cover

རིག་འཛིན་འཇིགས་མེད་གླིང་པའི་གསུང་འབུམ།

ཨ་འཛོམ་པར་མ་གླེགས་བམ། ཏ༽

རིག་འཛིན་འཇིགས་མེད་གླིང་པ།

Nitartha International

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཐུག་རྗེ་ཆེ་ཞུ།

༈ སྐྱེ་རྒུའི་བདེ་སྐྱིད་ཀྱི་འབྱུང་གནས་རྒྱལ་བ་མཉམ་མེད་དོན་ཀུན་གྲུབ་པ་ཆེན་པོའི་གསང་གསུམ་ཡེ་ཤེས་ཀྱི་སྒྱུ་འཕྲུལ་ངོ་མཚར་ཆོས་སྐུའི་རིང་བསྲེལ་གྱི་གཟུགས་སུ་བལྟམས་པ་གསུང་རབ་རྒྱལ་བའི་བཀའ་འགྱུར་རིན་པོ་ཆེ་དང་། ཐུབ་པའི་དགོངས་པ་རང་སྟོབས་ཀྱི་བཀྲལ་ནུས་པའི་འཕགས་ཡུལ་པཎ་གྲུབ་རྣམས་ཀྱི་མཛད་པའི་བསྟན་འགྱུར་རིན་པོ་ཆེ་སྟེ་མདོ་སྔགས་གཉིས་ལྡན་གྱི་ཡོངས་རྫོགས་བསྟན་པ་རྒྱ་མཚོ་འདི་ཉིད། དེང་གི་ཆར་གངས་རིའི་ལྗོངས་ཀྱི་ཡེ་གེ་ཁོ་ནའི་གཟུགས་སུ་བཞུགས་པ་ནི་སྤྲུལ་པའི་མཁན་སློབ་ཆོས་གསུམ་གྱི་ཐུགས་བསྐྱེད་ཉག་གཅིག་ལས་བྱུང་བ་དང་། དེ་དག་མི་ནུབ་བརྒྱུད་འཛིན་ཡུན་གནས་ཀྱི་ཆེད་དུ་གངས་ལྗོངས་ཆོས་བརྒྱུད་ཁག་ལས་བྱོན་པའི་རིས་སུ་མ་ཆད་པའི་སྐྱེས་ཆེན་རྣམས་ཀྱིས་བཀའ་བསྟན་རིན་པོ་ཆེའི་དགོངས་སྙིང་ཅན་གྱི་གསང་རབ་གླེགས་བམ་སྟོང་ཕྲག་མང་པོ་མཛད་ཅིང་། དཀའ་སྤྱད་ཐུགས་བརྩོན་སྣ་ཚོགས་གྱིས་མ་ཕྱི་གསར་བསྐྲུན་དང་བསྐྱར་བསྐྲུན་སོགས་ཀྱིས་འཇིག་རྟེན་གྱི་ཁམས་སུ་བཞུགས་པ་མཛད་མུས་བཞིན། དེང་གི་ཆར་གློག་རྡུལ་འཕྲུལ་ཆ་དང་དྲྭ་རྒྱའི་དུས་རབས་ཀྱི་འགྲོས་དང་བསྟུན་ནས་རྒྱལ་སྤྱིའི་རིག་གཞུང་སྤྱི་མཚུངས་ལྟར། རྒྱལ་བའི་གསུང་རབ་རིན་པོ་ཆེ་གཙོ་བོར་གྱུར་པའི་འཕགས་བོད་མཁས་པའི་གཞུང་ལུགས་རྣམས་དྲྭ་ཐོག་ནས་བཤེར་འཚོར་དང་འདྲ་བཤུས་སྒྲིག་གཟོ་སོགས་སྟབས་བདེའི་ལམ་ནས་བཀོལ་སྤྱོད་ཐུབ་པའི་གཞི་རྒྱ་ཆེ་བའི་འཆར་འགོད་དངོས་སུ་ལས་བཞིན་པར། གྲུབ་དབང་རྫོགས་ཆེན་པའི་བསྟན་པ་ལ་ལྷག་བློ་མཆོག་ཏུ་དཀར་བ་ཉག་རོང་བླ་མ་ཀུན་བཟང་རིག་འཛིན་མཆོག་གིས་རིག་འཛིན་འཇིགས་མེད་གླིང་པའི་གསུང་འབུམ་ཆ་ཚང་ཞུ་དག་ཟིན་པ་ཞིག་འདིར་གནང་འབྱོར་བྱུང་བ་ལགས་ན། སྙིང་ནས་ཐུགས་རྗེ་དང་བཀའ་དྲིན་བླ་ལྷག་ཏུ་ཆེ་ཞུ་བ་དང་། ཆབ་གཅིག་སླད་ནས་ཀྱང་གསུང་རབ་རིན་པོ་ཆེ་ཅི་རིགས་དཔེ་སྐྲུན་གནང་ན་འདི་གར་འདྲ་བཤུས་གནང་སྩོལ་ཡོང་བར་ཅི་ནས་ཀྱང་བཀའ་དྲིན་མི་ཆུང་བ་ཞུ། གཞན་ཡང་གཞི་རྒྱ་ཆེ་བའི་ལས་རིམ་འདིའི་ཐོག་ཏུ་དངོས་སུ་ཕྱག་རོགས་པ་ཚོང་དཔོན་པདྨ་དོན་ཡོད་ལགས་དང་། ཕྱི་གླིང་པ་ Gerry Wiener གྷེ་རེའི་ཝི་ནེར། Jeff Furlong རྗེཕུ༹་ལཱོང་རྣམ་པ་གསུམ་ནས་བརྩོན་པ་ཐང་ལྷོད་མེད་པ་གནང་བ་དང་། གཞན་ཡང་ལས་གཞི་འདིའི་ཐོག་དངོས་དང་བརྒྱུད་ནས་ཐུགས་ཁུར་རྒྱབ་སྐྱོར་གནང་མཁན་ཡོངས་ལ་ཐུགས་རྗེ་དང་བཀའ་དྲིན་ཆེ་ཞུ།

ཞེས་དྲྭ་རྒྱའི་དཔེ་མཛོད་འགན་འཛིན་པ་རྫོགས་ཆེན་བསྟན་འཛིན་རྣམ་དག་ནས་ཕུལ།།

ཕུར་པ་རྒྱུད་ལུགས་ལས་ཆོས་འབྱུང་ངོ་མཚར་སྣང་བྱེད།


JLAZ009_Page_0005
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས་ཆོས་འབྱུང་ངོ་མཚར་སྣང་བྱེད་ཅེས་བྱ་བ་བཞུགས། །


JLAZ009_Page_0006
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་ཕྲིན་ལས་ཀྱི་བདག་ཉིད་ལ་ཕྱག་འཚལ་ལོ། །ཕུར་པ་རྒྱུད་ལུགས་ཀྱི་ལོ་རྒྱུས་ལ་སྔོན་བྱུང་རྒྱུད་ཀྱི་ལུགས་དང༌། ཕྱིས་བྱུང་མན་ངག་གི་ལུགས་སོ། །དང་པོ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཟག་པ་མེད་པར་མཉམ་པར་བཞག་པའི་ཚེ། རྡོ་རྗེ་འཛིན་པས་འདི་སྐད་ཅེས་བསྐུལ་ཏོ། །བདེ་ཆེན་ཞི་བ་ཆོས་ཉིད་མཆོག །སྟོན་པ་རྡོ་རྗེ་ཆོས་ཉིད་ཀྱིས། །ཨེ་མ་ཧོ་འདུལ་བར་འགྱུར་བ་ཡིན། །དེ་ལས་ལོངས་སྤྱོད་རྫོགས་པའི་སྐུ། །འཇིགས་བྱེད་ཆེན་པོའི་སྐུར་བཞེངས་ལ། །གདུག་པའི་ཚོགས་རྣམས་གདུལ་དུ་གསོལ། །ཞེས་བསྐུལ་བས། བཅོམ་ལྡན་འདས་འཇིགས་བྱེད་ཆེན་པོའི་སྐུར་བཞེངས་ཏེ། ཐུན་མོང་མ་


JLAZ009_Page_0007
[མ་དཔེ་གཟིགས་ན་འདིར་གནོན།]

ཡིན་པའི་མཚན་མཆོག་གིས་མངོན་པར་སྤྲས་པའི་སྐུ་དེས། འོག་མིན་གྱི་གནས་ལྕང་ལོ་ཅན་གྱི་ཕོ་བྲང་དུ། འཁོར་སེམས་དཔའ་དང་སེམས་མ་རྣམས་ལ་དམ་ཆོས་བདུད་རྩི་ཕུར་པའི་ཆོས་རྣམས་སྐུའི་སྒོ་ནས་འཇལ་བར་བསྟན་ཏེ། འཁོར་བའི་སྤོང་སྒྲིབ་ལས་ཀུན་རྣམ་པར་སྤངས་ཏེ་གྲོལ་བའི་ས་ལ་ལེགས་པར་གནས་སོ། །ཐུགས་རྗེའི་སྟོབས་ཀྱིས་ཕྱག་ན་རྡོ་རྗེས་མངོན་པར་བསྡུས་ཏེ། ཡང་སྙིང་འབྲུ་དགུའི་ཚུལ་དུ་ཐུགས་ཀར་བསྟན། དེ་ནས་སེམས་དཔའ་རྡོ་རྗེ་ཉིད་ཀྱིས་འདོད་ཁམས་མཐོང་བའི་ལམ་དུ་གྱུར་པ་རྣམས་ལ་དེ་མངོན་པར་བརྟག་པར་བྱ་བའི་ཕྱིར་ཕྱག་ན་རྡོ་རྗེ་ལ་བསྐུལ་ཏེ། འདོད་ཁམས་གནས་རིགས་ཉི་ཤུའི་སྟོན་པར་གཤེགས་སོ། །ཞེས་པས་མཚོན་


JLAZ009_Page_0008
[མ་དཔེ་གཟིགས་ན་འདིར་གནོན།]

ཏེ་རྒྱུད་སོ་སོའི་གླེང་གཞི་ལ་འཇུག་པ་ལྟར་རོ། །གཉིས་པ་ནི། སློབ་དཔོན་ཆེན་པོ་པྲ་བྷ་ཧསྟི་དང༌། བི་མ་ལ་དང༌། པདྨ་སམྦྷ་ཝ་ལ་སོགས་སངས་རྒྱས་ཀྱི་ས་ལ་བཞུགས་པའི་རིག་འཛིན་རྣམས་ཀྱིས་རྒྱུད་ལས་མན་ངག་ཏུ་བཏུས་ནས་རྣམ་པར་རིག་བྱེད་ཀྱི་བདག་རྐྱེན་ཆོས་ཀྱི་རྣམ་གྲངས་བསམ་གྱིས་མི་ཁྱབ་པ་ཞིག་ལས་ཅན་སོ་སོར་བཀའ་བབས་པའི་དོན་འགོག་ལམ་གྱི་བདེན་པའི་འབྲས་བུའི་ངོ་བོ་ཉིད་དུ་གྲུབ་པ་འཕགས་ཡུལ་ཆོས་ཀྱི་གན་མཛོད་ནས་གངས་རིའི་ཁྲོད་དུ་བཙད་པོ་ཁྲི་སྲོང་ལྡེ་བཙན་གྱི་ཐུགས་བསྐྱེད་ལ་བརྟེན་ནས་མངོན་སུམ་དུ་སྣང་ཞིང༌། དངོས་གྲུབ་ཐོབ་པའི་བརྒྱུད་པ་ཟམ་མ་ཆད་ལ་ཕུར་པ་རྒྱལ་པོ་ལུགས་དང༌། ཇོ་མོ་ལུགས་དང༌། ལྕམ་ལུགས་གཙོ་བོར་གྱུར་པའི་བཀའ་བབས་ཀྱི་ངེས་པ་ཐ་དད་མོད། དེ་དག་ལས་དང་པོ་ནི། རྒྱ་གར་གྱི་པཎྜི་ཏ་ཤྲཱི་ཛྙཱ་ན་དང༌། སློབ་དཔོན་ཆེན་པོ་དང༌། ལོ་ཙཱ་བ་དཔལ་གྱི་ཡེ་ཤེས་ཀྱིས་བསྒྱུར་བ་རྡོ་རྗེ་བཀོད་པ་རྣལ་འབྱོར་ཆེན་པོའི་རྒྱུད་ལེའུ་བཅོ་ལྔ་པ་མངའ་བདག་རྒྱལ་པོའི་ཐུགས་དམ་དུ་བཞག་པ་ཉིད་ལུགས་སྲོལ་འདིའི་བརྟེན་པའི་གཙོ་བོའི་མངོན་རྟོགས་ཀྱང་དེའི་ལུགས་སོར་བཞག་དང༌། རྟེན་དང་བརྟེན་པ་གཞན་རྣམས་ནི་ཡེ་ཤེས་རྩེ་མོ་དང༌། རྡོ་རྗེ་ཁྲོས་པ་ལ་སོགས་པའི་རྒྱུད་དོན་སྒྲུབ་ཐབས་ལ་འཇུག་ཆེ་བའི་ཆ་བསགས་ཤིང༌། འཇུག་སྒོ་དབང་གིས་མཚོན་པའི་ཕྲིན་ལས་ཀྱི་རིམ་པ་


JLAZ009_Page_0009
[མ་དཔེ་གཟིགས་ན་འདིར་གནོན།]

ཇི་སྙེད་ནི་རྩ་རྒྱུད་དང་རྣལ་འབྱོར་ཆེན་པོ་ལ་སོགས་པ་རྒྱ་ཆེ་ལ་དོན་ཟབ་པའི་ནང་ནས་བསྡུ་བ་བྱས་པའི་ཕྱིར་ན་གཙོ་བོའི་མངོན་རྟོགས་ལས་ཕུར་པ་རྒྱལ་པོ་ལུགས་ཀྱི་རྩ་བར་འདི་ཉིད་གཟུང་ངོ༌། །ཇོ་མོ་ལུགས་ནི། སློབ་དཔོན་ཆེན་པོ་གཤེགས་ཁར་ཉུང་ལ་འདུས་པ་ཕུར་པ་རྩ་དུམ་གྱི་དོན་རྡོ་རྗེ་ཁྲོས་པ་རྩ་བཤད་གཉིས་ཀྱིས་བཀྲལ་ནས་མཁར་ཆེན་བཟའ་ལ་བསྟན་པས། ཇོ་མོས་མོན་ཁ་སེང་གེ་རྫོང་དུ་དཀྱིལ་འཁོར་རྣམ་པ་གསུམ་ལ་བརྟེན་ནས་བསྒྲུབས་པས་བདུན་གསུམ་ནས་ཕུར་པ་ཐམས་ཅད་བཞད་ཅིང༌། འཕར་གཡོ་དང་འོད་འཕྲོ་བ་བྱུང༌། ཕ་མེས་ཀྱི་ཟ་འདྲེ་ལ་གདབ་པའི་ཕྱིར་བསྙེན་ཕུར་དྲིལ་བས་ནམ་མཁའ་ལ་དེང་ངེ་སོང་ནས་ཟ་འདྲེ་གནས་པའི་རྟེན་དང་བརྟེན་པ་ཚར་བཅད། ཕུར་པ་དེ་ཇོ་མོའི་དབོན་བརྒྱུད་རྣམས་ཀྱིས་གདེངས་པས་ཆོག་པ་བྱུང་བས་མཁར་ཆེན་འདྲེ་འདུལ་གྱི་བརྒྱུད་པར་གྲགས། ཇོ་མོས་རང་གི་མིང་པོ་དཔལ་གྱི་གཞོན་ནུ་ལ་བཤད། དེས་ལོ་རྒྱལ་བའི་བློ་གྲོས། དེས་མི་བུ་རྒྱལ་བའི་སྙིང་པོ། དེས་འབྲེ་ཤེས་རབ། དེས་འབྲེ་ས་ལེ། དེས་ལག་ལྷག་རྡོ་རྗེ་བྱང་ཆུབ་ལ་བཤད་དེ་བསྒྲུབས་ཀྱང་ནུས་པ་མ་བྱུང༌། དེའི་ཚེ་ཁོས་ཆོས་ལ་ཐེ་ཚོམ་མ་ཟོས། རང་ཉིད་ལས་འཕྲོ་ཞན་པར་རྟོགས་པས་རྟེན་འབྲེལ་མ་ལོག་མཁར་ཆེན་བཟའི་དངོས་སློབ་ཨ་


JLAZ009_Page_0010
[མ་དཔེ་གཟིགས་ན་འདིར་གནོན།]

ཙཱར་ས་ལེ་ཞེས་བྱ་བ་ཕུར་པ་གདེངས་པས་གཙང་ཆུ་ཡན་མན་དུ་ཆད་ཅིང་ཚེའི་རིག་འཛིན་ཐོབ་པ་དེ་དང་འཕྲད་པར་སྨོན་ལམ་བཏབ། དེའི་ཕྱོགས་སུ་མགོ་བསྟན་ནས་ཉལ་ཞིང་བསྒྲུབས་པས་ཨ་ཙཱར་ས་ལེ་མུ་ཏོ་བར་བརྫུས་པ་ཡར་འབྲོག་ཁོར་རེར་བྱུང་ནས་ལག་ལྷག་ལ་སྒྲུབ་བྱས་པས། ཨ་ཙཱར་ས་ལེར་དོགས་ནས་ཁྱེད་རང་འདིར་བཞུགས། ད་ལྟ་སྐྱ་ནམ་ངན་པས་ཟས་མི་རྙེད་བྱས་ཏེ་དབྱར་ཐོག་གྲོ་སྟབས་ཆོས་ཞུ་བ་སྐད་མ་བྱས་པ་ཡོད་ཙ་ན། སྟོན་སེར་བོན་པོའི་རྔ་གཤང་ཐོས་ནས་སྒྲུབ་ལ་འགྲོ་ཚད་པ་ལ། ཁྱེད་རང་ད་དུང་བཞུགས། ང་ཕ་སྤུན་དགྲར་ལངས་པ་གཅིག་ཡིན་པས། ང་ཡི་ཡུལ་ཞིང་ནི་ཁོང་ཚོས་འཕྲོག་ན། འདི་ཀུན་ཟད་པར་བྱས། དེ་ནས་ང་ཡང་ཁྱོད་དང་སྡོང་བྱས་པས། ཨ་ཙ་ར་ན་རེ། དེ་ཚར་གཅོད་པའི་གདམས་ངག་ང་ལ་ཡོད་ཟེར་ནས་ཕྱིང་ཁུག་ནང་བེ་བུམ་དང༌། ཕུར་པ་བཏོན་ནས་མན་ངག་ཇི་ལྟ་བ་བཞིན་བྱིན་ནོ། །དེར་ལག་ལྷག་གིས་བསྒྲུབས་པས་ཤིང་སྡོང་པོ་བཅོ་ལྔ་སྟྭ་རེས་བཅད། གཅིག་ཕྱེད་ཙམ་ཆོད་ཙ་ན་གཉིད་སད། རང་གི་མ་ལ་དགྲ་ལ་མཐུ་རྟགས་འོང་ཞེས་སྨྲས། དེའི་ཚེ་ཕ་ཚན་རྣམས་ལག་ལྷག་གིས་མཐུ་བྱས་དོགས་ནས་གསོད་པའི་གྲོས་བྱེད་ཅིང༌། ར་བསད་པའི་ཤ་བསྡུ་ཚགས་བྱེད་ཙ་ན་ཁང་པ་རྡིབ་ནས་མི་བཅོ་ལྔ་ཤི། གཅིག་རྐང་


JLAZ009_Page_0011
[མ་དཔེ་གཟིགས་ན་འདིར་གནོན།]

པ་ཆག །གཤིན་རྗེའི་མཐུ་མཁན་ལ་འཇིགས་པ་དགེ་བཤེས་ར་ལོ་ཙཱ་བ་ཡང་སྐྲག་པར་བྱས་པས་གཤིན་རྗེ་མཁན་པོ་ཕུར་པ་ལ་རྡུགས་ཞེས་གྲགས། དེའི་ཐུགས་ཀྱི་སྲས་བཞི་ནི། ཉང་བེར་སྔོན་ཅན། ཀྱི་གྱང་འགྱེལ། སྐྲངས་ཕུར་བུའི་མགོ། སྣ་ནམ་ཤེས་རབ་ཚུལ་ཁྲིམས་བཞི་ལས། ཉང་ལ་ཡིག་ཆུང་ཅན་གྱི་ལུགས་སུ་གནང་བའི་ཚུལ་ནི། ཉང་གིས་སློབ་དཔོན་གྱི་ཇོ་མོ་དང་མཛའ་བར་བྱས་པས་མོས་ཇོ་བོའི་ཐུགས་དམ་རྩ་དུམ་བྱ་བ་ལ་བྱེད། འཁོར་གྱི་སྔགས་ཅན་དེ་མིན་བྱས་པས་ཁོས་སློབ་དཔོན་གྱི་དཔེ་སྣོད་དོམ་སྒྲོའི་ཞབས་བརྟོལ་ནས་དཔེ་བརྐུས་ཏེ་བྲིས་པ་སློབ་དཔོན་གྱིས་མཁྱེན་ནས་དམ་ཉམས་བཀའ་རྐུན་ཁྱོད་དང་ང་མི་འགྲོགས་གསུངས། དེར་ཉང་ནད་དྲག་པོས་ཐེབས་པ་ལ། བར་པ་བཏང་གིན་བཤགས་པ་བྱེད་བྱས་ཀྱང་མ་གནང༌། ཡང་ཡང་བཞུས་པས། ད་འོ་ན་དབེན་རྩིའི་ཕ་ལོགས་ལ་དབེན་རྩ་བརྩིགས། ཤ་ཁོག་བརྒྱའི་གཏོར་མ་ཐོང༌། ཁྲབ་བརྒྱ་ཐམ་པས་བཤགས་པ་གྱིས་གསུངས་པ་ལྟར་བྱས་པས་ནད་ལས་ཐར། ད་གདམས་ངག་ཞུ་བྱས་པས། ཁྱོད་དང་འཕྲད་དུ་མི་རུང་གསུངས་ནས་ཡིག་ཆུང་བྱས་ཀྱིན་བྱིན། དེ་ལ་དྲི་བ་དྲི་ལན་མང་དུ་བྱུང་བས་ཉང་གི་ཡིག་ཆུང་ཅན་གྱི་ལུགས་སུ་གྲགས། ཁོས་བཀའ་བརྐུས་པས་བཀྲ་མི་ཤིས་པ་ཡིན་སྐད།


JLAZ009_Page_0012
[མ་དཔེ་གཟིགས་ན་འདིར་གནོན།]

སྐྲངས་ཕུར་བུ་མགོ་ལ་གནང་ཚུལ་ནི། སློབ་མས་བླ་མ་བཙལ། བླ་མས་སློབ་མ་བཙལ་བས། ཁོ་མགོ་བོ་རྒྱ་མདུད་ལ་སོགས་ཕུར་པ་བསྒྲུབ་པའི་མཚན་དང་ལྡན་པར་གཟིགས་ནས། དཀྱུས་ལ་གདམས་ངག་མཆན་དུ་བཏབ་ནས་གནང་བས། སྐྲངས་མཆན་ཊིཀ་ཅན་གྱི་ལུགས་ཞེས་གྲགས། ཀྱི་གྱང་འགྱེལ་ནི། རྒན་པོ་བློ་རྟུལ་བ་ཡིན་པས་མ་འཁྲུགས་པར་བཤད་པས་ནོར་བུའི་ལུགས་སུ་གྲགས། ཁོ་རྟོག་པ་ཉུང་བས་ཕུར་ཚུགས་སུ་བསྒྲུབས་པས་གྲུབ་སྟེ། དགྲ་རྣམས་ཀྱང་གི་རྩ་བར་ཉི་མ་འདེ་བ་ལ་ཕུར་པ་འཕངས་པས་ཀྱང་འགྱེལ་ཏེ་ཐམས་ཅད་ཤི་བས་དེ་ལྟར་དུ་གྲགས། སྣ་ནམ་ལུགས་ནི། ཁོང་ཤེས་རབ་ཆེ། བླ་མའི་ཐུགས་ཀྱིས་ཀྱང་ཟིན་པས། གདམས་ངག་ཐམས་ཅད་ཞལ་ནས་གསུངས་པས་གསུང་སྒྲོས་ཟིན་ཅིང་གནད་ལ་འཕོག་པའི་སྣ་ནམ་གདམས་ངག་ཅན་གྱི་ལུགས་ཞེས་གྲགས་ཏེ། ཡིག་ཆ་མཛད་པའང་ཤིན་ཏུ་དཔྱད་བཟོད། རྒྱུད་ལུགས་འདིའང་རྒྱུད་ཀྱི་ཁོག་ཕུབ། མན་ངག་སྣ་ནམ་ལུགས་དང་བསྟུན་པས་གཞན་ལ་མེད་པའི་གདམས་ངག་གོ །སྤྱིར་སྣ་ནམ་ལ་ལུགས་གཉིས་ཡོད་དེ། དྷ་ཏི་རྒྱས་འབྲིང་ལ་བརྟེན་པའི་སྐོར་དང༌། ཞལ་གདམས་རྣ་བརྒྱུད་ལ་བརྟེན་པ་རིན་ཆེན་ཕྲེང་བའི་ལུགས་སོ། །དེ་ལྟར་བཞི་པོ་ལ་མི་ཐེ་བའི་སྤྱང་ཀིར་ཆུང་ཞེས་པ་ལས་བརྒྱུད་པའང་ཡོད་དོ། །


JLAZ009_Page_0013
[མ་དཔེ་གཟིགས་ན་འདིར་གནོན།]

ཡང་ཕུར་པ་ལྕམ་ལུགས་སུ་གྲགས་པ་ནི། ཅོག་རོ་བཟས་སློབ་དཔོན་དངོས་ལ་ཐུགས་ཀྱང༌། སློབ་དཔོན་གྱིས་ནམ་མཁའ་ལ་དཀྱིལ་འཁོར་སྤྲུལ་པའི་ཚེ། དབང་ཡི་དམ་ལ་ཞུས་པས་ཡི་དམ་སློབ་དཔོན་གྱི་ཐུགས་ཀར་བསྡུས་པས་སྐལ་བ་ཆད། སླར་ཇོ་མོ་མཚོ་རྒྱལ་ལ་རྗེས་སུ་གནང་ནས་ཇོ་མོས་ཅོག་རོ་བཟའ་ལ་གདམས་པ་ལས་བརྒྱུད་པའོ། །ཕུར་པ་ལྷ་ནག་ནི། ཨོ་རྒྱན་ཡབ་ཡུམ་ནས་འབྲེ་ཨ་ཙཱ་རྱ་ས་ལེ། ལག་ལྷག་ནས་རིམ་པར་ཡར་འབྲོག་པ་གུ་རུ་བ་ཡང་དག །འདིས་རྫོགས་རིམ་གཙོ་བོར་འདོན་པ་ཕུར་པ་མྱང་འདས་ཀྱི་རྒྱུད་ཆེན་པོ་ལ་བརྟེན་ནས་ལྷ་ཐམས་ཅད་ནག་པོར་མཛད་པས་ལྷ་ནག་ཏུ་གྲགས་ལ། གཞན་རྒྱུད་སྡེ་ཕལ་ཆེར་མཐུན་པར་ལྷ་ཁྲ་ཤས་ཆེ། དེས་གྲུབ་ཐོབ་སྐོར་ཆུང་ལ་བཤད། དེས་རྒྱ་སྟོན་ཇོ་གདོང༌། རྒྱ་ཆོས་བཀྲས། རྒྱ་ལམ་གྲགས་སོགས་ལ་བཤད་པས་བླ་མ་རྒྱའི་ལུགས་ཞེས་གྲགས། གཞན་ཡང་ཁྱུང་པོ་དང༌། འགོས་དང༌། རམ་དང༌། དཔྱལ་དང༌། སོ་དང༌། ཟུར་དང༌། གནུབས་དང༌། གུར་དང༌། རོག་དང༌། རོང་ལུགས་ལ་སོགས་ཏེ་བརྒྱུད་ཚུལ་ཐ་དད་ཅིང༌། དེ་དག་ཐམས་ཅད་ཀྱང་མཆོག་གི་དངོས་གྲུབ་ཐོབ་པ། ཐུན་མོང་ཙམ་དུའང་དགྲ་ཐུལ་བ་དང༌། སྲིའུ་གསོས་པ་དང༌། ལྷ་མ་སྲིན་བྲན་དུ་འཁོལ་བ་སོགས་


JLAZ009_Page_0014
[མ་དཔེ་གཟིགས་ན་འདིར་གནོན།]

མངོན་རྟགས་གཞན་ལས་མྱུར་བ་བྱུང་བས། གསར་མ་མཁན་པོ་རཾ་ལ་སོགས་པས་ཀྱང༌། དགྱེས་རྡོར་རམ་རྗེ་བཙུན་མ་ཆོས་ཟབ་ཀྱང་བྱིན་རླབས་ཕུར་པ་འདི་ལས་ཆེ་བ་མེད་ཅེས་བསྒྲགས་ཤིང༌། གསར་མ་མ་དར་གོང་དུ་བོད་སྤྱིའི་ཡི་དམ་ཡང་ཕུར་ཁོ་ན་ཡིན་པས་བརྒྱུད་པ་རབས་སུ་བསྔགས་འོས་པ་ཤ་སྟག་བྱུང༌། ཁྱད་པར་ཕུར་པ་འདི་སངས་རྒྱས་ཐམས་ཅད་ཀྱི་ཕྲིན་ལས་ཀྱི་བདག་ཉིད་ཡིན་པས། ཕུར་པ་མཁན་པོ་ཚེ་རིང༌། ལོངས་སྤྱོད་ལྡན། མཐུ་ཆེ་ཟེར་བ་ལྟར་སྔོན་བྱུང་དང་བསྟུན་ན་སློབ་དཔོན་ཆེན་པོས་ཙནྡན་གྱི་ནགས་ལ་མེ་ཤོར་བ་ལ་བསྡིགས་པས་ནགས་ཚལ་སྔར་བཞིན་གྱུར། བི་མ་ལས་གངྒཱ་གྱེན་དུ་ལོག་པ་ལ་གདེངས་པས་ཀླུང་ཆེན་ཡན་མན་དུ་ཆད། བལ་པོ་ཤཱི་ལ་མཉྫུས་བྲག་མཁར་གོང་ཅན་ལ་གདེངས་པས་བྲག་རི་དུམ་བུར་སོང༌། ཇོ་མོ་མཁར་ཆེན་བཟས་སྤྱང་ཀིའི་རྗེས་ལ་བཏབ་པས་སྤྱང་ཀི་རྦབ་ཏུ་ཤོར། མེ་ནུབ་རྒྱལ་བའི་སྙིང་པོས་བྱ་རོག་གི་ཕྲེང་བ་ཁྱེར་བ་ལ་བསྡིགས་པས་བྱ་རོག་ཐང་ལ་ལྷུང༌། ལོ་དཔལ་གྱི་བློ་གྲོས་ཀྱིས་དམག་གི་སྤང་ཁྱིམ་ལ་བཏབ་པས་མོན་དམག་ཆམ་ལ་ཕོབ། གྲུབ་ཆེན་འདར་ཕྱར་གྱིས་མུ་སྟེགས་འཕྲོག་བྱེད་ཀྱི་གྲིབ་མ་ལ་བཏབ་པས་འཕུར་འཕྲོར་ས་ལ་ལྷུང༌། གཉགས་ཛྙཱ་ནས་ཕ་སྤུན་ཆམ་ལ་ཕབ་པ་སོགས་ཕྱིར་དགྲ་བགེགས་གཉིས་ལ་ཐེབས་པ་དང༌། ནང་


JLAZ009_Page_0015
[མ་དཔེ་གཟིགས་ན་འདིར་གནོན།]

དུ་རང་རྒྱུད་ཀྱི་ཉོན་མོངས་ལ་ཐེབས་པས་ཆོས་ཉིད་ཀྱི་རྟོགས་པ་མངོན་དུ་གྱུར་པ་བརྗོད་ཀྱིས་མི་ལྡང་ལ། མདོར་ན་ཕུར་པའི་རྒྱུད་སྡེ་བོད་དུ་ཕེབས་ཙམ་ནས་བར་ཆད་གདོན་བགེགས་ཞི་བ་བལ་ཡུལ་ཡང་ལེ་ཤོད་ཀྱི་ལོ་རྒྱུས་སོགས་ལས་ཡོངས་སུ་གྲགས་པས་མཚོན། ཡུལ་ལ་མངོན་སུམ་དུ་སྣང་བའི་མཐུ་རྩལ་དང༌། ཡུལ་ཅན་ཆོས་ཉིད་དུ་གྲོལ་བའི་བྱིན་རླབས་བསམ་གྱིས་མི་ཁྱབ་པས་རིག་འཛིན་གྱི་སློབ་དཔོན་ཆེན་པོས་ཀྱང་ཐུགས་དམ་གྱི་ངོ་བོ་ཉིད་དུ་མཛད། སྤྱིར་རྡོ་རྗེ་ཕུར་པའི་རྒྱུད་སྡེའི་རིང་ལུགས་ཟབ་ལ་བྱིངས་ཆེ། རྒྱ་ཆེ་ལ་རྣམ་གྲངས་མང་ཡང་ཚིག་དོན་གཉིས་ཀའི་ཆ་གླེགས་བམ་གྱི་དབུས་ན་གཏེར་དུ་གཏམས་པ་ལྟར་བཞུགས་པ་མངོན་དུ་འབྱུང་བའི་དུས་ལ་བབ་པ་ན། ཕུར་པ་རྣལ་འབྱོར་ཆེན་པོའི་རྒྱུད་ཕྱི་མ་ལས། འདི་ནི་ཀོ་ས་ལ་ཡི་གླིང༌། །དེ་རིང་རིགས་ཅན་དེ་ལ་འབབ། །སྤྲུལ་པ་འཇིག་རྟེན་མི་གནས་ཚེ། །ཁྱོད་ཀྱི་སྤྲུལ་པ་པདྨའི་རྒྱལ། །དེ་ཡི་ནུས་པ་དོན་བྱེད་འགྱུར། །ཞེས་ཅིག་ཆར་བའི་རིགས་ཅན་བཱི་མ་ལ་ལ་སྔོན་དུ་བབས་ཤིང༌། ཕྱི་ནས་བདག་ཉིད་ཀྱི་ཚོགས་བདུད་རོལ་པའི་སྣང་ཆ་ལ་སྤ་གྲོ་སྟག་ཚང་ཡིན་རྒྱུ་བའི་ཕུག་པ་ཁ་ཤར་ལྷོར་བསྟན་པ་ཞིག་ཏུ་རླངས་པ་དཔལ་སེང་གོས་དཀར་ཆས་ཞུགས་ཀྱིས་རྡོ་རྗེ་ཕུར་པའི་དབང་བསྐུར་རྫོགས་


JLAZ009_Page_0016
[མ་དཔེ་གཟིགས་ན་འདིར་གནོན།]

པར་བྱིན་པ་སོགས་ལྷ་དང་བླ་མའི་བྱིན་རླབས་ཀྱི་མཚན་མ་མང་དུ་ཐོབ་པའི་ཚེ། བཀའི་བསྡུ་བ་གསར་དུ་བྱས་ཤིང༌། མངོན་རྟོགས་དང་དབང་ཆོག་གཉིས་ཀྱི་བསྡུ་བ་ཟིན་ཙམ་ན་ས་སྐྱ་བ་དག་པོ་དབང་སྡུད་སྙིང་པོའི་མནལ་ལམ་དུ་ད་རེས་ཕུར་ཁང་དུ་བླ་མ་རྫོགས་ཆེན་པོ་ལ་ཡང་དག་གི་དབང་བསྐུར་ཞུས་ཤིག་ཅེས་བྱུང་བས། ཡང་དག་པའི་ཆོས་ཚུལ་དུ་ངེས་པ་རྙེད་ནས་དབང་གི་སྒོ་འཕར་དང་པོར་ཕྱེ་ནས་རིམ་པར་སྤེལ་བས་བྱིན་རླབས་ཀྱི་ཚན་ཁ་ཆེན་པོ་དང༌། བསྟན་སྲིད་ཀྱི་བདེ་ཐབས་ཀྱང་རྒྱ་ཆེན་པོ་འགྲུབ་པ་ཡིན་པས་ཡིད་བཞིན་གྱི་ནོར་བུ་ལྟར་གཅེས་སྤྲས་སུ་ཟུངས་ཤིག །ཅེས་པའང་རིག་འཛིན་འཇིགས་མེད་གླིང་པས་གསང་རྒྱ་གྲོལ་ནས་ཡི་གེ་སྔ་མ་ལས་ཞིབ་ཏུ་བསྣན་པའོ། །དགེའོ། །དགེའོ། །དགེའོ། །མངྒ་ལཾ།། །།

ཕུར་པ་རྒྱུད་ཞུགས་ལས་སྟོད་ལས་བྱང་ཆུབ་སྒྲུབ་པའི་སྤྱི་ཆིངས་དྲྭ་བ་སྡོམ་པ།


JLAZ009_Page_0017
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ཞུགས་ལས་སྟོད་ལས་བྱང་ཆུབ་སྒྲུབ་པའི་སྤྱི་ཆིངས་དྲྭ་བ་སྡོམ་པ་ཞེས་བྱ་བཞུགས། །


JLAZ009_Page_0018
[མ་དཔེ་གཟིགས་ན་འདིར་གནོན།]

ཤྲཱི་བཛྲ་ཀུ་མཱ་ར་ནཱ་མ། ཕུར་པ་རྒྱུད་ལུགས་ཞེས་བྱ་བའི་སྒྲ་དོན་ལས་དེ་ཁོ་ན་ཉིད་ཀྱི་དོན་རྟོགས་པར་བྱ་སྟེ། སྤྱིར་སྔགས་ཀྱི་སྡེ་སྣོད་ཐམས་ཅད་རྒྱུད་ལ་མ་བརྟེན་པར་མི་འབྱུང་ལ། དེའི་རང་བཞིན་ནི་མནྟྲ་ཡའི་སྒྲ་ལས་ཡིད་སྐྱོབས་པ་དང༌། དེ་ཉིད་ཤེས་པ་དང༌། སྙིང་རྗེའི་དོན་དུ་དྲངས་ལ། དེ་དག་གི་སླད་དུ་གསང་བའི་སྒྲ་ཞུགས་པ་ནི་རྟོགས་པར་དཀའ་ཞིང་སྦས་ན་འགྲུབ་པའི་དོན་ཡིན་ནོ། །རང་གི་ངོ་བོའི་སྒོ་ནས་བརྗོད་ན་གཞིའི་རྒྱུད་ཅེས་བྱ་བ་ཁམས་བདེ་གཤེགས་སྙིང་པོ། ལམ་གྱི་རྒྱུད་ཅེས་བྱ་བ་སྔགས་དང་ཕྱག་རྒྱ་ཏིང་ངེ་འཛིན་གྱི་རིམ་པ། འབྲས་བུའི་རྒྱུད་ཅེས་བྱ་བ་དངོས་གྲུབ་རྣམ་པ་གཉིས་བསྒྲུབ་བྱའི་རྒྱུད་ལ་རྟེན་ཅིང་འབྲེལ་


JLAZ009_Page_0019
[མ་དཔེ་གཟིགས་ན་འདིར་གནོན།]

འབྱུང་གིས་བསྐྱེད་པའོ། །དེ་ལས་ཐོག་མར་གཞིའི་རྒྱུད་བདེ་གཤེགས་སྙིང་པོའི་རང་བཞིན་ངོ་མ་ཤེས་ན་སྟོད་ལས་བྱང་ཆུབ་སྒྲུབ་པའི་དོན་མིང་རྐྱང་དུ་འཁྱམས་པས་དམ་པའི་བླ་མ་ལ་བརྟེན་ནས་གཤིས་ཀྱི་གནས་ལུགས་རྟོག་དཔྱོད་སྣ་ཚོགས་ཀྱིས་གཏན་ལ་ཕབ་ནས་སེམས་དང་སེམས་བྱུང་གི་སྤྲོས་པ་ཉེ་བར་ཞི་བའི་ངང་དུ་བཅོས་སླད་མེད་པར་འཇོག་སྟེ། རྡོ་རྗེ་ཁྲོས་པ་ལས། ཨེ་མ་བདེ་གཤེགས་སྙིང་པོ་ནི། །ནམ་མཁའ་བཞིན་དུ་བརྟག་དཀའ་ཞིང༌། །མེ་ལོང་བཞིན་དུ་གཟུང་དུ་མེད། །བྲག་ཆ་བཞིན་དུ་བརྗོད་དང་བྲལ། །བཅུད་ཀྱི་རྡོ་རྗེ་སྙིང་པོ་ནི། །བདག་དང་གཞན་དུ་དབྱེ་རུ་མེད། །བསྟན་དུ་མེད་པའི་ཆོས་ཉིད་འདི། །བརྗོད་དུ་


JLAZ009_Page_0020
[མ་དཔེ་གཟིགས་ན་འདིར་གནོན།]

མེད་ཀྱིས་གོ་བར་གྱིས། །ཞེས་སོ། །དེ་ལྟར་ཆོས་ཐམས་ཅད་རང་བཞིན་མེད་པར་གོ་ནས། ལམ་གྱི་རྒྱུད་ལྟ་སྒོམ་སྤྱོད་གསུམ་དང༌། དེའི་སྲོག་ཤིང་དམ་ཚིག་བཞི་ལ་བསྟན་པའི་ཚུལ། རྡོ་རྗེ་བཀོད་པ་ལས། དེ་ལ་ཕུར་པའི་ལྟ་བ་ནི། །ཡུལ་དུ་སྣང་བ་ཐམས་ཅད་ཀུན། །དབྱིངས་ཉིད་ནམ་མཁའ་ལྟ་བུའི་ངང༌། །སེམས་སུ་སྣང་བ་ཐམས་ཅད་ནི། །མ་བཅོས་རིག་པའི་དེ་ཉིད་ཡིན། །དེ་ཉིད་དབྱེར་མེད་མཉམ་པར་བལྟ། །དེ་ཡི་ངང་དུ་ཐམས་ཅད་འདུས། །ཕུར་པ་ཞེས་ནི་ཡང་དག་བཤད། །བཙལ་དུ་མེད་པའི་ཆོས་ཉིད་ལ། །སྒོམ་དུ་མེད་པའི་འབྲས་བུ་ཤར། །ཐམས་ཅད་རང་བྱུང་འགག་པ་མེད། །རྒྱུ་དང་རྐྱེན་ལ་མི་ལྟོས་ཤིང༌། །སྤྲོས་མེད་རང་བྱུང་ལྷུན་གྱིས་གྲུབ། །རྒྱུ་རྐྱེན་གཉིས་ལས་མྱ་ངན་འདས། །གདོད་ནས་མ་བཅོས་ཡེ་ནས་གྲུབ། །དུས་གསུམ་དབྱེར་མེད་མཉམ་པར་བལྟ། །དེ་ནི་ལྟ་བའི་མཆོག་ཡིན་ཏེ། །ལྟ་བ་དེ་ལས་འདས་གྱུར་ན། །འཁྲུལ་པས་ལམ་ནི་རྙེད་མི་འགྱུར། །དེ་ལ་ཕུར་པའི་སྤྱོད་པ་ནི། །རྩོལ་བ་མེད་པའི་དབྱིངས་ཉིད་ལ། །སྙིང་པོ་དྲན་པས་ལྷར་བསྐྱེད་ནས། །ཅི་འབྱོར་མཆོད་པ་ཕུལ་ནས་ཀྱང༌། །རང་གི་ལྷར་ནི་བརྟག་པར་བྱ། །འདོད་པའི་དོན་ལ་གསོལ་བ་གདབ། །བསྙེན་པའི་ཕྱིར་ནི་སྙིང་པོ་བཟླས། །ཐམས་ཅད་ཁྲོ་བོ་ཁྲོ་མོར་


JLAZ009_Page_0021
[མ་དཔེ་གཟིགས་ན་འདིར་གནོན།]

དམིགས། །འདོད་པའི་ལས་རྣམས་འགྲུབ་པར་བསམ། །མ་འགྲུབ་བར་དུ་བསྙེན་པ་བྱ། །ཞེས་ལྟ་བུའི་དོན་སྒོམ་པས་ཉམས་སུ་བླང་ཞིང༌། དེའི་ཐབས་ཀྱི་མཆོག་ཏུ་དཀྱིལ་འཁོར་དང༌། ཕྱག་རྒྱ་དང༌། སྔགས་དང༌། མཆོད་པ་དང༌། སྦྱིན་སྲེག་དང༌། ཕྲིན་ལས་དང༌། བརྟུལ་ཞུགས་ཀྱི་སྤྱོད་པ་སྟེ་རྒྱུད་ཀྱི་དངོས་པོ་རྣམས་དང་བྲེང་ཆགས་སུ་འབྲེལ་བས་ཕུང་པོ་དང་རྣམ་པར་ཤེས་པ་རྡོ་རྗེའི་རང་བཞིན་དུ་བསྒྲུབ་པ་སྟེ། མཁས་པས་སྤྲོ་བསྡུ་བྱས་པ་ཡི། །ཕར་འཕྲོས་པས་ནི་དགྲ་བགེགས་འདུལ། །སླར་འདུས་རང་གི་བག་ཆགས་བསྲེག །དེ་ནི་ལས་ཀྱི་རྡོ་རྗེ་འབར། །ཕུང་པོ་རྡོ་རྗེས་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཞེས་སོ། །འབྲས་བུའི་རྒྱུད་ནི། ལྟ་སྒོམ་སྤྱོད་པ་གསུམ་རྒྱུན་ཆགས་སུ་འབྲེལ་བར་ཉམས་སུ་བླངས་པའི་དོན་ལ་དངོས་བསྟན་དང༌། རྗེས་སུ་མཐུན་པའི་རྒྱུད་དོན་འབྱོར་པས་ཐབས་ཤིན་ཏུ་མྱུར་བའི་རྒྱུ་ཚོགས་ལས་ཆོས་ཉིད་བྱང་ཆུབ་སེམས་ཀྱི་ཕུར་བུའི་དོན་རྟོགས་པ་སྟེ། དངོས་པོར་སྣང་བའི་ཤེས་རབ་ལིངྒ་ལ། །རང་བྱུང་ཐབས་ཀྱི་རྒྱལ་པོའི་ཕུར་པས་བཏབ། །བཏབ་པ་ཉིད་ནས་བརྗོད་པའི་མཐའ་ལས་འདས། །ཞེས་དང༌། ཕུར་པ་བྱང་ཆུབ་སེམས་ཀྱི་རྟགས། །བྱང་ཆུབ་སེམས་ཀྱི་ཕུར་པ་ཡིས། །སྲིད་གསུམ་


JLAZ009_Page_0022
[མ་དཔེ་གཟིགས་ན་འདིར་གནོན།]

འཁོར་བ་གདར་ཤ་གཅོད། །མ་བཏབ་བཞིན་དུ་ལྷུན་གྱིས་རྫོགས། །ཞེས་སོགས་རྒྱ་ཆེར་ཡོད་དོ། །དེ་ལྟར་གཞི་ལམ་འབྲས་བུ་གསུམ་གྱི་རྒྱུད་དོན་ལ་བྱང་ཆུབ་པས་རང་དོན་མཐར་ཕྱིན་པ་ནི་སྟོད་ལས་བྱང་ཆུབ་སྒྲུབ་པའི་ངོ་བོ་ཡིན་ལ། གཞན་དོན་གྱི་གཙོ་བོ་སྨད་ལས་ལ་བརྟེན་ནས་ཞི་བའི་གདུལ་བྱར་མ་གྱུར་པ་རྣམས་ཀྱི་རྣམ་ཤེས་ཡེ་ཤེས་དབྱིངས་སུ་སྦྱར་བའི་ཚུལ་ནི་སྤྱོད་པའི་མཐའ་སྡུད་ཡིན་ཏེ་དེ་ཉིད་ལས། གྲུབ་པའི་རྟགས་ནི་བྱུང་བ་དང༌། །གང་ལ་དམིགས་པའི་ངོ་བོ་ལ། །གདབ་པའི་ལས་རྣམས་བྱས་ནས་ནི། །རྣམ་ཤེས་ཡེ་ཤེས་དབྱིངས་སུ་སྦྱར། །ལྷག་མ་ལྷ་ལ་བསྟབ་པར་བྱ། །གཟིར་གནན་ལས་རྣམས་བྱས་ནས་ནི། །ལས་རྣམས་འགྲུབ་པར་གདོན་མི་ཟ། །དེ་ནི་ཕུར་པའི་སྤྱོད་པ་ཡིན། །ཞེས་སོ། །ཀུན་གྱི་སྲོག་ཏུ་གྱུར་པ་དམ་ཚིག་ནི། ལྟ་སྒོམ་སྤྱོད་འབྲས་བཞི་པོ་དང་དབང་གི་དུས་འདོམས་པའི་བླང་དོར་རྣམས་བསྒྲུབ་པ་གཙོ་བོར་དང་དུ་བླངས་པས་རྒྱུ་འབྲས་དག་གྲོལ་དུ་འཛིན་པའི་ཐེག་པ་གཞན་ལས་ཁྱད་པར་དུ་བྱས་པའི་དངོས་གྲུབ་ཐོབ་པའི་ཚུལ། དེ་ལ་ཕུར་པའི་དམ་ཚིག་ནི། །སྒྲུབ་པ་དེ་ནི་གཙོ་རུ་བླང༌། །དམ་ཚིག་དེ་ནི་མ་ཉམས་ན། །ལྟ་བ་ཉམས་ཀྱང་ལྟུང་མི་འགྱུར། །ལྟ་བ་དེ་དག་མ་ཉམས་ན། །སྤྱོད་པ་ཉམས་ཀྱང་ཉམ་མི་ང༌། །


JLAZ009_Page_0023
[མ་དཔེ་གཟིགས་ན་འདིར་གནོན།]

སྤྱོད་པ་དེ་དག་མ་ཉམས་ན། །དམིགས་པའི་ལས་རྣམས་འགྲུབ་པར་འགྱུར། །ཞེས་སོ། །རྣམ་རྟོག་འཁོར་བའི་དྲྭ༷་བ་སྟེ། །དེ་ཉིད་ཡེ་ཤེས་ཆེན་པོའི་དབྱིངས། །སྡོམ་ལ་སངས་རྒྱས་ཞེས་བྱ་སྟེ། །ཐབས་ཀྱི་ནང་ནས་ཐབས་མཆོག་གོ །ད་ནི་ཡོ་ག་གཞན་པ་དང་ཆོས་སྐད་ཐུན་མོང་མ་ཡིན་པ་རྡོ་རྗེ་ཕུར་པའི་ཏིང་ངེ་འཛིན་རྣམ་གསུམ་གྱི་དོན་ཅུང་ཟད་སྟོན་ཏེ། དེ་ལ་སྤྲོས་པའི་མཐའ་བཞིའམ་བརྒྱད་དང་བྲལ་བའི་སྟོང་ཉིད་ནི་འདུས་མ་བྱས་པའི་ཆོས་ཉིད་ཡིན་པས་འགྱུར་བ་མེད་ལ། གང་གིས་ཀྱང་མི་ཕྱེད་ཅིང་མི་ཤིགས་པའི་དོན་གྱིས་རྡོ་རྗེ་སྟེ། རྒྱུད་ལས། རྣམ་པ་ཀུན་མཆོག་ལྡན་པ་ཡི། །སྟོང་པ་ཉིད་ལ་རྡོ་རྗེར་བརྗོད། །ཅེས་སོ། །དེ་ཡང་རྫས་ཀྱི་རྡོ་རྗེ་ཕ་ལམ་ལ་ཁྱད་ཆོས་བདུན་ཡོད་པ་ལྟར། དེ་ཁོ་ན་ཉིད་དང༌། ལྷ་དང༌། སྔགས་ཀྱི་རྡོ་རྗེ་ཡང་མི་ཆོད་པ་ལ་སོགས་པའི་ཆོས་བདུད་དང་ལྡན་པས་རྡོ་རྗེའི་མིང་དང་དོན་རྟགས་སུ་བྱུང་ལ། དེ་ལྟ་བུའི་ཤེས་རབ་ལ་རྣམ་པར་བརྟག་པའི་ཆ་ནས་དེ་བཞིན་ཉིད་ཀྱི་ཏིང་ངེ་འཛིན་དུ་བཏགས་ནས། དེས་གཟུང་འཛིན་གྱི་རྟོག་པ་མཐའ་དག་གཅོད་ཅིང་གཞོམ་པའི་ཕྱིར་རང་བཞིན་གྱི་ཁྲོས་པའི་སྒྲར་བྱུང་ངོ༌། །རྫོགས་རིམ་མཚན་བཅས་དང་སྦྱར་ན་གཞན་ལུས་ཀྱི་དྲགས་པའི་འདོད་ཆགས་རྡོ་རྗེའི་ངོ་བོ་ཉིད་ལྷན་


JLAZ009_Page_0024
[མ་དཔེ་གཟིགས་ན་འདིར་གནོན།]

ཅིག་སྐྱེས་པའི་བདེ་ཆེན་དུ་ཤར་བས་རྐྱེན་གྱིས་ཁྲོས་པས་སྟེ། ཞེ་སྡང་ལ་སོགས་པའི་ཕྲ་རྒྱས་ཐམས་ཅད་རང་བཞིན་མེད་པར་གཅོད་པས་ན། རྡོ་རྗེ་ཁྲོས་པས་ཞེ་སྡང་གཅོད། །སོགས་སུ་བྱུང་ངོ༌། །དེ་ལྟ་བུའི་སྟོང་ཉིད་ཕྱིན་ཅི་མ་ལོག་པ་རྟོགས་པའི་ངང་ན་སྒྲིབ་པ་སྤངས་པའི་སེམས་བསྐྱེད་རང་བཞིན་གྱིས་ཡོད་པའི་གདངས་སྨོན་ལམ་གྱི་དབང་ལས་དེ་ལྟར་མ་རྟོགས་པའི་སེམས་ཅན་གྱི་ཁམས་ལ་སྙིང་རྗེའི་རང་བཞིན་དུ་སྣང་བ་ལ་ཀུན་སྣང་གི་ཏིང་ངེ་འཛིན་ཅེས་བྱ་སྟེ་ལྷག་བསམ་རྣམ་དག་གི་སེམས་བསྐྱེད་དོ། །རྣམ་པ་གཅིག་ཏུ་ན་འཇུག་པའི་སྤྱོད་པ་ལ་ཞུགས་ཤིང་གཞན་དོན་ལ་དམིགས་པའི་སྙིང་རྗེ་ཆེན་པོ་དེ་དང་འགལ་ཟླར་གྱུར་པའི་ཞེ་སྡང་གི་སེམས་ནི་ནམ་དུའང་ལྷན་ཅིག་མི་འདུ་བས་ཞེ་སྡང་གཅོད་པའི་སྒྲ་ཞུགས་པའོ། །དེ་སྐད་དུ་རྒྱུད་ལས། བདུད་དང་སྲིན་པོའི་ང་རྒྱལ་མ་ཡིན་ཏེ། །འདུལ་བའི་དབང་གིས་རབ་རྔམས་མཆེ་བ་གཙིགས། །ཞེས་སོ། །དེ་ལྟར་ཀུན་སྣང་གི་ཏིང་ངེ་འཛིན་དེ་ཉིད་མཆེད་པའི་ཡེ་ཤེས་སུ་ལངས་པས་ཡི་གེའི་རང་བཞིན་དུ་བྱུང་བ་ནི་ཕྲ་བའི་རགས་པ་རྒྱུའི་ཏིང་ངེ་འཛིན་ཏེ། དེ་བཞིན་གཤེགས་པ་ཐམས་ཅད་ཀྱི་ཐུགས་རྡོ་རྗེའི་ངོ་བོ་ཉིད་རྣམ་པར་རིག་བྱེད་དུ་མཚོན་པར་བྱེད་པའི་ཧཱུྃ་ཆེན་སྔོན་པོ་མི་འགྱུར་བའི་ཁ་དོག་ཅན་


JLAZ009_Page_0025
[མ་དཔེ་གཟིགས་ན་འདིར་གནོན།]

ཆོས་ཉིད་ཅི་ཡང་མ་ཡིན་པའི་ནམ་མཁའ་ལས་ཆུ་ལས་ཆུ་བུར་རྡོལ་བའམ། ཆོས་ཀྱི་དབྱིངས་ནས་ཐིགས་པའི་ཚུལ་དུ་ཤར་བས་ན། མཚོན་ཆེན་སྔོན་པོ་འབར་བ་ཡི། །ནམ་མཁའི་དཀྱིལ་ནས་ཐིགས་པ་ཤར། །ཞེས་སོ། །དེ་ཡང་བསྒྲུབ་བྱ་རང་ཉིད་ཀྱི་ཕུང་པོའི་རིགས་འདྲ་གནས་པའི་རྟེན་ལ་ཚེ་ཞེས་བྱ་སྟེ། འདོད་གཟུགས་གཉིས་སུ་དྲོད་དང་རྣམ་ཤེས་ཀྱི་རྟེན་བྱེད་ལ། གཟུགས་མེད་དུ་རྣམ་ཤེས་གཅིག་པུའི་རྟེན་དུ་གྱུར་པའི་སྲོག་གི་ངོ་བོ་ཉིད་དུ་ཤར་བའི་ཕྱིར། སྲོག་གི་གོ་རུ་ཤར་བ་དང༌། །ཞེས་སོ། །དེ་ལྟ་བུའི་ཡི་གེ་ལ་སླན་ཆད་ཀྱང་ཐུགས་སྲོག་ཏུ་གདགས་པའི་གཞི་ནི་དེ་ཉིད་དུ་རིག་པར་བྱའོ། །དེའི་ངང་ལས་སྙིང་ལ་སོགས་པའི་གོ་ལྔའི་དོན་སྤྱིར་གོ་ཞེས་བྱ་བ་ནི། གོ་ས་དང༌། གོ་ཡུལ་དང༌། གོ་འབྱེད་པ་དང༌། གོ་དོན་སློངས་པ་དང༌། གོ་བཟོ་དང༌། གོ་བབས་ལ་སོགས་སྒྲ་འཇུག་པའི་ཡུལ་མང་ཞིང་བྱིངས་ཆེ་བ་ཞིག་ལས་འདིར་རང་རང་གི་ངོ་བོ་ཉིད་མ་འདྲེས་པར་གཟུང་བའི་ཡུལ་ལམ་གནས་ལ་སྒྲ་ཡངས་པར་འཇུག་པས་རྣམ་རྟོག་འདོད་རྒྱལ་བའི་རྣམ་སྨིན་གྱི་ལུས་དང་རྟེན་བརྟེན་པ་ལྟ་བུར་སྦྱོར་བ་མ་ཡིན་ཀྱང༌། ཐབས་བསྐྱེད་པའི་རིམ་པ་ཡོངས་སུ་འགྲུབ་པའི་བདག་པོའི་རྐྱེན་དང༌། རྟེན་ཅིང་འབྲེལ་བྱུང་གི་གོ་འབྱེད་པའི་དོན་དུ་སྦྱོར་ཤེས་པར་


JLAZ009_Page_0026
[མ་དཔེ་གཟིགས་ན་འདིར་གནོན།]

བྱའོ། །དེ་ནས་ཕུང་པོ་རྡོ་རྗེ་ལ་སོགས་པའི་སྒྲ་དོན་ནི་རང་ཐད་དུ་བཤད་ཟིན་ལ། སྲིད་པ་ཕུར་བུར་བསྒྲུབ་པ་ནི་ཡི་གེ་ནོར་བའི་ཕྱོགས་འབའ་ཞིག་ཏུ་ལྟུང་བ་མང་ན། འདི་ལྟ་སྟེ། ཕྱི་དོན་དུ་སྣང་བའི་ཁམས་གསུམ་མམ། ས་འོག་ས་སྟེང་ས་བླ་སྟེ་སྲིད་པ་གསུམ་པོའི་རང་བཞིན་བཅོམ་ལྡན་འདས་དཔལ་ཆེན་རྡོ་རྗེ་གཞོན་ནུའི་རྟེན་དང་བརྟེན་པའི་ཡེ་ཤེས་ཀྱི་རོལ་པ་རྣམ་པར་དག་པའི་ཕུར་བུའི་ངོ་བོ་ཉིད་དུ་བསྒྲུབ་པའམ། སྣང་བ་རགས་པ་འདོད་ཁམས་ཀྱི་སྲིད་པ་སྐུ་ཕྱག་རྒྱ་ཆེན་པོ། ཕྱེད་སྣང་བས་གཟུགས་ཁམས་ཀྱི་སྲིད་པ་གསུང་གྲགས་སྟོང་རྡོ་རྗེའི་རོལ་མོ། །མི་སྣང་བ་གཟུགས་མེད་ཁམས་ཀྱི་སྲིད་པ་ཐུགས་རང་བཞིན་རྣམ་པར་མི་རྟོག་པའི་ཡེ་ཤེས་གཅིག་ཏུ་གྱུར་པའི་དེ་ཁོ་ན་ཉིད་ཀྱི་ཕུར་བུར་སྒྲུབ་པའི་དོན་རིག་ན་སྟོད་ལས་བྱང་ཆུབ་བསྒྲུབ་པ་གཟུགས་བརྙན་ལས་ལྡང་བར་འགྱུར་རོ། །བསྐྱེད་རིམ་རྟོགས་པའི་དྲྭ༷་བ་ཙམ། །མ་ཡིན་ཏིང་འཛིན་རྣམ་གསུམ་གྱི། །ཕྱག་རྒྱ་ཆེན་པོར་སྡོ༷མ་ཤེས་ན། །རིག་འཛིན་བཞི་ཡི་ས་ལ་སྙེག །རིག་འཛིན་འཇིགས་མེད་གླིང་པའི་རྟོགས་ཆོས་སོ། །དགེའོ། །མངྒ་ལཾ།། །།

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ལས་དབང་ཆོག་དངོས་གྲུབ་རྒྱ་མཚོའི་འཇུག་ངོགས།


JLAZ009_Page_0027
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ལས་དབང་ཆོག་དངོས་གྲུབ་རྒྱ་མཚོའི་འཇུག་ངོགས་ཞེས་བྱ་བ་བཞུགས། །


JLAZ009_Page_0028
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ཀྱི་དབང་གི་ཆོ་ག་དངོས་གྲུབ་རྒྱ་མཚོའི་འཇུག་ངོགས་ཞེས་བྱ་བ། དཔལ་ཆེན་ཁྲག་འཐུང་བཛྲ་ཀུ་མཱ་ར་ལ་ཕྱག་འཚལ་ལོ། །དེ་ལ་རྡོ་རྗེ་ཐེག་པའི་ལམ་གྱི་འཇུག་སྒོའི་ཐོག་མ་ནི་དབང་ལ་མ་བརྟེན་པར་མི་འགྲུབ་སྟེ། རྡོ་རྗེ་ཁྲོས་པའི་བཤད་རྒྱུད་ལས། བླ་མ་མཉེས་པར་མ་བྱས་ཤིང༌། །དབང་གིས་སྨིན་པར་མ་བྱས་ན། །ཐོས་བསམ་སྒོམ་པ་དོན་མེད་འགྱུར། །དེ་བས་དབང་བསྐུར་མཆོག་ཐོབ་གྱིས། །ཞེས་དང༌། ཕུར་པ་རྣལ་འབྱོར་ཆེན་པོ་ལས། འཁོར་བ་དག་ལས་བྱང་ཆུབ་ཏུ། །སེམས་བསྐྱེད་སྨིན་པར་བྱེད་པ་སྟེ། །དབང་རྣམས་ཐོབ་པར་མ་བྱས་ན། །གང་ཡང་འབྲས་བུ་མེད་པར་འགྱུར། །ཞེས་


JLAZ009_Page_0029
[མ་དཔེ་གཟིགས་ན་འདིར་གནོན།]

སོ། །མཐར་གྱི་ཐོབ་བྱའི་འབྲས་བུ་ཡང་དབང་གི་ངོ་བོ་ཉིད་དུ་གནས་པ་ཡིན་ཏེ། དེ་ཉིད་ལས། སེམས་ཉིད་རྟོགས་ན་དབང་ཡིན་ཏེ། །ཐམས་ཅད་རང་རིག་ཕུར་བུ་ཡིན། །ཞེས་སོ། །དེ་བས་ན་གོ་འཕང་གང་ལ་བཀྲི་བ་པོ་ཡང་ཡོངས་གྲུབ་ཆེན་པོའི་བསྐྱེད་རིམ་ལ་གོམས་པའི་རྡོ་རྗེ་སློབ་དཔོན་ནི་མཆོག་ཡིན་ལ། མིན་ནའང་གཞིའི་བསྙེན་པ་སྔོན་དུ་སོང་ནས་གཞན་རྒྱུད་སྨིན་གྲོལ་གྱི་ནུས་པ་ཐོབ་ཅིང་ཆོ་གའི་བྱ་བ་ལ་མཁས་པ་དག་གིས་སློབ་མ་རྗེས་སུ་འཛིན་པར་བྱའོ། །དེ་ལ་དབང་བཞི་པོ་གང་དུ་བསྐུར་བའི་དཀྱིལ་འཁོར་ཡང་བཤད་རྒྱུད་ལས། རྡུལ་ཚོན་ལུས་དང་བྱང་ཆུབ་སེམས། །དེ་བཞིན་ཉིད་ཀྱི་དཀྱིལ་འཁོར་མཆོག །བརྟེན་


JLAZ009_Page_0030
[མ་དཔེ་གཟིགས་ན་འདིར་གནོན།]

ནས་དབང་རྣམས་ཡང་དག་བསྐུར། །བུམ་པ་གསང་བ་ཤེས་རབ་དབང༌། །བཞི་པ་མཆོག་གི་དབང་ཆེན་ཡིན། །ཞེས་པས། དང་པོ་རྡུལ་ཚོན་གྱི་དཀྱིལ་འཁོར་ལ་སྟ་གོན་དང༌། དངོས་གཞི་གཉིས་ལས། དང་པོ་ནི། རྣལ་འབྱོར་ཆེན་པོ་ལས། སློབ་དཔོན་སྟ་གོན་གནས་པ་དང༌། །སློབ་མ་ལྷ་དང་བུམ་པ་རྣམས། །སྟ་གོན་གནས་པ་ཤེས་པར་བྱ། །ཞེས་ས་བཅད་བཞི་ལས། དང་པོ་སློབ་དཔོན་སྟ་གོན་ནི་བསྙེན་པ་ཞལ་གསོ་བ་ཉིད་ཡིན་ཏེ། རྡོ་རྗེ་ཁྲོས་པ་ལས། རྡོ་རྗེ་རིགས་ཀྱི་སྲོག་ལ་ཡང༌། །འབུམ་ཕྲག་གཅིག་ཏུ་ངེས་བཟླས་པས། །ཞེས་སོ། །གཉིས་པ་ལྷ་སྟ་གོན་གྱི་སྔོན་དུ་འགྲོ་བ་ནི། ལྷ་ཡི་ལུང་ནི་བསྟན་པ་དང༌། །ས་བརྟག་དཀྱིལ་འཁོར་དྲག་པོར་སྦྱངས། །རྡོ་རྗེ་རིགས་ཀྱི་དཀྱིལ་འཁོར་ནི། །གྲུ་གསུམ་གྲུ་བཞི་མཐིང་ནག་ལྡན། །མ་ཏྲཾ་བསྒྲལ་ཞིང་བདུད་རྩི་ལྔ། །དུར་ཁྲོད་རྫས་ཀྱིས་བྱུག་པར་བྱ། །ཞེས་དང༌། ཕྲིན་ལས་ཀྱི་རྒྱུད་ལས། དུར་ཁྲོད་ཆེན་པོའི་གནས་དག་ཏུ། །ས་བརྟག་ས་བཟུང་བྱིན་གྱིས་བརླབ། །དང་པོ་བརྟག་པའི་གནས་ཆེན་དེར། །སྔགས་མཁན་བྱ་བ་ཀུན་བྱས་ཏེ། །སྟ་གོན་གནས་པའི་བྱ་བ་བྱས། །ཞེས་པས་སྔར་མ་སྦྱངས་ཤིང་མ་དུལ་བའི་གནས་སུ་ནི་རྡུལ་ཚོན་གྱི་དཀྱིལ་འཁོར་བཞེངས་ན་བརྟག་


JLAZ009_Page_0031
[མ་དཔེ་གཟིགས་ན་འདིར་གནོན།]

པ་དང༌། བླང་བ་དང༌། སྦྱང་བ་དང༌། གཟུང་བ་དང༌། བསྲུང་བ་སྟེ་ལྔའི་རིམ་པ་ལས། དང་པོ་ལའང་གཉིས། དང་པོ་མཚན་ཉིད་བརྟག་པ་ནི། གསང་དགོངས་ལས། ཀླུ་ཡི་མིག་དང་འབྱུང་པོའི་སྲང༌། །ས་ཡི་བགེགས་དང་མ་རུངས་ས། །མི་ཤིས་པ་ ཡི་ས་མིན་པར། །ལས་ཀྱི་བྱ་བ་གཞུང་བཤམ་ལ། །བཀྲ་ཤིས་དོན་གྱི་གནས་ཡིན་པས། །ཡུན་རིང་བསྲིངས་ན་འགྲུབ་པར་འགྱུར། །མེ་ཏོག་གླིང་དང་རིན་ཆེན་རི། །དཔག་བསམ་ཤིང་དང་སྐད་སྙན་ བྱ༑ །འབྲུ་སྣ་ཚོགས་དང་གནས་ས་ལེགས། །དབྱིབས་ལེགས་ལུང་པ་རན་པ་རུ། །བཀྲ་ཤིས་གཞུང་བཟང་གནས་ཡིན་པས། །གནས་ཀྱི་དམ་པ་ཡིན་ཞེས་བཤད། །དྲག་པོའི་ལས་སུ་བྱ་བ་དང༌། །དང་པོ་ཕུར་པ་བསྒྲུབ་པའི་གནས། །ནགས་རི་ཚེར་མ་ཅན་གྱི་ཤིང༌། །གཅན་གཟན་གདུག་པ་སྣ་ཚོགས་ཡོད། །གནམ་ནི་གྲི་མདའ་རལ་གྲིའི་ཤུལ། །ས་ནི་གྲུ་གསུམ་མེ་དཔུང་འདྲ། །ལོགས་ལ་དུར་ཁྲོད་ཡོད་པ་རུ། །མཁས་པས་བརྟགས་ཏེ་བཙལ་བྱས་ན། །འདི་ནི་ཕུར་བུ་བསྒྲུབ་གནས་ཡིན། །ཞེས་དང༌། མྱང་འདས་ལས། འཁོར་ལོའི་གནམ་ལ་པདྨའི་སའི། །དབྱིབས་འདྲའི་ས་གཞི་རབ་ཏུ་བརྟག །རི་བོ་ཆེན་པོ་རབ་དབེན་པར། །ཡིད་འོང་མེ་ཏོག་


JLAZ009_Page_0032
[མ་དཔེ་གཟིགས་ན་འདིར་གནོན།]

བརྒྱན་པ་དང༌། །ཡང་ན་སྡོང་གཅིག་མེ་རེག་པ། །ལུང་གསུམ་མདོ་དང་དུར་ཁྲོད་གནས། །འབབ་ཆུ་ཆེན་པོའི་ངོས་སུ་བསྒྲུབ། །ཅེས་པས། སྡོང་གཅིག་མེ་རེག་པ་ནི་ཤིང་གྲིབ་གཅིག་གིས་གཅིག་ལ་མི་རེག་པ་ཡིན་པར་རྒྱུད་ལས་བཤད་ཡོད་དོ། །གཉིས་པ་པྲ་བརྟག་པ་ནི། ཕུར་པ་གསང་རྒྱུད་ལས། ཉི་མ་རིམ་པར་འགྲོ་བ་བཞིན། །ལྟོ་འཕྱེའི་གཞུང་དུ་བརྟགས་ནས་སུ། །ཞེས་དང༌། དེ་ནས་པུས་གང་ཙམ་དུ་བརྐོ། །ས་ཡི་རོ་ལྔ་བསལ་བྱས་ནས། །ས་དེ་ཉིད་ཀྱིས་དགང་བར་བྱ། །ཁེངས་ནས་ལྷག་ན་དངོས་གྲུབ་རབ། །ཁ་ད་ཆད་ན་དངོས་གྲུབ་འབྲིང༌། །མ་ཁེངས་གྱུར་ནས་གཞན་དུ་སྤོ། །ཞེས་པ་ལྟར་ལྟོ་འཕྱེ་བརྟགས་ཏེ་བརྐོས་པའི་རོ་ལྔ་བསལ་བའི་ཤུལ་ཕྱུར་བུར་ཁེངས་ན་བཟང༌། མ་ཁེངས་ན་ངན་པས་སྦྱིན་བསྲེག་ལ་སོགས་བྱའོ། །གཉིས་པ་བླང་བ་ལའང་གཉིས་ཏེ་རྒྱུད་དེ་ལས། ཡུལ་ལམ་ས་དེའི་བདག་པོ་ལ། །བདེན་པས་བཀྲོལ་ལ་ས་རིན་བཅལ། །ཅེས་པས་དང་པོ་ནི། གཟུགས་ཅན་གྱི་བདག་གིར་བྱས་ན་རིན་གྱིས་བརྔན་ནོ། །གཉིས་པ་མི་སྣང་བ་ལ་བླང་བའི་ཚུལ། རྒྱུད་ལས་ཕྱི་ཡི་གཏོར་མ་བཏང་ནས་ནི། །ཞེས་པས་ཆ་གསུམ་དང་ས་ལྷ་ལ་མཎྜལ་ཟླུམ་པོ་བ་བྱུང་དང་དྲི་ཡིས་བྱུགས་པ་ལ་མེ་ཏོག་གི་ཚོམ་བུ་བཀོད། ཆུ་


JLAZ009_Page_0033
[མ་དཔེ་གཟིགས་ན་འདིར་གནོན།]

གཅིག་དང་བཅས་པའི་ཕྱི་མཆོད་ལྔ་དང་གཏོར་མ་གསུམ་བཤམ། སྐྱབས་སུ་འགྲོ་བ་དང་སེམས་བསྐྱེད་ནས་རྡོ་རྗེ་ཁྲོས་པའི་ང་རྒྱལ་བསྒོམ་སྟེ། སྟོང་པའི་ངང་ལས་པད་ཟླའི་སྟེང་དུ་པཾ་ལས་སའི་ལྷ་མོ་གསེར་བཙོ་མའི་མདོག་ཅན་བུམ་པ་བསྣམས་པ་བསྐྱེད་ནས་ཨཱོཾ་པྲི་ཐཱི་དྷེ་ཝི་ས་མ་ཡ་ཛཿཛཿཞེས་བརྗོད་པས་སའི་ལྷ་མོ་ཀླུ་གཉན་ས་བདག་གིས་བསྐོར་བ་སྤྱན་དྲངས། ཛཿཧཱུྃ་བཾ་ཧོཿས་བསྟིམ་ཨོཾ་ཨཱཿཧཱུྃ་གིས་མཆོད་པ་བརླབ། རང་སྔགས་ལ་ཨརྒྷཾ་པུཥྤེ་ལ་སོགས་བཏགས་པས་ཉེར་སྤྱོད་དང་ཨ་ཀཱ་རོས་གཏོར་མ་བསྔོ། སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་དང༌། །ས་དང་ཕ་རོལ་ཕྱིན་རྣམས་ལ། །ལྷ་མོ་ཁྱོད་ནི་དབང་དུ་གྱུར། །ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་བྲི། །དེ་ཕྱིར་ས་འདི་གནང་བར་མཛོད། །ཅེས་བརྗོད་པས། དེས་ཀྱང་། རྡོ་རྗེ་འཛིན་པ་ཁྱོད་ཅི་དགའ་བར་ལོངས་སྤྱོད་ཅིག །ཅེས་གནང་བ་བྱིན་པར་བསམ་ལ་གཏོར་མ་དང་པོ་འབུལ། སའི་ལྷ་མོ་བཛྲ་མུས་གཤེགས་གསོལ་བྱ། གཏོར་མ་གཉིས་པ་གཞི་བདག་དཀར་ཕྱོགས་པ་ལ་ཨ་ཀཱ་རོས་བསྔོས་ནས་


JLAZ009_Page_0034
[མ་དཔེ་གཟིགས་ན་འདིར་གནོན།]

གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་གཞན་དག་ལ། །ས་འདི་བདག་གིས་བླང་བར་བགྱི། །དཀྱིལ་འཁོར་དོན་དུ་སྩལ་དུ་གསོལ། །མཆོད་སྦྱིན་གཏོར་མ་འདི་བཞེས་ལ། །སོགས་བརྗོད་ལ་འབུལ། གསུམ་པ་ནག་ཕྱོགས་པ་ལ་བྱིན་ནས། དྲག་པོའི་ལས་འདི་མ་འགྲུབ་བར། །གནས་འདི་རྣལ་འབྱོར་བདག་གཡར་བས། །གཏོར་མ་བྱིན་པ་འདི་ལོང་ལ། །མ་གྲུབ་བར་དུ་གཞན་དུ་དེངས། །ཧཱུྃ་བཞིའི་སྔགས་དང་གུ་གུལ་གྱིས་བསྐྲད། གསུམ་པ་སྦྱང་བ་ནི། ལག་པ་གཡས་པའི་སོར་མོ་ལྔ་ཕྲལ་བ་རྡོ་རྗེ་རྩེ་ལྔ་པར་བསམ་བ་ཤར་དང་བྱང་ཅུང་ཟད་གཞོལ་བའི་སྟེང་གི་ཁོར་ཡུག་དུ་བསྐོར་ཞིང་ས་ལའང་བཞག་ནས། ཨཱོཾ་ཧ་ན་ཧ་ན་ཧཱུྃ་ཕཊ། ཅེས་བརྗོད་ཅིང་རྡོ་རྗེ་ལས་ཕྱུང་བའི་འོད་ཟེར་གྱིས་སྣོད་བཅུད་དུ་འཛིན་པ་སྦྱངས། ཨཱོཾ་བྷུ་ཁཾ། ཞེས་བརྗོད་པས་ས་ཕྱོགས་ཐམས་ཅད་ནམ་མཁའི་རང་བཞིན་དུ་གྱུར་པར་བསྒོམ། བཞི་པ་བཟུང་བ་ནི། རང་ཉིད་རྡོ་རྗེ་གཞོན་ནུའི་ང་རྒྱལ་ལ་གནས་པའི་མིག་གཉིས་ཉི་ཟླ་མིག་འབྲས་ཧཱུྃ་ལས་ཡེ་ཤེས་ཀྱི་མེ་དཔུང་འབར། བགེགས་དང་ལོག་པར་འདྲེན་པའི་ཚོགས་ལ་གཟིར་བས་རྣམ་སྨིན་གྱི་ལུས་བསྲེགས་ཤིང་སེམས་ཆོས་ཉིད་ཀྱི་ངང་དུ་གསོས་པར་བསམ་ལ། རྐང་པ་རྡོ་རྗེའི་འགྲོས་ཀྱིས་བསྐོར་ཞིང་ཨཱོཾ་སཱུརྱ་ཙནྡྲ་ཛྭ་ལ་ཛྭ་


JLAZ009_Page_0035
[མ་དཔེ་གཟིགས་ན་འདིར་གནོན།]

ལ་ཧཱུྃ་ཕཊ། ཅེས་བརྗོད། སྤྲོ་ན་ལྷའི་རྣལ་འབྱོར་དང་མ་བྲལ་བས་ཆས་སུ་ཞུགས་ཏེ། རྐང་པ་བྱིན་གྱིས་བརླབས་ནས་གར་གྱི་གཞི་བཅའ་བ་སྔོན་དུ་བཏང་སྟེ། ཁྲོ་བོ་བཅུའི་སྟངས་སྟབས་དང་ཕྱག་རྒྱ་སྒྲུབ་ཐབས་ན་ཡོད་པ་བཞིན་བྱ་བའི་གནས་དངོས་བསྟན་འདིར་ཡིན་ཏེ་གསང་རྒྱུད་ལས། རྡོ་རྗེ་སྟབས་དང་རྡོ་རྗེ་རོལ་པའི་གར། །རྡོ་རྗེ་ལྟ་བས་ཀུན་བལྟས་ཏེ། །བར་ཆད་བགེགས་བསྐྲད་དཀྱིལ་འཁོར་བསྲུང༌། །ཞེས་སོ། །ལྔ་པ་བསྲུང་བ་ནི། རྒྱ་གྲམ་གྱི་ཕྱག་རྒྱ་བསྟན་ལ་ཨོཾ་མེ་དི་ནི་བཛྲ་བྷནྡྷ་ཧཱུྃ་ཧཱུྃ་ཕཊ་ཅེས་བརྗོད་པས་སྣང་བ་ཐམས་ཅད་རྡོ་རྗེའི་རང་བཞིན་དུ་གྱུར། ཨཱོཾ་བཛྲ་རཀྵ་རཀྵ་ཧཱུྃ་ཕཊ་ཀྱིས་བསྲུང་བར་བྱ་ཞིང༌། ཤིས་བརྗོད་དང་སྨོན་ལམ་ཀྱང་བྱའོ། །དེ་ཡང་སྒྲུབ་པ་ཆེན་པོ་དང་འབྲེལ་ན་བཤད་རྒྱུད་ལས། བསྲུང་བའི་རིམ་པ་ཡང་དག་བྱ། །དམ་སྲི་བསྒྲལ་དང་མ་ཏྲཾ་བསྒྱེལ། །སྒོ་ལ་རིམ་དང་དེ་བཞིན་སྦྱར། །ཞེས་པ་ལྟར་ཕྱི་རོལ་གོམ་པ་བདུན་ཅུ་རྩ་བཞིའི་སར་རྒྱལ་ཐོ་གཟུག་ཅིང༌། ཕྱོགས་བཞིའི་རྒྱལ་པོ་རྣམས་རང་གི་ཐུགས་ཀའི་འོད་ཟེར་དང་ལྷན་ཅིག་པའི་བཛྲ་ས་མཱ་ཛཿས་སྤྱན་དྲངས། ཛཿཧཱུྃ་བཾ་ཧོཿས་བསྟིམ་ཨཱོཾ་དྷྲྀ་ཏ་རཥྟ་ཡ་ཧཱུྃ་ཛཿཞེས་བཟླ། རང་སྔགས་དེ་ལ་ཨརྒྷཾ་སོགས་གདགས་ནས་ཉེར་སྤྱོད་དང༌། ཨ་ཀཱ་


JLAZ009_Page_0036
[མ་དཔེ་གཟིགས་ན་འདིར་གནོན།]

རོས་གཏོར་མ་ཕུལ་མཆོད་སྦྱིན་གཏོར་མ་འདི་བཞེས་ལ། །སོགས་ཀྱིས་ཕྲིན་ལས་བཅོལ་བས་དྲི་ཟའི་གདོན་བསྲུང་བའི་ལས་མཛད་པར་བསམ། ཏིཥྛ་བཛྲས་བརྟན་པར་བྱ། ཕྱོགས་གཞན་གསུམ་པོ་ལའང་དེས་འགྲེ་ཞིང་རང་སྔགས་ནི་ལྷོ་ཕྱོགས་པ་ལ་བི་རུ་དྷ་ཀ་ཧཱུྃ་ཛཿ ནུབ་ཕྱོགས་པ་ལ་བི་རུ་པཀྵ་ཡ་ཧཱུྃ་ཛཿ བྱང་ཕྱོགས་པ་ལ་ཨཱོཾ་བཻ་ཤྲ་བ་ཎ་ཧཱུྃ་ཛཿཞེས་བསྒྱུར་ཞིང་རིམ་པར་གྲུལ་བུམ་དང༌། ཀླུ་དབང་དང༌། གནོད་སྦྱིན་གྱི་གདོན་མཚམས་གཅོད་པར་འདོན་པ་བསྒྱུར། དེ་ནས་བར་མཚམས་དམ་སྲི་མནན་པ་ནི། རཱུ་པ་བྱ་མགོ་ཅན་གྱི་སྙིང་གར། ཡ་མ་དམ་སྲི་གམ་པ་རི་མཱ་ར་ཡ་ཛཿཞེས་བྲིས་པ་བྲུབ་ཁུང་དུ་བཀོད། གསེར་སྐྱེམས་དང༌། བདེན་བདར་དགུག་གཞུག་བྱས་ནས། དེའི་སྙིང་གར་ཕུར་པ་གདབ་ཅིང༌། ཨཱརྱ་ཨ་ཙ་ལ་དམ་སྲི་བྷནྡྷ་བྷནྡྷ་མཱ་ར་ཡ་ཧཱུྃ་ཕཊ། ཅེས་བཟླ། ཐུན་གྱིས་བྲབ། ཐོད་པ་མཚན་ངན་དུ་བཅུག་སྟེ་སྒྲུབ་ཁང་གི་ཐེམ་པའི་ཕྱི་རོལ་དུ་མནན། རོ་གཡམ་རྒྱ་གྲམ་བྲིས་པས་མནན། འབྱུང་བ་ལྔས་རྒྱས་འདེབས། དེའི་སྟེང་དུ་དཔོན་སློབ་རྣམས་ལག་པ་ལུ་གུ་རྒྱུད་དུ་སྦྲེལ་ནས་སུཾ་བྷ་ནི་བཟླ་བཞིན་པར་བྲོ་བརྡུང༌། དེ་ནས་སྒོ་བྱང་གདགས་པ་ནི། རོ་རས་སམ་ར་སོག་ལ་གཤེད་པོའི་སྐུ་སྔགས་


JLAZ009_Page_0037
[མ་དཔེ་གཟིགས་ན་འདིར་གནོན།]

བྱང་དང་བཅས་པ་བྲིས་པ་སྒོ་ཡ་ཐེམ་ཕྱེ་མར་གདགས། བཛྲ་ས་མཱ་ཛཿས་ཡེ་ཤེས་པ་སྤྱན་དྲངས། ཛཿཧཱུྃ་བཾ་ཧོཿས་བསྟིམ། ཨརྒྷཾ་ལ་སོགས་པས་མཆོད་ཅིང་གཏོར་མ་བསྔོ། ཧཱུྃ། ལྷ་སྲིན་སྡེ་བརྒྱད་འབྱུང་པོ་ཀུན། །ཁྱོད་ཀྱི་འཁོར་དང་གཡོག་ལགས་ན། །རྣམ་པར་སྨིན་པའི་ཆོས་ཤོད་ལ། །བདག་གི་འབྲས་བུ་མ་ཐོབ་པར། །སྒོ་འདི་ཚུན་ཆད་མ་བཏང་ཞིག །ཅེས་མེ་ཏོག་དོར། དེ་རྗེས་གསང་མཚམས་དམ་སྲི་མནན་པ་ནི། རྩ་བཤད་ཀྱི་རྒྱུད་ལས། རྟག་བདག་ཞེ་སྡང་ལས་འཁྲུལ་པ། །ཤིན་ཏུ་འཇིགས་པའི་རཱུ་ཏྲ་འདི། །སྔོན་ཡང་བསྐལ་པ་རེ་རེ་ལ། །བར་གཅོད་སྲིན་པོར་གྱུར་པ་སྟེ། །འདི་མ་བཏུལ་ན་སེམས་ཅན་དག །ཐམས་ཅད་མ་ལུས་དམྱལ་བར་འགྲོ། །ཞེས་པས་རྒྱུད་ཀྱི་གླེང་གཞི་དང་རྗེས་སུ་མཐུན་པར་བསྒྲལ་བའི་ཚུལ་མ་ཏྲཾ་གྱི་གཟུགས་བྱས་པ་མགོ་བོ་ལྷོ་ནུབ། རྐང་པ་བྱང་ཤར་དུ་བསྟན་པ་གན་རྐྱལ་དུ་བཞག །ཡི་དམ་གྱི་ང་རྒྱལ་ལ་གནས་པས་ལྕགས་ཀྱུའི་ཕྱག་རྒྱ་དང་བཅས། ཧཱུྃ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །བྱང་ཆུབ་མཆོག་ཏུ་སེམས་བསྐྱེད་ཅིང༌། །དུས་གསུམ་རྒྱལ་བའི་སྐུ་སྤྲུལ་པ། །རིག་འཛིན་ངེས་པ་མང་


JLAZ009_Page_0038
[མ་དཔེ་གཟིགས་ན་འདིར་གནོན།]

པོ་ལ། །དངོས་གྲུབ་འཕྲོག་པར་བྱེད་པ་ཡི། །རཱུ་ཏྲ་རྟག་པའི་རྒྱལ་པོ་འདི། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་ཁུག་ལ། །སྡུག་བསྔལ་ཉམས་སུ་མྱོང་བར་གྱིས། །མ་ཏྲཾ་ཀ་རུ་ཏྲ་ཛཿ དཀྱིལ་འཁོར་གྱི་ལྷ་ཚོགས་རྣམས་ཀྱི་བདེན་པས་དངོས་གྲུབ་ལ་བར་དུ་གཅོད་པའི་བདུད་དང་ལོག་འདྲེན་ཐམས་ཅད་ཨཱ་ཀརྴ་ཡ་ཛཿཏྲི་ཡཾ་ཛཿཛཿཧཱུྃ་བཾ་ཧོཿས་བསྟིམ། རྣལ་འབྱོར་ཆེན་པོ་ལས་སྙིང་རྗེས་ཁྱོད་བསྒྲལ་དམ་ཚིག་ནི། །བསད་མནན་བྱ་བ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ལ། །རྣམ་པར་ཤེས་པ་མྱ་ངན་འདའ། །ཧཱུྃ། ཆོས་ལ་བལྟ་དང་གང་ཟག་བལྟ། །རྟག་ཆད་བལྟ་བའི་སྡིག་ཅན་ཁྱོད། །བདག་མེད་སྟོང་པའི་ཐོ་བས་གཞོམ། །འཇིགས་བྱེད་ཆེན་པོའི་ཞབས་ཀྱིས་མནན། །མ་རིག་སྒོ་ལྔའི་སྦུབས་ལས་དྲལ། །རྣམ་ཤེས་ཆོས་ཀྱི་དབྱིངས་སུ་ཕཊ། །ཅེས་རྩེ་གསུམ་གྱི་ཕྱག་རྒྱ་སྙིང་གར་བསྣུན་པས་གཟུགས་ཕུང་ཧྲུལ་གྱིས་ཞིག་པའི་ཁོག་པ་བྲོས་སྦྱང་བ་ནི། རྒྱུད་ལས། དུར་ཁྲོད་བདག་པོ་མ་ཏྲཾ་ནི། །བརྫིས་པའི་སྟབས་ཀྱིས་མནན་པར་བྱ། །ཞེས་དང༌། རྩ་བཤད་ལས། ཧཱུྃ། སྟོང་གསུམ་སྟོང་གི་ལོ་ཀི་ན། །དབུས་ཕྱོགས་སྟོང་གི་འཇིག་རྟེན་ན། །དྲེགས་པ་བསྣོལ་བའི་གདན་སྟེང་ནས། །རྡོ་


JLAZ009_Page_0039
[མ་དཔེ་གཟིགས་ན་འདིར་གནོན།]

རྗེ་ཁྲག་འཐུང་བྲོ་རར་ཆས། །ཞལ་གཅིག་ཕྱག་གཉིས་མཐིང་ནག་སྐུ། །རྡོ་རྗེ་དབྱིངས་ཕྱུག་ཡུམ་ལ་འཁྱུད། །རྡོ་རྗེ་ཐོད་ཁྲག་དཀྲུག་ཅིང་གསོལ། །དུར་ཁྲོད་ཆས་ཀྱིས་ལྷ་སྲིན་འདུལ། །རྡོ་རྗེ་གཤོག་པ་བར་སྣང་བརྒྱངས། །སྤྱན་གསུམ་དམར་ཟླུམ་སྟོང་གསུམ་བསྲེག །མཆེ་བ་གཙིགས་པས་བདུད་བཞི་འཇོམས། །ལྗགས་དམར་གློག་སྟོང་འཁྱུག་པ་ཡིས། །སྟོང་གསུམ་མ་ལུས་གསལ་བར་བྱེད། །ཧཱུྃ་གི་སྒྲ་ནི་འབྲུག་བཞིན་སྒྲོགས། །བརྐྱང་བསྐུམ་ཞབས་གཉིས་བྲོ་བརྡུངས་པས། །བདུད་ནི་ཕྱེ་མར་འཐག་པའི་བྲོ། །ཀླུ་ནི་ཡོངས་སུ་རྔོད་པའི་བྲོ། །བགེགས་རྣམས་མེར་ནི་བསྲེག་པའི་བྲོ། །མ་བདུད་ཐལ་བར་རློག་པའི་བྲོ། །དུར་ཁྲོད་འདི་རུ་བྲོ་བརྡུངས་པས། །དམ་ཉམས་གཤེད་ནི་བརླག་པར་འགྱུར། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཕྱོགས་བཞིར་རིགས་བཞིའི་བྲོ་བརྡུངས་པས། །བར་ཆད་བགེགས་ནི་སྦྱང་བར་འགྱུར། །ཁྲོ་བཅུ་རྡོ་རྗེ་འགྲོས་ཀྱིས་བླངས། །དྲག་པོ་བྱ་བའི་འགྲོས་ཀྱིས་བླངས། །བདུད་ཀྱི་སྒོ་ལ་འཇུག་ཐག་བཅད། །ས་ཡི་རྟེན་ཕུར་འོག་ཏུ་དགོད། །རྡོ་རྗེ་རྒྱ་གྲམ་ཐག་པས་དྲགས། །དཀྱིལ་འཁོར་སྟན་དུ་རཱུ་ཏྲ་བཞིན། །དུར་ཁྲོད་གཞལ་ཡས་ཁང་དུ་བཟུང༌། །སྒྲུབ་པ་བྱེད་པའི་རྫས་སུ་


JLAZ009_Page_0040
[མ་དཔེ་གཟིགས་ན་འདིར་གནོན།]

བཟུང༌། །ཐུགས་དམ་བསྐང་བའི་བདུད་རྩིར་བཟུང༌། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཤཱནྟིཾ་སྭཱ་ཧཱ། པུཥྟིཾ་སྭཱ་ཧཱ། པ་ཤཾ་སྭཱ་ཧཱ། མཱ་ར་ཡ་ཕཊ། ཅེས་བརྗོད་ལ་ཡན་ལག་ལྔ་སོ་སོ་དང༌། དོན་སྙིང་དང༌། ནང་ཁྲོལ་དང༌། མཚན་མ་བརྒྱད་དཀྱིལ་འཁོར་ཕྱོགས་མཚམས་བརྒྱད་དུ་བཀོད་བདག་གི་ཐུགས་ཀ་ནས་བྷྲཱུྃ་འཕྲོས་ཁོག་པ་ལ་ཐིམ་པས་དུར་ཁྲོད་རོལ་པའི་གཞལ་ཡས་ཁང་གི་མཐའ་བསྐོར་བར་གྱུར་པར་བསམ་ཞིང༌། ཁུ་ཚུར་དཔུང་མགོར་བསྣོལ་བ་དབྱེ་བ་དང་བཅས་ཧཱུྃ་པྲ་ཝེ་ཤ་ཡ་ཕཊ། ཅེས་ལན་བདུན་གྱིས་སྤྲུལ་པའི་དཀྱིལ་འཁོར་གྱི་སྒོ་དབྱེ། ཧཱུྃ་ཧཱུྃ་ཧཱུྃ། ཧ་ཧ་ཧ། ཕཊ་ཕཊ་ཕཊ། ཅེས་རྡོ་རྗེའི་གར་འགྲོས་ཀྱིས་ལན་གསུམ་བསྐོར་ནས་དཀྱིལ་འཁོར་གྱི་ནང་དུ་ཚུད་པར་བསྒོམ་མོ། །དེ་དག་ནི་གཞུང་དུ་བཅད་པའི་རིམ་པ་ཉེ་བར་བསྡུས་པ་སྟེ། སྤྱི་ཙམ་དུ་སའི་ཆོ་གའི་རིམ་པ་ཇི་ལྟར་སྨོས་པ་བཞིན་དུ་མ་གྲུབ་པ་དང༌། གལ་ཏེ་སློབ་དཔོན་ནུས་ལྡན་གྱིས་དཀྱིལ་འཁོར་གྱི་ཁང་པ་ཉིད་དུ་སྔོན་ནས་རུང་བར་བྱས་པ་ཡིན་ཀྱང་མི་མངོན་པ་ལ་བླང་བ་དང༌། སྦྱང་བ་དང༌། གཟུང་བ་རྣམས་བྱ་བ་ལེགས་ཤིང༌། རས་བྲིས་ལ་བརྟེན་ཚེ་ས་གཟུང་བ་དང༌། བསྲུང་བ་ཙམ་བྱའོ། །དེ་ནས་དཀྱིལ་འཁོར་བྲི་བའི་


JLAZ009_Page_0041
[མ་དཔེ་གཟིགས་ན་འདིར་གནོན།]

གཞི་ལ་བདུད་རྩི་ལྔ་བྱུག་ཅིང་། ཨོཾ་བཛྲ་ཨ་མྲྀ་ཏ་མཎྜ་ལ་ཧཱུྃ། ཁྲག་ཆེན་གྱིས་བྱུག་ཅིང་། ཨོཾ་རཀྟ་མཎྜ་ལ་ཧཱུྃ། ཀླད་ཆེན་གྱིས་བྱུག་ཅིང་། ཨོཾ་ཀཾ་ཀ་པཱ་ལ་མཎྜ་ལ་ཧཱུྃ། ཞེས་དང༌། ལྷ་སྟ་གོན་དངོས་ནི། བ་ཡི་རྣམ་ལྔ་རང་བཞིན་ཏེ། །ལྷ་ཡི་གནས་སུ་མེ་ཏོག་ནི། །ཚོམ་བུ་སྔོན་པོ་ལྷ་གྲངས་དགོད། །བདུད་རྩི་ལྔ་ཡི་ཐིག་ལེ་དགོད། །ཅེས་པས་དབུས་ནས་བཟུང་སྟེ་ལྷ་གནས་སོ་སོར་བདུད་རྩི་ལྔའི་ཐིག་ལེ་བཏབ་པ་ལ་བ་བྱུང་གིས་སྦགས་པའི་མེ་ཏོག་སྔོན་པོའི་ཚོམ་བུ་ལྷ་གྲངས་དང་མཉམ་པ་དགོད་བཞིན་པར། ཨཱོཾ་ན་མཿས་མནྟ་མཎྜ་ལ་ཧཱུྃ། ཞེས་བརྗོད་ཅིང༌། དེ་ཡང༌། ཕུན་སུམ་ཚོགས་པ་ལྔ་ལྡན་པས། །དཀྱིལ་འཁོར་ལྷ་ལ་གསོལ་བ་གདབ། །ཅེས་པས། ཆོ་ག་བཞིན་དུ་མངོན་དཀྱིལ་ནུས་ན་རབ། མ་ནུས་ན་ལྷ་གནས་སོ་སོའི་དཀྱིལ་འཁོར་གྱི་ལྷ་ཚོགས་རྩ་སྔགས་ཙམ་ལ་བརྟེན་ནས་མོས་པས་བསྐྱེད་ལ་བདུན་རྣམ་དག་འབུལ་བ་ནི། རྡོ་རྗེ་སློབ་དཔོན་སངས་རྒྱས་དཔལ། །ཅེས་སོགས་ལན་གསུམ་མཐར། རང་གི་ལྕེ་ཧཱུྃ་ལས་སྐྱེས་པའི་རྡོ་རྗེའི་རང་བཞིན་ཏུ་གྱུར། རྡོ་རྗེ་གཞོན་ནུའི་ལྷ་ཚོགས་རྣམས། །བདག་ལ་གསན་ཅིང་དགོངས་སུ་གསོལ། །རྒྱལ་བ་མཆོད་དང་གཞན་དོན་དུ། །ནང་པར་དཀྱིལ་འཁོར་བྲི་འཚབ་བས། །གནང་ཞིང་རྗེས་སུ་བསྟན་པར་མཛོད། །ཁྱེད་


JLAZ009_Page_0042
[མ་དཔེ་གཟིགས་ན་འདིར་གནོན།]

རྣམས་ལ་ནི་མཆོད་བྱེད་དང༌། །སློབ་མ་རྗེས་སུ་གཟུང་བའི་ཕྱིར། །རབ་ཏུ་བསྙེན་ཏེ་འཇུག་འཚལ་ན། །སྟ་གོན་ལ་ནི་གནས་པར་མཛོད། །ཨོཾ་ཨཱཿཧཱུྃ་སྭཱ་ཧཱ། ཛྙཱ་ན་ཛ་ཡ་ཧཱུྃ་ཕཊ། ཨཱོཾ་དྷ་པ་སིདྡྷི་ཧཱུྃ། རཏྣ་མཎྜ་ལ་སིདྡྷི་ཧཱུྃ། བྷྲཱུྃ་བ་ཏི་ཀ་ར་སིདྡྷི་ཧཱུྃ། ཨ་མྲྀ་ཏ་ཨ་ཝེ་ཤ་ཡ་ཨ་ཨཱ། ཨོཾ་ཨཱཿཧཱུྃ། སིདྡྷི་ཀུ་རུ་ཡ་ཨཱ། པཉྩ་ལི་ཀ་ཨཱ་ཝེ་ཤ་ཡ་ཨཱ། ཀལྤོ་པྲིཀྵ་ཧཱུྃ་ཨཱཿཞེས་ལན་གསུམ་བརྗོད་ལ་སྟ་གོན་གྱི་ཡེ་ཤེས་པ་རྣམས་རྡོ་རྗེ་ཁུ་ཚུར་གྱིས་ནམ་མཁར་བཏེགས་ནས། ཨཱོཾ་བཛྲོ་ཏྟིཥྛ་ལྷན། ཞེས་བརྗོད། གསུམ་པ་བུམ་པ་སྟ་གོན་ནི། བུམ་པ་མཐིང་ཤུན་སྔོན་པོའི་མདོག །བསངས་ཤིང་དུར་ཁྲོད་རས་ཀྱིས་དཀྲི། །ལྗོན་ཤིང་བཟང་པོས་ཁ་བརྒྱན་ཞིང༌། །བདུད་རྩི་ལྔ་ཡིས་བུམ་པ་དགང༌། །དབང་དང་བདུད་སེལ་གེགས་བསལ་བའི། །བུམ་པ་གསུམ་དུ་ཡང་དག་ངེས། །ཞེས་དང༌། སྨན་ལྔ་འབྲུ་ལྔ་རིན་ཆེན་ལྔ། །སྤོས་དང་སྙིང་པོ་ལྔ་དག་དང༌། །ཁ་རྒྱན་མགུལ་རྒྱན་དེ་བཞིན་བཤམ། །ཞེས་པས་མཚན་ཉིད་སྤྱི་དང་བྱེ་བྲག་པ་ཚང་བའི་བུམ་པ་གསུམ་རྒྱུན་འབབས་ཀྱི་ཆུས་སུམ་གཉིས་བཀང་ལ་བཅུད་རྫས་ཉེར་ལྔའི་སྟེང་དུ་བདུད་རྩི་ལྔ་བསྣན་པའི་སུམ་ཅུ་པ་བཏབ། རྒྱ་ཤུག་དཀར་པོའི་ཁ་རྒྱན་དང་བཅས་སྟེགས་ལ་བཀོད། བུམ་པའི་ནང་དུ་ལྷ་ཚོགས་བསྐྱེད་པ་


JLAZ009_Page_0043
[མ་དཔེ་གཟིགས་ན་འདིར་གནོན།]

ལ་དམིགས་ནས་བཟླས་པ་བྱ་སྟེ། རྡོ་རྗེ་གཞོན་ནུའི་རིགས་ཀྱི་ལྷ། །ཡེ་ཤེས་ཁྲོ་བོ་ཐུགས་བསྐུལ་སྔགས། །ལྷ་ཡི་སྔགས་རྣམས་རབ་ཏུ་བཟླས། །ཁྲི་དང་སྟོང་གིས་དངོས་གྲུབ་འབྱུང༌། །ཞེས་དང༌། འཇིག་རྟེན་སྣང་བྱེད་ལས། ཡབ་དང་ཡུམ་དང་ཤེས་རབ་ཐབས། །བུམ་པའི་ནང་དུ་བྱང་ཆུབ་སེམས། །ཡེ་ཤེས་བདུད་རྩིའི་ཆུ་རྒྱུན་དབབ། །ཅེས་པ་ལྟར་ལས་མཐར་བུམ་པའི་ལྷ་འོད་ཞུ་བྱའོ། །བཞི་པ་སློབ་མ་སྟ་གོན་ནི། ཁྲུས་ནས་དབྱུང༌། བགེགས་བསྐྲད། མཎྜལ་ཕུལ་ཏེ་འདུག་ནས་བཤགས་པ་བྱ་བ་ནི། རྡོ་རྗེ་ཁྲོས་པ་ལས་ཡེ་ཤེས་ལྔ་ལྡན་བླ་མ་རྡོ་རྗེ་འཛིན། །རྡོ་རྗེ་རིགས་ཀྱི་ལྷ་ཚོགས་དགོངས་སུ་གསོལ། །ཁྲག་འཐུང་ཁྲོ་བོ་ཁྲོ་མོས་བྱིན་གྱིས་རློབས། །བདག་གི་ལུས་ཀྱིས་སྲོག་གཅོད་མ་བྱིན་བླངས། །མི་ཚངས་སྤྱད་ཅིང་ཏིང་འཛིན་སྐུ་མ་གསལ། །སྐུ་ཡི་དམ་ཚིགས་ཉམས་པ་མཐོལ་ལོ་བཤགས། །བདག་གི་ངག་གིས་རྫུན་དང་ཕྲ་མ་དང༌། །ངག་འཁྱལ་ཚིག་རྩུབ་བཟླས་བརྗོད་གྲངས་མ་སྐྱོལ། །རྡོ་རྗེ་བཟླས་པའི་དོན་ནི་མ་རྟོགས་ཏེ། །གསུང་གི་དམ་ཚིག་ཉམས་པ་མཐོལ་ལོ་བཤགས། །བདག་གིས་སྣོད་ལྡན་སེམས་ཅན་ཐམས་ཅད་ལ། །བརྣབ་སེམས་གནོད་སེམས་ལོག་ལྟ་སྐྱེས་པ་དང༌། །ཆོས་ཉིད་ཟབ་མོའི་དོན་ནི་མ་རྟོགས་ཏེ། །ལྟ་བ་ཐུགས་ཀྱི་


JLAZ009_Page_0044
[མ་དཔེ་གཟིགས་ན་འདིར་གནོན།]

དམ་ཚིག་ཉམས་པ་བཤགས། །སེམས་ཅན་ཐམས་ཅད་ཡེ་ནས་སངས་རྒྱས་རྒྱུ། །མ་རྟོགས་བདག་གིས་བརྔན་དང་སྐྱོན་དུ་བགྲངས། །སངས་རྒྱས་ཡོན་ཏན་མཐའ་ཡས་མ་བརྗོད་ཅིང༌། །ཡོན་ཏན་དམ་ཚིག་ཉམས་པ་མཐོལ་ལོ་བཤགས། །སངས་རྒྱས་ཕྲིན་ལས་སྣ་ཚོགས་དཔག་མེད་ཀྱི། །སྙིང་རྗེ་ཆེན་པོས་སེམས་ཅན་དོན་མ་བྱས། །བདུད་རྩི་ལྔ་ལ་ལོངས་སྤྱོད་མ་ནུས་ཤིང༌། །ཕྲིན་ལས་དམ་ཚིག་ཉམས་པ་མཐོལ་ལོ་བཤགས། །སྐྱེ་བ་རྣམ་བཞིས་བསྡུས་པའི་སེམས་ཅན་རྣམས། །ཆོས་སྐུ་རྣམ་དག་དབྱིངས་ལས་གཟུགས་སྐུར་སྣང༌། །བདེ་བ་ཆེན་པོའི་ཀུན་ལ་ཁྱབ་དམིགས་ཏེ། །ཡང་དག་དོན་མ་རྟོགས་པ་མཐོལ་ལོ་བཤགས། །ཨཱོཾ་ཨ་བཛྲ་སཏྭ་ཨཱཿཧཱུྃ། ཞེས་སྙིང་ཐག་པ་ནས་བཤགས་སུ་བཅུག་སྟེ་རྒྱུད་དག་པར་བྱའོ། །དེ་ནས་སྡོམ་པ་བཟུང་བའི་གསོལ་གདབ་ནི། སྐྱེ་རྒ་ན་དང་འཆི་བ་ཡི། །ཆུ་སྲིན་པིར་ཐོགས་འཇིགས་བྱེད་ལས། །གདོན་པར་ནུས་པ་ཁྱོད་འབའ་ཞིག །དགའ་ཆེན་ཁྱོད་བདག་སྟོན་པར་བས། །མགོན་པོ་ཆེན་པོ་བདག་ལ་སྩོལ། །བྱང་ཆུབ་ཆེན་པོའི་ཚུལ་སྟོན་པ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་རྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་


JLAZ009_Page_0045
[མ་དཔེ་གཟིགས་ན་འདིར་གནོན།]

ཆེན་པོའི་གྲོང་མཆོག་ཏུ། །མགོན་པོ་ཆེན་པོས་གཟུང་དུ་གསོལ། །ལན་གསུམ། སྡོམ་པ་བཟུང་བ་དངོས་ནི། ཞེ་སྡང་ཡོངས་སུ་དག་པའི་རྒྱུད་ལས། སོ་སོར་ཐར་པ་དང་པོར་བྱིན། །དེ་ནས་བྱང་ཆུབ་སྡོམ་ཆེན་བྱིན། །དེ་ནས་དབུ་མའི་ཆོས་རྣམས་བཤད། །མཐར་ནི་འབྲས་བུ་ཐེག་ཆེན་གྱི། །དབང་སྦྱིན་འབྲས་བུའི་རྒྱུད་འདི་བཤད། །ཅེས་སྡོམ་གསུམ་རིམ་པར་བཟུང་བའང་ཡོད་དེ། འདིར་རྩ་རྒྱུད་ཀྱི་རྗེས་སུ་འབྲངས་ནས་ཐེག་ཆེན་གྱི་རིགས་ལ་ནུས་པ་སད་པར་བྱ་ཕྱིར་སྨོན་འཇུག་སྤྱི་དང་བྱེ་བྲག་པ་སྟབས་གཅིག་ཏུ་བླང་བ་ཙམ་སྔགས་རང་སའི་གྲུབ་མཐར་ངེས་ཤིང་དགག་བྱ་ཆུང་བས་འདིའི་རྗེས་ཟློས་མཛོད། བླ་མ་རྡོ་རྗེ་འཛིན་སོགས་དང༌། མཁའ་འགྲོའི་ཚོགས་རྣམས་དགོངས་སུ་གསོལ། །ཨཱོཾ་ཨཱཿཧཱུྃ། ཆོས་སྐུ་མཁའ་འདྲ་གཟུགས་སྐུ་འཇའ་ལྟར་སྣང༌། །གསང་སྔགས་སྒྲ་སྙན་ལྟ་བུར་སྒྲ་བསྒྲགས་ཤིང༌། །ཁྲོ་བོ་ཁྲོ་མོའི་ཚུལ་གྱིས་གདུག་པ་འདུལ། །བླ་མེད་དཀོན་མཆོག་གསུམ་ལ་སྐྱབས་སུ་མཆི། ལན་གསུམ་དང༌། བདག་གིས་བྱང་ཆུབ་སེམས་མཆོག་ནི། །མ་ལུས་པ་ནི་བསྐྱེད་པར་བགྱི། །ངན་སོང་གསུམ་ལས་མ་གྲོལ་བ། །ལྷ་མི་གཉིས་སུ་དགྲོལ་བར་བགྱི། །མ་བསྒྲལ་པ་ཡི་ལྷ་མི་རྣམས། །བྱང་ཆུབ་ས་ལ་


JLAZ009_Page_0046
[མ་དཔེ་གཟིགས་ན་འདིར་གནོན།]

བསྒྲལ་བར་བགྱི། །དབུགས་མ་ཕྱུང་བའི་བྱང་ཆུབ་སེམས། །ས་བརྒྱད་པ་ལ་དབུགས་དབྱུང་ཞིང༌། །སེམས་ཅན་མྱ་ངན་འདས་པའི་མཐའ། །རྡོ་རྗེ་འཆང་ལ་རབ་ཏུ་དགོད། །ཨོཾ་ཨཱཿབཛྲ་སཏྭ་ཧཱུྃ། ལན་གསུམ་གྱིས་བརྟན་པར་ གཟུང་ངོ༌། །དེ་ལྟར་བྱང་སའི་ཐུན་མོང་པའི་སྟེང་དུ་ཐ་མལ་གྱི་སྣང་ཞེན་ལྡོག་པའི་ཉེས་སྤྱོད་སྡོམ་པ། འཁྲུལ་སྣང་ཡེ་ཤེས་སུ་སྡུད་པའི་དགེ་བ་ཆོས་སྡུད། ལས་བཞིའི་ཕྲིན་ལས་ཀྱི་སྒོ་ནས་སེམས་ཅན་དོན་བྱེད་དེ་བྱང་སྡོམ་བྱེ་བྲག་པའམ་དེ་ལས་འདའ་བར་བྱ་བ་མ་ཡིན་པའི་ཆ་ནས་དམ་ཚིག་ཏུ་བཏགས་པའི་གནས་རྣམས་བཟུང་ངོ་སྙམ་པས་འདིའི་རྗེས་ཟློས་མཛོད། ཨོཾ་ཨཱཿབཛྲ་སཏྭ་ཧཱུྃ། སྟོང་གསུམ་སྟོང་གི་འཇིག་རྟེན་ན། །འགྲོ་བ་རིགས་དྲུག་སེམས་ཅན་རྣམས། །དུག་ལྔ་ཉོན་མོངས་ཚར་གཅད་ཕྱིར། །རིགས་ལྔ་ཁྲག་འཐུང་ཉིད་དུ་བརྗོད། །ཨཱཿ འགྲོ་བ་རིགས་ལྔར་གསལ་བ་འདི། །རྟོག་འཇོམས་ཡེ་ཤེས་ལྔའི་རང་བཞིན། །ཡེ་ནས་སྐྱེ་མེད་ཆོས་སྐུ་ལ། །སྣང་བ་འཁྲུལ་པ་སྙིང་རེ་རྗེ། །བཛྲ། ཐམས་ཅད་རྡོ་རྗེའི་རང་བཞིན་ཏེ། །ཅིས་ཀྱང་མི་ཆོད་མི་ཤིགས་ཞིང༌། །སྐྱེ་འགག་མེད་པ་རྡོ་རྗེའི་ངང༌། །དེ་བཞིན་ཉིད་དུ་རྣམ་པར་དག །ས། དབྱིངས་ལ་ངོ་བོ་མ་གྲུབ་ཀྱང༌། །སྣང་བ་ཙམ་དུ་ཁྲག་འཐུང་སྐུ། །དུག་ལྔ་རྩད་ནས་གཅད་པའི་ཕྱིར། །རིགས་


JLAZ009_Page_0047
[མ་དཔེ་གཟིགས་ན་འདིར་གནོན།]

ལྔའི་ཁྲོ་བོ་རྣམ་པར་དག །ཏྭ། རིགས་ལྔ་ཁྲོ་བོར་བསྒྲུབ་པ་ལ། །སྙིང་རྗེ་སེམས་ཅན་ལ་བསྐྱེད་ནས། །ཐར་པར་འདོད་པའི་བསམ་པ་ཡིས། །དམ་ཚིག་ལྔ་པོ་གཟུང་བར་བགྱི། །ཧཱུཾ། ཐམས་ཅད་མཁྱེན་པ་བཅོམ་ལྡན་འདས། །རིགས་ལྔ་འདུས་པའི་ཁྲོ་རྒྱལ་གཙོ། །རྡོ་རྗེ་གཞོན་དུ་ཁྲོས་པའི་དཔལ། །སྐལ་ལྡན་རྣམས་ཀྱིས་ཐོབ་པར་ཤོག །ཅེས་ལན་གསུམ་གྱིས་ཐོབ་པར་ངེས་ཤེས་བསྐྱེད་དོ། །དེ་ནས་སློབ་མའི་སྐྱེ་མཆེད་ལྷའི་ཕྱག་རྒྱར་བྱིན་གྱིས་རློབ་པ་ནི། གནས་སོ་སོར་རྡོ་རྗེ་དང་བཅས་པའི་དྲིའི་ཐིག་ལེས་རེག་ཅིང་། ཨོཾ། གཙུག་ཏོར་སངས་རྒྱས་ཁྲག་འཐུང་དཔལ། །བཛྲ། ལག་གཡས་རྡོ་རྗེ་ཁྲག་འཐུང་དཔལ། །ས། ལག་གཡོན་རིན་ཆེན་ཁྲག་འཐུང་དཔལ། །ཏྭ། རྐང་གཡས་ལས་ཀྱི་ཁྲག་འཐུང་དཔལ། །ཨཱཿ རྐང་གཡོན་པདྨ་ཁྲག་འཐུང་དཔལ། །ཧཱུཾ། ཐུགས་ཀ་གསལ་བའི་དཀྱིལ་འཁོར་ཉིད། །ལུས་ཀྱི་དཀྱིལ་འཁོར་འདི་ཡིན་ནོ། །མཐོང་བས་རིགས་ལྔ་ཁྲག་འཐུང་སྐུ། །བཤགས་པས་ལུས་ངག་དག་པར་བྱེད། །ཨོཾ་བཛྲ་སཏྭ་ཧཱུྃ། ཞེས་བརྗོད། རྒྱུད་ལས་བསྲུང་བ་སོ་ཤིང་སྐྱོར་བའི་ཆུ། །ཀུ་ཤའི་སྔས་སྟན་སྟེང་དུ་ནི། །དུར་ཁྲོད་ཞིང་ལྤགས་སྟེང་ཉལ་རྨི་ལམ་བརྟག །ཅེས་པས། ཧཱུྃ་


JLAZ009_Page_0048
[མ་དཔེ་གཟིགས་ན་འདིར་གནོན།]

ལས་སྐྱེད་པའི་སྲད་བུ་དམར་པོ་སློབ་བུའི་ལུས་ཚད་དང་མཉམ་པ་གསུམ་ལྟ་བ་ལ་རྡོ་རྗེའི་མདུད་པ་གསུམ་དུ་བྱས་པ་ལས་ཆུས་བསངས་ཤིང་འཁྱིལ་པའི་སྔགས་ཀྱིས་བྱིན་གྱིས་བརླབས། ཁུ་རྡུལ་གཉིས་ཀྱི་ཆའི་བར་ཆད་བསྲུང་ཕྱིར་སྐྱེས་པའི་དཔུང་པ་གཡོན་དང༌། བུད་མེད་ཀྱི་གཡས་སུ་བཅིངས་ཤིང་འཁྱིལ་པའི་སྔགས་དང་། ཨོཾ་སརྦ་བུདྡྷ་མཻ་ཏྲི་རཀྵ་རཀྵ་སརྦཾ་སྭཱ་ཧཱ། ཞེས་བཟླ་བཞིན་པར་ཕྱི་ནང་གི་བར་ཆད་བསྲུང་ཕྱིར་ཉིས་རིམ་དུ་བཅིངས། རྡོ་རྗེ་དང་བཅས་པའི་དྲི་ཆུས་མདུད་པ་ལ་རྒྱ་གྲམ་དུ་རེག་པས་ལུས་རྡོ་རྗེའི་གོ་ཆས་ཞུ་ལུབ་ཏུ་གཡོགས་པར་བསྒོམ་ཞིང་། ལུས་ཀྱི་ཉེས་པ་དག་པ་དང༌། །བསྲུང་དང་སྟ་གོན་གནས་པར་མཛོད། །ཨཱོཾ་བཛྲ་རཀྵ་རཀྵ་སྭཱ་ཧཱ། ཞེས་བརྗོད། དེ་ནས་སོ་ཤིང་གི་རྩ་བ་ཕུར་བུའི་རྣམ་པ་ཅན་ལ་རྩེ་མོར་མེ་ཏོག་གི་ཕྲེང་བ་བཅིངས་པ་བདུད་རྩི་འཁྱིལ་པའི་སྔགས་ཀྱིས་བྱིན་གྱིས་བརླབས་པ་སློབ་བུར་གཏད། དགོས་པ་ནི་ཕུར་པ་འཇིག་རྟེན་སྣང་བྱེད་ལས། ངག་གི་ཉེས་པ་བསལ་བའི་ཕྱིར། །སོ་ཤིང་བྱིན་ལ་སོ་རྩ་བྲུད། །ཕྲིན་ལས་བཞི་ཡི་དངོས་གྲུབ་བརྟག །ཅེས་པས། ཁྲུ་གང་གྲུ་བཞི་པའི་མཎྜལ་པདྨ་འདབ་བརྒྱད་པ་མུ་ཁྱུད་ཀྱི་ར་བ་ཅན་ལ་དྲི་བཟང་དང་བ་བྱུང་གིས་སྦགས་པའི་ཚོམ་བུ་བཀོད་པའི་སྟེང་དུ་མཁའ་དབྱིངས་ཀྱི་རྒྱས་བཟུང་ནས་དངོས་གྲུབ་


JLAZ009_Page_0049
[མ་དཔེ་གཟིགས་ན་འདིར་གནོན།]

ཀྱི་ལྟས་བརྟག་པའི་འདུན་པ་རྩེ་གཅིག་པས་དོར་དུ་འཇུག་ཅིང་ངག་ཏུ། ངག་གི་ཉེས་པ་བསལ་བ་དང༌། །དབང་གི་ལྷ་རྣམས་བསྟན་དུ་གསོལ། །ཨོཾ་ཨཱ་ཛིཾ་ཤམ་པ་ཏི་ན་ཧཱུྃ་ཕཊ། ཅེས་བརྗོད། རིགས་ལྔའི་དངོས་གྲུབ་ཕྱོགས་བཞི་དབུས། །མཚམས་སུ་ན་སྟེང་མཁའ་འོག་ས་སྤྱོད། །རྩ་བ་རང་བསྟན་ལན་གསུམ་བསྐྱར། །གཡས་ཡོ་ཚེ་ཐར་གཡོན་ཡོ་སྦྱིན། །ཕྲེད་བསགས་མར་མེ་བརྒྱ་རྩ་སྦར། །ཀུན་ངན་བསགས་སྦྱང་རྒྱ་ཆེར་བྱ། །དེ་ནས་ཁྱོར་ཆུ་ནི། དུང་ཞལ་གྱི་ཆུ་བཾ་ལས་བདུད་རྩིའི་རྒྱ་མཚོར་གྱུར་པ་འབྲུ་གསུམ་གྱི་བྱིན་གྱིས་བརླབ། སློབ་བུའི་ལག་པ་གཡས་སུ་ལན་གསུམ་སྦྱིན། ཅུང་ཟད་བཏུང་བའི་ལྷག་མ་དཔུང་པ་གཡོན་སྟེང་ནས་རྒྱབ་ཏུ་དོར་བས་སྒོ་གསུམ་གྱི་དྲི་མ་བག་ཆགས་དང་བཅས་པ་དག་པའི་མོས་པ་གྱིས། ཞེས་བརྡའ་སྦྱར་ལ། སློབ་དཔོན་གྱིས། ཨཱོཾ་ཧྲཱི་བི་ཤུད་དྷེ་སརྦ་ཧི་ནི་ཧཱུྃ་ཕཊ་པཱ་པཾ་དོ་ཤ་ཡ་སརྦ་བི་ན་ཡ་ཧཱུྃ་ཕཊ། བླུད་པས་ཡིད་ཀྱི་སྒྲིབ་པ་དག །སྟ་གོན་ལ་ནི་གནས་པར་མཛོད་ཅེས་བརྗོད། ཀུ་ཤ་བསང་ཆུས་སྦྱངས། ཆུན་པོ་ཆེ་བ་ཧཱུྃ་དང་ཆུང་བ་དྷི་ལས་བྱུང་བའི་ཀུ་ཤ་སྔོན་པོ་རྩ་རྩེ་མ་ཉམས་ལ་རྨི་ལམ་མི་འཁྲུགས་པའི་ནུས་པ་ཅན་དུ་གྱུར་པ་ཆེ་བ་སྟན་གྱི་དོན་དུ་སློབ་དཔོན་གྱི་ལག་པ་གཡོན་དང། ཆུང་བ་སྔས་ཀྱི་དོན་དུ་


JLAZ009_Page_0050
[མ་དཔེ་གཟིགས་ན་འདིར་གནོན།]

གཡས་པར་བཟུང་བ་བསྣོལ་ནས་གཏོད་ཅིང༌། ཨཱོཾ་བཛྲ་ཏིཀྵྞ་བཾ། ཞེས་དང༌། སློབ་མས། ཨཱོཾ་བཛྲ་ཏིཀྵྞ་སིདྡྷི་ཧཱུྃ། ཞེས་བླང་། དོ་ནུབ་བླ་མ་དང་དཀྱིལ་འཁོར་ལ་མོས་པ་རྩེ་གཅིག་པས་སྔས་བྱང་དུ་སྟོན་ལ་སེང་གེའི་ཉལ་སྟབས་ཀྱིས་བདུད་རྩི་འཁྱིལ་པའི་སྔགས་བཟླ་བཞིན་པར་ཉོལ་ལ་ནང་པར་རྨི་ལམ་གང་ཡིན་པ་ང་ལ་སྨྲོས་ཤིག །ཅེས་བསྒོ། དེ་ཡང་གསང་དགོངས་ལས། གསང་སྔགས་ཟབ་མོའི་དབང་མཆོག་འབྲས་བུ་ལ། །ལས་འཕྲོ་སྐལ་བར་ལྡན་དང་མི་ལྡན་པ། །ལུས་བཀྲུ་གོས་གཙང་གྱོན་ལ་ཉལ་ བར་བྱ། །གསང་སྔགས་ཟབ་མོའི་དབང་མཆོག་ཐོབ་མི་ཐོབ། །རྡོ་རྗེ་སློབ་དཔོན་ཕྱག་ཆ་གནང་ཞིང་རྨི། །ཐུགས་ཀྱི་དངོས་གྲུབ་ཐོབ་པའི་རྟགས། །ལག་ཏུ་བྷནྡྷ་ཐོགས་པ་དང༌། །ཀུན་གྱི་དམག་དཔོན་བྱེད་ཅིང་རྨི། །སྐུ་ལ་རྒྱན་ཆ་འདོགས་ཤིང་རྨི། །སྐུ་ཡི་དངོས་གྲུབ་ཐོབ་པའི་རྟགས། །གསེར་གཡུ་ལུས་ལ་བཏགས་པ་དང༌། །གཞན་ཡང་ཟངས་ལྕགས་རིན་པོ་ཆེ། །བདག་ནི་རྟགས་ཏུ་འཆང་ཞིང་རྨི། །ཡོན་ཏན་དངོས་གྲུབ་ཐོབ་པའི་རྟགས། །ལག་ཏུ་པདྨ་མེ་ཏོག་ཐོགས། །ཉི་དྲོ་ཟླ་གསལ་མེ་མཐོང་བ། །རྒྱ་མཚོ་ཆེན་པོ་བརྒལ་ཞིང་རྨི། །བདག་གི་ལུས་ཀྱང་བཤས་ནས་ནི། །ཤ་ཁྲག་མི་ཡིས་ཟོས་ཤིང་རྨི། །གསུང་གི་དངོས་གྲུབ་ཐོབ་པའི་རྟགས། །མདའ་


JLAZ009_Page_0051
[མ་དཔེ་གཟིགས་ན་འདིར་གནོན།]

གཞུ་གོ་མཚོན་ཐོགས་པ་ངང༌། །རྩི་ཤིང་མང་པོ་སུམས་པ་དང༌། །ནམ་མཁའ་ལ་ནི་འཕུར་ཞིང་རྨི། །ཕྲིན་ལས་དངོས་གྲུབ་ཐོབ་པའི་རྟགས། །ཞེས་སོ། །དེ་ལ་མཚན་མོ་ཐུན་བཞིར་བཅད། །དང་པོ་གསུམ་ནི་འདུ་བའི་འཁྲུལ། །ཐོ་རེངས་བདེན་པས་རིག་པས་བརྟག །ཞེས་གསུངས་པ་ལྟར་བརྟག་གོ །གཉིས་པ་དངོས་གཞི་ལ་གཉིས། དཀྱིལ་འཁོར་གྱི་བྱ་བ་དང༌། དབང་བསྐུར་བའོ། །དང་པོ་ནི། ཕྲིན་ལས་ཀྱི་རྒྱུད་ལས། དཀྱིལ་འཁོར་སྐྱང་ནུལ་ཐིག་གདབ་ལ། །སྲད་བུ་ལྔ་དང་ལྡན་པ་ཡིས། །ཐིག་ནི་རབ་ཏུ་གདབ་པ་སྟེ། །ཞེས་པས། སྔར་ལྷ་སྟ་གོན་བྱས་པའི་གཞི་ལ་རཀྟ་དང་བདུད་རྩི་ལྔ་ལ་སོགས་པས་ཁྱེམ་མེད་པར་བྱུག་ཅིང་སྐྱང་ནུལ་ལེགས་པར་བྱས་པ་ལ་ཐིག་གི་བྱ་བ་བསྒྲུབ་པ་ཡིན་ཏེ། གསང་བའི་དགོངས་རྒྱུད་ལས་ཁམས་གསུམ་སྲིད་གསུམ་དབང་དུ་སྡུད་པའི་ཕྱིར། །རཀྟ་ཆགས་པའི་དབང་གིས་ཆག་ཆག་གདབ། །སྲིད་གསུམ་ཡེ་ནས་ཡེ་ཤེས་ཆེན་པོ་ལྔ། །གཏི་མུག་སྩོགས་པའི་དུག་ལྔ་གནས་གཞོམ་ཕྱིར། །དམ་རྫས་བདུད་རྩི་ལྔ་ཡིས་ཆག་ཆག་གདབ། །རིན་ཆེན་སྣ་ལྔའི་ཁ་དོག་ཚོན་རྣམས་ནི། །འབྲུ་ལྔས་བྱིན་གྱིས་བརླབ་ཅིང་བྲི་བར་བྱ། །ཐབས་དང་ཤེས་རབ་གཉིས་མེད་ལས། །བྱང་ཆུབ་སེམས་ཀྱི་ཐིག་གདབ་བོ། །ཞེས་སོ། །དེ་ལ་ཐིག་ནི་དཔའ་བོའི་


JLAZ009_Page_0052
[མ་དཔེ་གཟིགས་ན་འདིར་གནོན།]

རིན་གྱིས་ཉོས་པའི་རས་བལ་གྱི་སྐུད་པ་ལྔ་ཚན་ལྔ་པའམ། རྒྱུད་ལས། གཙང་མའི་སྤུ་དང་ཨ་ཤྭཏ་ཤུན། །ཞེས་པས་གཞོན་ནུ་མས་བཀལ་བའི་སྲད་བུ་ཚོན་སྣ་ལྔ་པ་སྲིད་དུ་དཀྱིལ་འཁོར་གྱི་ཉིས་འགྱུར་ལ་སྦོམ་ཕྲ་སྒོའི་ཉི་ཤུ་ཆར་བྱས་པ་སློབ་དཔོན་དང་གཟུངས་མ་གཙོ་བོ་ཡབ་ཡུམ་གྱི་ང་རྒྱལ་ལ་གནས་ཏེ། ཐིག་སྐུད་མི་དམིགས་པའི་ངང་ནས་རིགས་ལྔ་ཡབ་ཡུམ་གྱི་ངོ་བོར་གྱུར་པ་ཡབ་ཀྱི་སྐུར་བསྡུས་བྱང་ཆུབ་སེམས་ཀྱི་རང་བཞིན་དུ་ཞུ་བ་ཡུམ་གྱི་མཁའ་ལ་སྤྲོས། ཛཿཛཿཛཿཞེས་ཡབ་ཡུམ་སོ་སོའི་རླུང་གི་འགྲོ་ལྡོག་དང་མཐུན་པར་ཡུམ་ལ་གཏད། རྟེན་འབྲེལ་སྙིང་པོས་རབ་ཏུ་གནས། སློབ་དཔོན་ཤར་དང་གཟུངས་མ་ནུབ་ཏུ་ཕྱོགས་པས་བྷྲཱུཾ་ཛྙཱ་ན་མ་དྷ་ལ་ཧཱུྃ། ཞེས་ལན་གསུམ་བརྗོད་ཅིང་ལྟེ་བའི་ཐད་ཀྱི་བར་སྣང་ལ་གཡས་པའི་མཐེབ་མཛུབ་ཀྱིས་བཟུང༌། གཡོན་པས་ཐིག་སྐུད་བརྐྱང་ཞིང་སེ་གོལ་གཏོགས་པ་དང་བཅས་ཡེ་ཤེས་ཀྱི་ཐིག་ཚང་ཐིག་གཉིས་ཙམ་མམ། བཞི་དང༌། བརྒྱད་དང༌། བཅུ་དྲུག་པ་སོགས་ཐིག་སྐོར་མ་ནོར་བར་གདབ་ཅིང་ཐིག་གི་སྒྲ་ལས་བྲི་བྱའི་དཀྱིལ་འཁོར་ནམ་མཁའ་ལ་བཀྲ་ལམ་གྱིས་གསལ་བ་ལ་མཆོད་བསྟོད་ཀྱང་བྱ་བ་ཡིན་ཏེ། རྡོ་རྗེ་འབར་བ་ལས། ཐིག་སྐུད་ཡེ་ཤེས་ལྔ་ལྡན་པ། །ལྟེ་བར་ཁུ་ཚུར་གཡོན་གྱིས་བཟུང༌། །


JLAZ009_Page_0053
[མ་དཔེ་གཟིགས་ན་འདིར་གནོན།]

ལས་ཀུན་བྱེད་པས་བཟུང་ནས་ནི། །ནམ་མཁར་བཏབ་པས་རང་བཞིན་དང༌། །ཏིང་འཛིན་དཀྱིལ་འཁོར་གསལ་བར་བྱེད། །གཟུགས་བརྙན་གསལ་ཕྱིར་ས་ཐིག་གདབ། །ཅེས་སོ། །དེ་ནས་ཐིག་གདབ་པ་ནི། ཕྲིན་ལས་ཀྱི་རྒྱུད་ལས། ལྷ་དང་གཉིས་མེད་གནས་པའི་ཐིག །མཆོད་བྱས་ཡེ་ཤེས་ཐིག་ནི་གདབ། །གཉིས་པས་གཟུགས་བརྙན་ཐིག་གདབ་བོ། །ཞེས་པས། ཐིག་སྐུད་ཟུར་པ་ཡོད་ན་དང༌། མེད་ན་དེའི་ཡེ་ཤེས་པ་བཛྲ་མུས་གཤེགས་པ་ལ་ཐིག་སྐུད་གཉིས་པའི་ཐ་སྙད་བཏགས་པའི་ལས་ཐིག་དེ་ཉིད་བདུད་རྩི་ལྔ་དང་དཀར་ཆལ་གྱིས་སྦགས། ཐིག་ཆེན་བརྒྱད་ནས་བརྩམས་ཏེ་རིམ་པར་གདབ་ཚུལ་རྡོ་རྗེ་འབར་བ་ལས། ཤར་ནས་ནུབ་ལ་ལྷོ་ནས་བྱང༌། །ཕྱི་ཡི་ཕྱོགས་བཞིར་རབ་ཏུ་གདབ། །མེ་དང་བདེན་བྲལ་མཚམས་གནས་ཏེ། །གྲུ་ཡི་ཐིག་ནི་མཉམ་པར་གདབ། །ཅེས་དང༌། ཕྲིན་ལས་ཀྱི་རྒྱུད་ལས། ཚངས་ཐིག་དང་པོ་གདབ་པ་སྟེ། །ཚངས་ཐིག་གཉིས་པའང་དེ་བཞིན་གདབ། །དེ་བཞིན་ཕྱོགས་མཚམས་མ་འཁྲུལ་གདབ། །ཆ་བརྒྱད་དེ་བསྲེས་བཅུ་དྲུག་ཆ། །ཆ་ཕྲན་དྲུག་ཅུ་རྩ་བཞིར་གདབ། །དབུས་ཀྱི་ཕྱི་རོལ་བཅུ་དྲུག་བསྐོར། །ཕྱི་རིམ་སྒོ་དང་རྒྱན་དུ་བྱ། །ཞེས་བཤད་ཀྱང་རྒྱུད་ཐིག་འཇུག་པ་མི་བདེ་བས་


JLAZ009_Page_0054
[མ་དཔེ་གཟིགས་ན་འདིར་གནོན།]

མན་ངག་ཐིག་གིས་གསལ་བར་བྱས་པ་ནི། དང་པོ་ཚངས་ཟུར་ཐིག་ཆེན་བརྒྱད། །བྱ་རྗེས་ལ་བརྟེན་བཏབ་བྱས་ནས། །འཁོར་ལོའི་ཏོག་ནས་ཏོག་བར་གྱི། །མཚན་མ་ཚངས་ཐིག་རྩེ་ལ་བཏབ། །མཚན་མ་རེ་དང་ལྟེ་བའི་འཛོམ། །སྐེད་གཏུབས་ཟུར་ནས་གྲུ་བཞིར་གདབ། །རྩ་ཐིག་གམ་ནི་རྩིག་པའི་ནང༌། །རྩ་ཐིག་དེ་དང་མཚན་མའི་བར། །ཕྱེད་གཏུབས་དེའི་ཡང་ནང་གཤགས་པ། །སྒོ་ཚད་དམ་ནི་ཆ་ཆེན་གཉིས། །ཆ་ཆེན་ནང་མའི་མཐའ་གཉིས་གདབ། །རྩིག་པ་འདོད་སྣམ་ཕ་གུ་ཡིན། །ནང་མའི་ཕྱེད་གདབ་ཕྱི་མའང་གདབ། །དྲྭ་ཕྱེད་ཤར་བུ་མདའ་ཡབ་བོ། །སྒོ་དང་སྒོ་ཁྱུད་ལ་སོགས་ཕྱིར། །ཚངས་པའི་གཡས་གཡོན་ཆ་ཆེན་ནི། །གཉིས་རེ་གདབ་པའི་ནང་མ་ནི། །ཕྱེད་གདབ་ཕྱི་མའང་གདབ་པར་བྱ། །དེའི་ཕྱི་ཆ་ཕྲན་བཞི་རུ་བགོ །རིམ་བཞིན་སྒོ་ཁྱུད་སྒོ་འགྲམ་ལོགས། །རྩིགས་མུན་ཀ་བ་ཀ་རྒྱན་ནོ། །རྟ་བབས་བཞི་པོ་ཆ་ཕྲན་ཏེ། །དང་པོའི་ཞེང་དང་ཀ་རྒྱན་མཉམ། །གཉིས་གསུམ་བཞི་པ་ཆ་རེ་བསྐུམ། །ཆུ་སྐྱེས་ཞེང་ནི་སྒོ་ཚད་ལ། །སྲིད་དུ་ཆ་ཕྲན་གཅིག་ཉིད་དོ། །འཁོར་ལོ་སྲིད་ཞེང་ཆ་ཕྲན་གཉིས། །གདུགས་ནི་ཆ་ཕྲན་ཏོག་དང་བཅས། །མུན་མཐོང་གླང་རྒྱབ་དབྱིབས་བྱ་ཕྱིར། །རྟ་སྣམ་གཉིས་པའི་ཕྱི་ཐིག་དང༌། །


JLAZ009_Page_0055
[མ་དཔེ་གཟིགས་ན་འདིར་གནོན།]

ཚངས་ཐིག་རྒྱ་གྲམ་ཐེབས་ས་ནས། །ཆ་ཕྲན་གཉིས་བསྐོར་དབུས་མ་ཡིན། །རྟ་སྣམ་དང་པོའི་ཕྱི་ཐིག་དང༌། །སྒོ་ཆ་གཡས་གཡོན་ཕྲད་མཚམས་ནས། །རང་རང་ཆ་ཕྲན་གཉིས་གཉིས་བསྐོར། །ནང་ཐིག་ཕྱིས་པ་ཐིག་འདིི་ཕྱི་བསྔས་ན་མི་ཡོང་མུན་པ་སྦྲེལ། །དེ་ནས་ཀ་རྒྱན་རྩེར་བསྐྱེད་བསྐོར། །རྡོ་རྗེ་ར་བའི་ནང་ཐིག་ཡིན། །དེ་ནས་འཕྲད་གཉིས་གྱེན་དུ་གཅིག །ཕྱིན་ལ་ར་བའི་ཕྱི་མཐའ་བསྐོར། །ཕྱི་རིམ་པདྨ་ཆ་ཆེན་ཕྱེད། །མཚན་བཟང་སུམ་ཅུ་རྩ་གཉིས་གྲངས། །ལྷ་སྣམ་དུར་ཁྲོད་ཆ་ཆེན་རེ། །རྡོ་ར་ཆ་ཕྱེད་མེ་རི་གཅིག །ཅེས་འདོམས་སོ། །དེའི་ཚེ་ཐིག་ལ་མི་འགོང་བའི་འདུན་པ་བསྒྱུར་བའང༌། རྡོ་རྗེ་འབར་བ་ལས། ཡེ་ཤེས་ཐིག་ལ་མི་འགོང་སྟེ། །ཏིང་འཛིན་འོག་ནས་འཛུལ་བར་བྱ། །ཞེས་སོ། །དེ་ནས་ནང་དང་ལྷ་གནས་ཚུལ། །ལྟེ་བ་ཆ་ཆེན་བཞི་ཆེན་སྤྱི་དྲིལ་བཞི་ཟླུམ་སྐོར། བཞི་ཟླུམ་སྐོར། །དབུས་སུ་ཆོས་འབྱུང་མཐིང་ནག་བྲི། །ཕྱི་རོལ་རྩིབས་བཅུར་ཆ་ཆེན་གཅིག །ཆོས་འབྱུང་དབུས་སུ་གཙོ་བོའི་མཚན། །མདུན་དུ་སྒྲོལ་ཡུམ་ཟླ་གམ་དམར། །གསུམ་པོའི་གཡས་གཡོན་སྲས་བཞི་དང༌། །རྒྱབ་ཏུ་གཅིག་པའི་ལྷ་མཚན་བྱ། །རྩིབས་བཅུའི་སྟེང་མ་ཤར་གྱི་ཤར། །འོག་མ་ནུབ་ཀྱི་ནུབ་བྱས་པའི། །ཁྲོ་བཅུ་


JLAZ009_Page_0056
[མ་དཔེ་གཟིགས་ན་འདིར་གནོན།]

སོ་སོའི་ལྷ་མཚན་དང༌། །རྩིབས་མཆན་གཡས་གཡོན་ཕྲ་ཕྱག་བཀོད། །ཁྱམས་བཞིར་དབང་མོ་བདུན་བདུན་དང༌། །སྒོ་ལ་སྒོ་སྲུང་མུ་རན་ལ། །དམ་ཅན་བཅུ་གཉིས་རྒྱུད་སོ་སོའི། །རང་ལུགས་དེ་མ་ཐག་ཏུ་སྟོན། །ཆེ་ཆུང་གི་ཚད་ནི། སོར་བཞི་པ་ནས་བཟུང་ནས་ནི། །ཇི་སྲིད་དཔག་ཚད་རྒྱང་གྲགས་བར། །སེམས་ཅན་བསམ་པའི་དབང་གིས་ནི། །ཚད་རྣམས་ངེས་པ་མ་གསུངས་སོ། །ཞེས་བཤད་ཀྱང༌། རེ་ཞིག་གནས་དང་འབྱོར་བའི་དབང་དུ་བྱས་ན་ཡེ་ཤེས་རྩེ་མོ་ལས། སོར་མོ་ཉིས་བརྒྱ་རྩ་བཅུ་བརྒྱད། །མཁས་པས་དཀྱིལ་འཁོར་ཚད་དུ་བྱ། །ཞེས་སོ། །དུར་ཁྲོད་ལས་བྱུང་བའི་ཚོན་རྣམས་ཀྱང་དཔའ་བོ་འབྲུ་ལྔས་བརླབས་ཏེ་དགྱེ་བའི་ཚུལ་ཕྲིན་ལས་ཀྱི་རྒྱུད་ལས། སྔོན་པོ་ལ་སོགས་ཚོན་རྣམས་ནི། །དཔའ་བོ་འབྲུ་ལྔས་བྱིན་གྱིས་བརླབས། །གཞུང་དང་མཐུན་པར་ཚོན་བཀྱེ་སྟེ། །ཞེས་དང༌། གཞན་ཡང༌། རྡུལ་ཚོན་ཁ་བ་བབ་པ་བཞིན། །གཡས་ནས་བསྐོར་ཏེ་རྒྱུན་མི་གཅད། །ཅེས་སོ། །རྣམ་པ་ནི། རྡོ་རྗེ་འབར་བ་ལས། གྲུ་བཞི་པ་ལ་སྒོ་བཞི་པ། །འཁོར་ལོ་རྩིབས་བརྒྱད་མུ་ཁྱུད་བཅས། །བར་ཁྱམས་གསེར་ཁྱམས་ཁྲག་ཁྱམས་གཉིས་དགོས་པ་འོག་གི་ཤེས་སོ། །སྒོ་ཁྱུད་ལྡན་པ་ལ། །རྟ་བབས་ཀྱིས་ནི་


JLAZ009_Page_0057
[མ་དཔེ་གཟིགས་ན་འདིར་གནོན།]

མཛེས་པ་དང༌། །ཧཱ་ར་ཧཱ་ར་ཕྱེད་ཉི་ཟླ། །དྲིལ་བུ་དར་དཔྱངས་འཕན་ལ་སོགས། །ཐོད་སྦྲུལ་ཉི་ཟླས་བརྒྱན་ པ་ལ། །ཞེས་སོ། །ཚོན་ཐོབ་ནི། ཀརྨ་ཀུ་རུའི་རྒྱུད་ལས་ཀྱང༌། །ལྟེ་བ་ནག་པོ་འཁོར་ལོ་སེར། །དེ་ཡི་གོང་རས་ནག་པོར་བྱ། །གསེར་ཁྱམས་དབང་ཕྱུག་ཉེར་བརྒྱད་ཀྱི་གནས་ཡེ་ཤེས་རྩེ་མོ་ལས་བཤད་པའི་རྣམ་པར་གསོད་བྱེད་ཀྱི་ཁྲོ་བོ་རྣམས་ཀྱི་གནས་མཚོན་པ་ཡིན་ནོ། །སེར་ལ་ཁྲག་ཁྱམས་དམར། །གྲུ་ཆད་ལྗང་གུ་ལྕགས་རི་ནག །ཅེས་པ་དང་ཡང་བསྟུན་ནོ། །གཞན་ཡང་གསང་བའི་དགོངས་རྒྱུད་ལས། འཁོར་ལོ་བརྒྱད་ཐིག་དག་ཏུ་གདབ། །དབུས་སུ་དྲག་པོ་གྲུ་གསུམ་ལ། །ཟླ་གམ་དམར་པོ་དབང་གི་ཚུལ། །ཟླུམ་པོ་གོང་རས་གྲུ་བཞི་རྒྱས་པའོ། །གྲུ་ཆད་བཞིས་ནི་རྣམ་པར་བརྒྱན། །གྲུ་བཞི་སྒོ་ཁྱུད་བཞི་དང་ལྡན། །ཅེས་དང༌། ལས་བཞི་སོ་སོའི་དཀྱིལ་འཁོར་གྱི་རྣམ་བཞག་ཀྱང་དེའི་ལེའུ་གསུམ་པས་སྟོན་ལ། གཞན་རྣམས་སྒྲུབ་ཐབས་དང་བསྟུན་པར་བྱའོ། །དེའི་ཚེ་སྤྱོད་ལམ་གཟབ་པའི་ཚུལ་ཡང༌། སྐུད་པ་ཆད་ན་སློབ་དཔོན་འཆི། །ཐིག་སྣ་ཤོར་ན་སློབ་བུ་འཆི། །ཕྱོགས་འཁྲུལ་པས་ནི་གཉིས་ཀ་ཉམས། །རྒྱུན་ཆད་ལམ་ལ་གནོད་པར་འགྱུར། །དེ་ཕྱིར་མཁས་པས་བསྒྲིམས་ཏེ་བྱ། །ཞེས་དང༌། དེ་ཡང་ཐོག་མར་སློབ་དཔོན་དང་དེ་ནས་


JLAZ009_Page_0058
[མ་དཔེ་གཟིགས་ན་འདིར་གནོན།]

དཔོན་སློབ་ཐམས་ཅད་ཀྱིས་གཡས་སུ་འཁོར་བར་སྲབ་འཐུག་མེད་ཅིང་སྙོམས་པར་བྲིས་ནས་རྩིགས་པ་སྦྲེལ་བའི་ཚེ་པྲ་བརྟག་པའི་ཚུལ་ཡང་ཀུ་ཀུ་རཱ་ཛས། རེ་ཁཱ་དམའ་བས་མི་འགྲུབ་ཅིང༌། །ཡོན་པོས་གདུང་བ་སྐྱེད་པར་བྱེད། །ཆད་པས་སློབ་དཔོན་སློབ་མ་དག །འཆི་འམ་ན་བར་འགྱུར་བ་ཡིན། །ཆད་ལྷག་ལས་ནི་ནད་འབྱུང་ཞིང༌། །ཕྱོགས་འཁྲུལ་རྨོངས་པའི་གནས་སུ་འགྱུར། །ཞེས་པ་ལྟར་རོ། །དེ་ནས་སློབ་དཔོན་ནམ་རྒྱལ་ཚབ་ཀྱིས་ལྷ་མཚན་དགོད་པའི་ཚུལ་ནི་ཡེ་ཤེས་རྩེ་མོ་ལས། ལས་ལ་ལུང་ཐོབ་གང་ཡིན་པས། །ཕྱག་རྒྱ་དགོད་པ་བརྩམ་པར་བྱ། །དབུས་མ་མཉམ་པ་ནི་རྡོ་རྗེ། །མིག་སྨན་གྱི་ནི་མདོག་དང་འདྲ། །གཙོ་བོའི་གྲངས་དང་མཉམ་པ་ཡི། །རྩེ་མོ་འཕྲོ་བ་དབུས་སུ་བཞག །རྩིབས་བརྒྱད་པ་ནི་འབར་བ་སྟེ། །མདུན་དུ་ཡང་དག་གནས་པར་བྱ། །རྡོ་རྗེ་མཛེས་པ་དེ་ལྟར་རོ། །འོད་ཟེར་དུ་མའི་རིན་པོ་ཆེ། །རང་གི་གནས་སུ་གཞག་པར་བྱ། །ཞེས་པའི་ལྟེ་བ་ལ་རྡོ་རྗེ་རྩེ་གསུམ་ནག་པོ་དང༌། སྲས་མཆོག་ལྔ་ལ་སོ་སོའི་རིགས་ཀྱི་ཕྱག་མཚན་རང་མདོག །རྩིབས་བརྒྱད་ལ་ཁྲོ་བཅུ་སོ་སོའི་རིགས་ཀྱི་མཚན་མ་ཡོངས་དག་གི་རྒྱུད་དང་བསྟུན་ན། བརྒྱ་བྱིན་ཕྱོགས་སུ་རྡོ་རྗེ་ཁ་གདངས་བྲི། །མེར་ནི་རྡོ་རྗེ་རིན་ཆེན་བྲི། །གཤིན་


JLAZ009_Page_0059
[མ་དཔེ་གཟིགས་ན་འདིར་གནོན།]

རྗེའི་ཕྱོགས་སུ་རྡོ་རྗེ་མདའ། །བདེན་བྲལ་ཕྱོགས་སུ་རྡོ་རྗེ་གཞུ། །ཆུ་བདག་རྡོ་རྗེ་ཀྱོ་བ་བྲི། །རླུང་གི་ཕྱོགས་སུ་རྡོ་རྗེ་མེ། །གནོད་སྦྱིན་ཕྱོགས་སུ་རྡོ་རྗེ་དབྱུག །དབང་ལྡན་རྡོ་རྗེ་རྩེ་གསུམ་བྲི། །ཤར་སྟོད་རྡོ་རྗེ་ཐོད་པ་འབྲི། །ནུབ་སྨད་རྡོ་རྗེ་རྐང་པ་ཐོང་གཤོལ། བྲི། །ཞེས་སོ། །དེ་ཡང་སྟེང་རྣམ་རྒྱལ་ཤར་གྱི་ཤར་དང༌། འོག་སྟོབས་པོ་ཆེ་ནུབ་ཀྱི་ནུབ་ཏུ་བཀོད་ཅིང་རྩིབས་མཆན་རྣམས་ལ་ཕུར་པ་གཉིས་གཉིས་དང་ལྷག་མ་རྣམས་ནི། ཀརྨ་ཀུ་རུའི་རྒྱུད་ལས། དེ་ཡི་ཕྱི་རོལ་སྣམ་བུ་ལ། །སྲུང་མ་རྣམས་ནི་སྤེལ་མར་བཀོད། །སྒོ་ལ་སྒོ་མ་བཞི་རྣམས་ཏེ། །ལྕགས་རི་ལ་ནི་དབང་ཕྱུག་མ། །དོན་གྱི་སངས་རྒྱས་ཡིན་མོད་ཀྱང༌། །བྲན་གྱི་ཚུལ་དུ་མུ་རན་བཞུགས། །ཞེས་བཤད་ཀྱང་འདིར་རྩ་བཤད་ཀྱི་རྗེས་སུ་འབྲངས་ནས་དབང་མོ་ཉེར་བརྒྱད་ཁྱམས་ཀྱི་ཕྱོགས་བཞིར་བཞུགས་པ་ལྟར་བཀོད་དོ། །དེ་ལྟར་བཀོད་ནས་སྟ་གོན་གྱི་དུས་ན་ཡེ་ཤེས་པ་ནམ་མཁར་བཞུགས་པ་རྣམས་ཕྱག་རྒྱ་བཞི་སྔགས་དང་བཅས་པ་དལ་ལ་བསྟིམ་མོ། །དེ་ནས་རྒྱན་དང་མཆོད་རྫས་དགྲམ་པའི་ཚུལ་ཡང་གསང་རྒྱུད་ལས། ཕྱི་ནང་གསང་བའི་མཆོད་རྫས་དང༌། །མདའ་དང་ཕུར་བུ་རལ་གྲི་དང༌། །མེ་ལོང་དར་སྣ་སྲུང་སྐུད་དང༌། །ཞེས་དང༌།


JLAZ009_Page_0060
[མ་དཔེ་གཟིགས་ན་འདིར་གནོན།]

ཕྲིན་ལས་ཀྱི་རྒྱུད་ལས། དྲག་པོའི་རྫས་རྣམས་རབ་ཏུ་གསོག །ལྷུ་དུམ་བཅད་འཕྲོ་དུམ་བུ་དང༌། །སྒལ་ཚིགས་ཀླད་པ་ཁྲག་དང་མགོ །གྲུ་གསུམ་མཐིང་ནག་གཏོར་མ་བཅས། །དུག་སོགས་དྲག་པོའི་རྫས་རྣམས་བསྔགས། །མཁའ་འགྲོའི་རྫས་དང་བཅས་པ་ནི། །བསགས་ཏེ་མཆོད་པ་བྱ་བ་ཡིན། །ཞེས་པས་དཀྱིལ་འཁོར་གྱི་རྒྱན་དང་མཆོད་རྫས་དྲག་པོར་འོས་པ་དག་དང༌། སྔར་སྟ་གོན་དུ་གྲུབ་པའི་བུམ་པ་གསུམ་ལ་སོགས་དབང་རྫས་རྣམས་མ་ཚང་བ་མེད་པར་འདུ་བྱའོ། །གཉིས་པ་དབང་གི་བྱ་བ་ལ་གསུམ། དཀྱིལ་འཁོར་སྒྲུབ་པ་དང༌། བདག་ཉིད་འཇུག་ པ་དང༌། གཞན་ལ་དབང་བསྐུར་བའོ། །དང་པོ་ནི། རྩ་རྒྱུད་ལས། རྫས་རྣམས་ཕུན་སུམ་ཚོགས་ལྡན་པ། །ལྷ་རྣམས་བསྒྲུབ་པ་ཚུལ་བཞིན་བྱ། །ཞེས་པས་བསྐྱེད་རྫོགས་ལ་གོམས་པ་བརྟན་པས་བདག་མདུན་བུམ་གསུམ་འཇུག་པ་གཅིག་པའང་རུང་ལ། མོས་པས་སྤྱོད་པ་རྣམས་ནི་སོ་སོར་ཆོ་ག་ཐ་དད་པས་དམིགས་རྣམ་ཕྱེད་པ་ཉིད་ལེགས་སོ། །གཉིས་པ་བདག་འཇུག་ནི། གསང་དགོངས་ལས། གསོལ་གདབ་དབང་ཡང་ནོད་པར་བྱ། །སྐུ་དང་གསུང་དང་ཐུགས་དང་ནི། །ཡོན་ཏན་ཕྲིན་ལས་ལྔ་རུ་བསྐུར། །ཕྱོགས་བཅུ་སྲོག་ལ་དབང་བསྐུར་བས། །


JLAZ009_Page_0061
[མ་དཔེ་གཟིགས་ན་འདིར་གནོན།]

སྲོག་ནི་ཡེ་ཤེས་གྱུར་ནས་ནི། །ཁམས་གསུམ་སྒྲོལ་བའི་དབང་བསྐུར་རོ། །ཞེས་ཕྱོགས་བཅུའི་དེ་བཞིན་གཤེགས་པ་སྲས་དང་བཅས་པ་གདན་གསུམ་ཚང་བའི་དཀྱིལ་འཁོར་གྱི་ལྷའི་རྣམ་པར་སྤྱན་དྲངས་ཏེ། རིག་པའི་དབང་ལྔ་བསྐུར་བའི་བྱ་བ་མཛད་པའི་ཚེ་བདེ་སྟོང་ཟུང་དུ་འཇུག་པའི་ཉམས་གསར་དུ་སྐྱེས་པ་ལ་དབང་རྣམ་པ་བཞིའི་རིམ་པ་དང༌། བྱང་ཆུབ་སེམས་ཀྱི་རང་བཞིན་བུམ་དབང་གི་ཆུས་དྲི་མ་མཐའ་དག་སྦྱངས་ནས། ཆུ་ལྷག་མ་གྱེན་དུ་ལྡོག་པ་ཉིད་རིགས་ལྔའི་དབུ་རྒྱན་དུ་གྱུར་པར་མོས་པ་ནི་དཀྱིལ་འཁོར་གསུམ་གྱི་སྲོག་ཡེ་ཤེས་སུ་དབང་བསྐུར་བ་དང༌། དེ་ལས་བདག་ཉིད་ཀྱང་གདོད་ནས་གྲུབ་པའི་དཀྱིལ་འཁོར་དུ་གསལ་བའི་གནས་གསུམ་དུ་སྐུ་གསུང་ཐུགས་ཀྱི་ལྷ་གསུམ་ལ་ཕྱག་མཚན་གསུམ་དང་ས་བོན་གསུམ་གྱིས་མཚན་པ་ལས་འོད་ཟེར་འཕྲོས། ཁམས་གསུམ་གྱི་སེམས་ཅན་ཐམས་ཅད་ཀྱི་ལས་དང་ཉོན་མོངས་པ་སྦྱངས། མ་རྟོགས་པར་འཁོར་བའི་རང་བཞིན་རྟོགས་པ་བྱང་ཆུབ་ཀྱི་སེམས་སུ་བསྒྲལ་ནས་བདག་དང་གཉིས་སུ་མེད་པར་བསྡུ་བ་ནི་ཁམས་གསུམ་གྱི་སྲོག་ལ་དབང་བསྐུར་བ་ཞེས་བྱ་སྟེ། སྔ་མ་ལས། ཁམས་གསུམ་ཡེ་ནས་སངས་རྒྱས་ཡིན། །རྟོག་པའི་དབང་གིས་འཁོར་བ་རྣམས། །


JLAZ009_Page_0062
[མ་དཔེ་གཟིགས་ན་འདིར་གནོན།]

གཉིས་མེད་བྱང་ཆུབ་སེམས་སུ་བསྒྲལ། །སླར་འདུས་བདག་ལ་དབང་བསྐུར་རོ། །ཞེས་སོ། །འདི་ནི་ཕུར་པ་རང་ལུགས་ཀྱི་བདག་འཇུག་གི་དོན་པོ་སྔོན་ཆད་གཞན་གྱིས་མ་རྟོགས་པ་མང་སྟེ། རྣམ་པའི་བྱ་བ་སློབ་མ་ལ་ཇི་ལྟར་བསྐུར་བའི་ཆོ་གས་འཇུག་གོ །གསུམ་པ་ལ་གཉིས། དཀྱིལ་འཁོར་དུ་གཞུག་པ་དང༌། དེ་ལ་དབང་བསྐུར་བའོ། །དང་པོ་ནི། རྩ་རྒྱུད་ལས། དར་དཀར་ཡོལ་བ་བྲེས་པ་རུ། །རྫས་དང་ལག་ཆ་ཀུན་བཀྲམ་ནས། །སློབ་མ་ལྔའམ་གཅིག་ཀྱང་རུང༌། །གདོང་གཡོགས་དར་གྱིས་རབ་དཀྲིས་ལ། །དག་པའི་ཁྲུས་ཀྱིས་བཀྲུས་བྱས་ ནས། །རིན་ཆེན་སྣ་ཚོགས་སྙིམ་པར་བཟུང༌། །ཞེས་དང༌། སྐུ་གསུང་ཐུགས་ཀྱི་ཡིག་འབྲུ་ཡིས། །དེ་ཡི་ལུས་ངག་ཡིད་གསུམ་བཀྲུ། །ཞེས་པས་འབྲུ་གསུམ་བསྡུས་པའི་ལས་བུམ་གྱིས་ཁྲུས་བྱ། སློབ་མའི་བདུད་དང་བགེགས་བསལ་ཏེ། །ཡོན་ནི་ཁས་ནི་ལེན་དུ་གཞུག །ཅེས་པས་བགེགས་བསལ་བའི་ཕྱིར་ཕྱི་རོལ་པ་ལ་གཏོར་མ་བྱིན་ནས་བསྐྲད་པ་དང༌། བདུད་བསལ་བའི་ཕྱིར་རྒྱུད་ལས། ཁྲོ་བོ་ཡིག་འབྲུ་ཕྱག་མཚན་གྱི། །འཕྲོ་འདུས་བར་དུ་གཅོད་པ་བསལ། །ཅེས་པས་ཁྲོ་མོ་རྡོ་རྗེ་སྡེར་མོ་སོགས་ཀྱི་དྲག་སྔགས་བཟླས་པའི་ལས་བུམ་གྱི་ཁྲུས་ནས་དབྱུང་བ་དང༌།


JLAZ009_Page_0063
[མ་དཔེ་གཟིགས་ན་འདིར་གནོན།]

བློ་བཅོས་པའི་ཆོས་བཤད་པ་སོགས་སྤྱི་ལྟར་བྱས་ནས། ཡིད་མཆོག་ཏུ་བྱ་བའི་ཕྱིར་མིག་དར། བཛྲ་ཙཀྵུ་བྷནྡྷ་ཝ་ར་མ་ན་ཡེ་སྭཱ་ཧཱ། ཞེས་འཆིང་། ཨ་ཁཾ་ཝཱི་ར་ཧཱུཾ། ཞེས་ནམ་མཁའི་དཔའ་བོ་བོས་ནས་མེ་ཏོག་གཏད་པས་རིགས་ལྔའི་ས་བོན་རང་རང་ལས་སྐྱེས་པའི་མེ་ཏོག་གི་ཕྲེང་བ་སོ་སོའི་ས་བོན་གྱིས་མཚན་པ་རེ་སྙིམ་པར་བཟུང་བར་བསྒོམ། དེ་ནས་སློབ་མ་རྣམས་ཀྱིས་ཡོལ་བའི་ཕྱི་རོལ་ནས་གསོལ་བ་གདབ་པ་ནི། བཤད་རྒྱུད་ལས། ཁྲག་འཐུང་རྡོ་རྗེ་ཧེ་རུ་ཀ །བདག་གི་བདུད་རྩི་ལྔས་མཆོད་དེ། །བདག་ནི་རབ་ཏུ་བསྒྲལ་ སླད་དུ། །མི་ཕྱེད་རྡོ་རྗེ་བདག་ལ་སྩོལ། །ལན་གསུམ། སློབ་དཔོན་གྱིས། སྐལ་ལྡན་རིག་འཛིན་རིགས་ཀྱི་བུ། །ལྷག་པའི་བསམ་པ་བཟང་པོའི་ཕྱིར། །ད་ལྟའི་དུས་ནས་སེམས་བསྐྱེད་ནས། །བུ་ཁྱོད་དགའ་བ་ཅི་ལ་དགའ། །ཞེས་པའི་ལན་དུ་སློབ་བུས། བདག་ནི་སྐལ་བཟང་བདེ་ཆེན་ལ། །བདེ་ཆེན་མཆོག་ལ་བདག་དགའ་སྟེ། །བླ་མེད་བྱང་ཆུབ་ཐོབ་བྱའི་ཕྱིར། །ཁྲག་འཐུང་དཔལ་ལ་བདག་དགའོ། ཞེས་བརྗོད་པ་ལ་དམ་ཚིག་བསྒྲགས་ནས་སྡོམ་པ་ཐུན་མོང་བ་བྱིན་པ་ནི། ཕྲིན་ལས་ཀྱི་རྒྱུད་ལས། དྲག་པོའི་ལས་ཀྱི་དཀྱིལ་འཁོར་འདིར། །རིགས་ཀྱི་བུ་


JLAZ009_Page_0064
[མ་དཔེ་གཟིགས་ན་འདིར་གནོན།]

ཁྱོད་འཇུག་པར་བྱོས། །སྤྱི་དང་ཁྱད་པར་ལྷག་པ་ཡི། །དམ་ཚིག་གཉན་ལས་ཁྱོད་མ་འདའ། །དཀྱིལ་འཁོར་གསང་བ་མ་མཐོང་ཞིང༌། །གསང་བ་དམ་པ་མ་མཐོང་ལ། །གསང་བ་དམ་པ་སྨྲ་མ་བྱེད། །ཁྱོད་ཀྱིས་སེམས་ཅན་སྲོག་མ་གཅོད། །མ་བྱིན་ལེན་པ་རྫུན་ལ་སོགས། །མི་དགེའི་ལས་རྣམས་སྤང་བར་བགྱི། །ཞེས་དང༌། ཐེག་ཆེན་གྱི་རིགས་སད་པར་བྱེད་པའི་སྨོན་འཇུག་སྟབས་གཅིག་པ་སྔར་སྟ་གོན་བཞིན་དུ་བྱེད་ནས་རྡོ་རྗེའི་རྣལ་འབྱོར་དུ་སེམས་བསྐྱེད་པའི་ཕྱིར་གསོལ་བ་གདབ་པ་ནི། རྩ་རྒྱུད་ལས་རྡོ་རྗེ་ཡེ་ཤེས་ཆེན་པོ་ཡི། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་སྟེ། །དེ་རིང་བདག་ལ་དབང་བསྐུར་ཤོག །དེ་བཞིན་གཤེགས་པ་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་ཆེ། །མ་ལུས་གཞུང་བཞིན་བསྒྲུབ་ནས་ནི། །སྐུ་གསུང་ཐུགས་ཀྱི་ཕུར་པ་བཞིན། །ཡེ་ཤེས་རྡོ་རྗེ་དཀྱིལ་འཁོར་དུ། །བདག་གིས་དད་པས་འཇུག་པར་བགྱི། །རྡོ་རྗེ་འཇོམས་བྱེད་ཆེན་པོ་ཡིས། །བདག་ལ་དབང་མཆོག་དེ་རིང་གསོལ། །ལན་གསུམ། སློབ་དཔོན་གྱིས། ང་ནི་ཡེ་ཤེས་རྡོ་རྗེ་སྟེ། །ཉོན་མོངས་རྣམ་རྟོག་འཇོམས་པའི་ཕྱིར། །འཇོམས་བྱེད་རྡོ་རྗེ་ཆེན་པོ་འདི། །དེ་རིང་


JLAZ009_Page_0065
[མ་དཔེ་གཟིགས་ན་འདིར་གནོན།]

ཁྱོད་ལ་སྦྱིན་པར་བྱ། །ཞེས་བརྗོད་ནས་སློབ་བུའི་སྙིང་གར་རྡོ་རྗེ་བཞག་ལ། ཁྱོད་གཞན་དོན་དུ་སངས་རྒྱས་སྒྲུབ་པར་འདུན་པའི་ཀུན་རྫོབ་བྱང་ཆུབ་ཀྱི་སེམས་དེ་ཉིད་སྙིང་གར་ཟླ་བ་ཉ་གང་བའི་སྟེང་དུ། དོན་དམ་པའི་བྱང་ཆུབ་ཀྱི་སེམས་རྡོ་རྗེ་རྩེ་ལྔ་པ་འོད་ཟེར་ལྔ་ལྡན་གྱི་རྣམ་པ་ཅན་དུ་སྒོམ་ལ་ཐམས་ཅད་རྣལ་འབྱོར་དུ་སེམས་བསྐྱེད་པ་འདིའི་རྗེས་ཟློས་མཛོད། ཨཱོཾ་སརྦ་ཡོ་ག་ཙིཏྟ་ཨུཏྤ་ཏ་ཡ་མཱི། ཞེས་ལན་གསུམ། འཇོམས་བྱེད་ཆེན་པོའི་དཀྱིལ་འཁོར་དུ། །སྐུ་གསུང་ཐུགས་ཀྱི་རྡོ་རྗེ་ཆེ། །རྣམ་རྟོག་འཇོམས་ཕྱིར་ཡེ་ཤེས་གསལ། །སངས་རྒྱས་བདག་ལ་དབང་ལྡན་ཤོག །ཅེས་སྨོན་ལམ་གདབ། དེ་ནས་སྔགས་སྡོམ་བྱེ་བྲག་པ་གཟུང་བའི་ཕྱིར་མོས་པ་བརྟན་པོས་འདིའི་རྗེས་ཟློས་མཛོད། ཅེས་བརྡའ་འཕྲོད་པར་བྱས་ལ། ཧཱུྃ། སངས་རྒྱས་ཀུན་གྱི་འགྲུབ་པའི་གཞི། །བླ་མེད་རྡོ་རྗེའི་དམ་ཚིག་སྟེ། །དམ་ཚིག་འདི་ནི་གཟུང་བར་བགྱི། །བླ་མ་རྡོ་རྗེ་སློབ་དཔོན་དང༌། །དཀོན་མཆོག་མཁའ་འགྲོ་མ་ཡང་གཟུང༌། །ཕྱག་རྒྱ་སྔགས་རྣམས་རྒྱུན་མི་གཅད། །ཡང་དག་ལམ་དུ་ཞུགས་ལ་བྱམས། །གསང་བ་ཆེན་པོ་སྨྲ་མི་བྱ། །འདི་ནི་རྩ་བ་ལྔ་རྣམས་གཟུང༌། །བསྒྲུབ་དང་བསྲུང་བའི་དམ་ཚིག་མཆོག །ཞེ་སྡང་


JLAZ009_Page_0066
[མ་དཔེ་གཟིགས་ན་འདིར་གནོན།]

གཏི་མུག་ཆགས་ང་རྒྱལ། །དཀར་དམར་ལྗང་སེར་མཐིང་གའི་མདོག །དག་པའི་སྣོད་བཅུད་མི་དོར་རོ། །ཡན་ལག་བཅུ་ཡི་དམ་ཚིག་མདོ། །བདག་གིས་བརྟན་པོར་གཟུང་བར་བགྱི། །ནམ་དུ་ཡང་ནི་མི་སྤང་ངོ༌། །ལན་གསུམ་གྱིས་སྔགས་སྡོམ་ཐོབ་པར་ངེས་ཤེས་བསྐྱེད་དོ། །དེ་ནས་དམ་ལ་བཞག་པ་ནི། དབང་ཐོབ་བྱ་དཀྱིལ་འཁོར་གྱི་བྱ་བ་ལ་བརྟེན་ནས་ཐོབ་ཀྱང༌། དབང་འཛིན་པ་དམ་ཚིག་ལ་བརྟེན་ནས་འཛིན་པ་ཡིན་པས་ནན་ཏུར་དུ་སྨོས་པ་སྟེ་རང་སྔགས་ཀྱིས་བཟློས་པའི་དམ་ཆུ་བྱིན་ལ། དེ་རིང་ཁྱོད་ཀྱི་སྙིང་ལ་ནི། །རྡོ་རྗེ་སེམས་དཔའ་ཡང་དག་གནས། །གལ་ཏེ་ཚུལ་འདི་དྲལ་གྱུར་ན། །སྐད་ཅིག་གིས་ནི་དྲལ་ཏེ་གཤེགས། །དེ་བས་དམ་ལས་མ་འདའ་ཞིག །ཨཱོཾ་བཛྲ་རོད་ཋ་ཀ་ཧཱུྃ། དེ་རིང་ཕན་ཆད་བུ་ཁྱོད་ཀྱི། །ཕྱག་ན་རྡོ་རྗེ་ང་ཡིན་གྱི། །ང་ཡིས་སྨྲས་པ་ཐམས་ཅད་ཀྱང༌། །ངེས་པ་ཁོ་ནར་བྱ་དགོས་སོ། །བདག་ལ་སྨད་པར་མ་བྱེད་ཅིག །གལ་ཏེ་སྨད་པར་བྱས་ན་ནི། །ཚེ་ཡི་འདུ་བྱེད་བྱས་ནས་ཀྱང༌། །དམ་ཆུ་འདི་ཡིས་རྐྱེན་བྱས་ནས། །རྡོ་རྗེ་དམྱལ་བར་འགྱུར་ཏ་རེ། །སྐལ་དང་ལྡན་པ་རིགས་ཀྱི་བུ། །ཁྱོད་ཀྱིས་བསྲུང་བར་བྱ་བ་ནི། །ལྷ་དང་བླ་མ་སྤུན་མི་སྤང༌། །སྔགས་དང་ཕྱག་རྒྱ་རྒྱུན་མི་བཅད། །གསང་བ་


JLAZ009_Page_0067
[མ་དཔེ་གཟིགས་ན་འདིར་གནོན།]

གཞན་ལ་སྤེལ་མི་བྱ། །སྐུ་གསུང་ཐུགས་ཀྱི་དམ་ཚིག་སྟེ། །རྩ་བའི་དམ་ཚིག་ངེས་ཐུབ་ན། །དམ་ཆུ་འདི་ཡིས་རྐྱེན་བྱས་ནས། །ཡེ་ཤེས་སེམས་དཔའ་ཉིད་དུ་འགྱུར། །ཞེས་དང༌། གསང་དགོངས་ལས། ཁྱོད་ལ་དམ་ཚིག་འབོག་པ་ནི། །ཡི་དམ་ལྷ་ལ་རྟག་པར་གནས། །སྔགས་དང་ཕྱག་རྒྱ་རྒྱུན་མི་གཅད། །བླ་མ་མིག་གི་འབྲས་ལྟར་བལྟ། །རྡོ་རྗེ་སྤུན་ལ་བརྩེ་གདུང་ཆེ། །གསང་བའི་མན་ངག་ཐབས་མཆོག་འདི། །སྣོད་ངན་གཞན་ལ་མི་སྤེལ་ལོ། །རྒྱུད་འགྲེལ་བློ་ཞེན་བསྒྲུབ་ལ་ཞུགས། །སྦྱོར་སྒྲོལ་མཆོད་པ་རྒྱུན་མི་གཅད། །རྫས་དང་ལག་ཆ་རྟག་ཏུ་འཆོངས། །ལྟ་བ་ནམ་མཁའ་བཅོས་པ་མེད། །སྒོམ་པ་ངང་བཞག་བླང་དོར་བྲལ། །སྤྱོད་པ་ས་གཞི་བཞིན་དུ་གྱིས། །དམ་ཚིག་འཇིག་པའི་མཁར་བཞིན་བསྲུང༌། །གསང་བའི་དམ་ཚིག་འདའ་བར་དཀའ། །གསང་སྔགས་སྟོན་པའི་སློབ་དཔོན་ལ། །སྨད་སེམས་འཕྱ་སེམས་བྱས་ན་ནི། །དངོས་གྲུབ་མེད་ཅིང་དམྱལ་བར་ལྟུང༌། །སྲོག་ལ་བར་ཆད་མྱུར་དུ་འོང༌། །ཨ་མྲྀ་ཏ་ན་རཀྐན། ཞེས་བརྗོད་དེ་ནས་ལྷ་དང་སྐལ་བ་མཉམ་པའི་རྟེན་འབྲེལ་སྒྲིག་ཕྱིར་འཇུག་པ་དངོས་ནི། རྒྱུད་ལས། ཁྲུས་དང་གཙང་སྦྲ་དྲི་ཞིམ་ལུས། །སྣ་ཚོགས་


JLAZ009_Page_0068
[མ་དཔེ་གཟིགས་ན་འདིར་གནོན།]

རྒྱན་གྱིས་རྣམ་པར་བརྒྱན། །ཧཱུྃ་སྙེམས་བྱམས་པའི་སྒྲ་ཡང་སྒྲོགས། །ཧི་ཧི་འཇིགས་པའི་སྒོ་ཕྱེ་ནས། །དཀྱིལ་འཁོར་ཆེན་པོར་ཞུགས་པར་གྱུར། །ཞེས་པས། ཧཱུྃ་ཛཿབཾ་ཧོཿ ཧི་ཧི། ཞེས་ཚད་མེད་བཞི་དང་མཐུན་པའི་སྒོ་དབྱེ་བར་བསམ་ཞིང༌། སློབ་མའི་ལག་པ་ནས་བཟུང་ལ་ཤར་སྒོ་ནས་རིམ་པར་གཡས་སྐོར་གྱི་སྒོ་བཞིར་ཁྲིད་པར་མོས་ལ། ཨོཾ་རཏྣ་པུཥྤ་ཨ་བཱི་ར་ཧཱུྃ་ཁཾ། ཞེས་ཀྱང་བརྗོད། སློབ་མ་རྣམས་ཀྱིས། ཨོཾ་ནཱ་མ་ཏེ་ཧཱུྃ། ཨོཾ་ནཱ་མ་མི་ཧཱུྃ། ཨོཾ་ན་མོ་ནཱ་མ་ཧཱུྃ། ཞེས་སྒོ་སོ་སོར་སྐུ་གསུང་ཐུགས་ཕྱག་བྱ་བ་ཡན་ནི་ཕྱི་འཇུག་གོ །ནང་འཇུག་ནི། ཐོག་མར་སློབ་མའི་རྣམ་སྨིན་གྱི་ཕུང་པོ་སྦྱངས་ནས་དཀྱིལ་འཁོར་གྱི་བདག་པོའི་སྲས་སུ་བྱ་བའི་ཚུལ་བཤད་རྒྱུད་ལས། སྲས་ཀྱི་མཆོག་ཏུ་རབ་ཏུ་དམིགས། །ཁྲག་འཐུང་འདུས་པའི་དཀྱིལ་འཁོར་ལ། །དབང་ནི་རབ་ཏུ་བླང་བར་བྱ། །ཞེས་པས་དང་པོར་གསོལ་བ་གདབ་པ་ནི། ཧཱུྃ། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་ཉིད་ལས། །འབར་བའི་ཁྲོ་བོ་མི་བཟད་པའི། །སྐུ་ཡི་དབྱིག་ཏུ་སྲས་བསྐྱེད་ཅིག །ཅེས་བརྗོད་པས། དཀྱིལ་འཁོར་གྱི་བདག་པོ་ཡབ་ཡུམ་བདེ་བ་ཆེན་པོའི་རྦ་རླབས་གཡོས། ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུྃ་ཧཱུྃ་


JLAZ009_Page_0069
[མ་དཔེ་གཟིགས་ན་འདིར་གནོན།]

ཕཊ། ཅེས་བརྗོད་པའི་སྒྲ་དང་འོད་ཟེར་གྱིས་སློབ་མའི་རྣམ་སྨིན་གྱི་ཕུང་པོ་སྦྱངས། རྣམ་པར་ཤེས་པ་ལ་ངོ་བོ་ཉིད་མེད་པ་ནི་ཆོས་ཀྱི་སྐུ། དེའི་ངང་ལས་ལོངས་སྤྱོད་རྫོགས་པའི་རང་བཞིན་ཧཱུྃ་དུ་གྱུར་པ་ཡབ་ཀྱི་ཞལ་ནས་དྲངས། ཡུམ་གྱི་བྷ་གར་རྡོ་རྗེ་གཞོན་ནུར་སྨིན་པས་སྐུ་གསུམ་རྫོགས། བཛྲ་ས་མ་ཡ་ཛཿཞེས་བརྗོད་པས་ཕྱིར་ཕྱུང་སྟེ་ཡབ་ཀྱི་ཕྱག་རིགས་ལྔ་ཡབ་ཡུམ་དུ་གྱུར་པས་བླང༌། ས་མ་ཡ་ཧོཿ ས་མ་ཡ་སྟྭཾ། ཞེས་བརྗོད་པས་བདེ་བའི་རླབས་ཀྱིས་དབང་བཞི་བསྐུར། དེ་ལ་ཡེ་ཤེས་དབབ་པའི་ཕྱིར་སྤོས་རོལ་བྱ་ཞིང་རྫས་ཀྱི་སྦྱོར་བ་དམིགས་བསལ་བསྲེག་པ་དང་བཅས། ཧཱུྃ། ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་པ། །དབང་དང་བྱིན་རླབས་བདག་གསོལ་ཅིག །སངས་རྒྱས་འདུས་པ་ཐམས་ཅད་ཀྱིས། །སྐུ་གསུང་ཐུགས་སུ་བྱིན་གྱིས་རློབས། །ཨོཾ་བཛྲ་ཀཱི་ལི་ཀཱི་ལ་ཡ་ཨཱ་བེ་ཤ་ཡ་ཧཱུྃ་ཕཊ། ཅེས་ལན་མང་དུ་བརྗོད་ཅིང༌། སློབ་མས་ལུས་ངག་ཡིད་གསུམ་དྲང་པོར་བཞག་པས་འདར་བ་དང༌། གཡོ་བ་དང༌། སཾ་སྐྲྀ་ཏའི་སྒྲ་དང༌། བརྡའ་སྐད་དང༌། གླུ་དང༌། ཉམས་དགའ་བ་དང༌། བག་ཕེབས་པ་དང༌། རྟོགས་པ་ཐོད་རྒལ་དུ་སྐྱེ་བ་ནི་


JLAZ009_Page_0070
[མ་དཔེ་གཟིགས་ན་འདིར་གནོན།]

དབང་ལས་བྱུང་བའི་ཡེ་ཤེས་མ་ནོར་བ་ཉིད་དེ། མདོར་ན་སྒོ་གསུམ་ལ་བླང་དོར་མེད་པའི་སྤྱོད་པ་སྣ་ཚོགས་འཆར་རོ། །ཕེབས་རྟགས་བྱུང་མ་ཐག་སྤྱི་བོར་རྡོ་རྗེ་རྒྱ་གྲམ་འཇོག་ཅིང་། ཨཱོཾ་བཛྲ་ཀཱི་ལི་ཀཱི་ལ་ཡ། མ་གུ་ལ་པྲ་ཏ་ལ་ཧཱུྃ་ཕཊ། ཅེས་བརྗོད་པས་བརྟན་པར་བྱ། དེ་ནས་རིགས་དང་ལས་འབྲེལ་བརྟག་པའི་ཕྱིར་དཀྱིལ་འཁོར་དངོས་སམ། རེ་ཁཱའི་ནང་དུ་མེ་ཏོག་སྔོན་པོ་སྣ་ཚོགས་ཕྱི་རོལ་དུ་མ་འདས་པར་དོར་ཞིང་བཤད་རྒྱུད་ལས། ཧཱུྃ། དུར་ཁྲོད་གསང་བ་མཆོག་གི་དཀྱིལ་འཁོར་དུ། །རྡོ་རྗེ་རིགས་ཀྱི་མེ་ཏོག་དོར་ནས་ཀྱང༌། །ཁྲག་འཐུང་རྡོ་རྗེ་རིགས་ཀྱི་ལྷ་ཚོགས་ཀྱི། །སྐུ་གསུང་ཐུགས་ཀྱི་དངོས་གྲུབ་རབ་འབྱམས་རྣམས། །སྐལ་ལྡན་རིག་འཛིན་བདག་ལ་སྩལ་དུ་གསོལ། །བདག་ནི་རྡོ་རྗེའི་རིགས་སུ་གཟུང་དུ་གསོལ། །ཨཱོཾ་བོ་དྷི་ཙིཏྟ་པཱུ་ཙ་ཧོ། དེ་ནས་བླ་མས་རིགས་དེ་དང་མཐུན་པའི་མིང་གདགས་ཤིང་དངོས་གྲུབ་ཐོབ་པར་ལུང་བསྟན་ནས་ལྷག་པའི་ལྷ་དེས་རྗེས་སུ་འཛིན་པའི་རྟེན་འབྲེལ་སྒྲིག་ཕྱིར་སླར་ཅོད་པན་སྤྱི་བོར་བཅིངས་ཤིང་། དེ་རིང་ཕན་ཆད་བུ་ཁྱོད་ཀྱི། །མིང་ནི་རྡོ་རྗེ་ཆེ་གེ་མོ། །རྡོ་རྗེ་ཀུན་གྲགས་ཡིན་པར་ངེས། །རྡོ་རྗེའི་མཚན་གྱིས་ཀུན་གྲགས་ཤོག །ཅེས་དང་། དུར་ཁྲོད་གསང་བ་མཆོག་གི་དཀྱིལ་འཁོར་དུ། །བྱང་ཆུབ་རྡོ་རྗེ་ལམ་


JLAZ009_Page_0071
[མ་དཔེ་གཟིགས་ན་འདིར་གནོན།]

ནས་སྤྱན་དྲངས་ནས། །ཁྲག་འཐུང་རྡོ་རྗེ་རིགས་ཀྱི་ལྷ་ཚོགས་ཀྱི། །སྐུ་གསུང་ཐུགས་ཀྱི་དངོས་གྲུབ་རབ་འབྱམས་རྣམས། །སྐལ་ལྡན་རིག་འཛིན་ཁྱོད་ལ་སྦྱིན་པར་བྱ། །པུཥྤེ་ཨཱ་ཝེ་ཤ་ཡ་ཨ་ཨཱ། ཞེས་བརྗོད། དེ་ནས་མིག་དབྱེ་བ་ནི་རྩ་བཤད་ཀྱི་རྒྱུད་ལས་དངོས་སུ་མ་བསྟན་ཀྱང༌། རྣལ་འབྱོར་ཆེན་པོ་ལས། མིག་དབྱེ་དཀྱིལ་འཁོར་དོན་རྟགས་རབ་ཏུ་བསྟན། །ཞེས་པས། སློབ་དཔོན་གྱིས་མིག་ཐུར་ཐོགས་ལ། སྔོན་ཚེ་མིག་མཁན་རྒྱལ་པོ་ཡིས། །གསེར་གྱི་གཙགས་བུ་ཐོགས་ནས་ནི། །མིག་གི་ལིང་ཏོག་བསལ་བ་ལྟར། །ཐུགས་རྗེ་ཡེ་ཤེས་ཐབས་ལྡན་པས། །མི་ཤེས་རྨོངས་པའི་རབ་རིབ་དང༌། །མ་རིག་མུན་པ་བསལ་དུ་གསོལ། །དེང་ཁྱོད་རྡོ་རྗེ་སེམས་ཀྱིས་ནི། །མིག་ཀུན་ངེས་པར་འབྱེད་མཛད་པའི། །མིག་འབྱེད་པ་ལ་བརྩོན་པར་བྱེད། །རྡོ་རྗེའི་མིག་ཏུ་བླ་མེད་འགྱུར། །ཨཱོཾ་བཛྲ་ཛྙཱ་ན་ཙཀྵུ་པྲ་ཝེ་ཤ་ཕཊ། ཅེས་གདོང་གཡོགས་ཕྱེ། དེ་ནས་དཀྱིལ་འཁོར་བསྟན་པ་ནི། ཆོས་རྣམས་གཟུགས་བརྙན་འདྲ་བ་ཡི། །རང་བཞིན་དག་པར་རྙོག་པ་མེད། །གཟུགས་བརྙན་གསལ་བའི་དཀྱིལ་འཁོར་དུ། །ཀུན་གྱིས་དྲི་མ་མེད་མཐོང་ཤོག །དཀྱིལ་འཁོར་ཉིད་ལ་ད་ལྟ་ཉིད། །དད་པའི་ཤུགས་ཀྱིས་བལྟ་བར་གྱིས། །ཁྱེད་ཀྱང་སངས་


JLAZ009_Page_0072
[མ་དཔེ་གཟིགས་ན་འདིར་གནོན།]

རྒྱས་རིགས་ལས་སྐྱེས། །སྔགས་དང་ཕྱག་རྒྱའི་བྱིན་རླབས་ཀྱིས། །དཀྱིལ་འཁོར་བཟང་པོ་འདི་ལ་ལྟོས། །བཛྲ་མཎྜལ་པྲ་ཝེ་ཤ་ཡ་ཧོཿཨེ་མ་སྣོད་དང་ལྡན་པའི་བུ། །ཁྱོད་ནི་དཀྱིལ་འཁོར་ཆེན་པོ་འདིའི། །ཚོན་རྩི་མཐོང་བས་སྡིག་ལས་གྲོལ། །དེ་ཕྱིར་དད་པ་རབ་ཏུ་བསྐྱེད། །རྟགས་ཀྱི་དཀྱིལ་འཁོར་ཆེན་པོ་ནི། །དོན་གྱི་འོག་མིན་ཉིད་ཡིན་ཏེ། །བྱང་ཆུབ་ཕྱོགས་ཀྱི་ཆོས་ཀུན་དང༌། །ས་ལམ་འབྲས་བུའི་ཡོན་ཏན་རྫོགས། །དེ་ན་བཞུགས་པའི་སངས་རྒྱས་ཀུན། །རང་གི་སེམས་སུ་ཤེས་པར་གྱིས། །སེམས་ནི་ཆོས་ཉིད་ལ་གནས་པས། །རང་བྱུང་ལྷུན་གྲུབ་དཀྱིལ་འཁོར་ཡིན། །ཞེས་མཐོང་བ་སྤྱིར་བསྟན་ནོ། །སྤྲོས་པ་ལ་དགའ་ཞིང་རྟེན་དང་བརྟེན་པའི་དག་སྦྱོར་ཇི་བཞིན་དུ་རྟོགས་པར་འདོད་ན་དག་པ་རྒྱས་པར་བརྗོད་པ་ལ་གཉིས། དང་པོ་རྟེན་གཞལ་ཡས་ཁང་གི་དག་པ་ནི་གསང་དགོངས་ལས། གཞལ་ཡས་གསལ་བའི་དོན་རྟགས་ནི། །གཞལ་ཡས་གྲུ་བཞིར་བྱུང་བ་ནི། །ཚད་མེད་བཞི་ཡི་དོན་རྟགས་ཡིན། །ཕྱོགས་བཞིར་སྒོ་བཞི་བྱུང་བ་ནི། །རྣམ་ཐར་ཡེ་ཤེས་དོན་རྟགས་ཡིན། །རྟ་བབས་ཡང་དག་སྤོང་བ་བཞི། །ཡེ་ནས་རྣམ་པར་དག་པའི་དོན་རྟགས་ཡིན། །དྲྭ་བ་དྲྭ་ཕྱེད་བརྒྱན་པ་ནི། །ཉོན་མོངས་གནས་སུ་དག་པའི་དོན་རྟགས་ཡིན། །


JLAZ009_Page_0073
[མ་དཔེ་གཟིགས་ན་འདིར་གནོན།]

ཞིང་སྨུག་ཀ་བ་བརྒྱད་བཏེགས་པ། །འཕགས་པའི་ལམ་བརྒྱད་དོན་རྟགས་ཡིན། །ཚངས་པའི་གདུང་ལྔ་བཀྱེ་བ་ནི། །དུག་ལྔ་གནས་སུ་དག་པའི་དོན་རྟགས་ཡིན། །ཉི་ཟླའི་ཀ་གདན་ཀ་གཞུ་ནི། །ཐབས་དང་ཤེས་རབ་དོན་རྟགས་ཡིན། །ཞིང་གི་ཡ་ཁལ་མ་ཁལ་གྱིས། །ཡ་ཐེམ་མ་ཐེམ་བྱས་པ་ནི། །ཕ་མའི་ཆགས་སྡང་གནས་སུ་དག་པའི་དོན་རྟགས་ཡིན། །སྦྲུལ་ནག་སྐྱེས་བུ་བྱས་པ་ནི། །འཁོར་བ་ཞེ་སྡང་བསད་པའི་དོན་རྟགས་ཡིན། །དུར་ཁྲོད་ཆེན་པོས་བརྒྱན་པ་ནི། །ཉོན་མོངས་ཆོ་འཕྲུལ་སྔོན་དུ་ཕྱུང༌། །ཡང་སྤྲུལ་སུམ་སྤྲུལ་གཏོད་ཅིང་ཟབ་པའི་དོན་རྟགས་ཡིན། །འདོད་ཡོན་ལྷ་མོས་བརྒྱན་པ་ནི། །ལོངས་སྤྱོད་ལྔ་ལྡན་དོན་རྟགས་ཡིན། །རིན་ཆེན་ཕ་གུ་ལ་སོགས་བརྒྱན། །ཚུལ་ཁྲིམས་རྣམ་པར་དག་པའི་རྟགས། །རིན་ཆེན་སྣ་ལྔའི་རྩིག་པས་བརྒྱན། །ཡེ་ཤེས་ལྔ་ཡི་དོན་རྟགས་ཡིན། །ཟུར་སྒོར་རྒྱལ་མཚན་བཞི་ཡིས་བརྒྱན་པ་ནི། །རྣམ་རྟོག་བདུད་ལས་རྒྱལ་བའི་དོན་རྟགས་ཡིན། །དཔག་བསམ་ཤིང་གིས་རྒྱན་པ་ནི། །ཐུགས་རྗེས་ཡོངས་ལ་ཁྱབ་པའི་དོན་རྟགས་ཡིན། །རི་དྭགས་ཤ་རས་བརྒྱན་པ་ནི། །བྱང་ཆུབ་སེམས་དཔས་བསྐོར་བའི་དོན་རྟགས་ཡིན། །ཆོས་ཀྱི་འཁོར་ལོ་བསྐོར་བ་ནི། །ས་བཅུའི་བྱང་ཆུབ་


JLAZ009_Page_0074
[མ་དཔེ་གཟིགས་ན་འདིར་གནོན།]

སེམས་དཔའ་ལ། །ཆོས་ཀྱི་འཁོར་ལོ་བསྐོར་བའི་དོན་རྟགས་ཡིན། །ཞིང་གི་གདུགས་དང་འཕན་གྱིས་བརྒྱན་པ་ནི། །ས་ལ་གནས་པའི་བྱང་ཆུབ་སེམས་དཔའ་ལ། །སོ་སོར་ཡང་དག་དོན་ནི་སྟོན་པའི་རྟགས། །ནང་ནི་ཐོད་པའི་གཞལ་ཡས་ཁང༌། །གཟུང་འཛིན་གཉིས་དང་བྲལ་བའི་དོན་རྟགས་ཡིན། །དབུས་སུ་གྲུ་གསུམ་མཐིང་ནག་བྱུང་བ་ནི། །ཆོས་ཀྱི་དབྱིངས་ཉིད་སྐྱེ་མེད་ལས། །སྐུ་གསུང་ཐུགས་གསུམ་བྱུང་བའི་དོན་རྟགས་ཡིན། །ཟླ་གམ་དམར་པོ་གསུམ་དུ་བྱུང་བ་ནི། །སྲིད་གསུམ་དབང་དུ་སྡུད་པའི་དོན་རྟགས་ཡིན། །འཁོར་ལོ་རྩིབས་བརྒྱད་བྱུང་བ་ནི། །དོན་གྱི་འཁོར་ལོ་རྒྱས་པར་བསྐོར་བའི་དོན་རྟགས་ཡིན། །ཕོ་བྲང་ཟླུམ་པོར་བྱུང་བ་ནི། །སྐྱེ་མེད་ལྷུན་གྱིས་གྲུབ་པའི་དོན་རྟགས་ཡིན། །དཀར་པོ་ཟླུམ་པོར་བྱུང་བ་ནི། །ཞི་བ་ཆེན་པོའི་དོན་རྟགས་ཡིན། །སེར་པོ་གྲུ་བཞིར་བྱུང་བ་ནི། །རྒྱས་པ་ཆེན་པོའི་དོན་རྟགས་ཡིན། །རྡོ་རྗེ་ར་བས་བསྐོར་བ་ནི། །ཐུགས་ནི་ཡང་དག་དོན་རྟགས་ཡིན། །ཞེས་སོ། །དེ་ཡང་ནང་དུ་རྡོ་རྗེ་ཕུང་པོའི་གྲོང་ཁྱེར་ལ་ཚང་བའི་ཚུལ་ནི། གསང་དགོངས་ལས། རྐང་པ་རླུང་གི་དལ་ཡིན་ཏེ། །འདོམས་ནི་མེ་ཡི་དཀྱིལ་འཁོར་རོ། །གསུས་པ་ཆུ་ཡི་དཀྱིལ་འཁོར་ཏེ། །ཕོ་བ་ས་ཡི་དཀྱིལ་འཁོར་ཡིན། །བྲག་ནི་


JLAZ009_Page_0075
[མ་དཔེ་གཟིགས་ན་འདིར་གནོན།]

ཀེང་རུས་རི་རབ་སྟེ། །མགོ་བོ་ཐོད་པའི་གཞལ་ཡས་ཁང༌། །རྩ་གནས་དབུས་ན་ལྷ་ཚོགས་བཞུགས། །ཞེས་པས་རྡོ་རྗེའི་ལུས་ནི་གསང་སྔགས་བླ་མེད་ཀྱི་གདོད་ནས་གྲུབ་པའི་དཀྱིལ་འཁོར་ཆེན་པོ་ཡིན་ཏེ། འདོམ་གང་གྲུ་བཞི་པས་དལ་གྲུ་བཞི་ཡོད་པ་མཚོན། འཁོར་ལོ་ལྔ་ནི་དབུས་ཀྱི་ཕོ་བྲང་ཆེན་པོ། ཁ་སྣ་དང་འོག་སྒོ་གཉིས་ནི་འཇུག་པའི་སྒོ་བཞི། མིག་གཉིས་དང་རྣ་བ་གཉིས་ནི་ལྐོག་གྱུར་ཡེ་ཤེས་ཆེན་པོའི་སྒོ་བཞི། སྙིང་གི་ཕྱོགས་བཞི་ནས་འབྱུང་བཞིའི་རླུང་རྒྱུ་བས་བར་གྱི་སྒོ་བཞི། རྐང་བརྒྱད་ཀ་བ། རྩ་བརྒྱད་གདུང་མ། རྩ་ཕྲན་དྲལ་ལྕམ། རུས་པ་རྩིགས་པ། ཤ་ནི་འདོད་སྣམ། ཚིལ་བུ་ཕ་གུ། རུས་པ་དྲྭ་ཕྱེད། སེན་མོ་ཤར་བུ། སོར་མོ་མདའ་ཡབ། ཚིགས་པ་རྟ་བབས། རྣ་བ་རི་དྭགས། ཐོད་ལྤགས་གདུགས། སྐྲ་རྣམས་དར་དཔྱངས། ཚངས་བུག་ཏོག །པགས་པ་རྡོ་རྗེའི་གུར། བ་སྤུ་མེ་རི། ཕྱི་རོལ་གྱི་རྩ་རྣམས་སྲུང་བའི་འཁོར་ལོའི་རིམ་པའོ། །དེ་དག་ཀྱང་གསང་བར་རང་སེམས་ལ་ཚང་སྟེ། སེམས་ཉིད་ལ་མཐའ་དབུས་མེད་པས་སྟོང་པ་ནམ་མཁའི་དལ། སེམས་གཅིག་ཏུ་མི་གནས་པས་གཡོ་བ་རླུང་གི་དལ། སེམས་ལས་ཡོན་ཏན་ཐམས་ཅད་འབྱུང་བས་


JLAZ009_Page_0076
[མ་དཔེ་གཟིགས་ན་འདིར་གནོན།]

གཤེར་བ་ཆུའི་དལ། སེམས་གང་གིས་ཀྱང་མི་བཤིགས་པས་སྲ་བ་སའི་དལ། སེམས་ཀྱི་རང་བཞིན་འོད་གསལ་ཞིང་རྣོ་བས་བསྲེགས་པ་མེའི་དལ། སེམས་ལ་འཁོར་འདས་ཐམས་ཅད་བརྟན་པས་རི་རབ། སེམས་ལ་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་འདུས་པས་གཞལ་ཡས་ཁང༌། ཀུན་གཞིའི་རྣམ་ཤེས་རྒྱ་མ་ཆད་པས་ལྟེ་བ་ཟླུམ་པོ། ཉོན་མོངས་པའི་ཡིད་ཟུར་རྣོ་བས་ལྷ་སྣམ་གྲུ་བཞི། ཡིད་ཀྱི་རྣམ་ཤེས་གདངས་ཕྱེད་པས་རྟ་བབས། སྒོ་ལྔའི་རྣམ་ཤེས་ཀུན་ཏུ་འཇུག་པས་སྒོ་བཞི་བ་གླང་མིག་དང་བཅས་པ་སྟེ། རྒྱུ་དུས་ན་རྩ་ཐིག་རླུང་གསུམ་གྱི་དག་བྱའི་སྒྲིབ་པ་ཉིད་འདིར་ཕྱི་ནང་གཞན་གསུམ་གྱི་དཀྱིལ་འཁོར་དུ་ཤར་བའི་བརྡའ་དོན་རྟགས་གསུམ་གྱིས་མཚོན་པར་བྱས་པས་དོན་གྱི་ཡེ་ཤེས་ཕྱི་རོལ་ནས་བཙལ་དུ་མེད་པའི་གནས་ལུགས་མཐོང་བ་ཡིན་ནོ། །གཉིས་པ་ནི་གཞལ་ཡས་ཁང་དེ་ན་བཞུགས་པའི་བརྟེན་པ་ལྷའི་ཚོགས་དེ་དག་ཀྱང་འཁོར་བ་དང་རྣམ་པ་མཐུན་པའི་ཁྲོ་གཏུམ་ཅན་རང་རྒྱུད་པར་བཟུང་ན་རཱུ་ཏྲ་དང་སྲིན་པོ་བཞིན་དུ་འཁོར་བའི་གོ་འཕང་ལས་གཞན་དུ་མ་ཡིན་པའི་ཚུལ་བཤད་པའི་རྒྱུད་ལས། ལྷ་ཉིད་གཞི་རྩ་མ་བྲལ་ན། །ཡང་དག་དོན་གྱི་ཕུར་པ་མིན། །འཛིན་པས་བཅིངས་པའི་ལྷ་ཉིད་ནི། །གཞི་


JLAZ009_Page_0077
[མ་དཔེ་གཟིགས་ན་འདིར་གནོན།]

དང་རྩ་བ་བཅས་པ་སྟེ། །ངེས་པ་ཅན་དུ་གྱུར་པས་ན། །བྱ་བཙལ་མེད་པའི་ཡེ་ཤེས་མིན། །དོན་གྱི་ཕུར་པ་གཞི་རྩ་བྲལ། །སྣང་བ་ཙམ་དུ་བསྟན་པ་སྟེ། །རང་རང་རྒྱུད་དུ་འཛིན་པ་མེད། །ཅེས་པས་ཆོས་སྐུའི་དབྱིངས་ལས་རེ་ཞིག་གཟུགས་སྐུའི་རྣམ་པར་རོལ་པ་བརྡའ་དང་རྟགས་ཀྱིས་མཚོན་པར་བརྟན་པའི་རྣམ་དག་འདི་ལྟར་དུ་བལྟ་བར་བྱ་སྟེ་བཤད་རྒྱུད་ལས། དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན། །དབུ་གསུམ་རྣམ་ཐར་གསུམ་གྱི་དབུ། །དབུས་ནི་མཐིང་གར་བསྟན་པ་ནི། །ཆོས་ཀྱི་སྐུ་ལ་འགྱུར་བ་མེད་པ་དང༌། །ཞེ་སྡང་རྩད་ནས་གཅོད་པའི་རྟགས། །གཡས་ནི་དཀར་བར་བསྟན་པ་ནི། །ཆོས་ཀྱི་སྐུ་ལ་ཉེས་པ་མེད་པ་དང༌། །ཉོན་མོངས་ནང་དུ་དག་པའི་ཕྱིར། །གཡོན་ནི་དམར་བར་བསྟན་པ་ནི། །ཐུགས་རྗེ་ཐབས་ཀྱི་ཆགས་པ་དང༌། །འདོད་ཆགས་རྩད་ནས་བཅད་པའི་རྟགས། །སྤྱན་མིག་དགུ་རུ་བསྟན་པ་ནི། །འཁོར་བའི་ས་དགུ་འཇོམས་པ་དང༌། །ཐེག་པ་དགུ་དང་ལྡན་པའི་ཕྱིར། །མཆེ་བ་བཅུ་གཉིས་བསྟན་པ་ནི། །སྐྱེ་མཆེད་བཅུ་གཉིས་རྩད་ནས་གཅོད་པ་དང༌། །ཤ་ཟ་གདུག་པའི་མཆེ་བ་དམར་བའི་ཕྱིར། །ཤངས་ནི་གསུམ་དུ་བསྟན་པ་ནི། །སྐུ་གསུམ་ལྷུན་གྱིས་གྲུབ་པ་དང༌། །དུག་གསུམ་རྩད་ནས་གཅོད་


JLAZ009_Page_0078
[མ་དཔེ་གཟིགས་ན་འདིར་གནོན།]

པའི་ཕྱིར། །ཞལ་ནི་གསུམ་དུ་བསྟན་པ་ནི། །དུག་གསུམ་ཞལ་དུ་གསོལ་བ་དང༌། །སྟོང་གསུམ་སྒྲ་ཡིས་དགང་བའི་ཕྱིར། །བ་སྤུ་གྱེན་དུ་འཁྱིལ་བར་བསྟན་པ་ནི། །ཁམས་གསུམ་འཁོར་བའི་གནས་ནས་དྲང་བ་དང༌། །སྐུ་གསུམ་ལྷུན་གྱིས་གྲུབ་པའི་ས་ལ་དགོད་པའི་ཕྱིར། །རལ་པ་ཁམ་ནག་གྱེན་དུ་འཁྱིལ་བར་བསྟན་པ་ནི། །གདུག་པ་ཅན་རྣམས་དབང་དུ་བསྡུ་བ་དང༌། །སྲིད་པའི་རྩེ་མོ་ཟིལ་གྱིས་གནོན་པའི་ཕྱིར། །ཕྱག་དྲུག་ཡེ་ཤེས་དྲུག་གི་རང་བཞིན་ཏེ༑ །གཡས་ཀྱི་དང་པོ་རྡོ་རྗེ་རྩེ་དགུ་བསྣམས་པ་ནི། །ས་དགུ་ལྷུན་གྱིས་གྲུབ་པ་དང༌། །ཐེག་པ་དགུ་དང་ལྡན་པའི་ཕྱིར། །བར་པ་རྡོ་རྗེ་རྩེ་ལྔ་བསྣམས་པ་ནི། །ཡེ་ཤེས་ལྔ་དང་ལྡན་པ་དང༌། །རིགས་ལྔ་འགྲོ་བའི་དོན་མཛད་ཕྱིར། །གཡོན་གྱི་དང་པོ་མེ་དཔུང་བསྣམས་པ་ནི། །ཡེ་ཤེས་མེ་རུ་འབར་བ་ དང༌། །འཁོར་བ་ཉོན་མོངས་བསྲེག་པའི་ཕྱིར། །གཡོན་གྱི་བར་མ་ཁ་ཊྭཱཾ་རྩེ་གསུམ་བསྣམས་པར་བསྟན་པ་ནི། །དུག་གསུམ་རྩད་ནས་གཅོད་པ་དང༌། །རིགས་གསུམ་མགོན་པོ་རྣམས་དང་གཉིས་སུ་མེད་པའི་ཕྱིར། །གཡས་གཡོན་ཐ་མ་རྡོ་རྗེ་རི་རབ་ཕུར་བུ་འདྲིལ་བར་བསྟན་པ་ནི། །ཐབས་དང་ཤེས་རབ་གཉིས་སུ་མེད་པ་སྟེ། །ཁམས་གསུམ་གདུག་པ་མ་


JLAZ009_Page_0079
[མ་དཔེ་གཟིགས་ན་འདིར་གནོན།]

ལུས་བསྒྲལ་བའི་ཕྱིར། །དུར་ཁྲོད་ཆས་བརྒྱད་སྐུ་ལ་གསོལ་བ་ནི། །རྣམ་ཤེས་ཚོགས་བརྒྱད་རྩད་ནས་གཅོད་པའི་རྟགས། །གླང་ཆེན་ཀོ་རློན་སྐུ་ལ་གསོལ་བར་བསྟན་པ་ནི། །གཏི་མུག་རྩད་ནས་བཅད་ནས་ཀྱང༌། །ཐུགས་རྗེ་ཐབས་དང་ལྡན་པའི་ཕྱིར། །ཞིང་ཆེན་གཡང་གཞི་སྐུ་ལ་གསོལ་བར་བསྟན་པ་ནི། །འདོད་ཆགས་རྩད་ནས་གཅོད་པ་དང༌། །ཐུགས་རྗེ་ཆགས་པར་ལྡན་པའི་ཕྱིར། །སྟག་གི་ཤམ་ཐབས་སྐུ་ལ་བརྒྱན་པ་ནི། །ཞེ་སྡང་རྩད་ནས་བཅད་པ་དང༌། །ཐུགས་རྗེ་ཐབས་དང་ལྡན་པའི་ཕྱིར། །ཐོད་པ་སྐམ་པོས་དབུ་ལ་བརྒྱན་པ་ནི། །ཆོས་ཀྱི་སྐུ་དང་གཉིས་སུ་མེད་པ་དང༌། །སྐྱེ་བ་མེད་པའི་དོན་རྣམས་གྲུབ་པའི་ཕྱིར། །ཐོད་པ་རྙིང་པས་སྐུ་ལ་བརྒྱན་པར་བསྟན་པ་ནི། །ལོངས་སྤྱོད་སྐུ་དང་གཉིས་སུ་མེད་པ་དང༌། །ཐམས་ཅད་ཀུན་ཏུ་ལོངས་སྐུར་བསམ་མི་ཁྱབ་པའི་ཕྱིར། །ཐོད་པ་ཚལ་བུས་སྐུ་ལ་བརྒྱན་པར་བསྟན་པ་ནི། །སྤྲུལ་པའི་སྐུ་དང་གཉིས་སུ་མེད་པ་དང༌། །སྤྲུལ་སྐུ་འགྲོ་བའི་དོན་དུ་ཅིར་ཡང་སྣང༌། །ཞག་གི་ཟོ་རིས་སྐུ་ལ་བརྒྱན་པ་ནི། །འདས་པའི་སངས་རྒྱས་རྣམས་དང་གཉིས་སུ་མེད་པ་དང༌། །མར་མེ་མཛད་དང་བསྟན་པ་གཅིག་པའི་ཕྱིར། །ཐལ་ཆེན་ཚོམ་བུས་སྐུ་ལ་བརྒྱན་པ་ནི། །ད་


JLAZ009_Page_0080
[མ་དཔེ་གཟིགས་ན་འདིར་གནོན།]

ལྟར་སངས་རྒྱས་རྣམས་དང་གཉིས་སུ་མེད་པ་དང༌། །བཅོམ་ལྡན་འདས་དང་སྐལ་བ་གཅིག་པའི་ཕྱིར། །རཀྟའི་ཐིག་ལེས་སྐུ་ལ་བརྒྱན་པ་ནི། །མ་བྱོན་སངས་རྒྱས་རྣམས་དང་གཉིས་སུ་མེད་པ་དང༌། །རྒྱལ་བ་བྱམས་པའི་བསྟན་པ་གཅིག་པའི་ཕྱིར། །རྡོ་རྗེ་གཤོག་པས་སྐུ་ལ་བརྒྱན་པ་ནི། །མ་མོ་མཁའ་འགྲོ་ཟིལ་གྱིས་གནོན་པ་དང༌། །ཐམས་ཅད་ཀུན་ཏུ་དབང་དུ་སྡུད་པའི་ཕྱིར། །སྦྲུལ་ཆེན་རིགས་བཞིས་སྐུ་ལ་བརྒྱན་པར་བསྟན་པ་ནི། །གདུག་པ་ཀླུ་རྣམས་རྩད་ནས་གཅོད་པ་དང༌། །ཞེ་སྡང་འཇོམས་པའི་རྒྱན་ནི་རིགས་བཞིར་བསྟན་པའི་ཕྱིར། །ཞབས་བཞི་མངོན་པར་བསྟན་པ་ནི། །རྫུ་འཕྲུལ་བཞི་ཡི་རང་བཞིན་ཏེ། །གཡས་གཉིས་བསྐུམ་པར་བསྟན་པ་ནི། །ཕོ་གཉིས་འགྲམ་པར་བརྫིས་པ་དང༌། །ཐབས་ཉིད་ཤེས་རབ་རང་བཞིན་ཏེ། །གཡོན་གཉིས་བརྐྱང་བར་བསྟན་པ་ནི། །མོ་ཉིད་ནུ་ཕྲག་བརྫིས་པ་དང༌། །ཤེས་རབ་ཐབས་ཀྱི་རང་བཞིན་ཕྱིར། །རྡོ་རྗེ་བ་སྤུ་ཁྲོ་བོས་གཏམས་པར་བསྟན་པ་ནི། །འཇིགས་པ་མེད་པར་དབང་དུ་སྡུད་པ་དང༌། །ཐམས་ཅད་ཀུན་ཏུ་སྤྲུལ་པར་ཁྱབ་པ་དང༌། །འཇིགས་མེད་ཁྲོ་བོ་འདུལ་བའི་ལྷ། །འཁོར་ལོ་རྒྱས་འདེབས་དགྱེས་པ་སྐོང་བའི་ཡུམ། །རྡོ་རྗེ་རིགས་ཀྱི་གཙོ་མོ་ཡུམ་ཆེན་མོ། །སྐུ་མདོག་མཐིང་བར་བསྟན་པ་ནི། །


JLAZ009_Page_0081
[མ་དཔེ་གཟིགས་ན་འདིར་གནོན།]

འགྱུར་བ་མེད་པའི་རང་བཞིན་ཏེ། །ཐམས་ཅད་ཆོས་སྐུར་གཅིག་པ་དང༌། །དོན་རྣམས་ཐམས་ཅད་ཐུགས་སུ་ཆུད་པའི་ཕྱིར། །སྤྱན་མིག་གཉིས་སུ་བསྟན་ པ་ནི། །ཐབས་དང་ཤེས་རབ་གཉིས་སུ་མེད་པ་དང༌། །འཁོར་འདས་གཉིས་ལ་གཟིགས་པའི་ཕྱིར། །ཞལ་ནི་གཅིག་ཏུ་བསྟན་པ་ནི། །ཡབ་ལ་དགྱེས་པར་བཞད་པ་དང༌། །དུག་ལྔ་ཞལ་དུ་གསོལ་བའི་ཕྱིར། །མཆེ་བ་བཞི་རུ་བསྟན་པ་ནི། །སྐྱེ་བ་རྣམ་བཞི་རྩད་ནས་གཅོད་པ་དང༌། །གདུག་པའི་ཚེམས་འདྲ་རྔམ་པའི་ཤ་ཟའི་ཕྱིར། །ཤངས་ནི་གཅིག་ཏུ་བསྟན་པ་ནི། །ཆོས་རྣམས་ཆོས་སྐུར་གཅིག་པ་དང༌། །དྲི་ཡི་མཆོད་པ་མཉམ་པའི་ཕྱིར། །གཡས་པ་ཡབ་ལ་འཁྱུད་པ་ནི། །ཤེས་རབ་ཐབས་ལ་ཆགས་པ་དང༌། །དགྱེས་པ་ཆེན་པོ་བསྐང་བའི་ཕྱིར། །གཡོན་པ་བྷནྡྷ་རཀྟ་བསྣམས་པ་ནི། །ཡུམ་གྱི་ཆགས་པ་སེལ་བ་དང༌། །འདོད་ཆགས་རྩད་ནས་གཅོད་པའི་ཕྱིར། །དུར་ཁྲོད་ཆས་བརྒྱད་སྐུ་ལ་གསོལ་བ་ནི། །སྡུག་བསྔལ་བརྒྱད་པོ་རྩད་ནས་བཅད་ནས་ཀྱང༌། །རྣམ་པ་ཐམས་ཅད་ཆོས་ཉིད་དབྱིངས་སུ་སྒྲོལ། །ཞབས་གཉིས་མངོན་པར་བསྟན་པ་ནི། །རྐང་གཉིས་ཀུན་ལ་བརྩེ་བར་དགོངས་པ་དང༌། །བདེ་བར་གཤེགས་པའི་ཐུགས་དམ་དགྱེས་བསྐང་ཕྱིར། །ཞེས་སོ། །དེ་ལྟར་བདག་ཉིད་རྩ་བའི་


JLAZ009_Page_0082
[མ་དཔེ་གཟིགས་ན་འདིར་གནོན།]

དཀྱིལ་འཁོར་གྱི་དག་པ་བརྗོད་ནས་ཕྱོགས་བཅུ་ཁྲོ་བོའི་དཀྱིལ་འཁོར་ལའང་འདི་ལྟར་ཤེས་པར་བྱ་སྟེ། ཕྱོགས་རང་བཞིན་མེད་པར་མ་རྟོགས་ཤིང་མི་དགེ་བ་བཅུའི་ཀུན་ཏུ་རྟོག་པ་ཅན་རྣམས་ནི་ཕྱོགས་བཅུའི་གདོན་གྱི་གཞན་དབང་ཅན་ཡིན་པས་དེ་དག་གདུལ་བའི་གཉེན་པོར་དབང་བཅུ་དང་ས་བཅུའི་ངོ་བོ་ཉིད་ཁྲོ་བོ་ཡབ་ཡུམ་བཅུ་སྤྲུལ་པ་ཕྲ་ཐབས་ཉི་ཤུ་དང་བཅས་པར་བསྟན་པའང༌། བཤད་རྒྱུད་ལས། དྲེགས་པ་ཕྱོགས་སྐྱོང་འདུལ་བའི་ལྷ། །ཀུན་ཀྱང་སྲིན་པོའི་ཆ་བྱད་ཅན། །གཉེན་པོ་གདུལ་བའི་ཡུམ་མཆོག་དང༌། །ཡབ་ཡུམ་སྤྲུལ་པས་གདུལ་བྱ་འདུལ། །ཞེས་པ་སྟེ། མཚན་དོན་དང་མཐུན་པའི་དག་བརྗོད་ནི་ལེའུ་བཅུ་གསུམ་པ་ལས། ཧཱུྃ་ནི་ཡེ་ཤེས་ལྔ་ལྡན་ཞིང༌། །ཀཱ་ཡིས་དུག་ལྔ་འཇོམས་པར་བྱེད། །རས་ནི་རྣམ་རྟོག་དབྱིངས་སུ་ཐིམ། །ཡུམ་ཆེན་མི་ཕྱེད་རྡོ་རྗེ་སྡེ། །སངས་རྒྱས་བསྐྱེད་པར་བྱེད་པའི་ཡུམ། །སེམས་ཅན་བུད་དྷ་འགྱུར་བྱེད་ཚེ། །མི་ཕྱེད་ཡེ་ཤེས་རྡོ་རྗེ་སྟེ། །སྒྲ་འབྱིན་བྲག་ཆ་ལྟར་སྣང་མ། །མ་ནི་སྤྲུལ་པ་བསྐྱེད་པའི་ཡུམ། །སྤྲུལ་པ་རོལ་པ་འགག་མེད་ཉིད། །ཕག་པ་མ་རིག་མུན་པ་སེལ། །རྨིག་བུས་འདམ་རྫབ་སྐེམ་པར་བྱེད། །འོད་གསལ་བདུད་འཇིགས་རྣམ་པར་རྒྱལ། །སྣང་བ་མུན་སེལ་རྡོ་རྗེ་སྙེམས། །སྣང་བ་སྣ་ཚོགས་སྟག་གི་མགོ །བྱ་རྒོད་ནམ་མཁའ་ལྟ་བུ་སྟེ། །དབྱུག་པས་ལོག་རྟོག་འཇོམས་བྱེད་ཅིང༌། །


JLAZ009_Page_0083
[མ་དཔེ་གཟིགས་ན་འདིར་གནོན།]

