པའང་བསམ་པ་བྱང་ཆུབ་སེམས་ཀྱིས་ཀུན་ནས་བསླང་བ་ཇོ་བོ་ཆེན་པོ་བཞེད་པའི་རྗེས་སུ་འགྲོ་ལ། འདིར་ཉིན་ཞག་གཅིག་པའི་ཁྲིམས་ལ་འདྲ་ཅོག་བརྩིན་ཡན་ལག་བརྒྱད་པའི་ཁྲིམས་ནོད་པ་ལ་སོགས་ཉིས་སྤྱོད་སྦོམ་པ། སྨྱུང་བར་གནས་པ་ལ་སོགས་པ་དག་པའི་ཆོས་སྡུད། འཆི་བར་ངེས་པའི་སྲོག་སྐྱོབ་པ་ལ་སོགས་སེམས་ཅན་དོན་བྱེད་དེ་བྱང་ཆུབ་སེམས་དཔའི་ཚུལ་ཁྲིམས་ཀྱི་རྗེས་མཐུན་ཁྱིམ་པའི་ཕྱོགས་ནས་ཀྱང་སྐབས་ཐོབ་ལ་ དུས་རེས་བཀའ་བ་ཡིན་པས་ཡོན་ཏན་གྱི་རྟེན་མ་ཡིན་པས་སོ། །སྤྱད་དུ་ཡོད་པའི་ཕྱིར། ཉ་སྟོང་བརྒྱད་གསུམ་དང་། ཡར་མར་གྱི་ཚེམ་བཅུ་རྣམ་གཉིས་སོགས་ལ་རྩེད་འཇོ་དང་གྱི་ནའི་དབང་གིས་མ་ཡིན་པར་གཙུག་ལག་ཁང་འདིར་འདུ་བར་འོས་པ་ཡིན་ནོ། །དེ་ལྟར་འདུས་ནས་ཀྱང་མགོན་པོ་ཞི་བལྟས། ཚོད་མ་ལ་སོགས་སྦྱིན་པ་ལའང་། །འདྲེན་པས་ཐོག་

(༦༣༣)མར་སྦྱོར་བར་མཛད། །དེ་ལ་གོམས་ནས་བྱི་ནས་ནི། །རིམ་གྱིས་རང་གི་ཤ་ཡང་གཏོང་། །གང་གིས་རང་གི་ལུས་ལ་ནི། །ཆོད་སོགས་ལྟ་བུའི་བློ་སྐྱེས་པ། །དེ་ཚེ་ཤ་ལ་སོགས་གཏོང་བ། །དེ་ལ་དཀའ་བ་ཅི་ཞིག་ཡོད། །ཅེས་གསུངས་པ་ལྟར་གཏོར་བ་ཕུན་སུམ་ཚོགས་པའི་བསམ་སྦྱོར་མཆོག་ཏུ་དག་པས་སྣ་དྲངས་ལུས་ལོངས་སྤྱོད་དང་བཅས་པ་དཀོན་ཅོག་གསུམ་ལ་ཕུལ་བས་སྲེད་པ་དང་བཅས་པའི་བདག་ལྟའི་ས་བོན་དྲུངས་ནས་འབྱིན། བླ་ན་ཡོད་པའི་མཆོད་པ་བདག་པོས་ཡོངས་སུ་མ་བཟུང་བ་རིན་པོ་ཆེའི་རི་དང་། ནགས་མའི་ཚལ། སྨན་གྱི་ལྗོངས། སྐྱེད་མོས་ཚལ་གྱི་བཀོད་པའི་ཚོགས། བློས་མཆོག་ཏུ་སྤྲུལ་པ་ཁྲུས་ཀྱི་ཁང་པ་ལ་སོགས་པའི་ཉེར་སྤྱད། བླ་ན་མེད་པའི་མཆོད་པ་ཀུན་ཏུ་བཟང་པོ་དང་། འཇམ་དཔལ་དབྱངས་ལ་སོགས་པ་སེམས་དཔའ་ཆེན་པོ་རྣམས་ཀྱི་སྤྱོད་ཡུལ་གསར་པས་བློ་གྲོས་ཀྱི་འདུན་ཁང་མཛེས་པར་བྱས་ཏེ། ཞིང་ཁམས་ཀྱི་མཆོད་སྤྲིན་སྤྲོ་བ་དང་། ནང་པ་སངས་རྒྱས་པའི་ཆོས་དང་། ཁྱད་པར་ཐེག་པ་བདེ་བ་དང་། ལམ་བདེ་བ་དང་། འཇུག་པ་བདེ་བའི་ཁྱད་པར་གྱིས་བསྐལ་ཆེན་གསུམ་གྱི་ཚོགས་ཀྱང་སྐད་ཅིག་ལ་འདུམས་པ་བསོད་ནམས་དམ་པའི་འཇུག་ངོགས་ཡན་ལག་བདུན་པ་འབུལ་བ་དང་རྗེས་འབྲེལ་དུ། བྱང་ཆུབ་སེམས་དཔའ་རྣམས་ཀྱི་རྗེས་ཐོབ་ཀྱི་ཚོགས་ནི་དམིགས་པ་དང་བྲལ་བའི་སྨོན་ལམ་བཙན་པོས་སེམས་ཅན་གྱི་ཁམས་ལ་ཕན་གདགས་པ་ཉིད་དེ། ཡིད་བཞིན་ནོར་བུ་དཔག་བསམ་ཤིང་། །ཇི་ལྟར་ར་བ་ཡོངས་སྐོང་བ། །དེ་བཞིན་གདུལ་བྱ་སྨོན་ལམ་གྱི། །དབང་ལས་རྒྱལ་བའི་སྐུར་སྣང་ངོ་། །ཞེས་པས་དབང་རྣོན་ཆོས་རྗེས་འབྲང་བས་བསྟན་པ་དང་སེམས་ཅན་ཐུགས་ལ་ལྷག་པར་ཡང་བཅངས་པའི་སྨོན་ལམ་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ལ་འགྲན་པ་ཉིད་དུ་བསྐུལ་ལོ། །དེའང་ཤེས་རབ་ནམ་མཁའ་ལྟ་བུའི་ཐབས་ཀྱིས་ཟིན་པའི་རྟེན་ཅིང་འབྲེལ་འབྱུང་ཆེན་པོའི་བྱེད་པ་པོ་བསྔོ་

(༦༣༤)བ་དམ་པའི་ཞགས་པས་འབྱུང་བའི་དགེ་བ་གང་ཡིན་པ་ཐར་པའི་ལམ་མ་ནོར་བ་ཡིན་ཏེ། ཁྲི་བརྒྱད་སྟོང་པ་ལས། ཕ་རོལ་ཏུ་ཕྱིན་པ་ལྔ་པོའང་ནམ་ཤེས་རབ་ཀྱི་ཕ་རོལ་ཏུ་ཕྱིན་པས་ཟིན་པ་དེའི་ཚེ་རྣམ་པ་ཐམས་ཅད་མཁྱེན་པ་ཉིད་ཀྱི་གྲོང་ཁྱེར་ཆེན་པོར་འཇུག་པར་འགྱུར་རོ། །ཞེས་སོ། །དེའི་ཕྱིར་གཞོན་ནུ་ནོར་བཟང་གིས་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་སྨོན་ལམ་དུ་བཏབ་པའི་རྗེས་སུ་ཡིད་གཞུངས་ཏེ་ཐར་པ་དོན་དང་ལྡན་པ་མཛད་པར་ཞུ།། །།ཞེས་པའང་སྡོམ་བརྩོན་རྣལ་དུ་འབྱོར་པའི་རིམ་པ་ལ་མོས་པ་ཨོ་ཌི་ཡས་ཆེང་དུ་གཉེར་བའི་ཕྱིར་མ་འདྲེས་ཡོངས་སུ་རྫོགས་པའི་ཤིང་རྟ་ཆེན་པོ་བ་རྣམས་ཀྱི་གྲུབ་པའི་མཐའ་ལ་དད་ཅིང་། རང་བཞིན་ཐེག་མཆོག་སྙིང་པོའི་རིང་ལུགས་པ་ཀློང་ཆེན་ནམ་མཁའི་རྣལ་འབྱོར་གྱིས་སྔོན་གྱི་ཡི་གེ་དང་། ངག་འགྲོས་གྱི་ནའི་རིགས་ལས་ཚད་མར་རིག་པའི་ལོ་རྒྱུས་ལ་གཞིག་འབྲེལ་སྔོན་དུ་འགྲོ་བའི་བྱ་དོར་དང་བཅས་སླར་ཡང་ཕྲི་བསྣན་ཅུང་ཟད་དང་། མཆན་བུ་དཀྱུས་སུ་སྡེབ་པ་སོགས་དག་ཐེར་བགྱིས་པ་འདི་ཉིད་བཀའ་བཙན་པར་བྱའོ། །གཏམ་ཚོགས་ལེའུ་སོ་བདུན་པའོ།། །།བཀྲ་ཤིས་སྲོང་བཙན་བང་སོའི་དཀར་ཆག་འབྲིང་པོར་བྱས་པ་ནྱ་གྲོ་དྷའི་ཆུན་འཕྱང་ཞེས་བྱ་བ་བཞུགས། ཤྲཱི་མངྒ་ལ་སྭ་སྟི། གང་དུ་གཤེགས་ན་བྱང་ཆུབ་ཀྱི། །སྙིང་པོར་གྱུར་པས་བདུད་ཀྱི་སྡེ། །སྤ་བཀོང་ས་ཡང་འདར་གྱུར་པས། ཁྱེད་ལ་བདེ་ལེགས་མཛད་པར་གྱུར། །དེ་ལ་དགེ་བཅུའི་ཡོན་ཏན་གྱི་དཔལ་དང་འགྲོགས་པའི་ཡུལ་ན། བཀྲ་ཤིས་སྲོང་བཙན་བང་སོ་ཞེས་སྙན་པའི་བ་དན་གྱིས་ས་ཀླ་དོག་པོར་བྱས་པའི་རྟོགས་བརྗོད་ཀྱི་མཆོད་སྦྱིན་ཅུང་ཟད་འབུལ་ན། སྡོམ་འབྱུང་ལས། འཛམ་བུ་གླིང་པའི་གཙོ་བོ་མཆོག །ཡུལ་དབུས་སུ་ནི་སྐྱེས་པ་སྟེ། །ཞེས་ཐོག་མའི་ཆོས་ཚིགས་དངས་ཚིགས་གཉིས་ཀའི་དབང་ལས་ཡུལ་གྱི་དབུས་དམ་པར་གྱུར་པ། འབྱོར་པ། རྒྱས་པ། བདེ་བ། ལོ་ལེགས་པ། གྲོང་ཁྱེར་དང་། སྐྱེ་བོ་མང་

(༦༣༥)པོས་གང་ཞིང་དེ་བཞིན་གཤེགས་པའི་བསྟན་པ་དང་གཙུག་ལག་རྒྱ་མཚོ་འབྱུང་བའི་གནས། མ་ག་དྷཱ་རྡོ་རྗེའི་གདན། ཤར་ཕྱོགས་ན་གཟོ་གནས་རིག་འབྱུང་གི་ཡུལ་གྲུ་རྒྱ་ནག་རི་བོ་རྩེ་ལྔ་འཕགས་པ་ལག་ན་རལ་གྲིའི་གཞལ་མེད་ཁང་། ལྷོ་ཕྱོགས་ན་གཉིས་མེད་རྒྱུད་རྒྱལ་གསུངས་པའི་གནས་དཔལ་ལྡན་འབྲས་སྤུངས་པའི་མཆོད་སྡོང་། ནུབ་ཕྱོགས་ན་འཕུར་འགྲོའི་ཐེག་པ་འབྱུང་གནས་ཨོ་རྒྱན་སྤྲུལ་པའི་ཞིང་ཁམས་དཔལ་ཧེ་རུ་ཀ་རང་བྱུང་གི་གཙུག་ལག་ཁང་། བྱང་ཕྱོགས་ན་ཕྱི་ནང་གཞན་གསུམ་གྱི་ཆོས་འཁོར་ཆོས་རྒྱལ་རིགས་ལྡན་གྱི་གནས་ཤམྦྷ་ལ་སྟེ་ཤིང་བྲྀཀྵིའི་འབྲས་བུ་ལས་འཛམ་བུ་གླིང་གི་སྒྲར་ཆགས་པའི་ཡུལ་དབུས་སུ་བདག་ཅག་གི་སྟོན་པ་བླ་ན་མཚུངས་པ་མེད་པ་དེས། ལམ་མ་ཡིན་པ་ལ་ལམ། འབྲས་བུ་མ་ཡིན་པ་ལ་འབྲས་བུར་འཁྲུལ་པའི་རྟོག་གེ་པ་དྲུག་གི་གྲུབ་པའི་མཐའ་སུན་ཕྱུང་ནས་འཁོར་ལོ་གསུམ་གྱི་ཆོས་ཀྱི་རྔ་བོ་ཆེ་ནི་བརྡུངས། འཐའ་འཁོབ་བོད་ཀྱི་ཡུལ་འཕགས་པ་སྤྱན་རས་གཟིགས་ཀྱི་གདུལ་ཞིང་དུ་དབུགས་ཕྱུང་བས། གངས་ཅན་པ་བླུན་པོ་རྣམས་རྒྱལ་པོ་ཙམ་ལ་ཡིད་བརྟན་པར་བྱེད་པས། དེ་ཉིད་ཀྱིས་གདུལ་བའི་ཕྱིར། མང་པོས་བཀུར་བའི་རྒྱལ་རྒྱུད་ཤིངས་ལ་བ་ལྟ་བུའི་རིགས་སུ་སྤྲུལ་པའི་མྱུ་གུ་བཟུང་ནས། ལྷ་ཐོ་ཐོ་རི་གཉན་བཙན་གྱི་རིང་ལ་དམ་པ་ཆོས་ཀྱི་དབུ་བརྙེས། སྲོང་བཙན་གྱི་རིང་ལ་སྲོལ་བཏོད། ཁྲི་སྲོང་གི་རིང་ལ་མཁན་སློབ་རྣམ་གཉིས་སྤྱན་དྲངས་ཏེ་ཤིན་ཏུ་དར་རྒྱས་སུ་མཛད་པ་ལ། སྤྲུལ་པའི་རྒྱལ་པོ་སྲོང་བཙན་སྒམ་པོ་དེ་ཉིད་ཀྱིས་བོད་འབངས་ཉིད་དཀོན་མཆོག་གསུམ་ལ་བླ་མར་བྱ་བའི་སྲོལ་བཏོད། དགེ་བ་བཅུའི་ཁྲིམས་ཀྱིས་ངན་འགྲོའི་ལམ་ལས་ལྡོག །མཐའ་འདུལ་ཡང་འདུལ་རུ་གནོན་གྱི་གཙུག་ལག་ཁང་བཞེངས་ནས་དངོས་ཉིད་རང་བྱོན་བཅུ་གཅིག་ཞལ་གྱི་ཐུགས་ཀར་ཐིམ་པའང་འཇིག་རྟེན་གྱི་སྒྲོ་སྐུར་དང་དབྱེ་བ་བསལ་ཕྱིར་གསང་རྒྱས་བཏབ། འཕན་ཡུལ་བྲལ་མོ་སྒང་དུ་འདས་པ་ཡིན་ནོ་ཞེས་

(༦༣༦)དྲིལ་བསྒྲགས་ནས་སྲོང་བཙན་བང་སོར་གདུང་གཞུག་པའི་ཚུལ་བསྟན། ཡབ་མེས་གནམ་གྱི་ཁྲི་བདུན། སའི་ལེགས་དྲུག །བར་གྱི་སྟེང་གཉིས། ལྡེ་བརྒྱད། བཙན་ལྔ་ལ་སོགས་པ་གཡུང་དྲུང་བོན་གྱི་རྗེས་སུ་འབྲངས་ནས་བང་སོ་རྨུ་ལུགས་སུ་བརྩིགས་པ་ལ། ཆོས་ཀྱི་རྒྱལ་པོ་སྲོང་བཙན་སྒམ་པོའི་རིང་ལ་རྒྱལ་བའི་རིང་ལུགས་དང་འབྲེལ་བས་བང་སོ་ནང་རྒྱན་ཅན་དུ་བརྩིགས་པའི་ཁྱད་ཆོས་ནི། མགར་གྱི་ཡིག་ཚངས་ལས། སྲོང་བཙན་བང་སོ་འཕྱོང་བུའི་མདའ་རུ་བརྩིགས། །ཆེ་ཆུང་ཚད་ནི་དཔག་ཆེན་མདའ་རྒྱང་གང་། །ཞེང་གི་ཚང་ནི་ཉང་གི་རྡོ་རྒྱང་གང་། །སོགས་ཡིག་ཚངས་རྙིང་པ་ལ་དག་ཐེར་ཅུང་ཟད་ཀྱི་སྟང་ལ་ཆོས་ཀྱི་རྒྱལ་པོ་མེས་དབོན་བྱང་ཆུབ་སེམས་དཔའ་རྣམས་ཀྱི་ཐུགས་བསྐྱེད་ལས་རིམ་བཞིན་ལྷུན་གྱིས་གྲུབ་པའི་གཙུག་ལག་ཁང་རྟེན་དང་བརྟེན་པར་བཅས་པའང་། བསྟན་པ་ཕྱི་དར་གྱི་ཐོག་མ་ཉིད་ནས་ཧ་ཅང་མེ་རིང་བ་ན་པཎྜི་ཏ་དཱི་བཾ་ཀ་རས་ལྷ་ཆོས་བདུན་ལྡན་གྱི་བསྟན་པའི་སྣང་བས་དགེ་འདུན་རྣམ་སྦྱངས་པའི་ཡོན་ཏན་བཅུ་གཉིས་དང་། གཞི་གསུམ་གྱི་ཆོག་དག་པས་ཚུལ་ཁྲིམས་རྣམ་པར་དག་པ་ལ་བཀོད། ཁ་ཆེའི་བསོད་སྙོམས་པ་ཆེན་པོའི་སྡོམ་པའི་རྒྱུན་རྣམ་པར་དག་པའང་འཕེལ། ལི་ཙ་བྱི་དྲི་མེད་གྲགས་པ་གངས་རིའི་ཁྲོད་དུ་བྱོན་པའི་མཁས་པ་ཆེན་པོ་རོང་པ་ཆོས་ཀྱི་བཟང་པོ། ཟུར་མེས་དབོན་རྣམ་གསུམ། མར་འབྲོག་མི་གསུམ་ལ་སོགས་གསད་གསོ་ནུས་པའི་གྲུབ་ཐོབ་རྣམས་ཀྱིས་རྡོ་རྗེ་ཐེག་པའི་བཤད་སྒྲུབ་ཀྱི་རྒྱལ་མཚན་བླ་ན་བསྒྲེངས། རྔོག་ལོ་ཆེན་པོ་བློ་ལྡན་ཤེས་རབ་ཀྱི་ཐལ་འགྱུར་གྱི་རིག་པ་སེང་གེའི་ངར་།།།བསྒྲགས་པས། གངས་རིའི་ཁྲོད་འདི་མཁས་པའི་འབྱུང་གནས་སུ་སོང་། དུས་དེ་ཙམ་ན་གསང་བདག་སྒྲོ་ཕུག་པ་ཆེན་པོའི་ཡང་སློབ་རྒྱ་སྨན་རྡོ་ཐོག་པ་སངས་རྒྱས་གྲགས་ཀྱི་སློབ་མ་སྐྱི་ཆོས་ཀྱི་སེང་གེ་ཞེས་པ་ལ་གོང་མ་སེ་ཆེན་གྱིས་ཐུབ་ཆོད་མཛད་དེ། མཆོད་རྟེན་གྱི་རུམ་དུ་

(༦༣༧)བཅུག་པ་ལོ་དུས་ན་བལྟས་པས། རྡོ་རྗེ་ཕུར་པའི་སྐུར་གྱུར་པས་དད་དེ་རྡོ་ཐེག་པ་ལ་དར་རིང་དང་འཇའ་ས་བྱིན། དེའི་སློབ་བརྒྱུད་ཉང་སྟོན་ཡབ་སྲས་ཀྱི་རིང་ལ་བང་སོའི་སྟེང་དུ་གཙང་ཁང་དམར་པོ་འདི་ཆགས། ནང་གི་རྟེན་ལ་སངས་རྒྱས་སྤྲུལ་པའི་སྐུའི་ཆ་བྱད་ལྔ། གཡས་ཕྱོགས་ན་རྗེ་བཙུན་སྒྲོལ་མ་དང་སྒྲོལ་མ་རྣལ་འབྱོར་གྱི་རིགས་གཅིག །མགོན་པོ་ཕྱག་དྲུག་པ། གཡོན་ན་སྲོང་བཙན་སྒམ་པོ་གཙོ་འཁོར་གསུམ་དང་། བློན་པོའི་དམ་པ་གཉིས། ཁྱད་པར་གྱང་རིས་ལ་དུག་གསུམ་རཱུ་ཏྲའི་གཤེད་པོ་དཔལ་ལྡན་ཡེ་ཤེས་ཀྱི་མགོན་པོ་མ་ནིང་ནག་པོ་སྤྲུལ་འཁོར་དང་བཅས་པ་འཕགས་པ་སྤྱན་རས་གཟིགས་གོས་དཀར་ལྕང་ལོའི་ལན་བུ་ཅན་གུ་རུ་ཆོས་དབང་གི་ཤངས་མཚལ་ལས། སྨན་པ་ཤཱཀྱ་གཞོན་ནུས་ཕྱག་བྲིས་སུ་མཛད་པས། ཡེ་ཤེས་སེམས་དཔའ་མངོན་སུམ་པར་བཞུགས་ཤིང་ཤིན་ཏུ་བཀའ་གཉན་པས་ལྷ་འདྲེ་མི་གསུམ་གྱི་འདུ་བརྒྱུན་མི་འཆད་ལ། རྒྱལ་བ་ལྔ་པ་ནས་བཟུང་རིམ་བྱོན་དང་། བོད་ཀྱི་སྲིད་སྐྱོང་ཀུན་གྱིས་བསྟི་སྟང་བླ་ན་མེད་པ་མཛད། དེ་ལས་ཡུལ་དུས་ཅུང་ཟད་བྲི་བ་ན། ད་ལྟ་གཙུག་ལག་ཁང་གི་གཞི་མོར་གྱུར་པ་འདི་ཆགས་ཤིང་། རྟེན་གྱི་གཙོ་བོར་དུས་གསུམ་སངས་རྒྱས་དང་། ཁྲོ་བོ་གཉིས་ལས་ཁྱད་པར་བཅོམ་ལྡན་རྟ་མཆོག་རོལ་པའི་སྣང་བརྙན་འདི་ཡུལ་གསུམ་གྱང་དུ་གྱུར་པ་རྒྱལ་སྲས་བསྟན་པའི་ཉི་མ་ཞེས་བྱ་བའི་ཕྱག་བཟོ་ལས་གྲུབ་ཅིང་། ཡེ་ཤེས་སེམས་དཔའ་མངོན་སུམ་པར་བཞུགས་པའི་གཟི་བྱིན་བལྟར་མི་བཟོད། ཞལ་རས་ལ་རྡུལ་མི་བཞེས། ཐུགས་ཀ་ན་དྲོད་བྱི་བའི་ཁ་རླངས་ཙམ་འཁོར་ཡུག་ཏུ་བཞུགས་པས། བྱིན་རླབས་ཤིན་ཏུ་ཆེ་བར་ཡུལ་དུས་ཀུན་ཏུ་གྲགས་ཤིང་། གསོལ་བ་བཏབ་པའམ། སྤྱི་བོས་བཏུད་པ་ཙམ་གྱིས་གཟའ་ཀླུ་གནོད་སྦྱིན་གྱི་གདོན་ལས་གྲོལ་བ་དཔག་ཏུ་མེད་ཅིང་། ཁྱད་པར་རྒྱལ་དབང་ལྔ་པ་ཆེན་པོ་ཞབས་འབུམ་གྱིས་བསྙུན་པའི་ཚེ་འདིའི་ཞབས་ལ་

(༦༣༨)ཞིག་གསོ་དང་མཆོད་འབུལ་མཛད་པས་སྙུན་དངས། ས་འདིར་ཞབས་པད་བསྐྱོད་པའི་ཚེ་ཡང་འཇའ་སྤྲིན་བཀྲ་ཤིས་རྟགས་བརྒྱད་ཀྱི་རྣམ་པ་སླར་ཡོངས་སུ་གྱུར་པ་ལས་སྤྲུལ་པའི་གུ་རུ་མཚན་བརྒྱད་དུ་གྱུར་པ་གཟིགས། ཕྱི་ནས་གོང་ས་རིམ་བྱོན་གྱི་ཞབས་ཀྱིས་བཅགས་ཤིང་། སྲིད་སྐྱོང་རིམ་ཅན་དང་བཅས་པས་སྲིད་ཞུ་བླ་ན་མེད་པ་མཛད། གཡོན་ཕྱོགས་ཀྱི་སྟེགས་བུ་འདི་གཏེར་སྟོན་སངས་རྒྱས་གླིང་པས་ཤར་ཕྱོགས་ཀོད་པོའི་ཡུལ་དུ་སྨན་སྒྲུབ་མཛད་པ་བར་གཅོད་ཀྱིས་སྨན་རྣམས་སྡིག་པའི་གོང་བུར་གྱུར་པ་ལ་དངོས་གྲུབ་ལེན་ལུགས་ཤེས་དགོས་གསུངས་ནས་དམ་ཚིག་གི་རྗེས་སུ་བདག་གིར་མཛད་པ་ཉིད་སླར་སྟེགས་བུ་འདིའི་སྟེང་དུ་བཏུལ་ནས་སྒྲུབ་ཆེན་མཛད་པས་ཕྱོགས་ཐམས་ཅད་ན་སྨན་ནག་ཏུ་གྲགས་པའི་བྱིན་རླབས་ཤིན་ཏུ་ཆེ་བར་བྱུང་བས་སྟེགས་བུའང་གཉུག་མར་གནས་དགོས་པ་བྱུང་ལ། དེའི་སྟེང་ན་དཔལ་ཨོ་རྒྱན་སངས་རྒྱས་གཉིས་པ་གཙོ་འཁོར་གྱི་སྣང་བརྙན་རྫོགས་ཆེན་པ་རང་བྱུང་རྡོ་རྗེས་སྟོད་ཧོར་གྱི་ཁ་གནོན་ལ་བསྐྲུན། གུ་རུ་ཉིད་བོད་འབངས་ལ་ལྷག་པར་ཐུགས་བརྩེབས་ཡེ་ཤེས་སེམས་དཔའ་རང་བཞིན་གྱིས་བཞུགས་ནས་རྗེས་སུ་དགོངས་པས་བྱིན་རླབས་གཟི་བྱིན་གྱི་དཔལ་དུ་འབར་བ་སོགས་ཕྱིས་དད་པ་དང་བསོད་ནམས་ལ་བདུན་པ་དག་གིས་བཞེངས་པ་རྟེན་གསུམ་དང་བཅས་པའི་སྤྱན་སྔར་སྐྱབས་སུ་འགྲོ་བ་དང་། བྱང་སྡོམ་བླང་བ་དང་། ཡན་ལག་བདུན་པ་དབུལ་བ་སོགས་པའི་ཕན་ཡོན་ནི། སངས་རྒྱས་དངོས་སུ་བཞུགས་པ་ལ་བསྟི་སྟང་བྱས་པ་དང་ཁྱད་པར་མ་མཆིས་ཏེ། དྲང་སྲོང་རྒྱས་པས་ཞུས་པ་ལས། དྲང་སྲོང་ཆེན་པོ་གང་ལ་ལ་ཞིག །བཅོམ་ལྡན་འདས་ཡོངས་སུ་མྱ་ངན་ལས་འདས་པ་དང་། ད་ལྟ་བཞུགས་པ་ལ་མཆོད་པ་བྱེད་པ་དེའི་ཕན་ཡོན་རྣམས་ནི་མཚུངས། མཉམ་ཞིང་འདྲའོ་ཞེས་ང་འཆད་དོ། །དེ་ཅིའི་ཕྱིར་ཞེ་ན། དེ་བཞིན་གཤེགས་

(༦༣༩)པ་རྣམས་ནི་ཆོས་ཀྱི་སྐུས་རབ་ཏུ་ཆེ་བ་ཡིན་གྱི་གཟུགས་ཀྱི་སྐུས་རབ་ཏུ་ཆེ་བ་མ་ཡིན་པའི་ཕྱིར་རོ། །ཞེས་དང་བཀའ་སྩལ་བ། ང་ཡི་འཁོར་ནི་རྣམ་བཞི་ཡིས། །ད་ལྟ་ང་ལ་མཆོད་བྱས་དང་། །མ་འོངས་པ་ན་དད་པ་ཡིས། །གཟུགས་བརྙན་རྣམས་ནི་མཆོད་པ་ལ། ཁྱད་པར་ཅུང་ཟད་ཡོང་མ་ཡིན། །བསོད་ནམས་མཉམ་ཞིང་རྣམ་སྨིན་མཉམ། །ཅི་སྟེ་སངས་རྒྱས་བྱིན་རླབས་ཏེ། །སོ་སོ་སྐྱེ་བོས་ཤེས་མི་འགྱུར། །དེ་ཕྱིར་སངས་རྒྱས་མ་བྱོན་པའི། །ཞིང་ན་སྐུ་གཟུགས་ཡོད་མིན་ཞིང་། །མཐའ་ཁོབ་ཀླ་ཀློ་རྣམས་ན་མེད། །བསྟན་པ་ནུབ་ན་ཡོད་མིན་ཞིང་། །མུ་སྟེགས་བྱོལ་སོང་སོགས་མི་མཐོང་། །དེ་ཕྱིར་སྐུ་གཟུགས་སྤྲུལ་པ་ཡིན། །ཞེས་གསུངས་པས་ཡོན་གྱི་གནས་ཕུལ་དུ་བྱིན་པ་བླ་ན་མཚུངས་པ་མེད་པ་ཉིད་ཀྱི་ཕྱིར། བསོད་ནམས་དང་ཡེ་ཤེས་ཀྱི་ཚོགས་རྒྱ་མཚོ་ལྟ་བུའི་ཕ་རོལ་ཏུ་སོན་པར་འདོད་པས་རྒྱུ་མཚན་ཤེས་ནས་བླ་མར་བྱ་བ་དང་། རི་མོར་བགྱིད་པའི་བློས་ཐལ་མོ་སྦྱར་བ་དང་། ཕྱག་འཚལ་བ་དང་། ཕྱག་དར་བགྱིད་པ་དང་། གདུགས་ཕུལ་བ་དང་། དྲིལ་བུ་དང་། བདན་།།།དང་། བཟའ་དང་། མེ་ཏོག་དང་། ཕྲེང་བ་དང་། མར་མེ་དང་། སྤོས་དང་། སིལ་སྙན་ཕུལ་བ་སོགས་རེ་རེ་ལའང་ཕན་ཡོན་བཅུ་ཚན་རེ་རེའི་བདག་ཉིད་ཅན་དུ་ཐོབ་པ་ལས་རྣམ་པར་འབྱེད་པའི་མདོ་ལས་གསུངས་ན། ཚོགས་བསགས་པའི་སྒོ་མཐའ་ཡས་པ་རྣམས་ཀྱི་ནང་ནས་ཁྱད་པར་དུ་གྱུར་པ་ཞིང་ཁམས་ཀྱི་མཆོད་སྤྲིན་སྤྲོ་བ་དང་། ཡན་ལག་བདུན་པའི་དགེ་ཚོགས་རིན་པོ་ཆེའི་ཕུང་པོས་ཐོག་དྲངས། བསྟན་པ་དང་སེམས་ཅན་ཡོངས་ལ་སྨན་པའི་ཐུགས་སྨོན་རྒྱ་ཆེན་པོ་ལ་འཇུག་པར་ཞུ། ཞེས་པའང་སྐུ་གཉེར་རྡོ་རྗེ་ཆོས་འབྱོར་གྱིས་བསྐུལ་བ་ལ་རྫོགས་ཆེན་པ་མཁྱེན་བརྩེའི་ལྷས་སོ། །གཏམ་ཚོགས་ལེའུ་སོ་བརྒྱད་པའོ།། །།དཔལ་རི་ཐེག་པ་ཆེན་པོའི་གླིང་གི་གཏམ། རྡོ་རྗེ་སྒྲ་མའི་རྒྱུད་མངས་ཞེས་བྱ་བ། བཅོམ་ལྡན་

(༦༤༠)འདས་དཔལ་སྣང་བ་མཐའ་ཡས་ལ་ཕྱག་འཚལ་ལོ། །འཆི་མེད་འོད་མཚན་སྟོང་དུ་འབར་བའོ་བྱོན། །མཆོ་དབུས་པདྨའི་གེ་སར་ལས་གྲོལ་བས། །སྣང་སྲིད་ཟིལ་གྱིས་གནོན་པ་སྤྲུལ་པའི་སྐུ། །བྱང་ཆུབ་སྙིང་པོའི་བར་དུ་གཙུག་ན་མཛེས། །ཡང་སྲིད་མང་པོར་བྱང་ཆུབ་མཆོག་གི་སྤྱོད་པར་གོམས་པའི་ལུས་མེད་ལམ། །མཐའ་ཡས་ཐེག་པའི་ཁྱད་ནོར་གྱིས་བསྲུངས་རིན་ཆེན་བདུན་གྱི་ཤིང་རྟ་ཅན། །ལུང་རྟོགས་ཡོན་ཏན་དྲི་མེད་འོད་ཟེར་སྟོང་དུ་འབར་བའི་གཟི་བྱིན་གྱིས། །འཛམ་གླིང་མཛེས་པའི་རྒྱན་དྲུག་མཆོག་ཀྱང་བསྙེམས་པ་མེད་པའི་གནས་ལ་སྦྱར། ཚོགས་གཉིས་རླུང་གི་ཤིང་རྟས་རབ་དྲངས་སྟོབས་བཅུའི་དཔུང་ཚོགས་ཡན་ལག་བཞི་ཡིས་འདོད་ལྷ་སྡེར་བཅས་གཡུལ་ལས་རྒྱལ། །མི་འཇིགས་རྣམ་བཞིའི་མཆེ་སྡེར་རྣོན་པོས་རྟག་ཆད་སྨྲ་བའི་རྒོལ་ངན་གླང་པོའི་ཀླད་པ་འཐུང་དང་ཆབས་ཅིག་པར། །ཇི་ལྟར་བ་དང་ཇི་སྙེད་མཁྱེན་པའི་གངས་རིར་གནས་བཅས་སྒྲིབ་གཉིས་མུན་པ་དྲུངས་ནས་འབྱིན་པའི་བརྟུལ་ཞུགས་གཟིས། །བརྒྱ་དྲག་བཅུ་ཡི་འཁོར་ལོའི་དབུས་ན་མངོན་པར་མཐོ་བ་མི་ཡི་སེང་གེ་དོན་ཀུན་གྲུབ་པས་ཤིས་བསྩོལ། །རྗོད་བྱེད་གསུང་རབ་ཡན་ལག་བཅུ་གཉིས་དཔལ་གྱི་མགུར་ནས་སྐྱུགས་པ་ལ། །བརྗོད་བྱའི་དོན་གྱི་དྲི་བསུང་དངར་འོས་མཐའ་མེད་སྲིད་ལས་ངེས་པར་འབྱིན། །འཁོར་ལོ་གསུམ་གྱི་བང་རིམ་རྨད་བྱུང་འགོག་ལམ་བདེན་པའི་རང་གཟུགས་ཅན། །དམ་པའི་ཆོས་ཀྱིས་སེམས་ཅན་ཡོངས་ཀྱི་སྙིང་ལ་འཁྱུད་པའི་དགའ་སྟོན་སྩོལ། །ངེས་འབྱུང་བློ་ལ་དག་བྱེད་ཕུང་པོར་ཐེག་གསུམ་ཆོས་ཀྱི་ལང་ཚོ་རྡོམ། ལྔར་དང་གྲོལ་བའི་ཁྱད་པར་ལྷུར་བྱེད་ལུང་རྟོགས་སྙན་པའི་མགྲིན་རྡ་འཁྲོལ། །རྣམ་བྱང་མཁའ་ལ་རིག་གྲོལ་བདེན་པས་ཡོངས་སུ་འཕུར་པའི་ཚོགས་ཀྱི་མཆོག །པད་རག་བྱེ་བའི་མདངས་ལ་ཅོ་འདྲི་འཕགས་པའི་དགེ་འདུན་ཕྱག་གི་གནས། །རིག་གསུམ་རྒྱུད་སྡེའི་ནོར་གྱིས་

(༦༤༡)ཡོངས་ཕྱུག་ཅིང་། །སྔ་འགྱུར་བསྟན་པའི་རྩ་ལག་གཅིག་པུ་ལས། །གཉིས་སུ་མ་ཡིན་ཤཱནྟ་པུ་རི་བར། །ངེས་པ་རྙེད་འདི་རྒྱལ་དབང་པདྨའི་མཐུ། །བསྟན་འགྲོར་སྨན་པའི་ཐུགས་བསྐྱེད་སྨོན་ལམ་གཞར་ཡང་ཉམས་པ་མེད་པ་དེའི། །སྙིང་སྟོབས་བཙན་པོས་གངས་རིའི་ལྗོངས་འདིར་རྒྱལ་བའི་བསྟན་པ་དྲངས་པའི་ཁུར། །འདེགས་ལ་དབང་ཆེན་གསེར་གྱི་ས་གཞི་དོགས་པས་སྐྲག་ནས་འདར་བའི་ཚུལ། །མེས་དབོན་གསུམ་གྱི་བཀའ་དྲིན་ཉིད་དོ་དྲན་པའི་མོད་ལ་བ་སྤུ་ཟིང་། །སྟོང་ཉིད་སྙིང་རྗེར་ཁྲོས་པའི་འཇོ་སྒེག་གིས། །མེ་ཏོག་གཞུ་ཅན་བསྙེམས་པ་བཅག་པའི་མོད། །གར་དགུའི་ཉམས་ཀྱིས་དཔའ་བའི་ཧེ་རི་ཀ །ཡི་དམ་ཆོས་སྲུང་རྒྱ་མཚོས་ཡོངས་སུ་སྲུངས། །འཛམ་བུ་ཆུ་བོའི་ཀླུང་གི་སུ་ཝརྞ། །བཞུ་བའི་རྡུལ་གྱིས་ལན་བརྒྱར་བྱུགས་པའི་གཟི། །དབང་པོའི་མཚོན་ཆས་བཀྲ་བའི་ལང་ཚོ་ཅན། །ངལ་བསོས་བུ་ཡིས་དགོས་འདོད་ཆར་དུ་སྙིལ། །ཞེས་ཤིས་པ་བརྗོད་པའི་དབྱངས་གནྡྷ་རྦའི་གླིང་བུའི་གདངས་སུ་ཉེ་བར་བསྒྱུར་བས་ལམ་ཡངས་པར་བྱས་ཏེ་གླེང་བར་བྱ་བ་ནི། བློ་གྲོས་དང་དབང་པོ་གསལ་ཞིང་མོས་པས་དགེ་བ་རྣམས་ཀྱི་སྙན་དུ་རྟེན་དང་བརྟེན་པ་འདི་དག་གི་གཏམ་གྱི་སྦྱོར་བ་ཉུང་ཟད་གསོལ་ན། བདག་ཅག་གི་སྟོན་པས་ཐེག་དམན་དང་རྗེས་སུ་མཐུན་པར་འཛམ་བུའི་གླིང་དུ་མཛད་པ་བཅུ་གཉིས་བསྟན་ཏེ་སངས་རྒྱས་ནས་བསྟན་པའི་སྣང་བ་རྒྱ་མཚོ་ལྟ་བུས་འཇིག་རྟེན་གྱི་མུན་པ་བསལ་བར་མཛད་པ་ཡང་ལྔ་བརྒྱའི་ཐ་མ་ལ་བྱང་ཕྱོགས་ནས་བྱང་ཕྱོགས་སུ་དར་བར་ལུང་བསྟན་པ་བཞིན། རྒྱ་གར་འཕགས་པའི་ཕྱོགས་ལས་ལྷོ་དབུས་ཧོར་གྱི་ཡུལ་དུ་ཆོས་རྒྱལ་ལུང་བསྟན་རྡོ་རྗེའི་ཕོ་བྲང་ཆེན་པོར་ཏྲནྟྲ་སྡེ་བཅོ་བརྒྱད་ཀྱི་གླེབས་བམ་ཆར་དུ་བབ་བ་དང་དུས་མཚུངས་པར་ལྷ་ཐོ་ཐོ་རི་གཉན་བཙན་གྱི་སྐུ་རིང་ལ་ཟ་མ་ཏོག་བཀོད་པའི་མདོ་ལ་སོགས་པ་ཕོ་བྲང་ཡུམ་བུ་ཀླ་སྒང་དུ་བྱུང་སྟེ་བསྟན་པའི་དབུ་བརྙེས། རྒྱལ་སྲས་ཕྱག་ན་པདྨས་བོད་བླུན་པོ་རྒྱལ་པོས་

(༦༤༢)གདུལ་བ་ལ་སྤྲུལ་པའི་རྒྱལ་པོ་སྲོང་བཙན་སྒམ་པོར་བསྟན་ནས་དམ་པ་ཆོས་ཀྱི་སྲོལ་བཏོད། བརྟན་པའི་འཁོར་ལོའི་ཟུར་ཕུད་ལ་ཐོད་ཀྱིས་བསྒྲིབས་པ་ལྷ་བཙན་པོ་ཁྲི་སྲོང་ལྡེའུ་བཙན་གྱིས་བཤད་སྒྲུབ་ཀྱི་བསྟན་པ་རྒྱས་པར་མཛད་པས་མཐའ་འཁོབ་མུན་པའི་གླིང་ཆོས་ཚིགས་ཀྱི་ཡུལ་དབུས་སུ་རང་དབང་ཉིད་དུ་བྱས་པ་ལས། རྒྱལ་བའི་ལུང་རྟོགས་ཀྱི་བསྟན་པ་རིན་པོ་ཆེ་ཕྲིན་ལས་ཀྱི་དབང་གིས་རྣམ་པ་ཐ་དད་དུ་ཤར་བ་ནམ་མཁའི་སྐར་ཚོགས་ལྟ་བུ་ལས་ལྷོ་རྒྱུད་གཡོར་བོའི་གཞུང་འདིར་ངས་གསང་རྡོ་རྗེ་ཐེག་པའི་རིང་ལུགས་འཛིན་པའི་དགེ་འདུན་གྱི་སྡེ་ཆགས་པ་ལ་སྔ་བ་དཔལ་རི་ཐེག་ཆེན་གླིང་ངེས་དོན་དགའ་བའི་ཚལ་གྱི་གཙུག་ལག་ཁང་ཆེན་པོ་འདི་ཉིད་དུས་གསུམ་མཁྱེན་པ་སློབ་དཔོན་ཆེན་པོས། འཕྱོང་རྒྱས་ནང་དུ་ང་སྤྲུལ་དོན་བྱེད་འོང་༔ སུ་ཡིན་མི་ཤེས་ཅིག་ཅར་སྨྲ་བ་འབྱུང་༔ འཕྱེ་བ་མདོ་འམ་བང་སོ་མང་པོའི་ལྷོར༔ ལྷ་བབས་མཆོད་རྟེན་སྡེ་དགོན་འཆའ་ཡང་སྲིད༔ རྟེན་འབྲེལ་གཅིག་ཏུ་པདྨ་ང་ཉིད་ཀྱི༔ སྐུ་རྟེན་གཙུག་ལག་གསོལ་བ་ཐེབས་པ་ན༔ རྒྱལ་བརྒྱུད་བསྟན་པ་ལྷོ་ནས་ལྷོ་རུ་དར༔ ཞེས་དང་། ལྷ་ཁང་རྟེན་གཙོར་པདྨ་ང་ཡི་སྐུ༔ རྒྱུ་རྐྱེན་ཕུན་སུམ་ཚོགས་པ་བཞང་བ་གཅེས༔ ཞེས་འཕུར་འགྲོའི་ཡུལ་གྱི་ཐེག་པ་འཆང་བའི་དགེ་འདུན་གྱི་སྡེ་འདི་ཉིད་ཆགས་པའི་རྟེན་འབྲེལ་གྱི་ཕོ་ཉར་ལྷ་བབས་མཆོད་རྟེན་སྔོན་དུ་ཆགས་ཤིང་། མ་སྦྱངས་ཅིག་ཅར་སྨྲ་བའི་གང་ཟག་ཐོད་རྒལ་བའང་སྔ་ཕྱིར་འགའ་ཙམ་བྱུང་ལ། དེ་ནས་ཇི་ཞིག་ན་འདི་སྐད་དུ་དཀོན་མཆོག་ཏ་ལའི་ཞུ་ལན་ལས། བང་སོ་དམར་པོའི་ཤར་མ་ལྷོ་ཡི་ཕྱོགས། །པདྨའི་སྐུ་ཚབ་བདུད་འདུལ་ཆ་ལུགས་དང་། །ལྷ་ལས་བབས་པའི་མཆོད་རྟེན་ཞིག་ཀྱང་འབྱུང་། །དགེ་འདུན་སྡེ་ཚུགས་རྟེན་འབྲེལ་ལེགས་འགྲིག་ན། །རྒྱལ་བརྒྱུད་བསྟན་པ་ལྷོ་ནས་ལྷོ་རུ་རྒྱས། །ཞེས་པའི་ལུང་བསྟན་གྱི་བདེན་པའི་རྔ་བོ་ཆེ་བརྡུང་བ་ལ་བསོད་ནམས་ཀྱི་དཔུར་པ་བླ་ན་མཐོ་བའི་བདག་པོའི་རྐྱེན་དུ་གྱུར་པ་ནི་ལུང་བསྟན་ག་བ་རྒྱ་

(༦༤༣)ཅན་ལས། ད་ལྟའི་ལྷ་སྲས་དཔལ་གྱི་འབྱུང་གནས་ནི། །ཟ་ཧོར་དཔོན་བརྒྱུད་བང་སོའི་ཕོ་བྲང་དུ། །བསོད་ནམས་མིང་ལྡན་དང་པའི་བློ་གྲོས་ཅན། །པདྨ་ང་དང་སྨོན་ལམ་དུ་མར་འབྲེལ། །རྩེ་གཅིག་གུས་པས་ང་ཡི་ཟབ་གཏེར་ལ། །རྒྱུན་དུ་སྤྱོད་པས་ལས་ལྡན་སྐལ་པ་བཟང་། །ཞེས་ལྷ་སྲས་དཔལ་གྱི་མཆོད་གནས་ཟ་ཧོར་གྱི་རྒྱལ་རིགས་ཤིང་སཱ་ལ་བ་ཆེན་པོ་ལྟ་བུའི་རིགས་སུ་བལྟམས་པ་ཧོར་བསོད་ནམས་དར་རྒྱས་ཀྱི་ཐུགས་བསྐྱེད་དང་སྨོན་པའི་རི་མོ་དགྲ་སྟའི་དུམ་བུས་ཀྱང་གཅད་དུ་མེད་པའི་འཕྲུལ་གྱི་ཤིང་རྟས་རྣམ་པར་སྣང་མཛད་གང་ཆེན་མཚོ་རིག་གྲོལ་གྱི་སྤྲུལ་པའི་སྒྱུ་འཕྲུལ་ལ་ཆགས་པ་ལོ་ཆེན་བཻ་ཙ་ན། རྔོག་ལོ་ཆེན་པོ་བློ་ལྡན་ཤེས་རབ་གཡུ་བྲག་པ་བདེ་བའི་རྡོ་རྗེ། པཎྜི་ཏ་འབུམ་ཕྲག་གསུམ་པ་ལ་སོགས་སྐྱེས་རབས་ཀྱི་ཕྲེང་བ་ཚར་དུ་དངར་བའི་མཐར་དཔལ་ཨོ་རྒྱན་ཆོས་ཀྱི་རྒྱལ་པོའི་ངེས་པ་དོན་གྱི་རྒྱལ་ཚབ་ཏུ་བཞེངས་པ་ཀུན་མཁྱེན་འགྲོ་འདུལ་གླིང་པ་པྲཛྙཱ་ར་སྨི་གཙུག་གི་ནོར་བུར་བཀུར་ནས་རང་གི་སྲས་ལ་ཀུན་ཏུ་དོན་ཡོད་པའི་བྱ་བ་ལས་ཀྱི་འཁོར་ལོའི་ཅོད་པན་བཅིངས་པ་བཞིན། ཧོར་མི་དབང་བསོད་ནམས་སྟོབས་ཀྱི་རྒྱལ་པོས་འཁོར་ལོ་གསུམ་ལ་ལྷུར་བྱེད་པའི་དགེ་འདུན་གྱི་སྡེ་འདི་ཉིད་བཙུགས། རྟེན་གཙོར་སངས་རྒྱས་གཉིས་པ་སློབ་དཔོན་ཆེན་པོའི་སྐུ་ཚབ་པདྨ་བདུད་འདུལ་དུ་གྲགས་པ་དང་། རྒྱ་གར་གྱི་ཤིང་རྟ་ཆེན་པོ་པ་རྣམས་ཀྱི་དགོངས་འགྲེལ་གྱི་གཞུང་བསྲངས་ནས་ཆོས་ཐམས་ཅད་མན་ངག་རྫོགས་པ་ཆེན་པོའི་འབྲས་བུར་སྟོན་པའི་གཞུང་ལུགས་ཤིང་རྟ་ཆེན་མོ་རྩ་འགྲེལ་ཆོས་སྦྱིན་མི་ཟད་པའི་ཕྱི་མོར་བསྒྲུབས་པས་མཚོན་སྐུ་གསུང་ཐུགས་རྟེན་བསམ་གྱིས་མི་ཁྱབ་པ་ཞིག་གསར་དུ་བསྒྲུབས་པ་ལ་མཁས་པ་ཆེན་པོ་ཀརྨ་པ་མི་བསྐྱོད་རྡོ་རྗེ་དང་། བྱེ་བྲག་ཏུ་ཆོས་ཀྱི་རྒྱལ་པོ་འགྲོ་འདུལ་གླིང་པ་ཐམས་ཅད་མཁྱེན་པ་པྲཛྙཱའི་ཞབས་ཀྱིས་ས་གཞི་ལྷག་པར་གནས་ཤིང་མངའ་གསེལ་བསྟན་པའི་ངོ་བོ་ལུང་གི་ཆོས་གསུང་རབ་ཡན་ལག་བཅུ་གཉིས་ཀྱི་གཞི་མོ་དམ་པའི་ཆོས་འདུལ་བ་ལ་ལེགས་པར་བསླབ་པའི་ཚུལ་དཔལ་མགོན་

(༦༤༤)འཕགས་པ་དབྱིག་གཉེན་གྱི་མཛོད་ལས། ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །ཞེས་གསུངས་པ་ལྟར་ཚུལ་ཁྲིམས་རྣམ་པ་གསུམ་གྱི་གོ་ཆས་བག་ཡོད་པར་བསྲུངས་ཤིང་། སྦྱངས་པའི་ཡོན་ཏན་བཅུ་གཉིས་རྒྱུད་ལ་བརྟན་པ་ངང་ཆབས་ཅིག་པར་གཞི་གསུམ་གྱི་ཆོ་གའི་ལག་ལེན་ལ་བརྩོན་པ་དང་བརྟེན་མཁས་ཀྱི་ཡོན་ཏན་ལ་བྱང་ཆུབ་པར་བསླབས་ཤིང་སྤྱོད་ཡུལ་རྣམ་པར་དག་པའི་ངོས་ནང་དུ་གསང་སྔགས་རྡོ་རྗེ་ཐེག་པའི་རིམ་པ་གཉིས་ཀྱི་རྣལ་འབྱོར་ལ་ལམ་དུ་བྱེད་པས་རྟོགས་པའི་ཆོས་ཤིས་རྒྱུད་ལ་ལྐོག་ཏུ་མ་གྱུར་པར་མངོན་དུ་བསྒྲུབ་པའི་དགེ་འདུན་གྱི་སྡེ་ཇེ་འཕེལ་དུ་གྱུར་པའི་སྐབས་ཤིག །འདོད་པའི་ལྷས་སྙིང་ལ་ཤིན་ཏུ་གནས་མལ་བཅས་པའི་ནག་པོའི་རྩ་ལག་ཇུན་གར་པས་རང་དང་རང་འདྲའི་བསྟན་པ་དེ་འཛིན་དང་བཅས་པ་ཉམས་དམས་པར་བྱས་པས་སྔོན་གྱི་དུས་ཇི་ལྟར་བསྒྲུབས་པའི་རྟེན་དང་བརྟེན་པའི་དངོས་པོ་མིང་གི་ལྷག་མ་ཙམ་དུ་ཕམ་པར་བྱས་ནའང་། དེང་གི་གནས་སྐབས་ན་མཐོང་བའི་ཆོས་སུ་གྱུར་པ་ནི། རྒྱལ་བ་སྲས་བཅས་རྣམས་ཀྱིས་དབྱིངས་ནས་དགོངས་པའི་ཐུགས་རྗེ་དང་། རྡོ་རྗེ་གདན་གྱི་དཔག་ཚད་ལྔ་བརྒྱ་ལ་སོགས་པའི་ནམ་མཁའ་ལ་འཕྱང་བའི་བསྟན་པའི་བཅས་གསུམ་གྱི་བྱིན་རླབས། ཁྱད་པར་དུ་སློབ་དཔོན་ཆེན་པོ་པདྨ་འབྱུང་གནས་ཀྱི་ཐུགས་རྗེ་དང་ནུས་པའི་རྩལ་ཤུགས་ཤིང་རྟའི་འཕང་ལོ་ལས་ཀྱང་དར་དྲགས་པས་དུས་ཀྱི་རྒུད་པ་བཅིལ་ཏེ་ཡུལ་ཁམས་བདེ་འབྱམས་སུ་གྱུར་པ་ལས། ཚ་ཟེར་གྱིས་གདུངས་པའི་པདྨོ་སླར་ཡང་དག་བྱེད་ཀྱི་སིམ་པས་སོར་ཆུད་དེ་བལྟ་ན་སྡུག་པའི་ལང་ཚོ་མཆོག་ཏུ་བརྟས་པ་ལྟར། གཙུག་ལག་ཁང་རྟེན་དང་བརྟེན་པར་བཅས་པ་འགྲོ་བའི་བསོད་ནམས་ཀྱི་ཞིངས་དམ་པར་སོར་ཆུད། དེའང་ཆོ་འཕྲུལ་རྣམ་པར་བསྟན་པ་ལས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལེགས་སོ་ལེགས་སོ། །ཀྱེ་རྒྱལ་བའི་

(༦༤༥)སྲས་དེ་བཞིན་གཤེགས་པའི་ཐབས་ལ་མཁས་པ་དང་། སེམས་ཅན་ཡོངས་སུ་སྨིན་པར་མཛད་པ་དང་། །སེམས་ཅན་རྣམས་ཀྱི་བསམ་པ་ཇི་ལྟ་བུ། ཇི་ལྟར་འདུལ་བ་དང་། དགེ་བའི་རྩ་བ་དེ་ལྟ་བུ་དང་། སེམས་ཅན་རྣམས་ཀྱི་མོས་པ་སྣ་ཚོགས་ཀྱི་སྤྱོད་པ་མཁྱེན་ནས་ཆོས་སྟོན་ཏེ། སེམས་ཅན་ཁ་ཅིག་ནི་བྱང་ཆུབ་སེམས་དཔས་འདུལ། ཁ་ཅིག་ནི་ཉན་ཐོས་ཀྱིས་འདུལ། ཁ་ཅིག་ནི་རང་སངས་རྒྱས་ཀྱིས་འདུལ། ཁ་ཅིག་ནི་ལྷས་འདུལ། ཁ་ཅིག་ནི་བརྒྱ་བྱིན་གྱིས་འདུལ། ཁ་ཅིག་ནི་ཚངས་པས་འདུལ། ཁ་ཅིག་ནི་ཀླུས་འདུལ། ཁ་ཅིག་ནི་རྫུ་འཕྲུལ་ཆེན་པོས་འདུལ། ཁ་ཅིག་ནི་རྒྱལ་པོས་འདུལ། ཁ་ཅིག་ནི་ཏིང་ངེ་འཛིན་གྱིས་འདུལ། ཁ་ཅིག་ནི་ཆོས་ཉན་པས་འདུལ། ཁ་ཅིག་ནི་ཆོ་འཕྲུལ་གྱིས་འདུལ། ཁ་ཅིག་ནི་དེ་བཞིན་གཤེགས་པ་མྱ་ངན་ལས་འདས་པས་འདུལ། ཁ་ཅིག་ནི་རིང་བསྲེལ་གྱིས་འདུལ། ཁ་ཅིག་ནི་མཆོད་རྟེན་བྱེད་དུ་འཇུག །གཙུག་ལག་ཁང་དང་། སྐྱེད་མེས་ཚལ་བྱེད་དུ་གཞུག་པའི་དགེ་བའི་རྩ་བ་ལ་སྤྲོ་བ་བསྐྱེད་པས་འདུལ། ཁ་ཅིག་ནི་སྐུ་གཟུགས་བྱེད་དུ་གཞུག་པ་དང་། རི་མོ་དང་། གསེར་དང་། དངུལ་དང་། ར་གན་གྱིས་སྐུ་གཟུགས་བྱེད་དུ་གཞུག་པའི་དགེ་བའི་རྩ་བ་ལ་སྤོ་བ་བསྐྱེད་པས་འདུལ། ཁ་ཅིག་ནི་དགེ་སློང་གི་དགེ་འདུན་ལ་མཆོད་པ་དང་བཀུར་སྟི་བྱ་བའི་དགེ་བའི་རྩ་བར་སྤྲོ་བ་བསྐྱེད་པས་འདུལ། ཁ་ཅིག་ནི་མདོ་སྡེ་འདྲི་བ་དང་། འབྲིར་གཞུག་པ་དང་། བཀླག་པ་ལ་སྤྲོ་བ་བསྐྱེད་པས་འདུལ། ཁ་ཅིག་ནི་མར་མེ་དང་། སྤོས་དང་། མེ་ཏོག་དང་། དྲི་དང་། ཕྲེང་བ་དང་། དོ་ཤལ་ལ་སོགས་པས་བརྒྱན་པ་ལ་སྤྲོ་བ་བསྐྱེད་པས་འདུལ་བ་ཡིན་ཏེ་དོན་དམ་པ་མཁས་པའི་ཆོས་དང་ལྡན་པ་དང་། མྱ་ངན་ལས་འདས་པའི་ཆོས་དང་ལྡན་པ་ནི་མ་ཡིན་ནོ། །ཞེས་གསུངས་པ་ལྟར། མདུན་གཙོར་བཞུགས་པའི་བཅོམ་ལྡན་འདས་གཟུགས་ཀྱི་རྒྱལ་པོ་རྣམ་པར་སྣང་མཛད་སྐུ་རྒྱུ་ཆོས་རྒྱལ་ལི་མ་ལས་གྲུབ་པ་འདི་སྔོན་གྱི་ཚེའུ་ཤང་རྡོའི་ལྷ་ཁང་

(༦༤༦)གི་རྟེན་གཙོ་ལས་ཀྱང་བ་བར་སྐབས་སུ་གཙང་རོང་ཚ་མིག་གི་གཙུག་ལག་ཁང་དུ་བཞུགས་པའི་བྱིན་རླབས་ཤིན་ཏུ་ཆེ་བར་གྲགས་པ་ལས། འཇིག་རྟེན་གྱི་འབྱོར་རྒུད་སྲང་མདའི་མཐོ་དམན་ལྟ་བུར་རྟག་ཏུ་མི་བཟོད་པ་དང་། བསྟན་པའི་གནས་ཚུལ་ཡང་ལ་ལན་འགྲིབ་པ། ལ་ལན་འཕེལ་བའི་ཆོས་ཉིད་ཅན་དུ་དེས་ཕྱིར་ཡུལ་དབུས་ཀྱི་སའི་ཆར་རིམ་པར་སྤྱན་དྲངས་ཏེ་བཞུགས་སུ་གསོལ་ནས་བདག་ཏུ་ལྟ་བ་ལ་གོམས་ཤུགས་ཤིན་ཏུ་བརྟས་པའི་བྱིས་པ་སོ་སོ་སྐྱེ་བོའི་སྡེ་ཚན་གྱིས་རང་དབང་དུ་བྱེད་པའི་གཉེར་ཀ་དང་། དེ་བཞིན་དུ་ཙཱ་རིའི་ཞིང་སྐྱོང་ཀུན་དགའ་གཞོན་ནུ་དང་རྒྱུད་གཅིག་བར་གྲགས་པའི་འཇིག་རྟེན་གྱི་དྲགས་པ་མཐུ་བོ་ཆེས་མལ་ཚེ་བྱེད་བཞིན་པར་བཞུགས་པའི་གནས་སྐབས་ཤིག་ན་ཁོ་བོའི་འགྲོ་དོན་དཔལ་གྱི་རི་བོར་ཆེ། ཞེས་པའི་གསུང་ལན་མང་དུ་བྱོན་པ་ རྒྱ་དམན་ལྡན་མ་བ། བརྟེན་གནས་གཞི་འདིར་གདན་དྲངས་པ་ནི་དཔྱོད་ལྡན་རྣམས་ཀྱིས་འདི་ལྟར་རྟོགས་པར་གྱིས་ཤིག །གནས་དགོན་འདི་གང་ལ་བརྟེན་ ནག་པོ་ཁྲག་རལ། ནས་ཆགས་ན་སྤྲུལ་པའི་གཏེར་སྟོན་ཆེན་པོ་ཐམས་ཅད་མཁྱེན་པ་འགྲོ་འདུལ་གླིང་པ་ཞེས་གྲགས་པ་དོན་དང་ལྡན་པའི་སྐྱེས་བུ་དེ་ཉིད་ཀྱི་ཐུགས་བསྐྱེད་དང་སྨོན་པའི་མཐུ་གཅིག་པུ་ཉིད་ལས་གཞན་དུ་མ་ཡིན་ལ། བདག་ཉིད་ཆེན་པོ་འདི་ནི་ལོ་ཙཱ་བ་ཆེན་པོ་བཻ་རོ་ཙ་ནའི་སྤྲུལ་པར་བསྙོན་དུ་མེད་པས་ན། བཻ་རོའི་སྤྲུལ་གཞི་རྣམ་སྣང་གང་ཆེན་མཚོར་ངེས་པའི་ཕྱིར་གང་ལ་བརྟེན་ནས་དའི་བསྟན་པ་དང་འབྲེལ་བའི་རྟེན་འབྲེལ་གྱི་སྒོ་བླ་ན་མེད་པ་ཉིད་ཀྱིས་སྟོན་པ་ཕུན་སུམ་ཚོགས་པའི་ངོ་བོར་བྱོན་པ་ཡིན་ལ། རྒྱུ་མཚན་དེས་ནག་པོའི་རྩ་ལག་ཇུན་གར་བས་གནས་གཞི་འདི་མ་རུངས་པར་བྱས་པའི་ཚེ་འཕྱིང་དབར་ལྟག་རྩེར་གདན་དྲངས་པ་ནའང་སྤྱན་ལས་མཆི་མ་ཐོན་ཞིང་ཁྱོགས་ལ་ཤིན་ཏུ་འདེགས་དཀའ་བ་སོགས་བྱུང་། ཕྱིན་ཆད་དགོན་སྡེ་ཚུགས་ནས་གཙང་ཁང་འདིར་སྤྱན་འདྲེན་པའི་ཚེ་ཤ་ཐང་པའི་ངལ་བ་ལ་མ་ལྟོས་པར་བདེ་བླག་དུ་སྤྱོན་བདེ་བ་སོགས་མདོར་ན་རྒྱུ་དངོས་ཡེ་ཤེས་ཀྱི་བཟི་

(༦༤༧)བྱིན་མཐའ་ཡས་པའི་སྒོ་ནས་ཁྱད་དུ་འཕགས་པར་གཙུག་ལག་ཁང་འདིའི་ཡིད་བཞིན་ནོར་བུ་གཅིག་ཏུ་བཞུགས་པའི་གཡས་གཡོན་དུ་རྫོགས་ཆེན་རང་བྱུང་རྡོ་རྗེ་མཁྱེན་བརྩེའི་ལྷས་སྔ་འགྱུར་བསྟན་པའི་རྩ་ལག་ཏུ་བསྐྲུན་པ་རྒྱུད་འབུམ་རིན་པོ་ཆེ་བོད་ཉི་ཤུ་རྩ་ལྔ་དང་། རྟེན་གཙོ་རྣམ་སྣང་ལ་དངུལ་སྲང་བརྒྱ་ཕྲག་གི་རྒྱུ་ཚོགས་ལས་གསེར་ཟངས་ཀྱི་ཕྲོག་ཞུ་ཕྲ་ཐུལ་ལེགས་པ། རྒྱལ་བའི་བཀའ་འགྱུར་རོ་ཅོག་དབུ་ཤོག་གསེར་བྲིས་བཟང་གོས་ཀྱི་ཞལ་ཁེབས་དང་བཅས་པ། སྐུ་རྟེན་ཕྱོགས་བཅུའི་སངས་རྒྱས་ལྡེམ་སྐུ་འདུས་པ་མདོའི་དཀྱིལ་འཁོར་ཆེན་པོར་རབ་ཏུ་གནས་པ་བྱིན་རླབས་ཅན། བསྐལ་པ་བཟང་པོའི་སྒྲོན་མེ་བཞི་པ། ཨོ་རྒྱན་སངས་རྒྱས་གཉིས་པའི་སྣང་བརྙན། ཀུན་མཁྱེན་པྲཛྙཱའི་ཞབས་ཀྱི་ཟངས་སྐུ་བྱིན་ཅན་འདི་གསུམ་དགོན་སྡེ་དང་པོར་ཆགས་པའི་རྟེན་སྐལ་གྱི་ཚུལ་འཕྱོང་རྒྱས་ཞབས་དྲུང་ནས་བཞེངས་པས་མཚོན་རིང་མོ་ཉིད་ནས་ནང་རྟེན་དུ་བཞུགས་པའི་སངས་རྒྱས་བྱང་སེམས་ཡི་དམ་ཞི་ཁྲོའི་སྣང་བརྙན་བི་མ་དང་གསེར་ཟངས་ཀྱི་གྲལ་རིམ། སྤྱིར་དོན་གྱི་སླད་དུ་མཚན་ནས་སྨོས་པ་རྗེ་བཙུན་གཏེར་ཆེན་ཆོས་ཀྱི་རྒྱལ་པོ་འགྲོ་འདུལ་གླིང་པའི་བསྟན་པ་ལ་རབ་ཏུ་བྱུང་ཞིང་གསུང་གི་རྒྱུད་ལས་སྐྱེས་པ་སྔ་ཕྱིར་བྱོན་པ་རྣམས་ཀྱི་ཐུགས་བསྐྱེད་དང་སྨོན་ལམ། སྔོན་གོམས་ཀྱི་ལས་འཕྲོ་བཟང་པོས་སྡེ་འདི་ཉིད་སོར་ཆུད་པར་མཛད་པ་ལས། རིག་འཛིན་ཐུགས་མཆོག་རྡོ་རྗེ་ཞེས་དགེ་སློང་ནམ་མཁའི་སྙིང་པོ་དང་། ལྡན་མ་རྩེ་མང་ཟུང་འཇུག་གི་སྤྲུལ་པའི་ཟློས་གར་དུ་ལུང་གིས་ཟིན་ཅིང་། དཔལ་ཨོ་རྒྱན་རྡོ་རྗེ་འཆང་གི་ཟབ་རྒྱའི་གསང་མཛོད་འཛིན་པའི་སྐྱེས་བུ་དེས་ཡོན་སྦྱར་ཏེ་རྟེན་གྱི་གཙོ་བོ་སྐུ་ཚབ་རིན་པོ་ཆེ་ངོ་བོ་སྐུ་གསུམ་རིགས་ཀུན་འདུས་པའི་བདག་ཉིད་པདྨ་གུ་རུ་ལ་གནས་དུས་ཀྱི་དབང་ལས་ཨོ་རྒྱན་ནོར་ལྷ་ཁྲོ་འཛུམ་སྒེག་པའི་རྣམ་པར་བརྗིད་པས་འཇིག་རྟེན་ཐམས་ཅད་ཀྱི་རྒུན་བ་སེལ་བའི་ཡོན་ཏན་གྱིས་ཕྱུག་ཅིང་མཐོང་ན་མི་མཐུན་པ་མེད་པའི་བཟོ་སྒྲོས་སུ་བྱོན་པ་ལ་རིག་འཛིན་བླ་མ་གྲུབ་པའི་ཁྱུ་མཆོག་ཆེན་པོ་དེ་ཉིད་ཀྱི་སྲོག་ཤིང་ལ་སོགས་པའི་གཟུངས་ཀྱི་བྱ་བ་ཐམས་ཅད་ཁ་ན་མ་ཐོ་བའི་རྐྱེན་

(༦༤༨)གྱིས་བརྫི་བ་མེད་པར་ཕྱག་བསྟར་མཛད། ཐུབ་པའི་དབང་པོ་དང་། གསེར་ཐུབ་ཀྱི་འཕེལ་གདུང་བཅུ་ཕྲག་རེ་རེ། སྔ་ཕྱིར་བྱོན་པའི་གཏེར་བྱོན་གྱི་དམ་རྫས་བགྲང་བར་དཀའ་བ་དང་། ཁྱད་པར་དུ་གུ་རུ་རིན་པོ་ཆེའི་ཟབ་ཕོད། དབུ་ལོ། བྱང་སེམས་དཀར་དམར་གྱི་ཆ་ཤས་བདེ་སྟོང་ཡེ་ཤེས་ཀྱི་རིལ་བུ་ཨ་ཐམ་མ་དང་། ཧྲཱིརྒྱ། རྒྱ་བོད་ཀྱི་པཎ་གྲུབ་སྐྱེས་ཆེན་དམ་པ་རིས་སུ་མ་ཆད་པའི་གདུང་དང་སྐུ་བལ་གྱི་རིང་བསྲེལ་ཤིན་ཏུ་མང་བ་དང་ཆབས་ཅིག་པར། ཐེག་པ་གསུམ་དང་རྒྱུད་སྡེ་དྲུག་གི་ཆོས་སྐུའི་རིང་བསྲེལ་བསམ་གྱིས་མི་ཁྱབ་པས་ཕྱུར་བུར་གཏམས་ཤིང་། གཡས་གཡོན་གྱི་གྱང་ལོགས་ལ་འཇའ་སྤྲིན་འོད་ཀྱི་འཁོར་ལོའི་ནང་ཁོངས་སུ་དེ་བཞིན་གཤེགས་པ་སུམ་ཅུ་སོ་ལྔས་མཚོན་པའི། བསྟན་གཙོའི་སྣང་བརྙན་སོ་སོར་སངས་རྒྱས་གསེར་ཐུབ་ཀྱི་འཕེལ་གདུང་རེའི་ནང་གཟུངས་དང་བཅས་པ་བཞུགས་སུ་གསོལ་བ་ལ། ཡེ་ཤེས་གཟིགས་པའི་སྐྱེས་བུ་དམ་པ་རྣམས་ཀྱིས་བྱ་བ་ལས་ཀྱི་འཁོར་ལོས་བསྐྱེད་བསྲིངས་པའི་རྟེན་ལ་རབ་གནས་རང་བཞིན་གྱིས་ཆགས་པ་ཆོས་ཉིད་ཡིན་པའི་སྟེང་། བཅོམ་ལྡན་འདས་དེ་བཞིན་གཤེགས་པ་རྡོ་རྗེ་མི་བསྐྱོད་པ་དང་། རྟག་པ་ཧེ་རུ་ཀ་ལ་སོགས་པ་རིགས་ཀྱི་རྒྱལ་པོ་ཡོངས་རྫོགས་འདུས་པ་རྒྱལ་བ་ཞི་ཁྲོའི་དཀྱིལ་འཁོར་ཆེན་པོར་རབ་ཏུ་གནས་པས་བལྟར་མི་བཟོད་པའི་གཟི་བྱིན་གྱིས་དཔལ་དུ་འབར་ཞིང་འགྲོ་བ་ལྷ་དང་བཅས་པའི་ཉེར་འཚོ་དམ་པར་ལྷུན་ཆགས་པའོ། །དེ་ནས་རིང་པོ་མ་ལོན་པའི་གནས་སྐབས་ན་དམ་པ་དེ་ཉིད་ཞི་བ་ཆེན་པོའི་གྲོང་ཁྱེར་དུ་གཟིམས་པའི་དགོངས་རྫོགས་སུ་དངོས་ཅག་དང་སློབ་མ་འགྱུར་བ་རྣམས་ནས་སྒོ་གསུམ་གྱིས་བརྩོན་པ་ཆེན་པོའི་སྲི་ཞུ་མི་ལྷོད་པས་ཀུན་ནས་བསླངས་ཤིང་། ཁྱད་པར་དུ་སྐུ་གསུང་ཐུགས་ཀྱི་རྟེན་བཞེངས་ཀུན་གྱི་མདོ་དོན་གཟུངས་འབུལ་དང་རབ་གནས་ཀྱི་བྱ་བ་ཁོ་ན་ལ་རག་ལུས་པ་ཉིད་དུ་ངེས་ན། དེའི་གནས་ལ་བློ་གྲོས་ཀྱི་སྣང་བ་མུན་པའི་གཟེབ་ལས་གྲོལ་བའི་རྫོགས་ཆེན་པ་རང་བྱུང་རྡོ་རྗེ་འཇིགས་མེད་གླིང་པས་སྲོག་ཤིང་གིས་མཚོན་གཟུངས་ཀྱི་བྱ་བ་དང་བྱེད་པ་ཐམས་ཅད་སློབ་དཔོན་ཆེན་པོ་ཀླུ་སྒྲུབ་ཞབས་དང་།

(༦༤༩)ཇོ་ཏ་རིའི་རྒྱ་གཞུང་ལ་བརྟེན་ནས་ཁུར་དུ་བཟོད་པར་མཛད་ཅིང་དེའི་ཡན་ལག་ཏུ་དགེ་འདུན་འདུ་བ་དང་། སྔགས་སྡེ་སྤེལ་བའི་བཅའ་གཡང་ཉམས་སུ་བསྟར་བའི་རྟེན་འབྲེལ་མངོན་དུ་གྱུར་པའི་གཟུགས་སྐུའི་སྣང་བ་ཇི་ལྟར་བྱོན་པ་ནི། གཡས་ཕྱོགས་ན་གངས་རིའི་ཁྲོད་དུ་དམ་པའི་ཆོས་འདུལ་བའི་བསྟན་པ་རིན་པོ་ཆེ་འབྱུང་བའི་རྩ་ལག་དམ་པར་གྱུར་ཅིར་དབུ་མ་རང་རྒྱུད་པའི་པཎྜི་ཏ་ཆེན་པོ་མཁན་ཆེན་ཞི་བ་འཚོ། གཡོན་ཕྱོགས་ན་ལྗོངས་འདིར་རྒྱལ་བའི་བསྟན་པ་རིན་པོ་ཆེ་མགྲོན་པོར་འབོད་པ་ལ་ཆོས་རྒྱལ་མྱ་ངན་ན་མེད་ཀྱི་བརྟུལ་ཞུགས་འཛིན་པ་ལྷ་བཙན་པོ་ཁྲི་སྲོང་ལྡེའུ་བཙན། གཡས་གཡོན་དུ་དབང་པོ་བཞི་གནས་སུ་དག་པའི་ངོ་བོ་བྱང་ཆུབ་སེམས་དཔའ་བྱམས་པ། སྒྲིབ་པ་རྣམ་སེལ་འཇམ་དཔལ། ཕྱག་ན་རྡོ་རྗེ་སྟེ་ཕྱིའི་སེམས་དཔའ་བཞི། རྣམ་པར་ཤེས་པ་བཞི་གནས་སུ་དག་པའི་ངོ་བོ་ནམ་མཁའི་སྙིང་པོ། ས་སྙིང་། སྤྱན་རས་གཟིགས། ཀུན་ཏུ་བཟང་པོ་སྟེ་ནང་གི་སེམས་དཔའ་བཞི་རྣམས་ལས་ཉེ་བའི་སྲས་བརྒྱད། གང་གིས་བྱང་ཆུབ་ཆེན་པོར་ཐུགས་བསྐྱེད་པའི་ཚེ་རང་གི་མཚན་ཙམ་ཐོས་པས་ཀྱང་ལས་དང་སྒྲིབ་པ་ཟད་པར་སྨོན་ལམ་བཏབ་པའི་བཅོམ་ལྡན་འདས་རྡོ་རྗེ་སེམས་དཔའ་རྣམས་ཏེ་འདི་རྣམས་ཀྱི་ནང་བཞུགས་ཀྱི་གཙོ་བོ་རིང་བསྲེལ་རྣམ་པ་བཞི་ལས་ཆོས་སྐུའི་རིང་བསྲེལ་རྣམས་སྲོག་ཤིང་གི་ངོས་ལ་ཐེག་པ་དང་རྒྱུད་སྡེའི་གོ་རིམ་མ་འཆོལ་བར་བཞུགས་སུ་གསོལ། ཀུན་ལ་དེ་བཞིན་གཤེགས་པའི་འཕེལ་གདུང་དང་ཐབས་ཤེས་བདེ་སྟོང་གི་རིལ་བུ་ཨ་རྒྱ་ཅན་རེ་རེ། གཞན་རྒྱ་བོད་ཀྱི་སྐྱེས་ཆེན་པཎ་གྲུབ་མང་པོའི་གདུང་དང་སྐུ་བལ་གྱི་རིང་བསྲེལ་ཟློས་ཀྱིས་མི་ལང་བས་ཕྱུར་བུར་གཏམས། ཁྱད་པར་བརྟེན་པའི་རང་བཞིན་འདི་དག་གང་གིས་ཐུགས་བསྐྱེད་ལས་གྲུབ་པའི་བདག་པོའི་རྐྱེན་དུ་གྱུར་བ་གྲུབ་དབང་བླ་མ་མཆོག་གི་སྣང་བརྙན་འདིའི་ཐུགས་ཀ་ན་སློབ་དཔོན་ཆེན་པོའི་སྐུ་ཚང་སྲིན་ཐོད་མ་ཁྱད་པར་ཅན་ཞིག་བཞུགས་ཡོད་པས་བྱིན་རླབས་མཆོག་ཏུ་ཆེ་བ་ཡིན་ནོ། །རྟེན་བཞེངས་གྲུབ་པའི་དེ་མ་ཐག་པར་ཕྱི་ནང་གཞན་གསུམ་རྟེན་འབྲེལ་གནང་གཅིག་པའི་ཉེ་རྒྱུ་ལས། སྣང་བ་དང་སྲིད་པའི་ཆོས་སུ་གྱུར་ཏོ་ཅོག་གཟུང་འཛིན་ཟ་བྱེད་དབུ་མའི་གྲོང་ཁྱེར་གཅིག་ཏུ་ཤར་བའི་ལྟོ་བར་བྱང་ཆུབ་ཀྱི་སེམས་རིན་པོ་ཆེ་རྣམ་པར་དག་པ་ནི་རྡོ་རྗེ་ཐེག་པའི་ཉེ་ལམ་རྣམས་ཀྱིའང་

(༦༥༠)བསྒྲུབ་བྱའི་མཐར་ཐུག་པ་ཡིན་ལ། དེའི་ངང་ཚུལ་བླ་ན་མེད་པ་ནི་འདིའོ་དེས་འཇིག་རྟེན་ཡོངས་ལ་མཚོན་པར་བྱ་བའི་བྱེད་པ་པོ་ཟླ་བ་ལ་དུས་མེ་འཇུག་པའི་སྦྱོར་བ་རྩོམ་པ་དང་ཆབས་ཅིག་པར་ལྷག་པ་ཡེ་ཤེས་ཀྱི་འཁོར་ལོ་དམ་ཚིག་སེམས་དཔའི་ཐུགས་ཀར་བཅུག་པས་རབ་གནས་རང་བཞིན་གྱིས་ཆགས་པའི་རྟེན་འབྲེལ་དུ་གྱུར་ཏོ། །གཞན་ཡང་ལྷ་བཙུན་ནམ་མཁལ་འཇིགས་མེད་ཉེ་རྒྱུའི་སྤྱོད་པ་ལ་གཤེགས་སྐབས་ཀྱི་དམ་ཚིག་གི་ཁ་ཊྭཱཾ་ཀ །གནས་བརྟན་འདུལ་བ་འཛིན་པ་ཀུན་བཟང་འོད་ཟེར་གྱི་གཤེགས་རྟེན་ལ་བཞེངས་པའི་དུས་གསུམ་སངས་རྒྱས་རྣམས་དང་། གཙུག་ལག་མཁང་ལྟེ་བར་གྱང་རིས་ཀྱི་ཚུལ་དུ་བཞུགས་པ་ནི། དགོན་སྟེ་འདི་ཉིད་ཀྱི་མེ་ཏོག་ཕོག་པའི་ལྷ་སྐལ་དུ་གྱུར་པ་གྲོལ་ཐིག་རིག་འཛིན་གྱི་ལྷ་ཚོགས་དང་། གཏེར་ཁ་གོང་འོག་གཉིས་སུ་མེད་པའི་ཁྱད་གཏེར་ཆེན་པོ་བླ་མ་གསང་བ་འདུས་པ་གཙོར་གྱུར་ལ་འདོད་ལྷ་སྣ་ཚོགས་མགྲོན་ཐབས་སུ་བཀོད་པ་གུང་གི་ཆ་ལ་བཞུགས་ཤིང་། མགོན་ཁང་སྒོ་གདོང་ན་རྡོ་རྗེ་གཤོག་རྒོད་མའི་སྣང་བརྙན། གཡས་ཕྱོགས་ལ་བསྒྲུབ་ཆེན་བཀའ་བརྒྱད་བདེ་གཤེགས་འདུས་པའི་དཀྱིལ་འཁོར་གྱི་འཁོར་ལོ་ཆོས་སྐྱོང་སྲུང་མའི་མགྲོན་ཐབས་དང་བཅས་པ། གཡོན་ཕྱོགས་ན་བླ་མ་དགོངས་པ་འདུས་པ་ཞི་ཁྲོ་ཡོངས་རྫོགས་ཀྱི་སྣང་བརྙན། ཡས་གཟིགས་རྣམས་ལ་འཇམ་དཔལ་དུས་དགྲའི་དབང་པོ་ནག་པོ་སུམ་སྒྲིལ་གྱི་ལྷ་ཚོགས་དང་། བཅོམ་ལྡན་འདས་དཔལ་རྡོ་རྗེ་ཕུར་པའི་དཀྱིལ་འཁོར་རྣམ་པ་གསུམ་གྱི་འཆར་གཞི་དང་བཅས་པ་རྣམས་རང་བཞིན་སྤྲུལ་པའི་ཞིང་དང་། ཁྱད་པར་དབུས་ཕྱོགས་མེ་རི་འབར་བའི་ངོ་མཚར་གྱི་བཀོད་པ་ཆུ་བུར་དང་བཅས་པའི་མིག་གི་གྲོང་ཁྱེར་ག་ལ་བར་བདེ་བླག་ཏུ་འཇུག་པའི་བྱེད་པ་པོར་གྲུབ་བོ། །སྒོ་གདོང་ན་དགེ་བསྙེན་ཆེན་པོ་རྡོ་རྗེ་ལེགས་པ་ཞེས་མཐུ་སྟོབས་ཀྱི་རུ་མཚོན་དུས་ཀྱི་མེ་ལྕེ་ལས་ཀྱང་ཤུགས་དྲག་པ་དེ་ཉིད་དགོན་གནས་སྡེ་དང་བཅས་པའི་མེ་ལ་ཚེ་ལ་རིངས་པའི་ཚུལ་གྱིས་བཞུགས་ཤིང་། སྒོ་ཁང་གཡས་གཡོན་འཇིག་རྟེན་སྐྱོང་བ་སྡེ་དང་བཅས་པས་ལེགས་པར་བསྲུངས་པའི་ནང་ཁོངས་སུ་གནས་བརྟན་འདུ་བར་འཛིན་པས་མནྟ་བྷ་དྲ་རྣམ་གཉིས་ཀྱི་དང་བརྩོན་དང་སྙིང་སྟོབས་རྦད་དུ་བྱུང་བས་བསྒྲུབས་པའི་ཆོས་དཀོན་མཆོག་ཡི་གེའི་རྣམ་ཆར་ཤར་བ་སྟོན་པ་བདེ་བར་གཤེགས་པའི་ལུང་གི་ཆོས་འཁོར་ལོ་གསུམ་དང་

(༦༥༡)རྒྱུད་སྡེ་བཞིའི་ངེས་འབྱེད་འགོག་ལམ་གྱི་བདེན་པའི་ངོ་བོར་རྣམ་པ་ཉི་ཤུས་བྱང་ཆུབ་པའི་བདག་ཉིད་ཅན་བཀའ་འགྱུར་རིན་པོ་ཆེ་ཚལ་བ་མའི་རྗེས་སུ་འབྲངས་པ་དང་། དེའི་གནས། ཟབ་བ། བརླིང་བ། དཀྱེལ་ཆེ་བ། གཅིག་ལས་དུ་མ་དང་། དུ་མ་ལས་གཅིག་ཏུ་འཆར་བཟོད་པའི་དཀའ་བའི་གནས་རྣམས་སེམས་ཅན་གྱི་མོས་པ་དང་འཚམས་པར་འཛམ་བུའི་གླིང་མཛེས་པར་བྱེད་པའི་རྒྱན་དྲུག་གམ་མཆོག་བརྒྱད་ལ་སོགས་པའི་པཎ་གྲུབ་རྣམས་ཀྱིས་དོན་བཟང་པོ། ཚིག་།།ཐང་པོ། མ་འདྲེས་པ་ལ་སོགས་མདོར་ན་འཆོས་སྐྱོབ་གཉིས་ཀྱི་ཡོན་ཏན་དང་ལྡན་པར་བཀྲལ་བའི་བསྟན་འགྱུང་རིན་པོ་ཆེ། དགེ་འདུན་འདུས་པའི་དབུས་ན་ལྷམ་མེར་མཛེས་པ་ཡིན་གསེང་གཡབས་གུང་གི་ཆའི་སྡེབས་བྲིས་ལ་བཅོམ་ལྡན་ཐུབ་པའི་དབང་པོ་ལ་གཡས་གཡོན་དུ་སངས་རྒྱས་སུམ་ཅུ་སོ་ལྔས་མཛེས་པ། ཕན་ཚུན་གཉིས་ལ་ཤཱཀྱ་ཐུབ་པའི་བསྟན་པ་ལ་བསྐལ་པའི་བར་དུ་བྱ་བ་ལྷག་པར་བྱས་པ་འཕགས་པའི་གནས་བརྟན་ཆེན་པོ་བཅུ་དྲུག །ལྷ་མགྲོན་དུ་དགོན་སྡེ་འདི་ཉིད་ཀྱི་རིགས་ཀྱི་ཅོད་པན་སྤྲུལ་པའི་གཏེར་སྟོན་རེན་པོ་པྲཛྙཱའི་ཞབས་གདུང་རབས་བརྒྱུད་མར་བཀའ་དྲིན་གཞལ་གྱིས་མི་ལང་བའི་བསྟན་པའི་སྦྱིན་བདག་ཆེན་པོ་ཟ་ཧོར་རིགས་ཀྱི་མྱུ་གུ་གསར་པ་རྒྱལ་དབང་ལྔ་པ་ཆེན་པོ་དང་། གང་གི་ཡབ་མེས་འཕྱོང་རྒྱས་ཞབས་དྲུང་ཧོར་བསོད་ནམས་དར་ཞིང་རྒྱས་པའི་ཉིན་བྱེད། སྔགས་རྒོད་ལོག་ཏྲི་པཱ་ལ། རྟ་མགྲིན་དྲེགས་པ་ཟིལ་གནོན། དེ་དག་དང་ཤིན་ཏུ་ཉེ་བར་གྲུབ་བརྒྱ་ལྷ་ཁང་གྱང་རིས་རྣམ་འགྱུར་བདེ་བ་དང་བཅས་པས་མཛེས་པར་བྱས་སོ། །གཙུག་ལག་ཁང་གི་སྟེང་ན་སྤྲུལ་པའི་སྐུ་ངག་དབང་བློ་བཟང་པདྨའི་དགོངས་རྫོགས་སུ་བཞེངས་པའི་བླ་མ་ལྷ་ཁང་གི་རྟེན་གཙོར་དཔལ་ཨོ་རྒྱན་ཆོས་ཀྱི་རྒྱལ་པོའི་སྣང་བརྙན། གཡས་གཡོན་དུ་རྒྱུད་ལུང་མན་ངག་གསུམ་གྱི་བསྟན་པའི་འབྱུང་ཁུངས་རྒྱ་གར་གྱི་རིག་འཛིན་བརྒྱད། སྤྲུལ་སྐུ་རིན་པོ་ཆེ་དེ་ཉིད་ཀྱི་སྣང་བརྙན་དང་བཅས་པ་རིང་བསྲེལ་རྣམ་པ་བཞིས་བྱུར་བུར་གཏམས་ཤིང་། བྱེ་བྲག་ཏུ་རྟེན་གཙོའི་ནང་གཟུངས་ཀྱི་གཙོ་བོར་རྒྱུད་སྡེ་རབ་འབྱམས་ཀྱི་གསང་བ་འཛིན་པ་ཆེན་པོ་བྱང་ཆུབ་སེམས་དཔའ་རྡོ་རྗེ་ཆོས་ཀྱི་སྣང་བརྙན་རྡོ་རྗེའི་འདག་པ་ཀླུ་འཇིམ་ལས་གྲུབ་པ་ཁྱད་པར་ཅན་བཞུགས་པས་བྱིན་རླབས་མཆོག་ཏུ་ཆེ་བ་ཡིན་ལ། གྱང་རིས་གུང་གི་ཆ་ལ་རྒྱལ་བ་རིགས་ལྔ། གཡས་ཕྱོགས་སུ་གུང་ཐང་ལ་ཁར་ལྷ་སྲས་རྗེ་འབངས་ལ་སྩལ་བའི་བསམ་པ་ལྷུན་གྲུབ་མ་ཡིད་བཞིན་ནོར་བུ་ལྟ་བུའི་མན་ངག་བཅུ་གསུམ་དང་། གཡོན་ཕྱོགས་ན་དཔལ་ཨོ་

(༦༥༢)རྒྱན་ཆེན་པོའི་རྣམ་ཐར་བསྡུས་པ་སིནྡྷུ་རྒྱ་མཚོ་མའི་ཞིང་བཀོད། སྒོ་གདོང་གཡས་གཡོན་ན་སངས་རྒྱས་སུམ་ཅུ་སོ་ལྔ་མཚན་དང་དཔེ་བྱེད་རྒྱ་མཚོའི་དཔལ་དུ་འབར་ཞིག །དེ་ལྟ་བུའི་རྟེན་དང་བརྟེན་པའི་རང་བཞིན་སྡེ་རིས་དཀོར་ཆ་དང་བཅས་པ་བསྲུངས་ཤིང་ཚར་གཅོད་རྗེས་འཛིན་གྱི་ཕྲིན་ལས་ལ་མངའ་བརྙེས་པའི་དམ་ཅན་ཆོས་སྐྱོང་རྣམས་ཀྱི་ཕོ་བྲང་རབ་ཏུ་རྔམས་པས་རླུང་ལྷའི་ཕྱོགས་མཛེས་པར་བྱས་པའི་དབུས་སུ་དྲེགས་པའི་སྟོང་སྲོག་རྣལ་དུ་དབབ་པ་དང་། འབོད་རྦད་གསད་པའི་བརྟུལ་ཞུགས་ལ་རང་བྱན་ཆུད་པའི་སྔགས་འཆང་ཆེན་པོ་ཧཱུཾ་ཆེན་ཀཱ་ལས་བླ་དོ་སྲོག་འཁོར་དང་བཅས་པ་ཕྱག་བསྟར་གྱིས་བསྐྲུན་ཞིང་། དགའ་ཆགས་པ་དཔྱོད་ལྡན་དྲན་པའི་དབང་པོས་ཡོན་སྦྱར་ཏེ་གྱ་ཚམ་གྱི་སྦྱོར་བ་ལ་གོམ་པ་འདར་བའི་སྐབས་བཅད་ནས་དཔལ་ཡེ་ཤེས་ཀྱི་མགོན་པོ་མ་ནིང་ནག་པོའི་རྟན་མདོས་སྒྲོས་གཙང་བ་དང་། ཤ་རུ་དར་འཕྱར་ལ་བརྟེན་པའི་བཙན་རྒོད་འབར་བའི་བླ་རྡོ་མན་ངག་གི་གནད་དང་ལྡན་པ། གཞན་ཡང་དྲེགས་པ་རང་བཞིན་གྱིས་ཆགས་པའི་དམ་ཚིག་གི་བྲིས་སྐུ་དག་ཞལ་བསྙན། ཕྱག་མཚན་ལ་སོགས་པའི་སྐུ་གསུང་ཐུགས་ཀྱི་དབྱིག་ཏུ་རྡོ་རྗེའི་ཆོས་སྐྱོང་རྣམས་འདུ་འབྲལ་མེད་པར་བཞུགས་ནས་ཕྲིན་ལས་རྣམ་པ་བཞི་བདེ་བླག་དུ་འགྲུབ་པ་ཡིན་ནོ། །དེ་ལྟར་ཐེག་མཆོག་དཔའ་གྱི་རི་བོའི་གཙུག་ལག་ཁང་རྟེན་དང་བརྟེན་པར་བཅས་པ་འདི་དག་རྒྱལ་བའི་བསྟན་པ་རིན་པོ་ཆེ་སྤྱི་དང་བྱེ་བྲག་ཐེག་མཆོག་འོད་གསལ་སྙིང་པོའི་སྒྲུབ་བརྒྱུད་ཀྱི་རིང་ལུགས་བླ་ན་མེད་པ་ཉམས་པ་མེད་ཅིང་འགྲོ་བ་ལྷ་དང་བཅས་པའི་ཕན་པ་དང་བདེ་བའི་འཇུག་ངོགས་གཅིག་ཏུ་ལྷན་ནེ་ལྷམ་མེར་གསལ་བ་ལ། ཁྱད་གཞི་དུ་མའི་སྒོ་ནས་ཁྱད་ཆོས་ཉིད་དུ་བསྔགས་པར་འོས་པའི་ཚུལ་ཡང་ལྷ་བཙུན་སྒྱུ་མའི་རྣལ་འབྱོར་གྱིས། རྒྱལ་བ་ཀུན་འདུས་པདྨས་ལུང་བསྟན་པའི། །བསིལ་ལྗོངས་འཁོར་ལོ་ལྔ་ལྡན་པདྨོའི་ཞིང་། །།།རིགས་ཀྱི་རྒྱ་འཁར་མངོན་མཐོའི་དཔལ། །ཚངས་དང་བརྒྱ་བྱིན་འབྱོར་བས་མངོན་ཕྱུག་པའི། །མཆོད་པའི་ཞིང་མཆོག་དམ་པ་པདྨ་རི། །ཞེས་དང་། ངོ་མཚར་རྣམ་པ་བཀྲའི་འོད་ཟེར་བརྒྱ་ཕྲག་གིས། བཻ་ཌཱུར་ཁང་བཟངས་མོག་པོར་སྐྱེངས་བྱེད་པའི། །གཙུག་ལག་དེ་ན་གཞུང་ལུགས་རྒྱ་མཚོའི་གཏེར། །དམར་སེར་རལ་གྲི་འཛིན་དངོས་མཁས་པའི་དབང་། །བརྒྱ་ཕྲག་བྱེ་བ་འདུ་བའི་ཁང་བཟངས་འདི། །རྒྱ་བོད་སྐད་གཉིས་སྨྲ་བའི་དབང་པོ་མཆོག །རྣམ་པར་སྣང་མཛད་མཆོག་སྤྲུལ་པྲཛྙཱ་མཚན། །གྲུབ་བརྙེས་པདྨ་དངོས་དེས་བྱིན་བརླབས་ཤིང་། །རྣམ་མང་ཐེག་པའི་རྩེ་ན་འོད་གསལ་བ། །རྡོ་རྗེ་སྙིང་པོ་མཆོག་གསང་སྙིང་པོའི་བསྟན། །བླ་མེད་སྙིང་པོ་དོན་གྱི་ཆོས་དབྱིངས་མཛོད། །འཆད་ཉན་

(༦༥༣)སྒོམ་དང་སྨིན་གྲོལ་གྲུབ་ཐོབ་གླིང་། །ཉི་འོག་འཇིག་རྟེན་འདི་ན་འགྲན་བྲལ་བའི། །དྲི་མེད་འོད་ཟེར་བཟང་པོའི་ལེགས་བཤད་བསྟན། །ཚིག་གཅིག་ལན་བརྒྱར་ཐོས་ཀྱང་མི་ངོམས་པའི། །གཞུང་ལུགས་བརྒྱ་ཕྲག་འཛིན་པའི་པཎ་ཆེན་གླིང་། །ལྷ་ཡི་དྲང་སྲོང་མཆོག་ལ་ཅོ་འདྲི་བ། །གྲུབ་རི་འདི་ནི་རབ་འབྱམས་མཁས་པའི་གླིང་། །རྒྱུ་ཆོས་རྒྱུ་འབྲས་ཐེག་པར་ལུས་ངག་སྦྱངས། །འབྲས་བུ་གསང་ཆེན་སྒོར་ཞུགས་བསྐྱེད་རྫོགས་སྒོམ། །རང་རིག་གདོད་མའི་གཞིར་གཟིམས་ཆོས་ཉིད་ཟད། །ཐ་བྲང་འདི་ནི་ཆོས་ཟད་བློ་འདས་གླིང་། །རྩ་དག་དབུ་མའི་དབྱིངས་ནས་སྣང་བཞི་རྫོགས། །རླུང་དག་ཆོས་དབྱིངས་ངང་ནས་སྨྲ་བརྗོད་དག །ཐིག་ལེ་གདོད་མའི་གཞི་ལ་འཕོ་འགྱུར་བྲལ། །གྲུབ་རི་འདི་ནི་འཇའ་ལུས་འོད་གསལ་གླིང་། །གར་དབྱངས་ཐིག་དང་རིག་པའི་གནས་ལྔ་སོགས། །མི་ཟད་ཤེས་བྱའི་དཀྱིལ་འཁོར་ཉ་རྒྱས་ཤིང་། །དྲག་སྔགས་མཐུ་སྟོབས་ཟེར་གྱིས་རྒོལ་ངན་འཇོམས། །གྲུབ་རི་འདི་ནི་སྔགས་ནག་མཐུ་རྩལ་གླིང་། །འདི་ན་དྲི་བཟང་སྤོས་སྤྲིན་འཁྱིལ་བའི་དབུས། །འཇའ་ཟེར་མདངས་ནང་དཔའ་བ་མཁའ་འགྲོ་དང་། །རིག་འཛིན་པདྨའི་དག་སྣང་རྒྱུན་མི་འཆད། །གྲུབ་རི་འདི་ན་དག་པ་མཁའ་སྤྱོད་གླིང་། །ཞེས་རྡོ་རྗེའི་གླུ་མཆེད་དུ་བརྗོད་པའི་གནས་ལ་སྤྲོ་བ་དང་། མས་གུས་ཀྱི་ལང་ཚོམ་རྙིངས་ཤང་། བསྟི་སྟང་དང་རི་མོར་བྱ་བའི་གསར་མཆོག་ཏུ་འཛུམ་པས་དགེ་ཚོགས་རིན་པོ་ཆེའི་གྲོང་ཁྱེར་དམ་པ་རྨད་དུ་བྱུང་བར་འཇུག་པ་དང་ཆགས་ཅིག །ཚོགས་གཉིས་སྤྲིན་གྱི་དུམ་བུ་བསྔོ་བ་དམ་པའི་ཞགས་པས་འཆིང་བ་ལ་སུ་ཞིག་སྤྲོ་བ་བརྟས་པ་དེ་ནི་བཤེས་གཉེན་དམ་པས་ཟིན་པའི་ཁྱད་པར་གྱི་ཆོས་བླ་ན་མེད་པ་ལགས། ཞེས་པ་འདི་ནི་ཆོས་ཁྲིམས་པ་བློ་གསལ་དབང་པོ་པདྨ་ཀུན་གསལ་དང་། དཀན་གཉེར་ཕྲིན་ལས་དཔལ་འབྱོར་ཟུང་གིས་ལྷ་རྫས་ཀྱི་མེ་ཏོག་དང་བཅས་ཏེ་འབད་པ་ཆེན་པོས་བསྐུལ་བའི་ངོར། དཔལ་གྱི་རི་བོའི་ས་འཛིན་གྱི་སྤོ་ལ་འདུས་པའི་ཚོམ་བུ་འདི་ཉིད་ཆགས་ནས་ཟླ་བའི་ཕུང་པོ་དྲང་སྲོང་བཀྲ་ཤིས་འོད་དཀར་ཅན་དུ་སློབ་པའི་རོ་དྷའི་ལོ་ལེགས་བྲིས་ཀྱི་བདེན་ཚིག་གྲུབ་པའི་དྲང་སྲོང་ཆེན་པོ་རྀ་ཥིས་མཱ་མ་ཀཱིའི་ཀླུང་ཐམས་ཅད་ལ་ཡན་ལག་བརྒྱད་ལྡན་གྱི་ནུས་པ་སྟེར་བ་ལ་མངོན་དུ་ཕྱོགས་པའི་ཚེ། དཔལ་ཨོ་རྒྱན་ཆོས་ཀྱི་རྒྱལ་པོ་ཡབ་ཡུམ་གྱིས་རྗེས་སུ་བཟུང་བའི་རྫོགས་ཆེན་པ་མཁྱེན་བརྩེའི་འོད་ཟེར་གྱིས་ཀུན་མཁྱེན་ཤནྟ་པུ་རིང་ལ་མི་བསླུ་བར་ངེས་པའི་ངང་པ་བརྟན་པོས་ཀུན་ནས་བསླངས་ཏེ་པདྨ་འོད་གསལ་ཐེག་མཆོག་གླིང་དུ་སྦྱར་བའི་ཡི་གེ་པ་ནི་འཇིགས་སྐྱོབ་དང་ལགས་སྨོན་ཙམ་མ་ཡིན་པར་ངེས་པར་འབྱུང་བའི་བློས་ཤཱཀྱའི་བསྟན་པ་ལ་རབ་ཏུ་བྱུང་བའི་སྐལ་བ་ཅན་ཟུར་རྡོ་རྗེ་སྙིང་པོས་སོ། །གཏམ་ཚོགས་ལེའུ་སོ་དགུ་པའོ།། །།

(༦༥༤)པདྨ་འོད་གསལ་ཐེག་མཆོག་གླིང་རྟེན་དང་བརྟེན་པར་བཅས་པའི་གཏམ། ནོར་བུའི་དོ་ཤལ་ཞེས་བྱ་བ།། །།ཀུན་བཟང་ཡབ་ཡུམ་གཉིས་མེད་མཉམ་སྦྱོར་སྣང་སྟོང་བདེ་ཆེན་འཁོར་ལོའི་སྐུ། །ཧེ་རུ་ཀདཔལ་ཆེ་མཆོག་བླ་མེད་འཁོར་འདས་མཉམ་ཉིད་སྐུར་རྫོགས་པ། དུག་གསུམ་མ་རིག་དྲྭ་བ་གཅོད་མཛད་ཆོས་དབྱིངས་མཆོག་གི་འཁོར་ལོ་ཅན། །ཞི་ཁྲོ་རབ་འབྱམས་རྒྱལ་བའི་སྤྱི་གཟུགས་གར་དགུའི་ཉམས་ལྡན་དེར་ཕྱག་འཚལ། །སངས་རྒྱས་ཀུན་དང་གཉིས་སུ་མེད་པའི་ཡེ་ཤེས་རྡོ་རྗེ་གདོད་མའི་སྲོག །ཐུགས་རྗེའི་ཆུ་ཀླུང་ཤིན་ཏུ་ཤུགས་དྲག་གཞི་དབྱིངས་རང་བྱུང་ཀོ་ཤའི་མཆོར། །ལྷུན་གྲུབ་མཚན་དཔེའི་འཁོར་ལོ་རྣམ་བྱང་རྩ་བའི་བླ་མ་ཨོ་རྒྱན་རྗེ། །ཞི་ཁྲོ་རབ་འབྱམས་མཁའ་འགྲོར་བཅས་པས་སྐུ་གསུམ་འབྲས་བུ་གཡུར་ཟ་མཛོད། །དྲན་པ་ཉེ་བར་གཞག་པ་ལ་སོགས་བྱང་ཆུབ་ཆོས་ལ་མངའ་མཛད་ཅིང་། །སྟོབས་བཅུའི་རྩལ་གྱི་བདུད་ལས་རྣམ་རྒྱལ་བརྒྱ་ཕྲག་བཅུ་ཡི་སངས་རྒྱས་དང་། །ཞི་གྱུར་འགོག་ལམ་བདེན་པའི་མཐུ་ཅན་ཡན་ལ་བཅུ་གཉིས་ལུང་གི་ཆོས། །རིག་འཛིན་བྱང་ཆུབ་སེམས་དཔའི་དགེ་འདུན་འདི་ན་དང་བའི་ཡིད་ཀྱིས་བསྟེན། །ལོག་འདྲེན་གཤད་དུ་དྲག་པོའི་རྐན་སྒྲས་སྲིད་གསུམ་མཐར་བྱེད་དཔལ་མགོན་བདུན་ཅུ་རྩ་ལྔའི་སྡེ། །བྱེ་བྲག་འོག་མིན་ཡེ་ཤེས་འཁོར་ལོའི་སྒྱུ་འཕྲུལ་རོལ་པ་པདྨ་འོད་གསལ་ཐེག་མཆོག་གླིང་། །འབྱོན་འགྱུར་སངས་རྒྱས་མོས་པའི་བར་དུ་ཉམས་པ་མེད་པར་བསྐྱབ་ལ་དམ་བཅའ་བཙན་པོའི་ཁུར། །རང་གིར་མཛད་པ་སྔགས་སྲུང་གཟའ་དང་རྡོ་རྗེ་ལེགས་པས་སྡེ་བཞིའི་སྒོ་འཕར་དེང་ཕྱེ་ཞིག །ཅེས་རྒྱལ་བ་སྲས་དང་བཅས་པ་ལ་མཆོད་པར་བརྗོད་པའི་ཚིག་གིས་ལམ་ཡངས་པར་བྱས་ནས་གངས་རིའི་ཁྲོད་ཀྱི་དབེན་གནས་ཚེ་རིང་ལྗོངས་བྱང་ཆུབ་ཤིང་གི་ནགས་ཁྲོད་ན་མངོན་པར་མཛེས་པའི་ཚནྡྷོ་ཧ་ཆེན་པོ་པདྨ་འོད་གསལ་ཐེག་མཆོག་གླིང་རྟེན་དང་བརྟེན་པར་བཅས་པའི་རྟོགས་བརྗོད་ནོར་བུའི་དོ་ཤལ་གླིང་བར་བྱ་བ་

(༦༥༥)ལ། འདི་ལྟར་སངས་རྒྱས་ཐམས་ཅད་ཀྱི་གཉིས་སུ་མེད་པའི་ཡེ་ཤེས་རང་བཞིན་རྒྱ་ཆེ་ལ་ངོ་བོ་གཏིང་ཟབ་པ་ཐུགས་རྗེ་ཚད་མེད་ཀྱང་རྣམ་པར་རྟོག་པའི་སྤྲོས་པ་མཐའ་ཡས་པ་དང་བྲལ་བ། གདོད་མའི་སངས་རྒྱས་ཆོས་ཀྱི་སྐུའི་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོའི་ཆོ་འཕྲུལ་ཆེན་པོ་ཟད་མི་ཤེས་པའི་རྩལ་ལ་རྣམ་པར་སྣང་མཛད་གང་ཆེན་མཚོའི་ཞིང་ཁམས་བཀོད་དེ་ཕྱག་གི་པདྨོའི་དབུས་ནས་བྱུང་བའི་ཕྲུམ་ཕྲུམ་རྣམས་ཀྱི་སྟེང་ན་ཞིང་ཁམས་ཉི་ཤུ་རྩ་ལྔ་བརྩེགས་མར་གནས་པའི་བཅུ་གསུམ་པ། ཐུགས་ཀ་དཔལ་གྱི་བེའུའི་ཐད་དྲང་ན་གཞི་དང་སྙིང་པོ་མེ་ཏོག་གིས་བརྒྱན་པ་གསང་སྔགས་རྡོ་རྗེ་ཐེག་པའི་ཞིང་ཁམས་མི་མཇེད་ཀྱི་འཇིག་རྟེན་འདི་ཉིད་འཁོད་པའི་ནང་ཚན་ལས། འཛམ་བུའི་གླིང་ལས་ཀྱིས་པའི་ཡུལ་དབུས་མ་གངྷཱ་རྡོ་རྗེའི་གདན་བྱང་ཆུབ་འབྱུང་བའི་གནས་ནས་རྨུགས་འཛིན་གྱི་དབང་པོས་བདག་གིར་བྱས་པའི་ཕྱོགས་ནི་མདོ་སྡེ་པདྨ་དཀར་པོ་ལས། རིགས་ཀྱི་བུ་དུས་གསུམ་གྱི་སངས་རྒྱས་གང་གིས་ཀྱང་གདུལ་བྱར་མ་གྱུར་པའི་གནས། འདྲེ་སྲིན་དུ་མས་གང་བའི་མཐའ་འཁོབ་ཁ་བ་ཅན་གྱི་རྒྱལ་ཁམས་དེར། མ་འོངས་པའི་དུས་ན་དམ་པའི་ཆོས་ཉི་མ་ཤར་བ་ལྟ་བུ་ཞིག་རྒྱས་པར་འདུག་སྟེ། སེམས་ཅན་ཐམས་ཅད་ཀྱང་ཐར་པ་བྱང་ཆུབ་ཀྱི་ལམ་ལ་འགོད་པར་འགྱུར་རོ། །མཐའ་འཁོ་བ་དེ་འདུལ་བའི་གཉེན་པོ་ནི་འཕགས་པ་སྤྱན་རས་གཟིགས་ཡིན་ནོ། །ཞེས་ལུང་བསྟན་གྱི་བདེན་པའི་རྔ་བོ་ཆེ་བརྡུངས་པ་ལྟར་རྒྱལ་སྲས་ཕྱག་ན་པདྨས་སེམས་ཅན་ཐམས་ཅད་མི་གནས་པའི་མྱ་ངན་ལས་འདས་པའི་ཐར་པ་དམ་པའི་མགྲོན་དུ་སྤྱིར་བཟུང་བ་བོད་གངས་ཅན་ལ་སྤུ་རོང་། མང་ཡུལ། ཟངས་དཀར་ཏེ་སྐོར་གཅིག །ལི་དང་། དྲུ་ཤ་དང་། སྤལ་ཏེ་དེ་སྐོར་གཅིག །ཞང་ཞུང་དང་། བྲི་སྟེ་དང་། སྟོད་སྨད་གསུམ་སྐོར་གཅིག་སྟེ་སྟོད་མངའ་རིས་སྐོང་གསུམ། དབུས་ན་དབུ་རུ་དང་། གཡོ་རུ་གཉིས། གཙང་ན་གཡས་རུ་དང་། རུ་ལག་གཉིས་ཏེ་བར་དབུས་གཙང་རུ་བཞི།

(༦༥༦)སྨད་ན་དངུལ་རྫ་ཟལ་མོ་སྒང་། ཚ་བ་སྒང་། སྨར་ཁམས་སྒང་། སྤོ་འབོར་སྒང་། སྨར་རྫ་སྒང་། མི་ཉག་རག་སྒང་སྟ་སྨད་མདོ་ཁམས་སྒང་དྲུག་གི་སྒྲས་བསྙད་པ་སྤྱིར་བོད་ཆེན་པོའི་རྒྱལ་ཁམས་སུ་གྲགས་པའི་ནང་ཚན་ལས། གཡོ་རུའི་ཆ་དགེ་བཅུ་ཚང་བའི་ཡུལ་ཡར་མོ་ཀླུངས། ཕོ་བྲང་ཡུམ་བུ་གླ་སྒང་དུ་ལྷ་ཐོ་ཐོ་རི་གཉན་བཙན་གྱི་སྐུ་རིང་ལ་དམ་པ་ཆོས་ཀྱི་དབུ་བརྙེས། དབུ་རུ་སྐྱིད་ཤོད་ཀྱི་འཛིན་མར་སྤྲུལ་པའི་རྒྱལ་པོ་སྲོང་བཙན་སྒམ་པོས་སའི་དཔྱད་གཟིགས་པ་ན། བོད་ཡུལ་སྲིན་མོ་གན་རྐྱལ་གྱི་རྣམ་པར་འདུག་པའི་སྙིང་གར་གཙུག་ལག་ཁང་བཞེང་པར་རྩོམ་ཚེ་གནས་དེ་དག་བྱེད་ཀྱི་ཕུང་པོར་གྱུར་པ་ལ་རས་ས་བསྐྱལ་ཏེ་བརྡལ་པ་ལ་ལྷ་ཁང་བརྩིགས་ཤིང་བཟོ་ཁྱད་ལས་འཕྲུལ་ལྟར་སྣང་བས་རས་འཕྲུལ་སྣང་དུ་གྲགས་ཤིང་། སྟོན་པའི་ཞལ་སྐྱིན་ཇོ་ཤག་རྣམ་གཉིས་འགྲོ་བའི་བསོད་ནམས་ཀྱི་མགྲོན་དུ་སྤྱན་དྲངས། གཡོ་རུའི་ཁྲ་འབྲུག་ལ་སོགས་མཐའ་འདུལ་ཡང་འདུལ་གྱི་གཙུག་ལག་ཁང་ཁྱད་དུ་འཕགས་པ་བཞེངས་ཏེ་དམ་པའི་ཆོས་ཀྱི་སྲོལ་རྒྱ་ཆེར་བཏོད། དེ་ནས་གདུང་རབས་ལྡན་མས་ཀྱི་ལུང་བསྟན་ལྟར་བརྟན་པའི་འཁོར་ལོའི་སྒྱུ་འཕྲུལ་ལྷ་བཙན་པོ་ཁྲི་སྲོང་ལྡེའུ་བཙན་གྱིས་མཁན་སློབ་རྣམ་གཉིས་གངས་ལྗོངས་ཕན་བདེའི་མཆོད་སྡོང་དུ་བཀུག་ནས་སྤུས་རི་ནག་པོའི་ལྗོངས་ཆུ་བོ་གསེར་ལྡན་གྱི་འགྲམ་དུ་སྔོན་མུ་སྟེགས་ཀྱི་རིག་འཛིན་ཞིག་གིས་རོ་བསྒྲུབས་པའི་གྲོགས་དབུས་འགྱུར་འཆང་གི་དགེ་ཚུལ་གྱིས་བྱས་པའི་གཏང་རག་གི་དངོས་པོ་ལས་བཞེངས་པའི་ཨོ་ཏནྟ་པུ་རིའི་གཙུག་ལག་ཁང་ལ་དཔེ་བྱས་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་རྟེན་དང་བརྟེན་པར་བཅས་པ་བཞེངས་ཤིང་མདོ་སྔགས་ཀྱི་བསྟན་པ་ནམ་མཁའ་ལ་ཉི་མ་ཤར་བ་བཞིན་དར་རྒྱས་སུ་མཛད་པ་ཡིན་ནོ། །དེ་ལྟ་བུས་ཐུགས་བསྐྱེད་དང་ཕྲིན་ལས་རླབས་པོ་ཆེའི་རྗེས་སུ་བདག་ཉིད་བརྒྱུད་པར་བཅས་པའང་འཇུག་ཅིང་། སྔོན་གྱི་རྒྱལ་སྲས་རྣམས་ཀྱི་ཕྲིན་ལས་ཆུད་མི་གསན་པ་དང་།

(༦༥༧)དཀར་པོ་རྣམ་པར་འཕེལ་བའི་ས་བོན་རང་འབྱོར་གྱིས་ཇི་ཙམ་ཅུས་པ་དེ་སྲིད་དུ་བསྒྲུབ་པའི་དམ་བཅའ་བརྟན་པོ་ལ་རང་གིར་བྱེད་པའི་བདག་པོའི་རྐྱེན་དུ་གྱུར་པ་ནི་འདི་ལྟ་སྟེ། གཡོ་རུའི་གོ་ཙམ་ན་བཀྲེན་པའི་རྒུད་པ་སེལ་བ་ལ་དཔྱད་ལེགས་པའི་རི་འབྲས་ཀྱི་ལྗང་པ་དཔལ་དུ་འབར་བ་ལྟ་བུའི་ས་འཛིན་ཡར་ཀླུངས་མེ་སྣའི་རི་རྒྱུད་ཤར་ནུབ་དབྱེ་བའི་བྱེད་པོར་བསྐོས་པ་ལྟ་བུའི་རྐྱེན་ལས་ཡུལ་ཡང་མོ་རྩབ་ཏུ་གྲགས་པའི་དབང་པོའི་ཕྱོགས་གནའ་བོའི་དུས་ན་ཆོས་ལྡན་གྱི་སྤྲུལ་པའི་རྒྱལ་པོ་རྣམས་རྨུ་ལུགས་ཀྱི་སྐུ་མཁར་བརྩེགས་པའི་གནས། པདྨའི་ངང་ཚུལ་སྲོང་བཙན་གྱི་བང་སོལ་ཉི་མ་དང་ཟླ་བའི་བགྲོད་པས་བཏུད་པར་བྱེད་པའི་ལམ་པོ་ཆེ་ལྟར་རང་བཞིན་ལྷུན་གྱིས་གྲུབ་པའི་ཡུལ་ཆོས་དང་སྲིད་ཀྱི་དོན་གཉིས་གྲུབ་པའི་མཁར་དུ་ཆགས་པ་ན། ཟ་ཧོར་རྒྱལ་པོ་དྷརྨ་པཱ་ལའི་རྒྱལ་བརྒྱུད་དྲི་མ་མེད་པ་ཧོར་བདུད་འདུལ་རབ་བརྟན་གྱི་སྤྱན་རས་ཀྱིས་བསྐྱངས་པའི་མདུན་ན་འདོན། ཡ་རབས་དྲ་མའི་ངང་ཚུལ་ཅན་འདབ་ལྡན་གཡུང་དྲུང་འཁྱིལ་བའི་མིང་གིས་སྙན་པའི་ཁབ་ཏུ་དཔལ་སྔགས་ཀྱི་བདག་མོའི་སྨོན་ལམ་གྱི་རོལ་པ་རྣམ་པར་བཀོན་པའི་རྟེན་ཅིང་འབྲེལ་བར་འབྱུང་བ་ལས། རྒྱལ་ཁམས་ཕལ་ཆེ་བ་སྡུག་བསྔལ་དང་སྡིག་པས་ཁེབས་ཤིང་ཕ་དང་བུ་མི་མཛའ་བའི་གནས་སྐབས་འདིར་ཡང་། ཆོས་བཞིན་སྤྱོད་པའི་བགྱི་བ་ལ་སྟངས་དཔྱལ་རྣམས་ཤིན་ཏུ་མཐུན་པར་སྤྱོད་ཅིང་། བསམ་སྦྱོར་གཅིག་ཏུ་དག་པས་གར་དབང་འཇིགས་མེད་གླིང་པ་རིགས་ཀྱི་བདག་པོར་བསྟེན་ནས། གང་གི་བྱང་ཆུབ་སེམས་ཀྱི་ཉེ་བར་ལེན་པའི་རྐྱེན་ལས་རང་དབང་གི་རི་ལ་རི་རྒྱ་བསྡམས་པ་དང་། སེམས་ཅན་གྱི་སྲོག་གཅོད་པ་སོགས་འཚེ་བ་ཆོས་སུ་འདུ་ཤེས་པའི་བསམ་སྦྱོར་ངན་པ་མཐའ་དག་རིང་དུ་སྤངས་པས་ཉེས་པ་མེད་པའི་རི་དྭགས་དག །སྒོ་ཕྱུགས་ཡན་ཆད་བདེ་བར་འཚོ་བའི་བཟང་པོའི་བསྐལ་པ་གསར་དུ་ཕྱེ། དེའི་ཚེ་རྒྱལ་བའི་བསྟན་པ་རིན་པོ་ཆེ་སྤྱི་དང་བྱེ་བྲག་ཏུ་གསང་མཆོག་འོད་གསལ་རྡོ་རྗེ་སྙིང་པོའི་བསྟན་པ་ལ་གཅིག་ཏུ་གུས་པས་ཆོས་རྒྱལ་མྱ་ངན་

(༦༥༨)མེད་ཀྱི་རྣམ་པར་ཐར་པའི་རྗེས་སུ་ཕྱོགས་ནས་གཏོང་ཕོད་ཀྱི་ཕྱག་རིང་པོར་བརྐྱང་སྟེ་ཆོས་དང་། ནོར་དང་། འདོད་པ་དང་། ཐར་པ་སྟེ་སྡེ་བཞི་ལ་སྒོ་འཕང་གསར་དུ་དབྱེ་བའི་སླད་དུ་ཆུ་ཕོ་རྟའི་ལོ་ལ་ཚེ་རིང་ལྗོངས་པདྨ་འོད་གསལ་ཐེག་མཆོག་གླིང་གི་རྟེན་གཞལ་ཡས་ཁང་གི་བཀོད་པ་ཀ་བ་ཉི་ཤུའི་ས་བཀོད་ལེགས་པར་མངོན་དུ་འདུ་བྱས་སོ། །དེ་ཡང་དཀར་པོ་རྣམ་པར་འཕེལ་བའི་ཆོས་ལ་བདུད་དང་བདུད་ཀྱི་སྡེ་ཚོགས་བློ་ཤིན་ཏུ་མིན་གཞིང་ཡིད་མྱ་ངན་གྱི་ཁུང་བུར་ཆུད་པ་ནི། སྔོན་ཆོས་རྒྱལ་རྣམས་ཀྱིས་རྟེན་གསུམ་བཞེངས་པའི་དཀར་ཆག་ནའང་གསལ་བ་ལྟར། གཞི་དེར་ས་བདག་གདུག་པ་ཅན་གནས་པའི་ཅལ་སྒྲོག་ལ་རྟེན་ཕྱི་ནང་གི་སྐྱེ་བོ་མ་བརྟགས་པར་འཇུག་པ་རྣམས་ཀྱི་ངག་ལ་འདོད་ཁམས་ཀྱི་ལྷས་བྱིན་གྱིས་བརླབས་པས་དོན་ལ་མི་གནས་པའི་རི་བོང་གི་ཆ་ལ་བྲག་ཅ་ལྟར་སྒྲོགས་པས་སྒྱུ་མ་ལྟ་བུའི་བློ་དང་མི་ལྡན་པ་དག་སེམས་འཁུ་འཕྲིག་གི་གནས་ལ་བཀོད་ཀྱང་། ཟླ་བ་སྒྲོན་མའི་མདོ་ལས། རབ་ཏུ་བྱུང་ནས་ཆོས་སྤྱོད་ཅི་འདྲ་བར། །ཟས་དང་སྐོམ་དང་དེ་བཞིན་གོས་རྣམས་དང་། །མེ་ཏོག་སྤོས་དང་ཕྲེང་བ་རྣམས་ཀྱིས་ནི། །རྒྱུ་མཆོག་རྒྱལ་བ་བསྙན་བཀུར་བྱས་མི་འགྱུར། །གང་ཞིག་བྱང་ཆུབ་རབ་ཏུ་འདོད་བྱེད་ཀྱི། །འདུས་བྱས་ངན་པས་ཡིད་འབྱུང་སེམས་ཅན་གྱི། །དོན་དུ་དགོན་པར་ཕྱོགས་ཏེ་གོམ་བདུན་པོར། །འདི་ནི་དེ་བས་བསོད་ནམས་ཁྱད་པར་འཕགས། །ཞེས་འབྲོག་དགོན་པས་མཐའི་ཕྱོགས་སུ་གོམ་བདུན་པོར་བས་ཀྱང་བསོད་ནམས་ཁྱད་པར་ཅན་ཐོབ་པར་བསྔགས་པའི་རྟེན་གཞི་འཆོས་ཤིང་། མངའ་རུ་དགེ་འདུན་གྱི་ཀུན་དགའ་ར་བ་བཞེངས་པ་ལས་ཕུ་རུ་བསམ་གཏན་གྱི་མཁར་པོ་བྲེ་ཙམ་བརྩིགས་པ་ཆེས་མཆོག་ཏུ་འདོད་པའི་རྒྱུ་ལ་སྡེ་སྣོད་ལེགས་པར་ཤས་པ་རྣམས་ནི། ཉེས་སྤྱོད་ཀྱིས་ཀུན་ནས་དཀྲིས་པའི་འཇིགས་སྐྱོབ་དང་ལེགས་སྨོན་སོ་སོ་ཐར་བར་མི་སྒོམ་ལ། ལས་བརྒྱ་རྩ་གཅིག་གི་ཆོ་གའི་དོན་པོའང་བསྟན་པའི་གནས་ཆོད་ཀྱིས་བསྡུ་བར་ཉེ་བའི་རང་བཞིན་ཤེས་ནས་དབེན་པར་ཡིད་

(༦༥༩)ཕྱོགས་པས། ད་ནི་སྙིགས་མའི་དུས་ན་དབང་པོ་དང་ཉོན་མོངས་པའི་ཚོགས་གཅིག་ཏུ་བསྡམ་པ་ལ་བསམ་ཐའི་དགོན་གནས་ཁོ་ན་ཁྱད་པར་དུ་གྱུར་པའི་ཚུལ་ནི་སྐྱེས་བུ་ངེས་འབྱུང་གི་བློ་དང་ལྡན་པ་རྣམས་ཀྱིས་ཡང་དག་པར་རིག་པར་འགྱུར་ལ། བདག་ཅག་གིས་ཀྱང་སེམས་ཅན་ལ་ཕན་པའི་བྱ་བ་བསྒྲུབ་པ་ལ་ཆོས་པར་རློམ་བདག་གིས་མི་མཐུན་པར་བལྟ་བའི་ལོག་བསྒྲུབ་བཟོད་པའི་སྙིང་སྟོབས་བསྐྱེད་ཅིང་། ཁྱད་པར་རྫོང་ཕྲང་སྲོག་གསུམ་དང་ལྡན་པའི་ལྷའི་རྣལ་འབྱོར་གྱི་ཆོ་ག་ཞིབ་མོས་ལ་ཆུས་བརྡལ་བའི་ས་ནས་ཀྱང་ས་དམིགས་གཉན་པོ་སྦྱངས་ཤིང་གཞི་བདག་ཟིལ་གྱིས་མནན་པའི་ཚེ། ཆོས་རྗེ་རྒོད་ཚང་པས་གནས་ལ་ཞལ་བསྟན། མ་མགོན་ལྕམ་བྲལ་མན་པ་ཕོ་མོ་དང་སྐྱེས་བུ་ག་ཞུབ་ཅན་དུ་བསྟན་ནས་གཙུག་ལག་ཁང་བརྩིག་པའི་ཕྲིན་ལས་བསྒྲུབས། མདོ་སྒྱུ་སེམས་གསུམ་ལ་སོགས་རྡོ་རྗེ་ཐེག་པའི་ཆོས་སྒོ་རབ་འབྱམས་ལ་བཤད་སྒྲུབ་དང་སྨིན་གྲོལ་གྱི་སྒོ་འཕར་ཕྱེ། རྒྱུ་འབྲས་བསླུ་བ་མེད་པའི་བདེན་པས་མཐར་པའི་ཆོས་ལ་བསོད་ནམས་འཕེལ་ནས་བསྟན་པའི་སྦྱིན་བདག་གི་ཆབ་སྲིད་ཀྱང་ཅིག་ཅར་དུ་རྒྱས། སྒྲུབ་སྡེའི་ས་བོན་ཐེབས་ཏེ་རྒྱགས་པ་དང་དྲེགས་པ་བཅོམ་ནས་དཀའ་ཐུབ་འབའ་ཞིག་པས་རི་ཚུགས་ཟིན་ཅིང་འདག་སྦྱར་དང་བཅས་ཞི་བའི་ཏིང་འཛིན་སྒོམ་པའི་དྲང་སྲོང་དུ་མས་གདམས་ངག་ལའང་རང་རང་གི་སྐལ་བ་དང་རྗེས་སུ་མཐུན་པའི་ངེས་འབྱུང་གི་སེམས། སྡོམ་པ་གསུམ་གྱི་ཚུལ་ཁྲིམས། བསྐྱེད་རྫོགས་ཟབ་མོའི་རྣལ་འབྱོར། མང་དུ་ཐོས་པའི་ལུང་། ཇི་ལྟ་བའི་ཆོས་ཉིད་ལ་གོ་མྱོང་རྣལ་མར་ཆགས་པ་མང་དུ་ཐོན། ཡུལ་ཕྱོགས་དང་སྐད་ལུགས་མི་གཅིག་པའི་ས་ནས་ཀྱང་ལས་འཕྲོ་དང་སྐལ་བ་ཅན་མང་།།།དག །ནག་པོའི་དོན་མཁར་ལུང་པ་བསྙེན་པའི་ཚེ་སྣོད་བཅུད་གཉིས་ཀ་ཕྱིན་པར་བལྟ་བའི་ཡུལ་ཡར་མ་ནུབ་ཀྱི་སྐྱེ་བོ་ཅིར་ལོང་རྣམས་ནི་ཡ་ཆ་བར་བྱེད་དེ། སངས་རྒྱས་འབྱུང་བ་ལ་མཉེས་པར་མི་བགྱིད་པའི་སྐྱེ་བོ་བླུན་པོ་རྣམས་ནི་དེ་བས་ཀྱང་ཡ་ཆ་སྟེ།

(༦༦༠)སྤྱིར་སངས་རྒྱས་ཀྱི་ཕྲིན་ལས་དང་། བྱང་ཆུབ་སེམས་དཔའ་རྣམས་ཀྱི་ཐུགས་བསྐྱེད་དང་། སྨོན་ལམ་གྱི་མཐའ་ཀུན་ནས་ཉོན་མོངས་པའི་ཕྱིས་པ་སོ་སོ་སྐྱེ་རོ་རྣམས་ཀྱིས་ཤེས་པ་མ་ཡིན་ནོ། །ད་ནི་རྟེན་གཞིའི་གཙུག་ལག་ཁང་གང་དུ་སྒྱུ་མ་མཁན་བཟང་པོ་ལྟ་བུའི་རི་མོ་མཁན་གྱི་ཆོ་འཕྲུལ་རྟག་ཏུ་མི་བཟོད་པའི་འདུ་བྱེད་ཀྱིས་ལྡེབས་བྲིས་ཀྱི་རིམ་པ་ཇི་ལྟར་བྲིས་པ་ནི། དྲི་གཙང་ཁང་ཀ་བ་བཅུ་གཉིས་པའི་སེང་གཡེངས་འཕར་ཐོག་ཅན་གྱི་གུང་གི་ཆ་ལ་བསྟན་པའི་བདག་པོ་རྒྱལ་བ་ཤཱཀྱ་སེང་གེའི་སྣང་བརྙན་འཁོར་ཉན་ཐོས་མཆོག་གཉིས་ཀྱིས་བརྟེན་པའི་མཐའ་སྐོར་དུ་རྫོགས་པའི་སངས་རྒྱས་དེ་ཡི་རྟོགས་བརྗོད་མཛད་པ་བཅུ་གཉིས་པོ་གསེར་བྱི་བ་བྱུགས་ཀྱིས་རྩིས་མགོ་བསྡུ། ཁྱད་པར་གྱི་ཆོས་གཞོན་ནུ་རོལ་རྩེད་མཛད་པ་ནས་མྱ་ངན་ལས་འདས་པའི་བར་དེ་སྲིད་རྟོགས་བརྗོད་རིན་པོ་ཆེ་དཔག་བསམ་འཁྲི་ཤིང་དང་རྗེས་མཐུན་པའི་གཡས་གཡོན་དུ་བསྟན་པའི་རྩ་ལག་ཆོས་རྒྱལ་སྲོང་བཙན་དང་། དབོན་སྲས་ཁྲི་སྲོང་ལྡེའུ་བཙན་གཉིས་ལ་རང་རང་གི་བཙུན་མོའི་འཁོར་མདུན་ན་འདོན་གཉིས་གཉིས་དང་བཅས་པ། འཁོར་ས་ནུབ་ལྟ་ལ་དབུས་སུ་ཟངས་མདོག་དཔལ་རིའི་ཞིང་བཀོད་བསྡུས་པའི་གཙོ་བོ་གུ་རུ་ཟ་ཧོར་མ་ཡབ་ཡུམ་གཉིས་དང་བཅས་ཤིང་། མཐའ་སྐོར་སངས་རྒྱས་གཉིས་པ་དེའི་རྣམ་པར་ཐར་པ་གདུལ་བྱའི་ངོར་སྣང་ལྟར་བསྟན་པ་སིནྡྷུ་མས་ས་བཅད་བསྡུས་པའི་བཀོད་པ་པདྨ་བཀའི་ཐང་ཡིག་ལྟར་བཀྲལ་བ་སྒྱུ་མ་མཁན་གྱི་ཆོ་འཕྲུལ་ལྟར་འབར་བས་བྱིས་པ་སོ་སོ་སྐྱེ་བོ་རྣམས་ཀྱི་མིག་སྦྲིད་པར་བྱེད་དོ། །བྱང་ལྟ་ལ་མ་བྱོན་པའི་སངས་རྒྱས་མ་ཕམ་མགོན་པོ་ཐེག་པ་མཆོག་གི་སྟོན་པར་བཞེངས་པ་དགའ་རབ་རྡོ་རྗེ་རིགས་བདག་གདོད་མའི་མགོན་པོ་དང་བཅས་པ་ལ། འཁོར་རྒྱ་གར་གྱི་རིག་འཛིན་བརྒྱད་རྣམ་བཞིའི་ཕྲིན་ལས་ལ་མངའ་དབང་བསྒྱུར་བའི་ཕྱག་རྒྱ་ཅན་བྲིས་སོ། །ཡས་གཟིགས་ཀྱི་ལྡེབས་ལ་འབྱོན་འགྱུར་གྱི་སངས་རྒྱས་མ་།།།བམ་

(༦༦༡)མགོན་པོ་གཙོ་བོར་གྱུར་པ་ལ། ཡུམ་ཆེན་མོ། རི་ཁྲོད་མ། པཎ་ཆེན་དྲི་མེད་བཤེས་གཉེན། ཚེ་དཔག་མེད་སྐུ་གསུམ་འདུས་པ། སྒྲོལ་དཀར་ཡིད་བཞིན་འཁོར་ལོ་རྣམས་སྐུ་ཚད་ཆེ་བར་བཞུགས་པའི་སྟེང་གི་ཆ་ཁོར་མོར་རྡོ་རྗེ་ཐེག་པའི་ལམ་ནས་མཆོག་གི་དངོས་གྲུབ་བརྙེས་པའི་རྣལ་འབྱོར་དབང་ཕྱུག་བརྒྱད་ཅུ་རྩ་བཞི་པོའི་སྟེང་། སྨྲ་བའི་སེང་གེ་ཕྱོགས་ཀྱི་གླང་པོ་དང་། དབྱིག་གཉེན་གཉིས་བསྣན་ནས་འཛམ་བུའི་གླིང་མཛེས་པར་བྱེད་པའི་རྒྱན་དྲུག་དང་མཆོག་གཉིས་ཀྱང་ཚང་བར་བགྱིས་པ་གང་ཞིག་གི་གཙོ་བོ་དང་པོའི་སངས་རྒྱས་རྡོ་རྗེ་འཆང་གིས་བྱས་པ་རྣམས་བྲི་ཆའི་རུས་དང་། ཚུགས་དང་། རྣམ་འགྱུར་མི་ཉམས་པའི་བདག་ཉིད་ཅན་དུ་མཐོང་བའི་ཆོས་ལ་གནས་པའོ། །དེ་དང་རྒྱ་འབྲེལ་གཟིམ་ཆུང་དཔལ་ཡོན་ཅན་དང་། དཔེ་ཁང་གྲུ་འཛིན་གྱི་དབང་དུ་མགོན་ཁང་ཨུ་ཙ་ལར་རྡོ་རྗེ་ཐེག་པའི་བསྟན་སྲུང་ཀུན་གྱི་གཙོ་བོར་གྱུར་ཅིང་། ཁྱད་པར་སྒྲུབ་གནས་རྟེན་གསུམ་དང་བཅས་པ་བསྐལ་བའི་བར་དུ་བསྐྱང་བའི་དམ་བཅའི་རི་མོ་འོད་གསལ་གྱི་སྣང་ཆ་གསར་པའི་ངོས་སུ་བྲིས་ཤིང་། ལེགས་ཉེས་སྟངས་འཛིན་གྱི་བྱེད་པོར་ཞལ་གྱིས་བཞེས་པ་དཔལ་སྔགས་ཀྱི་སྲུང་མ། གཟའི་དགེ་བསྙེན་ཆེན་པོ་རཱ་ཧུ་ལ། དམ་ཅན་རྡོ་རྗེ་ལེགས་པ་རྣམས་དང་ཁྱད་པར་སྒྲུབ་སྡེ་འདིའི་དཀོར་ཆ་ལོངས་སྤྱོད་དང་བཅས་པ་གཉེར་དུ་གཏད་ཅིང་། མེའི་ཚེ་ལ་གཡེལ་བ་མེད་པའི་གཡར་དམ་གཉན་པོ་དང་དུ་ལེན་པ་ལ་ནོར་འཕྲེང་འཁྲེན་ཅན་ལྟར་སྟོན་པའི་ཕྲིན་ལས་ཀྱིས་མངོན་དུ་སྤྱོད་པ་ཞིང་སྐྱོང་དུར་ཁྲོད་ཀྱི་བདག་མོ་རྣམས་ཀྱི་སྣང་བརྙན་དམ་ཚིག་གཅིག་ཏུ་བསྲེ་ཕྱིར་ཀློང་ཆེན་སྒྱུ་མའི་རྣལ་འབྱོར་གྱི་རོ་མ་ལས་བྱུང་བའི་ཁྲག་ཆེན་གྱིས་བྲིས་ཤིང་། ཆོ་འཕྲུལ་ཆེན་པོ་ཟང་མི་ཤེས་པའི་རང་བཞིན་དུ་བཞུགས་སོ། །སྒོ་ཁང་གི་ཕྱི་རོལ་དུ་རྟ་མགྲིན་དྲེགས་པ་ཀུན་འདུལ་དང་སྤྱན་རས་གཟིགས་སེང་གེ་སྒྲ། འཇིག་རྟེན་སྐྱོང་བ་ཆེན་པོ་བཞི། ནང་ངོས་སུ་གནས་རྟེན་འདི་

(༦༦༢)ཁོ་ན་ལ་ཆེད་དུ་བརྗོད་པའི་ཀུན་བཟང་འཁོར་ལོ་མཆོད་རྟེན་གྱི་རྣམ་པ་ཅན་རྣམས་བྲིས་ཤིང་དེ་ཀུན་ཀྱང་མོས་པ་མ་བྱོན་གྱི་བར་དུ་བརྟན་པའི་ཆེད་དུ་སྲ་རྩིས་ལེགས་པར་མནན་ནས་དེ་མ་ཐག་པའི་བྱ་བ་ལ་སྒྲུབ་ཆེན་བཀར་བརྒྱད་བདེ་གཤེགས་འདུས་པ་དང་། སླད་ནས་ཚོགས་ཆེན་འདུས་པའི་དཀྱིལ་འཁོར་ཞལ་ཕྱེ་ནས་དངོས་གཞི་དང་། སྟ་གོན་ཉིན་ཐ་དད་པའི་རབ་གནས་ལན་གསུམ་གྱིས་མདའ་གསོལ་ནས་རྟེན་སྣང་མཛད་གཞལ་ཡས་ཁང་གི་རང་བཞིན་དུ་བསྒྲུབས་པར་གཙུག་ཏོར་ནོར་བུའི་ཏོག་དངུལ་སྲང་བརྒྱ་ཕྲག་ཐལ་ངེས་ཀྱི་རྒྱུ་ཚོགས་གསེར་འཕྲུའི་རྣམ་པར་འབར་རོ། །དེ་ལྟར་རྟེན་གཞིའི་གཙུག་ལག་ཁང་གི་རྟོགས་པ་བརྗོད་ནས། ད་ནི་བརྟེན་པ་སྐུ་གསུང་ཐུགས་ཀྱི་རང་བཞིན་ཇི་ལྟར་བསྒྲུབས་པ་ནི། དམ་པའི་ཆོས་པདྨ་དཀར་པོ་ལས། སྐུ་གཟུགས་རྣམ་པ་མང་པོ་དེར་སྤྲུལ་ནས། །འགྲོ་བ་དགེ་ལ་སྤྱོད་པའི་དོན་བྱེད་དོ། །ཞེས་གསུངས་པ་ལྟར། དེ་བཞིན་གཤེགས་པ་སྲས་དང་བཅས་པ་རྣམས་ཀྱི་ཡོན་ཏན་ནི། འཇིག་རྟེན་གྱི་མངོན་སྤྱོད་ལས་འཕགས་པ། བསོད་ནམས་དང་ཡེ་ཤེས་དམ་པའི་ཚོགས་ཀྱི་ཕ་རོལ་ཏུ་ཕྱིན་པས། ཡོན་གྱི་གནས་སུ་བསླུ་བ་མེད་པ། བླ་ན་མ་མཆིས་པ། མཉམ་ཞིང་མཚུངས་པ་མེད་པའི་ཕྱིར། །སྐུ་གསུང་ཐུགས་ཀྱི་རྟེན་གསར་དུ་བཞེངས་པའམ། སྲི་ཞུས་ཉམ་ཆུང་བར་བཞུགས་པ་ལ་བསྟི་སྟང་དང་རིམ་གྲོར་བགྱིས་པའི་ཕན་ཡོན་ནི་དམ་པའི་ཆོས་པདྨ་དཀར་པོ། སའི་སྙིང་པོ་འཁོར་ལོ་བཅུ་པ། ལས་རྣམ་པར་འབྱེད་པའི་མདོ། ཡོངས་སུ་མྱ་ངན་ལས་འདས་པ་ཆེན་པོ་དང་། འཕགས་པ་དཀོན་མཆོག་སྤྲིན། ཡོངས་སུ་བསྔོ་བའི་མདོ་ལ་སོགས་པ་ནས་རྒྱ་ཆེར་གསུངས་ཤིང་། དེ་སྐད་དུ་སྙིང་རྗེ་པདྨ་དཀར་པོའི་མདོ་ལས། ཀུན་དགའ་བོ་ད་ལྟ་བུ་ལ་གནས། ད་ལྟ་བུ་བསྟེན་ཏེ་ཡོན་ཕུལ་ན་དེའི་བསོད་ནམས་ཀྱི་དཔེ་བྱ་བར་ཡང་སླ་བ་མ་ཡིན་ནོ། །ཞེས་གསུངས་པ་

(༦༦༣)ལྟར། དེ་བཞིན་གཤེགས་པའི་སྐུ་གཟུགས་ཀྱི་ལེའུར་ཡང་། སའམ། རྡོ་ཐལ་ལམ། ཤིང་ངམ། རྡོའམ། ར་གན་ནམ། ལྕགས་སམ། གསེར་རམ། དངུལ་ལམ། བཻ་ཌཱུརྱ་འམ། ཤེལ་ལམ། མུ་ཏིག་དམར་པོའམ། རྡོའི་སྙིང་པོའམ། སྡུག་གམ། དུང་ངམ། མན་ཤེལ་ལམ། སྤོས་སམ། རས་སམ། ཤིང་ལེབ་བམ། རྩིག་ངོས་ལ་དེ་བཞིན་གཤེགས་པའི་སྐུ་གཟུགས་བཞེད་པར་བྱ། དྲལ་བ་གསོ་བར་བྱ་བ་དང་། ཐུམས་པ་བཅོས་པར་བྱས་ན། དེ་བཞིན་གཤེགས་པའི་སྐུ་གཟུགས་བྱས་ན། རིགས་དམའ་བ་ཐམས་ཅད་དང་། སྡིག་པ་བྱེད་པའི་རིགས་རྣམས་དང་། །ལོག་པར་ལྟ་བའི་རིགས་སུ་མི་སྐྱེ། །ཡན་ལག་གང་ཡང་མ་ཚང་བར་ནི་འགྱུར་རོ། །གལ་ཏེ་མཚམས་མེད་པ་ལྔ་བྱས་སུ་ཟིན་ཀྱང་། །དེ་བཞིན་གཤེགས་པ་ལ་དད་པ་རྙེད་དེ་སྐུ་གཟུགས་བྱས་ན། །ལས་དེས་སེམས་ཅན་དམྱལ་བ་མྱོང་བ་ཆུང་དུ་མྱོང་སྟེ། །ཐེག་པ་གསུམ་གང་ཡང་རུང་བས་ངེས་པར་འབྱུང་བར་འགྱུར་རོ། །དཔེར་ན་མི་ཞིག་མི་གཙང་བས་རེག་པ་ལ་རབ་ཏུ་དག་པར་བཀྲུས་ཏེ། སྤོས་ཀྱིས་བྱུག་ན་དྲི་མི་ཞིམ་པ་དེ་མེད་པར་འགྱུར་རོ། །དེ་བཞིན་དུ་མཚམས་མེད་པ་བྱས་པ་དེ་ལ་སྡིག་པ་ཡང་མེད་པར་འགྱུར་རོ། །མི་དགེ་བ་བཅུའི་ལས་ཀྱི་ལམ་དང་ལྡན་པ་ཡང་། དེ་བཞིན་གཤེགས་པ་ལ་དད་པ་རྙེད་དེ། དེའི་སྐུ་གཟུགས་བྱས་ན་དེའི་སྡིག་པ་དེ་ཇི་ལྟར་མེའི་ཕུང་པོས་མར་འཚིག་སྟེ། དུ་བ་ཡང་མི་མངོན་པ་བཞིན་དུ་དེའི་སྡིག་པ་དེ་ཡང་མི་སྣང་བར་འགྱུར་རོ། །ཞེས་སོ། །དེ་ཡང་གདན་གསུམ་ཚང་བའི་དཀྱིལ་འཁོར་གྱི་འཁོར་ལོས་བསྡུས་པའི་གཙོ་འཁོར་རྣམས་ནི། སྟོན་འཁོར་དགོངས་པ་མཉམ་པས་བསོད་ནམས་ཀྱི་ཞིང་དམ་པར་མཆོག་དམན་ཡོད་པ་མ་ཡིན་ཡང་། གང་ལ་གང་འདུལ་གྱི་རྟེན་ཅིང་འབྲེལ་འབྱུང་གི་རྣམ་པའི་ཆོས་ཇི་ལྟར་འོས་པ་ཡིད་ཀྱིས་ཆོ་གར་བྱ་བའི་ཚེ། ཡེ་ཤེས་མཚོ་རྒྱལ་གྱི་

(༦༦༤)ལུང་བསྟན་རྨི་ལམ་གྱི་ཁང་མཛེས་ཤེལ་ལྟར་དངས་པའི་ནང་དུ་ཇི་ལྟར་གསལ་བ་ནི། དབྱངས་ཡིག་དྲག་པོའི་སྒྲས་བསྡུས་པའི་ཡུལ་རེག་པའི་འབྱུང་གནས་ན་བཟོའི་གནས་ལ་ཤིན་ཏུ་བྱང་ཆུབ་པ་ཡིན་ཟེར་བའི་སྐྱེས་བུ་བགོ་བ་དཀར་པོ་དང་ལྡན་པ་གཉིས་བདག་གི་མདུན་དུ་ཁྲོང་གིས་བྱུང་ནས་འདི་སྐད་ཟེར་རོ། །བུམ་ཐང་ཤེས་རབ་ཡུམ་ཆེན་མོས། །འདི་ན་རྗེ་བཙུན་སྒྲོལ་མའི་སྐུ། །བཞེང་པར་བདག་ཟུང་མངགས་པ་ལགས། །ཞེས་ཟེར་བས་སྐད་ཅིག་མའི་རྟོག་པར། དེང་སང་གནམ་གྲང་། སྟ་གོན་གང་ཡང་མ་བྱས་བསམ་པའི་ཐོག་ཡང་སྣང་བ་དེ་འགགས། བུད་མེད་ཤས་ཆེ་བའི་སྐྱེ་བོ་མང་པོ་ཁྲོམ་ཚོགས་པ་ལྟར་སྣང་བ་རྣམས་ཀྱི་ཅ་ཅོའི་སྒྲ་ལ། ལྷ་ཁང་བཞེང་བ་ངོ་མཚར་ཆེ། །ལྷ་ལྡེམ་བཞེངས་པ་ལས་ནི་བཞུགས་པ་ལེགས། །འགྲོ་བ་སེམས་ཅན་དོན་དུ་ལེགས། །ཞེས་པ་ལ་སོགས་ཚིག་མ་ངེས་པའི་གཏམ་ཅོ་དིར་གྱིས་སྒྲོག་པ་སོགས་ལུང་བསྟན་སྔ་ཕྱིའི་བརྡ་དོན་ནི། སྔོན་གྱི་བསྐལ་པ་ལ་འཇིག་རྟེན་གྱི་ཁམས་སྣ་ཚོགས་པའི་འོད་ཅེས་བྱ་བར་སངས་རྒྱས་རྔ་སྒྲའི་བསྟན་པ་ལ་མཆོག་ཏུ་གུས་པའི་རྒྱལ་པོའི་བུ་མོ་ཡེ་ཤེས་ཟླ་བ་ཞེས་བྱ་བ་ཞིག་ཡོད་དེ། དེས་ཤིན་ཏུ་དང་བའི་སྟོབས་ཀྱི་སྟོན་འཁོར་རྣམས་ལ་མཆོད་པར་བྱས་ནས་བྱང་ཆུབ་ཏུ་སེམས་བསྐྱེད་པའི་ཚེ། འདི་སྐད་དུ། འདི་ན་སྐྱེས་པ་མེད་ཅིང་བུད་མེད་མེད། །བདག་མེད་གང་ཟག་མེད་ཅིང་རྣམ་རིག་མེད། །ཕོ་མོར་བཏགས་པ་འདི་ནི་ཡ་མ་བརླ། །འཇིག་རྟེན་བློ་ངན་རྣམ་པར་འཁྲུལ་བར་འགྱུར། །ཅེས་བྱ་བ་ལ་སོགས་ཆེད་དུ་བརྗོད་དེ། སྐྱེས་པའི་རྟེན་ལ་བྱང་ཆུབ་འདོད་པ་ནི་མང་གི །བུད་མེད་ཀྱི་ལུས་ཀྱིས་འགྲོ་བའི་དོན་སྤྱོད་པ་ནི་འགའ་ཡང་མེད་དོ། །དེ་བས་ན་འཁོར་བ་མ་སྟོངས་ཀྱི་བར་དུ་བུད་མེད་ཀྱི་གཟུགས་ཀྱིས་འགྲོ་བའི་དོན་བྱའོ། །ཞེས་དམ་བཅས་སོ། །དེ་ནས་ལོ་བྱེ་བ་བརྒྱ་སྟོང་གི་བར་དུ་དེ་

(༦༦༥)རྒྱལ་པོའི་ཕོ་བྲང་དུ་གནས་ཤིང་། འདོད་པའི་ཡོན་ལྡན་ལྔ་ལ་ཐབས་མཁས་པས་སྤྱོད་བཞིན་དུ་ཏིང་ངེ་འཛིན་བསྒོམས་པས། མི་སྐྱེ་བའི་ཆོས་ལ་བཟོད་པ་ཐོབ་ཅིང་། འགྲོ་བ་ཐམས་ཅད་སྒྲོལ་བ་ཞེས་བྱ་བའི་ཏིང་འཛིན་གྲུབ་བོ། །དེ་ནས་ཉིན་རེ་བཞིན་སྔ་དྲོའི་དུས་ཀྱི་ཚེ་སེམས་ཅན་བྱེ་བ་བརྒྱ་སྟོང་རེ་འཇིག་རྟེན་པའི་སེམས་ལས་བསྒྲལ་ཏེ་བཟོད་པ་ལ་མ་བཀོད་ཀྱི་པར་དུ་ཟས་ཟ་བར་མི་བྱེད་དོ། །ཉི་མ་ཕྱི་དྲོའི་ཚེ་ཡང་དེ་ཙམ་རེ་འགོད་པར་བྱེད་དོ། །དེ་ནས་སྔར་གྱི་མིང་དེ་འགྱུར་ནས་སྒྲོལ་མ་ཞེས་བྱ་བར་གྱུར་ཏོ། །དེ་ལྟར་གྱུར་པ་ལས་སངས་རྒྱས་མང་པོའི་བསྟན་པ་ལ་བྱ་བ་བྱས་ཤིང་། ད་ལྟ་རྩོད་ལྡན་གྱི་བསྐལ་པའི་མཐར་ཐུག་པར་སེམས་ཅན་ཐམས་ཅད་བསྲུང་ཞིང་འཚེ་བ་མི་བཟད་པ་བཟློག་པ་ལ་ཞི་བའི་མཐུ་དང་ཡང་དག་ལྡན་པས་བཅོམ་ལྡན་འདས་རྣམ་པར་སྣང་མཛད་ཀྱིས་ཀྱང་བསྟོད་པ་ཉི་ཤུ་རྩ་གཅིག་གིས་ཆེད་དུ་བསྔགས་ལ། དེ་བཞིན་གཤེགས་པ་ཐུབ་པའི་དབང་པོ་སངས་རྒྱས་པའི་མཛད་པ་སྟོན་པའི་ཚེ་བདུད་ཀྱི་དམག་དཔུང་བསམ་གྱིས་མི་ཁྱབ་པ་ལྷགས་པ་ན་སྒྲོལ་མས་བཞད་པ་བརྒྱད་ཀྱིས་བཞད་པར་མཛད་པས་བདུད་རྣམས་མ་ལུས་པ་འགྱེལ་ཞིང་བརྒྱལ་བར་གྱུར་ཅེས་གྲགས་སོ། །རྒྱུ་དེས་བཙན་པོ་ཁྲི་སྲོང་ལྡེའུ་བཙན་གྱིས་བྱང་ཆུབ་ཏུ་ཐུགས་བསྐྱེད་པའི་ལྷ་ཡང་རྗེ་བཙུན་སྒྲོལ་མ་ཡིན་ནོ། །དེས་ན་དེང་སང་སྙིགས་མའི་དུས་ན་གདོན་དང་། རོ་ལངས་དང་། འབྱུང་པོ་དང་། གནོད་སྦྱིན་མ་རུངས་པའི་གཉེན་པོར་འགྱུར་ཅིང་། བདུད་དང་འཇིག་རྟེན་མ་ལུས་པ་དབང་དུ་བྱེད་པ་ལ་སོགས་མདོར་ན་རྟེན་འབྲེལ་གྱི་སྒོ་ཆེན་པོར་ལུང་བསྟན་གྱི་བདེན་པས་དབུགས་དབྱུང་ནས་རྗེ་བཙུན་སྒྲོལ་མའི་སྣང་བརྙན་ཐོག་མར་བཞེད་དགོས་པར་རིག་གོ །དེ་ནས་མི་རིང་བའི་ཆར་སྤྱིར་རྡོ་རྗེ་གདན་གྱི་ནམ་མཁའ་ལ་སོགས་པར་རང་བཞིན་གྱིས་བཞུགས་པའི་བསྟན་པའི་བཙས་གསུམ་གྱི་བྱིན་རླབས་དང་། བདག་ཅག་གི་ལྷག་པའི་བསམ་པ་རྣམ་དག་གི་མཐུ་དང་། བྱེ་བྲག་ཏུ་མཁའ་འགྲོ་ཆོས་སྐྱོང་གི་ཕྲིན་ལས་གསར་པའི་ལྕགས་