སྔོན་པོས་མཚན་མའི་རྣམ་རྟོག་འཇོམས། །གཉིས་མེད་རྡོ་རྗེ་སྡེར་མོ་སྟེ། །ལས་རྣམས་མི་རྟོག་དབྱིངས་སུ་ཐིམ། །གཡག་མགོ་དབྱིངས་ལས་འགྱུར་བ་མེད། །བྱ་རོག་ཆོས་དབྱིངས་རྣམ་པར་དག །གཤིན་ནི་གཟུང་དང་འཛིན་པ་དང༌། །དམྱལ་བའི་ཁམས་མི་དཔག་མེད་ཀྱང༌། །དོན་དམ་དབྱིངས་ལ་ཡོད་མ་ཡིན། །རྗེ་ནི་ཆོས་ཀྱི་དབྱིངས་སུ་ཐིམ། །དུར་ཁྲོད་རོལ་པ་དཔག་མེད་ཀྱང༌། །བདག་པོ་མཁའ་དབྱིངས་རྣམ་པར་དག །ཤ་བ་སྐྱེ་འགག་མེད་པ་ཉིད། །འུག་པ་ཤེས་རབ་དབྱིངས་ཉིད་དེ། །ལོ་ཀ་ཆོས་བརྒྱད་ཉིད་ཀྱི་སེམས། །རྟག་ཏུ་ཡེངས་ཤིང་གནས་པ་ཡང༌། །རྡོ་རྗེ་ལྟ་བུའི་ཏིང་འཛིན་གྱི། །མི་གཡོ་ཐིག་ལེ་ཉག་གཅིག་གོ །སེམས་ཅན་དོན་བྱེད་ཐམས་ཅད་ཀྱང༌། །དམ་པའི་དབྱིངས་ནི་དོན་ཡིན་ནོ། །རྡོ་རྗེ་གཉིས་མེད་ཟུང་འཇུག་དང༌། །གཏུན་ཁུང་སྣང་བ་འཇོམས་བྱེད་མ། །དོན་དམ་ཉིད་ལས་མ་གཡོས་སོ། །ཐིག་ལེ་ཉག་གཅིག་གཟིག་གི་མགོ །ཁྭ་ཏ་ནམ་མཁའ་ལྟ་བུར་ཁྱབ། །རྟ་མགྲིན་རྟ་སྐད་སྒྲ་སྙན་ལྟ་བུ་སྟེ། །རྡོ་རྗེ་སྟོང་པའི་ངང་ཉིད་ཀྱིས། །ཁྲོ་བར་སྣང་བ་གཏུམ་མོའོ། །བྱི་ལས་གཟུང་འཛིན་རྣམ་རྟོག་འཇོམས། །པུ་ཤུད་བཟང་ངན་རྣམ་རྟོག་རྣམས། །དོན་དམ་ཉིད་ལས་དོན་


JLAZ009_Page_0084
[མ་དཔེ་གཟིགས་ན་འདིར་གནོན།]

མ་ཡིན། །ཉོན་མོངས་ཉེ་བའི་ཉོན་མོངས་རྣམས། །རྟོག་མེད་ མཁའ་དབྱིངས་གཞན་མི་ཐུབ། །མི་ཤེས་རྡོ་རྗེ་འབིགས་བྱེད་མདའ། །མཚན་མ་འཇོམས་པར་བྱེད་སྙེམས་མ། །སྤྱང་ཀིའི་མགོ་ནི་ཡེ་སངས་རྒྱས། །རྣམ་རྟོག་ཕྲ་མོར་སེམས་བྱེད་ཀྱང༌། །ཡང་དག་ཉིད་བལྟ་ཁྲ་ཡི་མགོ །བདུད་ནི་བཞི་པོ་སྣང་བྱེད་པ། །རྩི་ཡིས་མི་ཤིགས་ཀློང་དུ་ཐིམ། །འཁྱིལ་ནི་བདེ་བ་ཆེན་པོའི་ངང༌། །གཅིག་དང་དུ་མ་དང་བྲལ་ཞིང༌། །རྟོག་མེད་དབྱིངས་ནི་རླུང་འབྱིན་མ། །ཉི་མ་ལྟ་བུའི་གཟི་བརྗིད་ཀྱིས། །མུན་པའི་ཚོགས་འཇོམས་སེང་གེའི་མགོ །ཡོད་མེད་གཉིས་ལས་འདས་པ་ཡི། །མཐའ་གཉིས་བྲལ་བ་ཕ་ཝང་མགོ །ལུས་ངག་ཡིད་གསུམ་སྣང་བ་ཡང༌། །དོན་དམ་ཉིད་ལ་ཡོད་མིན་ཏེ། །འཁོར་བ་ལས་འདས་ཁམས་གསུམ་རྒྱལ། །མི་ཤིགས་རྡོ་རྗེ་ལོག་འགྲོ་འཇོམས། །གཟུང་འཛིན་ཤེས་པ་རྟོག་པ་གསོད། །ཕ་རོལ་ཕྱིན་མ་ཡིན་པ་སྟེ། །སྤྱོད་པ་བརླང་པོ་དོམ་གྱི་མགོ །གང་དུ་མི་གནས་སྲེ་མོང་མགོ །དོན་དམ་བདེན་པས་སེམས་ཅན་གྱི། །ཉོན་མོངས་འཇོམས་བྱེད་སྟོབས་པོ་ཆེ། །རྡོ་རྗེ་དོན་དམ་བདེན་པ་སྟེ། །དམ་པ་མཁའ་དབྱིངས་ཀློང་དུ་བསྐྱོད། །བུད་དྷ་བསྐྱེད་པའི་ཡུམ་ཡིན་ལ། །ཡེ་ཤེས་ཐོགས་མེད་


JLAZ009_Page_0085
[མ་དཔེ་གཟིགས་ན་འདིར་གནོན།]

དྲེད་ཀྱི་མགོ །ལོག་པའི་ལམ་ཞུགས་སུམ་བྱེད་ཅིང༌། །དེ་བཞིན་ཉིད་གནས་བྱི་བའི་མགོ །ཞེས་སོ། །དེ་ལྟར་ཡབ་ཡུམ་སོ་སོའི་ཡེ་ཤེས་ཀྱི་སྤྲུལ་པ་བཅུ་བཅུའང༌། ཉོན་མོངས་པ་ཟ་བྱེད་སྟག་དང༌། ཤེས་བྱ་ལ་ཐོགས་མེད་དུ་རྔམ་པ་གཟིག་དང༌། རྩོལ་སྒྲུབ་ཟིལ་གྱིས་གནོན་པའི་བྱི་ལ་དང༌། སྦྱོར་སྒྲོལ་དབྱིངས་སུ་དག་པའི་སྤྱང་ཀི་དང༌། ཞེ་སྡང་སྐྱོན་གྱིས་མི་འཇིགས་པའི་སེང་གེ་དང༌། ཁྲོ་གཏུམ་བྱམས་པར་སྦྱོར་བའི་དོམ་སྟེ་དྲུག་པོ་ནི་ཡབ་ཀྱི་ཞེ་སྡང་ལས་བསྐྱེད་ཅིང་ཞེ་སྡང་གི་སྙིགས་མ་རུས་པ་མཐར་རྒྱས་པའི་ཟ་བྱེད་མཆེ་བ་ཅན་ཞེས་བྱ་སྟེ། དེ་ཀུན་ཀྱང་རྒྱུད་ཀྱི་གླེང་གཞིའི་དུས་ན་ཕ་ཡེ་ཤེས་ཀྱི་ཁྲོ་བོ་ཡིན་པས་ལུས་ལྷར་སྣང་ལ་མ་གདུག་པ་བྱོལ་སོང་གི་རིགས་ལས་མགོ་བོ་དེ་ཉིད་དུ་སྣང་བས་ཕྲ་མེན་མ་ཞེས་བྱའོ། །དེ་བཞིན་དུ་འགྲོ་དོན་ལ་ཆགས་ཐོགས་མེད་པའི་བྱ་རྒོད་དང༌། ཆོས་ཉིད་མི་འགྱུར་བའི་བྱ་རོག་དང༌། མི་ཤེས་མུན་པ་ལ་གཟིགས་པའི་འུག་པ་དང༌། སྡུག་བསྔལ་གྱི་མཚང་དབྱིངས་སུ་བསྣོལ་བའི་ཁྭ་ཏ་དང༌། འཇབ་བུར་ཐབས་ཤེས་སུ་འབྲེལ་བའི་པུ་ཤུད་དང༌། ཉོན་མོངས་ཀྱི་བྱ་གཅན་འདུལ་བའི་ཧོར་ཁྲ་དང་དྲུག་པོ་ནི་ཡུམ་གྱི་འདོད་


JLAZ009_Page_0086
[མ་དཔེ་གཟིགས་ན་འདིར་གནོན།]

ཆགས་ལས་བསྐྱེད་པས་འདོད་ཆགས་ཀྱི་སྙིགས་མ་ཁྲག་མཐར་རྒྱས་པའི་གསོད་བྱེད་གཤོག་པ་ཅན་ཞེས་བྱའོ། །དེ་བཞིན་དུ་གཙང་སྨེའི་རྣམ་རྟོག་འཇོམས་པའི་དུར་ཕག་དང༌། ཆོས་ཉིད་འཕོ་འགྱུར་མེད་པའི་གཡག་དང༌། མཚན་མའི་བག་ཆགས་འཇོམས་པའི་ཤ་བ་དང༌། འཁོར་བའི་བརླན་དང་བྲལ་བའི་རྨིགས་བུ་དང༌། རྣམ་རྟོག་སྐྱེ་མེད་གྲོལ་བའི་སྲེ་མོང་དང༌། ཅིར་ཡང་གཟུང་འཛིན་ལས་གྲོལ་བའི་བྱི་བ་དང་དྲུག་པོ་ནི་ཡབ་ཡུམ་གཉིས་སུ་མེད་པའི་གཏི་མུག་གི་ལས་བསྐྱེད་ཅིང་གཏི་མུག་སྙིགས་མ་ཤ་མཐར་རྒྱས་པའི་བྱ་བ་ལ་རྨོངས་པ་སྟེ། བྱེད་ལས་ཀྱི་སྒོ་ནས་དུར་ཕག་ནི་གསོད་པའི་མཆེ་བ་ཅན་དང༌། ཤ་བ་ནི་ང་ཡིར་འཛིན་པའི་མཆེ་བ་ཅན་དང༌། གཡག་ནི་རོ་ལ་བརྟག་པའི་མཆེ་བ་ཅན་ཏེ་གསུམ། རྨིགས་བུ་ནི་རྟགས་འཛིན་ཐོབ་པའི་གཤོག་པ་ཅན་དང༌། སྲེ་མོང་ནི་དུག་ཙམ་ཆེ་བའི་གཤོག་པ་ཅན་དང༌། བྱི་བ་ནི་བརྐུ་བ་ལ་དགའ་བའི་ལས་ཀྱི་གཤོག་པ་ཅན་ཏེ་གསུམ། དྲེད་དང་ཕ་ཝང་གཉིས་ནི་དུག་གསུམ་ཆ་མཉམ་པས་མཐའ་ལ་མི་གནས་པའི་བརྡའ་སྟེ་ཡཀྴ་འབར་བའི་རྒྱུད་ལས། ཞེ་སྡང་རུས་པའི་མཐའ་ལ་མཆེ་བ་རྒྱས། །འདོད་ཆགས་ཁྲག་གི་མཐའ་ལ་བྱ་གཤོག་རྒྱས། །གཏི་མུག་ཤ་ཡི་མཐའ་ལ་སྨྲ་མི་ཤེས། །


JLAZ009_Page_0087
[མ་དཔེ་གཟིགས་ན་འདིར་གནོན།]

དེ་ཕྱིར་དུག་གསུམ་འཇོམས་པའི་དྲེད་མོ་ལ། །ཤེས་བྱ་མ་རྨོངས་རྟོགས་པའི་ཡེ་ཤེས་མངའ། །དུག་གསུམ་འཇོམས་མཛད་གཤོག་རླབས་ཕ་ཝང་ལ། །མ་རིག་མུན་པ་སེལ་བའི་ཡེ་ཤེས་མངའ། །ཞེས་དང༌། བརྟེན་པའི་ལྷ་རྣམས་ལ་ཐུན་མོང་དུ་གྱུར་བའི་སྒོ་མ་བཞི་ནི། བཤད་རྒྱུད་ལས། སྣང་བ་སྟོང་པས་འགུགས་བྱེད་མ། །ལྕགས་ཀྱུས་ཡེ་ཤེས་ས་ལ་དགོད། །སྟོང་པ་བཅོ་བརྒྱད་ཞགས་པ་ཡིས། །མི་རྟོག་རྟོག་པ་འཆིང་བྱེད་མ། །ཡོད་དང་མེད་པའི་ཕྱོགས་སྤངས་ཤིང༌། །སྙིང་རྗེ་མི་ཕྱེད་ལྕགས་སྒྲོག་མ། །སྟོང་པ་ཉིད་ཀྱི་སྒྲ་བསྒྲགས་པས། །མཚན་མའི་རྣམ་པར་རྟོག་པ་འཇོམས། །ཤེས་རབ་ཕ་རོལ་ཕྱིན་མ་ཉིད། །གཟུང་འཛིན་དང་བྲལ་དྲིལ་བུ་མ། །ཞེས་སོ། །དེ་བཞིན་དུ་ཕུར་པ་རྫས་ཀྱི་དཀྱིལ་འཁོར་གྱི་སྒྲ་དོན་ནི་རྡོ་རྗེ་བཀོད་པ་ལས། ཕུར་པའི་རང་བཞིན་དོན་བསྟན་པ། །ཕུར་ནི་ཆོས་ཀྱི་དབྱིངས་ཞེས་བྱ། །པ་ནི་བླ་མ་ཆེན་པོར་བསྟན། །ཕུར་ནི་ཆོས་ཀྱི་དབྱིངས་ཞེས་བྱ། །པ་ནི་རིག་པའི་ཡེ་ཤེས་ཡིན། །ཕུར་ནི་སྐྱེ་བ་མེད་པའི་དབྱིངས། །པ་ནི་འགགས་པ་མེད་པའི་དོན། །གཉིས་སུ་མེད་པར་ཕུར་པའི་ངང༌། །ཕུར་ནི་ཐབས་ཀྱི་རྒྱལ་པོ་ཡིན། །པ་ནི་ཤེས་རབ་ཡུམ་གྱི་དོན། །གཉིས་སུ་མེད་པ་རྡོ་


JLAZ009_Page_0088
[མ་དཔེ་གཟིགས་ན་འདིར་གནོན།]

རྗེའི་ངང༌། །ཕུར་པ་ནམ་མཁའི་མཐའ་དང་མཉམ། །ཕུར་པ་ཁྱབ་གདལ་ཉི་ཟླ་འདྲ། །ཀུན་ལ་སྙོམས་པའི་ངོ་བོར་སྣང༌། །ཕུར་པ་ཆོས་ཀྱི་དབྱིངས་ཉིད་ཡིན། །ཕུར་པ་ནམ་མཁའི་མཚན་ཉིད་ཡིན། །ཕུར་པ་སེམས་ཀྱི་སེམས་ཉིད་ཡིན། །ཕུར་པ་རྒྱུད་ཀྱི་རྒྱལ་པོ་ཡིན། །ཕུར་པ་ལུང་གི་མན་ངག་ཡིན། །ཕུར་པ་མན་ངག་ངེས་པའི་དོན། །ཞེས་སོ། །དེ་ཡན་ནི་ནང་དུ་འཇུག་པའི་ཆོ་གའོ། །གཉིས་པ་དབང་བསྐུར་བ་དངོས་ནི། །རྣལ་འབྱོར་ཆེན་པོ་ལས། །རྒྱུད་དང་ལུང་དང་མན་ངག་གི། །མན་ངག་རྣམ་གཉིས་སྟོད་སྨད་དོ། །སྟོད་ལ་དྲུག་སྟེ་སྨད་ལ་བཅུ། །གཉིས་སུ་ཤེས་བྱ་ཏིང་ངེ་འཛིན། །སྨད་ནི་གཟས་པ་པོ་ཡི་ལས། །ཞེས་སྟོད་སྨད་ཀྱི་ལས་གཉིས་སུ་བསྡུ་བ་ཡང༌། སྐབས་འདིར་དབང་གི་རྩ་བ་རྣམ་པ་བཞིས་སྟོད་ལས་བྱང་ཆུབ་བསྒྲུབ་པའི་དོན་བསྟན་པ་དང༌། ཕྲིན་ལས་སྣ་ཚོགས་པའི་བདག་ཉིད་བསྒྲུབ་པ་དང་འབྲེལ་བར་སྨད་ལས་དྲག་པོ་སྒྲོལ་དབང་བསྟན་པ་དང༌། ཐམས་ཅད་ཀྱི་སྲོག་དམ་ཚིག་གི་རང་བཞིན་བསྟན་པ་སྟེ་གསུམ་དུ་དབྱེ་བའོ། །དང་པོ་ནི། རྩ་རྒྱུད་ལས། ཕན་དང་ནུས་པའི་བྱིན་རླབས་དབང༌། །རིམ་པ་བཞིན་དུ་བསྐུར་བར་བྱ། །ཞེས་པའི་དོན་སྟོད་ལས་བྱང་ཆུབ་བསྒྲུབ་པ་ལ་གདེང་གསུམ་གཅེས་པའི་འཇུག་སྒོ་ནི་


JLAZ009_Page_0089
[མ་དཔེ་གཟིགས་ན་འདིར་གནོན།]

རྩ་བའི་དབང་རྣམ་པ་བཞི་ལ་མ་བརྟེན་པར་མི་འགྲུབ་ཅིང༌། བཞི་པོའང་འདི་ལྟར་སྲོག་ཆགས་རྣམས་ལ་ལུས་སྟོབས་དང་མཚུངས་པའི་ཐེག་པ་ཆེ་ཆུང་ཡོད་པ་ལྟར་གོང་ནས་གོང་དུ་ཁྱད་ཞུགས་པའི་ཚུལ་སངས་རྒྱས་མདུད་པ་ལས། སེམས་ཅན་བསམ་པའི་དབང་གིས་ན། །རྟ་དང་གླང་པོ་མ་ཧེ་དང༌། །རྔ་མོ་རི་བོང་ཁལ་རྣམས་བཞིན། །ཕན་དང་ནུས་དང་ལྟ་དང་ཞུགས། །ཕྱི་ཡི་དབང་དང་ནང་གི་དབང༌། །གསང་བའི་དབང་དང་ཐབས་ཀྱི་དབང༌། །ཇི་ལྟར་གསུངས་ཀྱང་རྣམ་པ་བཞི། །བུམ་པའི་དབང་དང་གསང་བའི་དབང༌། །ཤེས་རབ་ཡེ་ཤེས་དབང་མཆོག་ལས། །དེ་བཞིན་བཞི་པའི་དབང་དུ་གསུངས། །ཞེས་ཕྱི་ཕན་པའི་དབང་དང་ནང་ནུས་པ་འཇུག་པའི་དབང་གཉིས་ནི་བུམ་དབང་དུ་བསྡུ་བ་ཡིན་ཏེ། སྔ་མ་ལས། བུམ་པའི་དབང་ཞེས་བྱ་བ་ལ། །བདག་པོའི་དབང་དང་རྣམ་པ་ལྔ། །ཞེས་སོ། །གཉིས་པ་གསང་དབང་དང་ཤེས་རབ་ཡེ་ཤེས་ཀྱི་དབང་གཉིས་ནི་སྦྱོར་བ་བཞིའི་རང་བཞིན་དུ་བལྟ་བས་ན་ལྟ་བ་བཞི་དང་ལྡན་པ་སྟེ། གསང་བའི་དབང་ཞེས་བྱ་བ་ལ། །ལུས་དང་ཡིག་འབྲུའི་སྦྱོར་བ་དང༌། །རྩ་དང་ཡིག་འབྲུའི་སྦྱོར་བ་དང༌། །རླུང་དང་ཡིག་འབྲུའི་སྦྱོར་བ་དང༌། །སེམས་དང་ཡིག་


JLAZ009_Page_0090
[མ་དཔེ་གཟིགས་ན་འདིར་གནོན།]

འབྲུའི་སྦྱོར་བ་ཡི། །གང་ཡང་གང་དུ་གཟུང་བར་བྱ། །གསང་བ་དེ་ནི་དམ་པའོ། །ཞེས་སོ། །དེ་ལ་ལུས་དང་ཡིག་འབྲུའི་སྦྱོར་བ་ནི་དབང་པོའི་གནས་གཉིས་ལ་སོ་སོར་ས་བོན་གྱི་ཡི་གེ་བསྐྱེད་པ་དང༌། རྩ་དང་ཡིག་འབྲུའི་སྦྱོར་བ་ནི་འཁོར་ལོ་ལྔ་སོ་སོའི་རྩ་འདབ་ཏུ། ཨ་ཀ་ཙ་ཊ་ཏ་པ་ཡ་ཤ །ལ་སོགས་པའི་ཡིག་འབྲུ་བསྒོམ་པ་དང༌། རླུང་དང་ཡིག་འབྲུའི་སྦྱོར་བ་ནི་ཡི་གེ་དེ་དག་ལ་དམིགས་ནས་སྲོག་སྩོལ་འགོག་པ་དང༌། སེམས་དང་ཡིག་འབྲུའི་སྦྱོར་བ་ནི་རླུང་སེམས་དབྱེར་མེད་ཀྱི་བདེན་པས་ཀུན་ལ་ཁྱབ་པ་སྟེ། ཕན་ཚུན་རྟེན་དང་བརྟེན་པའི་རང་བཞིན་དུ་གནས་པའི་ཕྱིར་རོ། །གསང་བའི་དབང་དེ་ཉིད་ཀྱང་ངག་དང་སེམས་ལ་བསྐུར་བ་གཉིས་སུ་ནང་གསེས་བས་ཕྱི་མའི་དབང་རྟེན་གྱི་སྒྲ་ལས་ཤེས་རབ་ཡེ་ཤེས་ཀྱི་དབང་དུ་འགྲུབ་སྟེ། ཤེས་རབ་ཡེ་ཤེས་དབང་ཞེས་པ། །ཤེས་རབ་མ་ཡི་མཚན་ཉིད་དེ། །ཞེས་དང༌། འབྱུང་བ་བཞི་ཡི་མཚན་ཉིད་ཀྱིས། །བསྡུ་བ་རྣམ་བཞིའི་དོན་དང་མཐུན། །ཞེས་སོ། །དེ་ལྟར་གསང་དབང་གཉིས་པོའི་རྐྱེན་ལས་བྱུང་བའི་དཔེའི་ཡེ་ཤེས་ལ་བརྟེན་ནས་དོན་དམ་ལྷན་ཅིག་སྐྱེས་པའི་ཡེ་ཤེས་སློབ་མའི་རྒྱུད་ལ་ཡང་དག་པར་ཞུགས་པས་ན་ཞུགས་པ་ཞེས་བྱ་སྟེ་ཐབས་ལ་བརྟེན་ནས་འབྱུང་བས་ན་ཐབས་ཀྱི་དབང་ཞེས་བཤད་པ་ཡིན་


JLAZ009_Page_0091
[མ་དཔེ་གཟིགས་ན་འདིར་གནོན།]

པར་བདག་ཉིད་ཁོ་ནས་རིག་པ་ཡིན་ནོ། །དེ་ཡང་དམངས་རིགས་ནི་སྤྱོད་པ་བརླང་ཞིང་དངོས་སྣང་ལ་བདེན་འཛིན་ཆེ་བས། དེ་དག་པའི་སྣོད་བཅུད་ཀྱིས་ལྡོག་པའི་ཆེད་དུ་བུམ་པའི་དབང་དང༌། བྲམ་ཟེ་ནི་རང་གི་གསང་ཚིག་བསྲུང་བ་སོགས་སངས་རྒྱ་བའི་དགོས་པ་མེད་པའི་སྤྱོད་པ་གཟོ་བ་ཁོ་ན་ཆོས་སུ་སེམས་པས་དེ་ཐེག་པ་ཆེན་པོ་བླང་དོར་མེད་པའི་ཆོས་ཀྱིས་ལྡོག་པའི་ཆེད་དུ་གསང་བའི་དབང་དང༌། རྗེའུ་རིགས་ནི་འདོད་ཡོན་ལ་གདུང་ཞིང་སེམས་ཀྱི་རྟོག་དཔྱོད་རྣོ་བས་དེ་ཐབས་ཀྱིས་ལམ་དུ་སློང་བ་ལ་སློབ་པའི་ཕྱིར་ཤེར་དབང་དང༌། རྒྱལ་རིགས་ནི་འབྱོར་པས་སྙེམས་ཤིང་ཐམས་ཅད་ཟིལ་གྱིས་གནོན་པ་ལ་དགའ་བས་རང་ཉིད་ལ་མཆོག་ཏུ་འཛིན་པ་དེ་མཉམ་པ་ཉིད་ལ་གནས་པའི་བརྟུལ་ཞུགས་ཆེན་པོའི་ཤེས་རབ་ཡེ་ཤེས་ཀྱིས་ལྡོག་པའི་ཕྱིར་དབང་བཞི་པ་བསྟན་པར་རིག་པར་བྱ་སྟེ། སྔ་མ་ལས། དང་པོ་དབང་གི་བསྐུར་ས་ནི། །སེམས་ཅན་རྟོག་པ་ལྡོག་པའི་ཕྱིར། །དམངས་ཀྱི་རིགས་ལ་བུམ་པ་བཞག །བྲམ་ཟེའི་རིགས་ལ་གསང་དབང་སྟེ། །རྗེ་ཡི་རིགས་ལ་ཤེས་རབ་དབང༌། །དེ་བཞིན་རྒྱལ་པོ་བཞི་པ་སྟེ། །རིམ་པ་དེ་བཞིན་ཤེས་པར་བྱ། །ཞེས་དང༌། ཡན་ལག་ལུས་ནི་ཤན་པ་སྟེ། །དྲྭ་བ་ཅན་ལ་


JLAZ009_Page_0092
[མ་དཔེ་གཟིགས་ན་འདིར་གནོན།]

བུམ་པ་སྦྱིན། །ངག་གི་ལས་ནི་བྲམ་ཟེ་སྟེ། །འཇིག་རྟེན་ཅན་ལ་གསང་བ་སྦྱིན། །སེམས་ཀྱི་ལས་ནི་རྗེའུ་སྟེ། །ལྷན་ཅིག་སྐྱེས་ལ་ཤེས་རབ་དབང༌། །ཡོན་ཏན་ཕྲིན་ལས་རྒྱལ་པོ་སྟེ། །ཀུན་ཀ་ཚོགས་ལ་བཞི་པ་བསྐུར། །ཞེས་སོ། །དེ་ལྟར་དབང་རྣམ་པ་བཞི་ལས་དང་པོ་ཕྱི་དཀྱིལ་དྲང་དོན་གྱི་བསྐྱེད་རིམ་རྣམས་ཉན་དུ་རུང་བའི་སྐལ་པ་སྟེར་བྱེད་ཕྱི་ཕན་པའི་དབང་ལྔ་ནི། བཤད་རྒྱུད་ལས། བུམ་པ་རྡོ་རྗེ་དྲིལ་བུ་དང༌། །ཐོད་པ་རྡོ་རྗེ་མིང་དུ་གྲགས། །ཞེས་དང༌། བསྐུར་ཚུལ་ཡང་དབང་རྫས་གཞན་ལག་ལས་མི་བརྒྱུད་དེ་རྡོ་རྗེ་འབར་བ་ལས། དབང་བསྐུར་བ་ཡི་རིམ་པ་དང༌། །སྦྱིན་སྲེག་ལས་རྣམས་བྱེད་དོན་དུ། །དཀྱིལ་འཁོར་གྱི་ནི་ཡོ་བྱད་རྣམས། །སློབ་དཔོན་གྱིས་ནི་ཁྱེར་བར་བྱ། །སློབ་མས་ཁྱེར་ན་དམ་ཚིག་ཉམས། །ཞེས་སོ། །དེ་ལ་དང་པོ་རྡོ་རྗེ་མི་བསྐྱོད་པའི་ཆུ་དབང་ནི། རྣམ་བུམ་སྤྱི་བོར་བཞག་ལ་བཤད་རྒྱུད་ལས་བཛྲ། གསང་གསུམ་དམ་ཚིག་ལས་བྱུང་བ། །ཡབ་ཡུམ་གཉིས་མེད་བདེ་ཆེན་ལས། །བྱང་ཆུབ་སེམས་ཀྱི་ཆུ་རྒྱུན་འདིས། །རྡོ་རྗེ་རིགས་ཀྱི་དབང་བསྐུར་རོ། །ཨཱོཾ་བོ་དྷི་ཙིཏྟ་ཨཱ་དར་ཤ་ཛྙཱ་ན་བཛྲ་ཨ་བྷི་ཥིཉྩ་མཱཾ། རིགས་ཀྱི་བུ་ཁྱོད་ལ་རྡོ་རྗེ་མི་བསྐྱོད་པའི་ངོ་བོ་བུམ་པའི་ཆུས་དབང་


JLAZ009_Page_0093
[མ་དཔེ་གཟིགས་ན་འདིར་གནོན།]

བསྐུར་ཞིང་ཉེ་རེག་བྱས་པས་ལུས་ཀྱི་སྒྲིབ་པ་དག །སངས་རྒྱས་ཐམས་ཅད་ཀྱི་སྐུའི་དབང་ཐོབ། གཟུགས་ཀྱི་ཕུང་པོ་རྡོ་རྗེ་མི་བསྐྱོད་པ་དང༌། ཆུའི་ཁམས་མཱ་མ་ཀཱིའི་རང་བཞིན་དུ་གནས་གྱུར། ཞེ་སྡང་མེ་ལོང་ལྟ་བུའི་ཡེ་ཤེས་སུ་གྲོལ་ཏེ། སངས་རྒྱས་རྡོ་རྗེ་རིགས་ཀྱི་སྐུ་རྣམ་པ་ཐམས་ཅད་ཀྱི་བདག་ཉིད་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །ཞེས་ལུང་བསྟན། དེ་ནས་རིན་འབྱུང་དབུ་རྒྱན་གྱི་དབང་ནི། དབང་འདི་ཐོབ་ནས་སངས་རྒྱས་ཐམས་ཅད་ཀྱི་རྒྱལ་ཐབས་ལ་དབང་བས་ན་རིགས་ལྔའི་དབུ་རྒྱན་ལ་ཐོབ་པའི་ལྔའི་སྒྲ་ཆགས་པ་སྟེ། དེ་ཉིད་མགོ་ལ་བཀོན་ནས། སངས་རྒྱས་ཀུན་གྱི་རྒྱལ་སྲིད་ཆེ། །ཐོབ་པ་ལྔ་ཡི་དབང་བསྐུར་བ། །རིན་ཆེན་རིགས་ཀྱི་དབང་བསྐུར་མཆོག །རིན་ཆེན་ཁྲག་འཐུང་བརྟན་གྱུར་ཅིག །ས་མནྟ་རཏྣ་བཛྲ་ཨ་བྷི་ཥིཉྩ་མཱཾ། རིགས་ཀྱི་བུ་ཁྱོད་ལ་དབུ་རྒྱན་འདི་བཀོན་པ་ཙམ་གྱིས། སྒོ་གསུམ་གྱི་རྨོངས་པའི་སྒྲིབ་པ་དག །སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང༌། སའི་ཁམས་སངས་རྒྱས་སྤྱན་མར་གནས་གྱུར། ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་


JLAZ009_Page_0094
[མ་དཔེ་གཟིགས་ན་འདིར་གནོན།]

ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །སྣང་མཐའ་རྡོ་རྗེའི་དབང་ནི། ཨཿསངས་རྒྱས་ཀུན་གྱི་རྡོ་རྗེའི་དབང༌། །རྡོ་རྗེ་གསུང་གི་དོན་མཛད་པ། །པདྨ་ཁྲག་འཐུང་རྡོ་རྗེ་དཔལ། །རྡོ་རྗེ་ཆོས་ཀྱི་དབང་བསྐུར་རོ། །བཛྲ་ཨ་བྷི་ཥིཉྩ་མཱཾ། པྲ་ཏ་པྲ་ཝེ་ཤ་ཛྙཱ་ན་ཨ་བྷི་ཥིཉྩ་མཱཾ། རིགས་ཀྱི་བུ་ཁྱོད་ལ་སྣང་བ་མཐའ་ཡས་ཀྱི་རང་བཞིན་རྡོ་རྗེས་དབང་བསྐུར་བས། ངག་གི་སྒྲིབ་པ་དག །སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་བ་མཐའ་ཡས་དང༌། མེའི་ཁམས་གོས་དཀར་མོར་གནས་གྱུར། འདོད་ཆགས་སོ་སོར་རྟོགས་པའི་ཡེ་ཤེས་སུ་གྲོལ་ཏེ། སངས་རྒྱས་པདྨའི་རིགས་ཀྱི་གསུང་འགག་པ་མེད་པ་ཆོས་ཀྱི་སྒྲ་དབྱངས་ཐོབ་ནས་འགྲོ་བའི་དོན་བྱེད་པར་འགྱུར་རོ། །དོན་ཡོད་གྲུབ་པ་དྲིལ་བུའི་དབང་ནི། ཏྭ། མཁའ་འགྲོ་ཀུན་གྱི་དྲིལ་བུའི་ དབང༌། །རྟོག་མེད་ཆོས་ཀྱི་སྒྲ་འབྱིན་ཞིང༌། །ལས་ཀྱི་ཁྲག་འཐུང་ཕྲིན་ལས་བདག །ཤེས་རབ་དྲིལ་བུའི་དབང་བསྐུར་རོ། །ཀྲིཏྱ་ཨ་ནུཥྛཱ་ན་བཛྲ་ཨ་བྷི་ཥིཉྩ་མཱཾ། རིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཉོན་མོངས་པ་བག་ལ་ཉལ་གྱི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་


JLAZ009_Page_0095
[མ་དཔེ་གཟིགས་ན་འདིར་གནོན།]

རླུང་གི་ཁམས་དམ་ཚིག་སྒྲོལ་མར་གནས་གྱུར། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་འགྲོ་བའི་དོན་བྱེད་པར་འགྱུར་རོ། །རྣམ་པར་སྣང་མཛད་མིང་གི་དབང་ནི། རྡོར་དྲིལ་སྤྱི་བོར་འཁྲོལ་ཞིང༌། སྔར་གྱི་གསང་མིང་དཀྱིལ་འཁོར་པའི་ལྷ་ཚོགས་རྣམས་ཀྱིས་འུར་དིར་བསྒྲགས་པར་བསམས་ནས། ཨཱོཾ། རྡོ་རྗེ་མིང་གི་ཆོས་ཉིད་དེ། །ཅེས་ཀྱང་མི་ཚུགས་མི་ཤིགས་ཏེ། །སངས་རྒྱས་ཁྲག་འཐུང་ངོ་བོ་ཉིད། །རྡོ་རྗེ་མིང་དུ་དབང་བསྐུར་རོ། །དྷརྨ་དྷཱ་ཏུ་བི་ཤོ་དྷ་བཛྲ་ཨ་བྷི་ཥིཉྩ་མཱཾ། རིགས་ཀྱི་བུ་ཁྱོད་ལ་རྣམ་པར་སྣང་མཛད་ཀྱི་ངོ་བོ་མིང་ཆེ་གེ་མོ་བཏགས་པ་ཙམ་གྱིས་ཡིད་ཀྱི་སྒྲིབ་པ་དག །སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པའི་ཕུང་པོ་རྣམ་པར་སྣང་མཛད་དང༌། ནམ་མཁའི་ཁམས་ཆོས་ཀྱི་དབྱིངས་ཕྱུག་མར་གནས་གྱུར། གཏི་མུག་ཆོས་དབྱིངས་ཡེ་ཤེས་སུ་གྲོལ་ཏེ། སངས་རྒྱས་དེ་བཞིན་གཤེགས་པའི་ཐུགས་རྣམ་པར་མི་རྟོག་པ་ཐོབ་ནས། འགྲོ་བའི་དོན་བྱེད་པར་འགྱུར་རོ། །དེ་ལྟར་རིག་དབང་ལྔ་ཐོབ་པའི་བྲལ་ཐོབ་ནི། ཕྲེང་བ་ལས། སངས་རྒྱས་ལྔར་ནི་རྣམ་དག་པའི། །དབང་བསྐུར་ལྔ་ཐོབ་རྒྱུད་པས་ནི། མ་རིག་པ་དང་བྲལ་བས་ན། །ཡེ་


JLAZ009_Page_0096
[མ་དཔེ་གཟིགས་ན་འདིར་གནོན།]

ཤེས་ལྔ་ནི་ཐོབ་པར་འགྱུར། །ཞེས་པ་ལྟར་རོ། །དེ་ནས་རིག་དབང་ལྔའི་མཐའ་རྟེན་དུ་སྣང་ཞེན་ལྷ་སྐུར་རྫོགས་བྱེད་རྣམ་རྒྱལ་བུམ་པའི་དབང་ནི་བུམ་པ་སྤྱི་བོར་བཟུང་ལ། རྩ་རྒྱུད་ལས། ཧཱུྃ། དཔལ་ཆེན་རྡོ་རྗེ་གཞོན་ནུ་དང༌། །ཡུམ་ཆེན་འཁོར་ལོ་རྒྱས་འདེབས་གཉིས། །གཡོན་ནས་ཡུམ་གྱིས་ཡབ་ལ་འཁྱུད། །ཕྱག་གིས་བུམ་པ་རབ་ཏུ་བླངས། །ཡེ་ཤེས་དབང་གི་ཆུ་བོ་འདི། །ཉོན་མོངས་མ་གོས་དཀར་ལ་འཚེར། །སྐལ་ལྡན་རིགས་ཀྱི་བུ་ཁྱོད་ལ། །སྤྱི་བོར་བུམ་པས་དབང་བསྐུར་བས། །ཉོན་མོངས་གསུམ་དང་དུག་གསུམ་སྦྱོངས། །དབང་གི་ཆུ་བོ་རྒྱུན་བཞིན་འབབ། །ཨཱོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། དཱིཔྟ་ཙཀྲ་རུ་ལུ་རུ་ལུ་ཧཱུྃ་བྷྱོ་ཧཱུྃ། ཀ་ལ་ཤ་ཨ་བྷི་ཥིཉྩ་ཧཱུྃ། ཞེས་གཏོར་ཞིང་བླུད་དོ། །སྐུ་གསུང་ཐུགས་ཡོན་ཏན་ཕྲིན་ལས་ལྔའི་དབང་ནི། གཙོ་བོའི་སྐུ་སྤྱི་བོར་བསྐུར་ལ། ཧཱུྃ། ཀུན་ཏུ་བཟང་པོའི་རོལ་པ་ལས། །ཐུགས་རྗེས་ཁམས་གསུམ་གདུག་པ་འདུལ། །གཉེན་པོས་ལས་སུ་རུང་མཛད་པའི། །འཇིགས་བྱེད་གཉེན་པོའི་དབང་ཐོབ་ཤོག །ཨཱོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཀཱ་ཡ་ཨ་བྷི་ཥིཉྩ་མཱཾ། དར་ལེ་བརྒན་ལ་སྔགས་བྱང་བྲིས་པ་མགྲིན་པར་བཟུང་ལ་ཧཱུྃ། གསུང་གི་རང་


JLAZ009_Page_0097
[མ་དཔེ་གཟིགས་ན་འདིར་གནོན།]

བཞིན་མཚོན་བྱེད་པའི། །ལེ་བརྒན་འབར་བའི་ཁ་དོག་ལ། །སྙིང་པོ་ནུས་པའི་དོན་དང་ལྡན། །ནུས་པ་ཅན་གྱི་དབང་ཐོབ་ཤོག །ཨཱོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཝ་ཀ་ཨ་བྷི་ཥིཉྩ་མཱཾ། ཕུར་པ་སྙིང་གར་བཞག་ལ་ཧཱུྃ། ཙིཏྟ་སྨུག་པོའི་གཞལ་ཡས་ནས། །ཁམས་གསུམ་དབང་གི་བདག་པོ་སྟེ། །བརྐྱང་བསྐུམ་རབ་ཏུ་གདེངས་པ་ཡིས། །གདུག་པ་འཇོམས་པའི་དབང་ཐོག །ཨཱོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཙིཏྟ་ཨ་བྷི་ཥིཉྩ་མཱཾ། ཡོན་ཏན་དང་ཕྲིན་ལས་གཉིས་ཀའི་དབང་ནི། ཡེ་ཤེས་སེམས་དཔའི་ཙཀླི་སྙིང་གར་གཏད་ལ་ཧཱུྃ། ཐུགས་ཀ་རིན་ཆེན་ཟུར་བརྒྱད་ལས། །ཕྲིན་ལས་སྣ་ཚོགས་ལྷུན་གྱིས་གྲུབ། །ཐམས་ཅད་ཀུན་ལ་རང་བཞིན་གནས། །ཡེ་ཤེས་སེམས་དཔའི་དབང་ཐོབ་ཤོག །ཨཱོཾ་བཛྲ་ཀཱི་ལི་ཀཱི་ལ་ཧཱུྃ་ཕཊ། གུ་ཎ་ཀརྨ་ཨ་བྷི་ཥིཉྩ་མཱཾ། དེ་ནས་དུར་ཁྲོད་ཆས་བརྒྱད་ཀྱི་དབང་ནི། ཧཱུྃ། ཞིང་ཆེན་གཡང་གཞིས་འདོད་ཆགས་རྩད་ནས་གཅོད། །གླང་ཆེན་ཀོ་རློན་ཐུགས་རྗེ་སྟོབས་ཀྱི་བདག །སྟག་ཤམ་ཡོན་ཏན་ཕྲིན་ལས་རྒྱས་པའི་རྟགས། །བདུད་ཆས་དཔའ་བོའི་དབང་རྣམས་ཐོབ་པར་ཤོག །ཧཱུྃ། ཐོད་པ་སྐམ་པོ་ཆོས་ཀྱི་


JLAZ009_Page_0098
[མ་དཔེ་གཟིགས་ན་འདིར་གནོན།]

སྐུ་ཡི་རྟགས། །ཐོད་པ་རྙིང་པ་ལོངས་སྤྱོད་རྫོགས་པའི་རྟགས། །ཐོད་པ་ཚལ་བུ་སྤྲུལ་པ་སྐུ་ཡི་རྟགས། །སྐུ་གསུམ་ཚོན་བྱེད་ཐོད་པའི་དབང་ཐོབ་ཤོག །ཧཱུྃ། རིགས་བཞི་ཀླུ་རྣམས་མ་ལུས་འདུལ་བའི་རྟགས། །གདུག་པ་སྦྲུལ་ནི་རིགས་བཞིས་སྐུ་ལ་བརྒྱན། །ཞེ་སྡང་ཆེན་པོ་གནས་སུ་འཇོམས་མཛད་པ། །གདུག་པ་ཆས་ཀྱི་དབང་རྣམས་ཐོབ་པར་ཤོག །ཧཱུྃ། ཞག་གི་ཟོ་རིས་དམ་རྫས་བཅུད་ཀྱི་རྒྱན། །ཐལ་ཆེན་ཚོམ་བུ་འཁོར་བ་འཇོམས་པའི་རྟགས། །རཀྟའི་ཐིག་ལེ་ཐུགས་རྗེ་ཆགས་པའི་རྟགས། །མཚན་མ་རྣམ་པ་གསུམ་གྱི་དབང་ཐོབ་ཤོག །དེ་ནས་ཆས་དབང་ནི། ཧཱུྃ། རང་བྱུང་རྒྱལ་པོ་ལྷ་ཡི་རྒྱན། །མཛེས་པས་རབ་ཏུ་བརྒྱན་པ་སྟེ། །ལྷ་ལ་རབ་ཏུ་མཛེས་པས་བརྒྱན། །དབུ་རྒྱན་ཅོད་པན་དབང་ཐོབ་ཤོག ། ཧཱུྃ། ཡེ་ཤེས་མེ་དཔུང་འཁོར་བ་བསྲེག་པའི་རྟགས། །ཡེ་ཤེས་མེ་རི་ལྗང་སེར་དམར་བའི་འོད། །མདོར་ན་ཡེ་ཤེས་ལྔ་ཡི་རང་བཞིན་ཏེ། །དུག་ལྔ་བསྲེག་པའི་དབང་རྣམས་ཐོབ་པར་ཤོག །ཧཱུྃ། ཁམ་ནག་རལ་པ་ཀུན་གྱི་རྒྱན་དུ་བཅིངས། །སྲིད་པའི་རྩེ་མོ་ཟིལ་གྱིས་གནོན་པའི་རྟགས། །གཏི་མུག་ཆེན་པོ་རྩད་ནས་བཅད་ནས་ཀྱང༌། །དབུ་སྐྲ་རལ་པའི་


JLAZ009_Page_0099
[མ་དཔེ་གཟིགས་ན་འདིར་གནོན།]

དབང་མཆོག་ཐོབ་པར་ཤོག །ཧཱུྃ། ཚོན་གང་སྐུ་ཡི་བ་སྤུའི་བུ་ག་རྣམས། །ཐུགས་རྗེ་ཆེན་པོའི་བྱིན་རླབས་ཅིར་ཡང་སྣང༌། །རྡོ་རྗེ་ཕུར་པ་རབ་ཏུ་ཀཱི་ལ་ཡ། །གདུག་པ་འཇོམས་པའི་ལྷ་རྣམས་དབང་ཐོབ་ཤོག །ཧཱུྃ། ཡེ་ཤེས་རྡོ་རྗེ་རབ་ཏུ་འབར་བ་ཡི། ། རྡོ་རྗེའི་གཤོག་པས་ཁམས་གསུམ་ཟིལ་གྱིས་གནོན། །གདུག་བྱེད་རང་བཞིན་མེད་པར་གནོན་མཛད་པ། །རྡོ་རྗེའི་གཤོག་པའི་དབང་མཆོག་ཐོབ་པར་ཤོག །ཧཱུྃ། རྡོ་རྗེ་ཐོད་ཁྲག་རབ་ཏུ་གསོལ་བ་ཡིས། །ཁམས་གསུམ་ཆགས་པ་རབ་ཏུ་ཞི་བར་མཛོད། །འདོད་ཆགས་རྩད་ནས་གཅོད་བྱེད་ཐོད་པའི་ཁྲག །རཀྟ་ཆེན་པོའི་དབང་མཆོག་ཐོབ་པར་ཤོག །ཧཱུྃ། ཅོད་པན་རབ་ཏུ་འཕུར་བྱེད་པའི། །ལྷ་མོ་ལྔ་དང་ལྡན་པའི་མཆོད་པ་ཡིས། །མཆོད་པ་རྒྱ་ཆེར་མཆོད་པའི་དབང་ཐོབ་ཤོག །དེ་ནས་ཕྱག་མཚན་གྱི་དབང་ནི། ཧཱུྃ། རྣམ་ཐར་དགུ་དང་རབ་ལྡན་པའི། །ཐེག་པ་དགུ་ཡི་སྒོ་གནས་ནས། །ཁྱད་པར་ཆེན་པོ་ངན་སོང་འཇོམས། །ས་དགུ་གནོན་པའི་དབང་ཐོབ་ཤོག །ཧཱུྃ། ཡེ་ཤེས་ལྔ་དང་རབ་ལྡན་པའི། །རྡོ་རྗེ་རྩེ་ལྔ་ཡེ་ཤེས་ལྔ། །འགྲོ་བ་ལྔ་ནི་རབ་ཏུ་འདྲེན། །དུག་ལྔ་འཇོམས་པའི་དབང་ཐོབ་ཤོག །


JLAZ009_Page_0100
[མ་དཔེ་གཟིགས་ན་འདིར་གནོན།]

ཧཱུྃ། ཡེ་ཤེས་མེ་དཔུང་འབར་བ་སྟེ། །ཐུགས་མཆོག་རབ་ཏུ་འབར་བའི་རྟགས། །འཁོར་བའི་སྡུག་བསྔལ་ཐམས་ཅད་བསྲེག །ཉོན་མོངས་སྲེག་པའི་དབང་ཐོབ་ཤོག །ཧཱུྃ། མཚོན་གྱི་རྒྱལ་པོས་རཱུ་ཏྲ་སྒྲོལ། །སྐུ་གསུམ་ལྷུན་གྲུབ་རྩེ་མོས་མཚོན། །ངན་སོང་གསུམ་པོ་རྟག་ཏུ་སྒྲོལ། །དུག་གསུམ་རྩད་གཅོད་དབང་ཐོབ་ཤོག །ཧཱུྃ། ཐུགས་རྗེའི་ཕུར་པས་གདུག་པ་འདུལ། །བགེགས་ཀྱི་རྒྱལ་པོ་སྒྲོལ་མཛད་པ། །འཁོར་བ་ཚར་གཅོད་དབྱིངས་སུ་སྒྲོལ། །གདུག་པ་འདུལ་བའི་དབང་ཐོབ་ཤོག །གཉིས་པ་ནང་ནུས་པ་འཇུག་པའི་དབང་ནི། བཤད་རྒྱུད་ལས། ནུས་པ་བསྐྱེད་པར་བྱེད་པ་ཡིས། །རྡོ་རྗེ་ནང་གི་དབང་ལྔ་སྟེ། །ཐོས་སྒོམ་སྨྲ་བྱེད་ཕྲིན་ལས་དབང༌། །ཞེས་པས་སྐྱེ་མཆེད་རྣམས་ཧེ་རུ་ཀ་ལྔའི་རང་བཞིན་དུ་བྱིན་གྱིས་བརློབ་པ་ནི། རིན་ཆེན་ཁྲག་འཐུང་གི་ས་བོན་རྣ་བར་བསྐུར་ལ་གསལ་འཕྲོ་བསྟིམ་གསུམ་གྱི་དམིགས་པའི་བྱེ་བྲག་ཤེས་པས། ས། ཉན་བྱེད་རྣ་བའི་གཞལ་ཡས་སུ། །གསལ་བ་རིན་ཆེན་ངོ་བོ་ཉིད། །ས་ཡི་ཕྱག་རྒྱའི་ཚོགས་མཆོག་ལས། །རིན་ཆེན་ཁྲག་འཐུང་གསལ་འཕྲོ་བསྟིམ། །ས་ཨ་བྷི་ཥིཉྩ་ས། དབང་དེ་བསྐུར་ཞིང་སྨིན་པ་ཡི། །གསང་བའི་དབང་མཆོག་དམ་པ་ལས། །གསང་བ་གཞན་


JLAZ009_Page_0101
[མ་དཔེ་གཟིགས་ན་འདིར་གནོན།]

ལས་བསྙེན་པར་བྱ། །གསང་བའི་དོན་ཉིད་རྟོགས་བྱ་ཞིང༌། །གསང་བ་གཞན་དུ་སྨྲ་མི་བྱ། །ཞེས་དམ་ཚིག་བསྟན་པ་ནི་ཀུན་ལ་འགྲེའོ། །རྡོ་རྗེ་ཁྲག་འཐུང་གི་ས་བོན་སྙིང་གར་བསྐུར་ལ་བཛྲ། བསམ་བྱེད་སྙིང་གི་གཞལ་ཡས་སུ། །གསང་བ་རྡོ་རྗེའི་ངོ་བོ་ཉིད། །ཡི་གེ་ཕྲེང་བའི་ཚོགས་མཆོག་ལས། །རྡོ་རྗེ་ཁྲག་འཐུང་གསལ་འཕྲོ་བསྟིམ། །བཛྲ་ཨ་བྷི་ཥིཉྩ་ཧཱུྃ། དུས་གསུམ་རྒྱལ་བའི་སྲས་ཆེན་པོ། །སྐུ་གསུང་ཐུགས་ཀྱི་རྡོ་རྗེ་གདན། །རྒྱལ་བ་ཐམས་ཅད་མཉེས་མཆོད་ལས། །རྒྱལ་བ་ཀུན་དང་མཉམ་པར་སྦྱོར། །པདྨ་ཁྲག་འཐུང་གི་ས་བོན་ལྕེ་ལ་བསྐུར་ལ་ཨཱཿ སྨྲ་བྱེད་ལྕེ་ཡི་གཞལ་ཡས་སུ། །གསལ་བ་ཨ་ཡི་ངོ་བོ་ཉིད། །ཨ་ཡི་ཕྱག་རྒྱའི་ཚོགས་མཆོག་ལས། །པདྨ་ཁྲག་འཐུང་གསལ་འཕྲོ་བསྟིམ། །ཨཱཿ ཨ་བྷི་ཥིཉྩ་ཨཱཿ ཆོས་ཀྱི་བདུད་རྩི་བླ་ན་མེད། །དད་ལྡན་སྐྱེས་བུ་ངོམ་པར་བྱོས། །རབ་འབྲིང་ཐ་མའི་བློ་ཅན་ལ། །མཐུན་པར་གསང་བསྒྲག་གཞན་དུ་མིན། །དོན་གྲུབ་ཀྱི་ས་བོན་ལག་མཐིལ་གཉིས་སུ་བསྐུར་ལ་ཏྭ། ལག་མཐིལ་གཉིས་ཀྱི་གཞལ་ཡས་སུ། །གསལ་བ་རྒྱ་གྲམ་ངོ་བོ་ཉིད། །ཏྭ་ཡི་ཕྱག་རྒྱའི་ཚོགས་མཆོག་ལས། །ལས་ཀྱི་ཁྲག་འཐུང་གསལ་འཕྲོ་བསྟིམ། །


JLAZ009_Page_0102
[མ་དཔེ་གཟིགས་ན་འདིར་གནོན།]

ཏྭ། ཨ་བྷི་ཥིཉྩ་ཏྭ། ཁྱོད་ནི་རྡོ་རྗེ་ལས་ཡིན་པས། །ལས་རྣམས་མ་ལུས་ཀུན་གྱིས་ཤིག །ཕོ་ཉ་འདུ་འཕྲོ་མང་པོ་ཀུན། །ཁྱོད་ཀྱི་དགོས་པ་བྱེད་པར་འགྱུར། རྣམ་སྣང་གི་ས་བོན་སྤྱི་བོར་བསྐུར་ཏེ། ཨཱོཾ། བསྐྱོད་ཆེན་ཡན་ལག་གཞལ་ཡས་སུ། །གསལ་བ་ཨཱོཾ་གྱི་ངོ་བོ་ཉིད། །ཨོཾ་ཨཱཿབཛྲ་སཏྭ་ཧཱུྃ་ལས། །རིགས་ལྔ་ཁྲག་འཐུང་སྐུ་རུ་གསལ། །ཨཱོཾ་ཨ་བྷི་ཥིཉྩ་ཨཱོཾ། ཕྱོགས་བཅུ་དུས་གསུམ་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་ཆེ། །དཀྱིལ་འཁོར་ཀུན་གྱི་སྦྱིན་པ་ཁྱོད། །དཀྱིལ་འཁོར་ཀུན་གྱི་མངའ་བདག་ འགྱུར། །དེ་ནས་རྡོ་རྗེ་སློབ་དཔོན་གྱི་དབང་ནི། ཕུར་པ་ཕྲིན་ལས་ཀྱི་རྒྱུད་ལས། མིང་དང་ཆུ་དང་དམ་ཚིག་གསུམ། །རྡོ་རྗེ་དྲིལ་བུའི་ཕྱག་རྒྱ་དང༌། །རྡོ་རྗེ་བརྟུལ་ཞུགས་སྐྱབས་སྦྱིན་གྱི། །སློབ་དཔོན་དབང་ནི་རབ་ཏུ་སྦྱིན། །ངན་སོང་གནས་ནི་དབང་གིས་འཇོམས། །ཞེས་པས་དང་པོ་གཉིས་ནི་རིགས་དབང་ལྔའི་ཁོངས་སུ་ལྡན་ལ། དམ་ཚིག་གསུམ་ལ་སོགས་པའི་ཚུལ་སློབ་མ་གཙོ་བོ་ཡབ་ཡུམ་གྱི་ང་རྒྱལ་ལ་གནས་པ་ལ། ཐུགས་ཀྱི་དམ་ཚིག་རྡོ་རྗེ་གསོར་བ་དང༌། གསུང་གི་དམ་ཚིག་དྲིལ་བུ་འཁྲོལ་བ་དང༌། སྐུའི་དམ་ཚིག་ཐབས་ཤེས་ཟུང་དུ་འཇུག་པའི་ཚུལ་དུ་བསྣོལ་ནས་འཁྱུད་རྒྱ་བྱེད་པ་སྟེ་དམ་ཚིག་


JLAZ009_Page_0103
[མ་དཔེ་གཟིགས་ན་འདིར་གནོན།]

གསུམ་བྱིན་ཞིང༌། རྒྱལ་ཚབ་ཏུ་འོས་པའི་སློབ་བུ་ཡིན་ན་ཁྲི་ལ་བཞག་སྟེ་འཁོར་ལོ་དང༌། པོ་ཏི་དང༌། དུང་དཀར་དང༌། ཕྱག་ཤིང་ཀྱང་གཏད་ཧཱུྃ། ཐབས་ཀྱི་སྤྱོད་པས་གཞན་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་པའི། །དབང་དང་བྱིན་རླབས་འདིར་སྩལ་ཏོ། །ཨཱོཾ་བོ་དྷི་ཙིཏྟ་ས་མ་ཡ་སྟྭཾ་ཨ་བྷི་ཥིཉྩ་ཨཱཿརིགས་ཀྱི་བུ་ཁྱོད་ལ་རྡོ་རྗེ་དང་དྲིལ་བུ་འདི་གཏད་ཅིང་དམ་ཚིག་གསུམ་བྱིན་ནས་རྡོ་རྗེ་སློབ་དཔོན་དུ་དབང་བསྐུར་ནས། རྣམ་པ་ཐམས་ཅད་མཁྱེན་པའི་བདག་ཉིད་ཕ་རོལ་ཏུ་ཕྱིན་པ་དྲུག་གི་རང་བཞིན་སྔགས་ཀྱི་ལྟ་སྤྱོད་ཟབ་མོའི་ཐབས་ཤེས་ཟུང་འབྲེལ་དུ་རྫོགས་ནས་འཁོར་བ་མ་སྤངས་རང་བཞིན་མེད་པར་དག །སྐུ་གསུམ་འདུ་འབྲལ་མེད་པས་འགྲོ་བའི་དོན་དཔག་ཏུ་མེད་པར་བྱེད་པའི་རྟེན་འབྲེལ་འགྲིགས་པ་ཡིན་ནོ། །ཞེས་གཟེངས་བསྟོད། དེ་ལྟར་རྡོ་རྗེ་སློབ་དཔོན་གྱི་དབང་བསྐུར་ནས་སློབ་མས་ཀྱང་སློབ་དཔོན་གྱི་གོ་འཕང་བརྙེས་པར་བྱ་སྟེ། རྡོ་རྗེ་འབར་བ་ལས། དབང་བསྐུར་གནང་བ་ཐོབ་ནས་ནི། །ཉན་དང་བསམ་པ་ལ་སོགས་པས། །བླ་མའི་རྒྱུད་ལ་གནས་པ་རྣམས། །སྦྱངས་ཤིང་རྟོགས་པར་མ་བྱས་ན། །གཅེར་བུ་ལག་པ་སྟོང་པར་འགྲོ། །ཞེས་སོ། །དེ་ཡང༌།


JLAZ009_Page_0104
[མ་དཔེ་གཟིགས་ན་འདིར་གནོན།]

རྡོ་རྗེ་ཁྲོས་པ་ལས། དབང་བསྐུར་ཡི་དམ་ལྷར་ བསྐྱེད་ལ། །ལུས་ཀྱི་དཀྱིལ་འཁོར་རྫོགས་པར་བྱ། །ཞེས་པས་སློབ་མའི་ལུས་ཀྱི་དངོས་པོར་འཛིན་པ་དག་པའི་ཕྱིར་ལྷ་དབང་བསྐུར་བའི་ཚུལ་ཀཱི་ལ་ཡ་གསང་བའི་དགོངས་རྒྱུད་ལས་ཇི་ལྟར་བསྟན་པ་ཉིད་དབང་བསྐུར་ཟབ་མོའི་དག་བྱ་དག་འབྲས་ལས་ཡིན་ལུགས་ཀྱི་དོན་ལ་སྦྱོར་བའི་ཕྱིར་དཀྱིལ་འཁོར་གྱི་བདག་པོའི་ཐུགས་ཀ་ནས་ཆུ་ལ་ཆུ་བུར་རྡོལ་བ་བཞིན་བྱུང་བའི་ལྷ་ཚོགས་རྣམས་གནས་སོ་སོར་ཐིམ་པའི་མོས་པ་མཛོད། །ཅེས་བརྡའ་སྦྱར་ལ། སྤྱི་བོར་གཙོ་བོའི་སྐུ་བཞག་ལ། དངོས་པོར་འཛིན་པ་གནས་སུ་དག་པའི་ཕྱིར། །བཅོམ་ལྡན་རྡོ་རྗེ་གཞོན་ནུས་དབང་བསྐུར་རོ། །ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ་དཱིཔྟ་ཙཀྲ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཨ་བྷི་ཥིཉྩ་མཱཾ། སྲས་མཆོག་ཡབ་ཡུམ་བཅུ་ཡི་སྐུ་སྟོན་ཅིང༌། །གཟུགས་ཀྱི་ཕུང་པོ་གནས་སུ་དག་པའི་ཕྱིར། །ནམ་མཁའི་རྩ་ལ་བུདྡྷ་ཧེ་རུ་ཀ །ཨཱོཾ་བུདྡྷ་ཀཱི་ལི་ཀཱི་ལ་ཡ་ཧེ་རུ་ཀ་ཨ་བྷི་ཥིཉྩ་མཱཾ། རྣམ་ཤེས་ཕུང་པོ་གནས་སུ་དག་པའི་ཕྱིར། །ས་ཡི་རྩ་ལ་བཛྲ་ཧེ་རུ་ཀ ། ཨཱོཾ་བཛྲ་ཀཱི་ལི་ཀཱི་ལ་ཡ་ཧེ་རུ་ཀ་ཨ་བྷི་ཥིཉྩ་མཱཾ། ཚོར་བའི་ཕུང་པོ་གནས་སུ་དག་པའི་ཕྱིར། །ཆུ་ཡི་རྩ་ལ་རཏྣ་ཧེ་རུ་ཀ །ཨཱོཾ་རཏྣ་ཀཱི་ལི་ཀཱི་ལ་ཡ་ཧེ་རུ་ཀ་ཨ་བྷི་ཥིཉྩ་མཱཾ། འདུ་ཤེས་ཕུང་པོ་གནས་སུ་དག་པའི་


JLAZ009_Page_0105
[མ་དཔེ་གཟིགས་ན་འདིར་གནོན།]

ཕྱིར། །མེ་ཡི་རྩ་ལ་པདྨ་ཧེ་རུ་ཀ །ཨཱོཾ་པདྨ་ཀཱི་ལི་ཀཱི་ལ་ཡ་ཧེ་རུ་ཀ་ཨ་བྷི་ཥིཉྩ་མཱཾ། འདུ་བྱེད་ཕུང་པོ་གནས་སུ་དག་པའི་ཕྱིར། །རླུང་གི་རྩ་ལ་ཀརྨ་ཧེ་རུ་ཀ །ཨཱོཾ་ཀརྨ་ཀཱི་ལི་ཀཱི་ལ་ཡ་ཧེ་རུ་ཀ་ཨ་བྷི་ཥིཉྩ་མཱཾ། འབྱུང་བ་ལྔ་ནི་རྒྱལ་བ་ཡུམ་ལྔའི་མཁའ། །སྲས་མཆོག་རིགས་ལྔ་ཡབ་ཡུམ་དབང་བསྐུར་རོ། །ཁྲོ་བོ་བཅུའི་སྐུ་གནས་སོ་སོར་བསྐུར་ལ། ཧཱུྃ། ཞེ་སྡང་གནས་སུ་དག་པའི་ཕྱིར། །རྣ་བའི་གནད་ཀྱི་རྩ་ལ་ནི། །ཁྲོ་བོ་རྣམ་པར་རྒྱལ་བས་དབང་བསྐུར་རོ། །ཨཱོཾ་བཛྲ་ཀྲོ་ཏ་བི་ཛ་ཡ་ཧཱུྃ་བཛྲ་ཀྲོ་དྷི་ལཱ་སེ་ཀེ་ཧཱུྃ་ཨ་བྷི་ཥིཉྩ་མཱཾ། ང་རྒྱལ་གནས་སུ་དག་པའི་ཕྱིར། །དཔུང་གཡས་གནད་ཀྱི་རྩ་ལ་ནི། །ཁྲོ་བོ་གཤིན་རྗེ་གཤེད་པོས་དབང་བསྐུར་རོ། །ཨཱོཾ་བཛྲ་ཀྲོ་ཏ་ཡ་མཱནྟ་ཀ་ཧཱུྃ་བཛྲ་ཀྲོ་ཏི་སྟྭམ་བྷ་ནི་ཧཱུྃ་ཨ་བྷི་ཥིཉྩ་མཱཾ། འདོད་ཆགས་གནས་སུ་དག་པའི་ཕྱིར། །མཚན་མའི་གནད་ཀྱི་རྩ་ལ་ནི། །ཁྲོ་བོ་རྟ་མགྲིན་རྒྱལ་པོས་དབང་བསྐུར་རོ། །ཨཱོཾ་བཛྲ་ཀྲོ་ཏ་ཧྱ་གྲཱི་ཝ་ཧུ་ལུ་ཧུ་ལུ་ཧཱུྃ་བཛྲ་ཀྲོ་དྷཱི་ཙན་དྷ་རེ་ཡེ་ཏི་ཧཱུྃ་ཨ་བྷི་ཥིཉྩ་མཱཾ། ཕྲག་དོག་གནས་སུ་དག་པའི་ཕྱིར། །མིག་འབྲས་གནད་ཀྱི་རྩ་ལ་ནི། །ཁྲོ་བོ་བདུད་རྩི་འཁྱིལ་པས་དབང་བསྒྱུར་རོ། །ཨོཾ་བཛྲ་ཀྲོ་ཏ་ཨ་མྲྀ་ཏ་ཀུཎྜ་ལི་ཧཱུཾ་བཛྲ་ཀྲོ་དྷི་བ་ཡི་བ་ཏི་ཧཱུྃ་ཨ་བྷི་ཥིཉྩ་མཱཾ། གཏི་


JLAZ009_Page_0106
[མ་དཔེ་གཟིགས་ན་འདིར་གནོན།]

མུག་གནས་སུ་དག་པའི་ཕྱིར། །ལྟེ་བའི་གནད་ཀྱི་རྩ་ལ་ནི། །ཁྲོ་བོ་སྟོབས་པོ་ཆེ་ཡིས་དབང་བསྐུར་རོ། །ཨཱོཾ་བཛྲ་ཀྲོ་ཏ་མ་ཧཱ་བ་ལ་ཧཱུྃ་བཛྲ་ཀྲོ་དྷི་ཙུན་ཏ་མུ་ནེ་ཧཱུྃ་ཨ་བྷི་ཥིཉྩ་མཱཾ། རྫུན་དུ་སྨྲ་བ་གནས་སུ་དག་པའི་ཕྱིར། །ལྕེ་ཡི་གནད་ཀྱི་རྩ་ལ་ནི། །ཁྲོ་བོ་དབྱུག་པ་སྔོན་པོས་དབང་བསྐུར་རོ། །ཨཱོཾ་བཛྲ་ཀྲོ་ཏ་ནཱི་ལ་དཎྜ་ཧཱུྃ་བཛྲ་ཀྲོ་དྷི་ཏི་རུ་ཧཱུྃ་ཨ་བྷི་ཥིཉྩ་མཱཾ། སྲོག་གཅོད་གནས་སུ་དག་པའི་ཕྱིར། །དཔུང་གཡོན་གནད་ཀྱི་རྩ་ལ་ནི། །ཁྲོ་བོ་མི་གཡོ་མགོན་པོས་དབང་བསྐུར་རོ། །ཨཱོཾ་བཛྲ་ཀྲོ་ཏ་ཨཱརྱ་ཨ་ཙ་ལ་ཧཱུྃ་བཛྲ་ཀྲོ་དྷི་མུ་ཁ་ལ་ཧཱུྃ་ཨ་བྷི་ཥིཉྩ་མཱཾ། མ་བྱིན་ལེན་པ་གནས་སུ་དག་པའི་ཕྱིར། །རྐང་གཡས་གནད་ཀྱི་རྩ་ལ་ནི། །ཁྲོ་བོ་གཞན་གྱིས་མི་ཐུབ་དབང་བསྐུར་རོ། །ཨཱོཾ་བཛྲ་ཀྲོ་ཏ་ཨ་པ་རཱ་ཛི་ཏ་ཧཱུྃ་བཛྲ་ཀྲོ་དྷི་ཤ་བྱ་ཡ་ཧཱུྃ་ཨ་བྷི་ཥིཉྩ་མཱཾ། གནོད་སེམས་གནས་སུ་དག་པའི་ཕྱིར། །རྐང་གཡོན་གནད་ཀྱི་རྩ་ལ་ནི། །ཁྲོ་བོ་ཁམས་གསུམ་རྣམ་རྒྱལ་དབང་བསྐུར་རོ། །ཨཱོཾ་བཛྲ་ཀྲོ་ཏ་ཏྲཻ་ལོཀྱ་བི་ཛ་ཡ་ཧཱུྃ་བཛྲ་ཀྲོ་དྷི་མཱ་ར་ན་ཧཱུྃ་ཨ་བྷི་ཥིཉྩ་མཱཾ། ལོག་པར་ལྟ་བ་གནས་སུ་དག་པའི་ཕྱིར། །མིག་གཡོན་གནད་ཀྱི་རྩ་ལ་ནི། །ཁྲོ་བོ་ཧཱུྃ་ཀཱ་ར་ཡིས་དབང་བསྐུར་རོ། །ཨཱོཾ་བཛྲ་ཀྲོ་ཏ་ཧཱུྃ་ཀ་ར་བཛྲ་ཀྲོ་དྷི་ཙི་ན་དྷ་ཡ་ཏི་ཧཱུྃ་ཨ་བྷི་ཥིཉྩ་མཱཾ། དེ་ལྟར་བདག་ཉིད་རྩ་བའི་དཀྱིལ་


JLAZ009_Page_0107
[མ་དཔེ་གཟིགས་ན་འདིར་གནོན།]

འཁོར་གྱི་རོལ་པ་ལས་མཚན་མ་རྫས་ཀྱི་དཀྱིལ་འཁོར་དུ་ཕྱོགས་བཅུ་ཁྲོ་བོའི་དཀྱིལ་འཁོར་གྱི་དབང་ཐོབ་པའི་ཡོན་ཏན་ནི། བཤད་པའི་རྒྱུད་ཆེན་པོ་ལས། གཙོ་བོ་ཉིད་ཀྱི་དབང་ཐོབ་ན། །ཅི་བསམ་ལས་རྣམས་འགྲུབ་པར་འགྱུར། །ཧཱུྃ་མཛད་ཆེན་པོའི་དབང་ཐོབ་ན། །ཐོག་དང་སེར་བའི་ལས་རྣམས་འགྲུབ། །རྣམ་པར་རྒྱལ་བའི་དབང་ཐོབ་ན། །སྨྱོ་འབོག་ལས་རྣམས་ཐུལ་བར་འགྱུར། །དབྱུག་སྔོན་ཅན་གྱི་དབང་ཐོབ་ན། །ཉོན་མོངས་མེ་ནི་བསྲེག་པར་འགྱུར། །གཤིན་རྗེ་གཤེད་པའི་དབང་བསྐུར་ན། །སྒྲོལ་བ་ཆེན་པོའི་དབང་ཡང་ཐོབ། །མི་གཡོ་མགོན་པོའི་དབང་ཐོབ་ན། །ཞེ་སྡང་རང་རྒྱུད་ནོན་པར་འགྱུར། །རྟ་མགྲིན་རྒྱལ་པོའི་དབང་ཐོབ་ན། །ཁམས་གསུམ་དབང་དུ་སྡུད་པར་འགྱུར། །གཞན་གྱིས་མི་ཐུབ་དབང་ཐོབ་ན། །ཉོན་མོངས་ཤ་མདངས་ཕྱེད་པར་འགྱུར། །བདུད་རྩི་འཁྱིལ་བའི་དབང་ཐོབ་ན། །ཁམས་གསུམ་གདུག་པ་གསོད་པར་འགྱུར། །ཁམས་གསུམ་རྣམ་རྒྱལ་དབང་ཐོབ་ན། །གང་ཡིན་དངོས་པོ་འཛིན་པར་འགྱུར། །སྟོབས་པོ་ཆེ་ཡི་དབང་ཐོབ་ན། །འདུལ་བ་ཆེན་པོའི་དབང་ཐོབ་འགྱུར། །སྲས་མཆོག་དྲུག་གི་དབང་ཐོབ་ན། །འཇིག་རྟེན་དྲེགས་པ་འདུལ་བར་འགྱུར། །དུར་ཁྲོད་རྫས་ཀྱི་དབང་ཐོབ་ན། །


JLAZ009_Page_0108
[མ་དཔེ་གཟིགས་ན་འདིར་གནོན།]

བདུད་ཀྱི་རྒྱལ་པོ་འདུལ་བར་འགྱུར། །སྐུ་གསུང་ཐུགས་ཀྱི་དབང་ཐོབ་ན། །ཁམས་གསུམ་སྤྲུལ་པས་འགེངས་པར་འགྱུར། །རྡོ་རྗེ་ཕུར་པའི་དབང་ཐོབ་ན། །དྲེགས་པ་ཅན་རྣམས་འདུལ་བར་འགྱུར། །བཀྲ་ཤིས་དམ་པའི་རྫས་ལ་བརྟེན། །དམ་པ་དེ་ཉིད་ཐོབ་གྱུར་ན། །ལེགས་པའི་ཡོན་ཏན་བརྗོད་ལས་འདས། །རྡོ་རྗེ་ཚེ་ཡི་དབང་ཐོབ་ན། །ཚེ་ཡི་རྡོ་རྗེ་ཉིད་དུ་འགྱུར། །ལོངས་སྤྱོད་གཏེར་གྱི་དབང་ཐོབ་ན། །ཟད་མེད་འཕེལ་བའི་དབང་དང་ལྡན། །དབང་ལ་ཡོན་ཏན་བརྗོད་ལས་འདས། །དབང་རྣམས་རྫོགས་པར་མ་གྱུར་ན། །རྫ་བྱས་བེའུར་ལུས་པ་འདྲ། །དབང་རྣམས་ཐོབ་པར་མ་གྱུར་ན། །ཉི་ཁྲི་ཆིག་སྟོང་སྟོན་ནུས་ཀྱང༌། །རྒྱལ་པོ་དམངས་སུ་བབ་པ་འདྲ། །ཤིང་ལ་བཙུགས་འཕྲུ་བྱས་པ་འདྲ། །དེ་ཕྱིར་དབང་ལ་ནན་ཏན་བྱ། །ཞེས་སོ། །དེ་ནས་ཕྲ་ཕྱག་སོ་སོའི་ཙཀླི་སྤྱི་བོར་བསྐུར་ལ་བཏང་སྙོམས་བྱང་ཆུབ་སེམས་དང་ལྡན། །ཕྲ་མེན་ཕག་གི་མགོ་ཅན་དབང་བསྐུར་རོ། །བཛྲ་སུ་ཀ་ར་མུ་ཁཛྫ་ཨ་བྷི་ཥིཉྩ་མཱཾ། གཡོ་སྒྱུ་བྱང་ཆུབ་སེམས་དང་ལྡན། །ཕྲ་མེན་སྨིག་བུའི་མགོ་ཅན་དབང་བསྐུར་རོ། །བཛྲ་ཀ་ཤ་མུ་ཁཛྫ་ཨ་བྷི་ཥིཉྩ་མཱཾ། དཔའ་རྩལ་བྱང་ཆུབ་སེམས་དང་ལྡན། །ཕྲ་མེན་སྟག་གི་མགོ་ཅན་དབང་བསྐུར་རོ། །


JLAZ009_Page_0109
[མ་དཔེ་གཟིགས་ན་འདིར་གནོན།]

བཛྲ་བྱཱ་གྷྲྀ་མུ་ཁཛྫ་ཨ་བྷི་ཥིཉྩ་མཱཾ། ཐོགས་མེད་བྱང་ཆུབ་སེམས་དང་ལྡན། །ཕྲ་མེན་བྱ་རྒོད་མགོ་ཅན་དབང་བསྐུར་རོ། །བཛྲ་གྲིད་ཌྷ་མུ་ཁཛྫ་ཨ་བྷི་ཥིཉྩ་མཱཾ། གཟི་བརྗིད་བྱང་ཆུབ་སེམས་དང་ལྡན། །ཕྲ་མེན་གཡག་གི་མགོ་ཅན་དབང་བསྐུར་རོ། །བཛྲ་ཙ་མ་ར་མུ་ཁཛྫ་ཨ་བྷི་ཥིཉྩ་མཱཾ། རང་རིག་བྱང་ཆུབ་སེམས་དང་ལྡན། །ཕྲ་མེན་བྱ་རོག་མགོ་ཅན་དབང་བསྐུར་རོ། །བཛྲ་ཀཱ་ཀ་མུ་ཁཛྫ་ཨ་བྷི་ཥིཉྩ་མཱཾ། གཙང་མ་སྲོད་བྱེད་བྱང་ཆུབ་སེམས་དང་ལྡན། །ཕྲ་མེན་ཤ་བའི་མགོ་ཅན་དབང་བསྐུར་རོ། །བཛྲ་ཧ་ར་མུ་ཁཛྫ་ཨ་བྷི་ཥིཉྩ་མཱཾ། ཕྲ་ལ་གཏིང་ཟབ་བྱང་ཆུབ་སེམས་དང་ལྡན། །ཕྲ་མེན་འུག་པའི་མགོ་ཅན་དབང་བསྐུར་རོ། །བཛྲ་ཧུ་ལུ་མུ་ཁཛྫ་ཨ་བྷི་ཥིཉྩ་མཱཾ། འཁོར་བ་རྔམ་བྱེད་བྱང་ཆུབ་སེམས་དང་ལྡན། །ཕྲ་མེན་གཟིག་གི་མགོ་ཅན་དབང་བསྐུར་རོ། །བཛྲ་བྱཱ་གྲྀ་མུ་ཁཛྫ་ཨ་བྷི་ཥིཉྩ་མཱཾ། མི་འཆོར་འཇོམས་བྱེད་བྱང་ཆུབ་སེམས་དང་ལྡན། །ཕྲ་མེན་ཁྭ་ཡི་མགོ་ཅན་དབང་བསྐུར་རོ། །བཛྲ་བ་ཡ་ཏི་མུ་ཁཛྫ་ཨ་བྷི་ཥིཉྩ་མཱཾ། གཟེ་མྱུར་འཇོམས་བྱེད་བྱང་ཆུབ་སེམས་དང་ལྡན། །ཕྲ་མེན་བྱི་ལའི་མགོ་ཅན་དབང་བསྐུར་རོ། །བཛྲ་པ་ཙ་ལ་མུ་ཁཛྫ་ཨ་བྷི་ཥིཉྩ་མཱཾ། ཐབས་མཁས་རྫུ་འཕྲུལ་བྱང་ཆུབ་སེམས་


JLAZ009_Page_0110
[མ་དཔེ་གཟིགས་ན་འདིར་གནོན།]

དང་ལྡན། །ཕྲ་མེན་པུ་ཤུད་མགོ་ཅན་དབང་བསྐུར་རོ། །བཛྲ་བག་ཤི་མུ་ཁཛྫ་ཨ་བྷི་ཥིཉྩ་མཱཾ། རྔམ་མགྱོགས་གསོད་བྱེད་བྱང་ཆུབ་སེམས་དང་ལྡན། །ཕྲ་མེན་སྤྱང་ཀིའི་མགོ་ཅན་དབང་བསྐུར་རོ། །བཛྲ་ཤཱ་ན་མུ་ཁཛྫ་ཨ་བྷི་ཥིཉྩ་མཱཾ། འཛིན་ཅིང་མགྱོགས་བྱེད་བྱང་ཆུབ་སེམས་དང་ལྡན། །ཕྲ་མེན་ཁྲ་ཡི་མགོ་ཅན་དབང་བསྐུར་རོ། །བཛྲ་ཙན་དྷ་མུ་ཁཛྫ་ཨ་བྷི་ཥིཉྩ་མཱཾ། གཉེན་པོ་གཞལ་མེད་བྱང་ཆུབ་སེམས་དང་ལྡན། །ཕྲ་མེན་སེང་གེའི་མགོ་ཅན་དབང་བསྐུར་རོ། །བཛྲ་སིང་ཧ་མུ་ཁཛྫ་ཨ་བྷི་ཥིཉྩ་མཱཾ། ཤེས་རབ་ཐབས་མཁས་བྱང་ཆུབ་སེམས་དང་ལྡན། །ཕྲ་མེན་ཕ་ཝང་མགོ་ཅན་དབང་བསྐུར་རོ། །བཛྲ་ཏི་ཏཱི་ལ་མུ་ཁཛྫ་ཨ་བྷི་ཥིཉྩ་མཱཾ། གཏུམ་ཤིང་གདུག་པ་བྱང་ཆུབ་སེམས་དང་ལྡན། །ཕྲ་མེན་དོན་གྱི་མགོ་ཅན་དབང་བསྐུར་རོ། །བཛྲ་དག་ཤི་མུ་ཁཛྫ་ཨ་བྷི་ཥིཉྩ་མཱཾ། མགྱོགས་ཤིང་གཟེ་བའི་བྱང་ཆུབ་སེམས་དང་ལྡན། །ཕྲ་མེན་སྲེ་མོང་མགོ་ཅན་དབང་བསྐུར་རོ། །བཛྲ་ན་ཀུ་ལ་མུ་ཁཛྫ་ཨ་བྷི་ཥིཉྩ་མཱཾ། རྩོལ་ཆེན་ཐོགས་མེན་བྱང་ཆུབ་སེམས་དང་ལྡན། །ཕྲ་མེན་དྲེད་ཀྱི་མགོ་ཅན་དབང་བསྐུར་རོ། །བཛྲ་རིག་ཤ་མུ་ཁཛྫ་ཨ་བྷི་ཥིཉྩ་མཱཾ། བསྐུངས་མཁས་སྒྲོལ་བྱེད་བྱང་ཆུབ་སེམས་དང་ལྡན། །ཕྲ་མེན་བྱི་བའི་མགོ་ཅན་དབང་བསྐུར་རོ། །བཛྲ་དུང་ཀཾ་


JLAZ009_Page_0111
[མ་དཔེ་གཟིགས་ན་འདིར་གནོན།]

ཤི་མུ་ཁཛྫ་ཨ་བྷི་ཥིཉྩ་མཱཾ། ཡན་ལག་བཞི་ལ་སྒོ་མ་བཞི་སོ་སོར་བསྐུར་ལ། སྙིང་རྗེ་བྱང་ཆུབ་སེམས་དང་ལྡན། །ལག་གཡས་ལྕགས་ཀྱུ་མ་ཡིས་དབང་བསྐུར་རོ། །བཛྲ་ཨངྐུ་ཤ་ཛཿཨ་བྷི་ཥིཉྩ་མཱཾ། བྱམས་པ་བྱང་ཆུབ་སེམས་དང་ལྡན། །ལག་གཡོན་ཞགས་པ་མ་ཡིས་དབང་བསྐུར་རོ། །བཛྲ་པཱ་ཤ་ཧཱུྃ་ཨ་བྷི་ཥིཉྩ་མཱཾ། དགའ་བ་བྱང་ཆུབ་སེམས་དང་ལྡན། །རྐང་གཡོན་ལྕགས་སྒྲོག་མ་ཡིས་དབང་བསྐུར་རོ། །བཛྲ་སྥོ་ཊ་བཾ་ཨ་བྷི་ཥིཉྩ་མཱཾ། བཏང་སྙོམས་བྱང་ཆུབ་སེམས་དང་ལྡན། །རྐང་གཡས་དྲིལ་བུ་མ་ཡིས་དབང་བསྐུར་རོ། །བཛྲ་གྷཎྜེ་ཧོཿཨ་བྷི་ཥིཉྩ་མཱཾ། ལུས་འདི་དངོས་པོར་འཛིན་པ་རྣམས། །རྟོག་པའི་དབང་གིས་འཛིན་པ་ལས། །ལུས་འདི་ཡེ་ནས་མངོན་སངས་རྒྱས། །ཡེ་ནས་རྒྱལ་བའི་དཀྱིལ་འཁོར་ཡིན། །བསྐྱེད་ཀྱང་མི་དགོས་རང་བཞིན་གནས། །ཞེས་དག་པ་བརྗོད་ལ་རོལ་མོས་བྱིན་དབབ་པར་བྱའོ། ། དེ་ནས་ཕུར་སྲུང་དམ་ཅན་མ་མོ་བཅུ་གཉིས་མིང་པོ་དང་བཅས་པའི་དབང་ནི་ཤིན་ཏུ་གཉན་པས་སྣོད་དང་སྦྱར་ཏེ་བསྐུར་བར་བྱ་བ་ནི། ཧཱུྃ། འཇིག་རྟེན་ཁམས་རྣམས་དབང་དུ་སྡུད་པ་ཡི། །ལྕགས་ཀྱི་སྤྱང་མོས་ཁམས་གསུམ་དབང་དུ་སྡུད། །མངགས་


JLAZ009_Page_0112
[མ་དཔེ་གཟིགས་ན་འདིར་གནོན།]

པའི་ཕོ་ཉའི་ཚུལ་ཏེ་རྔམས་པའི་མདངས། །དབང་སྡུད་དམ་ཅན་དབང་མཆོག་ཐོབ་པར་ཤོག །ཧཱུྃ། ཁྱི་མོ་རལ་པ་ཁམས་གསུམ་དངངས་པའི་བདག །ཁམས་གསུམ་ཟས་སུ་ཟ་བའི་རྐན་སྒྲ་ཅན། །སྲིད་གསུམ་སྐོམ་དུ་འཐུང་བའི་ཧུབ་སྒྲ་ཅན། །དམ་ཅན་མཁའ་འགྲོའི་དབང་མཆོག་ཐོབ་པར་ཤོག །ཧཱུྃ། འཕར་བ་ལྕེ་བརྒྱད་སྣང་སྲིད་སིལ་བུར་འདོན། །ཁམས་གསུམ་ཀུན་ཏུ་ཕྱོགས་བཞིའི་དམག་དཔུང་འཇོམས། །ང་རོ་ཆེན་པོ་ཕྱོགས་བཅུ་ཀུན་ཏུ་སྒྲོགས། །མཁའ་འགྲོ་དགྱེས་པའི་དབང་མཆོག་ཐོབ་པར་ཤོག །ཧཱུྃ། ཟངས་ཀྱི་ཝ་མོས་སྣང་སྲིད་གདུག་པ་འདུལ། །རི་རབ་རྩེ་ནས་བསྙིལ་བའི་དབང་མོ་ཆེ། །ཙིཏྟ་དོན་སྙིང་ཟ་བའི་རྐན་སྒྲ་ཅན། །དབང་སྡུད་མཁའ་འགྲོའི་དབང་མཆོག་ཐོབ་པར་ཤོག །ཛྭ་ལ་ཛྭ་ལ་བཛྲ་མ་མ་མུཀྟ་ལ་ཡེ་ཛ་པ་དུ་མན་དྷི་ཤྭ་རི་ནི་ལ་པུ་ཙི་ཧཱུྃ་བྷྱོ་ཧཱུྃ་བྷྱོ་ཨ་བྷི་ཥིཉྩ་མཱཾ། ཧཱུྃ། ཁམས་གསུམ་ནད་ཀྱི་བདག་མོར་དབང་བསྒྱུར་མ། །འཇིག་རྟེན་ཁམས་ཀུན་ཁྱབ་པའི་བྱ་མ་རྟ། །མི་ཕྱུག་ཀུན་ལ་མངའ་མཛད་དབང་མོ་ཆེ། །གདུག་པ་མ་མོའི་དབང་རྣམས་ཐོབ་པར་ཤོག །ཧཱུྃ། དུས་གསུམ་ཀུན་ཏུ་རྒྱས་པའི་སྐུ་བརྙེས་པ། །བསྟན་པ་རྒྱས་པའི་སླད་དུ་ཕྲིན་ལས་མཛད། །སེར་ནག་ཆེན་མོ་ཁམས་གསུམ་ཀུན་གྱི་བདག །མཁའ་འགྲོ་དབང་སྡུད་


JLAZ009_Page_0113
[མ་དཔེ་གཟིགས་ན་འདིར་གནོན།]

དབང་རྣམས་ཐོབ་པར་ཤོག །ཧཱུྃ། ལས་སུ་ཤ་ཁྲག་རོ་ལ་རྔམ་པའི་ཡུམ། །ཁྲག་འཐུང་དམར་ནག་སྲིད་གསུམ་དབང་དུ་སྡུད། །སྟོང་ཁམས་དགེ་སྡིག་བྱ་ར་བྱེད་པའི་ཡུམ། །དད་པ་སྟོབས་ལྡན་མཁའ་འགྲོའི་དབང་ཐོབ་ཤོག །ཧཱུྃ། ཕྲིན་ལས་སྣ་ཚོགས་མཐར་ཕྱིན་གྲུབ་པ་མོ། །རྒྱ་མཚོའི་གཏིང་གི་ཀླུ་རྣམས་འཁྲུག་བྱེད་མ། །ལྗང་ནག་ཆེན་མོ་ཕྲིན་ལས་མཐར་ཕྱིན་མ། །མཁའ་འགྲོ་མཐུ་ཡི་དབང་རྣམས་ཐོབ་པར་ཤོག །མ་ཐ་མ་ཐ་བཛྲ་ཏྲག་རཀྴ་མ་ཏི་ཧེ་དུན་བྷྱོ་མ་ཧཱ་ཀཱ་ལ་ཡཀྴ་ནག་མོ་ཧེ་དུན་བྷྱོ་ཨ་བྷི་ཥིཉྩ་མཱཾ། ཧཱུྃ། བདུད་ཀྱི་རིགས་རྣམས་དབང་དུ་སྡུད་མཛད་མ། །མཐིང་ནག་བདུད་ཀྱི་ཆས་སུ་རབ་ཏུ་ཞུགས། །ཁམས་གསུམ་བདུད་དཔུང་འཇོམས་པའི་དབང་མོ་ཆེ། །གདུག་པ་བདུད་འདུལ་དབང་རྣམས་ཐོབ་པར་ཤོག །ཧཱུྃ། འཇིག་རྟེན་གནོད་བྱེད་རབ་ཏུ་འདུལ་མཛད་མ། །སེར་བས་རྒྱས་པའི་བཞིན་མཚོན་མཛད་པ། །ཀི་ཀང་ལས་ཀྱི་བསྐལ་པར་འདུལ་མཛད་པ། །མཁའ་འགྲོ་མཐུ་བྱིན་དབང་རྣམས་ཐོབ་པར་ཤོག །ཧཱུྃ། ཁམས་གསུམ་གང་འདུལ་དབང་གི་བདག་མོ་སྟེ། །རཀྴ་སྲིན་པོ་ཟ་བྱེད་དབང་དུ་སྡུད། །དཔལ་གྱི་བཀའ་ཉན་ཁྲག་གི་དྲི་སྣོམ་མ། །


JLAZ009_Page_0114
[མ་དཔེ་གཟིགས་ན་འདིར་གནོན།]

དབང་ཕྱུག་ཆེན་མོའི་དབང་རྣམས་ཐོབ་པར་ཤོག །ཧཱུྃ། གདུག་པ་ཀླུ་རྣམས་རབ་ཏུ་འདུལ་མཛད་མ། །ནད་ངན་ཕྲིན་ལས་དབང་གི་བདག་མོ་སྟེ། །ཀླུ་ལ་མངའ་མཛད་ནད་ཀྱི་བདག་མོ་ཡང༌། །ལས་རྣམས་མཐར་ཕྱིན་དབང་རྣམས་ཐོབ་པར་ཤོག །ཀ་ཏང་ཀ་ཏེ་ཛ་ཡེ་བི་ཛ་ཡེ་ཨ་ཛི་ཏེ་ཨ་པ་ར་ཙི་ཏེ་སུ་ཀི་བྷ་ཡ་བྷ་ར་ཙིཏྟཾ་ཡོ་གི་ཤྭ་རི་ཡ་མ་ཙིཏྟ་ཧཱུྃ་ཕཊ་ཨ་བྷི་ཥིཉྩ་མཱཾ། ཧཱུྃ། འཇིག་རྟེན་དྲེགས་པ་འདུལ་བའི་ལས་མཛད་མ། །གྲངས་དང་ལྡན་པ་མ་ནོར་རིམ་པར་ལྡན། །རྣམ་བཞི་རྟོག་པའི་ཁྱད་པར་སྟོན་མཛད་པ། །ཡང་དག་དོན་དང་ལྡན་པའི་དབང་ཐོབ་ཤོག །རྣལ་འབྱོར་ཆེན་པོ་ལས་མིང་པོ་གསུམ་ལས་མ་བཤད་པ་ལྟར། ཧཱུྃ། མ་ཧཱ་ཀཱ་ལ་མདོག་ནག་ སྟེ༑ །བེ་ཅོན་ཕུར་བུ་རྒྱན་དང་ལྡན། །རྒྱལ་པོ་དཀར་པོ་ཀིང་ཀར་ཕུར། །བསེ་ཡི་སྐྱེས་བུ་བསྭེ་ཁྲབ་གསོལ། །དམར་པོ་འཇིགས་པ་ཕྱག་གཉིས་ན། །སེ་མདའ་སེ་གཞུ་ཕུར་པ་འདྲིལ། །མིང་པོ་གསུམ་གྱི་དབང་བསྐུར་རོ། །ཀཱ་ལ་མ་ཏྲཾ་མ་ཧཱ་ཀཱ་ལ་ར་ཏི་ཡེ་ཀཱ་ལ་རཱུ་པ་ཧཱུྃ་ཕཊ། ཀཱ་ར་མཱ་ཀཱ་རཱ་ཡ་ཏྲི་ཙ་པ་ལ་ཏྲི་ལ་ཐུན། མ་ར་ས་ནི་ར་ཤ་ནི་ར་ཤ་བྷི་ཀུ་ལན་ཤུ་ལན་ཧཱུྃ་ཕཊ་ཨ་བྷི་ཥིཉྩ་ཧཱུྃ། དེ་ལྟར་བུམ་པའི་དབང་བསྐུར་བས་བསྐྱེད་རིམ་སྒོམ་པའི་སྣོད་དུ་གྱུར། ཞི་བའི་ལས་གྲུབ། ལུས་རགས་པ་


JLAZ009_Page_0115
[མ་དཔེ་གཟིགས་ན་འདིར་གནོན།]

བཞིན་ལག་གི་རྣམ་པ་ཐ་མལ་དུ་འཛིན་པ་དང༌། ཕྲ་བ་རྩའི་རྣམ་གྲངས་ཐ་དད་པ་སྦྱངས་པས་སྐུ་རྡོ་རྗེའི་རང་བཞིན་དུ་རྣམ་པར་དག་ལམ་བསྐྱེད་པའི་རིམ་པ་དང་དགའ་བའི་ཡེ་ཤེས་ལ་བརྟེན་ནས་བཅུ་གཅིག་ཀུན་ཏུ་འོད་ཀྱི་ས་ནོན། སྤྲུལ་པའི་སྐུ་འགྲུབ་པའི་སྐལ་བ་རྒྱུད་ལ་བཞག་པ་ཡིན་ཏེ། བཤད་རྒྱུད་ལས། སློབ་མའི་ལུས་ནི་དག་ཅིང་སྨིན། །རྡོ་རྗེའི་ལུས་ནི་རྣམ་པར་དག །དེ་ནི་བུམ་པའི་དབང་ཡིན་ཏེ། །ལྷ་ཡི་སྐུ་ཡི་རྣམ་དག་པ། །མྱུར་དུ་ཐོབ་ཏེ་ཐེ་ཚོམ་མེད། །ཅེས་སོ། །གཉིས་པ་གསང་དབང་ནི་རྡོ་རྗེ་སློབ་དཔོན་ལུས་ཀྱི་དཀྱིལ་འཁོར་དུ་བསྐུར་བ་ཡིན་ཏེ། བཤད་རྒྱུད་ལས། རྡོ་རྗེ་སློབ་དཔོན་དཔའ་བོ་ཆེ། །ཡབ་ཡུམ་བདེ་བ་སྦྱོར་བའི་སྒྲས། །བྱང་སེམས་དཀར་དམར་ཐིག་ལེའི་དབང༌། །ཞེས་པས་གསུང་རྡོ་རྗེའི་རང་བཞིན་ནི་གསང་དབང་གི་ངོ་བོ་ཡིན་ལ། བྱང་ཆུབ་ཀྱི་སེམས་དེ་ཉིད་སློབ་མའི་དག་བྱའི་རྩ་བ་ངག་གི་རང་བཞིན་རླུང་ལ་འདྲེས་པར་བྱ་བའི་སླད་དུ་བདེ་སྟོང་གཉིས་སུ་མེད་པའི་འདོད་ཆགས་རྗེས་སུ་ཆགས་པའི་མེས་བཞུ་བའི་ཚུལ། དེ་ཉིད་ལས། རྡོ་རྗེ་ཐེག་པ་ལ་མོས་པའི། །བུ་མོ་མཚན་བཟང་ལྡན་པ་བཙལ། །ཐབས་ཀྱི་རྡོ་རྗེ་གཞོན་ནུ་སྟེ། །དེ་ཉིད་ཤེས་རབ་བདེ་བའི་ཡུམ། །རྡོ་རྗེའི་ལམ་ནས་


JLAZ009_Page_0116
[མ་དཔེ་གཟིགས་ན་འདིར་གནོན།]

པདྨོར་འཁྱིལ། །བདེ་བ་ཐུགས་ཀྱི་ཐིག་ལེ་སྤྲོ། །ཟག་མེད་ཉི་ཟླའི་སྙིང་པོ་དེ། །སློབ་མའི་ངག་ལ་ཡང་དག་སྦྱིན། །ཞེས་པས་མཁའ་གསང་དངོས་གནས་མ་ཡིན་པར་རྣམ་པ་དང་ས་བོན་གྱི་རང་བཞིན་དུ་རློབ་པ་དང༌། བརྡའ་དང་བརྡའ་ལེན་གྱིས་རྗེས་ཆགས་བསྐུལ་ཏེ་འདུ་ཤེས་གསུམ་ལྡན་གྱི་སྙོམས་པར་ཞུགས་པ་སོགས་ཤེར་དབང་ལྟར་ཤེས་པར་བྱས་ནས་མས་བརྟན་གྱི་རྟེན་འབྲེལ་ལུགས་ལས་ལྡོག་པ་དེ་ཉིད་སྐལ་མེད་དང་ཉན་ཐོས་ཀྱི་ཐེག་པ་ཅན་གྱིས་མཐོང་བ་ལྟ་ཅི། ཐོས་སུ་ཡང་མི་རུང་བས་གསང་ཞེས་བྱ་བའི་སྒྲ་ཞུགས་ལ་དེ་ཉིད་སློབ་བུའི་ལྕེ་ཐོག་ཏུ་བྱིན་པ་ནི་དབང་སྟེ། དེའང་དངོས་འཛིན་དག་པའི་སློབ་མས་རྡོ་རྗེ་ནོར་བུའི་རྩེ་ནས་མྱོང་བ་ཐབས་བདེ་བ་ཆེན་པོའི་གསང་དབང༌། པདྨའི་སྣ་རྩེ་ནས་མྱོང་བ་ཤེས་རབ་སྟོང་པ་ཉིད་ཀྱི་གསང་དབང༌། མཁའ་གསང་དུ་འདྲེས་པ་ཡབ་ཀྱི་ལྕེས་བླངས་ཏེ་བྱིན་པ་འདིར་དངོས་བརྟན་གྱི་གཉིས་མེད་བདེ་བ་ཆེན་པོའི་གསང་དབང་སྟེ། ལྔ་བརྒྱའི་ཐ་མ་ལ་གསང་སྔགས་མོས་པས་སྤྱོད་པའི་སྐབས་འདིར། དཔོན་སློབ་གཉིས་ཀའི་ཆ་ནས་དེ་ལྟར་རྔོ་ཐོགས་པ་མ་མཆིས་ན། ཀུན་ཏུ་བཟང་པོའི་སྤྱོད་པ་ཁྲེལ་བག་ཡོད་པ་ཉིད་ཁ་ན་མ་ཐོ་བ་ཆུང་བས་གསང་དབང་ཙམ་པོ་བ་ཉིད་ལག་ལེན་ལ་གདབ་པ་ལྟར་ལེགས་པས། དཀྱིལ་འཁོར་གྱི་བདག་པོ་


JLAZ009_Page_0117
[མ་དཔེ་གཟིགས་ན་འདིར་གནོན།]

ཡབ་ཡུམ་སྙོམས་པར་ཞུགས་པས་མོས་པའི་བྱང་ཆུབ་སེམས་ཀྱི་རང་བཞིན་བདེ་སྐྱོང་གི་སྣོད་དུ་བསྐྱིལ་བ་བདུད་རྩི་ལྔ་དང་སྦྱར་ནས་ལྕེ་ཐོག་ཏུ་བྱིན་ལ། ཧཱུྃ། བདེ་ཆེན་ཐིག་ལེ་ཡབ་ཡུམ་བཅུ། །རྡོ་རྗེའི་ལམ་ནས་པདྨོར་འཁྱིལ། །བུ་ཡི་ལྕེ་ལ་དབབ་པར་བྱ། །སྙིང་གི་དཀྱིལ་དུ་གཟུང་བར་གྱིས། །ཨཱོཾ་བོ་དྷི་ཙིཏྟ་ཨ་བྷི་ཥིཉྩ་ཨཱཿསློབ་མས་དང་དུ་བླངས་ནས། ཀཱ་ཡ་སིདྡྷི་ཨཱོཾ། ཝཱ་ཀ་སིདྡྷི་ཨཱཿཙིཏྟ་སིདྡྷི་ཧཱུྃ། ཨཱོཾ་ཨཱཿཧཱུྃ་མ་ཧཱ་སུ་ཁ་ཧོཿཞེས་བརྗོད། དེ་ལྟར་གསང་དབང་བསྐུར་བས་སྒྲོན་མ་ལྔ་དང་བདུད་རྩི་ལྔ་བརྟེན་ཞིང་ལམ་ཙཎྜ་ལི་དང༌། བཟླས་བརྗོད་བྱེད་པ་ལ་དབང༌། རྒྱས་པའི་ལས་འགྲུབ། དག་བྱ་ངག་གི་རང་བཞིན་ཕྲ་བའི་རླུང་ལ་ཞུ་བདེ་ལས་སྐྱེས་པའི་བྱང་ཆུབ་ཀྱི་སེམས་ཀུན་རྫོབ་པ་འདྲེས་པས་ཕྲ་བ་རླུང་དང་རགས་པ་ངག་གི་སྒྲིབ་པ་སྦྱངས། གསུང་རྡོ་རྗེའི་རང་བཞིན་དུ་རྣམ་པར་དག །མཆོག་དགའི་ཡེ་ཤེས་ལ་བརྟེན་ནས་མ་ཆགས་པདྨ་ཅན་གྱིས་ནོན། ལོངས་སྤྱོད་རྫོགས་པའི་སྐུ་འགྲུབ་པའི་སྐལ་བ་རྒྱུད་ལ་བཞག་པ་ཡིན་ཏེ། རྒྱུད་ལས། གསང་བ་བྱང་སེམས་རྡོ་རྗེ་དང༌། །རྡོ་རྗེ་གསུང་ནི་རྣམ་པར་དག །ཅེས་སོ། །དབང་གསུམ་པ་ནི། ཡུམ་གྱི་མཁའ་གསང་དུ་ཐབས་ཤེས་གཉིས་


JLAZ009_Page_0118
[མ་དཔེ་གཟིགས་ན་འདིར་གནོན།]

སུ་མེད་པའི་བྱང་ཆུབ་ཀྱི་སེམས་ལ་བརྟེན་ནས་བསྐུར་བ་སྟེ། རྡོ་རྗེ་ཁྲོས་པའི་དབང་ལེ་ལས། གསང་བའི་དབང་རྣམས་བསྐུར་བའི་ཕྱིར། །དབང་གི་སྟེགས་བུ་རབ་བརྩེགས་ལ། །ཤ་རྩི་དཀར་ལ་ལྕང་ལོའི་སྐྲ། །པདྨའི་མཆུ་ལ་སོ་ཚགས་དམ། །སྨིན་མཚམས་བར་ཡང་མ་ཆད་པ། །ཚེས་བརྒྱད་ཟླ་བའི་མིག་འདྲ་བ། །ཞེས་དང༌། བཤད་རྒྱུད་ལས། ཤེས་རབ་བཅུ་དྲུག་ལོན་པ་ཡི། །བུ་མོ་མཚན་དང་ལྡན་པ་ལ། །ཞེས་པ་ལྟར་རམ། རིགས་དང་ལོ་གྲངས་མ་ངེས་པའང་རྡོ་རྗེ་བཀོད་པ་ལས། སྨེ་ཤ་ཅན་ལ་སོགས་པ་ཡི། །བཅུ་གཉིས་དང་ནི་བཅོ་བརྒྱད་དང༌། །ཡང་ནི་ཉི་ཤུ་རྩ་གཅིག་ལ། །ཕྱག་རྒྱའི་དཀྱིལ་འཁོར་གསལ་བཀོད་དེ། །རྣམ་གསུམ་ཚུལ་དུ་ནན་ཏན་བྱ། །ཧ་ཅང་སྦོམ་མིན་ཕྲ་བ་མིན། །སྨིན་མཚམས་རིང་ཞིང་ཤ་མདོག་དཀར། །སྨེ་བའི་ག་ཤལ་ཡོད་པ་དང༌། །ཞེས་སོ། །དེ་ལྟ་བུའི་དབང་རྟེན་གྱི་ལུས་བྱིན་གྱིས་སློབ་པའི་ཚུལ་ཡང༌། སྤྱི་བོར་ཨཱོཾ་ལ་སྙིང་གར་ཧཱུྃ། །མཚན་མར་ཨཱཿསྟེ་རྣམ་གསུམ་དགོད། །ཅེས་དང༌། དུས་གསུམ་གྱི་དེ་བཞིན་གཤེགས་པ་སྲས་དང་བཅས་པ་བདེ་བ་ཆེན་པོའི་མཆོད་པ་ལེན་པའི་ཕྱིར་དུ་དབང་རྟེན་གྱི་ལུས་ལ་བསྐྱེད་པ་ཡང༌། སློབ་དཔོན་སྣང་བའི་ཐུགས་རྗེ་བསྐྱེད། །


JLAZ009_Page_0119
[མ་དཔེ་གཟིགས་ན་འདིར་གནོན།]

ཡུམ་གྱི་དུས་གསུམ་བདེ་གཤེགས་བསྐྱེད། །ཅེས་པ་ལྟར་རོ། །དེ་ལྟ་བུའི་བསྐྱེད་རིམ་ལ་མོས་པ་བརྟན་པའི་རིག་མ་དབང་གི་རྒྱུད་སྨིན་ཞིང་སྲིད་པའི་འདོད་པ་དག་པའི་དགའ་བཞིའི་སྒྱུ་སྩལ་ལ་གོམས་པ་དེ་ཉིད། དབང་གསུམ་པ་བསྐུར་བའི་ཡུམ་གྱི་གསང་གནས་ཧཱུྃ་ལས་སྐྱེས་པའི་རྡོ་རྗེ་ནོར་བུའི་རྩེ་མོ་ཨཱོཾ་གྱིས་མཚན་པར་འདུ་ཤེས་པ་དང༌། ཡུམ་གྱི་མཁའ་གསང་ཨཱཿལས་པདྨ་འདབ་མ་བརྒྱད་པའི་ཟེའུ་འབྲུར་ཧྲཱིཿཡིག་གིས་མཚན་པ་ཡི་གེར་འདུ་ཤེས་པ་དང༌། ཐབས་ཀྱི་ནང་ནས་ཐབས་སུ་གྱུར་པ་ལ་བརྟེན་ནས་བདེ་སྟོང་ལྷན་ཅིག་སྐྱེས་པའི་ཡེ་ཤེས་མངོན་སུམ་དུ་བྱའོ་སྙམ་པ་ཆོས་ཀྱི་འདུ་ཤེས་ཏེ། འདུ་ཤེས་གསུམ་དང་ལྡན་པའི་སློབ་མའི་ལག་ཏུ་བྱིན་ལ་རྟོགས་པ་བསྐྱེད་པ་ནི། ཧཱུྃ། བདེ་བ་ཐུགས་ཀྱི་སེམས་དཔའ་ཆེ། །ཡབ་ཡུམ་གཉིས་མེད་མུ་ཏིག་གི། །ཁུ་འཕང་བྱང་སེམས་ཕབ་པ་ཡིས། །དུས་གསུམ་བླ་མ་སངས་རྒྱས་དང༌། །མཁའ་འགྲོའི་ཚོགས་ལ་བདེ་ཆེན་གྱི། །བྱང་ཆུབ་སེམས་ཀྱི་མཆོད་པ་ཕུལ། །རྡོ་རྗེ་བདེ་ཆེན་ཐིག་ལེའི་དབྱིངས། །ཟག་མེད་དབྱིངས་སུ་མི་རྟོག་སྐྱེ། །དེ་བས་བློ་མཆོག་ལོངས་སྤྱོད་ཅིག །ཅེས་བརྗོད་པ་ན་དབང་རྟེན་དེས་སློབ་བུའི་རྒྱུད་ལ་ཐིག་ལེ་བཅུ་དྲུག་དང་དགའ་བ་བཅུ་དྲུག་པ་བརྟེན་ནས་དེ་


JLAZ009_Page_0120
[མ་དཔེ་གཟིགས་ན་འདིར་གནོན།]

ཉིད་རྣམ་པ་བཅུ་དྲུག་གི་ཡེ་ཤེས་བསྐྱེད་པའི་ཕྱིར་ལུས་གཅེར་བུར་བྱས་ནས་གསང་བའི་དཀྱིལ་འཁོར་ངོམ་བཞིན་པར། ཧཱུཾ། ཡབ་ཆེན་ཆོས་ཀྱི་དབྱིངས་མཐོང་བའི། །པདྨ་དག་ལ་འོ་བྱེད་དམ། །དེ་ལས་བྱང་ཆུབ་སེམས་འཁྱིལ་བའི། །ཟག་མེད་བདེ་བ་ལོངས་སྤྱོད་དམ། །ཞེས་དྲིས་པ་ན། སློབ་མ་བློ་ཆེན་སྐལ་བ་དང་ལྡན་པ་སྔགས་ཀྱི་ཀུན་ཏུ་སྤྱོད་པ་དང་མྱུར་ལམ་གྱི་དམ་ཚིག་ལ་ཤིན་ཏུ་གུས་པས་ཕྱག་འཚལ་ཞིང་མེ་ཏོག་འཐོར་བ་དང་བཅས། ཨེ་མ་ཧོཿ ཤེས་རབ་ལྷ་མོ་ཡུམ་ཆེན་མོ། །ཆོས་ཀྱི་དབྱིངས་ལ་འོ་ བྱེད་དོ། །བྱང་ཆུབ་སེམས་མཐོང་ཐིག་ལེ་ལས། །རྟག་ཏུ་གུས་ཤིང་བདེ་བ་སྦྱོར། །ཞེས་བརྗོད་པས་སློབ་མ་ལ་ཐ་མལ་གྱི་ཀུན་རྟོག་མེད་པར་མཐོང་ནས་ཤིན་ཏུ་དགྱེས་ཏེ་གསང་ཆེན་རྡོ་རྗེ་ཐེག་པའི་ཐབས་མཆོག་ཏུ་གྱུར་པའི་ལམ་འདི་ལ་མ་བརྟེན་པར་ཤེས་བྱའི་སྒྲིབ་པ་ཤིན་ཏུ་ཕྲ་བ་དག་ཐབས་གཞན་གྱིས་འདག་པར་མི་ནུས་པས། མཆོག་གི་དངོས་གྲུབ་རང་རིག་བདེ་ཆེན་ཡེ་ཤེས་ཆེན་པོའི་འབྱུང་གནས་ཡིན་པར་རྟོགས་པ་བསྐྱེད་པ་ནི། གར་དང་ལྡན་པས་ཡང་དག་བསྐྱོད། །བདེ་ཆེན་སྒྱུ་མའི་བརྡའ་མཚོན་ཏེ། །གཉིས་ཤོར་གཉིས་མཉམ་དབུས་དག་ཏུ། །དབྱིངས་ཀྱི་བདེ་ཆེན་བྱུང་བ་དེ། །རང་རིག་ཡེ་ཤེས་དེ་ལ་ཡོད། །ཅེས་བརྗོད་ནས་རྟོག་པ་


JLAZ009_Page_0121
[མ་དཔེ་གཟིགས་ན་འདིར་གནོན།]

མེད་པར་སློབ་མའི་པང་དུ་བྱོན། ཛ་ཧཱུྃ་བཾ་ཧོཿ ཞེས་བརྗོད་པས་ལྕགས་ཀྱུའི་རྒྱས་ཕྲག་པ་ཕན་ཚུན་སྦྲེལ། ཞགས་པའི་རྒྱས་སྟོད་སྨད་ཟུང་དུ་འཇུག །ལྕགས་སྒྲོག་གི་རྒྱས་དབང་པོའི་རེག་པ་འཕྲོད། དྲིལ་བུའི་རྒྱས་ཐབས་ཤེས་སྙོམས་པར་ཞུགས་པ་ལ་ཡབ་ཀྱིས། ས་མ་ཡ་ཧོཿ ཞེས་རང་གི་དམ་ཚིག་གང་ཡིན་དང་དུ་བླང་བར་བརྡའ་སྦྱར་བས། ཡུམ་གྱིས། ས་མ་ཡ་སྟྭཾ། ཞེས་དམ་ཚིག་དེ་ཉིད་དང་དུ་བླངས། ཡབ་ཀྱིས་ཨ་ནུ་རཱ་ག་ཡ་ཧོཿཞེས་དེ་བཞིན་གཤེགས་པ་ཐམས་ཅད་ཀྱི་རྗེས་སུ་ཆགས་པའི་རྡོ་རྗེའི་རང་བཞིན་གྱི་བདག་ཉིད་དུ་ང་རྒྱལ་བཟུང་བས། ཡུམ་གྱིས་ཀྱང༌། ཨ་ནུ་རཱ་ག་ཡ་མི། ཞེས་རྗེས་སུ་ཆགས་པའི་ང་རྒྱལ་ཉམས་བརྟས་པར་མཛད། ཧཱུྃ་ཧཱུྃ་ཧཱུྃ་དང་ཨ་ཨ་ཨ། ཞེས་པས་དབུ་མའི་མར་སྣར་བདེ་བའི་རྒྱུན་ལམ་གྱི་རྩ་རྡོ་རྗེ་དབྱིངས་ཀྱི་དབང་ཕྱུག་མ་བཙལ་ཞིང་ཡང་དག་པར་བསྐུར་བས་རྗེས་ཆགས་ཀྱི་རླུང་གཡོས། དེས་ཙཎྜ་ལི་རབ་ཏུ་འབར་ནས་སྤྱི་བོའི་ཧཾ་ཡིག་ལས་ཞུ་བདེའི་ཡེ་ཤེས་བསྐྱེད་པའི་ཚུལ་གནས་ཀྱི་སྒོ་ནས་ངོས་བཟུང་ན་མགྲིན་པ་དང༌། སྙིང་ག་དང༌། ལྟེ་བ་དང༌། གསང་གནས་བཞི་ཡིན་ཏེ། ཕྲིན་ལས་ཀྱི་རྒྱུད་ལས། སྲུབ་དང་སྲུབ་པའི་ཐབས་དག་ལས། །མི་རྟོག་པ་


JLAZ009_Page_0122
[མ་དཔེ་གཟིགས་ན་འདིར་གནོན།]

ནི་རབ་ཏུ་སྐྱེ། །དགའ་དང་མཆོག་ཏུ་དགའ་བ་དང༌། །མངོན་དགའ་རང་བཞིན་དགའ་བ་སྟེ། །རྡོ་རྗེ་དབྱིངས་ཀྱི་དབང་ཕྱུག་མ། །བགྲོད་བྱེད་མན་ངག་དག་གིས་སོ། །དང་པོ་དགའ་བའི་དུས་སུ་ནི། །དབུགས་ནི་རྒྱུ་བ་བཅུ་དྲུག་ལ། །ཆུ་ཚོད་ལྔ་བར་སྦྱར་བྱས་ཏེ། །བཟུང་དང་བཟློག་པ་བདེ་བཞིན་བྱ། །ཉི་ཁྲི་ཆིག་སྟོང་དྲུག་བརྒྱ་ནི། །ཆུ་ཚོད་སུམ་ཅུ་གཉིས་ལྡན་བྱ། །དབྱུ་གུ་དྲུག་ཅུ་རྩ་བཞི་ཡིན། །བ་རུ་འབྲིང་པོ་ཞོ་གང་། ལྗིད་དེས་གཞལ་བའི་ཟངས་སྲང་བཅུ་གཉིས་ལ་སྣོད་རྒྱར་སོར་མོ་བཅུ་གཉིས་འཕང་སོར་བརྒྱད་པའི་དབུས་གསེར་འོལ་མ་སེ་སུམ་ཅུ་ལ་སོར་དྲུག་པའི་ཐུར་མ་ཕྲ་སྦོམ་སྙོམས་པ་བུག་པ། དེ་ཆུ་དྭངས་པའི་སྟེང་དུ་བཞག་ནས་ཁེངས་པའི་བར་དབྱུ་གུ་གཅིག་གོ །དེའི་རིང་ལ་གང་ཟག་ནད་མེད་སྙོམས་པ་གཅིག་གི་དབུགས་སུམ་བརྒྱ་སུམ་ཅུ་རྩ་ཕྱེད་དང་བརྒྱད་རྒྱུ། དེ་ཙམ་རེ་རེ་ལྟེ་བའི་རྩ་འདབ་རེ་རེ་ནས་རྒྱུ་བའི་དེ་ལྟ་བུ་དྲུག་ཅུ་རྩ་བཞི་རེ་ཉིན་ཞག་ཕྲུགས་གཅིག་ལ་རྒྱུའོ། །དེ་ལྟ་བུ་གཉིས་ལ་ཆུ་ཚོད་གཅིག་དེའི་བར་ལ་དབུགས་དྲུག་བརྒྱ་བདུན་ཅུ་རྩ་ལྔ་རྒྱུ། དེ་ལྟ་བུ་སུམ་ཅུ་སོ་གཉིས་ཏེ་སྤྱི་བོའི་རྩ་འདབ་སོ་གཉིས་ལས་དེ་ཙམ་རེ་རྒྱུའོ། །དེ་ལྟ་བུ་གཉིས་ལ་འཕོ་བ་གཅིག་བྱ་སྟེ་སྟོང་སུམ་བརྒྱ་ལྔ་བཅུའོ། །དེ་ལྟ་བུ་བཅུ་དྲུག་ལོངས་སྤྱོད་འཁོར་ལོའི་རྩ་འདབ་བཅུ་དྲུག་ལ་འཕོ་ཞིང་


JLAZ009_Page_0123
[མ་དཔེ་གཟིགས་ན་འདིར་གནོན།]

རྒྱུའོ། །དེ་ཙམ་པ་གཉིས་ལ་ཐུན་ཕྱེད་པ་གཅིག་སྟེ་ཉིས་སྟོང་བདུན་བརྒྱའོ། །དེ་སྙིང་གའི་རྩ་འདབ་བརྒྱད་ལ་འཕོ་ཞིང་རྒྱུའོ། །ཐུན་ཚོད་གཉིས་ལས་ཐུན་ཚོད་གཅིག་སྟེ་ལྔ་སྟོང་བཞི་བརྒྱའོ། །དེ་བཞི་ལ་ཉིས་ཁྲི་ཆིག་སྟོང་དྲུག་བརྒྱ་སྟེ་ཉིན་ཞག་ཕྲུགས་གཅིག་གི་རླུང་ཡིན་ནོ། །ཕྲ་མོའི་ཐུན་ནི་དྲུག་ཅུ་བཞི། །ཆེན་པོ་ཐུན་བཞི་ཐུན་བརྒྱད་ཡིན། །དགའ་བའི་གནས་སུ་དབུགས་དང་ནི། །ཐུན་ཚོད་ཆུ་ཚོད་རྩིས་བྱས་ཏེ། །དེ་བཞིན་མཆོག་དགའི་དུས་སུ་ནི། །ཐུན་ཚོད་ཆུ་ཚོད་དེ་བཞིན་བསླབ། །བདེ་བ་གང་སྐྱེས་གནས་དེར་ནི། །མན་ངག་དག་ཀྱང་དེར་བསྟན་བྱ། །དེ་དོན་མན་ངག་བཅས་པ་ནི། །ཤེས་རབ་ཡེ་ཤེས་དབང་དུ་བཤད། །ཅེས་རྡོ་རྗེའི་ལུས་ཀྱིས་བཟུང་བའི་ནང་གི་ཡུལ་ཉི་ཤུ་རྩ་བཞི་ལ་རླུང་སེམས་འཇུག་པའི་ཆ་རྣམས་སྲོག་རྩོལ་གྱི་མཐུས་བཅིངས་པས་འཁོར་ལོ་གསུམ་ལས་གྱེས་པའི་རྩ་ཕྲན་བདུན་ཁྲི་ཉིས་སྟོང་དུ་རླུང་དང་དྭངས་མ་ཟིན་པས་བདེ་བའི་ཡེ་ཤེས་གསར་དུ་འཁྲུངས། ཁུ་རྡུལ་རླུང་གསུམ་དག་པའི་ཆ་ནས་ལམ་གྱི་ཡོན་ཏན་མ་ལུས་པ་རྫོགས། དེའང་ངེས་པའི་དོན་དུ་དགའ་བ་བཞིའི་ཡེ་ཤེས་དང་སྦྱར་ན་དབང་དང་པོ་གསུམ་དང་མཐུན་པ་ནི་རྟོག་བཅས་ཀྱི་དགའ་བ་ཡིན་ལ་དབང་བཞི་པ་དང་མཐུན་པ་ནི་རང་བཞིན་གྱིས་རྟོག་མེད་དགའ་བྲལ་ལྷན་ཅིག་སྐྱེས་པའི་ཡེ་ཤེས་ཀྱི་ངོ་བོ་ཡིན་ལ་རང་བཞིན་བརྒྱད་ཅུའི་རྟོག་ཚོགས་དབྱིངས་སུ་ནུབ་པས་སྣང་བ་སྟོང་པ་མཆེད་པ་ལས་སྣང་བ་གཡོ་བྱེད་ཀྱི་རླུང་དང་བཅས་པས་སྟོང་པས་ཤིན་ཏུ་སྟོང་པ་ཉེར་ཐོབ་ལ་མཆེད་པ་རླུང་དང་བཅས་པས་ཀྱང་སྟོང་


JLAZ009_Page_0124
[མ་དཔེ་གཟིགས་ན་འདིར་གནོན།]

པས་ན་སྟོང་པ་ཆེན་པོ་སྟེ། རགས་པའི་རླུང་སེམས་ཀྱིས་བསླད་པའི་ཆ་ཐམས་ཅད་ལས་འདས་པའི་ཆོས་ཉིད་མ་འཁྲུལ་བ་གང་ཡིན་པ་དེ་གསང་སྔགས་ལམ་གྱི་ཐབས་ཟབ་མོ་ལ་བརྟེན་ཏེ་སྙིང་གའི་རྩ་མདུད་ གྲོལ་བ་ལས་བྱུང་བ་ཡིན་ཏེ་རྡོ་རྗེ་འབར་བ་བསྐལ་པ་དུམ་བུའི་རྒྱུད་ལས། སེམས་ནི་མིང་བཞིའི་ཕུང་པོ་སྟེ། །ཕུང་པོའི་རྟེན་ནི་འབྱུང་བ་ལྔ། །འབྱུང་བའི་རྟེན་ནི་རྩ་རྣམས་སོ། །རྩ་རྣམས་བརྟེན་པ་སྲོག་གི་རླུང༌། །སྲོག་རླུང་བརྟེན་པ་བྱང་ཆུབ་སེམས། །དེ་རྣམས་གྱེན་དུ་ཡར་ལྡོག་པས། །སེམས་ནི་རླུང་རྟེན་རླུང་ནི་རྩ། །རྩ་རྣམས་འབྱུང་བ་ལྔར་གནས་པ། །ཡབ་ཡུམ་བཅུ་རུ་ཡེ་ནས་གནས། །ཞེས་དང༌། རྒྱལ་བའི་དཀྱིལ་འཁོར་མ་ལུས་ནི། །སྐུ་གསུང་ཐུགས་ཡོན་ལྔ་ལ་འདུས། །རིགས་ལྔར་སྣང་བ་ཡེ་ཤེས་དངོས། །དེ་ཡི་བྱིན་རླབས་སྤྲུལ་པ་ནི། །ཇི་ལྟར་འདོད་པའི་ཡིད་བཞིན་ཚུལ། །ཁྲོ་བོ་ཁྲོ་མོའི་རྣམ་སྤྲུལ་ཡང༌། །གུད་ན་མེད་དེ་དེ་ལས་སྤྲུལ། །སྤྲུལ་པ་རྣམས་ཀྱི་རྒྱུ་ལས་སྤྲུལ། །རྒྱུ་ནི་རིག་པ་བྱང་ཆུབ་སེམས། །སེམས་ཉིད་ཡི་གེ་ཨར་སྣང་བ། །ཨ་མཐོང་ཆོས་ཀྱི་དབྱིངས་ཀྱང་མཐོང༌། །མ་གཡོས་ལྟ་བའི་རྒྱས་བཏབ་ན། །དཀྱིལ་འཁོར་ཐམས་ཅད་བསྒོམ་པ་ཡིན། །ཞེས་པས་དབང་གསུམ་པའི་ཉམས་མྱོང་ལ་བརྟེན་ནས་བཞི་པའི་


JLAZ009_Page_0125
[མ་དཔེ་གཟིགས་ན་འདིར་གནོན།]

མཚོན་དོན་ཤེས་པ་ཡིན་པའི་ཚུལ་འོག་ཏུ་སྟོན་ལ་རྡོ་རྗེ་ཁྲོས་པའི་རྒྱུད་ལས་ཀྱང༌། དེ་ཡི་ཤེས་རབ་ཡེ་ཤེས་ཀྱི། །དབང་གིས་རྡོ་རྗེ་ཐུགས་ཉིད་དག །རྡོ་རྗེ་སེམས་དཔའི་བྱིན་རླབས་ཀྱིས། །སེམས་ཉིད་མཁའ་དང་མཚུངས་པར་མཐོང༌། །ཞེས་སོ། །དེ་ལྟར་དབང་གསུམ་པའི་རིམ་པ་དེ་དག་ཀྱང་སྒོམ་དོན་ལ་དེ་ལྟར་ཤེས་པར་བྱ་བ་ལས་རེ་ཞིག་ཚངས་པར་སྤྱོད་པའི་གེགས་སུ་འགྱུར་བ་དང༌། བྱང་ཆུབ་སེམས་དཔའི་སྡོམ་པ་སྟོབས་སུ་མི་འགྱུར་ཞིང༌། གནང་བཀག་མི་ཤེས་པ་ཐམས་ཅད་ལས་དང་པོ་པ་ཁོ་ན་ཡིན་པས་ན་ཚོད་དང༌། རིགས་གཟུགས་དང༌། ཆོ་འབྲང་ལ་སོགས་ལ་དཔག་ཏུ་མི་རུང་བས་མཚོན་པ་བརྡའི་དབང་རིག་ཙཀ་དང༌། དྲིལ་བུ་དང༌། ཁ་ཊྭཱཾ་ཀ་ལ་སོགས་པ་ལ་བརྟེན་ནས་བསྐུར་བ་ཉིད་ལག་ལེན་ལ་གནས་པའོ། །དེའི་ཕྱིར་ཐུན་མོང་ཙམ་དུ་དག་པ་བརྗོད་པ་ནི། དེ་ལྟར་དབང་གསུམ་པ་བསྐུར་བས། དངོས་སམ་ཡིད་ཀྱི་སྣ་ཚོགས་གཟུགས་ཅན་སྒོམ་པ་ལ་དབང༌། དབང་གི་ལས་འགྲུབ། དགའ་བ་བཞིའི་མས་བརྟན་གྱི་དཔེའི་ཡེ་ཤེས་ལ་བརྟེན་ནས་རགས་པ་ཐིག་ལེའི་སྒྲིབ་པ་དང༌། ཕྲ་བ་ཡིད་ཀྱི་སྒྲིབ་པ་སྦྱངས། དེ་ཉིད་རྣམ་པ་བཅུ་དྲུག་གི་དོན་མངོན་དུ་བྱས་ནས་ཆོས་ཀྱི་སྐུ་འགྲུབ་པའི་


JLAZ009_Page_0126
[མ་དཔེ་གཟིགས་ན་འདིར་གནོན།]

སྐལ་བ་རྒྱུད་ལ་བཞག་པ་ཡིན་ནོ། །དབང་བཞི་པ་ནི་དེ་བཞིན་ཉིད་ཀྱི་དཀྱིལ་འཁོར་དུ་བསྐུར་བ་ཡིན་ཏེ། བཤད་རྒྱུད་ལས། ཆོས་སྐུ་མངོན་སུམ་མཐོང་བའི་ཚེ། །མཆོག་གི་དབང་དུ་དེ་ཉིད་ངེས། །ཞེས་དང༌། བཞི་པ་མཆོག་གི་དབང་ཆེན་ཡིན། །ཞེས་པས་བསྐུར་མ་ཐག་པའི་ཤེར་དབང་གི་དགའ་བའི་ཡེ་ཤེས་བཞི་པ་དགའ་བྲལ་ཆེན་པོའམ། རང་བཞིན་ལྷན་ཅིག་སྐྱེས་པའི་དཔེའི་ཡེ་ཤེས་ཆེན་པོའི་རྟོགས་པར་བྱ་བ་སྟེ། ཕྲིན་ལས་ཀྱི་རྒྱུད་ལས། བཞི་པའི་དབང་ནི་བསྐུར་བྱ་སྟེ། །རླུང་གི་རང་བཞིན་ངེས་ཤེས་ཤིང༌། །བོ་ལ་ཀ་ཀོ་ལ་སྦྱར་ལ། །རང་བཞིན་བདེ་སྐོར་ཕན་ཚུན་འབྱུང༌། །གཟུང་དུ་མེད་དེ་བརྗོད་དུ་མེད། །རྟོག་པ་ཀུན་དང་བྲལ་བ་ཡི། །རང་བཞིན་འོད་གསལ་དེར་གནས་པ། །ཚིག་ཚོགས་དབང་གི་རང་བཞིན་བྱིན། །རྟོག་པའི་བག་ཆགས་འཇོམས་པར་བྱེད། །དབང་གསུམ་འབྲས་བུ་དེ་བཞིན་ནོ། །ཞེས་པས་འདི་ནི་ཚིག་གིས་མཚོན་ལ་དད་པ་དང་བྱིན་རླབས་ཀྱི་ཐོབ་པའི་དབང་ཡིན་ཏེ། དེ་བས་ན་བླ་མ་དང་དཀྱིལ་འཁོར་གྱི་ལྷ་གཉིས་སུ་མེད་པར་བལྟས་ལ་མོས་གུས་ཀྱི་གདུང་བ་དྲག་པོ་དང་ལྡན་པས་རྗེས་ཐོག་ཏུ་གསུམ་པའི་ཉམས་མྱོང་ལྷན་ཅིག་སྐྱེས་པའི་ཡེ་ཤེས་ངོ་བོ་ཉིད་ཀྱིས་སྟོང་པས་བདག་ཏུ་ལྟ་བ་དང༌། འཁོར་འདས་ཀྱི་ཆོས་སུ་འཛིན་པ་དང༌།


JLAZ009_Page_0127
[མ་དཔེ་གཟིགས་ན་འདིར་གནོན།]

རྣམ་པར་རིག་བྱ་རིག་བྱེད་ལས་འདས་པའི་ཆོས་ཉིད་ཡེ་གནས་ཆེན་པོ་ལ་ཕྱི་གཟུང་བའི་ཡུལ་མེད། ནང་འཛིན་པའི་སེམས་མེད། ཤེས་པས་མཐོང་བའི་ཆོས་ཉིད་མེད་པས་མ་མཐོང་བའི་མཐོང་བ་ཆེན་པོ་ནི་དབང་བཞི་པའི་ངོ་བོ་ཉིད་ཡིན་པ་དྲན་པར་བྱ་སྟེ། རྡོ་རྗེ་འབར་བ་ལས། ངོ་བོ་ཉིད་ཀྱི་སྟོང་པ་ལས། །བདག་དང་ཆོས་དང་རྣམ་རིག་དང༌། །གཟུང་དང་འཛིན་པ་རྣམ་སྤངས་པ། །སྟོང་པ་ཉིད་ཀྱི་རང་བཞིན་ནོ། །སྟོང་ཉིད་ཡེ་ནས་གནས་པ་ལ། །ཤེས་པས་མཐོང་བའི་ཡུལ་མིན་ཏེ། །གང་གིས་ཡེ་ཤེས་བསྐྱེད་གྱུར་པ། །དེ་ཡིས་ཡེ་ཤེས་རྣམ་དག་མཐོང༌། །ཞེས་སོ། །དེ་ལྟར་དབང་བཞི་པ་བསྐུར་བས་རྣམ་རྟོག་འཇོམས་བྱེད་ཆོས་ཉིད་བྱང་ཆུབ་སེམས་ཀྱི་ཕུར་པ་སྒོམ་པ་ལ་དབང༌། དྲག་པོའི་ལས་འགྲུབ། ཀུན་གཞི་ལུང་མ་བསྟན་དང་ཤེས་བྱའི་སྒྲིབ་པ་སྦྱངས། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་དང༌། སློབ་མའི་སྒོ་གསུམ་རྡུལ་དང་བྲལ་བའི་དྭངས་མ་གསུམ་ལྡན་གཅིག་ཏུ་འདྲེས། ལྷན་ཅིག་སྐྱེས་པའི་ཡེ་ཤེས་ལ་བརྟེན་ནས་ཡི་གེ་འཁོར་ལོ་ཚོགས་ཆེན་གྱི་ས་ནོན། ངོ་བོ་ཉིད་སྐུ་འགྲུབ་པའི་སྐལ་བ་རྒྱུད་ལ་བཞག་པ་ཡིན་ཏེ་ཕྲིན་ལས་ཀྱི་རྒྱུད་ལས། ཉོན་མོངས་ཐམས་ཅད་དག་


JLAZ009_Page_0128
[མ་དཔེ་གཟིགས་ན་འདིར་གནོན།]

པར་བྱེད། །རྣམ་པར་རྟོག་པ་ཀུན་འཇོམས་པ། །དབང་གི་ལས་ཀྱིས་བྱེད་པ་ཡིན། །ཞེས་སོ། །དེ་ལྟར་དབང་བཞི་པོ་ཉན་ཐོས་ཐེག་པ་དང་བསྟུན་ན་བདེན་པ་བཞིའི་རང་བཞིན་དུ་གནས་པའང༌། ཕུར་པ་རྡོ་རྗེ་ཕྲེང་བ་ལས། དང་པོ་རྒྱུད་རྣམས་ཉན་པའི་དབང༌། །བུམ་པའི་དབང་དུ་ཡང་དག་བླངས། །གཉིས་པ་དམ་རྫས་བརྟེན་པའི་དབང༌། །གསང་བའི་དབང་དུ་ཡང་དག་བླངས། །གསུམ་པ་ཉམས་སུ་མྱོང་བའི་དབང༌། །ཤེས་ རབ་ཡེ་ཤེས་དབང་དུ་ཡང་དག་བླངས། །བཞི་པ་དེ་རྣམས་སྨིན་པའི་དབང༌། །བདེན་པ་བཞི་ཡི་བྱེ་བྲག་གི། །ཆོས་དང་ཡེ་ཤེས་ལྡན་པའོ། །ཞེས་དང༌། དེ་དག་གི་དམ་ཚིག་གི་རིམ་པ་འདའ་བར་བྱ་བ་མ་ཡིན་པ་ནི། སངས་རྒྱས་མདུད་པ་ལས། བུམ་པའི་དམ་ཚིག་གང་ཡིན་པ། །བསྐྱེད་པའི་རིམ་པ་བརྟག་པ་དང༌། །རྨོངས་པ་རྣམས་ལ་མི་བྱ་སྟེ། །སྣོད་ཀྱི་ལོ་ཀ་གཞལ་ཡས་ཁང༌། །བཅུད་ཀྱི་འཇིག་རྟེན་ལྷ་ཡི་མཆོག །དེ་ནི་བུམ་པའི་དམ་ཚིག་ཡིན། །གང་ཞིག་གསང་བ་སྟོན་པ་ལ། །གསང་བའི་དམ་ཚིག་འདི་ཡིན་ཏེ། །བུད་མེད་ཤེས་རབ་རང་བཞིན་ཏེ། །ཙཎྜ་ལི་ལ་རྟག་ཏུ་བསྒོམ། །ཟས་ལྔ་རྟག་ཏུ་བཟའ་བར་བྱ། །སྤྱད་པར་བྱ་བའི་མཆོག་ཡིན་ནོ། །ཡེ་ཤེས་ཆེན་པོའི་


JLAZ009_Page_0129
[མ་དཔེ་གཟིགས་ན་འདིར་གནོན།]

དམ་ཚིག་ནི། །ཤེས་རབ་ཀུན་ལ་སྤྱད་པ་དང༌། །དགའ་བ་རྟག་ཏུ་བསྟེན་པར་བྱ། །སེམས་ཀྱང་དྷཱུ་ཏིར་བལྟ་བར་བྱ། །ཡེ་ཤེས་སྙིང་པོའི་དམ་ཚིག་གོ །དེ་ལྟ་བུ་དང་མི་ལྡན་པའི། །དབང་དང་དམ་ཚིག་ཀུན་ལས་འདས། །བསྒྲུབས་ཀྱང་འགྲུབ་པར་མི་འགྱུར་སྟེ། །སྔགས་པ་བྱ་བ་གང་ཡང་མེད། །སྔགས་པ་སྔགས་པ་ཞེས་བྱ་བ། །རྩ་བ་དང་ནི་ཡན་ལག་དང༌། །ཁྱད་པར་དམ་ཚིག་གང་ཡིན་དང༌། །ཤིན་ཏུ་དབང་གི་དམ་ཚིག་དང༌། །རྩ་དང་རླུང་གི་དམ་ཚིག་དང༌། །བྱང་ཆུབ་སེམས་ཀྱི་གཞག་ས་རྣམས། །གང་ཞིག་གཞག་པ་སྔགས་པ་ཡིན། །དེ་ལ་མཆོག་གི་དངོས་གྲུབ་བབས། །མྱུར་དུ་བླ་ན་མེད་པ་འཐོབ། །ཅེས་དང༌། བཤད་རྒྱུད་ལས། དམ་ཚིག་ཉམས་པར་གྱུར་པ་ན། །བླ་མ་མཉེས་པར་བྱས་པས་སྐོང༌། །གོང་བཞིན་དམ་ཚིག་བསྲུང་བ་ནི། །དམ་ཚིག་དང་པོ་ཡིན་པར་བརྗོད། །བདུད་རྩི་ལྔ་ལ་ལོངས་སྤྱོད་ཅིང༌། །དེ་བཞིན་བྷ་གའི་སྙིང་པོ་གཞིབས། །དམ་ཚིག་གཉིས་པ་ཡིན་པར་ངེས། །ཤེས་རབ་རང་བཞིན་བུད་མེད་ལ། །རིགས་ལྔའི་མཁའ་འགྲོ་ཉིད་དུ་བརྟག །མདོག་དང་བསྐྱོད་པ་རི་མོ་དང༌། །དྲི་དང་པདྨ་ཡོངས་བརྟགས་ལ། །གུས་པས་བསྟེན་ཅིང་བརྩེ་བར་བྱ། །དམ་ཚིག་གསུམ་


JLAZ009_Page_0130
[མ་དཔེ་གཟིགས་ན་འདིར་གནོན།]

པ་ཡིན་པར་ངེས། །ཏིང་འཛིན་གསུམ་ལ་ངེས་པ་ཡི། །སེམས་ཅན་སངས་རྒྱས་དབྱེར་མེད་ཀྱང༌། །ནམ་མཁའི་མཐའ་དང་མཉམ་པར་དམིགས། །ནམ་ཡང་འབྲལ་བར་མི་བྱེད་པ། །དམ་ཚིག་བཞི་པ་ཡིན་པར་བཤད། །ཅེས་སོ། །གལ་ཏེ་དམ་ཚིག་དང་མི་ལྡན་པ་དག་ལ་ནི་དབང་མི་སྦྱིན་ཏེ། ཕྲིན་ལས་ཀྱི་རྒྱུད་ལས། དམ་ཚིག་མེད་པ་ཕལ་རྣམས་ལ། །དབང་དང་སྦྱིན་པར་མི་བྱའོ། །སློབ་དཔོན་སློབ་མ་ཤི་མ་ཐག །མནར་མེད་གནས་སུ་ལྟུང་བར་འགྱུར། །ཞེས་བཤད་པས་སོ། །གཉིས་པ་མཐའ་རྟེན་ནམ་ལེ་ལག་ཕྲིན་ལས་རབ་འབྱམས་ཀྱི་དབང་དང་འབྲེལ་བར་སྨད་ལས་དྲག་པོ་སྒྲོལ་དབང་ནི། རྩ་རྒྱུད་རྡོ་རྗེ་ཁྲོས་པ་ལས། དུར་ཁྲོད་དབང་དང་དམ་རྫས་དབང༌། །རིམ་པ་བཞིན་དུ་བསྐུར་བར་བྱ། །ཕུར་པའི་དབང་དང་འདེབས་པའི་དབང༌། །དྲག་པོའི་ལས་སུ་གྱུར་པ་ཡིས། །ཀུན་ཀྱང་མ་ལུས་དབང་དུ་བསྐུར། །ཞེས་དང༌། རྣལ་འབྱོར་ཆེན་པོ་ལས། རྒྱན་དང་གོ་ཆ་དེ་བཞིན་གདུགས། །དྲག་པོའི་རྫས་དབང་གདུག་པ་སྒྲོལ། །བཟའ་བཅའ་བགོ་བཏུང་འདོད་ཡོན་འཕེལ། །ཞེས་པའི་དོན་བཤད་པའི་རྒྱུད་དྲི་མེད་འོད་ལྡན་གྱི་ལེའུ་སོ་བཞི་པ་ལས་བསྟན་པ་འཁྲུགས་སྡེབས་ཀྱིས་གཏན་ལ་ཕབ་པ་ནི། དབང་རྫས་སོ་སོ་ལག་ཏུ་བྱིན་


JLAZ009_Page_0131
[མ་དཔེ་གཟིགས་ན་འདིར་གནོན།]

ལ། ཧཱུྃ། ཕུར་པ། འཁོར་བས་བྱང་ཆུབ་འཐོབ་བྱའི་ཕྱིར། །འོད་གསལ་སྟོབས་སུ་གྱུར་པ་ཡིས། །བདེ་བར་གཤེགས་པའི་མཚོན་ཆ་འདིས། །འཁོར་བའི་དུག་འཇོམས་དབང་ཐོབ་ཤོག །ཧཱུྃ། ཕྱགས་ཤིང་། རྟོག་པའི་ཁྱད་པར་མཚོན་བྱེད་པའི། །གབ་པའི་རྨོངས་པ་སེལ་བྱེད་པ། །ལས་ཤན་འབྱེད་པའི་ཕྱོགས་ཤིང་འདིས། །རྟོགས་ཤིང་ཤེས་པའི་དབང་ཐོབ་ཤོག །ཧཱུྃ། རྡོར་དྲིལ། ཐབས་དང་ཤེས་རབ་གཉིས་མེད་པའི། །རིན་ཆེན་གསེར་བས་ལྷག་པས་ན། །ཡབ་ཡུམ་གཉིས་སུ་མེད་པ་སྟེ། །གཉིས་མེད་སྒྲ་དབྱངས་དབང་ཐོབ་ཤོག །ཧཱུྃ། ཡེ་སེམས། ཆོས་རྣམས་ཐུགས་སུ་ཆུད་པ་དང༌། །ཐམས་ཅད་རྡོ་རྗེ་སེམས་དཔའ་སྟེ། །འགྲོ་བ་ཀུན་ལ་ཁྱབ་པར་གནས། །བདེ་གཤེགས་སྙིང་པོའི་དབང་ཐོབ་ཤོག །ཧཱུྃ། བུམ་པ། ཆོས་སྐུ་ལྷུན་གྲུབ་ཐམས་ཅད་ཐོབ། །འཁོར་བའི་བག་ཆགས་སྦྱོང་མཛད་པ། །བུམ་པ་རྒྱན་ལྡན་འཁོར་བ་སེལ། །ཆོས་རྣམས་ལྷུན་གྲུབ་དབང་ཐོབ་ཤོག །ཧཱུྃ། རིགས་ལྔ། རིགས་ལྔ་ཉོན་མོངས་དུག་ལྔ་འཇོམས། །ཡེ་ཤེས་ལྔ་རུ་མཉམ་སྦྱར་ནས། །མཚོན་པས་རང་བཞིན་དབུ་ལ་བཞུགས། །ཡེ་ཤེས་ལྔ་ཡི་དབང་ཐོབ་ཤོག །ཧཱུཾ། ཅོད་པན་ཆོས་རྣམས་མཚོན་པ་སྟེ། །སྣང་སྲིད་ཆོས་ཀྱི་དར་པོ་ཆེ། །བདེར་གཤེགས་ཀུན་དང་


JLAZ009_Page_0132
[མ་དཔེ་གཟིགས་ན་འདིར་གནོན།]

མཉམ་སྦྱོར་བ། །ཅོད་པན་དམ་པའི་དབང་ཐོབ་ཤོག །ཧཱུཾ། ཕྱག་མཚན་ལྔ། རིགས་ལྔ་རྒྱལ་བས་དོན་མཛད་པའི། །རིགས་ལྔ་མཚོན་བྱེད་དམ་པ་དང༌། །གང་འདུལ་བསྟན་པ་རྒྱས་མཛད་པའི། །རིགས་ཀྱི་མཚན་མའི་དབང་ཐོབ་ཤོག །ཧཱུྃ། ཡི་གེ་འབྲུ་ལྔ་ཡེ་ཤེས་ལྔ། །མཚོན་བྱེད་དོན་གྱི་སྙིང་པོ་སྟེ། །སྙིང་པོ་དམ་པ་ལྷ་ཡི་སྐུ། །འབྲུ་ལྔ་སྙིང་པོའི་དབང་ཐོབ་ཤོག །ཧཱུཾ། གདུག་པ་འཇོམས་ཤིང་ཡེ་ཤེས་གསལ། །སྐུ་ལྔ་མཚོན་བྱེད་ཕྱག་མཚན་ལྔ། །རྒྱལ་བ་འབྱུང་བའི་རང་རྟགས་ཏེ། །ཕྱག་མཚན་ལྔ་ཡི་དབང་ཐོབ་ཤོག །ཧཱུཾ། རྡོ་རྗེའི་གོ་ཆ། དུག་ལྔའི་མཚོན་གྱིས་མི་ཚུགས་པའི། །གསེར་གྱི་རྡོ་རྗེས་རབ་ཏུ་མཚོན། །དཔའ་བརྟུལ་སྟག་གི་རྒྱན་ཆས་ཅན། །འཇོམས་བྱེད་གོ་ཆའི་དབང་ཐོབ་ཤོག །ཧཱུཾ། མེ་ཏོག་ཕྲེང་བ། དུས་གསུམ་འཕགས་པ་མཆོད་མཛད་པའི། །རིན་ཆེན་མཛེས་སུ་སྡུག་པ་ཡིས། །དད་པའི་སྟོབས་ཀྱིས་མཆོད་པ་ཡི། །མེ་ཏོག་དམ་པའི་དབང་ཐོབ་ཤོག །ཧཱུཾ། གདུགས། དུས་གསུམ་རྒྱལ་བའི་སྐུ་ཡི་རྒྱན། །འཁོར་རྣམས་རབ་ཏུ་མཉེས་མཛད་པ། །ཉེས་པས་མ་གོས་དབུ་ལ་བསྐོར། །རྒྱལ་བ་གདུགས་ཀྱི་དབང་ཐོབ་ཤོག །རོ་མཆོག་ལྔ་ལྡན་ཞལ་ཟས་ལ། །དབུལ་ཞིང་ཕོངས་པ་སེལ་མཛད་པ། །འབྲུ་


JLAZ009_Page_0133
[མ་དཔེ་གཟིགས་ན་འདིར་གནོན།]

བཅུད་རྒྱན་དང་ལྡན་པ་འདི། །ཞལ་ཟས་མོད་ལ་དབང་ཐོབ་ཤོག །ཅེས་སོ། །དེ་ནས་སྨད་ཀྱི་ལས་ལ་གཟེར་བརྒྱད་གཅེས་པའི་དྲག་པོའི་སྒྲོལ་དབང་ལ་གཉིས། རྟོགས་པས་བདག་ཉིད་བསྒྲལ་བ་དང༌། །ཐུགས་རྗེས་ལོག་འདྲེན་བསྒྲལ་བའོ། །དང་པོ་ནི། རྡོ་རྗེ་བཀོད་པ་ལས། དེ་ལ་ཕུར་པའི་དམ་ཚིག་ནི། །ལྟ་བས་མཉམ་པར་རྟོགས་པ་དང༌། །སྤྱོད་པས་ཅིར་ཡང་མི་སྙོམས་ཤིང༌། །ཐབས་ཀྱིས་འགྲོ་ལ་ཕན་བྱེད་པ། །དེ་ནི་དམ་ཚིག་མཆོག་ཏུ་གསུངས། །དེ་ལས་འདས་ན་ལྟུང་བར་གྱུར། །ཞེས་པས། ལྟ་བའི་སྒོ་ནས་ཡུལ་དང་དངོས་པོར་འཛིན་པ་ཐམས་ཅད་དེ་ཁོ་ན་ཉིད་ཀྱི་དབྱིངས་ནམ་མཁའ་ལྟ་བུ་སྤྲོས་པ་དང་བྲལ་བའི་ངང་དུ་མཉམ་པར་རྟོགས་པ་དང༌། སྤྱོད་པའི་རང་བཞིན་སྣང་སྲིད་འཁོར་འདས་ལྷ་དང་གཞལ་ཡས་ཁང་དུ་མཉམ་པར་བལྟས་ནས་སྙིང་པོ་བཟླས་བརྗོད་རྒྱུན་མི་གཅད་ཅིང་ཐབས་སྙིང་རྗེ་ཆེན་པོས་གཞན་དབང་དུ་གྱུར་པའི་བྱང་ཆུབ་སེམས་ཀྱི་ཕུར་པས་ལོག་པར་འདྲེན་པའི་ཚོགས་ལ་དྲག་པོ་མངོན་སྤྱོད་ཀྱིས་གདབ་པའི་ལས་རྣམ་པ་ཐམས་ཅད་པ་བྱས། དེ་དག་གི་རྣམ་པར་ཤེས་པ་ཆོས་ཀྱི་དབྱིངས་སུ་ཡང་དག་པར་སྦྱར་ནས་གཞན་ལ་ཕན་གདགས་པ་ནི་སྒྲོལ་བའི་གྲུབ་མཐའ་ཡིན་ཏེ། དེ་ལྟར་མ་རྟོགས་


JLAZ009_Page_0134
[མ་དཔེ་གཟིགས་ན་འདིར་གནོན།]

པའི་སྒྲོལ་བ་རང་རྒྱུད་ཅན་ནི་ངན་སོང་གི་རྒྱུ་ལས་གཞན་ཅིར་ཡང་ཅི་འགྱུར་ཏེ་སྔགས་ཀྱི་ཐེག་པ་ནི་བྱང་ཆུབ་སེམས་དཔའི་སྡེ་སྣོད་ཁྱད་པར་ཅན་ཡིན་པའི་ཕྱིར་རོ། །དེའི་ཕྱིར་རྟོགས་པས་བདག་བསྒྲལ་ནས་ཐུགས་རྗེས་གཞན་དོན་བྱེད་པའི་སེམས་རྒྱ་ཆེན་པོ་བསྐྱེད་ལ། བརྟུལ་ཞུགས་ཆེན་པོའི་དབང་དྲག་ཤུལ་གྱི་ཆོ་གའི་ཕྲིན་ལས་གང་ཡིན་པ་ཐོགས་མེད་དུ་འགྲུབ་པའི་མོས་པ་མཛོད། ཧཱུཾ། སྲས་ཕུར། ཁམས་གསུམ་དབང་དུ་སྡུད་མཛད་སྒྲོལ་བྱེད་སྐུ། །ཉོན་མོངས་ཐང་གཅིག་ཡུད་ལ་སྒྲོལ་མཛད་པ། །རྡོ་རྗེ་ཕུར་པ་ཞིང་བཅུ་སྒྲོལ་བའི་ལྷ། །ཁམས་གསུམ་དབྱིངས་སུ་སྒྲོལ་བའི་དབང་ཐོབ་ཤོག །ཧཱུཾ། ལས་ཕུར། རྡོ་རྗེ་ཕུར་པ་རབ་ཏུ་ཀཱི་ལ་ཡ། །ཞིང་བཅུ་སྒྲོལ་མཛད་བཛྲ་ཀཱི་ལ་ཡ། །རཱུ་ཏྲ་གནས་སུ་སྒྲོལ་མཛད་བཛྲ་ཀཱི་ལ་ཡ། །ཉོན་མོངས་དབྱིངས་སུ་སྒྲོལ་བའི་དབང་ཐོབ་ཤོག །ཧཱུཾ། ཆོས་འབྱུང༌། དུར་ཁྲོད་ཆེན་པོའི་གཞལ་ཡས་ལྷུན་གྱིས་གྲུབ། །རང་བཞིན་ཡེ་ཤེས་ལྷ་རྣམས་བཞུགས་པའི་རྟེན། །མཐིང་ནག་གྲུ་གསུམ་ཕོ་བྲང་དབུས་གསལ་བའི། །ཕོ་བྲང་ཆེན་པོའི་དབང་རྣམས་ཐོབ་པར་ཤོག །ཧཱུཾ། ཤ་ཁྲག་རུས་གསུམ། གཏི་མུག་ཤ་ཡི་མཆོད་པ་རི་རབ་ཙམ། །འདོད་ཆགས་ཁྲག་གི་རྒྱ་མཚོ་ཆི་ལི་ལི། །ཞེ་སྡང་རུས་པའི་མཆོད་པ་ཁྲ་ལ་ལ། །


JLAZ009_Page_0135
[མ་དཔེ་གཟིགས་ན་འདིར་གནོན།]

དུག་གསུམ་ཞལ་དུ་གསོལ་བའི་དབང་ཐོབ་ཤོག །ཧཱུཾ། ཕུར་པ། གདུག་པ་ཐབས་ཀྱིས་སྒྲོལ་བ་འཇིགས་པའི་སྐུ། །ཉོན་མོངས་སྒྲོལ་བྱེད་བཛྲ་ཀཱི་ལ་ཡ། །ཞེན་པའི་དངོས་པོ་རབ་ཏུ་གཅོད་བྱེད་པའི། །སྒྲོལ་བ་ཆེན་པོའི་དབང་རྣམས་ཐོབ་པར་ཤོག །གཙོ་ཕུར་གྱི་དབང་། ཧཱུཾ། གདུག་པ་ཆེན་པོ་ཐབས་ཀྱིས་འདུལ་ མཛད་པ། །མཐིང་ནག་དྲག་པོས་ཐམས་ཅད་འཇོམས་པའི་སྐུ། །ཞལ་གསུམ་ཕྱག་དྲུག་ཟུར་གསུམ་དཔལ་དང་ལྡན། །སྒྲུབ་པ་དྲག་པོའི་དབང་རྣམས་ཐོབ་པར་ཤོག །བྱུག་པའི་རྫས་དུག་ཁྲག །ཧཱུྃ། ཉོན་མོངས་དུག་ལྔ་དུག་གིས་འཐིབ་པར་བྱེད། །རུལ་ཅིང་མྱགས་པས་འཁོར་བ་གཏིང་ནས་སྐེམས། །གཉེན་པོའི་དབང་དུ་ཐབས་ལ་དེ་ལྟར་སྣང༌། །ཉོན་མོངས་ཞེན་པ་སྒྲོལ་བའི་དབང་ཐོབ་ཤོག །བདུག་པའི་རྫས་གུ་གུལ། ཧཱུཾ། གུ་གུལ་སྦྱར་མ་རྫས་ཀྱི་དམ་པ་སྟེ། །ཡེ་ཤེས་མངའ་བརྙེས་ཉེས་བྱེད་རྟེན་དང་འབྲལ། །རབ་ཏུ་སྒྲུབ་པས་འོད་དང་དུ་བར་སྣང༌། །དྲག་པོ་རྫས་ཀྱི་དབང་རྣམས་ཐོབ་པར་ཤོག །བྲབ་པའི་རྫས་ཡུངས་ཀར། ཧཱུཾ། ཡུངས་ཀར་རྒྱལ་པོ་སྒྲོལ་བའི་དབང༌། །ཁྲོ་བོའི་རྒྱལ་པོ་འབུམ་ཕྲག་བསམ་ལས་འདས། །སྟོང་གསུམ་ཁྲོ་བོས་དུས་གཅིག་ཁེངས་མཛད་པ། །


JLAZ009_Page_0136
[མ་དཔེ་གཟིགས་ན་འདིར་གནོན།]

ཡུངས་ཀར་རྒྱལ་པོ་སྒྲོལ་བའི་དབང་ཐོབ་ཤོག །འགུགས་འབྱེད་ལྕགས་ཀྱུའི་དབང་། ཧཱུཾ། ཁམས་གསུམ་ཉོན་མོངས་གནས་སུ་དྲང་བའི་ཕྱིར། །རབ་ཏུ་འགུགས་བྱེད་བཛྲ་ཀཱི་ལ་ཡ། །ཉོན་མོངས་ཞིང་བཅུ་གནས་ནས་འདྲེན་མཛད་པ། །ཉོན་མོངས་འགུགས་པའི་དབང་རྣམས་ཐོབ་པར་ཤོག །འཆིང་བྱེད་ཞགས་པའི་དབང་། ཧཱུཾ། ཉོན་མོངས་ རང་གར་མི་བཏང་བཅིང་བའི་ཕྱིར། །རབ་ཏུ་འཆིང་བྱེད་བཛྲ་ཀཱི་ལ་ཡ། །ཞིང་བཅུ་འཆིང་བྱེད་བཛྲ་ཀཱི་ལ་ཡ། །ཉོན་མོངས་འཆིང་བའི་དབང་རྣམས་ཐོབ་པར་ཤོག །སྡོམ་བྱེད་ལྕགས་སྒྲོག་དབང༌། ཧཱུཾ། ཁམས་གསུམ་གདུག་པ་མ་ལུས་འདུལ་བའི་ཕྱིར། །འབྲེལ་བའི་ལྷ་མཆོག་བཛྲ་ཀཱི་ལ་ཡ། །གང་ཡིན་སྡོམ་བྱེད་མཐུ་འཕྲོག་བཛྲ་ཀཱི་ལ་ཡ། །གདུག་བྱེད་སྟོབས་དང་བྲལ་བའི་དབང་ཐོབ་ཤོག །མྱོས་བྱེད་དྲིལ་བུའི་དབང་། ཧཱུཾ། གདུག་པ་ཅན་རྣམས་རབ་ཏུ་འདུལ་བའི་ཕྱིར། །སྨྱོ་བྱེད་ཆེན་པོ་བཛྲ་ཀཱི་ལ་ཡ། །ཉོན་མོངས་འཇོམས་ཕྱིར་བཛྲ་ཀཱི་ལ་ཡ། །སྨྱོ་བྱེད་ཆེན་པོའི་དབང་རྣམས་ཐོབ་པར་ཤོག །དབྱེ་བའི་སྒྲོ་གཉིས་ཀྱི་དབང་། ཧཱུཾ། གཟས་པ་བསྒྲལ་བའི་ཞིང་བཅུར་གྱུར་པ་ལ། །རྟེན་དང་དབྲལ་བའི་ཕྲ་མར་རབ་ཏུ་བསྔགས། །རང་གི་རྫས་ལ་དབྱེ་བའི་དབང་དང་ལྡན། །


JLAZ009_Page_0137
[མ་དཔེ་གཟིགས་ན་འདིར་གནོན།]

ཞིང་བཅུ་དབྱེ་བའི་དབང་རྣམས་ཐོབ་པར་ཤོག །རྟོགས་པས་བདག་བསྒྲལ་བ་ཆོས་ཉིད་དམ་པའི་དབང་། ཧཱུཾ། ལིངྒ་ཕུར་ཆས། ཕྱེ་ནས་རབ་ཏུ་བསྒྲལ་བའི་དོན་མཛད་པ། །ང་རྒྱལ་རང་གར་འཛིན་པ་སྒྲོལ་མཛད་པ། །ཞེ་སྡང་རང་རྒྱུད་ངན་སོང་གནས་སུ་ལྟུང༌། །སྟོང་པ་ཆེན་པོར་སྒྲོལ་བའི་དབང་ཐོབ་ཤོག །ཚེ་ཁྲུས་གནས་གསུམ་གྱི་དགོངས་པས་སྒྲོལ་བ་ཐ་མལ་གྱི་ཞེན་པ་གཅོད་པའི་དབང་། ཧཱུཾ། རྡོ་རྗེ། ཁྱད་པར་ཆེན་པོ་འབར་བས་ཞེན་པ་གཅོད། །སྣ་ལྔ་མཚོན་ལས་ནད་ལྔས་འཁོར་བ་གཉེན། །དེ་ཉིད་རྒྱལ་བས་བྱིན་བརླབ་རབ་ཏུ་གསུངས། །ཞེན་པ་གཅོད་པའི་དབང་རྣམས་ཐོབ་པར་ཤོག །སྒྲོལ་བྱེད་མཚོན་ཆའི་དབང་། ཧཱུཾ། སྒྲོལ་ཆས། འཁོར་བ་རང་རྒྱུད་ངན་སོང་དབྱིངས་སུ་འཁྱམས། །འཛིན་པ་སྒྲོལ་ཕྱིར་མཚོན་གྱི་རྒྱལ་པོ་དང༌། །མཁའ་འགྲོ་གདུག་བྱེད་ཕྱག་ཆས་དབྱིངས་སུ་སྒྲོལ། །འཇོམས་བྱེད་མཚོན་གྱི་དབང་མཆོག་ཐོབ་པར་ཤོག །རྡུང་བྱེད་ཐོ་བའི་དབང་། ཧཱུཾ། གཏུན་ཁུང་གྲུ་གསུམ་ཡུམ་གྱི་མཁའ་དབྱིངས་སུ། །རིག་པའི་ཡེ་ཤེས་ཡབ་ཀྱི་རྡོ་རྗེ་འདི། །ཐབས་དང་ཤེས་རབ་གཉིས་སུ་མེད་པའི་རྟགས། །རྡོ་རྗེ་ཐོ་བའི་དབང་རྣམས་ཐོབ་པར་ཤོག །ཞལ་དུ་སྟོབ་པའི་དབང༌། ཧཱུཾ། རྡོས་


JLAZ009_Page_0138
[མ་དཔེ་གཟིགས་ན་འདིར་གནོན།]

པའི་དངོས་པོ་བརླག་པར་བྱ་བའི་ཕྱིར། །སྟོབ་བྱེད་ཆེན་པོ་བཛྲ་ཀཱི་ལ་ཡ། །གདངས་པའི་ཞལ་དུ་ཉོན་མོངས་སྟོབ་བྱེད་པ། །སྟོབ་བྱེད་ཆེན་པོའི་དབང་རྣམས་ཐོབ་པར་ཤོག །དེ་ལྟར་དྲག་པོ་མངོན་སྤྱོད་ཀྱི་མཇུག་སྡུད་ཆ་གསུམ་དུ་ངེས་པ་ལས་ཀླུ་བདུད་ལ་གཏད་པ་མནན་པའི་དབང་། ཧཱུཾ། ཞེ་སྡང་ཆེན་པོ་རབ་ཏུ་གནོན་མཛད་པ། །རྡོ་རྗེ་རྒྱ་གྲམ་ཕྲིན་ལས་མཐར་ཕྱིན་པས། །གང་ལ་བྱ་བའི་ལས་ཉིད་གདོན་མི་ཟ། །གནོན་བྱེད་རྒྱ་གྲམ་དབང་རྣམས་ཐོབ་པར་ཤོག །བྱིན་ཟ་ལ་སྟོབ་པ་སྲེག་པའི་དབང༌། ཧཱུཾ། འཁོར་བ་ཉོན་མོངས་མ་ལུས་བསྲེག་པ་སྟེ། །མེ་ཡི་རྒྱལ་པོ་དྲང་སྲོང་རབ་ཏུ་འབར། །ཐམས་ཅད་སྲེག་པར་བྱེད་པ་མེ་ཡི་དབང༌། །ཉོན་མོངས་རབས་རྒྱུད་སྲེག་པའི་དབང་ཐོབ་ཤོག །ཧཱུྃ། ཐབས་དང་ཤེས་རབ་ཟུང་དུ་འབྲེལ་བའི་རྟགས། །དྲག་པོ་ཧོམ་ལ་རབ་ཏུ་མཆོད་པར་བྱེད། །སྲེག་བྱེད་དྲང་སྲོང་མཉེས་པའི་མཆོད་པ་འབུལ། །མཆོད་འབུལ་དགང་བླུགས་དབང་རྣམས་ཐོབ་པར་ཤོག །རླུང་ལྷ་ལ་བསྐུར་བ་ཟོར་གྱི་དབང་ནི། ཧཱུྃ། དྲག་པོ་མཚོན་གྱི་རྒྱལ་པོ་གཏོར་མ་ལ། །ངར་འཛིན་རབ་ཏུ་བརྟས་པ་གཅོད་པར་བྱེད། །ཐབས་དང་ཤེས་རབ་ལྡན་པའི་ཟངས་དང་ལྕགས། །གཅོད་བྱེད་རལ་གྲིའི་དབང་རྣམས་ཐོབ་པར་ཤོག །དེ་ལྟར་


JLAZ009_Page_0139
[མ་དཔེ་གཟིགས་ན་འདིར་གནོན།]

སྒྲོལ་བྱེད་དྲག་ཤུལ་སྤྱོད་པའི་ཕྲིན་ལས་ཀྱི་དབང་བསྐུར་བས་དགྲ་བགེགས་གདུག་པ་ཅན་ཚར་གཅོད་པའི་མཐུ་རྩལ་དང་ནུས་པའི་དབང་ཐོབ་ནས་གཞན་དོན་བྱེད་ནུས་པ་ཡིན་ཏེ། རྣལ་འབྱོར་ཆེན་པོ་ལས། དྲག་པོའི་རྫས་དབང་གདུག་པ་སྒྲོལ། །ཞེས་དང༌། བཤད་རྒྱུད་ལས། དྲག་པོ་འདུལ་བའི་དབང་ཐོབ་ན། །ཕྱིན་ཆད་འགྲོ་བའི་དོན་རྣམས་ནུས། །ཞེས་སོ། །དེ་ལྟར་རང་དོན་མངོན་དུ་བྱས་ནས། གཉིས་པ་ཐུགས་རྗེས་གཞན་སྒྲོལ་བའི་དབང་ནི། རྣལ་འབྱོར་ཆེན་པོ་ལས། གབ་པའི་སྡོམ་པ་གཟུང་བ་དང༌། །གཟིར་མནན་དྲག་པོའི་བསྡུ་བ་དང༌། །སྙིང་པོ་དྲག་ཏུ་བཟླས་པ་དང༌། །དམ་ཅན་གནང་ལ་དབབ་པ་དང༌། །རྩ་བ་ཁམས་གསུམ་བསྒྲལ་བ་དང༌། །བསྒྲལ་ནས་མཆོད་པ་བསྟན་པ་དང༌། །བཀྲག་མདངས་འཕྲོག་ནས་ཚེ་ལུང་བསྟན། །འདི་ནི་བསྒྲལ་བའི་ལས་མཆོག་སྟེ། །ཐམས་ཅད་མ་ལུས་འདུས་པར་བཤད། །གཉིས་མེད་ཕུར་པ་ཤེས་པ་དང༌། །ཡོན་ཏན་ལྡན་པའི་སྔགས་པ་ཡིས། །འདིས་ནི་གཞན་བསྒྲལ་བྱང་ཆུབ་ཐོབ། །རྟོགས་པས་བདག་ཉིད་བསྒྲལ་བ་དང༌། །ཐུགས་རྗེས་གཞན་བསྒྲལ་ཤེས་པར་བྱ། །ཞེས་པས་རྣམ་ཐར་གསུམ་ལྡན་མཚོན་པའི་ལྕགས་ཀྱི་བྲུབ་ཁུང་དུ་ཉ་བོ་མགོ་རང་ལ་བསྟན་ཏེ་བཞག་པ་ལ།


JLAZ009_Page_0140
[མ་དཔེ་གཟིགས་ན་འདིར་གནོན།]

རཀྟ་བྲན། ལས་ཕུར་ཐོགས་ལ། རྩ་དུམ་ལས། ཧཱུཾ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །ས་བདག་ཆེན་མོའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ཁྱོད་ཀྱི་དམ་ཚིག་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །བདག་ཅག་རྣལ་འབྱོར་སྒྲུབ་པ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང༌། །དུས་གསུམ་རྒྱལ་བའི་གདུང་གསོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང༌། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང༌། །ལུས་ངག་རྡུལ་དུ་བཤིགས་ནས་ཀྱང༌། །སྡུག་བསྔལ་ཉམས་སུ་མྱོང་བར་མཛོད། །ཨོཾ་ལཾ་ཧཱུཾ་ལཾ་སྟྭཾ་བྷ་ཡ་ནན། མོ་ཧ་ཡ། བྷ་ག་ཝཱ་ན་ཤྲི་ཀྲི་བྱི་ཀྲི། བཛྲ་ཧཱུཾ་ཀཱ་ར་ཧཱུཾ་ཕཊ། བཛྲ་ཀཱི་ལི་ཀཱི་ལ་ཡ། ཛཿཧཱུཾ་བཾ་ཧོཿ སརྦ་བིག་ནན། བཛྲ་ཧཱུཾ་ཀཱ་ར་ཧཱུཾ་ཨཱ། དངོས་གྲུབ་བར་ཆོད་བྱེད་པའི་གེགས། །གདུག་ཅིང་སྡང་སེམས་ལྡན་པ་རྣམས། །ཟུངས་ཤིག་རྒྱོབ་ཅིག་རྣམ་པར་ཆིངས། །གཏོགས་ཤིག་གྲོགས་


JLAZ009_Page_0141
[མ་དཔེ་གཟིགས་ན་འདིར་གནོན།]

དང་བྲལ་བར་གྱིས། །རིངས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་བྱོས། །ང་ཡི་དབང་དུ་གྱུར་ནས་ཀྱང༌། །བསྒོ་བའི་བཀའ་རྣམས་ཉན་པར་བྱོས། །ཧཱུཾ་པ་ར་བིད་ཏན་ཧཱུཾ་ཕཊ། ཚིནྡྷ་ཚིནྡྷ་ཧཱུཾ་ཕཊ། བིནྡྷ་བིནྡྷ་ཧཱུཾ་ཕཊ། གྷྲྀ་ན་གྷྲྀ་ན་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བྷན་དྷ་བྷན་དྷ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཧ་ས་ཡ་ར་ཧ་ཧ་ན་ཧཱུཾ་ཕཊ། ཤི་ཀྲིན་ཨ་ན་ཡ་ཧཱུཾ་ཕཊ། ཛྭ་ལ་པ་ཡ་ཛྭ་ལ་པ་ཡ་ཧཱུཾ་ཕཊ། ཨཱ་བེ་ཤ་ཡ་ཨཱ་བེ་ཤ་ཡ་ཧཱུཾ་ཕཊ། བིན་དྷ་ཡ་བིན་དྷ་ཡ་ཧཱུཾ་ཕཊ། ཅེས་བརྗོད་ཅིང༌། དེའི་ཚེ་དེ་ཁོ་ན་ཉིད་ལས་མི་གཡོ་བའི་རྟོགས་པས་བདག་བསྒྲལ་ནས། རྗེས་ལ་ཐོབ་པའི་སྙིང་རྗེ་ཞེ་སྡང་རོལ་པའི་མངོན་སྤྱོད་ལ་ཞུགས། ཕྱག་གཉིས་རིགས་ལྔ་ཡབ་ཡུམ་གྱི་སྦྱོར་མཚམས་ན་གནས་པའི་མཚན་མ་རྫས་ཀྱི་ཕུར་བུ་མགར་གྱི་སོ་མལ་ནས་ཕྱུང་མ་ཐག་པ་ལྟ་བུ་དེ་ཉིད་ཡི་དམ་གྱི་ལྷར་གསལ་བ་མི་རྡུགས་པའི་གནད། ཕྱི་གཟུང་ཡུལ་དུ་མངོན་པའི་སྣང་བ་དངོས་ཞེན་ཐམས་ཅད་ཉམས་པ་བདུན་དང་ལྡན་པའི་བསྒྲལ་ཡུལ་དུ་གསལ་བ་ནི་མི་འབྱམས་པའི་གནད། ནང་འཛིན་བྱེད་ཀྱི་རྣམ་པར་རིག་པ་ཐམས་ཅད་ལྷའི་ཕྱག་རྒྱར་གསལ་བ་ནི་མི་ལྡོག་པའི་གནད། གསལ་བ་གསུམ་ལྡན་གྱི་


JLAZ009_Page_0142
[མ་དཔེ་གཟིགས་ན་འདིར་གནོན།]

ངང་ནས་ཤར་བའི་ཚད་མེད་སྙིང་རྗེའི་ཕུར་པས་ཕྱི་དགྲ་གཟུང་འཛིན་གྱི་ཉ་བོ་སྤྲུལ་སྐུའི་དབྱིངས་སུ་བསད། ཉམས་པ་བདུན་པོ་གནས་ངན་ལས་བསྒྲལ་འདོད་བྱང་ཆུབ་སེམས་ཀྱི་ཕུར་བུས་ནང་དགྲ་དུག་གསུམ་གྱི་ངོ་བོ་ལོངས་སྐུའི་དབྱིངས་སུ་བསད། བསྒྲལ་བྱ་སྒྲོལ་བྱེད་ཀྱི་ཀུན་ཏུ་རྟོག་པ་ལས་གྲོལ་བའི་རིག་པ་ཡེ་ཤེས་ཀྱི་ཕུར་བུས་གསང་དགྲ་བདག་འཛིན་གྱི་ངོ་བོ་ཆོས་སྐུའི་དབྱིངས་སུ་བསད་པ་སྟེ། ཕུར་པ་ཕྲིན་ལས་ཀྱི་རྒྱུད་ལས། བྱང་ཆུབ་སེམས་ཀྱི་ཕུར་བུ་ནི། །རྣམ་པར་རྟོག་པ་ཀུན་འཇོམས་བྱེད། །ཕུར་བུའི་རྒྱུ་ཚད་དབྱིབས་དང་ནི། །སྐུར་གསལ་བྱིན་བརླབས་བྱས་པ་ཡིས། །རྣམ་རྟོག་སྒྲོལ་བར་རབ་ཏུ་བཤད། །ཅེས་སོ། །དེའི་ཚེ་སྐྱེ་མཆེད་དུར་ཁྲོད་དུ་བསྒྲལ་བས་ཕུང་པོའི་བདུད་བཅོམ། ཆགས་རྟོག་ཡུམ་མཁའ་ལ་བསྒྲལ་བས་ཉོན་མོངས་པའི་བདུད་བཅོམ། མིང་བཞིའི་ཕུང་པོ་དག་པས་ལྷའི་བུའི་བདུད་བཅོམ། རྣམ་ཤེས་འོག་མིན་དུ་བསྒྲལ་བས་འཆི་བདག་གི་བདུད་བཅོམ། ལྟ་བ་ལ་སྤྲོས་པ་མེད་པ་རྟག་ཆད་ཀྱི་འཕྲང་ལས་གྲོལ། བསྒོམ་པ་ལ་བསལ་བཞག་མེད་པས་བྱིངས་རྒོད་ཀྱི་འཕྲང་ལས་གྲོལ། སྤྱོད་པ་ལ་དངོས་འཛིན་མེད་པས་ཚུལ་འཆོས་ཀྱི་འཕྲང་ལས་གྲོལ་བ་སྟེ། ཡུལ་གསུམ་གསལ་དང་དགྲ་གསུམ་གསད། །བདུད་བཞི་བསྒྲལ་དང་


JLAZ009_Page_0143
[མ་དཔེ་གཟིགས་ན་འདིར་གནོན།]

འཕྲང་གསུམ་བསལ། །བླ་ཚེའི་ལྷག་མ་བདག་ལ་འདྲེས། །ཡེ་ཤེས་ཆུ་ཡིས་སྡིག་སྒྲིབ་བཀྲུས། །རྣམ་ཤེས་རྒྱལ་བའི་ཞིང་དུ་འཕང༌། །དེ་ནི་སྒྲོལ་དབང་ངོ་བོ་ཡིན། །དེ་སྐད་དུ། མྱང་འདས་ཀྱི་རྒྱུད་ལས། རྣམ་ཤེས་སྙིང་གི་དཀྱིལ་འཁོར་དུ། །བྱང་ཆུབ་སེམས་ཀྱི་རྩེ་གཏད་དེ། །དཀར་ནག་མཚམས་ཀྱི་སྙིང་ལ་ནི། །དགེ་སྡིག་ལས་ཀྱི་ཤན་ཕྱེ་སྟེ། །རྣམ་པར་རྟོག་པའི་སྡིག་སྦྱངས་ནས། །རྣམ་བཞི་ལས་ཀྱི་འདུལ་སྦྱངས་ཀྱིས། །ཉོན་མོངས་དུག་གསུམ་བཅོམ་ནས་ཀྱང༌། །རྣམ་ཤེས་གསེར་ཞུན་ལྟ་བུ་དེ། །ཡཾ་གྱིས་བཏེག་ལ་ཕཊ་ཀྱིས་འཕང༌། །ཧཱུཾ་གིས་བསྡུས་ནས་མཁའ་ལ་བསྟིམ། །རིགས་ལྔའི་སྲས་སུ་ངེས་པར་བྱ། །ཨོཾ་ཨཱཿཧཱུཾ་གིས་བྱིན་བརླབས་ཏེ། །སྐུ་གསུང་ཐུགས་སུ་གསལ་བྱས་ནས། །ངན་སོང་སྒོ་གསུམ་ཤིན་ཏུ་བཅད། །རྣམ་རྟོག་བསྒྲལ་བའི་ཞིང་བཅུར་བརླབ། །དེ་ཡི་རྣམ་ཤེས་ཆོས་ཀྱི་སྐུ། །རྣམ་དག་དབྱིངས་ཀྱི་ངང་དུ་བསྒོམ། །དོན་དུ་རང་སེམས་མྱ་ངན་འདའ། །ཞེས་དང༌། ཕུར་པ་ཕྲིན་ལས་ཀྱི་རྒྱུད་ལས་ཀྱང༌། གདབ་པ་ཀུན་གྱི་གོང་དུ་ནི། །མཐུ་དང་རྫུ་འཕྲུལ་འཕྲོག་ཕྱིར་གདབ། །ཉོན་མོངས་མནར་བའི་སེམས་ཅན་དག །འཁོར་བའི་གནས་ནས་དྲང་བའི་ཕྱིར། །རྡོ་རྗེ་ཕུར་བུས་རབ་ཏུ་གདབ། །


JLAZ009_Page_0144
[མ་དཔེ་གཟིགས་ན་འདིར་གནོན།]

ངན་སོང་རྒྱུ་ནི་དེས་ཚར་བཅད། །རྒྱ་མདུད་གཉིས་དང་ལོགས་བརྒྱད་དང༌། །དབལ་དང་བཅས་པའི་འོད་ཟེར་གྱིས། །ངན་སོང་གསུམ་གྱི་དེར་སྦྱོང་བྱེད། །ཕུར་བུའི་འོད་ཟེར་ཆེན་པོ་དེས། །བདག་དང་གཞན་གྱི་དོན་བསྒྲུབ་བྱ། །སྔགས་ཀྱི་འོད་ཟེར་དྲག་པོ་སྟེ། །སྤྲོས་པས་གཞན་གྱི་སྡིག་པ་འཇོམས། །བསྡུས་པས་བདག་གི་སྡིག་པ་འཇོམས། །ཕུར་པའི་འོད་ཟེར་དེ་བསྒོམས་ཤིང༌། །རྣམ་རྟོག་ཐམས་ཅད་དེས་སྒྲོལ་བྱེད། །དྲག་པོའི་ལས་ནི་ཐམས་ཅད་ཀྱང༌། །སྙིང་རྗེས་ཟིན་པའི་ཞེ་སྡང་གིས། །ཉོན་མོངས་གནས་སུ་དག་བྱས་བསྒྲལ། །ཞེས་རྟོགས་པ་བསྐྱེད་ནས་སློབ་བུའི་ལག་ཏུ་སྲས་མཆོག་གི་ཕུར་པ་གཏད་པ་ཏིང་ངེ་འཛིན་དང་ལྡན་པའི་ཆུ་སྲིན་རྣམ་རོལ་གྱི་ཕྱག་རྒྱས་བཟུང་བའི་ཚུལ། མྱང་འདས་ལས། གཡས་གཡོན་ཉི་ཟླའི་དཀྱིལ་འཁོར་ལས། །ཧཱུཾ་དང་ཨཱ་ནི་ཤིན་ཏུ་གསལ། །གུང་བུ་མཐེ་བོང་མཛུབ་སྲིན་དང༌། །མཐེའུ་ཆུང་ལ་སོགས་གཡས་གཡོན་ལ། །ཨཱོཾ་ཧཱུཾ་ཏྲཱཾ་ཧྲཱིཿཨ་ལ་སོགས། །རིམ་པ་བཞིན་དུ་གསལ་བཀོད་ལ། །སུ་ར་ཏ་སྟྭཾ། ཞེས་བརྗོད་པས། ཐལ་མོ་མཉམ་པར་སྦྱར་བར་བྱའོ། །ཨཱོཾ་བཛྲ་ཨཾ་དྷེ་ལི་ཧཱུཾ། སོར་མོ་ཅུང་ཟད་བསྣོལ་བར་བྱའོ། །ཨོཾ་བཛྲ་བན་དྷ་ཧཱུཾ། སོར་མོ་རྒྱབ་ཏུ་བསྣོལ་ཏེ་བསྡམས། ས་མ་ཡ་སྟྭཾ། ཕུར་བུ་བླངས་ཏེ་ཆང་བར་གཞུག །ལག་པའི་རྟིང་པ་ཁ་ཕྱེ་ལ། །མཐེ་བོང་གཉིས་


JLAZ009_Page_0145
[མ་དཔེ་གཟིགས་ན་འདིར་གནོན།]

དང་སྲིན་ལག་དང༌། །མཐེའུ་ཆུང་བར་དུ་ཕུར་པ་གཞུག །མཐེ་བོང་བསྒུལ་ལ་ཕུར་པ་བསྒྲིལ། །ཨོཾ་བཛྲ་ཨཱ་བེ་ཤ་ཡ་ཨ་ཨཱ། ཞེས་པའི་དོན་གྱིས་ཕུར་སྐོར་བྱེད་དུ་གཞུག་ཅིང༌། རྡོ་རྗེ་ཁྲོས་པའི་བཤད་རྒྱུད་ལས། ཧཱུཾ། ཡབ་ཡུམ་བདེ་ཀློང་ཐིག་ལེ་ལས། །མི་ཤིགས་བྱང་ཆུབ་སེམས་ཀྱི་ཧཱུཾ། །འཇོམས་བྱེད་དཔའ་བེའུ་ཕུར་བུའི་དབྱིབས། །ཐིག་ལེ་ཡིག་འབྲུ་རྣམ་པ་ཀུན། །ཕུར་པའི་ལོགས་ལ་ལྷ་བཀོད་ནས། །འགྱུར་མེད་དབྱིངས་ཀྱི་ངང་ཉིད་ལས། །ཁྲག་འཐུང་འདུས་པ་ཕུར་པའི་ལྷ། །སྲས་ཀྱི་མཆོག་གྱུར་ཕུར་པའི་ཚུལ། །ཞལ་གསུམ་ཕྱག་དྲུག་འཇིགས་ བྱེད་སྐུ། །ཨུཏྤལ་སྔོན་པོའི་མདོག་འདྲ་ཞིང༌། །ཁྲོ་དང་བཞད་དང་གཤེ་བའི་ཚུལ། །ཕྱག་དྲུག་རྒྱུད་དྲུག་རྩད་ནས་གཅོད། །ཕྱག་མཚན་མཚོན་ཆས་འགྲོ་དྲུག་སྒྲོལ། །སྐུ་སྨད་ཆུ་སྲིན་ཕུར་པའི་དབལ། །རྒྱ་མདུད་ནང་ནས་སྔགས་ཀྱི་སྒྲ། །འབྲུག་སྟོང་ལྟ་བུར་ལྡིར་ཞིང་གྲགས། །ཆུ་སྲིན་ཁ་ནས་མེ་ལྕེ་འོད། །གློག་ལྟར་འཁྱུག་ཅིང་སྟོང་གསུམ་གསལ། །གདུག་པ་ཆུ་སྲིན་ཁ་ནས་ནི། །སྡིག་སྦྲུལ་སྦལ་ལྕོང་ཆོ་འཕྲུལ་འགྱེད། །སྟོང་གསུམ་གང་ཞིང་ཀླུ་རྣམས་འདུལ། །ཐུགས་ཀ་དཔལ་བེའུའི་དཀྱིལ་འཁོར་ནས། །བཞི་བཅུ་རྩ་བདུན་ལྷ་རུ་རྫོགས། །དབུ་


JLAZ009_Page_0146
[མ་དཔེ་གཟིགས་ན་འདིར་གནོན།]

ལ་རིགས་ལྔ་ཁྲག་འཐུང་རྫོགས། །ཡེ་ཤེས་ལྔ་ ལྡན་དུག་ལྔ་འཇོམས། །སྲས་ཀྱི་ཐུགས་ཀྱི་དཀྱིལ་འཁོར་ནས། །བདེ་ཆེན་ཡབ་ཡུམ་དབྱིངས་སུ་བཞུགས། །ཁྲོ་བོའི་སྤྲུལ་པས་ནམ་མཁའ་གང༌། །ཁྲོ་མོའི་སྤྲུལ་པས་ས་གཞི་གང༌། །ཕྲ་མེན་སྤྲུལ་པས་བར་སྣང་གང༌། །སྒོ་བའི་སྤྲུལ་པས་ཕྱོགས་བཞིར་འགྱེད། །ཁྲོ་བོ་ཕྲ་མེན་སྒོ་བའི་ཚོགས། །ཐམས་ཅད་འདུས་པ་སྲས་ཀྱི་མཆོག །མ་བཏབ་ཙམ་ན་ལྷུན་གྱིས་གྲུབ། །བཏབ་ན་ལྷ་ཡང་ བརླག་པར་འགྱུར། །དགྲ་བགེགས་ཐིག་ལེའི་དཀྱིལ་དུ་ཀཱི་ལ་ཡ། །དུག་གསུམ་རྩད་ནས་ཆོད་ཅིག་ཀཱི་ལ་ཡ། །རྒྱུ་དྲུག་གནས་སུ་སྒྲོལ་ཅིག་ཀཱི་ལ་ཡ། །སེམས་ཀྱི་བག་ཆགས་སྦྱོངས་ཤིག་ཀཱི་ལ་ཡ། །སེམས་ཉིད་དབྱིངས་སུ་སྟིམས་ཤིག་ཀཱི་ལ་ཡ། །དབྱིངས་ལས་བདེ་ཆེན་རྒྱས་གྱུར་ཀཱི་ལ་ཡ། །སྤྲུལ་སྐུའི་འགྲོ་དོན་མཛོད་ཅིག་ཀཱི་ལ་ཡ། །ཞེས་བརྗོད་ཅིང་གདབ། དེ་ནས་ཕོ་ཉ་བསྐུལ་ཞིང་བསྒྲལ་བ་ནི། ཧཱུཾ། བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་དམ་བཅས་པའི། །མངོན་སྤྱོད་ཕྲིན་ལས་མྱུར་དུ་མཛོད། །ཧ་ན་ཧ་ན་བཛྲ། ད་ཧ་ད་ཧ་བཛྲ། པ་ཙ་པ་ཙ་བཛྲ། མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། ཀ་


JLAZ009_Page_0147
[མ་དཔེ་གཟིགས་ན་འདིར་གནོན།]

ཏང་ཀ་ཡེ། ཛ་ཡེ་བི་ཛ་ཡེ། ཨ་ཙི་ཏེ་ཨ་པ་ར་ཙི་ཏེ་མར་ས་ནི་པྲ་མར་ཏ་ན་ཡེ་ཧཱུཾ་ཕཊ། རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཧཱུཾ་མཱ་མ་པ་ཤི་ཀུ་རུ། མ་ཏཾ་ཉ་ཀ་ར་ཨི་ནན་དྷ་ཏི་མ་མ་ཀརྨ་ཤི་ཀྲང་ཀ་ར་ཡེ་ཧཱུཾ་ཕཊ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་བྱོས། །སརྦ་ཨ་པ་ན་ཡ་ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་ཧཱུཾ་ཕཊ། ཅེས་བསྒྲལ། གཏུན་ཁུང་དུ་རྡོ་རྗེ་བསྡམ་པའི་ཕྱག་རྒྱས་བཟུང་བའི་ཐོ་བས་བརྡུང་ཞིང༌། སྦྱོར་སྒྲོལ་ཟུང་འཇུག་འཕོ་མེད་བདེ་ཆེན་ལྷན་ཅིག་སྐྱེས་པའི་ཡེ་ཤེས་དྲན་པར་བྱས་ནས། ཧཱུཾ། རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་ལྷོགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བརླག་པར་འགྱུར། །ཁ་ཐཾ་ཁ་ཐཾ། ཞེས་ཉི་ཤུ་རྩ་གཅིག་དང་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ།


JLAZ009_Page_0148
[མ་དཔེ་གཟིགས་ན་འདིར་གནོན།]

ཅེས་བརྗོད། དེ་ནས་ལིང་རོའི་ཡན་ལག་རྣམས་ཧོམ་ལ་བསྲེག་ཅིང་ནང་ཁྲོལ་ཞལ་དུ་བསྟབ་པའི་ཕྱིར་སྦྱིན་བསྲེག་གི་ལས་བྱ་བ་ནི། ཆོས་འབྱུང་གི་སྟེང་དུ་དྲག་པོའི་ཤིང་ལ་ཧོམ་བརྩིག །ཛྭ་ལ་རཾ་གྱིས་མེ་སྦར་ནས་དམ་ཚིག་ཡེ་ཤེས་གཉིས་མེད་དཀྲོང་བསྐྱེད་བྱ། དེ་ནས། ཧཱུཾ། བཤད་རྒྱུད་ཚིག་སྣ་བསྟུང་བ། སྟེང་འོག་ཕྱོགས་མཚམས་སྐྱོང་བའི་ལྷ། །སྐུ་མདོག་སྣ་ཚོགས་འོད་དང་ལྡན། །གཡས་པ་རང་རྟགས་གཡོན་མེ་དཔུང༌། །མཐུ་དང་རྫུ་འཕྲུལ་མྱུར་བའི་ལྷ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་སྲེག་པར་མཛོད། །འབྱུང་པོ་གང་ཡིན་འཚིག་པར་མཛོད། །ཨོཾ་ཨགྣ་ཡེ་ཧ་བྱ་ཀ་བྷ་ཧ་ན་ཡེ་དགྲ་བགེགས་འབྱུང་པོ་མཱ་ར་ཡ་ཕཊ། ཅེས་པས་མེ་ལྷ་ལ་སློབ་མར་འབུལ་དུ་བཅུག །མེ་ལྷའི་ལྟོ་བ་ཡངས་ཤིང་རྒྱ་ཆེ་བའི་ནང་དུ་དཀྱིལ་འཁོར་བ་རྣམས་གསལ་བར་གྱུར། ཞེས་སྐད་ཅིག་དཀྲོང་བསྐྱེད་བྱས་ལ། རྩ་སྔགས་ཀྱི་ཤམ་དུ་དགྲ་བགེགས་འབྱུང་པོ་མཱ་ར་ཡ་ཕཊ། ཅེས་འབུལ་ཚུལ་སྔར་དང་འདྲ། བསྟོད་ཅིང་ཕྲིན་ལས་བཅོལ་བ་ནི། ཕྲིན་ལས་ཀྱི་རྒྱུད་ལས། ཧཱུཾ། ཞེ་སྡང་རྡོ་རྗེ་འཁོར་དང་བཅས། །འཇིག་རྟེན་ཁམས་ནི་རབ་འབྱམས་


JLAZ009_Page_0149
[མ་དཔེ་གཟིགས་ན་འདིར་གནོན།]

ཀུན། །ཁྲོས་པས་ཡུད་ཀྱིས་བརླག་པར་མཛོད། །བརླག་པར་མ་གྱུར་གང་ཡང་མེད། །བརླག་མཛད་ལྷ་ལ་ཕྱག་འཚལ་བསྟོད། །དྲག་པོའི་ཕྲིན་ལས་གྲུབ་པ་ཡི། །དངོས་གྲུབ་བདག་ལ་སྩལ་དུ་གསོལ། །བཛྲ་མུཿས་ཡེ་ཤེས་པ་གཤེགས། དེ་ནས་ཟོར་གཏོར་སློབ་མའི་ལག་ཏུ་བྱིན་ལ། བཤད་པའི་རྒྱུད་ལས། ཧཱུཾ། མཐིང་ནག་གྲུ་གསུམ་དཀྱིལ་འཁོར་ནས། །དཔལ་ཆེན་རྡོ་རྗེ་གཞོན་ནུ་ཡང༌། །གཡས་ན་ཁྲག་ཟོར་མདའ་ལྟར་འཕེན། །གཡོན་པ་ཉུངས་ཟོར་རྦབ་ལྟར་འདྲིལ། །ཁྲག་ཟོར་དམར་པོ་མཚོ་ལྟར་རློག །མདའ་ཟོར་དྲག་པོ་སྐར་ལྟར་འཁྲུག །དྲག་པོ་ཉུངས་ཟོར་རྦབ་ལྟར་འདྲིལ། །མཚེ་ཟེར་རྣོན་པོ་མདུང་ལྟར་འདེབས། །དྲག་པོའི་ཕུར་ཟོར་སྙིང་ལ་འདེབས། །དོ་ནུབ་ཟོར་གྱི་ལས་མཛོད་ཅིག །ཧཱུཾ། ཡུམ་ཆེན་འཁོར་ལོ་རྒྱས་འདེབས་མ། །གཡས་པ་ཁྲག་ཟོར་མདའ་ལྟར་དྲག །གཡོན་པ་ཉུངས་ཟོར་རྦབ་ལྟར་འདྲིལ། །ཧཱུཾ། དབུས་དང་ཕྱོགས་འདུལ་སྲས་མཆོག་ནི། །སྟོད་ནི་ཞལ་གསུམ་ཕྱག་དྲུག་ལ། །སྐུ་སྨད་ལྕགས་ཕུར་དབལ་དང་ལྡན། །གཡས་པ་འདྲལ་བྱེད་གྲི་གུག་བསྣམས། །གཡོན་པ་ཁྲག་ཟོར་མདའ་ལྟར་འཕེན། །ཧཱུཾ། སྟེང་འོག་ཕྱོགས་མཚམས་འདུལ་བའི་ལྷ། །ཁྲོ་བོ་ཁྲོ་མོ་ཡབ་ཡུམ་


JLAZ009_Page_0150
[མ་དཔེ་གཟིགས་ན་འདིར་གནོན།]

བཅུ། །ཕྱོགས་བཅུའི་གདོན་ཚོགས་འདུལ་བའི་ལྷ། །གཡས་པ་འདྲལ་བྱེད་གྲི་གུག་བསྣམས། །གཡོན་པ་ཁྲག་ཟོར་མདའ་ལྟར་འཕེན། །ཧཱུཾ། ཤྭ་ན་མ་བཞི་བདག་ཉིད་བཞི། །བསེ་མོ་བཞི་དང་མིང་པོ་གསུམ། །ལས་སུ་ཤ་ཟ་ཁྲག་འཐུང་མ། །གཡས་པས་ཕུར་ཟོར་མདའ་ལྟར་འཕེན། །གཡོན་པས་ཁྲག་ཟོར་མཚོ་ལྟར་རློག །ཉིད་ཀྱི་དམ་ཚིག་ཁྲག་མདའ་འདི། ། ད་ནི་འཕེན་པའི་དུས་ལ་བབ། །ཁྲག་མདའ་ཁྲག་སྦུར་ཆི་ལི་ལི། །ཁྲག་མདའ་བུ་ཡུག་ཆར་ལྟར་ཕོབ། །དགྲ་བོའི་ཁོང་དུ་དུག་མདའ་རྒྱོབ། །ལས་ཀྱི་མཁའ་འགྲོ་རྣམ་གསུམ་ཡང༌། །ཁྲག་ཟོར་དམར་པོའི་སྣ་དྲོངས་ལ། །ཁྲག་ཟོར་མེ་ལྟར་མཆེད་ནས་ཀྱང༌། །དམ་ཉམས་དགྲ་བོ་ཚིག་པར་བྱེད། །ཁྲག་ཟོར་ཆུ་ལྟར་བྲུབ་ནས་ཀྱང༌། །དམ་ཉམས་དགྲ་བོ་འཁྱེར་བར་བྱེད། །ཁྲག་ཟོར་གཉེན་པོའི་སྣ་དྲོངས་ཤིག །ཟོར་འཕང་སླར་ལ་མ་ལོག་ཅིག །གཉེན་བྱས་དགྲ་རུ་མ་ལྡང་ཞིག །ཟས་སྦྱོར་དུག་ཏུ་མ་གཡོ་ཞིག །དམ་ཉམས་གང་ཡིན་ཡུལ་མཁར་བསྒྱེལ། །མི་ནད་མེ་ལྟར་མཆེད་ནས་ཀྱང༌། །གང་ཡིན་ཉམས་པ་ཕུང་བར་བྱེད། །དམག་སྣ་དྲོངས་ཤིག་དྲག་པོ་ཟོར་གྱི་ལྷ། །བྷྱོ་བྷྱོ་དྲག་པོ་ཟོར་གྱི་ཐུན་ཕོབ་ཅིག །ཅེས་འཕང་ངོ༌། །ལས་མཇུག་བྲོས་བསྡུ་བ་ནི། མནན་


JLAZ009_Page_0151
[མ་དཔེ་གཟིགས་ན་འདིར་གནོན།]

པའི་ལས་ཡིན་པས་མགོ་བོ་གཏོར་གཞོང་རི་རིབ་ཏུ་བསམ་པའི་འོག་ཏུ་མནན་ལ། བཤད་པའི་རྒྱུད་ལས། ཧཱུཾ། མཐིང་ནག་འབར་བའི་འཁོར་ཚོགས་ནས། །དཔལ་ཆེན་རྡོ་རྗེ་གཞོན་ནུ་ཡང༌། །ཁྲོ་རྔམས་རབ་ཏུ་གདུག་པའི་བྲོ། །ཐུགས་རྗེ་ཆེན་པོས་བྲོ་ལ་གཤེགས། །དགྲ་ནི་ཐལ་བར་བརླག་པའི་བྲོ། །བདུད་ནི་ཕྱེ་མར་འཐག་པའི་བྲོ། །རྔམ་པ་ཆེན་པོ་བྲོ་ལ་གཤེགས། །ཧཱུཾ། མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །ཚངས་པ་འདུལ་བ་གདུག་པའི་ལྷ། །ཧཱུཾ་མཛད་ཡབ་ཡུམ་བྲོ་ལ་གཤེགས། །ཁྲོ་བོ་མཐིང་ག་སྤྲིན་ལྟར་གཏིབས། །ཁྲོ་ཆུང་ཚོན་གང་སྐར་ལྟར་འཁྲུག །བདུད་དང་སྲིན་པོ་འདུལ་བའི་བྲོ། །དགྲ་ནི་ཐལ་བར་བརླག་པའི་བྲོ། །ངན་སོང་འཁོར་བ་འཇོམས་པའི་བྲོ། །བླ་མེད་བྱང་ཆུབ་ཐོབ་པའི་བྲོ། །ཕུང་པོ་རྡུལ་དུ་བཤིག་པའི་བྲོ༑ །རྣམ་ཤེས་དབྱིངས་སུ་འདྲེན་པའི་བྲོ། །ཏ་ཀྲྀཏ་ཆེན་པོ་བྲོ་ལ་གཤེགས། །ཧཱུཾ། གདུག་པ་ཕག་དང་རྨིག་བུའི་མགོ །ཚངས་པ་ཕོ་མོ་འཁོར་བཅས་འདུལ། །ལ་ལ་ལྡིང་ཞིང་ལ་ལ་འདྲལ། །གཤོག་པ་ཅན་གྱིས་མཐའ་ནས་སྡུད། །མཆེ་བ་ཅན་གྱིས་གསོད་པར་བྱེད། །ཚམ་རྔམས་དྲག་པོས་བདུད་དཔུང་འཇོམས། །དཔལ་བརྟུལ་དྲག་པོའི་ཚངས་རིགས་


JLAZ009_Page_0152
[མ་དཔེ་གཟིགས་ན་འདིར་གནོན།]

འདུལ། །འཇིགས་པའི་ཁྲོ་བདག་སྤྲིན་ལྟར་གཏིབས། །ཁྲོ་ཆུང་ཚོན་གང་སྐར་ལྟར་འཁྲུག །བདུད་དང་སྲིན་པོ་འདུལ་བའི་བྲོ། །ཧཱུཾ། ཁྲོ་བོས་གདུག་པ་གྲོགས་དང་འབྲལ། །ཐུགས་ལས་སྤྲུལ་ཅིང་ལས་རྣམས་བྱེད། །སྲས་མཆོག་མཐིང་ག་སྤྲིན་ལྟར་གཏིབས། །ཁྲོ་ཆུང་ཚོན་གང་སྐར་ལྟར་འཁྲུག །བདུད་དང་སྲིན་པོ་འདུལ་བའི་བྲོ། །ཧཱུཾ། མཁའ་འགྲོ་མ་ཆེན་གདུག་པའི་བྲོ། །མ་མོའི་རྟ་བྲོ་སི་ལི་ལི། །སྔོན་དམར་བྱད་ཐག་རྒྱང་སེ་རྒྱང༌། །ཤ་ཁྲག་དམར་པོ་མཁའ་འགྲོའི་ཟས། །ཤ་ལ་རོལ་ཅིག་མཁའ་འགྲོའི་ཚོགས། །ཁྲག་ལ་འཐུངས་ཤིག་མཁའ་འགྲོའི་ཚོགས། །རུས་ལ་འཆོ་ཞིག་མཁའ་འགྲོའི་ཚོགས། །མཁའ་འགྲོ་རྔམ་བྱེད་རོ་ལ་རྔམ། །གཡས་སུ་བལྟས་ནས་གཡོན་དུ་འཁྱུད། །རྔམ་པའི་ཚེམས་གཅིག་མདུན་དུ་བལྟ། །ཉམས་པ་གང་ཡིན་སྤྱན་གྱིས་གཟིགས། །སོ་བརྡར་མཆེ་གཙིགས་ཧ་སྒྲ་ཅན། །སྟོང་གསུམ་རོ་ཟ་ཁྲག་འཐུང་ཡང༌། །མ་འགྲངས་མ་ངོམ་སོ་བརྡར་འཁྲིག །མཁའ་འགྲོ་མ་ཆེན་སྤྲིན་ལྟར་གཏིབས། །ཕོ་ཉ་ཕྱག་བརྙན་སྐར་ལྟར་འཁྲུག །བདུད་དང་སྲིན་པོ་འདུལ་བའི་བྲོ། །ཧཱུཾ། སྙིང་གི་དཀྱིལ་དུ་བྲོ་བརྡུངས་པས། །ཡེ་ཤེས་ལྔ་པོ་མཉེས་པར་བྱེད། །དྲན་པ་གནས་སུ་དག་པའི་བྲོ། །


JLAZ009_Page_0153
[མ་དཔེ་གཟིགས་ན་འདིར་གནོན།]

མིག་གི་སྟེང་དུ་བྲོ་བརྡུངས་པས། །གཟུགས་ཀྱི་ལྷ་མོ་མཉེས་པའི་བྲོ། །རྣ་བའི་སྟེང་དུ་བྲོ་བརྡུངས་པས། །སྒྲ་ཡི་ལྷ་མོ་མཉེས་པའི་བྲོ། །སྣ་ཡི་སྟེང་དུ་བྲོ་བརྡུངས་པས། །དྲི་ཡི་ལྷ་མོ་མཉེས་པའི་བྲོ། །ལྕེ་ཡི་སྟེང་དུ་བྲོ་བརྡུངས་པས། །རོ་ཡི་ལྷ་མོ་མཉེས་པའི་བྲོ། །ལུས་ཀྱི་སྟེང་དུ་བྲོ་བརྡུངས་པས། །རེག་བྱའི་ལྷ་མོ་མཉེས་པའི་བྲོ། །སྙིང་གི་དཀྱིལ་དུ་བྲོ་བརྡུངས་པས། །ཆོས་ཀྱི་ལྷ་མོ་མཉེས་པའི་བྲོ། །མཛེས་བྱེད་ལྷ་མོ་སྤྲིན་ལྟར་གཏིབས། །ཕྱི་ནང་ལྷ་མོ་སྐར་ལྟར་འཁྲུགས། །བདུད་དང་སྲིན་པོ་འདུལ་བའི་བྲོ། །སུམྦྷ་ནི་བརྗོད། དེ་ནས་སྨད་ལས་དྲག་པོ་སྒྲོལ་དབང་གི་དངོས་གྲུབ་བླང་བ་ནི། ཧཱུཾ། དངོས་གྲུབ་དམ་པ་ལྷ་ཡི་ལྷ། །དུར་ཁྲོད་ཆེན་པོའི་གཞལ་ཡས་དམ་པ་འདིར། །དུར་ཁྲོད་རྫས་ལ་བརྟེན་ཏེ་བསྒྲུབས་ལགས་ན། །སྣང་སྲིད་བྱམས་པའི་དངོས་གྲུབ་སྩལ་དུ་གསོལ། །ཡེ་ཤེས་ལྷ་ནི་ནམ་མཁའི་རང་བཞིན་ལ། །དངོས་གྲུབ་སྩལ་དང་སྩོལ་བར་མི་དམིགས་ཀྱང༌། །གདུག་པ་ཆེན་པོ་ཐབས་ཀྱིས་འདུལ་བའི་ཕྱིར། །དྲག་པོས་འདྲེན་པའི་དངོས་གྲུབ་སྩལ་དུ་གསོལ། །ཧཱུཾ། ཆོས་ཉིད་ཀུན་ཏུ་བཟང་མོའི་བྱིན་རླབས་ལས། །དྲེགས་པ་འདུལ་ཕྱིར་ཐུགས་རྗེའི་བྱིན་རླབས་འབྱུང༌། །བདུད་ཀྱི་རྒྱལ་པོ་རཱུ་


JLAZ009_Page_0154
[མ་དཔེ་གཟིགས་ན་འདིར་གནོན།]

ཏྲ་འདུལ་བ་ལྟར། །བདུད་རྒྱལ་དྲེགས་པ་འདུལ་བའི་དངོས་གྲུབ་སྩོལ། །ཧཱུཾ། བདུད་དཔུང་ཆོམ་ནས་ཆོས་ཉིད་མངོན་མཐོང་བས། །བདུད་རྒྱལ་རཱུ་ཏྲས་ཆོས་ཉིད་དོན་རྟོགས་ནས། །ཐུགས་རྗེའི་བྱིན་རླབས་བདུད་ལ་སྣང་བ་ལྟར། །ཉོན་མོངས་དབྱིངས་སུ་བསྒྲལ་བའི་དངོས་གྲུབ་སྩོལ། །ཧཱུཾ། འཁོར་གྱི་གདུག་པ་མ་ལུས་བསྒྲལ་བའི་ཕྱིར། །སྟེང་ཕྱོགས་ཁྲོ་རྒྱལ་ཡབ་ཡུམ་འཁོར་དང་བཅས། །ཚངས་པ་འཁོར་བཅས་རབ་ཏུ་བཏུལ་བ་ལྟར། །འཇིག་རྟེན་དྲེགས་པ་བཏུལ་བའི་དངོས་གྲུབ་སྩོལ། །ཧཱུཾ། རོལ་པ་ཆེན་པོ་སྟེང་གི་སྲས་མཆོག་ཡང༌། །ཞིང་བཅུ་སྟོབས་དང་རབ་ཏུ་འདྲལ་མཛད་པ། །བདུད་རྒྱལ་རཱུ་ཏྲ་གྲོགས་དང་བྲལ་བ་བཞིན། །ཞིང་བཅུ་སྟོབས་དང་བྲལ་བའི་དངོས་གྲུབ་སྩོལ། །སྤྲུལ་པས་སྟོང་ཁམས་རབ་ཏུ་བཀང་ནས་ཀྱང༌། །གདུལ་བའི་དབང་གིས་གང་ལ་ཅི་འདུལ་སྟོན། །རྒྱལ་བས་སྟོང་གསུམ་སྤྲུལ་པས་བཀང་བ་ལྟར། །སྤྲུལ་པ་ཁམས་གསུམ་འགེངས་པའི་དངོས་གྲུབ་སྩོལ། །ཧཱུཾ། དཔལ་གྱི་བཀའ་ཉན་ལས་ལ་བརྩོན་པ་མོ། །འཇིག་རྟེན་དྲེགས་པ་མ་ལུས་འདུལ་མཛད་པ། །འཇིག་རྟེན་དབང་དུ་བསྡུད་པའི་ལས་བྱས་ལྟར། །དམ་ལས་མི་འདའ་བཀའ་ཉན་དངོས་གྲུབ་སྩོལ། །ཧཱུྃ། འཇིག་རྟེན་ཁམས་ལ་དབང་སྒྱུར་མཐུ་མོ་ཆེ། །


JLAZ009_Page_0155
[མ་དཔེ་གཟིགས་ན་འདིར་གནོན།]

ལས་ངན་ཞིང་བཅུ་མ་ལུས་སྒྲོལ་མཛད་པ། །བཅོལ་ཞིང་རྦད་ན་ལས་སུ་ཕོ་ཉ་མཛད་པ་ལྟར། །གང་དུ་མངགས་པའི་ལས་རྣམས་འགྲུབ་པའི་དངོས་གྲུབ་སྩོལ། །ཧཱུཾ། དྲེགས་པ་སྡེ་བཞི་རབ་ཏུ་འདུལ་མཛད་པ། །ནད་ཀྱི་བདག་མོ་བཀའ་ཉན་གསུང་སྡོད་མ། །བྲན་དང་ཕོ་ཉ་ལས་རྣམས་འགྲུབ་བྱེད་ལྟར། །གང་ལ་བྱ་བའི་ལས་རྣམས་མྱུར་འགྲུབ་དངོས་གྲུབ་སྩོལ། །ཧཱུཾ། རོལ་པ་ཆེན་པོའི་བྱིན་རླབས་ཅིར་ཡང་སྣང༌། །འདུལ་ཐབས་དྲག་པོ་བདུད་ཀྱི་ཆས་འདྲ་ཡང༌། །སྙིང་རྗེ་བྱང་ཆུབ་སེམས་ལས་ཉམས་པ་མེད། །བྲག་པོ་བྱམས་པའི་དངོས་གྲུབ་སྩལ་དུ་གསོལ། །ཧཱུཾ། ཐུགས་རྗེ་བྱམས་པས་འགྲོ་ལ་སྙིང་བརྩེའི་ཕྱིར། །ལ་ལར་ཞི་དང་ལ་ལར་ཁྲོ་བོར་སྣང༌། །འདུལ་ཐབས་དྲག་པོས་འགྲོ་བ་འདུལ་ལགས་ན། །ཉོན་མོངས་གནས་སུ་འདྲེན་པའི་དངོས་གྲུབ་སྩོལ། །བདུད་དང་སྲིན་པོ་འདུལ་བའི་དངོས་གྲུབ་སྩོལ། །དོན་དམ་ཆོས་ཉིད་རྟོགས་པའི་དངོས་གྲུབ་སྩོལ། །སངས་རྒྱས་ས་ལ་འགྲོ་བའི་དངོས་གྲུབ་སྩོལ། །འཁོར་བ་ངན་སོང་སྦྱོང་བའི་དངོས་གྲུབ་སྩོལ། །ཞེས་པས་བཀྲ་ཤིས་པར་བྱའོ། །གསུམ་པ་དབང་གི་སྲོག་ཤིང་དུ་གྱུར་པ་དམ་ཚིག་ཡིན་པར་བསྟན་པ་ནི། རྡོ་རྗེ་ཁྲོས་པ་ལས།


JLAZ009_Page_0156
[མ་དཔེ་གཟིགས་ན་འདིར་གནོན།]

སྔ་རབས་འདས་པའི་སངས་རྒྱས་ཀྱང༌། །དམ་ཚིག་འདི་ལ་བརྟེན་ནས་གྲུབ། །ད་ལྟར་བཞུགས་པའི་སངས་རྒྱས་ཀྱང༌། །དམ་ཚིག་འདི་ལ་བརྟེན་པ་ཡིན། །སླད་ནས་འབྱོན་པའི་སངས་རྒྱས་ཀྱང༌། །དམ་ཚིག་འདི་ལ་བརྟེན་ནས་གྲུབ། །དེ་ཕྱིར་དམ་ཚིག་ཐེག་ཆེན་འདི། །ཕྱི་རབས་སྔགས་འཆང་རྣམས་ཀྱིས་བསྲུངས། །དམ་ཚིག་འདི་ནི་ས་གཞི་འདྲ། །ས་ལས་སྐྱེ་འཁྲུངས་ཀུན་བསྐྱེད་ལྟར། །དམ་ཚིག་གཞི་ཡི་ས་གཞི་ནི། །ཀུན་ལ་ཡེ་ཤེས་བསྐྱེད་པར་བྱེད། །རྩ་བའི་དམ་ཚིག་གསུམ་པོ་དང༌། །ཡན་ལག་དམ་ཚིག་ལྔ་རྣམས་ལས། །མ་འདས་བསྲུངས་ན་སངས་རྒྱས་ཡིན། །དེ་ལས་འདས་ན་སེམས་ཅན་ཡིན། །དམ་ཚིག་གཞུང་བཞིན་བསྲུང་བ་ལ། །དམ་ཅན་རྣམས་ཀྱི་བསྒོ་བ་ཉན། །གལ་ཏེ་བསྒོ་བ་མ་ཉན་ན། །དམ་ཅན་ཉིད་ཀྱང་བརླག་པར་འགྱུར། །ལྷ་ཡང་འདས་ནས་མྱོས་འགྱུར་ན། །རྣལ་འབྱོར་འདས་ན་སྨོས་ཅི་དགོས། །དམ་ཚིག་འདི་ནི་གཙོ་ཡིན་ཞེས། །དཔའ་བོ་ཆེན་པོ་ཡང་དག་བཤད། །དམ་ཚིག་ཉམས་པའི་སྔ་ལྟས་ནི། །བྱ་རུ་མི་རུང་སྣ་ཚོགས་བྱེད། །སློབ་དཔོན་བཀའ་བསླུ་སྨོད་པ་དང༌། །ལུ་གུ་རྒྱུད་ལ་དབྱེན་འདོགས་དང༌། །སྔགས་དང་ཕྱག་རྒྱ་རྒྱུན་བཅད་ནས། །གཞན་ནས་དངོས་གྲུབ་ཐོབ་འདོད་པ། །འདི་ཡང་


JLAZ009_Page_0157
[མ་དཔེ་གཟིགས་ན་འདིར་གནོན།]

ཉམས་པའི་སྔ་ལྟས་ཡིན། །རྫས་དང་ལག་ཆ་མངོན་བསྟན་ནས། །ཕ་རོལ་གཞན་ལ་བསྡིགས་བྱེད་ཅིང༌། །མན་ངག་གཏིང་ནས་མ་ཐོབ་པར། །ཨ་གར་ཁ་ཡིས་ངོམས་པ་དང༌། །རིག་པའི་རྩལ་དང་མི་ལྡན་པར། །ཁ་ནས་ལྷ་སྲིན་གཉན་འབོད་པ། །འདི་ཡང་ཉམས་པའི་སྔ་ལྟས་ཡིན། །མཚན་དང་ལྡན་པའི་རིག་མ་ལ། །ཕྲད་ནས་སྦྱོར་བ་མ་བྱས་དང༌། །ལས་ངན་སྐྱོན་ཅན་མཚན་རྫོགས་པ། །བསྒྲལ་བའི་ཞིང་བཅུ་མ་བསྒྲལ་ན། །འདི་ཡང་ཉམས་པའི་སྔ་ལྟས་ཡིན། །དམ་ཚིག་ཉམས་པའི་ལྔ་ལྟས་ནི། །རྩ་བ་གསུམ་པོ་ཉམས་གྱུར་ན། །རྡོ་རྗེ་དམྱལ་བར་སྐྱེ་བར་འགྱུར། །འདིར་ཡང་ཉེས་པ་སྣ་བཅུ་ཡོང༌། །ཕྱི་མ་ན་རག་དམྱལ་ཁམས་སྐྱེ། །འདིར་ཡང་ནད་དང་སྡུག་བསྔལ་ཆེ། །མཛེ་དང་ནད་དང་སྡུག་བསྔལ་སྣ་ཚོགས་འོང༌། །མ་ཚོགས་སྟོང་གིས་སྙིང་ནས་འདྲེན། །ཤ་ཟན་སྟོང་གིས་ཤ་རུས་འདྲལ། །འཇིག་རྟེན་མ་མོ་མཁའ་འགྲོ་ཡང༌། །དམ་ཚིག་ཉམས་པའི་བདུད་དུ་འབབ། །མ་མོ་ཀུན་ཀྱང་གཤེད་དུ་འོང༌། །ཚེ་དང་སྲོག་ལ་བར་ཆད་བྱེད། །དམ་ཚིག་འདི་ལ་མི་གནས་ན། །བརྩམས་པ་མི་འགྲུབ་མྱ་ངན་ནོན། །དམ་ཚིག་བསྲུང་བའི་ཡོན་ཏན་ནི། །ཅི་བསམ་ལས་རྣམས་འགྲུབ་པར་འགྱུར། །ཡི་དམ་ལྷ་ཡི་དངོས་


JLAZ009_Page_0158
[མ་དཔེ་གཟིགས་ན་འདིར་གནོན།]

གྲུབ་ཐོབ། །མཁའ་འགྲོ་མང་པོ་འཁོར་ཞིང་འདུ། །དངོས་གྲུབ་རྣམ་གསུམ་རིམ་བཞིན་ཐོབ། །ཚེ་དང་བསོད་ནམས་དབང་ཐང་འཕེལ། །ལྷ་སྲིན་ཀུན་ཀྱང་དེ་བཞིན་བཀུར། །དགྲ་བགེགས་ཀུན་ཀྱང་གཞོམ་ཞིང་འདུལ། །བསྟན་པ་ཀུན་ཀྱང་དར་ཞིང་བསྲུངས། །དམ་ཚིག་འདི་དང་གཙོར་ལེན་ན། །འགྲུབ་པར་འགྱུར་བ་གདོན་མི་ཟ། །དམ་ཚིག་བསྲུང་བའི་རིམ་པ་ནི། །རྡོ་རྗེ་སློབ་དཔོན་ཕ་ལྟར་འཁུར། །ཡུམ་གྱི་དབང་མོ་མ་ལྟར་འཁུར། །མཆེད་དང་ལྕམ་དྲལ་སྤུན་ལྟར་བརྩེ། །ཉིན་དང་མཚན་དུ་དུས་མེད་པར། །སྔགས་དང་ཕྱག་རྒྱ་རྒྱུན་མི་གཅད། །མ་ཡེངས་གསལ་བའི་དོན་བརྩོན་པ། །འདི་ཡང་བསྲུང་བའི་རིམ་པ་ཡིན། །མཉན་བསམ་ཐོས་པ་རྒྱ་བསྐྱེད་ནས། །འདུ་འཛིའི་དབང་དུ་མི་གཏོང་བར། །རྟག་ཏུ་བསྒྲུབ་ལ་བརྩོན་ བྱེད་པ། །འདི་ཡང་བསྲུང་བའི་རིམ་པ་ཡིན། །ཕ་རོལ་དམ་ཉམས་དགྲ་བོ་ལ། །དམོད་བཙུགས་ཁ་ཚོ་མི་ཟེར་བར། །གསང་ཞིང་བསྟུན་ནས་ལས་བྱེད་པ། །འདི་ཡང་བསྲུང་བའི་རིམ་པ་ཡིན། །ཞེས་སོ། །མདོར་ན་དམ་ཚིག་ས་མ་ཡ་འབུམ་སྡེར་གནས་ཀྱང༌། བསྡུ་ན་སྤྱིའི་དམ་ཚིག་ཉི་ཤུ། ཁྱད་པར་གྱི་དམ་ཚིག་ཉི་ཤུ། ལྷག་པའི་དམ་ཚིག་བཞི་སྟེ་རྣམ་གྲངས་ཉི་ཤུ་རྩ་བཞིར་དངོས་བསྟན་དང༌། བརྡ་ཚིག་གིས་བཤད་པ་ནི། ཕུར་པ་མྱ་ངན་ལས་འདས་པ་