(༦༦༦)ཀྱུས་བཟོ་བོ་མཁས་པ་ཐལ་མོ་དང་། གདོང་པས་གཞལ་བའི་ཆ་ཚད་ལ་འདྲིས་ཤིང་། རྣམ་འགྱུར་གྱི་བཟོ་སྒྲོས་བསྒོས་པ་ལ་ཉན་པའི་རྟེན་འབྲེལ་རང་བྱུང་དུ་འགྲིག་པས་མཚན་དཔེའི་སྣང་བརྙན་བསྒྲུབ་པའི་བྱ་བ་ལ་ཇི་ལྟར་ཞུགས་པ་ནི། དཔལ་མགོན་ཀླུ་སྒྲུབ་ཀྱིས། །སེམས་བསྐྱེད་སྡོམ་ལྡན་དམ་ཚིག་གཙང་། །དང་ལྡན་དབང་ཐོབ་ཤེས་རྒྱུད་འབྱོངས། །ལག་གི་འདུ་བྱེད་མཁས་པ་སྟེ། །དེ་འདུན་ལྡན་པས་སྐུ་གཟུགས་བཞེངས། །ཞེས་གསུངས་པ་ལྟར་བཟོ་གནས་རིག་པ་ལ་གོམས་པའི་སྐྱེ་བོ་བཀུག་པའང་རང་བཞིན་གྱིས་དུལ་བ། དགེ་ཚོགས་རིན་པོ་ཆེའི་རྟེན་གཞི་དགེ་བསྙེན་བྱི་སྡོམ་པའི་ཆ་ཤས་ལ་བདག་གིར་བྱེད་པ་ཞིག་འདུག་པ། སླར་ཡང་བདག་ཉིད་ཀྱི་དམ་པའི་ཆོས་ཀྱི་གླེང་མོས་སྤྲོ་བ་བསྐྱེད་པས་བློ་ཤིན་ཏུ་ལས་སུ་རུང་བར་གྱུར་པ་ལ། ཐུན་མོང་དུ་གྲགས་པའི་བཟོ་བོ་དད་ལག་ཆ་བྱིན་རླབས་སྔོན་འགྲོའི་ཆོས་སུ་བྱས་ཤིང་བྱེ་བྲག་རྡོ་རྗེ་ཐེག་པའི་རྟེན་ཁྱད་པར་ཅན་གྱི་བྱ་བ་ལ་འཇུག་ཕྱིར་སེམས་ཅན་དེ་དག་གི་མོས་པ་དང་རྗེས་སུ་མཐུན་པའི་དཀྱིལ་འཁོར་དུ་བུམ་དབང་གི་ཆོ་གས་རྒྱུད་སྨིན་པར་བྱས་ཤིང་བཀྲ་ཤིས་པའི་ཚིག་དང་ལྷའི་རེག་བྱ་བཟང་པོས་ཞལ་བསྲོས་ནས་ཡིད་རབ་ཏུ་དང་བའི་ངང་ནས་ལག་གི་འདུ་བྱེད་སྒྱུ་མ་ལྟ་བུའི་ཚེ་འཕྲུལ་ལ་ཞུགས་སོ། །དེ་ལྟར་བཞུགས་པའི་རྒྱལ་འབྲས་བུའི་ཆོས་ཉིད་ཇི་ལྟར་གྲུབ་པ་ནི། སྤྱིར་དེ་བཞིན་གཤེགས་པ་རྣམས་ནི་སྤངས་རྟོགས་ཕུན་སུམ་ཚོགས་པར་མཉམ་ཞིང་མཚུངས་པའི་ཕྱིར་ན་བསོད་ནམས་ཀྱི་ཞིང་ལ་མཆོག་དམན་དུ་བལྟ་བའི་གནས་ཡོད་པ་མ་ཡིན་ཡང་། ད་ནི་སྙིགས་མ་ལྔའི་རྣམ་འགྱུར་ཤིན་ཏུ་བདོ་བས་རྒྱལ་བའི་བསྟན་པ་རིན་པོ་ཆེ་ཡང་ལྔ་བརྒྱ་ཕྲག་བཅུའི་མཐར་ལྷུང་དུ་ཉེ་བའི་ཚུལ་བྱམས་པའི་མདོར། སྒྲུབ་པ་ལ་གནས་པ་ནུབ་པར་འགྱུར་བ་གང་ཞེ་ན། བརྩོན་འགྲུས་ཀྱིས་མཐོང་ལམ་གྱི་འབྲས་བུ་བསྒྲུབ་མི་ནུས་ཤིང་། ཚུལ་ཁྲིམས་

(༦༦༧)ཀྱི་རྩ་བ་བཞི་སོ་སོར་དག་པ་སྲུང་བ་ཙམ་ཉམས་སུ་ལེན་ཏེ། དེ་ནས་རིམ་པ་རིམ་པའི་དུས་སོང་ནས་ཚུལ་ཁྲིམས་ཀྱི་རྩ་བ་བཞི་ཙམ་སྲུང་སྟེ། སྡོམ་པའི་རྩ་བ་བཞི་ཙམ་སྲུང་བའི་དགེ་སློང་སྟོང་ཕྲག་གཅིག་གམ། བརྒྱ་ཕྲག་གཅིག་ཙམ་ཡོད་ན་ཡང་སྒྲུབ་པ་ལ་གནས་པ་ནུབ་པར་གྱུར་པ་མ་ཡིན་ནོ། །དེའི་རྗེས་ལ་དགེ་སློང་གཅིག་ཙམ་ལུས་པ་ཡང་སྡོམ་པ་བཏང་བའམ། ཚེའི་དུས་བྱས་པར་གྱུར་ན་སྒྲུབ་པ་ལ་གནས་པ་ནུབ་པར་གྱུར་བ་ཡིན་ནོ། །ཞེས་པ་མཐོང་ཆོས་སུ་གྱུར་ཅིང་། རིམ་པས་ལུང་གི་དམ་ཆོས་ཀྱང་ནུབ་པའི་ཚུལ། སྔ་མ་ལས་རྩོད་པའི་དུས་ཀྱི་རྒྱལ་པོ་རྣམས་ཀྱང་ཆོས་ལ་མི་དང་། བློན་པོ་རྣམས་ཀྱང་ཆོས་ལ་མི་དང་། ཡུལ་འཁོར་དང་། ལྗོངས་དང་། ཡུལ་གྱི་མི་རྣམས་ཀྱང་དེའི་རྗེས་སུ་འབྲངས་ནས། མི་རྣམས་ལ་ཆོས་དད་པ་མེད་པར་གྱུར་པས་ལྷ་ཡང་ཆར་ལེགས་པར་མི་འབེབས། འབྲུ་རྣམས་ཀྱང་ལེགས་པར་མི་སྨིན། འབྲུ་རྣམས་ཉུང་བར་གྱུར་ནས་སྦྱིན་པ་པོ་རྣམས་ཀྱང་དགེ་སློང་གི་དགེ་འདུན་རྣམས་ལ་སྦྱིན་པ་བྱེད་མི་ནུས་ཤིང་། དགེ་སློང་རྣམས་ལ་སྦྱིན་པ་བྱེད་པ་མེད་པས་ཉེ་བར་འཁོར་བ་རྣམས་དང་། སློབ་མ་རྣམས་འཛིན་མི་ནུས་སོ། །དེ་ནས་རིམ་པ་རིམ་པའི་དུས་སོང་ནས་ལུང་གི་ཆོས་རྣམས་ཉུང་ངུར་འགྱུར་རོ། །ཞེས་པ་ལ་སོགས་པའི་དུས་ཀྱི་རྒུད་པ་ལ་བཤོལ་གདབ་པའི་གང་ཟག་ཆེས་ཆེར་ཉུང་ཞིང་། སེམས་ཅན་ཐམས་ཅད་ནི་ལས་ཀྱི་ཕྱི་བཞིན་དུ་སོན་པ། ལས་ཀྱི་གཞན་དབང་ཅན་ཁོ་ནར་གྱུར་པས་མཐར་གྱི་སེར་སྣའི་རྒྱུ་ལས་མུ་གེའི་བསྐལ་བ་དང་། གཏི་མུག་གི་རྒྱུ་ལས་ནད་ཀྱི་བསྐལ་པ་དང་། ཞེ་སྡང་གི་རྒྱུ་ལས་མཚོན་གྱི་བསྐལ་པ་སྟེ་བར་བསྐལ་གསུམ་གྱི་མཐར། གདོན་མི་ཟ་བར་འཇིག་རྟེན་གྱི་སྒྲོལ་མར་འབྱོན་པར་འགྱུར་བའི་དེ་བཞིན་གཤེགས་པ་བྱམས་པ་ལེགས་པའི་མཆོག་ཅེས་བྱ་བའི་སངས་རྒྱས་གང་ཞིག་དང་སེམས་ཅན་ཐམས་ཅད་མཇལ་ནས་འབྲས་བུ་ཐོབ་པའི་རྟེན་འབྲེལ་གྱི་སྒོ་

(༦༦༨)འཕར་ཕྱེ་བའི་ཚུལ་སྔ་མ་ལས། མཚོན་གྱི་བསྐལ་པ་ཞག་བདུན་འདས་ནས་དེའི་ཚེ་མིའི་ཕུག་ལ་སོགས་པར་གྲོས་ཏེ། གབ་པ་རྣམས་ཕྱིར་འོངས་ནས་གཅིག་ལ་གཅིག་འཁྱུད་དེ་དུ་ཞིང་ཕན་པར་སེམས་པས་ཆོས་ཡིད་ལ་བྱེད་ཅིང་སྡོམ་པ་ལྔ་ལེགས་པར་སྲུང་བར་བྱེད་དོ། །དེ་ནས་ལོ་བཅུ་པའི་མི་ལ་བུ་ལོ་ཉི་ཤུ་པ་འབྱུང་བ་ཡིན་ནོ། །དེ་ནས་མི་རྣམས་ཆོས་ལ་ཤིན་ཏུ་ལེགས་པར་དད་དེ་རིམ་གྱིས་ཚེ་རིང་པོར་འཕེལ་ཞིང་ཚེ་ལོ་གྲངས་མེད་པར་འགྱུར་རོ། །དེའི་དུས་སུ་སེམས་ཅན་རྣམས་ལ་རྒས་པ་དང་ཤི་བ་མི་མཐོང་སྟེ། དེར་སེམས་ཅན་རྣམས་ཀྱང་ཆོས་ལ་དད་པ་མེད་པར་གྱུར་ནས་དམྱལ་བའི་སྡུག་བསྔལ་གང་ཡིན་པ་ཡང་མ་ཤེས་ཏེ། ཚེ་ལོ་གྲངས་མེད་པ་ཐུང་ངུར་འགྱུར་ཅིང་རིམ་གྱིས་མར་ལ་འགྲིབས་ཏེ་ཚེ་ལོ་བརྒྱད་ཁྲི་པར་འགྱུར་བ་ཡིན་ནོ། །ཞེས་དང་། དེའི་དུས་ན་བྱང་ཆུབ་སེམས་དཔའ་བྱམས་པ་འདི་གྲངས་མེད་པའི་བསྐལ་པ་འབུམ་ཕྲག་གཅིག་དང་བཅུ་དྲུག་ཏུ་སྦྱིན་པའི་ཕ་རོལ་ཏུ་ཕྱིན་པ་ལ་སོགས་པ་ཕ་རོལ་ཏུ་ཕྱིན་པ་ཐམས་ཅད་རྫོགས་ནས་ཐམས་ཅད་སྒྲོལ་བའི་ཚུལ་གྱིས་ཐ་མ་ཉིད་དུ་སྦྱིན་པ་ཆེན་པོ་སྟེ། ཕ་རོལ་ཏུ་ཕྱིན་པའི་ཚོགས་ཐམས་ཅད་མཐར་ཕྱིན་ཅིང་འདི་ནས་དགའ་ལྡན་དུ་མངོན་པར་སྐྱེས་ཏེ། དེའི་དུས་ན་འཇིག་རྟེན་གྱི་ཁམས་སྟོང་ཕྲག་བཅུའི་ལྷ་ཐམས་ཅད་འོངས་ཏེ་སངས་རྒྱས་འཇིག་རྟེན་དུ་འབྱུང་བར་འགྱུར་རོ་ཞེས་སྒྲ་དབྱངས་སྙན་པ་ཆེན་པོ་འབྱིན་ཞིང་མངོན་པར་རྫོགས་པར་འཚང་རྒྱ་བར་གསོལ་ཞེས་བསྐུལ་བར་བྱེད་དོ། །དེ་ནས་གཟིགས་པ་རྣམ་པ་ལྔ་ལ་མངོན་པར་གཟིགས་ཏེ། དགའ་ལྡན་གྱི་ལྷའི་འཁོར་ནས་འོངས་ཏེ་རྒྱལ་པོ་དུང་གི་གྲོང་ཁྱེར་རྒྱལ་མཚན་བློ་གྲོས་སུ་བྲམ་ཟེ་མདུན་ན་འདོན་ཚངས་རབ་ཅེས་བྱ་བའི་བཙུན་མོ་ཚངས་ལྡན་མ་ཞེས་བྱ་བའི་ལྷུམས་སུ་འཇུག་སྟེ། འཇིག་རྟེན་གྱི་ཁམས་སྟོང་ཕྲག་བཅུ་འདར་ཞིང་གཡོ་བར་འགྱུར་རོ། །དེར་ཟླ་བ་བཅུ་སོང་ནས་དྲང་སྲོང་ལྷུང་བའི་རི་

(༦༦༩)དྭགས་རྒྱུ་བའི་གནས་སུ་ཡུམ་ལས་འཁྲུངས་ཏེ། རིམ་གྱིས་ནར་སོན་ནས་རང་གི་བསོད་ནམས་ཀྱི་མཐུ་ལས་ས་འོག་ནས་ནོར་བུ་རིན་པོ་ཆེ་བདུན་ལས་གྲུབ་པའི་ཁང་བཟངས་བཞི་བྱུང་བའི་ནང་དུ་རང་ཉིད་ལྷ་བཞིན་དུ་ལྷ་མོ་ཟླ་བའི་གདོང་ཅན་དང་། གཞན་ཡང་ལྷ་མོ་ལྟ་བུའི་བུད་མེད་མང་པོ་དང་ལྷན་ཅིག་ཏུ་ལོ་སྟོང་ཕྲག་གཅིག་ཏུ་ལྷའི་ལོངས་སྤྱོད་ལྟ་བུ་ལ་བདེ་བར་སྤྱོད་དེ། དེ་ནས་ཐ་མའི་ཞག་ལ་བཙུན་པའི་གཟུགས་ཤིག་མཐོང་ནས་གསེར་གྱི་ཁང་བུར་སེང་གེའི་རྒྱལ་པོ་མི་དགའ་བ་བཞིན་དུ་རིན་པོ་ཆེའི་ཁང་བཟངས་དཔལ་མང་པོ་ཡོད་པ་ལ་མི་དགའ་ཞིང་ངེས་པར་འབྱུང་བ་ཆེན་པོའི་སེམས་བྱུང་སྟེ་འཇིག་རྟེན་འཁོར་ལོ་སྟོང་ཕྲག་བཅུ་ཐམས་ཅད་ཀྱི་ལྷ་རྣམས་ལྷའི་མེ་ཏོག་ལག་ཏུ་ཁྱེར་ནས་འཇིག་རྟེན་གྱི་འཁོར་ལོ་འདིར་ཡོངས་ཏེ་འཁོད་པར་བྱེད་དོ། །རྒྱལ་པོ་དུང་དང་བཅས་པའི་མི་མང་པོ་ཡང་མེ་ཏོག་དང་། དྲི་དང་། སྤོས་ཁྱེར་ཏེ་ཁང་བཟངས་ལ་བསྐོར་ནས་འཁོད་པར་བྱེད་དོ། །ནམ་མཁའི་ལྷ་རྣམས་ཀྱང་ལྷའི་མེ་ཏོག་ལག་ཏུ་ཁྱེར་ནས་ལེགས་སོ་ལེགས་སོ། །ཞེས་འོག་མིན་གྱི་བར་དུ་སྒྲ་ཆེར་སྒྲོག་ཅིང་འཁོད་པར་བྱེད་དོ། །དེ་ནས་རིན་པོ་ཆེའི་ཁང་བཟངས་རྫ་མཁན་གྱི་འཁོར་ལོ་བཞིན་དུ་འཁོར་ཞིང་ནམ་མཁའ་ལ་སོང་ནས་བཅོ་ལྔའི་ཟླ་བ་སྐར་མའི་ཚོགས་ཀྱིས་ཡོངས་སུ་བསྐོར་བ་བཞིན་དུ་བྱང་ཆུབ་སེམས་དཔའ་ནི་ཟླ་བའི་གདོང་ཅན་མ་དང་། གཞན་ཡང་བཙུན་མོའི་ཚོགས་དང་བཅས་པ་ནམ་མཁའ་ལ་འགྲོ་བར་བྱེད་དེ། སེམས་དཔའ་ཆེན་པོ་དེ་དང་ཐབས་ཅིག་ཏུ་འགྲོ་བའི་སེམས་ཡོད་པ་ཐམས་ཅད་ཀྱང་ནམ་མཁའ་ལ་འགྲོ་བར་བྱེད་དོ། །དེ་ནས་ཚངས་པ་ཆེན་པོས་ནི་དཔག་ཚད་གསུམ་ཙམ་ཡོད་པའི་གདུགས་དཀར་པོ་འཛིན་ཞིང་ལྷའི་དབང་པོའི་རྒྱལ་པོས་དུང་འབུད་པར་བྱེད་དོ། །འདི་ལྟར་བསོད་ནམས་ཀྱི་དཔལ་ཆེན་པོའི་ལྷ་དང་མིས་བསྐོར་བའི་ཁང་བཟངས་དང་བཅས་པས་བྱང་ཆུབ་ཀྱི་ཤིང་གི་དྲུང་དུ་ཉེ་བར་འོངས་ཏེ། དེ་ཇི་ལྟར་ཞེ་ན། ཤིང་སྡོང་ཁྲུ་བརྒྱ་

(༦༧༠)ཉི་ཤུ་སྟེ། །ཡལ་གའང་ཁྲུ་བརྒྱ་ཉི་ཤུའི་སྲིད། །རླུང་གིས་དལ་ཐུར་བསྐྱོད་པ་ན། །རྨ་བྱའི་གར་གྱིས་གདུགས་ལྟར་སྣང་། །དུས་ཀུན་ལྷ་ཡི་མེ་ཏོག་ནི། །ཤིན་ཏུ་ལེགས་པར་རྒྱས་པ་ཡང་། །འཁོར་ལོ་ཙམ་གྱི་ལྟ་བ་ལ། །གེ་སར་དྲི་བཟང་བེ་གང་ཙམ། །རླུང་གིས་ཕྱོགས་བཅུར་བསྐྱོད་པ་ན། །དཔག་ཚད་བཅུ་ནི་དྲི་ཡིས་ཁྱབ། །མེ་ཏོག་ས་ལ་འབབས་པ་ཡང་། །བྱང་ཆུབ་ཤིང་དྲུང་ཉིད་དུ་གནས། །དེའི་དུས་སུ་ནམ་མཁའ་ལ་འགྲོ་བའི་བྱའི་རིགས་མང་ངོ་སྐད་སྙན་པོས་མཆོད་པ་བྱེད་ཅིང་འགྲོ་བར་བྱེད་དོ། །དེ་ལྟར་བྱང་ཆུབ་ཀྱི་ཤིང་ཀླུ་ཤིང་ཉེ་འཁོར་དུ་འོངས་ཏེ་ནམ་མཁའ་ལས་བབས་ནས་ཁང་བཟངས་དེའི་ཉེ་འཁོར་ཡིད་དུ་འཐད་པའི་སྟེང་དེ་ཉིད་དུ་འཁོད་པར་བྱེད་དོ། །དེར་དཔལ་གྱི་ཁང་བཟངས་ཀྱི་ནང་དུ་ཞག་བདུན་དུ་དཀའ་ཐུབ་བྱེད་དོ། །དེ་ནས་ཚངས་པ་ཆེན་པོས་ཕུལ་བ་མཁོ་བའི་ཡོ་བྱད་བླངས་ཏེ་རབ་ཏུ་བྱུང་བར་བྱེད་དོ། །འཁོར་ཐམས་ཅད་ཀྱང་རབ་ཏུ་འབྱུང་བར་འགྱུར་རོ། །འདི་ལྟ་སྟེ། བརྒྱད་ཁྲི་བཞི་སྟོང་གྲངས་སྙེད་ཀྱི། །བྲམ་ཟེ་རིག་བྱེད་རང་མཁས་པ། །ང་ཡི་རྗེས་སུ་རབ་ཏུ་འབྱུང་། །འཁོར་རྣམས་ཀུན་ཀྱང་རབ་ཏུ་འབྱུང་། །དེ་ལྟར་རབ་ཏུ་བྱུང་ནས་ལྷ་མོ་ཟླ་བའི་གདོང་ཅན་མས་ཕུལ་བའི་འོ་ཐུག་རོ་སྣ་ཚོགས་དང་ལྡན་པ་གསོལ་བར་བྱེད་དོ། །དེའི་དགོངས་ཐུན་ལ་བྱང་ཆུབ་ཀྱི་ཤིང་དྲུང་དུ་ཉེ་བར་འོངས་ཏེ་རྣམ་པར་རྒྱལ་བའི་ཁང་བཟངས་སུ་ཁྲི་བཤམས་པ་ལ་ཤར་གྱི་འཇིག་རྟེན་ལ་མངོན་པར་གཟིགས་ཏེ་བཞུགས་པར་མཛད་དེ། དེ་ནས་རིམ་གྱིས་ཉི་མའི་སྐྱ་རེངས་ཤར་བའི་དུས་ན་ཡང་དག་པར་རྫོགས་པའི་སངས་རྒྱས་ཀྱི་ཡེ་ཤེས་མཛོད་དུ་མཛད་དེ་འདི་སྐད་གསུང་བར་འགྱུར་རོ། །འཁོར་བའི་སྐྱེ་བོ་མང་པོར་ནི། །དུག་མེད་པ་ཡི་དོན་གྱི་ཕྱིར། །གནས་བཟང་ཀུན་ཏུ་བཙལ་བྱས་ཀྱང་། །ཡང་ཡང་སྐྱེ་བའི་སྡུག་བསྔལ་བྱུང་། །ད་ནི་གནས་བཟང་མཆོག་ཐོབ་པས། །དག་ཟོད་

(༦༧༡)གནས་གཞན་མི་འགྲོ་སྟེ། །དུག་ཁྱིམ་སྡུག་བསྔལ་ཐམས་ཅད་བཅས། །རབ་བཅོམ་ཐོ་བས་བཤིག་པ་ཡིན། །ཉོན་མོངས་དུག་བཅས་འདོད་པ་ཡི། །ཡིད་ནི་རྣམ་པར་དག་པར་བྱས། །འདི་སྐད་ཅེས་གསུངས་ནས་བྱང་ཆུབ་ཀྱི་ཤིང་ལ་ཉེ་བར་གནས་ཏེ་ཞག་བདུན་ཕྲག་བདུན་སོང་བ་དང་། ཆངས་པས་གསོལ་བ་འདེབས་པ་གསན་ནས་དྲང་སྲོང་ལྷུང་བའི་གནས་སུ་ཕྱིན་ཏེ་ཆོས་ཀྱི་འཁོར་ལོ་བསྐོར་བ་ལ་གཤེགས་པའི་ཚེ། ཞབས་ནི་བསྐྱོད་མིན་བསྐྱོད་པ་ཡང་། །ཤིན་ཏུ་རྒྱས་པའི་བད་སྟེངས་གཤེགས། །འདབ་མ་ཁྲུ་ནི་སུམ་ཅུར་བཅས། །བར་གྱི་འདའ་མ་ཉི་ཤུ་ལྔ། །གེ་སར་ཉི་ཤུའི་ཁྲུ་དང་ལྡན། །ཟེའུ་འབྲུ་ལ་ནི་བཅུ་དྲུག་སྟེ། །གེ་སར་ཁ་དོག་ཤིན་ཏུ་དམར། །མེ་ཏོག་པདྨོ་ཆེན་པོ་འབྱུང་། །སྟོབས་བཅུ་མངའ་བའི་འོད་ཟེར་རབ་ཏུ་འབར་ཞིང་གསལ་ཏེ་ཉི་མའི་འོད་མི་གསལ་ཞིང་ཉིན་མཚན་བྱེ་བྲག་མེད་པར་འགྱུར་རོ། །དེའི་ཚེ་སྔ་དྲོ་དགོངས་མོ་བྱའི་སྒྲས་ཤེས་པར་བྱེད་པ་དང་། མེ་ཏོག་རྒྱས་པས་ཀྱང་འཇིག་རྟེན་པ་རྣམས་གོ་བར་བྱེད་དེ། གང་དང་གང་ན་ཆོས་འཆད་པ་ཡོད་པ་དེ་དང་དེར་ཆོས་ཀྱི་སྒྲ་ཐམས་ཅད་ལ་རབ་ཏུ་གྲགས་ཤིང་འཆད་པར་བྱེད་དོ། །དེའི་ཚེ་བྲམ་ཟེ་བརྒྱད་ཁྲི་བཞི་སྟོང་དང་། ཚངས་པ་ས་ཡ་ཕྲག་བཅོ་བརྒྱད་ཀྱིས་ཐོག་མར་ཆོས་ཀྱི་བདུད་རྩི་འཐུངས་ཏེ། འདི་ལྟར་བཅོམ་ལྡན་བསོད་ནམས་དང་བྱིན་རླབས་བརྒྱ་ཕྲག་མང་པོ་དང་ལྡན་པ་འོད་ཟེར་ཁ་དོག་སྣ་ཚོགས་པ་འགྱེད་ཅིང་། བརྒྱ་ཕྲག་མང་པོའི་མཚན་ཅན་མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བརྒྱད་ཅུ་མཉམ་པར་ལྡན་ཞིང་ངོ་མཚར་མང་པོ་མངའ་བ། བརྒྱ་ཕྲག་མང་པོའི་འོད་དེའི་སྐུ་ལས་འབྱུང་བ་ཡིན་ནོ། །ཞེས་དང་། དེ་ལྟ་བུའི་སངས་རྒྱས་དེ་ནི་དཔེ་མེད་པའི་དཔལ་དང་སངས་རྒྱས་ཀྱི་ཡོན་ཏན་མཐའ་མེད་པ་དང་ལྡན་ཞིང་། འཇིག་རྟེན་འཁོར་ལོ་སྟོང་ཕྲག་བཅུ་པོ་ཐམས་ཅད་ཀྱི་ལྟ་དང་མིའི་དབུས་སུ་བཞུགས་ནས་ཆོས་ཀྱི་འཁོར་ལོ་སྐོར་ཞིང་སྟོན་པར་མཛད་པ་ཡིན་ནོ། །དེའི་རྗེས་སུ་ས་ཡ་འབུམ་ཕྲག་

(༦༧༢)གཅིག་གི་ལྷ་དང་མི་རྣམས་འཛིན་པ་མེད་པར་དང་པོ་ཉིད་དུ་ཆོས་ཀྱི་མཆོག་གི་རྣམ་པར་གྲོལ་བ་ཐོབ་པར་འགྱུར་རོ། །རྣམ་པར་གྲོལ་བ་མ་ཐོབ་པ་རྣམས་ལྷའི་ཡུལ་དུ་སྐྱེ་བར་འགྱུར་རོ། །འདི་ལྟར་བྱམས་པ་ལེགས་པའི་མཆོག་ཆེན་པོ་དེ་གང་གིས་མི་མཐོང་ཞེ་ན། མ་བསད་པ་དང་། ཕ་བསད་པ་དང་། དགྲ་བཅོམ་པ་བསད་པ་དང་། དགེ་སློང་མ་སུན་བྱུང་བ་དང་། སེར་སྣ་ཆེ་བ་དང་། རྟག་ཆད་དུ་ངེས་པར་བལྟ་བའི་མུ་སྟེགས་དང་། འཕགས་པ་རྣམས་ལ་སྨོད་པ་དང་། གཅེར་བུ་བའི་རིགས་རྣམས་ཀྱིས་མི་མཐོང་བ་ཡིན་ནོ། །ཚིགས་སུ་བཅད་པ་སྟོང་ཕྲག་གཅིག་གི་རྒྱན་ཡོད་པའི་ཐམས་ཅད་སྒྲོལ་བའི་སྐྱེས་རབས་ཆེན་པོ་སྟོང་ཕྲག་གསུམ་བཞག་གཅིག་ལ་འཆད་ཅིང་ཉན་པར་བྱེད་པའི་མི་དང་། མར་མེ་སྟོང་ཕྲག་གཅིག་འབུལ་བ་དང་། དྲི་བཟང་པོ་མེད་ན་ཡང་མེ་ཏོག་སྟོང་ཕྲག་གཅིག་ཙམ་འབུལ་བ་དང་། ཨུཏྤལ་སྔོན་པོ་སྟོང་ཕྲག་གཅིག་ཙམ་འབུལ་བ་དང་། སངས་རྒྱས་ཀྱི་རིང་བསྲེལ་ཡོད་པའི་མཆོད་རྟེན་དང་། སངས་རྒྱས་ཀྱི་སྐུ་ལ་མཆོད་པ་བྱེད་པ་ཐམས་ཅད་ནི་སངས་རྒྱས་བྱམས་པ་དེ་ཆོས་འཆད་པའི་དུས་སུ་དེའི་དྲུང་དུ་ཆོས་ཀྱི་མཆོག་གིས་རྣམ་པར་གྲོལ་བ་ཐོབ་པ་དང་། མཐོང་བར་འགྱུར། དེ་མ་ཡིན་པ་སེམས་ཅན་སྦྱིན་པ་གཏོང་བ་དང་སྡོམ་པ་བསྲུང་བ་དང་། ལྷ་ཁང་བྱེད་པ་དང་། བྱང་ཆུབ་ཤིང་གི་ས་བོན་བསྐྱེད་པ་དང་། རིང་བསྲེལ་གྱི་མཆོད་རྟེན་བྱེད་པ་དང་། བྱང་ཆུབ་ཀྱི་ཤིང་དང་མཆོད་རྟེན་ལ་ཞབས་ཏོག་བྱེད་པ་དང་། སེམས་ཅན་ལ་ཕན་པའི་ཚུལ་བྱེད་པ་དང་། ཟམ་པ་བྱེད་པ་དང་། ལམ་འཆོས་པ་དང་། འགྲོན་པོའི་གནས་ཁང་བྱེད་པ་དང་། ཆུ་མིག་བྱེད་པ་དང་། སངས་རྒྱས་ཀྱི་བསྟན་པ་ལ་དད་པར་བྱེད་པ་དང་། སངས་རྒྱས་ཀྱི་ཆོས་འདི་དག་འཆད་པ་ལ་དྲི་དང་མེ་ཏོག་ལ་སོགས་པའི་མཆོད་པ་བྱེད་པ་དང་། ཁྲི་ལ་བྱི་དོར་བྱེད་ཅིང་ལེགས་པར་ཆོས་ཉན་པ་དང་། དགེ་འདུན་ལ་བསྙེན་བཀུར་དམ་པ་བྱེད་པ་དང་།

(༦༧༣)མ་དང་ཕའི་ཞབས་ཏོག་བྱེད་པ་དང་། རིགས་ཀྱིས་ཆེ་བ་ལ་གུས་པར་བྱེད་པ་དང་། སྡོམ་བསྲུང་བའི་དུས་སུ་དགེ་འདུན་ལ་བསྙེན་བཀུར་བྱེད་པ་དང་། ལྷུང་བཟེད་འབུལ་བ་བྱེད་པ་དང་། སྟན་སྟེར་བར་བྱེད་པ་ཐམས་ཅད་ཀྱིས་ཡང་དག་པར་རྫོགས་པའི་སངས་རྒྱས་བྱམས་པ་མཐོང་ཞིང་མཇལ་བ་ཡིན་ནོ། །དེ་ལྟ་བུའི་བསོད་ནམས་མང་པོ་མི་ནུས་ན་ཡང་མེ་ཏོག་སྤར་མོ་རེ་ཙམ་དང་། མར་མེ་གཅིག་ཙམ་འབུལ་བར་བྱེད་པ་དང་། གཞན་གྱི་བསོད་ནམས་ལ་རྗེས་སུ་ཡི་རང་བའི་དགེ་བ་བྱེད་པའི་ལྷ་དང་མི་རྣམས་ཀྱིས་དེའི་དུས་ན་ཡང་དག་པར་རྫོགས་པའི་སངས་རྒྱས་བྱམས་པ་མཐོང་བ་ཡིན་ནོ། །ཡང་དག་པར་རྫོགས་པའི་སངས་རྒྱས་བྱམས་པ་དེ་མཐོང་བར་འདོད་པའི་དད་པ་ཡོད་ཅིང་སྦྱིན་པ་གཏོང་བ་དང་། ཚུལ་ཁྲིམས་སྲུང་བ་དང་། བསྙེན་གནས་སྒྲུབ་པ་དང་། དོན་ཡང་དག་པར་སྒོམ་པ་དང་། དགེ་བའི་ལས་ཤིན་ཏུ་ལེགས་པར་བྱེད་པ་རྣམས་ཀྱིས་ཤིན་ཏུ་ལེགས་པར་མཐོང་བ་ཡིན་ནོ། །ཞེས་བཀའ་སྩལ་ནས་བསྐལ་བཟང་གི་འདྲེན་པ་བཞི་བའི་བསྟན་པ་འདིའི་འབྲས་བུའི་དུས་ཀྱི་ལྔ་བརྒྱ་ཕྲག་གསུམ་ལ་ཉན་ཐོས་རང་ལམ་ནས་དགེ་སྦྱོང་གི་འབྲས་བུ་བཞི་ཡང་མངོན་དུ་མ་བྱས་པ། ལུང་དང་སྒྲུབ་པའི་དུས་སོ་སོའི་རང་སྐལ་ལྔ་བརྒྱ་ཕྲག་དྲུག་པོར་ཡང་འདུལ་བ་དང་། མདོ་སྡེ་དང་། མ་མོའི་སྡེ་སྣོད་ཀྱི་དོན་ལ་ཚུལ་བཞིན་དུ་སྤྱོད་པར་མི་ནུས་ཤིང་། ཚུལ་ཁྲིམས་ཀྱི་ཕུང་པོ་ལས་ཀྱང་ཉམས་པ། བཅོམ་པ། ལྟུང་བ། ཕམ་པར་གྱུར་པས་ལམ་གྱི་བར་ཆད་དུ་གྱུར་པ་རྣམས་བྱང་གྲོལ་གྱི་ལམ་ལ་བདེ་བར་འགོད་ཅིང་། ཐར་པའི་གོ་འཕང་བསྐལ་པ་ཆུང་བ་རྣམས་ཀྱང་ལྷའི་འཇིག་རྟེན་དུ་དབུགས་འབྱིན་པ་ལ་མཉམ་ཞིང་མཚུངས་པ་མེད་པའི་སྟོན་པ་ཆེན་པོ་རྗེ་བཙུན་བྱམས་པ་མགོན་པོ་བཞེངས་ཀ་མའམ། བཟང་པོའི་འདུག་སྟངས་ཀྱི་སྣང་བརྙན་སྐྱེས་བུ་དར་ལ་བབ་པའི་ཁྲུ་དང་མཉམ་པའི་ཞལ་ཚད་དེ་སྙེད་ཀྱི་སྲིད་དུ་མངོན་པར་འཕགས་པ་རྟེན་གྱི་གཙོ་བོར་བཞུགས་པ་གང་ཞིག་ཀྱང་། སྤྲུལ་པའི་སྐུའི་

(༦༧༤)མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བརྒྱད་ཅུའི་བདག་ཉིད་ཅན་གྱི་ཕྱིར། མཐོང་ན་མི་མཐུན་པ་མེད་ཅིང་། དད་པས་མོས་པ་རྣམས་ལ་མངོན་པར་དགའ་བའི་ཞལ་སྐྱིན་ཅན་བལྟ་བས་ཆོག་མི་ཤེས་པའི་བཟོ་སྤྲོས་ཅན་དུ་བྱོན་ཏོ། །དེའི་གཡས་སུ་བདེ་ལྡན་ཞིང་གི་མགོན་པོ་རྒྱལ་བ་འོད་མཚན་སྟོང་འབར་སྤྲུལ་སྐུའི་བདག་ཉིད་ཅན་དང་། གཡོན་དུ་སྤྱན་རས་གཟིགས་སེམས་ཉིད་ངལ་བསོ་གཉིས་ཐོག་ཚང་མ། བར་སྟོངས་གཉིས་སུ་ཐུབ་པ་གྲོང་ཁྱེར་མ་དང་། འཕགས་པ་མིག་མི་འཛུམས་པ་ཁ་སར་པཱ་ཎིའི་ཕྱ་བྱད་ཅན་གཞོན་ནུ་ལོ་བཅུ་གཉིས་པའི་ལུས་ཚད། ཁྱད་པར་སངས་རྒྱས་ཐམས་ཅད་ཀྱི་ངོ་བོ་བླ་མ་ཡིན་པར་ངེས་པའི་མོས་གུས་ཀྱི་ལྕགས་ཀྱུས་ཡེ་ཤེས་སེམས་དཔའ་མངོན་སུམ་དུ་འགུག་པས་བྱིན་རླབས་ཀྱི་གཟི་བྱིན་མཚུངས་པ་མེད་པའི་ངང་ཚུལ་དབང་པོའི་སྤྱོད་ཡུལ་དུ་བལྟར་མངོན་པའི་རྟེན་ཁྱད་པར་ཅན་གཉིས་ནི། གངས་ཅན་པ་རྣམས་ཀྱི་སྐྱབས་དང་། རྟེན་དང་། གླིང་དང་། མགོན་དང་། དཔུང་གཉེན་གཅིག་པུ་པར་གྱུར་པ་དཔལ་སངས་རྒྱས་གཉིས་པ་སློབ་དཔོན་ཆེན་པོའི་སྐུ་ཚབ་རིན་པོ་ཆེ་སྣང་སྲིད་ཟིལ་གནོན་བདུད་དཔུང་འདུལ་བའི་བདག་ཉིད་ཅན་སྐྱེས་བུའི་ལུས་ཚང་ཉིས་འགྱུར་དུ་དཔགས་པ་དང་། རྒྱལ་བ་སྲས་དང་བཅས་པ་རྣམས་ཀྱི་ཡེ་ཤེས་དམ་པའི་རང་གཟུགས་ཡིན་པའི་མངོན་རྟོགས་མཐོང་ཆོས་སྐུ་རྔོམ་།།།པ་ལ་འཛམ་བུའི་གླིང་མཛེས་པར་བྱེད་པའི་རྒྱན་དྲུག་གམ། མཆོག་བརྒྱད་ཀྱི་དོ་ཟླར་སྤོབས་པས་སྤྲུལ་གཞི་ཕུན་སུམ་ཚོགས་པའི་སྒྲོ་བཏགས་ཙམ་ལ་ལྟོས་མི་འཆའ་ཞིང་། མ་འོངས་པ་ན་དེ་བཞིན་གཤེགས་པ་རི་རབ་མར་མེའི་རྒྱལ་མཚན་དུ་འཚང་རྒྱ་བའི་ལུང་བསྟན་ཐོབ་པས་སོ་སོ་ཡང་དག་རིག་པ་བཞི་ལ་སློབས་པའི་གཏེར་མཛོད་གྲོལ་ནས་དེ་བཞིན་གཤེགས་པའི་གསུང་གི་གསང་བ་རབ་འབྱམས་མཐའ་དག་པ་དང་། ལམ་བདེན་འདུས་བྱས་པའི་ཕ་རོལ་ཏུ་སོན་པའི་དེ་ཁོ་ན་ཉིད་རང་བཞིན་རྫོགས་པ་

(༦༧༥)ཆེན་པོའི་ཆོས་འཁོར་བསྐོར་བ་ལ་གདོད་མའི་སངས་རྒྱས་མངོན་སུམ་པའི་ཞལ་སྐྱིན་རྒྱལ་བ་གཉིས་པ་ཀློང་ཆེན་རབ་འབྱམས་ས་ལ། དཔལ་བསམ་ཡས་པ་ཀུན་མཁྱེན་ངག་གི་དབང་པོ་གཉིས་སོ། །ངེས་པ་ལྔ་ལྡན་འོག་མིན་སྟུག་པོ་བཀོད་པའི་ཞིང་ཁམས་ཀུན་གྱི་མོས་པའི་རྟེན་དུ་འཚོ་བའི་ཕྱིར་དུ། ཆོས་དབྱིངས་ཡེ་ཤེས་ཀྱིས་འཁོར་འདས་གཉིས་སུ་མེད་པ་ལ་ལོངས་སྤྱོད་པ་བཅོམ་ལྡན་འདས་རྣམ་པར་སྣང་མཛད། མེ་ལོང་ལྟ་བུའི་ཡེ་ཤེས་ཀྱི་དཔེ་ལ་ལོངས་སྤྱོད་པ་བཅོམ་ལྡན་འདས་རྡོ་རྗེ་མི་བསྐྱོད་པ། མཉམ་པ་ཉིད་ཀྱི་ཡེ་ཤེས་ཀྱི་དོན་ལ་ལོངས་སྤྱོད་པ་བཅོམ་ལྡན་འདས་རིན་ཆེན་འབྱུང་ལྡན། སོ་སོར་རྟོག་པའི་ཡེ་ཤེས་ཀྱིས་དབང་པོ་ལ་ལོངས་སྤྱོད་པ་བཅོམ་ལྡན་འདས་སྣང་བ་མཐའ་ཡས། བྱ་བ་གྲུབ་པའི་ཡེ་ཤེས་ཀྱིས་ཆོས་དང་བྲལ་བ་ལ་ལོངས་སྤྱོད་པ་བཅོམ་ལྡན་འདས་དོན་ཡོད་གྲུབ་པ་རྣམས་དང་རྗེ་བཙུན་སྒྲོལ་མ་བཅས་སྤྱིར་ཉན་ཐོས་སྐྱེས་བུའི་ལུས་ཚད་དང་། དེ་བཞིན་གཤེགས་པ་རྣམས་དེ་ལས་ལྡོག་པ་ཉིད་ཀྱང་། རྣམ་པར་རང་ཉིད་སྐྱིལ་མོ་ཀྲུང་བཅས་པའི་སྲིད་དང་མཉམ་པའོ། །དེ་རྣམས་ལ་སྐུ་རབ་ཏུ་བྱེད་པའི་གཟུངས་ཀྱི་ཁྱད་པར་ཇི་ལྟར་བཞུགས་པ་ནི། རྟེན་གཙོ་བྱམས་མགོན་དང་བཅས་པའི་དབུས་མ་གསུམ་གྱི་སྲོག་ཤིང་ལ་ཟབ་མོ་ལྟ་བ་དང་། རྒྱ་ཆེན་སྤྱོད་པའི་བླ་མ་རྒྱུད་པ་རྣམས་ཀྱི་མཚན་སྔགས། རང་ལུགས་ཤིང་རྟ་རིན་པོ་ཆེ་རྣམ་པ་གསུམ་གྱི་བརྒྱུད་པ་ཇི་བཞིན་ལས་ཀུན་མཁྱེན་ཆེན་པོ་ལ་ཐུག་གི་བར་སྨོས་ནས་རྒྱལ་བསྟན་རིས་མེད་དུ་དར་བ་དང་འཇིག་རྟེན་བདེ་བའི་སྨོན་ལམ་ཤིས་བརྗོད་དང་བཅས་པ། སློབ་དཔོན་སངས་རྒྱས་གཉིས་པའི་སྲོག་ཤིང་ལ་རང་བཞིན་ཐེག་མཆོག་རྒྱལ་པོའི་རྩ་བརྒྱུད་ཀྱི་བླ་མ་རྣམས་ཀྱི་མཚན་སྔགས་དང་། གསང་སྔགས་རབ་འབྱམས་ཀྱི་བཀའི་སྡུད་པ་པོ་རིག་འཛིན་རྡོ་རྗེ་ཆོས་ཀྱི་ལྷ་ཚོགས། ཞི་བ་རྡོ་རྗེ་དབྱིངས་དང་ཧེ་རུ་ཀ་དགུ་ཀློང་འབར་བ་དཔལ་ཆེ་མཆོག་བདུད་རྩི་ཡོན་ཏན་གྱི་དཀྱིལ་འཁོར་རྒྱ་མཚོའི་སྙིང་པོ་ཡོངས་སུ་

(༦༧༦)རྫོགས་པར་བྲིས་སོ། །ཚུལ་དེས་མཚོན་ནས་རྡོ་རྗེ་ནི་བསྐྱོད་པར་ཞི་ཁྲོ་སྒྱུ་འཕྲུལ་དང་ཡང་དག་ཐུགས། རིན་ཆེན་འབྱུང་ལྡན་ལ་འཇམ་དཔལ་ཞི་ཁྲོ། སྣང་བ་མཐའ་ཡས་ལ་པདྨ་གསུང་། དོན་ཡོད་གྲུབ་པ་ལ་ཕུར་པ་ཕྲིན་ལས། རྣམ་པར་སྣང་མཛད་ལ་རིགས་གཞན་གསུམ་བཀོད་པའི་བདུན་བརྒྱ་ཉེར་ལྔའི་ལྷ་ཚོགས་མ་ཚང་བ་མེད་པའི་སྙིང་པོ་གཙོ་བོར་བཞུགས་པ་དང་། རྗེ་བཙུན་མ་སྒྲོལ་མ་ལ་རང་གིས་དམ་བཅས་པའི་གཟུངས་ལེ་ཚན། སྤྱན་རས་གཟིགས་སེང་གེའི་སྒྲ། ལྷ་མོ་འོད་ཟེར་ཅན། རྒྱལ་མཚན་རྩེ་མོའི་གཟུངས་ལ་སོགས་པ་གཙོ་བོར་གྱུར་པའི་རིགས་མང་པོ་ལག་བྲིས་སུ་བསྟར་ཞིང་མྱོང་གྲོལ་ཁྱད་པར་ཅན་དང་དྲི་བཟང་པོས་བསྐུས་པས་དོན་དམ་པར་ཞི་ཁྲོ་རབ་འབྱམས་མ་ལུས་ཤིང་ལུས་པ་མེད་པའི་བདག་ཉིད་ཅན་དུ་བསྒྲུབས་པ་ཡིན་ནོ། །དེ་ལས་ཆོས་སྐུའི་རིང་བསྲེལ་ཇི་ལྟར་བཞུགས་པ་ནི་གཙུག་ཏོར། མཛོད་སྤུ་མགྲིན་པ་ལ་སོགས་པའི་གཟུངས་ཀྱིས་མཚོན་སྐྱེ་མཆེད་བྱིན་གྱིས་བརླབས་པའི་གཟུངས་རྣམས་དམིགས་བསལ་ལྟར་ལས། ཁྱད་པར་གྱི་རྣམ་གྲངས་ནི། རྟེན་གཙོར་བྱམས་པས་དམ་བཅས་པའི་གཟུངས་འབུམ་ཐེར་ལྷག་བཅས། འཇམ་དཔལ་རྩ་རྒྱུད་ལས་གསུངས་པའི་ཚེ་གཟུངས་འབུམ་ཐེར། ཡིག་དྲུག་འབུམ་ཐེར་གཅིག་དང་ཆིག་ཁྲི། མགོན་པོ་ཚེ་མཐའ་ཡས་པའི་གཟུངས་ཀྱི་རྣམ་གྲངས་བདུན་ཅུ་སྐོར། སྲོག་ཤིང་བརྟན་པ་ཁྲི་ཚར། དྲི་མེད་འོད་ཀྱི་མཆོད་རྟེན་གཟུངས་ཆིག་སྟོང་ལྷག་བཅས། གཟུངས་ཆེན་སྡེ་ལྔ་སོ་སོ་ནས་ཆིག་སྟོང་། དེ་དག་གི་རྩ་སྔགས་དང་ཉེ་སྙིང་གཟུངས་ཐུང་སོགས་བརྒྱ་དང་གསུམ། གུ་རུའི་སྙིང་པོ་འབུམ་ཐེར་གཅིག་དང་སུམ་ཁྲི་ཉིས་སྟོང་ལྔ་བརྒྱ་སྐོར། གསང་བ་འདུས་པ་ལ་སོགས་པའི་བརྒྱུད་ཀྱི་རྣམ་གྲངས་སོ་སོ་ནས་ཚར་བཅུ་སྐོར་རེ། འཁོར་ལོ་སྡོམ་པ་ལ་སོགས་པའི་མ་རྒྱུད་དེ་མཚུངས།

(༦༧༧)ཀུན་རིག་ལ་སོགས་པའི་རྣལ་འབྱོར་རྒྱུད་བཅུ་དྲུག་སྐོར། བྱ་སྤྱོད་གཉིས་ཉི་ཤུ་རྩ་གཉིས་རེ། ཇོ་བོའི་ཐུགས་དམ་ལྷ་བཞི་བརྒྱ་ཁྲག་གཅིག་ལྷག་བཅས། ཐུགས་རྗེ་ཆེན་པོ་ཞལ་བཅུ་གཅིག་པའི་གཟུངས་བརྒྱ་ཕྲག་གོ་ཅིག་དང་བཅུ་གསུམ་སྐོར། ཡིག་བརྒྱ་ཁྲི་ཚོ་གཅིག །མི་འཁྲུགས་པའི་གཟུངས། རྟེན་འབྲེལ་སྙིང་པོ། འགྱུར་སྔགས་དང་མདོ་གཟུངས། སུ་པྲ་ཏིཥྛ། སྔགས་མ་དག་པ་དང་གཟུངས་གོང་འོག་འཆོལ་བ་ལ་སོགས་པའི་ཉེས་སྐྱོན་སེལ་ཕྱིར་སྟོད་སྨད་བར་གསུམ་ཀུན་ཏུ་རྒྱུ་བ་རིག་པ་ཕུག་རོན་གྱི་གཟུངས་རྣམས་ཆིག་སྟོང་རེ་དང་ནོར་ལྷ་ཆོས་སྐྱོང་གི་གཟུངས་བརྒྱ་ཕྲག་ལྷག་བཅས་རེ། ཕུན་སུམ་ཚོགས་པ་ལ་སོགས་པའི་བཀྲ་ཤིས་ཀྱི་གཟུངས་རྣམས་འབུལ་ཚུལ་གྱི་ངེས་པ་སློབ་དཔོན་ཀླུ་སྒྲུབ་སྙིང་པོའི་གཞུང་པཎ་ཆེན་བི་མ་ལ་དང་། ལོ་ཙཱ་བ་ཅོག་རོ་ཀླུའི་རྒྱལ་མཚན་གྱིས་བསྒྱུར་བ་དང་། སློབ་དཔོན་ཛེ་ཏ་རིའི་གཟུངས་འབུལ་གྱི་དཀར་ཆག་གཙོ་བོར་བཟུང་། མན་ངག་གི་ངེས་པ་གཞན་དག་གིས་ཀྱང་ལེགས་པར་བརྒྱན་ནས་གོ་རིམ་འཚོལ་བ་མེད་པ་དང་། རྟེན་སོ་སོའི་དབུ་གཙུག་ཏུ་དེ་བཞིན་གཤེགས་པ་གསེར་ཐུབ་ཀྱི་རིང་བསྲེལ་ཡུངས་འབྲུ་ལྟ་བུ་རེ་རེ་དང་། རྟེན་གཙོར་ཨོ་རྒྱན་ཡབ་ཡུམ་གྱི་བྱང་སེམས་དཀར་དམར་གཙོ་བོར་བཞུགས་པའི་གཏེར་བྱོན་གྱི་ཨ་ཐམ་མ་ཁུངས་ལྡན། སྤྱིར་ཆ་མཉམ་གྱི་ཨུ་རྒྱན་ཆེན་པོའི་སྐུ་བེར་བྱི་རུ་སྤུངས་པར་གྲགས་པའི་དུམ་བུ་ཆོས་དབང་རིན་པོ་ཆེའི་གཏེར་བྱོན་ངོ་མཚར་ཅན་གྱིས་གཙོས་པའི་རྒྱ་བོད་ཀྱི་སྐྱེས་བུ་དམ་པ་རྣམས་ཀྱི་ན་བཟའ། བྲམ་ཟེ་དུང་རྣ་དང་རྒྱལ་སྲས་ལྷ་རྗེའི་སྐུ་རུས་ཀྱིས་མཚོན་པའི་གདུང་དང་སྐུ་བལ་གྱི་རིང་བསྲེལ་རྩོད་མེད་ཚོགས་ཆེ་བ་དང་། པད་གཟུངས་གནོད་སྦྱིན་བང་མཛོད་ཆོ་ག་བཞིན་དུ་འདུ་བྱས་པ་ལ་རབ་གནས་རང་བཞིན་གྱིས་ཆགས་པའི་རྟེན་འབྲེལ་དུ་རྒྱ་བལ་བོད་གསུམ་གྱི་གནས་ཆེན་མཐའ་ཡས་པའི་ས་རྡོ་ཆུ་ཤིང་དང་། གྲུབ་ཆེན་ཐང་སྟོང་

(༦༧༨)པས་འཛམ་གླིང་ལན་གསུམ་བསྐོར་བའི་ས་སྣ་རྡོ་སྣ་ལ་སོགས་པ་ཡང་འདྲེས་ཤིང་ཆུབ་པར་བྱས་པས་ཤིན་ཏུ་བཀྲ་ཤིས་པ་ཡིན་ནོ། །དེ་ལ་རྒྱལ་བ་སྲས་དང་བཅས་པ་དེ་དག་ནི་རང་བཞིན་གྱིས་མཛེས་པའི་མཚན་དཔེའི་རྒྱན་དང་བཅས་པའི་ཕྱིར་ན། འཇིག་རྟེན་ན་རིན་ཐང་དང་བཅས་པའི་རྒྱན་ཕལ་པ་ལ་ལྟོས་པ་མ་ཡིན་ཡང་གདུལ་བྱའི་ངོས་ནས་བསོད་ནམས་གསོག་པའི་སླད་ཕྲ་རྒྱན་གྱི་མེ་ཏོག་དང་བླ་བྲེ་དབྱངས་ཤིང་ན་བཟའི་ཁྱད་པར་ཇི་ལྟར་མནབས་པ་ནི། རྟེན་གཙོ་རྗེ་བཙུན་བྱམས་པ་མགོན་པོའི་དབུ་ཐོག་ཏུ་བུས་གདན་མ་དམར་པོའི་རིན་ཐང་ཅན་གྱི་བླ་བྲེ་ཤམ་ལྡན་དང་། ལྕམ་གླིང་གཡས་གཡོན་རྒྱན་པའི་སྐྱེད་ཁྲ་དུང་ཁའི་གནམ་རྒྱན་འཇལ་ལྡན་གྱིས་བྱིང་ཁེབས། ལིང་ངུར་སྨྲིག་གི་སྐུ་ཆོས་དང་། མཐོང་ས་བྷུ་ཏ་ལྗང་གུའི་མཐའ་རྡོ་རྗེ་ས་ལམ་དམར་པོས་བྱས་པའི་སྟོད་ལེ། བཟང་གོས་ཚོན་སྤེལ་གྱི་སྐུ་པང་དང་བཅས་པ། སྣང་བ་མཐའ་ཡས་ཀྱི་མཛོད་སྤུར་གྲུ་གཡུ་སྤུས་ལེགས་སྲན་མ་ཙམ་སྟོད་ལེ་གོང་འདྲ་ལས་མཐའ་འཇའ་སྤྲིན་ས་ལམ་དམར་པོའི་ཁྱད་པར། ལིང་དུར་གྱི་སྣམ་སྦྱར་ཚད་ལྡན། སྤྱན་རས་གཟིགས་སེམས་ཉིད་ངལ་བསོའི་མཛོད་སྤུར་གྲུ་དམར་སྤུས་དག་དང་། དབུ་རྒྱན་སྐྲ་ལྡེམ་ལ་གཙུག་གཡུ་གཅིག །གཡུ་དཀྱུས་ཆེ་ཆུང་བརྒྱད། ནོར་བུ་ཞུམ་མི་གསེན་གང་བ་གཉིས། མུ་ཏིག་བསྟར་འགྱུས་དགུ་བཅུ་གོ་བཞི། བྱི་རུ་སྲན་སྤོས་ཙམ་བཞི་བཅུ་ཞེ་གཅིག །དེ་བས་ཆུང་བ་བཅུ་བཞི། ཐུགས་ཀ་ནས་དཔྲལ་གཡུ་ཆེ་བ་དང་། སྤོས་ཤེལ་ཆུང་ངུ་གཅིག །སྟོད་ལེ་མཐོངས་རྒྱན་བཞི་དམར་པོའི་མཐའ་སྨྱུག་ཁ་ཆུ་བྲག་མས་བྱས་པ་དང་། ཚོས་ཉིས་མ་སྔོན་པོ་རྒྱ་བྱ་རིས་ཀྱི་སྐུ་པང་། ལྗེམ་སྐུ་གཉིས་ཀྱི་མཛོད་སྤུ་ཞུམ་མིག་སྲན་སྤོས་ཙམ་རེ། སྲོང་ཁྱེར་མར་བཟང་གོས་སྤྲིན་རིས་མའི་སྐུ་ཆོས། ཁ་སར་པཱ་ཎིར་།།།བཟང་གོས་ཉིས་སྤེལ་གྱི་སྟོད་ལེ་རང་འགྲིག་དང་། ཌཾ་ག་མ་སེར་པོའི་སྨད་གཡོགས།

(༦༧༩)སློབ་དཔོན་ཆེན་པོར་དངུལ་དཀར་ལས་གྲུབ་པའི་རྒོད་ལྡེམ་དང་། སྟེགས་བྱི་རུ་ཆེ་ཆུང་ཁམ་བུ་ཙམ། ཐུགས་ཀ་ན་དཔྲལ་གཡུ། མཛོད་སྤུར་གུ་གཡུ་ལེགས་ངེས་སྲན་སྦོས་ཙམ། སྐྱིན་ཁབ་མཚལ་ཁའི་སྐུ་བེར་གོང་པ་སྐྱིན་ཁ་བརྒྱ་ཁ་སྟོང་སྐུད་ཀྱི་འཇའ་ལྡན་དང་། མགུལ་རྒྱན་བྱི་རུས་བསྐོར་བ། རིགས་ལྔའི་སྐྲ་སྡེམ་སྤྱིར་བྱི་རུ་སྣ་ཚོགས་བརྒྱ་དང་ཉི་ཤུ་རྩ་བརྒྱད། གཡུ་སྣ་ཚོགས་ངོ་བཅོ་ལྔ། རིགས་ལྔ་རྣམས་ཀྱི་མཛོད་སྤུར་མུ་ཏིག་སྲན་མ་ཙམ་རེས་མཚོན། མུ་ཏིག་ཆེ་ཆུང་བཅུ་གསུམ། གཡང་ཏྲིའུ་དང་། ཉ་ལྕིབས་ཀྱི་ཕྲེང་བ་བརྒྱ་རྩ་བརྒྱད། གཞན་མན་ཧོ། མུ་མེན། གཡང་ཏྲིའུ། གཙོ་བོ་གཉིས་ལ་མེ་ཤེལ་རེའི་ནོར་བུ་ཏོག་གིས་མཚོན་པའི་ཤེལ་རིགས་སྣ་ཚོགས་ཆེན་སྤེལ་གྱི་རྒྱ་གདུགས། རིགས་ལྔ་།།།སྒྲོལ་མ་དང་བཅས་པར་སྟོད་ལེ་སྨད་ཤམ་ཅོད་པན་ཆ། ཀུན་མཁྱེན་ཆེན་པོར་མཛོད་གོས་སྤྲིན་རིས་མ་སེར་པོའི་སྐུ་བེར་གོང་ལྡན་དང་སྣམ་སྦྱར། རྒྱབ་ཡོལ་བཟང་གོས་དམར། བོ་ཇུས་ལྗང་གི་མཐའ་འཇའ་ཅན། མཁ་དཀར་བཀྲ་ཤིས་ཁ་བཏགས་དང་བཅས་པའོ། །སྐུ་རྒྱུའི་ཁྱད་པར་དང་གཏོང་བ་ཆེན་པོའི་བསམ་སྤྱོད་ཕུན་སུམ་ཚོགས་པས་བསྒྲུབས་པའི་རྟེན་ནི་དྲི་གཙང་ཁང་གི་གཡས་ལོགས་ཀ་སྟར་གསུམ་གྱི་ཆང་དངུལ་སྲང་བདུན་ཅུ་རྩ་ལྔའི་ཡོན་གྱིས་གསར་དུ་བསྐྲུན་པའི་དེ་བཞིན་གཤེགས་པའི་སྣང་བརྙན་ཐུང་པ་གྲོང་ཁྱེར་མར་གྲགས་པ་སློབ་པ་ལམ་གྱི་གནས་སྐབས་ན་ཕ་རོལ་ཏུ་ཕྱིན་པ་དྲུག་གམ་བཅུའི་བདག་ཉིད་ལ་རྟག་པར་བསྟེན་གོམས་མཛད་པའི་རྟེན་ཅིང་འབྲེལ་བར་འབྱུང་བ་གང་ཞིག་འབྲས་བུའི་གནས་སྐབས་ན་ཁྲི་དྲུག་མགྱོགས་ལྟར་མངོན་པ་དང་བཅས་པའི་སྐུའི་ངོ་བོ་སྟོད་ཧོར་ལི་ཁྲ་།།།དང་། ཁྲི་རྒྱབ་རྣམས་ལི་དམར་ཕལ་པ་ལས་གྲུབ་པ་ཐམས་ཅད་ཀྱི་སྲིད་དུ་མངའ་ཆ་དེ་ལངས་སུ་ཆ་ཞིང་བཟེ་སྒྲོས་ཤིན་ཏུ་གཅིང་བའི་གནྡྷོ་ལ་དང་བཅས་པ་གཡས་གཡོན་དུ་དེ་བཞིན་གཤེགས་པའི་གསུང་ལྗོངས་འདིར་འགྱུར་རོ་འཚལ་ལ་གངས་ཅན་པ་རྣམས་ཀྱིས་བཀའ་འགྱུར་རིན་པོ་ཆེའི་

(༦༨༠)སྒྲས་བཏགས་པ་བོད་ཆེན་བརྒྱ་ཕྲག་གཅིག་བཞུགས་ཁང་ཀུན་དགའ་ར་བ་དང་རང་འགྲིག་གདོད་ཅོག་ལྔ་དང་བཅས་པ། སྣང་བརྙན་རིན་པོ་ཆེའི་མཛོད་སྤུར་མུ་ཏིག་ནས་རྡོག་ཙམ་པ་རྒྱབ་ཡོལ་གཞི་དཀར་ཚོན་ཁྲམ། དབུ་ཐོག་ཏུ་མཐོངས་རྒྱ་གར་ཁ་ཐི་བྱས་པའི་མཐའ་བཟང་གོས་དམར་སེར་སྔོ་ནག་འཇའ་སྤེལ་གྱི་བླ་བྲེ་གཤམ་ལྡན། གཡས་གཡོན་སོ་སོར་མཐོངས་མཛོད་གོས་སྔོ་སྐྱ་འཁོར་བརྒྱད་མ་ལ་བཟང་གོས་དམར་སེར་འཇའ་སྤེལ་གྱི་གནམ་རྒྱན་བྱིང་ཁེབས། ལྕམ་གླིང་བར་མ་ལ་མཐོངས་མཛོད་གོས་རྒྱ་ཡིག་མ་སེར་པོ་ཡུག་གི་མཐའ་བཟང་གོས་དམར་པོ་ཡུག་གསུམ་བསྒྲིགས་ཀྱིས་བྱི་བ་ཁེབས་དང་། གཞན་སེང་གཡངས་ཀྱིས་མཚོན་པའི་ལྕམ་གླིང་ཐམས་ཅད་ཀ་ཤི་གའི་རས་ལ་རི་མོ་མཁན་གྱིས་ཚོན་རིས་མངོན་པར་བཀྲ་བས་བཅོས་བུར་བྱས་པ་ཤ་སྟག་གོ །མགོན་ཁང་ཨུ་ཙ་ལར་བདག་ཉིད་ལྷའི་གསལ་སྣང་དང་ཆོས་ཉིད་མཉམ་པ་ཆེན་པོའི་ངང་ནས་བསྐྲུན་པའི་མ་མགོན་ལྕམ་དྲལ་གྱི་སྐུ་གཟུགས་སོ་སོའི་བླ་རྡོ་སྲོག་འཁོར་གྱི་ནང་གཟུངས་ཁྱད་པར་ཅན་དང་ལྡན་པ་དང་། གསུང་རྟེན་ནག་མོ་ཁྲོས་མའི་རྒྱུད་ཆ་ཚང་། གཏེར་མགོན་གྱི་བོད། ཐུགས་རྟེན་རྟེན་མདོས་མཚན་ཉིད་ཚང་བ། ཡོན་ཏན་ཕྲིན་ལས་གྱི་རྟེན་སྤད་ཀར་དངུལ་གྱི་ཟ་སྤོག་ ཅན་ལ་དར་མཚན་དཔྱངས་པ། ཐོད་རྔ་ལྟག་སྐྲོད། རྐང་གླིང་ཟངས་ཆིངས་ཅན། ཤིང་གི་ཞལ་བརྙན་ལྔ་དང་དམ་ཅན་པར་ཚར་ཞུ། ཧོར་སྦུབ་ཁ་སྒོར་རྒྱུག་ཐོག་ལྷག་བཅས་སྐྱོན་མེད་གཅིག །གསེར་རྡ་།།།མགུལ་བཅས་མེ་མངའ་དམ་ཅན་བླ་ཆགས་མ། སག་ཐག་སྐོར་ཆ་འགྲིག །སྙན་ཤལ་ནང་མཛོད་བསྐང་རྫས་རིས་ཀྱིས་གཙོ་མཁྱེན། རུ་མཚོན་དར་བཅས་གཉིས། ཁ་བཏགས་ཀྱི་བསར་བྱ་དར་ཆ། ལྕགས་ཀྱུ། ཏིང་ལྔ་ཚར། ཕྱིའི་གནས་བདག་ནི་སློབ་དཔོན་ཆེན་པོའི་བཀའ་སྡོད་གངས་ཅན་བོད་

(༦༨༡)ཀྱི་ཡུལ་ལྷ་ཆེན་མོ་བཀྲ་ཤིས་ཚེ་རིང་མ་ཞེས་།།།བརྒྱུད་ཀྱི་བསྟན་པ་ལ་གཅིག་ཏུ་མེ་ལ་ཚེ་ཆེ་བའི་མཁའི་འགྲོ་ཆེན་མོ་ལྔས་རང་གིས་མཛད་པའི་མཚན་མ་མཐོང་བ་བཞིན། བླ་རྡོ་སྡོག་།།།འཁོར་གྱི་བཅའི་ག་མན་ངག་ལྟར་དུ་ལྡན་པའི་སྐུ་མཁར་གཙོ་འཁོར་ལྔ་དང་བཅས་པའང་བསྐུན་ནས་དམ་ཡེ་གཉིས་མེད་དུ་བརྟན་པར་བྱས་པ་ཡིན་ནོ། །ད་ནི་གང་གིས་མཐོང་ཐོས་དྲན་རེག་མཐའ་དག་ལ་ཐར་བའི་ས་བོན་ཁྱད་པར་ཅན་འཇོག་པའི་ཕྱིར་ལམ་གྱི་གཞི་མདོར་ཡང་བསྒྲུབ་པར་བྱ་བའི་རྟེན་གྱི་མཆོག་ནི་མཆོད་རྟེན་ཡིན་པའི་ཚུལ་ངན་སོང་སྦྱོང་བའི་རྒྱུད་ལ་སོགས་པ་ཐེག་པ་ཆེ་ཆུང་མ་བདག་ནས་བཤད་ཅིང་། འདུལ་བ་ལུང་ལས། སྔོན་འཕགས་པ་ཤཱ་རིའི་བུའི་རིང་བསྲེལ་རྣམས་ཁྱིམ་བདག་མགོན་མེད་ཟས་སྦྱིན་གྱིས་ཁྱེར་ཏེ། རང་གི་ཁྱིམ་གྱི་ནང་གི་མེ་ཆོག་མཐོན་པོ་ཞིག་ཏུ་བཞག་སྟེ། དེ་ལ་མཆོད་པ་དང་སྐྱེ་བོའི་ཚོགས་ཆེན་པོ་གཞན་རྣམས་ཀྱིས་ཀྱང་དེར་སོང་སྟེ་མཆོད་དོ། །དུས་རེ་ཞིག་ཁྱིམ་བདག་རི་བོར་ཞིག་ཏུ་བྱ་བ་ཅུང་ཟད་གཅིག་ལ་སྒོ་བཅད་དེ་སོང་བ་དང་། སྐྱེ་བོའི་ཚོགས་རྣམས་ཀྱིས་མཆོད་པ་བྱ་བ་མ་བྱུང་བར་བདག་ཅག་གི་བསོད་ནམས་ཀྱི་བར་ཆད་བྱས་སོ། །ཞེས་འཕྱ་བ་དེ་ཁྱིམ་བདག་གིས་ཐོས་ནས། བཅོམ་ལྡན་འདས་བདག་གིས་ཤཱ་རིའི་བུའི་མཆོད་རྟེན་ཕྱོགས་སྣ་སྤེལ་ཙན་ཞིག་ཏུ་བགྱིས་ལ་མཆོད་པ་བགྱིད་དུ་སྩོལ་ཅིག །བཀའ་སྩལ་པ་གནང་གི་གྱིས་ཤིག །ཅེས་པ་ལྟར་རོ། །དེའི་དགོས་པའང་འདི་ལྟར་སངས་རྒྱས་ཐམས་ཅད་ཀྱི་གཉིས་སུ་མེད་པའི་ཡེ་ཤེས་ཆོས་སྐུའི་རང་བཞིན་ནི་ཐུགས་རྡོ་རྗེའི་གསང་བ་བསམ་གྱིས་མི་ཁྱབ་པ་ཁོ་ན་ཡིན་ལ། དེ་ཉིད་རྟགས་དང་བརྡའི་མཚོན་དཔེའི་འགྲོ་བ་ཀུན་གྱི་མིག་སྔ་ན་སྣང་བར་བྱས་ནས་བསོད་ནམས་ཀྱི་ཚོགས་རླབས་པ་ཆེའི་གཞི་རྟེན་དུ་འགྱུར་བ་དང་། དེ་ལ་བརྟེན་ནས་དགེ་ཚོགས་རིན་པོ་ཆེའི་ཡོན་ཏན་ཐམས་ཅད་འབད་མེད་།།།དུ་འབྱུང་བ་དཔེར་ན་ཡིད་བཞིན་གྱི་ནོར་བུ་རིན་པོ་ཆེ་གང་ན་བཞུགས་པའི་ས་ཕྱོགས་སུ་སྲིད་

(༦༨༢)ཞིའི་དཔལ་འབྱོར་ཐམས་ཅད་བདེ་བླག་ཏུ་འདུ་བ་ཆོས་ཉིད་ཡིན་པ་ལྟར་སངས་རྒྱས་རྣམས་ཀྱི་ཁྱད་པར་གྱི་ཆོས་གང་གིས་མཐོང་བ་དང་། རེག་པ་དང་། ཐན་རླུང་གི་རྫི་ཕྱོགས་ཕོག་པ་ཙམ་གྱིས་ཀྱང་འཁོར་བ་མཐའ་ཅན་དུ་བསྙིལ་ཞིང་གནས་སྐབས་ཙམ་དུའང་འཇིག་རྟེན་གྱི་རྒུད་བསེལ་བ་དང་བཀྲ་ཤིས་པའི་དགེ་མཚན་མངོན་པར་འདུ་ཞིངས་དགྲ་དང་གནོད་སྦྱིན་གདུག་པའི་ཁ་གནོན་དུའང་བསྔགས་པས་ནོར་བུའི་ནང་ནས་དབང་གིས་རྒྱལ་པོ་ལྟ་བུར་གྱུར་པ་ནི་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་གྱི་རང་གཟུགས་རྒྱལ་བའི་མཆོད་རྟེན་ཆེན་པོ་ཡིན་པའི་ཚུལ་གསང་བ་འདུས་པ་ལས། མཆོད་རྟེན་སངས་རྒྱས་ཐམས་ཅད་ཀྱི། །བཞུགས་གནས་ཕོ་བྲང་ཡིན་པར་བཤད། །ཅེས་སོ། །དེའི་ཕྱིར་མཆོད་རྟེན་བྱང་ཆུབ་མཐོང་གྲོལ་ལམ་བཀྲ་ཤིས་རྣམ་རྒྱལ་དགེ་འཕེལ་ཇི་ལྟར་བཞེངས་པ་ནི། སློབ་དཔོན་ཀླུ་སྒྲུབ་སྙིང་པོས། མཆོད་རྟེན་གཟུངས་རྣམས་མས་ཡར་གཞུག །ཅེས་གསུངས་པ་ལྟར་དང་པོར་གཟུངས་ཀྱི་བྱ་བ་རྣམས་ཉེར་བསྡོགས་སྔོན་དུ་གྲུབ་དགོས་པའི་ཕྱིར། ནང་བཞུགས་ཀྱི་སྙིང་པོར་རྒྱལ་བ་འོད་མཚན་སྟོང་འབར་གྱི་སྣང་བརྙན་འཕྲུལ་ཆེན་པར་གྱི་སྒྱུ་འཕྲུལ་ལས་བསྒྲུབ་ཕྱིར། བཟོ་བོ་དང་སྐུ་རྒྱུ་བྱིན་རླབས་ལ་ཞིབ་མོ་རྣམ་པར་འཐག་པའི་བརྩོན་འགྲུས་རང་ཉིད་ཀྱི་ལག་ཏུ་བསྟར་ཞིང་། བདུད་རྩི་སྨན་གྱི་ཕབས་ཀྱིས་བྲན་པའི་འཇིམ་པ་རིན་པོ་ཆེའི་ངོ་བོར་བསྒྲུབས་པ་ལ། སྡོམ་པའི་ཚུལ་ཁྲིམས་ལ་ལེགས་པར་གནས་ཤིང་བསྐྱེད་རྫོགས་ལ་མོས་པས་དཔྱོད་པའི་གང་ཟག་གསུམ་གྱིས་ཟླ་བ་གཉིས་སུ་ཉེ་བའི་ཁོངས་སུ་སྐུ་རྒྱང་པ་འབུམ་ཐེར་གཅིག་དང་ལྔ་སྟོང་བརྒལ་བ་གྲུབ་བོ། །དེ་ལྟར་གྲུབ་པ་ལ་སྦྱངས་ཁྲུས་སྔོན་དུ་འགྲོ་བས་མགོན་པོ་ཚེ་མཐའ་ཡས་པའི་ཕྲིན་ལས་ཀྱི་གཞུང་བསྲངས་ཏེ་ཆོག་ཉུང་ངུ་ལ་བརྟེན་པའི་རབ་ཏུ་གནས་པ་ཡང་བགྱིས་སོ། །དེའང་མཆོད་རྟེན་གྱི་ནང་

(༦༨༣)གཟུངས་ཀྱི་གཙོ་བོ་སྲོག་ཤིང་དང་ཡུངས་བྲུ་ལྟ་བུའི་རིང་བསྲེལ་ཡིན་པའི་ཚུལ་འཕགས་པ་རྨད་དུ་བྱུང་བའི་མདོར། ཀུན་དགའ་བོ་འཛམ་བུའི་གླིང་ཡང་ལྟ་ཞོག །ཤར་གྱི་ལུས་འཕགས་གླིང་ཡང་སྟ་ཞོག །ནུབ་ཀྱི་བ་གླང་སྤྱོད་ཀྱང་ལྟ་ཞོག །བྱང་གི་སྒྲ་མི་སྙན་ཡང་ལྟ་ཞོག །ལྷའི་དབང་པོ་བརྒྱ་བྱིན་གྱི་ཁང་བཟངས་རྣམ་པར་རྒྱལ་བྱེད་ཅེས་བྱ་བ་ཡང་ལྟོ་ཞག །ཀུན་དགའ་བོ། སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ཡོད་དེ། དེ་རིགས་ཀྱི་བུའམ། རིགས་ཀྱི་བུ་མོ་དད་པ་གང་ལ་ལ་ཞིག་གིས་རིན་པོ་ཆེ་སྣ་བདུན་གྱི་རང་བཞིན་དུ་བྱས་ཏེ། རྒྱུན་དུ་ཞུགས་པ་རྣམས་དང་། ལན་ཅིག་ཕྱིར་འོང་བ་རྣམས་དང་། ཕྱིར་མི་འོང་བ་རྣམས་དང་། དགྲ་བཅོམ་པ་རྣམས་དང་། ཕྱོགས་བཞིའི་དགེ་སློང་གི་དགེ་འདུན་ལ་ཕུལ་བ་པས་གང་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདས་པའི་མཆོད་རྟེན་སྐྱུ་རུ་རའི་འབྲུ་ཙམ་དུ་བྱས་ལ། ཁ་བ་ཙམ་གྱི་སྲོག་ཤིང་བཙུགས་ཏེ། རྒྱ་ཤུག་གི་ལོ་མ་ཙམ་གྱི་གདུགས་གསོལ་ནས། །ནས་ཀྱི་འབྲུ་ཙམ་གྱི་སྐུ་གཟུགས་བྱས་ལ། ཡུངས་འབྲུ་ཙམ་གྱི་རིང་བསྲེལ་བཅུག་ན་དོན་དེ་བས་བསོད་ནམས་ཆེའོ། །ཞེས་སོ། །དེའི་ཕྱིར་སྲོག་ཤིང་བརྟན་པར་བྱ་བ་དང་། ཆོས་སྐུའི་རིང་བསྲེལ་གཟུངས་སྔགས་རྣམས་ཀྱི་ངོ་བོ་ཆོས་དཀོན་མཆོག་གི་དང་བཞིན་ནི་ཡི་གེའི་སྦྱོར་བ་ལ་རག་ལུས་པ་སྙན་གྱི་གོང་ཆེན་དུ། ལྔ་བརྒྱ་ཐ་མར་གྱུར་པ་ན། །ང་ནི་ཡི་གེའི་གཟུགས་སུ་གནས། །ང་ཡིན་སྙམ་དུ་ཡིད་བྱོས་ལ། །དེ་ཚེ་དེ་ལ་གུས་པར་བགྱི། །ཞེས་བསྔགས་པའི་ཕྱིར་དེའི་རྣམ་པར་འགྱུར་བ་ལ། འཇམ་པའི་དབྱངས་ཐུ་མི་སམྦྷོ་ཊའི་བཞེད་པས་མཚོན་བྱ་དོན་གྱི་ཚིག་ལ་སུམ་རྟགས་ལ་སོགས་པའི་ངེས་པས་བརྡ་དག་སྡེབ་སྦྱོར་གྱི་རང་བཞིན་ཕྲ་ཞི་བ་དང་། མཚོན་བྱེད་དཔེའི་ཡི་གེ་ལ་མཚན་ཉིད་མངོན་པ་བཅུ།

(༦༨༤)གཅེས་སོ་བརྒྱད། མགོ་དང་། དཔུང་པ་དང་། ཟག་མཆུ་དང་། ཡར་འཐེན་དང་། མར་འཐེན་དང་། མིག་བུ་སྟེ། རེ་རེ་ལའང་གསུམ་ཚན་གསུམ་གྱིས་བྱེ་བྲག་ཕྱེ་བའི་ཆོས་ཉི་ཤུ་རྩ་གཅིག་དང་། རྣ་རུའི་ཆོས་གསུམ། འགྲེང་བུའི་ཆོས་གསུམ། གི་གུའི་ཆོས་གསུམ། ང་བཏགས་ཕྱི་ཆོས་གཉིས། ལ་བཏགས་ཀྱི་ཆོས་གསུམ་སྟེ་བུ་ཆོས་བཅུ་དྲུག་དང་། སྤྱིའི་ཆོས་གསུམ་སྤོ་དུང་བཅས་པ་སྟེར་གས་པར་ཆོས་བཞི་བཅུའི་མཚན་ཉིད་ཅན་དང་ཞིབ་པར་ཐིག་གི་ཆས་ཕྲ་མོར་བྱས་པའི་ཚུལ་སྔོན་གྱི་ལོ་ཙཱ་བ་ཆེན་པོ་སྐ་བ་དཔལ་བརྩེགས་ཀྱི་རྒྱུན་ཕྱི་མཐར་བྱཉྫ་ནའི་རིང་ལུགས་འཛིན་པ་རྣམས་ཀྱི་ཕུལ་དུ་གྱུར་པ་ཁྱུང་པོ་གཡུ་བྲིས་ཐིག་རིས་སུ་བཏབ་པ་ལ། མཁས་མཆོག་རོང་པོས་ལྷན་ཐབས་ཀྱི་དག་སྦྱོར་མཛད་པའི་ལེགས་པར་བཤད་པ་གང་གི་གཞུང་ལུགས་ལ་རང་བཞིན་གྱི་བག་ཆགས་དཀར་བ་རང་ཉིད་ཀྱིས་སྲོག་ཤིང་རྣམས་ཀྱི་གཙོ་བྱས། གནོད་སྦྱིན་བང་མཛོད་ཀྱི་རྒྱབ་བརྟེན་དུ་བླ་མ་དགོངས་པ་འདུས་པ་དང་། རྟ་མཆོག་རོལ་བ་ལྟོ་སྦྱར་བའི་ཁྱད་པར་གྱི་མན་ངག །དགེ་འདུན་གྱི་སྡེ་གསོ་བ། གསང་སྔགས་ཀྱི་ཐེག་པ་སྤེལ་བ། རྒྱལ་པོའི་མངའ་ཐང་བསྐྱེད་པ། སྐྱེ་བོའི་འདུ་ཚོགས་རྒྱས་པ། ཡ་རབས་ཀྱི་རིགས་བརྒྱུད་སྤེལ་བ། ཟབ་མོའི་ཆོས་བརྒྱུད་སྤེལ་བ། ཚེ་དང་ཡེ་ཤེས་རྒྱས་པ། ནོར་དང་ལོངས་སྤྱོད་སྤེལ་བ། དགྲ་ལྷའི་མཐུ་རྩལ་གསོ་བ། ལྷ་ཀླུའི་འཁོན་སེལ་བ། སྙན་ཅིང་གྲགས་པ་སྤེལ་བ། སའི་བཅུད་གསོ་བ། ཡུལ་གྱི་ནད་ཡམས་གཅོད་པ། དུས་ཀྱི་འཁྲུག་པ་ཞིབ། གཞན་གྱི་བྱང་ཁ་བསྡམ་པ། རྦོད་གཏོང་དམིགས་ཁ་བསྒྱུར་བ། ཤི་སྒབ་གཅོད་པ། སྲི་ཀེག་སྒྲོལ་བ། སྡིག་ཅན་ལོག་ཤེས་བསྒྱུར་བ། ཡུལ་གྱི་ཀླུ་ཕྲན་གསོ་བ། སྤྱི་ཆིངས་འབྱུང་བ་དཔལ་བསྐྱེད་དེ། སྣོད་བཅུད་ཀྱི་

(༦༨༥)ལེགས་ཚོགས་སྤེལ་བའི་འཁོར་ལོ་ཉི་ཤུ་རྩ་གཅིག་མན་ངག་གི་གནད་དང་ལྡན་པའི་རྩིབས་དང་མུ་ཁྱུད་ཀྱི་ཟ་མ་ཏོག་ཏུ་འཕྲུལ་ཡིག་གསེར་གྱི་པ་ཏྲའི་ཕྲ་ཚོམ་བཀོད་པའི་སྦྱོར་བ་ལ་ཞུགས་སོ། །གང་གི་ཚེ་གྲོགས་ཉེ་བར་འཁོད་པ་རྣམས་ལ་རྣམ་པར་ཤེས་པ་ལས་སུ་མི་རུང་བ་སོ་སོའི་སྐྱེ་བོའི་མཚན་ཉིད་ཡིན་ཕྱིར་ཡིད་གཞུངས་པར་ནན་ཏན་གྱིས་བསྐུལ་ནས་དངོས་གཞིའི་གཟུངས་ཀྱི་བྱ་བ་རྣམས་ཤོག་པུ་བཅུ་ལྟེ་བ་བརྒྱ་ཕྲག་གཉིས་ལ་འཕྲུལ་ཆེན་པར་གྱི་ཆོ་འཕྲུལ་ལས་ལེགས་པར་བསྒྲུབས་ནས་དྲི་བཟང་བསྐུ་བ་དང་། མུ་འཐུད་པ་དང་བསྒྲིལ་བ་ཡན་ཆད་ལོ་བཏུབ་ཏུ་མ་སོང་བ་གཟུངས་འབུལ་གྱི་གཞུང་ལྟར་ཉེ་བར་བསྡོགས་སོ། །དེ་ནས་དངོས་གཞི་ཇི་ལྟར་བརྩམས་པའི་དུས་ངེས་པ་ནི། རྒྱལ་བ་བུར་མ་ཤིང་བའི་འཁྲུངས་ལོ་དང་གཤེགས་ལོ་སོགས་ལ་རྒྱ་བལ་ཁ་ཆེའི་པཎྜི་ཏ་མང་པོ་ཞལ་མི་འཆམ་པ་འདུག་ཀྱང་། དེ་ཐམས་ཅད་དཔལ་དུས་ཀྱི་འཁོར་ལོའི་ཞག་གསུམ་རྣམ་གཞག་གི་ཆོ་གར་བརྟེན་པའི་དུས་ཚིགས་རྟག་པའི་འགྲོས་ཅན་གྱི་གཏན་ཚིགས་དང་། རྒྱལ་བའི་གསུང་རབ་ཀྱི་ལུང་དོན་རྒྱ་མཚོ་ལྟོ་སྦྱར་བའི་དཔྱད་པ་གསུམ་གྱི་སྲང་ལ་ལེགས་པར་བཏེག་པའི་ལམ་དྲང་པོ་ནས་ཕྱིན་པར། བདག་ཅག་གི་སྟོན་པ་དྲག་པོ་ལྕགས་སྤྲེའུ་ས་ག་ཟླ་བའི་བཟང་པོ་གཉིས་པའི་ཚེས་བདུན་གྱི་ཟླ་སྐར་རྒྱལ་ལ་བབ་པའི་དུས་ན་མངལ་གྱི་སྒྲིབ་པ་དང་བྲལ་བར་སྐུ་བལྟམས་ནས་ཟླ་བའི་ཕུང་པོ་དུས་མིག་འཁོར་།།།པོའི་ནར་སོན་པ། ཤར་ཕྱོགས་ཏང་ཀུན་རྒྱལ་པོའི་ཁབ་ཏུ་ཡི་ཡིའུ། སྲོག་གི་ཟུངས་གནམ་ལྕགས་ཞུན་མའི་རང་བཞིན་དུ་ལྕི་ཞིང་འཐས་ལ། ལུས་ལ་དལ་འགྲོའི་ཁམས་ཀྱིས་བརླན་པ། དབང་ཐང་ལྗོན་པའི་ཡ་ལ་དགོས་སུ་མན་པས་ཤིང་། རླུང་རྟ་ཚངས་པའི་རལ་ཀླུང་སྐ་རགས་སུ་བཅིངས་ནས་ནམ་མཁའ་ལྡིང་གི་བཞིན་རས་རྔམ་པས་གངས་ཅན་པ་རྣམས་ཤིང་མོ་བྱ་འོར་གླེང་ཞིང་བདག་ཉིད་སུམ་ཅུ་རྩ་བདུན་པའི་ལོ། །འབྱུང་རྩིས་གླིང་དགུའི་དབུས་ན་གཅིག་དཀར་འཚོ་ཞིང་འབྱུང་

(༦༨༦)གསུམ་ལྡན་ཁ་རལ་གྱི་ལོ་དྲང་སྲོང་ལྷའི་བླ་མའི་ཀླུངས་སུ་གྱུར་པ་ལས། ཉིན་མོར་བྱེད་པ་ངལ་བ་སོས་ལུས་ཉེ་བར་བསྲུངས་པའི་ཕྱོགས་ག་ལ་བ་དེར་མངོན་པར་རྒྱུ་བས་དཀར་པོའི་ཕྱོགས་ཀྱི་བྱ་བ་ལས་ཀྱི་འཁོར་ལོ་དགེ་ལེགས་སྟེར་བའི་གནས་སྐབས་ཞག་གི་ཕུང་པོ་བཅུ་གཉིས་ལས་ས་གས་ཉ་བའི་ཟླ་བ། དུས་བཞིའི་འཁོར་ལོ་དཔྱིད་ཟླ་ཐ་ཆུང་ལ་བབས་པ། ཡར་ངོ་སྔོན་འགྲོ་ཉིན་བྱེད་དབང་པོ་གླང་གི་ཁྱིམ་ན་སྤྱོད་པའི་དུས། གཙུག་ན་ཟླ་བ་དང་དུས་ཀྱི་འཁོར་ལོ་སོ་སོའི་ལུགས་ཀྱི་ཆོས་ལ་འཆར་བའི་དབྱངས་དང་གསལ་བྱེད། འབྱུང་བ་ལྔ། ཚེས་གྲངས་དར་གུད། འདོད་པའི་ཡོན་ཏན། སྤར་སྨེ། གཟའ་སྐར་འཕྲོད་ཆེ་ཆུང་། དུས་སྦྱོར་གྱི་ཏཱཏྐ་ལ། བྱེད་པ་མཐའ་དག་དགེ་ལེགས་ཀྱི་སྦྱོར་བ་ལ་གཅིག་ཏུ་རྩེ་ཞིང་། འདྲེན་པ་ཟས་གཙང་སྲས་པོ་ཡུམ་སྒྱུ་འཕྲུལ་མའི་ལྷུམས་གྱི་པདྨོ་ལས་རྣམ་པར་གྲོལ་བའི་བཟང་པོའི་དུས་ཆེན་གྱི་ཉིན། མདུན་ངོས་ས་གཞི་ལག་མཐིལ་ལྟར་མཉམ་པའི་ངོས་ཡངས་པར་ས་བརྟག་པ་དང་། བླང་བ་དང་། སྦྱང་བ་དང་། གཟུང་བ་དང་། བསྲུང་བ་ལ་སོགས་པ་སའི་ཆོ་ག་རྣམས་སྔོན་དུ་བཏང་ཞིང་ཞི་བའི་སྦྱིན་སྲེག་གིས་ས་གཞི་ལས་སུ་རུང་བར་བྱས་ནས་རང་ལུགས་ཀྱི་ཐིག་རྩ་སོར་བཞག་སྟེ་མཆོད་རྟེན་བྱང་ཆུབ་མཐོང་གྲོལ་བཞེད་པའི་བྱ་བ་ལ་ཞུགས་སོ། །སྤྱིར་མངའ་རིས་ལ་དབང་བ་ཕལ་ཆེར་རང་ཞབས་པ་རྣམས་འཚོ་བའི་ཟས་སྐོམ་ཚུན་ཆོད་རྒྱགས་ཕྱེ་རང་ཁུར་གྱི་ཁྲལ་ལ་བརྟེན་པའི་འུ་ལག་གི་སྦྱོར་བས་རྒྱུ་སོང་གི་འབྲས་བུ་ལ་བརྟག་ཏུ་མེད་པར་ས་རྡོའི་ཕུང་པོས་ཇི་མི་སྙམ་པའི་ལམ་སྲོལ་གྱིས་བསྒྲུབས་པ་ནི། རྣམ་པར་དགེ་བའི་ལས་ལྟར་སྣང་ཡང་གཞན་རྒྱུད་མ་ནར་གཅོད་ཀྱི་སྡུག་བསྔལ་ལ་སྤྱོད་ཅིང་རྒྱུ་དེས་རང་རང་གི་དགེ་ཚོགས་ཀྱང་ལས་དཀར་ལ་རྣམ་སྨིན་གནག་པ་འདི་ནི་ཤིན་ཏུའང་བག་ཚ་བའི་གནས་སུ་མཐོང་ངོ་། །དེའི་ཕྱིར་དཀོན་མཆོག་གསུམ་རྗེས་སུ་དྲན་པ་

(༦༨༧)ལས། དམ་པའི་ཆོས་ནི་ཐོག་མར་དགེ་བ། བར་དུ་དགེ་བ། ཐ་མར་དགེ་བ། ཞེས་པས་མཚོན་ཏེ་ནང་པ་སངས་རྒྱས་པའི་བྱ་བ་ལ་ཆོས་བརྒྱད་བྱ་བའི་སྒྲ་མི་འཇུག་པའི་ཕྱིར་སྔར་གནས་རྟེན་གྱི་གཞི་བཟུང་བ་ཚུན་ཆོད་ནས་རིགས་པ་མ་ཡིན་པའི་གནས་ལ་ཞིབ་མོར་དཔྱད་ནས་གང་གིས་དང་བསྟོན་པ་དེ་དག་བཟའ་བཏུང་གི་འཚོ་བ་གྱ་ནོམ་པས་ཡིད་རབ་ཏུ་དགའ་བར་བྱས་རྗེས། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། །གཞན་ལ་གཞན་བསྐུལ་འདེབས་མཁས་ཤིང་། །མ་བཅོལ་ཕན་པར་བྱེད་པའི་དག །གུས་པས་སྤྱི་བོར་བླང་བྱ་སྟེ། །རྟག་ཏུ་ཀུན་གྱི་སྒྲོན་མེར་འགྱུར། །ཅེས་པ་ལྟར་བརྩམ་པར་བྱ་བའི་ལས་གང་ཡིན་པ་གཞན་གྱི་ཁུར་དུ་མི་འགྲོ་བའི་རྒྱུ་ནི་སྐྱེ་བོ་ཞོ་ཤས་འཚོ་བ་རྣམས་ཀྱི་གཉའ་བ་ན་ཁུར་དུ་ལྕི་བའི་ས་རྡོའི་ལས་མཐའ་ཡུན་ཐུང་དུ་ལ་ལྟོས་པའི་ཕྱིར་དང་། བདག་ཅག་ནི་མངའ་རིས་རྒྱ་ཆེན་པོ་ལ་བཙན་པོའི་ལུང་གིས་རང་གིར་བགྱིད་པ་ཡང་མ་ཡིན་ལ། གཏོང་པ་ཉམ་ཆུང་ལ་གྲུབ་འབྲས་ཆེན་པོ་ཐོབ་པའི་རློམ་སེམས་དགེ་བར་སྒོམ་པ་ཡང་མ་ཡིན་པས། ནང་གཟུངས་ཚོགས་ཆེ་ཞིང་ཁྱད་པར་འཕགས་པས་ཕྱུར་བུར་དགར་ཐུབ་པ་དང་། གཞིའི་གོ་ཡུལ་ལ་དཔགས་པའི་རྒྱ་ཁྱོན་འཚམས་པ་ཡིད་ལ་གཞག་ཅིང་། དེ་ཡང་མཉེན་ཞིང་ཡི་གར་འཇུག་པའི་ལུང་འཇམ་པོས་ཐོག་མཐའ་བར་གསུམ་གྱི་ལས་བྱེད་པ་རྣམས་ཡི་རངས་པར་བགྱིས་པས་གླུ་གར་དང་རྩེད་འཇོའི་དང་ལས་དོན་དུ་གཉེར་བ་གང་ཞིག་མིག་འཕྲུལ་ལྟར་གྲུབ་པོ། དེ་ལྟར་གྲུབ་ནས་ཀྱང་དེ་མ་ཐག་པའི་ཚེས་བཅོ་ལྔའི་དུས་ཆེན་གསུམ་འཛོམ་ཉིན་དམིགས་བསལ་མཆོད་རྟེན་གྱི་རབ་གནས་རིན་པོ་ཆེའི་དྲ་བ་ལ་བརྟེན་ནས་རབ་ཏུ་གནས་བྱའི་ཡེ་ཤེས་ཀྱི་ངོ་བོ་བདག་ཉིད་ཀྱིས་ཇི་ལྟར་རྟོགས་པ་བཞིན་བཞུགས་པ་ཡིན་ནོ། །གཟུངས་ཀྱི་ངེས་པ་ཇི་ལྟར་བཞུགས་པ་ནི། སེང་ཁྲིའི་ཆར་གནོད་སྦྱིན་བང་མཛོད་སྲིད་པའི་ཕུན་ཚོགས་ཀྱི་དཀོར་ཆས་གཏམས་པའི་གཏེར་བུམ་ལྔ་དང་། དེའི་རྒྱབ་བརྟེན་ཡིད་བཞིན་ནོར་

(༦༨༨)བུ་ལྟ་བུའི་འཁོར་ལོ་ཉི་ཤུ་རྩ་གཅིག་གོ་རིམ་མ་འཆོལ་བར་རྟེན་འབྲེལ་གྱིས་ཅ་འགའི་གནད་དང་བཅས་འདུབ་གྱིས་ཤིང་། སྲོག་ཤིང་ལ་ཐེག་མཆོག་རྫོགས་པ་ཆེན་པོའི་རིག་འཛིན་བརྒྱུད་པའི་མཚན་སྔགས་དང་སངས་རྒྱས་སྲས་གཅིག །རྒྱུད་ཀྱི་སྒྱུ་འཕྲུལ་དང་མདོ་སེམས། སྒྲུབ་སྡེ་བཀའ་བརྒྱད་ཀྱིས་མཚོན་པའི་ཡི་དམ་ཞི་ཁྲོའི་སྙིང་པོ་དང་། ཡི་དམ་ཆོས་སྐྱོང་གི་གཟུངས་དང་བཅས་པའི་བར་མཚམས་ཏུན་ཏུ་དམིགས་བསལ་སྲོག་ཤིང་བརྟན་པའི་སྔགས་ཅི་མང་འདོད་གསོལ་དང་བཅས་པ་བྲིས་ཤིང་། དམ་རྫས་ཁྱད་པར་ཅན་གྱིས་བྱུགས་པ་ལ་མདོ་སྒྱུ་སེམས་གསུམ་ལ་སོགས་པའི་སྔ་འགྱུར་གྱི་རྒྱུད་སྡེ་རབ་འབྱམས། བདེ་ཀྱེ་གསང་གསུམ་དང་དུས་ཀྱི་འཁོར་ལོས་མཚོན་ཕྱིན་ཆད་བོད་དུ་གསང་སྔགས་འགྱུར་རོ་འཚལ་གྱི་རྩ་སྔགས་དང་ཉེ་སྙིང་། གཟུངས་ཆེན་སྡེ་ལྔས་མཚོན་མདོ་གཟུངས་ཀྱི་རིགས་གཏོས་ཆེ་བ། ཡིག་དྲུག་དང་རྡོ་རྗེའི་བླ་མའི་སྙིང་པོ་ཁྲི་ཕྲག་ཏུ་ལངས་པ། རྩེར་དེ་བཞིན་གཤེགས་པའི་ཡུངས་འབྲུ་ལྟ་བུའི་རིང་བསྲེལ། བྲེ་མགུལ་དུ་བདེ་སྟོང་ཆེན་པོའི་རི་ལ་བུ་ཨ་རྒྱ་ཅན། བུམ་པའི་ནང་དུ་སྐུ་རྟེན་ལྗོན་དམར་ལས་གྲུབ་པའི་རྗེ་བཙུན་འཇམ་དཔལ་དབྱངས། ལྷོ་ལི་ལས་གྲུབ་པའི་ཨོ་རྒྱན་ཆེན་པོ། སྨན་འདམ་གྱི་ཇོ་བོ་རྗེ་དང་། ཀུན་མཁྱེན་ཆེན་པོ། གསུང་རྟེན་རྡོ་རྗེ་གཅོད་པ། གཏེར་བྱོན་གྱི་ཤོག་སེར་ངོ་མཚར་ཅན་རྣམས་གྲངས་བདུན། ཐུགས་རྟེན་བྱང་ཆེན་མཆོད་རྟེན། ཡོན་ཏན་གྱི་རྟེན་རིས་སུ་མ་ཆད་པའི་སྐྱེས་ཆེན་དམ་པ་རྣམས་ཀྱི་ན་བཟའ་དང་། སྐུ་བལ་གྱི་རིང་བསྲེལ་རིན་པོ་ཆེའི་ཟ་མ་ཏོག་ཏུ་གཏམས་པ། ཕྲིན་ལས་ཀྱི་རྟེན་ཕུར་པ་བྱིན་ཅན་རྣམས་མཆོད་རྟེན་གྱི་གཟུངས་གཞུག་བྱ་བའི་རིམ་པ་སློབ་དཔོན་ཇོ་ཉ་རིའི་རྒྱ་གཞུང་སོར་བཞག་ནས་སྲོག་ཤིང་གི་རོས་ལ་སྟེར་འོག་མ་འཚོལ་བར་དཔྱངས་པ་གང་ཞིག །དགེ་བཅུའི་སྟེང་ནས་དྲང་པོར་བསྲངས་ཏེ་དྲི་མེད་

(༦༨༩)རྣམ་གཉིས་ཀྱི་སྒོ་ནས་སྲོག་ཤིང་བརྟན་པའི་ཆོ་ག་མཁན་པོ་ཞི་བ་འཚོའི་ལུགས་ལྟར་མངར་གསོལ་བའི་ཚེ། མེ་ཏོག་གི་ཆར་བཟུང་དུ་བཏུབ་པ་ཁོལ་བུར་བབས་ཤིང་། སྣང་སྲིད་མ་ལུས་པ་དེ་བཞིན་གཤེགས་པས་རྣམ་པ་ཐམས་ཅད་པའི་མཆོད་སྡོང་ཉག་གཅིག་ཏུ་རྫོགས་པའི་དག་པ་རབ་འབྱམས་ཀྱི་སྣང་བ་ལའང་སྤྱོད་དོ། །དེ་དག་གི་སྟེང་འོག་བར་མཚམས་མ་ལུས་ཤིང་ལུས་པ་མེད་པ་ཐམས་ཅད་མགོན་པོ་ཚེ་མཐའ་ཡས་པའི་སྣང་བརྙན་འབུམ་ཐེར་ལྷག་བཅས་ཀྱིས་འཕྱུར་པུར་གཏམས་ཤིང་། རྟེན་འབྲེལ་དེ་དག་ལས་འགྲོ་བ་སུ་ཞིག་བསྟི་སྟང་དང་རིམ་གྲོ། བསྐོར་བ་བྱས་པ་རྣམས་གནས་སྐབས་སུ་ཚེ་རིང་ཞིང་། ཡོན་དུ་སྦྱོང་བའི་ཆབ་སྲིད་བརྟན་པ་དང་། མཐར་ཐུག་བདེ་བ་ཅན་གྱི་ཞིང་ཁམས་བླ་ན་མེད་པར་དབུགས་དབྱུང་བའི་ལུང་བསྟན་ཐོབ་པ་ཡིན་ལ། ཁྱད་པར་དུ་ཕྱི་ནང་གི་རྟེན་པ་ཞེང་བའི་བྱ་བ་ལ་སྒོ་གསུམ་གྱི་འབྲེལ་བ་ཐོགས་པ་ཡན་ཆད་དོན་ཆེན་པོ་དང་ལྡན་པའི་ཚུལ་ལས་རྣམ་པར་འབྱེད་པའི་མདོར། བྲམ་ཟེ་ཁྱེའུ་ནེ་ཙོ་ལ་བཀའ་སྩལ་པ། དེ་བཞིན་གཤེགས་པའི་མཆོད་རྟེན་བཞེངས་པའི་ཕན་ཡོན་བཅོ་བརྒྱད་ཡོད་དེ། བཅོ་བརྒྱད་པོ་གང་ཞེ་ན། རྒྱལ་པོའི་ཁྱིམ་དུ་སྐྱེ་བ་དང་། གཟུགས་བཟང་བ་དང་། མཛེས་ཤིང་མིག་ཏུ་སྡུག་པར་འགྱུར་བ་དང་། རྟེན་དུ་འགྱུར་བ་དང་། ཕྱོགས་བཅུར་བརྗོད་པ་དང་། སྒྲ་དང་ཚིགས་སུ་བཅད་པ་རྒྱ་ཆེན་པོར་མངོན་དུ་འབྱུང་བར་འདོད་པ་དང་། ལྷ་དང་མིས་མཆོད་པར་འགྱུར་བ་དང་། ནོར་མང་པོ་དང་ལྡན་པར་འགྱུར་བ་དང་། ཚེ་དང་ལྡན་པར་འགྱུར་བ་དང་། ལུས་རྡོ་རྗེའི་ཚོགས་ལྟར་འགྱུར་བ་དང་། ལུས་མཚན་དང་དཔེ་བྱད་ཀྱིས་བརྒྱན་པར་འགྱུར་བ་དང་། མཐོ་རིས་སུ་སྐྱེ་བར་འགྱུར་བ་དང་། མྱུར་དུ་ཡོངས་སུ་མྱ་ངན་ལས་འདའ་བར་འགྱུར་བ་སྟེ། བཅོ་བརྒྱད་པོ་དེ་དག་ནི་དེ་བཞིན་གཤེགས་པའི་མཆོད་རྟེན་བཞེངས་པའི་ཕན་ཡོན་ཡིན་ནོ། །ཞེས་སོ། །མདོར་ན་གངས་རིའི་ཁྲོད་འདི་སྔན་ཆད་མི་ཁོམ་པའི་གནས་རིགས་ཆེན་པོར་གྱུར་བ་ལས་ཆོས་རྒྱལ་

(༦༩༠)མེས་དབོན་རྣམ་གསུམ་གྱི་བཀའ་དྲིན་ལ་སངས་རྒྱས་ཀྱི་བསྟན་པ་དར་བའི་མཐུས་ཆོས་དང་ཆོས་ཀྱི་གང་ཟག་ཡོད་ཅིང་བླུན་པོ་།།།ལང་རྫིའོ་ལྟ་བུས་ཀྱང་དགེ་སྡིག་གི་གཏམ་ཅོལ་ཙམ་སྒྲོག་པར་ཤེས་ན། འཁོར་བ་དང་ངན་སོང་གི་འཇིགས་པས་སྐྲག་ནས་རེ་བའི་ཡུལ་དཀོན་མཆོག་ཏུ་ཤེས་པ་རྣམས་ཀྱིས་གནས་རྟེན་འདི་དག་ལ་རིམ་གྲོ་བསྐྱེད་ནས་བདེ་ལེགས་ཐམས་ཅད་ཀྱི་འབྱུང་གནས་སུ་ཤེས་པར་བྱའོ། །བླ་མར་བྱའོ། །རི་མོར་བྱའོ། །མཆོད་པར་བྱའོ། །དེ་ལྟར་བྱས་པ་ལ་བསོད་ནམས་ཀྱི་ཁྱད་པར་ཇི་ལྟ་བུ་ཐོབ་ན་རྒྱལ་བ་དངོས་ལ་བསྙེན་བཀུར་བྱས་པ་དང་མཉམ་པའི་ཚུལ་དྲང་སྲོང་རྒྱས་པས་ཞུས་པ་ལས། དྲང་སྲོང་ཆེན་པོ་གང་ལ་ལ་ཞིག །བཅོམ་ལྡན་འདས་ཡོངས་སུ་མྱ་ངན་ལས་འདས་པ་དང་། ད་ལྟ་བཞུགས་པ་ལ་མཆོད་པ་བྱེད་པ་དེའི་ཕན་ཡོན་རྣམས་ནི་མཚུངས། མཉམ་ཞིང་འདྲའོ། །ཞེས་ང་འཆད་དོ། །དེ་ཅིའི་ཕྱིར་ན། དེ་བཞིན་གཤེགས་པ་རྣམས་ནི་ཆོས་ཀྱི་སྐུས་རབ་ཏུ་ཆེ་བ་མིན་གྱི། གཟུགས་ཀྱི་སྐུས་རབ་ཏུ་ཆེ་བ་ཡིན་པའི་ཕྱིར་རོ། །གང་ལ་ལ་ཞིག་ང་འདུག་པའམ། ཡོངས་སུ་མྱ་ངན་ལས་འདས་པ་ལ་མཆོད་ན་སེམས་མཚུངས་པའི་ཕྱིར་འདི་གཉིས་ལ་བསོད་ནམས་ཀྱི་ཁྱད་པར་ཅུང་ཟད་ཀྱང་མེད་དོ། །ཞེས་སོ། །དེ་ལྟ་བུའི་དགེ་ཚོགས་རིན་པོ་ཆེའི་ཕུང་པོ་སྒྲུབ་པའི་བྱ་བ་མཐར་མ་ཕྱིན་པ་དེ་སྲིད་དུ་ཕྱོགས་བཅུའི་དེ་བཞིན་གཤེགས་པ་སྲས་དང་བཅས་པས་དབྱིངས་ནས་དགྱེས་པའི་ཡེ་ཤེས་ཀྱི་སྤྱན་རས་འགོག་ཏུ་མེད་པ་གཟིགས་པས། གཞན་འཕྲུལ་དབང་བྱེད་ཀྱི་བདག་པོ་སྤྲུལ་པ་དང་བཅས་པ་ལེགས་པའི་དཔལ་ལ་སྡང་བ་ཐམས་ཅད་བསླུ་བྲིད་ཀྱི་གོམ་པ་གྱ་གྱུར་འདོར་ཞིང་རྒྱུ་བའི་སྐབས་བཅད་པས་ཞི་བ་དང་བདེ་ལེགས་ཆེན་པོའི་ངང་ནས་རྩོམ་པའི་བྱ་བ་གང་ཡིན་པ་མཐར་ཕྱིན་ཏོ། །དེ་ལྟར་མཐར་ཕྱིན་ནས་ཀྱང་རྒྱུད་ལས། ཆོ་ག་དང་ནི་ནུས་པ་ཡི། །བརྟག་པ་ལས་གསུངས་ཚུལ་ལེགས་པ། །དེས་བྱས་བསོད་ནམས་ཆེ་བ་

(༦༩༡)ཡིན། །ཞེས་དང་། སློབ་དཔོན་ཆེན་པོས། ཕྱི་རབས་རྟེན་གསུམ་བཞེང་པ་རྣམས་གྲུབ་དང་རང་གནས་དུས་མཉམ་བྱ། །ཞེས་གསུངས་པ་ལྟར་དེ་མ་ཐག་པའི་གནས་སྐབས་སུ་བླ་མ་རིག་འཛིན་ཀུན་འདུས། གྲུབ་ཆེན་བཀའ་བརྒྱད་བདེ་གཤེགས་ཡོངས་རྫོགས་འདུས་པའི་དཀྱིལ་འཁོར་ཆེན་པོ་ཞལ་ཕྱེ་ནས་དངོས་སྟ་ཉིན་གཉིས་མའི་རབ་གནས་དང་། སླད་མའི་ཆར་ཕྱི་ནང་གི་རྟེན་གསུམ་ཡོངས་རྫོགས་ཚར་ཕྱིན་པ་ན་ལྷག་གནས་ནན་ཏན་ནི་རྟེན་བཞེངས་ཀྱི་དོན་པོ་ཡིན་པས་རབ་ཏུ་གནས་པའི་བྱ་བ་ལ་དགེ་ལེགས་ཀྱི་འབྲས་བུ་སྟེར་བའི་གཟའ་སྐར་བྱེད་སྦྱོར་ཕུན་སུམ་ཚོགས་པའི་ཉིན་རབ་གནས་ཀྱི་ཆོ་གའི་ཡན་ལག་མ་ཚང་བ་མེད་པ་བཀྲ་ཤིས་རྒྱ་མཚོ་ལ་བརྟེན་ནས་སྟ་གོན་གྱི་ཆོས་ཡོངས་སུ་རྫོགས་པས་ཡེ་ཤེས་ཀྱི་འཁོར་ལོ་བདུན་གྱི་ནམ་མཁའི་ལ་བཞུགས་སུ་གསོལ་བ་ལ། དམ་ཚིག་གི་རྟེན་གཙུག་ཏོར་འཁོར་ལོས་སྒྱུར་བའི་དབྱིངས་སུ་བསྲུང་བའི་ཀུན་རྫོབ་དཔེའི་ཆོས་དར་སེར་དགབ་པའི་ཆོ་ག་ཡན་ཆད་ཚང་བར་བགྱིས་ཤིང་། སང་ནངས་བར་མཆོད་པའི་སྤྲིན་རྒྱ་ཆེན་པོ་དང་བཅས་ཏེ་བཅོམ་ལྡན་འདས་ཐུབ་པའི་དབང་པོས་སུམ་ཅུ་རྩ་གསུམ་དུ་དབྱར་གནས་ཤིང་ཡུམ་གྱི་དྲིན་ལ་ནབས་།།།བས་ནས་གྲོང་ཁྱེར་གསལ་ལྡན་དུ་ལྷ་ལས་བབས་པའི་དུས་ཀྱི་འགྱུར་བ་ཁྱད་པར་ཅན་དང་། རྟེན་འབྲེལ་གྱི་ཆོས་ཉིད་མཆོག་ཏུ་དགེ་བའི་དུས་ཚོད་ལ་བབ་པ་ན་གཞི་ཀུན་ཁྱབ་ཆེན་པོ། ལམ་བསྐྱེད་རྫོགས་ཟུང་འཇུག །འབྲས་བུ་ལྷུན་གྲུབ་ཆེན་པོའི་གནད་གསུམ་གྱི་མཚན་ཉིད་རྫོགས་པའི་ཆོ་གའི་སྦྱོར་བས་བརྟེན་པ་ཡེ་ཤེས་ཀྱི་འཁོར་ལོ་རྟེན་དམ་ཚིག་གི་གཟུགས་བརྙན་ལ་གཉིས་སུ་མེད་པར་བསྟིམ་པའི་ཚེ། སངས་རྒྱས་ཐམས་ཅད་མངོན་སུམ་པར་བྱོན་ནོ་སྙམ་པའི་མོས་གུས་ཀྱི་གདུང་བ་དྲག་པོ་དང་། དེ་དག་ཀྱང་རང་གདངས་འགག་པ་མེད་པའི་རྩལ་དུ་ཤར་བས་དཔའ་བར་འགྲོ་བའི་ཏིང་ངེ་འཛིན་དང་། སྒྱུ་མ་ལྟ་བུའི་རྩལ་སྣང་མིག་འཕྲུལ་ལྟར་གཡོ་བ་གསུམ་ཕྲུགས་གཅིག་ཏུ་

(༦༩༢)ཚོགས་པའི་དག་པ་རབ་འབྱམས་ཀྱི་སྣང་བས་འོག་མིན་ཆེན་པོའི་ཞིང་ཁམས་ཕྲ་རབ་ཀྱི་རྡུལ་དང་མཉམ་པ་ཡང་བློ་མཚོའི་སྤྱོད་ཡུལ་དུ་སྣང་བསྙམ་བྱེད་པའི་རང་སྣང་ལ་རང་གར་སྤྱད་དེ། དེ་ལྟར་དུ་གྱུར་བའི་སྐད་ཅིག་མ་གཉིས་པ་ལ་རབ་ཏུ་གནས་བྱ་གནས་བྱེད་ཀྱི་རྟོག་ཚོགས་མ་ལུས་པ་ཆོས་ཉིད་བསམ་གྱིས་མི་ཁྱབ་པའི་དགོངས་པ་དང་རོ་གཅིག་པ་ནི་དོན་དམ་པའི་རབ་གནས་ཡིན་ཏེ། རྒྱུད་ལས། བསྙེན་རྫོགས་རྟགས་ལྡན་རྣལ་འབྱོར་བས། །གཟིགས་པས་རབ་ཏུ་གནས་པ་ཆགས། །ཕྱི་ནང་སྣང་སྲིད་སྣོད་བཅུད་ཀུན། །ཡེ་ནས་ཆོས་སྐུའི་ངོ་བོར་གནས། །དེར་གཤེགས་དབྱིངས་ལས་མ་གཡོས་ན། །རྣམ་དག་རྟེན་མཆོག་བླ་ན་མེད། །ཅེས་བཤད་པའི་ཕྱིར་རོ། །འདི་ལྟ་བུའི་རབ་གནས་ཕན་ཡོན་གྱི་དེས་པ་ཡང་རྒྱུད་ལས། རྟེན་དེ་གང་དུ་བཞུགས་ཀྱང་ནི། །འཁོར་དང་ལོངས་སྤྱོད་སྤྲིན་བཞིན་འདུ། །བུ་ཚ་རིགས་བརྒྱུད་ཤིན་ཏུ་འཕེལ། །སྙན་དང་གྲགས་པ་མཁའ་ལྟར་ཁྱབ། །བསམ་གཏན་ཏིང་འཛིན་འཕེལ་བ་དང་། །འགྲོ་དོན་མང་བར་བྱེད་པར་ནུས། །བདེ་གཤེགས་ཉིད་དུ་སྤྱོད་ཡུལ་གཅིག །ཅེས་འདོམས་སོ། །དེའི་ཚེ་མཐའ་རྒྱས་ཀྱི་རིམ་པ་ཡང་རབ་ཏུ་གནས་པའི་རྒྱུད་ལས། རྒྱན་རྣམས་མ་ལུས་པ་ཡིས་ནི། །བྱ་ནས་བཟོ་བོ་ནམས་ལ་མཆོད། །གང་དག་དེ་ལ་གྲོགས་བྱེད་པ། །གཞན་དག་ཀྱང་ནི་མཆོད་པར་བྱ། །ཞེས་བཟོ་གནས་རིག་པ་ལ་གོམས་པ་དག་ནི་མདུན་འཇོག་གྱ་ནོམས་པས་ཚིམ་པར་བྱ་དགོས་པའི་ཡུལ་དུ་གསུངས་པ་ལྟར། ལས་འདི་སྒྲུབ་པའི་རིང་ལ་བན་བཏུང་ཕུན་སུམ་ཚོགས་པ་དང་སྟོན་མོའི་བྱེ་བྲག་གིས་ཚིམ་པར་བྱས་ཤིང་མཐར་བྱས་པ་དྲིན་དུ་གཟོ་བའི་ཕྱིར་ཡན་གྱི་རྣམ་གྲངས་ཤིན་ཏུ་རྒྱས་ཤིང་སྨར་བདག་གིས་མགུ་བར་བགྱིས་ལ། རྒྱུད་ལས། དེ་རྗེས་བུ་སློབ་ཡོན་བདག་ལ། །བུམ་དབང་བཀྲ་ཤིས་རྫས་བཞི་དང་། །སྣ་བདུན་རྫས་

(༦༩༣)བརྒྱད་དབང་བསྐུར་བྱ། །ཚོགས་འཁོར་བཟང་པོས་ཞལ་ཡང་བསོ། །བཀྲ་ཤིས་སྐྱིད་པའི་ལྷ་བྲོ་བྱ། །ཞེས་པ་ལྟར་ཡོན་བདག་བསྐོ་བཞག་དང་རྗེས་སུ་འབྲེལ་བར་མཆོད་པ་དང་སྣང་གསལ་གྱི་རྒྱུན་བར་མི་ཆད་དུ་འཛུག་པས་མཚོན་དགེ་ཚོགས་མཐའ་རྒྱས་ཀྱི་ཕྲིན་ལས་རྣམས་གཏོང་བ་ཕུལ་དུ་བྱིན་པའི་སྙིང་སྟོབས་ལ་བདག་གིར་བྱས་ཏེ་སྟོབས་བཅུ་མངའ་བའི་བསྟན་པ་རིན་པོ་ཆེ་ཡུན་དུ་གནས་པ་དང་། འཇིག་རྟེན་གྱི་ཁམས་སུ་བདེ་ལེགས་ཀྱི་མཛའ་ན་མོ་མགྲོན་དུ་འགུགས་པའི་ཕོ་ཉེར་མདགས་པ་ཡིན་ནོ། །དེ་ལ་འདི་སྐད་ཅེས། རི་དབང་རྩེན་སྲིད་པའི་བློས་གར་མང་རྒྱུད་ཞིང་། །དྲང་སྲོང་ཁྲོས་པའི་དམོད་པའི་བདེན་པས་བཏབ་མིན་པར། །བསྟན་ལ་སྲི་ཞུའི་མིག་སྟོང་བགྲད་པའི་སྟིང་སྟོབས་དང་། །རྣམ་ཐར་འདི་ཀོ་དམ་པའི་ཚལ་ན་ཤིན་ཏུ་སྙན། །དཀར་པོའི་ལས་འདི་དོན་ལྡན་ཕ་རོལ་ཏུ། །བྱིན་པའི་སྣང་ཚུལ་མིག་འཕྲུལ་ལྟ་བུ་ལ། །མེ་ཏོག་མདའ་ཅན་དེ་ཡང་མགོ་རྨོངས་ནས། །ཚུལ་མིན་བརྩམས་པའི་འགྱི་བ་རིང་དུ་བཏང་། །རྒྱ་ཆེའི་གཏོང་བ་ཚེ་འདིའི་སོ་ནམ་ཆེད་དུ་མིན། །སྙིང་སྟོབས་བསྐྱེད་པ་བྱིམ་།།།གྱི་བདེ་འབྱོར་དོན་དུ་མིན། །བསྟན་དང་སྟོན་པའི་ཡོན་ཏན་དྲན་ནས་རི་མོར་བྱས། །དེ་ཕྱིར་འདི་ན་རངས་པར་མི་འགྱུར་འགའ་ཡང་མེད། །འོན་ཀྱང་ལྔ་བརྒྱ་ཐ་མའི་སེམས་ཅན་བློ་ནི་ཤིན་ཏུ་མི་བསྲུན་པས། །འདི་ཡི་གནས་རྟེན་དཀོར་ཆའི་ཚོགས་དང་མཆོད་པའི་རྟེན་གྱུར་ཕྲ་མོ་ལའང་། །ལོག་པར་བསྒྲུབ་ཙང་ཁ་ན་མ་ཐོའི་བློད་ན་འཆང་པ་གང་ཡིན་པ། །དེའི་སྙིང་ཁྲག་ཁྱབ་འཇུགས་ཆེན་པོས་ཐང་ལ་འཕོ་ཞིག་ས་མ་ཡ། །གཏམ་ཚོགས་ལེའུ་བཞི་བཅུ་པའོ། །གཙང་།།།དུ་ལས་རྒྱ་འབྱེད་ཚལ་བམ་གསང་སྔགས་ཐེག་མཆོག་གླིང་གི་གཏམ། དད་པའི་གེ་སར་ཞེས་བྱའོ། །སློབ་དཔོན་དགའ་རབ་རྡོ་རྗེ་ལ་ཕྱག་འཚལ་ལོ། །རིན་ཆེན་གསུམ་ཡང་ཐ་དད་མིན་ཞེས་པདྨའི་གེ་སར་ལ་ཆས་པ། །རྩ་ཅན་གྲོང་ནས་མངོན་པར་གཤེགས་དེའི་དེ་མ་

(༦༩༤)ཐེག་པའི་སྒྱུ་འཕྲུལ་ནི། །རྣམ་བྱང་ཡོངས་རྫོགས་ལྷུན་གྲུབ་རིག་འཛིན་འཇའ་ལུས་རྡོ་རྗེའི་ཞལ་སྐྱིན་ཅན། །དུས་གསུམ་སངས་རྒྱས་པདྨ་སྐྱེས་དེར་དངོས་པོ་ཀུན་གྱི་ཕྱག་གིས་བཏུད། །དེ་ལ་དབྱིངས་གདོད་མའི་ངང་ནས་སངས་རྒྱས་ཆོས་ཀྱི་སྐུའི་ཕྲིན་ལས་ཚད་མེད་པས་ལོངས་སྤྱོད་རྫོགས་པའི་སྐུ་རིགས་ལྔ་གང་ཆེན་མཚོའི་ཞིང་ཁམས་རྒྱ་མཚོའི་བཀོད་པ་ལས། །རྣམ་པར་སྣང་མཛད་ཆེན་པོའི་ཕྱག་གི་པདྨའི་ཕྲུམ་ཕྲུམ་ལ་ཞིང་ཁམས་ཉི་ཤུ་རྩ་ལྔ་བརྩེགས་པའི་ཐུགས་ཀའི་ཐད་དྲང་བཅུ་གསུམ་པ་མི་མཇེད་འཇིག་རྟེན་གྱི་ནང་ཚན་ལྷོ་རྒྱལ་འཛམ་བུའི་གླིང་འདིར་བསྐལ་བཟང་རྣམ་འདྲེན་བཞི་པ་དམ་པ་ཏོག་དཀར་པོའི་རྣམ་འཕྲུལ་ལས་བདག་ཅག་གི་སྟོན་པར་གཟིགས་པ་ལྔས་བཞེངས་ཏེ། ལྟ་སྤྱོད་ཕྱིན་ཅི་ལོག་ཏུ་སྨྲ་བའི་མུ་སྟེགས་ཀྱི་སྟོན་པ་དྲུག་གསུམ་བཅོ་བརྒྱད་ཚར་བཅད། མཛད་པ་བཅུ་གཉིས་ཀྱི་ཁོངས་སུ་ཆོས་ཀྱི་འཁོར་ལོ་རིམ་པ་གསུམ་དུ་བསྐོར། ཁྱད་པར་འོག་མིན་དང་། ཨོ་རྒྱན། ཤམྦྷ་ལ། ལྷ་གནས་གསུམ་ལ་སོགས་པར་རྡོ་རྗེ་ཐེག་པའི་རྒྱུད་སྡེ་གྲངས་ཀྱིས་མི་ཐུག་པར་གསུངས་ཤིང་། མདོ་སྔགས་ཀྱི་བསྟན་པ་དེ་དག་ཀྱང་གཏད་རབས་བདུན་དང་། རྒྱན་དྲུག །མཆོག་བརྒྱད། སློབ་དཔོན་དགའ་རབ་རྡོ་རྗེ། རིག་འཛིན་རྣམ་བརྒྱད། གྲུབ་ཐོབ་བརྒྱད་ཅུ་ལ་སོགས་པས་ཆོས་ཆེར་བལྟར་མངོན་པ་དང་མི་མངོན་པའི་ཚུལ་གཉིས་ཀྱིས་བསྐྱངས་པ་ལས། རྡོ་རྗེ་གདན་གྱི་ནམ་མཁ་ལ་སོགས་པར་བཞུགས་པའི་བསྟན་པའི་བཙས་གསུམ་གྱི་བྱིན་རླབས་ལས། གངས་རིའི་ཁྲོད་འདིར་རྒྱལ་བའི་ཕྲིན་ལས་དར་བའི་དུས་ལ་བབས་པ་ན། བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་འཕྲུལ། ལྷ་ཐོ་ཐོ་རི་གཉན་བཙན་གྱི་རིང་ལ་རྒྱལ་པོ་ཛའི་ཆོས་ཆར་དང་ཐོག་མཉམ་པར་སྤང་སྐོང་ཕྱག་བརྒྱ་བ་ལ་སོགས་པ་ཐབས་ཏེ་དམ་པའི་ཆོས་ཀྱི་དབུ་བརྙེས། མདོ་སྡེ་པདྨ་དཀར་པོ་ནས་ལུང་བསྟན་གྱི་

(༦༩༥)བདེན་པའི་རྔ་བོ་ཆེ་བསྒྲགས་པ་བཞིན་འཕགས་པ་མིག་མི་འཛུམས་པའི་ཐོར་ཚུགས་ལ་ཐོད་ཀྱིས་བསྒྲིབས་པ་སྤྲུལ་པའི་རྒྱལ་པོ་སྲོང་བཙན་སྒམ་པའི་རིང་ལ་བསྟན་པ་དམ་པའི་ཆོས་ཀྱི་སྲོལ་བཏོད། མཐའ་འདུལ་ཡང་འདུལ་རུ་གནོན་གྱི་གཙུག་ལག་ཁང་བཞེངས་ནས་ས་གཞི་བཀྲ་ཤིས་པར་མཛད། རྗེ་བཙུན་འཇམ་དཔལ་དབྱངས་སྟོབས་ཀྱི་འཁོར་ལོས་སྒྱུར་བའི་རྒྱལ་པོའི་ཆོ་འཕྲུལ་དུ་བཞུགས་པ་ལྷ་བཙན་པོ་ཁྲི་སྲོང་ལྡེའུ་བཙན་གྱི་སྐུ་རིང་ལ་མཁན་སློབ་རྣམ་གཉིས་སྤྱན་དྲངས་ཏེ། སའི་ཆོ་ག་མཛད། དཔལ་ཨཽ་ཌི་ཡ་ནའི་སློབ་དཔོན་ཆེན་པོས་འབྱོན་ལམ་དུ་མང་ཡུལ་གྱི་རི་བོ་དཔལ་འབར་ཕན་ཚུན་བརྗེས་པ་སོགས་རྫུ་འཕྲུལ་བསམ་གྱིས་མི་ཁྱབ་པ་བསྟན། བོད་ཀྱི་འདྲེ་སྲིན་གདུག་པའི་བརླང་སྤྱོད་རྩུབ་མོ་སྤ་བཀོངས་ནས་ཕྱག་རྒྱ་གཉན་པོའི་ཟིལ་འོག་ཏུ་མནན། བསམ་ཡས་ཀྱི་གསེག་མ་ནེ་སེང་དུ་བསྐྱུར། ཟུང་མཁར་ནས་ཕུ་ཆུའི་རྒྱུན་ཆེན་པོ་བཏོན། ལྷ་སྲིན་རྣམས་ལས་ལ་བཀོལ་ཏེ། ཨོ་ཏནྟ་པུ་རི་གངས་རིའི་ཁྲོད་དུ་ཕྲུ་མ་བཏབ་པ་ལྟ་བུ་ལ་འོག་མིན་རྣམ་མཛེས་ཆེན་པོའི་གཟི་བྱིན་ཡང་བསྣན་ཏེ། དཔལ་བསམ་ཡས་ལུགས་གསུམ་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་བཞེངས། འཕགས་པའི་ཡུལ་ནས་པཎྜི་ཏ་བརྒྱ་རྩ་བརྒྱད་དང་། ཐུན་མོང་དང་ཐུན་མོང་མ་ཡིན་པའི་དམ་ཆོས་སྣང་བའི་སྒོ་བསམ་གྱིས་མི་ཁྱབ་པ་སྤྱན་དྲངས། བཻ་རོ་ཙ་ན་དང་། སྐ་ཅོག་ཞང་གསུམ། རྨ་གཉགས་གནུབས་གསུམ་ལ་སོགས་པས་ལོ་ཙཱ་བ་མཛད་དེ། མདོ་སྔགས་ཀྱི་ཆོས་ཚུལ་རྒྱ་མཚོ་ལྟ་བུར་བསྒྱུར། མཁན་ཆེན་ལས་ད་མི་བདུན་གྱིས་རབ་ཏུ་བྱུང་སྟེ་དམ་པའི་ཆོས་འདུལ་བ་དང་། བཤད་གྲ་སྒོམ་གྲའི་བསྟན་པ་བཙུགས། སློབ་དཔོན་ཆེན་པོ་དང་། བི་མ་ལ་མི་ཏྲ་དང་། སངས་རྒྱས་གསང་བ་ལ་སོགས་པས། ཨོ་རྒྱན་དང་། ཤམྦྷ་ལ་དང་། འགྲོ་ལྡིང་གི་ཡུལ་སོགས་པ་ནས།། རིག་པ་འཛིན་པའི་སྡེ་སྣོད་ཀྱི་ཉིང་ཁུར་

(༦༩༦)གྱུར་བ་མང་དག་སྤྱན་དྲངས་ཤིང་དར་བར་མཛད་པས། །ཕྱིས་ཇོ་བོ་ཨ་ཏི་ཤས་ཀྱང་སྔོན་ཆད་བོད་དུ་བྱུང་བའི་བསྟན་པ་ཙམ་རྒྱ་གར་དུའང་མདར། ཞེས་དང་། དཀོར་མཛོད་ཀྱི་རྒྱ་དཔེ་གཟིགས་ནས་མདོ་སྔགས་ཀྱི་ཆོས་འཁོ་བོས་མི་ཤེས་བྱ་བ་མེད། རྒྱ་གར་དུ་ནམ་མཁའ་ནས་མཁའ་འགྲོ་མས་བསྟན་པའང་བསམ་གྱིས་མི་ཁྱབ་སྟེ། སྔར་མ་མཐོང་མ་ཐོས་པའི་རྒྱ་དཔེ་མང་པོ་འདི་ན་སྣང་བ་སློབ་དཔོན་པདྨས་མཁའ་འགྲོའི་གསང་མཛོད་ནས་གླངས་པ་ཡིན་མཆི་གསུངས་ནས་ཐུགས་རྒྱལ་ཆག །བོད་ཀྱི་རྒྱལ་པོ་ལ་རྗེས་སུ་ཡི་རང་བ་ཕུལ། གསང་བའི་བདག་པོའི་སྒྱུ་འཕྲུལ་མངའ་བདག་རལ་པ་ཅན་གྱི་རིང་ལ་གསུང་རབ་རྣམས་ལ་སྐད་གསར་བཅད་ཀྱིས་དག་ཐེར་མཛད་ཅིང་སྐང་ཆུང་རྡོ་རྗེ་དབྱིངས་དང་། འོ་ན་ཅང་རྡོའི་གཙུག་ལག་ཁང་བཞེངས། དགེ་འདུན་རེ་ལ་མི་བྱ་མི་བདུན་བདུན་ཕུལ་ཞིང་བསྟན་པ་དར་རྒྱས་སུ་མཛད་པ་སོགས་ཆོས་ཀྱི་རྒྱལ་པོ་མེས་དཔོན་གསུམ་གྱི་ཐུགས་བསྐྱེད་ལས། གངས་རིའི་ཁྲོད་འདིར་རྒྱལ་བསྟན་གྱི་སྣང་བྱེད་ཆེན་པོས་ཁྱབ་པར་མཛད་པ་ལྷ་མ་ཡིན་གྱི་འཇུག་པ་ཅན་གླང་དར་མ་འདུམ་བཙན་གྱི་བྱེད་པ་ལས་དམ་པའི་ཆོས་འདུལ་བའི་བསྟན་པ་ལ་བར་ཆོད་ཆེན་པོ་བྱུང་ཡང་། རིག་པ་འཛིན་པའི་སྡེ་སྣོད་རྣམས་ཁྱིམ་དང་། རི་སུལ་ན་གནས་པའི་རིག་སྔགས་འཆང་བ་རྣམས་ཀྱིས་བཟུང་ཞིང་། དཀོན་མཆོག་གསུམ་གྱི་རྟེན་ལ་བསྟི་སྟང་དང་གཅེས་སྤྲས་ཀྱིས་བསྲུངས་པས་དར་ནུབ་ཆེར་མ་བྱུང་ལ། མི་རིང་བར་པཎྜྀ་ཏ་སྨྲི་ཏི། དཔལ་མར་མེ་མཛད་དང་། མ་བྱོན་སངས་རྒྱས་གསུམ་པ་ཁ་ཆེའི་བསོད་སྙོམས་པ་ཆེན་པོ་སོགས་རིམ་པར་བྱོན་ཅིང་། སངས་རྒྱས་ཀྱི་ཕྲིན་ལས་ཚད་མེད་པས་བོད་འདིར་ཡང་མཁས་པ་དང་གྲུབ་པའི་སྐྱེས་བུ་དམ་པ་མང་དུ་བྱུང་བས་མདོ་སྔགས་དང་སའི་བསྟན་པ་ལ་ཕྲིན་ལས་རྒྱ་ཆེར་བྱུང་ཞིང་དེ་ཐམས་ཅད་ཀྱང་རང་ས་རང་ས་ན་བདེན་པ། དངོས་དང་བརྒྱུད་ནས་བསྟན་པ་དང་སེམས་ཅན་ལ་ཕན་པ་ཤ་སྟག་

(༦༩༧)པས་འདོར་ལེན་བྱ་བའི་གནས་མ་ཡིན་ཡང་། སེམས་ཅན་གྱི་ལས་སྣང་ནི་བསམ་གྱིས་མི་ཁྱབ་པས་ཀུན་འབྱུང་བ་ཅན་གྱི་ཉེར་ལེན་ལས། རྟོག་གེས་དྲེགས་པ་དང་། བདེན་ཞེན་ཕྱོགས་གཅིག་པ་དང་། ཆོས་མིག་རྡུལ་བྲལ་གྱིས་གཏིང་མ་ཕྱིན་པས། །སྔོན་ཆད་བསྟན་པའི་སྣང་བྱེད་དང་། ཆོས་ཀྱི་ལམ་སྲོལ་ལ་འདྲིས་ཆུང་བས་ལོ་པཎ་སྐད་བརྡ་ལ་བྱང་ཆུབ་མ་ཆུབ་ཀྱིས་བྱེ་བྲག་ལ་མ་དམིགས་པར་ཕྱིས་འགྱུར་བཅོས་ཤིང་བཅོས་པ་དག་ལ་གསར་ངས་ཀྱིས་དང་འགྱུར་རང་སར་གནས་པ་ལ་རྙོག་མ་ཅན་དུ་དབྱེན་འཆོས་པའི་བདེན་བྲལ་གྱི་རིག་པ་འཛིན་པའི་གཉེན་པོར། རྒྱལ་བའི་ཕྲིན་ལས་བསམ་གྱིས་མི་ཁྱབ་པའི་བསྟན་པའི་སྣང་བྱེད་ཆེན་པོ་གསར་དུ་བྱོན་པ་ལ་འདི་སྐད་ཅེས། འཛམ་གླིང་མཛེས་པའི་རྒྱན་དྲུག་མཆོག་གཉིས་དང་། །ཐུགས་རྗེ་ལུང་རྟོགས་མཉམ་པའི་མཐུ་མངའ་ཡང་། །ནགས་ཁྲོད་དམ་པར་སྦས་པའི་བརྟུལ་ཞུགས་ཀྱིས། །འཁོར་འདས་ཆོས་སྐུར་རྫོགས་པའི་ཀློང་ཆེན་པ། །དྲི་མེད་འོད་ཟེར་སྟོན་པ་གཉིས་པ་ཡིན། །གངས་ཁྲོད་ལྟ་བ་མཐའ་དག་གཞན་དབང་དུ། །ཐལ་འགྱུར་མཚོན་ཆ་རྣོན་པོས་སྨད་བབ་པའི། །ཕས་རྒོལ་རང་ཉིད་རྟག་ཆད་གྲུབ་མཐའ་རུ། །འགོད་བྱེད་བསྟན་པའི་ཉི་མ་མ་ཤར་ན། །སྔོན་བྱོན་མཆོག་གཟིགས་མང་པོས་བསྐལ་ངན་བྱས། །འཁོར་ལོ་བར་མཐའི་ལྡེམ་དགོངས་གཉིས་འཐུང་སྣས། །རྣམ་པར་དཀྲུགས་པའི་གྲུབ་མཐའ་གསར་བུའི་ཡིད། །རྟོག་གེའི་གཞན་དབང་གྱུར་པ་འཇིག་རྟེན་ན། །རྣམ་པར་རིག་ཅིང་ལྡན་པ་སངས་རྒྱས་ཀྱི། །ཡེ་ཤེས་མངོན་སུམ་མཐོང་བ་ཁྱོད་ཀྱིས་བཀྲལ། །ཆིག་ཚོགས་དབུ་བའི་ཐ་སྙད་སྲུང་བས་ཀྱང་། ཁྱོད་གསུང་ཡོན་ཏན་རྫོགས་པའི་དཔལ་མཐོང་ནས། །མ་ནོར་ལམ་མཆོག་དགག་པ་རྩུབ་མོའི་ངག ཁ་ཡི་སྲང་མདོར་འཁྱམས་ལ་སྐྲག་གྱུར་ཏེ། །འགྱོད་པའི་རྣམ་འཕྲུལ་སློང་བ་མཐོང་བའི་ཆོས། །གང་ལས་ཐུབ་བསྟན་སྐབས་གསུམ་དབང་པོའི་གྲོང་། །ཀློག་པའི་བརྟུལ་ཞུགས་འཛིན་

(༦༩༨)པར་འདོད་པ་ཀུན། །དོན་འདི་གཉེར་བྱར་འགྱིད་ན་སྔ་འགྱུར་བར། ཁས་འཆེ་ཡང་དག་ལམ་ལས་ཕྱིར་ཕྱོགས་ཀུན། །རྣམ་ཤེས་ཕ་རོལ་སོང་བའི་སྐྱེས་བུ་ཡིན། །ཞེས་སོ། །དེ་བཞིན་དུ་གངས་རིའི་ཁྲོད་འདིར་རྒྱལ་བསྟན་མགྲོན་པོར་འབོད་པའི་རྩ་ལག་ནི་ཐོག་མཐའ་བར་གསུམ་དུ། ཆོས་ཀྱི་རྒྱལ་པོ་མེས་དབོན་རྣམ་གསུམ་གྱི་ཐུགས་བསྐྱེད་དང་། སྨོན་པའི་སྟོབས་ཤུགས་ཁོ་ན་ལ་རག་ལས་པའི་ཕྱིར་ན། ལྷ་བཙན་པོ་ཁྲི་སྲོང་ལྡེའུ་བཙན་སླར་ཡང་ངུར་སྨྲིག་འཚང་བའི་ཚུལ་གྱིས་བོད་ཆེན་པོའི་རྒྱལ་ཐབས་ཀྱི་ཁྲི་ལ་འཇོགས་པ་ངག་དབང་བློ་བཟང་རྒྱ་མཚོའི་སྡེས་གསར་རྙིང་གི་བསྟན་པ་ཉེ་འཁོན་མེད་པའི་གནས་ལ་སྦྱར་བའི་དགོངས་པ་རྫོགས་ཕྱིར། གང་གི་སྲས་ཀྱི་ཐུ་བོ་ལྷ་སྲས་མུ་ནེ་བཙན་པོའི་སྐྱེ་བ་བཅུ་བདུན་པ་པཎྜི་ཏ་སངས་རྒྱས་རྒྱ་མཚོས་རབ་ཉི་མེ་བྱི་ལོ་འོག་མིན་གསང་སྔགས་ཐེག་མཆོག་གླིང་གི་འདུས་པའི་སྡེ་འདི་གསར་དུ་བཙུགས། དགེ་འདུན་བརྒྱ་དང་སུམ་ཅུ་སྐོར་འཚོ་བས་མི་བྲེལ་བའི་མཆོད་གཞིས་དང་སྒྲུབ་མཆོད་ཀྱི་ཆ་རྐྱེན་སོགས་བླ་ནས་སྦྱར་ཏེ་དམ་པའི་ཆོས་འདུལ་བའི་བསླབ་ཁྲིམས་རྣམ་པར་དག་པ་དང་། རྡོ་རྗེ་ཐེག་པའི་བསྐྱེད་རྫོགས་ཀྱི་གཞུང་ལ་མཉམས་སུ་ལེན་ཞིང་། བསྟན་སྲིད་དང་སེམས་ཅན་བདེ་ཐབས་ཀྱི་ཕྲིན་ལས་རབ་འབྱམས་ཀྱི་ཕྱག་བཞེས། ཚེས་བཅུའི་གར་འཆམས། རྡོ་རྗེ་གཞོན་ནུའི་རྩ་འཆམས་སོགས་གོང་མ་ལྔ་པའི་དགོངས་བཞེད་བཞིན་བཙུགས། མཁན་པོར་ཕན་བདེ་ལེགས་བཤད་གླིང་པ་རིག་པའི་རྒྱ་མཚོ་བསྐོས། ཆོས་སྤྱོད་བཅུ་དང་ལྷག་པའི་ལྷའི་བསྙེན་སྒྲུབ། དུས་དང་དུས་སུ་ཐེག་པ་ཆེན་པོའི་གསོ་སྦྱོང་སོགས་ཚོགས་གཉིས་ཀྱི་ཡོན་ཏན་ཡར་འཕེལ་དུ་གྱུར་པའི་སྐབས་ཤིག །བདུད་སྡིག་ཏོ་ཅན་ཀླ་ཀློའི་བརྟུལ་ཞུགས་ལ་ཞེན་པ་ཇུན་ག་རྟི་བས་བོད་ཀྱི་མངའ་རིས་ལ་མཐོ་བརྩམས་ཤིང་། རྡོ་རྗེ་ཐེག་པའི་རིང་ལུགས་ཕྲ་མེན་གྱི་རིག་པས་བཅོམས་ནས་བལྟར་

(༦༩༩)མི་མངོན་པའི་གནས་སུ་སྦྱར་ཡང་། དབང་ཕྱོགས་གོང་མའི་དཔུང་ཆེན་གྱིས་དགྲ་ལྷའི་དུ་མ་བྱའི་ཚེར་མ་མིང་གི་ལྷག་མར་བྱས་པས་གོང་མ་ལྔ་པའི་ཐུགས་བསྐྱེད་སྟོབས་སུ་གྱུར་ཏེ་རིང་ལུགས་ཉམས་པ་སོར་ཆུད། དགོན་འདི་གའི་གྲ་རིགས་པི་ཅིང་ནང་སོ་བློ་བསམ་གྱིས་ལྷག་བསམ་དང་རྒྱུ་ཚོགས་ཆུད་མི་འཛའ་བའི་བདག་པོའི་རྒྱན་རྒྱལ་བསྟན་ལ་གུས་པ་ཅན་དུ་ཝ་ང་བསོད་ནམས་སྟོབས་རྒྱས་ཀྱིས་མཛད་དེ་གཙུག་ལག་ཁང་མ་ལག་དང་བཅས་སྔར་བཞིན་འབྱོངས། རིམ་པས་མཁན་པོ་དགེ་འདུན་བཀྲ་ཤིས་ཀྱིས་ལི་མ་ལྷ་ཁང་རྟེན་དང་བརྟེན་པར་བཅས་པ། མཁན་པོ་ནམ་མཁའ་བསྟན་སྐྱོང་གིས་ཁུར་མཛད་དེ་གསེར་ཟངས་ཀྱི་རྒྱལ་མཚན་བཞི་དང་། རྣམ་བཅུ་རི་དྭགས་ཆོས་འཁོར། སྤེན་པད་ཞིག་གསོས། མེ་སྲོང་གནས་ཀྱི་གསེར་འཕྲུ། དེ་རྗེས་མཁན་པོ་ཨོ་རྒྱན་དཔལ་མགོན་གྱི་ལས་ཐོག་སྐབས་སྡེ་འདི་ཉིད་ལ་བཀའ་དྲིན་ཆེ་བ་ལྷ་སྲས་སངས་རྒྱས་རྒྱ་མཚོ་ནས་མཁན་ཐོག་རིམ་བྱོན་ཀུན་དགའ་དཔལ་བཟང་ཡན་གྱིས་སྒྲིབ་གཉིས་སྦྱར་ཕྱིར་སེང་གཡེང་ཀ་རིང་གཉིས་ཀྱི་ཐོག་བཤུབ་འབུབས་ཀྱི་ཞིག་གསོ་དང་། གསེང་གཡེང་ཕྱི་ནང་གི་ལྡེབས་བྲིས་ཤིང་རྩི། བཟང་གོས་ཀྱི་གནམ་རྒྱན་སོགས་སྤྱིར་རྒྱུ་སོང་དངུལ་ཐོག་ཏུ་ཕབ་པར་དངུལ་སྲང་བརྒྱ་ཕྲག་བཞི་དང་བརྒྱད་ཅུ་ཐམ་པ། མཁན་པོ་རང་ཉིད་དང་། སྡེ་རྙིང་བྱམས་པ་བསྟན་འཛིན་ཅན་གྱིས་ལག་འདོན་དང་བཅས་བྱ་བ་ལེགས་པ་ཚར་ཕྱིན་པའི་དེ་མ་ཐག་པར། མཁན་པོ་འདི་ཉིད་ནས་ལྷག་བསམ་རྣམ་དག་གིས་དགེ་འདུན་བྱིངས་ལ་ཁུར་དུ་འགྲོ་བའི་རིགས་གཏན་ནས་མེད་པས་རིག་འཛིན་འཇིགས་མེད་གླིང་པ་སྤྱན་དྲངས་ཏེ། ཐོག་མར་གཙུག་ལག་ཁང་ཕྱི་ནང་གི་རྟེན་བརྟེན་པ་ཐམས་ཅད་བཀའ་བརྒྱད་བདེ་གཤེགས་འདུས་པའི་སྒོ་ནས་སྟ་གོན་དང་དངོས་གཞི་ཉིན་གཉིས་པ་རབ་ཏུ་གནས་པའི་ཆོ་ག་ཤིན་ཏུ་རྒྱས་པ་བཀྲ་ཤིས་རྒྱ་མཚོའི་གཞུང་བཞིན་དང་། དེ་ནས་ཚོགས་པ་བྱིངས་སྨིན་

(༧༠༠)གྲོལ་གདམས་པས་རྒྱུད་གྲོལ་བར་མཛད་པའི་ཐོག་མར། །ཚེ་དཔག་མེད་སྐུ་གསུམ་འདུས་པ་དང་། །དྭངས་མ་བཅུད་འདྲེན་གྱི་དབང་གིས་སྒོ་ཕྱེ་སྟེ། བཀའ་བརྒྱད་བདེ་གསང་གཉིས། ཕུར་པ་རྒྱུད་ལུགས། སྙིང་ཐིག་ཡ་བཞི། བཀའ་མ་སྒྱུ་འཕྲུལ་རྒྱ་ཅན་བྱིངས་ཆེ། བླ་མ་གསང་འདུས། ཐུགས་སྒྲུབ། དབྱིངས་སྒྲོལ། ཚེ་བདག །ལོག་ཏྲི། ཉང་གཏེར་ཁྲོས་ནག་དཔལ་ལྡན་དམར་ཟོར་མ་སོགས་དབང་ཀ་ཉི་ཤུ་སྐོར་དང་། ཁྱད་པར་རྫོགས་པ་ཆེན་པོ་ཀློང་ཆེན་སྙིང་ཐིག་བླ་རྫོགས་ཐུགས་གསུམ་གྱི་དབང་ཀ་ཡོངས་རྫོགས་ཀྱིས་རྒྱུད་སྨིན་པར་བྱས་ཏེ། སྙིང་ཐིག་པ་།།།བཞི་དང་། རྒྱལ་བ་གཉིས་པའི་མཛོད་བདུན་གྱི་དགོངས་པ་གཅིག་ཏུ་བསྡུས་པའི་ཁྲིད་གཞུང་མ་བུ་གསུམ་གྱིས་གྲོལ་བྱེད་ཀྱི་གདམས་པའི་སྔོན་འགྲོའི་ཁོངས་སུ། །འཕགས་ཡུལ་གྱི་ཤིང་རྟ་ཆེན་པོ་གཉིས་ཀྱི་གཞུང་ལུགས་ཟུང་དུ་འཇུག་པའི་སྨོན་འཇུག་གི་སེམས་བསྐྱེད་ལ་བརྟེན་པའི་བྱང་སྡོམ་འབོག་ཆོག་གི་དུས་དཀོན་མཆོག་ལ་མཆོད་པ་རྒྱས་པ་དང་། ལུག་སུམ་ཅུ་སོ་གསུམ་གྱི་སྲོག་བསླུ། དངོས་གཞིའི་ཐོག་མར། བཀའ་མ་སྒྱུ་འཕྲུལ་ཞི་ཁྲོ་དང་། ཕུར་པ་རྒྱུད་ལུགས། གཏེར་མ་བཀའ་བརྒྱད་བདེ་གསང་གཉིས་ཀྱི་གཞུང་ལུགས་ལ་བརྟེན་པའི་སྐྱེ་གནས་རྣམ་པ་བཞིའི་བག་ཆགས་སྦྱོང་ཞིང་། དག་རྫོགས་སྨིན་གསུམ་གྱི་སྦྱང་གཞི་སྦྱོང་བྱེད་ཚང་བས། རིག་འཛིན་བཞིའི་གྲུབ་མཐའ་སྙོག་ཚུལ་བསྐྱེད་རིམ་གྱི་བཤད་པ་རྒྱས་པ་དང་། མཚན་བཅས་མཚན་མེད་ཀྱི་རྫོགས་རིམ་སྤྱི་དང་། ཁྱད་པར་འོད་གསལ་རྫོགས་པ་ཆེན་པོ་ཁྲེགས་ཆོད། ཐོད་རྒལ། བར་དོ། འབྲས་བུ་དང་བཅས་པའི་སྨིན་ཁྲིད་རྒྱས་པ། རྒྱ་བརྟེན་རྒྱུད་བཅུ་བདུན་གྱི་ལུང་དང་། རྒྱུད་འབུམ་ཡོངས་རྫོགས་ཀྱི་བཀའ་གཏད་སོགས་ལུང་གི་ཆོས་འཁོར་ཟླ་བ་གསུམ་ལ་ཉེ་བ་བསྐོར། སྔ་འགྱུར་བཀའ་མའི་བསྟན་པ་ཉམས་པ་གསོ་ཕྱིར་རྒྱུད་ཐམས་ཅད་

(༧༠༡)ཀྱི་རྒྱལ་པོ་སྒྱུ་འཕྲུལ་གསང་བ་སྙིང་པོ་ཞི་བ་དང་། ཁྲོ་བོའི་དཀྱིལ་འཁོར་གྱི་ཆོ་ག་པཎ་ཆེན་བི་མ་ལ་དང་། སངས་རྒྱས་གསང་བའི་རྒྱ་གཞུང་སོར་གནས་ལ་ལྷན་ཐབས་སྦྱར་བ་དང་། ཕུར་པ་རྒྱུད་ལུགས་ཀྱི་སྒྲུབ་མཆོད་ཀྱི་རྒྱུན་བདག་ཉིད་ནས་བཙུགས་ཤིང་། དེའི་མཆོད་ཐེབས་སུ་དངུལ་སྲང་བརྒྱ་དང་ལྔ་བཅུ་སྦྱར་བ་སོགས་མདོར་ན་བདག་ཅག་དཔོན་སློབ་ཐམས་ཅད་ནས་བསྟན་པའི་བྱ་བ་ཁུར་དུ་བླངས་པ་འདི་དག་གི་རྒྱུན་མ་ནུབ་པའི་བྱ་བ་ལས་ཀྱི་འཁོར་ལོ་ཕྱིན་ཆད་པ་རྣམས་ཀྱིས་ཀྱང་བདག་གིར་མཛད་པ་དང་། དེ་ལྟར་གྱི་དགེ་བའི་རྩ་བ་ཡང་གནས་སྐབས་སུ་བསྟན་པ་དར་ཞིང་སེམས་ཅན་གྱི་བདེ་སྐྱིད་ལ་ཕན་པ་དང་། མཐར་ཐུག་ཕ་མ་འགྲོ་དྲུག་གི་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་བྱང་གྲོལ་བདེ་ཆེན་གྱི་ས་ལ་འཁོད་པའི་རྒྱུར་བསྔོ་བའི་མཐུན་འགྱུར་རྒྱལ་བ་སྲས་དང་བཅས་པ་རྣམས་ལ་གསོལ་བ་ཡིན་ནོ། །གཏམ་ཚོགས་ལེའུ་ཞེ་གཅིག་པའོ།། །།མཚེ་སྣར་རྒྱུད་འབུམ་བཞེངས་པའི་གཏམ་ཀ་ལནྟ་ཀའི་རྒྱན་ཅེས་བྱ་བ།། །།འཇམ་དཔལ་དཀར་པོ་ལ་ཕྱག་འཚལ་ལོ། །རི་མོ་གཡས་སུ་འཁྱིལ་བའི་བཀྲ་ཤིས་དུང་། །ལེགས་བྱས་སྤུངས་པ་ཟླུམ་པའི་ངོ་མཚར་དབྱངས། །སྐྱེ་བ་ལྔ་པའི་མཆུ་སྒོས་ལ་ཆགས་པའི། །གཏམ་གྱི་ངང་ཚུལ་གསར་པ་འདི་ལོངས་ཤིག དེ་ལ་གྲོང་ཁྱེར་ཆེན་པོ་མ་གངྷཱ་རྡོ་རྗེའི་གདན་ནས་བྱང་ཕྱོགས་སུ་དཔག་ཚད་མང་པོར་ཐལ་བ་རི་ཁ་བ་ཅན་གྱི་མུ་ཁྱུད་བུམ་ཐང་དགེ་གནས་སྐྱེར་ཆུའི་གཙུག་ལག་ཁང་དང་རིང་པོ་མ་ཡིན་པ་ན། དཔལ་སངས་རྒྱས་གཉིས་པ་ཨོ་རྒྱན་ཆེན་པོས་བྱིན་གྱིས་བརླབས་པའི་སྐུ་རྗེས་བྲག་སོགས་རྟེན་དང་བརྟེན་པའི་དགེ་མཚན་གྱིས་ཤིས་པར་ཡང་བྱས་ལ། འཕགས་ཡུལ་གྱི་པཎྜི་ཏ་ནགས་ཀྱི་རིན་ཆེན་དང་། གངས་ཅན་མཁས་པའི་དབང་པོ་རྒྱལ་སྲས་དྲི་མེད་འོད་ཟེར་ལ་སོགས་སྐྱེས་བུ་དམ་པ་དུ་མས་སྐལ་བ་མཆོག་རྣམས་གདུལ་བྱར་མཛད་པ་ལྷོ་མོན་ཁ་བཞིའམ། ལྷོ་ཕྱོགས་རི་བྲག་པའི་གྲོང་ཁྱེར་ན་ཡུལ་དབུས་

(༧༠༢)གཙང་རུ་བཞིའི་ཆ་དང་། བྲུ་གུའི་ཡུལ་ལ་སོགས་པ་རིས་ཐ་དད་པའི་སྐྱེ་དགུ་མང་པོ་རང་གིར་འཚོ་བ་ལས། ཟུར་དགོན་བླ་མར་གྲགས་པའི་སྡེ་ཚན་གཅིག་པ་ཞིག་ཆོས་ཀྱི་རྒྱལ་པོ་མོས་དཔོན་རྣམ་གསུམ་གྱིས་རིང་དུ་བསྐྱངས་པའི་མངའ་རིས་ལ་སྐྱབས་སུ་དོང་ནས་ཉང་སྟོད་རྩེ་དགུའི་གྲོང་ཁྱེར་ན་དཔྱ་དང་ཁྲལ་གྱིས་འཚོ་བའི་རྗེའུ་རིགས་ཀྱི་བརྟུལ་ཞུགས་ལ་གནས་པའི་ཆོ་འབྲང་ཅན། སེན་ཀ་ཕ་ཇོ་ལྷ་ཁང་པ་གཅེན་པདྨ་བསྟན་སྐྱོང་དང་། གཅུང་རྗེ་དྲུང་རྡོ་རྗེ་སྙིང་པོས་རྒྱལ་བསྟན་སྤྱི་དང་བྱེ་བྲག་སྔ་འགྱུར་རྡོ་རྗེ་ཐེག་པའི་བསྟན་པའི་བཙས་དང་། རང་རང་གི་ཚོགས་གསོག་སྒྲིབ་སྦྱོང་ལ་དམིགས། ཁ་བའི་ལྗོངས་འདི་སྔོན་མ་སངས་སྦུན་དགུས་བཟུང་བའི་དུས་ཡུལ་ན་བུན་གྱིས་གཏིབས་པ་མཚོ་དང་འཁྲུལ་བ་སྐྱེས་ཤིང་། གང་དང་ཉེ་བའི་སར་བྲག་རིའི་བག་མ་བརྩེགས་པའི་སྣ་ཞག་མཐོང་བ་ལས་མཚེ་སྣང་སྣར་གྲགས་པའམ། བྱང་ན་ནེ་ར་གཡུ་མཚོ། ལྷོ་ན་སྐྱེར་ཆེན་གཡུམ་ཚོ་གཉིས་ཀྱི་སྣེ་མོར་གྱུར་པས་དེའི་སྐད་དུ་གྲགས་པའི་ཡུལ་མོན་པོད་ཀྱི་མཚམས། སྤས་ཡུལ་སྐྱེད་མོ་ལྗོངས་སམ། ཤར་ལ་འགོ་ཡུལ་གསུམ་ས་གཞི་གསེར་གྱི་ཡོལ་གོ་འདྲ་བའི་བྱང་ཕྱོགས་ན་རྫོགས་པའི་སངས་རྒྱས་མཚོ་སྐྱེས་རྡོ་རྗེའི་སྐུའི་གནས་ངོམ་ཚང་། ཤར་ན་གསུང་གི་གནས་གཟིག་ཚང་། ལྷོ་ནུབ་ན་ཐུགས་ཀྱི་གནས་སྟག་ཚང་། ལྷོ་ན་ཡོན་ཏན་གྱི་གནས་སྒོམ་པ་ཕུག །ཆུ་མགོན་ཕྲིན་ལས་ཀྱི་གནས་དཀར་པོ་ཟངས་རྣམས་མངའ་རིས་སུ་འབྲེལ་བའི་ལྗོངས། འཕགས་པ་ལག་ན་མྱུ་གུ་རེ་ཞིག་ན་གསང་བ་སྔགས་ཀྱི་རྡོ་རྗེའི་བརྟུལ་ཞུགས་ལ་རྩན་པས་སྐུའི་སྐྱོ་སང་སེམས་དཔའ་སེམས་མའི་ཚོགས་དང་བཅས་པའི་མཛད་པའི་སྒྱུ་འཕྲུལ་ལ་ཆགས་པའི་ཚེ། ལྷ་བུ་མི་གྲིབ་ཀྱིས་མྱོས་པའི་རིགས་སུ་བལྟམས་པ་བློ་བཟང་རིན་ཆེན་ཚང་དབྱངས་རྒྱ་མཚོ་གཞོན་ནུ་རོལ་རྩེད་ལ་ཅོད་པའི་གནས་སུ། མཚམས་ཀྱི་སྤྲིན་པ་བླ་གོས་སུ་དབྱངས་པ་གཉིས་སྐྱེས་དབང་པོའི་ལོར་

(༧༠༣)ཇི་སྐད་དུ་མདོ་དགོངས་འདུས་ལས། ལང་ཀའི་བདག་པོ་གཟུགས་བརྙན་གྱི་སྤྲུལ་པ་ནི་ཐ་དད་དེ། གསུང་གི་གཟུགས་བརྙན་ནི་ཡི་གེར་སྣང་བ་ཡིན་ལ། ཡི་གེའི་སྤྲུལ་པ་ནི་འདི་ལྟ་སྟེ། མིང་དང་། བྱུང་ཚུལ་དང་། གཟུགས་དང་། རང་བཞིན་དང་། སྒྲ་དང་། ལས་དང་། སྒོ་དང་། རྣམ་གྲངས་དང་ཡི་གེའི་གཞི་རྣམས་ཀྱིས་དེ་ཁོ་ན་ཉིད་གསང་བ་དམ་པ་དེ་མཐོང་ཞིང་ཤེས་པར་གྱུར་ཏོ། །དེས་ཆོས་ཐམས་ཅད་ལ་མཁས་ཤིང་གྲོལ་བར་འགྱུར་རོ། །ཞེས་གསུངས་པ་ལྟར་བདག་ཅག་གི་སྟོན་པ་བླ་ན་མཚུངས་པ་མེད་པ་དེའི་གྲུབ་པའི་མཐའི་དོན་གྱི་སྙིང་པོ་ནི་ཟབ་མོངས་པའི་དོན་འབའ་ཞིག་ཞོལ་བར་བྱེད། འབབ་པར་བྱེད་པས་སེམས་ཅན་མང་པོ་རྣམ་པ་ཐམས་ཅད་མཁྱེན་པའི་གྲོང་ཁྱེར་ཆེན་པོར་བདེ་བླག་ཉིད་དུ་སོན་པར་བྱེད་པ་ནི་གསང་བ་སྔགས་ཀྱི་རྒྱུད་སྡེ་རིན་པོ་ཆེ་ཁོ་ནའི་ཁྱད་ཆོས་ཡིན་ལ། དེའི་ནང་ཚན་ལས་ཀྱང་སྐལ་བ་མཆོག་གི་གདུལ་བྱ་གང་ཡིན་པ་རྣམས་དུས་རིང་པོ་ལ་ཡིད་སྨོན་བྲལ་བས་མིག་འཕྲུལ་ལྟར་གདོད་མའི་མགོན་པོའི་གོ་འཕང་ལ་སྦྱོར་བ་ན་བརྒྱུད་སྡེ་གསུམ་མམ། ཡོ་ག་གསུམ་དུ་གྲགས་པའི་ངེས་འབྱེད་ཀྱིས་བསྡུས་པའི་རྒྱུད་འབུམ་རིན་པོ་ཆེ་པོ་ཏི་ཉི་ཤུ་རྩ་ལྔ་དཀར་ཆག་དང་བཅས་པ། གངས་ཅན་འདི་ན་སྟོན་པ་རྫོགས་པའི་སངས་རྒྱས་ཀྱི་གྲུབ་པའི་མཐའ་དོན་བཟང་པོ། ཚིག་འབྲུ་བཟང་པོ། རྫོགས་པའི་བྱང་ཆུབ་ཏུ་འགྲོ་བར་བྱེད་པའི་ལམ་བཟང་པོ་གང་ཡིན་པ་སྨྲ་བའི་གནས་ལ་འཇམ་པའི་གཞོན་ནུའི་བློ་གྲོས་ཐོབ་ནས། འཇིག་ཚོགས་ལ་བལྟ་བའི་རི་བོ་ཉི་ཤུ་པོ་ལུང་དང་རིག་པའི་ཞོ་འཐུང་རུས་པའི་རྡོ་རྗེས་རྣམ་པར་འཇོམས་པས་གངས་ཅན་མཁས་པའི་དབང་པོ་དཔལ་བསམ་ཡས་པ་ཞེས་སྨྲ་བའི་ཉི་མ་ཐམས་ཅད་ཀྱིས་འདུན་སར་གྲགས་ལ། སྐྱེས་བུ་དམ་པ་འདིའི་གསུང་རབ་ཀྱི་བརྗོད་བྱ་དང་རྗོད་བྱེད་གཉིས་ཀས་ཟབ་པ་དང་རྒྱ་ཆེ་བའི་གནས་ལ་གཞན་དྲིང་མི་འཇོག་པ་སྨོས་ཅི་འཚལ་གྱི། བསྟན་བཅོས་གཞན་དག་ཐ་སྙད་ཀྱི་རིག་པའི་མཐའ་གཅིག་གི་སྒོར་ལྷུབ་བའམ། མཐའ་

(༧༠༤)དུག་ཚུལ་བཞིའི་གོ་བ་འཇོག་བཞིན་དུ། མིང་དང་། ཚིག་དང་། ཡི་གེའི་བརྗོད་པའི་གནས་ལ་ལྟོས་གྲུབ་ཀྱི་གྲུབ་མཐའ་རང་རྒྱུད་པར་ཁས་བླངས་ནས་སངས་རྒྱས་ཀྱི་ཕྲིན་ལས་ཚད་མེད་པས་གདུལ་བྱ་ཐབས་ཀྱིས་འདུལ་བའི་བཀའ་གསང་གི་རས་པ་ཟབ་པ་དང་རྒྱ་ཆེ་བའི་གནས་འགའ་དང་འགའ་ལ་བཟང་པོར་འདུ་ཤེས། འགའ་དང་འགའ་ལ་ངན་བར་འདུ་ཤེས་པའི་འགལ་འགྲེལ་གྱི་ཐལ་འགྱུར་མངོན་སུམ་པར་བཀོད་པས་ཆོས་སྤོང་བ་ལ་སྤྲོ་བཞིན་དུ་འཇུག་པ་དག་ལས་འཕགས་པའི་བློ་གྲོས་དཀྱེལ་པོ་ཆེས་ཐ་གུ་ཡངས་པས་སོ་སོ་ཡང་དག་རིག་པ་བཞིའི་གྲོང་ཁྱེར་ག་ལ་བར་བདེ་བླག་ཉིད་དུ་སོན་པའི་ཚུལ་ཡང་བླ་ན་མེད་པའི་རྒྱུད་སྡེ་རིན་པོ་ཆེ་ནས། གསང་སྔགས་ཀྱི་ངོ་བོ་དེ་ནི་གང་གི་བློ་ཞིབ་བ། ཆོས་ཞིབ་པ། ཤིན་ཏུ་ཟབ་པ། ཆེས་ཟབ་པས་བལྟ་བར་བྱའོ། །ཞེས་དང་། ཆེས་ཟབ་པ་ནི་གང་ཞེ་ན། གང་ལ་ལ་དག །ཆོས་ཐམས་ཅད་ལ་མུ་དང་། གཏིང་དང་། མཐའ་དང་། དབུས་འཚོལ་བ་དག་ཡོད་དེ། དེ་དག་ནི་བློ་ཟབ་པ་ཆེས་ཟབ་པ་ཞེས་མི་བྱ་ཡི། ཐུག་པ་ཉིད་དུ་ཐུག་པ་ཞེས་བྱའོ། །གང་འཁྲུལ་བདག་སྨིག་རྒྱུ་ལ་ཆུར་འདུ་ཤེས་ཏེ་སྙེག་པའམ། ལྡོངས་པ་ངག་ནམ་མཁའི་མཐའ་འཚོལ་བ་བཞིན། ཆོས་ཐམས་ཅད་ཀྱི་མུ་དང་། གཏིང་དང་། མཐའ་དང་། དབུས་བཙལ་བས་ཀྱང་མི་རྙེད་ལ་དབྱེ་བར་ཡང་མེད་དོ། །ལངྐའི་བདག་པོ་འོ་ན་ཏང་ཆོས་ཐམས་ཅད་ལ་མུ་དང་གཏིང་མེད་ལ། མཐའ་དང་དབུས་མེད་པར་ཆུབ་པ་གང་ཡིན་པ་དེ་ནི་བློ་ཟབ་པ། ཆས་ཟབ་པ་ཞེས་བྱའོ། །དེ་ཅིའི་ཕྱིར་ཞེ་ན། སངས་རྒྱས་ཐམས་ཅད་ཀྱི་དགོངས་པ་ནི་རྟོག་དཔྱོད་དང་བྲལ་བའོ། །ཞེས་བསམ་གྱིས་མི་ཁྱབ་པ་འཕགས་པའི་བློ་གྲོས་ཀྱི་མཐུས་གངས་ཁྲོད་འདི་ན་གྲུབ་མཐའ་སྨྲ་བ་ཐམས་ཅད་ཀྱི་གཙུག་ཏོར་གྱི་རྩེ་མོར་འགོངས་པ་རྒྱལ་བ་གཉིས་པ་ཀུན་མཁྱེན་ངག་གི་དབང་པོའི་གསུང་རབ་ངལ་བས་སྐོར་

(༧༠༥)གསུམ་རྩ་འགྲེལ་སྡེ་ཚན་བཅོ་ལྔ་དང་། མཛོད་བདུན་མ་བུ་ཆ་ལག་དང་བཅས་པ། དཔལ་གསང་བའི་སྙིང་པོའི་རྒྱ་བོད་ཀྱི་འགྲེལ་པ་མཐའ་ཡས་པའི་དབུས་ན་དོ་ཟླར་འོས་པ་སྤངས་པ་ཕྱོགས་བཅུ་མུན་སེལ་ཉི་ཟླའི་སྤྲིན་གྱི་སྣང་བ་དང་བཅས་པ་པོ་ཏི་བརྒྱད། གཏེར་ཆོས་ཀུན་གྱི་རྒྱལ་པོ་མངའ་བདག་ཉང་ཉི་མ་འོད་ཟེར་གྱིས་ཁོ་མཐིང་ལྷ་ཁང་ནས་སྤྱན་དྲངས་པ་བཀའ་བརྒྱད་བདེ་འདུས་པོ་ཏི་བདུན་བཅས་ཁྱོན་ཀུན་རག་ཅིག་གི་གྲོང་ཁྱེར་ལ་པོ་ཏི་གྲ་མཚུངས་བཞི་བཅུ་ཐམ་པ། མཆོད་ཐེབས་དངུལ་སྲང་ལྔ་བཅུ། འབྲུ་རུའི་ཁལ་བཞི་བརྒྱ་བཅས་ཀྱི་བདེ་ཐོག་དང་། རུ་གཉིས་བརྒྱ་སྐོར་གྱི་དཀར་ཕུད་ནས་འབུལ་རྒྱུར་ང་རེ་མི་མུ་བརྒྱུད་པ་དང་བཅས་པའི་བསོད་ནམས་དམ་པའི་རྟེན་དུ་དམ་བཅའ་བ་ཡིན་ནོ་གསུངས་ནས། ཁོ་བོ་ཅག་ལ་རབ་གནས་ཀྱི་རྗེས་འབྲེལ་དུ་བ་སྔ་།།།སྨན་གྱི་མཐུན་འགྱུར་བྱེད་པར་བསྐུལ་མ་མཛད་པ་ཡིན་པས། རྗེས་འཇུག་ཕྱི་རབས་པ་རྣམས་ནས་ཀྱང་། སྔོན་གྱི་ཆོས་རྒྱལ་མེས་དཔོན་རྣམ་གསུམ་གྱི་སྲས་བརྒྱུད་རྣམས་ཀྱིས་ཡབ་མེས་དམ་པའི་རྣམ་ཐར་བཟང་པོ་ལ་དྲན་པ་ཉེ་བར་བཞག་ནས་རྒྱལ་བའི་བསྟན་པ་རིན་པོ་ཆེ་དེ་འཛིན་དང་བཅས་པ་ལ་ཤིན་ཏུ་གུས་ཤིང་སྲི་ཞུ་བླ་ལྷག་ཏུ་ནི་སྐྱེད། འཇིག་རྟེན་གྱི་འདྲ་ལ་ཡུན་མ་ལུས་པའི་རྒུད་པ་སེལ་བ་ལ་གཅིག་ཏུ་བརྩོན་པའི་སྙིང་སྟོབས་མ་སྨད་པ་བཞིན། ཡ་རབས་དྭ་མའི་དང་ཚུལ་བཟང་པོས་བསྡུ་བའི་དངོས་པོ་བཞི་ལ་ཡོངས་སུ་སྤྱད་ནས་བསོད་ནམས་དམ་པའི་ཡུལ་ལ་ཤིན་ཏུ་འདུན་ཞིང་། བདག་ཉིད་ལ་བྱང་ཆུབ་མི་ཟད་པའི་ས་བོན་བསྐྲུན་པའི་རྣམ་པར་དཀར་བ་འདི་ལྟ་བུ་ལ་རྗེས་སུ་ཡི་རང་བ་བསྒོམས་ཤིང་མཆོད་པའི་རྒྱུན་དང་སྲི་ཞུ་མི་ལྷོད་པ་དམ་ཚིག་ཏུ་བལྟས་ནས་རང་རང་ཡང་བསོད་ནམས་དམ་པའི་ཡུལ་ལ་མཆོག་ཏུ་འདུན་པ་དང་། དེ་ལྟ་བུའི་དགེ་བའི་རྩ་བ་ཡང་འཕགས་པ་ལག་ན་རལ་གྲི་དང་། སེམས་དཔའ་ཀུན་ཏུ་བཟང་པོའི་དམ་པ་གསུམ་དང་། བཟང་པོ་བཞི་ལྡན་གྱི་བསྔོ་བ་དམ་པའི་ལམ་སྲོལ་མ་སྨད་པའི་ཤིང་རྟ་མཆོག་ལ་བཞོན་པའི་རྗེས་འབྲེལ་

(༧༠༦)དུ་བྱང་ཆུབ་སེམས་དཔའ་རྣམས་ཀྱི་འཇུག་པའི་བསླབ་བྱ་ཕ་རོལ་ཏུ་ཕྱིན་པ་བཅུ་ཕྲག་བཅུའི་དངོས་པོ་ལ་ལོངས་སྤྱོད་པའི་སྨོན་ལམ་གྱི་རིམ་པ་ནི། ཞེས་པ་ནས་སྐྱེས་རབས་བརྒྱ་བའི་སྨོན་ལམ་མུ་འཐུད་པ་དཀར་ཆག་ཆེན་མོའི་གཤམ་ལ་བྲིས་སོ། །གཏམ་ཚོགས་ལེའུ་ཞེ་གཉིས་པའོ།། །།ས་སྐྱོང་སྡེ་དགེའི་རྒྱལ་ཁབ་ཏུ་སྔ་འགྱུར་རྒྱུར་འབུམ་རིན་པོ་ཆེ་བར་དུ་བཞེངས་པའི་དུས་ཞུ་ཆེན་པ་རྣམ་གཉིས་ལ་སྐབས་དབྱེ་བའི་གཏམ་དང་སྐྱོང་གི་རྔ་སྒྲ་ཞེས་བྱ་བ།། །།འཇམ་དཔལ་སྨྲ་བའི་སེང་གེ་ལ་ཕྱག་འཚལ་ལོ། །རྣམ་པ་ཐམས་ཅད་མཁྱེན་ཡང་རྣམ་མི་རྟོག །སྒྲ་ཚོག་བརྗོད་པ་བྲལ་བཞིན་བདེན་གཉིས་གསུང་། །རྣམ་སྣང་གང་ཆེན་མཚོ་ཡི་ཐུགས་གསུང་སྐུའི། །མི་ཟད་རྒྱན་གྱི་འཁོར་ལོ་ཆེན་པོར་འདུད། །དེ་ལ་ལྷ་བཙན་པོ་ཁྲི་སྲོང་ལྡེའུ་བཙན་གྱི་དུས་རྒྱལ་བའི་བསྟན་པ་རིན་པོ་ཆེ་ལ་བསྟི་སྟང་བླ་ལྷག་ཏུ་མཛད་ནས་མདོ་སྔགས་བཤད་སྒྲུབ་ཀྱི་བསྟན་པ་དར་རྒྱས་སུ་མཛད་པ་ལས། གསང་སྔགས་ནང་གི་རྒྱུད་རྣམས་ནི་གཞུང་རང་ངོ་ནས་གསང་བ་ཡིན་པས་ལྐོག་ཆོས་འབའ་ཞིག་ཏུ་བསྒྱུར། སྤྲུལ་པའི་རྒྱལ་པོ་གསང་བ་སྲུང་བ་ལ་ཐུགས་སྒམ་པས་ཁྱབ་གདལ་དུ་མི་སྒྲོག་པའི་བཀས་བཅད་དེ། རིང་དུ་སྦས་པའི་ངང་ལ་སྒྲ་སྦྱོར་བམ་པོ་གཉིས་པས་སྐབས་དབྱེ་བའི་སྐང་གསར་བཅད་ཀྱིས་དག་ཐེར་ཀྱང་མ་ཕོག །འདི་ལྟར་འཇིག་རྟེན་གྱི་བཟོ་གནས་ཙམ་ལའང་སྔ་མ་སྔ་མ་ལས་ཕྱི་མ་ཕྱི་མ་རྣམ་རིག་བཟོ་བ་ཆོས་ཉིད་ཡིན་པས། གསར་མ་རྣམས་ནི་ཆོས་ཀྱི་ལམ་སྲོལ་ཆེས་དར་ནས་དཔྱད་ཞུས་ལ་རང་བྱན་ཆུད་པའི་དུས་བསྒྱུར་ཞིང་། རིམ་གྱིས་བརྡ་དག་སྡེབ་སྦྱོར་གྱི་གནས་དང་། ཚིག་ལ་གྲིམས་པ་དག་གིས་ཡང་ནས་ཡང་དུ་བཅོས་ཤིང་བཅོས་པ་དང་མི་འདྲ་ཡང་། དུས་འཁོར་ལས། ཡུལ་གྱི་སྐད་ཀྱིས་ཆོས་གོ་ན། །བསྟན་བཅོས་སྐད་ཀྱིས་ཅི་ཞིག་བྱ། །ཞེས་པའི་དོན་ལ་མི་སེམས་པ་དག་གིས། རྒྱ་གར་དུ་ཉན་ཐོས་པ་རྣམས་ཀྱི་སྤྱིར་ཐེག་

(༧༠༧)པ་ཆེན་པོ་ཆོས་ལོག་དང་། སྒོས་གསང་སྔགས་བཀའ་མ་ཡིན་ཟེར་བ་ལྟར། ཚིག་གི་ཆ་ལ་དཔྱད་བཟོད་མི་བཟོད་ཙམ་དང་། རང་ཉིད་ཀྱི་རྟོག་གེ་ལས་ལྐོག་ཏུ་གྱུར་པའི་རྡོ་རྗེའི་གནས་ཆེན་པོ་རྣམས་ལ་བསྟིང་ཚིག་འབྱམ་ཡིག་སོགས་ཀྱིས་རྒྱལ་བའི་བསྟན་པ་ལ་དབྱེན་བཅོས་མོད་དེ། སྔོན་གྱི་ལོ་ཙཱ་བ་རྣམས་བཙན་པོ་ཁྲི་སྲོང་ལྡེའུ་བཙན་གྱིས་བསྟན་པའི་ལམ་སྲོལ་བཏོད་པའི་ཚེ་སྨོན་ལམ་གྱི་མཐུས་སྤྲུལ་པ་འབའ་ཞིག་ཡིན་པས་བྱིན་རླབས་ཀྱི་ཚན་ཁ་གཞན་དང་མི་མཉམ་པས་རྙིང་རྒྱུད་བཀའ་གཉན། འཚུབས་ཆེ་ཟེར་ཞིང་། དམག་འཁྲུག་དང་ནད་ཡམས་སོགས་འཇིག་རྟེན་གྱི་རྒུད་པ་ཆེན་པོ་སྟོབས་སུ་གྱུར་པའི་ཚེ་ཕྲ་མ་སྔ་བཙན་ཆོས་ཀྱི་དབྱིངས་སུ་དེངས་ནས་ཀློག་ཁྲོལ་དང་བསྟི་སྟང་གིས་སྐབས་དབྱེ་བ་མཐོང་ཆོས་སུ་གྱུར་པ་ནི་བྱིན་རླབས་མཉམས་པའི་རང་རྟགས་ཡིན་ནོ། །དེའི་རྒྱུའང་བཤད་སྒྲུབ་བྱེད་པའི་ཆོས་དེ་བཀའ་རྩོད་མེད་ཡིན་དུ་ཟིན་ཀྱང་། དེ་ཡུལ་སྣ་ཆགས་པའི་སྐད་དང་མཐུན་པར་བསྒྱུར་ཞིང་བཅོས་དགོས་པས། སྒྱུར་བྱེད་གང་ཞིག་དོན་འགྱུར་གྱི་དབྱིངས་འཛལ་བ་ལ་རྨོངས་ནས། དཔེར་ན་ཐང་སྟོང་རྒྱལ་པོ་ལ་ཐང་ཁུག་སྟོང་པའི་སྐད་ཤན་སྦྱར་བ་ལྟ་བུ་དང་། ཁྱད་པར་བྱང་ཆུབ་ཀྱི་སེམས་གཉིས་དང་། བསྐྱེད་རྫོགས་ལ་རྣལ་དུ་མ་འབྱོར་པས་དག་ལ་བདེན་ཚིག་མ་གྲུབ་པ་དང་། དམ་ཉམས་འདྲེས་ཁྱེར་གྱིས་སེལ་ཞུགས་པ་དང་། བདེན་པ་མ་མཐོང་བའི་སོ་སོ་སྐྱེ་བོས་བཅོས་ཤིང་བཅོས་པ་དག་ན་རེ་ཞིག་ཚིག་གི་ཆ་ལ་དཔྱད་བཟོད་པ་བྱུང་ཡང་། དོན་གྱི་བྱིན་རླབས་ཞུད་པའི་ཕྱིར་རོ། །དེ་ལྟ་ནའང་རྣམ་པར་ཤེས་པ་ལས་སུ་མི་རུང་བ་སེམས་ཅན་གྱི་ཆོས་ཉིད་ཡིན་པས་ཡི་གེ་བའི་བསླད་སྐྱོན་དང་། ཞུས་དག་ཧོལ་རྒྱུགས། ཁྱད་པར་དཔེ་རྙིང་རྣམས་ཐོག་སྔས་པས་བརྡ་དག་གྱ་ཚོམ་མང་དུ་སྣང་བ་ལ་ནི་ད་ལམ་ཞུ་ཆེན་པ་རྣམས་གཉིས་སྒྲ་རིག་དང་། སུམ་རྟགས་ལ་འདྲིས་པས་སྔོན་འཇུག་དངས་མཐའ་ཐལ་བ་དང་། ཧོལ་རྒྱུགས་འགའ་ཤས་ལས་གཞན་མ་སྔོན་མ་རྣམས་

(༧༠༨)ལས་དག་ངེས་བྱུང་འདུག་པས་རྗེས་སུ་ཡ་རང་། གོ་དཀའ་བའི་ཆེ་ནས་ཐེ་ཚོམ་གྱིས་ཁྲམ་རྟགས་ཐོག་པ་རྣམས་ལ་དཔེར་ན། ཁ་བའི་ཤོག་གྲངས། ༢༥༨ ལྟ་བ་གཞུང་མེད་ཚིག་ལས་འདས། །ཞེས་པའི་གཞུང་སྒྲ་ནི་ངོ་བོ་ཉིད་མེད་པའི་དོན་ཡིན་པས་མཚོན་རང་སར་གཞག་ཆོག་པ་ཡང་རེ་མང་དང་། ཡི་གེ་ནོར་བདག་ནི་བཅོས་པའི་ཤོག་ཁྲ་ཟུར་གསལ་ལྟར་རོ། །དེ་ཡང་ཐོག་སྔས་པང་ལོ་པཎ་གཉིས་ཀས་བརྡ་མ་འཕྲོད་པ་དང་། གནའ་སྐབས་དང་། ཡུམ་སྐད་སྣ་ཚོགས་དང་། བྲིས་ནོར་རྒྱུན་འབྱམས་དང་། རིང་ལུགས་སྲོན་དར་གྱི་ཤན་ཤོར་བ་སོགས་དཔྱ་མི་བཟོད་པའི་རིགས་ལ་ནི་སྔ་ཕྱི་ཐམས་ཅད་ཀྱི་ཚིག་འགྲོས་ལ་ཞིབ་མོར་དཔྱད་པའི་དོན་ཞུས་དགོས་གྲས་ཡིན་འདུག་ཀྱང་། ད་ནི་རང་ཉིད་འདྲེན་བྱེད་ལྡོངས་པས་དེར་ཟད་དོ། །དེ་ལས་གཞན་པའི་རྒྱུད་དཀྲུགས། ལུང་གཅུས། མན་ངག་གབ་པའི་གནས་ནི། ཕུང་ཁམས་སྐྱེས་ཆེད་ཀྱི་རྒྱུ་འབྲས་གོ་ལྡོག་ནས་དགོངས་པ་ལུང་སྟོན་ལྟར་བཤད་པ་ལ་དཔལ་འཛིན་གྱིས་དངོས་བསྟན་དུ་གོ་བའི་ལོག་རྟོགས་ལྟ་བུའོ། །རྒྱུ་འབྲས་ལ་ཟློ་བའི་རྡོ་རྗེའི་གསང་ཚིག་ཆེན་པོ་རྣམས་ནི་མཐའ་དྲུག་དང་ཚུལ་བཞིས་དཔྱོད་པའི་གནས་དང་། སྔགས་ལའང་ལེགས་སྦྱར་གྱི་ཁྲོད་དུར་མ་ལུག་འདྲེས་པའི་ཡིག་སྐྱོན་འདུག་ན་མ་གཏོགས། གཞན་མི་མ་ཡིན་དང་། འགྲོ་ལྡིང་དང་། ཀླ་ཀློ་ལ་སོགས་པའི་བརྡ་སྐད་འདྲེས་པ་ནི་དཔྱད་དཀའ་ཡང་། ང་ཡིས་ཅི་ཡང་མ་གསུངས་པར། །སེམས་ཅན་རྣམས་ལ་ཁྱབ་བདག་སྣང་། །ཞེས་པ་ལྟར་སངས་རྒྱས་ཀྱི་གསུང་ནི་རྣམ་པ་ཐམས་ཅད་ལ། སྒྲ་སྙན་གྱི་ཚིག་བཞིན་དུ་ཉན་པ་པོའི་རྣམ་རིག་དང་མཐུན་པར་འཆར་བས་གསང་སྔགས་མོས་པས་འགྲུབ་པའི་ཚུལ་ཡངས་པཎ་དང་འདར་ཕྱར་བའི་གཏམ་རྒྱུད་ཀྱིས་ཤེས་ལ། མདོར་ན་གསུང་རབ་ཀྱི་དོན་རྟོན་པ་བཞི་ལྡན་གྱིས་འཇལ་བའི་དེ་ཁོ་ན་ཉིད་ལྷོངས་སུ་མ་གྱུར་ན། རྟོག་གེའི་རིག་པ་ནི་རྣམ་པར་འཁྱམ་པའི་ཆོས་ཅན་ཏེ།

(༧༠༩)དེ་སྐད་དུ་རྒྱུད་སྡེ་རིན་པོ་ཆེ་ནས། གསང་སྔགས་ཀྱི་ངོ་བོ་དེ་ནི་གང་གི་བློ་ཞིབ་པ། ཆེས་ཞིབ་པ། ཤིན་ཏུ་ཟབ་པ། ཆེས་ཟབ་པས་བལྟ་བར་བྱའོ། །གང་ལ་ལ་དག་ཆོས་ཐམས་ཅད་ལ། མུ་དང་གཏིང་དང་། མཐའ་དང་དབུས་འཚོལ་བ་ཡོད་དེ། དེ་དག་ནི་བློ་ཟབ་པ་ཆེས་ཟབ་པ་ཞེས་མི་བྱ་ཡི། ཐུག་པ་ཉིད་དུ་ཐུག་བཞེས་བྱའོ། །ཞེས་གསུངས་པས་ནི་ཐོག་མར་སྒྲ་ཚད་ལ་སོགས་པ་རྟོག་གེའི་རིག་པས་བསྲེགས་བཅད་བརྡར་བའི་གསར་བཞན་དུ་ཞིབ་པ་དང་། ཆོས་ཞིབ་བར་བརྟགས་ལ། མཐར་གྱི་དེ་བཞིན་གཤེགས་པར་བསྟན་པ་ནི་ཆོས་ཉིད་དང་མི་འགལ་བ་ཆོས་སུ་གཟུང་བར་རྗེས་སུ་འདོམས་པ་ཡིན་པས་ཤིན་ཏུ་ཟབ་པའི་བློས། དྲང་དོན་ལ་མི་རྟོན་ངེས་དོན་ལ་རྟོན། རྣམ་ཤེས་ལ་མི་རྟོན་ཡེ་ཤེས་ལ་རྟོན་པའི་ཕྱོགས་གཟུང་བར་བྱའོ། །ཞེས་པའང་རྫོགས་ཆེན་པ་རང་བྱུང་རྡོ་རྗེས་སོ། །གཏམ་ཚོགས་ལེའུ་ཞེ་གསུམ་པའོ།། །།མཆོད་རྟེན་བཀྲ་ཤིས་འོད་འབར་གྱི་གཏམ་སྙོག་མ་བཟུངས་པའི་ཀེ་ཏ་ཀ་ཞེས་བྱ་བ།། །།བཞད་པ་བརྒྱད་ལྡན་ལ་ན་མོ། རྒྱལ་བ་རྣམས་ཀྱི་ཕྲིན་ལས་ཚད་མེད་པ། །སྐྱེས་བུ་དམ་པའི་ཐུགས་དང་རོ་གཅིག་ལ། །གཞན་ཕན་རྒྱ་མཚོ་བཟོ་གནས་སྤྲུལ་པའི་སྐུ། །འགྲོ་བའི་དོན་མཛད་མཆོད་སྡོང་ཆེན་པོར་འདུད། །དེ་ལ་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོའི་ཤར་ཕྱོགས། གློ་དོན་སྟེངས་མཆོད་རྟེན་ཞེས་གྲགས་པའི་ལོ་རྒྱུས་ཅུང་ཟད་བརྗོད་ན། བོད་ཁ་བ་ཅན་འདི་རིགས་གསུམ་མགོན་པོས་འདུལ་ཞིང་ཡིན་པས་འཕགས་པ་སྤྱན་རས་གཟིགས་རྒྱལ་པོའི་ཚུལ་དུ་བསྟན་པ་སྤྲུལ་པའི་རྒྱལ་པོ་སྲོང་བཙན་སྒམ་པོས་སངས་རྒྱས་ཀྱི་བསྟན་པའི་སྲོལ་བཏོང་། འཇམ་དཔལ་དབྱངས་ཁྲི་སྲོང་ལྡེའུ་བཙན་གྱི་རིང་ལ་ཤིན་ཏུའང་དར་རྒྱས་སུ་མཛད། གསང་བའི་བདག་པོའི་རྣམ་འཕྲུལ་མངའ་བདག་རལ་པ་ཅན་གྱི་རིང་ལ་གསུང་རབ་ལ་དག་ཐེར་གྱིས་ཞབས་ཏོག་བསྒྲུབས། དེ་ནས་བསྟན་བགྱི་དར་ལས་ཇོ་བོའི་

(༧༡༠)སློབ་བརྒྱུད་བཀའ་གདམས་ཀྱི་བསྟན་པ་དར་བའི་དུས་རེ་ཞིག་ན། དགེ་བཤེས་སྟོན་པའི་སློབ་མ་སྤྱན་སྦ་ཚུལ་ཁྲིམས་འབར་ཞེས་བྱ་བ་སྔོན་གྱི་བག་ཆགས་ལས་གཞོན་ནུ་ནམ་ས་སྐྲྀ་ཏའི་སྐད་ལ་བྱང་ཞིང་། བོད་དུ་སྔ་ཕྱིར་འགྱུར་བའི་གསང་སྔགས་ཀྱི་ཆོས་ལ་འདི་མི་མཁྱེན་བྱ་བ་མེད་པས། སློབ་དཔོན་ཀླུ་སྒྲུབ་ཀྱི་རིམ་ལྔ་ལ་བརྟེན་ནས་ཆོས་ཉིད་ཀྱི་བདེན་པ་གཟིགས་པས་ཆོས་སྐྱོང་བྲན་དུ་འཁོལ་བ་ཞིག་བྱུང་། རྒྱ་མ་འཁྲི་སྒང་བཟིང་མོ་དགོན་ཀྱང་འདིས་བཏབ་ཟེར། ཁོང་གིས་ཇོ་བོའི་པད་སྤུངས་ལ་དཔེ་མཛད་ནས་རིན་པོ་ཆེ་ལས་གྲུབ་པའི་པད་སྤུངས་ཤིན་ཏུ་མང་བ་བཞེངས་པའི་ནང་ནས་ཆེས་མཆོག་ཏུ་གྱུར་པ་ནི་དཔལ་གློ་དོན་སྟེངས་ཀྱི་མཆོད་རྟེན་བཀྲ་ཤིས་འོད་འབར་འདི་ཡིན་ཏེ། དེ་ཡང་ལྷ་མོ་དབྱངས་ཅན་མ་དང་། རྗེ་བཙུན་མ་སྒྲོལ་མས་ལུང་བསྟན་ནས་རྒྱ་གར་དུའང་བྱོན། བླ་མ་རྡོ་རྗེ་གདན་པ་དང་མཇལ། དེས་ཀྱང་ཡི་དམ་གྱི་ལྷ་ཡིན་པར་ལུང་བསྟན་ཞིང་དབྱངས་ཅན་མའི་རྗེས་གནང་མཛད། འདི་སྒྲུབས་ཤིག་བར་ལུང་བསྟན། སླར་བོད་དུ་བྱོན་ནས་དབྱངས་ཅན་མ་བསྒྲུབས་པས། ཨ་ཅོ་ར་ལྔ་བྱུང་བ་རྣམས་ཀྱིས་རིན་པོ་ཆེའི་ཕུང་པོ་ཕུལ། དེ་ལ་མཆོད་རྟེན་བཞེང་བར་དགོངས་པ་གཏད་པའི་ཚེམ་ཇོ་ཆོས་དཔོན་སོགས་ཀྱིས་ཞབས་ཏོག་དང་སྦྱིན་བདག་བྱས། མཆོད་རྟེན་བཞེང་པའི་ཁུར་དགེ་སློང་རྩ་ནང་པ་ལ་བོ་གནས་ས་དཔྱད་གཟིགས་ཉེ་ཀླུ་དགའ་བོ་གནས་པའི་རྡོ་རུས་སྤལ་འདྲ་བའི་སྟེང་དུ་བཞེངས་ཤིག་པར་ལུང་བསྟན་ནས་ས་འདུལ་དང་རབ་གནས་བླ་མ་ཉིད་ནས་མཛད། དེར་ལྷ་ཁང་རི་རབ་འདྲ་བ་ཞིག་བཞེངས། མཆོད་རྟེན་ལུགས་ས་མཁར་བོ་ཤོངས་ཀྱི་སྒོར་མོ་ཀླུངས་སུ་བྱས། བཟོ་བོ་ཡང་མཚོན་བྱེད་ཙམ་དང་། མཆོད་རྟེན་ཡང་ཞག་བདུན་ལ་བཞེངས་ཚར་པས་རང་བྱོན་ཡིན་པར་གྲགས་ཤིང་། དུས་དེར་ས་གཡོས་ཐེངས་ལྔ་བྱུང་། ཕྱག་རྡོར་གཏུམ་པོའི་སྐུ་ལུགས་གཅིག་མ་ཁྲུ་གང་པ་དང་།

(༧༡༡)སངས་རྒྱས་ཀྱི་རིང་བསྲེལ་ཕུལ་གང་། འབྲོམ་གྱི་དབུ་སྐྲ། ཁམས་པ་ཆོས་ཉིད་རྒྱ་མཚོའི་རིང་བསྲེལ་སྲན་དཀར་ཙམ་པ་བརྒྱད། ཆོས་གོས་ཉི་ཟེར་མ། ཆོས་སྐུའི་རིང་བསྲེལ་མང་པོ་དང་བཅས་པ་ནང་གཟུངས་སུ་བཞུགས། གཙུག་ལག་ཁང་དུ་མཆོད་རྟེན་གདན་འདྲེན་པའི་ཚེ་ཡོན་བདག་གི་གྲལ་ན་དབྱངས་ཅན་མའི་སྤྲུལ་པ་ཁམས་མོ་ཞིག་ལ་བུ་གསུམ་ཡོད་པའི་ཆེ་བ་ལ་བཀྲ་ཤིས། འབྲིང་པོ་ལ་འོད་འབར། ཆུང་བ་ལ་དོན་ལྡན་ཟེར་བ། བླ་མའི་ཞལ་ནས་ཨ་མ་ཁྱོད་མགོ་ཡོན་ཡོན་དུ་མ་སྡོད་པར་བཀྲ་ཤིས། འོད་འབར། དོན་ལྡན་ཁྲིད་ཤོག་གསུངས་པས་མཁའ་འགྲོ་སྡེ་ལྔས་འཇའ་ལམ་ལ་གདན་དྲངས་ཏེ་ལྷ་ཁང་དུ་ཚེགས་མེད་དུ་གདན་འདྲོངས། མིང་ཡང་བཀྲ་ཤིས་འོད་འབར་དུ་གྲགས། རབ་གནས་ཀྱི་ཚེ་སངས་རྒྱས་དང་བྱང་ཆུབ་སེམས་དཔའ་དཔག་ཏུ་མེད་པ་ཐིམ། ཨོ་རྒྱན་གྱི་བསྒྲུབས་གནས་ནས་འཇའ་ཟུག་པ་དང་། མཆོད་རྟེན་ལ་དབུ་ཐོག་ཏུ་འཇའ་གུར་ཕུབ་པ་ཀུན་གྱིས་མཐོང་། ཡེ་ཤེས་བཞུགས་པའི་རྟགས་སུ་བདེ་དྲོད་རྒྱུན་མ་ཆད་པར་བཞུགས། སྟེང་ནས་མཆོད་པའི་ལྷ་མོས་མཆོད། རྒྱལ་ཆེན་སྡེ་བཞི་དང་། དཔལ་ལྡན་ལྷ་མོས་གཉེར་ཁ་བྱེད་པས་ཡུལ་དེར་སྡེ་བརྒྱད་ཀྱི་གནོད་པ་ཉུང་ཞིང་། སུ་ཞིག་གིས་མཇལ་བ་དང་ཕྱག་བསྐོར་བྱས་པས་བྱིན་རླབས་འཇུག་ཅིང་། གཟའ་ཀླུ་སྡེ་བརྒྱད་ཀྱི་གནོད་པས་མི་ཚུགས། ཕྱོགས་བཞིན་མི་འགྱུར་བའི་གཟེར་བཞི་ཡོད་པའི་རྟེན་འབྲེལ་གྱིས་ཧོར་དམག་གི་གནོད་པས་ཀྱང་མི་ཚུགས། མདུན་ན་མཆོད་རྟེན་པདྨ་སྤུངས་པའི་ནང་གཟུངས་རིན་པོ་ཆེའི་ཏོག་དང་། ཀླུ་འབུམ་བརྒྱ་རྩ། རིན་ཆེན་སྣ་ལྔ། རྒྱ་གར་གྱི་ས་སྣ། ཆུ་སྣ། ཧོར་བཟློག་གི་འཁོར་ལོ་བཅས་བཞུགས་པས་བྱིན་རླབས་ཆེ། དེ་ལྟར་སྐུ་གསུང་ཐུགས་ཀྱི་རྟེན་འདི་དག་ནི་སངས་རྒྱས་རྣམས་ཀྱི་ཕྲིན་ལས་ཚད་མེད་པ་ལས་སེམས་ཅན་གྱི་དོན་དུ་སྣང་ཞིང་སྤྲུལ་པས། གཞན་དོན་རླབས་པོ་ཆེ་མཛད་པས་མཐོང་ཐོས་དྲན་རེག་

(༧༡༢)ཐམས་ཅད་ལ་དངོས་དང་བརྒྱུད་ནས་བྱང་གྲོལ་གྱི་ས་བོན་འཇོག་པའི་འབྲེལ་ཚད་དོན་ལྡན་ཡིན་པའི་ཕྱིར། འདི་དག་ལ་བསྟི་སྟང་དང་། བསྙེན་བཀུར་བགྱིས་ན་སངས་རྒྱས་དངོས་ལ་མཆོད་པ་དང་ཕན་ཡོན་མཚུངས་པའི་ཚུལ་སྟོན་པས་འཕགས་པ་འཇམ་དཔལ་ལ་བཀའ་སྩལ་པ། ད་ལྟ་ང་ལ་མཆོད་པ་དང་། །མ་འོངས་གཟུགས་བརྙན་མཆོད་པ་གཉིས། ཁྱད་པར་ཅུང་ཟད་ཡོད་མ་ཡིན། །བསོད་ནམས་མཉམ་ཞིང་རྣམ་སྨིན་མཉམ། །ཞེས་གསུངས་པ་ལ་ངེས་ཤེས་ཁྱད་པར་ཅན་དང་། ཆོས་སྣང་བའི་སྒོ་དད་པ་བླ་ལྷག་ཏུ་བསྐྱེད་ནས་ཕ་མར་གྱུར་པའི་སེམས་ཅན་རྣམས་ཀྱི་དོན་དུ་དམིགས་ནས་ཡན་ལག་བདུན་པས་སྣ་དྲངས་ཏེ། ཕྱག་མཆོད་དང་། བསྐོར་བ་སྨོན་ལམ་གྱི་རིམ་པ་རྒྱ་ཆེན་པོ་མཛད་འཚལ། ཞེས་པའང་རབ་བྱུང་གྲ་ཚང་གི་མཁན་པོ་རིན་ཆེན་བསམ་འགྲུབ་ཀྱི་གསུང་ངོར་གནས་ཡིག་ཧྲུལ་པོའི་ངག་འགྲོས་འདོད་རྒྱལ་བ་རྣམས་ལ་སྔོན་གྱི་དེབ་ཐེར། རྩོད་མེད་ནས་བྱི་དོར་བྱས་ཏེ་རྫོགས་ཆེན་པ་རང་བྱུང་རྡོ་རྗེས་དངུལ་དཀར་གྱི་འཕགས་པ་རིན་པོ་ཆེ་བསམ་ཡས་སུ་མངའ་གསོལ་དང་ཆབས་ཅིག་རབ་གནས་ལ་ལྷགས་པའི་ཚེ། ༧གོང་མའི་གདན་ས་དགོན་པས་ཕུག་ཏུ་བྲིས་པའོ། །གཏམ་ཚོགས་ལེའུ་ཞེ་བཞི་པའོ།། །།བདེ་བར་གཤེགས་པའི་མཆོད་རྟེན་བརྒྱད་ཀྱི་ཐིག་གི་གཏམ། བྱང་ཆུབ་ལྗོན་ཤིང་ཞེས་བྱ་བ།། །།བདུད་བཞིའི་གཡུལ་ལས་རྣམ་རྒྱལ་རྒྱལ་བ་དེའི། །སྤངས་རྟོགས་ནམ་མཁའི་མཐས་ཀྱང་མི་ཐུག་པ། །རྟགས་དང་བརྡ་ཡིས་མཚོན་དཔེས་ཆོས་སྐུའི་གཟུགས། །འགྲོ་འདིའི་བསོད་ནམས་ཤིང་རྟས་འདྲེན་ཕྱིར་བཀོད། །དེ་ལ་སྤྱིར་དེ་བཞིན་གཤེགས་པའི་རིང་བསྲེལ་དང་སྐུ་གདུང་གི་སྣོད་དུ་གྱུར་པ་ནི་བསམ་གྱིས་མི་ཁྱབ་ཅིང་། འཕགས་པའི་ཡུལ་དུ་ཤིང་རྟ་ཆེན་པོ་ཀླུ་སྒྲུབ་སོགས་ཀྱིས་མཆོད་རྟེན་ཆེན་པོ་བརྒྱད་དུ་གསུངས་ཤིང་བསྟོད་པ་མཛད་པ་རྣམས་མདོ་རྒྱུད་གང་ལས་གསུངས་ན། ཤེར་ཕྱིན་གྱི་མདོ་ལས། རིན་

(༧༡༣)ཆེན་སྣ་བདུན་ལས་བྱས་པའི་མཆོད་རྟེན་བརྒྱད་རྒྱར་ནི་དཔག་ཚད་ཕྱེད། འཕང་དུ་ནི་དཔག་ཚད་ཙམ་པ་ཤ་སྟག་གོ །ཞེས་དང་། དེ་བཞིན་དུ་དམ་པའི་ཆོས་པདྨ་དཀར་པོ། སྙིང་རྗེ་པད་དཀར་སོགས་ནས་ཀྱང་རྒྱ་ཁྱན་དེ་དང་ཕྱོགས་མཚུངས་པར་བཤད་ཅིང་། མདོ་མངས་སོགས་ལས་རྣམ་པ་དུ་མ་གསུངས་པས་མཐའ་གཅིག་ཏུའང་མི་འཛིན་ཏེ། གནས་ནི་ཐུན་མོང་ཡོངས་སུ་གྲགས་པའི་གྲོང་ཁྱེར་སེར་སྐྱར་སྒུ་བལྟམས་པའི་ཚེ་པདྨ་སྤུངས་པ་ནས་བཟུང་རིམ་པར་ཤཱཀྱ་ཐུབ་པའི་མཆོད་རྟེན་བརྒྱད་དུ་གྲགས་པ་དང་། གཞན་ཡང་དངོས་གྲུབ་འབྱུང་བ་ཞེས་བདུད་རྩི་མཆོག་གི་རྒྱུད་ལས། རོ་ཡི་སྲུང་མ་ཆེན་མོ་ནི། །མ་མོ་ཆེན་མོ་བརྒྱད་བཞག་གོ །མཆོད་རྟན་བརྒྱད་དུ་རྣམ་པར་གཞག །དེ་དག་བརྟེན་གནས་ཆེན་མོ་ཡང་། །མཆོད་རྟེན་བརྒྱད་དུ་རྣམ་པར་གཞག །ཅེས་སྔོན་གྱི་ཚེ་དཔལ་ཆེན་པོས་དྲག་པོ་པ་ཏུལ་བའི་ཚེ་ཡུལ་བརྒྱད་ཀྱི་རོ་གླིང་དུ། མ་མོ་བརྒྱད་ཀྱི་རྟེན་གནས་དངོས་གྲུབ་འབྱུང་བའི་མཆོད་རྟེན་བརྒྱད་དུ་གྲུབ་པ་ནི། མ་གངྷཱ་ར་བདེ་བྱེད། སིངྒ་ལར་ཏ་ལ་ལ། བལ་པོར་བྱ་ཁྲི་ཁ་ཤོར། སེང་གེ་གླིང་དུ་དགེའུ་དོ་ན། ལི་ཡུལ་དུ་གོ་མ་ས་ལ་གནྡྷཱ། ཁ་ཆེར་ཀ་ན་ཀ །ཟ་ཧོར་དུ་བདེ་སྤྱོད་གཞོན་ནུའི་མཆོད་རྟེན་ཏེ་རྣམ་པ་བརྒྱད་དུ་བསྟན་ཞིང་། སྐུ་ལུས་ཀྱི་ཚད་ལྟར་བཤད་པ་ནི་དུས་འཁོར་ལས། གསང་བའི་ཆུ་སྐྱེས་མཛོད་སྤུའི་མཐའ་ཡིས་མཆོག་གི་རྒྱལ་བའི་བདག་པོའི་མཆོད་རྟེན་དཔངས་ཀྱི་ཚད། །དེ་ཡི་ཕྱེད་ཀྱི་གདན་གྱི་རྒྱ་སྟེ་ས་གཞི་ཤིན་ཏུ་མཉམ་པ་དེ་ཡི་སུམ་ཆས་ཕྱོགས་ཆ་རྣམས། །ཕྱེད་དང་གཉིས་མཐར་ཕྱིར་འབུར་ཆུ་སྐྱེས་ཐུགས་ཀར་གནས་པའི་ཁོར་ཡུག་གདན་གྱི་ཚད་ཀྱི་ཟླུ་བ་པའོ། །གཞི་དང་མཉམ་པའི་པདྨའི་མཐའ་ཡིས་ཆས་དམན་ཁོག་པ་དེ་ཡི་ཕྱོགས་ཆ་ཡིས་ཀྱང་མགྲིན་པའོ། །གདན་ཕྱེད་ཆ་ཡིས་གདོང་སྟེགས་ས་གཞི་ཤིན་ཏུ་མཉམ་པ་དེ་ཡི་སུམ་ཆས་ཕྱོགས་ཆའོ་།།།གསང་བ་ཡི། །ཆུ་སྐྱེས་དག་ལས་ཕྱེད་ཆས་ཉི་མས་གདན་གྱི་དཔངས་ཀྱི་ཚད་དེ་ཤིན་ཏུ་མཉམ་པར་ཡང་འདི་འགྱུར། །

(༧༡༤)གདན་ནས་པདྨའི་མངོན་མཚམས་ཐུགས་ཀར་གནས་པའི་ཁོར་ཡུག་མཐའ་དང་དེ་ནས་མགྲིན་པའི་རྩ་བའོ། །དེ་ནས་གདོང་གི་མཐར་ནི་དེ་བཞིན་ཆུ་གཏེར་ཕྱེད་ཆས་དུས་དང་རིག་བྱེད་རྣམས་ཀྱི་དུམ་བུ་གསུམ། །གདན་ལས་རིང་ཁྱེད་ཀྱི་ནི་པདྨ་ཐུགས་ཀར་གནས་པའི་ཁོར་ཡུག་མགྲིན་པའི་ཚད་ཀྱང་དེ་བཞིན་ཏེ། །ཕྱེད་བཅས་བརྒྱད་ཀྱི་གདོང་པའི་ཚད་དང་དེ་ཡི་སྟེང་དུ་གདུགས་ཀྱི་ཕྲེང་བར་འགྱུར་རོ་མི་ཡི་དབང་། །མཛོད་སྤུ་མཚམས་ནས་དཔྲལ་བ་དག་དང་སྤྱི་བོ་དེ་ནས་འདིར་ནི་གཙུག་ཏོར་དག་གི་མཐར་ཐུག་འདི། །དེ་ལྟར་ངེས་པར་འཇིག་རྟེན་ཁམས་འདི་མཐའ་དག་རྒྱལ་བའི་སྐུ་སྟེ་འཁོར་ལོ་མཆོད་རྟེན་རང་བཞིན་ནོ། །ཞེས་གསང་གནས་ནས་གཙུག་ཏོར་གྱི་བར་དང་། མཆོད་རྟེན་གྱི་བུམ་གདན་པདྨ་མན་ཆད་ནས་ཆར་ཁེབས་མན་ཆད་འཇིག་རྟེན་གྱི་ཁམས་དཔག་ཚད་འབུམ་ཕྲག་བཞི་པ་རྣམས་ཕྱི་ནང་གཞན་གསུམ་གྱི་རྣམ་གཞག་དང་ཆོས་མཚུངས་པར་དག་པ་སྦྱོར་ཞིང་། དེ་ཡང་པདྨ་ཡན་གྱི་དཔངས་ཕྱེད་ཆ་ལ་རྒྱའི་ཚད་དུ་གསུངས་སོ། །རང་བཞིན་ལྷུན་གྱིས་གྲུབ་པ་ལྟར་ན། རྡོ་རྗེ་བཀོད་པའི་རྒྱུད་ལས། འདོད་ཁམས་དབང་གི་རི་བོ་ལ། །གཟུགས་ཁམས་བང་རིམ་ཁྲི་འཕང་ཅན། །གཟུགས་མེད་བུམ་རྟེན་བུམ་པར་བཅས། །སྐུ་གདུང་ཆེན་པོར་རྒྱུན་དུ་གནས། །ཞེས་སོ། །ད་ནི་མཆོད་རྟེན་དངོས་ཀྱི་སྐུ་ཚད་ལ་དུས་འཁོར་ནས་བཤད་པའི་མགུལ་བ་ཐུང་བ་དང་། དྲི་མེད་འགྲེལ་པ་ནས་བཤད་པའི་མགྲིན་རིང་གཉིས་ལས། ཕྱི་མ་བྱད་ལེགས་ཤིང་མཁས་པ་བུ་སྟོན་སོགས་ཀྱང་དེ་ལྟར་འཆད་ལ། འོན་ཀྱང་མི་དབང་སངས་རྒྱས་རྒྱ་མཚོས་བུ་སྟོན་རིན་པོ་ཆེ་དང་། སྟག་ལེ་སྤྲུལ་སྐུ། ཕྲང་ཁ་བ་སོགས་ཀྱིས་མཛད་པར་ཡང་མཛེས་ཆ་བཙལ་བས་ཅུང་ཟད་སྐྱོན་རེ་མཐོང་། །ཞེས་གསུངས་པའང་མང་བར་གདའ་སྟེ། བུ་ལུགས་རི་མོས་བྲིས་ན་ཤིན་ཏུ་སྦྱང་ཞིང་བྱད་ལེགས་པ་འདྲ་བ་ལ། འབུར་དུ་

(༧༡༥)གྲུབ་ཚེ་ཅུང་ཟད་ཀྲོང་བ་ཞིག་དང་། གཞན་རྣམས་ལའང་སྔ་མའི་འཕྲོར་བྲག་ནག་པ་སོགས་མཁས་པ་ཇི་སྙེད་ཀྱི་རང་རང་གིས་བཞེད་པ་རིགས་མི་འདྲ་ཞིང་དེང་སང་ཤས་ཆེ་བ་སྤྲུལ་སྐུ་ང་ལ་གཟིགས་དང་། སྟག་ཚང་ལོ་ཙཱ་བའི་ཐིག་ཆ་འབེབས་པ་མང་ནའང་མཛེས་པ་ཙལ་བ་ལས་བཤད་ཁུང་ས་དང་སྦྱོར་རྒྱུ་རང་དཀའ་ཞིང་སྟག་ལོའི་དེར་བྲེ་སྟན་ཞེང་ཆུང་ལ་ཆོས་འཁོར་བཅུ་གསུམ་དཔངས་དམས་ཤིང་ཞེང་ཆེས་པ་དང་། བདེ་ཆེན་དཔངས་མཐོ་ཞིང་དཀྱུས་ཐུང་བ་དང་། བད་།།།ཆུང་དེ་བས་ཀྱང་ཐུང་ཞིང་དགེ་བཅུ་དང་བང་རིམ་ཐུང་པས་ཀྲོང་པ་འདྲ་བ། ཕྲང་ཁ་བའི་དེར་ནི་ཆོས་འཁོར་བཅུ་གསུམ་ཞིང་ཆེ་ཞིང་དཔངས་མཐོས་པ་དགེ་བཅུ་ནས་བང་རིམ་གསུམ་ཞེང་ཆུང་ཞིང་ས་འཛིན་རྒྱ་ཆེས་པ་ནས་ཅུང་ཟད་བསྐུམ་པ་བཅས་སྐྱོན་ཀུན་སྤངས་པའི་ཁུལ་གྱིས་འདི་བཞིན་དུ་བཏབས། ཞེས་གསུངས་པའི་མཆོད་རྟེན་གྱི་བྱད་དབྱིབས་ལ་ཞིབ་མོར་དཔྱད། གཙུག་ལག་ཕྲེང་བའི་ལུགས་བཞིན་སྣ་ཚོགས་རང་གྲོལ་གྱིས་མཛད་པའི་ཐིག་ཆ་ཧ་ཅང་ཞེང་ཅེས་པ་སོགས་ཀྱི་རྣམ་གཞག་ལས་ལྡོག་པར་བྱས། རང་དོར་དགེ་བཅུ་ཡན་ནས་ཆོས་འཁོར་མནལ་སྐུ་གཟུགས་ཀྱི་ཚད་རགས་པ་མཚོན་པ་དོན་ལ་གནས་པ། ཆུ་ཞིང་གབ་པའི་ངོས་ནས་རང་གི་སྣང་ཆའི་རྟེན་འབྲེལ་གྱི་འཆར་སྒོ་དང་ཡང་བསྟུན་གྱི་ན་བཤད་པར་བྱ་བ་ནི། དང་པོ་ཁོང་སྙོམས་ས་གཞིའི་སྟེང་། །ཚངས་ཐིག་བྲང་པོ་ཉིད་དུ་བཏབ། །བྱ་རྗེས་ཀྱིས་བཙལ་བསྣོལ་ཐིག་དང་། །ཟུར་ཐིག་གཉིས་པོ་ལེགས་པར་གདབ། །མཆོད་རྟེན་སྐུ་ཚད་ལ་དཔགས་པའི། །རེ་ཁཱ་གྲུ་བཞི་མ་འཆུས་པར། །ཆ་ཆེན་བཅུ་རུ་བགོས་པ་ཡི། །རེ་རེའང་ཆ་ཕྲན་བཞི་བཞིར་དབྱེ། །ཆ་ཕྲན་བཞི་བཅུ་ཐམ་པ་འབྱུང་། །བུམ་པ་མན་གྱི་ཐིག་ཡིན་ནོ། །དེ་སྟེང་བྲོ་ཆོས་ཏོག་ལ་སོགས། །བྱ་ཕྱིར་ཚངས་པའི་གཡས་དང་གཡོས། །ཆ་ཆེན་རེ་རེ་བསྐྱེད་པ་ཡི། །དཔངས་སུ་ཆ་ཆེན་ཕྱེད་དང་བདུན། །ཀུན་ཀྱང་ཆ་ཕྲན་

(༧༡༦)བཞི་བཞིར་དབྱེ། །དེ་དང་བྲི་ཐིག་ལ་མཚོན་ན། །རེ་ཁཱས་དབྱེ་བ་འདི་ལྟ་སྟེ། །དང་པོས་འཛིན་དཔངས་ལ་གསུམ། །ཞེང་དུ་ཚངས་ཐིག་གཡས་གཡོན་ཏུ། །ཆ་བྲན་ཉི་ཤུ་ཉི་ཤུའོ། །ཐེམ་སྐས་གཉིས་ལ་དཔངས་རེ་རེ། །ཞེང་དུ་བཅུ་བདུན་བཅོ་ལྔ་དོར། །སེང་ཁྲི་དཔངས་བརྒྱད་ཞེང་བཅུ་གསུམ། །བ་གམ་འཛིན་བྱེད་གཉིས་པོ་ནི། །དཔངས་སུ་ཆ་ཕྲན་རེ་རེ་ལ། །ཞེང་ཕྱེད་བཅུ་བཞི་བཅུ་བཞིའོ། །བ་གམ་དཔངས་གཉིས་ཞེང་བཅོ་ལྔ། །དགེ་བཅུ་དཔངས་གཅིག་ཞེང་བཅུ་གསུམ། །བང་རིམ་བཞི་པོ་མས་ཡར་རིམ། །དཔངས་སུ་ཆ་ཕྲན་གཉིས་གཉིས་ལ། །ཞེང་དུ་ཉི་མ་དྲག་པོ་དང་། །ཕྱོགས་དང་སྲིན་པོ་ཕྱེད་ཆའི་ཚད། །བུམ་གདན་དཔངས་གཅིག་ཞེང་ཕྱེད་དགུ། །མཛེས་ཆའི་དབང་གིས་པདྨའི་དབྱིབས། །བྱེད་ན་ལྟག་སྤྲོད་ཚུལ་དུ་བྱ། །བུམ་དཔངས་ཆ་ཕྲན་བཅུ་གསུམ་ལ། །རྩ་བའི་ཞེང་ལ་ཆ་ཆུང་བརྒྱད། །གྱེན་དུ་ཇེ་འཕེལ་ཆ་ཕྲན་བཅུའི། །མཚམས་ནས་ལྡིར་གྱི་ཞེང་ཚད་ལ། །ཆ་ཕྲན་བཅུ་ཐམ་བཅུ་ཐམ་མོ། །བུམ་སྟོད་གྱེན་ཞུམ་ཆ་ཕྲན་གསུམ། །བུམ་པའི་སྟེང་རྒྱ་ཆ་ཕྲན་བརྒྱད། །དེ་ནས་ཁྲེ་མགུལ་དཔངས་ཚད་ལ། །ཆ་ཆུང་ཕྱེད་གཉིས་ཞེང་ལ་གཉིས། །བྲེ་སྟན་དཔངས་ལ་ཆ་ཕྲན་ཕྱེད། །ཞེང་དུ་ཕྱེད་དང་གསུམ་ཡིན་ལ། །བུམ་པའི་སྨད་ནས་ཡར་ཇི་འཕེལ་དང་ཞེང་ཆེས་ནས་ཞུམ་པ་གཉིས་ཀྱི་མཚམས་ཐིག་གིས་བཅད་པ་ལྟ་བུའི་ཟུར་ཐོན་པའི་བཙན་ཐབས་རང་མི་།།། ཚ་གྲངས་འགྲིགས་པ་ལ་ཅུང་ཟད་ལྡིར་སྟབས་སུ་བྱས་པས་བུམ་དབྱིབས་ལེགས་པར་འོང་། །བྲེ་དངོས་དཔངས་ལ་ཆ་ཕྲན་གཉིས། །ཞེང་དུ་ཆ་ཕྲན་གསུམ་གསུམ་མོ། །གདུགས་འདེགས་དཔངས་ལ་ཆ་ཆུང་གཅིག །ཞེང་དུ་རྩ་བར་ཆ་ཆུང་ངོ་། །རྩེ་མོར་ཆ་ཆུང་ཕྱེད་དང་གསུམ། །པདྨའི་དབྱིབས་དོད་མཛེས་པར་བྱ། །དེ་སྟེང་ཆོས་ཀྱི་འཁོར་ལོ་ནི། །འོག་གཞི་གདུགས་འདེགས་པདྨའི་སྟེང་། །ཚངས་ཐིག་གཡས་གཡོན་ཆ་ཕྲན་གསུམ། །དཔངས་ལ་མ་ཕྲན་བཅུ་

(༧༡༧)གསུམ་པའི། །རྩེ་མོའི་ཞེང་ཚད་ཆ་ཕྲན་རེའི། །མཚམས་སུ་ཡས་མས་ཐིག་བཟུང་ནས། །བཏབ་པས་ཆོས་འཁོར་ཕྱི་དབྱིབས་འགྲུབ། །དེ་ལས་ཆ་ཕྲན་བཞི་ཆ་གཅིག །ནང་དུ་སྟོད་སྨད་མཉམ་པར་བསྐུམ། །བཏབ་པས་མོ་འཁོར་བར་ཉག་རྟོགས། །དེ་ནས་ཆོས་འཁོར་དཔངས་ཚད་ནི། །བཅུ་གསུམ་རེ་རེའི་སྟེང་དུ་ཡང་། །རང་རང་བཞི་ཆའི་སྒོས་ཐིག་གདབ། །ཆ་གསུམ་གདུགས་སམ་ཕོ་འཁོར་དང་། །ཆ་གཅིག་མོ་འཁོར་དག་ཏུ་བཞེད། །དེ་སྟེང་ཐུགས་རྗེ་མདོ་གཟུངས་ནི། །རྩ་བའི་ཞེང་ནི་གཡས་གཡོན་དུ། །གསུམ་ཆས་དམན་པའི་ཆ་ཕྲན་རེ། །དཔངས་སུ་ཆ་ཕྲན་གཅིག་གཡེལ་བའི། །སྟེང་རྒྱ་ཆེ་ཕྲན་རེ་རེ་ནི། །ཚངས་པའི་གཡས་གཡོན་དག་ཏུའོ། །དབྱིབས་ནི་ཨུཏྤལ་ཁ་ཕྱེ་བཞིན། །བརྒྱད་དང་བཅུ་དྲུག་སུལ་ལྡན་བྱ། །གདུགས་དཔངས་ཆ་ཆུང་ཕྱེད་གྱེན་འཕགས། །འབྲེལ་བའི་ཤམ་བུའམ་ཟར་ཚགས། །ཆ་ཕྲན་གཅིག་སྟེ་བྱོན་ཕྱེད་གཉིས། །སྟེང་རྒྱ་ཆ་ཕྲན་ཕྱེ་གཉིས་ལ། །ཐུང་དུ་འཕྱང་བའི་ཤད་ཁའི་རྒྱ། །ཆ་ཕྲན་བཞི་རེ་དྲ་བ་དང་། །དྲ་ཕྱེད་སོགས་ཀྱིས་མཛེས་པར་བྱ། །གདུགས་ཁེབས་ཆ་ཕྲན་གཅིག་གི་དཔངས། །རྩ་བ་གདུགས་དང་ལྟག་སྤྲོད་མཉམ། །སྟེང་རྒྱ་ཆ་ཕྲན་གསུམ་དུ་གཡེལ། །ཟླ་ཕྱེད་དཔངས་ལ་ཆ་ཕྱེད་གཉིས། །ལྟག་སྤྲོད་མཚོན། །རྩེ་གཉིས་བགྲོད་པ་ཚངས་ཐིག་ནས། །གཡས་གཡོན་ཆ་དྲན་གཉིས་སུ་དོར། །ཉི་མ་ཟླུམ་འཁོར་ཆ་ཕྱེད་གསུམ། །ཏོག་རྒྱ་ཆ་ཕྲན་གཅིག་ཉིད་ལ། །དཔངས་སུ་ཕྱེད་གཉིས་ཕྱུང་བུར་བྱ། །ཀུན་ལ་ཚོན་ཐོབ་བཤད་ན་ཡང་། །མཚན་གྱིས་རྣམ་པར་གསལ་བར་བསྟན། །དེ་ལྟར་བྱང་ཆུབ་ཆེན་པོའམ། །འདུད་འདུལ་མཆོད་རྟེན་ཞེས་གྲགས་པ། །གཟུགས་ཅན་སྙིང་པོ་ལ་སོགས་པས། །ཐུབ་དབང་བྱང་ཆུབ་ཤིང་དྲུང་དེར། །མངོན་པར་སངས་རྒྱས་དུས་སུ་བཞེངས། །ཆ་ཚད་འདི་ཡིས་གཞི་བཟུང་ལ། །གཞན་རྣམས་བདུན་པོའི་རྣམ་འགྱུར་ནི། ༈ །

(༧༡༨)པདྨ་སྤུངས་པར་གྲགས་པའམ། །བདེ་གཤེགས་འབྱུང་བའི་མཆོད་རྟེན་ནི། །བང་རིམ་བཞི་པོ་ཟླུམ་པོ་ལ། །པདྨ་དང་ནི་འཁོར་ལོས་སྤྲས། །སེར་སྐྱར་བཀྲ་ཤིས་ལུམྦིའི་ཚལ། །བལྟམས་ཚེ་ཟས་གཙང་སོགས་ཀྱིས་བཞེངས། ༈ །ཆོས་འཁོར་བཀྲ་ཤིས་སྒོམ་པ་ནི། །བང་རིམ་བཞི་པོའི་དབུས་དག་ཏུ། །རང་རང་སུམ་ཆའི་གློ་འབུར་ལ། །ཕྱོགས་རེ་སྒོ་ནི་བཞི་བཞིའམ། །བརྒྱད་དང་བཅུ་གཉིས་བཅུ་དྲུག་ཏུ། །བྱེད་པ་བདེན་བཞི་རྣམ་ཐར་བརྒྱད། །རྟེན་འབྲེལ་བཅུ་གཉིས་སྟོད་པ་ཉིད། །བཅུ་དྲུག་མཚོན་པ་ལྔ་སྡེ་ཡིས། །གྲོང་ཁྱེར་ཝཱ་རཱ་ཎ་སཱི་དེར། །ཐུབ་པས་ཆོས་འཁོར་བསྐོར་ཚེ་བཞེངས། ༈ །ཆོ་འཕྲུལ་ཆེན་པོའི་མཆོད་རྟེན་ནི། །བང་རིམ་བཞི་པོ་རང་རང་གི །སུམ་ཆའི་དབུས་མ་འབུར་དུ་དོང་། །མུ་སྟེགས་ཕམ་པར་མཛད་པའི་ཚེ། །མཉན་ཡོད་ཛེ་ཏའི་ཚལ་ཆེན་པོར། །ལི་ཙ་བྱི་ཡིས་བཞེངས་པའོ། ༈ །ལྷ་བབས་མཆོད་རྟེན་ཞེས་གྲགས་པ། །བང་རིམ་བཞི་པོ་རང་རང་གི །སུམ་ཆ་གློར་བུར་གྱིས་བརྒྱན་པའི། །དབུས་ན་ཐེམ་སྐས་བྱས་པའོ། །ལྷ་གནས་ཡུམ་ལ་ཆོས་གསུངས་ཤིང་། །དབྱར་གནས་སྔ་དྲོ་དགག་དབྱེ་མཛད། །ཕྱི་དྲོ་མི་ཡུལ་གསལ་ལྡན་དུ། །བབས་ཚེ་དེ་དག་རྣམས་ཀྱིས་བཞེངས། ༈ །དགེ་འདུན་དབྱེན་འདུམས་མཆོད་རྟེན་ནི། །བང་རིམ་བཞི་པོའི་ཟུར་བཞི་ནས། །མཉམ་པར་བཅད་པས་ཟུར་བརྒྱད་དང་། །ལོག་བརྒྱད་མཛེས་པ་ལྷས་བྱིན་གྱིས། །དགེ་འདུན་དབྱེན་བྱས་མཆོག་ཟུང་གིས། །བསྡུམས་ཚེ་འོད་མའི་ཚལ་གྱི་གྲོང་། །མ་གངྷཱ་བས་བཞེངས་པར་གྲགས། ༈ །མྱ་ངན་འདས་པའི་མཆོད་རྟེན་ནི། །སྤྲོས་པ་དབྱིངས་སུ་ཞི་བའི་བརྡར། །བང་རིམ་བཞི་པོ་སྤངས་བྱས་ཏེ། །རྨང་དགེའི་སྟེང་དུ་བུམ་གདན་བཞག །འོན་ཀྱང་བང་རིམ་བཞི་པོའི་དཔངས། །བུམ་པ་

(༧༡༩)དང་ནི་ཆོས་འཁོར་ལ། །ན་སྤར་ལུས་ཚད་མཉམ་བྱས་ན། །དཔྱད་བཟོད་དོན་དུ་མི་འགལ་བར། །ཀློང་ཆེན་ནམ་མཁའི་རྣལ་འབྱོར་སྨྲ། །གྱད་ཡུལ་གྲོང་ཁྱེར་རྩ་ཅན་དུ། །མྱ་ངན་འདས་ཚེ་པྱད་ཀྱིས་བཞེངས། ༈ །སྐུ་ཚེ་བྱིན་བརླབས་མཆོད་རྟེན་ནི། །རྨང་རྟེན་ཟླུམ་པོར་བྱས་པའི་སྟེང་། །བང་རིམ་བཞི་པོ་གསུམ་ལ་བཟླུམ། །དེ་བཞིན་གཤེགས་པའི་རྣམ་པའི་མཆོད་རྟེན་ལ་ཆོས་འཁོར་ཉུང་མཐའ་བཅུ་གསུམ་དུ་བཞག་པ་ཡིན་གྱི། གཞན་ནི་ཅི་མང་འཐོབ་།།།པར་བཤད་པ་བཞིན། མི་འགྱུར་ལྷུན་གྱིས་གྲུབ་པའི་ཕྱོགས་བཞིའི་མཆོད་རྟེན་ལའང་དེ་ལྟར་དུ་སྣང་བ། བྱེ་བྲག་ཏུ་འདིར་ནི་འདུལ་བ་ལུང་གི་དོན་འོག་ཏུ་འཆད་མ་ཐག་པའི་ལུང་གིས་མི་གནོད་པར་ཞིང་འདིའི་མཛད་པ་བརྟུལ་བ་ལྟར་སྣང་ཡང་དོན་ལ་ཞིང་ཁམས་དཔག་ཏུ་མེད་པ་ཉིད་དུ། སངས་རྒྱས་མྱ་ངན་ཡོངས་མི་འདའ། །ཆོས་ཀྱང་ནུབ་པར་མི་འགྱུར་ཏེ། །ཞེས་པ་ལྟར་ཆོས་ཀྱི་འཁོར་ལོ་བསམ་གྱིས་མི་ཁྱབ་པ་བསྐོར་བའི་དུས་ཡིན་པའི་བརྡ་སྟོན་ཕྱིར་སྟོང་པ་ཉིད་བཅུ་དྲུག་མཚོན་པའི་ཆོས་ཀྱི་འཁོར་ལོ་བྱའོ། །ཀུན་ཀྱང་ཟླུམ་པོར་བྱས་པ་ལ། །རང་རང་སུམ་ཆའི་ཁ་བད་མཇོས། །བུམ་ནང་གཙུག་ཏོར་རྣམ་རྒྱལ་བཞུགས། །རྣམ་རྒྱལ་མཆོད་རྟེན་ཞེས་ཀྱང་གྲགས། །ཡངས་པ་ཅན་དུ་ཙུནྡའི་དོར། །སྐུ་ཚེ་ཟླ་བ་གསུམ་བསྲིངས་ཚེ། །གྲོང་ཁྱེར་དེའམ་ཁ་ཅིག་ཏུ། །ལྷ་ཡིས་བརྩིགས་པ་དག་ཏུ་འདོད། །དེ་ལྟར་མཆོད་རྟེན་རྣམ་གཞག་ལ། །ཟླུམ་པོའི་དབྱིབས་སུ་བྱས་པ་ཀུན། །སྤྲོས་པའི་མཚན་མ་ཉེར་ཞིའི་དོན། །གྲུ་བཞིའི་དབྱིབས་སུ་བྱས་པ་ནི། །སྤངས་རྟོགས་ཡོན་ཏན་རྫོགས་པའི་བརྡ། །དགེ་བཅུ་ཐར་པའི་རྨང་རྟེན་ཡིན། །བང་རིམ་བཞི་པོ་རིམ་པ་བཞིན། །དྲན་པ་ཉེར་གཞག་ཡང་དག་སྤོང་། །རྫུ་འཕྲུལ་རྐང་པ་དབང་པོ་ལྔ། །བུམ་ལྡན་སྟོབས་ལྔ་བུམ་པ་ནི། །བྱང་ཆུབ་ཡན་ལག་བདུན་དུ་མཚོན། །བྲེ་ནི་འཕགས་ལམ་ཡན་ལག་བརྒྱད། །ཤེས་བཅུ་སྟོབས་བཅུ་མ་འདྲེས་པའི། །དྲན་པ་ཉེར་གཞག་གསུམ་རིམ་བཞིན། །སྲོག་ཤིང་འཁོར་ལོ་བཅུ་གསུམ་མཚོན། །ཐུགས་རྗེས་སྐྱོབ་པ་ཆར་ཁེབས་གདུགས། །ཉི་ཟླ་

(༧༢༠)འཇིག་རྟེན་མུན་སེལ་འོད། །རྟོག་ནི་དགྲ་ན་ཟླ་བྲལ་བའི་རྟགས། །བརྡ་དོན་མཚུངས་པར་མདོ་རྒྱུད་ནས། །གསུངས་པ་བཞིན་དུ་མཁས་པས་དཔྱད། །རྒྱུ་ནི་རབ་ལ་རིན་པོ་ཆེ། །འབྲིང་དུ་སྨན་སྤོས་ཤིང་ལ་སོགས། །ཐ་མ་ས་རྡོ་ཇི་ལྟར་ཡང་། །ཆེ་བ་དཔག་ཚད་རྒྱང་གྲགས་ནས། །ཆུང་ཚད་སྐྱུ་རུ་ར་ཙམ་དང་། །སྡིག་དང་མ་འདྲེས་བརྩོན་པས་བཞེངས། །ཆེ་ཚད་གཟུངས་དང་རབ་གནས་སོགས། །ནན་ཏན་འབད་པའི་བསོད་ནམས་ནི། །མདོ་རྒྱུད་ཀུན་ནས་རྒྱ་ཆེར་གསུངས། །དེ་ལྟར་བདེ་བར་གཤེགས་པའི་རྣམ་པ་ཐམས་ཅད་པའི་མཆོད་རྟེན་བཤད་ནས་ཞར་ལ་ཐེག་པ་སོ་སོའི་གང་ཟག་དང་བསྟུན་པའི་མཆོད་རྟེན་གྱི་རང་བཞིན་བསྟན་ནས་བླང་དོར་གྱི་གནས་གསལ་བར་བྱ་བ་ནི། འདུལ་བ་ལུང་ལས། སྔོན་འཕགས་པ་ཤཱ་རིའི་བུའི་ སྙིང་རྗེ་པད་དཀར་སོགས། རིང་བསྲེལ་རྣམས་ཁྱིམ་བདག་མགོན་མེད་ཟས་སྦྱིན་གྱིས་ཁྱེར་ཏེ། རང་གི་ཁྱིམ་གྱི་ནང་གི་མཆོག་མཐོན་པོ་ཞིག་ཏུ་བཞག་སྟེ། དེ་ལ་མཆོད་པ་དང་། སྐྱེ་བོའི་ཚོགས་ཆེན་པོ་གཞན་རྣམས་ཀྱིས་ཀྱང་དེར་སོང་སྟེ་མཆོད་དོ། །དུས་རེ་ཞིག་ཁྱིམ་བདག་རི་བོར་ཞིག་ཏུ་བྱ་བ་ཅུང་ཟད་ཅིག་ལ་སྒོ་བཅད་དེ་སོང་བ་དང་། སྐྱེ་བོའི་ཚོགས་རྣམས་ཀྱིས་མཆོད་པ་བྱ་བ་མ་བྱུང་བར་བདག་ཅག་གི་བསོད་ནམས་ཀྱི་བར་ཆད་བྱས་སོ་ཞེས་འཕྱ་བ་དེ་བྱ་མི་བདག་གིས་ཟོས་ནས་བཅོམ་ལྡན་འདས་ལ་བདག་གིས་ཤཱ་རིའི་བུའི་མཆོད་རྟེན་ཕྱོགས་སྣ་སྤེལ་ཅན་ཞིག་ཏུ་བགྱེས་ལ་མཆོད་པ་བགྱིད་དུ་སྩོལ་ཅིག །བཀར་སྩལ་པ། གནང་གིས་གྱིས་ཤིག །ཇི་ལྟར་བྱ་བ་མི་ཤེས་ནས་ཞུས་པ། བཀའ་སྩལ་པ། རིམ་གྱིས་བང་རིམ་བཞི་བྱས་དེ་ནས་བུམ་རྟེན་བྱའོ། །དེ་ནས་བུམ་པ་དང་། བྲེ་དང་། སྲོག་ཤིང་དང་། གདུགས་གཅིག་དང་། གཉིས་དང་། གསུམ་དང་། བཞི་བྱ་བ་ནས་བཅུ་གསུམ་གྱི་བར་བྱ་ཞིང་ཆར་ཁེབས་དག་ཀྱང་གཞག་པར་བྱའོ། །

(༧༢༡)བཅོམ་ལྡན་འདས་ཀྱིས་མཆོད་རྟེན་དེ་ལྟ་བུ་བྱའོ་གསུངས་པ་དང་། དེས་ཅི་འཕགས་པ་ཤཱ་རིའི་བུ་འབའ་ཞིག་ལ་མཆོད་རྟེན་དེ་ལྟ་བུ་བྱའམ། འོན་ཏེ་འཕགས་པ་ཐམས་ཅད་ལ་བྱ་མི་ཤེས་ནས། སྐབས་དང་བཅོམ་ལྡན་འདས་ལ་དགེ་སློང་དེ་དག་གིས་གསོལ་བ། བཀའ་སྩལ་པ། ཁྱིམ་བདག་རེ་ཞིག་དེ་བཞིན་གཤེགས་པའི་མཆོད་རྟེན་ནི་རྣམ་པ་ཐམས་ཅད་རྫོགས་པར་བྱའོ། །རང་སངས་རྒྱས་ཀྱི་ནི་ཆར་ཁེབས་མ་གཞག་པར་བྱའོ། །དགྲ་བཅོམ་པ་ནི་གདུགས་བཞིའོ། །ཕྱིར་མི་འོང་པ་ནི་གདུགས་གསུམ་མོ། །ཕྱིར་འོང་བ་ནི་གཉིས་སོ། །རྒྱུན་དུ་ཞུགས་པ་ནི་གཅིག་གོ །སོ་སོ་སྐྱེ་བོ་དགེ་བ་རྣམས་ནི་བྱི་བོར་བྱའོ། །ཞེས་ཆོས་འཁོར་ལ་གདུགས་དང་། གདུགས་ལ་ཆར་ཁེབས་སུ་བཏགས་ནས་མཆོག་དམན་གྱི་རྣམ་པར་གཞག་པའང་ཤེས་དགོས་ལ་གཞན་ཡང་ཉན་ཐོས་ལ་ཆོས་གོས་བཞི་ལྟབ་ཀྱི་སྟེང་དུ་ལྷུང་བཟེད་ཁ་སྦུབ་པ་ལ་འཁར་གསིལ་བཙུགས་པ་ལྟ་བུ་དང་། རང་རྒྱལ་ལ་རྣད་གྲུ་བཞིའི་སྟེང་དུ་ངོས་གྲུབ་བཞི་བང་རིམ་ཟླུམ་པོ། བང་རིམ་བཅུ་གཉིས་པ་འཁོར་ལོ་རྩིབས་བརྒྱད་པ་ཅན་དང་། བྱང་ཆུབ་སེམས་དཔའ་ལ་དཔལ་མགོན་ཀླུ་སྒྲུབ་ཀྱིས། །ལྷུང་བཟེད་ཁ་སྦུབ་པ་ལྟ་བུའི་མ་པའི་ཟླུམ་པོ་དང་། ཁང་བུ་ལྟ་བུ་དང་། རྒྱལ་མཚན་ལྟ་བུའི་མཆོད་རྟེན་བརྒྱད་ལ་སོགས་པའི་རྣམ་གཞག་ཡོད་དེ། དེང་སང་སྙིགས་མའི་དུས་འདིར་སྤངས་རྟོགས་ཀྱི་རྒྱུད་ཚོད་དང་སྦྱར་བའི་བྱེ་བྲག་མི་ཕྱེད་བཞིན་དུ་འཇིག་རྟེན་གྲགས་རྗེས་འབྲེང་པའི་མཆོག་དང་། ཕུལ་དུ་བསོད་ནམས་ཀྱི་མཐུས་རློམ་པ་མཐའ་དག་གིས་གསེར་དངུལ་ལ་སོགས་འབྱོར་སྟོབས་ཀྱི་གྱ་ནོམ་པས་དེ་བཞིན་གཤེགས་པའི་རྣམ་པ་ཐམས་ཅད་རྫོགས་པའི་མཆོད་རྟེན་དུ་བྱས་ནས་ཐལ་སོལ་རུས་པ་དང་བཅས་པའི་སྣོད་དུ་བྱེད་པ་ནི་འོད་སྲུངས་རྫོགས་བྱེད་ཀྱི་གཏམ་རྒྱུད་དང་རྗེས་སུ་མཐུན་པར་གང་ལ་དམིགས་པ་དེའི་བསོད་ནམས་དང་དགེ་བའི་གེགས་

(༧༢༢)རླབས་པོ་ཆེར་འགྱུར་བའང་ཤེས་པར་བྱའོ། །འོ་ན་གསང་སྔགས་ལྟར་ན་རྡོ་རྗེ་སློབ་དཔོན་ནི་དཀྱིལ་འཁོར་ཐམས་ཅད་ཀྱི་ངོ་བོ་ཡིན་པས་སོ་ཞེ་ན། རང་ངོའི་གདུལ་བྱ་འདུལ་བྱེད་ལ་ལྟོས་ན་དེ་ལྟར་ཡིན་པས་གསོལ་བ་ཡང་དེ་ཁོ་ན་ལྟར་འདེབས་དགོས་ལ། རྣམ་པ་ཐམས་ཅད་དུ་དེའི་རྒྱུད་ལ་ཡོད་པའི་སྤངས་རྟོགས་ཀྱི་ན་ཚོད་ལ་དཔྱད་དུ་མེད་ན། འོད་སྲུངས་རྫོགས་བྱེད་ཀྱང་མུ་སྟེགས་རང་དོན་ཕོ་པའི་ལུགས་ཀྱི་སྤངས་རྟོགས་མཐར་ཕྱིན་པ་ཞིག་ཡིན་པ་ལ་ཅིས་བསྙོན། དེ་ཡང་ཁ་ཅིག་དེ་ལྟ་ན་རྒྱུད་བླ་མ་ལ་སོགས་ནས་ལམ་ལྔའི་ཡོན་ཏན་གྱི་ལམ་རྟགས་བཤད་པའི་ས་དང་པོའི་ཡོན་ཏན་མངོན་དུ་གྱུར་ཡང་སྲིད་མཐའ་ཙམ་ན་དེང་སང་གི་དུས་ན་འདི་ལྟ་བུ་གནས་མ་ཡིན་ནོ་སྙམས་དུ་དོགས་པ་ཡང་མི་བྱ་སྟེ། བླ་ན་མེད་པའི་ཐེག་པའི་རང་ངོ་ནས་གཞལ་ན་ཐུན་མོང་གི་སྣང་བའི་ལམ་རྟགས་དྲང་དོན་གྱི་བཤད་པ་ཙམ་ཡིན་གྱི། ཏིང་ངེ་འཛིན་གྱི་ངོས་ནས་སྒོམ་ལམ་ནོན་པའི་གང་ཟག་ཅིག་ལ་སྣང་བའི་རྟགས་ངོས་ནས་གཞིག་ཚེ་ཚོགས་ལམ་ཆེན་པོ་ཡང་ནོན་པར་མི་འདུག་ནའང་སོ་སོར་རྟོག་པའི་ཤེས་རབ་ཀྱིས་འཁོར་འདས་ཀུན་གྱི་མཚང་རིག་ཅིང་། དབྱིངས་ཀྱི་ཡོན་ཏན་མཐར་ཕྱིན་པ་ལས་ལྷག་པའི་སངས་རྒྱས་གུད་ན་མེད་པས་དེ་ལྟ་བུའི་སྤངས་རྟོགས་ལ་ཚད་གཞག་པར་བྱ་སྟེ། དཔེར་ན་འཛམ་བུའི་གླིང་གི་རྒྱན་དྲུག་མཆོག་གཉིས་དང་། བོད་ཡུལ་གྱི་ཤིང་རྟ་ཆེན་པོ་ཀློང་ཆེན་རབ་འབྱམས་རྒྱལ་བ་གཉིས་པར་གཞག་པ་ལྟ་བུའོ་ཞེས་འདོམས་སོ། །དེ་ལྟར་རྒྱལ་བ་ཀུན་གྱི་ཆོས་སྐུའི་རྟེན་ཆེན་པོའི་བསྒྲུབ་ཚུལ་རྣམ་པར་གཞག་པ་དང་བཅས་པ་རང་གཞན་གྱི་བསོད་ནམས་གསོག་པའི་སླད་དུ་ཚེ་རིང་ལྗོངས་བྱང་ཆུབ་ལྗོན་པའི་ཚལ་དུ་རྒྱལ་བ་འོད་མཚན་སྟོང་འབར་གྱི་སྣང་བརྙན་འབུམ་ཐེར་གཅིག་དང་ལྔ་སྟོང་རྒལ་བས་མཚོན་བླ་ན་མེད་པའི་ནང་གཟུངས་ཀྱིས་ཕྱུར་བུར་བལྟམས་པའི་མཆོད་རྟེན་བྱང་ཆུབ་མཐོང་གྲོལ་བཞེངས་པའི་ཚེ་རྫོགས་ཆེན་པ་མཁྱེན་

(༧༢༣)བརྩེའི་འོད་ཟེར་གྱིས་པདྨ་འོད་གླིང་འཁོར་ལོ་ཚོགས་ཅན་གྱི་གནས་སུ་སྦྱར་བའོ། །གཏམ་ཚོགས་ལེའུ་ཞེ་ལྔ་པའོ།། །།མཆོད་སྦྱིན་གྱི་གཏམ་འཕུལ་དགའི་རོལ་མོ་ཞེས་བྱ་བ།། །།བྱང་ཆུབ་སེམས་དཔའ་ཀུན་ཏུ་བཟང་པོ་ལ་ཕྱག་འཚལ་ལོ། །དེ་ལ་གནས་སྐབས་སུ་མངོན་པར་མཐོ་བ་དང་། མཐར་ཐུག་ངེས་པར་ལེགས་པའི་ཡོན་ཏན་ཐོབ་པའི་རྒྱུ་ནི་བསོད་ནམས་དང་ཡེ་ཤེས་ཀྱི་ཚོགས་རྣམ་པ་གཉིས་ལས་གཞན་མེད་པས་བདག་ཅག་གི་སྟོན་པས་ཀྱང་བསྐལ་པ་གྲངས་མེད་གསུམ་དུ་ཚོགས་རྣམ་པ་གཉིས་ལ་བསྟེན་གོམས་མཛད་པ་ཡིན་ནོ། །དེ་ལ་འདིར་བསོད་ནམས་ཀྱི་གཏམ་ཅུང་ཟད་བརྗོད་ན། རྒྱུ་འབྲས་སྔ་ཕྱིར་སྨིན་པའི་ལམ་ལ་བསོད་ནམས་ཀྱི་ཚོགས་ཁོ་ནས་ཆོད་ཆེ་བས། ཚོགས་བསག་པའི་སྒོ་ཐམས་ཅད་ཀྱང་ཡན་ལག་བདུན་དུ་བསྡུས་པའི་ཕྱིར་ན་སེམས་སྟོབས་ཆེན་པོས་དེ་དག་ལ་རྒྱུན་ཆགས་སུ་བསླབས་པས་བསྐལ་པ་གྲངས་མེད་ཀྱི་ཚོགས་ཀྱང་མྱུར་པོར་འདུམས་པ་ཡོད་དེ། བྱང་ཆུབ་སེམས་དཔའ་ཀུན་ཏུ་བཟང་པོ་བཞིན་ནོ། །དེའི་ནང་གསེས་ཡན་ལག་གཉིས་པ་མཆོད་པའི་གཏམ་ཅུང་ཟད་བརྗོད་ན། འཇུག་པའི་སྤྱོད་པ་ལ་ཞུགས་པའི་བྱང་ཆུབ་སེམས་དཔའ་རྣམས་ཀྱིའང་ལྷག་པར་དུ་བསླབ་པའི་སྒོ་དང་པོ་སྦྱིན་པའི་ཕ་རོལ་ཏུ་ཕྱིན་པ་སྟེ། དེ་ལ་གཏོད་པ་དང་། གཏོང་པ་ཆེན་པོ་དང་། ཤིན་ཏུ་གཏོང་པ་གསུམ་ལས། གསུམ་ཀའི་མཐར་ཐུག་གཏོང་སེམས་གོམས་པ་ལ་ལྟོས་པས་ལུས་ལོངས་སྤྱོད་དགེ་བའི་རྩ་བ་དང་བཅས་པ་དཀོན་མཆོག་གི་ཕྱོགས་སུ་བསྔོ་བ་ནི་མཆོད་པའི་ཁྱད་པར་དམ་པ་ཡིན་ནོ། །དེ་ལ་བླ་ན་ཡོད་པའི་མཆོད་པ་དང་། བླ་ན་མེད་པའི་མཆོད་པ་གཉིས་ལས། དང་པོ་ནི། སེར་སྣ་དང་འཇུར་བུས་མ་བཅིངས་པར་སྙིང་ཐག་པ་ནས་གཏོང་སེམས་ལ་སྤྲོ་བ་འཇུག་པའི་བློས་མཆོད་པའི་རྒྱུ་ཚོགས་གཙང་ཞིང་དག་པ་སྟེ། རྩམ་པ་བཟང་ཤོས་དང་། མར་ཁ་འཇམ་ལྟ་བུ་དྲང་ཉིད་ཡིད་དུ་འོང་བའི་མཐར་ཐུག་བདེ་དཀོན་མཆོག་ལ་འབུལ་བ་ལས། དེང་སང་

(༧༢༤)མཆོད་ཡུལ་བསླུ་བའི་བསམ་པ་ཅན་དག་གི་ངན་།།།ངན་དཀོན་མཆོག་ལ་འཕུལ་ཞིང་། དེ་ཡང་མར་བཅུད་རང་གིས་འཐུངས་ནས་ཇ་ཞག་དཀར་མ་ལ་འབུལ་བ་ལྟ་བུ་མི་བྱའོ། །འོན་ཀྱང་དབང་ཐང་ཆུང་ངུར་གྱུར་པ་དག་གིས་རང་དབང་གིས་མཆོད་པའི་རྫས་རྫོམ་ཐོགས་ནས་གཞན་གྱིས་རང་ལ་བྱིན་པ་ལྟ་བུ་ནས་དེ་ལྟར་བགྱིས་ན་མི་རུང་བའང་མ་ཡིན་ཏེ། དགེ་སྡིག་ནི་ཀུན་སློང་བཟང་ངན་གྱི་རྗེས་སུ་འགྲོ་བའི་ཕྱིར་རོ། །དེ་བཞིན་དུ་གཡོས་བྱ་དུས་ཀྱང་བཤོས་བུ་འཆོས་སླ་བའི་བསམ་པས་མཆོད་ཟན་ཟླ་མོ་མི་བྱ་སྟེ། ཇོ་བོས། བོད་རྣམས་ཕྱུག་པོ་མི་ཡོང་། གཏོར་ཟན་སླ་མོར་བྱེད་པ་འདུག་གསུངས་པས་མཚོན་རང་ཉིད་བཟའ་རུང་ཙམ་བྱ། དཀོན་མཆོག་གསུམ་ལ་བསྔོས་ཀྱང་རོམ་རང་དབང་ཅན་ཡིན་སྙམ་པ་སྦྱིན་པ་འཇུར་གེགས་ཅན་མ་ཡིན་པ་དང་། གང་ལ་བརྟེན་ནས་ཕྱིན་ཆད་རྒྱུན་ཆད་པའི་དགག་བྱ་མེད་ན་མཆོད་རོ་ཡང་ངན་སློབ་པ་སྟེར་བ་ཁོ་ན་ལེགས་ཏེ། བདག་ནི་ཡོངས་སུ་མ་གཏང་ན། །སྡུག་བསྔལ་སྤང་བར་མི་ནུས་ཏེ། །ཇི་ལྟར་མེ་ནི་མེ་གཏང་ན། །བསྲེག་པ་སྤང་བར་ཡོངས་མི་ནུས། །ཞེས་གསུངས་པའི་ཕྱིར་རོ། །དེས་ན་སྔོན་གྱི་བླ་མ་དམ་པ་ཁ་ཅིག་གིས་རྩ་མཁལ་སྟོང་ཕྲག་ལངས་པའི་བཤོས་བུ་རི་དོགས་སུ་དོར་བའི་རྣམ་ཐར་དྲན་པར་བྱས་ནས་པ་།།།རྐམ་ཆགས་འཇིག་པ་ལ་བསླབ་བོ། །དེ་ཡང་ཡུལ་གཉེན་པོ་ལ་འབུལ་བའི་འདུ་ཤེས་ཀྱིས་གཙང་ཞིང་དངོས་དག་ལ་བཀོད་པས་ཁྱད་པར་འཕགས་པར་བཞེངས་ནས་བཤམ་ཚུལ་ཡང་དེ་ལྟར་བྱེད་པ་ནི། བཀོད་པས་ཁྱད་པར་འཕགས་པའི་མཆོག་ཀུན་གྱིས། །རྒྱལ་བ་དེ་དག་ལ་ནི་མཆོད་པར་བགྱི་ཞེས་པ་ལྟར་རོ། །དེ་ཡང་བཀོད་པ་ཞེས་པའི་སྒྲ་ནི། ཀླུ་སྒྲུབ་དང་རྒྱན་བཟང་པོས། འདིར་བཀོད་པའི་སྒྲ་ནི་ཚོགས་པའི་རྣམ་གྲངས་ཡིན་ཏེ། ལྷ་དང་མི་རྣམས་ཀྱི་ལྷ་རྫས་རྣམ་པ་ཐམས་ཅད་ཀྱི་མཆོག་དང་ལྡན་པ་རྣམས་ཀྱིས་རྒྱལ་བ་ཐམས་ཅད་ལ་མཆོད་པར་བགྱིའོ་ཞེས་འབྱུང་ངོ་། །

(༧༢༥)ཡང་རྣམ་པ་གཅིག་ཏུ་ན་ཤཱཀྱ་བཤེས་གཉེན་ཀྱིས། བཀོད་པ་ནི། ཁང་བཟངས་དང་། ཡང་ཐོག་དང་། ལྷ་ཁང་དང་། ལྷ་ཁང་བུམ་པ་ཅན་དང་། གཙང་ཁང་ཕྱུར་བུའི་བྱེ་བྲག་ལ་སོགས་པ་སྟེ། ཙན་དན་ལ་སོགས་པ་ལ་བྱས་པ་ནས་སོ་ཕག་ལ་སོགས་པ་ལས་བྱས་པའི་བར་རྣམ་པ་དེ་དག་ཐམས་ཅད་ཀྱིས་སོ་ཞེས་པ་ལྟར་རོ། །དེ་ཡང་བཤམ་ཚུལ་གྱི་སྒོ་ནས་བཀོད་པའི་ཁྱད་པར་བརྗོད་ན། མཆོད་སྟེགས་རིམ་པ་བཞི་པའམ་ལྔ་པ་བྱས་ལ་ཡང་ཐོག་ནས་རིམ་པར་མཆོད་ཡོན་སོགས་བཤམས་ལ། འོན་ཀྱང་སྣང་གསལ་ནི་ཞུགས་ཀྱིས་གནོད་པ་ཆེ་བས་ཡང་ཐོག་གམ་ཞལ་ཟས་དང་ཉེ་བ་མ་ཡིན་པའི་དམའ་སར་བཤམ་པ་ལེགས་ལ། དེ་ཡང་སྟོད་མཆོད་ལྟ་བུར་མཆོད་པ་ལྔ་ཚར་བརྒྱ་ཕྲག་རེ་ཤོང་པའི་མཆོད་སྟེགས་བཅུ་ཐམ་པ་འདུ་བྱས་ནས་བཤམས་པ་ལེགས་སོ། །ཡང་དཀྱིལ་འཁོར་ལ་སྒོར་མཆོད་ཀྱིས་མཚོན་སྔགས་ལུགས་ཀྱི་ཆོ་གའི་མཆོད་མགོ་བལྟ་ཕྱོགས་ལ་ཟེར་སྒྲོས་ཙམ་དུ་ཕ་རྒྱུད་མ་རྒྱུད་དང་། སྔགས་གསང་རིང་དང་། ཆོས་བོན་གྱི་རྣམ་དབྱེར་བཏགས་པ་སྣ་ཚོགས་འདུག་ཀྱང་། རྟོག་བཟོ་ཙམ་ལས་རྒྱུ་མཚན་ཆེར་མི་སྣང་ལ། ཕར་ཕྱིན་དྲུག་གིས་མཚོན། ཐེག་པ་ཆེན་པོའི་ཆོས་ཐམས་ཅད་ཐབས་དང་ཤེས་རབ་ཟུང་དུ་འཇུག་པའི་ངོ་བོ་ཉིད་དུ་གནས་པའི་དོན་དང་སྦྱར་ན། མཆོད་པའི་རྫས་རྣམས་ནི་ཐབས་དང་། སྣང་བ་དང་། བདེ་བའི་ཆ་སྟེ་བླ་ན་ཡོད་པའི་མཆོད་པ་ཡིན་ལ། འབུལ་བའི་ཡུལ་སངས་རྒྱས་དང་བྱང་ཆུབ་སེམས་དཔའ་རྣམས་ནི་ཟག་པ་ཟད་པ། རྣམ་པར་གྲོལ་བ། མི་སྐྱེ་བའི་ཆོས་ལ་བཟོད་པ་ཐོབ་པའི་ཤེས་རབ་ཀྱི་ཆར་བཞུགས་པ་ལ། བླ་ན་ཡོད་པའི་མཆོད་པ་དེ་ཡང་ཆོས་ཀྱི་ཕྱག་རྒྱ་ཆེན་པོའི་ཕྱོགས་སུ་བསྔོ་བའི་རྟེན་ཅིང་འབྲེལ་བར་འབྱུང་བའི་སྒོར་གཡོན་ཕྱོགས་ཤེས་རབ་ཀྱི་ཕྱོགས་ལ་མཆོད་མགོ་བཏོད་པ་ལེགས་པ་ཡིན་ནོ་ཞེས་རྒྱལ་བའི་དགོངས་བརྒྱུད་ལས་འབྱུང་ངོ་། །དེ་ལ་དངོས་བསྟན་ཉེར་སྤྱད་ལྔ་ལས་མེད་ཀྱང་ཡིད་ཀྱིས་སྤྲུལ་པའི་ཆ་ནས་ཕལ་པོ་ཆེའི་ཡན་ལག་བདུན་པ་ལས། མེ་ཏོག་

(༧༢༦)དམ་པ་ཕྲེང་བ་དམ་པ་དང་། ཞེས་པའི་ཤློ་ཀ་གཉིས་དང་། གཞན་ཡང་དབང་པོ་དྲུག་ལ་འདོད་པའི་ཡོན་ཏན་དུ་འཆང་བའི་བརྟན་གཡོའི་དངོས་པོ་མཐའ་དག་བློས་བླངས་ཏེ་འབུལ་ཚུལ་ནི་སྤྱོད་འཇུག་དང་། སྒྱུ་འཕྲུལ་དྲྭ་བ་སོགས་ནས་བཤད་པ་བཞིན་ནོ། །གཉིས་པ་བླ་ན་མེད་པའི་མཆོད་པ་ནི། གཟུངས་དང་ཏིང་ངེ་འཛིན་གྱི་སྒོ་མང་པོ་ལ་དབང་ཐོབ་པའི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཀྱི་རོལ་པ་ལས་བྱུང་བའི་མཆོད་པའི་ཕྱག་རྒྱ་ཆེན་པོ་སྟེ། དེ་ལས་གོང་དུ་གྱུར་པའི་མཆོད་པ་མེད་པས་བླ་ན་མེད་པ་ཞེས་བྱ་སྟེ། ཆོས་ཀྱི་མཆོད་པ་གོང་ན་མེད་པའོ། །དེ་སྐད་དུ་དཀོན་བརྩེགས་ལས། སྐྱེས་བུ་དམ་པ་ཆོས་ཀྱི་མཆོད་པ་ནི་མཆོད་པ་ཐམས་ཅད་ཀྱི་ནང་ན་མཆོག་གོ །ཞེས་དང་། རིགས་ཀྱི་བུ་ཆོས་ཀྱི་མཆོད་པ་ནི་གང་དེ་བཞིན་གཤེགས་པས་གསུངས་པའི་མདོ་སྡེ་ཟབ་མོ་ཟབ་མོར་སྣང་བ་འཇིག་རྟེན་ཐམས་ཅད་དང་མི་མཐུན་པ། རྟོགས་པར་དཀའ་བ། མངོན་པར་དཀའ་བ། ཁོང་དུ་ཆུད་པར་དཀའ་བ། ཕྲ་བ། ཞི་བ་པ། མི་དམིགས་པ། བྱང་ཆུབ་སེམས་དཔའི་སྡེ་སྣོད་ཀྱི་ནང་དུ་གཏོགས་པ། གཟུངས་དང་མདོ་སྡེའི་རྒྱལ་པོའི་ཕྱག་རྒྱས་བཏབ་པ་ཕྱིར་མི་ལྡོག་པའི་འཁོར་ལོ་སྟོན་པ། ཕ་རོལ་ཏུ་ཕྱིན་པ་དྲུག་ལས་བྱུང་བ། འཛིན་པ་རྣམས་ཡོངས་སུ་མ་གཟུང་བ། བྱང་ཆུབ་ཀྱི་ཕྱོགས་ཀྱི་ཆོས་དང་ལྡན་པ། བྱང་ཆུབ་ཀྱི་ཡན་ལག་སྒྲུབ་པར་གཏོགས་པ། སེམས་ཅན་ལ་སྙིང་རྗེ་ཆེན་པོ་འཇུག་པ། བྱམས་པ་ཆེན་པོ་སྟོན་པ། བདུད་ཀྱི་ལྟ་བར་གྱུར་པ་ཐམས་ཅད་མེད་པ། རྟེན་ཅིང་འབྲེལ་བར་འབྱུང་བ་བསྟན་པ། བདག་མེད་པ། སེམས་ཅན་མེད་པ། སྲོག་མེད་པ། གང་ཟག་མེད་པ། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུ་མི་བྱེད་པ་དང་། མ་སྐྱེས་པ་དང་། མ་བྱུང་བ་དང་ལྡན་པ། བྱང་ཆུབ་ཀྱི་སྙིང་པོ་སྒྲུབ་པ། ཆོས་ཀྱི་འཁོར་ལོ་རབ་ཏུ་བསྐོར་བ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་

(༧༢༧)པོའི་དབང་པོ་རྣམས་ཀྱིས་རབ་ཏུ་བསྟོད་ཅིང་བསྔགས་པ། དམ་པའི་ཆོས་ཀྱི་རིགས་རྒྱུན་མི་གཅོད་པ། ཆོས་ཀྱི་མཛོད་འཛིན་པ། ཆོས་ཀྱི་མཆོད་པའི་མཆོག་ལ་ཞུགས་པ། འཕགས་པའི་སྐྱེ་བོ་ཐམས་ཅད་ཀྱིས་ཡོངས་སུ་བཟུང་བ། བྱང་ཆུབ་སེམས་དཔའི་སྤྱོད་པ་ཐམས་ཅད་ཡང་དག་པར་སྟོན་པ། ཡང་དག་པའི་དོན་གྱི་ཚེ་སོ་སོར་ཡང་དག་པར་རིག་པ་ལ་འཇུག་པ། ཆོས་ཀྱི་མདོ་མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། ཞི་བ་ལས་ངེས་པར་འབྱུང་བ། སེར་སྣ་ཅན་དང་། ཚུལ་ཁྲིམས་འཆལ་བ་དང་། གནོད་སེམས་ཅན་དང་། ལེ་ལོ་ཅན་དང་། བརྗེད་ངས་ཕ་དང་། ཤེས་རབ་འཆལ་བ། སྔ་འགོང་བ། ཕས་ཀྱི་རྒོལ་བ་དང་། ལྟ་བདན་།།།པ་དང་། དམིགས་པ་ལ་མངོན་པར་ཞེན་པ་ཐམས་ཅད་སྤོང་བས་བྱེད་པ། སངས་རྒྱས་ཐམས་ཅད་ཀྱིས་བསྟོད་པ། འཁོར་བའི་ཕྱོགས་ཀྱི་གཉེན་པོ། མྱ་ངན་ལས་འདས་པའི་བདེ་བ་ཡང་དག་པར་སྟོན་པ། དེ་ལྟ་བུའི་མདོ་སྡེ་རྣམས་ཡང་དག་པར་སྟོན་པ་དང་། འཆང་བ་དང་། སོ་སོར་རྟོག་པ་དང་། དམ་པའི་ཆོས་ཀུན་སྡུད་པ་དེ་ནི་ཆོས་ཀྱི་མཆོད་པ་ཞེས་བྱའོ། །ཞེས་དང་། ལྷའི་དབང་པོ་དེ་ལྟ་བས་ནང་ལ་ཟང་ཟིང་གི་སེམ་མཆོད་པར་ཆོས་ཀྱི་མཆོད་པས་མཆོད་ཅིག །ང་ལ་ཟང་ཟིང་གིས་བསྟི་སྟང་མ་བྱེད་པར་ཆོས་ཀྱི་བསྟི་སྟང་གིས་རི་མོར་གྱིས་ཤིག །ཅེས་སོ། །དེ་ལྟ་མོད་ཀྱིས་ཚོགས་སྦྱོར་གྱི་ལམ་པའི་བྱང་ཆུབ་སེམས་དཔའ་དང་སོ་སོ་སྐྱེ་བོས་ནི་ཆོས་ཀྱི་མཆོད་པ་བསྒྲུབ་པར་མི་ནུས་པས་ཟང་ཟིང་གི་མཆོད་པ་ཁོ་ན་ལ་བརྩོན་པར་བྱ་ཞིང་། དེ་ལྟར་བརྩོན་པའི་ཆེ་ཡང་མཆོད་པའི་སྤྲིན་གྱི་གཟུངས་འདོན་པ་དང་ཕན་ཡོན་ཤེས་པར་བྱ་བ་ནི། རྒྱ་གར་སྐད་དུ། པཱུ་ཛ་མི་གྷ་མཱ་མ་དྷཱ་ད་ཎ། བོད་སྐད་དུ། མཆོད་པའི་སྤྲིན་ཞེས་བྱ་བའི་གཟུངས། །དཀོན་མཆོག་གསུམ་ལ་ཕྱག་འཚལ་ལོ། །ན་མོ་རཏྣ་ཏྲ་ཡཱ་ཨ། །ན་མོ་བྷ་ག་བ་ཏེ། བཛྲ་སཱ་ར་པྲ་མ་རྡ་ནེ། ཏ་ཐཱ་ག་ཏ་ཡ། ཨ་རྷ་ཏེ་སཾ་མྱཀྶཾ་བུདྡྷ་ཡ། ཏདྱ་ཐཱ། ཨོཾ་བཛྲེ་བཛྲེ། མ་ཧཱ་བཛྲེ་མ་ཧཱ་ཏེ་ཛ་བཛྲེ། མ་ཧཱ་བི་དྱ་སཱ་ཧཱ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་བ་སཾ་ཀྲ་མཎ་བཛྲ། སརྦ་ཀརྨ་

(༧༢༨)ཨ་བར་ཎ། བི་ཤྭ་དྷ་ན་བཛྲ་སྭཱ་ཧཱ། གཟུངས་སྔགས་འདིའི་ཆོག་ནི་འདི་ཡིན་ཏེ། དྲན་པ་ཙམ་གྱི་མོད་ལ་ཕྱོགས་བཅུ་དག་ན་བཞུགས་པའི་སངས་རྒྱས་གང་གཱའི་རྡུལ་ཕྲར་བསྙེད་ལ་མཆོད་པ་བྱས་པར་འགྱུར་ཅིང་ཞབས་ལ་ཕྱག་བྱས་པར་འགྱུར་རོ། །མེ་ཏོག་དང་། བདུག་པ་དང་། སྤོས་དང་། མེ་ཏོག་ཕྲེང་བ་དང་། བྱུག་པ་དང་། ཕྱི་མ་དང་། ཆོས་གོས་དང་། གདུགས་དང་། རྒྱལ་མཚན་དང་། བ་དན་ཐམས་ཅད་དང་། གདན་དང་། གདིང་བ་དང་། ན་བཟའ་དང་། སྤྱན་གཟིགས་དང་། བཤོས་གཙང་ལ་སོགས་པ་དང་། རྒྱན་དང་། ལྷབ་ལྷུབ་ཐམས་ཅད་ཀྱིས་མཆོད་པ་བྱས་པར་འགྱུར་རོ། །སྡིག་པ་ཐམས་ཅད་དང་བྲལ་བར་འགྱུར་ཅིང་། དགེ་བའི་རྩ་བ་ཐམས་ཅད་དང་ལྡན་པར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་མཐོང་བས་ཡང་དག་པར་དབུགས་འབྱིན་པར་འགྱུར་རོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་ཐམས་ཅད་དང་། ལག་ན་རྡོ་རྗེ་ལ་སོགས་པ་གསང་བ་པའི་བདག་པོ་དང་བཅས་པ་རྣམས་དང་། རྒྱལ་པོ་ཆེན་པོ་བཞི་རྣམས་ཕྱི་བཞིན་ཡང་དག་པར་འབྲང་ཞིང་། བསྲུང་བ་དང་། བསྐྱབ་པ་དང་། སྤེད་པར་བྱེད་དོ། །འདི་ནས་ཤི་འཕོས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་ཏེ། ཡོན་ཏན་གྱི་ཁྱད་པར་འདི་དག་ནི་མ་བསྒྲུབས་པར་ལན་ཅིག་དྲན་པ་ཙམ་གྱིས་ཐོབ་པར་འགྱུར་རོ། །མཆོད་པའི་སྤྲིན་ཞེས་བྱ་བའི་གཟུངས་རྫོགས་སོ། །ཞེས་པས་མཚོན་ལ། རྒྱས་པར་ཟབ་མོའི་མདོ་སྡེ་རྣམས་དང་སྐྱེས་རབས་དག་ལས་ཤེས་པར་བྱའོ། །ཞེས་པའང་མདོ་ཁམས་རྫོགས་ཆེན་སྤྲུལ་པའི་སྐུ་རིན་པོ་ཆེའི་གསུང་ངོར་རིག་འཛིན་འཇིགས་མེད་གླིང་བས་སོ། །གཏམ་ཚོགས་ལེའུ་ཞེ་དྲུག་པའོ། །མཎྜལ་གྱི་གཏམ། བསོད་ནམས་སྤྲིན་ཕང་ཞེས་བྱས། དཀོན་མཆོག་གསུམ་གྱི་རང་བཞིན་བྱང་ཆུབ་སེམས། །བྱང་ཆུབ་སེམས་ཀྱི་ངོ་བོ་སྟོང་པ་ཉིད། །སྟོང་ཉིད་རྣམ་ཀུན་མཆོག་ལྡན་གདོད་མའི་དངོས། །ཟུང་འཇུག་བློ་འདས་ཆེན་པོར་

(༧༢༩)ཕྱག་བགྱིའོ། །དེ་ཡང་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱིས་གཤེགས་ཤུལ་ལམ་ལྔར་གྲགས་པ་ལས། ཐོས་བསམ་དང་བསོད་ནམས་ཀྱི་ཚོགས་རྒྱ་ཆེར་སྤྱོད་པས་ཚོགས་ལམ་གྱི་རྣམ་གྲངས་སུ་འདུ་བའི་མཎྜལ་གྱི་རྣམ་པར་གཞག་པ་ཅུང་ཟད་ཅིག་བརྗོད་ན། སྤྱིར་སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་གཞི་ལམ་འབྲས་གསུམ་གྱི་ངོ་བོར་བཞུགས་པ་ལས། གཞི་ནི་སེམས་ཅན་གྱི་ཁམས་བདེ་བར་གཤེགས་པའི་སྙིང་པོ་ལ་འཁོར་འདས་ལམ་གསུམ་གྱི་འཆར་གཞིར་གྲུབ་ཅིང་། དེ་ཉིད་ཚོགས་གཉིས་ཀྱི་འཕེན་པས་བསྐྱེད་བསྲིངས་ཏེ་སྤངས་རྟོགས་ཀྱི་ཕྲིན་ལས་མཐར་ཕྱིན་པ་ལ་མངོན་པར་སངས་རྒྱས་པའི་མིང་དུ་འགྲུལ་སྟེ། རྒྱན་སྟུག་པོ་བཀོད་པའི་མདོ་ལས། ཀུན་གཞི་དྲི་མེད་བསོད་ནམས་ཀྱིས། །དེ་བཞིན་གཤེགས་པར་འགྱུར་བ་ཡིན། །དེ་ཉིད་རྟོགས་ནས་མཐོང་བ་ནི། །རྣལ་འབྱོར་འཇིག་མེད་རྣལ་འབྱོར་རོ། །ཞེས་སོ། །དེའི་ཕྱིར་འབྲས་བུ་དག་པ་ཉིས་ལྡན་གྱི་གོ་འཕང་མངོན་དུ་བྱེད་པའམ་གྱི་དུས་བསོད་ནམས་དང་ཡེ་ཤེས་ཀྱི་ཚོགས་ཟུང་འབྲེལ་དུ་བསག་པ་ཐབས་ཀྱི་མཐར་ཕྱིན་པ་ཡིན་ཏེ། དཔལ་མགོན་དབྱིག་གཉེན་གྱི་ཚོགས་ཀྱི་གཏམ་ལས། དེ་ལྟར་བསོད་ནམས་ཡེ་ཤེས་ཀྱི། །རང་བཞིན་ཆུ་བོས་འགེངས་པ་དག །འགྲོ་བའི་ཐར་ལམ་གཅིག་ཏུ་མཁས། །བྱང་ཆུབ་ལག་པའི་མཐིལ་ན་གནས། །ཞེས་སོ། །དེ་ཡང་འདི་ལྟར་བསོད་ནམས་ཀྱི་ཚོགས་བསག་པ་མཐའ་དག་ཡན་ལག་བདུན་གྱི་ཁོངས་སུ་བསྡུ་བ་ལས། ཐུན་མོང་མ་ཡིན་པའི་ལམ་གྱི་སྟེགས་སུ་གྱུར་པ་ནི་ཞིང་ཁམས་ཀྱི་མཆོད་སྤྲིན་ཡིན་ལ། རྒྱུད་ལས། སངས་རྒྱས་ཞིང་ཁམས་ཐམས་ཅད་ལ། །སྟོང་གསུམ་ཞིང་ཁམས་མ་ལུས་པ། །འདོད་པའི་ཡོན་ཏན་བརྒྱན་པ་ཡིས། །མཆོད་ན་སངས་རྒྱས་ཡེ་ཤེས་རྫོགས། །ཞེས་སོ། །དེ་ཡང་སྤྱིར་དགེ་བ་བསོད་ནམས་ཀྱི་ལས་མཐའ་དག་ལ་སྦྱོར་བ་བྱང་ཆུབ་ཀྱི་སེམས། དངོས་གཞི་དམིགས་པ་མེད་པ། མཇུག་བྱང་ཆུབ་ཏུ་བསྔོ་བ་སྟེ། དམ་པ་གསུམ་གྱིས་ཟིན་པ་གཞི་རྟེན་དུ་བྱས་ནས་མཎྜལ་གྱི་ཆོག་དངོས་ལ། སྒྲ་དོན་

(༧༣༠)འགྲེལ་པ། དག་པ་སྦྱོར་བ། ཚུལ་ལམ་རྣམ་པར་རྗོད་པ་དང་གསུམ་དུ་ངེས་པ་ལས། སྒྲ་དོན་ནི། ཕྱི་མཚན་ཉིད་ཀྱི་ཐེག་པ་ལྟར་ན། མཎྜ་སྟེ་སྙིང་པོའམ་དཀྱིལ་འཁོར། ལ་ནི་ལེན་ཞིང་འཛིན་པ་སྟེ། འགོག་ལམ་གྱི་བདེན་པ་དམ་པ་ཆོས་ཀྱི་རྒྱལ་སྲིད་བསྒྲུབ་པའི་སྙིང་པོའམ། གཞི་འཛིན་པའི་སླད་དུ་བསོད་ནམས་ཀྱི་བགྱི་བ་རླབས་པོ་ཆེ་བསགས་ཏེ་མངོན་མཐོའི་དཔལ་ཡོན་སྦྱིན་པའི་ཉེ་རྒྱུར་འགྱུར་བས་དེ་སྐད་དུ་གྲགས་པ། ནང་གསང་སྔགས་བུའི་ཐེག་པ་ལྟར་བརྗོད་ན། ཡེ་ཤེས་ཐིག་ལེ་ལས། མ་ཡི་ཡིག་འབྲུ་འདབ་མར་བརྗོད། །ཎ་ཡི་ཡིག་འབྲུ་ལྟེ་བར་དྲན། །ཌ་ཡི་ཡིག་འབྲུ་གེ་སར་དག །ལ་ཡི་ཡིག་འབྲུ་དེ་དེ་ལྟ། །ཞེས་ཕྱི་ལྟར་དུ་ཆུ་སྐྱེས་ཀྱི་གེ་སར། ནང་ལྟར་དུ་རྡོ་རྗེ་བཙུན་མོའི་མཁའ་ཀློང་། གསང་བ་ལྟར་དུ་ཡུལ་དེ་ལ་རྣམ་པ་ཀུན་གྱི་མཆོག་དང་ལྡན་པའི་རྡོ་རྗེས་རོལ་བས། བསོད་ནམས་དང་ཡེ་ཤེས་ཀྱི་ཚོགས་གཉིས་རྫོགས་ཏེ། སྤྲོས་པ་ཐམས་ཅད་དང་བྲལ་བའི་འོད་གསལ་དབུ་མ་ཆེན་པོའི་སྦུབས་སུ། གཟུང་འཛིན་རོ་རྐྱང་གི་ལས་རླུང་དབང་དུ་བསྡུས་པས། འཆིང་བྱེད་རྩའི་མདུད་པ་ཉི་ཤུ་རྩ་གཅིག་ལ་མོགས་པ་བཙན་ཐབས་སུ་བཀྲོལ་ནས། ས་བཅུ་དང་། ལམ་ལྔའི་ཡོན་ཏན་མངོན་དུ་གྱུར་ཏེ་སྡུག་བསྔལ་མཐའ་དག་དབྱིངས་སུ་ཟད་པའི་བདེ་བ་ཆེན་པོའི་ཡེ་ཤེས་ལ་སྦྱོར་བས་དཀྱིལ་འཁོར་དུ་གདགས་པ་ཡིན་ཏེ། དེ་སྐད་དུ་རྒྱུད་ལས། བསོད་ནམས་ཡེ་ཤེས་ཚོགས་རྫོགས་ཤིང་། །རང་རིག་མཐའ་དབུས་།།།མེད་པའི་ཕྱིར། །ཡེ་ཤེས་བཞི་འཕྲོ་འཁོར་ལོའི་ཚུལ། །ཞེས་སོ། །དག་སྦྱོར་ནི་སྤྱིར་ཕ་རོལ་ཏུ་ཕྱིན་པ་དྲུག་གི་རང་བཞིན་ནི་ཆོས་ཐམས་ཅད་ཀྱི་གཞིའམ་དངོས་པོ། ས་དང་ལམ་གྱི་ཡོན་ཏན་ཐམས་ཅད་ཀྱི་རྟེན་གཞི་ཡིན་པས། རྒྱལ་སྲས་རྣམས་ཀྱི་སྤྱོད་པའི་མཆོག་དམ་པར་བསྟན་ཏེ་བཤེས་སྤྲིང་ལས། སྦྱིན་དང་ཚུལ་ཁྲིམས་བཟོད་བརྩོན་བསམ་གཏན་དང་། །དེ་བཞིན་ཤེས་རབ་གཞལ་མེད་ཕ་རོལ་ཕྱིན། །འདི་དག་རྒྱལ་མཛོད་སྲིད་པའི་རྒྱ་མཚོ་ཡི། །ཕ་རོལ་

(༧༣༡)ཕྱིན་པ་རྒྱལ་བའི་དབང་པོ་མཛོད། །ཅེས་འདི་ལྟར་ཆོས་དང་། ཟང་ཟིང་། མི་འཇིགས་པ་སྟེ། སྦྱིན་པ་རྣམ་པ་གསུམ། ཉེས་སྤྱོད་སྡོམ་པ། དགེ་བ་ཆོས་སྡུད། སེམས་ཅན་དོན་བྱེད་དེ་ཚུལ་ཁྲིམས་རྣམ་པ་གསུམ། གནོད་པ་ལ་ཇི་མི་སྙམ་པ་མི་མཛེད་པའི་བཟོད་པ། ཆོས་ཕྱིར་དཀའ་བའི་ལས་མཐའ་དག་བཟོད་པ། སྟོང་ཉིད་ཟབ་མོ་ལ་མི་སྐྲག་པ་སྟེ་བཟོད་པ་རྣམས་གསུམ། ཕུལ་བྱུང་གི་བསམ་པ་བརྟན་པ་གོ་ཆའི་བརྩོན་འགྲུས། གཞན་དོན་ལ་སྐྱོ་དུབ་མེད་པ་སྦྱོར་བའི་བརྩོན་འགྲུས། དེ་ལས་མི་ལྡོག །མིང་ལ། ཚོག་པར་མི་འཛིན་པ་མངོན་པར་སྒོ་བའི་བརྩོན་འགྲུས་ཏེ་བརྩོན་འགྲུས་རྣམ་པ་གསུམ། བསམ་གཏན་གྱི་གཟུགས་མེད་དང་ཆ་མཐུན་བྱིས་པ་ཉེར་སྤྱོད་ཀྱི་བསམ་གཏན། ཚོགས་སྦྱོར་གྱི་ཏིང་ངེ་འཛིན་ལམ་དུ་བྱེད་པ་དོན་རབ་འབྱེད་པའི་བསམ་གཏན། ཟག་མེད་ཀྱི་ཆོས་ཉིད་ལ་འཇུག་པ་དེ་བཞིན་ཉིད་དམིགས་ཀྱི་བསམ་གཏན་ཏེ་བསམ་གཏན་རྣམ་པ་གསུམ། མང་དུ་ཐོས་པ་ལུང་གི་ཡོན་ཏན་ལུང་དོན་རིག་པས་འབྱེད་པའི་བསམ་པ། ཡིན་ཚུལ་སེམས་ཐོག་ཏུ་འབབས་པའི་སྒོམ་པ་སྟེ་ཤེས་རབ་རྣམ་པ་གསུམ། དེ་དག་སོ་སོའི་མི་མཐུན་ཕྱོགས་ཀྱི་སྐྱོན་དང་བྲལ་བའི་ཕ་རོལ་ཏུ་ཕྱིན་པ་དྲུག་གི་རང་བཞིན་ནི། འདི་མཎྜལ་གྱི་དྲིའི་ཐིག་ལེ་བསྐུ་བ་ནས་བཟུང་སྟེ་ཚོམ་བུ་ཡོངས་སུ་རྫོགས་པའི་བར་ལ་ཚང་པ་ཡིན་ཏེ་མཎྜལ་གྱི་མདོ་ལས། བལྕི་ཆུར་བཅས་སྦྱིན་པ་སྟེ། །བྱི་དོར་བྱས་པ་ཚུལ་ཁྲིམས་ཡིན། །སྲོག་ཆགས་བསལ་བ་བཟོད་པ་སྟེ། །བརྩོན་འགྲུས་བྱ་བ་བྱེད་ལ་བརྩོན། །བསམ་གཏན་དེར་སེམས་སྐད་ཅིག་མ། །རི་མོ་ལེགས་འབར་ཤེས་རབ་བོ། །ཞེས་གསུངས་པ་ལྟར་རོ། །ཚུལ་ལམ་རྣམ་པ་ནི། མངོན་པ་མཛོད་ལས། གླིང་བཞི་དང་ནི་ཉི་ཟླ་དང་། །རི་རབ་དང་ནི་འདོད་ལྟར་བཅས། །ཚངས་པའི་འཇིག་རྟེན་སྟོང་ལ་ནི། །སྟོང་ནི་སྤྱི་ཕུད་ཡིན་པར་འདོད། །དེ་སྟོང་ལ་ནི་སྟོང་གཉིས་པ། །བར་མའི་འཇིག་རྟེན་ཁམས་ཡིན་ནོ། །དེ་སྟོང་ལ་ནི་སྟོང་གསུམ་སྟེ། །མཉམ་

(༧༣༢)དུ་འཇུག་ཅིང་འབྱུང་བ་ཡིན། །ཞེས་གསུངས་པ་ལྟར་གཞི་དང་སྙིང་པོ་མེ་ཏོག་གིས་བརྒྱན་པའི་ཞིང་ཁམས་ཀྱི་ནང་ཚན་སྟོང་གསུམ་མི་མཛེད་ཀྱི་ཁམས་བྱེ་བ་ཕྲག་བརྒྱ་ཡོངས་སུ་རྫོགས་པའི་ས་གཞི་ཐམས་ཅད་ཙན་དན་ལ་སོགས་དྲི་བཟང་པོའི་བདུག་པས་བྱུགས་ཤིང་། མེ་ཏོག་སིལ་མ་དང་རིན་པོ་ཆེས་རྣམ་པར་བཀྲམ་པའི་གོ་མཚམས་རྣམས་སུ། རིན་པོ་ཆེའི་རི་བོ་ལ་སོགས་པ་བཞི། འཁོར་ལོས་སྒྱུར་བའི་རྒྱལ་པོའི་སྲིད་ལ་འོས་པའི་རིན་པོ་ཆེ་རྣམ་པ་བདུན། སྒེག་སོགས་བརྒྱད། ཉི་ཟླའི་སྣང་བྱེད། རིན་པོ་ཆེའི་གདུགས། ཕྱོགས་མཐའ་དག་ལས་རྒྱལ་བའི་རྒྱལ་མཚན། དེ་དག་ཀྱང་རྒྱ་ཆེར་རོལ་པ་དང་། དྲན་པ་ཉེར་གཞག །མངོན་པར་འབྱུང་བའི་མདོ་སོགས་ནས་བཤད་པའི་ཡོན་ཏན་གྱི་ཕུང་པོས་རྣམ་པར་དཀྲིགས་ཤིང་། རང་རང་ལ་མངའ་བའི་ཡོན་ཏན་ཆ་མཐུན་གྱི་ལོངས་སྤྱོད་ཉི་ཟེར་ལ་རྡུལ་ཕྲན་འཁྲིགས་པ་ལྟར་འཕྲོ་བའི་རྡུལ་ཕྲ་རབ་རེ་རེའི་ཁོངས་སུའང་། ཇི་ལྟ་བའི་མཎྜལ་རྡུལ་སྙེད་དུ་འཕྲོ་བས་ནམ་མཁའི་ཁམས་ཡོངས་སུ་བཀང་བ་ཀུན་ཏུ་བཟང་པོའི་མཆོད་པའི་རྣམ་རོལ་ཆེན་པོར་བསྟབས་པ་ཐུན་མོང་ཕྱིའི་མཎྜལ། ནང་ལྟར་དུ་ཚོགས་དྲུག་ཡུལ་གྱི་འཆར་སྒོ་ལ་རྟོགས་པ་ཐམས་ཅད་གསེར་གྱི་ས་གཞི། ས་གཞིས་ཡུལ་ཁང་སོགས་མདོར་ན་སྲིད་པའི་ཕུན་ཚོགས་བདག་གིར་བཟུང་བ་མཐའ་དག་རི་རབ་གླིང་བཞི། དེ་དག་གི་སྐར་ཁུང་སོགས་སྣང་བའི་ཆ་ཐམས་ཅད་ཉི་ཟླ། དེའི་ཁོངས་སུ་གནས་པའི་ཕ་མ། བུ་ཚ། མཛའ་གྲོགས། འཁོར་གཡོག་སོགས་མདོར་ན་ཡིད་ཀྱིས་གཅེས་དགུར་བཟུང་བ་ཐམས་ཅད་འདོད་པའི་ཡོན་ཏན་ལྔའི་རང་བཞིན་དུ་བརྒྱན་ནས་ཆགས་མེད་ཞེན་བྲལ་དུ་བསྟབས་པ་དང་། གསང་བ་ལྟར་དུ་བདག་ལུས་འབྱུང་བཞི་འདུས་པའི་ཕོ་བྲང་ཁམས་དྲུག་ལྡན་གྱི་རྡོ་རྗེ་ཕུང་པོའི་གྲོང་ཁྱེར་དབང་ལྔ་དང་རྣམ་ཤེས་ཚོགས་བརྒྱད་རྟེན་དང་བརྟེན་པར་བཅས་པ་མཐའ་དག་ཕྱི་ལྟར་གླིང་བཞི་རི་རབ་ཀྱི་བཀོད་པ། ནང་ལྟར་དུ་མ་བཅོས་ལྷུན་གྲུབ་ཀྱི་དཀྱིལ་འཁོར་ཆེན་

(༧༣༣)པོའི་རྣམ་རོལ་དུ་བསྟབས་པ་དང་། གཞན་ཡང་སྤྲུལ་སྐུའི་མཎྜལ་ཚངས་ཆེན་གྱི་ཞིང་ཁམས་རྣམ་པར་སྣང་མཛད་རིགས་ལྔ་གང་ཆེན་མཚོའི་སྐུ་གསུང་ཐུགས་མི་ཟད་པ་རྒྱན་གྱི་འཁོར་ལོ། ལོངས་སྐུའི་མཎྜལ་འོག་མིན་སྟུག་པོ་བཀོད་པའི་ཞིང་ཁམས་ཡེ་ཤེས་ལྔའི་རྣམ་རོལ། ཆོས་སྐུའི་མཎྜལ་སྐྱེ་འགག་གནས་གསུམ་གྱི་ངོ་བོས་སྟོང་པའི་སྤྲོས་བྲལ་རང་བྱུང་གི་ཡེ་ཤེས་ལ་འཁོར་འདས་ལམ་གསུམ་གྱི་རྟོག་ཚོགས་དུམ་རོ་གཅིག་གི་ཚོམ་བུར་བཀོད་པ། དེ་ཁོ་ན་ཉིད་ཀྱི་མཎྜལ་གདོད་མ་ཉིད་ནས་སྤྲོས་པའི་མཐའ་ལ་མི་གནས་པ་ཡེ་གྲོལ་བློ་འདས་འོད་གསལ་རྫོགས་པ་ཆེན་པོའི་རྣམ་རོལ་དུ་ཤར་བ་སྟེ། མདོར་ན་ཚུལ་དེ་ལྟ་བུའི་རང་བཞིན་དང་བྱེ་བྲག་ཕྱེད་པས་དབུལ་བ་སྟེ་དེའི་ཕྱིར་མཚོ་སྐྱེས་རྡོ་རྗེས། ལྟ་དང་བླ་མ་ནམ་དྲན་དུས་ཉིད་དང་། །ཚོགས་པ་རྒྱ་མཚོའི་དབུས་དང་ཆོས་འཕེལ་ཚེ། །ཆོས་སྤྱོད་ཀུན་གྱི་སྙིང་པོ་མཎྜལ་དབུལ། །ཞེས་གསུངས་པ་ལྟར། འབུལ་ཡུལ་དམིགས་བསལ་ལ་བསྒྱུར་ཁ་འདི་ནས་བྱེད། ཞིང་ཁམས་འབུལ་བ་ཞུ། ཨོཾ་བཛྲ་བྷཱུ་མི་ཨཱཧཱུྃ། སོགས་བརྗོད། ཚོམ་བུ་འགོད་ལུགས་ནི་བླ་མ་དགོངས་འདུས་ཀྱི་ཆོ་གའི་རྣམ་བཤད་དུ་གསལ་བར་བྲིས་ཡོད་དོ། །འདིར་སྨྲས་པ། འཆད་དང་རྩོམ་པའི་བརྟུལ་ཞུགས་ཉི་མའི་གཟིས། །རྨོངས་དང་མ་རིག་མུན་པ་སངས་ཕྱུར་ཀྱང་། །ལྔ་བརྒྱ་ཐ་མའི་མཁའ་ཀློང་འཁྲིགས་པའི་ཚེ། །རང་དོན་ཞི་བའི་ཏིང་འཛིན་སྒོམ་ལ་དག་པ། །དེ་ལྟ་ན་ཡང་དཔལ་གྱི་རི་བོའི་སྤོར། །སྔ་འགྱུར་བསྟན་འཛིན་པའི་མཆོག་སྤྲུལ་དེའི། །བཀའ་མཆིད་གནྡྷ་དྲ་ཡི་གླིང་བུའི་སྒྲས། །སྒྱུ་མའི་རྣལ་འབྱོར་སྒྱུ་མར་གཡེངས་སུ་བཅུག །གལ་ཆུང་ཆོས་ལ་བྱེད་པའི་ཡུལ་དུས་དེར། །ཕུང་།།།དང་རྟོགས་པའི་གཟི་བྱིན་ཉམས་ན་ཡང་། །འཆོས་སྐྱོབ་དོན་དང་ལྡན་པའི་བསྟན་བཅོས་ཀུན། །བརྩམས་ལ་འབྲས་བུ་མེད་པར་མ་ཡིན་ནོ། །ཞེས་པའང་རི་སུལ་མྱུལ་པའི་རྣལ་འབྱོར་པ་མཁྱེན་བརྩེའི་འོད་ཟེར་གྱིས་གྲུབ་པའི་བསྟི་གནས་ཚེ་རིང་ལྗོངས་ཀྱི་གནས་ཁང་པདྨ་འོད་གླིང་དུ་སྦྱར་བའོ།། །།

(༧༣༤)གཏམ་ཚོགས་ལེའུ་ཞེ་བདུན་པའོ།། །།དགེ་རྩ་བྱང་ཆུབ་ཏུ་བསྔོ་བའི་གཏམ་རྣམ་མཁྱེན་ལམ་བཟང་ཞེས་བྱ་བ།། །།ཚོགས་གཉིས་རྒྱ་མཚོའི་སྤྲིན་ལས་ལེགས་འོངས་ཤིང་། །རྣམ་གྲོལ་ཐུགས་རྗེའི་ཚར་གྱི་སྙིང་པོ་ཅན། །རྨད་བྱུང་སངས་རྒྱས་སྟོང་གི་རྒྱུ་སྐར་དབུས། །ཉི་ཟླ་ལྟར་མཛེས་ཤཱཀྱའི་རྒྱལ་དེ་མཆོད། །སྲིད་མཚོར་དུང་པའི་བརྟུལ་ཞུགས་སྤངས་ན་ཡང་། །ཞི་བ་ཕྱོགས་གཅིག་མྱ་ངན་འདའ་མིན་པ། །ཟུང་འཇུག་ཨ་ཝ་དྷྭ་ཏི་འོད་ཀྱི་སྐུ། །མཚོ་སྐྱེས་རྡོ་རྗེའི་རྣམ་ཐར་བསམས་ཀྱིན་དད། །ཐོས་བསམ་རྟོག་པའི་དྲྭ་བར་འཐུམས་མིན་ཡང་། །ཡེ་གྲོལ་རྣམ་ཀུན་མཆོག་ལྡན་སྟོང་ཉིད་རྩལ། །འཆད་རྩོད་རྩོམ་པའི་འཁོར་ལོར་ལྷུན་རྫོགས་པས། །ཡོན་བཤད་རྣམ་མཁྱེན་ལམ་བཟང་འདི་ན་སྤེལ། །འགའ་ཞིག་གིས་རྒྱུ་དངོས་ཕུན་སུམ་ཚོགས་པ་བསྟབས་ཏེ་བསྔོ་བ་ཞིག་ཐུགས་ལ་འདོགས་པ་ཞུ་ཞེས་གསོལ་བ་བཏབ་པའི་ཚེ་འདི་སྐད་ཅེས་བརྗོད་པར་བྱའོ། །ཐམས་ཅད་མཁྱེན་པ་ལ་ཕྱག་འཚལ་ལོ། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །ཞེས་པ་ལས། ཡོན་གྱི་བདག་པོ་རྣམས་ཀྱིས་དགེ་བ་བསོད་ནམས་ཀྱི་ལས་འདི་ལྟར་དུ་བསགས་པ་ལ་སྤྲོ་བ་བསྐྱེད་པའི་ཕྱིར་བསྔོ་བའི་ཡོན་བཤད་ཅུང་ཟད་ཅིག་སྙན་དུ་གསོལ་ན། འགྲོ་བའི་བླ་མ་ཤཱཀྱ་སེང་གེས། སྦྱིན་པ་པོས་ལེགས་པར་སྦྱིན། ལེན་པ་པོས་ལེགས་པར་བླངས། ཡོན་བཤད་བསྔོ་བ་བྱས། ཞེས་གསུངས་པ་ལྟར་ཡོན་གྱི་བདག་པོས་ཀྱང་མ་དག་པའི་དྲི་མ་བརྒྱད་སྤང་དགོས་ཏེ། དེ་ཉིད་མདོར་བསྡུ་ན། རང་དོན་ལ་རྟོག་པ་འཇིག་རྟེན་ཆོས་བརྒྱད་ཀྱི་བསམ་པ་རྒྱང་བསྲིངས་ནས་གཞན་དོན་སྙིང་ལ་བཅངས་པ་ཞིག་གལ་ཆེ་བར་སྣང་ལ། ཚུལ་དེ་ལྟ་བུ་ལ་ནི་སེམས་བསྐྱེད་ཀྱི་འཕེན་པས་རང་དོན་ཤུགས་ཀྱིས་འགྲུབ་པ་ཆོས་ཉིད་བསམ་གྱིས་མི་ཁྱབ་པའི་ནུས་མཐུ་ཡིན་ཏེ། ཚངས་པ་ཁྱད་པར་སེམས་ཀྱི་

(༧༣༥)མདོ་ལས། ལིཙྪ་བཱི་དྲ་བ་ཅན་གྱི་འོད་སྟོན་པས་བྱང་ཆུབ་ཏུ་ལུང་བསྟན་པ་ན། དེས་བདག་བྱང་ཆུབ་ཏུ་མི་རྟོག་འཚང་རྒྱ་བར་འདོད་པ་མེད་ན་ཅིའི་སླད་དུ་ལུང་སྟོན། བཀའ་བསྩལ་པ། དཔེར་ན་མི་ཞིག་གིས་མེ་ཆེན་པོ་སྤར་ཏེ། རྩ་དང་ཤིང་དང་སྤར་སྤུར་དག་འཛུད་པར་བྱེད་ཅིང་འཚིག་པར་མ་གྱུར་ཅིག་ཅེས་ཟེར་ན་འཚིག་པར་མི་འགྱུར་རམ། གསོལ་བ། དེ་ནི་མ་ལགས་ཏེ་འཚིག་པར་འགྱུར་རོ། །བཀའ་བསྩལ་པ། དེ་བཞིན་དུ་དགེ་བའི་རྩ་བ་རྒྱ་ཆེར་བསགས་ཏེ་བྱང་ཆུབ་མི་དམིགས་མི་འདོད་ན་ཡང་བྱང་ཆུབ་དམ་པ་ཐོབ་པར་འགྱུར་རོ། །ཞེས་གསུངས་པ་ལྟར་རོ། །དེའི་ཕྱིར་འདི་ལྟར་སྦྱིན་དང་བདེ་གཤེགས་མཆོད་པ་ལ་སོགས་དགེ་བའི་རྩ་བ་བགྱིས་པ་དེ་དག་ཡུལ་གཉན་པོ་ལ་ཁོང་ཁྲོ་ལ་སོགས་པའི་ནུས་པས་ཐར་མདོར་ཆུད་ཟབ་ལས་ལྡོག་ཅིང་རྒྱ་ཆེར་འཕེལ་བར་བྱ་བའི་ཕྱིར་བླ་ན་མེད་པའི་བྱང་ཆུབ་ཆེན་པོར་བསྔོ་བ་འདི་ནི་ནང་པ་སངས་རྒྱས་པའི་ཁྱད་ཆོས་ཁོ་ན་ལས། ཕྱི་རོལ་མུ་སྟེགས་བྱེད་སོགས་ལ་མིང་ཙམ་ཡང་མ་གགས་པའི་ཕྱིར། བསོད་ནམས་བྱ་བའི་ཆགས་ཆེན་གང་། །སེམས་ཅན་རྣམས་ལ་ཡོངས་བསྔོ་བ། །ཐུབ་དབང་ཁྱོད་ཀྱིས་གང་གསུངས་པ། །དེ་བཞིན་བསྟན་བཅོས་ལས་མ་བཤད། །ཅེས་བཅོམ་ལྡན་འདས་ལ་ཁྱད་པར་དུ་འཕགས་པའི་སྒོ་ནས་བསྟོད་པའི་རྣམ་གྲངས་སུའང་བསྔགས་པ་ཡིན་ནོ། །དེ་ཡང་འདི་ལྟར་སེམས་ཅན་ཐམས་ཅད་ལ་རང་བཞིན་གྱི་དགེ་བ་ཞེས་གདོད་མ་ནས་ལྷུན་གྱིས་གྲུབ་པའི་ཚུལ་ནི་སེམས་ཀྱི་རང་བཞིན་རྣམ་པར་ཐར་པའི་སྒོ་གསུམ་ལྡན་གྱི་རྣམ་རོལ་ཆེན་པོར་ཡེ་བཞུགས་དེ་ཉིད་བྲལ་བྱའི་དྲི་མ་ལས་གྲོལ་ཏེ་ཡིན་ཚུལ་ཇི་བཞིན་པ་མངོན་དུ་གྱུར་པ་ལས་སངས་རྒྱས་པའི་ཐ་སྙད་འཇོག་པའི་ཕྱིར། དེ་ཉིད་འདས་མ་བྱས་ཀྱི་དགེ་བ་འཁོར་གསུམ་ཡོངས་དག་ཡིན་ཏེ་དེ་སྐད་དུ། ཆུ་དང་མེ་ཤེལ་ནོར་བུ་དག །ཡོངས་སུ་དག་པའི་མཚན་ཉིད་ཅན། །ཉི་ཟླའི་ཟེར་གྱིས་འཕོག་པ་ན། །དེ་དག་རང་གི་ཡོན་ཏན་འབྱིན། །དེ་བཞིན་ཀུན་གཞིའི་རྣམ་ཤེས་ནི། །བདེ་གཤེགས་སྙིང་པོའི་ཁམས་དགེ་

(༧༣༦)པ། །ཟག་མེད་ཡོན་ཏན་ལྡན་པ་དེ། །རྟོགས་པར་གྱུར་ན་ཡོན་ཏན་འབྱིན། །ཞེས་སོ། །དེའི་ཕྱིར་ལམ་གྱི་གནས་སྐབས་སུ་བསྔོ་བ་འདི་ནི་བྱང་ཆུབ་སེམས་དཔའ་རྣམས་ཀྱི་རྗེས་ཐོབ་བསོད་ནམས་ཀྱི་ཚོགས་མཐའ་དག་གི་གཙོ་བོ་ཡིན་ཞིང་། དེ་ལ་མཉམ་གཞག་དང་འབྲེལ་མ་འབྲེལ་གྱི་སྒོ་ནས་མཆོག་དམན་གྱི་ཁྱད་པར་བཞག་པ་སེམས་ཅན་ལ་དམིགས་ནས་ཡོངས་སུ་བསྔོ་བ་དང་། ཆོས་ཙམ་པ་དམིགས་ནས་ཡོངས་སུ་བསྔོ་བ་དང་། དམིགས་པ་མེད་པའི་ངང་ནས་ཡོངས་སུ་བསྔོ་བ་སྟེ་གསུམ་དུ་གྲགས་པ་ལས། ཆེས་མཆོག་ཏུ་གྱུར་པ་ནི་འཁོར་གསུམ་ཡོངས་དག་གི་བསྔོ་བ་ཡིན་ཏེ། མངོན་རྟོགས་རྒྱན་ལས། ཡོངས་སུ་བསྔོ་བ་ཁྱད་པར་ཅན། །དེ་ཡིས་བྱེད་པ་མཆོག་ཡིན་ཏེ། །དེ་ནི་དམིགས་མེད་རྣམ་པ་ཅན། །ཞེས་གསུངས་ལ། དེ་ཡང་སོ་སོ་སྐྱེ་བོ་རྣམས་དང་། བྱང་ཆུབ་སེམས་དཔའ་ཚོགས་སྦྱོར་གྱི་ལམ་ལ་གནས་པ་རྣམས་ཀྱི་དགེ་བའི་རྩ་བ་རྣམས་ནི་དམིགས་ཡུལ་སེམས་ཅན་དང་། བདག་འཛིན་པ་དང་བཅས་ཏེ་བསྔལ།།། བྱང་སེམས་འཕགས་པ་རྣམས་ཀྱི་རྗེས་ཐོབ་ཀྱིས་གནས་སྐབས་སུ་སྒྱུ་མ་དང་རྨི་ལམ་ལྟ་བུའི་ངང་ནས་བསྔོ་བ་དང་། དེ་དག་གི་མཉམ་གཞག་དང་རྫོགས་པའི་སངས་རྒྱས་རྣམས་ཀྱི་ངོར་ཆོས་དབྱིངས་འདུས་མ་བྱས་པའི་ངང་དུ་བསྔོ་བར་བྱེད་པ་ལས། མདོར་བསྡུ་ན། སྦྱོར་བ་སེམས་བསྐྱེད། དངོས་གཞི་དམིགས་མེད། མཇུག་རྣམ་མཁྱེན་རྫོགས་བྱང་དུ་བསྔོ་བ་སྟེ་དམ་པ་གསུམ་གྱིས་ཟིན་དགོས་པ་ནི་དགེ་རྩ་ཐམས་ཅད་ཀྱི་ཕྱི་མོར་གྲུབ་ལ། དེ་ལས་བསྔོ་བ་ཞེས་པའི་སྒྲ་དོན་ནི་དངོས་གྲུབ་གནས་སྐབས་སྒྱུར་བ་ལ་བརྗོད་པ་ཡིན་ཞིང་། དབྱེ་ན་གང་དུ་བསྔོ་བའི་ཡུལ། གང་ཞིག་བསྔོ་བའི་དངོས་པོའམ་རྒྱུ། གང་གི་ཆེད་དུ་བྱ་བ། བསྔོ་དགོས་ཚུལ་ཕན་ཡོན་དང་བཅས་བཞི་ཡོད་པ་ལས། དང་པོ་ཡུལ་ནི། དམིགས་པ་མེད་པའི་སེམས་བསྐྱེད་ཀྱི་རྩིས་མ་ཟིན་ཅིང་། རང་དོན་ཞི་བདེ་ཙམ་དོན་དུ་གཉེར་བ་ཐེག་དམན་ཉན་རང་གིས་སར་མ་ཡིན་ཏེ། ཤེས་ཕྱིན་ཡུམ་ལས། དགེ་བའི་རྩ་བ་ཐམས་

(༧༣༧)ཅད་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་ཉན་ཐོས་ཀྱིས་འམ་རང་སངས་རྒྱས་ཀྱི་སར་བསྔོར་མི་འཇུག་པའོ། །ཞེས་དང་། དེ་བཞིན་དུ་ཚངས་དབང་བརྒྱ་བྱིན་འཁོར་ལོས་སྒྱུར་བའི་རྒྱལ་པོ་དང་། ཁམས་ཀྱི་རྒྱལ་ཕྲན། འཁོར་དང་ལོངས་སྤྱོད་ཁེ་གྲགས་ལ་སོགས་སྲིད་པའི་ཕུན་ཚོགས་ཀྱི་སླད་དུ་ནི་དེ་བས་ཀྱང་མ་ཡིན་ཏེ། རྒྱལ་བ་བུ་རམ་ཤིང་པས་བྱང་ཆུབ་ཀྱི་སྤྱོད་པ་ལ་བསླབས་པའི་ཆེ་རྒྱལ་སྲིད་ཡུལ་ཁམས་ལུས་དང་ལོངས་སྤྱོད་མ་སོགས་གཅེས་དགུ་མཐའ་དག་ཕངས་མེད་དུ་སྦྱིན་པའི་ཚེ་ཡང་། སྦྱིན་པ་འདི་ཡིས་བདག་ནི་ནམ་དུ་ཡང་། །མཐོ་རིས་འདོད་དང་རྒྱལ་སྲིད་ཕྱིར་མ་ཡིན། །འགྲན་ཕྱིར་མ་ཡིན་གྲགས་པ་བསྒྲུབ་ཕྱིར་མིན། །བླ་མེད་བྱང་ཆུབ་ཁོ་ནའི་ཕྱིར་བགྱིའོ། །ཞེས་བྱང་ཆུབ་ཆེན་པོའི་བསྔོ་རྒྱུར་མཛད་པའི་རྗེས་སུ་འཇུག་པར་བྱ་ལ། དེ་ཡང་ཚུལ་འདིར་བསྔོ་བ་དང་། སེམས་བསྐྱེད་སྨོན་ལམ་རྣམས་ངོ་བོ་གཅིག་པར་ལ་བཟླ་བ་དང་། ཡིན་མིན་མུ་བཞིར་དབྱེ་བ་སོགས་རྣམ་གྲངས་ཐ་དད་དེ། ཀུན་གྱི་རྩ་བ་བྱང་ཆུབ་ཀྱི་སེམས་རིན་པོ་ཆེའི་རྩིས་ཟིན་པ་ཞིག་གཅེས་ཏེ། ཇི་སྐད་དུ། རྒྱལ་བ་སྲས་བཅས་ཡོན་ཏན་ཅི་མཆིས་པ། །དེ་ཀུན་བྱང་ཆུབ་སེམས་ཀྱི་མཐུར་ལྟོས་ཤིག །སེམས་བསྐྱེད་རིན་ཆེན་ཐོགས་པའི་རྒྱལ་བའི་སྲས། ཁམས་གསུམ་ཀུན་ཏུ་འགྲོ་ཡང་ཉམ་ང་མེད། །ཡིད་བཞིན་རྒྱལ་པོ་ལྟ་བུར་འདོད་དགུ་འབྱུང་། །ཞེས་གསུངས་པ་ལྟར་རོ། །གཉིས་པ་བསྔོ་རྒྱུ་ནི། ཡུལ་གོང་མ་ལ་མཆོད་པ། འོག་མ་ལ་སྦྱིན་པ་སོགས་མདོར་ན་བསྡུ་བའི་དངོས་པོ་བཞི། ཕ་རོལ་ཏུ་ཕྱིན་པ་བཅུ་ལ་སོགས་བསོད་ནམས་དང་ཡེ་ཤེས་ཀྱི་སྒོ་ནས་ཚོགས་གཉིས་བསགས་པ་མཐའ་དག་ཡིན་ལ། དེ་ལའང་ཞིག བསམ་པ། དངོས་པོ་སྟེ་གསུམ་ཀ་རྣམ་པར་དག་པ་ཕུན་སུམ་ཚོགས་པའི་དགེ་ཚན་དུ་གླེང་བ་ལས། ཞིང་གི་ཁྱད་པར་ཅུང་ཟད་དབྱེ་ན། ཡོན་ཏན་གྱི་ཞིང་དང་། ཕན་ཡོན་གྱི་ཞིང་སྟེ་རྣམ་གྲངས་གཉིས་སུ་འདུ་བ་ལས། ཐེག་དམན་ནས་ཡུལ་གོང་མ་གཙོ་ཆེ་བར་བཤད་ཅིང་དེ་ཡང་མཆོག་ཏུ་གྱུར་པ་ནི་