JLAZ009_Page_0159
[མ་དཔེ་གཟིགས་ན་འདིར་གནོན།]

ཆེན་པོའི་རྒྱུད་ལས། སྦྱོར་སྒྲོལ་མ་བྱིན་ལེན་དང་ཚིག་བརླང་རྫུན། །ཉོན་མོངས་རང་གར་སྤྱད་པས་ངན་སོང་རྒྱུ། །དུག་ལྔ་ཡེ་ཤེས་ལྔ་ཡི་ངོ་བོ་ལ། །མ་རིག་ལོག་པར་མཐོང་ནས་སྤང་བར་བྱ། །མི་སྤང་དམ་ཚིག་ཉམས་པ་དེ་བཞིན་ནོ། །དྲི་ཆེན་དྲི་ཆུ་དམར་ཆེན་མཱཾ་ས་སེམས། །སོ་སོའི་རྣམ་རྟོག་དབྱིངས་སུ་མ་འབྱོངས་ཏེ། །ཉོན་མོངས་ལས་ལ་ཆགས་པའི་ངོ་བོར་བཤད། །གཉིས་མེད་དོན་དང་འགལ་བས་དེ་བཞིན་ནོ། །ཕུང་པོ་འབྱུང་བ་ཁ་དོག་དབང་པོའི་ཡུལ། གཉིས་མེད་ལྟ་བ་ངན་པས་སོ་སོར་བརྟགས། །ཡེ་ཤེས་ལྔ་ཡི་དོན་དང་མ་འགལ་བྱ། །གཉིས་མེད་དོན་དང་འགལ་བས་དེ་བཞིན་ནོ། །དེ་བཞིན་རྡོ་རྗེའི་རིགས་དང་པདྨ་ལས། །རིགས་ཀྱི་ཁྱད་པར་ཡེ་ཤེས་ལྔ་སྣང་ན། །ཡེ་ཤེས་དམིགས་མེད་དོན་དེ་མ་རྟོགས་པས། །གྲུབ་པས་འབྲས་བུ་མེད་པས་དམྱལ་བར་བཤད། །སྤྱི་ཡི་དམ་ཚིག་དེ་དག་གཞུང་བསྲོངས་ན། །ས་གཞི་ཆེན་པོ་འདྲ་སྟེ་ཀུན་གྱི་རྟེན། །ཡིད་བཞིན་ནོར་བུ་འདྲ་སྟེ་འདོད་པ་སྐོང༌། །གཅན་གཟན་སེང་གེ་བཞིན་དུ་ཟིལ་གྱིས་གནོན། །དོན་གྱི་རྩ་བ་དོན་གྱི་མཁར་བཞིན་བསྲུང༌། །འབྲས་བུ་ཡང་དག་ངེས་པ་གདོན་མི་ཟའོ། །གཞན་ཡང་ཁྱད་པར་དམ་ཚིག་རྣམ་མང་ཡང༌། །མདོ་དང་དོན་དུ་ཉི་ཤུའི་དོན་


JLAZ009_Page_0160
[མ་དཔེ་གཟིགས་ན་འདིར་གནོན།]

དང་བསྟུན། །གཅན་གཟན་རྒྱལ་པོ་བླ་མ་ལ་མི་བརྙས། སེང་གེ་གསད་མི་བྱ། །ཟ་མ་ཏོག་ཏུ་ངན་པའི་བསམ་ངན་སྤང༌། དུག་མི་སྤྱོ། །རིན་པོ་ཆེ་ཡི་སེམས་བསྐྱེད་མི་སྤང༌། ལྕུག་མ་རྩར་མི་གཅད། །གངས་ཀྱི་ཞུན་ཆུ་ཁོལ་མ་གསང་དབང་གི་ཡུམ་ལ་མི་སྤྱད། ཡོངས་མི་བཏུང༌། །པདྨ་རྒྱས་པའི་ཟེའུ་འབྲུ་མཆེད་མོ་ལ་མི་སྤྱོད། ཁ་མ་དཔྱ། །བུག་རྡོལ་ཅན་གྱི་སྣོད་དུ་བཅུད་མི་བླུག་མ་སྨིན་པ་དང་ལོག་ལྟ་ཅན་ལ་ཆོས་མི་སྟོན། །མ་བརྟགས་པ་ཡི་ནོར་དང་བྱིན་གྱིས་མ་བརླབས་པའི་ཟས་མི་ཟ། རྫས་མི་བསྲེལ། །ཤེལ་སྒོང་དཀར་པོ་རྫབ་དམ་ཚིག་མ་ཉམས་པར་བྱེད། ཏུ་བསྣུབ་མི་བྱ། །སྣོད་ངན་ནང་དུ་སེང་གེའི་ཞོ་མི་བཞོ། སྣོད་མེད་ལ་གདམས་པ་གསང༌། །ཡིད་བཞིན་ནོར་བུ་ཐབ་ཏུ་སྣོད་ལྡན་ལ་མི་གསང་། མི་བསྲེག་བྱ། །བྱ་ཡི་རྒྱལ་པོ་ཁྱུང་གི་གཤོག་མི་ཐབས་ཤེས་མི་འབྲལ། བཅག །གནམ་ལྕགས་སྡེར་མོ་ས་ལ་བརྡབ་གང་རུང་ལ་མི་བྱ། མི་བྱ། །སྟག་གཟིག་རོལ་པའི་ཟས་ཀྱི་ལྷག་ཚོགས་ཕུད་མ་ཉམས་པར། མི་ཟ། །རྡོ་རྗེ་གཏམས་པའི་བྲག་རྣམས་ཡོངས་དམ་ཚིག་མི་གཏང༌། མི་བཤིག །རྡོ་རྗེ་ར་བས་བསྐོར་བའི་གོ་མཚམས་མ་རལ་བ་བྱ། མི་ཧྲལ། །མུན་པ་སེལ་བའི་སྒྲོན་མེ་ཡོངས་མི་གསོད། །ཏིང་འཛིན་མ་ཉམས་པར་བྱ། རྡོ་རྗེ་ཆུ་བོའི་འོལ་ཁ་གཅད་མི་བྱ། སྙིང་པོ་རྒྱུན་མི་གཅད། །རྒྱལ་པོ་རྟགས་ཀྱི་ཕྱག་རྒྱ་


JLAZ009_Page_0161
[མ་དཔེ་གཟིགས་ན་འདིར་གནོན།]

སྦྱིན་མི་བྱ།སྣོད་མེད་ལ་དབང་མི་བསྐུར། །རྡོ་རྗེ་མཁར་རྫོང་དམ་ཚིག་ལ་གཙོར་འདོན་བྱ། གཏམས་པའི་རྨངས་མི་བཟློག །རྒྱལ་མཚན་རྩེར་བླ་མ་སྤྱི་བོར་སྒོམ་པ་དང་མི་འབྲལ། བཏགས་ནོར་བུ་རིན་པོ་ཆེ། །འདོད་པར་གྱུར་པའི་མཚན་མས་དཔོག་མི་བྱ། །གཉིས་མེད་དོན་གྱི་མྱ་ངན་འདས་མོད་ཀྱང༌། །ལོག་པར་བརྟགས་པའི་དབང་གི་སོ་སོར་སྣང༌། །ཁྱད་པར་བསྟན་པའི་དམ་ཚིག་དོན་རྣམས་ཏེ། །དངོས་སུ་ཉམས་ན་ལྗོན་ཤིང་མེས་ཚིག་འདྲ། །ཟུར་གྱིས་ཉམས་ཀྱང་བསྒྲུབ་པའི་འབྲས་བུ་རིང༌། །ཀུན་ཏུ་ཉམས་ན་བརྗོད་པའི་མཐའ་ལས་འདས། །གཞུང་དུ་བསྲུངས་ན་རང་སྣང་འབྲས་བུ་འཆང༌། །རྒྱུན་དུ་བསྲིངས་ན་དོན་དང་མན་ངག་འགྲུབ། །ལྷག་པའི་དམ་ཚིག་དོན་གྱི་བཞི་རུ་སྦྱར། །སྤྱོད་པ་རྒྱུན་དང་རང་བཞིན་ལྟ་བ་གཉིས། །གལ་མདོ་ངེས་པ་ལྟ་བ་ཉམས་དྲོད་བཞི། །སྤྱོད་པ་རྒྱུན་ལ་དམིགས་པ་བཞི་སྣང་ངོ༌། །གཉིད་ཀྱི་སྒྲ་དང་མྱོས་འགྱུར་བ་ཡང་གཞོམ། །གསང་བའི་བརྡའ་བསྲུང་ལེ་ལོའི་དགྲ་སྤང་ངོ༌། །རང་བཞིན་ལྟ་བའི་དམ་ཚིག་བཞིར་ སྣང་ངོ༌། །སྲིད་གསུམ་ཡོངས་བསྒྲལ་ཁམས་གསུམ་ཞིང་དུ་བལྟ། །དུག་གསུམ་རྩེར་འགྱུར་འཁོར་བ་གནས་འགྱུར་བལྟ། །གལ་མདོ་ངེས་པའི་དམ་ཚིག་གསུམ་དུ་སྣང༌། །མ་ཁྲེལ་ཚུལ་དང་མ་


JLAZ009_Page_0162
[མ་དཔེ་གཟིགས་ན་འདིར་གནོན།]

ཉམས་པ་ཡི་མདོ། །མཐར་ཕྱིན་རྟགས་དང་རྣམ་པ་གསུམ་དུ་བསྟན། །མ་ཉམས་པ་ཡི་མདོ་ལ་བཞི་རུ་སྣང༌། །རྩ་བ་ཡན་ལག་ཞར་གྱིས་ཉམས་བཞིའོ། །མཐར་ཕྱིན་རྟགས་ཀྱང་དེ་དག་བཞི་རུ་སྣང༌། །དམ་ཅན་འདུ་ཞིང་མཐུ་རྩལ་ཆེ་བ་དང༌། །བྱིན་རླབས་ཆེ་ཞིང་རིག་པ་ཆགས་པ་གཉིས། །ཡིད་འོང་འབྱུང་ཞིང་འདོད་པ་འགྲུབ་པ་དང༌། །མང་པོས་བཀུར་ཞིང་གྲགས་ཐོབ་པ་བཞིའོ། །ལྟ་བ་ཉམས་དྲོད་དམ་ཚིག་རྣམ་པ་བཞི། །བརྡལ་བ་ཆོས་ཉིད་ཀྱི་ལྟ་བ་ཡེ་འབྱམས་ལྟ་བུའོ། །རིག་པ་ཡེ་ཤེས་ཀྱི་ལྟ་བ་ཡེ་གསལ་དུའོ། །སྤྲུལ་པ་ཕྱག་རྒྱའི་ལྟ་བ་ཡེ་གནས་སུའོ། །ཁྱབ་པ་སྙིང་རྗེའི་ལྟ་བ་ཀུན་ཁྱབ་པའོ། །ལྷག་པའི་དམ་ཚིག་དོན་ལ་མ་གནས་ན། །ཇི་ལྟར་བསྙེན་ཅིང་བསྒྲུབས་ཀྱང་ཚི་ཆད་པས། །གཉིས་མེད་དོན་གྱི་ངོ་བོ་རྟོགས་པར་བྱའོ། །དོན་དམ་བསྒྲུབ་པའི་དོན་དུ་མ་ཡེངས་བསྲུངས། །དམ་ཚིག་མ་ཡེངས་གཞུང་ཡོད་ན། །འདི་དག་འགྲུབ་པར་འགྱུར་བ་ནི། །དཔལ་ཆེན་ཁྲོ་བོའི་རྒྱལ་པོས་བཤད། །ཉམས་པར་འགྱུར་བས་མི་འགྲུབ་སྟེ། །སླར་ཡང་ངན་སེམས་བརླག་པར་བྱའོ། །ཞེས་སོ། །དེ་དག་ཀྱང༌། ཕུར་པ་རྣལ་འབྱོར་ཆེན་པོའི་རྒྱུད་ལས་དགོངས་པ་ལུང་སྟོན་ལྟར་རིགས་ལྔའི་དམ་ཚིག་ཏུ་བསྡུས་ནས་བསྟན་པའི་ཚུལ། ཐེག་ཆེན་


JLAZ009_Page_0163
[མ་དཔེ་གཟིགས་ན་འདིར་གནོན།]

སྨོད་པ་ལ་སོགས་པ། །ཅི་ནས་གསང་བར་ངེས་པ་ཡིན། །ཕ་དང་རིགས་ཀྱི་སྐྱེས་པ་རྣམས། །གསད་པས་སངས་རྒྱས་རིགས་སུ་ངེས། །སློབ་དཔོན་སློབ་མ་གསད་ངེས་ན། །རྡོ་རྗེའི་རིགས་སུ་ངེས་པ་ཡིན། །ཞང་པོ་དམག་པ་གསད་ངེས་ན། །རིན་ཆེན་རིགས་སུ་ངེས་པ་ཡིན། །མ་སྲིང་བུ་མོ་མོ་ཆགས་ལ། །ཆགས་པར་བྱས་པ་པདྨ་ཅན། །ཐམས་ཅད་གསོད་ཅིང་ལས་བྱེད་པ། །ལས་ཀྱི་རིགས་སུ་ངེས་པ་སྟེ། །དེ་ལྟར་དགོངས་པའི་རྟོག་པ་ཡིན། །རྒྱལ་པོ་ཡུལ་འཁོར་གཞོམ་པར་བྱ། །བྲམ་ཟེ་བཙོན་བཟུང་རྗེའུ་རིགས་གསད། །དམངས་རིགས་ལས་བཀོལ་དུག་ལ་སྤྱད། །མི་དགེ་དང་བླང་སྦྱོར་སྒྲོལ་བྱ། །འདི་ནི་སངས་རྒྱས་སྤྱོད་པ་སྟེ། །དུག་ལྔ་ལས་ནི་ཐམས་ཅད་འགྲུབ། །ཅེས་ལས་ཀྱི་རླུང་དང་དེ་ལ་ཞོན་བྱེད་རྣམ་པར་རྟོག་པའི་ཚོགས་དབུ་མའི་གྲོང་ཁྱེར་དུ་གསད་པ་དང༌། དེ་བཞིན་དུ་བཅོམ་བྱ་མ་ཡིན་པ་རྒྱལ་པོ་དང་ཡུལ་འཁོར་གཞོམ་པ་ནི་ཀུན་གཞི་དང་སྲེད་ལེན་སོགས་ལ་བརྡར་བཏགས་པའི་དོན་རིག་པར་བྱས་ནས་ནང་གི་ཉོན་མོངས་པ་དང་མི་དགེ་བའི་ཚོགས་མཉམ་པ་ཆེན་པོའི་ལྟ་བ་དང་བརྟུལ་ཞུགས་ཀྱིས་ཚར་ཆོད་པའི་ཚེ་བྱང་ཆུབ་སེམས་དཔའ་ལ་གཞན་དོན་དུ་གནང་བའི་ལུས་ངག་གི་མི་དགེ་བ་བདུན་རྗེས་ཐོབ་ཀྱི་


JLAZ009_Page_0164
[མ་དཔེ་གཟིགས་ན་འདིར་གནོན།]

རོལ་པ་ཚད་མེད་པའི་སྙིང་རྗེ་ཆེན་པོ་ལ་སོགས་པའི་གསང་སྔགས་ཀྱི་ཐབས་ཆེན་ཟབ་མོ་དང་དུ་བླངས་པ་ནི་ཁྱད་པར་གྱི་དམ་ཚིག་དང་ལྟ་སྤྱོད་ཏིང་འཛིན་ཡིན་པའི་ཚུལ། འཇིག་རྟེན་སྣང་བྱེད་ལས། ཁྱད་པར་དམ་ཚིག་བསྟན་པ་ནི། །སློབ་དཔོན་སྨད་པར་མི་བྱ་སྟེ། །ངན་སོང་གསུམ་ལས་ཐར་མི་འགྱུར། །ཁྱད་པར་ལྟ་བ་བསྟན་པ་ནི། །ཅི་ཡང་མེད་པའི་སེམས་ཉིད་ལ། །བཅོས་སུ་ཡོད་པར་ངས་མ་བསྟན། །ཁྱད་པར་སྤྱོད་པ་བསྟན་པ་ནི། །རིག་མ་དག་ལ་སྤྱོད་པ་སྟེ། །བཟའ་བའི་ཟས་ལ་སྔགས་བཟླས་ལ། །དམ་ཚིག་ཅན་རྣམས་སྤྱན་དྲངས་ཏེ། །གདུག་པ་རྣམ་གཉིས་ཚོགས་ལ་བསྟིམ། །ཁྱད་པར་ཏིང་འཛིན་བསྟན་པ་ནི། །སྤྱི་བོར་ཧཾ་ལ་མགྲིན་པར་ཧྲཱིཿསྙིང་གར་ཧཱུཾ་ལ་ལྟེ་བར་ཨཱོཾ། །ཡི་གེ་གང་ཡིན་ཡན་ལག་ལ། །ཐབས་ཀྱི་སྦྱོར་བས་འོད་དུ་ཞུ། །དེ་ཉིད་ཡོངས་སུ་ཁྱབ་པ་ལས། །ཉལ་བ་རྒྱུན་གྱི་ཏིང་འཛིན་ནི། །དྲུག་པོ་བཀག་ནས་ཉལ་བའི་ཚེ། །འོད་གསལ་མཐོང་བ་ང་ཡིས་བཤད། །སྐུ་གསུང་ཐུགས་ཀྱི་དམ་ཚིག་ནི། །ཡན་ལག་ཉི་ཤུ་རྩ་བརྒྱད་ཉིད། །དམ་ཚིག་ཀུན་གྱི་གཞི་དང་རྩ། །སྤྱོད་པ་གཏམ་ཅོལ་ཅི་སྤྱད་ཀྱང༌། །ལྟ་བ་མ་ཉམས་དམ་ཚིག་ཡིན། །མོ་རྣམས་ཀུན་ལ་སྨད་མི་བྱ། །གདོལ་པ་མོ་ཡང་དང་དུ་བླང༌། །ཁྱད་པར་རིགས་ཅན་གཅེས་པར་བཟུང༌། །


JLAZ009_Page_0165
[མ་དཔེ་གཟིགས་ན་འདིར་གནོན།]

དེ་ཡང་དམ་ཚིག་རྩ་བ་ཡིན། །སྔགས་དང་ཕྱག་རྒྱ་རྒྱུན་མི་གཅད། །དེ་ཡང་དམ་ཚིག་རྩ་བ་ཡིན། །ཏན་གན་སྤྱོད་པ་རྒྱུན་དུ་སྤྱོད། །དེ་ཡང་དམ་ཚིག་རྩ་བ་ཡིན། །ཞེས་སོ། །མདོར་བསྡུ་ན་དམ་ཚིག་གི་རིམ་པ་དེ་དག་ཀྱང་རྩ་བ་སྐུ་གསུང་ཐུགས་ཀྱི་དམ་ཚིག་ལ་འདུ་བའི་ཚུལ། ཕུར་པ་མྱང་འདས་ཆེན་པོ་ལས། དོན་དམ་དམ་ཚིག་གཉིས་མེད་སྟོན་པའི་སྒྲོན་མ་ལ། །ལྟ་ལོག་ངན་སེམས་རྐུ་འཕྲོག་བརྡེག་ལ་སོགས། །ངན་དུ་སྨྲ་ཞིང་གནོད་པ་དངོས་མི་བགྱིད། །དེ་དག་དངོས་སུ་བྱས་ན་དམྱལ་བར་སྐྱེ། །བཟླས་བརྗོད་སྔགས་དང་སྙིང་པོ་བར་མི་གཅད། །གསུང་གི་དམ་ཚིག་ཉམས་ན་དམྱལ་བར་སྐྱེ། །དོན་དམ་གཉིས་མེད་གཞན་ལ་སྤེལ་མི་བྱ། །རང་གསང་ཐབས་ཀྱིས་ཆོད་ནས་མི་རྟོག་པས། །ཐུགས་ཀྱི་དམ་ཚིག་ཉམས་པ་དེ་བཞིན་ནོ། །ཞེས་སྟོན་པ་རྡོ་རྗེ་སློབ་དཔོན་བཀུར་ཞིང་དེ་ལ་ངན་སེམས་དང་དཔྱ་སེམས་མ་ཤོར་བ་དང༌། བཟླས་བརྗོད་རྒྱུན་མི་བཅད་པ་དང༌། གསང་བ་ཟབ་མོ་གཞན་ལ་མི་སྒྲོགས་པ་གསུམ་དང་དུ་བླང་བར་བྱ་ཞིང་གལ་ཏེ་དེ་ལྟར་མི་བྱེད་ན་ཉམས་པ་ཆེན་པོ་ཡིན་པས་ལྟུང་བར་འགྱུར་བའི་ཚུལ། བཤད་པའི་རྒྱུད་ལས། ལྷ་སྤངས་ཉམས་པ་ཆེན་པོ་དང༌། །སྔགས་དང་ཕྱག་རྒྱ་ཉམས་པ་དང༌། །དྲན་རྟོག་ལྷ་རུ་མ་རྟོགས་ཉམས་པ་དང༌། །གསལ་ལ་


JLAZ009_Page_0166
[མ་དཔེ་གཟིགས་ན་འདིར་གནོན།]

འཛིན་མེད་མ་བསྒོམས་ཉམས་པ་དང༌། །གཉན་པའི་རིམ་པ་མ་ཁུར་ཉམས་པ་དང༌། །བརྩེ་བའི་རིམ་པ་རྒྱུན་བཅད་ཉམས་པ་དང༌། །གཟུངས་མ་མཚན་ལྡན་སྤངས་པ་དང༌། །འདི་རྣམས་ཉམས་པའི་རང་བཞིན་ཡིན། །རྩ་བའི་དམ་ཚིག་ཉམས་པ་ན། །རྡོ་རྗེ་དམྱལ་བར་སྐྱེ་བར་འགྱུར། །འདིར་ཡང་ཉེས་པ་སྣ་བཅུ་འོང༌། །བྱས་པ་མི་འགྲུབ་མྱ་ངན་ནོན། །ཞེས་དང༌། ཕུར་པ་མྱང་འདས་ཀྱི་རྒྱུད་ལས། དེ་ལྟར་དམ་ལ་མི་གནས་ན། །ས་བོན་མེ་ཡིས་ཚིགས་པ་ཡིན། །ཏཱ་ལའི་ཤིང་ནི་མགོ་བཅད་བཞིན། །འབྲས་བུ་མེད་ཅིང་བརླག་པར་འགྱུར། །ཞེས་སོ། །གལ་ཏེ་ཉམས་པའི་གནས་ལ་ཉེས་བྱས་དང་མི་འགྲོགས་པར་འབུམ་ལྔའི་བཤགས་པས་དག་པར་བྱ་བའི་ཚུལ་ཡང༌། ཕུར་པ་གསང་རྒྱུད་ལས། སྐུ་ཡི་དམ་ཚིག་ཉམས་ན་སཙྪ་འབུམ། །གསུང་གི་དམ་ཉམས་བཤགས་པ་གསུང་རབ་འབུམ། །ཐུགས་ཀྱི་དམ་ཉམས་བཤགས་པ་སྲོག་འདོན་འབུམ། །ཁྱད་པར་དམ་ཚིག་བཤགས་པ་ཚོགས་མཆོད་འབུམ། །ལྷག་པའི་དམ་ཉམས་པ་ལ་བཤགས་པ་འབུམ། །འབུམ་ལྔའི་བཤགས་པས་མཚམས་མེད་བྱས་པའང་འབྱངས། །ཞེས་སོ། །བསྲུང་བའི་ཕན་ཡོན་ནི། བཤད་རྒྱུད་ལས། དམ་ཚིག་བསྲུང་བའི་ལས་རྣམས་ཀྱི། །ཅི་བསམ་ལས་རྣམས་འགྲུབ་པར་འགྱུར། །ཡི་དམ་ལྷ་ཡི་དངོས་གྲུབ་མྱུར། །འཇིག་རྟེན་དབང་ཆེན་བྲན་བཞིན་ཉན། །འཇིག་


JLAZ009_Page_0167
[མ་དཔེ་གཟིགས་ན་འདིར་གནོན།]

རྟེན་མཁའ་འགྲོ་བསྒོ་བ་ཉན། །འཇིག་རྟེན་ལོངས་སྤྱོད་འཕེལ་བར་འགྱུར། །རྒྱལ་པོ་མཛོད་ལྡན་ཟད་མེད་འགྱུར། །ཞེས་གསང་སྔགས་ཀྱི་ཡོན་ཏན་ནི་དམ་ཚིག་གཅིག་པུ་ལ་བརྟེན་ནས་འབྱུང་བས་ན། ཉམས་པའི་ཉེས་དམིགས་ལ་འཇིགས་པ་དང༌། བསྲུང་བའི་ཡོན་ཏན་ལ་བྲོད་པ་བསྐྱེད་ནས་རྟག་ཏུ་དམ་ཚིག་ཆེན་པོའི་རིམ་པ་ལས་མི་འདའོ་སྙམ་པས་འདིའི་རྗེས་ཟློས་མཛོད། གཙོ་བོས་ཇི་ལྟར་སོགས་བརྗོད་དེ་ནས་སྐུ་དྲིན་གཏང་རག་གི་ཡོན་ལ་དངོས་འབྱོར་གྱི་འབུལ་བས་དམིགས་རྟེན་བྱས་ནས་ཞིང་ཁམས་འབུལ། དེ་ཡང༌། མྱང་འདས་ཆེན་པོའི་རྒྱུད་ལས། དེ་ལྟར་བླ་མ་ལུང་ལྡན་ལ། །གསེར་ལ་སོགས་པའི་ཡོ་བྱད་དང༌། །རང་གི་ལུས་དང་ནོར་གྱི་དབྱིག །མ་སྲིང་མོ་རྣམས་བརྒྱན་པ་དང༌། །གྲོང་དང་གྲོང་ཁྱེར་བཅས་པ་རྣམས། །དམིགས་པ་མེད་པའི་སེམས་ཀྱིས་ནི། །དེ་དང་མཉམ་པ་ཁོ་ནར་འབུལ། །ཞེས་དང༌། རིགས་སོ་སོ་དང་མཐུན་པའི་ཡོན་ནི། གསང་དགོངས་ལས། བདག་ལུས་སྲོག་དང་ནོར་ལ་སོགས། །བུ་དང་ཆུང་མར་བཅས་པ་རྣམས། །ཞུམ་པ་མེད་པའི་སེམས་ཀྱིས་འབུལ། །རྡོ་རྗེ་རིགས་ཀྱིས་ཡོན་ཡིན་ནོ། །བྲན་དང་བཅས་པའི་འདོན་ཡོན་ལྔ། །འཁོར་ལོ་ཅན་གྱི་ཡོན་ཡིན་ནོ། །རིན་ཆེན་སྣ་ལྔ་ལ་


JLAZ009_Page_0168
[མ་དཔེ་གཟིགས་ན་འདིར་གནོན།]

སོགས་དང༌། །གླང་པོ་རྟ་དང་མ་ཧེར་བཅས། །རིན་ཆེན་རིགས་ཀྱི་ཡོན་ཡིན་ནོ། །མ་དང་སྲིང་མོ་ཆུང་མ་དང༌། །རབ་ཏུ་བརྒྱན་པ་དགོད་པ་དང༌། །རྒོད་མ་ལ་སོགས་མོ་ཆགས་རྣམས། །པདྨ་རིགས་ཀྱི་ཡོན་དུ་དབུལ། །རྟ་དང་གླང་ཆེན་མ་ཧེ་དང༌། །རྫས་ཀྱི་རྣམ་པ་མང་པོ་བཀལ་བ་ནི། །ལས་ཀྱི་རིགས་ཀྱི་ཡོན་དུ་དབུལ། །སློབ་དཔོན་མཎྜལ་ཁྲི་ལ་བཞུགས། །གསེར་ལ་སོགས་པའི་རིན་པོ་ཆེ། །དར་གྱི་ཐུམ་པོར་བཅུག་ནས་ནི། །གཞན་ཡང་རྫས་རྣམས་ཅི་འབུལ་བ། །སློབ་དཔོན་ཉིད་ལ་གཏོར་ཏེ་དབུལ། །ཞེས་སོ། །དེ་ནས་རྗེས་བསྔོ་སྨོན་གྱིས་རྒྱས་གདབ་པ་དང༌། ཚོགས་ཀྱི་འཁོར་ལོ་རྒྱ་ཆེན་པོ་བསྐོར་བ་དང༌། རྡོ་རྗེའི་གླུ་གར་དང༌། སྦྱིན་བསྲེག་དང༌། གཏོར་མ་གཏོང་བ་དང༌། ནོངས་པ་བཤགས་པ་དང༌། དངོས་གྲུབ་བླང་བ་དང༌། རང་བཞིན་ཡེ་ཤེས་ཀྱི་དཀྱིལ་འཁོར་བཛྲ་མུས་གཤེགས་སུ་གསོལ་བ་དང༌། ཤིས་པ་བརྗོད་པ་སོགས་ཆོ་གའི་རྗེས་ཆོག་སྤྱི་ལྟར་བྱ། གཟུགས་བརྙན་རྡུལ་ཚོན་གྱི་དཀྱིལ་འཁོར་བཤིག་པའི་ཉེས་པ་འགེགས་ཕྱིར་ཆོས་ཉིད་བསམ་གྱིས་མི་ཁྱབ་པའི་དོན་དྲན་པའི་ངང་ནས་ཨ་ཀཱ་རོའི་གསང་སྔགས་བཟླ་ཞིང་རྡོ་རྗེ་དང་བཅས་པའི་ལག་གིས་ཐོག་མར་ལྷ་མཚན་རྣམས་ནས་ཅུང་ཟད་རེ་མགོ་བོར་བཀུས་ལ་དབང་ལྡན་ནས་བརྩམས་ཏེ་ལྟེ་བའི་བར་བསུབས་ལ་རཏྣའི་བུམ་


JLAZ009_Page_0169
[མ་དཔེ་གཟིགས་ན་འདིར་གནོན།]

པར་བསྩལ། རས་བྲིས་ཡིན་ན་བརྟན་བཞུགས་བྱ། རྡུལ་ཚོན་གྱི་ཚེ་ཆ་གསུམ་དུ་བགོས་ནས་གཏེར་དུ་སྦ་བ་དང༌། རླུང་ལ་གཡེང་བ་དང༌། ཆུ་ཀླུང་ལ་འདོར་བ་གསུམ་དུ་བྱེད་པའམ། ཐམས་ཅད་སྤོས་རོལ་སྤྱན་གཟིགས་ལ་སོགས་པས་སྣ་དྲངས་ཏེ་ཆུ་ཀླུང་ཆེན་པོ་དང༌། རྒྱུན་འབབ་དང༌། ཆུ་མིག་ལ་སོགས་པའི་ཀླུ་ལ་རྒྱས་པར་ཆོ་གའི་བྱ་བ་དང་བཅས་པའམ། རང་བཞིན་དུ་གཏད་པའི་ཚུལ་གྱིས་གཤེགས་ཤིང༌། རྡུལ་ཚོན་གྱི་སྣོད་ཆུས་བཀང་བ་དངོས་གྲུབ་ཀྱི་ཚུལ་དུ་ཁྱེར་ནས་དཀྱིལ་འཁོར་གྱི་ཁང་པ་ལ་གཏོར་བ་དང༌། ཤིས་པ་དང་ཞི་བའི་ལས་བྱ། སྒོ་བྱང་དང་རྒྱལ་ཆེན་ལ་སྔོན་འགྲོའི་སྐབས་བཞིན་གཏང་རག་ཕུལ་ལ་གཟུགས་བརྙན་གྱི་རྟེན་ལ་བརྟན་བཞུགས་དང༌། ཐོ་ལ་གཤེགས་གསོལ་བྱ་ཞིང་ལས་ཀྱི་རྗེས་རྣམས་མི་མངོན་པར་བསྡུ། རྒྱུན་གྱི་སྤྱོད་ལམ་སྣང་གྲགས་རིག་པ་དཀྱིལ་འཁོར་གསུམ་གྱི་རྣལ་འབྱོར་དང་བསྲེ་ཞིང་ལས་ཀྱི་རྗེས་མི་མངོན་པར་བྱའོ། །གནས་ལ་བྱིན་ཆེ་དཔལ་གྱི་མཆིམས་ཕུ་རུ། །རང་བྱུང་རྡོ་རྗེ་འཇིགས་མེད་གླིང་པ་ལ། །རྒྱལ་དབང་པདྨའི་དངོས་སློབ་རླངས་ཆེན་དེས། །ཡེ་ཤེས་སྒྱུ་མའི་སྐུ་མཆོག་དངོས་བསྟན་


JLAZ009_Page_0170
[མ་དཔེ་གཟིགས་ན་འདིར་གནོན།]

ནས། །རྣམ་དག་རྡོ་རྗེ་རིམ་པ་དབང་གི་རྒྱུན། །གཏོར་བླུགས་མཛད་པས་གནས་སྦྱིན་ལྷན་སྐྱེས་དོན། །མཐོང་བའི་དོན་གྱི་བྱི་ཏོ་ཏ་མ་ལའི། །རྒྱུད་སྡེ་རྒྱ་མཚོའི་དྭངས་བཅུད་བསྡུས་པ་ཡིན། །དེ་སྐད་དུ། སློབ་དཔོན་ཀངྐ་ནས། སློབ་མ་དབང་བསྐུར་ཆོ་ག་ནི། །གང་ནའང་གཅིག་གིས་རྫོགས་པ་མེད། །དེ་ཕྱིར་མཁས་པས་ཆོ་ག་ནི། །རྒྱུད་ཀུན་ལས་ནི་བཏུ་བར་བྱ། །དགེ་བ་དེ་ཡིས་ལྷ་སྲས་ཁྲི་སྲོང་གིས། །ལོ་པཎ་སྤྱན་དྲངས་འབད་པ་དོན་ལྡན་དུ། །སོན་པ་རྒྱུད་ཀྱི་རིང་ལུགས་དར་གྱུར་ནས། །འགྲོ་ཀུན་ཆོས་ཉིད་ཕུར་བུར་སངས་རྒྱས་ཤོག །ཅེས་པའང་དཔལ་ལྡན་ས་སྐྱའི་ཕུར་ཁང་ཆེན་མོར་རྡུལ་ཚོན་གྱི་དཀྱིལ་འཁོར་ལ་བརྟེན་ནས་ཆོ་རིགས་བརྒྱུད་མར་ལྷག་པའི་ལྷ་མཆོག་འདི་ཉིད་མེ་ཏོག་ཕོག་པའི་ལྷ་སྐལ་དུ་ཆེ་བ་བདག་ཆེན་རིན་པོ་ཆེ་ཨིནྡྲ་སཉྫ་གརྦྷ་མཆེད་ལ་རབ་གནས་དང་འབྲེལ་བར་དབང་གི་སྒོ་འཕར་དང་པོར་ཕྱེ་བའི་ཚེ་རྫོགས་ཆེན་པ་མཁྱེན་བརྩེའི་འོད་ཟེར་གྱིས་སོ། །དགེའོ། །དགེའོ། །དགེའོ། །

དཔལ་ཆེན་རྡོ་རྗེ་ཕུར་པ་རྒྱུད་ལུགས་ཀྱི་བདག་འཇུག་བྱིན་རླབས་རོལ་མཚོ།


JLAZ009_Page_0171
[མ་དཔེ་གཟིགས་ན་འདིར་གནོན།]

དཔལ་ཆེན་རྡོ་རྗེ་ཕུར་པ་རྒྱུད་ལུགས་ཀྱི་བདག་འཇུག་བྱིན་རླབས་རོལ་མཚོ་ཞེས་བྱ་བ་བཞུགས། །


JLAZ009_Page_0172
[མ་དཔེ་གཟིགས་ན་འདིར་གནོན།]

ན་མཿཤྲཱི་བཛྲ་ཀུ་མཱ་ར་ཡ། དཔལ་ཆེན་རྡོ་རྗེ་ཕུར་པ་རྒྱུད་ལུགས་ཀྱི་དཀྱིལ་འཁོར་དུ་འཇུག་པར་འདོད་པས། རང་གི་ཆོས་ཉིད་བདེ་གཤེགས་སྙིང་པོ་དཀྱིལ་འཁོར་གྱི་འཁོར་ལོར་རྫོགས་པ་ལ། གློ་བུར་བའི་ཚོགས་བརྒྱད་འདུས་བྱས་པ་སློབ་མའི་ཚུལ་དུ་བྱས་ནས་དབང་གི་བྱ་བ་ལ་འཇུག་པའི་ཚུལ་ངེས་པར་བྱས་ནས་ཁྲུས་བྱས། བགེགས་བསྐྲད། མེ་ཏོག་བཀྱེ་བསྡུ་བྱས་ལ། མཎྜལ་དབུལ་ཙཀྵུ་རྦྷནྡྷ་ཝ་ར་མ་ན་ཡེ་སྭཱ་ཧཱ། ཞེས་མིག་དར་འཆིང༌། ཨཱ་ཁཾ་བཱི་ར་ཧཱུཾ་གིས་མེ་ཏོག་བཟུང་ལ་གསོལ་བ་གདབ་པ་ནི། ༈ ཁྲག་འཐུང་རྡོ་རྗེ་ཧེ་རུ་ཀ །


JLAZ009_Page_0173
[མ་དཔེ་གཟིགས་ན་འདིར་གནོན།]

བདག་གིས་བདུད་རྩི་ལྔས་མཆོད་དེ། །བདག་ནི་རབ་ཏུ་བསྒྲལ་སླད་དུ། །མི་ཕྱེད་རྡོ་རྗེ་བདག་ལ་སྩོལ། །ལན་གསུམ། སློབ་དཔོན་གྱིས། ༈ སྐལ་ལྡན་རིག་འཛིན་རིགས་ཀྱི་བུ། །ལྷག་པའི་བསམ་པ་བཟང་པོའི་ཕྱིར། །ད་ལྟའི་དུས་ནི་སེམས་བསྐྱེད་ན། །བུ་ཁྱོད་དགའ་བ་ཅི་ལ་དགའ། །ཞེས་པའི་ལན་དུ་སློབ་བུས། བདག་ནི་སྐལ་བཟང་བདེ་ཆེན་ལ། །བདེ་ཆེན་མཆོག་ལ་བདག་དགའ་སྟེ། །བླ་མེད་བྱང་ཆུབ་འཐོབ་བྱའི་ཕྱིར། །ཁྲག་འཐུང་དཔལ་ལ་བདག་དགའོ། །སྡོམ་པ་ཐུན་མོང་བསྒྲག་པ་ནི། སློབ་དཔོན་གྱིས། ༈ དྲག་པོའི་ལས་ཀྱི་དཀྱིལ་འཁོར་འདིར། །


JLAZ009_Page_0174
[མ་དཔེ་གཟིགས་ན་འདིར་གནོན།]

རིགས་ཀྱི་བུ་ཁྱོད་འཇུག་པར་བྱོས། །སྤྱི་དང་ཁྱད་པར་ལྷག་པ་ཡི། །དམ་ཚིག་གཉན་ལ་ཁྱོད་མ་འདའ། །དཀྱིལ་འཁོར་གསང་བ་མ་མཐོང་ཞིང༌། །གསང་བ་དམ་པ་མ་མཐོང་ལ། །གསང་བ་དམ་པ་སྨྲ་མ་བྱེད། །ཁྱོད་ཀྱིས་སེམས་ཅན་སྲོག་མ་གཅོད། །མ་བྱིན་ལེན་དང་རྫུན་ལ་སོགས། །མི་དགེའི་ལས་རྣམས་སྤང་བར་བགྱི། །དེ་ནས་སྨོན་འཇུག་སྟབས་གཅིག་ཏུ་གཟུང་བའི་ཕྱིར། གསོལ་བ་གདབ་པ་ནི། ༈ སྐྱེ་རྒ་ན་དང་འཆི་བ་ཡི། །ཆུ་སྲིན་པིར་ཐོགས་འཇིགས་བྱེད་ལས། །གདོན་པར་ནུས་པ་ཁྱོད་འབའ་ཞིག །དགའ་ཆེན་ཁྱོད་བདག་སྟོན་པར་བས། །མགོན་པོ་ཆེན་པོ་བདག་ལ་སྩོལ། །བྱང་ཆུབ་ཆེན་པོའི་ཚུལ་སྟོན་པ། །དམ་ཚིག་དེ་ཉིད་བདག་ལ་སྩོལ། །བྱང་ཆུབ་སེམས་ཀྱང་བདག་ལ་སྩོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་ཆེན་པོས་གཟུང་དུ་གསོལ། ལན་གསུམ། དེ་ནས་སྡོམ་པའི་གཞི་རྟེན། སྐྱབས་འགྲོ་ནི། ༈ ཆོས་སྐུ་མཁའ་འདྲ་གཟུགས་སྐུ་འཇའ་ལྟར་སྣང༌། །གསང་སྔགས་སྒྲ་སྙན་ལྟ་བུར་སྒྲ་བསྒྲགས་ཤིང༌། །


JLAZ009_Page_0175
[མ་དཔེ་གཟིགས་ན་འདིར་གནོན།]

ཁྲོ་བོ་ཁྲོ་མོའི་ཚུལ་གྱིས་གདུག་པ་འདུལ། །བླ་མེད་དཀོན་མཆོག་གསུམ་ལ་སྐྱབས་སུ་མཆི། །ལན་གསུམ་གྱི་མཐར་སྨོན་འཇུག་གི་སྡོམ་པ་བཟུང་བ་དངོས་ནི་མོས་པ་བརྟན་པོས། ༈ བདག་གི་བྱང་ཆུབ་སེམས་མཆོག་ནི། །མ་ལུས་པར་ནི་བསྐྱེད་པར་བགྱི། །ངན་སོང་གསུམ་ལས་མ་གྲོལ་བ། །ལྷ་མི་གཉིས་སུ་དགྲོལ་བར་བགྱི། །མ་བསྒྲལ་བ་ཡི་ལྷ་མི་རྣམས། །བྱང་ཆུབ་ས་ལ་བསྒྲལ་བར་བགྱི། །དབུགས་མ་ཕྱུང་བའི་བྱང་ཆུབ་སེམས། །ས་བརྒྱད་པ་ལ་དབུགས་དབྱུང་ཞིང༌། །སེམས་ཅན་མྱ་ངན་འདས་པའི་མཐའ། །རྡོ་རྗེ་འཆང་ལ་རབ་ཏུ་དགོད། །ལན་གསུམ། དེ་ནས་རྡོ་རྗེའི་རྣལ་འབྱོར་དུ་སེམས་བསྐྱེད་པའི་ཕྱིར་གསོལ་བ་གདབ་ནི། ༈ རྡོ་རྗེ་ཡེ་ཤེས་ཆེན་པོ་ཡི། །དུས་གསུམ་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་སྟེ། །དེ་རིང་བདག་ལ་དབང་བསྐུར་ཤོག །དེ་བཞིན་གཤེགས་པ་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་ཆེ། །མ་ལུས་གཞུང་བཞིན་བསྒྲུབས་ནས་ནི། །སྐུ་གསུང་ཐུགས་ཀྱི་ཕུར་པ་བཞིན། །ཡེ་ཤེས་རྡོ་རྗེའི་དཀྱིལ་འཁོར་དུ། །བདག་གི་


JLAZ009_Page_0176
[མ་དཔེ་གཟིགས་ན་འདིར་གནོན།]

དད་པས་འཇུག་པར་བགྱི། །རྡོ་རྗེ་འཇོམས་བྱེད་ཆེན་པོ་ཡིས། །བདག་ལ་དབང་མཆོག་དེ་རིང་གསོལ། །ལན་གསུམ། སློབ་དཔོན་གྱིས། ༈ ང་ནི་ཡེ་ཤེས་རྡོ་རྗེ་སྟེ། །ཉོན་མོངས་རྣམ་རྟོག་འཇོམས་པའི་ཕྱིར། །འཇོམས་བྱེད་རྡོ་རྗེ་ཆོན་པོ་འདི། །དེ་རིང་ཁྱོད་ལ་སྦྱིན་པར་བྱ། །ཞེས་བརྗོད་ནས་སློབ་བུའི་སྙིང་གར་བཞག་ལ་ཁྱེད་གཞན་དོན་དུ་སངས་རྒྱས་སྒྲུབ་པར་འདུན་པའི་ཀུན་རྫོབ་བྱང་ཆུབ་ཀྱི་སེམས་དེ་ཉིད་སྙིང་གར་ཟླ་བ་ཉ་གང་བའི་སྟེང་དུ་དོན་དམ་པའི་བྱང་ཆུབ་ཀྱི་སེམས་རྡོ་རྗེ་རྩེ་ལྔ་པ་འོད་ཟེར་ལྔ་ལྡན་གྱི་རྣམ་པ་ཅན་དུ་སྒོམས་ལ་ཐམས་ཅད་རྣལ་འབྱོར་དུ་སེམས་བསྐྱེད་པ་འདིའི་རྗེས་ཟློས་མཛོད། ཧཱུྃ། ཨོཾ་སརྦ་ཡོ་ག་ཙིཏྟ་ཨུཏྤ་ཏ་ཡཱ་མི། ཞེས་ལན་གསུམ་དང་། ༈ འཇོམས་བྱེད་ཆེན་པོའི་དཀྱིལ་འཁོར་དུ། །སྐུ་གསུང་ཐུགས་ཀྱི་རྡོ་རྗེ་ཆེ། །རྣམ་རྟོག་འཇོམས་ཕྱིར་ཡེ་ཤེས་གསལ། །སངས་རྒྱས་བདག་ལ་དབང་ལྡན་ཤོག །ཅེས་སྨོན་ལམ་གདབ། སྔགས་སྡོམ་བྱེ་བྲག་པ་བཟུང་བ་ནི། ༈ ཧཱུཾ། སངས་རྒྱས་ཀུན་གྱིས་གྲུབ་པའི་གཞི། །བླ་མེད་རྡོ་རྗེ་དམ་ཚིག་སྟེ། །དམ་ཚིག་འདི་ནི་གཟུང་བར་བགྱི། །བླ་མ་རྡོ་རྗེ་སློབ་དཔོན་དང༌། །


JLAZ009_Page_0177
[མ་དཔེ་གཟིགས་ན་འདིར་གནོན།]

དཀོན་མཆོག་མཁའ་འགྲོ་ཡང་དག་གཟུང༌། །ཕྱག་རྒྱ་སྔགས་རྣམས་རྒྱུན་མི་གཅད། །ཡང་དག་ལམ་ལ་ཞུགས་ལ་བྱམས། །གསང་བ་ཆེན་པོ་སྨྲ་མི་བྱ། །འདི་ནི་རྩ་བ་ལྔ་རྣམས་གཟུང༌། །བསྒྲུབ་དང་བསྲུང་བའི་དམ་ཚིག་མཆོག །ཞེ་སྡང་གཏི་མུག་ཆགས་ང་རྒྱལ། །དཀར་དམར་ལྗང་སེར་མཐིང་གའི་མདོག །དག་པའི་སྣོད་བཅུད་མི་དོར་རོ། །ཡན་ལག་བཅུ་ཡི་དམ་ཚིག་མདོ། །བདག་གིས་བརྟན་པོར་གཟུང་བར་བགྱི། །ནམ་དུ་ཡང་ནི་མི་སྤང་ངོ༌། །ལན་གསུམ་གྱིས་སྔགས་སྡོམ་ཐོབ་པར་ངེས་ཤེས་བསྐྱེད་དོ། །དམ་བཞག་ནི། དམ་ཆུ་བཏུང་ལ། ༈ དེ་རིང་ཁྱོད་ཀྱི་སྙིང་ལ་ནི། །རྡོ་རྗེ་སེམས་དཔའ་ཡང་དག་གནས། །གལ་ཏེ་ཚུལ་འདི་དྲལ་གྱུར་ན། །སྐད་ཅིག་གིས་ནི་དྲལ་ཏེ་གཤེགས། །དེ་བས་དམ་ལ་མ་འདའ་ཞིག །ཨོཾ་བཛྲ་རོད་ཋ་ཀ་ཧཱུཾ། དེ་རིང་ཕན་ཆད་བུ་ཁྱོད་ཀྱི། །ཕྱག་ན་རྡོ་རྗེ་ང་ཡིན་གྱི། །ང་ཡིས་སྨྲས་པ་ཐམས་ཅད་ཀྱང༌། །ངེས་པ་ཁོ་ནར་བྱ་དགོས་སོ། །བདག་ལ་སྨད་པར་མ་བྱེད་ཅིག །གལ་ཏེ་སྨད་པར་བྱས་ན་ནི། །ཚེ་ཡི་འདུ་བྱེད་བྱས་ནས་ཀྱང༌། །དམ་ཆུ་འདི་ཡིས་རྐྱེན་བྱས་ནས། །རྡོ་རྗེའི་དམྱལ་བར་གྱུར་


JLAZ009_Page_0178
[མ་དཔེ་གཟིགས་ན་འདིར་གནོན།]

ཏ་རེ། །སྐལ་དང་ལྡན་པ་རིགས་ཀྱི་བུ། །ཁྱོད་ཀྱིས་བསྲུང་བར་བྱ་བ་ནི། །ལྷ་དང་བླ་མ་སྤུན་མི་སྤང༌། །སྔགས་དང་ཕྱག་རྒྱ་རྒྱུན་མི་གཅད། །གསང་བ་གཞན་ལ་སྤེལ་མི་བྱ། །སྐུ་གསུང་ཐུགས་ཀྱི་དམ་ཚིག་སྟེ། །རྩ་བའི་དམ་ཚིག་ངེས་ཐུབ་ན། །དམ་ཆུ་འདི་ཡིས་རྐྱེན་བྱས་ནས། །ཡེ་ཤེས་སེམས་དཔའ་ཉིད་དུ་འགྱུར། །དེ་ནས་ཕྱི་ལྟར་འཇུག་པ་དངོས་ནི། ཧཱུཾ་ཛཿབཾ་ཧོཿཧི་ཧི། ཞེས་བརྗོད་པས་ཕྱེ་ཚུལ་ལྷོ་སྒོ་སྙིང་རྗེ་ཆེན་པོ་ནས་རིམ་པར་ཕྱེ་ཡང་འཇུག་ཚུལ་ཤར་སྒོ་ནས་གཡས་སྐོར་དུ་ཞུགས་པར་བསམས་ལ་ཨོཾ་རཏྣ་པུཥྤེ་ཨཱ་བི་ར་ཁཾ། ཞེས་དང་ཨོཾ་ན་མ་ཏེེ་ཧཱུྃ། ཨོཾ་ན་མ་མེ་ཧཱུཾ། ཨོཾ་ན་མོ་ན་མ་ཧཱུཾ། ཞེས་སྒོ་སོ་སོར་སྐུ་གསུང་ཐུགས་ཕྱག་རེ་བྱ། ནང་འཇུག་གི་དོན་དུ་གསོལ་བ་གདབ་པ་ནི། ༈ ཧཱུཾ། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་ཉིད་ལས། །འབར་བའི་ཁྲོ་བོ་མི་བཟད་པ། །སྐུ་ཡི་དབྱིག་ཏུ་སྲས་བསྐྱེད་ཅིག །ཅེས་བརྗོད་པས་དཀྱིལ་འཁོར་གྱི་བདག་པོ་ཡབ་ཡུམ་བདེ་བ་ཆེན་པོའི་རྦ་རླབས་གཡོས། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིགྣན་བཾ་ཧཱུཾ་ཧཱུཾ་ཕཊ། ཅེས་བརྗོད་པའི་སྒྲ་དང་འོད་ཟེར་གྱིས་སློབ་མའི་རྣམ་


JLAZ009_Page_0179
[མ་དཔེ་གཟིགས་ན་འདིར་གནོན།]

སྨིན་གྱི་ཕུང་པོ་སྦྱང༌། རྣམ་པར་ཤེས་པ་ལ་ངོ་བོ་ཉིད་མེད་པ་ནི་ཆོས་ཀྱི་སྐུ། དེའི་ངང་ལས་ལོངས་སྤྱོད་རྫོགས་པའི་རང་བཞིན་ཧཱུཾ་དུ་གྱུར་པ་ཡབ་ཀྱི་ཞལ་ནས་དྲང། ཡུམ་གྱི་བྷ་གར་རྡོ་རྗེ་གཞོན་ནུར་སྨིན་པས་སྐུ་གསུམ་རྫོགས། བཛྲ་ས་མ་ཡ་ཛཿ ཞེས་བརྗོད་པས་ཕྱིར་ཕྱུང་སྟེ་ཡབ་ཀྱི་ཕྱག་རིགས་ལྔ་ཡབ་ཡུམ་དུ་གྱུར་པས་བླང༌། ས་མ་ཡ་ཧོཿ ས་མ་ཡ་སྟྭཾ། ཞེས་བརྗོད་པས་བདེ་བའི་རླབས་ཀྱིས་དབང་བཞི་བསྐུར། དེ་ལ་ཡེ་ཤེས་དབབ་པའི་ཕྱིར་སྤོས་རོལ་བྱ་ཞིང་རྫས་ཀྱི་སྦྱོར་བ་དམིགས་བསལ་བསྲེག་པ་དང་བཅས། ༈ ཧཱུཾ། ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་པ། །དབང་དང་བྱིན་རླབས་བདག་གསོལ་ཅིག །སངས་རྒྱས་འདུས་པ་ཐམས་ཅད་ཀྱི། །སྐུ་གསུང་ཐུགས་སུ་བྱིན་གྱིས་རློབས། །ཨོཾ་བཛྲ་ཀཱི་ལི་ཀཱི་ལ་ཡ་ཨ་བེ་ཤ་ཡ་ཧཱུཾ་ཕཊ། ཅེས་མང་དུ་བརྗོད། ཕེབས་རྟགས་བྱུང་མ་ཐག་སྤྱི་བོར་རྡོ་རྗེ་རྒྱ་གྲམ་དུ་འཇོག་ཅིང༌། ༈ ཨོཾ་བཛྲ་ཀཱི་ལི་ཀཱི་ལ་ཡ་མ་གུ་ལ་པྲ་ཏ་ཧཱུཾ་ཕཊ། ཅེས་བརྗོད་པས་བརྟན་པར་བྱ། དེ་ནས་རིགས་དང་ལས་


JLAZ009_Page_0180
[མ་དཔེ་གཟིགས་ན་འདིར་གནོན།]

འབྲེལ་བརྟག་པའི་ཕྱིར་དཀྱིལ་འཁོར་དངོས་སམ། རེ་ཁཱའི་ནང་དུ་མེ་ཏོག་སྔོན་པོ་སྣ་ཚོགས་ཕྱི་རོལ་དུ་མ་འདས་པར་དོར་ཞིང༌། བཤད་རྒྱུད་ལས། ༈ ཧཱུཾ། དུར་ཁྲོད་གསང་བ་མཆོག་གི་དཀྱིལ་འཁོར་དུ། །རྡོ་རྗེ་རིགས་ཀྱི་མེ་ཏོག་དོར་ནས་ཀྱང༌། །ཁྲག་འཐུང་རྡོ་རྗེ་རིགས་ཀྱི་ལྷ་ཚོགས་ཀྱི། །སྐུ་གསུང་ཐུགས་ཀྱི་དངོས་གྲུབ་རབ་འབྱམས་རྣམས། །སྐལ་ལྡན་རིག་འཛིན་བདག་ལ་སྩལ་དུ་གསོལ། །བདག་ནི་རྡོ་རྗེའི་རིགས་སུ་གཟུང་དུ་གསོལ། །ཨོཾ་བོ་དྷི་ཙིཏྟ་པཱུ་ཙ་ཧོཿདེ་ནས་བླ་མས་རིགས་དེ་དང་མཐུན་པའི་མིང་གདགས་ཤིང་དངོས་གྲུབ་ཐོབ་པར་ལུང་བསྟན། ལྷག་པའི་ལྷ་དེས་རྗེས་སུ་འཛིན་པའི་རྟེན་འབྲེལ་སྒྲིག་ཕྱིར་སླར་ཡང་ཅོད་པན་སྤྱི་བོར་བཅིང་ཞིང༌། ༈ དེ་རིང་ཕན་ཆད་བུ་ཁྱོད་ཀྱི། །མིང་ནི་རྡོ་རྗེ་ཆེ་གེ་མོ། ཀུ་མཱ་ར། །རྡོ་རྗེ་ཀུན་གྲགས་ཡིན་པར་ངེས། །རྡོ་རྗེའི་མཚན་གྱིས་ཀུན་གྲགས་ཤོག །དེ་ནས་མིག་དབྱེ་བ་ནི། མིག་ཐུར་ཐོགས་ལ། ༈ སྔོན་ཚེ་མིག་མཁན་རྒྱལ་པོ་ཡིས། །གསེར་གྱི་གཙགས་བུ་ཐོགས་ནས་ནི། །མིག་གི་ལིང་ཐོག་བསལ་བ་ལྟར། །ཐུགས་རྗེ་ཡེ་ཤེས་ཐབས་ལྡན་པས། །མི་ཤེས་རྨོངས་པའི་རབ་རིབ་དང་། །མ་


JLAZ009_Page_0181
[མ་དཔེ་གཟིགས་ན་འདིར་གནོན།]

རིག་མུན་པ་བསལ་དུ་གསོལ། །དེང་ཁྱོད་རྡོ་རྗེ་སེམས་ཀྱིས་ནི། །མིག་ཀུན་ངེས་པར་འབྱེད་མཛད་པའི། །མིག་འབྱེད་པ་ལ་བརྩོན་པར་བྱེད། །རྡོ་རྗེའི་མིག་ཏུ་བླ་མེད་འགྱུར། །ཨོཾ་བཛྲ་ཛྙཱ་ན་ཙཀྵུ་པྲ་ཝེ་ཤ་ཕཊ། གདོང་གཡོགས་ཕྱེ། དཀྱིལ་འཁོར་བསྟན་པ་ནི། ༈ ཆོས་རྣམས་གཟུགས་བརྙན་འདྲ་བ་ཡི། །རང་བཞིན་དག་པར་རྙོག་པ་མེད། །གཟུགས་བརྙན་གསལ་བའི་དཀྱིལ་ འཁོར་དུ། །ཀུན་གྱིས་དྲི་མ་མེད་མཐོང་ཤོག །དཀྱིལ་འཁོར་ཉིད་ལ་ད་ལྟ་ཉིད། །དད་པའི་ཤུགས་ཀྱིས་བལྟ་བར་གྱིས། །ཁྱོད་ཀྱང་སངས་རྒྱས་རིགས་ལས་སྐྱེས། །སྔགས་དང་ཕྱག་རྒྱའི་བྱིན་རླབས་ཀྱིས། །དཀྱིལ་འཁོར་བཟང་པོ་འདི་ལ་ལྟོས། །བཛྲ་མཎྜལ་པྲ་ཝེ་ཤ་ཧོ། ཨེ་མ་སྣོད་དང་ལྡན་པའི་བུ། །ཁྱོད་ནི་དཀྱིལ་འཁོར་ཆེན་པོ་འདིའི། །ཚོན་རྩི་མཐོང་བས་སྡིག་ལས་གྲོལ། །དེ་ཕྱིར་དད་པ་རབ་ཏུ་བསྐྱེད། །རྟགས་ཀྱི་དཀྱིལ་འཁོར་ཆེན་པོ་ནི། །དོན་གྱི་འོག་མིན་ཉིད་ཡིན་ཏེ། །བྱང་ཆུབ་ཕྱོགས་ཀྱི་ཆོས་ཀུན་དང༌། །ས་ལམ་འབྲས་བུའི་ཡོན་ཏན་རྫོགས། །དེ་ན་བཞུགས་པའི་སངས་རྒྱས་ཀུན། །རང་གི་སེམས་སུ་ཤེས་པར་གྱིས། །སེམས་ནི་


JLAZ009_Page_0182
[མ་དཔེ་གཟིགས་ན་འདིར་གནོན།]

ཆོས་ཉིད་ལ་གནས་པས། །རང་བྱུང་ལྷུན་གྲུབ་དཀྱིལ་འཁོར་ཡིན། །ཞེས་མཐོང་བ་བསྟན་ནོ། །དེ་ནས་དབང་དངོས་གཞིའི་སླད་དུ་གསོལ་བ་གདབ་པ་ནི། ༈ ཐམས་ཅད་མཁྱེན་པ་བཅོམ་ལྡན་འདས། །རིགས་ལྔ་འདུས་པའི་ཁྲོ་རྒྱལ་གཙོ། །རྡོ་རྗེ་གཞོན་ནུ་ཁྲོས་པའི་དཔལ། །སྐལ་ལྡན་རྣམས་ཀྱིས་ཐོབ་པར་ཤོག །ལན་གསུམ། དེ་ནས་རིག་པའི་དབང་ལྔ་ནི། ཕྱོགས་བཅུའི་དེ་བཞིན་གཤེགས་པ་སྲས་དང་བཅས་པ་གདན་གསུམ་ཚང་བའི་དཀྱིལ་འཁོར་གྱི་ལྷའི་རྣམ་པར་སྤྱན་དྲངས། མཆོད་ཅིང་བསྟོད་དེ་བཞིན་གཤེགས་པ་རྣམས་ཀྱིས་བདག་ལ་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། དཀྱིལ་འཁོར་གྱི་བདག་པོ་དང༌། དེ་བཞིན་གཤེགས་པ་རྣམས་ཀྱིས་དབང་གི་དགོངས་པ་མཛད། གཤེགས་མ་རྣམས་ཀྱིས་བུམ་པ་ཡོ་བར་བཟུང་ནས་དབང་བསྐུར། སེམས་དཔའ་རྣམས་ཀྱིས་ཤིས་པ་བརྗོད། སེམས་མ་རྣམས་ཀྱིས་གླུ་གར་བསྒྱུར། ཁྲོ་བོ་རྣམས་ཀྱིས་བགེགས་བསྐྲད་དེ་རིག་དབང་ལྔའི་བྱ་བ་མཛད་པའི་དག་བྱ་དག་འབྲས་ལ་བདེ་སྟོང་གཉིས་སུ་ མེད་པའི་ཉམས་སྐྱེས་པར་གྱུར། རྣམ་བུམ་སྤྱི་བོར་བཞག་


JLAZ009_Page_0183
[མ་དཔེ་གཟིགས་ན་འདིར་གནོན།]

ལ། ༈ ཧཱུཾ། གསང་གསུམ་དམ་ཚིག་ལས་བྱུང་བ། །ཡབ་ཡུམ་གཉིས་མེད་བདེ་ཆེན་ལས། །བྱང་ཆུབ་སེམས་ཀྱི་ཆུ་རྒྱུན་འདིས། །རྡོ་རྗེ་རིགས་ཀྱི་དབང་བསྐུར་རོ། །ཨོཾ་བོ་དྷི་ཙིཏྟ་ཨཱ་དརྴ་ཛྙཱ་ན་བཛྲ་ཨ་བྷི་ཥིཉྩ་མཱཾ། རིགས་ཀྱི་བུ་ཁྱོད་ལ་རྡོ་རྗེ་མི་བསྐྱོད་པའི་ངོ་བོ་བུམ་པའི་ཆུས་དབང་བསྐུར་ཞིང་ཉེ་རེག་བྱས་པས་ལུས་ཀྱི་སྒྲིབ་པ་དག །སངས་རྒྱས་ཐམས་ཅད་ཀྱི་སྐུའི་དབང་ཐོབ། གཟུགས་ཀྱི་ཕུང་པོ་རྡོ་རྗེ་མི་བསྐྱོད་པ་དང༌། ཆུའི་ཁམས་མཱ་མ་ཀཱིའི་རང་བཞིན་དུ་གནས་འགྱུར། ཞེ་སྡང་མེ་ལོང་ལྟ་བུའི་ཡེ་ཤེས་སུ་གྲོལ་ཏེ། སངས་རྒྱས་རྡོ་རྗེ་རིགས་ཀྱི་སྐུ་རྣམ་པ་ཐམས་ཅད་ཀྱི་བདག་ཉིད་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །ཞེས་ལུང་བསྟན། དེ་ནས་རིན་འབྱུང་དབུ་རྒྱན་གྱི་དབང་ནི། དབང་འདི་ཐོབ་ནས་སངས་རྒྱས་ཐམས་ཅད་ཀྱི་རྒྱལ་ཐབས་ལ་དབང་བས་ན་རིགས་ལྔའི་དབུ་རྒྱན་ལ་ཐོབ་པ་ལྔའི་སྒྲ་ཆགས་པ་སྟེ། དེ་ཉིད་མགོ་ལ་བཀོན་ནས། ༈ སངས་རྒྱས་ཀུན་གྱི་རྒྱལ་སྲིད་ཆེ། །ཐོབ་པ་ལྔ་ཡི་དབང་བསྐུར་བ། །རིན་ཆེན་རིགས་ཀྱི་དབང་བསྐུར་མཆོག །རིན་ཆེན་ཁྲག་


JLAZ009_Page_0184
[མ་དཔེ་གཟིགས་ན་འདིར་གནོན།]

འཐུང་བརྟན་གྱུར་ཅིག །ས་མ་ཏ་རཏྣ་བཛྲ་ཨ་བྷི་ཥིཉྩ་མཱཾ། རིགས་ཀྱི་བུ་ཁྱོད་ལ་དབུ་རྒྱན་འདི་བཀོན་པ་ཙམ་གྱིས་སྒོ་གསུམ་གྱི་རྨོངས་པའི་སྒྲིབ་པ་དག །སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང༌། སའི་ཁམས་སངས་རྒྱས་སྤྱན་མར་གནས་འགྱུར། ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །སྣང་མཐའ་རྡོ་རྗེའི་དབང་ནི། ༈ ཨཱཿ སངས་རྒྱས་ཀུན་གྱི་རྡོ་རྗེའི་དབང༌། །རྡོ་རྗེ་གསུང་གི་དོན་མཛད་པ། །པདྨ་ཁྲག་འཐུང་རྡོ་རྗེ་དཔལ། །རྡོ་རྗེ་ཆོས་ཀྱི་དབང་བསྐུར་རོ། །པྲ་ཏྱ་བེཀྵ་ན་ཛྙཱ་ན་ཨ་བྷི་ཥིཉྩ་མཱཾ། རིགས་ཀྱི་བུ་ཁྱོད་ལ་སྣང་བ་མཐའ་ཡས་ཀྱི་རང་བཞིན་རྡོ་རྗེའི་དབང་བསྐུར་བས་ངག་གི་སྒྲིབ་པ་དག །སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་བ་མཐའ་ཡས་དང༌། མེའི་ཁམས་གོས་དཀར་མོར་གནས་འགྱུར། འདོད་ཆགས་སོ་སོར་རྟོག་པའི་ཡེ་ཤེས་སུ་གྲོལ་ཏེ། སངས་རྒྱས་པདྨ་རིགས་ཀྱི་གསུང་འགག་པ་མེད་


JLAZ009_Page_0185
[མ་དཔེ་གཟིགས་ན་འདིར་གནོན།]

པའི་ཆོས་ཀྱི་སྒྲ་དབྱངས་ཐོབ་ནས་འགྲོ་བའི་དོན་བྱེད་པར་འགྱུར་རོ། །དོན་ཡོད་གྲུབ་པ་དྲིལ་བུའི་དབང་ནི། ༈ ཏྭ། མཁའ་འགྲོ་ཀུན་གྱི་དྲིལ་བུའི་དབང༌། །རྟོག་མེད་ཆོས་ཀྱི་སྒྲ་འབྱིན་ཅིང༌། །ལས་ཀྱི་ཁྲག་འཐུང་ཕྲིན་ལས་བདག །ཤེས་རབ་དྲིལ་བུའི་དབང་བསྐུར་རོ། །ཀྲྀཏྟ་ཨ་ནུཥྛ་ཛྙཱ་ན་བཛྲ་ཨ་བྷི་ཥིཉྩ་མཱཾ། རིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཉོན་མོངས་པ་བག་ལ་ཉལ་གྱི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང༌། རླུང་གི་ཁམས་དམ་ཚིག་སྒྲོལ་མར་གནས་འགྱུར། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ། འགྲོ་བའི་དོན་བྱེད་པར་འགྱུར་རོ། །རྣམ་པར་སྣང་མཛད་མིང་གི་དབང་ནི། རྡོར་དྲིལ་སྤྱི་བོར་འཁྲོལ་ཞིང༌། སྔར་གྱི་གསང་མིང་དཀྱིལ་འཁོར་པའི་ལྷ་ཚོགས་ཀྱིས་འུར་དིར་བསྒྲགས་པར་བསམ་ནས། ༈ ཨོཾ། རྡོ་རྗེ་མིང་གི་ཆོས་ཉིད་དེ། །ཅིས་ཀྱང་མི་ཚུགས་མི་ཤིགས་ཏེ། །སངས་རྒྱས་ཁྲག་འཐུང་ངོ་བོ་ཉིད། །རྡོ་རྗེ་མིང་གི་དབང་བསྐུར་རོ། །དྷརྨ་དྷཱ་ཏུ་བི་ཤོ་དྷ་བཛྲ་ཨ་བྷི་ཥིཉྩ་མཱཾ། རིགས་ཀྱི་བུ་ཁྱོད་ལ་རྣམ་པར་སྣང་མཛད་ཀྱི་


JLAZ009_Page_0186
[མ་དཔེ་གཟིགས་ན་འདིར་གནོན།]

ངོ་བོ་མིང་ཆེ་གེ་མོ་བཏགས་པ་ཙམ་གྱིས་ཡིད་ཀྱི་སྒྲིབ་པ་དག །སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པའི་ཕུང་པོ་རྣམ་པར་སྣང་མཛད་དང༌། ནམ་མཁའི་ཁམས་ཆོས་ཀྱི་དབྱིངས་ཀྱི་དབང་ཕྱུག་མར་གནས་གྱུར། གཏི་མུག་ཆོས་དབྱིངས་ཡེ་ཤེས་སུ་གྲོལ་ཏེ། སངས་རྒྱས་དེ་བཞིན་གཤེགས་པའི་ཐུགས་རྣམ་པར་མི་རྟོག་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །དེ་ལྟར་རིག་དབང་ལྔ་ཐོབ་པའི་བྲལ་ཐོབ་ནི། ཕྲེང་བ་ལས། ༈ སངས་རྒྱས་ལྔར་ནི་རྣམ་དག་པའི། །དབང་བསྐུར་ལྔ་ཐོབ་རྒྱུད་ལ་ནི། །མ་རིག་པ་དང་བྲལ་བས་ན། །ཡེ་ཤེས་ལྔ་ནི་ཐོབ་པར་འགྱུར། །ཅེས་པ་ལྟར་རོ། །དེ་ནས་རིག་དབང་ལྔའི་མཐའ་རྟེན་དུ་སྣང་ཞེན་ལྷ་སྐུར་རྫོགས་བྱེད་རྣམ་རྒྱལ་བུམ་པའི་དབང་ནི། བུམ་པ་སྤྱི་བོར་བཟུང་ལ། ༈ ཧཱུཾ། དཔལ་ཆེན་རྡོ་རྗེ་གཞོན་ནུ་དང༌། །ཡུམ་ཆེན་འཁོར་ལོ་རྒྱས་འདེབས་གཉིས། །གཡོན་ནས་ཡུམ་གྱིས་ཡབ་ལ་འཁྱུད། །ཕྱག་གི་བུམ་པ་རབ་ཏུ་བླངས། །ཡེ་ཤེས་དབང་གི་ཆུ་བོ་འདི། །ཉོན་མོངས་མ་གོས་དཀར་ལ་འཚེར། །སྐལ་ལྡན་རིགས་ཀྱི་བུ་ཁྱོད་ལ། །སྤྱི་བོར་


JLAZ009_Page_0187
[མ་དཔེ་གཟིགས་ན་འདིར་གནོན།]

བུམ་པས་དབང་བསྐུར་བས། །ཉོན་མོངས་གསུམ་དང་དུག་གསུམ་སྦྱངས། །དབང་གི་ཆུ་བོ་རྒྱུན་བཞིན་འབབ། །ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། དཱིཔྟ་ཙཀྲ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཀ་ལ་ཤ་ཨ་བྷི་ཥིཉྩ་ཧཱུཾ། ཞེས་གཏོར་ཞིང་བླུད་དོ། །སྐུ་གསུང་ཐུགས་ཡོན་ཏན་ཕྲིན་ལས་ལྔའི་དབང་ནི། གཙོ་བོའི་སྐུ་སྤྱི་བོར་བསྐུར་ལ། ༈ ཧཱུཾ། ཀུན་ཏུ་བཟང་པོའི་རོལ་པ་ལས། །ཐུགས་རྗེས་ཁམས་གསུམ་གདུག་པ་འདུལ། །གཉེན་པོས་ལས་སུ་རུང་མཛད་པའི། །འཇིགས་བྱེད་གཉེན་པོའི་དབང་བསྐུར་རོ། །ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། ཀཱ་ཡ་ཨ་བྷི་ཥིཉྩ་མཱཾ། དར་ལེ་བརྒན་ལ་སྔགས་བྱང་བྲིས་པ་མགྲིན་པ་བཟུང་ལ། ༈ ཧཱུཾ། གསུང་གི་རང་བཞིན་མཚོན་བྱེད་པའི། །ལེ་བརྒན་འབར་བའི་ཁ་དོག་ལ། །སྙིང་པོ་ནུས་པའི་དོན་དང་ལྡན། །ནུས་པ་ཅན་གྱི་དབང་ཐོབ་ཤོག །ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། ཝཱ་ཀ་ཨ་བྷི་ཥིཉྩ་མཱཾ། ཕུར་པ་སྙིང་གར་བཞག་ལ། ༈ ཧཱུཾ། ཙིཏྟ་སྨུག་པོའི་གཞལ་ཡས་ནས། །ཁམས་གསུམ་དབང་གི་བདག་པོ་སྟེ། །བརྐྱང་བསྐུམ་རབ་ཏུ་གདེངས་པ་ཡིས། །གདུག་པ་འཇོམས་པའི་དབང་ཐོབ་ཤོག །


JLAZ009_Page_0188
[མ་དཔེ་གཟིགས་ན་འདིར་གནོན།]

ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། ཨ་བྷི་ཥིཉྩ་མཱཾ། ཡོན་ཏན་དང་ཕྲིན་ལས་གཉིས་ཀའི་དབང་ཡེ་ཤེས་སེམས་དཔའི་ཙཀླི་སྙིང་གར་གཏད་ལ། ༈ ཧཱུཾ། ཐུགས་ཀ་རིན་ཅེན་ཟུར་བརྒྱད་ལས། །ཕྲིན་ལས་སྣ་ཚོགས་ལྷུན་གྱིས་གྲུབ། །ཐམས་ཅད་ཀུན་ལ་རང་བཞིན་གནས། །ཡེ་ཤེས་སེམས་དཔའི་དབང་ཐོབ་ཤོག །ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། གུ་ཎ་ཀརྨ་ཨ་བྷི་ཥིཉྩ་མཱཾ། དེ་ནས་དུར་ཁྲོད་ཆས་བརྒྱད་ཀྱི་དབང་ནི། ༈ ཧཱུཾ། ཞིང་ཆེན་གཡང་གཞིས་འདོད་ཆགས་རྩད་ནས་གཅོད། །གླང་ཆེན་ཀོ་རློན་ཐུགས་རྗེ་སྟོབས་ཀྱི་བདག །སྟག་ཤམ་ཡོན་ཏན་ཕྲིན་ལས་རྒྱས་པའི་རྟགས། །བདུད་ཆས་དཔའ་བོའི་དབང་རྣམས་ཐོབ་པར་ཤོག །ཧཱུཾ། ཐོད་པ་རློན་པ་ལོངས་སྤྱོད་རྫོགས་པའི་རྟགས། །ཐོད་པ་སྐམ་པོ་ཆོས་ཀྱི་སྐུ་ཡི་རྟགས། །ཐོད་པ་ཚལ་བུ་སྤྲུལ་པ་སྐུ་ཡི་རྟགས། །སྐུ་གསུམ་མཚོན་བྱེད་ཐོད་པའི་དབང་ཐོབ་ཤོག །ཧཱུཾ། རིགས་བཞི་ཀླུ་རྣམས་མ་ལུས་འདུལ་བའི་རྟགས། །གདུག་པ་སྦྲུལ་ནི་རིགས་བཞིས་སྐུ་ལ་བརྒྱན། །ཞེ་སྡང་ཆེན་པོ་གནས་སུ་འཇོམས་མཛད་པ། །གདུག་པ་ཆས་ཀྱི་དབང་རྣམས་ཐོབ་པར་ཤོག །ཧཱུཾ། ཞག་གི་ཟོ་རིས་དམ་རྫས་བཅུད་ཀྱི་རྒྱན། །


JLAZ009_Page_0189
[མ་དཔེ་གཟིགས་ན་འདིར་གནོན།]

ཐལ་ཆེན་ཚོམ་བུ་འཁོར་བ་འཇོམས་པའི་རྟགས། །རཀྟའི་ཐིག་ལེ་ཐུགས་རྗེ་ཆགས་པའི་རྟགས། །མཚན་མ་རྣམ་པ་གསུམ་གྱི་དབང་ཐོབ་ཤོག །དེ་ལ་དག་པ་བརྗོད་པ་ནི། ༈ སྐུ་དང་གསུང་དང་ཐུགས་དང་ནི། །ཡོན་ཏན་ཕྲིན་ལས་ལྔ་རུ་བསྐུར། །ཕྱོགས་བཅུ་སྲོག་ལ་དབང་བསྐུར་བས། །སྲོག་ནི་ཡེ་ཤེས་གྱུར་ནས་ནི། །ཁམས་གསུམ་སྒྲོལ་བའི་དབང་བསྐུར་རོ། །ཞེས་བརྗོད་པས་ཕུར་པའི་སྒོས་ཆོས་དཀྱིལ་འཁོར་གསུམ་གྱི་སྲོག་ཡེ་ཤེས་སུ་དབང་བསྐུར་བ་དང༌། དེ་ལས་ཁམས་གསུམ་གྱི་སྲོག་ལ་དབང་བསྐུར་བའི་དོན་དབང་ཆོག་བཞིན་དུ་དྲན་པར་བྱའོ། །རྡོ་རྗེ་སློབ་དཔོན་གྱི་དབང་ནི། དམ་ཚིག་གསུམ་བྱིན་ལ། ༈ ཧཱུཾ། ཐབས་ཀྱི་སྤྱོད་པས་གཞན་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་པའི། །དབང་དང་བྱིན་རླབས་འདིར་སྩལ་ཏོ། །ཨོཾ་བོ་དྷི་ཙིཏྟ་ས་མ་ཡ་སྟྭཾ་ཨ་བྷི་ཥིཉྩ་ཨ། རིགས་ཀྱི་བུ་ཁྱོད་ལ་རྡོ་རྗེ་དང་དྲིལ་བུ་འདི་གཏད་ཅིང་དམ་ཚིག་གསུམ་བྱིན་ནས་རྡོ་རྗེ་སློབ་དཔོན་དུ་དབང་བསྐུར་བས། རྣམ་པ་ཐམས་ཅད་མཁྱེན་པའི་བདག་ཉིད་ཕ་རོལ་ཏུ་ཕྱིན་པ་དྲུག་གི་རང་བཞིན་


JLAZ009_Page_0190
[མ་དཔེ་གཟིགས་ན་འདིར་གནོན།]

སྔགས་ཀྱི་ལྟ་སྤྱོད་ཟབ་མོའི་ཐབས་ཤེས་ཟུང་འབྲེལ་དུ་རྫོགས་ནས། འཁོར་བ་མ་སྤངས་རང་བཞིན་མེད་པར་དག །སྐུ་གསུམ་འདུ་འབྲལ་མེད་པས་འགྲོ་བའི་དོན་དཔག་ཏུ་མེད་པ་བྱེད་པའི་རྟེན་འབྲེལ་འགྲིག་པ་ཡིན་ནོ། །ཞེས་གཟེངས་བསྟོད། དེ་ནས་གསང་དབང་ནི། དཀྱིལ་འཁོར་གྱི་བདག་པོ་ཡབ་ཡུམ་སྙོམས་པར་ཞུགས་པར་མོས་པའི་བྱང་ཆུབ་སེམས་ཀྱི་རང་བཞིན་བདེ་སྐྱོང་གི་སྣོད་དུ་བསྐྱིལ་བ་བདུད་རྩི་ལྔ་དང་སྦྱར་བ་ལྕེ་ཐོག་ཏུ་བྱིན་ལ། ༈ ཧཱུྃ། བདེ་ཆེན་ཐིག་ལེ་ཡབ་ཡུམ་བཅུ། །རྡོ་རྗེའི་ལམ་ནས་པདྨོར་འཁྱིལ། །བུ་ཡི་ལྕེ་ལ་དབབ་པར་བྱ། །སྙིང་གི་དཀྱིལ་དུ་བཟུང་བར་གྱིས། །ཨོཾ་བྷོ་དྷི་ཙིཏྟ་ཨ་བྷི་ཥིཉྩ་ཨཱ། སློབ་མས་དང་དུ་བླངས་ནས། ཀཱ་ཡ་སིདྡྷི་ཨོཾ། ཝཱ་ཀ་སིདྡྷི་ཨཱཿ ཙིཏྟ་སིདྡྷི་ཧཱུཾ། ཨོཾ་ཨཱཿཧཱུཾ་མ་ཧཱ་སུ་ཁ་ཧོཿ ཞེས་བརྗོད། དེ་ལྟར་གསང་དབང་བསྐུར་བས་སྒྲོན་མ་ལྔ་དང་བདུད་རྩི་ལྔ་བརྟེན་ཞིང་ལམ་ཙཎྜ་ལི་དང་བཟླས་བརྗོད་བྱེད་པ་ལ་དབང༌། རྒྱས་པའི་ལས་འགྲུབ། དག་བྱ་ངག་གི་རང་བཞིན་ཕྲ་བའི་རླུང་ལ་ཞུ་བདེ་ལས་སྐྱེས་པའི་བྱང་ཆུབ་ཀྱི་སེམས་ཀུན་རྫོབ་པ་འདྲེས་པས་ཕྲ་བ་རླུང་དག་རགས་པ་ངག་གི་སྒྲིབ་པ་སྦྱངས། གསུང་


JLAZ009_Page_0191
[མ་དཔེ་གཟིགས་ན་འདིར་གནོན།]

རྡོ་རྗེའི་རང་བཞིན་དུ་རྣམ་པར་དག །མཆོག་དགའི་ཡེ་ཤེས་ལ་བརྟེན་ནས་མ་ཆགས་པདྨ་ཅན་གྱི་ས་ནོན། ལོངས་སྤྱོད་རྫོགས་པའི་སྐུ་འགྲུབ་པའི་སྐལ་བ་རྒྱུད་ལ་བཞག་པ་ཡིན་ནོ། །དབང་གསུམ་པའི་དོན་དུ་རིག་ཙཀ་བྱིན་ནས་རྟོགས་པ་བསྐྱེད་པ་ནི། ༈ ཧཱུཾ། བདེ་བ་ཐུགས་ཀྱི་སེམས་དཔའ་ཆེ། །ཡབ་ཡུམ་གཉིས་མེད་མུ་ཏིག་གི། །ཁུ་འཕང་བྱང་སེམས་ཕབ་པ་ཡིས། །དུས་གསུམ་བླ་མ་སངས་རྒྱས་དང༌། །མཁའ་འགྲོའི་ཚོགས་ལ་བདེ་ཆེན་གྱི། །བྱང་ཆུབ་སེམས་ཀྱི་མཆོད་པ་ཕུལ། །རྡོ་རྗེ་བདེ་ཆེན་ཐིག་ལེའི་དབྱིངས། །ཟག་མེད་དབྱིངས་སུ་མི་རྟོག་སྐྱེ། །དེ་བས་བློ་མཆོག་ལོངས་སྤྱོད་ཅིག །ཅེས་སྦྱིན་པ་ན་རིག་མས། ༈ ཧཱུཾ། ཡབ་ཆེན་ཆོས་ཀྱི་དབྱིངས་མཐོང་བའི། །པདྨ་དག་ལ་འོ་བྱེད་དམ། །དེ་ལས་བྱང་ཆུབ་སེམས་འཁྱིལ་བའི། །ཟག་མེད་བདེ་བ་ལོངས་སྤྱོད་དམ། །ཞེས་དྲིས་པར་མོས་ལ། ལན་དུ་སློབ་བུས། ༈ ཨེ་མ། ཤེས་རབ་ལྷ་མོ་ཡུམ་ཆེན་མོ། །ཆོས་ཀྱི་དབྱིངས་ལ་འོ་བྱེད་དོ། །བྱང་ཆུབ་སེམས་མཐོང་ཐིག་ལེ་ལ། །རྟག་ཏུ་གུས་ཤིང་


JLAZ009_Page_0192
[མ་དཔེ་གཟིགས་ན་འདིར་གནོན།]

བདེ་བ་སྦྱོར། །ཞེས་བརྗོད། དེ་ནས་རིག་མ་པང་དུ་བྱོན་ནས་གསུམ་པའི་དབང་གི་རྟོགས་པ་འདི་བརྗོད་པར་བསམ་ལ། ༈ གར་དང་ལྡན་པ་ཡང་དག་བསྐྱོད། །བདེ་ཆེན་སྒྱུ་མའི་བརྡ་མཚོན་ཏེ། །གཉིས་ཤོར་གཉིས་མཉམ་དབུས་དག་ཏུ། །དབྱིངས་ཀྱི་བདེ་ཆེན་འབྱུང་བ་དེ། །རང་རིག་ཡེ་ཤེས་དེ་ལ་ཡོད། །ཅེས་བརྗོད་ནས། ཛཿཧཱུཾ་བཾ་ཧོཿ ཞེས་ཕྱག་རྒྱ་བཞིས་མཉམ་པར་རོལ་པ་ལ། ས་མ་ཡ་ཧོཿ ས་མ་ཡ་སྟྭཾ། ཨ་ནུ་རཱ་ག་ཧོཿ ཨ་ནུ་རཱ་ག་ཡ་མི། ཞེས་ཡབ་ཡུམ་བརྡ་དང་བརྡ་ལེན་མཛད་པས་རྗེས་སུ་ཆགས་པའི་ཉམས་བརྟས་པར་བསམ་ཞིང༌། ཧཱུཾ་ཧཱུཾ། ཨ་ཨཱ། ཞེས་བརྗོད་པས། སྐུ་རྡོ་རྗེ་ཞི་བ། གསུང་རྡོ་རྗེ་བདེ་བ། ཐུགས་རྡོ་རྗེ་མི་རྟོག་པ། སྙིང་པོ་ཆོས་ཉིད་བློ་འདས་ལས་བྱུང་བའི་དགའ་བཞིའི་ཡེ་ཤེས་ཉམས་སུ་མྱོང་བར་བསམ་མོ། །དག་བརྗོད་ནི། དེ་ལྟར་དབང་གསུམ་པ་བསྐུར་བས་དངོས་སམ་ཡིད་ཀྱི་སྣ་ཚོགས་གཟུགས་ཅན་སྒོམ་པ་ལ་དབང༌། དབང་གི་ལས་འགྲུབ། དགའ་བ་བཞིའི་མས་བརྟན་གྱི་དཔེའི་ཡེ་ཤེས་ལ་བརྟེན་ནས་རགས་པ་ཐིག་ལེའི་སྒྲིབ་པ་དག །ཕྲ་བ་ཡིད་ཀྱི་སྒྲིབ་


JLAZ009_Page_0193
[མ་དཔེ་གཟིགས་ན་འདིར་གནོན།]

པ་སྦྱངས། དེ་ཉིད་རྣམ་པ་བཅུ་དྲུག་གི་དོན་མངོན་དུ་བྱས་ནས་ཆོས་ཀྱི་སྐུ་འགྲུབ་པའི་སྐལ་པ་རྒྱུད་ལ་བཞག་པ་ཡིན་ནོ། །དབང་བཞི་པ་ནི། གསུམ་པའི་ལྷན་སྐྱེས་ཀྱི་དཔེས་བཞི་པའི་ཡེ་ཤེས་མངོན་སུམ་དུ་མཐོང་བའི་དོན་ལ་མཉམ་པར་བཞག་ལ། ༈ ངོ་བོ་ཉིད་ཀྱི་སྟོང་པ་ལས། །བདག་དང་ཆོས་དང་རྣམ་རིག་དང༌། །གཟུང་དང་འཛིན་པ་རྣམ་སྤངས་པ། །སྟོང་པ་ཉིད་ཀྱི་རང་བཞིན་ནོ། །སྟོང་ཉིད་ཡེ་ནས་གནས་པ་ལ། །ཤེས་པས་མཐོང་བའི་ཡུལ་མིན་ཏེ། །གང་གིས་ཡེ་ཤེས་བསྐྱེད་གྱུར་པ། །དེ་ཡིས་ཡེ་ཤེས་རྣམ་དག་མཐོང༌། །ཞེས་སོ། །དེ་ལྟར་དབང་བཞི་པ་བསྐུར་བས་རྣམ་རྟོག །འཇོམས་བྱེད་ཆོས་ཉིད་བྱང་ཆུབ་སེམས་ཀྱི་ཕུར་པ་སྒོམ་པ་ལ་དབང༌། དྲག་པོའི་ལས་འགྲུབ། ཀུན་གཞི་ལུང་མ་བསྟན་དང་ཤེས་བྱའི་སྒྲིབ་པ་སྦྱངས། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་དང༌། སློབ་མའི་སྒོ་གསུམ་རྡུལ་དང་བྲལ་བའི་དྭངས་མ་གསུམ་ལྡན་གཅིག་ཏུ་འདྲེས། ལྷན་ཅིག་སྐྱེས་པའི་ཡེ་ཤེས་ལ་བརྟེན་ནས་ཡི་གེ་འཁོར་ལོ་ཚོགས་ཆེན་གྱི་ས་ནོན། ངོ་བོ་ཉིད་


JLAZ009_Page_0194
[མ་དཔེ་གཟིགས་ན་འདིར་གནོན།]

སྐུ་འགྲུབ་པའི་སྐལ་བ་རྒྱུད་ལ་བཞག་པ་ཡིན་ནོ། །དམ་ཚིག་བསྒྲག་པ་ནི། ༈ བུམ་པའི་དམ་ཚིག་གང་ཡིན་ལ། །བསྐྱེད་པའི་རིམ་པ་བརྟག་པ་དང༌། །རྨོངས་པ་རྣམས་ལ་མི་བྱ་སྟེ། །སྣོད་ཀྱི་ལོ་ཀ་གཞལ་ཡས་ཁང༌། །བཅུད་ཀྱི་འཇིག་རྟེན་ལྷ་ཡི་མཆོག །དེ་ནི་བུམ་པའི་དམ་ཚིག་ཡིན། །གང་ཞིག་གསང་བ་སྟོན་པ་ལ། །གསང་བའི་དམ་ཚིག་འདི་ཡིན་ཏེ། །བུད་མེད་ཤེས་རབ་རང་བཞིན་ཏེ། །ཙཎྜ་ལི་ལ་རྟག་ཏུ་བསྒོམ། །ཟས་ལྔ་རྟག་ཏུ་བཟའ་བར་བྱ། །སྤྱད་པར་བྱ་བའི་མཆོག་ཡིན་ནོ། །ཡེ་ཤེས་ཆེན་པོའི་དམ་ཚིག་ནི། །མོ་རྣམས་ཀུན་ལ་སྤྱད་པ་དང༌། །དགའ་བ་རྟག་ཏུ་བརྟེན་པར་བྱ། །སེམས་ཀྱང་དྷཱུ་ཏིར་བལྟ་བར་བྱ། །ཡེ་ཤེས་སྙིང་པོའི་དམ་ཚིག་གོ །ཞེས་པའི་ལན་དུ་གཙོ་བོས་ཇི་ལྟར་བཀའ་སྩལ་པ། །སོགས་བརྗོད། སྐུ་དྲིན་གཏང་རག་གི་ཡོན་དུ་མཎྜལ་དབུལ། དགེ་བ་བསྔོ་བ་སྤྱི་ལྟར་བྱའོ། །དེ་ཉིད་རིག་པའི་རྡོ་རྗེ་སློབ་དཔོན་གྱིས། །སྦྱོར་བ་འདིས་ཀྱང་ཆོ་ག་མ་འཁྲུག་པར། །སྨིན་པར་ནུས་པའི་རྟེན་འབྲེལ་བསྒྲིག་ནུས་པ། །དབང་པོ་རྣོན་པོའི་སྣོད་ཀྱི་ཁྱད་པར་ཡིན། །ཞེས་པའང་རྫོགས་ཆེན་པ་རང་བྱུང་རྡོ་རྗེས་སོ། །

ཕུར་པ་རྒྱུད་ལུགས་ལས་བརྒྱུད་པའི་གསོལ་འདེབས་བྱིན་རླབས་ཤིང་རྟ།


JLAZ009_Page_0195
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས་བརྒྱུད་པའི་གསོལ་འདེབས་བྱིན་རླབས་ཤིང་རྟ་བཞུགས། །བྱང་ཆུབ་རྡོ་རྗེ་རིགས་ལྔ་ལྕམ་དྲལ་དང༌། །བདེ་བའི་འཁོར་ལོ་རིག་འཛིན་རྡོ་རྗེ་ཆོས། །པྲ་བྷ་ཧསྟི་སངས་རྒྱས་པདྨ་སྐྱེས། །བསྟན་པའི་ཆུ་འགོ་དགོངས་བརྡའ་སྙན་བརྒྱུད་ལ། །གསོལ་བ་འདེབས་སོ་བྱིན་རླབས་ཆར་ཆེན་ཕོབས། །བི་མ་ལ་དང་བལ་པོ་མཉྫུ་ཤྲཱི། །རྡོ་རྗེ་སེམས་མ་འགར་སྟོན་ཤེས་རབ་འབྱུང༌། །ཆོས་ཀྱི་རྒྱལ་པོ་ཚངས་པའི་མེ་ཏོག་སོགས། །རྒྱལ་ལུགས་བརྒྱུད་པའི་བླ་མ་ཐམས་ཅད་ལ། །གསོལ་བ་འདེབས་སོ་བྱིན་རླབས་ཆར་ཆེན་ཕོབས། །ཇོ་མོ་མཁར་ཆེན་བཟའ་དང་ཅོག་རོ་བཟའ། །དཔལ་གྱི་དབང་ཕྱུག་ངམ་འབྲེ་ཨ་ཙར་ས། །སྨད་ལས་རྩལ་ཐོན་ལག་ལྷག་བྱང་ཆུབ་སོགས། །ཇོ་ལྕམ་བརྒྱུད་པའི་བླ་མ་ཐམས་ཅད་ལ། །གསོལ་བ་འདེབས་སོ་བྱིན་རླབས་ཆར་ཆེན་ཕོབ། །རྡོ་རྗེ་བདུད་འཇོམས་ཨ་ཙར་དཔལ་མེ་ཏོག །རྡོ་རྗེ་གཞོན་ནུ་ཞང་ཞུང་ཡོན་ཏན་གྲགས། །ཡོན་ཏན་རིན་ཆེན་ཀུན་མཁྱེན་རོང་ཟོམ་སོགས། །སྣ་ནམ་བརྒྱུད་པའི་བླ་མ་ཐམས་ཅད་ལ། །གསོལ་བ་འདེབས་སོ་བྱིན་རླབས་ཆར་ཆེན་ཕོབ། །ཕྱི་ཡུལ་སྣང་ཆར་དགྲ་


JLAZ009_Page_0196
[མ་དཔེ་གཟིགས་ན་འདིར་གནོན།]

བགེགས་གཉིས་ལ་ཐེབས། །སེམས་མེད་འབྱུང་བ་ཆུ་ཡང་ཆམ་ལ་ཕབ། །གཉགས་ལོ་མཆོག་དང་ལྷ་དཔལ་འོ་བྲན་སོགས། །ཤམ་སྔོན་བརྒྱུད་པའི་བླ་མ་ཐམས་ཅད་ལ། །གསོལ་བ་འདེབས་སོ་བྱིན་རླབས་ཆར་ཆེན་ཕོབ། །ནང་དུ་རང་རྒྱུད་ཉོན་མོངས་དུག་ལྔར་ཐེབས། །མཚན་མ་རྫས་ཀྱི་ཕུར་པས་མུ་སྟེགས་བཏུལ། །རྣལ་འབྱོར་དབང་ཕྱུག་འདར་ཕྱར་ལ་སོགས་པ། །དཔལ་ཆེན་ཕུར་པའི་གྲུབ་ཐོབ་ཐམས་ཅད་ལ། །གསོལ་བ་འདེབས་སོ་བྱིན་རླབས་ཆར་ཆེན་ཕོབ། །དོན་དམ་བྱང་ཆུབ་སེམས་ཀྱི་ཕུར་པ་ནི། །རྟོགས་པ་ཆོས་སྐུའི་ངང་ནས་དགོངས་བརྒྱུད་དང༌། །རིག་འཛིན་མཁའ་འགྲོའི་བརྡའ་ལས་སྙན་བརྒྱུད་རྫོགས། །པདྨས་ལུང་བསྟན་འཇིགས་མེད་གླིང་པ་ལ། །གསོལ་བ་འདེབས་སོ་བྱིན་རླབས་ཆར་ཆེན་ཕོབ། །བདག་ཉིད་རྩ་བའི་དཀྱིལ་འཁོར་ཡབ་ཡུམ་དང༌། །སྲས་མཆོག་རིགས་ལྔ་ཕུར་པ་རྫས་ཀྱི་ལྷ། །ཕྱོགས་བཅུ་ཁྲོ་བོའི་དཀྱིལ་འཁོར་ཁྲ་ཐབས་དང༌། །དཀྱིལ་འཁོར་མུ་རན་སྐྱོང་བའི་ཕུར་སྲུང་ལ། །གསོལ་བ་འདེབས་སོ་ནད་གདོན་བར་ཆད་སོལ། །དབང་ཕྱུག་བརྒྱད་ལྡན་རྡོ་རྗེ་སློབ་དཔོན་གྱིས། །རིགས་དབང་ལྔ་


JLAZ009_Page_0197
[མ་དཔེ་གཟིགས་ན་འདིར་གནོན།]

དང་ལྷ་དབང་ཞེ་གཉིས་ཀྱི། །རྡུལ་ཚོན་དཀྱིལ་འཁོར་ཆེན་པོར་སྨིན་བྱས་ནས། །སྐྱེ་གནས་བཞི་ཡི་བག་ཆགས་སྦྱོང་ཚུལ་ལས། །གཟུགས་ཕུང་རྩ་དང་བཅས་པའི་སྣང་ཞེན་ཀུན། །ལྷར་སྣང་ཕྱག་རྒྱ་ཆེན་པོར་སྨིན་པར་ཤོག །བླ་མ་ཡབ་ཡུམ་རྡོ་རྗེ་ཕུང་པོའི་གྲོང༌། །ཞུ་བདེའི་འགྲོས་ཀྱིས་དྲངས་བའི་བྱང་ཆུབ་སེམས། །དུས་སྦྱོར་བཅུ་གཉིས་རླུང་གི་གཤེད་གྱུར་ནས། །སྒྲ་གྲགས་ཤེས་རབ་དབྱངས་ཀྱི་རོལ་མོ་འཁྲོལ། །རླུང་ཁམས་ཡི་གེའི་གདངས་སུ་གྲོལ་བར་ཤོག །བདེ་བའི་བདག་ཉིད་རི་དྭགས་མིག་ཅན་མ། །པདྨ་བྷཉྫ་མོཀྵ་ལ་སྦྱར་བས། །དགའ་བ་རྣམ་བཞིས་དྲངས་པའི་དཔེའི་ཡེ་ཤེས། །སྣང་མཆེད་ཐོབ་པའི་ཕ་མཐར་མཐོང་བར་ཤོག །རྣམ་ཐར་གསུམ་གྱི་དཀྱིལ་འཁོར་ལ་བརྟེན་ནས། །དོན་གྱི་ཡེ་ཤེས་ཕྱག་རྒྱ་ཆེན་པོའི་དབྱིངས། །རྣམ་པར་མི་རྟོག་མཐོང་ལམ་དང་འགྲོགས་ནས། །ས་བཅུའི་རྒྱུན་མཐའ་རྡོ་རྗེ་ཕུར་པའི་ཞལ། །ད་ལྟ་ཉིད་དུ་མཐོང་བར་བྱིན་གྱིས་རློབས། །སྟོད་ལས་ལ་བརྟེན་རིག་འཛིན་རྣམ་པ་བཞིའི། །གོ་འཕང་མངོན་གྱུར་རྟོགས་པས་བདག་རྒྱུད་བསྒྲལ། །སྨད་ལས་ལ་བརྟེན་ཐུགས་རྗེས་གཞན་


JLAZ009_Page_0198
[མ་དཔེ་གཟིགས་ན་འདིར་གནོན།]

སྒྲོལ་བའི། །ཕྲིན་ལས་རྣམ་བཞི་ལྷུན་གྱིས་གྲུབ་པར་ཤོག །ཅེས་པའང་བླ་བྲང་དཔལ་སྡིངས་པ་དང༌། ཡང་ཞབས་པས་བསྐུལ་བའི་ངོར། བཀའ་ཡི་བསྡུ་བ་པོས་སོ།། །།

ཕུར་པ་རྒྱུད་ལུགས་ལས་བཀའ་མའི་ཡན་ལག་བརྒྱད་འགྲེལ་རྒྱུད་དོན་གསལ་བ།


JLAZ009_Page_0199
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས་བཀའ་མའི་ཡན་ལག་བརྒྱད་འགྲེལ་རྒྱུད་དོན་གསལ་བ་བཞུགས། །རྒྱལ་བ་ཀུན་གྱི་གསང་བའི་མཛོད། །རྡོ་རྗེའི་མཚོན་དོན་ལ་གནས་པ། །མི་བསྐྱོད་ཡང་དག་བདེ་བའི་དངོས། །གསུང་གི་རྡོ་རྗེ་སྙིང་དབུས་བསྟེན། །དེ་ལ་སྔ་འགྱུར་བཀའ་མའི་གཞུང་ལས་ཡན་ལག་བརྒྱད་པ་ཚིག་དོན་དབྱིངས་ཆེ་བ་ཞིག་གསུངས་པ་བཀའ་གཏེར་གྱི་ཆོ་ག་ཀུན་གྱི་སྔོན་འགྲོར་རྒྱུ་བས་དེའི་དོན་འགྲེལ་པ་ལ། དང་པོ་ཕྱག་འཚལ་བའི་ཡན་ལག་ནི། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །ཞེས་པས། དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་མི་འགྱུར་བའི་ཡེ་ཤེས་དམ་པ་གང་ཡིན་པ་དེ་ནི་ཀུན་རྫོབ་ཀྱི་ཆོས་ཐམས་ཅད་ཀྱིས་མི་ཕྱེད་ཅིང༌། མི་ཤིགས་པའི་ཕྱིར། རྒྱུད་ལས། རྡོ་རྗེ་མི་ཕྱེད་ཅེས་བྱར་བརྗོད། །ཅེས་དང༌། རྣམ་འཇོམས་ལས་ཀྱང་མི་ཆོད་པ། མི་ཤིགས་པ། བདེན་པ། སྲ་བ་ཞེས་སོགས་རྡོ་རྗེའི་ཆོས་བདུན་བསྟན་པ་ ཡིན་ནོ། །དེ་ལྟ་བུ་ནི་མཚོན་བྱ་དོན་གྱི་རྡོ་རྗེའི་ངོ་བོ་ཉིད་ཡིན་པས་སྔགས་ཀྱི་གཞུང་ལམ་ཀུན་ལ་རྡོ་རྗེའི་ཐེག་པ་དང༌། རྡོ་རྗེའི་ལས་དང༌། རྡོ་རྗེའི་བརྟུལ་ཞུགས་དང༌། རྡོ་རྗེའི་ཕྱག་རྒྱ་དང༌།


JLAZ009_Page_0200
[མ་དཔེ་གཟིགས་ན་འདིར་གནོན།]

རྡོ་རྗེའི་ཡེ་ཤེས་དང༌། རྡོ་རྗེའི་དམ་ཚིག་ལ་སོགས་པར་གྲགས་པ་ལས། དེ་དག་རྣམས་ཀྱི་དོན་མ་ནོར་བར་རང་གིས་གཟིགས་པའི་ཕྱིར་ཆོས་ཀྱི་མིང་གང་ཟག་ལ་ཆགས་པས་རྡོ་རྗེ་དང༌། གོ་འཕང་དེ་ལ་གཞན་ཡང་བཀྲི་བ་ལ་མཁས་པའི་སློབ་དཔོན་ཏེ། དེ་ལྟ་བུའི་བླ་མ་ནི་སངས་རྒྱས་ཐམས་ཅད་ཀྱི་བདག་ཉིད་ཡིན་ཅིང༌། སློབ་མ་རང་གི་ངོ་གང་ནས་སངས་རྒྱས་ལས་ཀྱང་ལྷག་ཅིང་བཀའ་དྲིན་ཆེ་བས་དཔལ་ཞེས་ཕུན་སུམ་ཚོགས་པའི་མིང་གི་ཆ་ནས་སྨོས་པ་སྟེ། རྒྱུད་ལས། མིང་དབང་བསྐུར་བའི་དུས་ཀྱང༌། དཔལ་དང་རྡོ་རྗེའི་སྒྲ་ལྡན་པར། །ཞེས་པ་ལྟར་རོ། །དེའང་རྡོ་རྗེ་སློབ་དཔོན་ནི་དུས་གསུམ་གྱི་སངས་རྒྱས་ཐམས་ཅད་ཀྱི་ངོ་བོ་ཉིད་ཡིན་པས་ཐུགས་རྗེ་ལ་བྲི་གང་མེད་པའི་ཆ་ནས་དུས་གསུམ་བཞུགས་པའི་སྒྲས་རྟེན་དེ་ལ་ཕྱག་འཚལ་བ་སྟེ། འཇམ་དཔལ་ལས། ཕྱག་བྱར་འོས་པ་བླ་མའི་རབ། །ཅེས་པ་ལྟར་རོ། །ཡན་ལག་གཉིས་པ་སྟེ། མཆོག་གསུམ་བསྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །ཞེས་པས། དཀོན་མཆོག་གསུམ་པོ་ནི་ལམ་གྱི་གནས་སྐབས་ན་དད་པས་བསྟེན་ཞིང་བསྙེན་པར་བྱ་བའི་ཞིང་ས་བླ་ན་མེད་པ་ཡིན་ལ། སྐྱབས་


JLAZ009_Page_0201
[མ་དཔེ་གཟིགས་ན་འདིར་གནོན།]

སུ་འགྲོ་ཚུལ་གྱི་ངོས་ནས་ཚོགས་ཞིང་དེ་དག་གི་སྤང་རྟོགས་ཀྱི་ཡོན་ཏན་རང་རྒྱུད་ལ་སྒྲུབ་པའི་དེ་ཁོ་ན་ཉིད་རིག་པའི་སྟོབས་ཀྱིས་སྐྱབས་སུ་འགྲོ་བས་ན་གཉིས་མེད་ཀྱི་སྒྲ་ཞུགས་པའོ། །འདི་ལ་སྟོན་པའི་ཞིང་ཞེས་འདྲི་བ་ནི་ནོར་བ་ཆེན་པོ་སྟེ། ཅིའི་ཕྱིར་ཟེར་ན། སངས་རྒྱས་ལ་སྟོན་པར་རུང་ཡང་ཆོས་དང་དགེ་འདུན་སྟོན་པ་མ་ཡིན་པའི་ ཕྱིར་རོ། །དེ་སྐད་དུ། སྟོན་པ་བླ་མེད་སངས་རྒྱས་རིན་པོ་ཆེ། །སྐྱོབ་པ་བླ་མེད་དམ་ཆོས་རིན་པོ་ཆེ། །འདྲེན་པ་བླ་མེད་དགེ་འདུན་རིན་པོ་ཆེ། །ཞེས་པ་འདི་ཙམ་གྱིས་ཀྱང་དཀོན་མཆོག་གསུམ་པོའི་བྱེད་ལས་ངོ་ཤེས་པར་བྱའོ། །ཡན་ལག་གསུམ་པ་ནི། དངོས་འབྱོར་ཡིད་ཀྱིས་རྣམ་སྤྲུལ་པའི། །དག་པའི་མཆོད་པ་བཞེས་སུ་གསོལ། །ཞེས་པས། དངོས་འབྱོར་ནི་བླ་ན་ཡོད་པ་དང༌། ཡིད་སྤྲུལ་ནི་བླ་ན་མེད་པ་གཉིས་ལས། སྔ་མ་དངོས་རྒྱུ་དག་པ་དང༌། ཕྱི་མ་བྱང་ཆུབ་སེམས་དཔའ་ཀུན་ཏུ་བཟང་པོའི་མཆོད་སྤྲིན་དང་མཚུངས་པ་ཏིང་ངེ་འཛིན་རྣམ་པར་དག་པའི་སྟོབས་ཀྱིས་འབུལ་བས་དག་པའི་མཆོད་པ་ཞེས་བྱའོ། །ཡན་ལག་བཞི་པ་ནི། དངོས་གྲུབ་ཆུ་བོ་གཅོད་པའི་གེགས། །ཉེས་བྱས་མ་ལུས་བཤགས་པར་


JLAZ009_Page_0202
[མ་དཔེ་གཟིགས་ན་འདིར་གནོན།]

བགྱི། །ཞེས་རྡོ་རྗེ་ཐེག་པའི་ལམ་ནས་ཇི་ལྟར་འཐོབ་ཏུ་རུང་བའི་དངོས་གྲུབ་རྣམ་པ་གཉིས་པོ་གཟུགས་ཅན་གྱི་རྒྱན་དུ་བཀོད་ནས། དེ་ལྟ་བུའི་དངོས་གྲུབ་ཀྱི་ཆུ་བོ་གཅོད་པའི་བགེགས་ཆེན་པོར་གྱུར་པ་ནི་ལུས་ངག་ཡིད་གསུམ་གྱི་སྒོ་ནས་ཉེས་པར་བྱས་པའི་དམ་སྡོམ་ཉམས་ཆག་ཡིན་ཏེ། ཕུར་པ་མྱང་འདས་ལས། དེ་ལྟར་དམ་ལ་མི་གནས་ན། །ས་བོན་མེ་ཡིས་ཚིག་པ་ཡིན། །ཏཱ་ལའི་ཤིང་ནི་མགོ་བཅད་བཞིན། །འབྲས་བུ་མེད་ཅིང་བརླག་པར་འགྱུར། །ཞེས་པ་ལྟར་དམ་ཚིག་ཉམས་ན་བསྐྱེད་རྫོགས་ཀྱི་ལམ་ལ་ཅི་ཙམ་འབད་ཀྱང་ཏཱ་ལའི་ཤིང་གི་མགོ་བཅད་པ་ལྟར་ཇི་ལྟར་འབད་ཀྱང་མི་སྐྱེ་བ་དང་མཚུངས་པས་སྟོབས་བཞིའི་གནད་ལ་བརྟེན་ནས་བཤགས་པའོ། །ཡན་ལག་ལྔ་པ་ནི། ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང༌། །འདི་ལྟར་ཤར་ལ་སོགས་པའི་ཕྱོགས་བཅུ་ནི་དམིགས་པ་དང་བཅས་ཤིང་ཕན་ཚུན་དང་ཡན་མན་གཅིག་ལ་གཅིག་ལྟོས་ཀྱིས་རྗེས་དཔགས་ལ་བརྟེན་ནས་བློས་བཏགས་པའི་ཕྱིར་ན། སོ་སོར་རྟོག་པའི་ཤེས་རབ་ཟབ་མོའི་ཕྱོགས་རང་བཞིན་མེད་པའི་དེ་ཁོ་ན་ཉིད་ཁོང་དུ་ཆུད་པ་དང༌། དེ་བཞིན་དུ་བདག་


JLAZ009_Page_0203
[མ་དཔེ་གཟིགས་ན་འདིར་གནོན།]

དང༌། གཞན་དང༌། གཉིས་ཀར་དམིགས་པའི་འཁོར་གསུམ་ཡོངས་སུ་དག་པ་ནི་བདེན་གཉིས་དབྱེར་མེད་དུ་རྟོགས་པའི་ཆོས་བླ་ན་མེད་པ་སྟེ། དེའི་ངང་ལ་མ་ཆགས་པར་སྤྱོད། མ་ཞེན་པར་གོམས་སུ་འཇུག་པ་ནི་དོན་དམ་པའི་རྗེས་སུ་ཡི་རང་བའོ། །ཡན་ལག་དྲུག་པ་ནི། དག་པའི་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་ བསྐྱེད་དོ། །ཞེས་པ་འདི་ལ་འགྲེལ་ཚུལ་གཉིས་བྱས་ཀྱང་རུང་སྟེ། ཀུན་རྫོབ་སེམས་བསྐྱེད་དང་བསྟུན་ན། ཚངས་པའི་གནས་པ་བཞི་དག་པ་བྱང་ཆུབ་སེམས་དཔའ་སྤྱན་རས་གཟིགས་ཀྱི་ཐུགས་རྒྱུད་ལ་ཡོད་པའི་ཚད་མེད་བཞི་ལྟ་བུའི་སྒོ་ནས་རྫོགས་པའི་བྱང་ཆུབ་ཏུ་སེམས་བསྐྱེད་པ་དང༌། དོན་དམ་སེམས་བསྐྱེད་ཀྱི་དབང་དུ་བྱས་ན། ཡོད་མེད་རྟག་ཆད་ཀྱི་མཐའ་བཞི་རྣམ་པར་དག་པ་ནི་ངེས་དོན་དབུ་མ་ཆེན་པོ་དྲི་མ་མེད་པའི་གནས་ལུགས་ཏེ། དེའི་ངང་དུ་ལམ་བདེན་འདུས་བྱས་པ་ཐམས་ཅད་རྫོགས་པའི་བྱང་ཆུབ་ཆེན་པོར་དམིགས་པ་མེད་པའི་སེམས་བསྐྱེད་པའོ། །ཡན་ལག་བདུན་པ་སྟེ། བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་


JLAZ009_Page_0204
[མ་དཔེ་གཟིགས་ན་འདིར་གནོན།]

ལུས་དབུལ་ལོ། །དེ་ལ་ལུས་དབུལ་བ་འདི་ནི་ཐེག་པ་ཆེན་པོའི་སྡེ་སྣོད་གཉིས་ལས་གསུངས་པའི་ཡོན་ཏན་གྱི་མཆོག་དང༌། རབ་དང༌། གྱ་ནོམ་པ་སྟེ་འབྱུང་བ་ལྔའི་རྡོས་པས་བཅིངས་པའི་བདག་འཛིན་གྱི་ཕུང་པོ་འདི་ཕུལ་བས་བདག་མེད་རྒྱལ་བའི་ཞིང་དུ་སྦྱར་བའི་དགོས་པ་དང༌། ཉིང་དགོས་ནི། རྐང་པ་དང་པོའི་དོན་གྱི་བདེ་གཤེགས་ནི་འདས་པའི་སངས་རྒྱས། དབང་ཕྱུག་ནི་ད་ལྟ་བའི་སངས་རྒྱས་བླ་མ། སེམས་ཅན་ནི་མ་འོངས་པའི་སངས་རྒྱས་བདེར་གཤེགས་སྙིང་པོའི་རང་བཞིན་ཅན་གསུམ་གྱི་ཚོགས་ཞིང་ངོས་བཟུང་ནས་རྐང་པ་གཉིས་པའི་དོན། འདས་པའི་སངས་རྒྱས་ལ་ཕུལ་བས་དེ་དག་གི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོའི་ཡོན་ཏན་མངོན་དུ་འགྱུར་བའི་དགོས་པ་དང༌། ད་ལྟ་བ་ལ་ཕུལ་བས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དམ་པའི་སྣོད་དུ་རུང་ཞིང་དབང་དང་བྱིན་རླབས་ལ་བརྟེན་ནས་འབྲས་བུ་ཐོབ་པའི་དགོས་པ་དང༌། མ་འོངས་པ་ལ་ཕུལ་བས་ཐེག་པ་ཆེན་པོའི་འབྲས་བུ་ཐོབ་པའི་དོན་པོ་གཞན་དོན་མཐར་ཕྱིན་པའི་རྟེན་འབྲེལ་འགྲིག་པ་སྟེ་དགོས་པ་གསུམ་དང་ལྡན་པའི་


JLAZ009_Page_0205
[མ་དཔེ་གཟིགས་ན་འདིར་གནོན།]

ཕྱིར་ན་རྡོ་རྗེ་ལས་རིམ་ལས། ཕྱོགས་བཅུ་སྲས་དང་བཅས་པ་དང༌། །དབང་ཕྱུག་སངས་རྒྱས་ད་ལྟ་བདག །མ་འོངས་རང་བཞིན་སེམས་ཅན་ལ། །དགོས་པ་གསུམ་ཕྱིར་ལུས་ དབུལ་བྱ། །མཆོག་གི་ཡོན་ཕྱིར་སྣོད་དུ་འགྱུར། །ཞེས་སོ། །སྔ་རབས་པ་ཕལ་མོ་ཆེས་གོ་བ་ནི་བླངས། དོན་ནི་མ་ཁྲོལ་བས། བདེ་གཤེགས་དབང་ཕྱུག་སེམས་ཅན་ལ། །དག་པ་གསུམ་གྱི་ལུས་འབུལ་ལོ། །བདག་དང་མཐའ་ཡས་སེམས་ཅན་རྣམས། །དུས་གསུམ་བཞུགས་ལ་ལུས་འབུལ་ལོ། །ཞེས་རྒྱུད་ཚིག་འཆོལ་བ་གྲགས་པ་ཤིན་ཏུ་བརྟན་ནའང༌། རྒྱུ་མཚན་མེད་པའི་རྟོག་དཔྱོད་ཙམ་མོ། །ཡན་ལག་བརྒྱད་པ་ནི། ཚེ་རབས་བགྲངས་པའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། །དེ་ལ་འཁོར་བ་སྤྱི་ཚན་གྱི་ཐོག་མ། འདི་ཙམ་ནས་སོ་ཞེས་བརྗོད་པར་མི་ནུས་ཀྱང༌། རང་ངོ་ལ་ལྟོས་ན་རྒྱུ་བདག་ཉིད་གཅིག་པའི་མ་རིག་པ་ཡེ་ལྡན་གྱི་ཚུལ། རྐྱེན་ལྷན་ཅིག་སྐྱེས་པའི་མ་རིག་པ་དུས་མཉམ་གྱི་ཚུལ། ཡུལ་ལ་ཀུན་ཏུ་བཏགས་པའི་མ་རིག་པ་ཕྱིས་བྱུང་གི་ཚུལ་གསུམ་ལས་ཚེ་རབས་ཀྱི་ཐོག་མ་བཀོད་པ་ནས་བཟུང་སྟེ། ད་ལྟར་གྱི་བར་དུ་བགྲངས་


JLAZ009_Page_0206
[མ་དཔེ་གཟིགས་ན་འདིར་གནོན།]

པའི་བསམ་པ་ཡིད་ཀྱི་ལས་དང༌། སེམས་པ་ལུས་ངག་གི་ལས་ལ་བརྟེན་ནས་དཀར་པོ་རྣམ་པར་འཕེལ་བའི་ལས་ཇི་སྙེད་ཅིག་ཡོད་པ་ཐམས་ཅད་འདིར་ཐབས་ལ་མཁས་པའི་ཤེས་རབ་ཀྱིས་བསྡུས་ཏེ་སེམས་ཅན་ཐམས་ཅད་རྫོགས་པའི་བྱང་ཆུབ་ཐོབ་པའི་རྒྱུར་བསྔོའོ། །ཞེས་པའི་དོན་ནོ། །ཞེས་པའང་མདོ་ཁམས་པ་ལས་ཅན་གྱི་སློབ་བུ་འཇིགས་མེད་ཕྲིན་ལས་འོད་ཟེར་གྱིས་བསྐུལ་བ་ལས། རྫོགས་ཆེན་པ་འཇིགས་མེད་གླིང་པས་དཔལ་ལྡན་པདྨ་འོད་གླིང་དུ་ཡུད་ཙམ་ལ་བཀོད་པའོ།། །།

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ཀྱི་སྒྲུབ་ཐབས་རྡོ་རྗེ་ཁྲོས་པའི་བཅུད་དཔག་བསམ་ལྗོན་པ།


JLAZ009_Page_0207
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ཀྱི་སྒྲུབ་རྡོ་རྗེ་ཁྲོས་པའི་བཅུད་དཔག་བསམ་ལྗོན་པ་ཞེས་བྱ་བ་བཞུགས། །


JLAZ009_Page_0208
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་དཔལ་ཆེན་རྡོ་རྗེ་ཕུར་པའི་སྒྲུབ་ཐབས་རྡོ་རྗེ་ཁྲོས་པའི་བཅུད་དུམ་དཔག་བསམ་ལྗོན་པ་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱི་ཕྲིན་ལས་ཀྱི་བདག་ཉིད་ལ་ཕྱག་འཚལ་ལོ། །རྒྱལ་ཀུན་བདེ་གཤེགས་སྙིང་པོའི་རང་བཞིན་ནི། །སྟོང་ཉིད་སྙིང་རྗེའི་ཉམས་སུ་རོལ་པའི་གར། །སྐུ་གསུམ་ཡན་ལག་བདུན་ལྡན་ཕུར་བུའི་དངོས། །དཀྱིལ་འཁོར་གསུམ་གྱི་ཕྱག་རྒྱས་མཚོན་ལ་འདུད། །གང་ཞིག་ཕུར་པ་སྒྲུབ་པའི་རིག་འཛིན་རྣམས། །ཐབས་ལས་མཁས་མཆོག་རིག་འཛིན་སྡེ་སྣོད་ཆེའི། །ཟབ་དོན་བསྐྱེད་རྫོགས་རྒྱུད་ལུང་ཡོངས་འདུ་བའི། །ཕྲིན་ལས་དཔག་


JLAZ009_Page_0209
[མ་དཔེ་གཟིགས་ན་འདིར་གནོན།]

བསམ་ལྗོན་པ་འདིར་བསྙེན་ཅིག །དེ་ལ་རྡོ་རྗེ་ཐེག་པའི་ལམ་གྱི་འཇུག་སྒོ་མ་ནོར་བའི་དཀྱིལ་འཁོར་དུ་རྡོ་རྗེ་སློབ་དཔོན་མཚན་ཉིད་དང་ལྡན་པ་ལས་དབང་ཐོབ་ནས་དངོས་གྲུབ་ཀྱི་བརྟེན་གཞི་སྡོམ་པ་དང་དམ་ཚིག་ལ་གནས་པ། རིམ་པ་དང་པོ་ལྷའི་རྣལ་འབྱོར་ལ་སོགས་ཏེ་དབང་བཞིའི་ལམ་གྱིས་དག་བྱ་དག་འབྲས་ལས་སྔགས་ལམ་གྱི་རྒྱུ་འབྲས་ཟབ་མོ་བསྐྱེད་རྫོགས་ཟུང་འཇུག་གི་གོ་དོན་རྙེད་ཅིང་དད་བརྩོན་དང་བྱང་ཆུབ་སེམས་གཉིས་ལྡན་པའི་སྒྲུབ་པ་པོས་ཉམས་སུ་བླང་བ་ཡིན་ཏེ། རྡོ་རྗེ་ཁྲོས་པའི་རྩ་རྒྱུད་ལས། བདེ་བར་གཤེགས་པ་ཀུན་གྱི་གཙོ། །ཡབ་ཡུམ་སྲས་བཅས་སྣང་བ་ཡང༌། །བྱང་ཆུབ་སེམས་ཀྱི་ངོ་བོར་གཅིག །ཅེས་དང༌། མཉན་བསམ་བསྒོམ་པའི་ཤེས་རབ་ཀྱིས། །བློ་ཡི་རྟོག་པ་ཁ་ཕྱེ་ནས། །ངེས་པའི་དོན་འདི་རྟོགས་པར་གྱིས། །


JLAZ009_Page_0210
[མ་དཔེ་གཟིགས་ན་འདིར་གནོན།]

ངེས་པའི་དོན་འདི་མ་རྟོགས་ན། །བསྒོམ་དང་བསྒྲུབ་པ་ཡུན་རིང་ཀྱང༌། །མི་ཤེས་གཟུང་འཛིན་འཆིང་བའི་རྒྱུ། །ཞེས་སོ། །དེ་ལ་སྦྱོར་དངོས་རྗེས་གསུམ་ལས། དང་པོ་ལ་གཉིས་ལས། དང་པོ་གནས་ཀྱི་མཚན་ཉིད་དང༌། དཀྱིལ་འཁོར་འདུ་བྱའི་ལས་རིམ། ཕུར་པ་རྫས་ཀྱི་དཀྱིལ་འཁོར། རྒྱན་དང་མཆོད་རྫས་དཀྲམ་པ་ལ་སོགས་སྒྲུབ་ཁོག་ཏུ་ཤེས་པར་བྱའོ། །གཉིས་པ་རྣམ་གྲངས་བཅུ་ལས། དང་པོ་ནི། ཐེག་པ་ཆེན་པོའི་གང་ཟག་ཏུ་བློ་མ་བཅོས་ན་གསང་སྔགས་ཀྱི་གཟུགས་བརྙན་དུ་འཁྱམས་པས་ཚད་མེད་བཞི་བསྒོམ་པར་བྱ་སྟེ། རྡོ་རྗེ་འབར་བ་ལས། གང་རྣམས་སྡུག་བསྔལ་ཉེན་པ་ལས། །བྲལ་བར་འདོད་པ་སྙིང་རྗེ་ཡིན། །བྱམས་པ་ཕན་པ་བསྒྲུབ་པ་སྟེ། །ཀུན་ལ་སྐྱོབས་ཤིང་ཕན་པར་དགའ། །རབ་ཏུ་དགའ་བ་དགའ་བ་སྟེ། །དམ་པའི་དོན་ལ་བདུན་པའོ། །ཆགས་སྡང་གཉིས་དང་བྲལ་བ་ནི། །བར་མའི་སེམས་དང་ལྡན་པ་སྟེ། །དོན་དམ་པ་ཡི་བཏང་སྙོམས་བསྒོམ། །ལན་གསུམ། གཉིས་པ་སྐྱབས་སེམས་དང་འབྲེལ་བའི་བདུན་རྣམ་དག་ནི། བཛྲ་ས་མཱ་ཛཿས་ཕྱོགས་བཅུ་དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་རྡོ་རྗེ་གཞོན་ནུའི་དཀྱིལ་འཁོར་གྱི་རོལ་པ་ཉག་གཅིག་ཏུ་སད་པར་བྱས་པ་ལ་གཞན་དོན་དུ་སངས་རྒྱས་བསྒྲུབ་པར་དམིགས་པའི་དད་གདུང་དྲག་པོས། རྡོ་རྗེ་སློབ་དཔོན་སངས་རྒྱས་དཔལ། །


JLAZ009_Page_0211
[མ་དཔེ་གཟིགས་ན་འདིར་གནོན།]

དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བསྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་སྤྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་གེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང༌། །དག་པའི་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་ལུས་འབུལ་ལོ། །ཚེ་རབས་བགྲངས་པའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། །ལན་གསུམ་གྱི་མཐར། ཛཿཧཱུྃ་བཾ་ཧོཿས་རང་ལ་བསྟིམ་པས་རྒྱལ་ཐབས་སྤྱི་བླུགས་ཀྱི་དབང་ཐོབ་པར་བསམ་མོ། །གསུམ་པ་ཕྱི་རོལ་པ་བསྐྲད་པ་ནི། གཏོར་མ་འབྲུ་གསུམ་དང་ཨ་ཀཱ་རོས་བརླབས་པ་བྱིན་ནས། རྩ་རྒྱུད་ལས། ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་


JLAZ009_Page_0212
[མ་དཔེ་གཟིགས་ན་འདིར་གནོན།]

ཁོས། །ལུས་ཀྱང་དུམ་བུ་སྟོང་དུ་གཏུབས། །སྙིང་ཡང་ཚལ་པ་བདུན་དུ་གཏུབས། །ཞེས་གནད་ལ་བོར་ནས། ཧཱུྃ་བཞིའི་སྔགས་དང༌། གུ་གུལ་གྱིས་བསྐྲད། བཞི་པ་མཚམས་བཅད་པ་ལ་བཞི་ལས། དང་པོ་བསྐྱེད་རིམ་ལ་ཁྲོ་བོ་འཆོལ་བའི་མཚམས་ནི། རྡོ་རྗེ་ཁྲོས་པ་ལས། ཧཱུྃ། བསྒྲུབ་པའི་ཡེ་ཤེས་ཚོན་གང་པོ། །གསང་བའི་སྔགས་ཀྱིས་བསྐྱེད་ནས་ཀྱང༌། །སྐུ་དང་ལྡན་པར་རབ་བསྐྱེད་ཅིང༌། །ཁམས་གསུམ་ཁྲོ་བོས་གང་བར་མཛོད། །ཐུགས་ལས་འབར་བའི་སྲོག་ཀྱང་ཞུགས། །དབུ་ལ་རྫོགས་པའི་རིགས་ལྔས་བསྲུངས། །ཉི་ཟླ་རི་རབ་ཕུར་པས་བརྒྱན། །ཁྲོ་བོ་མང་པོས་གཟིར་ཞིང་མནན། །ཨོཾ་ཤྲཱི་བཛྲ་ཀུ་མཱ་ར་སརྦ་དུཥྟཾ་ཏ་ཀ་ཧ་ན་ད་ཧ་པ་ཙ་ཧཱུྃ་ཧཱུྃ་ཧཱུྃ་ཕཊ། ཅེས་བསྐུལ་བས་ཁྲོ་བོའི་ཚོགས་ཀྱིས་བགེགས་དང་ལོག་པར་འདྲེན་པ་ཐམས་ཅད་བསྡིགས་ཤིང་བརླགས་པར་བསམ་ལ། ཁྲོ་བཅུ་སོ་སོའི་སྟངས་སྟབས་དང་ཕྱག་རྒྱ་བསྟུན་ནས། རྩེ་མོ་ལས། ཧཱུྃ་ཧཱུྃ་ཧཱུྃ། མཁའ་དབུས་ལག་མཐིལ་སྦྱར་ཏེ་བསྒྲེང༌། །རྐང་པ་བརྐྱང་བསྐུམ་དོར་ཐབས་འདོར། །རྡོ་རྗེའི་སྟངས་སྟབས་གར་ཉིད་ཀྱི། །གོམ་པ་ལེགས་པར་འཇོག་བྱེད་པ། །རྡོ་རྗེ་ཧཱུྃ་གི་ཕྱག་རྒྱ་ཡིན། །ཨཱོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃ། བར་ཆད་འབྱུང་པོ་གརྫ་གརྫ་ཧཱུྃ་ཕཊ། ཤེས་རབ་ཀྱི་ནི་རྐང་པ་ཡིས། །ཐབས་ལ་རྣམ་


JLAZ009_Page_0213
[མ་དཔེ་གཟིགས་ན་འདིར་གནོན།]

པར་འཁྱུད་པས་ནི། །ལག་གིས་རྡོ་རྗེའི་གར་བྱེད་ཅིང༌། །རྡོ་རྗེ་ཐལ་མོ་བརྡབ་པ་ནི། །རྣམ་པར་རྒྱལ་བའི་ཕྱག་རྒྱ་ཡིན། །ཨཱོཾ་བཛྲ་ཀྲོ་དྷ་བི་ཛ་ཡ་ཧཱུཾ། བར་ཆད་འབྱུང་པོ་ཧ་ན་ཧ་ན་ཧཱུྃ་ཕཊ། ལས་རྣམས་ཀུན་ལ་གསོད་པར་བརྩོན། །ཐབས་ཀྱི་སྦོམ་པོ་ཐ་མའི་ཆ། །དེ་ཡི་དབུས་གནས་སྲིད་དུ་བརྐྱང༌། །རྡོ་རྗེ་དབྱུག་པའི་ཕྱག་རྒྱ་ཡིན། །ཨཱོཾ་བཛྲ་ཀྲོ་དྷ་ནི་ལ་དཎྜ་ཧཱུྃ། བར་ཆད་འབྱུང་པོ་ད་ཧ་ད་ཧ་ཧཱུྃ་ཕཊ། གཡས་པ་ནས་ནི་ཕན་ཚུན་ཏེ། །སོར་མོ་བསྡུས་པས་དབུས་གནས་པ། །ཀུན་ཏུ་བསྡུས་པ་བརྡེག་པའི་སྟབས། །གཞན་ནི་ཡུམ་གྱི་ངོས་བཞག་སྟེ། །དབུ་མའི་ཚད་དུ་འགྱིངས་པ་སྟེ། །དཔའ་བོ་རྔམས་པའི་ཕྱག་རྒྱ་ཡིན། །ཨཱོཾ་བཛྲ་ཀྲོ་དྷ་ཡ་མཱནྟ་ཀ་ཧཱུྃ། བར་ཆད་འབྱུང་པོ་པ་ཙ་པ་ཙ་ཧཱུྃ་ཕཊ། ཤེས་རབ་ཀྱིས་ནི་བསྒྲུབ་བྱ་འཛིན། །ཐབས་ཀྱིས་ཅོད་པན་གདེངས་པར་བྱེད། །རྣམ་པར་བརྟག་པ་ཆེན་པོ་ནི། །མི་གཡོ་རྒྱལ་པོའི་ཕྱག་རྒྱ་ཡིན། ། ཨཱོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུྃ། བར་ཆད་འབྱུང་པོ་བྷནྡྷ་བྷནྡྷ་ཧཱུྃ་ཕཊ། ཐལ་མོ་མཉམ་པར་སྦྱར་ ནས་ནི། །གུང་མོས་འདུ་བྱེད་བསྒྲུབ་པར་བྱ། །མཐེ་བོང་དཔྲལ་བའི་སྟེང་དུ་བཞག །རྟ་


JLAZ009_Page_0214
[མ་དཔེ་གཟིགས་ན་འདིར་གནོན།]

ཡི་རྒྱལ་པོ་གདེངས་པའི་རྒྱ། །ཨཱོཾ་བཛྲ་ཀྲོ་དྷ་ཧྱ་གྲི་ཝ་ཧཱུྃ། བར་ཆད་འབྱུང་པོ་ཧུ་ལུ་ཧུ་ལུ་ཧཱུྃ་ཕཊ། ལིངྒ་རྟིང་པས་མནན་ནས་ཀྱང༌། །ལྷ་ཆེན་རང་བཞིན་འདུས་པར་བྱ། །ཐལ་མོ་མཉམ་གནས་དབུས་སུ་ཡང༌། །གསང་བའི་དབང་པོ་ལྟ་ནའོ། །འདོད་པའི་རྒྱལ་པོའི་ཕྱག་རྒྱ་ཡིན། །ཨཱོཾ་བཛྲ་ཀྲོ་དྷ་ཨ་པ་ར་ཙི་ཏ་ཧཱུྃ། བར་ཆད་འབྱུང་པོ་ཏིཥྛ་ཏིཥྛ་ཧཱུྃ་ཕཊ། ལག་གཉིས་རྡོ་རྗེ་དབུས་བསྟན་ཏེ། །རྐང་གཉིས་གཤིབས་ཏེ་དྲག་ཏུ་མཆོང༌། །འཇིགས་པའི་རང་བཞིན་རྣམ་བརྟགས་པ། །བདུད་རྩི་འཁྱིལ་བའི་ཕྱག་རྒྱ་ཡིན། །ཨཱོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུྃ། བར་ཆད་འབྱུང་པོ་ཙྪིནྡྷ་ཙྪིནྡྷ་ཧཱུྃ་ཕཊ། ནམ་མཁའ་རྡོ་རྗེ་དབུས་གནས་སུ། །འབར་བ་ཉི་དཀྱིལ་སྟེང་ན་འགྱིང༌། །རྡོ་རྗེ་འཇིགས་པའི་རྒྱན་གྱིས་བཞག །དཔའ་བོ་ཐེ་ཚོམ་མེད་པའི་རྒྱ། །ཨཱོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུྃ། བར་ཆད་འབྱུང་པོ་བྷིནྡྷ་བྷིནྡྷ་ཧཱུྃ་ཕཊ། ཐུར་དུ་རྐང་མཐིལ་མཉམ་གནས་ཤིང༌། །ལག་པ་སོ་སོར་གར་ལ་བརྩོན། །སྟོབས་ཆེན་མཆོང་བའི་ང་ རྒྱལ་ནི། །རྡོ་རྗེ་སྟོབས་ཀྱི་ཕྱག་རྒྱ་ཡིན། །ཨཱོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ། བར་ཆད་འབྱུང་པོ་སྥོ་ཊ་སྥོ་ཊ་ཧཱུྃ་ཕཊ། དེ་


JLAZ009_Page_0215
[མ་དཔེ་གཟིགས་ན་འདིར་གནོན།]

ནས་ཁྲོ་བོའི་ཚོགས་སླར་འདུས་ནས་ཁྲོ་བོ་འཆོལ་བའི་རང་བཞིན་གྱིས་རྡོ་རྗེའི་གུར་ཁང་ཆེན་པོར་གྱུར། གཉིས་པ་འབྱུང་བ་གསུམ་འཆོལ་བའི་མཚམས་ནི། ཧཱུྃ། ཁམས་གསུམ་གདུག་པ་བསྒྲལ་བའི་ཕྱིར། །ཚམ་རྔམས་གཟུགས་ནི་གློག་ལྟར་འབར། །མེ་རླུང་ཆུ་ཡིས་བསྲེགས་གཏོར་བཀྲུས། །ཉེས་བྱེད་གསུམ་ཡང་སྲིད་པར་གྲོལ། །བཛྲ་ཛྭ་ལ་རཾ་རཾ་ཡཾ་ཁཾ། ཞེས་བརྗོད་པས་བསྐལ་པའི་མེ་དཔུང༌། དུས་མཐའི་རླུང་ནག །རྒྱ་མཚོའི་རྦ་རླབས་འཁྲུགས་པའི་ར་བ་གསུམ་གྱིས་ཕྱོགས་ཀུན་གང་བས་མཚམས་བཅད་དེ་ཅིས་ཀྱང་མི་ཤིགས་པར་གྱུར། གསུམ་པ་ཕྱག་རྒྱ་མཚོན་ཆ་འཆོལ་བའི་མཚམས་ནི། ཧཱུྃ། རྡོ་རྗེ་རབ་ཏུ་ཀཱི་ལ་ཡ། །རབ་ཏུ་གསོར་ཞིང་དྲིལ་ནས་ཀྱང༌། །ཁམས་གསུམ་འཁོར་བ་བསྒྲལ་ནས་ནི། །ཡེ་ཤེས་སྐུ་ཡིས་ཁྱབ་གདལ་ནས། །འཛིན་ཆགས་ཐམས་ཅད་རྣམ་པར་གྲོལ། །བྱང་ཆུབ་སེམས་ལས་འོད་འཕྲོས་པས། །ཁམས་གསུམ་དེ་བཞིན་རོལ་པའི་སྐུ། །མ་ལུས་ཕུར་པས་ཐེབས་ཞེས་བྱ། །གང་ཞིག་གནོད་པའི་ཚོགས་རྣམས་ལ། །རྣམ་པར་ཤེས་པའི་ཚོགས་བརྒྱད་ནང༌། །རྡོ་རྗེ་ཕུར་པ་མང་ཤར་ཞིང༌། །དེ་ཡིས་ཚོགས་བརྒྱད་དག་པར་བྱ། །བདག་དང་གསུམ་དུ་ལྡན་ནས་ཀྱང༌། །བྱང་ཆུབ་སེམས་


JLAZ009_Page_0216
[མ་དཔེ་གཟིགས་ན་འདིར་གནོན།]

ལས་རྣམ་སྤྲོས་ཏེ། །ཕུང་པོ་རྡུལ་དུ་བཤིགས་ནས་ཀྱང༌། །ཤ་ཁྲག་ཁམས་གསུམ་གང་བར་དམིགས། །ཧཱུྃ་གིས་རབ་ཏུ་ནམ་མཁའ་གང༌། །ཕཊ་ཀྱིས་རབ་ཏུ་གཏོར་བྱས་ཏེ། །རྡོ་རྗེ་ཡེ་ཤེས་ཚོན་གང་གིས། །ཁམས་གསུམ་རབ་ཏུ་གང་ནས་ཀྱང༌། །བསྡུས་པས་མཚོན་ཆ་འཆོལ་བར་བསྒོམ། །ཨཱོཾ་བཛྲ་ཀཱི་ལི་ཀཱི་ལ་ཡ་ཧཱུྃ་ཕཊ། ཅེས་བརྗོད་པས་རྡོ་རྗེ་དང་ཕུར་བུ་གཙོ་བོར་གྱུར་པའི་མཚོན་ཆ་འཆོལ་བའི་གུར་ཁང་ཆེན་པོས་ཡོངས་སུ་གཏམས་པར་གྱུར། བཞི་པ་བདག་མེད་ལྟ་བའི་མཚམས་ནི། ཧཱུྃ། ཡུམ་ནི་རྣམ་པར་གྲོལ་བའི་ཐུགས། །སྲིད་པ་ཕུར་བུར་རྟོགས་པ་ཡིས། །སྲིད་པ་གསུམ་ལ་ཐེབས་ཞེས་བྱ། །འཛིན་དང་རྟོག་པ་རྣམས་སྤངས་ཏེ། །བྱང་ཆུབ་སེམས་ཀྱི་གོལ་ས་བཅད། །བགེགས་ཞེས་བྱ་བའི་མིང་ཡང་མེད། །དྷརྨ་དྷཱ་ཏུ་ཧོཿ ལྔ་པ་བརྡའ་སྒོ་དབྱེ་བ་ནི། རྡོ་རྗེ་བཀོད་པ་ལས་ཕྲད་བསྒྱུར་བ། མ་བཅོས་སྤྲོས་པ་མེད་པའི་དཀྱིལ། །སྐྱེ་མེད་ཡོངས་ལ་ཁྱབ་པས་འཁོར། །འགྱུར་མེད་དོན་རྟོགས་མཉམ་པའི་ངང༌། །ཕུང་པོ་ཁམས་དང་སྐྱེ་མཆེད་རྣམས། །ཡེ་ནས་དབྱེར་མེད་རྫོགས་སངས་རྒྱས། །དེ་ཉིད་མ་རིག་ལིང་ཏོག་ནི། །ཐུགས་རྗེའི་ཐུར་མས་དབྱེ་རུ་གསོལ། །བྷྲཱུྃ་པྲ་ཝེ་ཤ་ཡ་ཕཊ།


JLAZ009_Page_0217
[མ་དཔེ་གཟིགས་ན་འདིར་གནོན།]

ཅེས་བརྗོད་པས་མཚོན་པ་ཙམ་དུ་དཀྱིལ་འཁོར་གྱི་སྒོ་བཞི་ལྷག་གིས་ཕྱེ་སྟེ་གཞལ་ཡས་ཁང་རྟེན་དང་བརྟེན་པར་བཅས་པ་ཐལ་ལེར་མཐོང་བར་བསམ་མོ། །དྲུག་པ་བརྡའ་ཕྱག་འཚལ་བ་ནི། བཤད་རྒྱུད་ལས། ཆོས་ཉིད་ཡེ་ནས་ཕུར་པ་ལ། །སངས་རྒྱས་སེམས་ཅན་གཉིས་མེད་དེ། །གང་དུ་འཛིན་པ་སྨིན་པའི་རྒྱུ། །རྒྱུ་གཅིག་འབྲས་བུ་བཟང་ངན་གཉིས། །འཁོར་འདས་ལ་ཤན་དབྱེ་བའི་ཕྱིར། །རྟོགས་པ་དོན་གྱི་བརྡའ་ཕྱག་འཚལ། །དྷརྨ་དྷཱ་ཏུ་ཨ་ཀཱ་རོ་ཡཱ་མི་ན་མ། ཞེས་རྣལ་མའི་དོན་ལ་བལྟའོ། །བདུན་པ་བཤགས་པ་བྱ་བ་ལ་རྟོགས་པ་ལྟ་བ། བསྒོམ་པ་བསྐྱེད་རྫོགས། བསྲུང་བྱ་དམ་ཚིག །གདུང་བ་སྨྲེ་སྔགས་ཀྱི་སྒོ་ནས་བཤགས་པའི་རྒྱུད་ཆེན་བཞི་ལས་འདིར་གསུམ་པ་ལྟར་བཤགས་པ་ལ། བཅས་དང་རང་བཞིན་གྱི་ཁ་ན་ཐོ་བའི་ཚོགས་ཐམས་ཅད་ལ་སྟོབས་བཞིའི་མཚན་ཉིད་དྲན་པས། ཨཱོཾ། ཡེ་ཤེས་ལྔ་ལྡན་བླ་མ་རྡོ་རྗེ་འཛིན། །རྡོ་རྗེ་རིགས་ཀྱི་ལྷ་ཚོགས་དགོངས་སུ་གསོལ། །ཁྲག་འཐུང་ཁྲོ་བོ་ཁྲོ་མོས་བྱིན་གྱིས་རླབས། །བདག་གི་ལུས་ཀྱིས་སྲོག་གཅོད་མ་བྱིན་བླངས། །མི་ཚངས་སྤྱད་ཅིང་ཏིང་འཛིན་སྐུ་མ་གསལ། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །ཨཱཿ བདག་གི་ངག་གིས་རྫུན་དང་ཕྲ་མ་དང༌། །ངག་འཁྱལ་ཚིག་རྩུབ་བཟླས་


JLAZ009_Page_0218
[མ་དཔེ་གཟིགས་ན་འདིར་གནོན།]

བརྗོད་གྲངས་མ་སྐྱོལ། །རྡོ་རྗེ་བཟླས་པའི་དོན་ནི་མ་རྟོགས་ཏེ། །གསུང་གི་དམ་ཚིག་ཉམས་པ་མཐོལ་ལོ་བཤགས། །བཛྲ། བདག་གིས་སྣོད་ལྡན་སེམས་ཅན་ཐམས་ཅད་ལ། །བརྣབ་སེམས་གནོད་སེམས་ལོག་ལྟ་སྐྱེས་པ་དང༌། །ཆོས་ཉིད་ཟབ་མོའི་དོན་ནི་མ་རྟོགས་ཏེ། །ལྟ་བ་ཐུགས་ཀྱི་དམ་ཚིག་ཉམས་པ་བཤགས། །ས། སེམས་ཅན་ཐམས་ཅད་ཡེ་ནས་སངས་རྒྱས་རྒྱུར། །མ་རྟོགས་བདག་གིས་བརྔན་དང་སྐྱོན་དུ་བགྲངས། །སངས་རྒྱས་ཡོན་ཏན་མཐའ་ཡས་མ་བརྗོད་ཅིང༌། ། ཡོན་ཏན་དམ་ཚིག་ཉམས་ལ་མཐོལ་ལོ་བཤགས། །ཏྭ། སངས་རྒྱས་ཕྲིན་ལས་སྣ་ཚོགས་དཔག་མེད་ཀྱིས། །སྙིང་རྗེ་ཆེན་པོས་སེམས་ཅན་དོན་མ་བྱས། །བདུད་རྩི་ལྔ་ལ་ལོངས་སྤྱོད་མ་ནུས་ཤིང༌། །ཕྲིན་ལས་དམ་ཚིག་ཉམས་པ་མཐོལ་ལོ་བཤགས། །ཧཱུྃ། སྐྱེ་བ་རྣམ་བཞིས་བསྡུས་པའི་སེམས་ཅན་རྣམས། །ཆོས་སྐུ་རྣམ་དག་དབྱིངས་ལས་གཟུགས་སྐུར་སྣང༌། །བདེ་བ་ཆེན་པོས་ཀུན་ལ་ཁྱབ་དམིགས་ཏེ། །ཡང་དག་དོན་མ་རྟོགས་པ་མཐོལ་ལོ་བཤགས། །ཞེས་པས་རྒྱུད་དག་པར་བྱའོ། །ཚོགས་བསྒྲུབ་ལ་སོགས་པའི་ཚེ་སྐབས་འདིར་


JLAZ009_Page_0219
[མ་དཔེ་གཟིགས་ན་འདིར་གནོན།]

རྟགས་གདབ་པར་བྱ་སྟེ་མཆེད་ལྕམ་རྣམས་ཀྱི་སྣ་རྩེ་དང༌། མཁུར་མཚོས་གཉིས་སུ་རཀྟའི་ཐིག་ལེ། སྤྱི་མགྲིན་སྙིང་ག་གསུམ་དུ་ཐལ་ཆེན་གྱི་ཚོམ་བུ། དཔྲལ་བར་ཁ་ཊྭཱཾ་ཀ །སྙིང་གར་ཞག་གི་ཟོ་རིས་དང་ཟླ་ཕྱེད་རྒྱ་གྲམ་བྲིས། དེ་ནས་ཕན་ཚུན་གྲལ་ཕྱག་བྱས་ཏེ་འདུག་གོ །བརྒྱད་པ་བྱང་ཆུབ་སེམས་དཔའི་སྔགས་ཀྱི་ཚུལ་ཁྲིམས་རྣམ་པར་དག་པར་བྱ་བའི་ཕྱིར་དམ་བཅའ་བ་ནི། རྡོ་རྗེ་རྩེ་གཅིག་པའི་ཕྱག་རྒྱ་སྙིང་གར་བཅིངས་ཏེ་གཞན་དོན་ལ་དམིགས་པའི་ལྷག་བསམ་བརྟན་པོས། ཨཱོཾ། རྣལ་འབྱོར་དབང་པོ་ཡེ་ཤེས་མཐར་ཕྱིན་པ། །འགྲོ་ལ་ཕན་མཛད་ཐུགས་རྗེས་དབང་བསྒྱུར་ཞིང༌། །སྲིད་པ་གསུམ་གྱི་གཉེན་རྒྱུད་གཅིག་པུ་པ། །ལྷ་ཡི་ལྷ་ཁྱོད་བདག་ལ་དགོངས་སུ་གསོལ། །བདེ་བར་གཤེགས་པའི་སྤྲུལ་པ་རྒྱ་མཚོ་དང༌། །རྣལ་འབྱོར་དབང་ཕྱུག་གྲུབ་པའི་ཚོགས་ཆེན་པོ། །ལྷ་དང་ལྷ་མིན་སྔགས་འཆང་དམ་ཚིག་ཅན། །ཀུན་ནས་འདུས་པ་རྣམས་ཀྱང་དགོངས་སུ་གསོལ། །བདག་ནི་རྒྱལ་སྲིད་མཐོ་རིས་ལོངས་སྤྱོད་དང༌། །འདོད་པའི་ཡོན་ཏན་བདག་བསྒྲུབ་མ་ལགས་ཏེ། །འགྲོ་ལ་སྙིང་བརྩེ་ཁོ་ནས་དོན་བརྩོན་པ། །འདི་ལ་ཀུན་མཁྱེན་ཁྱེད་ནི་དཔང་དུ་གསོལ། །མགོན་པོ་ཡེ་ཤེས་སྒྲིབ་པ་མི་མངའ་བས། །བདག་གི་ལྷག་པའི་བསམ་པ་ཁྱེད་ཀྱིས་མཁྱེན། །


JLAZ009_Page_0220
[མ་དཔེ་གཟིགས་ན་འདིར་གནོན།]

འཕགས་མཆོག་སྤྱན་སྔར་ཇི་ལྟར་དམ་བཅས་པ། །སུན་པར་མི་བགྱི་མགོན་ཁྱོད་བསླུ་མ་ལགས། །སྙིང་ནས་བདག་ནི་ཁེ་དང་གྲགས་ལ་སོགས། །གཡོ་དང་ཟང་ཟིང་སེམས་ནི་གཏན་སྤངས་ནས། །གཞན་དོན་སྒྲུབ་པ་གཅིག་པོའི་སེམས་བཞག་སྟེ། །རྣལ་འབྱོར་སྤྱོད་པ་ཆེན་པོ་བདག་གིས་སྤྱད། །ཀུན་ཏུ་བཟང་པོ་བླ་ན་མེད་པ་ཡི། །བྱང་ཆུབ་མཆོག་ཏུ་བདག་གིས་སེམས་བསྐྱེད་དེ། །དོན་དམ་དང་ནི་ཀུན་རྫོབ་བྱང་ཆུབ་སེམས། །དེང་ནས་ཚུལ་བཞིན་ཡོངས་སུ་གཟུང་བར་བགྱི། །སྲོག་ཆགས་ཐམས་ཅད་གལ་ཏེ་བདུད་གྱུར་ནས། །དུམ་བུ་སྟོང་དུ་བདག་གི་ལུས་གཏུབས་ཀྱང༌། །བྱང་ཆུབ་སེམས་མཆོག་ཤེས་རབ་སྙིང་རྗེ་དང༌། །ཡི་དམ་རྒྱལ་བ་ཁྱོད་ནི་ཡོངས་མི་སྤང༌། །རྡོ་རྗེའི་དམ་ཚིག་ཆེན་པོ་རྣམས་དང་ནི། །རྡོ་རྗེ་སློབ་དཔོན་རྡོ་རྗེ་མཆེད་ལྕམ་དང༌། །གཞན་ཡང་ཐེག་པ་མཆོག་ལ་ཞུགས་པ་རྣམས། །སྲོག་གི་ཕྱིར་ཡང་མི་གཏོང་ཅི་ནུས་བསྲུངས། །འཁོར་བ་བདག་མེད་སྒྱུ་མའི་རང་བཞིན་ལ། །བདག་ནི་འཇིགས་པ་ཅི་ཡང་མ་མཆིས་ཏེ། །མ་རིག་སྐྱེ་བོ་རྣམས་ཀྱི་དོན་སླད་དུ། །ཕྱི་མཐར་ཐུག་གི་བར་དུ་གནས་པར་སྤྲོ། །གཞན་དོན་འཁོར་བ་


JLAZ009_Page_0221
[མ་དཔེ་གཟིགས་ན་འདིར་གནོན།]

རྣམས་སུ་སྤྱོད་པ་ན། །བྱང་ཆུབ་སྤྱོད་པ་རླབས་ཆེན་བདག་གིས་སྤྱད། །འགྲོ་དྲུག་སེམས་ཅན་རྣམས་ལ་ཕན་གདགས་ཕྱིར། །རང་དབང་དུ་ནི་སྐྱེ་བ་བླང་བར་བགྱི། །བདག་ནི་ཡོངས་སུ་བཟུང་བའི་འཇིག་རྟེན་ནམ། །མྱ་ངན་འདས་ལ་སྤྲོ་བ་མ་མཆིས་ཏེ། །གང་དང་གང་དུ་སྡུག་བསྔལ་གནས་རྣམས་སུ། །བསྐལ་པ་རྒྱ་མཚོར་གནས་ཤིང་ཕན་པར་བགྱི། །སྲིད་པར་ཡུན་རིང་དུས་སུ་བརྩོན་པ་ནི། །བྱང་ཆུབ་སེམས་དཔའི་ཡི་དམ་ལགས་པས་ན། །ཇི་སྲིད་ངན་སོང་སྟོངས་པར་མ་གྱུར་པ། །དེ་སྲིད་བདག་གིས་སྐྱོ་བའི་སེམས་མི་བསྐྱེད། །ཤེས་རབ་ཐབས་ཀྱིས་འགྲོ་བའི་དོན་བགྱིད་པ། །སྙིང་རྗེའི་ལོངས་སྤྱོད་དེ་ལས་མ་མཆིས་པས། །སེམས་དམྱལ་ཡི་དྭགས་གཤིན་རྗེའི་འཇིག་རྟེན་ཡང༌། །ལྷ་ཡི་དགའ་ཚལ་ལྟ་བུར་བལྟ་བར་བགྱི། །འགྲོ་ལ་ཐུགས་རྗེ་དཔལ་གྱི་མགུར་ནས་གསུངས། །རྣལ་འབྱོར་དམ་ཆོས་བདུད་རྩི་མཆོག་རྣམས་ནི། །བདག་གིས་འཇིག་རྟེན་ཐུག་པ་མ་མཆིས་བར། །ཇི་ལྟར་འཚམས་པ་བཞིན་དུ་རྒྱས་པར་བགྱི། །སྲིད་པར་ལས་དང་རྐྱེན་གྱི་དབང་གྱུར་ཏེ། །གང་དང་གང་དུ་དམ་ཆོས་འཇིག་


JLAZ009_Page_0222
[མ་དཔེ་གཟིགས་ན་འདིར་གནོན།]

པ་དེར། །མེ་ཚོགས་སྤུ་གྲིའི་སོ་ཡང་བརྒལ་ནས་ནི། །ཕྱི་མཐར་ཐུག་གི་བར་དུ་དམ་ཆོས་བཟུང༌། །བླ་མེད་བྱང་ཆུབ་མཆོག་ཏུ་སེམས་བསྐྱེད་དེ། །སྒྲུབ་པ་མཆོག་ལ་ཞུགས་པའི་སྐྱེ་བོ་ལ། །ཚེ་རབས་རྣམས་སུ་མཐུ་རྩལ་ཅི་མཆིས་ཀྱིས། །སྐྱེས་ཆེན་རྣམས་ཀྱི་དགོངས་པ་རྟག་ཏུ་བསྐང༌། །དམ་པའི་ཆོས་དང་སྒྲུབ་པའི་གེགས་གྱུར་པ། །མི་དང་མི་མིན་གདུག་པ་གང་ཡང་རུང༌། །བདག་གིས་ཞི་དང་ཁྲོ་བོའི་ཕྲིན་ལས་ཀྱིས། །ཡོངས་སུ་ཞི་ཞིང་རྣམ་པར་གཞོམ་པར་བགྱི། །རྣལ་འབྱོར་མཆོག་གི་ཐེག་ཆེན་བླ་མེད་དང༌། །རྡོ་རྗེ་རྒྱལ་པོ་ཁྱོད་ལ་བརྟེན་ནས་ནི། །སངས་རྒྱས་ཞིང་སྦྱོང་འགྲོ་ལ་སྨན་སླད་དུ། །བྱང་ཆུབ་སྙིང་པོ་བདག་གིས་རྟོགས་པར་བགྱི། །བདག་ནི་འཕགས་མཆོག་ཕྱག་རྒྱ་མངོན་སྤྲུལ་ཏེ། །གལ་ཏེ་སྐབས་མེད་འཆི་བའི་དུས་བྱུང་ཚེ། །གསང་སྔགས་མགོན་པོ་ཡེ་ཤེས་དཀྱིལ་འཁོར་ཅན། །ཁྱེད་ཀྱི་ཞབས་ཀྱི་དྲུང་དུ་མཆི་བར་བགྱི། །སྲིད་གསུམ་སྡུག་བསྔལ་ཅི་འདྲ་ཁྱེད་ཀྱིས་མཁྱེན། །དམྱལ་སོགས་མེ་དཔུང་ཞི་བར་བགྱིད་ལ་སོགས། །སེམས་ཅན་དོན་ལ་མྱུར་དུ་བདག་མཆི་ན། །དམ་པ་རྣམས་


JLAZ009_Page_0223
[མ་དཔེ་གཟིགས་ན་འདིར་གནོན།]

ཀྱིས་ནུས་མཐུ་སྩལ་དུ་གསོལ། །དགུ་པ་བྱིན་དབབ་པ་ནི། ཨཱོཾ་བཛྲ་ས་མཱ་ཛཿ ཞེས་སེ་གོལ་བསྣོལ་མར་གཏོགས་པས། ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་གསང་སྔགས་ནང་གི་དཀོན་མཆོག་རྩ་བ་གསུམ་གྱི་རྣམ་པར་བྱོན། བྷ་ག་ཝཱ་ན་ས་མ་ཡ་ཧོཿ ཞེས་པས་ཡབ་ཡུམ་རྣམས་ཀྱི་རྗེས་ཆགས་བསྐུལ། ས་མ་ཡ་སྟྭཾ། ཞེས་པས་སྟངས་དཔྱལ་མཉམ་པར་རོལ། ཨ་ལ་ལ་ཧོཿ ཞེས་པས་སྦྱོར་མཚམས་ནས་བྱང་ཆུབ་ཀྱི་སེམས་དངོས་གྲུབ་ཀྱི་ཚུལ་དུ་བྱུང་བ་རང་གི་སྤྱི་གཙུག་ཏུ་ཐིམ། སྒོ་གསུམ་གྱི་སྒྲིབ་པ་དག །སྐུ་གསུང་ཐུགས་ཀྱི་བྱིན་རླབས་ཞུགས་པར་བལྟས་ལ། སྤོས་རོལ་དང་བཅས། ཧཱུྃ། འཕགས་མཆོག་ཐུགས་རྗེའི་དུས་ལ་བབ། །ཁྱད་པར་བསྟན་པའི་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །བྱིན་གྱིས་རློབ་པའི་དུས་ལ་བབ། །དབང་མཆོག་བསྐུར་བའི་དུས་ལ་བབ། །དངོས་གྲུབ་སྩོལ་བའི་དུས་ལ་བབ། །མཐུ་ཆེན་བདུད་འདུལ་བཅོམ་ལྡན་འདས། །བྱིན་ཆེན་བྱིན་ཕོབ་བཅོམ་ལྡན་འདས། །དབང་ཆེན་དབང་བསྐུར་བཅོམ་ལྡན་འདས། །དངོས་གྲུབ་མཆོག་སྩོལ་བཅོམ་ལྡན་འདས། །བདག་ཅག་ལས་འབྲས་མཆིས་པར་མཛོད། །ཧཱུྃ་ཧཱུྃ་ཧཱུྃ་ཧཱུྃ་གིས་


JLAZ009_Page_0224
[མ་དཔེ་གཟིགས་ན་འདིར་གནོན།]

བྱིན་བསྡུས་པས། ནམ་མཁར་བཞུགས་པའི་ལྷ་ཚོགས་རྣམས་བདག་དང་གནས་དང་ཡོ་བྱད་རྣམས་ལ་ཐིམ་སྟེ་བྱིན་གྱིས་བརླབས་པར་བསམ་མོ། །བཅུ་པ་མཆོད་རྫས་བརླབ་པ་ལ་ཐུན་མོང་དང་ཁྱད་པར་གཉིས་ལས། དང་པོ་ནི། དངོས་འཛིན་གྱི་སྣང་བ། མ་ཧཱ་ཤུནྱཱ་ཏཱས་སྦྱངས། སྟོང་པའི་ངང་ལས་རང་ཉིད་ཡི་དམ་དུ་གསལ་བའི་ཐུགས་ཀའི་ཧཱུྃ་ལས་མཆོད་རྫས་སོ་སོའི་མིང་ཡིག་དང་པོ་སྥ་ར་ཎ་ཕཊ་ཀྱིས་སྤྲོས། སྣོད་བཅུད་ཐམས་ཅད་དང་འདྲེས། སཾ་ཧ་ར་ཎ་ཧཱུྃ་གིས་འཁོར་འདས་ཀྱི་དྭངས་བཅུད་དང་གཉིས་སུ་མེད་པར་བསྡུས། མཆོད་རྫས་རྣམས་ལ་ཐིམ་པས་ལྷ་མོ་བཅུ་དྲུག་དང་གཉིས་སུ་མེད་པར་གྱུར། སོ་སོའི་ཕྱག་རྒྱ་དང་བཅས། ཨཱོཾ་ཤྲཱི་བཛྲ་རཱ་ག་དྷཱུ་པེ་ཧཱུྃ། པུཥྤེ་ཏྲཾ། ཨཱ་ལོ་ཀེ་ཧྲཱིཿ གྷནྡྷེ་ཨཱཿ ལཱ་སྱ་ཧཱུྃ། མཱ་ལེ་ཏྲཾ། གཱིརྟི་ཧྲཱིཿ ནཱིརྟི་ཨཱཿ ཝི་ནི་ཧཱུྃ། ཝཾ་སེ་ཏྲཾ། མྲྀ་ཏཾ་ཀེ་ཧྲཱིཿ མུ་རཉྫེ་ཨཱཿ རཱུ་པ་ཧཱུྃ། པརྴེ་ཏྲཾ། རཱ་ས་ཧྲཱིཿ དྷརྨ་དྷཱརྟུ་ཨཱཿ རྡོ་རྗེ་བདུག་སྤོས་མ་ལ་སོགས་པ་རེ་རེ་ལའང་གྲངས་མེད་པར་འཆར་བས་ནམ་མཁའ་གང་བར་གྱུར། གཉིས་པ་ཁྱད་པར་བ་ནི་རྩ་རྒྱུད་ལས། ཕོ་ཐོད་མོ་ཐོད་མ་ནིང་ཐོད། །བ་ལིང་རཀྟ་བདུད་རྩིར་སྦྱར། །ཞེས་པས་མ་ནིང་གི་ཐོད་པར་གནས་པའི་བདུད་རྩི། ཨ་མྲྀ་ཏས་བསང༌། རཾ་ཡཾ་ཁཾ་གིས་བདུད་རྩིའི་དངོས་


JLAZ009_Page_0225
[མ་དཔེ་གཟིགས་ན་འདིར་གནོན།]

པོ་བསྲེགས་གཏོར་བཀྲུས། སྟོང་པའི་ངང་ལས་རང་གི་ཐུགས་ཀ་ནས་བྷྲུྃ་ཆད། བདུད་རྩིའི་སྣོད་ཐོད་པའི་གཞལ་ཡས་ཁང་རྡོ་རྗེའི་རྣ་བ་ཅན་གྱི་ནང་དུ་འཁོར་ལོ་རྩིབས་བཞི་པའི་ལྟེ་བར་མི་ཤ་དང་བྱང་སེམས་དཀར་པོ་ལ་ཧཱུྃ་མཱུཾ། ཤར་གྱི་རྩིབས་ལ་བ་ལང་གི་ཤ་དང་དྲི་ཆེན་ལ་ཨཱོཾ་ལཱཾ། ལྷོར་ཁྱི་ཤ་དང་ཤ་ཆེན་ལ་སྭཱ་མཱཾ། ནུབ་ཏུ་རྟ་ཤ་དང་རཀྟ་ལ་ཨཱཾ་པཱཾ། བྱང་དུ་གླང་པོ་ཆེའི་ཤ་དང་དྲི་ཆུ་ལ་ཧཱ་ཏཱཾ་རྣམས་ཀྱིས་མཚན་པར་གྱུར། སྥ་ར་ཎ་ཕཊ་བརྗོད་པས་རང་གི་སྙིང་གའི་ཧཱུྃ་ལས་འོད་ཟེར་འཕྲོས། སཾ་ཧ་ར་ཎ་ཧཱུྃ་གིས་ཞིང་བཅུའི་ཤ་དང་འཁོར་འདས་ཀྱི་བདུད་རྩི་ཐམས་ཅད་བསྡུས་ནས་གདན་དང་བཅས་པའི་གསུང་ཡི་གེའི་འཁོར་ལོ་ལ་ཐིམ། དེ་ཡོངས་སུ་གྱུར་པ་ལས་ཐུགས་ཀྱི་དཀྱིལ་འཁོར་རིགས་སོ་སོའི་ཕྱག་མཚན་ལྔས་ཡུ་བ་བྱས་པའི་དྲིལ་བུ་ལྔར་གྱུར། དེ་ཉིད་ཀྱང་བསྐྱེད་པ་རྐྱེན་གྱི་སྔགས་ལས་སྐུ་ཡོངས་སུ་རྫོགས་པའི་དཀྱིལ་འཁོར་དུ་གྱུར་པ་ནི། ཧཱུཾ་མཱུཾ་ལས་དབུས་སུ་མི་བསྐྱོད་པ་ཡབ་ཡུམ་མཐིང་ག །ཨཱོཾ་ལཱཾ་ལས་ཤར་དུ་རྣམ་སྣང་ཡབ་ཡུམ་དཀར་པོ། སྭཱ་མཱཾ་ལས་ལྷོར་རིན་འབྱུང་ཡབ་ཡུམ་སེར་པོ། ཨཱཾ་པཾ་ལས་ནུབ་ཏུ་


JLAZ009_Page_0226
[མ་དཔེ་གཟིགས་ན་འདིར་གནོན།]

སྣང་མཐའ་ཡབ་ཡུམ་དམར་པོ། ཧཱ་ཏཱཾ་ལས་བྱང་དུ་དོན་གྲུབ་ཡབ་ཡུམ་ལྗང་གུ་རྣམས་སུ་གྱུར། ས་མ་ཡ་སྟྭཾ། ས་མ་ཡ་ཧོཿ ཨ་ནུ་རཱ་ཀོ྅ཧཾ། ཨ་ནུ་རཱ་ག་ཡ་མི། ཛཿཧཱུྃ་བཾ་ཧོཿ ཞེས་སྙོམས་འཇུག་བདེ་བའི་རོལ་མོས་བསྐུལ། བོ་དྷི་ཙིཏྟ་སྥ་ར་ཎ་ཕཊ། ཅེས་བྱང་ཆུབ་ཀྱི་སེམས་ཡུམ་གྱི་མཁའ་ནང་དུ་སྤྲོས་པས་སངས་རྒྱས་ཐམས་ཅད་དགྱེས་པ་བསྐྱེད། སཾ་ཧ་ར་ཎ་ཧཱུྃ་ཞེས་པས་འཁོར་འདས་ཀྱི་དྭངས་བཅུད་དང་ལྷན་ཅིག་ཚུར་འདུས། རིགས་ལྔ་ཡབ་ཡུམ་རྗེས་ཆགས་ཀྱི་སྦྱོར་བས་འོད་དུ་ཞུ་བ་ལས་བྱུང་བའི་ཡེ་ཤེས་ཀྱི་བདུད་རྩི་དམ་ཚིག་གི་བདུད་རྩི་དང་གཉིས་སུ་མེད་པར་གྱུར། ཟླ་བའི་ཁ་གཅོད་ཨཱོཾ་དཀར་པོས་མཚན་པའི་རྡོ་རྗེ་རྒྱ་གྲམ་གྱི་ལྟེ་བར་ཧྲཱིཿདམར་པོ་ལས་འོད་ཟེར་འཕྲོས། དོན་གཉིས་བྱས། ཡོངས་སུ་གྱུར་པ་ལས་རྟ་མགྲིན་དམར་པོ་གཡས་པདྨ་དང་གཡོན་རྒྱ་གྲམ་འཛིན་པའི་ལྟེ་བ་མན་ཆད་བདུད་རྩིའི་ནང་དུ་ནུབ་པའི་མདུན་ནས་བདེ་བ་རྒྱས་བྱེད་མ། གཡས་ནས་ཚེ་འཕེལ་མ། གཡོན་ནས་རྨོངས་བྱེད་མ། རྒྱབ་ནས་ཟ་བྱེད་མ་སྟེ་གསང་བའི་ཡུམ་བཞིས་འཁྲིལ་ཞིང་མཉམ་པར་སྦྱོར་བའི་སྦྱོར་མཚམས་ནས་ཡེ་ཤེས་ཀྱི་བདུད་རྩིའི་རྒྱུན་བབས་པས་དམ་ཚིག་གི་བདུད་རྩིའི་རྒྱ་མཚོ་དང་


JLAZ009_Page_0227
[མ་དཔེ་གཟིགས་ན་འདིར་གནོན།]

རོ་གཅིག་ཏུ་གྱུར་པར་བསམས་ལ། གཡོན་པའི་མཐེབ་སྲིན་བདུད་རྩི་ལ་གཏད་དེ། ཨོཾ་ཨཱཿཧཱུྃ། སརྦ་པཉྩ་ཨ་མྲི་ཏ་ཧཱུྃ་ཧྲཱིཿཋཱཿ ཞེས་བརྒྱའམ་ཉེར་གཅིག་གིས་མཐའ་བརྟེན་པ་བཟླས་མཐར། རྡོ་རྗེས་གཡས་སྐོར་དུ་དཀྲུག་པའི་ལྦུ་བ་ལ་ཁྲོ་བོ་བདུད་རྩིའི་འཁྱིལ་བའི་རྡུལ་ཕྲ་རབ་འཕྲོས་ནས་བགེགས་རྣམས་ཚར་བཅད། མཆེད་ལྕམ་རྣམས་ལ་གཏོར་བས་མཁོན་གཅུགས་བྱང་བར་འགྱུར། ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཧྲཱིཿ ཞེས་བརྗོད་པས་ལྷ་རྣམས་བདུད་རྩི་ལ་ཐིམ་པར་བསམ་མོ། །ཕོ་ཐོད་དུ་གནས་པའི་གཏོར་མ་བསང་སྦྱངས། སྟོང་པའི་ངང་ལས་བྷྲཱུཾ་བྷཉྫ་ཀ་པཱ་ལ་བྷྲཱུཾ། དཔའ་བོ་ཐོད་པའི་གཞལ་ཡས་ཁང་ཡངས་ཤིང་རྒྱ་ཆེ་བའི་ནང་དུ་གཏོར་རྫས་ཞིང་བཅུའི་དགྲ་བགེགས་ཀྱི་གཟུགས་ཕུང་ནང་ཁྲོལ་དུ་ལྷུ་དུམ་དང་བཅས་པ་ཧཱུྃ་མཐིང་གས་མཚན་པར་གྱུར། ཞེས་པས་ཧཱུྃ་ལས་འོད་ཟེར་འཕྲོས། སྥ་ར་ཎ་ཕཊ། སཾ་ཧ་ར་ཎ་ཧཱུྃ་གིས་འཁོར་འདས་ཀྱི་དྭངས་བཅུད་བདུད་རྩི་ལ་བསྡུས་པར་བསམས་ལ་གཏོར་གཞོང་གི་རྒྱ་དང་བཅས། ཨོཾ་མ་ཧཱ་བ་ལིནྟ་ཏེ་ཛྭ་བ་ལིནྟ་བ་ལ་བཱ་དྱ་གུ་ཧྱ་ས་མ་ཡེ་སྭཱ་ཧཱ། ལན་བདུན་བརྗོད་པས། གཟུགས་རྡོ་རྗེ་མ་ལ་སོགས་འདོད་ཡོན་གྱི་ལྷ་མོ་མ་ཚང་བ་མེད་པའི་རང་བཞིན་དུ་འཆར་བར་གྱུར། མོ་ཐོད་དུ་གནས་པའི་རཀྟ་བསང་སྦྱངས། སྟོང་པའི་ངང་ལས་བྷྲཱུཾ་པདྨ་བྷཉྫ་ཀ་པཱ་ལ་བྷྲཱུཾ། དམར་གྱི་དུང་ཆེན་ཡུམ་གྱི་པདྨའི་རང་བཞིན་


JLAZ009_Page_0228
[མ་དཔེ་གཟིགས་ན་འདིར་གནོན།]

ཡངས་ཤིང་རྒྱ་ཆེ་བའི་ནང་དུ་ར་ལས་རཀྟའི་རྒྱ་མཚོའི་སྟེང་དུ་པདྨ་དམར་པོ་འདབ་མ་བཞི་པའི་དབུས་སུ་ཨ་ཡིག་དམར་པོས་མཚན་པར་གྱུར། སྥ་ར་ཎ་ཕཊ། ཅེས་པས་ཨ་ལས་འོད་ཟེར་འཕྲོས། སཾ་ཧ་ར་ཎ་ཧཱུྃ་གིས་ཞིང་བཅུའི་ཤ་ཁྲག་དྲངས་ཏེ་རཀྟ་ལ་ཐིམ་པར་བསམས་ལ་པདྨ་འཁྱིལ་པའི་ཕྱག་རྒྱ་དང་བཅས། ཨོཾ་མ་ཧཱ་རཀྟ་ཛྭ་ལ་མཎྜ་ལ་ཧཱུྃ་ཧྲཱིཿཋཱཿ ལན་བདུན་བརྗོད་ནས་ཞལ་གཟར་གྱིས་དཀྲུགས་ཤིང་འཕྱར་བས། ལྦུ་བའི་རླབས་ལ་མི་རོ་དང་རྟ་རོའི་སྣས་དང༌། ཁྲོ་བོ་རྟ་མགྲིན་གྱི་རྡུལ་ཕྲ་རབ་འཕྲོ་བས་ཕྱོགས་བཅུའི་གདོན་བགེགས་རྣམས་ཚར་བཅད། ཁམས་གསུམ་གྱི་འདོད་ཆགས་བག་ལ་ཉལ་སྟོངས་པར་གྱུར་པར་བསམ་མོ། །བསྙེན་པ་སྤྲོས་མེད་ལ་སོགས་པའི་ཚེ་དེ་ཙམ་མ་ནུས་ན་དམིགས་པ་རྣམས་ཉམས་འོག་ཏུ་ཚུད་པ་བྱས་ལ་སོ་སོའི་སོ་སོར་རང་སྔགས་ཀྱིས་བརླབ་པ་ཡིན་ནོ། །སྤྱི་དོན་གཉིས་པ་དངོས་གཞི་ལ་བཞི། བསྐྱེད་གཞིའི་ཏིང་ངེ་འཛིན་གསུམ་བྱང་ཆུབ་ཀྱི་སེམས་རྣམ་པ་གཉིས་སུ་བསྡུ་བའི་ཁྱད་པར་བཤད་པ། བསྐྱེད་རིམ་གྱི་ངོ་བོས་དག་པའི་སྣོད་བཅུད་བསྒྲུབ་པ། རང་བཞིན་ཡེ་ཤེས་ཀྱི་དཀྱིལ་འཁོར་དང་གཉིས་མེད་དུ་བྱ་བ། དེ་ལ་ཚོགས་གཉིས་འབྲས་བུ་དང་བཅས་པ་བསྒྲུབ་པའོ། །དང་པོ་བསྐྱེད་གཞིའི་བསམ་གཏན་གསུམ་ནི་རྡོ་རྗེ་ཁྲོས་པ་རྩ་བཤད་གཉིས་དང༌། འབར་བ་རྩ་དུམ་ལ་སོགས་པ་མྱང་འདས་ལྟ་བུའི་དངོས་བསྟན་ལས་གཞན་པའི་ཁྱད་ཆོས་བཤད་ཀྱང་སྔ་རབས་པ་རྣམས་ཀྱིས་འགྲེལ་ཚུལ་ཇི་བཞིན་རྔོ་མ་ཐོགས་པར་ད་དུང་ཏིང་འཛིན་གསུམ་ལ་དངོས་ཚིག་བསྣན་པས་བཟློས་པར་གྱུར་ལ། དེའི་ཕྱིར་རྒྱུད་ཀྱི་རྡོ་རྗེའི་


JLAZ009_Page_0229
[མ་དཔེ་གཟིགས་ན་འདིར་གནོན།]

གནས་ཆེན་པོ་འདི་ཡིན་ཏེ། སངས་རྒྱས་རྣམས་ཀྱི་ཐུགས་རྣམ་པར་མི་རྟོག་ཅིང་འགྱུར་བ་མེད་པ་རྡོ་རྗེའི་རང་བཞིན་ནི་ལམ་དུས་སུ་དེ་བཞིན་ཉིད་ཀྱི་ཏིང་ངེ་འཛིན་དུ་ངང་གིས་གནས་པའི་རྡོ་རྗེ་ལྟ་བུའི་ཏིང་ངེ་འཛིན་ཞེས་ཀྱང་བྱའོ། །དེ་ཉིད་རྟོགས་ནས་དང་པོ་ན་ཡོད་པའི་ལྷག་བསམ་རྣམ་དག་གི་སེམས་རང་ཤུགས་ལ་སྐྱེ་བས་སྙིང་རྗེའི་མི་མཐུན་ཕྱོགས་ཞེ་སྡང་གི་ཀུན་ཏུ་རྟོག་པ་ལ་རང་བཞིན་ཁྲོས་པ་ལྟ་བུའི་ཞེ་སྡང་མེ་ལོང་ལྟ་བུའི་ཡེ་ཤེས་སུ་གཅོད་པ་ནི་ཞེ་སྡང་རྡོ་རྗེའི་མཚན་ཉིད་ཡིན་ནོ། །ཚུལ་དེ་བཞིན་དུ་རིན་པོ་ཆེའི་རིགས་མཉམ་པ་ཉིད་ཀྱི་ལྟ་བ་ནི་ཉོན་མོངས་པ་ང་རྒྱལ་ལ་ཁྲོས་པ་ལྟ་བུའི་ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གཅོད་པ་ནི་ང་རྒྱལ་རྡོ་རྗེའི་མཚན་ཉིད་དེ། འདོད་ཆགས་ལ་སོགས་པ་གཞན་གསུམ་ལའང་སྦྱང་གཞི་སྦྱོང་བྱེད་དེ་ལྟར་གནས་པ་ནི་ཀུན་སྣང་དཔལ་བར་འགྲོ་བའི་ཏིང་ངེ་འཛིན་ནོ། །དེ་ལྟར་སྟོང་ཉིད་སྙིང་རྗེ་ཆེན་པོ་ཟུང་དུ་འབྲེལ་བའི་མཚོན་བྱ་དོན་གྱི་ནམ་མཁའ་སྐྱེ་བ་མེད་པའི་དབྱིངས་ལས་འགག་མེད་ཐུགས་རྗེ་ཆེན་པོས་རོལ་པ་བཅུད་དུ་འདྲིལ་བའི་ཐིག་པ་ཡེ་གེ་ཧཱུྃ་སྔོན་ལ་སོགས་ཡེ་ཤེས་ལྔའི་རང་འོད་ཅན་དུ་འཕྲོ་ཞིང་འབར་བའི་རྣམ་པ་འཁོར་འདས་མཐའ་དག་པའི་སྲོག་གི་གོ་རུ་ཤར་བ་ནི་རྒྱུའི་ཏིང་ངེ་འཛིན་སྒྱུ་མ་ལྟ་བུའི་རང་བཞིན་ཅན་ནོ། །དེ་ལྟར་འཁོར་འདས་ཐམས་ཅད་ཀྱི་སྲོག་གི་གོར་འཆར་བའི་རྒྱུའི་ཏིང་ངེ་འཛིན་ཡེ་ཤེས་ལྔའི་རང་འོད་ཅན་དུ་འབར་བ་གང་ཞིག་སྙིང་ག་ལ་སོགས་པ་གཟུགས་ཀྱི་ཕུང་པོར་འཛིན་པའི་གནས་ལྔའི་གོར་ཤར་བས་རྣམ་པར་ཤེས་པ་ལ་སོགས་པའི་ཕུང་པོ་ལྔ་སངས་རྒྱས་ལྔའི་རང་བཞིན་དུ་འགྲུབ་པའི་རྒྱུ་བྱེད་ཅིང་དེའི་མི་མཐུན་ཕྱོགས་ཉོན་མོངས་པ་ལྔ་ཚར་གཅོད་པའི་རྟེན་འབྲེལ་སྒྲིག་པ་ནི་ཕུར་པ་ཡེ་ཤེས་རྩེ་མོའི་རྒྱུད་ཀྱི་དགོངས་པ་ཡིན་ནོ། །དེ་དག་གི་དོན་རྒྱུད་གཞུང་གིས་སྟོན་པ་ནི།


JLAZ009_Page_0230
[མ་དཔེ་གཟིགས་ན་འདིར་གནོན།]

རྡོ་རྗེ་འབར་བ་ལས། ཧཱུྃ། རྡོ་རྗེ་ཁྲོས་པས་ཞེ་སྡང་གཅོད། །ཐུགས་ནི་ཡང་དག་རྡོ་རྗེ་ཉིད། །སྟོང་པ་ཉིད་ཀྱི་ཡེ་ཤེས་ཏེ། །རྣམ་པར་མི་རྟོག་རྟོག་ལས་འདས། །དེ་བཞིན་ཉིད་དུ་བསྒོམ་པར་བྱ། །དེ་ནི་ཆོས་ཀྱི་སྐུ་ཉིད་ལས། །བཞིན་ནི་མ་ནོར་བ་ཡང་ཡིན། །ཉིད་ནི་བཅོས་སུ་མེད་པའོ། །མཚོན་ཆེན་སྔོན་པོ་འབར་བ་ཡི། །ནམ་མཁའི་དཀྱིལ་ནས་ཐིག་པ་ཤར། །སྲོག་གི་གོ་རུ་ཤར་བ་དང༌། །སྙིང་གི་གོ་རུ་བསྒོམ་ པར་བྱ། །ཧཱུྃ། རིན་ཆེན་ཁྲོས་པས་ང་རྒྱལ་གཅོད། །འོད་ཆེན་སེར་པོ་འབར་བ་ནི། །ནམ་མཁའི་དཀྱིལ་ནས་ཐིག་པ་ཤར། །ལྟེ་བའི་གོ་རུ་བསྒོམ་པར་བྱ། །ཧཱུྃ། འཁོར་ལོ་ཁྲོས་པས་གཏི་མུག་གཅོད། །འོད་ཆེན་ནག་པོ་འབར་བ་ཡི། །ནམ་མཁའི་དཀྱིལ་ནས་ཐིག་པ་ཤར། །ཀླད་པའི་གོ་རུ་བསྒོམ་པར་བྱ། །ཧཱུྃ། པདྨ་ཁྲོས་པས་འདོད་ཆགས་གཅོད། །འོད་ཆེན་དམར་པོ་འབར་བ་ནི། །ནམ་མཁའི་དཀྱིལ་ནས་ཐིག་པ་ཤར། །མགྲིན་པའི་གོ་རུ་བསྒོམ་པར་བྱ། །ཧཱུཾ། སྣ་ཚོགས་ཁྲོས་པས་ཕྲག་དོག་གཅོད། །འོད་ཆེན་ལྗང་གུ་འབར་བ་ཡི། །ནམ་མཁའི་དཀྱིལ་ནས་ཐིག་པ་ཤར། །རྐང་པའི་གོ་རུ་བསྒོམ་པར་བྱ། །འདོད་ཆགས་ཞེ་སྡང་གཏི་མུག་དང༌། །ང་རྒྱལ་ཕྲག་དོག་རྣམ་པ་ལྔའི། །རྡོ་རྗེའི་


JLAZ009_Page_0231
[མ་དཔེ་གཟིགས་ན་འདིར་གནོན།]

དམ་ཚིག་ཆེན་པོ་ནི། །རྣམ་གྲོལ་ཆེན་པོའི་ཏིང་འཛིན་ཏེ། །རང་བཞིན་མེད་པར་གསད་པར་བྱ། །ཞེས་པས་རྒྱུ་མ་རིག་པ་དང༌། རྐྱེན་ཉོན་མོངས་པ་ལྔའི་དུག་གིས་བསྐྱེད་པའི་ཆོས་ཅན་ཐམས་ཅད་རང་གི་མཚན་ཉིད་ཀྱིས་མ་གྲུབ་པའི་གཤིས་སྟོང་པ་ཉིད་ཀྱི་ངང་དུ་གསད་པ་ནི་དོན་དམ་པའི་བྱང་ཆུབ་ཀྱི་སེམས་སོ། །དེའི་ངང་ནས་ལྷག་པའི་བསམ་པས་ཀུན་རྫོབ་བྱང་ཆུབ་ཀྱི་སེམས་རྡོ་རྗེའི་རྣལ་འབྱོར་དུ་བསྐྱེད་པ་ནི། སེམས་ཅན་རྣམས་འཁོར་བའི་རྒྱ་མཚོ་ལས་བསྒྲལ་འདོད་ཀྱི་བློ་ཚད་མེད་བཞིའི་དམ་ཚིག་སྟེ། གནོད་སེམས་ཀྱི་བློ་དང་ལྷན་ཅིག་མི་གནས་པར་ངེས་པས། ཧཱུྃ། བྱམས་དང་སྙིང་རྗེ་དགའ་བ་དང༌། །བཏང་སྙོམས་བཞིས་བསྒྲལ་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །དེ་ལ་ཕུང་པོ་རྡོ་རྗེའི་སྒྲ་དོན་མི་ཆོད་པ་མི་ཤིགས་པ་སོགས་ཆོས་བདུན་དང་ལྡན་པ་ཡིན་པའི་སྟོང་པ་སྙིང་རྗེའི་རོས་གང་བའི་ཡེ་ཤེས་རྡོ་རྗེས་བདག་དང་སེམས་ཅན་ཐམས་ཅད་ཀྱི་མིང་བཞིའི་ཕུང་པོ་གཏམས་ནས། རྣམ་པར་ཤེས་པ་དེ་བཞིན་གཤེགས་པ་ཐམས་ཅད་ཀྱི་ཐུགས་རྡོ་རྗེའི་རང་བཞིན་ཡི་གེ་ཧཱུྃ་མཐིང་ནག་འོད་ཟེར་ཀུན་ཏུ་འཕྲོ་བར་བསྒོམ་པ་ནི་སྐྱེད་བྱེད་འགྲུབ་པའི་རྒྱུའི་ཏིང་ངེ་འཛིན་ནོ། །གཉིས་པ་ལ་གཉིས། རྟེན་གཞལ་ཡས་ཁང་བསྐྱེད་པ་དང༌། བརྟེན་པའི་ལྷ་ཚོགས་བསྐྱེད་པའོ། །དང་པོ་ལ་གཞལ་ཡས་ཁང་དང༌། གདན་བསྐྱེད་པ་གཉིས་ལས། དང་པོ་ནི་རྒྱུའི་ཏིང་ངེ་འཛིན་དེ་ཉིད་ལས་གཞལ་མེད་ཁང་གི་རྟེན་གཞི་འབྱུང་བ་རིམ་བརྩེགས་ཀྱི་ས་བོན་རྣམས་ཆད། ཕྱི་སྣོད་ཀྱི་འབྱུང་ཆེན་


JLAZ009_Page_0232
[མ་དཔེ་གཟིགས་ན་འདིར་གནོན།]

ལྔ་དང༌། ནང་བཅུད་ཀྱི་འབྱུང་ཆུང་ལྔ་པོ་ཡུམ་ལྔའི་མཁའ་ཀློང་རྣམ་པར་དག་པའི་གོར་ཤར་བའི་སྟེང་དུ་ཡེ་ཤེས་ཀྱི་གཞལ་མེད་ཁང་བསྐྱེད་པའི་ཚུལ། རྩ་བཤད་ལས། ཧཱུྃ་ཨེ་ཡཾ་རཾ་སུཾ་ཀེཾ་རཾ་བྷྲཱུཾ། བྷཱུཾ་བི་ཤྭ་བི་ཤུདྡྷེ་ཛྙཱ་ན་ཙཀྲ་མཎྜ་ལ་བྷྲཱུཾ། སྲོག་ལས་ནམ་མཁའ་གྲུ་གསུམ་དང༌། །རླུང་ཁྲག་ཤ་ཆེན་ཀེང་རུས་མེ། །འཇིགས་པའི་དུར་ཁྲོད་གཞལ་ཡས་ཁང༌། །སྒྲ་ཡི་རྐྱེན་གྱིས་རབ་ཏུ་རྫོགས། །ཏིང་འཛིན་དཀྱིལ་འཁོར་རྒྱུ་གཉིས་ཀྱི། །མཛེས་ཤིང་འཇིགས་པར་རབ་ཏུ་གནས། །ཕྱི་ནི་རིན་ཆེན་ལྔ་ལས་གྲུབ། །དབུས་སུ་ནོར་བུ་བཻ་ཌཱུརྱ། །ཤར་ནི་ཤེལ་ཡིན་ལྷོ་ནི་གསེར། །ནུབ་ནི་པདྨ་རཱ་ག་ལ། །བྱང་གི་ཨིནྡྲ་ནཱི་ལར་གནས། །རིན་ཆེན་ལྔ་ཡི་རྩིགས་པས་མཛེས། །འདོད་ཡོན་ལྷ་མོ་རིན་ཆེན་བརྡར། །མེ་ཏོག་ཕྲེང་བ་མུ་ཏིག་ཧར། །ཏྭ་ར་ཎ་ཞིང་འཁོར་ལོ་གདུགས། །བ་དན་ལ་སོགས་རབ་ཏུ་མཛེས། །ཏོག་ནི་རྡོ་རྗེ་རྩེ་དགུ་པའོ། །ནང་ནི་དུར་ཁྲོད་གཞལ་ཡས་ཁང༌། །ཀླུ་ཆེན་བརྒྱད་ཀྱི་ཀ་བ་ལ། །ཉི་མ་ཟླ་བ་ལྷ་ཡི་བུ། །ཀ་གདན་ཀ་གཞུ་མཛེས་པར་གནས། །ལྷ་ཆེན་བརྒྱད་ཀྱི་གདུང་ལ་ནི། །ཟླ་བའི་སྐར་ཁུང་ཡང་དག་གནས། །གཟའ་ཆེན་བརྒྱད་ཀྱི་ལྕམ་ལ་ནི། །ཉི་མའི་མཐོང་ཁུང་བཅུ་ཡིས་མཛེས། །ཉི་ཤུ་རྩ་བརྒྱད་རྒྱུ་སྐར་གྱིས། །གྲལ་མ་རྣམས་སུ་རབ་ཏུ་མཛེས། །ཐོད་པ་སྐམ་རློན་ར་རིས་


JLAZ009_Page_0233
[མ་དཔེ་གཟིགས་ན་འདིར་གནོན།]

ཀྱིས། །ཕྱོགས་བཞིའི་རྩིག་པ་རབ་ཏུ་བྱས། །འབྱུང་པོ་བསྣོལ་བས་མ་ཐེབ་བྱས། །ཆུ་སྲིན་ཡ་ཐེབ་ཉིད་དུ་བྱས། །རོ་རློན་ལོགས་ཀྱི་སྐྱེས་བུ་ལ། །རིགས་བཞི་ཀླུ་ཡི་སྒོ་བཞི་མཛེས། །དབུས་ཀྱི་གྲུ་གསུམ་མཐིང་ནག་ལ། །ཟླ་གམ་དམར་པོ་གསུམ་དང་ལྡན། །འཁོར་ལོ་རྩིབས་བརྒྱད་ནག་པོར་གནས། །དུར་ཁྲོད་བརྒྱད་དུ་གནས་པ་སྟེ། །མཚོ་དང་རླུང་དང་སྤྲིན་དང་ནི། །ཞིང་སྐྱོང་ཕྱོགས་སྐྱོང་མཆོད་རྟེན་དང༌། །བྲག་དང་མེ་ཡི་རྣམ་པར་གནས། །རོ་ནི་རློན་པ་ར་རི་དང༌། །ཀེང་རུས་བམ་རུལ་རྣམ་པར་འཐོར། །བྱ་གཅན་འཇིགས་པའི་མ་མོ་དང༌། །སྲིད་པའི་མཁའ་འགྲོ་མང་པོ་གནས། །གཞལ་ཡས་མཛེས་ཤིང་འཇིགས་པ་དེར། །གཉིས་པ་གདན་བསྐྱེད་པ་ནི། རཱུ་ཏྲ་ཀྲོ་དྷི་ཏི་ར་བཾ། པཾ་པདྨ་མཎྜ་ལ། མ་སཱུརྱ་མཎྜ་ལ། ཨ་ཙནྡྲ་མཎྜ་ལ། རཱུ་ཏྲ་ཕོ་མོ་དམ་སྲི་བཅུ། །བདུད་བཞི་བགེགས་བཞི་ཕོ་མོ་རྣམས། །ཁ་སྦུབ་གན་རྐྱལ་བྱི་ཆིངས་མནན། །པདྨ་ཉི་ཟླ་ཡོན་ཏན་སྤྲས། །རབ་བསྐྱེད་འོད་ཟེར་རབ་ཏུ་འཁྲུགས། །གཉིས་པ་བརྟེན་པའི་ལྷ་བསྐྱེད་པ་ལ་གཉིས། གཞན་གྱི་སྲས་སུ་བདག་བྱ་བ་དང༌། བདག་གི་སྲས་སུ་གཞན་བྱ་བའི་ཚུལ་ལོ། །དང་པོ་ཡེ་ཤེས་རྩེ་མོར་ལས། ཇི་ལྟར་སངས་རྒྱས་ཐུགས་ལས་བྱུང༌། །ལྷུན་གྱིས་གྲུབ་པའི་ཆོ་ག་དང༌། །ཆོ་


JLAZ009_Page_0234
[མ་དཔེ་གཟིགས་ན་འདིར་གནོན།]

གའི་ཡན་ལག་རྫོགས་པ་ལ། །མཁས་པ་སངས་རྒྱས་སྲས་ཡིན་ནོ། །ཞེས་པས་རྡོ་རྗེ་ཆོ་ག་གསུམ་གྱིས་རྒྱུའི་ཧེ་རུ་ཀ་ཞི་བ་ལས་བརྫུས་སྐྱེས་ཁྲོ་བོར་སྐད་ཅིག་གིས་གནས་འགྱུར་བའི་ཚུལ་ལས་བསྐྱེད་པ་སྟེ། ཨོཾ་ཨཱཿབཛྲ་སཏྭ་ཧཱུྃ། རྡོ་རྗེ་ཧཱུྃ་ཡིག་ཡོངས་གྱུར་ལས། །རྡོ་རྗེ་སེམས་དཔའ་ཡབ་ཡུམ་ནི། །མཚན་དང་དཔེ་བྱད་ཡང་དག་རྫོགས། །རྡོ་རྗེ་དྲིལ་བུ་བདེ་བར་འཁྱུད། །ཀུནྡ་ལྟ་བུར་དཀར་བའི་མདོག །རིགས་ལྔ་ཁྲག་འཐུང་ཡབ་ཡུམ་བཅུ། །འདུས་པའི་རྡོ་རྗེ་གཞོན་ནུའི་སྐུ། །ཨཱོཾ་བཛྲ་ཀཱི་ལི་ཀཱི་ལ་ཡ་དཱིཔྟ་ཙཀྲ་ཧ་ན་ཧ་ན་རུ་ལུ་རུ་ལུ་ཧཱུྃ་བྷྱོ་ཧཱུྃ། ཞེ་སྡང་ཁྲག་འཐུང་རྒྱལ་པོ་དང༌། །བདེ་བར་སྒྲོལ་བར་བྱེད་པའི་ཡུམ། །ཁྲོ་ཞིང་རྔམས་པའི་ཚུལ་བསྐྱེད་པས། །གདུག་པ་མ་ལུས་སྒྲོལ་བར་བྱེད། །ཨ་དང་ཧཱུྃ་ལས་རབ་ཏུ་སྦྱར། །ཡུམ་གྱིས་ཡབ་ཀྱི་ལྕེ་གཞིབས་ནས། །ཡུམ་གྱི་ཐུགས་ཀར་ཨུཏྤལ་གཏད། །གདུང་བའི་ང་རོས་འདི་སྐད་བརྗོད། །ཧཱུྃ། རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་རྡོ་རྗེར་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོར་གྲུབ་པར་མཛོད། །ཧཱུཾ། ཡེ་ཤེས་རྩེ་མོ་ལས། འཁོར་ལོ་གཞོན་ནུའི་རིག་འཛིན་རྣམས། །སྲིད་པ་འཁོར་ལོར་གྲུབ་མཛོད་ཅིག །སྲིད་པ་འཁོར་ལོ་ཕུར་པའི་ལྷ། །ཡེ་ཤེས་ཁྲོ་བོར་གྲུབ་པར་མཛོད། །ཧཱུཾ།


JLAZ009_Page_0235
[མ་དཔེ་གཟིགས་ན་འདིར་གནོན།]

རིན་ཆེན་གཞོན་ནུའི་རིག་འཛིན་རྣམས། །སྲིད་པ་རིན་ཆེན་གྲུབ་མཛོད་ཅིག །སྲིད་པ་རིན་ཆེན་ཕུར་ པའི་ལྷ། །ཡེ་ཤེས་ཁྲོ་བོར་གྲུབ་པར་མཛོད། །ཧཱུྃ། པདྨ་གཞོན་ནུའི་རིག་འཛིན་རྣམས། །སྲིད་པ་པདྨར་གྲུབ་མཛོད་ཅིག །སྲིད་པ་པདྨ་ཕུར་པའི་ལྷ། །ཡེ་ཤེས་ཁྲོ་བོར་གྲུབ་པར་མཛོད། །ཧཱུྃ། སྣ་ཚོགས་གཞོན་ནུའི་རིག་འཛིན་རྣམས། །སྲིད་པ་རལ་གྲིར་གྲུབ་མཛོད་ཅིག །སྲིད་པ་རལ་གྲི་ཕུར་པའི་ལྷ། །ཡེ་ཤེས་ཁྲོ་བོར་གྲུབ་པར་མཛོད། །གཉིས་པ་བདག་སྲས་ནི། རྩེ་མོ་ལས། སྲས་དང་བཙུན་མོ་བཅས་པ་ནི། །འཁོར་བའི་ཆོས་ལས་སྐྱེས་པ་སྟེ། །སེམས་ཅན་གྱི་ནི་སྲས་སུ་བྱ། །ཞེས་པས། ཡབ་ཡུམ་སྦྱོར་བ་མཛད་པ་ལས། །དགྱེས་མཆོད་གསང་བ་སོ་སོར་ཐོབ། །སྥ་ར་ཎ་ཕཊ་བརྗོད་པས། །འོད་ཀྱིས་སྲས་བཅས་རྒྱལ་བ་མཆོད། །སེམས་ཅན་ཀུན་གྱི་སྒྲིབ་པ་སྦྱངས། །སཾ་ཧ་ར་ཎ་ཧཱུྃ་བརྗོད་པས། །ཕྱོགས་བཅུའི་དེ་བཞིན་གཤེགས་པ་རྣམས། །བཀུག་ནས་ཡུམ་གྱི་མཁའ་རུ་བསྟིམ། །བདེ་ཆེན་བྱང་ཆུབ་སེམས་སུ་གྱུར། །རྡོ་རྗེའི་དམ་ཚིག་ཨེ་མ་ཧོ། །གཉིས་མེད་དགྱེས་པ་ཆེན་པོའི་ངང༌། །ཡབ་ཡུམ་འོད་ཞུ་ཡི་གེ་ཧཱུྃ། །ཡོངས་གྱུར་འབྲས་བུའི་ཧེ་རུ་ཀ །དཔལ་ཆེན་རྡོ་རྗེ་གཞོན་ནུ་ནི། །སྒེག་པ་


JLAZ009_Page_0236
[མ་དཔེ་གཟིགས་ན་འདིར་གནོན།]

དཔའ་བ་གར་དགུ་པ། །རྫུ་འཕྲུལ་ཞབས་བཞི་དོར་སྟབས་བསྒྲད། །རྣམ་པར་ཐར་པའི་དབུ་གསུམ་གྱི། །སྐྲག་མཛད་བཞད་གཤེ་ཁྲོ་བོའི་ཞལ། །གཡས་པ་ལྗང་ནག་གཡོན་དམར་ནག །སྤྱན་དམར་སྨིན་མ་སྨ་ར་སེར། །ཁྲོ་གཉེར་ཆུ་ཡི་རླབས་བཞིན་འཁྲུགས། །ཕ་རོལ་ཕྱིན་དྲུག་མཚོན་པ་ཡི། །ཕྱག་དྲུག་གཡས་ཀྱི་དང་པོ་ན། །གསེར་གྱི་རྡོ་རྗེ་རྩེ་དགུ་དང༌། །གཡོན་གྱི་དང་པོ་མེ་དཔུང་བསྣམས། །གཡས་པ་རྡོ་རྗེ་རྩེ་ལྔ་དང༌། །དགྲ་སྟྭ་རྡོ་རྗེ་ཐོ་བའོ། །སློབ་དཔོན་ཆེན་པོས་ཆོས་རྒྱལ་གི་ཐུགས་དམ་དུ་བཞག་པ་རྡོ་རྗེ་བཀོད་པ་རྣལ་འབྱོར་ཆེན་པོའི་རྒྱུད་ཀྱི་ལེའུ་དགུ་པ་སྒྲ་ཇི་བཞིན་པའོ། །ཁ་ཊྭཱྃ་ཐོད་དབྱུག་ལྕགས་ཀྱུ་གཡོན། །གཡས་ཀྱི་ཐ་མ་ཕུར་པ་དང༌། །གཡོན་ན་ཕྲ་མེན་རྦོད་གཏོང་ནི། །ཁྱུང་དང་བྱ་རྒོད་འུག་པ་དང༌། །ཁྲ་དང་བྱ་རོག་ཕོ་ཉར་འགྱེད། །རྡོ་རྗེའི་གཤོག་པས་སྲིད་གསུམ་གནོན། །མཐིང་ནག་སྐུ་ལ་དུར་ཁྲོད་བརྒྱན། །རིགས་ལྔ་ཐོད་པ་ལྔ་ཡིས་བརྒྱན། །ཀླུ་ཆེན་བརྒྱད་དང་ཐོད་པས་བརྒྱན། །འཁོར་ལོ་རྒྱས་འདེབས་བདེ་བའི་ཡུམ། །ཡབ་དང་སྦྱོར། སྦྲུལ་དང་ཐོད་པ་གཟིག་གིས་བརྒྱན། །དྲིལ་བུ་ཐོད་ཁྲག་ཕྱག་ན་བསྣམས། །ཨེ་ཀ་ཛ་ཊི་སྒྲོལ་བའི་ཡུམ། །གཡོན་ན་བཞུགས། གྲི་གུག་ཐོད་ཁྲག་ཁམས་


JLAZ009_Page_0237
[མ་དཔེ་གཟིགས་ན་འདིར་གནོན།]

གསུམ་སྒྲོལ། རེ་འགའ་ཁ་ཊྭཱཾ་རྩེ་གསུམ་བསྣམས། །གཡེར་ཁ་དྲིལ་བུ་ཉིད་ལས་ཡང༌། །རྟོག་མེད་ཆོས་ཀྱི་སྒྲ་འབྱིན་མ། །མ་མོ་དྲུག་ཅུ་ཕོ་ཉར་འགྱེད། །དེ་ནས་སྙོམས་པར་ཞུགས་པས་ཐོག་མར་མཁའ་གསང་བརླབས་ཤིང་སྲས་འབྱིན་གྱི་སྦྱོར་བ་བསྒྲུབ་པ་ནི། ཧཱུྃ་ལས་ཡབ་ཀྱི་གསང་གནས་ནི། །རྡོ་རྗེ་རྩེ་ལྔར་ཟླ་དཀྱིལ་ཨཱོཾ། །པཾ་ལས་ཡུམ་མཁའ་པད་འདབ་བརྒྱད། །ཟེ་འབྲུ་ཉི་མར་མུཾ་གྱིས་མཚན། །ས་མ་ཡ་ཧོ་ཡབ་ཀྱི་བརྡའ། །ས་མ་ཡ་སྟྭཾ་ཡུམ་གྱི་ལན། །རཱ་ག་ཡ་ཧོ་ཡབ་ཀྱི་བརྡའ། །རཱ་ག་ཡ་མི་ཡུམ་གྱི་ལན། །ཛཿཧཱུྃ་བཾ་ཧོཿཕྱག་རྒྱ་བཞིས། །ཐལ་གོང་སྐེད་སྐབས་དབང་པོའི་སྒོ། །བོ་ལ་ཀ་ཀོ་ལ་རྣམས་སྤྲད། །ཆགས་པ་ལྕགས་ཀྱུ་ཞེས་བྱ་སྟེ། །རྡོ་རྗེ་འབར་བ་ལས། པདྨར་ཆུད་པ་ཞགས་པ་མོ། །ཁ་ཕྱེད་མ་ནི་སྒྲོག་ཡིན་ཏེ། །སྒྲ་གྲགས་མ་ནི་དྲིལ་བུའོ། །པདྨ་ཡོ་གི་ནི་པྲ་ཝེ་ཤ་ཡ་ཕཊ། འདོད་ཆགས་ཆེན་པོའི་ཚུལ་གྱིས་ནི། །ཡེ་ཤེས་དཀྱིལ་འཁོར་ཀུན་བསྡུས་ཏེ། །འཁོར་རྣམས་ཐུགས་ལ་ཞུགས་པ་ཡིས། །ཤེས་རབ་མ་ནི་དགའ་བར་བྱ། །དེ་བཞིན་གཤེགས་པ་ཐམས་ཅད་ལ། །གསང་བ་འདི་ལས་གཞན་མེད་དེ། །ཀུན་རྫོབ་དང་ནི་དོན་དམ་གྱི། །ཆོས་ཀུན་བྱང་ཆུབ་སེམས་སུ་གནས། །དང་པོར་བབས་པས་གཞལ་མེད་ཁང༌། །ཡུམ་མཁའ། གཉིས་པ་གདན་གྱུར་གསུམ་པ་ལས། །ཡབ་ཀྱི་རྟོག་ཚོགས་ཡི་གེར་རྫོགས། །བྷ་ག་ཉིད་དུ་ལྷ་རྣམས་བསམ། །ཨོཾ་བཛྲ་ཀཱི་ལི་ཀཱི་ལ་ཡ་


JLAZ009_Page_0238
[མ་དཔེ་གཟིགས་ན་འདིར་གནོན།]

ཕཊ་ཛཿ ཨོཾ་ཨཱཿཧཱུྃ་ཀཱ་ཡ་ཝཱ་ཀ་ཙིཏྟ་བཛྲ་ཛྙཱ་ན་ཨཱ་བེ་ཤ་ཡ། ཨོཾ་ཨཱཿཧཱུྃ་མཎྜ་ལ་སིདྡྷི་ཧཱུྃ། ཀཱི་ལི་ཀཱི་ལ་ཡ། ཀྲོ་ཏ་ཀྲོ་ཏི་ཧ་ཧེ་ཕཊ། སཾ་ཧ་ར་ཎ་ཧཱུྃ། མ་ཧཱ་ས་ན་ས་མ་ཡ་ཧོཿ ཧཱུྃ་ཧཱུྃ་བཛྲ་གྷཎྜ་བཛྲ་ཀཱི་ལི་ཀཱི་ལ་ཡ། སརྦ་བིག་ནན་བཾ་ཧཱུྃ་ཧཱུྃ་ཕཊ། དཱིཔྟ་ཙཀྲ་ཧ་ན་ཧ་ན་ཧཱུྃ་ཕཊ། མ་ཧཱ་བོ་དྷི་ཙིཏྟ་མཎྜ་ལ་ཧཱུྃ་ཕཊ། ཡབ་ཡུམ་འདོད་ཆགས་ང་རོ་བརྗོད། །བྱིན་གཉིས་དམ་དུ་རབ་འཁྱུད་དེ། །ལག་པ་དམ་འཁྱུད་མ་མཆུ་གཞིབས། །རྡོ་རྗེའི་དམ་ཚིག་གླུ་ཡིས་བསྐུལ། །ཧཱུྃ། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེའི་ཆོས་དབྱིངས་ལས། །འབར་བའི་ཁྲོ་བོ་མི་བཟད་པའི། །སྐུ་ཡི་དབྱིག་ཏུ་སྲས་བསྐྱེད་ཅིག །ཧཱུྃ། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་འཁོར་ལོའི་ཆོས་དབྱིངས་ལས། །འཁོར་ལོའི་ཁྲོ་བོ་མི་བཟད་པའི། །སྐུ་ཡི་དབྱིག་ཏུ་སྲས་བསྐྱེད་ཅིག །ཧཱུྃ། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རིན་ཆེན་ཆོས་དབྱིངས་ལས། །རིན་ཆེན་ཁྲོ་བོ་མི་བཟད་པའི། །སྐུ་ཡི་དབྱིག་ཏུ་སྲས་བསྐྱེད་ཅིག །ཧཱུྃ། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་པདྨའི་ཆོས་དབྱིངས་ལས། །པདྨའི་ཁྲོ་བོ་མི་བཟད་པའི། །སྐུ་ཡི་དབྱིག་ཏུ་སྲས་བསྐྱེད་ཅིག །ཧཱུྃ། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རལ་གྲིའི་ཆོས་དབྱིངས་ལས། །རལ་གྲིའི་ཁྲོ་བོ་མི་བཟད་པའི། །སྐུ་ཡི་དབྱིག་ཏུ་སྲས་


JLAZ009_Page_0239
[མ་དཔེ་གཟིགས་ན་འདིར་གནོན།]

བསྐྱེད་ཅིག །ཅེས་བདག་ཉིད་རྩ་བའི་དཀྱིལ་འཁོར་ལ་བསྐུལ་ནས། ཕུར་པ་རྫས་ཀྱི་དཀྱིལ་འཁོར་སྲས་ཀྱི་རང་བཞིན་དུ་བསྐྱེད་པ་ནི། དེ་བརྗོད་བདེ་བའི་རྦ་རླབས་ཀྱིས། །ཡི་གེ་འཇོམས་བྱེད་སྒྲ་ཡིས་བསྐྱེད། །ཨཱོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུཾ་ཧཱུཾ་ཕཊ། ཨཱོཾ་བུདྡྷ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུཾ་ཧཱུཾ་ཕཊ། ཨཱོཾ་རཏྣ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུཾ་ཧཱུཾ་ཕཊ། ཨཱོཾ་པདྨ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུྃ་ཧཱུྃ་ཕཊ། ཨཱོཾ་ཀརྨ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུྃ་ཧཱུྃ་ཕཊ། སྲས་མཆོག་རྡོ་རྗེ་ཕུར་པ་ནི། །ཡུམ་གྱི་བྷ་གར་སྐུ་གསུམ་རྫོགས། །བཛྲ་ས་མ་ཡ་ཛཿ དེ་བརྗོད་ཡབ་ཀྱི་ཕྱག་གིས་བླངས། །ཕྱག་ནི་རིགས་ལྔ་ཡབ་ཡུམ་བཅུ། །ས་མ་ཡ་ཧོཿ ས་མ་ཡ་སྟྭཾ། བདེ་བའི་རླབས་ཀྱིས་དབང་བཞི་བསྐུར། །ཨོཾ་བཛྲ་ཀཱི་ལི་ཀཱི་ལ་ཡ་ཨཱ་ཝེ་ཤ་ཡ་ཧཱུྃ་ཕཊ། རིགས་ལྔའི་དབུ་ཡི་གཙུག་ཏོར་ཅན། །རྡོ་རྗེ་རིན་ཆེན་པདྨ་ལས། །དེ་བཞིན་རིགས་ཀྱི་སྲས་མཆོག་ལྔ། །སྟོད་ནི་གཙོ་བོ་ཡབ་འདྲ་ལ། །སྨད་ནི་ཆུ་སྲིན་ཕུར་པའི་དབལ། །དུས་མཐའི་མེ་ལྕེ་འུར་འུར་འབར། །སྐུ་གཅིག་ངང་ལ་སྐུ་གསུམ་རྫོགས། །རྒྱ་མདུད་ནང་ནས་སྔགས་ཀྱི་སྒྲ། །འབྲུག་སྟོང་ལྟ་བུར་ལྡིར་ཞིང་སྒྲོགས། །ཆུ་སྲིན་ཁ་ནང་མེ་ལྕེ་འོད། །གློག་ལྟར་འཁྱུད་ཅིང་སྟོང་གསུམ་གསལ། །སྡིག་སྦྲུལ་སྦལ་ལྕོང་ཆོ་འཕྲུལ་འགྱེད། །སྟོང་གསུམ་


JLAZ009_Page_0240
[མ་དཔེ་གཟིགས་ན་འདིར་གནོན།]

གང་ཞིང་ཀླུ་རྣམས་འདུལ། །ཐུགས་ཀ་དཔལ་བེའི་དཀྱིལ་འཁོར་ན། །བཞི་བཅུ་རྩ་བདུན་ལྷ་ཚོགས་དང༌། །དབུ་ལ་རིགས་ལྔ་ཁྲག་འཐུང་རྫོགས། །དཀྱིལ་འཁོར་ཡོངས་རྫོགས་བདག་ཉིད་ཅན། །དགྲ་སྟྭ་གཡས་ལ་རང་རྟགས་གཡོན། །བར་པ་ཁ་ཊྭཱཾ་གཏུན་ཤིང་དང༌། །ཐ་མ་རི་རབ་ཕུར་བུ་འདྲིལ། །རྒྱུད་ལྔ་ཡེ་ཤེས་ལྔ་རུ་སྒྲོལ། །དུག་ལྔ་རྩད་ནས་གཅོད་པར་བྱེད། །སངས་རྒྱས་འདུས་པ་ཐམས་ཅད་ཀྱི། །སྐུ་གསུང་ཐུགས་སུ་བྱིན་གྱིས་བརླབས། །ཨཱོཾ་བུདྡྷ་ཀཱི་ལི་ཀཱི་ལ་ཡ་ཀཱ་ཡ་བཛྲ་ནན། ཛྭ་ལ་ཛྭ་ལ་པྲ་ཛྭ་ལ་པྲ་ཛྭ་ལ། སྥུ་ཊ་སྥུ་ཊ་སརྦ་ན་ས་པ་ན་ཡེ་ཧཱུྃ་ཕཊ། ཨཱོཾ་པདྨ་ཀཱི་ལི་ཀཱི་ལ་ཡ་ཝཱཀྐ་བཛྲ་ནན། སརྦ་དུཥྟཾ་ཧྲཱིཿ ཤོདྷ་ཡ་ཧཱུྃ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ་བཛྲ་ཙིཏྟ་ནན། ཙྪིནྡྷ་ཙྪིནྡྷ་ཧཱུྃ་ཕཊ། ལུས་ཀྱི་བ་སྤུའི་བུ་ག་ཀུན། །ཁྲོ་ཆུང་ཉིད་ཀྱིས་རབ་ཏུ་གཏམས། །ཨཱོཾ་བཛྲ་ཀཱི་ལི་ཀཱི་ལ་ཡ། བེ་ཏཱ་ལི་མཎྜ་ལ་རཀྵ་རཀྵ་ཧཱུྃ་ཕཊ། མ་ཧཱ་རཀྟ་ཛྭ་ལ་ནི་ཧཱུྃ་ཕཊ། ལུས་ཀྱི་བཀྲག་དང་ལྡན་པ་དང༌། །བ་སྤུའི་བུ་ག་རྡོ་རྗེས་གཏམས། །ཨཱོཾ་བཛྲ་ཀཱི་ལི་ཀཱི་ལ་ཡ། མ་གུ་ཏ་ལ་པྲ་ཏ་ལ་ཧཱུྃ་ཕཊ། ཨཱོཾ། བུདྡྷ་ཐམས་ཅད་འདུས་པའི་སྐུར། །ཁྲོ་བོ་དུ་མས་བྱིན་གྱིས་བརླབས། །ཁམས་གསུམ་གདུག་པ་བསྒྲལ་བའི་ཕྱིར། །གདུལ་བྱའི་གདན་ལ་བཞུགས་སུ་


JLAZ009_Page_0241
[མ་དཔེ་གཟིགས་ན་འདིར་གནོན།]

གསོལ། །ས་མ་ཡ་ཏིཥྛ། ཞེས་ཕུར་པ་རྫས་ཀྱི་དཀྱིལ་འཁོར་དང་གཉིས་སུ་མེད་པར་བསམ་མོ། །དེ་ནས་ཕྱོགས་བཅུ་ཁྲོ་བོའི་དཀྱིལ་འཁོར་བསྐྱེད་པ་ནི། མཚན་སྔགས་ཀྱིས་ཁྲོ་བཅུ་སོ་སོ་དང༌། ཧཱུྃ་གིས་ཡུམ། གརྫ་ལ་སོགས་པ་གཉིས་གཉིས་ལས་ཁྲ་ཐབས་རྣམས་བྱུང༌། ཧཱུྃ་ཕཊ་ཀྱིས་བསྐུལ་བས། གཙོ་བོ་ཡབ་ཡུམ་གྱི་སྦྱོར་མཚམས་ལས་ཐོན་ཏེ་ཕྱོགས་སྐྱོང་གི་གདན་ལ་འཁོད་པར་བསམས་ལ། དེ་ནས་ཕྱོགས་སྐྱོང་ཚར་གཅད་ཕྱིར། ཧཱུྃ་ཧཱུྃ་ཧཱུྃ། ཧཱུྃ་སྒྲ་དྲག་པོས་སྙོམས་པར་ཞུགས། །བྱང་ཆུབ་སེམས་ཀྱི་རང་བཞིན་ནི། །ཁྲོ་བོར་གྱུར་པས་ཕྱོགས་སྐྱོང་བཅུ། །སྡེ་དང་བཅས་པ་ཚར་བཅད་དེ། །སྲོག་སྙིང་ཕྲོགས་ནས་སྟན་དུ་བཏིང༌། །ཨོཾ་ཨིནྡྲ་ཡེ། ཨགྣ་ཡེ། ཡ་མ་ཡེ། ནི་རྲྀ་ཏི། ཝཱ་རུ་ཎ། བཱ་ཡ་བེ། ཀུ་བེ་ར། ཨི་ཤ་ན། སཱུརྱ་ཙནྡྲ། པྲྀ་ཐི་བཱི་བྷྱ་ཏི་ར་བཾ་ཛཿཧཱུྃ་བཾ་ཧོཿ དེ་ནས་འདོད་ཆགས་ཆེན་པོ་ཡིས། །གསང་བའི་པདྨ་རྒྱས་མཛད་ནས། །བྱང་ཆུབ་སེམས་ཀྱི་འོད་ཟེར་དག །གསང་བའི་དབྱིངས་སུ་བསྟིམ་པར་བྱ། །བྱང་ཆུབ་སེམས་ཀྱི་སྒོ་ང་ལས། །ཁྲོ་བོའི་དཀྱིལ་འཁོར་ཐམས་ཅད་ནི། །ཐུགས་ཀ་ནས་ནི་ཕྱུང་གྱུར་ཏེ། །ཁྲོས་པའི་དཀྱིལ་འཁོར་ཉིད་དུ་བཞུགས། །ཨཱོཾ་བཛྲ་ཀྲོ་དྷ་ཧཱུྃ་ཀཱ་ར་ཧཱུྃ། གརྫ་ཧཱུྃ་ཕཊ། གརྫ་ཧཱུྃ་ཕཊ། སྟེང་ཕྱོགས་ཉི་ཟླའི་གདན་སྟེང་དུ། །ཁྲོ་བོ་རྡོ་རྗེ་ཧཱུྃ་