(༧༣༨)དཀོན་མཆོག་གསུམ་སྟེ་མདོ་ལས། སངས་རྒྱས་འདྲ་བའི་སྟོན་པ་མེད། །ཆོས་དང་འདྲ་བའི་སྐྱོབ་པ་མེད། །དགེ་འདུན་འདྲ་བའི་ཞིང་ས་མེད། །དེ་ཕྱིར་གསུམ་ལ་དབུལ་བར་བྱ། །ཞེས་གསུངས་ཤིང་དེ་དག་གི་ནང་ཚན་ལས་ཀྱང་དངོས་སུ་ལོངས་སྤྱོད་པའི་ཁྱད་པར་གྱི་དགེ་འདུན་ཁོ་ན་ཁྱད་པར་དུ་བསྟན་ཏེ་མདོ་བདེ་རྒྱས་ལས། ཆོས་རྣམས་ཀུན་གྱི་གཏེར་ཡིན་ཕྱིར། །རྣམ་པའི་སྒོ་ནི་རྣམ་འབྱེད་པ། །དགེ་འདུན་ཞེས་ནི་བྱ་བ་སྟེ། །དགེ་འདུན་ལ་ནི་ཀུན་གྱིས་བྱིན། །ཞེས་སོ། །འདིར་ཐེག་པ་ཆེན་པོའི་ལུགས་ཀྱིས་ཡུལ་བཟང་བ་ལས་དམན་པ་ཉིད་གཅེས་པར་འཛིན་ཏེ་མདོ་ལས། རང་ལ་རེ་དང་བཤེས་མེད་དང་། །ནང་པ་དང་ནི་མ་ནུས་པ། །རྒས་ཤིང་འཁོགས་དང་དབང་པོ་ཉམས། །དབུལ་ཕོངས་བཀྲེས་དང་མུ་ཏོ་བ། །བྱང་ཆུབ་སེམས་ལྡན་རྣམས་ཀྱིས་ནི། །མགོན་མེད་དེ་དག་ངང་དུ་བླང་། །ཞེས་གཞན་གྱིས་སྤངས་ཤིང་བཤེས་དང་བྲལ་བ་རྣམས་དང་དུ་བླང་བར་གསུངས་མོད། ཐེག་པ་དེ་དག་གིས་ཕྱོགས་ཙམ་མེ་མཚོན་པ་ཚེ་གཅིག་ལུས་གཅིག་ལ་སངས་རྒྱས་པའི་སྒོ་ནས་ཁྱད་པར་དུ་གྱུར་པ་གསང་ཆེན་རྡོ་རྗེའི་ཐེག་པ་ནས་ནི་ཞིང་གི་མཆོག་རྡོ་རྗེ་སློབ་དཔོན་དུ་གསུངས་ཏེ། དཔལ་གསང་བའི་སྙིང་པོ་ལས། བུ་དང་ཆུང་མ་ནོར་གྱི་དབྱིང་། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །ཉེ་བའི་དཀྱིལ་འཁོར་སྨོས་ཅི་དགོས། །ཞེས་སོ། །བསམ་པ་ནི། བྱང་ཆུབ་སེམས་དཔའི་ས་ལས། བྱང་ཆུབ་སེམས་དཔའ་ནི་གྲགས་པ་དང་ཚིགས་སུ་བཅད་པའི་ཕྱིར་སྦྱིན་པར་མི་བྱེད། གཞན་དང་འགྲན་པའི་ཕྱིར་སྦྱིན་པར་མི་བྱེད། དབུལ་པོར་འགྱུར་དུ་དོགས་པའི་འཇིགས་པས་སྦྱིན་པར་མི་བྱེད། བརྒྱ་བྱིན་དང་འཁོར་ལོས་སྒྱུར་བ་ཉིད་དང་། དབང་ཕྱུག་ལ་བརྟེན་ཞིང་སྦྱིན་པ་བྱིན་པར་མི་བྱེད་དོ། །འབྲས་བུ་ལ་བལྟ་ཞིང་སྦྱིན་བ་བྱིན་པར་མི་བྱེད་དོ། །སྦྱིན་པ་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཁོ་ན་ཉིད་དུ་བསྡེ་བར་བྱེད་དོ། །ཞེས་གསུངས་པས་མཚོན་ཏེ་

(༧༣༩)དགེ་བའི་རྩ་བ་ཐམས་ཅད་ལ་རང་ཉིད་བླ་ན་མེད་པའི་བྱང་ཆུབ་ཐོབ་ནས་སེམས་ཅན་གཞན་དག་ཀྱང་བྱང་ཆུབ་ལ་འགོད་པར་འདོད་པ་རྒྱལ་པོ་ལྟ་བུའི་སེམས་བསྐྱེད་དང་། རང་དང་སེམས་ཅན་ལྷན་ཅིག་པར་ཐར་པ་འདོད་པ་མཉན་པ་ལྟ་བུའི་སེམས་བསྐྱེད་དང་། རང་དོན་ལ་རྟོག་པ་མེད་པར་སེམས་ཅན་གཞན་ཁོ་ནའི་དོན་བསྒྲུབ་བརྫི་བོ་ལྟ་བུའི་སེམས་བསྐྱེད་སོགས་ཀྱིས་ཟིན་པར་གཅེས་པ་ཡིན་ནོ། །དེ་བཞིན་དུ་དངོས་པོའང་དངོས་དང་བརྒྱུད་ནས་གཞན་ལ་གནོད་པའི་རྒྱུར་འགྲོ་བ་སྲོག་གཅོད་དང་མ་སྦྱིན་ལེན་སོགས་མི་དགེ་བས་བསྒྲུབས་པ་མཐའ་དག་ནི་སྤང་བྱ་ཡིན་ཏེ། མདོ་ལས། དངོས་པོ་བརྐུས་འཕྲོགས་དཀོར་ཟས་དང་། །གཞན་ལ་གནད་པ་མ་ཡིན་པ། །རབ་ཏུ་གཅེས་དང་ཡིད་འོང་རྫས། །མཁོ་བར་གྱུར་ན་མཆོག་ཡིན་ནོ། །ཞེས་དང་། སྡིག་དང་དུག་དང་ལོག་འཚོའི་རྫས། །མཆོན་ཆ་ལ་སོགས་མ་འདྲེས་པ། །ཞེས་གསུངས་པའི་སྐྱོན་ཐམས་ཅད་དང་བྲལ་ཞིང་། ཆོས་དང་ཟང་ཟིང་མི་འཇིགས་པའི་སྦྱིན་པ་སྟེ་སྦྱིན་པ་རྣམས་གསུམ་གྱིས་ཐོག་དྲངས་པའི་ཕ་རོལ་ཏུ་ཕྱིན་པ་དྲུག །དེ་དག་སོ་སོའི་ལྡོག་ཕྱོགས་དང་བྲལ་བ་ཞིག་དགོས་པ་ལགས། གསུམ་པ་གང་གི་ཆེད་དུ་བྱ་བ་ནི། སྤྱོད་འཇུག་ལས། དངོས་སམ་མང་ན་བརྒྱུད་ཀྱང་རུང་། །སེམས་ཅན་དོན་ལས་གཞན་མི་སྦྱང་། །སེམས་ཅན་ལོ་ནའི་དོན་གྱི་ཕྱིར། །ཐམས་ཅད་བྱང་ཆུབ་ཕྱིར་བསྔོའོ། །ཞེས་གསུངས་པ་ལྟར་ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱིས་ཐོག་མ་མེད་པ་ནས་ད་ལྟའི་བར་དུ་མ་བྱས་པའི་དྲིན་ཆེན་ཤ་སྟག་ཡིན་པས་དེ་ཐམས་ཅད་ལ་བརྩེ་བ་ཆེན་པོ་བསྐྱེད་དེ། ཀུན་གྱི་དོན་དུ་ཉེ་རིང་མེད་པར་བསྔོ་ལ། དེ་ལྟར་བསྔོས་པས་སེམས་ཅན་གྱི་ཁམས་ལ་ཚད་མེད་པས་བསོད་ནམས་ཀྱང་ཚད་མེད་པར་འགྱུར་ཏེ། རིན་ཆེན་ཕྲེང་བ་ལས། སེམས་ཅན་ཁམས་ནི་ཚད་མེད་ལ། །ཕན་འདོད་དེ་ནི་དེ་འདྲའོ། །ཞེས་གསུངས་སོ། །བཞི་པ་བསྔོ་དགོས་ཚུལ་ཕན་ཡོན་དང་བཅས་པ་བསྟན་ནས་བསྔོ་བ་དངོས་ལ་འཇུག་པ་ནི། འདི་ལྟར་ཟག་པ་དང་བཅས་པའི་དགེ་བའི་རྩ་བ་རྒྱ་མཚོ་ལྟ་བུ་ཡོད་ཀྱང་དེ་ཉིད་བསྔོ་བ་རྣམ་

(༧༤༠)དག་གིས་རྒྱས་མ་ཐེབས་ན་ཡུལ་གཉན་པོ་ལ་ཁོང་ཁྲོ་སྐྱེས་པའམ། འཛད་པའི་རྒྱུ་བཞི་སོགས་ཀྱིས་བསོད་ནམས་ཆ་མཐུན་གྱི་དགེ་འབྲས་ལན་ཅིག་སྨིན་ནས་ཟད་པར་འགྱུར་བའི་ཆོས་ཅན་དུ་གསུང་རབ་མང་པོ་ནས་བཤད་ཅིང་དེ་སྐད་དུ་པཎ་ཆེན་བི་མ་ལས་ཀྱང་། འདུས་བྱས་དངོས་པོའི་ནར་རྫས་ལ། །འཕགས་མཆོག་བསྔོ་བས་མ་ཟིན་ན། །བསགས་པའི་ཐ་མ་འཛད་པར་ངེས། །ཞེས་གསུངས་ལ་བསྔོ་བ་དམ་པས་ཟིན་པ་ནི་ནམ་ཡང་ཆུད་ཟོས་པར་མི་འགྱུར་ཏེ། བློ་གྲོས་རྒྱ་མཚོའི་མདོར། འདི་ལྟ་སྟེ་དཔེར་ན། རི་སུལ་ཆེན་པོ་ཞིག་ན་ཤིང་ཞིག་སྐྱེས་པར་གྱུར་པ་ལ་མི་ཞིག་གིས་རྩ་བ་ནས་བཅད་པར་བརྩམས་ནས་ཆོད་མ་ཐག་ཏུ་གང་དུ་ཡོ་བའི་ཕྱོགས་དེར་འགྱེལ་བ་ལས་གཞན་དུ་མི་སྲིད་དོ། །དེ་བཞིན་དུ་བྱང་ཆུབ་སེམས་དཔའ་ཡང་ཡུན་རིང་པོ་ནས་རྣམ་པ་ཐམས་ཅད་མཁྱེན་པ་ཉིད་ལ་གཞོལ་ཞིང་། དགེ་བའི་རྩ་བ་ཐམས་ཅད་མཁྱེན་པ་ཉིད་དུ་བསྔོས་པས། ཐེག་པ་གཞན་དུ་མི་ལྟུང་ཞིང་། མཉམ་པར་བཞག་ཀྱང་རུང་མ་གཞག་ཀྱང་རུང་སྟེ། བྱང་ཆུབ་ཀྱི་ལམ་རྣམས་ཡོངས་སུ་རྫོགས་ཤིང་ཐམས་ཅད་མཁྱེན་པ་ཉིད་མྱུར་དུ་མི་ཐོབ་མི་འགྱུར་བར་མི་སྲིད་དོ། །ཞེས་དང་། སློབ་དཔོན་དགའ་རབ་རྡོ་རྗེས། །དངོས་པོ་རྫས་དང་ཡོ་བྱད་ལ། །ཡང་དག་བསྔོ་བས་རྒྱས་ཐེབས་ན། །འགྲོ་ཀུན་ཐར་པའི་ལམ་མཆོག་སྟོན། །ཞེས་སོ། །ད་ནི་ཇི་ལྟར་བསྔོ་བའི་ཐབས་སམ། བདེན་ཚིག་གི་ནུས་པས་བསྒྱུར་བའི་ཚུལ་ནི། བྱང་ཆུབ་སེམས་དཔའི་སྡེ་སྣོད་ལས། ཤཱ་རིའི་བུ། བྱང་ཆུབ་སེམས་དཔའ་མཁས་པ་ནི་སྦྱིན་པ་ཉུང་ངུ་ཡང་མང་པོར་བྱེད་དེ། ཡེ་ཤེས་ཀྱི་སྟོབས་ཀྱིས་ལྷག་པར་བྱེད་དོ། །ཤེས་རབ་ཀྱི་སྟོབས་ཀྱིས་རྒྱས་པར་བྱེད་དོ། །བསྔོ་བའི་སྟོབས་ཀྱིས་དཔག་ཏུ་མེད་པར་བྱེད་དོ། །ཞེས་གསུངས་པས། སྣང་སྲིད་འཁོར་འདས་ཀྱིས་བསྡུས་པའི་ཆོས་ཐམས་ཅད་རང་བཞིན་རྫོགས་པ་ཆེན་པོའི་གནས་ལུགས་བྲི་གང་འཕོ་འགྱུར་དང་བྲལ་བའི་མཉམ་གཞག་ནམ་མཁའ་ལྟ་བུའི་ཡེ་ཤེས་ཀྱི་ངོ་བོར་བསྔོ་བྱ་སྔོ་བྱེད་ལ་སོགས་པའི་སྤྲོས་པའི་མཚན་མ་མི་དམིགས་ཀྱང་། རྗེས་ཐོབ་ཤེས་རབ་ཀྱི་སྣང་ཆར་སྒྱུ་མ་དང་

(༧༤༡)ཆུ་ཟླའི་རྣམ་རོལ་གྱིས་ཆོས་ཐམས་ཅད་སྣང་ལ་རང་བཞིན་མེད་པར་ཤེས་པའི་ཚུལ་གྱིས་བསྔོ་བའི་མཐུན་འགྱུར་ཞིག་ཐུགས་ལ་འདོགས་པ་བཞུ། འདི་ནས་བསྔོ་བའི་དབང་པོ་གསལ་ཚུལ་བྱེ་བྲག་ཕྱེད་པར་བྱ་ཞིང་བསྔོ་བ་དངོས་ལ་འཇུག་གོ །མཇུག་ཏུ། འཇམ་དཔལ་དཔའ་བོས་ཇི་ལྟར་མཁྱེན་པ་དང་། ཞེས་སོགས་ཤློ་ཀ་གཅིག་པོ་ངེས་པར་བརྗོད་པ་ལ་དོན་ཆེན་པོ་ཡོད་དེ། དེ་ལྟ་བུའི་བསྔོ་བའི་ཚུལ་རྒྱས་པར་མི་ཤེས་པ་རྣམས་སྔོན་གྱི་བྱང་ཆུབ་སེམས་དཔའ་རྣམས་ཀྱི་རྗེས་སུ་མོས་པས་བསླབས་པས་དོན་ལྡན་དུ་འགྱུར་ཏེ། སྔོན་དེ་བཞིན་གཤེགས་པ་བརྩོན་འགྲུས་མཐའ་ཡས་ཆོས་ཐམས་ཅད་ལ་ངེས་པར་སྟོན་པའི་ཏིང་ངེ་འཛིན་སྟོན་པའི་ཚེ། རྒྱལ་པོ་བསོད་ནམས་མེ་ཏོག་བུ་དང་བཙུན་མོ་དང་བཅས་པ་རྣམས་ཀྱིས་བདག་ཅག་གིས་ཚུལ་འདི་མི་ཤེས་མོད་ཀྱི་འོན་ཀྱང་རྗེས་སུ་ཡི་རང་བར་བྱའོ་ཞེས། དགེ་བ་ལ་རྗེས་སུ་ཡི་རང་བར་བྱས་པས་བསོད་ནམས་དཔག་མེད་ཐོབ་པའི་ལོ་རྒྱུས་ལྟར་རོ། །དེ་ཡང་རྒྱ་གར་འཕགས་པའི་ཡུལ་སོགས་སུ་ནི་བསྔོ་བ་སྦྱིན་བདག་གིས་བགྱིད་ཅིང་། ཡུལ་བླ་མའམ་དགེ་འདུན་ལ་སོགས་པས་དབང་པོའི་ཚུལ་གྱིས་དེ་བཞིན་དུ་འགྲུབ་པའི་མཐུན་འགྱུར་མཛད་པ་ཡིན་མོད་ཀྱང་། དེང་སང་སྦྱིན་བདག་གིས་མི་ཤེས་པའི་དབང་དུ་བྱས་ནས་མཁན་སློབ་རྣམས་ཀྱིས་བསྔོ་བ་བྱེད་པ་འདི་ལྟ་བུ་བོད་དུ་དར་བ་ཡིན་ནོ། །དེ་ལྟར་བསྔོ་བའི་ཡོད་བཤད་ཉུང་ངུར་བསྡུས་པ་རྣམ་མཁྱེན་ལམ་བཟང་ཞེས་བྱ་བ་འདི་ནི་རྒྱལ་དབང་པདྨའི་དོན་གྱི་རྒྱལ་ཚབ་ཐེག་པ་མཐའ་དག་ལ་གཞན་དྲི་ང་མི་འཇོག་པའི་གཏེར་ཆེན་ཆོས་ཀྱི་རྒྱལ་པོ་འགྲོ་འདུལ་ཐམས་ཅད་མཁྱེན་པ་པྲཛྙཱ་རསྨིའི་ཞབས་སེན་ཟླ་རིས་གསར་བས་བྱིན་གྱིས་བརླབས་པའི་སེང་གེའི་ཁྲི་ལ་རྣམ་པར་འགྱིང་པའི་སྤྲུལ་པའི་སྐུ་པདྨ་ཆོས་འབྱོར་རྒྱ་མཚོའི་བཀས་བསྐུལ་བ་ལས། རང་བཞིན་རྫོགས་པ་ཆེན་པོའི་རྣལ་འབྱོར་པ་མཁྱེན་བརྩེའི་འོད་ཟེར་གྱིས་འོད་གསལ་གཉུག་མའི་ཕོ་བྲང་པདྨ་འོད་གླིང་དུ་སྦྱར་བའོ།། །།གཏམ་ཚོགས་ལེའུ་ཞེ་བརྒྱད་པའོ།། །།

(༧༤༢)ནགས་ཚལ་གྱི་གཏམ་ཨུ་དུམ་ཝཱ་རའི་ཆུན་པོ་ཞེས་བྱ་བ། །རྫོགས་པའི་སངས་རྒྱས་པདྨ་ལས་གྲོལ་ལ་ཕྱག་འཚལ་ལོ། །འདི་ན་ཕྲ་རབ་རྡུལ་གྱི་བབ་མོ་ནི། །སྲ་བརྟན་རྡོ་རྗེའི་ཁམས་སུ་གནས་གྱུར་ནས། །སྣ་ཚོགས་ལྗོན་པའི་ཡལ་ད་།།།གཡོ་བ་ཅན། །དེ་ལ་ནགས་ཟད་དབེན་པར་རབ་ཏུ་གྲགས། །སྲིད་དང་ཞི་བ་གཉིས་སུ་རིས་ཆད་པ། །འདི་ནི་སེམས་ཅན་ཀུན་གྱི་ལས་སྣང་སྟེ། །དེ་དེའི་ཆོས་ཉིད་རྣལ་མར་སྦྱོར་འདོད་རྣམས། །ནགས་ཀྱི་གཏམ་མཆོག་འདི་ལ་གུས་པས་ཉོན། །སྣ་ཚོགས་སྡུག་བསྔལ་བསྐྱེད་པའི་གཅོང་རོང་དུ། །ཉོན་མོངས་ལྔ་ཡི་ཆུ་བོའི་རླབས་ཕྲེང་དང་། །འདི་ཙམ་དུས་མེད་འགྲོགས་པའི་རྣམ་རྟོག་འདིའི། །ཉེ་བར་ལེན་པའི་བྱེད་པོ་མ་རིག་ཡིན། །དེ་ལས་སྲིད་པ་ནས་བཟུང་རྒ་ཤིའི་བར། །རྟེན་འབྲེལ་བཅུ་གཉིས་ཟོ་ཆུའི་ཁྱུད་མོ་ལ། །ཡང་ནས་ཡང་འཁོར་ཕ་མཐའ་མི་ཐུག་པ། །འདི་ནི་མ་དག་གཞན་དབང་རྒྱུ་འབྲས་ལགས། །དེ་ན་ཁྱིམ་གྱི་བཙོན་དོང་གཏིང་རིང་པོར། །སྐྱེ་རྒ་ན་འཆིའི་ཞགས་པ་དམ་པོས་བཅིངས། །ལས་དང་སྡུག་བསྔལ་མང་པོས་རང་གཟིར་བའི། ཁྲི་མུན་འདི་ལས་མྱུར་དུ་འབྲོས་འཚལ་ལོ། །གང་དུ་ཕྱིན་ན་འབད་པ་དོན་ཡོད་ཅིང་། །ཆོས་ལ་སེམས་པའི་གོམས་པ་བདུན་གྱི་རིན། །གསེར་སྲང་ལྔ་བརྒྱའི་ལྕིད་ཀྱིས་མི་ནང་བའི། །གཏམ་འདི་འཕགས་པ་རྣམས་ཀྱིས་རབ་ཏུ་བསྔགས། །དེ་ན་ཚོང་དང་སོ་ནམ་ཡོད་མ་ཡིན། །བྱིས་པའི་གྲོགས་དང་འདུ་འཛིའི་རྣམ་གཡེང་བྲལ། །བྱ་དང་རི་དྭགས་མང་པོ་གར་བྱེད་ཅིང་། །བུང་བ་མྱོས་པའི་གླུ་དབྱངས་རྣ་བར་སྙན། །ཕྲ་རབ་རྡུལ་རྣམས་སྲིད་པའི་གར་སྦྱིན་གྱིས། །ཤིན་ཏུ་འཐས་པར་སྦྱར་ལྟའི་བྲག་རིའི་ཚོགས། །རིན་ཆེན་རིན་ཐང་སྤངས་པས་རབ་ཕྱུག་ཀྱང་། །དེ་ལ་ཁེངས་དང་འཇུགས་པའི་རྣམ་རྟོག་སྤངས། །སྣ་ཚོགས་ལས་ཀྱི་འདུ་འགོད་བརྒྱ་ཕྲག་གིས། །སྲིད་པར་ཀུན་ཏུ་སྦྱོར་བའི་ཁང་ཁྱིམ་དང་། །དོ་ཟླ་མ་ཡིན་རང་བྱུང་བྲག་གི་སྐྱིབས། །མཐོང་བའི་མོད་ལ་ཚེ་འདིའི་

(༧༤༣)སྣང་བ་འགག །ཕྱོགས་དང་ཕྱོགས་སུ་བལྟར་མི་མངོན་པ་ཡི། །སྐང་དང་གཤོངས་བུའི་བྱེ་བྲག་ཐ་དད་པས། །སྐྱོ་བ་སེང་བའི་གོ་སྐབས་རབ་ཕྱེ་ནས། །ཞི་གནས་ལྷག་མཐོང་འགྲོན་པོར་འབོད་པ་བཞིན། །དེ་ན་སྐྱེ་བོའི་ཅ་ཅོ་ཡོད་མིན་ན། །ཆགས་སྡང་ཚིག་གི་ཚེར་མ་ལྟ་ཅི་སྨོས། །འབབ་ཆུ་དལ་གྱིས་འགྲོ་བའི་ལྷང་ལྷང་སྒྲས། །འཆི་བ་མྱུར་དུ་འོང་ཞེས་བསྐུལ་མའང་བྱེད། །ཀུན་ནས་ཁྲོ་བ་སྤངས་པའི་སྨིན་ལྗོངས་རྣམས། །མྱུ་གུ་སྔོན་པོའི་བཞིན་རས་རབ་མཛེས་པས། །དཀའ་ཐུབ་འདོད་པ་རྣམས་ལ་སླར་བོས་ནས། །མ་རྨོས་ལོ་ཏོག་འབྱུང་ཁུངས་སྟོན་ལ་བྲེལ། །ཨུཏྤལ་སྔོན་པོའི་འདབ་མ་བརྩེགས་པའི་རྡུལ། །སྣ་ཚོགས་མེ་ཏོག་འབྲས་བུས་དུད་བྱས་པ། །ལྗོན་པ་མཆོག་གི་ཡལ་གའི་བསྟི་སྟང་ནི། །དྲང་སྲོང་རྣམས་ལ་བསིལ་ཡབ་སྒྲེང་པ་བཞིན། །མཉེན་ལྕུགས་ལས་ཀྱི་འཁྲི་ཤིང་གཞོན་ནུའི་ཐོད། །བྱི་རུའི་འདྲེན་བྱེད་སར་པ་འདར་པ་ལྟའི། །འདབ་ཆགས་ཁུ་བྱུག་སྔོན་མོའི་རྒྱང་གླུ་ཡིས། །སྔོན་མེད་སྐྱོ་བ་གསར་པ་རབ་ཏུ་བསྐུལ། །དགའ་མ་ལང་ཚོ་དར་བབས་ཁངས་པས་ཀྱང་། །དེ་ཡི་མཛེས་པ་འཕྲོག་པར་མ་ནུས་ནས། །མཁུར་ཚོས་ལི་ཁྲིའི་ཐིག་ལེ་བསྐུ་བའི་ཟིལ། །དབང་པོའི་བྱ་ཚོགས་འདི་དག་མཐོང་ལས་བྱུང་། །ཆུ་སྐྱེས་གཞོན་ནུའི་གེ་སར་ལ་ཆགས་པའི། །རབ་མྱོས་བུང་བ་འདི་དག་གཅིག་ལ་གཅིག །འཚེ་བ་མ་ཡིན་ཕན་ཚུན་གཉེན་གཤིམ་པས། །བདག་ལའང་བྱང་ཆུབ་སེམས་ཀྱི་ཡོན་ཏན་འགོ །དེ་ན་བྱིས་པའི་གྲོགས་པོ་ཡོད་མིན་པས། །རང་བཞིན་ངན་པའི་རྣམ་ཐར་མི་རྙེད་དེ། །གཅན་གཟན་རྣམས་ཀྱང་བདག་ལ་རབ་བྱོལ་ནས། ཁྲོ་བའི་བརྟན་པ་ཉམས་པའི་ཚུལ་གྱིས་འགྲོ། །གཞན་གྱི་མངའ་ཐང་འཕྲི་དང་སྲོག་ལ་གཙེས། །སྣ་ཚོགས་གཡོ་སྒྱུས་གཡོས་སུ་སྦྱར་བ་ཡི། །ཟས་དང་སྐོམ་ལ་མི་བརྟེན་རི་དྭགས་ཁྱུ། །བག་ཕེབས་དུལ་བའི་ངང་ཚུལ་ལྷུར་བྱེད་པས། །བདག་གི་སེམས་ཀྱང་འཇམ་ཞིང་ངེས་པར་དུལ། །དབང་པོའི་དཔུང་གིས་བརྫི་བར་མི་ནུས་པའི། །འཆི་བདག་རྣམས་ཀྱང་ནགས་ན་གནས་པ་

(༧༤༤)ཡི། །དྲང་སྲོང་དེ་ལ་ཐལ་མོ་སྦྱར་བྱེད་ན། །སུ་ཞིག་དབེན་པའི་ནགས་ལ་སྤྲོ་མི་བྱེད། །དེ་ལྟར་དབེན་པར་སོང་བའི་དགོས་པ་ཡང་། །ཡུལ་གྱི་སྣང་བས་བསྐུ་བར་མ་ཚུགས་སླད། །ཡིན་གྱིས་ཡུལ་དང་འཛིན་པའི་སེམས་དང་ནི། །ཕན་ཚུན་རྟེན་དང་བརྟེན་པའི་རང་བཞིན་ཕྱིར། །སྙིང་སྟོབས་གོ་བགོ་བཟོད་པའི་དམ་བཅའ་བརྟན། །བག་ཡོད་ལ་བརྟེན་བརྩོན་འགྲུས་བསྟར་ལ་རྒྱུས། །འདོད་དང་ཁྲོ་ཆགས་འཇུངས་པའི་རྣམ་རྟོག་ལ། །གློ་བུར་ཐོག་བརྫིས་ཡུལ་མེད་རྩ་བྲལ་གཅེས། །དེ་ལ་སྙིང་སྟོབས་གོ་ཆ་མ་བགོས་ན། །སྣང་བ་སྣ་ཚོགས་རྐྱེན་གྱིས་བསླུར་བྲིད་ནི། །སྤྲེའུ་ཟློས་གར་བསྒྱུར་བའི་བདེ་བླག་ལས། །ཆོ་འཕྲུལ་ལྷག་པར་མྱུར་བས་བསླུ་བ་ཡིན། །གཞན་གྱི་ལོག་སྒྲུབ་བཟོད་པའི་སྙིང་སྟོབས་དང་། །ཆོས་ཕྱིར་དཀའ་སྤྱད་བཟོད་པའི་དམ་བཅའ་ལ། །དང་པོའི་ལས་ཅན་བརྟུན་པ་མ་བསྐྱེད་ན། །ཟབ་མོའི་དོན་ལ་མི་མཇེད་ཇི་ལྟར་སྐྱེ། །དེ་ཕྱིར་གནོད་པ་ཇི་ཙམ་འཕེལ་དེ་སྲིད། །གནད་བྱའི་རྒྱུ་འབྲས་རང་ལས་བྱུང་བའི་མཚང་། །ལེགས་པར་བརྟགས་ཤིང་དཔྱད་ནས་བཟོད་པའི་ཁེ། །ཇི་ཙམ་ཐོ་བ་བདེ་ལ་དགའ་བ་བསྒོམ། །འདུ་འཛིའི་གདོན་དང་སྡིག་པའི་བཤེས་གཉེན་དང་། །བྱིས་པའི་གྲོགས་དང་འགྲོག་པའི་ཉེས་སྤྱོད་འདིས། །ཚུལ་ཁྲིམས་འཆལ་ཞིང་དམ་བཅའ་མང་པོ་འཇིག །ཆོས་ཚུལ་རང་ཉམས་སྐྱེ་བོས་སྨད་པའི་ཕྱིར། །བསྒྲིམས་ཏེ་རྨ་ཡི་བག་ཟོན་བྱེད་པ་ལྟར། །རང་གིས་རང་ལ་ངོ་ཚའི་ཁུར་བཀལ་ཞིང་། །བཀྱལ་དང་འཕྱར་ཀའི་ཚིག་ལའང་འཇིགས་བཞིན་པས། །བག་ཡོད་བསྲུང་བ་འདི་ལ་གོམས་པར་མཛོད། །དབེན་པར་གནས་ཀྱང་གཉིད་དང་སྙོམ་ལས་ཀྱིས། །དམ་བཅའ་ཁྲལ་འཇལ་ལ་ཁའི་ཐོ་ཡོར་བཞིན། །རང་རྫུན་རང་ལ་གཏོང་བའི་ལེ་ལོའི་གདོན། །ཡུད་ཙམ་མིང་ལ་བརྩོན་འགྲུས་མཐུ་ཡིས་བསྲུང་། །འདོད་པ་རྣམས་ནི་ཕུང་ཀྲོལ་ཆེན་པོ་སྟེ། །བུང་བ་ལྟ་བུར་བསགས་པས་རང་ཉིད་དབུལ། །ཡི་དྭགས་གཏེར་མཛོད་བཞིན་དུ་བསྲུངས་པས་ངལ། །གཡོ་སྒྱུས་

(༧༤༥)རབ་ཏུ་སྔལ་བས་རྐུན་པོར་འགྱུར། །མཛའ་དང་འཁོན་ཞིང་ཆེན་པོའི་དཔལ་ལས་ཉམས། །ངོ་ཚའི་གདོང་པ་ཡུད་ལ་ཉམ་ཉེས་པས། །གྲགས་པ་དན་།།།པའི་གཡང་སར་འཁྱམས་གྱུར་དེའི། །རང་བཞིན་ལེགས་པར་བརྟགས་ནས་ཆོག་ཤེས་འཆོལ། །དེ་བཞིན་ཁྲོ་བའི་ཉེས་དམིགས་ཚད་མེད་དེ། །བཞིན་རས་མཛེས་པའི་མདངས་ཀྱང་ཉམས་འགྱུར་ལ། །སྙིང་ནས་བརྩེ་བ་དག་ཀྱང་ཕྱི་ཕྱིར་འཕྲོས། །ཚིག་རྩུབ་ཚེར་མ་རྣོན་པོས་དགྲ་བོ་འགུགས། །ཕན་ཚུན་འཆིང་ཞིང་བརྡེག་པའི་སྒྱུ་ཐབས་འདིས། །རྒྱལ་པོའི་སྲེད་ཀྱང་མོད་ལ་བརླག་ནུས་ན། །བལྟར་མི་མངོན་པ་དགེ་བའི་ལྗོན་ཤིང་ནི། །ཡུད་ལ་བསླེག་འགྱུར་མེ་ཚོགས་དེ་ལས་བྱོལ། །གང་ལ་ཆགས་པ་ཙམ་གྱིས་ཐར་པའི་སྲོག །རབ་ཏུ་འཕྲོག་པར་བྱེད་པའི་ཁྱིམ་ཐབ་དང་། །ཆགས་སྡང་འཕེལ་བའི་སྡེ་དགོན་ཡུལ་གཞིས་ནོར། །ཕ་མ་ཉེ་འབྲེལ་ལ་ཡང་ཆེས་གདུང་ན། །གང་དང་འགྲོགས་པས་དགེ་བའི་ཚོགས་འགྲིབ་ཅིང་། །ངན་འགྲོའི་ས་བོན་མངོན་དུ་འདུ་བྱེད་པས། །དེ་ལས་དགྲར་གྱུར་གཞན་དུ་ཅི་ཞིག་ཡོད། །གསེར་དང་ཐག་སྒྲོག་འཆིང་བར་མཚུངས་ལ་ལྟོས། །རྟག་ཏུ་སེར་སྣ་འཕེལ་ཞིང་རྩོད་པ་ཅན། །རྐུན་པོ་ལ་སོགས་གཞན་དང་ཐུན་མོང་བའི། །ནོར་ལ་སྙིང་པོ་མེད་པ་མངོན་སུམ་སྟེ། །རང་གིས་བསགས་པ་གཞན་གྱིས་སྤྱོད་མཐོང་ངམ། །འདི་ན་གཏོར་ལ་གོམས་པའི་ཡོན་ཏན་ནི། །ཇི་ཙམ་བཏང་བ་དེ་སྲིད་རང་ཉིད་ཀྱི། །ཕྱི་བཞིན་འབྲང་བས་ནམ་ཡང་ཆུད་མི་ཟ། །ཇི་ཙམ་འདུངས་པ་དེ་སྲིད་བསོད་ནམས་མིན། །དེ་ཕྱིར་འཁོར་བར་འཆིང་ཞིང་གྲོལ་བའི་རྒྱུའི། །བྱེད་པོ་གཞན་ན་ཡོད་པ་མ་ལགས་པས། །སྡིག་པའི་གྲོགས་དང་འདུ་འཛིའི་ཉེས་དམིགས་ལ། །རབ་ཏུ་འཇིགས་པས་དབེན་པའི་གནས་སུ་སོང་། །ནགས་ན་གནས་པའི་གཅན་གཟན་ཁྲོ་བོ་ཡང་། །གང་ཞིག་བྱང་ཆུབ་སེམས་ཀྱི་མཐུ་མཐོང་ནས། །འཇམ་ཞིང་དུལ་བའི་ངང་ཚུལ་ལྷུར་ལེན་ན། །འགྲོ་བ་གཞན་དག་དབུགས་འབྱིན་སྨོས་ཅི་དགོས། །གང་ཕྱིར་བྱང་

(༧༤༦)ཆུབ་སེམས་དཔའི་སྙིང་སྟོབས་དང་། །ཡོན་ཏན་ཕལ་ཡང་ནགས་ཁྲོད་དམ་པར་བརྙེས། །རྟག་ཏུ་ངུ་དང་ནོར་བཟང་སྤྱོད་པ་ལ། །འཇུག་པའི་སྨོན་ལམ་བཟང་པོའི་ས་བོན་བསྡུན། །ཡང་ཡང་རྙེད་དཀའི་དལ་འབྱོར་རིན་ཆེན་ནོ། །ནགས་ཀྱི་གཏམ་འདི་མཐོང་བས་དོན་ཡོད་ཅིང་། །སྲོག་དང་བཅས་པའི་ལུས་འདི་གཡོ་བཞིན་དུ། །ཞི་བའི་གྲོང་ཁྱེར་མཆོག་ལ་གནས་པར་ཤོག་ །ནགས་ཚལ་གྱི་གཏམ་ཨུ་དུམ་ཝཱ་རའི་ཆུན་པོ་ཞེས་བྱ་བ། མཆིམས་པུ་དཔལ་གྱི་ནགས་ཁྲོད་དཔལ་རྒྱལ་བའི་དབང་པོ་དྲི་མེད་འོད་ཟེར་གྱིས་དངོས་གྲུབ་བརྙེས་པའི་ས། མཁའ་འགྲོ་རང་བཞིན་གྱིས་འདུ་བའི་བྲག་རིའི་བ་གམ་ཆེན་པོ་རིང་མོ་ཅན་ཞེས་བྱ་བའི་གནས་སུ། རྫོགས་ཆེན་པ་རང་བྱུང་རྡོ་རྗེ་མཁྱེན་བརྩེའི་འོད་ཟེར་གྱིས། ནགས་ཚལ་དང་ཁ་བའི་རྡུལ་རོ་གཅིག་ཏུ་འདྲེས་པའི་ཁྲོད་དུ་ལེགས་པར་སྦྱར་བ་རྫོགས་སོ། །གཏམ་ཚོགས་ལེའུ་ཞེ་དགུ་པའོ།། །།འདབ་ཆགས་ཀྱི་གཏམ། མི་ཁོམ་པའི་གནས་ལ་སྐྱོ་བ་བསྐུལ་བ་ཞེས་བྱ་བ།། །།བླ་མ་ལ་ཕྱག་འཚལ་ལོ། །ཡུལ་སྣང་བརྡ་རུ་ཤར་བ་ཡི། །ཀློང་ཆེན་ནམ་མཁའི་རྣལ་འབྱོར་བ། །འོག་མིན་དཔལ་གྱི་མཆིམས་བུ་ཡི། །ཚངས་པ་ལྷ་ཡི་མེ་ཏོག་ཕུབ། །སྙིང་པོའི་སྒྲུབ་པ་ལྷུར་ལེན་ཚེ། །ཡུལ་སྣང་ཕྲད་པའི་གཏམ་ཞིག་མཆི། །དེ་ཡང་འདི་ལྟ་སྟེ་དུས་དེའི་ཚེ་བྱ་དབང་དང་འཇོལ་མོ་ལ་སོགས་པའི་འདབ་ཆགས་བསམ་མེད་ཤིན་ཏུ་རྨོངས་པ་རྣམས། སྙིང་རྗེ་ཆེན་པོའི་རྩལ་གྱིས་རང་དབང་དུ་གྱུར་ནས། འཇིགས་པ་དང་། བག་ཚ་བ་དང་། ཤིན་ཏུ་སྔར་བ་ལ་སོགས་པའི་དོགས་པ་མཐའ་དག་ཡོངས་སུ་བཏང་ནས། །བྱིས་པ་ཆུང་ངུ་མའི་དྲུང་ན་འདུག་པ་བཞིན་ཤིན་ཏུ་བག་ཕེབས་པའི་ཚུལ་དུ་ཟས་ཀྱི་བྱ་བ་ལ་ཡིད་གཏོད། གཏི་མུག་གི་རང་བཞིན་ལ་ཤུགས་ཀྱིས་གོམས་པའི་རྣམ་འགྱུར་འགོག་ཏུ་མེད་པས་མིག་ལ་ལྕིབས་ཀྱིས་འགེབས་ཤིང་བདག་ཉིད་ལ་མེལ་ཚེའི་འདུ་ཤེས་བཞག་ནས་ཉལ་བ་ལ་སོགས་བྱེད་དོ། །རེ་ཞིག་གི་ཚེ་ཆུ་གཏོར་གྱི་རྗེས་ལ་དྲན་རིག་ཀུན་ཏུ་བཟང་པོ་

(༧༤༧)རྣམ་ཀུན་མཆོག་ལྡན་གྱི་སྟོང་ཉིད་ལ་ཆགས་ནས་སྲིད་ཞི་མཉམ་པ་ཉིད་ཀྱི་ངང་དུ་གནས་པ་ན། གཟུགས་མཛེས་པ་དང་། ཚོར་བཅང་བ་དང་། འདུ་ཤེས་གྲུང་བ་དང་། འདུ་བྱེད་སྙོམས་པ་དང་། རྣམ་ཤེས་གསལ་བ་སྟེ་མིང་ཐ་དད་དུ་བཏགས་པའི་བྱ་དཔང་ལྔ་གཏོར་ཟན་ལེན་པ་ལ་འོངས་ནས་སླར་ལོག །དེའི་ནང་ནས་རྣམ་ཤེས་གལ་བ་དེ་ད་དུང་མ་ཕྱིན་པར་མདུན་དྲང་པོར་ལྷགས་ནས་ངེད་ཀྱི་གདོང་ལ་སྒེག་མོ་མེ་ལོང་ལ་ཟུག་ངལ་བཞིན་དུ་ལྟ་ཞིང་། མིག་མ་ལྕིབས་ཀྱིས་འགེབས་པ་དང་སྒྲགས་ཤིན་ཏུ་འདྲིས་ཤིང་ཡིད་གཏོད་པའི་ཚུལ་དུ་ཇ་ཡུན་ཅིག་ཏུ་ཉེ་བར་ཙུག་གེ་བསྡད་སོང་ངོ་། །དེར་རྣམ་འགྱུར་འཇམ་པའི་སེམས་ཅན་དེ་ལ་སྙིང་རྗེ་བཟོད་བླག་མེད་པ་ཞིག་སྐྱེས། བུ་ཆུང་མ་དང་བྲལ་བ་བཞིན་དབང་མེད་དུ་མཆི་མ་མི་ཐུབ་པ་ཙམ་དུ་ཤོར་བར། ཁོ་ཡང་ངེད་ཀྱི་གདོང་ལ་ལྟ་ཞིང་མཆི་མ་བཀུ་བསྙམ་བྱེད་དོ། །དེར་རང་ཉིད་ཀྱང་སྐྱོ་ཤས་ཤིན་ཏུ་ཆེ་བ་འཕེལ་ནས་འདི་སྐད་ཅེས་སྨྲས་སོ། །ཀྱེ་ཧོ། ཁྱོད་ལུས་ཅན་གྱི་སེམས་ཅན་སྙིང་རེ་རྗེ། །སྤྱིར་ཁམས་གསུམ་འཁོར་བའི་སེམས་ཅན་ཀུན། །རྒྱུ་མ་རིག་གསུམ་གྱིས་བསྒྲིབས་པའི་ནང་། །རྐྱེན་ཀུན་ཏུ་བརྟགས་པའི་མཚམས་སྦྱོར་ཅན། །སྒོས་དུད་འགྲོའི་རིགས་རྣམས་སྙིང་རེ་རྗེ། །བཀོལ་ཞིང་སྤྱོད་པའི་སྡུག་བསྔལ་དང་། ཁྱད་པར་སྡིག་ཅན་ཤན་པའི་རིགས། །རྔོན་དང་ཉ་པ་བྱ་བ་སོགས། ཁྲེལ་དང་ངོ་ཚའི་གོས་བྲལ་བས། །གསོད་པའི་རྣམ་འགྱུར་མཐོང་ན་ལྟ། །ལྟ་ཅི་ཡིད་ལ་དྲན་པས་ཀྱང་། །རང་དབང་མེད་པར་སྙིང་རྩ་འདར། །མིག་ནས་མཆི་མའི་ཆར་རྒྱུན་བཀུ། ཁྱོད་སྤུ་སྡུག་རྨ་བྱའི་ལང་ཚོ་ཅན། །མགུལ་པ་པད་དཀར་ཆུན་པོས་མཛེས། །མཇུག་སྒོ་ལྔ་ལྡན་འཇའ་རིས་འཁྱིལ། །ཡན་ལག་པདྨའི་རྣལ་མ་འདྲ། །ངག་སྙན་པའི་སྒྲ་གདངས་རྣ་པར་འཇམ། །དེ་ལོན་ཀྱང་བླང་དོར་གནས་ལ་རྨོངས། །གཏམ་གླེང་མོས་བརྗོད་པ་འཕྲོད་པ་མེད། །ཡི་མུག་གི་དུད་འགྲོ་སྙིང་རེ་རྗེ། ཁྱོད་གཟུགས་སྡུག་སྤུ་མདངས་མཚར་ཆེ་ཡང་། ཁོང་གཅན་

(༧༤༨)གཟན་གདུག་པའི་ཁ་ཟས་ཡིན། །ཚེ་དོ་ནུབ་ཙམ་མི་རྟག་ཡ་མ་བརླ། །ལས་རྒྱུ་འབྲས་བཤད་པས་གོ་བ་མེད། །ཆོས་ངེས་དོན་ཉན་པའི་སྐལ་བ་ཆད། །མི་ཁོམ་པའི་སྐྱེ་གནས་ཡི་རེ་མུག །དབྱིངས་རིག་པ་ཀུན་བཟང་བཟོ་མེད་གྲོང་། །ཕྱི་ཡུལ་སྣང་གི་ཞེན་འཛིན་བཀྲག་མེད་ཞིག །གདངས་སྙིང་རྗེར་ཤར་བའི་གསལ་ཆ་ཡིས། ཁྱོད་དུད་འགྲོའི་སེམས་དང་རྣལ་འབྱོར་ངའི། །གནས་ལུགས་ཀྱི་རང་མདངས་གཅིག་ཏུ་བསྲེ། །ངག་གྲག་སྟོང་སྐྱེ་འགག་མེད་པའི་གདངས། །ཐབས་མྱུར་ལམ་ཟབ་མོའི་གཟུངས་སྔགས་དང་། །ཐོས་གྲོལ་གྱི་སྨོན་པས་མཚམས་སྦྱོར་རིམ། །སྤྱིར་འཇིག་རྟེན་གྱི་མི་རྣམས་གདུག་སེམས་ཆེ། །དེས་ཁྱེད་ཅག་གི་སྣང་བ་དོགས་པར་འཆར། །གཏད་མེད་ཡེངས་གྲོལ་གྱི་དགོངས་པའི་ཀློང་། །བྱ་ཁྱོད་ཀྱི་ཀུན་གཞིའི་བག་ཆགས་འདྲེས། །བློ་བག་ཕེབས་སུ་སྡོད་པ་སྙིང་རེ་རྗེ། །སྤྱིར་སེམས་ཅན་ཐམས་ཅད་ཕ་མ་ཡིན། །སྒོས་ཁྱོད་ཀྱང་ང་དང་ལས་འབྲེལ་ཅན། །དེ་འོན་ཀྱང་དྲིན་ལན་གཞལ་ཐབས་མེད། །ཕྲལ་གཏོར་ཟན་ཆུང་ངུའི་སྦྱིན་པ་ཡིས། ཁྱོད་འཁོར་བའི་གྲོང་ལས་དབུགས་མི་ཕྱིན། །གཞི་བདེ་གཤེགས་སྙིང་པོའི་དགོངས་པ་ལ། །ཡུལ་ཐུགས་རྗེས་འདུལ་བའི་མན་ངག་ཡོད། །དེང་གནས་ལུགས་གཞི་མེད་རྩ་བྲལ་ལ། ཁྱོད་བློ་རྩེ་ཐོད་ནས་ལྷོད་དེར་སྡོད། །ཅེས་བརྗོད་ནས་ཁོའི་སེམས་དང་རང་གི་རིག་པ་གཉིས་སུ་མེད་པར་བསྲེས་ཏེ་གནས་ལུགས་གཞི་གྲོལ་གྱི་ངང་དུ་ཡུན་རིང་པོའི་བར་དུ་མཉམ་པར་བཞག་པས། ཁོ་ད་དུང་མིག་མ་ལྕིབས་ཀྱིས་འགེབས་ཤིང་གཡོ་འགུལ་མེད་པར་ཙུག་གེ་བསྡད་ནས་སྙིང་རྗེ་བའི་སྐད་དང་རྣམ་འགྱུར་ཅིར་ཡང་སྟོན་གྱི་ན་འདུག་པས་བྱང་ཆུབ་སེམས་ཀྱི་རྒྱུས་མིག་མཆི་མས་བརླན་ནས་དབུགས་མི་ཐོན་པ་ཙམ་དུ་བརྣངས་ཤིང་སྙིང་ལྷག་པར་རྗེ་བས་འདི་སྙམ་དུ། དུད་འགྲོ་འདི་ལྟ་བུས་ཀྱང་བསམ་པ་དགེ་མི་དགེའི་རང་བཞིན་ཤེས་ནས་དག་པའི་སྣང་བ་སྦྱོང་ཞིང་བློ་གཏོད་པ་འདི་ངོ་མཚར་ཆེ། འདི་ལ་དཔགས་ན་སྨྲ་

(༧༤༩)ཤེས་དོན་གོ་བའི་མི་ཁོམ་པ་རྣམས་སུའི་གདུལ་བྱ་ཡིན། ཀུན་མཁྱེན་ཆེན་པོས། འཆིང་བ་དམ་ལྡན་ཀུན་སྤྱོད་ཤིན་ཏུ་ངན། །འཁོར་བར་མི་སྐྱོ་དད་པ་ཅུང་ཟད་མེད། །མི་དགེ་སྡིག་སྤྱོད་ཆོས་ལ་སེམས་པ་བྲལ། །སྡོམ་དང་དམ་ཚིག་འཆལ་བ་ཞེས་བྱ་སྟེ། །རིས་ཆད་བློ་ཡིས་མི་ཁོམ་རྣམ་པ་བརྒྱད། །ཅེས་པའི་གྲལ་རིགས་ལ་བཞུགས་པ་རྣམས་སྡིག་པའི་ལས་ལ་ནི་བརྟུལ་ཞུགས་ཤིན་ཏུ་མྱུར། མི་ལུས་ཐོབ་ཚད་ལ་ཡ་མཚན་ཆེ་རྒྱུ་མི་འདུག །ད་ནི་འདི་ལྟ་བུའི་དུད་འགྲོ་ལ་དག་པའི་བློ་ཡོད་ཀྱང་གཏམ་གྱིས་བརྗོད་པ་གླེང་དུ་མེད་པས་དམ་པ་ཆོས་ཀྱི་བདེན་པས་ཕན་གདགས་པའི་གོ་སྐབས་མ་རྙེད། དེ་ཡང་འདི་སྐད་དུ། ད་ནི་ཁྱོད་གཞན་ཅི་ཡང་མ་ཤེས་ཀྱང་སླ་ཡི། ཨོཾ་མ་ཎི་པདྨེ་ཧཱུཾ། ཞེས་ལན་གཅིག་བརྗོད་དང་། དེ་ཁོ་ནས་ཁྱོད་རྫོགས་པའི་སངས་རྒྱས་སུ་གྱུར་ཏེ་གཙུག་ཏོར་རོང་དེར་འགྱུར་རོ་ཞེས་སྨྲས་ཀྱང་། ཁོ་ལ་དེ་དེ་བཞིན་དུ་སྨྲ་བའི་ནུས་པ་མི་འདུག་པས་སྙིང་རེ་རྗེ། ཨ་ཙ་མ། སྔར་བོད་མུན་པའི་གླིང་དུ་རྒྱལ་སྲས་རིགས་གསུམ་མགོན་པོའི་སྤྲུལ་པའི་རྒྱལ་བློན་ལོ་པཎ་དང་བཅས་པས་དམ་པའི་ཆོས་བསྒྱུར་བ་ལ་དཀའ་ལས་དེ་ཙམ་ཞིག་བྱས་ཏེ་དེང་སང་ཆོས་དོན་དུ་གཉེར་བ་མི་འདུག་པས་འདི་ལྟ་བུའི་ལུས་རྟེན་ལ་རེ་དུས་ཇི་ལྟར་བྱེད། ད་ནི་སློབ་དཔོན་དབྱིག་གཉེན་གྱིས་དམ་པའི་ཆོས་ཞལ་འདོན་དུ་མཛད་པ་འདབ་ཆགས་ཕུག་རོན་གྱིས་ཐོས་པས་སྐྱེ་བ་འཕོས་ཏེ་སློབ་དཔོན་བློ་གྲོས་བརྟན་པར་གྱུར་བའི་ལོ་རྒྱུས་ཀྱང་ཡོད་ན། ཐབ་མོའི་མན་ངག་མགུར་གྱི་ཚུལ་དུ་འདིའི་རྣ་པར་གདབ་བར་བྱའོ་སྙམ་ནས་དེས་དོན་གྱི་ཚིག་ཟད་མེའི་ལས་འབྲེལ་བཞག་པ་ནི། ཀྱེ་ཁྱོད་འདྲའི་འདབ་ཆགས་སྙིང་རེ་རྗེ། །མི་བདག་གི་ཕ་མ་སྙིང་རེ་རྗེ། །སྒོས་སེམས་ཅན་ཐམས་ཅད་སྙིང་རེ་རྗེ། ཁོང་ཀུན་ཏུ་བཟང་པོ་སྐད་པ་དང་། ཁྱོད་སྲིད་པའི་བློ་ཅན་ཇི་སྙེད་ཀུན། །རིག་མ་རིག་གིས་ཁྱད་པར་བྱས་པ་ལས། །སེམས་ཀུན་གཞིའི་ཁྱད་ལ་རྡུལ་ཙམ་མེད། །འཁོར་འདས་གཉིས་ལག་པའི་ལྟོ་རྒྱབ་འདྲ། །ཨེ་མ་ཧོ་སྲིད་ཞིའི་འགལ་འདུ་ལ། །རྒྱུ་བདག་

(༧༥༠)ཉིད་གཅིག་པའི་མ་རིག་པ། །སེམས་ཅན་ཐམས་ཅད་ཀྱི་འཁྲུལ་གཞི་ཡིན། །རྐྱེན་ཀུན་ཏུ་བརྟགས་པའི་མ་རིག་པ། །གར་མཁན་གྱིས་བྱིས་བློ་འདྲིད་པ་འདྲ། །ལྷན་སྐྱེས་ཀྱི་མ་རིག་གཡོ་འཁྲུལ་པོས། །ད་དུང་མཐའ་མེད་འཁོར་བ་བཟོས། །གཞི་ལུང་མ་བསྟན་གྱི་གྲོང་ཁྱེར་ནས། །གདོད་མའི་མགོན་པོས་ཁྱད་པར་གྱི། །ཆོས་ཉིད་དྲུག་བདག་གིར་མཛད་པའི་མོད། །མིག་འཕྲུལ་བ་ལྟ་བུར་མངོན་སངས་རྒྱས། །དུས་དེང་སང་ཆོས་སྐུའི་རྒྱལ་ས་ཟིན། །སྤྲུལ་པ་བྱེ་བ་ཕྲག་བརྒྱ་འགྱེད། །སྒོམ་ཡུལ་མེད་སྣང་རིག་ཆམ་བརྡལ་འདི། །ཡེ་གདོད་མ་དོན་གྱི་སངས་རྒྱས་ཡིན། །སེམས་མི་འགྱུ་དགུ་འགྱུའི་རྣམ་རྟོག་ལ། །འཁོར་བ་མཐའ་མེད་ཀྱི་རྟེན་འབྲེལ་རྫོགས། །ཆོས་རྫོགས་པ་ཆེན་པོ་རང་བཞག་ལ། །སྤང་གཉེན་དང་གྲུབ་མཐའི་ཞེན་པ་མེད། །བློས་བྱས་ཀྱི་ལྷོ་སྤྲིན་དབྱིངས་སུ་ཡལ། །ཤེས་སྒྲིབ་ཀྱི་མུན་པ་བག་ལ་ཞ། །ལྟར་མེད་ལ་ལྟ་བའི་རྒྱལ་པོར་གྲགས། །ངེད་རྣལ་འབྱོར་གྱི་ལྟ་བའི་སྐལ་བར་བབས། །ལྟའོ་སྙམ་པའི་བློ་ཐག་ཆོད། །ལྟ་རྒྱུ་མེད་ཀྱང་རང་ངོ་གསལ། །དབྱིངས་རྣམ་དག་ནམ་མཁའ་གོ་འབྱེད་ཀློང་། །དངོས་མེད་ཀྱི་རིག་པ་མངོན་སུམ་གདངས། །རྡོ་རྗེ་ལུ་གུ་རྒྱུད་དུ་མཐོང་། །འདི་རྣལ་འབྱོར་སྒོམ་པའི་གྲོགས་སུ་ཤར། །སྒོམ་བློའི་ཤུན་པ་དེ་རུ་དག །སྒོམ་རྒྱུ་ཡེ་ཟད་ངོ་མཚར་ཆེ། །ལས་བྱ་བྱེད་བཟང་ངན་དྲན་རྟོག་ཀུན། །སྲིད་ཞི་དབྱེར་མེད་ཀྱི་མཉམ་རྗེས་འདྲེས། །སྤང་བླང་དང་བྲལ་བ་སྤྱོད་པར་བབས། །སྤྱོད་པའི་ཚུལ་འཆོས་རང་སར་ཞིག །གཏད་སོ་མེད་པ་འདི་ཉམས་རེ་དགའ། །རང་རིག་འདི་ཅེར་ཡན་དུ་གློད་ཙ་ན། །དུས་གསུམ་གྱི་རྣམ་རྟོག་དབྱིངས་སུ་ཞི། །བསམ་གྱིས་མི་ཁྱབ་པའི་དུས་ཤིག་ཤར། །ངེད་རྣལ་འབྱོར་གྱི་འབྲས་བུའི་སྐལ་བར་བབས། །འབྲས་བུའི་ཞེ་འདོད་རྨད་ནས་སྟོངས། །རེ་དོགས་མེད་པ་རྒྱན་དུ་ཆེ། །འཛིན་མེད་ཀྱི་རིག་པ་ཀློང་ཆེན་འདི། །དངོས་པོར་མེད་ལ་ནུས་པ་ཆེ། །ལྟོད་ཀྱིས་གློང་

(༧༥༡)པའི་གནས་སྐབས་ན། །ཕྱི་ཡུལ་གྱི་སྣང་བ་དབང་དུ་འདུ། ཁྱོད་དུད་འགྲོའི་སེམས་ཀྱང་བསྒྱུར་དུ་བཏུབ། །བག་ཆགས་སྲིད་པའི་ཤ་གཟུགས་ཅན། །བར་དོའི་རྣམ་ཤེས་ཀྱང་འདྲེན་པར་ནུས། ཁྱེད་དུར་སེམས་ཅན་གྱི་བྱ་དབང་མ། །མི་ཁོ་བོའི་རིག་པ་བློ་འདས་དང་། །འཁོར་འདས་བཟང་ངན་མེད་པར་བསྲེ། །མཉམ་གཞག་ནམ་མཁའ་ལྟ་བུའི་དང་། །རྗེས་ཐོབ་བསྔོ་སྨོན་གྱི་རྒྱ་ཡིས་འདེབས། །བདག་དང་དབྱེར་མེད་སངས་རྒྱས་ཤོག །ཅེས་སྨྲས་པས་བྱ་དབང་དེ་ཉིད་ཤིན་ཏུ་དགའ་བའི་རྣམ་འགྱུར་དང་བཅས་རང་གནས་སུ་སོང་བར་གྱུར་ཀྱང་རིང་པོར་མ་ཐོགས་པར་ཨོ་དཀར་གྱིས་མགྲིན་པ་བཅད་དེ་མི་སྣང་བར་གྱུར་ཏོ། །གང་ཞིག་འཇིག་རྟེན་ན་སངས་རྒྱས་འབྱུང་བ་ལ་མཉེས་པར་མི་བགྱིད་པའི་སྐྱེས་བུ་བླུན་པོ་རྣམས་ལ་འཕྲིན་སྒྲོགས་ཤིག་གུ། གཏམ་ཚོགས་ལེའུ་ལྔ་བཅུ་པའོ། །རི་དྭགས་ཀྱི་གཏམ་ངེས་འབྱུང་གི་ཕོ་ཉ་ཞེས་བྱ་བ།། །།རང་བྱུང་རིག་པའི་ལྷ་ལ་ཕྱག་འཚལ་ལོ། །དེ་ཡང་འདི་ལྟ་སྟེ། བག་ཆགས་སྲིད་པའི་གྲོང་ཁྱེར་ཞེས་བྱ་བའི་ཡུལ་ལྗོངས་ན་རི་དྭགས་ཀྱི་དེད་དཔོན་རིག་པའི་ཟླ་བ་ཞེས་བྱ་བ་ལ་འཁོར་རི་དྭགས་ཀྱི་ཚོགས་ཤིན་ཏུ་མང་པོས་བསྐོར་ནས་ལྗོངས་དཔག་ཏུ་མེད་པར་རྒྱུ་ཞིང་རྩེ་བ་ལས། དུས་རེ་ཞིག་གི་ཚེ་དེད་དཔོན་ཟླ་བས་སྨྲས་པ། ཀྱེ་མ་རི་དྭགས་ཀྱི་ཚོགས་རྣམས་ཁོ་བོའི་ངག་ལ་ཉོན་དང་། འོ་སྐོལ་རྣམས་ལ་རྩྭ་ཆུ་བཟང་པོ་དོན་དུ་གཉེར་བ་དང་། རྩེ་ཞིང་དགའ་མགུར་སྤྱོད་པ་ཙམ་ལས་གཞན་ལས་ཀྱི་སྙིང་པོ་ཅི་ཡང་མི་གདའ། དེ་ལྟ་ནའང་བུང་བ་རྣམས་བཅུད་ལ་ཧ་ཅང་ཆགས་པས་སྲོག་འདོར་བ་བཞིན་རང་ཅག་རྣམས་ཀྱང་སྤང་ལྗོངས་དང་། ནིའུ་གསིང་གི་བཅུད་ལ་ཆ་གསན་རིགས་ངན་གྱི་རྔོན་པ་ངོ་ཚ་དང་ཁྲེལ་གྱི་གོས་དང་བྲལ་བ་འགའ་ཞིག་དང་ཕྲད་ནས་ཚེ་སྲོག་གློ་བུར་ངུ་འདོར་བའི་ཉེན་ཡོད་པས་རྩ་ཆུའི་འཚོ་བས་བརྟེན་ཐུབ་ཙམ་པའི་རྫ་ཁྲོད་དབེན་པར་བྲོས་ཏེ་བཙན་ས་འཛིན་པར་འཐད་དོ། །ཞེས་སྨྲས་པ་ན། དེའི་ཁྲོད་ན་རི་དྭགས་འདོད་པའི་ཁྱུ་མཆོག་ཅེས་བྱ་བ་སྒྱུ་

(༧༥༢)རྩལ་དང་མིག་འཕྲུལ་ལ་ཆགས་པ་ཞིག་ཡོད་པ་དེས་འདི་སྐད་དུ། ཀྱེ་ཧོ། རི་དྭགས་ཀྱི་དེད་དཔོན་ཆེན་པོ་ཚུར་གསོན་དང་། འཁོར་བ་སྡུག་བསྔལ་གྱི་རྒྱ་མཚོ་ཆེན་པོ་ན། །ལྟོ་འགྲངས་གོས་ཕྱིད་ཀྱི་འཚོ་བ་ཙམ་ཞིག་ལ། །བདག་ཅག་རི་དྭགས་ལས་སྐྱིད་ཟོས་བདེ་བ་མེད། །རྡོན་།།།པ་བྱུང་ནའང་འདྲོས་པའི་བང་ནི་ཡོད། །བྲག་མཐའ་ཆེན་པོ་ལ་གབ་པའི་སྐྱིབས་ནི་ཡོད། །མེལ་ཚེ་བྱེད་པ་ལ་རླུང་གི་རྫི་ནི་ཡོད། །རིང་པོར་བལྟ་བ་ལ་དབང་པོའི་མིག་ནི་ཡོད། །ཉེ་བར་ཉན་པ་ལ་རྣ་བའི་བུ་ག་ཡོད། །རྫ་རི་མཐོན་པོ་ལ་སྐྱིད་པའི་གོ་སྐབས་མེད། ཁུ་རླངས་ན་བུན་གྱིས་དབྱར་ནི་རྨུགས་ཤིང་འཐིབས། ཁ་རླུང་མི་བཟད་པས་དགུན་ནི་གང་ཞིང་བསིལ། །སྐྱི་སེར་རླུང་པོ་ཡི་རེག་བྱ་ལྕགས་ལས་དར། །རྩྭ་ཆུ་བཟང་པོ་དང་རྒྱུ་རྐྱེན་འཛོམ་པ་དཀའ། །དེ་འདྲའི་གནས་ངན་ལ་ཐུགས་རྩེ་མ་གཏོད་བར། །ཤེལ་ཕྱི་རི་བོ་ལ་མར་གང་བྱུགས་པ་ལྟའི། །སྤང་ལྗོངས་བཟང་པོ་ལ་རང་གིང་བྱེད་བཞིན་དུ། །དགའ་མགུར་སྤྱོད་པ་ཙམ་འདོད་ལྷའི་གནས་ནའང་མེད། །གར་སྐྱིད་ཕ་ཡུལ་ལ་སྐུ་ཚེ་བསྐྱེལ་བ་འཐད། །གྲོས་བཟང་བློ་ན་ཁ་ལ་ཉན་ན་ཇུས་ཀྱི་རྩེ། །ཞེས་ཟེར་རོ། །དེར་དེད་དཔོན་རིག་པའི་ཟླ་བས་ཅུང་ཞིག་བསམས་ནས་འདི་སྐད་ཟེར་རོ། །ཨེ་མ་ཨེ་མ་འདོད་པའི་ཁྱུ་མཆོག་ཉོན། ཁེ་ཆེན་འོག་ན་གྱོང་ཆེན་སྤས་ནས་ཡོད། །དུག་སྤྲུལ་མགོ་ལ་ཡིད་བཞིན་ནོར་བུ་མཆིས། །བདེ་བའི་མཛོད་ན་སྡུག་བསྔལ་མུན་པ་གནག །ཉི་ཟླའི་མདུན་ན་སྒྲ་གཅན་མིག་རྩ་གྲུང་། །རྒྱལ་པོའི་མགུལ་ན་མཚོན་ཆའི་འཁོར་ལོ་གཉན། །བདག་ཅག་རྣམས་ལ་ཁྱི་དང་རྔོན་།།།པ་སྡང་། །ད་ལྟ་བྲོས་ན་རང་ལ་དབང་ཡོད་དེ། །ནམ་ཞིག་འབྲོས་ཚེ་ཐར་པ་སྲིད་མཐའ་ཙམ། །གྲོས་ཁུང་དཔོན་ལ་བཅོལ་ན་མདུན་མ་བཟང་། །ད་རེས་ཁོ་བོའི་དག་ལ་ཉན་པ་འཐད། །ཅེས་སྨྲས་པས་འདོད་པའི་ཁྱུ་མཆོག་ཁྲོས་ཏེ་འདི་སྐད་ཅེས་སྨྲས་སོ། །ཧེ་ཧེ། བསོད་ནམས་དབང་གིས་དཔོན་དུ་ཁྱོད་བསྐོས་ཀྱང་། །བྱ་བའི་

(༧༥༣)ལས་ལ་འདོད་པའི་ཁྱུ་མཆོག་མཁས། །ཕྲལ་གྱི་བདེ་སྐྱིད་འཚོ་ཐབས་མི་ཤེས་པའི། །གྲོས་ངན་འདོན་པ་བདེ་སྐྱིད་འཇོམས་པའི་དགྲ། །ཤིན་ཏུ་བློ་ཆུང་ཕྱིས་པའི་རྣམ་རྟོག་ལ། །སྣང་བ་ཐམས་ཅད་དགྲ་དང་དོགས་པར་འཆར། །དེ་འདྲའི་བློ་ཕུགས་དུང་བའི་གཤོག་རླབས་དངོས། །གང་ནའང་མེད་པའི་ཉེན་གྱི་རྣམ་གྲང་གོ །འཁོས་ཆུང་གྲོས་དང་བྱེ་མའི་ཆངས་པ་འདྲ། །དེ་ལ་ཉན་ན་རི་དྭགས་སྡེ་ཚོགས་འཕུང་། ཁྱེད་རང་འབྲོས་ན་རྫ་རི་མཐོན་པོར་བྲོས། །རི་དྭགས་དེད་དཔོན་ཁོ་བོས་བྱས་པས་ཆོག །ཅེས་ཚིག་ཟུང་བསྐྱུར་བས། རིག་པའི་ཟླ་བ་སྙིང་རྗེ་བཟོད་བླག་མེད་པ་སྐྱེས་ཤིང་ཡི་མུག་པའི་སེམས་ཀྱིས་འདི་སྐད་ཅེས་ཟེར་རོ། །ཀྱེ་མ་ཀྱི་ཧུད་འཁོར་བའི་རྒྱ་མཚོ་ན། །ངོ་མཚར་ཅན་གྱི་ལྟད་མོ་ཅིར་ཡང་སྣང་། །ལྟད་མོ་མཐོང་ན་དགའ་སྟེ་སྙིང་རླུང་ལྡང་། །ངན་པའི་གཏམ་ལན་གཞལ་ན་ཡི་མུག་སྐྱེ། །རྒྱབ་ན་རི་བོ་བུབ་པར་མི་མངོན་པར། །མདུན་གྱི་ཡུར་བའི་ཆུ་ལ་རགས་རྒྱབ་མཁན། ཁྱོད་འདྲའི་སེམས་ཅན་མང་པོས་ས་སྟེང་གང་། ཁོ་བོས་ཕན་པར་སྨས་ཀྱང་ལོག་པར་གོ །ལས་ཀྱིས་འདས་པའི་སེམས་ཅན་སྙིང་རེ་རྗེ། །ནམ་ཞིག་ཤིན་ཏུ་འགྱོད་པའི་དུས་ཤིག་འོང་། །རང་ལ་ཡིད་ཆད་གདུང་ལས་བྱ་ཐབས་བྲལ། །དེད་དཔོན་རྨི་ལམ་ལ་གནས་རིང་ཞིག་ཐལ། །ཚོད་ཡོད་རི་དྭགས་ཡོད་ན་ད་ཕྱིར་ཤོག །རང་རྩིས་ང་རྒྱལ་ཅན་ཚོ་འདི་རུ་བཞུགས། །དོགས་པས་ཤི་བར་གྱུར་ཀྱང་རང་ཤི་ཡིན། །རེ་བས་བསླུས་པ་མང་ཕྱིར་གཞན་གྱིས་གསོད། །ང་ནི་དུད་འགྲོའི་ལུས་ལ་བྱང་ཆུབ་སེམས། །བདག་པས་གཞན་གཅེས་སེམས་བསྐྱེད་བསྒོམ་དུ་འགྲོ། །དྲང་པོར་བསླབས་ལ་ལོག་པར་མཐོང་བ་ཡིས། །ལ་ཡོགས་སྒུག་པའི་དུད་འགྲོའི་ཁྱུ་ཆེན་རྣམས། །ཕྱི་མ་ང་ཡི་གདུལ་བྱར་སྐྱེ་བར་ཤོག །ཅེས་ཟེར་ཞིང་མཆི་མཁྲམ་གྱིས་བྱང་ནས་རྫ་རི་མཐོན་པོ་ཞིག་གི་རྩེར་རྣ་བཀྲོད་དེར་ལང་སོང་ངོ་། །རི་དྭགས་ཀྱི་གཏམ་དེས་འབྱུང་གི་ཕོ་ཉ་ཞེས་བྱ་བ་ལས། དགེ་བའི་བཤེས་གཉེན་གྱིས་

(༧༥༤)འཁོར་བ་ལ་སྐྱོ་བར་བརྡས་བསྐུལ་བའི་ལེའུ་སྟེ་དང་པོའོ།། །།དེ་ནས་རི་དྭགས་ཀྱི་གཙོ་བོ་འདོད་པའི་ཁྱུ་མཆོག་གིས་བགྱེས་ཏེ་རི་དྭགས་ཐམས་ཅད་ཁོའི་རྗེས་ལ་འབྲེང་བཞིན་པར་སྤང་ལྗོངས་གཡུའི་མཎྜལ་བཀོད་པ་འདྲ་བའི་རྡོས་ཡངས་པར་རྒྱུ་བཞིན་པར་འདོད་པའི་རོལ་རྩེ་ཞིང་དགའ་མགུར་སྤྱོད་པའི་ཚེ། དམྱལ་བ་མནར་མེད་པའི་གྲོང་ཁྱེར་ཆེན་པོར་ནི་འདུན་ཁང་བརྩིགས། དེར་བགྲོད་པ་ལ་ཤིན་ཏུ་རིངས་ཀྱང་ལས་ཀྱི་ལྷག་མ་ཅུང་ཟད་ཀྱིས་བཤོལ་བཏབ་པའི་རྡོན་པ་རྒན་པོ། སྐྱེ་བ་མང་པོ་ལ་ཁྲ་སྦྱང་གི་སྲིད་པ་རྒྱུད་མར་བཟུང་བའི་བག་ཆགས་བརྟས་པ་ལས། བསོད་ནམས་མ་ཡིན་པའི་བྱ་བ་ལ་ཤིན་ཏུ་དཔལ་ཞིང་འཆིང་བ་རྣམ་པ་ལྔའི་སྐ་རགས་ཀྱིས་དམ་དུ་བཅིངས་པ་ཞིག་ཡོད་པ་དེ་གཉིད་དུ་སོང་བའི་རྨི་ལམ་ན། སྤངས་ལྗོངས་གསེར་གྱི་བྱེ་མ་བརྔལ་བ་འདྲ་བ་ལ། རི་དྭགས་དཔག་ཏུ་མེད་པ་རྩེ་ཞིང་དགའ་མགུར་སྤྱོད་པའི་དབུས་སུ་རྡོན་པ་རང་ཉིད་སྡུག་བསྔལ་གསུམ་གྱི་གླུ་ལ་སྦྱར་བའི་གླིང་བུ་འབུད་ཀྱི་ན་འདུག་ལ། རི་དྭགས་རྣམས་གླིང་པུའི་སྒྲ་དེ་ཉན་དུ་ལྷགས་ནས་ཇི་ཉེར་སོང་བ་ཞིག་རྨིས་སོ། །དེར་ཁོ་གཉིད་ལས་སད་པའི་ཤེས་པ་སྐད་ཅིག་མར་ད་ཅིའི་རྨི་ལམ་དྲན་ནས། འཁོར་བའི་ས་བོན་བློ་མང་གྱ་རྒྱུའི་འདུ་ཤེས་གྲུང་པོས་ཉོན་མོངས་པའི་ཡིད་བསྐུལ་ཏེ། མལ་ནས་ན་ལངས། མདའ་གཞུ་ཞགས་པ་ལ་སོགས་པའི་མཚོན་ཆ་སྣ་ཚོགས་སྙ་གོན་དུ་བྱས། རང་དང་ལས་མཐུན་པའི་ཤ་ཁྱི་མི་སྡུག་པའི་གཟུགས་བརྙན་དུག་གི་མཆེ་བ་དང་ལྡན་པ་མང་དག་ཞིག་ཁྲིད་ནས་ལྗོངས་རྒྱུ་བཞིན་པར་ཡུད་པའི་ཕུན་ཡར་སོང་བ་ལས། རྨི་ལམ་གྱི་བཀོད་པ་ཇི་ལྟ་བ་བཞིན་སྤང་གཤོངས་གསེར་གྱི་བྱེ་མ་བརྡལ་བ་འདྲ་བ་ལ་རི་དྭགས་སྡུག་དགུ་མང་པོ་གྱ་གྱུར་རྩེ་ཞིང་བག་ཕེབས་པའི་ཚུལ་གྱིས་འདུག་པ་མཐོང་ངོ་། །དེར་ཁོས་ཤ་ཁྱི་དང་ལག་ཆ་རྣམས་རི་སུལ་དུ་སྦས། །ཕྱུགས་རྫི་རྒན་པོ་ཕྱུགས་སྟོར་བ་འཚོལ་དུ་ཕྱིན་པ་ལས། མ་རྙེད་པར་འཁྱགས་ལྟོགས་སྒོམ་གསུམ་འཛོམ་པའི་རྣམ་

(༧༥༥)འགྱུར་ཅན་ཞིག་ཏུ་བརྫུས་ནས་རི་དྭགས་རྣམས་དང་ཇེ་ཉེར་སོང་བ་ན། རི་དྭགས་ཀྱི་གཙོ་བོ་འདོད་པའི་ཁྱུ་མཆོག་གིས་མཐོང་ནས་སྨས་པ། ཀྱེ་མ་རི་དྭགས་ཀྱི་ཚོགས་རྣམས་སྙན་གསོན་ཅིག །ཐོ་ཡོར་གཟུགས་ལ་གོམ་པའི་འདེགས་འཇོག་ཅན། །མི་མིན་འདྲེ་མིན་ཐེ་ཚོམ་ཅན་གྱི་གཟུགས། །འདིའི་དྲ་མཐོང་བས་ཁ་བོའི་སེམས་མ་དགའ། །འོན་ཏེ་རྔོན་པ་ཡིན་པར་མི་སྲིད་དེ། །རྔོན་།།།པ་ཡིན་ན་གནམ་རུའི་བ་དན་དང་། །ཉག་ཕྲན་མདའ་ཡི་དོར་ཆུང་ཁྲ་བོ་དང་། །སྲོག་གཤེད་ཤ་ཡི་རྩེ་སྦྱང་ཨ་ལུང་གཟུགས། །རོལ་དུ་ཁྲིད་མཆི་གང་ཡང་མི་འདུག་པས། །རང་ཅག་སྔོན་མོའི་ཆུ་ལ་འཐུང་དུ་འགྲོ། །ཞེས་རི་དྭགས་ཟླ་བོ་རྣམས་ཁྲིད་དེ་ཆུ་རོང་ཞིག་ཏུ་སོང་ངོ་། །དེར་རྔོན་བདེས་རི་སུལ་དུ་བསྐུངས་རའི་ཤ་ཁྱི་རྣམས་ཁྲིད། ལག་ཆ་རྣམས་ཁྱེར་ནས་བྲག་གསེབ་ཅིག་ཏུ་འབྱར་ཏེ་བླིང་བུ་འབུད་ཀྱིན་བསྡད་ཙ་ན། །འདོད་པའི་ཁྱུ་མཆོག་གླིང་བུའི་སྒྲ་ལ་ཡིད་ཆགས་ནས་འདི་སྐད་དུ། ཨེ་མ། ཚོར་བ་བདེ་སྡུག་བྱེད་པོ་ཡུལ་གྱིས་བྱས། །དེ་རིང་སྔན་ཆད་མ་གོའི་སྒྲ་ཞིག་ཐོས། །འདི་ནི་གཟུགས་ཅན་མི་ཡིས་མ་ཡིན་ཏེ། །ནམ་མཁའི་དབྱིངས་ནས་དྲི་ཟའི་བུ་མོའམ། །ཡང་ན་ས་ཡི་ལྷ་མོས་བྱས་པར་མཆི། །འདི་འདྲའི་སྒྲ་སྐད་རྣ་བའི་བཅུད་དུ་སྙན། །རང་ཅག་རྣམས་ཀྱིས་ཕྱིན་ཆད་ཐོས་པར་དཀའ། །བློ་ལྡན་རི་དྭགས་ཐམས་ཅད་ང་ཕྱིར་ཤོབ། །ཅེས་སྨྲས་ཏེ་རི་དྭགས་རྣམས་ཁྲིད་ནས་གླིང་བུའི་སྒྲ་ལ་སྙོགས་པ་ན། ཡིད་ལ་མེད་པ་ཞིག་ལ་བྲག་གསེབ་ནས་ཤ་ཁྱི་ཤིན་ཏུ་མ་རུངས་པ་མགྱོགས་པ་ལ་ནམ་མཁའི་བྱ་ལྟ་བུ། འཁྱུག་པ་ལ་ཆུ་བོའི་ཉ་ལྟ་བུ། ཞེ་སྡང་མི་བཟད་པའི་མཆེ་བ་གཙིགས་ཤིང་། གཤིན་རྗེའི་ལས་མཁན་མངོན་སུམ་པ་མཐོང་བ་ཙམ་གྱིས་སྙིང་ཤུབས་ནས་འཐེན་ནུས་པ་བཅུ་གཉིས་རྟེན་འབྲེལ་བཅུ་གཉིས། དོན་ནས་རི་དྭགས་རྣམས་འདས་པ་ལས། ཧ་ཅང་ཚོར་བའི་ཡུལ་ལ་ཞེན་ཆེས་པའི་གཙོ་བོ་འདོད་པའི་ཁྱུ་མཆོག་ལས་ཀྱི་དབང་གིས་ཁྱུ་ནས་ཡར་ཏེ་ལ་རོང་ལུང་རོང་རྣམ་པ་བའི། སྐྱེ་རྒས་ན་འཆི། བཅད་ནས་དབུགས་ཀྱི་

(༧༥༦)རྒྱུ་བ་ཆད་འཁད་པ་གསུམ་གྱི་བར་དུ་གཏུགས་པ་ལས། ཅི་ཞིག་ན་བྲག་མཐའ་ཆེན་པོ་གཅོང་རོང་གི་ཟབས་བྱས་མི་འཁྱུད་པ་ཞིག་ཏུ་བཀར་ནས། ཤ་ཁྱི་རྣམས་ཀྱིས་བསྐོར་ཏེ་ཐུག་པ་དང་། མཆེ་བ་གཉེར་བ་བྱེད་དོ། །དེའི་ཚེ་རི་དྭགས་དེ་འདི་སྙམ་དུ་ཀྱི་ཧུད་བདག་གིས་རི་དྭགས་ཀྱི་དེད་དཔོན་ཆེན་པོ་རིག་པའི་ཟླ་བ་ལ་མཉན་པས་འདི་ལྟ་བུའི་སྡུག་ སྡུག་བསྔལ་གྱི་སྡུག་བསྔལ། འགྱུར་བའི་སྡུག་བསྔལ། ཁྱད་པར་དུ་བྱེད་ཀྱི་སྡུག་བསྔལ། བསྔལ་དང་འཇིགས་སྐྲག་མི་བཟད་པ་མངོན་སུམ་དུ་མྱོང་། ང་ནི་ཁྱི་འདིའི་རྗེས་ལ་མི་ལུས་གཤིན་རྗེའི་མགོ་ཅན་དམྱལ་བའི་གཏིང་རྔོ་ནག་པོ་དེ་ངེས་པར་སླེབ་ཡོད་པས་ངའི་ཚེ་ནམ་མཁའི་གློག་ལས་ཀྱང་མི་རྟག་པ་ཉིད་དུ་གྱུར་ཟིན་སྙམ་ནས་མཆི་མཁྲམས་ཁྲམ། སུག་པོ་ཐབས་ཐབ། སྐྱི་བུངས་བུང་། དབུགས་ལྷེད་ལྷེད། འདར་ཧྲིལ་ལི་ལི་བྱེད་ཀྱིན་འདུག་པའི་ཚེ། བདུད་སྡིག་ཅན་རྔོན་པའི་ཆ་བྱད་ཅན་ཤིན་ཏུ་མ་རུངས་པ་དེས་ཞགས་པ་གཅིག་ཕྲག་ལ་གཟེར། མདའ་གཞུ་ཞིག་ལག་པར་ཁྱར་ཏེ་ཁྲོང་གིས་བྱུང་ནས་བཞིན་གཉེར་བ་དང་སྦྲགས་ཞེ་སྡང་མི་བཟད་པའི་སྡང་མིག་ལྟ་བ་ལ། ཤིན་ཏུ་ཉམ་ཐག་ལ་སྙིང་རྗེ་བའི་རི་དྭགས་དེ་སྲོག་གི་འཇིགས་པས་སྐྲག་སྟེ་རྔོན་པ་ལ་ཕྱག་འཚལ་བའི་སྟངས་ཀ་དང་བཅས་མཆི་མའི་དབང་པོར་འཁྲུགས་བཞིན་དུ་སྐང་ཐོན་ཚད་ཀྱི་ངང་ནས་འདི་སྐད་ཅེས་ཞུ་གསོལ་བྱེད་པ་མཐོང་ངོ་། །ཀྱེ་མ་ཀྱེ་ཧུད་ང་རེ་འཇིགས། །དྲང་པོར་བསླབས་པའི་དེད་དཔོན་ལ། །ལོག་པར་མཐོང་བའི་བསམ་བརླག་པོ། །འདོད་པའི་ཁྱུ་མཆོག་ང་ལས་སུ། ཁྱེད་དང་པོར་རྫི་བོའི་རྣམ་འགྱུར་ཅན། །བར་དུ་གླིང་བུའི་སྒྲ་སྐད་ཅན། །ད་ལྟ་གཤིན་རྗེའི་ལས་མཁན་པ། །མཐོང་བས་འདུ་ཤེས་བྱུང་ཚོར་འགགས། །འཇིགས་པ་ལ་བསམས་ན་དྲན་པ་འཐོར། །བ་སྤུའི་བུ་ག་རེ་རེ་ནས། །རྡུལ་ཆུ་ཡང་ཁྲག་དང་རྣག་ཆུ་འཛག །ཤ་ཁྱིའི་ལུས་ལ་སྤྱང་ཀིའི་ཁ། །གཅིག་ཉལ་གཅིག་ལངས་ཀྱིས་བདས་ཙ་ན། །དབུགས་ཆད་ལ་ཁད་པ་ལན་གསུམ་བྱུང་། །ང་འབྲོས་བཞིན་འབྲོས་བཞིན་ཤི་སོང་སྙམ། །རྨིག་པ་བྲག་རིའི་གསེབ་

(༧༥༧)ལ་འཐོར། །ང་ལངས་ཀྱིན་ལངས་ཀྱིན་བསད་སོང་སྙམ། །རུས་ཚིགས་ཐམས་ཅད་འཆུས་ཤིང་བྲལ། །ང་གསོན་པོར་རྗེན་ཟས་བགྱིས་སོང་སྙམ། །དུས་དེ་རིང་གི་ཉི་མ་ཤར་བ་ལས། །འཇིགས་སྐྲག་དང་ཧས་པ་ཡོང་མ་མྱོང་། །ད་གསོན་པའི་རེ་བ་མ་མཆིས་ཏེ། །མདའ་མཚོན་གྱི་དུཁས་མ་མནར་བར། །རང་བབས་སུ་འཆི་ཟས་བདེ་རུ་ཆུག །ཤི་ཕྲལ་དུ་ཤ་ཁྲག་སྒྱུ་མའི་ལུས། ཁྱེད་རང་ལ་དབང་བས་ཅི་དགར་མཛོད། །ཅེས་ཟེར་ཞིང་སྡང་བའི་དགྲས་མཐོང་ཡང་སྙིང་རྗེ་བཞིག་འདུག་བདེ་བྲག་གསེབ་དེའི་དྲང་སྲོང་ཆེན་པོ་མཐོང་ན་དགའ་ཞེས་བྱ་བ་དེས་ཚོར་ནས་སྲོག་སྐྱོབ་པའི་ཕྱིར་འདི་སྐད་ཅེས་སྨྲའོ། །ཀྱེ་མ། གདེལ་པའི་ལུས་ལ་ཤན་པའི་སེམས། ཁྲེལ་དང་ངོ་ཚའི་གོས་དང་བྲལ། །ལས་དང་རྒྱུ་འབྲས་མི་སེམས་པར། །ལྷོ་འགྲངས་འབའ་ཞིག་དོན་གཉེར་ཞིང་། །མནར་མེད་དམྱལ་བའི་གྲོང་ཁྱེར་ལ། །དོ་ཆད་རྒྱག་པའི་ལས་ངན་ཁྱོད། །དར་ཅིག་དྲང་སྲོང་ངག་ལ་ཉོན། །འཁོར་བ་སྡུག་བསྔལ་རྒྱ་མཚོ་ལ། །གནས་པའི་སེམས་ཅན་མ་ལུས་ཀུན། །ཕ་མ་བུ་ཚ་རེ་མོས་ཡིན། །ཚེ་འདིའི་ཕ་མ་སྤུན་གྲོགས་ལ། །བརྩེ་དུང་ཞེན་པས་བཅིངས་བཞིན་དུ། །སྐྱེ་བ་སྔོན་མའི་ཕ་མ་རྣམས། །དེང་སང་དུད་འགྲོ་ཟེར་བའི་ལུས། །མགོ་དང་སུག་པར་རྭ་ཅོ་ཅན། །སྨ་བ་མི་ཤེས་དོན་མི་གོ །སྤང་བླང་བྱ་བའི་རང་བཞིན་ལ། །ཤིན་ཏུ་རྨོངས་པའི་ངང་ཚུལ་ཅན། །འདི་འདྲའི་གཟུགས་སུ་འཕོས་པ་དེ། ཁྱོད་ཀྱིས་མགོ་མ་རིག་པས། ཁྲེལ་མེད་འདི་འདྲའི་སྤྱོད་པ་བྱེད། ཁྱད་པར་ད་ལྟའི་སེམས་ཅན་འདི། ཁྱོད་ཀྱི་ལུས་འདི་སྐྱེད་པའི་མ། །ཚེ་འཕོས་རི་དྭགས་ལུས་སུ་བླངས། །དེ་ཕྱིར་མ་ཤ་བུས་ཟ་བ། །དེ་ལས་ངོ་ཚ་ཆུང་བ་མེད། །དེ་ལས་ཁོང་སྙིང་གྲང་བ་མེད། ཁྱོད་ལ་མནར་མེད་དམྱལ་བ་ཡི། །སྡུག་བསྔལ་བྱུང་ན་ཅི་ཆུགས་བྱེད། །དེ་ཕྱིར་དྲང་སྲོང་དག་ལ་ཉོན། །མ་འདི་གོམ་གསུམ་འབྲོས་སུ་ཆུག །མ་འདི་གོམ་གསུམ་འཕག་ཏུ་ཆུག །འདི་ཡི་ཚབ་ཏུ་བདག་གི་ལུས། ཁྱོད་ལ་ཕངས་པ་མེད་པ་སྟེར། །ཤ་ཁྲག་རུས་

(༧༥༨)པ་ཅི་དགར་མཛོད། །ཅེས་སྨྲས་པས་རྔོན་པ་ཁྲོས་ཏེ་འདི་སྐད་ཅེས་ཟེར་རོ། །ཡུལ་མ་ཟིན་པ་ཁ་བཤད་མཁས། །ལྟོ་མ་ཕྱིད་པ་སྐྱིད་ཟོས་མཁས། །ལས་མ་ནུས་པ་བྱ་བཏང་མཁས། །འདུག་སས་ཕོངས་ནས་བྲག་ལ་ཡིབས། །འགྲོ་སས་ཕོངས་ནས་ལུང་སྟོངས་འཚོལ། ཁྱོད་འདྲས་བདག་ལ་དེ་འདྲའི་གཏམ། །སྨྲ་བའི་ཁ་ན་ཡོད་མ་ཡིན། །ལས་འབྲས་ཟེར་བ་ཁ་གཏམ་ཡིན། །དེ་ལ་བརྩི་བ་སུ་ཞིག་ཡོད། །གསོད་པ་རྔོན་པ་ངས་གསོད་ཀྱང་། །ཟ་བ་དགེ་སྦྱོང་རྣམས་ཀྱིས་ཟ། །ཟ་དང་གསོད་པའི་སྡིག་པ་ལ། ཁྱད་པར་ཡོད་ན་གད་མོ་བྲོ། ཁྱེད་ཅག་ཁྱིམ་པའི་རྟགས་སྤངས་ཤིང་། །དམར་སེར་གོས་ཀྱིས་གདོང་གཡོགས་ཀུན། །ཤན་པ་སྲོག་ལས་བྱེད་ས་དང་། ཁྱིམ་པ་མདུན་གྲོས་བསྡུར་ས་དང་། །བྲེ་ལོག་སྲང་ལོག་འཛུགས་ས་དང་། །གདུག་འདྲེ་ར་མགོ་བསྲེག་ས་ཚུན། །སླེབས་ལ་ལས་འབྲལ་མེད་ལགས་སམ། །ད་ནངས་སྐྱ་རེངས་ཤར་ཤར་ནས། །ད་ལྟ་ཉི་མ་རྒས་རྒས་ཚུན། །དང་ཁར་ལྟོ་ལས་ཆུ་མ་མྱོང་། །ལྟོགས་ཀྱང་མི་ཤ་ངས་མི་ཟ། །སྙིང་ལ་མདའ་མོ་མ་གཟེར་གོང་། །རང་གི་གནས་སུ་ཕྱིན་ན་དྲང་། །ཅེས་ཁྲོ་གཏུམ་གྱིས་སྨྲས་ནས་མདའ་གཞུ་མེར་གྱིས་བཀང་བྱུང་བ་ན། དྲང་སྲོང་གིས་སྨྲས་པ། རྔོན་པ་དྲག་ཤུལ་ཆེ་ན་ཡང་། །དྲང་སྲོང་སྲོག་ལ་ཕངས་པ་མེད། ཁྱོད་ཀྱིས་སྔོན་ལ་མ་བསད་ན། །གཞན་གྱིས་གསོན་པོར་ག་ལ་ཟ། །ཚུལ་མིན་སྤྱོད་པའི་དགེ་སྦྱོང་དང་། །འདུལ་ཁྲིམས་སྲུང་བའི་ཉན་ཐོས་ཀྱི། །ཉིས་བརྒྱ་ལྔ་བཅུའི་ཁྲིམས་རྩ་ལ། །ལས་ཀྱིས་བདའ་འདེད་འཕྱུགས་པ་མེད། །མ་གི་དམྱལ་ཁམས་བཅོ་བརྒྱད་ནས། །ཡ་གི་སྲིད་རྩེའི་ལས་སྣང་ཀུན། །ལས་དང་ལས་ཀྱི་འབྲས་བུ་ཡིན། །དེ་ཕྱིར་དེ་འདྲའི་ཡིན་ལུགས་ལ། ཁྱོད་ལས་དྲང་སྲོང་ངརང་མཁས། །རྨོངས་པས་ཆོས་སྐད་སྒྲོགས་པ་དེ། །ངན་པའི་ནང་ནས་ཐ་ཤལ་ཡིན། །ད་རེས་ཉམ་ཐག་སྙིང་རྗེའི་ཡུལ། །ཉེས་

(༧༥༩)མེད་རི་དྭགས་འདི་ཀོ་ཡི། །སྲོག་འདི་དྲང་སྲོང་ང་ལ་སློང་། །ང་སྲོག་རྔོན་པ་ཁྱོད་ལ་གཏོད། །ཅེས་རི་དྭགས་ལ་སྙིང་ཤིན་ཏུ་རྗེ་ནས་དྲང་སྲོང་དེས་མཆིམ་ཕྲུལ་གྱིས་བཏོན། རི་དྭགས་ཀྱི་སྲོག་བསྐྱབ་པའི་དོན་དུ་རང་གི་ལུས་ལྟོས་མེད་དུ་བཞག་ནས་རྔོན་པ་ལ་ཕྱག་ཀྱང་འགྱེལ་བ་ལྟ་བུར་བཅོལ་བས་ཀྱང་ཁོའི་སྣང་བ་འགྱུར་དུ་མ་འདོད་པར། དུག་མདའ་ཤིན་ཏུ་མ་རུངས་བ་ཞིག་རི་དྭགས་ཤི་ལ་ཁད་དེ་ལ་བརྒྱབ་པས་སེམས་ཅན་དེ་བྲག་ཁ་ནས་རྣ་བ་ཀྲོང་དེ་གཅོང་རོང་ཆེན་པོར་ལྷུང་ངོ་། །དེ་མ་ཐག་རྔོན་པ་ཁྱི་དང་བཅས་པ་ཧབ་སྒྲ་དི་རིང་རྒྱུགས་ནས་ཤི་འདྲད་ལིང་ལིང་བྱེད་པའི་སྲོག་ཆགས་ཤིན་ཏུའང་སྙིང་རྗེའི་ཡུལ་དུ་གྱུར་བ་དེ་བརྩེ་བ་མེད་པའི་སེམས་ཀྱིས་སྐད་ཅིག་ལ་བསད་སོང་བས། དྲང་སྲོང་སྙིང་རྗེས་མ་བཟོད་པར་བརྒྱལ་ནས་དྲན་པ་འཐོར་བར་གྱུར་ཏོ། །རི་དྭགས་ཀྱི་གཏམ་ངེས་འབྱུང་གི་ཕོ་ཉ་ཞེས་བྱ་བ་ལས། ཆོས་མ་དྲན་པར་སྲིད་པའི་བདེ་འབྱོར་ལ་ཆགས་པ་གང་ཞིག་སྡུག་བསྔལ་གྱི་འཕྲང་ལས་ཐར་བ་མེད་ཅིང་། དེ་ཀའི་ངང་ལ་འཆི་བ་བཙན་ཐབས་སུ་བྱུང་སྟེ་དེ་ལ་ཐབས་གང་གིས་ཀྱང་བསླུ་རུ་མེད་པ་རི་དྭགས་མཐའ་ལ་གཅུར་པ་ལྟ་བུའི་བརྡས་བསྟན་པའི་སྐབས་ཏེ་ལེའུ་གཉིས་པའོ།། །།དེའི་ཚེ་དྲང་སྲོང་ཆེན་པོ་དེ་འདི་སྙེམ་དུ། བདག་གིས་དགེ་བའི་ཕན་ཡོན་དང་སྡིག་པའི་ཉེས་དམིགས་དེ་ཙམ་ཞིག་བཤད་ཅིང་། བྱམས་པ་ཆེན་པོའི་སེམས་ཀྱིས་རང་གི་སྲོག་དང་བརྗེ་བར་བསྐུལ་ནས་ཀྱང་རི་དྭགས་ཀྱི་སྲོག་བློས་མི་གཏོང་བར་ངན་པའི་སྤྱོད་པ་མཐར་སྐྱལ་བྱེད་པ་དེ་ཤིན་ཏུ་མི་རིགས། དེད་དཔོན་སྙིང་རྗེ་ཆེན་པོས་མི་ནག་མདུང་ཐུང་ཅན་བསད་པ་ལྟར། བརྒྱ་ལ་ཕན་པའི་གཅིག་སྲོག་ཅེས་པ་དེ་ངེས་པར་བདེན། དེས་ན་སྡིག་ཅན་ཚེ་རིང་པར་གྱུར་ན་སེམས་ཅན་མང་པོ་སྡུག་ལ་སྦྱོར་བ་འདུག་དགོངས་ནས་འོད་གསལ་སྟོང་པ་ཉིད་ཀྱི་ངང་ནས་སྙིང་རྗེ་ཁྲོས་པའི་ཞེ་སྡང་ཆེན་པོས་གསོལ་བཏབ་སྟེ་དྲང་སྲོང་གི་དམོང་པ་ལྡོག་ཏུ་མེད་པ་ཉི་ཤུ་རྩ་གཅིག་བཏབ་པས། ཤིན་ཏུ་བཙན་པའི་དམོད་པའི་བདེན་མཐུ་དང་། དཀོན་

(༧༦༠)མཆོག་གི་བཀའ་ཆད་དྲག་པོས་རྔོན་པ་ཤ་ཁྱི་དང་བཅས་པ་གང་རྔིབ་ཀྱི་འོག་ཏུ་ནོན་ནས་ཤི་བར་གྱུར་ཏོ། །དེར་ཁོང་ཅག་གི་བསོད་ནམས་མ་ཡིན་པའི་ལས་ཀྱི་རྩལ་རྫོགས་ནས་སྨྱུ་གདོང་དུ་སྤྲུལ་བཅུག་པ་ལྟར་དབུགས་ཆད་མ་ཁད་དུ་མར་གྱི་ཟང་ཐལ་ཆེན་པོ་དམྱལ་བ་མནར་མེད་པར་སྐྱེ་བ་བླངས་སོ། །དེར་དྲང་སྲོང་གིས་མངོན་ཤེས་ཀྱིས་བརྟགས་པས། ཁོང་ཅག་རྣམས་དམྱལ་བའི་ནང་ཚན་ལས་ཀྱང་ཤིན་ཏུ་སྡུག་བསྔལ་བ་མནར་མེད་པའི་དམྱལ་བ་ཞེས་ཕྱོགས་བཞི་མཚམས་བརྒྱད་ཐམས་ཅད་མེའི་ཕུང་པོ་གཅིག་ཏུ་གྱུར་པའི་དབུས་ནོ། །སྡུག་བསྔལ་མི་བཟད་པ་མྱོང་བའི་རྟེན་མིང་བཞིའི་ཕུང་པོ་བག་ཆགས་དང་བཅས་པ་དུ་སྐད་ལྷང་ལྷང་འདོན་པ་དང་། ཡང་རེས་འགའ་རྒྱུ་མཐུན་གྱི་འབྲས་བུར་ལུས་ཀྱི་དངོས་པོ་སྣང་བའི་ཚེ། ཁོང་ཅག་རྣམས་ཀྱིས་དབུས་དེ་དང་ལས་མཐུན་པར་བསགས་པའི་སྡེ་དཔོན་ནག་པོ་རྩེད་མོའི་ཞོང་ཙམ་དུའང་གཞན་སྲོག་ལ་གནོད་པ་བྱེད་པ་སོགས་མདོར་ན་སྲོག་གཅོད་ཀྱི་ལས་ཀྱིས་ཁྲིད་པ་མང་པོ་ཞིག་ལྕགས་བསྲེགས་ཀྱིས་གཞི་ལ་གནམ་ལྕགས་ཞུན་མར་ཁོལ་པའི་སོ་མངས་ཀྱིས་གོ་མཚམས་མེད་པར་གཟེངས་པའི་ཐང་ལ། གཤིན་རྗེའི་ལས་མཁན་ལྕགས་ཀྱི་ཅེ་སྤྱང་མགོ་དགུ་ཡན་ལག་དང་ལྡན་ཞིང་། ཤིན་ཏུ་འཇིགས་སུ་རུང་བས། བསྡད་དབང་སྐད་ཅིག་ཀྱང་མེད་པར་འདོད་ཅིང་ཡང་ཤི་ཡང་སོས་ཀྱིས་སྡུག་བསྔལ་དོས་དྲག་མ་སྙུགས་རིང་བ་ལས་ཐར་བའི་དུས་སྐབས་མེད་པ་མཐོང་ནས། དྲང་སྲོང་གིས་སྨྲས་པ། ཀྱེ་མ་ཀྱི་ཧུད་དཀོན་མཆོག་ཐུགས་རྗེ་ཅན། །རྙེད་དཀའི་དལ་འབྱོར་རིན་ཆེན་ཐོབ་གྱུར་ཀྱང་། །དགེ་བཅུ་ཐར་པའི་ལས་དང་ཞེ་འགྲས་ཤིང་། །མི་དགེའི་སོ་ནམ་བྱེད་པའི་སྡིག་ཅན་ལ། །དེ་འདྲའི་འབྲས་བུ་སྨིན་པ་ཀྱེ་མ་ཧུད། །སྤྱིར་གྱི་ཁམས་གསུམ་འཁོར་བའི་གྲོང་ཁྱེར་ན། །བདེ་དང་སྡུག་བསྔལ་ལས་ལ་སྤྱོད་པ་ཀུན། །ལས་དང་དེ་ཡི་འབྲས་བུ་ཡིན་པར་མཆི། ཁྱད་པར་སྲོག་གཅོད་ལ་སོགས་མི་དགེ་བཅུའི། །རྣམ་སྨིན་འབྲས་བུ་ངན་སོང་

(༧༦༡)གསུམ་གྱི་ལུས། །མྱོང་ན་ལྟ་ཅི་མིག་གིས་མཐོང་ན་ཡང་། །འབྱུང་འཇུག་དབུགས་ཀྱི་རྒྱུ་མ་ཆད་ལ་ཁད། །འདི་འདྲ་མཐོང་བས་གང་ཞིག་འཇིག་རྟེན་ན། །མི་དགེ་སྡིག་པའི་ལས་ལ་དཔའ་བ་དེ། །གདོན་གྱིས་བརླམས་སམ་འོན་ཏེ་ལས་ཀྱི་མཐུ། །དེ་ཕྱིར་གཟུར་གནས་འགྲོ་བ་ཐམས་ཅད་ལ། །བདག་གིས་སྙིང་ནས་བརྩེ་བས་མ་བཟོད་པར། །ཤ་ཚའི་སྙིང་གཏམ་ཚིག་གསུམ་བཤད་ཀྱིས་ཉན། །རྨི་ལམ་གློག་ལས་ཡ་མ་བརླར་གྱུར་བའི། །ཚེ་འདིའི་ལྟོ་གོས་གཏམ་གྱི་དོན་ཆེད་དུ། །མི་དགེའི་ས་བོན་བཏབ་པའི་ཞིང་ས་ལ། །སྡུག་བསྔལ་གསུམ་གྱི་འབྲས་བུ་ལས་གཞན་ཅི། །དེ་ཕྱིར་སྐྱོ་བའི་འདུ་ཤེས་།།།པོ་ཡིས། །ཚེ་འདིའི་ལེགས་ཉེས་སྐྱིད་སྡུག་བཟང་ངན་ཀུན། །རང་སོར་ཞོག་ལ་དབེན་པའི་ནགས་ཁྲོད་སྙོགས། ཁྱད་པར་སེམས་ཅན་ཐམས་ཅད་ཕ་དང་མར། །ཕན་ཚུན་རི་མོས་ཡིན་ལ་ཐེ་ཚོམ་མེད། །དེ་ཕྱིར་ད་ལྟའི་ཕ་མར་ཆགས་བཞིན་དུ། །ཚེ་རབས་སྔ་མའི་ཕ་མ་གསོད་པ་འདི། །སྨྲ་ཤེས་དོན་གི་མི་ཡི་རྣམ་ཐར་དུ། །འདུག་པས་བློ་སེམས་ནང་དུ་ཁུག་ལ་སོགས། །དེ་ཡང་འཕགས་པ་ཀཱ་ཏཱ་ཡཱ་ན་ཡིས། །གྲོང་དུ་བསོད་སྙོམས་མཛད་པས་ཁྱིམ་བདག་ཅིག །ཉ་ཤ་ཟ་ཞིང་བུ་ཆུང་པར་དུ་འཁུར། ཁྱི་མོས་རུམ་པ་འཆའ་ལ་བརྡེག་པ་གཟིགས། །འཕགས་པས་མངོན་ཤེས་སྤྱན་གྱིས་བརྟགས་པ་ལས། །ཉ་དེ་ཕ་ལ་ཁྱི་མོ་ཚེ་འདིའི་མ། །བུ་ཆུང་རང་གི་དགྲ་བོར་འདུག་པ་བཞིན། །དགྲ་གཉེན་གང་ཡང་མི་རྟག་སྒྱུ་མའི་དཔེ། ཁྱད་པར་ཚེ་འདིའི་ཕ་མ་སྔོན་འདས་པ། །སེམས་མ་འགྱུར་ཀྱང་ལུས་པོ་བརྗེས་པའི་ཚུལ། །མ་རིག་རྔོན་པས་རི་དྭགས་མང་བསད་མཐར། །རང་གི་མ་བསད་དམྱལ་བར་ལྟུང་བ་བཞིན། །དེ་ལྟའི་ཚུལ་གྱིས་ཕ་མ་གསོད་པ་དང་། །གཞན་དག་གསོད་ལ་ཁྱད་པར་འགའ་མེད་པས། །མནར་མེད་དམྱལ་བའི་སྡུག་བསྔལ་དྲན་པར་བྱོས། །སྲོག་ལ་བབས་ཀྱང་གཞན་སྲོག་མ་གཅོད་ཅིག །དྲེགས་པས་རྒྱགས་པའི་མི་དཔོན་སྡིག་ཅན་དང་། །ལས་ཀྱིས་བདས་པའི་རིགས་ངན་རྔོན་པ་ལ། །

(༧༦༢)པར་སྨྲས་ཀྱང་ལོག་པར་མཐོང་སྲིད་ཀྱི། །བྱང་ཆུབ་སེམས་དཔའི་སྡོམ་ལ་གནས་པ་དང་། ཁྲེལ་དང་ངོ་ཚའི་བག་དང་ལྡན་པ་རྣམས། །རང་གི་མངའ་རིས་དགེ་བཅུས་འཚོ་བ་དང་། །ཉེས་མེད་སྲོག་ཆགས་ཨར་ལ་མི་གཏོད་དང་། །རང་དབང་རི་ལ་རི་རྒྱ་བསྡམ་པ་དང་། །སྡིག་ཅན་ལིངས་པ་ཆབ་འོག་མི་འཛུད་སོགས། །བཀྲ་ཤིས་དགེ་ལེགས་ཆེན་པོས་འཚོ་བར་མཛོད། །དེ་ལྟར་བགྱིས་པས་ཡུལ་ཕྱོགས་ཁོལ་བུར་བདེ། །ལོ་ལེགས་སྐྱ་རྒྱལ་སད་སེར་བཙའ་ཐན་དཀོན། །འབྱུང་བ་སྐང་གཤོངས་བཀྲ་མི་ཤིས་པ་དང་། །ནད་མུག་འཁྲུག་རྩོད་དུས་ཀྱི་རྦུད་པ་ཞི། །ཡུལ་བདག་མཉེས་པས་ཆར་ཆུ་དུས་སུ་འབེབས། །དཀོན་མཆོག་མ་ཁྲེལ་བསམ་པའི་དོན་ཀུན་འགྲུབ། །ཆོས་ཁྲིམས་བསྡམས་པས་ས་རྣམས་བཅུད་དང་ལྡན། །རྒྱལ་པོའི་མངའ་ཐང་ཁྱིམ་པའི་ཟས་ནོར་འཕེལ། །ཚེ་འདིར་སྐྱིད་ལ་ཕྱི་མའང་དཔལ་དང་ལྡན། །དགེ་བཅུ་སྤྱད་པས་བདེ་སྐྱིད་འབྱུང་བ་འདི། །ནང་པ་སངས་རྒྱས་གྲུབ་མཐའི་ཁྱད་ཆོས་ཡིན། །དྲང་སྲོང་ངས་ནི་མི་དགེའི་ལས་སྤངས་ཤིང་། །ཀུ་ས་ལི་ཡི་བརྟུལ་ཞུགས་ལ་གཞོལ་བས། །རེ་དོགས་གཉིས་མེད་ཆོས་སྐུའི་རྒྱལ་ས་ཟིན། །སངས་རྒྱས་ཀུན་གྱི་དགོངས་པ་རང་ལ་ཤར། །སྔར་ཡང་སྤྲོས་བྲལ་གདོད་མའི་ཀློང་ནས་འོངས། །ད་ཡང་རང་བྱུང་སྐྱེ་མེད་དང་དུ་ཨ །ཞེས་གསུངས་ནས་བྲག་གསེབ་དེ་ཉིད་དུ་མིག་འཁྲུལ་ལྟ་བུར་ཐེམ་པར་གྱུར་ཏོ། །རི་དྭགས་ཀྱི་གཏམ་ངེས་འབྱུང་གི་ཕོ་ཉ་ཞེས་བྱ་བ་ལས་ཀྱི་འབྲས་བུ་ཆུད་མི་ཟ་བར་བསྟན་ནས་དགེ་བ་ལ་བསྐུལ་བ་སྟེ་ལེའུ་གསུམ་པའི་བདག་ཉིད་ཅན་གྱིས་རྫོགས་སོ།། །།ཨེ་མ། བྱ་བྲལ་ཀློང་ཆེན་སྒྱུ་མའི་རྣལ་འབྱོར་པ། །གཏད་མེད་ཟང་ཐལ་མ་བཅོས་ལྷུག་པའི་ངང་། །བྱང་ཆུབ་ཤིང་གི་ནགས་ཁྲོད་ཚེ་རིང་ལྗོངས། །ཤིན་ཏུ་དབེན་པའི་གནས་སུ་བག་ཕེབ་ནས། །སྒྱུ་འཕྲུལ་ལུས་ཀྱི་བཀོད་པ་འཆགས་པའི་ཚེ། །སྡིག་ཅན་རྔོན་པས་རི་དྭགས་བསད་པའི་ཤ ཁྱེར་ནས་གནས་སུ་ལྡོག་པ་མཐོང་

(༧༦༣)བ་ལས། །བཟོད་མེད་སྙིང་རྗེ་ཆེན་པོས་རྒྱུད་བསྐུལ་ཞིང་། །མིག་ནས་མཆི་མའི་དབའ་རླབས་གཡོ་བ་དང་། །སྐྱོ་ཤས་ངེས་འབྱུང་དྲག་པོས་ཉེར་བསྐུལ་བས། །ཐུགས་གཏེར་ནམ་མཁའ་མཛོད་ཀྱི་སྒོ་ཕྱེ་སྟེ། །ཉམས་ཆོས་བརྡ་ཡི་རི་མོས་ཇི་བཞིན་བཀོད། །དགེ་དེས་སྲོག་གི་འཇིགས་པས་ཉེར་སྐྲག་པའི། །སེམས་ཅན་མང་པོ་དུཁ་ལས་གྲོལ་ཅིང་། །ཡི་གེ་འདི་ཉིད་མཐོང་དང་ཐོས་ཀུན་གྱིས། །རིགས་ངན་རྔོན་མའི་མས་ཐབས་བཤོལ་བར་ཤོག །གཏམ་ཚོགས་ལེའུ་ང་གཅིག་པའོ།། །།རི་བོང་ཤིན་ཏུ་བརྟན་པའི་གཏམ་བྲག་རིའི་མགུལ་རྒྱན་ཅེས་བྱ་བ།། །།བྱང་ཆུབ་སེམས་དཔའི་སྤྱོད་པ་རྨད་དུ་བྱུང་བ་ལ་ཕྱག་འཚལ་ལོ། །ནགས་ཚལ་དྲ་བས་བརྒྱན་པ་བྱ་བ་ན། །རྒྱུད་ལ་བྱང་ཆུབ་སེམས་མཆོག་རྨད་བྱུང་བའི། །རི་བོང་ཁྱོ་ཤུག་ཟུང་ཞིག་ཡོད་པར་གྱུར། །དེ་དང་ཉེ་བར་སྤྱོད་པ་རྗེས་མཐུན་པའི། །ལྷའི་པྱ་།།།དྲིལ་བུའི་སྒྲ་ཅན་ཀྱུ་ཞིག་གནས། །དེ་དག་རིགས་དང་རིགས་མིན་འདྲེས་གྱུར་ཀྱང་། །ཕན་ཚུན་གཅིག་ལ་གཅིག་གནོད་སེམས་བྲལ་ཞིང་། །དམ་པའི་མཛའ་གཅུགས་བཞིན་དུ་བརྩེ་བར་བྱེད། །རེ་ཞིག་ན་ཆར་སྤྲིན་ཤིན་ཏུ་སྟུག་པོས་སྨན་ལྗོངས་དེ་ཉམས་མི་དགའ་ཞིང་མུན་སྲོས་པ་ལྟར་གྱུར་བ་ན། གསང་གཏུག་པ་ཅན་ཞིག་པ་ཝང་གི་རྩ་བ་ལ་འཁྲིལ་ཞིང་ཆོས་རྐུན་གྱི་བརྟུལ་ཞུགས་ལ་རབ་ཏུ་གོམས་པས། རི་བོང་ཅིག་ཤོས་དེ་ཉམ་ཉེས་པར་བྱས་སོ། །དེའི་མོད་ལ་ལྷའི་བྱ་ཚོགས་རྣམས་ཀྱང་ཤིན་ཏུ་འདྲོགས་པར་གྱུར་ཏེ། །བྱུས་འཚེ་བའི་བརྟན་པ་ནི་རབ་ཏུ་བྲལ་ནས་ཡུང་ཙམ་ཉིད་ལ་ཕྱོགས་དང་ཕྱོགས་སུ་བྱེར་ཏེ། །རྒྱུ་དེས་ནགས་ཚལ་དེ་ལ་གནས་པའི་འདབ་ཆགས་ཐམས་ཅད་ཀྱང་ཡིད་མི་བདེ་བར་གྱུར་ནས་ཅ་ཅོའི་སྒྲ་ཆེན་པོ་བསྒྲགས་པས། བྲག་རི་དེའི་བགས་།།།མཐོན་པོ་ལ་གནས་པའི་བྱ་རྒོད་ཞི་བའི་དབང་པོ་ཞེས་བྱ་བ་ཡང་པོས་པ་ལྟར་སོད་ནས་རི་བོང་བྱང་ཆུབ་སེམས་དཔའ་ཤིན་ཏུ་བརྟན་པའི་མདུན་སར་འོངས་ནས་དེའི་རྒྱུ་དྲིས་སོ། །དེས་དེ་ལ་སྔོན་གྱི་ལོ་རྒྱུས་བསྙད་པས་ཞི་བའི་དབང་པོ་དེ་ཡང་སྙིང་རྗེ་ཆེན་པོ་དང་ལྡན་པ་ཡིན་པས་

(༧༦༤)སྨྲས་པ། ཀྱེས་མ་ལ་སྙིང་རྗེ་བ། རི་དྭགས་བརྒྱ་ཚོགས་སྟོང་ཚོགས་ཀྱང་། །རི་བོང་ཁྱོད་ལས་ཉམ་ཆུང་བ། །མྱུར་དུ་འབྲོས་པའི་མཐུ་ཡང་མེད། །མཐའ་ལ་བགྲོད་པའི་རྩལ་ཡང་མེད། །ཡིད་དུ་གཅུགས་པའི་མཆིས་འབྲང་ལ། །གཅན་གཟན་གདུག་པས་སྐབས་བཙལ་བས། །སྡུག་བསྔལ་ཞགས་པས་མ་བཅིངས་སམ། །ཟུག་རྔུའི་ཚེར་མས་མ་བསྣད་དམ། །གལ་ཏེ་བདག་གི་མཐུས་ནུས་ན། ཁྱོད་ལུས་ཁུར་དུ་བཟོད་པ་ཡིས། །དམ་བཅའ་རབ་ཏུ་བརྟན་བྱས་ནས། །བྲག་རིའི་བག་མ་མཐོན་པོ་ལ། །སྐད་ཅིག་ཡུད་ལ་གཤེགས་ནུས་ཀྱི། །འཚེ་བ་བྲལ་བའི་སྐྱབས་སྦྱིན་ནོ། །སྤྲོའམ་མི་སྤྲོ་ཁྱོད་ཅིག་སོམས། །ཞེས་སྨྲས་ནས་གཤོག་པས་ཕ་འབྱར་བ་བཞིན་དུ་འདུས་གོ །དེ་ལ་རི་བོང་ཤིན་ཏུ་བརྟན་པས་སྨྲས་པ། འདབ་ཆགས་བརྒྱ་ཚོགས་སྟོང་ཚོགས་ཀྱང་། །སྲོག་ལ་མི་འཚེའི་ལྷག་བསམ་ཅན། ཁྱོད་ལས་མེད་པར་ངེས་རྙེད་པས། །སྐྱབས་སུ་རུང་བར་ཡིད་ཆེས་ཀྱང་། །སྲིད་པ་ལས་ཀྱིས་བསྐོས་པ་ཡི། །ཡུལ་ལ་བདག་གིར་མ་བཟུང་ན། །བྲག་རི་མཐོ་ཡང་གཡངས་ས་འཇིགས། །འཚོ་བ་མེད་ཀྱང་ཟས་ཀྱིས་ཕོངས། །ཞེས་སྨྲས་པས་ཞི་བའི་དབང་པོ་ཡང་ཤེས་རབ་ཀྱིས་མ་ཟིན་པའི་སྙིང་རྗེས་གཞན་ལ་མི་ཕན་པར་རྟོགས་ནས་ལྗོན་ཤིང་གེལ་བས་ལས་འཕར་བ་ལྟ་བུའི་སྟབས་ཀྱིས་རང་གནས་སུ་དེངས་སོ། །དེར་རེ་ཞིག་ན་ལྷའི་བྱ་ཚོགས་དག་ཀྱང་འདུས་པར་གྱུར་ནས་སྨྲས་པ། གྲོགས་པོ་ཉམ་ཉེས་གྱུར་པའི་ཚེ། །བདག་ཅག་རྣམས་ཀྱང་གཏོལ་མེད་པས། །སེམས་ལ་བཀལ་བའི་ཁུར་གྱི་མཐུ། །ལུས་ཀྱི་ནུས་པས་མ་ཐེག་གོ །།།མ་མ་ལ་བདག་ཅག་རྣམས། །གླང་ཆེན་དག་ཀྱང་ཐལ་མོ་ཡིས། །བསྣུན་པའི་སེང་གེ་ཡིན་ན་རུང་། །གཅན་གཟན་ཕལ་ཡང་སྐྲག་འགྱུར་བའི། །ནགས་ཀྱི་སྟག་མོ་ཡིན་ན་རུང་། །ཀུན་གྱི་མཐུ་སྟོབས་རབ་གནོན་པའི། །ནམ་མཁའ་ལྡིང་དབང་ཡིན་མ་རུང་། །ངེས་པར་བདག་ཅག་ཉམ་ཆུང་བས། །

(༧༦༥)དགྲ་ལ་རྒོལ་བའི་མཐུ་མེད་དོ། །ཞེས་རང་ཅག་མཐུ་ཆུང་བ་ལ་ཀུན་ནས་ཞུམ་པའི་ཆོ་།།།དེ་འདོན་པར་གྱུར་པ་ལ། རི་བོང་ཤིན་ཏུ་བརྟན་པས་སྨྲས་པ། གསོན་དང་གྲོགས་ཀྱི་དམ་པ་རྣམས། །ཤེས་རབ་མཐུ་ཡིས་མ་ཟིན་ན། །སྙིང་རྗེ་ཆེ་ཡང་གཞན་ཕན་དཀའ། །ཞི་བའི་དབང་པོའི་ངང་ཚུལ་སོམས། །བཟོ་དང་དགྲ་ལ་མ་བསྒོམས་ན། །གཞན་དུ་བཟོད་པའི་ཡུལ་མེད་ཅིང་། །དཔའ་ཞིང་རྟུལ་ཡོད་ལྡན་པས་ཀྱང་། །བདག་གཞན་གཉིས་ཀ་ལྷན་ཅིག་འཇོམས། །དེ་ཀུན་བདག་མེད་རྟོགས་པ་ཡི། །ལྟ་བའི་རྩི་ཡིས་མ་ཟིན་ན། །འགྲོ་བའི་སྡུག་བསྔལ་ཐུབ་རྣམས་ཀྱི། །ཕྱག་གིས་བསལ་ཡང་མི་སེལ་ཏོ། །ཅེས་པས་ལྷའི་བྱ་དེ་དག་ལ་ལ་ནི་འདུན་པའི་དད་པ་ཐོབ། །ལ་ལ་ནི་དད་པའི་དད་པ་ཐོབ་ཅིང་། །རི་བོང་དེ་བྱང་ཆུབ་སེམས་དཔའ་བློ་གྲོས་དང་ལྡན་པར་རྟོགས་ནས་སླར་དྲིས་པ། ཤེས་རབ་དང་ནི་སྙིང་རྗེ་དང་། བདག་མེད་རྟོགས་པའི་ཁྱད་པར་གང་། །དེ་དང་དེ་ཡི་ཡོན་ཏན་རྣམས། །བདག་ཅག་རྣམས་ལ་བཤད་དུ་གསོལ། །ཞེས་གསོལ་བས། རི་བོང་བྱང་ཆུབ་སེམས་དཔའ་ན་རེ། ཀྱེ་གྲོགས་པོ་དག་དགོངས་ཤིག །ཀུན་དཀྲིས་ཞེས་བྱ་བའི་གྲོང་ཁྱེར་ཆེན་པོ་ཞིག་ན་ཕྱུག་པོ་བཟའ་བསྡོངས་གཉིས་ལ་བུར་བ་རྨོངས་དང་། རབ་དྲེད་དང་། རབ་གསལ་ཞེས་བྱ་བ་གསུམ་ཡོད་པ་ལས། དང་པོ་ནི་ཤིན་ཏུ་བླུན་པའོ། །བར་པ་ནི་རྒོད་ཅིང་གཏུམ་པའོ། །ཐ་ཆུང་ནི་དབང་པོ་གསལ་བའོ། །དེ་གསུམ་ཀ་ལ་རིགས་ཀྱི་ཆོ་ག་མཐུན་པའི་ཁྱིམ་ཐབ་བཅོས་ཏེ་གནས་པ་ལས། ཕུ་བོ་བླུན་པོ་ནི་རང་བཞིན་གྱིས་ཁོལ་བོར་གྱུར་ཏོ། །ཆུང་པ་གཉིས་ཁྱིམ་གྱི་འདུ་འཛི་ལ་འགྲོ་བ་ན་བློ་གྲོས་ཤིན་ཏུ་ཐ་དད་པས་མི་མཛའ་བར་གྱུར་པ་ལ་རབ་དྲེད་ཀྱིས་བསམས་པ། བདག་གིས་གཞོན་ནུ་རབ་གསལ་འདི་དྲག་ཤུལ་གྱི་ཚོགས་ཁྱིམ་ནས་བསྐྲད་པར་ནས་ཀྱིས། དེ་ལྟར་བསྐྲད་ན་ཕུ་བོ་ནི་བླུན། གཞན་དོ་ཟླར་གྱུར་པ་ནི་འགའ་ཡང་མེད་པས་བདག་ཉིད་རང་དབང་ཅན་དུ་འགྱུར་རོ་སྙམ་ནས་རྒོལ་བའི་སྟ་གོན་སྣ་ཚོགས་རྩོམ་མོ། བུ་ཐ་ཆུང་གིས་ཀྱང་དེའི་སེམས་ཤེས་ནས་ཇོ་ཇོ་བདག་ལ་མི་དགྱེས་པར་མ་

(༧༦༦)མཛད་ཅིག །བདག་ནི་ངེས་པར་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། བཟོད་པའི་དཀའ་ཐུབ་བསྟེན་པར་བྱའོ། །ཞེས་སྨྲས་པས་ཕོ་ཤིན་ཏུ་དགའ་སྟེ་ཅི་བདེར་བཏང་ངོ་། །དེ་ནས་རབ་གསལ་འཐོན་པའི་ལམ་ཀ་ན་རང་གི་ཐུ་བོ་བླུན་པོ་ནི་ནགས་ཚལ་ཆེན་པོ་ཞིག་གི་མཐའ་ནས་མེ་སྤར། བདག་ཉིད་ནགས་ཀྱི་དབུས་ན་མགོ་གཏུམས་ཏེ་མེའི་དྲོད་ལ་ཆགས་པའི་ཚུལ་གྱིས་གནས་པ་མཐོང་ངོ་། །མཐོང་ནས་ཀྱང་དེས་སྨྲས་པ། ཀྱེ་མ་འཇིག་རྟེན་བླུན་པོ་རྣམས། །ཡུན་དུ་ཕུར་བར་མི་ཤེས་པར། །ཕྲལ་གྱི་བདེ་བ་ལྷུར་ལེན་པ། །ལྐུགས་པས་ནགས་ལ་མེ་སྦར་འདྲ། །ཞེས་སྨྲས་པས་རབ་རྨོངས་ལངས་ཏེ་ཕྱོགས་ཀུན་ཏུ་བལྟས་ནས་ད་དུང་རབ་གསལ་ལ་ཁྲེལ་དགོད་བྱེད་དོ། །མི་མཁས་མཁས་པར་རློམ་པ་རྣམས། །ཆོས་དང་མ་།།།ཞུན་པའི་བྱ་བ་ལ། །བྱ་བ་མིན་ཞེས་རབ་བསྒྲགས་ནས། །བདག་ཉིད་ལོག་པའི་ལམ་དུ་འཐུབ། །དེ་ནས་རབ་གསལ་འབྲོག་དགོན་པ་ཆེན་པོ་ན་གནས་པའི་དྲང་སྲོང་ཡང་དག་སྡོམ་ལ་ཚངས་པར་སྤྱད་ནས་གང་ཟག་གི་བདག་མེད་ནི་ཡང་དག་པར་ཁོང་དུ་ཆུད། ཆོས་ཀྱི་བདག་མེད་ལའང་བློ་གྲོས་ཀྱིས་འཇུག་པ་ཤིན་ཏུ་གསལ་བར་གྱུར་པའི་ཚེ། རབ་དྲེད་ཀྱི་སྤྱོད་པ་ནི་བྱ་བ་མང་བ། ལོག་པའི་བློ་གྲོས་ཤིན་ཏུ་ཐལ་ལ་རྒོད་ཅིང་གཏུམ་པས་རང་གི་ཁྱིམ་ཤིན་ཏུ་ཕྱུག་པ་དེ་ཡང་སྒྲང་པོའི་བྲང་ཁང་དུ་ཡུང་ཙམ་ལ་གནས་གྱུར་ཏོ། །དེར་ཁོ་ཀུན་ནས་ཀུན་དུ་ཡོངས་སུ་འཁྱམས་པ་ལས་ཅི་ཞིག་ན་ཅུང་རབ་གསལ་གྱིས་མཐོང་ནས་སྨྲས་པ། ལྐུགས་པས་ནགས་ལ་མེ་སྦར་བའི། །བླང་དོར་མཐོང་ཆོས་ལ་གནས་ཀྱང་། །ད་དུང་གཏན་ཚིགས་མ་ཡིན་འཛིན། །ཕ་ཁྱེམ་སྤྲང་པོར་སོལ་བའི་མིས། །དེ་ཙམ་ཁེ་དང་ཉེས་དམིགས་ཀྱི། །སྐྱོན་ཡོན་བྱེ་བྲག་ཆ་ཕྱེད་ཀྱང་། །ད་དུང་ཐལ་ཟིན་ལྡོག་ཏུ་མེད། །འདི་ཡང་ཤེས་རབ་འཆལ་བ་སྟེ། །འཇིག་རྟེན་འདིའམ་གཞན་དག་ན། །བློ་གྲོས་ཆེན་པོར་བསྙེམས་པ་རྣམས། །སྨོན་པའི་ངང་ཚུལ་མི་འཛིན་ཏེ། །ང་དང་ཁྱོད་ཀྱི་

(༧༦༧)ཁྱད་པར་ལྟོས། །ཞེས་སྨྲས་པས་ཁོ་ཁྲོས་ཏེ་སླར་ཡང་སྤྲང་པོའི་བརྟུལ་བཞུགས་ཉིད་ལས་རྔོན་པའི་ལས་ཐབས་འཛིན་པས་འཆི་ཁར་བསྡུས་འཛོམས་ཀྱི་སྣང་བ་མངོན་སུམ་དུ་ཤར་བ་ཞིག་བྱུང་ངོ་། །ཤེས་རབ་ལོག་པའི་ལམ་ཞུགས་ན། །ནགས་ཚལ་མེའི་ཚིགས་བཞིན། །རྣམ་རྟོག་རླུང་གི་བཞོན་པ་ཅན། །དེ་ཡང་དེའི་བདུད་དུ་འགྱུར། །ཀྱེ་ལྷའི་བྱ་ཚོགས། བུ་ལྐུགས་པ་ནི་མི་ལུས་ཙམ་པོ་པའོ། །བར་པར་བདྲེད་ནི་མི་ལུས་བྱུར་པོ་ཆེའོ། །ཐ་ཆུང་རབ་གསལ་ནེ་མི་ལུས་རིན་པོ་ཆེའོ། །དོན་འདིས་འཇིག་རྟེན་ཐམས་ཅད་ཀྱི་རྣམ་འབྱེད་དང་ཤེས་རབ་ཀྱི་ཁྱད་པར་ལེགས་པར་ཤེས་སོ། །ཞེས་སྨྲས་པས་ལྷའི་བྱ་ཚོགས་དེ་དག་ཀྱང་བདག་ཅག་དང་བཅས་པའི་འཇིག་རྟེན་ཕལ་མོ་ཆེ་བླང་དོར་གྱི་གནས་ལ་ཤིན་ཏུ་ལྡོངས་པའི་ལོང་བ་ཤ་སྟག་གོ་སྙམ་ནས་གསོལ་བ། ཀྱེ་ཧོ། བྱང་ཆུབ་སེམས་དཔའ་རི་བོང་ནི། །བློ་གྲོས་མཆོག་གི་གཏེར་གྲོལ་བའི། །གྲགས་པ་འཇིག་རྟེན་ལ་གསལ་ཕྱིར། །གཟུགས་བརྙན་ཟླ་བའི་ཁོང་ནའང་གསལ། །སྤོངས་པ་བསམ་གྱིས་མི་ཁྱབ་པས། །རྣ་བའི་གདེངས་ཀ་ཀུན་ཏུ་མཐོ། །ངན་འགྲོའི་ལམ་ངན་རབ་བཅད་པས། །ཐུར་ལ་འགྲོ་བ་མཁས་མ་ཡིན། །ས་ལམ་གོང་ནས་གོང་སྤྱོད་པས། །རི་དབང་རྩེར་འགྲོད་བརྟུལ་ཞུགས་མྱུར། །ད་ནི་སྟོང་ཉིད་སྙིང་རྗེ་ལས། །བརྩམས་པའི་ཆོས་མཆོག་བསྟན་དུ་གསོལ། །དེ་སྐད་ཞུས་པས་རི་བོང་ནི། །ཆོས་སྐུའི་འདུག་ལྟངས་ལ་གོམས་པའི། །སྟབས་ལས་གཡོ་བ་མེད་བཞིན་དུ། །ཀྱེ་ཉོན་བདག་ཅག་ནགས་ཁྲོད་དུ། །གནས་པ་གཅིག་པུའི་བསོད་ནམས་ཀྱང་། །བསམ་གྱིས་མི་ཁྱབ་བརྗོད་མི་ལང་། །ནགས་ནི་རྒྱལ་བས་རབ་ཏུ་བསྔགས། །ནགས་ན་ཚོང་དང་སོ་ནམ་མེད། །དེ་བཞིན་འདུ་འཇིའི་རྣམ་གཡེང་མེད། །སྡིག་པའི་གྲོགས་ཀྱང་ཡོད་མ་ཡན། །བྱེས་པའི་ཚོགས་ནི་ཤིན་ཏུ་ཉུང་། །མཐོང་ན་དགའ་བའི་ལྗོན་ཤིང་དང་། །རེག་ན་འཇམ་པའི་ཤིང་པ་ལ་དང་། །ཟོས་ན་བདའ་བའི་མྱུ་གུ་སོགས། །རྩོལ་དང་འཐབ་ལ་མ་ལྟོས་པའི། །འདོད་པའི་ཡོན་ཏན་དཔག་ཏུ་མེད། །

(༧༦༨)དེ་ན་འདུ་འཛི་རགས་པ་ཡི། །སྤྱོད་པ་སྣ་ཚོགས་ཡོད་མིན་ན། །འཐབ་དང་རྩོད་པ་ག་ལ་ཞིག །བཏང་སྙོམས་ཆེན་པོར་རང་གིས་གནས། །རིགས་མཐུན་ཕན་ཚུན་མི་འཚེ་བ། །བྱམས་པ་ཉིད་དེ་ཅིག་ཤོས་ལ། །འགལ་རྐྱེན་བྱུང་ན་ལྷག་པར་དུ། །གདུང་བ་དེ་ནི་སྙིང་རྗེ་སྟེ། །སུང་གི་ཕུན་སུམ་ཚོགས་གྱུར་ཀྱང་། །ཕྲག་དོག་མེད་པས་དགའ་བའོ། །འདི་ལྟར་ཚངས་པའི་གནས་པ་བཞིས། །རང་བཞིན་དུལ་བ་དེ་དག་ཀྱང་། །ངོ་བོ་སྟོང་པ་ཉིད་དང་ནི། །དད་མདངས་སྙིང་རྗེ་ཆེན་པོ་གཉིས། །ཟུང་དུ་ཆད་པར་མ་གྱུར་ན། །བྱང་ཆུབ་ལམ་དུ་ཅི་ཕྱིར་འགྲོ། །མོས་པས་སྤྱོད་པའི་སེམས་བསྐྱེད་ཀྱི། །གཙོ་བོ་ཕྱོགས་རིས་བྲལ་བ་ཡིན། །སྦྱོར་བ་དེ་ཡི་རྗེས་འབྲེལ་དུ། །གཏེང་དང་ཡོངས་སུ་གཏོང་བ་དང་། །ཤིན་ཏུ་གཏོང་པ་ཆེན་པོ་སྟེ། །དང་པོས་ཟས་དང་ལོངས་སྤྱོད་གཏོང་། །གཉིས་པས་བུ་དང་ཆུང་མའང་གཏོང་། །གསུམ་པས་ལུས་སྲོག་གཏོང་པ་སྟེ། །སྦྱིན་པས་ཕ་རོལ་ཕྱིན་ལ་བསླབ། །རང་ཉིད་ཉེས་སྤྱོད་སྡོམ་བྱེད་ཅིང་། །གཞན་དག་ཀྱང་ནི་དེ་ལ་སྦྱོར། །དགེ་ཆོས་རྒྱ་མཚོ་ལྟ་བུར་སྡུད། །སེམས་ཅན་དོན་ལ་རྣམ་པ་ཀུན། །ལྷག་པར་སེམས་པ་ཚུལ་ཁྲིམས་ཡིན། །གཞན་གྱི་གནོད་པ་བཟོད་བྱ་ཞིང་། །ཆོས་ཕྱིར་དཀའ་སྤྱད་བཟོད་པ་དང་། །ཟབ་མོའི་དོན་ལ་མི་སླག་པའི། །བཟོད་པའི་གོ་ཆ་བརྟན་པར་བགོ། །བསམ་དང་སྦྱོར་བ་ཐམས་ཅད་ནས། །དགེ་ཚོགས་རྒྱ་མཚོར་འཇུག་པ་ལ། །ཞུམ་དང་ཆོག་ཤེས་མེད་པ་ཡི། །བརྩོན་འགྲུས་སྟོབས་ཀྱིས་རང་ལ་བསྐུལ། །ནགས་ཁྲོད་དབེན་པར་བདེར་གནས་ཤིང་། །སྤྱན་དང་མངོན་ཤེས་ལ་སོགས་པའི། །ཡོན་ཏན་ཁྱད་པར་ཅན་གྱི་མཛོད། །བསམ་གཏན་དོན་ལ་རྩེ་གཅིག་གཞོལ། །ཀུན་རྫོབ་དང་ནི་དོན་དམ་གྱི། །བདེན་གཉིས་ཚུལ་བཞིན་མ་བྱེད་ན། །གཞན་དོན་བསྒྲུབ་པར་མི་ནུས་པས། །ཐོས་བསམ་སྒོམ་པའི་ཤེས་རབ་བསྐྱེད། །ལྷག་བསམ་དག་པའི་སེམས་བསྐྱེད་ལ། །མཐོང་ལམ་རྣམ་པར་མི་རྟོག་པའི། །ཡེ་ཤེས་ཡོངས་སུ་

(༧༦༩)རྫོགས་པས་ན། །གང་ཟག་རྫོགས་པ་ཆེན་པོ་ཞེས། །རང་བྱུང་རྡོ་རྗེའི་གྲུབ་པའི་མཐའ། །སྒྲིབ་པ་སྤངས་པའི་སེམས་བསྐྱེད་ནི། །ས་བཅུ་ལམ་ལྔའི་ཡོན་ཏན་ཏེ། །མི་སློབ་ལམ་གྱི་ངོ་བོ་ཡིན། །བློ་ཟད་ཆོས་ཟད་ཆེན་པོའི་དབྱིངས། །མྱ་ངན་འདས་པའི་འབྲས་བུའོ། །ཞེས་སྨྲས་པས་དེ་དག་གི་ནང་ནས་ལྷའི་བྱ་ཐོད་པའི་རྔ་སྒྲ་ཅན་ཞེས་བྱ་བ་ཡིད་ཆེས་ཀྱི་དད་པ་ཐོབ་ནས་དྲིས་པ། དད་པ་ཐོབ་པ་མང་ལགས་ཏེ། །ཡིད་ཆེས་ཐོབ་པ་ཤིན་ཏུ་ཉུང་། །ལུས་སྟོབས་ཆེ་བ་མང་ལགས་ཏེ། །རི་བོང་ལྟ་བུའི་སྐྱེས་བུ་ཉུང་། །འབྱོར་བ་ཆེ་བ་མང་ལགས་ཏེ། །འཕགས་པའི་ནོར་བདུན་ཤིན་ཏུ་ཉུང་། །རྐང་སྟེགས་མཐོ་བ་མང་ལགས་ཏེ། །རྟོགས་པ་མཐོ་བ་ཤིན་ཏུ་ཉུང་། །སྒྲུང་དང་གཏམ་རྒྱུད་མང་ལགས་ཏེ། །ཆོས་ཀྱི་དོན་ཡོད་ཤིན་ཏུ་ཉུང་། །ད་ནི་ལྷ་ཡི་བྱ་ཚོགས་ལ། །དོན་གྱི་ཞལ་ལུང་དེས་འཚལ་གྱི། །སྣང་བ་རྐྱེན་གྱིས་བསྒྱུར་བ་ལས། །ལྡོག་ཐབས་རེ་ཞིག་བཤད་དུ་གསོལ། །དེ་སྐད་ཞུས་པས་སླར་སྨྲས་པ། །ཀྱེ་ཧོ་འདི་ན་སྒྱུ་མ་མཁན། །བཟང་པོ་ལས་ཀྱང་ལྟག་པར་དུ། །མིག་འཕྲུལ་མཁས་པའི་སྒྱུ་མ་ནི། །དབང་པོ་དྲུག་གི་རྣམ་ཤེས་དང་། །ཡུལ་རྣམས་ཕན་ཚུན་ཕྲད་ལས་བསླུ། །སྐྱེ་བོ་བལ་ལ་སྨོས་ཅི་འཚལ། །དེ་དག་ཤིན་ཏུ་སྙིང་རྗེའི་ཡུལ། །གྲུབ་པའི་མཐའ་ཡིས་བློ་བསྒྱུར་བའི། །སྐྱེས་བུ་རྣམས་ཀྱིས་འདི་མཁྱེན་འཚལ། །དང་པོ་ཁྱིམ་ཆུང་ནས་བྱུང་སྟེ། །གཙུག་ལག་ཁང་ལ་ཁྱིམ་ཆེན་གྱི། །འདུ་ཤེས་ཞུགས་པ་དེ་དག་ནི། །སྡེ་སྣོད་ལེགས་པར་ཤེས་ན་ཡང་། །འདོད་པའི་གདོན་ཆེན་མ་རུངས་པ། །སེར་སྣའི་སྡང་མིག་གཡོ་བ་ཅན། །ང་རྒྱལ་དཔུང་ཚོགས་ཁྲིད་པ་དེས། །རབ་ཏུ་བཅོམ་ནས་དམྱལ་བར་འགྲོ། །དེ་བཞིན་གནས་ན་གནས་གྱུར་ཀྱང་། །དེ་ལ་བརྟེན་ནས་ཐོབ་པ་ཡི། །རྙེད་པས་ང་རྒྱལ་འཕེལ་གྱུར་ན། །བཀུར་སྟིས་རབ་ཏུ་རྒྱས་བྱས་ནས། །ཉམས་དང་རྟོགས་པའི་ཡོན་ཏན་རྣམས། །ན་བུན་བཞིན་དུ་སླར་ལ་དེངས། །སྤངས་རྟོགས་ཡོན་ཏན་མཐར་ཕྱིན་ནས། །འགྲོ་དོན་དུས་ལ་བབ་པ་ཡི། །དམ་པ་

(༧༧༠)རྣམས་ཀྱི་བསོད་ནམས་དང་། ཁྱིམ་བདག་ཆེན་པོའི་འབྱོར་བ་ལ། །དོ་ཟླའི་སྤོབས་དན་རྙེད་གྱུར་ནས། །གསོག་དང་བསྲུང་དང་གཟི་བརྗིད་ཀྱི། །བྱ་བ་མང་པོས་རྣམ་པར་འཁྱམ། །གང་ན་སྐྱེས་བུ་མཆོག་རྣམས་ཀྱིས། །རྒོལ་ངན་འཇོམས་པའི་ཐོས་པ་དང་། །ཆོས་དང་ཆོས་མིན་རབ་འབྱེད་པའི། །བསམ་བྱུང་ཤེས་རབ་རལ་གྲི་དང་། །དངུལ་ཆུ་ས་ལ་འདྲིལ་བའམ། །རྨ་བྱས་བཙན་དུག་རོ་མྱོང་ལྟར། །འདོད་ཡོན་ལྔ་ལ་རབ་སྤྱད་ཀྱང་། །རྣམ་ཤེས་ལས་འདས་ཡེ་ཤེས་ནི། །དེ་ཡིས་འཆིང་བར་མི་ནུས་པའི། །སྒོམ་པའི་ཤེས་རབ་རྣམ་པ་གསུམ། །རང་གི་རྒྱུད་ལ་གནས་མི་གནས། ཁྱད་པར་ཁྱིམ་གྱི་འབྱོར་བ་ནི། །བསོད་ནམས་མ་ཡིན་ལས་གྲུབ་ཅིང་། །དེ་བས་བདག་ཀྱང་ཁྱིམ་པའམ། །དེ་ལས་ལྡོག་པ་གང་ཡིན་པའི། །རྟོག་དཔྱོད་མེད་ན་ལྟར་སྣང་གི །མངོན་པའི་ང་རྒྱལ་དམ་པོས་འཆིང་། །དེ་བཞིན་སྔོན་གྱི་དམ་པ་ཡི། །མངའ་ཐང་དང་ནི་གདན་ཁྲི་ལ། །སྦྱིན་སོགས་འབྲས་བུ་གནས་སྲིད་པ། །དེ་ལ་བརྟག་དཔྱད་བྲལ་བའི་བློས། །སྤྱོད་ཡུལ་མཉམ་པ་ཉིད་སྤྱོད་ན། །དེ་ཡང་ཤིན་ཏུ་ཉམས་འགྱུར་ཏེ། །འབུམ་ཕྲག་རི་བའི་གོས་བཟང་དང་། ཁང་བུ་བརྩེགས་པ་ལྔ་བརྒྱ་རྣམས། །ལྡན་གྲོལ་བརྟུལ་ཞུགས་ཅན་རྣམས་ལས། །གཞན་དུ་རྒྱལ་བས་གནས་པ་མེད། །དེ་ཕྱིར་གང་ལས་གང་བྱུང་བའི། །རྟེན་ཅིང་འབྲེལ་འབྱུང་ཆོས་རྣམས་དང་། །རྒྱུ་འབྲས་བསླུ་བ་མེད་པ་ལ། །ངེས་པ་ཤིན་ཏུ་བརྟན་པར་བྱ། །ཉེས་རྣམས་ཀུན་གྱི་འབྱུང་གནས་ཆེ། ཁྱིམ་ལས་རྟག་ཏུ་བྱོལ་བར་བྱ། །བླང་དོར་ཤིན་ཏུ་ལོག་པ་ཡི། །བྱིས་པའི་གྲོགས་ལས་འབྲོས་པར་བྱ། །ཆོས་ཀྱིས་དྲེད་པའི་སྐྱེ་བོ་ནི། །སྡིག་གྲོགས་ཡིན་པས་འཇིགས་པར་བྱ། །འདུ་འཛིའི་ཉེས་དམིགས་བསམ་བྱས་ནས།་ །ནགས་ཁྲོད་དམ་པར་འགྲོ་བར་བྱ། །འགྲོགས་པ་ཙམ་གྱིས་དོན་ཡོད་པའི། །དགེ་བའི་བཤེས་གཉེན་བསྟེན་པར་བྱ། །སྡིག་པ་ཆེན་པོའི་སྒོ་ཡིན་པས། །

(༧༧༡)ལོང་གཏམ་ཟིལ་གྱིས་གནོན་པར་བྱ། །བསོད་ནམས་ཕྱགས་མས་འདོད་པ་ཡི། །བསམ་ངན་རྒྱ་ཡིས་འདེབས་པར་བྱ། །ཡུད་ལ་སྨྱོན་པར་འགྱུར་བ་ཡི། །ཆང་ནི་རྟག་ཏུ་སྤང་བར་བྱ། །དགེ་དང་ཉམས་རྟོགས་འགྲིབ་གྱུར་པའི། །ལོག་འཚོ་ལྔ་ལ་བདར་བར་བྱ། །ཤ་ནི་སྡིག་པའི་ཟས་ཡིན་པས། །གསད་པའི་འཇིགས་པ་དྲན་པར་བྱ། །མདོར་ན་མང་དུ་སྨོས་ཅི་དགོས། །རྟག་ཏུ་འཆི་བ་དྲན་བྱ་ཞིང་། །དུག་ལྔའི་རྣམ་རྟོག་ཅི་ཤར་ཡང་། །ཤེས་བཞིན་དྲན་པས་ཁྲེལ་འདེབས་ཤིང་། །ལུང་མ་བསྟན་གྱི་རྣམ་རྟོག་ཀུན། །ལྷག་མཐོང་རིག་པས་སྤ་བཀོད་ན། །སྟོང་ཉིད་སྙིང་རྗེའི་སྙིང་པོ་ཅན། །ཡེ་ཤེས་ཆེན་པོར་སྟོབས་འབར་བས། །ཐམས་ཅད་མཁྱེན་པའི་གྲོང་ཁྱེར་དུ། །འགྲོ་འགྱུར་འདི་ལ་ཐེ་ཚོམ་མེད། །དེ་སྐད་སྨྲས་པས་ལྷའི་བྱ་ཚོགས། ཁྱིམ་གྱིས་སྤྲོ་བ་རབ་ཏུ་ཉམས། །ཐུབ་ཆོད་ནུས་པ་མན་ཆོད་ནས། །འཇག་མའི་སྲིན་བུ་ཡན་ཆོད་དུ། །ཀུན་ལ་འཚེ་བའི་བློ་སྤངས་ནས། །དམ་པའི་བཀའ་ཐུང་མཆོག་ལ་སྤྱོད། །བྱམས་དང་སྙིང་རྗེ་ཆེ་བ་དང་། །མཁས་ཤིང་ནུས་པ་བརྟན་པ་ནི། །བྱང་ཆུབ་སེམས་དཔའི་ཁྱད་ཆོས་ཏེ། །གང་ལས་ཆོས་ནི་རྣམ་ཤེས་པ། །དེ་ལ་བྱས་པ་ཤེས་པའི་དྲིན། །ཡང་ནས་ཡང་དུ་གཟོ་བ་ནི། །ཡ་རབས་རྣམས་ཀྱི་ཡོན་ཏན་ཡིན། །དེ་སྐད་ཟེར་ནས་ལྷའི་བྱ་ཚོགས། །ནགས་ཁྲོད་མཆོག་ལ་དེངས་པར་གྱུར། །རི་བོང་ཤིན་ཏུ་བརྟན་པའི་རྟོགས་པ་བྲག་རིའི་མགུལ་རྒྱན་ཅེས་བྱ་བ། དཔལ་གྱི་བསམ་ཡས་མཆིམས་ཕུའི་ཕྲག་དམར་རིང་མོ་ཅན་གྱི་ནགས་ཁྲོད་དུ། རྒྱལ་བའི་དབང་པོ་དྲི་མེད་འོད་ཟེར་གྱི་བྱིན་རླབས་ལས་སྣང་སྲིད་བརྡ་བརྒྱུད་ཆེན་པོར་ཤར་བའི་རྫོགས་ཆེན་པ་རང་བྱུང་རྡོ་རྗེས་སོ། །གཏམ་ཚོགས་ལེའུ་ང་གཉིས་པའོ།། །།འདུ་འཛི་ལ་སྐྱོ་བར་གཏམ། ཏོག་གི་བློ་གྲོས་ཞེས་བྱ་བ།། །།ཞི་བ་དམ་པའི་དབྱིངས་ལ་ཕྱག་འཚལ་ལོ། །བདག་ཅག་གི་སྟོན་ཤཱཀྱ་ཐུབ་དེ། །གཙུག་ཏོར་སྤངས་ནས་སིནྡྷུའི་མཚོར། །འཁོར་ལོས་སྒྱུར་བའི་རྣམ་ཐར་

(༧༧༢)ཅན། །སྙིང་གི་དབུས་ན་འདུ་འབྲལ་མེད། །མི་ལུས་ཐོབ་པ་དགའ་ལགས་ཏེ། །བྱིས་པའི་དུས་ན་བསམ་མེད་འབྱམས། །ལང་ཚོའི་དུས་ན་འཁྲུལ་པས་དྲིད། །ངེས་འབྱུང་སྐྱེ་བ་ཕྱིས་ལ་ཁད། །བསྟན་ལ་ཞུགས་ཀྱང་ལས་མཐའ་ལོག །རྟགས་ཙམ་འཛིན་པའི་བཞུགས་གྲལ་ཆུད། །འཇིགས་སྐྱོབ་ལེགས་སྨོན་ཆོས་སུ་འཁྲུལ། །དག་ཟོད་བསམས་ཆེ་སྐྱ་།།།བ་ལ། །དགེ་བའི་བཤེས་ཀྱིས་མ་ཟིན་པས། །སྡེ་སྣོད་རྒྱ་མཚོའི་གཞུང་ལ་རྨོངས། །ལྟར་སྣང་གདམས་ཕྲན་ཆོས་སུ་འཁྲུལ། །ཀུན་མཁྱེན་མཇལ་བ་ཕྱིས་ལ་ཁད། །གྲས་འགྲིམ་པའི་སྒོས་ཆོས་ཀྱིས། །འཆམས་དབྱངས་རོལ་མོ་གཏོར་རྒྱག་དང་། །གྲོང་ཆོག་རྙེད་འཚོལ་ཆགས་སྡང་ལ། །བཙུན་པར་རློམ་པའི་འཁྲུལ་ལུགས་ཨང་། །རི་ཁྲོད་དབེན་པ་བརྟེན་ན་ཡང་། །སྡིག་ཅན་རྣམས་ཀྱི་དཀོར་ལ་བྲོས། །ལོག་འཚོ་ལྔ་ལ་བག་མེད་སྦྱང་། །རང་རྒྱུད་རེངས་པ་མ་ཚོར་སྐྱོ། །ལོ་ཤས་མཚམས་ལ་བསྡད་པའི་དོན། །བླུན་པོའི་དད་པས་ཐོག་པོར་བཏང་། །རང་རྒྱུད་ཐ་མལ་ཡིན་བཞིན་དུ། །བླ་ཚུགས་འཛིན་པ་ཡ་མཚན་གནས། །སྡོམ་པ་གསུམ་གྱི་གནང་བཀག་དང་། །བསྐྱེད་རྫོགས་གནད་ལ་རྨོངས་བཞིན་དུ། །སྟོང་ལྟས་རྒྱུ་འབྲས་ཁྱད་དུ་གསད། །གྲུབ་ཐོབ་ལད་མོ་བྱེད་པ་མཚར། །སྟོང་ཉིད་རྟོགས་ན་སྙིང་རྗེ་མེད་མི་སྲིད། །སྙིང་རྗེ་ལྡན་ན་གཞན་དོན་ཤུགས་ལ་འོང་། །དམིགས་པ་མེད་པའི་བྱང་ཆུབ་དམ་པའི་སེམས། །བདེན་པ་གཟིགས་པའི་གྲུབ་ཐོབ་ལས་གཞན་མེད། །སྟོན་པ་མཆོག་དང་རྒྱན་དྲུག་མཆོག་གཉིས་སོགས། །སྦྱངས་པའི་ཡོན་ཏན་བཅུ་གཉིས་ལྷུར་མཛད་ན། །བདག་ཅག་རྣམས་ཀྱིས་འཇིག་རྟེན་ཆོས་བརྒྱད་འདིར། །གཞན་དོན་རློམ་ཡང་རང་དོན་འབའ་ཞིག་ལགས། །སློབ་དཔོན་ཆེན་པོར་རྟ་དང་གྲ་འཁོར་མེད། །བཞུགས་གནས་དག་ཀྱང་བྲག་ཕུག་མཐོང་ཙ་ན། །དགོན་གནས་ལ་ཆགས་ཁྱིམ་དུ་འདུ་ཤེས་ནས། །གསེར་དངུལ་སྤེལ་བའི་མཆོད་རྟེན་