JLAZ009_Page_0242
[མ་དཔེ་གཟིགས་ན་འདིར་གནོན།]

མཛད་ནི། །ཞལ་གཡས་སྔོ་ཞིང་གཡོན་པ་དམར། །དབུས་ཞལ་སྐུ་ནི་དཀར་བའོ། །རྡོ་རྗེ་དུང་ཁྲག་རིག་མ་འཁྱུད། །རྡོ་རྗེ་ཐོ་བ་གཡས་པ་སྟེ། །མདའ་གཞུ་སྤུ་གྲི་གཡོན་པའོ། །ཡུམ་ཆེན་རྡོ་རྗེ་སྒྲ་འབྱིན་མ། །སྤྲུལ་པ་ཕག་དང་སྨིག་བུའི་མགོ །ཨཱོཾ་བཛྲ་ཀྲོ་དྷ་བི་ཛ་ཡ་ཧཱུྃ། ཧ་ན་ཧཱུཾ་ཕཊ། ཧ་ན་ཧཱུྃ་ཕཊ། ཤར་རྩིབས་དྲི་ཟའི་གདན་སྟེང་དུ། །ཁྲོ་བོ་རྡོ་རྗེ་རྣམ་པར་རྒྱལ། །དབུས་དཀར་གཡས་སྔོ་ལྗང་སེར་གཡོན། །དང་པོ་རྡོ་རྗེ་དུང་ཆེན་ཏེ། །བར་པ་རྩེ་གསུམ་འཁོར་ལོ་འཕྱར། །ཏི་ར་བྱ་རྒོད་ཐ་མ་འཛིན། །བྲག་གི་སྟེང་ན་བརྒྱ་བྱིན་གནོན། །རྡོ་རྗེའི་རྒྱན་རྣམས་རྫོགས་པར་བཏགས། །ཡུམ་ཆེན་རྡོ་རྗེ་སྙེམས་མ་དང༌། །སྤྲུལ་པ་སྟག་དང་བླ་རྒོད་མགོ །ཨཱོཾ་བཛྲ་ཀྲོ་དྷ་ནི་ལ་དཎྜ་ཧཱུྃ། ད་ཧ་ཧཱུྃ་ཕཊ། ད་ཧ་ཧཱུྃ་ཕཊ། ཤར་ལྷོ་མེ་ལྷའི་གདན་སྟེང་དུ། །དབྱུག་པ་སྔོན་པོ་སྔོ་སྐྱ་དབུས། །གཡས་དཀར་གཡོན་ནི་དམར་སྐྱ་སྟེ། །རྡོ་རྗེ་དུང་ཆེན་དབྱུག་པ་མེ། །ཏི་རའི་དབྱུག་པ་ཁ་ཡིས་མཛེས། །འབར་བ་ཞབས་དྲུག་དྲང་སྲོང་གནོན། །ཡུམ་ཆེན་རྡོ་རྗེ་སྡེར་མོ་དང༌། །སྤྲུལ་པ་གཡག་དང་བྱ་རོག་མགོ །ཨཱོཾ་བཛྲ་ཀྲོ་དྷ་ཡ་མནྟ་ཀ་ཧཱུྃ། པ་ཙ་ཧཱུྃ་ཕཊ། པ་ཙ་ཧཱུྃ་ཕཊ། ལྷོ་ཕྱོགས་གཤིན་རྗེའི་གདན་སྟེང་དུ། །གཤིན་རྗེའི་རྒྱལ་པོ་སྔོན་པོ་སྟེ། །སྔོ་སྐྱ་ལྗང་ནག་


JLAZ009_Page_0243
[མ་དཔེ་གཟིགས་ན་འདིར་གནོན།]

གཡོན་གྱི་དབུ། །དུང་ཁྲག་ཐོད་དབུག་དགྲ་སྟྭ་བསྣམས། །ཏི་ར་བྱ་རོག་ཐ་མར་མཛེས། །འཇིགས་བདག་སྟེང་ན་འཇིགས་པར་བསྟན། །ཡུམ་ཆེན་དུར་ཁྲོད་བདག་མོ་དང༌། །སྤྲུལ་པ་ཤ་བ་འུག་པའི་མགོ །ཨཱོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུྃ། བནྡྷ་ཧཱུྃ་ཕཊ། བནྡྷ་ཧཱུྃ་ཕཊ། ལྷོ་ནུབ་སྲིན་པོའི་གདན་སྟེང་དུ། །མི་གཡོ་ལྗང་སྔོན་འབར་བའི་ཞལ། །སྔོན་པོ་སྨུག་ནག་གཡོན་གྱི་དབུ། །དུང་ཁྲག་རལ་གྲི་ཞགས་པས་བརྒྱན། །ཏི་ར་འུག་པས་རྒྱན་པར་མཛེས། །བདེན་བྲལ་བཙིར་བར་མཛད་པ་སྟེ། །རྒྱན་རྣམས་རྫོགས་པར་ཡང་དག་བཏགས། །ཡུམ་ཆེན་རྡོ་རྗེ་གཏུན་ཁུང་དང༌། །སྤྲུལ་པ་གཟིག་དང་ཁྭ་ཏའི་མགོ །ཨཱོཾ་བཛྲ་ཀྲོ་དྷ་ཧྱ་གྲཱི་ཝ་ཧྲཱིཿ ཧུ་ལུ་ཧཱུྃ་ཕཊ། ཧུ་ལུ་ཧཱུྃ་ཕཊ། ནུབ་ཕྱོགས་ཀླུ་ཡི་གདན་སྟེང་དུ། །རྟ་སྐད་དམར་པོ་གཡས་དཀར་པོ། །གཡོན་ནི་སྔོན་པོ་རྣམ་པར་མཛེས། །དུང་ཁྲག་ཞགས་པ་སྤུ་གྲི་ཅན། །ཏི་ར་མཁའ་ལྡིང་ཐ་མར་མཛེས། །དུག་གི་སྟེང་ན་ཞབས་གཉིས་བརྐྱང༌། །རྡོ་རྗེ་རྟ་ཡི་རྒྱལ་པོ་བཏགས། །ཡུམ་ཆེན་རྡོ་རྗེ་གཏུམ་མོ་དང༌། །སྤྲུལ་པ་བྱི་ལ་པུ་ཤུད་མགོ །ཨཱོཾ་བཛྲ་ཀྲོ་དྷ་ཨ་པ་ར་ཛི་ཏ་ཧཱུྃ། ཏིཥྛ་ཧཱུྃ་ཕཊ། ཏིཥྛ་ཧཱུྃ་ཕཊ། ནུབ་བྱང་རླུང་ལྷའི་གདན་སྟེང་དུ། །གཞན་ལས་རྒྱལ་བ་དམར་སྐྱ་སྟེ། །


JLAZ009_Page_0244
[མ་དཔེ་གཟིགས་ན་འདིར་གནོན།]

སེར་པོ་ལྗང་གུ་གཡོན་གྱི་ཞལ། །དུང་ཁྲག་དཔལ་མདའ་རྔ་ཡབ་ཅན། །ཏི་ར་སྐྱེ་ཀ་ཡང་དག་འཛིན། །རླུང་གི་སྟེང་ན་ཞབས་བརྐྱང་སྟེ། །འབར་བའི་རྒྱན་རྣམས་ཚང་བར་བཏགས། །ཡུམ་ཆེན་རྡོ་རྗེ་མདའ་སྙེམས་མ། །སྤྲུལ་པ་སྤྱང་ཀི་ཁྲ་ཡི་མགོ །ཨཱོཾ་བཛྲ་ཀྲོ་དྷ་ཨ་མྲི་ཏ་ཀུཎྜ་ལི་ཧཱུྃ། ཙྪིནྡྷ་ཧཱུྃ་ཕཊ། ཙྪིནྡྷ་ཧཱུྃ་ཕཊ། བྱང་ཕྱོགས་གནོད་སྦྱིན་གདན་སྟེང་དུ། །བདུད་རྩི་འཁྱིལ་བ་ལྗང་ནག་མདོག །སེར་པོ་དུད་ཁ་གཡོན་གྱི་ཞལ། །དུང་ཁྲག་དབྱུག་ཏོ་རྒྱ་གྲམ་སྟེ། །ཏི་རའི་དབྱུག་པ་པུ་ཤུད་ཅན། །གསུས་པ་འཕྱངས་པ་རྣམ་པར་བརྫིས། །འབར་བ་ཆེན་པོ་རྣམ་པར་བཏགས། །ཡུམ་ཆེན་རྡོ་རྗེ་རླུང་འབྱིན་དང༌། །སྤྲུལ་པ་སེང་གེ་ཕ་ཝང་མགོ །ཨཱོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡེ་ཧཱུྃ། བིནྡྷ་ཧཱུྃ་ཕཊ། བིནྡྷ་ཧཱུྃ་ཕཊ། བྱང་ཤར་དབང་ལྡན་གདན་སྟེང་དུ། །ཁམས་གསུམ་ཀུན་ལས་རྒྱལ་བ་ནི། །གསེར་གྱི་མདོག་འདྲ་གཡས་དཀར་ཏེ། །གཡོན་གྱི་དབུ་ནི་ལྗང་དགུའོ། །དུང་ཁྲག་ལྕགས་ཀྱུ་རལ་གྲི་གཡས། །རིན་ཆེན་པདྨ་གཡོན་ན་བསྣམས། །ཡུམ་ཆེན་རྡོ་རྗེ་གསོད་མ་དང༌། །སྤྲུལ་པ་དོམ་དང་སྲེ་མོང་མགོ །ཨཱོཾ་བཛྲ་ཀྲོ་དྷ་མ་ཧཱ་བ་ལ་ཧཱུྃ། སྥོ་ཊ་ཧཱུྃ་ཕཊ། སྥོ་ཊ་ཧཱུྃ་ཕཊ། འོག་ཕྱོགས་ས་བདག་གདན་སྟེང་དུ། །རྡོ་རྗེ་


JLAZ009_Page_0245
[མ་དཔེ་གཟིགས་ན་འདིར་གནོན།]

ཁྲོ་བོ་སྟོབས་པོ་ཆེ། །དབུས་ནག་གཡས་དཀར་གཡོན་པ་དམར། །རྩ་ཕྱག་རྡོ་རྗེ་དུང་ཁྲག་སྟེ། །གཡས་གཉིས་རྡོ་རྗེ་ཞགས་པ་དང༌། །གཡོན་ནི་གཤོལ་དང་གཏུན་ཤིང་འཛིན། །ཀུན་ཀྱང་རྡོ་རྗེའི་གཤོག་པ་གདེངས། །ཡུམ་ཆེན་རྡོ་རྗེ་བསྐྱོད་མ་དང༌། །སྤྲུལ་པ་དྲེད་དང་བྱི་བའི་མགོ །ཡུམ་རྣམས་གཡས་པ་དྲིལ་བུ་དང༌། །གཡོན་པ་དུང་ཆེན་སྟོབ་ཅིང་འཁྱུད། །སྟག་དང་གཟིག་གི་ཤམ་ཐབས་ཅན། །མཆེ་བ་ཅན་དང་གཤོག་པ་ཅན། །ཕྲ་མེན་མགོ་བརྙན་ཉི་ཤུ་ནི། །རྩིབས་མཆན་རྣམས་ལ་གཉིས་གཉིས་གནས། །ཞལ་གཅིག་ཕྱག་གཉིས་མདོག་ནག་གཟུགས། །སྤྲུལ་དང་ཐོད་པས་རབ་ཏུ་བརྒྱན། །ཕུར་པ་ལྕགས་ཀྱུ་ཕྱག་ན་བསྣམས། །སྐྲ་བརྫེས་སྤྱན་དམར་མཆེ་བ་གཙིགས། །དུས་མཐའི་འོད་ཟེར་དྲྭ་བས་འཁྲུགས། །རྣམ་འགྱུར་མ་ངེས་ཅིར་ཡང་སྟོན། །དེ་ནས་བཀའ་བསྡོད་བསྐྱེད་པ་ནི། །ཁྱམས་ཀྱི་ཤར་ལྷོ་ནུབ་བྱང་བཞིར། །ཕྲིན་ལས་བཞི་ཡི་བདག་ཉིད་ཅན། །བྷྱོ་ཡིག་བདུན་བདུན་སྤྲོས་པ་ནི། །ཡོངས་གྱུར་དབང་མོ་ཉི་ཤུ་བརྒྱད། །གནས་འགྱུར་གཉིས་པ་གདོང་ཅན་གཟུགས། །དྲག་ཤུལ་ཆེན་པོའི་སྟབས་ཀྱིས་བཞུགས། །སྒོ་མ་བཞི་བསྐྱེད་པ་ནི། ཨཱོཾ་བཛྲ་ཀཱི་ལི་ཀཱི་ལ་ཡ་བི་ད་ཡ་བི་ད་ཡ་ཧཱུྃ་ཕཊ། ཨཱོཾ་བཛྲ་ཀཱི་ལི་


JLAZ009_Page_0246
[མ་དཔེ་གཟིགས་ན་འདིར་གནོན།]

ཀཱི་ལ་ཡ་ན་མཿས་མནྟ་ཧྲིཾ་ཧྲིཾ་ཧཱུྃ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ་པྲ་སུ་རུ་པྲ་སུ་རུ་ཧཱུྃ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་མཱ་ར་ཡ་ཧཱུྃ་ཕཊ། དྲོད་གཤེར་ལས་སྐྱེས་སྒོ་མ་བཞི། །ཤར་ཕྱོགས་དྲི་ཟའི་གདན་སྟེང་དུ། ། སྐྱེ་ཀའི་མགོ་ཅན་ལྕགས་ཀྱུ་མ། །ལྷོ་ཕྱོགས་གྲུལ་བུམ་གདན་སྟེང་དུ། །པུ་ཤུད་མགོ་ཅན་ཞགས་པ་མ། །ནུབ་ཕྱོགས་ཆུ་བདག་གདན་སྟེང་དུ། །སྲིན་བྱའི་མགོ་ཅན་ལྕགས་སྒྲོག་མ། །བྱང་ཕྱོགས་གནོད་སྦྱིན་གདན་སྟེང་དུ། །ཁྲ་ཡི་མགོ་ཅན་དྲིལ་བུ་མ། །འདི་བཞི་ཞལ་གཅིག་ཕྱག་གཉིས་པ། །དཀར་སེར་དམར་དང་ལྗང་བའི་མདོག །གཟིག་དང་ཐོད་སྦྲུལ་རྒྱན་དུ་བྱས། །བསྐུམ་ཞིང་བརྐྱང་བའི་ཞབས་ཀྱིས་མནན། །ཕྱག་གཡོན་ཕུར་པ་འདེབས་པར་མཛད། །མེ་དཔུང་དཀྱིལ་ན་ཁྲོ་ཚུལ་བཞུགས། ། རྩ་བའི་ལྷ་ནི་ལྔ་བཅུ་གཉིས། །དྲག་པོའི་ཚུལ་གྱིས་ཞེ་སྡང་འཇོམས། །དེ་བཞིན་ང་རྒྱལ་ཕྲག་དོག་དང༌། །འདོད་ཆགས་གཏི་མུག་གནས་རིགས་དྲུག །རྟེན་ཅིང་འབྲེལ་འབྱུང་བཅུ་གཉིས་པོ། །རྣམ་པར་གསོད་བྱེད་ཁྲོ་བོའི་ཚོགས། །ཏིང་ངེ་འཛིན་ལས་སྤྲུལ་པས་ན། །བགྲང་གིས་མི་ལང་རྩེ་མོའི་དགོངས་པ། གཞལ་དུ་མེད། །སྲིད་པའི་རྟོག་པ་འཇོམས་ལ་བརྩོན། །མུ་


JLAZ009_Page_0247
[མ་དཔེ་གཟིགས་ན་འདིར་གནོན།]

རན་ལ་ནི་ཕུར་སྲུང་སྟེ། །ཨེ་ཡཾ་མ་ཡ་བཞི་ཉིད་ལས། །ཤྭ་ན་མུ་ཁ་བཞི་པོ་གསལ། །ཛ་ཡིག་བཞི་ལས་ས་བདག་བཞི། །བྷྱོ་ཡིག་བཞི་ལས་བདག་ཉིད་བཞི། །མཐུ་དང་རྫུ་འཕྲུལ་གློག་ལས་མྱུར། །བསྟན་པ་བསྲུང་ཞིང་ཉམས་པ་བདུན། ། ཞེ་ལ་གནག་པའི་སྟོབས་ཀྱིས་སྒྲོལ། །མདོར་ན་འཁོར་དང་མྱང་འདས་ཀུན། །དཔལ་ཆེན་དཀྱིལ་འཁོར་གཅིག་ཏུ་རྫོགས། །དེ་ལྟར་བརྟེན་པའི་དཀྱིལ་འཁོར་གཙོ་དང་འཁོར་གྱི་རྣམ་རོལ་དུ་བསྐྱེད་པ་ལ་བསྙེན་པ་ཞེས་བྱ་སྟེ། རྡོ་རྗེ་འབར་བ་ལས། གཙོ་དང་འཁོར་དང་རང་བཞིན་ནི། །རང་རང་བསྙེན་པའི་གཟུགས་འཛིན་ཏོ། །ཞེས་སོ། །བསྐྱེད་གཞི་རང་གི་ཕུང་པོ་ཁམས་དང་སྐྱེ་མཆེད་སྐྲ་དང་བ་སྤུའི་རྣམས་གྲངས་ཡན་ཆོད་གདན་གསུམ་ཚང་བའི་དཀྱིལ་འཁོར་གྱི་རང་བཞིན་དུ་གནས་པ། སྐབས་འདིར་རྡོ་རྗེ་ཕུར་པའི་སྐུའི་རྣམ་པ་གོ་མཚམས་མེད་པར་གྱུར་པས་གཏམས་པར་བསམ་པ་ནི་ཉེ་བར་བསྙེན་པ་སྟེ། ལུས་ཀྱི་རྟགས་པ་ལ་སོགས་པ། །དམ་པའི་ཁྲོ་བོ་བྱིན་རླབས་པ། །ཉེས་བར་གྱུར་པ་ཞེས་བྱ་སྟེ། །ཞེས་སྐྱེད་བྱེད་གྲུབ་པའི་རྒྱུ་མ་ནོར་བ་བདག་ཉིད་ལྷར་གསལ་བའི་སྐུ་གསུང་ཐུགས་རྡོ་རྗེ་གསུམ་གྱི་ངོ་བོར་བྱིན་གྱིས་བརླབས་པས་ཁྱད་གཞི་ངེས་པར་བྱས་ནས། དེ་དེ་ལྟར་དུ་བྱིན་གྱིས་སློབ་པ་དངོས་ནི་རང་སྔགས་དང་བསྟུན་ནས་རྡོ་རྗེ་རྩེ་ལྔ་པའི་ཕྱག་རྒྱ་གནས་སོ་སོར་གཏུགས་ཤིང༌། རྡོ་རྗེ་འབར་བ་ལས། སྙིང་ག་རྔ་མེད། མགྲིན་པ་སྤྱི་བོ་རུ། །ཟླ་བའི་དཀྱིལ་འཁོར་བསམ་ནས་ནི། །རྡོ་རྗེ་པདྨ་འཁོར་ལོ་དག །ཧཱུྃ་ཨཱཿ


JLAZ009_Page_0248
[མ་དཔེ་གཟིགས་ན་འདིར་གནོན།]

ཨཱོཾ་གྱིས་མཚན་པ་ལས། །ཐུགས་ཀྱི་རྡོ་རྗེ་ལ་སོགས་བསྒོམ། །དེ་ཉིད་ཤེས་རབ་སྐུ་རྒྱས་མ། །ལྷ་མོ་རྣམས་ཀྱི་འོད་ཚོགས་ཀྱིས། །དུས་གསུམ་ཕྱོགས་རྣམས་ཁྱབ་པ་ཡིས། །མ་ལུས་སངས་རྒྱས་དྲངས་མཆོད་ནས། །བཀྲ་ཤིས་དོན་བྱེད་རྣམས་ ལ་ནི། །རང་གི་ཐུགས་སྲོག་རྡོ་རྗེ་ཡིས། །དེ་ལས་བྱིན་བརླབས་བསྐུལ་བར་བྱ། །རྡོ་རྗེ་ཐུགས་འཛིན་དཔལ་དང་ལྡན། །རྡོ་རྗེ་མི་ཕྱེད་གསུམ་བྱེད་པ། །བྱིན་གྱིས་བརླབས་ཀྱི་གནས་བྱས་ཏེ། །རྡོ་རྗེ་ཐུགས་ཀར་ལྡན་པར་བྱ། །རྡོ་རྗེ་མི་བྱེད་གསུམ་བསྒོམ་པས། །ཕྱོགས་བཅུར་བཞུགས་པའི་སངས་རྒྱས་རྣམས། །དེ་ལ་ཐུགས་ལས་བྱུང་བ་ཡིས། །བྱིན་གྱིས་བརླབས་ཀྱི་གནས་མཛད་དོ། །རྡོ་རྗེའི་ཕྱག་རྒྱ་སྙིང་གར་བཞག་ལ། ཨཱོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ། རྡོ་རྗེ་གསུང་འཛིན་དཔལ་དང་ལྡན། །རྡོ་རྗེ་མི་ཕྱེད་གསུམ་བྱེད་པ། །བྱིན་གྱིས་བརླབས་ཀྱི་གནས་བྱས་ཏེ། །རྡོ་རྗེ་གསུང་དང་ལྡན་པར་བྱ། །རྡོ་རྗེ་མི་ཕྱེད་གསུམ་བསྒོམ་པས། །ཕྱོགས་བཅུར་བཞུགས་པའི་སངས་རྒྱས་རྣམས། །དེ་ལ་གསུང་ལས་བྱུང་བ་ཡིས། །བྱིན་གྱིས་བརླབས་ཀྱི་གནས་མཛད་དོ། །ཕྱག་རྒྱ་མགྲིན་པར་བཞག་ལ། ཨཱོཾ་སརྦ་ཏ་ཐཱ་ག་ཏ་མ་ཧཱ་ཝཱ་ཀ་བཛྲ་སྭ་བྷཱ་ཝ་


JLAZ009_Page_0249
[མ་དཔེ་གཟིགས་ན་འདིར་གནོན།]

ཨཱཏྨ་ཀོ྅ཧཾ། རྡོ་རྗེ་སྐུ་འཛིན་དཔལ་དང་ལྡན། །རྡོ་རྗེ་མི་ཕྱེད་གསུམ་བྱེད་པ། །བྱིན་གྱིས་བརླབས་ཀྱི་གནས་བྱས་ཏེ། །རྡོ་རྗེ་སྐུ་དང་ལྡན་པར་བྱས། །རྡོ་རྗེ་མི་ཕྱེད་གསུམ་བསྒོམ་པས། །ཕྱོགས་བཅུར་བཞུགས་པའི་སངས་རྒྱས་རྣམས། །དེ་ལ་སྐུ་ལས་བྱུང་བ་ཡིས། །བྱིན་གྱིས་བརླབས་ཀྱི་གནས་མཛད་དོ། །ཕྱག་རྒྱ་སྤྱི་བོར་བཞག་ལ། ཨཱོཾ་སརྦ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ༈ བསྒྲུབ་པ་ཆེན་པོ་ནི་དབང་བསྐུར་བ་ཉིད་ལ་བརྗོད་དེ། བསྒྲུབ་པ་ཆེན་པོའི་མཐའ་རུ་ནི། །སངས་རྒྱས་རྣམས་ཀྱིས་དབང་བསྐུར་ཏོ། །ཞེས་པས་འདིར་ཕུར་པའི་སྒོས་ཆོས་དང་བཅས་པའི་དབང་དོན་ངེས་པར་བྱ་བ་ནི། ༈ སྙིང་གར་བྷྲཱུྃ་ལས་རིན་པོ་ཆེའི་གཞལ་མེད་ཁང་སྒོ་གཅིག་པའི་སྒོ་སྲུང་རྟ་མགྲིན་ཡབ་ཡུམ་དུ་གནས་པའི་ནང་དུ་ཧཱུྃ་ལས་ཡེ་ཤེས་སེམས་དཔའ་ཚོན་གང་བ་གཅིག་བསམ་ལ། ཡེ་ཤེས་དཔའ་བོའི་ཐུགས་ཀ་ཡི། །འོད་ཀྱིས་མགོན་པོ་རྣམས་བསྐུལ་ནས། །དེ་དག་ཐུགས་ལས་བྱུང་བ་ཡི། །རིག་མས་བདུད་རྩི་བུམ་ཆུ་ཡིས། །དབང་བསྐུར་བྱས་ཏེ་ཐིམ་གྱུར་ནས། །རང་སྔགས་རྡོ་རྗེ་ཅན་གྱིས་གཟུངས། །དབུ་རྒྱན་རྣམས་ལ་རིགས་ལྔ་དང༌། །རིགས་ཀྱི་བདག་པོ་རྣམས་ཀྱིས་བརྒྱན། །ཡེ་ཤེས་སེམས་དཔའི་ཐུགས་ཀའི་འོད་ཀྱིས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཐུགས་རྒྱུད་བསྐུལ་བས། དེ་རྣམས་ཀྱི་ཐུགས་ཀ་ནས་བྱུང་བའི་རྡོ་རྗེ་བཙུན་


JLAZ009_Page_0250
[མ་དཔེ་གཟིགས་ན་འདིར་གནོན།]

མོའི་བྷ་ག་ལ་གདན་གསུམ་ཚང་བའི་དཀྱིལ་འཁོར་རྫོགས་པ་མདུན་གྱི་ནམ་མཁའ་ལ་བྱོན། ཨཱོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བསྐུལ་བས་ལྷ་ཚོགས་རྣམས་བདེ་སྟོང་གི་རོས་ཚིམས་རྗེས་ཆགས་ཀྱི་མེས་འོད་དུ་ཞུ་བའི་བདུད་རྩི་བུམ་པའི་ཆུས་མགོ་བོའི་གནས་ལྔར་དབང་བསྐུར། ཉོན་མོངས་པ་ལྔའི་དྲི་མ་སྦྱངས། ཕུང་པོ་ལྔ་རིགས་ལྔའི་སངས་རྒྱས་སུ་གནས་གྱུར་པ་ནས་བཟུང་སྟེ་ཁམས་དང་སྐྱེ་མཆེད་ཐམས་ཅད་ལྷ་ཡི་རང་བཞིན་དུ་རྣམ་པར་དག །དབང་བཞིའི་དམ་ཚིག་ལས་བྱུང་བའི་དགའ་བ་བཞིའི་ཡེ་ཤེས་ཉམས་སུ་མྱོང༌། ཆུ་ལྷག་མ་སྤྱི་བོར་བརྟན་པ་ཡོངས་སུ་གྱུར་པ་ལས་རྡོ་རྗེ་མི་བསྐྱོད་པ་དབུས་སུ་བཞུགས་པའི་རིགས་ལྔས་དབུ་བརྒྱན་པར་གྱུར་པར་བསམ་པ་ནི་དུས་གསུམ་གྱི་རྒྱལ་བ་རྣམས་ཀྱིས་དཀྱིལ་འཁོར་གསུམ་གྱི་སྲོག་ཡེ་ཤེས་སུ་དབང་བསྐུར་བ་སྟེ། ཧཱུྃ། ཐབས་ཀྱི་སྤྱོད་པའི་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་པ། །དབང་དང་བྱིན་རླབས་བདག་སྩོལ་ཅིག །རྡོ་རྗེ་ཕྱི་བསྡམ་པ་ལས་གུང་མོ་བརྐྱང་བ་མི་བསྐྱོད་པའི་དབང་རྒྱ་སྤྱི་བོར་བཞག་ལ། ཨཱོཾ་མ་ཧཱ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་ནས་མཛུབ་མོ་གཉིས་བརྐྱང་བ་རྣམ་སྣང་གི་དབང་རྒྱ་དཔྲལ་བར་བཞག་ལ། ཨཱོཾ་མ་ཧཱ་ཨཱ་དརྴ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། སྲིན་ལག་བརྐྱང་བ་རིན་འབྱུང་གི་དབང་རྒྱ་རྣ་ལྟག་གཡས་སུ་བཞག་ལ། ཨཱོཾ་མ་ཧཱ་ས་མ་ཏཱ་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾ། མཐེ་བོང་བརྐྱང་བ་སྣང་མཐའི་དབང་རྒྱ་ལྟག་པར་བཞག་ལ། ཨཱོཾ་མ་ཧཱ་པྲ་ཏྱ་བེཀྵ་


JLAZ009_Page_0251
[མ་དཔེ་གཟིགས་ན་འདིར་གནོན།]

ན་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། མཐེའུ་ཆུང་བརྐྱང་བ་དོན་གྲུབ་ཀྱི་དབང་རྒྱ་རྣ་ལྟག་གཡོན་དུ་བཞག་ལ། ཨཱོཾ་མ་ཧཱ་ཀྲྀ་ཏ་ཨ་ནུཥྛ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། སླར་ཡང་དཀྱིལ་འཁོར་གསུམ་ལས་འོད་དང་ཡི་གེ་སྤྲོས་ཏེ་སེམས་ཅན་ཐམས་ཅད་ཀྱི་ཉོན་མོངས་པའི་དུག་གཞིལ་ནས་རིགས་དྲུག་གི་ས་བོན་དུ་གྱུར་པས་སྦྱང་དུ་རུང་བར་བྱས། འབྱུང་བ་གསུམ་གྱིས་བསྲེག་གཏོར་བཀྲུས་ནས་རྡོ་རྗེ་སེམས་དཔའི་རང་བཞིན་དུ་གྱུར་པ་སྙིང་གའི་རྟ་མགྲིན་ལ་འདུས་པར་བསྒོམ་པ་ནི་དཀྱིལ་འཁོར་གསུམ་གྱིས་ཁམས་གསུམ་གྱི་སྲོག་ལ་དབང་བསྐུར་བ་ཞེས་བྱའོ། །རྟ་མགྲིན་ཡབ་ཡུམ་ཀྱང་སྦྱོར་བ་མཛད་པའི་རྐྱེན་ལས་བྱང་ཆུབ་ཀྱི་སེམས་རྒྱས་པའི་སྤྲིན་ཡེ་ཤེས་སེམས་དཔའ་ལ་ཐིམ་པས་བདེ་བའི་ཉམས་རྒྱས་བཀྲག་དང་གཟི་བྱིན་འབར། ཟག་པ་མེད་པའི་བྱང་ཆུབ་ཀྱི་སེམས་ཐུགས་རྡོ་རྗེར་ཐིམ་པས་ཡིག་འབྲུ་ཏིང་འཛིན་སེམས་དཔའ་དང་བཅས་པ་འཁོར་འདས་ཀྱི་དྭངས་བཅུད་འདུས་པའི་བཀྲག་ཏུ་འཚེར་བར་གྱུར་པ་ནི་ཡེ་ཤེས་སེམས་དཔའི་སྲོག་ལ་ལྷན་ཅིག་སྐྱེས་པའི་ཡེ་ཤེས་ཆེན་པོའི་དབང་བསྐུར་བ་ཞེས་བྱ་སྟེ། ཨཱོཾ་ཨཱཿཧཱུྃ་ཧཱུྃ་ཧཱུྃ་ཧཱུྃ། འགྲོ་དྲུག་ཉོན་མོངས་བཅིངས་པ་རྣམས། །ཧཱུྃ་གིས་དུག་ཆེན་རབ་སྦྱངས་ཏེ། །ཨ་ནྲྀ་སུ་ཏྲི་པྲེ་དུར་གྱུར། །རཾ་ཡཾ་ཁཾ་ལས་མེ་རླུང་ཆུས། །འགྲོ་བ་རབ་སྦྱངས་ཧཱུྃ་དུ་གྱུར། །ཁམས་གསུམ་ཐམས་ཅད་རྡོ་རྗེ་སེམས། །ཏིལ་གྱི་གོང་བུ་ལྟ་བུས་གང༌། །ཧཱུྃ། རྟ་མགྲིན་རྒྱལ་པོ་ཡེ་ཤེས་ལ། །བསྟིམ་པས་བྱང་ཆུབ་སེམས་རྒྱས་གྱུར། །ཡབ་ཡུམ་


JLAZ009_Page_0252
[མ་དཔེ་གཟིགས་ན་འདིར་གནོན།]

གཉིས་མེད་སྦྱོར་བའི་སྒྲས། །ཡེ་ཤེས་ཁྲོ་བོ་སྤྱན་དྲངས་ངོ༌། །གསུམ་པ་རང་བཞིན་ཡེ་ཤེས་ཀྱི་དཀྱིལ་འཁོར་དང་གཉིས་མེད་དུ་བྱ་བ་ལའང་གསུམ་ལས། དང་པོ་སྙན་མནན་པ་ནི། རྡོ་རྗེ་འབར་བ་ལས། ཕྱོགས་བཅུ་དུས་བཞི་ཐམས་ཅད་ཀྱི། །རྒྱལ་བ་སྲས་དང་བཅས་པ་ཀུན། །རྒྱ་དང་བྲལ་བའི་གཞལ་ཡས་ནས། །རང་བྱུང་དཀྱིལ་འཁོར་སྤྱན་ དྲང་ངོ༌། །བདག་ཉིད་ཐུགས་ཀྱི་འོད་ཟེར་གྱིས། །མཚོན་ཆ་མཆོག་གི་དྲངས་ནས་ནི། །མདུན་དུ་དཀྱིལ་འཁོར་གསལ་བར་དམིགས། །ཐ་དད་མ་ཡིན་དབྱེར་མེད་དོ། །བཅོམ་ལྡན་འདས་དཀྱིལ་འཁོར་གྱི་བདག་ཉིད་ཆེན་པོ་རྡོ་རྗེ་འགུགས་པ་ཞེས་བྱ་བ་བྱམས་པ་ཆེན་པོ་དང༌། རྡོ་རྗེ་བཅིངས་པ་ཞེས་བྱ་བ་སྙིང་རྗེ་ཆེན་པོ་དང༌། རྡོ་རྗེ་བསྡམས་པ་ཞེས་བྱ་བ་དགའ་བ་ཆེན་པོ་དང༌། རྡོ་རྗེ་དབབ་པ་ཞེས་བྱ་བ་བཏང་སྙོམས་ཆེན་པོ་བཞིའི་ཏིང་ངེ་འཛིན་ལ་སྙོམས་པར་བཞུགས། ཨཱོཾ་བཛྲ་ཨཾ་ཀུ་ཤ་ཛཿ ཨཱོཾ་བཛྲ་པཱ་ཤ་ཧཱུྃ། ཨཱོཾ་བཛྲ་སྥོ་ཊ་བཾ། ཨཱོཾ་བཛྲ་གྷཎྜེ་ཧོཿ ཞེས་སོ་སོའི་ཕྱག་རྒྱ་ཡང་བཅའ། ཡེ་ཤེས་རྩེ་མོ་ལས། ནམ་མཁའི་དཀྱིལ་འཁོར་ཕན་ཆོད་ནས། །ནམ་མཁའི་དཀྱིལ་འཁོར་ཚུན་ཆོད་དུ། །དཀྱིལ་འཁོར་ཀུན་གྱི་ཐུན་མོང་བ། །ཅུང་ཟད་དག་གི་ཁྱད་པར་གྱིས། །སངས་རྒྱས་ཡུལ་དུ་གྲགས་པ་ཡི། །གང་འཇུག་པ་ལ་ཐོབ་པ་ཆེ། །ཞེས་ཆོས་ཉིད་བསམ་གྱིས་མི་ཁྱབ་པའི་གླུས་བསྐུལ་ནས་རང་བཞིན་ཡེ་ཤེས་


JLAZ009_Page_0253
[མ་དཔེ་གཟིགས་ན་འདིར་གནོན།]

ཀྱི་འཁོར་ལོ་སད་པར་བྱའོ། །གཉིས་པ་སྤྱན་དྲང་བ་ནི། སྤོས་རོལ་གདུང་བའི་དབྱངས་དང་བཅས། ཧཱུྃ། རྡོ་རྗེ་གཞོན་ནུའི་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང༌། །དབང་དང་དངོས་གྲུབ་སྩོལ་བའི་ཕྱིར། །མྱང་འདས་ལས། མ་བཅོས་ཐིག་ལེའི་ཆོས་ཉིད་ལས། །འགྱུར་མེད་སྐུ་གཅིག་གནས་པ་དེ། །ཡེ་ཤེས་ཁྲོ་བོ་ཆེན་པོ་ཡིན། །ཁྲོ་བོ་ཆེན་པོ་གཤེགས་ནས་ཀྱང༌། །རྟགས་དང་མཚན་མ་སྟོན་པ་དང༌། །རྡོ་རྗེ་ཕུར་པའི་དངོས་གྲུབ་སྩོལ། །ཡེ་ཤེས་རྩེ་མོ་ལས། རྡོ་རྗེ་ཧཱུྃ་གི་དམ་ཚིག་གིས། ། སྲིད་པ་ཕུར་བུར་བསྒྲུབ་པ་དང༌། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང༌། །རྟགས་དང་མཚན་མ་སྟོན་པ་དང༌། །རྡོ་རྗེ་ཕུར་པའི་དངོས་གྲུབ་སྩོལ། །རྡོ་རྗེ་རྣམ་རྒྱལ་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང༌། །དབང་དང་བབབདངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང༌། །རྟགས་དང་མཚན་མ་སྟོན་པ་དང༌། །རྡོ་རྗེ་ཕུར་པའི་དངོས་གྲུབ་སྩོལ། །རྡོ་རྗེ་དབྱུག་རྒྱལ་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང༌། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང༌། །རྟགས་དང་མཚན་མ་སྟོན་པ་


JLAZ009_Page_0254
[མ་དཔེ་གཟིགས་ན་འདིར་གནོན།]

དང༌། །རྡོ་རྗེ་ཕུར་པའི་དངོས་གྲུབ་སྩོལ། །རྡོ་རྗེ་གཤིན་རྒྱལ་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་སྟོན་པ་དང་། །རྡོ་རྗེ་ཕུར་པའི་དངོས་གྲུབ་སྩོལ། །རྡོ་རྗེ་མི་གཡོ་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་ བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་སྟོན་པ་དང་། །རྡོ་རྗེ་ཕུར་པའི་དངོས་གྲུབ་སྩོལ། །རྡོ་རྗེ་རྟ་སྐད་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་སྟོན་པ་དང་། །རྡོ་རྗེ་ཕུར་པའི་དངོས་གྲུབ་སྩོལ། །རྡོ་རྗེ་གཞན་རྒྱལ་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང་། །རྟགས་དང་མཚན་མ་སྟོན་ པ་དང་། །རྡོ་རྗེ་ཕུར་པའི་དངོས་གྲུབ་སྩོལ། །རྡོ་རྗེ་བདུད་རྩིའི་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང་། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་


JLAZ009_Page_0255
[མ་དཔེ་གཟིགས་ན་འདིར་གནོན།]

ཆེན་པོ་གཤེགས་ནས་ཀྱང་། །རྟགས་དང་མཚན་མ་སྟོན་པ་དང་། །རྡོ་རྗེ་ཕུར་པའི་དངོས་གྲུབ་སྩོལ། །ཁམས་གསུམ་རྣམ་རྒྱལ་དམ་ཚིག་གི། །སྲིད་པ་ཕུར་བུར་བསྒྲུབ་པ་དང༌། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང༌། །རྟགས་དང་མཚན་མ་སྟོན་པ་དང༌། །རྡོ་རྗེ་ཕུར་བའི་དངོས་གྲུབ་སྩོལ། །རྡོ་རྗེ་སྟོབས་ཀྱི་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང༌། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང༌། །རྟགས་དང་མཚན་མ་སྟོན་པ་དང༌། །རྡོ་རྗེ་ཕུར་པའི་དངོས་གྲུབ་སྩོལ། །ཨེ་ཧྱེ་ཧི་བྷ་ག་ཝཱན། མ་ཧཱ་ཀ་རུ་ཎི་ཀ་དྲྀ་ཤྱ་ཧོཿ ས་མ་ཡ་སྟྭཾ། ས་མ་ཡ་ཧོཿ ཨེ་ཨ་ར་ལི་ཧོཿ ཛ་ཛ་ཛཿ ཞེས་པའི་སྒྲ་ཆེན་པོས་སངས་རྒྱས་རྣམས་ཆོས་སྐུའི་དབྱིངས་ནས་སྤྱན་དྲངས་ཏེ་དམ་ཚིག་གི་དཀྱིལ་འཁོར་ལ་ཐིམ་པ་དང་ཆབས་ཅིག་རིགས་ལྔའི་ཕྱག་མཚན་གྱི་མཚན་ཉིད་དང་ལྡན་པའི་ཕུར་བུའི་མེ་ཏོག་གི་ཆར་བབས་པས་སྲིད་པའི་རང་བཞིན་རྡོ་རྗེ་གཞོན་ནུའི་ཡེ་ཤེས་སྐད་ཅིག་མའི་བདག་ཉིད་དུ་གྱུར་པས་དག་པའི་སྣོད་བཅུད་ཀྱང་གཡོ་བར་བསམ་མོ། །གསུམ་པ་རིག་པའི་མེ་ཏོག་དོར་ནས་རང་བཞིན་གྱི་དཀྱིལ་འཁོར་དང་དབྱེར་མེད་དུ་བྱ་བ་དངོས་ནི། ཨོཾ་བཛྲ་ས་མ་ཡ་ཨཱོཾ། ཨཱཿ


JLAZ009_Page_0256
[མ་དཔེ་གཟིགས་ན་འདིར་གནོན།]

བཛྲ་ས་མ་ཡ་ཨཱཿ ཧཱུྃ་བཛྲ་ས་མ་ཡ་ཧཱུྃ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ། ཧཱུྃ། ཡེ་ཤེས་རྒྱལ་པོའི་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཅེས་པས་དངོས་གྲུབ་བསྐུལ་ནས་དམ་ཡེ་གཉིས་མེད་དུ་དགྱེས་པ་བསྐྱེད་པ་ལ་གཏང་རག་གི་ཚུལ་དུ་མཆོད་པ་ནི། ཨ་ལི་ཨུ་ལི་ཏ་ལི་ཏ་པ་ལི་དཎྜ་གོ་ན་རཽ་ཏྲི་ཁཱ་རཾ་ཡོ་གི་ནཱི་ཁཱ་ཧི་ཧོཿ ཞེས་དང༌། ཛཿཧཱུྃ་བཾ་ཧོཿཧཱུྃ་ཧ་ཧེ་ཕཊ། ཅེས་པས་དམ་ཡེ་གཉིས་མེད་ཆུ་ལ་ཆུ་བཞག་ལྟ་བུའི་རང་བཞིན་གསལ་ཞིང་བརྟན་པར་བྱ་བ་ནི་བཞུགས་གསོལ་གྱི་ངོ་བོ་ཡིན་ལ། གཞན་སྣང་ཙམ་དུ་འཇིག་རྟེན་པ་དང་སྒོ་བསྟུན་པའི་ཕྱིར། ཧཱུྃ། ཐུགས་མཆོག་གསལ་བའི་བྱིན་རླབས་ལས། །ཞེ་སྡང་གནས་སུ་འཇོམས་པ་དང༌། །མེ་ལོང་ཡེ་ཤེས་འཐོབ་བྱའི་ཕྱིར། །དཀྱིལ་འཁོར་དབུས་སུ་བཞུགས་སུ་གསོལ། །དཀྱིལ་འཁོར་དབུས་སུ་བཞུགས་ནས་ཀྱང༌། །ཉོན་མོངས་མུན་པ་བསལ་དུ་གསོལ། །ལས་ཀྱི་སྲས་མཆོག་ལྔ་རྣམས་ཀྱང༌། །དུར་ཁྲོད་ཆེན་པོའི་དཀྱིལ་འཁོར་དུ། །ཞིང་བཅུ་བསྒྲལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །དགྱེས་ཤིང་བརྟན་པར་བཞུགས་ནས་ཀྱང༌། །ཀཱི་ལ་ཡ་ཡི་དངོས་གྲུབ་སྩོལ། །ཕྱོགས་བཅུ་དུར་ཁྲོད་གཞལ་ཡས་སུ། །ཁྲོ་རྒྱལ་སྤྲུལ་པར་བཅས་པ་ཡང༌། །ཕྱོགས་སྐྱོང་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །


JLAZ009_Page_0257
[མ་དཔེ་གཟིགས་ན་འདིར་གནོན།]

དགྱེས་ཤིང་བརྟན་པར་བཞུགས་ནས་ཀྱང༌། །ཀཱི་ལ་ཡ་ཡི་དངོས་གྲུབ་སྩོལ། །ས་མ་ཡ་ཏིཥྛ་ལྷན། བཞི་པ་ལ་གཉིས། བསོད་ནམས་ཀྱི་ཚོགས་དང༌། ཡེ་ཤེས་ཀྱི་ཚོགས་སོ། །དང་པོ་ལ་རྣམ་གྲངས་གཉིས་ལས། དང་པོ་ལ་ཕྱག་བྱ་བ་ནི། རང་བཞིན་རྟོགས་པའི་ཆ་ནས་འདྲེས་པ་ནན་ཏན་གྱི་ཕྱག་དང༌། རྗེས་ཐོབ་སྙིང་རྗེའི་ཆ་ནས་སེམས་ཅན་ཐམས་ཅད་དང་བྱ་བྱེད་ཐུན་མོང་པར་ངེས་པའི་བརྡའ་ཕྱག་འཕྲུལ་དགའི་རྣམ་འཕྲུལ་ལྟར་ངེས་པས། ཧཱུྃ། ཁྲོ་ལ་ཁྲོས་པའི་རྒྱལ་པོ་ཡིས། །ཁྲོ་བོ་ཉེ་བར་ཞི་མཛད་པ། །རྡོ་རྗེ་ཁྲོ་བོ་བཅོམ་ལྡན་འདས། །རྡོ་རྗེའི་རིགས་ལ་ཕྱག་འཚལ་ལོ། །ཧཱུྃ། ཁྲོ་ལ་ཁྲོས་པའི་རྒྱལ་པོ་ཡིས། །ཁྲོ་བོ་ཉེ་བར་ཞི་མཛད་པ། །རིན་ཆེན་ཁྲོ་བོ་བཅོམ་ལྡན་འདས། །རིན་ཆེན་རིགས་ལ་ཕྱག་འཚལ་ལོ། །ཧཱུྃ། ཁྲོ་ལ་ཁྲོས་པའི་རྒྱལ་པོ་ཡིས། །ཁྲོ་བོ་ཉེ་བར་ཞི་མཛད་པ། །པདྨའི་ཁྲོ་བོ་བཅོམ་ལྡན་འདས། །པདྨའི་རིགས་ལ་ཕྱག་འཚལ་ལོ། །ཧཱུྃ། ཁྲོ་ལ་ཁྲོས་པའི་རྒྱལ་པོ་ཡིས། །ཁྲོ་བོ་ཉེ་བར་ཞི་མཛད་པ། །ཕྲིན་ལས་ཁྲོ་བོ་བཅོམ་ལྡན་འདས། །ལས་ཀྱི་རིགས་ལ་ཕྱག་འཚལ་ལོ། །ཧཱུྃ། ཁྲོ་ལ་ཁྲོས་པའི་རྒྱལ་པོ་ཡིས། །ཁྲོ་བོ་ཉེ་བར་ཞི་མཛད་པ། །སངས་རྒྱས་ཁྲོ་བོ་བཅོམ་ལྡན་འདས། །དེ་བཞིན་གཤེགས་པའི་རིགས་ལ་འདུད། །ཨ་ཏི་པུ་ཧོཿ ཞེས་ཕྱག་འཚལ་བས། ཡེ་ཤེས་པས། པྲ་ཏཱིཙྪ་ཧོཿ ཞེས་དངོས་གྲུབ་དང༌།


JLAZ009_Page_0258
[མ་དཔེ་གཟིགས་ན་འདིར་གནོན།]

བཀའ་སྡོད་རྣམས་ཀྱིས་ཕྱག་ལན་བྱས་པར་བསམ་མོ། །གཉིས་པ་མཆོད་པ་ལ་བཅུ་གཉིས་ལས། དང་པོ་ཕྱག་རྒྱའི་མཆོད་པ་ལ། ཉིང་ལག་བྱིན་གྱིས་བརླབ་པ་ནི། ཡེ་ཤེས་རྩེ་མོ་ལས། གཡས་ཀྱི་སོར་མོ་ལྔ་རྣམས་ལ། །མ་ལས་ཉི་དཀྱིལ་ལྔ་ཡིས་མཛེས། །ཨ་ལས་ཟླ་བ་ཉིང་ལག་གཡོན། །དབུ་མ་ལ་ནི་སྣང་མཛད་གཉིས། །མི་བསྐྱོད་དང་འོག་ཡང་དག་གོ །ཐ་ལྟག་རིན་ཆེན་འབྱུང་ལྡན་ཡིན། །མཐའ་ལ་སྣང་བ་མཐའ་ཡས་བཞག །དོན་ཡོད་གྲུབ་པ་སྦོམ་པོ་ལའོ། །ཐབས་དང་ཤེས་རབ་རང་བཞིན་ལས། །བྱང་ཆུབ་སེམས་ཀྱི་འཕྲོ་འདུ་ཡིས། །བདག་དང་གཞན་དོན་བསྒྲུབ་པར་བྱ། །ཨོཾ་ཧཱུྃ་ཏྲཱཾ་ཧྲཱིཿཨཱཿ མཱུཾ་ལཱཾ་མཱཾ་པཱཾ་ཏཱཾ། ཞེས་བརྗོད་ཅིང་བསམ་མོ། །དེའང་བདག་ཉིད་ལྷའི་ང་རྒྱལ་ལ་གནས་པ་ཕྱག་ཆེན། ས་བོན་ཆོས་རྒྱ། བཅའ་བ་དམ་རྒྱ། དགྲོལ་བ་ལས་རྒྱར་ངེས་པས་མདུན་དུ་བསྒྱུར་ཞིང་ཡབ་རྒྱ་གཡོན་དང་ཡུམ་རྒྱ་གཡས་སུ་དགྲོལ་བར་བྱ་བ་ལས། ཐོག་མར་སྤྱི་རྒྱ་དང་དེ་ནས་རིགས་ལྔ་སོ་སོར་ཕྱག་རྒྱ་ནི། རྡོ་རྗེ་འབར་བ་ལས། ཤེས་རབ་ཐབས་ཀྱི་ཕྱག་རྒྱ་ལས། །བདེ་བའི་རོལ་མོ་རྣམས་འཕྲོས་པས། །ངག་དང་ལུས་ཀྱི་བསྐྱོད་པ་རྣམས། །སྔགས་དང་ཕྱག་རྒྱ་ཡིན་པར་གྲགས། །རྡོ་རྗེ་རིགས་དང་རིན་ཆེན་རིགས། །ཤེས་རབ་ཐབས་སུ་སྦྱོར་བའི་ཕྱིར། །གཉིས་སུ་མེད་པར་སྦྱོར་བ་ནི། །རྡོ་རྗེ་ཐལ་མོར་བཤད་པ་ཡིན། །ལག་གཉིས་སོར་མོ་ནང་དུ་བསྣོལ། །གུང་མཛུབ་མཐེ་བོང་


JLAZ009_Page_0259
[མ་དཔེ་གཟིགས་ན་འདིར་གནོན།]

མཐེའུ་ཆུང་རྣམས། །སོ་སོར་རྩེ་སྤྲད་སྲིན་ལག་བསྒྲེང༌། །སྤྱི་ཡི་དམ་ཚིག་ཕྱག་རྒྱ་ཡིན། །མ་ཧཱ་མུ་ཏྲ་ས་མ་ཡ་ཧོཿ ལག་པའི་སོར་མོ་རྒྱབ་བསྣོལ་ཏེ། །གཡས་ཀྱི་མཐེ་བོང་བཀུག་ནས་ནི། །གཡོན་པའི་མཐེ་བོང་རྩེ་སྤྲད་པ། །རྣམ་སྣང་མཛད་ཀྱི་ཕྱག་རྒྱ་ཡིན། །མ་ཧཱ་མུ་ཏྲ་ས་མ་ཡ་ཧོཿ སོར་མོ་ནང་དུ་བསྣོལ་ནས་བཀན། །གུང་མཛུབ་ལ་སོགས་རྩེ་སྤྲད་ནས། །སྲིན་ལག་གཤིབ་སྟེ་བསྒྲེངས་པ་ནི། །མི་བསྐྱོད་པ་ཡི་ཕྱག་རྒྱ་མཆོག །མ་ཧཱ་མུ་ཏྲ་ས་མ་ཡ་ཧོཿ སོར་མོ་རྒྱབ་ཏུ་བསྣོལ་ནས་ཀྱང༌། །གུང་བསྒྲེངས་རྩེ་སྤྲད་མཐེ་བོང་བཀུག །མཛུབ་མོ་ངོས་ལ་སྦྱར་བ་ནི། །རིན་ཆེན་འབྱུང་གི་ཕྱག་རྒྱ་ཡིན། །མ་ཧཱ་མུ་ཏྲ་ས་མ་ཡ་ཧོཿ ལག་གཉིས་སོར་མོ་རྒྱབ་ཏུ་བསྣོལ། །མཛུབ་མོ་གཉིས་ནི་བསྒྲེངས་ནས་ནི། །རྩེ་སྤྲད་པདྨའི་ཚུལ་དུ་བྱ། །མཐེབ་བཀུག་ཚེ་དཔག་མེད་པའི་རྒྱ། །མ་ཧཱ་མུ་ཏྲ་ས་མ་ཡ་ཧོཿ ལག་གཉིས་ཁུ་ཚུར་བཅངས་ནས་ནི། །དཀུར་བརྟེན་གཡས་ཀྱི་སོར་མོ་རྣམས། །ཐལ་མོ་བྱས་ནས་གདེངས་པ་ནི། །གདོན་མི་ཟ་བའི་ཕྱག་རྒྱ་ཡིན། །མ་ཧཱ་མུ་ཏྲ་ས་མ་ཡ་ཧོཿ ཡུམ་རྣམས་རྟགས་ཀྱི་ཕྱག་རྒྱ་ནི། །ཐབས་ལ་འཁྱུད་ཅིང་ཟུར་གྱིས་བལྟ། །འཇོ་སྒེག་རང་རྟགས་ཚུལ་འཛིན་པས། །དྲིལ་བུ་དང་པོར་འཛིན་པར་བྱེད། །


JLAZ009_Page_0260
[མ་དཔེ་གཟིགས་ན་འདིར་གནོན།]

ལག་གཉིས་སོར་མོ་རྒྱབ་ཏུ་བསྣོལ། །གུང་བསྒྲེངས་རྩེ་མོ་སྤྲད་ནས་ནི། །པུག་པུག་པོར་ནི་བྱས་པ་ནི། །དྲིལ་བུ་འཛིན་པའི་རྒྱ་ཡིན་ནོ། །མ་ཧཱ་མུ་ཏྲ་ས་མ་ཡ་ཧོཿ གཉིས་པ་ཀུན་བཟང་ནི། ཧཱུྃ། བདེ་བར་གཤེགས་སོ་བཅོམ་ལྡན་འདས། །རྒྱལ་བ་རྒྱ་མཚོའི་ཡེ་ཤེས་ཀྱིས། །སྲིད་པ་རྒྱ་མཚོ་མཐའ་ཡས་ཀུན། །ཀུན་བཟང་མཆོད་སྤྲིན་མཆོག་ཏུ་རོལ། །ནམ་མཁའ་མཛོད་ཀྱི་སྔགས་རྒྱ་བརྗོད། གསུམ་པ་ཞབས་བསིལ་ནི། ཧཱུྃ། སྐུ་ལ་དག་བྱ་མི་མངའ་ཡང༌། །སེམས་ཅན་རྣམས་ལ་བསོད་ནམས་ཕྱིར། །ཕྱག་ཞབས་ཉེ་རེག་མཛད་ནས་ཀྱང༌། །རྡོ་རྗེའི་སྟན་ལ་ཏིཥྛ་ལྷན། །ཨོཾ་ཨཱ་ཧ་ར་ཨཱ་ཧ་ར་སརྦ་བིདྱ་དྷ་ར་པཱུ་ཛི་ཏེ་ན་མཿས་མནྟ་བུདྡྷཱ་ནཱཾ་ག་ག་ན་ཁཾ་ས་མ་ཡེ་སྭཱ་ཧཱ། བཞི་པ་འདོད་ཡོན་ལྷ་མོ་བཅུ་དྲུག་གི་མཆོད་པ་ནི། ཧཱུྃ། སྙིང་རྗེའི་སྒེག་མོ་བལྟ་ན་སྡུག །བྱམས་པའི་ཕྲེང་ལྡན་འགྲོ་ལ་བརྩེ། །དགའ་བའི་གླུ་མཁན་གཞན་ཡིད་འཕྲོག །ཀུན་ལ་བཏང་སྙོམས་གར་མ་ཡིས། །དཀྱིལ་འཁོར་དགྱེས་པ་བསྐྱེད་གྱུར་ཅིག །སོ་སོའི་ཕྱག་རྒྱ་དང་བཅས། ཨཱོཾ་བཛྲ་ལཱ་སྱ་ཧཱུྃ། ཨཱོཾ་བཛྲ་མཱ་ལེ་ཏྲཾ། ཨཱོཾ་བཛྲ་གཱིརྟི་ཧྲཱིཿ ཨཱོཾ་བཛྲ་ནཱིརྟི་ཨཱཿ ཚུལ་ཁྲིམས་སྤོས་ལྡན་ཡིད་དུ་འོང༌། །བཟོད་པའི་མེ་ཏོག་བལྟ་ན་མཛེས། །བསམ་གཏན་སྒྲོན་མེ་བཞིན་བཟང་མ། །ཤེས་རབ་དྲི་ལྡན་བྱུག་པ་མོས། །དཀྱིལ་འཁོར་


JLAZ009_Page_0261
[མ་དཔེ་གཟིགས་ན་འདིར་གནོན།]

དགྱེས་པའི་བསྐྱེད་གྱུར་ཅིག །ཨཱོཾ་བཛྲ་དྷཱུ་པེ་ཧཱུྃ། ཨཱོཾ་བཛྲ་པུཥྤེ་ཏྲཾ། ཨཱོཾ་བཛྲ་ཨཱ་ལོ་ཀེ་ཧྲཱིཿ ཨཱོཾ་བཛྲ་གནྡྷེ་ཨཱཿ སྦྱིན་ལག་ཡངས་པ་པི་ཝང་བསྒྲེང༌། །བརྩོན་འགྲུས་གླིང་བུས་གཞན་སྣང་བསྒྱུར། །སྨོན་པའི་རྔ་ཟླུམ་བཞིན་རས་མཛེས། །འཇུག་པའི་རྫ་རྔ་ཀུན་ཏུ་རྒྱུས། །དཀྱིལ་འཁོར་དགྱེས་པ་བསྐྱེད་གྱུར་ཅིག །ཨཱོཾ་བཛྲ་ཝི་ནི་ཧཱུྃ། ཨཱོཾ་བཛྲ་ཝཾ་སེ་ཏྲཾ། ཨཱོཾ་བཛྲ་མྲྀ་ཏཾ་གེ་ཧྲཱིཿ ཨཱོཾ་བཛྲ་མུ་རཉྫེ་ཨཱཿ གཏོང་ལ་གོམས་པ་གཟུགས་མའོ། །སྙན་པར་སྨྲ་བ་རེག་པ་སྤྲོད། །དོན་སྤྱོད་རོ་བརྒྱའི་དཔལ་འཛིན་ཅན། །དོན་མཐུན་ཆོས་ཀྱི་འབྱུང་གནས་མས། །དཀྱིལ་འཁོར་དགྱེས་པ་བསྐྱེད་གྱུར་ཅིག །ཨཱོཾ་བཛྲ་རཱུ་པ་ཧཱུྃ། ཨཱོཾ་བཛྲ་པརྴེ་ཏྲཾ། ཨཱོཾ་བཛྲ་ར་ས་ཧྲཱིཿ ཨཱོཾ་བཛྲ་དྷརྨཱ་དྷཱ་ཏུ་ཨཱཿ ཞེས་ཕུལ་ནས་མཐར་ལྷ་མོ་རྣམས་དཀྱིལ་འཁོར་པ་རྣམས་ཀྱི་ཟག་པ་མེད་པའི་དབང་པོའི་གནས་སོ་སོར་ཐིམ་པར་བསམ་མོ། །ལྔ་པ་སྨན་མཆོད་ནི། མཐེབ་སྲིན་གུ་ཧྱ་ལག་གི་རྒྱས་གཏོར་བས་ཟེགས་མ་ལས་བདུད་རྩིའི་ཆར་བབས་པས་དཀྱིལ་འཁོར་པ་ཐམས་ཅད་དགྱེས་པ་བསྐྱེད་པར་བལྟས་ལ། ཧཱུྃ། སངས་རྒྱས་ཀུན་དང་མཉམ་སྦྱོར་ཞིང༌། །རང་བྱུང་གདོད་ནས་རྣམ་པར་དག །རྩ་བརྒྱད་ཡན་ལག་སྟོང་སྦྱར་སྨན། །རིགས་ལྔ་དམ་ཚིག་ལྔ་ཡི་དངོས། །སྒྲོན་མ་ལྔ་དང་བདུད་རྩི་ལྔ། །རྒྱུད་ལྔ་དུག་ལྔ་འཇོམས་པའི་


JLAZ009_Page_0262
[མ་དཔེ་གཟིགས་ན་འདིར་གནོན།]

བདུད། །ཡེ་ཤེས་ལྔ་པོ་གྲུབ་པའི་རྩི། །འཆི་བ་མེད་པའི་དམ་རྫས་ཆེ། །དཀྱིལ་འཁོར་ལྷ་ཚོགས་རྣམས་ལ་འབུལ། །ཨཱོཾ་སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཏི། བརྒྱུད་མཆོད་ནི། བྱང་ཆུབ་རྡོ་རྗེ་རིགས་ལྔ་ལྕམ་དྲལ་དང༌། །བདེ་བའི་འཁོར་ལོ་རིག་འཛིན་རྡོ་རྗེ་ཆོས། །པྲ་བྷ་ཧསྟི་སངས་རྒྱས་པདྨ་སྐྱེས། །བསྟན་པའི་ཆུ་འགོ་དགོངས་བརྡའ་སྙན་བརྒྱུད་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །ཨོཾ་སརྦ་ཏ་ཐཱ་ག་ཏ་མ་ཧཱ་པཉྩ་མྲྀ་ཏ་ཁ་རཾ་ཁཱ་ཧི། བི་མ་ལ་དང་བལ་པོ་མཉྫུ་ཤྲཱི། །རྡོ་རྗེ་སེམས་མ་འགར་སྟོན་ཤེས་རབ་འབྱུང༌། །ཆོས་ཀྱི་རྒྱལ་པོ་ཚངས་པའི་མེ་ཏོག་སོགས། །རྒྱལ་ལུགས་བརྒྱུད་པའི་བླ་མ་ཐམས་ཅད་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །ཨཱོཾ་སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཇོ་མོ་མཁར་ཆེན་བཟའ་དང་ཅོག་རོ་བཟའ། །དཔལ་གྱི་དབང་ཕྱུག་ངམ་འབྲེ་ཨ་ཙར་ས། །སྨད་ལས་རྩལ་ཐོན་ལག་ལྷག་བྱང་ཆུབ་སོགས། །ཇོ་ལྕམ་བརྒྱུད་པའི་བླ་མ་ཐམས་ཅད་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །ཨཱོཾ་སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། རྡོ་རྗེ་བདུད་འཇོམས་ཨ་ཙར་དཔལ་མེ་ཏོག །རྡོ་རྗེ་གཞོན་ནུ་ཞང་ཞུང་ཡོན་ཏན་གྲགས། །


JLAZ009_Page_0263
[མ་དཔེ་གཟིགས་ན་འདིར་གནོན།]

ཡོན་ཏན་རིན་ཆེན་ཀུན་མཁྱེན་རོང་ཟོམ་སོགས། །སྣ་ནམ་བརྒྱུད་པའི་བླ་མ་ཐམས་ཅད་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །ཨཱོཾ་སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཕྱི་ཡུལ་སྣང་ཆར་དགྲ་བགེགས་གཉིས་ལ་ཐེབས། །སེམས་མེད་འབྱུང་བ་ཆུ་ཡང་ཆོམ་ལ་ཕོབ། །གཉགས་ལོ་མཆོག་དང་ལྷ་དཔལ་འོ་བྲན་སོགས། །ཤམ་སྔོན་བརྒྱུད་པའི་བླ་མ་ཐམས་ཅད་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །ཨཱོཾ་སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ནང་དུ་རང་རྒྱུད་ཉོན་མོངས་དུག་ལྔར་ཐེབས། །མཚན་མ་རྫས་ཀྱི་ཕུར་པས་མུ་སྟེགས་བཏུལ། །རྣལ་འབྱོར་དབང་ཕྱུག་འདར་ཕྱར་ལ་སོགས་པ། །དཔལ་ཆེན་ཕུར་པའི་གྲུབ་ཐོབ་ཐམས་ཅད་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །ཨཱོཾ་སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། དོན་དམ་བྱང་ཆུབ་སེམས་ཀྱི་ཕུར་པ་ནི། །རྟོག་པ་ཆོས་སྐུའི་ངང་ནས་དགོངས་བརྒྱུད་དང༌། །རིག་འཛིན་མཁའ་འགྲོའི་བརྡའ་ལས་སྙན་བརྒྱུད་རྫོགས། །པདྨས་ལུང་བསྟན་འཇིགས་མེད་གླིང་པ་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །ཨཱོཾ་སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི།


JLAZ009_Page_0264
[མ་དཔེ་གཟིགས་ན་འདིར་གནོན།]

བདག་ཉིད་རྩ་བའི་དཀྱིལ་འཁོར་ཡབ་ཡུམ་དང༌། །སྲས་མཆོག་རིགས་ལྔ་ཕུར་པ་རྫས་ཀྱི་ལྷ། །ཕྱོགས་བཅུ་ཁྲོ་བོའི་དཀྱིལ་འཁོར་ཁྲ་ཐབས་དང༌། །དཀྱིལ་འཁོར་མུ་རན་སྐྱོང་བའི་ཕུར་སྲུང་ལ། །སྨན་མཆོད་འབུལ་ལོ་མཐུ་དབང་དངོས་གྲུབ་སྩོལ། །ཨཱོཾ་སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། མཐར་དངོས་གྲུབ་བླང་བ་ནི། རྒྱལ་བའི་ཡེ་ཤེས་གསང་བ་གསུམ། །བདུད་རྩིའི་སྟེང་དུ་ཨོཾ་ཨཱཿཧཱུྃ། །རྡོ་རྗེ་ལྕེ་ཡི་དམ་ཚིག་གིས། །མྱང་པས་དངོས་གྲུབ་ཐོབ་པར་གྱུར། །རང་གི་ཡ་རྐན་ལ་ཨོཾ་དཀར་པོ། མ་རྐན་ལ་ཨཱཿདམར་པོ། ལྕེ་ལ་ཧཱུཾ་གིས་མཚན་པ་དང་སོ་སོར་འདྲེས། སྤྱི་མགྲིན་སྙིང་ག་གསུམ་དུ་སོང་བས་གནས་སོ་སོར་སྐུ་གསུང་ཐུགས་ཀྱི་ལྷ་གསུམ་དུ་གྱུར་པར་བསམ་མོ། །དྲུག་པ་གཏོར་མའི་མཆོད་པ་ནི། འདོད་ཆགས་ཁྲག །ཞེ་སྡང་རུས། གཏི་མུག་ཤའི་འདོད་ཡོན་དུ་བལྟས་ནས། མྱང་འདས་ལས། ཧཱུྃ། ཧེ་རུ་ཀ་ཡི་གནས་བཅུ་དང༌། །དུར་ཁྲོད་ཆེན་པོའི་གནས་བརྒྱད་ནས། །དཔལ་ཆེན་འཁོར་བཅས་སྤྱན་དྲངས་ཏེ། །དུར་ཁྲོད་མཆོག་གི་གནས་འདི་རུ། །ཞིང་ཆེན་གསར་རྙིང་ཏི་རར་བཅས། །དམར་གྱི་ཨརྒྷཾ་རྒྱ་མཚོར་བསྐྱིལ། །མཁའ་འགྲོ་འབར་བའི་ཚོགས་ལ་འབུལ། །མ་ལུས་གཤེགས་ནས་བསྣམ་དུ་གསོལ། །ཞེས་དང༌། རྩ་བཤད་ལས། ཧཱུྃ། མཐུ་རྩལ་དབྱུང་བའི་དུས་ལ་བབ། །དམ་ཚིག་


JLAZ009_Page_0265
[མ་དཔེ་གཟིགས་ན་འདིར་གནོན།]

ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །དུག་གསུམ་མཆོད་པར་རབ་ཕུལ་བས། །སངས་རྒྱས་སྐུ་གསུམ་ཐོབ་པར་འགྱུར། །ཨོཾ་བཛྲ་ཀཱི་ལི་ཀཱི་ལ་ཡ། ཛཿཧཱུྃ་བྃ་ཧོཿ སརྦ་བིགྷྣཱན་བཾ་ཧཱུྃ་ཕཊ། མ་ཧཱ་བ་ལིན་ཏ་ཁཱ་ཧི་ཁ་རཾ་ཁཱ་ཧི་ཁ་རཾ་ཁཱ་ཧི། བདུན་པ་རཀྟའི་མཆོད་པ་ཚར་གསུམ་ནི། ཕུད་དང་རཀྟ་བསྲེས། དང་པོ་ཕོ་ཉ་ལ་བཀའ་བསྒོ་བའི་ཕྱིར་ཕུལ་ནས། ཧཱུྃ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུངས་ཤིིག་རྒྱོབས་ཤིིག་རྣམ་པར་ཆིངས། །གཏོགས་ཤིང་གྲོགས་དང་བྲལ་བར་གྱིས། །རེངས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ཀྱང༌། །བསྒོ་བའི་བཀའ་འདི་ཉན་པར་བྱའོ། །མ་ཧཱ་རཀྟ་ཁཱ་ཧི། གཉིས་པ་དམ་ཅན་གནད་ལ་དབབ་པའི་ཕྱིར་དབུལ་བ་ནི། ཧཱུྃ། བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་བཅས་པ་ཡིས། །མངོན་སྤྱོད་ཕྲིན་ལས་མྱུར་དུ་མཛོད། །མ་ཧཱ་རཀྟ་ཁཱ་ཧི། གསུམ་པ་མཐུ་དང་རྫུ་འཕྲུལ་འཕྲོག་པའི་ཆེད་དུ་དབུལ་བ་ནི། ཧཱུྃ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ལྷའམ་འོན་ཏེ་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །


JLAZ009_Page_0266
[མ་དཔེ་གཟིགས་ན་འདིར་གནོན།]

མཐུ་དང་རྫུ་འཕྲུལ་མེད་པར་ཤོག །མ་ཧཱ་རཀྟ་ཁཱ་ཧི། བརྒྱད་པ་ལས་ཀྱི་མཐའ་སྦྱོར་སྒྲོལ་གྱི་མཆོད་པས་བསྡུ་བ་ནི། ལག་པའི་སོར་མོ་གཡས་གཡོན་ཁྲག་འཐུང་ཡབ་ཡུམ་ལྔར་བསམ་སྟེ་སྦྱར། ཡབ་མཁའ་ཧཱུཾ་ལས་རྡོ་རྗེ་མེ་དབལ་དང༌། ཡུམ་མཁའ་ཨེ་ལས་གནམ་ལྕགས་ཀྱི་བྲུབ་ཁུང་དུ་བསམ་པའི་ནང་དུ་དགྲ་བགེགས་བཀུག་ནས་བརྡུང་བས་སྦྱོར་སྒྲོལ་ཟུང་འཇུག་གི་མཆོད་པས་མཉེས་པར་བསམ་ལ། ཧཱུྃ། ལག་པ་ཁྲག་འཐུང་ཡབ་ཡུམ་བཅུས། །དུག་གསུམ་རྩད་ནས་གཅོད་པའི་ཕྱིར། །ཁམས་གསུམ་ཡོངས་སྒྲོལ་སྦྱོར་བ་བྱས། །ཧཱུྃ། རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདས་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བསྒྲལ་བར་གྱིས། །ཁ་ཐཾ། ཁ་ཐཾ། ཁ་ཐཾ། ཁཱ་ཧི་ཁཱ་ཧི་ཁཱ་ཧི། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཧ་ཧ་ཧ། དགུ་པ་བདུད་རྩི་གསང་ནན་གྱི་མཆོད་པ་ནི། བྷཉྫར་བདུད་རྩིའི་རྒྱུན་ལན་གསུམ་དུ་ཕྱར་ནས་བཟེད་ཞལ་དུ་སྦྲེངས་ཤིང་དང་པོས་ལྷ་ཚོགས་རྣམས་དགྱེས་པ་བསྐྱེད། གཉིས་པ་ཉན་ཐོས་རྣམས་འགོག་པ་ལས་བསླངས། གསུམ་པས་རང་རྒྱལ་རྣམས་གཞན་དོན་ལ་བསྐུལ་བར་བསམས་ལ། ཨོཾ་ཨཱཿཧཱུྃ། མི་བསྐྱོད་ཡེ་ཤེས་བདེ་བའི་མཆོག་དང་ལྡན་པའི་རོ་ལ་བསྣམ་དུ་གསོལ། །ཨ་ལ་ལ་ཧོཿ བྱང་ཆུབ་སེམས་དཔའི་བདེ་མཆོག་དེ་ཉིད་འགོག་པ་རྣམས་ལས་བསླང་བའི་ཕྱིར། །ཆགས་


JLAZ009_Page_0267
[མ་དཔེ་གཟིགས་ན་འདིར་གནོན།]

པ་མེད་པའི་བདེ་མཆོག་ཀུན་ཏུ་མྱང་མཛད་བཞེས་ཤིང་བསྣམ་དུ་གསོལ། །ཨོཾ་ཨཱཿཧཱུྃ། མཆོག་ཏུ་གསང་བའི་བདེ་ལ་རོལ་ཞིང་དམ་བཅས་འཇིག་རྟེན་སྒྲོལ། །བྱང་ཆུབ་སྐྱེ་གནས་བདེ་མཆོག་དབྱིངས་ལས་མི་ཉམས་དགའ་བའི་གར་མཛོད་ཅིག །ཨ་ལ་ལ་ཧོཿ ཞེན་ཅིང་ཆགས་པས་མཐའ་ལ་ཉོན་མོངས་རྣོ་སྐམས་གཟིར་བ་ཡིས། །མྱོང་བདེ་བདེ་མཆོག་བརྒྱད་དང་ལྡན་པས་ཐབས་ཀྱི་སྐུ་ལ་སྨྲེ་བར་མཛོད། །འགྲོ་ཀུན་ཚངས་པར་སྤྱོད་པའི་བྱང་ཆུབ་སྒོ་མོར་ལམ་སྟོན་ཅིག །བདེ་མཆོག་བདུད་རྩི་ཁྱད་པར་མེད་པའི་ཚོགས་ལ་བཀའ་སྩོལ་ཅིག །ཨ་ལ་ལ་ཧོཿ བཅུ་པ་དོན་དམ་བདེན་པའི་མཆོད་པ་ནི། བཤད་རྒྱུད་དྲི་མེད་ལས། ཧཱུྃ། ཡང་དག་དོན་གྱི་ཕུར་པ་ནི། །མ་སྤངས་མ་བསྒྲུབས་བཙལ་བ་མེད། །མ་བསླད་མ་བཅོས་བསྒྱུར་དུ་མེད། །ལྟ་བ་དོན་དམ་རྟོགས་པ་ལ། །རོལ་པ་ཅིར་ཡང་འགག་པ་མེད། །དེ་ཉིད་རྟོགས་ན་ཕུར་པའི་དོན། །དོན་དམ་རྟོགས་པས་ཐུགས་དམ་བསྐང༌། །ཞེས་ངོ་བོ་ཉིད་མེད་པའི་དོན་ལ་མཉམ་པར་བཞག་གོ །བཅུ་གཅིག་པ་བསྟོད་པ་ལ་སྤྱི་དང་བྱེ་བྲག་གཉིས་ལས། དང་པོ་ནི་གསང་བ་གསུམ་གྱི་ཡོན་ཏན་ཁྱད་པར་ཅན་དྲན་པས། ཡེ་ཤེས་རྩེ་མོ་ལས། ཨེ་མ་ཧོ། སངས་རྒྱས་བཅོམ་ལྡན་འདས། པད་ཀོར་ཁྲོ་ལ་ཁྲོས་པའི་ཁྲོ་བོ་ཆེ། །སྣ་ཚོགས་དུ་མའི་པད་ཀོར་ཁྲོ་བོའི་སྤྲིན། །འབར་བ་རྡོར་སེམས་


JLAZ009_Page_0268
[མ་དཔེ་གཟིགས་ན་འདིར་གནོན།]

གཅིག་ལས་རིན་འབྱུང་རྣམ་པར་སྣང་མཐའ་འབྱུང༌དོན་གྲུབ། །དེ་བཞིན་སྐོར་ཕྱག་ཉིད་ལ་ཕྱག་འཚལ་ལོ། །སྣ་ཚོགས་དུ་མའི་གཟུགས་མཆོག་ནི། །ཁྲོ་བོ་བཅུ་ཡི་རང་བཞིན་ཆེ། །གཅིག་ནི་དུ་མར་འཕེལ་མཛད་པ། །དུ་མ་རྣམས་ལ་བདག་ཅག་བསྟོད། །ཀྱེ་མ་ཁྲོ་བོའི་སྤྲིན་ཕུང་ཆེ། །མཐའ་ཡས་སྡིག་པ་གསོད་མཛད་པ། ། མངོན་སྤྱོད་སྒྲོལ་བའི་རང་བཞིན་ལས། །བདག་གི་སྡིག་པ་གསད་པར་མཛོད། །ཨེ་མ་དཔའ་བོ་དཔའ་བོ་ཆེ། །མ་ལུས་ཀུན་གྱི་རྒྱལ་པོ་ཉིད། །སྙིང་རྗེ་ཁྲོས་པས་ཁྲོ་བོ་ཆེ། །ཁམས་གསུམ་རྒྱལ་པོ་ཨ་ལ་ལ། །ཨེ་མའོ་བསྡིགས་པའི་སྡིགས་མཛུབ་ཅན། །སྡིགས་པའི་སྤྱོད་ལ་སོགས་པས་བརྗིད། །མངོན་སྤྱོད་ཁྱོད་ཀྱི་སྐུ་དང་མཚམས། །འབར་བའི་ཚོགས་ལ་བདག་ཅག་འདུད། །གཉིས་པ་ནི། བཤགས་རྒྱུད་ལས། ཧཱུྃ། སྒེག་པ་དཔའ་བ་འཇིགས་སུ་རུང་བ་དང༌། །དགོད་དང་གཤེ་དང་འཇིགས་པར་བྱེད་པ་དང༌། །སྙིང་རྗེ་རྔམས་ཞི་རྡོ་རྗེ་གཞོན་ནུའི་སྐུ། །ཞེ་སྡང་འཇོམས་པའི་ལྷ་ལ་ཕྱག་འཚལ་བསྟོད། །ཡབ་ཀྱི་ཐུགས་དམ་དགྱེས་པ་བསྐྱེད་པའི་ཡུམ། །འཁོར་ལོ་རྒྱས་འདེབས་འདོད་ཆགས་འཇོམས་མ་དང༌། །ཨེ་ཀ་ཛ་ཊི་ཞེ་སྡང་འཇོམས་མཛད་མ། །འདོད་ཆགས་ཚུལ་གྱིས་འདོད་ཆགས་འཇོམས་ལ་བསྟོད། །


JLAZ009_Page_0269
[མ་དཔེ་གཟིགས་ན་འདིར་གནོན།]

རྣལ་འབྱོར་ཆེན་པོ་ལས། ཡེ་ཤེས་ལྔ་ལྡན་ཕུར་བུས་དུག་ལྔ་འཇོམས། །ཕྲིན་ལས་ལྔ་ཡིས་དྲེགས་པ་སྒྲོལ་བ་ལ། །ཐོགས་པ་མེད་པའི་ལས་མཛད་འདུས་པ་ལྔ། །སྲས་མཆོག་རིགས་ལྔའི་སྐུ་ལ་ཕྱག་འཚལ་བསྟོད། །ཡེ་ཤེས་རོལ་པའི་སྟོབས་བཅུས་མི་དགེ་འཇོམས། །སྐུ་གསུང་ཐུགས་ཀྱིས་གདུག་པ་སྒྲོལ་བར་མཛད། །ཡང་དག་དོན་གྱིས་ལོག་འདྲེན་འཇོམས་མཛད་པ། །ཁྲོ་བོ་ཡབ་ཡུམ་བཅུ་ལ་ཕྱག་འཚལ་བསྟོད། །བྱང་ཆུབ་བདེ་ལ་སྒྲོལ་བའི་ཕོ་ཉ་མོ། །ཡེ་ཤེས་དོན་ལ་ཕྲ་ཐབས་གཟུགས་འཛིན་ཅིང༌། །དྲེགས་པའི་ཚོགས་རྣམས་མ་ལུས་འདུལ་མཛད་པ། །ཕྲ་མེན་ཕོ་ཉའི་ཚོགས་ལ་ཕྱག་འཚལ་བསྟོད། །བཅུ་གཉིས་པ་རྒྱལ་བ་དགྱེས་བྱེད་དམ་བཅའི་མཆོད་པ་ནི། འདུན་པ་རྩེ་གཅིག་པས། གསང་རྒྱུད་ལས། བསྐལ་པ་དཔག་ཏུ་མེད་པ་ཚུན་ཆོད་ནས། །ད་ལྟའི་ལུས་འདི་བསྐྱེད་པ་ཕན་ཆད་དུ། །ལྷ་མཆོག་ཁྱེད་དང་སྨོན་ལམ་མཐུ་བསྡེབས་ནས། །དུས་འདིར་ཞལ་མཐོང་ཡི་དམ་ལྷར་གསོལ་ན། །དུས་ཚིགས་འདི་ནས་བཟུང་ནས་ཡི་དམ་ལྷ། །སྙིང་པོ་བྱང་ཆུབ་མཆོག་ལ་མི་གནས་ཚུན། །ཚེ་རབས་འཁོར་བ་གར་བྱུང་གར་སྐྱེས་ཀྱང༌། །གསང་བའི་ལྷ་མཆོག་ཁྱེད་དང་མི་འབྲལ་ཞིང༌། །སྤྱི་དང་ཁྱད་པར་ལྷག་


JLAZ009_Page_0270
[མ་དཔེ་གཟིགས་ན་འདིར་གནོན།]

པའི་དམ་ཚིག་ལས། །མི་འདའ་བ་དང་ཡུན་དུ་བདག་བསྲུང་གིས། །ཆད་ལྷག་འགལ་འཁྲུལ་མཆིས་ན་མཐོལ་ལོ་བཤགས། །བར་ཆོད་རྐྱེན་གྱིས་རྣམ་སྨིན་ཅི་བྱུང་ཡང༌། །དཔལ་ཆེན་ཁྱོད་ཀྱི་མོད་ལ་ཟིལ་གྱིས་གནོན། །དངོས་གྲུབ་མཆོག་སྩོལ་ཤེས་རབ་ལྷ་མོའི་ཚོགས། །གཉིས་པ་ཡེ་ཤེས་ཀྱི་ཚོགས་བསགས་ལ་ཛཔ྄་ཀྱི་རིམ་པ་ལ་བཞི་ལས། དང་པོ་ཛཔ྄་ཁང་དབྱེ་བ་ནི། སྣང་ཆ་མ་ལུས་པ་དབྱེ་གཞིའི་དཀྱིལ་འཁོར་རྣམ་པ་གསུམ་དུ་རྫོགས་པར་བྱས་ནས། བྷྲཱུཾ་བི་ཤྭ་བི་ཤུདྡྷེ་ཕཊ་ཛཿ ཨོཾ་བཛྲ་ཀཱི་ལི་ཀཱི་ལ་ཡ་དཱིཔྟ་ཙཀྲ་ཧཱུྃ་ཕཊ། ཅེས་བདག་ཉིད་རྩ་བའི་དཀྱིལ་འཁོར་དང༌། ཨོཾ་བུདྡྷ་བཛྲ་རཏྣ་པདྨ་ཀརྨ་ཀཱི་ལི་ཀཱི་ལ་ཡ་ཧཱུྃ་ཕཊ། ཅེས་སྲས་མཆོག་རྫས་ཀྱི་དཀྱིལ་འཁོར་དང༌། ཧཱུྃ་ཧཱུྃ། ཛཿཛཿ ཧཱུྃ་ཧཱུྃ། ཛཿཛཿ ཧཱུྃ་ཧཱུྃ། ཛཿཛཿ ཧཱུྃ་ཧཱུྃ། ཛཿཛཿ ཧཱུྃ་ཧཱུྃ། ཛཿཛཿ ཧཱུྃ་ཧཱུྃ། ཛཿཛཿ ཧཱུྃ་ཧཱུྃ། ཛཿཛཿ ཧཱུྃ་ཧཱུྃ། ཛཿཛཿ ཧཱུྃ་ཧཱུྃ། ཛཿཛཿ ཧཱུྃ་ཧཱུྃ། ཛཿཛཿ ཛཿཧཱུྃ་བཾ་ཧོཿ ཕཊ་ཛཿ ཞེས་པས་ཕྱོགས་བཅུ་ཁྲོ་བོའི་དཀྱིལ་འཁོར་ཏེ། དཀྱིལ་འཁོར་གསུམ་ལྡན་གྱི་དམ་ཚིག་གི་འཁོར་ལོ་ལས་ཡེ་ཤེས་ཀྱི་དཀྱིལ་འཁོར་རྟེན་དང་བརྟེན་པར་བཅས་པ་ལོགས་སུ་ཕྱེ་ནས། མདུན་གྱི་ནམ་མཁར་མེ་རི་འདབ་འབྱོར་གྱི་ཚུལ་དུ་ཡོད་པར་བསམ་མོ། །གཉིས་པ་ཛཔ྄་དགོངས་ནི། ཧཱུྃ། ཐུགས་ཀར་དཔལ་གྱི་བེའུའི་དཀྱིལ་འཁོར་ནི། །སྒོ་གཅིག་རིན་ཆེན་


JLAZ009_Page_0271
[མ་དཔེ་གཟིགས་ན་འདིར་གནོན།]

གཞལ་ཡས་ཁང༌། །བདེ་སྟོང་དབྱེར་མེད་ངང་ཉིད་ལས། །ཆོས་ཀྱི་སྐུ་ལས་ལོངས་སྐུར་ཤར། །པདྨ་ཟླ་བའི་གདན་ལ་བཞུགས། །སྐྱོན་གྱིས་མ་གོས་གཏི་མུག་སེལ། །ཡབ་ཡུམ་གཉིས་མེད་ཟག་མེད་སྐུ། །སྐུ་མདོག་དཀར་གསལ་རྣམ་དག་དབྱིངས། །རྡོ་རྗེ་དྲིལ་བུ་ཕྱག་ན་བསྣམས། །ཤེས་རབ་བྱང་ཆུབ་སེམས་དང་ལྡན། །རྟོག་མེད་མི་འགྱུར་སྐྱིལ་ཀྲུང་བཞུགས། །མཁའ་དབྱིངས་བདེ་ཆེན་སྐུ་ལ་བསྟོད། །ཅེས་བརྗོད་ནས་བདག་མདུན་གྱི་གཙོ་བོའི་ཐུགས་ཀར་ཡེ་ཤེས་སེམས་དཔའ་ཞི་བ་ལོངས་སྤྱོད་རྫོགས་པའི་སྐུ་ཡུམ་དང་བཅས་པའི་ཐུགས་ཀར་དེ་བཞིན་གཤེགས་པ་ཐམས་ཅད་ཀྱི་ཐུགས་རྡོ་རྗེའི་ངོ་བོ་རྡོ་རྗེ་མཐིང་ནག་རྩེ་ལྔ་དང༌། དེའི་ལྟེ་བར་ཉི་མའི་དཀྱིལ་འཁོར་གྱི་སྟེང་ཏིང་འཛིན་སེམས་དཔའ་ཧཱུྃ་མཐིང་ནག་ལ་འབྲུ་དགུའི་སྔགས་ཕྲེང་འཁོར་བར་བསྒོམ་པའི་ཚུལ། ཡེ་ཤེས་རྩེ་མོ་ལས། སྙིང་གར་བསམ་པར་བྱ་བ་ནི། །ཉི་མའི་དཀྱིལ་འཁོར་དབུས་གནས་པར། །རྡོ་རྗེ་ས་བོན་མཐིང་ནག་བཞག །སྙིང་པོ་བརྟག་པར་བྱ་བ་ནི། །རྣམ་པར་སྣང་མཛད་མགོར་བཞག་སྟེ། །རྡོ་རྗེ་ཕུར་བུའི་རང་བཞིན་བརྟག །ཅེས་སོ། །གསུམ་པ་ཛཔ྄་དངོས་ལ་གཉིས། སྟོད་ལས་ལ་བརྟེན་ནས་བླ་ན་མེད་པའི་བྱང་ཆུབ་བསྒྲུབ་པ་དང༌། སྨད་ལས་ལ་བརྟེན་ནས་དམ་ཅན་ཉེ་བར་བསྙེན་པའོ། །དང་པོ་ལ་བསྙེན་བསྒྲུབ་ཡན་ལག་བཞིའི་ངེས་པ་ཡང་མཐའ་གཅིག་ཏུ་མ་ངེས་ཏེ་ཐབས་


JLAZ009_Page_0272
[མ་དཔེ་གཟིགས་ན་འདིར་གནོན།]

བསྐྱེད་པའི་རིམ་པ་ལ་སྦྱར་མ་ཐག་པས་ཀྱང་ཤེས་ཤིང༌། ཕུར་པ་རྣལ་འབྱོར་ཆེན་པོ་ལས་ཀྱང༌། སྤྱིར་ནི་གསང་སྔགས་ངེས་པ་ལ། །ཏིང་འཛིན་གསུམ་བསྐྱེད་བསྙེན་པ་ཡིན། །བདག་ཉིད་ལྷར་བསྐྱེད་ཉེ་བསྙེན་ཡིན། །ཡུམ་བསྐྱེད་བསྒྲུབ་པར་ཤེས་པར་བྱ། །གཞན་རྣམས་བསྒྲུབ་པ་ཆེན་པོ་ཡིན། །ཞེས་སོ། །འདི་ནི་སྟོད་ལས་བྱང་ཆུབ་སྒྲུབ་པའི་གནས་སྐབས་ན་བསྙེན་སྒྲུབ་གཉིས་ལ་ནང་གསེས་ཀྱིས་ཡན་ལག་བཞིར་ཕྱེ་ན་ཆོས་ཉིད་དང་སྦྱར་ཏེ་བཟླ་བ་བསྙེན་པ། ལྷ་དང་སྦྱར་ཏེ་བཟླ་བ་ཉེ་བསྙེན། ཤམ་བུར་སྦྱར་བ་སྒྲུབ་པ། ཚོགས་སྒྲུབ་དང་འབྲེལ་བའམ་ཕྲིན་ལས་སྣ་ཚོགས་པ་ཅན་སྒྲུབ་པ་ཆེན་པོར་ངེས་པ་ལས། དང་པོ་བསྙེན་པའི་འདིར་སྒྲུབ་པ་ཞག་བདུན་ལ་མཚོན་ན་ཉིན་དང་པོ་གསུམ་ལ་བསྙེན་སྔགས། ཨོཾ་བཛྲ་ཀཱི་ལི་ཀི་ལ་ཡ་ཧཱུྃ། ཞེས་བཟླ། ཉིན་བར་མ་གསུམ་ལ་སརྦ་བིག་ནན་བཾ་སོགས་བཏགས་པ་ཉེ་བསྙེན། ཉིན་ཕྱི་མ་གཅིག་ལ་སྒྲུབ་སྔགས་ཛཿཧཱུྃ་ཨ་གསུམ་བགོ་ཤེས་པར་བྱའོ། །དམིགས་པ་ནི། བདག་མདུན་སོ་སོའི་དཀྱིལ་འཁོར་རྟེན་དང་བརྟེན་པ་སེམས་དཔའ་སུམ་བརྩེགས་སྔགས་ཕྲེང་དང་བཅས་པའི་ལྷར་སྣང་དང་ལྷན་ཅིག་འབྲུ་དགུ་པའི་བཟླས་པ་ལ་བརྩོན་པ་བསོད་ནམས་ཀྱི་ཚོགས་དང༌། སྐྱོ་བའི་ཚེ་ཆོས་ཉིད་དང་སྦྱར་ནས་བཟླ་བ་ཡེ་ཤེས་ཀྱི་ཚོགས་དང་འབྲེལ་བ་ཡིན་ཏེ། རྩེ་མོ་ལས། ལྷ་ཡི་ང་རྒྱལ་རབ་གནས་པ། །བརྗེད་པ་མེད་པའི་དྲན་པ་ནི། །འབད་པ་མེད་པའི་ཚོགས་ཆེན་པོ། །མཁས་པས་རྟག་ཏུ་བསམ་པར་བྱ། །ཞེས་དང༌། བཤད་རྒྱུད་ལས། ལྷ་ཉིད་བསྒོམ་དང་སྤྱན་དྲང་ཡང༌། །གཞི་རྩ་མེད་པར་མ་ཤེས་ན། །ལྷ་ཉིད་བརྟགས་པས་ལོག་རྟོག་ཉིད། །གཞི་རྩ་མེད་པར་ལྷ་བསྒོམས་པས། །ཆོས་ཉིད་དོན་དམ་རྟོགས་པ་དང༌། །ལོག་པའི་ཆོས་ཅན་འདུལ་བ་དང༌། །འགྲོ་བ་ཐ་དད་དྲངས་པ་དང༌། །བདུད་དང་


JLAZ009_Page_0273
[མ་དཔེ་གཟིགས་ན་འདིར་གནོན།]

སྲིན་པོ་དབང་དུ་སྡུད། །དཔེར་ན་མེ་ལོང་སྣང་གཞི་ལ། །གཞི་རྩ་མེད་པས་ཐམས་ཅད་སྣང༌། །མ་བལྟས་སྟོང་ལ་རྣམ་པར་སྣང༌། །ཡོད་དང་མེད་པའི་དམིགས་དང་བྲལ། །ཞེས་པའི་དོན་ཁོང་དུ་ཆུད་པར་བྱ་བ་ནི་གལ་པོ་ཆེའོ། །དེ་ལ་གསལ་བརྟན་ཅུང་ཟད་ཐོབ་ནས་འོད་ཟེར་སྤྲོ་བསྡུ་བྱ་བ་ནི། ཐུགས་སྲོག་ཏིང་འཛིན་སེམས་དཔའ་ལས་འོད་ཟེར་བུང་བའི་མཚོན་ཆ་ལྟ་བུ་འཕྲོས་སངས་རྒྱས་ཀྱི་ཞིང་ཁམས་ཐམས་ཅད་གཡོས་ཤིང་མཉེས་པའི་མཆོད་པ་ཕུལ། སེམས་ཅན་གྱི་ཁམས་ལ་འཕྲོས་པས་སྡིག་སྒྲིབ་སྦྱངས། དག་པའི་སྣོད་བཅུད་འབའ་ཞིག་ཏུ་གྱུར་པས་དོན་གཉིས་བྱས། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་སྐུ་དང་ཡིག་འབྲུ་ཕྱག་མཚན་གྱི་རྣམ་པར་བྱུང་སྟེ་བདག་མདུན་གྱི་དཀྱིལ་འཁོར་ལ་ཐིམ་པས་བྱིན་རླབས་དང་དངོས་གྲུབ་མཐའ་དག་ཐོབ་པར་བསམ་མོ། །དེ་ལ་ཅུང་ཟད་གོམས་པ་དང་དོ་ལི་ལ་བསླབ་པར་བྱ་སྟེ། སྔགས་ཕྲེང་ལས་རང་འདྲ་གཉིས་པ་རེ་ཆད་པ་ལུ་གུ་རྒྱུད་དུ་འབྲེལ། རྡོ་རྗེའི་དབུས་རྭ་ནས་ཐོན་ཡེ་ཤེས་སེམས་དཔའི་སྐུའི་དབྱིབས་བརྒྱུད་ཞལ་དུ་ཐོན། རིམ་བཞིན་བདག་ཉིད་རྩ་བའི་དཀྱིལ་འཁོར་གྱི་ཤངས་བུག་གཡས་པ་ལས་ཐོན། རྡོ་རྗེ་གཞོན་ནུ་ཡེ་ཤེས་པའི་ཤངས་བུག་གཡོན་ནས་ཞུགས་ཏེ་ཐུགས་ཀར་ཐིམ་སྐུ་གསུང་ཐུགས་མཉེས་པའི་མཆོད་པ་ཕུལ། ཅི་འདོད་པའི་དངོས་


JLAZ009_Page_0274
[མ་དཔེ་གཟིགས་ན་འདིར་གནོན།]

གྲུབ་བླངས། དེའི་ཤངས་བུག་གཡས་ནས་བརྒྱུད་རང་གི་སྣ་བུག་གཡོན་དུ་ཞུགས། རིམ་པར་བརྒྱུད་པས་བདག་མདུན་གྱི་རྟེན་དང་བརྟེན་པ་ཐམས་ཅད་ཤིན་ཏུ་གསལ་བར་བྱས། དབང་བཞི་ཐོབ། སྒྲིབ་བཞི་དག །དངོས་གྲུབ་རྣམ་པ་གཉིས་བདེ་བླག་ཏུ་ཐོབ་པར་བསམ། རྣམ་རྟོག་གཞན་གྱིས་བར་མ་ཆོད་པར་བྱ་སྟེ། ཕུར་པ་གསང་བའི་རྒྱུད་ལས། རིག་པ་བྱང་ཆུབ་སེམས་ཉིད་རྟོགས་ནས་ཀྱང༌། །རང་བཞིན་མ་སྐྱེས་ཡོངས་སུ་གྲུབ་པའི་སྐུ། །སྣང་བ་རང་བཞིན་མེད་དེ་འཇའ་ཚོན་འདྲ། །ཆུ་ཟླ་ལྟ་བུའི་སངས་རྒྱས་འོད་དང་ལྡན། །ཐུགས་ཀར་དཔལ་བེའུར་ཡི་གེ་འབྲུ་དགུ་ནི། །གསེར་ལ་ཕྲ་བཀོད་བཞིན་དུ་གསལ་བསྒོམ་སྟེ། །རྫོགས་པའི་རིམ་པ་གདམས་ངག་ཚུལ་བཞིན་བསྒོམ། །རྒོད་ན་སྐྱེ་མེད་རྨུགས་ན་ཆོས་ཉིད་ལ། །འཕྲོ་ན་བདེ་ཆེན་བྱིངས་ན་ཁྲོ་བོ་སྟེ། །ཡེ་ཤེས་ལྷ་ཡི་བསྙེན་པའི་ཏིང་ངེ་འཛིན། །འཛབ་ཀྱི་དགོངས་པ་ཆུ་བོའི་རྒྱུན་བཞིན་ནོ། །ཆོས་ཉིད་ངང་ལས་སྔགས་ཀྱི་སྒྲ་དབྱངས་བླངས། །སེམས་འཛིན་བསམ་གཏན་ཏིང་འཛིན་མ་ཡེངས་བསྒོམ། །དབྱིངས་ཀྱི་ངང་ལས་རང་བྱུང་རང་གྲགས་བསམ། །དེ་ཚེ་རྣམ་རྟོག་དགྲ་ཆེན་ཐམས་ཅད་ཀུན། །གཟུང་འཛིན་མཚན་མ་མེད་པའི་དབྱིངས་སུ་ཕུར། །ཅེས་སོ། །གཉིས་པ་ཉེ་བསྙེན་ནི། སྡེ་ཚན་བཅུ་བཞི་པ་ལ་བྱ་སྟེ། འདི་ནི་བསྐྱེད་པ་རྐྱེན་གྱི་སྔགས་བརྒྱད་པོ་ལ་བསྐུལ་བ་ལས་ཀྱི་སྔགས་དང་བཟླས་པ་ལས་ཀྱི་འབྲུ་གསུམ་བསྣན་པ་ཐམས་ཅད་འདུས་པའི་དྲག་སྔགས་ཡིན་པའི་ཚུལ་རྒྱུད་ལས། ཨཱོཾ་ནི་དཔལ་ཆེན་ཡབ་ཡིན་ཏེ། །བཛྲ་ཤེས་རབ་ཡུམ་ཡིན་ནོ། །ཀཱི་ནི་ཡེ་ཤེས་ཁྲོ་བོ་ལ། །ལི་


JLAZ009_Page_0275
[མ་དཔེ་གཟིགས་ན་འདིར་གནོན།]

ནི་དབྱིངས་ཀྱི་ཁྲོ་མོ་བཅུ། །ཀཱི་ནི་ཐབས་ཀྱི་མཆེ་བ་ཅན། །ལ་ནི་ཤེས་རབ་གཤོག་པ་ཅན། །ཡ་ནི་སྲས་མཆོག་ཕུར་པ་སྟེ། །ཧཱུཾ་ནི་ཕྱག་བརྙན་སྒོ་མ་བཞི། །སརྦ་ཐམས་ཅད་འདུས་པ་སྟེ། །བིག་ནི་དགྲ་དང་བགེགས་ཡིན་ཏེ། །ནན་ནི་དགྲ་དང་བགེགས་མནན་ནོ། །བཾ་ནི་དབང་དུ་སྡུད་པ་སྟེ། །ཧཱུྃ་ནི་བརླག་པར་བྱེད་པའོ། །ཕཊ་ཀྱིས་སྒྲོལ་བའི་ཕྲིན་ལས་མཛད། །ཅེས་སོ། །བསྙེན་ཚད་ནི། རྒྱུད་ལས། ས་ཡ་དྲུག་འབུམ་བསྙེན་པའི་ཚད། །ཅེས་པའི་འབུམ་ཕྲག་བཅུ་དྲུག་གོ །སྡེ་ཚན་བཅུ་བཞི་པ་འདི་ནི་ལས་རུང་ཙམ་གྱི་བསྙེན་ཚད་དེ་སྨིན་པར་སློབ་པའི་བསྙེན་ཆེན་ལ་འབུམ་ཕྲག་བརྒྱ་ཐམ་པ་སྟེ་བཤད་མ་ཐག་པས་ཤེས་སོ། །བྱེ་བ་སྔོན་ལ༷་འདྲེན་པ་སྔ་འགྱུར་གྱི་ཁྱད་ཆོས་སུ་འདོད་པའང་ནོར་བ་ཆེན་པོ་ཡིན་ཏེ་ཀཱི་ལ་བཅུ་གཉིས་ཀྱི་ཏནྟྲ་ཆུང་བ་ལས། རྡོ་རྗེ་ཕུར་པ་ལྷ་བསྐྱེད་བྱ། །འབུམ་ཕྲག་གཅིག་གམ་ས་ཡའམ། །བྱེ་བ་བཟླས་ཏེ་དབང་བསྐུར་ནས། །ཞེས་པས་དུས་ཀྱི་འཁོར་ལོ་དང་མཚུངས་པ་ཡིན་ནོ། །གསུམ་པ་བསྒྲུབ་པ་ནི། ཛཿཧཱུྃ་ཨཱཿགསུམ་བསྣན་པའི་བཅུ་བདུན་ཏེ། དང་པོས་དངོས་གྲུབ་ཐམས་ཅད་སྔགས་ལ་སྡུད། གཉིས་པས་སྔགས་ཀྱི་དངོས་གྲུབ་བདག་ལ་སྡུད། གསུམ་པས་རང་བཞིན་དབྱེར་མེད་དུ་རྒྱས་འདེབས་པའི་མན་ངག་གི་ལྡེ་ཁ་ཁྱད་པར་ཅན་ནོ། །བཞི་པ་སྒྲུབ་པ་ཆེན་པོ་ནི་དཀྱིལ་འཁོར་གྱི་བྱ་བ་དང་འབྲེལ་བ་དང༌། སྨན་སྒྲུབ་དང༌། བུམ་སྒྲུབ་ལ་སོགས་པ་དང༌། གཞན་ཡང་ཕྲིན་ལས་སྣ་ཚོགས་པའི་བདག་ཉིད་དེ། ཕུར་པར་རང་གཞུང་དུ་ཡེ་ཤེས་ལྷ་ཡི་སྒྲུབ་པ། མ་མོ་མཁའ་འགྲོའི་


JLAZ009_Page_0276
[མ་དཔེ་གཟིགས་ན་འདིར་གནོན།]

སྒྲུབ་པ། དཔའ་བོ་གིང་གི་སྒྲུབ་པ་ཞེས་སྨད་ལས་ཀྱི་རིམ་པ་སྒྲུབ་པ་ཆེན་པོར་བསྡུ་བ་ཡང་ཡོད་དོ། །དེ་དག་གི་བར་སྐབས་ཅི་རིགས་པར་དག་པའི་སྣོད་བཅུད་ལ་གསལ་བརྟན་གྱི་ཡེ་ཤེས་བསྐྱེད་ཕྱིར་ཛཔ྄་བསྐུལ་བྱ་བར་སྤྲོ་ན། ཧཱུྃ། སྟོང་གསུམ་སྟོང་གི་འཇིག་རྟེན་ན། །སོགས་རྒྱུད་ལས་གསུངས་པ་དངོས་ཟུར་དུ་བཀོད་པ་ལྟར་བྱའོ། །སོ་སོའི་སྔགས་དང་དམིགས་པའི་ཁྱད་པར་ཟབ་མོ་ནི་རྩོད་དུས་འདི་ན་སྔགས་ལ་འཕྱ་ཞིང་དམ་ཚིག་མེད་པའི་གང་ཟག་མང་བས་དངོས་གྲུབ་ཀྱི་གནས་ལ་ཞུད་པའི་ཕྱིར་རེ་ཞིག་དཔའ་བོ་མཁའ་འགྲོའི་བཀའ་རྒྱས་ཆུ་འབབས་སུ་བྲི་བར་མ་གནང་ངོ༌། །དེ་ལྟར་ཡང་དངོས་གྲུབ་ཀྱི་རྒྱུ་དམ་ཚིག་མ་ཉམས་པ་རྣམས་ལ་ནི་མཆོག་དང་ཐུན་མོང་གི་དངོས་གྲུབ་ཚང་ལ་མ་ནོར་བ་གྲུབ་པའི་རྒྱུད་གཞུང་འདི་ཉིད་ཀྱིས་སྟོན་པས་ན། གང་ཞིག་བསྒྲུབ་པའི་ཕན་ཡོན་ལ་བསམས་ནས་ཡིད་བཞིན་གྱི་ནོར་བུ་ལྟ་བུར་བཟུང་བར་རིགས་ཏེ། རྡོ་རྗེ་ཁྲོས་པའི་རྩ་བཤད་ལས། འདི་ལ་བརྟེན་པའི་གང་ཟག་རྣམས། །ཐམས་ཅད་གྲོལ་འགྱུར་ཐེ་ཚོམ་མེད། །རྡོ་རྗེ་ཁྲག་འཐུང་ང་ཉིད་ཀྱི། །ཡི་གེ་ཧཱུྃ་ཙམ་བཟླས་པ་ཡང༌། །བར་ཆད་བདུད་ཀྱིས་མི་ཚུགས་ཤིང༌། །མཚན་མ་གྲུབ་པར་ཐེ་ཚོམ་མེད། །རྡོ་རྗེ་ཅན་གྱི་ཞིང་དུ་སྐྱེ། །ལྷ་ཀླུ་ཀུན་ལ་དབང་བྱེད་འགྱུར། །འདི་བསྒྲུབ་པ་ཡི་གང་ཟག་རྣམས། །སྔ་ནས་སྦྱོང་བར་ཐེ་ཚོམ་མེད། །ཚེ་གཅིག་འདི་ལ་བརྩོན་ལྡན་པས། །འཁོར་བར་མི་ལྡོག་མངོན་སངས་རྒྱས། །གང་ཞིག་དབང་དང་མན་ངག་ཐོབ། །སྐད་ཅིག་ཙམ་གྱིས་མོས་གྱུར་ན། །འཆི་བ་ཞེས་ནི་རྣམ་རྟོག་སྟེ། །མཁའ་སྤྱོད་གནས་སུ་འཁྲིད་པར་འགྱུར། །གང་ཞིག་འདི་ལ་མོས་པ་ཙམ། །དབང་དང་དམ་ཚིག་འཛིན་གྱུར་ནས། །སྐྱེ་བདུན་ཉིད་ན་སངས་རྒྱས་འགྱུར། །སྐྱེ་བ་གཞན་གྱིས་བར་མ་ཆོད། །འདི་ལ་ཐེ་ཚོམ་ལེ་ལོ་སྤངས། །


JLAZ009_Page_0277
[མ་དཔེ་གཟིགས་ན་འདིར་གནོན།]

བརྩོན་འགྲུས་དད་ལྡན་ཅན་གྱིས་བསྒྲུབ། །རྒྱུད་འདི་རྟག་ཏུ་གསང་བར་བྱ། །མཁའ་འགྲོའི་ཚོགས་ཀྱིས་བསྲུང་བར་འགྱུར། །ཞེས་སོ། །བཞི་པ་ཛཔ྄་མཇུག་བསྡུ་བ་ནི། མཆོད་བསྟོད་རྒྱས་བསྡུས་ཅི་རིགས་པའི་མཐར་ཡི་གེ་བརྒྱ་པ་ལན་གསུམ་གྱི་ནོངས་བཤགས་དང༌། རང་བཞིན་གྱི་དཀྱིལ་འཁོར་དང་ཏིང་ངེ་འཛིན་གྱི་དཀྱིལ་འཁོར་དབྱེར་མེད་དུ་བྱ་བའི་ཕྱིར། ཨཱོཾ་བཛྲ་ཀྲོ་དྷ་ས་མ་ཡ་ཧཱུྃ། ཞེས་རིག་པའི་མེ་ཏོག་དོར། ཨཱོཾ་བཛྲ་ཀྲོ་དྷ་ས་མ་ཡ་སྟྭཾ། ཨཱོཾ་བཛྲ་ཀྲོ་དྷ་ས་མ་ཡ་ཕཊ། ཨཱོཾ་བཛྲ་ཀྲོ་དྷ་ས་མ་ཡ་ཧོ། ཞེས་པས་དངོས་གྲུབ་བསྐུལ་ནས། ཧཱུྃ་ཞེས་བརྗོད་ནས། མདུན་བསྐྱེད་ཡེ་ཤེས་ཀྱི་འཁོར་ལོ་དམ་ཚིག་གི་འཁོར་ལོ་ལ་དབྱེར་མེད་དུ་བསྟིམ། ཧཱུྃ་ཧ་ཧེ་ཕཊ། ཅེས་བརྗོད་ནས་དེ་ཉིད་གསལ་ཞིང་བརྟན་པར་བྱའོ། །གཉིས་པ་སྨད་ལས་ཀྱི་དང་པོ་དམ་ཅན་ཉེ་བར་བསྙེན་པ་ནི་ཟུར་དུ་འཆད་ལ། ངན་སྔགས་ཉེ་བར་བསྙེན་པ་གདབ་པ་དྲུག་གིས་དགྲ་བགེགས་སྒྲོལ་བའི་སྐོར་ནི་བྱང་ཆུབ་སེམས་དཔའི་ཚུལ་ཁྲིམས་སྔགས་སྡོམ་དང་སྦྱར་བའི་གནང་བཀག་མི་ཤེས་པ་དག་གིས་གསང་སྔགས་ཀྱི་ཕྲིན་ལས་རབ་འབྱམས་རང་གར་སྤྱད་པས་ངན་སོང་དུ་འཕེན་པའི་ཚུལ་མང་དུ་མཐོང་བས་བདག་ཅག་ནི་བྱང་ཆུབ་སེམས་དཔའི་སྡེ་སྣོད་ལ་དད་པས་མངོན་སྤྱོད་ཀྱི་ལས་ལ་བརྩོན་པ་ལྷོད་པར་གྱུར་ཏོ། །དེ་ལྟར་ཡང་ཞིབ་ཏུ་ཤེས་པར་འདོད་པའི་དམ་ཚིག་ཅན་ཡོད་ན་ཕུར་པ་རྣལ་འབྱོར་ཆེན་པོའི་རྒྱུད་དང་འབྲེལ་བའི་དོན་སྣ་ནམ་ལུགས་ཀྱི་རྣམ་བཤད་རིན་ཆེན་ཕྲེང་བ་དང༌། འགྲེལ་པ་བདུད་རྩི་དྲི་མེད། འབུམ་འགྲེལ་ལ་སོགས་ལས་ཤེས་པར་བྱའོ། །རྗེས་ལ་ཚོགས་ཀྱི་རིམ་


JLAZ009_Page_0278
[མ་དཔེ་གཟིགས་ན་འདིར་གནོན།]

པ་ནི། ཧཱུྃ། དཔལ་ཆེན་ཐུགས་ལས་རཾ་ཡཾ་ཁཾ། །འཕྲོས་པས་ཚོགས་ཀྱི་དངོས་འཛིན་སྦྱངས། །སྣང་སྲིད་བདེ་ཆེན་ཀ་པཱ་ལར། །བཅུད་རྣམས་རིགས་ལྔའི་དམ་རྫས་གྱུར། །ཨཱོཾ་ཨཱཿཧཱུྃ་ཧ་ཧོ་ཧྲཱིཿ སྤྱན་འདྲེན་ནི། ཧཱུྃ། འོག་མིན་ཆོས་དབྱིངས་ཕོ་བྲང་དང༌། །ཡན་ལག་བདུན་ལྡན་ལོངས་སྤྱོད་རྫོགས། །རང་བཞིན་སྤྲུལ་སྐུའི་ཞིང་ཁམས་ནས། །དཔལ་ཆེན་དཀྱིལ་འཁོར་ལྷ་ཚོགས་དང༌། །གནས་དང་ཉེ་གནས་རྣམ་པ་གཉིས། །ཡུལ་ནི་རོལ་པ་ཉེ་ཡུལ་རོལ། །ཞིང་དང་ཉེ་བའི་ཞིང་དང་ནི། །འདུ་དང་ཉེ་བའི་འདུ་བ་དང༌། །ཚནྡྷོ་ཉེ་བའི་ཚནྡྷོ་སྟེ། །ཧེ་རུ་ཀ་ཡི་གནས་བཅུ་དང༌། །དུར་ཁྲོད་ཆེན་པོ་བསིལ་བའི་ཚལ། །ཨཽ་ཌི་ཡ་ནར་པདྨ་བརྩེགས། །ཟ་ཧོར་ཡུལ་ན་ཁུ་བྱུག་ཀློང༌། །སེང་ངའི་ཡུལ་ན་སྐུ་ལ་རྫོགས། །ཁ་ཆེའི་ཡུལ་ན་ཧེ་ཆེན་རོལ། །བལ་པོའི་ཡུལ་ན་ཡ་མ་ཁ། །ཐོ་གར་ཡུལ་ན་གསང་ཆེན་རོལ། །ལི་ཡུལ་འཇིག་རྟེན་མངོན་རྫོགས་ཏེ། །དུར་ཁྲོད་ཆེན་པོ་བརྒྱད་རྣམས་ན། །བཞུགས་པའི་དཔའ་བོ་མཁའ་འགྲོ་དང༌། །ཤུགས་འགྲོ་རྣལ་འབྱོར་ཞིང་སྐྱོང་རྣམས། །ཚོགས་ལ་སྤྱན་འདྲེན་གཤེགས་སུ་གསོལ། །ཚོགས་ཁང་འདི་ནི་སྤྲུལ་པའི་ཞིང༌། །ཚོགས་རྫས་འདོད་ཡོན་རོལ་པའི་རྒྱན། །ཐབས་དང་ཤེས་རབ་ལྕམ་དྲལ་ལྡན། །རྡོ་རྗེའི་གླུ་གར་བྱིན་རེ་ཆགས། །ཅང་ཏེའུ་དྲིལ་བུ་སྙན་ཞིང་


JLAZ009_Page_0279
[མ་དཔེ་གཟིགས་ན་འདིར་གནོན།]

འཁྲོལ། །འདི་ནི་དམ་ཚིག་མཆོག་གི་གནས། །ཤགས་དང་རྩོད་པ་ཀུ་ཅོ་མེད། །རིག་པ་བརྟུལ་ཞུགས་ཉམས་དང་ལྡན། །དམ་ཚིག་འདི་ནི་དང་དུ་བཞེས། །མཆོག་དང་ཐུན་མོང་དངོས་གྲུབ་སྩོལ། །གུ་རུ་དྷེ་ཝ་ཌཱ་ཀ་ཌཱ་ཀི་ནཱི་དྷརྨཱ་པཱ་ལ་ས་མ་ཡ་ཛཿ ཕུད་དང་པོ་ནི། ཧཱུྃ། སངས་རྒྱས་དམ་ཚིག་བླ་ན་མེད། །ཤ་ལྔ་བདུད་རྩི་རྣམ་པ་ལྔ། །བཟའ་བཅའ་བཏུང་བ་ཕྱི་ཡི་ཚོགས། །འདོད་ཡོན་ལྷ་མོ་རྣམ་པ་ལྔ། །དབང་པོའི་ལོངས་སྤྱོད་ནང་གི་ཚོགས། །བདེ་སྟོང་ཡེ་ཤེས་བླ་ན་མེད། །དགའ་བཞི་རྣམ་རོལ་གསང་བའི་ཚོགས། །དཀྱིལ་འཁོར་ལྷ་ལ་མཆོད་པར་འབུལ། །བཞེས་ནས་དབང་དང་དངོས་གྲུབ་སྩོལ། །ག་ཎ་ཙཀྲ་པཱུ་ཛ་ཧོཿ བར་པ་བཤགས་པ་ནི། ཧཱུྃ། གང་ཞིག་འཁྲུལ་པར་གྱུར་པ་དེ་ནས་བཟུང༌། །རྣམ་སྨིན་ལུས་ལ་བརྟེན་པ་དེ་སྲིད་དུ། །མི་དགེ་བཅུ་དང་མཚམས་མེད་ཉེ་བ་ལྔ། །ལྕི་བ་བཅུ་དྲུག་ལོག་པ་བརྒྱད་ལ་སོགས། །ཐེག་པ་གསུམ་དང་རིག་པ་འཛིན་པ་ཡི། །སྡོམ་གསུམ་དམ་ཚིག་ཉམས་པ་མཐའ་དག་ཀུན། །ག་ཎ་ཚོགས་ཀྱི་འཁོར་ལོ་ལ་བརྟེན་ནས། །འཆབ་པ་མེད་པའི་སེམས་ཀྱིས་མཐོལ་ལོ་བཤགས། །དག་ཚངས་ཆེན་པོའི་དངོས་གྲུབ་བདག་ལ་སྩོལ། །ཧེ་རུ་ཀའི་ཡིག་བརྒྱ་བཟླའོ། །ཐ་མ་བསྒྲལ་མཆོད་ནི། ཨེ་ལས་ཐར་མེད་སྲིད་པའི་བྲུབ་ཁུང་ནང༌། །མ་རིག་


JLAZ009_Page_0280
[མ་དཔེ་གཟིགས་ན་འདིར་གནོན།]

འཁྲུལ་པས་བཅིངས་པ་བདག་ལྟའི་དགྲ། །ཡེ་ཤེས་དབྱིངས་ལ་སྒྲིབ་པའི་གཟུང་འཛིན་བགེགས། །དག་ཆེན་ཡེ་ཤེས་རིག་པའི་ལྕགས་ཀྱུས་བཟུང། །མཉམ་པར་མ་བཞག་མེད་པའི་ཞགས་པས་ཆིངས། །ལྷག་མཐོང་ལུ་གུ་རྒྱུད་ཀྱི་དྲྭ་བས་སྡོམས། །རྗེས་ཐོབ་འཁྲུལ་པ་མེད་པའི་དྲིལ་བུས་མྱོས། །ཕུང་པོ་ལྔ་ཡི་ཉེ་བར་ལེན་པ་ཀུན། །བདག་མེད་རྟོགས་པའི་མཚོན་གྱིས་རྣམ་པར་གཏུབ། །སྐྱེ་མེད་ཁྲོས་པའི་ལྷ་ཚོགས་ཞལ་དུ་བསྟབ། །མཱཾ་ས་རཀྟ་ཙིཏྟ་གོ་རོ་ཙ་ན་བ་སུ་ཏ་ཀིཾ་ནི་རི་ཏི་ཏ་ན་ཙཀྲ་པཱུ་ཛ་ཁ་ཁ་ཁཱ་ཧི་ཁཱ་ཧི། དེ་ནས་ལྷག་མ་ནི། ཞིང་ལྤགས་ཀྱི་སྟེང་དུ་བཞག་ལ། ཧེ་རུ་ཀའི་དམ་རྒྱས་ཁ་ཕྲུ་དབབ། ཨ་ཀཱ་རོས་བརླབས་ཤིང༌། སྤྱུགས་གླུ་དང་བཅས། ཀྱེ། དང་པོ་ཕུད་ཀྱིས་མི་མཆོད་དུ། །དཔལ་ཆེན་དཀྱིལ་འཁོར་ཚོགས་ཀྱི་བདག །བར་དུ་བཤགས་པ་མི་བགྱི་རུ། །རྣལ་འབྱོར་ལྡན་པ་དམ་ཚིག་གཉན། །ཐ་མ་བསྒྲལ་བསྟབ་མི་བགྱི་རུ། །རྟོགས་པས་བདག་རྒྱུད་སྔོན་བསྒྲལ་ཕྱིར། །ད་ལྟ་ལྷག་མས་མི་མཆོད་དུ། །མ་ཚོགས་དབང་ཕྱུག་གིང་ལངྐ། །ཕོ་ཉ་སུམ་བརྒྱ་དྲུག་ཅུ་སོགས། །ཀུན་ཀྱང་དཔལ་ཆེན་སྤྲུལ་པ་ཡིན། །ལྷག་མ་ཁ་ཆུས་མི་བྲན་དུ། །དམ་ཚིག་གཅིག་ཏུ་བསྲེ་བའི་ཕྱིར། །འབངས་ཐོག་རྗེ་ཡིས་མི་མནན་དུ། །ཅི་བཅོལ་ལས་ལ་བསྐུལ་བའི་ཕྱིར། །རྗེ་ལ་འབངས་ཀྱིས་མི་


JLAZ009_Page_0281
[མ་དཔེ་གཟིགས་ན་འདིར་གནོན།]

རྒོལ་དུ། །དྲག་ཤུལ་ལས་ཐབས་མྱུར་བའི་ཕྱིར། །ཧཱུྃ། རྣམ་དག་རང་བཞིན་ཞི་བ་ལས། །བཅོམ་ལྡན་དཔལ་ཆེན་སྤྲུལ་པ་ནི། །ཐབས་ཤེས་ཟླ་གསང་རོལ་པ་ལས། །དཀྱིལ་འཁོར་མུ་རན་སྐྱོང་བ་སྟེ། །ཁྱེད་ཅག་སྔོན་གྱི་ཡལ་གམ་ཅན། །ལག་ན་གློ་སྙིང་ནང་ཁྲོལ་ཐོགས། །ལེགས་ཉེས་སྟངས་འཛིན་ཚོགས་ཁང་ཉུལ། །མཐུ་དང་རྫུ་འཕྲུལ་དཔག་ཏུ་མེད། །སྔོན་ཚེ་དཔལ་ཆེན་ཧེ་རུ་ཀས། །དུག་གསུམ་རཱུ་ཏྲ་བསྒྲལ་བའི་ཚེ། །ཁས་བླངས་དམ་བཅས་དྲན་གྱིས་ལ། །སྲིན་མོའི་ཟ་ལམ་ཆེན་པོ་རུ། །ཕམ་ཕབས་ལོང་ལ་བསྟན་པ་སྲུངས། །བཅོལ་བའི་ཕྲིན་ལས་གྲུབ་པར་མཛོད། །ཐུགས་དམ་བསྐུལ་བ་ནི། ཧཱུྃ། མི་གནས་ཡེ་ཤེས་ཆོས་སྐུའི་ཕོ་བྲང་ནས། །ལོངས་སྤྱོད་རྫོགས་པ་ཞི་དང་ཁྲོ་བོའི་ལྷ། །ཐུགས་དམ་བསྐུལ་ལོ་འགྲོ་བའི་དོན་ལ་དགོངས། །རིག་པའི་རང་བཞིན་བདེ་གཤེགས་སྙིང་པོ་ཡང༌། །མ་རིག་འཛིན་པའི་ཀུན་གཞི་ལུང་མ་བསྟན། །སྒོ་ལྔའི་ཡུལ་དང་རྟེན་ཅིང་འབྲེལ་བ་ལས། །རིགས་དྲུག་རྒྱུད་ལྔའི་གནས་སུ་འཁྱམས་པ་རྣམས། །ལས་དང་ཉོན་མོངས་མཐུ་ཡིས་གཟིར་བའི་མཐུ། །ཕྱི་རོལ་ཡུལ་ལ་སྨིན་པའི་སྡུག་བསྔལ་དང༌། །ནད་མཚོན་མུ་གེ་དགྲ་བགེགས་འབྱུང་པོའི་གདོན། །འཇིགས་པ་ཆེན་པོ་


JLAZ009_Page_0282
[མ་དཔེ་གཟིགས་ན་འདིར་གནོན།]

བརྒྱད་དང་བཅུ་དྲུག་ཀུན། །མངོན་སྤྱོད་དྲག་པོའི་རོལ་པས་ཚར་བཅད་ནས། །ལོག་རྟོག་དངོས་པོར་ཞེན་པའི་སེམས་ཅན་རྣམས། །རྒྱུ་འབྲས་ཐེག་པ་གཞན་གྱིས་གདུལ་དཀའ་བས། །རང་བྱུང་ཡེ་ཤེས་རྟོགས་པའི་ཕྲིན་ལས་མཛོད། །ཆད་ཐོ་བསྒྲག་པ་ནི། ཧཱུྃ། དུས་གསུམ་རྣམ་དག་ཀུན་ཏུ་བཟང་པོའི་དུས། །མངོན་རྫོགས་ཡེ་ཤེས་དམ་པའི་འོག་མིན་དུ། །ཀུན་གཞི་ཡིད་ཆོས་དག་པའི་སྟོན་པ་ཡིས། །རང་སྣང་རང་བཞིན་མེད་པའི་འཁོར་ཚོགས་ལ། །རྒྱལ་བ་དགོངས་བརྒྱུད་རྫོགས་པའི་ཡོ་ག་གསུམ། །བརྡའ་ཚིག་བརྗོད་པ་བྲལ་བར་བསྟན་པའི་ཚེ། །གྲགས་ཆེན་གསལ་བའི་སྟོན་པ་བཅུ་གཉིས་དང༌། །དགའ་རབ་དཔའ་བོ་གསང་འཛིན་རྡོ་རྗེ་ཆོས། །བརྡའ་བརྒྱུད་རིག་འཛིན་གྲུབ་པ་མཆོག་རྣམས་ཀྱིས། །སྟོན་འཁོར་དགོངས་པ་གཅིག་པའི་དབང་ཐོབ་བཞིན། །ཚོགས་བརྒྱད་རང་གྲོལ་གཏོར་མ་འདི་བཞེས་ལ། །འཁྲུལ་པ་གཞི་ལ་དག་པའི་ཕྲིན་ལས་མཛོད། །དེ་རྗེས་གསང་སྔགས་བསྟན་པ་བྱུང་བའི་ཚེ། །འོག་མིན་དགའ་ལྡན་རི་རབ་ལྷུན་པོའི་རྩེ། །ལྷ་གནས་གསུམ་དུ་གྲགས་པའི་གནས་མཆོག་དང༌། །ཤམ་བྷ་ལ་དང་ཨོ་རྒྱན་ཟ་ཧོར་ཡུལ། །སིང་ག་ལ་དང་གནམ་ལྕགས་འབར་བའི་རྩེར། །མཆོད་རྟེན་ཆེན་པོ་བདེ་བྱེད་བརྩེགས་པ་རུ། །རིག་


JLAZ009_Page_0283
[མ་དཔེ་གཟིགས་ན་འདིར་གནོན།]

འཛིན་སྡེ་སྣོད་མཐའ་དག་བབ་པའི་ཚེ། །འཇིག་རྟེན་འཇིག་རྟེན་འདས་པའི་མཁའ་འགྲོ་དང༌། །དཀྱིལ་འཁོར་མུ་རན་སྐྱོང་བ་ཐམས་ཅད་ཀྱིས། །གཏོར་མ་ལེན་ཞིང་ལེགས་ཉེས་སྟངས་འཛིན་པའི། །ཁས་བླངས་དམ་བཅའ་བཞིན་དུ་ཕྲིན་ལས་མཛོད། །དེ་རྗེས་འགྲོ་དོན་དུས་ལ་བབ་པའི་ཚེ། །ཀླུ་སྒྲུབ་སྙིང་པོ་པདྨ་ཐོད་ཕྲེང་སོགས། །གྲུབ་པའི་རིག་འཛིན་ཆེན་པོ་བརྒྱད་རྣམས་ཀྱིས། །འཛམ་བུའི་གླིང་དུ་དར་ཞིང་རྒྱས་མཛད་ཅིང༌། །ཁྱད་པར་བྲག་དམར་དཔལ་གྱི་མཆིམས་ཕུ་རུ། །རིག་འཛིན་སློབ་དཔོན་པདྨ་འབྱུང་གནས་ཀྱིས། །ལྷ་སྲས་རྒྱལ་པོ་ཚངས་པའི་མེ་ཏོག་ལ། །སྒྲུབ་པ་བཀའ་བརྒྱད་དཀྱིལ་འཁོར་ཞལ་ཕྱེ་ཞིང༌། །སེང་གེ་རྣམ་རོལ་ཁས་བུ་རི་ཡི་རྩེར། །གནོད་སྦྱིན་ཐམས་ཅད་དམ་ལ་བཞག་པའི་ཚེ། །སྲོག་སྙིང་ཕུལ་ཏེ་ཆད་ཐོ་བཟུང་བ་ལྟར། །མཆོད་གཏོར་བཞེས་ལ་ཕྲིན་ལས་གྲུབ་པར་མཛོད། །དེ་རྗེས་ཚོགས་བདུན་རོལ་པ་བལ་པོའི་ཡུལ། །རང་སྣང་མཆོད་རྟེན་བྱ་རུང་ཁ་ཤོར་དུ། །རང་བྱུང་རྡོ་རྗེ་འཇིགས་མེད་གླིང་པ་ལ། །དབྱིངས་ཀྱི་མཁའ་འགྲོས་ནམ་མཁའ་མཛོད་ཀྱི་བརྡའ། །ཡེ་ཤེས་ལྔ་ལྡན་སྤྲུལ་པའི་ཤོག་སེར་ལས། །བྲག་དམར་བྲེ་གུ་བརྩེགས་པའི་དགེའུ་རུ། །ཀུན་ཏུ་བཟང་པོ་དྲི་མེད་འོད་ཟེར་གྱིས། །བཀའ་རྒྱ་ལུང་རྫོགས་གཏད་


JLAZ009_Page_0284
[མ་དཔེ་གཟིགས་ན་འདིར་གནོན།]

རྒྱ་བཀྲོལ་བའི་ཚེ། །སྤྱན་གཅིག་ཁྲག་ཏུ་ཁོལ་བའི་མ་མོ་དང༌། །བྱ་རོག་གཙུག་ཕུད་འཛིན་པའི་དྲང་སྲོང་གིས། །ཁས་བླངས་ཐ་ཚིག་བཞིན་དུ་ཕྲིན་ལས་མཛོད། །བཤལ་ཆུ་གཏོར་མར་བྲན་ལ་བརྟན་མ་བསྐྱང་བ་ནི། བྷྱོ། ཚོགས་བདག་བཀའ་ཡི་བདག་ཉིད་ནི། །ཁྲག་འཐུང་རྡོ་རྗེ་ནམ་མཁའི་ཡུམ། །གངས་རི་ཅན་གྱི་ཡུལ་ལྷ་ནི། །བདུད་དང་གནོད་སྦྱིན་སྨན་མོ་བཞི། །ཚུར་སྤྱོན་ཚུར་སྤྱོན་གཏོར་མ་ལོངས། །རྟེན་འབྲེལ་ཡན་ལག་བཅུ་གཉིས་དང༌། །དུས་སྦྱོར་བཅུ་གཉིས་གནས་དག་པས། །བལ་བོད་མཚམས་ན་ཚེ་རིང་མ། །ལ་སྟོད་རྡོ་རྗེ་གཡའ་མ་སྐྱོང༌། །གནོད་སྦྱིན་གངས་ལ་ཀུན་བཟང་མོ། །འབྲོག་ཆེན་འཁོར་འདུལ་བགེགས་ཀྱི་གཙོ། །ཇོ་མོ་གངས་རར་སྤྱན་གཅིག་མ། །བྱང་ན་མཁའ་ལྡིང་ཀླུ་མོ་རྒྱལ། །ཁ་རག་རྡོ་རྗེ་ཁྱུང་བཙུན་མ། །རྨ་ཆེན་སྤོམ་རར་དྲག་མོ་རྒྱལ། །ཀོང་བཙུན་དེ་མོ་བོད་ཁམས་སྐྱོང༌། །འབྲོག་བཙན་རྡོ་རྗེ་སྨན་གཅིག་མ། །ཇོ་མོ་ནགས་རྒྱལ་གཡའ་མོ་བསིལ། །དབུས་ན་རྡོ་རྗེ་ཟུ་ལེ་སྨན། །ཀུན་ཀྱང་པདྨའི་བཀའ་ཉན་ཏེ། །དམ་ལ་གནས་ཤིང་རིགས་ལ་འགོ །ཐ་ཚིག་བཞིན་དུ་གཏོར་མ་ལོངས། །མཐའ་ཡི་དམག་དང་རྒྱ་འདྲེའི་འཚུབ། །མུ་སྟེགས་འགྱུ་བའི་སྒོ་ཕྲང་དང༌། །འགོང་པོ་སྤུན་དགུའི་ནད་དལ་སྲུངས། །རྟག་ཆད་ཐར་པར་འཁྲུལ་བ་ཡི། །འཇིག་ཚོགས་


JLAZ009_Page_0285
[མ་དཔེ་གཟིགས་ན་འདིར་གནོན།]

ལྟ་བ་དབུ་མར་བཟློག །བདེན་དོན་རྣམ་པ་བཅུ་གཉིས་ཀྱི། །བསྟན་པ་དར་བའི་ཕྲིན་ལས་མཛོད། །ཨཱོཾ་ལ་ལ། ལེ་ལེ། ཏཾ་ཏཾ། ཏེ་ཏེ་ཁ་རཀྨ་མ་མ་སྲིང་འགྲོ་མ་ཧཱུྃ་བྷྱོ་ཧཱུྃ་ཧཱུྃ། གཏོར་གཞོང་རི་རབ་ཏུ་བསམ་པ་ཁ་སྦུབ་ལ། ཧཱུྃ། དམ་སྲི་བྱ་བའི་སྡིག་ཅན་ཁྱོད། །འགྲོ་བ་ཡོངས་ཀྱི་རྒྱུད་ལ་རྒོལ། །བྱང་ཆུབ་སེམས་ཀྱི་བརྟུལ་ཞུགས་བྲོས། །མནན་ནོ་སྟོང་ཆེན་འོག་ཏུ་མནན། །གཏད་དོ་ཆུ་སྲིན་གྲེ་བར་གཏད། །བསྐྱུར་རོ་གཤིན་རྗེའི་ཁ་རུ་བསྐྱུར། །བསྲེག་གོ་ཡེ་ཤེས་མེ་ཡིས་སྲེག །བདག་ཏུ་ལྟ་བ་མ་ཞིག་བར། །བསྐལ་པ་ཞིག་ཀྱང་མི་བཏང་ངོ༌། །ཨོཾ་ཨཱཿཧཱུྃ་སྟྭཾ་བྷ་ཡ་ལཾ་ནན། དེ་ནས་དངོས་གྲུབ་བླང་བ་ནི། སྔར་བཞིན་མཆོད་ཅིང་བསྟོད་ལ། ཧཱུྃ། བྱིན་རླབས་ཀུན་གྱི་རྩ་བ་བླ་མ་ནི། །དངོས་གྲུབ་སྩོལ་ཕྱིར་དཔལ་ཆེན་རོལ་པའི་ལྷ། །རྣམ་ཐར་སྒོ་གསུམ་ཐུགས་ཀྱི་དཀྱིལ་འཁོར་ནས། །རང་བཞིན་ཡོངས་གྲུབ་བྱང་ཆུབ་སེམས་ཀྱི་དངོས། །ཕྱག་རྒྱ་ཆེན་པོ་མཆོག་གི་དངོས་གྲུབ་སྩོལ། །ས་བཅུ་ལམ་ལྔ་དབང་བཅུ་ཕྱི་ནང་གཉིས། །རིག་འཛིན་བཞི་དང་སྐུ་ལྔ་ཡེ་ཤེས་ལྔ། །གྲུབ་ཆེན་བརྒྱད་དང་ཕྲིན་ལས་རྣམ་པ་བཞི། །འཁོར་བའི་རང་བཞིན་གློ་བུར་སྒྲིབ་པ་གཉིས། །ཀུན་གཞིའི་ཁམས་ལ་བག་ལ་ཉལ་གྱི་ཚུལ། །ཤིན་ཏུ་རྣམ་དག་རྣམ་ཀུན་མཆོག་


JLAZ009_Page_0286
[མ་དཔེ་གཟིགས་ན་འདིར་གནོན།]

ལྡན་གྱི། །དངོས་གྲུབ་དམ་པ་དེང་འདིར་སྩལ་དུ་གསོལ། །རྩ་སྔགས་མཐར། དྷརྨ་ཀཱ་ཡ། སམྦྷོ་ཀཱ་ཡ། ནིརྨཱ་ཀཱ་ཡ། ཙིཏྟ་སིདྡྷི་ཕ་ལ་ཧཱུྃ། ཞེས་སྒྲུབ་རྫས་གནས་གསུམ་དུ་གཏུགས་ཤིང་མྱང་ངོ༌། །སླར་ཡང་གཏང་རག་གི་མཆོད་བསྟོད་ཕུལ་ལ། བཤགས་པ་བྱ་བ་ནི། ཧོཿ སྔགས་ཀྱི་དངོས་གྲུབ་མ་ལུས་པ། །དམ་ཚིག་ཉིད་ལ་བརྟེན་གྱུར་ཀྱང༌། །རྨོངས་དང་མ་རིག་ཉོན་མོངས་པས། །ཟིལ་གྱིས་ནོན་པ་བདག་ཅག་ནི། །ཉེས་པ་དུ་མའི་སྣོད་ལགས་ཏེ། །མགོན་པོ་ཐུགས་རྗེ་ཆེ་རྣམས་ཀྱིས། །ཐུགས་ལ་ཁྲོ་བོ་མི་མངའ་ཡང༌། །ལེགས་ཉེས་སྟངས་འཛིན་བདག་པོ་རྣམས། །སྐྱོན་མཐོང་ཙམ་ནས་ཆད་པ་གཅོད། །འགལ་ཞིང་ནོངས་པ་ཅི་མཆིས་པ། །མཐོལ་ལོ་བཤགས་སོ་ཚངས་པར་སྩོལ། །ཡི་གེ་བརྒྱ་པ་ལན་གསུམ་གྱིས་སྙིང་ནས་བཤགས་པར་བྱའོ། །ཉེར་བསྡུ་ནི། ཧཱུྃ། སྣོད་བཅུད་ལྷ་དང་གཞལ་ཡས་སུ། །ཤར་བ་དག་པའི་སྣོད་བཅུད་ཀྱང༌། །རྟེན་ཉིད་བརྟེན་པ་ལྷ་རྣམས་ཀྱང༌། །གཙོ་བོ་ལ་ཐིམ་དེ་ཡང་ཧཱུྃ། །ཞབས་ཀྱུ་ནས་བཟུང་ནཱ་དའི་བར། །རིམ་ཡལ་གདོད་མའི་གཤིས་སུ་ཨ། །ཞེས་མཉམ་པར་བཞག །སྤྱོད་ལམ་གྱི་རྣལ་འབྱོར་དུ་ལྡང་བ་ནི། སླར་ཡང་རིག་པ་བྱང་ཆུབ་སེམས། །རྗེས་ཐོབ་གཉུག་མའི་ཧེ་རུ་ཀ །ཕྱག་རྒྱ་གཅིག་པའི་གནས་གསུམ་དུ། །ཡི་གེས་མཚན་པས་རྣམ་རྟོག་བསྲུང༌། །བཛྲ་རཀྵ་ཧཾཿ


JLAZ009_Page_0287
[མ་དཔེ་གཟིགས་ན་འདིར་གནོན།]

ཞེས་རྡོ་རྗེའི་གོ་བགོ་ཞིང༌། ཡི་གེ་བརྒྱ་པས་བརྟན་པར་བྱའོ། །དེ་ནས་བསྔོ་སྨོན་ནི། ཧཱུྃ། སྣང་གྲགས་རིག་པ་དཀྱིལ་འཁོར་གསུམ་གྱི་ངང༌། །བསོད་ནམས་ཡེ་ཤེས་རིམ་གཉིས་རྣལ་འབྱོར་ཚོགས། །མི་གནས་ཡེ་ཤེས་མྱ་ངན་འདས་པར་བསྔོ། །ཀུན་ཀྱང་དཔའ་ཆེན་གོ་འཕང་ཐོབ་པར་ཤོག །ལན་གསུམ། བཀྲ་ཤིས་ནི། ཧཱུྃ། གདོད་མའི་མགོན་པོ་རིགས་ལྔ་གངས་ཆེན་མཚོ། །སྐུ་ལྔ་ལྷུན་རྫོགས་སྤྲུལ་པའི་ཞིང་ཁམས་ལ། །བསྐལ་བཟང་སངས་རྒྱས་སྟོང་རྩ་བྱོན་པ་ཡི། །སྒྲོན་མའི་བསྐལ་པ་བཟང་པོའི་བཀྲ་ཤིས་ཤོག །སྟོང་གསུམ་མི་མཇེད་རྡོ་རྗེ་ཐེག་པའི་ཞིང༌། །འཕུར་འགྲོའི་བསྟན་པ་འབྱུང་གནས་ཨུ་རྒྱན་ཡུལ། །གངས་རིའི་ཁྲོད་དུ་འབོད་པ་ཁྲི་སྲོང་རྗེའི། །ཐུགས་བསྐྱེད་བསྟན་པ་མཐའ་རྒྱས་བཀྲ་ཤིས་ཤོག །འཛམ་གླིང་ས་ཡི་ལྟེ་བ་རྡོ་རྗེ་གདན། །པཎ་གྲུབ་ཆོས་རྒྱལ་འཛོམ་པ་ཆོས་འཁོར་གསུམ། །མདོ་སྔགས་བསྟན་པ་དར་བ་གངས་ཅན་ལྗོངས། །རྒྱལ་བསྟན་ཡུན་དུ་གནས་པའི་བཀྲ་ཤིས་ཤོག །ཆོས་སྐྱོང་རྒྱལ་པོ་ཚངས་པའི་མེ་ཏོག་གིས། །ལོ་པཎ་སྤྱན་དྲངས་དཀའ་བས་བཙའ་བའི་རྒྱུད། །ཅི་གར་དོར་ནས་རང་བཟོའི་སྔགས་རྒྱུད་ཀྱིས། །གངས་རིའི་ཁྲོད་འདི་སྐལ་བ་ངན་པར་བྱས། །རྒྱུད་ལས་ལུང་དང་ལུང་ལས་མན་ངག་ཏུ། །སྡེབས་ནས་སྒྲུབ་ཐབས་ཕྲིན་


JLAZ009_Page_0288
[མ་དཔེ་གཟིགས་ན་འདིར་གནོན།]

ལས་སྟོན་པ་འདི། །ཨོ་རྒྱན་མཁན་པོའི་བཞེད་གཞུང་མ་ནོར་ཕྱིན། །ལུང་བསྟན་དུས་བབས་བསྟན་པ་འབའ་ཞིག་བསམ། །གསང་སྔགས་རང་གར་བླངས་དང་ཅིས་མཚུངས་རྒྱལ་རིགས་གང་ཟག་སྙན་བརྒྱུད་ཀྱི། །དབང་དང་བྱིན་རླབས་ཆུ་རྒྱུན་མ་ཉམས་དེ་ཡང་རྣམས་པར་རིག་པ་ཙམ། །ངོ་བོ་གཉིས་མེད་ཡེ་གྲོལ་ཆེན་པོར་ཆོས་ཉིད་ཕུར་བུའི་དབང་ཐོབ་པའི། །བྱིན་རླབས་ལྐོག་ཏུ་མ་གྱུར་ཡིད་ཆེས་འདི་ལ་ཉམས་ལེན་མཛོད་དང་གསལ། །ད་ལྟ་ཆོས་ཀྱི་བྱིན་རླབས་མ་ཉམས་ཀྱང༌། །བསོད་ནམས་སྙིགས་མར་འགྱུར་པའི་ལོག་ཤེས་ཀྱིས། །སྔགས་ཀྱི་དངོས་གྲུབ་བཟུང་བར་མི་ནུས་དུས། །ལས་ཅན་གཅིག་སྲིད་དེ་ཡིས་འཛིན་པར་ཤོག །ཅེས་པའང་རིག་འཛིན་གྱི་སློབ་དཔོན་པདྨ་སམྦྷ་ཝས་བྱིན་གྱིས་བརླབས་པའི་རྫོགས་ཆེན་པ་རང་བྱུང་རྡོ་རྗེ་འཇིགས་མེད་གླིང་པས་སོ། །དགེའོ། །དགེའོ། །དགེའོ། །

སྔ་འགྱུར་བཀའ་མའི་བདུད་རྩིའི་གསང་ནན་གྱི་འགྲེལ་པ།


JLAZ009_Page_0289
[མ་དཔེ་གཟིགས་ན་འདིར་གནོན།]

སྔ་འགྱུར་བཀའ་མའི་བདུད་རྩིའི་གསང་ནན་གྱི་འགྲེལ་པ་བཞུགས། །


JLAZ009_Page_0290
[མ་དཔེ་གཟིགས་ན་འདིར་གནོན།]

དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །བདུད་རྩི་གསང་ནན་གྱི་དོན་ནི། རྐང་པ་དང་པོ། མི་བསྐྱོད་ཡེ་ཤེས་བདེ་བའི་མཆོག་དང་ལྡན་པའི་རོ་ལ་བསྣམ་དུ་གསོལ། །ཞེས་མི་བསྐྱོད་པ་ནི་མི་འགྱུར་བའི་དོན་དང༌། དེའི་རང་བཞིན་ཡེ་ཤེས་ལས་གཞན་དུ་མི་འཕོ་བས་སྡུག་བསྔལ་མཐའ་དག་དང་བྲལ་བའི་བདེ་བ་ཆེན་པོ་སྟེ། གང་གི་བླ་ན་འགྲོ་བའི་ཆོས་གཞན་མེད་པས་རྣམ་པ་ཐམས་ཅད་པའི་མཆོག་དང་ལྡན་པའི་རོ་ལ་ཟག་པ་མེད་པའི་ཤེས་རབ་ཀྱིས་མྱོང་བའི་རྐྱེན་གྱིས། ཐོབ་བྱ་འཐོབ་པའི་དོན་ལ་བསྣམ་དུ་གསོལ། ཞེས་སངས་རྒྱས་རྣམས་ལ་དགྱེས་པ་བསྐྱེད་པའོ། །རྐང་པ་གཉིས་པ་སོགས་པ་ནི། བྱང་


JLAZ009_Page_0291
[མ་དཔེ་གཟིགས་ན་འདིར་གནོན།]

ཆུབ་སེམས་དཔའི་བདེ་མཆོག་དེ་ཉིད་འགོག་པ་རྣམས་ལས་བསླང་བའི་ཕྱིར། ཆགས་པ་མེད་པའི་བདེ་མཆོག་ཀུན་ཏུ་མྱོང་མཛད་བཞེས་ཤིང་བསྣམ་དུ་གསོལ། །ཞེས་པའི་དོན། བྱང་ཆུབ་སེམས་དཔའི་སྡེ་སྣོད་སྤྱི་དང༌། ཁྱད་པར་རྡོ་རྗེ་ཐེག་པའི་དབང་གསུམ་ལས་བྱུང་བའི་བདེ་མཆོག་དེ་ཉིད། ཐབས་དང་ཤེས་རབ་གཉིས་ཀས་སྤངས་པའི་ཉན་ཐོས་རྣམས་འགོག་བདེན་ཙམ་པོ་བའི་བྱང་ཆུབ་ལས་སད་ཅིང་བསླང་བའི་ཕྱིར། རང་རང་གི་རིགས་ཀྱི་ཡུམ་དང་མཉམ་པར་རོལ་ནས་མ་ཆགས་མི་ཆགས་ཆགས་པ་མེད་པའི་བདེ་བ་ཆེན་པོའི་ཡེ་ཤེས་མཆོག་གི་བདག་ཉིད་ཅན་དུས་རེ་འགའ་བ་ལས་འདས་པའི་རྣམ་པ་


JLAZ009_Page_0292
[མ་དཔེ་གཟིགས་ན་འདིར་གནོན།]

ཀུན་ཏུ་ཁ་སྦྱོར་ཡན་ལག་བདུན་གྱི་བདག་ཉིད་དུ་ཉམས་སུ་མྱོང་བར་བསྐུལ་བའི་དོན་དུ་དམ་ཚིག་བདུད་རྩི་སྒྲ་བཅས་སུ་འཕྱར་ནས་བཞེས་ཤིང་བསྣམ་དུ་གསོལ། ཞེས་གོ་འཕང་གང་ཞིག་བདག་གིར་མཛད་པར་བསྐུལ་བའོ། །མཆོག་ཏུ་གསང་བའི་བདེ་ལ་རོལ་ཞིང་དམ་བཅས་འཇིག་རྟེན་སྒྲོལ། །བྱང་ཆུབ་སྐྱེ་གནས་བདེ་མཆོག་དབྱིངས་ལས་མི་ཉམས་དགའ་བའི་གར་མཛོད་ཅིག །ཅེས་པས་དེ་ལྟ་བུའི་ཐབས་ཀྱི་མཐར་ཕྱིན་པ་དེ་ཉིད་ཉན་ཐོས་ལ་སོགས་པས་ཐོས་སུའང་མི་རུང་བས་མཆོག་ཏུ་གསང་བའི་བདེ་བ་ཆེན་པོ་སྟེ། ཆོས་ཉིད་གང་ལ་རྟག་ཏུ་རོལ་ཞིང༌། དེ་ལྟར་རོལ་པའི་རྗེས་ཐོབ་ཐམས་ཅད་སྙིང་རྗེ་ཆེན་པོ་འབའ་ཞིག་ཏུ་འཆར་བས་དམ་བཅས་རང་རྒྱལ་རྣམས་གཞན་དོན་ལ་བསྐུལ། གཞན་རྣམས་དབང་དུ་བྱེད་པ་ཉིད་གཙོ་བོར་གྱུར་པའི་ཕྲིན་ལས་རྣམ་པ་བཞིས་འཇིག་རྟེན་སྒྲོལ་བ་ལ་བརྩོན་ནོ། །དེ་ཕྱིར་བྱང་ཆུབ་སྐྱེ་གནས་ཏེ་རྣམ་ཐར་སྒོ་གསུམ་གྱི་བདག་ཉིད་རྡོ་རྗེ་བཙུན་མོའི་བྷ་ག་བདེ་མཆོག་དམ་པའི་དབྱིངས་ལས་གཞན་དུ་མི་འགྱུར་ཞིང་འཕོ་ཆགས་མེད་པའི་དོན་གྱིས་མི་ཉམས་པ་དགའ་བ་བཞིའི་ཡེ་ཤེས་ལ་རོལ་པ་ཆེན་པོའི་ཟློས་གར་མཛོད་ཅིག་ཅེས་ཞུ་བདེའི་ཡེ་ཤེས་བསྐྱེད་པ་ལ་བསྐུལ་བ་ཡིན་ནོ། །ཞེན་ཅིང་ཆགས་པའི་མཐའ་ལ་ཉོན་མོངས་


JLAZ009_Page_0293
[མ་དཔེ་གཟིགས་ན་འདིར་གནོན།]

རྣོ་བརྐམས་གཟིར་བ་ཡིས། །མྱོང་བདེ་བདེ་མཆོག་བརྒྱད་དང་ལྡན་པས་ཐབས་ཀྱིས་སྐུ་ལ་སྨྲེ་བར་མཛོད། །འགྲོ་ཀུན་ཚངས་པར་སྤྱོད་པའི་བྱང་ཆུབ་སྒོ་མོར་ལམ་སྟོན་ཅིང༌། །བདེ་མཆོག་བདུད་རྩི་ཁྱད་པར་མེད་པའི་ཚོགས་ལ་བཀའ་སྩོལ་ཅིག །ཅེས་པའི་དོན། སེམས་ཅན་རྣམས་ཀྱི་རང་བཞིན་ནི། གཟུང་འཛིན་ལ་ཞེ་ན། འདོད་པ་ལ་ཆགས་པའི་མཐའ་གཉིས་ཀྱིས་ཉོན་མོངས་པའི་དབལ་རྣོ་བརྐམ་ཆགས་ཀྱིས་གཟིར་ན། སྲིད་པའི་འདོད་ཆགས་ཀྱི་མྱོང་བདེ་ཐ་མལ་པ་འཁོར་བའི་རང་བཞིན་ཅན་དུ་གནས་པ་དེ་དག །རྡོ་རྗེ་ཐེག་པའི་ཐབས་ལམ་ཟབ་མོའི་དགའ་བཞི་ལུགས་འབྱུང་བཞི་དང་ལུགས་ལྡོག་བཞི་སྟེ་བདེ་མཆོག་བརྒྱད་ལྡན་གྱི་བདག་ཉིད་ལ་སྦྱོར་བའི་བྱེད་པོ་ནི་ལྷ་མོ་དགའ་སྟེར་གནས་སྟེར་མ་ཁྱོད་ལས་གཞན་དུ་མེད་པས་དམ་ཚིག་གི་བདུད་རྩི་གསང་ནན་ནི་བཞེས་ལ་ཐབས་ཀྱི་སྐུ་ལ་སྨྲེ་བར་མཛོད་ཀྱི་སྒྲས། ཡུམ་གྱིས་ཡབ་ལ་ཞུ་བདེའི་ཡེ་ཤེས་བསྐྱེད་པར་བསྐུལ་ཞིང༌། དེ་ལྟར་དང་དུ་བཞེས་པའི་རྒྱུ་འབྲས་སེམས་ཅན་གྱི་ཁམས་ལ་སྨིན་ཏེ། འགྲོ་བ་ཀུན་གྱི་སྲིད་པའི་འདོད་པ་སྔགས་ཀྱི་ཐབས་ལམ་ཟབ་མོ་ལ་བརྟེན་ནས་ཡང་དག་པར་སྦྱོངས་པས། མ་ཆགས་པ་ལ་ཆགས་པ་མེད། །དེ་ནི་ཚངས་མཆོག་རྒྱལ་པོ་ཡིན། །ཞེས་


JLAZ009_Page_0294
[མ་དཔེ་གཟིགས་ན་འདིར་གནོན།]

པ་ལྟར་འཛག་བདེའི་རྒྱུན་ལམ་བཅད་པ་ཙམ་ལ་མ་ལྟོས་པར་འདོད་ཆགས་རྣམ་དག་སོ་སོར་རྟོག་པའི་ཡེ་ཤེས་སུ་ཤར་བའི་ཚངས་སྤྱོད་ཆེན་པོའི་བྱང་ཆུབ་སྒོ་མོར་ལམ་སྟོན་ཅིག་ཅེས། ཐར་པ་བསྟན་པའི་ཆོས་ཀྱི་བདུད་རྩི་ལ་བསྐུལ་བའོ། །དེ་ལྟ་བུའི་བདེ་མཆོག་གི་བདུད་རྩི་ནི་ཐབས་ཁྱད་པར་ཅན་འདི་ལ་མ་བསྟེན་པར་འབྱུང་བ་མེད་པས། ཁྱད་པར་མེད་པ་སྟེ་སེམས་ཅན་གྱི་ཁམས་རྣམ་པ་ཐམས་ཅད་ལ་སྩོལ་ཞིག་ཅེས་པ་སྟེ། ཉིན་བཞིན་བྲམ་ཟེ་གསོད་པ་དང༌། །མཚམས་མེད་ལྔ་ནི་བྱེད་པ་ཀུན། །འདི་ཡི་ལམ་གྱིས་གྲོལ་འགྱུར་ཏེ། །ཞེས་བཤད་པ་བཞིན་ནོ། །ཞེས་པ་འདི་ཡང་ཞབས་དྲུང་ཡང་སྟེང་པ་འཇིགས་མེད་དགའ་བའི་ངོར། རིག་པ་འཛིན་པ་འཇིགས་མེད་གླིང་པས་དོན་བསྡུ་གཙོ་བོར་བཏོན་ནས་ཡུད་ཙམ་ལ་བློ་ཐོག་ནས་བཀོད་པའོ། །དགེའོ། །དགེའོ། །དགེའོ། །མངྒ་ལཾ།། །།

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ཀྱི་བསྙེན་པའི་ལས་བྱང་བཀོལ་བའི་དུམ་བུ།


JLAZ009_Page_0295
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ཀྱི་བསྙེན་པའི་ལས་བྱང་བཀོལ་བའི་དུམ་བུ་ཞེས་བྱ་བ་བཞུགས། །


JLAZ009_Page_0296
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་དཔལ་ཆེན་རྡོ་རྗེ་ཕུར་པ་རྒྱུད་ལུགས་ཀྱི་བསྙེན་པའི་ལས་བྱང་བཀོལ་བའི་དུམ་བུ་ཞེས་བྱ་བ། དཔལ་ཆེན་ཀརྨ་ཧེ་རུ་ཀ་ལ་ཕྱག་འཚལ་ལོ། །འདི་ལ་གསུམ། སྔོན་འགྲོ། དངོས་གཞི། རྗེས་སོ། །དང་པོ་ལ་བདུན་ལས། དང་པོ་བདུན་རྣམ་དག་ནི། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བསྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་སྤྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆུ་བོ་གཅོད་པའི་གེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་


JLAZ009_Page_0297
[མ་དཔེ་གཟིགས་ན་འདིར་གནོན།]

ཡི་རང༌། །དག་པའི་མཐའ་བཞི་དྲི་མ་མེད༌། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་ལུས་འབུལ་ལོ། །ཚེ་རབས་བགྲངས་པའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། །ལན་གསུམ། གཉིས་པ་ཕྱི་རོལ་པ་བསྐྲད་པ་ནི། གཏོར་མ་འབྲུ་གསུམ་གྱིས་བརླབས་ནས། ཧཱུྃ། ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །རྡོ་རྗེ་གསང་བའི་བཀའ་ ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ལུས་ཀྱང་


JLAZ009_Page_0298
[མ་དཔེ་གཟིགས་ན་འདིར་གནོན།]

དུམ་བུ་སྟོང་དུ་གཏུབས། །སྙིང་ཡང་ཚལ་པ་བདུན་དུ་ཁོས། །ཞེས་དང་ཧཱུཾ་བཞིའི་སྔགས་ཀྱིས་བསྐྲད། གསུམ་པ་མཚམས་གཅད་ནི། ཧཱུཾ། ཁམས་གསུམ་གདུག་པ་བསྒྲལ་བའི་ཕྱིར། །ཚམ་རྔམས་གཟུགས་ནི་གློག་ལྟར་འབར། །མེ་རླུང་ཆུ་ཡིས་བསྲེག་གཏོར་བཀྲུས། །ཉེས་བྱེད་གསུམ་ཡང་སྲིད་པར་གྲོལ། །བཛྲ་ཛྭ་ལ་རཾ། རཾ་ཡཾ་ཁཾ། བཞི་པ་བཤགས་པས་རྒྱུད་དག་པར་བྱ་བ་ནི། ཨོཾ། ཡེ་ཤེས་ལྔ་ལྡན་བླ་མ་རྡོ་རྗེ་འཛིན། །རྡོ་རྗེ་རིགས་ཀྱི་ལྷ་ཚོགས་དགོངས་སུ་གསོལ། །ཁྲག་འཐུང་ཁྲོ་བོ་ ཁྲོ་མོས་བྱིན་གྱིས་རློབས། །བདག་གི་ལུས་ཀྱིས་སྲོག་གཅོད་མ་བྱིན་བླངས། །མི་ཚངས་སྤྱད་ཅིང་ཏིང་འཛིན་སྐུུ་མ་གསལ། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །ཨཱཿབདག་གི་ངག་གིས་རྫུན་དང་ཕྲ་མ་དང༌། །ངག་འཁྱལ་ཚིག་རྩུབ་བཟླས་བརྗོད་གྲངས་མ་སྐྱོལ། །རྡོ་རྗེ་བཟླས་པའི་དོན་ནི་མ་རྟོགས་ཏེ། །གསུང་གི་དམ་ཚིག་ཉམས་པ་མཐོལ་ལོ་བཤགས། །བཛྲ། བདག་གིས་སྣོད་ལྡན་སེམས་ཅན་ཐམས་ཅད་ལ། །བརྣབ་སེམས་གནོད་སེམས་ལོག་ལྟ་སྐྱེས་པ་དང༌། །ཆོས་ཉིད་ཟབ་མོའི་དོན་ནི་མ་རྟོགས་ཏེ། །ལྟ་བ་ཐུགས་ཀྱི་དམ་ཚིག་ཉམས་པ་བཤགས། །ས།


JLAZ009_Page_0299
[མ་དཔེ་གཟིགས་ན་འདིར་གནོན།]

སེམས་ཅན་ཐམས་ཅད་ཡེ་ནས་སངས་རྒྱས་རྒྱུ། །མ་རྟོགས་བདག་གིས་བརྔན་དང་སྐྱོན་དུ་བགྲངས། །སངས་རྒྱས་ཡོན་ཏན་མཐའ་ཡས་མ་བརྗོད་ཅིང༌། །ཡོན་ཏན་དམ་ཚིག་ཉམས་པ་མཐོལ་ལོ་བཤགས། །ཏྭ། སངས་རྒྱས་ཕྲིན་ལས་སྣ་ཚོགས་དཔག་མེད་ཀྱི། །སྙིང་རྗེ་ཆེན་པོས་སེམས་ཅན་དོན་མ་བྱས། །བདུད་རྩི་ལྔ་ལ་ལོངས་སྤྱོད་མ་ནུས་ཤིང༌། །ཕྲིན་ལས་དམ་ཚིག་ཉམས་པ་མཐོལ་ལོ་བཤགས། །ཧཱུཾ། སྐྱེ་བ་རྣམ་བཞིས་བསྡུས་པའི་སེམས་ཅན་རྣམས། །ཆོས་སྐུ་རྣམ་དག་དབྱིངས་ལས་གཟུགས་སྐུར་སྣང༌། །བདེ་བ་ཆེན་པོས་ཀུན་ལ་ཁྱབ་དམིགས་ཏེ། །ཡང་དག་དོན་མ་རྟོགས་པ་མཐོལ་ལོ་བཤགས། །ལྔ་པ་དམ་བཅའ་བ་ནི། སྤྲོས་པ་ཆུང་ན་མི་དགོས། ལྷག་པའི་བསམ་པ་བརྟན་པོས་ཨོཾ། རྣལ་འབྱོར་དབང་པོ་ཡེ་ཤེས་མཐར་ཕྱིན་པ། །འགྲོ་ལ་ཕན་མཛད་ཐུགས་རྗེས་དབང་བསྒྱུར་ཞིང༌། །སྲིད་པ་གསུམ་གྱི་གཉེན་རྒྱུད་གཅིག་པུ་པ། །ལྷ་ཡི་ལྷ་ཁྱོད་བདག་ལ་དགོངས་སུ་གསོལ། །བདེ་བར་གཤེགས་པའི་སྤྲུལ་པ་རྒྱ་མཚོ་ དང༌། །རྣལ་འབྱོར་དབང་ཕྱུག་གྲུབ་པའི་ཚོགས་ཆེན་པོ། །ལྷ་དང་ལྷ་མིན་སྔགས་འཆང་དམ་ཚིག་ཅན། །ཀུན་ནས་འདུས་པ་རྣམས་ཀྱང་དགོངས་


JLAZ009_Page_0300
[མ་དཔེ་གཟིགས་ན་འདིར་གནོན།]

སུ་གསོལ། །བདག་ནི་རྒྱལ་སྲིད་མཐོ་རིས་ལོངས་སྤྱོད་དང༌། །འདོད་པའི་ཡོན་ཏན་བདག་བསྒྲུབ་མ་ལགས་ཏེ། །འགྲོ་བ་སྙིང་བརྩེ་ཁོ་ནས་དོན་ བརྩོན་པ། །འདི་ལ་ཀུན་མཁྱེན་ཁྱོད་ནི་དཔང་དུ་གསོལ། །མགོན་པོ་ཡེ་ཤེས་སྒྲིབ་པ་མི་མངའ་ བས། །བདག་གི་ལྷག་པའི་བསམ་པ་ཁྱེད་ཀྱིས་མཁྱེན། །འཕགས་མཆོག་སྤྱན་སྔར་ཇི་ལྟར་དམ་བཅས་པ། །སུན་པར་མི་བགྱི་མགོན་ཁྱོད་བསླུ་མ་ལགས། །སྙིང་ནས་བདག་གིས་ཁེ་དང་གྲགས་ལ་སོགས། །གཡོ་དང་ཟང་ཟིང་སེམས་ནི་གཏན་སྤངས་ནས། །གཞན་དོན་སྒྲུབ་པ་གཅིག་པུའི་སེམས་བཞག་སྟེ། །རྣལ་འབྱོར་སྤྱོད་པ་ཆེན་པོ་བདག་གིས་སྤྱོད། །ཀུན་ཏུ་བཟང་པོ་བླ་ན་མེད་པ་ཡིས། །བྱང་ཆུབ་མཆོག་ཏུ་བདག་གིས་སེམས་བསྐྱེད་དེ། །དོན་དམ་དང་ནི་ཀུན་རྫོབ་བྱང་ཆུབ་སེམས། །དེང་ནས་ཚུལ་བཞིན་ཡོངས་སུ་གཟུང་བར་བགྱི། །སྲོག་ཆགས་ཐམས་ཅད་གལ་ཏེ་བདུད་གྱུར་ནས། །དུམ་བུ་སྟོང་དུ་བདག་གི་ལུས་གཏུབ་ཀྱང༌། །བྱང་ཆུབ་སེམས་མཆོག་ཤེས་རབ་སྙིང་རྗེ་དང༌། །ཡི་ དམ་རྒྱལ་བ་ཁྱོད་ནི་ཡོངས་མི་སྤོང༌། །རྡོ་རྗེའི་དམ་ཚིག་ཆེན་པོ་རྣམས་དང་ནི། །རྡོ་རྗེ་སློབ་དཔོན་རྡོ་རྗེ་མཆེད་ལྕམ་དང༌། །གཞན་ཡང་ཐེག་


JLAZ009_Page_0301
[མ་དཔེ་གཟིགས་ན་འདིར་གནོན།]

པ་མཆོག་ལ་ཞུགས་པ་རྣམས། །སྲོག་གི་ཕྱིར་ཡང་མི་གཏོང་ཅི་ནུས་བསྲུང༌། །འཁོར་བ་བདག་མེད་སྒྱུ་མའི་རང་བཞིན་ལ། །བདག་ནི་འཇིགས་པ་ཅི་ཡང་མ་མཆིས་ཏེ། །མ་རིག་སྐྱེ་བོ་རྣམས་ཀྱི་དོན་སླད་དུ། །ཕྱི་མཐར་ཐུག་གི་བར་དུ་གནས་པར་སྤྲོ། །གཞན་དོན་འཁོར་བ་རྣམས་སུ་སྤྱོད་པ་ན། །བྱང་ཆུབ་སྤྱོད་པ་རླབས་ཆེན་བདག་གིས་སྤྱད། །འགྲོ་དྲུག་སེམས་ཅན་རྣམས་ལ་ཕན་གདགས་ཕྱིར། །རང་དབང་དུ་ནི་སྐྱེ་བ་བླང་བར་བགྱི། །བདག་ནི་ཡོངས་སུ་བཟུང་བའི་འཇིག་རྟེན་ནམ། །མྱ་ངན་འདས་ལ་སྤྲོ་བ་མ་མཆིས་ཏེ། །གང་དང་གང་དུ་སྡུག་བསྔལ་གནས་རྣམས་སུ། །བསྐལ་པ་རྒྱ་མཚོར་གནས་ཤིང་ཕན་པར་བགྱི། །སྲིད་པར་ཡུན་རིང་དུས་སུ་བརྩོན་པ་ནི། །བྱང་ཆུབ་སེམས་དཔའི་ཡི་དམ་ལགས་པས་ན། །ཇི་སྲིད་ངན་སོང་སྟོངས་པར་མ་ གྱུར་པ། །དེ་སྲིད་བདག་གིས་སྐྱོ་བའི་སེམས་མི་བསྐྱེད། །ཤེས་རབ་ཐབས་ཀྱིས་འགྲོ་བའི་དོན་བགྱིད་པ། །སྙིང་རྗེའི་ལོངས་སྤྱོད་དེ་ལས་མ་མཆིས་པས། །སེམས་དམྱལ་ཡི་དྭགས་གཤིན་རྗེའི་འཇིག་རྟེན་ཡང༌། །ལྷ་ཡི་དགའ་ཚལ་ལྟ་བུར་བལྟ་བར་བགྱི། །འགྲོ་ལ་ཐུགས་རྗེ་དཔལ་གྱི་


JLAZ009_Page_0302
[མ་དཔེ་གཟིགས་ན་འདིར་གནོན།]

མགུར་ནས་གསུང༌། །རྣལ་འབྱོར་དམ་ཆོས་བདུད་རྩི་མཆོག་རྣམས་ནི། །བདག་གིས་འཇིག་རྟེན་ཐུག་པར་མ་མཆིས་པར། །ཇི་ལྟར་འཚམས་པ་བཞིན་དུ་རྒྱས་པར་བགྱི། །སྲིད་པར་ལས་དང་རྐྱེན་གྱི་དབང་གྱུར་ཏེ། །གང་དང་གང་དུ་དམ་ཆོས་འཇིགས་པ་དེར། །མེ་ཚོགས་སྤུ་གྲིའི་སོ་ཡང་བརྒལ་ནས་ནི། །ཕྱི་མཐར་ཐུག་གི་བར་དུ་དམ་ཆོས་བཟུང༌། །བླ་མེད་བྱང་ཆུབ་མཆོག་ཏུ་སེམས་བསྐྱེད་དེ། །སྒྲུབ་པ་མཆོག་ལ་ཞུགས་པའི་སྐྱེ་བོ་ལ། །ཚེ་རབས་རྣམས་སུ་མཐུ་རྩལ་ཅི་མཆིས་ཀྱིས། །སྐྱེས་ཆེན་རྣམས་ཀྱི་དགོངས་པ་རྟག་ཏུ་བསྐང༌། །དམ་པའི་ཆོས་དང་སྒྲུབ་པའི་གེགས་གྱུར་པ། །མི་དང་མི་མིན་གདུག་པ་གང་ཡང་རུང༌། །བདག་གི་ཞི་དང་ཁྲོ་བོའི་ཕྲིན་ལས་ཀྱིས། །ཡོངས་སུ་ཞི་ཞིང་རྣམ་པར་གཞོམ་པར་བགྱི། །རྣལ་འབྱོར་མཆོག་གི་ཐེག་ཆེན་བླ་མེད་དང༌། །རྡོ་རྗེ་རྒྱལ་པོ་ཁྱོད་ལ་བརྟེན་ནས་ནི། །སངས་རྒྱས་ཞིང་སྦྱོང་འགྲོ་ལ་སྨན་སླད་དུ། །བྱང་ཆུབ་སྙིང་པོ་བདག་གིས་རྟོགས་པར་བགྱི། །བདག་ནི་འཕགས་མཆོག་ཕྱག་རྒྱ་མངོན་སྤྲུལ་ཏེ། །གལ་ཏེ་སྐབས་མེད་འཆི་བའི་དུས་བྱུང་ཚེ། །གསང་སྔགས་མགོན་པོ་ཡེ་ཤེས་དཀྱིལ་འཁོར་ཅན། །


JLAZ009_Page_0303
[མ་དཔེ་གཟིགས་ན་འདིར་གནོན།]

ཁྱེད་ཀྱི་ཞབས་ཀྱི་དྲུང་དུ་མཆི་བར་བགྱི། །སྲིད་གསུམ་སྡུག་བསྔལ་ཅི་འདྲ་ཁྱེད་ཀྱིས་མཁྱེན། །དམྱལ་སོགས་མེ་དཔུང་ཞི་བར་བགྱིད་ལ་སོགས། །སེམས་ཅན་དོན་ལ་མྱུར་དུ་བདག་མཆི་ན། །དམ་པ་རྣམས་ཀྱིས་ནུས་མཐུ་སྩལ་དུ་གསོལ། །དྲུག་པ་བྱིན་དབབ་ པ་ནི། ཧཱུཾ། འཕགས་མཆོག་ཐུགས་རྗེའི་དུས་ལ་བབ། །ཁྱད་པར་བསྟན་པའི་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །བྱིན་གྱིས་རློབ་པའི་དུས་ལ་བབ། །དབང་མཆོག་བསྐུར་བའི་དུས་ལ་བབ། །དངོས་གྲུབ་སྩོལ་བའི་དུས་ལ་བབ། །མཐུ་ཆེན་བདུད་འདུལ་བཅོམ་ལྡན་འདས། །བྱིན་ཆེན་བྱིན་ཕོབ་བཅོམ་ལྡན་འདས། །དབང་ཆེན་དབང་བསྐུར་བཅོམ་ལྡན་འདས། །དངོས་གྲུབ་མཆོག་སྩོལ་བཅོམ་ལྡན་འདས། །བདག་ཅག་ལས་འབྲས་མཆིས་པར་མཛོད། །ཧཱུཾ་ཧཱུཾ་ཧཱུཾ་ཧཱུཾ། བདུན་པ་མཆོད་རྫས་བརླབ་པ་ལ་སྤྱི་དང་བྱེ་བྲག་གཉིས་ལས། དང་པོ་ནི། ཨོཾ་ཤྲཱི་བཛྲ་རཱ་ག་དྷཱུ་པེ་ཧཱུཾ། པུཥྤེ་ཏྲཱཾ། ཨཱ་ལོ་ཀེ་ཧྲཱིཿ གནྡྷེ་ཨ། ལཱ་སྱེ་ཧཱུཾ། མཱ་ལེ་ཏྲཱཾ། གཱིརྟི་ཧྲཱིཿ ནིརྟི་ཨཱཿ ཝི་ནི་ཧཱུཾ། ཝཾ་སེ་ཏྲཱཾ། མྲྀ་ཏཾ་གེ་ཧྲཱིཿ མུ་རཉྫེ་ཨཿ རཱུ་པ་ཧཱུཾ། སྤརྴེ་ཏྲཱཾ། རཱ་ས་ཧྲཱིཿ དྷརྨ་དྷཱ་ཏུ་ཨཱཿ ལན་གསུམ། གཉིས་པ་ནི། ཨོཾ་ཨཱཿཧཱུཾ་སརྦ་


JLAZ009_Page_0304
[མ་དཔེ་གཟིགས་ན་འདིར་གནོན།]

པཉྩ་ཨ་མྲྀ་ཏ་ཧཱུཾ་ཧྲཱི་ཋཱཿ ཨོཾ་མ་ཧཱ་མ་ལིཾ་ཏ་ཏེ་ཛྭ་བ་ལིཾ་ཏ་བ་ལ་བཱ་དྱ་གུ་ཧྱ་ས་མ་ཡེ་སྭཱ་ཧཱ། ཨོཾ་མ་ཧཱ་རཀྟ་ཛྭ་ལ་མཎྜ་ལ་ཧཱུཾ་ཧྲཱི་ཋཱཿ ལན་གསུམ་རེ་བྱའོ། །གཉིས་པ་དངོས་གཞི་ལ་སྦྱང་གཞི་མ་དག་པ་སྣོད་བཅུད་དུ་འཛིན་པའི་སྣང་ཞེན་དང༌། སྐྱེ་གནས་བཞིའི་བག་ཆགས་ཐབས་བསྐྱེད་པའི་རིམ་པས་སྦྱོང་བར་བྱེད་པ་ལ་རྣམ་གྲངས་བཅོ་ལྔ་ལས། དང་པོ་དོན་དམ་པའི་བྱང་ཆུབ་ཀྱི་སེམས་དེ་བཞིན་ཉིད་ཀྱི་ཏིང་ངེ་འཛིན་དུ་ལྡང་བ་ནི། ཧཱུཾ། རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་འབར་བ་ཡིས། །ནམ་མཁའི་དཀྱིལ་ནས་ཐིག་པ་ཤར། །སྲོག་གི་གོ་རུ་ཤར་བ་དང༌། །སྙིང་གི་གོ་རུ་བསྒོམ་པར་བྱ། །གཉིས་པ་ཀུན་རྫོབ་བྱང་ཆུབ་ཀྱི་སེམས་ཀུན་སྣང་དུ་བསྒོམ་པ་ནི། ཧཱུཾ། བྱམས་དང་སྙིང་རྗེ་དགའ་བ་དང༌། །བཏང་སྙོམས་བཞིས་བསྒྲལ་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །གསུམ་པ་རྣམ་ཤེས་རྡོ་རྗེས་མཚན་ཉིད་རྒྱུའི་ཏིང་འཛིན་ཧཱུཾ་ལས་རྟེན་གཞལ་ཡས་ཁང་བསྐྱེད་པ་ནི། ཧཱུཾ་ཨེ་ཡཾ་ར་སུཾ་ཀེཾ་རཾ་བྷྲཱུཾ། བྷཱུཾ་བི་ཤྭ་བི་ཤུདྡྷེ་ཛྙཱ་ན་ཙཀྲ་མཎྜ་ལ་བྷྲཱུཾ། སྲོག་ལས་ནམ་མཁའ་གྲུ་གསུམ་དང༌། །རླུང་ཁྲག་ཤ་ཆེན་ཀེང་རུས་མེ། །འཇིགས་པའི་དུར་ཁྲོད་གཞལ་ཡས་ཁང༌། །སྒྲ་ཡི་རྐྱེན་གྱིས་རབ་ཏུ་རྫོགས། །ཏིང་འཛིན་དཀྱིལ་འཁོར་རྒྱུ་གཉིས་


JLAZ009_Page_0305
[མ་དཔེ་གཟིགས་ན་འདིར་གནོན།]

ཀྱིས། །མཛེས་ཤིང་འཇིགས་པར་རབ་ཏུ་གནས། །ཕྱི་ནི་རིན་ཆེན་ལྔ་ལས་གྲུབ། །དབུས་སུ་ནོར་བུ་བཻ་ཌཱུརྱ། །ཤར་ནི་ཤེལ་ཡིན་ལྷོ་ནི་གསེར། །ནུབ་ནི་པདྨ་རཱ་ག་ལ། །བྱང་ནི་ཨིནྡྲ་ནཱི་ལར་གནས། །རིན་ཆེན་ལྔ་ཡི་རྩིགས་པས་མཛེས། །འདོད་ཡོན་ལྷ་མོ་རིན་ཆེན་བརྡར། །མེ་ཏོག་ཕྲེང་བ་མུ་ཏིག་ཧར། །ཏྭ་ར་ཎ་ཞིང་འཁོར་ལོ་གདུགས། །བ་དན་ལ་སོགས་རབ་ཏུ་མཛེས། །ཏོག་ནི་རྡོ་རྗེ་རྩེ་དགུ་པའོ། །ནང་ནི་དུར་ཁྲོད་གཞལ་ཡས་ཁང༌། །ཀླུ་ཆེན་བརྒྱད་ཀྱི་ཀ་བ་ལ། །ཉི་མ་ཟླ་བ་ལྷ་ཡི་བུ། །ཀ་གདན་ཀ་གཞུ་མཛེས་པར་གནས། །ལྷ་ཆེན་བརྒྱད་ཀྱི་གདུང་ལ་ནི། །ཟླ་བའི་སྐར་ཁུང་ཡང་དག་གནས། །གཟའ་ཆེན་བརྒྱད་ཀྱི་ལྕམ་ལ་ནི། །ཉི་མའི་མཐོངས་ཁུང་བཅུ་ཡིས་མཛེས། །ཉི་ཤུ་རྩ་བརྒྱད་རྒྱུ་སྐར་གྱི། །དྲལ་མ་རྣམས་སུ་རབ་ཏུ་མཛེས། །ཐོད་པ་སྐམ་རློན་ར་རིས་ཀྱི། །ཕྱོགས་བཞིའི་རྩིག་པ་རབ་ཏུ་བྱས། །འབྱུང་པོ་བསྣོལ་བས་མ་ཐེམ་བྱས། །ཆུ་སྲིན་ཡ་ཐེམ་ཉིད་དུ་བྱས། །རོ་རློན་ལོགས་ཀྱི་སྐྱེས་བུ་ལ། །རིགས་བཞི་ཀླུ་ཡི་སྒོ་བཞི་མཛེས། །དབུས་ཀྱི་གྲུ་གསུམ་མཐིང་ནག་ལ། །ཟླ་གམ་དམར་པོ་གསུམ་དང་ལྡན། །འཁོར་ལོ་རྩིབས་བརྒྱད་


JLAZ009_Page_0306
[མ་དཔེ་གཟིགས་ན་འདིར་གནོན།]

ནག་པོར་གནས། །དུར་ཁྲོད་བརྒྱད་དུ་གནས་པ་སྟེ། །མཚོ་དང་རླུང་དང་སྤྲིན་དང་ནི། །ཞིང་སྐྱོང་ཕྱོགས་སྐྱོང་མཆོད་རྟེན་དང༌། །བྲག་དང་མེ་ཡི་རྣམ་པར་གནས། །རོ་ནི་རློན་པ་ར་རི་དང༌། །ཀེང་རུས་བམ་རུལ་རྣམ་པར་འཐོར། །བྱ་གཅན་འཇིགས་པའི་མ་མོ་དང༌། །སྲིད་པའི་མཁའ་འགྲོ་མང་པོ་གནས། །གཞལ་ཡས་མཛེས་ཤིང་འཇིགས་པ་དེར། །བཞི་པ་གདན་བསྐྱེད་པ་ནི། རཱུ་ཏྲ་ཀྲོ་དྷི་ཏི་ར་བཾ། པཾ་པདྨ་མཎྜ་ལ། མ་སཱུརྱ་མཎྜ་ལ། ཨ་ཙནྡྲ་མཎྜ་ལ། རཱུ་ཏྲ་ཕོ་མོ་དམ་སྲི་བཅུ། །བདུད་བཞི་བགེགས་བཞི་ཕོ་མོ་རྣམས། །ཁ་སྦུབ་གན་རྐྱལ་བྱི་ཆིངས་མནན། །པདྨ་ཉི་ཟླ་ཡོན་ཏན་སྤྲས། །རབ་བསྐྱེད་འོད་ཟེར་རབ་ཏུ་འཁྲུགས། །ལྔ་པ་བརྟེན་པའི་ལྷ་བསྐྱེད་པ་ལ་གསུམ་ལས། དང་པོ་བདག་ཉིད་རྩ་བའི་དཀྱིལ་འཁོར་བསྐྱེད་པ་ལའང་གཉིས་ཀྱི། དང་པོ་སངས་རྒྱས་ཀྱི་སྲས་སུ་བདག་བྱ་བ་ནི། ཨོཾ་བཛྲ་སཏྭ་ཧཱུཾ། རྡོ་རྗེ་ཧཱུཾ་ཡིག་ཡོངས་གྱུར་ལས། །རྡོ་རྗེ་སེམས་དཔའ་ཡབ་ཡུམ་ནི། །མཚན་དང་དཔེ་བྱད་ཡང་དག་རྫོགས། །རྡོ་རྗེ་དྲིལ་བུ་བདེ་བར་འཁྱུད། །ཀུནྡ་ལྟ་བུར་དཀར་བའི་མདོག །རིགས་ལྔ་ཁྲག་འཐུང་ཡབ་ཡུམ་བཅུ། །འདུས་པའི་རྡོ་རྗེ་གཞོན་ནུའི་སྐུ། །ཨོཾ་བཛྲ་ཀཱི་ལི་ཀཱི་ལ་ཡ་དཱིཔྟ་ཙཀྲ་ཧ་ན་ཧ་ན་རུ་ལུ་རུ་ལུ་ཧཱུཾ་བྷྱོ་ཧཱུཾ།


JLAZ009_Page_0307
[མ་དཔེ་གཟིགས་ན་འདིར་གནོན།]

ཞེ་སྡང་ཁྲག་འཐུང་རྒྱལ་པོ་དང༌། །བདེ་བར་སྒྲོལ་བར་བྱེད་པའི་ཡུམ། །ཁྲོ་ཞིང་རྔམ་པའི་ཚུལ་བསྐྱེད་པས། །གདུག་པ་མ་ལུས་སྒྲོལ་བར་བྱེད། །ཨ་དང་ཧཱུཾ་ལས་རབ་ཏུ་སྦྱར། །ཡུམ་གྱིས་ཡབ་ཀྱི་ལྕེ་གཞིབས་ནས། །ཡུམ་གྱི་ཐུགས་ཀར་ཨུཏྤལ་གཏད། །གདུང་བའི་ང་རོས་འདི་སྐད་བརྗོད། །ཧཱུཾ། རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་རྡོ་རྗེར་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོར་གྲུབ་པར་མཛོད། །གཉིས་པ་བདག་གི་སྲས་སུ་སངས་རྒྱས་བྱ་བ་ནི། ཡབ་ཡུམ་སྦྱོར་བ་མཛད་པ་ལས། །དགྱེས་མཆོད་གསང་བ་སོ་སོར་ཐོབ། །སྥ་ར་ཎ་ཕཊ་བརྗོད་པའི། །འོད་ཀྱིས་སྲས་བཅས་རྒྱལ་བ་མཆོད། །སེམས་ཅན་ཀུན་གྱི་སྒྲིབ་པ་སྦྱངས། །སཾ་ཧ་ར་ཎ་ཧཱུཾ་བརྗོད་པས། །ཕྱོགས་བཅུའི་དེ་བཞིན་གཤེགས་པ་རྣམས། །བཀུག་ནས་ཡུམ་གྱི་མཁའ་རུ་བསྟིམ། །བདེ་ཆེན་བྱང་ཆུབ་སེམས་སུ་གྱུར། །རྡོ་རྗེ་དམ་ཚིག་ཨེ་མ་ཧོཿ གཉིས་མེད་དགྱེས་པ་ཆེན་པོའི་ངང༌། །ཡབ་ཡུམ་འོད་ཞུ་ཡི་གེ་ཧཱུཾ། །ཡོངས་གྱུར་འབྲས་བུའི་ཧེ་རུ་ཀ །དཔལ་ཆེན་རྡོ་རྗེ་གཞོན་ནུ་ནི། །སྒེག་པ་དཔའ་བ་གར་དགུ་པ། །རྫུ་འཕྲུལ་ཞབས་བཞི་དོར་སྟབས་བགྲད། །


JLAZ009_Page_0308
[མ་དཔེ་གཟིགས་ན་འདིར་གནོན།]

རྣམ་པར་ཐར་པའི་དབུ་གསུམ་གྱིས། །སྐྲག་མཛད་བཞད་གཤེ་ཁྲོ་བོའི་ཞལ། །གཡས་པ་ལྗང་ནག་གཡོན་དམར་ནག །སྤྱན་དམར་སྨིན་མ་སྨ་ར་སེར། །ཁྲོ་གཉེར་ཆུ་ཡི་རླབས་བཞིན་འཁྲུག །ཕ་རོལ་ཕྱིན་དྲུག་མཚོན་པ་ཡི། །ཕྱག་དྲུག་གཡས་ཀྱི་དང་པོ་ན། །གསེར་གྱི་རྡོ་རྗེ་རྩེ་དགུ་དང༌། །གཡོན་གྱི་དང་པོ་མེ་དཔུང་བསྣམས། །གཡས་པ་རྡོ་རྗེ་རྩེ་ལྔ་དང༌། །དགྲ་སྟྭ་རྡོ་རྗེ་ཐོ་བ་འོ། །ཁ་ཊྭཱཾ་ཐོད་དབྱུག་ལྕགས་ཀྱུ་གཡོན། །གཡས་ཀྱི་ཐ་མ་ཕུར་པ་དང༌། །གཡོན་ན་ཕྲ་མེན་རྦོད་གཏོང་ནི། །ཁྱུང་དང་བྱ་རྒོད་འུག་པ་དང༌། །ཁྲ་དང་བྱ་རོག་ཕོ་ཉར་འགྱེད། །རྡོ་རྗེའི་གཤོག་པས་སྲིད་གསུམ་གནོན། །མཐིང་ནག་སྐུ་ལ་དུར་ཁྲོད་ཆས། །རིགས་ལྔ་ཐོད་པ་ལྔ་ཡིས་བརྒྱན། །ཀླུ་ཆེན་བརྒྱད་དང་ཐོད་པར་བརྒྱན། །འཁོར་ལོ་རྒྱས་འདེབས་བདེ་བའི་ཡུམ། །སྦྲུལ་དང་ཐོད་པ་གཟིག་གིས་བརྒྱན། །དྲིལ་བུ་ཐོད་ཁྲག་ཕྱག་ན་བསྣམས། །ཨེ་ཀ་ཛ་ཊི་སྒྲོལ་བའི་ཡུམ། །གྲི་གུག་ཐོད་ཁྲག་ཁམས་གསུམ་སྒྲོལ། །རེ་འགའ་ཁ་ཊྭཱཾ་རྩེ་གསུམ་བསྣམས། །གཡེར་ཁ་དྲིལ་བུ་ཉིད་ལས་ཀྱང༌། །རྟོག་མེད་ཆོས་ཀྱི་སྒྲ་འབྱིན་མ། །མ་མོ་དྲུག་ཅུ་ཕོ་ཉར་འགྱེད། །


JLAZ009_Page_0309
[མ་དཔེ་གཟིགས་ན་འདིར་གནོན།]

ཨོཾ་བཛྲ་ཀཱི་ལི་ཀཱི་ལ་ཡ་ཕཊ་ཛ། མ་ཧཱ་བོ་དྷི་ཙིཏྟ་མཎྜ་ལ་ཧཱུཾ་ཕཊ། ཡབ་ཡུམ་འདོད་ཆགས་ང་རོ་བརྗོད། །བྱིན་གཉིས་དམ་དུ་རབ་འཁྱུད་དེ། །ལག་པ་དམ་འཁྱུད་མ་མཆུ་གཞིབས། །རྡོ་རྗེའི་དམ་ཚིག་གླུ་ཡི་བསྐུལ། །ཧཱུཾ། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེ་ཆོས་དབྱིངས་ལས། །འབར་བའི་ཁྲོ་བོ་མི་བཟད་པའི། །སྐུ་ཡི་དབྱིག་ཏུ་སྲས་བསྐྱེད་ཅིག །གཉིས་པ་ཕུར་པ་རྫས་ཀྱི་དཀྱིལ་འཁོར་སྲས་ཀྱི་རང་བཞིན་དུ་བསྐྱེད་པ་ནི། ཨོཾ་བཛྲ་བུདྡྷ་རཏྣ་པདྨ་ཀརྨ་ཀཱི་ལི་ཀཱི་ལ་ཡ་ཧཱུཾ་ཧཱུཾ་ཕཊ། རྡོ་རྗེ་རིན་ཆེན་པདྨ་ལས། །དེ་བཞིན་རིགས་ཀྱི་སྲས་མཆོག་ལྔ། །སྟོད་ནི་གཙོ་བོ་ཡབ་འདྲ་ལ། །སྨད་ནི་ཆུ་སྲིན་ཕུར་བུ་དབལ། །དུས་མཐའི་མེ་ལྕེ་འུར་འུར་འབར། །སྐུ་གཅིག་ངང་ལ་སྐུ་གསུམ་རྫོགས། །རྒྱ་མདུད་ནང་ནས་སྔགས་ཀྱི་སྒྲ། །འབྲུག་སྟོང་ལྟ་བུར་ལྡིར་ཞིང་སྒྲོགས། །ཆུ་སྲིན་ཁ་ནས་མེ་ལྕེ་འོད། །གློག་ལྟར་འཁྱུག་ཅིང་སྟོང་གསུམ་གསལ། །སྡིག་སྦྲུལ་སྦལ་ལྕོང་ཆོ་འཕྲུལ་འགྱེད། །སྟོང་གསུམ་གང་ཞིང་ཀླུ་རྣམས་འདུལ། །ཐུགས་ཀ་དཔལ་བེའུའི་དཀྱིལ་འཁོར་ན། །བཞི་བཅུ་རྩ་བདུན་ལྷ་ཚོགས་དང༌། །དབུ་ལ་རིགས་


JLAZ009_Page_0310
[མ་དཔེ་གཟིགས་ན་འདིར་གནོན།]

ལྔ་ཁྲག་འཐུང་རྫོགས། །དཀྱིལ་འཁོར་ཡོངས་རྫོགས་བདག་ཉིད་ཅན། །དགྲ་སྟྭ་གཡས་ལ་རང་རྟགས་གཡོན། བར་པ་ཁ་ཊྭཱཾ་གཏུན་ཤིང་དང༌། །ཐ་མ་རི་རབ་ཕུར་བུ་འདྲིལ། །རྒྱུད་ལྔ་ཡེ་ཤེས་ལྔ་རུ་གྲོལ། །དུག་ལྔ་རྩད་ནས་གཅོད་པར་བྱེད། །སངས་རྒྱས་འདུས་པ་ཐམས་ཅད་ཀྱི། །སྐུ་གསུང་ཐུགས་སུ་བྱིན་གྱིས་བརླབས། །ཨོཾ་ཨཱཿཧཱུཾ་ཀཱ་ཡ་ཝཱ་ཀ་ཙིཏྟ་བཛྲ་ནན། གསུམ་པ་ཕྱོགས་བཅུ་ཁྲོ་བོའི་དཀྱིལ་འཁོར་བསྐྱེད་པ་ནི། གདུག་པའི་ཕྱོགས་སྐྱོང་ཚར་གཅོད་ཕྱིར། །ཡབ་ཡུམ་བདེ་བའི་སྒོ་ང་བཅུ། །ཕྱུང་སྟེ་ཕྱོགས་བཅུར་རབ་ཏུ་སྤྲོ། །ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། གརྫ་ཧཱུཾ་ཕཊ། གརྫ་ཧཱུཾ་ཕཊ། སྟེང་ཕྱོགས་ཉི་ཟླའི་གདན་སྟེང་དུ། །ཁྲོ་བོ་རྡོ་རྗེ་ཧཱུཾ་མཛད་དང༌། །ཡུམ་ཆེན་རྡོ་རྗེ་སྒྲ་འབྱིན་མ། །སྤྲུལ་པ་ཕག་དང་རྨིག་བུའི་མགོ །ཨོཾ་བཛྲ་ཀྲོ་དྷ་བི་ཛ་ཡ་ཧཱུཾ། ཧ་ན་ཧཱུཾ་ཕཊ། ཧ་ན་ཧཱུཾ་ཕཊ། ཤར་ཕྱོགས་དྲི་ཟའི་གདན་སྟེང་དུ། །ཁྲོ་བོ་རྡོ་རྗེ་རྣམ་པར་རྒྱལ། །ཡུམ་ཆེན་རྡོ་རྗེ་སྙེམས་མ་དང༌། །སྤྲུལ་པ་སྟག་དང་བྱ་རྒོད་མགོ །ཨོཾ་བཛྲ་ཀྲོ་དྷ་ནཱི་ལ་དཎྜ་ནཱི་ཧཱུཾ། ད་ཧ་ཧཱུཾ་ཕཊ། ད་ཧ་ཧཱུཾ་ཕཊ། ཤར་ལྷོ་མེ་ལྷའི་གདན་སྟེང་དུ། །ཁྲོ་བོ་རྡོ་རྗེ་དབྱུག་སྔོན་ཅན། །ཡུམ་ཆེན་རྡོ་རྗེ་སྡེར་མོ་དང༌། །


JLAZ009_Page_0311
[མ་དཔེ་གཟིགས་ན་འདིར་གནོན།]

སྤྲུལ་པ་གཡག་དང་བྱ་རོག་མགོ །ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུཾ། པ་ཙ་ཧཱུཾ་ཕཊ། པ་ཙ་ཧཱུཾ་ཕཊ། ལྷོ་ཕྱོགས་གཤིན་རྗེའི་གདན་སྟེང་དུ། །ཁྲོ་བོ་རྡོ་རྗེ་གཤིན་རྗེའི་གཤེད། །ཡུམ་ཆེན་དུར་ཁྲོད་བདག་མོ་དང༌། །སྤྲུལ་པ་ཤ་བ་འུག་པའི་མགོ །ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། བྷནྡྷ་ཧཱུཾ་ཕཊ། བྷནྡྷ་ཧཱུཾ་ཕཊ། ལྷོ་ནུབ་སྲིན་པོའི་གདན་སྟེང་དུ། །ཁྲོ་བོ་ཆེན་པོ་མི་གཡོ་མགོན། །ཡུམ་ཆེན་རྡོ་རྗེ་གཏུན་ཁུང་མ། །སྤྲུལ་པ་གཟིག་དང་ཁྭ་ཏའི་མགོ །ཨོཾ་བཛྲ་ཀྲོ་དྷ་ཧྱ་གྲཱི་ཝ་ཧྲཱིཿཧུ་ལུ་ཧཱུཾ་ཕཊ། ཧུ་ལུ་ཧཱུཾ་ཕཊ། ནུབ་ཕྱོགས་ཀླུ་དབང་གདན་སྟེང་དུ། །ཁྲོ་བོ་ཆེན་པོ་རྟ་མགྲིན་རྒྱལ། །ཡུམ་ཆེན་རྡོ་རྗེ་གཏུམ་མོ་དང༌། །སྤྲུལ་པ་བྱི་ལ་པུ་ཤུད་མགོ །ཨོཾ་བཛྲ་ཀྲོ་དྷ་ཨ་པ་ར་ཙིཏྟ་ཧཱུཾ། ཏིཥྛ་ཧཱུཾ་ཕཊ། ཏིཥྛ་ཧཱུཾ་ཕཊ། ནུབ་བྱང་རླུང་ལྷའི་གདན་སྟེང་དུ། །ཁྲོ་བོ་ཆེན་པོ་གཞན་མི་ཐུབ། །ཡུམ་ཆེན་རྡོ་རྗེ་མདའ་སྙེམས་མ། །སྤྲུལ་པ་སྤྱང་ཀི་ཁྲ་ཡི་མགོ །ཨོཾ་བཛྲ་ཀྲོ་དྷ་ཨ་མྲི་ཏ་ཀུཎྜ་ལི་ཧཱུཾ། ཚིནྡྷ་ཧཱུཾ་ཕཊ། ཚིནྡྷ་ཧཱུཾ་ཕཊ། བྱང་ཕྱོགས་གནོད་སྦྱིན་གདན་སྟེང་དུ། །ཁྲོ་བོ་རྡོ་རྗེ་བདུད་རྩི་འཁྱིལ། །ཡུམ་ཆེན་རྡོ་རྗེ་


JLAZ009_Page_0312
[མ་དཔེ་གཟིགས་ན་འདིར་གནོན།]

རླུང་འབྱིན་མ། །སྤྲུལ་པ་སེང་གེ་ཕ་ཝང་མགོ །ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ། བྷིནྡྷ་ཧཱུཾ་ཕཊ། བྷིནྡྷ་ཧཱུཾ་ཕཊ། བྱང་ཤར་འབྱུང་པོའི་གདན་སྟེང་དུ། །ཁྲོ་བོ་རྡོ་རྗེ་ཁམས་གསུམ་རྒྱལ། །ཡུམ་ཆེན་རྡོ་རྗེ་གསོད་མ་དང༌། །སྤྲུལ་པ་དོམ་དང་སྲེ་མོང་མགོ །ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ། སྥོ་ཊ་ཧཱུཾ་ཕཊ། སྥོ་ཊ་ཧཱུཾ་ཕཊ། འོག་ཕྱོགས་ས་བདག་གདན་སྟེང་དུ། །ཁྲོ་བོ་རྡོ་རྗེ་སྟོབས་པོ་ཆེ། །ཡུམ་ཆེན་རྡོ་རྗེ་བསྐྱོད་མ་དང༌། །སྤྲུལ་པ་དྲེད་དང་བྱི་བའི་མགོ །ལྷ་ནི་བཞི་བཅུ་འདི་རྣམས་ཀྱང༌། །ཞལ་གཅིག་ཕྱག་གཉིས་མདོག་ནག་གཟུགས། །སྟག་དང་གཟིག་གི་ཤམ་ཐབས་ཅན། །མཆེ་བ་ཅན་དང་གཤོག་པ་ཅན། །ཕྲ་མེན་མགོ་བརྙན་ཉི་ཤུ་ནི། །སྦྲུལ་དང་ཐོད་པས་རབ་ཏུ་བརྒྱན། །ཕུར་པ་ལྕགས་ཀྱུ་ཕྱག་ན་བསྣམས། །སྐྲ་བརྫེས་སྤྱན་དམར་མཆེ་བ་གཙིགས། །དུས་མཐའི་འོད་ཟེར་འབར་བས་འཁྲུག །ཨོཾ་བཛྲ་ཀཱི་ལི་ཀཱི་ལ་ཡ་བི་ད་ཡ་བི་ད་ཡ་ཧཱུཾ་ཕཊ། །ཨོཾ་བཛྲ་ཀཱི་ལི་ཀཱི་ལ་ཡ་ན་མཿས་མནྟ་ཧྲིཾ་ཧྲིཾ་ཧཱུཾ་ཕཊ། ཨོཾ་བཛྲ་ཀཱི་ལི་ལཱི་ལ་ཡ་པྲ་སུ་རུ་པྲ་སུ་རུ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་མཱ་ར་ཡ་ཧཱུཾ་ཕཊ། ཉི་ཟླ་ཡི་གེ་བཞི་ཉིད་ལས། །དྲོད་གཤེར་ལས་


JLAZ009_Page_0313
[མ་དཔེ་གཟིགས་ན་འདིར་གནོན།]

སྐྱེས་སྒོ་མ་བཞི། །ཤར་ཕྱོགས་དྲི་ཟའི་གདན་སྟེང་དུ། །སྐྱ་ཀའི་མགོ་ཅན་ལྕགས་ཀྱུ་མ། །ལྷོ་ཕྱོགས་གྲུལ་བུམ་གདན་སྟེང་དུ། །པུ་ཤུད་མགོ་ཅན་ཞགས་པ་མ། །ནུབ་ཕྱོགས་ཆུ་བདག་གདན་སྟེང་དུ། །སྲིན་བྱའི་མགོ་ཅན་ལྕགས་སྒྲོག་མ། །བྱང་ཕྱོགས་གནོད་སྦྱིན་གདན་སྟེང་དུ། །ཁྲ་ཡི་མགོ་ཅན་དྲིལ་བུ་མ། །འདི་བཞི་ཞལ་གཅིག་ཕྱག་གཉིས་མ། །དཀར་སེར་དམར་དང་ལྗང་བའི་མདོག །གཟིག་དང་ཐོད་སྦྲུལ་རྒྱན་དུ་བྱས། །བསྐུམ་ཞིང་བརྐྱང་བའི་སྟབས་ཀྱིས་མནན། །ཕྱག་གཡོན་ཕུར་པ་འདེབས་པར་མཛད། །མེ་དཔུང་དཀྱིལ་ན་ཁྲོ་ཚུལ་བཞུགས། །ལྷ་ནི་བརྒྱད་དང་བཞི་བཅུ་རྣམས། །དྲག་པོའི་ཚུལ་གྱིས་ཞེ་སྡང་འཇོམས། །མུ་རན་ལ་ནི་ཕུར་སྲུང་སྟེ། །ཨེ་ཡཾ་མ་ཡ་བཞི་ཉིད་ལས། །ཤྭ་ན་མུ་ཁ་བཞི་པོ་གསལ། །ཛཿཡིག་བཞི་ལས་ས་བདག་བཞི། །བྷྱོ་ཡིག་བཞི་ལས་བདག་ཉིད་བཞི། །མཐུ་དང་རྫུ་འཕྲུལ་གློག་ལས་མྱུར། །བསྟན་པ་བསྲུང་ཞིང་ཉམས་པ་བདུན། ། ཞེ་ལ་གནག་པའི་སྟོབས་ཀྱིས་སྒྲོལ། །མདོར་ན་འཁོར་དང་མྱང་འདས་ཀུན། །དཔལ་ཆེན་དཀྱིལ་འཁོར་གཅིག་ཏུ་རྫོགས། །བཞི་པ་བྱིན་གྱིས་རློབ་པ་ནི། སྙིང་ག་མགྲིན་པ་སྤྱི་བོ་རུ། །


JLAZ009_Page_0314
[མ་དཔེ་གཟིགས་ན་འདིར་གནོན།]

ཟླ་བའི་དཀྱིལ་འཁོར་བསམ་ནས་ནི། །རྡོ་རྗེ་པདྨ་འཁོར་ལོ་དག །ཧཱུཾ་ཨཱཿཨོཾ་གྱིས་མཚན་པ་ལས། །ཐུགས་ཀྱི་རྡོ་རྗེ་ལ་སོགས་བསྒོམ། །དེ་ཉིད་ཤེས་རབ་སྐུ་རྒྱས་མ། །ལྷ་མོ་རྣམས་ཀྱི་འོད་ཚོགས་ཀྱིས། །དུས་གསུམ་ཕྱོགས་རྣམས་ཁྱབ་པ་ཡིས། །མ་ལུས་སངས་རྒྱས་དྲངས་མཆོད་ནས། །བཀྲ་ཤིས་དོན་བྱེད་རྣམས་ལ་ནི། །རང་གི་ཐུགས་སྲོག་རྡོ་རྗེ་ཡིས། །དེ་ལ་བྱིན་རླབས་བསྐུལ་བར་བྱ། །རང་སྔགས་དང་བསྟུན་རྡོ་རྗེ་རྩེ་ལྔ་པའི་ཕྱག་རྒྱ་གནས་སོ་སོར་གཏུག་ཅིང༌། སྙིང་གར། ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། མགྲིན་པར་དེ་བཞིན་ལས། ཝཱཀྐ་སྦྱར། སྤྱི་བོར་ཀཱ་ཡ། ལྔ་པ་དབང་བསྐུར་བ་ལ་གསུམ་ལས། དཀྱིལ་འཁོར་གསུམ་གྱི་སྲོག་ཡེ་ཤེས་སུ་དབང་བསྐུར་བ་ནི། སྙིང་གར་བྷྲཱུཾ་ལས་རིན་པོ་ཆེའི་གཞལ་མེད་ཁང་སྒོ་གཅིག་པའི་སྒོ་སྲུང་རྟ་མགྲིན་ཡབ་ཡུམ་དུ་གནས་པའི་ནང་དུ་ཧཱུཾ་ལས་ཡེ་ཤེས་སེམས་དཔའ་ཚོན་གང་བ་གཅིག་བསམ་ལ། ཡེ་ཤེས་དཔའ་བོའི་ཐུགས་ཀ་ཡི། །འོད་ཀྱིས་མགོན་པོ་རྣམས་བསྐུལ་ནས། །དེ་དག་ཐུགས་ལས་བྱུང་བ་ཡི། །རིག་མས་བདུད་རྩི་བུམ་ཆུ་ཡིས། །དབང་བསྐུར་བྱས་ཏེ་ཐིམ་གྱུར་ནས། །རང་སྔགས་རྡོ་རྗེ་ཅན་གྱི་གཟུང༌། །དབུ་རྒྱན་རྣམས་ལ་རིགས་ལྔ་དང༌། །རིགས་ཀྱི་བདག་པོ་རྣམས་ཀྱིས་རྒྱན། །ཡེ་ཤེས་སེམས་དཔའི་ཐུགས་ཀའི་འོད་ཀྱིས་ཕྱོགས་བཅུའི་དེ་བཞིན་


JLAZ009_Page_0315
[མ་དཔེ་གཟིགས་ན་འདིར་གནོན།]

གཤེགས་པ་ཐམས་ཅད་ཀྱི་ཐུགས་བརྒྱུད་བསྐུལ་བས་དེ་རྣམས་ཀྱི་ཐུགས་ཀ་ནས་བྱུང་བའི་རྡོ་རྗེ་བཙུན་མོའི་བྷ་ག་ལ་གདན་གསུམ་ཚང་བའི་དཀྱིལ་འཁོར་རྫོགས་པ་མདུན་གྱི་ནམ་མཁའ་ལ་བྱོན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། ཞེས་བསྐུལ་བས་ལྷ་ཚོགས་རྣམས་བདེ་སྟོང་གི་རོས་ཚིམ། རྗེས་ཆགས་ཀྱི་མེས་འོད་དུ་ཞུ་བའི་བདུད་རྩི་བུམ་པའི་ཆུས་མགོ་བོའི་གནས་ལྔར་དབང་བསྐུར། ཉོན་མོངས་པ་ལྔའི་དྲི་མ་སྦྱངས། ཕུང་པོ་ལྔ་རིགས་ལྔའི་སངས་རྒྱས་སུ་གནས་གྱུར་པ་ནས་བཟུང་སྟེ་ཁམས་དང་སྐྱེ་མཆེད་ཐམས་ཅད་ལྷའི་རང་བཞིན་དུ་རྣམ་པར་དག །དབང་བཞིའི་དམ་ཚིག་ལས་བྱུང་བའི་དགའ་བ་བཞིའི་ཡེ་ཤེས་ཉམས་སུ་མྱོང༌། ཆུ་ལྷག་མ་སྤྱི་བོར་བརྟན་པ་ཡོངས་སུ་གྱུར་པ་ལས་རྡོ་རྗེ་མི་བསྐྱོད་པ་དབུས་སུ་བཞུགས་པའི་རིགས་ལྔས་དབུ་བརྒྱན་པར་གྱུར་པར་བསམ་ལ། དང་པོ་རྗེས་སུ་བསྐུལ་བ་ནི། ཧཱུཾ། ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་པ། །དབང་དང་བྱིན་རླབས་བདག་སྩོལ་ཅིག །རྡོ་རྗེ་ཕྱི་བསྡམས་ལས་གུང་མོ་བརྐྱང་བ་མི་བསྐྱོད་པའི་དབང་རྒྱ་སྤྱི་བོར་བཞག་ལ། ཨོཾ་མ་ཧཱ་ཤཱུ་ནྱ་


JLAZ009_Page_0316
[མ་དཔེ་གཟིགས་ན་འདིར་གནོན།]

ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་ལས་མཛུབ་མོ་གཉིས་བརྐྱང་བ་རྣམ་སྣང་གི་དབང་རྒྱ་དཔྲལ་བར་བཞག་ལ། ཨོཾ་མ་ཧཱ་ཨཱ་དརྴ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། སྲིན་ལག་བརྐྱང་པ་རིན་འབྱུང་གི་དབང་རྒྱ་རྣ་ལྟག་གཡས་སུ་བཞག་ལ། ཨོཾ་མ་ཧཱ་ས་མ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། མཐེ་བོང་བརྐྱང་བ་སྣང་མཐའི་དབང་རྒྱ་ལྟག་པར་བཞག་ལ། ཨོཾ་མ་ཧཱ་པྲ་ཏྱ་བེཀྵ་ན་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། མཐེའུ་ཆུང་བརྐྱང་པ་དོན་གྲུབ་ཀྱི་དབང་རྒྱ་རྣ་ལྟག་གཡོན་པར་བཞག་ལ། ཨོཾ་མ་ཧཱ་ཀྲྀ་ཏ་ཨ་ནུཥྛ་ཛྙཱ་ན་བཛྲ་སྭ་བྷཱ་ཨཱཏྨ་ཀོ྅ཧཾ། གཉིས་པ་དཀྱིལ་འཁོར་གསུམ་གྱིས་ཁམས་གསུམ་གྱི་སྲོག་ལ་དབང་བསྐུར་བ་ནི། ཧཱུཾ་ཧཱུཾ་ཧཱུཾ། འགྲོ་དྲུག་ཉོན་མོངས་བཅིངས་པ་རྣམས། །ཧཱུཾ་གིས་དུག་ཆེན་རབ་སྦྱངས་ཏེ། །ཨ་ནྲྀ་སུ་ཏྲི་པྲེ་དུར་གྱུར། །རཾ་ཡཾ་ཁཾ་ལས་མེ་རླུང་ཆུས། །འགྲོ་བ་རབ་སྦྱངས་ཧཱུཾ་དུ་གྱུར། །ཁམས་གསུམ་ཐམས་ཅད་རྡོ་རྗེ་སེམས། །ཏིལ་གྱི་གང་བུ་ལྟ་བུས་གང༌། །གསུམ་པ་ཡེ་ཤེས་སེམས་དཔའི་སྲོག་ལ་ལྷན་ཅིག་སྐྱེས་པའི་ཡེ་ཤེས་ཆེན་པོའི་དབང་བསྐུར་བ་ནི། ཧཱུཾ། རྟ་མགྲིན་རྒྱལ་པོ་ཡེ་ཤེས་ལ། །བསྟིམ་པས་བྱང་ཆུབ་སེམས་རྒྱས་གྱུར། །ཡབ་ཡུམ་གཉིས་མེད་སྦྱོར་བའི་སྒྲས། །ཡེ་ཤེས་ཁྲོ་བོ་སྤྱན་དྲང་ངོ༌། །དྲུག་པ་སྤྱན་དྲང་བ་ནི། སྤོས་རོལ་གདུང་བའི་དབྱངས་དང་བཅས། ཧཱུཾ། རྡོ་རྗེ་གཞོན་ནུའི་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང༌། །དབང་


JLAZ009_Page_0317
[མ་དཔེ་གཟིགས་ན་འདིར་གནོན།]

དང་དངོས་གྲུབ་སྩོལ་བའི་ཕྱིར། །མ་བཅོས་ཐིག་ལེའི་ཆོས་ཉིད་ལས། །འགྱུར་མེད་སྐུ་གཅིག་གནས་པ་དེ། །ཡེ་ཤེས་ཁྲོ་བོ་ཆེན་པོ་ཡིན། །ཁྲོ་བོ་ཆེན་པོ་གཤེགས་ནས་ཀྱང༌། །རྟགས་དང་མཚན་མ་སྟོན་པ་དང༌། །རྡོ་རྗེ་ཕུར་པའི་དངོས་གྲུབ་སྩོལ། །སྲས་མཆོག་རིགས་ལྔའི་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང༌། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཡེ་ཤེས་ཁྲོ་བོ་གཤེགས་ནས་ཀྱང༌། །རྟགས་དང་མཚན་མ་སྟོན་པ་དང༌། །རྡོ་རྗེ་ཕུར་པའི་དངོས་གྲུབ་སྩོལ། །ཕྱོགས་བཅུ་ཁྲོ་བོའི་དམ་ཚིག་གིས། །སྲིད་པ་ཕུར་བུར་བསྒྲུབ་པ་དང༌། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང༌། །རྟགས་དང་མཚན་མ་སྟོན་པ་དང༌། །རྡོ་རྗེ་ཕུར་པའི་དངོས་གྲུབ་སྩོལ། །ཨེ་ཧྱེ་ཧི་བྷ་ག་ཝཱ་ན། མ་ཧཱ་ཀ་རུ་ཎི་ཀ་དྲྀ་ཤྱ་ཧོཿ ས་མ་ཡ་སྟྭཾ། ས་མ་ཡ་ཧོཿ ཨེ་ཨ་ར་ལི་ཧོ། བདུན་པ་རིག་པའི་མེ་ཏོག་དོར་བ་ནི། ཨོཾ་བཛྲ་ས་མ་ཡ་ཨོཾ། ཨཱཿབཛྲ་ས་མ་ཡ་ཨཱཿ ཧཱུཾ་བཛྲ་ས་མ་ཡ་ཧཱུཾ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ། ཧཱུཾ། ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་


JLAZ009_Page_0318
[མ་དཔེ་གཟིགས་ན་འདིར་གནོན།]

ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཛཿཧཱུཾ་བཾ་ཧོཿཧཱུཾ་ཧ་ཧེ་ཕཊ། བརྒྱད་པ་བཞུགས་གསོལ་ནི། ཧཱུཾ། ཐུགས་མཆོག་གསལ་བའི་བྱིན་རླབས་ལས། །ཞེ་སྡང་གནས་སུ་འཇོམས་པ་དང༌། །མེ་ལོང་ཡེ་ཤེས་འཐོབ་བྱའི་ཕྱིར། །དཀྱིལ་འཁོར་དབུས་སུ་བཞུགས་སུ་གསོལ། །དཀྱིལ་འཁོར་དབུས་སུ་བཞུགས་ནས་ཀྱང༌། །ཉོན་མོངས་མུན་པ་བསལ་དུ་གསོལ། །ལས་ཀྱི་སྲས་མཆོག་ལྔ་རྣམས་ཀྱང༌། །དུར་ཁྲོད་ཆེན་པོའི་དཀྱིལ་འཁོར་དུ། །ཞིང་བཅུ་བསྒྲལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །དགྱེས་ཤིང་བརྟན་པར་བཞུགས་ནས་ཀྱང༌། །ཀཱི་ལ་ཡ་ཡི་དངོས་གྲུབ་སྩོལ། །ཕྱོགས་བཅུ་དུར་ཁྲོད་གཞལ་ཡས་སུ། །ཁྲོ་རྒྱལ་སྤྲུལ་པར་བཅས་པ་ཡང༌། །ཕྱོགས་སྐྱོང་བསྣོལ་བའི་གདན་སྟེང་དུ། །དགྱེས་ཤིང་བརྟན་པར་བཞུགས་སུ་གསོལ། །དགྱེས་ཤིང་བརྟན་པར་བཞུགས་ནས་ཀྱང༌། །ཀཱི་ལ་ཡ་ཡི་དངོས་གྲུབ་སྩོལ། །ས་མ་ཡ་ཏིཥྛ་ལྷན། དགུ་པ་ཕྱག་བྱ་བ་ནི། ཧཱུཾ། ཡང་དག་དོན་ལ་སྐུ་ནི་ཅིར་སྣང་ཡང༌། །བདུད་དང་སྲིན་པོའི་ང་རྒྱལ་མ་ཡིན་ཏེ། །འདུལ་བའི་དབང་དུ་རབ་རྔམས་མཆེ་


JLAZ009_Page_0319
[མ་དཔེ་གཟིགས་ན་འདིར་གནོན།]

བ་གཙིགས། །ཧཱུཾ་དང་ཕཊ་ཀྱི་སྒྲས་ནི་ཀུན་ཀྱང་བཀང༌། །ཉོན་མོངས་གདུག་པ་འདུལ་བའི་ཐུགས་རྗེ་ཡིས། །བྱིན་རླབས་སྟེར་བའི་ལྷ་ལ་ཕྱག་འཚལ་ལོ། །ཨ་ཏི་པུ་ཧོཿ པྲ་ཏཱིཙྪ་ཧོཿ བཅུ་པ་མཆོད་པ་ལ་བརྒྱད་ལས། དང་པོ་ཀུན་བཟང་ནི། ཧཱུཾ། བདེ་བར་གཤེགས་སོ་བཅོམ་ལྡན་འདས། །རྒྱལ་བ་རྒྱ་མཚོའི་ཡེ་ཤེས་ཀྱི། །སྲིད་པ་རྒྱ་མཚོ་མཐའ་ཡས་ཀུན། །ཀུན་བཟང་མཆོད་སྤྲིན་མཆོག་ཏུ་རོལ། །སྔགས་རྒྱ་བརྗོད། གཉིས་པ་ཞབས་བསིལ་ནི། ཧཱུཾ། སྐུ་ལ་དག་བྱ་མི་མངའ་ཡང༌། །སེམས་ཅན་རྣམས་ལ་བསོད་ནམས་ཕྱིར། །ཕྱག་ཞབས་ཉེ་རེག་མཛད་ནས་ཀྱང༌། །རྡོ་རྗེའི་གདན་ལ་ཏིཥྛ་ལྷན། ཨོཾ་ཨཱ་ཧ་ར་ཨཱ་ཧ་ར་སརྦ་བིདྱཱ་དྷ་ར་པཱུ་ཛི་ཏེ་ན་མཿས་མནྟ་བུདྡྷཱ་ནཱཾ་ག་ག་ན་ཁཾ་ས་མ་ཡེ་སྭཱ་ཧཱ། གསུམ་པ་ལྷ་མོ་བཅུ་དྲུག་ནི། ཧཱུཾ། སྙིང་རྗེའི་སྒེག་མོ་བལྟ་ན་སྡུག །བྱམས་པའི་ཕྲེང་ལྡན་འགྲོ་ལ་བརྩེ། །དགའ་བའི་གླུ་མཁན་གཞན་ཡིད་འཕྲོག །ཀུན་ལ་བཏང་སྙོམས་གར་མ་ཡིས། །དཀྱིལ་འཁོར་དགྱེས་པ་བསྐྱེད་གྱུར་ཅིག །སོ་སོའི་ཕྱག་རྒྱ་དང་བཅས་ཨོཾ་བཛྲ་ལཱ་སྱ་ཧཱུཾ། ཨོཾ་བཛྲ་མཱ་ལེ་ཏྲཱཾ། ཨོཾ་བཛྲ་གཱིརྟི་ཧྲཱིཿ ཨོཾ་བཛྲ་ནཱིརྟི་ཨ། ཚུལ་ཁྲིམས་སྤོས་ལྡན་ཡིད་དུ་འོང༌། །བཟོད་པའི་མེ་ཏོག་བལྟ་ན་མཛེས། །