(༧༧༣)དབང་ཆས་ཀྱང་། །འབྱུང་པོར་སྐྱེ་བའི་རྒྱུ་རུ་ད་གདོད་མཐོང་། །གཡོ་སྒྱུས་རྙེད་པ་བཙལ་བའི་གནོད་མེད་ཀྱང་། །གྲགས་སྐམ་ལ་བརྟེན་དཀོར་རྫས་འདུས་པ་རྣམས། །ཆུད་མི་འཛའ་བར་བགྱིད་པའི་ཆོ་ག་འདིས། །མཉམ་པར་བཞག་ལ་གནོད་པ་བྱས་ཀྱིས་དོགས། །བཀའ་དོན་མི་བསྒྲུབ་བཤད་ཀྱང་མི་གོ་བའི། །དཔོན་སློབ་ཟོལ་འགྲོགས་འཆད་ཉན་བྱེད་པ་ལས། ཁ་འཛིན་ཆགས་སྡང་མེད་པའི་རི་སུལ་དུ། །རྣམ་ཐར་སྒོ་གསུམ་སྐྱོང་པ་མདུན་མའི་རྩེ། །ཕུང་པོ་ལྔ་དང་བྲལ་བའི་མཉམ་གཞག་ལ། །ཚོགས་བརྒྱད་དག་པའི་ལྷག་མཐོང་མ་ཤར་ན། །སེམས་གནས་ཐོབ་ཙམ་བྱིས་པ་ཉེར་སྤྱོད་དུ། །འདུག་པས་འཕགས་པའི་བདེན་པ་མ་རེ་ཨང་། །སྒྲ་ཚད་ལ་སོགས་རིག་པའི་གནས་རྣམས་དང་། །མདོ་རྒྱུད་རྒྱ་མཚོའི་དེ་ཉིད་མཐོང་ན་ཡང་། །རང་སེམས་དེ་བཞིན་ཉིད་དབྱིངས་མ་རྟོགས་ན། །གཟུང་འཛིན་ཞགས་པས་པཎྜི་ཏ་ཡང་འཆིང་། །དེ་ཕྱིར་བདག་གིས་གསུང་རབ་ཟབ་མའི་དོན། །ཅུང་ཟད་རྟོགས་ལ་ང་རྒྱལ་རང་མཐོང་དང་། ཁེངས་སེམས་རྡུལ་ཙམ་མཆི་བ་མ་ལགས་ཀྱང་། །འདི་ལ་བརྟེན་ནས་རྣམ་གཡེང་འཕེལ་བས་སྐྱོ། །མཆིམས་ཕུ་ནགས་ཀྱི་དུར་ཁྲོད་གནས་ཕན་ཆད། །དཀོར་དང་སློབ་མའི་འདུ་བ་བག་ལ་ཉལ། །གཉིད་ཀྱང་འོད་གསལ་ཆེན་པོར་ལ་བཟླ་ཡང་། །བྱ་བ་ལས་ཀྱི་འཁོར་ལོས་ལས་རླུང་འཕེལ། །དེ་ཡི་རྒྱུ་ཡང་རང་འདོད་བྲལ་བའི་ཚེ། །གཞན་དོན་སྤངས་ན་སྨོན་འཇུག་སེམས་ཉམས་ཤིང་། །རིགས་ལྔའི་དམ་ཚིག་འདོར་བར་འགྱུར་རོ་ཞེས། །རྒྱལ་དང་རྒྱལ་སྲས་རྣམས་ཀྱིས་བསྒྲགས་ན་ཡང་། །ལམ་བདེན་ཐམས་ཅད་དྲང་དོན་ཚིག་ལ་རྟོན། །ངེས་དོན་དོན་ལ་རྟོན་དེར་མཉམ་གཞག་ན། །སེམས་ཅན་གདོད་ནས་མེད་པར་རྟོགས་གྱུར་པས། །འགྲོ་དོན་འཁོར་བ་དོང་སྤྲུགས་ཨེ་མ་ཧོ། །མཉམ་གཞག་ཆོས་ཀྱི་དབྱིངས་དང་རོ་གཅིག་ཀྱང་། །རྗེས་ཐོབ་ལས་ཀྱི་རླུང་དང་ལྷན་ཅིག་པས། །ཕུང་པོ་ལྔ་ཡི་ཟག་པ་མ་ཟད་པར། །གཞན་དོན་བློ་ཡིས་མ་སྤངས་ཞར་གྱིས་འགྲུབ། །

(༧༧༤)འཕགས་ལམ་ཡང་དག་དྲན་པ་མ་མཐོང་ན། །རྣམ་བྱང་དང་པོའི་དྲན་པ་ཉེར་གཞག་ཀྱང་། །སློབ་པ་མིན་པའི་དོན་ལ་ཆེས་རིང་བར། །མཐོང་འདི་རྫོགས་པ་ཆེན་པོའི་བཀའ་དྲིན་ཡིན། །ཆེས་ཅན་སྟོང་པར་བལྟ་བའི་མཉམ་གཞག་དང་། །རྣམ་པར་རིག་པ་ཅན་གྱི་ལྟག་མཐོང་གཉིས། །འཛིན་སྟངས་བློ་ཡིས་ཟུང་དུ་འཇུག་ཟེར་ནས། །ཐལ་འགྱུར་དམ་བཅའ་གསར་པ་འཆོས་པ་མཚར། །ད་ནི་མི་སྒོམ་བསྒོམས་བསལ་ས་རླུང་འཕར། །ད་ནི་མི་བྱེད་བྱས་པས་ཡིད་ཆོས་ལངས། །ཡིད་དང་ཆོས་ཀྱིས་བཟོས་པའི་གྲུབ་མཐའ་འདིས། །ངོ་བོ་ཉིད་མེད་ཞི་བའི་དབྱིངས་ལས་དགྲོགས། །བདེ་གཤེགས་སྙིང་པོ་རང་བཞིན་མེད་པ་ཡང་། །ཕུང་པོ་ལྔ་ལ་ཉེ་བར་ལེན་པའི་གཞི། །གཞན་ཕན་བསོད་ནམས་ཚོགས་ཀྱང་འདུ་འཛིའི་ཁོལ། །སློབ་མ་ཕལ་ཀྱང་བྱིས་དང་སྡིག་པའི་གྲོགས། །དེ་ཕྱིར་མིག་གི་འདུས་ཏེ་རེག་པ་སོགས། །འདུས་མ་བྱས་པ་ཆོས་ཀྱི་དབྱིངས་ཞི་ནས། །མཉམ་པར་མ་བཞག་མེད་པ་ལ་སོགས་པ། །རྒྱལ་བའི་ཆོས་ཁམས་རྒྱ་མཚོར་ལྷུན་གྲུབ་ཤོག །འདུ་འཛི་ལ་སྐྱོ་བའི་གཏམ། ཏོག་གི་བློ་བྲོས་ཞེས་བྱ་བ། །རྡོར་བྲག་སྤྲུལ་སྐུ་རིན་པོ་ཆེའི་ངོར། རྫོགས་ཆེན་པ་རང་བྱུང་རྡོ་རྗེས་སོ། །གཏམ་ཚོགས་ལེའུ་ང་གསུམ་པའོ།། །།བློ་ལྡན་བྷྲ་མ་རའི་གཏམ་ཚིག་ལ་མི་རྟོན་དོན་ལ་རྟོན་པ་ཞེས་བྱ་བ།། །།རྫོགས་པ་ཆེན་པོ་ལ་ཕྱག་འཚལ་ལོ། །དེ་ཡང་འདི་ལྟ་སྟེ། འདས་པ་ལམ་ཆགས། མ་འོངས་པ་མ་བསྒྲུབས། ད་ལྟའི་དུས་ཀྱི་རང་ཤེས་རིག་པའི་ཁྱེའུ་ཆུང་རྣམ་རྟོག་གི་གོས་བྲལ་བ། གཤིས་ལུགས་ལྷུག་པར་སྟོན་པ། བཏང་འགྲོ་བཞག་སྡོད། ཕྱོགས་སུ་མ་ལྷུང་བ་དེ་ཀུན་གཞིའི་སྟེང་ན་ལྷོད་དེ་གནས་པ་ན། ཤིན་ཏུ་ཉེ་བའི་ཆར་རྒྱ་བལ་གྱི་ཕྱོགས་ནས་ཡོང་པའི་མེ་ཏོག་རིགས་གཟུགས་དང་ལ་བབ་པ་ཞིག་ཡོད་དོ། །དེའི་མདུན་ན་སྐད་ཅིག་མ་དེར་ཀུན་ཏུ་བརྟགས་པའི་བུང་བ་ཤིན་ཏུ་གཞོན་ཤ་ཆགས་པ། གསེར་གྱི་མདངས་དང་ལྡན་པ། གཡུའི་གཤོག་པ་སྐྱེས་པ་

(༧༧༥)གསུང་གླིང་བུ་ལས་སྙན་པ། གཤོག་རྩལ་རླུང་ལས་སྐྱེན་པ་ཞིག་འོངས་ཏེ། མེ་ཏོག་དེ་འདབ་མཆེར་རྒྱས་པ་ལས་གེ་སར་མ་བྱེ་བ་འདུག་པ་དེའི་རྩང་འོང་ལ་ཁད་འབེབས་ལ་ཁད་བྱས་ནས་ཡང་རྒྱང་བསྲིངས་ཏེ་འདི་སྐད་ཟེར་བའི་གླུ་བླངས་སོ། །ཀྱེ་མ་ཀྱེ་མ་ལས་ཀྱིས་སྦྲེལ་བ་ཡི། །འདབ་ལྡན་ཡིད་འོང་དྲི་ཞིམ་དད་པ་ཅན། །གླུ་ཕྲེད་འདི་ལ་ཅུང་ཟད་གསན་པར་ཞུ། །ཉམ་ཆུང་བུང་བའི་བུ་མོ་འདི་སྐད་དོ། །མེ་ཏོག་ཁྱེད་ཀྱི་མཛད་པ་མ་མཐོང་ཡང་། །དྲི་ངད་རྒྱང་ནས་ཚོར་ཏེ་འདི་རུ་འོངས། ཁྱེད་ཅིག་སྐྱེས་པའི་ཡུལ་ལ་ཇི་སྐད་ཟེར། །རིགས་སམ་རུས་སམ་ཆོ་འབྲང་གང་དུ་གཏོགས། །དོན་གྱི་ཟེའུ་འབྲུའི་གེ་སར་ཙན་འབྱེད། །མཛེས་སྡུག་མཚར་བའི་མཆོད་པ་སུ་ལ་འབུལ། །འབྲས་བུ་སྨིན་པའི་དུས་ནི་ཇི་ལྟར་ལགས། །བདག་ནི་ཁྱེད་ལ་གདུང་ཞིང་ཡིད་ཆགས་པས། །ཅིས་ཀྱང་ བྱང་བ་ཀྱི་སེམས་དང་བསྡུ་བའི་དངོས་པོ་བཞིར་བརྟེན་ནས་སློབ་མ་འདུ་བ། བྱམས་པའི་སེམ་ཀྱིས་བཤད་དུ་གསོལ། །ཞེས་ཟེར་ཞིང་བར་སྣང་ལ་ལྡིང་ངོ་། །དེར་མེ་ཏོག་སྣང་མེད་དེ་ན་རེ། །ཨེ་མ་ཨེ་མ་ལས་དབང་ཤིན་ཏུ་བཙན། ཁྱོད་ཀྱི་གསུང་སྙན་ཐོས་པས་བ་སྤུ་གཡོ། །གསེར་གྱི་མདོག་ལ་གཡུ་ཡི་འདབ་གཤོག་ཅན། །དྲི་ཟའི་བུ་མོ་ལྟ་བུར་གླུ་དབྱངས་སྙན། །འགྱིང་དང་གར་གྱི་རྣམ་རོལ་ཤིན་ཏུ་མཁས། །ཚིག་གི་དྲི་མའི་བྱེད་པ་ཁ་དྲི་ཞིམ། །དེ་འདྲས་བདག་གི་སྣང་བ་དབང་ འདི་ན་བདག་པའི་བརྡ། མེད་ཕྲོགས། །ང་ཡི་ལོ་རྒྱུས་དྲང་པོར་བཤད་ཀྱིས་གསོན། །སྐྱེས་པའི་སྐྱེས་དོག་མོའི་ས་ནས་ཡིན། །ངེས་པ་བརྗོད་ན་ཨོ་རྒྱན་མཁའ་འགྲོའི་གླིང་། །ཆོ་འབྲང་རྩིས་ན་སེམས་ཀློང་མན་ངག་སྡེ། །ཟེའུ་འབྲུའི་ཐིག་ལེ་དབྱར་སོས་སྟོན་ལ་བཞད། །མཆོད་པ་འབུལ་ས་དཀོན་མཆོག་རྣམ་པ་བཞི། །འབྲས་བུ་སྨིན་དུས་གཞོན་ནུ་བུམ་པའི་ཕྲོ་ལས། སྐུ། ཁྱེད་ལ་བདག་ཀྱང་ལྷག་པར་སེམས་ཆགས་པས། ཁྱེད་ཀྱི་གནས་ལུགས་དྲང་པོ་ང་ལ་ཤོད། རྒྱུད་སྡེའི་འབྱུང་ཁུངས། །ཅེས་ཟེར་ནས་ཆོས་ ཀྱི་ངེས་འབྱེད། ལྡེམ་མེ་བསྡད་སོང་ངོ་། །དེར་བུང་བ་དེ་ན་རེ། མན་ངག་སྡེའི་སྣང་བ་བཞི་འཆར་བའི་དུས། ཀྱེ་མ་གསོན་དང་ སྔགས་ཡུགས། མ་འདྲིས་

(༧༧༦)མཛའ་ན་མོ། ཁྱོད་གསུང་ཐོས་པ་ཙམ་གྱིས་སེམས་པ་དགའ། །བདག་གི་ཡུལ་ནི་འཁོར་བའི་གཅོང་རོང་ཆེ། །ཕ་དང་མ་ནི་ལས་ངན་སྦྲང་མའི་བུ། །སྡོད་སའི་གནས་ན་དུག་ལྔའི་ཚེར་ནགས་ཁྲོད། །བྱེད་པའི་ལས་ནི་སེར་སྣའི་གསོག་འཐོག་ཆེ། །ཕུགས་ཀྱི་ལས་འཕྲོ་དེ་ལ་གཞན་གྱིས་སྤྱོད། །སླར་ཡང་འགྲོ་ས་ངན་སོང་གསུམ་པོ་ཡིན། ཁྱེད་ཀྱི་བཅུད་ལ་ཆགས་ནས་འདི་རུ་ཡོད། །སྔོན་ནས་སྨོན་ལམ་གཅིག་པས་མཇལ་ལགས་ན། །མེ་ཏོག་ལང་ཚོ་ སྐྱེ་བོ་རྣམས་རྣམ་རིག་གསར་ཡང་དུད་འགྲོ་དང་མཚུངས་པའི་དཔེ། ཉོན་མོངས་པས་གཟིར་བ། མ་དར་ཞལ་རེ་བསྐྱངས། དར་ཅིག་ཕ་ཡུལ། ཚེར་མའི་ནགས་ལ་འགྲོ། །སད་དང་སེར་བའི་གནོད་པས་མི་བརྡུང་བར། །མཁྱོགས་ནས་མྱུར་དུ་མཇལ་བའི་སྨོན་ལམ་ཞུ། །ཞེས་ཟེར་ནས་འགྲོ་ལ་ཁད་ཁད་བྱེད་དོ། །དེར་མེ་ཏོག་དེས་ཤིན་ཏུ་རིངས་པའི་ཚུལ་གྱིས་འདི་སྐད་ཟེར་ཏོ། །ཀྱེ་མ་ཀྱི་ཧུད་ལས་ཀྱིས་བསྐོས་པའི་གྲོགས། ཁྱོད་ཀྱི་གཏམ་དེ་ཐོས་པས་སེམས་མ་དགའ། ཉོན་མོངས་པའི་ཐུག་རྡུ་དང་རྟག་ཏུ་འགྲོགས་ལ། གསེར་འཇིག་རྟེན་པ་སྣ་ཚོགས། གྱི་ས་ལེ་སྤྲམ་ལྟར་སྐུ་མཚར་ཞིང་། །གཡུ་ཡི་ཁེངས་པ་འབྲོག་པའི་ སེམས་ཅན་རྣམས་ཆོས་ཕྱིར་ངང་རུང་ན། འདབ་གཤོག་ ལས་འཕྲོ་ཅན་ཡལ་བར་ནི་འདོར་བ། དང་། དྲི་ཟའི་ བློ་གསར་བ་ཚིག་འཇམ་པོས་བྲིང་དགོས་པའི་ཚུལ། བུ་མོ་ལྟ་བུར་གསུང་སྙན་ཡང་། །འདོད་ཡོན་ལ་ཞེན་པ་ལྡོག་པ། གཏམ་གྱི་པུ་ཐག་གཏུགས་ན་ཅུང་ཞིག་སྐྱོ། །འཁོར་བའི་གྲོང་ལ་བདག་ཀྱང་གནས་བཅས་ཏེ། །སྡོད་པའི་ཕ་གཞིས་དབེན་གསུམ་པས་མཐར་ཡིན། ཁྱེད་པའི་ལས་ལ་གཏད་སོ་མེད་གྱུར་ཀྱང་། །དོག་མོའི་ས་ནས་དཀོན་མཆོག་དྲུང་དུ་འཕགས། །ཕྱི་མའི་འགྲོ་ས་རང་བཞིན་སྤྲུལ་སྐུའི་ཞིང་། །ལས་འགྲོ་མཐུན་ཡང་སྨོན་ལམ་ཅུང་མ་མཐུན། །བདག་གི་དངས་མའི་བཅུད་ལ་ ཆོས་ཀྱི་བདུད་རྩི། ཁྱོད་ སེམས་ཅན་གྱི་ཁམས་ལ་བདེར་སྙིང་རང་བཞིན་དུ་ཡོད་པ། དགའ་ན། རང་ངོ་ཤེས་ན་སྐྱོན་གྱིས་མ་གོས་པ། །སྙིང་གཏམ་ཚིག་གསུམ་ ལྟ་བའི་བཤིས། བཤད་ཀྱིས་ འཁོར་བ་དང་འབྲེལ་བཅད་པ། མ་ཉིན་ནམ། གོ་འཕངས་རིམ་བཞིན་བཀྲི་བའི་དོན། །

(༧༧༧)ཞེས་ཟེར་རོ། །དེར་བུང་བ་དེ་བློ་ཅུང་ཟད་འགྱུར་ཏེ་མེ་ཏོག་ལ་བསྐར་བ་ལིང་ལིང་བྱེད་པ་དང་སྦྲགས་འདི་སྐད་ཟེར་རོ། །ཡ་མཚན་ཆེའོ་མཐོང་བས་ཡིད་འཕྲོག་པ། །རྒྱ་ཁྱོན་ཆུང་ཡང་དྲི་མས་ཀུན་ཏུ་ཁྱབ། །བཞིན་ལག་སྣང་བ་མེད་ཀྱང་གསུང་གླུ་སྙན། ཁྱེད་ཀྱི་གཏམ་དེ་ཐོས་པ་ཐེ་ཚོམ་ཟ། །སྙིང་གཏམ་ཡོད་ན་ཅིས་ཀྱང་བཤོད་པར་འཚལ། །བདག་ལ་མདང་སུམ་ཉལ་པའི་རྨི་ལམ་མཚར། །སྣ་ཚོགས་རྨིས་ཏེ་བཟང་ངན་དཔྱོད་མ་ཤེས། ཁྱོད་ནི་དཀོན་མཆོག་གསུམ་གྱིས་བསྐྱངས་པའི་བུ། །ང་ནི་དུད་འགྲོའི་ ཆོས་ཁམས་སུ་རྒྱ་མཚོའི་ཡོན་ཏན། དོན་དམ་བདེན་པ། ཀུན་རྫོབ་དབོན་པ་མི་འགོག་ རིགས་ཅན་ལས་འཕྲོ་ངན། སྙིང་གཏམ་ཕར་ཤོད་ཚུར་ཤོད་མི་བྱེད་རི། །ཞེས་ཟེར་ནས་བག་ཕེབས་པའི་ཚུལ་གྱིས་ལྡིང་ངོ་། །དེར་མེ་ཏོག་དེ་ན་རེ། །ཨེ་མ་ཚུར་ལ་གསོན་དང་བྷྲ་མ་ར། །སྙིང་གཏམ་བཤད་པར་སྤྲོ་སྟེ་ཉན་པར་དཀའ། །ད་དུས་སྙིགས་མ་ལྔ་བདོའི་མར་ཞབས་ལ། །ཕ་ཡི་གཏམ་ལ་བུ་ཡིད་མི་ཆེས་དུས། །བདག་གིས་དྲང་གཏམ་བཤད་ཀྱང་ཡིད་ཆེས་དཀའ། །དེ་བས་ཁྱོད་རང་ཟེར་བའི་རྨི་ལྟས་དེ། །བདག་ལ་ཕྲི་བསྣན་མེད་པར་དྲང་པོར་ཤོད། །རྨི་ལམ་བག་ཆགས་ཡིན་པས་མི་བདེན་ཡང་། །ཀུན་རྫོབ་རྟེན་འབྲེལ་ནམ་ཡང་མི་བསླུ་ཕྱིར། །དེ་ལ་བརྟག་དཔྱད་བྱས་ནས་ལན་ཅིག་འདེབས། །དེ་དོན་ཐུགས་ལ་ཆུང་དམ་སྙིང་གི་གྲོགས། །ཞེས་ཟེར་རོ། །དེར་བུང་བ་དེ་ན་རེ། །ཀྱེ་མ་ཀྱི་ཧུད་ལས་ཀྱིས་འབྲེལ་བའི་གྲོགས། །རྨི་ལམ་སྤ་གསང་མེད་པར་ཁྱོད་ལ་བཤད། །དེ་ལ་དྲང་པོར་བརྟགས་ནས་ལན་ཅིག་མཛོད། །མདང་སུམ་ཚང་དུ་ཉལ་བའི་རྨི་ལམ་ན། །ཆུ་ཤིང་ནགས་ཚལ་ཤིན་ཏུ་སྐྱིད་པའི་ཁྲོད། །གཡུ་མཚོ་སྔོན་མོ་དངས་ཤིང་མེར་བའི་མཐའ། །མེ་ཏོག་ཤིན་ཏུ་བཀྲ་བས་རབ་ཏུ་གང་། །དེ་ནང་བདག་དང་བདག་འདྲའི་བུང་བ་ནི། །གྲངས་ཀྱིས་མི་ལང་དགའ་བའི་གར་རྩེ་ཞིང་། །སྙན་པའི་གླུ་ལེན་ཞིམ་པའི་རྩི་བཅུད་ལེན། །ཕུན་ཚོགས་དཔལ་ལ་ཆགས་པའི་གནས་སྐབས་ན། །ལྷོ་སྤྲིན་སྨུག་པོས་ནམ་མཁའི་སྐུ་མདོག་གཏུམས། །གཡུ་འབྲུག་སྔོན་མོས་སྡེ་བརྒྱད་བྲན་དུ་

(༧༧༨)བཀོལ། །ཤིན་ཏུ་སྟོང་པ་ནམ་མཁའ་ཀློང་དཀྱིལ་ནས། །མི་སྲིད་སྲིད་པའི་ཆུ་ལ་ཁྱགས་རིལ་བུ་བྲུལ། །མེ་ཏོག་ཆེ་བ་རྣམས་ཀྱི་འདབ་མ་བཅག །ཆུང་བ་རྣམས་ཀྱི་སྡོང་པོ་རྨང་ནས་སྐྱེལ། །སྙིང་གྲོགས་བུང་བའི་ཚོགས་རྣམས་ས་མཐའ་ལ་བྱར། །བདག་དང་མཇལ་ལན་བྱེད་པའི་གོ་སྐབས་བྲོགས། །ང་རང་བར་མ་དོ་རུ་གཅིག་བུར་ལུས། །དེ་འདྲའི་ངང་ལ་གཉིད་ལས་སད་པ་རྨིས། །དེ་ལ་གཏམ་ལན་ཤོད་ཅིག་སྙིང་གི་གྲོགས། །ཞེས་ཟེར་རོ། །དེར་མེ་ཏོག་ན་རེ། ཀྱེ་མ་ཀྱི་ཧུད་ཉམ་ཆུང་སྦྲང་མའི་བུ། ཁྱེད་ཀྱི་རྨི་ལམ་དེ་ནི་ངོ་མཚར་ཆེ། །རྩ་རླུང་སེམས་གསུམ་འཁྲུགས་པའི་ཆོ་འཕྲུལ་ཡིན། །དེ་ཡི་གནས་ཚུལ་བཤད་ཀྱི་རྣ་བ་ལྷོགས། །རྣམ་དཔྱོད་བློ་གྲོས་ལྡན་ན་བརྡ་དོན་ལ། །བརྟགས་པས་འཁོར་འདས་གཉིས་ཀྱི་མཚང་ཡང་ཤེས། །རྨོངས་པ་བ་གླང་རྫི་ཡི་བྱེས་པ་རྣམས། །བོང་བུ་ཞོན་ནས་བོང་བུ་འཚོལ་ལ་རྒྱུག །དེ་ཕྱིར་མཁས་བླུན་བྱེ་བྲག་ཤིན་ཏུ་ཆེ། །ཆུ་ཤིང་ནགས་ཚལ་ཤིན་ཏུ་སྐྱིད་པ་དེ། །འཁོར་བ་ཆུ་ཤིང་ལྟ་བུར་སྙིང་པོ་མེད། །རང་དབང་ཡོད་དུས་བཙན་ས་འཛིན་དགོས་བརྡ། །གཡུ་མཆེ་སྔོན་མོ་དངས་ཤིང་མེར་བ་དེ། །རིགས་དྲུག་རྒྱ་མཚོའི་ཀློང་ལས་ཟབ་པའི་བརྡ། །མེ་ཏོག་བཀྲ་བས་ཡོངས་སུ་གང་བ་དེ། །དེ་ལ་ཆགས་ནས་ངན་སོང་བསྒྲུབ་པའི་བརྡ། །རང་དང་རིགས་འགྲེའི་པུང་།།།བས་གང་བ་དེ། །འཁོར་བའི་སེམས་ཅན་བསམ་གྱིས་མི་ཁྱབ་བརྡ། །སྙན་པའི་གླུ་ལེན་བཅུད་ཀྱིས་མྱོས་པ་ནི། །སྡུག་བསྔལ་བདེ་བར་མཐོང་ནས་བསླུ་བའི་བརྡ། །ལྷོ་སྤྲིན་སྨུག་པོས་ནམ་མཁའ་ཁེངས་པ་དེ། །ལས་ཀྱི་མུན་པས་རྒྱབ་ནས་འདེད་པའི་བརྡ། །གཡུ་འབྲུག་སྔོན་མོ་དར་སྐད་འབྱིན་པ་དེ། །གཤིན་རྗེའི་ཕོ་ཉ་གད་རྒྱངས་སྒྲོག་པའི་བརྡ། །ནམ་མཁའི་ཀློང་ནས་སེར་བ་འབབ་པ་དེ། །བཞི་པ་རྒྱ་རྩ་བཞིའི་ནད་ཀྱིས་འཚེ་བའི་བརྡ། །མེ་ཏོག་རྣམས་ཀྱི་འདབ་མ་བཅག་པ་དེ། །སྒྱུ་མའི་ལུས་དང་སེམས་གཉིས་འབྲལ་བའི་བརྡ། །སྙིང་གྲོགས་ཐམས་ཅད་ས་མཐར་འཁྱར་བ་དེ། །འགྲོགས་

(༧༧༩)པའི་མཐའ་མ་ངེས་པར་འབྲལ་བའི་བརྡ། །བར་མ་དོ་རུ་གཅིག་པུར་ལུས་པ་དེ། །བན་རོའི་གནས་ལ་རེ་ལྟོས་མེད་པའི་བརྡ། །ཀྱེ་མ་ཀྱི་ཧུད་རྨི་ལམ་ཡ་མཚན་ཆེ། །ངེས་པའི་དོན་དུ་ཆོས་རྣམས་སྤྲོས་བྲལ་ཡིན། །སྐྱེ་འཆིའི་མིང་དང་འཁོར་འདས་ཀ་ནས་དག །དྲང་བའི་དོན་དུ་དེ་ནི་ཤིན་ཏུ་བདེན། །འཁོར་བ་སྡུག་བསྔལ་ཆེ་ལ་སྙིང་པོས་དབེན། །ཚེ་སྲོག་རྩྭ་ཁའི་བྲིལ་པ་ཆེས་མི་རྟག །གཤིན་རྗེ་ཆོས་རྒྱལ་ཁོད་ལ་སྙིང་རྗེ་མེད། །བསགས་པའི་དཀར་ནག་ལས་འབྲས་ཀྱི་ཐག་རིང་། །བྱི་དོར་བྱས་ཀྱང་རྗེས་ལ་འགྲོགས་ནས་ཡོང་། །ཨེ་མ་ཨེ་མ་འཇིགས་ལ་ང་རེ་འཇིགས། །ཤི་བས་མི་ཆོག་ངན་འགྲོའི་སྡུག་བསྔལ་འཇིགས། །དེ་འདྲ་བཤད་པ་ཙམ་གྱིས་སྙིང་འདར་ན། །དངོས་སུ་མྱོང་ཚེ་ཅི་དྲག་ཨ་ཙ་མ། །གྲོགས་པོའི་མདུན་མ་ནོར་བ་སྙིང་རེ་རྗེ། ཁྱོད་འདྲའི་སེམས་ཅན་མང་པོས་ས་སྟེང་གང་། །དྲང་གཏམ་རྗེན་པར་བཤད་ན་ལོག་པར་གོ །ཆང་ལན་ཆུ་ཡིས་གཞལ་བའི་སེམས་ཅན་ཚོར། །རྫོགས་པའི་སངས་རྒྱས་བྱོན་ཀྱང་མཛད་པ་རྡུགས། །འདི་འདྲ་བསམས་ན་སྙིང་རླུང་དབང་མེད་འདུས། །ཨ་ཙ་མ་ན་ལས་ངན་སེམས་ཅན་ཚོགས། །ཞེས་ཟེར་ནས་མེ་ཏོག་དེ་མཆི་མ་ཁྲམ་ཁྲམ་བྱེད་ཅིང་མགོ་ཁུག་གེ་བསྡད་སོང་ངོ་། །དེར་བུང་བ་དེ་བློ་ཆེས་ཆེར་འགྱུར་ནས་མཉམ་དུ་མཆི་མ་འདོན་པ་དང་སྔགས་དུ་མ་དབྱངས་ཀྱིས་འདི་སྐད་ཟེར་རོ། །ཀྱེ་མ་ཀྱི་ཧུད་ལས་ཀྱིས་བསྐོས་པའི་གྲོགས། །བདག་གི་རྨི་ལམ་དཔྱད་པ་རྟགས་མ་ལེགས། ཁྱོད་ཀྱིས་གསུངས་པའི་གཏམ་དེ་ཆེས་མ་སྙན། །ཚེ་ལ་སྐྱེ་འཆི་ཡོད་པ་ངས་གོ་ཡང་། །ལས་ལ་དཀར་ནག་ཡོད་པ་སུ་ཡིས་རིག །བདག་གི་མདུན་མ་ནོར་བས་མ་རི་འཇིགས། །གཤིན་རྗེ་ཆོས་རྒྱལ་ཟེར་བའི་།།།རྫི་བར། །འཇིག་རྟེན་ཁ་གྲགས་ཅན་གྱི་ ཚེ་འདིའི་རིགས་གཟུགས་དཔལ་འབྱོར་གྱིས་དྲེགས་པ། བཀའ་ཤོག་དང་། འདྲིན་པ་མངའ་ཐང་ཅན་སྤངས་རྟོགས་ཀྱི་ཡོན་ཏན་མེད་ན་ཚེ་གཅིག་འཁྲོལ་བའི་ཕ་མ་སྟོན་མི་འདུག་འཆི་བར་འཇིགས་ནས་རིམ་འགྲོ་བྱེད་ཀྱང་། རྣམ་སྨིན་པ་མི་འཛོམ་པར་གྱ་ཅོམ་སྤྱོད་པ། གྱི་ཐུགས་རྗེ་དང་། དངོས་པོར་ནི་ སྡིག་པའི་ཁོ་བཀོལ་གྱིས་བསྒྲུབས་པའི་དགེ་སྟོབས་

(༧༨༠)ཆེན་གྱིས་ཀྱང་མི་ཕན། ཅན་གྱི་བརྔན་པ་དང་། །མོ་བཙུན་མཚར་སྡུག་མཛངས་མའི་བསླུ་བྲིད་སོགས། །འགྲོ་ས་ཡོད་དམ་མེད་པ་ཁྱེད་ཀྱིས་ཤོད། །ཡོད་ན་བདག་ཀྱང་དེ་ལ་ཐབས་ཀྱིས་འཚོལ། །མེད་ན་དེ་ལ་ཕན་པའི་ཐབས་ཤིག་བགྱི། །རན་ནོ་རན་ནོ་ད་ནི་ཕྱིས་ལ་ཁད། །དལ་པོའི་ལོང་མེད་ལའུ་ལའུར་སྨོས། །ཞེས་ཟེར་རོ། །དེར་མེ་ཏོག་ན་རེ། ཨེ་མ་གསོན་དང་སྙིང་མེད་གཟུགས་བཟང་མ། སྡོམ་གསུམ་གྱིས་ནང་བཀག་མི་ཤེས་ཤིང་རྟོགས་པས་རྒྱུད་མ་བྲོལ་ན་ཆོ་རིགས་དང་སྔགས་ལམ་ལ་བསྙད་པའི་ཆུང་མས་འཆིང་། མདུན་མ་ནོར་བར་གོ་ན་བདག་ལ་ཉོན། །ལས་ལ་དཀར་ནག་མེད་ན་མུ་སྟེགས་ཡིན། །གཤིན་རྗེ་ཆོས་རྒྱལ་ཟེར་བའི་ ལས་སད་པའི་གང་ཟག་ལ་ངེས་འབྱུང་གློ་བུར་སྐྱེ་བ། དྲག་ཤུལ་ཅན། །སྙིང་རྗེ་ཆ་ཙམ་མེད་པ་དེ་འདྲ་ལ། ཁ་གྲགས་ཅན་དང་ལྟར་སྣང་ཐུགས་རྗེ་དང་། །དངོས་པོའི་བརྔན་སྦྱིན་མཛེས་མའི་བསླུ་བྲིད་སོགས། །ལས་སྒོ་དེ་ལ་ལུད་ཙམ་འགྲིམ་ས་མེད། །དེ་ལ་ཨེ་ཕན་དགོངས་ན་འདི་ལྟར་མཛོད། །སྐྱབས་ལ་དཀོན་མཆོག་གསུམ་ལས་བཟད་པ་མེད། །མགོན་ལ་རྩ་བ་གསུམ་པས་ལྷག་པ་མེད། །དཔུང་གཉེན་རང་ངོ་ཤེས་ལས་ལོགས་པ་མེད། །བླ་མ་སྤྱི་བོར་བསྒོམས་ན་སྐྱབས་ས་ཡོད། །ཡི་དམ་རང་ངོ་ཤེས་ན་བརྟེན་ས་ཡོད། །མཁའ་འགྲོ་རིག་པར་ཤེས་ན་དངོས་གྲུབ་ཡོད། །མ་ཎི་པདྨེ་འདྲེན་ན་ཐུགས་རྗེ་ཡོད། །དག་སྣང་ཕྱོགས་མེད་སྦྱངས་ན་ཐར་པ་ཡོད། གཞིའི་སྐྱབས་འགྲོ། མཐོང་ ལམ་གྱི་སྐྱབས་འགྲོ། ཚད་བླ་མར་ཤར་ན་མོས་གུས་ཡོད། འབྲས་བུའི་སྐྱབས་འགྲོ་ཀ་དག །སྣང་སྟོང་སྒྱུ་མར་གོ་ན་ གཟུགས་སྐུ། བསྐྱེད་རིམ་ དྲན་པ། ཡོད། །གསལ་སྟོང་ལོངས་སྐུར་ ལྷུན་གྲུབ། འཆད་ན་ཞིང་ཁམས་ཡོད། དེ་ལ་མེད་དུ་དགེ་སྦྱོར་དང་སྤྱོད་ལམ་བསྲེ་བའི་དགེ། ཚང་ཆེད་པ་བཞི། །རིག་སྟོང་ཆོས་སྐུར་རྟོགས་ན་རྫོགས་ ཤེར་དབང་། རིམ་ཡོད། ལམ་དུ་ལོངས་པའི་ཚད། རང་རིག་བླ་མར་ཤེས་ མཚོན་བྱ་དོན་གྱི་ཡི་ཤེག་།།།ཚིག་དབང་གི་ལམ། ན་ཉམས་ལེན་ཁོད། བུམ་དབང་གི་ལས། གསང་དབང་། ཆོས་བརྒྱད་འགྲོ་ཕྱོགས་བཞག་ན་ བྱ་བ་བཏང་བའི་རྟགས། དམ་ཆོས་ཡོད། གཞན་

(༧༨༡)ཕན་ལྷག་བསམ་བསྐྱེད་ན་བྱང་སེམས་ཡོད། །མི་ཚེ་ཆོས་ལ་དྲིལ་ན་དལ་འབྱོར་ཡོད། །རི་ཁྲོད་དབེན་པར་ཕྱིན་ན་སངས་རྒྱས་ཡོད། །དབྱིངས་རིག་གཅིག་ཏུ་འདྲེས་ན་ཉམས་རྟོགས་ཡོད། །གཅིག་པུར་སྒྲུབ་ཚུགས་བཟུང་ན་རྟོགས་ཚད་ཡོད། །བམ་རྟགས་ཡོན་ཏན་ཤར་ན་དངོས་གྲུབ་ཡོད། །དེ་ལ་ཡོད་པ་རྣམ་པ་བཅུ་བདུན་མཛོད། སོན་པ། །ཚེ་འདིས་རྣམ་ འཇུག་པ། པར་དྲིད་ལ་ཕྱི་མ་ རྩེ་གཅིག མེད། །སྤོམ་ཡོར་ཇོ་རྫུ་ཅན་ལ་ཏིག་པོ་མེད། །མི་ སྤྲོས་བྲལ། ཤེས་ཁེངས་ རོ་གཅིག པ་མཐོ་ལ་འདི་ཡིན་མེད། །རང་མཐོང་ང་རྒྱལ་ཆེ་ལ་ནང་ཡོན་ སྒོམ་ཆེད། མེད། །ལོག་ལྟས་རང་སེམས་གནད་ མཆོག་གི་ ལ་ལས་འཕྲོ་མེད། །ཕྱོག་འཛིན་འཆིང་བ་ཅན་ལ་སྐལ་པ་མེད། །མི་ཚེ་སྡིག་ལ་སྒྲིལ་ འཁོར་བར་མི་སྦྱོ། ལ་མཐོ་རིས་མེད། ཆོས་ལྟར་བཅས་པ། །དམ་ཚིག་རས་སུ་བོར་ལ་དངོས་གྲུབ་མེད། །གསོག་འཇོག་ བླུན་རྨོངས། སེར་སྣས་བཅིངས་ལ་ལོངས་ ཀུན་སྤྱོད་ཤིན་ཏུ་ངན་པ། སྤྱོད་མེད། དད་པ་ཅུང་ཟད་ཀྱང་མེད་པ། །ཞེ་སྡང་མཚོན་ཆ་བནར་ལ་ཚེ་རིང་མེད། །གཞན་དབང་དུ་སོང་ག་།།།ལས་ངན་གྱི་མཚོ་ཆེན་བརྡོལ་བ། ཕྲག་དོག་ མི་དགེ་སྡིག་སྤྱད། གོས་སུ་གྱོན་ལ་བདེ་བ་མེད། །འདོད་ཆགས་ཟས་སུ་ སྡོམ་དང་དམ་ཚིག་འཆལ་བ། ཟ་ལ་མི་ལུས་མེད། །གཏི་མུག་སྐོམ་དུ་འཐུང་བ་ཡ་ཤས་ འཆིང་བ་དམ་ལྡན། མེད། །ང་རྒྱལ་ནོར་དུ་བཅང་ལ་དགེ་སེམས་མེད། །དཀོན་མཆོག་ ཚིག་རྐང་ལྔས་དུག་ལྔ་འབྲུག་བསྙོན་ཅིང་། ལྡག་ཚོགས་བདུད་ཀྱིས་ཟིན་པ་ལང་སྦྱར་དུ་རུང་། དཀོར་ལ་ ལྡན་གྲོལ་གཉིས་ཀ་དང་མི་ལྡན་ཞིང་ཆོས་ལ་མི་སེམས་བཞིན་དུ། འཕགས་པ་བསོད་ནམས་མེད། ཁོག་འཚོའི་ ལོག་འཚོལ་ཝ་སྟེ། དེད་ཆོས་བཞིན་བགྱི་བ་ལ་བཟའ་བཏུང་མེད་ཟེར་བ་ལྟ་བུའི་གཞོགས་བློང་། རྙེད་པས་རྙེད་པ་འཚོལ་གྱི་གཞན་ངོ་སྟེར་བྱིན་གྱིས་བསྲུང་བ། གཞང་སྡུན་།།།དུ་བཙུན་ཚུགས་དང་ཞི་དེས་སོགས་པའི་ཚུལ་འཆོས། རང་གི་དཀའ་ཐུབ་དང་སྦོད་ཐག་བྱས་ཚུལ་གྱི་བགས་གས།།། ཡོན་བདག་ཆྒཻ་མོས་བདག་ལ་འདི་ཙམ་བྱིན། བྱིན་པའང་བདག་ཚུལ་ཁྲིམས་དང་། ཐོས་པ་དང་། རྟོགས་པ་ཕུན་སུམ་ཚོགས་པའི་རྒྱས་སོ་ཟེར་བའམ། གཞན་ཡང་མི་སྟེར་བཞིན་དུ་སློང་། ཉུང་བ་ལ་གྲོ། ངོ་ཆོག་པར་སྟེར་དུ་འཇུག །ཐོབ་ཐང་རྩིས་ནས་ཡེན་པ་སོགས་སོ། །ཟས་ལ་བརྡམས་ལ་ རང་སྡོམ་འཇིགས་སྐྱོབ་ཙམ་ལ་ཡན་གནས་སུ་རྣོམ་ནས། །

(༧༨༢)ཐར་པ་མེད། །མི་ཆོས་གཡེང་བ་ཚེ་ལ་དམ་ཆོས་མེད། །དེ་ལ་མེད་པ་རྣམ་པ་བཅུ་བདུན་མཛོད། །ཨེ་མ་འཁོར་བའི་རྒྱ་མཆོག་ཏིང་རེ་འཇིགས། ཁྱོད་ཀྱང་མདུན་མ་ཡོད་པ་མི་བྱེད་དམ། །ཞེས་ཟེར་རོ། །ནང་གི་རྩ་མདུང་གྲོལ་བའི་རྟེན་འབྲེལ་ལས་ཆོས་འབྱུང་བའི་བརྡ་ཆོས་དང་པོ་འདི་ཡུད་ཙམ་ལ་བབས་ཤིང་། དུས་དེར་ཐོས་པ་དང་ན་ཚོད་གཉིས་ཀ་ ཚས་ཕྱིར་ལེ་ལོ་ཅན། གཞོན་ནུར་གྱུར་པས་ཡིད་བཞིན་མཛོད་སོགས་མ་མཇལ་ཡང་། དེ་ལས་བཤད་པའི་ཕྲལ་བྱུང་རྐྱེན་གྱིས་མི་ཁོམ་པ་བརྒྱད་དང་། །རིས་ཆད་བློས་མི་ཁོམ་པ་བརྒྱད་ཀྱི་ནང་གྲངས་འདིར་རང་ཤར་བ་སླན་ཆད་མཆན་དུ་གསལ་བར་བགྱིས་ཤིང་། གོ་རིམ་གྱི་ངེས་པ་སྤངས་པ་བསྒྲིག་བཅོས་མ་བགྱིས་པར་སོར་བཞག་གོ །དེར་བུང་བ་དེ་ན་རེ། ཨེ་མ་གསོན་དང་སྙིང་གི་གྲོགས། ཁྱོད་དང་ཕྲད་པ་བསོད་ནམས་བསགས། །གལ་ཏེ་ཁྱེད་དང་མ་མཇལ་ན། །བདག་གི་མདུན་མདེའུ་ནོར་བྱས། །ད་ནི་དཀར་ནག་ལས་ལ་འཇིགས། །ད་ནི་ལའུར་ཆོས་ལ་འགྲོ། །བླ་མ་བཟང་པོ་གང་ན་ཡོད། །ཆོས་ཀྱི་འཇུག་སྒོ་ཇི་ལྟར་ཟབ། །ཡི་དམ་བྱིན་རླབས་ཅི་ཞིག་ཚེ། །མཁའ་འགྲོ་དངོས་གྲུབ་སུ་ཞིག་མྱུར། །ཉམས་ལེན་ལག་བཅང་གང་ལ་བྱེད། །སྡོད་པའི་གནས་སུ་ཇི་ལྟར་ལེགས། །འགྲོགས་པའི་གྲགས་སུ་སུ་རང་བཟང་། །ཕུགས་ཀྱི་བློ་གཏད་སུ་ལ་ཞུ། །དེ་འདྲ་དྲང་པོར་ང་ལ་གསུང་། །ཞེས་ཟེར་རོ། །དེར་མེ་ཏོག་ན་རེ། སྔོན་ནས་ལས་འཕྲོས་འབྲེལ་བ་དེ། །ངོ་མཚར་ཆེ་བའི་ཚད་དུ་བདོག །བསླབས་པའི་ཁ་ལ་ཉན་བ་དེ། །ངོ་མཚར་ཆེ་བའི་ཚད་དུ་གོ །མདུན་མ་ནོར་བར་ཤེས་པ་དེ། །སྦྱང་བ་ཡིན་པའི་ཚད་དུ་གོ །ལས་འབྲས་བདེན་པར་རྩི་བ་དེ། །གྲུང་པོ་ཡིན་པའི་རྟགས་སུ་གོ །མ་ཡེངས་ཉོན་དང་སྙིང་གི་གྲོགས། །བླ་མ་བཟང་པོས་ལུང་པ་ཁེངས། །ཆོས་བརྒྱད་མཁན་དང་ བསྡུ་དངོས་བཞི་དང་ཕྱིན་དྲུག་གི་སྤྱོད་པ་ལ་མ་ཞུགས་པ། །བླ་མས་ཅི་གསུང་ཆེ་དམར་འཛིན་པས། ནོར་ས་ཡོད། །ཞི་བ་ རང་རྐྱོན་མཐོང་བ། མོར་བརྟག་པ་ མདོ་རྒྱུད་ནས་གསུངས་པ། མན་ དེས་ཤེས་ནང་ནས་སྐྱེས་པ། ངག་ཡིན། །ཆོས་ཀྱི་འཇུག་

(༧༨༣)སྒོ་མ་ཟེབ་མེད། །ཐེག་པ་ཆེ་ཆུང་ནོར་ས་ཡོད། །མདོ་སྔགས་སྟན་ཐོག་གཅིག་ཏུ་དྲིལ། །ཡི་དམ་གྙ་ལ་བཟང་ངན་མེད། །ལྷ་རྟགས་འདྲེ་རྟགས་ནོར་ས་ཡོད། །རེ་དོགས་མེད་པ་ཡང་རྩེ་ཡིན། །དངོས་གྲུབ་མཁའ་འགྲོ་ཀུན་གྱིས་འབྱུང་། །ལྷ་བདུད་གཉིས་པ་ནོར་ས་ཡོད། །འཁྲུལ་པར་དག་སྣང་མ་ཟེར་ཅིག །ཉམས་ལེན་སེམས་བསྐྱེད་དང་བྲལ་བཞིན་དུ་ཐེག་པ་ཆེན་པོར་ཁས་འཆེ་བ། རང་རིག་རྗེན་པ་བཟང་། མདོའི་སྤྱོད་པ་དང་སྔགས་ཀྱི་ཐབས། །བདེ་གསལ་ཉམས་དང་ནོར་ས་ རྨི་ལམ་དང་མངོན་ཞེན་ལ་འཐས་པ། ཡོད། །ཉམས་ལ་ལྟ་བར་མ་འཛིན་ཅིག །སྡོད་པའི་གནས་སུ་བས་མཐའ་ལེགས། །སྐྱིད་ཆོས་ཟོལ་དང་ནོར་ས་ཡོད། འཇིག་རྟེན་གྱི་མཁའ་འགྲོ་མས་ཉམས་བལྟས་ནས། ལུང་སྟོན་པ་བ་བདེན་འཇོན་དང་རྒྱུད་དུ་ཤར་བ། །ཕྱུགས་ བློ་དྲལ། དང་འདུ་ལོངས་མ་པས་གཅིག །འགྲོགས་པའི་གྲོགས་སུ་རང་རིག་བཟང་། །དྲན་པས་བཟུང་དང་ནོར་ས་ཡོད། བདེ་གསལ་མེ་ཏོག ཁྱབ་གདལ་ལྷིང་བའི་ཤེས་པ་སྐྱོངས། །ཕུགས་ཀྱི་བློ་གཏད་ རྟོགས་རྫུ་ཡེངས་མ་ལམ་དང་། ལེགས་སྨོན་གྱི་སྤྱོད་པ་ཚུལ་ཁྲིམས་སུ་རློམ་པ། སྐུ་གསུམ་བཟང་། །བཅོས་མའི་ཆོས་དང་ནོར་ས་ཡོད། །ཡེ་ནས་འདུ་འབྲལ་མེད་པ་དགོས། །བསླབ་བྱ་དེ་ལས་མ་བྲལ་ན། །འཁོར་བའི་གྲོང་ས་ཕྱི་ཕྱག་ བྱིས་པ་ཉེར་སྤྱོད་ཀྱི་བསམ་གཏན། འཆོལ། །འཁོར་འདས་གཉིས་ལ་རྩིས་གྲུབ་སྤོངས། འབྲས་བུའི་གྲོལ་ས་ངོ་ཤེས་པ། །འཁོར་བ་རྫུན་གྱི་ཟོ་རིས་ལ། །རྟག་པར་འཛིན་པའི་ངེས་ཤེས་ ཡིད་སྨོན་གྱི་འབྲས་བུ་ལ་རེ་བ། སྤོངས། །མྱང་འདས་རྟོགས་པའི་འཁོར་ལོ་ལ། །ཡིད་ཆེས་སྐྱེས་པའི་ཞེན་ཆགས་ཐོང་། །འཁོར་འདས་གཉིས་མེད་ཆོས་སྐུ་ལ། །སྤྲོས་པའི་མཐའ་ཡིས་ཀུན་ནས་ སྤང་བླང་མེད་པའི་དོན་ལ་ལ་བཟླ་བ། དབེན། །བཅིར་གྲོལ་མེད་པའི་རིག་པ་ལ། །རྫོགས་པ་ཆེན་པོའི་དགོངས་པ་ཡོད། །ཡུལ་ གཟུང་བའི་ཆ། ཡོད་པའི་ཕྱོགས་འཛིན་པ་དག་མེད་པར་ངས་ཤེས་སྐྱེས་པ་གཉིས་ཀས་བསླུ་བ་ཡིན། དང་ཡུལ་ འཛིན་པའི་སེམས་ ཅན་དབྱེན་མེད་ལ། །མ་བཅོས་རང་ཁའི་ གནས་དག་པ། གནས་ དོན་རྣལ་མ། ལུགས་རྫོགས། །སྒོ་གསུམ་བྱ་རྩོལ་དགུ་ཕྲུགས་ཐོང་། །ལས་རླུང་ཟད་པའི་རྟེན་འབྲེལ་ཡོད། །དེ་

(༧༨༤)ཟད་ན་རགས་ལུས་གཞལ་སྐུར་གྲོལ། །སེམས་དངས་མའི་རིག་པ་དབྱིངས་དང་འདྲེས། །ཡེ་གདོད་མའི་རྒྱལ་ས་ཟིན་པར་ངོས། །དེ་གོའམ་སྙིང་གྲོགས་ལས་འཕྲོ་ཅན། །ཞེས་སྨྲས་པས་བུང་བདེ་ཅུང་ཟད་བློ་འགྱུར་ནས་འཛུམ་མདངས་སྟོན་པ་དང་མཉམ་དུ་འདི་སྐད་ཟེར་རོ། །ཨེ་མ་ཨེ་མ་སྐལ་བཟང་བུང་བ་ང་། །མེ་ཏོག་ཁྱོད་དང་མཇལ་པས་བསོད་ནམས་བསགས། །ད་ནི་འཁོར་བའི་ལས་ལ་ཞེན་པ་ལོག །དབེན་གནས་རི་ཁྲོད་འགྲིམ་པའི་བསམ་པ་དུང་། །ཚེ་གང་ཆོས་ལ་བསྒྲིལ་བའི་དམ་བཅའ་འབུལ། །ཚེ་གཅིག་འཇའ་ལུས་འགྲུབ་པའི་གདམས་ངག་ཞུ། །ད་ཕན་གྲོགས་པོར་བལྟས་པ་བཟོད་པར་གསོལ། ཁྱོད་ནི་རྟོག་མེད་འོད་གསལ་དགོངས་པ་ཅན། །ཡེ་ཤེས་ཐུགས་རྗེའི་ལོ་འདབ་རབ་ཏུ་རྒྱས། །སྨྲས་ཚད་ཆོས་སྒྲར་ཡོང་པ་ངོ་མཚར་ཆེ། །མ་རིག་རྨོངས་པའི་སེམས་ཅན་བདག་འདྲ་ལ། །སྙིང་རྗེའི་ཞགས་པས་འདེབས་པའི་དུས་ལ་བབས། །ཐུགས་རྗེའི་ལྕགས་ཀྱུས་འཛིན་པའི་དུས་ལ་བབས། །སྨིན་ སོ་སོ་སྐྱེ་བོས་བླ་མ་མི་རུ་མཐོང་བ། གྲོལ་གདམས་ངག་སྟོན་པའི་དུས་ལ་བབས། །རེ་ས་གཞན་ན་མེད་དོ་ཐུགས་རྗེས་ཟུང་། དགེ་བའི་བཤེས་གཉེན་གྱི་ཡོན་ཏན་མཐོང་ཙ་ན་ཅི་གསུང་ཆོས་སུ་སོང་། །ཞེས་ཟེར་ཞིང་ཐལ་མོ་ཁ་སྦྱར་ནས་ཤིན་ཏུ་གུས་པའི་ཚུལ་གྱིས་བསྡད་སོང་ངོ་། །དེར་མེ་ཏོག་ན་རེ། །དུད་འགྲོའི་ལུས་ལ་དག་པའི་བློ་གྲོས་ཅན། །བློ་གསལ་རིག་པ་ཧུར་ལ་སྨྲ་བ་མཁས། །ལས་འཕྲོ་བག་ཆགས་སད་པའི་ཉམ་ཆུང་ཁྱོད། །མེ་ཏོག་ང་དང་འཕྲད་པ་བསོད་ནམས་བསགས། །ཐོབ་འཚེངས་རང་གྲོལ་ཆེན་པོའི་ཆོས་ཤིག་བཤད། །རྒྱལ་བཤད་ཚིག་གི་སྤུན་པས་དོན་མི་མཐོང་། །སྙིགས་དུས་ཚེ་ལ་དལ་ཁོམ་ཡོད་མ་ཡིན། །མི་རྟག་འཆི་བ་ རྣམ་པ་ཀུན་ཏུ་ད་སང་འཆི་འམ་སྡོད་སྙམ་པའི་ཐེ་ཚོམ་ལོག་གེ་བ་དགོས། དྲན་པ་རྒྱུན་དུ་གཅེས། །ཆོས་ལ་ཤུགས་ཀྱིས་འཇུག་པའི་བརྩོན་འགྲུས་བསྐྱེད། །འཁོར་བར་ཞེན་པ་ལྡོག་པའི་དགོས་བྱེད་ཡོད། །སྐྱབས་གནས་བསླུ་མེད་དཀོན་མཆོག་རྣམ་གསུམ་ ཤེས་བྱའི་རྣམ་གྲངས་མང་པོས་ཆོས་ཉིད་རྣལ་མའི། ལ། །བློ་སྙིང་བྲང་གསུམ་ཐོད་ལ་སྐྱབས་ དཀོན་མཆོག་ལ་

(༧༨༥)བློ་ཁལ་བ། འགྲོ་གྱིས། །འགྲོ་ཀུན་ཡ་མར་སྒོམ་ནས་བྱང་སེམས་བསྐྱེད། །སྡིག་སྒྲིབ་ཡི་གེ་བརྒྱ་པས་ སྡིག་པ་མ་དག་ན་ཡོན་ཏན་མི་སྐྱེ། མཐའ་འདེད་ཐོང་། །ཡན་ལག་བདུན་དང་མཎྜལ་གནད་དུ་བསྣུན། །གྲངས་མེད་གསུམ་གྱི་ཚོགས་ལ་མ་དེ་ཡིས་བཟླུམས། །བླ་མའི་རྣལ་འབྱོར་སྒོམ་ལ་གསོལ་འདེབས་བཟུངས། །ལམ་དབང་རྟགས་པ་ནོས་ནས་ བྱིན་རླབས་འཇུག་ཅིང་ཉམས་ཆག་འདག །བྱིན་རླབས་ཞུས། ཕྱོགས་རིས་མེད་པ་འབྱོངས་ལས་ཀུ་ཚི་མཐོང་ཡང་སྙིང་རྗེ་དབང་མེད་དུ་སྐྱེ།་ །ཨ་འཐས་སྤྲོས་བཅས་དགེ་བ་དུཁའི་རྒྱུ། །རིག་པ་ཀ་དག་ཆེན་པོའི་ ཚོགས་མ་རྫོགས་ན་སངས་རྒྱས་མི་ཐོ་བ། །ངང་ལ་ཞོག །སྒོམ་བློའི་རྩོལ་བསྒྲུབ་དུར་པོ་སྐྱུར་བ་ཐོང་། བླ་མ་དང་ཐུགས་ཡི་དམ་འདྲེས་ན་བྱིན་རླབས་མི་འཇུག །བཏང་སྙོམས་ལུང་མ་བསྟན་གྱི་སྐྱོན་མཚར་བརྟོལ། །དྲན་རིག་རང་ཁའི་ངོ་ལ་བཅོས་བསྒྱུར་སྤོངས། །གོལ་ཤོར་གེགས་ཀྱི་ དྲན་པའི་མི་ཟིན་པའི་གནས་བསྐོར་དང་ལམ་ཕྲང་བཟོ་བ་སོགས། །ཆོས་ཉིད་མ་འཁྲུལ་བ། མཚན་མ་གདོད་ནས་དག །ལྷག་མཐོང་ཡེ་གདངས་ མི་སྒྲིམ། རྡོ་རྗེ་ལུག་རྒྱུད་གཟིར། །རིག་པ་བཅུད་དུ་སྨིན་ནས་ ཡེངས་མ་ལམ་དང་བརྗེད་འབྱམས་མ་ཚོར་བའི། འཇའ་སྐྱར་བྲོལ། དྲན་པས་སྒོམ་གྱི་ངོ་ཏི་བྱེད། །སྐྱེ་འཆི་གཉིས་ཀྱི་མིང་འདོགས་རང་སར་དག །འཁོར་འདས་རང་གྲོལ་གདོད་མའི་རྒྱལ་ས་ཟིན། །སྙིང་གཏམ་ལག་བཅངས་ཡིན་ནོ་སེམས་ལ་ཕུར། །གོང་མའི་གདམས་ངག་ཡིན་ནོ་སྙིང་ལ་ དབྱིངས་རིག་སྨིན་མཚམས་བྲལ་ནས་ལུ་གུ་རྒྱུད་ལ་གཟིར། བསྟིམ། རྒྱུད་སྡེའི་བཅུད་གུར་ཡིན་ སྣང་བ་བཞི་ཚད་ཕྱིན་པ། ནོ་མ་གུ་བ་བསྐྱེད། །ཀུན་ཏུ་བཟང་པོ་བྱོན་ཡང་འདི་ལས་མེད། །དགའ་རབ་རྡོ་རྗེ་མཇལ་ཡང་ཅི་མི་གསུང་། །པད་འབྱུང་བི་མ་ལ་ཡི་དགོངས་པའི་མཐིལ། །འདི་འདྲ་བཤད་པར་ཕངས་ཀྱང་ཁྱོད་ལ་ཐལ། །རེམས་ཤིག་ཕྱི་དུས་མ་གཞོག་ད་ལྟ་འབུངས། །འབུངས་རྒྱུད་བཅུ་བདུན། ནས་འབྲས་བུ་མ་བྱུང་ང་ཡིས་བསླུས། །ཨེ་མ་རྒྱལ་བའི་དགོངས་པ་ཨ་ལ་ལ། །ཞེས་སྨྲས་པས། བུང་བ་དེ་སྙིང་ལ་མདའ་འཕོག་པ་ལྟ་བུར་ སྙིང་ཏིག་ཡ་བཞི། ཆ་གཉིས། གདམས་པ་བློ་ལ་ཤར་ནས་དེ་ཉིད་དུ་སྒོམ་པས་དཀར་པོའི་བག་ཆགས་སད་དེ་རྟོགས་འབུལ་འདི་ལྟར་བྱས་སོང་ངོ་། །ཨེ་མ་

(༧༨༦)ཨེ་མ་སྣང་མེད་སྤྲོས་པ་བྲལ། །དྲིན་ཅན་པདྨའི་སྡོང་པོ་ཚུར་གསོན་དང་། །བདག་གིས་བྱ་རྩོལ་བཏང་ནས་བསྒོམས་བསྒོམས་པས། །སྣང་སྟོང་གཉིས་ཀྱི་བར་ནས་ཉམས་ཤིག་རྙེད། །གསལ་སྟོང་བརྗོད་པ་བྲལ་བའི་རང་ངོ་ལ། །གཉིས་ཆོས་མཚན་མའི་དྲི་མ་རབ་དབེན་ཀྱང་། །ཐོལ་བྱུང་རྣམ་རྟོག་འོག་འགྱུའི་རྐུན་པོ་འདིས། །ཡུལ་དང་ཡུལ་ཅན་སོ་སོར་བྱས་པས་ནོངས། །མ་བཅོས་ཡེ་གྲོལ་ཆོས་སྐུ་རང་གཤིས་སུ། །ངེས་པ་རྙེད་ཀྱང་ངེས་ཤེས་སྒྲོག་གིས་བཅིངས། །མཐའ་བརྒྱད་སྤྲོས་བྲལ་དངོས་པོ་ཅན་དུ་སོང་། །སེམས་ ཕྱག་ཆེན་པའི་ཆོས་སྐད་སེམས་སྡེ་བའི་ཉམས་རིམ་བཞི་དང་མཐུན་པ་རྩེ་རྟེན་པའི་ལམ། ཙམ་དབུ་མའི་ལྟ་བར་གོལ་བས་ནོངས། །རྫོགས་པ་ཆེན་པོ་བྱ་རྩོལ་བློ་འདས་ལ། །དྲན་པའི་སྒྲོག་གིས་གཉུག་མའི་གནས་ཕུགས་བཅིངས། །ཡིད་ རྩེ་གཅིག་འབྲིང་པོ། དཔྱོད་སོ་སོར་རྟོག་པས་རང་ངོ་བསྒྲིབས། །བློས་བྱས་རྟོག་གེའི་གྲུབ་མཐའ་བཟུང་བས་ནོངས། །ནོངས་པ་གསུམ་གྱི་རྟོགས་འབུལ་སོ་མ་ལ། །གོལ་ས་གཅོད་པའི་བཀའ་སྩོལ་ད་རུང་ཞུ། །ཞེས་ཟེར་ནས་མེ་ཏོག་གི་བཅུད་ལེན་ནོ། །དེར་མེ་ཏོག །རྩེ་གཅིག་ཆེན་པོ། ན་རེ། ཀྱེ་མ་ཚུར་ལ་གསོན་དང་ལས་འཕྲོ་ཅན། །རྫོགས་ཆེན་ཐོས་པ་མང་སྟེ་རྟོགས་པ་ཏུང་། །གསལ་སྟོང་རྟོགས་མེད་ཙམ་གྱིས་སངས་མི་རྒྱ། །སྐུ་གསུམ་རིག་པ་འདུ་འབྲལ་མེད་པ་དགོས། །སྟོང་པར་གནས་པ་ངོ་བོ་ཆོས་སྐུ་ཡིན། །གསལ་ཆ་འགགས་ན་ཆད་པའི་མཐར་དུ་གོལ། །ཤུགས་འབྱུང་གསལ་བ་རང་བཞིན་ལོངས་སྐུ་ཡིན། །ཞེན་པ་ཡོང་ན་རྟག་པའི་མཐའ་ལ་གོལ། །ཅིར་ཡང་འཆར་བ་ཐུགས་རྗེ་སྤྲུལ་སྐུ་ཡིན། །དགག་སྒྲུབ་བྱས་ན་ཚད་མའི་ལམ་ལ་གོལ། །བདེ་གསལ་མི་རྟོག་སྐུ་གསུམ་བསྒྲུབ་གཞི་ཡིན། །དེ་པ་ཞེན་ན་ཁམས་གསུམ་འཁོར་བའི་རྒྱུ། །ཐོ་འཐུང་རྟོག་པ་སྤྲུལ་སྐུའི་ཐུགས་རྗེ་ཡིན། །བཅོས་བསྒྱུར་ཞེན་འཛིན་ཐོང་དང་རང་ཡལ་འགྲོ། །ཡུལ་དང་ཡུལ་ཅན་གཉིས་འཛིན་མཐའ་ལས་གྲོལ། །སྤྲོས་བྲལ་དངོས་པོར་གོལ་མཁན་ཤེས་སྒྲིབ་ཡིན། །བཟང་ཞེན་ཉམས་དང་ངེས་

(༧༨༧)ཤེས་དྲི་མ་ཕུད། །དྲན་པ་སྒོམ་གྱི་རྩ་བ་ལགས་མོད་ཀྱང་། །འཇུར་དྲན་དུར་བོས་སྒོམ་ཆེན་ཕལ་ཆེར་བསླུ། །མ་བསྒོམས་ངང་ནས་ཡེངས་པ་མེད་པ་གནད། །ལས་རླུང་ཡེ་ཤེས་རླུང་དུ་མ་གྱུར་བར། །གཉུག་མའི་ཡིད་ལུགས་སུས་ཀྱང་མཐོང་བ་མེད། །གཉུག་མའི་རང་ངོ་རྗེན་པར་མཐོང་བའི་ཚེ། །ཚོག་དང་དཔེ་ཡིས་མཚོན་པ་བཞད་གང་གནས། །རྟོགས་ཚང་ནང་ནས་ཤར་བའི་མེ་ཏོག་ང་། །རྟོག་གེའི་རྩོད་པ་བྱུང་ཡང་ཉམ་ང་མེད། །རྒྱལ་བའི་དགོངས་པ་ལོན་པའི་མེ་ཏོག་ང་། །ཉམ་ཆུང་གྱི་ན་ཟེར་ཡང་ཉམ་ང་མེད། །དཀོན་མཆོག་ཏུ་ངན་འདུག་པའི་མེ་ཏོག་ང་། །འཇིག་རྟེན་མ་ཡེར་ཟེར་ཡང་ སྤྲོས་བྲལ་ཆུང་ངུ་མཐོང་ལམ་ཟིན་པ། ཉམ་ང་མེད། །སྒོམ་བློའི་སྤྲོས་པ་ཟད་པའི་མེ་ཏོག་ང་། །སྒོམ་རྒྱུ་ སྤྲོས་བྲལ་འབྲིང་པོ། མི་འདུག་ཟེར་ཡང་ཉམ་ང་མེད། །རྟོག་མེད་གཉུག་ སྤྲོས་བྲལ་ཆེན་པོ། མར་འབྱམས་པའི་མེ་ཏོག་ང་། །འདུ་ལོང་མི་འདུག་ཟེར་ཡང་ཉམ་ང་མེད། དག་པའི་ས་གསུམ། །སྒྲ་མེད་གཏམ་ཟུངས་ཟད་པའི་མེ་ཏོག་ང་། །ལབ་རྒྱུ་མི་འདུག་ཟེར་ཡང་ཉམ་ང་མེད། །ཆ་ལུགས་ དུ་མ་རོ་གཅིག་ཏུ་ཤར་ནས་སྒོམ་ལམ་ཟིན་པ། ཅི་དགར་སྤྱོད་པའི་མེ་ཏོག་ང་། །ལྷ་སྟངས་མི་འདུག་ཟེར་ཡང་ཉམ་ང་མེད། །བྱ་རྩོལ་ཞེན་འཛིན་དག་པའི་ རོ་གཅིག་ཏུ་དུ་མར་ཤར་བ། མེ་ཏོག་ང་། །སེམས་མེད་བེམ་པོ་ཟེར་ཡང་ཉམ་ང་མེད། །ཡེ་ཤེས་ཁོང་ནས་རྒྱས་པའི་མེ་ཏོག་ང་། །བཏང་ ཐ་སྙད་ཟད་པའི་རོ་གཅིག་ འགྲོ་བཞག་ སྒོམ་མེད་ཆུང་ངུ་། སྡོད་ཟེར་ཡང་ཉམ་ང་མེད། །གེགས་སེལ་རྡོ་རུས་ཐུག་པའི་སྙིང་གཏམ་འདི། །ལས་འཕྲོ་ཅན་གྱི་གྲོགས་པོ་ཁྱོད་ སྒོམ་རེད་འབྲིང་པོ། ལ་གདམས། །ཉམས་དང་རྟོགས་པ་གཉིས་ལ་ནོར་ས་ཆེ། །གཞི་རྩ་ཁོང་ སྒོམ་མེད་ཆེན་པོ་མི་སློབ་ལམ། ནས་བཅད་ཀྱི་ནད་རུང་དྲིས། །ཇི་སྲིད་འདུ་ཤེས་ཟད་པར་ ཡིད་དཔྱོད་ཀྱི་ལྟ་སྒོམ། མ་གྱུར་བར། །དེ་སྲིད་རྒྱལ་བའི་དགོངས་པ་ལོན་པ་མེད། །རྟོག་པས་སྤུ་རིག་བྱེ་བའི་ རྫོགས་ཆེན་རང་ལམ་དུ་རྩེ་གཅིག་ལ་སོགས་པའི་ཉམས་བཞི་པོའང་གཤིས་ཐོག་ཏུ་མི་སེབས་ཏེ་གདུལ་བྱ་སྤྲོ་བ་བསྐྱེད་པ་དང་ཉོན་སྒྲིབ་དང་ཤེས་སྒྲིབ་དག་སྟོབས་ཆེ་ཆུང་བལྟོས་ནས་ཆ་ལ་རྟགས་པ་ཙམ་དུ་ཤེས་པར་བྱའོ། །གནས་ལུགས་དེ། །

(༧༨༨)ཇི་ཙམ་ཟབ་ཟབ་འདྲ་ཡང་རྣམ་རྟོག་ཡིན། །ཉམས་ལ་རྟོགས་པར་མ་ཞེན་གཤིས་ལུགས་སྐྱོངས། །རྟོགས་ནས་ཉམས་ལ་མ་ཞེན་ལྷོད་དེ་སྡོད། །དབྱིངས་རིག་གདོད་ནས་དག་པ་གཉུག་མའི་གཤིས། །དྲན་པ་རང་སྟོང་ཤེས་པ་གདོང་བའི་ཞལ། །ས་ལམ་གཞི་ལ་དག་པ་རྫོགས་ཆེན་དོན། །གཞོན་ནུ་བུམ་སྐུའི་འོད་གསལ་གྲོལ་བའི་གནས། །ཐིག་ལེ་ཉག་གཅིག་མི་ རྩེ་གཅིག །གཡོ་དགོངས་པའི་གཟེར། །དེ་ལས་གཞན་དུ་ སྤྲོས་བྲལ། འདུག་ནན་རཀྐན། །ཞེས་ཟེར་ནས་ལྡེམ་ རོ་གཅིག མེ་བསྡད་སོང་ངོ་། །དེང་ སྒོམ་མེད། བུང་བ་དེས་བྱ་བ་དགུ་ བཞི་རོའང་རྟོག་ཆོས་ཡིན་པས་རྫོགས་ཆེན་གྱི་ཁྱད་ཆོས་ཚིག་ལ་མི་གནས་པའོ། །ཐུགས་སུ་བཏང་ནས་རིག་པ་རྡོ་རྗེ་ལུ་གུ་རྒྱུད་ཀྱི་དབྱིངས་ལ་གཟིར་བས་རིག་པ་ཚད་ཕེབས་ཀྱི་རྟོགས་པ་རྒྱུད་ལ་སྐྱེས་ནས་འདི་སྐད་ཟེར་རོ། །ཨ་ལ་ལ་ཧོ། །རང་བྱང་རིག་པའི་ཆོ་འཕྲུལ་ལས། །འཁོར་འདས་གཉིས་ཀྱི་རྣམ་དབྱེ་དོད། །རིག་དང་མ་རིག་སོ་མཚམས་ལས། །སྤང་གཉེན་གཉིས་སུ་འདུག་ར་ཤི། །བཀའ་དྲིན་ཅན་གྱི་མེ་ཏོག་ཁྱོད། །བདག་གི་ཡོངས་འཛིན་ལགས་མོད་ཀྱང་། ཁྱོད་ཐུགས་བདག་གི་རིག་པར་འདྲེས། །ད་ནི་གསོལ་བ་སུ་ལ་འདེབས། །མ་བཅོས་རང་གར་སྡོད་པ་དེ། །རྒྱལ་བའི་དགོངས་པ་ཡིན་འདུག་ཀྱང་། །རེ་དོགས་རྣམ་རྟོགས་བདུད་པོ་ཡིས། །སྒོམ་བློ་བྱས་པ་ཤ་ཐང་ཆད། །སངས་རྒྱས་རང་སེམས་ཡིན་པ་ལ། །ས་ལམ་རྩིས་པས་བུལ་དུ་སོང་། །རང་སར་བསྡད་པས་ས་རྒྱ་ཟིན། །ད་ནི་སྣང་ཉམས་ཅི་ལས་བདེ། །ལས་རླུང་དབུ་མར་དག་པ་ཡིས། །མཉམ་རྗེས་གཉིས་ཀྱི་སྤུ་རིས་ཡལ། །མངོན་སུམ་རིག་པ་གཟིར་བ་ཡིས། །གོང་འཕེལ་ཉམས་སྣང་རྗེན་པར་མཐོང་། །ལོངས་སྐུའི་སྒྲོ་འདོགས་ལམ་ལ་ཆོད། །ཚད་ཕེབས་སྒོམ་ལ་བྱས་ནས་གདའ། །བསམ་བརྗོད་བྲལ་བའི་རིག་པ་ལ། །བག་ཆགས་ཉེར་ལེན་ག་ལ་ཡོད། །སྣང་སེམས་དབྱེར་མེད་འདྲེས་པ་ཡིས། །གཉིས་འཛིན་མ་སྤངས་མཐོང་སར་ཡལ། །ཆས་ཤོག་བདག་ལ་འབྲན་པ་ཡི། །འཁོར་བའི་སེམས་ཅན་སྡུག་སེམས་ཅན། །

(༧༨༩)གདོད་མའི་ས་ལམ་ཉམ་པོར་ཤོག །ལས་འཕྲོ་ཅན་གྱི་སྐྱེ་འགྲོ་དང་། །ཉམ་ཐག་བར་དོའི་སེམས་ཅན་ལ། །ང་ཡི་རིག་པ་ཅིས་མི་འཇུག །ལས་ལ་བཟང་ངན་མེད་པའི་ཕྱིར། །ཐམས་ཅད་ཆོས་ཀྱི་དབྱིངས་སུ་བསྐྱལ། །ཟུང་འཇུག་ཨ་ཝ་དྷཱུ་ཏིའི་སྐུ། །པད་འབྱུང་བི་མ་ལ་ལྟ་བུར། །བྱའམ་ཡང་ན་ཆོས་ཟད་ཀློང་། །རགས་ལུས་འཇའ་སྐུར་དེངས་ནས་ཀྱང་། །ཀ་དག་བྱ་རྩོལ་བྲལ་བའི་དབྱིངས། །རིག་པ་བཞི་ལ་ཐིམ་ནས་འགྲོ། །ཇི་སྲིད་འཁོར་བ་མ་ཟད་པར། །ལྷུན་གྲུབ་རྩལ་གྱིས་འགྲོ་དོན་བྱེད། །འདི་ནི་ཚིག་གི་མཐའ་མ་ཡིན། །གཏམ་ཟུངས་ཟད་པའི་རྣལ་འབྱོར་ལ། །གླེང་མོ་བྱས་ཀྱང་ཐག་ཅ་འདྲ། །ཨེ་མ་ངོ་མཚར་ཨ་ལ་ལ། །གཞི་ལས་འཕགས་པའི་རིག་པ་ང་། །ཡེ་གཞིའི་ཀློང་དུ་བཛྲ་མུ །འཁོར་བ་དོང་ནས་སྤྲུགས་པ་ཡིན། །མ་མ་ཀོ་ལིང་ས་མནྟ ཞེས་ཟེར་ནས་དར་ཅིག་སོང་ཙན་བུང་པ་དེ་ཉིད་འཕོ་བ་ཆེན་པོའི་སྐུ་བརྙེས་ནས་འཇའ་ལྟར་ཡལ་སོང་ངོ་། །གཏམ་ཚོགས་ལེའུ་ང་བཞི་པའོ།། །།ཆོས་སྤྱོད་བཅུའི་གཏམ་དགེ་བའི་ལྗོན་ཤིང་ཞེས་བྱ་བ། །འཕགས་པ་སྒྲིབ་པ་རྣམ་པར་སེལ་བ་ལ་ཕྱག་འཚལ་ལོ། །སྐྱེས་བུའི་ལུས་རྟེན་ཐོབ་པ་རྣམས་སྙོམ་ལས་ཀྱི་གཉིད་ལས་སློང་བའི་ཆོས་སྤྱོད་བཅུ་ལ་འབད་པར་བྱ་སྟེ། ཇི་སྐད་དུ། ཡི་གེ་འདྲི་མཆོད་སྦྱིན་པ་དང་། །ཉན་དང་ཀློག་དང་འཛིན་པ་དང་། །འཆད་དང་ཁ་ཏོན་བྱེད་པ་དང་། །དེ་སེམས་པ་དང་སྒོམ་པ་སྟེ། །སྤྱོད་པ་འདི་བཅུའི་བདག་ཉིད་ནི། །བསོད་ནམས་ཕུང་པོ་དཔག་ཏུ་མེད། །ཅེས་པས་མི་ལུས་ལན་ཅིག་ཐོབ་པ་འདི་སྟོང་ཟད་དུ་མི་གཏོང་བར་ཆོས་སྤྱོད་བཅུའི་བྱ་བ་ལ་འབད་དགོས། དེ་ལ་དང་པོར་ཡི་གེ་འདྲི་བ་ནི་འདུལ་བ་ལུང་ལས་ཀྱང་། དང་པོར་ཡི་གེ་བསླབས་ཏེ། དེ་ནས་བརྟག་པ་བརྒྱད་ལ་མཁས་པར་བྱའོ། །ཞེས་གསུངས་པས་སྐྱེས་བུའི་ལུས་རྟན་ཐོབ་པ་ཙམ་ནས་བསླབ་བྱའི་ཐོག་མ་ནི་ཡི་གེ་ཉིད་ཡིན་ཏེ། གཞོན་ནུ་དོན་གྲུབ་ཀྱིས་ཀྱང་ཡིག་མཁན་ཀུན་གྱི་བཤེས་གཉེན་དང་། སྲིན་བུ་གོ་ཆ་ལས་ཡི་གེ་བསླབས་པར་མཛད་དོ། །ཡི་གེ་ཤེས་པ་ལས་ལུགས་གཉིས་ཀྱི་བྱ་བ་ཆེ་ཕྲ་ཐམས་ཅད་ལ་འཇུག་པའི་སྒོ་དོད། བརྗེད་ངས་དང་དྲན་པ་ཉམས་པ་ཐམས་ཅད་ལ་

(༧༩༠)མི་བརྗེད་པའི་གཟུངས་གྱེད། བྲན་གཡོག་དང་ཕོ་ཉ་ལ་སྙིང་གཏམ་འཆད་མི་དགོས། །དྲང་སྲོང་ཆེན་པོ་རྒྱས་པ་དང་། གྲོག་མཁར་བ་སོགས་འཇིག་རྟེན་གྱི་མེས་པོ་རྣམས་ཀྱི་བློ་གྲོས་ཤེས་པས་ལུགས་ཀྱི་བསྟན་བཅོས་ལ་འཇུག་པའི་སྤོབས་པ་ཐོབ། སྒྲུད་དང་ལྡེའུ། གནའ་རྒྱུས། དེ་བ་ཐེར་ལ་སོགས་པ་རང་སྟོབས་ཀྱིས་ཤེས་པས་མི་ལུས་སྐྱེས་བུའི་རྣམ་ཤེས་ཅན་དུ་འགྲོ། །ཡི་གེ་ཤེས་མི་ཤེས་གཉིས་མི་དང་དུད་འགྲོའི་ཁྱད་ཡོད། ལྷག་པར་ཆོས་ལམ་ལ་འཇུག་པའི་རྟེན་འབྲེལ་གྱི་སྒོ་དང་པོའང་ཡི་གེ་ཡིན། ཚེ་སྔ་ཕྱི་དང་ལས་རྒྱུ་འབྲས་ཀྱི་མཚང་རིག །རང་གི་བྱ་བྱེད་ནོར་བ་དང་། བླང་དོར་འཛོལ་བའི་གནས་ཤེས། རྒྱལ་བའི་གསུང་རབ་དང་དམ་པའི་རྣམ་ཐར་ལ་བརྟེན་ནས་སྐྱོ་ཤས་དང་ངེས་འབྱུང་སྐྱེ། འཁོར་བ་ལ་སྙིང་པོ་མེད་པའི་མཚང་རིག །གནས་སྐབས་སུ་འདྲི་ཀློག་ཤེས་པའི་མི་ཐམས་ཅད་ལྟོ་གོས་ཕྱིད་སླབ་ཙམ་ལའང་ལྟོས། །དེ་ལ་དང་པོར་ཀློག་བྱང་བར་གཅེས་ཤིང་ཀློག་མ་བྱང་བར་འདྲི་བ་ནི་ཡི་གེའི་ཉིང་མཚམས་སྦྱོར་བ་ཙམ་ལའང་རྨོངས་པས་ཡི་གེའི་ནང་དུ་དུད་འགྲོའི་སྒྲ་སྐད་འདྲན་པའང་མཐོང་ལ། ཀློག་བྱང་ནས་ཀྱང་སུམ་ཅུ་པ་དང་རྟགས་འཇུག །བརྡ་གསལ་རྙིང་གི་རྣམ་གཞག་ལ་བསླབས་ནས་བརྡ་དག་ལ་འདྲིས་པར་མ་བྱས་ན། བཀའ་དང་བསྟན་བཅོས་ལ་སོགས་པའི་ཚིག་དོན་ཕྱོགས་འཛོལ་བ་དཔེར་ན་ཀ་གཅིག་པོ་ལའང་། རྒྱལ་བའི་བཀའ་དང་། ཀ་བ་དང་། ཞིང་གི་ཀ་དང་། དལ་དུབ་ཀྱི་དཀའ་དང་། སྐ་རགས་དང་། རྐ་བློ་དང་། སྒྲའི་སྐད། རོ་བསྐབ་ལ་སོགས་འཕུལ་བྱེད་དང་། མགོ་འདོགས་ཀྱི་ཁྱད་པར་ལས་ཚིག་དོན་ཤིན་ཏུ་འཆོལ་བའི་ཕྱིར་རོ། །དེ་ནས་ཡི་གེ་འདྲི་བ་ལ་བསླབ་པར་བྱ་སྟེ་འདི་ལྟར་ཡི་གེ་ནི་སངས་རྒྱས་ཀྱི་སྤྲུལ་པ་ཡིན་པས་དེའི་གཟུགས་བརྙན་བསླབས་པ་ལ་ཕན་ཡོན་ཚད་མེད་དེ། མདོ་དགོངས་འདུས་ལས། ལངྐའི་བདག་པོ་གཟུགས་བརྙན་གྱི་སྤྲུལ་པ་ནི་ཐ་དད་དེ། གསུང་གི་གཟུགས་བརྙན་ནི་ཡི་གེར་སྣང་བ་ཡིན་ལ། ཡི་གེའི་སྤྲུལ་པ་ནི་འདི་ལྟ་སྟེ། མིང་དང་། བྱུང་ཚུལ་དང་། གཟུགས་དང་། རང་བཞིན་དང་

(༧༩༡)སྒྲ་དང་། ལས་དང་། སྒོ་དང་། རྣམ་གྲང་པ་དང་། ཡི་གེའི་གཞི་རྣམས་ཀྱི་དེ་ཁོ་ན་ཉིད་གསང་བ་དམ་པ་དེ་དག་མཐོང་ཞིང་ཤེས་པར་འགྱུར་རོ། །དེས་ཆོས་ཐམས་ཅད་ལ་མཁས་ཤིང་གྲོལ་བར་འགྱུར་རོ་ཞེས་གསུངས་ལ། དེའི་གཟུགས་བརྙན་དང་རྣམ་པའི་ཆ་ལ་མཚན་ཉིད་གདོན་པ་བཅུ། གཅེས་སོ་བརྒྱད། མགོ་དང་། དཔུང་པ་དང་། ཟགས་མཆུ་དང་། ཡར་འཐེན་དང་། མར་འཐེན་དང་། མིག་བུ་སྟེ། རེ་རེ་ལའང་གསུམ་ཚན་གསུམ་གྱི་བྱེ་བྲག་ཅན་གྱི་ཆོས་ཉི་ཤུ་རྩ་གཅིག་དང་། རྣ་རུ་ལ་གསུམ། གི་གུ་ལ་གསུམ། ར་བཏགས་ལ་གཉིས། ཡ་བཏགས་ལ་གསུམ་སྟེ་བུ་ཆོས་བཅུ་དྲུག །སྤྱིའི་ཆོས་གསུམ་སྤོ་དང་བཅས་པ་རགས་པར་ཆོས་བཞི་བཅུའི་མཚན་ཉིད་ལ་ལོ་ཙཱ་བ་ཆེན་པོ་སྐལ་བ་དཔལ་བརྩེགས་ཀྱི་རྒྱུན་ལས་ཁྱུད་པོ་གཡུ་ཁྲིས་ཐིག་གི་ཆ་ཕྲ་མོས་ཞིབ་མོར་ཕྱེ་བ་ལ་མཁས་པ་རོང་བོས་ལྷན་ཐབས་དག་སྦྱོར་མཛད་པའི་གནས་རྣམས་ལ་བྱང་བར་བྱ་ཞིང་དེ་ཙམ་བློར་མ་ཆུད་ཀྱང་གཟུགས་བརྙན་རང་གི་ངོ་བོའི་སྒོ་ནས་མགོ་རི་དྭགས་ལྟར་མ་དབྱངས་པ། དབུང་པ་གྲུ་ཟུར་འཚམ་པ། ཟགས་མཆུ་མ་ལྷུང་བ། ཡར་འཐེན་གཞུང་འདྲོངས་པ། མར་འཐེན་ཕྲ་རྒྱས་ཕྱེད་པ། མིག་བུ་ཟུར་མདོད་པ། འདོགས་མགོ་ལུས་མཚུངས་པ་རྣམས་ལ་རིག་པ་གཞུར་བས་ཡི་གེ་ནི་བཟོ་གནས་སྤྲུལ་པའི་སྐུ་ཡིན་ཕྱིར་དེའི་བྱིན་རླབས་ཞུགས་ནས་མཁས་པའི་ཕུལ་དུ་ཕྱིན་པའི་གཏམ་རྒྱུད་ཀྱང་ཡོད་དེ་སྔོན་རིག་འབྱུང་གི་ཡུལ་གྲུར་གསུང་རབ་བཞེངས་པའི་སློབ་དཔོན་ཞིག་ཡི་གེའི་འདུ་བྱེད་སྤྱོད་ཞིང་ཐོག་སྟེངས་ན་ཉལ་བའི་ཚེ། ཟླ་བ་ཉ་གང་བའི་དབུས་ནས་དབྱངས་གསལ་གྱི་ཡིག་འབྲུ་རྣམས་ཏ་ལ་ལ་ཐོན་ནས་རང་ལ་ཐིམ་པར་མཐོང་བས་ཡི་གེའི་ཆོས་ལ་ཤིན་ཏུ་མཁས་པར་གྱུར་པ་བཞིན་ནོ། །འདི་ལྟར་གཟབ་ཆེན་ལ་མཁས་པར་གྱུར་ན་སྨྱིག་གུའི་བདེ་བླག་ཀྱང་བྱང་བར་འགྱུར་བས། ལཉྪ་ན་དང་། ཝ་རྟུ་ལ་དང་། ཟངས་གླིང་དང་། མ་རྐོ་ལ་དང་། ཀསྨིར་ལ་སོགས་པའི་ཡིག་གཟུགས་རྣམ་པ་ཐ་དད་པ་ལའང་བློ་གྲོས་གསལ་བར་འགྱུར་བ་ཡིན་ནོ། །དེ་ལྟར་གྱུར་ནས་ཆོས་བཞིན་སྤྱོད་པའི་ཡན་ལག་ནངས་མ་རེ་བཞིན་མ་མཐའང་བཀའ་བསྟན་བཅོས་ཀྱི་གཞུང་ཤོག་ལྡེབ་དང་

(༧༩༢)བློག་གངས་ཡན་ཆད་འདྲི་བར་དམ་བཅའ་བྱས་པས་མིའི་ལུས་རྟེན་ལ་ཉེང་ལག་ཡོད་པ་དོན་ལྡན་དུ་འགྱུར་ཏེ་འདི་ལྟར་གླེགས་བམ་ཆུང་ངུ་ཞིག་བྲིས་ཀྱང་གནས་སྐབས་སུ་རང་ཉིད་ལ་ཕན་ཞིང་། བརྒྱུད་ནས་དེ་དཀར་ཕྱོགས་པ་རྣམས་ཀྱིས་བསྲུང་བས་ལས་འཕྲོ་ཅན་གྱི་ལག་ཏུ་གནས་དོན་ཆེན་པོར་འགྱུར་བའང་མཐོང་ཆུས་སུ་གྱུར་བཞི་ཕྱིར་རོ། །སྤྱིར་དགེ་བའི་བྱ་བ་ཐམས་ཅད་ལ་སྦྱོར་བ་སེམས་བསྐྱེད། དངོས་གཞི་ལ་བདེན་ཞེན་མེད་པ། རྗེས་བསྔོ་བ་སྨོན་ལམ་གྱིས་ཟིན་ན་ཐར་ཆ་མཐུན་ཞེས་བྱ་བས་ངེས་ལེགས་ཀྱི་རྒྱུད་འགྱུར་ལ། དེས་མ་ཟིན་ན་བསོད་ནམས་ཆ་མཐུན་ཞེས་བྱ་སྟེ་མངོན་མཐོའི་འབྲས་བུ་ལན་ཅིག་ཙམ་ཡིན་པས་དམ་པ་གསུམ་གྱིས་ཟིན་པ་ནི་འོག་མ་རྣམས་ལའང་འགྲེའོ།། །།གཉིས་པ་མཆོད་པ་ནི། ཕལ་པོ་ཆེ་ལས། འདས་པའི་སངས་རྒྱས་རྣམས་དང་ཕྱོགས་བཅུ་ཡི། །འཇིག་རྟེན་དག་ན་གང་བཞུགས་མཆོད་པར་འགྱུར། །ཅེས་པས། ཐུགས་ཟབ་ཞི་སྤྲོས་བྲལ་ཞིབ་ཆེན་པོའི་དབྱིངས་སུ་མྱ་ངན་ལས་འདས་ཏེ་སྤྲོས་པ་དབྱིངས་སུ་ནུབ་པ་སངས་རྒྱས་ཆོས་ཀྱི་སྐུ་དང་། དེའི་ས་བཅུ་དང་། ལམ་ལྔ་འཕགས་པའི་སྤངས་རྟོགས་ཁྱད་པར་ཅན་བྱང་ཆུབ་ཕྱོགས་ཀྱི་ཆོས་རྣམས་ཀྱི་གཟུགས་བརྙན་དུ་འཕོས་པ་རྣམ་པ་ཐམས་ཅད་རྫོགས་པའི་མཆོད་སྡོང་དང་མཚན་དཔེའི་སྣང་བརྙན། འགོག་ལམ་གྱི་བདེན་པའི་སྣོད་གསུང་རབ་ཡན་ལག་བཅུ་གཉིས་ལ་སོགས་པའི་གླེགས་བམ། འཇིག་རྟེན་གྱི་ཁམས་མཐའ་ཀླས་མུ་མེད་པ་ན་ད་ལྟར་འཚོ་ཞིང་གཞེས་པའི་སངས་རྒྱས་རྣམས་དང་། དེའི་སྲས་རིག་གྲོལ་གྱི་སྤོབས་པ་ཉིས་ལྡན་འཕགས་པའི་དགེ་འདུན་རྣམས་ནི་མཆོད་པའི་ཡུལ་རྨད་དུ་བྱུང་བ་ཉིད་དོ། །ཇི་ལྟར་མཆོད་ན་ཞི་བ་ལྷས། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་ཆད་པར་འབབ་པར་ཤོག །ཅེས་སྨོན་པའི་ཡུལ་དུ་བྱས་པའང་ཕན་ཡོན་ཚད་མེད་ན་དངོས་སུ་གྲུབ་ན་ལྟ་ཅི་སྨོས། སྔོན་རྒྱལ་པོ་མྱ་ངན་མེད་ཀྱིས་དེད་དཔོན་རྒྱ་མཚོར་བགྲོད་པའི་དོན་དུ་ཀླུ་རྣམས་ལ་ཐུབ་ཆོད་ཀྱི་སྤྲིང་ཡིག་བྱས་པས་དེ་རྣམས་ཁྲོམ་ཏེ་དེད་དཔོན་རྣམས་ཤིན་ཏུ་ཉམ་ཐག་པར་གཅེས།

(༧༩༣)སླར་དགེ་བའི་བཤེས་གཉེན་གྱི་ངག་ལ་མཉན་ཏེ་བསོད་ནམས་འཕེལ་བའི་ཕྱིར་དཀོན་མཆོག་ལ་མཆོད་པ་ཆེན་པོ་ཡང་ཡང་བྱས། རྒྱུ་དེ་ལས་བསོད་ནམས་བརྟག་པའི་ཕྱིར་རང་གཟུགས་ནི་ཁྲི་ཁར་འགྱིང་ཞིང་ཀླུ་གཟུགས་ཐར་མོ་སྦྱར་བ་བཟོས་ནས་ས་འོག་ཏུ་བཞག་པ་ན་གོ་ལྡོག་པ་ཁོ་ནར་གྱུར་ཅིང་མཐར་དཀོན་མཆོག་མཆོད་པའི་ལས་སྦར་བས་ཀྱང་རྒྱ་ཆེན་པོ་ལ་འབད་པས་འདོད་པ་བཞིན་གྱུར་བའི་ཚེ། ཀླུ་ལ་སྤྲིང་ཡིག་བྱས་པས་བསོད་ནམས་ལ་ལྷག་པར་ཡིད་ཆེས་པས། བསོད་ནམས་མེ་ཡིས་མི་འཚིག་ལ། །བསོད་ནམས་ཆུ་ཡིས་འཁྱེར་མི་འགྱུར། །ཅེས་པ་ལ་སོགས་པའི་ཚིགས་བཅད་བརྗོད་པས་མཚོན་ལ། དེ་བཞིན་དུ་བདག་ཅག་གིས་འབྱོར་པ་ཉུང་ངུའི་ཚེ་བཟའ་བཏུང་ལས་གྲི་སྟེ་བསམ་ཡས་ལ་སྟོང་མཆོད་བཤམས་པ་ནས་བཟུང་སླར་ཁྲི་མཆེད་ཐལ་བའི་ཚེ་མི་འདོད་བཞན་དུ་འདུ་བ་རྒྱ་ཆེར་འཕེལ་བས་སྐུ་གསུང་ཐུགས་རྟེན་བཞེངས་པ་སོགས་བསྟན་པའི་བྱ་བ་རླབས་ཆེན་པོ་འགྲུབ་པ་ཡིན་ནོ། །ཇི་ལྟར་མཆོད་ཚུལ་ནི། ཐེག་པ་འོག་མའི་མཎྜལ་དང་། ཡན་ལག་བདུན་པ་དང་། རྣམ་ལྔའི་པཱུ་ཛ་དང་། ཙཱ་རུའི་ཞལ་ཟས་དང་། རོལ་མོའི་བྱེ་བྲག་དང་། གོས་ཟུང་དང་། རྒྱན་དང་། ཉེར་སྤྱོད་དང་། ལུས་སྟན་དུ་དབུལ་བ་ལ་སོགས་པ་བྱང་ཆུབ་སེམས་དཔའ་ཀུན་ཏུ་བཟང་པོའི་མཆོད་པའི་སྤྲིན་ཕུང་མཐའ་ཀླས་པའོ། །ཐེག་པ་གོང་མའི་ལུགས་མཆེད་པ་ཆེན་པོའི་ཡ་ཆེན་པོ་དབང་བསྐུར་བ་དང་། སྦྱིན་སྲེག་དང་། ཀུ་སུ་ལུ་དང་བཅས་པའི་ཕྱི་ནང་གི་ཚོགས་འཁོར་རྣམ་པ་གཉིས་དང་། འོད་ཟེར་སྤྲོ་བསྡུ་དང་། བདེ་སྟོང་གི་ཡེ་ཤེས་སྐྱེད་པར་བྱེད་པ་དང་། མཆོད་པའི་ཕྱག་རྒྱ་ཆེན་པོ་ལ་སོགས་པས་བསྐལ་པ་མང་པོའི་ཚོགས་སྐད་ཅིག་ལ་བཟླུམས་པར་བྱེད་པའོ།། །།གསུམ་པ་སྦྱིན་པ་ལ་གཉིས་ཏེ་གཟུགས་ཅན་ལ་དམིགས་པ་དང་། གཟུགས་ཅན་མ་ཡིན་པ་ལ་དམིགས་པའོ། །དང་པོ་ལ་གསུམ་སྟེ། ཆོས་དང་། མི་འཇིགས་པ་དང་། ཟང་ཟིང་གི་སྦྱིན་པའོ། །དང་པོ་ནི། སྐལ་པ་རབ་ཏུ་གྱུར་བ་རྣམས་ཀྱི་བགོ་སྐལ་ཏེ། གནས་སྐབས་ཀྱི་ཕན་བདེ་བསྒྲུབ་པ་ཙམ་མ་ཡིན་པར་མཐར་ཐུག་བྱང་གྲོལ་གྱི་གོ་འཕང་ལ་སྦྱོར་བའི་ཕྱིར་གདུལ་བྱའི་སྐལ་པ་དང་འཚམ་པའི་ཆོས་ཀྱི་

(༧༩༤)སྦྱིན་པས་མངོན་མཐོ་དང་ངེས་ལེགས་ཀྱི་ལམ་ལ་བཀྲི་བ་སྟེ། རིགས་ལྔའི་དམ་ཚིག་ལས་ཀྱང་། པདྨ་རིགས་ཀྱི་དམ་ཚིག་ཏུ། ཐེག་པ་གསུམ་དང་ཆོས་རྣམས་བཤད་ཅེས་པ་ལྟར་རོ། །གཉིས་པ་ནི། སྤོག་ལ་བབས་པས་མཚོན་འཇིགས་པ་རྣམ་པ་དུ་མས་སྒྲག་པ་རྣམས་ལ་བྱམས་པ་དང་། སྙིང་རྗེ་དང་། གཏོང་ཕོད་གསུམ་གྱིས་མི་འཇིགས་པའི་སྐྱབས་སྦྱིན་པའོ། །གསུམ་པ་ཟང་ཟིང་གི་སྦྱིན་པ་ལ་གསུམ་སྟེ། གཏོང་པ་དང་། གཏོང་པ་ཆེན་པོ་དང་། ཤིན་ཏུ་གཏོང་པའོ། །དང་པོ་ནི། དབུལ་ཕོངས་ཀྱིས་གདུང་པས་ཉེན་པ་རྣམས་ལ་སྦྱིན་པའི་ཚོགས་རྗེ་ཆེར་སྤེལ་བ་ལ་བརྩོན་པར་བྱ་སྟེ། སྔོན་རྒྱལ་པོ་གསེར་མདོག་ཅན་གྱི་ཡུལ་ཁམས་སུ་མུ་གེ་བྱུང་བའི་ཆེ་བང་མཛོད་ན་འབྲུ་བྲེ་གང་ལས་མེད་པ་རང་སངས་རྒྱས་ལ་ཕུལ་བས་དེའི་ཕན་ཡོན་གྱིས་ཡུལ་ལྗོངས་ཀྱི་མུ་གེ་ཞི་བ་དང་། གཞན་ཡང་སྟོན་པའི་ཞལ་ནས། གང་དག་གཞན་ལ་བྱིན་པ་ནི་རང་གིའོ། །རང་ཉིད་ཀྱིས་བཟུང་བ་ནི་གཞན་གྱིའོ། །ཞེས་གསུངས་སོ། །གཉིས་པ་ནི། འདོད་པས་གདུང་པ་དག་ལ་བུ་དང་། ཆུང་མ་དང་། ཡུལ་ཁམས་གཏོང་པ་ལ་བསླབ་བོ། །གསུམ་པ་ནི། འཕགས་པ་རྣམས་ཀྱི་སྤྱོད་ཡུལ་ཏེ་མགོ་དང་། མིག་དང་། ཡན་ལག་གཏོང་བ་སྟེ་དངོས་སུམ་ནུས་ཀྱང་དམིགས་པས་ལུས་སྦྱིན་བྱ་བ་ལྟར་སྨོན་པའི་ཡུལ་དུ་བྱེད་པ་ནི་སྨོན་པ་སེམས་བསྐྱེད་དང་ཚུལ་མཐུན་ནོ། །གཉིས་པ་ནི། གདོན་དང་འབྱུང་པོ་ལ་ཆ་གསུམ་དང་གླུད་རྫོངས། ཡི་དྭགས་ལ་ཆབ་གཏོར་ཏེ། དེ་ལའང་གཟུགས་ལེགས་ཞེས་བྱ་བའི་གཟུངས་དང་། ཡེ་ཤེས་སྐར་མདའི་སྙིང་པོ་དང་། ཡི་དྭགས་མོ་ཁ་འབར་མ་དབུགས་ཕྱུང་བའི་གཏོར་ཆོག་དང་། ཁ་ལས་མེ་འབར་མ་ལ་སྐྱབས་སྦྱིན་པའི་གཟུངས་དང་། འཇུར་གེགས་ཞེས་བྱ་བའི་གཟུངས་རྣམས་ལས། ཁ་ལས་མེ་འབར་མའི་གཟུངས་ལས་མཚན་བཞི་བཤད་ཅིང་། འགའ་ཞིག་སྤྱི་བོ་ལ་སོགས་པར་དེ་བཞིན་གཤེགས་པ་བཞི་པོ་སྒོམ་ཟེར་ཡང་བཀའ་དངོས་བསྟན་ལ་ནི་མཚན་བརྗོད་པའི་བྱིན་རླབས་དང་ཕན་ཡོན་ཙམ་ལས་མངོན་རྟོགས་དང་

(༧༩༥)སྒོམ་ཡུལ་ཡང་མ་བཤད། དེ་བཞིན་དུ་མ་སྡོད་བཞིའི་ཐ་སྙད་ཀྱང་མ་གསུངས་པས་འདི་སྦྱིན་པ་རྐྱང་པ་ཡིན་ལ། དེའི་ཕྱིར་སོ་སོའི་འདོད་པས་སྦྱར་བའི་རིང་ལུགས་ཀྱི་གཏོར་མའི་ཆོ་ག་མི་ཤེས་བདག་གིས་ཀྱང་། ས་མ་བྷར་རྒྱང་པའམ། སུ་རུ་པ། རྒྱ་ཆེན་ཤུགས་ལྡན་དང་། འཇུར་གེགས་ལ་སོགས་པའི་གཟུངས་དང་མཚན་བཞི་བཏོན་པའི་ཆུ་སྦྱིན་ཀྱང་རུང་། དེ་བཞིན་དུ་ཆག་པ་ལུས་སྦྱིན་དང་། འཕྲོག་མ་མ་བུ་ལ་ཆངས་བུ། དྲི་ཟ་ལ་གསུར་བསྔོ་སོགས་དང་། བསྟན་བཅོས་ལ་གྲགས་པའི་ལྷ་བསངས། རྒྱགས་བརྡན། ཆབ་གཏོར། བརྒྱ་བཞི་ལ་སོགས་པ་མཆོད་སྦྱིན་གཉིས་ཀའི་མགྲོན་བསྡུས་པ་རྣམས་ལའང་འབད་པས་བསོད་ནམས་དང་དགེ་བའི་ཆོས་སྡུད་ཅིང་། སྐྱེ་བ་འདི་མ་བླངས་བྱ་བ་དང་། ཕ་མར་མ་གྱུར་པའི་སེམས་ཅན་གཅིག་ཀྱང་མེད་པས། དེ་དག་གི་ཚེ་མཐོ་བས་བསྐྱབས་པ་དང་། བར་པས་མཛའ་བ་དང་། དམའ་བས་བཀུར་བ་དང་། བཀོལ་བདེ་བྱས་པ་དང་། བུ་ལོན་འབྲེལ་ཆགས་པ་དང་། ཤ་ལ་ཁོ་ན་ལ་སོགས་ཡོད་པ་བྱང་ནས་ནད་དང་གནོད་པ་ལ་སོགས་བཞི་ཞིང་བས་མདོན་ཡིད་བཞིན་དུ་འགྲུབ་པས་ཕྱོགས་འདི་དག་ལ་སྒོ་ཀུན་ནས་འབད་པར་བྱ་ཞིང་། དེ་བཞིན་དུ་ཆོས་ཀྱི་སྦྱིན་པ་སོ་སོ་ཐར་བའི་དངོས་བསྟན་སྡིག་པ་ཅི་ཡང་མི་བྱ་ཞིང་སོགས་སྦྱར་ལ། མི་འཇིགས་པའི་སྦྱིན་པའང་མི་རུང་བ་མ་ཡིན་ཏེ། ཞི་བ་ལྷས། མེ་ཏོག་ཅར་པ་སྤོས་ཆུ་དང་འདྲེས་འབབ་པ་ཡིས། །དམྱལ་བའི་མེ་མ་དག་ཆིལ་ཆིལ་བསོད་པ་མཐོང་གྱུར་ནས། །གློ་བུར་བདེ་བས་ཚིམ་པ་འདི་ཅི་སྙམ་པ་དང་། །སེམས་དམྱལ་རྣམས་ཀྱིས་ཕྱག་ན་པདྨོ་མཐོང་བར་ཤོག །ཅེས་པ་ལྟར། བྱང་ཆུབ་སེམས་དཔའ་བློ་ཆེན་རྣམས་ནི་དགེ་བའི་ཆོས་སྡུད་པ་ལ་མཁས་པས་འདུན་པའི་ཁྱད་པར་གྱིས་དེ་དེ་བཞིན་དུ་འགྲུབ་པའི་ཕྱིར་རོ། །དེ་སྐད་དུ། རིན་ཆེན་རིགས་ཀྱི་དམ་ཚིག་ཏུ། །སྦྱིན་པ་དུས་ནི་རྟག་ཏུ་གཏང་། །ཞེས་སོ། །དེ་ལྟར་མཆོད་པའི་རང་བཞིན་ཡང་ཕྱིན་དྲུག་གི་ལམ་དུ་བསྡུ་ན་སྦྱིན་པའི་ཕ་རོལ་ཏུ་ཕྱིན་པ་ཉིད་ཡིན་ཏེ། དཀོན་

(༧༩༦)མཆོག་རྗེས་དྲན་ལས་ཀུན་ཏུ་ཡང་སྦྱིན་པའི་གནས་སུ་གྱུར་པ་ཆེན་པོའོ་ཞེས་པས་གསལ་ལོ། །ཡང་བར་སྲིད་ལ་བྲས་གསུར་མི་ཐོར་ཟེར་བའང་རང་གཞན་གྱི་དགེ་བའི་གེགས་ཡིན་ཏེ། སྔོན་བྱུང་སྲིད་པའི་ཤ་གཟུགས་ཅན། །དབང་པོ་ཀུན་ཚང་ཐོགས་མེད་ལྡན། །རིགས་མཐུན་ལྷ་མིག་དག་པས་མཐོང་། །མི་ལྡོག་དེ་ནི་དྲི་ཟའོ། །ཞེས་པས་གསལ་ལ་མི་འདོད་ན་དྲི་ཟ་ཉེ་བར་འཁོར་ཞེས་པའི་མིང་དོན་ཡང་བརྫུན་པར་འགྱུར་ལ། ལར་དཀོན་བརྩེགས་ལས། ཆོས་རྣམས་ཐམས་ཅད་རྐྱེན་ཡིན་ཏེ། །འདུན་པའི་རྩེ་ལ་རབ་ཏུ་གནས། །ཞེས་པ་ལ་དྲན་པ་ཉེ་བར་མ་གཞག་ན་ཡི་དྭགས་མ་གཏོགས་རིགས་དྲུག་སྙིང་རྗེའི་མགྲོན་ལ་བསྔོ་བ་རང་ངོ་མཚར་གྱི་གནས་སོ།། །།བཞི་པ་ཉན་པ་ནི། རང་སངས་རྒྱས་ལྟར་ལམ་ལ་རང་དགར་འཇུག་ཅིང་དེའི་རྟེན་འབྲེལ་ལས་གཞན་ལ་ཕན་པ་དང་བྲལ་བ་མ་ཡིན་པར་དགེ་བའི་བཤེས་གཉེན་ལ་བརྟེན་ནས་ཆོས་ཉན་ཞིང་རང་གིས་ཐོས་པ་གཞན་ལ་སྒྲོགས་པས་འཁོར་ལོ་དང་པོའི་གདུལ་བྱ་ལ་ཐོས་སྒྲོག་གམ་ཉན་ཐོས་ཞེས་གྲགས་པ་ལྷར། ཐེག་པ་ཆེ་ཆུང་གི་ཆོས་ཐམས་ཅད་དགེ་བའི་བཤེས་གཉེན་ལ་བརྟེན་ནས་ཉན་དགོས་པ་ཡིན་ཏེ་སྡུད་པ་ལས། སློབ་མ་བཟང་པོ་བླ་མར་གུས་ལྡན་དེ་དག་གིས། །བླ་མ་མཁས་པ་རྣམས་ལ་རྟག་ཏུ་བསྟེན་པར་བྱ། །ཅི་ཕྱིར་ཞེན་མཁས་པའི་ཡོན་ཏན་དེ་ལས་འབྱུང་། །ཞེས་སོ། །དེ་ལ་ཇི་ལྟར་ཉན་ན། སྣོད་ཀྱི་སྐྱོན། ཁ་བུབ། ཞབས་རྡོལ། དུག་ཅན་ལྟ་བུ་གསུམ་དང་། དེ་བཞིན་དུ། དྲི་མ་དྲུག་བསལ་བར་བྱ་སྟེ། རྣམ་བཤད་རིག་པ་ལས། ང་རྒྱལ་དང་ནི་མ་དད་དང་། །དོན་དུ་གཉེར་བ་མེད་ཉིད་དང་། །ཕྱི་རོལ་རྣམ་གཡེང་ནང་དུ་སྡུད། །སྐྱོ་བ་ཉན་པའི་དྲི་མ་ཡིན། །ཞེས་རིགས་གཟུགས་དང་དཔལ་འབྱོར་གྱིས་ཁེངས་པའི་ང་རྒྱལ་དང་། བླ་མ་ལ་མཉམ་འགྲོགས་ཀྱིས་མ་དད་པ། ཆོས་ཀྱི་ཚིག་དོན་ལ་དོན་གཉེར་མེད་པ། དབང་ཤེས་ཕྱི་རོལ་དུ་གཡེང་བ། ལམ་བདེན་ལ་ཁྱད་གསོད་ཀྱི་ཡིད་ནང་དུ་སྡུད་པ་རྣམས་ཀྱི་གཉེན་པོར་སྡུད་པ་ལས། དགའ་

(༧༩༧)དང་གུས་དང་དད་པའི་མཆོག་ནི་ཉེར་གཞག་སྟེ། །སྒྲིབ་པ་ཉོན་མོངས་བསལ་ནས་དྲི་མ་ལས་འདས་པ། །འགྲོ་དོན་མངོན་ཞུགས་ངེས་པའི་ཤེས་རབ་ཕ་རོལ་ཕྱིན། །གང་ལ་དཔལ་རྣམས་སྤྱོད་པ་དེ་ནི་མཉན་པར་གྱིས། །ཞེས་པ་ལ་དྲན་པ་ཉེ་བར་གཞག་ཅིང་། །སྡོད་པོ་བཀོད་པ་ལས་གསུངས་པ་ལྟར་བླ་མ་ལ་སྨན་པ་ཆོས་ལ་སྨན། རང་ཉིད་ལ་ནད་པ། ནན་ཏན་ལ་ནད་ཉེ་བར་འཚོ་བ་སྟེ་འདུ་ཤེས་བཞི་བསྐྱེད་ནས་ཉན་པར་བྱ་སྟེ། དེ་ཡང་སློབ་དཔོན་གྱིས་གསུངས་པའི་ཆོས་རྣམས་ཨཱ་ལི་ཀཱ་ལིའི་རྣམ་པས་རང་ཉིད་འཕགས་པ་འཇམ་དཔལ་དང་རྡོ་རྗེ་རྣོན་པོ་སྒྲོལ་མ་ལ་སོགས་པར་གསལ་བའི་སྙིང་ནད་དུ་ཐིམ་པར་བསམ་པ་གནད་ཡིན་ལ། དེ་ལྟར་ཉན་པས་ཆོས་ཐོས་པའི་ཕན་ཡོན་ནི་ཚད་དང་མུ་མེད་དེ། རྒྱལ་བ་ཀློང་གིས། ཆོས་རྔ་སྒྲག་པའི་སྒྲ་ཐོས་སེམས་ཅན་ཡང་། །ངན་སོང་རྣམ་གྲོལ་ཉན་རྣམས་སྨོས་ཅི་དགོས། །ཞེས་གསུངས་པ་ལྟར་རང་གི་ཤེས་རྒྱུད་ཀྱི་སྒྲིབ་པ་བསྲབས་པ་དང་། བླང་དོར་ནོར་བ་ལ་འགྱོད་པ་སྐྱེ་བ་དང་། སྐྱོ་ཤས་དང་ངེས་འབྱུང་འདུ་བྱེད་པ་དང་། བདེན་པ་གཉིས་ཀྱི་ལམ་ཤེས་པ་དང་། རང་རྒྱུད་ལ་ཐར་པ་དང་རྣམ་མཁྱེན་གྱི་ས་བོན་ཐེབས་པ་དང་། བར་དོར་ཡང་དེ་དག་བློ་ལ་འཆར་བ་སྟེ། འདི་ལྟར་གནོད་སྦྱིན་འབྲོག་གནས་དང་། བ་སྤུ་ཁ་བདུག་ལ་སོགས་པའི་གདོན་གྱི་སྡེ་ཚན་དང་། རྒྱལ་པོ་མྱ་ངན་མེད་དང་། མ་སྐྱེས་དགྲ་དང་། སོར་མོའི་ཕྲེང་བ་ཅན་ལྟ་བུ་གཏུམ་པོ་གཟུ་ལུམས་ཅན་ཡང་དམ་པའི་ཆོས་ཐོས་པ་ལ་བརྟེན་ནས་ཉེས་སྤྱོད་རླབས་པོ་ཆེ་ལས་ལྡོག་ཅིང་། ཐར་པའི་ལམ་སྲོལ་ལ་ཕྱོགས་པ་ཡིན་ལ། ཡང་ལ་ལ་ནི་ཕུན་སུམ་ཚོགས་པ་ལྔའི་གནས་སྐབས་རང་གི་མདུན་སར་ཚོགས་བཞིན་དུ། ངས་ནི་ཆོས་དེ་སྔར་ལན་ཅིག་ཐོས་ཀྱི་ད་ནི་མི་དགོས་སོ་ཞེས་སྨྲ་བ་གཞན་ལ་བཙོང་སྒོ་དྲིན་ན་ནི་སྔོན་ཆང་ཐོས་པ་དེས་ཆོག་གོ་སྙམ་པའི་ལྟ་བ་ཡིད་ལ་བཞག་པ་ཙམ་ལས་ཆོས་དེའི་ཚིག་དོན་གྱི་ཆ་རང་གི་བློ་ལ་ཆུབ་མ་ཆུབ་ཀྱི་བསམ་ཤེས་མེད་ཅིང་ཐོས་པའི་ཕན་ཡོན་ལའང་རྒྱུ་འབྲས་ཆད་པར་བལྟ་བའི་མངོན་རྟོགས་ཅན་ནོ། །འདི་ལྟར་སྒྲ་དང་། ཚད་མ་དང་

(༧༩༨)བཟོ་གནས་ལ་སོགས་པ་ཕྱི་ནང་ཐུན་མོང་གི་བསླབ་པའི་ཡོན་ཏན་གྱི་རྣམ་པ་རྒྱ་ཆེན་པོ་ཤེས་པ་ལས་ཆོས་ཐོས་པ་དགའ་ཞིང་ཁེ་ཆེ་བ་ཡིན་ཏེ་སྐྱེས་རབས་ལས། རྒྱལ་བུ་གཞོན་ནུ་ཆོས་འཚོལ་ཆོས་ཉན་པ་འབའ་ཞིག་ཡིད་ལ་དུང་བས་ཆོས་ཀྱི་ཡོན་དུ་གོས་རྒྱན་རིན་ཐང་བྲལ་བ་ཉིད་སྟེར་བའི་གཏམ་ཐོས་པས་སོ་སོའི་སྐྱེ་བོའི་འཆིང་བ་མཐའ་དག་གིས་བཅིངས་པ་ཞིག་རྙེད་པ་ལ་བརྐམ་ཆགས་ཆེན་པོ་སྐྱེས་ནས་ཅི་ཡང་མི་ཤེས་བཞིན་དུ་དཀོན་མཆོག་གི་མཚན་སྒྲ་ཡོད་པའི་ཚིགས་སུ་བཅད་པ་ཤློ་ཀ་གཅིག་གཞན་ལས་བསླབས་ཏེ་རྒྱལ་བུ་ལ་བདག་ཀྱང་ཆོས་སྟོན་པའི་སློབ་དཔོན་ནོ་ཞེས་བསྙད་པས། དེས་ཅི་ཡང་མི་ཤེས་པའི་མཚན་ཉིད་རིག་ཀྱང་། ཚིགས་སུ་བཅད་པ་དེའི་ཁོང་ན་དཀོན་མཆོག་གི་མཚན་སྒྲ་ཡོད་པ་ལ་དད་པ་བླ་ལྷག་ཏུ་སྐྱེས་ནས་བླུན་པོ་དེ་ལ་ཤློ་ཀ་གཅིག་ཉན་ཞིང་དེའི་ཆོས་ཡོན་དུ་རང་གི་ལུས་ཀྱང་གཡང་ས་ཆེན་པོར་བཏང་བ་ཡིན་ན་དགེ་བའི་བཤེས་གཉེན་དང་དགེ་བའི་གྲོགས་པོ་ལ་བསྟེན་ནས་རྣམ་པ་ཐམས་ཅད་དུ་ཆོས་ཉན་ཞིང་། ཐ་ན་རང་ཉིད་ལས་བློ་གྲོས་ཅུང་ཟད་ལྷག་པ་ཡང་བཤེས་གཉེན་དུ་བཟུང་ནས་ཆོས་ཉན་པ་ལ་འབད་པར་བྱ་སྟེ་སྐྱེས་རབས་ལས། མེ་ཚོགས་སྤུ་གྲིའི་སོ་།།།བརྒལ་ནས་ནི། །འཆི་མཐར་ཐུག་གི་བར་དུ་དམ་ཆོས་བཙལ། །ཞེས་སོ། །ལྔ་པ་ཀློག་པ་ནི། དམ་ཆོས་དཀོན་མཆོག་གི་རང་བཞིན་འགོག་ལམ་གྱི་བདེན་པའི་ངོ་བོ་ནི་ལུང་དང་རྟོགས་པའི་བསྟན་པ་རྣམ་གཉིས་ཡིན་ལ། དེའི་གཟུགས་བརྙན་ནི་ཡི་གེའི་རྣམ་པར་གནས་པས་དེ་འདུས་པའི་གླེགས་བམ་ནི་ལུང་གི་ཆོས་གསུང་རབ་ཡན་ལག་བཅུ་གཉིས་ཀྱི་མཛོད་ཁང་ཡིན་པས་དེའི་སྒྲ་དང་ཚིག་གིས་བསླངས་པར་བྱས་པས་བདག་ཅག་གི་སྟོན་པ་འཚོ་ཞིང་མ་གཞེས་ཀྱང་གསུང་དངོས་བསྟན་ད་ལྟ་ཐོས་སུ་བྱར་ཡོད་ལ་དེའི་བདག་པོའི་རྐྱེན་ནི་སྐྱེས་བུའི་རྣམ་རིག་དང་དབང་ཤེས་ཚོགས་པ་ལས་བྱུང་བའི་ཚུལ། འཇམ་དཔལ་སྒྱུ་འཕྲུལ་ལས། ཨ་ནི་ཡིག་འབྲུ་ཀུན་གྱི་མཆོག །དོན་ཆེན་ཡི་གེ་དམ་པ་ཡིན། ཁོང་ནས་འབྱུང་བ་སྐྱེ་བ་

(༧༩༩)མེད། །ཚིག་ཏུ་བརྗོད་པ་སྤངས་པ་སྟེ། །བརྗོད་པ་ཀུན་གྱི་རྒྱུ་ཡི་མཆོག །ཅེས་པ་ལྟར་རླུང་སེམས་གཉིས་འདུས་ཀྱི་ཁོང་ནས་སྐྱེ་བའི་ཡི་གེའི་ཕྱི་མོ་ཨ་དེ་ཉིད་ལྕེ་རྩེ་སོ་རྐན་མཆུ་དང་བཅས་པའི་གནས་ཐ་དད་པར་ཚོགས་པ་ལས་དབྱངས་དང་གསལ་བྱེད་ཀྱི་སྒྲར་སྐྱེ་ཞིང་། དེ་ཡང་ཡི་གེ་འདུས་པ་ལས་མིང་། མིང་འདུས་པ་ལས་ཚིག །ཚིག་འདུས་པ་ལས་དོན་འབྱུང་བས་ལམ་བདེན་འདུས་བྱས་པ་ཐམས་ཅད་ཀྱང་ཡི་གེའི་རྐྱེན་ལས་ཤེས་ཤིང་། དེའི་བྱིན་རླབས་ལས་གསུང་སྒྲ་ཚིག་རང་ཚན་པ་ལས་འདས་པའི་རྟོགས་པའི་དམ་ཆོས་སྐྱེས་བུའི་རྣམ་རིག་ལ་འཕོས་ནས་ཕུང་པོ་ལྔ་དང་ཚོགས་བརྒྱད་ཀྱི་དྲི་མ་དག་པའི་སངས་རྒྱས་སུ་འགྲུབ་པའི་དགོས་པའི་ནང་ནས་ཀྱང་ཉིད་དགོས་ཡིན་ལ། དེ་ཙམ་གྱི་དོན་བློ་ལ་མཆུད་ཀྱང་གླེགས་བམ་དེ་ཉིད་དམ་ཆོས་དཀོན་མཆོག་ཐམས་ཅད་འདུས་པའི་ངོ་བོར་མོས་པ་དང་། བསྟི་སྟང་བླ་ལྷག་ཏུ་བསྐྱེད་ནས་ཁྲིའུའི་ཁར་དང་རས་གཙང་མའི་སྟན་དང་བཅས་བཞུགས་སུ་གསོལ་བ་ལ་ཉེར་སྤྱོད་བཤམ། རང་ཉིད་ཁྲུས་དང་གཙང་སྒྲ་ལ་གནས་པས་སྐྱབས་སེམས་དང་དཀོན་མཆོག་རྗེས་དྲན། ཡན་ལག་བདུན་པ་སོགས་སྔོན་དུ་འགྲོ་བས། ན་མོ་ལྷ་ཡི་སྐད་དང་ཀླུ་དང་གནོད་སྦྱིན་སྐད། །ཅེས་སོགས་པས་མཚམས་སྦྱར་ཞིང་དེ་དག་ཀྱང་ཆོས་ཉན་བར་བསལ། ཚིག་མ་ཟློས་ཤིང་མ་ཆད་ལ། མགྱོགས་བུལ་འཚམས་པ། སྒྲ་དག་པ། ངག་སྙན་པར་བཀླགས་པའི་ཕན་ཡོན་ནི་ཚད་མེད་དེ་ཤེར་ཕྱིན་ལས། གང་གིས་ཆོས་ཀྱི་རྣམ་གྲངས་འདི་ཐོས་ནས་མི་སྤང་ན་དེ་ཉིད་གཞི་དེ་ལས་བསོད་ནམས་ཆེས་དཔག་ཏུ་མེད་པ་བསྐྱེད་ན། གང་གིས་ཡི་གེར་བྲིས་ནས་ལེན་པ་དང་། འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་རྒྱ་ཆེར་ཡང་དག་པར་རབ་ཏུ་སྟོན་པ་ལྟ་ཅི་སྨོས། ཡང་རབ་འབྱོར་ཆོས་ཀྱི་རྣམ་གྲངས་འདི་ནི་བསམ་གྱིས་མི་ཁྱབ་ཅིང་མཚུངས་པ་མེད་དེ། འདིའི་རྣམས་པར་སྨིན་པ་ཡང་བསམ་གྱིས་མི་ཁྱབ་པ་ཉིད་དུ་རིག་པར་བྱའོ། །ཞེས་དང་གང་ལ་ལ་ཞིག་གིས་ཆོས་ཀྱི་རྣམ་གྲངས་འདི་ཡི་གེར་འདྲིའམ།

(༨༠༠) འབྲིར་འཇུག་གམ། ཀླག་གམ། ཉན་ནམ། འཛིན་ནམ། ཞེས་པས་གཞན་རྣམས་ཀྱི་ཕན་ཡོན་ཀྱང་རིག་པར་འགྱུར་ལ། དེ་ལྟར་མོད་ཀྱི་ཀློག་པ་པོའི་ཀུན་སློང་བཟང་ངན་ལས་ཀྱང་གྲུབ་འབྲས་ཐ་དད་དུ་འཆར་ཏེ། སྔོན་ཡུལ་མཐའ་ཁོབ་པའི་ཁྱིམ་པ་གཅིག་གི་ཐོག་སྟེངས་སུ་མཆོད་གནས་བཞག ཁོ་རང་རི་ལ་སོང་ཙན་མཆོད་གནས་པའི་སྡུན་ན་ཉན་ཐོས་དགྲ་བཅོམ་པའི་ཆ་བྱད་ཅན་མང་པོ་འདུས་པར་མཐོང་། ཡི་དམ་ཆེས་ནས་ཁྱིམ་དུ་ལོག་ཙན་དེ་དག་ཅིག་ཀྱང་མི་སྣང་། ཁོ་ཆོས་ལ་ཡིད་ཆེས་ཀྱི་དད་པ་ཐོབ་སྟེ་ཆོས་ཡོན་དུ་རྟ་གཅིག་བྱིན། སླར་མཆོད་གནས་པ་གཞན་ཅིག་བོས་པ་ཁོའི་བསམས་པ་ལང་ལ་།།།རྟག་ཅིག་འོང་ཐང་སྙམ་པ་ཡིད་ལ་རྒྱུན་ཆགས་སུ་སྐྱེས་པས་ཡོན་བདག་གིས་རི་ནས་བལྟས་ཙན་ཁོའི་སྡུན་ན་རྟ་ཆེན་པོ་གཅིག་འདུག་པ་མཐོང་བ་ཡིན་པས་བསམ་པ་རྣམ་པར་དག་པ་ནི་ཤིན་ཏུ་གལ་ཆེ་ལ། བསམ་པ་དག་པས་གསུང་རབ་བཀླགས་ན་རང་གཞན་གཉིས་ཀའི་རྒྱུད་ལ་ཕན། སྡིག་པ་འདག་སྟོབས་ཆ། རྐྱེན་ངན་དང་བར་ཆད་ཞི། དཀའ་ཕྱོགས་ཀྱི་ལྷས་སྐྱོ་བ། མི་མ་ཡིན་རྣམས་ཀྱི་ཐོས་པས་དེའི་རྒྱུད་ཀྱང་གྲོལ། རང་གི་བློ་ལའང་ཐོས་པ་མང་པོ་འཛིན། འཁོར་བ་ལ་ངེས་འབྱུང་སྐྱེ། དཀོན་མཆོག་ལ་དད་པ་སྐྱེ། དགེ་བའི་བཤེས་གཉེན་བསྟེན་པ་དང་ཆོས་ལམ་ལ་འཇུག་པའི་རྒྱུ་བྱེད། ནད་གདོན་དང་མེ་ཆུ་གཅན་གཟན་གནོད་པ་ཞི་བ་ལ་སོགས་པའི་ཕན་ཡོན་ཟང་མི་ཤེས་པ་ཡོད་དོ།། །།དྲུག་པ་འཛིན་པ་ནི་མི་བརྗེད་པའི་གཟུངས་ཀྱི་ངོ་བོ་ཉིད་ཡིན་ཏེ། གླེགས་བམ་བསྡུ་རྩོལ་དང་། དབང་པོའི་གཞན་དབང་། ཉིན་ནུབ་དང་། འགྲོ་འདུག་གཞིས་བྱེས་ཀྱི་ཁྱད་པར་ལ་མི་ལྟོས་པར། རིག་པའི་རྩལ་གྱིས་བརྗོད་བྱའི་རླུང་བསྐྱེད་པ་ལས་ཆགས་ཐོགས་མེད་པར་གདོན་ནུས་པས་གླེགས་བམ་དང་བྲལ་བའི་ཚེ་དགེ་རྩ་ཟད་པར་ཡང་མི་འགྱུར་ལ། ཁྱད་པར་རྗོད་བྱེད་ཀྱི་ཚིག་ནང་གི་རླུང་སེམས་ལ་འདྲེས་པས་བྱིན་རླབས་བཞུག་ཅིང་། བརྗོད་བྱ་དོན་གྱི་གོ་བ་ཡང་སྐྱེད་སླ་ལ། ཀུན་ཆུབ་པར་བྱས་པས་

(༨༠༡)མི་བརྗེད་པའི་གཟུངས་ཐོབ་པའི་ཚུལ། བཀའ་བསྡུ་དང་པོའི་ཚེ་གསུང་རབ་རྣམས་ཡི་གེའི་ཕྱི་མོར་མ་འཁོད་ཀྱང་། དགྲ་བཅོམ་པ་རྣམས་ཀྱིས་སྡེ་སྣོད་གསུམ་བསྡུ་བ་ན། འདི་སྐད་བདག་གིས་ཐོས་པའི་དུས་གཅིག་ན་ཞེས་ཤར་གྱིས་བཤད་ཆོག་འབྱུང་བ་ཡིན། དེ་ཡང་ཚིག་དོན་གཉིས་ཀའི་ཆ་བློ་ལ་འཛུལ་བ་ནི། འཕགས་པའི་སྤངས་རྟོགས་ཁྱད་པར་ཅན་བསྙེས་པ་རྣམས་ཀྱི་སྤྱོད་ཡུལ་ཡིན་ཡང་། ཚིག་གི་ཆ་རྣམས་བློ་ལ་ཞུགས་པས་ཀྱང་། དེའི་རྒྱུད་ལ་གོ་མྱོང་ཁྱད་པར་ཅན་འབྱོར་པས། ཉིན་མཚན་ཐུན་མཚམས་ཀུན་ཏུ་ཤར་གྱིས་བཏོན་ཆོག་པ་འཛིན་པའམ། བློ་ལ་ཆུབ་པར་བྱེད་པ་འདི་ཕན་ཡོན་དཔག་ཏུ་མེད་པ་ཡིན་ནོ།། །།བདུན་པ་མཆོད་པ་ནི། གཞན་རྒྱུད་ལ་དགེ་བའི་ལས་ལམ་དང་ཐར་པའི་ས་བོན་འདུ་བྱེད་ཅིང་། རང་ཉིད་ལའང་ཁ་ན་མཐོ་བས་འཕོག་པའི་གསོ་སྦྱོང་དུ་འགྱུར་ལ། དེ་ཡང་སྡེ་སྣོད་ཤེས་པའི་བློ་མཆོག་རྣམས་ཀྱིས་ནི་རྣམ་བཤད་རིག་པ་ལས། མདོ་དོན་སྨྲ་བར་འདོད་རྣམས་ལ། །མན་ངག་ཅུང་ཞིག་སྦྱིན་པར་བྱ། །དེ་ལ་མན་ངག་འདི་ཡིན་ཏེ། །དགོས་པ་བསྡུས་པའི་དོན་བཅས་དང་། །བརྒལ་ལན་བཅས་དང་མཚམས་སྦྱོར་བཅས། །ཚིག་དོན་བཅས་ཏེ་བསྙད་པར་བྱ། །ཞེས་པ་ལྟར་བཤད་བྱའི་ཆོས་དེའི་གཞུང་ལུས་སུ་བཀྲམ། དགོས་པ་དོན་དུ་བསྡུ། བརྒལ་ལན་གྱིས་ལོག་རྟོག་བསལ། མཚམས་སྦྱོར་གྱིས་འབྲེལ་སྦྱར། ཚིག་དོན་དཔྱད་པ་གསུམ་གྱིས་བསྒྲུབ་ཅིང་། དེ་ཡང་དྲང་དོན་དང་ངེས་དོན། དགོངས་པ་ཅན་དང་དགོངས་མིན་ཏེ་མདོའི་ཚུལ་བཞི་དང་། སྔགས་ལ་དེའི་སྟེང་དུ་སྒྲ་ཇི་བཞིན་དང་། ཇི་བཞིན་མ་ཡིན་པ་བསྣན་པའི་མཐའ་དྲུག་གིས་ལེགས་པར་གཞལ་ནས་བཤད་ཅིང་། དེ་ལྟར་བཤད་པའང་ཐེག་པ་ཆེ་ཆུང་ངམ། མདོ་སྔགས་སོ་སོའི་ཕྱོགས་ཀྱི་ཁ་འཛིན་པ་དང་། རང་རང་གི་འདོད་ཞེན་གྱི་ལྟ་བ་དང་གྲུབ་མཐའ་ཡིད་ལ་བཞག་སྟེ་ཆོས་ཀྱི་ཚིག་དོན་རླབས་པོ་ཆེ་ལ་སྐྲག་པ་སྐྱེས་ནས་དགག་བསྒྲུབ་འདོད་རྒྱལ་དུ་སྨྲ་བ་ནི་ཆོས་ལ་སྡང་བའི་ཉེས་དམིགས་མི་བཟད་པ་ཡིན་ཏེ།

(༨༠༢)ཕ་མ་དགྲ་བཅོམ་གསོད་གང་མཆོག་ཚོགས་འབྱེད་པའི་མི། །དེ་ཡང་ཆོས་ཉིད་ངེས་པར་སེམས་པས་ཐར་འགྱུར་ཏེ། །གང་ཞིག་ཆོས་མ་སྡད་པ་དེ་ལ་ཐར་པ་ག་ལ་ཡོད། །ཅེས་གསུངས་པ་ལ་སོགས་པར་བསམ་ཞིང་། །རྩ་ལྟུང་དྲུག་པའི་ཉེས་དམིགས་ཀྱང་དྲན་པར་བྱས་པ། ཅིའི་ཕྱིར་ན། ཆོས་རབ་ཏུ་རྣམ་འབྱེད་ཀྱི་བློ་གྲོས་སྲིད་ཞིའི་ཕ་རོལ་ཏུ་སོན་པས་དགུ་པ་ལེགས་པའི་བློ་གྲོས་ཀྱི་སྤྱོད་ཡུལ་ཡིན་ན། རྟོག་གེའི་དཔྱད་བཟོད་ནི་ཤེས་བྱ་ཤེས་བྱེད་ཀྱི་རྗེས་སུ་འགྲོ་བའི་ཕྱིར་རོ། །དེ་བས་ན་བྱང་ཆུབ་ཀྱི་སེམས་གཉིས་ནི་ཀུན་སློང་གྱི་ན་དང་རྩས་འགལ་བ་ཡིན་པས་དེ་ལྟ་བུ་དང་ལྡན་པའི་སྐྱེས་བུ་ཆེན་པོ་རྣམས་ཀྱིས་ནི་དངོས་སུ་འདོམས་པའི་ཡི་གེའི་ཕྱི་མོང་སྤེལ་བའི་བསྟན་བཅོས་རྣམས་ནི་འདོད་ཞེན་གྱིས་མ་བསླད་ཅིང་འཆོས་སྐྱོབ་གཉིས་ཀྱི་ཡོན་ཏན་དང་ལྡན་པས། ཐར་པ་ཐོབ་པའི་ལམ་དང་རྗེས་འབྲེལ་བ། །དེ་ཡང་དྲང་སྲོང་བཀལ་བཞིན་སྤྱི་བོས་བླང་། །ཞེས་པ་ལྟར་བསྟན་པའི་སྲོག་ཤིང་ཉིད་དུ་བཟུང་ངོ་། །གདམས་ཕྲན་འཆད་པ་དག་གིས་ཀྱང་། །གང་ཞིག་བཤད་བྱའི་ཆོས་དེ་རང་ཉིད་ཀྱིས་ཐོས་ཤིང་བློ་ལ་ལེགས་པར་བྱང་བ་དང་། ཐ་ནའང་བསམ་བྱུང་གི་ཤེས་རབ་རྣམ་པར་དག་པས་གཞན་ལ་ཚིག་དོན་མི་འཛོལ་ཙམ་འདོམས་པ་ཞིག་དགོས་པ་ནི་ངེས་པར་གཅེས་ལ་དེ་ལྟར་འདོམས་པའི་ནུས་པ་མེད་བཞིན་ཏུ། རྫིང་ནམ་མཆིས་པ་ཝ་ནང་དུ་འདྲེན་པའི་རྣམ་ཐར་དང་། ཁྱད་པར་དུ་བཤད་པའི་ཆོས་དེ་གཞན་རྒྱུད་ལ་སྦྱར་བའི་ནོན་གཉེར་བཏང་སྙོམས་སུ་བོར་ནས། རང་གི་གནས་ཁང་དང་གདན་ཁྲི་ལ་བྱི་དོར། རྒྱན་གོས་ལ་བསྟི་སྟང་གཟབ་ཅིང་ཆོས་དེ་ལུང་གློག་པ་ལྟ་བུའམ། གཞན་ལ་འཕྲིན་བརྒྱུད་དུ་བྱས་ནས་སློབ་མའི་རྒྱུད་ལ་ཚིག་དོན་གཉིས་ཀའི་ཆ་ནས་གོ་བ་ཅུང་ཟད་ཀྱང་མེད་པ་ནི་དམ་པའི་རྣམ་ཐར་མ་ཡིན་ཏེ། ཤེར་ཕྱིན་ལས། ཆོས་ཉན་པ་ནི་ཟང་ཟིང་ཅུང་ཟད་གྱི་ཕྱིར། དྲི་བར་འདོད། ཀློག་པར་འདོད། ལུང་དབོག་པར་འདོད། བཏོན་བྱ་བར་འདོད། སྒོམ་པ་དང་ཉན་པར་འདོད། ཆོས་སྨྲ་བ་

(༨༠༣)ནི་ཟང་ཟིང་ཅུང་ཟད་ཀྱི་ཕྱིར་དེ་ལྟར་མི་འདོད་པ་ནི་བདུད་ཀྱི་ལས་སུ་རིག་པར་བྱའོ་ཞེས་པས་རྙེད་པ་འབའ་ཞིག་ལ་བསམ་པ་ཡང་བཟང་པོ་མ་ཡིན་ནོ། །གང་ཟག་དང་པོའི་ལས་ཅན་དང་། །རྣམ་པར་ཤེས་པ་ལྐོག་གྱུར་ཅན། །གདུལ་བར་དཀའ་ཞིང་སྤྱོད་པར་དཀའ། །དེ་ལ་སྐྱོ་དང་སུན་མི་བྱ། །ཡང་ཡང་བཤད་ཅིང་ཡང་ཡང་དྲིས། །དཔེ་ལ་བརྟེན་ནས་དོན་ལ་སྦྱོར། །ཆོས་འབྱུང་དེབ་ཐེར་རྣམ་ཐར་དང། །ཐ་ན་སྒྱུང་རྒྱུད་ཡན་ཆད་ཀྱིས། །གོ་བ་བསྐྱེད་པའི་ཐབས་ལ་འབད། །དེ་ལྟར་བློ་གྲོས་མཆོག་དམན་ཇི་ལྟ་བུས་ཆོས་འཆད་པའི་ཚེ་ཡང་ཐོག་མར་བློ་གྲོས་རྒྱ་མཚོས་ཞུས་པའི་མདོ་ལས་གསུངས་པའི་བདུན་ཚར་གཅོད་པའི་རིག་སྔགས་ལན་བདུན་འདོན་ཞིང་། འཆང་བྱའི་ཆོས་མདོ་རྒྱུད་གང་ཡིན་ཡང་རང་ཉིད་དེ་དང་དེའི་སྟོན་པ་ལ། སྡུད་པ་པོར་གསལ་བཏབ་ནས་བྱང་ཆུབ་ཀྱི་སེམས་དང་ལྡན་པས་བཤད་ཅིང་། ཁྱད་པར་སྔགས་ཀྱི་དབང་བསྐུར་ལ་སོགས་པའི་ཚེ་བགེག་བསྐྲད་དང་བསྐྱེད་རིམ་ལ་ནན་ཏན་མ་བྱས་ན་སྔོན་སློབ་དཔོན་ཞིག་གིས་དབང་བསྐུར་བའི་སར་སྐྱེར་སྒང་བས་རྨི་ལམ་བཟུང་སྟེ་བྱོན་པས་གདོན་ཆེན་པོ་ཅིག་གིས་སློབ་དཔོན་ཁྲི་ཁ་ནས་ཕོག ཁོ་རང་ཤུལ་དུ་བསྡབ་པ་མཐོང་བས་རིང་པོར་མ་ལོན་པར་དེ་ཉིད་ཚེའི་དུས་བྱས་པའི་ལོ་རྒྱུས་ལྟར་ན། དེང་སང་གཞན་དོན་བྱེད་པར་གྲགས་པ་རྣམས་ཡུན་དུ་མི་བརྟན་པའི་རྒྱུའང་ཤེས་པར་བྱས་ནས་སྔོན་ལ་རང་ཉིད་སྨིན་ནས་གདོང་གཞན་སྒྲོལ་བའི་ཐབས་ལ་མཁས་པར་བྱའོ།། །།བརྒྱད་པ་ཁ་ཏོན་ནི། མི་བརྗེད་པའི་གཟུངས་ཀྱི་འབྲས་བུ་ཡིན་ཏེ། ཅིའི་ཕྱིར་ན་སྔོན་ཆད་བློ་ལ་བཟུང་ཡང་ཕྱི་ནས་བརྗོད་པ་རྣམས་ཀྱིས་གདོན་དུ་མི་བཏུབ་པས། བཟུང་ནས་མ་བརྗེད་པ་ནི་ཤིན་ཏུ་གཅེས་ཏེ། ཁ་ཏོན་བྱས་པའི་བསོད་ནམས་ཚད་མེད་པའི་ཚུལ་བཟང་སྤྱོད་ལས་ཀྱང་། གང་ཡང་བཟང་པོ་སྤྱོད་པའི་སྨོན་ལམ་ནི། །འཆད་པ་དང་ནི་བསྟོན་ཏམ་ཀློག་ན་ཡང་། །དེ་ཡི་རྣམ་པར་སྨིན་པ་སངས་རྒྱས་མཁྱེན། །བྱང་ཆུབ་མཆོག་ལ་སོམ་ཉི་མ་བྱེད་ཅིག །ཅེས་པས་མཚོན་དམ་པའི་ཆོས་སྟོན་པའི་ཕན་ཡོན་ནི་བསམ་གྱིས་མི་ཁྱབ་པས་མོད་དང་གཟུངས་ཕྲན་མཐའ་དག་ལ་ཟད་མི་

(༨༠༤)ཤེས་པ་ཡོད་དོ། །དེ་ཡང་ཀློག་འདོན་གཉིས་བསོད་ནམས་ཀྱི་ཆ་ལ་མཉམ་ཡང་། མྱུར་བུལ་གྱི་ཁྱད་པར་ཤིང་རྟ་དང་ཉི་ཟླའི་འགྲོད་པ་ལྟ་བུར་ཡོང་བས་ཁ་ཏོན་ནི་ཤིན་ཏུ་མྱུར་བའི་ཕྱིར་བསོད་ནམས་གསོག་སྟོབས་ཆེ་བ་སྟེ་སློབ་དཔོན་དབྱིག་གཉེན་གྱིས་ལོང་ལ་གསུང་རབ་ཡན་ལག་བཅུ་གཉིས་ལན་རེ་གདོན་པར་མཛད་པ་ཤེར་ཕྱིན་བརྒྱད་སྟོང་པ་ཆུ་ཚོད་གཅིག་གམ་གཉིས་ཀྱི་ཡུན་ལ་བཏོན་ཚར་བས་བུལ་མགྱོགས་ཀྱི་མཐའ་གཞལ་ཏེ། ཟངས་ཆེན་ཏིལ་མར་གྱིས་བཀང་བའི་ནང་དུ་བཞུགས་ནས་ཉིན་མཚན་སྤྲེལ་མ་བཅོ་ལྔས་བཏོན་ཚར་བས་ཕྱོགས་ཙམ་མཚོན་ལ། དེ་གདུང་ཕྲག་གི་ཕུག་རོན་གྱིས་ཐོས་པས་ལས་སྒྲིབ་བསྲབས་ཏེ་དེ་མ་ཐག་པའི་སྐྱེ་བ་སློབ་དཔོན་བློ་གྲོས་བརྟན་པར་གྱུར་པས་སྒྲ་ཐོས་པའི་ཆའི་གཤན་ཕན་ཡང་དེས་མཚོན་ལ། འདི་གཞན་གྱིས་མི་ནུས་སྙམ་དུ་ཡང་དོགས་པར་མི་བྱ་སྟེ་རྨི་ལམ་ཟིན་པའི་གང་ཟག་རྣམས་ཀྱིས་ཆུ་ཚོད་གཅིག་གི་ཡུན་ལ་མཚན་བརྗོད་ལན་གྲངས་མང་པོ་བཏོན་ཟིན་པའི་འཐད་པ་ཡོད་དེ་རླུང་སེམས་རགས་པའི་རྐྱེན་གྱིས་ཁ་ཏོན་ལས་འདས་པའི་ཕྱིར་རོ། །རང་ངོ་ནས་རྟག་པར་ཁ་ཏོན་བགྱིད་པའི་སྐྱེས་བུ་དེ་ནི་ཇི་ཙམ་འཚོ་བ་དེ་སྲིད་དུ་བསོད་ནམས་ཀྱི་ཚོགས་འཕེལ་བ་ཡིན་ཏེ། སློབ་དཔོན་ངག་གི་དབང་ཕྱུག་གིས། །ཆོས་སྤྱོད་དབང་པ་ཐུལ་བ་ནི། །འཁོར་བ་དུ་ནི་ཇི་སྲིད་འཚོ། །དེ་སྲིད་བསོད་ནམས་ལ་སོགས་ཚོགས། །བྱང་ཆུབ་སྒྲུབ་བྱེད་རབ་ཏུ་སྐྱེ། །ཞེས་པ་ལྟར་རོ། །དེའི་ཕྱིར་ཆོས་ལམ་ལ་ཞུགས་པའི་གང་ཟག་འདྲ་མཉམ་ཡིན་ཡང་བསག་སྦྱང་ལ་བརྩོན་པ་དང་མི་བརྩོན་པའི་ཁྱད་པར་ནི་དད་དཔོན་ནོར་བུ་ལོངས་པ་དང་རུས་སྦལ་གཉིད་ལ་གཡུར་བའི་ཁྱད་པར་ལྟ་བུ་སྟེ། ཕྱི་མ་ནི། ནམ་མཁའ་དང་ནི་ས་གཞིའི་བར་ཡང་རིང་། །རྒྱ་མཚོའི་ཕ་རོལ་ཚུ་རོལ་འགྲམ་ཡང་རིང་། །ཤར་ནུབ་གཉིས་ཀྱི་རི་བར་དེ་བས་རིང་། །ཡལ་དང་དམ་པའི་ཆོས་ཀྱང་དེ་བས་རིང་། །ཞེས་པས་སྣང་བ་ནས་མུན་པར་འགྲོ་བའི་མཚན་ཉིད་ཅན་དུ་ཤེས་པར་བྱའོ།། །།དགུ་པ་སེམས་པ་ནི། བཤད་མ་ཐག་པ་ཉན་པ་ལ་སོགས་པའི་ཆོས་ལྔ་པོ་དེ་དག་ལ་བསམ་བྱུང་གི་ཤེས་རབ་

(༨༠༥)རྣམ་པར་དག་པས་དཔྱད་དགོས་པ་ཡིན་ཏེ། ཚིག་དོན་ལ་རྟོག་དཔྱོད་གང་ཡང་མེད་པའི་ཉན་ཀློག་ལ་སོགས་པ་ནི་འདབ་ཆགས་སྨྲ་མཁན་གྱི་སྒྲ་ཚིག་བཞིན་ཏེ། དེ་ཡང་སེམས་གཞན་དུ་ཡེངས་ཤིང་དྲན་པ་ཉེ་བར་མ་གཞག་པའི་ཆོས་སྤྱོད་ལ་འབྲས་བུ་མེད་པའི་ཚུལ་སྤྱོད་འཇུག་ལས། ལུས་ངག་བཅས་པའི་འབྲས་བུ་ཡང་། །སྤྱོད་པ་ནན་པས་དེ་ལྟ་མིན། །བཟླས་བརྗོད་དང་ནི་དཀའ་ཐུབ་ཀུན། །ཡུན་རིང་དུས་སུ་སྤྱད་བྱས་ཀྱང་། །སེམས་གཞན་གཡེངས་པས་བྱས་པ་ནི། །དེ་ཉིད་རིག་པས་དོན་མེད་གསུངས། །གང་གིས་ཆོས་ཀྱི་གཙོ་བོ་མཆོག །སེམས་ཀྱི་མཚང་འདི་མ་ཞེས་ན། །བདེ་ཐོབ་སྡུག་བསྔལ་གཞོམ་འདོད་ཀྱང་། །དེ་དག་དོན་མེད་ཀྱི་ནར་འཁྱམ། །དེ་ལྟར་བདག་གི་སེམས་འདི་ནི། །ལགས་བཟུང་ལེགས་པར་བསྲུང་བར་བྱ། །སེམས་བསྲུང་བརྟུལ་ཞུགས་མ་རྟོགས་པ། །བརྟུལ་ཞུགས་མང་པོས་ཆི་ཞིག་བྱ། །ཞེས་པས་གསལ་ལ་འདི་ལྟར་ཚིག་དོན་ལ་རྣམ་པར་དཔྱོད་པའི་ཤེས་རབ་ཟབ་མོས་ནི་དགེ་བའི་ཆོས་རྒྱ་མཚོ་ལྟ་བུ་སྡུད་ཅིང་། བླང་དོར་གྱི་གནས་འཛོལ་བར་མི་འགྱུར་ལ། ཁྱད་པར་མདོ་དང་བསྟན་བཅོས་ལ་སོགས་པ་གང་དང་གང་ཞིག་ཉན་པའམ། ཀློག་པའམ། འཛིན་པའམ། འཆད་པའམ། ཁ་ཏོན་བྱེད་པའི་ཚིག་དོན་ལ་བསམ་བྱུང་གི་དཔྱད་པ་ཞུགས་པས་གོ་བ་ཁྱད་པར་ཅན་སྐྱེ་ཞིང་། གལ་ཏེ་རང་སྟོབས་ཀྱི་བློས་དཔྱད་མི་བཟོད་པ་རྣམས་དགེ་བའི་བཤེས་གཉེན་དང་། རང་ལས་བློ་གྲོས་ལྷག་པ་ལ་དྲིས་པས་རང་ཉིད་ཀྱི་བློ་གྲོས་ཀྱང་ཡར་ངོའི་གང་བ་བཞིན་འཕེལ་བར་འགྱུར་ལ། དཔེར་ན་འཁོར་ལོ་དང་པོའི་སྡེ་སྣོད་ལྟ་བུ་ཞིག་ལ་མཚོན་ན། དགེ་སློང་དག་སྡུག་བསྔལ་ཤེས་པར་བྱའོ། །ཀུན་འབྱུང་སྤང་བར་བྱའོ། །འགོག་པ་མངོན་དུ་བྱའོ། །ལམ་རྒྱུད་ལ་བརྟེན་པར་བྱའོ། །ཞེས་པའི་དོན་ལ་བསམས་པས། སྡུག་བསྔལ་དེ་འཁོར་བའི་ཉེས་དམིགས་ཡིན་པར་གོ་ལ། དེ་འབྱུང་བའི་རྒྱུ་ཀུན་འབྱུང་སྙེ་མ་རིག་པའི་རང་བཞིན་ཅན། རྐྱེན་སེམས་དང་སེམས་བྱུང་བས་སྐྱེས་པའི་ཉོན་མོངས་པའི་ཚོགས་ཀྱིས་བསྡུ་བ་བྱས་པའི་

(༨༠༦)ལས་དེ་སྤང་བར་བྱས་ན་འབྲས་བུ་སྡུག་བསྔལ་འགོག་པར་འགྱུར་ཏེ། དེ་ལྟར་སྤོང་བ་ནི་ལམ་གྱི་བདེན་པ་ལ་ལྟོས་དགོས་པས་ལམ་རྒྱུད་ལ་བརྟེན་པར་བྱའོ་ཞེས་གསུངས་ལ་ཇི་ལྟར་བརྟེན་ན། སུམ་བརྒྱ་པ་ལས། གང་ཞིག་སྲོག་གཅོད་གཞན་གྱི་ནོར་འཕྲོག་དང་། །མི་ཚངས་སྤྱོད་རྫུན་བཅོས་པའི་ཆང་ལ་སོགས། །གར་སོགས་ཕྲེང་སོགས་མལ་ཆེས་མཐོ་བ་དང་། །ཕྱི་དྲོའི་ཁ་ཟས་གསེར་དངུལ་ལེན་པ་སྤོངས། །ཉོན་མོངས་དགྲ་གཡུལ་རྒྱལ་བྱེད་ཚུལ་ཁྲིམས་ཏེ། །སོ་ཐར་བརྟུལ་ཞུགས་ཆུ་ལོན་ལྟ་བུ་ཡིས། །འཆི་བའི་འཚེ་པ་འཇོམས་པར་བྱེད་པའི་ཐབས། །རྫོགས་པའི་བྱང་ཆུབ་དཔལ་ནོད་དབང་བསྐུར་ཡིན། །ཞེས་པས་མཚོན་ཉེ་ལྷག་པ་ཚུལ་ཁྲིམས་ཀྱི་བསླབ་པའི་གནས་རྒྱ་ཆེར་བསྟན་པའི་ཕྱིར་རོ། །དེ་བཞིན་འཁོར་ལོ་བར་མཐའ་གཉིས་ལ་ཡང་ཤེས་པར་བྱའོ། །དེ་སྐད་དུ་མཛོད་ལས། ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །ཞེས་ཇི་ལྟར་ཐོས་པའི་ཆོས་ཐམས་ཅད་ལ་བསམ་བྱུང་གི་ཤེས་རབ་བསྐྱེད་པ་ནི་སྒོམ་པའི་ཡང་སྔོན་དུ་ངེས་པར་འགྲོ་དགོས་པའི་ཆོས་ཡིན་ལ། ཁྱད་པར་ཀློག་པ་ཐོས་བསམ་པ་རྣམས་ཀྱི་རང་ལུགས་ནི་རྩོད་བཟློག་ལས། ཐ་སྙད་ལ་ནི་མ་བརྟེན་པར། །དམ་པའི་དོན་ནི་རྟོགས་མི་འགྱུར། །ཅེས་ཐ་སྙད་ལ་བརྟེན་ནས་ཞི་བ་ཉམས་སུ་མྱོང་བར་འདོད་པར་མཚན་མཚོན་དང་། མངོན་སུམ་དང་། རྗེས་དཔག་དང་། རྫས་ལྡོག་དང་། འགལ་གྲུབ་དང་། བརྒལ་བརྟག་ལ་སོགས་པའི་ཚད་མས་གཞལ་ཞིང་། རྣམ་གྲངས་དང་མདོ་ལ་བསླབ་པའི་བསམ་བྱུང་གི་ཤེས་རབ་ལ་བརྟེན་ནས་དོན་དམ་བདེན་པ་སྒྲ་རྟོག་གི་ཡུལ་དུ་ཞེན་པར་འདོད་པ་སློབ་དཔོན་བྱ་བ་བཞིན་ནོ། །འོན་ཀྱང་དེས་ནི་ཆོས་རབ་རྣམ་འབྱེད་ཀྱི་ཤེས་རབ་བསྐྱེད་པའི་རྒྱུ་ཡིན་པས་ཀློག་པ་ཐོས་བསམ་གྱི་རང་པོ་ནས་མི་འགོག་ཀྱང་འབྲས་བུ་ལམ་དུ་བྱེད་ཅིང་རྡོ་རྗེ་ཐེག་པའི་གནས་སྐབས་སུ་ནི། རླུང་སེམས་འགོག་པའི་ཐབས་ཁྱད་པར་ཅན་གྱི་གེགས་སུ་འགྱུར་ཅིང་དེའི་མི་མཐུན་ཕྱོགས་འབའ་ཞིག་ཡིན་