JLAZ009_Page_0320
[མ་དཔེ་གཟིགས་ན་འདིར་གནོན།]

བསམ་གཏན་སྒྲོན་མེ་བཞིན་བཟང་མ། །ཤེས་རབ་དྲི་ལྡན་བྱུག་པ་མོས། །དཀྱིལ་འཁོར་དགྱེས་པ་བསྐྱེད་གྱུར་ཅིག །ཨོཾ་བཛྲ་དྷུ་པེ་ཧཱུཾ། ཨོཾ་བཛྲ་པུཥྤེ་ཏྲཱཾ། ཨོཾ་བཛྲ་ཨཱ་ལོ་ཀེ་ཧྲཱིཿ ཨོཾ་བཛྲ་གནྡྷེ་ཨཱ། སྦྱིན་ལག་ཡངས་པའི་པི་ཝང་སྒྲེང༌། །བརྩོན་འགྲུས་གླིང་བུས་གཞན་སྣང་བསྒྱུར། །སྨོན་པའི་རྔ་ཟླུམ་བཞིན་རས་མཛེས། །འཇུག་པའི་རྫ་རྔ་ཀུན་ཏུ་རྒྱུས། །དཀྱིལ་འཁོར་དགྱེས་པ་བསྐྱེད་གྱུར་ཅིག །ཨོཾ་བཛྲ་ཝི་ནི་ཧཱུཾ། ཨོཾ་བཛྲ་ཝཾ་སེ་ཏྲཱཾ། ཨོཾ་བཛྲ་མྲྀ་ཏཾ་གེ་ཧྲཱིཿ ཨོཾ་བཛྲ་མུ་རཉྫེ་ཨ། གཏོང་ལ་གོམས་པ་གཟུགས་མའོ། །སྙན་པར་སྨྲ་བ་རེག་པ་སྤྲོད། །དོན་སྤྱོད་རོ་བརྒྱའི་དཔལ་འཛིན་ཅན། །དོན་མཐུན་ཆོས་ཀྱི་འབྱུང་གནས་མས། །དཀྱིལ་འཁོར་དགྱེས་པ་བསྐྱེད་གྱུར་ཅིག །ཨོཾ་བཛྲ་རཱུ་པ་ཧཱུཾ། ཨོཾ་བཛྲ་སྤརྴེ་ཏྲཾ། ཨོཾ་བཛྲ་ར་ས་ཧྲཱིཿ ཨོཾ་བཛྲ་དྷརྨ་དྷཱ་ཏུ་ཨ། བཞི་པ་སྨན་མཆོད་ནི། ཧཱུཾ། སངས་རྒྱས་ཀུན་དང་མཉམ་སྦྱོར་ཞིང༌། །རང་བྱུང་གདོད་ནས་རྣམ་པར་དག །རྩ་བརྒྱད་ཡན་ལག་སྟོང་སྦྱར་སྨན། །རིགས་ལྔ་དམ་ཚིག་ལྔ་ཡི་དངོས། །སྒྲོན་མ་ལྔ་དང་བདུད་རྩི་ལྔ། །རྒྱུད་ལྔ་དུག་ལྔ་འཇོམས་པའི་བདུད། །ཡེ་ཤེས་ལྔ་པོ་གྲུབ་པའི་རྩི། །འཆི་བ་མེད་པའི་དམ་རྫས་ཆེ། །


JLAZ009_Page_0321
[མ་དཔེ་གཟིགས་ན་འདིར་གནོན།]

དཀྱིལ་འཁོར་ལྷ་ཚོགས་རྣམ་ལ་འབུལ། །ཨོཾ་སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། ལྔ་པ་གཏོར་མ་ནི། ཧཱུཾ། ཧེ་རུ་ཀ་ཡི་གནས་བཅུ་དང༌། །དུར་ཁྲོད་ཆེན་པོའི་གནས་བརྒྱད་ནས། །དཔལ་ཆེན་འཁོར་བཅས་སྤྱན་དྲངས་ཏེ། །དུར་ཁྲོད་མཆོག་གི་གནས་འདི་རུ། །ཞིང་ཆེན་གསར་རྙིང་ཏི་རར་བཅས། །དམར་གྱི་ཨརྒྷཾ་རྒྱ་མཚོར་བསྐྱིལ། །མཁའ་འགྲོ་འབར་བའི་ཚོགས་ལ་འབུལ། །མ་ལུས་གཤེགས་ནས་བསྣམ་དུ་གསོལ། །མ་ཧཱ་བ་ལིཾ་ཏ་ཁཱ་ཧི། དྲུག་པ་རཀྟ་ཚར་གསུམ་ནི། ཕུད་དང་རཀྟ་བསྲེས། དང་པོ་ཕོ་ཉ་ལ་བཀའ་བསྒོ་བའི་ཕྱིར་ཕུལ་ནས། ཧཱུཾ། དངོས་གྲུབ་བར་ཆད་བྱེད་པའི་གེགས། །གདུག་ཅིང་སྡང་སེམས་ལྡན་པ་རྣམས། །ཟུངས་ཤིག་རྒྱོབ་ཅིག་རྣམ་པར་ཆིངས། །གཏོགས་ཤིག་སྲོག་དང་བྲལ་བར་གྱིས། །རེངས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ཀྱང༌། །བསྒོ་བའི་བཀའ་འདི་ཉན་པར་བྱོས། །མ་ཧཱ་རཀྟ་ཁཱ་ཧི། གཉིས་པ་དམ་ཅན་གནད་ལ་དབབ་པའི་ཕྱིར་དབུལ་བ་ནི། ཧཱུཾ། བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་བཅས་པ་ཡིས། །མངོན་སྤྱོད་ཕྲིན་ལས་མྱུར་དུ་མཛོད། །མ་ཧཱ་རཀྟ་ཁཱ་ཧི། གསུམ་པ་མཐུ་དང་རྫུ་


JLAZ009_Page_0322
[མ་དཔེ་གཟིགས་ན་འདིར་གནོན།]

འཕྲུལ་འཕྲོག་པའི་ཆེད་དུ་འབུལ་བ་ནི། ཧཱུཾ། དངོས་གྲུབ་བར་ཆད་བྱེད་པའི་གེགས། །གདུག་ཅིང་སྡང་སེམས་ལྡན་པ་རྣམས། །ལྷ་འམ་འོན་ཏེ་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་མཛོད། །མ་ཧཱ་རཀྟ་ཁཱ་ཧི། བདུན་པ་སྦྱོར་སྒྲོལ་གྱི་མཆོད་པ་ནི། ཧཱུཾ། ལག་པ་ཁྲག་འཐུང་ཡབ་ཡུམ་བཅུས། །དུག་གསུམ་རྩད་ནས་གཅད་པའི་ཕྱིར། །ཁམས་གསུམ་ཡོངས་སྒྲོལ་སྦྱོར་བ་བྱས། །ཧཱུཾ། རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེགས་ནས། །ལུས་ངག་རྡུལ་ཕྲན་བཞིན་དུ་རློག །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བསྒྲལ་བར་གྱིས། །ཁ་ཐཾ་ཁ་ཐཾ་ཁ་ཐཾ། ཁཱ་ཧི་ཁཱ་ཧི་ཁཱ་ཧི། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཧ་ཧ་ཧ། བརྒྱད་པ་དོན་དམ་གྱི་མཆོད་པ་ནི། ཧཱུཾ། ཡང་དག་དོན་གྱི་ཕུར་པ་ནི། །མ་སྤངས་མ་བསྒྲུབས་བཙལ་དུ་མེད། །མ་བསླད་མ་བཅོས་བསྒྱུར་དུ་མེད། །ལྟ་བ་དོན་དམ་རྟོགས་པ་ལ། །རོལ་པ་ཅིར་ཡང་འགག་པ་མེད། །དེ་ཉིད་རྟོགས་ན་ཕུར་པའི་དོན། །དོན་དམ་རྟོགས་པས་ཐུགས་དམ་བསྐང༌། །བསྙེན་པའི་ཚེ་དེ་ཙམ་མ་ནུས་ན་མཆོད་པ་ཐམས་ཅད། བླ་མེད་མཆོག་གི་མཆོད་


JLAZ009_Page_0323
[མ་དཔེ་གཟིགས་ན་འདིར་གནོན།]

པ་དམ་པ་ནི། ། སོགས་ལ་བསྡུས་པས་འཐུས། བཅུ་གཅིག་པ་བསྟོད་པ་ནི། ཧཱུཾ། སྒེག་པ་དཔའ་བ་འཇིགས་སུ་རུང་བ་དང༌། །དགོད་དང་གཤེ་དང་འཇིགས་པར་བྱེད་པ་དང༌། །སྙིང་རྗེ་རྔམ་ཞི་རྡོ་རྗེ་གཞོན་ནུའི་སྐུ། ། ཞེ་སྡང་འཇོམས་པའི་ལྷ་ལ་ཕྱག་འཚལ་བསྟོད། །ཡབ་ཀྱི་ཐུགས་དམ་དགྱེས་པ་སྐོང་བའི་ཡུམ། །འཁོར་ལོ་རྒྱས་འདེབས་འདོད་ཆགས་འཇོམས་མ་དང༌། །ཨེ་ཀ་ཛ་ཊི་ཞེ་སྡང་འཇོམས་མཛད་མ། །འདོད་ཆགས་ཚུལ་གྱིས་འདོད་ཆགས་འཇོམས་ལ་བསྟོད། །ཡེ་ཤེས་ལྔ་ལྡན་ཕུར་བུས་དུག་ལྔ་འཇོམས། །ཕྲིན་ལས་ལྔ་ཡི་དྲེགས་པ་སྒྲོལ་བ་ལ། །ཐོགས་པ་མེད་པའི་ལས་མཛད་འདུས་པ་ལྔ། །སྲས་མཆོག་རིགས་ལྔའི་སྐུ་ལ་ཕྱག་འཚལ་བསྟོད། །ཡེ་ཤེས་རོལ་པའི་སྟོབས་བཅུས་མི་དགེ་འཇོམས། །སྐུ་གསུང་ཐུགས་ཀྱིས་གདུག་པ་སྒྲོལ་བར་མཛད། །ཡང་དག་དོན་གྱིས་ལོག་འདྲེན་འཇོམས་མཛད་པ། །ཁྲོ་བོ་ཡབ་ཡུམ་བཅུ་ལ་ཕྱག་འཚལ་བསྟོད། །བྱང་ཆུབ་བདེ་ལ་སྒྲོལ་བའི་ཕོ་ ཉ་མོ། །ཡེ་ཤེས་དོན་ལ་ཁྲ་ཐབས་གཟུགས་འཛིན་ཅིང༌། །དྲེགས་པའི་ཚོགས་རྣམས་མ་ལུས་འདུལ་མཛད་པ། །ཕྲ་མེན་ཕོ་ཉའི་ཚོགས་ལ་ཕྱག་འཚལ་བསྟོད། །བཅུ་གཉིས་པ་


JLAZ009_Page_0324
[མ་དཔེ་གཟིགས་ན་འདིར་གནོན།]

དམ་བཅའ་བ་ནི། བསྐལ་པ་དཔག་ཏུ་མེད་པ་ཚུན་ཆོད་ནས། །ད་ལྟའི་ལུས་འདི་བསྐྱེད་པ་ཕན་ཆོད་དུ། །ལྷ་མཆོག་ཁྱེད་དང་སྨོན་ལམ་མཐུན་བསྡེབས་ནས། །དུས་འདིར་ཞལ་མཐོང་ཡི་དམ་ལྷར་གསོལ་ན། །དུས་ཚིག་འདི་ནས་བཟུང་ནས་ཡི་དམ་ལྷ། །སྙིང་པོ་བྱང་ཆུབ་མཆོག་ལ་མི་གནས་ཚུན། །ཚེ་རབས་འཁོར་བ་གར་བྱུང་གར་སྐྱེས་ཀྱང༌། །གསང་བའི་ལྷ་མཆོག་ཁྱོད་དང་མི་འབྲལ་ཞིང༌། །སྤྱི་དང་ཁྱད་པར་ལྷག་པའི་དམ་ཚིག་ལས། །མི་འདའ་བ་དང་ཡུན་དུ་བདག་སྲུང་གིས། །ཆད་ལྷག་འགལ་འཁྲུལ་མཆིས་ན་མཐོལ་ལོ་བཤགས། །བར་ཆད་རྐྱེན་གྱི་རྣམ་སྨིན་ཅི་བྱུང་ཡང༌། །དཔལ་ཆེན་ཁྱེད་ཀྱིས་མོད་ལ་ཟིལ་གྱིས་གནོན། །དངོས་གྲུབ་མཆོག་སྩོལ་ཤེས་རབ་ལྷ་མོའི་ཚོགས། །བཅུ་གསུམ་པ་འཛབ་དགོངས་ནི། ཧཱུཾ། ཐུགས་ཀར་དཔལ་གྱི་བེའུའི་དཀྱིལ་འཁོར་ནི། །སྒོ་གཅིག་རིན་ཆེན་གཞལ་ཡས་ཁང༌། །བདེ་སྟོང་དབྱེར་མེད་ངང་ཉིད་ལས། །ཆོས་ཀྱི་སྐུ་ལས་ལོངས་སྐུར་ཤར། །པདྨ་ཟླ་བའི་གདན་ལ་བཞུགས། །སྐྱོན་གྱིས་མ་གོས་གཏི་མུག་སེལ། །ཡབ་ཡུམ་གཉིས་མེད་ཟག་མེད་སྐུ། །སྐུ་མདོག་དཀར་གསལ་རྣམ་དག་དབྱིངས། །རྡོ་རྗེ་དྲིལ་བུ་ཕྱག་ན་བསྣམས། །ཤེས་རབ་བྱང་ཆུབ་སེམས་དང་


JLAZ009_Page_0325
[མ་དཔེ་གཟིགས་ན་འདིར་གནོན།]

ལྡན། །རྟོག་མེད་མི་འགྱུར་སྐྱིལ་ཀྲུང་བཞུགས། །མཁའ་དབྱིངས་བདེ་ཆེན་སྐུ་ལ་བསྟོད། །ཅེས་བརྗོད་ཅིང་གསལ་ལོ། །བཅུ་བཞི་པ་བཟླས་པ་ལ་བསྙེན་པ་དང༌། ཉེ་བསྙེན་དང༌། སྒྲུབ་པ་དང༌། སྒྲུབ་པ་ཆེན་པོ་དང་བཞི་ལས། དང་པོ་བསྙེན་པ་ནི། གཙོ་བོའི་ཐུགས་ཀར་ཡེ་ཤེས་སེམས་དཔའ་ཞི་བ་ལོངས་སྤྱོད་རྫོགས་སྐུ་ཡུམ་དང་བཅས་པའི་ཐུགས་ཀར་དེ་བཞིན་གཤེགས་པ་ཐམས་ཅད་ཀྱི་ཐུགས་རྡོ་རྗེའི་ངོ་བོ་རྡོ་རྗེ་མཐིང་ནག་རྩེ་ལྔ་དང༌། དེའི་ལྟེ་བར་ཉི་མའི་དཀྱིལ་འཁོར་གྱི་སྟེང་ཏིང་འཛིན་སེམས་དཔའ་ཧཱུཾ་མཐིང་ནག་ལ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ། ཞེས་པའི་སྔགས་ཕྲེང་མཐིང་ནག་སྤུས་བྲིས་པ་ལྟ་བུར་འཁོར་བར་དམིགས་ལ་ཆོས་ཉིད་དོན་དང་མ་བྲལ་བའི་ཡོངས་གྲུབ་ཀྱི་ལྷར་སྣང་དང་ང་རྒྱལ་ལ་རེ་མོས་སུ་སློབ་པ་སྟེ། རྩེ་མོ་ལས། ལྷ་ཡི་ང་རྒྱལ་རབ་གནས་པ། །བརྗེད་པ་མེད་པའི་དྲན་པ་ནི། །འབད་པ་མེད་པའི་ཚོགས་ཆེན་པོ། །མཁས་པས་རྟག་ཏུ་བསམ་པར་བྱ། །ཞེས་པ་ལྟར་རོ། །དེ་ལྟ་བུའི་ལྷར་སྣང་ལ་གསལ་བརྟན་ཅུང་ཟད་ཐོབ་ནས་འོད་ཟེར་སྤྲོ་བསྡུ་ནི། ཐུགས་སྲོག་ཏིང་འཛིན་སེམས་དཔའ་ལས་འོད་ཟེར་བུང་བའི་མཚོན་ཆ་ལྟ་བུ་འཕྲོས་པས་སངས་རྒྱས་ཀྱི་ཞིང་ཁམས་ཐམས་ཅད་གཡོས་ཤིང་མཉེས་པའི་མཆོད་པ་ཕུལ། སེམས་ཅན་གྱི་ཁམས་ལ་འཕྲོས་པས་སྡིག་སྒྲིབ་སྦྱངས། དག་པའི་སྣོད་བཅུད་འབའ་ཞིག་ཏུ་གྱུར་པས་དོན་


JLAZ009_Page_0326
[མ་དཔེ་གཟིགས་ན་འདིར་གནོན།]

གཉིས་བྱས། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བྱིན་རླབས་སྐུ་དང་ཡིག་འབྲུ་ཕྱག་མཚན་གྱི་རྣམ་པར་བྱུང་སྟེ་རང་ཉིད་ལ་ཐིམ་པས་རྒྱུད་བྱིན་གྱིས་བརླབས་ཤིང་དངོས་གྲུབ་ཐོབ་པར་བསམ་མོ། །བསྙེན་ཚད་ནི་ལས་རུང་ཙམ་ལ་འབུམ་ཕྲག་བཅུ་ཐམ་པའོ། །གཉིས་པ་ཉེ་བསྙེན་ནི། བསྙེན་པའི་སྔགས་དེ་ཉིད་ལ་སརྦ་བིག་ནན་བཾ་ཧཱུཾ་ཕཊ་བཏགས་པའི་ཡིག་འབྲུ་བཅུ་བཞི་པ་སྟེ། སྒྲུབ་ཐབས་དཔག་བསམ་ལྗོན་པ་ལྟར་ཛཔ྄་ཁང་དབྱེ་ནས་བདག་མདུན་ཐ་དད་དུ་བྱས་ཏེ་དོ་ལི་ལ་གཙོ་བོར་བསླབ་པར་བྱ་སྟེ། དེའི་ཚུལ་ནི། སྔགས་ཕྲེང་ལས་རང་འདྲ་གཉིས་པ་རེ་ཆད་པ་ལུ་གུ་རྒྱུད་དུ་འབྲེལ། རྡོ་རྗེའི་དབུས་རྭ་ནས་འཐོན་ཡེ་ཤེས་སེམས་དཔའི་སྐུའི་དབྱིབས་བརྒྱུད་ཞལ་དུ་འཐོན། རིམ་བཞིན་བདག་ཉིད་རྩ་བའི་དཀྱིལ་འཁོར་གྱི་ཤངས་བུག་གཡས་པ་ལས་འཐོན། རྡོ་རྗེ་གཞོན་ནུ་ཡེ་ཤེས་པའི་ཤངས་བུག་གཡོན་ནས་ཞུགས་ཏེ་ཐུགས་ཀར་ཐིམ། སྐུ་གསུང་ཐུགས་མཉེས་པའི་མཆོད་པ་ཕུལ། ཅི་འདོད་པའི་དངོས་གྲུབ་བླང༌། དེའི་ཤངས་བུག་གཡས་ནས་བརྒྱུད་རང་གི་སྣ་བུག་གཡོན་དུ་ཞུགས། རིམ་པར་བརྒྱུད་པས་བདག་མདུན་གྱི་རྟེན་དང་བརྟེན་པ་ཐམས་ཅད་ཤིན་ཏུ་གསལ་བར་བྱས། དབང་བཞི་ཐོབ། སྒྲིབ་བཞི་དག །དངོས་གྲུབ་རྣམ་པ་གཉིས་བདེ་བླག་ཏུ་ཐོབ་པར་


JLAZ009_Page_0327
[མ་དཔེ་གཟིགས་ན་འདིར་གནོན།]

བསམ་མོ། །བསྙེན་ཚད་ནི་འབུམ་ཕྲག་བཅུ་དྲུག་གོ །གསུམ་པ་སྒྲུབ་པ་ནི། ཡིག་འབྲུ་བཅུ་བཞི་པ་ཉིད་ལ། ཛཿཧཱུཾ་ཨཱ། གསུམ་བསྣན་པའི་བཅུ་བདུན་པ་སྟེ་འབུམ་ཕྲག་གཅིག་ལ་སོགས་ཇི་ལྟར་རིག་པའི་གྲངས་དུས་མཚན་མའི་བསྙེན་སྒྲུབ་ཚད་དུ་ཕྱིན་པར་བྱའོ། །བཞི་པ་སྒྲུབ་པ་ཆེན་པོ་ནི། སྐབས་འདིར་སྨད་ལས་ཀྱི་ངོ་བོ་དམ་ཅན་ཉེ་བར་བསྙེན་པ་ལ་བྱ་སྟེ་གཞན་དུ་ཤེས་པར་བྱའོ། །བཅོ་ལྔ་པ་འཛབ་མཇུག་བསྡུ་བ་ནི། མཆོད་བསྟོད་ཀྱི་མཐར་ཡི་གེ་བརྒྱ་པ་ལན་གསུམ་གྱིས་ནོངས་བཤགས་མཐར། བསྐྱེད་རིམ་གྱིས་རྟག་མཐའ་བསལ་བའི་ཉེར་བསྡུ་དང༌། ཆད་མཐའ་བསལ་ཕྱིར་གཉུག་མའི་ཧེ་རུ་ཀར་ལྡང་བ་ཡང་ཤེས་པར་བྱའོ། །སྤྱི་དོན་གསུམ་པ་རྗེས་ཀྱི་རིམ་པ་ལ་བཅུ་དྲུག་ལས། དང་པོ་ཚོགས་བྱིན་གྱིས་བརླབ་པ་ནི། ཧཱུཾ། དཔལ་ཆེན་ཐུགས་ལས་རཾ་ཡཾ་ཁཾ། །འཕྲོས་པས་ཚོགས་ཀྱི་དངོས་འཛིན་སྦྱངས། །སྣང་སྲིད་བདེ་ཆེན་ཀ་པཱ་ལར། །བཅུད་རྣམས་རིགས་ལྔའི་དམ་རྫས་གྱུར། །ཨོཾ་ཨཱཿཧཱུཾ་ཧ་ཧོ་ཧྲཱིཿ། གཉིས་པ་ཚོགས་ཞིང་སྤྱན་འདྲེན་པ་ནི། ཧཱུཾ། འོག་མིན་ཆོས་དབྱིངས་ཕོ་བྲང་དང༌། །ཡན་ལག་བདུན་ལྡན་ལོངས་སྤྱོད་རྫོགས། །རང་བཞིན་སྤྲུལ་སྐུའི་ཞིང་ཁམས་ནས། །དཔལ་ཆེན་དཀྱིལ་འཁོར་ལྷ་ཚོགས་དང༌། །གནས་དང་ཉེ་གནས་རྣམ་པ་གཉིས། །ཡུལ་ནི་རོལ་པ་ཉེ་ཡུལ་རོལ། །ཞིང་དང་ཉེ་བའི་ཞིང་དང་ནི། །འདུ་དང་ཉེ་བའི་འདུ་བ་དང༌། །ཚན་དྷོ་ཉེ་བའི་ཚན་དྷོ་སྟེ། །ཧེ་རུ་ཀ་ཡི་


JLAZ009_Page_0328
[མ་དཔེ་གཟིགས་ན་འདིར་གནོན།]

གནས་བཅུ་དང༌། །དུར་ཁྲོད་ཆེན་པོ་བསིལ་བའི་ཚལ། །ཨཽ་ཌི་ཡ་ནར་པདྨ་བརྩེགས། །ཟ་ཧོར་ཡུལ་ན་ཁུ་བྱུག་ཀློང༌། །སིང་ངའི་ཡུལ་ན་སྐུ་ལ་རྫོགས། །ཁ་ཆེའི་ཡུལ་ན་ཧེ་ཆེན་རོལ། །བལ་པོའི་ཡུལ་ན་ཡ་མ་ཁ། །ཐོ་གར་ཡུལ་ན་གསང་ཆེན་རོལ། །ལི་ཡུལ་འཇིག་རྟེན་མངོན་རྫོགས་ཏེ། །དུར་ཁྲོད་ཆེན་པོ་བརྒྱད་རྣམས་ན། །བཞུགས་པའི་དཔའ་བོ་མཁའ་འགྲོ་དང༌། །ཤུགས་འགྲོ་རྣལ་འབྱོར་ཞིང་སྐྱོང་རྣམས། །ཚོགས་ལ་སྤྱན་འདྲེན་གཤེགས་སུ་གསོལ། །ཚོགས་ཁང་འདི་ནི་སྤྲུལ་པའི་ཞིང༌། །ཚོགས་རྫས་འདོད་ཡོན་རོལ་པའི་རྒྱན། །ཐབས་དང་ཤེས་རབ་ལྕམ་དྲལ་ལྡན། །རྡོ་རྗེ་གླུ་གར་བྱིན་རེ་ཆགས། །ཅང་ཏེའུ་དྲིལ་བུ་སྙན་ཅིང་འཁྲོལ། །འདི་ནི་དམ་ཚིག་མཆོག་གི་གནས། །ཤགས་དང་རྩོད་པ་ཀུ་ཅོ་མེད། །རིག་པ་བརྟུལ་ཞུགས་ཉམས་དང་ལྡན། །དམ་ཚིག་འདི་ནི་དང་དུ་བཞེས། །མཆོག་དང་ཐུན་མོང་དངོས་གྲུབ་སྩོལ། །གུ་རུ་དྷེ་ཝ་ཌཱ་ཀ་ཌཱ་ཀི་ནི་དྷརྨ་པཱ་ལ་ས་མ་ ཡ་ཛཿ གསུམ་པ་ཚོགས་ཕུད་དང་པོ་ནི། ཧཱུཾ། སངས་རྒྱས་དམ་ཚིག་བླ་ན་མེད། །ཤ་ལྔ་བདུད་རྩི་རྣམ་པ་ལྔ། །བཟའ་བཅའ་བཏུང་བ་ཕྱི་ཡི་ཚོགས། །འདོད་ཡོན་ལྷ་མོ་རྣམ་པ་ལྔ། །དབང་པོའི་ལོངས་སྤྱོད་ནང་གི་ཚོགས། །བདེ་སྟོང་ཡེ་ཤེས་


JLAZ009_Page_0329
[མ་དཔེ་གཟིགས་ན་འདིར་གནོན།]

བླ་ན་མེད། །དགའ་བཞི་རྣམ་རོལ་གསང་བའི་ཚོགས། །དཀྱིལ་འཁོར་ལྷ་ལ་མཆོད་པར་འབུལ། །བཞེས་ནས་དབང་དང་དངོས་གྲུབ་སྩོལ། །ག་ཎ་ཙ་ཀྲ་པཱུ་ཛ་ཧོ། བཞི་པ་བར་དུ་བཤགས་པ་ནི། ཧཱུཾ། གང་ཞིག་འཁྲུལ་པར་གྱུར་པ་དེ་ནས་བཟུང༌། །རྣམ་སྨིན་ལུས་ལ་བརྟེན་པ་དེ་སྲིད་དུ། །མི་དགེ་བཅུ་དང་མཚམས་མེད་ཉེ་བ་ལྔ། །ལྕི་བ་བཅུ་དྲུག་ལོག་པ་བརྒྱད་ལ་སོགས། །ཐེག་པ་གསུམ་དང་རིག་པ་འཛིན་པ་ཡི། །སྡོམ་གསུམ་དམ་ཚིག་ཉམས་པ་མཐའ་དག་ཀུན། །ག་ཎ་ཚོགས་ཀྱི་འཁོར་ལོ་ལ་བརྟེན་ནས། །འཆབ་པ་མེད་པའི་སེམས་ཀྱིས་མཐོལ་ལོ་བཤགས། །དག་ཚངས་ཆེན་པོའི་དངོས་གྲུབ་བདག་ལ་སྩོལ། །ཧེ་རུ་ཀའི་ཡིག་བརྒྱ་བརྗོད། ལྔ་པ་ཐ་མ་བསྒྲལ་མཆོད་ནི། ཨེ་ལས་ཐར་མེད་སྲིད་པའི་བྲུབ་ཁུང་ནང༌། །མ་རིག་འཁྲུལ་པས་བཅིངས་པ་བདག་ལྟའི་དགྲ། །ཡེ་ཤེས་དབྱིངས་ལ་སྒྲིབ་པའི་གཟུང་འཛིན་བགེགས། །དག་ཆེན་ཡེ་ཤེས་རིག་པའི་ལྕགས་ཀྱུས་ཟུངས། །མཉམ་པར་མ་བཞག་མེད་པའི་ཞགས་པས་ཆིངས། །ལྷག་མཐོང་ལུ་གུ་རྒྱུད་ཀྱི་དྲྭ་བས་སྡོམས། །རྗེས་ཐོབ་འཁྲུལ་པ་མེད་པའི་དྲིལ་བུས་མྱོས། །ཕུང་པོ་ལྔ་ཡི་ཉེ་བར་ལེན་པ་ཀུན། །བདག་མེད་རྟོགས་པའི་མཚོན་གྱིས་རྣམ་པར་གཏུབས། །སྐྱེ་མེད་


JLAZ009_Page_0330
[མ་དཔེ་གཟིགས་ན་འདིར་གནོན།]

ཁྲོས་པའི་ལྷ་ཚོགས་ཞལ་དུ་བསྟབ། །མཱཾ་ས་རཀྟ་ཙིཏྟ་གོ་རོ་ཙ་ན་བ་སུ་ཏ་ཀེཾ་ནི་རི་ཏི་ཏ་ན་ཙཀྲ་པཱུ་ཙ་ཁ་ཁ་ཁཱ་ཧི་ཁཱ་ཧི། དྲུག་པ་ལྷག་མ་ནི། ཞིང་ལྤགས་ཀྱི་སྟེང་དུ་བཞག་ལ། ཧེ་རུ་ཀའི་དམ་རྒྱས་ཁ་ཕྲུ་དབབ། ཨ་ཀཱ་རོས་བརླབ་ཅིང་། ཧཱུཾ། དང་པོ་ཕུད་ཀྱིས་མི་མཆོད་དུ། །དཔལ་ཆེན་དཀྱིལ་འཁོར་ཚོགས་ཀྱི་བདག །བར་དུ་བཤགས་པ་མི་བགྱི་རུ། །རྣལ་འབྱོར་ལྡན་ལ་དམ་ཚིག་གཉན། །ཐ་མ་བསྒྲལ་བསྟབ་མི་བགྱི་རུ། །རྟོགས་པས་བདག་རྒྱུད་སྔོན་བསྒྲལ་ཕྱིར། །ད་ལྟ་ལྷག་མས་མི་མཆོད་དུ། །མ་ཚོགས་དབང་ཕྱུག་གིང་ལང་ཀ ། ཕོ་ཉ་སུམ་བརྒྱ་དྲུག་ཅུ་སོགས། །ཀུན་ཀྱང་དཔལ་ཆེན་སྤྲུལ་པ་ཡིན། །ལྷག་མ་ཁ་ཆུས་མི་བྲན་དུ། །དམ་ཚིག་གཅིག་ཏུ་བསྲེ་བའི་ཕྱིར། །འབངས་ཐོག་རྗེ་ཡིས་མི་མནན་དུ། །རྣམ་དག་རང་བཞིན་ཞི་བ་ལས། །བཅོམ་ལྡན་དཔལ་ཆེན་སྤྲུལ་པ་ནི། །ཐབས་ཤེས་ཟླ་གསང་རོལ་པ་ལས། །དཀྱིལ་འཁོར་མུ་རན་སྐྱོང་བ་སྟེ། །ཁྱེད་ཅག་སྔོན་གྱི་ཡལ་གམ་ཅན། །ལག་ན་གློ་སྙིང་ནང་ཁྲོལ་ཐོགས། །ལེགས་ཉེས་སྟངས་འཛིན་ཚོགས་ཁང་ཉུལ། །མཐུ་དང་རྫུ་འཕྲུལ་དཔག་ཏུ་མེད། །སྔོན་ཚེ་


JLAZ009_Page_0331
[མ་དཔེ་གཟིགས་ན་འདིར་གནོན།]

དཔལ་ཆེན་ཧེ་རུ་ཀས། །དུག་གསུམ་རཱུ་ཏྲ་བསྒྲལ་བའི་ཚེ། །ཁས་བླངས་དམ་བཅས་དྲན་གྱིས་ལ། །སྲིན་མོའི་ཟ་ལམ་ཆེན་པོ་རུ། །ཕམ་ཕབས་ལོང་ལ་བསྟན་པ་སྲུངས། །བཅོལ་བའི་ཕྲིན་ལས་འགྲུབ་པར་མཛོད། །བདུན་པ་ཐུགས་དམ་བསྐུལ་པ་ནི། ཧཱུཾ། མི་གནས་ཡེ་ཤེས་ཆོས་སྐུའི་ཕོ་བྲང་ནས། །ལོངས་སྤྱོད་རྫོགས་པ་ཞི་དང་ཁྲོ་བོའི་ལྷ། །ཐུགས་དམ་བསྐུལ་ལོ་འགྲོ་བའི་དོན་ལ་དགོངས། །རིག་པའི་རང་བཞིན་བདེ་གཤེགས་སྙིང་པོ་ཡང༌། །མ་རིག་འཛིན་པའི་ཀུན་གཞི་ལུང་མ་བསྟན། །སྒོ་ལྔའི་ཡུལ་དང་རྟེན་ཅིང་འབྲེལ་བ་ལས། །རིགས་དྲུག་རྒྱུད་ལྔའི་གནས་སུ་འཁྱམས་པ་རྣམས། །ལས་དང་ཉོན་མོངས་མཐུ་ཡིས་གཟིར་བའི་མཐུ། །ཕྱི་རོལ་ཡུལ་ལ་སྨིན་པའི་སྡུག་བསྔལ་དང་། །ནད་མཚོན་མུ་གེ་དགྲ་བགེགས་འབྱུང་པོའི་གདོན། །འཇིགས་པ་ཆེན་པོ་བརྒྱད་དང་བཅུ་དྲུག་ཀུན། །མངོན་སྤྱོད་དྲག་པོའི་རོལ་པས་ཚར་བཅད་ནས། །ལོག་རྟོག་དངོས་པོར་ཞེན་པའི་སེམས་ཅན་རྣམས། །རྒྱུ་འབྲས་ཐེག་པ་གཞན་གྱིས་གདུལ་དཀའ་བས། །རང་བྱུང་ཡེ་ཤེས་རྟོགས་པའི་ཕྲིན་ལས་མཛོད། །བརྒྱད་པ་ཆད་ཐོ་བསྒྲག་པ་ནི། ཧཱུཾ། དུས་གསུམ་རྣམ་དག་ཀུན་ཏུ་བཟང་པོའི་དུས། །མངོན་


JLAZ009_Page_0332
[མ་དཔེ་གཟིགས་ན་འདིར་གནོན།]

རྫོགས་ཡེ་ཤེས་དམ་པའི་འོག་མིན་དུ། །ཀུན་གཞི་ཡིད་ཆོས་དག་པའི་སྟོན་པ་ཡིས། །རང་སྣང་རང་བཞིན་མེད་པའི་འཁོར་ཚོགས་ལ། །རྒྱལ་བ་དགོངས་བརྒྱུད་རྫོགས་པའི་ཡོ་ག་གསུམ། །བརྡ་ཚིག་བརྗོད་པ་བྲལ་བར་བསྟན་པའི་ཚེ། །གྲགས་ཆེན་གསལ་བའི་སྟོན་པ་བཅུ་གཉིས་དང༌། །དགའ་རབ་དཔའ་བོ་གསང་འཛིན་རྡོ་རྗེ་ཆོས། །བརྡ་བརྒྱུད་རིག་འཛིན་གྲུབ་པ་མཆོག་རྣམས་ཀྱིས། །སྟོན་འཁོར་དགོངས་པ་གཅིག་པའི་དབང་ཐོབ་བཞིན། །ཚོགས་བརྒྱད་རང་གྲོལ་གཏོར་མ་འདི་བཞེས་ལ། །འཁྲུལ་པ་གཞི་ལ་དག་པའི་ཕྲིན་ལས་མཛོད། །དེ་རྗེས་གསང་སྔགས་བསྟན་པ་བྱུང་བའི་ཚེ། །འོག་མིན་དགའ་ལྡན་རི་རབ་ལྷུན་པོའི་རྩེ། །ལྷ་གནས་གསུམ་དུ་གྲགས་པའི་གནས་མཆོག་དང༌། །ཤམྦྷ་ལ་དང་ཨུ་རྒྱན་ཟ་ཧོར་ཡུལ། །སིངྒ་ལ་དང་གནམ་ལྕགས་འབར་བའི་རྩེ། །མཆོད་རྟེན་ཆེན་པོ་བདེ་བྱེད་བརྩེགས་པ་རུ། །རིག་འཛིན་སྡེ་སྣོད་མཐའ་དག་བབས་པའི་ཚེ། །འཇིག་རྟེན་འཇིག་རྟེན་འདས་པའི་མཁའ་འགྲོ་དང༌། །དཀྱིལ་འཁོར་མུ་རན་སྐྱོང་བ་ཐམས་ཅད་ཀྱིས། །གཏོར་མ་ལེན་ཅིང་ལེགས་ཉེས་སྟངས་འཛིན་པའི། །ཁས་བླངས་དམ་བཅའ་བཞིན་དུ་ཕྲིན་ལས་མཛོད། །དེ་རྗེས་འགྲོ་དོན་དུས་


JLAZ009_Page_0333
[མ་དཔེ་གཟིགས་ན་འདིར་གནོན།]

ལ་བབས་པའི་ཚེ། །ཀླུ་སྒྲུབ་སྙིང་པོ་པདྨ་ཐོད་ཕྲེང་སོགས། །གྲུབ་པའི་རིག་འཛིན་ཆེན་པོ་བརྒྱད་རྣམས་ཀྱིས། །འཛམ་བུའི་གླིང་དུ་དར་ཞིང་རྒྱས་མཛད་ཅིང༌། །ཁྱད་པར་བྲག་དམར་དཔལ་གྱི་མཆིམས་ ཕུ་རུ། །རིག་འཛིན་སློབ་དཔོན་པདྨ་འབྱུང་གནས་ཀྱིས། །ལྷ་སྲས་རྒྱལ་པོ་ཚངས་པའི་མེ་ཏོག་ལ། །སྒྲུབ་པ་བཀའ་བརྒྱད་དཀྱིལ་འཁོར་ཞལ་ཕྱེས་ཤིང༌། །སེང་གེ་རྣམ་རོལ་ཁས་བུ་རི་ཡི་རྩེར། །གནོད་སྦྱིན་ཐམས་ཅད་དམ་ལ་བཞག་པའི་ཚེ། །སྲོག་སྙིང་ཕུལ་ཏེ་ཆད་ཐོ་བཟུང་བ་ལྟར། །མཆོད་གཏོར་བཞེས་ལ་ཕྲིན་ལས་འགྲུབ་པར་མཛོད། །དེ་རྗེས་ཚོགས་བདུན་རོལ་པ་བལ་པོའི་ཡུལ། །རང་སྣང་མཆོད་རྟེན་བྱ་རུང་ཁ་ཤོར་དུ། །རང་བྱུང་རྡོ་རྗེ་འཇིགས་མེད་གླིང་པ་ལ། །དབྱིངས་ཀྱི་མཁའ་འགྲོས་ནམ་མཁའ་མཛོད་ཀྱི་བརྡ། །ཡེ་ཤེས་ལྔ་ལྡན་སྤྲུལ་པའི་ཤོག་སེར་ལས། །བྲག་དམར་བྲེ་གུ་བརྩེགས་པའི་དགེའུ་རུ། །ཀུན་ཏུ་བཟང་པོ་དྲི་མེད་འོད་ཟེར་གྱིས། །བཀའ་རྒྱ་ལུང་རྫོགས་གཏད་རྒྱ་བཀྲོལ་བའི་ཚེ། །སྤྱན་གཅིག་ཁྲག་ཏུ་ཁོལ་བའི་མ་མོ་དང༌། །བྱ་རོག་གཙུག་ཕུད་འཛིན་པའི་དྲང་སྲོང་གིས། །ཁས་བླངས་ཐ་ཚིག་བཞིན་དུ་ཕྲིན་ལས་མཛོད། །


JLAZ009_Page_0334
[མ་དཔེ་གཟིགས་ན་འདིར་གནོན།]

དགུ་པ་བཤལ་ཆུ་གཏོར་མར་བྲན་ལ་བརྟན་མ་སྐྱོང་བ་ནི། བྷྱོ། ཚོགས་དང་བཀའ་ཡི་བདག་ཉིད་ནི། །ཁྲག་འཐུང་རྡོ་རྗེ་ནམ་མཁའི་ཡུམ། །གངས་རི་ཅན་གྱི་ཡུལ་ལྷ་ནི། །བདུད་དང་གནོད་སྦྱིན་སྨན་མོ་བཞི། །ཚུར་སྤྱོན་ཚུར་སྤྱོན་གཏོར་མ་ལོངས། །རྟེན་འབྲེལ་ཡན་ལག་བཅུ་གཉིས་དང༌། །དུས་སྦྱོར་བཅུ་གཉིས་གནས་དག་པས། །བལ་བོད་མཚམས་ན་ཚེ་རིང་མ། །ལ་སྟོད་རྡོ་རྗེ་གཡའ་མ་སྐྱོང༌། །གནོད་སྦྱིན་གངས་ལ་ཀུན་བཟང་མོ། །འབྲོག་ཆེན་འཁོར་འདུལ་བགེགས་ཀྱི་གཙོ། །ཇོ་མོ་གངས་རར་སྤྱན་གཅིག་མ། །བྱང་ན་མཁའ་ལྡིང་ཀླུ་མོ་རྒྱལ། །ཁ་རག་རྡོ་རྗེ་ཁྱུང་བཙུན་མ། །རྨ་ཆེན་སྤོམ་རར་དྲག་མོ་རྒྱལ། །ཀོང་བཙུན་དེ་མོ་བོད་ཁམས་སྐྱོང༌། །འབྲོག་བཙན་རྡོ་རྗེ་སྨན་གཅིག་མ། །ཇོ་མོ་ནགས་རྒྱལ་དབྱར་མོ་བསིལ། །དབུས་ན་རྡོ་རྗེ་ཟུ་ལེ་སྨན། །ཀུན་ཀྱང་པདྨའི་བཀའ་ཉན་ཏེ། །དམ་ལ་གནས་ཤིང་རིགས་ལ་འགོ །ཐ་ཚིག་བཞིན་དུ་གཏོར་མ་ལོང༌། །མཐའ་ཡི་དམག་དང་རྒྱ་འདྲེའི་འཚུབ། །མུ་སྟེགས་འགྱུ་བའི་སྒོ་འཕྲང་དང༌། །འགོང་པོ་སྤུན་དགུའི་ནད་དལ་སྲུངས། །རྟག་ཆད་ཐར་པར་འཁྲུལ་པ་ཡི། །འཇིག་ཚོགས་ལྟ་བ་དབུ་མར་བཟློག །བདེན་དོན་རྣམ་པ་བཅུ་གཉིས་ཀྱི། །བསྟན་པ་དར་བའི་ཕྲིན་


JLAZ009_Page_0335
[མ་དཔེ་གཟིགས་ན་འདིར་གནོན།]

ལས་མཛོད། །ཨོཾ་ལ་ལ་ལེ་ལེ་ཏཾ་ཏཾ་ཏེ་ཏེ་ཁ་རཀྨ་མ་མ་སྲིང་འགྲོ་མ་ཧཱུཾ་བྷྱོ་ཧཱུཾ་ཧཱུཾ། བཅུ་པ་རྟ་བྲོ་བརྡུང་བ་ནི། གཏོར་གཞོང་རི་རབ་ཏུ་བསམ་པ་ཁ་སྦུབ་ལ། ཧཱུཾ། དམ་སྲི་བྱ་བའི་སྡིག་ཅན་ཁྱོད། །འགྲོ་བ་ཡོངས་ཀྱི་རྒྱུད་ལ་རྒོལ། །བྱང་ཆུབ་སེམས་ཀྱི་བརྟུལ་ཞུགས་བྲོས། །མནན་ནོ་སྟོང་ཆེན་འོག་ཏུ་མནན། །གཏད་དོ་ཆུ་སྲིན་གྲེ་བར་གཏད། །བསྐྱུར་རོ་གཤིན་རྗེའི་ཁ་རུ་བསྐྱུར། །བསྲེག་གོ་ཡེ་ཤེས་མེ་ཡིས་བསྲེགས། །བདག་ཏུ་ལྟ་བ་མ་ཞིག་བར། །བསྐལ་པ་ཞིག་ཀྱང་མི་གཏང་ངོ༌། །ཨོཾ་ཨཱཿཧཱུཾ་སྟྭཾ་བྷ་ཡ་ལཾ་ནན། བཅུ་གཅིག་པ་དངོས་གྲུབ་བླང་བ་ནི། ཧཱུཾ། བྱིན་རླབས་ཀུན་གྱི་རྩ་བ་བླ་མ་ནི། །དངོས་གྲུབ་སྩོལ་ཕྱིར་དཔལ་ཆེན་རོལ་བའི་ལྷ། །རྣམ་ཐར་སྒོ་གསུམ་ཐུགས་ཀྱི་དཀྱིལ་འཁོར་ནས། །རང་བཞིན་ཡོངས་གྲུབ་བྱང་ཆུབ་སེམས་ཀྱི་དངོས། །ཕྱག་རྒྱ་ཆེན་པོ་མཆོག་གི་དངོས་གྲུབ་སྩོལ། །ས་བཅུ་ལམ་ལྔ་དབང་བཅུ་ཕྱི་ནང་གཉིས། །རིག་འཛིན་བཞི་དང་སྐུ་ལྔ་ཡེ་ཤེས་ལྔ། །གྲུབ་ཆེན་བརྒྱད་དང་ཕྲིན་ལས་རྣམ་པ་བཞི། །འཁོར་བའི་རང་བཞིན་གློ་བུར་སྒྲིབ་པ་གཉིས། །ཀུན་གཞིའི་ཁམས་ལ་བག་ལ་ཉལ་གྱི་ཚུལ། །ཤིན་ཏུ་རྣམ་དག་རྣམ་ཀུན་མཆོག་ལྡན་གྱི། །དངོས་གྲུབ་དམ་པ་དེང་འདིར་སྩལ་དུ་གསོལ། །རྩ་སྔགས་མཐར། དྷརྨ་ཀཱ་


JLAZ009_Page_0336
[མ་དཔེ་གཟིགས་ན་འདིར་གནོན།]

ཡ། སམྦྷོ་ཀཱ་ཡ། ནིརྨ་ཀཱ་ཡ། ཙིཏྟ་སིདྡྷི་ཕ་ལ་ཧཱུཾ། གཏང་རག་གི་མཆོད་བསྟོད་ཕུལ་ལ། བཅུ་གཉིས་པ་བཤགས་པ་ནི། ཧོཿ སྔགས་ཀྱི་དངོས་གྲུབ་མ་ལུས་པ། །དམ་ཚིག་ཉིད་ལ་བརྟེན་གྱུར་ཀྱང༌། །རྨོངས་དང་མ་རིག་ཉོན་མོངས་པས། །ཟིལ་གྱིས་ནོན་པ་བདག་ཅག་ནི། །ཉེས་པ་དུ་མའི་སྣོད་ལགས་ཏེ། །མགོན་པོ་ཐུགས་རྗེ་ཆེ་རྣམས་ཀྱི། །ཐུགས་ལ་ཁྲོ་བ་མི་མངའ་ཡང༌། །ལེགས་ཉེས་སྟངས་འཛིན་བདག་པོ་རྣམས། །སྐྱོན་མཐོང་ཙམ་ནས་ཆད་པ་གཅོད། །འགལ་ཞིང་ནོངས་པ་ཅི་མཆིས་པ། །མཐོལ་ལོ་བཤགས་སོ་ཚངས་པར་སྩོལ། །ཡི་གེ་བརྒྱ་པ་ལན་གསུམ་གྱིས་སྙིང་ནས་བཤགས་པར་བྱའོ། །བཅུ་གསུམ་པ་ཉེར་བསྡུ་ནི། ཧཱུཾ། སྣོད་བཅུད་ལྷ་དང་གཞལ་ཡས་སུ། །ཤར་བ་དག་པའི་སྣོད་བཅུད་ཀྱང༌། །རྟེན་ཉིད་བརྟེན་པ་ལྷ་རྣམས་ཀྱང༌། །གཙོ་བོ་ལ་ཐིམ་དེ་ཡང་ཧཱུཾ། །ཞབས་ཀྱུ་ནས་བཟུང་ནཱ་དའི་བར། །རིམ་ཡལ་གདོད་མའི་གཤིས་སུ་ཨ། །ཞེས་མཉམ་པར་བཞག །བཅུ་གཞི་པ་སྤྱོད་ལམ་གྱི་རྣལ་འབྱོར་དུ་ལྡང་བ་ནི། སླར་ཡང་རིག་པ་བྱང་ཆུབ་སེམས། །རྗེས་ཐོབ་གཉུག་མའི་ཧེ་རུ་ཀ །ཕྱག་རྒྱ་གཅིག་པའི་གནས་གསུམ་དུ། །ཡི་གེའི་མཚན་པས་རྣམ་རྟོག་བསྲུང༌། །བཛྲ་རཀྵ་ཨ་ཧཾ། ཞེས་རྡོ་རྗེའི་གོ་བགོ་ཞིང་ཡི་གེ་བརྒྱ་པས་བརྟན་པར་བྱ། བཅོ་ལྔ་པ་བསྔོ་སྨོན་ནི། ཧཱུཾ། སྣང་གྲགས་རིག་པ་དཀྱིལ་འཁོར་གསུམ་གྱི་ངང༌། །བསོད་ནམས་


JLAZ009_Page_0337
[མ་དཔེ་གཟིགས་ན་འདིར་གནོན།]

ཡེ་ཤེས་རིམ་གཉིས་རྣལ་འབྱོར་ཚོགས། །མི་གནས་ཡེ་ཤེས་མྱ་ངན་འདས་པར་བསྔོ། །ཀུན་ཀྱང་དཔལ་ཆེན་གོ་འཕང་ཐོབ་པར་ཤོག །ལན་གསུམ། བཅུ་དྲུག་པ་བཀྲ་ཤིས་ནི། ཧཱུཾ། གདོད་མའི་མགོན་པོ་རིགས་ལྔ་གངས་ཆེན་མཚོ། །སྐུ་ལྔ་ལྷུན་རྫོགས་སྤྲུལ་པའི་ཞིང་ཁམས་ལ། །བསྐལ་བཟང་སངས་རྒྱས་སྟོང་རྩ་འབྱོན་པ་ཡི། །སྒྲོན་མའི་བསྐལ་པ་བཟང་པོའི་བཀྲ་ཤིས་ཤོག །སྟོང་གསུམ་མི་མཇེད་རྡོ་རྗེ་ཐེག་པའི་ཞིང༌། །འཕུར་འགྲོའི་བསྟན་པ་འབྱུང་གནས་ཨུ་རྒྱན་ཡུལ། །གངས་རིའི་ཁྲོད་དུ་འབོད་པ་ཁྲི་སྲོང་རྗེས། །ཐུགས་བསྐྱེད་བསྟན་པ་མཐའ་རྒྱས་བཀྲ་ཤིས་ཤོག །འཛམ་གླིང་ས་ཡི་ལྟེ་བ་རྡོ་རྗེའི་གདན། །པཎ་གྲུབ་ཆོས་རྒྱལ་འཛོམ་པ་ཆོས་འཁོར་གསུམ། །མདོ་སྔགས་བསྟན་པ་དར་བ་གངས་ཅན་ལྗོངས། །རྒྱལ་བསྟན་ཡུན་དུ་གནས་པའི་བཀྲ་ཤིས་ཤོག །དགེའོ། །དགེའོ། །དགེའོ། །

ཕུར་པ་རྒྱུད་ལུགས་ལས་ཛབ྄་བསྐུལ།


JLAZ009_Page_0339
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས་ཛབ྄་བསྐུལ་བཞུགས། །


JLAZ009_Page_0340
[མ་དཔེ་གཟིགས་ན་འདིར་གནོན།]

ཛབ྄་བསྐུལ་ནི། ཚིལ་ཆེན་བསྲེགས་ཤིང་རོལ་ཆེན་དབྱངས་དང་བཅས། ཧཱུྃ། སྟོང་གསུམ་སྟོང་གི་འཇིག་རྟེན་ན། །དབུས་ཕྱོགས་སྟོང་གི་འཇིག་རྟེན་ན། །བརྟན་གཡོ་རྩི་ཤིང་ནགས་ཚལ་ཀུན། །ཀུན་ཀྱང་རྡོ་རྗེ་ཕུར་པའི་ལྷ། །ཞལ་གསུམ་ཕྱག་དྲུག་ཞབས་བཞི་བགྲད། །མཐིང་ནག་མེ་ཡི་འོད་འཕྲོ་ཞིང༌། །བཞད་དང་གཤེ་དང་ཁྲོ་བའི་ཚུལ། །ཕྱག་དྲུག་འཇིགས་པའི་མཚོན་ཆ་ཡིས། །འགྲོ་དྲུག་བྷ་གའི་དབྱིངས་སུ་སྦྱོར། །ཞབས་བཞིས་བདུད་བཞི་ཟིལ་གྱིས་གནོན། །ཞལ་ནས་ཀཱི་ལའི་སྔགས་ཟློས་ཤིང༌། །གནས་འདིར་སྤྱན་འདྲེན་གཤེགས་སུ་གསོལ། །གནས་འདིར་སྤྱན་འདྲེན་གཤེགས་ནས་ཀྱང༌། །དཀྱིལ་འཁོར་འདི་ལ་བརྟན་པར་


JLAZ009_Page_0341
[མ་དཔེ་གཟིགས་ན་འདིར་གནོན།]

བཞུགས། །ཕུར་པ་འདི་ལ་དབང་ཞིག་སྐུར། །ཕུར་པ་འདི་ལ་བྱིན་གྱིས་རློབས། །རྟགས་དང་མཚན་མ་དབྱུང་བ་དང༌། །རིག་འཛིན་བདག་ལ་དངོས་གྲུབ་སྩོལ། །ཨོཾ་བཛྲ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཧཱུཾ། སྟོང་གསུམ་སྟོང་གི་འཇིག་རྟེན་ན། །ཤར་ཕྱོགས་སྟོང་གི་འཇིག་རྟེན་ན། །བརྟན་གཡོ་རྩི་ཤིང་ནགས་ཚལ་ཀུན། །ཀུན་ཀྱང་བུདྡྷ་ཕུར་པའི་ལྷ། །ཞལ་གསུམ་ཕྱག་དྲུག་ཞབས་བཞི་བགྲད། །དཀར་གསལ་མེ་ཡི་འོད་འཕྲོ་ཞིང༌། །བཞད་དང་གཤེ་དང་ཁྲོ་བའི་ཚུལ། །ཕྱག་དྲུག་འཇིགས་པའི་མཚོན་ཆ་ཡིས། །འགྲོ་དྲུག་བྷ་གའི་དབྱིངས་སུ་སྦྱོར། །ཞབས་བཞིས་བདུད་བཞི་ཟིལ་གྱིས་


JLAZ009_Page_0342
[མ་དཔེ་གཟིགས་ན་འདིར་གནོན།]

གནོན། །ཞལ་ནས་ཀཱི་ལའི་སྔགས་ཟློས་ཤིང༌། །གནས་འདིར་སྤྱན་འདྲེན་གཤེགས་སུ་གསོལ། །གནས་འདིར་སྤྱན་འདྲེན་གཤེགས་ནས་ཀྱང༌། །དཀྱིལ་འཁོར་འདི་ལ་བརྟན་པར་བཞུགས། །ཕུར་པ་འདི་ལ་དབང་ཞིག་སྐུར། །ཕུར་པ་འདི་ལ་བྱིན་གྱིས་རློབས། །རྟགས་དང་མཚན་མ་དབྱུང་བ་དང༌། །རིག་འཛིན་བདག་ལ་དངོས་གྲུབ་སྩོལ། །ཨོཾ་བུདྡྷ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཧཱུཾ། སྟོང་གསུམ་སྟོང་གི་འཇིག་རྟེན་ན། །ལྷོ་ཕྱོགས་སྟོང་གི་འཇིག་རྟེན་ན། །བརྟན་གཡོ་རྩི་ཤིང་ནགས་ཚལ་ཀུན། །ཀུན་ཀྱང་རཏྣ་ཕུར་པའི་ལྷ། །ཞལ་གསུམ་ཕྱག་དྲུག་ཞབས་བཞི་བགྲད། །སེར་གསལ་མེ་ཡི་འོད་འཕྲོ་ཞིང༌། །བཞད་དང་གཤེ་དང་ཁྲོ་བོའི་ཚུལ། །ཕྱག་དྲུག་འཇིགས་པའི་མཚོན་ཆ་ཡིས། །འགྲོ་དྲུག་བྷ་གའི་དབྱིངས་སུ་སྦྱོར། །ཞབས་བཞིས་བདུད་བཞི་ཟིལ་གྱིས་གནོན། །ཞལ་ནས་ཀཱི་ལའི་སྔགས་ཟློས་ཤིང༌། །གནས་འདིར་སྤྱན་འདྲེན་གཤེགས་སུ་གསོལ། །གནས་འདིར་སྤྱན་འདྲེན་གཤེགས་ནས་ཀྱང༌། །དཀྱིལ་འཁོར་འདི་ལ་བརྟན་པར་བཞུགས། །ཕུར་པ་འདི་ལ་དབང་ཞིག་སྐུར། །ཕུར་པ་འདི་ལ་བྱིན་གྱིས་རློབས། །རྟགས་དང་མཚན་མ་དབྱུང་བ་དང༌། །རིག་འཛིན་


JLAZ009_Page_0343
[མ་དཔེ་གཟིགས་ན་འདིར་གནོན།]

བདག་ལ་དངོས་གྲུབ་སྩོལ། །ཨོཾ་རཏྣ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཧཱུཾ། སྟོང་གསུམ་སྟོང་གི་འཇིག་རྟེན་ན། །ནུབ་ཕྱོགས་སྟོང་གི་འཇིག་རྟེན་ན། །བརྟན་གཡོ་རྩི་ཤིང་ནགས་ཚལ་ཀུན། །ཀུན་ཀྱང་པདྨ་ཕུར་པའི་ལྷ། །ཞལ་གསུམ་ཕྱག་དྲུག་ཞབས་བཞི་བགྲད། །དམར་གསལ་མེ་ཡི་འོད་འཕྲོ་ཞིང༌། །བཞད་དང་གཤེ་དང་ཁྲོ་བའི་ཚུལ། །ཕྱག་དྲུག་འཇིགས་པའི་མཚོན་ཆ་ཡིས། །འགྲོ་དྲུག་བྷ་གའི་དབྱིངས་སུ་སྦྱོར། །ཞབས་བཞིས་བདུད་བཞི་ཟིལ་གྱིས་གནོན། །ཞལ་ནས་ཀཱི་ལའི་སྔགས་ཟློས་ཤིང༌། །གནས་འདིར་སྤྱན་འདྲེན་གཤེགས་སུ་གསོལ། །གནས་འདིར་སྤྱན་འདྲེན་གཤེགས་ནས་ཀྱང༌། །དཀྱིལ་འཁོར་འདི་ལ་བརྟན་པར་བཞུགས། །ཕུར་པ་འདི་ལ་དབང་ཞིག་སྐུར། །ཕུར་པ་འདི་ལ་བྱིན་གྱིས་རློབས། །རྟགས་དང་མཚན་མ་དབྱུང་བ་དང༌། །རིག་འཛིན་བདག་ལ་དངོས་གྲུབ་སྩོལ། །ཨོཾ་པདྨ་ཀཱི་ལི་ཀཱི་ལ་ཡ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཧཱུཾ། སྟོང་གསུམ་སྟོང་གི་འཇིག་རྟེན་ན། །བྱང་ཕྱོགས་སྟོང་གི་འཇིག་རྟེན་ན། །བརྟན་གཡོ་རྩི་ཤིང་ནགས་ཚལ་ཀུན། །ཀུན་ཀྱང་ལས་ཀྱི་ཕུར་


JLAZ009_Page_0344
[མ་དཔེ་གཟིགས་ན་འདིར་གནོན།]

པའི་ལྷ། །ཞལ་གསུམ་ཕྱག་དྲུག་ཞབས་བཞི་བགྲད། །ལྗང་གུ་མེ་ཡི་འོད་འཕྲོ་ཞིང༌། །རྔམས་དང་བཞད་དང་ཁྲོ་བའི་ཚུལ། །ཕྱག་དྲུག་འཇིགས་པའི་མཚོན་ཆ་ཡིས། །འགྲོ་དྲུག་བྷ་གའི་དབྱིངས་སུ་སྦྱོར། །ཞབས་བཞིས་བདུད་བཞི་ཟིལ་གྱིས་གནོན། །ཞལ་ནས་ཀཱི་ལའི་སྔགས་ཟློས་ཤིང༌། །གནས་འདིར་སྤྱན་འདྲེན་གཤེགས་སུ་གསོལ། །གནས་འདིར་སྤྱན་འདྲེན་གཤེགས་ནས་ཀྱང༌། །དཀྱིལ་འཁོར་འདི་ལ་བརྟན་པར་བཞུགས། །ཕུར་པ་འདི་ལ་དབང་ཞིག་སྐུར། །ཕུར་པ་འདི་ལ་བྱིན་གྱིས་རློབས། །རྟགས་དང་མཚན་མ་དབྱུང་བ་དང༌། །རིག་འཛིན་བདག་ལ་དངོས་གྲུབ་སྩོལ། །ཨོཾ་ཀརྨཱ་ཀཱི་ལི་ཀཱི་ལ་ཡ་རུ་ལུརུ་ལུ་ཧཱུཾ་བྷྱོ་ཧཱུཾ། རྡོ་རྗེ་ཁྲོས་པའི་བཤད་རྒྱུད་ལས་སོ། །མངྒ་ལཾ། དགེའོ།། །།

ཕུར་པ་རྒྱུད་ལུགས་ལས། སྒྲུབ་པའི་དུས་ཀྱི་ཉུ་ལེ་སྐྲོད་པའི་ཕོ་ཉ་སྒོས་བསྐུལ།


JLAZ009_Page_0345
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས། སྒྲུབ་པའི་དུས་ཀྱི་ཉུ་ལེ་སྐྲོད་པའི་ཕོ་ཉ་སྒོས་བསྐུལ་བཞུགས། །


JLAZ009_Page_0346
[མ་དཔེ་གཟིགས་ན་འདིར་གནོན།]

ཤྲཱི་བཛྲ་ཀུ་མཱ་ར། སྒྲུབ་ཆེན་གྱི་དུས་ཉམས་རྟགས་དྲུག་ཏུ་མངོན་པའི་གཉེན་པོ་གདོང་ཅན་དྲུག་གི་བསྐུལ་བྱ་བ་ནི། གུ་གུལ་བསྲེག །ཉུང་དཀར་བརྡེག །ཕུར་པས་གཟིར་བ་དང་བཅས། ཧཱུཾ། ཡེ་ཤེས་སྐུ་ཡི་སྤྲུལ་པ་སྟེ། །རྫུ་འཕྲུལ་སྟོན་ཅིང་བཀའ་ཉན་པའི། །དཔའ་བརྟུལ་སྟག་གི་མགོ་ཅན་ལ། །མི་མོ་སྟག་གི་མགོ་ཅན་ཞོན། །བང་ནི་རླུང་གི་བསྐྱོད་དུ་མེད། །སྐད་ནི་སྟོང་ཁམས་ཁྱབ་པར་སྒྲོགས། །ལག་པ་གཡས་ན་ཕུར་པ་བསྣམས། །གང་ལ་བྱ་བའི་སྙིང་ལ་ཡ། །ལག་པ་གཡོན་ན་ལྕགས་ཀྱུ་བསྣམས། །གང་ལ་བྱ་བའི་སྙིང་ནས་དྲོངས། །ཁམས་གསུམ་དབང་དུ་བསྡུ་བ་དང༌། །སྲིད་གསུམ་ཟིལ་གྱིས་གནོན་པ་དང༌། །སྒྲུབ་ལ་


JLAZ009_Page_0347
[མ་དཔེ་གཟིགས་ན་འདིར་གནོན།]

བར་ཆད་བྱེད་པ་རྣམས། །ཐལ་བ་བཞིན་དུ་རྡུལ་དུ་རློག །ཧཱུཾ། ཡེ་ཤེས་ཐུགས་ཀྱི་སྤྲུལ་པ་གཅིག །སྟོབས་ཀྱི་རྒྱལ་པོ་སེང་གེ་ལ། །མི་མོ་སེང་གེའི་མགོ་ཅན་ཞོན། །བང་ནི་རླུང་གིས་བསྐྱོད་དུ་མེད། །སྐད་ནི་ཁམས་གསུམ་ཁྱབ་པར་སྒྲོགས། །ལག་པ་གཡས་ན་ཕུར་པ་བསྣམས། །གང་ལ་བྱ་བའི་སྙིང་ལ་ཡ། །ལག་པ་གཡོན་ན་ལྕགས་ཀྱུ་བསྣམས། །གང་ལ་བྱ་བའི་སྙིང་ནས་དྲོངས། །ཁམས་གསུམ་དབང་དུ་བསྡུ་བ་དང༌། །སྲིད་གསུམ་ཟིལ་གྱིས་གནོན་པ་དང༌། །སྒྲུབ་ལ་བར་གཅོད་བྱེད་པའི་བགེགས། །ཐལ་བ་བཞིན་དུ་རྡུལ་དུ་རློག །ཧཱུཾ། ཡེ་ཤེས་ཐུགས་ཀྱི་སྤྲུལ་པ་གཅིག །དྲན་བྱེད་


JLAZ009_Page_0348
[མ་དཔེ་གཟིགས་ན་འདིར་གནོན།]

མཁའ་ལྡིང་ཕོ་རོག་ལ། །མི་མོ་ཕོ་རོག་མགོ་ཅན་ཞོན། །བང་ནི་རླུང་གིས་བསྐྱོད་དུ་མེད། །སྐད་ནི་སྟོང་ཁམས་ཁྱབ་པར་སྒྲོགས། །ལག་པ་གཡས་ན་ཕུར་པ་བསྣམས། །གང་ལ་བྱ་བའི་སྙིང་ལ་ཡ། །ལག་པ་གཡོན་ན་ལྕགས་ཀྱུ་བསྣམས། །གང་ལ་བྱ་བའི་སྙིང་ནས་དྲོངས། །ཁམས་གསུམ་དབང་དུ་བསྡུ་བ་དང༌། །སྲིད་གསུམ་ཟིལ་གྱིས་གནོན་པ་དང༌། །སྒྲུབ་ལ་བར་གཅོད་བྱེད་པའི་བགེགས། །ཐལ་བ་བཞིན་དུ་རྡུལ་དུ་རློག །ཧཱུཾ། ཡེ་ཤེས་ཐུགས་ཀྱི་སྤྲུལ་པ་གཅིག །རྫི་སྣོམ་གཡག་གི་མགོ་ཅན་ལ། །མི་མོ་གཡག་གི་མགོ་ཅན་ཞོན། །བང་ནི་རླུང་གིས་བསྐྱོད་དུ་མེད། །སྐད་ནི་སྟོང་ཁམས་ཁྱབ་པར་སྒྲོགས། །ལག་པ་གཡས་ན་ཕུར་པ་བསྣམས། །གང་ལ་བྱ་བའི་སྙིང་ལ་ཡ། །ལག་པ་གཡོན་ན་ལྕགས་ཀྱུ་བསྣམས། །གང་ལ་བྱ་བའི་སྙིང་ནས་དྲོངས། །ཁམས་གསུམ་དབང་དུ་བསྡུ་བ་དང༌། །སྲིད་གསུམ་ཟིལ་གྱིས་གནོན་པ་དང༌། །སྒྲུབ་ལ་བར་གཅོད་བྱེད་པའི་བགེགས། །ཐལ་བ་བཞིན་དུ་རྡུལ་དུ་རློག །ཧཱུཾ། ཡེ་ཤེས་ཐུགས་ཀྱི་སྤྲུལ་པ་གཅིག །གསོད་བྱེད་ཆེན་མོ་དྲེད་མོ་ལ། །མི་མོ་དྲེད་མོའི་མགོ་ཅན་ཞོན། །བང་ནི་རླུང་གིས་བསྐྱོད་དུ་མེད། །


JLAZ009_Page_0349
[མ་དཔེ་གཟིགས་ན་འདིར་གནོན།]

སྐད་ནི་སྟོང་ཁམས་ཁྱབ་པར་སྒྲོགས། །ལག་པ་གཡས་ན་ཕུར་པ་བསྣམས། །གང་ལ་བྱ་བའི་སྙིང་ལ་ཡ། །ལག་པ་གཡོན་ན་ལྕགས་ཀྱུ་བསྣམས། །གང་ལ་བྱ་བའི་སྙིང་ནས་དྲོངས། །ཁམས་གསུམ་དབང་དུ་བསྡུ་བ་དང༌། །སྲིད་གསུམ་ཟིལ་གྱིས་གནོན་པ་དང༌། །སྒྲུབ་ལ་བར་གཅོད་བྱེད་པའི་བགེགས། །ཐལ་བ་བཞིན་དུ་རྡུལ་དུ་རློག །ཧཱུཾ། ཡེ་ཤེས་ཐུགས་ཀྱི་སྤྲུལ་པ་གཅིག །གྲིམས་བྱེད་ཆེན་མོ་གཟིག་མོ་ལ། །མི་མོ་གཟིག་གི་མགོ་ཅན་ཞོན། །བང་ནི་རླུང་གིས་བསྐྱོད་དུ་མེད། །སྐད་ནི་སྟོང་ཁམས་ཁྱབ་པར་སྒྲོགས། །ལག་པ་གཡས་ན་ཕུར་པ་བསྣམས། །གང་ལ་བྱ་བའི་སྙིང་ལ་ཡ། །ལག་པ་གཡོན་ན་ལྕགས་ཀྱུ་བསྣམས། །གང་ལ་བྱ་བའི་སྙིང་ནས་དྲོངས། །ཁམས་གསུམ་དབང་དུ་བསྡུ་བ་དང༌། །སྲིད་གསུམ་ཟིན་གྱིས་གནོན་པ་དང༌། །སྒྲུབ་ལ་བར་གཅོད་བྱེད་པའི་བགེགས། །ཐལ་བ་བཞིན་དུ་རྡུལ་དུ་རློག །ཉམས་དྲུག་རྟགས་དྲུག་མི་གསལ་བའི། །ཏིང་འཛིན་དྲོད་ཉུལ་ཆེན་མོ་རྣམས། །ཐམས་ཅད་མ་ལུས་དབང་དུ་སྡུད། །ཉི་མའི་ཟེར་ལ་གནོད་བྱེད་པ། །འབྱུང་པོ་ཐེའུ་རང་གནོད་བྱེད་ལྔ། །དྲི་དང་ངད་དུ་བཅས་པ་ལྡང༌། །ཚེ་ལ་བར་


JLAZ009_Page_0350
[མ་དཔེ་གཟིགས་ན་འདིར་གནོན།]

ཆད་བྱེད་པའི་བགེགས། །ཟློག་བྱེད་སྟག་མོའི་ཏིང་འཛིན་གྱིས། །ཐལ་བ་བཞིན་དུ་རྡུལ་དུ་རློག །ཉི་མ་གུང་ལ་གནོད་བྱེད་པ། །ས་བདག་ཆེན་མོ་ལག་ཆེན་ཡང༌། །ལྕི་ཞིང་ཉམ་ཆུང་དྲོད་དང་བྲལ། །གུང་ལ་བར་ཆད་བྱེད་པའི་བགེགས། །ཟློག་བྱེད་སྟོབས་ལྡན་ཏིང་འཛིན་གྱིས། །ཐལ་བ་བཞིན་དུ་རྡུལ་དུ་རློག །དགོང་གི་དུས་ན་གནོད་བྱེད་པ། །བཙན་གྱི་ཕོ་ཉ་རྐང་ཕྲིན་ཡིན། །ཕྱད་ཕྱོད་ཏིང་འཛིན་མི་གསལ་བ། །དགོང་ལ་བར་ཆད་བྱེད་པའི་བགེགས། །དྲན་བྱེད་ཆེན་མོ་ཏིང་འཛིན་གྱིས། །ཐལ་བ་བཞིན་དུ་རྡུལ་དུ་རློག །སྲོད་ཀྱི་དུས་ན་གནོད་བྱེད་པ། །བདུད་ཀྱི་རྒྱལ་པོ་མ་རུངས་པ། །གྲིབ་སོ་གནག་ཅིང་རྨུག་པར་བྱེད། །ཟློག་བྱེད་གཡག་གི་ཏིང་འཛིན་གྱིས། །ཐལ་བ་བཞིན་དུ་རྡུལ་དུ་རློག །ནམ་ཕྱེད་བར་ཆད་བྱེད་པའི་བགེགས། །མ་བདུད་རྒྱལ་པོ་ཀུན་ ཏུ་རྒྱུ། །སྤྱུགས་པ་ལེན་ཅིང་མེ་རུ་འབར། །ནམ་ཕྱེད་བར་ཆད་བྱེད་པའི་བགེགས། །ཐལ་བ་བཞིན་དུ་རྡུལ་དུ་རློག །ཧཱུཾ། ཐོ་རངས་བར་ཆད་བྱེད་པའི་བགེགས། །ཚངས་པ་ཆེན་པོའི་སྤྲུལ་པ་སྟེ། །མེ་འོད་ཀུན་གྱི་བདག་པོ་ཡིས། །ཟློག་བྱེད་དྲེད་ཀྱི་ཏིང་འཛིན་དང༌། །སྒྲུབ་པ་རྫས་ཀྱི་དམ་པ་ཡི། །ཐོ་རངས་


JLAZ009_Page_0351
[མ་དཔེ་གཟིགས་ན་འདིར་གནོན།]

བར་ཆད་བྱེད་པའི་བགེགས། །ཐལ་བ་བཞིན་དུ་རྡུལ་དུ་རློག །ཧཱུཾ། གདུག་བྱེད་གནོད་པའི་བར་ཆད་རྣམས། །དུས་མ་ཡིན་པར་འབྱུང་བར་བྱེད། །ཏིང་འཛིན་མི་གསལ་དྲན་པ་ཉམས། །ཟློག་བྱེད་གཟིག་གི་ཏིང་འཛིན་གྱིས། །ཐལ་བ་བཞིན་དུ་རྡུལ་དུ་རློག །ཉམས་པའི་འོད་དང་བདུད་ཀྱི་འོད། །ཐེ་བྲང་འོད་དང་རྟགས་ཀྱི་འོད། །རྟགས་ཀྱི་དྲི་དང་ཐེ་བྲང་དྲི། །བདུད་ཀྱི་ཉམས་དང་དངོས་གྲུབ་ཉམས། །སྤར་ཤིང་དྲི་དང་རྫས་ཀྱི་དྲི། །བར་ཆད་འོད་དང་མ་མོའི་རྟགས། །བཙན་གྱི་སྒྲ་དང་རིག་འཛིན་གསུང༌། །ཐམས་ཅད་དུས་དང་ཉམས་དགའ་དང༌། །རྡོ་རྗེ་ཁ་ཊྭཱཾ་རྔེའུ་ཆུང་དང༌། །ཉུང་དཀར་ཕུར་བུ་ཞིང་ལྤགས་དང༌། །གུ་གུལ་དུད་པ་བཏང་བས་འབྱུང༌། །རབ་རིབ་མེད་པར་རབ་ཤེས་ན། །དེ་ཉིད་ཡེ་ཤེས་ལྷ་ཡི་རྟགས། །གསལ་ལ་རྟོག་མེད་ཉམ་མི་ང༌། །རབ་རིབ་མི་བརྟན་འགྱུར་བ་ཅན། །རྟགས་མིན་དངོས་གྲུབ་བར་ཆད་བྱེད། །དེ་ཉིད་བཟློག་པར་རབ་ཤེས་བྱ། །ཡང་ན་ཏིང་འཛིན་ཆེན་པོ་དྲུག །གཙོ་བོའི་ཏིང་འཛིན་ཆེན་པོ་དང༌། །མཚམས་དང་སྲས་མཆོག་དྲུག་རྣམས་ཀྱི། །སྔགས་དང་ཚིག་དང་ཕུར་པ་ཡིས། །དུས་རྣམས་ཀུན་ཏུ་བཟློག་པར་བྱ། །ཡང་ན་སྲས་མཆོག་དྲུག་རྣམས་ཀྱིས། །རིམ་པ་བཞིན་དུ་ཡག་དག་བཟློག །ཐམས་ཅད་ཀུན་ཏུ་བཟློག་པར་བྱ། །ཞེས་གསུངས་སོ། །

ཕུར་པ་རྒྱུད་ལུགས་ལས། མངོན་རྟོགས་བསྡུས་པ་རྡོ་རྗེ་བཀོད་པའི་རྒྱན།


JLAZ009_Page_0353
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས། མངོན་རྟོགས་བསྡུས་པ་རྡོ་རྗེ་བཀོད་པའི་རྒྱན་ཞེས་བྱ་བ་བཞུགས། །


JLAZ009_Page_0354
[མ་དཔེ་གཟིགས་ན་འདིར་གནོན།]

དེ་བཞིན་གཤེགས་པ་ཁྲག་འཐུང་གི་རྒྱལ་པོ་ལ་ཕྱག་འཚལ་ལོ། །བསྐྱེད་རིམ་གྱི་གནད་དང་ལྷའི་མངོན་རྟོགས་ལ་ཅུང་ཟད་ངེས་པ་བརྟན་པའི་དོན་དུ་ཕྲིན་ལས་ཀྱི་བྱང་བུ་ཤིན་ཏུ་བསྡུས་པ་ལ་སྦྱོར་དངོས་རྗེས་གསུམ་གྱི། སྦྱོར་བ་ལའང་བདུན་ལས། དང་པོ་བདུན་རྣམ་དག་ནི། རྡོ་རྗེ་སློབ་དཔོན་སངས་རྒྱས་དཔལ། །དུས་གསུམ་བཞུགས་ལ་ཕྱག་འཚལ་ལོ། །མཆོག་གསུམ་བསྟེན་པའི་ཞིང་གྱུར་ལ། །གཉིས་མེད་ཡིད་ཀྱིས་སྐྱབས་སུ་མཆི། །དངོས་འབྱོར་ཡིད་ཀྱིས་རྣམ་སྤྲུལ་པའི། །དག་པའི་མཆོད་པ་བཞེས་སུ་གསོལ། །དངོས་གྲུབ་ཆོ་བོ་གཅོད་པའི་གེགས། །ཉེས་བྱས་མ་ལུས་བཤགས་པར་བགྱི། །ཕྱོགས་བཅུ་འཁོར་གསུམ་དག་པའི་ཆོས། །མ་ཆགས་སྤྱོད་ལ་རྗེས་ཡི་རང༌། །


JLAZ009_Page_0355
[མ་དཔེ་གཟིགས་ན་འདིར་གནོན།]

དག་པའི་མཐའ་བཞི་དྲི་མ་མེད། །རྫོགས་པའི་བྱང་ཆུབ་སེམས་བསྐྱེད་དོ། །བདེ་གཤེགས་དབང་ཕྱུག་སེམས་ཅན་ལ། །དགོས་པ་གསུམ་ཕྱིར་ལུས་དབུལ་ལོ། །ཚེ་རབས་བགྲངས་པའི་ལས་རྣམས་ཀུན། །བསྡུས་ཏེ་བྱང་ཆུབ་ཆེན་པོར་བསྔོ། །གཉིས་པ་ཕྱི་རོལ་པ་བསྐྲད་པ་ནི། གཏོར་མ་ཨཱ་ཀཱ་རོས་བརླབས་ལ། ཧཱུཾ། ཉོན་ཅིག་བགེགས་དང་ལོགས་འདྲེན་ཚོགས། །ང་ཡི་བཀའ་ལས་འདའ་མ་བྱེད། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་བ་བརྒྱ་རུ་ཁོས། །ལུས་ཀྱང་དུམ་བུ་སྟོང་དུ་གཏུབ། །སྙིང་ཡང་ཚལ་པ་བདུན་དུ་གཏུབ། །


JLAZ009_Page_0356
[མ་དཔེ་གཟིགས་ན་འདིར་གནོན།]

ཧཱུཾ་བཞིའི་སྔགས་བརྗོད། གསུམ་པ་མཚམས་གཅད་པ་ནི། ཧཱུཾ། བྱང་ཆུབ་སེམས་ལས་འོད་འཕྲོས་པས། །ཁམས་གསུམ་དེ་བཞིན་རོལ་པའི་སྐུ། །མ་ལུས་ཕུར་པས་ཐེབས་ཞེས་བྱ། །གང་ཞིག་གནོད་པའི་ཚོགས་རྣམས་ལ། །རྣམ་པར་ཤེས་པའི་ཚོགས་བརྒྱད་ནང༌། །རྡོ་རྗེ་ཕུར་པ་མང་ཤར་ཞིང༌། །དེ་ཡིས་ཚོགས་བརྒྱད་དག་པར་བྱ། །ཨོཾ་བཛྲ་ཀཱི་ལ་ཡ་ཧཱུཾ་ཕཊ། བཞི་པ་བཤགས་པ་ནི། ཨོཾ། ཡེ་ཤེས་ལྔ་ལྡན་བླ་མ་རྡོ་རྗེ་འཛིན། །རྡོ་རྗེ་རིགས་ཀྱི་ལྷ་ཚོགས་དགོངས་སུ་གསོལ། །ཁྲག་འཐུང་ཁྲོ་བོ་ཁྲོ་མོས་བྱིན་གྱིས་རློབས། །བདག་གི་ལུས་ཀྱིས་སྲོག་གཅོད་མ་བྱིན་བླངས། །མི་ཚངས་སྤྱད་ཅིང་ཏིང་འཛིན་སྐུ་མ་གསལ། །སྐུ་ཡི་དམ་ཚིག་ཉམས་པ་མཐོལ་ལོ་བཤགས། །ཨཱཿ བདག་གི་ངག་གིས་རྫུན་དང་ཕྲ་མ་དང༌། །ངག་འཁྱལ་ཚིག་རྩུབ་བཟླས་བརྗོད་གྲངས་མ་སྐྱོལ། །རྡོ་རྗེ་བཟླས་པའི་དོན་ནི་མ་རྟོགས་ཏེ། །གསུང་གི་དམ་ཚིག་ཉམས་པ་མཐོལ་ལོ་བཤགས། །བཛྲ། བདག་གིས་སྣོད་ལྡན་སེམས་ཅན་ཐམས་ཅད་ལ། །བརྣབ་སེམས་གནོད་སེམས་ལོག་ལྟ་སྐྱེས་པ་དང༌། །ཆོས་ཉིད་ཟབ་མོའི་དོན་ནི་མ་རྟོགས་ཏེ། །ལྟ་བ་ཐུགས་ཀྱི་དམ་ཚིག་ཉམས་པ་བཤགས། །ས། སེམས་


JLAZ009_Page_0357
[མ་དཔེ་གཟིགས་ན་འདིར་གནོན།]

ཅན་ཐམས་ཅད་ཡེ་ནས་སངས་རྒྱས་རྒྱུར། །མ་རྟོགས་བདག་གིས་བརྔན་དང་སྐྱོན་དུ་བགྲངས། །སངས་རྒྱས་ཡོན་ཏན་མཐའ་ཡས་མ་བརྗོད་ཅིང༌། །ཡོན་ཏན་དམ་ཚིག་ཉམས་པ་མཐོལ་ལོ་གཤགས། །ཏྭ། སངས་རྒྱས་ཕྲིན་ལས་སྣ་ཚོགས་དཔག་མེད་ཀྱི། །སྙིང་རྗེ་ཆེན་པོས་སེམས་ཅན་དོན་མ་བྱས། །བདུད་རྩི་ལྔ་ལ་ལོངས་སྤྱོད་མ་ནུས་ཤིང༌། །ཕྲིན་ལས་དམ་ཚིག་ཉམས་པ་མཐོལ་ལོ་བཤགས། །ཧཱུཾ། སྐྱེ་བ་རྣམ་བཞིས་བསྡུས་པའི་སེམས་ཅན་རྣམས། །ཆོས་སྐུ་རྣམ་དག་དབྱིངས་ལས་གཟུགས་སྐུར་སྣང༌། །བདེ་བ་ཆེན་པོས་ཀུན་ལས་ཁྱབ་དམིགས་ཏེ། །ཡང་དག་དོན་མ་རྟོགས་པ་མཐོལ་ལོ་བཤགས། །ཞེས་པས་རྒྱུད་དག་པར་བྱའོ། །ལྔ་པ་བྱིན་འབེབས་ནི། ཧཱུཾ། འཕགས་མཆོག་ཐུགས་རྗེའི་དུས་ལ་བབ། །ཁྱད་པར་བསྟན་པའི་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །བྱིན་གྱིས་རློབ་པའི་དུས་ལ་བབ། །དབང་མཆོག་བསྐུར་བའི་དུས་ལ་བབ། །དངོས་གྲུབ་སྩོལ་བའི་དུས་ལ་བབ། །མཐུ་ཆེན་བདུད་འདུལ་བཅོམ་ལྡན་འདས། །བྱིན་ཆེན་བྱིན་ཕོབ་བཅོམ་ལྡན་འདས། །དབང་ཆེན་དབང་བསྐུར་བཅོམ་ལྡན་འདས། །དངོས་གྲུབ་མཆོག་སྩོལ་བཅོམ་ལྡན་འདས། །བདག་ཅག་ལས་འབྲས་མཆིས་


JLAZ009_Page_0358
[མ་དཔེ་གཟིགས་ན་འདིར་གནོན།]

པར་མཛོད། །ཧཱུཾ་ཧཱུཾ་ཧཱུཾ་ཧཱུཾ་གིས་བྱིན་བསྡུ། བདུན་པ་མཆོད་པ་བྱིན་བརླབ་ནི། ཧཱུཾ། སྣང་སྲིད་ཐམས་ཅད་མཆོད་པའི་སྤྲིན། །ཡེ་ཤེས་བདུད་རྩིར་བྱིན་བརླབས་པས། །ཕྱི་ནང་གསང་བའི་མཆོད་རྫས་ཀུན། །ཀུན་བཟང་རྣམ་འཕྲུལ་ཆེན་པོར་གྱུར། །ཨོཾ་བཛྲ་ཨརྒྷཾ། པདྱཾ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་ཝི་དྱེ། ཤཔྡ་ཨཱཿཧཱུཾ། སྨན་གཏོར་རཀྟའི་སྔགས་ལན་གསུམ་རེ་བརྗོད། གཉིས་པ་དངོས་གཞི་ལ་བཅུ་གཅིག་ལས། དང་པོ་བསྐྱེད་རིམ་ནི། ཧཱུཾ། རྡོ་རྗེ་ཁྲོས་པས་ཞེ་སྡང་གཅོད། །མཚོན་ཆེན་སྔོན་པོ་འབར་བ་ཡིས། །ནམ་མཁའི་དཀྱིལ་ནས་ཐིགས་པ་ཤར། །སྙིང་གི་གོ་རུ་བསྒོམ་པར་བྱ། །ཧཱུཾ། སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཧཱུཾ། སེམས་དང་ཡིད་དང་རྣམ་ཤེས་ཉིད། །དེ་ཉིད་ལས་ནི་འཁྲུལ་ནས་བཏབ། །རྣམ་རྟོག་བག་ཆགས་སྤང་བའི་ཕྱིར། །བདག་དང་ཕུར་པ་གཞལ་ཡས་ཁང༌། །ཧཱུཾ། རཀྟའི་རྒྱ་མཚོ་ཆེན་པོ་འཁྱིལ་བའི་ཀློང༌། །ཀེང་རུས་ཆེན་པོའི་རི་རབ་བརྩེགས་པའི་སྟེང༌། །རྡོ་རྗེའི་བྲག་ཆེན་གཏམས་པའི་ས་གཞི་ལ། དུར་ཁྲོད་ཆེན་པོ་འབར་བའི་གཞལ་


JLAZ009_Page_0359
[མ་དཔེ་གཟིགས་ན་འདིར་གནོན།]

ཡས་ཁང༌། །སུས་ཀྱང་མ་བསྐྱེད་ཡེ་ནས་ཚད་ལས་འདས། །བསྐལ་པ་མེ་ལྟར་འབར་བའི་དཀྱིལ་འཁོར་ནང༌། །དྲེགས་པ་ལྷ་ཆེན་བསྣོལ་བའི་གདན་སྟེངས་སུ། །ཉི་ཟླའི་གདན་བཤམས་པདྨའི་གེ་སར་བཅས། །ཚད་དང་མཚན་ཉིད་མ་ལུས་ཡོངས་སུ་རྫོགས། །གཙོ་བོའི་གནས་སུ་ཧཱུཾ་མཐིང་ནག་ཡོངས་སུ་གྱུར་པ་ལས། འཇིགས་བྱེད་ཀྱི་རྒྱལ་པོ་དཔལ་རྡོ་རྗེ་གཞོན་ནུ་དབུ་གསུམ་ཕྱག་དྲུག་པ། ཞབས་རྣམ་པ་བཞི་དང་ལྡན་པ། གཡས་ལྗང་ནག །གཡོན་དམར་ནག །དབུས་མཐིང་ནག་ཏུ་བཞུགས་པ། གཡས་ཀྱི་དང་པོ་རྡོ་རྗེ་རྩེ་དགུ་པ་དང༌། གཡོན་དང་པོ་ན་མེ་དཔུང་འབར་བ་བསྣམས་པ། གཡས་བར་པ་ན་རྡོ་རྗེ་རྩེ་ལྔ་པ་དང༌། སྟྭ་རེ་དང༌། ཐོ་བའོ། །གཡོན་བར་པ་ན་ཁ་ཊྭཱཾ་དང༌། ཐོད་དབྱུག་དང༌། ལྕགས་ཀྱུའོ། །གཡས་ཐ་མ་ན་ཕུར་པ་དང༌། གཡོན་ཐ་མ་ན་རྦོད་གཏོང་ཕྲ་མེན་གྱི་ཚོགས་བསྣམས་ཏེ། བྱ་རྒོད་དང༌། ཁྱུང་དང༌། འུག་པ་དང༌། ཕོ་རོག་དང༌། ཁྲ་བསྣམས་པའོ། །ཞབས་བཞི་ལས་གཉིས་བརྐྱང་གཉིས་བསྐུམ་སྟེ་དོར་སྟབས་སུ་བཞུགས་པའོ། །སྐུ་ལ་བསྐལ་པའི་མེ་རི་དང༌། གླང་པོ་ཆེའི་ཀོ་རློན་དང༌། སྟག་གི་ཤམ་ཐབས་དང༌། ཞིང་


JLAZ009_Page_0360
[མ་དཔེ་གཟིགས་ན་འདིར་གནོན།]

ཆེན་གྱི་པགས་པ་དང༌། ཐལ་བའི་ཚོམ་བུ་དང༌། ཞག་གི་ཟོ་རིས་དང༌། ཁྲག་གི་ཐིག་ལེའོ། །སྦྲུལ་རིགས་ལྔས་བརྒྱན་ཏེ། རྒྱལ་རིགས་དང༌། རྗེའུ་རིགས་དང༌། བྲམ་ཟེའི་རིགས་དང༌། དམངས་རིགས་དང༌། གདོལ་པའི་རིགས་སོ། །ཐུགས་རྗེས་ཆགས་པ་ཁྲག་གི་རྒྱ་མཚོ་ལ་གསོལ་བའོ། །ཡུམ་འཁོར་ལོ་རྒྱས་འདེབས་མ་ཞལ་གཅིག་ཕྱག་གཉིས་མ། གཡས་ཡབ་ཀྱི་མགུལ་ནས་འཁྱུད་པ། གཡོན་བྷནྡྷ་རཀྟས་བཀང་ནས་ཡབ་ཀྱི་ཞལ་དུ་སྟོབས། སྐུ་ལ་དུར་ཁྲོད་ཀྱི་རྒྱན་གྱིས་བརྒྱན་པ། དོ་ཤལ་དང༌། དཔུང་རྒྱན་དང༌། མགུར་ཆུ་དང༌། སྙན་ཆ་དང༌། སེ་མོ་དོས་བརྒྱན་ཏེ། ཐབས་དང་ཤེས་རབ་གཉིས་སུ་མེད་པར་བཞུགས་པའོ། །ཧཱུཾ། རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་རྡོ་རྗེར་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་མཛོད། །ཞེས་བསྐུལ་བས་སྲིད་པ་གསུམ་གྱི་སྣང་ཞེན་རྡོ་རྗེ་ཕུར་པའི་དཀྱིལ་འཁོར་གསུམ་དུ་སྒྲུབ་པའི་ཕྱིར་རྡོ་རྗེ་ཆགས་པའི་ཏིང་ངེ་འཛིན་ལ་སྙོམས་པར་ཞུགས། ཡབ་ཡུམ་གཉིས་སུ་མེད་པར་རྡོ་རྗེ་ཆགས་པའི་དོན་ལ་བསྐུལ་བར་མཛད་དེ་ཡབ་ཀྱིས་ས་མ་ཡ་ཧོཿ ཡུམ་གྱིས་ས་མ་ཡ་སྟྭཾ། ཡབ་ཀྱིས་རཱ་ཧོ་ཧཾ།


JLAZ009_Page_0361
[མ་དཔེ་གཟིགས་ན་འདིར་གནོན།]

ཡུམ་གྱིས་རཱ་ག་ཡ་མི། ཡབ་ཡུམ་གཉིས་སུ་མེད་པར་གྱུར། པདྨོ་ཡོ་གི་ནི་ས་མ་ཡ་པྲ་བེ་ཤ་ཡ་ཕཊ། ཡབ་ཀྱི་བྱང་ཆུབ་ཀྱི་སེམས་ཡུམ་གྱི་མཁར་བབས་ཏེ། ཡུམ་ཡང་བྱང་ཆུབ་སེམས་ཀྱི་རང་བཞིན་དུ་གྱུར། ཧཱུཾ་ཧཱུཾ་ཧཱུཾ་བི་ཤྭ་བཛྲ་ཀྲོ་ཏ་ཛྭ་ལ་མཎྜ་ལ་ཧ་ལ་ཧ་ལ་ཧཱུཾ་ཕཊ། ཅེས་བརྗོད་པས་བྱང་ཆུབ་ཀྱི་སེམས་ལན་གཅིག་འཕྲོས་པ་ཁྲོ་བོ་འཆོལ་བའི་རང་བཞིན་དུ་གྱུར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལྷག་གིས་ཁེངས། ཉོན་མོངས་པ་དང་ལོག་པར་ལྟ་བའི་སེམས་ཅན་ཐམས་ཅད་བསྒྲལ། སླར་དེ་དག་ཐམས་ཅད་ཡུམ་གྱི་བྷ་ག་ལ་བསྡུས་ཏེ། འོད་ཟེར་ཕྱོགས་བཅུར་འཕྲོས་པས་ཕྱོགས་བཅུའི་དྲེགས་པ་ཅན་ཐམས་ཅད་བསྒྲལ་ཏེ་རྩིབས་བཅུར་གདན་དུ་བྱས་པའི་སྟེང་ཁྲོ་བོའི་དཀྱིལ་འཁོར་འཐོན་པ་ནི། ཧཱུཾ་ཧཱུཾ་ཛཿཛཿ ཤར་ཕྱོགས་སུ་ཁྲོ་བོ་རྣམ་པར་རྒྱལ་བ་དབུ་གསུམ་ཕྱག་དྲུག་ཞབས་རྣམ་པ་བཞི་དང་ལྡན་ཞིང་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ། ཡུམ་རྡོ་རྗེ་སྙེམས་མ་དང་འཁྲིལ་ནས་བརྒྱ་བྱིན་གྱི་གདན་ལ་བརྐྱང་བསྐུམ་དུ་བཞུགས་པའི་གཡས་སུ་ཡབ་ཀྱི་སྤྲུལ་པ་སྟག་གི་མགོ་ཅན་དང༌། གཡོན་དུ་ཡུམ་གྱི་སྤྲུལ་པ་བྱ་རྒོད་ཀྱི་མགོ་ཅན་ནོ། །ཧཱུཾ་ཧཱུཾ་ཛཿཛཿ དེ་བཞིན་


JLAZ009_Page_0362
[མ་དཔེ་གཟིགས་ན་འདིར་གནོན།]

དུ་ལྷོར་ཁྲོ་བོ་གཤིན་རྗེའི་གཤེད་དང༌། ཡུམ་དུར་ཁྲོད་བདག་མོ་སྤྲུལ་པ་ཤ་བ་དང་འུག་པའི་མགོ་ཅན། ཧཱུཾ་ཧཱུཾ་ཛཿཛཿ ནུབ་ཏུ་ཁྲོ་བོ་རྟ་མཆོག་དཔལ་དང་ཡུམ་རྡོ་རྗེ་གཏུམ་མོ། །སྤྲུལ་པ་བྱི་ལ་དང་པུ་ཤུད་མགོ་ཅན། ཧཱུཾ་ཧཱུཾ་ཛཿཛཿ བྱང་དུ་ཁྲོ་བོ་བདུད་རྩི་འཁྱིལ་བ་དང་ཡུམ་རྡོ་རྗེ་རླུང་འབྱིན་མ། སྤྲུལ་པ་སེང་གེ་དང་ཕ་ཝང་མགོ་ཅན། ཧཱུཾ་ཧཱུཾ་ཛཿཛཿ ཤར་ལྷོར་ཁྲོ་བོ་དབྱུག་པ་སྔོན་པོ་དང་ཡུམ་རྡོ་རྗེ་སྡེར་མོ། སྤྲུལ་པ་གཡག་དང་བྱ་རོག་མགོ་ཅན། ཧཱུཾ་ཧཱུཾ་ཛཿཛཿ ལྷོ་ནུབ་ཏུ་ཁྲོ་བོ་མི་གཡོ་མགོན་པོ་དང་ཡུམ་རྡོ་རྗེ་གཏུན་ཁུང་མ། སྤྲུལ་པ་གཟིག་དང་ཁྭ་ཏའི་མགོ་ཅན། ཧཱུཾ་ཧཱུཾ་ཛཿཛཿ ནུབ་བྱང་དུ་ཁྲོ་བོ་གཞན་གྱིས་མི་ཐུབ་པ་དང་ཡུམ་རྡོ་རྗེ་མདའ་སྙེམས་མ། སྤྲུལ་པ་སྤྱང་ཀི་དང་ཁྲའི་མགོ་ཅན། ཧཱུཾ་ཧཱུཾ་ཛཿཛཿ བྱང་ཤར་དུ་ཁྲོ་བོ་ཁམས་གསུམ་རྣམ་རྒྱལ་དང་ཡུམ་རྡོ་རྗེ་གསོད་བྱེད་མ། སྤྲུལ་པ་དོམ་དང་སྲེ་མོང་མགོ་ཅན། ཧཱུཾ་ཧཱུཾ་ཛཿཛཿ སྟེང་གི་ཕྱོགས་སུ་ཁྲོ་བོ་ཧཱུཾ་ཀཱ་ར་དང་ཡུམ་རྡོ་རྗེ་སྒྲ་འབྱིན་མ། སྤྲུལ་པ་ཕག་དང་སྨིག་བུའི་མགོ་ཅན། ཧཱུཾ་ཧཱུཾ་ཛཿཛཿ འོག་ཕྱོགས་སུ་ཁྲོ་བོ་སྟོབས་པོ་ཆེ་དང་ཡུམ་རྡོ་རྗེ་བསྐྱོད་བྱེད་མ། སྤྲུལ་པ་དྲེད་དང་བྱི་བའི་མགོ་ཅན།


JLAZ009_Page_0363
[མ་དཔེ་གཟིགས་ན་འདིར་གནོན།]

ཐམས་ཅད་ཀྱང་རྩ་ཕྱག་གཉིས་རྡོ་རྗེ་དང་དུང་ཁྲག །བར་པ་གཉིས་རང་རྟགས། ཐ་མ་གཉིས་ཏིར་དབྱུག་དང་འདབ་ཆགས་ཤས་ཆེར་འཛིན་ཅིང་དུར་ཁྲོད་ཀྱི་ཆས་བརྒྱད་དང་ལྡན་པའོ། །ཧཱུཾ། སངས་རྒྱས་ཀུན་གྱི་ཡེ་ཤེས་སྐུ། །ངང་ཉིད་རྡོ་རྗེའི་ཆོས་དབྱིངས་ལས། །འབར་བའི་ཁྲོ་བོ་མི་བཟད་པའི། །སྐུ་ཡི་དབྱིག་ཏུ་སྲས་བསྐྱེད་ཅིག །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུཾ་ཕཊ། ཅེས་བརྗོད་པས་སྲས་མཆོག་རྫས་ཀྱི་དཀྱིལ་འཁོར་དབུ་གསུམ་ཕྱག་དྲུག་པ། སྐུ་སྨད་ཕུར་པའི་དབལ་དང་ལྡན་པ་ལྔ་ཟླ་གམ་གསུམ་ལ་བཀའ་ནོད་པའི་ཚུལ་གྱིས་བཞུགས་པའོ། །ཛཿཧཱུཾ་བཾ་ཧོཿ ལས་སྒོ་བཞིར་སྒོ་མ་བཞི་དང༌། མུ་རན་ལ་ཕུར་སྲུང་དམ་ཅན་གྱི་ཚོགས་རྣམས་མངོན་སུམ་ལྟ་བུར་བཞུགས་པའོ། །གཉིས་པ་གནས་གསུམ་བྱིན་བརླབ་ནི། སྙིང་ག་མགྲིན་པ་སྤྱི་བོ་རུ། །ཟླ་བའི་དཀྱིལ་འཁོར་བསམ་ནས་ནི། །རྡོ་རྗེ་པདྨ་འཁོར་ལོ་དག །ཧཱུཾ་ཨཱཿཨོཾ་གྱིས་མཚན་པ་ལས། །ཐུགས་གསུང་སྐུ་ཡི་རྡོ་རྗེར་བསྒོམ། །རྡོ་རྗེའི་ཕྱག་རྒྱ་གནས་གསུམ་དུ་གཏུག་པ་དང་བསྟུན། ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་བཞིན་དུ་ཝཱཀྐ་དང་ཀཱ་ཡ་སྦྱར། གསུམ་པ་དབང་བསྐུར་བ་ནི། སྙིང་གར་


JLAZ009_Page_0364
[མ་དཔེ་གཟིགས་ན་འདིར་གནོན།]

གཞལ་མེད་ཁང་སྒོ་གཅིག་པའི་སྒོ་སྲུང་རྟ་མགྲིན་ཡབ་ཡུམ་ཅན་གྱི་ནང་དུ་གནས་པའི་ཡེ་ཤེས་སེམས་དཔའ་ཚོན་གང་བ་བསམ་ལ། ཡེ་ཤེས་དཔའ་བོའི་ཐུགས་ཀ་ཡིས། །འོད་ཀྱིས་མགོན་པོ་རྣམས་བསྐུལ་ནས། །དེ་དག་ཐུགས་ལས་བྱུང་བ་ཡིས། །རིག་མས་བདུད་རྩི་བུམ་ཆུ་ཡིས། །དབང་བསྐུར་བྱས་ཏེ་ཐིམ་གྱུར་ནས། །རང་སྔགས་རྡོ་རྗེ་ཅན་གྱིས་གཟུང༌། །དབུ་རྒྱན་རྣམས་ལ་རིགས་ལྔ་དང༌། །རིགས་ཀྱི་བདག་པོ་རྣམས་ཀྱིས་བརྒྱན། །ཧཱུཾ། ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་པ། །དབང་དང་བྱིན་རླབས་བདག་སྩོལ་ཅིག །རིགས་ལྔའི་དབང་རྒྱ་སྤྱི་བོར་བཞག་ལ། ཨོཾ་མ་ཧཱ་ཤཱུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་བཞིན་དུ་ཨཱ་དརྴ། ས་མ་ཏཱ། པྲ་ཏྱ་བེཀྵ་ཎ། ཀྲྀ་ཏ་ཨ་ནུཥྛ། ཞེས་བརྗོད། བཞི་པ་ཁམས་གསུམ་གྱི་སྲོག་ལ་དབང་བསྐུར་བའི་སྒོ་ནས་ཀྱང་སྲིད་པ་ཕུར་བུར་བསྒྲུབ་པ་ནི། ཧཱུཾ་ཧཱུཾ་ཧཱུཾ། འགྲོ་དྲུག་ཉོན་མོངས་བཅིངས་པ་རྣམས། །ཧཱུཾ་གིས་དུག་ཆེན་རབ་སྦྱངས་ཏེ། །ཨ་ནྲི་སུ་ཏྲི་པྲེ་དུར་གྱུར། །རཾ་ཡཾ་ཁཾ་ལས་མེ་རླུང་ཆུས། །འགྲོ་བ་རབ་སྦྱངས་ཧཱུཾ་དུ་གྱུར། །ཁམས་གསུམ་ཐམས་ཅད་རྡོ་རྗེ་སེམས། །ཏིལ་གྱི་གང་བུ་ལྟ་བུས་གང༌། །རྟ་མགྲིན་རྒྱལ་པོ་ཡེ་ཤེས་ལ། །བསྟིམ་པས་བྱང་ཆུབ་སེམས་རྒྱས་གྱུར། །ཡབ་ཡུམ་གཉིས་མེད་སྦྱོར་བའི་སྒྲས། །


JLAZ009_Page_0365
[མ་དཔེ་གཟིགས་ན་འདིར་གནོན།]

ཡེ་ཤེས་ཁྲོ་བོ་སྤྱན་དྲང་ངོ༌། །ལྔ་པ་སྤྱན་འདྲེན་པ། ཧཱུཾ། སྲིད་པ་ཕུར་བུར་བསྒྲུབ་པ་དང༌། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང༌། །རྟགས་དང་མཚན་མ་སྟོན་པ་དང༌། །རྡོ་རྗེ་ཕུར་པའི་དངོས་གྲུབ་སྩོལ། །ཨེ་ཧྱེ་ཧི་བྷ་ག་ཝཱ་ན། མ་ཧཱ་ཀ་རུ་ཎི་ཀ་དྲྀ་ཤྱ་ཧོཿ དྲུག་པ་བཞུགས་གསོལ་ནི། ཧཱུཾ། ཐུགས་མཆོག་གསལ་བའི་བྱིན་རླབས་ལས། །ཞེ་སྡང་གནས་སུ་འཇོམས་པ་དང༌། །མེ་ལོང་ཡེ་ཤེས་འཐོབ་བྱའི་ཕྱིར། །དཀྱིལ་འཁོར་དབུས་སུ་བཞུགས་སུ་གསོལ། །དཀྱིལ་འཁོར་དབུས་སུ་བཞུགས་ནས་ཀྱང༌། །ཉོན་མོངས་མུན་པ་བསལ་དུ་གསོལ། །ས་མ་ཡ་ཏིཥྛ་ལྷན། བདུན་པ་ཕྱག་འཚལ་བ་ནི། ཧཱུཾ། ཡང་དག་དོན་དུ་སྐུ་ནི་ཅིར་སྣང་ཡང༌། །བདུད་དང་སྲིན་པོའི་ང་རྒྱལ་མ་ཡིན་ཏེ། །འདུལ་བའི་དབང་དུ་རབ་རྔམས་མཆེ་བ་གཙིགས། །ཧཱུཾ་དང་ཕཊ་ཀྱི་སྒྲས་ནི་ཀུན་ཀྱང་བཀང༌། །ཉོན་མོངས་གདུག་པ་འདུལ་བའི་ཐུགས་རྗེ་ཡི། །བྱིན་རླབས་སྟེར་བའི་ལྷ་ལ་ཕྱག་འཚལ་ལོ། །ཨ་ཏི་པུ་ཧོཿ པྲ་ཏཱིཙྪ་ཧོཿ བརྒྱད་པ་མཆོད་པ་ལ་སྤྱི་དང་བྱེ་བྲག་གཉིས་ལས། དང་པོ་ནི། ཧཱུཾ། བླ་མེད་མཆོག་གི་མཆོད་པ་དམ་པ་ནི། །ཡེ་ཤེས་ལྔ་ཡི་འོད་


JLAZ009_Page_0366
[མ་དཔེ་གཟིགས་ན་འདིར་གནོན།]

ཟེར་རྣམ་པར་འཕྲོ། །འདོད་པའི་ཡོན་ཏན་ལྔ་ཡིས་རབ་བརྒྱན་ཏེ། །དམ་ཚིག་བཞིན་ལས་ཅི་བདེར་བཞེས་སུ་གསོལ། །ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར། ཨརྒྷཾ། པདྱཾ། པུཥྤེ། དྷཱུ་པེ། ཨཱ་ལོ་ཀེ། གནྡྷེ། ནཻ་ཝི་ཏེ། ཤཔྟ་སརྦ་པཉྩ་རཀྟ་བྷ་ལིཾ་ཏ་ཁཱ་ཧི། གཉིས་པ་ཁྱད་པར་རཀྟ་ཚར་གསུམ་ནི། ཕུད་དང་རཀྟ་བསྲེས། ཕོ་ཉ་ལ་བཀའ་བསྒོ་བའི་དོན་དུ་ཕུལ་ལ། ཧཱུཾ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུངས་ཤིག་རྒྱོབ་ཅིག་རྣམ་པར་ཆིངས། །གཏོགས་ཤིག་གྲོགས་དང་བྲལ་བར་གྱིས། །རེངས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ཀྱང༌། །བསྒོ་བའི་བཀའ་ལ་ཉན་པར་གྱིས། །མ་ཧཱ་རཀྟ་ཁཱ་ཧི། དམ་ཅན་གནད་ལ་དབབ་ཕྱིར་ཕུལ་ནས། ཧཱུཾ། བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་བཅས་པ་ཡི། །མངོན་སྤྱོད་ཕྲིན་ལས་མྱུར་དུ་མཛོད། །མ་ཧཱ་རཀྟ་ཁཱ་ཧི། མཐུ་དང་རྫུ་འཕྲུལ་འཕྲོག་ཕྱིར་དབུལ་བ་ནི། ཧཱུཾ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ལྷའམ་འོན་ཏེ་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་མཛོད། །མ་ཧཱ་རཀྟ་ཁཱ་ཧི། དགུ་པ་བསྟོད་པ་


JLAZ009_Page_0367
[མ་དཔེ་གཟིགས་ན་འདིར་གནོན།]

ནི། ཧཱུཾ། སྣང་སྲིད་ཐམས་ཅད་ཕུར་པའི་རང་བཞིན་ལ། །ཁམས་གསུམ་འཁོར་བ་མིང་ཡང་མི་གྲགས་ཀྱང༌། །རྒྱལ་བའི་རྫུ་འཕྲུལ་ཆེན་པོ་བསྟན་པའི་ཕྱིར། །རྡོ་རྗེ་མངོན་སྤྱོད་ཕྲིན་ལས་མཛད་ལ་བསྟོད། །བཅུ་པ་ཛཔ྄་དགོངས་ནི། ཧཱུཾ། ཐུགས་ཀ་དཔལ་གྱི་བེའུའི་དཀྱིལ་འཁོར་ནས། །སྒོ་གཅིག་རིན་ཆེན་གཞལ་ཡས་ཁང༌། །བདེ་སྟོང་གཉིས་མེད་ངང་ཉིད་ལས། །ཆོས་ཀྱི་སྐུ་ལས་ལོངས་སྐུར་ཤར། །པདྨ་ཟླ་བའི་གདན་ལ་བཞུགས། །སྐྱོན་གྱིས་མ་གོས་གཏི་མུག་སེལ། །ཡབ་ཡུམ་གཉིས་མེད་ཟག་མེད་སྐུ། །སྐུ་མདོག་དཀར་གསལ་རྣམ་དག་དབྱིངས། །རྡོ་རྗེ་དྲིལ་བུ་ཕྱག་ན་བསྣམས། །ཤེས་རབ་བྱང་ཆུབ་སེམས་དང་ལྡན། །རྟོག་མེད་མི་འགྱུར་སྐྱིལ་ཀྲུང་བཞུགས། །མཁའ་དབྱིངས་བདེ་ཆེན་སྐུ་ལ་ བསྟོད། །བཅུ་གཅིག་པ་ཛཔ྄་ལ། བསྙེན་པ། ཉེ་བསྙེན། སྒྲུབ་པ་གསུམ་ལས། དང་པོ་ནི། ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། གཉིས་པ་ནི། ཨོཾ་བཛྲ་ཀཱི་ལི་ཀཱི་ལ་སརྦ་བིག་ནན་བཾ་ཧཱུཾ་ཕཊ། གསུམ་པ་ནི། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུཾ་ཕཊ་ཛཿཧཱུཾ་ཨཱ་ཞེས་པ་སྟེ་དམིགས་པའི་རིམ་པ་ནི་སྒྲུབ་ཐབས་རྒྱས་འབྲིང་གཉིས་ཀར་བསྟན་པས་ཤེས་སོ། །གསུམ་པ་རྗེས་ཀྱི་རིམ་པ་ལ་བཅུ་གཉིས་ལས། དང་པོ་ཚོགས་བྱིན་གྱིས་བརླབ་པ་ནི། ཧཱུཾ། ཚོགས་ཀྱི་དཀྱིལ་འཁོར་དམ་པ་


JLAZ009_Page_0368
[མ་དཔེ་གཟིགས་ན་འདིར་གནོན།]

འདིར། །འབྱོར་པ་ཕུན་སུམ་ཚོགས་བྱས་ལ། །སྣོད་ནི་ཨ་ལས་རྣམ་པར་དག །བཅུད་ནི་ཧཱུཾ་ལས་བསམ་པར་བྱ། །ཡུམ་གྱིས་འབར་བའི་མེ་བསྐྱོད་ནས། །ཨ་ཞུ་བཅུད་ལ་ཐིམ་པར་གྱུར། །ཕྱོགས་བཅུ་འོད་ཟེར་འཕྲོས་པ་ལས། །དུས་གསུམ་རྒྱལ་བའི་ཐུགས་དམ་བསྐུལ། །སླར་འདུས་བདུད་རྩི་ཉིད་དུ་གྱུར། །ཨོཾ་ཨཱཿཧཱུཾ། ལན་གསུམ། གཉིས་པ་སྤྱན་འདྲེན་ནི། ཧཱུཾ། ཧེ་རུ་ཀ་ཡི་གནས་བཅུ་དང༌། །དུར་ཁྲོད་ཆེན་པོའི་གནས་བརྒྱད་ནས། །དཀྱིལ་འཁོར་ལྷ་ཚོགས་སྤྱན་འདྲེན་ནོ། །དུར་ཁྲོད་མཆོག་གི་གནས་འདི་རུ། །ཞིང་ཆེན་གསར་རྙིང་ཏི་རར་བཅས། །དམར་གྱི་ཨརྒྷཾ་རྒྱ་མཚོར་འཁྱིལ། །མཁའ་འགྲོ་འབར་བའི་ཚོགས་བཅས་རྣམས། །མ་ལུས་གཤེགས་ནས་བསྣམ་དུ་གསོལ། །བཛྲ་ས་མ་ཡ་ཛཿ གསུམ་པ་ཕུད་དབུལ་བ་ནི། ཧཱུཾ། མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །བཅོམ་ལྡན་རྡོ་རྗེ་གཞོན་ནུ་ཡབ་ཡུམ་དང། །ཕྱོགས་བཅུ་ཁྲོ་རྒྱལ་སྲས་མཆོག་ཟ་བྱེད་ཚོགས། །འཁོར་གྱི་དམ་ཅན་བྲན་དང་ཕོ་ཉའི་ཚོགས། །དམ་རྫས་ཚོགས་ཀྱི་མཆོད་པ་འདི་བཞེས་ལ། །བར་ཆད་མེད་ཅིང་གནོད་པ་ཞི་བ་དང༌། །ཚོགས་གཉིས་རྫོགས་ནས་འབྲས་བུ་གྲུབ་པར་མཛོད། །གྷ་ན་ཙཀྲ་པཱུ་ཙ་ཁཱ་ཧི། བཞི་པ་བཤགས་པ་ནི། ཧཱུཾ།


JLAZ009_Page_0369
[མ་དཔེ་གཟིགས་ན་འདིར་གནོན།]

མཁའ་འགྲོ་མ་དང་ཤ་ཟ་མོ། །ར་རོ་མ་དང་ཁྲག་འཐུང་མ། །ས་བླ་ས་འོག་ས་སྟེང་གི། །ལས་ལ་གྲུབ་པའི་མཁའ་འགྲོའི་ཚོགས། །གཏོར་མ་ལེན་ཅིང་ལས་རྣམས་བྱེད། །མཉམ་པར་རོལ་པའི་བདེ་ཆེན་གྱིས། །དཔའ་བོ་དཔའ་མོ་མཉེས་གྱུར་ཅིག །སྤྲོ་དང་བསྡུ་བའི་བདེ་བ་ཡིས། །མཁའ་འགྲོ་མ་ཚོགས་ཚིམ་གྱུར་ཅིག །བདུད་རྩི་ལྔ་ལྡན་ཚོགས་མཆོད་ཀྱིས། །འཇིག་རྟེན་འདས་དང་མ་འདས་པའི། །མཁའ་འགྲོ་མ་ཚོགས་མཉེས་གྱུར་ནས། །དམ་ཚིག་ཉམས་ཆག་དག་པར་མཛོད། །ཡིག་བརྒྱ་བཟླ། ལྔ་པ་བསྒྲལ་བསྟབ་ནི། ཧཱུཾ། དམ་ཚིག་ཆེན་པོའི་དུས་ལ་བབ། །ཚོགས་ཀྱི་བསྒྲལ་མཆོད་བཞེས་སུ་གསོལ། །སྤྲུལ་པ་ཆེན་པོའི་དུས་ལ་བབ། །ཚོགས་ཀྱི་བསྒྲལ་མཆོད་བཞེས་སུ་གསོལ། །ཕྱག་བརྙན་ཆེན་པོའི་དུས་ལ་བབ། །ཚོགས་ཀྱི་བསྒྲལ་མཆོད་བཞེས་སུ་གསོལ། །གདུག་ཅིང་སྡང་སེམས་ལྡན་པ་རྣམས། །ལྷའམ་འོན་ཏེ་བདུད་ཀྱང་རུང༌། །ང་ལ་བར་གཅོད་བྱེད་པ་རྣམས། །མཐུ་དང་རྫུ་འཕྲུལ་མེད་པར་མཛོད། །ཅེས་བསྟབ། དྲུག་པ་ལྷག་མ་ནི། ཧཱུཾ། ཤྭ་ན་མུ་ཁའི་དུས་ལ་བབ། །ལྷག་མའི་གཏོར་མ་བཞེས་སུ་གསོལ། །བཀའ་ཡི་གཏོར་མ་


JLAZ009_Page_0370
[མ་དཔེ་གཟིགས་ན་འདིར་གནོན།]

འདི་བཞེས་ལ། །རྣལ་འབྱོར་བར་ཆད་བསྲུང་དུ་གསོལ། །ས་བདག་ཆེན་མོའི་དུས་ལ་བབ། །ལྷག་མའི་གཏོར་མ་བཞེས་སུ་གསོལ། །བཀའ་ཡི་གཏོར་མ་འདི་བཞེས་ལ། །རྣལ་འབྱོར་བར་ཆད་བསྲུང་དུ་གསོལ། །བདག་ཉིད་ཆེན་མོའི་དུས་ལ་བབ། །ལྷག་མའི་གཏོར་མ་བཞེས་སུ་གསོལ། །བཀའ་ཡི་གཏོར་མ་འདི་བཞེས་ལ། །རྣལ་འབྱོར་བར་ཆད་བསྲུང་དུ་གསོལ། །ཁ་ནས་ཁྲག་དང་ཞག་འཛག་ཅིང༌། །ལག་པ་ཐོད་ཁྲག་ཐོགས་ནས་ནི། །ཧི་ཧིར་དགོད་ཅིང་སྤྱུགས་པ་འབོད། །མ་བདུན་སྲིང་བཞི་ལ་སོགས་པ། །ཕུར་སྲུང་རྣམས་ཀྱི་དུས་ལ་བབ། །ལྷག་མའི་གཏོར་མ་བཞེས་སུ་གསོལ། །བཀའ་ཡི་གཏོར་མ་འདི་བཞེས་ལ། །རྣལ་འབྱོར་བར་ཆད་བསྲུང་དུ་གསོལ། །ཅེས་ཕྱི་རོལ་དུ་དོར། བདུན་པ་སྨོན་ལམ་ནི། བླ་མ་ལ་གུས་སྙིང་རྗེ་ལྡན། །རྡོ་རྗེ་གཞོན་ནུ་གྲུབ་ནས་ཀྱང༌། །སྐྱེ་ཤི་མེད་པར་འགྱུར་བར་ཤོག །ཟབ་མོའི་དོན་ལ་སེམས་པ་དང༌། །བཙུན་མོའི་ཁུ་བ་མཉམ་ཟས་ཅན། །སྐྱེ་ཞིང་སྐྱེ་བར་འགྱུར་བར་ཤོག །ཅེས་བརྗོད། ཚོགས་ཀྱི་འཁོར་ལོའི་དུས་འདི་རུ། །རྐང་པ་བརྐྱང་བར་མི་བྱ་ཞིང༌། །ཕྱི་རོལ་གཏམ་ཡང་རབ་ཏུ་སྤངས། །མི་དགོད་གསང་བའི་ངག་ལ་གནས། །དམ་ཚིག་མེད་ཅིང་ངང་རྒྱུད་ངན། །རྟོག་པ་ཅན་ལ་ཚོགས་འཁོར་གསང༌། །རྡོ་རྗེའི་གླུ་ནི་རབ་ཏུ་བླང༌། །མཁའ་འགྲོ་རྣམས་ལ་གཏོར་མ་བྱིན། །ཞེས་གསུངས་སོ། །


JLAZ009_Page_0371
[མ་དཔེ་གཟིགས་ན་འདིར་གནོན།]

བརྒྱད་པ་ནོངས་བཤགས། དགུ་པ་ཉེར་བསྡུ། བཅུ་པ་སྤྱོད་ལམ། བཅུ་གཅིག་པ་བསྔོ་སྨོན། བཅུ་གཉིས་པ་བཀྲ་ཤིས་རྣམས་སྒྲུབ་ཐབས་འབྲིང་པོ་ལྟར་བྱའོ། །སྐྱེ་གནས་བཞི་ཡི་བག་ཆགས་སྦྱོང་ཚུལ་ལ། །གོ་བ་མ་རྙེད་གོང་ནས་སྤྲོས་པ་འདོར། །སྦྱང་གཞི་སྦྱོང་བྱེད་མེད་པའི་ཀྲོང་བསྐྱེད་ལ། །སྔགས་པ་བརྗོད་ལ་འདི་ཡང་མངས་ཀྱི་དོགས། །དེ་ལྟ་ནའང་ལེགས་བྱས་ཉིན་མོའི་དཔལ། །ཡང་དག་ལྟར་སྣང་འབྱེད་པའི་མིག་ལྡན་དུ། །གྱུར་ནས་སྔ་འགྱུར་རིང་ལུགས་པདྨའི་ཚལ། །མཐོང་བའི་དགེ་མཚན་བླ་ན་གསལ་གྱུར་ཅིག །

ཕུར་པ་རྒྱུད་ལུགས་ལས་བསྐྱེད་རིམ་གྱི་དོགས་སེལ་དཀའ་གནད་མདུད་འགྲོལ།


JLAZ009_Page_0373
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས་བསྐྱེད་རིམ་གྱི་དོགས་སེལ་དཀའ་གནད་མདུད་འགྲོལ་བཞུགས། །འདུས་མ་བྱས་པའི་རྡོ་རྗེ་ནི། །ཆོས་ཉིད་རང་བཞིན་ཕུར་བུ་སྟེ། །ཡོངས་གྲུབ་དོན་དམ་བདེན་པའི་ཞལ། །དཔལ་ཆེན་རྡོ་རྗེ་གཞོན་ནུར་འདུད། །གསང་སྔགས་གསར་རྙིང་མདོ་མཐུན་པར་དཀྱིལ་འཁོར་གྱི་ཆོ་ག་དང་སྒྲུབ་ཐབས་གཉིས་སུ་ཕྱེ་བའི་དང་པོས་ས་ཆོག་ཕྱི་ནང་གསང་གསུམ་གྱི་མཚམས་གཅོད། སྟ་གོན་གྱི་རིམ་པ། དཀྱིལ་འཁོར་འདུ་བྱ་བའི་ལས་རིམ་སོགས་ཚང་ལ་མ་ནོར་བ་སྟོན་པ་ཡིན་པས། འདིར་ཡང་དབང་གི་ཆོ་ག་དངོས་གྲུབ་རྒྱ་མཚོའི་འཇུག་ངོགས་ལྟར་ཤེས་པར་བྱ་ཞིང༌། འོན་ཀྱང་གནས་ཀྱི་མཚན་ཉིད་སོགས་བྱ་བའི་གསེབ་ཚགས་འགའ་ཞིག་བསྙེན་སྒྲུབ་ཐམས་ཅད་ཀྱི་མཛོད་ཁང་ལས་ཤེས་པར་བྱས་ན་སྒྲུབ་ཁོག་ཏུ་མིང་བཏགས་པའི་ལག་ལེན་ཟུར་པ་མི་དགོས་ལ། དེ་བཞིན་དུ་ས་ཆོག་ལ་གདོན་བགེགས་གཟིར་བའི་སླད་དུ་ཁྲོ་བོ་བཅུའི་སྟངས་སྟབས་དང་ཕྱག་རྒྱ་དམིགས་བསལ་རྒྱུད་ནས་བཤད་པ་སྒྲུབ་ཐབས་སུ་བསྡེབས་པ་ལྟར་ཡིན་ལ། དེ་ལས་གཞན་པ་ཕུར་པའི་རྒྱུད་སྡེ་ལས་བཤད་པ་མ་མཐོང་ཡང་སྔོན་གྱི་བླ་མ་དམ་པ་རྣམས་ཀྱིས་སྲོལ་བཏོད་པ་ཉིད་དུ་རིག་པར་བྱས་ནས་གསང་སྔགས་ཀྱི་དོན་པོ་དབང་དང་བསྐྱེད་རིམ་རྫོགས་རིམ་དང་བཤད་པ་སྟེ། སྔ་འགྱུར་བཀའ་


JLAZ009_Page_0374
[མ་དཔེ་གཟིགས་ན་འདིར་གནོན།]

བབས་ཀྱི་ཆུ་བོ་བཞིའི་རྒྱུན་ལ་འདྲིས་པར་བྱས་ན་བྱིན་རླབས་ཆེ་ཞིང་དངོས་གྲུབ་འབྱུང་བ་ཡིན་ཡང༌། དེང་སང་གསང་སྔགས་གཟུགས་བརྙན་དུ་ལྷུང་བས་ཕྱག་རྒྱ་དམ་རྒྱ་ཆོས་རྒྱ་ཕྱག་རྒྱ་ཆེན་པོ་བཞིའི་མཚན་ཉིད་ཀྱང་རྣ་ལམ་དུ་མ་སོན་བཞིན་དུ་རྡོ་རྗེ་འཛིན་པར་སྙེམས་པས་གང་བའི་ཕྱིར་རོ། །ལར་གསང་སྔགས་ནི་དོན་ཟབ་ཅིང་དབྱིངས་ཆེ་བས་དབང་རྟུལ་རྣམས་ལ་ཡེ་གསང་ཆེན་པོར་གྱུར་པར་མ་ཟད་དེང་གི་དུས་གསང་སྔགས་མོས་པས་སྤྱོད་པའི་སྐབས་ཡིན་ཡང་དམ་ཚིག་དག་པ་རྣམས་ལ་ཐུན་མོང་གི་དངོས་གྲུབ་མཐོང་ཆོས་སུ་གྱུར་པས་དམ་ཚིག་ཁོ་ན་ལ་བརྩོན་པ་གཞིར་བཞག་ནས་བསྒྲུབ་པར་བྱའོ། །དེ་ལས་འདིར་མངོན་རྟོགས་ཀྱི་དཀའ་ས་ནས་འདྲི་བའི་ཆ་ལ། ཁྲོ་བོ་འཆོལ་བའི་མཚམས་ཀྱི་དུས། །བསྒྲུབ་པའི་ཡེ་ཤེས་ཚོན་གང་པོ། །ཞེས་པ་ལ་སོགས་པའི་དོན། རང་ཡི་དམ་དུ་གསལ་བའི་ཐུགས་ཀ་ནས་ཧཱུཾ་ཡིག་ཚོན་གང་བ་དཔག་ཏུ་མེད་པར་སྤྲོས་པའི་རང་སྒྲས་སྟོང་གསུམ་ཐམས་ཅད་རྫུས་སྐྱེས་ཀྱི་ཁྲོ་བོས་གང༌། དེ་ཐམས་ཅད་ཀྱང་ཞི་བས་མི་ཐུལ་བའི་གདོན་བགེགས་ལ་ཤིན་ཏུ་ཁྲོས་པའི་ཚུལ་དང་ལྡན་པས་ན་ཐུགས་ལ་འབར་བའི་སྲོག་ཀྱང་ཞུགས་ཞེས་དྲག་པོའི་མངོན་བརྗོད་དང༌། དབུ་རྒྱན་ནི་ཡེ་ཤེས་ལྔའི་ངོ་བོ་ཉིད་ཕྱིར་རང་བསྲུང་དང༌།


JLAZ009_Page_0375
[མ་དཔེ་གཟིགས་ན་འདིར་གནོན།]

ཉི་ཟླ་རི་རབ་ཕུར་པ་ལ་སོགས་གཞན་སྡེ་ཚར་གཅོད་པའི་རྒྱན་གྱིས་བརྒྱན་པའོ། །དེ་ལས་མཚོན་ཆ་འཆོལ་བའི་མཚམས་ལ། རྡོ་རྗེ་རབ་ཏུ་ཀཱི་ལ་ཡ། །སོགས་ནི། ཕྱག་མཚན་གྱི་ཕུར་པ་འདྲིལ་ཞིང་གསོར་བས་དེ་ལས་ཕུར་བུ་མང་པོ་སྤྲོས། གནོད་བྱེད་རྣམས་ཀྱི་རྣམ་པར་ཤེས་པའི་ཚོགས་བརྒྱད་ཚར་བཅད་པས་འཁོར་བ་མྱང་འདས་སུ་བསྒྲལ། དེའང་བདག་རང་བཞིན་གྱི་དཀྱིལ་འཁོར་དང༌། མཚན་མ་རྫས་ཀྱི་དཀྱིལ་འཁོར་དང༌། ཕྱོགས་བཅུ་ཁྲོ་བོའི་དཀྱིལ་འཁོར་གསུམ་ལྡན་གྱི་བྱང་ཆུབ་སེམས་ལས་ཀྱང་འཕྲོས་པས་གཟུགས་ཅན་རྣམས་ཀྱི་ཕུང་པོ་རྡུལ་ཕྲན་དུ་གཤིགས་པའི་ཤ་ཁྲག་ཁམས་གསུམ་དུ་འཐོར། གཟུགས་བྲལ་རྣམས་ཀྱི་མིང་བཞིའི་ཕུང་པོ་ཧཱུཾ་དང་ཕཊ་ཀྱིས་གཏོར་ནས་ཡེ་ཤེས་ཀྱི་རྡོ་རྗེ་ཚོན་གང་བ་དང༌། ཆོས་ཉིད་ཀྱི་ཕུར་བུ་དེ་འདྲ་བས་སྟོང་གསུམ་གང་སྟེ་ཁམས་གསུམ་དུ་འཛིན་པར་བག་ཆགས་བཤིགས། དེ་དག་འདུས་པ་ལས་མཚོན་ཆ་འཆོལ་བའི་གུར་དུ་གྱུར་པར་བསམ་མོ། །དེ་ནས་རྟེན་གཞལ་ཡས་ཁང་ནི། ཐིག་ཚོན་གྱིས་བསྒྲུབས་པའི་རྣམ་བཅས་དམིགས་རྟེན་ཙམ་ལས་བསྒོམ་བྱ་ནི་བློས་བླངས་ལྟར་གྱི་འདོད་སྣམ་རྩིགས་པ་ཕ་གུ་ལ་སོགས་པ་ཕལ་ཆེར་མཐུན་ཀྱང༌།


JLAZ009_Page_0376
[མ་དཔེ་གཟིགས་ན་འདིར་གནོན།]

རྩིགས་པ་ཉིས་རིམ་ཡོད་མེད། རྟ་བབས་མང་ཉུང༌། དུར་ཁྲོད་དང་རྡོ་ར་གོ་ལྡོག་བྱས་མིན། གདུང་ཐུང་དང༌། གདུང་མའི་འགྲོ་ལུགས། ཡ་ཕུབ་དང༌། ཏོག །ཧར་སྒོ་དང་སྒོ་རྒྱན་སོགས་ནི་གསར་རྙིང་ཙམ་མ་ཟད། མདོ་སྒྱུ་སེམས་གསུམ། ཡང་ཕུར། མཉམ་སྦྱོར། བཀའ་བརྒྱད་སོགས་ཀྱང་རྒྱུད་སྡེ་སོ་སོའི་རང་ལུགས་དང་འབྲེལ་དགོས་པ་དཔེར་ན་སྒྱུ་འཕྲུལ་གྱི་འོག་གཞི་འཁོར་ལོས་བྱས་པ་བཞིན་དང༌། དེ་བཞིན་དུ་ཕུར་པ་རྒྱུད་ལུགས་ལ་རོ་རློན་སོགས་ཀྱི་སྐྱེས་བུར་བཤད་པས་མཚོན་ནོ། །གཞལ་ཡས་ཁང་དངོས་ལའང་རྐྱང་པ་དང་ཉིས་རིམ་སོགས་ལས་ཕུར་པའི་རྒྱུད་ཁ་ཅིག་ལས་ཉིས་རིམ་དུའང་བཤད་པས། སྤྲོས་པ་ཅན་ལ་དེ་ལྟར་རུང་ལ། ཇི་ལྟར་ཡང་དེའི་ནང་གི་འཁོར་ལོའི་རྩིབས་བརྒྱད་ནི་གདན་ཐབས་མ་ཡིན་པའི་ཆ་ནས་རྩིབས་བརྒྱད་དུ་སྨོས་པ་ལས་དོན་ལ་རྩིབས་བཅུ་དང་ལྡན་པའི་ཚུལ། དཔེར་ན་ཆུ་བཏགས་ཀྱི་འཁོར་ལོ་ལ་གཤོག་པ་བརྒྱད་དུ་སྨོས་པའི་སྟེང་འོག་གི་སྲོག་ཤིང་ཤུགས་ལ་གོ་བ་ལྟར། འདི་ནི་མཚོན་ཆ་འཁོར་ལོ་སྦུབས་སྟོང་སིལ་སྙན་ཁ་སྦྱར་བ་ལྟ་བུ་ཡིན་པས་ཕྱོགས་མཚམས་སུ་རྩིབས་བརྒྱད་དང༌། སྟེང་འོག་ཏུ་རེ་རེ་ཡོད་པ་ལ་ཧཱུཾ་ཀཱར་སྟོབས་ཆེན་


JLAZ009_Page_0377
[མ་དཔེ་གཟིགས་ན་འདིར་གནོན།]

གཉིས་བཞུགས་པའོ། །གདན་བསྐྱེད་སྐབས་གོ་རིམ་འདོད་རྒྱལ་དུ་བཤད་ཀྱང་རཱུ་ཏྲ་དམ་སྲི་ལ་སོགས་ཞབས་འོག་ཏུ་ཡོད་པ་ཡིན་ཏེ། རྒྱུད་གཅུས། ལུང་དཀྲུགས། མན་ངག་གབ་ཅེས་པའི་དོན་ཡང་འདི་འདྲ་ལ་དགོངས་པ་ཡིན། དེ་ནས་ལྷ་བསྐྱེད་པ་དངོས་ལ་གཞན་སྲས་དང་བདག་སྲས་གཉིས་ལས། དང་པོ་ནི་སངས་རྒྱས་ཀྱི་སྲས་སུ་བདག་ཉིད་བྱ་བའི་དུས། རྡོ་རྗེ་སེམས་དཔའ་སྟངས་དཔྱལ་གནས་འགྱུར་ལས་དཔལ་ཆེན་ཧེ་རུ་ཀར་བཞེངས་པ་ལ་ཡུམ་གྱིས་གླུས་བསྐུལ་བའི་ཚེ། ཨ་དང་ཧཱུཾ་ལས་རབ་ཏུ་སྦྱར། །ཞེས་པ་རྐང་པ་གསུམ་གྱི་དོན། ཨ་ནི་སྐྱེ་མེད་ཡུམ་གྱི་མཁའ། །ཧཱུྃ་ནི་འགག་མེད་ཡབ་ཀྱི་མཚན། །དེ་གཉིས་རོལ་པ་ཆེན་པོའི་ངང༌། །འདོད་པའི་སྒྱུ་རྩལ་རོ་འཛིན་གཞིབས། །ཡུམ་སྤྱན་ཨུཏྤལ་འདྲ་བ་དེ། །ཡབ་ཀྱི་ཐུགས་ཀར་གཏད་པའི་དོན། །གཉིས་པ་བདག་ཉིད་ཀྱི་སྲས་སུ་སངས་རྒྱས་བྱ་བས་འབྲས་བུའི་ཧེ་རུ་ཀ་བསྐྱེད་ནས་འཁོར་བ་དང་རྣམ་པ་མཐུན་པའི་མངལ་འབྱིན་གྱིས་འཁོར་རྣམས་བསྐྱེད་པའི་ཚིག་ལ། འདོད་ཆགས་ཆེན་པོའི་ཚུལ་གྱིས་ནི། །ཡེ་ཤེས་དཀྱིལ་འཁོར་ཀུན་བསྡུས་ཏེ། །ཞེས་པ་ལ་སོགས་པའི་དོན་ཡབ་ཡུམ་རྗེས་ཆགས་ལྷག་པར་རྒྱས་


JLAZ009_Page_0378
[མ་དཔེ་གཟིགས་ན་འདིར་གནོན།]

པའི་ཏིང་ངེ་འཛིན་གྱི་རོལ་མོས་ཆོས་དབྱིངས་སྤྲོས་པ་དང་བྲལ་བའི་ཀློང་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་དཀྱིལ་འཁོར་བསྡུས་ཏེ་སྲས་མཆོག་ལྔ་ལ་སོགས་པའི་འཁོར་རྣམས་ཀྱི་ངོ་བོ་ཉིད་དུ་བྱས་པ་ཐབས་ཤེས་གཉིས་ཀའི་ཐུགས་རྡོ་རྗེ་དང་འདྲེས་པས་ཐུགས་ལ་ཞུགས་པའི་སྒྲར་གྱུར་ལ། དེའི་ཚེ་སྲིད་པའི་འདོད་པ་རྣམ་པར་དག་པའི་ཤེས་རབ་ཀྱི་ཆས་དགའ་བ་བཞིའི་ཡེ་ཤེས་ཉམས་སུ་མྱོང་བས། ཤེས་རབ་མ་དགའ་བའི་སྒྲས་བསྟན་ལ། དེ་ལ་ཀུན་ཀྱང་ཀུན་རྫོབ་རྒྱུའི་ཐིག་ལེ་དང༌། དོན་དམ་བྱང་ཆུབ་ཀྱི་སེམས་གཉིས་འདྲེས་པ་ལས་བྱུང་བས་ན། འདིར་སྤྲུལ་པའི་བསྐྱེད་རིམ་ལ་ལྡན་མིན་འདུ་བྱེད་བཏགས་ཡོད་ཙམ་ལས་གྲུབ་པའི་བྱང་ཆུབ་ཀྱི་སེམས་ཀུན་རྫོབ་པ་དང་པོར་བབས་པས་ཡུམ་མཁའ་རྡོ་རྗེ་བཙུན་མོའི་གཞལ་མེད་ཁང་རྣམ་ཐར་གསུམ་གྱི་བདག་ཉིད་ཅན་དང༌། གཉིས་པས་གདན། གསུམ་པས་རླུང་ཁམས་དག་པའི་རྟོག་ཚོགས་ཡི་གེའི་སྤྲིན་དུ་ཤར་བ་དེ་ཡང་ལྷའི་རྣམ་པར་གྲུབ་པར་བསམས་ལ་ཡི་གེ་འཁོར་ལོའི་སྔགས་བརྗོད་པའི་མཐར་ཡུམ་གྱི་འདོད་པའི་སྒྱུ་རྩལ་དང་བཅས་སྲས་འབྱིན་གྱི་ཞུ་བ་གླུས་བསྐུལ་ལ། ཕྱག་མཚན་གྱི་ངོ་བོ་ཉིད་སྲས་མཆོག་རྫས་ཀྱི་དཀྱིལ་འཁོར་རང་སྔགས་ཀྱི་རྐྱེན་


JLAZ009_Page_0379
[མ་དཔེ་གཟིགས་ན་འདིར་གནོན།]

ལས་ལྷུན་གྱིས་གྲུབ་པར་བལྟ་སྟེ། དེ་ཡང་དང་པོར་ཆོས་ཀྱི་དབྱིངས་ཅི་ཡང་མ་ཡིན་པའི་ཀློང་ནས་ལོངས་སྤྱོད་རྫོགས་པ་ཁྲོ་བོའི་མཚན་དཔེར་རང་ཤར་བ། སྤྲུལ་པའི་བདག་ཉིད་དུ་ཕྱིར་བྱུང་བས་ཡབ་ཀྱི་ཕྱག་སོར་རིགས་ལྔ་ཡབ་ཡུམ་གྱི་བདག་ཉིད་ཆེན་པོའི་བར་དུ་བཟུང་བ་ལ་རོལ་པ་ཆེན་པོའི་བདེ་བའི་རླབས་ཀྱིས་དབང་བསྐུར་བའི་དོན་ནོ། །དེ་ལ་བྱུག་བདུག་བྲབ་གསུམ་གྱི་ཚིག །ལུས་ཀྱི་བ་སྤུའི་བུ་ག་ཀུན། །ཞེས་པ་རྐང་གཉིས་རང་སྔགས་དང་བཅས་པས་ཉུང་དཀར་གྱིས་བྲབ་པ་ཁྲོ་ཆུང་གི་གོ་ཚགས་སུ་བསམ། རཀྟ་ལ་སྔགས་སྔོན་དུ་འགྲོ་བས་བྱུག་པའི་རྫས་ཀྱིས་བཀྲག་དང་གཟི་བྱིན་བསྐྱེད། བ་སྤུའི་བུ་ག་རྡོ་རྗེས་གཏམས། ཨོཾ་མ་གུ་ལ་སོགས་ཀྱིས་གུ་གུལ་གྱིས་བདུག་ནས་བགེགས་བསྲུང་བ་གསུམ་ལ་དོན་ལེགས་པར་ཚང་ངོ༌། །དེ་ལ་སྲས་མཆོག་མངལ་སྐྱེས་དང༌། ཁྲོ་བཅུ་ཕྲ་ཕྱག་སྒོང་སྐྱེས། སྒོ་མ་བཞི་དྲོད་གཤེར་སྐྱེས། གསོད་བྱེད་རྣམས་རྫུས་སྐྱེས་ཏེ་སྐྱེ་གནས་བཞི་ཀའི་བག་ཆགས་སྦྱང་བ་རྡོ་རྗེ་ཕུར་པའི་རང་ལུགས་ཡིན་ནོ། །དེ་བཞིན་དུ་དཀྱིལ་འཁོར་གསུམ་གྱི་སྲོག་ཡེ་ཤེས་སུ་དབང་བསྐུར་བ་དང༌། ཡེ་ཤེས་སེམས་དཔའི་སྲོག་ལ་ལྷན་ཅིག་སྐྱེས་


JLAZ009_Page_0380
[མ་དཔེ་གཟིགས་ན་འདིར་གནོན།]

པའི་ཡེ་ཤེས་ཀྱི་དབང་བསྐུར་བ་སོགས་གཞུང་གིས་གོ་དོན་འཕྲོད་ལ། དེ་ནས་ཁམས་གསུམ་སྦྱང་བའི་དམིགས་པ་དང༌། དེ་བཞིན་དུ་ཡེ་ཤེས་སེམས་དཔའི་སྒོ་སྲུང་རྟ་མགྲིན་གྱིས་བྱ་བའི་དགོས་པའང་བསྐྱེད་རིམ་འཕྲོ་ཅན་གྱི་གདོན་བགེགས་བསྲུང་བའི་སླད་དུ་ཡིན་པས་མཐར་བསྐྱེད་རིམ་གྱི་བྱ་བ་རྫོགས་ནས་དབང་བསྐུར་རྒྱས་གདབ་ཟིན་རྗེས་རྟ་མགྲིན་ཡེ་ཤེས་སེམས་དཔའ་ལ་བསྟིམ་པ་ཤེས་པར་བྱའོ། །ཡང༌། རྒྱ་དང་བྲལ་བའི་ཞིང་ཁམས་ནི། ཆོས་ཀྱི་དབྱིངས་རྒྱ་ཆད་ཕྱོགས་ལྷུང་དང་བྲལ་བ་ལ་བཏགས་པའོ། །དེ་ཡང་ནམ་མཁའི་དཀྱིལ་འཁོར་གྱི་ཕན་ཆོད་ཚུན་ཆོད་ཀྱི་བརྡའ་ནི། རྟག་ཆད་ཀྱི་མཐའ་གཉིས་ལ་བཏགས་ནས། དབུ་མའི་ལམ་སྟེ་གཉིས་ཀའི་མཐར་མ་ལྷུང་བས་ཐུན་མོང་དུ་བཏགས་ནས་འདུན་པའི་ཁྱད་པར་ཅུང་ཟད་ཀྱིས་སངས་རྒྱས་ཀྱི་ཡེ་ཤེས་ཤིན་ཏུ་གྲགས་པ་བརྟན་པ་རང་བཞིན་གྱི་གནས་ནས་དགུག་ཏུ་རུང་ཞིང༌། གཞུག་བྱའི་རྟེན་ལ་དམ་ཚིག་སེམས་དཔའ་ལ་འཇུག་ཏུ་རུང་བས་ཐོབ་པ་ཆེན་པོའི་གབ་ཐིག་གིས་བཤད་པའོ། །ཞེས་དཀའ་འགྲེལ་གྱི་ཚུལ་དུ་སྨོས་པའང་ཡང་སྟེང་ཞབས་དྲུང་པའི་ངོར་རིག་འཛིན་འཇིགས་མེད་གླིང་པས་སོ། །དགེའོ། །དགེའོ། །དགེའོ།། །།

ཕུར་པ་རྒྱུད་ལུགས་ལས་བསྙེན་སྒྲུབ་ཐམས་ཅད་ཀྱི་མཛོད་ཁང་རིག་འཛིན་གཞུང་ལམ།


JLAZ009_Page_0381
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས་བསྙེན་སྒྲུབ་ཐམས་ཅད་ཀྱི་མཛོད་ཁང་རིག་འཛིན་གཞུང་ལམ་ཞེས་བྱ་བ་བཞུགས། །


JLAZ009_Page_0382
[མ་དཔེ་གཟིགས་ན་འདིར་གནོན།]

ན་མཿཤྲཱི་བཛྲ་ཀུ་མཱ་ར་ཡ། འདིར་ཕུར་པ་རྒྱུད་ལུགས་ཀྱི་བསྙེན་སྒྲུབ་ཐམས་ཅད་ཀྱི་མཛོད་ཁང་རིག་འཛིན་གཞུང་ལམ་བསྟན་པ་ལ་སྦྱོར་དངོས་རྗེས་གསུམ་ལས། སྦྱོར་བའི་ཐོག་མར་གནས་ཀྱི་མཚན་ཉིད་ནི། རྒྱུད་ལས། དང་པོ་ཕུར་པ་བསྒྲུབ་པའི་གནས། །ནགས་རི་ཚེར་མ་ཅན་གྱི་ཤིང༌། །གཅན་གཟན་གདུག་པ་སྣ་ཚོགས་ཡོད། །གནམ་ནི་རལ་གྲི་མདའ་འགྲིའི་ཤུལ། །ས་ནི་གྲུ་གསུམ་མེ་དཔུང་འདྲ། །ལོགས་ལ་དུར་ཁྲོད་ཡོད་པ་རུ། །མཁས་པས་བརྟགས་ཏེ་བཙལ་བྱས་ན། །འདི་ནི་ཕུར་པ་བསྒྲུབ་གནས་ཡིན། །ཞེས་དང༌། ཤིང་གཅིག་དྲུང་དང་མ་རུངས་པ། །དུག་ཤིང་


JLAZ009_Page_0383
[མ་དཔེ་གཟིགས་ན་འདིར་གནོན།]

གདུག་པ་ཡོད་པ་དང༌། །མ་བདུན་གནས་པའི་ཁྱིམ་རྣམས་དང༌། །སྲོག་གི་རྭ་དང་ཆུ་སྲིན་ཁ། །གཡུལ་ངོ་བཀྱེ་དང་མཚོན་ཕོག་དང༌། །བསད་བཅད་ས་དང་མ་རུངས་ས། །འདི་ནི་དྲག་པོ་བསྒྲུབ་པའི་གནས། །ཞེས་སོ། །དེ་ལྟ་ནའང་གནས་ཀྱི་རྟེན་འབྲེལ་འདི་ནུས་པ་ཆེ་བས་ལས་དང་པོ་པ་ཟེར་ཏེ། དྲོད་ཅུང་ཟད་མ་ ཐོབ་ཀྱི་རིང་ལ་ཧ་ཅང་དྲག་པོའི་གནས་སུ་གྱུར་པ་དང༌། གདོན་ཆེན་མ་རུང་པ་གནས་པའི་ས་ནི་མི་ལེགས་ཏེ། སེམས་ལ་ཆོས་ཉིད་མི་གསལ་དང༌། །ཉམས་དང་ཏིང་འཛིན་གཡེལ་བས་ནི། །གནས་འདི་དག་ཏུ་ཡོངས་མི་བྱ། །ནམ་ཕུགས་རྣལ་འབྱོར་བདག་ལ་གནོད། །དེ་བས་གཞུང་དང་


JLAZ009_Page_0384
[མ་དཔེ་གཟིགས་ན་འདིར་གནོན།]

མཐུན་པའི་གནས། །བཀྲ་ཤིས་ས་ཡི་གནས་དག་ཏུ། །ཡུན་རིང་བསྲིངས་ན་དོན་འགྲུབ་བོ། །ཞེས་སོ། །དེ་བས་ན་བསྙེན་སྒྲུབ་བྱེད་པའི་གནས་འདི་ལྟ་བུ་བརྟག་པར་བྱ་སྟེ། ནགས་ཚལ་ཆེན་པོ་གང་ན་བར། །དེར་ནི་ལེགས་པར་དཔྱད་ནས་ནི། །ཀླུ་ཡི་མིག་དང་འབྱུང་པོའི་སྲང༌། །ས་ཡི་གེགས་དང་མ་རུངས་ས། །མི་ཤིས་པ་ཡི་ས་མིན་པར། །ལས་ཀྱི་བྱ་བ་གཞུང་བཤམས་ལ། །བཀྲ་ཤིས་དོན་གྱི་གནས་ཡིན་ པས། །ཡུན་རིང་བསྲིངས་ན་འགྲུབ་པར་འགྱུར། །མེ་ཏོག་གླིང་དང་རིན་ཆེན་རི། །དཔག་བསམ་ཤིང་དང་སྐད་སྙན་བྱ། །འབྲུ་སྣ་ཚོགས་དང་གནས་ས་ལེགས། །དབྱིབས་ལེགས་ལུང་པ་རན་པ་རུ། །བཀྲ་ཤིས་གཞུང་བཟང་གནས་ཡིན་པས། །གནས་ཀྱི་དམ་པ་ཡིན་པར་བཤད། །ཅེས་པ་ལས་དངོས་གྲུབ་བརྙེས་པའི་དམ་པ་རྣམས་ཀྱིས་བཅགས་པ་དང་གཞི་བདག་དཀར་ཕྱོགས་ལ་དད་ཅིང་རྒྱུད་འཇམ་པའི་ཕྱོགས་ལ་བརྟེན་པར་བྱའོ། །དེའི་ཐོག་མར་ཡང༌། ཡུལ་ལམ་ས་དེའི་བདག་པོ་ལ། །བདེན་པས་བཀྲོལ་ལ་ས་རིན་བཅལ། །ཞེས་པས་གཟུགས་ཅན་དང་རྩོད་པ་བྲལ་བར་བྱས་ལ། གྲུབ་ན་ཆ་གསུམ་དང༌། མིན་ན་གཞི་བདག་གཏོར་མ་བརྔན་ཚིག་གིས་བཀྲོལ་ལ་ཁོང་


JLAZ009_Page_0385
[མ་དཔེ་གཟིགས་ན་འདིར་གནོན།]

ལའང་ཕན་འདོགས་ཀྱི་བསམ་པ་དང་ལྡན་པས་བྱང་ཆུབ་ཀྱི་སེམས་བསྒོམ་པར་བྱའོ། །དེ་ཡང་སྔོན་དུ་སྟོན་པ་ཕུན་སུམ་ཚོགས་པ་རྡོ་རྗེའི་སློབ་དཔོན་མཚན་ཉིད་དང་ལྡན་པ་ལ། བསྟན་པ་ཕུན་སུམ་ཚོགས་པ་རྡོ་རྗེ་ཕུར་པའི་དབང་བསྐུར་ལེགས་པར་མནོས་ནས་དམ་ཚིག་ལ་གནས་ཤིང་བསྐྱེད་རྫོགས་ཀྱི་ལམ་ལ་འཇུག་པའི་ཚུལ་ལུགས་མ་ནོར་བར་ཤེས་པའི་གང་ཟག་ལམ་ཐུན་མོང་བས་རྒྱུད་ལེགས་པར་འབྱོངས་པ་གང་ཞིག་གིས་འགལ་རྐྱེན་མེད་པའི་སྐབས་བཙལ་ཞིང་གཟའ་སྐར་དུས་སྦྱོར་ལེགས་པའི་ཐོག་གནས་ཁང་ལ་བྱི་དོར་བྱ། ཐེག་པ་ཆེན་པོའི་དཀོན་མཆོག་སྤྱན་འདྲེན་པའི་འདུ་ཤེས་བཟང་པོས་ས་རྒྱན་གནམ་རྒྱན་སོགས་དང༌། ཡི་དམ་དང་ཆོས་སྐྱོང་གི་རྟེན་བྱིན་རླབས་ཅན་དགྲམ། དེའང་རྡོ་རྗེ་ཐེག་པའི་དམ་ཚིག་གི་རྟེན་ཅིག་ཤོས་རྡོར་དྲིལ་བཅང་དགོས་པས་དེའི་མཚན་ཉིད་ནི། རྡོ་རྗེ་རྩེ་མོ་ལྔ་པ་ནི། །ལྟེ་བ་པདྨ་ཉིས་བསྐོར་བྱ། །དེ་ལ་ངེས་པའི་བློ་ཅན་གྱིས། །ཐབས་ཀྱི་ཕྱག་རྒྱ་གསལ་བར་བསམ། །ལྟེ་བ་དཔལ་ཆེན་འབར་བ་ཉིད། །ཡར་གྱི་རྩེ་ལྔ་སྲས་མཆོག་ལྔ། །མར་རྩེ་གསང་བའི་མཚན་ཉིད་དོ། །ཡར་འབུར་མར་འབུར་སྟེང་འོག་དང༌། །པདྨ་བརྒྱད་ལ་ཁྲོ་བོ་བཅུ། ཡེ་ཤེས་འབར་


JLAZ009_Page_0386
[མ་དཔེ་གཟིགས་ན་འདིར་གནོན།]

བའི་རྡོ་རྗེ་ཆེ། །ཁྲོ་རྒྱལ་འབར་བའི་ཐབས་ཀྱི་སྐུ། །བདེ་ཆེན་ཡབ་རྣམས་སྐུར་བཞུགས་པས། །དགྱེས་པ་མཆོག་གི་ཕྲིན་ལས་མཛད་དུ་གསོལ། །མ་ཧཱ་བཛྲ་ཧཱུཾ། ལན་གསུམ་གྱིས་གསོར། འཁར་བ་དང་ནི་ལྗོན་དམར་ལ། །དྲིལ་བུ་ཚད་དང་ལྡན་པར་བྱ། །ཤེས་རབ་དག་པའི་གཞལ་ཡས་ཁང༌། །རྣལ་འབྱོར་ཁྲོ་མོའི་དཀྱིལ་འཁོར་དགོད། །ལྟེ་བ་འཁོར་ལོ་རྒྱས་འདེབས་མ། །རཱ་ལྔ་རྒྱས་འདེབས་ཡུམ་ལྔ་སྟེ། །ལུང་ནི་བྷ་གའི་མཚན་ཉིད་དེ། །སྤྱི་བོ་རྩེ་ལྔ་ལྕེ་ལ་ནི། །སྟེང་འོག་ཁྲོ་མོ་རྣམ་པར་བསམ། །པདྨ་འདབ་མ་བརྒྱད་པོ་ལ། །ཕྱོགས་མཚམས་ཁྲོ་མོ་བརྒྱད་པོ་བསམ། །རང་བཞིན་ཤེས་རབ་ཁྲོ་ཚོགས་རྣམས། །རྡོ་རྗེ་བཤུགས་པས་སྤྱན་དྲངས་ནས། །ཤེས་རབ་མ་ལ་བསྟིམ་མཆོད་སྒྲུབ། །སྒྲ་བསྒྲགས་དུས་གསུམ་རྒྱལ་བ་མཉེས། །འགྲོ་བའི་སྒྲིབ་པ་དག་པར་བསམ། །ཧཱུཾ། ཤེས་རབ་ཆེན་པོའི་རང་བཞིན་ནི། །ཆོས་ཉིད་སྟོང་པ་ཆེན་པོའི་སྒྲས། །འཁོར་བའི་བག་ཆགས་ཟིལ་གྱིས་གནོན། །དུས་གསུམ་རྒྱལ་བ་ཀུན་ཀྱང་མཉེས། མ་ཧཱ་གྷཎྜེ་ཧོ། ཞེས་དེ་ཁོ་ན་ཉིད་ངེས་པས་འཁྲོལ་བ་ནི་རྣམ་པ་ཐམས་ཅད་དུ་དྲན་པར་བྱའོ། །དེ་ནས་བསྙེན་པའི་ངོ་བོ་བདག་བྱིན་གྱིས་བརླབ་པའི་རིམ་པ་ཡིན་པས།


JLAZ009_Page_0387
[མ་དཔེ་གཟིགས་ན་འདིར་གནོན།]

སྟེགས་ཀྱི་ཁར་སྒྲུབ་གཏོར་ཙཀ་ལིས་བརྒྱན་པ་དར་ནག་གི་གདུགས་ཅན་དང༌། དམ་ཅན་གྱི་གཏོར་མ་ཤ་ཁྲག་གིས་བརྒྱན་པ། སྨན་རཀ །ཉེར་སྤྱོད་ལ་སོགས་པ་མཐོ་དམའ་གོ་རིམ་ལྟར་བཤམ། དེ་མ་ཐག་དགོས་པའི་རྒྱལ་ཐོའི་འབུལ་གཏོར་དང༌། གཞི་བདག་གཏོར་མ་སོགས་ཉེ་བར་བསྡོགས། བསྙེན་ཕུར་བྱུག་བདུག་བྲབ་གསུམ་གྱིས་གཟི་བྱིན་བསྐྱེད་ལ། སྒྲུབ་གཏོར་གྱི་མདུན་དུ་ཕུར་གདན་ཟུར་གསུམ་ལ་གཙུགས། སྟན་འོག་ཏུ་ཀུ་ཤ་རྩེ་མོ་མདུན་བསྟན་ཅུང་ཟད་ཀྱང་བཞག་པ་ལ་འདུག་སྟེ། དལ་འབྱོར་རྙེད་དཀའ་ནས་བཟུང༌། སྔོན་འགྲོ་ཐུན་མོང་བས་རྒྱུད་ལེགས་པར་སྦྱངས། དེ་ནས་མངོན་རྟོགས་འབྲིང་པོའི་གཞུང་བསྲང་བའི་ཚིག་དོན་འབྲེལ་བ་ནས་བགེགས་གཏོར་གྱི་མཚམས་སུ་ཕྱི་རོལ་བ་བསྐྲད། གུ་གུལ་གྱིས་བདུག །ཡུངས་ཐུན་གྱིས་བརྡེག །རྒྱལ་ཐོ་བཙུགས་ལ། ཧཱུཾ། རི་རབ་གླིང་བཞིའི་ཕྱོགས་བཞི་ནས། །དཔལ་དང་ལྡན་པའི་རྒྱལ་ཆེན་བཞི། །ཕྱོགས་སྲུང་རེ་བ་བསྐང་བའི་ཕྱིར། །འདིར་བྱིན་མཆོད་སྦྱིན་གཏོར་མ་བཞེས། །བར་དུ་གཅོད་པ་མཚམས་ཆོད་ཅིག །ཨོཾ་དྷྲི་ཏ་རསྟྲ་ཧཱུཾ་ཛ། ཨི་དམ་བ་ལིན་ཏ་ཁཱ་ཧི། བི་རུ་དྷ་ཀ་ཧཱུཾ་ཛ། ཨི་དམ་


JLAZ009_Page_0388
[མ་དཔེ་གཟིགས་ན་འདིར་གནོན།]

བ་ལིན་ཏ་ཁཱ་ཧི། བི་རུ་པཱཀྴ་ཧཱུཾ་ཛ། ཨི་དམ་བ་ལིན་ཏ་ཁཱ་ཧི། བཻ་ཤྲ་བ་ཎ་ཧཱུཾ་ཛ། ཨི་དམ་བ་ལིན་ཏ་ཁཱ་ཧི། ཞེས་དང༌། མཆོད་སྦྱིན་གཏོར་མ་འདི་བཞེས་ལ། སོགས་ཀྱིས་གཞི་བདག་ལ་བསྔོས། འདི་ནས་བཟུང་སྒོ་འབྱེད་གཅོད་ཕྱི་ནང་གི་རྒྱུ་འགྲུལ་བཅད་ཅིང༌། ལྷག་པར་ནང་དུ་སེམས་རྣམ་པར་གཡེང་ཞིང་མཚམས་རལ་ནས་བར་དུ་གཅོད་པ་ཐམས་ཅད་ཀྱི་རྒྱུ་ནི་བུག་སྒོའི་ལྡབ་ལྡིབ་དང་ཡིག་འགྲུལ་ཡིན་པས། མི་ཚེར་འབགས་བསྙེན་བྱས་པ་བས་ལོ་གསུམ་སྨྲ་བཅད་བྱས་པ་ཆོད་ཆེ་བ་མྱོང་བས་གྲུབ་བོ། །སྲུང་འཁོར་ལེགས་པར་བསྒོམ་པ་གཞུང་བཞིན་ནོ། །གཉིས་པ་དངོས་གཞི་ལ། བསྙེན་སྒྲུབ་ལས་གསུམ་ལས། དང་པོ་ལའང་གཉིས་ཀྱི། དང་པོ་བསྙེན་པ་ནི། རྫོགས་རིམ་འགྲུབ་པའི་ཐབས་སུ་བསྐྱེད་རིམ་སྒོམ་པ་ཡིན་ཏེ། རྫོགས་པའི་རིམ་པ་འདོད་པ་ཡིས། །རྣལ་འབྱོར་ཐབས་ལྡན་རྣམས་ཀྱིས་ནི། །བསྐྱེད་པའི་རིམ་པ་རྨངས་ནས་བརྩིགས། །ཞེས་པ་ལྟར། སྲོད་ཐུན་ནས་ལས་གཞུང་བསྲང་བའི་དོན་ལ་སྒོམ་དོན་དང་ཚིག་ཏུ་འབྲེལ་བས་བསྐྱེད་རིམ་གྱི་སྦྱང་གཞི་སྦྱོང་བྱེད་ལ་དག་པ་ཐོན་པར་མ་བྱས་ན་གསང་སྔགས་ཟབ་ཅིང་ཐབས་ལ་མཁས་པ་ཞེས་བྱ་བ་དེ། ཚིག་ལམ་དང༌། འདོད་ཞེན་ཐ་མལ་དུ་གོལ་ནས་ཡོན་ཏན་སྣ་གཅིག་ཀྱང་མ་སྐྱེས་པར་བསྙེན་སྒྲུབ་ཚད་དུ་འཁྱོལ་ལོ་


JLAZ009_Page_0389
[མ་དཔེ་གཟིགས་ན་འདིར་གནོན།]

ཞེས་སྣང་བ་འོག་འགྱུ་དང༌། བཟླས་བརྗོད་སྟོང་འདྲེན་དུ་ཐལ་བ་དེ་འབྱུང་བའི་ཚུལ། རྒྱུད་ལས། དང་པོར་ཤེས་རབ་རྣམ་གསུམ་གྱིས། །གཏན་ཚིགས་གཏན་ལ་མ་ཕེབས་པས། །རང་བཞིན་མེད་པར་མི་ཤེས་པར། །དངོས་པོ་མཚན་མའི་ཆོས་བཟུང་ནས། །ཐེག་ཆེན་ཁྲོ་བོའི་རྒྱལ་པོ་ཟེར། །དོན་དམ་ཟབ་མོ་རྒྱབ་ཏུ་བོར། །གསང་སྔགས་ཟབ་མོ་བོན་དུ་གྱེར། །སྤྱོད་པ་སྤང་བླང་དང་དུ་བླངས། །གཏི་མུག་དབང་བཙན་རྒྱུ་འབྲས་དོན་མ་རྟོགས། །ང་རྒྱལ་དབང་གི་རློམ་སེམས་ཆེན་པོར་བསྐྱེད། །ཕྲག་དོག་དབང་གིས་བདག་བསྟོད་གཞན་དམོད་བྱེད། །འདོད་ཆགས་དབང་གིས་བསླུས་འདེབས་ཁྲེལ་འཛེམ་མེད། །ཞེ་སྡང་དབང་གིས་ཁྲོ་བོའི་དཀྱིལ་འཁོར་བསྐྱེད། །རྒྱུད་དང་མན་ངག་སྒྲུབ་ཐབས་བླ་མས་གསང༌། །ལོང་བས་ལོང་ཁྲིད་ངམ་གྲོག་གཡང་དུ་ལྷུང༌། །རྣམ་སྨིན་བཟློག་པར་དཀའ་བ་སྙིང་རེ་རྗེ། །ཞེས་གསང་སྔགས་གཟུགས་བརྙན་དུ་གོལ་བའི་རྣམ་སྨིན་གྱིས་རཱུ་དྲ་དང་གདོན་གྱི་ལུས་རྟེན་འགྲུབ་པ་མངོན་སུམ་པའི་ཚུལ། ཁྲོ་བོ་རང་རྒྱུད་རཱུ་དྲ་སྟེ། །རཱུ་དྲ་རང་རྒྱུད་ཁམས་གསུམ་འཁོར། །ཞེས་པ་ལྟར་རོ། །དེ་བས་ན་གཞི་སྟོང་ཉིད་སྙིང་རྗེ་ཆེན་པོ། ལམ་བསྐྱེད་


JLAZ009_Page_0390
[མ་དཔེ་གཟིགས་ན་འདིར་གནོན།]

རྫོགས་ཟུང་འཇུག་ཏུ་འབྲེལ་བས་འབྲས་བུ་སྐུ་གཉིས་མངོན་དུ་བྱེད་པའི་དོན་བསྐྱེད་རིམ་གྱི་རྣམ་བཤད་དང་བླ་མའི་མན་ངག་ལས་བྱུང་བ་བཞིན་རྒྱུད་ཐོག་ཏུ་འབྱོར་བ་ལ་བསླབ། བཟླ་བྱའི་སྔགས་ནི། འབྲུ་དགུ་མ་ནོར་བདུན་ཁྲི་བཟླས། །འཁོར་ལ་དེ་ཡི་ཕྱེད་ཕྱེད་དོ། །རབ་འབྲིང་ཐ་མའི་རྟགས་ཚང་ན། །དངོས་གྲུབ་བླང་བར་ཤེས་པར་བྱ། །ཞེས་གཙོ་འཁོར་འགྲོས་སྦྱར་བའི་དབང་དུ་བཤད་པ་ལྟར་མ་ནུས་ན་འབྲུ་དགུ་པ་བསྒྲུབ་པའི་དུས་ལས་ཉུང་བར་མི་བྱེད། དེ་ཡང་ལུས་བཟླས་བགྲང་འཕྲེང་ལ་བརྟེན། ངག་བཟླས་ལྕེ་མཆུ་ལ་བརྟེན། ཡིད་བཟླས་ཛཔ྄་དགོངས་ལ་བརྟེན་པའི་ཕྱིར། བཟླས་པའི་མགོར་ཕྲེང་བ་བྱིན་བརླབ་བྱ་ཞིང༌། ཕྲེང་བའི་དེ་ཁོ་ན་ཉིད་ངེས་པར་བྱ་བའང༌། རུ་རཀྴའམ་ནི་རང་སུ། །ཡང་ན་གདུག་པ་ཚེར་མའི་ཤིང༌། །ཕྲེང་བ་ཆེན་པོ་བརྒྱ་རྩ་ནི། །བ་སུ་ཏའམ་རྒྱུས་ཆེན་ལ། །དགུ་སྒྲིལ་དག་ཏུ་བྱས་ནས་ནི། །བརྒྱུས་པའི་མོད་ལ་ཕུར་པ་གདགས། །མཐེ་བོང་མཐེ་ཆུང་བར་གྱིས་བགྲང༌། །བདག་ཉིད་མི་ཕྱེད་དཔལ་ཡིན་ཏེ། །ཕུར་པ་སྲས་མཆོག་ཀཱི་ལ་ཡ། །ཕྲེང་བ་ཡི་གེ་འབྲུ་དགུ་སྟེ། །ཕྲེང་ཐག་དབུགས་ཀྱི་རྟ་ཉིད་དོ། །ཕར་འགྲོ་བ་དང་ཚུར་འདུ་བ། །མགལ་མེ་ཀླད་ལ་བསྐོར་


JLAZ009_Page_0391
[མ་དཔེ་གཟིགས་ན་འདིར་གནོན།]

བའམ། །ལྕགས་ཀྱི་ཚྭ་ཚྭ་བརྡབས་པ་བཞིན། །ཕར་སྤྲོ་ཚུར་བསྡུ་རྒྱུན་མི་གཅད། །བགྲང་ཕྲེང་དེ་ཉིད་དོན་ལ་གནས། །ཞེས་པ་ལྟར་རོ། །ངག་བཟླས་ལ་སྒྲ་བཅས་དང་ཤུབ་བུ་གཉིས་ལས། དང་པོ་ལ་གསང་སྒྲོག་གི་ཉེས་པ་དང༌། གཉིས་པ་ལ་ཚོར་བ་བཏང་སྙོམས་འབྱུང་ཉེ་བས་ཡིད་བཟླས་དང་ཤུབ་བུའི་བཟླས་པ་ཐབས་ཤེས་ཟུང་འཇུག་ཏུ་བགྲངས་པས་འདུ་ཤེས་ལུང་མ་བསྟན་ལས་ལྡོག་པའོ། །དེའི་ཚེ་སྔགས་མ་དག་པ་ལ་སོགས་བཟླས་པའི་སྐྱོན་དྲུག་སྤང་པའང༌། རྒྱུད་རྣམས་ཀུན་གྱི་སྔགས་རྣམས་ཀུན། །སྔགས་མཁན་མཁས་པས་བཏུ་བར་བྱ། །ཤད་དང་ཚེག་བར་མ་ནོར་བ། །གཡལ་དང་སྦྲིད་པས་བར་མ་གཅད། །གཉིད་ཆང་ལེ་ལོ་སྤངས་ལ་བྱ། །ཡང་དག་དོན་གྱི་བཟླས་པ་ཡིན། །ཞེས་སོ། །དེ་ལ་ཛཔ྄་དགོངས་དང་འོད་ཟེར་སྤྲོ་བསྡུ་ལ་ཐོག་མ་ནས་ཧ་ཅང་མི་བསྒྲིམ་པར་དང་པོ་བསྐྱེད་རིམ་ཁོ་ན་ལ་ཤེས་པ་འཇུར། ཤིན་ཏུ་གསལ་དཀའ་ན་བྲིས་སྐུ་ལ་བལྟས་ནས་ཡིད་ཡུལ་དུ་ལོངས་པ་དང༌། དེ་སྣང་ལ་རང་བཞིན་མེད་པར་སྩལ་སྦྱོང་བཞིན་དུ་བཟླ་བའི་ཚུལ། སྔགས་ཀྱི་འབྲུ་ནི་ལྷ་ཡིན་ཏེ། །ལྷ་རྣམས་གསལ་ལ་རྟོག་པ་མེད། །ཅེས་སོ། །བསྐྱེད་རིམ་ཝལ་


JLAZ009_Page_0392
[མ་དཔེ་གཟིགས་ན་འདིར་གནོན།]

གྱིས་གསལ་ནས་ཛཔ྄་དགོངས་དང་འོད་ཟེར་སྤྲོ་བསྡུ་ལ་སློབ་པ་རེ་མོས་སུ་བྱ། དེའི་ཚུལ་ནི་སྒྲུབ་ཐབས་ཆེན་མོར་གསལ་བ་བཞིན་ལས་བདག་མདུན་གྱི་ཐ་སྙད་དང༌། དོ་ལིའི་བཟླས་པ་ནི་བསྒྲུབ་པ་ཆེན་པོའི་ཁོངས་ནས་བསྙེན་སྒྲུབ་ཡན་ལག་བཞི་ཀ་རྫོགས་པར་བྱེད་པའི་དབང་དུ་བཤད་པས་འདིར་དེའི་སྒོས་ཆོས་གཉིས་པོ་དོར་བས་རུང་ངོ༌། །དེ་ཡང་སེམས་ཅན་ཐམས་ཅད་ལ་བདེར་གཤེགས་སྙིང་པོས་མ་ཁྱབ་པ་མེད་ན། སྙིང་པོ་དེ་ཚོགས་བརྒྱད་འདུས་བྱས་པས་གློ་བུར་དུ་བསླད་ནས་འཁོར་བ་མཐའ་མེད་པར་སྔར་འཁོར་ཕྱིན་ཆད་འཁོར་བར་འགྱུར་བས། དེ་ལས་ཐར་པའི་ཕྱིར་གསང་སྔགས་རྡོ་རྗེ་ཐེག་པར་ལམ་བསྐྱེད་རྫོགས་གཉིས་སུ་གསུངས། དེ་གཉིས་ཀྱང་གཅིག་ལ་གཅིག་ལྟོས་ཀྱི་འབྲེལ་པ་ཅན་གྱིས་ཟུང་འཇུག་ཏུ་མ་བསྒྲུབས་ན། བསྐྱེད་རིམ་རྐྱང་པས་རྟག་མཐའ། རྫོགས་རིམ་རྐྱང་པས་ཆད་མཐའ་སེལ་མི་ནུས་པ་ལ་དགོངས་ནས་ཐབས་ཤེས་འབྲེལ་བའམ། ཟུང་འཇུག་གི་ལམ་གསུངས་ཤིང༌། དེའང་སྣང་བའི་འཁྲུལ་འཛིན་སྦྱོང་བ་ལ་ཐབས་བསྐྱེད་པའི་རིམ་པ། བསྐྱེད་རིམ་གྱི་བདེན་ཞེན་འཇིག་པ་ལ་ཤེས་རབ་རྫོགས་པའི་རིམ་པས་རྒྱས་ཐེབས་པ་ནི་ཆུ་ཟླའམ། སྒྱུ་མ་ལྟ་བུའི་དཔེས་མཚོན་ལ། དེ་ལས་སྣང་བ་ཞེས་བྱ་བ་མིག་ཤེས་ཀྱི་ངོར་


JLAZ009_Page_0393
[མ་དཔེ་གཟིགས་ན་འདིར་གནོན།]

སྣང་བའི་བསྟན་ཡོད་ཐོགས་བཅས་གཅིག་པོ་ལ་ངོས་མི་གཟུང༌། ལས་སྔ་མས་བཞག་པའི་བག་ཆགས་ཀྱིས་བགོས་ཤིང༌། ཕྱི་མ་ཉེ་བར་ལེན་པའི་གཟུང་འཛིན་རང་རྒྱུད་པར་འཆར་བའི་བསྟན་མེད་ཐོགས་བཅས་ཐམས་ཅད་དེ། ཀུན་འབྱུང་གི་རྒྱུ་ལས་རྣམ་རྟོག་རང་དགར་འཆར་བའི་སྣང་ཡུལ་མཐའ་དག་རྟེན་གཞལ་ཡས་ཁང་དང༌། བརྟེན་པ་ལྷའི་འཁོར་ལོ་འཆར་བ་ལ་རྟག་ཏུ་གོམས་པར་བྱས་ན་ལྷའི་སྣང་ཆ་དེས་བསོད་ནམས་ཀྱི་ཚོགས་དང༌། དེའི་ཆོས་ཉིད་རང་བཞིན་མེད་པར་རྟོགས་པ་དེས་ཡེ་ཤེས་ཀྱི་ཚོགས་རྫོགས་ནས་སྐྱེ་བ་འདི་ཉིད་ལ་རྣམ་སྨིན་རིག་འཛིན་གྱི་གོ་འཕང་ལ་སྦྱོར་ཞིང་བར་དོར་ཕྱག་རྒྱའི་རིག་འཛིན་འགྲུབ་པའི་ཚུལ་བཀོད་པའི་ལེའུ་གཉིས་པ་ལས། དེ་ནས་རྗེས་སུ་རྣལ་འབྱོར་པས། །ལམ་འདི་དག་ལ་དགོད་པར་བྱ། །ཚོགས་ལམ་སྦྱོར་ལམ་མཐོང་བའི་ལམ། །སྒོམ་ལམ་དང་ནི་རྣམ་གྲོལ་ལམ། །བཅུ་གཅིག་ཀུན་ཏུ་འོད་ཀྱི་ས། །བཅུ་གཉིས་པདྨ་ཅན་གྱི་ས། །འཁོར་ལོ་ཚོགས་ཆེན་བཅུ་གསུམ་པ། །ཀུན་བཟང་བཅུ་བཞི་པ་རུ་གྲགས། །དང་པོའི་ས་ནས་རིག་འཛིན་ཏེ། །གཉིས་པ་ཚེ་ལ་དབང་རིག་འཛིན། །ཀུན་རྫོབ་ཕྱག་རྒྱའི་རིག་འཛིན་ཏེ། །རྟོགས་པ་ལྷུན་གྲུབ་རིག་འཛིན་ནོ། །ཕུར་བུའི་རང་བཞིན་


JLAZ009_Page_0394
[མ་དཔེ་གཟིགས་ན་འདིར་གནོན།]

དོན་རྟོགས་པ། །རིགས་དག་ཏུ་ནི་ཡང་དག་བཤད། །ལས་བྱས་སྔོན་གྱི་ཚོགས་ཀྱིས་སོ། །ལས་བདུན་བྱས་པས་སྦྱོར་བའོ། །དེ་ཉིད་བསྒོམས་པས་མཐོང་བ་དང༌། །འབྱུང་བ་ལྔ་དང་ལྷ་ཡི་གནས། །གདན་དང་བཅས་པས་བསྐྱེད་པར་བསྒོམ། །སྲོག་ཉིད་ཡེ་ཤེས་རྒྱུར་གནས་པས། །བདུད་བཞི་ལས་ནི་རྣམ་པར་གྲོལ། །དཀྱིལ་འཁོར་གསུམ་ལ་སོགས་མཚན་ཉིད། །ཕུང་པོར་མ་གྲུབ་པ་དང་འོད། །གོང་བུར་གནས་དང་འཆི་བདག་དང༌། །ཡི་གེས་ཉོན་མོངས་མེད་པར་སྦྱངས། །སྣང་སྲིད་གྲགས་པ་ཅན་དང་ནི། །མི་སྣང་བར་བཅས་ལྷ་བདུད་བཅོམ། །ཉེས་ལྡན་སྲོག་གི་དབང་པོ་དང༌། །གདགས་གཞི་དྲུག་དང་སྣང་བ་སྟེ། །གནས་སྐབས་དག་ལ་རབ་ཏུ་གྲགས། །དུས་དང་གྲངས་དང་མཚན་མ་ཡི། །བསྙེན་པ་དག་ཏུ་བཤད་པ་ཡིན། །ཞེས་སོ། །དེ་ཡང་ལས་བྱས་ལ་སོགས་པའི་རྐང་པ་གསུམ་གྱིས་བསྙེན་པའི་དོན་བསྟན་པའང༌། དང་པོ་རང་རྒྱུད་ལ་སྔོན་ཡོད་དང་ད་ལྟར་བའི་བསོད་ནམས་ཀྱི་ཚོགས་བསྐྲུན་པ་ཚོགས་ལམ་དང༌། གཉིས་པ་རྡོ་རྗེ་སློབ་དཔོན་བཀུར་ཏེ་དབང་བསྐུར་ནོད་པ་ནས་བསྐྱེད་རྫོགས་ཀྱི་ལམ་ལ་འཇུག་པའི་བྱ་བ་མཐའ་དག་ལས་བདུན་གྱི་སྒྲས་བསྡུས་པའི་སྦྱོར་ལམ་དང༌། རྒྱུ་དེ་དག་ལས་སེམས་ཉིད་ལྷའི་སྐུར་


JLAZ009_Page_0395
[མ་དཔེ་གཟིགས་ན་འདིར་གནོན།]

སྨིན་ཏེ་རྣམ་སྨིན་རིག་འཛིན་གྱི་ལྡང་ཚད་རྫོགས་པ་ནི་མཐོང་བའི་ལམ་མོ་ཞེས་བདག་ཉིད་ཀྱིས་རྟོགས་པའི་ཚུལ་ལོ། །འདི་ལྟར་མ་རྟོགས་བཞིན་དུ་འོད་ཟེར་སྤྲོ་བསྡུ་ཐག་པའི་བརྐྱང་བསྐུམ་ལྟ་བུས་སེམས་འཁྲུལ་སྣང་གི་གཟེབ་ཏུ་བཅུག་པའི་བསྙེན་ཡིག་ནི་གཟུང་འཛིན་གྱི་རྟོད་ཕུར་དུ་མཐོང་ངོ༌། །རྒྱུ་དེས་ན་བསྙེན་པའི་སྐབས་འདིར་དམ་ཚིག་གི་རྟེན་ཙམ་དུ་བསྙེན་ཕུར་བཞག་པ་ལས། བསྒྲུབ་བྱའི་ངོས་ནས་སྣང་གྲགས་རིག་གསུམ་ལྷའི་དཀྱིལ་འཁོར་གཅིག་ཏུ་འཆར་བ་ལ་བསླབ་པའི་ཕྱིར་བསྙེན་ཕུར་ལྷར་ཆེད་དུ་གསལ་བ་ལ་སོགས་པའི་རྣམ་ཤེས་གུད་དུ་མི་གཅད་ལ། ཐུན་བཞིའི་མཚམས་འཇོག་ཁ་ཐམས་ཅད་དུ་མཆོད་བསྟོད་མཐར་དབྱངས་གསལ་ཡིག་བརྒྱ་དང་སྦྲེལ་ནས་བཟླས་པས་ཉེས་བྱས་བཤགས་ཤིང་དག་པའི་སྣོད་བཅུད་ལ་རྟག་མཐའ་གཞིག་པའི་ཉེར་བསྡུ་དང་ཆད་མཐའ་གཞིག་པའི་ཐུན་མཚམས་ཀྱི་ལྷར་ལྡང་བ་ནི་ངེས་པར་གཅེས་ལ། ཐུན་ཐ་མ་ལ་ཚོགས་མཆོད་རེ་གྲུབ་ན་ལེགས་ཤིང༌། ཇི་ལྟར་ཡང་ཕུར་སྲུང་ལ་སོགས་པའི་ཆོས་སྐྱོང་ལ་གཏོར་འབུལ་དང་ཕྲིན་བཅོལ་བྱའོ། །དེ་ལ་ཐུན་སོ་སོ་ནས་མངོན་རྟོགས་མི་དགོས་པ་སྔ་འགྱུར་གྱི་ལུགས་སོ་ཞེས་མཐའ་གཅིག་ཏུ་གླེང་བའང་བཟང་པོར་མ་མཐོང་སྟེ་ལས་དང་པོ་པ་ཟེར་ཀྱང་དོན་ལ་བསྐྱེད་རིམ་གྱི་སྦྱང་གཞི་


JLAZ009_Page_0396
[མ་དཔེ་གཟིགས་ན་འདིར་གནོན།]

སྦྱོང་བྱེད་ལྷོངས་སུ་མ་གྱུར་ཞིང༌། སྙིང་པོ་དྲན་པ་ཙམ་གྱིས་མངོན་རྟོགས་ཡིད་ཡུལ་དུ་ལྷུན་གྱིས་མི་གྲུབ་པ་རྣམས་ལ་ཁྱེད་ཀྱང་ནུས་པ་ཐོབ་པའི་གང་ཟག་རྫོགས་པ་ཆེན་པོའོ་ཞེས་གླེན་པ་བྲན་པའི་ཕྱིར་རོ། །དེ་བས་ན་མངོན་རྟོགས་ལན་རེའི་མཚན་ཉིད་ལ་ཕན་ཡོན་དཔག་ཏུ་མེད་པའི་ཚུལ། བསྐྱེད་དང་སྤྱན་འདྲེན་ཕྱག་འཚལ་དང༌། །མཆོད་བསྟོད་ཆོ་ག་གཞུང་བཞིན་ལ། །སྦྱིན་དང་ཚུལ་ཁྲིམས་བཟོད་བརྩོན་འགྲུས། །བསམ་གཏན་ཤེས་རབ་ཕ་རོལ་ཕྱིན། །དེ་ལས་ལྡོག་མེད་མ་ཡེངས་པས། །དངོས་གྲུབ་མྱུར་དུ་ཐོབ་པར་ངེས། །ཞེས་པའི་དོན་ལ་རྨོངས་པའོ། །གཉིས་པ་ཉེར་བསྒྲུབ་ལ་གཉིས། རྟེན་འབྲེལ་ལ་བརྟེན་ནས་སྲིད་པ་ཕུར་བུར་བསྒྲུབ་པ་དང༌། རྣམ་བྱང་ལ་བརྟེན་ནས་སྲིད་པ་ཕུར་བུར་བསྒྲུབ་པའོ། །དང་པོ་ནི། དཀྱིལ་འཁོར་ཡོངས་རྫོགས་ཀྱི་བདག་ཉིད་བསྙེན་ཕུར་དང་འབྲེལ་བར་བྱ་སྟེ། དེ་ཡང་བདག་ཉིད་རྩ་བའི་དཀྱིལ་འཁོར་དང༌། ཕྱོགས་བཅུ་ཁྲོ་བོའི་དཀྱིལ་འཁོར་གྱི་བར་ལས་རྣམ་པར་རྒྱལ་བ་ལ་རྒྱབ་ཀྱིས་ཕྱོགས་ཤིང༌། གཙོ་བོ་ལ་མདུན་གྱིས་ཕྱོགས་པའི་ཕུར་པ་རྫས་ཀྱི་དཀྱིལ་འཁོར་གྱི་མཚན་ཉིད་ཤེས་པར་བྱ་བའང་རྒྱུད་ལས། རྒྱ་མདུད་དང་པོའི་གཞལ་ཡས་ལ། །རིགས་ལྔའི་རྒྱལ་བ་འཁོར་དང་བཅས། །སྤྱིའམ་རྩེ་ན་ཡབ་ཡུམ་གཉིས། །རྒྱ་མདུད་འོག་མའི་གཞལ་


JLAZ009_Page_0397
[མ་དཔེ་གཟིགས་ན་འདིར་གནོན།]

ཡས་ན། །སྟེང་འོག་ཁྲོ་བོ་འཁོར་དང་བཅས། །ཟུར་བརྒྱད་ཁྲོ་བོ་ཕྲ་མེན་མ། །བཅུ་གཉིས་སྲུང་མ་ཟུར་གསུམ་ལའོ། །སྒོ་མ་བཞི་ནི་རྩིབས་མཆན་ལ། །ཞེས་པ་ལྟར་བསྙེན་ཕུར་དེ་ཉིད་དཀྱིལ་འཁོར་ཡོངས་རྫོགས་ཀྱི་བདག་ཉིད་དུ་གསལ་བཏབ་ལ། སྲིད་པ་གསུམ་གྱིས་བསྡུས་པ་ཀུན། །ཐུགས་ཀྱི་ཡེ་ཤེས་ཕུར་བུ་ཡིས། །ཁམས་གསུམ་གདར་ཤ་བཅད་པ་དང༌། །སྲིད་པ་ཕུར་བུར་བསྒྲུབ་པར་བྱ། །ཞེས་མྱང་འདས་ལས་གསུངས་པའི་དོན་བདག་མདུན་གཉིས་ཀའི་ཐུགས་སྲོག་ལས་འོད་ཟེར་འཕྲོས། སྲིད་པ་གསུམ་གྱི་བརྟན་གཡོ་སྣོད་བཅུད་དང་བཅས་པ་ལ་ཕོག་པར་འོད་དུ་མེར་གྱིས་ཞུ། གཟུགས་མེད་ཀྱི་ཆ་རྒྱ་མདུད་གོང་མ། གཟུགས་ཁམས་རྒྱ་མདུད་འོག་མ། འདོད་ཁམས་དབལ་གཤམ་ལ་ཐིམ་པས་སྲིད་པའི་རང་བཞིན་རྡོ་རྗེ་ཕུར་པའི་དཀྱིལ་འཁོར་དུ་རྫོགས་པ་ལ་གསལ་བརྟན་གྱི་ཚད་བརྒྱད་མ་ཐོབ་བར་དུ་སྨིན་པར་སློབ་ནས། སྲིད་པ་རྡོ་རྗེར་བསྒྲུབ་པ་ཞེས་པའི་དེ་ཁོ་ན་ཉིད་ལ་མངོན་སུམ་དུ་སྦྱར། འཁོར་འདས་ཀྱི་ཆོས་ཐམས་ཅད་རྟེན་ཅིང་འབྲེལ་བར་འབྱུང་བ་ལས་སྐྱེ་ཞིང་མཆེད་པ་དང༌། འཕོ་ཞིང་འཇིག་པར་བྱེད་པས་སྲིད་པ་གསུམ་དུ་ཉིང་མཚམས་སྦྱོར་བའི་རྟེན་འབྲེལ་འགགས་པའི་བསྐྱེད་རིམ་གྱིས་གསལ་སྣང་དང༌། རྣམ་དག་དྲན་


JLAZ009_Page_0398
[མ་དཔེ་གཟིགས་ན་འདིར་གནོན།]

པའི་ངང་ནས་ཡིག་འབྲུ་བཅུ་བཞི་པ་བཟླ་ཞིང་རེ་འགའ་དོ་ལི་ལ་རྩལ་སྦྱངས་པས་དང་པོར་ཡེ་ཤེས་ལྷའི་སྐུ་གསུང་ཐུགས་ཀྱི་བྱིན་རླབས་དང་ནུས་པ་འཇུག །གཉིས་པར་དེའི་ནུས་པ་ཇེ་ཆེར་བསྐྱེད། གསུམ་པར་འགྱུར་མེད་དུ་བརྟན། བཞི་པར་འཁྲུལ་སྣང་ལས་སྐྱེས་པའི་སྲིད་པ་ཐམས་ཅད་ཕུར་པའི་རང་བཞིན་དུ་བསྒྲུབ་པའི་ནུས་པ་ཐོབ་པའི་ཚུལ། དཀྱིལ་འཁོར་གསུམ་གྱི་བསྐྱེད་རིམ་ནི། །དང་པོར་ཐུན་དུ་བཅད་ནས་བསྒོམ། །ནུས་པ་འཇུག་དང་ནུས་པ་བསྐྱེད། །ནུས་པ་བརྟེན་ནས་ནུས་པ་ཐོབ། །ནུས་པས་བཞི་པ་ཐོབ་ནས་ནི། །གར་མཁན་ལག་པ་ཇི་བཞིན་དུ། །གང་ལྟར་བྱས་པ་དེ་ལྟར་སྣང༌། །ཞེས་སོ། །གཉིས་པ་རྣམ་བྱང་གི་སྒོ་ནས་སྲིད་པ་ཕུར་བུར་བསྒྲུབ་པ་ནི། རྒྱུད་ལས། འཛབ་བཟླས་རྣམ་པ་དུ་མ་ཡང༌། །ཕྱི་ནང་གསང་བ་གསུམ་དུ་འདུས། །ཕྱི་ཡི་བསྒྲུབ་བྱ་བསྙེན་པ་དང༌། །ནང་གི་རང་སེམས་སྦྱང་བ་དང༌། །གསང་བ་དངོས་གྲུབ་བླང་བའོ། །ཞེས་པ་ལས། ནང་རང་སེམས་གཟུང་འཛིན་གྱིས་བསླད་པའི་འཁྲུལ་སྣང་གི་རང་གཟུགས་ལྷའི་དེ་ཁོ་ན་ཉིད་ལ་བརྟེན་ནས་སྦྱངས་ཀྱང༌། སྦྱོང་བྱེད་ཀྱི་ལྷ་དེ་ཉིད་རྣམ་ཤེས་ཚོགས་བརྒྱད་ཀྱི་རོལ་པ་རང་རྒྱུད་པར་གཟུང་ན་བསྐྱེད་རིམ་གྱི་རྣམ་པ་གསལ་ཀྱང་འཁོར་བའི་རང་བཞིན་ལས་


JLAZ009_Page_0399
[མ་དཔེ་གཟིགས་ན་འདིར་གནོན།]

ལྡོག་པ་མེད་པས་ན་ཆོས་ཉིད་རྣམ་དག་གི་རོལ་པ་ཙམ་དུ་ཤེས་དགོས་པའི་ཚུལ། རྩ་བ་སེམས་ཀྱི་སྣང་གཞི་ལ། །ལྷ་ཡི་རོལ་པ་ཅིར་སྣང་ཡང༌། །རོལ་པ་རང་རྒྱུད་གཟུང་བ་ན། །ལྷ་ཡང་རང་རྒྱུད་དག་ལས་བསྐྱེད། །བེམ་པོ་ཐོ་ཡོར་རིལ་པོ་དང༌། །ང་བདག་གཟུང་འཛིན་ཐེར་ཟུག་གོ །རང་རྒྱུད་འཛིན་པ་མ་སྐྱེས་ན། །ཇི་ལྟར་བྱས་ཀྱང་རོལ་པ་ཡིན། །རོལ་པ་ཕྱོགས་མེད་ཀུན་ལ་ཤར། །དེ་ཉིད་སངས་རྒྱས་བྱང་ཆུབ་སེམས། །ཡང་དག་དོན་ཉིད་དེ་རུ་རྟོགས། །ཞེས་སོ། །དེ་ལྟ་མོད་ཀྱིས་གོམས་པ་གདེང་དུ་མ་གྱུར་གྱི་རིང་ལ་ཀུན་ཏུ་བཏགས་པ་ཅན་གྱི་བསྐྱེད་རིམ་ལས་འཆར་མི་ནུས་ཀྱང༌། དེའི་གཉེན་པོར་གཟུང་འཛིན་ལས་འདས་པའི་ཆོས་ཉིད་བརྗོད་བྲལ་གྱི་གནས་ལུགས་དྲན་པར་བྱས་ནས་དེའི་སྣང་ཆ་རྟེན་དང་བརྟེན་པར་རང་ཤར་བ་ལ་གོམས་སུ་བཅུག་པས་རྣམ་པ་གསལ་ཀྱང་རང་གི་ངོ་བོས་མ་གྲུབ་པའི་བསྐྱེད་རྫོགས་ཟུང་འཇུག་ལྷ་དང་བླ་མའི་བྱིན་རླབས་འཕོ་བའི་སྟབས་ཀྱིས་ཐོབ་པ་ནི་སྔགས་ཀྱི་ཁྱད་ཆོས་བླ་ན་མེད་པ་སྟེ། ཨེ་མ་ཧོ། རྡོ་རྗེ་ཕུར་པའི་སྣང་བ་ལ། །སྣང་བའི་ཆོས་རྣམས་ཀུན་འབྱུང་ཡང༌། །རང་རྒྱུད་གྲུབ་པ་ཡེ་ནས་མེད། །རོལ་པ་རྣམ་གཉིས་ལྷ་ཡི་སྐུ། །ལྷ་ཉིད་ངེས་པར་གཟུང་དུ་མེད། །ངོས་བཟུང་བྲལ་བའི་


JLAZ009_Page_0400
[མ་དཔེ་གཟིགས་ན་འདིར་གནོན།]

ལྷ་ཉིད་ནི། །ཅིར་ཡང་འགྱུར་ཞིང་ཅིར་ཡང་སྣང༌། །ཞེས་སོ། །དེ་ལྟ་བུའི་བསྐྱེད་རྫོགས་ཟུང་འཇུག་གི་ལམ་མ་ནོར་བ་ལ་རིང་དུ་གོམས་པ་བརྟན་པ་ལས་ཁམས་གསུམ་དུ་འཁོར་བའི་རྒྱུ་ཀུན་གཞི་ལས་རླུང་དང་བཅས་པ་ཡེ་ཤེས་ཀྱི་བདག་ཉིད་ཆེན་པོར་གནས་གྱུར་པས་རིག་འཛིན་བཞིས་ས་བཅད་པའི་ས་ལམ་མཐོན་པོའི་ཡོན་ཏན་འཐོབ་ནས་བདུད་བཞི་བཅོམ་པའི་ཚུལ་སྔོན་དུ་དཀྱུས་ལ་དྲངས་ཟིན་ལ། མཐར་གྱིས་བསྐྱེད་རིམ་གྱི་སྤྲོས་པ་མེད་དགག་གི་བློས་སྤངས་པ་མ་ཡིན་པར་རང་བཞིན་ཡོངས་གྲུབ་ཆོས་ཀྱི་དབྱིངས་སུ་རྣམ་པར་བྱང་བའི་ཚེ་ཆོས་ཉིད་ཀྱི་ཕུར་བུའི་གནས་ལུགས་རྟོགས་པ་སྟེ་བཀོད་པའི་གསུམ་པ་ལས། དེ་ལ་ཆོས་ཉིད་ཕུར་པ་ནི། །ཆོས་ཅན་གང་ལའང་མ་དམིགས་ཤིང༌། །མ་བཅོས་ངང་དུ་ཐམས་ཅད་འདུས། །ཕུར་པ་ཞེས་ནི་དེ་ལ་བྱ། །དེ་ལ་སེམས་ཀྱི་ཕུར་པ་ནི། །སྐྱེ་མཆེད་ཁམས་ལ་མི་གནས་ཤིང༌། །རང་བྱུང་ངང་དུ་ཐམས་ཅད་འདུས། །ཕུར་པ་ཞེས་ནི་དེ་ལ་བྱ། །དེ་ལ་ནམ་མཁའི་ཕུར་པ་ནི། །ཁ་དོག་དབྱིབས་ལ་མི་གནས་ཤིང༌། །ཁྱབ་གདལ་ངང་དུ་ཐམས་ཅད་འདུས། །ཕུར་བུ་ཞེས་ནི་དེ་ལ་བྱ། །དེ་གསུམ་དབྱེར་མེད་མྱ་ངན་འདས། །ཞེས་པ་ལ་སོགས་རྒྱ་ཆེར་ཡོད་དོ། །གནད་འདི་ནི་ཡེ་ཤེས་ལྷའི་གནང་བ་ཐོབ་པ་ལས་


JLAZ009_Page_0401
[མ་དཔེ་གཟིགས་ན་འདིར་གནོན།]

བྱུང་སྟེ་རྒྱུད་ཀྱི་རྡོ་རྗེའི་གནས་ཆེན་པོ་སྔོན་ཆད་ཕལ་གྱིས་མ་རྟོགས་པ་ཞིག་ཡིན་པས་སྨིན་པར་སློབ་པ་རྣམས་ཉམས་སུ་ལོངས་ཤིག །དེ་ལྟ་བུའི་ཐུན་མཚམས་ཀྱི་བྱ་བ་ནི་བསྙེན་པའི་སྐབས་དང་འདྲ་ལ། འོན་ཀྱང་བཟླས་བརྗོད་ཕུན་སུམ་ཚོགས་པའི་ལེའུ་ལས། ཕུར་པའི་ཁྲོ་བོ་ལས་ཅི་འདྲ་བ་ཞིག་བྱུང་སྟེ་ཕྱོགས་བཅུ་ཐམས་ཅད་དུ་སེམས་ཅན་གྱི་དོན་བྱས་ནས་ཕུར་པ་ལ་བསྟིམ། བསྙེན་པ་གཏོང་བར་འདོད་ན། ཕུར་པ་ཉིད་སྙིང་གའི་ཧཱུཾ་ལ་བསྡུས་ལ། འདི་ནི་བཟླས་བརྗོད་ཕུན་སུམ་ཚོགས་པའོ། །ཞེས་པ་ལྟར་ཐུན་འཇོག་ཁར་སེམས་བསྐྱེད་ཀྱི་འཕེན་པའི་དབང་གིས་གཞན་དོན་ལ་འཇུག་པའི་དམིགས་པའང་བྱ་བ་ཉིད་ལེགས་སོ། །གྲངས་དུས་མཚན་མའི་བསྙེན་ཚད་ནི། །མཚན་མའི་བསྙེན་པའི་དུས་ཚོད་ནི། །རབ་ཀྱིས་ཟླ་གཅིག་གིས་ནི་འགྲུབ། །འབྲིང་གིས་ལོ་གཅིག་དག་ན་འགྲུབ། །ཐ་མས་ལོ་གསུམ་དག་ན་འགྲུབ། །ཅེས་སོ། །གྲངས་བསྙེན་ནི། ས་ཡ་དྲུག་འབུམ་བསྙེན་པའི་ཚད། །ཅེས་པས་ལས་རུང་འབུམ་ཕྲག་བཅུ་དྲུག །དུས་བསྙེན་དེ་ཡི་བཞི་འགྱུར་རོ། །སྐབས་འདིར་བསྙེན་པ་ཁ་སྐོང་བཅུ་ཆའི་སྦྱིན་སྲེག་བྱ་ཞིང་དེ་ལ་དགང་བླུགས་ཀྱི་ཚད་དང་མཚན་ཉིད་ནི། འབར་བ་ལས། དགང་


JLAZ009_Page_0402
[མ་དཔེ་གཟིགས་ན་འདིར་གནོན།]

གཟར་བླུག་གཟར་སོ་སོའི་དབྱིབས། །ཡུ་བ་ཁྲུ་གང་ཚད་དུ་བྱ། །དགང་གཟར་སོར་བཞི་སོར་གཉིས་ཟབས། །ཁ་རན་སོར་གཅིག་དཀྱིལ་རིན་ཆེན། །ངོས་ལ་ཡི་གེ་འབར་བ་བསྒོམ། །བླུག་གཟར་སོར་གཉིས་སོར་གཅིག་ཟབས། །ཁ་འཁོར་སོར་གཅིག་དཀྱིལ་རྡོ་རྗེ། །ངོས་ལ་ཡི་གེ་རྣམས་བསྒོམ་མོ། །ཞེས་སོ། །སྔགས་ནི་ཡིག་འབྲུ་བཅུ་བཞི་པ་རང་རྐྱང་ལས་ཁོང་ཁྲ་འཇུག་པ་སོགས་མི་དགོས། རྩ་བའི་ས་བཅད་གཉིས་པ་བསྒྲུབ་པ་ནི། མདུན་དཀྱིལ་རྡུལ་ཚོན་ནམ། རས་བྲིས་སོགས་ལ་རྟེན་ནུས་ན་སོ་སོའི་སྒོས་ཆོས་ཀྱི་འདོར་ལེན་དང་བཅས་པས་མཚན་མ་རྫས་ཀྱི་དཀྱིལ་འཁོར་འདུ་བྱས་པའི་སྟེང་དུ་ཕུར་ཆ་དགོད་པའི་ཚུལ། རི་རྩེ་གངས་ཕུག་གཡའ་རྩེའམ། །བྲག་དང་ཆུ་འཐབ་དུར་ཁྲོད་དམ། །སྡོང་གཅིག་ཤིང་ངམ་བྲག་ནག་གམ། །ཡང་ན་ཉམས་དགའི་གནས་སུ་བྱ། །ས་ཡི་རོ་ལྔ་མེད་པ་རུ། །སྔོན་གྱི་ལས་རྣམས་ཚང་བྱས་ཏེ། །ཞེས་པས་འབྲུའི་ཚོམ་བུའི་མདུན་དུ་ཉེར་སྤྱོད་དང་ས་ལྷའི་གཏོར་མ་བཤམས་ལ། ཧཱུཾ། སྔོན་ཚེ་དབང་མཛད་ལྷ་མོ་ལ། །སྤྱན་དྲངས་མཆོད་དེ་གསོལ་བ་ནི། །བར་ཆད་བགེགས་རྣམས་ཞི་བ་དང༌། །ས་ཡི་དངོས་གྲུབ་སྩལ་དུ་གསོལ། །བྷཱུ་མི་པ་ཏི་ས་པ་རི་ཝཱ་རས་གཏོར་མ་ཕུལ་ལ་གཤེགས།


JLAZ009_Page_0403
[མ་དཔེ་གཟིགས་ན་འདིར་གནོན།]

སྭ་བྷཱ་ཝའི་སྔགས་དོན་དྲན་པས་གཟུང་བ་ཙམ་བྱ། མཎྜལ་འདོམ་གང་གྲུ་བཞི་བརྩིགས། བརྐྱང་ནུལ་ཆག་ཆག་གོ་མ་ཡེ། །ཚོན་དང་སྲད་བུ་བྱིན་གྱིས་རློབས། །གནམ་ཐིག་ས་ཐིག་གཤེར་ཐིག་གསུམ། །བྱེ་བྲག་སོ་སོར་ཤེས་པར་བྱ། །ཤེས་རབ་མ་ཡིས་ཐིག་སྐུད་གཟུང༌། །མཚམས་དང་སྟེང་འོག་ཚུལ་བཞིན་བྱ། །ཐིག་ཆེན་རྣམ་པ་བརྒྱད་དུ་བཏབ། །འཁོར་ལོའི་རྩིབས་བརྒྱད་ཨེ་རུ་བཅས། །ཟླ་གམ་གསུམ་དང་རྩིབས་སུ་བཅས། །བར་ཁྱམས་སྒོ་ཁྱམས་གཉིས་སུ་བརྟགས། །སྒོ་བརྒྱད་ཡ་ཕུབས་རྟ་བབས་དང༌། །དྲྭ་བ་དྲྭ་ཕྱེད་དྲྭ་བ་དང༌། །རྒྱན་གྱི་རྣམ་པ་ཐམས་ཅད་བྱ། །འབར་བའི་འཁོར་ལོ་རྩིབས་བརྒྱད་ལ། །རྣམ་པར་རྒྱལ་བ་ལ་སོགས་པ། །ཤར་ནས་བརྩམ་སྟེ་དགོད་པར་བྱ། །དབུས་ཀྱི་ཨེ་ལ་བདུད་འདུལ་ཏེ། །མདུན་རྒྱབ་གཡས་གཡོན་གྲྭ་ཟུར་བཞི། །སྟེང་འོག་ཁྲོ་བོ་ཕྲ་མེན་བཞི། །རིམ་བཞིན་དུ་ནི་དགོད་པར་བྱ། །དེ་ཡི་འཁོར་ལོའི་གོང་རས་ལ། །ཕྲ་མེན་བྱིན་པོ་དགོད་པར་བྱ། །ཟླ་གམ་ལ་ནི་སྲས་མཆོག་གསུམ། །ཁྱམས་ལ་ཀེ་སེང་སྤེལ་མར་དགོད། །སྒོ་བཞིར་སྲུང་མ་བཅུ་གཉིས་སོ། །ལྕགས་རི་ལ་ནི་དབང་ཕྱུག་མ། །དེ་ལྟར་དཀྱིལ་འཁོར་རྫོགས་པ་དང༌། །བྱིན་གྱིས་བརླབས་པའི་ཕུར་པ་ཀུན། །བྱེ་


JLAZ009_Page_0404
[མ་དཔེ་གཟིགས་ན་འདིར་གནོན།]

བྲག་སོ་སོར་ཤེས་པར་བྱ། །དང་པོ་ཆོས་སྐུར་བྱིན་བརླབ་དང༌། །དེ་ནས་ལོངས་སྐུར་བྱིན་བརླབ་དང༌། །དེ་ནས་སྤྲུལ་སྐུར་བྱིན་གྱིས་རློབས། །སྐུ་མཆོག་སྤྲུལ་སྐུ་མངོན་བྱང་ཆུབ། །དེ་ནས་བྱིན་བརླབ་དབང་བསྐུར་བྱ། །མཚམས་ཀྱི་ཕུར་པ་མངའ་གསོལ་བའི། །ཕུར་པ་བཅུ་ཡང་བྱིན་གྱིས་བརླབ། །བསྒྲུབ་པའི་ཕུར་པ་རེ་རེ་ལ། །དར་གྱི་ཅོད་པན་རེ་རེ་གདགས། །སྤྱན་དྲངས་གཞུགས་གསོལ་གཉིས་མེད་བསྟིམ། །བྱུག་བདུག་བརྡེག་པའི་ལས་རྣམས་བྱ། །དེ་ནས་མཎྜལ་སྟེང་དུ་དགོད། །ཅེས་དཀྱིལ་འཁོར་གཉིས་རིམ་དང་ཆིག་རྐྱང་གཉིས་ཀ་གསུངས་པས་གང་བདེ་བྱས་པ་ལ་ལྷ་མཚན་དང་ཕུར་ཆ་དགོད། གལ་ཏེ་ཀུ་སུ་ལུ་པའི་བསྒྲུབ་པ་བྱེད་ན། ཐོད་པའམ་རིན་པོ་ཆེའི་སྣོད་འབྲུས་བཀང་བའི་ནང་དུ་ཕུར་ཆ་རྒྱས་བསྡུས་ཇི་ལྟར་འབྱོར་བ་དང༌། མ་འབྱོར་ན་གཙོ་བོ་དང་ལས་ཕུར་གཉིས་ལ་བསྡུས་པས་རུང་སྟེ། མེ་ཏོག་ཚོམ་བུ་རབ་ཏུ་དགྲམ། །སྦམས་པའི་ཕུར་བུར་རབ་ཏུ་དགོད། །ཏིང་འཛིན་དཀྱིལ་འཁོར་བསྒོམ་པར་བྱ། །ཞེས་གསུངས་པས་སོ། །དཀྱིལ་འཁོར་མདུན་དུ་མཉྫིའི་ཁྲི་ལ་བསྒྲུབ་གཏོར། གཡས་གཡོན་དུ་སྨན་རཀ། །ཤར་དུ་མཆོད་ཡོན། ཤར་


JLAZ009_Page_0405
[མ་དཔེ་གཟིགས་ན་འདིར་གནོན།]

ལྷོར་ཞབས་བསིལ། ལྷོར་མེ་ཏོག །ལྷོ་ནུབ་ཏུ་བདུག་སྤོས། ནུབ་ཏུ་མར་མེ། ནུབ་བྱང་དུ་དྲི་ཆབ། བྱང་དུ་ཞལ་ཟས་ཏེ་སྒོར་མཆོད་དང༌། དྲག་པོའི་ཉེར་སྤྱོད། ཁྲག་གི་ཨརྒྷཾ། དབང་པོའི་མེ་ཏོག །གསུར་ཆེན་གྱི་བདུག་སྤོས། ཞུན་ཆེན་གྱི་མར་མེ། མཁྲིས་པའི་དྲི་ཆབ། ཤ་རུས་ཀྱི་ཞལ་ཟས། ཐོད་རྔ་དང་གསང་བའི་རྔེའུ་ཆུང་སོགས་ཀྱང་བཤམ། འཛོམ་ན་བྷནྡྷ་རཀྟ་གཏོར་མ་གསུམ། །མཆོད་དང་བཏབ་པའི་རྫས་སུ་བཞག །ཛ་གད་ཚེ་དང་ཚིམ་བྱེད་གསུམ། །ཀུན་ཏུ་རྒྱུ་དང་གལ་ཕྱི་ལྔ། །ཀ་ར་ཏི་དང་ཟླ་ཚེས་བདུན། །ཟླ་ཕྲོམ་ཟླ་རྒྱས་མཱཾ་ས་གསུམ། །སྒྲུབ་པ་ཚོགས་ཀྱི་རྫས་སུ་བསག །དམར་གྱི་རཀྟ་ཟོ་བ་གང༌། །མ་མོ་མཁའ་འགྲོ་བརྟེན་པའི་རྫས། །ཞེས་པ་ལྟར་བསགས། སྲོད་ཐུན་ནས་འགོ་བརྩམས་ཏེ་ཐུན་བཞིར་ལས་གཞུང་བསྡུས་པ་བསྲང༌། དེ་ཡང་ནུབ་དང་པོར་མངོན་རྟོགས་རྒྱས་པས་སྒོམ་ནུས་ན་ལེགས། མི་ནུས་ན་སྔོན་འགྲོ་རྣམས་རྫོགས་པར་བླངས་ནས་སྲུང་འཁོར་རྣམས་ཀྱི་དམིགས་པ་གཏན་དུ་དགོས་ཏེ། རྒྱུ་གང་གིས་ན། འགོང་པོ་ཕོ་མོ་འདི་དག་ནི། །རྣལ་འབྱོར་ཅན་ལ་ལྷ་བཀླུབ་འཇུག །ཕལ་པ་རྣམས་ལ་མི་བཀླུབ་འཇུག །གེགས་དང་འགྲས་ལ་གེགས་བཀླུབ་འཇུག །ཡུལ་བརྒྱུད་གང་ཟག་བརྒྱུད་པར་བྱེད། །


JLAZ009_Page_0406
[མ་དཔེ་གཟིགས་ན་འདིར་གནོན།]

སྐྱེ་བ་བརྒྱུད་དང་སྤྲུལ་པ་བརྒྱུད། །དངོས་པོར་བརྒྱུད་ནས་གནོད་པར་བྱེད། །བསླུ་ཞིང་ངོ་སྦེད་སྣ་ཚོགས་སྟོན། །ཞེས་པས་སོ། །དེ་ཡང་བསྐྱེད་རིམ་གྱི་དུས་བདག་བསྐྱེད་ཀྱི་གཙོ་བོ་དང༌། ཁྲོ་བོ་རྣམ་རྒྱལ་གྱི་བར་དུ་མདུན་བསྐྱེད་ཀྱི་གཞལ་ཡས་ཁང་བརྟེན་པའི་ལྷ་དང་བཅས་ཆོ་ག་གཅིག་གིས་གཟུགས་བརྙན་མེ་ལོང་གཉིས་ལ་དུས་གཅིག་ཏུ་ཤར་བ་ལྟར་སྒོམ་པའི་ལུགས་ལྟར་ན་ཛཔ྄་ཁ་དབྱེ་བ་མ་བྱས་ཀྱང་རུང་སྟེ། བྱེད་ན་གསལ་སྐྱོར་ཙམ་དུ་བསྒོམས་ནས་བདག་མདུན་གྱི་རྣམ་དབྱེ་ཕྱེད་པར་བྱ། འོན་ཀྱང་སྒྲུབ་ཐབས་རྒྱས་འབྲིང་ལྟར་བསྐྱེད་རིམ་གྱི་དུས་བདག་མདུན་འཇུག་པ་གཅིག་ལ། བཟླས་པའི་མགོར་ཛཔ྄་ཁ་ཕྱེ་ནས་དམ་ཡེ་རྣམ་པ་ཐ་དད་དུ་བྱེད་པ་འདི་གསང་སྔགས་སྔ་འགྱུར་བའི་རིང་ལུགས་སུ་སྣང་ཞིང༌། དོན་གྱི་ཆ་ནས་འགལ་བ་འདུ་བ་མ་ཡིན་ཀྱང༌། གསར་མ་ལ་བདག་མདུན་བུམ་གསུམ་ཆོ་ག་ཐ་དད་དུ་བྱེད་པས་ཁ་ཟེར་བར་བྱེད་པ་ནི་དོན་ལ་རྟོན་མི་རྟོན་ལ་དཔྱད་པ་མེད་པའི་རང་ལྟ་མཆོག་འཛིན་གྱི་ཕྱོགས་སུ་བསླན་ནོ། །དེ་ལྟ་བུའི་བདག་མདུན་ལ་བདག་ཉིད་རྩ་བའི་དཀྱིལ་འཁོར། མཚན་མ་རྫས་ཀྱི་དཀྱིལ་འཁོར། ཕྱོགས་བཅུ་ཁྲོ་བོའི་དཀྱིལ་འཁོར་ཏེ་ཕུར་པ་རང་ལུགས་དཀྱིལ་འཁོར་གསུམ་གྱི་ཐ་སྙད་སྒྲ་ཇི་བཞིན་པ་རྫོགས་ལ། ལར་བསྙེན་ཕུར་བཀོད་ཕྱིན་ཆད་


JLAZ009_Page_0407
[མ་དཔེ་གཟིགས་ན་འདིར་གནོན།]

དཀྱིལ་འཁོར་གསུམ་གྱི་བརྡའ་ཆད་ཚང་ཞིང༌། སྲས་མཆོག་ལ་མང་ཉུང་སྣ་ཚོགས་ཕུར་པའི་རྒྱུད་སྡེ་རྒྱ་མཚོ་ལྟ་བུ་ནས་གསུངས་པས་གང་ཡང་མི་འགལ་ལོ། །བཟླས་བྱའི་སྔགས་ནི། ཛ་ཧཱུཾ་ཨ་གསུམ་བསྣན་པ་མན་ངག་གི་དགོངས་པ་ཡིན་ལ། རྒྱུད་ལས་འདི་ལྟར་བཤད་པ་སྔར་མ་མཐོང་སྟེ། དེའི་ཚུལ། དཀྱིལ་འཁོར་གསུམ་ལ་ཐ་དད་རེ། །དགུག་དང་གསད་དང་གཞོམ་པའོ། །ཀཱི་ལ་ཡ་ཧཱུཾ་ཕཊ་བར་དུ། །གཞུག་པའི་སྙིང་པོ་ཐ་དད་དོ། །དགུག་པ་ཛཿཧཱུཾ་བཾ་ཧོཿབཞི། །ཡང་ན་ཛ་ལས་གྱུར་བའོ། །གསད་པ་མཱ་ར་ཡ་གསུམ་ལ། །གཞོམ་ཞིང་བརྡེག་པ་ཨ་ཀོ་ཊ། །གཅིག་གིས་གཅིག་བསྐུལ་འོད་ཟེར་ནི། །གློག་འབྲུག་ཆར་གྱི་ཚུལ་དུའོ། ། ཞེས་པས་ཁོང་ཁྲ་འཇུག་པའི་སྡོམ་འབའ་ཞིག་བསྟན་པས་སོ། །དེ་ལ་བསྒྲུབ་པ་དང༌། ཚོགས་ཀྱི་སྒྲུབ་པ་ཆེན་པོ་ནི་གཞན་དོན་དང་ཕྲིན་ལས་རྣམ་པ་བཞི་སོགས་ལ་དམིགས་པའི་ཕྱིར་ན་ཕྲེང་བའི་རྒྱུའང༌། ཤེལ་གྱིས་རེངས་པ་ཉིད་ལ་ཡིན། །དབང་ལ་ཙནྡན་དམར་པོ་ཉིད། །ལུང་ཐང་གིས་ནི་མངོན་སྤྱོད་དོ། །ནི་རང་སུ་ནི་སྡང་བ་ལ། །རྟ་ཡི་རུས་པས་སྐྲོད་པ་ཉིད། །བྲམ་ཟེའི་རུས་པས་དགུག་པ་ཉིད། །གླང་ཆེན་རུས་པས་སེར་བ་ལ། །མ་ཧེ་ཉིད་ཀྱིས་


JLAZ009_Page_0408
[མ་དཔེ་གཟིགས་ན་འདིར་གནོན།]