(༨༠༧)པས་ཆོས་ལ་འཇུག་པའི་རྒྱུད་ལ་འབྱོར་རྙེད་དཀའ། ཚེ་མི་རྟག་པ། ལས་འབྲས་ཀྱི་རྣམ་གཞག །འཁོར་བའི་ཉེས་དམིགས། ཐར་པའི་ཕན་ཡོན་བསམ་པ་དང་། དེ་ཡང་ས་གཞི་མེད་ན་ལོ་ཐོག་མི་འབྱུང་བ་བཞིན་དགེ་བའི་བཤེས་གཉེན་ལམ་བསྟེན་ན་ལམ་དང་ལམ་མི་ཤེས་པས་དེ་ཉིད་བསམ་སྦྱོར་སོ་སོའི་ཆ་ནས་བསྟེན་པའི་ཚུལ་གྱིས་མཚོན་ཆོས་ཀྱི་ཚིག་དོན་མཐའ་དག་ལ་བསམ་བྱུང་གི་བློས་དཔག་པར་བྱའོ།། །།བཅུ་བསྒོམ་པ་ནི། ཆོས་ཀྱི་རྣམ་གྲངས། འབྲས་བུ་དང་། བྱ་བའི་རང་བཞིན་གང་དང་གང་ལ་ཐོས་བསམ་བྱས་པ་ཡིན་ཡང་། དེ་དང་དེའི་དོན་ཤེས་རྒྱུད་ལ་གོམས་འདྲིས་བརྟན་པར་བྱ་བའི་ཕྱིར། དབུ་ནས་ཞབས་སུ་བསྡུས་པའི་དོན་ཐམས་ཅད་བསྒོམ་པར་བྱ་བ་ནི་སྤྱི་དོན་ཡིན་ཏེ། སྤྱོད་འཇུག་ལས། རང་གི་ཡིད་ལ་བསྒོམ་ཕྱིར་ངས་འདི་བརྩམས། ཞེས་པས་མཚོན་ལ། དམིགས་བསལ་ནི། མངོན་མཐོའི་གོ་འཕང་དོན་དུ་གཉེར་བ་སྐྱེས་བུ་ཆུང་ངུའི་ལམ་ནི་ལས་དང་ལས་ཀྱི་འབྲས་བུ་བསླུ་བ་མེད་པ་ལ་ངེས་པ་བརྟན་ཞིང་དེ་དང་དེའི་བླང་དོར་གྱི་གནས་མི་འཆོལ་བར་ཡིད་ལ་བྱེད་པ་དང་། དེ་དང་རྗེས་སུ་འབྲེལ་བས་མངོན་པར་མཐོ་བའི་རྒྱུར་ཡང་རུང་ལ། ཁྱད་པར་ཐར་པའི་ལམ་སྟེགས་སྤོང་བའི་ཁྲིམས་ཉིས་བརྒྱ་ལྔ་བཅུ་དང་། བླང་བྱ་འཇུག་པའི་ཁྲིམས་བཅུ་བདུན་ལས་སྔ་མ་ལ་ལྟུང་བ་ལས་སྡད་པའི་ཐབས་དང་། །ངེས་འབྱུང་གི་ཐབས་སོར་བཤགས་སོགས་ལྕག་པ་ཚུལ་ཁྲིམས་ཀྱི་བསླབ་པ་གཞི་རྟེན་དུ་བྱས་ནས་བདེན་པ་བཞིའི་ལམ་བསྒོམས་པས་ཐར་པའི་གོ་འཕང་ལ་བཀྲི་བའི་སྐྱེས་བུ་འབྲིང་གི་ལམ་དང་། བྱིང་རྒོད་ཀྱི་རྙོག་མ་དྭངས་པའི་སེམས་ལ་རྣམ་པར་ཐར་པའི་སྒོ་གསུམ། གཞི་ལམ་འབྲས་བུ་གསུམ་དུ་བཀོད་པ་ལྷག་པ་སེམས་ཀྱི་བསླབ་པ་མདོ་སྡེའི་སྡེ་སྣོད་དང་། ཀུན་བརྟགས་གཞན་དབང་ཡོངས་གྲུབ་གསུམ་གྱི་རྣམ་འབྱེད་རྒྱ་ཆེ་ལ་གཏིང་ཟབ་པས་བདག་འཛིན་དང་མཐར་ལྟའི་གཡང་ས་ལས་ལྡོག་ཅིང་། བདེ་གཤེགས་སྙིང་པོའི་ཆོས་ཉིད་ལྐོག་ཏུ་མ་གྱུར་པར་སྟོན་པ་དམ་པའི་ཆོས་མངོན་པའི་སྡེ་སྣོད་དེ་སྐྱེས་བུ་ཆེན་པོའི་ལམ་གཉིས་ལ་བརྟེན་ནས་རྣམ་པ་ཐམས་

(༨༠༨)ཅད་མཁྱེན་པའི་གོ་འཕང་ལ་བཀྲི་བའི་དོན་སྒོམ་པ་སྟེ། དེ་ལྟར་ཐེག་པ་ཆེ་ཆུང་གཉིས་ཀྱིས་རྒྱུད་སྦྱངས་ནས་འབྲས་བུའི་ཐེག་ཆེན་རྡོ་རྗེ་ཐེག་པའི་ལམ་ལ་ལུས་དང་རྩ་དག་པར་བྱེད་པ་བུམ་དབང་། ངག་དང་རླུང་དག་པར་བྱེད་པ་གསང་དབང་། ཡིད་དང་ཐིག་ལེ་དག་པར་བྱེད་པ་ཤེར་དབང་། ཀུན་གཞི་དང་ཤེས་སྒྲིབ་དག་པར་བྱེད་པ་བཞི་པ་སྟེ་སྨིན་བྱེད་ཀྱི་དབང་དང་སོ་སོའི་དམ་ཚིག་ལ་བརྟེན་ནས་ས་ལམ་བགྲོད་པའི་རིམ་བསྒོམ་པ་དང་། དེ་བཞིན་དུ་བུམ་དབང་གིས་ལམ་ཕྱི་ནང་སྣོད་བཅུད་ཀྱི་ཞེན་རྟོག་སྤྱོད་པའི་བསྐྱེད་རིམ། དེ་བཞིན་དུ་དབང་གོང་མ་གསུམ་ལས་དང་པོ་གཉིས་ལ་དམིགས་བཅས་ཀྱི་རྫོགས་རིམ་དང་། ཕྱི་མ་ལ་དམིགས་པ་མེད་པའི་རྫོགས་རིམ་ལ་བརྟེན་ནས་རང་རང་གི་ངས་བྱ་དག་པར་བྱེད་པའི་ཟབ་ལམ་བསྒོམས་པས་རྡོ་རྗེ་འཆང་གི་སར་སྐད་ཅིག་གིས་བགྲོད་པར་བྱེད་པ་ཡིན་ཏེ། དེ་ཙམ་གྱི་སྤྱི་དོན་དང་སྦས་དོན་ལ་རྣམ་རིག་ལྐོག་ཏུ་གྱུར་བདག་གིས་ནི། དཀོན་མཆོག་གསུམ་གྱི་ཡོན་ཏན་རྗེས་སུ་དྲན་པར་བྱས་ནས་ཚོགས་ཞིང་བསྒོམས་ཏེ་སྐྱབས་སུ་འགྲོ་བ་དང་། ཐེག་པ་ཆེན་པོའི་ལམ་གྱི་གཙོ་བོ་ཚད་མེད་བཞི་དང་། སྨོན་འཇུག་གཉིས་དང་། བདེ་སྡུག་གཏོང་ལེན་དང་། བདག་གཞན་བརྗེ་བ་དང་། ཕར་ཕྱིན་དྲུག་དང་། ཞི་ལྷག་གཉིས་དང་། བྱང་ཕྱོགས་སོ་བདུན་ལ་སོགས་པ་དང་། མདོར་ན་ཐོས་བསམ་མཐའ་དག་གི་སྙིང་པོར་བསྡུ་བ་སྒོམ་པའི་ཤེས་རབ་ཀྱི་ངོ་བོ་ནི་སྔོན་འགྲོར་རྟོག་དཔྱོད་དང་བཅས་ཤིང་། དངོས་གཞིར་རྟོག་མེད་ལ་འཇུག་པས་བསམ་གཏན་བཞི་དང་གཟུགས་མེད་བཞིའི་སེམས་ནི་ལམ་ལམ་ཞུགས་པའི་རྒྱུད་ལའང་ཡོད་པས་བྱིས་པ་ཉེར་སྤྱོད་ཀྱི་བསམ་གཏན་ཞེས་བྱ་ལ། དེ་ཉིད་ལ་མ་སྟེགས་སུ་བྱས་ནས་ཚོགས་སྦྱོར་གྱི་ལམ་ལ་དོན་རབ་འབྱེད་པའི་བསམ་གཏན་གྱིས་ཐར་ལམ་མངོན་དུ་བྱེད་ཅིང་འཕགས་པའི་ལམ་ས་དང་པོ་ནས་དེ་བཞིན་གཤེགས་དགེའི་བསམ་གཏན་ལ་འཇུག་པས་སྒོམ་པའི་ལམ་དུས་བཅུ་བགྲོད་པ་ནི་སློབ་ལམ་བཞིའི་མཐར་ཐུག་ཡིན་ནོ། །དེ་བཞིན་དུ་སྔགས་ཀྱི་ལམ་ལ་རྡོ་རྗེ་གསུམ་དང་། མངོན་

(༨༠༩)བྱང་ལྔ་དང་། ཕྱག་རྒྱ་བཞི་དང་། འོད་ཟེར་སྤྲོ་བསྡུ་དང་། རྫོགས་རིམ་སྒོམ་པ་ལ་སོགས་ཏེ་མདོར་ན་དམིགས་པ་དང་བཅས་པའམ། དམིགས་པ་ལས་འདས་ཀྱང་སྒོམ་པའི་ཐ་སྙད་བཞག་པའི་ཕྱོགས་ཏེ། དེ་ཐམས་ཅད་ཀྱང་བསྡུ་ན་བདེན་པ་གཉིས་སུ་འདུ་སྟེ། བདེན་གཉིས་ལས། ལམ་བདེན་ཐམས་ཅད་ནི་འདུས་བྱས། འདུས་བྱས་ཐམས་ཅད་ཀུན་རྫོབ་སྟེ། །སྐྱེ་མེད་སྤྲོས་ཀུན་ཞི་བ་ལས། །དོན་དམ་ཞེས་པའི་བརྡ་མཛད་དོ། །ཞེས་པ་ལྟར་རོ། །ཆོས་སྤྱོད་བཅུ་ཞེས་གྲགས་པ་བརྟན་པ་ལ། སྔན་ཚད་ཊཱི་ཀ་ཡོད་མེད་མཐའ་མི་འཚལ། །འདི་ནི་དལ་འགྲོའི་ཀློང་ལས་ཆུ་བུར་བཞིན། །གཞན་ཕན་སེམས་ཀྱི་འོད་དཀར་ཀློང་ནས་བརྡོལ། །བགྲང་བྱ་བརྩེགས་པས་རྣམ་རིག་དེངས་གྱུར་ལ། །དབང་པོ་ལྡོངས་པས་ཡི་གེའི་གཟུགས་ཀྱིས་སྤངས། །དེ་ཕྱིར་བློ་ཡི་རི་མོ་ཐོལ་བྱུང་དུ། །སྤེལ་འདིར་ནོངས་ན་ཐམས་ཅད་མཁྱེན་ལ་བཤགས། །མཁས་སམ་གྲགས་པའི་ཕྱོགས་ལ་བསྙེན་པ་ཡི། །ལྟ་བ་ཡིད་ལ་མ་བཞག་དེའི་དགེ་བས། །འགྲོ་ཀུན་ཀུན་མཁྱེན་གོ་འཕང་ལ་རེག་ཤོག །མ་ཧཱ་སནྡྷི་པ་ཨ་བྷ་ཡས་སོ། །གཏམ་ཚོགས་ལེའུ་ང་ལྔ་པའོ།། །།དྲན་པའི་གཏམ་ཡོན་ཏན་རྒྱ་མཚོ་ཞེས་བྱ་བ།། །།ཐམས་ཅད་མཁྱེན་པ་ལ་ཕྱག་འཚལ་ལོ། །རྫོགས་ཆེན་པ་རང་བྱུང་རྡོ་རྗེ་དཀོན་ཅོག་དང་ངེས་འབྱུང་ལ་གུས་པ། དཔལ་འཆི་བ་མེད་པའི་ལྗོངས་ཀྱི་རི་ཁྲོད་དམ་པ་ན་བལྟར་མི་མངོན་པའི་སྤོང་བ་བསམ་གཏན་པ་རྣམས་དང་ཐབས་ཅིག་གོ །དེའི་ཚེ་ལྟོ་བརྒྱུད་མོན་ལྗོངས་མཁར་ཞེས་བྱ་བ་རིའི་བ་གམ་ནགས་ཚལ་གྱིས་བསྟེན་པའི་གནས་ནས་ལྷགས་པའི་དགེ་སློང་བླ་མས་ཞུས་པ། བདག་ལོ་བཅུ་གསུམ་ལོན་ནས་དམ་པའི་ཆོས་སྒོར་ཞུགས། དབུས་གཙང་གི་ཕྱོགས་སུ་རིག་གནས་ཀྱི་ཡན་ལག་དང་དགེ་ཚུལ་སློང་། བཀའ་གཏེར་བཀའ་བརྒྱད་ལ་སོགས་པའི་ཆོ་ག་ལག་ལེན། སྙིང་པོའི་རྒྱུད་བཤད། མདོ་སྒྱུ་ལ་སོགས་པའི་དཀྱིལ་འཁོར་བྲི་ཐིག་ལས་རབ་འབྱམས་

(༨༡༠)ལའང་ཅུང་ཟད་སྦྱངས། དེ་ནས་ངེས་འབྱུང་གི་བསམ་པ་ཁོ་ནས་རི་ཁྲོད་དབེན་པར་དཀའ་སྤྱད་དྲག་པོ་ལ་བརྟེན་ནས་ལོ་འགའ་དང་འགའ་བསྒོམས། རྫོགས་རིམ་སྒོམ་ཐལ་པ་གནད་དུ་མ་སོང་བས་ཚངས་བུག་བྱེ་ནས་འཕོ་ཚད་ཚད་པ་དང་། འཇུར་དྲན་དྲགས་ཐལ་བས་སྲོག་རླུང་གི་གེགས་ཀྱང་བྱུང་། བོགས་འདོན་གྱི་ཆེད། བླ་མ་བཟང་དགུ། སྒོམ་ཆེན། རང་མཉམ་མཆེད་གྲོགས་ཡོད་ཚད་ལ་དྲི་གཏུགས་མང་དུ་བྱས་ཏེ། རང་བཞིན་ཤེས་པའི་དྲན་པ་སྐད་ཅིག་མ་བསྒོམ་བྱའི་ངོ་བོར་སྟོན་པ་བླ་མ་དམ་པ་ཁྱེད་ལས་མ་བྱུང་། སྔ་མོ་གཅིག་ཐེག་མཆོག་མཛོད་ལ་བལྟས་པས། རྒྱལ་བ་ཀློང་ཆེན་པ་ལ་དད་དུང་དེ་ལས་ཆེ་བ་མེད་པ་སྐྱེས། ལོ་བརྒྱ་བརྒྱ་ན་བི་མ་ལའི་སྤྲུལ་པ་རེས་རྫོགས་པ་ཆེན་པོའི་ལྟ་བ་ཐུན་མོང་མ་ཡིན་པ་སྟོན་པར་འགྱུར་བའི་ལུང་བསྟན་མཐོང་བས་རྣམ་པ་ཀུན་ཏུ་སྨོན་ལམ་བཏབ། སྔོན་ཆད་ཀྱི་སྙིང་རུས་སྡུག་བཙིར་དུ་འདུག །ད་བརྗོད་བྲལ་ལྷན་ཅིག་སྐྱེས་པའི་ལྟ་བ་ངོ་འཕྲོད་ནས་དེ་གཤིས་ཐོག་ཏུ་བསྐྱེད་པ་ལ་དྲན་པ་གཅིག་པོས་ཆོག་པ་ལགས་སམ་ཞུས་པས། དགེ་སློང་། ཆོས་ཐམས་ཅད་ཀྱི་རྩ་བ་དྲན་པ་ལ་ཐུག་པ་ཤེས་པར་གྱིས་ཤིག་དང་། མགོན་པོ་ཀླུས། དབང་ཕྱུག་ལུས་རྟོག་དྲན་པ་བདེ་གཤེགས་ཀྱི། །བགྲོད་པ་གཅིག་པའི་ལས་འདི་ཉེ་བར་བསྟན། །དེ་ལ་བསྒྲིམ་ནས་མངོན་པར་བསྲུང་བགྱི་སྟེ། །དྲན་པ་ཉམས་ན་ཆོས་ཀུན་འཇིག་པར་འགྱུར། །ཅེས་དྲན་པ་མེད་ན་ཐོས་བསམ་སྒོམ་པའི་བྱ་བ་ལྟ་ཅི། འཇིག་རྟེན་ཡང་མི་འགྲུབ། འཁོར་བ་ཀུན་བརྟགས་པའི་ལས་ལ་ ལུང་རྟོགས་ཞེས་བྲིས་པ་ཁོ་ན་སྣང་བ་བཤེས་སྤྲིང་གི་འབྲེལ་བས་འདི་ལྟར་བསྟན། ཡང་བརྗེད་ནས་དོན་ཉམས། བརྗེད་ནས་དངོས་པོ་བརླག །བརྗེད་ནས་ཕྱི་ཐལ་བྱུང་། སྨྱོ་ཞུགས། འདུ་ཤེས་འཁྲུལ། འདྲེས་ཁྱེར། ཚིག་དོན་མ་ཟིན་ཟེར་བ་མཐའ་དག་དྲན་པ་ཉམས་པས་ལན། མྱང་འདས་ཀྱི་ལམ་སྤྱོད་ཕྱོགས་ལ་ལྟོས་ན། དང་པོ་དལ་འབྱོར་རྙེད་དཀའ་མ་དྲན་པ་རྣམས་ཆོས་དང་

(༨༡༡)མཇལ་བའི་རྟེན་འབྲེལ་མི་འགྲིག །གལ་ཏེ་སྟེས་དབང་གིས་ཆོས་ལམ་ཞུགས་ཀྱང་ལས་མཐའ་ཕྲལ་དུ་ལོག་འགྲོ་བ་དེ་སྟོན་པས་བཅས་པའི་བསླབ་པ་ལ་དྲན་དང་ཤེས་བཞིན་ཡང་མ་བྱུང་། འཆི་བ་ཡང་སྙིང་ནས་མ་དྲན་པས་ལན། འཆི་བ་བརྗེད་ཙ་ན་ཅི་བྱེད་ཐམས་ཅད་ཚེ་འདི་བར་འཆོར། དེ་ཙ་ན་ལུང་མ་བསྟན་གྱི་སེམས་དེས་སྤང་བྱ་མི་དགེ་བ་བཅུ་དང་བསྒྲུབ་བྱ་དགེ་བ་བཅུ་ལ་སོགས་པའི་རྒྱུ་འབྲས་རང་སར་བརྗེད་ནས་འཁོར་བའི་ཉེས་དམིགས་ལ་འཇིགས་པ་དང་། ཐར་པའི་ཕན་ཡོན་ལ་བྲོད་པ་གཉིས་ཀ་ཡིད་ལ་མི་དྲན། འདུ་འཛི་དང་ཁྱིམ་གྱི་བྱ་བ་ལ་རྣམ་པར་གཡེངས། དེས་ང་རྒྱལ་སྐྱེས་ནས་ཚེ་ཕྱི་མ་ཕན་ཆད་ཀྱི་དོན་ཉམས་ཤིང་བརྗེད་པ་སྐྱེས་བུ་བླུན་པོ་ཆང་གིས་ར་རོ་བ་བཞིན་ནོ། །དེ་ཇི་ལྟར་ན། མདོ་སྡེ་ཡོན་ཏན་བཀོད་པ་ལས། དཔེར་ན་མི་ཞིག་ཆང་གིས་ར་རོ་ཞིང་གཏུམ་པར་གྱུར་ན། མི་དེའི་སེམས་ཀྱིས་ཁྱིམ་ཡང་འཆོལ་མི་ནུས། ལམ་ཡང་མི་འཚོལ། ཕ་མ་དང་། ཆུང་མ་དང་། བུ་དང་བུ་མོའི་འདུ་ཤེས་ཀྱང་མེད། སངས་རྒྱས་དང་། ཆོས་དང་། དགེ་འདུན་ཡང་མི་དྲན་ཏེ། དེ་ཆང་གིས་མྱོས་པའི་མཐུས་དུར་ཁྲོད་ན་འདུག་ཀྱང་འཇིགས་པ་མེད་ལ། འདི་སྙམ་དུ་སེམས་ཏེ་ལྷའམ། ཀླུའམ། གནོད་སྦྱིན་བསྐྲག་པར་བྱེད་པ་སུ་ཞིག་ཡོད་སྙམ་མོ། །དེ་བཞིན་དུ་འདོད་པའི་རྒྱགས་པས་མྱོས་ཤིང་ཁྱིམ་ན་གནས་པས་རྣམ་པར་འཁྲུལ་པ། རྣམ་གཡེང་གིས་སེམས་མྱོང་པ་རྣམས་ནི་སངས་རྒྱས་དང་། ཆོས་དང་། དགེ་འདུན་ཡང་ཡོངས་སུ་འཚོལ་བར་མི་བྱེད། སྦྱིན་པའང་མི་དྲན། མཐོ་རིས་སུ་སྐྱེ་བ་དང་། རྒྱལ་པོར་འགྱུར་བ་དང་། སངས་རྒྱས་ཀྱི་ཞིང་དུ་སྐྱེ་བའང་ཡོངས་སུ་འཚོལ་བར་མི་བྱེད་དེ། འཁོར་བ་དེ་ཉིད་ན་འཁོར་ཞིང་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་རྣམས་ན་སྡུག་བསྔལ་མྱང་བར་འགྱུར་རོ། །ཞེས་གསུངས་པ་ལྟར་ཚེ་ཕྱི་མ་བརྗེད་པས་སྦྱིན་པ་གཏོང་བའམ་མི་དྲན། འབྱོར་པ་དཔག་ཏུ་མེད་པ་ཡོད་ཀྱང་དེ་བསོད་ནམས་སུ་བསྒྱུར་མ་

(༨༡༢)དྲན་པས་འཆི་ཙན་ལག་པ་སྟོང་པར་འགྲོ། སྟོན་པ་བཅོམ་ལྡན་འདས་ལྟ་བུའི་ཞིང་ས་ཡོད་བཞིན་དུའང་ཆུ་སྨད་ཀྱི་མ་སེར་སྣའི་ལས་ཀྱིས་ཡི་དྭགས་སུ་སྐྱེས། དེའི་ཕྱིར་ཐོས་པའི་ཡོན་ཏན་ལ་དྲན་པ་མངོན་དུ་གཞག་པ་ཞིག་ཡིན་ཕྱིན་ཆད་ཟང་ཟིང་གི་སྦྱིན་པ་ལ་ཡང་གཏོང་བ་དང་། གཏོང་བ་ཆེན་པོ་དང་། ཡོངས་སུ་གཏོང་པའི་བར་བློ་མཐུ་ཇེ་ཆེར་འགྲོ་ཞིང་། །།།ང་ས་དང་སྔགས་ཀྱི་སྡོམ་པ་བྱེ་བྲག་པ་རྣམས་ཀྱི་དོན་དྲན་པས་གཞན་ཆོས་ལམ་དུ་འགོད་པའི་སྐྱོ་དུབ་ཀྱང་ཟིལ་གྱིས་གནོན་ནུས། འཇིགས་པས་སྐྲག་པའི་གནས་མཐོང་ཞིང་ཐོས་ནའང་ང་ནི་ངེས་པར་ཐེག་པ་ཆེན་པོའི་གང་ཟག་ཡིན་ནོ་སྙམ་པ་དྲན་ན་དེ་ལ་ཐབས་དུ་མས་མི་འཇིགས་པའི་སྐྱབས་སྦྱིན་པའམ། གལ་ཏེ་རང་སྟོབས་ཀྱིས་མ་ནུས་ཀྱང་སྙིང་རྗེ་དང་སྡུག་བསྔལ་དཔག་ཏུ་མེད་པར་ཁུར་ཁྱེར་བ་ཞིག་ཡོད་པ་ཡིན། དྲན་པ་ཉམས་ན་ཐེག་པ་ཆེན་པོའི་གང་ཟག་ཏུ་ཁས་འཆེ་བཞིན་དུ་སྙིང་རྗེ་དང་རྟོག་པ་གཉིས་ཀ་མེད་པ་དེ་ཡོང་། ལ་ལ་རྟོགས་པ་ཡོད་དེ་སྙིང་རྗེ་སྐྱེར་མ་བཏུབ་ཟེར་ཏེ། དེ་ལ་གོ་བ་ཡོད་ཀྱང་རྟོགས་པ་མ་སྐྱེས་པའི་རྟགས་ཡིན། ཕ་དམ་པས། སྙིང་རྗེ་མ་སྐྱེས་ན་རྟོགས་པ་མི་སྐྱེ། ཉ་ཆུ་ལ་ཡོང་བ་ཡིན། སྐམ་ལ་མི་ཡོང་གསུང་བ་དེ་ཤིན་ཏུ་མེད་པ་ཡིན་ནོ། །དེ་བཞིན་དུ་ཚུལ་ཁྲིམས་ཉམས་པའང་ངོ་ཚ་དང་ཤེས་བཞིན་མ་དྲན་པ་ལ་འབྱུང་། དེ་དྲན་ན་སྐྱེ་བོའི་ཡག་དང་། མཁན་སློབ་བསླས་ཀྱིས་དོགས་པའི་ངོ་ཚས་སྒོ་གསུམ་གྱི་སྡང་བྱ་མི་མཐུན་ཕྱོགས་བསྡམ་པའམ་མཐུན་པའི་ཕྱོགས་དགེ་བའི་ཆོས་སྡུད་པ་དང་། སེམས་ཅན་དོན་བྱེད་པའི་ཟག་བཅས་ཀྱི་སྡོམ་པ་གང་ཡང་མི་འཇིགས་པ་ཡིན། དྲན་པ་ཉམས་པས་དགེ་སློང་དྲི་མེད་འོད་ལྟ་བུའང་སྨད་འཚོང་མས་རྫས་དང་སྔགས་ཀྱིས་རྨོངས་པར་བྱས་ནས་ཚུལ་ཁྲིམས་ཉམས། དེ་སླར་དྲན་པ་སོར་ཆུད་པས་འགྱོད་པ་དྲག་པོ་སྐྱེས་ནས་དུ་བཞིན་དུ་དགེ་སློང་རྣམས་ལ་བསྙད་པས། དེ་དག་གིས་ཀྱང་འཇམ་དཔལ་གྱིས་ཉེས་པ་བསལ་བར་བསྐུལ་བ་བཞིན། འཇམ་དཔལ་གྱི་དྲུང་དུ་ཕྱིན། དེས་ཀྱང་སྟོན་པའི་དྲུང་དུ་ཁྲིད་པ་

(༨༡༣)ན། སྡོམ་།།།པས་དེ་ལ་དོན་དམ་བདེན་པའི་མཚན་ཉིད་བསྟན་པས་བདེན་པ་མཐོང་བ་ཡིན། འདི་དང་སོར་ཕྲེང་གི་མདོ་སོགས་ལ་དྲང་ངེས་ཀྱི་དགོས་དབང་དུ་མ་གནས་ཀྱང་། མཐའ་བསྟན་པ་ཡོངས་སུ་རྫོགས་ན་སྤང་གཉེན་གནས་སུ་དག་པའི་ཤེས་རབ་ཀྱིས་སྡོམ་གསུམ་ངོ་བོ་གནས་འགྱུར་གྱི་མཚང་ཡང་ཤེས་པ་ཡིན། འདི་ལྟར་ཐེག་པ་གསུམ་ཀའི་རྟེན་གཞི་སྡོམ་པ། སྡོམ་པའི་རྟེན་གཞི་སེམས། སེམས་ལ་སྤང་གཉེན་ཐ་དད་པའི་ཆོ་ག་བཀོད་པ་ལས་རིགས་ཅན་གསུམ་གྱི་སྡོམ་པ་གྲུབ། དེ་ཐབས་ཁྱད་པར་ཅན་དང་རྣམ་པར་གྲོལ་བའི་ཤེས་རབ་ཀྱིས་ཟིན་པའི་ཚེ། ཀུན་རྫོབ་སྣང་ཞེན་དང་བཅས་པའི་སྡོམ་པ་ལ་འགྲོ་བ་དང་། འོང་བ་དང་། གནས་པ་དང་། འཕེལ་བ་དང་། འགྲིབ་པའི་ཆོས་གང་ཡོང་སྲིད་པ་མ་ཡིན་པས་བདེན་པ་མཐོང་བའི་གེགས་མ་བྱས་པའི་ཕྱིར་ངོ་བོ་གནས་འགྱུར་གྲུབ་ལ། བློ་གྲོས་རབ་གསལ་གྱིས་ཞུས་པའི་མདོར། དགེ་སློང་རྣལ་འབྱོར་སྤྱོད་པས། ཚུལ་ཁྲིམས་དང་། ཚུལ་ཁྲིམས་འཆལ་བ་དང་། ཚུལ་ཁྲིམས་བསྲུང་བ་ལ་སོགས་པའི་འདུ་ཤེས་སྣ་ཚོགས་དང་ལྡན་པ་ནི་ལྷའི་བདེ་བ་ཉམས་སུ་མྱོང་ནས་སླར་ངན་སོང་དུ་འཁོར་བར་འགྱུར་རོ། །གང་ལ་སྡོམ་པ་དང་སྡོམ་པ་མ་ཡིན་པའི་རློམ་སེམས་མེད་ཅིང་རྟོག་པ་མེད་པ་དེ་ནི་མྱ་ངན་འདས་འདས་པའི་ཚུལ་ཁྲིམས་རྣམ་པར་དག་པ་ཡིན་ནོ། །ཞེས་གསུངས་སོ། །དེ་ལྟ་ནའང་སྦྱངས་པའི་ཡོན་ཏན་བཅུ་གཉིས་དང་ལྡན་པས་སྡེ་སྣོད་གསུམ་སྟོན་པའི་བཀའ་དང་མཐུན་པར་འཛིན་པ་ཁ་ཆེའི་བསོད་སྙོམས་པ་ཆེན་པོའི་བཞེད་པ་དང་། ངོ་བོ་རྗེས་གནས་དུས་ལ་དགོངས་ཚངས་པར་སྤྱོད་པ་ལ་དབང་གོང་མ་བཀག་པ་སོགས་ནི་གནང་བཀག་རང་དབང་དུ་མི་སྤྱོད་པའི་དགོངས་གཞི་དང་དགོས་པ་ཁྱད་པར་ཅན་ཡིན་པས་སྔགས་ཀྱི་བརྟུལ་ཞུགས་ལ་མོས་པས་སྤྱོད་པ་རྣམས་ཀྱིས་ངེས་དོན་དུ་ཁས་བླང་བྱའང་ཡིན། ཚིག་ལ་གྲིམས་པའི་རྟོག་གེའི་གཞན་དབང་གིས་ཕ་རོལ་གྱི་གྲུབ་པའི་མཐའ་དམའ་དབང་བ་ལ་རིངས་པའམ། མི་ཚངས་སྤྱོད་ལ་དངོས་པོ་གཙོ་བས་བགས་རིམ་དང་པོ་འདས་པའི་ཕམ་པ་བསྲུང་བ་ཙམ་

(༨༡༤)གྱིས་མཚོན། ཉེས་སྤྱོད་སྣ་གཅིག་སྡོམ་པའི་ཚུལ་ཁྲིམས་མཆོག་འཛིན་གྱི་བློས་བསྟན་པ་ཡོངས་རྫོགས་ཀྱི་ལམ་སྟོན་ཆེན་པོ་ཆོས་ཉིད་ཀྱི་བདེན་པ་ཇི་བཞིན་གཟིག་པ་དག་གིས་རང་ངོ་ལ་དངོས་པོའི་གནས་ཚུལ་ཇི་ལྟར་ཉམས་སུ་མྱོང་བ་ལྟར་བཀྲལ་བའི་ངོ་བོ་གནས་འགྱུར་ལས་གཞན་དུ་འཕངས་པའི་ཚོག་།།།ཙམ་གློ་བ་ལ་བྱང་བས་མགོན་པོ་རྡོ་རྗེ་འཆང་གི་ཐུན་མོང་མ་ཡིན་པའི་བཞེད་པ་དྲང་དོན་དུ་གནས་བསྒྱུར། རྟོག་གེའི་རིག་པས་ནི་ངོ་བོའི་གནས་ཚུལ་དེ་ཙམ་ལས་དཔོགས་པར་ཡང་མི་ནུས་པས་སྤངས་རྟོགས་ཀྱི་ཡོན་ཏན་དང་། ཕྲིན་ལས་ཀྱི་བྱེད་པ། བརྟུལ་ཞུགས་དང་རྫུ་འཕྲུལ་ཐམས་ཅད་རྫོགས་པའི་སངས་རྒྱས་དང་གཉིས་སུ་མེད་པས་གཟུ་པོར་གནས་པའི་སྐྱེས་བུ་ཐམས་ཅད་དང་། གངས་རིའི་ཁྲོད་སྤྱི་མཐུན་གྱི་སྣང་ངོར་ཡང་སངས་རྒྱས་གཉིས་པར་བསྙོན་དུ་མེད་པ་ལྷུན་གྲུབ་རིག་འཛིན་པདྨའི་ཞབས་དང་། རྒྱ་གར་ཆུ་བོ་གངྒཱ་ཕན་ཆད་ན་དོ་བླ་སྤངས་པ་གྲུབ་ཐོབ་ཆེན་པོ་སར་ཧ་པས་ཀྱང་། ཁ་སང་ཕན་ཧད་དགེ་སློང་མིན་དེ་རིང་ཚུན་ཆད་དགེ་སློང་ཡིན། ཧེ་རུ་ཀ་དཔལ་དགེ་སློང་མཆོག །ཅེས་པའི་དངོས་བསྟན་གྱི་ངོ་བོ་གནས་འགྱུར་ཞལ་གྱིས་བཞེས་པའང་མ་དྲན་ན། རྡོ་རྗེ་འཆང་ལས་དགེ་སློང་སྡེ་སྣོད་གསུམ་པ་གཅིག་ཚུལ་ཁྲིམས་གསུམ་གྱིས་འཕགས་སོ་ཞེས་སྔོན་ཆད་མ་གྲགས་པའི་གཏན་ཚིག་གསར་པས་གསང་སྔགས་བླ་མེད་ཀྱི་འབྲས་བུའི་གོ་འཕང་སྨད་ཅིང་། རང་གི་རིག་པ་བརྟུལ་ཞུགས་ཀྱི་སྤྱོད་པ་དེའང་འཆལ་བའི་གནས་ལ་སྦྱར་བ་ནི་རིགས་པ་མ་ཡིན་པས་ཆོས་ཉིད་བསམ་གྱིས་མི་ཁྱབ་པའི་བདེན་པ་དྲན་པར་བྱས་ནས་ཐབས་ཀྱིས་ཟིན་པའི་མཚན་ཉིན་ཁྱད་པར་ཅན་གྱི་དགོངས་པ་ལ་རྡོ་ཐོགས་ཤིག །་དེ་ཅིའི་ཕྱིར་ཞེ་ན། སྔགས་ཀྱི་བརྟུལ་ཞུགས་མཐར་ཕྱིན་པས་ཉན་ཐོས་ཀྱི་རིག་པ་མི་འཛིན་ཏེ། མདོ་ལས། འཇམ་དཔལ་འདི་ལྟ་སྟེ། དཔེར་ན་བྱའི་རྒྱལ་པོ་ཀ་ལ་པངྐིའི་ཕྲུག་གུ་སྒོ་ངའི་སྦུབས་ན་འདུག་བསྒོང་ཆག་ཅིང་སྦུབས་ནས་འབྱུང་ཡང་འདི་ལྟ་སྟེ། སྒྲ་ཡིད་དུ་འོང་བ་ཀ་ལ་པིངྐའི་སྒྲ་ཉིད་སྒྲོགས་སོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་མ་རིག་པའི་སྒོ་

(༨༡༥)ངའི་སྦུབས་སུ་ཞུགས་པ། འཇིག་ཚོགས་ལ་ལྟ་བ་ལ་བཅོམ་པ། ཁམས་གསུམ་ནས་མངོན་པར་མ་བྱུང་ཡང་འདི་ལྟ་སྟེ། སྒྲ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། མངོན་པར་འདུ་བྱ་བ་མེད་པ་དང། སངས་རྒྱས་ཀྱི་ཆོས་ཀྱི་སྒྲ་ཉིད་སྒྲོགས་སོ། །འཇམ་དཔལ་འདི་ལྟ་སྟེ། ཀ་ལ་པིངྐ་རྨ་བྱའི་ནང་དུ་སོང་ན་ཀ་ལ་པིངྐའི་སྒྲ་མི་སྒྲོག་གོ །ཀ་ལ་པིངྐའི་ནང་དུ་སོང་ན་ཀ་ལ་པིངྐའི་སྒྲ་སྒྲོགས་སོ། །འཇམ་དཔལ་དེ་བཞིན་དུ་བྱང་ཆུབ་སེམས་དཔའ་ཉན་ཐོས་དང་རང་སངས་རྒྱས་ཀྱི་ནང་དུ་ཆོས་བསམ་གྱིས་མི་ཁྱབ་པའི་སྒྲ་མི་སྒྲོག་གོ །བྱང་ཆུབ་སེམས་དཔའི་ནང་དུ་སོང་ན་སངས་རྒྱས་ཀྱི་ཆོས་བསམ་གྱིས་མི་ཁྱབ་པའི་སྒྲ་སྒྲོགས་སོ། །ཞེས་གསུངས་པ་ལྟར་བྱང་ཆུབ་སེམས་དཔའ་བློ་ཆེན་རྣམས་ནི་ཐེག་པའི་ངོ་བོ་གང་གི་གཙོ་བོར་འདུལ་བ་དང་མཐུན་པར་དགོངས་པ་འགྲེལ་བ་ཡིན་པས་མཐའ་དྲུག་དང་ཚུལ་བཞིའི་གནས་རྟོགས་པར་བྱ་ལ། ལམ་ཞུགས་སྡོམ་པ་སུམ་ལྡན་གྱི་དགེ་སློང་དུ་ཁས་འཆེ་བ་ཙམ་ལ་ནི་གནས་ན་བྱེ་བྲག་ཏུ་གནས། བསྲུང་ན་རང་ལྡོག་མ་འདྲེས་པར་བསྲུང་། ལྡན་ན་ཡང་ལྡན། འཆོས་ན་གྲུབ་མཐའ་གསུམ་པོའི་རང་ལུགས་ཀྱིས་འཆོས་པའང་དོན་ལ་གནས་ཏེ། དེ་ཀུན་ཀྱང་དྲན་དང་ཤེས་བཞིན་གྱི་ཆོ་ག་ལ་མ་བརྟེན་ན་ནི་ཡང་དག་པར་མི་འགྲུབ་པའི་ཚུལ་སྤྱོད་འཇུག་ལས། བསླབ་པ་བསྲུང་བར་འདོད་པ་ཡིས། །རབ་ཏུ་བསྒྲིམས་ནས་སེམས་བསྲུང་སྟེ། །སེམས་འདི་བསྲང་བར་མ་བྱས་ན། །བསླབ་པ་བསྲུང་བ་ཡང་མི་ནུས། །ཞེས་དང་། སེམས་བསྲུང་འདོད་པ་རྣམས་ལ་ནི། །དྲན་པ་དང་ནི་ཤེས་བཞིན་དག །ཐམས་ཅད་འབད་པས་སྲུངས་ཤིག་ཅེས། །བདག་རི་དེ་ལྟར་ཐལ་མོ་སྦྱོར། །ཞེས་བཤད་པས་སོ། །དེ་བཞིན་དྲན་པ་ཉམས་ན་བཟོད་པའི་གོ་ཆའང་འཆོར་ཏེ། གནོད་པའི་ཡུལ་ལ་བསྲན་ཚུགས་པའི་ནུས་པ་ཡོད་ཀྱང་རྐྱེན་དང་ཕྲད་ཐོག་མར་མ་དྲན་ན་ཐལ་ཟིན་ལྡོག་ཏུ་མེད་པར་འགྱུར། གང་དྲན་པར་བྱ་ན་སེམས་ཅན་འདི་དག་ནི་ཉོན་མོངས་པའི་གཞན་

(༨༡༦)དབང་ཅན་ཡིན། བདག་ཉིད་མེད་ན་ཁོང་ལ་གནོད་པའི་རྒྱུ་མེད། གནོད་བྱ་མེད་ན་གནོད་བྱེད་ག་ལ་འབྱུང་། རང་གི་ཕུང་པོ་དང་། ཁམས་དང་། སྐྱེ་མཆེད་ཚོགས་པ་འདིས་རྒྱུ་བྱས། ཕུན་སུམ་ཚོགས་པའམ། ཁས་ཉེན་པའམ། ལུས་ངག་གི་སྤྱོད་པ་མི་གཟོ་བ་ཞིག་གིས་རྐྱེན་བྱས་ཁོད་ལ་གནོད་པའི་ཡུལ་གྱི་འབེམ་ལྟ་བུར་བྱུང་གདའ། འདིའི་ལེ་ལན་ཁོང་ལ་མེད། རང་ཉིད་ཀྱིས་ལུས་འདི་བླངས། གནས་འདི་ལྟ་བུར་སྐྱེས། ཕ་མ་འདི་ལས་བྱུང་མིང་འདི་སྐད་བཏགས། སྡོང་ས་འདིར་བྱས་སྙམ་པའི་ང་དང་ང་ཡིར་འཛིན་པ་ལས་བྱུང་བ་དེ་དྲན་པ་ལས། ཕ་རོལ་གྱི་སྐྱོན་དང་སྤྱོད་པ་ལ་མི་བསམ་པ་གནད་བྲབ་པ་འདུག །འདིར་བྱང་ཆུབ་སེམས་དཔའི་སྡེ་སྣོད་ལས། ཉམས་སུ་ལེན་པའི་བཟོད་པ་དང་། ཆོས་ཁོང་དུ་ཆུད་པའི་བཟོད་པ་དྲན་པར་བྱ་བའི་གནས་གཉིས་གསུངས། དང་པོ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ། གལ་ཏེ་སེམས་ཅན་ཐམས་ཅད་ཡང་དང་ཡང་ཡོང་ཞིང་གཤེ་བའམ། མི་སྙན་པར་བརྗོད་ཅིང་། མ་སླས་པའི་ཚིག་བརླད་པ་ཟེར་བར་བྱུང་ཏམ། རྡོ་དབྱིག་དང་མཚོན་ཆས་བརྡེག་གམ། བཏབ་ཀྱང་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འདོད་པས། སེམས་བསྐྱེད་པ་འགའ་ཙམ་ཡང་འཁྲུག་པར་ལྡན་པའམ། གནོད་སེམས་དང་ལྡན་པ་བསྐྱེད་པར་མི་བྱ་སྟེ། སྤྱིར་སེམས་ཅན་དེ་དག་པ་ཀྱེ་མ་སེམས་ཅན་འདི་དག་ནི་ཉོན་མོངས་པའི་ལས་ཀྱིས་མནར་བ་སྟེ། འདི་དག་ལ་བདག་གིས་སྡིག་ཏོའི་སེམས་མི་བསྐྱེད་ཀྱིས། འདི་ནི་བདག་གི་ཕུང་པོ་དགྲར་གྱུར་པ་འདི་རྣམས་བླངས་པས་ལན་ཏོ། །ཞེས་དེ་དག་ལ་སྙིང་རྗེ་བསྐྱེད་པར་བྱའོ་ཞེས་གསུངས། གཉིས་པ་ནི། རང་ཉིད་ཀྱི་དྲན་པ་ཡེངས་པས་འཁྲུལ་པའི་དབང་དུ་སོང་སྟེ་སྣང་བ་ཡུལ་དང་འདྲེས། གནོད་བྱེད་ལ་གནོད་བྱེད་དུ་བཟུང་བས་ཕན་ཚུན་རྟེན་དང་བརྟེན་པ་ནུས་པ་ཇེ་ཆེར་སོང་བ་ཡིན། དེའི་གཉེན་པོར་

(༨༡༧)འདི་སྐད་དུ། སེམས་ཅན་དེ་དག་ཀྱང་དོན་དམ་པར་དམིགས་སུ་མེད་ན། བདག་ལ་གཤེ་བའམ། མི་སྙན་པ་བརྗོད་ཅིང་། མ་སླས་པའི་ཚིག་བརླང་བ་ཟར་བའམ། རྡོ་དབྱིག་དང་མཚོན་གྱིས་འདེབས་པ་ལྟ་བུ་སུ་ཞིག་ཡོད་དེ། འདུ་བྱེད་ཐམས་ཅད་སྒྱུ་མ་ལྟ་བུ། གསོག །གསོབ། རག་ལས་པ་ནམ་མཁའ་ལྟ་བུ། བདག་དང་། སེམས་ཅན་དང་། སྲོག་དང་། འགྲོ་བ་དང་། གསོབ་དང་། ཞེས་སོགས་གསུངས་པ་ལྟར་འདུ་བྱེད་དང་སྒྱུ་མའི་མཚན་ཉིད་དུ་བལྟ། རང་བཞིན་དུ་སྐྱེ་བོ་མ་རིག་པ་རྣམས་ཀྱིས་བསྟོད་སྨད་ནི་ཡོན་ཏན་མཐོང་ནས་བསྟོད་ཤེས་པའང་མིན། སྐྱོན་རྟོགས་ནས་སྨད་པའི་ངེས་པའང་མེད་པའི་ཁ་སྒྲ་ཡི་སྙན་འདོང་རྒྱལ་བར་སྣང་། ཕལ་ཆེར་གཞན་འབྱོར་ཕུན་ཚོགས་ལ་མི་བཟོད་པའི་ཁོང་འཁྲུགས། ལ་ལ་བྱང་ཆུབ་སེམས་དཔའ་འཇུག་པའི་སྤྱོད་པ་ལ་ཞུགས་པའི་ཚེ། བྲན་གཡོག་དང་མཛའ་གཙུགས་སུ་རེ་བ་ཆོས་སྒོར་བཅུག་པའམ། ཐེག་པ་ཆེན་པོ་དང་། སྔགས་ཀྱི་ཆོ་ག་ཟབ་མོས་རྗེས་སུ་བཟུང་ཙ་ན། ཕ་རོལ་པོའི་འདོད་པ་གཞན་དབང་དུ་གྱུར་པས་འཕྱར་ཀ་སྣ་ཚོགས་གཏོང་བ་དྲང་སྲོང་བཟོད་པར་སྨྲ་བའི་གཏམ་རྒྱུད་དང་། ཁྱད་པར་བདག་ཅག་གི་སྟོན་པས་གང་ཟག་གཅིག་རྗེས་ཆགས་ཀྱི་སླད་དུ་ནོར་གྱིས་མ་བྲིད། སྔགས་ཀྱིས་རྨོངས་པར་མ་མཛད་བོད། གདུལ་བྱ་དུས་ལ་བབ། སྣང་བ་དབང་དུ་འདུས་ཙ་ན་ཐབས་ལ་མཁས་པའི་མདོར། བྱང་ཆུབ་སེམས་དཔའ་བྱང་ཆུབ་སེམས་དཔའི་སྤྱད་པ་སྤྱོད་པ་ན། གང་བུད་མེད་གཞོན་ནུ་དག་མོངས་སུ་སྨིན་པར་བྱ་བའི་ཕྱིར་བྱང་ཆུབ་སེམས་དཔའ་གཡོག་ལེན་ཏེ། དེ་ལ་བྱང་ཆུབ་སེམས་དཔའ་སླས་ཀྱི་ནང་ན་གནས་ནས་བུད་མེད་བཞི་ཁྲི་ཉིས་སྟོང་སྨིན་པར་བྱེད་དོ། །ཞེས་ཀྱང་གསུངས། གདོལ་པའི་བུ་མོ་གཟུགས་བཟང་མོ་ཀུན་དགའ་བོ་ལ་ཆགས་པ་སྟོན་པས་དགེ་སློང་མར་བཅོས་པས་ཉན་ཡོད་པ་རྣམས་ཀྱིས་འཕྱར་ཀ་བཏང་བ་བཞིན་དོན་ལ་མི་གནས་པའམ། ཡང་ཐབས་ལ་མཁས་པས་འདུལ་བ་ལི་ཙ་བྱི་དྲི་མེད་གྲགས་པ་ཁྱིམ་པའི་ངང་ཚུལ་ཅན་

(༨༡༨)སྤོབས་པ་བསམ་གྱིས་མི་ཁྱབ་ཅིང་། རྣམ་ཐར་གཞལ་དུ་མེད་པས་མཆོག་ཟུང་གིས་ཀྱང་དོ་ཟླར་མ་གྱུར་པ་དེ་ལྟ་བུའི་གདུལ་བ་ཚད་མེད་པའི་ཕྲིན་ལས་སོ་སོ་སྐྱེ་བོས་མི་ཤེས་པའི་ཕྱིར་བྱང་ཆུབ་སེམས་དཔའ་རྣམས་ཀྱིས་སྐུར་བའི་གནས་འདི་ལྷག་པར་བཟོད་པའི་སྙིང་སྟོབས་མ་བསྐྱེད་ན་སེམས་ཅན་ཕོངས་པའམ། མགོན་མེད་པ་རྣམས་ལ་སྐྱབས་དང་བྲལ་བའི་གནས་སྐབས་ཐོབ་ལ། ཡང་ལ་ལ་རང་ཉིད་ཆེན་པོའམ། དམ་པར་རློམ་ནས་དཔེ་ཆོས་རིན་ཆེན་སྤུངས་པར། མོན་མོ་མ་མཐོང་བྱི་རུ་མཐོང་། །ཞེས་པའི་དཔེ་དྲངས་པ་ལྟར། དང་གུས་མེད་པར་ཁ་ཅང་གི་ཆོས་ཐོབ་ཚད་བྱེད་ཅིང་། གང་ལས་སྤངས་རྟོགས་ཀྱི་ཡོན་ཏན་བརྙེས་པའི་བླ་མ་རིགས་ངན་ལྟར་སྦེད་ལ་མགོ་གཏོད་ཅིང་འགྲོ་སྟེ། ཁོང་གི་དངོས་གྲུབ་ཀྱི་གེགས་ཆེན་པོར་གྱུར་བ་ལ་སྙིང་རྗེ་ལྷག་པར་དུ་བསྐྱེད་ནས་བྱས་པ་དྲིན་དུ་མི་གཟོ་བ་བཟོད་པའི་དམ་བཅའ་བརྟན་པ་དང་། དེ་བཞིན་དུ་ཆོས་ལ་ངེས་པར་སེམས་པའི་བཟོད་པ་ནི་དཀོན་མཆོག་གསུམ་རྗེས་སུ་དྲན་པ་ལས་འབྱུང་ཞིང་། དཀའ་བ་དང་དུ་བླང་བའི་བཟོད་པ་ནི་སྐྱེས་པ་རབས་ཀྱི་རྒྱུད་དང་སྐྱེས་བུ་དམ་པའི་རྣམ་ཐར་དྲན་པ་ལས་འབྱུང་བས་ན་དྲན་པ་བསྲུང་བ་ལ་ཡི་དམ་བྱ་བའོ། །དེ་བཞིན་དུ་བརྩོན་འགྲུས་ཀྱི་ངོ་བོ་ཡང་འཇུག་བྱའི་ལས་ལ་མངོན་པར་སྤྲོ་བའི་དྲན་པའམ་འདུན་པ་ཡིན་ཏེ། སྟོན་པ་འདའ་ཁར་ཀུན་དགའ་བོའི་ལག་པ་ནས་བཟུང་སྟེ། ངའི་ཆོས་དཀོན་མཆོག་གི་མཛོད་འདུན་པ་དང་། བརྩོན་འགྲུས། བག་ཡོད་པ་གསུམ་གྱིས་སྲུངས་ཤིག །གསུངས་པའི་འདུན་པ་ནི་ལས་ཀྱི་མཐའ་གང་ཡིན་པ་དེ་ཡིད་ལ་ཡང་ཡང་དྲན་པ་ཡིན། བརྩོན་འགྲུས་དེ་སྦྱོར་བ་ཡིན། བག་ཡོད་པ་དེ་བྱེད་ལས་ཡིན། གང་ཞེ་ན། སྟོན་པས་བཅས་པའི་བསླབ་པའི་གནས་མཐའ་དག་ངེས་འབྱུང་གི་བློའི་གྲོགས་སུ་འགྲོ་དགོས་ཏེ། དྲན་པ་ཉེར་གཞག་ལས། དགེ་སློང་དང་། རིའི་ཁྲོད་དང་། རིའི་ཕུག་དང་། དུར་ཁྲོད་དང་། བླ་གབ་མེད་པ་རྣམས་སུ་རྩ་

(༨༡༩)སོགས་ཀྱི་ཕུང་པོ་ལ་བསམ་གཏན་དུ་གྱིས་ཤིག །བག་མེད་པས་གནས་པར་མ་བྱེད་ཅིག །ཕྱི་ནས་འཆི་བའི་དུས་ན་འགྱོད་པར་མ་བྱེད་དང་། འདི་ནི་ཁྱེད་རྣམས་ལ་རྗེས་སུ་གདམས་པ་ཡིན་ནོ། །ཞེས་ཚིག་ཐ་མར་བསྟན་པས་སོ། །དྲན་པ་མེད་ན་བརྩོན་འགྲུས་དང་བག་ཡོད་གཉིས་ཀ་ལ་བྱེད་པ་པོ་མེད། གོ་ཆའི་བརྩོན་འགྲུས་རྒྱལ་པོ་མྱ་ངན་མེད་དམ། མེས་དཔོན་རྣམ་གསུམ་ལྟ་བུའི་སྙིང་སྟོབས་གནམ་གྱིས་ས་བཀབ་པ་ལྟ་བུ་ཡོད་ཀྱང་། དེ་སྦྱོར་བའི་ལམ་དུ་འཇུག་པ་ལམ་ཞུམ་པ་དང་། མི་འཁྲུག་པ་དང་། ཆོག་མི་ཤེས་པའི་བསམ་པས་སྒྱིད་ལུག་གི་གཉེན་པོ་བྱས་ཏེ་བསྐུལ་དགོས་བསམ་པ་དེ་དྲན་པ་ཡིན། དྲན་པ་མེད་ན་ལས་མཐའ་རིང་པོར་འགྱུར་ཅིང་། གཅིག་ཏུ་ན་དགྲའམ། གདོན་ནམ། ཆོམ་རྐུན་ནམ། སྲོག་གི་རྒྱུ་བས་ཕན་མ་བཏགས་པར་ལས་དེ་མཐར་མི་ཕྱིན། དེའི་ཕྱིར་དྲན་པ་ཉམས་པ་ཐམས་ཅད་ལེ་ལོའི་གཡང་སར་ལྷུང་བ་ཡིན། ཁྱད་པར་དགེ་སྦྱོང་གི་ཆོས་ནི་སྤྱོད་ལམ་རྣམ་པ་བཞི་ཐམས་ཅད་ལ་དྲན་དང་ཤེས་བཞིན་དགོས་པའི་ཚུལ་སྟོན་པ་མྱ་ངན་ལས་འདའ་ཁར་འཁོར་རྣམས་ཀྱིས་ཞུ་བ་རྣམ་པ་བཞི་ཞུས་ཏེ། བཅོམ་ལྡན་འདས་མྱ་ངན་ལས་འདས་པའི་འོག་ཏུ། བདག་ཅག་གི་སྟོན་པ་ནི་སུ་ལ་བགྱི། བསྟན་པ་ནི་གང་ལ་བགྱི། དྲུག་སྡེ་ཇི་ལྟར་འདུལ། བཀའ་བསྡུ་བའི་དུས་སུ་བཀའ་རྣམས་ཇི་ལྟར་གཞག་ཅེས་ཞུས་པས། བཅོམ་ལྡན་འདས་ཀྱི་ཞལ་ནས། ང་ཡོངས་སུ་མྱ་ངན་ལས་འདས་པའི་འོག་ཏུ། ཁྱེད་རྣམས་ཀྱིས་སྟོན་པ་ནི་དྲན་དང་ཤེས་བཞིན་ལ་གྱིས་ཤིག །བསྟན་པ་ཚུལ་ཁྲིམས་རྣམ་པར་དག་པ་ལ་གྱིས་ཤིག །དྲུག་སྡེ་འདུལ་མི་དགོས་རང་གྲོལ་དུ་འགྲོ་ཡིས། ངའི་བཀའ་རྣམས་སྡུད་པའི་དུས་སུ་སྟོད་དུ་འདི་སྐད་བདག་གིས་ཐོས་པའི་དུས་གཅིག་ན། ཞེས་གླེང་གཞིའི་ཚིག་ཆུ་གཅིག །མཐར་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཞེས་བྱ་བ་རྗེས་སུ་ཡི་རང་བའི་ཚིག་ཆུ་གཅིག །ཅེས་གསུངས། དེ་ལ་འདི་སྐད་བདག་

(༨༢༠)གིས་ཐོས་པའི་དུས་ཞེས་གླེང་གཞི་སྨོས་ནས་རྒྱལ་བའི་བཀའ་ཟུར་མ་ཆག་པ་བསྐྱར་རྒྱུ་སོང་བ་དེ་ཡང་འཁོར་རྣམས་ཀྱིས་ཉན་པའི་ཚེ་སྤྱིར་སྣོད་ཀྱི་སྐྱོན་གསུམ་དང་། དྲི་མ་དྲུག་དང་། མི་འཛིན་པའི་སྐྱོན་ལྔ་སྤངས་ཤིང་། བྱེ་བྲག་ཏུ་མི་བརྗེད་པའི་གཟུངས་ཐོབ་པའི་ཡོན་ཏན་ལ་བརྟེན་ནས་བྱུང་། གཟུངས་ཀྱི་ངོ་བོ་ནི་དྲན་པ་ཡིན་ཏེ། འཕགས་པ་འཇམ་དཔལ་གྱིས། གཟུངས་ཞེས་བྱ་བ་ནི་དྲན་པ་མ་ཉམས་པ། རྟོག་པ་མ་ཡེངས་པ། བློ་གྲོས་མ་རྨོངས་པ། ཤེས་རབ་མངོན་དུ་བྱེད་པ། ཆོས་ཐམས་ཅད་ཀྱི་ཚིག་རབ་ཏུ་ཐ་དད་པ་ཤེས་པ། ཞེས་སོགས་གསུངས་པ་ཡིན། ཐ་ན་བསོད་སྙོམས་ཙམ་ལ་རྒྱུན་ཡང་དྲན་དང་ཤེས་བཞིན་མེད་པ་དང་། ཁྱི་ཟབ་ལ་སོགས་པའི་གནས་སུ་ཕྱིན་ན་རང་གཞན་གྱི་སེམས་བསྲེག་པའི་ཁ་ན་མ་ཐོ་བ་ཆེན་པོ་ཐོབ་པ་རྣམས་སྤང་བའི་ཚུལ་མདོ་སྡེ་རྣམས་ལས་རྒྱ་ཆེར་བཤན་ཅིང་དེ་སྐད་དུ་དཀོན་མཆོག་སྤྲིན་པས། རིགས་ཀྱི་བུ་བྱང་ཆུབ་སེམས་དཔའ་དགེ་བའི་རྩ་བ་ཆུང་བ་དང་། དགེ་བའི་རྩ་བ་ཆུང་ངུ་དང་ལྡན་པ་སྡུག་བསྔལ་བདག་མཐོང་ན། སེམས་ཅན་དེ་དག་ལ་ཕན་པའི་ཕྱིར་བསོད་སྙོམས་ལེན་པའི་ཡི་དམ་འཛིན་ཏེ། དེ་ནི་གྲོང་ངམ། གྲོང་ཁྱེར་རམ། གྲོང་འདབས་སུ་བསོད་སྙོམས་ཀྱི་ཕྱིར་འགྲོ་བ་དེའི་ཚེ་དྲན་པ་ཤིན་ཏུ་ཉེ་བར་གཞག་པ་དང་། སྤྱོད་ལམ་མཛེས་པས་དབང་པོ་མི་གཡོ་བ་དང་། དབང་པོ་མི་རྒོད་པ་དང་། དབང་པོ་དུལ་བ་དང་། གཉའ་ཤིང་གང་ཙམ་དུ་བལྟ་བ་དང་། དགེ་བའི་ཆོས་རྣམས་ལ་དྲན་པ་ཉེ་བར་བཞག་ཅིང་བསོད་སྙོམས་ཀྱི་ཕྱིར་འགྲོའོ། །དེ་བསོད་སྙོམས་ཀྱི་ཕྱིར་འགྲོ་ན་དེ་བསོད་སྙོམས་མཐར་གྱིས་ལེན་པ་ཡིན་ཏེ། མགོ་གཏོད་ཅིང་བྲམ་ཟེའི་རིགས་ཤིང་སཱ་ལ་ལྟར་ཆེ་ཞིང་མཐོ་བའི་གྲོང་ངམ། རྒྱལ་རིག་ཤིང་སཱ་ལ་ལྟར་ཆེ་ཞིང་མཐོ་བའི་གྲོང་ངམ། ཁྱིམ་བདག་ཤིང་སཱ་ལ་ལྟར་ཆེ་ཞིང་མཐོ་བའི་གྲོང་ངམ། གྲོང་འབྱོར་བ་འབྱོར་བ་དག་ཏུ་མི་འཇུག་ཅིང་མཐའ་

(༨༢༡)གཅིག་ནས་བཟུང་སྟེ་ནམ་དེའི་དོན་གྲུབ་པར་མ་གྱུར་གྱི་བར་དུ་བསོད་སྙོམས་ལ་སྤྱོད་དོ། །ཞེས་དང་། བསོད་སྙོམས་དེ་ལས་ཆག་ཅིག་ནི་ཆོངས་པ་མཚུངས་པར་སྤྱོད་པ་རྣམས་ཀྱི་ཕྱིར་བཞག་གོ །གཉིས་པ་ནི་སྡུག་བསྔལ་བ་རྣམས་ཀྱི་ཕྱིར་བཞག་གོ །གསུམ་པ་ནི་སེམས་ཅན་ལོག་པར་ལྟུང་བ་རྣམས་ཀྱི་ཕྱིར་བཞག་གོ །ཆ་བཞི་པ་བདག་ཟ་སྟེ་ཞེས་སོགས་ནས་རན་པར་བཟའ་ཞིང་སྲིན་བུ་གསོ་བའི་འདུ་ཤེས་དྲན་པ་ལ་སོགས་དང་། དེ་བཞིན་དུ་བསོད་སྙོམས་པ་ནི་ཆོམ་རྐུན་དང་། ཆོམ་པོ་ལྟ་བུའི་བློས་མ་ཡིན། གནང་བའི་དགོས་པའང་། འོད་སྲུངས་ལ་སེམས་ཅན་ཐམས་ཅད་ལ་བསམས་ཏེ་བསོད་སྙོམས་བཙལ་བར་བྱའོ། །ཟས་མེད་པར་ཟས་བཙལ་བར་བྱའོ། །གཞན་གྱི་རིལ་པོར་འཛིན་པ་བསལ་བའི་ཕྱིར་བསོད་སྙོམས་ལ་འགྲོ་བར་བྱའོ། །གྲོང་སྟོང་པར་བྱིན་གྱིས་བརླབས་ཏེ་ཁྱོད་གྲོང་དུ་འཇུག་པར་བྱའོ། །ཞེས་གསུངས་པའི་དགོས་པ་དང་མཚན་གཞིའང་དྲན་པར་བྱ་ལ། སྤྱིར་ལུས་ངག་གི་བྱ་བ་ནི་སེམས་ཀྱིས་གང་བསྒྱུར་ཡིན། ཉོན་མོངས་པའི་གཞན་དབང་ཅན་གྱི་སེམས་ནི་གླང་པོ་ཆེ་ཆང་གིས་མྱོས་པ་དང་འདྲ། དེ་དུས་ལ་སྐབས་བཙལ་བ་ཙམ་མ་ཡིན་པར་དྲན་པ་དང་ཤེས་བཞིན་གྱི་འདུལ་སྤྱོད་མཁན་གྱིས་སྤྱི་བོར་ལྕགས་ཀྱུས་བཏབ། སྣ་ཐག་བཟང་པོས་བཏགས་ན་སྡེ་སྣོད་གསུམ་ནས་རྒྱུད་སྡེ་རྒྱ་མཚོའི་བར་གྱི་བསླབ་པའི་གནས་དང་དམ་ཚིག་གི་ཀུན་ཏུ་སྤྱོད་པའི་ཁུར་ཁྱེར་ཏེ་བར་ཆད་མེད་པའི་ལམ་ལ་ཞུགས་ནས་ཐར་པ་དང་ཐམས་ཅད་མཁྱེན་པའི་གོ་འཕང་ལ་རེག་པར་འགྱུར་ཏེ། དེ་སྐད་དུ། སྤྱོད་པའི་ས་ལས། སེམས་ཀྱི་གླང་པོ་ཡན་བཏང་ན། །མནར་མེད་གནོད་པ་བྱེད་པར་ཟད། །ཀུན་ནས་དྲན་པའི་ཐག་པ་ཡིས། །སེམས་ཀྱི་གླང་པོ་དམ་བཏགས་ན། །འཇིགས་པ་ཐམས་ཅད་མེད་འགྱུར་ཅིང་། །དགེ་བ་ཐམས་ཅད་ལག་ཏུ་འོང་། །ཞེས་བཤད་པས་སོ། ཁྱད་པར་བསམ་གཏན་གྱི་ངོ་བོ་ནི་དྲན་པ་ལས་ལོགས་སུ་གྱུར་པ་མ་ཡིན་ཏེ། འདི་ལྟར་བྱང་ཆུབ་སེམས་དཔའ་རྣམས་

(༨༢༢)ཀྱི་འཇིག་རྟེན་ལས་འདས་པའི་ཞི་གནས་ཀྱི་ལམ་སྟེགས་འཇིག་རྟེན་པའི་བསམ་གཏན་བཞི་དང་། གཟུགས་མེད་པའི་སྙོམས་འཇུག་བཞི། འགོག་པའི་གཅིག་སྟེ་དགུ་པོའང་ལྷག་མཐོང་ཁྱད་པར་ཅན་གྱི་བསྟི་གནས་ངོ་བོ་ལུང་མ་བསྟན་གྱི་གཉེན་པོ་གཅིག་ཏུ་གྱུར་པའི་ཕྱིར་ཏིང་ངེ་འཛིན་ནམ་བསམ་གཏན་ཞེས་བྱ་སྟེ། དཀོན་ཅོག་སྤྲིན་ལས། ཏིང་ངེ་འཛིན་རང་གི་ངོ་བོ་ནི་སེམས་རྩེ་གཅིག་ཏུ་གནས་པའོ། །ཞེས་གསུངས། དེའི་མཚན་ཉིད་ནི། དཔེར་ན་དཔའ་བོས་གཞུ་བདུངས་པའམ། པི་ཝང་གི་གཅུས་ཕུར་བསྒྲིམས་ན་རྒྱུད་སོ་ཚུགས་ཏེ་ཐང་རེ་སྦྲིང་ངེ་གནས་པ་བཞིན་བྱང་ཆུབ་ཀྱི་སེམས་དང་བསྐྱེད་རིམ་ལ་སོགས་དམིགས་བཅས་ཀྱི་སྒོམ་པའམ། དེ་བཞིན་ཉིད་དམིགས་པ་སོགས་རྫོགས་པའི་རིམ་པ་ལ་དྲན་པ་ཉེ་བར་འཇོག་པའི་བསམ་གཏན་ཡུལ་དུ་ཆགས་པ་གང་གི་ཚེའང་དྲན་པ་རྒྱུན་ཆགས་སུ་སོ་ཚུགས་པར་བྱེད་པས་ན་ཏིང་ངེ་འཛིན་ཞེས་བྱ་བའི་ཐ་སྙད་ཀྱང་ཐོབ་ལ། དེ་ལ་གེགས་སེལ་སྤང་གཉེན་སྦྱོར་ཚུལ་ཡང་། ལེ་ལོའི་གཉེན་པོར་དད་པ་དང་། འདུན་པ་དང་། རྩོལ་བ་དང་། ཤིན་ཏུ་སྦྱངས་པ་བཞི། བརྗེད་པའི་གཉེན་པོར་དྲན་པ། བྱིང་རྒོད་ཀྱི་གཉེན་པོར་ཤེས་བཞིན། རྩོལ་བའི་གཉེན་པོར་གློད་པ། མི་རྩོལ་བའི་གཉེན་པོར་སེམས་པ་སྟེ་རྣམ་པ་དྲུག་ཏུ་བཞག་ཀྱང་སྐབས་ཐམས་ཅད་དུ་ཐུབ་ལྷན་ཅིག་སྐྱེས་པའི་མ་རིག་པའི་ངོ་བོ་བརྗེད་འབྱམས་ཡིན་པས་དྲན་པ་ཡོད་ན་གཞན་ལྔ་པོ་ལའང་རང་རང་གི་མཚན་ཉིད་འཛིན་པའི་ནུས་པ་ཧ་ཅང་མེད་པའི་ཕྱིར་རོ། །འདིར་མ་རིག་འཛིན་པའི་ཡིད་ཀྱིས་དྲན་པ་དང་ཤེས་བཞིན་ཉམས་པའི་མོད་ལ་དགེ་བའི་ཆོས་ཐམས་ཅད་དང་། ལས་ཀྱི་མཐའ་ཐམས་ཅད་འཇིག་པའི་དཔེ་གང་གིས་བསྟན་ན། སྔོན་གྱད་སྟོབས་པོ་ཆེ་ཞིག་དང་སྒྱུ་རྩལ་བ་ཡན་གཅིག་འཛིངས་པ་ལས། གྱད་ཀྱིས་ཤེད་སྟོབས་གང་ཡོད་ཀྱིས་སྒྱུ་རྩལ་བའི་གཉའ་བ་ནས་བཟུང་སྟེ་ས་ལ་བརྡབས་པས། སྒྱུ་རྩལ་བས་ཡན་ལག་བཞི་པ་དང་།

(༨༢༣)གསུམ་པ་དང་། གཉིས་པ་དང་། གཅིག་པའི་བར་ཚུགས་པའི་འཁྲུལ་འཁོར་ལ་བསྒྲིམས་པས་ཤེད་སྟོབས་ལྷག་པར་བྲི་ཡང་ཅང་མ་གནོད། མཐར་ཁོ་ནོངས་བཞིན་པར་ཁྱིམ་དུ་བྲོས་ནས་དུའོ། །ཆུང་མས་ཅི་ཉེས་དྲིས་པ་དེ་རིང་ཀྱང་དང་འཛིངས་པས་སྨ་བབས། ད་སང་འཛིངས་ན་ཤི་བ་ལས་འོང་མེད་ཟེར། མོ་ན་རེ། ཁྱོད་མ་དུ་ཡི་ང་ལ་ཐབས་ཡོད་ཀྱི་བྱས་ནས་སང་མོ་ཡང་ཕྱི་བཞིན་དུ་འབྲངས་སོ། །དེར་ཁོང་གཉིས་འཛིངས་བདོ་ཙ་ན་མོ་ན་རེ། གྱད་པ་ཤེད་སྟོབས་ཆེ་མོད་ཀྱི། །དཔྲལ་བའི་ནོར་བུ་འདྲུལ་ལ་ཁད། །ཅེས་གླུ་བླངས་པས་གྱད་ལ་རྣམ་རྟོག་མི་འདྲ་བ་གསུམ་ཤར་ནས་ཡེངས་ཐབས་སུ་སོང་བས་སྒྱུ་རྩལ་མཁན་གྱི་ཁོའི་འདོམས་ལ་འཇུས་ནས་གསོད་དུ་ཆ་བ་དང་། གྱད་ན་རེ། དྲན་དང་ཤེས་བཞིན་ཉམས་པའི་གྱད། །བསྒྲིམས་པའི་ཉམ་ཆུང་སྐྱེས་བུས་བསད། །སེམས་ཡེངས་འདི་ལས་དགྲར་གྱུར་དང་། །བསླུ་བ་མཁས་པ་ངས་མ་མཐོང་། ནོར་བུ་ འདོད་ཆགས་ ཀྱི་སེམས་ དེ་དགྲ་ལ་ཤོར་དོགས་ཞེ་སྡང་གི་སེམས། རང་ནོར་རང་གིས་མ་མཐོང་ཞིང་ཡིད་ཁོང་དུ་ཆུད་པ་གཏི་མུག་གི་སེམས་སོ། །ཟེར་ནས་ཤི་སྐད། དེས་དེ་བཞིན་དུ་བསམ་གཏན་སྒོམ་པའི་དབང་པོ་ཡུལ་ལ་ལེངས་ཙ་ན་དྲན་པའི་ཐག་པ་ཆད་ནས་རིག་པའི་གནས་ལྔ་ལ་མཁས་པ་གཅིག་ཡིན་ཡང་ནང་རིག་པ་འོག་འགྱུའི་རྐུན་པོ་མཚོར་བར་འཁྲུལ་པའི་གྲོང་ཁྱེར་དུ་ཁྲིད་དེ་མཆི། རྡོག་ལོ་ཆེན་པོ་ཧས་པོ་རའི་མདུན་དུ་གཤེགས་ཁར། དཔུང་རབ་བརྩེགས་ནོས་པའི་ཕུང་པོ་འདིས། །རི་མཆོག་འདྲ་བའི་རང་བཞིན་ཉིད་དུ་བསྟན་ནས་བསླུས། །ཞེས་སྒོམ་པའི་ཤེས་རབ་ཀྱི་སོར་མ་ཆུད་པའི་ཐོས་བསམ་གྱིས་ལམ་མི་ཆོད་པར་བསྟན། ཁོང་འཇམ་དཔལ་རྩ་རྒྱུད་ཀྱིས་བསྟན་པའི་སྐྱེས་བུ་དམ་པ་ལ་རྣམ་རྟོག་རང་རྒྱུད་པ་མེད་དེ། གཞན་ལ་ཐུགས་ལྷག་པར་བརྩེ་བས་རྗེས་སུ་གདམས་པ་ཡིན། དྲན་པའི་ཆོས་རབ་ཏུ་འདུ་བྱེད་པས་ཉོན་མོངས་པའི་མགོ་ནོན་ཞིང་མཐོང་ཆོས་སུའང་དགའ་བ་དེའི་ཡོན་ཏན་རྒྱ་ཆེན་པོ་

(༨༢༤)དང་། ཚོགས་ལམ་དང་པོར་དྲན་པ་ཉེ་བར་གཞག་པ་ནས་བཟུང་སྦྱོར་ལམ་དུ་དྲན་པའི་སྟོབས། མཐོང་ལམ་དུ་བྱང་ཆུབ་ཡན་ལག་བདུན་གྱི་དང་པོ་དང་། སྒོམ་ལམ་དུ་འཕགས་པའི་ལམ་གྱི་བདུན་པར་ཡང་དྲམ་པ་ཉིད་སྨོས་ནས་ལམ་ལྔའི་ཡོན་ཏན་མཐའ་དག་མངོན་དུ་བྱེད་པའི་ཕྱིར་རོ། ཁྱད་པར་དྲན་པའི་ངོ་བོ་བསམ་གཏན་གྱི་ཆོས་ལ་ངང་གིས་མཉམ་པར་གནས་ཤིང་བྱིང་རྒོད་ཀྱི་དབང་དུ་མ་གྱུར་པ་ལ་ཞི་ལྷག་ཟུང་འབྲེལ་གྱི་ཏིང་ངེ་འཛིན་ཞེས་བྱའོ། །དེ་ཡང་ཧ་ཅང་རྩོལ་ན་ནི་སེམས་རྣམ་པར་གཡེངས་ལ། དྲན་འདུན་གྱི་གཉེན་པོ་དང་བྲལ་ན་ལྷག་མཐོང་ཉམས་པར་འགྱུར་བས་སོ། །མདོར་ན་འདི་མན་ཆད་ཀྱི་ཚོགས་སྦྱོར་གྱི་ལམ་ན་ཡོད་པའི་དགེ་ཆོས་ཐམས་ཅད་ཀྱང་འདུ་བྱེད་ཅིང་། རང་ངོ་ཡང་རྩོལ་བ་དང་བཅས་པས་འདུ་བྱེད་ཀྱི་དྲན་པ་ཞེས་བྱ་སྟེ་སོ་སྐྱེའི་ལམ་དུ་བཞག་ནས་རིམ་པར་ཕྱེ་བའི་དོན་མན་ངག་རིན་པོ་ཆེའི་མཛོད་ལས། དང་པོའི་ལས་ཅན་འདུ་བྱེད་མ་ཡེངས་བྱ། །མཉམ་རྗེས་སློབ་རྣམས་ཆོས་ཉིད་མ་ཡེངས་བྱ། །གོམས་པས་དྲན་སྣང་ཡེ་ཤེས་མ་ཡེངས་བྱ། །ཀློང་གྱུར་དུས་སུ་ཡེངས་མེད་ཡེངས་མཁན་མེད། །བརྟེན་པ་མཐར་ཕྱིན་ཡེངས་ཡུལ་ཆོས་ཉིད་དེས། །ཆོས་ཟང་དུས་ན་མཚོན་བརྗོད་ཡུལ་ལས་འདས། །དེ་འདྲའི་ཚད་དུ་བསྐྱོལ་བ་མཛད་པར་ཞུ། །ཞེས་གསུངས། རྒྱུ་དེས་ལམ་གྱི་ཆོས་སྐད་ཚོན་པོ་མཐའ་དག་སྤོང་བ་བསམ་གཏན་པས་དྲན་པའི་མཚན་ཉིད་དུ་གཏན་ལ་ཕབ་ན། འདི་ལྟར་མཉམ་པར་བཞག་པ་པོ་བློ་མཆོག་ཏུ་གྱུར་པ་ཅིག་ཅར་བའི་རིགས་ལ་རང་བཞིན་རྫོགས་པ་ཆེན་པོའི་ཁྱད་ཆོས་མཉམ་གཞག་གི་སྟེང་དུ་དྲན་པ་མི་གཞག་པར། དྲན་པ་རང་མཉམ་གཞག་གི་ངོ་བོར་རྫོགས་པ་དེ་ས་ཆོད་ལྷག་པར་དུ་ཆེ་བ་ཡིན་ལ། དེ་ལྟ་ནའང་ལྟ་བ་བཟང་པོ་ལས་འཕྲོ་དང་བསོད་ནམས་ཀྱིས་འཆུན་པར་དགའ་བ་མང་ཕྱིར། དེ་ཙམ་བློར་མི་ཆུད་པའི་རིགས་ལ་མཉམ་གཞག་དྲན་པས་

(༨༢༥)སྐྱོང་བ་གཞན་དང་མཐུན་པར་མ་ཁྲིད་ན་འཐོར་ལས་སྤང་དུ་མི་ཆུད་པ་དེ་འོང་བས་སྐྱོང་ཚུལ་གྱི་རིམ་པ་གཉིས་ལས་དང་པོའི་དབང་དུ་བྱས་ན་དྲན་པ་རང་མཉམ་གཞག་གི་ངོ་བོར་རྫོགས་པས་བལྟ་བའི་ཡུལ་དང་ལྟ་མཁན་ཐ་དད་མེད་ལ། ཡེངས་པའི་ཚེ་ཡང་རྣམ་རྟོག་ཁོ་རང་དྲན་པར་སོང་བས་མོ་དང་ཚོ་བ་རོ་གཅིག་པ་ལྟར། དྲན་པ་དང་རྣམ་རྟོག་རོ་གཅིག་ཏུ་འགྲོ་བ་ཅིག་ཅར་བའི་སྐྱེ་ཚུལ་ལས་ཆོད་ངེས་པ་མེད་དོ། །གཉིས་པ་ལྟར་ན་མཉམ་གཞག་གི་ཚེ་ན་དྲན་པས་འཇུན། ཡེངས་པའི་ཚེ་དྲན་པ་རང་རྟོག་པར་སོང་བས་འཁྲུལ་པའི་གཞན་དབང་ཅན་ནོ། །ཡང་དྲན་པ་སླེབ་པ་དང་མཉམ་བཞག་ཏུ་ཞུགས། དེ་ལྟར་རྩེ་སྤྲོད་དུ་འཐབ་པ་བཞིན་ལ་སྙིང་རུས་ཀྱིས་འཆུན་ན་ནམ་ཞིག་དྲན་པ་སྟོབས་ཆེ་བར་སོང་བའི་ཚེ། རྣམ་རྟོག་དེ་གློ་བུར་བའི་དྲི་མ་ཡིན་པས་དྲན་པའི་གདོང་མི་བཟོད་པ་དཔེར་ན་མེ་དང་བསྲེག་བྱ་ཕྲད་པའམ། མུན་ཁུང་དུ་སྒྲོན་མེ་བཏེག་པ་ལྟར་རྣམ་རྟོག་ཅི་ཙམ་ཤར་ཡང་དེས་མཉམ་གཞག་ལ་ཅི་ཡང་མི་ལྟོ་བ་རྣམ་རྟོག་རང་གི་ངོ་བོ་དྲན་པར་སོང་བ་དེ་ལ་སྤང་བྱ་གཉེན་པོར་ལྷོངས་པ་ཞེས་བྱ་སྟེ་འདུ་བྱེད་ཀྱི་དྲན་པའི་ནུས་པ་ཡིན་ནོ། །གལ་ཏེ་སྙིང་རུས་ཀྱིས་མ་འཆུན་ན་དྲན་པའི་སྟོབས་ཇེ་ཆུང་ངུ་བྲི་བ་དེ་ཙམ་དུ་མ་རིག་པ་དང་རྟོག་པའི་ཚོགས་རྒྱས་ནས་བསྒོམས་པས་བྲེད་པ་རྫི་བོ་བརྐམ་ཆགས་ཅན་གྱི་དཔེས་བསྟན་ནོ། །དེ་ཇི་ལྟར་ན་སྔོན་རྫི་བོ་བརྐམ་ཆགས་ཤིན་ཏུ་ཆེ་བ་ཞིག་གིས་འབྲོག་དགོན་པ་ནས་གསེར་སྒྲམ་ཆེན་པོ་གཅིག་རྙེད་པ་ལས་ཁོ་དགའ་ཆེས་ནས་ཕྱུགས་ཀྱི་འཚོ་སྐྱོང་ཡང་ལྷོད། ཟས་བྱེད་པ་ཡང་མ་དྲན་པར་གསེར་སྦྲམ་ལག་པ་གཡས་གཡོན་སྤོ་བཞིན་པར་བཟུང་། བྲ་བ་དང་བྱི་བ་མཐོང་ཡང་ཁོའི་གསེར་སྦྲམ་འཕྲོག་པར་དོགས་ནས། དབུལ་པོའི་ལག་ཏུ་ཟན་གོང་མེད། །མར་དུ་འཁྲུལ་པའི་མཁར་གོང་གིས། །སྐྱེས་བུའི་སོ་ལ་ལྟས་ངན་བྱས། །ཞེས་པའི་གླུ་ལེན་སྐད། དེར་ཞག་འགའ་ནས་ཁོའི་སེམས་ཅན་ལ་རྦབ་ཅུ་ཤོར། ལ་ལ་གཅན་གཟན་གྱིས་ཕྲོགས་པས་ཆེས་ཆེར་ཟད་

(༨༢༦)པ་ལ་ཐུག་པ་དང། ཕྱུགས་བདག་གིས་བརྩད་པས་ཁོ་བརྐམ་ཆགས་ཆེ་དྲགས་པས་གཏམ་དེ་ཤོད་དུའང་ཕངས་ཏེ་ན་བ་ལྟར་བྱས་ནས་ཚང་ཚིང་ཁྲོད་དུ་ཉལ་ལོ། །དེར་ནུབ་མོ་བྱི་ལས་བྱི་བ་ལ་འཇབ་ཏུ་འོངས་པས་ཀྱང་གསེར་སྦྲམ་འཕྲོག་པ་ཅིག་སླེབས་སྙམ་ནས་ཐབས་བསམས་པས། འདི་སྙམ་དུ། གསེར་སྦྲམ་ཡུལ་གྱི་རྒྱལ་པོས་བྱིན་ན། དེ་ལས་ཁྱིམ་བདག་ཆེན་པོ་ཞིག་ཐོབ། དེའི་ཚེ་བདག་གི་ཆུང་མ་ལ་བུ་གཅིག་ནི་བཙའ། དེ་རིག་པ་དང་སྒྱུ་རྩལ་གྱི་གནས་ལ་མཁས་པར་བྱས་ན། གདོན་མི་ཟ་བར་རྒྱལ་པོའི་བློན་པོར་འགྱུར། རྒྱུ་དེས་གསེར་སྦྲམ་སླར་ཡང་བདག་ཉིད་ཀྱི་ལག་པ་ན་མཆི་བ་ལ་ནི་ཐེ་ཚོམ་མེད་དོ་སྙམ་དུ་དེ་བས་ཀྱང་དགའ་ཆེས་ནས་བྲོ་འཁྲབ་པས་སེམས་ཡེངས་ཏེ་གསེར་སྦྲམ་ལག་པ་ནས་ཤོར་ཏེ་ཚང་ཚིར་ཁྲོད་དུ་སོང་། དེར་ཁོ་ན་རེ། གསེར་སྦྲམ་ལས་ཀྱང་དྲན་པ་ཨང་། །དྲན་པའི་ཡིད་བཞིན་ནོར་བརླག་པས། །གསེར་སྦྲམ་དགྲ་བོའི་ལག་ཏུ་ཤོར། །དྲན་པ་མེད་པའི་རྣམ་ཤེས་འདིས། །འཇིག་རྟེན་ཐམས་ཅད་མ་རུངས་བྱས། །ཞེས་ཟེར་སྐད། དཔེ་དེས་དྲན་པ་ཉམས་པ་ལས་སྒོམ་དྲེད་ཁྱེར་བའི་ཕྱི་དང་ནང་གི་རྣམ་པར་ཐར་པ་དང་མཚན་ཉིད་ཐམས་ཅད་གཏན་ལ་ཕེབས་པ་ཡིན་ནོ། །དེ་ལྟ་ནའང་དྲན་པའི་ཡོན་ཏན་གོང་ནས་གོང་དུ་འཕར་བ་ལས་མཐར་དྲན་གཞི་རང་ཟད་ཆོས་ཟད་བློ་འདས་ཆེན་པོའི་ས་ལས་སྐྱོལ་བའི་དཔེ་ནི། ལྡེར་བཟོ་བགྱིད་པའི་ཚེ་ཐོག་མར་རླན་འདམ་མེད་ན་བཟོ་གནས་ཀྱི་དཔྱད་མི་འགྲུབ་ལ། མཐར་རླན་གཤེར་མིང་མེད་དུ་མ་སངས་ན་བཟོ་གནས་ཀྱི་དོན་མི་འགྲུབ་པས། རྡོ་རྗེ་ཡང་ཏོག་གི་རྒྱུད་ལས་ཀྱང་། འགྱུ་བའི་རྟ་ལ་དྲན་པའི་སྲབ། །གླང་ཆེན་ལྕགས་ཀྱུས་བསྒྱུར་བ་འདྲ། །རྟ་རྒོད་སྲབ་ཀྱིས་བཏུལ་བ་བཞིན། །འགྱུ་བ་དྲན་པས་བཏུལ་བ་ཡིན། །དྲན་པས་སངས་པ་ཡེ་ཤེས་ཡིན། །ཞེས་དང་། མཆོག་གཟིགས་རྣལ་འབྱོར་དམ་པ་ལ། སངས་རྒྱས་པའི་དུས་སུ་རིག་པ་འདིའི་ལྟར་འགྱུར་ཞུས་པས། སེམས་ཀྱི་དྲན་རྟོག་སངས་པའི་ཡེ་ཤེས་ཡིན་གསུངས།

(༨༢༧)ཡེ་ཤེས་ལ་དྲན་པ་བདོག་གམ་མི་བདོག་ཞུས་པས། འདི་ཅི་ཟེར་ན་དྲན་པ་སེམས་ཅན་གྱི་བློ་ཡིན། ཡེ་ཤེས་བློ་བྲལ་ཡིན་གསུངས། དེའི་ཕྱིར་སྤྲོས་པ་ཐམས་ཅད་དང་བྲལ་བ་ཤེས་རབ་ཀྱི་ཕ་རོལ་ཏུ་ཕྱིན་པ་ལྟ་བ་བསམ་གྱིས་མི་ཁྱབ་པའི་ཡེ་ཤེས་དེས་གཟུགས་བདག་ཡིན་པར་ལྟ་བ་དང་། བདག་གཟུགས་དང་ངོ་བོ་ཉིད་ཀྱི་ལྷག་པར་ལྟ་བ་དང་། གཟུགས་ལ་བདག་ངོ་བོ་ཉིད་ཀྱི་ཡོད་པར་ལྟ་བ་དང་། བདག་ལ་གཟུགས་ངོ་བོ་ཉིད་ཀྱི་ཡོད་པར་ལྟ་བ་དེ་བཞིན་དུ་ཚོར་བ་དང་། འདུ་ཞེས་དང་། འདུ་བྱེད་དང་། རྣམ་པར་ཤེས་པ་རྣམས་ལའང་བཞི་བཞིར་དབྱེ་བའི་འཇིག་ཚོགས་ཀྱི་ལྟ་བ་ཉི་ཤུ་པོ་རྣམ་པར་བཅོམ་ནས་ཆོས་ཐམས་ཅད་རང་གི་ངོ་བོས་སྟོང་པའི་ཁས་ལེན་ཡིད་བྱེད་ལས་འདས་པ་ནམ་མཁའི་དཀྱིལ་ལྟར་མཐོང་བ་ནི། འཇིག་རྟེན་ལས་འདས་པའི་མཉམ་གཞག་ཡིན་ཏེ་ཕུང་པོ་ལྔ་དང་བྲལ་བའི་ཕྱིར་རོ། །དེའི་མྱོང་བ་སོ་སོར་རྟོག་པའི་ཤེས་རབ་རྗེས་ཐོབ་ཐམས་ཅད་དུ་བསྲེ་བ་ལ་བསླབ་པ་ནི་ཆོས། རིག་པ་གང་གིས་བཅོམ་ན་གཟུགས་བདག་མ་ཡིན་ཏེ། །དེ་དང་འདྲ་བ་ཁོ་ནར་མི་རྟོག་པ་ཉིད་དུ་ཐལ་བར་འགྱུར་བའི་ཕྱིར་རོ། །ཕྱོགས་གཉིས་པའང་མ་ཡིན་ཏེ། བདག་གཟུགས་ལ་སོགས་པ་ལ་ཅི་ཞིག་དབང་། དེ་དག་ལ་འདོར་ལེན་མི་བཏུབ་ཅིང་མི་འདོད་བཞིན་དུའང་འཇིག་པ་མཐོང་བའི་ཕྱིར་རོ། །དེ་བཞིན་དུ་གཟུགས་ལ་བདག་ངོ་བོ་ཉིད་ཀྱི་ཡོད་པ་སྐྱེས་བུ་རེ་ལྡེ་ལ་འདུག་པའི་བླ་འོག་ལྟར་གནས་པའང་མི་རུང་སྟེ། བདག་གི་འདོད་པས་གཟུགས་ལ་འཇུག་ལྡོག་ཅུང་ཟད་ཀྱང་མ་ནུས་པའི་ཕྱིར་རོ། །བདག་ལ་གཟུགས་ངོ་བོ་ཉིད་ཀྱི་ཡོད་ན་བདག་མེད་བཞིན་དུའང་ཕྱིའི་གཟུགས་ལ་སོགས་པ་མཐོང་བའི་འགལ་བ་ཇི་ལྟར་སྤོང་། འདིའི་མཚན་ཉིད་ཞིབ་ཏུ་ཤེས་པར་འདོད་ན་བཤེས་སྤྲིང་རྒྱ་འགྲེལ་ལས་ཤེས་པར་བྱའོ། །ཉིད་ཀྱི་དྲན་ལ་ཞེས་བྱ་སྟེ་ཉོན་མོངས་པ་ས་བོན་དང་བཅས་པ་དྲུངས་ནས་འབྱིན་པའི་གཉེན་པོ་ཡིན། དེ་ལྟར་གོམས་པ་ལས་སོ་སོར་རྟོག་པའི་ཤེས་རབ་དེའི་མྱོང་ཞེན་ནམ་ཚོགས་བརྒྱད་ཀྱི་དྲི་མ་ཕྲ་བ་དང་། རགས་པ་རྟོགས་པའི་ཆོས་འདི་དག་ནི་དྲན་པར་ཡང་མི་བྱའོ། །ཡིད་ལ་ཡང་མི་བྱའོ་སྙམ་དུ་དྲན་པས་ཤིན་ཏུ་དྲན་པ་དང་། ཤིན་ཏུ་ཡིད་ལ་བྱས་པར་འགྱུར་བའི་སྒྲིབ་པ་གང་ཡིན་པ་རྡུལ་དང་ལྟ་བ་ཐམས་ཅད་

(༨༢༨)དང་བྲལ་བ་འཕགས་པའི་ཡེ་ཤེས་མཐོང་ལམ་རྣམ་པར་མ་རྟོག་པས་སྤོང་བར་འགྱུར་བས་ན་ཡུམ་ལས། གང་དྲན་པ་མེད་ཅིང་ཡིད་ལ་བྱར་མེད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའོ། །ཞེས་པའི་དོན་དངོས་བསྟན་ལ་འབྱོར་ཞིང་རང་ལམ་དུ་བྱང་ཆུབ་ཡན་ལག་གི་དྲན་པའི་ཐ་སྙད་ཐོབ་པས་དྲན་སྣང་ཡེ་ཤེས་སུ་བཞག་ལ། མན་ངག་རྫོགས་པ་ཆེན་པོའི་རང་ངོ་ནས་བརྗོད་ན། སྤང་གཉེན་ལྷན་ཅིག་ཏུ་མི་གནས་པས་རྟོག་བཅས་ཀྱི་དྲན་པ་མི་འཇུག །རང་བཞིན་དུ་ཤེས་པས་དྲན་པས་ཕན་མ་བཏགས། རང་གྲོལ་དུ་འདུག་པས་དྲན་པས་སླར་མི་འཆིང་། གཞི་དང་རྩ་བ་མེད་པས་གཉེན་པོའི་དྲན་པ་ལ་རག་མ་ལུས། ངོ་བོ་ལ་དཔྱད་པ་མེད་པས་དྲན་བྱེད་རང་དག །ཆོས་ཉིད་ཀྱི་རྩིས་ཐེབས་པས་དྲན་པ་རང་ཡན། ཡེ་ཤེས་ལ་འཁྲུལ་པ་མེད་པས་དྲན་པའི་བློ་སོ་མི་ཚུགས་པའི་ཕྱིར་རོ། །འདིར་སྒོམ་རིམ་ལས། ཡང་དྲན་པ་མེད་པ་དང་ཡིད་ལ་བྱེད་པ་མེད་པར་གྱུར་དུ་ཟིན་ཡང་ཡང་དག་པར་སོ་སོར་རྟོག་པ་མེད་ན་ཆོས་རྣམས་ཀྱི་ངོ་བོ་ཉིད་མེད་པ་ལ་ཇི་ལྟར་འཇུག །ཆོས་རྣམས་ངོ་བོ་ཉིད་ཀྱིས་སྟོང་པར་གནས་པ་ཁོ་ན་ཡོན་དུ་ཟིན་ཀྱང་སོ་སོར་རྟོག་པ་མེད་ན་དེ་དག་གི་སྟོང་པ་ཉིད་རྟོགས་པར་མི་འགྱུར་རོ། །ཞེས་པ་ལ་སོགས་པའི་མཚོན་ཉིད་ཤིན་ཏུ་ཐ་དད་པས་དྲན་པ་ཉིད་སོ་སོར་རྟོག་པའི་དངོས་པོར་བསྒྲུབ་པ་དང་། དེའི་ཕྱོགས་བཟུང་ནས་གངས་རིའི་ཁྲོད་དུ་ཤིན་ཏུ་གྲགས་པ་བརྟན་ཞིང་། ལམ་དེ་དང་དེ་ལས་དངོས་གྲུབ་བརྙེས་པའི་ལྟ་བ་ཐམས་ཅད་ཡང་དག་པ་མ་ཡིན་ནོ། །ཞེས་ཟེར་བ་ཇི་སྙེད་ཅིག་མཆིས་སོ། །དངོས་པོ་ལ་གནས་ཚོད་ཀྱི་དབུ་མ་ནི་བཅོམ་ལྡན་འདས་ཁོ་ནས་མཁྱེན་གྱི་དེའི་གོ་འཕང་མཐར་ཐུག་པའང་ཆོས་སྐུ་ཡིན་པས་དེའི་མཚན་ཉིད་རྟོག་དཔྱོད་ཀྱི་ཤེས་བྱ་དང་འགལ་ན། འདིར་བསྒྲུབ་གཤག་གི་གྲུབ་མཐས་རང་ལྟ་མཆོག་འཛིན་དང་། གཞན་སྐུར་བའི་གནས་ལ་སྒྲོ་བ་མ་ཡིན་པར་མཐའ་གཅིག་ཏུ་ཞེན་པ་དང་རྨོངས་པ་རྣམས་ཐེ་ཚོམ་མི་ཟ་བའི་ཕྱིར་ངེས་པའི་གནས་ཅུང་ཟད་བཤད་ན། རང་ངོའི་

(༨༢༩)ལམ་ངང་བཞུགས་ཚུལ་གང་ཡིན་པ་སྒོམ་བྱུང་གི་ཤེས་རབ་རྣམ་པར་དག་པས་མཐོང་བ་ནི་གོང་དུ་བཤད་མ་ཐག་པས་ཁྱབ་ཅིང་ད་དུང་འཆད་པར་འགྱུར་ལ། དམིགས་བསལ་ལ་དབུ་མ་རང་རྒྱུད་པའི་འདོད་པ་དེ་ཐལ་འགྱུར་བས་གཞར་ཟིན་ཏེ། ཇོ་བོའི་ཅིག་ཅར་འཇུག་པ་ན། དེ་ལ་གཟུགས་ཅན་རྣམས་ནི་རྡུལ་ཕྲ་རབ་འདུས་པ་ཡིན་ལ། དེ་ཡང་ཕྱོགས་ཆའི་དབྱེ་བས་ཕྱེ་ཞིང་གཞིགས་ན། ཤིན་ཏུ་ཕྲ་བའང་ལུས་པ་མེད་ཅིང་། ཤིན་ཏུ་སྣང་བའང་མེད་དོ། །གཟུགས་ཅན་མ་ཡིན་པ་ནི་སེམས་ཡིན་ལ། དེ་ཡང་འདི་ལྟར་འདས་པའི་སེམས་ནི་འགགས་ཤིང་ཞིག །མ་འོངས་པའི་སེམས་ནི་མ་སྐྱེས་ཤིང་མ་བྱུང་། ད་ལྟར་གྱི་སེམས་ནི་འདི་ལྟར་ཡང་ཤིན་ཏུ་བརྟག་བཀའ་སྟེ། ཁ་དོག་མེད་ཅིང་དབྱིབས་དང་བྲལ་བ། ནམ་མཁའ་དང་འདྲ་བས་མ་གྲུབ་པའམ། ཡང་ན་གཅིག་དང་དུ་མ་དང་བྲལ་བས་སམ། ཡང་ན་མ་སྐྱེས་པའམ། ཡང་ན་དེ་རང་བཞིན་གྱིས་འོད་གསལ་བ་ལ་སོགས་པ་རིག་པའི་མཚོན་གྱིས་དཔྱད་ཅིང་གཞིགས་ནམ་གྲུབ་པར་རྟོགས་སོ། །དེ་ལྟར་གཉིས་པོ་ཅིའི་ངོ་བོར་ཡང་མ་གྲུབ་ཅིང་མེད་ཙམ་ན། སོ་སོར་རྟོག་པའི་ཤེས་རབ་དེ་ཉིད་ཀྱང་མ་གྲུབ་སྟེ། དཔེར་ན་ཤིང་གཉིས་ཕན་ཚུན་བསུབས་།།།པས་མེ་བྱུང་བའི་རྐྱེན་གྱིས་ཤིང་གཉིས་པོ་ཚིག་ཅིང་མེད་པའི་རྗེས་ལ་གང་གིས་སྲེག་པར་བྱེད་པའི་མེ་དེ་ཉིད་ཀྱང་རང་ཞི་བདེ་བཞིན་དུ། རང་དང་སྤྱིའི་མཚན་ཉིད་ཀྱི་ཆོས་ཐམས་ཅད་མེད་པར་གྲུབ་ཙམ་ན་ཤེས་རབ་ཉིད་སྣང་བ་མེད་ཅིང་འོད་གསལ་བ་ཅིའི་ངོ་བོར་ཡར་མ་གྲུབ་པས་བྱིང་བ་དང་རྒོད་པ་ལ་སོགས་པའི་སྐྱོན་དུ་གྱུར་བ་ཐམས་ཅད་བསལ་ཏེ། བར་སྐབས་དེར་ཤེས་པ་ཅིར་ཡང་མི་རྟོག །ཅིར་ཡང་མི་འཛིན། དྲན་པ་དང་ཡིད་ལ་བྱེད་པ་ཐམས་ཅད་སྤངས་ཏེ་ཇི་སྲིད་དུ་མཚན་མའམ། རྣམ་པར་རྟོག་པའི་དགྲའམ། ཆོམ་རྐུན་མ་ལངས་ཀྱི་བར་དུ་དེ་ལྟ་བུ་ལ་ཤེས་པ་གནས་པར་བྱའོ། །ཞེས་གསུངས་པས་སོ། །དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའི་རིག་སྔགས་ཟབ་མོ་འདིས་ནི་དྲན་པ་ཡིན་ཕྱིན་ཆད་སོ་སོར་རྟོག་པ། སོ་སོར་རྟོག་པ་ཡིན་

(༨༣༠)ཕྱིན་ཆད་འཛིན་སྟང་དང་མི་འགལ་བ་མཐར་ཐུག་གི་གནས་སྐབས་སུའང་འདོད་པའི་ཤ་ཟའི་གདོན་ཆེན་པོ་བཟློག་པར་འགྱུར་རོ། །དེ་ལྟ་ན་དྲན་པའི་ཆོས་རབ་ཏུ་ཉམས་པས་གཉིད་འཐུག་དང་བརྒྱལ་བ་སོགས་དབུས་མཐའ་ལས་སེམས་མེད་པའི་གནས་སྐབས་ལྔར་བཤད་པའི་ལུང་མ་བསྟན་དང་མི་མཚུངས་སམ་ཞེན། དེ་དག་ཀྱང་ཐབས་ཀྱིས་ཟིན་ན་ལུང་མ་བསྟན་དུ་ཅིས་འགྲུབ། ཐུན་མོང་གི་དབྱང་དུ་བྱས་ནའང་མཚུངས་པའི་སྐབས་མེད་དེ། དྲན་པ་དང་ཡིད་བྱེད་དེ་སྤང་བྱ་སྡོང་པའི་གཉེན་པོའི་སྒོ་ནས་བཞག་པའི་ཕྱིར་སྐབས་འདིར་རྟོག་དཔྱོད་ཀྱི་ཤེས་རབ་ཏུ་ཤར་ནས། བློ་དང་། ཚིག་དང་། སྙམ་བྱེད་དང་། ཡིད་དཔྱོད་དང་། སྐྱེ་བ་དང་། མཚན་ཉིད་ལ་སོགས་པའི་ཉེ་བར་ལེན་པ་པོ་ཡིན་ལ། འདིར་ནི་བློ་དང་བྲལ་བའི་ཤེས་རབ་ཀྱིས་དྲན་པ་མེད་པའི་ཆོས་ཉིད་མཐོང་། ཚིག་དང་བྲལ་བའི་ཤེས་རབ་ཀྱིས་སྡེ་སྣོད་ཀྱི་དོན་ཤེས། སྙམ་བྱེད་དང་བྲལ་བའི་ཤེས་རབ་ཀྱིས་ངོ་བོའི་བཞུགས་ཚུལ་ལ་མ་རྨོངས། ཡིད་དཔྱོད་ལས་འདས་པའི་ཤེས་རབ་ཀྱིས་དྲན་གཞི་ཟད་པའི་ལྷག་མཐོང་དུ་ཤར། སྐྱེ་བ་གཅོད་པའི་ཤེས་རབ་ཀྱིས་ཉོན་མོངས་པ་ལས་རྣམ་པར་གྲོལ། མཚན་ཉིད་དང་བྲལ་བའི་ཤེས་རབ་ཀྱིས་རྣམ་པར་མི་རྟོག་པའི་ཁྱད་པར་ཤེས་ལ། གོ་ཕྱི་བའི་ཆ་ནས་རང་བཞིན་གྱིས་འོད་གསལ་བའི་རིག་པ་ཤིན་ཏུ་རྣམ་པར་དག་པ་ལ་སྤྱན་དང་མངོན་ཤེས། གཟུངས་དང་ཟད་པར། སྨོན་མཁྱེན་དང་དབང་བཅུ་ལ་སོགས་པའི་ཡོན་ཏན་ཐམས་ཅད་ཀྱི་འཆར་གཞིར་ནམ་ཡང་འགག་པ་མེད་པའི་ཕྱིར་རོ། །འདིར་ཕར་ཕྱིན་རང་ལམ་གྱི་གནས་སྐབས་ན་སངས་རྒྱས་དང་བྱང་ཆུབ་སེམས་དཔའི་ཁྱད་པར་ལ། སྟོང་ཕྲག་བརྒྱ་བར། རབ་འབྱོར་འདི་ལྟ་སྟེ། ཞུགས་པའང་གཞན་ལ། འབྲས་བུ་ལ་གནས་པའང་གཞན་ཏེ། དེ་གཉིས་ཀ་འཕགས་པའི་གང་ཟག་མ་ཡིན་ཞེས་མི་བྱའོ། །རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་བར་ཆད་མེད་པའི་ལམ་དུ་ཞུགས་པ་ཡིན། དེ་བཞིན་

(༨༣༡)གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་ཆོས་ཐམས་ཅད་ལ་སྒྲིབ་པ་མེད་པའི་ཡེ་ཤེས་བརྙེས་པ་སྟེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་དལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཁྱད་པར་རོ་ཞེས་དང་། བྱང་ཆུབ་སེམས་དཔའ་ཕ་རོལ་ཏུ་ཕྱིན་པ་དྲུག་དང་སྟོང་ཉིད་བཅུ་དྲུག་ལ་སྤྱད་ཅིང་མཉམ་པར་བཞག་ན་གདོད་འཚང་རྒྱ། དེ་བཞིན་གཤེགས་པ་ནི་ཆོས་ཐམས་ཅད་སྐད་ཅིག་དང་ལྡན་པའི་ཤེས་རབ་ཀྱིས་མངོན་པར་རྫོགས་པར་སངས་རྒྱས་པས་དེ་བཞིན་གཤེགས་པ་ཞེས་པའི་གྲངས་སུ་འགྲོ་བར་བཤད། རྒྱུ་དེས་ལམ་གྱི་རིམ་པ་དང་གྲོལ་ཚུལ། སློབ་པ་ལམ་གྱི་གནས་སྐབས་བཞི་དང་། མི་སློབ་པའི་དུས་ཀྱིས་དང་ཡོན་ཏན་གྱི་འཐོབ་ཚུལ། བྱང་ཆུབ་སེམས་དཔའ་ས་བཅུ་པས་རྗེས་ཐོབ་ཏུ་སངས་རྒྱས་རྣམས་ཀྱི་འོད་ཟེར་ཆེན་པོའི་དབང་བསྐུར་ཐོབ་ནས་དཔའ་བར་འགྲོ་བ་ལ་སོགས་པའི་ཏིང་ངེ་འཛིན་གྱི་བྱེ་བྲག་ཐོབ་ཚུལ་རྣམས་རང་ལམ་ལ་ད་ལྟར་ཡིན་གྱིས་ཐེག་པ་རང་ས་ན་བདེན་པས་ཆོས་ཀྱི་ཁ་མི་འཛིན་ཏོ། །སྐབས་འདིར་རྡོ་རྗེ་སྙིང་པོ་གསང་བ་ཆེན་པོའི་ལམ་ལ་རེ་ཞིག་དེ་དག་དྲང་དོན་དུ་བཞད་ནས། ཇི་སྐད་དུ། སངས་རྒྱས་སེམས་ཡིན་ཅི་སྨོས་ཏེ། །སེམས་ཅན་ཀུན་ཀྱང་རང་གི་སེམས། །སྟོན་པས་བསྟན་པ་རང་གི་སེམས། །དེ་ཕྱིར་ངོ་བོ་ཉིད་མཉམ་པས། །འཕགས་ལམ་ངེས་དོན་འདི་ལས་མེད། །ཅེས་པ་ལྟར། གཤིས་ཀྱི་བཞུགས་ཚུལ་ཆེན་པོའི་ཆོས་ཉིད་དེ་ཀློང་དུ་གྱུར་པའི་ཚེ་ལྟ་སྒོམ་གྱི་ཆོས་ནུབ། ས་ལམ་གྱི་གྲུབ་མཐའ་འགྱེལ། ཡོངས་གྲུབ་ཆེན་པོའི་ཡེ་ཤེས་སུ་ལ་བཟླ་བ་སྟེ། སྤྱིར་རྫོགས་པ་ཆེན་པོ་ལ་རྒྱ་འགྱུར་སེམས་ སེམས་ཕྱོགས་པ་རྣམས་གསལ་བ་ལས་ཟབ་མོའི་ཕྱོགས་ཤེད་ཆེ། ཀློང་ ཀློང་སྐོར་རྣམས་ཟབ་གསལ་ཆ་མཉམ། མན་ངག་གི་སྡེའི་རྒྱུད་ མན་ངག་པ་རྣམས་ཟབ་མོའི་ཕྱོགས་ལས་གསལ་བ་ཤས་ཆེ་འགྲུབ་མཐའི་ངོས་འཛིན་གྱི་སྙིང་པོའོ། །ཀྱི་རང་གཞུང་བཻ་རོ་ཙ་ན་དང་། གཉགས་ལ་ བི་མ་ལའི་སློབ་བརྒྱུད་སོགས་པ་ནས་བརྒྱུད་པའི་གྲུབ་པའི་མཐའ་ཇི་སྙེད་ཅིག་བཞུགས་པའང་། བོད་དུ་སྔ་རབས་ལ་དར་ཆེ་ཞིང་

(༨༣༢)དངོས་གྲུབ་བརྙེས་པའི་གྲགས་པ་ཐོབ་པ་ལ་ཉང་ཤེས་རབ་འབྱུང་གནས་ནས་བརྒྱུད་པའི་སྒོམ་ཡོད་ཀྱི་ལུགས་དང་། སྐོར་ཡེ་ཤེས་བླ་མ་ གཉིས་པར་ཚར་ངོ་སྟག་རྩེ་མཁར་གྱི་དགོན་པར་བཻ་རོས་འདི་ལ་བཤད། ནས་བརྒྱུད་པའི་སྒོམ་མེད་ཀྱི་ལུགས་གཉིས་ཀ་ཟུར་ཆུང་ཤེས་རབ་གྲགས་ཀྱི་སློབ་བརྒྱུད་ལ་ཤིན་ཏུ་ངར། ཁམས་ལུགས་སུ་གྲགས་ ཀློང་ཡེ་ཤེས་གསལ་བའི་རྒྱུད་ལ་བརྟེན་པ་རྡོ་རྗེ་ཟམ་པའི་མན་ངག །བཻ་རོས་སྟོང་ཁུང་རོང་གི་བྲག་དམར་རྗོད་གི་དགོན་པར་ཐ་མར་སྤང་མི་ཕམ་མགོན་པོ་ལ་གདམས་ནས་འཇའ་ལུས་གྲུབ་པ་ཤ་སྟག་བྱུང་། སྤང་གིས་ངན་ལམ་བྱང་ཆུབ་རྒྱལ་མཚན། དེས་ཟ་དམ་རིན་ཆེན་དབྱིག །དེས་འཕྱོས་ཀྱི་ཁུམ་གྱུར་གསལ། དེས་ཉད་བྱང་ཆུབ་གྲགས། དེས་དབུ་རྩ་ནའི་ཉད་ཤེས་རབ་འབྱུང་གནས་རྟེན་དགེ་སློང་ཡིན་པ་ཕུག་པོ་ཆེའི་ལྷ་རིའི་ཤུགས་རྐང་གཅིག་ལ་ན་བཟའ་དང་ཕྲེང་བ་བཀལ་ནས་འཇའ་ལུས་སུ་གཤེགས་པ་དེའོ། །པ་ཨ་ ཁམས་ལྡན་ཀློང་ཐང་སྒྲོན་མར་ཨ་རོ་ཡེ་ཤེས་འབྱུང་གནས་ཞེས་བྱ་བའི་སྒྲུབ་པའི་སྐུ་ཞིག་བྱོན། འདིས་ཐེག་ཆེན་རྣལ་འབྱོར་ཞེས་བྱ་བ་ཞིག་མཛད་པ་ལ་ཇོ་བོ་རྗེ་ཡང་ཤིན་ཏུ་མཉེས། དེ་ནས་བརྒྱུད་པ་ལྔ་པ་ཁ་རག་སྒོམ་ཆུང་ཡིན། ཨ་རོའི་རྒྱ་དཀར་ནག་གི་བདུན་བརྒྱུད་གཉིས་གཅོག་རོ་དང་ཡ་ཟིས་རོང་ཟོམ་ཆེན་པོ་ལ་བཤད་དོ། །རོ་ཡེ་ཤེས་འབྱུང་གནས་ནས་བརྒྱུད་པའམ། བླ་མ་ཟུང་དགོངས་པ། བཻ་རོས་ཐོག་མར་རྒྱལ་རོང་བྲག་ལ་མགོན་པོའི་དགོན་པར་གཡུ་སྒྲ་སྙིང་པོ་ལ་གསུངས་པའི་དངོས་སློབ་ཡིན། གསལ་ནས་བརྒྱུད་པ་སྒོམ་ཡོད་སྒོམ་མེད་གཉིས་ཀའི་ལུགས་གསུམ་དུ་གྲགས་པ་ལས། གངས་རིའི་ཁྲོད་ན་ཀུན་ཏུ་བཟང་པོ་མངོན་སུམ་དུ་བྱོན་ནས་དཔེ་དང་གཏན་ཚིགས་ལ་མ་ལྟོས་པར་རང་བཞིན་རྫོགས་པ་ཆེན་པོ་སྡེ་གསུམ་ཀའི་མན་ངག་ཕྱོགས་གཅིག་ཏུ་གཏན་ལ་ཕབ་ནས་ཆོས་ཀྱི་འཁོར་ལོ་བསྐོར་བ་ནི་ངེས་པར་རྒྱལ་བའི་མཚན་གྱིས་བསྔགས་པར་འོས་པ་རྒྱལ་བ་ཀློང་ཆེན་རབ་འབྱམས་ཀྱི་གྲུབ་མཐའ་ཡིན་ལ། དེ་ལ་སྒོམ་ཡོད་ཀྱི་ཕྱོགས་ནས་ཐོད་རྒལ་ཁྱད་པར་འཕགས་པ་དང་། སྒོམ་མེད་ཀྱི་ཕྱོགས་ནས་ཀ་དག་ཁྱད་པར་འཕགས་པར་བཞེད་ལ། གྲུབ་པའི་མཐའ་སོ་སོའི་ངོ་བོའི་མཚན་ཉིད་ཤེས་པ་ཤིན་ཏུ་ཉུང་བས་ཕལ་མོ་ཆེ་ནི་ཐོད་རྒལ་གྱི་འཕགས་ཆས་མཐོང་བས་རྒྱུ་བྱས། དེ་ཁོ་ན་ལ་བསྔགས་ ཇི་སྐད་དུ། སྡིག་པའི་ཆོས་ རྒྱལ་བས། དེ་བས་ཉེར་འགྲོ་ང་རྒྱལ་བའོ། །ཞེས་གསུངས་པའི་དོན་ཏོ། །པ་བརྗོད་ཅིང་

(༨༣༣)སེམས་པ་མང་མོད། སྤྱིར་ཀ་དག་གཏན་ལ་མ་ཕེབས་ན་ལྷུན་གྲུབ་ཀྱི་གྲུབ་མཐས་མ་མི་ཆོད། ས་གཞི་མེད་པ་ལ་ཞིང་བཟོས་ནས་སྟོན་ཐོག་རེ་བ་བཞིན་ནོ། །ཅིའི་ཕྱིར་ཞེ་ན། སེམས་ཉིད་ཆོས་སྐུའི་དབྱིངས་ན་བཞུགས་ཚུལ་མ་ནོར་ཞིང་མ་འཁྲུལ་བ་ཁྲེགས་ཆོད་ཀྱིས་གཏན་ལ་དབབ་དགོས་པ་ཡིན། དེ་ལ་གནས་པ་དང་། བརྟན་པ་དང་། གྲོལ་བ་གསུམ་གྱི་གདེང་ཐོབ་ནས་ལྷུན་གྲུབ་ཀྱི་གྲུབ་པའི་མཐའ་ལ་ཞུགས་ན་རིག་པ་ལ་སྐུ་གསུམ་རང་ཆས་སུ་ཡོད་པས་ལོངས་སྤྱོད་རྫོགས་པའི་སྐུ་དང་ཞིང་ཁམས་གདོད་འཆར་མི་དགོས་པར་ད་ལྟར་ལམ་སྣང་དུ་གཏན་ལ་ཕེབས་ནས་རགས་པ་ཟད་དེ་འོད་སྐུར་དེངས་པ་པའ་ཕྱིར་རོ། །འདི་ལྟར་མ་རིག་པའི་སྐྱེས་བུ་བླུན་པོ་རྣམས་ཀྱིས་གཤིས་ཀྱི་བཞུགས་ཚུལ་ཡང་མ་ཤེས། ཐོད་རྒལ་ལ་བྱ་བ་དགུ་ཕྲུགས་སུ་བཏང་ནས་རླུང་རིག་རང་དེངས་སུ་བྱེད་པའི་གནད་ཀྱང་མགོ །ཕོ་ཚུགས་དང་སྙིང་རུས་ཀྱིས་ཇི་སྲིད་འཚོའི་བར་དུ་འཆུན་པའི་རེ་བ་བརྐམ་བཞིན་དུ་གནས་སྐབས་ཀྱི་མཐོང་སྣང་དང་། ཕུང་པོ་འཇའ་འོད་དུ་དེངས་སུ་རེ་བས་རྒྱུ་མཚན་མེད་པའི་ཧམ་རྒྱུགས་བྱེད་པ་ནི་དེང་སང་གངས་རིའི་ཁྲོད་འདིར་མང་ཡང་། རང་རང་གི་སྙིང་རུས་དང་སྦྱར་བའི་ལམ་ལ་འབད་རྩོལ་བྱེད་པ་ཉིད་ས་ཆོད་ཆེ་བ་ཡིན་ནོ། །དེ་ལ་ལ་བཟླའི་གྲུབ་མཐའ་གཞི་དངོས་པོའི་གནས་ལུགས་འཁོར་འདས་སྣང་སྲིད་ཡོད་མེད་རྟག་ཆད་ཀྱི་མཐའ་ལ་མི་གནས། དེ་རྒྱུ་རྐྱེན་གང་གིས་ཀྱང་མ་བསྐྱེད་པས་རྣམ་པར་ཐར་པའི་སྒོ་གསུམ་དུ་རང་ཤར། ཤེས་བྱའི་གཤིས་གྲུབ་མཐའ་བཟང་པོས་མ་བསླད། ལྟ་བ་ངན་པས་མ་བསྒྲིབས་པར་རང་བཞིན་གྱི་གཉུགས་མར་དག་པའི་དང་སྒོམ་དུ་ལ་བཟློས་པས། ཡེངས་པ་དང་ཡེངས་མཁན་མེད་དོ། །དེ་ལ་རང་གྲོལ་གྱི་འཐད་པ་གསུམ་གཞག་པར་བྱ་སྟེ། གདོད་ནས་གྲོལ་བ་ཐེག་པ་འོག་མའི་ལྟ་སྒོམ་སྤྱོད་འབྲས་ཀྱི་ཉེར་ལེན་ལ་ལྟོས་ནས་ནམ་ཞིག་གྲོལ་བའི་ཡིད་སྨོན་ལ་རག་མ་ལུས། རང་གིས་གྲོལ་བ་སེམས་ཅན་གྱི་ཁམས་བདེ་གཤེགས་སྙིང་པོའི་རང་བཞིན་གློ་བུར་གྱི་དྲི་མ་ཅན། བླ་མའི་གདམས་ངག་གིས་མ་ཟིན་པས་ཉོན་མོངས་པ་དང་

(༨༣༤)འདྲེས་ཤིང་། འཁྲུལ་པ་ཆོས་ཉིད་དུ་གནས་མ་འགྱུར་བའི་མུ་ལའང་མཐུག །ངོ་བོས་གྲོལ་བ་རང་ངོ་གདོད་ནས་འཁོར་བར་འཁྱམས་མ་མྱོང་བའི་བཞུགས་ཚུལ་གཤིས་ཐོག་ཏུ་ཕེབས་པ་བྱ་བྲལ་ཀློང་ཆེན་གྱི་ངང་དུ་གྲོལ་བ་ནི་ཁྱུང་སྒོ་ངའི་ནང་ནས་གཤོག་དུ་རྒྱས་པ་དང་འདྲ་སྟེ། རྩལ་གསུམ་ལུས་ལ་རྫོགས་པས་སྒོང་ཤུན་ས་ལ་ལྷུང་བ་དང་ནམ་འཕང་གཅོད་པ་དུས་མཉམ་པ་འདབ་ཆགས་གཞན་ལ་མི་རིགས་ཁྱུང་ལ་རིགས་པའི་དཔེས་རེག་པ་གཞན་ལ་མི་རིགས་རྫོགས་ཆེན་ལ་རིགས་པས་ས་ལམ་གྱི་དྲོད་རྟགས་ལམ་ལྟོས་པའོ། །དེ་སྐད་དུ་རྩལ་ཆེན་ལས། སེམས་ཅན་སངས་རྒྱས་གཉིས་མེད་དེ། །ལམ་གྱིས་བཅོས་སུ་ག་ལ་ཡོད། །ཅེས་སོ། །གྲུབ་པའི་མཐའ་འདི་ནི་རྫོགས་པ་ཆེན་པོའི་ཁྱད་པར་གྱི་གསང་བ་སྟེ། ཡིད་དཔྱོད་འཛིན་པའི་བློར་ཆུད་པའང་དཀའ་ལ། ལམ་འདི་ལ་ཞུགས་པར་རློམ་པ་རྣམས་ཀྱིས་ཀྱང་རྟོགས་པར་དཀའ་བའི་གནས་སོ། །རྒྱུ་གང་གིས་ན་དངོས་བསྟན་མཚུངས་པ་དེ་བཞིན་གཤེགས་པའི་སྙིང་པོ་དང་། རྒྱན་སྟུག་པོ་བཀོད་པ་དང་། མྱང་འདས་ལ་སོགས་འཁོར་ལོ་ཐ་མ། སམྦྷུ་ཊི་དང་། ཧེ་བཛྲ། སྡོམ་འབྱུང་། བཤད་རྒྱུད་རྡོར་ཕྲེང་ལ་སོགས་པའི་རྒྱུད་སྡེའི་དོན་རྣམས་ལང་ཀར་གཤེགས་པ་ལ་གོ་བ་གཞན་དུ་བླངས་ནས་དེ་དག་དགོངས་ཏེ་གསུངས་པ་ཡིན་ནོ་ཟེར་ཞིང་། སེམས་ཅན་གྱི་རྒྱུད་ལ་གློ་བུར་གྱི་དྲི་མ་དང་ལྷན་ཅིག་པའི་ཁམས་བདེ་གཤེགས་སྙིང་པོ་དང་། རྟོགས་བྱ་སྙིང་པོའི་ཡེ་ཤེས་སུ་བསྟན་པ་ཆམ་བྱེད་དོ། །རང་གཞུང་འཛིན་པར་ཁས་འཆེ་བ་ཙམ་པ་འདི་དག་ནི། ལྟ་བ་ལུང་རིག་དང་འབྲེལ་བའི་འཐད་པ་སྤངས་ནས་བླུན་སྒོམ་ལ་ཡིད་བརྟན་བྱེད་ཅིང་རྒྱལ་བའི་དབང་པོ་ཀུན་མཁྱེན་པའི་གྲུབ་མཐའ་ལ་རྨོངས་པ་ངེས་སོ། །འདིར་ཀློང་དུ་གྱུར་པའི་ཚེ་ཡེངས་ཡུལ་ཆོས་ཉིད་དུ་ངེས་པའི་འཐར་བ་ལ། རིག་པའི་ཆོས་ཉིད་ལ་འཐད་པ་དང་། སྣང་བའི་ཆོས་ཉིད་ལ་འཐད་པ་གཉིས་ལས་འདིར་དང་པོ་ཡིན་ཏེ། ཆོས་ཅན་འཁྲུལ་དོ་ལ་མི་

(༨༣༥)གནས་པས་ཡེངས་ཡུལ་ཆོས་ཉིད་དུ་སོང་། ཆོས་ཉིད་ཆད་ལྟ་ལ་མི་གནས་པས་ཡེངས་ཡུལ་ཆོས་ཉིད་དུ་སོང་། ཡོད་མེད་གཉིས་ཀ་ལ་མི་གནས་པས་ཡེངས་ཡུལ་ཆོས་ཉིད་དུ་སོང་། གཅིག་དང་དུ་མ་ལ་མི་གནས་པས་ཡེངས་ཡུལ་ཆོས་ཉིད་དུ་སོང་། གྲུབ་མཐའི་ལྟོས་གཞི་ཟད་པས་ཡེངས་ཡུལ་ཆོས་ཉིད་དུ་སོང་། ལྟ་སྒོམ་གྱི་ཕྱོགས་རིས་དག་པས་ཡེངས་ཡུལ་ཆོས་ཉིད་དུ་སོང་། འཁྲུལ་གཞི་ཐམས་ཅད་དང་བྲལ་བས་ཡེངས་ཡུལ་ཆོས་ཉིད་དུ་སོང་། རྒྱུན་ཆགས་ཆེན་པོའི་རིག་པ་ལ་ཡེངས་ཡུལ་ཆོས་ཉིད་དུ་སོང་། སྙམ་བྱེད་ཀྱི་ཤེས་པ་དག་པས་ཡེངས་ཡུལ་ཆོས་ཉིད་དུ་སོང་། ཡེངས་པའི་གཞི་རྩ་མེད་པས་ཡེངས་ཡུལ་ཆོས་ཉིད་དུ་སོང་། མཁའ་ལྟར་ཕྱལ་བར་ཡས་པས་ཡེངས་ཡུལ་ཆོས་ཉིད་དུ་སོང་། ཉིན་དང་མཚན་མོ་མེད་པས་ཡེངས་ཡུལ་ཆོས་ཉིད་དུ་སོང་། སྒོམ་དང་མི་སྒོམ་དག་པས་ཡེངས་ཡུལ་ཆོས་ཉིད་དུ་སོང་། ཤེས་བྱ་རང་རྒྱུད་པ་མེད་པས་ཡེངས་ཡུལ་ཆོས་ཉིད་དུ་སོང་། དེ་ལྟར་ཆོས་ཉིད་ཟད་པའི་ཡེ་ཤེས་ནི་མཚན་བརྗོད་ལས་འདས་པས་སངས་ལ་རྒྱས་མེད་པས་སངས་རྒྱས་ལ་རེ་བ་མེད། འཁོར་བར་འཁྱམས་མེད་པས་སེམས་ཅན་ལ་དོགས་པ་སྤངས། བལྟས་པས་ཕྱོགས་རེ་ལས་མ་མཐོང་ལྟ་སྒོམ་ལས་སུ་ཆེ། གོ་བས་ཡིད་དཔྱོད་དུ་ཚུད་པས་སྙམ་བྱེད་ས་ལམ་དུ་མ་སོང་། རྟོགས་པས་བོགས་མཐོན་ཏེ་རིག་པ་ཡེ་ཡིན་ལ་འཁྱོལ། རྒྱུ་ལ་འབྲས་བུ་རྫོགས་པས་སྐྱོན་དང་ཡོན་ཏན་མེད། རྒྱུ་འབྲས་མཐོ་དམན་མཉམ་པས་བདེ་སྡུག་ཆོས་ཉིད་དུ་རྫོགས། སྐྱེ་འགག་གཉིས་སུ་མེད་པས་ཐིག་ལེ་ཆེན་པོའོ། །ཞེས་གསུངས་པས་དགེ་སློང་མོན་པ་དང་། ལ་སྟོད་ཆོས་རྗེ་དང་། དྷརྨ་ཀཱིརྟི་དང་། སྦ་གྲོ་ཀུན་གྲོལ་དང་། ཁམས་པ་དགེ་སློང་ལ་སོགས་པ་ལམ་སྣ་ཟིན་པའི་འཁོར་ཐམས་ཅད་ཡི་རངས་ཏེ་རྫོགས་པ་ཆེན་པོས་གསུངས་པ་ལ་མངོན་པར་བསྟོད་དོ། །དྲན་པའི་གཏམ་ཡོན་ཏན་རྒྱ་མཚོ་ཞེས་བྱ་བ་རེ་ཞིག་རྫོགས་སོ། །གཏམ་ཚོགས་ལེའུ་ང་དྲུག་པའོ།།

(༨༣༦)དྲན་དང་ཤེས་བཞིན་ལས་འཕྲོས་པའི་གཏམ་དོན་རབ་འབྱེད་པའི་འཐུར་མ་ཞེས་བྱ་བ།། ༈ །།རྟག་པའི་རྡོ་རྗེ་ལ་ཕྱག་འཚལ་ལོ། །དགོན་རྩེ་སྤྲུལ་སྐུ་རིན་པོ་ཆེ་ནས་སྒོམ་ཕྱོགས་གཙོ་བོར་གྱུར་པའི་དྲི་བ་ཐ་དད་པའི་ལན་གཅིག་ཏུ་བསྣོམས་པ་ནི། དྲན་པ་འཇུར་དྲན་གྱི་སྐོར། ང་མ་ཡེངས་པ་བྱེད་དགོས་སྙམ་པའི་རྒྱུན་ལ་བལྟ་བ་དང་། དེ་བཞིན་དུ་ད་ལྟ་ནི་དྲན་རྒྱུན་འདུག་གོ །མ་ཡེངས་པ་ཉིད་དོ་སྙམ་བྱེད་ཀྱི་ཤེས་པ་ཁ་སྒོམ་གྱི་ངོ་བོ་བྱ་དགོས་པ་ལ་ཟེར། ཅིག་ཆར་བའི་རིགས་ཅན་ཡིན་ན་མ་གཏོགས། གཞན་ཐོག་མར་ཞིག་ནས་འཚོལ་ཐབས་འདི་ཀ་བྱེད་དགོས་པ་མང་། དེའི་སྐྱོན་སེལ་ལ། མ་ཡེངས་ཙམ་པའི་ངང་ནས་གྲིམ་ཆ་དེ་གློད་གང་ཐུབ་རང་བྱེད་དགོས་པས། ཧྲིག་གིས་བསྒྲིམས་ལ་ལྷོད་ཀྱིས་གློད་ཟེར་བ་ལྟར་ཡིན་ཞིང་། འདི་རྫོགས་ཆེན་པའི་དྲན་པ་སྒོམ་གྱི་ངོ་བོར་སེང་བ་དང་ནི་མི་གཅིག་གོ །ཡང་ཆགས་སྡང་ཤུགས་དྲག་པོ་སྐྱེ་དུས་དེའི་ངོ་བོ་ལ་བལྟས་པས་དེ་མ་ཐག་ཡལ་དཀའ་བ་ན། སྤང་བྱའི་ཆགས་སྡང་ལ་ཚེ་རབས་སུ་གོམས་ཆེས། གཉན་པོའི་དྲན་པ་ནི་ད་ལྟ་རེས་འགའ་ཙམ་མ་ཟད་འདུ་བྱེད་ཀྱི་དྲན་པ་ལ་སོང་གཤིས། སྤང་གཉོན་ཤེད་མ་སྙོམས་པས་རེ་ཞིག་དེ་ཀ་ལས་མི་འོང་ཞིང་། དེས་རྣམ་རྟོག་ཆེད་དུ་བཀག་པའི་སྐྱོན་དུ་ཡང་མི་འགྱུར་ལ་དེ་ལ་དགོས་པ་མེད་པ་ཡང་མ་ཡིན་ཏེ། ཡི་གེ་དག་བྲིས་འབུར་ལ་སོགས་པ་བཟོ་གནས་སློབ་དུས་དང་པོར་གྱ་རྡོར་ཚད་ལས་མི་འོང་ཡང་། དེ་ཀ་ལ་ནན་ཏུར་བསྐྱེད་ན་རིམ་པས་བཟོ་དོད་པ་དང་འདྲ་བས། སྒོམ་པ་མ་ཡིན་གོམས་པ་ཡིན། །གོམས་པ་ཀློང་དུ་གྱུར་པ་ཡིན། །ཟེར་བ་འདི་བདེན། རྣམ་རྟོག་རང་ཤར་རང་གྲོལ་དུ་སོང་དུས་སྤང་གཉེན་རོ་གཅིག་ཏུ་འགྲོ་བས། ཆགས་སྡང་གི་རྣམ་རྟོག་ཀྱང་གདོད་ནས་རང་བཞིན་མེད་པར་འཆར་བ་ཡིན་ཏེ། དེ་འདྲ་ལས་དང་པོའི་རིང་མི་འབྱུང་། དེས་ན་འགྱུ་བ་ཚོར་དུས་རྣམ་རྟོག་དེས་དྲན་པའི་གདོད་མ་བཟེད་ཅིང་། ཕྱལ་ལེ། སང་ངེར་དེངས་འགྲོ་བདེ་དྲན་རྒྱུན་བརྟེན་ལུགས་ཀྱི་གནད་མ་འཁྲུལ་བ་ཡིན།

(༨༣༧)ཆགས་སྡང་རང་ངོ་མ་ནུབ་ཀྱང་། དེ་ལ་ཐ་མལ་སྐྱེ་བོ་ལྟར། །གཟུང་འཛིན་འབའ་ཞིག་མ་ཡིན་པར། །བདག་མེད་སྟོང་པ་གསོག་ཉིད་དུ། །སོང་ན་རེ་ཞིག་དེ་ཀས་ཆོག །རྫོགས་ཆེན་གྱི་ཁྱད་ཆོས་དྲན་པ་རང་སྒོམ་གྱི་ངོ་བོར་རྫོགས་ཟེར་བ་དེ་དྲན་པ་སྐད་ཅིག་མའི་རྒྱུན་ལ་གྲིམ་ལྷོད་དང་བཅོས་བསླད་སྤང་གཉེན་གང་ཡང་མི་དགོས་པས་རང་བབས་ཀྱི་རྒྱུན་སྐྱོང་བ་ལ་ཟེར་བ་ཡིན། ཡང་དྲན་པ་དང་ཤེས་བཞིན་ཟེར་བ་རྒྱུ་འབྲས་ལྟར་འབྱུང་བ་ཇི་ལྟར་དབྱེ་ནི། སྤྱིར་དྲན་པ་དང་ཤེས་བཞིན་ཟེར་བ་འདི་སྒོམ་ཡིག་ཐམས་ཅད་དུ་གླེང་བ་མང་སྟེ། འདིའི་དྲན་པ་ནི་འདུ་བྱེད་ཀྱི་དྲན་པ་ལ་འཇུག་པ་ཁོ་བོས་གོ་སྟེ། འདི་ལྟར་སོ་བྱང་སྔགས་གསུམ་གྱི་བསླབ་སྡོམ་དང་། བསྐྱེད་རིམ་གྱི་དག་དྲན་སོགས་དྲན་གཞིར་བྱས་ནས། དེའི་ངད་མ་ཉམས་པ་ཤེས་བཞིན་དུ་གདགས་པའི་ཕྱིར་དང་། དེ་བཞིན་དུ་ཡིད་དཔྱོད་ཀྱི་ལྟ་བ་སྤྲོས་བྲལ་གྱི་གོ་ཡུལ་དྲན་པར་བྱས་ནས། དེའི་རྒྱུན་ཤེས་བཞིན་གྱིས་བསྐྱང་བ་ནི་རྒྱུ་འབྲས་སྔ་ཕྱི་ལྟ་བུར་ཡོད་ལ། དེ་སྐད་དུ་སྤྱོད་འཇུག་ལས། གང་ཚེ་དྲན་པ་ཡིད་སྒོ་ནས། །བསྲུང་བའི་དོན་དུ་གནས་གྱུར་པ། །དེ་ཚེ་ཤེས་བཞིན་འོང་འགྱུར་ཅིང་། །སོང་བ་དག་ཀྱང་འོང་བར་འགྱུར། །ཞེས་པ་ལྟར་རོ། །རྫོགས་པ་ཆེན་པོ་ནི་ལྟ་སྒོམ་རོ་གཅིག་པས། ལྟ་བའི་དྲན་པ་དང་། སྒོམ་པའི་ཤེས་བཞིན་ཆ་གཉིས་སུ་མི་སྐྱང་བར་དྲན་པ་དེ་ཀ་མཉམ་གཞག་གི་ངོ་བོར་རྫོགས་པས་ཤེས་བཞིན་དེ་ཤེས་བྱའི་སྒྲིབ་པར་མཐོང་བས་རྒྱུ་འབྲས་སྔ་ཕྱི་མེད་པར་སྣང་ངོ་། །དེའི་རྒྱུ་མཚན། དྲན་པ་ཡོད་ན་དེ་ལས་ལྷག་པའི་ཤེས་བཞིན་བློའི་དྲི་མ། དྲན་པ་མེད་ན་ཤེས་བྱ་མེད་པའི་ཤེས་བྱེད་དེ་ཡ་ཆ། དེ་སྐད་དུ་སྔ་མ་ལས། ཤེས་བཞིན་མེད་པའི་ཆོས་ཀུན་དག །དྲན་པ་ཉམས་པའི་རྗེས་འབྲང་བས། །ཞེས་པས་གསལ་ལོ། །དེ་ལྟ་མོད་ཀྱི་གནས་ལུགས་ཇི་བཞིན་མ་རྟོགས་ཀྱི་རིང་ལ་སྟོང་འཛིན་གྱི་དྲན་པ་དང་། དེ་ཀ་རྒྱུན་མ་ཉམས་པར་ཡོད་དོ་སྙམ་པ་ཤེས་བཞིན་དུ་འདོགས་པ་ཡིད་དཔྱོད་

(༨༣༨)ཀྱི་ལྟ་སྒོམ་སྟེ། ཀུན་ཏུ་འགྲོ་བའི་བཞི་དང་། གཞན་འགྱུར་གྱི་གཉིས་ཏེ་སེམས་བྱུང་གི་བློ་དང་མ་བྲལ་བའི་ཕྱིར་རོ། །གལ་ཏེ་ཤེས་བཞིན་དྲན་པའི་འབྲས་བུར་འདོད་ན། ངེས་དོན་ལ་མཉམ་པར་འཇོག་པའི་ཚེ་དྲན་པ་དེ་ཤེས་བྱ་དང་། ཤེས་བཞིན་དེ་ཤེས་བྱེད་དུ་འགྲོ་བའི་ཉམས་ལེན་ཆ་གཉིས་ཀྱི་སྒྲིབ་པ་སྤོང་མི་ནུས། འོན་ཀྱང་ངེས་དོན་གྱི་གཟུགས་བརྙན་འདུ་བྱེད་ཀྱི་དྲན་པ་ཅན་ལ་ནི་དེ་ལྟར་རུང་སྟེ། བལྟ་བྱའི་དྲན་པ་དང་། ལྟ་བྱེད་ཀྱི་ཤེས་བཞིན་བློ་རྫས་གཉིས་པར་སྣང་བའི་ཕྱིར་རོ། །དེ་སྐད་དུ་སྔ་མ་ལས། ཤེས་བཞིན་མེད་པའི་སེམས་ལྡན་པའི། །ཐོས་དང་བསམ་དང་སྒོམ་པ་ཡང་། །གློ་རྡོལ་བུམ་པའི་ཆུ་བཞིན་དུ། །དྲན་པ་ལ་ནི་དེ་མི་གནས། །ཞེས་ཐོས་བསམ་སྒོམ་གསུམ་པོ་དྲན་གཞིར་བཞག་པའི་ཕྱིར་རོ། །ཡང་དྲན་པའི་རྒྱུན་ཡོད་ཀྱང་། དེ་ཉིད་གནས་འགྱུའི་ཆ་གཉིས་སུ་ཤར་དུས་དེ་ལའང་སྤུ་རིས་དབྱེ་རྒྱུ་དང་བཟང་ངན་གྱི་དབྱེབས་ལ་འདུག་ཚུལ་ནི། རང་བས་ཆོས་ཉིད་ཀྱི་དྲན་པ་ལ་རྟོག་གེའི་དཔྱད་བཟོད་ཀྱི་བློ་ཞུགས་པས་སྤུ་རིས་དང་བཟང་ངན་གྱི་དབྱེབས་ལ་དོད་པ་སྟེ། ཆོས་ཉིད་རང་བཞིན་གྱི་དྲན་པས་གོ་མཆོད་པར་ཡེངས་མ་ཡེངས་རྣམ་རྟོག་ཤར་མ་ཤར་ལ་ངོས་གཟུང་བར་འདུག །རྣམ་རྟོག་ཤར་ཚད་ཡེངས་པ་ཡིན་ན། ཡེངས་པ་ཞེས་བྱ་བ་ནི་ལྷན་ཅིག་སྐྱེས་པའི་མ་རིག་པ་ཡིན་པས། དེའི་ཚེ་རྗེས་སུ་མི་འབྲང་བའི་རང་དབང་ག་ལ་ཡོད། དེའི་ཕྱིར་མ་ཡེངས་ཙམ་པ་ནི་དྲན་པའི་ངོ་བོ། དྲན་པ་དེ་ཀའི་རང་ནས་རྣམ་རྟོག་ཤར་ན། རྣམ་རྟོག་དེ་རྩལ་སྣང་གློ་བུར་བ་ཡིན་པས་དྲན་པའི་གདོང་མི་བཟོད་པར་རང་ཤུགས་ཀྱིས་དེངས་འགྲོ། དེ་ལྟར་དེངས་པ་དེ་དྲན་པ་གསར་བ་ཞིག་གི་ནུས་པ་མིན་དྲན་པ་གཅིག་ལ་བཟང་ངན་གཉིས་མི་ཡོང་། འོན་ཀྱང་རྣམ་གྲངས་པའི་དོན་དམ་ཅན་ལ་མ་ཡེངས་ཙམ་པའི་རྟོག་མེད་དེ་ཞིག་ནས། དེ་ལས་བློའི་དཔྱད་བཟོད་ཀྱིས་སྒོམ་པ་ལྷག་མཐོང་། རྟོག་པ་ཤར་ཚད་ཡེངས་པ་རང་ས་འཛིན་པས་སྒོམ་གྱི་མུ་གེ་སྡང་། །

(༨༣༩)ཞི་གནས་མི་གཡོ་ལྷག་མཐོང་ཉ་ལྟར་འཁྱུག །སེམས་གནས་ལྟེམས་པོ་སྤྲོས་བྲལ་དངོས་སུ་འདོད། ཟེར་བ་དེ་ལགས། བོད་འདིར་མཉམ་གཞག་ལ་སེམས་བྱུང་བསྲེས་པའི་རྣམ་གཡེང་གིས། བསམ་གཏན་དཀྲོགས་པ་དག་དེ་འདྲ་དབུ་མ་ཆེན་པོའི་དགོངས་པ་བླ་ན་མེད་དུ་འདོད་ཀྱང་རྟོགས་པའི་རང་ངོ་ནས་གཞལ་ན་མཉམ་གཞག་བྱ་བའི་ལས་སུ་སོང་། ལྟག་མཐོང་ཡིད་བྱེད་ཀྱི་ཆོས་སུ་སོང་བའི་བྱ་བྱེད་གཉིས་ཆོས་དེས་སྒྲིབ་གཉིས་སྤོང་མི་ནུས་ཏེ། བཤགས་རྒྱུད་ལས། བྱ་བ་བྱེད་དང་ཡིད་དཔྱོད་རྣམ་པར་དག །ཅེས་པའི་དོན་དང་འགལ་བའི་ཕྱིར་རོ། །འོན་ཀྱང་དོན་རབ་འབྱེད་པའི་བསམ་གཏན་གྱི་ངོ་བོ་ཡིན་པས། ཚོགས་ལམ་གྱི་དྲན་པ་ཉེར་གཞག་དང་། སྦྱོར་ལམ་གྱི་དྲན་པའི་དབང་པོ་ཐོབ་པའི་རྒྱུ་ནི་བྱེད་པས་མཐོང་ལམ་གྱི་ལམ་སྟེགས་ཙམ་མོ། །འདིར་རང་བཞིན་རྫོགས་པ་ཆེན་པོ་ནི་འཕགས་པའི་ལམ་དེ་བཞིན་གཤེགས་དགེ་བའི་བསམ་གཏན་ཡིན་པས། ཆོས་ཉིད་ཀྱི་དྲན་པ་བློ་འདས་ཆེན་པོ་ལ་རྟོག་དཔྱོད་ཀྱིས་ཤེས་བྱའི་བསླད་མི་འཇུག །ཡེ་གྲོལ་ལ་ཡང་གྲོལ་མི་སྒོམ། སོ་མ། རང་གཞག །རང་དངས། མ་བཅོས། མ་བསླད་པ་ལ་ཐ་མལ་གྱི་ཤེས་པ་ཟེར། །འོན་ཀྱང་དེ་མིང་ལོད་དྲགས་པས་དེ་བཞིན་ཉིད་དང་། སྤྲོས་བྲལ་དང་། ངོ་བོ་ཉིད་མེད་པ་དང་། ཆོས་ཀྱི་དབྱིངས་ལ་སོགས་པའི་ཆོས་སྐད་གྱ་ནོམ་པ་འདམས་ནས། བདེན་པ་གཉིས་ཤ་བའི་རྭ་ཅོ་ལྟར་བཅོས། གོ་མྱོང་རྟོགས་པར་འཁྲུལ་ནས་ལམ་བདེན་སྤངས་པའི་རྒྱུད་ལུང་ཟབ་མོ་རྣམས་དང་། དོ་ཧ་མཛོད་ལ་སོགས་པའི་གསང་ཚིག་ལ་ཧཱ་ཤང་གི་ལྟ་བ་ཞེས་སྒྲོག་པ་དེ་ཡ་ཆ། ད་དྲན་པ་དྲན་པ་ཞེས་པའི་ཆོས་སྐད་གླེན་སྒོམ་གཏི་མུག་ཅན་ཡན་ཆད་ཀྱི་ཁ་ནས་དོན་ཀྱང་། རང་ངོ་ཤེས་པའི་དྲན་པ། དེ་ལས་མི་འདའ་བའི་དྲན་པ། རང་བཞིན་མེད་པའི་དྲན་པ་གསུམ་ལས། དང་པོ་གཉིས་ནི་དེ་ལ་དེར་འཛིན་གྱི་ཤེས་སྒྲིབ་ཅན་ཡིན་པས་དེ་སྤང་བའི་ཐབས་སུ། མོས་གུས་དང་སྙིང་རྗེ་ལ་སོགས་རྒྱུ་བསོད་ནམས་ཀྱི་ཚོགས་ལ་འབད།

(༨༤༠)ཕྱི་མ་ནི་ཡེ་ཤེས་ཀྱི་ཚོགས་ཡིན་པས་དེ་རྫོགས་པའི་ཐབས་སུ་མི་སྒོམ། མི་འཁྲུལ་པའི་ངང་དངས་བྱང་ཆུབ་སྙིང་པོར་འགྲོགས་དགོས་ཏེ། རྒྱུད་ལས། ཇི་སྲིད་ས་བརྒྱད་མ་རྣོན་པར། །དེ་སྲིད་ཐེག་པ་དམན་པས་འཇིགས། གསུངས་ན། སྔགས་ཀྱི་ལམ་ནི་འབྲས་བུ་ལྷུར་བྱེད་པས་དོན་ཟབ་ཀྱང་གནས་སྐབས་ཀྱི་ཐབས་ལས་བྱུང་བའི་ཡེ་ཤེས་ཅིག་ཅར་བ་ཡིན་པས་འཕེལ་འགྲིབ་ཆེ་ཞིང་། དྲོད་མི་བརྟེན་པའི་ཚུལ། དབང་གསུམ་པའི་དཔེའི་ཡེ་ཤེས་ཀྱིས་མཚོན་ལ། ཁྱད་པར་རླུང་སེམས་ཀྱི་རིག་པ་སྤུར་བས་ཉམས་རྟོགས་གཉིས་ཀའི་ཆར་འཕེལ་འགྲིབ་རེས་འཇོག་ཅན་ཇི་ལྟ་བུ་ཤར་ཡང་། སྟོང་འཛིན་དང་། བློའི་དཔྱད་བཟོད་ཡིད་ལ་མི་བྱེད་པའི་ཡང་དག་གི་དྲན་པ་ཀློང་ཡངས། དཀྱེལ་ཆེ། རང་བཞིན་གྱིས་མ་གྲུབ་པའི་ངང་དུ་འགྱུ་བྲན་དང་། ཆགས་སྡང་གི་རྣམ་རྟོག་ཆུ་ལ་རལ་བྲི་བསྣུན་པ་ལྟར་དེངས་པ་ཞིག་བྱུང་བའི་ཚེ་བློའི་སྤྲོས་པ་ཞིག་པ་ཡིན་ཏེ་སྤྱོད་འཇུག་ལས། དོན་དམ་བློ་ཡིས་སྤྱོད་ཡུལ་མིན། །བློ་ནི་ཀུན་རྫོབ་ཡིན་པར་འདོད། །ཅེས་སོ། །དེ་ལྟར་ཞིག་པ་ལ་སྒོམ་ཡུན་བསྲིང་དགོས། ལས་ཕར་ཕྱིན་ཐེག་པ་ནས། སྒོ་ལྔའི་རྣམ་ཤེས་ཡེ་ཤེས་སུ་གནས་འགྱུར་བས་ལམ་མཐོན་པོའི་གནས་སྐབས་སུ་གསུང་ན། ལམ་རེས་འཇོག་ཏུ་སྒོམ་པའི་གང་ཟག་རྣམས་ནི། ཕུང་པོ་ལྔ་དང་རྣམ་ཤེས་ཚོགས་བརྒྱད་ཀྱི་གཞན་དབང་ཅན་ཡིན་པས་སྔགས་ཀྱི་ཐབས་ལམ་ལས་བྱུང་བའི་ལྟ་སྒོམ་ཟབ་མོའི་གནས་ཀྱིས་རེས་འགའ་ཉམས་རྟོགས་ཅི་གཅར་དུ་སྐྱེས་ནས་ལམ་བདེན་ཀུན་རྫོབ་ཏུ་ཤར་བའི་ཚེ་སོ་སོ་རང་རིག་པའི་ཤེས་རབ་ཀྱི་སྣང་བ་ཁྱད་པར་ཅན་དང་། རེས་འགའ་ཡུལ་རྐྱེན་དང་རླུང་སེམས་ཀྱིས་བསླད་པས་རྟོགས་པའི་དེ་ཉིད་ལ་བསྒྲིབས་ཏེ་ཆགས་སྡང་རྨོངས་གསུམ་གྱི་སྣང་ཤེས་དགག་མི་བཟོད་པ་འཆར་ཞིང་། དེའི་ཚེ་བླ་མ་དམ་པས་མ་ཟིན་ཅིང་སོ་བྱང་སྔགས་གསུམ་གྱི་བླང་འདས་དང་ཆོས་ཉིད་མི་ཤེས་བཞིན་དུ་སེམས་ངོ་འཕྲོད་དོ་སྙམ་ནས་གཟུང་དྲན་ཧད་པོ་ནག་ཡོ་རེ་བ་ཞིག་ལ་སྒོམ་དུ་བཟུང་ནས་

(༨༤༡)ཉོན་མོངས་པ་བྱུང་རྒྱལ་དུ་སྤྱོད་པའི་བླུན་སྒོམ་ཕལ་མོ་ཆེ་ནི་ངན་སོང་དུ་འགྲོ། ཡང་ཐོས་པ་མང་པོ་དང་ལྡན་ཡང་རྒྱུ་འབྲས་དག་གྲོལ་ལ་ཞེན་པའི་གང་ཟག་ལ་ལ་ནི་སྟོང་ཉིད་གཉེན་པོའི་དབང་དུ་ཤོར་ནས་སྔགས་དང་ཕ་རོལ་ཏུ་ཕྱིན་པའི་ལྟ་སྤྱོད་ལ་འགལ་བ་འདུ་བའི་རྟོག་དཔྱོད་རྣོན་པོས་རང་བྱུང་གི་ཡེ་ཤེས་ལ་བསྒྲིབས་པ་ཡོད་དེ། འདི་ལྟར་རྩ་བ་བཞིས་མཚོན་པའི་ཕམ་ལྟུང་དང་བསླབ་བྱའི་གནས་ལ་ཉེས་སྤྱོད་འདི་ལྟ་བུས་གོས་སོ་སྙམ་པ་ནི། སྔགས་ཀྱི་ཐབས་ལམ་ལ་ཡིད་མ་ཆེས་ཤིང་སྟོང་ཉིད་ཀྱི་ལྟ་བས་ཀུན་རྫོབ་ཟིལ་གྱིས་མནོན་པ་ཡིན་ནོ། །འོན་ཀྱང་རྗེས་ཐོབ་ཀྱི་ཆ་ལ་གཞན་གནོད་གཞི་བཅས་ལའང་ཅང་མི་སེམས་པ་ནི་བྱང་ཆུབ་སེམས་དཔའི་སྡོམ་པ་འཇིག་པའི་རྒྱུར་འདུག་ལ་བླང་འདས་གཞན་རྣམས་ལ་ཉེས་བྱས་སུ་དོགས་ན་དགེ་སྡིག་རྣམ་རྟོག་གི་གཟུགས་བརྙན་དུ་འདུག་པས་རྣམ་རྟོག་མ་ཟད་བར་དུ་ལས་ཀྱང་དེ་རྗེས་སུ་འབྲང་བས་ཀུན་རྫོབ་བདེན་པ་མི་འགོག་ཕྱིར་སྐད་ཅིག་མ་དང་པོ་པ་ལ་འཆབ་སེམས་མེད་པའི་བཤགས་སྡོམ་ནི་བྱར་རུང་སྟེ། བླ་མ་ལྷ་རྗེ་རིན་པོ་ཆེའི་དུས། སྒོམ་ཉམས་ཅན་ཞིག་གིས་གསུང་རབ་ཀྱི་བསླུས་ཟོས་པས་འགྱོད་པ་ཆེན་པོ་སྐྱེས་ཤིང་། རྟོགས་པ་ཡང་འགྲིབ་པ་བླ་མ་ལ་ཞུས་པས་གསུང་རབ་དེ་ཀ་བཞེངས་ཤིག་གསུངས། བཞེང་བའི་རྣམ་གཡེང་ལ་སུན་ཞིང་བསམ་གཏན་གྱི་གེགས་སུ་གྱུར་ནས་སེམས་ཉིད་རྟོགས་པ་ལས་ལྷག་པའི་སྒྲིབ་སྦྱོང་མེད་པ་འདྲ་ཞུས་པས། འོ་ཁྱོད་ཀྱིས་གོ་འདུག་པ་ཡིན་པ་རང་དེ་ཀ་ཡིན་གསུངས་པས་བཞེང་འཕྲོ་བཞག་པ་ཡིན། སྐད་ཅིག་མ་གཉིས་པར་སྔ་མའི་རྒྱུན་ལ་མི་འཇུག་པར་ཤེས་པ་སོ་མའི་སྟེང་དུ་བཞག་པས་འདི་ལྟར་ཉན་ཐོས་ཀྱི་སྡོམ་པ་ནི་ལུས་ངག་ལས་སྐྱེས་པའི་སྡོམ་པ་གཟུགས་ཅན་ཡིན་པས་སྟོང་པ་ཉིད་ཀྱི་ངང་དུ་དེའི་གཟུགས་མེད། ཉམས་སོ་སྙམ་བྱེད་ནི་ཚོར་བའི་ཕུང་པོ་ཡིན་ན་ཆོས་ཉིད་ཀྱི་གཤིས་ལ་དེ་མ་གྲུབ། སྲུང་ཉམས་ལ་བདེན་པར་ཞེན་པ་འདུ་ཤེས་ཀྱི་ཕུང་པོ་ཉིད་ན་སོ་སོ་རང་རིག་དང་རྫས་འགལ། དེས་ཕྱིན་ཆད་

(༨༤༢)ཀྱི་ལས་ཉེ་བར་ཡིན་པའི་འདུ་བྱེད་འགག །སོ་སོ་རང་རིག་གི་ཡེ་ཤེས་ལ་རྣམ་པར་ཤེས་པ་མི་གནས་པས། སྲུང་ཉམས་བློའི་རི་མོ་ཡིན་པའི་ཚུལ་སྡུད་པ་ལས། སེམས་ཅན་འདི་དག་ཁྲིམས་ལྡན་འདི་དག་ཁྲིམས་འཆལ་ཞེས། །སྣ་ཚོགས་འདུ་ཤེས་ཞུགས་པ་ཤིན་ཏུ་ཚུལ་ཁྲིམས་འཆལ། །ཚུལ་ཁྲིམས་ཉམས་ཤིང་དེ་ལ་ཡོངས་དག་ཚུལ་ཁྲིམས་མེད། །གང་ལ་བདག་གི་འདུ་ཤེས་སེམས་ཅན་འདུ་ཤེས་མེད། །འདུ་ཤེས་འདོད་ཆགས་བྲལ་ལ་སྡོམ་མིན་ག་ལ་ཡོད། །ཅེས་པའི་དོན་ལ་མཉམ་པར་འཇོག །དེས་ནི་སྔོན་ཆད་ཆོས་ཉིད་ཀྱི་བདེན་པས་མཐོང་། སྔགས་ཀྱི་ཐབས་ལམ་ཟབ་མོ་ལྷོངས་སུ་མ་གྱུར། མདོ་སྔགས་ཀྱི་དགོངས་པ་ནང་མི་འགལ་བ་མ་རྟོགས་པའི་དུས་ཀྱི་ཉེས་བྱས་ཐམས་ཅད་ཟིལ་གྱིས་ནོན་པར་འགྱུར་ཏེ། ཉིན་བཞིན་བྲམ་ཟེ་གསོད་པ་དང་། །མཚམས་མེད་ལྔ་ནི་བྱེད་པ་སོགས། །ཞེས་པའི་མཇུག །སྡིག་པས་གོས་པར་མི་འགྱུར་ཏེ། །ཞེས་པའི་དོན་ལ་འབྱོར་རོ། །འདི་མྱོང་ཐོག་ནས་བཏོན་པའི་གཏམ་ཡིན། བསྟན་བཅོས་མཁན་པོ་རྣམས་ཚིག་ལ་དགག་སྒྲུབ་བྱེད་པས་དེ་ལྟར་དུ་བཤད་པ་སྔགས་འགྲེལ་རྣམ་མཁྱེན་ཤིང་རྟ་ལ་གསལ། ཡང་ལུང་མ་བསྟན་ནི། དྲན་པ་མེད་པའི་གནས་སྐབས་ཐམས་ཅད་དེ། བཤེས་སྤྲིང་དང་། དྲན་པ་ཉམས་པས་ཆོས་ཀུན་འཇིག་པར་འགྱུར། །ཅེས་པ་ལྟར་ཆགས་སྡང་རྨོངས་གསུམ་གྱི་རྣམ་རྟོག་ཁ་རྒྱལ་དུ་སོང་། སྦྱིན་པ་ལ་སོགས་པའི་བསོད་ནམས་ཀྱི་ཚོགས་ལྔ་དང་། ཕྱི་མ་ཡེ་ཤེས་ཀྱི་ཚོགས་གཉིས་ཀས་སྤོང་། སེམས་དང་སེམས་བྱུང་ལས་སྐྱེས་པའི་རྣམ་པར་རྟོག་པའི་མཐའ་མི་ཆོད། དེ་ཐམས་ཅད་ཀྱི་རྩ་བ་མ་རིག་པ་ཡིན་པས། རྣམ་རྟོག་མ་རིག་ཆེན་པོ་སྟེ། །འཁོར་བའི་རྒྱ་མཚོར་ལྟུང་བྱེད་ཡིན། །ཞེས་སོ། །དེ་ལ་སྤང་བསྒྱུར་ལམ་དུ་བྱེད་པའི་གཉེན་པོ་མང་ཡང་། ནང་བརྒྱ་སྨན་གཅིག་ལྟ་བུ་ནི་དྲན་པའམ་རིག་པ་ཡིན། དེ་གཉིས་ལའང་ངོས་འཛིན་ལུགས་ཐ་དད་

(༨༤༣)པ་ཡོད། འདིའི་དྲན་པ་ནི་ཆོས་ཉིད་ཀྱི་དྲན་པ་ཕུང་པོ་ལྔ་དང་བྲལ་བ་ཡིན། རིག་པ་ནི་རྣམ་ཤེས་མ་ཚོགས་པའི་འདུས་མ་བྱས་སོ་སོ་རང་རིག་གི་ཡེ་ཤེས་ཡིན། སྡུད་པ་ལས། གཟུགས་རྣམས་མི་མཐོང་ཚོར་བ་དག་ཀྱང་མི་མཐོང་ཞིང་། །འདུ་ཤེས་མཐོང་བ་མེད་ལ་སེམས་པ་མི་མཐོང་ཞིང་། །གང་ལ་རྣམ་པར་ཤེས་དང་སེམས་ཡིད་མཐོང་མེད་པ། །འདི་ནི་ཆོས་མཐོང་ཡིན་ཞེས་དེ་བཞིན་གཤེགས་པས་གསུངས། །ཞེས་པ་ལ་སོགས་པས་བསྟན། དེའི་ཕྱིར་དྲན་རིག་གཉིས་སུ་མེད་པའི་སོ་སོར་རྟོག་པའི་ཤེས་རབ་ངོས་ཟིན་པ་ཙམ་ནས་ལུང་མ་བསྟན་རང་སངས་ལ་འགྲོ་བས་གཉིད་ལ་སོགས་པའི་ཉོན་མོངས་པ་ལ་བརྟན་གཞི་མེད། དེའི་ཕྱིར་དྲན་པ་སྟོབས་སུ་གྱུར་བ་ལས་གཏི་མུག་འོད་གསལ་ཆོས་དབྱིངས་ཡེ་ཤེས་སུ་འཆར་བ་སོགས་སྒོམ་ཡུན་བསྲིངས་པ་ལས་འབྱུང་བའོ། །མདོར་ན་སྟོང་པ་ཉིད་ཀྱི་ཕྱོགས་འདིར་གོ་བ་ཕྱོགས་ཙམ་སྐྱེས་པས་ཀྱང་དངོས་འཛིན་འཇིག་པ་ལ་ལྷག་པར་ཕ་ནན་།།།མྱོང་བ་སྐྱེས་པ་རྣམས་ལ་ནི་སྨོས་ཅི་དགོས། རྒྱུ་མཚན་དེས་སྔོན་ཆད་རྒྱུ་འབྲས་དག་གྲོལ་དུ་ཞེན་པའི་གྲུབ་མཐའ་ཐམས་ཅད་ལ་ཨ་འཐས་དང་མངོན་ཞེན་ཆུང་ངུ་སོང་ནས་བློ་གུ་ཡངས་ཕྱལ་འགྲོ་བ་ནི་ཆོས་ཉིད་ཡིན་ན། དཀྱིལ་འཁོར་ལ་སོགས་པའི་ཕྲིན་ལས་རབ་འབྱམས་སོགས་ལམ་བདེན་འདུས་བྱས་ལ་གཙོ་བོར་བཏོན་པའི་ཕྱོགས་ཐམས་ཅད་ལ་མངོན་ཞེན་ཆུང་ངུ་འགྲོ་བ་ལ་དོགས་ངན་མི་དགོས། ནག་པོ་ཁ་འབྱམས་ནི། རང་རྒྱུད་ལ་གོ་མྱང་ཅུང་ཟད་ཀྱང་མ་སྐྱེས་བཞིན་དུ་གྲུབ་ཐོབ་ཀྱི་ལད་མོ་བྱེད་པ་དང་། དེ་དག་གི་ཚིག་རིགས་ཡིད་ལ་བཞག་ནས་ཕོ་ཆོད་ཀྱིས་རྒལ་རལ་བྱེད་པ་ལགས་མོད། ལར་ཨོ་རྒྱན་ཆེན་པོས་ངའི་གསང་སྔགས་འདི་ལྟ་བ་གཙོ་ཆེ། ལྟ་བའི་ཕྱོགས་སུ་སྤྱོད་པ་མ་ཤོར་བ་མཛོད། ལྟ་བའི་ཕྱོགས་སུ་མྱོང་བ་ཤོར་ན་དགེ་སྟོང་སྡིག་སྟོང་ནག་པོ་ཁ་འབྱམས་ཀྱི་ལྟ་བར་འགྲོ། སྤྱོད་པའི་ཕྱོགས་སུ་ལྟ་བ་མ་ཤོར་བར་མཛོད། སྤྱོད་པའི་ཕྱོགས་སུ་ལྟ་བ་ཤོར་ན་དངོས་པོ་དང་མཚན་མས་བཅིངས་ཏེ་གྲོལ་བའི་དུས་མ་མཆིས་

(༨༤༤)གསུངས་པ་འདི་གནད་ཤིན་ཏུ་ཟབ་པས་ད་ལྟ་རྐྱེན་མི་ཐུབ་ཅིང་། རྟོགས་པ་ལ་རེས་འཇོག་ཡོད་དུས་དོན་དམ་གྱི་ཆ་ནས་དེ་དག་ལ་མི་ཞེན། ཀུན་རྫོབ་ཀྱི་ཆ་ནས་འགེགས་ཀྱང་མི་འགོགས་པ་ཡིན། ཡང་ཚོགས་གཉིས་རྫོགས་པའི་འབྲས་བུ་ནི་སྤངས་རྟོགས་མཐར་ཕྱིན་པའི་སངས་རྒྱས་ཡིན་ན། ཡེ་ཤེས་ཀྱི་ཚོགས་མ་རྫོགས་པར་བསོད་ནམས་ཀྱི་ཚོགས་ག་ལ་རྫོགས། སྤྱོད་འཇུག་ལས་ཀྱང་། ཡན་ལག་འདི་དག་ཐམས་ཅད་ནི། །ཐུབ་པས་ཤེས་རབ་དོན་དུ་གསུངས། །ཞེས་པས་གསལ་ལོ། །ཡང་གཟུངས་དྲིལ་ལུགས་སྐོར། དབུ་ནས་མར་དང་། གཤམ་ནས་ཡར་དྲིལ་གྱི་འདོད་ཕྱོགས་གཉིས་ཀ་ལ་ལུང་གི་རྒྱབ་བརྟེན་ནི་མ་བྱུང་ལ། སློབ་དཔོན་ཀླུ་སྒྲུབ་ཀྱིས་མཛད་པའི་གཟུངས་འབུལ་དཀར་ཆག་བི་མ་ལ་དང་ཅོག་རོའི་འགྱུར་དང་། ཇོ་ཏ་རིའི་རྒྱ་གཞུང་ཇོ་བོ་རྗེས་རང་འགྱུར་མཛད་པ་ཤིན་ཏུ་སྒྲོམ་ཆེ་བ་གཉིས་ལ་ནི་གསལ་ཁ་མེད་དེ་སྔ་མ་ལས། དེ་ལྟར་གཟུངས་རྣམས་དྲིལ་ནས་ནི། །དར་དཀར་དག་གམ་རྣམ་ལྔས་དྲིལ། །དར་སྒུད་ངག་གིས་སྐེད་པ་བཅིངས། །དབུ་ཞབས་ཀུན་ཏུ་དབུལ་བར་བྱ། །ཞེས་པ་ཙམ་ལས་མ་གསུངས། རིག་པས་བརྟགས་ན་ཡི་དམ་གྱི་ཐུགས་ཀའི་སྔགས་ཕྲེང་ལྟར་ཞལ་ཕྱིར་བསྟན་གྱི་དབུ་ནས་དྲིལ་བདེ་དཔྱད་བཟོད། དེ་ཡང་ཕྲེང་རེ་རེ་ནས་སྔགས་མཇུག་རྫོགས་པ་དང་འཐུད་མཚམས་འགྲིག་པ་སོགས་ལག་ལེན་གཙང་མར་སྣང་ཡང་གླེགས་བམ་བཅུག་ཆོག་པ་འདིས་ནི་དེ་དག་ཀྱང་བླང་དོར་མེད་པའི་གནས་སུ་སོང་མོད། མཆོད་རྟེན་ལ་སྲོག་ཤིང་གཅེས་པ་དང་། དེ་ལའང་དེ་མེད་རྣམ་གཉིས་ལ་བརྟེན་ནས་སྲོག་ཤིང་བརྟེན་པའི་ཆོ་ག་སློབ་དཔོན་ཞིབ་མཚོའི་གཞུང་ལྟར་གྲུབ་ན་ལེགས་མོད། དེ་ཡང་དབུ་མ་ནི་ཆོས་ཉིད་རྣམ་པར་མི་རྟོག་པའི་རྩ་ཡིན་པས་ཡེ་ཤེས་དམ་པའི་བཞུགས་གནས་ཀྱི་རྟེན་འབྲེལ་དུའང་སྲོག་ཤིང་འདི་བཅེས་ལ། སྐུ་ལའང་དངོས་བསྟན་མ་བཤད་ཀྱང་དེའི་རིགས་པ་བསྒྲེས་པ་ལ་འགལ་བ་ཅི་ཡོད། ལམ་བདེན་སྤངས་

(༨༤༥)པའི་སངས་རྒྱས་རྣམས་ལ་རོ་རྐྱང་ནི་དགོས་པ་མེད་པ་འདྲོས། །ཡང་སྔ་འགྱུར་ཕྱོགས་ལ་ཚོགས་ཀྱི་མཆོད་པ་དང་། གསར་པའི་ཕྱོགས་ཀྱི་གཏོར་འབྱས་ལ་དོན་གཅིག་གམ་གསུང་པ། གཏོར་མའི་མཆོད་པ་ནི་སྔ་འགྱུར་ལའང་ཡོད་ཀྱང་། དེས་ཚོགས་ཀྱི་གོ་མི་གཅོད། གསར་མའི་ཕྱོགས་ལ་རྒྱ་གར་དུ་བཟའ་བཅའ་བཏུང་བའི་རྫས་ཀྱང་གསེར་སྲང་མང་པོའི་རིན་ཐང་ཅན་ཚོགས་པར་བྱས་ནས་དྲོད་ཐོབ་པའི་རྣལ་འབྱོར་ཕོ་མོ་ལྷ་གྲངས་དང་མཉམ་པ་འདུས་པ་ལ་ཚོགས་ཀྱི་འཁོར་ལོར་གྲགས་པ་ཡིན་ནོ་ཟེར་ཡང་། ཌཻ་བི་ཧེ་རུ་ཀའི་ཚོགས་འཁོར་གྱི་ཆོ་ག་ཟེར་བ་ཞིག་མཐོང་བ་ལ་ནི་དེ་འདྲའི་ཐ་སྙད་མི་འདུག །སྔ་འགྱུར་ལ་གཙོ་བོར་གཏེར་མའི་ཕྱོགས་ལ་གྲགས་ཆེ་བའི་ཁུངས་ནི་གཏེར་བ་གོང་འོག་ལ་ཐུག་པས་འདི་ཕན་ཡོན་ཆེན་པོ་དང་ལྡན། དེ་ཡང་བྱེད་པ་པོ་རྣམས་བརྟུལ་ཞུགས་རྐུང་བས་ཤ་ལྔ་བདུད་རྩི་ལྔ་ལ་སོགས་བརྫས་སུ་བསྡུ་ནུས་པ་དཀའ་ཡང་། བཱ་ལ་གཙོ་བོར་གྱུར་པའི་བཟའ་བ་རྣམས་ཐབས་ཀྱི་ཆ་དང་། མ་དན་གཙོ་བོར་གྱུར་པའི་བཏུང་བ་རྣམས་ཤེས་རབ་ཀྱི་ཆར་བསྡུས་ནས་ཚོགས་པར་བྱེད་པ་ལ་ཚོགས་ཞེས་བྱ་སྟེ། དེ་ལའང་འཁོར་ལོ་དང་མཆོད་པའི་མིང་གི་ཁྱད་པར་ནི་བྱེད་པ་པོ་ལྟ་སྤྱོད་ཕུན་སུམ་ཚོགས་མིན་དང་། དངོས་འབྱོར་གྱི་ཡོ་བྱད་རླབས་ཆེ་ཆུང་ལ་བརྟགས་སོ་ཟེར་བ་ལའང་འགལ་བ་མེད་དེ། སངས་རྒྱས་ཀྱི་ཆོས་རྣམ་པ་ཐམས་ཅད་དུ་གསུངས་ཀྱང་སྡེ་སྣོད་ཀྱི་རྣམ་པར་དབྱེ་བ་དང་། འདུས་པའི་ཁྱད་པར་ལས་འཁོར་ལོ་གསུམ་ཞེས་གྲགས་པས་མཚོན་ནོ། །དེང་སང་སྔ་འགྱུར་གྱི་ཚོགས་ལ་སྤྱོ་བ་བྱེད་པ་དག་ཀྱང་ཟ་འདོད་ལ་མཐུན་པས་རང་གཞུང་ལ་མེད་བཞིན་ཆོག་སྒྲིག་གསང་བ་བྱེད་པར་སྣང་ལ་དོན་དུ་ནི་སྦོམ་པོ་བརྒྱད་ཀྱི་རྣམ་གྲངས་བདེན་ཚོགས་ཀྱི་འཁོར་ལོ་ནི་འདོད་རྒྱལ་དུ་བྱས་པ་མ་ཡིན་པས་སྔགས་ཀྱི་སྦྱོར་སྒྲོལ་གྱི་མཆོད་པ་གཉིས་ཀའི་རྣམ་གཞག་ཚད་ཕྱིར་ཐོག་མཐའ་བར་གསུམ་གྱི་རྣམ་དབྱེས་བསྟན་པ་འདི་ལེགས་པ་ཡིན་ནོ། །དེ་ཙམ་ནི་ཕྱིའི་ཚོགས་ཀྱི་འཁོར་ལོ་ཐུན་མོང་བ་སྟེ། ཐུན་མོང་མ་ཡིན་པ་འདུ་བ་དང་ཉེ་བའི་

(༨༤༦)འདུ་བ་ལ་བརྟེན་ནས། ཡུལ་ཉེར་བཞིའི་དཔའ་བོ་དང་རྣལ་འབྱོར་མའི་ཚོགས་མཉེས་པར་བྱེད་པའི་ནང་དང་གསང་བའི་ཚོགས་ཀྱི་འཁོར་ལོས་བསོད་ནམས་དང་ཡེ་ཤེས་ཀྱི་ཚོགས་བཙན་ཐབས་སུ་རྫོགས་པར་བྱེད་པ་ནི་དབང་པོ་རྣོན་པོ་རྒྱུའི་སྟོབས་ཅན་གྱིས་སྤྱོད་ཡུལ་ལོ། །ཡང་ལྷ་བསངས་འདི་ལྷོ་གཏེར་བྱང་གཏེར་གཉིས་སུ་གྲགས་པའི་ལྷོ་གཏེར་ཀུན་མཁྱེན་ཆེན་པོས་ཆོག་བསྒྲིགས་མཛད་པ་དེང་དེ་རང་གི་བློ་ལ་ལེགས་པར་མཐོང་ཞིང་དེའང་བཟོ་བཅོས་རེ་མང་སོང་བའི་ཆོག་བསྒྲིགས་གསར་མ་རེ་གཉིས་འདུག་བདེ་ལ་དགོས་པ་གང་ཡོད་གསུང་བ་ལྷ་བསངས་རང་ངོའི་དམིགས་པ་དང་། མགྲོན་བསྡུ་ལུགས་སོགས་ནི་ཀུན་མཁྱེན་པའི་བདེ་ལེགས་ཀུན་འབྱུང་ལས་ལེགས་པ་འོང་མི་ཤེས་པ་དེ་ཀ་ནས་ཀྱང་དགོངས་འདུག་པ་དང་། ཆོ་ག་བསྒྲིགས་བསྐྱར་མ་ལ་བདག་བསྐྱེད་བཅུག་པ་དགོས་པའི་ལུགས་སུ་བྱས་འདུག་ཀྱང་། སྤྱིར་ལྷ་བསངས་ནི་མཆོད་སྦྱིན་ལ་གཙོ་བོར་དམིགས་པ་ཡིན་པས་བདག་བསྐྱེད་དགོས་པའི་ངེས་ཏིག་ཀྱང་མ་མཐོང་ཞིང་། གལ་ཏེ་འདོད་ནའང་ཀུན་མཁྱེན་རང་གི་གསུང་ཐོར་བུ་ན་བཅུག་ཆོག་མ་ཡོད་པ་དེས་འཐུས་ལ་རྒྱུ་མཚན་དེས་སངས་རྒྱས་གཉིས་པ་ལྟ་བུའི་གཞུང་ལ་བསྒྱུར་བཀོད་བྱེད་པ་ནི་བྱིན་རླབས་ཉམས་པའི་རྒྱུར་འདུག་པས་ད་ལམ་ཀུན་མཁྱེན་ཆེན་པོའི་ཕུད་སྐོང་ལ་བསྡུ་བ་གྱིས་གསུང་ཡང་མཁས་པའི་གཞུང་མ་བཤིག་པར་འདོན་ཚིག་ཉུང་ངུ་འགྲོ་རྩིས་ཀྱིས་ཕུད་རབས་བརྔན་སྦྱིན་རྒྱ་མཚོ་གསར་བརྩམས་བགྱིས་ཡོད། གཏམ་ཚོགས་ལེའུ་ང་བདུན་པའོ།། །།འཕགས་པ་སྟོང་ཕྲག་བརྒྱ་པ་ལས་འབྲོས་པའི་གཏ། དེ་ཁོ་ན་ཉིད་ཀྱི་མེ་ལོང་ཞེས་བྱ་བ། འཕགས་པ་སྟོང་ཕྲག་བརྒྱ་པའི་སྙིང་པོ་ལས་འཕྲོས་པའི་གཏམ། དེ་ཁོ་ན་ཉིད་ཀྱི་མེ་ལོང་ཞེས་བྱ་བ། རྫོགས་པའི་སངས་རྒྱས་ལ་ཕྱག་འཚལ་ལོ། །འཕགས་པ་བརྒྱད་སྟོང་པ་ལས། ཅི་ལྟར་སོ་སོར་རྟོག་པ་ན། ཆོས་ཉིད་དེ་ལ་ཆོས་ཉིད་ཀྱི་རང་བཞིན་ཡོད་པ་ཡིན་ནོ་ཞེས་ཡང་དག་པར་རྗེས་སུ་མི་མཐོང་བར་དེ་ལྟར་མི་གཡེངས་པའི་སེམས་ཀྱི་རྒྱུད་ཀྱི་

(༨༤༧)སོ་སོར་རྟོག་པར་བྱ་སྟེ། ཞེས་པའི་དོན་ནི། སྤྱིར་གྲུབ་མཐའ་འོག་མ་དག་ཏུ་འདུ་ཤེས་དང་བཅས་པའི་འདུས་བྱས་ཀྱི་རིག་པ་དཔྱད་བཟོད་པ་དག་ལ་ཡང་སོ་སོར་རྟོག་པའི་སྒྲ་ཙམ་འཇུག་ཀྱང་། རྣམ་པར་ཐར་པའི་སྒོ་གསུམ་སྟོན་པའི་སྐབས་འདིར་ནི། ཚིག་ལ་སྟོན་ཀྱང་དོན་ལ་མི་སྟོན་པ་རྣམ་པར་དག་བྱེད་ཀྱི་ཤེས་པའམ། རྟོག་དཔྱོད་དང་བྲལ་བའི་ཡེ་ཤེས་ལ་སོ་སོར་རྟོག་པའི་སྒྲས་བསྟན་པ་སྟེ་དོན་ཏུ་སྦྱོར་ན་སྒོམ་པའི་ཤེས་རབ་ཀྱི་མིང་ཡིན་ལ། ཅིའི་ཕྱིར་ན། ཆོས་ཉིད་དེ་ལ་ཞེས་པས་ཆོས་ཉིད་ནི་དོན་དམ་བདེན་པའི་ཚིག་བླ་དགས་དང་། ཆོས་ཉིད་ཀྱི་རང་བཞིན་ཡོད་པ་ཡིན་ནོ་ཞེས་ཡང་དག་པར་རྗེས་སུ་མི་མཐོང་བ་ཞེས་པས། རང་བཞིན་ཞེས་པ་ནི་ངོ་བོ་ཉིད་ཀྱི་མིང་དུ་གྲུབ་པས། དེ་ལ་དེ་ལྟར་ཡོད་པའི་གཏན་ཚིགས་དང་བློའི་དྲི་མ་སྤོང་བའི་ཐ་ཚིག་ཏུ་ཡང་དག་པར་རྗེས་སུ་མི་མཐོང་ཞེས་བསྟན་ལ། དེ་ལྟར་མི་མཐོང་བ་དེ་ནི་ཆོས་ཀྱི་མིག་རྡུལ་བྲལ་དུ་མཐོང་བའི་ཆོས་ཉིད་དམ་པ་ཡིན་པས། དེའི་རྒྱུན་ལ་མི་གཡེངས་པའི་དྲན་པའམ། སེམས་ཀྱི་རྒྱུད་རྒྱུན་ཆགས་པ་ནི་འཕགས་པའི་བདེན་པ་དངོས་ཡིན་པས་དོན་དེ་ལ་སོ་སོར་ཏོག་པ་སྟེ་རང་བཞིན་ཡོངས་ཤེས་ཀྱིས་བསྒོམས་པའི་དོན་ཏེ། དེ་སྐད་དུ་མགོན་པོ་བྱམས་པས་ཀྱང་། །རྣམ་རིག་མ་མཆིས་དངོས་མ་མཆིས། །སྟོང་པའི་ཆོས་ནི་རྟོགས་པར་ཤོག །ཅེས་པས་གསལ་ལོ། །དེ་བཞིན་དུ་སྔ་མའི་འཕྲོ་ལས། ཆོས་ཉིད་དེའང་ཡང་དག་པར་རྗེས་སུ་མི་མཐོང་བས། ཡང་དག་པའི་མཐའ་མངོན་སུམ་དུ་མི་བྱེད་དེ། །ཞེས་པའི་དོན་ནི་ཉན་ཐོས་ཀྱི་ལམ་དུ་རྒྱུ་ཀུན་འབྱུང་དང་འབྲས་བུ་སྡུག་བསྔལ་གཉིས། ལམ་གང་ཟག་དང་ཆོས་ཀྱི་བདག་མེད་གཉིས་ཀྱིས་འགོག་པའི་ཞིབ་ཕྱོགས་གཅིག་པ་ནི་ཡང་དག་པའི་མཐའ་ཡིན་ལ་རང་ངོ་ལ་འབྲས་བུའི་མཐར་ཐུག་པ་ཉིད་ཀྱང་བྱང་ཆུབ་སེམས་དཔའི་ལམ་གྱིས་གཞལ་ན་དཔྱད་མི་བཟོད་པའི་ཤེས་སྒྲིབ་དང་བཅས་པའི་འབྲས་བུ་ཉི་ཚེ་བ་ཡིན་པས་ན། འཇུག་པ་ལས་ཀྱང་། ཉན་

(༨༤༨)ཐོས་སངས་རྒྱས་འབྲིང་རྣམས་ཐུབ་དབང་སྐྱེས། །ཞེས་ཉན་རང་གི་བྱང་ཆུབ་ལ་སངས་རྒྱས་འབྲིང་གི་ཐ་སྙད་བཞག་ལ། དེའི་ཡང་དག་པའི་མཐའ་མངོན་སུམ་དུ་མི་བྱེད་པ་ནི་ཉན་རང་ལྟར་ཞིབ་ཕྱོགས་གཅིག་ཏུ་མྱ་ངན་ལས་མི་འདའ་བར། ཡིད་ལ་བྱེད་པ་དང་བྲལ་བའི་རྣམ་པ་ཀུན་གྱི་མཆོག་ལྡན་ཞེས་བྱ་བ་ཚིག་དང་དཔེས་མཚོན་ནི་ནུས་པས་ལམ་གྱི་བདེན་པ་སྤངས་ལ། ཡིད་དང་ཆོས་ལས་སྐྱེས་པའི་ཤིས་བྱས་དཔྱད་མི་བཟོད་པ། སངས་རྒྱས་སྐུ་གསུམ་གྱི་འཆར་གཞིར་གྱུར་པའི་ཡེ་ཤེས་དེ་ནི། དབུ་ཕྱག་རྫོགས་པ་ཆེན་པོའི་གྲུབ་མཐའི་ཁ་འཛིན་ཞིང་། གཏན་ཚིགས་འགོད་པ་རྣམས་ཟོབ་མར་གཏོང་པ་ཞིག་སྣང་བར་དགའ་རབ་རྡོ་རྗེ་དང་། སར་ཧ་དང་། ཀླུ་སྒྲུབ་ཀྱི་བྱིན་རླབས་ཞུགས་པ་འགའ་ཙམ་གྱིས་རྟོགས་པའི་དམ་ཆོས་ཡང་དག་པའོ། །དེ་ལྟ་བས་ན་སྔ་མའི་འཕྲོ་ལས་ནན་ཏན་གྱི་ཚུལ་དུ། དེའི་ཕྱིར་རྣམ་པར་ཐར་པའི་སྒོ་སྟོང་པ་ཉིད་ཀྱི་ཏིང་ངེ་འཛིན་ལ་མཉམ་པར་འཇོག་ཅིང་། ཡང་དག་པའི་མཐའ་མངོན་སུམ་དུ་མི་བྱེད་དོ། །ཞེས་པས། རྣམ་པར་ཐར་པའི་སྒོ་སྟོང་པ་ཉིད་ནི། ཕུང་པོ་ལྔ་དང་ཚོགས་བརྒྱད་ཀྱི་དྲི་མས་མ་གོས་པའི་མཐའ་བརྒྱད་སྤྲོས་བྲལ་གྱི་ཆོས་ཉིད་བསམ་གྱིས་མི་ཁྱབ་པ་ཡིན་པས། ཤེར་ཕྱོགས་ཐམས་ཅད་དུ་སྟོང་པ་ཉིད་ལ་གཟུགས་མེད་ཅེས་པ་ནས། ཐོབ་པ་མེད། མ་ཐོབ་པ་ཡང་མེད་དོ་ཞེས་པའི་བར་གསུངས་ལ། དེ་ལྟར་རྣམ་པར་ཐར་པའི་སྒོ་དང་པོ་དེ་ཡང་རང་བཞིན་ཡོངས་ཤེས་ཀྱི་བདེན་པས་མ་ཟིན་ན། སྟོང་པ་ཉིད་ལ་ལྟ་ཉེས་ན། །ཤེས་རབ་ཆུང་རྣམས་ཕུང་བར་འགྱུར། །ཅེས་པ་ལྟར། སྟོང་བར་བལྟ་བའི་གོལ་སྒྲིབ་སྤང་བའི་ཕྱིར་མཚན་མ་མེད་པ་དང་། ཐོབ་བྱའི་ཡིད་སྨོན་ལྡོག་པའི་ཕྱིར་སྨོན་པ་མེད་པ་ཞེས་ངོ་བོ་གཅིག་ལ་ལྡོག་ཆ་གསུམ་དུ་ཕྱེ་ལ། ཡང་དག་པའི་མཐའ་མངོན་དུ་མི་བྱེད་པ་ནི། སངས་རྒྱས་ཀྱི་ལམ་ལྔ་མངོན་དུ་མཛད་པ་དང་སྦྱར་ན། གྲངས་མེད་དང་པོར་ཚོགས་སྦྱོར། གཉིས་པར་མཐོང་ལམ་ནས་བཟུང་མ་དགས་བདུན། གསུམ་པར་དག་

(༨༤༩)ས་གསུམ་རྫོགས་ཀྱང་། ཞིབ་ཕྱོགས་གཅིག་པའི་ཡང་དག་མཐའ་མངོན་དུ་བྱས་ན་སྨོན་ལམ་མི་རྫོགས། དེ་མ་རྫོགས་ན་སེམས་ཅན་གྱི་ཁམས་སྨིན་པར་མི་ནུས། དེ་མ་ནུས་ན་ཞིང་ཁམས་སྦྱོང་བར་མི་ནུས་པས་རྫོགས་སྨིན་སྦྱངས་གསུམ་མཐར་མི་ཕྱིན་པའི་ཕྱིར་རོ། །ཡང་བྱང་ཆུབ་སེམས་དཔའ་རྣམས་ཀྱི་ཐབས་ལ་མཁས་པ་ཞེས་བྱ་བ་ནི། ཕ་རོལ་ཏུ་ཕྱིན་པ་ལྔ་དང་། ཀུན་རྫོབ་བྱང་ཆུབ་ཀྱི་སེམས་ཁོ་ན་ལ་བྱ་བས་ན་ཞི་བའི་ལྷས་ཀྱང་། ཡན་ལག་འདི་དག་ཐམས་ཅད་ནི། །ཐུབ་པས་ཤེས་རབ་དོན་དུ་གསུངས། །ཞེས་པས་གསལ་ལོ། །སེང་གེ་བཟང་པོའི་འགྲེལ་ཆེན་ལ། །བརྟག་དཔྱད་མ་བགྱིས་དེས་འཁྲུལ་སྲིད། །རྟག་ཏུ་མཉམ་པར་བཞག་པ་ཡི། །རང་བཞིན་མཐོང་བས་མ་འཁྲུལ་སྲིད། །འཁྲུལ་ན་རྫོགས་སངས་རྒྱས་ལ་བཤགས། །མ་འཁྲུལ་དགེ་རྩ་ཡོངས་ལ་བསྔོ། །འདི་ཡང་དགོན་རྩེ་སྤྲུལ་པའི་སྐུས། །གསུང་ངོར་འཇིགས་མེད་གླིང་པས་སོ། །གཏམ་ཚོགས་ལེའུ་ང་བརྒྱད་པའོ།། །།གྲུབ་པའི་མཐའ་རབ་ཏུ་འབྱེད་པའི་གཏམ་རྟོག་གེའི་གཉེན་པོ་ཞེས་བྱ་བ། བླ་མ་ལ་ཕྱག་འཚལ་ལོ། །པད་དཀར་ལྟར་བསྔགས་ཤཱཀྱའི་རྒྱལ། །ཚེ་དབང་རིག་འཛིན་པདྨ་འབྱུང་། །ཐུགས་རྗེའི་མངའ་བདག་སྤྱན་རས་གཟིགས།་ །རྗེ་བཙུན་འཇམ་པའི་དབྱངས་ལ་འདུད། །གང་ཞིག་ཕར་ཕྱིན་ཐེག་པ་ལ། །ལམ་ཁྱད་མྱུར་བུལ་རྣམ་པ་ལྔ། །ཕྱུགས་གླང་ཤིང་རྟ་ཉི་ཟླའི་འགྲོས། །ཉན་རང་སངས་རྒྱས་བྱང་སེམས་ཀྱི། །རྫུ་འཕྲུལ་འགྲོས་དང་ལྔར་འདོད་པ། །དབང་པོ་རྣོ་རྟུལ་ཁྱད་པར་ལས། །ཐེག་པ་ཐ་དད་མ་དབྱེ་མོད། །ངེས་དོན་གཏིང་ལ་དབོགས་སམ་མིན། །དང་པོ་མཆོག་གི་གདུལ་བྱ་དང་། །ཕྱི་མ་ཕལ་པའི་གདུལ་བྱར་ངེས། །རྡོ་རྗེ་ཐེག་པའི་ཐབས་ལམ་ནི། །ངེས་པར་དབང་རྣོན་ལམ་ཡིན་ཡང་། །དེ་ཡི་འཇུག་པར་མ་ཁྱབ་པས། །ཕུང་ཁམས་སྐྱེ་མཆེད་རྟེན་འབྲེལ་འབྱུང་། །ཐོས་དང་བསོད་ནམས་ཡེ་ཤེས་ཚོགས། །ཟག་བཅས་སམ་ནི་ཟག་

(༨༥༠)པ་མེད། །བསྐྱེད་རྫོགས་གཉིས་ལས་ལམ་བགྲོད་ཚུལ། །གནམ་ས་ལྟ་བུའི་ཁྱད་ཞུགས་པས། །རིམ་དང་ཅིག་ཅར་ཐོད་རྒལ་གསུམ། །བདེན་པ་མཐོང་བ་སྔ་ཕྱི་ཡོད། །དབང་པོ་ཡང་རབ་ལས་སད་ཀྱིས། །སྤྲོས་བྲལ་གཞི་མེད་རྩ་བྲལ་རྟོགས། །དབང་འབྲིང་སྣང་རིག་ཟུང་དུ་འདུག །ཐ་མས་སྣང་བ་སེམས་སུ་རྟོགས། །དམ་པའི་མགོན་གྱིས་མ་ཟིན་ཅིང་། །དད་པས་ཆོས་ཉིད་མ་མཐོང་བ། །ཕལ་ནི་སེམས་རིག་མ་ཕྱེད་བཞིན། །རྟོག་པ་སྣ་སྐྱིལ་འདུ་བྱེད་ཀྱི། །གཟུང་དྲན་ཐེག་པའི་ཡང་རྩེར་སྒོམ། །བློ་ཡུལ་རྟོག་པར་འཁྲུལ་པ་མང་། །དེ་ལ་སྟོན་པའི་བསྟན་པ་དང་། །ལོག་པར་ལྟ་བའི་གྲུབ་མཐའ་གཉིས། །ལྟར་སྣང་ཙམ་ལ་སྐྱབས་འགྲོས་བྱེད། །དངོས་ནི་ཐར་ལམ་ཡོད་མེད་ཡིན། །དཀོན་མཆོག་གསུམ་ལ་སྐྱབས་སོང་བ། །ནང་པའི་གང་ཟག་གཞན་དུ་ཕྱི། །དེ་ལའང་མཐོ་རིས་ལམ་ཡོད་མེད། །གཉིས་ལས་དང་པོ་གྲུབ་མཐའ་བཟང་། །རྟོགས་པས་བརྟགས་པའི་ལྟ་ལོག་ནི། །སུམ་བརྒྱ་དྲུག་ཅུ་ཡོད་སྲིད་ཀྱང་། །བསྡུ་ན་རྟག་ཆད་གཉིས་སུ་འདུ། །ལྟ་སྤྱོད་བཀའ་རྟགས་རྣམ་པ་བརྒྱད། ཁས་ལེན་ནང་པ་མི་ལེན་ཕྱི། །དེ་ལ་ལྟ་བ་བཀའ་རྟགས་ནི། །འདུས་བྱས་འཇིག་དང་ཆོས་རྣམས་སྟོང་། །སྡུག་བསྔལ་ཟག་པ་མྱང་འདས་ཞི། །དེ་བཞི་ལྟ་བ་བཀའ་རྟགས་ཡིན། །སྤྱོད་པ་བཀའ་རྟགས་རྣམ་བཞི་ནི། །ས་ཚྭ་གདབ་དང་ཆུ་སྦྱིན་བྱ། ཁ་འབར་མ་དང་སུ་རཱུ་པ། །འཕྲོག་མར་ཆངས་བུ་སྦྱིན་པའོ། །ཐུབ་པས་ཆོས་ཀྱི་སྒོ་མོ་ནི། །བརྒྱད་ཁྲི་བཞི་སྟོང་གསུངས་པ་ལ། །ཐེག་པ་མཆོག་དམན་ཁྱད་པར་དང་། །ཆོས་ཀྱི་ཕུང་པོའི་ངོས་འཛིན་སོགས། །ལྤོག་པ་ཐ་དད་ཡོད་མོད་ཀྱི། །ཡོངས་གྲགས་ཆོས་འཁོར་གསུམ་དུ་བསྡུ། །རང་ལུགས་གྲུབ་མཐའ་མཛོད་དུ་བལྟའོ། །དང་པོ་བདེན་བཞིའི་ཆོས་འཁོར་ནི། །སྡུག་བསྔལ་ཤེས་བྱ་ཀུན་འབྱུང་སྤང་། །འགེག་པ་མངོན་བྱ་ལམ་།།།རྒྱུད་བསྟེན། །བདེན་བཞི་ལན་གསུམ་བཟློས་པ་ཡིས། །རྣམ་པ་ཡན་ལག་བཅུ་

(༨༥༡)གཉིས་བྱུང་། །བར་པ་མཚན་ཉིད་མེད་པ་ནི། །རྣམ་ཐར་སྒོ་གསུམ་ལས་བརྩམས་གསུངས། །དེ་ལ་རྒྱས་འབྲིང་བསྡུས་གསུམ་སྟེ། །ཡུམ་དང་ཉི་ཁྲི་བརྒྱད་སྟོང་པ། །སྡུད་པ་ཤེར་སྙིང་ཡི་གེ་གཅིག །ཐ་མ་ལེགས་ཕྱེའི་ཆོས་འཁོར་ནི། །ཀུན་བརྟགས་གཞན་དབང་ཡོངས་གྲུབ་གསུམ། །ཀུན་བརྟགས་རྟོག་པས་སྒྲོ་བཏགས་ལ། །གཞན་དབང་དེ་ཡི་ལས་བསགས་མྱོང་། །ཡོངས་གྲུབ་ཆོས་དབྱིངས་འདུས་མ་བྱས། །དེ་ལ་གཉིས་ཡོད་གཞན་དུ་གསལ། །འཁོར་ལོ་གསུམ་པོ་རིམ་པ་བཞིན། །དང་པོས་འདུལ་བའི་སྡེ་སྣོད་སྟོན། །བར་པས་མདོ་སྡེའི་སྡེ་སྣོད་སྟོན། །ཐ་མས་མངོན་པའི་སྡེ་སྣོད་སྟོན། །གསུམ་པོའང་དྲང་ངེས་གཉིས་སུ་འདུ། །གཉིས་པོའི་གྲུབ་མཐའ་གང་བཟུང་ཡང་། །རང་ལམ་སོ་སོའི་བསམ་སྦྱོར་དངོས། །རྒྱུད་ལ་སྐྱེས་པའི་གང་ཐག་ལ། །ཐེག་ཆེན་པའམ་དམན་པར་བཏགས། །དབྱེ་བའི་སྒོ་ནས་དམན་མཆོག་གི །གྲུབ་མཐའ་སྨྲ་བ་རྣམ་བཞི་ལས། །དང་པོ་དྲང་དོན་ཐེག་དམན་ལམ། །ཉན་ཐོས་ལ་ནི་མདོ་སྡེ་པ། །བྱེ་བྲག་སྨྲ་བ་རྣམ་གཉིས་ཡོད། །སྔ་མས་ལྡན་མིན་འདུ་བྱེད་དང་། །འདས་དང་མ་འོངས་འདུས་མ་བྱས། །བཏགས་ཡོད་ཙམ་དང་ད་ལྟར་བའི། །རྡུལ་ཕྲན་ཤེས་པ་སྐད་ཅིག་གཉིས། །ཆ་མེད་བདེན་གྲུབ་ཡིན་ནོ་ཟེར། །ཕྱི་མས་སྣང་བདོ་ནང་མ་སྨྲ། །ཡུལ་དང་དབང་པོ་བདེན་གྲུབ་ལས། །རྣམ་པར་ཤེས་པ་སྐྱེ་བོ་ཟེར། །ཐེག་ཆེན་པ་ལ་སེམས་ཙམ་དང་། །དབུ་མ་གཉིས་ལས་སྔ་མར་ཡང་། །སེམས་ཙམ་རྣམ་བདེན་རྣམ་རྫུན་གཉིས། །བློ་ལ་ཆེ་ཆུང་ཁྱད་ཞུགས་པས། །གོང་མའི་གྲུབ་མཐས་འོག་མ་དག་།།།ང་། །རྣམ་བདེན་པ་ཡིས་མདོ་སྡེ་བར། །ཕྲ་རབ་རྡུལ་ལས་གྲུབ་མི་འཐད། །རྡུལ་ཕྲན་ཆ་མེད་དེ་ལ་ཡང་། །ཕྱོགས་བཅུའི་བར་དུ་ཆ་ཕྱེ་བས། །དེ་ཡང་གྲུབ་པ་མེད་པར་རྟོགས། །སྣང་བ་སེམས་སུ་བདེན་པར་འདོད། །ཕྱི་རོལ་མ་གྲུབ་རྨི་ལམ་བཞིན། །དཔེར་ན་མིག་ཤེས་ཀྱིས་ནི་གཟུགས། །མཐོང་ཡང་རང་གིས་རང་མཐོང་སྟེ། །གཟུགས་ཀྱི་རྣམ་པར་འཆར་བའི་རྒྱུ། །ཤེས་པ་

(༨༥༢)ལས་གཞན་རང་མཚན་པའི། །གཟུགས་ཀྱི་རྣམ་པར་གཏོང་བྱེད་མེད། །ཟེར་རོ་སེམས་ཙམ་རྣམ་རྫུན་པས། །ཕྱི་རོལ་ཡུལ་མེད་འཛིན་ཤེས་མེད། །གཟུང་འཛིན་གཉིས་མེད་རང་གསལ་འདི། །བདེན་ལ་ཀུན་གཞིའི་རྣམ་ཤེས་སུ། །འདོད་ནས་ལས་འབྲུས་འདི་རུ་འཇོག །ཉམས་རྟོགས་བྱེ་བྲག་མ་ཕྱེད་བཞིན། །དབེན་པར་ན་ཚོད་ཐལ་བ་དང་། །ཐེག་པ་ཆེ་ཆུང་གཉིས་ཀ་རུ། །ལུང་མ་བསྟན་པའི་ཀུན་འབྱུང་ཁམས། །རྡོ་རྗེ་ཐེག་པའི་ལམ་མཆོག་ཏུ། །མངོན་ལམ་ཆོས་ཀྱི་མིག་བྲལ་རྣམས། །གནས་ལུགས་འདི་ལས་དཔགས་པ་མེད། །དེ་འདྲ་མཐོང་ནས་འགའ་དང་འགའ། །རྫོགས་ཆེན་ཀ་དག་དགོངས་པ་ལ། །སེམས་ཙམ་ཉིད་དུ་བསྙད་པ་དང་། །གཟུང་འཛིན་རྫས་གཞན་མེད་ཙམ་ལ། །དེ་ཉིད་བཀག་པར་རློམ་པ་ཡིས། །ཕྱི་དོན་རྣམ་རིག་བདེན་གྲུབ་ཀྱི། །སྟོང་ཉིད་བློ་ཡིས་བསྒྲུབས་པ་ཡིས། །རྟོག་གེའི་མཛུབ་མོའང་ནང་དུ་ཁུག །དབུ་མ་ཐལ་རང་རྣམ་གཉིས་ལས། །རང་རྒྱུད་པ་ནི་ཆོས་རྣམས་ཀུན། །བདག་མེད་བདེན་པར་མེད་པ་དང་། །རང་བཞིན་མེད་ལ་མ་གྲུབ་པའི། །དམ་བཅའ་འཛིན་པ་ཁྱད་པར་རོ། །ཐལ་འགྱུར་བ་ནི་སྒྲ་རྟོག་གི། །ཞེན་ཡུལ་བརྗོད་མིན་ལྷན་སྐྱེས་དང་། །ཤིན་ཏུ་འགལ་ཕྱིར་བདེན་པ་གཉིས། །ཅིག་ཅར་སྟོན་པའང་ཁས་མི་ལེན། །ང་ལ་ཁས་ལན་མེད་པས་ན། །ང་ནི་སྐྱོན་མེད་ཁོ་ན་ཡིན། །ཞེས་པས་ཆོས་ཀུན་ངོ་བོས་སྟོང་། །ཡུལ་གྱི་རང་ངོས་མ་གྲུབ་ཅིང་། །རང་གི་མཚན་ཉིད་མ་གྲུབ་དང་། །ཆོས་ཀུན་ཅིར་ཡང་མ་གྲུབ་པས། །རྟག་ཆད་འགྲོ་འོང་ཡོད་མེད་དང་། །སྐྱེ་འགག་གཉིས་མེད་ལ་སོགས་ཀྱི། །སྤྲོས་པའི་མཐའ་དང་བྲལ་བ་ནི། །རྩ་ཤེའི་དགོངས་པ་ཉིད་ཡིན་ནོ། །དེ་ཡི་གནས་ལུགས་བསམ་མི་ཁྱབ། །གཞན་རྣམས་དགག་གཞག་ཚིག་ལ་རྩོད། །མཐའ་བཀག་མཐུན་འཇུག་གྲུབ་མཐའ་འཛིན། །དེ་ནི་སྐྱེ་བའི་བདག་ཉིད་ཅན། །ཐབས་ཀྱི་སྒོམ་པ་ཉིད་ཡིན་པས། །སེམས་དང་སེམས་བྱུང་འཇིག་མི་ཤེས། །འདིར་

(༨༥༣)ནི་ཟད་པའི་བདག་ཉིད་ཅན། །སྲིད་པ་མཐར་བྱེད་ཤེས་རབ་ཀྱིས། །མཚན་མ་དང་ནི་རྣམ་རྟོག་ཀུན། །རང་བཞིན་ཉིད་དུ་ཟད་པའི་ཕྱིར། །ཟད་དང་མི་སྐྱེ་ཤེས་པའི་དོན། །གཉུག་མའི་དེ་ཉིད་དངོས་ཡིན་ནོ། །ཡོད་མེད་བློ་ཡིས་མཐའ་བྲལ་དུ། །བསྒྲུབས་ལ་གཉུག་མའི་དེ་ཉིད་མེད། །མཉམ་གཞག་ནམ་མཁའ་ལྟ་བུ་ཞེས། །སྟོང་པའི་འཛིན་སྟངས་སྒོམ་ལ་ཡང་། །གཉུག་མའི་དེ་ཉིད་ཡོད་མ་ཡིན། །ལྷག་མཐོང་སོར་རྟོག་ཡེ་ཤེས་ཞེས། །ཤེས་བྱས་རྣམ་པར་དཔྱོད་ལ་ཡང་། །གཉུག་མའི་དེ་ཉིད་ཡོད་མ་ཡིན། །རྗེས་ཐོབ་སྒྱུ་མ་ལྟ་བུ་ཞེས། །རྟོག་པ་ཉིད་འཁྲུལ་ཅན་ལ་ཡང་། །གཉུག་མའི་དེ་ཉིད་ཡོད་མ་ཡིན། །སྒོམ་གྱི་རྩ་བ་དྲན་པ་ཞེས། །ཆེད་འཛིན་བྱས་པའི་ཀུན་འབྱུང་ལའང་། །གཉུག་མའི་དེ་ཉིད་ཡོད་མ་ཡིན། །མཐོང་སྤངས་སྒོམ་སྤངས་གོ་ཡུལ་གྱི། །ངེས་ཤེས་ཉམས་ཀྱིས་བསྒྲིབས་ལ་ཡང་། །གཉུག་མའི་དེ་ཉིད་ཡོད་མ་ཡིན། །ཆོས་ཉིད་ཡེ་གྲོལ་ཉག་གཅིག་ཡིན། །དེ་བཞིན་ཉིད་ནི་རང་སོར་ཞོག །བཞག་གོ་སྙམ་པའི་འཛིན་སྟངས་སྤངས། །སྤངས་སོ་སྙམ་པའི་ངེས་ཤེས་གློད། །རིག་པའི་གསལ་མདངས་ཀུན་ལ་བརྡལ། །སྟོང་པའི་ཡེ་ཤེས་མཁའ་ལྟར་དག །རིག་སྟོང་གཉིས་མེད་ཆོས་ཀྱི་སྐུ། །ཡིད་བྱེད་བྲལ་བའི་སྤྲོས་བྲལ་འདི། །གཉུག་མའམ་བདེ་གཤེགས་སྙིང་པོ་དངོས། །དེ་སྐད་དུ་ནི་ཀླུ་སྒྲུབ་ཀྱིས། །མྱ་ངན་འདས་པ་དངོས་མེད་པའང་། །མིན་ན་དེ་དངོས་ག་ལ་ཡིན། །ཞེས་གསུངས་འདི་ཉིད་མ་རིག་ན། །དྲན་པས་བཅར་བའི་གཤིས་ཤོར་ལ། །ཕྱག་རྒྱ་ཆེན་པོར་འདོད་པ་དང་། །བཅོས་ནས་བཞག་པའི་ཡེ་ཡིན་ལ། །དོ་ཧའི་དགོངས་པར་འདོད་པ་དང་། །དཔྱད་སྒོམ་རྣོན་པོའི་འཛིན་སྟངས་ལ། །ཞི་ལྷག་ཟུང་འབྲེལ་འདོད་པ་སོགས། །ཤེས་བྱའི་སྒྲིབ་པས་ཚར་བཅད་པས། །བསམ་བྱུང་ཡིན་ཡང་སྒོམ་པ་ཡིན། །རིག་པ་ཀློང་ནས་མ་གྲོལ་བར། །ཡིན་སྙམ་བཤད་པ་གོ་ཡུལ་ཙམ། །མཐའ་བརྒྱད་སྤྲོས་བྲལ་མ་རྟོགས་པར། །འཕགས་

(༨༥༤)ལམ་རྫོགས་ཆེན་དོན་མི་མཐོང་། །སྤྲོས་བྲལ་དེ་ཉིད་རྟོགས་པ་ལ། །ལས་རླུང་དབུ་མར་འདུ་དགོས་པས། །ཆོས་ཉིད་དྲན་པའི་རྩིས་བཟུང་ནས། །རྟོག་པ་རྒྱ་ཡན་མ་ཤོར་ན། །རླུང་སེམས་འཇུ་དྲན་རང་དེངས་ཡིན། །ནམ་མཁར་བྱ་ལྟར་འཁུར་བ་དང་། །ས་ལ་བྱི་ལྟར་འཛུལ་པ་ཡི། །གྲུབ་རྟགས་སོ་སྐྱེའི་ལམ་ལའང་ཡོད། །ཆས་ཉིད་བདེན་པ་མཐོང་བ་ནི། །སྒོ་ངའི་ནང་གི་ཁྱུང་ཕྲུག་འདྲ། །བརྗོད་བྱས་གཏན་ལ་དབབ་རུང་པའི། །ལམ་བདེན་ཐམས་ཅད་འདུས་བྱས་ཡིན། །དེ་ལ་ཆོས་ཉིད་རེ་བ་ཡི། །རྟོག་གེ་ཐམས་ཅད་རྣམ་པར་འཁྱམ། །མཆོད་དོ་སྒྲུབ་བརྒྱུད་བླ་མ་མཆོད། །ཐ་མལ་ཤེས་པ་སྒྲ་མི་སྙན། །མཁས་པའི་ཚོགས་ནི་དེ་ལ་བསྲིང་། །རྣམ་པར་གྲོལ་བའི་ཤུལ་ལམ་ཡིན། །རིག་པ་དེ་ལ་ཕྱག་བཙལ་ནས། །ཕངས་པའི་གདམས་ངག་གླུ་རུ་ལེན། །རྫོགས་པ་ཆེན་པོའི་ཁྲིད་ཚུལ་ལ། །བསྟན་པ་གཞན་གྱི་འཇུག་སྒོ་ཚང་། །ཐུན་མོང་སྔོན་འགྲོ་གནད་སོང་ན། །སྡུག་བསྔལ་བདེན་པ་ཤེས་པ་ཡིན། །ཐུན་མིན་སྔོན་འགྲོ་ཀུན་འབྱུང་གི། །རྒྱུ་འབྲས་སྤོང་བའི་གཉེན་པོར་འཆར། ཁྱད་པར་ཅན་གྱི་སྔོན་འགྲོ་ཡིས། །ལུས་སེམས་ཤིན་ཏུ་སྦྱངས་བྱས་ནས། །འཁོར་འདས་རུ་ཤན་ལེགས་བྱེད་ན། །འགོག་པ་མངོན་དུ་བྱ་བར་ནུས། །ཉག་གཅིག་རྩད་ནས་གཅོད་པའི་ཚེ། །དངོས་པོའི་གཤིས་ལ་མཚབ་བཙལ་བས། །འཁོར་འདས་སེམས་ཀྱི་རྩལ་དུ་རིག །དེ་ཚེ་ལམ་མཆོག་རྒྱུད་ལ་བརྟེན། །སྣང་བའི་ཡུལ་ལ་ཕར་དཔྱད་པས། །རང་བཞིན་མ་གྲུབ་སེམས་ཀྱིས་སྤྲུལ། །འཛིན་པའི་བློ་ལ་ཚུར་དཔྱད་པས། །རྣམ་ཤེས་རང་ངོའི་མཚན་ཉིད་ནི། །རང་རིག་རང་གསལ་ཙམ་དུ་མཐོང་། །སེམས་ཙམ་པའི་ལྟ་བ་དེ་རུ་རྫོགས། །དེ་ལ་བྱུང་གནས་འགྲོ་གསུམ་བརྟགས། །རྟག་ཆད་ཡོད་མེད་སྤྲོས་པས་དབེན། །འདུས་བྱས་དང་ནི་གློ་བུར་བས། །བཞག་པ་ཐམས་ཅད་བདེན་མེད་དུ། །རིག་པས་དཔྱད་བཟོད་དཔྱད་སྒོམ་སྟེ། །དཔྱད་འབྲས་མུ་བཞིའི་

(༨༥༥)སྤྲོས་དང་བྲལ། །དབུ་མ་པའི་ལྟ་བདེ་རུ་རྫོགས། །འཁྲུལ་ལུགས་ཆོས་ཅན་རྣམ་རྟོག་ལ། །ཆོས་ཉིད་དོན་དམ་རྒྱ་ཡིས་ཐེབས། །ཆོས་ཅན་སྟེང་ན་ཆོས་ཉིད་འཕྱོ། །ཕྱག་ཆེན་པའི་ལྟ་བདེ་རུ་རྫོགས། །ག་ནས་དག་པའི་ཆོས་སྐུ་ནི། །བཅིང་གྲོལ་ངོ་བོ་ཉིད་མེད་ཡིན། །འཁོར་འདས་རིག་པའི་ཀློང་ཡངས་སུ། །ཤེས་བྱ་གཤིས་ལ་ཕེབས་པ་ཡི། །གནས་ལུགས་ལ་རྫོགས་པ་ཆེན་པོར་གྲགས། །ལར་མཐའ་བརྒྱད་སྤྲོས་ཆེན་པོའི་དོན། །ཤེས་བྱས་གཞལ་ན་སྔགས་ལམ་མིན། །ཡེ་ཡིན་དུ་རིག་པས་ཁྲིབས་ཆོད་དང་། །ངང་ཡིན་ལ་རྫོགས་པས་རྫོགས་པ་ཆེ། །ངོ་བོ་ཉིད་མེད་ཀ་དག་ལ། །རྣམ་ཀུན་མཆོག་ལྡན་ལྷུན་གྲུབ་ཆེ། །གདོད་ནས་ཟུང་འཇུག་ཆོས་ཀྱི་སྐུ། །གཉིས་སུ་མེད་པས་ཉག་གཅིག་ཟེར། །ཡུལ་ལ་རྒྱས་འདེབས་སྤང་གཉེན་ཆོས། །ཡུལ་ཅན་རིག་སྟོང་རྟོགས་པ་ལ། །རྫོགས་པ་ཆེན་པོ་སེམས་སྡེར་གྲགས། །ཕྱག་ཆེན་འདྲ་ཡང་ཁྱད་གཞི་ལ། །རྟོན་དང་མི་རྟོན་ཕྱེད་པ་གཅེས། །ཆོས་ཉིད་གདོད་ནས་སྐྱེ་མེད་དང་། །རིལ་འཛིན་རྗེས་གཞིག་མ་ལགས་པར། །འགག་མེད་འོད་གསལ་དངོས་སུ་གཞུག །དེ་ལ་རྫོགས་ཆེན་ཀློང་སྡེར་གྲགས། །རིམ་ལྔ་འདྲ་ཡང་ཁྱད་གཞི་ལ། །རྟོན་དང་མི་རྟོན་ཕྱེད་པ་གཅེས། །དབྱིངས་ལ་ལྷུན་གྲུབ་ལོངས་སྐུའི་གདངས། །ཤེས་ཉམས་ཡིད་དཔྱོད་ཙམ་མིན་པར། །དབང་ཤེས་འབྲལ་བའི་མངོན་སུམ་ལམ། །སྐུ་ལྔར་སྨིན་པ་མན་ངག་སྡེ། །སྦྱོར་དྲུག་འདྲ་ཡང་ཁྱད་གཞི་ལ། །རྟོན་དང་མི་རྟོན་ཕྱེད་པ་གཅེས། ཁྱད་གཞིའི་དེ་ཉིད་མ་རིག་ན། ཁྱད་ཆོས་མུན་པའི་མདའ་ལྟར་འཁྱམ། །དེ་ཕྱིར་བསམ་གྱིས་མི་ཁྱབ་པའི། །གནས་ལུགས་མངོན་སུམ་བྱས་པ་ནི། །ཆོས་སྐུའི་དངོས་རྒྱུ་ངེས་པའི་དོན། །མཚན་གཞི་བརྗོད་ན་རྫོགས་ཆེན་ནམ། །རྡོ་རྗེ་སེམས་དཔའ་ནམ་མཁའ་ཆེ། །གཞན་དུ་དངོས་རྒྱུས་སྟོངས་པའི་ཕྱིར། །བརྒྱུད་ནས་ཐོབ་པ་རྗེས་དཔག་ལམ། །ཅི་ཕྱིར་བསམ་མི་ཁྱབ་པའི་དོན། །མངོན་དུ་མ་བྱས་དྲང་དོན་ཏེ། །

(༨༥༦)བདེ་བར་གཤེགས་སམ་སངས་རྒྱས་རྒྱུར། །ཡང་དག་སྦྱོང་བའི་ལུང་གིས་བཤད། །འདི་སྐད་དུ། གང་དག་བསམ་གྱིས་མི་ཁྱབ་པའི་གནས་མངོན་དུ་མ་བྱས་པ་དེ་དག་ནི་བདེ་བར་གཤེགས་པ་སྟེ། སངས་རྒྱས་ཉིད་ཡིན་ལ། མཚན་གཞི་ཡང་དག་པར་མཚོན་པ་ནི། རྡོ་རྗེ་སེམས་དཔའ་ཡང་དག་པའོ། །ཞེས་པས་གསལ་ལོ། །རྫོགས་པ་ཆེན་པོའི་ཆོས་ཉིད་འདི། །གླེང་བ་མང་སྟེ་རྟོགས་པ་ཉུང་། །རྟག་ཆད་ཡོད་ན་ལྟ་བ་ཉམས། །ལམ་གྱི་སྒྲིབ་པ་སྤང་བའི་ཕྱིར། །སྒོམ་བློ་མེད་པའི་རིག་ཆ་དགོས། །སྤང་བླང་ཡོད་ན་སྒོམ་པ་འདྲལ། །འགྱུར་མེད་ཡོངས་གྲུབ་ཆེན་པོ་ལ། །བྱ་རྩོལ་བྱས་པས་དེ་ཉིད་ཉམས། །ཡིད་དཔྱོད་ཡོད་ན་ཀ་དག་འཇིག །བདེ་གཤེགས་སྙིང་པོའི་ཆོས་ཉིད་ལ། །བསྐྱར་གྲོལ་བསྒོམས་པས་ཁྲེགས་ཆོད་ཤོར། །སྣང་བཞི་མེད་ན་ཐོད་རྒལ་འཇིག །སྐུ་གསུམ་དང་རྫོགས་མ་རིག་པར། །གཟུགས་སྣང་དངོས་པོར་ཞེན་པས་བསླུ། །གྲུབ་མཐའི་དེ་ཉིད་མ་རིག་བཞིན། །ཕྱོགས་ལྷུང་སྨྲ་ན་སྨྱོན་པའི་ངག །ལྟ་སྒོམ་བསྲེ་ན་མཁས་པ་ཉམས། །རྒྱལ་བའི་བསྟན་པ་ཀུན་ཁྱབ་ལ། །སྡེ་རིགས་ཕྱེ་ནས་བསུན་འབྱིན་པ། ཁ་ན་མ་ཐོའི་ནང་དུ་ཐུ། །ཤེས་བྱ་ཟད་མཐའ་མེད་པའི་ཕྱིར། །ཆོས་ནི་བློ་ཡི་རྗེས་འགྲོ་བས། །བདེན་གཉིས་མོས་པའི་རྗེས་སུ་འབྲང་། །དེ་ཕྱིར་གྲུབ་མཐའ་ཀུན་ཤེས་མཛོད། །དགག་སྒྲུབ་མུ་མཐའ་མེད་སྲིད་ཀྱང་། །རང་སེམས་བཏུལ་ན་མཐའ་གྲོལ་ཡིན། །སྒྲུབ་པ་བྱེད་ན་ལྷོད་གྲོལ་འབྱུང་། །བག་ཆགས་སད་ན་ཀློང་གྲོལ་ཡིན། །ཡིན་མིན་བློ་ཡིས་མ་གོས་པའི། །གནས་ལུགས་ཀུན་གྱིས་རྟོགས་པར་ཤོག །གཏམ་ཚོགས་ལེའུ་ང་དགུ་པའོ།། །།མི་དགེ་བཅུ་སྤོང་གི་གནང་བཀག་ལ་དཔྱད་པའི་གཏམ་ཚུལ་ཁྲིམས་རིན་པོ་ཆེའི་རྒྱན་ཅེས་བྱ་བ། བྱང་ཆུབ་སེམས་ལ་ཕྱག་འཚལ་ལོ། །ཐེག་པ་ཆེན་པོའི་སྡེ་སྣོད་ལ། །གནང་བཀག་དམིགས་བསལ་འཆད་པའི་སྐབས། །སེམས་དཔའ་མཆོག་ལ་གཞན་དོན་དུ། །འགྱུར་ན་

(༨༥༧)གཟུགས་ཅན་ལས་གྱུར་པའི། །ལུས་ངག་གཉིས་ཀྱི་མི་དགེ་བདུན། །གནང་བ་འདི་ལ་རྩོད་པ་མེད། །ཡིད་ཀྱི་གསུམ་ལ་དཔྱད་ཀྱིས་ཉོན། །འདི་ལྟར་གཞན་གནོད་གཞིར་བཅས་ཀྱི། །གཞི་སྒྲ་འཇུག་པའི་དོན་ལྔ་སྟེ། །རྒྱུ་རྐྱེན་གནས་དང་ཀུན་སྦྱོར་དང་། །ཡོངས་བཟུང་བ་ལ་གཞི་སྒྲ་འཇུག །ཅེས་པའི་རྒྱུ་ནི་ཡིད་ཤེས་ལ། །སྐབས་འདིར་འཇུག་པའི་གཞི་བཅས་སྒྲ། །ཡིད་ནི་ལས་ཀྱི་སྔོན་འགྲོ་བས། །ཉན་ཐོས་སྡོམ་པ་གཟུགས་ཅན་རྣམས། །བྱང་ཆུབ་སེམས་དཔའི་རྣམ་རིག་གི །ཐབས་ཀྱིས་ཟིན་ན་དགེ་བ་རུ། །སོན་པའི་ཕྱིར་ན་གནང་མོད་ཀྱང་། །དམིགས་པ་དུག་ཅན་ལས་གྱུར་པའི། །ཡིད་ཀྱི་ཁ་ན་མ་ཐོ་གསུམ། །རང་བཞིན་ཉོན་མོངས་ཅན་ཡིན་བཞིན། །གནང་འདོད་གཟུགས་བརྙན་གཟུགས་སུ་འཁྲུལ། །ཅི་ཕྱིར་བྱང་སེམས་ཀུན་སྤངས་པས། །དབུལ་པོའི་སླང་དུ་གཞན་གྱི་ནོར། །བླང་འདོད་བརྣབ་སེམས་མ་ཡིན་ཏེ། །ཀུན་བློང་ཤིན་ཏུ་དགེ་བའི་ཕྱིར། །མ་བྱིན་བླང་བའི་གཞིར་བསྡུ་ལ། །འདི་ལྟར་བརྣབ་སེམས་ཞེས་བྱའི་སྒྲ། །ཞུགས་པ་ཙམ་ནས་སྡིག་ཏོ་སྟེ། །ཆོས་ལྔ་ལྡན་པའི་བརྐམ་སེམས་ཀྱིས། །གཞན་རྫས་ཐོབ་བློ་སྐྱེས་པ་ནི། །ཡིད་ཀྱི་ཉེས་པའི་ངོ་བོ་ཉིད། །དེ་བཞིན་དཀོན་མཆོག་སུན་འབྱིན་པ། །དར་མའུ་དུ་མ་བཙན་སོགས་དང་། །མི་ནག་མདུང་ཐུང་ཅན་ལྟ་བུའི། །ལས་དང་སྡིག་ཏོའི་ཁུར་འབེབས་ཕྱིར། །གསོད་པའང་ལུས་ཀྱི་ལས་ཉིད་དེ། །བསམ་སྦྱོར་གཉིས་པོ་ཆེས་འགལ་བས། །གནོད་སེམས་མིན་པར་ཁ་ཚོན་ཆོད། །ལས་གནག་རྣམ་སྨིན་དཀར་པོ་དེ། །ཕན་པའི་སེམས་ཀྱི་རྒྱུ་འབྲས་ཡིན། །བྱམས་པ་འཇུག་པའི་མདོ་ལུང་སོགས། །དུས་དང་དོན་གཞན་ལ་དགོངས་པ། །དྲང་དོན་ཉིད་དེ་ངེས་དོན་དུ། །ཇི་ལྟར་རྒྱ་མཚོ་ཆེན་པོ་ནི། །གང་ལྟར་ནང་གྲང་ཕྱི་རོལ་ཚ། །དེ་བཞིན་ཁྲོ་བའི་སྐུར་བསྟན་པ། །ཐུགས་ནི་ཞི་བར་ཤེས་པར་བྱ། །དེ་སྐད་རྒྱུད་ལས་གསུངས་པ་དེས། །ནང་གྲང་གནོད་སེམས་མེད་པར་ཞི། །ཕྱི་ཚ་སྤྱོད་པ་བརླང་པོས་གནོད། །མདོར་ན་ལུས་

(༨༥༨)ངག་གཉིས་ཀྱི་ལས། །ལུང་མ་བསྟན་ཕྱིར་སེམས་ཀྱིས་བསྒྱུར། །དེ་ཕྱིར་ཟབ་མོའི་མདོ་སྡེ་ལས། །དགེའམ་ཡང་ན་མི་དགེ་བར། །ལས་ནི་སེམས་ཀྱིས་སྤྲུལ་པ་ཡིན། །གསུངས་ན་ཡིད་ཀྱི་གསུམ་པོ་ནི། །རྣམ་པར་གྱུར་པའི་ཀུན་སློང་ལ། །བརྣབ་སེམས་གནོད་སེམས་ལོག་ལྟའི་སྒྲ། །ཞུགས་པས་སྡིག་ཏོའི་རྣམ་ཏིག་ཡིན། ཁྱད་པར་ལོག་པར་ལྟ་བ་ནི། །ཡང་དག་ལྟ་བའི་འགལ་བླ་སྟེ། །ཀུན་སློང་དཀར་དང་གནག་པ་གཉིས། །ཅིག་ཆར་ཚོགས་པ་ཤེས་བྱ་ལ། །སྲིད་པ་མིན་པའི་ཆོས་ཅན་ནོ། །རིག་པ་འདི་ལ་བསུན་འབྱིན་པའི། །ཐལ་འགྱུར་རྣམ་དག་ཡོད་ཟེར་ན། །དཔལ་ལྡན་མ་ཁོལ་དཔའ་བོ་ཡི། །ལུང་གི་གོ་སྐབས་ཁྱེད་ལ་དབྱེ། །ཞེས་པའང་དཔལ་ས་སྐྱའི་གཙུག་ལག་ཁང་དུ་ཐེག་པ་ཆེ་ཆུང་གི་སྡེ་སྣོད་ལ་སྤྱན་དཀྱུས་ཡངས་པའི་དགེ་བའི་བཤེས་གཉེན་ཆེན་པོ་དག་དང་ཆོས་ཀྱི་འབེལ་གཏམ་པས་འཕྲོས་ཏེ་སྒོམ་བྱུང་གི་ཤེས་རབ་ལས་སྤོབས་པའི་གཏེར་མཛོད་གྲོལ་བ་རྫོགས་ཆེན་པ་རང་བྱུང་རྡོ་རྗེ་འཇིགས་མེད་གླིང་པའམ། མཁྱེན་བརྩེའི་འོད་ཟེར་གྱིས་སོ། །གཏམ་ཚོགས་ལེའུ་དྲུག་ཅུ་པའོ།། །།ཕྱག་རྫོགས་ཀྱི་དེ་ཁོ་ན་ཉིད་རབ་ཏུ་དབྱེ་བའི་གཏམ་ཀེ་ཏ་ཀའི་རྣ་རྒྱན་ཅེས་བྱ་བ། རང་བཞིན་ཆོས་ཉིད་བདེན་པ་ལ། །ཀུན་ཏུ་བཟང་པོའི་ཡེ་ཤེས་ཞལ། །རྒྱལ་བ་གཉིས་པ་ངག་གི་དབང་། །དེ་ལ་སླར་ཡང་བསམས་བཞིན་འདུད། །བརྒལ་བརྟག་བསྟན་པའི་ག་དར་།།།ཡང་། །རྣལ་མའི་སེམས་ལས་ཕྱིར་ཕྱོགས་ན། །ཕྱོགས་སྔའི་ཀུན་འབྱུང་མི་ལྡོག་པས། །ཀླུ་སྒྲུབ་ཞབས་ཀྱང་འདིར་མི་སྨོན། །འོན་ཀྱང་ཁྱོད་གསུང་བྲག་ཅ་ལྟར། །གྱུར་ན་རངས་མིན་ཐོབ་དོགས་ནས། །ཡིན་ལུགས་སྲོང་པོར་བརྗོད་པ་ལ། །མཉམ་པར་གཞག་པའི་སེམས་ཀྱིས་ལྟོས། །བདེན་པ་མཐོང་བའི་འཕགས་པ་ལ། །ཕྱག་རྫོགས་དབུ་གསུམ་རོ་གཅིག་ཀྱང་། །ཆོས་རབ་འབྱེད་པའི་བློ་གྲོས་ཀྱིས། །ལམ་བདེན་མངོན་དུ་བྱེད་པའི་ཚེ། །རྟ་དང་གླང་པོ་

(༨༥༩)ཤིང་རྟ་དང་། །ཉི་ཟླའི་འགྲོས་བཞིན་ལམ་ལ་ཁྱད། །ཆེ་བས་ཀུན་བཟང་རྡོར་འཆང་གིས། །ཐེག་པ་རིམ་དགུར་ཕྱེ་མིན་ནམ། །རིམ་དགུའི་ཁྱད་པར་མི་འདོད་ན། །ཤིན་ཏུ་རྣལ་འབྱོར་ཚིག་ཙམ་དུ། །ཟད་པ་སོ་སོའི་ལོག་ཤེས་ཕྱིར། །ཕ་རོལ་ཕྱིན་པའི་སྤྲོས་བྲལ་ལས། །ལྷག་པའི་ལྟ་བ་ཚིག་ལམ་དུ། །སྒྲུབ་པར་ནུས་མིན་དེ་ལྟ་ན། །ཕྱག་རྫོགས་དབུ་མ་ཞེས་བྱ་བའི། །ཐ་སྙད་སྤོངས་ལ་མཉམ་པར་ཞོག །འདི་ལྟར་བློ་ཡིས་སྤྱོད་ཡུལ་ལམ། །སྤྱོད་ཡུལ་ལས་འདས་ཤེས་བྱའི་གཤིས། །དཔྱོད་དང་མི་དཔྱོད་ས་ནས་སང་། །འཕར་བའི་ཐོས་བསམ་སྒོམ་གསུམ་དང་། །སོ་སོར་རྟོག་པའི་ཤེས་རབ་ལ། །གོང་ནས་གོང་དུ་ཁྱད་ཞུགས་པས། །རང་བཞིན་ཤེས་ན་མཁས་པ་ཡིན། །དེ་ལ་དང་པོ་གཞི་མི་སྐབས། །སེམས་ཅན་སངས་རྒྱས་དངོས་ཡིན་ན། །ལམ་ལ་དགོས་པ་མ་མཆིས་པས། །འབྲས་བུའང་ནི་དེ་རྗེས་འབྲང་། །དེ་ཕྱིར་འཁོར་འདས་གཉིས་ཀ་རུ། །ལུང་མ་བསྟན་ལ་གཞི་ཤེས་བཏགས། །ལམ་དུས་ཕྱག་རྫོགས་གཅིག་ཐ་དད། །བརྗོད་པའི་ལམ་དུ་མཚན་གཞིས་དབྱེ། །རྒྱུད་སྡེ་ལས་གསུངས་ཕྱག་ཆེན་ནི། །སྐྱེ་འགག་སྟོང་པར་རྒྱས་འདེབས་པའི། །སྟོང་ཉིད་སྒོམ་པ་ཙམ་མ་ཡིན། །གསུམ་པའི་དཔེ་ཡིས་ཡེ་ཤེས་དོན། །ཚོར་བ་དེ་བ་ཙམ་མིན་པའི། །རྟོག་བྲལ་རང་བྱུང་ཡེ་ཤེས་ཡིན། །དེ་ཉིད་མངོན་དུ་གྱུར་ཙ་ན། །ཐེག་པ་ཆེན་པོའི་མཐོང་ལམ་ཐོབ། །ཕྱག་ནི་འཁོར་བ་ལ་སོགས་པའི། །ཡི་གེའི་འབྲུ་བསྣན་ལ་འདུག་ན། །གལ་ཏེ་མི་སྟོང་ཅུང་ཟད་ཡོད། །སྟོང་པའང་ཅུང་ཟད་ཡོད་པར་འགྱུར། །མི་སྟོང་ཅུང་ཟད་མེད་པས་ན། །སྟོང་པའང་ཡོད་པར་ག་ལ་འགྱུར། །དེ་སྐད་དབུ་མ་ལས་གསུངས་ལྟར། །འཁྲུལ་ལུགས་གནས་ལུགས་རྣམ་རྟོག་ནི། །ཆོས་སྐུའི་ཕྱག་རྒྱ་ཆེན་པོ་སོགས། །ཆོས་ཅན་དོན་ལ་ཆོས་ཉིད་ཀྱི། །ཤེས་བྱས་རྒྱལ་འདེབས་གང་ཞིག་དང་། །ཆོས་གང་རབ་ཏུ་རྣམ་འབྱེད་ཀྱི། །བློ་གྲོས་སྲིད་ཞིའི་ཕ་རོལ་ཏུ། །སོན་

(༨༦༠)པའི་ཡེ་ཤེས་རྫོགས་པ་ཆེ། །གཅིག་གམ་ཐ་དད་ད་དུང་གཟིགས། །དེ་སྐད་དུ་ནི་ཕྱོགས་བླང་གིས། །ཤེས་རབ་ཕ་རོལ་ཕྱིན་གཉིས་མེད། །ཡེ་ཤེས་དེ་ནི་དེ་བཞིན་གཤེགས། །བསྒྲུབ་བྱེད་དོན་སྦྱོར་པ་ཡིས། །གཞུང་དང་ལམ་ཡང་དེ་སྒྲ་ཡིན། །ཞེས་པས་གསལ་བར་གོ་ནུས་སོ། །དེ་བཞིན་ཀུན་གཞི་མྱང་འདས་སུ། །དངོས་སྟོབས་རིག་པས་ཁས་ལེན་ན། །ཆོས་སྐུའང་ལུང་མ་བསྟན་དུ་འགྱུར། །ཅི་ཕྱིར་ཀུན་གཞི་ལས་འཁྲུལ་ཕྱིར། །གདོང་ནས་འཁྲུལ་གཞི་ཅན་དུ་འགྱུར། །འདི་ན་ཁ་ཅིག་བྱིས་པ་རྣམས། །རེ་ཞིག་ཆོས་དབྱིངས་དྲི་མེད་ལ། །ཡིད་མི་ཆེས་པ་དྲང་བའི་ཕྱིར། །ཀུན་གཞི་ཀུན་གྱི་གཞི་ཡིན་ཏེ། །མྱ་ངན་འདས་པའི་གཞི་མའང་ཡིན། །ཞེས་པའི་ལྡེམ་དགོངས་ཅན་གྱི་ལུང། །ཇི་བཞིན་པ་རུ་འཁྲུལ་པར་ཟད། ཁྱད་པར་ལམ་དང་འབྲས་བུ་གཉིས། །གཤིས་སུ་གཅིག་པར་ཉམས་ལེན་པར། །འབྲས་བུ་ལམ་བྱེད་རྡོ་རྗེ་ཐེག །གང་གིས་ཁྱད་ཆོས་ཉིད་ཡིན་ཡང་། །རླུང་སེམས་ཆ་ཡིས་བསླད་མ་བསླད། ཁྱད་པར་ཤིན་ཏུ་ཆེ་བས་ན། །གྲོལ་གཞི་དང་ནི་གྲོལ་ས་ཡི། །ཀ་དག་གཉིས་ཀྱི་ཆར་དབྱེ་བ། །སྔན་ཆད་གཞན་གྱིས་མ་རྟོགས་པའི། །གསང་ཚིག་ཀུན་མཁྱེན་ཉིད་ཀྱིས་བསྒྲགས། །དེ་སྐད་དུ་ནི་རྫོགས་ཆེན་ལས། །ཀུན་གཞི་ཆོས་སྐུར་འདོད་པ་ནི། །ང་ལས་གོལ་བ་ཡིན་ཞེས་བཤད། །གཞིག་ཅིག་ལས་གཉིས་ཞེས་བྱ་བའི། །ལུང་ནི་རགས་པའི་རྣམ་གཞག་སྟེ། །གཞི་བདུན་རྣམ་དབྱེ་མ་ཤེས་ན། །ཆོ་ག་ཞིབ་མོ་ག་ལ་ཤེས། །རགས་པ་དེ་ཡང་དོན་གཅིག་ན། །འགལ་ཞེས་བརྗོད་པ་རང་དགར་ཟད། །རྒྱལ་འགལ་ཡང་མདོ་རྒྱུད་ནི། །ལུང་གི་དབང་པོ་ཡིན་པས་སོ། །སྐབས་འདིར་འཁོར་ལོ་ཐ་མ་དང་། །རྒྱུད་སྡེའི་ལུང་འདྲེན་བྱུང་རྒྱལ་དུ། །དྲངས་ཀྱང་དྲང་ངེས་ལྡེམ་དགོངས་དང་། །དགོངས་མིན་སྒྲ་ཇི་བཞིན་པའམ། །མ་ཡིན་ཁྱད་པར་མ་ཕྱེད་ན། །ཚུལ་འདིར་རྒྱ་བོད་མཁས་རྣམས་ཀྱང་། །བཞེད་པ་

(༨༦༡)ཤིན་ཏུ་འགལ་གྱུར་པས། །བོད་འདིར་སྒོམ་བྱུང་ཤེས་རབ་ཀྱིས། །ཐུགས་རྒྱུད་གྲོལ་ཀྱང་ཐ་སྙད་དང་། །རྣམ་དབྱེར་མ་འདྲེས་འདོད་རྒྱལ་དུ། །བརྗོད་པའི་ལུང་ལ་རྒྱབ་བརྟེན་དང་། །དགག་སྒྲུབ་གཉིས་ཀ་ཉེས་དམིགས་ཀྱི། །རྒྱུ་རུ་མཐོང་ནས་བཏང་སྙོམས་བཞག །ན་ཏང་སེམས་པ་སངས་རྒྱ་སུ། །གསུངས་ལ་དགོངས་གཞི་དགོས་པ་གཉིས། །ཡོད་པའི་མཚན་ཉིད་མ་རྟོགས་བཞིན། །ཐ་མལ་ཤེས་པ་རང་རྒྱུད་ཅན། །དྲན་པའི་འཆིང་དཔྱད་ཀྱིས་བཟུང་ཡང་། །དེ་ལ་ཕྱག་རྒྱ་ཆེ་མི་རུང་། །སེམས་ནི་འདུས་བྱས་ཡིན་པའི་ཕྱིར། །ཇི་ལྟར་འདུས་ན་རྣམ་ཤེས་ཀྱི། །ཚོགས་པ་བརྒྱད་དང་བཅས་པ་ཡང་། །སངས་རྒྱས་ཡིན་ན་གདན་གསུམ་ལྷའི། །སྦྱང་གཞི་སྦྱོང་བྱེད་སྦྱངས་འབྲས་ཀྱང་། །དགོས་པ་མེད་པའི་གནས་སུ་ལྟུང་། །དེས་ན་སེམས་ལ་སངས་རྒྱས་ཀྱི། །སྙིང་པོ་གནས་མ་སྒོམ་སྟོབས་ཀྱིས། །མངོན་དུ་བྱས་པ་ལ་དགོངས་ནས། །སེམས་ལ་སངས་རྒྱས་ཡིན་ཞེས་གསུངས། །དགོས་པ་སྐྱོན་ལྔ་སྤང་ཕྱིར་ཏེ། །སེམས་ཞུམ་སེམས་ཅན་དམན་ལ་བརྙས། །སོགས་ཀྱི་རྒྱུ་མཚན་རིག་པར་བྱ། །རྣལ་དབབ་དང་ནི་ཞི་གནས་གཉིས། །གཅིག་པ་འདི་ཡང་ཐེ་ཚོམ་གནས། །རྣལ་མ་མ་བཅོས་དོན་ཡིན་ལ། །དབབ་པ་རང་ལ་བཞག་པའི་དོན། །ཞི་གནས་བྱིས་པ་ཉེར་སྤྱོད་ཀྱི། །བསམ་གཏན་ལ་ཡང་ཡོད་པའི་ཕྱིར། །དང་པོར་བཅོས་མའི་སྒོམ་བྱས་ནས། །ཕྱི་ནས་དོན་རབ་འབྱེད་པ་ཡི། །ཏིང་ངེ་འཛིན་ལ་འཇུག་པས་སོ། །སོར་གཞུག་ལྷག་མཐོང་ཉེར་བསྡོགས་ཏེ། །རྣལ་དུ་དབབ་པའི་གེགས་སེལ་ལམ། །རྩལ་སྦྱོར་ཉིད་དེ་རྣམ་ཏོག་གི །རང་བཞིན་ཤེས་ལ་རང་གྲོལ་གྱི། །ཐ་སྙད་བཞག་རུང་རྣམ་རྟོག་དངོས། །ཆོས་སྐུར་ཁས་ལེན་རྟོག་བཟོ་སྟེ། །རྣམ་རྟོག་ཅེས་བྱ་རླུང་སེམས་ཀྱི། །ཆས་ཁུར་འཁྲུལ་པའི་རང་གཟུགས་ཡིན། །དེ་ཡང་སྒོམ་དུ་མ་ཤར་བར། །ཀུན་ཏུ་བརྟགས་པའི་གཞན་དབང་ཅན། །ཤར་ནས་ལམ་དུ་སོང་བ་

(༨༦༢)ལ། །རྗེས་ལ་ཐོབ་པའི་ཐ་སྙད་རུང་། །རྣམ་རྟོག་ཆོས་སྐུ་དངོས་ཡིན་ན། །སངས་རྒྱས་སློབ་པའི་ལམ་པར་འགྱུར། །དེ་ཡི་རྒྱུ་མཚན་ཕྱོགས་གླང་གིས། །རྣམ་པར་རྟོག་པ་མ་གཏོགས་པ། །འཁོར་བ་ཞེས་བྱ་ཅི་ཡང་མེད། །རྣམ་རྟོག་དེ་དང་བྲལ་བས་ན། ཁྱོད་ནི་རྟག་ཏུ་མྱ་ངན་འདའ། །ཞེས་པ་ཁོང་དུ་ཆུད་པར་གྱིས། །ཡང་ཅིག་སྣང་བ་སེམས་འདོད་པ། །སེམས་ཙམ་པ་ཡི་གྲུབ་མཐའ་ཡིན། །ངེས་པའི་དོན་དུ་དེ་ཡིན་ན། །རང་ཉིད་ཡོད་མེད་བྱེད་པ་ལྟར། །སྣང་བ་ཉིད་ཀྱང་དེ་རྗེས་འབྲང་། །འོན་ཀྱང་ཁྱོད་ནི་སྣང་བ་ཡང་། །སེམས་སུ་འདོད་པའི་ཤེས་བྱེད་དུ། །མངོན་སྤྱོད་དུས་ཀྱི་གསལ་གསུམ་ལས། །ཕྱིར་སྣང་དགྲ་ལ་རྟགས་ཐོན་དཔེ། །འདྲེན་པའི་རྟོག་པ་དེ་ཆོས་ཅན། །སྣང་བ་སེམས་ཀྱིས་བརྟགས་པའི་ཕྱིར། །བཏགས་པ་དེ་ཀ་སེམས་ཡིན་ན། །རྣམ་ཤེས་དངོས་པོར་འདོད་དགོས་ཏེ། །མིག་ཤེས་ལ་སོགས་ཁ་ཕྱིར་བལྟའི། །ཡུལ་འཛིན་གཉིས་སྣང་གློ་བུར་བ། །གཟུང་ཡུལ་དངོས་དང་འཁྲུལ་པས་ལན། །སེམས་ནི་ཀུན་གཞིའི་རྣམ་པར་ཤེས། །ངར་འཛིན་པ་ནི་ཡིད་ཡིན་ནོ། །ཞེས་པས་སེམས་དང་སེམས་བྱུང་རྣམས། །གཟུང་འཛིན་རིས་སུ་མ་ཆད་པར། །སྣང་སེམས་འདྲེས་པའི་དུས་ཉིད་ལ། །བེམ་པོ་འགུལ་དང་སྒྲ་འབྱིན་སོགས། །ཀུན་རྫོབ་རྟེན་འབྲེལ་བསླུ་མེད་དང་། །ལམ་བདེན་འདུས་བྱས་བདེན་པ་ལས། །སྣང་བ་སེམས་སུ་གཅིག་ནས་ཡིན། །ངོ་སྤྲོད་སྤྲས་པའི་དགོངས་པ་ནི། །ཉན་ཐོས་བྱེ་བྲག་སྨྲ་བ་ནས། །དབུ་མ་རབ་ཏུ་མི་གནས་པར། །རིམ་གྱིས་ཁྲིད་པའི་ཐབས་མཁས་ཀྱི། །ཡན་ལག་ཡིན་གྱི་ཐ་དད་མིན། །རྒྱལ་བ་ཀློང་ཆེན་རབ་འབྱམས་ནི། །ཅིག་ཅར་ཁྲིད་པ་གཙོར་བཏོན་ནས། །འཕགས་ལམ་རྫོགས་པ་ཆེན་པོ་ཡིས། །ཤེས་རབ་ཅན་རྣམས་དམན་ལམ་དུ། །ཆུད་མི་ཟ་བར་མཛད་པ་ཡིན། །རིག་པ་ཞེས་བྱ་འདོད་རྒྱལ་དུ། །སྨྲ་ལ་རྒྱུ་མཚན་ཡོད་མ་ཡིན། །

(༨༦༣)འཇིག་རྟེན་སྐྱེ་བོའི་དག་འགྲོས་ལའང་། །མེ་འདི་རིག་པ་ལེགས་ཞེས་ཟེར། །གྲུབ་མཐའ་སྨྲ་ལ་ཞུགས་པ་རྣམས། །བཞེད་ལུགས་མར་ལང་གཉིས་སུ་འདུ། །ཆོས་རྗེ་ས་སྐྱ་པནྜི་ཏ། དབུ་མར་རང་རྒྱུད་ཁས་ལེན་ཞིང་། །རིག་པ་འདུས་བྱས་ཡིན་པར་བསྒྲུབས། །རྫོགས་པ་ཆེན་པོའི་རྒྱུད་སྡེ་ནས། །གསུངས་པའི་རིག་པ་རྣམ་རིག་མིན། །ཐོད་རྒལ་དུས་ན་ལུག་རྒྱུད་ལ། །མིང་དུ་བཏགས་ཀྱང་དོན་ལ་གཞན། །ཅི་ཕྱིར་ལུག་རྒྱུད་དབང་པོའི་སྒོར། །མངོན་སུམ་ཕྱིར་ན་རྫས་ཡོད་ཡིན། །ཐོད་རྒལ་ལམ་ལ་དད་གྱུར་ཀྱང་། ཁྲེགས་ཆོད་གདེང་དུ་མ་གྱུར་རྣམས། །སྣང་ཉམས་ལ་ཞེན་ཕུང་པོར་འགྱུར། །དེ་ཕྱིར་ཀུན་མཁྱེན་ཆེན་པོ་ཡིས། །རྩལ་དང་གདངས་དང་ངོ་བོ་དང་། །གསུམ་གྱི་ལྡོག་པ་བྱེ་བའི་ཁྱད། །རྫོགས་པ་ཆེན་པོར་ཁས་འཆེ་བ། །ཀུན་གྱིས་རིག་པ་མ་ཡིན་ནོ། ཁྱད་པར་ཀ་དག་སྤྲོས་བྲལ་ལམ། ཁྲེགས་ཆོད་དུས་ན་སེམས་རིག་གི །དབྱེ་བ་ཆུ་དང་གྲུ་བའི་དཔེས། །ཤིན་ཏུ་གསལ་བ་རྫོགས་ཆེན་གྱི། །རྒྱུད་ལས་གསུངས་པ་ཐེག་མཆོག་ཏུ། །རྒྱས་པར་བཀྲལ་བ་མ་གཟིགས་སམ། །གཟིགས་ན་རྫོགས་པ་ཆེན་པོ་དང་། །ཡིད་དཔྱོད་གྲུབ་མཐའ་གཞན་པའི་ཁྱད། །གཏིད་དུ་ཕྱིན་པར་དགོངས་མཆི་ལ། །གལ་ཏེ་ད་དུང་ཁས་ལེན་གཞན། །ཕྱོགས་སྡེའི་དབང་གིས་མི་འདོར་ན། །རྫོགས་ཆེན་ལམ་ལ་བསྔགས་བྱས་ཀྱང་། །ཆགས་སྡང་ཙམ་གྱི་རྒྱུ་རུ་ཟད། །ཐོད་རྒལ་རྫོགས་པ་ཆེན་པོ་ཡི། །ཐབས་ཀྱི་ལམ་མཆོག་ཆེ་ཤོས་སུ། །རིག་ཅིང་བསྐྱེད་རིམ་སྒྱུ་ལུས་དང་། །འོད་གསལ་ཟུང་འཇུག་ཀུན་གྱི་གནད། །ཚང་བར་འདུག་ཚུལ་ཕལ་ཆེར་དགོངས། །ད་དུང་ཐོད་རྒལ་ཁྲེགས་ཆོད་ལས། ཁྱད་པར་བདུན་གྱིས་འཕགས་པའི་ཚུལ། །ལེགས་པར་དཔྱད་ནས་གཞན་ལའང་འདོམས། །ཕྱག་རྒྱ་ཆེན་པོའི་སྒོམ་ཆེན་གྱི། །འབྲོག་འབྲང་ཀུན་ཏུ་རྟོག་པ་སྟེ། །ཤར་གྲོལ་ཡེ་ཤེས་བྱིན་ཟར་ཕུལ། །འབྲང་འབྲང་

(༨༦༤)གཤེད་སྐོར་ལས་མ་མཐོང་། །གཏེར་གྱི་སྒྲ་ནི་འཛད་མེད་དོན། །ཡིན་ནས་གཏེར་ཞེས་བྱའི་སྒྲ། །དོན་གཞན་ལ་དགོངས་རྒྱུ་མཚན་མང་། །འོན་ཀྱང་གཏེར་ཁ་གོང་འོག་སོགས། །བླ་དཔེ་ཤོག་སེར་དངོས་ཀྱང་ཡོད། །དག་སྣང་ཉམས་ཀྱི་ཆོས་ཡིན་ཡང་། །རིག་པས་བཏགས་པའི་སློ་བཟོར་ནི། །བྱིན་རླབས་འབྱུང་བ་ག་ལ་སྲིད། །ཐུགས་གཏེར་མ་ནི་དགོངས་གཏེར་ནི། །གཏེར་གྱི་ངོ་བོ་ཉིད་ཡིན་ཏེ། །དེ་ལ་མཁའ་འགྲོའི་བརྡ་ཡིག་ཀྱང་། །རྣམ་པ་ཀུན་གྱི་མཆོག་ལྡན་དང་། །མཚུངས་དཔེར་འོས་པ་ཡོད་མོད་དེ། །གཞོན་ནུ་མ་ཡི་པྲ་བཞིན་དུ། །ཀུན་དང་ཐུན་མོང་ཡིན་པ་འགལ། །ཚིག་དོན་གཉིས་ཀ་ནོར་གྱུར་ཅིང་། །དངོས་གྲུབ་གནས་ལ་བསླུ་བ་ལ། །པདྨའི་གསུང་དུ་སྒྲོ་བཏགས་པས། །སྔ་འགྱུར་ཆོས་ལ་ཐེ་ཚོམ་དུ། །འབྱུང་བ་འདི་ནི་བདུད་ཀྱི་ལས། །གནམ་ཆོས་ཁམས་ན་ཡོད་ཅེས་ཐོས། །དེ་ཕྱིར་གང་ལ་ཁྱོད་ཅིག་བཟོ། །རྒྱལ་བའི་ཕྲིན་ལས་བསམ་མི་ཁྱབ། །དེ་བཞིན་ལྷ་མ་ཡིན་གྱི་ནི། །འཇུག་པ་ཉིད་ཀྱང་ཆེས་མང་ན། །དེ་དག་དགག་དང་སྒྲུབ་པ་ཡི། །བསམ་སྦྱོར་གཉིས་ཀར་སྤྲོ་བ་མེད། །བཏང་སྙོམས་ཀྱིས་ནི་སྡིག་བསྲུངས་ཀྱང་། ཁྱེད་ཀྱིས་དྲིས་པའི་ལན་མ་བཟློག །གཏེར་རྒྱ་འཛད་པ་མེད་པའི་དོན། །སྤས་རྒྱ་རྒྱུ་རྐྱེན་རྟེན་འབྲེལ་ནི། །མ་ཚོགས་ཐུགས་ལ་གབ་པའི་དོན། །གསང་རྒྱ་སྐལ་མེད་ཐེ་ཚོམ་དང་། །ལོག་ལྟ་ཅན་ལ་གསང་བའི་དོན། །ཟབ་རྒྱ་དངོས་གྲུབ་སྒྲུབ་པ་ལ། །བསླུ་བ་མེད་པའི་ཐ་ཚིག་ཡིན། །གཏང་རྒྱ་ཆོས་ཀྱི་བདག་པོ་དང་། །ལས་འཕྲོ་ཅན་ལ་སྤྲོད་པའི་དོན། །ཤེས་བཞིན་ཅོ་འདྲི་བྱེད་པ་དང་། །ཡིད་གཉིས་གྱུར་ནས་གདོན་ཟ་བར། །གཉིས་ཀ་མཉམ་པ་ཉིད་ཀྱི་ཕྱིར། །རེ་དོགས་མེད་པའི་སེམས་ཀྱིས་སྨྲས། །སངས་རྒྱས་ལས་གཞན་སྤོབས་པའི་རྒྱུན། །གཅོད་པར་མི་ནུས་ལི་ཙ་བཱི། །དམ་པའི་རིགས་ཅན་དྲི་མེད་གྲགས། །གངས་རིའི་ཁྲོད་ན་

(༨༦༥)མངོན་སུམ་པའི། །ཀུན་མཁྱེན་གཞུང་ལ་ཅོ་འདྲི་བ། །རང་གིས་རང་ཉིད་བརྡེག་དང་མཚུངས། །ཅི་ཕྱིར་སྔ་འགྱུར་ཆོས་མིན་དུ། །སྒྲུབ་པར་འདོད་པའི་ལོག་རྟོག་ཅན། །སྔར་བས་བྱུང་དང་ད་ལྟ་བར། །ཀུན་ཀྱང་འདི་ཡི་གཞུང་མཐོང་ནས། །རོག་སྟེ་འདུག་ལ་ཕྱོགས་པའི་ཕྱིར། །བཀའ་དྲིན་བསམ་ཞིང་བྱས་པ་འགྲོ། །དེ་བས་འདི་ཉིད་དོན་ཆེ་སྟེ། །སྒམ་པོའི་རིང་ལུགས་བྱིན་རླབས་ཅན། །ཚིག་གི་ཆ་ལ་མ་ངེས་ཀྱང་། །དོན་ལ་རྟོན་པ་རྒྱུད་བཅས་དང་། ཁྱད་པར་འབྲི་གུང་དགོངས་གཅིག་གཞུང་། །རྩ་འགྲེལ་ཆུད་གསོན་བྱེད་པ་ཡི། །རབ་དབྱེ་འགྲེལ་བྱེད་མང་དག་ལ། །ལུང་རིག་གཏན་ཚིགས་ཀྱིས་བསྒྲུབས་པའི། །དཔྱད་པ་རྣོན་པོས་འཁྲུལ་སྤོང་ཞིག །བསྐྲུན་ན་ངེས་པར་སྒྲུབ་བརྒྱུད་ཀྱི། །བསྟན་པའི་བྱི་དོར་ཉིད་འགྱུར་བས། །བསྐུལ་ལོ་ངེས་པར་སྐབས་དབྱེ་ཞིང་། །སྔ་འགྱུར་གཞུང་ལ་ཟུར་ཟ་བ། །རྣམས་ལ་དངོས་དང་བརྒྱུད་མ་ནས། །སྔར་ཡང་མང་དུ་བྱས་ཟིན་གྱིས། །སླར་ཡང་བགྱིད་པར་དམ་བཅའ་འོ། །དགེ་བ་དེ་ཡིས་བདག་གཞན་ཀུན། །ཆོས་ཉིད་བསམ་གྱིས་མི་ཁྱབ་པའི། །གདོད་མའི་མགོན་དང་རོ་གཅིག་ཤོང་། །ཅེས་པའང་འབྲི་གུང་བླ་མཆན་དོན་ཐུབ་བསྐལ་བཟང་གིས་དྲི་བའི་ཕྲིན་ཡིག་རིང་མོ་བསྲིངས་པའི་ལན་དུ་མཁྱེན་བརྩེའི་འོད་ཟེར་གྱིས་དཔལ་ས་སྐྱའི་གཙུག་ལག་ཁང་དུ་བྲིས་པ་དགེ་ཞིང་བཀྲ་ཤིས་པར་གྱུར་ཅིག། །།གཏམ་ཚོགས་ལེའུ་རེ་གཅིག་པའོ།། །།ཆོས་ཉིད་རྣམ་པར་མ་གྱུར་པའི་གཏམ་ནམ་མཁའ་ལྡིང་གི་རྣ་རྒྱན་ཅེས་བྱ་བ། སངས་རྒྱས་ལ་ཕྱག་འཚལ་ལོ། །ཤེས་བྱ་ཀུན་གྱི་ཕ་རོལ་ཕྱིན་པ་དེས། །ལམ་བདེན་སྤང་ན་ཚིག་ཏུ་བརྗོད་པའི་མཐའ། །བཟང་པོར་བཏགས་ཀྱང་གྲུབ་མཐའ་ལྟར་སྣང་བ། །ཡིན་པར་ངེས་ན་འདུས་མ་བྱས་དབྱིངས་དྲན། །འདི་ལ་གསུམ། གྲུབ་མཐའི་རྣམ་གཞག་སྤྱིར་བསྟན་པ་དང་། རང་སྡེའི་གྲུབ་མཐའི་ཁྱད་པར་བཤད་པ། ཆོས་ཉིད་ཟབ་མོ་ལ་རྩོད་པ་སྤང་བའོ། །དང་པོ་ནི། རྒྱལ་བའི་བསྟན་པ་ལས་སྔ་རོལ་པ་དང་།

(༨༦༦)ཕྱི་རོལ་གཉིས་ཀར་གྱུར་པ་དྲང་སྲོང་ཕུར་བུ་དང་། ལུག་ཕྲུག་པ། གྲོག་མཁར་བ་ལ་སོགས་པའི་སྡེ་ཚན་གྱིས་ཀུན་འབྱུང་གི་བློས་བཏགས་ཤིང་བཟུང་བའི་གྲུབ་པའི་མཐའ་མུ་སྟེགས་བྱེད་ཀྱི་གཞུང་ལ་ཐར་པའི་ལམ་མེད་ཀྱང་། རྣམ་ཐར་རིག་བྱེད་ཀྱི་དཔྱད་པས་མཐོ་རིས་ཐོབ་པའི་ལམ་ཡོད་མེད་གཉིས་ལས་དང་པོའི་ཕྱོགས་ལ་སྡིག་སྤོང་དགེ་སྒྲུབ་དང་། སྙོམས་འཇུག་གི་བསམ་གཏན་བཞི་ཚན་གཉིས་ལ་བསྟེན་ནས་མཐོ་རིས་ཀྱི་ལམ་ཡོད་པ་ལ་དགོངས་ནས་མུ་སྟེགས་ཅན་གྱིས་ལེགས་པར་དཔྱད་པའི་གཞུང་ལའང་དམོད་པ་བཀག་པ་ཡིན་ལ། ཕྱོགས་གཉིས་པ་རྒྱང་འཕེན་པ་སོགས་ནི་ལས་འབྲས་ལ་སྐུར་ཞིང་། འཚེ་བ་ཆོས་སུ་སྨྲ་བ་སོགས་གྲུབ་མཐའ་ཐ་ཆད་པ་ཡིན་ནོ། །དེ་གཉིས་ཀས་ཀྱང་འཁོར་བའི་རྩ་བ་བདག་ཏུ་འཛིན་པ་ལ་ཐོག་མ་མེད་པ་ནས་གོམས་ཤིང་འདྲིས་པར་བྱས་པའི་སྟེང་དུ། ད་དུང་ཡང་རྣམ་རིག་ཕྱིན་ཅི་ལོག་གི་རྟགས་ཁྱབ་མང་པོས་བཞག་པའི་གྲུབ་མཐའ་ངན་པས་སྤང་གཉེན་གོ་ལྡོག་ཏུ་སྦྱར་བས་ཉོན་མོངས་པའི་འབྱུང་ཁུངས་རྩ་བ་མི་ཆོད་པས་དེ་དག་ལ་ཐར་པའི་ལམ་ནི་མེད་པ་ཡིན་ནོ། །དེ་སྐད་དུ་ལངྐར་གཤེགས་པ་ལས། མུ་སྟེགས་ལྟ་བས་དྲི་མར་བྱས། །ཡིད་ཀྱི་རྣམ་པར་ཤེས་པས་གཡོགས། །བརྗོད་དུ་མེད་པ་སྨྲ་བར་བྱེད། །ཅེས་སོ། །ནང་པ་སངས་རྒྱས་པའི་གྲུབ་པའི་མཐའ་ནི་ཐོག་མཐའ་བར་གསུམ་དུ་དགེ་ཞིང་ཇི་ལྟར་བསྟན་པའི་ལམ་ཡང་བགྲོད་པ་མྱུར་བུལ་ཙམ་ལས་མཐར་གྱིས་འཁོར་བའི་རྩ་བ་གང་ཟག་གི་བདག་དང་། དེའི་གཉེན་པོ་ལ་ཞེན་པའི་ཆོས་ཀྱི་བདག་ཆ་ཕྲ་མོ་ནས་སྤོང་བ་ལ་ཞུགས་པས་མྱ་ངན་ལས་འདས་པའི་ལམ་རྣལ་མ་ཡོད་པའི་ཕྱིར་རང་སྡེའི་བསྟན་བཅོས་ཀྱི་མཚན་ཉིད་ལའང་། ཐར་པ་ཐོབ་པའི་ལམ་དང་རྗེས་འགྲེལ་བས། །དེ་ཡང་དྲང་སྲོང་བཀའ་བཞིན་སྤྱི་བོས་བླང་། །ཞེས་སོ། །གཉིས་པའི་དོན་ལ་གྲུབ་མཐའ་སྨྲ་བ་བཞི་ཡོད་པ་ལས། བྱེ་བྲག་ཏུ་སྨྲ་བ་དང་། མདོ་སྡེ་པ་གཉིས་ནི་ཐེག་དམན་ཉན་ཐོས་ཀྱི་

(༨༦༧)གཞུང་ལུགས་འཛིན། སེམས་ཙམ་པ་དང་། དབུ་མ་པ་གཉིས་ནི་ཐེག་ཆེན་བྱང་ཆུབ་སེམས་དཔའི་སྡེ་སྣོད་འཛིན་པའོ། །གྲུབ་མཐའ་བཞི་པོ་གང་བཟུང་ཡང་རུང་སྟེ་དང་པོ་གཉིས་བཀའི་མཐར་ཐུག་ཏུ་འདོད་ཅིང་། དེའི་གཞུང་ནས་བཤད་པའི་བསམ་སྦྱོར་ལྷུར་བྱེད་པ་ནི་ཐེག་དམན་པ་ཡིན་ལ། ཕྱི་མ་གཉིས་བཀའི་མཐར་ཐུག་ཏུ་འདོད་ཅིང་། དེ་ལས་བཤད་པའི་བསམ་སྦྱོར་ལྷུར་བྱེད་པ་ནི་ཐེག་ཆེན་པར་འཇོག་པ་ལས། གྲུབ་མཐའ་དེ་དང་དེའི་གཞུང་བཟུང་བ་ཙམ་ལ་ཐེག་པ་ཆེ་ཆུང་གི་གང་ཟག་ཏུ་བཞག་ཏུ་མི་རུང་ངོ་། །རྣམ་གཞག་གསུམ་པོ་གང་ཡང་མ་རིག་ཅིང་། ལམ་གྱི་ཡོན་ཏན་སྣ་གཅིག་ཀྱང་རྒྱུད་ལམ་སྐྱེ་བ་ན་ཆོས་ལུགས་དང་གྲུབ་མཐའ་གང་ཡིན་ཟེར་ཡང་གང་ཟག་དེ་ཐེག་ཆེན་པའམ། ཐེག་དམན་པ་ལྟ་ཅི་སྨོས། མུ་སྟེགས་བྱེད་དུའང་མི་རུང་སྟེ། མངོན་པར་མཐོ་བ་དང་ངེས་པར་ལེགས་པའི་རྒྱུ་འབྲས་གཉིས་ཀ་ལ་རྟོག་དཔྱོད་དང་བྲལ་བའི་ཕྱིར་རོ། །ས་ན་ལམ་དུ་ཞུགས་པའི་གང་ཟག་ཡིན་ཕྱིན་ཆད་ཐ་ནའང་ཐེག་པ་ཆེ་ཆུང་གི་རྣམ་དབྱེ་ཤེས་དགོས་ཏེ། དེ་མ་ཤེས་ན་ཆོས་ལུགས་ཙམ་ལ་ཡིད་རྟོན་དུ་རུང་བའི་རྒྱུ་མཚན་གང་ཡང་མེད་པའི་ཕྱིར་རོ། །དེ་སྐད་དུ་རབ་དབྱེར། ད་ལྟའི་ཆོས་པ་ཕལ་ཆེ་བ། །བསླབ་པ་གསུམ་པོ་མི་སྦྱོང་བས། །ཕ་རོལ་ཕྱིན་པའི་ཆོས་ལུགས་མིན། །དབང་དང་རིམ་གཉིས་མི་ལྡན་པས། །རྡོ་རྗེ་ཐེག་པའི་བསྟན་པ་མིན། །འདུལ་བའི་སྡེ་སྣོད་མི་ཤེས་པས། །ཉན་ཐོས་ཀྱི་ཡང་ཆོས་ལུགས་མིན། །འོན་ཀྱང་ཆོས་པར་ཁས་འཆེ་བ། །ཀྱེ་མ་གང་གི་བསྟན་པར་འགྱུར། །ཅེས་བཤད་པ་ལྟར་རོ། །དེ་ལ་བདག་ཅག་གི་སྟོན་པ་ནི་ཐབས་ལ་མཁས་པས་ཐོག་མ་ཉིད་ནས་རང་གི་གྲུབ་མཐའ་འདོད་རྒྱལ་དུ་མི་སྟོན་པར་མུ་སྟེགས་བྱེད་རྣམ་པར་ཤེས་པ་ལྐོག་ཏུ་མ་གྱུར་པའི་རིགས་ཅན་དག་དང་མཐུན་པའི་དཀའ་ཐུབ་དང་། བསམ་གཏན་བསྟེན་ནས་གཞན་གྱི་གྲུབ་པའི་མཐའ་ཉམས་འོག་ཏུ་ཆུད་པར་མཛད་ཀྱང་རང་ཉིད་ཀྱིས་ཐོག་མ་མེད་པ་ནས་བསྟེན་གོ་རས་མཛད་པའི་ཡེ་ཤེས་དྲི་བྲལ་མངོན་སུམ་པར་བྱས་

(༨༦༨)ནས་སངས་རྒྱས་པའི་ཚུལ་བསྟན་ནོ། །དེ་ལྟ་བུའི་གོ་འཕང་ལ་གདུལ་བྱ་མཐའ་དག་བཀྲི་བར་བཞེད་ཀྱང་། གང་ཟག་རྣམས་ནི་འཇིག་ཚོགས་ལ་ལྷ་བ་ཅན་ཡིན་པས་ལམ་ལ་རིམ་གྱིས་བཀྲི་བའི་ཕྱིར། སེམས་དང་། སེམས་བྱུང་དང་། ཡུལ་དང་། གཟུགས་སོགས་བཏགས་ཡོད་ཙམ་དུ་བསྟན་པས་ཡུལ་དང་དབང་པོ་བདེན་གྲུབ་ལས་རྣམ་ཤེས་སྐྱེ་བའི་ཚུལ་གྱིས་བྱེ་བྲག་སྨྲ་བའི་གྲུབ་མཐའ་ཤིན་ཏུ་རགས་པ་བྱུང་ཡང་། མུ་སྟེགས་པ་རྣམས་ཀྱིས་བཏགས་པའི་ང་བདག་གཅིག་པུར་ང་དབང་ཅན་གྱིས་རྟག་པ་ལས་ཁྱད་པར་ཕྱེ་ནས་བསྟན་པས་རིམ་གྱིས་ཐར་པ་ཐོབ་པའི་སྐལ་བ་ཅན་ཡིན་ནོ། །དེ་ཡང་ཁ་ཆེ་བྱེ་བྲག་ཏུ་སྨྲ་བ་སོགས་ནི། འདུས་བྱས་རྣམས་ཀྱང་སྐད་ཅིག་གིས་འཇིག་པའི་མི་རྟག་པ་དང་། གང་ཟག་གི་བདག་ཀྱང་བློས་བཏགས་པ་ཙམ་ལས་རྫས་སུ་མེད་པས་འདོད་པས་སྔ་མ་ལས་གྲུབ་མཐའ་བཟང་ངོ་། །མདོ་སྡེ་པ་ནི། གཟུགས་སོགས་རགས་རྒྱུན་ཡང་། ཤེས་པའི་རྒྱུན་བདེན་མེད་ཡིན། འདས་མ་འོངས་ཀྱི་ཆོས་དང་། འདུས་མ་བྱས་དང་། ལྡན་མིན་འདུ་བྱེད་བཏགས་ཡོད་ཙམ་དུ་འདོད་ཅིང་། ད་ལྟར་བའི་རྡུལ་ཕྲན་དང་། ཤེས་པ་སྐད་ཅིག་མ་ཙམ་ཆ་མེད་བདེན་གྲུབ་ཏུ་སྨྲ། མིག་ལས་མིག་ཤེས་ཀྱིས་ཀྱང་གཟུགས་དངོས་སུ་མི་མཐོང་སྟེ། མཐོང་བ་ལྟར་སྣང་བ་ནི་མིག་ཤེས་ལ་གཟུགས་སྣང་ཤར་བདེ་གཟུགས་རྣམ་དུ་གྲགས་པ་ཤེས་པར་གྱུར་པ་ཡིན་ལ། དེའང་རྣམ་པ་འཆར་བ་དེ་ལ་རྣམ་པ་གཏོད་བྱེད་གཟུགས་སོགས་ཕྱི་དོན་དུ་ཡོད་པར་འདོད་དོ། །སེམས་ཙམ་པ་ནི། གཟུགས་ལ་སོགས་པའི་ཡུལ་ཕྱི་རོལ་ན་ཡོད་པ་ལྟར་སྣང་ཡང་། ནང་གི་འཛིན་ཆའི་ཤེས་པ་ཉིད་དེར་སྣང་བ་ཙམ་ལས་ཕྱི་རོལ་ན་མེད་དེ་རྨི་ལམ་གྱི་གཟུགས་སོགས་དང་མཚུངས་པར་བལྟ་བས་ན་ཕྱི་རོལ་ན་མེད་ཀྱང་ཡོད་པ་ལྟར་སྣང་བའི་གཟུང་ཆ་ལ། གཟུགས་ཀྱི་རྣམ་པར་འཆར་བའི་རྒྱུ་འཛིན་ཆའི་ཤེས་པ་དེས་རང་གིས་རང་ཉིད་མཐོང་བས། ཕྱི་དོན་དུ་སྣང་བའི་རྣམ་རིག་བདེན་གྲུབ་དེའི་རྣམ་ཤེས་ཀྱི་ངོ་

(༨༦༩)ལྡོག་ཙམ་གཟུང་འཛིན་གཉིས་མིང་གྱི་ཡེ་ཤེས་སུ་འདོད་པས་རང་ལུགས་སུ་གཟུང་འཛིན་བཀག་པར་རློམ་ཡང་། འཛིན་པའི་ངོ་བོ་རྣམ་ཤེས་ལས་གཞན་པ་ཡུལ་དུ་སྣང་བའི་རྣམ་རིག་གི་ཆ་ལ་ཕྱེ་བས་གཟུང་འཛིན་རྫས་གཞན་མེད་པར་ཁས་བླངས་པ་ཙམ་ཞིག་གོ །གྲུབ་མཐའ་སྨྲ་བ་བཞི་པོའི་ཡང་རྩེར་སོན་པ་དབུ་མ་པ་ཆེན་པོ་ནི་གཟུགས་ལ་སོགས་པའི་ཕུང་པོ་ལྔ་དང་། སེམས་ཀྱི་རང་བཞིན་རྣམ་ཤེས་ཚོགས་བརྒྱད་དང་། ལྡན་མིན་འདུ་བྱེད་འདུས་བྱས་ཀྱི་དངོས་པོ་དང་། ནམ་མཁའ་སོགས་འདུས་མ་བྱས་དང་། དངོས་མེད་དུ་བཏགས་པའི་ཆོས་ཐམས་ཅད་ཀུན་རྫོབ་དང་། དེ་དག་གི་རང་བཞིན་བདེན་མེད་ནི་དོན་དམ་དུ་འདོད་ཅིང་། དེ་གཉིས་ཀྱང་རྣམ་གཞག་ཙམ་དུ་ཐ་དད་ཀྱང་། ངོ་བོའི་ཆ་ནས་གཅིག་ཐ་དད་གང་དུའང་བརྗོད་དུ་མེད་ཅིང་། ཡོད་མེད་ཡིན་མིན་སྤྲོས་པ་ཐམས་ཅད་ལས་འདས་པར་སྟོན་པའི་ཚུལ་དབུས་མཐའ་རྣམ་འབྱེད་ལས། ཡང་དག་མ་ཡིན་ཀུན་རྟོག་ཡོད། །དེ་ལ་གཉིས་པོ་ཡོད་མ་ཡིན། །སྟོང་པ་ཉིད་ནི་འདི་ལ་ཡོད། །དེ་ལ་ཡང་ནི་དེ་མེད་དོ། །སྟོང་པ་མ་ཡིན་མི་སྟོང་མིན། །དེ་ལྟ་བས་ན་ཐམས་ཅད་བཤད། །ཡོད་པས་མེད་པས་ཡོད་པས་ན། །དེ་ནི་དབུ་མའི་ལམ་ཡིན་ནོ། །ཞེས་སྣང་བ་སྣ་ཚོགས་སུ་འཆར་བའི་ཤེས་པ་ཡང་དག་པ་མ་ཡིན་པའི་རྟོག་པ་ཙམ་ནི་ཀུན་རྫོབ་ཏུ་ཡོད་ལ། དེ་ལ་སྣང་བའི་གཟུང་འཛིན་གྱི་ཆ་ནི་བློས་བཏགས་པ་ཙམ་གྱི་ཕྱིར། ཀུན་རྫོབ་ཙམ་དུའང་ཡོད་པ་མ་ཡིན་པས་མཐའ་གཉིས་ལས་གྲོལ་བ་ཡིན་ཏེ། འདི་ལྟར་ཀུན་རྟོག་ཀུན་རྫོབ་པ་ཙམ་ཡོད་པས་མེད་ཆད་གཉིས་ཀྱི་མཐའ་ལས་གྲོལ་ལ། གཟུང་འཛིན་དང་ལྟོས་ཆོས་ཀྱི་སྒྲོ་བཏགས་ལས་འདས་པས་རྟག་ཡོད་གཉིས་ཀྱི་མཐའ་ལས་གྲོལ་བ་སྟེ། དེའི་ངང་ལ་སྟོང་པ་ཉིད་ཀྱི་རང་བཞིན་དེ་ཆོས་ཉིད་ཀྱི་ཚུལ་དུ་ཡོད་ཀྱང་། བདེན་པ་གཉིས་ཀྱི་ཟླས་ཕྱེ་བའི་ངོ་བོ་ཉིད་ཀྱི་གྲུབ་ཆོས་ནི་ཤེས་བྱ་ལ་མི་སྲིད་པ་ཡིན་ཏེ། དེའི་ཚུལ་མདོ་སྡེ་རྒྱན་ལས། དེ་བཞིན་ཉིད་ནི་ཐམས་ཅད་

(༨༧༠)ལ། ཁྱད་པར་མེད་ཀྱང་དག་གྱུར་པ། །དེ་བཞིན་གཤེགས་ཉིད་དེ་ཡི་ཕྱིར། །འགྲོ་ཀུན་དེ་ཡི་སྙིང་པོ་ཅན། །ཞེས་སོ། །དེ་ཡང་སེམས་ཅན་ལ་སྙིང་པོའི་ཚུལ་གྱིས་བཞུགས་པས་ལམ་བདེན་གྱི་མཐུས་སྒྲིབ་གཉིས་སྤང་དགོས་ལ། སངས་རྒྱས་ལ་མངོན་སུམ་པའི་ཚུལ་གྱིས་བཞུགས་པས་ཆོས་ཀྱི་དབྱིངས་ལ་སྒྲིབ་གཉིས་སྤང་དུ་མེད་དོ། །དེས་ན་གང་ཟག་གི་བློའི་ངོས་ནས་སྒྲིབ་པ་སྤང་པའི་དོན་དུ་ཀུན་བརྟགས་ཀུན་རྫོབ་ཏུ་ཡང་མེད་པ་དང་། གཞན་དབང་ཀུན་རྫོབ་ཙམ་དུ་ཡོད་པ་དང་། ཡོངས་གྲུབ་སྤྲོས་པ་ཐམས་ཅད་དང་བྲལ་བར་གཏན་ལ་འབེབས་པའི་ཕྱིར་རང་སྟོབ་དང་། གཞན་སྟོང་ལ་སོགས་པའི་གྲུབ་མཐའི་འཆའ་ལུགས་དང་། རྣམ་གཞག་མི་མཚུངས་པ་ཐ་དད་པར་སྣང་བ་དེའང་གྲུབ་མཐའ་འཇོག་བྱེད་ཀྱི་བློ་ཟང་བ་དང་ལྷན་ཅིག་རང་བཞིན་གྱིས་རྣམ་ཐར་དག་པའི་ཚུལ་གཟུངས་ཀྱི་དབང་ཕྱུག་རྒྱལ་པོས་ཞུས་པ་ལས། གདོང་ནས་ཟད་པས་དེ་ཕྱིར་ཟད་ཅེས་བྱ། །ཞེས་སོ། །གསུམ་པ་ནི་གངས་རིའི་ཁྲོད་འདིར་རྒྱལ་བའི་ཕྲིན་ལས་ཀྱི་དབང་ལས་སྒྲུབ་བརྒྱུད་ཀྱི་བསྟན་པའི་ལམ་སྲོལ་དང་བཀའ་བབས་ཐ་དད་པ་རྣམ་པ་བརྒྱད་ཡོད་པ་ལས། རྣལ་འབྱོར་དབང་པོ་ཀ་རུ་ན་ཞེས་པ་ལ་རྒྱ་གར་མཁའ་འགྲོའི་གདམས་པ་བཅོ་ལྔ་ཡོད་པའི་རྫོགས་རིམ་གྱི་ཆོས་སྐད་ལ། ཕན་གནོད་སྤངས་རྟོགས་མ་གྲུབ་པ། །འདི་ནི་དོན་དམ་མཚན་ཉིད་དོ། །ཞེས་པའི་གཞུང་ལ་སྒྲོ་སྐུར་གྱི་མཐའ་སྤོང་བ་ལ་ཆོས་ཉིད་རྣམ་པར་མ་བྱུང་བའི་གཏམ་ཞེས་བཏགས་པ་སྟེ། ཇི་ལྟར་སྤོང་ན། དེ་བཞིན་གཤེགས་པ་ནི་གཉིས་སུ་གསུང་བ་མ་ཡིན་ཡང་། ཐུགས་རྗེ་ཆེན་པོ་དང་ཐབས་ལ་མཁས་པ་ཡིན་པས་སེམས་ཅན་གྱི་དབང་པོ་དང་། བློ་དང་། སྐལ་བ་དང་རྗེས་སུ་མཐུན་པར་ཐེག་པ་དང་གྲུབ་མཐའི་རྣམ་གཞག་སྣ་ཚོགས་པས་འདུལ་ཞིང་། མཐར་གྱི་དེ་དག་ཀྱང་ངེས་པའི་དེ་ཁོ་ན་ཉིད་འབའ་ཞིག་ལ་འབབ་ཅིང་གཞོལ་བས། ཆུ་བོ་ཆེན་པོ་རྒྱ་མཚོར་བབ། འབབ་གཞོལ་ཞེས་གསུངས་

(༨༧༡)པ་ལྟར་རོ། །དེ་ལ་རྣམ་པར་ཤེས་པ་ལྐོག་ཏུ་མ་གྱུར་པའི་གདུལ་བྱ་གདུལ་སླ་བ། སྦྱང་སླང་། བསོད་ནམས་ཀྱི་ཚོགས་ཆེན་པོ་དང་ལྡན་པ་དག་ལ་ནི་འབྲས་བུ་ལམ་དུ་བྱེད་པའི་མན་ངག་བསྟན་ནས་ཆོས་ཉིད་རྗེས་དཔག་ཏུ་མ་ཡིན་པར་གཤེས་ཐོག་ཏུ་ཅིག་ཅར་དུ་འདོམས་པར་མཛད་པ་ལ་ཐ་སྙད་ཀྱི་འགལ་འགྲེལ་བསམ་པ་དག་གྱི་ན་བ་ཡིན་ནོ། །དེ་ལ་ཕན་གནོད་དང་སྤངས་རྟོགས་མ་གྲུབ་པ་ནི་དོན་དམ་པའི་མཚན་ཉིད་ཡིན་ཏེ། འདི་ལྟར་ཕན་པ་ནི་དགེ་བའི་ཆོས་རྣམ་པ་ཐམས་ཅད་པ་དང་། གནོད་པ་ནི་སྡིག་པའི་ཆོས་རྣམ་པ་ཐམས་ཅད་པ་སྟེ། གཉིས་ཀའང་བདེན་པ་བཞི་དང་དྲང་ངེས་ཀྱིས་ཕྱེ་བའི་ལམ་བདེན་འདུས་བྱས་པ་ཡིན་ན། ཆོས་ཀྱི་དབྱིངས་ལ་དེ་དག་གི་ཕན་གནོད་གཉིས་ཀ་མི་རུང་བའི་ཚུལ་ཡང་དག་སྦྱོར་བའི་རྒྱུད་ལས། དེ་ཡི་སྡིག་དང་བསོད་ནམས་ཀྱི། །ཆ་གཉིས་རྣམ་པར་བཏགས་པ་སྟེ། །མཁས་པས་འདི་གཉིས་རྣམ་པར་སྤང་། །ཞེས་དང་། གཏམ་བྱ་རིན་ཆེན་ཕྲེང་བ་ལས། །སྡིག་དང་བསོད་ནམས་བྱ་བ་འདས། །ཟབ་མོ་བཀོལ་བའི་དོན་དང་ལྡན། །ཞེས་སོ། །འོ་ན་སྤང་བྱ་སྡིག་པས་གནོད་མ་བསྐྱལ། བླང་བྱ་དགེ་བས་ཕན་མ་བཏགས་ན་སེམས་ཅན་ཐམས་ཅད་འབད་མེད་དུ་མི་གྲོལ་བའི་རྒྱུ་ཅིས་ལན་ཞེ་ན། ཆོས་ཀྱི་དབྱིངས་ནི་སྤྲོས་པ་ཐམས་ཅད་དང་བྲལ་བ་ཡིན་ལ། དེ་སོ་སོ་སྐྱེ་བོའི་ཤེས་མཐོང་གི་ཡུལ་ཡིན་པས་ལྟ་ཞོག །ཉན་ཐོས་དང་རང་སངས་རྒྱས་ལ་སོགས་འགོག་བདེན་ཕྱོགས་གཅིག་གཟིགས་པ་དང་། འཕགས་པ་རྣམས་ལའང་མངོན་སུམ་དུ་འགྱུར་པས་ཟབ་མོ་བཀོལ་བའི་དོན་ཞེས་གསུངས་པ་ཡིན་ནོ། །ཡང་དབྱིངས་ཀྱི་བཞུགས་ཚུལ་ལ་དགེ་སྡིག་དང་ལེགས་ཉིས་ཀྱི་ཕན་གནོད་མ་གྲུབ་པ་ཡིན་དུ་ཆུག་ཀྱང་། གོ་འཕང་དེ་ལ་སྦྱོར་བའི་ཆ་ནས་སྤངས་རྟགས་ཀྱི་ཡོན་ཏན་ངེས་པར་ཡོན་དགོས་པར་གྲུབ་སྟེ། ལམ་བདེན་ལ་བསྟེན་ནས་སྒྲིབ་གཉིས་སྤང་དགོས་པར་རང་ཉིད་ཀྱང་འདོད་པའི་ཕྱིར་རོ་ཟེར་ན་བདེན་ཏེ། ཤེས་བྱ་ནི་བློའི་རྗེས་སུ་འགྲོ་བས་དོན་ལ་མི་རྟོན་ཚིག་

(༨༧༢)ལ་རྟོན་པ་ཡིན་པས་གྲུབ་མཐའ་བཞི་པོའང་བློས་གཞལ་བ་ཡིན་པའི་ཕྱིར་རོ། །དོན་དམ་པ་ནི་ཆོས་ཉིད་ཀྱི་རྗེས་སུ་འགྲོ་ཞིང་རྣམ་ཤེས་ལ་མི་རྟོན་པས་སྒྲ་རྟོག་དང་ཞེན་པའི་ཡུལ་ལས་འདས་པ་ཡིན་ནོ། །དེ་བས་དམིགས་པ་དང་ཀུན་སློང་མཚུངས་ལྡན་གྱིས་རྣམ་པར་གཞག་པའི་ལྟ་གྲུབ་ནི་བློའི་གཞན་དབང་ཅན་ཡིན་པས་དོན་དམ་པའི་ཕྱོགས་དང་འགལ་བའི་ཚུལ། སམྦུ་ཊི་ལས། སྟེང་ངང་མི་སྟོང་གཟུང་བ་ལས། །རྟོག་པ་ཉུང་ཡིན་སྐྱེ་བར་འགྱུར། །ཡོངས་སུ་སྤངས་པས་ཀུན་རྟོག་སྟེ། །དེ་ཕྱིར་གཉིས་པོ་འདི་དག་སྤང་། །ཞེས་པས་གསལ་ལོ། །འོ་ན་དོན་དམ་པ་དེ་སུ་ཡི་སྤྱོད་ཡུལ་ཡིན་སྙམ་ན། སངས་རྒྱས་ཁོ་ནའི་སྤྱོད་ཡུལ་ཡིན་པས་རང་བཞིན་རྫོགས་པ་ཆེན་པོ་ལ་སོགས་པའི་མན་ངག་གི་རྒྱུད་སྡེ་ཆེན་པོ་རྣམས་ནས་ཀྱང་གཤིས་ཀྱི་བཞུགས་ཚུལ་ཇི་ལྟ་བའི་ཚིག་རླབས་པོ་ཆེ་འབའ་ཞིག་བཤད་པ་ལ་སྐྲག་པ་སྐྱེས་ནས་ཆོས་སྤོང་གི་ལས་བསྒྲུབས་པ་མང་དུ་བྱུང་ནའང་། དེ་དག་གིས་ནི་ཤེས་རབ་སྙིང་པོ་ཙམ་ལའང་ཁ་ཏོན་དུ་བགྱིད་པ་ཙམ་ལས་གོ་བའི་ཕྱོགས་མ་བསླངས་པར་སྣང་ངོ་། །སྟོང་པ་ཉིད་ལ་གཟུགས་མེད་ཚོར་བ་མེད་ཅེས་པ་ནས། དེ་བཞིན་དུ་སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་མེད། ཡེ་ཤེས་མེད། ཐོབ་པ་མེད། མ་ཐོབ་པ་ཡང་མེད་དོ། །ཞེས་པས་ཕུང་པོ་ལྔ་བྲལ་གྱི་སྟོང་ཉིད་དམ། ཚོགས་བརྒྱད་ལས་འདས་པའི་རིག་པ་ལ་མཐོང་སྤངས་སྒོམ་སྤངས་ཀྱི་སྒྲིབ་བྱེད་མེད་པ་ནམ་མཁའི་རྡོ་རྗེའི་ཆོས་ཉིད་གཅིག་ཏུ་རྟོགས་ན། དེ་ལ་སྡུག་བསྔལ་དང་ཀུན་འབྱུང་གིས་བསྐྱེད་པའི་སྤང་བྱ་དང་། འགོག་བདེན་དང་ལམ་བདེན་གྱིས་བསྐྱེད་པའི་རྟོག་བྱ་གང་ཡང་མ་མཆིས་པས་ཡེ་ཤེས་མེད། ཐོབ་པ་མེད། མ་ཐོབ་པ་ཡང་མེད་ཅེས་བསྟན་པས་སོ། །དེ་སྐད་དུ་ཕྱག་ན་རྡོ་རྗེ་མངོན་པར་དབང་བསྐུར་བའི་རྒྱུད་ལས། ཆོས་ཉིད་གང་ཡིན་པ་དེ་ལ་ནི་གདགས་པའམ། རྣམ་པར་རིག་པ་མེད་ཅིང་མ་དམིགས་ཏེ། ཞེས་དང་། ཡོད་ཅེས་བྱ་བའམ། མེད་ཅེས་བྱ་བའམ།

(༨༧༣)བསོད་ནམས་ཞེས་བྱ་བའམ། བསོད་ནམས་མ་ཡིན་པ་ཞེས་བྱ་བའམ། མྱ་ངན་ལས་འདས་པ་ཞེས་བྱ་བའམ། ཐར་པ་ཞེས་བྱ་བ་མེད་དོ། །ཞེས་སོ། །དེ་བས་ན་སྟོང་པ་ཉིད་ཀྱི་དོན་ཐོས་བསམ་གྱིས་གཏན་ལ་འབེབས་པ་ལ་ཐལ་འགྱུར་ལས་གྲུབ་མཐའ་བཟང་བ་མེད་ཀྱང་། གང་ཡང་ཁས་མི་ལེན་པའི་གྲུབ་མཐའ་རྣམ་པར་རིག་བྱེད་ཀྱི་བློས་བཞག་པ་དེའི་ངོ་བོ་སྤྲོས་བྲལ་ཆེན་པོར་འདོད་ན་ནི་ཆོས་ཉིད་ཟབ་མོ་ལ་དཔགས་པ་ཙམ་ཞིག་སྟེ། དེའི་དོན་མངོན་སུམ་དུ་མཐོང་བ་ནི་དད་པའི་ཉེར་ལེན་དང་། བླ་མའི་བྱིན་རླབས་དང་། སྔགས་ཀྱི་ཐབས་ལམ་གསུམ་ལས་བསླུ་བ་མེད་པར་རྟོགས་པའི་ཚུལ་ཁོང་དུ་མ་ཆུད་ན་གཅིག་གིས་གཅིག་སྟོང་པར་བསྒྲུབས་པའི་རྟོག་གེའི་སྟོང་ཉིད་ནི་ལྟར་སྣང་ཐ་ཤལ་བ་ཡིན་པའི་ཚུལ་དགོངས་འབྲེལ་ལས། རྟོག་གེ་ནི་རྩོད་པའི་ཡུལ་དུ་གྱུར་པ་ཡིན་ལ། རྟོག་གེ་ཐམས་ཅད་ལས་ཡང་དག་པར་འདས་པ་ནི་དོན་དམ་པའི་མཚན་ཉིད་དུ་ཤེས་པར་བྱའོ། །ཞེས་སོ། །འོ་ན་མགོན་པོ་ཀླུ་སྒྲུབ་ཀྱིས། །ཐ་སྙད་ལ་ནི་མ་བརྟེན་པར། །དམ་པའི་དོན་ནི་རྟོགས་མི་སྲིད། །ཅེས་གསུངས་པས། ཐོས་པ་མང་པོ་དང་། བསམ་བྱུང་གི་ཤེས་རབ་ལ་མ་བརྟེན་པར་ཟབ་མོའི་དེ་ཁོ་ན་ཉིད་དང་མཇལ་བར་མི་འགྱུར་རོ་སྙམ་ན། བདེན་ཏེ། གངས་ཅན་འདི་ན་ཐོས་པ་དང་བྲལ་བའི་སྒོམ་ཆེན་རྣམ་པར་ཤེས་པའི་ཚོགས་བརྒྱད་ཀྱི་རང་བཞིན་ལས་འཁོར་བའི་རྣམ་པར་ཤར་བའི་རྟེན་ཅིང་འབྲེལ་བར་འབྱུང་བ་ཙམ་ཡང་མ་རིག་ཅིང་། མ་བསྒྲིབས་ལུང་མ་བསྟན་གྱི་ཀུན་གཞིའི་རྣམ་ཤེས་དེས་རྣམ་སྨིན་དང་། ས་བོན་དང་། རྣམ་ཤེས་ཀྱི་ཆ་གསུམ་བཟུང་བ་ཉིད་དྲན་འཛིན་གྱི་ཐག་པས་བཅིངས་པ་ལ་ཞི་གནས་སུ་འཁྲུལ་བ་དང་། བལྟར་མི་མངོན་པའི་ཉོན་མོངས་པ་ཅན་གྱི་ཡིད་བདག་ཏུ་བལྟ་བ་དང་། བདག་ལ་ཆགས་པ་དང་། བདག་ཏུ་ང་རྒྱལ་བ་ཅན་གྱིས་བདག་མེད་པའི་དོན་ལ་རྨོངས་སུ་བཅུག་ནས་སྟོང་ཉིད་ཡིན་སྙམ་གྱི་ཤེས་པ་ལ་ལྷག་མཐོང་དུ་འཁྲུལ་པའི་རྟོག་གེ་བ་དང་། ཡུད་ཙམ་ལ་སྐྱེ་འགག་སྣ་ཚོགས་བྱེད་ཅིང་རྒྱུན་མི་བརྟེན་པའི་འཇུག་

(༨༧༤)ཤེས་དྲུག་གི་རང་བཞིན་ལ་རྗེས་ཐོབ་ཏུ་བཏགས་ནས་རང་ལྟ་མཆོག་འཛིན་གྱི་གང་རྒྱངས་སྒྲོག་པ་།།།ཚར་གཅོད་པའི་དོན་དུ་ཐ་སྙད་ལ་བརྟེན་ནས་དམ་པའི་དོན་འཚོལ་བ་དང་། བསམ་བྱུང་གི་ཤེས་རབ་ལ་བརྟེན་ནས་གཤིས་ཀྱི་གནས་ལུགས་སྟོང་རྒྱང་དང་། རྟག་རྐྱང་དུ་འཁྲུལ་བའི་མུ་སྟེགས་བྱེད་དང་། རྣམ་གྲངས་པའི་དོན་དམ་ཅན་ཉན་ཐོས་སོགས་འཁོར་ལོ་གསུམ་ཅར་གྱི་དྲང་ངེས་ལེགས་པར་ཕྱེད་པའི་གྲུབ་མཐའ་རྣམས་ཤེས་ཤིང་། ཟབ་མོའི་དོན་ལ་གང་ཉེ་བའི་ཆོས་ཉིད་རྟོགས་པར་བྱ་བའི་སླད་དུ་སོ་སོར་རྟོག་པའི་ཤེས་རབ་ལ་བརྟེན་ནས་མི་སྐྱེ་བའི་ཆོས་ལ་བཟོད་པ་ཐོབ་པར་བྱེད་པའི་ཚུལ་གསེར་འོད་དམ་པར། འཁོར་བའི་ཉེས་དམིགས་དང་མྱ་ངན་ལས་འདས་པའི་ཕན་ཡོན་ཡང་དག་པར་རིག་ཅིང་། ཡང་དག་པར་སོ་སོར་རྟོག་པ་འདི་ན་ཕ་རོལ་ཏུ་ཕྱིན་པའི་དོན་ཏོ། །མི་སྐྱེ་བའི་ཆོས་ལ་བཟོད་པ་ཡོངས་སུ་རྫོགས་པར་བྱེད་པ་འདི་ནི་ཕ་རོལ་ཏུ་ཕྱིན་པའི་དོན་ཏོ། །ཞེས་པའི་གནས་ཤེས་ནས་བདག་ཅག་ནི་ཐོས་བསམ་གྱི་ཕྱོགས་ལ་གུས་པ་ལྷོད་པ་ཡང་མ་ཡིན་ནོ། །དེ་ལྟ་ནའང་སྒོམ་བྱུང་གི་ཤེས་རབ་ཀྱིས་རྟོགས་པའི་དོན་ལ་ཚིག་དང་། ཡི་གེ་དང་། ཐ་སྙད་ཀྱི་སྤྲོས་པ་མི་འཇུག་པས་ལྟ་བ་ལ་ཁས་ལེན་མེད་པ། སྒོམ་པ་ལ་ཡིན་བྱེད་སྤང་བ། སྤྱོད་པ་ལ་བླང་ངོར་བྲལ་བ། །འབྲས་བུ་ལ་རེ་དོགས་མེད་པར་སྟོན་པའི་གཞུང་ཐམས་ཅད་ངེས་དོན་ཟབ་མོའི་མཐར་ཐུག་ཏུ་རྗེས་ལ་ཐོབ་པའི་ཤེས་བྱའི་ངོ་ལྡོག་ཙམ་དུ་འདོད་པ་སྟེ། མཉམ་གཞག་གི་དོན་ལྟ་སྒོམ་སྤྱོད་འབྲས་བཞི་པོའང་སྒྲོ་བཏགས་འབའ་ཞིག་ཡིན་པའི་ཚུལ། མདོ་ལས། ཡི་གེ་མེད་པའི་ཆོས་རྣམས་ལ། །ཉན་པ་གང་དང་སྟོན་པ་གང་། །འགྱུར་བ་མེད་ལོ་སྒྲོ་བཏགས་ནས། །ཉན་ཅིང་སྟོན་པར་བྱེད་པ་ཡིན། །ཞེས་པས་གསལ་ལོ། །ཉེས་པའི་གཟུགས་བརྙན་ཆོས་ལ་སྣང་བ་ཆེ། །དེ་ལྟར་བཟློག་ལ་ཕན་ཡོན་ཚད་མེད་པ། །དེ་ཡང་ཀུན་སློང་ཉིད་ཀྱི་རྗེས་འགྲོ་ན། །འདི་ནི་སྒྲུབ་བརྒྱུད་བསྟན་པ་གསལ་

(༨༧༥)བའི་རྒྱན། མཁྱེན་རབ་ཀྱི་དབང་ཕྱུག་ལྕགས་ཟམ་སྤྲུལ་པའི་སྐུ་བསྟན་འཛིན་ལྷུན་གྲུབ་དཔལ་བཟང་པོའི་ཞལ་སྔ་ནས་ཤངས་པ་བཀའ་བརྒྱུད་པའི་གདམས་ངག་གི་ངེས་དོན་སྟོན་པའི་ཚིག་རྐང་གཉིས་ལ་སྔ་རབས་ཀྱི་མཁས་པ་རྣམས་ཀྱིས་སྒྲོ་སྐུར་བྱས་པ་སེལ་བར་བསྐུལ་བ་ལས། རྫོགས་ཆེན་པ་རང་བྱུང་རྡོ་རྗེས་དཔལ་ལྡན་པདྨ་འོད་གླིང་དུ་བཀོད་པའོ། །གཏམ་ཚོགས་ལེའུ་རེ་གཉིས་པའོ།། །།གནས་མིན་གྱི་བརྒལ་བརྟག་ལ་སྐྱོ་བའི་གཏམ། ཀུན་མཁྱེན་རྒྱལ་བ་ལ་ཕྱག་འཚལ། །དབང་གྱུར་སྐྱེས་བུ་ཁྱོད་ཅིག་ལ། །འདོད་ཞེན་ལུང་དུ་འདྲེན་པ་འདི།།། །ལྟེང་ཀའི་ནང་གི་ལག་འགྲོར་དྲན། །ད་ནི་སྙིགས་མ་རྩོད་པར་ལྡན། །རྒྱལ་པོ་མངའ་རིས་དོན་དུ་རྩོད། །བློན་པོ་ང་ཆེའི་ཡུལ་ལ་རྩོད། །ཞིང་པས་གཞིའི་དོན་དུ་རྩོད། །སྡེ་དགོན་དཀོར་དང་ཟས་ལ་རྩོད། །དགེ་བཤེས་སྡེ་སྣོད་གསུམ་ལ་རྩོད། །དེ་དག་འཇིག་རྟེན་ཀུན་རྫོབ་ལ། །གཙོ་བོར་བྱེད་པ་བདེན་མོད་དེ། །ངག་བཅད་བསམ་གཏན་ཁང་བུ་ནས། །སེམས་གནས་རྒས་པ་རྟོག་དཔྱོད་དུ། །སོང་བ་མངོན་པའི་ང་རྒྱལ་གྱིས། །གཞན་མཚང་འདྲུ་བ་ཕྲག་དོག་ཡིན། །གནས་དང་གནས་མིན་མི་ཕྱེད་བཞིན། །གསང་སྔགས་ངས་དོན་ལ་རྩོད་ཅིང་། །སངས་རྒྱས་གཉིས་པ་ལྟ་བུ་ཡི། །སྐྱེས་མཆོག་རྣམས་ཀྱི་དགོངས་པ་ལ། །བླུན་པོའི་རང་ཉམས་ཚིག་འཁྲི་ཡིས། །དབེན་པར་བསམ་གཏན་གཡེལ་བྱེད་པ། །སྔོན་བྱུང་ལྷ་མིན་འཇུག་པ་ཅན། །སྡེ་བཞིའི་དང་པོ་སྲོག་ཞུགས་བཞིན། །གྲུབ་མཐའ་བཞི་ལ་རྩོད་པ་ནི། །ཤིང་རྟ་ཆེན་པོའི་ལམ་སྲོལ་ཏེ། །ཡང་དག་དོན་ལ་གང་ཉེ་བའི། །རིག་པའི་འཐད་པ་བསྒྲུབ་པའི་ཕྱིར། །དེ་བཞིན་ལོག་རྟོག་བསལ་བ་ལ། །ཆོས་ཀྱི་གྲགས་པས་མུ་སྟེགས་ཀྱི། །རྒོལ་ངན་ཕྱི་མར་བཏགས་པ་དེ། །བསྟན་པའི་བྱ་བ་རླབས་ཆེན་ཡིན། །དེ་དག་རྣམས་ཀྱི་རྩོད་རིག་ཀྱང་། །ཚད་མ་སྡེ་བདུན་ཀུན་ལས་བཏུས། །ཆོས་མངོན་མཛོད་ཀྱི་གནས་བརྒྱད་ཀྱིས། །ཕྲ་རྒྱས་སྲིད་པའི་རྩ་བ་དང་། །ཆོས་རབ་འབྱེད་

(༨༧༦)པའི་བློ་གྲོས་མཆོད། །སྲིད་ཞིའི་ཕ་རོལ་སོན་བྱས་ནས། །སྒྲུབ་དང་སུན་འབྱིན་མཛད་པ་ལས། །ཐོས་བྲལ་སྒོམ་ཆེན་བློན་པོའི་ཁྲོད། །སྤྲེལ་རྒན་ངོ་མཚར་ཆེ་ནས་མིན། །ད་དུང་ཉོན་དང་གངས་ཅན་འདིར། །ཚད་མར་གྱུར་པའི་སྐྱེས་བུས་ཀྱང་། །རང་རང་ཕྱོགས་སྔའི་འདོད་ཞེན་གྱིས། །དགག་སྒྲུབ་འབྱམ་ཡིག་མཛད་དོ་ཅོག །བསྟན་སེལ་སྡེ་འཁྲུགས་རླབས་ཆེན་དུ། །གྱུར་པ་ཁྱོད་ཀྱིས་མ་རིག་གམ། ཁྱད་པར་ད་ལྟའི་ཕྱག་རྫོགས་གཉིས། །ཟབ་ཁྱད་རང་སར་འབྱེད་པ་ལས། །དགོངས་པ་སྣོད་གཅིག་དཀར་དུས་འདིར། །ཌཱི་ཀ་ངན་པའི་མཚམས་སྦྱོར་གྱི། །ལྟ་བ་ཡིད་ལ་བཞག་བྱས་ནས། །ཚིག་དང་ཡི་གེའི་བརྡ་ཆད་ཀྱང་། །གྱི་ནར་འཕྱན་པའི་སྤྱི་བརྟོལ་ལ། །སྒྲུབ་དང་སུན་འབྱིན་ཐལ་འགྱུར་གྱི། །སྤོབས་པའི་ཉི་མ་འབུམ་ཤར་ཡང་། །ཉེས་པ་ཟད་དང་རྫུན་ཚིག་སྤངས། །ཡིད་ཆས་སུམ་ལྡན་རྒྱལ་བའི་བཀའ། །གང་ལས་ཕྱིར་ཕྱོགས་བླུན་དད་ཀྱིས། །རང་ཕྱོགས་འཕྱར་དང་རྨོངས་པས་དཀྲུགས། །དེ་ལ་བདག་ཡིད་མི་རྟོན་ན། །དང་པོར་ཚར་བཅད་འབབ་པའི་ཡུལ། །ལུང་གི་བདག་པོ་ཁོ་ནའི་ཕྱིར། །སྣང་བ་དག་པ་རབ་འབྱམས་ཀྱི། །དམ་ཚིག་གཞན་དུ་ལ་བཟླ་ཞིང་། །གང་ལ་བརྟེན་པའི་ཆགས་སྡང་གི། །ཉེས་དམིགས་མཐོས་ནས་དྲི་བའི་ལན། །ཐལ་བ་ལས་ཀྱང་སླར་ལྡོག་གོ །ཨེ་མ་སྒྲུབ་བརྒྱུད་བསྟན་པ་ནི། །རྟོག་གེའི་གཟུགས་བརྙན་མི་བསྒྲུབ་ཅིང་། །ངེས་འབྱུང་མོས་གུས་དག་སྣང་གསུམ། །ལྷུར་བྱེད་ལས་ཏོན་རྣམ་སྨིན་སྒྲིབ། །རྣམ་པར་མི་རྟོག་པས་སྦྱོང་ན། །ངེས་པ་ཁོ་ནར་ཕན་འདོགས་ཡུལ། །ལས་དང་པོ་པའི་སེམས་ཅན་ལ། །ཞི་བདེའི་སེམས་ཀྱིས་ངག་གཅོད་ཅིང་། །ཕྱོགས་སུ་རིང་ལ་གྲགས་འདོད་ཀྱིས། །རི་མོའི་ལམ་ནས་སེམས་གཡེངས་པ། །འདི་ནི་ལམ་རྟགས་མ་ཡིན་ཏེ། །འདོད་ཁམས་བདག་པོས་བརླབས་པའི་ཕྱིར། །དེ་ལ་སྐྱོ་བ་ལྷག་པར་འཕེལ། །དངོས་ནི་བསམ་གཏན་ཚེར་མ་ལ། །འཇིགས་ནས་དབེན་པ་

(༨༧༧)འབའ་ཞིག་བསྙེན། །ལས་རླུང་པག་ལ་ཞར་གྱུར་པས། །གཞན་མཚང་འདྲུ་དང་དག་འཁྱལ་གྱི། །གནས་ལ་ཤིན་ཏུ་སྐྱོ་ཞིང་བསུན། །དེ་ལྟས་མཁྱེན་དང་མི་མཁྱེན་སོགས། །ཆོས་བརྒྱད་མྱ་ངན་འདས་གྱུར་ཀྱང་། ཁྱོད་ཅིག་རྣལ་དུ་མི་ཐེབས་ན། །གང་གི་མདུན་སར་སླར་ཕྱོགས་ཤིག །གཏམ་ཚོགས་ལེའུ་རེ་གསུམ་པའོ། །རྣམ་གྲངས་པའི་དོན་དམ་ལ་དཔྱད་པའི་གཏམ། ལྷའི་རྒྱལ་རྔ་ཞེས་བྱ་བ། དཔལ་རྡོ་རྗེ་རྣོན་པོ་ལ་ཕྱག་འཚལ་ལོ། །འདི་ལ་གཉིས། ཤེས་བྱ་ཤེས་བྱེད་སྤྱིར་སྨོས་པ་དང་། ཐད་ཀའི་དོགས་པ་བསལ་བའོ། །དང་པོ་ནི་རྟེན་ཁྱད་པར་ཅན་གྱི་གང་ཟག་ཅིག་རྣམ་པ་ཐམས་ཅད་མཁྱེན་པའི་གོ་འཕང་ཐོབ་པར་བྱེད་པ་ལ་སྟོང་པ་ཉིད་ཀྱི་དོར་ཕྱིན་ཅི་མ་ལོག་པ་ཞིག་རྟོགས་དགོས། དེ་མིན་ན་སྦྱིན་པ་ལ་སོགས་པའི་ལམ་གཞན་ལྔ་ཡང་མིག་ལྡོངས་པ་དང་འདྲ་བའི་ཚུལ་སྡུད་པ་ལས། དམུས་ལོང་དམིགས་བུ་མེད་པ་བྱེ་བ་ཁྲག་ཁྲིག་རྣམས། །ལམ་ཡང་མི་ཤེས་གྲོང་དུ་འཇུག་པར་ག་ལ་འགྱུར། །དེ་བཞིན་ཤེས་རབ་མིག་མེད་ཕ་རོལ་ཕྱིན་ལྔ་འདིས། །དམིགས་བུ་མེད་པས་བྱང་ཆུབ་རེག་པར་ནུས་མ་ཡིན། །ཞེས་སོ། །དེ་ལྟ་ནའང་བདག་ཉིད་གཟེངས་བསྟོད་པ་དང་། གཞན་ཚར་གཅད་པའི་ཀུན་སློང་ཕྱིན་ཅི་ལོག་གིས་མ་ཡིན་པར་ཡང་དག་པའི་དོན་ལ་གང་ཉེའི་རིག་པ་བརྟག་པའི་ཕྱིར་བརྒལ་བ་དང་ལན་སྔོན་པའི་སྤོབས་པ་ཐོབ་ན་གཉིས་ཀའང་རྒྱལ་བའི་ཕྲིན་ལས་ཡིན་པས་མཉམ་པར་གཞག་པའི་སེམས་ཀྱིས་བལྟ་བར་བྱའོ། །དེ་ལ་སློབ་དཔོན་ཀླུའི་དབང་པོས། སྟོང་པ་ཉིད་ལ་ལྟ་ཉེས་ན། །ཤེས་རབ་ཆུང་རྣམས་ཕུང་བར་འགྱུར། །དཔེར་ན་སྤྲུལ་ལ་བཟུང་ཉེས་དང་། །རིགས་སྔགས་ལོག་པར་བསྒྲུབས་པ་བཞིན། །ཞེས་པ་འདི་དེ་ཁོ་ན་ཉིད་ལ་རྨོངས་པའི་མ་རིག་པ་ཟློག་བྱེད་ཀྱི་དེས་བརྗོད་དུ་འདྲེན་ནའང་། ཀུན་སློང་གིས་གསར་དུ་བསྐྱེད་པའི་མ་རིག་པ་འདིས་སོ་སོ་སྐྱེ་བོ་ཐམས་ཅད་མ་རུངས་པར་བྱེད་ཅིང་། རྣམ་གྲངས་མ་ཡིན་པའི་དོན་དམ་ཤེས་བྱའི་ཡུལ་དུ་ལུས་ནས་སླར་།།།ལ་ང་རྒྱལ་དང་རློམ་སེམས་འཕེལ་བས་ཡུལ་ཅན་ཤེས་བྱེད་ཀྱི་གནས་ལུགས་ལ་སྒྲོ་སྐུར་བྱེད་པ་ནི་མཁས་པ་རྣམས་ཀྱིས་ཀྱང་སྤང་བར་བྱ་སྟེ། སངས་རྒྱས་