གསད་པའོ། །རེངས་པར་འོ་མ་བཏུང་བ་ཉིད། །དབང་ལ་ར་ཡི་ཤ་ཟའོ། །བསད་པ་ལ་ནི་ཤྭ་ནའི་ཤ །དགུག་པ་ལ་ནི་བཞི་མཉམ་ཉིད། །བསྐྲད་པ་ལ་ནི་གླང་པོར་བརྗོད། །ཅེས་སོ། །འོད་ཟེར་སྤྲོ་བསྡུའི་དོན་ནི། རྣལ་འབྱོར་རྗེས་སུ་འཇུག་པ་རྣམས། །དམ་ཚིག་སེམས་དཔའི་འོད་ཟེར་སྤྲོས། །ཡེ་ཤེས་སེམས་དཔའི་ཐུགས་རྒྱུད་བསྐུལ། །ཐུགས་བསྐྱེད་དམ་བཅའ་རྗེས་དྲན་ནས། །དམ་པའི་ཚུལ་གྱིས་འོད་ཟེར་བཀྱེ། །དམ་ཚིག་མཁའ་ལ་རི་དྭགས་འགྲོགས་པ་དང༌། །མར་མེ་གཉིས་དག་གཅིག་ཏུ་སྡོམ་པ་བཞིན། །དམ་ཚིག་འོད་ཟེར་བསྐུལ་བས་གཉིས་མེད་གཅིག་ཏུ་ཕབ། །དམ་ཚིག་སེམས་དཔའི་འོད་ཟེར་འཕྲོས། །བདེ་བར་གཤེགས་པའི་ཐུགས་དམ་བསྐུལ། །ཐུགས་བསྐྱེད་ཐུགས་དམ་རྗེས་དྲན་ནས། །དམ་པའི་ཚུལ་གྱི་འོད་ཟེར་བཀྱེ། །སྔ་ཆུའི་སྟེང་དུ་ཕྱི་ཆུ་ཕབ། །དཀར་དམར་མཐིང་གསུམ་གནས་སུ་གནས། །སོ་མལ་ལྕགས་ལ་ངར་བླུད་བཞིན། །དབང་དང་བྱིན་རླབས་ནུས་པ་ཐོབ་པར་བསྐུལ། །ཞེས་དང༌། བདེ་མཆོག་བདེ་སྦྱོར་བྷ་གའི་ཀློང་ཡངས་ནས། །རབ་དགྱེས་བྱང་ཆུབ་སེམས་ཀྱི་དངོས་གྲུབ་བསྐུལ། །འདོད་པའི་ཡོན་ཏན་ལྔ་ནི་ཆར་བཞིན་འབབ། །


JLAZ009_Page_0409
[མ་དཔེ་གཟིགས་ན་འདིར་གནོན།]

མཆོད་པའི་བྱེ་བྲག་རྣམས་ལ་མཆོད་པར་བསྐུལ། །ཞེས་པ་ཡན་གྱིས་རང་དོན་དུ་རྒྱལ་བ་མཆོད་ཅིང་ཐུགས་དམ་བསྐུལ་བའི་དོན་བསྟན་ནས། ཁྲོ་བོ་ཆེན་པོ་དེ་དག་གིས། །བདུད་དང་བར་དུ་གཅོད་པ་རྣམས། །བསྒྲལ་ཏེ་བྱང་ཆུབ་ལམ་ལ་བཀོད། །རྒྱུ་དྲུག་འཁོར་བའི་སེམས་ཅན་རྣམས། །ལུས་སེམས་བྲལ་ཏེ་འཁྱམས་པ་དང༌། །ངན་འགྲོའི་སྒོ་དགག་བདེ་ལམ་བཀོད། །ཁྲོ་རྒྱལ་སྐུ་ཡི་འོད་ཟེར་གྱི། །སྟེང་འོག་ཕྱོགས་མཚམས་ཀུན་ཏུ་སྤྲོ། །དེ་ནས་སེམས་ཅན་ཐམས་ཅད་ཀྱང༌། །རང་རང་ཉོན་མོངས་ཀུན་སྦྱོང་བྱེད། །གྲོལ་བའི་ལམ་ལ་བཀོད་ནས་ཀྱང༌། །སྡུག་བསྔལ་ཐམས་ཅད་དེས་འཇོམས་བྱེད། །ཅེས་པས་གཞན་དོན་ཏེ། དོན་གཉིས་བྱེད་པའི་འོད་ཟེར་སྤྲོ་བསྡུའི་དམིགས་པ་སྒྲུབ་ཐབས་སུ་བཤད་པ་ལྟར་དང༌། དེ་ཡང་སྒྲུབ་པའི་དུས་གྲངས་མ་རྫོགས་ཀྱང་དངོས་གྲུབ་ཀྱི་རྟགས་གེགས་ཀྱིས་བརྫུས་པ་མ་ཡིན་པར་ངེས་པ་བརྟན་པོ་བྱུང་ན་དེ་མ་ཐག་དངོས་གྲུབ་བླང་བ་རེ་བྱེད་པའང་རྟེན་འབྲེལ་གྱི་གནད་དུ་ཆེ་བའི་ཚུལ། སྒྲུབ་པ་དག་ནི་བྱེད་དུས་སུ། །དངོས་གྲུབ་རྟགས་ནི་བྱུང་གྱུར་ན། །ཐེ་ཚོམ་མེད་པའི་རྟོགས་པས་བླངས། །དངོས་གྲུབ་ཆེན་པོ་ཐོབ་ནས་ཀྱང༌། །ལས་རྣམས་ཐམས་ཅད་བྱ་བ་ཡིན། །ཞེས་སོ། །


JLAZ009_Page_0410
[མ་དཔེ་གཟིགས་ན་འདིར་གནོན།]

རྟགས་ནི། བཟླས་པ་བྱས་པའི་འབྲས་བུ་ནི། །སྒྲུབ་པོ་ནམ་མཁར་འགྲོ་བ་དང༌། །ཕུར་པ་འཕར་དང་འཁྲོག་པ་དང༌། །ནམ་མཁར་སྒྲ་བརྙན་འབྱུང་བ་དང༌། །སྒྲུབ་ཕུར་ད་ཧའི་སྒྲ་སྒྲོགས་དང༌། །འོད་དང་དུ་བ་འབྱུང་བ་དང༌། །བར་སྣང་དག་ཏུ་བརྟན་པར་གནས། །སྲིན་མོའི་ཚོགས་རྣམས་འདུ་བ་དང༌། །སྒྲུབ་པའི་མན་ངག་ཕུན་ཚོགས་བཅས། །གཏེར་རྣམས་ཡོད་པར་སྨྲ་བ་དང༌། །དྲིལ་བས་རི་རབ་བསྙིལ་བ་དང༌། །མཚོ་གླིང་ཚལ་རྣམས་སྐེམ་པ་དང༌། །བཏབ་པས་ཉི་ཟླ་བརྟན་པར་ནུས། །འདི་རྣམས་བྱུང་ན་དངོས་གྲུབ་རྟགས། །ཞེས་དང༌། དེ་ལས་ལྡོག་པ་ནི། འོད་དང་དྲི་དང་སྒྲ་ངན་དང༌། །རབ་རིབ་མི་བརྟན་འགྱུར་བ་ཅན། །རྟགས་མིན་དངོས་གྲུབ་བར་ཆད་བྱེད། །རྡོ་རྗེ་ཁ་ཊྭཱཾ་རྔེའུ་ཆུང་དང༌། །ཉུང་དཀར་ཕུར་པ་ཞིང་ལྤགས་དང༌། །གུ་གུལ་དུད་པ་བཏང་བས་དབྱུང༌། །ཞེས་སོ། །གྲངས་བསྙེན་ནི། ཉི་ཁྲི་བདུན་འབུམ་བགྲངས་ནས་ཀྱང༌། །ལྷ་རྣམས་ཐུགས་དམ་བསྐུལ་བར་བྱ། །ཁྲོ་བོ་ཆེན་པོ་རྣམས་ལ་ནི། །ཉི་ཁྲི་ལྔ་སྟོང་བསྙེན་པ་དང༌། །ཞེས་པ་ལྟར་རོ། །སྲོད་ཐུན་ལ་ཚོགས་མཆོད་རྒྱས་པ་རེ་བྱ་ཞིང༌། བྱེ་བྲག་པ་ཚོགས་ཀྱི་འཁོར་ལོའི་ཐ་སྙད་སྨོས་ན། དེ་ནས་རྡོ་རྗེ་ཕུར་པ་ཡི། །ཚོགས་ཀྱི་འཁོར་ལོ་བཤད་པར་བྱ། །སྐུ་ཡི་


JLAZ009_Page_0411
[མ་དཔེ་གཟིགས་ན་འདིར་གནོན།]

དཀྱིལ་འཁོར་བྲི་བར་བྱ། །སྣ་ཚོགས་ཟས་དང་སྣ་ཚོགས་འབྲུ། །སྨན་གྱི་རྣམ་པ་གཏོར་མ་ནི། །གླང་པོའམ་ཤིང་རྟས་འགྲོས་པའི་ཚད། །བརྒྱ་རྩ་བརྒྱད་དམ་ལྷ་གྲངས་བྱ། །ཤ་སྣ་ཁྲག་སྣ་བརྒྱ་རྩ་བརྒྱད། །སྤྱན་གཟིགས་འདོད་ཡོན་སྣ་ཚོགས་བརྒྱན། །སྣ་ཚོགས་འབྲས་བུའི་ཚོགས་རྣམས་བཤམ། །རྣལ་འབྱོར་ཕོ་མོ་གཡས་དང་གཡོན། །ལུས་ངག་བརྡས་མཚོན་སོ་སོར་མཆོད། །ལྷ་སོགས་ཕྱི་ནང་གསང་བའི་མཆོད། །ཚོགས་ཀྱི་འཁོར་ལོ་བསྐོར་བའི་ཚེ། །བླ་མ་རྡོ་རྗེ་སློབ་དཔོན་ལ། །མཚན་ལྡན་གཟུངས་མ་ཕུལ་ནས་ནི། །གཙོ་བོ་རྣམས་ལ་དེ་བཞིན་མཆོད། །འཁོར་གྱི་རྣལ་འབྱོར་ཐམས་ཅད་ཀྱང༌། །རང་རང་གཟུངས་དང་བཅས་ཏེ་མཆོད། །མཆོད་པའི་ལས་བྱེད་དུས་བརྡས་མཚོན། །གང་ཞིག་སྤྱི་བོ་སྟོན་པ་ན། །དེ་ལ་རྐང་མཐིལ་བསྟན་པར་བྱ། །གང་ཞིག་སྨིན་མ་འདེགས་བྱེད་ན། །དེ་ལ་མཛུབ་མོ་བསྟན་པར་བྱ། །གང་ཞིག་ལྕེ་ནི་བསྐྱོད་བྱ་བ། །དེ་ལ་པདྨ་བསྟན་པར་བྱ། །གང་ཞིག་མཛུབ་མོ་སྟོན་པ་ན། །དེ་ལ་ལག་པ་སྦྱིན་ པར་བྱ། །གང་ཞིག་བྲང་ནི་སྟོན་པ་ན། །དེ་ལ་ནུ་མ་བསྟན་པར་བྱ། །གང་ཞིག་སོར་མོ་རྣམས་སྟོན་ལ། །


JLAZ009_Page_0412
[མ་དཔེ་གཟིགས་ན་འདིར་གནོན།]

དེ་ལ་ལུས་ནི་བསྟན་པར་བྱ། །གང་ཞིག་ཨ་ཧོ་ཞེས་བརྗོད་ན། །ཀྱེ་མ་ཧོ་ཞེས་རབ་ཏུ་བརྗོད། །ཨ་ཏི་པུ་ཧོ་བརྗོད་པ་ལ། །པྲ་ཏི་པུ་ཧོ་བརྗོད་པར་བྱ། །ཨ་ཏི་ཛ་ཞེས་བརྗོད་པ་ལ། །པྲ་ཏཱིཙྪ་ཞེས་བརྗོད་པར་བྱ། །ས་མ་ཡ་སྟྭཾ་བརྗོད་པ་ལ། །ས་མ་ཧོ་ཞེས་བརྗོད་པར་བྱ། །རཱ་ཧོ྅་ཧཾ་ཞེས་བརྗོད་པ་ལ། །རཱ་ག་ཡ་མི་བརྗོད་པར་བྱ། །ཀྱེ་ཞེས་འབོད་པའི་སྒྲ་སྒྲོགས་ན། །ཨ་ཧོ་ཞེས་པའི་ལན་ཡང་བྱིན། ། སུ་ར་ཏི་ཞེས་བརྗོད་པ་ལ། །བཟའ་ཞིང་བཏུང་བ་རབ་ཏུ་སྦྱིན། །ས་མ་ཛཿཞེས་བརྗོད་པ་ལ། །ལྷ་རྣམས་མཆོད་ཅེས་རབ་ཏུ་སྦྱིན། །དུ་དུ་ར་ཞེས་བརྗོད་པ་ལ། །སྤང་བར་བྱ་ཞེས་རབ་ཏུ་བརྗོད། །དེ་བཞིན་ངག་གི་སྒྲ་རྣམས་ཀྱང༌། །དུས་འདི་དག་ཏུ་བྱ་བ་ཡིན། །ཞེས་དང༌། བདུད་རྩི་ལྔ་ཡང་རྟོག་མེད་བཟའ། །ཤ་དང་ཁྲག་ནི་བཏུང་ཞིང་བཟའ། །དེར་ནི་དམ་ཚིག་ཅན་བཟུང་ཞིང༌། །དམ་ཚིག་མེད་དང་ཉམས་པ་སྤངས། །བརྟུལ་ཞུགས་ཆེན་པོའི་སྤྱོད་པ་ཡིས། །ཚོགས་ཀྱི་འཁོར་ལོ་རབ་ཏུ་བྱ། །ཞེས་པ་ལ་སོགས་དང༌། དམ་ཚིག་ཉམས་པ་བསྐང་བའི་ཕྱིར། །ནང་གི་ཚོགས་ཀྱི་འཁོར་ལོ་བྱ། །ཚོགས་བསོག་བསོད་ནམས་བསྐྱེད་དུས་ཕྱི། །མི་རྟོག་ཡེ་ཤེས་བསྐྱེད་


JLAZ009_Page_0413
[མ་དཔེ་གཟིགས་ན་འདིར་གནོན།]

དུས་སུ། །གསང་བའི་ཚོགས་ཀྱི་འཁོར་ལོ་བྱ། །ཚོགས་འཁོར་དེ་གསུམ་གང་གིས་ཀྱང༌། །སྒྲིབ་སྦྱོང་རྣམ་གྲོལ་ལམ་ལ་འགོད། །ཚོགས་ཀྱི་འཁོར་ལོ་ཆེན་པོ་འདིས། །ཡབ་ཡུམ་རིགས་ལྔའི་ཁྲག་འཐུང་དང༌། །ཁྲོ་བཅུ་ཡབ་ཡུམ་ཕྲ་མེན་ཚོགས། །མཆོད་པས་དངོས་གྲུབ་ཤུགས་ལ་འབྱུང༌། །ཕོ་ཉ་བཀའ་ཉན་བསྒོ་བ་ཉན། །ཁམས་གསུམ་ཉོན་མོངས་ཀུན་སྒྲོལ་བྱེད། །མཆོག་དང་ཐུན་མོང་དངོས་གྲུབ་ཐོབ། །རྒྱལ་པོ་བྲམ་ཟེ་ཁྱིམ་བདག་ཚོགས། །དྲེགས་པའི་བསོད་ནམས་དབང་དུ་འདུ། །གནོད་གདུག་ཞི་ཞིང་འབྱོར་པ་འཕེལ། །གདུག་ཅིང་སྡང་སེམས་ལྡན་པ་སྒྲོལ། །དེ་ཕྱིར་ཚོགས་ཀྱི་འཁོར་ལོ་ཡང༌། །མཁས་པས་བྱ་བར་བཤད་པ་ཡིན། །ཞེས་སོ། །གསུམ་པ་ལས་སྦྱོར་རམ་བསྒྲུབ་པ་ཆེན་པོ་ནི། སྔོན་ལ་དམ་ཅན་ཉེ་བར་བསྙེན་པ་བྱས་ནས། དེ་ནས་སྔགས་དྲུག་གི་ལས་སྦྱོར་བྱ་བའི་ཚུལ་ལོགས་སུ་ཡོད་དོ། །དེ་ལྟ་ནའང་བསྒྲུབ་བྱ་དམིགས་བསལ་མེད་པ་ལ་གཏོར་མ་དང་མཐུན་རྫས་ལ་བརྟེན་ནས་དམ་ཅན་གྱི་བསྙེན་པ་ལས་རུང་ཙམ་བྱེད་ན། བྲུབ་ཁུང་དུ་ཟན་


JLAZ009_Page_0414
[མ་དཔེ་གཟིགས་ན་འདིར་གནོན།]

ལིང་བཀོད་པའི་སྟེང་དམ་ཅན་ལྕམ་དྲལ་གྱི་སྤུངས་གཏོར་བཀོད། མཐུན་རྫས་གང་འགྲུབ་བཤམ། གཏོར་མ་ལ་ཤེས་པ་གསུམ་དང་ལྡན་པ་ལས་བསྙེན་པའི་ཚེ་དཀྱིལ་འཁོར་གྱི་མུ་རན་ལ་བཀའ་སྡོད་ལྟར་གནས་པ་ལ་གཙོ་བོའི་འོད་ཟེར་གྱིས་གཟིར་བས་དྲག་པོའི་ཕྲིན་ལས་ཐོགས་མེད་དུ་བྱེད་པར་བསམ་ལ་བཞི་སྙིང་གཅིག་དྲིལ་གསུམ་ཁྲི་ལྔ་སྟོང་བཟླའོ། །དེའི་ཚེ་སྔོན་གྱི་ཕུར་པ་མཁན་པོ་རྣམས་ལ་གྲགས་པའི་ཤེས་པ་གསུམ་གྱི་མན་ངག་ལས། ལྷར་ཤེས་པ་ནི་ཐུགས་སྲོག་སྔགས་ཕྲེང་ལས་བྱུང་བའི་འོད་ཟེར་གྱིས་དཀྱིལ་འཁོར་གསུམ་གྱི་ལྷ་ཚོགས་མུན་ཁང་དུ་སྒྲོན་མེ་བཏེག་པ་ལྟར་ཤིན་ཏུ་གསལ་བ་ཉིད་སྣང་ལ་རང་བཞིན་མེད་པར་རྩལ་སྦྱང༌། དགུག་གཞུག་ཏུ་ཤེས་པ་ནི། འོད་ཟེར་གྱི་སྣེ་ལ་ཕོ་ཉ་དཔག་ཏུ་མེད་པ་སྤྲོས། ཕྱག་རྒྱ་བཞིས་འགུགས་འཆིང་བསྡམས་མྱོས་བྱས་ཏེ་ཉ་བོ་ལ་བསྟིམ་མོ། །ཆོས་ཉིད་དུ་ཤེས་པ་ནི། ལྷ་ཚོགས་རྣམས་ལས་བྱུང་བའི་འོད་ཟེར་གྱིས་ཁམས་གསུམ་གྱི་སེམས་ཅན་ཐམས་ཅད་དང༌། ཁྱད་པར་གཟས་པ་པོའི་སྡིག་སྒྲིབ་སྦྱོང་བའི་ངང་ལ་བདག་གཞན་དུ་མ་རོ་གཅིག་ཏུ་བསྲེས་ནས་མཉམ་པར་འཇོག །དེ་ལྟར་བསྒྲུབ་པ་ཐོན་པའི་རྗེས་


JLAZ009_Page_0415
[མ་དཔེ་གཟིགས་ན་འདིར་གནོན།]

ཐོག་ཏུ། ཚོགས་ཐ་མ་དང་འབྲེལ་བར་ལས་དྲུག་གི་གདབ་ལས། སྤྱིར་བཏང་བ་བསྲེག་འཕང་གཉིས་ནས་བླངས་ལ་ཞལ་བསྟབ་ཡན་རྫོགས་པར་བྱའོ། །གསུམ་པ་རྗེས་ལ། དངོས་གྲུབ་ལེན་ཆོག་གི་མཚོན་ཆོ་གའི་རྗེས་ཆོག་རྣམས་དང༌། རྒྱལ་ཐོ་གྲོལ་ཞིང་ཐོག་མར་དམ་གཙང་དང་འཕྲད། དེ་ནས་མཚམས་རིམ་པས་སེང་ཞིང་གནས་བསྲུང་བ་སོགས་སྤྱི་དང་མཐུན་ནོ། །གལ་ཏེ་སྙིགས་མ་ལྔའི་རྒུད་པའི་གཞན་དབང་ལས་ལྡང་མི་ནུས་པས། ཡི་དམ་བཟང་པོ་ལ་ལས་འབྲེལ་འཇོག་པ་ཙམ་གྱིས་མོས་པས་སློབ་པ་དག་ནི་བསྙེན་ཕུར་དང༌། སྨན་རཀ་གཏོར་གསུམ་ལ་བརྟེན་ནས། ཟླ་བ་གཅིག་ཏུ་བསྙེན་པའི་དམིགས་པ་ཁོ་ན་དང༌། ཟླ་བ་གཉིས་ལ་ཉེར་བསྒྲུབ་དང་སྦྲེལ་ཞིང༌། ཟླ་བ་གསུམ་ཀར་བཟླས་པ་ཡིག་འབྲུ་བཅུ་བཞི་པ་ཁོ་ན་འགྲུས་པར་བཟླས་པས་བསྙེན་སྒྲུབ་ཟུང་འབྲེལ་དུ་འགྲུབ་པ་ཡིན་ནོ། །དེ་ཡང་དམ་ཅན་ཉེ་བསྙེན་སྦྲེལ་ན་ཞག་བདུན་ལྷག་པ་ལ་བཞི་སྙིང་དྲིལ་བ་བཟླ་ཞིང༌། རྒྱུན་དུ་བཟླས་པ་མ་ཆག་ཙམ་དང༌། གཏོར་བསྔོ་བྱེད་པ་དམ་ཚིག་གོ །དེ་དག་སུའང་རུང་སྟེ་རྡོ་རྗེའི་ཐེག་པ་ནི་གསང་ནས་སྤྱད་ན་འགྲུབ་པ་ཡིན་པས་ཡི་དམ་དང་ལྟ་སྤྱོད་གསང་


JLAZ009_Page_0416
[མ་དཔེ་གཟིགས་ན་འདིར་གནོན།]

ཞིང༌། དེའི་ནང་ཚན་ནས་ཀྱང༌། རྟོག་གེ་བ་དང་མིག་རྣོན་མཁན། །གསང་སྔགས་དངོས་གྲུབ་སྣོད་མ་ཡིན། །དེ་ལ་བཤད་ན་ཉམས་ཆེན་ཡིན། །ཞེས་པས་གསང་བ་བསྲུང་བ་ལ་བསྒོམ་ཞིང༌། རང་བཞིན་ལྟ་བའི་དམ་ཚིག་བཞི་དྲན་པའི་རྩི་དང་མ་བྲལ་བའི་ངང་ནས་སྤྱོད་པ་རྒྱུན་གྱི་དམ་ཚིག་བཞི་ལ། གཉིད་དང༌། ཆང་དང༌། ལེ་ལོ་སྤང་ཞིང་གསང་སྔགས་ཀྱི་བརྡའ་བསྲུང༌། གལ་མདོ་ངེས་པའི་དམ་ཚིག་དཀོན་མཆོག་དང༌། གང་ཟག་གིས་མ་ཁྲེལ་བ་དང༌། ཟླས་ཉམས་དང༌། ཞོར་ཉམས་དང༌། དབང་མེད་དང༌། ཀུན་ནས་ཉམས་པ་བཞི་རྣམས་སྤངས་ན། དམ་ཅན་འདུ། མཐུ་དང་བྱིན་རླབས་ཆེ། ཚེ་རིང༌། གྲགས་པ་ཐོབ་པ་སོགས་ཤུགས་ལ་འབྱུང་བ་ལ་མཐར་ཕྱིན་གྱི་རྟགས་བཞི་ཞེས་བྱ་སྟེ། མདོར་ན་སྙིང་རྗེ་ཆེན་པོ་དང༌། ཐབས་ལ་མཁས་པས་གཞན་ལ་ཕན་འདོགས་པ་ལ་དགའ་བའི་བརྩོན་པ་མི་ལྷོད་པ་ནི་ཐེག་པ་ཆེན་པོ་གསང་སྔགས་ཀྱི་དམ་ཚིག་རྒྱ་མཚོའི་འདུ་སའོ། །བསྟན་པའི་གཟུགས་བརྙན་ཅུང་ཟད་ཡོད་དུས་འདིར། །དད་གུས་བསྐྱེད་ནས་ཉམས་སུ་མ་བླངས་ན། །རིང་པོར་མི་ཐོགས་བསྐྱེད་རྫོགས་ཟབ་མོའི་ལམ། །ནུབ་རིར་ཕྱོགས་པའི་མངོན་


JLAZ009_Page_0417
[མ་དཔེ་གཟིགས་ན་འདིར་གནོན།]

རྟགས་མཐོང་མིན་ནམ། །དེ་ཕྱིར་ལྷག་པའི་བསམ་པ་ག་བུར་རྡུལ། །སྔ་འགྱུར་རྒྱུད་སྡེའི་ནགས་ཀླུང་ལ་སྨན་པའི། །ཆོས་ཚུལ་རི་དྭགས་ལང་ཚོ་གསར་བའི་དཔྱིད། །ཀུན་གྱིས་མཐོང་ནས་ཡང་དག་དོན་རྟོགས་ཤོག །རྭ་སྟོན་སྐུ་སྐྱེ་རིན་པོ་ཆེས་ལྗོན་ཤིང་གི་ཡོལ་གོ་དང་པོ་ལ་ནཻ་པ་ལའི་དོང་ཙེའི་ཚོམ་བུ་བཀོད་ནས་ནན་ཏན་གྱིས་བསྐུལ་བའི་ངོར་བཀའི་བསྡུ་བ་པོ་རང་ཉིད་ཀྱིས་སོ། །དགེའོ། །དགེའོ། །དགེའོ། །མངྒ་ལཾ།། །།

ཕུར་པ་རྒྱུད་ལུགས་ལས་ཚེ་སྒྲུབ་ཉི་ཟླའི་ཟ་མ་ཏོག


JLAZ009_Page_0419
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས་ཚེ་སྒྲུབ་ཉི་ཟླའི་ཟ་མ་ཏོག་ཅེས་བྱ་བ་བཞུགས་སོ། །


JLAZ009_Page_0420
[མ་དཔེ་གཟིགས་ན་འདིར་གནོན།]

གཞོམ་བྲལ་རྡོ་རྗེའི་ངོ་བོ་ཉིད། །བགྲེས་རྒུད་སྤངས་པའི་གཞོན་ནུའི་སྐུར། །ཡོངས་གྲུབ་དཔལ་ཆེན་ཚེ་ཡི་ལྷར། །ངེས་པ་རྙེད་པས་ཕྱག་འཚལ་ལོ། །འདིར་རྡོ་རྗེ་ཁྲོས་པའི་བཤད་རྒྱུད་ལེའུ་བརྒྱད་པ་ལས་ཚེའི་རིག་འཛིན་བསྒྲུབ་པའི་དོན་གཏན་ལ་དབབ་པ་ལ་གསུམ། སྔོན་འགྲོ། དངོས་གཞི། རྗེས་སོ། །དང་པོ་ལའང་གཉིས། ཚེའི་རྣམ་དབྱེ་བསྟན་པ་དང༌། བསྒྲུབ་པའི་བཅའ་གཞིའོ། །དང་པོ་ནི། རྒྱུད་ལས། ཚེ་ནི་རྣམ་པ་གསུམ་ཡིན་ཏེ། །མི་འགྱུར་མི་འཕྲོགས་རྡོ་རྗེའི་ཚེ། །ཉམས་ཤིང་འཕོ་བ་ཐིག་ལེའི་ཚེ། །འཁྲུལ་ཞིང་རྟོག་པ་སྣང་བའི་ཚེ། །ཞེས་པ་ལས། དང་པོ་ནི་ཆོས་ཉིད་ཀྱི་བདེན་པ་མངོན་སུམ་དུ་མཐོང་བ་རྣམས་ལ་སྐྱེ་འཆི་རང་མཚན་པ་མ་གྲུབ་སྟེ། བདེ་ཆེན་ལྷན་ཅིག་སྐྱེས་པའི་ཡེ་ཤེས་ཀྱི་ཆོས་ཉིད་ནི་ཀུན་རྫོབ་དང༌། འདུ་བྱས་ལས་འདས་པ་


JLAZ009_Page_0421
[མ་དཔེ་གཟིགས་ན་འདིར་གནོན།]

ཡིན་པས། འཕགས་པས་རྒ་དང་ན་བ་དང༌། །འཆི་བའི་སྡུག་བསྔལ་རྩད་ནས་སྤངས། །ཞེས་སོ། །གཉིས་པ་ནི། རྣམ་སྨིན་གྱི་ལུས་རྟེན་འདི་དང་པོར་ཡང་ཁམས་ཐིག་ལེའི་འདུ་འཕྲོད་ལ་བརྟེན་ནས་ཆགས། བར་དུ་ཡང་བླ་ཚེ་སྲོག་གསུམ་དེ་ལ་བརྟེན། ཐ་མར་ཡང་ཁམས་དེ་རྒུད་ཅིང་འཕོ་བ་ལས་ལུས་རྟེན་འཇིག་པའི་ཕྱིར་རོ། །དེ་ལྟར་འཇིག་པ་དང༌། འཚོ་བའི་རྣམ་པར་རྟོག་པ་ལ་ཤིན་ཏུའང་བདེན་འཛིན་གྱི་བློ་དང་བཅས་པས་སོ་སོ་སྐྱེ་བོ་རྣམས་ལ་སྐྱེ་འཆི་རང་རྒྱུད་པར་འཆར་བ་ལ་འཁྲུལ་ཞིང་རྟོག་པའི་ཚེ་ཞེས་ངེས་པ་ཅན་དུ་བརྗོད་པའོ། །དེ་ལས་འདིར་ཚེ་བསྒྲུབ་པའི་ངོ་བོ་ནི་ཉམས་ཤིང་འཕོ་བར་བྱེད་པའི་ཐིག་ལེའི་ཚེ་འཕེལ་ཞིང་བརྟེན་པའི་ཐབས་སྒྲུབ་པ་ཡིན་ན། དེའི་སྔོན་དུ་ཉམས་པའི་རྒྱུ་ངོས་བཟུང་ནས་སྤང་བར་བྱ་སྟེ། ཉམས་པའི་རྒྱུ་ནི་འདི་ལྟ་སྟེ། །དམ་ཉམས་བཞིན་འགྱུར་སྤྱོད་ལམ་


JLAZ009_Page_0422
[མ་དཔེ་གཟིགས་ན་འདིར་གནོན།]

ཉམས། །དམ་ཅན་འཁྲུགས་དང་སེམས་འཁྲུགས་དང༌། །ཞེ་སྡང་རྒྱས་དང་བགེགས་དང་ཕྲད། །བྲེད་སྔངས་རྦོད་གཏོང་ཁར་རྦད་དང༌། །དམ་ཅན་གཏོར་ཆག་ཚེ་ཉམས་འགྱུར། །ཞེས་སོ། །དེའི་གཉེན་པོ་ནི། བླ་མ་ལ་གུས་རྒྱུད་པ་སྦྱངས། །ཏིང་འཛིན་བརྟན་ཞིང་རིག་སྔགས་འཛིན། །དམ་ཅན་ཉེ་བར་འགྱུར་པ་ཡིན། །འདི་ཡིས་ཚེ་ནི་ཁུག་འགྱུར་ཏེ། །ཞེས་སོ། །གཉིས་པ་ནི། རྡོ་རྗེ་ཐེག་པའི་ལམ་ཐབས་ཀྱི་ཆེ་བས་བསྐྱེད་རྫོགས་ཀྱི་ལམ་གཉིས་ཀ་ནས་ཚེ་སྒྲུབ་པའི་མན་ངག་ཁྱད་པར་ཅན་ཡོད་པ་ལས། འདིར་དང་པོའི་ཕྱོགས་ལྟར་སྟོན་པ་ལ། ཉམས་པ་གསོ་བར་འདོད་པ་ཡིས། །བཀྲ་ཤིས་ས་ལ་མཎྜལ་བྱ། །པདྨ་འཁོར་ལོ་རྒྱ་གྲམ་ལྡན། །ལྷ་ཡི་རྟེན་ནི་མར་མེ་དགུ། །ཁྲོ་བཅུའི་ཕུར་པས་བགེགས་བསལ་ཞིང༌། །བདུད་རྩི་ལྔ་དང་སྨན་ལྔ་དང༌། །ཕུར་པ་བརྟེན་པའི་ཟས་མཆོག་ལ། །ཐོད་པ་ལྕགས་དང་རིན་ཆེན་སྣོད། །བུམ་པ་ཡིད་འོང་མཛེས་པ་རུ། །བསྒྲུབས་པས་ཚེ་ནི་རབ་ཏུ་འཕེལ། །ཞེས་པས་བཀྲ་ཤིས་པའི་ས་ལ་སྟེགས་བུ་བྱས་པའི་སྟེང་མཎྜལ་པདྨ་འདབ་བཞི་རེ་ཁཱ་ཅན་ལ་རིགས་ལྔའི་ཕྱག་མཚན་ཕྱོགས་མ་འཆོལ་བ་བྲིས་པའི་དབུས་སུ་རྡོ་རྗེ་རྒྱ་གྲམ་གྱི་སྟེང་བུམ་པ་བཅུད་ལྡན། དེའི་མཐའ་སྐོར་དུ་མར་མེ་དགུ། ར་བའི་ཕྱི་སྐོར་ལ་ཁྲོ་བཅུའི་ཕུར་པ། དེའི་ནང་ཁོལ་དུ་ཚེའི་འབྲང་རྒྱས་སམ། ཚེ་རིལ་གྱི་རྩེ་མོ་ཙན་དན་ནམ། བཀྲ་ཤིས་པའི་ཤིང་གི་ཕུར་བུ་དབལ་གྲུ་བཞི་པ་དར་སྣས་བརྒྱན་པ་གཟུགས། ཅི་རིགས་པར། ལྕང་ལོའི་ཐོད་པ་ཁ་སྦྱར་དུ། །བདུད་རྩིའི་རྩ་བ་ལྔ་བསྩལ་ནས། །རྩ་བརྒྱད་སྟོང་ལ་སྦྱར་བའི་རིལ་བུ་གཞུག །དེ་བཞིན་བཟའ་བ་བཅའ་བ་དང༌། །བཏུང་དང་བལྡག་དང་གཞིབ་ལ་སོགས། །ཞེས་པ་ལྟར་ཐོད་ཆང་སྨན་ཕུད་ཀྱིས་བྲན་པ་


JLAZ009_Page_0423
[མ་དཔེ་གཟིགས་ན་འདིར་གནོན།]

དང༌། མཆོད་གཏོར་ཉེར་སྤྱོད་ལ་སོགས་པ་ཚང་བར་བསག་གོ །གཉིས་པ་དངོས་གཞི་ལ། དང་པོ་ལས་གཞུང་བསྲང་བ་ནི། བདག་མདུན་འཇུག་པ་གཅིག་གི་ངང་ནས་ལྷའི་རྣལ་འབྱོར་བསྒོམས་ལ་ཛཔ྄་ཁ་ཕྱེ་ནས། བཟླ་བྱའི་སྔགས་ནི། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཨཱ་ཡུརྫྙཱ་ན་ཨཱ་ཀརྵ་ཡ་ཛཿ རུ་ལུ་རུ་ལུ་ཧཱུཾ་བྷྱོ་ཧཱུཾ། ཨོཾ་ཨཱཿཧཱུཾ། ཞེས་ཅི་ནུས་བཟླ། དེས་སྐྱོ་ན། གསང་རྒྱུད་ལས། ཨོཾ་ཧཱུཾ་སྭཱ་ཨཱཾ་ཧཱཾ། བྷྲཱུཾ་བཛྲ་ཨཱ་ཡུ་ཥེ་ཧཱུཾ་ཨ། ཞེས་བཟླས་ཀྱང་རུང་ངོ༌། །ཐུན་མཚམས་སུ་ཚེ་འགུགས་བྱ་བ་ནི། གེགས་ཀྱིས་ཚེ་རྣམས་མི་སྟེར་ན། །ཚེ་དཔག་མེད་ཀྱང་ཁྲོ་བོ་སྟེ། །ཕྱོགས་བཅུ་ནམ་མཁའི་ཁམས་བཀང་ནས། །སྒྲ་སྐད་དྲག་པོ་བཏོན་ནས་ནི། །ཐམས་ཅད་མ་ལུས་གདུལ་བར་བྱ། །ཞེས་པའི་དམིགས་པ་དང་བཅས། ཧཱུཾ། དབུས་ནས་རང་བྱུང་གྲུབ་པའི་ལྷ། །དཔལ་ཆེན་རྡོ་རྗེ་ཁྲག་འཐུང་དང༌། །ཁྲོ་མོ་རྡོ་རྗེ་དབྱིངས་ཕྱུག་མ། །མཐིང་ནག་མི་འགྱུར་ནམ་མཁའི་མདོག །ཞལ་གཅིག་ཕྱག་གཉིས་ཁྲོ་བོའི་ཚུལ། །རྡོ་རྗེས་གདུག་པ་འདུལ་མཛད་ཅིང༌། །བཻ་ཌཱུརྱ་ཡི་བུམ་པ་གཡོན། །ནང་ན་འཆི་མེད་བདུད་རྩིས་བཀང༌། །ཀ་ཤི་དར་གྱི་མགུལ་ཆིངས་ལ། །དཔག་བསམ་ལྗོན་པས་ཁ་བརྒྱན་ནས། །ཡབ་ཡུམ་བདེ་བའི་སྦྱོར་བ་ལས། །བྱང་སེམས་མུ་ཏིག་ཁུ་འཕང་འབེབས། །རྡོ་རྗེ་ཁྲག་འཐུང་དཔག་མེད་ཀྱིས། །སྟོང་


JLAZ009_Page_0424
[མ་དཔེ་གཟིགས་ན་འདིར་གནོན།]

གསུམ་སྟོང་གི་འཇིག་རྟེན་བཀང༌། །ཞལ་ནས་ཚེ་ཡི་སྔགས་ཟློས་ ཤིང༌། །ལྷ་ཀླུ་གནོད་སྦྱིན་གཤིན་རྗེ་དང༌། །མཁའ་འགྲོའི་ལག་ནས་ཚེ་ཁུག་ཅིག །དྲོངས་ཤིག་དྲོངས་ཤིག་ཚེ་དྲོངས་ཤིག །ཚེ་བུམ་འདི་ལ་བྱིན་གྱིས་རློབས། །ཚེ་བུམ་འདི་ལ་རྟགས་ཕྱུང་ཞིག །རིག་འཛིན་སྒྲུབ་པོའི་ཚེ་སྤེལ་ཅིག །སྐུ་གསུང་ཐུགས་ཀྱི་དངོས་གྲུབ་སྩོལ། །ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨཱ་ཡུརྫྙཱ་ན་ཙིཏྟ་བྷྲཱུཾ། ཧཱུཾ། ཤར་ལྷོ་ནུབ་བྱང་ཕྱོགས་བཞི་ནས། །རིགས་བཞིའི་ཁྲག་འཐུང་ཡུམ་དང་བཅས། །རང་རང་རིགས་ཀྱི་སྐུ་མདོག་ཅན། །གཡས་པ་རང་རྟགས་གཡོན་པ་ན། །ཤེལ་གསེར་པདྨ་རཱ་ག་དང༌། །ཨིནྡྲ་ནཱི་ལའི་བུམ་པ་བསྣམས། །ནང་ན་འཆི་མེད་བདུད་རྩིས་བཀང༌། །ཀ་ཤིའི་དར་གྱི་མགུལ་ཆིངས་ལ། །དཔག་བསམ་ལྗོན་པས་ཁ་བརྒྱན་ནས། །ཡབ་ཡུམ་བདེ་བའི་སྦྱོར་བ་ལས། །བྱང་སེམས་མུ་ཏིག་ཁུ་འཕང་འབེབས། །རིགས་བཞིའི་ཁྲག་འཐུང་དཔག་མེད་ཀྱིས། །སྟོང་གསུམ་སྟོང་གི་འཇིག་རྟེན་བཀང༌། །ཞལ་ནས་ཚེ་ཡི་སྔགས་ཟློས་ཤིང༌། །ལྷ་ཀླུ་གནོད་སྦྱིན་གཤིན་རྗེ་དང༌། །མཁའ་འགྲོའི་ལག་ནས་ཚེ་ཁུག་ཅིག །དྲོངས་ཤིག་དྲོངས་ཤིག་ཚེ་དྲོངས་ཤིག །


JLAZ009_Page_0425
[མ་དཔེ་གཟིགས་ན་འདིར་གནོན།]

ཚེ་བུམ་འདི་ལ་བྱིན་གྱིས་རློབས། །ཚེ་བུམ་འདི་ལ་རྟགས་ཕྱུང་ཞིག །རིག་འཛིན་སྒྲུབ་པོའི་ཚེ་སྤེལ་ཅིག །སྐུ་གསུང་ཐུགས་ཀྱི་དངོས་གྲུབ་སྩོལ། །ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨཱ་ཡུརྫྙཱ་ན་ཙིཏྟ་བྷྲཱུཾ། ཧཱུཾ། དབུས་ནས་རང་བྱུང་གྲུབ་པའི་ལྷ། །དཔལ་ཆེན་རྡོ་རྗེ་གཞོན་ནུ་ནི། །ཞལ་གསུམ་ཕྱག་དྲུག་ཞབས་བཞི་བགྲད། །གར་དགུའི་རོལ་པས་གནས་མཛད་ཅིང༌། །འཁོར་ལོ་རྒྱས་འདེབས་ཡུམ་ལ་འཁྱུད། །ཡབ་ཡུམ་གཉིས་མེད་སྦྱོར་བའི་སྒྲས། །དུས་གསུམ་བུདྡྷ་རབ་མཆོད་ནས། །བྱང་ཆུབ་སེམས་ཀྱི་ཐིག་ལེ་ནི། །མུ་ཏིག་ཁུ་འཕང་དབབ་ཏུ་གསོལ། །ཚེ་བུམ་འདི་ལ་བྱིན་གྱིས་རློབས། །ཚེ་བུམ་འདི་ལ་རྟགས་ཕྱུང་ཞིག །རིག་འཛིན་སྒྲུབ་པོའི་ཚེ་སྤེལ་ཅིག །སྐུ་གསུང་ཐུགས་ཀྱི་དངོས་གྲུབ་སྩོལ། །ཨོཾ་བཛྲ་ཀཱི་ལི་ཀཱི་ལ་ཡ་ཛ་ཧཱུཾ་བཾ་ཧོཿ ཨཱ་ཡུརྫྙཱ་ན་ཨ་ཀརྵ་ཡ་ཛཿ ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨོཾ་ཨཱཿཧཱུཾ། སྒྲོལ་ཡུམ་ཨེ་ཀ་ཛ་ཊི་མ། །ཆོས་ཀྱི་དབྱིངས་ཀྱི་མཁའ་འགྲོ་ཡུམ། །ཁྲག་འཐུང་ལྷ་ཚོགས་མཉེས་བྱེད་མ། །བུདྡྷ་ཀུན་ དང་མཉམ་སྦྱོར་བའི། །བདེ་འོད་ཉི་མའི་གཟི་བརྗིད་ཀྱིས། །མཁའ་འགྲོ་ཐམས་ཅད་དབང་བསྡུས་


JLAZ009_Page_0426
[མ་དཔེ་གཟིགས་ན་འདིར་གནོན།]

ནས། །བྱང་ཆུབ་སེམས་ཀྱི་ཐིག་ལེ་ནི། །མུ་ཏིག་ཁུ་འཕང་དབབ་ཏུ་གསོལ། །ཚེ་བུམ་འདི་ལ་བྱིན་གྱིས་རློབས། །ཚེ་བུམ་འདི་ལ་རྟགས་ཕྱུང་ཞིག །རིག་འཛིན་སྒྲུབ་པོའི་ཚེ་སྤེལ་ཅིག །སྐུ་གསུང་ཐུགས་ཀྱི་དངོས་གྲུབ་སྩོལ། །ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨཱ་ཡུརྫྙཱ་ན་ཛཿཧཱུཾ། ཀཽ་རཱི་ལ་སོགས་མ་མོ་བརྒྱད། །སེང་ཧ་ལ་སོགས་ཕྲ་མེན་བརྒྱད། །སྲས་མཆོག་རིགས་ལྔ་ཡུམ་དང་བཅས། །ཁྲོ་བཅུ་ཁྲ་ཕྱག་སྒོ་མ་རྣམས། །གེགས་ཆེན་འདུལ་ཞིང་ཁྲོ་ཚུལ་སྟོན། །གཡས་ན་ལྕགས་ཀྱུ་ཕུར་པ་བསྣམས། །གཡོན་ན་བདུད་རྩིའི་བུམ་པ་བསྣམས། །ཐུགས་ཀ་ཉི་ཟླ་ཁ་སྦྱོར་ནས། །ཚེ་འཛིན་ཐུགས་ཀྱི་དཔལ་བེའུ་ནས། །བྱང་སེམས་ཐིག་ལེ་ཁུ་འཕང་འབེབས། །ཁུག་ཅིག་ཁུག་ཅིག་ཚེ་ཁུག་ཅིག །དྲོངས་ཤིག་དྲོངས་ཤིག་ཚེ་དྲོངས་ཤིག །ཕྱོགས་སྐྱོང་ལག་ནས་ཚེ་དྲོངས་ཤིག །ཚེ་བུམ་འདི་ལ་བྱིན་གྱིས་རློབས། །ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཨཱ་ཡུརྫྙཱ་ན་ཙིཏྟ་བྷྲཱུཾ། ཞེས་དང༌། རྒྱས་གདབ་ནི། ཧཱུཾ། ཚེ་ཡི་དངོས་གྲུབ་འཆི་མེད་འདི། །ཁྲག་འཐུང་རིགས་ལྔའི་ཐུགས་ཀར་སྦ། །མི་འགྱུར་ཚེ་ཡི་ཐིག་ལེ་ལ། །རྡོ་རྗེས་རྒྱས་གདབ་མི་ཤིགས་དབུས། །འཁོར་ལོས་རྒྱས་གདབ་བདུད་བཞི་


JLAZ009_Page_0427
[མ་དཔེ་གཟིགས་ན་འདིར་གནོན།]

འཇོམས། །རིན་ཆེན་རྒྱས་གདབ་བསམ་བཞིན་འགྲུབ། །པདྨས་རྒྱས་གདབ་ཉོན་མོངས་བྲལ། །རྒྱ་གྲམ་རྒྱས་གདབ་དོན་རྣམས་འགྲུབ། །ཡེ་ཤེས་ལྔ་ཡི་རྒྱས་གདབ་པས། །དབྱིངས་ཀྱི་ཐིག་ལེར་མི་ཤིགས་ཤོག །ཨཱ་ཡུ་ཨཱ་བེ་ཤ་ ཡ་ཨ། ཞེས་ཆོས་ཉིད་ཀྱི་ངང་དུ་ཚེ་སྦའོ། །གྲུབ་པའི་རྟགས་ནི། འོད་དང་འཇའ་དང་དུ་བ་མེ། །ཁོལ་བ་ཚེ་ཡི་རྟགས་ཡིན་ནོ། །ཞེས་སོ། །གསུམ་པ་རྗེས་ལ་དངོས་གྲུབ་བླང་བ་ནི། བསྒྲུབ་པ་ཐོན་པའི་དུས་ཚོགས་གཏོར་བཟང་པོ་བྱ། དམ་ཚིག་ཉམས་ཆག་དག་པར་བྱས་ལ། དཀྱིལ་འཁོར་གྱི་མར་མེ་རྣམས་སྦར། ཧཱུཾ། དཔལ་ཆེན་རྡོ་རྗེ་གཞོན་ནུ་ནི། །བདེ་ཆེན་རྒྱས་པའི་བྷ་གའི་དབྱིངས། །ཁྲག་འཐུང་འདུས་པའི་ཁྲོ་རྒྱལ་སྐུ། །འགྱུར་བ་མེད་པ་ཚེ་ཡི་ཐུགས། །ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་པ། །དབང་དང་བྱིན་རླབས་བདག་སྩོལ་ཅིག །ཞེས་པས་སྙན་གསན་དབབ་ལ་བུམ་པ་སྤྱི་བོའི་གནས་ལྔར་འཇོག་ཅིང༌། ཧཱུཾ། ཁྲག་འཐུང་ལྔ་ཡི་དབང་བསྐུར་བས། །ཉོན་མོངས་དུག་ལྔ་རབ་དག་ནས། །ཡེ་ཤེས་ལྔ་རྫོགས་ཐིག་ལེ་རྒྱས། །འཆི་མེད་ཚེ་ཡི་རིག་འཛིན་ཤོག །ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ བཛྲ་ཤྲཱི་ཧེ་རུ་ཀ་བཛྲ་ཀྲོ་ཏི་ཤྭ་རཱི་སྟྭཾ། ཨ་བྷི་


JLAZ009_Page_0428
[མ་དཔེ་གཟིགས་ན་འདིར་གནོན།]

ཥིཉྩ་མཱཾ། བུདྡྷ་ཤྲཱི་ཧེ་རུ་ཀ་བུདྡྷ་ཀྲོ་ཏི་ཤྭ་རི་སྟྭཾ། ཨ་བྷི་ཥིཉྩ་མཱཾ། རནྟ་ཤྲཱི་ཧེ་རུ་ཀ་རཏྣ་ཀྲོ་ཏི་ཤྭ་རི་སྟྭཾ། ཨ་བྷི་ཥིཉྩ་མཱཾ། པདྨ་ཤྲཱི་ཧེ་རུ་ཀ་པདྨ་ཀྲོ་ཏི་ཤྭ་རི་སྟྭཾ། ཨ་བྷི་ཥིཉྩ་མཱཾ། ཀརྨ་ཤྲཱི་ཧེ་རུ་ཀ་ཀརྨ་ཀྲོ་ཏི་ཤྭ་རི་སྟྭཾ། ཨ་བྷི་ཥིཉྩ་མཱཾ། ཨོཾ་ཨཱཿཧཱུཾ། ཞེས་བུམ་ཆུ་བཏུང་ཞིང་ཉེ་རེག་བྱ། དེ་ནས་ཚེའི་དངོས་གྲུབ་བླང་བ་ནི། བསྒྲུབ་རྫས་རྣམས་ཕྱོགས་གཅིག་ཏུ་བྱས་ལ། ཨེ་མ་ཧོ། བཅོམ་ལྡན་འདས་ནི་ཁྲོ་རྒྱལ་གཙོ། །རྡོ་རྗེ་སྲིན་པོའི་ནམ་ནི་ལངས་ལགས་ན། །གཟའ་སྐར་རྒྱལ་པོ་ཉི་མ་རྩེ་ཤར་གྱིས། །བཟླས་བརྗོད་བསྙེན་པའི་གྲངས་ནི་ཐེམ་ལགས་ན། །གྲུབ་པའི་རྟགས་ནི་མྱུར་དུ་བསྟན་ནས་ཀྱང༌། །སྐུ་གསུང་ཐུགས་ཀྱི་དངོས་གྲུབ་སྩལ་རེ་རན། །དབང་དང་བྱིན་རླབས་ཐམས་ཅད་བདག་གསོལ་ཅིག །ཧཱུཾ། བརྗོད་མེད་སྤྲོས་བྲལ་ཆོས་ཀྱི་སྐུ། །སྐུ་གསུམ་རྫོགས་པ་ཁྲོ་རྒྱལ་སྐུ། །མི་གནས་ཡེ་ཤེས་ནམ་མཁའི་ཐུགས། །ཐུན་མོང་མ་ཡིན་ཁྱད་པར་འཕགས། །ཡེ་ཤེས་མི་འགྱུར་དཔལ་བེའུ་ནས། །བདེ་ཆེན་ཐེག་ལེ་བྱང་ཆུབ་སེམས། །བདུད་འདུལ་རྡོ་རྗེ་གཞོན་ནུ་ཡི། །སྐུ་གསུང་ཐུགས་ཀྱི་དངོས་གྲུབ་རྣམས། །མ་ཐོགས་མྱུར་དུ་སྩལ་དུ་གསོལ། །མི་འཆི་ཚེ་ཡི་དངོས་གྲུབ་སྩོལ། །མངོན་པར་ཤེས་པའི་


JLAZ009_Page_0429
[མ་དཔེ་གཟིགས་ན་འདིར་གནོན།]

དངོས་གྲུབ་སྩོལ། །རྫུ་འཕྲུལ་མཐུ་ཡི་དངོས་གྲུབ་སྩོལ། །རིག་པ་འཛིན་པའི་དངོས་གྲུབ་སྩོལ། །ཕྲིན་ལས་རྣམ་བཞིའི་དངོས་གྲུབ་སྩོལ། །རིགས་རྒྱུད་འཕེལ་བའི་དངོས་གྲུབ་སྩོལ། །གྲུབ་མཆོག་བརྒྱད་ཀྱི་དངོས་གྲུབ་སྩོལ། །ནད་གེགས་འཇོམས་པའི་དངོས་གྲུབ་སྩོལ། །སྐུ་གསུང་ཐུགས་ཀྱི་དངོས་གྲུབ་སྩོལ། །ཟག་མེད་བདེ་བའི་དངོས་གྲུབ་སྩོལ། །ཨོཾ་བཛྲ་ཀཱི་ལི་ཀཱི་ལ་ཡ་ཛ་ཧཱུཾ་བཾ་ཧོཿ ཨ་མྲྀ་ཏ་སིདྡྷི་ཧཱུཾ་ཧྲཱིཥྛ། ཨ་བེ་ཤ་ཡ་ཧོཿ ཨ་ལ་ལ་ཧོཿ ཞེས་བརྗོད་ཅིང་དངོས་གྲུབ་ཀྱི་རྫས་ལ་ལོངས་སྤྱོད་དོ། །ཕན་ཡོན་ནི། ཚེ་ཡི་དངོས་གྲུབ་བླང་བ་ཡིས། །ནད་དང་བྲལ་ཞིང་སྡུག་བསྔལ་ཞི། །གེགས་མེད་ཉི་ཟླའི་ཚེ་དང་མཉམ། །ཁྲག་འཐུང་སྐུ་དང་དབྱེར་མེད་འགྱུར། །ཞེས་སོ། །དགེའོ།། །།

ཕུར་པ་རྒྱུད་ལུགས་ལས། སྤྲོ་མེད་རྒྱུན་གྱི་རྣལ་འབྱོར།


JLAZ009_Page_0431
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས། སྤྲོ་མེད་རྒྱུན་གྱི་རྣལ་འབྱོར་བཞུགས། །གདན་གསུམ་ལུས་ཀྱི་ཕུར་བུ་ལ་ཕྱག་འཚལ་ལོ། །ལུང་ཨ་ནུ་ཡོ་ག་དང་མཐུན་པར་ལུས་དཀྱིལ་ལ་བརྟེན་ནས་ཕུར་པ་བསྒྲུབ་པ་ནི། སྐྱབས་སེམས་སྔོན་དུ་བྱས་ལ། ཧཱུཾ། སེམས་དང་ཡིད་དང་རྣམ་ཤེས་ཉིད། །དེ་ཉིད་ལས་ནི་འཁྲུལ་ནས་བཏབ། །རྣམ་རྟོག་བག་ཆགས་བསྲེག་པའི་ཕྱིར། །བདག་གི་ལུས་ནི་གཞལ་ཡས་ཁང༌། །ཧཱུཾ། རང་ལུས་འདོམ་གང་གྲུ་བཞི་ནི། །དུར་ཁྲོད་གཞལ་ཡས་ཁང་དུ་བསམ། །གྲུ་བཞི་པ་ལ་ཁ་དོག་ལྔ། །དྲི་མ་ནག་པོ་བཻ་ཌཱུར་སྔོ། །རྩ་ཆེན་ལྗང་གུ་མར་གད་མདོག །ཁྲག་གི་པདྨ་རཱ་ག་དམར། །ཚིལ་བུ་སེར་པོ་གསེར་ལྟར་སྣང༌། །རུས་པ་དཀར་པོ་ཤེལ་དངུལ་མདོག །ལྔ་ཡི་རྩིག་པ་རབ་ཏུ་མཛེས། །སྒལ་ཚིག་གདུང་གི་རང་བཞིན་ལ། །རྐང་བརྒྱད་ཀ་བ་བརྒྱད་ཡིན་ནོ། །ཐུར་མ་ལྕམ་ལ་རྩིབ་མ་དྲལ། །རྩ་ཡི་དྲྭ་བས་རབ་འབྲེལ་ཞིང༌། །མགོ་བོའི་ཚངས་སྒོ་ཤེལ་ལྟར་དཀར། །མིག་གཡས་ལྷོ་སྒོ་གསེར་ལྟར་སེར། །མིག་གཡོན་བྱང་སྒོ་མར་གད་ལྗང༌། །ནུབ་ཀྱི་ཆུ་སྒོ་པད་ལྟར་དམར། །འོག་གི་སྤུ་ནག་སྨིན་མ་དང༌། །སྐྲ་རྣམས་སྒོ་ཡི་རྒྱན་ཡིན་ནོ། །རྐང་ལག་སེན་མོའི་ཕྲེང་བ་རྣམས། །མུ་ཏིག་དྲྭ་བ་ཕྱེད་པས་


JLAZ009_Page_0432
[མ་དཔེ་གཟིགས་ན་འདིར་གནོན།]

མཛེས། །ཚིགས་མདུད་རིན་ཆེན་ཕ་གུ་ལ། །པགས་པ་འདོད་ཡོན་ལྷ་མོས་མཛེས། །དུར་ཁྲོད་གཞལ་ཡས་མཛེས་པ་དེར། །ཀུན་གཞིའི་རྣམ་ཤེས་གནས་གྱུར་པ། །དཔལ་ཆེན་རྡོ་རྗེ་གཞོན་ནུ་ནི། །སྒེག་པ་དཔའ་བ་འཇིགས་སུ་རུང༌། །དགོད་དང་གཤེ་དང་འཇིགས་པ་དང༌། །སྙིང་རྗེ་རྔམ་དང་ཞི་བ་སྟེ། །ཞལ་དང་ཕྱག་མཚན་ཅིར་ཡང་སྟོན། །ཡིད་ཀྱི་རྣམ་ཤེས་གནས་གྱུར་པ། །འཁོར་ལོ་རྒྱས་འདེབས་ཡུམ་དང་འཁྲིལ། །སྒོ་ལྔའི་རྣམ་ཤེས་གནས་གྱུར་པ། །སྲས་མཆོག་རིགས་ལྔ་ཡུམ་དང་བཅས། །གཟུགས་ཀྱི་ཕུང་པོ་རྣམ་པར་རྒྱལ། །ཚོར་བ་གཤིན་རྗེ་གཤེད་པོ་ཉིད། །འདུ་ཤེས་ཧྱ་གྲཱི་ཝ་འོ། །འདུ་བྱེད་བདུད་རྩི་འཁྱིལ་བ་སྟེ། །རྣམ་ཤེས་ཁྲོ་རྒྱལ་ཧཱུཾ་ཀཱ་ར། །ས་ནི་དབྱུག་པ་སྔོན་པོ་སྟེ། །ཆུ་ནི་མི་གཡོ་མགོན་པོ་ལ། །མེ་ནི་གཞན་གྱི་མི་ཐུབ་པ། །རླུང་ནི་ཁམས་གསུམ་རྣམ་རྒྱལ་ཏེ། །ནམ་མཁའ་ཁྲོ་རྒྱལ་སྟོབས་པོ་ཆེ། །སྐྱེ་མཆེད་ཡུམ་བཅུའི་ངོ་བོ་སྟེ། །རྣམ་པར་རྟོག་པ་ཁྲ་ཕྱག་ལ། །ཉོན་མོངས་སྒོ་མ་བཞི་ཉིད་དོ། །ཧཱུཾ། རྡོ་རྗེ་གཞོན་ནུའི་རིག་འཛིན་རྣམས། །སྲིད་པ་རྡོ་རྗེར་གྲུབ་མཛོད་ཅིག །སྲིད་པ་རྡོ་རྗེ་ཕུར་པའི་ལྷ། །ཡེ་ཤེས་ཁྲོ་བོ་གྲུབ་པར་


JLAZ009_Page_0433
[མ་དཔེ་གཟིགས་ན་འདིར་གནོན།]

མཛོད། །བསྐྱེད་དུ་མེད་དེ་ཡེ་ནས་ཡིན། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུཾ་ཕཊ། ཅེས་དང༌། ཚེ་སྒྲུབ་བྱེད་ན། ཨཱ་ཡུརྫྙཱ་ན་ཙིཏྟ་བྷྲཱུཾ། གདགས། གསོལ་བའི་ཟས་ནི་ཅི་ཡང་རུང༌། །དང་པོར་རཾ་ཡཾ་ཁཾ་གིས་སྦྱངས། །ཨ་དཀར་འོད་དང་བཅས་པ་ལས། །གཡས་ཕྱོགས་འཁྱིལ་ཞིང་འཁོར་བར་བསམ། །འོད་ཟེར་དོན་གཉིས་བྱང་ཆུབ་སེམས། །ཡེ་ཤེས་བདུད་རྩིར་གཉིས་མེད་བསྟིམ། །ཨ་མྲྀ་ཏ་ཡི་གསང་སྔགས་ཀྱིས། །འོད་ཞུ་བདུད་རྩི་ཆེན་པོར་གྱུར། །ཨོཾ་ས་མ་ཡ་ཨ་མྲྀ་ཏ་ཨོཾ་ཨཱཿཧཱུཾ་སྭཱ་ཧཱ། ལག་པ་ཡེ་ཤེས་ཧོམ་གཟར་གྱིས། །ཁ་ནི་ཧོམ་ཁུང་གཞལ་ཡས་སུ། །དབྱིངས་དང་ཡེ་ཤེས་མཆོད་པར་འབུལ། །མཉམ་པའི་སྒྲུབ་རྫས་ཡོངས་སུ་དག །བདག་དང་མཉམ་པའི་ཚོགས་ལ་འབུལ། །ལོངས་སྤྱོད་ལྔ་ལྡན་བདུད་རྩི་མཆོག །གཉིས་མེད་ཡོངས་སུ་དག་པར་བསྔོ། །གཉིས་སུ་མེད་པའི་མཆོད་པ་ཡིན། །སྐུ་གསུང་ཐུགས་སུ་རྣམ་པར་དག །དམན་པའི་ཟས་ལ་བཟའ་མི་བྱ། །བཏུང་བ་ཏྲཱཾ་ལས་མཱ་ཀིར་བསམ། །སྦོམ་པོ་དབང་མོ་ཐབས་ཤེས་ཀྱིས། །བླངས་ལ་ཨོཾ་ཨཱཿཧཱུཾ་གིས་མཆོད། །དེ་བཞིན་གོས་དང་རྒྱན་གནས་ཁང༌། །དབང་པོ་ལྔ་ཡི་ལོངས་སྤྱོད་ཀུན། །ཐ་མལ་སྣང་བས་མ་ཡིན་པར། །འདོད་ཡོན་སྒྱུ་མ་ལྟ་བུ་རུ། །དམིགས་ནས་ཡོངས་གྲུབ་དཀྱིལ་འཁོར་མཆོད། །བསོད་ནམས་ཡེ་ཤེས་ཚོགས་རྫོགས་འགྱུར། །འདི་ནི་རྒྱུན་གྱི་རྣལ་འབྱོར་ཡིན། །འདི་ཡང་རྒྱུད་ལས་བཏུས་པའོ།། །།

ཕུར་པ་རྒྱུད་ལུགས་ལས་བྱུག་བདུག་བྲབ་གསུམ་གྱི་བསྒྲུབ་ཚུལ།


JLAZ009_Page_0435
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས་བྱུག་བདུག་བྲབ་གསུམ་གྱི་བསྒྲུབ་ཚུལ་བཞུགས། །


JLAZ009_Page_0436
[མ་དཔེ་གཟིགས་ན་འདིར་གནོན།]

ཤྲཱི་བཛྲ་ཀུ་མཱ་ར། བྱུག་བདུག་བྲབ་གསུམ་གྱི་རྫས་བསྒྲུབ་ཚུལ་ལ་དོན་གསུམ་ལས། དང་པོ་ཉུང་དཀར་ལ་རྫས་བསག་པ་དང༌། སྒྲུབ་པ་དངོས་ལས། དང་པོ་ནི། གསང་དགོངས་ལས། ཉུང་དཀར་ནང་ནས་ཟུར་བཞི་པ། །ཕྲིན་ལས་རྣམ་བཞི་རྫོགས་པའི་རྟགས། །ཕོ་མོ་གཉིས་ཀྱི་ཐོད་པ་རུ། །གོ་རོ་ཙ་ཎ་མ་བྲལ་བ། །ཐབས་དང་ཤེས་རབ་ཁ་སྦྱོར་བ། །བྷནྡྷའི་སྤྱི་བོ་བརྟོལ་བ་ནི། །དེ་ཡི་ནང་དུ་ས་བཞག་ལུད། །རོ་བསྲེགས་པ་ཡི་ཐལ་ཆེན་དང༌། །ཉུང་དཀར་ས་བོན་གསུམ་དུ་གསལ། །ཞེས་པ་ལྟར་ཕོ་མོའི་ཐོད་པ་ཀླད་ཞག་དང་ལྡན་པ་ཁ་སྦྱར་གྱི་ཕོ་ཐོད་བརྟོལ་བའི་ནང་དུ་རོ་ཐལ་བསྲེས་པའི་ས་འཇམ་དང༌། བླ་


JLAZ009_Page_0437
[མ་དཔེ་གཟིགས་ན་འདིར་གནོན།]

མ་ཡབ་ཡུམ་མམ་སྒྲུབ་པོའི་དྲི་ཆེ་ཆུང༌། ཁྲག་ཆེན་བསྲེས་པའི་ལུད་རན་པར་བྱ་སྟེ། ཡབ་ཡུམ་དྲི་ཆེན་དུར་ཁྲོད་ས། །ཁྲག་ཆེན་ཆགས་པའི་ས་བོན་བསྲེས། །ཞེས་པས་སོ། །དེ་དར་མཐིང་ནག་གིས་བཀབ་ལ། ལམ་རྒྱ་གྲམ་མམ་ཤིང་གཅིག་དྲུང་ལ་སོགས་པར་མ་དྷལ་གྲུ་བཞིའི་སྟེང་བཀོད་ལ། མཆོད་པའི་བྱེ་བྲག་ཀྱང་བཤམ་མོ། །གཉིས་པ་ནི། གསང་རྒྱུད་ལས། བྷནྡྷ་ཁང་པ་ས་བོན་ལྷ། །བསྐྱེད་དང་སྤྱན་དྲང་རིམ་པས་མཆོད། །མཐེབ་མཛུབ་ཉི་ཟླའི་དཀྱིལ་འཁོར་བར། །ཁྲོ་བོ་སྔོ་ནག་མཚོན་ཆ་འཛིན། །ཐུགས་ལས་ཐོན་ཐིམ་སྐུར་བརླབས་ནས། །གསང་སྔགས་འདི་ཉིད་འབུམ་དུ་


JLAZ009_Page_0438
[མ་དཔེ་གཟིགས་ན་འདིར་གནོན།]

བཟླས། །ཞེས་པས། སྒྲུབ་ཐབས་བསྡུས་པས་བདག་མདུན་མཉམ་བསྒྲུབ་བྱས་ལ་མདུན་བསྐྱེད་དམིགས་རྣམ་ཕྱེད་པར་བྱ། བཟླ་བྱའི་སྔགས་ནི། ཨོཾ་བཛྲ་ཀཱི་ལི་ཀཱི་ལ་ཡ་ཧྲིལ་ཤག་ཛྭ་ལ་ནི་ཧཱུཾ་ཕཊ། ཅེས་ལས་རུང་འབུམ་ཕྲག་བཟླའོ། །དེ་ཡང༌། བསྙེན་པ་ཞག་བདུན་བཟླས་བརྗོད་བྱ། །བརྒྱ་མཚམས་སྟོང་མཚམས་མཆོད་པ་ཡི། །ཆུ་ལུད་དུ་ནི་བྲན་བཞིན་དབུལ། །ཏིང་འཛིན་སྔགས་དང་ཕྲིན་ལས་ཀྱིས། །ཁྱད་པར་མཆོད་པ་བདུད་རྩི་དང༌། །ཕྱག་རྒྱའི་མཆོད་པ་གཞུང་བཞིན་བྱ། །འབྲས་བུ་མ་སྨིན་བར་དུ་དབུལ། །ཁྱད་པར་ཉུང་དཀར་སྦོམ་པོར་འགྱུར། །ཞེས་དང༌། རྟགས་ནི། དུ་བ་རླངས་དང་མེ་འོད་དང༌། །འགུལ་དང་ཁོལ་བ་ལ་སོགས་འབྱུང༌། །ཞེས་སོ། །གལ་ཏེ་འབྲས་བུ་མ་སྨིན་བར་དུ་སྒྲུབ་ནུས་ན། ས་བོན་མྱུ་གུར་གྱུར་པ་དང༌། །སྒྲུབ་པོའི་གཡས་སུ་ཉེ་བ་ཡི། །གནས་སུ་མཐོ་གསུམ་མཐུར་དུ་བརྐོ། །ས་ཡི་རོ་རྣམས་བསལ་བ་ཡི། །དཔྱིད་ཟླ་ར་བའི་ཉ་ལ་ནི། །བཟང་པོའི་མཚམས་སུ་བྷནྡྷ་སྦའོ། །ཟླ་བ་ངོ་དྲུག་བར་དུ་ནི། །གསལ་གདབ་བཟླས་བརྗོད་བར་མི་གཅད། །སྟོན་ཟླ་ཐ་ཆུང་ཉ་ལ་བརྡའོ། །རུལ་དང་བམ་སུམ་མ་ཤོར་བར། །ཉི་གྲིབ་མཚམས་སུ་ལེགས་བསྐམས་ནས། །གྲུབ་པའི་འབྲས་བུ་སྲན་


JLAZ009_Page_0439
[མ་དཔེ་གཟིགས་ན་འདིར་གནོན།]

མ་མ་ཤ་ཙམ། །དགུན་ཟླ་ར་བའི་ཉ་ལ་ཞལ་དྲོ་དངོས་གྲུབ་བླངས། །དེ་ཡིས་བདེ་གཤེགས་ཐུགས་བསྐུལ་ཞིང༌། །སྡང་དགྲ་གནོད་བགེགས་རྡུལ་དུ་རློག །རྣལ་འབྱོར་ལུས་སམ་མགུལ་དུ་གདགས། །རྟག་ཏུ་ལུས་ལ་བཅིངས་པ་ལས། །གཡེལ་བར་བྱས་ན་མི་རུང་ངོ༌། །ཞེས་པས་མྱུ་གུ་མ་ཐོན་བར་དུ་དཀྱིལ་འཁོར་དུ་བསྒྲུབས་ཤིང༌། ཐོན་ནས་ལམ་རྒྱ་གྲམ་ལ་སོགས་པར་སའི་རོ་ལྔ་བསལ་ལ་ཆུ་ལུད་བྲན་ཞིང༌། ཟླ་དུས་ཐེམས་པར་བསྒྲུབ་བོ། །ཕན་ཡོན་ནི། ཉུང་དཀར་རྒྱལ་པོའི་དྲག་རྫས་འདི། །གསང་སྔགས་བརྒྱའམ་སྟོང་དུ་ནི། །དམ་བཅས་ལུས་ལ་བཅངས་གྱུར་ན། །ལས་དབང་དག་ཀྱང་བཟློག་འགྱུར་ཞིང༌། །བར་ཆོད་ཀྱིས་ཀྱང་ཚུགས་མི་འགྱུར། །ཡིད་ལ་དྲན་པས་སྨོན་ལམ་བཙན། །རིག་འཛིན་བྱང་ཆུབ་ས་ནོན་ཅིང༌། །གང་ལ་མངགས་པ་ནུས་མཐུར་འགྱུར། །ཞེས་སོ། །གཉིས་པ་གུ་གུལ་སྒྲུབ་ཚུལ་ལ་རྫས་བསག་པ་དང༌། སྒྲུབ་པ་དངོས་ཀྱི་དང་པོ་ནི། གསང་རྒྱུད་ལས། གུ་གུལ་སྦྱར་བར་འདོད་པ་ཡིས། །དུར་ཁྲོད་ཆེན་པོ་རབ་དབེན་པར། །དཔྱིད་ཟླ་ར་བའི་ཉ་ལ་འཇུག །མཎྜལ་གྲུ་བཞི་གཅིག་བྱས་ཏེ། །བན་གླང་ཅན་གྱི་བྷནྡྷ་བཤམ། །


JLAZ009_Page_0440
[མ་དཔེ་གཟིགས་ན་འདིར་གནོན།]

རཱ་མིག་ཉ་འོག་སྐྲ་སྤུའི་གཞོབ། །ཁྱི་སྤྱང་ཕག་པའི་དྲི་ཆེན་དཀར། །སྐྱེའུ་སྣེའུ་འབྲས་བུ་ར་དུག་ལྕི་བ་དང༌། །ཟི་ར་དྷ་དུ་ར་དང་ལྕེ་པོག་མུ་ཟི་ཁྲག་ཆེན་དང༌། །འཁྲི་ཤིང་དྲི་ཡོད་པུཥྤེ་དང༌། །དུག་གི་མེ་ཏོག་ཐང་ཆུ་དང༌། །འུག་པའི་མིག་དང་ཁྲ་ཡི་ཀླད། །སྦྲང་རྩི་སྐེ་ཚེ་གཅན་གཟན་སྡེར་མོ་རྣམས། །ངེས་པར་བསགས་ཏེ་ཆ་བསྙམས་ལ། །ར་ཕོད་ལུད་ཕོད་བོང་རེང་བྱང་ཆུབ་སེམས་ཀྱིས་དྲན། །ཚོན་གྱི་སྐུད་པས་དམ་བཅིངས་ལ། །ཁ་རལ་མ་ཡི་ཞབས་མས་གྲིལ། །ཙནྡྷ་མེ་ལ་དྲོས་པར་བསྲོ། །མཎྜལ་དབུས་སུ་དེ་བཞག་ལ། །བ་སུ་ཏ་ཡི་གཟུངས་ཐག་གདགས། །ཞེས་པ་ལྟར་བྱ་ཞིང༌། དེའི་ར་ཕོད་ལུད་ཕོད་བོང་རེང་གསུམ་གྱི་དྭངས་མས་བྲན་པ་ནི་ཞལ་ལས་ཤེས་པར་བྱ་ཞིང་ཁ་རལ་མ་ནི་བུད་མེད་ཁ་མང་པོའོ། །གཉིས་པ་ནི། བདག་གཙོ་ལྷ་མོ་བཻ་ཏཱ་ལི། །བསམ་གཏན་གསལ་བར་རབ་བཞུགས་ཏེ། །བཻ་ཏཱ་ནག་མོ་འཁོར་ལོ་ཅན། །ཉི་མ་ཧཱུཾ་དང་ལྡན་པ་ལ། །སྤྱན་དྲངས་བསྟིམ་མཆོད་རིམ་པར་བྱ། །ཞེས་པས་བདག་བསྐྱེད་བསྡུས་པའི་གཞུང་བསྲངས་ལ། བཟླས་པ་ལ་བབ་པ་ན་གཙོ་བོའི་ཡུམ་ལས་འཁོར་ལོ་རྒྱས་འདེབས་མ་གཉིས་པ་འཁོར་ལོ་དང་ཁ་ཊྭཱཾ་བསྣམས་


JLAZ009_Page_0441
[མ་དཔེ་གཟིགས་ན་འདིར་གནོན།]

པ་ཞིག་ཆད་པ་གུ་གུལ་དང་གཉིས་སུ་མེད་པར་བསྒོམས་ལ་བཟླས་པ་བྱ་བ་དང་ལྷན་ཅིག །དེ་བཞིན་གཤེགས་པ་ཐམས་ཅད་ཀྱི་མཐུ་སྟོབས་དང་ནུས་མཐུ་འོད་ཟེར་གྱི་རྣམ་པར་སྤྱན་དྲངས་ནས་རྫས་ལ་བསྟིམ་པ་ཡིན་ཏེ། དེ་ཉིད་ལས། དེ་ནས་བསྙེན་པ་འདི་བཟླས་ཏེ། །མ་གྲུབ་བར་དུ་རྒྱུན་མི་བཅད། །ཨོཾ་བཛྲ་ཀཱི་ལི་ཀཱི་ལ་ཡ། དྷུ་པཱཾ་བཻ་ཏཱ་ལི་མ་ཀུ་ཏ་ལ་པྲ་ཏ་ལ་ཧཱུཾ་ཕཊ། དལ་མེད་རྒྱུན་དུ་བཟླས་པར་བྱ། །ཏིང་འཛིན་འདྲིས་ཤིང་འཕྲོ་འདུ་གསལ་བ་དང༌། །འོད་དང་དྲི་དང་དུ་བ་འབྱུང༌། །རྟགས་བྱུང་ནས་ནི་ངེས་བསམ་སྟེ། །ལྷ་ལ་མཆོད་དེ་ཐིག་ལེ་བྱ། །དེས་ནི་གཟི་བྱིན་འཐོབ་པར་བྱེད། །ལུས་ལ་བཅངས་ན་གདོན་བགེགས་འཇོམས། ། དུད་བཏང་དགྲ་ལ་བདུག་གྱུར་ན། །ལྷ་དང་རྒྱབ་རྟེན་འབྲལ་བར་འགྱུར། །རྟགས་དེ་མངོན་དུ་བྱུང་ནས་ནི། །རུལ་དང་སུངས་དང་མ་བམ་པར། །རིལ་བུ་བྱས་ཏེ་རྣལ་འབྱོར་བཅངས། །གུ་གུལ་སྦྱར་མའི་རྫས་སུ་གསུངས། །ཞེས་པས་གསལ་ལོ། །དེའི་བསྒྲུབ་ཚུལ་གཞན་ནི། གསང་དགོངས་ལས། སུན་ཏྲི་ཀ་ཡི་ཐང་ཆུ་དང༌། །མི་ཁྱི་གཉིས་ཀྱི་དྲི་མ་དང༌། །སྤྱང་ཀི་ལ་དུ་རྟ་ཕུར་མོ། །དམེ་བ་ལྔ་དང་ཟ་འོག་དང༌། །


JLAZ009_Page_0442
[མ་དཔེ་གཟིགས་ན་འདིར་གནོན།]

འབོབ་མཚུངས་མི་གཙང་སྣ་ཚོགས་དག །འབྲོང་རུ་གཡས་ཀྱི་ནང་དུ་བྲུབ། །ལམ་པོ་ཆེ་ཡི་བཞི་མདོ་རུ། །སྦྲ་ནག་ཕུབ་ལ་ཞག་བདུན་དུ། །གསང་སྔགས་བཟླས་ལ་མཆོད་པ་དབུལ། །ཁྱད་པར་འཕགས་པའི་དྲི་འབྱུང་སྟེ། །ཁྲོ་བོ་རྣམས་ཀྱི་སྔོན་བྱུང་དྲན། །གྲུབ་རྫས་སེམས་བསྐྱེད་ཡིད་དྲན་གྱིས། །སྲས་མཆོག་ཁྲོ་བོ་གཟི་མདངས་བསྐྱེད། །བར་ཆད་རྐྱེན་དང་བྲལ་བར་འགྱུར། །རྣལ་འབྱོར་དམིགས་པ་འགྲུབ་པའི་རྫས། །ཞེས་སོ། །གསུམ་པ་རཀྟ་བསྒྲུབ་པ་ལ་གཉིས། རྫས་བསག་པ་དང༌། སྒྲུབ་པའི་ཚུལ་ལོ། །དང་པོ་ནི། གསང་རྒྱུད་ལས། རཀྟ་སྒྲུབ་པར་འདོད་པ་ཡི། །ཆུ་གླིང་གནས་སུ་འདུག་ནས་ནི། །མཎྜལ་དམར་པོ་ཟླ་གམ་བྱའོ། །དགུན་ཟླ་ར་བའི་ཉ་ལ་འཇུག །པདྨ་ཅན་གྱི་བྷནྡྷ་རུ། །གཞིའི་རཀྟ་དང༌། རིགས་ཀྱི་རཀྟ་དང༌། སྒྲོལ་བའི་རཀྟ་དང༌། མེ་ཏོག་གི་རཀྟ་དང༌། རྩིའི་རཀྟ་དང༌། རྡོའི་རཀྟ་དང༌། འབྲུའི་རཀྟ་དང༌། ཤིང་གི་རཀྟ་ལྔ་དང༌། ཆུའི་རཀྟ་ལྔ་དང༌། རཀྟ་སུམ་ཅུ་རྩ་དྲུག་སོགས། །དེ་ལ་སྦྱོར་བའི་རཀྟས་བྲན། །ལེ་བརྒན་དར་གྱིས་ཁ་བཀབ་ནས། །སེང་ལྡེང་མེ་ལ་དྲོད་བསྲོས་ནས། །མཎྜལ་དབུས་སུ་དེ་བཞིན་གནས། །ཞེས་དང༌།


JLAZ009_Page_0443
[མ་དཔེ་གཟིགས་ན་འདིར་གནོན།]

གསང་དགོངས་ལས། མཱུ་ལ་རཀྟ་རྩ་ཡི་ཁྲག །རྡོ་ཤིང་རྩི་ཤིང་དམར་པོ་བརྒྱ། །པདྨ་རཀྟ་ལྔ་བརྒྱ་དང༌། །བསྒྲལ་བའི་མ་ཧཱ་རཀྟ་སྟོང༌། །ན་ཆུང་མཚམས་དང་ལྡན་པ་ཡི། །བྷནྡྷའི་ནང་དུ་རྫས་བླུགས་ལ། །མཚན་ལྡན་གཞོན་ནུའི་པདྨར་བཅས། །ཞེས་པ་ལས། སྤྱིར་འཁོར་བའི་རྒྱུ་ཆགས་སྡང་གཉིས་ལུགས་ལྡོག་ཏུ་དག་པའི་རྟེན་འབྲེལ་དུ་སྨན་རཀ་གི་མཆོད་པ་བསྟན་ལ། དེ་ལས་རཀྟའི་སྒྲ་དོན་ལ་ངོ་བོའི་སྐབས་སུ་ཆགས་པ་དང༌། དངོས་པོའི་སྐབས་སུ་ཁྲག་ཆེན། ཁ་དོག་གི་སྐབས་སུ་དམར་པོ་ལ་འཇུག་པ་ལས། མ་རིག་པ་ནས་རྒ་ཤིའི་བར་གྱི་རྟེན་འབྲེལ་ལུགས་འབྱུང་དུ་རྫོགས་པའི་སྙིང་ཁྲག་དང༌། སྲོག་པ་རྩའི་ཁྲག་ལ་མཱུ་ལ་རཀྟ་ཞེས་བརྗོད་དེ། ཆུ་དང་མ་འདྲེས་དྭངས་མའི་ཁྲག །ཅེས་སོ། །རིགས་ཀྱི་རཀྟ་ནི་དུང་ཅན་མ་ལ་སོགས་པའི་རྡུལ་གྱི་ཐོག་མ་སྟེ་པདྨ་རཀྟའོ། །བསྒྲལ་བའི་རཀྟ་ནི་ཞིང་བཅུ་བསྒྲལ་བའི་ཁྲག་གོ །དེ་ལྟར་བཞི་པོ་རྩ་བར་བྱས་པའི་སྟེང་དུ། ཡན་ལག་རཀྟ་བརྟན་པའི་ཁྲག །ཅེས་པས། ལོང་རྩའི་ཁྲག་དང༌། དེ་བཞིན་དུ་འཁོར་བ་རྒྱུའི་རཀྟ་ཁྲག་སྣ་ཚོགས་ཚད་དང༌། སྲིད་པ་གཞིའི་རཀྟ་ལྟེ་བའི་ཁྲག་དང༌། ཁྲག་ཐམས་ཅད་ཀྱི་ངོ་བོ་ཉིད་ཆུ་སྣ་དང༌། སྣང་བ་བརྡའི་


JLAZ009_Page_0444
[མ་དཔེ་གཟིགས་ན་འདིར་གནོན།]

རཀྟ་ཁ་དོག་དམར་པོར་གྱུར་ཚད་དང༌། ན་ཆུང་གི་པདྨའི་ཟེ་འབྲུ་རྣམས་ལ་སྔོན་ཧེ་རུ་ཀས་རཱུ་དྲ་བསྒྲལ་བའི་ཚེ་ཁྲག་གི་ཐིག་པ་ས་ལ་ལྟུང་བ་ལས་བྱུང་བའི་སྣོད་ཀྱི་རཀྟ་ལྔ་ཚན་ལྔའི་སྐྱོབས་སྦྱར་བའི་ཚུལ་ལ་རྡོའི་རཀྟ་ལྔ་ནི། མཚལ་དང་ལྡོང་རོས་བཙག་དང་ནི། །མདུད་རྩེ་སྦལ་རྒྱབ་རྣམ་པ་ལྔ། །ཞེས་སོ། །ཤིང་གི་རཀྟ་ལྔ་ནི། རྒྱ་སྐག་བཙོད་དང་སེང་ལྡེང་དང༌། །བཙན་དུག་ཐར་ནུ་རྣམ་པ་ལྔ། །ཞེས་སོ། །རྩི་ལྔ་ནི། གླ་རྩི་གོ་ཆེ་བུ་རམ་དང༌། །འབྲི་སྨུག་སྦྲང་རྩི་རྣམ་པ་ལྔ། །ཞེས་སོ། །འབྲུ་ལྔ་ནི། རྒུན་འབྲུམ་སྐྱེར་འབྲུ་སྐྱུ་རུ་ར། །ར་གག་དམར་པོ་ནས་ནག་ལྔ། །ཞེས་སོ། །མེ་ཏོག་ལྔ་ནི། ཨུག་ཆོས་ལུག་རུ་སྨུག་པོ་དང༌། །སྲན་མ་རྒྱ་ལྕམ་རམ་བུ་ལྔ། །ཞེས་སོ། །དེ་ལྟར་སོ་ལྔ་པོ་བཏགས་ཏེ་ཁྲག་ཆེན་གྱིས་བྲུས་རིལ་བུར་དྲིལ་ཏེ་བུད་མེད་པདྨ་ཅན་གྱི་བྷནྡྷར་བསྩལ་ལ། དར་དམར་གྱིས་ཁ་གཅད། སེང་ལྡིང་གི་མེ་ལ་རན་པར་བསྲོས་ཏེ། མཎྜལ་གྱི་དབུས་སུ་ཁྲིའི་སྟེང་བཞག་གོ །གཉིས་པ་ནི། བདག་གསལ་ཆགས་པའི་དབང་ཅན་བསམ། །དགུག་བསྟིམ་མཉེས་མཆོད་བསྙེན་པ་བཟླས། །ཞེས་པས། བདག་མདུན་བསྒྲུབ་ཚུལ་སྔ་མ་བཞིན་ལ། སྔགས་ནི། ཨོཾ་བཛྲ་ཀཱི་ལི་ཀཱི་ལ་ཡ་མ་ཧཱ་རཀྟ་རཱ་ག་ས་མ་ཡ་


JLAZ009_Page_0445
[མ་དཔེ་གཟིགས་ན་འདིར་གནོན།]

བུ་བུ་སྭཱཧཱ། ཞེས་འབུམ་མམ་བྱེ་བ་བཟླས། མངོན་དུ་ཁོལ་ལམ་རླངས་པ་འབྱུང༌། །ཡང་ན་ལུད་དམ་འཕགས་ན་ནི། །ལྷ་ལ་མཆོད་དེ་བདག་ཉིད་བཏུང༌། །ཆགས་པ་བསྐྱེད་ཅིང་མདངས་ཀྱང་དམར། །ཁམས་གསུམ་མོ་ཡི་པདྨའི་མདངས། །ཆགས་བསྐྱེད་ནས་ནི་འབུལ་དུ་འོང༌། །ཞེས་དང༌། གསང་རྒྱུད་ལས། བསྙེན་པ་ཞག་བདུན་བར་དུ་ནི། །སྐྱེས་པ་དར་མའི་རྡོ་རྗེ་ཡིས། །དཀྲུག་ཅིང་གསང་སྔགས་རྒྱུན་དུ་བཟླས། །འབྲུ་བཅུད་བདུད་རྩིའི་མཆོད་པ་འབུལ། །རཀྟ་ཁོལ་མའི་རྟགས་དབྱུང་སྟེ། །རྣལ་འབྱོར་རྣམས་ལ་རྒྱན་བཏབ་ན། །དངོས་གྲུབ་མྱུར་དུ་ཐོབ་པར་འགྱུར། །ལྷ་སྲིན་རྣམས་ཀྱང་བྲན་དུ་ཁོལ། །མ་མོ་མཁའ་འགྲོ་དབང་དུ་སྡུད། །དངོས་གྲུབ་སྒྲུབ་ལ་བར་མི་གཅོད། །སྲས་མཆོག་རྣམས་ཀྱང་དེ་བཞིན་དུ། །ཐུགས་དམ་རྗེས་དྲན་གཟི་མདངས་བསྐྱེད། །གང་ལ་ནུས་མཐུ་མཐར་ཕྱིན་པའི། །དབང་དུ་བསྡུ་བའི་རྫས་དྲག་སྟེ། །གང་ལ་དམིགས་པ་འགྲུབ་པར་འགྱུར། །ཞེས་སོ། །གལ་ཏེ་སོ་སོ་ནས་སྒྲུབ་པའི་སྤྲོས་པ་མ་ལྕོགས་ན་གསུམ་ཀའི་རྫས་ཚོགས་པར་བྱས་ལ་ཐོད་པ་གསུམ་དུ་བླུགས་ནས་ཅིག་ཅར་དུ་བསྒྲུབས་ཀྱང་རུང་སྟེ། རྡོ་རྗེ་ཁྲོས་པ་ལས། ཉུང་དཀར་གུ་


JLAZ009_Page_0446
[མ་དཔེ་གཟིགས་ན་འདིར་གནོན།]

གུལ་རཀྟ་གསུམ། །མཚན་མ་ངན་པའི་ཐོད་པ་རུ། །གསུམ་པོ་སོ་སོར་བླུག་བྱས་ལ། །ཚེར་མའི་ཤིང་གིས་ཁ་བཅད་ལ། །དཀར་ནག་སྦྲ་ནི་ཕུབ་བྱས་ལ། །ལམ་པོ་ཆེ་ཡི་རྒྱ་ གྲམ་དུ། །མ་གྲུབ་བར་དུ་དེ་བཞིན་བྱ། །གཞན་ཡང་གྲུ་གསུམ་མཐིང་ནག་བསྒོམ། །ཨོཾ་བཛྲ་ཀཱི་ལི་ཀཱི་ལ་ཡ། ཧྲིལ་ཤག་ཛ་ལ་ནི་ཧཱུཾ་ཕཊ། དུ་བ་རླངས་དང་མེ་འོད་དང༌། །འགུལ་དང་འཁོལ་བ་ལ་སོགས་འབྱུང༌། །དེ་བཞིན་རྟགས་ལ་ཕེབས་པ་དང༌། །ཉུང་དཀར་དབང་པོ་སྣ་ལྔར་བྲབ། །དྲི་ཆེན་དྲི་ཆུ་རྐྱེན་ལས་བསྐྱེད། །བདུད་ཀྱི་ཉི་མ་བཀྲ་མི་ཤིས། །ངན་པའི་དུས་སུ་འདི་དག་བསྒྲུབ། །ཅེས་པ་ལྟར་བྱའོ། །དགེའོ།། །།

ཕུར་པ་རྒྱུད་ལུགས་ལས་སྨད་ལས་སྤུ་གྲི་རླུང་འཁོར་ཞེས་བྱ་བ་ངན་སྔགས་ཉེ་བར་བསྙེན་པ་མན་ངག་ལྟར་བཀྲལ་བ་ཆིག་བརྒྱུད་མ།


JLAZ009_Page_0447
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས་སྨད་ལས་སྤུ་གྲི་རླུང་འཁོར་ཞེས་བྱ་བ་ངན་སྔགས་ཉེ་བར་བསྙེན་པ་མན་ངག་ལྟར་བཀྲལ་བ་ཆིག་བརྒྱུད་མ། །ཨྠིྀ། གསང་རྒྱ། དམ་རྒྱ། ཤྭ་ན་མུ་ཁའི་རྒྱ།


JLAZ009_Page_0448
[མ་དཔེ་གཟིགས་ན་འདིར་གནོན།]

ན་མཿ ཤྲཱི་བཛྲ་ཀུ་མཱ་ར་ཡ། ལྔ་བརྒྱ་ཐ་མའི་ཡང་མཐའ་འདིར། །རྒྱལ་བསྟན་རི་མོའི་མར་མེ་ཡང༌། །ཉམས་པ་བདུན་གྱིས་བསུབ་པའི་དུས། །དྲག་སྔགས་རྒྱལ་པོའི་གྲུབ་མཐའ་བསླང༌། །བསྟན་འགྲོའི་དོན་ལ་མ་ཡིན་པར། །གཞན་འབྱོར་དཔལ་ལ་མི་བཟོད་པས། །རང་གར་སྤྱོད་ན་ཕུར་སྲུང་གིས། །དེ་ཡི་དོན་སྙིང་ལྐོག་མར་ཕྱུང༌། །འདི་ལ་གསུམ། ཀླད་ཀྱི་དོན། གཞུང་གི་དོན། རྗེས་ཀྱི་རིམ་པ་ལས། དང་པོ་ནི། རྡོ་རྗེ་གསང་བའི་རྒྱུད་ལས། ཕུར་པ་རྒྱུད་ཀྱི་རྒྱལ་པོ་ཡིན། །ཕུར་པ་ལུང་གི་བླ་མ་ཡིན། །ཕུར་པ་མན་ངག་ངེས་པའི་དོན། །ཞེས་རྒྱུད་ལུང་མན་ངག་གསུམ་གྱི་བཤད་ཐབས་ཡོད་པ་ལས། འདིར་རྒྱུད་ཀྱི་དགོངས་པ་གཙོ་བོར་བྱས་ནས་ལུང་དང་མན་ངག་གིས་བཀྲལ་བ་ལ། ཕུར་བུའི་ངོ་བོ་ནི། སྟོང་པ་ཉིད་དང་སྙིང་རྗེ་གཉིས་སུ་མེད་པའི་བྱང་


JLAZ009_Page_0449
[མ་དཔེ་གཟིགས་ན་འདིར་གནོན།]

ཆུབ་ཀྱི་སེམས་ཡིན་ཏེ། བྱམས་པ་ཆེན་པོའི་བྱིན་རླབས་ལས། །ཆོས་ཉིད་ཕུར་པ་ཅིར་ཡང་སྣང༌། །རྡོ་རྗེ་ཕུར་པའི་ངོ་བོ་སྟེ། །ཞེས་སོ། །ངེས་ཚིག་ནི། ཕུར་ནི་ཐམས་ཅད་བྱང་ཆུབ་སེམས། །པ་ནི་ཐམས་ཅད་ཀུན་ཏུ་ཁྱབ། །ཕུར་ནི་ཐམས་ཅད་གཙོ་བོ་མཆོག །པ་ནི་ཐམས་ཅད་འཁོར་གྱི་ཚུལ། །ཕུར་ནི་ཐམས་ཅད་སྐྱེ་བ་མེད། །པ་ནི་རོལ་པ་འགག་པ་མེད། །ཕུར་ནི་བྱང་ཆུབ་སེམས་སུ་གཅིག །པ་ནི་ཐམས་ཅད་དེ་རུ་བསྒྲུབ། །ཅེས་སོ། །དབྱེ་བ་ནི། ཕུར་པ་རྣམ་པ་བཞི་ཡིན་ཏེ། །ཆོས་ཉིད་དོན་གྱི་ཕུར་པ་དང༌། །རིག་པ་ཡེ་ཤེས་ཕུར་པ་དང༌། །འདུས་བྱས་རྫས་ཀྱི་ཕུར་པ་དང༌། །བརྟེན་པ་ལུས་ཀྱི་ཕུར་པའོ། །ཞེས་སོ། །བྱེད་ལས་ནི། རང་རིག་ཡེ་ཤེས་ཕུར་པ་ནི། །གདབ་ཡུལ་ཆོས་ཀྱི་དབྱིངས་ཉིད་དང༌། །ཐུགས་རྗེ་ཆེན་པོའི་ཕུར་པ་ཡིས། །ཁམས་


JLAZ009_Page_0450
[མ་དཔེ་གཟིགས་ན་འདིར་གནོན།]

གསུམ་སེམས་ཅན་ལ་གདབ་དང༌། །གསང་བ་བྱང་སེམས་ཕུར་པ་ཡིས། །ཡུམ་གྱི་མཁའ་ལ་གདབ་པ་དང༌། །མཚན་མ་རྫས་ཀྱི་ཕུར་པ་ཡིས། །ཉམས་པ་བདུན་ལ་གདབ་པའོ། །ཞེས་སོ། །དེ་ལ་འདིར་སྨད་ལས་ཀྱི་ངོ་བོ་ངན་སྔགས་ཉེ་བར་བསྙེན་པ་ནི་འདུས་བྱས་རྫས་ཀྱི་ཕུར་པ་ལ་བརྟེན་ནས་བསྒྲུབ་པའི་ཚུལ། འདུས་བྱས་རྫས་ཀྱི་ཕུར་པ་ནི། །བསྒྲལ་བའི་ཞིང་བཅུར་གྱུར་ལ་གདབ། །མན་ངག་ཉིད་དུ་བཀོལ་བ་ བདུན། །མེད་དུ་མི་རུང་དེ་བཞིན་བཤམས། །བསྙེན་ཕུར་ལ་ཡང་རྣམ་པ་གཉིས། །ཉུང་དཀར་དང་ ནི་ཕུར་བུ་དངོས། །ལྕགས་སྣ་ལྔའམ་བདུན་ཀྱང་རུང༌། །མགོ་བོ་རྒྱ་མདུད་རྩེ་ཟུར་གསུམ། །སྐེད་པ་རྒྱ་མདུད་གཞལ་ཡས་ཁང༌། །ལྕུམ་གཞོགས་ལ་ནི་སོར་བཅུ་གཉིས། །བསྙེན་པའི་ཕུར་པ་དེ་བཞིན་བྱ༑ །སེང་ལྡེང་ཕུར་པ་སོར་བརྒྱད་ནི། །མཐུ་འཕྲོག་བྱིན་རླབས་ཡོད་པ་ཡིན། །དེ་བཞིན་བྱ་རྒོད་གཤོག་ཕུར་ཡང༌། །འགུགས་པར་བྱ་བའི་ནུས་པ་ཡོད། །སེར་པོ་གསེར་རམ་ཡང་ན་ནི། །སྐྱེར་པ་དག་ལ་བྱས་པ་ནི། །ཟིལ་གྱིས་གནོན་པའི་ཕུར་པ་ཡིན། །སྐྱེས་པ་དར་མ་རིགས་ཅན་གྱི། །སྦོམ་པོ་མ་ཡིན་ཐུར་མ་ཕྲ་མོ་ཙམ། །ཟངས་སམ་མཛོ་མོ་ཤིང་དག་གིས། །དམར་པོ་དག་ལ་བྱས་པ་ཡིན། །དབང་དུ་འདུས་པའི་ཕུར་བུར་བསྟན། །ཙནྡན་དག་གམ་རྒྱ་ཤུག་ནི། །གཟི་བྱིན་འཕྲོག་པར་ཡང་དག་བསྟན། །ལྕགས་སམ་ཤིང་ནི་ནག་པོའམ། །དྲག་པོར་གྱུར་པ་མཐའ་དག་ལ། །རྡུལ་དུ་བརླག་པར་རབ་ཏུ་བསྟན། །ཞེས་སོ། །ཁྱད་པར་སྲས་ཕུར་གྱི་རྒྱུ་ལྕགས་སྣ་ལྔ་ནི་མྱང་འདས་ལས། གནམ་ལྕགས་ས་འདི་ས་མདའི་ལྡེའུ་སོགས་སྔོན་ཆད་རྟགས་


JLAZ009_Page_0451
[མ་དཔེ་གཟིགས་ན་འདིར་གནོན།]

ཕྱིན་པའི་ལྡེའི་ཡིན་པར་གསང་དགོངས་ལས་བཤད་ཅིང་གཞན་དུ་ལྷ་ཁང་རྙིང་པའི་སྒོ་གཟེར་ཀྱང་བཤད། ལྕགས་ཁྲོ་ཆུ་གསུམ། །མི་རྟ་བསད་པའི་མཚོན་རྩེ་བཞི། །ཕལ་པའི་ལྕགས་དང་ལྔ་ལ་བྱ། །ཞེས་དང༌། ཡེ་ཤེས་རྩེ་མོ་ལས། གསེར་དངུལ་ཟངས་ལྕགས་འཁར་བ་རྣམས། །ཞེས་བཤད་དོ། །གཞན་ཡང་རྒྱུའི་ཁྱད་པར། དེ་བཞིན་ཤེར་ཤིང་རྭ་མཚོན་རྐང༌། གླང་པོ་ཆེ་དང་གཅན་གཟན། །གདུག་པ་ཅན་དང་བཀྲ་མི་ཤིས། །ཁྱོ་དགུ་ཤི་བའི་ཡུགས་མོའི་འཕང༌། །དེ་ལ་དྲག་པོའི་ཕུར་པ་བྱ། །ཞེས་དང༌། རྩ་རྩེའི་ཁྱད་པར་ཡང༌། རྩ་བའི་ཕྱོགས་སུ་རྒྱ་མདུད་བྱ། །རྩེ་མོ་རང་རང་གཞུང་བཞིན་གཞོག །ཅེས་དང༌། ཚད་དང་དབྱིབས་དང་གྲངས་ངེས་ཀྱི་སྒོ་ནས་བཤད་ན། སོར་བརྒྱད་སོར་དྲུག་བཅུ་གཉིས་དང༌། །བཅུ་དྲུག་ཕུར་པའི་ཚད་ཡིན་ནོ། །ཟླུམ་དང་གྲུ་བཞི་ཟླ་གམ་དང༌། །ཟུར་གསུམ་དབྱིབས་སུ་ངེས་པ་ཡིན། །གཅིག་དང་ལྷ་གྲངས་མཉམ་པའོ། །ཞེས་པས་ལས་བཞིའི་ཁྱད་པར་ངེས་པར་བྱས་ཤིང༌། དེ་ཡང་ཤིང་གཅིག་ནས་བཟོ་ན། ཞི་རྩེ་རྒྱས་པ་རྩ་བ་དབང༌། །དྲག་པོ་ས་ཡི་གཏིང་ ལ་བྱ། །ཞེས་སོ། །ཚད་ཀྱི་ཁྱད་པར་ཞིབ་པ་ནི་རྡོ་རྗེ་ཁྲོས་པའི་བཤད་རྒྱུད་ལས། ཤིང་ལྕགས་གཉིས་ཀྱི་ཚད་དང་དབྱིབས། །སོར་བརྒྱད་ཚད་དུ་རྫོགས་པ་ལ། །དབུ་ཡི་རྒྱ་མདུད་སོར་གཅིག་སྟེ། །ཟུར་གསུམ་བརྒྱད་དང་གྲུ་བཞི་ལྔ། །ཧཱུཾ་མཛད་ཁྲག་འཐུང་ལྔ་རྫོགས་ཏེ། །སོར་གཉིས་ལྟེ་བ་ཡན་ཆད་ལ། །ལྕུམ་གཞོགས་བརྒྱད་དུ་ཡང་དག་ཤེས། །ཁྲོ་རྒྱལ་


JLAZ009_Page_0452
[མ་དཔེ་གཟིགས་ན་འདིར་གནོན།]

མགོ་བརྙན་བཅུ་དྲུག་རྫོགས། །སོར་གཅིག་ལྟེ་བ་གསུས་པ་དེ། །སྒོ་བཞི་སྒོ་མ་བཞི་དང་ལྡན། །འོག་གི་སྟོབས་ཆེན་དེ་ཉིད་དོ། །སོར་གཅིག་བཙོས་པོ་མཚན་མ་སྟེ། །ཆུ་སྲིན་ཁ་རུ་ཡང་དག་རྫོགས། །དྲག་པོ་མཁའ་འགྲོའི་དཀྱིལ་འཁོར་ཡིན། །སོར་གསུམ་དབལ་དང་ལྡན་པ་སྟེ། །ཡུམ་ཆེན་ལྔ་ཡི་དཀྱིལ་འཁོར་ཡིན། །བཅུ་གཉིས་ལྡན་ན་དབུས་དེ་གཙོ། །སོར་རེ་ཡིན་ཞིང་སྐུ་སྟོད་ལ། །སོར་གསུམ་ལྡན་པ་རྫོགས་པར་བྱ། །གཞན་དྲུག་དབལ་དུ་ཤེས་པར་བྱ། །སོར་དྲུག་བརྒྱད་འདྲ་ཆུང་བ་ཉིད། །སོར་ནི་བཅུ་དྲུག་ལྡན་པ་ལ། །སོར་གཉིས་དབུ་ཡིན་སྐུ་སྟོད་བཞི། །ལྟེ་བ་གཉིས་ལ་མཚན་མ་གཉིས། །དྲུག་ནི་དབལ་དུ་རྫོགས་པ་ཡིན། །ཆ་ཚད་ལྡན་པས་རྟགས་མྱུར་རོ། །རབ་གནས་རྩེ་གཅིག་ཡིད་ཀྱིས་རྫོགས། །རང་གི་ལུས་ཉིད་ཕུར་པ་སྟེ། །མགོ་བོ་རྒྱ་མདུད་གོང་མ་ཡིན། །སྐུ་སྟོད་ལྕུམ་གཞོགས་བརྒྱད་ཡིན་ལ། །ལྟེ་བ་རྒྱ་མདུད་འོག་མ་ ཡིན། །བཙོས་པོ་མཚན་མ་ཆུ་སྲིན་ཁ། །རྐང་པ་གཉིས་ནི་དབལ་དུ་ཤེས། །ལུས་ཀྱི་ནང་དུ་ལྷ་རྫོགས་པས། །ཕུར་པ་གཅིག་ཏུ་བསྒྲུབ་པ་ཡིན། །ལས་རྣམས་འགྲུབ་པར་ཐེ་ཚོམ་མེད། །ཚོན་སྣ་ལྔའམ་བ་སུ་ཏའི། །གཟུངས་ཐག་ལྡན་པ་བཟླས་པ་ནི། །བྱེ་བ་གཅིག་གིས་ལྡིང་བར་འགྱུར། །འཁྲོལ་བ་མེ་དང་འོད་རྣམས་འབྱུང༌། །དེ་ཡིས་ལས་རྣམས་ཐམས་ཅད་འགྲུབ། །ཅེས་སོ། །དེའང་གསང་བའི་དགོངས་རྒྱུད་སོགས་ལས་རིང་ཚད་སོར་བཅོ་བརྒྱད་དང༌། ཐུང་ཚད་སོར་བཞིར་བཤད་ནས། དེ་ལས་ཐུང་བར་མ་གསུངས་སོ། །དེ་ལས་རིང་བར་ཡོངས་མ་གསུངས། །ཞེས་བཤད་པའི་དག་པ་ནི། འབྱུང་བ་བཞི། འགྲོ་བ་དྲུག །རྣམ་ཤེས་


JLAZ009_Page_0453
[མ་དཔེ་གཟིགས་ན་འདིར་གནོན།]

བརྒྱད། རྟེན་འབྲེལ་བཅུ་གཉིས། ཐིག་ལེ་བཅུ་དྲུག །ཁམས་བཅོ་བརྒྱད་གནས་སུ་དག་པའི་དོན་དང་སྦྱོར་ན། ཆོས་ཉིད་ཀྱི་ཕུར་པ་ནས་གང་བ་རེ་ཞིག་ཏིང་འཛིན་སེམས་དཔའ་ལ་དམིགས་པར་གོ་ན་ལེགས་ཏེ། གཞན་དུ་རྡོ་རྗེ་བཀོད་པ་ལས་ཀྱང༌། དེ་ལ་ཆོས་ཉིད་ཀྱི་ཕུར་པ་ནི། ཆོས་ཅན་གང་ལའང་མི་དམིགས་སོ། །ཞེས་སོ། །དེ་ལྟ་བུའི་ཕུར་པ་འདུ་བྱེད་པའི་གང་ཟག་ཀྱང༌། དགེ་སློང་ཤན་པ་དགེ་བསྙེན་དང༌། །རྣལ་འབྱོར་རིག་སྔགས་འཆང་དང་ནི། །ལྷ་བཟོས་བླངས་པ་མཆོག་ཡིན་ནོ། །ཞེ་གནག་ཁྲིམས་གཙང་སྡོམ་ལྡན་པ། །དབང་ཐོབ་དད་པ་ལྡན་པས་གཟུངས། །བཟོ་མཁས་ཡོན་ཏན་ལྡན་པས་བྱ། །ཞེས་སོ། །དེ་ལྟར་རྒྱུ་རྐྱེན་རྟེན་འབྲེལ་ཐམས་ཅད་ཚོགས་པའི་ཕུར་བུ་ནི་དཀྱིལ་འཁོར་གྱི་ལྷའི་ཐུགས་ཀྱི་རྟེན་ཡིན་པས་དངོས་གྲུབ་ཀྱི་རྫས་སུ་གཟུང་བའི་ཚུལ། ཕུར་པ་ལྷ་ཡི་དཀྱིལ་འཁོར་ཀྱང༌། ཐུགས་ཀྱི་རྟེན་ལས་ཡང་དག་འགྲུབ། །ཅེས་པས་བསྒྲུབ་ན་དཀྱིལ་འཁོར། འགྲོ་ན་སྐེད། ཉལ་ན་སྔས་སུ་བལྟར་མི་མངོན་པའི་ཚུལ་གྱིས་འབྲལ་སྤང་བྱ་བ་ཡང༌། སྲས་མཆོག་ཕུར་བུའི་དམ་ཚིག་ནི། །ཀུན་ལ་བསྟན་པར་མི་བྱའོ། །ཞེས་དང༌། ཁྲག་དང་གུ་གུལ་སྐབས་སུ་བདུག །སྔགས་ནི་ཉིན་མཚན་སུམ་སྟོང་རེ། །དར་རམ་རས་ཀྱིས་དཀྲིས་ལ་སྦ། །འབྲལ་བར་མི་བྱ་ལུས་ལ་བཅང༌། །བཏབ་ན་ལྷ་ཡང་བརླག་པར་འགྱུར། །ཡོངས་གྲུབ་དངོས་གྲུབ་མྱུར་དུ་ཐོབ། །ཅེས་སོ། །དེ་ཡང་སྨད་ལས་ཀྱི་སྐབས་འདིར་སྒྲུབ་ཕུར་རམ། ལྷ་ཕུར་མེད་ན་གདབ་ཕུར་ཉི་ཤུ་རྩ་ལྔ་ནི་མེད་དུ་མི་རུང་བ་ཡིན་པས་དཀྱིལ་འཁོར་གྱི་ལྷ་གནས་སོ་སོ་དང༌། ཡོད་ན། བདག་


JLAZ009_Page_0454
[མ་དཔེ་གཟིགས་ན་འདིར་གནོན།]

ཉིད་བསྲུང་བ་བྱད་བཟློག་པ། །བྲུབ་ཁུང་གོང་བཞིན་མཆོད་རྟེན་བཅའ། །དམ་རྫས་ཚང་བར་ངེས་པ་ཡིན། །ལྷ་ཕུར་རངས་པོ་ཀུན་ལ་ཡང༌། །སྔགས་པས་བསྲུང་བཟློག་བཏགས་ལ་བྲི། །བུམ་པ་དག་ལ་དགོད་པར་བྱ། །འོག་ཏུ་གསད་པའི་རིམ་པ་བྱ། །ཞེས་རྣལ་འབྱོར་ཆེན་པོ་ལས་ནང་འགྲས་ལ་སོགས་པའི་བསྲུང་བཟློག་དམིགས་བསལ་གྱི་མཆོད་རྟེན་བཅས་ཆོག་ཀྱང་ཡོད་དེ། འདིར་ལྷ་ཕུར་ལྷ་གནས་དང་གདབ་ཕུར་ཐོད་པར་སྦམས་པའི་ཚུལ། མཚན་དང་ལྡན་པའི་བྷནྡྷ་རུ། །ནག་པོ་འབྲུ་ཡིས་བཀང་ནས་ནི། །རིམ་པར་བཞུགས་ཤིང་བྱིན་བརླབ་བྱ། །མཐིང་ནག་དར་གྱིས་ཁ་བཅད་ལ། །བྱིན་བརླབ་དབང་བསྐུར་གཞུང་བཞིན་བྱ། །མི་འགྱུར་ཕོ་བྲང་རྫས་སུ་དགོད། །ཅེས་དང༌། དེའི་མན་ངག་ནི། ཡལ་ག་མེད་པའི་བྷནྡྷ་ནི། །ཐོད་པ་རབ་ཏུ་ལེགས་པ་ལ། །ཡུགས་ས་མོ་ཡི་མངལ་ཁྲག་གིས། །གྲུ་གསུམ་མེ་འོད་འབར་བ་ལས། །ཕྲིན་ལས་བཞི་ཡི་དབྱིབས་བྱའོ། །དེ་ལ་དགྲ་བགེགས་མིང་བྱང་གཞུག །བསྙེན་པའི་ཕུར་པས་གཟིར་ལ་བཞག །ཅེས་པ་ལྟར་བྱའོ། །གཉིས་པ་གཞུང་གི་དོན་ལ་གསུམ་ལས། དང་པོ་བཅའ་གཞི་ནི། དེ་ནས་དྲག་པོའི་ལས་བྱ་བ། །དཀྱིལ་འཁོར་འཁོར་ལོ་རྩིབས་དྲུག་པ། །ཕུར་པ་དྲུག་བཅས་རབ་བཀོད་དེ། །ལིངྒ་ཐུན་རྫས་དྲག་པོའི་རྫས། །གསང་སྔགས་རྫས་སུ་ཤེས་པར་བྱ། །ཞེས་དང༌། ལྕགས་ཕུར་དབུས་སུ་དགོད་པར་བྱ། །མི་བཟད་ཕུར་པ་དྲུག་རྣམས་ནི། །གྲུ་གསུམ་དྲུག་ལ་ཤེས་པར་བྱ། །ཞེས་པ་ལ་སོགས་པའི་དོན་ ཞིབ་པ་ནི་དམ་ཅན་ཉེ་བར་བསྙེན་པ་དང་འབྲེལ་ན་དེའི་མན་ངག་དང་བསྟུན་ནས་རང་ལུགས་བཙན་པར་བྱ། ལས་དྲུག་ཁོལ་བཏོན་གྱི་ཚེ། དཀྱིལ་འཁོར་གྱི་སྟེགས་བུའི་


JLAZ009_Page_0455
[མ་དཔེ་གཟིགས་ན་འདིར་གནོན།]

འོག་ཏུ་བྱེ་སྟེགས་ཟུར་གསུམ་པའི་དབུས་གསད་དཀྱིལ་རྒྱར་ཁྲུ་གང་ཟབས་ཁྲུ་ཕྱེད་པ་ཅན་གྲུ་གསུམ་དུ་བྲུས་པར་ཕུང་ས་དང་རོ་སོལ་གྱིས་ནག་པོར་བྱ། ལོགས་གསུམ་དུ་མདའ་གཞུ་བཀང་བ་རེ་དང༌། ཟུར་གསུམ་ལ་ཟ་བྱེད་ཞལ་རེ་བྲི། དེའི་ཁ་ཁྱེར་རྩིབས་དྲུག་ཏུ་བྱས་པ་ལས་སྲས་མཆོག་ངོ་བོ་མི་བཟད་པའི་ཕུར་པ་དྲུག་དང༌། མཐའ་ལ་དམ་ཅན་གྱི་སྣམ་བུ་ལ་ཕུར་པ་བཅུ་གཉིས་སམ་ཡང་ན་ཤར་ནས་བརྩམས་དམ་ཅན་གྱི་ཕུར་པ་གསུམ་དང་བྱང་དུ་མིང་པོའི་ཕུར་པ་བཀོད། ཉ་བོའི་རྒྱུ་ནི། གྲོག་མཁར་ས་དང་མི་ཕུང་ས། །ཤེད་པོ། གངས་ཀྱི་དུམ་བུ་ཇུ་ཙེའི་ཕུབ། །སྲུབ་ཀའི་ལོ་མ་ཞིང་ཆེན་རས། །སྐེ་ཚེ་དང་ནི་ལྡོང་རོས་དང༌། །ཐལ་ཆེན་དང་ནི་རཀྟ་དང༌། །བཤང་བ་དང་ནི་གཅི་བ་སྟེ། །བཅུ་གཉིས་ཐོད་པ་ནང་དུ་བླུགས། །ཨོཾ་བཛྲ་ཀཱི་ལི་ཀཱི་ལ་ཡ། མུཏྐ་ར་ཨ་ཀོ་ཊ་ཡ་ཧཱུཾ་ཕཊ། ར་ཐུག་ལུག་ཐུག་གཅིན་གྱིས་སྦྲུ། །ཞེས་པ་ལྟར་ལས་གྲོག་མཁར་ནི་རྒྱ་གྲོག་དམར་པོ་དང༌། ཏིལ་ནག །རྒྱ་མཚོའི་འགྲམ་མམ་ཆུ་ཀླུང་ཆེན་པོའི་འགྲམ་ས། ལན་ཚྭ། ཆུའི་རྦ། བོང་བུའི་ཆུ། སོ་དོག །དྲི་མ་དྲུག་ལ་སོགས་པའང་འདྲེས་པར་བྱས་ནས་ཉ་བོ་སོར་བཅུ་གཉིས་པ་བྱས་པའི་སྲོག་པ་རྩའི་དོད་དུ་དུར་ཁྲོད་ཀྱི་རྩྭ་ཀུ་ཤ་བཅུག་ཅིང༌། ཨོཾ་བཛྲ་ཀཱི་ལི་ཀཱི་ལ་ཡ་པ་ཤཾ་བི་ཤོ་དྷ་བཾ་ཁཾ་ཧཱུཾ་ཕཊ། ནྲྀ་ཏྲི་མཱ་ར་ཡ་ཕཊ། ཅེས་ཀྱང་བཟླས། ཡང་ལིངྒ་རིས་སུ་འབྲི་ན་གང་ཟག་ཞེ་སྡང་ཅན་སྔགས་ཀྱི་ཐེག་པ་ལ་དད་ཅིང་མདོག་ནག་ལ་མིག་དམར་བ། སྨིན་མཚམས་སུ་ཁྲོ་གཉེར་གསུམ་པ་མཆེ་བ་ཅན། ཆུ་བྱའི་ལག་ཅན་


JLAZ009_Page_0456
[མ་དཔེ་གཟིགས་ན་འདིར་གནོན།]

གྱིས་སྨིན་དྲུག་ས་འོག་ཏུ་སོང་བའི་དུས་བཙལ་བའི་སྨྱུག་གུ་ཀངྐ་ལ་སོགས་བྱ་ཤ་ཟན་གྱི་སྒྲོའམ། མཆོག་གི་རྐང་ལ་བྱ། དཔྱིད་ཟླ་འབྲིང་པོ་ལྷ་མོ་ཨུ་མའི་གསང་བར་ཟླ་གསང་དཀར་དམར་འཆར་བའི་དུས་བཙལ་བའི་སྣག་ཚ་ནིམ་པའི་ཁུ་བ་དང་བསྲེས་པ་ཉེ་བར་བསྡོགས་ཤིང་ཉི་ནག་ལ་བབ་པའི་ཚེ། གོང་གི་རྒྱུ་དེ་དག་གིས་སྦགས་པའི་གྲོ་གའམ། ཞིང་རས་ལ་སོགས་པར་ལིངྒ་མཚན་ཉིད་ཚང་བར་བྲིས་པའི་སྙིང་གར་ཁྲག་ཆེན་གྱིས་ཧཱུཾ་ཆེ་གེ་མོ་མཱ་ར་ཡ་ཧཱུཾ་ཕཊ། ཅེས་བྲི། ཉ་བོ་ཡིན་ན་བཞི་སྙིང་དྲིལ་བས་མགོ་བསྣན་ཏེ་བྲིས་པ་སྙིང་གར་སླན། གཉིས་ཀ་ལ་དཔྲལ་བ་ཀླད་རྒྱས་འཁོར་ལོ་ལ་སོགས་པ་དྲུག་མན་ངག་ལྟར་བྲི་མ་ནུས་ན། སྤྱི་བོར་ཨོཾ་ལཾ་ཧཱུཾ་ལཾ་སྟྭཾ་བྷ་ཡ་ནན་དང༌། དཔྲལ་བར་ཆེ་གེ་མོ་ཧ་ས་ཡ་ར་ཧྲི་ཏ་ན་ཧཱུཾ་ཕཊ། ཅེས་པས་མཚོན་ཏེ། སྙིང་ག །ཉྭ་བཞི། ལྕེ། ལྟེ་བ། གསང་གནས་རྣམས་ལ་སྔགས་དྲུག་པོ་མིང་སྤེལ་ཅན་བཀོད། གེགས་ཀྱི་རཱུ་པ་ཡིན་ན་མིང་བཞི་འདུས་པའི་ཕུང་པོའི་རྟེན་འབྲེལ་ལས་སྔགས་དྲུག་པོ་རིམ་པ་བཞིན། དཔྲལ་བ། སྤྱི་བོ། ལྟག་པ། ཨོལ་ཀོ། མིག་ལ་སོགས་པའི་དབང་པོ་བཞི། སོ་རྣམས་ལ་བྲི་བ་མན་ངག་ཡིན་ནོ། །ལིངྒའི་མཐའ་ལ་བཞི་སྙིང་དྲིལ་བ་དམོད་པ་དང་བཅས་པ། དེའི་མཐར་ཛ་ཁྲོཾ་གྱིས་བསྐོར། དྷ་དུ་ར་ལ་སོགས་པའི་དུག་ཁྲག་བྱུག །ལིང་ཁྲུས་ལེགས་པར་བྱ། ཚོན་སྐུད་སྣ་ལྔས་ཅུང་ཟད་དཀྲིས་ལ་ཕུད་ཐོད་དུམ་དྲུག་གམ། རབས་ཆད་དམ། མོན་ནག་ལ་སོགས་པའི་ཐོད་པར་བཅུག །བསྙེན་ཕུར་གྱིས་གཟིར་ནས་བཞག་པ་གསད་དཀྱིལ་དུ་འཇུག་པའི་ཚུལ། དབུས་སུ་བྲུབ་


JLAZ009_Page_0457
[མ་དཔེ་གཟིགས་ན་འདིར་གནོན།]

ཁུང་ཐུར་དུ་བྲུ། །དེ་ནས་ཐོད་པར་ལིངྒ་བཅའ། །ཞེས་པའི་དོན་ཏོ། །ཐུན་རྫས་ནི། ཉུང་དཀར་ཉུང་ནག་སྐྱེ་ཚེ་དང༌། །ཤང་ཚེ་ཕྱི་མ་གསུམ་དང་ལྡན། །རྡོ་དྲེག་ཟི་ར་ཏིལ་ནག་དང༌། །དུག་ཁྲག་ཚོགས་པས་རྣོ་ངར་བསྐྱེད། །ཅེས་དང༌། དམ་ཅན་སོ་སོའི་ཐུན་རྫས་ནི། །ཉུག་དཀར་ལ་སོགས་རྫས་བཞི་ལ། །བསེ་མོའི་སྔགས་དང་ཏིང་འཛིན་དང༌། །རིམ་གྱི་ཕྱི་མོ་ལ་སོགས་བཞི། །བདག་ཉིད་མ་ཡི་སྔགས་དང་ནི། །ལྕགས་ཕྱེ་ལ་སོགས་རྫས་བཞི་ལ། །ཤྭ་ནའི་སྔགས་དང་ཏིང་འཛིན་དང༌། །ཚིག་བཞིས་བདེན་པ་བདར་ལ་དབབ། །ཅེས་པ་ལྟར་འདུ་བྱའོ། །གཉིས་པ་ཆོ་གའི་གཞུང་བསྲང་བ་ལ་གསུམ། རྩ་བ་དཀྱུས་སུ་བསྡེབ་པ་དང༌། དཀྱུས་ཁོང་ཁྲར་གཏང་བ་དང༌། དངོས་གྲུབ་བླང་བའི་ཁྱད་པར་གཉིས་བསྟན་པའོ། །དང་པོ་ནི། རྒྱུད་ལས། དང་པོ་ཏིང་འཛིན་རྣམ་གསུམ་ནས། །རྫོགས་པས་མཐིང་ནག་འབར་བ་སྟེ། །དེ་ལ་མཆོད་བསྟོད་རྫོགས་པར་བྱ། །འཁོར་ལོ་དྲུག་ལ་དྲེགས་པ་དྲུག །ཁྱམས་ལ་མ་བདུན་སྲུང་མ་གསུམ། །རིམ་པར་རྫོགས་ཚུལ་ཤེས་པར་བྱ། །མཆོད་པ་བསྟོད་པ་ཡན་ཆད་བྱ། །དང་པོ་གཙོ་བོའི་གསང་སྔགས་དང༌། །མིང་རུས་བཅས་པའི་ངེས་པ་དང༌། །ཧ་ས་ཡ་རའི་ཡི་གེ་དགུ། །སུམ་བརྒྱ་དྲུག་བཅུའི་གཙོ་བོ་སྟེ། ། དགྲ་ལྷའི་རྒྱལ་པོའི་སྙིང་པོ་ཡིན། །དང་པོ་ཞག་གཅིག་ལྷ་དང་དབྲལ། །དེ་ནས་སྲུང་མ་མ་བདུན་སྔགས། །ཐུན་དང་བཅས་པས་གསད་པར་བྱ། །རྩ་བས་དམ་ཅན་གནད་ལ་དབབ། །ཨཱ་བེ་ཤ་ཡི་ཡི་གེ་བཅུ། །ཀླུ་ཡི་རྒྱལ་པོའི་གསང་སྔགས་ཡིན། །ནུབ་གཉིས་གཟུགས་ལ་དབབ་པའོ། །ཤི་ཀྲི་ཨ་ནའི་ཡི་གེ་བདུན། །ཁུ་ལེ་


JLAZ009_Page_0458
[མ་དཔེ་གཟིགས་ན་འདིར་གནོན།]

ལག་དགུའི་གསང་སྔགས་ཏེ། །གསུམ་པ་བྱད་དུ་གཞུག་པའོ། །ཛྭ་ལ་པ་ཡི་ཡི་གེ་བཅུ། །རྒྱལ་པོ་སྤྱན་གཅིག་སྙིང་པོ་སྟེ། །བཞི་པ་སྨྱོ་རུ་གཞུག་པའི་སྔགས། །ཏ་ཐཱ་ཡ་ཡི་ཡི་གེ་བརྒྱད། །བཙན་འགོང་དམར་པོའི་སྙིང་པོ་སྟེ། །ལྔ་པ་རྡུལ་དུ་བརླག་པ་ཡིན། །བྷིནྡྷ་ཡ་ཡི་ཡི་གེ་བཅུ། །རེ་མ་ཏི་ཡི་སྔགས་ཡིན་ཏེ། །དྲུག་པ་ཞལ་དུ་བསྟབ་པའི་སྔགས། །ནུབ་དྲུག་དམ་རྫས་ཕོ་ཉ་དང༌། །སྲུང་མའི་ཐུན་རྣམས་སྦྱར་བ་ཡི། །ཀླུ་དང་མཛེ་ནད་ཇག་བཅིངས་དང༌། །སྨྱོ་དང་འཆིང་དང་རིམས་ནད་ཀྱིས། །ངེས་པ་དག་ཏུ་འཆི་བར་བཤད། །ཅེས་པའི་དོན་སྒྲ་ཇི་བཞིན་པར་ལག་ལེན་ལ་འདེབས་ན། དབྱེ་བའི་གནས་དུར་ཁྲོད་ཤར་བསྟན། དབབ་པའི་གནས་ས་ཆད་བྱ་རྟའི་གཟུགས། བཅིང་བའི་གནས་དུར་ཁྲོད་ཀླུ་ཆགས། སྨྱོར་གཞུག་མི་རེངས་ཁྱི་རྒྱུག་འདྲ་བ་ཐེའུ་བྲང་ཡོད་པའི་གནས། བརྡུང་བའི་གནས་དུར་ཁྲོད་བྲག་ནག །བཏབ་པའི་གནས་དུར་ཁྲོད་ཆུ་མིག་ཀླུ་ཤིང་སྣ་དགུ་ཡོད་པའི་སར་སོ་སོའི་མཎྜལ་མདའ་གང་རེ་ཁཱ་ཐ་དད་པ་ཅན་ལ་བསྙེན་ཕུར་དང༌། གཟས་ཕུར་སོ་སོར་བཀོད་ཅིང་གཏོར་མ་དང་དྲེགས་པའི་མཐུན་རྫས། དམིགས་བྱའི་མིང་རུས་ལ་སོགས་པ་ཚོགས་པར་བྱས་ནས་རང་རང་གི་ཀློང་དང་སྔགས་གསུམ་སྦྲེལ་ནས་བསྐུལ་བའི་མཐར་བསྲེག་མནན་འཕང་གསུམ་གྱིས་མཐའ་བསྡུ་བའི་ཚུལ་བཤད་པའི་རྒྱུད་ཀྱི་ལེའུ་བཅུ་བདུན་པ་ནས་ཉི་ཤུ་རྩ་གསུམ་པའི་བར་གྱིས་སྟོན་པ་འདིར་རེ་ཞིག་རྩ་རྒྱུད་ལས། བསྙེན་པ་རྣམ་གཉིས་རྫོགས་བྱས་ནས། །དངོས་གྲུབ་བར་ཆད་བསྒྲལ་བའི་ཕྱིར། །དྲག་པོའི་ཕྲིན་ལས་ཞག་བདུན་བྱ། །ཞེས་པའི་དོན་ལ་སློབ་


JLAZ009_Page_0459
[མ་དཔེ་གཟིགས་ན་འདིར་གནོན།]

དཔོན་ཆེན་པོ་པདྨའི་ཞབས་ཀྱི་དགོངས་པ་ཤེས་པའི་སྔོན་གྱི་ཕུར་པ་མཁན་པོ་རྒྱ་དང་ལག་ལྷག་རྡོ་རྗེ་བྱང་ཆུབ་ལ་སོགས་པ་རྣམས་ཞག་དང་པོ་ལ་དགུག་པ་མགོ་བསྣོན་དུ་སྦྱོར་བའམ། བདུན་པ་ལ་མནན་བསྲེག་འཕང་གསུམ་གྱིས་མཇུག་བསྡུ་བའི་ལུགས་གཉིས་ལས། འདིང་པདྨའི་རིང་ལུགས་དང་རྒྱུད་སྡེ་མང་པོ་ཞལ་མཐུན་པའི་རྗེས་སུ་འབྲངས་ནས་དགུག་གཞུག་གི་ལས་ནི་དམ་ཅན་ཉེ་བར་བསྙེན་པའི་དུས་སོང་བས་ཉིན་དང་པོ་ནས་དྲུག་ཚན་དྲུག་གི་ལས་སྦྱོར་ལ་འཇུག་པའི་གོ་རིམ་ནི་རྒྱུད་ལས། དང་པོས་ལྷ་དབྲལ་གཉིས་པས་དབབ། །གསུམ་པས་བྱད་གཞུག་བཞི་པས་སྨྱོ། །ལྔ་པས་རྡུལ་བརླག་དྲུག་པས་བསྟབ། །ཅེས་དང༌། གབ་པའི་སྔགས་དྲུག་སྦས་པའི་ཚིག །རྫས་དྲུག་ཕོ་ཉ་ཕུར་པ་དྲུག ། དུས་དྲུག་ཀུན་ལ་ཤེས་པར་བྱ། །ཞེས་པ་ལས། ཉིན་དང་པོ་ལྷ་དང་དབྲལ་བའི་ལས་དྲུག་གི་དང་པོ་བསྐུལ་ནི། ཧཱུཾ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །ས་བདག་ཆེན་མོའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ཅེས་པ་ནི་ཀུན་གྱི་མགོ་གནོན་ཡིན་ཀྱང་ཕོ་ཉའི་རྣམ་དབྱེ་བྱེད་པ་མ་གོ་བར་ཟད་དེ། རྒྱུད་ལས། དམ་ཚིག་ཆེན་པོའི་དུས་ལ་བབ། །མགྱོགས་བྱེད་ཡེ་ཤེས་ཕོ་ཉའོ། །སྤྲུལ་པ་ཆེན་པོའི་དུས་ལ་བབ། །ཐུགས་རྗེ་སྤྲུལ་པའི་ཕོ་ཉའོ། །ཕྱག་བརྙན་ཆེན་པོའི་དུས་ལ་བབ། །ཟ་བྱེད་


JLAZ009_Page_0460
[མ་དཔེ་གཟིགས་ན་འདིར་གནོན།]

གསོད་བྱེད་ཕོ་ཉའོ། །ཞེས་སོགས་ཐ་དད་དུ་ཕྲལ་བས། དུས་ལ་བབ་པོ་དྲུག་པོ་ནི། །གང་ལ་ཡང་ནི་ཤེས་པར་བྱ། །ཞེས་པ་དང་འགལ་ལོ། །གཉིས་པ་འཕྱང་ལའང༌། དངོས་གྲུབ་བར་གཅོད་ཚིག་བཞི་དང༌། །སྔགས་དང་རྫས་སུ་བཅས་པ་ཡི། །ཞེས་པས། ཁྱེད་ཀྱི་དམ་ཚིག་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །དངོས་གྲུབ་བར་ཆད་བྱེད་པའི་གེགས། །གདུག་ཅིང་སྡང་སེམས་ལྡན་པ་རྣམས། །གཏོགས་ཤིག་གྲོགས་དང་བྲལ་བར་གྱིས། །ཞེས་པས་ཐུན་བཞི་ཀར་བསྐུལ་བར་བྱའོ། །གསུམ་པ་སྔགས་ནི། ཨོཾ་བཛྲ་ཀཱི་ལི་ཀཱི་ལ་ཡ་ཛ་ཧཱུཾ་བཾ་ཧོཿ ཆེ་གེ་མོ་མཱ་ར་ཡ་ཧ་ས་ཡ་ར་ཧྲི་ཏ་ན་སརྦ་བིག་ནན་བཾ་ཧཱུཾ་ཕཊ། བཞི་པ་རྫས་ནི། གུ་གུལ་ཚིལ་ཆེན་དྲི་ཆེན་གསུམ། །རྐང་དྲེག་སྒྲོ་གཉིས་རྭ་ཡི་གཞོབ། །ཅེས་སོ། །ལྔ་པ་ཏིང་ངེ་འཛིན་ནི། བདག་ཉིད་རྩ་བའི་ཐུགས་ཀ་ནས། །རྐང་པ་དང་པོ་གཉིས་འོག་མ་རྣམས་ལའང་འགྲེ། ཛཿཧཱུཾ་བཾ་ཧོའི་ཕྱག་རྒྱ་བཞིས། །ཡེ་ཤེས་འོད་ཟེར་དྲག་པོར་ཕོབ། །ལྷ་རྣམས་བྱ་ནག་རྡོས་གཏོར་བཞིན། །ཕྱོགས་བཞི་དག་ཏུ་འཐོར་བར་བསམ། །ཞེས་སོ། །སྤྲོ་ན་བཤད་རྒྱུད་ལས་གསུངས་པའི་ཉེ་འབྱེད་ཕྲ་མ་མཁན་གྱི་བསྐུལ་འདི་ཡང་བྱ་སྟེ། དབྱེ་སྒྲོ་གཉིས་ཉ་བོའི་སྟེང་དུ་བསྣོལ་ནས་གདབ་ཅིང༌། བྱ་གཉིས་ཀྱི་སྙིང་གར་ལྷ་དང་བསྒྲུབ་བྱ་བསམ་ནས་དབང་མེད་དུ་དགྲ་གཤེད་འཐབ་པར་བསམ་པ་ཁྱད་པར་གྱི་དམིགས་པའོ། །


JLAZ009_Page_0461
[མ་དཔེ་གཟིགས་ན་འདིར་གནོན།]

ཧཱུཾ། ཉེ་འབྱེད་རླུང་གི་ ཕྲ་མ་མཁན། །རླུང་ལྷའི་བུ་ལ་སྲིན་པོའི་ཚ། །ཕ་ནི་རླུང་ལྷ་ཁ་སྐྱེས་ཡིན། །མ་ནི་སྲིན་མོ་ཁ་འབར་མ། །གཉིས་མེད་བུ་གཅིག་བྱུང་བ་ནི། །ཉེ་འབྱེད་ཆེན་མོ་ཕྲ་མ་མཁན། །སྐུ་མདོག་དུད་ཁ་ཆེན་པོ་ལ། །འཇིགས་པའི་ཁྲོ་གཉེར་མང་པོས་བརྒྱན། །གཡས་ཀྱི་དང་པོ་བྱ་རོག་གོང་རུ་བསྣམས། །ཉམས་པ་སྤྱན་གྱིས་གཟིགས་པར་བྱེད། །གཡོན་གྱི་དང་པོ་འུག་པའི་གོང་རུ་བསྣམས། །མི་འཆོར་རྟོག་པ་རབ་ཏུ་གསལ། །གཡས་འོག་ལྕགས་ཀྱུ་སྟྭ་རེ་བསྣམས། །ཉམས་པ་མགོ་ལུས་འདྲལ་བའི་རྟགས། །གཡོན་གྱི་འོག་མ་རླུང་གི་རྐྱལ་བ་བསྣམས། །ཉམས་པ་རླུང་ལ་བསྐུར་བའི་རྟགས། །ཁྱེད་ཀྱི་ཕྲག་པ་གཡས་པ་ན། །ལྕགས་ཀྱི་བྱ་ཁྲ་གཡུ་མིག་ཅན། །སྣང་སྲིད་མི་མཐོང་གཅིག་ཀྱང་མེད། །དམ་ཉམས་ཕྲག་པ་གཡས་ཀྱི་ཕོ་ལྷ་ཕྲོལ། །ཁྱོད་ཀྱི་ཕྲག་པ་གཡོན་པ་ན། །ཟངས་ཀྱི་བྱ་ཁྲ་གསེར་མིག་ཅན། །སྲིད་པ་གསུམ་ཡང་དུས་གཅིག་གཟིགས། །ཕྲག་པ་གཡོན་གྱི་མོ་ལྷ་ཕྲོལ། །ཁྱོད་ཀྱི་སྤྱི་བོའི་གཙུག་ཏུ་ནི། །ཤེལ་གྱི་བྱ་ཁྱུང་གཡུ་མིག་ཅན། །དགེ་སྡིག་གཉིས་ཀྱི་ལས་ཀྱང་གཟིགས། །འགོ་བར་བྱེད་པའི་ཞང་ལྷ་ཕྲོལ། །ཁྱོད་ཀྱི་རྒྱབ་ཀྱི་སོག་པ་ལ། །སྟག་དང་སྤྱང་ཀི་


JLAZ009_Page_0462
[མ་དཔེ་གཟིགས་ན་འདིར་གནོན།]

རྔམ་ཞིང་རྒྱུག །ཉམས་པ་ཟས་སུ་ཟ་བར་བྱེད། །ཉམས་པའི་རྒྱབ་ཀྱི་དགྲ་ལྷ་ཕྲོལ། །ཁྱོད་ཀྱི་མདུན་གྱི་ལྷེན་སྣ་ལ། །སེང་གེ་དཀར་མོ་འགྱིང་ཞིང་འཕྱོ། །སྣང་སྲིད་དབང་དུ་སྡུད་པར་བྱེད། །དམ་ཉམས་མདུན་གྱི་སྲོག་ལྷ་ཕྲོལ། །ཁྱོད་ནི་སྟོང་གསུམ་ཕྲ་མ་མཁན། །རླུང་ལྷའི་བུ་ལ་སྲིན་པོའི་ཚ། །མཆུ་ནི་ལྕགས་ཀྱི་གཟོང་བས་རྣོ། །དམ་ཉམས་མི་དང་ལྷའི་བར་དུ་དབྱེན་ཆུག་ཅིག །ཁྱོད་ཀྱི་མི་ཕྱེད་གང་ཡང་མེད། །ལྷ་དང་ལྷ་མིན་གཡུལ་འགྱེད་ཀྱང༌། །འབྱེད་པར་ཁྱོད་ཀྱིས་ནུས་པར་བྱེད། །ཚེ་གསུམ་དྲན་བྱེད་ཕོ་རོག་མ། །ཁྱོད་ཀྱིས་མི་དྲན་ཅི་ཡང་མེད། །བསྟན་པ་གཉན་ལ་གནོད་པ་ཡི། །དམ་ཉམས་བསྒྲལ་བའི་ཞིང་བཅུ་འདི། །འགོ་བར་བྱེད་པའི་ལྷ་དང་ཕྲོལ། །སྟོང་གྲོགས་བྱེད་པའི་གཉེན་དང་ཕྲོལ། །ཧུ་ལུ་མུན་མཐོང་འུག་པ་མ། །ཁྱོད་ཀྱིས་མི་མཐོང་གང་ཡང་མེད། །བསྟན་པ་གཉན་ལ་གནོད་བྱེད་པའི། །དམ་ཉམས་བསྒྲལ་བའི་ཞིང་བཅུ་འདི། །ཁྱོད་ཀྱིས་བསྒྲལ་བའི་ཕྲིན་ལས་མཛོད། །ཅེས་བསྐུལ་ལོ། །དགྲ་བོ་ལྷ་བཟང་ནས་ཕྱོགས་གཞན་དུ་ལྷ་དབྱེའི་བཅའ་ག་བྱེད་པའི་ཚུལ་རྒྱུད་ལ་བལྟའོ། །དྲུག་པ་སྨོན་ལམ་ནི། གུ་གུལ་ལ་སོགས་པའི་དབྱེ་རྫས་རྣམས་བདུག་ཅིང་དབྱེ་རྒྱ་དང་བཅས། ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་རླབས་སོ། །སངས་རྒྱས་ཀྱི་


JLAZ009_Page_0463
[མ་དཔེ་གཟིགས་ན་འདིར་གནོན།]

མཐུའོ། །ཨ་བྷི་ཙརྱའི་དུས་ལ་བབ་བོ། །བརྣག་པའི་ལས་དེ་ཁོ་ན་ཉིད་དོ། །བཅོམ་ལྡན་འདས་དཔལ་ཆེན་རྡོ་རྗེ་ཕུར་པའི་ལྷ་ཚོགས་ཁྲོ་བཅུ་ཕྲ་ཕྱག་སྒོ་བ་དམ་ཅན་མིང་སྲིང་དྲེགས་པ་དྲུག་དང་བཅས་པས་དམ་ཉམས་པའི་དགྲ་བོ་ཆེ་གེ་མོ་ལ་སྐྱོབ་པའི་ལྷ་དང་མགོ་བའི་ལྷ་ལྔ་རྣམས་བྱ་རོག་རྡོས་བརྡུངས་པ་ལྟར་ཐོང་ཞིག །ཅེས་དང༌། རྗེས་འབྲེལ་དུ་གཟས་ཕུར་ལྔ་སོ་སོར་གདབ་པའི་ཚུལ་ཡང༌། ལྕགས་ཕུར་སྔགས་ཀྱིས་སྙིང་ལ་གདབ། །སྐྱེར་ཕུར་མཆོག་ཕུར་སེང་ལྡེང་ཕུར། །བྱ་ཕུར་ཙན་དན་ཤེར་ཤིང་རྣམས། །རང་རང་སྔགས་ཀྱིས་གནས་གདབ། །ཅེས་པས། ཁྲག་གི་གནད་གཅོད་པ་སེང་ལྡེང་གི་ཕུར་པ་སྤྱི་གཙུག་ཏུ་བཏབ་ནས། ཨོཾ་བཛྲ་ཀཱི་ལི་ཀཱི་ལ་ཡ་ཙྪིནྡྷ་ཙྪིནྡྷ་མཱ་ར་ཡ་ཧཱུཾ་ཕཊ། ཅེས་བཟླས་པས་གནམ་གྱི་འཇུ་ཐག་གཅོད་དོ། །གཉིས་པ་གཟུགས་ལ་དབབ་པ་ལ་དྲུག་ལས། དང་པོ་བསྐུལ་ནི། ཧཱུཾ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །ས་བདག་ཆེན་མོའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །གཉིས་པ་འཕྱང༌། ཁྱེད་ཀྱི་དམ་ཚིག་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །དངོས་གྲུབ་བར་གཅོད་བྱེད་པའི་གེགས། །གདུག་ཅིང་སྡང་སེམས་ལྡན་པ་རྣམས། །ཕོབ་ཅིག་


JLAZ009_Page_0464
[མ་དཔེ་གཟིགས་ན་འདིར་གནོན།]

རྣམ་པར་གཟིར་བར་གྱིས། །གསུམ་པ་སྔགས་ནི་ཐོག་མཐའ་འདྲ། ཨཱ་བེ་ཤ་ཡ་ཨཱ་བེ་ཤ་ཡ། བཞི་པ་རྫས་ནི། དབབ་པ་ཉུང་དཀར་རྒྱལ་པོ་དང༌། །སྨད་དཀྲིས་རཀྟ་ཚ་བ་ཡིན། །ཞེས་སོ། །ལྔ་པ་ཏིང་ངེ་འཛིན་ནི། འོད་ཟེར་དྲག་པོའི་ཚྭ་ཚྭར་བརྡབ། །གཟས་པོའི་རྣམ་ཤེས་མི་འཆོར་བཀུག །ཆུ་དང་འོ་མ་འདྲེས་པའམ། །ཕྱེ་མ་ལ་ནི་མར་ཐིམ་བཞིན། །རྣམ་ཤེས་ལིངྒར་ཐིམ་པར་བསམ། །ཞེས་སོ། །སྤྲོ་ན་གསང་དགོངས་ལས་གསུངས་པའི་བླ་འགུགས་ཀྱི་ཕོ་ཉ་མོ་བཞི་ཡང་བསྐུལ་བ་ནི། ཧཱུཾ། དཔལ་གྱི་ཕོ་ཉ་ལས་མཁན་མོ། །དཀར་མོ་དུང་གི་མཆེ་བ་ཅན། །མཁའ་ལ་འབྱུང་བའི་མཛོད་འཁྱིལ་མ། །ལག་ན་སྤུ་གྲིས་སེམས་ཅན་སྒྲོལ། །ཞལ་དུ་དགྲ་བོའི་སྙིང་ཁྲག་རྔུབ། །སྤྲུལ་པ་ཐོག་དང་སེར་ཆེན་འབེབས། །ཕོ་ཉ་སུམ་བརྒྱ་དྲུག་ཅུ་འགྱེད། །སུམ་བརྒྱ་དྲུག་ཅུའི་གཙོ་མོ་སྟེ། །བསྐལ་པ་བརྒྱད་ཁྲིའི་ཕ་རོལ་ནས། །དམ་ལས་འདས་པའི་བླ་འདྲེན་མ། །ཉམས་པའི་བླ་ལ་ནན་མ་ཆུང༌། །ལྷོ་ཡི་ཕྱོགས་ནས་འབྱུང་བ་ནི། །ནག་མོ་ལྕགས་ཀྱི་ལན་ཚར་ཅན། །ཁྱུང་གི་ཁྲ་ཐོགས་གཡས་པ་ན། །བྷནྡྷ་གྲི་ཐོགས་གསོད་ལ་རྔམས། །ཚངས་པ་བསྒྱིངས་པའི་ཆ་ལུགས་ཅན། །མི་སྡུག་མགོ་ལ་གཅེར་བུའི་ལུས། །ཕོ་ཉ་སུམ་བརྒྱ་དྲུག་ཅུ་འགྱེད། །


JLAZ009_Page_0465
[མ་དཔེ་གཟིགས་ན་འདིར་གནོན།]

སུམ་བརྒྱ་དྲུག་ཅུའི་གཙོ་མོ་སྟེ། །བསྐལ་པ་བརྒྱད་ནས་བླ་ཚོལ་ཚོལ། །དཔག་ཚད་བྱེ་བར་སྲོག་འགུགས་འགུགས། །ཉམས་པའི་བླ་དང་སྲོག་ལ་ཡ། །ནུབ་ཀྱི་ཕྱོགས་ནས་འབྱུང་བ་ནི། །དཀར་མོ་ཉི་མའི་འོད་འཕྲོ་མ། །གདུག་པ་འདུལ་ལ་དྲག་པོ་སྟེ། །གསོད་པ་རྔམ་པའི་ལས་ལ་བརྩོན། །མཆེ་གཙིགས་གཡང་གཞི་གོས་སུ་གྱོན། །སུམ་བརྒྱ་དྲུག་ཅུའི་གཙོ་མོ་སྟེ། །རབ་ཏུ་སྦྲུངས་ནས་བླ་འགུགས་མ། །ཉམས་པའི་བླ་དང་སྲོག་ལ་ཡ། །བྱང་གི་ཕྱོགས་ནས་འབྱུང་བ་ནི། །ལྗང་ནག་འཁྱིལ་བའི་ཐོད་གདེགས་ཅན། །སེར་མོ་རལ་ཅན་འབུམ་གྱིས་བསྐོར། །ཕྱག་ན་རལ་གྲི་གསོད་ལ་རྔམས། །སུམ་བརྒྱ་དྲུག་ཅུའི་གཙོ་མོ་སྟེ། །སྔོན་ནས་དགྲ་བོའི་བླ་འགུགས་མ། །ཉམས་པའི་བླ་དང་སྲོག་ལ་ཡ། །ནམ་མཁའི་ལྷ་མོ་ཕུར་པའི་ལྷ། །ལག་བརྒྱ་ལྕགས་ཀྱི་ཕུར་པ་འདྲིལ། །སྤྱན་བརྒྱ་ཁྲག་གི་མཆི་མ་འཛག །ཞལ་བརྒྱ་གདུག་པའི་ངན་སྔགས་ཟློས། །ཚེམས་ཀྱིས་སྐྱེ་ཤི་རྩ་བ་གཅོད། །ཕུར་པའི་ལས་མཁན་ཆེན་མོ་མ། །རབ་ཏུ་མི་བསྲུན་ལས་ལ་བརྩོན། །ཕོ་ཉ་མང་པོ་ཕྱོགས་བཅུར་འགྱེད། །རྡོ་རྗེ་སྐུ་གསུང་ཐུགས་ལས་སྤྲུལ། །ཉམས་པའི་བླ་དང་སྲོག་ལ་ཡ། །ཛཿཧཱུཾ་བཾ་ཧོཿ ཨོཾ་བཛྲ་ཨཾ་ཀུ་ཤ་ཛཿ ཆེ་གེ་མོ་


JLAZ009_Page_0466
[མ་དཔེ་གཟིགས་ན་འདིར་གནོན།]

ཧཱུཾ་ཛཿ ཞེས་རོལ་ཁོངས་སུ་བཟླ་ཞིང༌། ཁོའི་གནས་མལ་དང་རྐང་མཐིལ་གཉིས་སུ་ཡཾ་ལས་རླུང་གི་དཀྱིལ་འཁོར་རྔ་མོང་གི་གཟུགས་ཅན་དུ་ལངས་ནས་འདར་ཡེད་ཡེད་བཏེགས་ཏེ་ཕོ་ཉའི་ཚོགས་ཀྱིས་ཕྱག་རྒྱ་བཞིས་བཏབ་པས་ལིངྒ་ལ་འདྲེས་པར་བསམ་མོ། །དྲུག་པ་སྨོན་ལམ་ནི། རཱུ་པ་ལ་ཉུང་ཀར་དང་ཁ་ནག་གི་སྐུད་པ་དཀར་ནག་གི་དབབ་ཅིང༌། སྔགས་རྒྱ་བཞི་དང་བཅས། ཆོས་ཉིད་ཀྱི་བདེན་པའོ། །སོགས་ནས། དམ་ཉམས་པའི་དགྲ་བོ་ཆེ་གེ་མོའི་རྣམ་པར་ཤེས་པ་གཟུགས་བརྙན་འདི་ལ་མངོན་སུམ་དུ་ཕོབ་ཅིག །ཅེས་དང༌། དབུགས་ཀྱི་གནད་གཅོད་པ་བྱ་ཕུར་རྐང་མཐིལ་དུ་བཏབ་ནས། བྱ་གྲྀ་མུ་ཁ་ཨཾ་ཀུ་ཤ་མཱ་ར་ཡ་ཕཊ། ཅེས་བཟླས་པས་སའི་རྟེན་ཕུར་འབྱིན་ནོ། །གསུམ་པ་བྱད་དུ་གཞུག་པ་ལ་དྲུག་ལས། དང་པོ་བསྐུལ་བ་ནི། ཧཱུཾ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །ས་བདག་ཆེན་མོའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །གཉིས་པ་འཕྱང་ནི། ཁྱེད་ཀྱི་དམ་ཚིག་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །དངོས་གྲུབ་བར་གཅོད་བྱེད་པའི་གེགས། །གདུག་ཅིང་སྡང་སེམས་ལྡན་པ་རྣམས། །ཟུངས་ཤིག་ཆིངས་ཤིག་རྣམ་པར་ཆིངས། །གསུམ་པ་སྔགས་ནི། ཤི་ཀྲི་ཨ་ན་ཡ་མཱ་ར་ཡ་ཕཊ། བཞི་པ་རྫས་ནི། ཚོན་སྣ་ལྔ་ཡིས་བྱད་དུ་གཞུག །


JLAZ009_Page_0467
[མ་དཔེ་གཟིགས་ན་འདིར་གནོན།]

ཅེས་སོ། །ལྔ་པ་ཏིང་ངེ་འཛིན་ནི། ལྕགས་ཐག་ཟངས་ཐག་བྱད་དུ་གཞུག །འགུལ་མི་ཤེས་པར་གྲུ་གུ་འཐུལ། །བྲུབ་ཁུང་དཀྱིལ་འཁོར་ནང་དུ་ནི། །གྲུ་གུ་བཞིན་དུ་སྒོངས་པར་བསྒོམ། །ཞེས་སོ། །དྲུག་པ་སྨོན་ལམ་ནི། བྱང་ཐག་དཀྲི་ཞིང་ལྕགས་སྒྲོག་གི་རྒྱ་དང་བཅས། ཆོས་ཉིད་ཀྱི་བདེན་པའོ། །སོགས་ནས། དམ་ཉམས་པའི་དགྲ་བོ་ཆེ་གེ་མོའི་ཕུང་པོ་ལྔ་དང་རྣམ་པར་ཤེས་པའི་ཚོགས་བརྒྱད་བྱད་དུ་ཆུག་ཅིག །ཅེས་དང༌། འབྱུང་བཞིའི་གནད་གཅོད་པ། མཆོག་ཕུར་གསང་གནས་སུ་བཏབ་ནས། བིང་བིང་མཱ་ར་ཡ་ཕཊ། སོགས་བཟླས་པས་སྐྱེ་རྒྱུད་གཅོད་དོ། །བཞི་པ་སྨྱོ་རུ་གཞུག་པ་ལ་དྲུག་ལས། དང་པོ་བསྐུལ་ནི། ཧཱུཾ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །ས་བདག་ཆེན་མོའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །གཉིས་པ་འཕྱང་ནི། ཁྱོད་ཀྱི་དམ་ཚིག་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །དངོས་གྲུབ་བར་གཅོད་བྱེད་པ་གེགས། །གདུག་ཅིང་སྡང་སེམས་ལྡན་པ་རྣམས། །རེངས་པར་ཁུག་ལ་སྨྲར་ཆུག་ཅིག །གསུམ་པ་སྔགས་ནི། ཛྭ་ལ་པ་ཡ་ཛྭ་ལ་བ་ཡ་བཞི་པ་རྫས་ནི། སྨྱོ་བ་དུག་གི་ཆུ་ཡིས་སོ། །ཞེས་སོ། །ལྔ་པ་ཏིང་ངེ་འཛིན་ནི། འོད་ཟེར་དྲག་པོས་བརྡབས་ཤིང་གཟིར། །སྨྱོ་བ་སྨྲ་


JLAZ009_Page_0468
[མ་དཔེ་གཟིགས་ན་འདིར་གནོན།]

བ་མཚམས་མེད་པའི། །ཐ་མར་མྱོས་ཤིང་ལྐུགས་པ་དང༌། །ཁ་ནས་མེ་འབར་ཁོང་ནས་ཁྲག །འཕོངས་ནས་ངན་ཁྲག་འཛག་པར་བསམ། །ཞེས་སོ། །དྲུག་པ་སྨོན་ལམ་ནི། ཉ་བོ་ལ་ཐང་ཕྲོམ་པའི་ཁུ་བ་འདེབས་ཤིང་དེའི་རྒྱ་དང༌། དུག་གཏོར་ལ་རྨ་བྱའི་སྒྲོ་བཙུགས་པ་ཐོགས་ནས། ཆོས་ཉིད་ཀྱི་བདེན་པའོ། །སོགས་ནས། དམ་ཉམས་པའི་དགྲ་བོ་ཆེ་གེ་མོ་སྨྱོ་རུ་ཆུག་ཅིག །རང་གི་ཉེས་པ་སྨྲ་བའི་འོ་དོད་དྲག་པོ་འབོད་དུ་ཆུག་ཅིག །ཅེས་དང༌། རྩ་བཞིའི་གནད་གཅོད་པ་ཟངས་སམ་ཙནྡན་ནམ། ཤེར་ཤིང་གི་ཕུར་པ་ལྕེ་ལ་བཏབ་ནས། ན་མཿ ས་མནྟ་བི་ཤོ་དྷ་བེ་ར་བེ་ར་མཱ་ར་ཡ། སོགས་བཟླས་པས་ངག་འཇོམས་སོ། །ལྔ་པ་གཏུན་དུ་བརྡུང་བ་དྲུག་ལས། དང་པོ་བསྐུལ་ནི། ཧཱུཾ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །ས་བདག་ཆེན་མོའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །གཉིས་པ་འཕྱང༌། ཁྱེད་ཀྱི་དམ་ཚིག་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །དངོས་གྲུབ་བར་གཅོད་བྱེད་པའི་གེགས། །གདུག་ཅིང་སྡང་སེམས་ལྡན་པ་རྣམས། །ལུས་ངག་རྡུལ་ཕྲན་བཞིན་དུ་རློགས། །གསུམ་པ་སྔགས་ནི། ཏ་ཐཱ་ཡ་ཏ་ཐཱ་ཡ། བཞི་པ་རྫས་ནི། རྡོ་རྗེ་ཐོ་བས་རྡུལ་དུ་རློག །ཅེས་སོ། །ལྔ་པ་ཏིང་ངེ་འཛིན་


JLAZ009_Page_0469
[མ་དཔེ་གཟིགས་ན་འདིར་གནོན།]

ནི། བདག་ཉིད་རྩ་བའི་ཐུགས་ཀ་ནས། །ཕོ་ཉ་ཐོ་བ་ཅན་དག་ནི། །གྲངས་མེད་འོད་ཟེར་བཅས་པ་བྱུང༌། །གཟས་པོའི་གཟུགས་ཀྱི་ཕུང་པོ་ནི། །མ་ལུས་རྡུལ་དུ་བརླག་པར་བསམ། །ཞེས་སོ། །དྲུག་པ་སྨོན་ལམ་ནི། ལྕགས་ཟངས་ཕྱེ་མ་འཐོར། ཐོ་གཏུན་གྱི་རྒྱས། ཆོས་ཉིད་ཀྱི་བདེན་པའོ། །ནས། དམ་ཉམས་པའི་དགྲ་བོ་ཆེ་གེ་མོའི་གཟུགས་ཕུང་སྐྱེ་མཆེད་དང་བཅས་པ་འབར་བ་ཆེན་པོའི་ཐོ་གཏུན་གྱི་བར་དུ་རྡུལ་དུ་ལྷོགས་ཤིག །བསྡུས་འཇོམས་བཞིན་དུ་བརྡུངས་ནས་ཤ་མྱོག་རུས་མྱོག་ཏུ་ཐོངས་ཤིིག །ཅེས་དང༌། ཚེའི་གནད་གཅོད་པ་ལྕགས་ཕུར་སྙིང་དཀར་ནག་མཚམས་སུ་བཏབ་ནས། སརྦ་དུཥྟཾ་མཱ་ར་ཡ། ཞེས་པས་སེམས་ཀྱི་དཔྱིས་འབྱིན་ནོ། །དྲུག་པ་ཞལ་དུ་བསྟབ་པའི་ལས་ལ་དྲུག་ལས། དང་པོ་ལས་དྲུག་གི་དཀྱུས་ལྟར་ཏིང་ངེ་འཛིན་གྱིས་བསྟབ་པའི་བསྐུལ་ནི། ཧཱུཾ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །ས་བདག་ཆེན་མོའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །གཉིས་པ་འཕྱང༌། ཁྱེད་ཀྱི་དམ་ཚིག་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །དངོས་གྲུབ་བར་ཆད་བྱེད་པའི་གེགས། །གདུག་ཅིང་སྡང་སེམས་ལྡན་པ་རྣམས། །ང་ཡི་དབང་དུ་གྱུར་ནས་ཀྱང༌། །བསྒོ་བའི་


JLAZ009_Page_0470
[མ་དཔེ་གཟིགས་ན་འདིར་གནོན།]

བཀའ་རྣམས་ཉན་པར་བྱོས། །ཞལ་དུ་བསྟབ་བོ་ཁ་རཾ་ཁཱ་ཧི། །སྐུ་ཡི་གཟི་བརྗིད་རྒྱས་པར་མཛོད། །གསུམ་པ་སྔགས་ནི། བིནྡྷ་ཡ་བིནྡྷ་ཡ༴ བཞི་པ་རྫས་ནི། བསྟབ་པ་ཧོམ་གཟར་རྒྱ་ཡིས་བྱ། །ཞེས་སོ། །ལྔ་པ་ཏིང་ངེ་འཛིན་ནི། འོད་ཟེར་སྤྲུལ་པ་གྲངས་མེད་ཀྱིས། །གཟས་པོའི་དབང་པོ་འདུ་བ་དང༌། །ཤ་ཁྲག་རུས་ཆེན་རྒྱུ་མ་གཟིར། །བསྟབ་པས་རོལ་པར་དེ་བཞིན་བསམ། །ཞེས་སོ། །དྲུག་པ་སྨོན་ལམ་ནི། ལག་གཉིས་ཧོམ་གཟར་གྱི་རྒྱ་དང་བཅས། ཆོས་ཉིད་ཀྱི་བདེན་པའོ། །སོགས་ནས། དམ་ཉམས་པའི་དགྲ་བོ་ཆེ་གེ་མོའི་ཕུང་ཁམས་སྐྱེ་མཆེད་བསོད་ནམས་ཟ་ཐང་དང་བཅས་པ་རྗེས་ཤུལ་ཙམ་ཡང་མེད་པར་ཞལ་དུ་ཐོབ་ཅིག །བཞེས་ཤིག །རོལ་ཅིག །ཁ་རཾ་ཁཱ་ཧི། ཞེས་དང༌། བཀྲག་མདངས་ཀྱི་གནད་གཅོད་སྐྱེར་ཕུར་ལྟེ་བར་བཏབ་ལ། སུ་རུ་སུ་རུ་ཨུ་ཙུཥྨ་མ་ཧཱ་ཀྲོ་ཏ་མཱ་ར་ཡ་ཧཱུཾ་ཕཊ། ཅེས་བཟླས་པས་ལྟེ་བ་སྲིད་པ་སྐྱེད་བྱེད་གཞོམ་མོ། །དེ་ལྟར་གསང་བའི་ཚིག་དྲུག་གིས་བསྐུལ་ཞིང་གབ་པའི་སྔགས་དྲུག་ཁོང་ཁྲར་གཏང་བ་ནི། བསད་ལས་ཀྱི་ངོ་བོ་ཉིད་ཡིན་ཏེ། རྒྱུད་ལས། སྔོན་གྱི་དུས་ན་གསང་བའི་ཚིག་དྲུག་པོ་འདི་དེ་བཞིན་གཤེགས་པ་རྣམས་ཀྱིས་ཀྱང་མ་གསུངས་པས། ལས་ཀྱི་སེམས་དཔའ་ཡང་སྐྲག་ནས་ས་ལ་འགྱེལ་ཞིང་འཇིག་རྟེན་ཆེར་གཡོས་ཤིང་རབ་ཏུ་གཡོས་པར་གྱུར་ཏོ། །ཞེས་སོ། །གཉིས་པ་ལས་དྲུག་ཆར་གྱི་ཁོང་ཁྲར་གཏང་བ་གདབ་ལས་ལ་དོན་དྲུག་ལས། དང་པོ་ཚེ་ལུང་ནི། རྒྱུད་ལས། དྲུག་


JLAZ009_Page_0471
[མ་དཔེ་གཟིགས་ན་འདིར་གནོན།]

རྫོགས་ཕུར་པས་གདབ་པ་ཡང༌། །བསྙེན་ཕུར་བཏབ་ལ་ཚེ་ལུང་བྱ། །ཞེས་པས། འཁོར་བའི་རང་བཞིན་རྣམ་པར་ཤེས་པའི་ཚོགས་བརྒྱད་ཀྱི་གནད་གཅོད་ཅིང༌། ཁམས་དང་སྐྱེ་མཆེད་ཀྱི་ཉེར་ལེན་དག་པར་བྱེད་པ་ནི་ཕུར་བུ་ཉེར་ལྔའི་གདབ་ལས་ཡིན་ལ། རྣམ་དབྱེའི་ངོས་ནས་ཉམས་པ་བདུན་ལ་གདབ་པའི་མཚན་མ་རྫས་ཀྱི་ཕུར་པ་བྱུག་བདུག་བྲབ་གསུམ་ལ་བརྟེན་ནས་གཟི་བྱིན་བསྐྱེད་པ་ནི། རྒྱུད་ལས། གུ་གུལ་བདུག་ཅིང་ཉུང་ཀར་བརྡེག །ར་ཁྱིའི་ཁྲག་དང་གསུར་ཆེན་གྱི། །སོ་སོའི་སྙིང་པོ་གདོན་ཞིང་བྱུག །དབང་བསྐུར་བྱིན་རླབས་མཆོག་ཏུ་གསུངས། །ཞེས་པ་ལྟར་བྱ་ཞིང༌། མ་གུ་ཏ་ལ་པྲ་ཏ། སོགས་སྒྲུབ་ཐབས་ནང་ལྟར་བཟླའོ། །གཉིས་པ་བསྙེན་ཕུར་བདག་ཉིད་ཆེན་པོའི་རང་བཞིན་དུ་དབང་བསྐུར་ཞིང་བྱིན་གྱིས་བརླབ་པ་ནི། རྒྱུད་ལས། ལག་པ་གཡས་པའི་སྟེང་དུ་མ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུཾ། གཡོན་པར་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཨ། གཡས་ཀྱི་སོར་མོ་ལྔ་ལ་ཉི་མའི་དཀྱིལ་འཁོར་གྱི་སྟེང་དུ་གུང་མོ་ལ་ཨོཾ། མཐེ་བོང་ལ་ཧཱུཾ། མཛུབ་མོ་ལ་ཏྲཱཾ། སྲིན་ལག་ལ་ཧྲཱིཿམཐེ་ཆུང་ལ་ཨཱ་བསམ། གཡོན་གྱི་སོར་མོ་ལྔ་ལ་ཟླ་བའི་དཀྱིལ་འཁོར་གྱི་སྟེང་དུ་གུང་མོ་ལ་མཱུཾ། མཐེ་བོང་ལ་ལཱཾ། མཛུབ་མོ་ལ་མཱཾ། སྲིན་ལག་ལ་པཱཾ། མཐེ་ཆུང་ལ་ཏཱཾ། དེ་ནས་སུ་ར་སྟྭཾ་ཞེས་རྡོ་རྗེ་ཐལ་མོ་མཉམ་པར་སྦྱར། བཛྲ་ཨཉྫ་ལི་ཧཱུཾ་ཞེས་སོར་མོ་ཅུང་ཟད་བསྣོལ།


JLAZ009_Page_0472
[མ་དཔེ་གཟིགས་ན་འདིར་གནོན།]

བཛྲ་བྷནྡྷ་བཾ་ཞེས་སོར་མོ་རྒྱབ་སྦྱར་ནས་བསྡམ། ས་མ་ཡ་སྟྭཾ་ཞེས་ཕུར་པ་བླངས་ཏེ་ཆང་པར་བཅུག་ལག་པའི་རྟིང་པ་ཕྱེ་སྟེ་མཐེ་བོང་གཉིས་དང༌། སྲིན་ལག་དང༌། མཐེའུ་ཆུང་གི་དབྲག་ཏུ་བཅུག་ལ། མཐེ་བོང་བསྒུལ་ཞིང་བསྒྲིལ་ནས་ཨོཾ་བཛྲ་ཨཱ་བེ་ཤ་ཡ་ཨ། ཞེས་བརྗོད་པས། ཕྱོགས་བཅུའི་དེ་བཞིན་གཤེགས་པ་ཡབ་ཡུམ་སྲས་དང་བཅས་པ་ཐམས་ཅད་ཞེ་སྡང་རྗེས་སུ་དྲན་པའི་སྐུ་ཉུང་འབྲུ་ཙམ་གྲངས་མེད་པ་བསྡུས་ཤིང་བསྟིམ་ལ། ཧཱུཾ། ཐབས་ཀྱི་སྤྱོད་པས་འགྲོ་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་བྱའི་ཕྱིར། །དབང་དང་བྱིན་རླབས་འདིར་སྩོལ་ཅིག །ཨཱོཾ་ཧཱུཾ་ཏྲཱཾ་ཧྲཱིཿཨཱཿ ཨཱ་བེ་ཤ་ཡ། ཨ་བྷི་ཥཱིཉྩ་མཱཾ། ཞེས་བརྗོད། སོར་མོ་བཅུ་ཁྲོ་བཅུར་མོས་པའི་བར་དུ་དྲིལ་ནས་བསྙེན་ཕུར་བྱིན་གྱིས་བརླབས། དེ་ཡང་སྐབས་འདི་དག་ཏུ་ཕུར་པའི་ཕྱག་རྒྱ་ལྔ་ནི། རྒྱུད་ལས། ཕུར་པའི་ཕྱག་རྒྱ་ལྔ་རུ་བཤད། །ཕུར་པ་དམ་ཚིག་ཕྱག་རྒྱ་སྟེ། །ལག་པ་གཉིས་ཀྱི་རྟིང་སྦྱར་ནས། །གུང་མོ་རྩེ་སྤྲད་བར་དུ་བསྒྲིལ། །འདི་ནི་ཕུར་བུའི་དམ་ཚིག་རྒྱ། །ཨོཾ་བཛྲ་སཏྭ་རཱ་ཛ་ཧཱུཾ། ཚངས་པས་སོར་བརྒྱད་རིམ་པས་གཟུང༌། །ལྷག་མ་རྩེ་མོ་མནན་ཆད་པ། །ཕུར་པ་བརྡེག་པའི་ཕྱག་རྒྱ་ཡིན། །ལག་པ་གཉིས་ནི་ཐལ་སྦྱར་ནས། །གུང་མོ་རྩེ་སྤྲད་མཐེའུ་ཆུང་བརྐྱང༌། །སྲིན་ལག་མཛུབ་མོ་རྒྱབ་བསྣོལ་ཏེ། །མཐེ་བོང་གཤིབ་སྟེ་བར་དུ་བསྒྲིལ། །འདི་ནི་ཕུར་པ་བསྒྲིལ་བའི་རྒྱ། །ཨོཾ་ཧ་ན་ཧ་ན་དཱིཔྟ་ཙཀྲ་ཧཱུཾ་ཕཊ། ལག་པ་གཉིས་ཀྱི་རྟིང་སྤྲད་ནས། །སོར་བཅུ་ཁྲོ་བཅུར་བྱིན་བརླབས་ཏེ། །སྲས་མཆོག་དཀྱིལ་དུ་བཞག་


JLAZ009_Page_0473
[མ་དཔེ་གཟིགས་ན་འདིར་གནོན།]

ནས་ཀྱང༌། །བྱིན་གྱིས་བརླབ་པར་བྱས་པ་ནི། །ཕུར་པ་བྱིན་གྱིས་རློབ་པའི་རྒྱ། །ཨོཾ་ཧྲཱིཿབྷུ་བ་བྷུ་བ་ཧཱུཾ་ཕཊ། མཐེབ་མཛུབ་གཉིས་ཀྱི་བར་དུ་ནི། །ཕུར་པ་བཅུག་ལ་ཡར་འཕངས་ནས། །བབས་པ་བརྡེག་པའི་གཟུགས་ལ་བསྣུན། །འདི་ནི་ཕུར་པ་བསྐུལ་བའི་རྒྱ། །དོན་དུ་ཕྱག་རྒྱ་ལ་སོགས་པ། །ཡང་དག་རྟོགས་ན་ཀུན་ཀྱང་རྒྱ། །མ་རྟོགས་མཚན་མ་རྟོག་པའི་ཞིང༌། །ཞེས་པ་ལས། བྱིན་གྱིས་བརླབ་པའི་རྒྱས་ཕུར་པ་གྱེན་དུ་གསོར་ཞིང༌། ཧཱུཾ། སྲིད་པ་ཕུར་བུར་བསྒྲུབ་པ་དང༌། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང༌། །རྟགས་དང་མཚན་མ་བསྟན་པ་དང༌། །ཀཱི་ལ་ཡ་ཡི་དངོས་གྲུབ་སྩོལ། །ཞེས་རྡོ་རྗེའི་ཚིག་དྲུག་གི་མགོ་བསྣན་ནས། ཧཱུཾ་བཞི་གསལ་འཕྲོ་ཧཱུཾ་བཞི་ཚོགས་ལས་བསྐྱེད། །དབུ་ལ་རྒྱ་མདུད་བསྟན་པས་ཐབས་ཀྱི་རྟགས། །རྩིབས་ལ་ལོགས་བརྒྱད་བསྟན་པས་ཁྲོ་བོ་བརྒྱད། །རིན་ཆེན་ཟུར་བརྒྱད་བསྟན་པས་ཁྲོ་མོ་བརྒྱད། །དབུས་སུ་རྒྱ་མདུད་བསྟན་པས་ཤེས་རབ་རྟགས། །རྩེ་མོ་ཟུར་གསུམ་བསྟན་པས་སྐུ་གསུང་ཐུགས། །སྟེང་འོག་གཉིས་སུ་བསྟན་པས་ཁྲོ་བོ་གཉིས། །ཁོང་སྟོང་བྱང་ཆུབ་སེམས་ཀྱི་རང་བཞིན་ལ། །ཁྲོ་རྒྱལ་འདུས་པའི་སྲས་མཆོག་ཀཱི་ལ་ཡ། །མ་གཡོས་ཆོས་མཆོག་སྐུ་གསུང་ཐུགས་ཀྱི་བདག །


JLAZ009_Page_0474
[མ་དཔེ་གཟིགས་ན་འདིར་གནོན།]

སྡུག་བསྔལ་ལོག་པར་འཁྱམས་པའི་སེམས་ཅན་རྣམས། །ཐུགས་རྗེ་གཉིས་མེད་དབྱིངས་སུ་སྒྲོལ་མཛད་པས། །ཐབས་ཀྱིས་བསྒྲལ་བའི་སྐལ་བ་མི་ལྡན་ཡང༌། །ཤུགས་ཀྱིས་བསྒྲལ་བའི་ཕྲིན་ལས་མཛད་དུ་གསོལ། །ཞེས་བསྐུལ་ལ་ལོག་རྡུགས་འབྱམས་གསུམ་ཕྱི་ཉེས་པ་སེལ་ཞིང༌། སྒྲོལ་བ་རང་རྒྱུད་པ་ལྡོག་ཕྱིར་བདག་ཉིད་དཔལ་ཆེན་པོ། ཞེ་སྡང་རང་རྒྱུད་པ་ལྡོག་ཕྱིར་བསྙེན་ཕུར་སྲས་མཆོག །གཞན་དོན་ཡལ་བར་མི་དོར་བས་ཉ་བོ་དམིགས་བྱ་དངོས་ཏེ་གསལ་བ་གསུམ་ལྡན་གྱི་རང་བཞིན་སྟོང་ཉིད་སྙིང་རྗེར་ཤར་བའི་ཐུགས་རྗེ་ཆེན་པོའི་ཕུར་པས་ལོག་འདྲེན་ཚར་གཅོད་པ་སྔགས་ལམ་ཐབས་ལ་མཁས་པའི་སྒྲོལ་བ་སྟེ། རྒྱུད་ལས། ཐོག་མར་རྟོགས་གོམས་བདག་ཉིད་བསྒྲལ། །དེ་ནས་གཉིས་མེད་བློ་ཡིས་ནི། །བློ་ངན་སེམས་ཅན་ཡུན་དུ་འཁོར། །གཉིས་སུ་མེད་པར་བསྒྲལ་བར་བྱ། །ཞེས་སོ། །དེ་ལ་ཁྲུས་ལུང་གི་དགོངས་པས་དམིགས་བྱའི་ལས་ཉོན་སྦྱང་བ་ནི། དགོངས་པ་ལྡན་པའི་རྣལ་འབྱོར་པས། །ཁྲུས་ལུང་ཉོན་མོངས་དག་བྱས་ཤིང༌། །ཞེས་པས། སྲས་མཆོག་གི་སྤྱི་བོར་ཧཱུཾ་མཛད་དང༌། ཧཱུཾ་མཛད་ཀྱི་སྤྱི་བོར་ཨ་དཀར་པོ་གཅིག་བསམ་པ་འོད་དུ་ཞུ་ནས་ཧཱུཾ་མཛད་ལ་ཐིམ། ཧཱུཾ་མཛད་སྲས་མཆོག་ལ་ཐིམ་པའི་རྐྱེན་གྱིས་གཟི་བྱིན་མཆོག་ཏུ་འབར། དེའི་འོད་ཟེར་གྱིས་དམིགས་བྱའི་ལས་ཉོན་སྦྱང་བར་བསམས་ལ། སྲས་མཆོག་གི་ཕུར་པ་དམ་ཚིག་གི་རྒྱས་བཟུང་བ་སྙིང་གར་མ་རེག་ཙམ་དུ་ལན་གསུམ་


JLAZ009_Page_0475
[མ་དཔེ་གཟིགས་ན་འདིར་གནོན།]

བསྒྲིལ་ནས། ཧཱུཾ། བྱམས་དང་སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཨོཾ་ལཾ་ཧཱུཾ་ལཾ་སྟྭཾ་བྷ་ནན། མོ་ཧ་གྷ་ཡ་བྷ་ག་ཝཱན་ཤི་ཀྲི་བི་ཀྲི། ཤྲི་བཛྲ་ཧཱུཾ་ཀཱ་ར་ཧཱུཾ་ཧཱུཾ་ཕཊ། ཅེས་ལན་གསུམ་བཟླས་ཤིང༌། ཡབ་ཡུམ་ཐབས་ཤེས་སུ་སྦྱོར་བའི་ཐབས་ཀྱིས་མིང་རུས་ཚོགས་པའི་རྟེན་གྱི་བག་ཆགས་སྦྱོང་ཞིང་སྟོང་པ་ཆེན་པོ་སྒྲོལ་བའི་ཤེས་རབ་ཀྱིས་ལས་དང་བག་ཆགས་ཀྱི་མཐུས་བསྐྱེད་པའི་རྣམ་སྨིན་གྱི་ཆ་ལྷག་མ་མེད་པར་སྦྱོང་བའི་སྔགས་དོན་དྲན་པར་བྱ་བ་ནི་སྙིང་པོ་སྔགས་ཀྱི་ཁྲུས་ལུང་སྟེ། ཨོཾ་ལཾ་ཧཱུཾ་ལཾ་ཡབ་དང་ཡུམ། །སྟྭཾ་བྷ་ཐབས་དང་ཤེས་རབ་སྔགས། །གཉིས་མེད་སྦྱོར་བས་ཉོན་མོངས་སྦྱོངས། །དྲག་པོ་ཡབ་ཡུམ་སྒྲོལ་བར་བཤད། །མོ་ཧ་མིང་ལ་གྷ་ཡ་རུས། །རྟེན་ལ་དབབ་པའི་ལས་སུ་བཤད། །བྷ་ག་ཝཱན་ནི་བཅོམ་ལྡན་འདས། །སྒྲོལ་བའི་གཙོ་བོ་ཡིན་པར་བཤད། །ཤི་ཀྲི་ཡབ་དང་བི་ཀྲི་ཡུམ། །གཉིས་མེད་ཡབ་ཡུམ་བྱང་དུ་བཤད། །བཛྲ་ཧཱུཾ་དང་ཀཱར་བཅས་པ། །ཡང་དག་དོན་གྱི་འབྲས་བུ་སྟེ། །སྟོང་པ་ཆེན་པོའི་སྒྲོལ་བར་བཤད། །ཅེས་སོ། ། དེ་ནས་སྐུ་ཕྱག་རྒྱ་ཆེན་པོའི་ཁྲུས་ལུང་དང་འབྲེལ་བར་རང་རིག་ཡེ་ཤེས་ཀྱི་ཕུར་པ་ཆོས་ཀྱི་དབྱིངས་སུ་ལྷན་གདབ་པས་གནས་སྤར་བ་ནི། ཚེ་སྲོག་དབང་སྡུད་སྒྲོལ་བ་ཡི། །རྡོ་རྗེ་ཕུར་


JLAZ009_Page_0476
[མ་དཔེ་གཟིགས་ན་འདིར་གནོན།]

པ་རབ་བཏབ་ནས། །སྲིད་པའི་ཚེ་དང་ཕྲལ་ནས་ནི། །རྣམ་ཤེས་རྡོ་རྗེ་གཞོན་ནུར་སྤར། །ཞེས་པས། ཕུར་པ་དམ་རྒྱས་བཟུང་བཞིན་པ་ལས། བདག་ཉིད་དཔལ་ཆེན་པོའི་ཐུགས་སྲོག་ལས་འོད་ཟེར་འཕྲོས། ཁོའི་སྙིང་ནང་ན་རྣམ་པར་ཤེས་པའི་རྟེན་བླ་ཚེའི་ངོ་བོ་ཡི་གེ་ནྲྀ་གཅིག་གནས་པ་ཕུར་རྩེས་བཤིགས་ནས་ཨར་གྱུར་པ་བདག་གི་སྙིང་གར་གཏད་པས་བླ་ཚེའི་སྣོན་མར་ཐོབ་པར་བསམ་པ་ལ་ཚེ་ལུང་ཞེས་ཀྱང་བྱ་སྟེ། སྲན་ཙམ་འོད་ནག་དཀྱིལ་དུ་ནི། །ཁྲག་གི་ནྲྀ་ནི་ཏིལ་འབྲུ་ཙམ། །གནས་པ་དེ་རུ་ཀུན་ཁྱབ་པས། །ཀུན་ལ་དེ་བཞིན་དམིགས་ལ་གདབ། །ཅེས་སོ། །དེ་ནས་ཕུར་པ་བསྐུལ་བའི་རྒྱས། ཧཱུཾ། སྣང་སྲིད་ཐམས་ཅད་ཕུར་པའི་རང་བཞིན་ལ། །ཁམས་གསུམ་འཁོར་བ་མིང་ཡང་མི་གྲགས་ཀྱང༌། །རྒྱལ་བའི་རྫུ་འཕྲུལ་ཆེན་པོ་བསྟན་པའི་ཕྱིར། །རྡོ་རྗེ་མངོན་སྤྱོད་ཕྲིན་ལས་མཛད་དུ་གསོལ། ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ སརྦ་བིག་ནན་བཾ་ཧཱུཾ་ཕཊ། བཛྲ་ཀཱི་ལི་ཀཱི་ལ་ཡ་ཧཱུཾ་ཧཱུཾ་ཕཊ་ཕཊ། ཅེས་དང༌། སྙིང་གར་ཕུར་པ་བསྒྲིལ་བའི་རྒྱ་དང་བཅས། ཨོཾ་ཧ་ན་ཧ་ན་དཱིཔྟ་ཙཀྲ་ཧཱུཾ་ཕཊ། ཅེས་བཟླ་ཞིང་བསྒྲིལ་བས་ཁོའི་ཚོགས་དྲུག་འགྱུ་བའི་སྒོ་བཀག །སེམས་དང་སེམས་བྱུང་གི་རྒྱུན་བཅད། ཀུན་གཞིའི་རྣམ་པར་ཤེས་པ་དེ་ཉིད་ཨ་དཀར་པོའི་རྣམ་པར་གསལ། དེ་ཉིད་གནས་སྤར་བ་ནི། ཕུར་པའི་རྩེ་མོ་ལའང་ཨ་དཀར་པོ་འོད་ཟེར་འཕྲོ་བ་གསལ་བ་དེ་ཨའི་སྒྲ་དྲག་པོར་གྲགས་པ་ལས། ཁོའི་རྣམ་ཤེས་ཀྱི་ངོ་བོ་ཨ་དེ་ཉིད་ཕུར་རྩེའི་ཨ་ལ་རྩེན་གྱི་འདུས་པར་བསམས་ལ།


JLAZ009_Page_0477
[མ་དཔེ་གཟིགས་ན་འདིར་གནོན།]

ཧཱུཾ། ཐམས་ཅད་ཨ་དཀར་བྱང་ཆུབ་སེམས་སུ་གྱུར། །བསྡུས་པས་གསེར་དངུལ་ཞི་གར་བླུགས་པ་བཞིན། །ཕུར་པའི་རྩེ་མོ་ཨ་ནི་གནས་ལེན་དེས། །ཁབ་ལེན་རྡོ་ལ་ལྕགས་རྣམས་འདུས་པ་བཞིན། །བྱང་ཆུབ་སེམས་ཀྱི་རང་བཞིན་དཀར་ལ་འཚེར། །སྐུ་གསུང་ཐུགས་ཀྱི་གནས་སུ་བསྟིམ་པར་བྱ། །སྣང་སྲིད་ཚེ་བཅུད་ཚེ་ཡི་དངོས་གྲུབ་སྩོལ། །ཁམས་གསུམ་འཁོར་བའི་བག་ཆགས་གདར་ཤ་གཅད། །ཉོན་མོངས་འཁོར་བ་ཐམས་ཅད་དབྱིངས་སུ་བསྒྲལ། །རྡོ་རྗེ་ཕུར་པ་སྐྱེ་ཤི་རྩད་ནས་གཅོད། །བཛྲ་ཧཱུཾ་ཀཱ་ར་ཧཱུཾ་ཨ་ཨ། ཞེས་བཟླ་ཞིང་རང་གི་སྙིང་གར་ཕུར་རྩེ་གཏད་པས། ཕུར་རྩེའི་ཨ་ཡང་བདག་ཉིད་ཀྱི་ཐུགས་སྲོག་ལ་འདྲེས་པས་བཀྲག་དང་གཟི་མདངས་རྒྱས། བདག་དང་བསྒྲལ་བྱའི་རིག་པ་ཡེ་ཤེས་ཀྱི་དེ་ཁོ་ན་ཉིད་རང་བཞིན་མེད་པར་རྟོགས་པའི་བདེན་པས་ཁོ་ཡང་འཚེངས་ཤིང་བདག་ལའང་རྣམ་སྨིན་གྱིས་མི་གོས་པས་ན། རྒྱུད་ལས། ཀུན་གཞིའི་ཉོན་མོངས་ཨར་གསལ་བྱ། །ཨ་དེ་བདག་ལ་རབ་བསྟིམ་པས། །ཚེ་ཞེས་བྱ་སྟེ་དངོས་གྲུབ་བླང༌། །ཞེས་དང༌། འབྱུང་པོ་ལོག་འདྲེན་ཐམས་ཅད་ཀྱི། །རྣམ་ཤེས་འཕོས་ཤིང་བདེ་བ་ཐོབ། །རྡོ་རྗེ་རིགས་ཀྱི་ལྷ་ཚོགས་ཀྱི། །དག་ཅིང་ཚེ་འཛིན་སྔགས་སུ་གསུངས། །ཞེས་སོ། །གནད་དེ་ལྟ་བུ་མི་རིག་པའི་སྔགས་པས་རང་རྒྱུད་ཀྱི་སྡོམ་པ་རྩ་བ་གཅོད་ཅིང༌། རྒྱུད་ཐམས་ཅད་ཀྱི་གླེང་གཞི་ལས་མོས་པའི་རཱུ་ཏྲའི་གོ་འཕང་ལ་དེ་མ་ཐག་སོན་ནས་མཐར་གྱིས་དམྱལ་བར་འགྲོ་བའི་ཚུལ། ཉམས་པ་བསྒྲལ་ན་མངོན་སངས་རྒྱ། །ཀུན་ལ་བྱས་ན་དམྱལ་བར་ལྟུང༌། །


JLAZ009_Page_0478
[མ་དཔེ་གཟིགས་ན་འདིར་གནོན།]

ཞེས་སོ། །ད་ནི་གདབ་པའི་ཆོ་ག་ལ་མན་ངག་གི་གནད་མ་ཤེས་ན་དྲག་པོ་མངོན་སྤྱོད་ཀྱི་ཕྲིན་ལས་ཤན་པའི་སྲོག་ལས་དང་འདྲ་བས། ཐོག་མར་ཁྲོ་བོ་བཅུའི་ཕུར་པས་རྣམ་ཤེས་ཚོགས་བརྒྱད་ཀྱི་གནད་གཅད་པས་ཀུན་གཞི་ལ་འཁོར་བའི་བག་ཆགས་གསོག་པའི་རྒྱུན་ཆད། ཁྲོ་མོ་བཅུའི་ཕུར་པས་སྲིད་པ་ཆགས་བྱེད་ཀྱི་རྟེན་འབྱུང་བ་ལྔ་བཤིགས་པས་ཕུང་པོ་ཐོགས་བཅས་ཀྱིས་དངོས་པོ་བཅོམ། སྒོ་བ་བཞིའི་ཕུར་པས་ལུས་ཀྱི་མཚོ་བཞི་ལ་བཏབ་པས་སྐྱེ་གནས་བཞིའི་སྒོ་དགག་པ་སྟེ་རྒྱུད་ལས། ཁྲོ་བོ་ཡབ་ཡུམ་བཅུ་པོ་ཡིས། །གནས་བཅུ་དུག་གསུམ་རྩ་ནས་གཅོད། །སྒོ་བ་བཞི་ཡིས་མཚོ་བཞི་སྐེམ། །ཞེས་སོ། །དེ་ལ་རྒྱུད་ཀྱི་གླིང་གཞི་དང་བསྟུན་ནས་བཏབ་ཀྱང་འགལ་བ་ཡོད་པ་མ་ཡིན་ཏེ། གདབ་ཡུལ་དང་གཉེན་པོ་མ་འཕྲོད་པ་མང་དུ་སྣང་བར་འདིར་ནི་རྒྱུད་ཀྱི་དགོངས་པ་ལྟར་གདབ་པའི་ཚུལ། བསྒྲུབ་བྱ་བསྒྲལ་ཕྱིར་རྣམ་ཤེས་རྟེན། །བྱུང་ཚོར་སྒོ་ནི་དགག་ཕྱིར་གདབ། །ཅེས་དང༌། ཧ་ན་ཧ་ན་སོགས་པའི་སྔགས་བཅུའི་གོ་རིམ་བསྟན་པའི་དེ་མ་ཐག །མིག་གཉིས་རྣ་བ་གཉིས་དང་ནི། །སྣ་བུག་གཉིས་དང་ལྕེ་ལ་གདབ། །མགྲིན་པ་སྙིང་ག་ཁྲག་སྦལ་དང༌། །ཉོན་མོངས་ཡིད་ལ་རབ་ཏུ་གདབ། །ཅེས་པས། ཐོག་མར་འཁོར་བའི་རང་བཞིན་རྣམ་པར་ཤེས་པའི་ཚོགས་བརྒྱད་ཀྱི་རྟེན་དང་བརྟེན་པ་གདབ་ཡུལ་དུ་བྱས་ནས། མི་དགེ་བཅུ་གནས་གྱུར་གྱི་ངོ་བོ་ཡེ་ཤེས་ཀྱི་ཁྲོ་བོ་བཅུའི་ཕུར་པས་གདབ་པ་ནི་འགྱིང་ཕུར་སོ་སོ་མ་ནོར་བར་སྡེག་པའི་རྒྱས་བཟུངས། ཧ྄྄྄ཱུྃ། བདག་ཅག་རྣལ་འབྱོར་སྒྲུབ་པ་པོ། །བྱང་ཆུབ་མཆོག་ཏུ་སེམས་


JLAZ009_Page_0479
[མ་དཔེ་གཟིགས་ན་འདིར་གནོན།]

བསྐྱེད་ཅིང༌། །དུས་གསུམ་རྒྱལ་བའི་གདུང་གསོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང༌། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོས་བྱིན་རླབས་ཀྱིས། །ཡུད་ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང༌། །ལུས་ངག་རྡུལ་དུ་བཤིག་ནས་ཀྱང༌། །སྡུག་བསྔལ་ཉམས་སུ་མྱོང་བར་མཛོད། །ཅེས་དང༌། མིག་གཡས་པ་ལ་རྣམ་པར་རྒྱལ་བ་གདབ་ཅིང༌། ཨོཾ་བཛྲ་ཀཱི་ལི་ཀཱི་ལ་ཡ་ཛ་ཧཱུཾ་བཾ་ཧོཿ ཧ་ན་ཧ་ན་བཛྲ་སརྦ་བིག་ནན་བཾ་ཧཱུཾ་ཕཊ། གཡོན་པ་ལ་དབྱུག་པ་སྔོན་པོ་གདབ་ཅིང་ཐོག་མཐའ་འདྲ། ད་ཧ་ད་ཧ་བཛྲ་སརྦ་བིག༴ དེས་མིག་གི་རྣམ་ཤེས་དང༌། དེའི་ཉེ་བར་ལེན་པ་ཚར་གཅོད་དོ། །རྣ་བ་གཡས་པ་ལ་གཤིན་རྗེ་གཤེད་པོ་གདབ་ཅིང༌། ཁོང་ཁྲ། པ་ཙ་པ་ཙ་བཛྲ༴ གཡོན་པ་ལ་མི་གཡོ་མགོན་པོ་གདབ་ཅིང༌། མ་ཐཱ་མ་ཐཱ་བཛྲ༴ དེས་རྣ་བའི་རྣམ་ཤེས་དང༌། དེའི་ཉེར་ལེན་བཅོམ། སྣ་བུག་གཡས་ལ་རྟ་མགྲིན་རྒྱལ་པོ་གདབ་ཅིང༌། ཛྭ་ལ་ཛྭ་ལ་བཛྲ༴ གཡོན་པ་གཞན་གྱིས་མི་ཐུབ་པ་ལ་གདབ་ཅིང༌། སུ་རུ་སུ་རུ་བཛྲ༴ དེས་སྣའི་རྣམ་ཤེས་དང༌། དེའི་ཉེར་ལེན་བཅོམ། ལྕེ་ལ་ཧཱུཾ་མཛད་གདབ་ཅིང༌། མུ་རུ་མུ་རུ་བཛྲ༴ དེས་ལྕེའི་རྣམ་ཤེས་ཀྱི་གཟུང་འཛིན་བཅོམ་མོ། །མགྲིན་པར་སྟོབས་པོ་ཆེ་བཏབ་ཅིང༌། ཀ་ཏཾ་ཀ་ཏེ༴ དེས་ཡིད་ཀྱི་རྣམ་ཤེས་ཀྱི་གཟུང་འཛིན་བཅོམ་མོ། །སྙིང་གར་ཁམས་གསུམ་རྣམ་རྒྱལ་བཏབ་ཅིང༌། ཛ་ཡེ་


JLAZ009_Page_0480
[མ་དཔེ་གཟིགས་ན་འདིར་གནོན།]

ཏ་བི་ཛ་ཡེ་ཏ༴ དེས་ཀུན་གཞིའི་རྣམ་པར་ཤེས་པ་བག་ལ་ཉལ་སྟོངས་པར་བྱེད་དོ། །ནུ་མ་གཉིས་ལ་བདུད་རྩི་འཁྱིལ་པས་གདབ་ཅིང༌། ཨ་ཙི་ཏེ་ཨ་པ་ར་ཙི་ཏེ༴ དེས་ཉོན་མོངས་པ་ཅན་གྱི་ཡིད་མ་རིག་པ་རྟེན་དང་བཅས་པའི་རྒྱུ་འབྲས་བཅོམ་པ་ལ་བསྒྲལ་བ་རྒྱུའི་གཙོ་བོར་བྱས་པ་ཞེས་བྱ་སྟེ། ཁྲོ་བཅུས་གཟིར་བ་བཅུས་སྦྱོང་བ། །ལུས་ཀྱི་གནས་བཅུར་གཟིར་ཞིང་སྦྱང༌། །ཞེས་སོ། །དེས་ཀུན་གཞི་ལ་ལས་མི་གསོག་པའི་ཐོབ་བྱ་འབྲས་བུའི་གོ་འཕང་ལ་སྦྱོར་བའང༌། རྣམ་ཤེས་ཚོགས་བརྒྱད་ལ་སོགས་པ། །བསྒྲལ་བ་གནས་སུ་དག་པའི་ཕྱིར། །རྣམ་རྒྱལ་ལ་སོགས་ཁྲོ་བོ་བཅུས། །རགས་པའི་དངོས་པོ་བཅོམ་ནས་ནི། །འཁོར་བ་བསྐྱེད་པའི་རྒྱུ་སྤངས་ནས། །ཡེ་ཤེས་ལྔ་ཡི་རང་བཞིན་དུ། །རྟོགས་པ་མཆོག་གི་བྱང་ཆུབ་ཉིད། །ཅེས་སོ། །འོ་ན་སྟོབས་པོ་ཆེ་ལ་སོགས་པ་གསུམ་དམ་ཅན་གྱི་སྔགས་སུ་འོང་བ་ཇི་ལྟར་ཡིན་སྙམ་ན། ལས་ཀྱི་སེམས་དཔའ་ཉོན་ཅིག །འཁོར་གང་ཡིན་པ་དེ་ཡང་ང་ཉིད་ཡིན་ཏེ། ང་གང་ཡིན་པ་དེ་འཁོར་རྣམས་ཡིན་པར་འགྱུར་རོ། །སོ་སོ་མ་ཡིན་ཐ་མི་དད་དོ། །ཞེས་པ་ལྟར་འདིར་རྩ་དུམ་ལྟར་བྱས་སོ། །སྤྱིར་ཁྲོ་བོ་བཅུ་ལ་རྩ་སྔགས་ལས་སྔགས་གཉིས་ལས་བཤད་མ་ཐག་པ་རྣམས་གཉེན་པོ་རང་བཞིན་གྱི་ལས་སྔགས་ཡིན་པས་རྡོ་རྗེ་ཁྲོས་པ་ལ་ཀྲོ་དྷ་ཀྲོ་དྷ་སོགས་གསུམ་པོའང་དངོས་བསྟན་ཡོད་དོ། །དེ་སྐད་དུ་རྒྱུད་ལས། དེ་བས་གཉེན་པོའི་སྔགས་འདི་ཡང་ཁྲོ་བོ་བཅུ་རྣམས་ཀྱི་ལས་སྔགས་ཡིན་པར་འགྱུར་རོ། །ཞེས་བཤད་དོ། །དེ་ནས་རྣམ་སྨིན་འདུས་པའི་ཕུང་པོ་ལུས་ཆགས་པའི་གནས་བཅུ་ཁམས་ལྔའི་ཉེར་ལེན་དང་བཅས་པ་གདབ་ཡུལ་དུ་བྱས་ནས། ཀློང་ལྔའི་རང་བཞིན་ཁྲོ་མོ་བཅུའི་


JLAZ009_Page_0481
[མ་དཔེ་གཟིགས་ན་འདིར་གནོན།]

ཕུར་པས་རྒྱུད་ཀྱི་གླིང་གཞི་དང་མཐུན་པར་གདབ་པའི་ཚུལ། བཅོམ་ལྡན་འདས་ཀྱི་ལྟེ་བ་དང༌། །ཐུགས་ཀ་དཔུང་པ་དཔྱི་མིག་དང༌། །གཙུག་ཏོར་གསང་བའི་ལམ་དང་ནི། །སྤྱི་བོ་རྐང་མཐིལ་གནས་རྣམས་ནས། །གསང་བའི་སྙིང་པོ་འདི་བྱུང་ངོ༌། །ཞེས་པས། ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷ་འམ་འོན་ཏེ་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་མཛོད། །ཅེས་བསྐུལ་ལ། རྡོ་རྗེ་སྙེམས་མའི་ཕུར་པ་ལྟེ་བར་བཏབ་ཅིང༌། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ པ་ར་བིག་ཏན་སརྦ་བིག་ནན་བཾ་ཧཱུཾ་ཕཊ། ཅེས་བཟླས་པས། ལུས་ཆགས་པའི་རྟེན་དང་བྲལ། མིང་གཟུགས་ཀྱི་ཉེར་ལེན་བཅོམ། མེའི་ཁམས་དག །རྒྱུད་དྲུག་གནས་སུ་དག་པ་དཔལ་ཆེན་པོའི་ངོ་བོར་གྱུར་པར་བསམ། སྡེར་མོས་སྙིང་གར་བཏབ་ལ། ཐོགས་མཐའ་འདྲ་བ་ལ། ཁོང་ཁྲ། ཚིནྡྷ་ཚིནྡྷ་བཟླས་པས། ལུས་རྒྱས་པའི་རྟེན་རྩ་དང་བྲལ། བརྟེན་པ་རླུང་སེམས་ཀྱི་རྒྱུན་གཅད། ནམ་མཁའི་ཁམས་དག །སྐྱེ་མཆེད་བཅུ་གཉིས་ཀྱི་རྩ་བ་གཅད། ཞེ་སྡང་དག་པས་དམྱལ་བའི་སྒོ་བཀག ། རྣམ་ཤེས་རྣམ་དག་རྡོ་རྗེ་སེམས་དཔར་གྱུར་པར་བསམ། རྡོ་རྗེ་དུར་ཁྲོད་མས་དཔུང་པ་གཡས་དང༌། གཏུན་ཁུང་མས་གཡོན་པ་བཏབ་ནས། བྷིནྡྷ་བྷིནྡྷ་བཟླས་པས། རྒ་ཤིའི་སྙིགས་མ་སྦྱངས། ཆུའི་ཁམས་དག །སེར་སྣ་སྟོངས་པས་ཡི་དྭགས་ཀྱི་སྒོ་བཀག །ཚོར་བ་རྣམ་པར་དག་པ་རིན་འབྱུང་གི་ངོ་བོར་བསམ་མོ། །རྡོ་རྗེ་གཏུམ་མོས་དཔྱི་


JLAZ009_Page_0482
[མ་དཔེ་གཟིགས་ན་འདིར་གནོན།]

གཡས་དང༌། མདའ་སྙེམས་མས་གཡོན་ལ་བཏབ་ནས། གྷྲྀ་ཧ་ན་གྷྲྀ་ཧ་ན་བཟླས་པས། ཕུང་པོ་ཐོགས་བཅས་ཀྱི་རྟེན་དང་བྲལ། རླུང་གི་ཁམས་དག །ཕྲག་དོག་སྟོངས་པས་ལྷ་མིན་གྱི་སྒོ་བཀག །འདུ་བྱེད་རྣམ་པར་དག་པ་དོན་གྲུབ་ཏུ་གྱུར་པར་བསམ། རླུང་འབྱིན་མས་གསང་རྩེར་གདབ། དེ་རྒྱུ་སེམས་ཅན་གྱི་དུས་ཡིན་པས་སོ། །ཧ་ན་ཧ་ན་བཟླས་པས། ཕུང་པོ་ཉིང་མཚམས་སྦྱོར་བ་བདག་འཛིན་གྱི་རྟེན་དང་བྲལ། སའི་ཁམས་དག །ཆོས་ཉིད་ཀྱི་དོན་ལ་རྨོངས་པའི་གཏི་མུག་དག །གཟུགས་མེད་དང་དུད་འགྲོའི་སྒོ་བཀག །གཟུགས་ཕུང་རྣམ་པར་དག་པ་རྣམ་པར་སྣང་མཛད་དུ་གྱུར་པར་བསམ། གསོད་བྱེད་མས་གསང་བར་བཏབ་ལ། བྷནྡྷ་བྷནྡྷ་བཟླས་པས། ཁམས་འདུས་པ་ཆ་མཉམ་པས་སྲེད་ལེན་དང་བྲལ། འདོད་པའི་འདོད་ཆགས་ལ་ཞེན་པས་འཁོར་བར་སྐྱེ་བའི་རྒྱུན་གཅད། ལྷ་མིའི་སྒོ་བཀག །འདུ་ཤེས་རྣམ་པར་དག་པ་སྣང་བ་མཐའ་ཡས་སུ་གྱུར་པར་བསམ། སྒྲ་འབྱིན་མས་སྤྱི་བོར་བཏབ་ལ། སརྦ་ཨ་ན་ཡ་བཟླས་པས། ལས་དགེ་བ་ལ་མངོན་པར་འདུ་བྱེད་པའི་བཟང་རྟོག་བཅོམ། སངས་རྒྱས་ལ་ཐོབ་ཏུ་རེ་བའི་བློ་དོར། འཁོར་བ་ལ་རྟག་པར་བལྟ་བའི་མཐའ་བསལ་ནས་རྡོ་རྗེ་གཞོན་ནུའི་ཐུགས་ཡང་དག་པའི་ཡེ་ཤེས་མངོན་སུམ་དུ་བྱས་པའོ། །སྐྱོད་བྱེད་མས་རྐང་མཐིལ་དུ་བཏབ་ནས། ཏ་ཐཱ་ཡ་ཏ་ཐཱ་ཡ་བཟླས་པས། མི་དགེ་བ་རང་རྒྱུད་དུ་སྤྱོད་པའི་རྣམ་རྟོག་བཅོམ། འཁོར་བར་འཁྱམས་ཀྱི་དོགས་པའི་བློ་དོར། མྱང་འདས་ལ་ཆད་པར་བལྟ་བའི་མཐའ་བསལ་ནས་དབྱིངས་


JLAZ009_Page_0483
[མ་དཔེ་གཟིགས་ན་འདིར་གནོན།]

དང་ཡེ་ཤེས་གཉིས་སུ་མེད་པའི་གོ་འཕང་ལ་བཞག་པའོ། །དེ་ལྟར་ཆགས་པའི་རྟེན་བརྒྱད་དང་སྟེང་འོག་གཉིས་སུ་བསྒྲལ་བ་རྒྱུའི་ལས་གཙོ་བོར་བྱས་པས་ལུས་ཆགས་པའི་རྒྱུ་འབྱུང་བ་ལྔ་བཅོམ་པས་རྣམ་སྨིན་འདུས་པའི་ལུས་རྟེན་མི་འགྲུབ་པའི་ཕྱིར་རོ། །དེས་དག་བྱ་ཉོན་མོངས་པ་ལྔ་དང༌། ལམ་རྒྱུད་ལྔའི་རྟེན་ཅིང་འབྲེལ་འབྱུང་གི་རྩ་བ་གཅོད་པས་ཐོབ་བྱ་འབྲས་བུའི་རང་བཞིན་རྟེན་ཡེ་ཤེས་ལྔ་དང་བརྟེན་པ་སྐུ་ལྔ་དབྱེར་མེད་ཀྱི་བདག་ཉིད་མངོན་སུམ་དུ་བྱས་པ་ལས་སངས་རྒྱས་ཞེས་ཚིག་བླ་དྭགས་སུ་བྱས་པ་སྟེ། རྩ་རྒྱུད་ལས། དང་པོ་སྲིད་པར་ལུས་གྲུབ་པ། །ལྟེ་བ་ཆགས་པའི་རྟེན་གྱུར་པ། །དངོས་པོ་གང་གིས་ཆགས་པ་ནི། །ལུས་ཀྱི་ཆགས་པའི་རྟེན་བརྒྱད་ལ། །དབྱིངས་ཀྱི་ཁྲོ་མོ་རྣམ་པ་བརྒྱད། །ཆགས་པ་འཇོམས་པའི་ཕུར་པ་གདབ། །དགེ་སྡིག་ལས་ཀྱི་ཆ་མཉམ་པས། །སྤྱི་བོ་རྐང་མཐིལ་རབ་བཏབ་པས། །དེ་ལྟར་བསྒྲལ་བའི་དགོས་པ་ནི། །ལམ་ལྔ་ལས་ཀྱི་རྒྱུད་ལྔ་ཡི། །འགྲོ་བ་ལྔ་སྦྱངས་རིགས་ལྔ་འགྲུབ། །ཅེས་སོ། །དེ་ནས་སྒོ་མ་བཞིའི་མངགས་ཕུར་མཚོ་བཞི་ལ་གདབ་པ་ནི། ཧཱུཾ། ཤར་ནས་ཞི་བའི་ཕྲིན་ལས་མཛད། །སྐྱེ་ཀའི་མགོ་ཅན་དུས་ལ་བབ། །དགྲ་བགེགས་ཀུན་གྱི་རུས་པའི་མཚོ། །ཀླད་པའི་རྒྱས་སུ་ཀཱི་ལ་ཡ། །ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ བི་ད་ཡ་བི་ད་ཡ་སརྦ་བིག་ནན་བཾ་ཧཱུཾ་ཕཊ། བྱམས་པ་ཚད་མེད་ཀྱི་ངོ་བོ་བྱ་ཕུར་བཏབ་པས་བརྫུས་སྐྱེས་དག །ཞི་


JLAZ009_Page_0484
[མ་དཔེ་གཟིགས་ན་འདིར་གནོན།]

བའི་ཕྲིན་ལས་མཐར་ཕྱིན་ནོ། །ཧཱུཾ། ལྷོ་ནས་རྒྱས་པའི་ཕྲིན་ལས་མཛད། །སྲིན་བྱའི་མགོ་ཅན་དུས་ལ་བབ། །དགྲ་བགེགས་ཀུན་གྱི་དབུགས་ཀྱི་མཚོ། །གློ་བའི་དཀྱིལ་དུ་ཀཱི་ལ་ཡ། །ཐོག་མཐའ་འགྲེ། ན་མཿས་མནྟ་ཧྲིང་ཧྲིང༌། སྙིང་རྗེ་ཚད་མེད་ཀྱི་ངོ་བོ་གསེར་ཕུར་བཏབ་པས་དྲོད་གཤེར་སྐྱེས་དག །རྒྱས་པའི་ཕྲིན་ལས་མཐར་ཕྱིན་ནོ། །ཧཱུཾ། ནུབ་ནས་དབང་གི་ཕྲིན་ལས་མཛད། །ཁྲ་ཡི་མགོ་ཅན་དུས་ལ་བབ། །དགྲ་བགེགས་ཀུན་གྱི་ཁྲག་གི་མཚོ། །མཆིན་པའི་དཀྱིལ་དུ་ཀཱི་ལ་ཡ། །སུ་རུ་སུ་རུ་པྲ་སུ་རུ། དགའ་བ་ཆེན་པོའི་ངོ་བོ་ཟངས་ཕུར་བཏབ་པས་སྒོ་ང་ལས་སྐྱེས་པ་དག །དབང་གི་ཕྲིན་ལས་མཐར་ཕྱིན་ནོ། །ཧཱུཾ། བྱང་ནས་དྲག་པོའི་ཕྲིན་ལས་མཛད། །པུ་ཤུད་མགོ་ཅན་དུས་ལ་བབ། །དགྲ་བགེགས་ཀུན་གྱི་ཤ་ཡི་མཚོ། །མཁལ་མ་གཉིས་ལ་ཀཱི་ལ་ཡ། །མཱ་ར་ཡ་མཱ་ར་ཡ། བཏང་སྙོམས་ཚད་མེད་ཀྱི་ངོ་བོ་ལྕགས་ཕུར་བཏབ་པས་མངལ་སྐྱེས་དག །དྲག་པོའི་ཕྲིན་ལས་མཐར་ཕྱིན་པ་སྟེ། ཀླད་པ་དབུགས་དང་མཆིན་པ་དང༌། །མཁལ་མར་བཅས་པའི་ལུས་གནད་ལ། །ཞེས་དང༌། མཚོ་བཞི་ཉོན་མོངས་རབ་དག་ནས། །དག་པའི་མཚོ་ནི་རབ་དག་སྟེ། །ཆོས་ཀྱི་དབྱིངས་སུ་རྣམ་པར་དག །ཅེས་སོ། །དེ་ནས་ཕུར་པ་དེ་དག་བཏབ་བཞིན་པ་ནས་


JLAZ009_Page_0485
[མ་དཔེ་གཟིགས་ན་འདིར་གནོན།]

ལས་ཀྱི་ལྷའི་སྔགས་རྒྱས་མནན་པའི་ཚུལ། རྒྱུད་ལས། ལག་པ་གཉིས་སོར་མོ་བསྣོལ་ཏེ། མཐེ་བོ་དང༌། མཐེ་ཆུང་གཉིས་ངོས་ལ་སྦྱར་བ་བརྒྱངས་ཏེ། གཞན་རྣམས་དྲང་པོར་བསྲང༌། ཨོཾ་ཀརྨཱ་བཛྲ་ཀྲོ་དྷ་ཧཱུཾ་ཕཊ་སྭཱ་ཧཱ། ལན་ཉི་ཤུ་རྩ་གཅིག་བཟླས་ལ། གཡས་ཕྱོགས་ནས་བསྐོར་ལ་ཀཱི་ལ་ཡའི་མགོ་ལ་ལན་གསུམ་གཏུག་གོ །དེ་ནས་ཕུར་པ་སླར་མི་དབྱུང་ཞིང༌། སུས་ཀྱང་མ་ཕྱིན་པར་སླར་མི་བྱུང༌། ལྷག་པར་ཡང་མ་ཕྱིན་པར་ལྷག་པར་ཡང་ཟུང་ཞིང༌། ཐར་ཕྱིན་པར་བསམ་མོ། །ཞེས་པ་ལྟར་དང༌། དེ་ལ་ཕུར་པ་ཐེབས་པའི་ཚད་ནི། བདག་དང་ཕུར་པ་གཟས་པོ་གསུམ། །གཅིག་ཏུ་རྟོགས་ན་ཐེབས་པའོ། །ཞེས་པའི་དོན་ལ་འབྱོར་བར་བྱའོ། །ཞར་ལ་གདབ་པའི་དུས་ཚོད་ལ་སྤྱི་དང་བྱེ་བྲག་གཉིས་ལས། སྔ་མ་ནི། དང་པོར་བསྒྲུབ་པར་ཁས་བླངས་ནས། །མ་ཐོན་བར་དུ་དུས་ཚོད་མིན། །འཛབ་གྲངས་ཉི་ཁྲི་བདུན་འབུམ་གདོན། །བཟླས་བརྗོད་ཉིན་མཚན་རྒྱུན་མི་གཅད། །ཆོ་ག་བཟླས་བརྗོད་ཚང་བྱས་ནས། །རབ་འབྲིང་ཐ་མའི་རྟགས་རྣམས་ཀུན། །དུས་དེར་མི་འབྱུང་མི་སྲིད་དོ། །བརྡེག་པའི་དུས་ཚོད་རབ་མཆོག་ཡིན། །ཞེས་པ་ལས་རབ་ནི་ཕུར་པ་བརྡེག་པའམ། འཕར་བ་ལ་སོགས་དང༌། སྤྱིར་བསྟན་པ་ནི། ཉམས་པ་ཁུག་དང་རི་དྭགས་གསད། །བླ་ཤིང་གཅད་དང་བྲག་གཤགས་དང༌། །སེམས་ཅན་མང་པོ་གསད་པ་སྟེ། །འདི་ནི་ཀུན་ལ་ཤེས་པར་བྱ། །ཞེས་པ་ལྟར་རོ། །ཕྱི་མ་ནི་རྟགས་དང་རྟེན་འབྲེལ་གྱི་ངོས་ནས་དུས་སྒྲིག་པའི་ཚུལ། རྟགས་དང་མཚན་མ་ཕྱིན་པ་དང༌། །


JLAZ009_Page_0486
[མ་དཔེ་གཟིགས་ན་འདིར་གནོན།]

བརྡེག་པའི་དུས་ལ་བབ་ཅེས་བྱ། །ནམ་གྱི་གུང་དང་ཉི་མ་དྲོས། །དེ་ལ་བརྡེག་པར་རབ་ཏུ་ཤིས། །ཞེས་དང༌། གནམ་སྟོང་དང་ནི་ཚེས་བརྒྱད་དང༌། །བཅོ་ལྔ་ཉི་ཤུ་གཉིས་ལ་བྱ། །མིག་དམར་ཕུར་བུ་གཟའ་རྣམས་དྲག །བརྡེག་པའི་དུས་ལ་བབ་པར་བྱ། །ཞེས་པ་ལྟར་རོ། །དེ་ལྟ་ནའང་ཕུར་བུ་འཇིག་རྟེན་སྣང་བྱེད་ལས་དབང་ཕྱུག་ཡབ་ཡུམ་གྱིས་སྐྱེ་འགྲོ་སྲང་ལ་འདེབས་ཤིང་བསྐུལ་བས་ཐེབས་པའི་དུས་དང་དེ་ལས་ལྡོག་པའི་དུས་གཉིས་ལས། ཐེབས་དུས་ནི། དཔྱིད་ར་བའི་བཅུ་བཞི་ལ་ཐེབས། བཅུ་བདུན་དང་བཅུ་དགུ་ལ་ལྡོག །དཔྱིད་འབྲིང་བཅུ་དྲུག་ལ་ཐེབས། གཅིག་དང་བརྒྱད་ལ་ལྡོག །ཐ་ཆུང་གི་ཉེར་གཉིས་ལ་ཐེབས། སྟོང་ལ་ལྡོག །དབྱར་ར་བའི་བརྒྱད་ལ་ཐེབས། གཉིས་དང་ལྔ་ལ་ལྡོག །འབྲིང་པོའི་བཅོ་ལྔ་ལ་ཐེབས། །བདུན་ལ་ལྡོག །ཐ་ཆུང་བཅུ་གཅིག་ལས་མི་བྱ། སྟོན་ར་བའི་ཉེར་གསུམ་ལ་ཐེབས། ཉེར་ལྔ་ལ་ལྡོག །སྟོན་འབྲིང་གི་བཅུ་བདུན་ནས་གནམ་སྟོང་བར་ཐེབས། གསུམ་ལ་ལྡོག །ཐ་ཆུང་གི་བརྒྱད་ནས་སྟོང་བར་ཐེབས། །གཉིས་པ་ལྡོག །དགུན་རའི་བཅུ་གསུམ་ནས་བཅུ་དྲུག་བར་ཐེབས། བརྒྱད་ལ་ལྡོག །འབྲིང་པོའི་ཉེར་གཉིས་ནས་སྟོང་བར་ཐེབས། ཉེར་དགུ་ལ་ལྡོག །ཐ་ཆུང་གི་ཉེར་གཉིས་ལ་ཐེབས། ཉེར་བདུན་ལ་ལྡོག །དེ་ལྟར་གདབ་ཕུར་ཉི་ཤུ་རྩ་ལྔས་རྣམ་པར་ཤེས་པའི་ཚོགས་བརྒྱད་དང༌། ཕུང་པོའི་རྟེན་འབྱུང་བ་ལྔ། སྐྱེ་བའི་གནས་རྣམ་པ་བཞི། དེ་དག་གི་ཉེ་བར་ལེན་པའི་གནད་གཅོད་པས་ན། གདབ་པར་


JLAZ009_Page_0487
[མ་དཔེ་གཟིགས་ན་འདིར་གནོན།]