(༨༧༨)ཀྱི་ཡུལ་བསམ་གྱིས་མི་ཁྱབ་པ་བསྟན་པའི་མདོ་ལས། ཐོབ་པ་ཞེས་བྱ་བ་དེ་ནི་གཡོ་བ་ཉིད་དོ། །མངོན་པར་རྟོགས་པ་ཞེས་བྱ་བ་དེ་ནི་རློམ་སེམས་ཉིད་དོ། །གཡོ་བ་དང་རློམ་སེམས་གང་ཡིན་པ་དེ་ནི་བདུད་ཀྱི་ལས་སོ། །ལྷག་པའི་ང་རྒྱལ་ཅན་དག་ནི་བདག་གིས་ཐོབ་བོ། །བདག་གིས་མངོན་པར་རྟོགས་སོ་ཞེས་རྣམ་པར་རྟོག་པར་འགྱུར་རོ། །ཞེས་གསུངས་པས་སོ། །དེ་ལ་ནང་པ་སངས་རྒྱས་པའི་གྲུབ་མཐའ་སྨྲ་བ་བཞི་ལས། ངེས་པའི་དེ་ཁོ་ན་ཉིད་དབུ་མ་ཆེན་པོའི་ལྟ་བ་ནི་རྟོགས་པའི་མཐར་ཐུག་ཏུ་མཐུན་མོད། དེ་ལ་རྒྱུའི་ཐེག་པར་ཤེས་རབ་ཀྱི་ཕ་རོལ་ཏུ་ཕྱིན་པ་དང་། སྔགས་ལམ་སྤྱིར་ཕྱག་རྒྱ་ཆེན་པོ་མཆོག་གི་དངོས་གྲུབ། ཐབས་ཀྱི་ལམ་ལ་ལྷན་ཅིག་སྐྱེས་པའི་ཡེ་ཤེས། ཞེས་གྲགས་པ་བརྟན་པ་དེ་དག་གྲུབ་མཐའ་མཐོས་ནས་གཞལ་ཡང་གཞལ་བྱེད་ཀྱི་བློ་དེ་ཉིད་ཕུང་པོའི་ཟག་པ་དང་། རྣམ་པར་ཤེས་པའི་ཚོགས་བརྒྱད་དང་འདྲེས་ཤིང་ཕྱོགས་པ་སླད་པའི་རྟོག་གེའི་རིག་པ་ཉིད་ཀྱིས་ཤེས་བྱ་གཤིས་ཐོག་ལས་གཞན་དུ་འཕེན་པའི་ཕྱིར། གྲུབ་མཐའ་འོག་མ་དང་བསྟུན་ནས་ཐོག་མར་ཕུང་པོ་ལྔ་ལ་ཉེ་བར་ལེན་པའི་སེམས་དང་བྲལ་བར་བྱེད་པའི་ཚུལ་བཅོམ་ལྡན་འདས་ཀྱིས། དགེ་སློང་དག་གཟུགས་བདག་མ་ཡིན་ནོ། །གཟུགས་བདག་ཡིན་ན་གཟུགས་གནོད་པ་དང་སྡུག་བསྔལ་བར་འགྱུར་མི་རིགས་ལ། གཟུགས་ལ་བདག་གི་གཟུགས་འདི་ལྟ་བུར་གྱུར་ཅིག །འདི་ལྟ་བུར་མ་གྱུར་ཅིག་ཅེས་བྱ་བའང་འགྱུར་རིགས་ན། གཟུགས་བདག་མ་ཡིན་པ་དེའི་ཕྱིར་གཟུགས་གནོད་པ་དང་སྡུག་བསྔལ་བར་ཡང་འགྱུར་ལ། གཟུགས་ལ་བདག་འདི་ལྟ་བུར་གྱུར་ཅིག །འདི་ལྟ་བུར་མ་གྱུར་ཅིག་བྱ་བའི་དབང་ཡང་མེད་དོ། །ཞེས་ཕུང་པོ་གཞན་བཞི་ལའང་བསྒྲེས་ཏེ་གསུངས་པའི་ཉེར་ལེན་གྱི་བདག་ཉིད་ཅན་འཇིག་ཚོགས་ལ་བལྟ་བ་མཐའ་དག་ཉེ་བར་ཞི་བར་བྱས་ན། ཡུལ་དང་ཡུལ་ཅན་སྐྱེ་མཆེད་ལྟར་བྱེད་པ་རྣམ་པར་ཤེས་པའི་ཚོགས་ཀྱང་རང་དེངས་ནས་འཕགས་པའི་བདེན་པ་མངོན་དུ་མཐོང་ཞིང་། དེའི་ཚེ་བདེན་པ་དབྱེར་མེད་སྤྲོས་བྲལ་རང་བྱུང་གི་ཡེ་ཤེས་སམ། ས་དང་པོའི་མཉམ་བཞག་

(༨༧༩)དོན་རང་གི་མཚན་ཉིད་ཅན་མངོན་སུམ་དུ་རྟོགས་པའོ། །གཞན་དུ་ཆོས་ཉིད་ཟབ་མོ་སྤྲོས་པའི་མཐའ་ཐམས་ཅད་དང་བྲལ་བའི་དོན་ལ་ཐོས་པ་དང་བསམ་པའི་ཤེས་རབ་ཀྱིས་རྣམ་པར་གཞིགས་ཤིང་དཔྱད་ནས་ངེས་པ་ཆེན་པོ་འདྲོངས་ཤིང་། །ཡོད་མེད་མཐའ་བྲལ་དུ་བློ་ཐག་ཆོད་པའི་ངང་ལ་བཅར་གྱིས་བཞག་པ་དེ་ནི་བློའམ་ཤེས་པའི་རྫས་ཀུན་རྫོབ་པ་ཡིན་པའི་ཚུལ་མདོ་ལས་ལམ་ཇི་ལྟར་བསྒོམ་པར་བགྱི། བཀའ་སྩལ་པ། ཆོས་དང་ཆོས་མ་ཡིན་པ་རྣམ་པར་མི་རྟོག །མཚན་ཉིད་དང་བྲལ་བའི་ལམ་སྒོམ་པའོ། །ཞེས་དང་། ཞི་བའི་ལྷས། དོན་དམ་བློ་ཡིས་སྤྱོད་ཡུལ་མིན། །བློ་ནི་ཀུན་རྫོབ་ཡིན་པར་བརྗོད། །ཅེས་སོ། ཁ་ཅིག་ལུང་འདིའི་གདོང་མ་བཟོད་པར། བློ་བྱེ་བྲག་པ་གཅིག་ཡིན་ནོ་ཟེར་བ་ནི། ཀུན་རྫོབ་ཀྱི་ངེས་ཚིག་ཙམ་ལའང་རྨོངས་པ་སྟེ། འདི་ལྟར་ཀུན་ཞེས་པ་ནི་འཁྲུལ་པའི་གློ་སྣང་མ་ལུས་པའོ། །རྫོབ་ཅེས་པ་ནི་དེ་ཐམས་ཅད་བརྫུན་པ། བསླུ་བ། གསོག །གསོབ། ཡམ་བརླབ། སྙིང་པོ་མེད་ཅིང་ཡང་དག་པའི་དོན་ལ་བསྒྲིབས་པ་ཀུན་རྫོབ་ཅེས་བྱའོ། །བདེན་པ་ནི་འཁྲུལ་པའི་བློ་ངོར་བདེན་པས་ན་བདེན་པའོ། །དེ་ཡང་སོ་སོའི་སྐྱེ་བོའི་ཤེས་པ་ནི་རྟག་ཆད་ལ་རག་ལུས་པས་ཀུན་རྫོབ་ཡིན་ལ། འཕགས་པ་ནི་དེ་ལས་ལྡོག་པས་མངོན་སུམ་པའོ། །དེའི་ཕྱིར་ཐོས་བསམ་ལ་སྒྲོ་འདོགས་ཆོད་པའི་མཁས་སུ་རེ་བས་ཀུན་རྫོབ་ཡོད་ཡོད་པོ་དང་། དོན་དམ་མེད་མེད་པོས་བདེན་གཉིས་ཤ་བའི་རྭ་ལྟར་བརྟགས་ནས་ཕུང་པོ་རྣམ་དཔྱད་ཀྱི་སྟོང་པར་བལྟ་བ་ནི་རྗེས་དཔག་ཡིན་པའི་ཚུལ་མྱང་འདས་ལས། ངས་སྔོན་ཕ་རོལ་ཏུ་ཕྱིན་པའི་མདོ་བརྗོད་པ་དག་ལས་སྟོང་པ་ཉིད་དུ་བསྟན་པ་ཡང་རང་བཞིན་མེད་པ་ཙམ་ལ་དགོངས་ཏེ་གསུངས་པར་རིག་པར་གྱིས་ཤིག །གཞན་དུ་ན་ཅི་ཡང་མེད་པའི་སྟོང་པ་ཉིད་བསྒོམས་པས་སངས་རྒྱས་ཀྱི་སྐུ་དང་ཡེ་ཤེས་འབྱུང་བར་མི་འགྱུར་ཏེ། འབྲས་བུ་ནི་རྒྱུའི་རྗེས་སུ་བྱེད་པའི་ཕྱིར་རོ། །ཞེས་སོ། །དེ་བས་ན་རང་བཞིན་ཡོངས་གྲུབ་ཀྱི་སྤྲོས་བྲལ་ནི་བློ་དང་ཡིད་བྱེད་ལས་གྲོལ་བ་ཡིན་ན། དེ་ལས་ལྡོག་པའི་ཡུལ་ཅན་ལ་རྣམ་པར་རིག་པ་ཅན་དེས་རྒྱལ་བའི་ཡུམ་གྱི་

(༨༨༠)དགོངས་པ་བསམ་གྱིས་མི་ཁྱབ་པའི་ཡེ་ཤེས་ལ་རེག་པ་མ་ཡིན་ཏེ། ཅིའི་ཕྱིར་ན་བློའི་རྟོག་དཔྱོད་རྣོན་པོ་དེ་སོ་སོར་རྟོག་པའི་ཤེས་རབ་དངོས་བསྟན་དུ་ལྷོངས་སྲིད་ནའང་འཕགས་པའི་ཤེས་རབ་ཀྱི་དབང་པོ་སྐྱེ་བའི་རྒྱུ་ཙམ་ལས། གདོད་སོ་སོར་རྟོག་པའི་ཤེས་རབ་དེ་ཉིད་ཀྱང་མ་གྲུབ་བར་རྟོགས་དགོས་པའི་ཚུལ་འོད་སྲུངས་ཀྱི་ལེའུ་ལས། འོད་སྲུངས་འདི་ལྟ་སྟེ། དཔེར་ན་ཤིང་གཉིས་རླུང་གིས་དྲུད་པ་དེ་ལས་མེ་འབྱུང་སྟེ། བྱུང་ནས་ཤིང་གཉིས་སྲེག་པ་དེ་བཞིན་དུ། འོད་སྲུངས་ཡང་དག་པར་སོ་སོར་རྟོག་པ་ཡོད་ན་འཕགས་པའི་ཤེས་རབ་ཀྱི་དབང་པོ་སྐྱེ་སྟེ། དེ་སྐྱེས་པས་ཡང་དག་པར་སོ་སོར་རྟོག་པ་དེ་ཉིད་ཀྱང་སྲེག་པར་བྱེད་དོ། །ཞེས་སོ། །དེ་བས་ན་སྔོན་འབྲས་བུའི་བསྟན་པ་རྫོགས་ནས་ལུང་གི་བསྟན་པ་ཆེས་དར་བའི་ཚེ་རྡོ་རྗེ་གཟེགས་མ་ལ་སོགས་པ་དབུ་མའི་གཏན་ཚིགས་ཆེན་པོ་བཞིས་བློ་མཆོག་རྣམས་སྒོམ་པའི་ཤེས་རབ་ལམ་ལྟོས་པར་ཐོས་བསམ་ཁོ་ནས་གྲོལ་བ་ཆེས་མང་བ་བྱུང་མང་། ད་ནི་སྒྲུབ་པའི་དུས་ཀྱང་ཆེར་ཐལ་བས་བཅོམ་ལྡན་འདས་ཀྱིས། དོན་དམ་པ་ནི་དད་པས་རྟོགས་པར་བྱ་བ་ཁོ་ན་ཡིན་ནོ། །ཞེས་དང་། ཁྱད་པར་ཐབས་ཀྱི་ལམ་ནི་ས་ར་ཧས། མདའ་བསྣུན་ན་རེ་ནམ་མཁའི་ཡིད་ཅན་ལ། །ཐར་པ་ནམ་ཡང་ཡོད་པ་མ་ཡིན་ཟེར། །བདེ་བའི་བདག་ཉིད་དང་ནི་བྲལ་གྱུར་ཅིང་། །ལུས་ཀྱི་དཀའ་ཐུབ་འབའ་ཞིག་ཙམ་ལྡན་པ། །དགེ་ཚུལ་དགེ་སློང་གནས་བརྟན་ཞེས་བྱ་བའི། །བནྡེ་རྣམས་ནི་དེ་ལྟར་རབ་བྱུང་ནས། ཁ་ཅིག་མདོ་སྡེ་འཆད་པར་བྱེད་ཅིང་འདུག །ལ་ལ་རོ་གཅིག་སེམས་ཀྱི་ཚུལ་འཛིན་མཐོང་། །གཞན་དག་ཐེག་ཆེན་དེ་ལ་རྒྱུ་བྱེད་དེ། །དེ་ནི་གཞུང་ལུགས་ཚད་མའི་བསྟན་བཅོས་ཏེ། །གཞན་ཡང་དཀྱིལ་འཁོར་འཁོར་ལོ་མ་ལུས་སྒོམ། ཁ་ཅིག་བཞི་པའི་དོན་འཆད་པ་ལ་ཞུག །ལ་ལ་ནམ་མཁའི་ཁམས་ལ་རྟོག་པར་བྱེད། །གཞན་དག་སྟོང་ཉིད་ལྟ་བར་བྱེད་པ་སྟེ། །ཕལ་ཆེར་མི་མཐུན་ཕྱོགས་ལ་ཞུགས་པ་སྟེ། །ལྷན་ཅིག་སྐྱེས་བྲལ་གཞན་གང་གིས། །མྱ་ངན་འདས་

(༨༨༡)གང་སྒོམ་བྱེད་པ། །དེ་དག་འགས་ཀྱང་དོན་དམ་ནི། །ཅིག་ཤོས་འགྲུབ་པར་མི་འགྱུར་རོ། །་ཞེས་པ་ལ་ཆོས་ཉིད་ཟབ་མོའི་གནས་ལུགས་མོས་གུས་དང་ཐབས་ཀྱི་ལམ་ལ་བརྟེན་ནས་རྟོགས་བྱ་རྟོགས་པའི་ཚུལ་གྱིས་བཤད་པ་གང་ཞིག །ཚིག་ཟིན་གྱིན་བར་སྣང་ཡང་ཚིག་ནི་བློའི་རྗེས་འགྲོ་ལ། དོན་ནི་ཐ་སྙད་དང་འགལ་བ་ཅན་ཡིན་པས་མན་ངག་ལྟར་བཤད་པའི་རྒྱུད་དང་། གྲུབ་ཆེན་རྣམས་ཀྱིས་རྟོགས་ཚུལ་ལ་ཉམས་སད་པར་བྱེད་པ་གང་ཞིག་ལའང་ལྟ་མཆོག་འཛིན་གྱི་གོ་ལས་བལྟར་མི་མངོན་པར་འཇུག་པ་ཆོས་ཅན། དེའི་རྒྱུས་ཚན་སྙིང་པོ་ལས། སྟོང་པ་ཉིད་ལ་གཟུགས་མེད། ཚོར་བ་མེད་ཅེས་པ་ནས། ཐོབ་པ་མེད། མ་ཐོབ་པ་ཡང་མེད་དོ། །ཞེས་པའི་བར་གྱི་རྣམ་པར་མི་རྟོག་པའི་ཡེ་ཤེས་མཚན་མའི་ཆོས་ཀྱིས་མི་འགྱུར་བ་གང་ཞིག །པདྨའི་ངང་ཚུལ་གྱིས་འགོག་པའང་དཔྱད་དགོས་ཏེ། རང་ཉིད་ཀྱང་དྲན་པ་དང་ཡིད་བྱེད་མེད་པ་མཐར་ཐུག་ཏུ་འདོད་པའི་ཚུལ་སྒོམ་རིམ་ཐ་མ་ལས། དེ་ལྟ་བས་ན་དམ་པའི་ཆོས་ལ་ཡང་དྲན་པ་མེད་པ་དང་ཡིད་ལ་བྱེད་པ་མེད་པ་དེ་ཡང་། ཡང་དག་པར་སོ་སོར་རྟོག་པ་སྔོན་དུ་འགྲོ་བ་ཡིན་པར་བལྟ་བར་བྱ་སྟེ། གང་གི་ཕྱིར་ཡང་དག་པར་སོ་སོར་རྟོག་པ་ཉིད་ཀྱིས་དྲན་པ་མེད་པ་དང་ཡིད་ལ་བྱེད་པ་མེད་པར་བྱེད་ནུས་ཀྱིས། གཞན་དུ་མ་ཡིན་ནོ། །ཞེས་པས་དཔྱད་སྒོམ་ནི་ལྟ་བའི་གནས་ལུགས་ཉམས་འོག་ཏུ་མ་ཚུད་བར་གྱི་སྔོན་འགྲོ་ལས། དངོས་གཞི་ལ་ཡིད་བྱེད་མེད་པར་འདོད་པ་འོད་སྲུངས་ཀྱིས་ཞུས་པ་དང་མཐུན་པའི་ཕྱིར་རོ། །དེས་ན་རྟོག་གེའི་དཔྱད་པས། སྟོང་པར་རྟོགས་སོ་སྙམ་བྱེད་དང་། ཡང་དག་པར་ངེས་ཤེས་འདྲོངས་པའི་བློ་དང་ཡིད་བྱེད། སྒོམ་པའི་དངོས་གཞིར་བྱེད་པ་དེ་ནི་དོམ་དམ་པ་དང་ཤིན་ཏུ་འགལ་ཞིང་སྲིད་ལེན་གྱི་བདག་ཉིད་ཅན་ཡིན་པས་ཆོས་རབ་ཏུ་རྣམ་འབྱེད་ཀྱི་བློ་གྲོས་སྲིད་ཞིའི་ཕ་རོལ་ཏུ་སོན་པའི་དོན་གྱི་དབུ་མ་ཆེན་པོའི་མི་མཐུན་ཕྱོགས་ཁོ་ན་ཡིན་པའི་ཚུལ་བདེན་གཉིས་ལས། སྐྱེ་ལ་སོགས་པ་བཀག་པ་ཡང་། །ཡང་དག་པ་དང་མཐུན་ཉིད་བཞེད། །སྐྱེ་མེད་སྤྲོས་ཀུན་ཞི་བ་ལ། །དོན་དམ་

(༨༨༢)ཞེས་པའི་བརྡ་མཛད་དོ། །ཞེས་པས། འབྲས་བུ་མངོན་དུ་བྱེད་པའི་ཚེ་ན་ལམ་བདེན་ཐམས་ཅད་ནི་སྤང་བྱ་ཡིན་པའི་དོན་ཁོང་དུ་ཆུད་པར་བྱས་ན་འཆད་པར་འགྱུར་བ་དག་ལའང་བདེན་བྲལ་ལེགས་ལྡན་གྱི་ལྷའི་སེམས་ལྡོག་པར་འགྱུར་རོ། །གཉིས་པ་ནི། སེམས་ཀྱིས་སེམས་ནི་མི་ཤེས་ལ། །སེམས་ཀྱིས་སེམས་ཀྱང་མི་མཐོང་དེ། །སྐྱེ་འགག་མཉམ་པར་བྱེད་པ་ལ། །སྟོན་པ་རྫོགས་པའི་སངས་རྒྱས་ཀྱིས། །ལྟ་བ་ཞེས་པའི་གླ་དགས་བཏགས། །བུ་མོ་མྱ་ངན་མེད་ཞུས་མདོར། །རྟོགས་པའི་ཚུལ་གྱིས་རྟོགས་པ་ལ། །ཆོས་མཐོང་མེད་ཅེས་བྱ་བ་ནི། །མཐོང་བའི་ཚིག་གི་བླ་དགས་སོ། །དེ་བཞིན་དཀོན་མཆོག་བརྩེགས་པ་ལས། །ཞི་བ་ཕྲ་སྟེ་བལྟ་དཀའ་བ། །འདུ་ཤེས་ཐམས་ཅད་བཅོམ་པས་ན། །དེ་ཕྱིར་ཏིང་ངེ་འཛིན་ཞེས་བྱ། །ཞེས་པའི་ཞི་གནས་དེ་ཉིད་ཀྱིས། །རེ་ཞིག་ཉོན་མོངས་འགོ་གནོན་ཡང་། །དེ་ཡི་སྒྲིབ་པ་བག་ལ་ཉལ། །སོ་སོར་རྟོག་པའི་ཤེས་རབ་ཀྱིས། །འཇོམས་ལ་ལྷག་མཐོང་ཞེས་སུ་གྲགས། །དེ་ལྟའི་ཞི་ལྷག་ཟུང་འབྲེལ་ལ། །འཇོག་ཚུལ་དགུ་དང་གཉེན་པོར་ནི། །ཉས་པ་ལྔ་སྤོང་འདུ་བྱེད་བརྒྱད། །བྱིང་བ་དམིགས་པ་མི་གསལ་བའི། །ཆ་ལ་དངས་ཆ་ཡོད་ཙམ་དང་། །ཡོད་མིན་མེད་མིན་ནུབ་པ་སོགས། །ཕྲ་རགས་དབྱེ་བ་ཕྱེད་པ་ཉིད། །རྒོད་པ་འདོད་ཆགས་ཆར་གཏོགས་པ། །ཀུན་ལས་བཏུས་སུ་བཤད་པ་ཡིན། །དྲན་པའི་ངོ་བོ་གཟུངས་ཉིད་དེ། །དེ་ཡི་རྣམ་འབྱེད་གཏིང་ཟབ་ཀྱང་། །བརྗེད་མེད་རྣམ་པར་མི་གཡེད་ཙམ། །རྟོག་གེ་བ་ལ་འཐད་དུ་རུང་། །ཤེས་བཞིན་རྒྱུན་ལ་གནས་པ་སྟེ། །དོན་ལ་བསྲུང་བའི་མཚན་ཉིད་ཅན། །བདེ་གསལ་མི་རྟོག་སྒོམ་པ་ཡི། །ཡང་རྩེ་དང་ནི་གོལ་སའི་ཆ། །གཉིས་སུ་འདོད་པ་མི་ལའི་ལུགས། །དེ་ཉིད་ལུང་མ་བསྟན་དོགས་ན། །སྒོམ་པའི་དུས་ན་ཡང་རྩེ་དང་། །ལྟ་བའི་གོལ་སར་སྨྲས་ན་ཟུང་། །གསལ་བ་གོ་འབྱེད་ཆ་ལ་བཏགས། །ཤིན་སྦྱངས་ཐོག་

(༨༨༣)པའི་ཡན་ལག་ཡིན། །མི་རྟོག་བཀོལ་དུ་མི་རུང་བའི། །གནས་ངན་ལེན་གྱི་རྣམ་གྲངས་ཅན། །དེ་ཕྱིར་ཉམས་གསུམ་ལ་ཞེན་ན། ཁམས་གསུམ་དག་ཏུ་གོལ་བའི་ཕྱིར། །བདེ་ཉམས་ལ་ཡང་ཤེས་པར་བྱ། །དམིགས་རྟེན་གྱིས་ནི་བཟུང་བའི་སེམས། །སལ་ལེ་ཧྲིག་གེ་ཞེས་པའི་སྒྲ། །རྨོངས་པ་དམིགས་གཏད་ལ་བརྟན་ནས། །ཐབས་ལ་མཁས་པའི་ཁྲིད་ཚུལ་ཏེ། །སྟོན་པས་དངོས་པོར་བལྟ་བ་ཅན། །འཁྲིད་ཕྱིར་བདག་ཡོད་གསུངས་དང་མཚུངས། །དེ་ལ་ཞི་ལྷག་ཟུང་འབྲེལ་ནི། །སེམས་དང་སེམས་བྱུང་ཉེར་ཞི་བའི། །ངང་དངས་རང་བཞིན་འོད་གསལ་ལ། །འབྱོན་འགྱུར་བྱམས་པ་མགོན་པོ་བཞེད། །རྒྱལ་བའི་བསྟན་པ་གངས་ཅན་ལས། །ཅི་ནའི་ཡུལ་དུ་ཆེས་སྔོན་དར། །དེ་ཕྱིར་སྟོན་པ་མཉམ་མེད་ནས། །རབས་སུ་བརྒྱུད་ཅིང་རྒྱལ་བའི་ཡུམ། །ལྟ་བའི་ཁུངས་སུ་བྱེད་པ་ཡང་། །སངས་རྒྱས་ཕལ་པོ་ཆེ་ལ་སོགས། །བློ་ལ་བཞུགས་པའི་ཁྱད་གཞི་ཅན། །ཅིག་ཅར་སྨྲ་བའི་པཎྜི་ཏའི། །ལྟ་བ་རྫོགས་པའི་སངས་རྒྱས་ལས། །གཞན་དུ་སུ་ཡིས་ཁ་ཚོན་ཆོད། །ཅི་ཕྱིར་ཡིད་ལ་མི་བྱེད་པ། །དེ་ཉིད་དགག་བྱ་ཡིན་ཟེར་ན། །མདོ་སྡེ་ལས་ཀྱང་དེ་སྐད་དུ། །བསམ་དུ་མེད་པའི་ཆོས་ཉིད་ལ། །བསམ་དུ་མེད་པའི་བློ་བཞག་ན། །བསམ་དུ་མེད་པའི་ཉམས་མྱོང་འབྱུང་། །ཞེས་དང་འཇམ་དཔལ་གནས་པའི་མདོར། །རྟོག་པ་རྣམས་ནི་གཡོ་བར་འགྱུར། །རྟོག་པ་མེད་ན་མྱ་ངན་འདའ། །གང་གིས་རང་བཞིན་དེ་ཤེས་པ། །དེ་ནི་ཡེ་ཤེས་ལྡན་ཞེས་བྱ། །ཞེས་དང་སྒྲ་གཅན་འཛིན་བཟང་པོས། །སྨྲ་བསམ་བརྗོད་མེད་སོགས་ཀྱི་སྒྲས། །ཡུམ་ལ་བསྟོད་པའི་ཐ་ཚིག་ཏུ། །སྐྱེ་འགག་གཉིས་མེད་ནམ་མཁའ་ཡི། །ངོ་བོར་སོ་སོ་རང་རིག་ཏུ། །བཞག་དེ་ཡིད་བྱེད་ཡིན་ནམ་ཅི། །ཡིན་ན་ཟབ་མོའི་མདོ་སྡེ་ལས། །རྟོག་གེས་བརྟག་ཏུ་མི་བཟོད་པས། །སོ་སོ་རང་གིས་རིག་པར་བྱ། །ཞེས་པའི་དོན་འདི་གང་དུ་རྟོན། ཁྱད་པར་དེ་ལ་འཁོར་བའི་རྒྱུ། །ཕྱག་ཤིང་བསྐོར་བས་

(༨༨༤)དྲིས་པའི་ཚེ། །བེར་ཐུལ་སྤྲུགས་ནས་གཟུང་འཛིན་དུ། །བརྡ་ལན་སྟོན་པའི་མངོན་ཤེས་ཅན། །ཡིན་པར་མ་ཟད་སྒོམ་རིམ་གསུམ། །ཐལ་འགྱུར་དོན་ལ་རེག་གམ་མིན། །རང་རྒྱུད་འགེགས་པ་རྣམས་ལ་འདྲི། ཁྱད་པར་ཇོ་བོའི་ཅིག་ཅར་དུ། །འཇུག་པས་ཁ་ཚོན་གསལ་བར་ཆོད། །དུས་དེར་དགག་པ་བྱུང་ཟེར་བས། །ཡང་དག་ཉིད་དུ་མི་འགྲུབ་ན། །འཕགས་པའི་ཡུལ་དུའང་ཐེག་ཆེན་ལ། །ཆོས་ལོག་ཡིན་པར་སྨྲ་བ་དང་། །སྔགས་སྐུ་བཤིག་པའི་ཉན་ཐོས་ལ། །རྒྱལ་པོའི་ཆད་པ་བྱུང་བ་སོགས། །གཟུ་བོའི་བློ་ཡིས་སེམས་དང་ཀྱེ། །གཤིས་ལ་དགེ་སྡིག་ཡོད་ཟེར་བའི། །གྲུབ་མཐའ་བཟང་པོ་ཉིད་ཡིན་ན། །གྲངས་ཅན་ལུགས་དེ་ཁྱད་པར་འཕགས། །རྒྱུ་མཚན་ཡང་དག་སྦྱོར་རྒྱུད་ལས། །དེ་ཡི་སྡིག་དང་བསོད་ནམས་ཀྱི། །ཆ་གཉིས་རྣམ་པར་བཏགས་པ་སྟེ། །མཁས་པས་འདི་གཉིས་རྣམ་པར་སྤང་། །ཞེས་དང་རིན་ཆེན་ཕྲེང་བ་ལས། །སྡིག་དང་བསོད་ནམས་བྱ་བ་འདས། །ཟབ་མོ་བཀོལ་བའི་དོན་དང་ལྡན། །མུ་སྟེགས་གཞན་དང་རང་ཉིད་ཀྱིས། །གནས་མིན་སྐྲག་པས་མ་མྱངས་པ། །ཞེས་པའི་ཆོས་ཉིད་གང་ལ་རེག །དེས་ན་ལྟ་བ་ཟབ་མོ་ལ། །ཤིན་ཏུ་མཉམ་པར་འཇོག་པའི་དོན། །སྤྱོད་དཔའི་ལུགས་སུ་སྨྲ་དགོས་ན། །དོན་དམ་ཡང་ནི་ཀུན་རྫོབ་འགྱུར། །ཆོས་ཉིད་གཟིགས་པ་ཀླུའི་དབང་པོས། །གལ་ཏེ་མྱ་ངན་འདས་དངོས་ན། །མྱ་ངན་འདས་པའང་འདུས་བྱས་འགྱུར། །དངོས་པོ་འདུས་བྱས་མ་ཡིན་པ། །འགའ་ཡང་གང་ན་ཡོད་མ་ཡིན། །ཞེས་གསུང་འོན་ཏེ་རྗེས་ཐོབ་ལའང་། །རིག་པ་བསྒྲེ་བའི་བླུན་པོ་འགས། །ཐབས་ལ་སྐུར་བ་བཏབ་ཟེར་ན། །བདེན་གྱིས་རང་སྡེ་ལེགས་པར་སྲུངས། །སྤྱོད་པ་ཉམས་དང་ལྟ་བ་འཁྲུལ། །ཤིན་ཏུ་མོད་པ་སེམས་ཅན་གྱི། །ལས་ལ་སུ་ཡིས་འཇུག་ལྡོག་ནུས། །དཔྱད་དང་འཇུག་སྒོམ་གཉིས་ཀའི་ལུགས། །གདོད་ནས་སྤངས་པ་ག་ལ་སྲིད། །སྔོན་འགྲོའི་དུས་སུ་དཔྱད་

(༨༨༥)སྒོམ་དང་། །དངོས་གཞི་འཇོག་སྒོམ་གཙོར་བྱེད་པས། །རྟོག་དང་མི་རྟོག་མཚམས་སྦྱོར་བ། །སྒྲུབ་བརྒྱུད་བསྟན་པ་ཀུན་ལ་གྲགས། །དེ་ལྟ་ན་ཡང་དབང་རྣོན་དང་། །བརྟུལ་པོའི་ཁྱད་པར་བླ་འོག་ལྟར། །ཆེ་ཡང་བསྒྲིབ་ལ་ལུང་མ་བསྟན། །ཉོན་སྒྲིབ་ཀུན་བརྟགས་མཐོང་སྤངས་རྣམས། །ལམ་གསུམ་ལ་ལྟོས་སྤང་བ་དང་། །འཁོར་གསུམ་བདེན་ཞེན་དང་བཅས་པ། །མ་བསྒྲིབས་ལུང་མ་བསྟན་པ་ཡི། །ཤེས་སྒྲིབ་ལྷན་སྐྱེས་སྒོམ་སྤངས་ཀྱིས། །རང་སའི་སྤོང་ཚུལ་ཐ་དད་པ། །དེ་བཞིན་ཉིད་ལ་གནས་པས་སྦྱོང་། །ཐ་སྙད་ལ་ནི་མ་བརྟེན་པར། །དམ་པའི་དེ་ཉིད་མི་རྟོགས་པ། །པཎྜི་ཏ་ཡི་རང་ལུགས་ཡིན། །གཞན་དུ་གཤིན་རྗེ་དགྲ་ནག་ལས། །ཡང་ན་བླུན་པོ་དད་པ་བརྟན། །དེ་ལ་སྦྱོར་བའི་དངོས་གྲུབ་ཉེ། །རྟོག་ཅིང་དཔྱད་པའི་རྟོག་གེ་བ། །དེ་ལ་དངོས་གྲུབ་རིང་དུ་བསྐལ། །གསུངས་ན་མཐའ་གཅིག་ལ་ཞེན་པ། །འདི་གར་ལྟོས་པའི་རྟག་ཆད་ཡིན། །དངོས་གཞིའི་དུས་ན་དཔྱད་སྒོམ་ནི། །ལྷག་མཐོང་ཡིན་པའི་ངེས་པ་མེད། །བྱམས་པ་མགོན་དང་ཀླུའི་དགོངས་པ། །འདི་ལ་བསམ་བྱ་ཅི་ཡང་མེད། །གཞག་པར་བྱ་བ་ཅུང་ཟད་མེད། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །ཞེས་པའི་དོན་དང་འགལ་ཏེ་རེ། །འཕྲོ་བས་སྒོམ་གེགས་བྱེད་མི་བྱེད། །གང་ཟག་རང་སའི་རྒྱུད་ཚོད་གཙོ། །དཔྱད་སྒོམ་རང་དབང་ཅན་ཡིན་ལ། །འཕྲོ་བ་རྟོག་པའི་གཞན་དབང་ཅན། །རྒོད་དང་འཕྲོ་བ་གཅིག་གྱུར་ན། །མིང་འདོགས་གཉིས་སུ་ག་ལ་འོང་། །འོན་ཀྱང་འཕྲོ་བར་མ་ལྟོས་པའི། །རྒོད་པ་ཤེས་བྱ་ལ་སྲིད་དམ། །ཞི་གནས་སྒོམ་དང་གཅིག་མི་གཅིག །བསམ་གཏན་བཞི་པའི་ལྷ་ལ་དྲིས། །འོན་ཏེ་བྱིས་པ་ཉེར་སྤྱོད་ལས། །འཕགས་པའི་དོན་རབ་འབྱེད་པ་ལ། །དམིགས་པ་ཡིན་ན་རིམ་ལྔ་ལས། །ཀུན་རྫོབ་དང་ནི་དོན་དམ་དག །སོ་སོའི་ཆར་ནི་ཤེས་གྱུར་པ། །གང་དུ་ཡང་དག་འདྲེས་གྱུར་པ། །ཟུང་དུ་འཇུག་པ་

(༨༨༦)ཞེས་བཤད་དོ། །དེ་ནི་གཉིས་མེད་ཡེ་ཤེས་ཏེ། །མི་གནས་མྱ་ངན་འདས་པའོ། །ཞེས་པས་སོ་སོར་སྡུད་པ་ལ།་ །གོམས་པ་དག་གི་རྒྱུད་ལ་གསལ། །འཇོག་སྒོམ་བྱེད་ཚུལ་དེ་དང་དེར། །རྒྱུན་དང་རླན་དང་ཉེ་བར་འདུལ། །ཞི་དང་རྣམ་ཞི་རྩེ་གཅིག་མཉམ། །དགུ་ཡི་སེམས་ལ་བཏང་སྙོམས་ཐོབ། །ཡིད་ནི་གཟུགས་ཅན་མ་ཡིན་ཡང་། །ཕུང་པོའི་ཟག་པ་ཀུན་གྱི་རྒྱུ། །ཡིན་པའི་ཕྱིར་ན་ལང་གཤེགས་ལས། །ཕུང་པོ་སྐྱེ་མཆེད་ཚོགས་རྣམས་ཀྱི། །རྒྱུ་ནི་ཡིད་ལ་སོགས་པ་སྟེ། །བདག་མེད་རབ་ཏུ་འདྲོན་མང་ཞིང་། །སེམས་དང་བཅས་ཏེ་རབ་ཏུ་འཇུག །འདི་གཉིས་རྟག་ཏུ་འོད་གསལ་བ། །རྒྱུ་དང་འབྲས་བུ་སྤངས་པའོ། །ཞེས་པས་སྲིད་རྩེའི་ཉེས་དམིགས་རྒྱུར། །རྒྱལ་བས་ལེགས་པར་གསུངས་ན་ཡང་། །ཡུམ་གྱི་དགོངས་པ་འགེགས་པ་ལ། །སྲོང་པོར་བརྗོད་པའི་སྐབས་མི་རྙེད། །དེ་ལྟ་ན་ཡང་ས་ར་ཧར། །ཡིད་བརྟན་བྱེད་ན་དེ་ཉིད་ཀྱིས། །ཡིད་ཀྱི་དེ་ཉིད་དམིགས་དང་བཅས། །དམིགས་མེད་སྟོང་པ་ཉིད་ཡིན་ལ། །གཉིས་ལ་སྐྱོན་ནི་ཡོད་པ་སྟེ། །རྣལ་འབྱོར་གང་ཞིག་སྒོམ་པ་མིན། །ཞེས་པའི་དོན་ལ་ད་དུང་ལྟོས། །ཡིད་ལ་བྱེད་པ་ལྟ་བའི་མཆོག །ཡིན་ན་གསང་བའི་མདོ་སྡེ་ལས། །དཔེར་ན་མེ་ནི་རྒྱུ་ལས་འབར། །རྒྱུ་མེད་པ་ན་ཞི་བར་འགྱུར། །དེ་བཞིན་གཤེགས་པར་སེམས་འབར་གྱིས། །དམིགས་པ་མེད་ན་ཞི་བར་འགྱུར། །གསུངས་ན་རྫོགས་པའི་སངས་རྒྱས་ཀྱང་། །ཧྭ་ཤང་གི་ནི་ཕྱོགས་སུ་སླན། །ཡོད་པ་ཉིད་ནས་མི་རྟག་པས། ཁྱབ་པར་ཆོས་ཀྱི་གྲགས་པ་བཞེད། །དེ་ཕྱིར་གནས་ལུགས་གང་དུ་ཡང་། །གྲུབ་པ་མེད་པའི་འབྲས་བུ་ནི། །ཆོས་ཀྱི་སྐུ་རུ་འགྲུབ་པའི་ཚུལ། །དེ་མཐའ་དེ་ཡི་རྣམ་སྨིན་ནི། །ཞེས་སོགས་རྒྱན་ལས་གསུངས་དེས་ཆོག །སྟོང་ཉིད་གང་དུའང་མི་དམིགས་པའི། །དོན་དེ་རྣམ་པར་རིག་མེད་ཡིན། །དེ་ཡི་དབང་པོ་ཀླུ་སྒྲུབ་ཀྱིས། །ང་ལ་རྣམ་རིག་ཅུང་ཟད་མེད། །དེ་བཞིན་ཆོས་འདི་རྣམ་ཤེས་པ། །ཅུང་ཟད་ཤེས་པ་ཡོང་མ་ཡིན། །

(༨༨༧)འབྱུང་བ་དང་ནི་ཤེས་པ་ཉིད། །བྱིས་པ་རྨོངས་པ་རྣམས་ལ་སྣང་། །གསུངས་སོ་དོན་དེས་གནས་མིན་ལ། །བསྔོ་བ་འགྲུབ་པའང་མི་འདོད་ཀྱང་། །གནས་ཀྱི་བསྔོ་བ་འགྲུབ་པའི་རྒྱུ། །རྐྱེན་དང་འདུན་པའི་རྩེ་ལ་གནས། །དེ་ཡི་རྒྱུ་མཚན་ཡང་དག་ནི། །ཀུན་རྫོབ་ལ་བརྟེན་དོན་བྱེད་པ། །སོ་སོ་སྐྱེ་བོས་མི་ཤེས་པས། །བསྔོ་བ་མཁྱེན་དེ་དམ་པ་ཡིན། །ཆོས་རྣམས་བདེན་པར་མེད་པའི་དོན། །གཟུགས་ཅན་དང་ནི་མ་ཡིན་པའི། །བརྟག་ཚུལ་གཉིས་ལས་དང་པོ་ནི། །ཉན་ཐོས་སྡེ་བའི་ལུགས་ཡིན་པས། །གང་ཟག་བདག་དེ་རིན་བོང་གི། །རྭ་དང་མོ་ཤམ་བུ་ཡིས་མཚོན། །ཕྱི་མ་གཟུགས་ཅན་མ་ཡིན་པས། །བཅོམ་ལྡན་དངོས་དང་དངོས་མེད་པ། །མཁྱེན་ནས་ཀཱ་ཏྱཱ་ཡཱ་ན་ཡི། །གདམས་པ་ལས་ནི་ཡོད་པ་དང་། །མེད་པ་གཉིས་ཀ་བཀག་པར་མཛད། །གང་དུ་ཡང་ནི་མ་གྲུབ་པ། །འཇིག་རྟེན་ཆོས་མཆོག་མན་ཆད་ཀྱི། །བདེན་མེད་ལྟར་སྣང་ཙམ་པ་སྟེ། །ཆོས་མིག་རྡུམ་གྲལ་ཐོབ་པ་ཡི། །འཕགས་པ་རྣམས་ལ་མངོན་སུམ་མོ། །བདེན་མེད་འཛིན་དང་བདེན་མི་འཛིན། །འདི་ནི་བརྗོད་པ་རྒྱ་ཆེ་ལ། །དོན་ཟབ་པ་ཡི་རང་བཞིན་ཡང་། །བློ་ཡིས་འཇལ་ན་མེད་དགག་དང་། །མ་ཡིན་དགག་པའི་གཏན་ཚིགས་ཀྱིས། །གཅིག་དང་དུ་བྲལ་གྱིས་ཁྱབ་པ། །མཚན་ཉིད་ངེས་ཚུལ་གྱིས་གྲུབ་དང་། །རྐྱེན་ལས་སྐྱེས་པའི་རྟེན་འབྲེལ་གྱི། །རང་ངོ་དཔྱད་ནས་འགོག་དང་མཚུངས། །དང་པོ་སྤྲོས་པ་བཀག་པ་ཙམ། །ཡིན་ཕྱིར་ད་དུང་སྤྲོས་དང་བཅས། །གཉིས་པ་ཆོས་ཅན་གང་ཞིག་ནི། །དཔྱད་རིག་རྣོན་པོས་མཚང་བྲུས་ནས། །སོ་སོར་རྟོག་པའི་ཤེས་རབ་ཀྱིས། །སྣང་ལ་རང་བཞིན་མ་གྲུབ་པ། །སྒྱུ་མ་ལྟ་བུར་འཛིན་པ་དང་། །ཡོད་མེད་ཅིར་ཡང་མ་གྲུབ་པ། །ནམ་མཁའ་ལྟ་བུར་འཛིན་པ་ཡིན། །གཉིས་པོའང་བཏགས་པ་ཙམ་ཞིག་ལས། །ཆོས་ཀྱི་དབྱིངས་ལ་སེམས་མེད་པས། །བདེན་པ་གཉིས་ཀྱི་གདགས་གཞི་ཡང་། །གང་ཚེ་དངོས་དང་དངོས་མེད་དག །བློ་ཡི་མདུན་ན་མི་གནས་ཏེ། །དེ་ཚེ་རྣམ་

(༨༨༨)པ་གཞན་མེད་པས། །དམིགས་པ་མེད་པར་རབ་ཏུ་ཞི། །ཞེས་པས་དོན་གྱི་དབུ་མར་སྦྱོར། །དེ་ལས་འགལ་བའི་ཐ་སྙད་ཀྱིས། །གྲིབ་མ་ཤ་ཟར་འདོགས་པ་བཞིན། །དཔེ་དོན་ལོག་པར་བསྒྲུབས་པ་དེ། །བརྗོད་དུ་མེད་པའི་བདག་འཚོལ་འདྲ། །དེ་བཞིན་ང་དང་ང་ཡི་བར། །འཛིན་པའི་སེམས་ལ་དཔྱད་པའི་ཚེ། །དབྱིབས་དང་རྣམ་པ་ཕྱི་ནང་སོགས། །གང་དུ་ཡང་ནི་མ་མཐོང་བའི། །ཤུགས་ལ་མཐའ་བཞིའམ་བརྒྱད་སྤངས་པའི། །སྤྲོས་བྲལ་ངོ་སྤྲོད་མི་འཐད་ན། །བྱམས་པས་ཞུས་པའི་མདོ་སྡེ་ལས། །སེམས་ལ་དབྱིབས་མེད་ཁ་དོག་མེད། །གནས་མེད་ནམ་མཁའ་ལྟ་བུའོ། །ཞེས་དང་འོད་སྲུངས་ཀྱིས་ཞུས་པར། །འོད་སྲུངས་སེམས་ནི་ནང་ནའང་མེད། །ཕྱི་རོལ་ན་མེད་གཉིས་ཀར་མེད། །གསུངས་པའི་དགོངས་པ་ཇོ་བོ་རྗེས། །ཀུན་རྫོབ་ཇི་ལྟར་སྣང་བ་འདི། །རིག་པས་བརྟགས་ན་འགའ་མི་རྙེད། །མ་རྙེད་པ་དེ་དོན་དམ་ཡིན། །ཡེ་ནས་གནས་པའི་ཆོས་ཉིད་དོ། །ཞེས་པའི་དོན་འདི་གང་དུ་དྲང་། །འོན་ཏེ་གང་དུའང་མ་མཐོང་བས། །མེད་དེ་སྙམ་དུ་འཛིན་པ་དང་། །མེད་རྐྱང་ཉིད་དུ་ངོ་སྤྲོད་པ། །འདུག་ན་རིག་པས་སུན་ཕྱུང་ཞིག །དེ་ལས་གཞན་དུ་སོ་སྐྱེས་ནི། །མངོན་སུམ་མཐོང་བ་མ་ཡིན་བཞིན། །འཕགས་པའི་རྟོགས་པས་གཞལ་བྱེད་པའི། །ཀུན་སློང་བཟང་པོ་ཡིན་ན་རུང་། །དེ་བཞིན་མོས་པས་དཔྱོད་པ་དང་། །རྨོངས་དང་ཐོས་པ་ཉུང་བ་དང་། །སྟོང་པ་ཉིད་ལ་བཀྲི་བའི་སླད། །རང་གི་རང་བཞིན་དྲན་རིག་གིས། །སྐྱེད་ཚུལ་དེ་ལ་ནོར་བ་དང་། །མ་ནོར་གཉིས་སུ་དབྱེར་ཡོད་ཅིང་། །དེ་བཞིན་རྣམ་རྟོག་ལམ་འཁྱེར་ལ། །ཤེས་བྱའི་ཁྱད་པར་ཤེས་བྱེད་ཀྱི། །ཡུལ་ལ་ཞུགས་དང་མ་ཞུགས་ལས། །རྣམ་རྟོག་རང་རྒྱུད་ལྡན་མི་ལྡན། །ཤིན་སྦྱངས་ཐོབ་དང་མ་ཐོབ་སོགས། །རྨོངས་དང་དང་པོའི་ལས་ཅན་ལ། །འདོམས་པ་མིན་ཕྱིར་རང་ངོ་ལ། །ཅེར་གྱིས་ལྟ་དང་དག་ཚུལ་གྱི། །ཆ་ལ་ཆོས་

(༨༨༩)སྐུར་བཏགས་པ་ཙམ། །འགལ་ན་དྲི་མེད་འོད་ལས་ཀྱང་། །ཡུལ་གྱི་སྐད་ཀྱིས་ཆོས་གོ་ཕྱིར། །བསྟན་བཅོས་སྐད་ཀྱིས་ཅི་ཞིག་བྱ། །ཞེས་པའི་དོན་འདི་གང་དུ་དུང་། །ཕུང་ཁམས་སྐྱེ་མཆེད་ཚོགས་བརྒྱད་ཀྱི། །ཉེར་ལེན་དབྱིངས་སུ་མ་དག་པར། །སེམས་ཀྱི་དེ་ཉིད་ཆོས་མཚུངས་པས། །རང་གི་རང་བཞིན་མཐོང་བ་ལ། །སོ་སོར་རྟོག་པའི་ཤེས་རབ་ཀྱིས། །བསྟན་བཅོས་བྱེད་པོས་སྨྲ་ན་ཡང་། །རང་ངོ་ཆེར་མཐོང་རིག་ཤེས་ཀྱི། །དྲན་པའི་རྒྱུན་དང་རྫས་འགལ་བར། །དཔྱོད་ན་སྟོང་འཛིན་རྟོག་པའམ། །གསལ་ཆ་དོར་བ་མཐར་ལྟའི་གཡང་། །དཔྱད་ནས་སྟོང་བར་བལྟ་བ་ཡང་། །ཚུ་རོལ་མཛེས་དང་གཙོ་བོ་ལ། །རྣམ་འགྱུར་ཐིམ་པའི་གྲང་ཅན་ལུགས། །སྒྱུ་མ་ལྟ་བུ་ཡིན་ཟེར་ན། །དེ་ཡང་མུ་སྟེགས་བྱེད་ལ་ཡོད། །དེ་བཞིན་རྟོག་པས་བརྟགས་པ་ཡི། །སྤྲོས་བྲལ་ཚངས་པ་བ་ཡང་འདོད། །མདོར་ན་ཞང་ཞུང་པོ་ནལ་སོགས། །སངས་རྒྱས་བསྟན་དང་འདྲ་མཚུངས་སུ། །བཅོས་པ་རྣམས་ལ་སུ་ཡིད་གཏོད། །འོན་ཏང་བོད་ཡུལ་གངས་ཁྲོད་འདིར། །ཐོས་བྲལ་རྟོགས་པས་མ་ངོམས་པའི། །སྒོམ་ཆེན་བླུན་པོ་རང་ཉམས་ཅན། །ཡིད་ཆོས་མྱོང་བ་དང་བྲལ་ཞིང་། །དགེ་བའི་བཤེས་ཀྱིས་མ་ཟིན་པས། །རྟེན་འབྲེལ་ཚོགས་པའི་མཐོང་སྣང་དང་། །གཏི་མུག་སྒོམ་དུ་འཁྲུལ་བ་དག །རྣམ་རྟོག་གང་ཤར་ལ་བལྟས་ནས། །འགེགས་པ་འགོག་པའི་སྙོམས་འཇུག་ཡིན། །སྟོང་པ་ཉིད་དང་ཆོས་སྐུ་གཉིས། །རྒྱུ་འབྲས་ལྟ་བུར་ཡོད་པའི་ཚུལ། །གོང་དུ་རྒྱན་གྱི་དགོངས་པས་བཤད། །འོན་ཀྱང་ལམ་གྱི་གནས་སྐབས་ན། །ཡིད་ཀྱི་རྣམ་པར་རིག་པ་ཅན། །མ་བསྒྲིབས་ལུང་མ་བསྟན་པ་དེ། །དམིགས་པའི་ཆ་ནས་ཀུན་གཞི་དང་། །རྣམ་པའི་ཆ་ནས་རང་སེམས་པ། །འཁོར་གསུམ་རྣམ་པར་རྟོག་པ་ཡི། །སྤང་བྱ་སྤངས་པའི་སྟོང་ཉིད་ནི། །མཐོང་སྤངས་དྲི་བྲལ་ཆོས་ཀྱི་སྐུར། །བཏགས་ལ་འགག་བ་ཡོད་མིན་ཏེ། །སྔགས་ཀྱི་དུས་ན་མདོ་ལམ་གྱི། །སངས་རྒྱས་

(༨༩༠)བཏགས་པར་བཤད་དང་མཚུངས། །རྣམ་རྟོག་དགག་དང་བསྒྲུབ་པ་གཉིས། །ཀུན་ནས་འགལ་བ་ལྟག་སྤྲོད་མིན། །དང་པོའི་ལས་ཅན་རྣམས་ལ་ནི། །ངོ་བོ་ཉིད་སྒྲིབ་མ་རིག་ཡིན། །གོམས་པ་སྟོབས་སུ་གྱུར་པའི་ཚེ། །རྟོག་དང་མི་རྟོག་རོ་མཉམ་ཞིང་། །སོ་སོར་རྟོག་པའི་ཤེས་རབ་ནི། ཁྱད་པར་ཅན་གྱིས་མཐོང་སྤངས་དང་། །སྒོམ་སྤངས་སྒྲིབ་པ་སྤང་བའི་ཕྱིར། །ཆོས་སྐུའི་རབ་བཏགས་བརྗོད་པར་ཟད། །ཆོས་ཉིད་ཅིག་ཅར་ཟད་པ་ལ། །འཁོར་འདས་ལག་པའི་ལྟོ་རྒྱབ་ལས། །མེད་པ་ངེས་པར་བདེན་པ་སྲིད། །འཕྲོག་ནས་བསྐོས་སུ་འདེབས་པ་ཡི། །བླུན་པོའི་ཆོས་སྐད་གཞལ་དེས་ཅི། །ངེས་པར་བདེན་པ་གཟིགས་པ་དང་། །མཁས་མཆོག་རྣམས་ལ་གྲགས་པ་ཡི། །དུས་ཀྱི་འཁོར་ལོའི་སྦྱོར་དྲུག་དང་། ཁྱད་པར་མ་ཧཱ་སིདྡྷི་པའི། །སྐུ་གསུམ་ལམ་སྣང་གྲུབ་པའི་མཐའ། །ཟབ་ལ་དབྱིངས་ཆེ་དེར་བཏགས་པ། །ཕལ་གྱིས་ཤེས་པ་མ་ཡིན་ལ། །དེ་ལས་གཞན་པ་གདམས་ཕྲན་གྱིས། །དབང་པོ་བསླད་པའི་སྟོང་གཟུགས་ལ། །རྣམ་པ་ཀུན་གྱི་མཆོག་ལྡན་དུ། །འདོགས་པ་སྙིང་རྗེའི་གནས་ཡིན་པས། །དེ་ཀ་སྡེ་ཚན་གཅིག་པར་ཞོག །དེ་བཞིན་རང་སྟོང་གཞན་སྟོང་གི །གདགས་གཞི་རྒྱལ་བས་གསུངས་མོད་ཀྱང་། །དེ་ཡི་ཕྱོགས་འཛིན་ལ་བརྟེན་ནས། །བསྟན་པ་དཀྲུག་པ་ལྷ་ཆེན་པོའི། །རྣམ་ཐར་ཁོ་ནར་མཐོང་བའི་ཕྱིར། །མཆོག་དམན་སྐྱེ་དགུ་ཐམས་ཅད་ཀྱི། །རྒྱུད་ལ་བྱང་ཆུབ་སེམས་སྐྱེས་ནས། །བསྟན་པའི་ལྷག་ཞབས་ཅུང་ཟད་འདི། །ཆུད་མི་ཟ་བའི་བཀྲ་ཤིས་ཤོག །ནན་དུ་བསྐུལ་ན་བྲག་ཅ་ཡང་། །སྐྱེས་བུ་བཞིན་དུ་སྐྲོག་པའི་ཕྱིར། །སྡེ་སྣོད་འཛིན་པ་ས་ར་བ། །ཆོས་ཉིད་གཟིགས་པའི་སླད་དུ་བསྔོ། །གཏམ་ཚོགས་ལེའུ་རེ་བཞི་པའོ།། །།ཤིན་ཏུ་རྣལ་འབྱོར་གྲུབ་མཐའ་བཞི་ལ་རྟོན་པའི་གཏམ། རྡོ་རྗེ་གཟེགས་མའི་མཚོན་ཆ་ཞེས་བྱ་བ། མཁྱེན་རབ་རལ་གྲི་ཅན་ལ་འདུད། །འདི་ན་མཉམ་པར་མ་བཞག་ཅིང་། །རྟོག་

(༨༩༡)གེས་དྲེགས་པ་ཅེ་སྤྱད་འགའ། །མུན་པས་སྤྲུལ་པའི་ཆོ་དེ་འདོན། །འཁོར་ལོ་ཐ་མའི་སྦས་དོན་གང་། །སྔགས་སུ་མངོན་སུམ་ཕྱུང་བ་ནི། །ཀུན་ཏུ་བཟང་པོ་རྡོ་རྗེ་འཆང་། །རྗེ་བཙུན་རྡོ་རྗེ་རྣལ་འབྱོར་མས། །ས་ར་ཧ་དང་ཀླུ་སྒྲུབ་ཞབས། །མ་ཕམ་མགོན་པོ་དགའ་རབ་རྗེ། །པདྨ་དྲི་མེད་བཤེས་གཉེན་སོགས། །མཆོག་གཟིགས་རྣམས་ལ་འདོམས་མཛད་ཅིང་། །ལམ་དེ་ལས་ནི་དངོས་གྲུབ་རྙེས། །སྲོལ་ཕྱེ་སྙན་ནས་སྙན་བརྒྱུད་དུ། །དར་བའི་ཟབ་མོའི་ཆོས་རྣམས་ལ། །མ་རྟོགས་ལོག་རྟོགས་ཕྱོགས་རྟོགས་ཅན། །དྲང་ངེས་ལྡེམ་དགོངས་མི་ཕྱེད་བཞིན། །ཆོས་དོན་ཚིག་ལ་རྟོན་པས་འཇལ། །གྲུབ་མཐའ་སྨྲ་བ་རྣམ་བཞི་ཡི། །ཆོས་སྐད་ལས་གཞན་རྫུན་ནོ་ཞེས། །རྩ་ལྟུང་དྲུག་པ་རིན་གྱིས་ཉོ། །ཐུབ་མཐའ་བཞི་པོའི་མིང་ཙམ་དང་། །འགལ་ཚད་ལོག་པའི་ཆོས་ཡིན་ན། །སྔགས་སུ་ཕྱག་རྒྱ་ཆེན་པོ་དང་། །བདེ་སྟོང་ལྷན་ཅིག་སྐྱེས་པའི་སྒྲས། །ལྟ་བའི་དངོས་མིང་སྨོས་པ་དང་། །དོ་ཧ་མཛོད་དང་སོར་སྡུད་སོགས། །པཎ་གྲུབ་རྣམས་ཀྱིས་ཉམས་བླངས་ཤིང་། །དངོས་གྲུབ་ཐོབ་པ་དེ་དག་ཀྱང་། །ནང་པའི་གཞུང་དང་འགལ་ཏ་རེ། ཁྱད་པར་ངེས་དོན་དབུ་མ་ཆེའི། །སྦས་དོན་གཤིས་ཀྱི་ཐོག་འབེབས་པ། །ཀ་དག་རྫོགས་པ་ཆེན་པོ་ནི། །གྲུབ་མཐའ་བཞིན་ང་མ་འདུས་ན། །ཤེས་རབ་ཕ་རོལ་ཕྱིན་པ་ཡང་། །དེ་ཡི་ནང་དུ་མི་འདུ་སྟེ། །ཅིའི་ཕྱིར་གཟོད་ནས་དག་པའི་སྒྲ། ཁྱོད་ཀྱི་དགག་གཞི་ཡིན་པའི་ཕྱིར། །དེ་སྐད་དུ་ནི་སྡུད་པ་ལས། །གཟོད་ནས་དག་པས་སེམས་ཅན་སྐྱེ་བར་ག་ལ་འགྱུར། །འདི་ནི་ཤེས་རབ་ཕ་རོལ་ཕྱིན་མཆོག་སྤྱོད་པ་ཡིན། །ཞེས་དང་དེ་བཞིན་མདོ་རྒྱུད་ལས། །ཡེ་ཤེས་ཞེས་བྱའི་དོན་བསྟན་པའི། །ཡེ་ནི་དང་པོའི་ཐོག་མའི་སྒྲ། །ཤེས་ནི་སྒྲིབ་བྱེད་སྤངས་པ་སྟེ། །ཡུལ་དང་འབྲེལ་བ་མེད་ལ་བརྗོད། །དེ་བཞིན་ཀ་དག་སྒྲ་དོན་ཡང་། །བརྗོད་པའི་རྣམ་དབྱེ་གསལ་བྱེད་སྤྱི། །ཀ་ནི་དང་པོའམ་གཞི་ཡི་དོན། །ཡེ་དང་གཟོད་དང་དངོས་གཅིག་ལ། །དག་ནི་ཀུན་གཞི་

(༨༩༢)ཚོགས་བརྒྱད་ཀྱི། །འདུས་མ་བྱས་པའི་དོན་ཉིད་དེ། །གསུམ་ཀས་འཁོར་ལོ་ཐ་མ་ཡི། །སྤས་དོན་གདོད་ནས་དག་པ་བསྟན། །དེ་དག་རྣམས་ཀྱི་དགོངས་པ་ནི། །འདི་ལ་བསལ་བྱ་ཅི་ཡང་མེད། །གཞག་པར་བྱ་བ་ཅུང་ཟད་མེད། །ཡང་དག་ཉིད་ལ་ཡང་དག་བལྟ། །ཡང་དག་མཐོང་ན་རྣམ་པར་གྲོལ། །གསུངས་ལ་གནས་ཀྱང་རྟོག་གེའི་བློས། །བརྟག་ཏུ་མི་བཟོད་རྒྱལ་བའི་བཀའ། །ལ་ལ་བཟང་དང་ལ་ལ་ནི། །ཅིག་ཤོས་ཉིད་དུ་འདུ་ཤེས་ནས། །བསྟན་པ་དཀྲུགས་པ་བདུད་ཀྱི་ལས། །འདི་ན་ཆོས་རབ་རྣམ་འབྱེད་ཀྱི། །བློ་གྲོས་སྲིད་ཞིའི་ཕ་རོལ་ཏུ། །སོན་པ་སངས་རྒྱས་ཉིད་ལས་གཞན། །མེད་ཕྱིར་ཆོས་དང་གང་ཟག་ལ། །སྐུར་བའི་ཕྱོགས་ལྷུང་འདོད་ཞེན་ནི། །མནར་མེད་བསྒྲུབ་པའི་རྒྱུ་ལས་གང་། །དེ་བཞིན་གཤེགས་པའི་བསྟན་པ་ནི། །རྟོན་པ་བཞི་ཡི་བདག་ཉིད་ཅན། །འདུལ་བ་ལ་སྣང་མདོ་སྡེར་འཇུག །ཆོས་ཉིད་དོན་དང་མི་འགལ་བ། །བཀའ་ཡི་ཚད་དུ་གནང་བའི་ཕྱིར། །འཁོར་ལོ་དང་པོ་དང་བསྟུན་ཏེ། །དགག་པའི་ཕྱོགས་ནས་བཤད་ཀྱིས་ཉོན། །མིང་ཚིག་བརྗོད་པའི་རྒྱུའི་དང་པོ། །ཨའམ་ཀ་ནི་གཞི་ཡིན་ཏེ། །གཞི་སྒྲ་འཇུག་པའི་དོན་ལྔ་ལ། །རྣམ་རིག་ལྐོག་ཏུ་མ་གྱུར་ན། །དམ་པའི་དེ་ཉིད་མཐོང་བར་འགྱུར། །དེ་ཕྱིར་ཀ་ཞེས་བྱ་བ་ནི། །སྡུག་བསྔལ་བདེན་པའི་མངོན་བརྗོད་དེ། །རྒྱུ་རྐྱེན་ལས་བྱུང་ཀུན་འབྱུང་གི། །ཟག་པ་ཟད་པས་དག་ཅེས་བྱ། །ཀ་ནི་ལམ་བདེན་བྲལ་བྱ་སྟེ། །ཀུན་ཏུ་སྦྱོར་བའི་ཆོས་ཅན་ཀུན། །དག་པས་འགོག་བདེན་བྲལ་འབྲས་སོ། །འཁོར་ལོ་བར་པ་དང་བསྟུན་ཏེ། །བསྒྲུབ་པའི་ཕྱོགས་ནས་བཤད་ཀྱིས་ཉོན། །ཀ་ནི་ཐོག་མཐའ་མེད་པའི་དབྱིངས། །རྣམ་པར་ཐར་པའི་སྒོ་དང་པོ། །ངག་ནི་འདུས་མ་བྱས་པ་སྟེ། །མཚན་མེད་སྨོན་པ་མེད་པའོ། །འཁོར་ལོ་ཐ་མ་དང་བསྟུན་ཏེ། །གཉིས་ཀའི་ཕྱོགས་ནས་གཞལ་གྱིས་ཉོན། །ཀ་ནི་ཀུན་བརྟགས་གཞན་དབང་ཆོས།

(༨༩༣)།གཟོད་ནས་དག་པས་ཡོངས་གྲུབ་སྟེ། །དོན་ལ་རྟོན་པ་འདི་ཤེས་ན། །ཚིག་ལ་ཕུར་ཁུང་ཐུག་མི་འགྱུར། །བླ་ན་མེད་པའི་སྟོན་པ་དེས། །ངའམ་ང་འདྲའི་གང་ཟག་གིས། །ཆོས་དང་གང་ཟག་ཚད་གཟུང་གིས། །གཞན་དུ་ནོངས་པར་གྱུར་ཏ་རེ། །གསུངས་ལ་གཟུ་བོར་མ་བཞག་ན། །ཉན་ཐོས་སནྡ་བ་རྣམས་ཀྱིས། །ཐེག་ཆེན་དར་བའི་འགོ་རྩོམ་ཚེ། །ཀླུ་སྒྲུབ་ཅེས་བྱའི་གང་ཟག་གིས། །ཐེག་པ་ཆེན་པོ་ཞེས་བྱ་བའི། །ཆོས་ལོག་སྟོན་ནོ་ཞེས་སྐུར་ཞིང་། །ཧེ་རུ་ཀ་ཡི་སྐུ་བཤིག་ནས། །འདི་ནི་བདུད་ཀྱིས་བྱས་སོ་བསྒྲགས། །དེ་བཞིན་ཕྱོགས་ཀྱི་གླང་པོ་ལ། །མུན་པའི་གླང་པོ་ཞེས་པ་དང་། །རྒྱལ་སྲས་ཞི་བ་ལྷ་ལྟ་བུར། །འདུ་ཤེས་གསུམ་པར་སྨྲ་བ་སོགས། །རྒྱ་བོད་ཀུན་ཏུ་ལྷ་ཆེན་པོའི། །འཇུག་པས་བསྟན་པ་དཀྲུགས་པ་ནི། །སྔོན་བྱུང་ད་ལྟའང་ཡོད་སྲིད་ན། །དེ་ཡི་རྒྱུད་ལ་བྱང་ཆུབ་སེམས། །སྐྱེས་ནས་འཆལ་ཚུལ་མི་དགེའི་གཟུགས། །གཞན་གནོད་གཞི་བཅས་སྤོང་པ་ཡིས། །ཚུལ་ཁྲིམས་མཆོག་ལ་གནས་པར་ཤོག །འོན་ཏེ་བསྲེགས་བཅད་བརྡར་བ་ཡི། །གསེར་བཞིན་བསྟན་ལ་བྱི་དོར་གྱི། །སྤོབས་པ་ཐོབ་པ་ཡོད་སྲིད་ན། །གནོད་མིན་གདོན་དུ་འཛིན་པ་ལས། །རང་སའི་ཆོས་ལུགས་ལས་གཞན་པ། །དྲི་བཅས་ཉིད་དུ་དམ་བཅའ་བ། །འགལ་ཕྲེང་ཐལ་འགྱུར་འགོད་བྱེད་པ། །འཇིགས་བྲལ་ཨཀྵོ་བཛྲ་ཡི། །གཞུང་ལ་དཔྱད་གསུམ་དག་པ་ཡིན། །ཐལ་འགྱུར་རྣམ་དག་སྒྲུབས་ཤིག་ཀྱེ། །བདག་ཅག་རྒྱལ་བའི་བསྟན་པ་དང་། །དེ་ལས་གྱེས་པའི་ཆོས་ལུགས་ལ། །སྡེ་བ་བཅོ་བརྒྱད་བཀར་བསྡུས་བཞིན། །ཆོས་སྤོང་ལམ་ལ་མི་འཇུག་པས། །མཉམ་པ་ཉིད་དུ་གནས་གྱུར་ཅིག །རྫོགས་ཆེན་རང་བྱུང་རྡོ་རྗེས་སོ། །གཏམ་ཚོགས་ལེའུ་རེ་ལྔ་པའོ།། །།ཡེ་གྲོལ་ཀ་དག་གི་གཏམ། དག་པ་ཉིས་ལྡན་གྱི་མཛོད་ཁང་ཞེས་བྱ་བ། དང་པོའི་སངས་རྒྱས་ལ་ཕྱག་འཚལ་ལོ། །སྲིད་པའི་ཟུག་རྔུ་འབྱིན་ལ་ཉན་ཐོས་ཀྱི། །

(༨༩༤)སྡེ་སྣོད་དག་ཀྱང་ཐར་པའི་གྲུ་ཆེན་ཏེ། །རྣམ་པ་ཐམས་ཅད་མཁྱེན་པའི་གོ་འཕང་ནི། །གང་ལས་སྐྱེ་ཕྱིར་བྱང་ཆུབ་སེམས་ལ་འདུད། །དེ་ལ་མན་ངག་རྫོགས་པ་ཆེན་པོ་ནི། །འབྲས་བུ་ལམ་དུ་བྱེད་པས་དང་པོའི་བདེན་པ་ཡིན་ཏེ། རྒྱུ་འབྲས་རིམ་ཅན་ནམ། སླང་གཉེན་གྱི་ཚུལ་ལས་འདས་པས་ཡང་དག་པའམ། རྣམ་པར་དག་པའམ། གདོད་ནས་དག་པའི་སྒྲ་ཀ་དག་ཏུ་བསྒྱུར་ནས་བསྟན་པ་སྟེ། དེ་ལ་དག་བྱ་ནི་རྒྱ་ཆེར་རོལ་པ་ལས། ཀ་ཞེས་བརྗོད་པ་དང་ལས་ཀྱི་རྣམ་པ་སྨིན་པ་ལ་འཇུག་པ་ཞེས་བྱ་བའི་སྒྲ་བྱུང་ངོ་། །ཞེས་པ་ལྟར་རྣམ་སྨིན་དང་འབྲེལ་བའི་ལམ་བདེན་ཀུན་རྫོབ་པ་ཉིད་ཀ་ནས་དག་པའི་དོན་ཡིན་ཏེ། དེ་ཡང་རྣམ་གྲངས་ཀྱི་སྒོ་ནས་བསྟན་ན། ཡང་ནི་ནན་ཏན་ཕྱིས་དག་པ་དང་། རྣམ་པར་ནི་རང་གི་ངོ་བོས་དག་པ་དང་། གདོད་དང་གཟོད་ནི་སྔ་ཕྱི་གང་རུང་ལ་འཇུག་པས་དུས་གསུམ་གྱི་སྤྲོས་པ་ལས་འདས་པའི་དོན། མཚན་བརྗོད་ལས་ཀྱང་། དུས་གསུམ་དུས་མེད་རྟོགས་པ་པོ། །ཞེས་སོ། །དེའི་ཕྱིར་ཀ་དག་གི་སྒྲ་དོན་ལོག་པ་ཡིན་ན། ཡང་དག་དང་རྣམ་དག་དང་། གཟོད་ནས་དག་པ་ཡང་ལོག་པ་ཡིན་ཏེ། སྡུད་པ་ལས། གཟོད་ནས་དག་པས་སེམས་ཅན་སྐྱེ་བར་ག་ལ་འགྱུར། །ཞེས་པའི་དགོངས་པ་ལེན་མི་ཤེས་པར་ཟད་དོ། །དེ་བས་ན་སྒྲ་དོན་ལ་འཇུག་པའི་ཚེ་ཡང་ཀ་ནི་སྔོན་རོལ་པ་སྟེ། བརྗོད་པ་འབྱུང་བའི་རྒྱུའི་དང་པོ་དབྱངས་དང་གསལ་བྱེད་ཀྱི་སྤྱི་བོ་ན་ཡང་ཨ་དང་ཀ་ཡོད་ཅིང་། དེ་གཉིས་ངོ་བོ་གཅིག་ལས་ལྡོག་པ་ཐ་དད་པས་སྐྱེ་འགག་གཉིས་མེད་ཀྱི་དོན་ལ་འཇུག་པའི་ཚུལ་སྔ་མ་ལས། ཨ་ནི་ཡིག་འབྲུ་ཀུན་གྱི་མཆོག །དོན་ཆེན་ཡི་གེ་དམ་པ་སྟེ། ཁོང་ནས་འབྱང་བ་སྐྱེ་བ་མེད། །ཚིག་ཏུ་བརྗོད་པ་སྤངས་པ་སྟེ། །བརྗོད་པ་ཀུན་གྱི་རྒྱུ་ཡི་མཆོག །ཅེས་པས་དབྱངས་ཀྱི་དང་པོ་ནི་སྐྱེ་བ་མེད་པའི་དོན་དང་། གསལ་བྱེད་ཀྱི་དང་པོ་ནི་བརྗོད་པའི་རྒྱུ་འགག་པ་མེད་པའི་དོན་ལ་གནས་པས་སྐྱེ་འགག་གཉིས་མེད་ཀྱི་བདེན་པ་ཀ་དག་གི་སྒྲས་

(༨༩༥)དག་པ་གཉིས་ལྡན་གྱི་གོ་དོན་ཡང་ལྷོངས་ཤིང་། ལམ་བདེན་འདུས་བྱས་པ་ལས་འདས་པའི་བརྗོད་གཞིར་བསྟན་པ་ཡིན་ནོ། །ཐ་ན་འཇིག་རྟེན་གྱི་ཁ་སྐད་ཙམ་ལའང་ཞིང་རང་སར་ཆུ་འདྲེན་པ་རི་མགོ་ལ་ཆུའི་ཀ་ཞེས་སྒྲོག་ཅིང་། དེ་བཞིན་དུ་མིང་གི་ལུང་མ་བསྟན་པའི་ངོ་བོ་ཉིད་སྨྲ་བའི་ཚིག་བསླད་པའང་། ཀ་ཅ་དང་ཀ་བ་དང་། ཀ་བློ་མི་བདེ་བ་སོགས་བརྗོད་པའི་ཕྱིར་རོ། །དེ་ནང་པའི་གྲུབ་མཐའ་སྨྲ་བ་བཞིའི་ཆོས་སྐད་ལས་ལོགས་སུ་གྱུར་པའི་སྙམ་པའི་ཡོག་ཤེས་ཅན་ལ་བཀའ་འཁོར་ཡོ་གསུམ་གྱི་འཆད་གཞི་དང་སྦྱར་ནས་ཚིག་གི་མེ་ཏོག་དོན་གྱི་འབྲས་བུ་ལ་རྟོན་པའི་ཚུལ་རྡོ་རྗེ་གཟེགས་མའི་མཚོན་ཆར་འདོམས་ཟིན་ལ། དེ་བས་ན་དབང་པོ་རབ་ཀྱིས་གཞུང་གིས་མཚན་ལ་དཔྱད་པས་དོན་དཔྱིས་བྱིན་པར་རྟོགས་པ་ནི་ཐོས་བསམ་དང་འབྲེལ་བའི་དཔྱད་སྒོམ་ཡིན་ལ། དེ་སྒོམ་པའི་ཤེས་རབ་ཀྱིས་ཉམས་སུ་མྱོང་བའི་བྱིང་འཇོག་སྒོམ་གྱི་གནད་བཤད་པར་བྱའོ། །རྫོགས་པ་ཆེན་པོའི་རིག་པ་ནི། །སེམས་མིན་སེམས་ལས་བྱུང་བའང་མིན། །ཕུང་པོ་ལྔ་དང་མ་འདྲེས་ཤིང་། །རྣམ་ཤེས་ཚོགས་བརྒྱད་ལས་འདས་པས། །གྲུབ་མཐའ་རྗེས་སུ་འཛིན་རྣམས་ཀྱི། །བློ་ཡིས་བཏགས་པའི་མེད་དགག་དང་། །མ་ཡིན་དགག་དང་མཐའ་བརྒྱད་ཀྱི། །སྤྲོས་པ་བཤིག་པའི་རྗེས་ཐོབ་ཀྱི། །རིག་པ་འདུས་བྱས་ལས་འདས་པས། །ཡེ་གྲོལ་འདུས་མ་བྱས་པའོ། །དེ་སྐད་དུ་ནི་སྤྱོད་འཇུག་ལས། །བདེན་པ་མཐོང་བས་གྲོལ་འགྱུར་གྱི། །སྟོང་ཉིད་མཐོང་བས་ནི་བྱ་གསུངས། །དེ་ལྟ་མོད་ཀྱི་དབང་རྣོན་དང་། །སྦྱངས་པ་སྔོན་སོང་མ་ལགས་པས། །དོན་འདི་རྟོགས་པ་མ་ཡིན་ཏེ། །སྒོམ་མོ་སྙམ་པ་སེམས་ཡིན་ལ། །རྣམ་རྟོག་ལྔ་བཅུ་སེམས་བྱུང་ངོ་། །བློ་ཡིས་བགྲོད་ཡུལ་གཟུགས་བུང་སྟེ། །དེ་ཡི་རོ་མྱོང་ཚོར་བའོ། །རྟོག་དཔྱོད་དབུ་མར་འཁྲུལ་པ་ཡི། །སྦུ་རིས་འབྱེད་པ་འདུ་ཤེས་ལ། །བག་ཆགས་བརྟས་པ་འདུ་བྱེད་རྒྱུ། །ཀུན་གྱི་བདག་ཉིད་རྣམ་ཤེས་ཏེ། །དེ་དག་ཡུལ་དང་ཡུལ་ཅན་དུ། །འབྲེལ་ལས་ཚོགས་དྲུག་སྐྱེ་བའི་ཕྱིར། །གོ་བས་དཔྱད་པའི་རྣམ་གཡེང་གིས། །

(༨༩༦)བསམ་གཏན་དཀྲོག་པའི་རྟོག་གེ་དང་། །མྱོང་བས་བསླུས་པའི་དཔྱད་སྒོམ་གྱིས། །བྱིས་པ་ཉེར་སྤྱོད་སྒོམ་པ་རྣམས། །བསམ་གཏན་དང་པོའི་ཉེར་བསྡོགས་དང་། །དངོས་གཞི་ཉིད་ལས་འཕགས་པ་མེད། །ཆོས་ཉིད་གཟིགས་པ་ཞི་བ་ལྷས། །རྣམ་དཔྱོད་ཀྱིས་ནི་སྦྱོང་བྱེད་ན། །དེ་ཚེ་རྣམ་དཔྱོད་དེ་ཡང་ནི། །རྣམ་དཔྱོད་ཕྱིར་ན་ཐུག་པ་མེད། །དཔྱད་བྱ་རྣམ་པར་དཔྱད་བྱས་ནས། །རྣམ་དཔྱོད་ལ་ནི་རྟེན་ཡོད་མིན། །རྟེན་མེད་ཕྱིར་ན་མི་སྐྱེ་སྟེ། །དེ་ཡང་མྱ་ངན་འདས་པར་བརྗོད། །ཞེས་གསུངས་ཐ་སྙད་ལ་བརྟེན་ནས། །སྟོང་ཉིད་གཏན་ལ་འབབས་པ་དེ། །བདག་ཉིད་ཆེན་པོ་ཀླུ་སྒྲུབ་དང་། །ཟླ་བ་གྲགས་པའི་ལུགས་མིན་ཡང་། །དེ་ནི་ཐོས་དང་བསམ་པ་ཡིས། །གཤིས་ཀྱི་བཞུགས་ཚུལ་དཔྱད་པའི་སྐབས། །ཡིན་བྱི་སྒོམ་པའི་དངོས་གཞི་ལ། །སྔགས་ཀྱི་ཐབས་ལམ་གཙོར་བྱས་ནས། །ལས་རླུང་ཟད་པར་བྱེད་པའི་དོན། །ཉམས་སུ་གཞེས་པ་ཤེས་བར་གྱིས། །དེ་ལ་མཚན་བཅས་མཚན་མེད་ཀྱི། །རྫོགས་རིམ་གཉིས་ལས་ཕྱི་མ་ནི། །མན་ངག་རྫོགས་པ་ཆེན་པོ་སྟེ། །འདུས་མ་བྱས་པའི་རིག་པ་ལ། །ཀ་ནས་དག་པ་ཞེས་བྱ་སྟེ། །བསྒོམ་པར་བྱ་བའི་ལྟ་བ་དང་། །སྒོམ་པར་བྱེད་པའི་ཤེས་པ་མེད། །མེད་དོ་སྙམ་ན་ཆད་ལྟ་དང་། །ཡོད་དོ་སྙམ་ན་རྟག་ལྟ་དང་། །གཉིས་ཀྱི་བར་ནི་བློ་ཡིན་པས། །དོན་དམ་བློ་ཡི་སྤྱོད་ཡུལ་ཡིན། །ཆེ་ནི་ཀུན་རྫོབ་ཉིད་དུ་གསུངས། །བློ་དང་བྲལ་བ་རྟོགས་པ་ལ། །ཚོགས་རྫོགས་སྒྲིབ་པ་དག་པ་དང་། །བླ་མའི་བྱིན་རླབས་ཞུགས་པ་དགོས། །དེ་སྐད་དུ་ནི་སྟོན་པའི་བཀས། །དོན་དམ་པ་ནི་དད་པ་ཡིས། །རྟོགས་པར་བྱ་བ་ཡིན་ནོ་གསུངས། །དེ་ཕྱིར་ཚོགས་གསོག་སྒྲིབ་སྤྱོད་དང་། །དད་པས་རང་རྒྱུད་བརླན་བྱས་ནས། །གྲུབ་མཐའི་ཞེན་པས་མ་བཅིངས་པའི། །རིག་པ་རང་བཞིན་མེད་པ་འདི། །གདོད་ནས་དག་པའི་ལྟ་བ་ཡིན། །ཡིན་ནོ་སྙམ་ན་ངེས་ཤེས་ཀྱང་། །ཤེས་བྱའི་སྒྲིབ་པ་རྔམ་ཆེན་ཏེ། །དངོས་དང་དངོས་མེད་བློ་ཡི་བདག །འདུས་

(༨༩༧)མ་བྱས་དབྱིངས་མ་ཞི་བར། །རྟོག་དཔྱོད་ཚེར་མས་སྒོམ་པའི་མིག །ཕུག་སྟེ་སྨྲ་བསམ་བརྗོད་མེད་ལ། །སྐྲག་པ་སྐྱེས་ནས་བཅོས་ཤིང་བཅོས། །བསྒྲིམས་ཤིང་བསྒྲིམས་པ་མཐོང་ལམ་གྱི། །དམ་པའི་དེ་ཉིད་ཡིན་ཟེར་ན། །མུ་སྟེགས་ཚངས་པའི་རྗེས་འབྲང་གི། །ཕྱོགས་སུ་དེངས་ཤིག་གཞན་དུ་ན། །ཐེག་པ་ཆེན་པོའི་རྒྱུད་བླ་མར། །འདི་ལ་བསལ་བྱ་ཅི་ཡང་མེད། །ཞེས་པའི་དོན་དང་ཅིས་མི་འགལ། །ལྟ་བའི་ངོ་བོ་དྲན་པ་དང་། །དབྱེར་མེད་རོ་གཅིག་བསྲེ་བ་ལ། །སྒོམ་པ་ཞེས་བྱའི་ཐ་སྙད་གྲགས། །དེ་གཉིས་ཐ་དད་བཟུང་བྱས་ཏེ། །ལྟ་བ་མ་ཧེ་ལྟ་བུ་ལ། །སྒོམ་པ་སྐྱོད་བྱེད་ལྟར་བྱས་ནས། །ཡིད་དང་ཆོས་སུ་འབྲེལ་བ་ཡི། །རྟོག་དཔྱོད་ཚེར་མ་ལྟ་བུའམ། །འགྱུར་དྲན་ངང་དུ་འཇོག་བྱེད་ཀྱང་། །གཞག་པར་བྱ་བ་ཅུང་ཟད་མེད། །ཅེས་དང་འགལ་བ་ལྟག་སྤྲོད་ཡིན། །ལྟ་སྒོམ་རྗེས་སུ་སློད་པ་དེ། །དོན་གྱི་དཔྱོད་པ་བླ་ན་མེད། །བླང་དོར་དགག་སྒྲུབ་བློ་བྲལ་བས། །ཡང་དག་ཉིད་ལ་ཡང་དག་བལྟ། །གསུངས་འདི་རྒྱལ་བའི་གསང་ཚིག་ཡིན། །གཞི་དང་ལམ་དང་འབྲས་བུའི་ཆོས། །ཀ་ནས་དག་པའི་ཆོས་ཉིད་ལ། །བསྒོམ་བྱ་སྒོམ་བྱེད་ཅུང་ཟད་མེད། །ཀ་དག་དོན་ནི་ཡང་དག་ཕྱིར། །ཡང་དག་མཐོང་ན་རྣམ་པར་གྲོལ། །ཅེས་པའི་དོན་ལ་སུ་ཡིས་བསྙོན། །འདི་ཉིད་མ་རིག་རྟོག་ཅན་རྣམས། །འཁོར་ལོ་བར་མཐའི་དྲང་ངེས་དང་། །ཐ་སྙད་ཚིག་ལ་ལྟ་བར་འཛིན། །མཚན་ཉིད་མེད་ལ་བློས་སྒྲོ་འདོགས། །ཕུང་པོ་ལྔ་པོ་རང་བཞིན་གྱིས། །སྟོང་པར་ཡང་དག་རྗེས་པ་ལྟ་བ། །བཅོས་པའི་སྟོང་པས་བསླད་པ་ཡི། །གཟུགས་སོགས་སྟོང་ཡུལ་རང་ངོ་ནས། །གྲུབ་པ་མེད་པའི་དོན་ལས་རིང་། །གྲིབ་པའི་གཟུགས་བརྙན་ཤ་ཟ་རུ། །ཡོད་པ་ལུས་མིན་འཁྲུལ་ཤེས་དེ། །གཟུང་བའི་ཡུལ་དང་རྟོག་དཔྱོད་ཀྱི། །ཤེས་པ་འཛིན་པའི་སེམས་ཡིན་ན། །ཆོས་ཅན་སྣང་བར་འདོད་པ་ཡི། །གྲུབ་མཐའ་མུ་སྟེགས་བྱེད་དང་མཚུངས། །དེ་ཕྱིར་ཀུན་རྫོབ་ཙམ་དུ་ཡང་། །འཁྲུལ་

(༨༩༨)གཞི་ཞལ་གྱིས་མི་བཞེས་པ། །བདག་ཉིད་ཆེན་པོ་ཀླུ་སྒྲུབ་དང་། །ལྷ་གཅིག་དཱི་པཾ་ཀ་རའི་ལུགས། །འདི་ན་མངོན་པའི་ང་རྒྱལ་ཅན། །ལུང་གི་དམ་ཆོས་ལ་ཞེན་ནས། །མཉམ་པར་གཞག་དང་རྫས་འགལ་བའི། །བདག་མེད་གཉིས་ཀྱི་ཚིག་ལ་ཞེན། །མཐའ་བརྒྱད་སྤྲོས་བྲལ་བློས་བཅོས་ནས། །རབ་ཏུ་མི་གནས་དབུ་མའི་དོན། །ང་ལས་གཞན་གྱིས་མ་རྟོགས་ལོ། །དེ་ཀ་རང་ལྟ་མཆོག་འཛིན་གྱི། །རྟག་ཆད་མུ་བཞིའི་ཕྲང་ཡིན་ཏེ། །བཅོམ་ལྡན་བདག་ཉིད་ཆེན་པོ་དེས། །དགེ་སློང་གང་ཞིག་འདི་སྙམ་དུ། །ང་ནི་ངེས་པར་དགྲ་བཅོམ་པའི། །གོ་འཕང་ཐོབ་བོ་སྙམ་བྱེད་ན། །དེ་ནི་དགྲ་བཅོམ་མ་ཡིན་གསུངས། །གང་ཕྱིར་རྟོག་པའི་དམ་ཆོས་ནི། །བསྒོམས་ནས་ལས་རླུང་ཟད་པའི་རྗེས། །འགྲོ་བས་སྒྲ་རྟོག་ལ་ཞེན་པའི། ཁ་ཕྱིར་ཕྱོགས་ལས་ལྡོག་བྱས་ན། །དབུ་མར་ཞུགས་གནས་ཐིམ་གསུམ་གྱི། །ངེས་པས་རིམ་མམ་ཅིག་ཅར་དུ། །རྫོགས་ནས་ཐལ་རང་རྣམ་གཉིས་དང་། །སྒྲུབ་མཐའ་བཞི་པོའི་ཞེན་པ་འཇིག །ང་ལ་ཁས་ལེན་མེད་པས་ན། །ང་ནི་སྐྱོན་མེད་ཁོ་ན་ཡིན། །ཞེས་པའི་དོན་ལ་རྗེས་དཔག་ཙམ། །མ་ཡིན་མངོན་སུམ་ཉིད་ལ་འབྱོར། །དངོས་ལ་ངོ་བོ་ཉིད་མེད་པས། །ལྟ་བ་ལོང་བ་ལྟ་བུ་ཡིན། །དངོས་ཀུན་ཡང་དག་རྫུན་པ་རུ། །མཐོང་བའི་སོ་སོ་རང་རིག་མིག །སྒོམ་པའི་ཐུར་མས་བྱེ་བར་འགྱུར། །དེ་ཕྱིར་རྫོགས་པ་ཆེན་པོ་ལ། །ལྟ་བ་མེད་དེ་ནམ་མཁའ་འདྲ། །ནམ་མཁའ་ལ་ནི་མཐོ་དམན་མེད། །སྒོམ་པ་མེད་དེ་ཉི་ཟླ་འདྲ། །ཉི་ཟླ་ལ་ནི་གསལ་འགྲིབ་མེད། །སྤྱོད་པ་མེད་དེ་རྒྱ་མཚོ་འདྲ། །རྒྱ་མཚོ་ལ་ནི་ཡངས་དོག་མེད། །འབྲས་བུ་མེད་དེ་ཡེ་སངས་རྒྱས། །དེ་ལ་ཡང་སངས་རྒྱ་རྒྱུ་མེད། །དྲན་པ་མེད་དེ་ཡེ་ཤེས་ཡིན། །ཡེ་ཤེས་བློ་དང་ལྷན་ཅིག་མིན། །བདེན་པ་མེད་དེ་མི་བརྫུན་པས། །དོན་དམ་བདེན་པའི་ཐ་སྙད་གྲགས། །བདེ་བ་མེད་དེ་སྡུག་བསྔལ་དང་། །བྲལ་བས་སངས་རྒྱས་ཉིད་དུ་རྟོགས། །ངས་ནི་གཞུང་ལུགས་མ་སྦྱངས་ཏེ། །རྒྱལ་བ་ཀློང་ཆེན་

(༨༩༩)རབ་འབྱམས་ཀྱི། །ཡེ་ཤེས་སྐུ་དང་འགག་མེད་གསུང་། །མཇལ་བས་སྐད་ཅིག་ཡུད་ལ་གྲོལ། །གྲོལ་ལོ་སྙམ་པའི་ང་རྒྱལ་དང་། །མ་གྲོལ་སྙམ་པའི་ཞུམ་པ་མེད། །གྲུབ་མཐའ་ཀུན་གྱི་དེ་ཉིད་རིག །རིག་པ་ཐམས་ཅད་རང་ཉིད་ཀྱིས། །རྟོགས་པས་དོན་དང་འགལ་མེད་མཐོང་། །མཐོང་ཡང་ཆོས་ཉིད་བདེན་པ་ནི། །རྣམ་ཐར་སྒོ་གསུམ་ལ་གནས་པས། །མཛུབ་མོས་མཚོན་པའི་ཡུལ་མིན་ཕྱིར། །གྲུབ་མཐའི་ཞེན་པ་ཐམས་ཅད་ཞིག །བསྒོམ་བྱ་སྒོམ་བྱེད་མེད་པའི་ངང་། །བྱ་བྱ་ཆོས་སྤྱོད་མེད་པའི་ངང་། །ཆོ་ག་བཟླས་བརྗོད་མེད་པའི་ངང་། །དྲན་པ་ཉེ་བར་བཞག་པའི་ངང་། །རང་གར་བཞག་པས་ཟག་བཅས་ཀྱི། །ལུས་ལ་གདུང་དང་སྐུ་བལ་གྱི། །རིང་བསྲེལ་དག་ཀྱང་མང་དུ་བྱོན། །སྒོམ་པ་དཔལ་གྱི་མཆིམས་ཕུར་བྱས། །ཉམས་དང་རྟོགས་པའི་མཛོད་ཀློང་བརྡོལ། །སྣང་བ་བརྡ་དང་དཔེ་ཆར་ཤར། །འགྲོ་དོན་གཙང་དང་མོན་ལ་བྱས། །འབྲེལ་ཚད་དོན་ལྡན་སྨོན་ལམ་བཏབ། །སྡོད་ས་དད་མེད་ལུང་པར་བྱས། །དཀོར་དང་རྣམ་གཡེང་ངང་གིས་ཞི། །གདུལ་བྱ་དབུས་གཙང་ཁམས་ནས་འདུས། །སྦྱིན་པ་རྣམ་བཞིས་ལེགས་པར་བསྐྱངས། །གསེར་དངུལ་རྫས་དང་དབྱིག་ལ་སོགས། །མི་འདོད་བཞིན་དུ་སུན་སུན་བྱུང་། །ཆོས་འཁོར་གསུམ་ལ་བསྟི་སྟང་དང་། །རྟེན་བཞེངས་ཁྲིམ་ཆོད་སྟོང་མཆོད་ཕུལ། །སེམས་ཅན་མང་པོའི་སྲོག་སྐྱོབས་པས། །ཚེ་ཡང་མཐར་ཕྱིན་ལུང་བསྟན་ཐོབ། །རྣམ་རྟོག་རང་ཤར་རང་གྲོལ་ལ། །ཕྲག་དོག་ངན་སེམས་ཕྱོགས་ལྷུང་དང་། །གྲུབ་མཐའི་ཁ་འཛིན་ཡོད་མིན་ཏེ། །ཆོས་ལ་སྡང་བའི་ཉེས་པ་དེས། །ཐར་པའི་སྲོག་རྩ་གཅོད་པའི་ཕྱིར། །གཟུ་བོར་གནས་པའི་བཤེས་གཉེན་ཆེ། །འབྲས་སྤུངས་བདེ་ཡངས་བླ་མ་ནི། །ཀལ་པ་མ་ཏིའི་གསུང་ནན་ལ། །བརྟེན་ནས་རང་བཞིན་བརྗོད་པ་འདིས། །འགྲོ་འདིའི་རྒྱུད་ལ་བྱང་ཆུབ་སེམས། །སྐྱེས་ནས་བྱང་གྲོལ་ལ་རེག་ཤོག །གཏམ་ཚོགས་ལེའུ་རེ་དྲུག་པའོ། །

(༩༠༠)ཡེ་ཤེས་ཀྱི་ཕ་རོལ་ཏུ་ཕྱིན་པའི་གཏམ་རྫོགས་པ་ཆེན་པོའི་དོ་ཧ་མཛོད་ཅེས་བྱ་བ། རྒྱ་གར་སྐད་དུ། མ་ཧཱ་སནྡྷི་ཛྙཱ་ན་སཱ་མུ་དྲ་པཱ་ར་ཨ་ཏ་པཱ་ར་ཨི་ཏ་དྲ་ཧ་ཀོ་ཤ་བཛྲ་གིརྟི་ནཱ་ས། བོད་སྐད་དུ། རྫོགས་པ་ཆེན་པོ་ཡེ་ཤེས་རྒྱ་མཚོའི་ཕ་རོལ་ལས་ཀྱང་ཕ་རོལ་ཏུ་ཕྱིན་པའི་གཏམ་དྭ་ཧ་མཛོད་ཀྱི་རྡོ་རྗེའི་གླུ་ཞེས་བྱ་བ། ཆོས་ཉིད་མ་བཅོས་པའི་ཀློང་ལ་ཕྱག་འཚལ་ལོ། །རྣམ་པར་ཐར་པའི་སྒོ་ནི་འདི་ཡིན་ཏེ། །སྟོང་པ་ཉིད་དང་མཚན་མ་མེད་པ་དང་། །སྨོན་པ་མེད་ཅེས་རྒྱལ་བས་རབ་བསྔགས་ཀྱང་། །ཚིག་གིས་དོན་བསྒྲིབས་སྟོང་ཉིད་དངོས་པོར་གོལ། །ཀུན་ཏུ་བརྟགས་པའི་མཐའ་བརྒྱད་སྤྲོས་བྲལ་ཡང་། །མཚན་མའི་གཞན་དབང་གྱུར་ནས་གོ་འཕང་ལ། །སྨོན་པས་འཇུག་པ་ལྟ་བའི་སྙིགས་མ་ཡིན། །གང་ཞིག་སྟོང་པ་ཉིད་ཀྱི་དོན་འཚོལ་ཕྱིར། །མཐའ་གཉིས་སྤངས་ནས་དབུ་མར་གནས་པའི་བློས། །ཐལ་འགྱུར་མཚོན་ཆ་རྣོན་པོ་བརྡར་བྱས་ཀྱང་། །ངོ་བོ་ཉིད་མེད་ཞི་བའི་དབྱིངས་ལས་དཀྲོགས། །སྟོང་པ་རང་གི་ངོ་བོས་མ་གྲུབ་བཞིན། །སྣང་བ་རྫུན་པར་མྱོང་བའི་ཀུན་རྫོབ་དང་། །བསྲེས་ནས་བདེན་གཉིས་དབྱེར་མེད་འཚོལ་བ་ཡང་། །རྣམ་པར་རིག་པ་ཅན་གྱི་ཞགས་པས་འཆིང་། །ཕུང་སོགས་སྟོང་པར་རྟོག་པའི་ངོ་བོ་ཉིད། །ཉེ་བར་ལེན་པའི་ཆོས་དང་མ་བྲལ་ན། །ཤེས་རབ་ཕ་རོལ་ཕྱིན་ལ་རྩོད་བྱེད་ཀྱང་། །ཞི་བའི་དོན་ལ་མི་རེག་སྲིད་པས་འཛིན། །རང་བཞིན་ཡོངས་ཤེས་བདེན་པས་འཚང་རྒྱ་ན། །མཉམ་པར་བཞག་དང་མ་གཞག་རྫུན་པའི་ཆོས། །བཞག་པས་རྒྱན་པས་མ་གཏན་གཟུགས་མེད་དང་། །མ་གཞག་རྒྱ་ན་སེམས་ཅན་ཅི་ལ་འཁོར། །འདོད་དང་གཟུགས་ཁམས་གཟུགས་མེད་ཁམས་གསུམ་གྱི། །གནས་རིགས་ཁམས་ལ་དམིགས་པའི་འདུ་ཤེས་དང་། །བྲལ་བའི་དམིགས་མེད་སྙིང་རྗེ་ཆེན་པོ་ནི། །བདེན་པ་མཐོང་བའི་བྱང་ཆུབ་སེམས་དཔར་ཡོད། །གང་ཕྱིར་སྟོང་ཉིད་ལྡན་ལ་སྙིང་རྗེས་འབྲེལ། །སྙིང་རྗེ་དང་བྲལ་སྟོང་པ་ཉིད་རློམ་པ། །སངས་རྒྱས་མུ་སྟེགས་བྱེད་དེ་སྲིན་འབུ་ཡིས། །ཉུང་འབྲུ་ཕུག་པའི་སྟོང་པར་བལྟ་དང་མཚུངས། །སྡུག་བསྔལ་ཤེས་ནས་ཀུན་

(༩༠༡)འབྱུང་སྤོང་བའི་ལས། །རྒྱུད་ལ་བརྟེན་བྱས་འགོག་པ་མངོན་བྱེད་པ། །འདི་ནི་ཞི་བདེར་དམིགས་པ་ཙམ་ཞིག་སྟེ། །རྣམ་པ་ཐམས་ཅད་མཁྱེན་པའི་དོན་ལ་རིང་། །ཀློག་དང་འཛིན་དང་ཉན་དང་བསྟན་བཅོས་འཆད། །ཐོས་དང་བསམ་དང་བསྒོམ་པས་གདུང་བྱེད་པ། །དང་པོའི་ལས་ཅན་རྣམས་ལ་མ་བཀག་སྟེ། །ཆོས་རྣམས་རང་བཞིན་མེད་པར་རྟོགས་ཆེ་འཁྲུལ། །ལྟ་བུར་གེ་བར་བྱ་བའི་དུས་ཀྱི་ཚེ། །ལུང་དང་རིག་པ་ལྟ་བའི་མིག་པུ་ཡིན། །ལྟ་བ་མྱང་བར་བྱ་བའི་དུས་དག་ན། །སེམས་དང་རིག་པའི་ལ་ཤན་ཕྱེད་པར་བྱ། །ལྟ་བ་རྟོགས་པར་གྱུར་པའི་དུས་དག་ན། །སློབ་པས་བཅིངས་པའི་བྱ་བཏང་ཉོམས་རེ་མཚར། །གྲུབ་མཐས་བཅོས་པའི་ལྟ་སྒོམ་ཡི་རེ་མུག །འདུས་མ་བྱས་དང་འགལ་བའི་ལམ་བདེན་བརྫུན། །གཟུགས་ཚོར་འདུ་ཤེས་ལ་སོགས་ཕུང་ཁམས་ཀྱི། །ཆོས་ལ་མི་གནས་ཆོས་ཉིད་ལ་གནས་པ། །སྔགས་སུ་གདན་གསུམ་ཚང་བའི་ལྷར་བསྟན་ཡང་། །རྫོགས་པ་ཆེན་པོ་འདོན་ལ་མ་རེག་གོ །ལྟ་བའི་རང་བཞིན་ཀ་ནས་དག་པ་ལ། །བལྟ་བར་བྱ་བ་ཅུང་ཟད་ཡོད་མིན་ཏེ། །ངང་དང་རང་བཞིན་མ་ཉམས་བདེན་པ་ཡིས། །འཁྲུལ་པའི་རྫུན་ཕུགས་གཏིང་ནས་སུན་འབྱིན་ཏོ། །རིག་པ་གདོད་ནས་མངོན་སངས་རྒྱས་པ་འདི། །སྤངས་ནས་སེམས་ལ་སངས་རྒྱས་འདོད་པ་རྣམས། །སེམས་བྱུང་ཇག་པས་བསྐོར་བ་མ་མཐོང་ནས། །རྟོག་དཔྱོད་ལྷག་མཐོང་ཡིན་ཞེས་འོ་དོད་འབོད། །གཟུགས་ནི་ཕ་རོལ་ཡིན་ལ་འདུ་ཤེས་ཚུ་རོལ་ཡིན། །ཚོར་བ་བར་ན་གནས་པས་འདུ་བྱེད་མཚམས་སྦྱར་ཏེ། །རྣམ་པར་ཤེས་པ་འཁོར་བའི་གཏིང་རྡོར་བསྐྱུར་བྱས་པས། །སེམས་ཅན་འདི་དག་ཐར་པའི་སྐབས་མེད་སྙིང་རེ་རྗེ། །རང་ངོ་གདོད་ནས་དག་པའི་ཆོས་ཉིད་ལ། །ཡོད་དང་མེད་པའི་ཕྱོགས་འཛིན་ཞིག་གྱུར་ཀྱང་། །བྱིས་པ་རྣམས་ཀྱིས་གཉིས་སུ་སྒྲོ་བཏགས་ཤིང་། །མཁས་པ་རྣམས་ཀྱིས་གཅིག་ཏུ་བཟུང་བས་འཁྲུལ། །ཇི་ལྟར་བཟུང་ན་བདེན་པ་རྣམ་པ་གཉིས། །སྣང་སྟོང་ཚིག་གིས་ཤ་བའི་རྭ་ལྟར་བཅོས། །འདོད་ཁའི་བློ་ཡིས་བསེ་རུ་ལྟ་བུར་བཟུང་། །ལྷན་ཅིག་

(༩༠༢)སྐྱེས་པའི་དེ་ཉིད་མ་རིག་གོ །མ་རིག་ལས་ནི་རྟེན་ཅིང་འབྲེལ་བར་འབྱུང་། །བཅུ་གཉིས་རྒྱུན་ལ་འཁོར་འདི་ནང་རིག་པས། །ལྡོག་སྟེ་གཉུག་མའི་དེ་ཉིད་མ་མཐོང་ན། །སྒྲ་ཚད་བཟོ་དང་གསོ་བས་རྣམ་པར་འཁྱམ། །དེ་ཕྱིར་འཁོར་དང་མྱ་ངན་འདས་པའི་ཆོས། །ཐམས་ཅད་བདེན་པ་མ་ཡིན་བརྫུན་པའང་མིན། །གཉིས་ཀར་མི་གནས་རྫོགས་པ་ཆེན་པོའི་དོན། །ནམ་མཁའི་རང་བཞིན་གཞལ་མེད་ཁང་ཆེན་པོ། །རྟོགས་པར་འདོད་ནས་ཤེས་རབ་ཕ་རོལ་ཕྱིན། །བསྟེན་གོམས་བྱས་པས་ཤེས་བྱའི་ཚུལ་རོལ་ལུས། །རང་སར་བཞག་པས་བསམ་གཏན་རྒྱར་ལ་ནས། །བདེ་བར་གཤེགས་པའི་དེ་ཉིད་མངོན་སུམ་མཐོང་། །བྱ་རྩོལ་མེད་ལ་བརྩོན་པའི་ཁུར་བཀལ་བས། །ལམ་བདེན་འདུས་བྱས་མྱ་ངན་འདའ་མ་ནུས། །ད་ནི་མི་བསྒོམ་སྒོམ་ཆེན་བསླུ་བ་ལ། །སྒོམ་ལས་གཞན་པའི་ཆོམ་རྐུན་ངས་མ་མཐོང་། །སྐྱེ་མེད་ཆོས་ལ་བཟོད་པ་མ་ཐོབ་ན། །ཟབ་མོའི་དོན་ལ་སྐྲག་པའི་དཀའ་ཐུབ་དང་། །བསྲུང་ཉམས་འདུ་ཤེས་དམ་པོས་དཀྲིས་པ་ཡི། །རློམ་སེམས་དེ་ཡང་ཁྲིམས་ཀྱི་སྣོད་ལས་རིང་། །བདག་འཛིན་བདག་གིར་འཛིན་པ་ལ་དམིགས་ན། །གཏོང་སེམས་གོམས་ཀྱང་སྦྱིན་པའི་ཚུ་རོལ་ཏེ། །ཟག་པ་མེད་པའི་ཕ་རོལ་ཕྱིན་དྲུག་ནི། །ལྷན་ཅིག་སྐྱེས་པའི་དེ་ཉིད་མཐོང་ལ་ཡོད། །བདེན་པས་མ་སྨིན་ཆུ་ཡི་དབང་བསྐུར་དང་། །ཐར་པ་མ་བསྟེན་རིམ་པར་ཕྱི་བ་ཡིས། །ལྷན་ཅིག་སྐྱེས་པའི་དེ་ཉིད་མཚོན་མི་ནུས། །གཟུང་འཛིན་རྡོ་རྗེ་བཙུན་མོའི་དབྱིངས་སུ་འགགས། །དེ་ཕྱིར་བྱིན་རླབས་བྲལ་བའི་དབང་བསྐུར་ལས། །ཡེ་ཤེས་ལྡན་ལ་མོས་གུས་གནད་དུ་བསྣུན། །རྡོ་རྗེ་སེམས་དཔའི་དེ་ཉིད་མ་ནོར་བ། །མཐོང་བའི་མོད་ལ་མཐོང་བྱེད་འགགས་པར་འགྱུར། །སྣང་ཞིན་ཕ་རོལ་སྒྲོལ་ལ་ལྡན་མིན་གྱི། །འདུ་བྱེད་ལྷའི་ཕྱག་རྒྱར་བསྒྲུབ་དེས་ཅི། །ཡོངས་གྲུབ་གདན་གསུམ་འཁོར་ལོའང་ཀུན་རྫོབ་ཕྱིར། །ཆོས་ཀྱི་སྐུ་ལ་ཞལ་ཕྱག་ངས་མ་མཐོང་། །དེ་ཕྱིར་ང་ནི་ཅི་ཡང་མི་བསྒོམ་སྟེ། །རང་སར་བཞག་པས་དམ་པའི་དེ་ཉིད་མཐོང་། །མཐོང་

(༩༠༣)ཞེས་བྱ་བའང་བླ་དྭགས་ཙམ་དུ་ཟད། །རི་བོང་རྭ་ཡི་རྣོ་བརྟུལ་བརྗོད་པ་བཞིན། །གཟུང་འཛིན་བཞོན་པ་དྷུ་ཏིར་བཅོམ་འདོད་ནས། །ལས་ཀྱི་རླུང་ལ་ཞབས་ཏོག་བྱེད་པ་ཡང་། །རྒུད་པའི་སྒང་སྟོངས་བཞིན་ཏེ་སྙིང་པོ་མེད། །ཡེ་ཤེས་རླུང་ལ་འགྲོ་དང་འོང་བ་བྲལ། །འགྲོ་འོང་བྲལ་བའི་བདེ་ཆེན་རྟོགས་འདོད་ན། །དག་བྱེད་རྒྱུན་ནི་མ་སྙོགས་དངས་པ་བཞིན། །རིག་པའི་ཆོས་ཉིད་གདོང་ནས་དག་པ་ལ། །སེམས་ཀྱིས་བསླད་པའི་ཞབས་ཏོག་མི་འཚལ་ལོ། །ཡིན་པ་མིན་པས་ངོ་བོ་ཀ་ནས་དག །མིན་པ་མིན་པས་རང་བཞིན་ལྷུན་གྱི་འགྲུབ། །ཡེ་ནས་གྲོལ་བས་གདོད་ཀྱི་གྲོལ་གཞི་མེད། །ཅེར་གྱིས་གྲོལ་བས་བདེན་པ་གཉིས་ཀྱིས་སྟོང་། །ལྟ་སྒོམ་སྤྱོད་དང་ཟུང་འཇུག་མི་དམིགས་པས། །བསམ་མི་ཁྱབ་ལ་བསམ་པ་ཡ་རེ་ཆ། །ཡིན་པར་གྲུབ་པ་མེད་པའི་ཆོས་ཉིད་ལ། །ས་ལམ་དྲོད་རྟགས་རེ་བ་ལམ་ཐག་རིང་། །མིན་པར་གྲུབ་པ་མེད་པའི་ངང་གདངས་ལ། །མ་ཡིན་དགག་གིས་འབད་རྩོལ་ཐང་རེ་ཆད། །གཞལ་དུ་མེད་ལ་གཞལ་བྱས་སྒྲོ་བཏགས་ནས། །བཅོས་ཤིང་བཅོས་པས་མཐོང་ལམ་དོན་ལ་བསྒྲིབས། །བདེ་གཤེགས་སྙིང་པོ་རང་བཞིན་མེད་པ་ལ། །གློ་བུར་བློ་ཡིས་དྲང་ངེས་གཉིས་སུ་གཟུང་། །འདུ་ཤེས་གཞུང་ནས་བསྟན་བཅོས་འཆད་པའི་རིང་། །དག་པ་ཉིས་ལྡན་རྟོག་པའི་ཆོམ་པོས་བཅོམ། །སྐྱེ་བ་མེད་པའི་སྟོང་པ་བཙོན་འཛིན་ལས། །འགག་པ་མེད་པའི་ལྷག་མཐོང་གསལ་བ་མཆོག །ཆེད་འཛིན་ཞིག་པའི་དྲན་པ་རང་གྲོལ་ལ། །ལམ་བདེན་རྫོགས་ན་རྫོགས་པ་ཆེན་པོ་ཡིན། །མཚན་གཞིའི་དོན་རྫོགས་པའི་བྱང་ཆུབ་དང་། །ལོངས་སྤྱོད་རྫོགས་པ་རྫོགས་པའི་སངས་རྒྱས་སོགས། །འགོག་བདེན་མཐར་ཐུག་སློབ་པ་མིན་པ་ལ། །ཆེན་པོའི་སྒྲས་བཏགས་རང་བཞིན་རྫོགས་པ་ཆེ། །སྤྲོས་བྲལ་དྭ་ཧའི་རྒྱང་གླུར་བླངས་པ་འདིའི། །ལྟ་བ་ངོས་གཟུང་མེད་པས་རྟག་ལྟའི་གཡང་ལས་གྲོལ། །སྒོམ་པ་གསལ་འགྲིབ་མེད་པས་ཆད་ལྟའི་ཕྲང་ལས་ཐར། །སྤྱོད་པ་བླང་དོར་བྲལ་ཡང་བག་ཆགས་རྗེས་མི་སོན། །རྒྱུ་འབྲས་དག་གྲོལ་ལས་འདས་དོན་འདི་མ་རྟོགས་ན། །སྣ་ཅིག་བསྲུངས་ནས་ཡོངས་

(༩༠༤)རྫོགས་བཏང་བའི་བསླབ་པ་དང་། །བྱང་ཆུབ་སེམས་གཉིས་མ་འབྲེལ་ཉི་ཚེའི་སྟོང་པ་ཉིད། །སྐྱེ་བ་བཞི་སྦྱང་རྣམ་དག་མི་ཤེས་ལྷའི་ཕྱག་རྒྱ། །བགྲང་འཕྲེང་བསྐོར་ཞིང་སྤྲོ་བསྡུས་སུན་པའི་བཟླས་བརྗོད་ཀྱིས། །ཡི་དྭགས་ཆེན་པོའི་གོ་འཕང་བསྙེན་རྣམས་དང་། །བྱིས་པ་ཉེར་སྤྱོད་གནས་ལས་དཔག་པའི་ཕྱིར། །རིག་འཛིན་འཇིགས་བྲལ་གླིང་པས་བསྟན་ནས་སོད། །ཀློང་ཆེན་ནམ་མཁའི་རྡོ་རྗེའི་རྟོགས་ཆོས་ཡིན། །མཁྱེན་བརྩེའི་འོད་ཟེར་སྟོང་ལྡན་དེ་སྐད་ལོ། །དགེ་བས་གདོང་མའི་ས་ལ་བྱང་ཆུབ་ཤོག །གཏམ་ཚོགས་ལེའུ་རེ་བདུན་པའོ།། །།ཏནྟྲའི་ཕྱོགས་འཛིན་བཟློག་པའི་གཏམ། །ཚིག་དོན་གྱི་མདོ་འགག་ཅེས་བྱ་བ། །རྡོ་རྗེ་ཆོས་ལ་ཕྱག་འཚལ་ལོ། །སྒྲ་ཚིག་རང་ཚན་ལས་འདས་པས། །འཕགས་པའི་བདེན་པ་གསུང་བ་ལ། །དྲིའི་བཞོན་པ་མི་དམིགས་པ། །གསུང་གི་རྡོ་རྗེའི་བདག་ཉིད་དོ། །དུས་སྦྱོར་བཅུ་གཉིས་ལས་ཀྱི་རླུང་། །རྟོག་པའི་བཞོན་པར་གྱུར་བ་ལས། །ངག་ཚིག་བརླང་པོའི་ལས་ལམ་བཞིས། །བསྟན་པ་དཀྲུགས་པ་བསྟན་བཅོས་མིན། །གང་ཞིག་མཉམ་པར་མ་གཞག་ཅིང་། །ཕྲ་མ་སྡེ་བཙན་རྗེས་སོན་པའི། །ཚིག་ངན་རྦབ་ཏུ་ལྷུང་བ་དེ། །སླར་ལ་ལྡོག་ཀྱང་རྨ་རྨན་བཞིན། །སྔ་འགྱུར་ཕལ་དང་གསར་མ་ཡང་། །མང་དག་བོད་ཀྱིས་བྱས་སོ་ཞེས། །སྨྲས་པས་རྨོངས་པས་རྨོངས་ཆེན་ཀྱང་། །ཆོས་སྤོང་དམ་ཚིག་བཞིན་དུ་བསྲུང་། །དེ་ལ་བོད་མར་སྒྲོ་བཏགས་པ། །ཕལ་ཆེར་རྒྱ་གཞུང་ལུང་དང་ནི། །རྒྱ་དཔེས་ཁ་ཚོན་བཅད་པའི་ཚུལ། །གཟུ་བོར་གནས་ལ་ཡོངས་སུ་གྲགས། བསྐྱོད་གསེར་སོགས་ཀྱི། །ལར་ནི་ཁྱོད་ཀྱིས་འདོད་པའི་ལུགས། །རྒྱ་ནས་བྱུང་ཚད་ངོ་མཚར་ལ། །བོད་དུ་བྱུང་ཚད་ངན་དོན་ན། །དེང་སང་བཤད་སྒྲུབ་བྱེད་པ་ཀུན། །རྒྱ་གཞུང་ཁུངས་སུ་འདྲེན་པ་ལས། །བོད་ཀྱི་བསྟན་བཅོས་འབའ་ཞིག་ཡིན། །རང་གིས་མ་མཐོང་མ་ཐོས་པ། །ཙམ་ཞིག་ཚད་མའི་དབང་ཡིན་ན། །ཡུང་གི་དམ་ཆོས་ཐམས་ཅད་ནི། །འདུས་བྱས་ཉིད་ཕྱིར་རིམ་པས་ནུབ། །ད་ནི་ཀླ་ཀློ་འབའ་ཞིག་གིས། །བཀབ་པས་རྒྱ་གར་ཡུལ་ཀུན་ན། །རྒྱལ་བསྟན་གྲགས་པ་མེད་

(༩༠༥)པའི་ཕྱིར། །སྡེ་སྣོད་གསུམ་དང་རྒྱུད་སྡེ་ཀུན། །སྒྱུར་བྱེད་ལོ་ཙཱ་དེ་དག་གིས། །བརྩམས་ཞེས་རྒོལ་ན་ཅི་ཞིག་སྨྲ། ཁྱད་པར་རྡོར་སེམས་སྒྱུ་དྲྭ་དང་། །ཕུར་པ་ཡེ་ཤེས་རྩེ་མོ་སོགས། །རྒྱུད་ཀྱི་དངོས་པོ་བཅུ་ཚང་ཞིང་། །ཚིག་དོན་ཕུན་སུམ་ཚོགས་པ་རྣམས། །སྒྱུར་བྱེད་ལོ་ཙཱས་བྱས་ཟེར་ན། །བྱས་པ་དེ་ཀས་ཆོས་གོ་ཆོད། །སྤངས་རྟོགས་ཐུགས་རྗེ་རྫུ་འཕྲུལ་ཀུན། །སངས་རྒྱས་ཉིད་ཀྱི་ཕྲིན་ལས་ཕྱིར། །གྲུབ་འབྲས་བསླུ་བ་མེད་པའི་ཚུལ། །སྡུད་པ་ཚིགས་སུ་བཅད་པ་ལས། །རྒྱལ་བའི་ཉན་ཐོས་གང་ཞིག་སོགས། །གསུངས་དང་དེ་བཞིན་རིགས་པ་གཞན། །རྡོ་རྗེ་སྙིང་པོའི་སྐྱེ་བ་རུ། །ཕྱག་བཞག་སྐུས་བྱིན་བརླབས་པ་ལས། །མདོ་སྡེ་ས་བཅུ་པ་བཤད་དང་། །འཇམ་དཔལ་དབྱངས་ལ་མ་སྐྱེས་དགྲའི། །འགྱོད་པ་སེལ་བར་རྗེས་གནང་དང་། །སྤྱན་རས་གཟིགས་དང་ཤཱ་རིའི་བུར། །ཐུགས་ཀྱིས་བྱིན་བརླབས་བཀའ་བྱུང་སོགས། །བཅོས་མ་ཡིན་པར་སྨྲའམ་ཅི། །དེ་བཞིན་རྨི་ལམ་དག་སྣང་ཡང་། །མཆོག་གཟིགས་རྣམས་ལ་འགལ་ཟེར་ན། །སྟོན་པ་འདི་ཡི་བྱིན་རླབས་ཀྱིས། །བྱའམ་ཤིང་བུ་རྡེའུ་དང་། །པདྨོ་དག་དང་དཔག་བསམ་ཤིང་། །རྔ་བོ་ཆེ་ལས་བྱུང་བ་ཡང་། །རྒྱལ་བས་བྱིན་གྱིས་བརླབས་པའི་ཕྱིར། །དེ་དག་བཀའ་ཞེས་བྱ་བར་འདོད། །བཤད་བྱར་ལས་བཤད་ཇི་ལྟར་དགག ཁྱད་པར་རྡོ་རྗེ་འཆང་ཆེན་དང་། །རྡོ་རྗེ་རྣལ་འབྱོར་མ་སོགས་ལས། །སྔགས་ཀྱི་རྒྱུད་ཚུལ་འདྲེན་པ་དེ། །བསྟན་པའི་ཆུ་འགོར་བསྙོན་དུ་མེད། །དེ་དག་ད་ལྟའི་བླ་མ་ལྟར། །རྣམ་སྨིན་ལུས་ཅན་ཡིན་ནམ་མིན། །ཡིན་ན་གཤེགས་བཞུགས་བལྟམས་པའི་གནས། །གང་ཡིན་གསལ་བར་སྨྲ་བའི་རིགས། །ཡེ་ཤེས་སྐུ་ཅན་ཡིན་ཟེར་ན། །དེ་ཡིས་སྒྲ་ཚིག་རང་ཚན་པའི། །རྒྱུད་སྡེ་འདི་ཙམ་གསུངས་པའི་གནས། །གང་ཡིན་ཐོས་པའི་དཔང་པོ་སུ། །གལ་ཏེ་གྲུབ་པ་མཆོག་རྣམས་ཀྱི། །རྣམ་པར་རིག་ལས་བྱུང་ཟེར་ན། །དེ་ཡང་དེ་ཡི་རྩོམ་ཆོས་ཕྱིར། །ཐོགས་མེད་ཞབས་ཀྱི་བྱམས་ཆོས་དང་། །དུས་འཁོར་བསྡུས་རྒྱུད་སོགས་ཀྱང་མཚུངས། །རྒྱུ་མཚན་མེད་པའི་གཏན་ཚིགས་ཐལ། །རྟོག་

(༩༠༦)ཀེས་དགོངས་བརྡ་བསྙེན་གསུམ་གྱི། །བརྒྱུད་ཚུལ་དབྱིངས་འཇལ་ལ་རྨོངས་ནས། །བདག་ཅག་གླང་པོ་ཆེ་རྣམས་ནི། །གཉིས་འཐུང་གཉིས་བཟའ་ཡིན་པའི་ཕྱིར། །མི་དང་ལྷ་དང་བྱོལ་སོང་ཡང་། །སྣ་ཞགས་སྐྱོང་བ་ཅན་ནོ་ཞེས། །སྨྲ་དང་ཁྱད་པར་ཡོད་མ་ཡིན། །སྡེ་སྣོད་གསུམ་དང་དུས་འཁོར་སོགས། །སྟོན་པས་དངོས་སུ་གསུངས་པར་ཡང་། །རྒྱ་བོད་ཀུན་ཏུ་སྒྲོ་འདོགས་ན། །རྒྱུད་ནི་ཕུན་སུམ་ཚོགས་པ་ལྔའི། །གླེང་གཞིས་སྟོན་པ་ཤས་ཆེ་གང་། །དེ་དག་གྲུབ་པ་མཆོག་རྣམས་ཀྱི། །སྤྱོད་ཡུམ་ཉིད་ལས་ཡོངས་གྲགས་སུ། །མཐོང་ཐོས་ངེས་པ་མེད་པའི་ཕྱིར། །རྒོད་འགྱོད་ཐེ་ཚོམ་ལ་སོགས་པ། །སྒྲིབ་པ་ལྔ་ཡི་རྗེས་འཇུག་ལས། །མཉམ་པར་གཞག་ན་བསོད་ནམས་འཕེལ། །དགེ་བས་ཆོས་སྤོང་ཉེས་པ་ཀུན། །རང་བཞིན་མེད་པར་དག་གྱུར་ཅིག །མ་ཧཱ་སནྷི་པ་རང་བྱུང་རྡོ་རྗེས་སོ། །གཏམ་ཚོགས་ལེའུ་རེ་བརྒྱད་པའོ།། །།རྟོན་པ་བཞི་ལྡན་གྱི་གཏམ་ལོག་རྟོག་གི་གཉེན་པོ་ཞེས་བྱ་བ། རྡོ་རྗེ་སྙིང་པོ་ལ་ཕྱག་འཚལ་ལོ། །རིག་པ་རང་གར་ལས། གནས་ལུགས་ཡིད་དཔྱོད་ལས་འདས་པར་སྟོན་པའི་རྡོ་རྗེའི་གད་མོ་ཆེན་མོ་བཅུ་གཉིས་དང་། རྒྱུ་འབྲས་ལ་ཟློ་བའི་ཚིག་ཆེན་པོ་བརྒྱད་བསྟན་པར་དྲང་ངེས་ཤན་མ་ཕྱེད་པ་དང་། རྒྱུ་འབྲས་ངེས་དོན་དུ་སེམས་བདག་རང་བཞིན་དག་པའི་ཆོས་ལ་ཡིད་གཉིས་ཟ་བའི་ལོག་རྟོག་བསལ་བར་བྱའོ། །དེ་ལ་དང་པོ་རྡོ་རྗེའི་གད་མོ་ཆེན་པོ་བཅུ་གཉིས་ནི། ཆོས་ཉིད་ཡིད་དཔྱོད་ལས་འདས་པའི་དོན། སྟོན་པས་སྡུད་པ་པོ་ལ་ཅིག་ཅར་དུ་ངོ་སྤྲད་པའི་ཚུལ་གྱིས་སྟོན་ཅིང་། དེ་ལྟར་སྟོན་པའི་དུས་ཙམ་ནས་བསྟན་བྱ་སྟོན་བྱེད་ཉིད་ལའང་རང་བཞིན་མ་གྲུབ་པའི་ཆོས་ཉིད་ཀྱི་ཀློང་ང་རྒྱལ་བའི་ཚུལ་གྱི་རྡོ་རྗེའི་གད་མོ་སྟེ། མཚན་བརྗོད་ལས་ཀྱང་། གང་རྒྱངས་ཧ་ཧ་ངེས་པར་སྒྲོག །ཧི་ཧི་ཞེས་སྒྲོག་འཇིགས་པར་བྱེད། །གད་མོ་ཆེན་མོ་གད་རྒྱངས་ཆེ། །རྡོ་རྗེའི་གད་མོ་ཆེར་སྒྲོག་པ། །ཞེས་པ་ལྟར་རོ། །གཉིས་པ་ཚིག་ཆེན་པོ་བརྒྱད་ཀྱི་དོན་ནི། ཆོས་ཉིད་རྟོགས་པའི་ཚེ་གཤིས་ལ་དགེ་སྡིག་མ་གྲུབ་པའི་གཏན་ཚིགས་དཔེས་མཚོན་ནས་བཤད་པ་སྟེ། འདི་ལྟར་རྣམ་པར་

(༩༠༧)ཤེས་པའི་ཚོགས་བརྒྱད་དང་བཅས་པའི་གང་ཟག་རང་རྒྱུད་ལྡན་གྱིས་ཁམས་གསུམ་གྱི་སེམས་ཅན་ཐམས་ཅད་དུས་གཅིག་ལ་བསད་པ་དང་། དེ་ལས་ལྡོག་པའི་དགེ་བ་བསྒྲུབས་པ་གཉིས་ལ་ཁྱད་པར་མེད་ཅེས་རྒྱུ་འབྲས་ཆད་པར་སྟོན་པའི་དོན་མ་ཡིན་ཏེ། དགེ་སྡིག་རྣམ་རྟོག་གིས་བཟས་པ་ཡིན་པས་ཆོས་ཅན་རྒྱུ་འབྲས་སུ་འབྲང་ཞིང་། དེའི་ལས་འདག་ཆུལ་ལའང་། མྱོང་བས་འདག་པ། གཉེན་པོས་འདག་པ། བཤགས་པས་འདག་པའི་ཚུལ་གསུམ་ཡོད་པའི་ཕྱིར་རོ། །ཆོས་ཉིད་དོན་དམ་གྱི་རྗེས་སུ་སོན་པའི་ཚེ་སྔོན་བྱས་ཀྱི་ལས་ཐམས་ཅད་རྟོགས་པས་འདག་པའི་ཚུལ་སྐབས་འདིའི་བརྗོད་དོན་ཏེ། ཕུང་པོ་ལྔ་དང་ཚོགས་བརྒྱད་དག་ན་ཀུན་གཞིའི་སྟེང་དུ་ལས་སྔ་མས་བཞག་པའི་བག་ཆགས་ཟད་པས་དགེ་སྡིག་ལ་རྟེན་གཞི་མེད་དེ། དབུ་མ་ལས། དེ་ཡི་སྡིག་དང་བསོད་ནམས་ཀྱི། །ཆ་གཉིས་རྣམ་པར་རྟོག་པ་སྟེ། །ཞེས་པ་ལྟར། ཆོས་ཉིད་ཀྱི་གཤིས་ལ་དེ་ལྟར་མ་གྲུབ་པའི་ཚུལ་འཕགས་པ་སྲིད་པ་འབོ་བ་ཞེས་བྱ་བའི་མདོ་ལས་ཀྱང་། མིག་གིས་གཟུགས་རྣམས་མི་མཐོང་ཞིང་། །ཡིད་ཀྱིས་ཆོས་རྣམས་མི་རིག་པ། །དེ་ནི་བདེན་པ་མཆོག་ཡིན་ཏེ། །དེ་ལ་འཇིག་རྟེན་མི་དབོགས་སོ། །ཞེས་སོ། །དེ་ལྟར་མ་རྟོགས་པའི་དུས། སྲོག་གཅོད་པ་ལ་མཚོན་ན། གསད་བྱ་ནི་མིང་གཟུགས་ཀྱི་ཕུང་པོ་ཡིན་ལ། གསོད་བྱེད་ནི་འདུ་ཤེས་ཀྱི་ཕུང་པོ། དེའི་ལས་རྒྱུན་ལས་འབྲེལ་ཆགས་སུ་རྟོགས་པ་ནི་ཚོར་བའི་ཕུང་པོ། དེ་ཐམས་ཅད་ལ་ཁྱབ་བྱེད་རྣམ་པར་ཤེས་པའི་ཕུང་པོ་ནི་ཀུན་འབྱུང་བ་ཅན། དེ་དག་ལ་བརྟེན་ནས་ཕྱིས་སྡུག་བསྔལ་འདུ་བྱེད་པ་སྟེ། དེ་ལྟ་བུའི་ཕུང་པོ་ལྔ་པོ་རྣམས་ནི་ཆོས་ཉིད་དང་ནམ་ཡང་ལྷན་ཅིག་གནས་པ་མིན་པས་སྟོང་ཉིད་རྟོགས་པའི་ཚེ་སྔོན་བྱས་ཀྱི་སྡིག་པས་གནོད་པ་བསྐྱལ་བ་མེད་ལ། ཕྱི་མ་ཉེ་བར་ལེན་པའི་ས་བོན་ཀྱང་ཟད་པའི་ཕྱིར་ན། ངོ་བོ་ལ་སྟོང་ཉིད་རྟོགས་པས་སྡིག་པ་བྱས་ན་གནོད་དམ་མི་གནོད་ཞུས་པས། སྟོང་ཉིད་རྟོགས་ན་སྡིག་པ་བྱ་དོན་མེད་ཅེས་གསུངས་པས་མཚོན་ནོ། །

(༩༠༨)དེ་བཞིན་དུ་ཆོས་ཉིད་རྟོགས་པའི་དུས་ན་ལམ་བདེན་སྤངས་པའི་ཕྱིར་རྣམ་པར་ཤེས་པའི་ཚོགས་བརྒྱད་ལ་བརྟེན་པའི་དགེ་བ་དང་དགེ་བའི་འབྲས་བུ་བདེ་བ་གཉིས་ཀའང་མེད་པས་སེམས་ཅན་གྱི་ཁམས་རྒྱ་མཚོ་ལ་ཕན་བཏགས་པའི་དགེ་བའང་མེད་ཅེས་བསྟན་པ་ཡིན་ནོ། །འདི་ལྟར་མ་རྟོགས་བཞིན་དུ་རྒྱུད་སྡེ་ཟབ་མོའི་དོན་ལ་སྒྲེ་སྐུར་བྱེད་པའི་གཉིས་འཐུང་གཏི་མུག་གི་ལུས་སྟོབས་རྒྱགས་པ་གང་དག་ལ་འདི་སྐད་ཅེས་འདོམས་ཏེ་ཁྱོད་ཀྱིས་འདོད་པ་ལྟར་ན། སྟོན་པས་འཁོར་ལོ་དང་པོར་དགེ་སློང་དག་སྡུག་བསྔལ་ཤེས་པར་བྱའོ། །ཀུན་འབྱུང་སྤང་བར་བྱའོ། །འགོག་པ་མངོན་དུ་བྱའོ། །ལམ་རྒྱུད་ལ་བསྟེན་པར་བྱའོ། །ཞེས་རྒྱུ་ཀུན་འབྱུང་ལ་བརྟེན་ནས་འབྲས་བུ་སྡུག་བསྔལ་འབྱུང་བའི་གཉེན་པོར་འགོག་ལམ་གྱི་བདེན་པ་དང་དོན་དུ་བསྟན་བཞིན་དུ། ཡང་འཁོར་ལོ་བར་པའི་ཚེ། སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་མེད། ཡེ་ཤེས་མེད། ཐོབ་བ་མེད། མ་ཐོབ་བ་ཡང་མེད་དོ་ཞེས་ངེས་དོན་གྱི་བདེན་པ་གཉིས་བཤད་པའི་འགལ་བ་ལྟག་སྤྲོད་གང་གིས་སྤོང་། ལར་ཡང་ཆོས་ནི་ཚིག་ལ་མི་རྟོན་དོན་ལ་རྟོན། ཀུན་རྫོབ་ལ་མི་རྟོན་དོན་དམ་ལ་རྟོན། དྲང་དོན་ལ་མི་རྟོན་ངེས་དོན་ལ་རྟོན། རྣམ་ཤེས་ལ་མི་རྟོན་ཡེ་ཤེས་ལ་རྟོན་པའི་རྣམ་འབྱེད་འཕགས་པ་དྲི་མ་མེད་པར་གྲགས་པས་བསྟན་པ་དང་། མདོ་དང་རྒྱུད་སྡེའི་གསང་ཚིག་རྣམས་མཐའ་དྲུག་དང་ཚུལ་བཞིའི་མན་ངག་ལ་བརྟེན་ནས་གསུང་རབ་བལྟ་བའི་ལྡེ་མིག་མེད་བཞིན་གྱ་ཆོམ་དུ་བརྒལ་ནས་དགག་སྒྲུབ་དང་ཐེ་ཚོམ་སྤོང་ལེན་ལ་སོགས་པའི་ཀུན་དཀྲིས་དམ་པོས་རང་ཉིད་འཆིང་བ་ལས། གསུང་རབ་འཆིང་བ་མ་ཡིན་པས། ཆོས་མིག་རྡུལ་དང་བྲལ་བ་མ་ཐོབ་བར་དུ་ཕོ་ཚོད་ཀྱི་ཚད་མས་ངེས་དོན་གྱི་གསང་ཚིག་ཆེན་པོ་རྣམས་ལ་གཞལ་ན་རྩ་ལྟུང་དགུ་པའི་ལམ་ནས་ངན་སོང་དུ་འདྲེན་པའི་ཚུལ་འཕགས་པ་རྣམ་པར་འཐག་པ་བསྡུས་པ་ལས། འདི་ལ་མི་བླུན་པོ་ཁ་ཅིག་དེ་བཞིན་གཤེགས་པའི་ཐབས་ལ་མཁས་པ་མི་ཤེས་ཤིང་ཁོང་དུ་མ་ཆུད་པར་ངའི་ལྡེམ་པོ་དག་ལ་འདི་སྐད་དུ།

(༩༠༩)འདི་ནི་རུང་ངོ་། །འདི་ནི་མི་རུང་ངོ་ཞེས་ཟེར་ཏེ། དེ་ལྟ་བུ་དེ་དག་ནི་དམ་པའི་ཆོས་སྤོང་བ་ཡིན། དེ་དག་ནི་དེ་བཞིན་གཤེགས་པ་ལ་སྐུར་བ་འདེབས་པ་ཡིན་ཏེ། རྒྱུ་དེས་ན་དེ་དག་ནི་སེམས་ཅན་དམྱལ་བ་པ་ཞེས་ང་འཆད་དོ། །མི་ཕམ་པ་མ་འོངས་པའི་དུས་ཕྱི་མའི་ཚེ། ཕྱི་མའི་དུས་ལྔ་བརྒྱ་བ་ཐ་མལ་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་བྱང་ཆུབ་སེམས་དཔར་ཁས་འཆེ་བར། སྔོན་མུ་སྟེགས་ཅན་དུ་གྱུར་པ། སྨོན་ལམ་གྱི་དབང་གིས་དེ་བཞིན་གཤེགས་པའི་བསྟན་པ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ནས་ཕྱོགས་གཅིག་ལ་སྤྱོད་པ། གཉེན་ལ་གདུང་བ། རྙེད་པ་དང་། བཀུར་སྟི་ལ་ཆགས་པ། ཁྱིམ་ལ་སེར་སྣ་བྱེད་པ། ཁྱིམ་སུན་འབྱིན་པར་བྱེད་པ། མདོག་ངན་པ། དམན་པ་ལ་མོས་པ། ཀ་བློ་མི་བདེ་བ། མ་གྲག་པ། རིགས་དམའ་བ། ཡོ་བྱད་ལ་ཡོངས་སུ་ཆགས་པ། ཆོས་ལ་བདེ་བར་གནས་པའི་ཟས་ཐམས་ཅད་དང་བྲལ་བ། ཏིང་ངེ་འཛིན་གྱི་ཟས་ལ་ཤིན་ཏུ་རེང་ཞིང་རྣམ་པར་རིང་བ། སྒྱུ་དང་གཡོ་ལ་གནས་པ་དག་གཞན་དུ་སྨྲ་ཞིང་གཞན་དུ་བྱེད་དེ། དེ་དག་མི་ཤེས་བཞིན་དུ་དེང་ནི་ཤེས་པ་དང་ལྡན་ནོ་ཞེས་ཟེར། མི་མཁས་བཞིན་དུ་ངེད་ནི་མཁས་སོ་ཞེས་ཟེར་ཏེ། ཞེས་དང་། མི་ཕམ་པར་ནི་སེམས་ཅན་རྣམས་ཀྱི་དོན་བྱ་བའི་ཕྱིར་ཕྱོགས་བཅུའི་འཇིག་རྟེན་གྱི་ཁམས་གངྒའི་ཀླུང་གི་བྱེ་མ་སྙེད་དུ་འགྲོ་ཞིང་དེར་ཡང་མོས་པ་ཇི་ལྟ་བ་བཞིན་དུ་སེམས་ཅན་རྣམས་ལ་ཆོས་སྟོན་ན། དེ་ནི་བྱང་ཆུབ་སེམས་དཔར་ཁས་འཆེ་བ། བྱང་ཆུབ་སེམས་དཔའ་དམུ་རྒོད། བྱང་ཆུབ་སེམས་དཔའ་ལ་སྐུར་བ་འདེབས་པ། བརྫུན་དུ་སྨྲ་བ། ཐོས་པ་ཉུང་བ་དེ་དག་ངའི་བྱང་ཆུབ་གཉིས་ཀྱིས་རབ་ཏུ་ཕྱེ་བ་མ་ཡིན་པ་འདི་ལ་གཉིས་སུ་སྨྲ་སྟེ། འདི་ལ་ནི་བྱང་ཆུབ་སེམས་དཔས་བསླབ་པར་བྱ། འདི་ལ་ནི་བྱང་ཆུབ་སེམས་དཔས་བསླབ་པར་མི་བྱའོ་ཞེས་ཟེར་ཏེ། སེམས་དེས་དེ་བཞིན་གཤེགས་པ་ལ་སྐུར་བ་འདེབས་སོ། །ཆོས་སྤོང་ངོ་། །དགེ་འདུན་ལ་སྨོད་དོ། །དེ་དག་ལུས་ཞིག་སྟེ་ཤི་ནས་སེམས་ཅན་དམྱལ་བ་

(༩༡༠)རྣམས་སུ་སྐྱེ་བར་འགྱུར་ཏེ། དེ་དག་དེར་བསྐལ་བ་མང་པོ་དང་། བསྐལ་པ་བརྒྱ་ཕྲག་མང་པོ་འདས་ནས་ཐར་བ་མི་ཐོབ་སྟེ། ཡང་དེ་དག་དབུལ་པོའི་རིགས་སུ་སྐྱེ་བར་འགྱུར་རོ། །ཞེས་པ་ལྟར་རོ། །འདི་ལྟར་ཐོས་པ་ཉུང་ཞིང་བློ་གྲོས་བླུན་པོ་དག་གིས་དྲང་ངེས་ལྡེམ་དགོངས་ཤན་མི་ཕྱེད་པས་དགེ་སྡིག་རྣམ་སྨིན་མཉམ་པར་སྟོན་པའི་ལུང་ལ་སྐྲག་བསྐྱེ་བ་བདེན་དུ་ཆུག་ཀྱང་། ལུང་དེ་དག་བསྟན་པ་ཡོངས་རྫོགས་ཀྱི་བསྟན་བཅོས་ཆེན་པོའི་ཁོང་ན་གནས་ཤིང་། བསྟན་བཅོས་རྩོམ་པ་པོའི་གང་ཟག་དེ་ནི་འཕགས་པ་འཇམ་དཔལ་གྱི་སྦོབས་པའི་རྒྱུན་ཡང་གཅོད་པའི་ཙ་བྱི་དྲི་མེད་གྲགས་པ་དང་གཉིས་སུ་མེད་པས་ཚིག་དོན་དེ་དག་ལ་སྐྱོན་ཆགས་ན་ལུང་དེ་འདྲེན་པར་མི་སྲིད་ལ། དེ་དག་གི་དོན་ཅི་འདྲ་ཞིག་སྟོན་པར་འགྱུར་སྙམ་དུའང་སེམས་མི་ཤེས་པ་དེ་ནི་རང་ཉིད་བསྟན་བཅོས་ཀྱི་བདག་པོ་ཉིད་ལས་ལྷག་པ་ཙམ་དུ་ང་རྒྱལ་བས་རྫོགས་པའི་སངས་རྒྱས་ལ་གོའུ་ཏམ་ཁྱོད་ཀྱིས་སུ་ལ་མ་ངེས་།།།པར་སྤྱད་ཆེར་བ་དང་མཚུངས་ཤིག །རང་ཉིད་ཀྱི་རྟོག་དཔྱོད་རྣོན་པོར་རློམ་པ་དེ་ཉིད་སྐྱོང་བྱེད་རྒན་པོའི་མཚན་ཉིད་དུ་བསྟན་པ་ཤེས་པར་བྱས་ནས་ཆོས་སྣང་བའི་སྒོ་དད་པ་དང་དག་སྣང་གི་ཕྱོགས་ལ་བསྙེན་པར་བྱའོ། །ཞེས་པའང་རྒྱུད་ལུང་ཟབ་མོ་ལ་བསྟིང་ཚིག་སྨྲ་བ་དག་ལ་སྙིང་རྗེའི་བསམས་པས་ཨ་བྷ་ཡ་དྭཱི་པས་སོ། །གཏམ་ཚོགས་ལེའུ་རེ་དགུ་པའོ།། །།ཤེས་རབ་ཀྱི་གཏམ་ཟབ་མོ་སྣང་བ་ཞེས་བྱ་བ། ཡུམ་ཆེན་མོ་ལ་ཕྱག་འཚལ་ལོ། །སྒྲ་ལ་བརྟེན་ནས་ཚིག་འབྱུང་སྟེ། །ཚིག་ལ་བརྟེན་ནས་དོན་ངོ་ཤེས། །དོན་གྱི་དམ་པ་ཆོས་ཉིད་ཕྱིར། །ཀ་དག་སྒྲ་དོན་མཁྱེན་ལགས་སམ། །ཀ་ནི་མགོའམ་ཐོག་མའི་མིང་། །ཡི་གེའི་ཕྱི་མོ་གཉིས་ཀྱིའང་སྤྱི། །དེ་བཞིན་ཞིང་གི་ཆུ་མགོ་ལའང་། །ཀ་མེས་འཇིག་རྟེན་ངེས་པར་སྒྲོག །གང་ཕྱིར་བདེ་གཤེགས་སྙིང་པོ་ནི། །སེམས་ཅན་རྣམས་ཀྱི་ཤེས་རྒྱུད་ལ། །ཉི་མ་སྤྲིན་སྦུབས་གཏུམས་པ་ལྟར། །གློ་བུར་དྲི་མའི་དག་

(༩༡༡)བྱ་ཡིས། །བསྒྲིབས་པ་ཙམ་ལས་སེམས་ཅན་གྱི། །དུས་ན་ངན་དུ་སོང་བ་དང་། །སངས་རྒྱས་དུས་ན་བཟང་དུ་མེད། །ཚོགས་བརྒྱད་སྒྲིབ་གཡོགས་བསལ་ཙམ་ནས། །རང་བཞིན་རྣམ་དག་ཡིན་པའི་ཕྱིར། །གདོད་ནས་དག་པའི་གཏན་ཚིགས་སུ། །ཀ་དག་ཅེས་སུ་སྒྲ་དོན་འབྲེལ། །དེ་ཕྱིར་སེམས་ཉིད་ཐོག་མ་ནས། །གྲུབ་མཐའི་ཞེན་པས་མ་བསླད་ཅིང་། །ཚོགས་བརྒྱད་རྗེས་སུ་མ་སོན་པ། །བླ་མའི་དྲིན་གྱིས་ཅེར་མཐོང་དུ། །རང་ངོ་སྤྲད་པའི་དོན་པོ་ནི། །མ་བཅོས་མ་བསླད་དེ་བཞིན་གཤེགས། །སྨྲ་བསམ་བརྗོད་བྲལ་ལྷན་ཅིག་སྐྱེས། །ཡུལ་དང་ཡུལ་ཅན་རྣམ་ཤེས་ཚོགས། །ཀ་ནས་དག་པས་སྤྲོས་བྲལ་ཡིན། །དེ་ལ་ལུང་གི་དཔང་པོ་ནི། །འདི་ལ་བསལ་བྱ་ཅི་ཡང་མེད། །ཅེས་པ་ཀ་ནས་དད་པ་ལས། །སྒྲིབ་བྱེད་བསལ་དུ་མེད་པར་བསྟན། །གཞག་པར་བྱ་བ་ཅུང་ཟད་མེད། །ཅེས་པས་རང་ངོ་མཐོང་བ་ལས། །ལྷག་པའི་མཉམ་གཞག་བཅོས་མར་གསུངས། །ཡང་དག་ཉིད་ལ་ཡང་དག་བལྟ། །ཞེས་པས་བལྟ་བྱ་ལྟ་བྱེད་ལས། །འདས་པ་ཆོས་ཉིད་དྲན་པར་བསྟན། །ཡང་དག་མཐོང་ན་རྣམ་པར་གྲོལ། །ཅེས་པས་ངོ་བོ་ཉིད་མེད་དོན། །ཀ་དག་རྟོགས་ཚེ་གྲོལ་ཅེས་བཤད། །དེ་ཕྱིར་ཕུང་པོ་ལྔ་པོ་དང་། །བྲལ་བ་བསམ་གཏན་ཕ་རོལ་ཕྱིན། །ཚོགས་བརྒྱད་དག་པ་ཤེར་ཕྱིན་དུ། །རྟོགས་ན་གང་ཟག་རྫོགས་པ་ཆེ། །དབུ་མའི་དོན་དང་མི་འགལ་ཞིང་། །ཕྱག་རྒྱ་ཆེན་པོའི་འདྲ་འབག་ཅེས། །རང་བྱུང་རྡོ་རྗེའི་གསང་ཚིག་གོ །གཏམ་ཚོགས་ལེའུ་བདུན་ཅུ་པའོ།། །།ཤེས་རབ་སྙིང་པོའི་གཏམ་བསྟོད་ཕྱག་གིས་གསལ་བ། ཡུམ་ཆེན་མོ་སྤྲོས་པ་དང་བྲལ་བ་ལ་ཕྱག་འཚལ་ལོ། །སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །སྨྲ་བ་ངག་ཡིན་ངག་གི་ངོ་བོ་རླུང་། །བསམ་པ་སེམས་ཡིན་དེ་ཡི་བྱེད་པོ་ཡིད། །ཡིད་ནི་ལས་ཀྱི་རླུང་སྟེ་རླུང་སེམས་ལ། །བརྟེན་ནས་ཚོགས་དྲུག་སྐྱེ་བ་མཁྱེན་པར་མཛོད། །ཡུལ་དྲུག་བེམ་པོ་ཡུལ་ཅན་རིག་པ་སྟེ། །ཡུལ་དང་ཡུལ་ཅན་སྐྱེ་མཆེད་མ་འབྲེལ་ན། །བརྗོད་མེད་

(༩༡༢)བློ་འདས་འཕགས་པའི་དབང་པོ་སྐྱེ། །ཐོས་དང་བསམ་པའི་ཤེས་རབ་རྣམ་གཉིས་ཀྱིས། །ཕ་རོལ་ཕྱིན་པའི་ལམ་བདེན་སྤངས་པའོ། །མ་སྐྱེས་མི་འགག་ནམ་མཁའི་ངོ་བོ་ཉིད། །མ་སྐྱེས་བོ་ནི་སྟོང་པའི་ཆོས་ཉིད་དེ། །མོ་གཤམ་བུ་བཞིན་གདོད་ནས་ཡོད་མ་མྱོང་། །མི་འགག་པ་ནི་སྣང་བའི་མཚན་ཉིད་དེ། །ཡོད་མ་མྱོང་བཞིན་རང་གསལ་འགག་པ་མེད། །སྟོང་པས་རྟག་མཐའ་གསལ་བས་ཆད་མཐའ་སྤངས། །དབུ་མར་མི་གནས་ནམ་མཁའི་ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །སོ་སོ་ཞེས་པ་ཐ་དད་རང་རང་དོན། །འཆིང་གྲོལ་གང་ཡང་གཞན་དང་ལྷན་ཅིག་མིན། །རང་གིས་རང་རིག་ལྷན་སྐྱེས་ཡེ་ཤེས་ཀྱིས། །སྤྱོད་ཡུལ་བ་ལས་རྟོག་གེའི་བློ་ཡིས་མིན། །དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ། །འདས་པའི་དུས་མེད་གང་ནས་ཀྱང་མ་བྱུང་། །མ་འོང་དུས་མེད་གང་དུ་ཡང་མི་འགྲོ། །ད་ལྟའི་དུས་མེད་ཕུང་པོ་སྐྱེ་མཆེད་བྲལ། །དུས་གསུམ་དེ་ལྟར་རྟོགས་ན་རྒྱལ་བའི་ཡུམ། །གང་ལ་ལྟ་བ་མཇལ་བའི་ཕྱག་འཚལ་ལོ། །རྫོགས་ཆེན་པ་རང་བྱུང་རྡོ་རྗེས་སོ། །གཏམ་ཚོགས་ལེའུ་དོན་གཅིག་པའོ།། །།ཡང་དེའི་དོན་བསྡུས་ཀྱི་གཏམ་ནི། སྒྲ་རུ་མི་བཏུབ་བསམ་བརྗོད་མེད། །ཐོས་དང་བསམ་པའི་ཤེས་རབ་ཀྱིས། །ལམ་བདེན་སྤངས་པའི་ཕ་རོལ་ཕྱིན། །སྟོང་པ་ཉིད་ཕྱིར་མ་སྐྱེས་ལ། །རང་གསལ་མི་འགག་ཆོས་ཉིད་དོན། །ཡེ་གྲོལ་ནམ་མཁའི་ངོ་བོ་ཉིད། །དྲན་ཉམས་མི་མང་འདོན་རབ་འབྱེད། །སོ་སོ་རང་གི་རིག་པ་དེས། །རྣམ་ཤེས་ལས་འདས་ཡེ་ཤེས་ཀྱིས། །སྤྱོད་ཡུལ་རྫོགས་པ་ཆེན་པོའི་ཞལ། །འདི་ནི་དུས་གསུམ་རྒྱལ་བའི་ཡུམ། །ཞེས་པའང་རིག་འཛིན་འཇིགས་བྲལ་

(༩༡༣)གླིང་པས་སོ། །གཏམ་ཚོགས་ལེའུ་དོན་གཉིས་པའོ།། །།ན་ཚ་ལམ་འཁྱེར་གྱི་གཏམ་ཞེས་བྱ་བ། བེམ་པོའི་ལུས་འདི་འབྱུང་བའི་བདག་ཉིད་ཅན། །འབྱུང་བ་དེས་བསྐྱེད་འདུ་བ་རྣམ་བཞིན། །ལས་དང་རྐྱེན་གྱིས་རྣམ་པར་གྱུར་པ་ལ། །བྲོ་འཚལ་ཞེས་གྲགས་རྣམ་པར་མ་གྱུར་ཅིང་། །རྣམ་པར་གྱུར་ལ་བདག་གིར་འཛིན་པ་ནི། །སེམས་དང་སེམས་བྱུང་མ་རིག་གཞན་དབང་སྟེ། །གཟུགས་ལ་ན་ཟུག་དེ་ལ་དེར་འཛིན་ནི། །ཚོར་བའི་ཕུང་པོ་རྒྱུན་ཆགས་འདུ་ཤེས་ཏེ། །ཕན་ཚུན་ཉེ་བར་ལེན་ལས་འདུ་བྱེད་དེ། །ཀུན་གྱི་རང་བཞིན་རྟོགས་པ་རྣམ་ཤེས་ཕྱིར། །རྣམ་ཤེས་སེམས་ཡིན་སེམས་ནི་ཡོད་མེད་དུ། །དཔྱད་ན་གང་དུའང་མ་གྲུབ་རྟོགས་པའི་ཕྱིར། །ཕུང་པོ་ལྔ་པོ་འདི་དག་རང་བཞིན་གྱི། །སྟོང་པར་ཡང་དག་རྗེས་སུ་ལྟ་བའི་དོན། །སེམས་ཀྱི་ཐོག་ཏུ་ནད་ཀྱི་ཁུར་མི་ལེན། །ནད་ཀྱི་ཐོབ་ཏུ་རིག་པ་རྗེན་པར་ཞོག །རྗེས་ཐོབ་ཆ་ལ་བདེ་སྡུག་གཏོང་ལེན་དང་། །ལས་ངན་ཟད་པ་ཡིན་སྙམ་དགའ་བ་སྒོམ། །ཚུ་རོལ་མཐོང་ཞིང་ཕ་རོལ་མ་མཐོང་བའི། །སྐྱེ་བོ་ཕལ་ཆེར་ཚེ་འདིའི་འཚོ་རྩིས་ལ། །སྡང་རྨོངས་ཆགས་པ་གསུམ་གྱི་རྒྱ་བྲེས་ནས། །དགེ་བའི་རི་དྭགས་གསོད་པ་གཟིགས་ལགས་སམ། །སེམས་རྒྱུད་ངེས་པར་འབྱུང་བའི་ཆུས་བརླན་ཞིང་། །གཞན་གནོད་གཞི་བཅས་སྤོང་དང་ཆབས་ཅིག་བར། །དགེ་ལ་འདུན་དང་བསྙེན་དང་རྫོགས་པ་དེ། །དགེ་སྦྱོང་ཡིན་གྱི་མཚམས་སྤྲིན་རྒྱལ་མཚན་མིན། །མདོར་ན་ཆོས་ཀྱི་རྩ་བ་བྱང་ཆུབ་སེམས། །དེ་ཡི་ངོ་བོ་སྨོན་འཇུག་རྣམ་གཉིས་ཡིན། །མཐར་གྱི་དེའང་དོན་དམ་བྱང་སེམས་སུ། །རྟོགས་ན་ཚངས་གནས་བཞི་ལས་ཡང་དག་གྲོལ། །སངས་རྒྱས་འབྱུང་ལ་མཉེས་པར་མི་བགྱིད་པ། །སེམས་

(༩༡༤)ཅན་ལས་ཡིན་དེ་ལ་ཆོས་བསྟན་པའི། །སྣོད་ཀྱིས་བསྐལ་ཡང་རིང་དུ་འདྲིས་བཞིན་པའི། །མོས་པ་བརྟན་པའི་གཟུར་གནས་ཁྱོད་གཅིག་ལ། །སྙུན་ལ་གདམས་ངག་འབོག་པའི་ཚུལ་དུ་གདམས། །ཀུན་མཁྱེན་རྗེ་དང་རོང་པ་ཆོས་ཀྱི་བཟང་། །དཀར་པོ་གསུམ་དང་ཆོས་ཀྱི་བློ་གྲོས་སྡེ། །དངོས་དང་བཅས་པའི་ས་མཆོག་མ་ཎི་ཀ །རང་གི་ཡུལ་དུ་མི་མཐོང་གཞན་དུ་མཐོང་། ཁྱོད་ལ་མཐོང་བ་ལེགས་པའི་བཀྲ་ཤིས་ཤོག །ཅེས་པའང་གཡོ་རུ་རྫོགས་ཆེན་པ་རང་བྱུང་རྡོ་རྗེས་སོ།། །།དེ་ལྟར་རིག་པ་དང་གཙུག་ལག་སྣ་ཚོགས་ཀྱི་དོན་འདོད་རྒྱལ་དུ་སྟོན་པ་གཏམ་གྱི་ཚོགས་ལེའུ་དོན་གསུམ་པའི་བདག་ཉིད་ཅན་གྱིས་ཡོངས་སུ་རྫོགས་པའོ།། །།དགེའོ། །དགེའོ། །དགེའོ།།