བྱ་བའི་ཕུར་པ་ནི། །ཉི་ཤུ་རྩ་ལྔས་རྫོགས་པར་བྱེད། །ཅེས་སོ། །རྒྱུ་གང་གིས་ཞེ་ན་ཚིག་དོན་ཐམས་ཅད་ངེས་དོན་འབའ་ཞིག་ལ་སྟོན་པ། མྱ་ངན་ལས་འདས་པའི་རྒྱུད་ལས། ཁྲག་འཐུང་གཙོ་བོ་ཡབ་ཡུམ་གཉིས། །ཕྲིན་ལས་ཀུན་གྱི་མཛད་པ་ནི། །གདབ་པའི་ལས་ལ་མི་འཇུག་པར། །རྒྱལ་པོ་ཆེན་པོའི་ཚུལ་དུ་གནས། །ཐབས་ཀྱི་སྤྲུལ་པ་མགོ་བརྙན་རྣམས། །ཕྱོགས་བཅུར་ཕོ་ཉའི་ལས་རྣམས་ཀྱི། །འགུགས་པ་ལ་སོགས་བཀའ་སྡོད་ཚུལ། །སྒྲོལ་བྱེད་རྣམ་དག་མི་འགྱུར་བས། །ཡང་སྤྲུལ་ཕྲ་ཐབས་ཕུར་པ་ནི། །གནས་སུ་གདབ་པར་མ་བསྟན་ཏོ། །ཞེས་སོ། །དེ་ལྟ་ནའང་རྒྱུད་ཁ་ཅིག་ལས་ཕྲ་ཐབས་དང་དམ་ཅན་གྱི་མགྱོགས་ཕུར་འདེབས་པར་བཤད་པ་ནི་གབ་པའི་སྔགས་དྲུག་དང་འབྲེལ་བར་དམ་ཅན་རྣམས་ཀྱི་སྒོས་སྒྲུབ་ལ་སོགས་དམིགས་བསལ་ཅན་ལ་དགོངས་པ་སྟེ། གལ་ཏེ་སྒྲུབ་ཕུར་དང་གདབ་ཕུར་སོ་སོར་ནས་མ་ཚང་བའི་དུས་ཀྱང་གདབ་ཕུར་ནི་དཀྱིལ་འཁོར་ཡོངས་རྫོགས་ཀྱི་བདག་ཉིད་སྲས་ཕུར་ཁོ་ནས་བྱེད་པའི་ཚུལ་སྦས་པ་ཟབ་མོ་ལས། རྡོ་རྗེ་གཞོན་ནུ་ཁྲོ་བོ་བཅུ། །སྒྲུབ་ཕུར་དངོས་གྲུབ་ནོད་པའོ། །ཕྲ་མེན་སྲུང་མའི་ཕུར་པ་ནི། །སངས་རྒྱས་རྣམས་ཀྱི་ཕོ་ཉ་ཡིན། །དེས་ཀྱང་གདབ་པར་བྱ་བ་མིན། །སྐུ་གསུང་ཐུགས་ལས་བྱུང་བ་ཡི། །སྲས་མཆོག་ཀཱི་ལ་ཡ་གསུམ་ནི། །གདབ་པའི་ཕུར་པ་དམ་པ་སྟེ། །ཞེས་པས་གཞན་རྣམས་ལས་བསྒྲལ་བའི་རྣམ་དག་མི་རྫོགས་པ་བླ་མའི་མན་ངག་ལ་བརྟེན་ནས་རིག་པར་བྱ་སྟེ།


JLAZ009_Page_0488
[མ་དཔེ་གཟིགས་ན་འདིར་གནོན།]

དེ་སྐད་དུ། རྒྱུད་དཀྲུགས་ལུང་གཅུས་བྱེ་བྲག་རྣམས། །བླ་མའི་ཐུགས་ལ་རག་ལས་པས། །བླ་མ་མཉེས་ན་རིན་ཆེན་རྙེད། །རས་ཆོད་ཅན་ལ་རྒྱུད་ལུང་གཅུས། །ཞེས་སོ། །གསོད་པའི་ཐབས་ལ་རྔོན་པ་མཁས། །མངོན་སྤྱོད་ཀུན་ལ་ཡོད་མོད་དེ། །སྔགས་ཀྱི་སྒྲོལ་བ་ཚད་ཕྱིན་པ། །ཕུར་པའི་རྒྱུད་སྡེ་ཁོ་ནར་མཐོང༌། །རྗེས་ལ་གསོ་བ་གསུམ་གྱི་ལས་མི་ཤེས་ན། དངོས་གྲུབ་ཀྱི་ནུས་པ་ཉམས་པར་བྱེད་པས། ཐོག་མར་ཕུར་པ་གསོ་བ་ནི། རྒྱུད་ལས། བྷ་གའི་ཐིག་ལེ་དྲངས་ནས་ནི། །ཆུ་སྲིན་ཁ་རུ་ཐིམ་པར་བསམ། །བྷ་ག་རྒྱུན་གྱི་ཐིག་ལེ་དག །ཟླ་བའི་དཀྱིལ་འཁོར་སྟེང་གནས་པའི། །ཐིག་ལེ་གཟི་བརྗིད་ཆེན་པོར་གྱུར། །འོད་ཟེར་སྤྲིན་ཕུང་རྣམ་པར་འཁྲུགས། །གཟི་བརྗིད་ཆེན་པོས་བརྟན་པར་བཞུགས། །ཕུར་པ་གསོ་བའི་མཚན་ཉིད་དོ། །ཞེས་གདབ་ཡུལ་རྣམ་ཐར་གསུམ་ལྡན་གྱི་ཡུམ་མཁར་བྱང་ཆུབ་སེམས་ཀྱི་ཕུར་བུ་ལུག་ལྡོག་ཆེན་པོར་གདབ་པས་བསྒྲལ་བྱའི་རྣམ་ཤེས་སྐྱེ་བ་མེད་པའི་དབྱིངས་སུ་སྦྱོར་བའི་སྦས་དོན་གྱི་མཚན་ཉིད་རིག་པར་བྱས་ནས་རྣམ་པ་ཙམ་དུ་ཕུར་པ་བཏོན་ལ་ཀླད་ལ་བསྐོར། ཀཱི་ལ་བཅོ་བརྒྱད་ངེས་པ་ཡིན། །ཁྲོ་བོར་གསལ་བ་ཉི་ཟླར་བཅས། །ཐམས་ཅད་ཕུར་པའི་རྒྱན་གྱུར་པས། །འདི་ནི་ཕུར་པ་གསོ་བའོ། །ཞེས་པས་ཐོག་མར་སྲས་མཆོག་གི་ཕུར་པ་ཉ་བོ་ལས་ཕྱུང་ལ། སྣང་སྲིད་ཐམས་ཅད་རྡོ་རྗེ་གཞོན་ནུའི་སྐུ་འབའ་ཞིག་ཏུ་གསལ་བའི་རྒྱན་དུ་ཉི་ཟླ་གཟའ་སྐར་འོད་བཀྲག་ཏུ་འཚེར་བ་དེ་ཡང་འོད་དུ་ཞུ་ནས་བསྙེན་ཕུར་ལ་ཐིམ་པས་སྔར་


JLAZ009_Page_0489
[མ་དཔེ་གཟིགས་ན་འདིར་གནོན།]

བས་གཟི་བྱིན་མཆོག་ཏུ་འབར་བར་བསམ་ལ་རྩ་སྔགས་བརྒྱ་རྩ་བརྒྱད་བཟླ་ཞིང་ཕུར་པ་ཀླད་ལ་ལན་གསུམ་བསྐོར་རོ། །བར་དུ་བསྒྲལ་བ་རང་བརྒྱུད་པ་སྤང་ཕྱིར་ཐུགས་རྗེས་བསྒྲལ་བྱ་གསོ་བ་ནི། པདྨའི་ཐིག་ལེ་དྲངས་ནས་ནི། །བསྒྲུབ་བྱའི་ལྟེ་བའི་དབུས་སུ་བསྣུན། །བསྒྲུབ་བྱ་གསོ་བའི་མཚན་ཉིད་དོ། །ཞེས་པའི་དོན་ལའང་མཚོན་པ་ཙམ་དུ་ལས་ཐམས་ཅད་པའི་ཕུར་པ་དཀར་ནག་མཚམས་སུ་དྲིལ་ཞིང༌། ཀཱི་ལ་ཡ་ལན་བཅོ་བརྒྱད་བཟླས་པའི་ཕུར་པ་ལས་བྱུང་བའི་འོད་ཟེར་གྱིས་དམིགས་བྱའི་ཁམས་བཅོ་བརྒྱད་སྲེད་ལེན་སྐད་ཅིག་ལ་བསྲེགས་ནས། ཧཱུཾ་ཧཱུཾ་ཧཱུཾ་ཞེས་བརྗོད་པས་རྣམ་ཤེས་ཀྱི་ངོ་བོ་ཡི་གེ་གསུམ་དུ་བསྡུས། ཕཊ་ཕཊ་ཕཊ། ཅེས་བརྗོད་པས་དེ་ཡང་འོག་མིན་དུ་དཔལ་ཆེན་ཡབ་ཡུམ་གྱི་སྦྱོར་མཚམས་སུ་འཕངས་པས་གཟས་པ་པོ་རྡོ་རྗེ་གཞོན་ནུའི་མཚན་དཔེའི་ངོ་བོ་ཉིད་དུ་སངས་རྒྱས་པར་བསམ་པ་སྟེ། དེ་ལྟར་གནས་གསུམ་སྤར་བ་ཡིས། །ཁོ་ཡང་མི་འཕམ་རྒྱལ་ངོ་ཤེས། །ཞེས་སོ། །ཐ་མལ་མངོན་སྤྱོད་ཀྱི་དགོངས་པ་མཐར་ཕྱིན་པའི་དོན་དུ་བདག་ཉིད་ཀྱི་ནུས་པ་གསོ་བ་ནི། ཉོན་ཅིག་ལྷ་མོ་རིན་ཆེན་མ། །དབུས་ཀྱི་ཐིག་ལེ་དྲངས་ནས་ནི། །འབར་བའི་དབྱིངས་སུ་ཐིམ་པ་ཡིས། །རོ་མྱོང་བདེ་བའི་གཟུགས་ཅན་ཉིད། །བདག་ཉིད་གསོ་བར་གསུངས་པའོ། །ཞེས་བདེ་ཆེན་ལྷན་ ཅིག་སྐྱེས་པའི་ཡེ་ཤེས་ལ་བརྟེན་ནས་རང་གི་ངོ་བོ་ཉིད་དུ་གསོ་བ་ཉིད་ཀྱང༌། ཕྱི་དོན་དུ་གཟས་པ་པོའི་ལུས་ཀྱི་སྟོབས་དང༌། སེམས་ཀྱི་རྣམ་རིག་དང༌། ངག་གི་ནུས་པ་ཐམས་ཅད་བདག་ལ་ཐིམ་པས་བདག་ཉིད་གཟི་བྱིན་མཆོག་ཏུ་འབར་བར་བསམ་པའི་ཚུལ།


JLAZ009_Page_0490
[མ་དཔེ་གཟིགས་ན་འདིར་གནོན།]

བྱང་ཆུབ་རྣམ་གསུམ་བདག་བསྟིམས་པས། །བདག་ཉིད་བཀྲག་མདངས་བསྐྱེད་པ་སྟེ། །སྔགས་བཅས་བདག་ཉིད་གསོ་བའོ། །ཞེས་པས་ཀཱི་ལ་ལན་ཉི་ཤུ་རྩ་གཅིག་དང༌། ཧཱུཾ་ཧཱུཾ་ཧཱུཾ་ཞེས་ལན་ཉི་ཤུ་རྩ་གཅིག་བཟླའོ། །དེ་ལྟར་གསོ་བ་གསུམ་གྱི་མཚན་ཉིད་ཤེས་ན་ཆོས་ཉིད་ལ་རང་བཞིན་མེད་པར་རྟོགས་པས་ཞེ་སྡང་རང་རྒྱུད་པར་མི་འཆར། མ་རིག་པའི་གཞན་དབང་གིས་རྣམ་པ་ཐམས་ཅད་དུ་ངན་སོང་གི་རྒྱུར་གྱུར་པའི་དམིགས་བྱ་ལ་གཞི་སྙིང་རྗེས་གཟུང་སྟེ་ཐབས་ལ་མཁས་པའི་བསྒྲལ་བས་བདག་ལ་རྣམ་སྨིན་གྱིས་མི་གོས། ཕ་རོལ་པོའང་རབ་ཆོས་ཉིད་རྟོགས་པ་རྣམས་ཀྱིས་འཁོར་བའི་སྡུག་བསྔལ་གྱི་རྩ་བ་འབྱིན། འབྲིང་དངོས་གྲུབ་ཀྱི་མཚན་མ་མཐོང་བས་ལས་ངན་གྱི་རྟེན་དང་ཕྲལ་བས་ཕྱི་རྟེན་བཟང་པོ་ལ་སྦྱོར། ཐ་མས་ཀྱང་སྔགས་རྒྱ་ཏིང་ངེ་འཛིན་གྱི་སྒོ་ནས་ལས་ངན་གྱི་རྒྱུད་གཅོད་པས་སྔགས་ཀྱི་ལམ་དུ་དྲག་ཤུལ་གྱི་སྦྱོར་བ་ལ་བསྒྲལ་བའི་དམ་པ་ཞེས་གསུངས་ཏེ། བསྒྲལ་བ་སྙིང་རྗེའི་དབང་གིས་ཏེ། །སེམས་ཀྱིས་སྐུ་རུ་རབ་བསྒྱུར་ནས། །བྱང་ཆུབ་སེམས་ཀྱི་བསྒྲལ་བས་ཏེ། །འདི་ནི་བསྒྲལ་བའི་དམ་པ་ཡིན། །ཞེས་སོ། །གསུམ་པ་བསྒྲལ་བའི་ཕུང་པོ་ལྷག་མ་ལ་སྒྲོལ་བྱེད་མཚོན་ཆས་དུམ་བུར་བྱ་བ་ནི། དཔལ་ཆེན་པོའི་ཏིང་ངེ་འཛིན་གྱི་ངང་ལས་གདབ་ཕུར་ཉི་ཤུ་རྩ་བཞི་པོ་གཟིར་བཞིན་པ་ལ། གསད་གྲིས་ཉ་བོ་གཏུབ་ཅིང༌། ཧཱུཾ། ཞིང་བཅུ་བསྒྲལ་བའི་ཕུང་པོ་ལ། །ཕོ་ཉ་རོལ་བའི་ལས་བྱ་ཡིས། །དམ་ཚིག་ཆེན་པོའི་དུས་ལ་བབ། །རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ལས། །མཚོན་ཆེན་སྔོན་པོ་འབར་བ་ཡིས། །ཀླད་པ་ཚལ་པ་བརྒྱ་རུ་ཁོས། །


JLAZ009_Page_0491
[མ་དཔེ་གཟིགས་ན་འདིར་གནོན།]

ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཅེས་དང༌། ལས་བྱེད་ཕོ་ཉའི་ཚོགས་ཀྱིས་མཚོན་ཆ་འཁོར་ལོ་དང༌། རྡོ་རྗེའི་ཚྭ་ཚྭ་དང༌། ཐོ་བ་དང༌། ཕུར་བུ་དང༌། རལ་གྲི་དང༌། རྩེ་གསུམ་ལ་སོགས་པའི་ཆར་ཕབ་པས་ལུས་དུམ་བུ་སྟོང་དུ་འཐོར་བར་བསམས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ མ་ཐཱ་མ་ཐཱ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། སརྦ་བིག་ནན་བཾ་ཧཱུཾ་ཕཊ། དེ་ནས་ཕུར་བུ་རྣམས་བཏོན་ལ་མདུན་དུ་ཕུར་གདན་ལ་བཞུགས་སུ་གསོལ། བཞི་པ་ཕུང་པོ་མཐར་བྱེད་ཐུན་དབབ་པའི་ལས་ནི། ཉུང་དཀར། ཉུང་ནག །སྐྱེ་ཚེ། ཏིལ། ཤང་ཚེ་ལྔ་དང༌། བཙན་དུག །ར་དུག །སྤྱང་དུག །ཐང་ཕྲོམ་བཞི་དང༌། ལྕགས་ཕྱེ། ཟངས་ཕྱེ། རྡོ་ཕྱེ་གསུམ། མི་ཁྲག །རྟ་ཁྲག །ཕག་ཁྲག་ལ་སོགས་པའི་ཁྲག་ཐུན་སྣ་ཚོགས་དབབ་ཅིང༌། ཧཱུཾ། བྲན་དང་བཀའ་ཉན་ཕོ་ཉའི་ཚོགས། །ཁྱོད་ཀྱི་དམ་ཚིག་དུས་ལ་བབ། །སྔོན་ཆད་ཇི་ལྟར་དམ་བཅས་བཞིན། །ཕྱི་རབས་རྣལ་འབྱོར་ཕྲིན་ལས་དང༌། །བསྟན་པར་དགྲ་འདྲེ་བྱུང་བའི་ཚེ། །ཤྭ་ན་མུ་ཁའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ས་བདག་ཆེན་མོ་དུས་ལ་བབ། །དྲེགས་པ་མང་པོའི་དུས་ལ་བབ། །ཁྱོད་ཀྱི་མཐུ་རྩལ་རབ་ཏུ་དབྱུང༌། །སངས་རྒྱས་བསྟན་པ་བཤིག་པ་དང༌། །དཀོན་མཆོག་


JLAZ009_Page_0492
[མ་དཔེ་གཟིགས་ན་འདིར་གནོན།]

སྐུ་དགྲ་དབེན་རྩ་འཇོམས། །ཆོས་ཁྲིམས་འདྲལ་དང་སློབ་དཔོན་དགྲ། །རྣལ་འབྱོར་འཇོམས་པ་ལ་སོགས་པ། །བསད་དང་དབབ་དང་ནད་ངན་གྱིས། །ཇི་ནས་བརླག་པར་ཁྱོད་ཀྱིས་གྱིས། །ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཀ་ཏཾ་ཀ་ཏེ། ཛ་ཡེ་ཏ་བི་ཛ་ཡེ་ཏ། ཨ་ཙི་ཏེ། ཨ་པ་ར་ཙི་ཏེ། མ་ར་སྱཻ་ན་པྲ་མརྟ་ནི་ཡེ་ཧཱུཾ། མ་མ་པ་ཤི་ཀུ་རུ་མ་ཏཾ་ཉ་ཀ་ར་ཨི་ནན་དྷ་ཏི་མ་མ་ཀརྨ་ཤི་ཀྲཾ་ཀ་ར་ཡ་སརྦ་བིག་ནན་བཾ་ཧཱུཾ་ཕཊ། ཅེས་བརྗོད་པས་ཕུང་པོ་ལྷག་མ་རྣམས་ཀྱང་རུལ་མྱགས་བྱེར་ནས་རྡུལ་ཕྲ་རབ་ཏུ་འཐོར་བར་བསམ་མོ། །ལྔ་པ་གཏུན་དུ་བརྡུང་བ་ནི། ཤེས་རབ་རྣམས་ཀྱི་གསང་བའི་གཏུན་ཁུང་དུ། ཐབས་མཆོག་རྣམས་ཀྱི་རིག་པ་ཡེ་ཤེས་ཀྱི་རྡོ་རྗེ་ཐོ་བས་གཟས་པ་པོའི་བག་ཆགས་དང་དངོས་པོར་འཛིན་པའི་རྣམ་རྟོག་ཐམས་ཅད་ཕྱེ་མར་འཐག་པའི་བྱེད་ལས་ཀྱིས་ཕུང་པོའི་ཟག་པ་དངོས་མེད་བདེ་སྟོང་ཆེན་པོའི་ཆོས་ཉིད་དུ་རྟོགས་པའི་སྦྱོར་སྒྲོལ་ཟུང་འཇུག་གི་དོན་རྟོགས་པར་བྱས་ནས། ཧཱུཾ། རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་སྲེག་ནས། །ལུས་ངག་རྡུལ་ཕྲན་བཞིན་དུ་ལྷོགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བརླག་པར་འགྱུར། །ཁ་ཐཾ་ཁ་ཐཾ། ཉི་ཤུ་རྩ་གཅིག་བརྗོད་པ་དང་དེའི་ཕྱག་རྒྱ་བཅིང་བ་སྤེལ་ལོ། །དྲུག་པ་ཞལ་དུ་བསྟབ་པ་ནི། སྣོད་བཅུད་ཀྱི་དངོས་པོ་


JLAZ009_Page_0493
[མ་དཔེ་གཟིགས་ན་འདིར་གནོན།]

ཐམས་ཅད་དཔལ་ཆེན་རྡོ་རྗེ་གཞོན་ནུའི་སྐུ་ཆེ་ཞིང་ཡན་ལག་རགས་པ་གདུག་པ་ཅན་ཟིལ་གྱིས་གནོན་པའི་རྒྱན་བཀོད་ཀྱི་ཆེ་བ་དང༌། གསུང་འཇིགས་པའི་སྒྲ་དབྱངས་ཀྱིས་རི་རབ་ཀྱང་ཐལ་བར་རློག་པའི་གད་རྒྱངས་ཀྱིས་ཆེ་བ་དང༌། ཐུགས་ཞི་བ་ཆེན་པོ་ལས་མ་གཡོས་བཞིན་དུ་དྲག་ཤུལ་ཁྲོ་གཏུམ་འབར་བས་དམིགས་བྱ་ཚར་གཅོད་པ་ལ་དཔའ་ཞིང་རྔམ་པའི་ཞལ་དུ་ཞིང་བཅུའི་དགྲ་བགེགས་ཀྱི་ཤ་ཁྲག་ཁ་རྗེ་དབང་ཐང་དང་བཅས་པ་བསྟབ་པར་བསམ་ལ། ཧཱུཾ། བདག་ཉིད་ཆེན་པོའི་དུས་ལ་བབ། །ཁྱེད་ཀྱི་དམ་ཚིག་དུས་ལ་བབ། །ང་ཡི་དབང་དུ་གྱུར་ནས་ཀྱང༌། །བསྒོ་བའི་བཀའ་ནི་ཉན་པར་བྱོས། །ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་བཛྲ་ཡཀྴ་ཀྲོ་དྷ་ཁཱ་ཧི་ཁཱ་ཧི། ཧ་ཧ་ཧ། ཞེས་དང༌། དམ་ཅན་སྤྱི་དྲིལ་ལ་སྟོབ་པ། ཤུ་ཤུ་ཚལ་པ་ནི་ཐུམ་ཐུམ། ཨ་ནྲྀ་ཏྲི་མ་ར་སྣ། བཛྲ་བཛྲ་ཐུམ་ཐུམ། ནཱ་ག་རཀྴ་མཱ་ར་ཡ་ཐུམ་ཚལ་པ་ཐུམ་རིལ་ཁཱ་ཧི། ཞེས་པའི་མཐར། ཆོས་ཉིད་ཀྱི་བདེན་པའོ། །གསང་སྔགས་ཀྱི་བྱིན་རླབས་སོ། །སངས་རྒྱས་ཀྱི་མཐུའོ། །ཨ་བྷི་ཙརྱའི་དུས་ལ་བབ་བོ། །བརྣག་པ་དེ་ཁོ་ན་ལའོ། །ཞེས་བདེན་པའི་སྟོབས་ཀྱི་དམོད་པ་དང༌། བསམ་བྱའི་ངོས་ནས། ཧཱུཾ་གསུམ་གྱིས་དམིགས་བྱ་ལ་སྙིང་རྗེ་ཆེན་པོས་ཁོའི་བརྟེན་པ་སེམས་ཀྱི་ངོ་བོ་


JLAZ009_Page_0494
[མ་དཔེ་གཟིགས་ན་འདིར་གནོན།]

ཐུགས་ཀྱི་ས་བོན་དུ་བསྡུས། ཕཊ་གསུམ་གྱིས་ཁྲོ་རྒྱལ་རྣམས་ཀྱི་ལྗགས་ལས་འོད་ཟེར་ལྕགས་ཀྱུ་ལྟ་བུ་སྤྲོས་པས་རྟེན་རྣམ་སྨིན་གྱི་ཕུང་པོ་བཀུག་ནས་རང་རང་གི་ཞལ་དུ་བསྟབ། ཁཱ་ཧིའི་མཐའ་ཅན་གྱི་སྒྲས་ལྷག་མ་མེད་པར་གསོལ། ཧ་གསུམ་གྱིས་དགྱེས་པའི་གད་མོ་དང་བཅས་བསྒྲལ་བྱ་སྒྲོལ་བྱེད་ཀྱི་གཉིས་འཛིན་རང་བཞིན་མ་གྲུབ་པའི་ངང་ལ་མཉམ་པར་བཞག་གོ །དེ་ནས་གདབ་ཕུར་ཉེར་བཞི་གསོ་བ་ནི། ཕུར་པ་སོ་སོའི་མཚན་བྱང་དང་མཐུན་པའི་ལྷ་དངོས་སུ་སྐད་ཅིག་གིས་གསལ་ལ། ཧཱུཾ། སྲིད་པ་ཕུར་བུར་སྒྲུབ་པ་དང༌། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང༌། །རྟགས་དང་མཚན་མ་སྟོན་པ་དང༌། །ཀཱི་ལ་ཡ་ཡི་དངོས་གྲུབ་སྩོལ། །ཞེས་པས་ཡེ་ཤེས་པ་སྤྱན་དྲངས་ལ་བསྟིམ། ཨོཾ་ཨཱཿཧཱུཾ་གིས་སྐུ་གསུང་ཐུགས་སུ་བྱིན་གྱིས་རློབས། ཨོཾ་ཧཱུཾ་སྭཱ་ཨཱཾ་ཧཱ། ཞེས་པས་རིགས་ལྔའི་རང་བཞིན་དུ་དབང་བསྐུར། ཧཱུཾ། ཐབས་ཀྱི་སྤྱོད་པས་གཞན་དོན་དུ། །བྱམས་དང་སྙིང་རྗེས་གང་འདུལ་བ། །སངས་རྒྱས་ཕྲིན་ལས་རྫོགས་མཛད་པའི། །དབང་དང་བྱིན་རླབས་འདིར་སྩལ་ཏོ། །ཤློ་ལོ་ཀས་ངེས་ཤེས་བསྐྱེད། བྱུག་བདུག་བྲབ་གསུམ་བྱས་ལ་ལྷ་གནས་སུ་དགོད་པ་ཡན་ཆད་ནི་ཐུན་གཅིག་གི་ངེས་པ་སྟེ། དེ་ལྟ་བུས་ཐུན་བཞིར་ངན་སྔགས་ཉེ་བར་བསྙེན་པའི་ཚུལ་ནི། རྩ་བ་དཀྱུས་ལྟར་བཤད་ཀྱང་དཀྱུས་ཁོང་ཁྲར་བཏང་བ་སྟེ་ཕུར་ཚད་ལ་མ་གྲགས་པའི་མན་ངག་ཁྱད་པར་ཅན་ཡིན་པའི་ཚུལ། སྔགས་དྲུག་ཁོང་ཁྲར་གཏང་བ་ལ། །ལས་དྲུག་ཀུན་གྱི་མགོ་ལ་སྦྱར། །ལས་


JLAZ009_Page_0495
[མ་དཔེ་གཟིགས་ན་འདིར་གནོན།]

དྲུག་ཀུན་གྱི་ཞབས་ལ་གདགས། །ལྔ་པ་ཁོང་ཁྲར་གཏང་བའི་ལས། །དང་པོ་ལྷ་དང་ཕྲལ་བ་ནས། །ལས་བཞི་ཀུན་གྱི་མགོ་ལ་གདོན། །དྲུག་ཚན་དྲུག་གི་སྔོན་འགྲོ་ཡིན། །ལས་དྲུག་ཀུན་གྱི་རྗེས་སུ་སྦྱར། །ཞབས་སུ་གདགས་པའི་མན་ངག་ཡིན། །ལྔ་པ་ཁོང་ཁྲར་གཏང་བ་ནི། །གདབ་ལས་རྫོགས་པའི་དངོས་གཞི་ཡིན། །དང་པོ་ནས་བཟུང་དྲུག་པའི་བར། །ཐུན་བཞིར་སྦྱོར་བའི་རིམ་པ་ལས། །དྲག་པོའི་ལས་དྲུག་རབ་ཏུ་འབད། །དེ་ནས་སོ་སོའི་གསང་སྔགས་ལ། །ཤིན་ཏུ་གསང་སྔགས་དེ་བཟླས་སོ། །ཞེས་པའི་མན་ངག་འདི་བསྟན་པ་ཕྱི་དར་གྱི་སྒང་ནས་སློང་ཤེས་པ་ཙམ་མི་སྣང་ངོ༌། །དེ་ལྟར་ཤེས་ན་གཏུན་དུ་བརྡུང་བའི་སྔ་རོལ་པ། ལས་བཞི་པོའི་ཕྱི་རོལ་པ་སྟེ་ལྔ་པར་འོང་བ་དེ་ཕུར་བུའི་གདབ་ལས་ཀྱི་ཁོང་ཁྲར་གཏང་བས། ཞག་དྲུག་གིས་ལས་ལ་ཕུར་པའི་གདབ་ལས་དྲུག་བརྒྱ་འབྱུང་སྟེ། འཇིག་རྟེན་སྣང་བྱེད་ལས། མཚོན་ཆའི་དབལ་ནི་བསྐྱེད་པའི་ཕྱིར། །བྱུག་བདུག་བརྡེག་པ་ཡང་ཡང་བྱ། །ཕུང་པོ་ལྔ་ལ་བརྒྱ་རྩ་བརྒྱད། །ཁམས་དང་སྐྱེ་མཆེད་དེ་བཞིན་ཏེ། །ཉིས་འགྱུར་ཉིས་འགྱུར་གདབ་པར་བྱ། ། ཞེས་སོ། །དེ་བཞིན་དུ་མཚོན་དང༌། ཐུན་དབབ། བརྡུང་བ་གསུམ་སོ་སོ་ནས་ཉི་ཤུ་རྩ་བཞིས་ངན་སྔགས་ཀྱི་གཞུང་སྲོང་བ་རྩ་བའི་རྒྱུད་ཀྱི་དགོངས་པ་ཐུན་མོང་མ་ཡིན་པའི་ཚུལ་ལེའུ་བཅུ་པ་ལས། དགོངས་པ་ལྡན་པའི་རྣལ་འབྱོར་པས། །ཉིན་མཚན་བཅུ་གཉིས་དུས་དག་ལ། །བརྒྱ་དྲུག་ཕུར་པའི་གདབ་ལས་ཀྱིས། །གསད་པ་ཡོངས་སུ་རྫོགས་པ་ཡིན། །ཕྲིན་ལས་ཀུན་གྱི་གཙོ་བོ་ཉིད། །གསང་ཆེན་རྨད་དུ་བྱུང་བ་ལ། །འཇིགས་པར་བྱེད་པའི་སྐྱེ་བོ་གང༌། །དྲག་པོའི་ལས་ཀྱིས་བསྒྲལ་བར་བྱ། །གཟུགས་ལ་མཚོན་གྱིས་གཏུབ་བྱ་ཞིང༌། །ཕུང་


JLAZ009_Page_0496
[མ་དཔེ་གཟིགས་ན་འདིར་གནོན།]

པོ་མཐའ་བྱེད་ཐུན་གྱི་ལས། །རྣམ་པར་སྒྲོལ་བ་སྦྱོང་བའི་ཐབས། །ཡབ་ཡུམ་འཁྲིལ་སྦྱོར་དགྱེས་པ་ནི། །ཕུང་པོ་བདེ་ཆེན་དབྱིངས་སུ་གྲོལ། །རང་བཞིན་མ་བཅོས་བྱང་ཆུབ་སེམས། །རྣམ་པར་སྦྱོང་བྱེད་རྡོ་རྗེ་ཉིད། །བསྒྲལ་བས་བདེ་བ་ཆེན་པོར་འགྲུབ། །ཅེས་སོ། །དེ་ལྟ་བུའི་བསད་ལས་ཀྱི་ཆོ་ག་རྫོགས་པས་ནི་རྡོ་རྗེའི་སྐུ་ཐོབ་པ་ཡང་འཇིག་པར་བྱེད་ན། ཞིང་བཅུ་ལ་སོགས་པའི་དགྲ་བགེགས་རྣམས་ནི་སྨོས་ཅི་དགོས་ཏེ། ཆོ་ག་ལས་ཀྱི་མཐར་བྱས་པ། །བརྣག་པ་ལས་ཀྱི་སྦྱོར་བ་འདིས། །རྡོ་རྗེའི་སྐུ་ཡང་རབ་འཇིག་ན། །སྐྱེ་འགྲོ་གཟུགས་ཅན་སྨོས་ཅི་དགོས། །ཞེས་སོ། །གསུམ་པ་རྗེས་ཀྱི་རིམ་པ་ལ་གཉིས། དངོས་གྲུབ་བླང་བ་དང༌། ལས་གསུམ་གྱིས་མཇུག་སྡུད་པའོ། །དང་པོ་ནི། བསྙེན་པ་རྣམ་པ་གསུམ་མཐར་ཕྱིན་ནས་དངོས་གྲུབ་བླང་བའི་ཚུལ་གཉིས་ལས། སྐབས་འདིར་བསྒྲལ་བ་གནས་སུ་དག་པའི་ཚུལ་གྱིས་ཐོག་མར་དགྲ་བགེགས་གཉིས་ལས་དངོས་གྲུབ་ཀྱི་བཅུད་བླང་བ་རྩ་རྒྱུད་ཀྱི་དགོངས་པ་ཡིན་ཏེ། སྒྲུབ་པ་ཆེན་པོ་ཐོན་གྱུར་ནས། །བདག་གི་ནུས་པ་བསྟན་པའི་ཕྱིར། །དམིགས་ནས་ཕུར་པ་གདབ་བྱེད་པ། །དངོས་གྲུབ་ལ་དབང་རྒྱལ་པོར་འགྱུར། །ཞེས་པས། ཉིན་བདུན་པ་ལ་རཱུ་པ་གསར་དུ་བཅས་ལ། ཡེ་ཤེས་ཀྱི་ལྷ་ཉེར་བར་བསྙེན་པ་དང༌། དམ་ཅན་ཉེ་བར་བསྙེན་པའི་བཟླས་ཐབས་སྔོན་དུ་བཏང་ནས། དྲག་པོའི་ཕྲིན་ལས་དུས་གཅིག་ལ་སྨིན་པའི་ཕྱིར་ངན་སྔགས་ཉེ་བར་བསྙེན་པ་སྔགས་དྲུག་སུར་ཕུག་ཏུ་བསྟན་པའི་གདབ་ལས་ཁོང་ཁྲ་ཅན་ཅིག་ཅར་དུ་བྱས་ནས་བཏབ་པའི་བར་ཚང་བར་བྱེད་པ་ནི། སྤོགས་པའི་ཆོ་ག་ཡང་ཡིན་ལ། བསྒྲུབ་པ་ཆེན་པོ་ཡང་ཡིན། དངོས་གྲུབ་བསྒྲུབ་པའི་ལས་ཆོག་ཀྱང་ཡིན་ནོ། །གཉིས་པ་ནི། མཚན་མ་མཐོང་བའི་སྒྲུབ་པ་པོས། །དངོས་གྲུབ་


JLAZ009_Page_0497
[མ་དཔེ་གཟིགས་ན་འདིར་གནོན།]

རྫས་དང་དཀྱིལ་འཁོར་གྱི། །ལྷ་རྣམས་སྐུ་གསུམ་རང་བཞིན་གྱིས། །བདག་ལ་རབ་ཏུ་བསྟིམ་གྱུར་ན། །དངོས་གྲུབ་བཅུད་ཀྱི་དམ་པ་ནི། །ཕྱག་རྒྱ་ཆེན་པོ་ཐོབ་པར་འགྱུར། །ཞེས་པས་བསྒྲུབ་པ་མཐར་ཕྱིན་པའི་ཚུལ་གྱིས་ཡེ་ཤེས་ཀྱི་ལྷ་ལ་དངོས་གྲུབ་བླང་བ་ནི་སྒྲུབ་པ་པོ་རྣམས་རྒྱན་གོས་བཟང་པོར་བྱ། ཚོགས་དང་གཏོར་མ་རྒྱ་ཆེན་པོས་ཚེ་གལ་ལ་སོགས་པས་སྣ་དྲངས་ཏེ་དངོས་གྲུབ་ཀྱི་རྫས་རྣམས་ལག་ཏུ་ཐོགས་ལ། ཧཱུཾ། ཞལ་བུ་མཚན་ལྡན་རྡོ་རྗེ་ཀ་པཱ་ལ། །འཆི་མེད་ཚེ་ཡི་གཡུང་དྲུང་ཅི་བསམ་འགྲུབ། །འདུན་པ་རིགས་ཀྱི་དངོས་གྲུབ་ཟད་མེད་གཏེར། །བདུད་འདུལ་ལྷ་ཉེ་གེགས་ཞི་རབ་ཏུ་བཟང༌། །ཉེ་བ་ཉིད་དུ་བསམ་པ་ད་རེ་རན། །ཡང་དག་བདེན་པའི་དངོས་གྲུབ་དམ་པ་འདི། །ཅི་བསམ་འགྲུབ་ཅིང་རེ་བ་སྐོང་བ་དང༌། །རིག་འཛིན་ས་ལ་ངེས་པར་ཕྱིན་པ་དང༌། །ཐོགས་པ་མེད་པར་ཅི་བསམ་འགྲུབ་པ་ཡི། །དངོས་གྲུབ་དམ་པ་དེ་ཉིད་སྩལ་དུ་གསོལ། །ཧཱུཾ། ཆོས་ཉིད་ནམ་མཁའ་བསམ་མེད་བརྗོད་ལས་འདས། །ཐམས་ཅད་འབྱུང་ཞིང་རེ་བ་མ་ལུས་སྐོང༌། །བསྐངས་པ་ཉིད་ནས་རྒྱལ་བའི་དབྱིངས་སུ་ཐིམ། །ཆོས་ཉིད་འགྱུར་བ་མེད་པའི་དངོས་གྲུབ་སྩོལ། །ཧཱུཾ། བྱིན་རླབས་ཆེན་པོ་ནམ་མཁའི་སྤྲིན་དང་འདྲ། །བདུད་དང་སྲིན་པོ་འདུལ་ཕྱིར་རྒྱལ་བའི་རིགས་སུ་བྱུང༌། །དབང་བསྐུར་བྱིན་རླབས་ནུས་པ་བསམ་མི་ཁྱབ། །སྲས་ཀྱི་དམ་པའི་དངོས་གྲུབ་སྩལ་དུ་གསོལ། །ཧཱུཾ། ཐབས་དང་


JLAZ009_Page_0498
[མ་དཔེ་གཟིགས་ན་འདིར་གནོན།]

ཤེས་རབ་བདེ་བ་ཆེན་པོའི་དབྱིངས། །ཡབ་ལ་ཆགས་ཤིང་གཉིས་སུ་མེད་པའི་ཡུམ། །དོན་དམ་ངང་ལ་རིགས་ཀྱི་ཡུམ་དུ་བསྟན། །ཟད་མེད་གཏེར་གྱི་དངོས་གྲུབ་སྩལ་དུ་གསོལ། །ཧཱུཾ། གདུག་པ་འདུལ་ཕྱིར་ཡབ་ཀྱི་ཐུགས་ལས་སྤྲུལ། །དྲེགས་པའི་འཁོར་རྣམས་མ་ལུས་འདུལ་མཛད་པ། །ཡབ་ཡུམ་རྒྱུན་དུ་འཛིན་ཅིང་ལས་རྣམས་འགྲུབ། །ཐོགས་མེད་སྒྲོལ་བའི་དངོས་གྲུབ་སྩལ་དུ་གསོལ། །ཧཱུཾ། སྐུ་ལ་དུས་གསུམ་སྐྱེ་འཆི་མེད། །རྡོ་རྗེ་ཚེ་ཡི་དངོས་གྲུབ་སྩོལ། །སྟོང་གསུམ་མ་ལུས་རླབས་ཀྱིས་གཅོད། །འཕུར་ལྡན་གཤོག་པའི་དངོས་གྲུབ་སྩོལ། །འཇིག་རྟེན་ཀུན་ལ་དབང་སྒྱུར་བའི། །རྫུ་འཕྲུལ་སྟོབས་ཀྱི་དངོས་གྲུབ་སྩོལ། །རྒྱ་མཚོར་མི་འབྱིང་འཛུལ་བྱེད་པའི། །ཐོགས་མེད་སྟོབས་ཀྱི་དངོས་གྲུབ་སྩོལ། །ཟས་ནོར་གོས་ཀྱི་གཏེར་མཛོད་ལ། །ལོངས་སྤྱོད་དཔག་མེད་དངོས་གྲུབ་སྩོལ། །ཞིང་བཅུའི་དགྲ་བགེགས་ཚར་གཅོད་པའི། །སྒྲོལ་བྱེད་མཐུ་ཡི་དངོས་གྲུབ་སྩོལ། །དྲེགས་པ་ཟིལ་གྱིས་གནོན་མཛད་པའི། །མི་འཇིགས་དཔའ་བོའི་དངོས་གྲུབ་སྩོལ། །འགྲོ་བའི་ཉོན་མོངས་སྦྱོང་བྱེད་པའི། །ལམ་ལ་འགོད་པའི་དངོས་གྲུབ་སྩོལ། །ཕྲིན་ལས་བསམ་གྱིས་མི་ཁྱབ་ལ། །མཛད་པ་རྫོགས་པའི་དངོས་གྲུབ་སྩོལ། །བསྒྲུབ་པའི་རྒྱལ་པོ་བླ་ན་མེད། །སྐུ་


JLAZ009_Page_0499
[མ་དཔེ་གཟིགས་ན་འདིར་གནོན།]

གསུང་ཐུགས་ཀྱི་དངོས་གྲུབ་སྩོལ། །སེམས་ནི་རང་བྱུང་ཡེ་ཤེས་ཀྱི། །རྟོགས་པས་ལྷུན་གྲུབ་དངོས་གྲུབ་སྩོལ། །རྩ་སྔགས་མཐར། ཀཱ་ཡ་སིདྡྷི་ཨོཾ། ཝཱ་ཀྐ་སིདྡྷི་ཨཱཿ ཙིཏྟ་སིདྡྷི་ཧཱུཾ། ཨོཾ་ཨ་ལ་ལ་ཧོཿ ཨོཾ་ཨ་ལ་ལ་ཧོཿ ཨོཾ་ཨ་ལ་ལ་ཧོཿ ཞེས་བརྗོད་ཅིང་ཀུན་ལ་འགྲིམས་ཀྱང་དཀྱིལ་འཁོར་དུ་མི་དབང་བ་ལ་ནི་མི་སྦྱིན་ནོ། །དེ་ནས་གཙོ་ཕུར་བླངས་ལ། ཧཱུཾ། དངོས་གྲུབ་དམ་པ་ཐུགས་མཆོག་ལྷ་ཡི་ལྷ། །དུར་ཁྲོད་ཆེན་པོའི་གཞལ་ཡས་དམ་པ་འདིར། །དུར་ཁྲོད་རྫས་ལ་བརྟེན་ཏེ་བསྒྲུབས་ལགས་ན། །སྣང་སྲིད་བྱམས་པའི་དངོས་གྲུབ་སྩལ་དུ་གསོལ། །ཡེ་ཤེས་ལྷ་ནི་ནམ་མཁའི་རང་བཞིན་ལ། །དངོས་གྲུབ་སྩལ་དང་གསོལ་བར་མི་དམིགས་ཀྱང༌། །གདུག་པ་ཆེན་པོ་ཐབས་ཀྱིས་འདུལ་བའི་ཕྱིར། །དྲག་པོས་འདྲེན་པའི་དངོས་གྲུབ་སྩལ་དུ་གསོལ། །ཧཱུཾ། ཆོས་ཉིད་ཀུན་ཏུ་བཟང་མོའི་བྱིན་རླབས་ལས། །དྲེགས་པ་འདུལ་ཕྱིར་ཐུགས་རྗེའི་བྱིན་རླབས་འབྱུང༌། །བདུད་ཀྱི་རྒྱལ་པོ་རཱུ་དྲ་བཏུལ་བ་ལྟར། །བདུད་རྒྱལ་དྲེགས་པ་འདུལ་བའི་དངོས་གྲུབ་སྩོལ། །ཧཱུཾ། བདུད་དཔུང་བཅོམ་ནས་ཆོས་ཉིད་དོན་མཐོང་བས། །བདུད་རྒྱལ་རཱུ་དྲས་ཆོས་ཉིད་དོན་རྟོགས་ནས། །ཐུགས་རྗེའི་བྱིན་རླབས་བདུད་ལ་སྣང་བ་ལྟར། །ཉོན་མོངས་དབྱིངས་སུ་བསྒྲལ་བའི་དངོས་གྲུབ་སྩོལ། །ཞེས་དང༌། གཙོ་ཕུར་གནས་


JLAZ009_Page_0500
[མ་དཔེ་གཟིགས་ན་འདིར་གནོན།]

གསུམ་དུ་གཏུག་པ་དང་བཅས། རྩ་སྔགས་མཐར། ཀཱ་ཡ་སིདྡྷི་ཨོཾ། ཝཀྐ་སིདྡྷི་ཨཱཿ ཙིཏྟ་སིདྡྷི་ཧཱུཾ། དེ་བཞིན་དུ་སྲས་མཆོག་རྣམས་བླངས་ལ། ཧཱུཾ། རོལ་པ་ཆེན་པོའི་སྲས་མཆོག་རྣམ་ལྔ་ཡང༌། །ཞིང་བཅུ་སྟོབས་དང་རབ་ཏུ་འབྲལ་མཛད་པས། །བདུད་རྒྱལ་རཱུ་ཏྲ་གྲོགས་དང་བྲལ་བ་བཞིན། །ཞིང་བཅུ་སྟོབས་དང་བྲལ་བའི་དངོས་གྲུབ་སྩོལ། །ཨོཾ་བུདྡྷ་བཛྲ་རཏྣ་པདྨ་ཀརྨ་ཀཱི་ལ་ཡ་ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཧཱུཾ། ཁྲོ་བོ་བཅུའི་ཕུར་པ་བླངས་ལ། ཧཱུཾ། འཁོར་གྱི་གདུག་པ་མ་ལུས་བསྒྲལ་བའི་ཕྱིར། །ཕྱོགས་བཅུ་ཁྲོ་བོའི་དཀྱིལ་འཁོར་འཁོར་དང་བཅས། །ཕྱོགས་སྐྱོང་དྲེགས་པ་རབ་ཏུ་བཏུལ་བ་ལྟར། །འཇིག་རྟེན་དྲེགས་པ་འདུལ་བའི་དངོས་གྲུབ་སྩོལ། །ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ་ཧཱུཾ། ཀཱ་ཡཱ་སོགས། ཁྲོ་མོ་རྣམས་བླངས་ལ། ཧཱུཾ། སྤྲུལ་པ་སྟོང་ཁམས་རབ་ཏུ་བཀང་ནས་ཀྱང༌། །འདུལ་བའི་དབང་གིས་གང་ལ་ཅི་འདུལ་སྟོན། །རྒྱལ་བས་སྟོང་གསུམ་སྤྲུལ་པས་བཀང་བ་ལྟར། །སྤྲུལ་པ་ཁམས་གསུམ་འགེངས་པའི་དངོས་གྲུབ་སྩོལ། །ཧཱུཾ་ཞེས་ལན་བཅུའི་མཐར་ཀཱ་ཡ་སོགས། ཕྲ་ཕྱག་རྣམས་བླངས་ལ། ཧཱུཾ། རོལ་པ་ཆེན་པོའི་བྱིན་རླབས་ཅིར་ཡང་སྣང༌། །འདུལ་ཐབས་དྲག་པོ་བདུད་ཀྱི་ཆས་འདྲ་ཡང༌། །སྙིང་རྗེ་བྱང་ཆུབ་སེམས་ལས་ཉམས་པ་མེད། །དྲག་པོ་བྱམས་པའི་དངོས་གྲུབ་སྩལ་དུ་གསོལ། །ཛ་ཞེས་བཅུའི་མཐར་ཀཱ་ཡ་སོགས།


JLAZ009_Page_0501
[མ་དཔེ་གཟིགས་ན་འདིར་གནོན།]

སྒོ་མ་བཞི་བླངས་ལ། ཧཱུཾ། ཐུགས་རྗེ་བྱམས་པས་འགྲོ་ལ་སྙིང་བརྩེའི་ཕྱིར། །ལ་ལར་ཞི་དང་ལ་ལར་ཁྲོ་བོར་སྣང༌། །འདུལ་ཐབས་དྲག་པོས་འགྲོ་བ་འདུལ་ལགས་ན། །ཉོན་མོངས་གནས་སུ་འདྲེན་པའི་དངོས་གྲུབ་སྩོལ། །ཛཿཧཱུཾ་བཾ་ཧོཿ ཀཱ་ཡཱ་སོགས། ས་བདག་མའི་བླངས་ལ། ཧཱུཾ། དཔལ་གྱི་བཀའ་ཉན་ལས་ལ་བརྩོན་པ་མོ། །འཇིག་རྟེན་དྲེགས་པ་མ་ལུས་འདུལ་མཛད་མ། །འཇིག་རྟེན་དབང་དུ་སྡུད་པའི་ལས་བྱས་ལྟར། །དམ་ལས་མི་འདའ་བཀའ་ཉན་དངོས་གྲུབ་སྩོལ། །ཛཿཛཿཛཿཛཿ ཀཱ་ཡ་སོགས། ཤྭ་ན་མའི་བླངས་ལ། ཧཱུཾ། འཇིག་རྟེན་ཁམས་ལ་དབང་སྒྱུར་མཐུ་མོ་ཆེ། །ལས་ངན་ཞིང་བཅུ་མ་ལུས་སྒྲོལ་མཛད་པ། །བཅོལ་ཞིང་རྦད་ན་ཕོ་ཉ་མཛད་པ་ལྟར། །གང་དུ་མངགས་པའི་ལས་འགྲུབ་དངོས་གྲུབ་སྩོལ། །ཨེ་ཡཾ་མ་ཡ་ཀཱ་ཡ་སོགས། བདག་ཉིད་མའི་བླངས་ལ། ཧཱུཾ། དྲེགས་པ་སྡེ་བཞི་རབ་ཏུ་འདུལ་མཛད་པ། །ནད་ཀྱི་བདག་མོ་བཀའ་ཉན་གསུང་སྡོད་མ། །བྲན་དང་ཕོ་ཉ་ལས་རྣམས་འགྲུབ་བྱེད་ལྟར། །གང་ལ་བྱ་བའི་ལས་འགྲུབ་དངོས་གྲུབ་སྩོལ། །བྷྱོ་བཞིའི་མཐར་ཀཱ་ཡ་སོགས་དང༌། སྤྱིར་དམིགས་ནས། བདུད་དང་སྲིན་པོ་འདུལ་བའི་དངོས་གྲུབ་སྩོལ། །དོན་


JLAZ009_Page_0502
[མ་དཔེ་གཟིགས་ན་འདིར་གནོན།]

དམ་ཆོས་ཉིད་རྟོགས་པའི་དངོས་གྲུབ་སྩོལ། །སངས་རྒྱས་ས་ལ་འགྲོ་བའི་དངོས་གྲུབ་སྩོལ། །འཁོར་བ་ངན་སོང་སྦྱོང་བའི་དངོས་གྲུབ་སྩོལ། །ཞེས་བརྗོད་པས་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོའི་དངོས་གྲུབ་ཐོབ་པར་བསམ་མོ། །དེ་ནས་མངོན་སྤྱོད་ཀྱི་ཕྲིན་ལས་མཐར་ཕྱིན་པའི་དོན་དུ་ཕུར་སྐོར་གྱི་གདབ་ལས་ནི། ཛཔ྄་ཁ་ཕྱེ་ལ། བཟླས་པ་སྟོང་ཕྲག་གཅིག་བྱས་རྗེས། ཆུ་སྲིན་རྣམ་རོལ་གྱི་རྒྱས་གཙོ་ཕུར་བླངས་ཏེ་དྲིལ་ནས། མགོ་ལ་གཡས་སྐོར་དུ་བསྐོར་བས་རང་གི་ལུས་ལ་བར་དུ་གཅོད་པ་ཐམས་ཅད་ཀྱི་ལུས་རྡུལ་ཕྲ་རབ་ཏུ་སོང་བར་བསམ་ལ། ཧཱུཾ། དངོས་གྲུབ་བར་ཆད་བྱེད་པའི་གེགས། །གདུག་ཅིང་སྡང་སེམས་ལྡན་པ་རྣམས། །ལྷ་འམ་འོན་ཏེ་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་ཤོག །ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཅེས་བརྗོད། ཡང་མགྲིན་པར་བསྐོར་བས་ཕ་རོལ་པའི་ངག་གི་ནུས་པ་བཅིང༌། རང་གི་ནུས་པ་རྒྱས་པར་བསམས་ལ། ཧཱུཾ། རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཨོཾ་བཛྲ་ཀཱི་ལ་ཀཱི་ལ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཡང་སྙིང་ག་ནས་མདུན་རྒྱབ་ཏུ་བསྐོར་བས་རང་གི་སེམས་ལ་


JLAZ009_Page_0503
[མ་དཔེ་གཟིགས་ན་འདིར་གནོན།]

རྣམ་པར་གཡེངས་པས་བར་དུ་གཅོད་པ་ཐམས་ཅད་ཞི་ཞིང༌། ཕ་རོལ་པོའི་སེམས་སྐྲག་ཅིང་མྱོས་པའི་མོད་ལ་རིག་པ་ཆོས་ཉིད་ཀྱི་ཀློང་དུ་བརྒྱལ་བར་བསམས་ལ། ཧཱུཾ། སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། དེ་ནས་སྒྲུབ་པ་པོ་ཐམས་ཅད་ཀྱིས་ཀྱང་ཛཔ྄་བཟླ་བཞིན་པར་ཕུར་བསྐོར་བྱས་རྗེས་ཕུར་པ་ས་ལ་མ་རེག་པར་ཉ་བོའི་ཁོག་པ་ལ་གཞུག །དེ་བཞིན་དུ་ཁྲོ་བཅུ་ཡབ་ཡུམ་དང༌། སྒོ་བའི་ཕུར་པ་རྣམས་ཀྱང་རྡོ་རྗེ་སློབ་དཔོན་ནས་རིམ་པར་ཕུར་བསྐོར་བྱས་ནས་དཀྱིལ་འཁོར་ལ་བཀོད། ཛཔ྄་བསྟོད་བྱ། ཚོགས་ཀྱི་འཁོར་ལོས་དགྱེས་པ་བསྐང༌། དམ་ཅན་ཆོས་སྐྱོང་རྣམས་ལ་གཏང་རག་དབུལ། ཆད་མདོ་ནས་བཟུང་ཆོ་གའི་རྗེས་ཆོག་རྣམས་དཀྱུས་ལྟར་བྱའོ། །གསུམ་པ་རྗེས་ཀྱི་རིམ་པ་ནི། རྒྱུད་ལས། ལས་ཀྱི་མཐའ་བརྟུལ་ངེས་པ་ཡང༌། །ཧོམ་ལ་བསྲེག་པའི་སྦྱོར་བ་ཡིས། །རྡོ་རྗེ་མེ་དབལ་སྙིང་བསྲེག་ནས། །ཐོད་པར་འཕང་བའི་ལས་བྱའོ། །མནན་ས་ངེས་པར་མནན་པ་ཡིས། །ཉམས་པ་འཆི་འགྱུར་ངེས་པ་ཡིན། །ཞེས་ལས་ཀྱི་མཐའ་བསྡུ་བའི་རིམ་པ་གསུམ་ལས། དང་པོ་བསད་པའི་ལས་མཐར་ཕྱིན་པའི་དེ་མ་ཐག་བསྟབ་པའི་ལས་ཀྱིས་མ་ཚང་བ་ཁ་སྐོང་བ་ནི་དྲག་པོའི་སྦྱིན་སྲེག་ཡིན་ཏེ། རྩེ་མོ་ལས། གང་དག་བསད་པའི་དུམ་བུ་དང༌། །ཕུང་པོ་སྙོམས་པའི་རྗེས་ཤུན་ཅན། །ཤ་ཁྲག་དྲོད་དང་བཅས་པ་ལ། །འབར་བ་འཁོར་བཅས་


JLAZ009_Page_0504
[མ་དཔེ་གཟིགས་ན་འདིར་གནོན།]

བོད་པར་བྱ། །ཚ་བའི་མར་དང་ལན་ཚྭ་དང༌། །སྐྱེ་ཚེ་དུག་དང་ཁྲག་སྣ་དང༌། །ལྕགས་ཕྱེ་ལྡོང་རོས་དམ་རྫས་དང༌། །སོལ་ཕྱེས་བགོས་པའི་དམ་རྫས་རྣམས། །གསང་སྔགས་བཟླས་པར་རབ་འབད་དེ། །གང་གི་གཟུགས་མིང་རུས་བསྲེགས་ན། །མྱུར་དུ་ལས་རྣམས་འགྲུབ་པར་འགྱུར། །ཞེས་པས་དེའི་ཚུལ་ནི་དྲག་པོའི་སྦྱིན་སྲེག་རྟ་གདོང་རྔམ་ཞུགས་ལས་རྟོགས་པར་བྱ་ཞིང་རྫས་ལ་ཞིབ་པར་བསྟན་པ་ནི། རྒྱུད་ལས། དེར་གདུག་པ་ཅན་གྱི་ཤིང་རྣམས་ལ་ཁ་རལ་མའི་སྐྲས་བཅིངས་ཏེ། དུག་ཤིང་སྣ་ཚོགས་པ་ལ་སྙིང་དང་གློ་བས་བརྒྱན་པ་ནི་དྲག་པོ་མེའི་དཀྱིལ་འཁོར་རོ། །ཞེས་དང༌། བསྟབ་པའི་དཀྱིལ་འཁོར་ནི་བྱང་ཤར་མཚམས་སུ་འཕང་དུ་སོར་བཞི་ལ་སྙིང་པོ་ནྲྀ་ཏྲི་དང་བཅས་པའོ། །དེར་བསྒྲལ་བའི་ལིངྒ་ནི་ར་སོག་དང༌། ཁྱི་སོག་དང༌། མིའི་སོག་པ་ལ་བྲིས་ལ་མཆོད་པ་ཆེན་པོའི་དུས་སུ་བསྟབ་བོ། །ཞེས་དང༌། དམ་ཅན་སྤྱི་འདྲིལ་གྱི་བསྲེག་སྔགས། ཤུ་ལཾ་བུ་ལཾ། དྷི་ཛཿནི་ཡོ་གཱི་ཤྭ་རི་ནི་ཡ་མ་ཙིཏྟ་སུ་ཏྲི་བཛྲ་མཱ་ར་ཡ་ཕཊཿརཾ་རཾ་ཁཱ་ཧི་ཧོ་ཧོཿཞེས་པ་དཀྱིལ་འཁོར་བའི་མཇུག་ཏུ་སྦྱར་ནས་ལན་ལྔ་ཙམ་དབུལ་ལོ། །བདུད་རྩི་འཁྱིལ་བའི་སྦྱོར་བ་ཡིས། །དུམ་བུར་གཏུབ་ནས་སྦྱིན་བསྲེག་བྱ། །ཐལ་བ་རྒྱ་མཚོར་དོར་གྱུར་ན། །ངེས་པ་ཁོ་ནར་སྨྱོ་བར་འགྱུར། །ཁྱི་ཡི་ཁྲག་དང་རྔ་མོའི་ཤ །དུག་གི་མེ་ལ་བསྲེག་གྱུར་ན། །ངེས་པ་ཁོ་ནར་ཁུག་པར་འགྱུར། །ཙིཏྟའི་ཁྲག་དང་དུར་ཁྲོད་ས། །ཤྭ་ན་རཀྟ་བསྲེས་པ་ཡིས། །གཟུགས་བརྙན་སོར་ནི་བཞི་པ་བྱས། །བྷནྡྷ་སྲུབས་མེད་ནང་དུ་གཞུག །མ་ཀི་ཏ་ཡི་ཁུ་བས་བྱུག །དུར་ཁྲོད་ཤིང་ལ་བསྲེག་གྱུར་ན། །བསྒྲུབ་བྱ་ཚ་བའི་རིམས་ཀྱིས་


JLAZ009_Page_0505
[མ་དཔེ་གཟིགས་ན་འདིར་གནོན།]

འདེབས། །དུར་ཁྲོད་དག་གི་སོལ་བ་ལ། །བསྒྲུབ་བྱའི་གཟུགས་བརྙན་ནག་པོར་བྱ། །ར་ཡི་ཁྲག་གིས་བྱུག་ནས་ནི། །དུར་ཁྲོད་ཤིང་གི་མེ་ལ་བསྲེག །ན་རའི་ཕུར་པ་ལྔ་པོས་བདུག །ཧི་ཧིར་བཞད་ཅིང་ཐལ་བརྡབས་པས། །བསྒྲུབ་བྱའི་ལུས་ནི་འགས་པར་འགྱུར། །ཞེས་དང༌། དེ་བཞིན་དུ། མི་ཤ་ཁྱི་ཤ་ར་དང་རྟ། །ནྲྀ་དང་གཉིས་སུ་མེད་བསྲེག་ན། །མོད་ལ་སྲོག་ནི་འཕྲོག་པར་འགྱུར། །དེས་མཚོན་ནས། མི་རྟ་ཁྱི་སྤྱང་གླང་དྲེད་ཚིལ་གྱིས་གག་པ། མི་ཁྱི་འཕར་སྤྱང་སྤྲེའུ་ར་དང་བཅས་པའི་ཁྲག་ནད། དེ་དག་གི་རྐང་མར་གྱིས་ཚད་རིམས། ར་སྤྱང་བོང་དུག་བསེ་ཞོ་དང་བཅས་པས་ལྐུགས། ལི་ཁྲི་དང་མཚལ་གྱིས་སྐྱེ་རྒྱུན་གཅོད། གུ་གུལ་དང་ཉུང་ཀར་གྱིས་ལྷ་དང་འབྲལ། ཐང་ཕྲོམ་དང་ལུག་མིག་པས་སྨྱོ་འབོག །ཉུང་དཀར་ནག་སྐྱེ་ཚེ་ཏིལ་གྱིས་སྙིང་གས། ཀནྡྷ་ཀ་རིས་ལུས། ཟངས་ཕྱེས་ངག །ལྕགས་ཕྱེས་ཡིད། སྨན་ཆེན་གྱི་ཀུན་གྱི་གྲོགས། གཏའ་གཏོར་རྙིང་པས་བཏབ་པའི་རྫས་དེ་རྣམ་པ་བཅུ་དྲུག་བཤད་པའང་མན་ངག་ཏུ་སྦྱར་རོ། །གཉིས་པ་གསད་པའི་ལས་ཆུད་མི་ཟ་བ་ཟོར་གྱི་ལས་ཀྱིས་བྱེད་དེ། དེའི་ཚུལ་ནི་ཟོར་ལས་གནམ་ལྕགས་འབར་བ་ལས་རྟོགས་པར་བྱ་ཞིང་ཟོར་རྫས་ལ་མན་ངག་ཏུ་བསྟན་པ་ནི། ཉུང་དཀར་ཉུང་ནག་སྐྱེ་ཚེ་མཚེ། །མཆེ་བ་ཅན་གྱི་མཆུ་དགུ་ཁྲག །ཐུན་དུ་བྲབས་ཏེ་ཟོར་འཕངས་ན། །ཁྲག་གཟེར་ནད་ཀྱིས་འཆི་བར་འགྱུར། །ཉུང་དཀར་ཉུང་ནག་སྐྱེ་ཚེ་མཚེ། །མཛེ་ཕོའི་ཁྲག་ཟོར་ཐུན་འཕངས་ན། །མཛེ་རིམས་ནད་ཀྱིས་འཆི་བར་འགྱུར། །ཉུང་དཀར་ལ་སོགས་མི་ར་


JLAZ009_Page_0506
[མ་དཔེ་གཟིགས་ན་འདིར་གནོན།]

ཁྱི། །སྣ་ཚོགས་དུག་དང་ཁྲག་ཐུན་གྱིས། །ཁྱིམ་མམ་ཡུལ་ཕྱོགས་ཟོར་འཕངས་ན། །མྱོས་དང་བརླམས་དང་ལྐུགས་དང་འཆི། །ཉུང་ཀར་ལ་སོགས་མི་ར་ཁྱི། །དྷ་དུ་ར་ཡི་ལུག་མིག་དང༌། །སྣ་ཚོགས་དུག་དང་ཁྲག་ཐུན་གྱིས། །ཁྱིམ་མམ་ཡུལ་ཕྱོགས་ཟོར་འཕངས་ན། །སྨྱོ་འབོག་ནད་ཀྱིས་འཆི་བར་འགྱུར། །འབྲུམ་ནད་དག་གིས་ཤི་བའི་ཁྲག །ཉུང་ཀར་དུག་དང་སྦྱར་བ་ཡིས། །ཁྱིམ་མམ་ཡུལ་ཕྱོགས་ཟོར་འཕངས་ན། །ཡུལ་ཁམས་འབྲུམ་ནད་དག་གིས་འཆི། །མཁྲིས་ནད་རྩ་ཡི་ཁྲག་དང་ནི། །ཉུང་དཀར་ཉུང་ནག་དུག་སྣ་ཚོགས། །ཁྱིམ་མམ་ཡུལ་ཕྱོགས་ཟོར་འཕངས་ན། །མཁྲིས་ནད་རིམས་ཀྱིས་འཆི་བར་འགྱུར། །ཉུང་དཀར་ཉུང་ནག་སྐྱེ་ཚེ་མཚེ། །མུ་ཟི་ནག་པོ་ཁྲག་སྣ་ཚོགས། །ཁྱིམ་མམ་ཡུལ་ཕྱོགས་ཟོར་འཕངས་ན། །ཕོ་ལོག་གླང་ཐབས་ནད་ཀྱིས་འཆི། །མྱོས་རིམ་རྩ་ཡི་ཁྲག་དང་ནི། །ཉུང་ཀར་ལ་སོགས་དུག་སྣ་ཚོགས། །ཁྱིམ་མམ་ཡུལ་ཕྱོགས་ཟོར་འཕངས་ན། །རིམས་ནད་ཆེན་པོས་འཆི་བར་འགྱུར། །ཡུལ་མཁར་ས་དང་ཚོན་ཕྱེ་དང༌། །ལོ་ཟླར་བཤམས་པའི་གཏོར་མ་དང༌། །ཉུང་ཀར་ལ་སོགས་དམེ་ཁྲག་གིས། །ཁྱིམ་མམ་ཡུལ་ཕྱོགས་ཟོར་འཕངས་ན། །ཡུལ་འཁོར་ཤོར་དང་མེ་ཡིས་འཆི། །ཞེས་དང༌། དྲེགས་པའི་ལས་སྦྱོར་དང་འབྲེལ་བའི་ཐོད་ཟོར་བྱེ་བྲག་པའི་མན་ངག་ནི། ནག་པོ་སྤྱི་དཀར་ཐོད་པ་རུ། །དེ་ཉིད་སྙིང་དང་ཁྲག་ཏུ་བཅས། །མོན་པ་ནག་པོའི་སྙིང་ཡང་རུང༌། །དེ་ཡི་ནང་དུ་མིང་བྱང་གཞུག །རེ་བའི་ཁུག་མར་བཅུག་ཀྱང་རུང༌། །གསལ་བ་ལྷ་ཡི་ང་རྒྱལ་གྱིས། །གང་ཡིན་དམིགས་པ་གསལ་བ་ལས། །


JLAZ009_Page_0507
[མ་དཔེ་གཟིགས་ན་འདིར་གནོན།]

དཀར་ནག་མཚམས་སུ་དྲག་སྔགས་བརྡེག །དེ་ཡིས་རྟགས་ལ་ལས་སྔགས་བྱ། །གྲངས་སུ་བསྟན་པའི་ལས་ཉིད་དེ། །སྲོག་མེད་རྡོ་ཡང་འགས་པར་འགྱུར། །དཀར་པོ་ཕྲུམ་དམར་ཐོད་པ་རུ། །སྙིང་སྣ་ལྔ་ཡང་དེ་བཞིན་བྱ། །མིང་དང་རུས་ཀྱང་བྲི་བར་བྱ། །ཐུན་རྫས་སྣ་ཚོགས་མང་དུ་བསྟར། །གསལ་བའི་ཏིང་འཛིན་དགོངས་པ་ཡིས། །རང་བསྲུང་གནད་ལ་དབབ་པར་བྱ། །ཐུན་རྣམས་དུས་སུ་བྲབ་པར་བྱ། །རྟགས་ནི་མྱུར་དུ་བྱུང་བ་དང༌། །གང་ཡིན་དེ་ལ་ཐོད་པ་བརྡེག །དེ་ནི་ས་རུ་རྟགས་བྱུང་ན། །བསམས་པའི་འབྲས་བུ་ཆུད་མི་ཟ། །གང་བྱས་ལས་ལ་ཐེ་ཚོམ་མེད། །མོན་པ་ནག་པོའི་ཐོད་པ་རུ། །གླ་བ་ལུག་དང་བྱ་རྣམས་ཀྱི། །སྙིང་དང་ཁྲག་ཏུ་བཅས་པ་བླུག །དམ་རྫས་ཀུན་ཀྱང་ཚང་གྱུར་ན། །ཡ་མཚན་འཕྲུལ་གྱི་སྔགས་འབྲུ་ལ། །རིམ་པ་སྔགས་ཀྱི་བྱ་བར་ཤེས། །དེ་ཡིས་དོན་འདི་འགྲུབ་པར་འགྱུར། །ཝའམ་སྤྱང་ཀིའི་ཐོད་པ་རུ། །རིམས་ཀྱིས་ཤི་བའི་ཁྲག་བླུག་ལ། །དུག་དང་སྦང་མས་སླང་བར་བྱ། །ཟངས་ཕྱེ་དུག་རྣམས་ཡང་དག་བསྟན། །སྦྱོར་བ་སྔགས་ཀྱི་ན་ཡ་ལ། །གནད་ལ་དབབ་པར་རབ་སྡེབས་ལ། །ནམ་གྱི་འཇིང་ལ་ཐུན་ཡང་བརྡེག །རྟགས་རྣམས་འབྱུང་བར་གདོན་མི་ཟ། །ཁམས་གསུམ་གདུག་པ་སྒྲོལ་བའི་ལས། །གང་དུ་བཏབ་པ་འགྲུབ་པར་བྱེད། །བདུད་དང་སྲིན་པོ་གནོད་སྦྱིན་ཡང༌། །བསྒྲུབ་པའི་འབྲས་བུ་ཐོབ་པར་འགྱུར། །ཞེས་སོ། །འདི་དམ་ཅན་གྱི་གནད་ཡིག་ལ་མ་བརྟེན་པར་རང་གར་བྱས་ན་རང་ཉིད་ཕུང་བས་བཤད་རྒྱུད་ལེའུ་ཉི་ཤུ་པ་དང་ཉེར་གཅིག་པ་ལྟར་འབོད་རྦད་བསད་གསུམ་ལ་བརྟེན་པ་གཅེས་ཤིང༌། ཟོར་འཕངས་ཐོད་པ་ལམ་འོག་ཏུའོ། །


JLAZ009_Page_0508
[མ་དཔེ་གཟིགས་ན་འདིར་གནོན།]

ཞེས་པའི་དོན་ཡང་རིག་པར་བྱའོ། །འདིར་སྦྱིན་སྲེག་གི་ཐལ་བ་རླུང་ལ་བསྐུར་བ་ཟོར་ནི། རབས་ཆད་དམ། མཚན་ངན་གྱི་ཐོད་པ་བླ་འོག་མ་བྲལ་བ་དང༌། མེ་ཆུས་ནུས་པ་མ་གསད་པའི་ཞོལ་གླང་འོག་ཅན་ལ་སོགས་པའི་རྭར་བསྲེགས་ཐལདང་། ལིང་རོ་དང༌། ཁྲག་སྣ་ཚོགས་ཚད་དང༌། ཡུགས་སའི་མངའ་ཁྲག་སོགས་བླུག །ཐུན་རྫས་གཞན་རྣམས་དང་ཟོར་རྫས་རྣམས་ནི་ཐལ་སོལ་ལ་ཟོར་ཀོང་དང་གཏོར་མ་བྱས་པ་ལ་བརྒྱན། མ་དལ་གྲུ་གསུམ་ཅན་གྱི་སྟེང་དུ་བཀོད། དེའི་མདུན་དུ་སྨན་གཏོར་རཀྟ་མཆོད་པ་དང་བཅས་པ་བཤམ། དཀྱིལ་འཁོར་གཞུང་ལྟར་བསྐྱེད་ལ་ཛཔ྄་བཟླས་རྫོགས་ནས་མ་མ་པ་ཤི་ཀུ་རུ་སོགས་ཅི་ནུས་བཟླ། ཕུར་པའི་དམ་ཅན་གྱི་བསྐུལ་བྱ། དེ་ནས་ནམ་ཕྱེད་ལ་བབ་པ་ན། ཞིང་ཆེན་གྱི་གཡང་གཞི་དང༌། སྲིད་པ་སྤྱི་བླུགས་ཀྱི་ཞྭ་སོགས་བདུད་ཆས་སུ་ཞུགས། སྙིང་གར་ཞག་གི་ཟོ་རིས། དཔྲལ་བར་ཐལ་ཆེན་གྱི་ཚོམ་བུ། མཁུར་ཚོས་དང་ལྐོག་མ་རྣམས་རཀྟའི་ཐིག་ལེ་བྱ། གཏོར་མ་བཟང་པོ་གསུམ་བཅས་ལ་གཅིག་རང་གི་ཆོས་སྐྱོང་ལ་ཕུལ་ནས་ལས་ལ་བསྐུལ། གཅིག་ཕྱོགས་སྐྱོང་རྣམས་ལ་ཕུལ་ལ་བདེན་པ་བདར། མ་ཉེས་པའི་ཡུས་ཁ་གཟུག །གཅིག་ཕ་རོལ་པའི་གཞི་བདག་དང་སྐྱོབ་བྱེད་ལ་བྱིན་ནས་ཕྱོགས་གཞན་དུ་གཟུར་བར་བསམ། དེ་ནས་དམ་ཅན་གྱི་སྔགས་དང་ཟོར་སྔགས་དམིགས་པ་མ་ཡེངས་པར་བཟླ་བཞིན་པས་དགྲ་ཡུལ་མཐོང་བའམ། རི་མཐོན་པོའི་རྩེར་ཕྱོགས་ལ། ཧཱུཾ། ང་ནི་དཔལ་ཆེན་ཁྲག་འཐུང་གཙོ། །སོགས་ཀྱིས་ཟོར་ལམ་ཕྱེ། དམ་ཅན་གྱི་ཟོར་སྔགས་གབ་པ་འབུ་ལི་འབུ་ལི་ཁཾ་བཛྲ་ཤིཥྷ་ནི་རི་ཤ་ནི། ཁྱི་ཁྲི་སྙིང་


JLAZ009_Page_0509
[མ་དཔེ་གཟིགས་ན་འདིར་གནོན།]

ཟ་ཙིཏྟ་ཡཾ་པ་ཏོ་བྷྱོ་བྷྱོ་ཐུན་ཡཾ། ཞེས་བཟླས་སོ། །ཧཱུཾ། མཐིང་ནག་གྲུ་གསུམ་འབར་བའི་དཀྱིལ་འཁོར་ནས། །བཅོམ་ལྡན་དཔལ་ཆེན་རྡོ་རྗེ་གཞོན་ནུ་ལ། །སོགས་ཀྱི་ཟོར་བསྐུལ་དང་སྦྲག །རབ་དགྲ་བོའི་དུར་མཆད། འབྲིང་མཁར་ཁྱིམ། ཐ་མ་ཡུལ་ཕྱོགས་ལ་འཕང་ན་རིམ་པ་བཞིན་བདུན་རྒྱུད་དང༌། ཡུལ་མཁར་དང༌། དམིགས་བྱ་ཁ་ཕུང་དུ་འགྲོའོ། །གསུམ་པ་ལས་མཐར་བྱ་བ་ནི་ཀླུ་ལ་གཏད་པ་མནན་པའི་ལས་ཡིན་ཏེ། དེའི་བཅའ་གཞི་ནི། རྒྱུད་ལས། ཕུང་བྱེད་ས་ལ་གཟུགས་བྱས་ཏེ། །དྲི་ཆེན་པོ་ཡིས་བྱུག་ནས་སུ། །ར་མ་ཡ་ཡི་དུད་པས་བདུག །དུར་ཁྲོད་རོ་ཡི་ཤུན་ལྤགས་ལ། །འཁོར་ལོ་བཅུ་གཅིག་རྩིབས་མཆན་བྲི། །དབུས་སུ་བསྒྲུབ་བྱའི་མིང་གིས་བརྒྱན། །མཐར་ནི་མ་ཧཱ་ས་ཡར་ལྡན། །ཕོ་རོག་སྒྲོ་ཡི་མྱུ་གུ་ཡིས། །གདུག་པ་ཅན་གྱི་གཟུགས་བྲིས་ལ། །བྷནྡྷ་ཁ་སྦྱར་ནང་དུ་བཅུག །ཁྲག་ཆེན་པོ་ཡིས་བྱུག་པར་བྱ། །གཟུགས་བརྙན་དེ་ཡི་སྙིང་གར་གཞུག །ཙནྡན་མེ་ལ་དྲོས་པར་བསྲོ། །ལམ་ཆེན་རྒྱ་གྲམ་དག་ཏུ་མནན། །ཞེས་པས་སྦྱིན་སྲེག་གི་ཐལ་བ་དང་ལིང་རོ་ཕུང་ས་རྣམས་བསྲེས་པའི་ལིངྒའི་ཁོག་པར་མིང་རུས་ལྡན་པའི་རཱུ་པ་བཅུག །ཕྱི་ནང་ཐམས་ཅད་ཁྲག་ཆེན་གྱིས་བྱུག །ཕྱི་ཐུམ་རོ་ཤུན་ནམ་ཉ་ལྤགས་སམ་རོ་རས་སྐྱེར་ཤུན་ནམ་ཀ་ར་བི་རས་བྱུག །རི་རབ་ཀྱི་རྩེར་རྒྱ་གྲམ་རྭ་གདེངས་དང་ལྟེ་བར་འཁོར་ལོ་རྩིབས་བཅུ་གཅིག་པར་བྲིས་པའི་དབུས་དང་རྩིབས་རྣམས་ལ་བསྒྲུབ་བྱའི་མིང་རུས་མཐར་ཟིལ་


JLAZ009_Page_0510
[མ་དཔེ་གཟིགས་ན་འདིར་གནོན།]

གནོན་གྱི་སྔགས། ཨོཾ་ལཾ་ཧཱུཾ་ལཾ་སྟྭཾ་བྷ་ནན། མོ་ཧ་གྷ་ཡ་ནན། ཅེས་བྲིས། རྩིབས་མཆན་ལ་སྡིག་པ་བྲི། མུ་ཁྱུད་ལ་མ་ཏཾ་ཉ་ཀ་ར་དང༌། སྔགས་དྲུག་བྲིས་པས་བསྟུམས་པའི་ཚེ། ཨོཾ་ལཾ་གྱི་སྔགས་ཡེ་ཤེས་ཀྱི་རི་རབ་རྩེ་བརྒྱད་པར་བསམ་པ་སྤྱི་བོར་བཀབ་སྟེ་དྲིལ། རབས་ཆད་དམ། ར་རོག །ཁྱི་ནག །མཛོ་དྲེལ་གང་རུང་གི་ཐོད་པ་བླ་འོག་ཁ་ཕྲལ་བའི་ནང་དུ་བཅུག །ཁྲག་སྣ་དུག་སྣ་ཐུན་རྫས་སོགས་ཀྱང་བླུགས་ནས་ཁ་སྦྱར། དགུག་གཞུག་དྲག་པོ་བྱས་ལ། ཕུང་རེ་དང་ཚོན་སྐུད་ཀྱིས་བཅིངས་ནས་ཁ་སྦུབ་ལ། ཤུ་ཤུ་རཀྴ་ཚལ་པ་ཨ་བེ་ཤ་ཤུ་ལ་ཀང་ཀེང་མཱ་ར་ཡ་ཕཊ། སྟྭམྦྷ་ནན། ཞེས་གང་མང་བཟླས། དེ་ནས་ནམ་གྱི་སྨད་ཆ་ལ་བབ་པ་ན་གང་དུ་བྱ་བའི་གནས་ནི། མ་མོའི་གནས་དང་ཆུ་བྲག་འཐབ། །ལམ་གྱི་གཞི་མདོ་ཤིང་གཅིག་དྲུང༌། །ཀླུ་གནས་ཆུ་མིག་ལྐུགས་པ་རུ། །བདུད་རྩི་འཁྱིལ་བའི་ཕུར་པ་ཡིས། །སྔགས་བཟླས་གྲུ་གསུམ་བརྐོས་ནས་ནི། །ཞེས་པ་ལྟར་དོང་གྲུ་གསུམ་རྒྱར་ཁྲུ་གང་ཟབས་སུ་ཁྲུ་དོ་པ་བྲུས་ལ། ཁྲག་སྣ་དང་རོ་སོལ་གྱིས་ནག་པོར་བྱ། དཀར་གཏོར་དམར་གཏོར་གཉིས་བཤམས་ལ། དཀར་གཏོར་གནས་དེའི་གཞི་བདག་ལ་བསྔོས་ཏེ་མཉེས་པའི་དཔང་གཟུག །དམ་བདར་ནས་ལས་ཀྱི་སྟོང་གྲོགས་བཅོལ། དམར་གཏོར་དམ་ཅན་རྣམས་ལ་ཕུལ་ནས་ཕྲིན་ལས་བཅོལ། དེའི་ནང་དུ་མནན་ཐོད་ཁ་མཐུར་དུ་སྦུབ་ནས་བཅུག །ཕུར་པ་རྣམས་ཀྱི་སྤྱི་བོ་རུ། །རི་རབ་གླིང་བཞི་བྲིས་ནས་ནི། །སྟེང་དུ་དོན་ཡོད་གྲུབ་པ་ནི། །ཡི་གེ་ཧཱ་ལས་བསྐྱེད་བྱས་ཏེ། །རྟག་ཏུ་བརྟན་པར་


JLAZ009_Page_0511
[མ་དཔེ་གཟིགས་ན་འདིར་གནོན།]

བཞུགས་པར་བྱ། །ཞེས་པ་ལྟར་བྱ། བསྲེགས་པའི་ཐལ་བ་ལ་སོགས་པ་ཐམས་ཅད་མནན་པར་བྱ་བ་ནི། ལས་རྣམས་མ་གྲུབ་བར་དུ་བཞག །ལས་རྣམས་གྲུབ་པའི་མོད་ལ་ནི། མྱུར་དུ་ཞི་བའི་ཐབས་ལ་འབད། །ཅེས་པ་ལྟར་བསྲེག་ཐལ་ལྷག་མ་མ་ལུས་པར་བླུག །དགྲ་ལ་རྟགས་བྱུང་ནས་མནན། ཕུར་པ་བཏོན་ལ་ཁྲུས་གསོལ་དང༌། མནན་ཆས་རྣམས་ལ་ཞི་བའི་སྦྱིན་སྲེག་གམ་ཆུ་ཀླུང་ལ་སྦྱངས་ཤིང་སྨོན་ལམ་བཟང་པོ་གདབ། རང་རྡོ་རྗེ་གཞོན་ནུར་གསལ། སྡེར་མོ་འབྱུང་བའི་སྔགས་འདི་བརྒྱ་རྩ་བརྒྱད་བཟླས། ན་མཿས་མནྟ་ཆེ་གེ་མོའི་ཀཱ་ཡ་ཝཱཀྐ་ཙིཏྟ་བཛྲ་ནཱན། ཨོཾ་གྷ་གྷ། གྷཱ་ཏ་ཡ། གྷཱ་ཏ་ཡ་ཆེ་གེ་མོ་སརྦ་དུཥྟཱཾ་ཕཊ། བཛྲ་ཀཱི་ལི་ཀཱི་ལ་ཡ་སརྦ་པཱ་པཾ་ཧཱུཾ་ཕཊ། ཧཱུཾ་ཧཱུཾ་ཧཱུཾ། བཛྲ་ཀཱི་ལི་ཀཱི་ལ་ཡ། བཛྲ་དྷ་ར་ཨཛྙཱ་པ་ཡ་ཏི། ཆེ་གེ་མོའི་ཀཱ་ཡ་ཝཱཀྐ་ཙིཏྟ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ། ཅེས་བཟླས་པའི་མོད་ལ་རྡོ་རྗེ་རྒྱ་གྲམ་གྱི་འཚུབ་མ་ཕྱོགས་ཀུན་ནས་ལངས་ཏེ་མནན་ཐོད་ཀྱི་སྟེང་དུ་སྤུངས་ལ་རྡུལ་ཕྲ་རབ་ཏུ་འཐས་པའི་རི་རབ་ཆེན་པོ་ལམ་གྱིས་བྱུང་བར་བསམས་ལ་དུར་གཡམ་སྟེང་དུ་རྒྱ་གྲམ་བྲིས་པས་ཁ་གཅད། མེ་ཆུས་བཅད་པའི་ས་རིམ་པ་དགུས་མནན། ཨོཾ་ལཾ་ཧཱུཾ་ལཾ་སུཾ་ལཾ་པྲ་ཏི་སྟྭཾ་བྷ་ཡ། ཛམྦྷ་ཡ། མོ་ཧ་གྷ་ཡ། བ་ག་མ། མཱ་ར་སུ་ཤ་ལཾ། ཞེས་བརྒྱ་རྩ་བཟླ། བདག་ཉིད་འབར་བའི་


JLAZ009_Page_0512
[མ་དཔེ་གཟིགས་ན་འདིར་གནོན།]

གར་ལ་སོགས། །སྟངས་སྟབས་རྫོགས་ནས་བྲོ་བརྡུང་བྱ། །ཞེས་པའི་ཁྲོ་བོའི་སྟངས་སྟབས་དང་བཅས། ཧཱུཾ། རྡོ་རྗེ་གཞོན་ནུའི་ཞབས་ཀྱིས་མནན། །འཁོར་ལོ་རྒྱས་འདེབས་བྷ་གར་སྦ། །ཁྲོ་བོའི་ཚོགས་ཀྱི་ཟས་སུ་བསྔོ། །བསྐལ་པའི་མེ་ཡི་ཕུང་པོས་བསྲེག ། ཡེ་ཤེས་མེ་ཡིས་བག་ཆགས་བསྲེག །ཉོན་མོངས་ལྔ་དང་ལྡན་པ་ཡི། །གདུག་ཅིང་སྡང་སེམས་ལྡན་པ་རྣམས། །བྱང་ཆུབ་སེམས་ནི་མ་སྐྱེས་བར། །ནམ་ཡང་བཏང་བར་མི་བྱའོ། །ཞེས་དང༌། ལག་པ་ལུ་གུ་རྒྱུད་དུ་སྦྲེལ་ནས་ལས་བཞི་སོ་སོའི་བྲོ་ར་དང་བཅས། ཧཱུཾ། ཞེ་སྡང་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་ཐམས་ཅད་ཀུན། །ཁྲོ་བོར་མ་གྱུར་གང་ཡང་མེད། །ཐམས་ཅད་ཐལ་བའི་རྡུལ་དུ་རློགས། །ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཧཱུཾ་ཕཊ། ཧཱུཾ། འདོད་ཆགས་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །དབང་གི་ཁྲོ་བོར་མ་གྱུར་མེད། །ཐམས་ཅད་དབང་དུ་འདུ་བར་མཛོད། །ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཧཱུཾ་ཕཊ། པ་ཤཾ་ཀུ་རུ་སྭཱ་ཧཱ། ཧཱུཾ། ང་རྒྱལ་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །རྒྱས་པར་མ་གྱུར་གང་ཡང་མེད། །


JLAZ009_Page_0513
[མ་དཔེ་གཟིགས་ན་འདིར་གནོན།]

ཚེ་དང་བསོད་ནམས་འཕེལ་བར་མཛོད། །ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཧཱུཾ་ཕཊ། པུཥྟིཾ་ཀུ་རུ་སྭཱ་ཧཱ། ཧཱུཾ། གཏི་མུག་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །ཞི་བར་མ་གྱུར་གང་ཡང་མེད། །ཐམས་ཅད་མ་ལུས་ཞི་བར་མཛོད། །ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཧཱུཾ་ཕཊ། ཤཱནྟིཾ་ཀུ་རུ་སྭཱ་ཧཱ། ནང་དུ་ལོག་ནས་ཚེ་འགུགས་དང༌། ཤིས་པ་བརྗོད་པས་མཐའ་བསྡུ་ཞིང་རེ་དོགས་མེད་པའི་ཆོས་ཉིད་ལ་མཉམ་པར་འཇོག་པར་བྱའོ། །ཚུལ་དེ་ལྟ་བུས་ཨ་བྷི་ཙརྱའི་ཕྲིན་ལས་མཐར་ཕྱིན་པ་ལ་སྒྲོལ་བ་ཚད་དུ་འཁྱོལ་བ་ཞེས་བྱ་སྟེ། རྒྱུད་ལས། འཇིག་རྟེན་ཕ་རོལ་དག་ཏུ་ནི། །བསྒྲལ་བ་རྣམས་ཀྱང་མཐོ་རིས་ཐོབ། །བདག་ཀྱང་བྱང་ཆུབ་གཉིས་སུ་མེད། །བསམ་པ་འབྱོར་བའི་ཤེས་རབ་ལགས། །སྡིག་ཅན་བསད་ན་ལས་ངན་འཆད། །ཅེས་སོ། །དེ་བས་ན་སྔགས་ཀྱི་ཐབས་ལ་མཁས་པ་དང༌། བྱང་ཆུབ་ཀྱི་སེམས་ཁྱད་པར་ཅན་གྱིས་ཟིན་པས་རྣམ་སྨིན་ངན་པས་མི་གོས་ཤིང༌། ཞིང་བཅུ་ཚར་བཅད་པས་བསྟན་འགྲོའི་དོན་ཆེན་པོ་དང༌། བདག་ཉིད་བྱང་ཆུབ་བསྒྲུབ་པའི་འགལ་རྐྱེན་ཞི་ནས་ཕྲིན་ལས་བཞི་དང་མཆོག་གི་དངོས་གྲུབ་ཐོབ་པའི་ཚུལ། སངས་རྒྱས་ཀུན་གྱི་མཛད་པ་ཡི། །


JLAZ009_Page_0514
[མ་དཔེ་གཟིགས་ན་འདིར་གནོན།]

འགྲོ་བའི་དོན་དུ་ཕྲིན་ལས་བཞི། །འདི་ལྟར་ཐོགས་པ་མེད་སྤྱོད་པས། །དངོས་གྲུབ་བར་གཅོད་ཚར་གཅོད་སོགས། །བརྟུལ་ཞུགས་ཅན་གྱི་རྣལ་འབྱོར་ལ། །ཤིན་ཏུ་འགྲུབ་པར་ང་ཡིས་བསྟན། །ཡོན་ཏན་ཕུན་སུམ་ཚོགས་གྲུབ་པས། །རང་བྱུང་ཡེ་ཤེས་རྟོགས་པར་འགྱུར། །འཁོར་དང་ལོངས་སྤྱོད་ཀུན་རྒྱས་ཤིང༌། །བཀྲ་ཤིས་དཔལ་ནི་ཡོངས་རྫོགས་བྱེད། །ཅེས་སོ། །དབྱིངས་ལ་བདུད་རྩི་དྲི་མེད་ཟབ། །རྣ་བར་འབུམ་འགྲེལ་བཤད་ཡང་སྙན། །རྒྱུད་ཀྱི་ཁོང་སྙིང་བཏོན་པ་འདི། །པདྨའི་ལུང་བསྟན་ཐོབ་ལས་བྱུང༌། །འདི་ལ་བཅོས་བསླད་བྱེད་པ་དང༌། །གདམས་ངག་བཏུས་ནས་ཁུངས་བཟང་པོར། ། འཆོས་པ་བྱུང་ན་དེའི་དོན་སྙིང༌། །ཤྭ་ན་མཆེད་བཞིའི་ཞལ་དུ་རོལ། །རྒྱལ་བསྟན་སྤྱི་དང་བྱེ་བྲག་ཏུ། ། སྔ་འགྱུར་རྡོ་རྗེ་ཐེག་པ་ཡིས། །བསྟན་ལ་འཚེ་དང་བསྟན་འཛིན་གཞོམ། །དེ་འདྲའི་སྲོག་གི་སྤུ་ གྲིར་རྒྱ། །སློབ་དཔོན་ཆེན་པོ་པདྨའི་ཞབས་ཀྱི་ཇོ་མོ་རྡོ་རྗེ་འཇིགས་བྱེད་ཉི་མ་དབང་ཕྱུག་རྩལ་ལ་གདམས་པའི་མན་ངག་ལག་ལྷག་རྡོ་རྗེ་བྱང་ཆུབ་སློབ་མར་བཅས་པའི་བར་དུ་བཀའ་ནས་བཀར་བརྒྱུད་པའི་མན་ངག་གི་གཞུང་བསྲངས། རྡོ་རྗེ་ཕུར་པའི་རྒྱུད་སྡེ་རྒྱ་མཚོ་ལྟ་བུའི་བཅུད་ཕྱུང་བ་འདི་ཉིད་འདྲི་བའི་དབུ་བརྩམས་པ་ནས་མ་གྲུབ་བར་དུ་འཚུབས་ལྷངས་ཀྱང་


JLAZ009_Page_0515
[མ་དཔེ་གཟིགས་ན་འདིར་གནོན།]

བལྟར་མངོན་པ་རྒྱུན་ཆགས་སུ་བྱུང་ཞིང༌། གྲུབ་འབྲས་ཀྱང་བསླུ་མེད་དུ་མཐོང་བ་ཡིན་པས་ཀུན་ལ་མི་སྟོན་པའི་བཀའ་རྒྱ་ཡོད་དོ། །དགེའོ།། །།

ཕུར་པ་རྒྱུད་ལུགས་ལས། ཕུར་སྲུང་ལྕམ་དྲལ་གྱི་གནད་ཡིག་དམ་ཅན་བླ་ཆགས།


JLAZ009_Page_0517
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས། ཕུར་སྲུང་ལྕམ་དྲལ་གྱི་གནད་ཡིག་དམ་ཅན་བླ་ཆགས་ཞེས་བྱ་བ་བཞུགས། །


JLAZ009_Page_0518
[མ་དཔེ་གཟིགས་ན་འདིར་གནོན།]

དཔལ་ཆེན་བཛྲ་ཀུ་མཱ་ར་ལ་ན་མ། ཕུར་སྲུང་ལྕམ་དྲལ་གྱི་གནད་ཡིག་ལ་གསུམ། སྐྱེ་རྒྱུད་བཤད་པ་དང༌། སྲོག་སྔགས་ཀྱི་རྣམ་དབྱེ་དང༌། བསྒྲུབ་པའི་ཚུལ་ལོ། །དང་པོ་ནི། རྣལ་འབྱོར་ཆེན་པོ་ལས། འཇིག་རྟེན་གྱི་ཁམས་འདི་ན་དྲེགས་པ་ཅན་གནས་པ་ནི་འདི་ལྟ་སྟེ། བདུད་ནག་པོ་ཡབ་ཡུམ་རོལ་པའི་སྲས། ལྷ་མོ་ནག་མོ་རེ་མ་ཏི་མཆེད་བཞི་དང༌། དེའི་མིང་པོ་མ་ཧཱ་ཀཱ་ལ་སྟེ། དེ་དག་རི་རབ་ཀྱི་བྱང་ཤར་ན་མཚོ་མུ་ལེ་ཏིང་གི་ནང་ནས་ལྕགས་མཁར་ནག་པོའི་ནང་དུ་དུག་ལྔའི་རྟེན་ཅན་ཤིན་ཏུ་དྲེགས་པར་གནས་སོ། །གནོད་སྦྱིན་ཟངས་མདོག་རྒྱལ་པོ་ཡབ་ཡུམ་རོལ་པའི་སྲས་བསྭེ་མོ་བཞི་དང༌། མིང་པོ་བསྭེའི་སྐྱེས་བུ་གདུག་


JLAZ009_Page_0519
[མ་དཔེ་གཟིགས་ན་འདིར་གནོན།]

པ་ཅན་བཞི་ནི་རི་རབ་ཀྱི་ལྷོ་ནུབ་མཚོ་ན་བསེ་མཚོ་མེར་བའི་དབུས་ན་བསེ་མཁར་སྨུག་པོའི་དུག་ལྔའི་རྟེན་ཅན་ན་ཡོད་དོ། །སྲིད་པའི་ཕྱྭ་ཧེ་ལེ་ཡབ་ཡུམ། བཤོས་པའི་སྲས་ཤྭ་ན་མུ་ཁ་མཆེད་བཞི། མིང་པོ་ཤེལ་གིང་དཀར་པོ་སྟེ་རི་རབ་ན་དུག་མཚོ་མེར་བ་དང༌། དུང་མཁར་དཀར་པོའི་ནང་ན་དུག་ལྔའི་རྟེན་ཅན་ཡོད་པ་དེ་ན་དྲེགས་པ་ཡང་དག་པར་གནས་སོ། །གཞན་ཡང་འཇིག་རྟེན་གྱི་མ་བདུན་དང༌། སྲིང་མོ་བཞི་དང༌། དྲེགས་པ་ཅན་ཆེན་པོ་དྲུག་དང༌། འཇིག་རྟེན་པ་མང་པོ་གཞན་གྱི་སྲོག་འཕྲོག་ཅིང༌། དྲེགས་པའི་དོན་དང་ལྡན་པར་གནས་སོ། །ཞེས་དང༌། དོན་དེ་ལྟ་བུ་གཟིགས་ནས་བཅོམ་ལྡན་འདས་ཀྱིས་དམ་ཅན་གནད་ལ་འབེབས་པ་ཞེས་བྱ་བའི་ཏིང་ངེ་འཛིན་ལ་


JLAZ009_Page_0520
[མ་དཔེ་གཟིགས་ན་འདིར་གནོན།]

སྙོམས་པར་བཞུགས་ནས། ཉོན་ཅིག་ཀརྨཱ་ཧེ་རུ་ཀ །དྲེགས་པ་ཚོ་གསུམ་མིང་སྲིང་འདི། །རབ་ཏུ་ཐུགས་རྗེས་གདུལ་བར་བྱ། །མ་བཏུལ་དྲེགས་པ་དམྱལ་བར་འགྲོ། །བཏུལ་ན་སངས་རྒྱས་བསྟན་པ་ནི། །རབ་ཏུ་བསྲུང་བྱ་ལས་བྱེད་གཞུག །ཅེས་གསུངས་ཏེ་ཉིད་ཀྱི་ཐུགས་ཀ་ནས་སྲས་མཆོག་ཞལ་གཅིག་ཕྱག་གཉིས་པ་ཕྱག་ན་མཚོན་ཆ་སྣ་ཚོགས་པ་ཐོགས་པ་མང་པོ་སྤྲོས་ཏེ། དེས་དྲེགས་པ་ཅན་མང་པོ་རང་དབང་མེད་པར་བཀུག་སྟེ་བཅོམ་ལྡན་འདས་ཀྱི་སྤྱན་སྔར་འོངས་པ་དང༌། ཐམས་ཅད་ཞབས་འོག་ཏུ་བཅུག །སྔགས་ཀྱིས་གཟིར་བས་ཤིན་ཏུ་ཉམ་ཐག་པའི་སྒྲ་ཕྱུང་སྟེ། ཨེ་མ་དཔའ་བོ་ཐུགས་རྗེ་ཅན། །ཐུགས་རྗེ་ཆུང་བས་བདག་ཅག་གཟིགས། །རང་རང་ཟས་སྐལ་སྲོག་གཅོད་ལགས། །དེ་རིང་ཕན་ཆད་ཁྱེད་ཉིད་ཀྱིས། །འབངས་མཆི་བདག་ཅག་རྣམས་ལ་ནི། །དབའ་བོས་འབངས་རྣམས་ཡང་དག་སྩོལ། །ཞེས་ཞུས་པས། དམ་ཚིག་གི་ཕྱག་རྒྱ་དང༌། ཟིལ་གྱིས་གནོན་པའི་ཕྱག་རྒྱ་བསྟན། བདུད་རྩི་ལྕེ་ལ་བྱིན། རྡོ་རྗེ་ཕུར་བུ་ལག་ཏུ་གཏད། མིང་སོ་སོར་བཏགས་ཏེ་གསང་བའི་དབང་བསྐུར། ངན་སོང་གི་ཆོས་ལས་ལྡོག་པའི་དོན་བསྟན། ཆོས་ཉིད་ཡང་དག་པའི་ཡེ་ཤེས་བསྟན་ཏེ། དེ་རྣམས་ཀྱིས་རིག་པའི་མེ་ཏོག་ཏུ་སྲོག་སྙིང་ཕུལ་བ་ནི་འདི་ལྟ་སྟེ། ནག་མོས། མ་ཐ་མ་ཐ་བཛྲ།


JLAZ009_Page_0521
[མ་དཔེ་གཟིགས་ན་འདིར་གནོན།]

ཏྲཀ་རཀྴ་རེ་མ་ཏི་ཧེ་དུན་བྷྱོ། མ་ཧཱ་ཡཀྴ་ནག་མོ་ཧེ་དུན་བྷྱོ། ཞེས་དང༌། གཞན་ཡང་རང་རང་གི་སྔགས་མང་པོ་ཕུལ་ལོ། །བསྭེ་མོས། ཀ་ཏཾ་ཀ་ཏེ། ཛ་ཡེ་བི་ཛ་ཡེ། ཨ་ཛི་ཏི་ཨ་པ་ར་ཙིཏྟ་སུ་ཀི་བྷ་ཡ་བྷ་ར་ཙིཏྟ་ཏྲཾ་ཡོ་གཱི་ཤྭ་རི་ཡ་མ་ཙིཏྟ་ཧཱུྃ་ཕཊ། ཅེས་དང༌། གཞན་ཡང་མང་པོ་ཕུལ་ལོ། །ཤྭ་ན་མས། ཛྭ་ལ་ཛྭ་ལ་བཛྲ། མ་མ་མུཀྟ་ལ་ཡེ། ཛ་ཡ་དུ་མན་དྷཱི་ཤྭ་རི་ནཱི་ལ་སུ་ཙི་ཧཱུྃ་བྷྱོ་ཧཱུྃ་བྷྱོ། ཞེས་དང༌། གཞན་ཡང་མང་པོ་ཕུལ་ལོ། །མགོན་པོས་ཕུལ་བ། ཀཱ་ལ་མ་ཏྲཾ། མ་ཧཱ་ཀཱ་ལ་ར་ཏྲི་ཡེ་ཀཱ་ལ་རཱུ་པ་ཧཱུྃ་ཕཊ། ཅེས་དང༌། གཞན་ཡང་མང་པོ་ཕུལ་ལོ། །བསྭེའི་སྐྱེས་བུས། མ་ར་ས་ནི། ར་ཤ་ནི་ར་ཤ་བྷེ་ཀུ་ལན་ཤུ་ལན་ཧཱུྃ་ཕཊ། ཅེས་དང༌། གཞན་ཡང་མང་པོ་ཕུལ་ལོ། །རྒྱལ་པོས། ཀཱ་ར་མ་ཀཱ་ར་ཡ། ཏྲི་ཙ་པ་ལ་ཏྲི་ལ་ཐུན། ཞེས་དང༌། གཞན་ཡང་མང་པོ་ཕུལ་ལོ། །མ་བདུན་སྲིང་བཞིས། ཧཱུྃ་མ་མ་པ་ཤི་ཀུ་རུ་མ་ཏཾ་ཉ་ཀ་ར་ཨི་ནན། ཞེས་དང༌། འཇིག་རྟེན་པ་དྲུག་ལ་སོགས་པ་མང་པོས། དྷ་ཏི་མ་མ་ཤི་ཀྲཾ་ཀརྨ་ཀ་ཏྱེ་ཡ། པྲ་མརྟ་ནི་ཧཱུཾ་ཕཊ། ཅེས་སོ། །ཡང་བདུད་རྩི་དམར་པོའི་རྒྱུད་ལས་དེ་དག་སྒོང་སྐྱེས་སུ་བཤད་ནས། ཤྭ་ན་མས་སུ་རུ་སུ་རུ་བཛྲ། བདག་ཉིད་མས་མུ་རུ། ཡ་བྱིན་གྱིས་ཀ་ཏང༌། དེ་བྱིན་གྱིས་ཛ་ཡེ།


JLAZ009_Page_0522
[མ་དཔེ་གཟིགས་ན་འདིར་གནོན།]

ཕག་བྱིན་གྱིས་ཨ་པ་ར། བསྭེ་བྱིན་གྱིས་ཨ་ཛི་ཏེ། མ་བདུན་གྱིས་མ་མ་པ་ཤི་ཀུ་རུ་མ་ཏཾ་ཉ་ཀ་ར་ཨི་ནན། སྲིང་བཞིས་མ་ར་སེ་ན་པྲ་མརྟ་ན་ཡེ་ཧཱུྃ་ཕཊ་དང༌། སྲུང་མ་ཐམས་ཅད་ཀྱིས་དྷ་ཏི་མ་མ་ཤི་ཀྲཾ་ཀ་རེ་ཡ། ཞེས་ཕུལ་ལོ། །གསང་རྒྱུད་ལས་ནི། བདག་ཉིད་ཆེན་མོས་མ་མ་པ་ཤི། ས་བདག་ཆེན་མོས་ཨ་ཙིཏྟ་ཨ་པ་ར་སོགས། ཤྭ་ན་མས་ཛྭ་ལ་དང༌། སུ་རུ་དང༌། མུ་རུ་དང༌། མ་ཐ་སྦྱར་བ་དང༌། སྒོས་བསྒྲུབ་ཤྭ་ན་དཀར་ནག་གི་རྒྱུད་ལས། སྲི་ལ་དང༌། ཤྭ་ན་དང༌། སིངྷ་དང༌། ཀྲི་ཏ་བཞི་ལ་མུ་ཁའི་མཐའ་རྟེན་རྦད་སྔགས་དང་བཅས་པ་དང༌། བསྭེ་སྒྲོམ་དམར་པོ་ལས། ད་རེའི་མཐའ་ཅན་གྱི་ཀངྐ་དང༌། ཀུ་མ་དང༌། ཙ་མུན་དང༌། ཤུ་ལ་བཞི་ཕུལ་ལོ། །གཉིས་པ་སྔགས་ཀྱི་དེ་ཁོ་ན་ཉིད་བསྟན་པ་ནི། རྣལ་འབྱོར་ཆེན་པོ་ལེའུ་བཅོ་ལྔ་པ་ལས་དམ་ཅན་སྡེ་གསུམ་མིང་པོ་དང་བཅས་པའི་དྲིལ་བསྒྲུབ་ལས་སྤྱིའི་སྲོག་སྙིང་ཡི་གེ་ལྔ་བཅུ་ང་གསུམ། བསྭེའི་དགུ་བཅུ་གོ་དྲུག །བདག་ཉིད་མའི་བརྒྱད་ཅུ་གྱ་དྲུག །ཤྭ་ན་མའི་ལྔ་བཅུ་རྩ་དྲུག །ཤེལ་གིང་གི་བདུན་ཅུ་དོན་བརྒྱད། མགོན་པོའི་དགུ་བཅུ་གོ་ལྔ། ས་བདག་མའི་བདུན་ཅུ་རྩ་བདུན། དེ་དག་གི་མནན་བསྲེག་འཕང་བའི་སྔགས་དང་བཅས་བསྟན་ཅིང༌། ཁྱད་པར་སྲོག་སྙིང་རྣམས་ལ་ནི། །ཡང་


JLAZ009_Page_0523
[མ་དཔེ་གཟིགས་ན་འདིར་གནོན།]

ན་སྤྱི་རུ་ཤེས་པར་བྱ། །ཞེས་པས་ངེས་དོན་ལ་ཡེ་ཤེས་ཀྱི་ལྷའི་རྩལ་སྣང་གཅིག་ལས་མི་འདའ་བའི་ཕྱིར། འདི་ནི་རང་ལ་དྲིལ་བ་སྟེ། །རྩ་བ་གང་ལ་བྱིན་མེད་ན། །འདི་ནི་སྤོགས་པའི་ཁ་བསྐངས་ཡིན། །ཞེས་པ་ལ་སོགས་སྒོས་སྔགས་སྤྱི་ལ་འགྲོ་བ་དང༌། སྤྱི་སྔགས་སྒོས་ལ་འཇུག་པ་རྡོ་རྗེ་ཕུར་པའི་རང་ལུགས་ཡིན་ན་རྣལ་འབྱོར་ཆེན་པོའི་ལེའུ་དགུ་པ་ལས། བཟླས་པ་དཔའ་བོ་གཅིག་པའི་སྔགས། །དང་པོ་བཅོམ་ལྡན་ཕུར་པའི་རྫས། །ཐམས་ཅད་འདུས་དང་རི་རབ་དང༌། །མནན་པ་ཁྲོ་བོ་འདུས་པ་དང༌། །གོང་བཞིན་དམ་ཅན་འདུས་པ་དང༌། །ཐབས་དང་ཤེས་རབ་གིང་མཆོག་དང༌། །རྟོག་པ་ལས་ཀྱི་སྔགས་བཅས་པ། །རྣམ་བཞི་ཚང་བ་བཞི་སྙིང་སྟེ། །དཔའ་བོ་གཅིག་ལ་ངལ་བ་མེད་པར་བཟླས། །ཞེས་པ་ལས། ཐམས་ཅད་འདུས་པའམ་རི་རབ་ནི་སྨད་ལས་ཀྱི་ངོ་བོ་སྟོང་ཉིད་སྙིང་རྗེ་ཟུང་དུ་འཇུག་པའི་སྒྲོལ་བ་ཡིན་པས་དེའི་བྱེད་ལས་ནི་ཁྲུས་ལུང་དང༌། ཟིལ་གནོན་གྱི་བདག་ཉིད་ཅན་དུ་སྔགས་དོན་གྱི་གཏན་ལ་དབབ་པའི་ཚུལ་ལེའུ་སུམ་ཅུ་པ་ལས། ཨོཾ་ལཾ་ཧཱུྃ་ལཾ་ཡབ་དང་ཡུམ། །ཀཱི་ལི་གོང་དང་ཧཱུཾ་ཀཱ་ར། །གདུག་པ་འཁོར་བཅས་སྔགས་སུ་བཤད། །ཀཱི་ལི་འོག་མ་བིག་དང་བཅས། །གདུག་བྱེད་སྲས་མཆོག་སྔགས་སུ་བཤད། །སྟྭམ་བྷ་ཐབས་དང་ཤེས་


JLAZ009_Page_0524
[མ་དཔེ་གཟིགས་ན་འདིར་གནོན།]

རབ་སྔགས། །གཉིས་མེད་སྦྱོར་བས་ཉོན་མོངས་སྦྱོངས། །དྲག་པོ་ཡབ་ཡུམ་སྒྲོལ་བར་བཤད། །མོ་ཧ་མིང་ལ་གྷ་ཡ་རུས། །རྟེན་ལ་དབབ་པའི་ལས་སུ་བཤད། །ཛཿཧཱུྃ་བཾ་ཧོཿའི་ཕྱག་རྒྱ་བཞིས། །རྟེན་དང་གཉིས་སུ་མེད་པར་བཤད། །ཨོཾ་དང་ཧཱུྃ་གིས་བསྡུས་པའི་སྔགས། །ཉོན་མོངས་རང་དབང་མེད་པར་བཤད། །བྷ་ག་ཝན་ནི་བཅོམ་ལྡན་འདས། །སྒྲོལ་བའི་གཙོ་བོ་ཡིན་པར་བཤད། །ཤི་ཀྲི་ཡབ་དང་བི་ཀྲི་ཡུམ། །གཉིས་མེད་ཡབ་ཡུམ་བྱང་དུ་བཤད། །བཛྲ་ཧཱུྃ་དང་ཨར་བཅས་པ། །ཡང་དག་དོན་གྱི་འབྲས་བུ་སྟེ། །སྟོང་པ་ཆེན་པོས་སྒྲོལ་བར་བཤད། །རང་རང་འཛིན་པ་ཀུན་བཅོམ་ནས། །དངོས་མེད་ནམ་མཁའི་རང་བཞིན་གནས། །ཞེས་པ་ལ་རྟོགས་པས་བདག་བསྒྲལ་ནས་ཐུགས་རྗེས་གཞན་སྒྲོལ་བའི་མངོན་སྤྱོད་ཀྱི་ལུས་ཡོངས་སུ་རྫོགས་ཤིང་སྔགས་ཀྱི་དེ་ཁོ་ན་ཉིད་ཚང་བས་ཐམས་ཅད་འདུས་པ་དང༌། སྲིད་པ་སྤྱི་ནས་གནོན་པས་རི་རབ་ཀྱི་སྒྲ་ཞུགས་པ་སྟེ། སྟོང་པ་ཉིད་ཀྱི་ཡི་གེ་སྟེ། །འཛིན་པ་སྟོང་པར་སྒྲོལ་བར་བཤད། །དེ་ཡིས་ཡང་དག་དོན་རྟོགས་འགྱུར། །དངོས་པོར་འཛིན་པ་རང་རང་སྔགས། །སྟོང་པར་སྒྲོལ་བ་དེ་ཉིད་དོ། །ཞེས་སོ། །མནན་པ་ཁྲོ་བོ་འདུས་པའི་དོན་ནི་ཐ་མལ་གྱི་སྣང་ཞེན་ཡེ་ཤེས་ལྷའི་སྐུ་གསུང་ཐུགས་སུ་བྱས་ནས་རང་གི་ལུས་ངག་ཡིད་གསུམ་རྡོ་རྗེ་


JLAZ009_Page_0525
[མ་དཔེ་གཟིགས་ན་འདིར་གནོན།]

གསུམ་གྱི་རང་བཞིན་དུ་ཚགས་སུ་འཛུད་པ་སྟོད་ལས་བྱང་ཆུབ་ལ་དམིགས་པས་འཁོར་བ་ཆོས་ཉིད་དུ་གནོན་པ་ལྟར་འདིར་ཡང་དེས་མནན་པ་ནི། གོང་གནོན་བསྙེན་པ་དང༌། ཁྲོ་འདུས་ནི་མཇུག་སྡུད་བསྒྲུབ་སྔགས་ཏེ། སྤྱི་དཔལ་ཆེན་པོའི་སྙིང་པོ་ནི། །བསྙེན་པ་ཡིན་པར་ང་ཡིས་བསྟན། །དེ་ལ་ཁྲོ་བོ་འདུས་པ་ནི། །སྒྲུབ་པ་ཡིན་པར་ང་ཡིས་བསྟན། །ཅེས་པའི་དོན་ཏོ། །དེ་ལ་དམ་ཅན་འདུས་པས་ཁོང་ཁྲར་བཏང་བས་བཞི་སྙིང་གཅིག་ཏུ་དྲིལ་བ་ཞེས་བྱ་སྟེ། དང་པོ་གཙོ་བོའི་གསང་སྔགས་དང༌། །ཕྱག་རྒྱ་བཞི་དང་མིང་རུས་དང༌། །མ་མོ་འདུས་དང་ཐམས་ཅད་འདུས། །བཞི་སྙིང་དྲིལ་བ་དྲག་ཏུ་བཟླས། །ཞེས་པའི་དོན་སྔོན་ཆད་ངོས་ཟིན་པ་ཉུང་ངོ༌། །དེ་ལྟར་བཞི་སྙིང་གཅིག་ཏུ་དྲིལ་བས་ཕུར་པ་བསྒྲུབ་དཀའ་བ་ལ་ངང་ཐུན་ཅན་བསྒྲུབ་ཐག་ཉེ་བར་སྟོན་པ་རྩ་རྒྱུད་རྡོ་རྗེ་ཁྲོས་པའི་དོན་སློབ་དཔོན་ཆེན་པོ་པདྨའི་མན་ངག་དུ་གཙོ་བོར་བྱེད་པ་ཡིན་ལ། དེ་ལའང༌། དྷ་ཏི་འདུས་པ་བསྡུ་ཡིག་གསུམ། །ངན་སྔགས་ཡིན་པར་ང་ཡིས་བསྟན། །ཞེས་པས། གསང་བ་བསྡུ་ཡིག་ལ་བརྟེན་ནས་དམ་ཅན་ཉེ་བར་བསྙེན་ཅིང་འབོད་པ། ནང་འདུས་པ་ལ་བརྟེན་ནས་སོ་སོའི་སྲོག་ནས་དྲངས་ཤིང་ལས་ལ་རྦད་པ། ཕྱི་ཐུན་སྔགས་ལ་བརྟེན་ནས་བསད་པའི་ལས་བྱ་བ་གསུམ་ལས། དང་པོ་ནི། རྣལ་


JLAZ009_Page_0526
[མ་དཔེ་གཟིགས་ན་འདིར་གནོན།]

འབྱོར་ཆེན་པོ་ལས་སྲས་མཆོག་ལ་དམིགས་པ་དང༌། དམ་ཅན་ལ་དམིགས་པའི་བསྡུ་ཡིག་གཉིས་ལས་ཕྱི་མའི་དོན། ཀ་ནི་སྐུ་ཡི་སྙིང་པོ་སྟེ། །གཟུགས་ཅན་བསྒྲལ་བའི་དྲག་སྔགས་ཡིན། །ཛ་ནི་གསུང་གི་སྙིང་པོ་སྟེ། །ངག་ནི་སྒྲོལ་བའི་དྲག་སྔགས་ཡིན། །ཨ་ནི་ཐུགས་ཀྱི་སྙིང་པོ་སྟེ། །ཡིད་ནི་སྒྲོལ་བའི་དྲག་སྔགས་ཡིན། །མ་ནི་མུ་ཀ་ཧེ་ཞེས་བྱ། །ཤྭ་ན་མ་ཡི་དྲག་སྔགས་ཡིན། །ར་ནི་རཀྴ་སྲིན་མོ་སྟེ། །བདག་ཉིད་མ་ཡི་དྲག་སྔགས་ཡིན། །ས་ནི་བདུད་ཀྱི་བུ་མོ་ཡིན། །ན་ནི་བཙན་གྱི་བུ་མོ་ཡིན། །པྲ་ནི་གཟའ་ཡི་བུ་མོ་ཡིན། །མར་ནི་ཀླུ་ཡི་བུ་མོ་ཡིན། །ཏ་ནི་མིང་པོ་དག་ཡིན་ཏེ། །སྨད་ཀྱི་སྟོད་ཀྱི་དྲག་སྔགས་དང༌། །སྟོད་ཀྱི་བར་གྱི་དྲག་སྔགས་ལ། །སྒྲ་ཡི་ཡི་གེ་བཅུ་གཅིག་གིས། །བསྐུལ་བའི་ལས་ཀྱི་དྲག་སྔགས་སྦྱར། །ཞེས་སོ། །དེ་ལྟར་བཞི་སྙིང་དྲིལ་བ་ལ་སྐུ་གསུང་ཐུགས་ཡོན་ཏན་ཕྲིན་ལས་ཐམས་ཅད་ཚང་བའི་ཚུལ། སྤྱི་རུ་བསྟན་པ་འདི་ལྟ་སྟེ། །ཡེ་ཤེས་ལྷ་ཡི་སྔགས་ཉིད་ནི། །ཐམས་ཅད་ཀུན་གྱི་སྐུ་རུ་བཤད། །རང་རང་རྩ་བའི་སྙིང་པོ་འདི། །ཐམས་ཅད་ཀུན་གྱི་ཐུགས་སུ་བཤད། །རང་རང་སྙིང་པོ་འབྲུ་རེ་ནི། །ཐམས་ཅད་ཀུན་གྱི་གསུང་དུ་བཤད། །རང་རང་ཕྱི་སྐྱོར་སྙིང་པོ་ནི། །ཐམས་ཅད་ཀུན་གྱི་ཡོན་ཏན་སྔགས། །དམ་ཅན་བསྭེ་མོའི་ལས་སྔགས་


JLAZ009_Page_0527
[མ་དཔེ་གཟིགས་ན་འདིར་གནོན།]

ནི། །ཐམས་ཅད་ཕྲིན་ལས་སྔགས་སུ་བཤད། །དེ་ནི་དྲིལ་བའི་སྙིང་པོ་ཡིན། །ཞེས་སོ། །གལ་ཏེ་རྒྱུད་ལས་དངོས་བསྟན་གྱི་སྐུ་གསུང་ཐུགས་སྔགས་དམིགས་བསལ་སྦྱོར་ན། སྒྲུབ་ཐབས་ནང་ལྟར། ཨོཾ་བུདྡྷ་ཀཱི་ལི་ཀཱི་ལ་ཡ་ཀཱ་ཡ་བཛྲ་ནན། ཛྭ་ལ་ཛྭ་ལ་པྲ་ཛྭ་ལ། སྥུ་ཊ་སྥུ་ཊ་སརྦ་ན་ས་པ་ན་ཡེ་ཧཱུྃ་ཕཊ། སོགས་མགོར་སྦྱར་ནས་སོ་སོའི་སྲོག་སྔགས་སམ། བསྡུ་ཡིག་ལྟར་འདྲེན་པ་མན་ངག་ཡིན་ཏེ། ཧཱུྃ་ཀཱ་ར་ཡི་ཡི་གེ་བདུན། །ཐམས་ཅད་སྦྲགས་པ་གསུང་གི་སྔགས། །བདག་ཉིད་གཙོ་བོའི་ཡི་གེ་སྔགས། །གཟུགས་སུ་བསྐྱེད་པ་སྐུ་ཡི་སྔགས། །བདུད་རྩི་འཁྱིལ་བའི་ཡི་གེ་དྲུག །དྲན་པར་སྣང་བ་ཐུགས་ཀྱི་སྔགས། །དེ་རྣམས་གོང་གི་བར་དུའོ། །སྐུ་གསུང་ཐུགས་ལ་གཙོ་བོར་བྱ། །ཞེས་པའི་དོན་ཏོ། །གཉིས་པ་ནང་འདུས་པ་ལྟར་རྦད་པ་ནི། ཡང་ན་བསྐྱེད་པ་མེད་པར་རོ། །བསྙེན་པ་མི་བྱ་རངས་པ་དྲིལ། །དང་པོ་བདག་ཉིད་འབྲུ་བདུན་དང༌། །དེ་འོག་ཕྱག་རྒྱ་མནན་ཡིག་གསུམ། །མིང་རུས་ཡི་གེ་གཟས་པར་བཤད། །ཤྭ་ནའི་ཡི་གེ་བཅུ་དྲུག་དང༌། །རེ་མ་ཏི་ཡི་རྩ་སྔགས་དང༌། །བསྭེ་མོའི་སྙིང་པོ་བཅུ་བདུན་དང༌། །འཁོར་བ་རྩད་གཅོད་ཡི་གེ་དགུ། །ཐམས་ཅད་ཚང་བའི་ཡི་གེ་བདུན། །དྲིལ་ཏེ་རབ་ཏུ་བཟླས་པ་ཡི། །མདངས་དང་བྲལ་བར་རབ་ཏུ་ངེས། །ཞེས་པས།


JLAZ009_Page_0528
[མ་དཔེ་གཟིགས་ན་འདིར་གནོན།]

ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ ཨོཾ་ལཾ་ཧཱུྃ་མོ་ཧ་གྷ་ཡ་སྲི་ལ་མུ་ཁ་ཛཿཤྭ་ན་མུ་ཁ་ཛཿསིངྷ་མུ་ཁ་ཛཿཀྲྀ་ཏ་མུ་ཁ་ཛཿམ་ཐ་མ་ཐ་བཛྲ། ཏྲག་རཀྴ་མ་ཧེ་ཧེ་དུན་བྷྱོ། མ་ཧཱ་ཡཀྴ་ནག་མོ་ཧེ་དུན་བྷྱོ། ཀ་ཏཾ་ཀ་ཡེ། ཛ་ཡེ་བི་ཛ་ཡེ། ཨ་ཛི་ཏེ། ཨ་པ་ར་ཛི་ཏེ། མ་ར་སེ་ན་པྲ་མརྟ་ན་ཡེ། སརྦ་བིག་ནན་བཾ་ཧཱུྃ་ཕཊ། འདི་ནི་ཡང་དག་མན་ངག་སྟེ། །མགོ་མཇུག་དྲིལ་བའི་ངན་སྔགས་ཡིན། །འདིས་ནི་ཉམས་པར་གདོན་མི་ཟ། །ཐུགས་རྗེས་བཟུངས་ལ་གནས་སྤར་རོ། །ཞེས་སོ། །གསུམ་པ་ནི། གསང་སྔགས་དང་པོ་གཙོ་བོ་དང༌། །མིང་རུས་དངོས་དང་འདུས་པ་དང༌། །མིང་པོའི་སྔགས་བཅས་བཟླས་པར་བྱ། །དམ་ཅན་ལ་སོགས་ལྷ་རྣམས་ཀྱིས། །རྣམ་པར་གསད་པའི་དགོངས་པ་བྱ། །སྐབས་སུ་ཐུན་སྔགས་བཅུ་གཉིས་ཀྱིས། །ཐུན་ཕབ་ངེས་པར་གསད་པར་བསམ། །ཞེས་པས་བཤད་མ་ཐག་པའི་ཁོང་ཁྲ་འབྱིང་འཇུག་བྱས་ལ། སརྦ་བིག་ནན་གྱི་གོང་དུ་མིང་པོའི་སྔགས་དངོས་བསྟན་གཅུན་ཀྱང་རུང་སྟེ། རྩ་རྒྱུད་ལས་དྷ་ཏིའི་མིང་དངོས་སུ་སྨོས་པས་མདུང་རྩེ་དམར་པོའི་དགོངས་པ་ལྟར་མ་མ་པ་ཤཾ་ཀུ་རུ་སོགས་དང༌། དྷ་ཏི་མ་མ་སོགས་ཁོང་ཁྲར་འཇུག་པ་བདེ་བ་ཉིད་པདྨའི་བཞེད་པ་ཡིན་ནོ། །ཐུན་སྔགས་བཅུ་གཉིས་ཀྱི་ངོས་འཛིན་ནི་རྣལ་འབྱོར་ཆེན་པོའི་ལེའུ་བཅོ་ལྔ་པ་ལས་གཞན་དུ་ངོ་འཕྲོད་པ་མི་སྣང་ཞིང༌། དེའི་ནང་ཚུན་


JLAZ009_Page_0529
[མ་དཔེ་གཟིགས་ན་འདིར་གནོན།]

ནས་ཤུ་ཤུ་རཀྴ་ཚལ་པ་ལ་སོགས་པའི་དུམ་བུ་འདྲ་མིན་རེ་སྔར་གྱི་ཡི་གེ་རྙིང་པ་ཚོར་སླེབ་ཀྱང་ཡིད་བརྟོན་རུང་བ་དཀའ་ཞིང་རྒྱུད་ལ་བཤད་པའང་དུས་ཐོག་ཧ་ཅང་རྙིང་པའི་ཡིག་སྐྱོན་ཆེ་བས་རེ་ཞིག་བཏང་སྙོམས་སོ། །གསུམ་པ་སྒྲུབ་པ་དངོས་ལ་གཉིས། སྒོས་སྒྲུབ་དང༌། སྤྱི་སྒྲུབ་བོ། །དང་པོ་ནི་རྣལ་འབྱོར་ཆེན་པོའི་ལེའུ་བཅུ་བཞི་པ་ལས། དང་པོ་ནག་མོ་བསྒྲུབ་བྱ་བ། །ཁ་སྐོང་མི་སྐོང་ཤེས་པར་བྱ། །རྣལ་འབྱོར་ཡོན་ཏན་ལྡན་པ་དང༌། །ཕུར་པའི་དོན་རྣམས་ཤེས་པ་ཡིས། །རབ་ཏུ་དབེན་པར་ལེགས་བསྒྲུབ་བོ། །འཁོར་ལོ་རྩིབས་བཞི་ལྡན་པ་ཡི། །དབུས་སུ་བསྙེན་ཕུར་ཕྱོགས་བཞིར་ཕུར། །ནག་མོ་བཞི་ཡི་ཕུར་པ་དགོད། །ཐོད་པ་བཞི་ལ་ཐུན་དང་བཅས། །ཁྱི་ཡི་ལྟེ་ཁྲག་ནལ་བུའི་ཤ །བུད་མེད་མངལ་ཁྲག་སྦལ་པའི་མགོ །རིམས་ཀྱི་ཕྱི་མོ་རྡོ་སོལ་དང༌། །ཁྲག་ཆེན་མུ་ཟི་གཏོར་མ་སྨན། །གཞན་ཡང་རྫས་རྣམས་མང་པོ་གསོག །རྡོ་རྗེ་ཁྲོས་པ་ལ་སོགས་པས། །དབུས་སུ་བདག་ཉིད་དཔལ་ཆེན་བསྐྱེད། །འཁོར་ལོ་བཞི་ལ་སྤུན་བཞི་སྟེ། །རེ་མ་ཏི་དང་རེ་མ་དུ། །རེ་མ་ཛ་དང་རེ་མ་ཛུ། །སྐུ་མདོག་རང་རང་རིགས་དང་བསྟུན། །ཆིབས་དང་ཡང་ན་རྐྱང་པ་སྟེ། །རང་རང་ཕྱག་མཚན་ཕུར་བུ་བསྣམས། །རྒྱན་དང་ལྡན་པ་རབ་ཏུ་བསྐྱེད། །རང་བཞིན་སྤྱན་དྲངས་མཆོད་པ་འབུལ། །


JLAZ009_Page_0530
[མ་དཔེ་གཟིགས་ན་འདིར་གནོན།]

བསྟོད་དང་སྨོན་ལམ་ལེགས་པར་བྱ། །དེ་ནས་བདག་ཉིད་སྔགས་དང་ནི། །མཆེད་བཞི་གསང་སྔགས་སྭཱ་ཧཱ་ཅན། །བར་བཅུག་བར་བཟླས་སྲོག་སྙིང་དབྲོག །ནུས་པ་དག་དང་ལྡན་པར་བྱ། །བར་བར་མཆོད་བསྟོད་གནད་ལ་དབབ། །རང་རང་དམ་རྫས་ལེགས་པར་བསྟབ། །དེ་ལ་རྟགས་རྣམས་ངེས་པ་ནི། །མབུད་མེད་ནག་མོས་དབང་བསྐུར་དང༌། །བདག་ལ་ཕྱག་བྱེད་མར་འོངས་པ། །འདི་ནི་གྲུབ་སྟེ་དངོས་གྲུབ་བླངས། །དེ་ནས་བསད་པའི་ལས་བྱ་བ། །བྲུབ་ཁུང་ལྔ་རུ་ངེས་པར་བྱ། །དེ་ནས་ཐོད་པ་ལིངྒ་དང༌། །དྲག་པོའི་རྫས་རྣམས་ལེགས་པར་བྱ། །གབ་པའི་སྔགས་ཀྱི་ལས་བྱའོ། །མིང་པོས་དགུག་སྔགས་ཤེས་པར་བྱ། །རབ་བསྐྱེད་མཐིང་ནག་འབར་བ་ཡིས། །ཉམས་པ་དགུག་པའི་ལས་རྣམས་བྱ། །སྔགས་ལ་གསད་པའི་སྔགས་གདགས་སོ། །གསད་པ་ལ་སོགས་དགོངས་པ་ཡིས། །ཉམས་པ་ངེས་པར་བསད་ པར་བྱ། །དང་པོ་དུས་ལ་བབ་དྲུག་དང༌། །དེ་འོག་བཅུ་གཅིག་དམོད་པ་ཡི། །རྡོ་རྗེའི་ཚིག་བཞིའི་གནད་ལ་དབབ། །ཐུན་ལ་སོགས་པའི་སྦྱོར་བ་བྱ། །རྟགས་བྱུང་ཕུར་གདབ་བསྲེག་འཕང་གནན། །མ་གྲུབ་དུས་ན་ཤི་ས་བསྟན། །འདི་ནི་མིང་པོའི་ལས་ཡིན་ཏེ། །ཉམས་པ་གསད་པའི་མཆོག་ཡིན་ནོ། །ཁ་སྐོང་ལས་ནི་མཆོག་སྒྲུབ་པ། །གཞན་དུ་གསུངས་པ་ངེས་པ་ཡིན། ། ༈ ཤྭ་ན་མུ་ཁའི་སྒྲུབ་པ་ནི། །


JLAZ009_Page_0531
[མ་དཔེ་གཟིགས་ན་འདིར་གནོན།]

གོང་བཞིན་ཡོན་ཏན་ལྡན་པར་བྱ། ཤྭ་ན་སྒྲུབ་པའི་གནས་སུ་ངེས། །དཀྱིལ་འཁོར་མཆེད་བཞིའི་ཚུལ་དུ་ལ། །གྲུ་གསུམ་བཅས་པ་ལེགས་པར་བྲི། །བསྙེན་ཕུར་ཤྭ་ནའི་ཕུར་པ་ནི། །དབུས་ལ་སོགས་པར་རབ་ཏུ་དགོད། །ཐོད་ཆེན་འཕར་སྤྱང་ཝ་ཁྱི་ལྔ་རྣམས་བསག །རང་རང་སྙིང་དང་ཁྲག་ཆེན་དང༌། །ལྕགས་ཕྱེ་ཟངས་ཕྱེ་གསེར་བྱེ་དང༌། །རྡོ་ཕྱེ་གཏོར་མ་ལྔ་རྣམས་དགྲམ། །དེ་ནས་གོང་བཞིན་བསྐྱེད་པ་ཡང༌། །ལྕགས་སྤྱང་འཕར་བ་ཝ་མོ་དང༌། །ཁྱི་མོ་རང་རང་གང་རིགས་བྱ། །མཆེ་བ་ཅན་ནི་བཞི་ངེས་པར། །ཆིབས་སམ་ཡང་ན་རྐྱང་པ་སྟེ། །རང་རང་ཅོད་པན་ཕུར་པ་བསྣམས། །ཁྲོས་པའི་ཚུལ་དུ་རབ་ཏུ་བརྟག །སྤྱན་དྲངས་ལ་སོགས་གོང་བཞིན་ནོ། །གསང་སྔགས་གོང་བཞིན་བཅས་པ་ལ། །རབ་ཏུ་ཤྭ་ནའི་སྔགས་བཅས་པ། །ལེགས་པར་བཟླས་ལ་གོང་བཞིན་བྱ། །དེ་ལ་རྟགས་རྣམས་ངེས་པ་ནི། །འཕར་སྤྱང་མང་པོ་འདུས་པ་དང༌། །མགོ་བརྙན་ཚོགས་ལ་དབང་བྱེད་པའོ། །ནུས་ཐོབ་དངོས་གྲུབ་བླང་བར་བྱ། །དེ་ནས་གསད་པའི་ལས་བྱ་བ། །གོང་བཞིན་འབྲུབ་ཁུང་བཅས་པའོ། །ལིངྒ་ལེགས་བཅའ་ལས་རྣམས་བྱ། །ཤྭ་ནའི་ཏིང་འཛིན་མང་པོ་ཡིས། །འགུགས་པ་དག་ཏུ་ངེས་པ་ཡིན། །མིང་པོས་ཡང་ནི་དེ་བཞིན་ནོ། །བསད་སྔགས་མཱ་ར་ཡ་བཅས་སམ། །བཟླས་པ་ཤྭ་ནའི་ཚོགས་བཅས་པས། །


JLAZ009_Page_0532
[མ་དཔེ་གཟིགས་ན་འདིར་གནོན།]

གཏོད་ཅིང་ཟ་བའི་ཏིང་འཛིན་བྱ། །བར་བར་ཐུན་རྣམས་བྲབ་པ་ཡིས། །རྫས་རྣམས་སྤྲུལ་པ་ཡང་སྤྲུལ་གྱིས། །ངེས་པར་གསོད་པའི་ཏིང་འཛིན་བྱ། །སྨད་སྟོད་དཀྱུས་ཚིག་ལྔ་བཅས་པ། །དེ་འོག་བཅུ་གཅིག་མཐའ་བསྒྱུར་རོ། །སྟོད་སྨད་ཐ་མའི་བཞི་བཅས་པས། །ཐུགས་དམ་གནད་ལ་དབབ་པར་བྱ། །སེམས་ཅན་གསོད་པའི་རྟགས་བྱུང་ན། །རྩ་བ་ཕུར་གདབ་བསྲེག་དང་འཕང༌། ། མནན་པའི་ལས་རྣམས་བྱས་པ་ཡི། །ཉམས་པ་ངེས་པར་འཆི་བ་ཡིན། །ཁ་སྐོང་གཞན་དུ་ངེས་པར་གསུངས། །ས་བདག་ཆེན་མོའི་བསྒྲུབ་པ་ནི། །གོང་བཞིན་ཡོན་ཏན་ལྡན་པ་ཡིས། །བསྭེ་མོ་བསྒྲུབ་པའི་གནས་སུ་བྱ། །མཎྜལ་ཟླ་ཁམ་བཅུ་དྲུག་གམ། །ཡང་ན་བཞིའམ་འབྲུབ་ཁུང་བཅས། །རང་རང་རིགས་དང་མཐུན་ནམ་གཅིག །ཝ་ཐོད་བཞི་ལ་རྩ་སྔགས་བཅས། །མཆོག་ཕུར་ལྕགས་ཕུར་ལྔ་རྣམས་སོ། །མར་ཁུ་ཞག་དང་སྦྲང་རྩི་རྣམས། །འོ་མ་ལ་སོགས་སྐྱོགས་བཞིའོ། །ཉུང་དཀར་ཉུང་ནག་ཟི་ར་དང༌། །སྐྱེ་ཚེ་ལ་སོགས་ཐུན་རྫས་བསག །གཞན་ཡང་སྨན་རཀ་གཏོར་མ་ལྔ། །མཁས་པས་ལེགས་པར་གསོག་པ་ཡིན། །དེ་ནས་ཏིང་འཛིན་བཅས་པ་ཡིས། །དཔའ་བོ་དཔའ་མོ་བསམ་པ་སྟེ། །རང་རང་རིགས་མཐུན་སྐུ་མདོག་ལ། །བསེ་ཁྲབ་རྒྱན་བཅས་ཕྱག་མཚན་ཡང༌། །ཞགས་པ་ཕུར་བུ་བསྣམས་པ་ནི། །ཆིབས་སམ་ཡང་ན་རྐྱང་པ་སྟེ། །བློན་མོ་ཡང་བློན་བཅས་པ་བསྐྱེད། །


JLAZ009_Page_0533
[མ་དཔེ་གཟིགས་ན་འདིར་གནོན།]

སྤྱན་དྲང་ལ་སོགས་གོང་བཞིན་ནོ། །དཔའ་བོའི་གསང་སྔགས་བཅས་པ་དང༌། །བར་དུ་བསྭེ་སྔགས་སྭཱ་ཧཱ་བཅས། །བཟླས་ལ་གོང་བཞིན་ནུས་པ་དབྲོག །བར་དུ་མཆོད་བསྟོད་གནད་ལ་དབབ། །བལ་མོ་ལ་སོགས་རྟགས་བྱུང་ནས། །དངོས་གྲུབ་བླངས་པས་ནུས་པ་ཐོབ། །དེ་ནས་གསད་པའི་ལས་བྱ་བ། །བྲུབ་ཁུང་ལིངྒར་བཅས་པའོ། །ཁྲོས་པས་ལས་བྱ་བསྭེ་མོ་དགུག །དེ་ཡང་མིང་པོའི་བླ་འགུགས་སྔགས། །དེས་ནི་ངེས་པར་ཁུགས་པ་ཡིན། །གསང་སྔགས་མཱ་ར་ཡ་བཅས་ལ། །བཟླས་པས་ཡང་སྤྲུལ་སུམ་སྤྲུལ་གྱིས། །ངེས་པར་གསད་པའི་ཏིང་འཛིན་བྱས། །གོང་བཞིན་དྲུག་དང་བཅུ་གཅིག་དང༌། །བཞི་བཅས་གནད་ལ་དབབ་པར་བྱ། །ཐུན་ཕབ་དགོངས་པ་གོང་བཞིན་ནོ། །ཕུར་གདབ་བསྲེག་འཕང་མནན་བྱས་ན། །ཉམས་པ་འཆི་འགྱུར་མཱ་ར་ཡ། །སྤོགས་དང་ཤི་སའི་མན་ངག་ནི། །མ་བྱུང་མཁས་པས་རབ་ཏུ་སྦྱར། །ཁ་སྐོང་མན་ངག་གཞན་དུ་གསུངས། །འདི་ནི་མན་ངག་ནང་ན་མཆོག །ཕུར་པའི་སྲུང་མ་མཐུ་ཆེན་ཡིན། །ཞེས་སོ། །ཚུལ་དེས་སྒོས་བསྒྲུབ་ཀྱི་ས་བཅད་ལེགས་པར་ཤེས་ཤིང༌། མིང་སྲིང་སོ་སོའི་སྙིང་པོ་སྐྱེ་རྒྱུད་དང༌། སྔགས་ཀྱི་དེ་ཁོ་ན་ཉིད་བཤད་མ་ཐག་པས་སྟོན་པར་འགྱུར་ལ། དེའང་དམ་ཅན་སོ་སོའི་བསྙེན་པ་ཐེམ་ནས་གསད་པའི་ལས་ལ་འཇུག་ན།


JLAZ009_Page_0534
[མ་དཔེ་གཟིགས་ན་འདིར་གནོན།]

གབ་པའི་སྔགས་ཀྱིས་ལས་བྱའོ། །ཞེས་པ་ལ་སོགས་པས་ཁ་འཕང་བ་ལྟར་ངན་སྔགས་ཉེ་བར་བསྙེན་པ་དང་འབྲེལ་དགོས་པས་དེའི་བཅའ་གཞི་རྣམས་ཚང་བར་བྱས་ལ། དམ་ཅན་མ་རང་རང་གི་མིང་པོའི་སྔགས་དང་སྦྲེལ་ནས་བླ་འགུགས་ཀྱི་དམིགས་པ་གཙོ་བོར་འདོན་པ་ལ་བསྒྲུབ་པ་ཆེན་པོ་ཞེས་བྱ་སྟེ། མ་མོ་རྣམ་གསུམ་འདུས་པ་ནི། །སྒྲུབ་པ་ཆེན་པོ་མཆོག་ཡིན་ཏེ། །དགྲ་བོའི་བླ་འགུགས་ཤེས་པར་བྱ། །གབ་སྔགས་མིང་རུས་ཐབས་སྔགས་ཆེན། །ངན་སྔགས་འདུས་པས་བསྒྲུབ་ཆེན་པོ། །གསད་པར་བྱ་བའི་རིམ་པ་ཡིན། །ཞེས་སྒྲུབ་པ་ཆེན་པོའི་ཡང་ཆེན་པོ་ངན་སྔགས་ཉེ་བར་བསྙེན་པ་ཡིན་ནོ། །དེ་ཡང་མིང་སྲིང་སོ་སོའི་སྒོས་སྒྲུབ་ནི་དམ་རྫས་ཚོགས་པར་དཀའ་ཞིང༌། རྩ་སྔགས་ཀྱང་རྣམ་གྲངས་མང་བས་འཛིངས་ཆེ་ལ་བསྒྲུབ་དཀའ། མ་མོ་གྲུབ་ཀྱང་ལས་མི་འདོད་པ་ལ་ཤི་ས་བསྟན་པ་དང༌། གིང་འགྲུབ་ཀྱང་འཁུ་ལྡོག་ཆེ་བ་ལ་ལོག་གནོན་གྱི་མན་ངག་དང༌། ཡི་གེ་འབྲུ་བཤིག་གི་སྡེབ་ལ་སོགས་པ་ནི། ཏིང་འཛིན་ལས་སུ་མི་རུང་བས་འཆུན་དཀའ་ལ་རྩུབ་ཅིང་བཀའ་གཉན་པས། ཕྱི་སྒྲུབ་ལག་ལེན་ལ་འདེབས་སླ་ཞིང༌། བཀྲ་ཤིས་པ་ཡིན་པས་ལོགས་སུ་བསྟན་པར་བྱའོ། །གལ་ཏེ་མིང་པོའི་སྒོས་སྒྲུབ་ཀྱི་ཁུངས་འདོད་ན་རྣལ་འབྱོར་ཆེན་པོའི་ལེའུ་བཅོ་ལྔ་པ་ལས་རྟོགས་པར་བྱ་ཞིང༌། དེ་བཞིན་དུ་སྤོགས་པའི་ཆོ་གའང་ལེའུ་བཅུ་


JLAZ009_Page_0535
[མ་དཔེ་གཟིགས་ན་འདིར་གནོན།]

དྲུག་པས་གསལ་བར་བསྟན་ཀྱང༌། ལག་ལེན་ལ་འདེབས་ནུས་པའི་གང་ཟག་འཇིག་རྟེན་ན་དཀོན་པས་ཁྱབ་གདལ་དུ་སྤེལ་བའི་གནས་མ་ཡིན་ནོ། །བདག་ཉིད་འདུན་པ་ལྷོད་པ་མངོན་སྤྱོད་ཀྱང༌། །དོན་གཉེར་ཆེས་མང་རྒྱུད་དོན་ནུབ་ལ་སྐྱོ། །བསྟན་དོན་ལ་དམིགས་གསང་པོར་སྨྲས་ནའང༌། །ལྡོང་པའི་ཀུན་དཀྲིས་ཅན་ལ་དམ་དུ་སྦོས།། །།

ཕུར་པ་རྒྱུད་ལུགས་ལས་དམ་ཅན་ཉེ་བར་བསྙེན་པའི་ཕྲིན་ལས་སྨད་ལས་ཀྱི་སྲོག་ཤིང་།


JLAZ009_Page_0537
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས་དམ་ཅན་ཉེ་བར་བསྙེན་པའི་ཕྲིན་ལས་སྨད་ལས་ཀྱི་སྲོག་ཤིང་ཞེས་བྱ་བ་བཞུགས། །


JLAZ009_Page_0538
[མ་དཔེ་གཟིགས་ན་འདིར་གནོན།]

དཔལ་ཆེན་བཛྲ་ཀུ་མཱ་ར་ལ་ན་མ། འདིར་རྩ་བའི་ས་བཅད་གཉིས་པ་སྨད་ལས་ཀྱི་དང་པོ་དམ་ཅན་ཉེ་བར་བསྙེན་པ་ནི། རྒྱུད་ལས། བསྒྲུབས་ན་ཆགས་པའི་སྲུང་མ་ནི། །བཅུ་གཉིས་དག་ཏུ་ཤེས་པ་ལ། །ཤྭ་ན་མུ་ཁ་ལྕགས་སྤྱང་མོ། །ཤྭ་ན་མུ་ཁ་ལྕགས་ཁྱི་མོ། །སྲི་ལ་མུ་ཁ་ཟགས་འཕར་མ། །སྲི་ལ་མུ་ཁ་ཟགས་ཝ་མོ། །ས་བདག་བཞི་ནི་འགྲུབ་པར་ངེས། །བདག་ཉིད་བཞི་ནི་དཔྱིད་དབྱར་དང༌། །སྟོན་དགུན་བཞི་ཡི་རྒྱལ་མོ་སྟེ། །བཞི་ཚན་གསུམ་པོ་དག་ཏུ་ནི། །བསྟན་ཅིང་བ་ལིན་སྦྱིན་པར་བྱ། །དེ་ལ་དངོས་གྲུབ་མྱུར་བར་འོང༌། །ཞེས་པས་འདི་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། ཉམས་པ་བདུན་པོ་བསྒྲལ་བའི་ཕྱིར། །དྲག་པོའི་དུས་གཟུང་ཡོ་བྱད་གསོག །རྩ་བའི་མཎྜལ་ལྷོ་ནུབ་ཏུ། །བསེ་བྱང་སྦྲག་མའི་མཎྜལ་ནི། །དབུས་སུ་གྲུ་གསུམ་མཐུར་དུ་བྲུ། །


JLAZ009_Page_0539
[མ་དཔེ་གཟིགས་ན་འདིར་གནོན།]

ཕྱི་རིམ་ཟླ་གམ་མུ་ཁྱུད་བཅའ། །འཁོར་ལོ་དྲུག་ཏུ་ངེས་པའོ། །དེ་ཡི་ཕྱི་རོལ་གྲུ་ཆད་བཞིར། །གྲུ་གསུམ་མཐིང་ནག་རེ་རེ་བྱ། །ཞེས་དང༌། དམ་ཅན་གནས་པའི་གྲུ་གསུམ་བཞི། །ཕྱོགས་བཞི་དག་ཏུ་ངེས་པ་ཡིན། །རེ་རེར་ཐོད་ཆེན་རེ་རེ་ལ། །ལིངྒ་བཅས་པ་དེར་བཅུག་ལ། །རྫས་རྣམས་ངེས་པར་ཚོགས་པར་གསོག །ལྕགས་ཕུར་དབུས་སུ་དགོད་པར་བྱ། །མི་བཟད་ཕུར་པ་དྲུག་རྣམས་ནི། །གྲུ་གསུམ་དྲུག་ལ་ཤེས་ པར་བྱ། །དམ་ཅན་མ་ལུས་ཕུར་པ་དང༌། །མིང་པོ་གསུམ་འདུས་ཕུར་པ་གཅིག །ཕྱོགས་བཞི་དག་ཏུ་ལེགས་པར་དགོད། །ཅེས་པ་ལས་འཁོར་ལོ་དྲུག་ནི་རྩིབས་དྲུག་དང༌། གྲུ་གསུམ་དྲུག་ནི་རྩིབས་མཆན་དུ་བྲི་བར་བྱ་ལ། དེ་ཡང་བྲུབ་ཁུང་ལ་བརྟེན་ནས་དམ་ཅན་ཉེ་བར་བསྙེན་པ་ནི་མཚན་མ་འབྱིན་པའི་ལས་ཡིན་པས་དམིགས་པའི་རྟེན་ལིངྒ་བཅའ་བའི་ཚུལ། ཤིང་ཤུན་རོ་རས་


JLAZ009_Page_0540
[མ་དཔེ་གཟིགས་ན་འདིར་གནོན།]

དག་ལ་ནི། །ལིངྒ་བསད་པའི་འཁོར་ལོ་ནི། །དུར་ཁྲོད་སྨྱུ་གུ་ཁྲག་ཆེན་གྱི། །ཞེ་སྡང་བཅས་པའི་སེམས་ཀྱིས་བྲིས། །འཁོར་ལོ་རྩིབས་དྲུག་བཅས་པ་ལ། །སྤྱི་བོར་ཨོཾ་དང་ཀཱི་ལ་ཡ། །སྙིང་གར་མིང་དང་དཔྲལ་བར་རུས། །གཡས་སུ་ཧཱུཾ་ལ་གཡོན་དུ་ཕཊ། །མཱ་ར་ཡ་ནི་འདོམས་སུ་སྟེ། །དྲུག་ལ་སྔགས་དྲུག་བཅས་པའོ། །སྲོག་ལ་འདྲེན་པའི་སྙིང་པོ་རྣམས། །མཚམས་ལ་འཕྱང་དྲུག་ངེས་པ་ཡིན། །ཐམས་ཅད་འདུས་པས་མཐའ་མ་བསྐོར། །ཞེས་པས་འཁོར་ལོ་རྩིབས་དྲུག་གི་ལྟོ་བར་ལིངྒ་དང༌། རྩིབས་དྲུག་ལ་མགོ་ཐོག་ནས་བརྩམས་ཏེ་ཧ་ས་ཡ་ར་སོགས་གབ་པའི་སྔགས་དྲུག །རྩིབས་མཆན་དྲུག་ལ་གདགས་པའི་འཕྱོང་དྲུག །གནད་ཡིག་ཏུ་བསྟན་པའི་ཐམས་ཅད་འདུས་པའི་རི་རབ་ཀྱིས་མཐའ་བསྐོར། ཟག་རྫས་ལ་སོགས་བྱུགས་པ་རབས་ཆད་ཀྱི་ཐོད་པར་སྩལ་ལ་དབུས་ཀྱི་བྲུབ་ཁུང་དུ་བཅུག་པའི་སྙིང་གར་བསྙེན་ཕུར་གཟུག་ཅིང་ཁ་ཁྱེར་རྩང་གིས་བསྐོར། དེའི་སྟེང་དུ་སྐུ་གསུང་ཐུགས་ཀྱི་བརྟེན་བཅས་ནས་གཟིར་བའི་ཚུལ། སྦ་མཁར་ཚིག་གསུམ་དག་ལ་ཡང༌། །བསེ་བྱང་སྙིང་པོ་བཅས་པ་གདགས། །བསེ་བྱང་ནག་པོ་སྙིང་པོར་བཅས། །དེ་འོག་གཉིས་ལ་གདགས་པར་བྱ། །བསེ་བྱང་དཀར་པོ་སྙིང་པོར་བཅས། །དེ་ཡི་འོག་ཏུ་ཤེས་པར་བྱ། །དེ་འོག་བསེ་མོ་ནག་མོ་དང༌། །ཤོ་ནའི་སྐུ་དང་སྙིང་པོར་བཅས། །སྦ་ཚིགས་བཞི་པ་དག་ལའོ། །ཐ་མར་ལིངྒ་སྐུད་པར་གདགས། །མཎྜལ་ནང་དུ་སྦ་མཁར་གྱིས། །ལིངྒ་འཁོར་ལོར་བཅས་ལ་གཟིར། །ཞེས་པ་ལྟར་སྐུའི་རྟེན་བསེའི་བྱང་བུ་ལ་ནལ་བུ་དང་། གཅན་གཟན་བཞི་དང་། ཆུ་སྲིན། ཉའི་པགས་པ་ལས་བྱས་པའི་བསེ་གྲུབ་ན་མཆོག་ཡིན་ནོ། །མ་མོ་བཅུ་གཉིས་ཀྱི་སྐུ་གཏོར་བཟློག་ཏུ་བསྟན་


JLAZ009_Page_0541
[མ་དཔེ་གཟིགས་ན་འདིར་གནོན།]

པའི་བསྐུལ་བྱང་གི་མངོན་རྟོགས་ལྟར་རམ། ཡང་ན། དམ་ཅན་མ་ནི་འདི་ལྟ་སྟེ། །ནག་མོ་ནག་ལ་བསྭེ་མོ་དམར། །ཤོ་ན་དཀར་ལྡེམ་མིང་པོ་སེར། །ཞལ་གཅིག་ཕྱག་གཉིས་ལྕགས་ཀྱུ་ཕུར། །རངས་པ་རྣམས་ལ་ཆིབས་མེད་དོ། །ཞེས་དང༌། ཆིབས་སམ་ཡང་ན་རྐྱང་པ་སྟེ། །རང་རང་ཕྱག་མཚན་ཕུར་པ་བསྣམས། །ཞེས་པ་ལྟར་རོ། །མིང་པོ་གསུམ་ནི། རྒྱལ་པོ་དཀར་པོ་གིང་དཀར་ཕུར། །མ་ཧཱ་ཀཱ་ལ་མདོག་ནག་སྟེ། །བེ་ཅོན་ཕུར་བུ་རྒྱན་དང་ལྡན། །བསྭེ་ཡི་སྐྱེས་བུ་དམར་པོ་འཇིགས། །བསེ་མདའ་བསེ་གཞུ་ཕུར་པ་འདྲིལ། །ཆིབས་སམ་ཡང་ན་རྐྱང་པ་སྟེ། །ཞེས་པ་ལྟར་གྱིས་རྒྱབ་ཏུ་སོ་སོའི་གསུང་གི་སྙིང་པོ་སྔགས་བྱང་དང་བཅས་པ་བྲིས་ནས་རབ་ཏུ་གནས་པ་ཐུགས་ཀྱི་རྟེན་སྦ་ལྕག་ཚིགས་གསུམ་པའི་ལྷུ་དང་པོར་ཐབས་ཤེས་ཀྱི་དབང་ལས་བསྭེའི་སྐྱེས་བུ། གཉིས་པར་ལྕགས་ཀྱི་སྐྱེས་བུ། གསུམ་པར་དུང་གི་སྐྱེས་བུ། བཞི་པར་མ་མོ་བཅུ་གཉིས་པོ་གདགས་པ་བྲུབ་ཁུང་གི་སྟེང་དུ་བཙུགས་པ་ལིངྒ་དང་སྲད་བུས་སྦྲེལ། ཐོད་པ་མཚན་ངན་བཞིའི་ནང་དུ་མིང་རུས་དང་ལྡན་པའི་ཉ་བོ་རེ་བཅུག་ལ་དམ་ཅན་གསུམ་དང་མིང་པོ་གསུམ་འདུས་ཀྱི་ཕུར་པ་གཟིར་བ་སོ་སོའི་ལྷ་གནས་སུ་བཀོད། དམ་ཅན་རྣམ་གསུམ་མཐུན་པའི་རྫས། །ཐོད་པ་བཅུ་གཉིས་ཡང་ན་གསུམ། །དེ་རུ་ཐུན་གྱི་སྦྱོར་བ་བྱ། །གཏོར་མ་ལ་སོགས་ངེས་པར་བསག །ཅེས་དང༌། དྲག་པོའི་དམ་རྫས་མང་པོ་རྣམས། །ཐོད་པ་ཚལ་བུའི་ནང་དུ་གསོག །ཅེས་པ་ལྟར་སོ་སོའི་ཐུན་རྫས་གནད་ཡིག་ལྟར་དང༌། མཐུན་པའི་རྫས་ནི། བསྭེ་ ཡི་ལྷ་མོའི་རྫས་རྣམས་ནི། །འོ་མ་ཞག་དང་མར་ཁུ་དང༌། །སྦྲང་རྩི་དང་ནི་ཆང་སྣོད་བ་མེན་གྱི་རྭའོ། ། རྣམས་སོ། །དེ་བཞིན་ཤོ་ན་མུ་ཁའི་ཡང༌། །ཁྱི་ཐོད་ཝ་ཐོད་སྤྱང་ཐོད་དང༌། །


JLAZ009_Page_0542
[མ་དཔེ་གཟིགས་ན་འདིར་གནོན།]

འཕར་བའི་ཐོད་པ་དེ་བཞིན་ཏེ། །དེ་ཡི་ནང་དུ་རྫས་བསག་པ། །ཁྲག་སྣ་སྟོང་དང་ཤ་སྣ་སྟོང༌། །སྙིང་སྣ་སྟོང་དང་རྐང་སྣ་སྟོང༌། །ཤོ་ན་ལ་སོགས་རྫས་སུ་བཞག །རེ་མ་ཏི་ཡི་རྫས་རྣམས་ཀྱང༌། །ནལ་བུའི་མི་ཐོད་དང་བསེ་ཕོར་ནང་དུ། ཤ་ལ་སོགས་པ་སྟེ། །དུ་མ་ཉིད་དུ་བསག་པར་བྱ། །རྐང་ཆེན་དུང་དང་ཞིང་ཆེན་དང༌། །བྷནྡྷ་རཀྟ་ཙིཏྟ་དང༌། །མཚོན་ཆ་དྲུག་ཀྱང་བསག་པར་བྱ། །ཞེས་དང༌། མིང་པོའི་མཐུན་རྫས་ནི། །བསེ་མཁར། སེ་ཕུར། སེ་མདའ། བསེ་ཕོར། ཁྱི་དམར་སྙིང༌། ཟངས་ཁབ། ཁྲག་སྣ་ཚོགས་བསེའི་སྐྱེས་བུ་ལའོ། །དྲེའུ་ནག་ཐོད་པ། ལུག་ནག་སྙིང༌། རྟ་ནག་གི་རྨིག་པ་གཡས། མདའ་ནག །དར་ནག །གཏོར་མ་དང༌། ཕུར་པ་ནག་པོ་མགོན་པོ་ལའོ། །ཐོད་པ་བམ་རིལ། ལུག་དཀར་སྙིང༌། སྙུག་རྒོད། བཤོས་བུ་དཀར་པོ། ཕུར་པ་དཀར་པོ་ལ་སོགས་པ་རྒྱལ་པོའམ་དུང་མི་སྐྱེས་བུའི་མཐུན་རྫས་སོ། །དེ་བཞིན་དུ་སྨན་རཀ་གཏོར་གསུམ། ཐུགས་དམ་བསྐང་བའི་དམ་རྫས་རྣམས་སྒོ་ཐམས་ཅད་ནས་ཚོགས་པར་བྱའོ། །གཉིས་པ་ལ་གཉིས་ལས། དང་པོ་རྩ་བའི་ལྷ་གསུམ་ནི། གཞུང་བཞིན་ལེགས་པར་བསྐྱེད་པ་ཡིན། །དབང་བསྐུར་བྱིན་དབབ་སྤྱན་དྲང་བྱ། །མཆོད་ཅིང་བསྟོད་དེ་སྨོན་ལམ་གདབ། །ཅེས་ཐོག་མར་ཡི་དམ་གྱི་མངོན་རྟོགས་བཟླས་པའི་བར་བྱའོ། །གཉིས་པ་དམ་ཅན་ཉེ་བར་བསྙེན་པ་ལ་གསུམ། བཞི་སྙིང་དྲིལ་ནས་འབོད་པ་བསྙེན་པ། གནད་ལ་དབབ་ནས་རྦད་པ་བསྒྲུབ་པ། ཐུན་དུ་བསྒྲུབ་ནས་བསད་པ་ལས་སྦྱོར་ལས། དང་པོའི་དོན་དུ་འཛབ་ཁ་དབྱེ་བ་ནི། ཧཱུཾ། སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེར་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཞེས་བརྗོད་པས། སྐུ་གསུང་ཐུགས་ཀྱི་རྟེན་རྣམས་


JLAZ009_Page_0543
[མ་དཔེ་གཟིགས་ན་འདིར་གནོན།]

དམ་ཅན་དངོས་ཀྱི་སྣང་ཆར་གསལ་བ་སྟེ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཀ་ཏཾ་ཀ་ཡེ་ཛ་ཡེ་བི་ཛ་ཡེ་ཨ་ཙི་ཏེ་ཨ་པ་ར་ཙི་ཏེ། མ་ར་ས་ན་པྲ་མརྟ་ན་ཡེ་སརྦ་བིག་ནན་བཾ་ཧཱུཾ་ཕཊ། ཅེས་བཟླ་ཞིང༌། བདག་ཉིད་ཡི་དམ་དུ་གསལ་བའི་ཐུགས་ཀའི་འོད་ཟེར་གྱིས་དམ་ཅན་རྣམས་ཀྱི་སྲོག་སྙིང་ཕྲོགས་པས་ཅི་བཅོལ་བའི་ལས་ཉན་པར་བསམ་མོ། །དེ་ཡང༌། བར་བར་མཆོད་བསྟོད་གནད་ལ་དབབ། །རང་རང་དམ་རྫས་ལེགས་པར་བཏབ། །ཅེས་པས། གཏོར་འབུལ་ཟུར་བཀོལ་ལྟར་རམ། ཡང་ན། ཨོཾ་བཛྲ་ཀྲོ་དྷ་ཙིཏྟ་མ་ཧཱ་ལཱི་ཤུ་ར་ཤུ་ར། ཁྱི་ར་ཁིང་གྷ་དྷ་ར་ནི། ཤུ་ལ་ཙི་པཱ་ར་ཤུ་པ་ར་ནི། ཡོ་ག་ཤུདྡྷ་ཙིཏྟ་མ་ར་ལི། ཀྲོ་དྷ་ཡོ་གི་ནཱི་བཛྲ། ཛྭ་ལ་ན་དྷ་རི། ཤ་ཥ་ཎི་ཛཿཛཿ ཨི་དཾ་བ་ལིཾ་ཏ་པཱུ་ཙ་ཁཱ་ཧི་ཁཱ་ཧི། ཞེས་ལན་བདུན་གྱིས་བསྔོ་ཞིང༌། ཡང་བཟླས་པ་ལ་འཇུག །ཐུན་བསྡུ་བ་ན། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ལྷའམ་འོན་ཏེ་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །ཞེས་ཕྲིན་ལས་བཅོལ། རྟེན་ལ་འོད་ཟེར་གྱི་དྲྭ་བས་བཅིང༌། ཐུན་མཐར་ཚོགས་ཀྱི་མཆོད་པ་དང་བསྐང་བ་ཅི་ནུས་བྱ། ཆོ་གའི་རྗེས་ཆོག་གི་མཐར་ཉལ་བའི་རྣལ་འབྱོར་ལ་འཇུག །རྟགས་མཚན་བྱུང་ནས་དངོས་གྲུབ་ནི། །རབ་ཏུ་བླང་བར་ཤེས་པར་བྱ། །ཞེས་པ་ལས། བསྙེན་ཚད་གྲངས་ངེས་མ་བཤད་ཅིང༌། །རྟགས་ནི། རབ་ཀྱིས་ཕུར་པ་འཕྱང་བར་འགྱུར། །གཉིས་པ་


JLAZ009_Page_0544
[མ་དཔེ་གཟིགས་ན་འདིར་གནོན།]

འབྲིང་ལ་མེ་སྟག་འཕྲོ། །ཐ་མ་ཉམས་དང་རྟགས་སུ་བཤད། །ཅེས་པས། རྟགས་མཚན་ཐ་མ་དང་ཉམས་རྨི་ལམ་གསུམ་དུ་གནད་ཡིག་ལྟར་གྱི་དོན་འདུ་བའི་རྟགས་མཐོང་བའམ། བཟླས་པ་འབུམ་ཕྲག་གཅིག་ལ་ལས་རུང་དུ་བྱས་པ་ལ་འབོད་རྦད་བསད་གསུམ་གྱི་དང་པོའི་ཕུར་པ་རང་སྐད་ལ་དྲིལ་ཏེ་བཟླས་པའི་བསྙེན་པ་ཞེས་བྱའོ། །གཉིས་པ་རྦད་པའི་ལས་སམ་བསྒྲུབ་པ་ནི། ལས་སྔགས་ཁོང་ཁྲར་སྡེབ་པའི་མན་ངག་ལ་བརྟེན་ནས་དམ་ཅན་ལས་ལ་བཀོལ་བས་དགྲ་བོའི་བླ་འགུགས་པ་སྟེ། དྲག་སྔགས་དྲུག་པ་དམ་ཅན་དང༌། །ལས་སྔགས་ཐམས་ཅད་གོང་གི་བར། །མན་ངག་རིམ་པ་ཤེས་པ་ཡི། །བཟླས་པ་བྱས་པས་བླ་ཁུགས་འགྱུར། །ཞེས་དང༌། དམར་ཆེན་སྦྲེང་ལ་དམ་ཅན་བསྐུལ། །གབ་པའི་སྔགས་ཀྱིས་རབ་བྱས་ལ། །དམ་ཅན་མང་པོས་དགྲ་བོ་དགུག །མིང་པོའི་བླ་འགུགས་སྔགས་ཀྱིས་སོ། །ཤེས་པ་བསྟིམ་པ་ཡང་ཡང་ངོ༌། །ཞེས་པས་གཏོར་མ་ལ་དམར་ཆེན་སྦྲེངས་ཤིང་དམ་ཅན་གྱི་བསྐུལ་བ་རྒྱས་པའམ། མ་ནུས་ན། ཧཱུཾ། བསྟན་པར་དགྲ་འདྲེ་བྱུང་བའི་ཚེ། །ཤྭ་ན་མུ་ཁའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ས་བདག་ཆེན་མོའི་དུས་ལ་བབ། །དྲེགས་པ་མང་པོའི་དུས་ལ་བབ། །ཁྱེད་ཀྱིས་མཐུ་རྩལ་རབ་ཏུ་དབྱུང༌། །སངས་རྒྱས་བསྟན་པ་བཤིག་པ་དང༌། །དཀོན་མཆོག་སྐུ་དགྲ་དབེན་རྩ་འཇོམས། །ཆོས་ཁྲིམས་འདྲལ་དང་སློབ་དཔོན་དགྲ། །རྣལ་འབྱོར་འཇོམས་པ་ལ་སོགས་པ། །བསད་དང་དབབ་དང་ནད་ངན་གྱིས། །ཇི་ནས་བརླག་པར་ཁྱོད་ཀྱིས་གྱིས། །ང་ནི་ཁྲག་འཐུང་ཧེ་རུ་ཀ །ཁྱོད་ཀྱི་སྙིང་ཁྲག་ང་ལ་ཡོད། །རྡོ་རྗེ་


JLAZ009_Page_0545
[མ་དཔེ་གཟིགས་ན་འདིར་གནོན།]

གསང་བའི་བཀའ་ལས་ནི། །ཁྱོད་ཀྱི་འདས་པར་གྱུར་ན་ནི། །ཁྲོ་བོ་སྟོབས་ཆེན་ཧེ་རུ་ཀས། །མགོ་བོ་རྡོ་རྗེས་ཚལ་པར་འགས། །དེ་བས་བཀའ་ལས་མ་འདའ་ཞིག །ཅེས་བསྐུལ། བཀའ་ཤིན་ཏུ་གཉན་ནོ། །བཟླ་བྱའི་སྔགས་ནི། ཉིན་མོ་གཏོར་ལ་ནུབ་མོ་དྲིལ། །གང་བབ་དུས་སུ་ཤེས་པར་བྱ། །ཞེས་པས་ཉིན་མོ་གཏོར་ཏེ་བཟླས་པ་ནི། ཐུན་བཞིའི་དང་པོ་ལ་ཤོ་ན་མ་རྦད་པ་ནི། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཀ་ཏཾ་ཀ་ཡེ་ཆེ་གེ་མོ་ལ་བྷྱོ་བྷྱོ། སརྦ་བིག་ནན་བཾ་ཧཱུཾ་ཕཊ། གཉིས་པ་ལ་བསེ་མོ་རྦད་པ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཛ་ཡེ་བི་ཛ་ཡེ་ཆེ་གེ་མོ་ལ་བྷྱོ་བྷྱོ། སརྦ་བིག་ནན་བཾ་ཧཱུཾ་ཕཊ། གསུམ་པ་ལ་རེ་མ་ཏི། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཨ་ཙི་ཏེ་ཨ་པ་ར་ཙིཏྟ་ཆེ་གེ་མོ་ལ་བྷྱོ་བྷྱོ། སརྦ་བིག་ནན་བཾ་ཧཱུཾ་ཕཊ། བཞི་པ་ལ་གིང༌། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ མ་ར་སེ་ན་པྲ་མརྟ་ན་ཡེ་ཆེ་མོ་ལ་བྷྱོ་བྷྱོ། སརྦ་བིག་ནན་བཾ་ཧཱུཾ་ཕཊ། བཟླའོ། །ནུབ་མོ་དྲིལ་ཏེ་བཟླ་བ་ནི། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཀ་ཏཾ་ཀ་ཡེ་ཛ་ཡེ་བི་ཛ་ཡེ་ཨ་ཙི་ཏེ་ཨ་པ་ར་ཙི་ཏ། མ་ར་ས་ན་པྲ་མརྟ་ན་ཡེ་ཆེ་གེ་མོ་མཱ་ར་ཡ་སརྦ་བིག་ནན་བཾ་ཧཱུཾ་ཕཊ། ཅེས་བཟླས། ཉིན་ནུབ་གང་ལའང་བར་བར་དུ་དམ་ཅན་གྱི་བསྐུལ་བྱ། དམིགས་པ་ནི། ཐོད་པ་ལྕགས་མཁར་སྒོ་མེད་དུ། །དགྲ་བོ་ངེས་པར་གསལ་མིང་གསལ། །ཞེས་དང༌། དེ་ཡི་ཤེས་པ་ལ་དགུག་པ་དང༌། །དྲག་སྔགས་བཞི་ཡི་སྦྱོར་བ་བྱ། །ཕོ་


JLAZ009_Page_0546
[མ་དཔེ་གཟིགས་ན་འདིར་གནོན།]

ཉ་སྔགས་དང་ཏིང་འཛིན་གསུམ། །བྲན་དང་ཕོ་ཉ་བཀའ་ཉན་གྱིས། །ཤེས་པ་ངེས་པར་དགུག་པར་བྱ། །མིང་པོ་སྲིང་མོའི་དགུག་སྔགས་སམ། །ཡང་ན་མིང་པོའི་དྲག་སྔགས་སོ། །ཏིང་འཛིན་རི་དྭགས་ཤ་བཀྱེ་བཞིན། །མ་ཁུགས་བར་དུ་ངེས་པར་སྦྱར། །ཁུགས་ནས་གདབ་པའི་ལས་བྱའོ། །ཞེས་དང༌། ཉམས་པར་གྱུར་པའི་དགྲ་བོ་དེ། །གང་དུ་བྲོས་པའི་གནས་ནས་དགུག །སྤྲུལ་པ་མང་པོའི་ཚོགས་ཆེན་གྱིས། །ཤིག་ཤིག་གུལ་གུལ་གནས་ པ་ནི། །དཔེར་ན་གྲོག་ཚང་སྦྲུལ་ཚང་བཞིན། །གནས་པ་ཞབས་ཀྱི་ཕུར་པ་ཡིས། །སྡོང་པོ་བསྒྱུར་བཞིན་ཞབས་འོག་ན། །མདངས་བྲལ་གནས་པའི་སྦྱོར་བ་བྱ། །ཞེས་པ་ལྟར་བྱའོ། །གསུམ་པ་བསད་པའི་ཐུན་གྱི་ལས་སྦྱོར་ལ་གསུམ། ཐུན་བཅའ་བ་དང༌། ཐུན་བསྒྲུབ་པ་དང༌། ཐུན་གྱིས་བསད་པའོ། །དང་པོ་ནི། ཐུན་རྫས་མང་པོ་ཐོད་པར་བསག །ཐོད་ཆེན་བཞི་རུ་ཐུན་ཁྲག་གོ། ཞེས་པས། རབས་ཆད་དང༌། མཛེ་ཐོད་དང༌། སྣེལ་གྲི་དང༌། ཁྱི་སྤྱང་ལ་སོགས་པའི་ཐོད་པར་དམ་ཅན་སོ་སོའི་ཐུན་རྫས་གནད་ཡིག་ལྟར་འདུ་བྱ་ཞིང༌། དེ་ཡང་ཐུན་སྔགས་བྲིས་པའི་དར་ནག་གིས་གཡོགས་ལ་ཁྲིའུའི་ཁར་བཞག་གོ །གཉིས་པ་ཐུན་བསྒྲུབ་པ་ནི། ཐམས་ཅད་འདུས་པ་གནད་ལ་དབབ། །དཔའ་བོ་གཅིག་པས་དགྲ་འཛབ་བྱ། །མ་མོ་འདུས་པ་དམ་ཅན་ལ། །གཅུན་ལ་དབབ་པ་ཤེས་པར་བྱ། །ཞེས་པའི་དོན་ནི་བཞི་སྙིང་ལ་མ་མོའི་ཐུན་སྔགས་སྡེབ་པ་ཡིན་ལ། དེ་ཡང༌། ལས་ཀྱི་ཐུན་དྲུག་སྔགས་ལ་ཡང༌། །ཉིན་མོ་གཏོར་ལ་ནུབ་མོ་དྲིལ། །གང་བབ་དུས་སུ་ཤེས་པར་བྱ། །རྟགས་མྱུར་སྲོག་བཅད་ལ་སོགས་སོ། །ཞེས་པས་ཉིན་མོ་གཏོར་ཏེ་བཟླ་བ་ནི། ཐུན་དང་པོ་ཤོ་ན་མའི་ངོ་བོར་བསྒྲུབ་པ།


JLAZ009_Page_0547
[མ་དཔེ་གཟིགས་ན་འདིར་གནོན།]

ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཀ་ཏཾ་ཀ་ཡེ་ཧཱུཾ་མ་མ་པ་ཤི་ཀུ་རུ་མ་ཏཾ་ཉ་ཆེ་གེ་མོ་བླ་ལ་ཐུན། སརྦ་བིག་ནན་བཾ་ཧཱུཾ་ཕཊ། ཅེས་བཟླས་པས་ཐུན་རྫས་ཤོ་ན་མ་བཞིའི་ངོ་བོར་གྱུར་པ་ལས་ནད་མཚོན་ཁྲོ་ཆུང་གི་ཚྭ་ཚྭ་འཕྲོས། གཟས་པོའི་སྙིང་ག་ནས་བཏབ་བླ་བསད་མདངས་ཕྲོག་ནས་ཉ་བོ་ལ་བསྟིམ་པ་ནི་འོག་མ་རྣམས་ལའང་འགྲེ་སྟེ། ཁྲག་དུག་ནད་དུ་གྱུར་པ་ཡིས། །དགྲ་བོ་རིམས་ནད་ཐེབས་པ་བཞིན། །མདངས་དང་ཕྲལ་བར་རབ་ཏུ་བསམ། །དྲག་པོའི་དམ་རྫས་ཐུན་ཕབ་པས། །ཁྲོ་བོར་གྱུར་པས་བསད་པར་བསམ། །དེ་ཡང་བར་བར་ཕྱག་རྒྱ་ཅན། །འཕྲོས་པས་དགུག་པའི་ལས་བྱའོ། །ཞེས་སོ། །ཐུན་གཉིས་པ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཛ་ཡེ་བི་ཛ་ཡེ་ཀ་ར་ཨི་ནན་ཆེ་གེ་མོ་བླ་ལ་ཐུན། སརྦ་བིག་ནན་བཾ་ཧཱུཾ་ཕཊ། ཐུན་གསུམ་པ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཨ་ཙི་ཏེ་ཨ་པ་ར་ཙིཏྟ་དྷ་ཏི་མ་མ་ཀརྨ་ཆེ་གེ་མོ་བླ་ལ་ཐུན། སརྦ་བིག་ནན་བཾ་ཧཱུཾ་ཕཊ། ཐུན་བཞི་པ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ མ་ར་སྱ་ན་པྲ་མརྟ་ན་ཡེ་ཤི་ཀྲཾ་ཀ་ར་མཱ་ར་ཡ་ཆེ་གེ་མོ་བླ་ལ་ཐུན། སརྦ་བིག་ནན་བཾ་ཧཱུཾ་ཕཊ། ནུབ་མོ་དྲིལ་བ་ནི། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཀ་ཏཾ་ཀ་ཡེ་ཧཱུཾ་མ་མ་པ་ཤི་ཀུ་རུ་མ་ཏཾ་ཉ་ཛ་ཡེ་བི་ཛ་ཡེ་ཀ་ར་ཨི་ནན། ཨ་ཙི་ཏེ་ཨ་པ་ར་ཙིཏྟ་དྷ་ཏི་མ་མ་ཀརྨ་མ་ར་སྱ་ན་པྲ་མརྟ་ན་ཡེ་ཤི་ཀྲཾ་ཀ་ར་


JLAZ009_Page_0548
[མ་དཔེ་གཟིགས་ན་འདིར་གནོན།]

མཱ་ར་ཡ་ཐུན། སརྦ་བིག་ནན་བཾ་ཧཱུཾ་ཕཊ། རྟགས་ནི་ཐུན་འཚག་པ་དང༌། ཁོལ་བ་དང༌། མེ་སྟག་དང༌། རླངས་པ་བྱུང་ན་རབ། དམག་དྲང་བ་དང༌། མཚོན་ཆ་འཕེན་པ་རྨི་བ་འབྲིང༌། ཐ་མ་གྲངས་བསྙེན་འབུམ་ཕྲག་གཅིག་བཟླའོ། །ཐུན་མཚམས་སུ། བདག་ཅག་རྣལ་འབྱོར་སྒྲུབ་པ་པོས། །བྱང་ཆུབ་མཆོག་ཏུ༴ དུས་གསུམ་རྒྱལ་བའི༴ རིག་འཛིན་བདག་ཅག༴ གནོད་ཅིང་གདུག་པའི༴ བདུད་དང་བར་དུ༴ དངོས་གྲུབ་འཕྲོག་ཅིང་༴ ཁྲོ་བོ་ཆེན་པོའི༴ ཡུད་ཙམ་གྱིས་ནི༴ མངོན་སྤྱོད་ཚུལ་བཞིན༴ ལུས་ངག་རྡུལ་དུ༴ སྡུག་བསྔལ་ཉམས་སུ་མྱོང་བར་མཛོད། །ཅེས་པས་འཛབ་མཇུག་བསྡུའོ། །གསུམ་པ་བསད་པའམ་བསྒྲུབ་པ་ཆེན་པོ་ནི། ངན་སྔགས་ཉེ་བར་བསྙེན་པ་གཞུང་བསྲང་ལ་དེའི་ཁོང་ཁྲར་གཏོང་བ་ཕལ་གྱིས་མི་རིག་པའི་མན་ངག་ཡིན་ཏེ། གབ་སྔགས་མིང་རུས་ཐབས་སྔགས་ཆེན། །ངན་སྔགས་འདུས་པས་བསྒྲུབ་ཆེན་པོ། །བསད་པར་བྱ་བའི་རིམ་པ་ཡིན། །ཞེས་པས་ཐུན་གྱི་བསྒྲུབ་པ་རྫོགས་རྗེས་ལྷ་དང་དབྲལ་བ་ནས་སྨྱོ་རུ་གཞུག་པའི་བར་ངན་སྔགས་ཉེ་བར་བསྙེན་པ་བཞིན་ལ། ཕུར་གདབ་དང་བསད་གྲིས་གཏུབ། རྗེས་སུ་ཐུན་གྱིས་བསད་པའི་སྔགས་ཁོང་ཁྲར་བཏང་སྟེ། བསད་པ་ཐུན་གྱི་དམོད་མོ་ཡིན། །གབ་སྔགས་ཐབས་དང་ཤེས་རབ་དང༌། །ཐུན་དང་ངན་སྔགས་ཁོང་ཁྲར་བཏང༌། །ཞེས་པས་གསལ་ལོ། །དེ་ཡང་སྔགས་ཀྱི་མཚོན་ཆ་ནི་ཐུན་གྱི་ལས་ཡིན་པས་ན། གབ་སྔགས་ཐེམ་པར་བཅས་པ་ལ། །མཱ་ར་ཡ་བཅུག་བཟླས་པ་བྱ། །ལྕགས་ཀྱི་འཁོར་ལོ་རབ་བསྐོར་བས། །དགྲ་བོའི་སྲོག་རྩ་


JLAZ009_Page_0549
[མ་དཔེ་གཟིགས་ན་འདིར་གནོན།]

གཅད་པར་བསམ། །ཞེས་པས། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཀ་ཏཾ་ཀ་ཡེ་མ་མ་པ་ཤི་ཀུ་རུ་མ་ཏཾ་ཉ་ཛ་ཡེ་བི་ཛ་ཡེ་ཀ་ར་ཨི་ནན། ཨ་ཙི་ཏེ་ཨ་པ་ར་ཙི་ཏེ་དྷ་ཏི་མ་མ་ཀརྨ་མ་ར་སྱ་ན་པྲ་མརྟ་ན་ཡེ། ཤྲི་ཀྲཾ་ཀ་ར་ཆེ་གེ་མོ་མཱ་ར་ཡ་སརྦ་བིག་ནན་བཾ་ཧཱུཾ་ཕཊ། དམིགས་པ་ནི། ལྷ་རྣམས་དྲག་པོར་ངེས་བསམ་ལ། །ཡང་སྤྲུལ་སུམ་སྤྲུལ་མང་པོ་ཡིས། །ཤེས་པ་ལིངྒ་ལ་ཞུགས་བསད། །བར་བར་ཐལ་མོ་དམོད་པ་བྱ། །ཞེས་དང༌། བར་དུ་ཐུན་རྣམས་བྲབ་པས་ཡང༌། །ཐོད་ཆེན་ནང་དུ་ངེས་པ་སྟེ། །ལས་ཀྱི་ཐུན་དྲུག་སྔགས་ཀྱིས་བཏབ། །དམ་ཅན་མང་པོས་བསད་པར་བསམ། །གཏོད་ཅིང་སྟོབ་ཅིང་ཟ་བར་བརྟག །ཅེས་སོ། །དེ་ལྟར་ན་ངན་སྔགས་ཉེ་བར་བསྙེན་པའི་དུས་ན་ཕུང་པོ་མཐར་བྱེད་ཐུན་གྱི་ལས་ཡོད་ན་འདིའི་དགོས་པ་ཅི་ཡིན་སྙམ་ན། འདི་ནི་དམ་ཅན་ཉེ་བར་བསྙེན་པ་དང་འབྲེལ་བའི་བསད་པ་ཐུན་མོང་མ་ཡིན་པ་ཁོང་ཁྲར་སྡེབ་པའི་ཚུལ། ལས་ཀྱི་ཐུན་སྔགས་བསད་པ་དང༌། །རྟགས་འབྱིན་ལྷག་པ་ལྷ་ཡི་དམོད། །སྲོག་གི་ཆད་པ་ཐུན་གྱི་སྔགས། །སྔགས་དྲུག་ཕྱིན་ཡོད་བྱ་བའི་ཕྱིར། །ཁོང་ཁྲར་བཏང་བས་ལས་མྱུར་བཤད། །ཅེས་པའི་མན་ངག་ཡིན་ནོ། །དེ་ལྟར་བསྒྲུབ་པའི་ཐུན་གྱི་ལྷག་མ་ཁྲག་སྣ་དང་བསྲེས་ནས་ཟོར་དུ་འཕེན་པའང༌། འཕར་བའི་ཐོད་པར་དམ་རྫས་དང༌། །ཁྲག་བཅས་གནས་ལ་ཟོར་དུ་འཕང༌། །ཞེས་དང༌། ཝ་ཐོད་ནང་དུ་བསེ་བྱང་ནི། །དམར་པོ་བཅུག་ལ་ཕུར་པས་མནན། །ཁྱི་ཐོད་ཁ་ལ་མེ་འབར་ཏེ། །རྫས་རྣམས་སྦྱིན་བསྲེག་བྱ་བ་ཡང༌། །ཀློང་ཡངས་འཁྱིལ་བའི་ཧོམ་ཁུང་དུ། །སྤྱང་ཐོད་ཁ་ལ་ལིངྒ་དང༌། །གཏོར་མ་ལྷ་ལ་བསྟབ་པ་བྱ། །མནན་པ་ལུང་གསུམ་མདོ་རུ་


JLAZ009_Page_0550
[མ་དཔེ་གཟིགས་ན་འདིར་གནོན།]

ངེས། །དེ་ལྟར་རབ་ཏུ་བྱས་པ་ཡིས། །རྡོ་རྗེའི་བྲག་ཀྱང་འཇིག་གྱུར་ན། །གཟུགས་ཅན་རྣམས་ལ་སྨོས་ཅི་དགོས། །ཞེས་དམ་ཅན་སྤྱི་དྲིལ་གྱི་སྒྲུབ་ཐབས་ལས་བཤད་དོ། །སྤྱིར། གཤིན་རྗེ་གྲུབ་ནས་འཁོར་ལོ་བསྐོར། །མ་མོ་གྲུབ་ནས་ཟོར་ཐུན་འཕང༌། །རྒྱལ་པོ་གྲུབ་ནས་མནན་པ་བྱ། །ཕུར་པ་གྲུབ་ནས་གདབ་ལས་བྱ། །ཟེར་ཡང༌། དེའི་དོན་བསྟན་པ་དང་སེམས་ཅན་བསྲུང་བའི་དོན་དུ་ཉམས་པ་བདུན་ལ་དམིགས་པ་ལས་གཞན་དུ་མ་གནང་བའི་ཚུལ། དཔྱངས་ཐག་ཆད་པ་ཐུགས་རྗེ་ཡིས། །བཟུང་ན་ངེས་པར་བསྟན་པ་ཡིན། །ཉམས་པ་བདུན་ལས་གཞན་དུ་མིན། །ཞེས་གསུངས་ན་རང་དགར་ལས་སྦྱོར་དང་མཐུ་གཏད་ལ་དགའ་བ་ནི་རང་རྒྱུད་ཀྱི་སྡོམ་པ་འཇིག་ཅིང་བསོད་ནམས་ཉམས་པའི་རྒྱུར་གྱུར་པས་ཐོག་མར་འབྲས་བུ་ལ་བར་དུ་གཅོད་པའི་རྒྱུའི་རཱུ་ཏྲ་ཚར་བཅད་ནས། གདོད་མའི་ལམ་གྱི་རཱུ་ཏྲ་ཚར་གཅོད་པའི་ཐབས་ལ་མཁས་པ་དགོས་ཏེ། རྒྱུ་ཡི་རཱུ་ཏྲས་འབྲས་བུ་དང༌། །ལམ་གྱི་རཱུ་ཏྲས་བདག་ཉིད་ཕུང༌། །དུག་ལྔའི་ངེས་པ་རབ་ཤེས་བྱ། །ལམ་གྱི་རཱུ་ཏྲ་བརྣག་པ་ནི། །སྐྱེ་བོ་ཉམས་པ་ཅན་དེ་སྤྱིར། །ཞེས་སོ། །ཐབས་ལ་མཁས་པའི་རྒྱུ་ཡི་གཙོ་བོ་ཡང༌། གཞི་ནི་སྙིང་རྗེས་བཟུང་བ་དང༌། །རྩ་བ་བྱང་སེམས་རྟོགས་པ་དང༌། །ཐག་ནི་ལྟ་བས་བཅད་པ་དང༌། །ལ་ནི་སྤྱོད་པས་དོར་བ་དང༌། །དབང་ནི་དམ་ཚིག་སྒྲོལ་བས་ཏེ། །ངོ་བོ་ངེས་ཚིག་དབྱེ་ཤེས་ན། །གང་བྱས་སངས་རྒྱས་འགྲུབ་པར་ངེས། །ཞེས་སོ། །དེ་བས་ན་ཕུར་པའི་ངོ་བོ་བྱང་ཆུབ་ཀྱི་སེམས་རིན་པོ་ཆེ་ཡིན་པས་དེ་མངོན་དུ་བྱེད་པའི་ཐབས་སྟོད་ལས་བྱང་ཆུབ་བསྒྲུབ་པའི་ལམ་ཡིན་ན་ལྷ་བསྙེན་ཐེམ་ཚད་ཀྱི་སྨད་ལས་ངེས་པར་བསྒྲུབ་མི་དགོས་ཀྱང༌། བྱང་ཆུབ་བསྒྲུབ་པའི་ལམ་གྱི་བར་གཅོད་ཞི་བ་ལ་


JLAZ009_Page_0551
[མ་དཔེ་གཟིགས་ན་འདིར་གནོན།]

དམིགས་ནས་དམ་ཅན་ཉེ་བར་བསྙེན་པར་འདོད་ན་བྲུབ་ཁུང་ལ་སོགས་པའི་བཅས་རྣམས་བོར་ལ། གཏོར་མ་དང་མཐུན་རྫས་ལ་བརྟེན་ནས་བཞི་སྙིང་དྲིལ་བའི་བཟླས་པ་བདུན་ཕྲག་ལ་སོགས་པའི་མཐར་ཚོགས་ཐ་མ་དང་འབྲེལ་བར་ཟན་ལིང་ལ་གདབ་ཁ་དྲུག་གི་ལས་ཐུན་མོང་བ་བསྟབ་པ་དང་བཅས་པས་དོན་འགྲུབ་སྟེ། བལ་མོ་ལ་སོགས་རྟགས་བྱུང་ནས། །དངོས་གྲུབ་བླངས་པས་ནུས་པ་ཐོབ། །ཅེས་གསུངས་པས་སོ།། །།

ལྷ་དབྱེའི་བསྐུལ་བ།


JLAZ009_Page_0553
[མ་དཔེ་གཟིགས་ན་འདིར་གནོན།]

ལྷ་དབྱེའི་བསྐུལ་བ་བཞུགས། །ཉེ་འབྱེད་རླུང་གི་ཕྲ་མ་མཁན། །རླུང་ལྷའི་བུ་ལ་སྲིན་པོའི་ཚ། །ཕ་ནི་རླུང་ལྷ་ཝ་སྐྱེས་ཡིན། །མ་ནི་སྲིན་མོ་ཁ་འབར་མ། །གཉིས་མེད་བུ་གཅིག་བྱུང་བ་ནི། །ཉེ་འབྱེད་ཆེན་མོ་ཕྲ་མ་མཁན། །སྐུ་མདོག་དུད་ཁ་ཆེན་མོ་ལ། །འཇིགས་པའི་ཁྲོ་གཉེར་མང་པོས་བརྒྱན། །གཡས་ཀྱི་དང་པོ་བྱ་རོག་གོང་རུ་བསྣམས། །ཉམས་པ་སྤྱན་གྱིས་གཟིགས་པར་བྱེད། །གཡོན་གྱི་དང་པོ་འུག་རུ་བསྣམས། །མི་འཆོར་རྟོག་པ་རབ་ཏུ་གསལ། །གཡས་འོག་ལྕགས་ཀྱུ་སྟྭ་རེ་བསྣམས། །ཉམས་པ་མགོ་ལུས་འདྲལ་བའི་རྟགས། །གཡོན་གྱི་འོག་མ་རླུང་གི་རྐྱལ་པ་བསྣམས། །ཉམས་པ་རླུང་ལ་བསྐུར་བའི་རྟགས། །ཁྱོད་ཀྱི་ཕྲག་པ་གཡས་པ་ན། །ལྕགས་ཀྱི་བྱ་ཁྲ་གཡུ་མིག་ཅན། །སྣང་སྲིད་མི་མཐོང་གཅིག་ཀྱང་མེད། །དམ་ཉམས་ཕྲག་པ་གཡས་ཀྱི་ཕོ་ལྷ་ཕྲོལ། །ཁྱོད་ཀྱི་ཕྲག་པ་གཡོན་པ་ན། །ཟངས་ཀྱི་བྱ་ཁྲ་གསེར་མིག་ཅན། །སྲིད་པ་གསུམ་ཡང་དུས་གཅིག་གཟིགས། །ཕྲག་ལ་གཡོན་གྱི་མོ་ལྷ་ཕྲོལ། །ཁྱོད་ཀྱི་སྤྱི་བོའི་གཙུག་ཏུ་ནི། །ཤེལ་གྱི་བྱ་ཁྱུང་གཡུ་མིག་ཅན། །དགེ་སྡིག་གཉིས་ཀྱི་ལས་ཀྱང་གཟིགས། །ཁྱོད་ཀྱི་རྒྱབ་ཀྱི་སོག་པ་ལ། །སྟག་དང་སྤྱང་ཀི་རྔམ་ཞིང་རྒྱུག །ཉམས་པ་ཟས་སུ་ཟ་བར་བྱེད། །


JLAZ009_Page_0554
[མ་དཔེ་གཟིགས་ན་འདིར་གནོན།]

ཉམས་པའི་རྒྱབ་ཀྱི་དགྲ་ལྷ་ཕྲོལ། །ཁྱོད་ཀྱི་མདུན་གྱི་ལྷེན་སྣ་ལ། །སེང་གེ་དཀར་མོ་འགྱིང་ཞིང་འཕྱོ། །སྣང་སྲིད་དབང་དུ་སྡུད་པར་བྱེད། །དམ་ཉམས་མདུན་གྱི་སྲོག་ལྷ་ཕྲོལ། །ཁྱོད་ནི་སྟོང་གསུམ་ཕྲ་མ་མཁན། །རླུང་ལྷའི་བུ་ལ་སྲིན་པོའི་ཚ། །མཆུ་ནི་ལྕགས་ཀྱི་གཟོང་བས་རྣོ། །དམ་ཉམས་མི་དང་ལྷའི་བར་དུ་དབྱེན་ཆུག་ཅིག །ཁྱོད་ཀྱིས་མི་བྱེད་གང་ཡང་མེད། །ལྷ་དང་ལྷ་མིན་གཡུལ་འགྱེད་ཅིང༌། །འབྱེད་པར་ཁྱོད་ཀྱིས་ནུས་པར་བྱེད། །ཚེ་གསུམ་དྲན་བྱེད་ཕོ་རོག་མ། །ཁྱོད་ཀྱིས་མི་དྲན་ཅི་ཡང་མེད། །བསྟན་པ་གཉན་ལ་གནོད་པ་ཡི། །དམ་ཉམས་བསྒྲལ་བའི་ཞིང་བཅུ་འདི། །འགོ་བར་བྱེད་པའི་ལྷ་དང་ཕྲོལ། །སྟང་བར་བྱེད་པའི་གཉེན་དང་ཕྲོལ། །ཧུ་ལུ་མུན་མཐོང་འུག་པ་མ། །ཁྱོད་ཀྱིས་མི་མཐོང་གང་ཡང་མེད། །བསྟན་པ་གཉན་ལ་གནོད་བྱེད་པའི། །དམ་ཉམས་བསྒྲལ་བའི་ཞིང་བཅུ་འདི། །ཁྱོད་ཀྱིས་བསྒྲལ་བའི་ཕྲིན་ལས་མཛོད། །མངྒ་ལཾ།། །།

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ཀྱི་སྨད་ལས་དམ་ཅན་ཉེ་བར་བསྙེན་པའི་མན་ངག་མ་མོ་མཁའ་འགྲོའི་ཞལ་ལུང་།


JLAZ009_Page_0555
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ཀྱི་སྨད་ལས་དམ་ཅན་ཉེ་བར་བསྙེན་པའི་མན་ངག་མ་མོ་མཁའ་འགྲོའི་ཞལ་ལུང་ཞེས་བྱ་བ་གསང་བའི་རྒྱ་ཅན་བཞུགས། །


JLAZ009_Page_0556
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་དཔལ་རྡོ་རྗེ་གཞོན་ནུ་ལ་ཕྱག་འཚལ་ལོ། །སྤྱི་དོན་གཉིས་པ་སྨད་ལས་དགྲ་བགེགས་སྒྲོལ་བའི་ས་བཅད་ལ་དམ་ཅན་ཉེ་བར་བསྙེན་པ་དང༌། ངན་སྔགས་ཉེ་བར་བསྙེན་པའོ། །དང་པོ་ནི་རྣལ་འབྱོར་ཆེན་པོའི་རྒྱུད་ལས། ཡལ་ག་མེད་པའི་བྷན་དྷ་བ་རིལ། ནི། ཐོད་པ་རབས་ཆད། རབ་ཏུ་ལེགས་པ་ལ། །ཡུགས་ས་མོ་ཡི་མངལ་ཁྲག་གིས། །གྲུ་གསུམ་མེ་འོད་འབར་བ་ལ། །ཕྲིན་ལས་བཞི་ཡི་དབྱིབས་བྱའོ། །དེ་ལ་དགྲ་བགེགས་མིང་བྱང་གཞུག །བསྙེན་པའི་ཕུར་པས་གཟིར་ལ་བཞག །གཏོར་མ་སྨན་དང་རཀྟར་བཅས། །ཞེས་པས་རྩ་བའི་དཀྱིལ་འཁོར་ལས་ཆེས་དམའ་བའི་ལྷོ་ནུབ་མཚམས་སུ་སྲུང་མའི་སྟེགས་བུ་གྲུ་གསུམ་ནག་པོའི་ལྟོ་བའང་གྲུ་གསུམ་དུ་བྲུས་པའི་ཐོད་པ་ལ། རེ་ཁཱ་གྲུ་གསུམ་མཐིང་ནག་ཟླ་གམ་དམར་པོ། གྲུ་ཆད་ལྗང་གུ། སྒོ་རྣམས་དུར་ཁྲོད་མི་རོས་སྤུངས་པའི་མཐའ་ལྕགས་རི་


JLAZ009_Page_0557
[མ་དཔེ་གཟིགས་ན་འདིར་གནོན།]

ནག་པོ་མེ་རི་དང་བཅས་བྲིས་པའམ། ཡང་ན་སྒོ་སྣམ་སྤངས་པའི་ནང་དུ་གདབ་པ་དྲུག་གི་ལས་དང་འབྲེལ་ན་སྔ་མ་ལས། ཁྲག་དང་དུག་དང་སྣ་ཚོགས་བྱུག །དྲི་མ་དག་ལས་ལིངྒ་ནི། །ཐོད་པའི་ནང་དུ་བསྐྱེད་པར་བྱ། །ལྕགས་སྣ་ལྔ་ཚང་སྲས་མཆོག་གཅིག །སྔགས་བྲིས་དབང་བསྐུར་བྱིན་རླབས་གཟུག །ཅེས་པས་རྫས་ཀྱི་བཅའ་གཅན་བཞག་ཅིང་དམ་ཅན་ཉེ་བསྙེན་ཙམ་ལ་ཟན་ལིང་ལ་ཕུར་པ་གཟུག །མཐའ་སྐོར་དུ་སྨན་རཀ་གཏོར་གསུམ། མདའ་དར་དང་དར་ནག །སྦ་འཁར་ཚིགས་གསུམ་ལ་བསེ་བྱང་དཀར་ནག་སྐུ་དང་སྙིང་པོས་མཚན་པ་དང༌། དྲེའུ་ནག་པོ་དང༌། ལུག་དཀར་ནག་གི་ཐོད་པ། རི་བོང་དང༌། བོང་བུ་དང༌། བྱ་ལུག་གི་སྙིང༌། ཁྲག་ཞག །མི་རྟ་མྱུར་དུ་བསད་པའི་ཁྲག་དང༌། འོ་མ་དང༌། མར་གྱི་མཚོ་ལ་སོགས་པའི་མཐུན་རྫས་ཀྱང་བཤམ། ལྷ་བསྙེན་གཞུང་བསྲང་བ་ནས་བཟླས་པའི་བར་རྫོགས་པར་བྱས་རྗེས། གཞན་ཡང་ཐོད་པའི་གཞལ་ཡས་


JLAZ009_Page_0558
[མ་དཔེ་གཟིགས་ན་འདིར་གནོན།]

སུ། །སྲས་བཅས་དམ་ཅན་བཅས་པ་བསྐྱེད། །ཅེས་པས། བསྙེན་ཕུར་ནི་མཚན་མ་རྫས་ཀྱི་ཕུར་པ་དཀྱིལ་འཁོར་ཡོངས་རྫོགས་ཀྱི་བདག་ཉིད་དྲེགས་པ་དབང་དུ་སྡུད་པའི་གཉེན་པོ་ཡིན་པས། ལྕུམ་གཞོགས་ལྡིར་བའི་ནང་དུ་གཞལ་མེད་ཁང་རྫོགས་པ་ལ་གཙོ་བོ་ཡབ་ཡུམ་དང་ལྕུམ་གཞོགས་བརྒྱད་ལ་ཕྱོགས་མཚམས་ཀྱི་ཁྲོ་བོ་ཡབ་ཡུམ་མགོ་བརྙན་དང་བཅས་པ། རྒྱ་མདུད་གོང་འོག་ནང་ཧཱུཾ་ཀཱར་སྟོབས་ཆེན་ཡབ་ཡུམ། ལོགས་བཞིར་སྒོ་མ་བཞི། དབལ་གྱི་ངམ་ལ་ཕུར་སྲུང་བཅུ་གཉིས། མིང་པོ་ལས་མཁན་དང་བཅས་པ་རྫོགས་པར་བསྐྱེད་ནས་སྤྱན་དྲང་བ་ནི། བྷྱོ། སྟོང་གསུམ་འདི་ན་དྲེགས་པ་ཅན། །སུས་ཀྱང་དམ་ལ་མ་ཆུད་པ། །རྡོ་རྗེ་གཞོན་ནུའི་བཀའ་ལ་སྡོད། །མ་མོ་མཁའ་འགྲོ་ཡོངས་ཀྱི་གཙོ། །དམ་ཅན་མ་མོ་བཅུ་གཉིས་དང༌། །རང་རང་རིགས་ཀྱི་མིང་པོ་ནི། །ཁམས་གསུམ་སྲོག་ལ་དབང་ཟ་ཞིང༌། །གློ་བུར་ཡེ་འདྲོག་བདག་པོ་སྟེ། །སྲིད་པ་སྐོས་འདེབས་རྒྱལ་པོ་དང༌། །ཨེ་ཀ་ཛ་ཊི་བཤོས་པའི་སྲས། །ཤྭ་ན་སྤྱན་གཅིག་མཆེད་བཞི་དང༌། །མིང་པོ་ཤེལ་གིང་དཀར་པོར་བཅས། །རི་རྒྱལ་ལྷུན་པོའི་སྟེང་ཤེད་ན། །དུག་མཚོ་མེར་བའི་ནང་ཤེད་ན། །དུང་མཁར་དཀར་པོའི་ནང་ནས་གཤེགས། །བདུད་ནག་ཡབ་ཡུམ་རོལ་པའི་སྲས། །ལངྐ་མགྲིན་བཅུའི་ཆུང་མའི་ཚུལ། །ནག་མོ་རེ་ཏི་མཆེད་བཞི་དང༌། །མིང་པོ་མ་ཧཱ་ཀཱ་ལ་བཅས། །རི་རབ་ཆེན་པོའི་བྱང་ཤར་མཚམས། །མུ་ལེ་མཐིང་གི་མཚོ་ནང་གི། །


JLAZ009_Page_0559
[མ་དཔེ་གཟིགས་ན་འདིར་གནོན།]

ལྕགས་མཁར་ནག་པོའི་ནང་ནས་གཤེགས། །གནོད་སྦྱིན་ཟངས་མདོག་རྒྱལ་པོ་དང༌། །ཡུམ་གཅིག་ཟངས་མགྲིན་ལྡེམ་པའི་སྲས། །བསྭེ་ཡི་ལྷ་མོ་མཆེད་བཞི་དང༌། །མིང་པོ་བསེ་ཡི་སྐྱེས་བུར་བཅས། །རི་རབ་ཆེན་པོའི་ལྷོ་ནུབ་མཚམས། །བསེ་མཚོ་མེར་བའི་དབུས་ཤེད་ནས། །བསྭེ་མཁར་སྨུག་པོའི་ནང་ནས་གཤེགས། །རེ་ཏི་ནག་ལ་བསྭེ་མོ་དམར། །ཤྭ་ན་དཀར་ལྡེམ་མིང་པོ་སེར། །ཀུན་ཀྱང་ཞལ་གཅིག་ཕྱག་གཉིས་ལ། །ལེགས་ཉེས་སྟངས་འཛིན་བདག་པོ་སྟེ། །ལྕགས་ཀྱུས་འགུགས་ཤིང་ཕུར་བུས་སྒྲོལ། །བཞོན་པ་ཅན་དང་རྐྱང་པའི་ཚུལ། །རྣམ་འགྱུར་མ་ངེས་ཅིར་ཡང་སྟོན། །མ་མོ་བདུན་དང་སྲིང་མོ་བཞི། །དྲེགས་པ་ཆེན་པོ་དྲུག་ལ་སོགས། །སྤྲུལ་པ་ཡང་སྤྲུལ་བསམ་མི་ཁྱབ། །ཁྱེད་རྣམས་སྲོག་སྙིང་ང་ལ་ཡོད། །སྔོན་ཚེ་དཔལ་ཆེན་ཁྲག་འཐུང་གིས། །ཇི་ལྟར་དམ་ལ་བཞག་པ་བཞིན། །སངས་རྒྱས་བསྟན་པ་བསྲུང་བ་དང༌། །དཀོན་མཆོག་དབུ་འཕང་བསྟོད་པ་དང༌། །ཉམས་པ་བདུན་པོ་བསྒྲལ་བའི་ཕྱིར། །དམ་ཅན་མ་གཡེལ་དམ་ལ་འདུས། །གང་ལ་དམིགས་པ་ཁྱོད་ཀྱིས་ཤེས། །རླུང་ལས་མྱུར་བའི་སྟབས་ཀྱིས་གཤེགས། །ཨོཾ་བཛྲ་ཀྲོ་དྷ་ཙིཏྟ་མ་ཧཱ་ལི་ཤུ་ར་ཤུ་ར། ཁྱི་ར་ཁྱི་ར། གྷ་དྷ་ར་ནི། ཤུ་ལ་ཙི་པཱར་ཤུ་པར་ནི། ཡོ་ག་


JLAZ009_Page_0560
[མ་དཔེ་གཟིགས་ན་འདིར་གནོན།]

ཤུདྡྷ་ཙིཏྟ་མ་ར་ལི། ཀྲོ་དྷ་ཡོ་གི་ནཱི་བཛྲ། ཛཱ་ལནྡྷ་རི། ཤ་ཥ་ཎི་ཛ་ཛཿ དམ་བཞག་ནི། བྷྱོ། བམ་རིལ་ཐོད་པའི་གཞལ་ཡས་ནང༌། །མཐུན་རྫས་སྤྱན་གཟིགས་ཚང་ཞིང་མཛེས། །དམ་ཅན་བཞུགས་ཤིང་ཆགས་པའི་གནས། །དམ་ཚིག་ཉིད་ལས་གཞན་མ་ཡིན། །ཐམས་ཅད་དམ་ཚིག་ཆོས་ཤེས་ན། །ཡེ་ཤེས་ལྷ་དང་མཉམ་པར་འགྱུར། །ས་མ་ཡ་མཱ་མ་ཏཾ་ན་རཀྐན། ཞེས་བདུད་རྩི་བླུད་ལ་དམ་བསྲེ་བྱ། དེ་ནས་གཏོར་མ་འབུལ་བ་ནི། ཨོཾ་ཨཱཿཧཱུཾ་གིས་བརླབས་ལ། དམར་གྱི་གཏོར་མ་ཆེན་པོ་རང་རང་འདོད་པའི་ལོངས་སྤྱོད་ཀྱི་སྤྲིན་དུ་འཆར་བ་འདི་ཉིད་བསྔོ་བའི་གནས་སུ་གྱུར་པ་ནི་བཅོམ་ལྡན་འདས་རྡོ་རྗེ་ཕུར་པའི་བཀའ་སྡོད་དམ་ཅན་མ་མོ་བཅུ་གཉིས་མིང་པོ་སྤྲུལ་འཁོར་དང་བཅས་པ་རྣམས་ལ་འབུལ་ལོ། །ལྕགས་ཀྱི་སྤྱང་མོ་དང་ལྕགས་ཀྱི་ཁྱི་མོ་ལ་ཞོན་པའི་ཤྭ་ན་མ་གཉིས། གསེར་གྱི་འཕར་བ་དང༌། ཟངས་ཀྱི་ཝ་མོ་ལ་ཞོན་པའི་སྲི་ལ་མ་གཉིས་ཏེ་མུ་ཁ་ཆེན་མོ་མཆེད་བཞིའི་ཞལ་དུ་འབུལ་ལོ། །ཛྭ་ལ་ཛྭ་ལ་བཛྲ་མ་མ་མུཀྟ་ལ་ཡེ་ཛ་ཡ་དུ་མན་དྷི་ཤྭ་རི་ནཱི་ལ་པུ་ཙི་ཧཱུཾ་བྷྱོ་ཧཱུཾ་ཨི་དམ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། ཕྱི་ནམ་ཟླ་དུས་བཞི་ལ་དབང་བྱེད་པའི་བདག་ཉིད་ཆེན་མོ་བཞིའི་ཞལ་དུ་འབུལ་ལོ། །མ་ཐ་མ་ཐ་བཛྲ། ཏྲག་རཀྴ་མ་ཏི་ཧེ་དུན་བྷྱོ། མ་ཧཱ་ཡཀྴ་ན་ག་


JLAZ009_Page_0561
[མ་དཔེ་གཟིགས་ན་འདིར་གནོན།]

མ་ཧེ་དུན་བྷྱོ། ཨི་དམ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། བསྭེ་མོ་ཉིས་བརྒྱ་ལྔ་བཅུའི་དབང་མོ་ས་བདག་མ་བཞིའི་ཞལ་དུ་འབུལ་ལོ། །ཀ་ཏཾ་ཀ་ཏེ་ཛ་ཡེ་བི་ཛ་ཡེ་ཨ་ཛི་ཏེ་ཨ་པ་ར་ཙི་ཏ་སུ་ཀི་བྷ་ཡ་བྷ་ར་ཙིཏྟཾ་ཡོ་གཱི་ཤྭ་རི་ཡ་ཙིཏྟ་ཧཱུཾ་ཕཊ་ཨི་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། དཔལ་ལྡན་མགོན་པོ་ཆེན་པོའི་ཞལ་དུ་འབུལ་ལོ། །ཀཱ་ལ་མ་ཏྲཾ་མ་ཧཱ་ཀཱ་ལ་ར་ཏི་ཡེ་ཀཱ་ལ་རཱུ་པ་ཧཱུཾ་ཕཊ། ཨི་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། བསྭེའི་སྐྱེས་བུའི་ཞལ་དུ་འབུལ་ལོ། །མཱ་ར་ས་ནི་ར་ཤ་ནི་ར་ཤ་བྷི་ཀུན་ལན་ཤུ་ལན་ཧཱུཾ་ཕཊ། ཨི་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། རྒྱལ་པོ་ཤེལ་གིང་གི་ཞལ་དུ་འབུལ་ལོ། །ཀཱ་ར་མ་ཀཱ་ར་ཡ། ཙི་ཏྲ་པ་ལ་ཏྲི་ལ་ཐུན་ཨི་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། མ་བདུན་སྲིང་བཞིའི་ཞལ་དུ་འབུལ་ལོ། །ཧཱུཾ་མ་མ་པ་ཤི་ཀུ་རུ་མ་ཏང་ཉ་ཀ་ར་ཨི་ནན། ཨི་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། དྲེགས་པ་སྡེ་དྲུག་གི་ཞལ་དུ་འབུལ་ལོ། །དྷ་དྷི་མ་མ་ཤི་ཀྲཾ་ཀརྨ་ཀ་ཏྱེ་ཡ། པྲ་མརྟ་ནི་ཧཱུཾ་ཕཊ། ཨི་དཾ་བྷ་ལིང་ཏ་ཁ་ཁ་ཁཱ་ཧི་ཁཱ་ཧི། བཞེས་ནས་སངས་རྒྱས་ཀྱི་བསྟན་པ་སྲུངས། དཀོན་མཆོག་གི་དབུ་འཕང་བསྟོད། རྣལ་འབྱོར་པའི་གྲོགས་དན་མཛོད། ཕྲིན་ལས་རྣམ་པ་བཞི་སྒྲུབས། འཇིག་རྟེན་གྱི་རྒུད་པ་སོལ།


JLAZ009_Page_0562
[མ་དཔེ་གཟིགས་ན་འདིར་གནོན།]

དམག་འཁྲུག་དང་ནད་དལ་བཟློག །ཁྱད་པར་དུ་ཡང་བལ་ཡུལ་ཡང་ལེ་ཤོད་དུ་རིག་འཛིན་ཆེན་པོ་པདྨ་འབྱུང་གནས་ཀྱི་བཀའ་དང་དམ་ལ་བཞག །རྡོ་རྗེ་ཕུར་པའི་སྲུང་མར་དབང་བསྐུར། སྲོག་སྙིང་མདོངས་གསོལ་དུ་ཕུལ་ནས་ཇི་ལྟར་ཁས་བླངས་པའི་དམ་ཚིག་གཉན་པོ་དྲན་པར་མཛོད། རྡོ་རྗེ་ཐེག་པའི་བསྟན་པ་དང་དེ་འཛིན་གྱི་སྐྱེས་བུ་དམ་པ་རྣམས་ལ་ལོག་པར་བལྟ་ཞིང་ཉམས་པ་བདུན་དང་བཅས་པའི་དགྲ་བགེགས་རྣམས་ལྟས་དང་ཆོ་འཕྲུལ་སྣ་ཚོགས་པས་སྤ་བཀོང་ལ། དྲག་ཤུལ་གྱི་ལས་ལ་མངོན་དུ་སྤྱོད་པས་ཐལ་བའི་རྡུལ་ཕྲན་བཞིན་དུ་བརླག་པར་མཛོད་ཅིག །ཅེས་དམ་ཚིག་བསྒྲགས་ཤིང་ཕྲིན་ལས་བཅོལ་བ་ནི། བྷྱོ། རྒྱ་བལ་གཉིས་ཀྱི་མཚམས་ཤེད་ན། །དགུན་ཡང་མེ་ཏོག་པདྨ་སྐྱེ། །ཆུ་ཡང་བྱང་ཆུབ་བདུད་རྩི་ཆུ། །ཡང་ལེ་ཤོད་ཀྱི་བྲག་ཕུག་ཏུ། །ཕུར་པ་གྲུབ་པའི་རིག་འཛིན་གྱིས། །བཀའ་དང་དམ་ལ་བཞག་པ་ནི། །དམ་ཅན་ལྷ་མོ་བཅུ་གཉིས་ཏེ། །དངོས་གཅིག་ལ་ཡང་མཚན་སྟོང་མ། །འཇིག་རྟེན་འདས་ཀྱང་འཁོར་བ་ན། །ཤྭ་ན་མུ་ཁ་མཆེད་བཞིར་སྟོན། །ལྕགས་ཀྱི་སྤྱང་མོ་མགོ་དགུ་དང༌། །ལྕགས་ཀྱི་ཁྱི་མོ་མཚལ་མིག་ཅན། །ཟངས་ཀྱི་ཝ་མོ་རྐང་གསུམ་དང༌། །གསེར་གྱི་འཕར་བ་ལྕེ་བརྒྱད་སྟེང༌། །མི་མོའི་ལུས་ལ་ཕྲ་མེན་གདོང༌། །


JLAZ009_Page_0563
[མ་དཔེ་གཟིགས་ན་འདིར་གནོན།]

སྤྲུལ་པ་ཡང་སྤྲུལ་བསམ་མི་ཁྱབ། །འདས་དང་མ་འདས་མཚམས་ཤེད་ནས། །བདག་ཉིད་ཆེན་མོ་མཆེད་བཞིར་སྟོན། །རེ་མ་ཏི་དང་རེ་མ་དུ། །རེ་མ་ཛ་དང་རེ་མ་ཛུ། །ཁྱུང་དྲེལ་ཤ་བ་ཆུ་གླང་ཞོན། །བར་སྣང་ཀུན་ལ་དབང་བསྒྱུར་ནས། །ནམ་ཟླ་དུས་བཞིའི་བདག་པོ་མཛད། །རང་རྒྱུད་ཅན་དུ་སྟོན་པ་ནི། །ས་བདག་བསྭེ་ཡི་ལྷ་མོ་སྟེ། །ཚ་བ་རོང་ན་བཞུགས་པའི་ཚེ། །དེ་བྱིན་གཟའ་ཡི་བུ་མོ་སེར། །ཞག་གི་མཚོ་ལ་མངའ་དབང་མཛད། །ཆིབས་ནི་གཟའ་རྟ་ཞུར་པོ་ཆིབས། །ཤུ་ལན་དྷ་རི་སྲོག་གི་སྙིང༌། །མང་ཡུལ་སོ་ན་བཞུགས་པ་ནི། །རཀྟའི་མཚོ་ལ་མངའ་དབང་མཛད། །བསྭེ་བྱིན་བཙན་གྱི་བུ་མོ་དམར། །ཆིབས་སུ་བཙན་རྟ་དམར་པོ་ཆིབས། །ཙ་མུན་ད་རི་སྲོག་གི་སྙིང༌། །སྙེ་ནམ་ཡུལ་ན་བཞུགས་པ་ནི། །ཕག་བྱིན་ཀླུ་ཡི་བུ་མོ་ལྗང༌། །ཆིབས་སུ་ཀླུ་རྟ་ལྗང་གུ་ཆིབས། །ཀི་ཀང་ད་རི་སྲོག་གི་སྙིང༌། །བལ་ཡུལ་མཐིལ་ན་བཞུགས་པ་ནི། །ཡ་བྱིན་བདུད་ཀྱི་བུ་མོ་མཐིང༌། །མར་ཁུའི་མཚོ་ལ་མངའ་དབང་མཛད། །ཆིབས་སུ་བདུད་རྟ་མཐིང་ནག་ཆིབས། །ཀུ་མ་ད་ར་སྲོག་གི་སྙིང༌། །ཀུན་ཀྱང་རང་མདོག་བེར་ཆེན་གསོལ། །རལ་པ་ཕུར་པའི་ལན་ཚར་ཅན། །མིང་པོའི་ཚོགས་ལ་ཕྱག་འཚལ་བསྟོད། །ཕྲིན་བཅོལ་ནི། རྒྱུད་ལས།


JLAZ009_Page_0564
[མ་དཔེ་གཟིགས་ན་འདིར་གནོན།]

བྲན་དང་ཕོ་ཉ་བཀའ་ཉན་ཚོགས། །ཁྱེད་ཀྱི་ཐུགས་དམ་དུས་ལ་བབ། །ང་ཡི་སྤྱན་སྔར་ཁས་བླངས་བཞིན། །ཕྱི་རབས་རྣལ་འབྱོར་ཕྲིན་ལས་ཀྱི། །བསྟན་པར་དགྲ་འདྲེ་བྱུང་བའི་ཚེ། །ཤྭ་ན་མུ་ཁའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ས་བདག་ཆེན་མོའི་དུས་ལ་བབ། །དྲེགས་པ་མང་པོའི་དུས་ལ་བབ། །ཁྱེད་ཀྱི་མཐུ་རྩལ་རབ་ཏུ་དབྱུང༌། །སངས་རྒྱས་བསྟན་པ་བཤིག་པ་དང༌། །དཀོན་ཅོག་སྐུ་དགྲ་དབེན་རྩ་འཇོམས། །ཆོས་ཁྲིམས་འདྲལ་དང་སློབ་དཔོན་དགྲ། །རྣལ་འབྱོར་འཇོམས་པ་ལ་སོགས་པ། །བསད་དང་དབབ་དང་ནད་ངན་གྱིས། །ཇི་ནས་བརླག་པར་ཁྱེད་ཀྱིས་གྱིས། །དེ་ནས་བཞི་སྙིང་གཅིག་ཏུ་དྲིལ་བའི་བཟླས་པ་ནི་མི་མཐུན་པ་མང་དུ་སྣང་ཡང་རྣལ་འབྱོར་ཆེན་པོའི་ལེའུ་དགུ་པ་ལས། བཟླས་པ་དཔའ་བོ་གཅིག་པའི་སྔགས། །དང་པོ་བཅོམ་ལྡན་ཕུར་པའི་རྫས། །ཐམས་ཅད་འདུས་དང་རི་རབ་དང༌། །མནན་པ་ཁྲོ་བོ་འདུས་པ་དང༌། །གོང་བཞིན་དམ་ཅན་འདུས་པ་དང༌། །ཐབས་དང་ཤེས་རབ་གིང་མཆོག་དང༌། །རྟོག་པ་ལས་ཀྱི་སྔགས་བཅས་པ། །རྣམ་བཞི་ཚང་བ་བཞི་སྙིང་སྟེ། །དཔའ་བོ་གཅིག་ལ་ངལ་བ་མེད་པར་བཟླས། །ཞེས་པས་དོན་ལེའུ་བཅུ་གསུམ་པ་ནས་གསལ་བར་བསྟན་པ་ནི། དང་པོ་བདག་ཉིད་འབྲུ་བདུན་དང༌། །དེ་འོག་ཕྱག་རྒྱ་མནན་ཡིག་གསུམ། །མིང་རུང་ཡི་གེ་གཟས་པར་བཤད། །ཤྭ་ནའི་ཡི་གེ་བཅུ་དྲུག་དང༌། །རེ་མ་ཏི་ཡི་རྩ་སྔགས་དང༌། །བསྭེ་མོའི་སྙིང་པོ་བཅུ་བདུན་དང༌། །འཁོར་བ་རྩད་


JLAZ009_Page_0565
[མ་དཔེ་གཟིགས་ན་འདིར་གནོན།]

གཅོད་ཡི་གེ་དགུ། །ཐམས་ཅད་ཚང་བའི་ཡི་གེ་བདུན། །དྲིལ་ཏེ་རབ་ཏུ་བཟླས་པ་ཡིན། །མདངས་དང་བྲལ་བར་རབ་ཏུ་ངེས། །ཞེས་སོ། །ཨོཾ་བཛྲ་ཀཱི་ལི་ཀཱི་ལ་ཡ་ཛྭ་ལ་ནཾ། སློབ་དཔོན་རྣམ་གསུམ་གྱི་དགོངས་པ་དང་འབུམ་འགྲེལ་ལྟར་ཡིན། ཛཿཧཱུཾ་བཾ་ཧོཿ སུ་རུ་སུ་རུ། མུ་རུ་མུ་རུ། ཛྭ་ལ་ཛྭ་ལ། མ་ཐཱ་མ་ཐཱ། དྷ་ཏི་མ་མ་ཀརྨ་ཨི་དཾ་མ་ཏཾ་ཉ་ཀ་ར་ཛ་ཡེ་བི་ཛ་ཡེ་ཨ་ཙི་ཏེ་ཨ་པ་ར་ཙི་ཏེ་ཀ་ཏཾ་ཀ་ཏེ་མ་ར་སྱ་ན་པྲ་མརྟ་ན་ཡེ་སརྦ་བིག་ནན་བཾ་ཧཱུཾ་ཕཊ། ཅེས་ཡེ་ཤེས་ཀྱི་ལྷ་དང་སྲུང་མ་ཐམས་ཅད་ཀྱི་སྲོག་སྙིང་འདུས་པའི་དྷ་ཏི་འབྲིང་པོ་སྤུ་གྲི་དང་དབྱེ་བ་ལེགས་པར་ཆོད་པ་འདི་དམིགས་གནད་དང་ལྡན་པར་ཆིག་སྒྲིལ་དུ་བཟླས་པས་སྲོག་ཆགས་མང་པོ་བསད་པ་དང༌། བྱ་སྐད་འཚེར་བ་སོགས་སྤྱིའི་རྟགས་དང༌། སྒོས་རྟགས་སུ་གཅན་གཟན་གྱི་ཚོགས་རྨི་ན་ཤྭ་ན་མ་ཉེ། མོ་བཙུན་དང་ནག་མོ་དང་བྱ་ནག་དྲེའུ་རྟ་སོ་བྱ་ལ་སོགས་བྱུང་ན་བདག་ཉིད་མ་ཉེ། ཨ་ཙ་ར་དང༌། མོན་མོ་དང༌། བུད་མེད་ནག་མོ་དང༌། ཉ་སྦྲུལ་བྱུང་ན་བསེ་མོ་ཉེ། མི་རེངས་དཀར་དམར་དང༌། རྟ་པའི་ཚོགས་རྨི་ན་སྐྱེས་བུ་གིང་ཉེ་བས་ཉེ་བ་ལ་མཐིལ་གཏད། དེ་ནི་ཕྱི་དྷ་ཏི་ལྟར་བསྒྲུབ་པ་སྟེ། གཞན་དུ་ན་རྩ་རྒྱུད་ལས། དྷ་ཏི་འདུས་པ་བསྡུ་ཡིག་གསུམ། །ངན་སྔགས་ཡིན་པར་ང་ཡིས་བཤད། །ཅེས་པས་ཕྱི་དྷ་ཏི། ནང་འདུས་པ། གསང་བ་བསྡུ་ཡིག་ལྟར་བསྒྲུབ་པའི་ཚུལ་སློབ་དཔོན་རྣམ་གསུམ་གྱི་མན་ངག་ཏུ་ཤེས་པར་བྱའོ། །རྣལ་འབྱོར་ཆེན་པོའི་རྒྱུད་ལས། ལྷ་ལ་བསྟོད་ཅིང་སྲུང་མ་བསྐུལ། །དེ་ནས་བསྙེན་པའི་དུས་སུ་སྟེ། །རྟགས་ཚང་གཉིས་མེད་དངོས་གྲུབ་བླང༌། །ཞེས་པས་དམ་


JLAZ009_Page_0566
[མ་དཔེ་གཟིགས་ན་འདིར་གནོན།]

ཅན་བོད་པའི་རྟགས་ཚང་ནས་བསྐུལ་བ་ནི་གཏོར་མ་བཟང་པོ་བཤམས་ལ། རྒྱུད་ལས། ཧཱུཾ། དཔལ་གྱི་ཕོ་ཉའི་དུས་ལ་བབ། །སོགས་ནས། བཅོལ་བའི་ཕྲིན་ལས་སྒྲུབ་པར་མཛོད། །ཅེས་བསྐུལ་མཐར་ཚོགས་ཐ་མ་དང་འབྲེལ་བར་ལིངྒ་བསྟབ་པ་བྱ། ལྷག་མ་བཏང་ལ་དངོས་གྲུབ་ལྷ་ལ་བླང་བའི་ཚུལ་གཞུང་བཞིན་ནམ། རྒྱས་པར་རང་གཞུང་གི་ཚེའི་ཆོ་ག་དང་འབྲེལ་བར་བླང་བ་ཉིད་ཟབ་བོ། །གཉིས་པ་ངན་སྔགས་ཉེ་བར་བསྙེན་པ་ནི། རྣལ་འབྱོར་ཆེན་པོ་ལས། དྲག་པོ་བསད་པའི་ལས་བྱ་བ། །ཉི་ནག་མར་གྱི་ངོ་ལ་ནི། །དྲག་པོ་ལས་ཀྱི་རིམ་པ་བྱ། །གདབ་སྔགས་དྲུག་གི་ལས་བྱས་ལ། །དམ་ཅན་སྔགས་དང་བཅས་པ་དང༌། །གཞི་སྙིང་སྔགས་ལ་མིང་བཏགས་ལ། །བཟླས་ཚད་ཚེ་ལུང་ཁྲུས་ལུང་གིས། །ཕུར་གདབ་རྡུལ་དུ་བརླག་པར་བྱ། །ཞལ་དུ་བསྟབ་ཅིང་གཏོར་མ་བཏང༌། །ལས་གསུམ་ངེས་པས་ལས་མཐའ་བརྟུལ། །དེ་ལ་རྟགས་མཚན་མེད་པ་ན། །ཡི་དམ་ནར་མ་གཞུང་དུ་བྱའོ། །ལས་ཀྱི་རིམ་པ་རྫོགས་བྱས་པས། །གང་ལ་དམིགས་པ་གདོན་མི་ཟ། །ཞེས་པས་ཕུར་པ་གྲུབ་ན་གདབ་ལས་བྱ་བའི་དོན་གཞན་དུ་ཤེས་པར་བྱ་ཞིང༌། དངོས་གྲུབ་དགྲ་ལས་བླང་བའི་མན་ངག་ཉམས་སུ་བསྟར་རོ། །འདི་ནི་རྒྱུད་ལ་མན་ངག་ལྷན་ཐབས་སུ་བསྣན་པའི་ལུགས་སུ་ཤེས་པར་བྱའོ། །མངྒ་ལཾ།། །།

ཕུར་པ་རྒྱུད་ལུགས་ལས། དམ་ཅན་ལྕམ་དྲལ་གྱི་མཆོད་བསྐུལ།


JLAZ009_Page_0567
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས། དམ་ཅན་ལྕམ་དྲལ་གྱི་མཆོད་བསྐུལ་བཞུགས། །


JLAZ009_Page_0568
[མ་དཔེ་གཟིགས་ན་འདིར་གནོན།]

དཔལ་ཆེན་ཧེ་རུ་ཀ་ལ་ན་མོ། འདིར་ཕུར་པའི་དམ་ཅན་མཆོད་པ་ནི། གཏོར་མ་དང་སོ་སོའི་མཐུན་རྫས། ཉེར་སྤྱོད་དང༌། སྨན་ཕུད་བཟང་པོ་བཤམས་ལ། བདག་ཉིད་ཡི་དམ་ལྷའི་བསྐྱེད་རིམ་དང་ལྡན་པས། བྷྱོ། ཕུར་པའི་སྲུང་མ་དམ་ཚིག་ཅན། །སྲིད་པ་གསུམ་གྱི་ཕ་ཆེན་པོ། །ཧེ་ལེ་ཡབ་ཡུམ་རོལ་པའི་སྲས། །ལྕགས་ཀྱི་སྤྱང་མོ་མགོ་དགུ་དང༌། །ལྕགས་ཀྱི་ཁྱི་མོ་མཚལ་མིག་ཅན། །ཟངས་ཀྱི་ཝ་མོ་རྐང་གསུམ་མ། །གསེར་གྱི་འཕར་བ་ལྕེ་བརྒྱད་ལ། །རང་རང་མགོ་ཅན་བུད་མེད་ཞོན། །ཕྱག་ན་ཕུར་པ་ལྕགས་ཀྱུ་བསྣམས། །རོལ་དུ་ཁྱི་སྤྱང་འཕར་བ་ཁྲིད། །ཝ་མོའི་ངར་སྐད་ལྷངས་སེ་ལྷང༌། །མིང་པོ་ཤེལ་གིང་དཀར་པོ་སྟེ། །


JLAZ009_Page_0569
[མ་དཔེ་གཟིགས་ན་འདིར་གནོན།]

ཕྱག་ན་སྙིང་དང་ཕུར་པ་བསྣམས། །རི་རབ་ཟོམ་ལ་གནས་བཅས་ཤིང༌། །དུག་མཚོ་མེར་བའི་ཀློང་ན་འཕྱོ། །དུང་མཁར་དཀར་པོའི་ནང་ཤེད་ནས། །ཤྭ་ནའི་མ་ཚོགས་དམ་ལ་འདུ། །ཤ་ཁྲག་གཏོར་མ་འདི་བཞེས་ལ། །བཅོལ་བའི་ཕྲིན་ལས་གྲུབ་པར་མཛོད། །བྷྱོ། བདུད་ཀྱི་ཡུམ་ལ་གཤིན་རྗེའི་ལྕམ། །འདོད་པ་ཁམས་ཀྱི་དབང་ཕྱུག་མ། །དཔལ་ལྡན་ནག་མོ་རེ་མ་ཏི། །ཆིབས་སུ་དྲེའུ་རྟ་རྐང་གསུམ་ཆིབས། །གཡས་པ་དུག་གི་ཕུར་པ་གདེངས། །གཡོན་པ་བདུད་ཀྱི་ཁྲམ་བམ་བསྣམས། །དཔལ་ལྡན་ནག་མོ་རེ་མ་དུ། །ཆིབས་སུ་བྱ་རྒྱལ་ཁྱུང་ལ་ཆིབས། །གཡས་པ་


JLAZ009_Page_0570
[མ་དཔེ་གཟིགས་ན་འདིར་གནོན།]

མཆོག་གི་ཕུར་པ་འདྲིལ། །གཡོན་པ་འཛིན་བྱེད་ལྕགས་ཀྱུ་བསྣམས། །དཔལ་ལྡན་ནག་མོ་རེ་མ་ཛ། །ཆིབས་སུ་ཤ་བ་ཡུམ་མོ་ཆིབས། །གཡས་པ་སེང་ལྡེང་ཕུར་པ་བསྣམས། །གཡོན་པས་སྟོང་ཁམས་ཁྲམ་ལ་འདེབས། །དཔལ་ལྡན་ནག་མོ་རེ་མ་ཛུ། །ཆིབས་སུ་ཆུ་གླང་སྔོན་མོ་ཆིབས། །གཡས་པ་ལྕགས་ཀྱི་ཕུར་པ་གདེངས། །གཡོན་པ་འཛིན་བྱེད་ལྕགས་ཀྱུ་བསྣམས། །ནམ་ཟླ་དུས་བཞིའི་བདག་མོ་མཛད། །འཇིག་རྟེན་ཁམས་ཀྱི་ནད་བདག་མོ། །ཞིང་ལྤགས་རློན་པའི་ན་བཟའ་ཅན། །མིང་པོ་མ་ཧཱ་ཀཱ་ལ་སྟེ། །བེ་ཅོན་ཕུར་བུ་འཇོལ་བེར་གསོལ། །སྐུ་མདོག་ནག་པོ་འབར་བའི་གདོང༌། །རི་རབ་ནག་པོའི་བྱང་ཤར་མཚམས། །མུ་ལེ་དིང་གི་ལྕགས་མཁར་ནས། །ནག་མོ་ཆེན་མོ་དམ་ལ་འདུ། །ཤ་ཁྲག་གཏོར་མ་འདི་བཞེས་ལ། །བཅོལ་བའི་ཕྲིན་ལས་གྲུབ་པར་མཛོད། །བྷྱོ། གནོད་སྦྱིན་ཟངས་མདོག་རྒྱལ་པོ་ཆེ། །ཡབ་ཡུམ་རོལ་པའི་སྲས་མཆོག་ནི། །དེ་བྱིན་གཟའ་ཡི་བུ་མོ་སེར། །ཆིབས་སུ་གཟའ་རྟ་འུར་པ་ཆིབས། །སྐུ་ལ་བེར་ཆེན་སེར་ནག་གསོལ། །ཕྱག་ན་ཕུར་པ་ལྕགས་ཀྱུ་བསྣམས། །བསེ་བྱིན་བཙན་གྱི་བུ་མོ་ནི། །དམར་ནག་བཙན་རྟ་དམར་པོ་ཆིབས། །སྐུ་ལ་བེར་ཆེན་དམར་ནག་གསོལ། །


JLAZ009_Page_0571
[མ་དཔེ་གཟིགས་ན་འདིར་གནོན།]

ཕྱག་ན་ཕུར་པ་ལྕགས་ཀྱུ་བསྣམས། །ཕག་བྱིན་ཀླུ་ཡི་བུ་མོ་སྔོ། །ཆིབས་སུ་ཀླུ་རྟ་ལྗང་སྔོན་ཆིབས། །འཇོལ་བེར་སྔོ་ཁྲ་སྦྲུལ་གྱིས་བརྒྱན། །ཕྱག་ན་ཕུར་པ་ལྕགས་ཀྱུ་བསྣམས། །ཡ་བྱིན་བདུད་ཀྱི་བུ་མོ་ནག །སྐུ་ལ་མཐིང་ནག་བེར་ཆེན་གསོལ། །ཆིབས་སུ་བདུད་རྟ་ནག་པོ་ཆིབས། །ཕྱག་ན་ཕུར་པ་ལྕགས་ཀྱུ་བསྣམས། །བློན་མོ་ཡང་བློན་ཚོགས་དང་བཅས། །མིང་པོ་བསེ་ཡི་སྐྱེས་བུ་ནི། །སྐུ་ལ་བསེ་ཡི་ཁྲབ་ཆེན་གསོལ། །བསེ་མདའ་བསེ་གཞུ་ཕུར་པ་འདྲིལ། །ཀུན་ཀྱང་ཤན་པ་ཕོ་མོ་འགྱེད། །རི་རབ་ཆེན་པོའི་ལྷོ་ནུབ་མཚམས། །བསེ་མཚོ་མེར་བའི་ནང་ཤེད་ན། །བསེ་མཁར་སྨུག་པོའི་ཕོ་བྲང་ནས། །ས་བདག་ཆེན་མོ་དམ་ལ་འདུ། །ཤ་ཁྲག་གཏོར་མ་འདི་བཞེས་ལ༑ །བཅོལ་བའི་ཕྲིན་ལས་གྲུབ་པར་མཛོད། །བྷྱོ། རྡོ་རྗེ་གར་གྱི་དབང་ཕྱུག་མ། །རྡོ་རྗེ་གསལ་བ་གློག་བྱིན་མ། །རྡོ་རྗེ་ཀུན་བཟང་མཐུ་མོ་ཆེ། །རྡོ་རྗེ་ཡེ་ཤེས་ཆེན་མོ་མ། །རྡོ་རྗེ་གསུང་ཆེན་འོད་འབར་མ། །རྡོ་རྗེ་གསུང་དབྱངས་སྒྲོག་པ་མོ། །རྡོ་རྗེ་སྒྲོལ་མ་ཟ་བྱེད་མ། །མ་བདུན་སྐུ་མདོག་དམར་ནག་ལ། །རྡོ་རྗེ་ཕུར་འདྲིལ་ཆས་དང་ལྡན། །ཤར་གྱི་རྡོ་རྗེ་སྤྱན་གཅིག་མ། །ལྷོ་ཡི་རྡོ་རྗེ་རལ་གཅིག་མ། །


JLAZ009_Page_0572
[མ་དཔེ་གཟིགས་ན་འདིར་གནོན།]

ནུབ་ཀྱི་རྡོ་རྗེ་དབང་སྡུད་མ། །བྱང་གི་རྡོ་རྗེ་ལས་མཁན་མོ། །སྲིང་བཞི་སྨུག་ནག་ཐོད་ཁྲག་དང༌། །ཕུར་འདྲིལ་རང་རང་རྒྱན་དང་ལྡན། །དཀར་སེར་དམར་དང་ལྗང་གུའི་མདོག །ཀུན་ཀྱང་ཕུར་པའི་སྲུང་མ་སྟེ། །དེ་རིང་དཔལ་གྱི་དམ་ལ་འདུ། །བོས་པའི་ཚེ་ན་སྙན་མ་སྲ། །ཁྱོད་དང་ང་གཉིས་དམ་ཚིག་འབྲེལ། །བརྟེན་པའི་ཚེ་ན་རྒྱང་མ་རིང༌། །མཐུན་པའི་དམ་རྫས་འདི་ན་མཆིས། །བསྐུལ་བའི་ཚེ་ན་མཐུ་མ་ཆུང༌། །ཁྱོད་ཀྱི་སྲོག་སྙིང་ང་ལ་ཡོད། །བ་ལིང་ཤ་ཁྲག་རི་ལྟར་སྤུངས། །མཐུན་རྫས་ལོངས་སྤྱོད་གཅལ་དུ་བཀྲམ། །གླུ་དབྱངས་གདུང་བས་ཁྱོད་འབོད་ན། །ཉམས་པའི་དགྲ་ལ་མཐུ་མ་ཆུང༌། །བརྣག་པའི་བགེགས་ལ་རྩལ་མ་ཞན། །ཤ་ཁྲག་གཏོར་མ་འདི་བཞེས་ལ། །བཅོལ་བའི་ཕྲིན་ལས་སྒྲུབ་པར་མཛོད། །ཨོཾ་བཛྲ་ཀྲོ་དྷ་ཙིཏྟ་མ་ཧཱ་ལཱི་ཤུ་ར་ཤུ་ར། ཁྱི་ར་ཁིང༌། གྷ་དྷ་ར་ནི། ཤུ་ལ་ཙི་པཱར་ཤུ་པར་ནི་ཡོ་ག་ཤུདྡྷ་ཙིཏྟ་མ་ར་ལི། ཀྲོ་དྷ་ཡོ་གི་ནཱི་བཛྲ་ཛ་ལནྡྷ་རི། ཤ་ཥ་ཎི་ཛ་ཛ། ཞེས་བརྗོད་གཏོར་མ་གཙང་སར་འབུལ། །ལས་སྦྱོར་དུས་སུ་དུས་དྲུག་བསྐུལ། །ཕུར་པ་སྒྲུབ་པའི་རིག་འཛིན་ལ། །ཉེ་བའི་གསོལ་ཀ་རྒྱུན་མི་བཅད། །རྒྱ་འདྲེ་འབྱུང་པོ་གསར་སྐྱེས་དང༌། །ཉམས་པ་བདུན་གྱི་གཤེད་མ་ཡིན། །དེ་བས་འདི་ལ་གཅེས་པར་ཟུངས། །དགེའོ།། །།

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ཀྱི་ཞི་བའི་སྦྱིན་སྲེག་བདུད་རྩིའི་ཐིགས་པ།


JLAZ009_Page_0573
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ཀྱི་ཞི་བའི་སྦྱིན་སྲེག་བདུད་རྩིའི་ཐིགས་པ་ཞེས་བྱ་བ་བཞུགས། །


JLAZ009_Page_0574
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་བཛྲ་ཀུ་མཱ་ར་ལ་ན་མཿ འདིར་ཞི་བའི་སྦྱིན་བསྲེག་གི་རིམ་པ་ནི། རྒྱུད་ལས། ལས་ཀྱི་རིམ་པ་བྱ་བ་ཡང༌། །སྦྱིན་བསྲེག་དག་ནི་རབ་ཏུ་བྱ། །ཐམས་ཅད་མ་ལུས་ཞི་བའི་ཕྱིར། །ཤིན་ཏུ་ཁ་དོག་དཀར་ལ་འཚེར། །ཞི་བའི་ཐབ་ཁུང་དེ་བྱས་ཏེ། །ཁྲུ་གང་ཁྲུ་དོའི་ཚད་དུ་བྱ། །འབྲས་ཐུག་འོ་ཐུག་དཀར་གསུམ་དང༌། །མངར་གསུམ་དང་ནི་རབ་ལྡན་ཏེ། །ཞི་བའི་རྫས་ནི་མ་ལུས་བསག །མེ་ཏོག་དཀར་པོ་ཏིལ་དཀར་དང༌། །འབྲས་ཆེན་ཏིལ་སོགས་དངུལ་ཕྱེ་བསག །བསྲེག་ཤིང་ཁྲུ་གང་ཚད་བྱས་ཏེ། །ཡམ་ཤིང་མཐོ་གང་སོར་བཞི་བྱ། །ཤིན་དུ་དྲི་ཞིམ་དྲི་ཡིས་བྱུག །ཅེས་པས་གཟའ་སྐར་བཟང་པོ་ལ་དུལ་བ་མ་ཡིན་པའི་གནས་སུ་ནི་སའི་ཆོ་ག་ངེས་པར་བྱ་ལ། ས་སྟེགས་ཐབ་རྒྱ་དང་འཚམས་པ་འཐས་པར་བཅགས་ལ་ཐིག་ཆེན་


JLAZ009_Page_0575
[མ་དཔེ་གཟིགས་ན་འདིར་གནོན།]

བརྒྱད་བཏབ་པའི་དབུས་སོར་མོ་ཉི་ཤུ་རྩ་གཅིག་གིས་ཟླུམ་སྐོར་གྱི་ནང་དུ་རྩིབས་བརྒྱད་ཀྱི་ལྟེ་བར་ཆོས་འབྱུང་མཐིང་ནག་རྡོ་རྗེས་མཚན་པ། དེའི་ཕྱིར་སོར་བཞི་རེ་ཡོད་པའི་མཆུ་དང་ཁ་ཁྱེར་གསུམ་གྱི་བར་མར་མེ་རི། ཕྱི་མར་རྡོ་རྗེའི་ཕྲེང་བ། ཟུར་བཞིར་བླ་རྡོར་བྲིས་པའི་སྟེང་བུད་ཤིང་བཟང་པོ་རྩེ་ཁྲུ་གང་བས་ཟླུམ་སྐོར་དུ་རྒྱ་ལས་ཕྱེད་ཆས་དམན་པའི་དཔངས་སུ་བརྩིག །སློབ་དཔོན་གྱི་གཡོན་ལོགས་སུ་འོ་མ་འབྲས་ཆེན་དངུལ་ཕྱེ་མེ་ཏོག་དཀར་པོ་རྣམས་ཀྱི་རྒྱུ་ལས། མཆོད་གཏོར་གཙང་མ་འཇིག་འདས་ཀྱི་རིམ་པ་གཉིས་སུ་བཤམ། གཡས་ངོས་སུ་བསྲེག་རྫས་ནི། འོ་མ་ཅན་གྱི་ཡམ་ཤིང༌། མར་ཁུ། ཏིལ་དཀར་ནག །དཀར་གསུམ་མངར་གསུམ་དང་འོ་ཐུག་བསྲེས་པའི་ཟས་མཆོག །འབྲས། སོ་བ། ནས། སྲན་མ། གྲོ། དཱུརྦ། ཀུ་ཤ །


JLAZ009_Page_0576
[མ་དཔེ་གཟིགས་ན་འདིར་གནོན།]

ཤིང་ཏོག །ཁྱད་པར་གྱི་རྫས་མེ་ཏོག་དཀར་པོ་དང༌། ཏིལ་དཀར། ཉུང་ཀར། ཙནྡན་དཀར་དམར། རིན་པོ་ཆེ། སི་ཧླ་སོགས་ཀྱང་འཇིག་འདས་སོ་སོར་བཤམ་མོ། །གཉིས་པ་དངོས་གཞི་ལ་དྲུག་ལས། དང་པོ་བདག་བསྐྱེད་ནི་གཞུང་བཞིན་དང༌། ཞར་ལ་ལས་བུམ་ཀྱང་བསྒྲུབ་བོ། །གཉིས་པ་རྡོར་དྲིལ་བྱིན་བརླབ་ནི། ཐབས་ཤེས་ཀྱི་དེ་ཁོ་ན་ཉིད་དྲན་པས། ཨོཾ་མ་ཧཱ་བཛྲ་ཧཱུཾ། ཞེས་རྡོ་རྗེ་ལན་གསུམ་གསོར། ཨོཾ་བཛྲ་གཎྜེ་ཨ། ཞེས་པས་དྲིལ་བུ་འཁྲོལ་ཞིང་དཀུར་བརྟེན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཎ་བཛྲ་སྭ་བྷཱ་ཝ་ཨཏྨ་ཀོ྅ཧཾ། ཞེས་འཁྱུད་རྒྱ་བྱས་ཏེ་དམ་ཚིག་གསུམ་དང་དུ་བླང་ངོ༌། །གསུམ་པ་མཆོད་རྫས་བརླབ་པ་ནི། ཧཱུཾ། རྣམ་དག་ཆོས་དབྱིངས་ངང་ཉིད་ལས། །རང་བྱུང་མཆོད་པའི་ཕུང་པོ་ནི། །ཀུན་བཟང་མཆོད་པའི་སྤྲིན་ལྟ་བུར། །དཔག་ཡས་ནམ་མཁའ་གང་བར་གྱུར། །ཨོཾ་བཛྲ་ཨརྒྷཾ་སོགས་དང༌། སྨན་རཀ་གཏོར་མའི་སྔགས་ལན་གསུམ་བརྗོད། བཞི་པ་བསྲེག་རྫས་བརླབ་པ་ནི། ལས་བུམ་གྱི་ཆུས་གཏོར་ཞིང༌། ཧཱུཾ་བིག་ནཾ་ཏ་ཀྲིཏ་ཀྱིས་བགེགས་བསང༌། སྭ་བྷཱ་ཝས་སྦྱངས། སྟོང་པའི་ངང་ལས་མ་དང་ཨ་ལས་བྱུང་བའི་ཉི་ཟླའི་གའུའི་སྣོད་དུ་བསྲེག་རྫས་རྣམས་སོ་སོའི་མིང་ཡིག་དང་པོ་ཐིག་ལེས་བརྒྱན་པ་འོད་དུ་ཞུ་བ་ལས་བྱུང་བའི་བདུད་རྩིའི་དངོས་པོ་སོ་སོའི་བྱེད་ལས་འགྲུབ་པའི་ནུས་པ་ཅན་དུ་གྱུར།


JLAZ009_Page_0577
[མ་དཔེ་གཟིགས་ན་འདིར་གནོན།]

ཨོཾ་ཨཱཿཧཱུཾ། ཨོཾ་ཧཱུཾ་སྭཱཾ་ཨཱཾ་ཧཱཾ། ཞེས་ལན་བདུན། ལྔ་པ་ཐབ་བསྐྱེད་ནས་མེ་ལྷ་ལྷར་ཤེས་པ་ལ་མཆོད་པ་ནི། སྭ་བྷཱ་ཝས་སྦྱངས། སྟོང་པའི་ངང་ལས་རང་མདུན་དུ། །བྷྲཱུྃ་ཡིག་ཡོངས་སུ་གྱུར་པ་ལས། །ཞི་བའི་ཐབ་ཁུང་དཀར་ལ་ཟླུམ། །མུ་རན་ཁ་ཁྱེར་ཟླ་ཚེས་ཅན། །སྣ་ཚོགས་པདྨའི་ལྟེ་བ་རུ། །རཾ་ལས་ཞི་བའི་མེ་ལྷ་ནི། །སྤུན་ལ་ཁ་དོག་དཀར་པོ་སྟེ། །འོད་ཟེར་དཀར་པོ་འཁྱིལ་ཚུལ་སྤྲོ། །ར་སྐྱེས་དཀར་པོའི་གདན་ལ་བཞུགས། །བགྲང་ཕྲེང་རིལ་བ་ཕྱག་ན་བསྣམས། །ཉོན་མོངས་ཐམས་ཅད་ཞི་མཛད་པས། །དྲང་སྲོང་ཚོགས་ཀྱིས་བསྐོར་བར་གྱུར། །དེ་ལྟར་དུ་གསལ་བའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ་གིས་མཚན་པ་ལས་འོད་ཟེར་འཕྲོས། ཤར་ལྷོ་ནས་མེ་ལྷ་འཁོར་དང་བཅས་པ་སྤྱན་དྲངས་པར་གྱུར། སྤྱན་འདྲེན་པ་ནི། ཧཱུཾ། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་འབྱུང་པོ་ཆེ། །མེ་ལྷའི་དྲང་སྲོང་བྲམ་ཟེའི་མཆོག །སུམ་ཅུ་རྩ་ལྔའི་ལྔ་ཚིགས་ནི། །ལྔ་པ་མེ་ལྷ་ཞེས་ཀྱང་བྱ། །རབ་ཏུ་སྤུན་ལ་སྐུ་མདོག་དཀར། །མགྲིན་པ་རིང་ལ་གསུང་ཡང་སྙན། །ཐུགས་རྗེའི་དབང་གིས་སྤྱན་འདྲེན་ན། །འབར་བའི་ནང་དུ་བཞུགས་ནས་ནི། །སྲེག་བླུགས་


JLAZ009_Page_0578
[མ་དཔེ་གཟིགས་ན་འདིར་གནོན།]

ཞལ་ཟས་བཞེས་སུ་གསོལ། །ཁྱོད་ལ་ཕྲིན་ལས་བཅོལ་བ་ནི། །ཐབས་ཁུང་མ་ཉམས་དམ་པ་འདིར། །དྲོངས་ཤིག་དྲོངས་ཤིག་མེ་དྲོངས་ཤིག །སྤོར་ཅིག་སྤོར་ཅིག་མེ་སྤོར་ཅིག །ཟུར་ཕུད་ཅན་གྱི་མེ་གསོས་ལ། །ཁ་འབར་མ་ཡི་མེ་བུས་ཅིག །བྲམ་ཟེའི་བུ་མོ་ལྔ་བརྒྱ་ཡང༌། །ཁྱོད་ཀྱིས་གཡོག་དང་བྲན་དུ་ཁོལ། །ཐུགས་དམ་རྒྱུད་བསྐུལ་བཅོལ་བའི་ཕྲིན་ལས་མཛོད། །ཅེས་བརྗོད་ལ། བསང་ཆུ་གཏོར་ཞིང༌། ལས་སྔགས་ཀྱིས་ཕྱིར་འབྲངས་བགེགས་རྣམས་བསྐྲད། ཛཿཧཱུཾ་བཾ་ཧོཿས་བསྟིམ། ཨོཾ་བཛྲ་ཨགྣེ་རཾ་ཙི་ཏི་ཤག་རཾ། ཏི་པ་ར་ཤག་རཾ། ཡཾ་རཾ། ཞེས་རྗེའུ་རིགས་ཀྱི་ཁྱིམ་ལས་བྱུང་བའི་མེ་སྦར། དེ་ནས་མཆོད་པ་ནི། ཧཱུཾ། མེ་ལྷ་དྲང་སྲོང་ཉོན་མོངས་བསྲེག །འབར་བ་མེ་ལྷ་སྤྱན་འདྲེན་ན། །འབར་བའི་མེ་ཡི་དབྱིངས་ན་བཞུགས། །དྲང་སྲོང་ཆེན་པོ་མེ་ཡི་ལྷ། །མཆོད་པ་འབུལ་ལོ་འདི་བཞེས་ལ། །འཁོར་བའི་སྡུག་བསྔལ་འཚིག་པར་མཛོད། ། ཨཱོཾ་བཛྲ་ཨཉྫ་མ་ནཾ་ཨཱ་ཧཱུཾ་གིས་ཞལ་བསིལ་དང༌། བྱོན་སྐྱེམས་དགང་བླུགས་ཕུལ་ལ། ཨོཾ་ཨག་ན་ཡེ་ཧ་བྱ་ཀ་བྱ་ཧཾ་ཧ་ན་ཡེ་ཏི་བྱ་ཏི་པ་ཡི་སྭཱ་ཧཱ། ལན་བདུན་དང༌། ཨོཾ་བཛྲ་པུཥྤེ་ཨཱཿཧཱུཾ་སྭཱ་ཧཱ། ཨོཾ་བཛྲ་དྷཱུ་པེ་ཨཱཿཧཱུཾ་སྭཱ་ཧཱ། ཨོཾ་བཛྲ་དཱི་པཾ་ཨཱཿཧཱུཾ་སྭཱ་ཧཱ། ཨོཾ་བཛྲ་ནཻ་ཝི་དྱ་ཨཱཿཧཱུཾ་སྭཱ་ཧཱ། ཞེས་ཉེར་སྤྱོད་དབུལ། དེ་ནས་


JLAZ009_Page_0579
[མ་དཔེ་གཟིགས་ན་འདིར་གནོན།]

བསྲེག་རྫས་རྣམས་ཡམ་ཤིང་ནས་རིམ་པར། ཨོཾ་ཨག་ན་ཡེ་ཧ་བྱ་ཀ་བྱ། ཧཾ་ཧ་ན་ཡེ། ཏི་བྱ་ཏི་པ་ཡེ་ཤཱནྟིཾ་ཀུ་རུ་སྭཱ་ཧཱ། ཞེས་པ་ཁོ་ནས་ཕུལ་ཞིང་འདོད་གསོལ་ནི། དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱད་སྟེམས་ཐམས་ཅད་མེད་པར་མཛོད། །ཅེས་རྐང་པ་བཞི་པོ་བརྗོད། རྫས་རྫོགས་པ་དང་དགང་བླུགས་གསུམ་ཕུལ་ལ་གཟི་བྱིན་བསྐྱེད། བསྟོད་པ་ནི། ཧཱུཾ། དྲི་ཟའི་དབང་ཕྱུག་མེ་ཡི་ལྷ། །འབྱུང་པོ་འདུལ་མཛད་ཕྱོགས་སྐྱོང་ཚུལ། །བསྲེག་རྫས་ཕུལ་ན་དོན་བསྒྲུབ་པ། །དྲང་སྲོང་ཆེན་པོ་ཁྱོད་ལ་བསྟོད། །དྲུག་པ་མེ་ལྷ་གཞལ་ཡས་ཁང་དུ་ཤེས་ནས་དཀྱིལ་འཁོར་གྱི་འཁོར་ལོ་མཆོད་པ་ནི། རྒྱུད་ལས། རྩ་བ་གཙོ་བོའི་དཀྱིལ་འཁོར་དང༌། །ཕུར་པ་ལྷ་ཡི་དཀྱིལ་འཁོར་དང༌། །ཕྱོགས་བཅུ་ཁྲོ་བོའི་དཀྱིལ་འཁོར་རྣམས། །མེ་ལྷའི་སྙིང་གར་རྫོགས་པར་བསྐྱེད། །ཏིང་འཛིན་བརྟན་པས་འགྲུབ་པར་འགྱུར། །ཅེས་པས། ལས་ཆུས་བསང༌། མེ་ལྷའི་ལྟོ་བ་ཡངས་ཤིང་རྒྱ་ཆེའི་དབུས། །རཀྟའི་རྒྱ་མཚོ་ཆེན་པོ་འཁྱིལ་བའི་ཀློང༌། །ཀེང་རུས་ཆེན་པོའི་རི་རབ་བརྩེགས་པའི་སྟེང༌། །རྡོ་རྗེའི་བྲག་ཆེན་གཏམས་པའི་ས་གཞི་ལ། །དུར་ཁྲོད་ཆེན་པོ་འབར་བའི་གཞལ་ཡས་ཁང༌། །སུས་ཀྱང་མ་བསྐྱེད་ཡེ་ནས་ཚད་ལས་འདས། །བསྐལ་པའི་མེ་ལྟར་འབར་བའི་དཀྱིལ་


JLAZ009_Page_0580
[མ་དཔེ་གཟིགས་ན་འདིར་གནོན།]

འཁོར་ནང༌། །དྲེགས་པ་ལྷ་ཆེན་བསྣོལ་བའི་གདན་སྟེངས་སུ། །ཉི་ཟླའི་གདན་བཤམས་པདྨའི་གེ་སར་བཅས། །ཚད་དང་མཚན་ཉིད་མ་ལུས་ཡོངས་སུ་རྫོགས། །ཞེས་པས་མེ་ལྷའི་སྐྱེ་མཆེད་རྟེན་གཞལ་ཡས་ཁང་གི་རང་བཞིན་དུ་བསྐྱེད་ནས། བརྟེན་པའི་ལྷ་གསལ་གདབ་པ་ནི། གཙོ་བོའི་གནས་སུ་ཧཱུཾ་མཐིང་ནག་ཡོངས་སུ་གྱུར་པ་ལས་འཇིགས་བྱེད་ཀྱི་རྒྱལ་པོ་དཔལ་རྡོ་རྗེ་གཞོན་ནུ་དབུ་གསུམ་ཕྱག་དྲུག་པ། ཞབས་རྣམ་པ་བཞི་དང་ལྡན་པ། གཡས་ལྗང་ནག །གཡོན་དམར་ནག །དབུས་མཐིང་ནག་ཏུ་བཞུགས་པ། གཡས་ཀྱི་དང་པོ་ན་རྡོ་རྗེ་རྩེ་དགུ་པ་དང༌། གཡོན་དང་པོ་ན་མེ་དཔུང་འབར་བ་བསྣམས་པ། གཡས་བར་པ་ན་རྡོ་རྗེ་རྩེ་ལྔ་པ་དང༌། སྟྭ་རེ་དང༌། ཐོ་བའོ། །གཡོན་བར་པ་ན་ཁ་ཊྭཱཾ་དང༌། ཐོད་དབྱུག་དང༌། ལྕགས་ཀྱུའོ། །གཡས་ཐ་མ་ན་ཕུར་པ་དང༌། གཡོན་ཐ་མ་ན་རྦོད་གཏོང་ཕྲ་མེན་གྱི་ཚོགས་བསྣམས་ཏེ། བྱ་རྒོད་དང༌། ཁྱུང་དང༌། འུག་པ་དང༌། ཕོ་རོག་དང༌། ཁྲ་བསྣམས་པའོ། །ཞབས་བཞི་ལས་གཉིས་བརྐྱངས། གཉིས་བསྐུམས་ཏེ་དོར་སྟབས་སུ་བཞུགས་པའོ། །སྐུ་ལ་བསྐལ་པའི་མེ་རི་དང༌། གླང་པོ་ཆེའི་ཀོ་རློན་དང༌། སྟག་གི་ཤམ་ཐབས་དང༌། ཞིང་ཆེན་གྱི་པགས་པ་དང༌། ཐལ་བའི་ཚོམ་བུ་དང༌།


JLAZ009_Page_0581
[མ་དཔེ་གཟིགས་ན་འདིར་གནོན།]

ཞག་གི་ཟོ་རིས་དང༌། ཁྲག་གི་ཐིག་ལེའོ། །སྦྲུལ་རིགས་ལྔས་བརྒྱན་ཏེ། རྒྱལ་རིགས་དང༌། རྗེའུ་རིགས་དང༌། བྲམ་ཟེའི་རིགས་དང༌། དམངས་རིགས་དང༌། གདོལ་པའི་རིགས་སོ། །ཐུགས་རྗེས་ཆགས་པས་ཁྲག་གི་རྒྱ་མཚོ་ལ་གསོལ་བའོ། །ཡུམ་འཁོར་ལོ་རྒྱས་འདེབས་མ་ཞལ་གཅིག་ཕྱག་གཉིས་མ། གཡས་ཡབ་ཀྱི་མགུལ་ནས་འཁྱུད་པ། གཡོན་བྷནྡྷ་རཀྟས་བཀང་ནས་ཡབ་ཀྱི་ཞལ་དུ་སྟོབ་པ། སྐུ་ལ་དུར་ཁྲོད་ཀྱི་རྒྱན་གྱིས་བརྒྱན་པ། དོ་ཤལ་དང༌། དཔུང་རྒྱན་དང༌། མགུར་ཆུ་དང༌། སྙན་ཆ་དང༌། སེ་མོ་དོས་བརྒྱན་ཏེ། ཐབས་དང་ཤེས་རབ་གཉིས་སུ་མེད་པར་བཞུགས་པའོ། །དེའི་ངང་ལས་རྡོ་རྗེ་ཆགས་པའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་ཆགས་པའི་དོན་ལ་བསྐུལ་བར་མཛད། ཡབ་ཀྱིས་ས་མ་ཡ་ཧོཿ ཡུམ་གྱིས་ས་མ་ཡ་སྟྭཾ། རཱ་ཧོ་ཧཾ། རཱ་ག་ཡ་མི། ཡབ་ཡུམ་གཉིས་སུ་མེད་པར་གྱུར། པདྨ་ཡོ་གི་ནི་ས་མ་ཡ་པྲ་བེ་ཤ་ཡ་ཕཊ། ཡབ་ཀྱི་བྱང་ཆུབ་ཀྱི་སེམས་ཡུམ་མཁར་བབས་པས་ཡུམ་ཡང་བྱང་ཆུབ་སེམས་ཀྱི་རང་བཞིན་དུ་གྱུར། ཧཱུཾ་ཧཱུཾ་ཧཱུཾ། བི་ཤྭ་བཛྲ་ཀྲོ་ཏ་ཛྭ་ལ་མཎྜ་ལ་ཧ་ལ་ཧ་ལ་ཧཱུཾ་ཕཊ། ཅེས་


JLAZ009_Page_0582
[མ་དཔེ་གཟིགས་ན་འདིར་གནོན།]

བརྗོད་པས་བྱང་ཆུབ་ཀྱི་སེམས་ལན་གཅིག་འཕྲོས་པས་ཁྲོ་བོ་འཆོལ་བའི་རང་བཞིན་དུ་གྱུར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ལྷག་གིས་ཁེངས། ཉོན་མོངས་པ་དང་ལོག་པར་ལྟ་བའི་སེམས་ཅན་ཐམས་ཅད་བསྒྲལ། སླར་དེ་དག་ཐམས་ཅད་ཡུམ་གྱི་བྷ་ག་ལ་བསྡུས་ཏེ་འོད་ཟེར་ཕྱོགས་བཅུར་འཕྲོས་པས། ཕྱོགས་སྐྱོང་དྲེགས་པ་ཅན་ཐམས་ཅད་ཀྱང་བསྒྲལ་ཏེ་རྩིབས་བཅུར་གདན་དུ་བྱས་པའི་སྟེང་ཁྲོ་བོའི་དཀྱིལ་འཁོར་འཐོན་པ་ནི། ཧཱུཾ་ཧཱུཾ་ཛཿཛཿ ཤར་ཕྱོགས་སུ་ཁྲོ་བོ་རྣམ་པར་རྒྱལ་བ་དབུ་གསུམ་ཕྱག་དྲུག་ཞབས་རྣམ་པ་བཞི་དང་ལྡན་ཞིང་དུར་ཁྲོད་ཀྱི་ཆས་བརྒྱད་ཀྱིས་བརྒྱན་པ། ཡུམ་རྡོ་རྗེ་སྙེམས་མ་དང་འཁྲིལ་ནས་བརྒྱ་བྱིན་གྱི་གདན་ལ་བརྐྱངས་བསྐུམས་སུ་བཞུགས་པའི་གཡས་སུ་ཡབ་ཀྱི་སྤྲུལ་པ་སྟག་གི་མགོ་ཅན་དང༌། གཡོན་དུ་ཡུམ་གྱི་སྤྲུལ་པ་བྱ་རྒོད་ཀྱི་མགོ་ཅན་ནོ། །དེ་བཞིན་དུ་ཧཱུཾ་ཧཱུཾ་ཛཿཛཿ ལྷོར་ཁྲོ་བོ་གཤིན་རྗེའི་གཤེད་དང་ཡུམ་དུར་ཁྲོད་བདག་མོ། སྤྲུལ་པ་ཤ་བ་དང་འུག་པའི་མགོ་ཅན་ནོ། །ཧཱུཾ་ཧཱུཾ་ཛཿཛཿ ནུབ་ཏུ་ཁྲོ་བོ་རྟ་མཆོག་དཔལ་དང་ཡུམ་རྡོ་རྗེ་གཏུམ་མོ། སྤྲུལ་པ་བྱི་ལ་དང་པུ་ཤུད་མགོ་ཅན། ཧཱུཾ་ཧཱུཾ་ཛཿཛཿ བྱང་དུ་ཁྲོ་བོ་བདུད་རྩི་འཁྱིལ་བ་དང༌། ཡུམ་རྡོ་རྗེ་རླུང་འབྱིན་མ། སྤྲུལ་པ་


JLAZ009_Page_0583
[མ་དཔེ་གཟིགས་ན་འདིར་གནོན།]

སེང་གེ་དང་ཕ་ཝང་མགོ་ཅན། ཧཱུཾ་ཧཱུཾ་ཛཿཛཿ ཤར་ལྷོར་ཁྲོ་བོ་དབྱུག་པ་སྔོན་པོ་དང་ཡུམ་རྡོ་རྗེ་སྡེར་མོ། སྤྲུལ་པ་གཡག་དང་བྱ་རོག་མགོ་ཅན། ཧཱུཾ་ཧཱུཾ་ཛཿཛཿ ལྷོ་ནུབ་ཏུ་ཁྲོ་བོ་མི་གཡོ་མགོན་པོ་དང་ཡུམ་རྡོ་རྗེ་གཏུན་ཁུང་མ། སྤྲུལ་པ་གཟིག་དང་ཁྭ་ཏའི་མགོ་ཅན། ཧཱུཾ་ཧཱུཾ་ཛཿཛཿ ནུབ་བྱང་དུ་ཁྲོ་བོ་གཞན་གྱིས་མི་ཐུབ་པ་དང་ཡུམ་རྡོ་རྗེ་མདའ་སྙེམས་མ། སྤྲུལ་པ་སྤྱང་ཀི་དང་ཁྲའི་མགོ་ཅན། ཧཱུཾ་ཧཱུཾ་ཛཿཛཿ བྱང་ཤར་དུ་ཁྲོ་བོ་ཁམས་གསུམ་རྣམ་རྒྱལ་དང་ཡུམ་རྡོ་རྗེ་གསོད་བྱེད་མ། སྤྲུལ་པ་དོམ་དང་སྲེ་མོའི་མགོ་ཅན། ཧཱུཾ་ཧཱུཾ་ཛཿཛཿ སྟེང་ཕྱོགས་སུ་ཁྲོ་བོ་ཧཱུཾ་ཀཱ་ར་དང་ཡུམ་རྡོ་རྗེ་སྒྲ་འབྱིན་མ། སྤྲུལ་པ་ཕག་དང་སྨིག་བུའི་མགོ་ཅན། ཧཱུཾ་ཧཱུཾ་ཛཿཛཿ འོག་ཕྱོགས་སུ་ཁྲོ་བོ་སྟོབས་པོ་ཆེ་དང་ཡུམ་རྡོ་རྗེ་སྐྱོད་བྱེད་མ། སྤྲུལ་པ་དྲེད་དང་བྱི་བའི་མགོ་ཅན་རྣམས་བཞུགས་པའོ། །ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུཾ་ཕཊ། ཅེས་བརྗོད་པས་སྲས་མཆོག་རྫས་ཀྱི་དཀྱིལ་འཁོར་དབུ་གསུམ་ཕྱག་དྲུག་པ། སྐུ་སྨད་ཕུར་བུའི་དབལ་དང་ལྡན་པ་ཟླ་གམ་གསུམ་ལ་བཀའ་ནོད་པའི་ཚུལ་དུ་བཞུགས་པའོ། །ཛཿཧཱུཾ་བཾ་ཧོཿ ལས་སྒོ་བཞིར་སྒོ་བ་བཞི་དང༌། མུ་རན་ལ་ཕུར་སྲུང་དམ་ཅན་གྱི་ཚོགས་རྣམས་མངོན་སུམ་ལྟ་བུར་


JLAZ009_Page_0584
[མ་དཔེ་གཟིགས་ན་འདིར་གནོན།]

བཞུགས་པའོ། །རྡོ་རྗེའི་ཕྱག་རྒྱ་གནས་གསུམ་དུ་གཏུགས་ལ། ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོ྅ཧཾ། དེ་བཞིན་དུ་ཝཱཀྐ་དང༌། ཙིཏྟ་སྦྱར་བས་བྱིན་གྱིས་རློབ། ཧཱུཾ། སྲིད་པ་ཕུར་བུར་བསྒྲུབ་པ་དང༌། །དབང་དང་དངོས་གྲུབ་སྩོལ་བའི་ཕྱིར། །ཡེ་ཤེས་ཁྲོ་བོ་གཤེགས་སུ་གསོལ། །ཁྲོ་བོ་ཆེན་པོ་གཤེགས་ནས་ཀྱང༌། །རྟགས་དང་མཚན་མ་སྟོན་པ་དང༌། །རྡོ་རྗེ་ཕུར་པའི་དངོས་གྲུབ་སྩོལ། །ཨོཾ་ཧཱུཾ་སྭཱ་ཨཱཾ་ཧཱ། ཨ་བྷི་ཥིཉྩ་མཱཾ། ཞེས་དབང་བསྐུར། དེ་ནས་སྤྱན་འདྲེན་ནི། ཧཱུཾ། གྲུ་གསུམ་མཐིང་ནག་འབར་བའི་དཀྱིལ་འཁོར་ནས། །དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་ཧེ་རུ་ཀ །བསྲེག་ཁང་མེ་ཡི་དཀྱིལ་འཁོར་དུ། །འགྲོ་བའི་དོན་ཕྱིར་སྤྱན་འདྲེན་ན། །བྱིན་གྱིས་རློབ་ཅིང་གཤེགས་སུ་གསོལ། །ཛཿཧཱུཾ་བཾ་ཧོཿ བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུཾ་ཕཊ། ཨ་གཙྪ་ཡ་ཨ་གཙྪ་ཡ། པྲ་བེ་ཤ་ཡ་པྲ་བེ་ཤ་ཡ། ཤོ་ཏ་ཡ་ཤོ་ཏ་ཡ། བཛྲ་ཊ་ཀི་ནི་ཧཱུཾ་ཕཊ། དེ་ནས་དམ་ཡེ་གཉིས་མེད་དུ་བྱ་བའི་ཕྱིར། ཨོཾ་བཛྲ་ས་མ་ཡ་ཨོཾ། ཨཱཿབཛྲ་ས་མ་ཡ་ཨཱཿ ཧཱུཾ་བཛྲ་ས་མ་ཡ་ཧཱུཾ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ། ཧཱུཾ། ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་


JLAZ009_Page_0585
[མ་དཔེ་གཟིགས་ན་འདིར་གནོན།]

པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཅེས་དང༌། མཆོད་པ་ནི། ཧཱུཾ། བླ་མེད་མཆོག་གི་མཆོད་པ་དམ་པ་ནི། །ཡེ་ཤེས་སོགས། ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་སོགས་ཀྱིས་དབུལ། དེ་ནས་བསྲེག་རྫས་དབུལ་བ་ནི། དཀྱིལ་འཁོར་གྱི་ལྷ་ཚོགས་རྣམས་ཀྱི་ལྗགས་རྡོ་རྗེའི་སྦུ་གུ་ཅན་གྱིས་སྲེག་བླུགས་ཀྱི་རྒྱུན་དྲངས་ཏེ་གསོལ་བས་ཞི་བའི་ཕྲིན་ལས་མཛད་པར་གྱུར། ཞེས་བརྗོད་ཅིང་བསམ་ལ། རྩ་སྔགས་ལན་བདུན་གྱིས་དགང་བླུགས་བཀང་ལ། ཡེ་ཤེས་རྩེ་མོ་ལས། བཛྲ་ཨགྣེ་ཛྭ་ལ་སྥ་ར་ཎ་མ་ཧཱ་པཱུ་ཛ་ཁཱ་ཧི་ཧཱུཾ་ཕཊ། ལན་གསུམ་གྱིས་བསྐོར་བཞིན་འབུལ། དེ་ནས། ཧཱུཾ། གཏི་མུག་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །ཡུད་ཙམ་གྱིས་ནི་ཞི་མཛད་པས། །ཞི་མཛད་མཆོད་པ་བཞེས་སུ་གསོལ། །ཞེས་བརྗོད་ལ་རྫས་རྣམས། ཨོཾ་བཛྲ་ཀཱི་ལི་ཀཱི་ལ་ཡ། ཛཿཧཱུཾ་བཾ་ཧོཿ སརྦ་བིག་ནན་བཾ་ཧཱུཾ་ཧཱུཾ་ཕཊ། ཤཱནྟིཾ་ཀུ་རུ་སྭཱ་ཧཱ། ཞེས་པ་ཁོ་ནས་དབུལ་བ་ནི་རྡོ་རྗེ་ཁྲོས་པའི་བཤད་རྒྱུད་ཀྱི་དགོངས་པ་ཡིན་ལ། རྣམ་པ་གཅིག་ཏུ་སོ་སོའི་སྔགས་ཀྱིས་དབུལ་ན་ཕྲིན་ལས་ཀྱི་རྒྱུད་ལས། དེ་ནས་གཙོ་བོ་ཡབ་ཡུམ་དང༌། །ཕྱོགས་ཀྱི་ཁྲོ་བོ་ལྔ་རྣམས་ལ། །བརྒྱ་རྩ་བརྒྱད་ཀྱི་སྲེག་བླུགས་དབུལ། །ཁྲོ་བོ་ཡབ་ཡུམ་ཉི་ཤུ་


JLAZ009_Page_0586
[མ་དཔེ་གཟིགས་ན་འདིར་གནོན།]

གཅིག །ཕྲ་མེན་སྒོ་མ་ལ་ནི་བདུན། །སོ་སོའི་སྔགས་ཀྱི་ཤམ་དག་ལ། །འདི་ཞེས་བྱ་བ་ཞི་གྱུར་ཅིག །ཤཱནྟིཾ་ཀུ་རུ་སྭཱ་ཧཱ། དེ་བྱས་གདུག་པའི་ཚོགས་རྣམས་ནི། །ཐམས་ཅད་མ་ལུས་ཞི་བར་འགྱུར། །ཞེས་བཤད་པ་ལྟར་བྱའོ། །ཇི་ལྟར་ཡང༌། བཟླས་བརྗོད་མེ་དང་འདྲ་བ་ཡི། །ཉོན་མོངས་རྩྭ་མཆོག་འདྲ་བ་བསྲེག །ཏིང་འཛིན་རྩལ་གྱི་ཁྱད་པར་ལས། །དྲོད་རྣམས་འབྱུང་བར་གདོན་མི་ཟ། །ཞེས་པས་བཟླས་བརྗོད་དང་ཏིང་ངེ་འཛིན་ནི་ལས་འགྲུབ་པའི་རྒྱུའི་གཙོ་བོ་ཡིན་པས་རྫས་མང་ལ་སྔགས་ཉུང་བ་ཡང་མི་ལེགས་སོ། །དེ་ཡང་བརྒྱ་རྩ་རེའི་མཚམས་སུ་ཐུགས་དམ་བསྐུལ་བའི་ཕྱིར། ཐབ་ཏུ་ཉུང་ཀར་འཐོར་ཞིང༌། བདག་དང་རྒྱུ་སྦྱོར་ཡོན་བདག་རྣམས། །སྒྲིབ་གཉིས་བྱང་ཞིང་ཚོགས་གཉིས་རྫོགས། །བྱད་ཕུར་གདོན་བགེགས་རིམས་ནད་དང༌། །རྨི་ལྟས་མཚན་ངན་དུས་མིན་འཆི། །འཇིགས་པ་བརྒྱད་དང་བཅུ་དྲུག་སོགས། །མྱུར་དུ་ཞི་ཞིང་མེད་པར་མཛོད། །ཅེས་འདོད་དོན་གསོལ་བས་ལྷ་ཚོགས་རྣམས་ཀྱི་སྐུ་ལས་ཟླ་བ་ཆུ་ཤེལ་ལྟ་བུའི་འོད་ཟེར་འཕྲོས་རང་དང་བསྒྲུབ་བྱ་ལ་རེག་པས་ནད་གདོན་སྡིག་སྒྲིབ་ལ་སོགས་ཞི་བར་བསམ་མོ། །རྫས་རྫོགས་པ་དང་དགང་བླུག་འབུལ་བ་ནི། རྩ་སྔགས་ཤམ་བཛྲ་ཨགྣེ་ཛྭ་ལ་སྥ་ར་ཎ་མ་ཧཱ་པཱུ་ཛ་ཁཱ་ཧི་ཧཱུཾ་ཕཊ། ཅེས་ལན་གསུམ་དང༌། དེ་ནས་དེ་ལ་སོགས་དང༌། བཛྲ་ཝསྟྲ་ཡེ་སྭཱ་ཧཱས་གོས་ཟུང་དང༌། བཛྲ་ཏམྦུ་ལ་ཡེ་སྭཱ་ཧཱས་སོ་རྩི་དབུལ། དེ་ནས་སྨན་གཏོར་རཀྟ་


JLAZ009_Page_0587
[མ་དཔེ་གཟིགས་ན་འདིར་གནོན།]

འབུལ་བ་ནི། ཧཱུཾ། སངས་རྒྱས་ཀུན་དང་མཉམ་སྦྱོར་ཞིང༌། །རང་བྱུང་གདོད་ནས་རྣམ་པར་དག །རྩ་བརྒྱད་ཡན་ལག་སྟོང་སྦྱར་སྨན། །རིགས་ལྔ་དམ་ཚིག་ལྔ་ཡི་དངོས། །སྒྲོན་མ་ལྔ་དང་བདུད་རྩི་ལྔ། །རྒྱུད་ལྔ་དུག་ལྔ་འཇོམས་པའི་བདུད། །ཡེ་ཤེས་ལྔ་པོ་གྲུབ་པའི་རྩི། །འཆི་བ་མེད་པའི་དམ་རྫས་ཆེ། །དཀྱིལ་འཁོར་ལྷ་ཚོགས་རྣམས་ལ་འབུལ། །སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཞེས་དང༌། ཧཱུཾ། མཐུ་རྩལ་དབྱུང་བའི་དུས་ལ་བབ། །དམ་ཚིག་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །དུག་གསུམ་མཆོད་པར་རབ་ཕུལ་བས། །སངས་རྒྱས་སྐུ་གསུམ་ཐོབ་པར་འགྱུར། །མ་ཧཱ་བ་ལིནྟ་ཁཱ་ཧི། ཞེས་གཏོར་མ་འབུལ། དེ་ནས་རཀྟ་ཚར་གསུམ་ནི། ཧཱུཾ། དངོས་གྲུབ་བར་ཆད་བྱེད་པའི་གེགས། །གདུག་ཅིང་སྡང་སེམས་ལྡན་པ་རྣམས། །ཟུངས་ཤིག་རྒྱོབ་ཅིག་རྣམ་པར་ཆིངས། །གཏོགས་ཤིག་གྲོགས་དང་བྲལ་བར་གྱིས། །རེངས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ཀྱང༌། །བསྒོ་བའི་བཀའ་ལ་ཉན་པར་གྱིས། །མ་ཧཱ་རཀྟ་ཁཱ་ཧི། ཧཱུཾ། བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་


JLAZ009_Page_0588
[མ་དཔེ་གཟིགས་ན་འདིར་གནོན།]

ཆད་ཇི་བཞིན་བཅས་པ་ཡི། །མངོན་སྤྱོད་ཕྲིན་ལས་མྱུར་དུ་མཛོད། །མ་ཧཱ་རཀྟ་ཁཱ་ཧི། ཧཱུཾ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ལྷའམ་འོན་ཏེ་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་མཛོད། །མ་ཧཱ་རཀྟ་ཁཱ་ཧི། དེ་ནས་སྦྱོར་སྒྲོལ་གྱི་མཆོད་པ་ནི། ཧཱུཾ། རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུངས་བྱས་ནས། །ལྷ་ཡང་རུང་སྟེ་བསྒྲལ་བར་གྱིས། །ཁ་ཐཾ་ཁ་ཐཾ་ཁ་ཐཾ། ཁཱ་ཧི་ཁཱ་ཧི་ཁཱ་ཧི། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཧ་ཧ་ཧ། དེ་ནས་བསྟོད་པ་ནི། ཧཱུཾ། སྣང་སྲིད་ཐམས་ཅད་ཕུར་པའི་རང་བཞིན་ལས། །ཁམས་གསུམ་འཁོར་བ་མིང་ཡང་མི་གྲགས་ཀྱང༌། །རྒྱལ་བའི་རྫུ་འཕྲུལ་ཆེན་པོ་བསྟན་པའི་ཕྱིར། །རྡོ་རྗེ་མངོན་སྤྱོད་ཕྲིན་ལས་མཛད་ལ་བསྟོད། །ནོངས་བཤགས་ནི། མ་འབྱོར་བ་དང་སོགས། མཐར་ཡི་གེ་བརྒྱ་པས་བཤགས། ཨོཾ། ཁྱེད་ཀྱིས་སེམས་ཅན་དོན་ཀུན་མཛད། །སོགས་ཀྱིས་གཤེགས། གསུམ་པ་རྗེས་ཀྱི་རིམ་པ་ལ། ཨོཾ་ཨགྣེ་ཛྭ་ལ་ཧཱུཾ་


JLAZ009_Page_0589
[མ་དཔེ་གཟིགས་ན་འདིར་གནོན།]

ཕཊ། ཅེས་བླུགས་གཟར་གྱིས་མེ་གསོས་པས་མེ་ལྷ་སྔར་བཞིན་བསམ། ཨོཾ་ཨགྣ་ཡེ་ཧ་བྱ་ཀ་བྱ་ཧཾ་ཧ་ན་ཡེ་ཏི་བྱ་ཏི་བ་ཡེ་ཤཱནྟིཾ་ཀུ་རུ་སྭཱ་ཧཱ། ཞེས་པས་རྫས་ལྷག་རྣམས་དང༌། བཛྲ་ཏམྦུ་ལས་སོ་རྩི། བཛྲ་ཝསྟྲས་གོས་དབུལ། ཨོཾ་ཨགྣེ་དེ་ཝ་རྀ་ཥི་ཨརྒྷཾ་སོགས་ཀྱིས་ཉེར་སྦྱོད་དབུལ། མེ་སྟེ་བསྲེག་བྱས་བསྟོད། ཨ་ཀཱ་རོས་གཏོར་མ་བསྔོས་ལ། མཆོད་སྦྱིན་གཏོར་མ་འདི་བཞེས་ལ། །སོགས་ཀྱིས་ཕྲིན་ལས་བཅོལ། མ་རྙེད་ཡོངས་སུ་མ་ཚང་དང༌། །གཙོ་བོ་ནུས་པ་མ་མཆིས་པས། །འདིར་ནི་བྱ་བ་གང་བགྱིས་པ། །དེ་ཀུན་ཁྱོད་ཀྱི་བཟོད་མཛད་རིགས། །ཞེས་ནོངས་པ་བཤགས། བདག་གི་དོན་དང་གཞན་གྱི་དོན། །སྒྲུབ་བྱེད་བསྲེག་བྱ་ཟ་བ་གཤེགས། །ཇི་ལྟའི་དུས་སུ་ཚུར་བྱོན་ལ། །བདག་གི་དངོས་གྲུབ་ཐམས་ཅད་བསྒྲུབ། །བཛྲ་མུཿས་ཡེ་ཤེས་པ་གཤེགས། དམ་ཚིག་པ་འབར་བའི་རྣམ་པར་གྱུར། ཞེས་བརྗོད་ལ་དགེ་བ་བསྔོ་བ་དང༌། ཤིས་པ་བརྗོད་པས་མཐའ་རྒྱས་སུ་བྱ། མེ་རང་ཞིར་བཏང་བ་སོགས་རྗེས་ཀྱི་བྱ་བ་སྤྱི་དང་འདྲའོ། །ཕན་ཡོན་ནི། རྒྱུད་ལས། སྦྱིན་བསྲེག་གིས་ནི་ཐམས་ཅད་འགྲུབ། །དམ་ཚིག་ཉམས་པ་སྐོང་འགྱུར་ཞིང༌། །མཚམས་མེད་ལྔ་ཡི་སྡིག་བྱས་པ། །འདི་ཡིས་དག་པར་འགྱུར་བ་ཡིན། །ཞེས་སོ། །ཞི་བའི་སྦྱིན་བསྲེག་གི་རིམ་པ་རྡོ་རྗེ་ཕུར་པའི་རྒྱུད་སྡེ་རྒྱ་མཚོའི་རང་ལུགས་སོར་བཞག་ཅིང༌། མངོན་རྟོགས་རྒྱུད་ཚིག་ལྟར་བཀོད་


JLAZ009_Page_0590
[མ་དཔེ་གཟིགས་ན་འདིར་གནོན།]

པ་འདི་ཡང་རིག་འཛིན་འཇིགས་མེད་གླིང་པས་སོ། །བདག་བསྐྱེད་ལ། རྡོ་རྗེ་སློབ་དཔོན་སངས་རྒྱས་དཔལ་སྔོན་དུ་བཏང་ནས། རཀྟའི་རྒྱ་མཚོ་ཆེན་པོ་འཁྱིལ་བའི་ཀློང༌། །སོགས་ནས། སྲིད་པ་ཕུར་བུར་བསྒྲུབ་པ་དང༌། །སོགས་མཐར། ཨ་བྷི་ཥིཉྩ་མཱཾ། ཞེས་དབང་བསྐུར་བ་ཡན་བརྗོད་ནས། ཀཱི་ལ་ཡ་བརྒྱ་རྩ་བཟླས་རྗེས། ལས་བུམ་ཨ་མྲྀ་ཏས་བསྒྲུབ་བོ། །དགེའོ།། །།

རྡོོ་རྗེ་ཕུར་པ་རྒྱུད་ལུགས་ཀྱི་དྲག་པོའི་སྦྱིན་སྲེག་རྟ་གདོང་རྔམས་ཞུགས།


JLAZ009_Page_0591
[མ་དཔེ་གཟིགས་ན་འདིར་གནོན།]

རྡོོ་རྗེ་ཕུར་པ་རྒྱུད་ལུགས་ཀྱི་དྲག་པོའི་སྦྱིན་སྲེག་རྟ་གདོང་རྔམས་ཞུགས་ཞེས་བྱ་བ་བཞུགས། །


JLAZ009_Page_0592
[མ་དཔེ་གཟིགས་ན་འདིར་གནོན།]

ཤྲཱི་བཛྲ་ཀུ་མཱ་ར་ན་མ། ད་ནི་བསད་པའི་ལས་ཀྱི་མཐའ་བསྡུད་དྲག་པོའི་སྦྱིན་བསྲེག་གི་རིམ་པ་ལ་སྦྱོར་དངོས་རྗེས་གསུམ་ལས། དང་པོ་ནི། རྡོ་རྗེ་བཀོད་པ་ལས། དེ་ནས་དཀྱིལ་འཁོར་བྱ་བ་ནི། །གྲུ་གསུམ་ཆ་ནི་མཉམ་པ་ལ། །དབུས་སུ་གྲུ་གསུམ་ཁྲུ་གང་བརྐོ། །ཁ་ཁྱེར་གསུམ་རྩེ་སོར་བཞིའི་ཚད། །མུ་ཁྱུད་ཟླུམ་པོ་སོར་གསུམ་པ། །གྲུ་ཆད་བཞི་ཡིས་རྣམ་པར་བརྒྱན། །ཕྱི་རིམ་འཁོར་ལོ་རྩིབས་བརྒྱད་པ། །བར་ཁྱམས་དང་ནི་སྒོ་བཞིར་བཅས། །ཕྱི་རིམ་མཐིང་ནག་མེ་རིས་བསྐོར། །ཞེས་དཀྱིལ་འཁོར་དང་འབྲེལ་བའི་དབང་དུ་བྱས་ནས་བཤད་ཅིང༌། དེ་ལ་ནི་དབུས་ཀྱི་ཆར་བུད་ཤིང་ཁྲུ་གང་བ་ཟུར་གསུམ་དུ་བརྩིགས་ནས་དེའི་ནང་དུ་ཐལ་ཆེན་དང༌། རོ་སོལ་དང༌། མ་ཧེའི་རུས་པ་དང༌། ཤི་སྐྲ་སོགས་འཇུག་པར་བཤད་པ་ཡིན་ནོ། །


JLAZ009_Page_0593
[མ་དཔེ་གཟིགས་ན་འདིར་གནོན།]

སྤྱིར་སྦྱིན་བསྲེག་ལ་སྒོ་རྫོགས་སྤང་བའི་མཐའ་མ་མཆིས་ཀྱང་བསྲེག་རྐྱང་དཀྱིལ་འཁོར་དང་མ་འབྲེལ་བའི་རིགས་ལ་རྡོ་རྗེ་ཁྲོས་པ་ལས། གནག་ཅིང་རྩུབ་པ་དྲག་པོའི་ཐབ། །རིམ་པ་གསུམ་ལྡན་ཞལ་གྱི་དབྱིབས། །ཞེས་པ་དང་མཐུན་པར་ཕུར་པའི་རྒྱུད་སྡེ་གཞན་པ་ནས། ས་གཞི་ཁ་དོག་ནག་པོ་ལ། །གྲུ་གསུམ་ཁྲུ་གང་ཐུར་དུ་བརྐོ། །ཞེས་དང༌། དེ་ལ་ཁ་ཁྱེར་གསུམ་དང་ལྡན། །ཟབས་དང་རྒྱར་ཡང་མཉམ་པ་ལ། །ཧོམ་ཁུང་སོར་ནི་བཞི་པར་བྱ། །དང་པོ་ལའང་ཐོད་པ་གསུམ། །བར་པ་དག་ལ་མཚོན་ཆ་ལྔ། །མཐའ་མར་རྩང་དམར་དག་གིས་བསྐོར། །ཞེས་པས། མངོན་སྤྱོད་ཀྱི་ལས་ལ་འབྲས་བུ་འབྱིན་པའི་སར། ས་ཡི་ཆོ་ག་ལེགས་པར་བྱ་ཞིང༌། གཞི་བདག་ལ་གཏོར་མ་བསྔོས་ཏེ་བདེན་ཚིག་གིས་བཀྲོལ། རྒྱལ་པོའི་


JLAZ009_Page_0594
[མ་དཔེ་གཟིགས་ན་འདིར་གནོན།]

ཆད་པ་དང་གཡུལ་གྱིས་ཕམ་པའི་ས་ལ་སྟེགས་བུ་གྲུ་གསུམ་པའི་རྩེ་མོ་ལྷོར་བལྟས་པ་བྱས་ལ་ཁྲག་དང་ཨ་མྲྀ་ཏས་ཆག་ཆག་གདབ་པའི་དབུས་སུ་རྒྱར་ཁྲུ་གང༌། ཟབས་སུ་ཁྲུ་གང་ངམ་ཕྱེད་ཆ་ཐུར་དུ་བྲུས་པ་ལ། རོ་སོལ་དང༌། ཐལ་ཆེན་དང༌། དུག་ཁྲག་སྣ་ཚོགས་པས་བྱུག །ཁ་ཁྱེར་སོར་བཞི་ཕྱིར་བསྐྱེད་པ་ལ་ཐོད་པ་ཚར་གསུམ་བྲི། དེ་ནས་སོར་བཞི་གྱེན་དུ་སློང་བ་ལ་ཁྲག་སྣ་ཚོགས་བྱུག །དེ་ནས་སྟེང་གི་ཆ་སོར་བཞི་ལ་མདུང་དང༌། རལ་གྲི། དགྲ་སྟྭ། མདའ། གཞུ་རྣམས་བྲི། དེའི་ཕྱི་ལྷ་གྲངས་དང་མཉམ་པའི་རྩང་དམར་གྱིས་བསྐོར། ཐབ་ཁུང་གི་དབུས་སུ་གཙོ་བོ་ཡབ་ཡུམ་གྱི་ཕྱག་མཚན་རྡོ་རྗེ་དང་ཐོད་པ་སྟེང་འོག་ཏུ་བྲི། གདུག་པ་ཅན་གྱི་ཤིང་རྣམས་ལ། །དྲག་པོའི་སྔགས་ཀྱིས་བཏབ་ནས་ཀྱང༌། །དབུས་ཀྱི་གྲུ་གསུམ་ནང་དུ་གཞུག །དམར་གཏོར་དང་ནི་ཉུང་ཀར་དང༌། །ལྕགས་ཕྱེ་དང་ནི་རྡོ་ཕྱེ་དང༌། །དུག་གཏོར་ལ་སོགས་འགྲམ་དུ་བཞག །གཟུགས་དང་མིང་རུས་ལ་སོགས་པ། །རལ་གྲིས་དུམ་བུར་གཏུབས་ནས་ནི། །བྷནྡྷའི་ནང་དུ་བཞག་པར་བྱ། །སྐྱེར་ཚེར་དང་ནི་མར་ཁུ་དང༌། །རོ་ཤུན་རས་ཀྱི་དེ་དག་བྱ། །ཞེས་དང༌། ཤ་ཁྲག་རུས་པ་གུ་གུལ་ནས། །དུག་ཁྲག་སྙིང་སྣ་ཚོགས་ཚད་རྣམས། །བྲའོ་མར་ཁུ་སྐྱེ་ཚེ་མར། །བོང་བུ་རྔ་མོའི་སྦངས་དང་ནི། །བྱ་རོག་འུག་པའི་ཤ་དང་བཅས། །རྔ་མོ་མ་ཧེ་གླང་གི་ཤ །ཆང་དང་མི་ཤ་ཉ་ཡི་ཤ །སྦལ་པ་ལྕོང་མོ་སྦྲུལ་གྱི་ཤ །བསྲེགས་པས་ལས་རྣམས་ཐམས་ཅད་འགྲུབ། །ཅེས་པ་


JLAZ009_Page_0595
[མ་དཔེ་གཟིགས་ན་འདིར་གནོན།]

རྣམས་ལས་གང་འགྲུབ་ཚོགས་པར་བྱ། ཚེར་མ་ཅན་དང༌། དུག་ཤིང༌། ཆུ་ཤིང༌། སྤྱང་ཤིང་ལ་སོགས་རེག་བྱ་རྩུབ་ལ་ཁ་དོག་ནག་པའི་བུད་ཤིང་ཟུར་གསུམ་པས་ཐབ་ཀྱི་ནང་དུ་ཟུར་གསུམ་དུ་གཅེར། གོང་དུ་ངན་སྔགས་ཉེ་བར་བསྙེན་པའི་ལིང་རོའི་སུམ་ཆ་བཞག་པ་ཡང་ཐབ་ནང་དུ་བཅུག །ཐོད་ངན་གྱི་སྣོད་དུ་དམར་གྱི་ཨརྒྷཾ། དུག་སྣ་ཚོགས་པའི་མེ་ཏོག །ཤ་ཆེན་གྱི་བསུར་དུད། ཞུན་ཆེན་གྱི་མར་མེ། ཙིཏྟའི་དཔལ་བཤོས། དུག་གཏོར། སྨན་རཀ་ལ་སོགས་པའི་མཆོད་རྫས་བཤམ། རབས་ཆད་ཀྱི་ཐོད་པར་གོང་གི་བསྲེག་རྫས་རྣམས་དང༌། དུམ་བུ་དྲུག་པའི་སྣོད་དུ་ལིངྒ་ཆུང་བ་མིང་རུས་ཅན་བརྒྱ་རྩ་བརྒྱད། མཆོག་ཆེན་གྱི་རྐང་པའི་དགང་བླུགས། ཞིང་ཕོ་མོ་ལས་བྱུང་བའི་སྦུད་པའམ། རོ་རས་ཀྱི་རླུང་གཡབ་ཀྱང་བསག་གོ །གཉིས་པ་ནི་རྒྱུད་ལས། ཡང་ན་དཀྱིལ་འཁོར་ཆེན་པོ་དང༌། །འབྲེལ་བ་ཉིད་དུ་བྱ་བ་ཡི། །དཀྱིལ་འཁོར་རྣམ་གསུམ་རྫོགས་པ་དང༌། །གང་ལ་དམིགས་པའི་ལིངྒ་ལ། །དགུག་གཞུག་ལས་རྣམས་ཤེས་པར་བྱ། །གཅད་དང་གཏུབ་དང་བཏབ་པ་རྣམས། །རྡོ་རྗེ་སྡེར་མོ་ལ་སོགས་བྱ། །དེ་ནས་མེ་ལྷ་སྤྱན་ཡང་དྲང༌། །ཞེས་པས། དང་པོ་ལྷ་བསྙེན་གཞུང་བསྲང་བཟླས་པའི་བར་དུ་བྱས་ལ། ཚོགས་ཀྱི་མཆོད་པ་བྱ། ཚོགས་ཐ་མའི་མལ་དུ་གདབ་ལས་ནི། སྤྲོ་ན་གསེར་སྐྱེམས་གཟུ་དཔང་བཏང༌། དེ་ནས། ཧཱུཾ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་


JLAZ009_Page_0596
[མ་དཔེ་གཟིགས་ན་འདིར་གནོན།]

བབ། །ཤྭ་ན་མུ་ཁའི་དུས་ལ་བབ། །ས་བདག་ཆེན་མོའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ཁྱེད་ཀྱི་དམ་ཚིག་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །ཧཱུཾ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུངས་ཤིག་ཆིངས་ཤིག་རྣམ་པར་ཆིངས། །གཏོགས་ཤིག་སྲོག་དང་བྲལ་བར་གྱིས། །རིངས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ལུས་ངག་རྡུལ་ཕྲན་བཞིན་དུ་རློག །ང་ཡི་དབང་དུ་གྱུར་ནས་ཀྱང༌། །བསྒོ་བའི་བཀའ་རྣམས་ཉན་པར་བྱོས། །ཨཱོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཆེ་གེ་མོ་ཧ་ས་ཡ་ར་ཧྲི་ཏ་ན་ཨ་བེ་ཤ་ཡ་ཨ་བེ་ཤ་ཡ། ཤི་ཀྲི་ཨ་ན་ཡཱ། ཤི་ཀྲི་ཨ་ན་ཡཱ། ཛྭ་ལ་པ་ཡ་ཛྭ་ལ་པ་ཡ། ཏ་ཐཱ་ཡ་ཏ་ཐཱ་ཡ། བྷནྡྷ་ཡ་བྷནྡྷ་ཡ་སརྦ་བིག་ནན་བཾ་ཧཱུཾ་ཕཊ། ཚེ་ལུང་ཁྲུས་ལུང་གི་དགོངས་པས། ཧཱུཾ། སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ནས། །རྣམ་པར་ཤེས་པ་རྡོ་རྗེར་སྒོམ། །ཨཱོཾ་ལཾ་ཧཱུཾ་ལཾ་སྟྭཾ་བྷ་ནན། མོ་ཧ་གྷ་ཡ་བྷ་ག་ཝན། ཤི་ཀྲི་བི་ཀྲི། ཤྲཱི་བཛྲ་ཧཱུཾ་ཀཱ་ར་ཧཱུཾ་ཕཊ། ཧཱུཾ། བདག་ཅག་རྣལ་འབྱོར་སྒྲུབ་པ་པོས། །བྱང་ཆུབ་མཆོག་ཏུ་སེམས་བསྐྱེད་ཅིང༌། །དུས་གསུམ་


JLAZ009_Page_0597
[མ་དཔེ་གཟིགས་ན་འདིར་གནོན།]

རྒྱལ་བའི་གདུང་གསོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང༌། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང༌། །ལུས་ངག་རྡུལ་དུ་བཤིག་ནས་ཀྱང༌། །སྡུག་བསྔལ་ཉམས་སུ་མྱོང་བར་མཛོད། །ཁྲོ་བཅུའི་བསྒྲལ་དམིགས་དང་ལྡན་པས། །ཨཱོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཧ་ན་ཧ་ན་ཧཱུཾ་ཕཊ། ད་ཧ་ད་ཧ་ཧཱུཾ་ཕཊ། པ་ཙ་པ་ཙ་ཧཱུཾ་ཕཊ། མ་ཐ་མ་ཐ་ཧཱུཾ་ཕཊ། ཛྭ་ལ་ཛྭ་ལ་ཧཱུཾ་ཕཊ། སུ་རུ་སུ་རུ་ཧཱུཾ་ཕཊ། མུ་རུ་མུ་རུ་ཧཱུཾ་ཕཊ། ཀ་ཏང་ཀ་ཏེ་ཡ་ཧཱུཾ་ཕཊ། ཛ་ཡེ་བི་ཛ་ཡེ་ཧཱུཾ་ཕཊ། ཨ་ཙི་ཏ་ཨ་པ་ར་ཙི་ཏ་མ་ར་ས་ནི་པྲ་མརྟ་ནི་ཡེ་སརྦ་བིག་ནན་བཾ་ཧཱུཾ་ཕཊ། ཁྲོ་མོ་བཅུ་ཡི་བསྒྲལ་དམིགས་ཀྱིས། །ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་མཛོད། །ཨཱོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ པ་ར་བིག་ཏན་ཧཱུཾ་ཕཊ། ཚིནྡྷ་ཚིནྡྷ་ཧཱུཾ་ཕཊ། བིནྡྷ་བིནྡྷ་ཧཱུཾ་ཕཊ། གྷྲི་ཧ་ན་གྷྲི་ཧ་ན་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། བྷནྡྷ་བྷནྡྷ་ཧཱུཾ་ཕཊ། སརྦ་ཨ་ན་ཡ་


JLAZ009_Page_0598
[མ་དཔེ་གཟིགས་ན་འདིར་གནོན།]

ཧཱུཾ་ཕཊ། ཏ་ཐཱ་ཡ་ཏ་ཐཱ་ཡ་སརྦ་བིག་ནན་བཾ་ཧཱུཾ་ཕཊ། སྒོ་མ་བཞིའི། ཧཱུཾ། བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་ལྟར་དམ་བཅས་པའི། །མངོན་སྤྱོད་ཕྲིན་ལས་མྱུར་དུ་མཛོད། །བསད་གྲིས་ཉ་བོ་གཏུབ་ཅིང༌། ཨཱོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། སརྦ་བིག་ནན་བཾ་ཧཱུཾ་ཕཊ། ཐུན་དབབ་པ་ནི། ཧཱུཾ། རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་བ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཨཱོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཀ་ཏང་ཀ་ཏེ། ཛ་ཡེ་ཏ་བི་ཛ་ཡེ་ཏ། ཨ་ཙི་ཏེ། ཨ་པ་ར་ཙི་ཏེ། མ་ར་སྱཻ་ན་པྲ་མརྟ་ནི་ཡེ་ཧཱུཾ་མ་མ་པཱ་ཤཾ་ཀུ་རུ་མ་ཏཾ་ཉ་ཀ་ར་ཨི་ནན་དྷ་ཏི་མ་མ་ཀརྨཱ་ཤྲི་ཀྲཾ་ཀ་ཏེ་ཡ་སརྦ་བིག་ནན་བཾ་ཧཱུཾ་ཕཊ། གཏུན་དུ་བརྡུང་བ་ནི། ཧཱུཾ། རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེགས་ནས། །ལུས་ངག་རྡུལ་ཕྲན་བཞིན་དུ་རློག །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུངས་བྱས་ནས། །ལྷ་ཡང་རུང་སྟེ་བརླག་


JLAZ009_Page_0599
[མ་དཔེ་གཟིགས་ན་འདིར་གནོན།]

པར་འགྱུར། །ཁ་ཐམ་ཁ་ཐམ་ཞེས་ཉི་ཤུ་རྩ་གཅིག་བརྗོད། ཞལ་དུ་བསྟབ་པ་ནི། ཧཱུཾ། བདག་ཉིད་ཆེན་མོའི་དུས་ལ་བབ། །ཁྱེད་ཀྱི་དམ་ཚིག་དུས་ལ་བབ། །ང་ཡི་དབང་དུ་གྱུར་ནས་ཀྱང༌། །བསྒོ་བའི་བཀའ་ནི་ཉན་པར་བྱོས། །ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཨཱོཾ་བཛྲ་ཀཱི་ལི་ཀཱི་ལ་ཡ་བཛྲ་ཡཀྴ་ཀྲོ་དྷ་ཁཱ་ཧི། ཧ་ཧ། ཞེས་བརྗོད་ལ། ལིངྒ་རྣམས་བསྲེག་རྫས་ཀྱི་གཙོ་བོར་བཞག་གོ །དེ་ནས་རྣལ་འབྱོར་པ་རྣམས་ཁྲོས་པའི་སེམས་ཀྱི་ཁ་ལྷོར་ཕྱོགས་གདོང་ལ་ཐལ་ཆེན་བྱུགས། སྟན་ནག་པོའི་སྟེང་མངོན་སྤྱོད་ཀྱི་ཆས་སུ་ཞུགས་ལ། གདོལ་ཤན་ནམ། དུར་ཁྲོད་ལས་བྱུང་བའི་མི་རོ་སྐྲ་དང་བཅས་པའི་དཔལ་འབར་གྱིས་སྦར་ཞིང༌། རླུང་གཡོབ་དང་བཅས། ཛཿཧཱུཾ་བཾ་ཧོཿ ཨོཾ་ཨགྣེ་ཛྭ་ལ་རཾ། ཞེས་བརྗོད་པས་རཾ་དམར་ནག་གཅིག་ཏུ་གྱུར། དེ་ཡོངས་སུ་གྱུར་པ་ལས། ཧཱུཾ། གྲུ་གསུམ་མེ་ཡི་དཀྱིལ་འཁོར་ན། །དྲང་སྲོང་ཆེན་པོ་མེ་ཡི་ལྷ། །ཆིབས་སུ་ར་སྐྱེས་ཁམ་པ་ཆིབས། །སྐུ་ལ་མེ་ཡི་སློག་པ་གསོལ། །ཞལ་གསུམ་ཕྱག་དྲུག་ཁྲོ་ཚུལ་སྟོན། །སྐུ་མདོག་འདོད་དགུར་བསྒྱུར་མཛད་ཅིང༌། །ཕྱག་དྲུག་མཛེས་པའི་མཚོན་ཆ་ནི། །གུནྡྷེ་མེ་ཐབ་བགྲང་ཕྲེང་དང༌། །སྤྱི་བླུགས་སྐྱབས་སྦྱིན་ཕུར་བུ་བསྣམས། །རྡོ་རྗེ་ཕུར་པའི་ཞབས་དང་ལྡན། །དུས་གསུམ་རྒྱལ་བའི་སྐུ་བསྙེས་པ། །གདུག་བྱེད་དྲག་


JLAZ009_Page_0600
[མ་དཔེ་གཟིགས་ན་འདིར་གནོན།]

པོ་མེ་ཡི་ལྷ། །གདུག་པའི་ཚོགས་ཀུན་སྲེག་པར་བྱེད། །གང་ཡིན་ཞིང་བཅུ་འཚིག་པར་མཛོད། །ཧཱུཾ། ཕྱོགས་སྐྱོང་རྒྱལ་པོ་མེ་ཡི་ལྷ། །སྟེང་ཕྱོགས་འབར་བ་མེ་ཡི་ལྷ། །ཕྱག་གཡས་མདའ་གཞུ་རང་འགེངས་བསྣམས། །གཡོན་པ་མེ་ཡི་ཕུང་པོ་འབར། །དཀར་བའི་ཞལ་ནི་གཏིང་ནས་མཐིང༌། ། བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་འཚིག་པར་མཛོད། །འབྱུང་པོ་གང་ཡིན་འཚིག་པར་མཛོད། །ཧཱུཾ། ཕྱོགས་སྐྱོང་རྒྱལ་པོ་མེ་ཡི་ལྷ། །ཤར་ཕྱོགས་འབར་བ་མེ་ཡི་ལྷ། །ཕྱག་གཡས་འཁོར་ལོ་དཀར་པོ་བསྣམས། །གཡོན་པ་མེ་ཡི་ཕུང་པོ་བསྣམས། །སྐུ་མདོག་དཀར་པོ་ཤིན་ཏུ་གསལ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་འཚིག་པར་མཛོད། །འབྱུང་པོ་གང་ཡིན་འཚིག་པར་མཛོད། །ཧཱུཾ། ཕྱོགས་སྐྱོང་རྒྱལ་པོ་མེ་ཡི་ལྷ། །ཤར་ལྷོ་འབར་བ་མེ་ཡི་ལྷ། །ཕྱག་གཡས་དགྲ་སྟྭ་རབ་ཏུ་འདེབས། །གཡོན་པ་མེ་ཡི་ཕུང་པོ་བསྣམས། །དམར་སྔོ་སྐུ་མདོག་རབ་ཏུ་གསལ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་


JLAZ009_Page_0601
[མ་དཔེ་གཟིགས་ན་འདིར་གནོན།]

རྩེ་ནས་མེ་བུས་ཤིག །ཉམས་པ་གང་ཡིན་འཚིག་པར་མཛོད། །འབྱུང་པོ་གང་ཡིན་འཚིག་པར་མཛོད། །ཧཱུཾ། ཕྱོགས་སྐྱོང་རྒྱལ་པོ་མེ་ཡི་ལྷ། །ལྷོ་ཕྱོགས་འབར་བ་མེ་ཡི་ལྷ། །ཕྱག་གཡས་དགྲ་སྟྭ་རབ་ཏུ་འདེབས། །གཡོན་པ་མེ་ཡི་ཕུང་པོ་བསྣམས། །སྐུ་མདོག་སྔོན་པོ་ཤིན་ཏུ་གསལ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་བུས་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་འཚིག་པར་མཛོད། །འབྱུང་པོ་གང་ཡིན་འཚིག་པར་མཛོད། །ཧཱུཾ། ཕྱོགས་སྐྱོང་རྒྱལ་པོ་མེ་ཡི་ལྷ། །ལྷོ་ནུབ་འབར་བ་མེ་ཡི་ལྷ། །ཕྱག་གཡས་རལ་གྲི་རབ་ཏུ་འདེབས། །གཡོན་པ་མེ་ཡི་ཕུང་པོ་བསྣམས། །ལྗང་སྔོན་སྐུ་མདོག་རབ་ཏུ་གསལ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་འཚིག་པར་མཛོད། །འབྱུང་པོ་གང་ཡིན་འཚིག་པར་མཛོད། །ཧཱུཾ། ཕྱོགས་སྐྱོང་རྒྱལ་པོ་མེ་ཡི་ལྷ། །ནུབ་ཕྱོགས་འབར་བ་མེ་ཡི་ལྷ། །གཡས་པས་སྤུ་གྲིའི་རབ་ཏུ་གཅོད། །གཡོན་པ་མེ་ཡི་ཕུང་པོ་བསྣམས། །སྐུ་མདོག་དམར་པོ་རབ་ཏུ་གསལ། །བུས་ཤིག་བུས་ཤིག་མེ་བུས་ཤིག །རྒྱ་


JLAZ009_Page_0602
[མ་དཔེ་གཟིགས་ན་འདིར་གནོན།]

མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་འཚིག་པར་མཛོད། །འབྱུང་པོ་གང་ཡིན་འཚིག་པར་མཛོད། །ཧཱུཾ། ཕྱོགས་སྐྱོང་རྒྱལ་པོ་མེ་ཡི་ལྷ། །ནུབ་བྱང་འབར་བ་མེ་ཡི་ལྷ། །ཕྱག་གཡས་རྔུལ་གཡབ་བ་དན་བསྣམས། །གཡོན་པ་མེ་ཡི་ཕུང་པོ་བསྣམས། །སྐུ་མདོག་དམར་སྐྱ་ཤིན་ཏུ་གསལ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་འཚིག་པར་མཛོད། །འབྱུང་པོ་གང་ཡིན་འཚིག་པར་མཛོད། །ཧཱུཾ། ཕྱོགས་སྐྱོང་རྒྱལ་པོ་མེ་ཡི་ལྷ། །བྱང་ཕྱོགས་འབར་བ་མེ་ཡི་ལྷ། །ཕྱག་གཡས་རྒྱ་གྲམ་རབ་ཏུ་འཛིན། །གཡོན་པ་མེ་ཡི་ཕུང་པོ་བསྣམས། །ལྗང་ནག་ཤིན་ཏུ་གསལ་བའི་སྐུ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་འཚིག་པར་མཛོད། །འབྱུང་པོ་གང་ཡིན་འཚིག་པར་མཛོད། །ཧཱུཾ། ཕྱོགས་སྐྱོང་རྒྱལ་པོ་མེ་ཡི་ལྷ། །བྱང་ཤར་འབར་བ་མེ་ཡི་ལྷ། །གཡས་པ་ཁ་ཊྭཱཾ་རྩེ་གསུམ་བསྣམས། །གཡོན་པ་མེ་ཡི་ཕུང་པོ་བསྣམས། །ལྗང་སེར་ཤིན་ཏུ་གསལ་བའི་སྐུ། །བུས་ཤིག་བུས་ཤིག་མེ་བུས་


JLAZ009_Page_0603
[མ་དཔེ་གཟིགས་ན་འདིར་གནོན།]

ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་འཚིག་པར་མཛོད། །འབྱུང་པོ་གང་ཡིན་འཚིག་པར་མཛོད། །ཧཱུཾ། ཕྱོགས་སྐྱོང་རྒྱལ་པོ་མེ་ཡི་ལྷ། །འོག་ཕྱོགས་འབར་བ་མེ་ཡི་ལྷ། །ཕྱག་གཡས་ཐོ་བ་གཏུན་ཤིང་བསྣམས། །གཡོན་པ་མེ་ཡི་ཕུང་པོ་བསྣམས། །དུད་ཁ་ཤིན་ཏུ་གསལ་བའི་སྐུ། །བུས་ཤིག་བུས་ཤིག་མེ་བུས་ཤིག །རྒྱ་མཚོའི་གཏིང་ནས་མེ་ལོང་ལ། །རི་རབ་རྩེ་ནས་མེ་བུས་ཤིག །ཉམས་པ་གང་ཡིན་འཚིག་པར་མཛོད། །འབྱུང་པོ་གང་ཡིན་འཚིག་པར་མཛོད། །ཞེས་པས་གསལ་གདབ་པ་ནི། སྦྱིན་བསྲེག་གི་ལས་ལ་དབང་བའི་དོན་དུ་མེ་ལྷ་ལྷར་ཤེས་པའི་དགོངས་པ་སྟེ། རྒྱུད་ལས། རྣམ་གསུམ་མཆོད་པ་ལྷ་ལ་འབུལ། །མཉེས་པ་ལྷ་ཡིས་དངོས་གྲུབ་སྟེར། །ལྷ་ཡང་དྲག་པོ་མེ་ཡི་ཆས། །རབ་ཏུ་འབར་བའི་ནང་ན་བཞུགས། །ཞེན་པའི་དོན་ནོ། །དེ་ནས་སྤྱན་དྲང་བ་ནི། ཧཱུཾ། དད་པ་དང་ནི་དམ་ཚིག་གིས། །ཚུར་གཤེགས་མེ་ཡི་རྒྱལ་པོ་ཆེ། །བསྲེག་བླུགས་ཞལ་ཟས་བཞེས་སུ་གསོལ། །འབར་བའི་གདན་ལ་བཞུགས་ནས་ཀྱང༌། །ལས་རྣམས་འགྲུབ་པར་མཛད་པ་དང༌། །དངོས་གྲུབ་ཚུལ་བཞིན་སྩལ་དུ་གསོལ། །ཨགྣ་ཡེ་རཱ་ཛ་ས་མ་ཡ་ཛཿ ཞེས་དང༌། ཛཿཧཱུཾ་བཾ་ཧོཿས་བསྟིམ།


JLAZ009_Page_0604
[མ་དཔེ་གཟིགས་ན་འདིར་གནོན།]

ཨོཾ་བཛྲ་ཨཉྫ་ལ་ནཱཾ་ཨཱཿཧཱུཾ་གིས་ཞལ་བསིལ་དབུལ། དེ་ནས་སྣུམ་ཆེན་གྱི་དགང་བླུགས་གསུམ་དབུལ་ཞིང༌། ཨོཾ་ཨགྣ་ཡེ་ཧ་བྱ་ཀ་བྱ། བྷ་ཧ་མ་ན་ཡེ་ཆེ་གེ་མོ་མཱ་ར་ཡ་ཕཊ། ཅེས་དང༌། བསྲེག་རྫས་རྣམས། ཨགྣ་ཡེ་ཛྭ་ལ་རཾ་ཆེ་གེ་མོ་མཱ་ར་ཡ་ཕཊ། ཅེས་རིམ་པ་བཞིན་དུ་དབུལ་རྗེས་སྣུམ་ཆེན་གྱི་དགང་བླུགས་གསུམ་ཕུལ་རྗེས་བསྟོད་པ་ནི། ཧཱུཾ། ཚངས་པ་འཇིག་རྟེན་མགོན་གྱི་སྲས། །དྲང་སྲོང་ཆེན་པོའི་ཆ་བྱད་ཅན། །ཚངས་པའི་སྐུད་པས་རབ་དགེ་བ། །རིན་ཆེན་རུས་པའི་རྒྱན་གྱིས་མཛེས། །ཞལ་གསུམ་ཕྱག་དྲུག་ཁྲོ་ཚུལ་སྟོན། །སྐུ་མདོག་འདོད་དགུར་བསྒྱུར་མཛད་ཅིང༌། །ཕྱག་དྲུག་མཛེས་པའི་མཚོན་ཆ་ནི། །གུནྡྷེ་མེ་ཐབ་བགྲང་ཕྲེང་དང༌། །སྤྱི་བླུགས་སྐྱབས་སྦྱིན་ཕུར་བུ་བསྣམས། །རྒྱུད་དྲུག་རྩད་ནས་གཅོད་ལ་བསྟོད། །རྡོ་རྗེ་ཕུར་པའི་ཞབས་དང་ལྡན། །ཆུ་སྐྱེས་ཉི་མའི་སྟེང་ན་བཞུགས། །དག་བྱེད་ར་ཡི་བསྟན་ལ་འདུག །བདུད་རྣམས་འདུལ་ལ་བདག་བསྟོད་དོ། །ཞེས་དང༌། དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྟོང་གྲོགས་མཛོད། །དུས་མིན་འཆི་དང་ནད་རྣམས་དང༌། །གདོན་དང་དགྲ་བོ་བརླག་པར་མཛོད། །ཅེས་ཕྲིན་ལས་བཅོལ། དེ་ནས་ལས་ཀྱི་དངོས་གྲུབ་ཐོབ་པའི་ཕྱིར། མེ་ལྷ་ཉིད་ཡེ་ཤེས་ལྷའི་ཕོ་བྲང་དུ་ཤེས་པར་བྱས་ནས་མངོན་སྤྱོད་ཀྱི་ལས་བསྒྲུབ་པ་ནི། ལས་ཆུས་བསང་


JLAZ009_Page_0605
[མ་དཔེ་གཟིགས་ན་འདིར་གནོན།]

ཞིང༌། མེ་ལྷའི་ལྟོ་བ་ཡངས་ཤིང་རྒྱ་ཆེའི་དབུས། །རཀྟ་རྒྱ་མཚོ་ཆེན་པོ་འཁྱིལ་བའི་ཀློང༌། །ཞེས་པ་ནས། ཕྱག་རྒྱ་ཆེན་པོར་བདག་སྦྱོར་ཅིག །ཅེས་ཞི་བའི་སྦྱིན་སྲེག་ལྟར་དང༌། དེ་ནས་དགང་བླུགས་དབུལ་བ་ནི། ཁྲག་འཐུང་གི་ལྷ་ཚོགས་རྣམས་ཞལ་ཧོམ་ཁུང་ལྟ་བུར་གདངས་པའི་ནང་དུ་གནོད་བྱེད་དགྲ་བགེགས་ཀྱི་ངོ་བོ་བསྲེག་བླུགས་ཀྱི་རྣམ་པར་ཕུལ་བས་དགྱེས་པའི་གད་མོས་སྲིད་གསུམ་ཐམས་ཅད་ཀྱང་གཡོ་ཞིང་འདར་བར་གྱུར། སྣུམ་ཆེན་གྱི་དགང་བླུགས་དབུལ་ཞིང༌། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿསརྦ་བིག་ནན་བཾ་ཧཱུཾ་ཕཊ། ལན་བདུན་མཐར། སརྦ་ཤ་ཏྲཱུཾ་ཆེ་གེ་མོ་ཨ་མུ་ཀ་བཛྲ་རཱུ་པ་མཱ་ར་ཡ་ཕཊ། ལན་གསུམ་གྱིས་བསྐོར་ནས་དབུལ། དེ་ནས་བསྲེག་རྫས་དབུལ་བ་ནི། ཧཱུྃ། འབྱུང་པོའི་ཤ་ནི་ཟན་བས་ཞིམ། །གཏི་མུག་མཆོད་པ་བླ་ན་མེད། །བླ་མེད་མཆོད་པ་འདི་འབུལ་གྱིས། །སྐུ་ཡི་དངོས་གྲུབ་སྩལ་དུ་གསོལ། །འབྱུང་པོའི་ཁྲག་ནི་ཆང་བས་ཞིམ། །འདོད་ཆགས་མཆོད་པ་བླ་ན་མེད། །བླ་མེད་མཆོད་པ་འདི་འབུལ་གྱིས། །གསུང་གི་དངོས་གྲུབ་སྩལ་དུ་གསོལ། །འབྱུང་པོའི་བརླ་རྐང་མར་བས་ཞིམ། །ཞེ་སྡང་མཆོད་པ་བླ་ན་མེད། །བླ་མེད་མཆོད་པ་འདི་འབུལ་གྱིས། །ཐུགས་ཀྱི་དངོས་གྲུབ་སྩལ་དུ་གསོལ། །དུག་


JLAZ009_Page_0606
[མ་དཔེ་གཟིགས་ན་འདིར་གནོན།]

གསུམ་མཆོད་པ་བླ་ན་མེད། །སྦྱིན་སྲེག་མཆོད་པ་འདི་འབུལ་གྱིས། །སྐུ་གསུང་ཐུགས་ཀྱི་དངོས་གྲུབ་སྩོལ། །ཧཱུཾ། མེ་ཡི་རྒྱལ་པོ་ཁྲོ་བོའི་སྐུ། །འུར་འུར་ཆེམ་ཆེམ་འབར་བའི་འོད། །ཁམས་གསུམ་འཁོར་བ་གཞོམ་པ་དང༌། །ཉོན་མོངས་ལོག་ལྟ་བསྲེག་པའི་ཕྱིར། །ཡེ་ཤེས་མེ་ཆེན་འབར་བ་ཡིས། །འཁོར་བའི་བག་ཆགས་བསྲེག་པ་དང༌། །དངོས་གྲུབ་འཚེ་བའི་གདུག་པ་ཅན། །ཁྲོ་རྒྱལ་འབར་བའི་མེ་ལ་བསྲེག །ཅེས་བརྗོད་ལ། སྣུམ་ཆེན་རེ་དང༌། ཡམ་ཤིང་དང༌། ལིངྒ་དང༌། བསྲེག་རྫས་རྣམས། ཨོཾ་བཛྲ་ཀཱི་ལི་ཀཱི་ལ་ཡ་ཆེ་གེ་མོ་ཛྭ་ལ་རཾ་མཱ་ར་ཡ་སརྦ་བིག་ནན་བཾ་ཧཱུཾ་ཧཱུཾ་ཕཊ། ཅེས་པའི་སྔགས་རེ་དང་བསྟུན་རྗེས། ཕྲིན་བཅོལ་ནི། ཧཱུཾ། སངས་རྒྱས་བསྟན་པ་བཤིག་པ་དང༌། །དཀོན་མཆོག་སྐུ་དགྲ་དབེན་རྩ་འཇོམས། །ཆོས་ཁྲིམས་འདྲལ་དང་སློབ་དཔོན་དགྲ། །རྣལ་འབྱོར་འཇོམས་པ་ལ་སོགས་པ། །བསད་དང་དབབ་དང་ནད་ངན་གྱིས། །ཇི་ནས་བརླག་པར་ཁྱོད་ཀྱིས་གྱིས། །ཞེས་བརྗོད། དེ་བཞིན་དུ། རྫས་སྣ་བཞི་པོའི་མཐར། ཧཱུཾ། སངས་རྒྱས་བསྟན་པ་བཤིག་པ་དང༌། །ཞེས་པ་ནས། ཇི་ནས་བརླག་པར་ཁྱེད་ཀྱིས་གྱིས། །ཞེས་པའི་བར་ཚར་ཉི་ཤུ་དང༌། དེ་ནས་ཁྲོ་བཅུ་སྤྲུལ་པ་དང་བཅས་པ་ལ་འབུལ་བ་ནི། ཧཱུཾ། སྟེང་ནས་རང་བྱུང་གྲུབ་པའི་ལྷ། །ཁྲོ་


JLAZ009_Page_0607
[མ་དཔེ་གཟིགས་ན་འདིར་གནོན།]

བོ་ཆེན་པོ་ཧཱུཾ་མཛད་དང༌། །ཡུམ་ཆེན་རྡོ་རྗེ་སྒྲ་འབྱིན་མ། །སྤྲུལ་པ་ཕག་དང་སྨིག་བུའི་མགོ །ཡང་སྤྲུལ་དམ་ཅན་ཚོགས་བཅས་ལ། །དམ་རྫས་བདུད་རྩིའི་མཆོད་པ་འབུལ། །ཕྲིན་ལས་དྲག་པོས་གདུལ་ཕྱིར་དུ། །བསྲེག་རྫས་མཆོད་པ་བཞེངས་སུ་གསོལ། །ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ་གརྫ་གརྫ་ཧཱུཾ་ཕཊ། ཨགྣ་ཡེ་ཆེ་གེ་མོ་ཛྭ་ལ་རཾ། ཚར་རེ་དང་རྫས་སྣ་བཞི་སྤེལ་བ་ལན་ལྔ་འབུལ། དམོད་བཅོལ་ནི། ཧཱུཾ། གདུག་ཅིག་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །མངོན་སྤྱོད་དྲག་པོས་མྱུར་དུ་སྒྲོལ། །ཧཱུཾ། ཤར་ནས་རང་བྱུང་གྲུབ་པའི་ལྷ། །ཁྲོ་བོ་རྡོ་རྗེ་རྣམ་པར་རྒྱལ། །ཡུམ་ཆེན་རྡོ་རྗེ་སྙེམས་མ་དང༌། །སྤྲུལ་པ་སྟག་དང་བྱ་རྒོད་མགོ །ཡང་སྤྲུལ་དམ་ཅན་ཚོགས་བཅས་ལ། །དམ་རྫས་བདུད་རྩིའི་མཆོད་པ་འབུལ། །ཕྲིན་ལས་དྲག་པོས་གདུལ་ཕྱིར་དུ། །བསྲེག་རྫས་མཆོད་པ་བཞེས་སུ་གསོལ། །ཨོཾ་བཛྲ་ཀྲོ་ཏ་བི་ཛ་ཡ་ཧཱུཾ་ཧ་ན་ཧ་ན་ཧཱུཾ་ཕཊ། ཨགྣ་ཡེ་ཆེ་གེ་མོ་མཱ་ར་ཡ་ཧཱུཾ་ཕཊ། ཅེས་གོང་བཞིན་རྫས་སྣ་བཞི་པོ་ལན་ལྔའི་མཐར། དམོད་བཅོལ་ནི། ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་


JLAZ009_Page_0608
[མ་དཔེ་གཟིགས་ན་འདིར་གནོན།]

རྣམས། །མཐུ་དང་རྫུ་འཕྲུལ་མེད་པར་གྱིས། །མངོན་སྤྱོད་དྲག་པོས་མྱུར་དུ་སྒྲོལ། །ཧཱུཾ། ལྷོ་ནས་རང་བྱུང་གྲུབ་པའི་ལྷ། །ཁྲོ་བོའི་རྒྱལ་པོ་གཤིན་རྗེའི་གཤེད། །ཡུམ་ཆེན་རྡོ་རྗེ་དུར་ཁྲོད་དང༌། །སྤྲུལ་པ་དྲེད་དང་བྱི་ལའི་མགོ །ཡང་སྤྲུལ་དམ་ཅན་ཚོགས་བཅས་ལ། །དམ་རྫས་བདུད་རྩིའི་མཆོད་པ་འབུལ། །ཕྲིན་ལས་དྲག་པོས་གདུལ་ཕྱིར་དུ། །བསྲེག་རྫས་མཆོད་པ་བཞེས་སུ་གསོལ། །ཨོཾ་བཛྲ་ཀྲོ་ཏ་ཡ་མཱནྟ་ཀ་ཧཱུཾ་པ་ཙ་པ་ཙ་ཧཱུཾ་ཕཊ། ཨགྣ་ཡེ་ཆེ་གེ་མོ་མཱ་ར་ཡ་ཧཱུཾ་ཕཊ། ཚར་རེ་དང་རྫས་སྣ་བཞི་སྤེལ་བ་ལན་ལྔ་འབུལ། དམོད་བཅོལ་ནི། ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །མངོན་སྤྱོད་དྲག་པོས་མྱུར་དུ་སྒྲོལ། །ཧཱུཾ། ནུབ་ནས་རང་བྱུང་གྲུབ་པའི་ལྷ། །ཁྲོ་བོ་རྒྱལ་པོ་རྟ་མགྲིན་དབང༌། །ཡུམ་ཆེན་རྡོ་རྗེ་གཏུམ་མོ་དང༌། །སྤྲུལ་པ་བྱི་ལ་པུ་ཤུད་མགོ །ཡང་སྤྲུལ་དམ་ཅན་ཚོགས་བཅས་ལ། །དམ་རྫས་བདུད་རྩིའི་མཆོད་པ་འབུལ། །ཕྲིན་ལས་དྲག་པོས་གདུལ་ཕྱིར་དུ། །བསྲེག་རྫས་མཆོད་པ་བཞེས་སུ་གསོལ། །ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧྲཱིཿ ཧུ་ལུ་ཧུ་ལུ་ཧཱུཾ་ཕཊ། ཨགྣ་ཡེ་ཆེ་གེ་མོ་མཱ་ར་ཡ་ཧཱུཾ་ཕཊ། ཚར་རེ་དང་རྫས་སྣ་བཞི་སྤེལ་བ་ལན་ལྔ་འབུལ།


JLAZ009_Page_0609
[མ་དཔེ་གཟིགས་ན་འདིར་གནོན།]

དམོད་བཅོལ་ནི། ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །མངོན་སྤྱོད་དྲག་པོས་མྱུར་དུ་སྒྲོལ། །ཧཱུཾ། བྱང་ནས་རང་བྱུང་གྲུབ་པའི་ལྷ། །ཁྲོ་བོ་ཆེན་པོ་བདུད་རྩི་འཁྱིལ། །ཡུམ་ཆེན་རྡོ་རྗེ་རླུང་འབྱིན་མ། །སྤྲུལ་པ་སེང་གེ་ཕ་ཝང་མགོ །ཡང་སྤྲུལ་དམ་ཅན་ཚོགས་བཅས་ལ། །དམ་རྫས་བདུད་རྩིའི་མཆོད་པ་འབུལ། །ཕྲིན་ལས་དྲག་པོས་གདུལ་ཕྱིར་དུ། །བསྲེག་རྫས་མཆོད་པ་བཞེས་སུ་གསོལ། །ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ་ཚིནྡྷ་ཚིནྡྷ་ཧཱུཾ་ཕཊ། ཨགྣ་ཡེ་ཆེ་གེ་མོ་མཱ་ར་ཡ་ཧཱུཾ་ཕཊ། ཚར་རེ་དང་རྫས་སྣ་བཞི་སྤེལ་བ་ལན་ལྔ་འབུལ། དམོད་བཅོལ་ནི། ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །མངོན་སྤྱོད་དྲག་པོས་མྱུར་དུ་སྒྲོལ། །ཧཱུཾ། ཤར་ལྷོ་རང་བྱུང་གྲུབ་པའི་ལྷ། །ཁྲོ་བོ་ཆེན་པོ་དབྱུག་སྔོན་ཅན། །ཡུམ་ཆེན་རྡོ་རྗེ་སྡེར་མོ་དང༌། །སྤྲུལ་པ་གཡག་དང་བྱ་རོག་མགོ །ཡང་སྤྲུལ་དམ་ཅན་ཚོགས་བཅས་ལ། །དམ་རྫས་བདུད་རྩིའི་མཆོད་པ་འབུལ། །ཕྲིན་ལས་དྲག་པོས་གདུལ་ཕྱིར་དུ། །


JLAZ009_Page_0610
[མ་དཔེ་གཟིགས་ན་འདིར་གནོན།]

བསྲེག་རྫས་མཆོད་པ་བཞེས་སུ་གསོལ། །ཨོཾ་བཛྲ་ཀྲོ་ཏ་ནཱི་ལ་དཎྜ་ཧཱུཾ་ད་ཧ་ད་ཧ་ཧཱུཾ་ཕཊ། ཨགྣ་ཡེ་ཆེ་གེ་མོ་མཱ་ར་ཡ་ཧཱུཾ་ཕཊ། ཚར་རེ་དང་རྫས་སྣ་བཞི་སྤེལ་བ་ལན་ལྔ་འབུལ། དམོད་བཅོལ་ནི། ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །མངོན་སྤྱོད་དྲག་པོས་མྱུར་དུ་སྒྲོལ། །ཧཱུཾ། ལྷོ་ནུབ་རང་བྱུང་གྲུབ་པའི་ལྷ། །ཁྲོ་བོ་ཆེན་པོ་མི་གཡོ་མགོན། །ཡུམ་ཆེན་རྡོ་རྗེ་གཏུན་ཁུང་དང༌། །སྤྲུལ་པ་གཟིག་དང་ཁྭ་ཏའི་མགོ །ཡང་སྤྲུལ་དམ་ཅན་ཚོགས་བཅས་ལ། །དམ་རྫས་བདུད་རྩིའི་མཆོད་པ་འབུལ། །ཕྲིན་ལས་དྲག་པོས་གདུལ་ཕྱིར་དུ། །བསྲེག་རྫས་མཆོད་པ་བཞེས་སུ་གསོལ། །ཨོཾ་བཛྲ་ཀྲོ་ཏ་ཨཱརྱ་ཨ་ཙ་ལ་ཧཱུཾ་བྷནྡྷ་བྷནྡྷ་ཧཱུཾ་ཕཊ། ཨགྣ་ཡེ་ཆེ་གེ་མོ་མཱ་ར་ཡ་ཧཱུཾ་ཕཊ། ཚར་རེ་དང་རྫས་སྣ་བཞི་སྤེལ་བ་ལན་ལྔ་འབུལ། དམོད་བཅོལ་ནི། ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །མངོན་སྤྱོད་དྲག་པོས་མྱུར་དུ་སྒྲོལ། །ཧཱུཾ། ནུབ་བྱང་རང་བྱུང་གྲུབ་པའི་ལྷ། །ཁྲོ་བོ་ཆེན་པོ་གཞན་ལས་རྒྱལ། །ཡུམ་ཆེན་རྡོ་རྗེ་མདའ་སྙེམས་མ། །སྤྲུལ་པ་སྤྱང་ཀི་ཁྲ་ཡི་མགོ །


JLAZ009_Page_0611
[མ་དཔེ་གཟིགས་ན་འདིར་གནོན།]

ཡང་སྤྲུལ་དམ་ཅན་ཚོགས་བཅས་ལ། །དམ་རྫས་བདུད་རྩིའི་མཆོད་པ་འབུལ། །ཕྲིན་ལས་དྲག་པོས་གདུལ་ཕྱིར་དུ། །བསྲེག་རྫས་མཆོད་པ་བཞེས་སུ་གསོལ། །ཨོཾ་བཛྲ་ཀྲོ་ཏ་ཨ་པ་ར་ཙི་ཏ་ཧཱུཾ་ཏིཥྛ་ཏིཥྛ་ཧཱུཾ་ཕཊ། ཨགྣ་ཡེ་ཆེ་གེ་མོ་མཱ་ར་ཡ་ཧཱུཾ་ཕཊ། ཚར་རེ་དང་རྫས་སྣ་བཞི་སྤེལ་བ་ལན་ལྔ་འབུལ། དམོད་བཅོལ་ནི། ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །མངོན་སྤྱོད་དྲག་པོས་མྱུར་དུ་སྒྲོལ། །ཧཱུཾ། བྱང་ཤར་རང་བྱུང་གྲུབ་པའི་ལྷ། །ཁྲོ་བོ་ཁམས་གསུམ་རྣམ་པར་རྒྱལ། །ཡུམ་ཆེན་རྡོ་རྗེ་གསོད་མ་དང༌། །སྤྲུལ་པ་དོམ་དང་སྲེ་མོའི་མགོ །ཡང་སྤྲུལ་དམ་ཅན་ཚོགས་བཅས་ལ། །དམ་རྫས་བདུད་རྩིའི་མཆོད་པ་འབུལ། །ཕྲིན་ལས་དྲག་པོས་གདུལ་ཕྱིར་དུ། །བསྲེག་རྫས་མཆོད་པ་བཞེས་སུ་གསོལ། །ཨོཾ་བཛྲ་ཀྲོ་དྷ་ཏྲཻ་ལོཀྱ་བི་ཛ་ཡ་ཧཱུཾ་བིནྡྷ་བིནྡྷ་ཧཱུཾ་ཕཊ། ཨགྣ་ཡེ་ཆེ་གེ་མོ་མཱ་ར་ཡ་ཧཱུཾ་ཕཊ། ཚར་རེ་དང་རྫས་སྣ་བཞི་སྤེལ་བ་ལན་ལྔ་འབུལ། དམོད་བཅོལ་ནི། ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །མངོན་སྤྱོད་དྲག་


JLAZ009_Page_0612
[མ་དཔེ་གཟིགས་ན་འདིར་གནོན།]

པོས་མྱུར་དུ་སྒྲོལ། །ཧཱུཾ། འོག་ནས་རང་བྱུང་གྲུབ་པའི་ལྷ། །ཁྲོ་བོ་ཆེན་པོ་སྟོབས་པོ་ཆེ། །ཡུམ་ཆེན་རྡོ་རྗེ་བསྐྱོད་མ་དང༌། །སྤྲུལ་པ་དྲེད་དང་བྱི་བའི་མགོ །ཡང་སྤྲུལ་དམ་ཅན་ཚོགས་བཅས་ལ། །དམ་རྫས་བདུད་རྩིའི་མཆོད་པ་འབུལ། །ཕྲིན་ལས་དྲག་པོས་གདུལ་ཕྱིར་དུ། །བསྲེག་རྫས་མཆོད་པ་བཞེས་སུ་གསོལ། །ཨོཾ་བཛྲ་ཀྲོ་དྷ་མ་ཧཱ་བ་ལ་ཧཱུཾ་སྥོ་ཊ་སྥོ་ཊ་ཧཱུཾ་ཕཊ། ཨགྣ་ཡེ་ཆེ་གེ་མོ་མཱ་ར་ཡ་ཧཱུཾ་ཕཊ། ཚར་རེ་དང་རྫས་སྣ་བཞི་སྤེལ་བ་ལན་ལྔ་འབུལ། དམོད་བཅོལ་ནི། ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །མངོན་སྤྱོད་དྲག་པོས་མྱུར་དུ་སྒྲོལ། །ཧཱུཾ། ཤར་ལྷོ་ནུབ་བྱང་སྒོ་བཞི་ནས། །པུ་ཤུད་མགོ་ཅན་ལ་སོགས་པ། །ཕྲིན་ལས་ཤུགས་ཀྱིས་གྲུབ་པའི་ལྷ། །ཡེ་ཤེས་སྒོ་མ་ཆེན་མོ་བཞི། །གྲུ་གསུམ་མཐིང་ནག་དཀྱིལ་འཁོར་དུ། །དམ་རྫས་བདུད་རྩིའི་མཆོད་པ་འབུལ། །ཕྲིན་ལས་དྲག་པོས་གདུལ་ཕྱིར་དུ། །བསྲེག་རྫས་མཆོད་པ་བཞེས་སུ་གསོལ། །ཨོཾ་བཛྲ་ཀཱི་ལི་ཀཱི་ལ་ཡ་བིད་ཡ་བིད་ཡ་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་ན་མཿས་མནྟ་ཧྲིང་ཧྲིང་ཧཱུཾ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་སུ་རུ་སུ་རུ་པྲ་སུ་རུ་པྲ་སུ་རུ་ཧཱུྃ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་མཱ་ར་ཡ་ཧཱུཾ་ཕཊ། ཨགྣ་


JLAZ009_Page_0613
[མ་དཔེ་གཟིགས་ན་འདིར་གནོན།]

ཡ་ཆེ་གེ་མོ་ཛྭ་ལ་རཾ་མཱ་ར་ཡ་ཧཱུཾ་ཕཊ། ཅེས་ལན་བཞི་འབུལ་རྗེས། དམོད་བཅོལ་བ་ནི། ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །མངོན་སྤྱོད་དྲག་པོས་མྱུར་དུ་སྒྲོལ། །སླར་ཡང་འདོད་པའི་ཕྲིན་ལས་བསྒྲུབ་པའི་ཕྱིར་མེ་ལྷ་ཕྱག་ཚང་བར་ཤེས་ནས། མཆོད་པ་ནི། མེ་ལྷའི་རྣམ་པ་དེ་ཉིད་ལོགས་སུ་ཕྱེ་ནས་བསྲེག་རྫས་འབུལ་བའི་ལས་མཛད་པར་བསམས་ལ། བུད་ཤིང་བསྣན། བསང་ཆུ་གཏོར། སྣུམ་ཆེན་གྱི་དགང་བླུགས་གསུམ་དབུལ་བ་དང་ཆབས་གཅིག །ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཨགྣ་ཡེ་པཱུ་ཙ་ཁཱ་ཧི་སརྦ་བིག་ནན་བཾ་ཧཱུཾ་ཕཊ། ཅེས་གསུམ་གྱིས་མེ་ལྷ་གཟི་མདངས་བསྐྱེད། སྔར་བཞིན་བསྲེག་རྫས་བཞི་པོ། ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུཾ་ཕཊ། ཨགྣ་ཡེ་དགྲ་བགེགས་འབྱུང་པོ་མཱ་ར་ཡ་ཧཱུཾ་ཕཊ། ཅེས་ཚར་ཉི་ཤུ་ཐམ་པས་འབུལ་རྗེས། ཧཱུཾ། སངས་རྒྱས་བསྟན་པ་བཤིག་པ་དང༌། །དཀོན་མཆོག་སྐུ་དགྲ་དབེན་རྩ་འཇོམས། །ཆོས་ཁྲིམས་འདྲལ་དང་སློབ་དཔོན་དགྲ། །རྣལ་འབྱོར་འཇོམས་པ་ལ་སོགས་པ། །བསད་དང་ནན་དང་ནད་ངན་གྱིས། །ཇི་ནས་བརླག་པར་ཁྱེད་ཀྱིས་གྱིས། །ཞེས་འདོད་དོན་གསོལ། དེ་བཞིན་དུ་ཁྲོ་བཅུ་སོ་སོ་དང༌། སྒོ་མ་བཞི་པོ་ལ་ལན་རེ་ཕུལ་མཐར།


JLAZ009_Page_0614
[མ་དཔེ་གཟིགས་ན་འདིར་གནོན།]

ཧཱུཾ་གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་གྱིས། །མངོན་སྤྱོད་དྲག་པོས་མྱུར་དུ་སྒྲོལ། །དམོད་བཅོལ་བྱ། དེས་རཱུ་པ་བརྒྱ་རྩ་བརྒྱད་རྫོགས་པར་འགྱུར་ལ། དེ་ཡང་རྫས་མང་ཞིང་རཱུ་པ་ཉུང་བ་དང༌། རཱུ་པ་མང་ཞིང་རྫས་ཉུང་བ་དང༌། མེ་ལྷག་ཅིང་རྫས་ཟད་པ་དང༌། བསྲེག་རྫས་ལྷག་ཅིང་མེ་ཟད་པ་དང་བཞི་པོ་ནི་མངོན་སྤྱོད་ཀྱི་ལས་འདིའི་བར་གཅོད་ཀྱི་རྒྱུ་ཡིན་པས། ཐམས་ཅད་མཉམ་རྫོགས་ཡོང་བར་བྱའོ། །དེ་ནས་སྨན་གཏོར་རཀྟ་སོགས་འབུལ་བ་ནི། ཧཱུཾ། སངས་རྒྱས་ཀུན་དང་མཉམ་སྦྱོར་ཞིང༌། །རང་བྱུང་གདོད་ནས་རྣམ་པར་དག །རྩ་བརྒྱད་ཡན་ལག་སྟོང་སྦྱར་སྨན། །རིགས་ལྔ་དམ་ཚིག་ལྔ་ཡི་དངོས། །སྒྲོན་མ་ལྔ་དང་བདུད་རྩི་ལྔ། །རྒྱུད་ལྔ་དུག་ལྔ་འཇོམས་པའི་བདུད། །ཡེ་ཤེས་ལྔ་པོ་གྲུབ་པའི་རྩི། །འཆི་བ་མེད་པའི་དམ་རྫས་ཆེ། །དཀྱིལ་འཁོར་ལྷ་ཚོགས་རྣམས་ལ་འབུལ། །ཨོཾ་སརྦ་ཏ་ཐཱ་ག་ཏ་མ་ཧཱ་པཉྩ་ཨ་མྲྀ་ཏ་ཁ་རཾ་ཁཱ་ཧི། གཏོར་མ་ནི། ཧཱུཾ། ཧེ་རུ་ཀ་ཡི་གནས་བཅུ་དང༌། །དུར་ཁྲོད་ཆེན་པོའི་གནས་བརྒྱད་ནས། །དཔལ་ཆེན་འཁོར་བཅས་སྤྱན་དྲངས་ཏེ། །དུར་ཁྲོད་མཆོག་གི་གནས་འདི་རུ། །ཞིང་ཆེན་གསར་རྙིང་ཏི་རར་བཅས། །དམར་གྱི་ཨརྒྷཾ་རྒྱ་མཚོར་བསྐྱིལ། །མཁའ་འགྲོ་


JLAZ009_Page_0615
[མ་དཔེ་གཟིགས་ན་འདིར་གནོན།]

འབར་བའི་ཚོགས་ལ་འབུལ། །མ་ལུས་གཤེགས་ནས་བསྣམས་སུ་གསོལ། །མ་ཧཱ་བ་ལིངྟ་ཁཱ་ཧི། རཀྟ་ཚར་གསུམ་ནི་ཕུད་དང་རཀྟ་བསྲེས་ལ་དང་པོ་བཀའ་བསྒོ་བའི་ཕྱིར་ཕུལ། ཧཱུཾ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ཟུངས་ཤིག་རྒྱོབ་ཅིག་རྣམ་པར་ཆིངས། །གཏོགས་ཤིག་གྲོགས་དང་བྲལ་བར་གྱིས། །རེགས་པར་ཁུག་ལ་སྨྲར་ཆུག་ཅིག །ཕོབ་ཅིག་རྣམ་པར་གཟིར་བར་གྱིས། །ང་ཡི་དབང་དུ་གྱུར་ནས་ཀྱང༌། །བསྒོ་བའི་བཀའ་ལ་ཉན་པར་བྱོས། །མ་ཧཱ་རཀྟ་ཁཱ་ཧི། གཉིས་པ་དམ་ཅན་གནད་དུ་དབབ་པའི་ཕྱིར་འབུལ་བ་ནི། ཧཱུཾ། བྲན་དང་བཀའ་ཉན་ཕོ་ཉའི་ཚོགས། །ཁྱོད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་བཅས་པ་ཡིས། །མངོན་སྤྱོད་ཕྲིན་ལས་མྱུར་དུ་མཛོད། །མ་ཧཱ་རཀྟ་ཁཱ་ཧི། གསུམ་པ་མཐུ་དང་རྫུ་འཕྲུལ་འཕྲོག་པའི་ཕྱིར་འབུལ་བ་ནི། ཧཱུཾ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །ལྷའམ་འོན་ཏེ་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་ཤོག །མ་ཧཱ་རཀྟ་ཁཱ་ཧི། གཏུན་དུ་བརྡུང་བ་ནི། ཧཱུཾ། རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་


JLAZ009_Page_0616
[མ་དཔེ་གཟིགས་ན་འདིར་གནོན།]

རྣམས། །རྡོ་རྗེ་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བསྒྲལ་བར་གྱིས། །ཁ་ཐཾ་ཁ་ཐཾ་ཁ་ཐཾ། ཁཱ་ཧི་ཁཱ་ཧི་ཁཱ་ཧི། ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཧ་ཧ་ཧ། ཧཱུཾ། སྣང་སྲིད་ཐམས་ཅད་ཕུར་པའི་རང་བཞིན་ལ། །ཁམས་གསུམ་འཁོར་བ་མིང་ཡང་མི་གྲགས་ཀྱང༌། །རྒྱལ་བའི་རྫུ་འཕྲུལ་ཆེན་པོ་བསྟན་པའི་ཕྱིར། །རྡོ་རྗེ་མངོན་སྤྱོད་ཕྲིན་ལས་མཛད་ལ་བསྟོད། །ཅེས་བསྟོད་ནས་བདག་ཉིད་གསོ་བའི་ཕྱིར་བསྐྱེད་རིམ་གསལ་ལ་ཀཱི་ལ་ཡ་བརྒྱ་རྩ་བརྒྱད་བཟླ། གཏང་རག་གི་དོན་དུ་ཚོགས་ཀྱི་མཆོད་པ་དབུལ། མ་འབྱོར་བ་དང་ཉམས་པ་དང༌། །གང་ཡང་བདག་རྨོངས་བློ་ཡིས་ནི། །བགྱིས་པ་དང་ནི་བགྱིད་སྩལ་བ། །དེ་ཀུན་མགོན་པོས་བཟོད་པར་གསོལ། །ཡིག་བརྒྱས་བཤགས། རྩ་སྔགས་ཀྱིས་དགང་བླུགས་གསུམ་ཕུལ་ལ། ཨོཾ། ཁྱེད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་གཤེགས་སུ་གསོལ། །སངས་རྒྱས་ཡུལ་དུ་གཤེགས་ནས་ཀྱང༌། །སླར་ཡང་འབྱོན་པར་མཛད་དུ་གསོལ། །བཛྲ་མུཿ ཡེ་ཤེས་པ་རྣམས་ཐུགས་ཀར་བསྡུ། ཨོཾ་ཨགྣེ་ཡེ་སྭཱ་ཧཱས་མེ་ལྷ་ལ་དགང་བླུགས་ཀྱི་གཏང་རག་དང༌། མཆོད་སྦྱིན་གཏོར་མ་འདི་བཞེས་ལ། །སོགས་ཀྱིས་གཏོར་མ་དབུལ་ཞིང་ཕྲིན་ལས་བཅོལ།


JLAZ009_Page_0617
[མ་དཔེ་གཟིགས་ན་འདིར་གནོན།]

བཛྲ་མུཿ མེ་ལྷ་རང་གནས་སུ་གཤེགས། དུག་ཁྲག་གི་ཆུས་མེ་ཅིག་ཅར་དུ་གཞིལ་ལ་ཐལ་བ་ལ་ཟོར་དང་མནན་པའི་ལས་བྱའོ། །ཕན་ཡོན་ནི་རྩ་རྒྱུད་ལས། མངོན་སྤྱོད་ཕྲིན་ལས་ཉེར་བསྡུ་བ། །མཐིང་ནག་གྲུ་གསུམ་དཀྱིལ་འཁོར་དུ། །སྦྱིན་བསྲེག་དྲག་པོའི་ལས་བསྟན་པ། །རྫོགས་པའི་དུས་དེ་ཉིད་ལ་ཡང༌། །གནོད་པའི་དགྲ་བགེགས་མེད་བྱས་ནས། །ཡེ་ཤེས་ལྷུན་གྲུབ་ཉིད་དུའོ། །ཞེས་སོ། །རྡོ་རྗེ་ཕུར་པའི་རྒྱུད་སྡེ་རྒྱ་མཚོ་དང༌། སྔོན་གྱི་ཕུར་པ་མཁན་པོ་རྣམས་ཀྱི་གཞུང་ལ་ལེགས་པར་དཔྱད་ནས་དཔལ་ལྡན་པདྨ་འོད་གླིང་དུ་བཀོད་པའོ།། །།

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ལས་ཟོར་ལས་གནམ་ལྕགས་འབར་བ།


JLAZ009_Page_0619
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་རྡོ་རྗེ་ཕུར་པ་རྒྱུད་ལུགས་ལས་ཟོར་ལས་གནམ་ལྕགས་འབར་བ་བཞུགས། །


JLAZ009_Page_0620
[མ་དཔེ་གཟིགས་ན་འདིར་གནོན།]

ཤྲཱི་བཛྲ་ཀུ་མཱ་ར་བཅོམ་ལྡན་འདས་མཐུ་སྟོབས་ཀྱི་བདག་པོ་ལ་ཕྱག་འཚལ་ལོ། །རླུང་ལ་བསྐུར་བ་ཟོར་གྱི་བསད་པའི་ཕྲིན་ལས་ལ་སྦྱོར་དངོས་རྗེས་གསུམ་ལས། དང་པོ་ནི་རྡོ་རྗེ་ཁྲོས་པ་ལས། ཟོར་ནི་ལྷ་ཡི་སྐུ་ཡིན་ཏེ། །ནུབ་བྱང་རླུང་ལྷ་འདུ་མཚམས་སུ། །བསམ་གཏན་རྩེ་གཅིག་ཡིད་ཀྱིས་བསྒྲུབས། །དྲག་པོ་ཕུར་ལྡན་ཁྲོ་བོ་ལས། །དྲག་པོ་ལ་ནི་མདའ་ཡི་ཟོར། །མཁའ་འགྲོ་རྣམས་ཀྱི་ཁྲག་གི་ཟོར། །དབང་ཕྱུག་ཕྲ་མེན་སྒོ་ངའི་ཟོར། །རྭ་དང་ཐོད་པ་ཟོར་དུ་འཕང༌། །རྣོ་བར་བྱེད་པ་ཐུན་གྱི་རྫས། །དྲག་པར་བྱེད་པ་སྔགས་ཀྱི་དབལ། །ཞེས་དང༌། ཐོད་ཟོར་གྱི་མཚན་ཉིད་ནི། །དྲུག་པར་བྱུང་ན་ངན་པའི་ཐོད་པ་རུ། །རྩིབས་སྔགས་རང་སྔགས་ཟོར་དུ་བཅས། །སྙིང་དང་ཁྲག་སྣ་མང་དུ་བླུག །རིམ་པར་གྲངས་སུ་བཤམས་ནས་སུ། །དྲག་པོ་སྔགས་ཀྱི་


JLAZ009_Page_0621
[མ་དཔེ་གཟིགས་ན་འདིར་གནོན།]

རིམ་པ་ཡིས། །གང་ཡིན་དངོས་པོ་སྒྲོལ་བར་ནུས། །ཞེས་དང༌། མོན་ཝ་སྤྱང་ཤ་བ་ལ་སོགས་པའི་ཐོད་ཟོར་བཤད་རྒྱུད་ལེའུ་ཉི་ཤུ་པར་བཤད་དོ། །རྩ་རྒྱུད་ལས། དྲག་པོའི་གཏོར་མ་སྟེང་དུ་བཀོད། །ཁྲག་སྣ་ལྔ་དང་སྙིང་སྣ་དང༌། །མཚེ་ཆེན་ཡུངས་ནག་རྡོ་དང་མདའ། །དྲག་པོ་ཟོར་གྱི་རྫས་སུ་བཞག །མཐའ་མ་དེ་ནི་རྩང་གིས་བསྐོར། །ཞེས་དང༌། ལས་རྒྱུད་ལས། ཡང་ན་མདའ་ཡི་ཟོར་ལ་བྱ། །ཁྲ་དང་སྲིན་བྱ་ཕོ་རོག་དང༌། །འུག་པ་དག་གི་སྒྲོ་བསྐྱོན་ཏེ། །སྐྱེ་མེད་སོར་ནི་བཅུ་གཉིས་པ། །ཁྲག་དང་དུག་གིས་བྱུག་བྱས་ལ། །ཐུགས་ཀྱི་དཀྱིལ་འཁོར་དེར་གཟུགས་བྱ། །ཞེས་དང༌། སོ་སོའི་རྩ་སྔགས་ལས་སྔགས་ཀྱིས། །ཟོར་མདའ་ལ་ནི་རབ་ཏུ་བསྒྲུབ། །ཕུར་བུ་ཕྲ་མོ་བདུན་བྱས་བསྔགས། །སྒྲོ་རྩར་ཕུག་སྟེ་མདའ་ནང་གཞུག །


JLAZ009_Page_0622
[མ་དཔེ་གཟིགས་ན་འདིར་གནོན།]

མཚེ་ཡུངས་དྲག་རྫས་བཟླས་ལ་བྱུག །ཨོཾ་མོ་ཧ་གྷ་ཡ། གརྫ་གརྫ་ཧཱུྃ་ཕཊ། སྤོ་ཊའི་བར་དག་ཏུ། མོ་ཧ་གྷ་ཡས་མགོ་བསྣན་བསྒྲུབ། །ཅེས་སོ། །དོ་གལ་ཆེ་ན་ཟོར་རྫས་ཀྱི་ཁྱད་པར་དགུ་ལ་བརྟེན་ནད་དགུ་གཏོང་བའི་ཚུལ་གསང་བའི་དགོངས་རྒྱུད་ལས་བཤད་ཅིང༌། ཐུན་རྫས་ནི་ལས་རྒྱུད་ལས། སྐྱེ་ཚེ་ཡུངས་ནག་བྲབ་རྫས་བཞག །ནས་ནག་རྡོ་ནག་ལྕགས་ཟངས་ཕྱེ། །ཞེས་པ་རྣམས་ཐོད་ངན་དུ་ཐང་ཕྲོམ་ལ་སོགས་པའི་དུག་ཁྲག་དང་ལྷན་ཅིག་ཚོགས་པར་བྱའོ། །གཏོར་མའི་འོག་ཏུ་བྱེ་སྟེགས་མདའ་གང་གྲུ་བཞི་ལ་གསད་པའི་དཀྱིལ་འཁོར་རྩིབས་དྲུག་པའི་ལྟེ་བར་གྲུ་གསུམ་དུ་བྲུས་པ་རོ་སོལ་གྱིས་བྱུགས། ཁ་ཁྱེར་ལ་ལྕགས་ཀྱུ། ཟུར་བཞིར་རྡོ་རྗེ་བྲིས་པའི་དབུས་སུ་ལིངྒ་མན་ངག་ལྟར་བཅའ་བའི་ཚུལ་རྒྱུད་ལས། ངན་སྔགས་འདུས་པའི་དཀྱིལ་འཁོར་ནི། །གྲུ་གསུམ་མཐིང་ནག་དཀྱིལ་འཁོར་ལ། །རྒྱར་ནི་ཁྲུ་གང་ཟབས་སུ་ཕྱེ། །ཁ་ཁྱེར་གསུམ་ལ་སོར་བཞི་སྟེ། །ཞེས་དང༌། སྲོག་ལ་འཁོར་ལོ་བསྐོར་བ་ནི། །རྩིབས་དྲུག་ལྟོ་བར་ལིངྒ་དགོད། །ཅེས་སོ། །དེ་ཡང་ལྷ་བསྙེན་ཚད་དུ་ཕྱིན་ནས་དམ་ཅན་ཉེ་བར་བསྙེན་པ་དང་འབྲེལ་བའི་བསད་ལས་ཡིན་ན་དཔྲལ་བ་ཀླད་རྒྱས་འཁོར་ལོ་ལ་སོགས་པ་ལས་དྲུག་གི་འཁོར་ལོ་མན་ངག་ལྟར་བཅའ། ༼ཞ༣༢༽ དམ་ཅན་རྣམས་ཀྱི་མཆོད་གཏོར་དང༌། ཐུན་རྫས། ཉེར་སྤྱོད། ཟོར་རྫས་འོག་ཏུ་དགོས་པའི་གདབ་ལས་ཀྱི་རྫས་དང་ཡོ་བྱད་རྣམས་མ་ཚང་བ་མེད་པ་མངོན་དུ་འདུ་བྱའོ། །གཉིས་པ་དངོས་གཞི་ལ་དྲུག་ལས། དང་པོ་ཕྲིན་ལས་གཞུང་བསྲང་བ་ནི། བཤད་རྒྱུད་ལས། བསྙེན་བསྒྲུབ་བཞི་པོ་མཐའ་རུ་ཕྱིན། །མ་ཉེས་གཟུ་


JLAZ009_Page_0623
[མ་དཔེ་གཟིགས་ན་འདིར་གནོན།]

དང་དཔང་དུ་གཟུགས། །བསྙེན་པའི་ལྷ་ཡན་ད་རུང་བསྙེན། །ཞེས་པས། ད་ལྟའི་དུས་ན་སྔོན་དུ་ལྷ་བསྙེན་དང་དེ་ནས་དམ་ཅན་བསྙེན་པ་ཚད་དུ་འཁྱོལ་ནས་ངན་སྔགས་ཉེ་བར་བསྙེན་པ་དཀོན་ནའང༌། འདིར་སྒྲུབ་མཇུག་གིས་གཏོར་ཟློག་ཙམ་ལའང་རང་གི་རང་ཉིད་ཚར་མི་གཅོད་པའི་ཕྱིར་སྔ་ཐུན་དང་པོ་གཉིས་ལ་ལྷ་བསྙེན་གཙོ་བོར་བྱ་དགོས་ཏེ། རྒྱུད་ལས། ཛཔ྄་གྲངས་ཉི་ཁྲི་བདུན་འབུམ་འདོན། །བཟླས་བརྗོད་ཉིན་མཚན་རྒྱུན་མི་བཅད། །ཅེས་པས་སོ། །ཕྱི་དྲོའི་ཐུན་ལ་དམ་ཅན་གྱི་ལས་སྔགས་སྦྲེལ་བའི་ཤམ་བུ། ཟོར་གྱི་ལེའུ་ལས། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ སརྦ་བིག་ནན་བཾ་ཧཱུྃ་ཕཊ། མ་མ་པ་ཤཾ་ཀུ་རུ་མ་ཏཾ་ཉ་ཀ་ར་ཨི་ནན། དྷ་ཏི་མ་མ་ཀརྨ་ཤྲི་ཀྲཾ་ཀ་ར་ཡེ་མཱ་ར་ཡ་ཐུན། ཞེས་བརྒྱ་རྩ་ལས་མི་ཉུང་བ་བཟླས་ནས་ཐུན་རྫས་རྣམས་ལའང་བསྔགས་ཤིང་དམ་ཅན་གྱི་ངོ་བོར་བསམ། རྟགས་ནི་རྒྱུད་ལས། དམག་དང་གཏོར་མ་མདའ་འཕེན་དང༌། །ཁྲག་མཚོ་ཁོལ་ན་གྲུབ་པའི་རྟགས། །གང་ལ་བརྡེག་ན་བརླག་པར་འགྱུར། །ཞེས་སོ། །ཕུར་སྲུང་དང་ཚོགས་མཆོད་བཏང༌། གཉིས་པ་གཟུ་དཔང་བྱ་བ་ནི། གསེར་སྐྱེམས་བཤམས་ལ། ཧཱུྃ། ཁྱབ་གདལ་གདོད་མའི་མགོན་པོ་ནས་བཟུང་སྟེ། །མངོན་པར་བྱང་ཆུབ་དཔལ་མགོན་བླ་མའི་བར། །དགོངས་བརྡའ་སྙན་བརྒྱུད་རྡོ་རྗེ་སློབ་དཔོན་དང༌། །དཔལ་ཆེན་ཕུར་པའི་ལྷ་ཚོགས་གཟུ་དང་དཔང༌། །འགྲོ་ཀུན་བདེ་གཤེགས་སྙིང་པོའི་རང་བཞིན་ལ། །


JLAZ009_Page_0624
[མ་དཔེ་གཟིགས་ན་འདིར་གནོན།]

དགྲ་གཉེན་ཕྱོགས་ཆའི་སྡང་ཞེན་མ་དམིགས་ཀྱང༌། །གཟུང་འཛིན་གདོན་གྱིས་བརླམས་པའི་ཉམས་པ་ཀུན། །བྱང་ཆུབ་སེམས་གཉིས་བསྒོམ་པའི་དགྲ་རུ་ལངས། །དམ་ལས་ཉམས་པས་སློབ་དཔོན་མཆེད་ལ་བརྙས། །བཀའ་ལས་ཉམས་པས་ལས་འབྲས་ཁྱད་དུ་བསད། །དོན་ལ་ཉམས་པས་བདེན་གཉིས་ཁྱད་པར་ལྟ། །ལས་ཀྱི་ཉམས་པས་ཉེས་མེད་རྣམས་ལ་འཇུག །མཚན་མས་ཉམས་པས་ཆོས་ལ་ཕྱོགས་རིས་བཟུང༌། །འདོད་པས་ཉམས་པས་ཁྲེལ་མེད་འཕྲོག་བཅོམ་བྱེད། །ལོག་པས་ཉམས་པས་སེམས་ཅན་སྡུག་ལ་སྦྱོར། །འདི་ལ་མངོན་སྤྱོད་ཕྲིན་ལས་མི་མཛད་ན། །མཐར་གྱི་འཆི་བ་སེམས་ཅན་ཀུན་ལ་ཡོད། །དུས་ལ་བབ་ན་དཔག་བསམ་ཤིང་ཡང་འགྱེལ། །བསམ་སྦྱོར་ངན་པའི་འབྲས་བུ་མཐར་ཕྱིན་ན། །ཚར་གཅོད་རྗེས་འཛིན་མཐུ་སྟོབས་རྫུན་དུ་ཟད། །ཆོས་ཉིད་བདེན་པ་བསླུ་བ་མེད་པ་དང༌། །སྔགས་ཀྱི་སྒྲོལ་བ་སངས་རྒྱས་རྣམས་ཀྱི་མཐུས། །ཨ་བྷི་ཙརྱའི་དུས་ལ་ད་བབ་ན། །བརྣག་པའི་ལས་ལ་བཏང་སྙོམས་མ་མཛད་ཅིག །དུས་གསུམ་སངས་རྒྱས་རྣམས་ཀྱིས་དབྱིངས་ནས་གཟིགས། །བདེན་གཉིས་རྒྱུ་འབྲས་བསླུ་མེད་གཟུ་དང་དཔང༌། །དཔལ་མགོན་ཆོས་སྐྱོང་རྣམས་ནི་མཐུ་རྩལ་བསྐྱེད། །ཉེས་ཅན་འདི་ལ་མངོན་སྤྱོད་ཕྲིན་ལས་མཛོད། །ཅེས་བརྗོད་ཅིང་ཡུས་གདབ། གསེར་སྐྱེམས་ཕྱོགས་བཅུར་གཏོར་རོ། །གསུམ་


JLAZ009_Page_0625
[མ་དཔེ་གཟིགས་ན་འདིར་གནོན།]

པ་དམ་ཅན་ལས་ལ་བསྐུལ་བ་ནི། བཤད་རྒྱུད་ལས། ཧཱུྃ། དཔལ་གྱི་ཕོ་ཉ་ལས་མཁན་མོ། །ཡ་མཚན་འཕྲུལ་གྱི་སྤྱང་མོ་ནི། །ལྕགས་ཀྱི་སྤྱང་མོ་མགོ་དགུ་མ། །ཁ་དགུ་གདངས་ཤིང་ཤངས་དགུ་བསྣམས། །སྤྱན་མིག་མཚལ་ཆུ་ཁོལ་མ་འདྲ། །སྙན་ནི་སྲིད་པ་གསུམ་ནས་ཉན། །སྒྲོལ་བྱེད་ཆིབས་ཀྱི་དུས་ལ་བབ། །ཕྱོགས་བཞིར་རྒྱུག་ཅིང་ཆོ་ངེ་འདེབས། །ཟས་སུ་སེམས་ཅན་འབུམ་ཟ་མ། །རྒྱུག་བྱེད་ཆིབས་ཀྱི་དུས་ལ་བབ། །ནང་ཡང་སེམས་ཅན་འབུམ་ཟ་མ། །ནུབ་ཀྱང་སེམས་ཅན་འབུམ་ཟ་མ། །རྟག་ཏུ་ཤ་དང་ཁྲག་ལ་རྔམས། །ཟ་བྱེད་ཆིབས་ཀྱི་དུས་ལ་བབ། །ལེ་བརྒན་དམར་པོའི་ལྗགས་བརྐྱངས་པས། །ཉམས་པའི་སྙིང་འབྱིན་ཟངས་ཀྱི་ལྕེ། །སྟོང་གསུམ་དབང་སྡུད་ཟངས་ཀྱི་ལྕེ། །སྨྲ་བྱེད་ཆིབས་ཀྱི་དུས་ལ་བབ། །བསྐྱོད་པ་རླུང་བས་རབ་ཏུ་རྒྱུག །མནོས་ཤིང་བསམ་པས་ཡུད་ཀྱིས་ཕྱིན། །སྟོང་གསུམ་ཡུད་ཀྱིས་སླེབ་པར་མཛད། །བསམ་སླེབ་ཆིབས་ཀྱི་དུས་ལ་བབ། །དེ་འདྲའི་ལྕགས་ཀྱི་སྤྱང་མོ་ལ། །ལྕགས་ཀྱི་མི་མོ་བཟང་མོ་ཞོན། །ཤར་གྱི་ཕྱོགས་སུ་རྒྱུག་པའི་ཚེ། །དྲི་ཟའི་དམག་དཔུང་དབང་དུ་སྡུད། །བརྒྱ་བྱིན་འཁོར་བཅས་རྡུལ་དུ་རློགས། །ཤ་རུས་བཟའ་བའི་དུས་ལ་བབ། །ལྷོ་ཡི་ཕྱོགས་སུ་རྒྱུག་


JLAZ009_Page_0626
[མ་དཔེ་གཟིགས་ན་འདིར་གནོན།]

པའི་ཚེ། །གཤིན་རྗེའི་དམག་དཔུང་དབང་དུ་སྡུད། །མི་མོ་འཁོར་བཅས་རྡུལ་དུ་རློགས། །བཀྲག་མདངས་དྲོད་དང་ད་ཕྲོལ་ཅིག །ནུབ་ཀྱི་ཕྱོགས་སུ་རྒྱུག་པའི་ཚེ། །ཀླུ་ཡི་དམག་དཔུང་དབང་དུ་སྡུད། །ཡ་བདུད་འཁོར་བཅས་རྡུལ་དུ་རློགས། །ཁྲག་འཐུང་བཅུད་འཕྲོག་དུས་ལ་བབ། །བྱང་གི་ཕྱོགས་སུ་རྒྱུག་པའི་ཚེ། །གནོད་སྦྱིན་དམག་དཔུང་དབང་དུ་སྡུད། །ནོར་སྲུང་འཁོར་བཅས་རྡུལ་དུ་རློགས། །དབུགས་འཕྲོག་སྲོག་གཅོད་དུས་ལ་བབ། །སྟེང་གི་ཕྱོགས་སུ་རྒྱུག་པའི་ཚེ། །ཚངས་པའི་དམག་དཔུང་དབང་དུ་སྡུད། །ཉི་ཟླ་འཁོར་བཅས་རྡུལ་དུ་རློགས། །རྣམ་ཤེས་དབྲལ་བའི་དུས་ལ་བབ། །འོག་གི་ཕྱོགས་སུ་རྒྱུག་པའི་ཚེ། །ས་བདག་དམག་དཔུང་དབང་དུ་སྡུད། །ས་ཡི་ལྷ་མོ་རྡུལ་དུ་རློགས། །ཤ་རུས་དབྲལ་བའི་དུས་ལ་བབ། །ཤ་ལ་ཟ་ཞིང་ད་ཚུར་བྱོན། །ཁྲག་ལ་འཐུང་ཞིང་ད་ཚུར་བྱོན། །རྣམ་ཤེས་ཕྲོལ་ལ་ད་ཚུར་སྤྱོན། །བདུད་ཀྱི་ཡང་མོའི་དུས་ལ་བབ། །ཧཱུྃ། དཔལ་གྱི་ཕོ་ཉ་ཆེན་མོ་ནི། །ལྕགས་ཀྱི་ཁྱི་མོ་རྐང་གསུམ་མ། །སྟོང་གསུམ་ཀུན་ལ་དབང་སྒྱུར་ཞིང༌། །སྲིད་པ་གསུམ་ལ་མངའ་མཛད་མ། །དབང་བྱེད་ཆེན་མོའི་དུས་ལ་བབ། །སྲིན་མོ་


JLAZ009_Page_0627
[མ་དཔེ་གཟིགས་ན་འདིར་གནོན།]

འབུམ་ལ་མངའ་མཛད་མ། །གནོད་སྦྱིན་འབྱུང་པོ་ཐལ་བར་རློགས། །བདུད་འདུལ་ཁྱི་མོའི་དུས་ལ་བབ། །ཟས་སུ་ཤ་ཟ་སོ་བརྡར་ཁྲིག །སྐོམ་དུ་ཁྲག་འཐུང་མཆིལ་ཟ་འཁྲུག །ལྷ་རྐང་ཟ་བའི་སོ་བརྡར་ཁྲིག །དུག་གསུམ་རྩད་གཅོད་ཁྱི་མོའི་དུས་ལ་བབ། །དེ་འདྲའི་ལྕགས་ཀྱི་ཁྱི་མོ་ལ། །ལྕགས་ཀྱི་མི་མོ་བཟང་མོ་ཞོན། །འཇིགས་པའི་གཟུགས་ལ་ཁྲོ་གཉེར་ཅན། །དཔའ་བྱེད་ཆེན་མོའི་དུས་ལ་བབ། །ཕྱོགས་བཞིའི་རྒྱལ་པོ་དབང་དུ་སྡུད། །རྒྱལ་ཕྲན་མང་པོ་རྡུལ་དུ་རློགས། །སུམ་ཅུ་རྩ་གསུམ་དབང་མཛད་མ། །དབང་སྡུད་ཆེན་མོའི་དུས་ལ་བབ། །དབུ་ལ་གཡག་མགོ་ཐོད་དུ་བཅིངས། །རྫི་རྣོ་སྲིད་གསུམ་དབང་དུ་སྡུད། །དྲན་པའི་གཟུངས་མ་ཉམས་པར་འཛིན། །ངོ་མཚར་ཐོད་ཀྱི་དུས་ལ་བབ། །སྤྱན་ནས་མེ་འབར་ལམས་སེ་ལམ། །སྲིད་པ་གསུམ་པོ་སྲེག་པར་བྱེར། །ཉམས་པ་ཐབས་ཀྱིས་འཚིག་པར་བྱེད། །སྲེག་བྱེད་སྤྱན་གྱི་དུས་ལ་བབ། །སྣ་ནས་དུད་པ་ཐུ་ལུ་ལུ། །ཡེ་ཤེས་ལྷ་ལ་མཆོད་པར་འབུལ། །ཉམས་པ་གང་ཡིན་འཐིབ་པར་བྱེད། །བདུད་འདུལ་ཤངས་ཀྱི་དུས་ལ་བབ། །ལག་པ་གཡས་ན་ཕུར་པ་བསྣམས། །རྡོ་རྗེ་ཕུར་པའི་སྲུང་མ་སྟེ། །ཉམས་པ་གང་ཡིན་


JLAZ009_Page_0628
[མ་དཔེ་གཟིགས་ན་འདིར་གནོན།]

སྒྲོལ་བར་བྱེད། །ཕུར་པའི་སྲུང་མའི་དུས་ལ་བབ། །ཉི་མའི་ཟེར་ལ་རྒྱུག་བྱེད་ཅིང༌། །ཟླ་བའི་ཟེར་ལ་དབང་དུ་སྡུད། །སྲིད་པ་གསུམ་པོ་འཕུང་བར་བྱེད། །རྒྱུག་བྱེད་ཝ་མོའི་དུས་ལ་བབ། །རག་ཤ་སྲིན་པོའི་ཤ་ཟ་ཞིང༌། །སྲིན་མོའི་དོན་སྙིང་སྤར་གྱིས་འདེབས། །ཕུང་པོ་རྗེས་ཤུལ་མེད་པར་ཟ། །སྲིན་པོ་འདུལ་བྱེད་ཝ་མོའི་དུས་ལ་བབ། །དེ་འདྲའི་ཟངས་ཀྱི་ཝ་མོ་ལ། །ཟངས་ཀྱི་མི་མོ་བཟང་མོ་ཞོན། །སྐུ་ནི་ཟངས་གཞུངས་འདྲིལ་བ་འདྲ། །ངོ་མཚར་ཅན་རྣམས་དབང་དུ་སྡུད། །ཡ་མཚན་ཆེ་བ་དེ་འདྲར་སྣང༌། །རྡོ་རྗེ་སྐུ་ཡི་དུས་ལ་བབ། །སྐུ་ལ་བེར་ཆེན་དམར་ནག་གསོལ། །དབང་དང་དྲག་པོས་ཚད་བཟུང་ནས། །དབང་དུ་སྡུད་ཅིང་སྒྲོལ་བར་བྱེད། །དྲག་པོ་བདུད་འདུལ་དུས་ལ་བབ། །ལག་པ་གཡས་ན་ཕུར་པ་བསྣམས། །རྡོ་རྗེ་ཕུར་པའི་སྲུང་མ་སྟེ། །ཉམས་པ་གང་ཡིན་སྒྲོལ་བར་བྱེད། །ཕུར་པའི་སྲུང་མའི་དུས་ལ་བབ། །ལག་པ་གཡོན་ན་ལྕགས་ཀྱུ་བསྣམས། །འཛིན་པ་མི་འཆོར་དབང་དུ་སྡུད། །གང་ཡིན་ཉམས་པ་འཛིན་པར་བྱེད། །འཛིན་བྱེད་ཕྱག་གི་དུས་ལ་བབ། །ཟས་སུ་ཤ་དང་ཁྲག་ལ་དགའ། །ཉམས་པའི་ཤ་ཁྲག་རྒྱ་མཚོ་ལ། །ལྷག་མ་མེད་པར་ཟ་བྱེད་ཅིང༌། །ཤ་རུས་ཟ་བའི་དུས་ལ་བབ། །ཟངས་ཀྱི་ཝ་


JLAZ009_Page_0629
[མ་དཔེ་གཟིགས་ན་འདིར་གནོན།]

མོའི་དུས་ལ་བབ། །ཧཱུྃ། དཔལ་གྱི་ཕོ་ཉ་ཆེན་མོ་ནི། །ཟངས་ཀྱི་ཝ་མོ་རྐང་གསུམ་མ། །དུར་ཁྲོད་ཀུན་ཏུ་རྒྱུག་བྱེད་ཅིང༌། །ཤ་རུས་ཟ་ཞིང་ཁྲག་ལ་རྔམས། །དུས་མ་ཡིན་པ་གསོད་པར་བྱེད། །ཤ་རུས་ཟ་བའི་དུས་ལ་བབ། །ལག་པ་གཡོན་ན་རྡོ་རྗེ་བསྣམས། །རི་རབ་ཀུན་ཀྱང་རྩེ་ནས་བསྙིལ། །རྒྱ་མཚོ་ཀུན་ཀྱང་གཏིང་ནས་སྐེམ། །སྙིལ་བྱེད་ཕྱག་གི་དུས་ལ་བབ། །ཝ་མོ་རྒྱུག་ཅིང་འདྲལ་བའི་ཚེ། །ཉམས་པ་གང་ཡིན་དམིགས་ལ་འཛིན། །མི་འཆོར་གང་དུ་འབྲོས་པ་འཛིན། །འཛིན་བྱེད་ཆེན་མོའི་དུས་ལ་བབ། །ཝ་མོའི་ཆིབས་ཀྱི་སྔ་ལོང་ལ། །ཉམས་པ་གང་ཡིན་འགེལ་བར་བྱེད། །སོ་བརྡར་མཆེ་གཙིགས་རོ་ལ་རྔམས། །རྔམ་བྱེད་ཆེན་མོའི་དུས་ལ་བབ། །ཉི་མ་ཟླ་བ་དབང་དུ་སྡུད། །ཐུན་དམར་འབེབས་ཤིང་ལས་རྣམས་སྒྲུབ། །ཚ་གྲང་གཉིས་ཀྱི་ནད་འབེབས་ཤིང༌། །དབང་སྡུད་ཆེན་མོའི་དུས་ལ་བབ། །གང་ཡིན་ཉམས་པ་སྒྲོལ་བའི་ཚེ། །ཐེ་ཚོམ་མེད་པར་དབང་དུ་སྡུད། །ཉམ་ང་མེད་པར་སྒྲོལ་བར་བྱེད། །སྒྲོལ་བྱེད་ཆེན་མོའི་དུས་ལ་བབ། །དུར་ཁྲོད་ཤ་ལ་རྔམ་པའི་ཚེ། །ཝ་སྐད་འདོན་ཞིང་དབང་དུ་སྡུད། །ཁྱོད་ཀྱིས་མི་སྒྲོལ་གཅིག་ཀྱང་མེད། །རྔམ་བྱེད་


JLAZ009_Page_0630
[མ་དཔེ་གཟིགས་ན་འདིར་གནོན།]

ཆེན་མོའི་དུས་ལ་བབ། །ཧཱུྃ། དཔལ་གྱི་ཕོ་ཉ་ཆེན་མོ་ནི། །གསེར་གྱི་འཕར་བ་ལྕེ་བརྒྱད་ནི། །ཤར་གྱི་ཕྱོགས་སུ་ལྕེ་བརྐྱངས་པས། །རྡོ་རྗེ་རྩེ་གསུམ་དྲག་པོའི་ལྕེ། །རྡོ་རྗེའི་རིགས་ལ་དབང་སྒྱུར་ཞིང༌། །རྡོ་རྗེ་དྲག་པོའི་དུས་ལ་བབ། །ལྷོ་ཡི་ཕྱོགས་སུ་ལྕེ་བརྐྱངས་པས། །རིན་ཆེན་རྩེ་གསུམ་ཡིད་བཞིན་ལྕེ། །རིན་ཆེན་རིགས་ལ་དབང་སྒྱུར་ཞིང༌། །བསམ་འགྲུབ་རིན་ཆེན་དུས་ལ་བབ། །ནུབ་ཀྱི་ཕྱོགས་སུ་ལྕེ་བརྐྱངས་པས། །དབང་ཕྱུག་པདྨ་འདབ་བརྒྱད་ལྕེ། །པདྨ་རིགས་ལ་དབང་སྒྱུར་ཞིང༌། །དབང་སྡུད་པདྨའི་དུས་ལ་བབ། །བྱང་གི་ཕྱོགས་སུ་ལྕེ་བརྐྱངས་པས། །མཐར་ཕྱིན་རྡོ་རྗེ་རྒྱ་གྲམ་ལྕེ། །ལས་ཀྱི་རིགས་ལ་དབང་སྒྱུར་ཞིང༌། །མཐར་ཕྱིན་ཕྲིན་ལས་དུས་ལ་བབ། །ཤར་ལྷོ་མཚམས་སུ་ལྕེ་བརྐྱངས་པས། །སྲེག་བྱེད་དྲག་པོ་མེ་ ཡི་ལྕེ། །མེ་ལྷ་དྲང་སྲོང་དབང་བསྒྱུར་ཞིང༌། །སྲེག་བྱེད་མེ་ཡི་དུས་ལ་བབ། །ལྷོ་ནུབ་མཚམས་སུ་ལྕེ་བརྐྱངས་པས། །གསོད་བྱེད་དྲག་པོ་རལ་གྲིའི་ལྕེ། །བདེན་བྲལ་སྲིན་པོར་དབང་སྒྱུར་ཞིང༌། །གསོད་བྱེད་རལ་གྲིའི་དུས་ལ་བབ། །ནུབ་བྱང་མཚམས་སུ་ལྕེ་བརྐྱངས་པས། །འབིགས་བྱེད་དྲག་པོ་མདུང་གི་


JLAZ009_Page_0631
[མ་དཔེ་གཟིགས་ན་འདིར་གནོན།]

ལྕེ། །རླུང་ལྷ་ཕྲ་མོར་དབང་སྒྱུར་ཞིང༌། །འབིགས་བྱེད་མདུང་གི་དུས་ལ་བབ། །བྱང་ཤར་མཚམས་སུ་ལྕེ་བརྐྱངས་པས། །ཐོགས་མེད་དྲག་པོ་མདའ་ཡི་ལྕེ། །དབང་ལྡན་བགེགས་ལ་དབང་སྒྱུར་ཞིང༌། །ཐོགས་མེད་མདའ་ཡི་དུས་ལ་བབ། །གསེར་གྱི་འཕར་བ་ལྕེ་བརྒྱད་ལ། །གསེར་གྱི་མི་མོ་ཆེན་མོ་ ཞོན། །ཤར་གྱི་ཕྱོགས་སུ་ཁུས་བཏབ་ནས། །དྲི་ཟའི་ཚེ་ལ་ངུ་ཞིང་ཟུག །ཤར་ཕྱོགས་རྒྱལ་པོ་དབང་དུ་སྡུད། །བརྒྱ་བྱིན་འཁོར་བཅས་རྡུལ་དུ་རློགས། །དཔལ་གྱི་སྲུང་མ་ཆེན་མོ་བཞི། །དམ་ལ་རུབ་པའི་ལས་མཛོད་ཅིག །སྟོང་གསུམ་དབང་སྡུད་ཤྭ་ན་མ། །དམ་ཉམས་གང་ཡིན་དབང་དུ་སྡུད། །སྲིད་གསུམ་མངའ་མཛད་ཤྭ་ན་མ། །སྲིད་པ་གསུམ་གྱི་ཉམས་པ་སྒྲོལ། །ཧཱུྃ། ཤྭ་ན་ལས་ཀྱི་བཤན་པ་མོ། །ཡང་སྤྲུལ་ཆེན་མོའི་དུས་ལ་བབ། །ལྕགས་ཀྱི་སྤྱང་མོ་མགོ་དགུ་ནི། །ཤིན་ཏུ་སྤྲུལ་ཞིང་འགྱེད་པའི་ཚེ། །ལྕགས་ཀྱི་སྤྱང་མོས་སྟོང་གསུམ་བཀང༌། །གཡས་པ་སྒྲོལ་བྱེད་ཕུར་པ་བསྣམས། །ཉམས་པ་གང་ཡིན་སྒྲོལ་ལ་ཤོག །གཡོན་ན་གྲི་ཐོགས་བཤན་པ་མོ། །དམ་ཉམས་གང་ཡིན་ཤོས་ལ་ཤོག །ཧཱུྃ། ཤྭ་ན་ལས་ཀྱི་བཤན་པ་མོ། །ཡང་སྤྲུལ་ཆེན་མོའི་དུས་ལ་བབ། །ཟངས་ཀྱི་ཝ་མོ་རྐང་གསུམ་མ། །ཤིན་ཏུ་སྤྲུལ་ཞིང་འགྱེད་པའི་ཚེ། །


JLAZ009_Page_0632
[མ་དཔེ་གཟིགས་ན་འདིར་གནོན།]

ཟངས་ཀྱི་ཝ་མོས་སྟོང་གསུམ་བཀང༌། །གཡས་པ་སྒྲོལ་བྱེད་ཕུར་པ་བསྣམས། །ཉམས་པ་གང་ཡིན་སྒྲོལ་ལ་ཤོག །གཡོན་ན་གྲི་ཐོགས་ཤན་པ་མོ། །དམ་ཉམས་གང་ཡིན་ཤོས་ལ་ཤོག །ཧཱུྃ། ཤཱ་ན་ལས་ཀྱི་བཤན་པ་མོ། །ཡང་སྤྲུལ་ཆེན་མོའི་དུས་ལ་བབ། །གསེར་གྱི་འཕར་བ་ལྕེ་བརྒྱད་ལ། །ཤིན་ཏུ་སྤྲུལ་ཞིང་འགྱེད་པའི་ཚེ། །གསེར་གྱི་འཕར་བས་སྟོང་གསུམ་གང༌། །གཡས་པ་སྒྲོལ་བྱེད་ཕུར་པ་བསྣམས། །ཉམས་པ་གང་ཡིན་སྒྲོལ་ལ་ཤོག །གཡོན་ན་གྲི་ཐོགས་བཤན་པ་མོ། །དམ་ཉམས་དགྲ་བོ་ཤོས་ལ་ཤོག །བཤན་པ་ཆེན་མོའི་དུས་ལ་བབ། །སྟོང་གསུམ་དམ་ཉམས་དགྲ་བགེགས་ལ། །བཤན་པ་ཆེན་མོའི་དུས་ལ་བབ། །ཧཱུཾ། བདུད་ཀྱི་ཡུམ་ཆེན་གཤིན་རྗེའི་ལྕམ་གཅིག་མ། །འཇིག་རྟེན་ཁམས་ཀྱི་བྱ་མ་རྟ། །ཁམས་གསུམ་ནད་ཀྱི་བདག་མོ་སྟེ། །མ་བདུད་ཆེན་མོའི་དུས་ལ་བབ། །ཆིབས་སུ་དྲེའུ་རྟ་རྐང་གསུམ་ཆིབས། །གང་དུ་བསམ་པར་ཡུད་ཀྱིས་ཕྱིན། །མཚན་མོ་གཅིག་ལ་ཁྱབ་པར་ཉུལ། །མགྱོགས་བྱེད་རྟ་ཡི་དུས་ལ་བབ། །སྲིན་པོའི་ཡ་མཁལ་སྔ་རུ་བྱས། །སྲིན་མོའི་མ་མཁལ་ཕྱི་རུ་བྱས། །ཞིང་ཆེན་གཡང་གཞི་སྟན་དུ་བཏབ། །གདུག་བྱེད་བརྒྱན་པའི་དྲེའུ་རྟའི་དུས་ལ་བབ། །གོང་ཐག་གློ་རྨེད་སྦྲུལ་གྱི་བརྒྱན། །


JLAZ009_Page_0633
[མ་དཔེ་གཟིགས་ན་འདིར་གནོན།]

ཁལ་དུ་ནད་ཀྱི་རྐྱལ་པ་བཀལ། །ཚོན་གྱི་གྲུ་གུ་འཕོངས་ལ་བཀལ། །ནད་ཀྱི་བདག་མོའི་དུས་ལ་བབ། །མདུན་ན་ཤྭ་རྡེའུ་དཀར་ནག་འགྲེམ། །ནག་མོ་གང་བྱུང་ཁྲེམས་པར་བྱེད། །ཉམས་པ་ཀུན་ལ་ཤོ་ནག་ཁྲམས། །འབེབས་བྱེད་ཆེན་མོའི་དུས་ལ་བབ། །དྲེའུ་རྟ་ཆིབས་ཀྱི་དཔྲལ་བ་ན། །མེ་ལོང་རྒྱ་ལོང་ཏ་ལ་ལ། །སྲིད་པ་གསུམ་ཆར་གསལ་བར་འཆར། །གསལ་བྱེད་ཆེན་མོའི་དུས་ལ་བབ། །དཔལ་ལྡན་ནག་མོ་རེ་མ་ཏི། །སྐུ་མདོག་ནག་མོ་རལ་པ་ཅན། །རྔམ་པའི་སྒྲ་ཡིས་སྟོང་གསུམ་འགེངས། །དཔལ་གྱི་སྐུ་མཉེས་ཐུགས་དམ་དུས་ལ་བབ། །ཞལ་ནི་དམར་ལ་གདངས་པ་ཡང༌། །དུས་གསུམ་མ་ལུས་དབང་དུ་སྡུད། །མཆེ་བ་དཀར་པོ་སྐྱེ་ཤི་རྩ་བ་གཅོད། །ཞལ་བགྲད་མཆེ་གཙིགས་རྔམ་པའི་དུས་ལ་བབ། །དུར་ཁྲོད་ཆས་བརྒྱད་སྐུ་ལ་གསོལ་བ་ཡིས། །མི་མཐུན་མཉེན་པོའི་སྟོབས་ལ་མངའ་བརྙེས་ནས། །ཁམས་གསུམ་གདུག་པ་མ་ལུས་འདུལ་བ་སྟེ། །དཔའ་བརྟུལ་ཆེན་མོའི་ཐུགས་དམ་དུས་ལ་བབ། །གཡས་ན་དུག་གི་ཕུར་པ་བསྣམས་པ་ནི། །སྲིད་པ་གསུམ་ལ་བརྡར་ཤ་བཅད་ནས་ཀྱང༌། །གདུག་པ་ཅན་རྣམས་དབང་དུ་བསྡུས་ནས་སུ། །རྡོ་རྗེ་ཕུར་པའི་ཐུགས་དམ་དུས་ལ་བབ། །གཡོན་པ་བདུད་ཀྱི་ཁྲམ་བམ་བསྣམས་པ་ནི། །ཞིང་བཅུ་


JLAZ009_Page_0634
[མ་དཔེ་གཟིགས་ན་འདིར་གནོན།]

རིམ་གྱིས་ཁྲམ་ལ་བཏབ་ནས་ཀྱང༌། །བསྟན་པ་གཉན་པོ་བསྲུང་ཞིང་ཉམས་པ་སྒྲོལ། །ཁྲམ་བདག་ཆེན་མོའི་དུས་ལ་བབ། །རལ་པ་ནག་པོ་མེ་སྟག་རབ་ཏུ་འཕྲོ། །སྟོང་གསུམ་གསལ་ཞིང་ཉམས་པ་སྲེག་པར་བྱེད། །རང་དབང་མེད་པར་ཚ་བའི་ནད་བདག་མོ། །རལ་པས་གདུག་པ་འདུལ་བའི་དུས་ལ་བབ། །ཁྱོད་ཀྱི་སྲིད་པའི་ལྟེ་བ་ལ། །ལྷ་དང་ལྷ་མིན་གཡུལ་འགྱེད་པའི། །དམག་དཔུང་འཇོམས་པའི་མཐུ་མོ་ཆེ། །དམག་བདག་ཆེན་མོའི་དུས་ལ་བབ། །རལ་པའི་ཅོད་པན་རེ་རེ་ལ། །བྱི་རུ་དམར་པོའི་རྒྱན་བཀོད་པ། །སྲིད་པ་དབང་སྡུད་རྒྱན་ཆ་སྟེ། །སྲིད་པ་གསུམ་ལ་དབང་སྒྱུར་ཞིང༌། །དབང་བདག་ཆེན་མོའི་དུས་ལ་བབ། །ཁམས་གསུམ་ནད་ཀྱི་བདག་མོ་ཁྱོད། །དམ་ཉམས་དགྲ་ལ་ནད་ཀ་ཕོབ། །བཅོལ་བའི་ཕྲིན་ལས་མྱུར་བར་མཛོད། །ཧཱུྃ། དཔལ་ལྡན་ནག་མོ་རེ་མ་ཏི། །ཆིབས་སུ་བྱ་རྒྱལ་ཁྱུང་ལ་ཆིབས། །ཁམས་གསུམ་ཐོགས་པ་མེད་པར་ཁྱབ། །ཁྱུང་ལ་མངའ་མཛད་མྱུར་བའི་དུས་ལ་བབ། །ཁྱུང་སྡེར་མང་པོ་གདེངས་པ་ཡིས། །སྲིད་པ་གསུམ་ཡང་སྡེར་མོར་སྡུད། །ཉམས་པའི་སྙིང་ཕྱུང་ཞལ་དུ་སྟོབ། །སྡེར་མོས་དབང་སྡུད་དུས་ལ་བབ། །ཁྱུང་རུ་གནམ་དུ་ལྡེམ་པ་ཡིས། །སྲིད་པའི་རྩེ་མོ་དབང་དུ་སྡུད། །ལོག་པའི་ཆོས་ཅན་


JLAZ009_Page_0635
[མ་དཔེ་གཟིགས་ན་འདིར་གནོན།]

ཟིལ་གྱིས་གནོན། །སྲིད་གསུམ་དབང་སྡུད་དུས་ལ་བབ། །ཁྱུང་སྡེར་ས་ལ་བྲད་པས་ཡང༌། །གདུག་པ་ཀླུ་ལ་དབང་སྒྱུར་ཞིང༌། །རྒྱ་མཚོ་ཀུན་ཀྱང་གཏིང་ནས་འཁྲུག །ཀླུ་བདུད་དབང་སྡུད་དུས་ལ་བབ། །སྤྱན་མིག་གཟུངས་སུ་དམར་བས་ཀྱང༌། །གདུག་བྱེད་ཆུ་སྲིན་དབང་དུ་སྡུད། །མ་རུངས་འབྱུང་པོ་ཟིལ་གྱིས་གནོན། །དབང་དུ་སྡུད་པའི་དུས་ལ་བབ། །མིག་སྤྲིན་གསེར་དུ་བྱུང་བ་ནི། །ཀླུ་བདུད་དབང་སྡུད་རྒྱས་པའི་ཕྲིན་ལས་མཛོད། །ཁྱུང་གིས་བཏུལ་བས་འདུལ་བའི་རྟགས། །ཁྱུང་རྒྱལ་རྩལ་རྣམས་རྒྱས་མཛད་དུས་ལ་བབ། །སྨིན་མ་རྡོ་རྗེ་བྱུང་བ་ཡིས། །ཡཀྴ་གནོད་སྦྱིན་དབང་དུ་སྡུད་མཛད་ཅིང༌། །མ་རུང་འབྱུང་པོ་ཐལ་བར་རློག་མཛད་པའི། །རྡོ་རྗེ་ཆེན་མོའི་ཐུགས་དམ་དུས་ལ་བབ། །ནག་མོ་ཁྲམ་ཐོགས་རེ་མ་ཏི། །ནག་མོས་བདུད་འདུལ་སྲིད་པ་སྒྲོལ། །དྲག་པོས་བགེགས་རིགས་འཇོམས་མཛད་པ། །ནག་མོ་བདུད་འདུལ་དུས་ལ་བབ། །ཁྲག་གི་ཐིག་ལེས་སྐུ་ལ་རབ་བརྒྱན་པ། །མ་བདུད་ནག་མོ་དབང་དུ་སྡུད་པ་དང༌། །སྲིད་པ་ཁྲག་གི་རྒྱ་མཚོ་སྐེམ་པ་དང༌། །ཆགས་པ་དབང་སྡུད་ཕྲིན་ལས་དུས་ལ་བབ། །ཕྱག་གཡས་མཆོག་གི་ཕུར་པ་འདྲིལ་བ་ཡང༌། །རྡོ་རྗེ་ཕུར་བུས་ཉམས་པ་སྒྲོལ་


JLAZ009_Page_0636
[མ་དཔེ་གཟིགས་ན་འདིར་གནོན།]

བའི་རྟགས། །གདུག་པ་ཅན་རྣམས་ཐབས་ཀྱིས་བསྒྲལ་ནས་ཀྱང༌། །རྡོ་རྗེ་ཕུར་པའི་ཐུགས་དམ་དུས་ལ་བབ། །གཡོན་པ་འཛིན་བྱེད་ལྕགས་ཀྱུ་བསྣམས་པ་ནི། །རྒྱུ་དྲུག་གནས་སུ་འདྲེན་པ་དང༌། །འབྱུང་པོ་མང་པོ་འཛིན་པར་བྱེད། །འཛིན་བྱེད་ཆེན་མོའི་དུས་ལ་བབ། །ཞབས་གཉིས་བརྐྱང་བསྐུམ་ཚུལ་དུ་བཞུགས་ནས་ཀྱང༌། །དྲེགས་པ་ཅན་རྣམས་ཐབས་ཀྱིས་འདུལ་བའི་རྟགས། །གནོད་བྱེད་གདུག་པ་ཞབས་ཀྱིས་བཙིར་བར་གྱུར། །གདུག་བྱེད་ཆེན་མོའི་ཐུགས་དམ་དུས་ལ་བབ། །ཞལ་གདངས་མཆེ་བ་གཙིགས་པ་ཡང༌། །གདུག་པ་ཞལ་དུ་གསོལ་བ་དང༌། །མཆེ་བ་དམར་པོས་སྒྲོལ་བ་དང༌། །གདུག་པ་ཆེན་པོའི་ཞལ་གྱི་དུས་ལ་བབ། །ཐུགས་དམ་ཆེན་པོའི་དུས་ལ་བབ། །ཧཱུྃ། དཔལ་ལྡན་ནག་མོ་རེ་མ་ཛ། །ཆིབས་སུ་ཤ་བ་ཡུ་མོ་ཆིབས། །ཤ་བའི་ཆིབས་ཀྱི་སྔ་ལོང་ལ། །མི་ནད་མོད་དགུའི་རྐྱལ་པ་བཀལ། །སྟོང་ཁམས་ནད་ཀྱིས་ཁེངས་བྱེད་ཅིང༌། །ནད་བདག་ཆེན་མོའི་དུས་ལ་བབ། །ཤ་བའི་ཆིབས་ཀྱི་ཕྱི་ལོང་ལ། །ཚོན་གྱི་གྲུ་གུ་སྔོ་དམར་བཀལ། །ཚོན་ནད་ཁྲག་ཏུ་སྐྱུག་བྱེད་ཅིང༌། །ཚོན་བདག་ཆེན་མོའི་དུས་ལ་བབ། །ཁ་རླངས་གནམ་དུ་བསྟན་པ་ཡིས། །ནམ་མཁའ་སྤྲིན་དུ་ཁེངས་བྱེད་ཅིང༌། །ནད་དོ་ཅོག་གི་སྣ་འདྲེན་ཞིང༌། །ནད་བདག་


JLAZ009_Page_0637
[མ་དཔེ་གཟིགས་ན་འདིར་གནོན།]

ཆེན་མོའི་དུས་ལ་བབ། །རྨིག་བཞི་ས་ལ་བརྡབས་པས་ཀྱང༌། །ཀླུ་བདུད་མང་པོ་དབང་དུ་སྡུད། །ཀླུ་བྲན་འབུམ་ཡང་དམྱལ་ཐག་གཅོད། །ཀླུ་བདུད་ཆེན་མོའི་དུས་ལ་བབ། །སྤྱན་མིག་བར་སྣང་གཟིགས་པ་ཡིས། །བར་སྣང་ལྷ་བྲན་དབང་དུ་སྡུད། །གདུག་བྱེད་མང་པོ་ཟིལ་གྱིས་གནོན། །གདུག་བྱེད་སྤྱན་གྱི་དུས་ལ་བབ། །རྣ་བས་ལེགས་ཉེས་ཤན་མདངས་ཕྱེ། །གདུག་བྱེད་མང་པོ་དབང་དུ་སྡུད། །ལེགས་ཉེས་སྟངས་འཛིན་སྲིད་གསུམ་སྒྲོལ། །སྒྲོལ་བྱེད་ཆེན་མོའི་དུས་ལ་བབ། །བ་སྤུ་ཆུ་གྲིས་གཏམས་པ་ཡང༌། །བདུད་དང་སྲིན་པོའི་འཁོར་རྣམས་འདུལ། །ཉི་མའི་ཟེར་བཞིན་སྲིད་པར་གསལ། །གནོད་སྦྱིན་མཚོན་གྱི་དུས་ལ་བབ། །དཔལ་ལྡན་ནག་མོ་རེ་མ་ཛ། །སྐུ་ལ་ཞིང་ལྤགས་རློན་པའི་གཡང་གཞི་གསོལ། །གདུག་པ་རྩད་གཅོད་སྲིན་མོའི་ཆས། །གདུག་བྱེད་ཆས་ཀྱི་དུས་ལ་བབ། །དབུ་སྐྲ་ཐོར་ཚུགས་བཅིངས་པ་ཡང༌། །སྲིད་པའི་རྩེ་མོ་ཟིལ་གྱིས་གནོན། །ལྷ་སྲིན་སྡེ་བརྒྱད་དབང་དུ་སྡུད། །གདུག་བྱེད་དབུ་སྐྲའི་དུས་ལ་བབ། །སྤྱན་མིག་སྟོང་གསུམ་གཟིགས་པ་ཡང༌། །ལེགས་ཉེས་གཉིས་ཀྱི་སྟངས་འཛིན་ཅིང༌། །ཉམས་པ་སྒྲོལ་བའི་དུས་ལ་བབ། །མཆེ་བ་དམར་པོ་གཙིགས་པ་ཡིས། །ཉོན་


JLAZ009_Page_0638
[མ་དཔེ་གཟིགས་ན་འདིར་གནོན།]

མོངས་སྐྱེ་ཤི་རྩ་བ་གཅོད། །ཤ་ཟ་ཚེམས་བརྡར་ཁྲིགས་སེ་ཁྲིག །རྩད་གཅོད་ཚེམས་ཀྱི་དུས་ལ་བབ། །ཕྱག་གཡས་སེང་ལྡེང་ཕུར་པ་བསྣམས། །སྤྱན་མིག་གདུག་པས་སེམས་ཅན་སྒྲོལ། །ཕུར་པའི་སྲུང་མ་དམ་ཚིག་ཅན། །གདུག་པ་འདུལ་བའི་དུས་ལ་བབ། །ཕྱག་གཡོན་ཁྲམ་བམ་བསྣམས་པ་ནི། །དུག་གསུམ་ཁྲམ་ལ་འདེབས་པའི་རྟགས། །གདུག་བྱེད་ཆེན་མོ་ཁྲམ་གྱི་བདག །ཉམས་པ་ཁྲམ་ལ་གདབ་པའི་དུས་ལ་བབ། །ཞབས་ཀྱིས་གདུག་པ་ཕོ་མོ་གནོན། །ཁམས་གསུམ་དབང་སྡུད་གདུག་པའི་ཞབས། །འཆི་བདག་བདུད་ཀྱང་གནོན་པར་བྱེད། །གནོན་བྱེད་ཞབས་ཀྱི་དུས་ལ་བབ། །སྤྲུལ་པ་རླུང་ནག་འཚུབ་མར་བྱེད། །གང་དུ་བསམས་པར་ཡུད་ཀྱིས་ཕྱིན། །ལེགས་ཉེས་གཉིས་ཀྱི་སྟངས་འཛིན་ཅིང༌། །སྟངས་འཛིན་ཆེན་མོའི་དུས་ལ་བབ། །སྤྲུལ་པ་ཆུ་རླུང་འགྱེད་བྱེད་ཅིང༌། །གདུག་བྱེད་མེ་ལྟར་འབར་བ་གསོད། །འཆི་བདག་བདུད་ཀྱང་གསོད་པར་ནུས། །གསོད་བྱེད་ཆེན་མོའི་དུས་ལ་བབ། །རླུང་ལྟར་འཚུབས་ཤིང་ད་ཚུར་བྱོན། །མེ་ལྟར་འབར་ཞིང་ད་ཚུར་བྱོན། །ཆུ་ལྟར་འབྲུབ་ཅིང་ད་ཚུར་བྱོན། །འབྱུང་བའི་བདག་མོའི་དུས་ལ་བབ། །ཧཱུྃ། དཔལ་ལྡན་ནག་མོ་རེ་མ་ཛུ། །ཆིབས་སུ་ཆུ་གླང་སྔོན་པོ་ཆིབས། །རྨིག་བཞི་ཐུར་དུ་བསྟན་པ་ཡང༌། །


JLAZ009_Page_0639
[མ་དཔེ་གཟིགས་ན་འདིར་གནོན།]

ཉོན་མོངས་གདུག་པ་གནོན་བྱེད་ཅིང༌། །གདུག་པ་རླུང་ཡང་གནོན་པར་བྱེད། །འདུལ་བྱེད་ཞབས་ཀྱི་དུས་ལ་བབ། །དུང་རུ་གནམ་དུ་སླེབ་པ་ཡང༌། །ཉི་མ་ཟླ་བ་དབང་དུ་སྡུད། །བར་སྣང་འབྱུང་པོ་ཟིན་གྱིས་གནོན། །དབང་སྡུད་ཆེན་མོའི་དུས་ལ་བབ། ། ཁ་རླངས་གནམ་དུ་འབྱུང་བ་ཡང༌། །ཉི་མ་ཟླ་བའི་འོད་མནན་ནས། །སྨུག་ཟིལ་སྔོན་པོའི་ཁ་དོག་ཅན། །ཁ་རླངས་ནག་པོའི་དུས་ལ་བབ། །མཇུག་མ་ལན་གསུམ་གཡབ་པ་ཡང༌། །མ་བདུད་ནག་མོ་དབང་བསྡུས་ནས། །ནད་དོ་ཅོག་ནི་སྣ་འདྲེན་ཅིང༌། །ནད་བདག་ཆེན་མོའི་དུས་ལ་བབ། །སྤུ་རྩ་དངུལ་དུ་བྱུང་བ་ནི། །ཁམས་གསུམ་འཁྲུག་བྱེད་སྡུག་བསྔལ་སེལ། །ཡང་དག་ལམ་དུ་བསྟན་པའི་དོན། །ངན་སོང་འཇོམས་པར་བྱེད་པའི་དུས་ལ་བབ། །སྤུ་རྩེ་ལྕགས་སུ་བྱུང་བ་ནི། །གདུག་པ་ཅན་རྣམས་འཇོམས་བྱེད་ཅིང༌། །ཅི་ལའང་ཐོགས་མེད་གདུག་པ་སྒྲོལ། །གདུག་བྱེད་མཚོན་རྩེའི་དུས་ལ་བབ། །དཔལ་ལྡན་ནག་མོ་རེ་མ་ཛུ། །སྐུ་མདོག་ནག་མོ་འཇིགས་པ་ལ། །དྲག་པོ་སྒྲོལ་བྱེད་དབང་དུ་སྡུད། །རཀྴ་གདུག་བྱེད་དུས་ལ་བབ། །ཞལ་བགྲད་མཆེ་བ་གཙིགས་པ་ཡིས། །ཁྲོ་མོ་འབར་བའི་ཆ་ལུགས་ཅན། །གདུག་བྱེད་གང་ཡིན་ཆེམ་ཆེམ་གསོལ། །ཁྲོ་བདག་ཆེན་མོའི་དུས་


JLAZ009_Page_0640
[མ་དཔེ་གཟིགས་ན་འདིར་གནོན།]

ལ་བབ། །སྤྱན་མིག་ཟངས་སུ་བྱུང་བ་ནི། །སྲིད་པ་གསུམ་ཡང་དབང་དུ་སྡུད། །རཀྴ་སྲིན་པོ་ཕུང་བར་བྱེད། །གང་དུ་བལྟས་པ་མེ་རུ་འབར། །གདུག་པ་ཅན་གྱི་དུས་ལ་བབ། །རལ་པས་སྟོང་ཁམས་བཀང་བ་ཡིས། །སྲིད་གསུམ་དབང་དུ་བསྡུས་ནས་ཀྱང༌། །འཇིགས་པ་མེད་པ་དྲག་པོར་སྟོན། །དབང་སྡུད་དབུ་སྐྲའི་དུས་ལ་བབ། །སྐུ་ལ་མེ་དཔུང་འབར་བ་ཡིས། །སྟོང་ཁམས་ཐམས་ཅད་སྲེག་བྱེད་ཅིང༌། །སྟོང་ཁམས་འོད་ཀྱིས་གསལ་བར་བྱེད། །སྐུ་ལས་མེ་འབར་དུས་ལ་བབ། །ཕྱག་གཡས་ལྕགས་ཀྱི་ཕུར་པ་བསྣམས། །སྒྲོལ་བྱེད་ཆེན་མོའི་དུས་ལ་བབ། །དམ་ཉམས་དགྲ་བོ་སྒྲོལ་བར་བྱེད། །སྲིད་པ་བརྡར་ཤ་གཅོད་པའི་རྟགས། །ཉམས་པ་སྒྲོལ་བྱེད་དུས་ལ་བབ། །གཡོན་པས་འཛིན་པའི་ལྕགས་ཀྱུ་བསྣམས། །གང་དུ་འབྲོས་པའི་དབང་མེད་པར། །གཟུང་ཞིང་རབ་ཏུ་འཆོར་མི་སྲིད། །འཛིན་བྱེད་ཆེན་མོའི་དུས་ལ་བབ། །ཞབས་ཀྱིས་གདུག་པའི་ཀླུ་རྣམས་གནོན། །གནོན་པའི་སྟབས་ཀྱིས་གར་བྱེད་ཅིང༌། །རབ་ཏུ་འཆོང་ཞིང་འཇིགས་པའི་འགྲོས། །གདུག་བྱེད་ཞལ་གྱི་དུས་ལ་བབ། །ངོ་མཚར་ཆས་ཀྱིས་རབ་བརྒྱན་ནས། །སྟོང་གསུམ་སྤྲུལ་པ་ནག་མོས་འགེངས། །གཅིག་དང་དུ་མས་སྟོང་


JLAZ009_Page_0641
[མ་དཔེ་གཟིགས་ན་འདིར་གནོན།]

ཁམས་སྒྲོལ། །ངོ་མཚར་ལྷ་ཡི་དུས་ལ་བབ། །ཧཱུྃ། ནག་མོ་སྟོང་གི་དཀྱིལ་འཁོར་ནས། །རབ་ཏུ་སྤྲུལ་ཞིང་བཀྱེ་བའི་ཚེ། །གང་དུ་རྦད་པའི་ས་ཕྱོགས་སུ། །ཐོགས་པ་མེད་དེ་མེ་ལྟར་འབར། །ཤར་ཕྱོགས་དྲི་ཟའི་མངའ་བདག་མོ། །ནག་མོ་ཆེན་མོ་རལ་པ་ཅན། །ཆིབས་སུ་རླུག་ནག་འཚུབ་མ་ཆིབས། །གང་དུ་བསམས་པར་ཡུད་ཀྱིས་ཕྱིན། །མཐིང་ནག་སྐྲ་ལ་ལྕགས་ཀྱི་སོ། །མཆེ་བ་ལྕགས་ཀྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཤད། །གཡས་པ་གྲི་ཐོགས་ཤན་པ་མོ། །དམ་ཉམས་བཤའ་བའི་དུས་ལ་བབ། །གཡོན་པ་ཁྲག་འཐོར་རྔམ་པ་མོ། །གང་ཡིན་རོ་ལ་རྔམ་ཞིང་སྤྱོན། །རྐང་པ་མཆོངས་སྟབས་གདུག་པ་བརྐྱང༌། །གཡས་པ་བཤའ་ན་སྟྭ་རེའི་ཞབས། །དམ་ཉམས་དགྲ་བོ་ཤོས་ལ་ཤོག །གཡོན་པ་གཅོད་བྱེད་ཁྱེ་བོའི་ཞབས། །དམ་ཉམས་གང་ཡིན་སྙིང་རྩ་ཆོད། །བསྐུལ་ཞིང་རྦད་དེ་རབ་ཏུ་བསྐུལ། །བཅོལ་བའི་ལས་རྣམས་སྒྲུབ་པར་མཛོད། ཧཱུྃ། ལྷོ་ཕྱོགས་གཤིན་རྗེའི་མངའ་བདག་མོ། །སེར་ནག་ཆེན་མོ་རལ་པ་ཅན། །ཆིབས་སུ་གསོད་བྱེད་སྤྱང་ཀི་ཆིབས། །གང་དུ་བསམས་པར་ཡུད་ཀྱིས་ཕྱིན། །


JLAZ009_Page_0642
[མ་དཔེ་གཟིགས་ན་འདིར་གནོན།]

སེར་ནག་སྐྲ་ལ་ལྕགས་ཀྱི་སོ། །མཆེ་བ་ལྕགས་ཀྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཡཱ། །གཡས་ན་གྲི་ཐོགས་ཤན་པ་མོ། །དམ་ཉམས་བཤའ་བའི་དུས་ལ་བབ། །གཡོན་ན་མེ་འབུད་བསྲེག་པ་མོ། །ཉམས་པ་གང་ཡིན་སྲེག་པར་བྱེད། །རྐང་པ་མཆོངས་སྟབས་རྔམས་པ་བརྐྱང༌། །གཡས་པ་དགྲ་སྟྭ་ཤན་པའི་ཞབས། །ཉམས་པ་གང་ཡིན་ཤོས་ལ་ཤོག །གཡོན་པ་གཅོད་བྱེད་འཁོར་ལོའི་ཞབས། །ཉམས་པ་གང་ཡིན་སྙིང་རྩ་ཆོད། །བསྐུལ་ཞིང་རྦད་དེ་རབ་ཏུ་བསྐུལ། །བཅོལ་བའི་ལས་རྣམས་སྒྲུབ་པར་མཛོད། །ནུབ་ཕྱོགས་ཀླུ་ཡི་མངའ་བདག་མོ། །དམར་ནག་ཆེན་མོ་རལ་པ་ཅན། །ཆིབས་སུ་སྟག་མོ་གྲུས་མ་ཆིབས། །གང་དུ་བསམས་པར་ཡུད་ཀྱིས་ཕྱིན། །དམར་ནག་སྐྲ་ལ་ཟངས་ཀྱི་སོ། །མཆེ་བ་ཟངས་ཀྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཤད། །གཡས་ན་གྲི་ཐོགས་ཤན་པ་མོ། །དམ་ཉམས་བཤའ་བའི་དུས་ལ་བབ། །གཡོན་ན་ཆུ་འཐོར་ཆར་འབེབས་མ། །ཤྭ་དང་སེར་བ་འབེབས་བྱེད་མ། །རྐང་པ་མཆོངས་སྟབས་གདུག་པ་བརྐྱང༌། །གཡས་པ་ཤན་པ་མདུང་གི་ཞབས། །དམ་ཉམས་


JLAZ009_Page_0643
[མ་དཔེ་གཟིགས་ན་འདིར་གནོན།]

དགྲ་བོ་ཤོས་ལ་ཤོག །གཡོན་ན་གཅོད་བྱེད་སྤུ་གྲིའི་ཞབས། །ཉམས་པ་གང་ཡིན་སྙིང་རྩ་ཆོད། །བསྐུལ་ཞིང་རྦད་དེ་རབ་ཏུ་མྱུར། །བཅོལ་བའི་ལས་རྣམས་སྒྲུབ་པར་མཛོད། །བྱང་ཕྱོགས་གནོད་སྦྱིན་བཤན་པ་མོ། །ལྗང་ནག་ཆེན་མོ་རལ་པ་ཅན། །ཆིབས་སུ་ཆུ་སྲིན་རྒྱལ་པོ་ཆིབས། །གང་དུ་བསམས་པར་ཡུད་ཀྱིས་ཕྱིན། །ལྗང་ནག་སྐྲ་ལ་དུང་གི་སོ། །མཆེ་བ་དུང་གི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཡཱ། །གཡས་ན་གྲི་ཐོགས་བཤན་པ་མོ། །ཉམས་པ་བཤའ་བའི་དུས་ལ་བབ། །གཡོན་ན་སྟྭ་ཐོགས་འགེམས་པ་མོ། །ཉམས་པ་འགེམས་པའི་དུས་ལ་བབ། །རྐང་པ་མཆོངས་སྟབས་རྔམས་པ་བརྐྱང༌། །གཡས་པ་གཞོག་བྱེད་སྟྭེའུའི་ཞབས། །ཉམས་པ་གང་ཡིན་སྙིང་རྩ་གཞོགས། །གཡོན་པ་གཅོད་བྱེད་རལ་གྲིའི་ཞབས། །ཉམས་པ་གང་ཡིན་སྙིང་རྩ་ཆོད། །བསྐུལ་ཞིང་རྦད་དེ་རབ་ཏུ་མྱུར། །བཅོལ་བའི་ལས་རྣམས་སྒྲུབ་པར་མཛོད། །ཤན་པ་ཆེན་པོ་བཞི་རྣམས་ཀྱང༌། །རབ་ཏུ་རྦད་ཅིང་བསྐུལ་བའི་ཚེ། །གང་དུ་འགྲོ་བའི་ས་ཕྱོགས་སུ། །བང་ནི་རླུང་གིས་བསྐྱོད་དུ་མེད། །གཟུགས་ནི་ཅིར་ཡང་སྤྲུལ་པའོ། །ཉམས་པ་བཤའ་བའི་དུས་


JLAZ009_Page_0644
[མ་དཔེ་གཟིགས་ན་འདིར་གནོན།]

བྱུང་ན། །གྲི་ཐོགས་བཤན་པས་རབ་ཏུ་སྒྲོལ། །དམ་ཉམས་བཤའ་བའི་དུས་ལ་བབ། །སྙིང་རྩ་བསྲེག་པའི་དུས་ལ་བབ། །ཧཱུྃ། བདུད་ཡུལ་ནག་པོ་བཙན་བྲག་ན། །འཆི་བདག་བདུད་ཀྱི་བུ་མོ་སྟེ། །ཆིབས་སུ་བདུད་རྟ་ནག་པོ་ཆིབས། །བདུད་རྟ་ནག་པོ་ཞགས་པས་བརྒྱན། །ཕྱོགས་བཅུར་འཕེན་ཞིང་བདུད་རྟ་རྒྱུག །ཉམས་པ་བཅིང་བའི་དུས་ལ་བབ། །སྦྲུལ་ནག་སྟོང་གིས་རབ་ཏུ་བརྒྱན། །གདུག་པ་གདོལ་པའི་ཀླུ་རྣམས་འདུལ། །དྲག་པོས་སྒྲོལ་ཞིང་དབང་དུ་སྡུད། །བདུད་འདུལ་སྦྲུལ་ནག་དུས་ལ་བབ། །བདུད་བྱ་ནག་པོ་ལྡིང་བ་བཞིན། །འཆི་བདག་བདུད་དུ་བབ་པའི་བྱ། །བདུད་བྱ་ནག་པོ་གྲིབ་སོ་འདྲ། །བདུད་འདུལ་བྱ་ནག་དུས་ལ་བབ། །མཐིང་ནག་དར་གྱི་སྟན་བསྟད་པས། །སྲིད་པའི་བགེགས་རིགས་སྟན་དུ་བཏིང༌། །བདུད་འདུལ་སྟན་གྱི་དུས་ལ་བབ། །བདུད་སྒ་ནག་པོ་བསྟད་པ་ཡང༌། །བདུད་ཕོ་ནག་པོའི་ཡ་མགལ་དང༌། །བདུད་མོ་ནག་མོའི་མ་མགལ་ལ། །བདུད་འདུལ་སྒ་ནག་དུས་ལ་བབ། །སྔ་ལོང་ནད་ཀྱི་རྐྱལ་པ་བཀལ་བས་ཀྱང༌། །སྲིད་པ་གསུམ་གྱི་ནད་འབེབས་ཤིང༌། །བསྐལ་པ་སྟོང་དུ་ནད་འབེབས་ཤིང༌། །ནད་བདག་ཆེན་མོའི་དུས་ལ་བབ། །ཕྱི་ལོང་ཚོན་གྲུ་བཀལ་ནས་ཀྱང༌། །ཉམས་པ་ཚོན་


JLAZ009_Page_0645
[མ་དཔེ་གཟིགས་ན་འདིར་གནོན།]

ནད་ཁྲག་ཏུ་སྐྱུག །སྟོང་གསུམ་ཚོན་གྱི་ནད་གཏོང་པོ། །ཚོན་ནད་གཏོང་བའི་དུས་ལ་བབ། །གསེར་དང་གཡུ་ཡི་གོང་རྨེད་ཀྱིས། །རིན་ཆེན་ཆར་ལྟར་འབེབས་པ་དང༌། །ཚོན་གྱི་རྒྱལ་པོའི་ཆར་ཕབ་ནས། །ཚོན་བདག་ཆེན་མོའི་དུས་ལ་བབ། །གསེར་ཁྲབ་སིལ་གྱིས་སྲབ་པས་ཀྱང༌། །རིན་ཆེན་གསེར་བས་ལྕི་བ་དང༌། །རིན་ཐང་གསེར་དུ་གཅིག་པ་དང༌། །གསེར་བདག་ཆེན་མོའི་དུས་ལ་བབ། །ཡ་ཕྱིན་བདུད་ཀྱི་བུ་མོ་ཡང༌། །སྐུ་ལ་མཐིང་ནག་བེར་ཆེན་གསོལ། །མཐིང་ནག་བདུད་ཀྱིས་འགྲན་ཟླ་མེད། །བདུད་འདུལ་ཆེན་མོའི་དུས་ལ་བབ། །སྐུ་མདོག་ནག་མོར་བཞུགས་པས་ཀྱང༌། །ཕྲིན་ལས་དྲག་པོས་བདུད་བཏུལ་ནས། །གདུག་པ་བདུད་བས་རབ་ཏུ་ཆེ། །བདུད་འདུལ་ཆེན་མོའི་དུས་ལ་བབ། །མཐིང་ནག་རལ་པས་བརྒྱན་པས་ཀྱང༌། །འཇིག་རྟེན་མུན་པར་འགྱུར་བ་དང༌། །ཀླུ་བདུད་སྟན་གྱི་དུས་ལ་བབ། །ཀླུ་སྒ་སྔོན་པོ་བསྟད་པ་ཡང༌། །ཀླུ་བདུད་ཁོལ་པོའི་ཡ་མགལ་དང༌། །ཀླུ་བདུད་ཁོལ་མོའི་མ་མགལ་དང༌། །ཀླུ་སྒ་སྔོ་བཀྲའི་དུས་ལ་བབ། །སྔ་ལོང་ནད་ཀྱི་རྐྱལ་པ་བཀལ་བས་ཀྱང༌། །སྲིད་པ་གསུམ་དུ་ནད་འབེབས་ཤིང༌། །བསྐལ་པ་སྟོང་གི་ནད་གཏོང་བའོ། །ནད་བདག་ཆེན་མོའི་དུས་ལ་བབ། །ཕྱི་ལོང་ཚོན་


JLAZ009_Page_0646
[མ་དཔེ་གཟིགས་ན་འདིར་གནོན།]

གྱི་གྲུ་གུ་བཀལ་བ་ཡང༌། །ཉམས་པ་ཚོན་ནད་ཁྲག་ཏུ་སྐྱུག །སྟོང་གསུམ་ཚོན་གྱི་ནད་གཏོང་མ། །ཚོན་ནད་གཏོང་བའི་དུས་ལ་བབ། །ཟངས་དང་ལྕགས་ཀྱི་གོང་རྨེད་ཀྱིས། །རིན་ཆེན་ཆར་ལྟར་འབེབས་པ་དང༌། །ཚོན་གྱི་རྒྱལ་པོ་ཆར་ཕབ་ནས། །ཚོན་བདག་ཆེན་མོའི་དུས་ལ་བབ། །ཟངས་ཁྲབ་དམར་པོ་སྲབ་པས་ཀྱང༌། །ཐམས་ཅད་དབང་དུ་སྡུད་ནས་ཀྱང༌། །སྣང་སྲིད་བལྟས་སྡུད་ཟངས་ཀྱི་སྲབ། །དབང་སྒྱུར་ཆེན་མོའི་དུས་ལ་བབ། །ཕག་བྱིན་ཀླུ་ཡི་བུ་མོ་ཡང༌། །སྐུ་ལ་ལྗང་ནག་བེར་ཆེན་གསོལ། །ལྗང་ནག་ཀླུ་ཡིས་འགྲན་ཟླ་མེད། །ཀླུ་བདུད་ཆེན་མོའི་དུས་ལ་བབ། །སྐུ་མདོག་ལྗང་གུར་བཞུགས་པ་ཡང༌། །ཕྲིན་ལས་མཐའ་རུ་དབྱུང་བ་དང༌། །གདུག་པ་འདུལ་བས་རབ་ཏུ་ཆེ། །ཀླུ་བདུད་ཆེན་མོའི་བདུད་ལ་བབ། །ལྗང་ནག་རལ་པས་བརྒྱན་པ་ཡང༌། །འཇིག་རྟེན་ལས་ངན་གཅོད་པ་དང༌། །ཀླུ་ཡི་རིགས་རྣམས་ཟིལ་གྱིས་གནོན། །ཀླུ་བདུད་ཆེན་མོའི་དུས་ལ་བབ། །གསེར་གྱི་རྣ་ཆ་འབྱུང་བ་ཡང༌། །སྙན་པ་གསེར་བས་ལྷག་པའི་རྟགས། །དྲག་པོའི་སྒྲུབ་རྟགས་སྙོམས་པའི་རྟགས། །དྲག་པོ་ཀླུ་འདུལ་དུས་ལ་བབ། །བ་སྤུ་ལྕགས་ཀྱུ་འཛིངས་པ་ཡང༌། །ཉམས་པ་གང་ཡིན་འཛིན་པར་བྱེད། །རབ་ཏུ་བཟུང་བ་འཆོར་མི་


JLAZ009_Page_0647
[མ་དཔེ་གཟིགས་ན་འདིར་གནོན།]

སྲིད། །འཛིན་པ་ཀླུ་འདུལ་དུས་ལ་བབ། །དར་ནག་ཅོད་པན་འཕུར་བས་ཀྱང༌། །ཆོས་ཀྱི་རྒྱལ་མཚན་འཛུགས་པ་དང༌། །ཀླུ་འདུལ་སྔོན་མོའི་དུས་ལ་བབ། །འཕུར་བྱེད་ཀླུ་འདུལ་དུས་ལ་བབ། །ལྗང་ནག་རལ་པས་བརྒྱན་པ་ཡང༌། །ཀླུ་བདུད་འཁོར་བཅས་ཟིལ་གྱིས་གནོན། །འཇིག་རྟེན་ཁམས་རྣམས་སྤ་བཀོང་ཕྱིར། །ཀླུ་འདུལ་རལ་པའི་དུས་ལ་བབ། །ཕྱག་གཡས་ཕུར་པ་བསྣམས་པ་ཡང༌། །གང་ཡིན་སྙིང་ལ་ཕུར་པ་འདེབས༌། །རྡོ་རྗེ་ཕུར་པའི་སྲུང་མ་སྟེ། །ཕུར་སྲུང་ཀླུ་འདུལ་དུས་ལ་བབ། །གཡོན་པ་ལྕགས་ཀྱུ་བསྣམས་པ་ཡང༌། །ཉམས་པ་གང་ཡིན་འགུགས་པར་བྱེད། །ལྕགས་ཀྱུས་ཟུང་ལ་ཕུར་པས་ཐོབ། །འཛིན་བྱེད་ཆེན་མོའི་དུས་ལ་བབ། །ཧཱུྃ། འཇིག་རྟེན་དབང་སྡུད་ཤན་པ་མོ། །བདུད་ཀྱི་བུད་མེད་ནག་མོ་ལ། །ལུས་ལ་མཐིང་ནག་བེར་ཆེན་གསོལ། །མཐིང་ནག་བེར་ཆེན་ཤ་ར་ར། །རལ་པ་རེ་ཞིང་ཕུར་པ་རེ། །ཕུར་པའི་ལན་ཕྲན་ཁྲ་ལ་ལ། །ཁ་རླངས་ནད་གཏོང་ཐུ་ལུ་ལུ། །བུད་མེད་ནག་མོས་སྟོང་ཁམས་ཁེངས། །སྙིང་རྗེ་མེད་པར་སྒྲོལ་བར་བྱེད། །གཡས་ཀྱི་གྲི་ཐོགས་བཤན་པ་མོ། །ཉམས་པ་བཤའ་བའི་དུས་ལ་བབ། །གཡོན་ན་མི་སྙིང་ནང་ཁྲོལ་ཐོགས། །མི་སྙིང་མགོ་ནས་གཅོད་ཅིང་ཟ། །མཆེ་བ་


JLAZ009_Page_0648
[མ་དཔེ་གཟིགས་ན་འདིར་གནོན།]

ལྕགས་ཀྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །དམ་ཉམས་ཀུན་གྱི་སྙིང་ལ་ཤད། །ཤན་པ་ཆེན་མོའི་དུས་ལ་བབ། །ཧཱུྃ། འཇིག་རྟེན་དབང་སྡུད་ཤན་པ་མོ། །གཟའ་ཡི་བུ་མོ་སེར་མོ་ལ། །ལུས་ལ་སེར་ནག་བེར་ཆེན་གསོལ། །བེར་ནག་རལ་པ་ཤ་ར་ར། །རལ་པ་རེ་ཞིང་ཕུར་པ་རེ། །ཕུར་བུའི་ལན་ཕྲན་ཁྲ་ལ་ལ། །ཁ་རླངས་ནད་གཏོང་ཐུ་ལུ་ལུ། །བུད་མེད་སེར་མོས་སྟོང་ཁམས་ཁེངས། །སྙིང་རྗེ་མེད་པར་སྒྲོལ་བར་བྱེད། །གཡས་ན་གྲི་ཐོགས་ཤན་པ་མོ། །ཉམས་པ་བཤའ་བའི་དུས་ལ་བབ། །གཡོན་ན་མི་སྙིང་ནང་ཁྲོལ་ཐོགས། །མི་སྙིང་མགོ་ནས་གཅོད་ཅིང་ཟ། །མཆེ་བ་གསེར་གྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ཤན་པ་ཆེན་མོའི་དུས་ལ་བབ། །ཧཱུྃ། འཇིག་རྟེན་དབང་སྡུད་ཤན་པ་མོ། །བཙན་གྱི་བུད་མེད་དམར་མོ་ལ། །ལུས་ལ་དམར་ནག་བེར་ཆེན་གསོལ། །དམར་ནག་རལ་པ་ཤ་ར་ར། །རལ་པ་རེ་ཞིང་ཕུར་པ་རེ། །ཕུར་པའི་ལན་ཕྲན་ཁྲ་ ལ་ལ། །ཁ་རླངས་ནད་གཏོང་ཐུ་ལུ་ལུ། །བུད་མེད་དམར་མོས་སྟོང་ཁམས་ཁེངས། །སྙིང་རྗེ་མེད་པར་སྒྲོལ་བར་བྱེད། །གཡས་པ་གྲི་ཐོགས་ཤན་པ་མོ། །ཉམས་པ་བཤའ་བའི་དུས་ལ་བབ། །གཡོན་པ་མི་སྙིང་ནང་ཁྲོལ་བསྣམས། །


JLAZ009_Page_0649
[མ་དཔེ་གཟིགས་ན་འདིར་གནོན།]

མི་སྙིང་མགོ་ནས་གཅོད་ཅིང་ཟ། །མཆེ་བ་ཟངས་ཀྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །དམ་ཉམས་ཀུན་གྱི་སྙིང་ལ་ཤད། །ཤན་པ་ཆེན་མོའི་དུས་ལ་བབ། །ཧཱུྃ། འཇིག་རྟེན་དབང་སྡུད་ཤན་པ་མོ། །ཀླུ་ཡི་བུད་མེད་ནག་མོ་ལ། །ལུས་ལ་བེར་ཆེན་ལྗང་ནག་གསོལ། །ལྗང་ནག་རལ་པ་ཤ་ར་ར། །རལ་པ་རེ་ཞིང་ཕུར་པ་རེ། །ཕུར་པའི་ལན་ཕྲན་ཤ་ར་ར། །ཁ་རླངས་ནད་གཏོང་ཐུ་ལུ་ལུ། །བུད་མེད་སྔོན་མོས་སྟོང་ཁམས་ཁེངས། །སྙིང་རྗེ་མེད་པར་སྒྲོལ་བར་བྱེད། །གཡས་པ་གྲི་ཐོགས་ཤན་པ་མོ། །ཉམས་པ་བཤའ་བའི་དུས་ལ་བབ། །གཡོན་པ་མི་སྙིང་ནང་ཁྲོལ་ཐོགས། །མི་སྙིང་མགོ་ནས་གཅོད་ཅིང་ཟ། །མཆེ་བ་གཡུ་ཡི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ཉམས་ལ་ཀུན་གྱི་སྙིང་ལ་ཤད། །ཤན་པ་ཆེན་མོའི་དུས་ལ་བབ། །ཧཱུྃ། སྲོག་གཅོད་ཤན་པ་ལག་རིང་ནི། །སྐུ་ལ་ཞིང་ལྤགས་རློན་པ་གསོལ། །རལ་པ་ནག་པོས་རབ་ཏུ་བརྒྱན། །མེ་སྟག་འབར་བའི་ཆ་ག་ཅན། །སྐེ་ན་གསེར་གྱི་དྲིལ་བུ་བཏགས། །ཕྱག་གཡས་བདུད་ཀྱི་ཞགས་པ་བསྣམས། །ཉམས་པ་བཅིང་བའི་དུས་ལ་བབ། །གཡོན་ན་བདུད་ཀྱི་གྲི་ནག་བསྣམས། །ཉམས་པ་གང་ཡིན་སྲོག་རྩ་


JLAZ009_Page_0650
[མ་དཔེ་གཟིགས་ན་འདིར་གནོན།]

གཅོད། །དམ་ཉམས་སྙིང་ལ་ས་མ་ཡ། །བདུད་ཀྱི་ཁྲམ་བམ་རྒྱབ་ན་བསྣམས། །གང་ལ་རྦད་པ་ཁྲམ་ལ་འདེབས། །ལྕགས་ཀྱི་སོར་བརྡར་ཁྲིམས་སེ་ཁྲིག །མཆེ་བ་ཟངས་ཀྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ཉམས་པ་ཀུན་གྱི་སྙིང་ལ་ཤད། །དྲི་ནི་མོན་དྲི་ཆི་ལི་ལི། །སྤྱུག་པའི་གླུ་ལེན་ཀྱུ་རུ་རུ། །བདུད་ཀྱི་ཤན་པའི་དམག་དཔུང་སྡུས། །བདུད་ཀྱི་ཤན་པས་སྟོང་ཁམས་ཁེངས། །གཡས་ན་སྟྭ་ཐོགས་ཆེམས་སེ་ཆེམ། །དམ་ཉམས་མགོ་ལུས་ཚལ་པར་ཁོས། །གཡོན་ན་གྲི་ཐོགས་ཤན་པའི་རིགས། །ཉམས་པའི་ལྷུ་དང་དུམ་བུར་ཁྲོལ། །གློ་སྙིང་ནང་རོལ་ཁ་རུ་རྫོངས། །ཉམས་པའི་ནང་ཁྲོལ་ཁ་རུ་རྫོངས། །ཁ་ནས་མེ་འབར་ལམ་སེ་ལམ། །སྣ་ནས་དུད་འཐུལ་ཐུ་ལུ་ལུ། །ཤན་པ་ཁྱོད་ཀྱི་དུས་ལ་བབ། །སྲོག་ཟན་ཁྱོད་ཀྱི་དུས་ལ་བབ། །ཧཱུྃ། སྲོག་གཅོད་ཤན་པ་ལག་རིང་ནི། །འབྱུང་པོ་སེར་པོ་སྣ་ཡོན་པོ། །སྐུ་ལ་ཤིང་གོས་གྲོ་ག་གསོལ། །རལ་པ་སེར་པོས་རབ་ཏུ་བརྒྱན། །མེ་སྟག་འབར་བའི་ཆ་ག་ཅན། །སྐྱེ་ན་དབང་གི་དྲིལ་བུ་བཏགས། །ཕྱག་གཡས་ཞགས་པ་སེར་པོ་བསྣམས། །ཉམས་པ་བཅིང་བའི་དུས་ལ་བབ། །གཡོན་ན་འབྱུང་པོའི་རལ་གྲི་བསྣམས། །


JLAZ009_Page_0651
[མ་དཔེ་གཟིགས་ན་འདིར་གནོན།]

ཉམས་པ་གང་ཡིན་སྙིང་རྩ་གཅོད། །ཉམས་པའི་སྙིང་ལ་ས་མ་ཡ། །འབྱུང་པོའི་ཁྲམ་བམ་ཕྱག་ན་བསྣམས། །གང་ལ་རྦད་པ་ཁྲམ་ལ་འདེབས། །ཟངས་ཀྱི་སོ་བརྡར་ཁྲིགས་སེ་ཁྲིག །མཆེ་བ་ཟངས་ཀྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །དམ་ཉམས་ཀུན་གྱི་སྙིང་ལ་ཤད། །དྲི་ནི་མོན་དྲི་ཆི་ལི་ལི། །སྤྱུག་པའི་གླུ་ལེན་ཀྱུ་རུ་རུ། །འབྱུང་པོའི་ཤན་པའི་དམག་དཔུང་བསྡུས། །འབྱུང་པོའི་ཤན་པས་སྟོང་ཁམས་ཁེངས། །གཡས་ན་སྟྭ་ཐོགས་ཆེམས་སེ་ཆེམ། །དམ་ཉམས་མགོ་ལུས་ཚལ་པར་ཁོས། །གཡོན་ན་གྲི་ཐོགས་ཤན་པའི་རིགས། །ཉམས་པའི་ལྷུ་དང་དུམ་བུར་ཁྲོལ། །གློ་སྙིང་ནང་ཁྲོལ་ཁ་རུ་རྫོངས། །ཁ་ནས་མེ་འབར་ལམས་སེ་ལམ། །སྣ་ནས་དུད་འཐུལ་ཐུ་ལུ་ལུ། །ཤན་པ་ཁྱོད་ཀྱི་དུས་ལ་བབ། །ཧཱུྃ། སྲོག་གཅོད་ཤན་པ་ལག་རིང་ནི། །སྐུ་མདོག་རབ་དམར་བེར་ཆེན་གསོལ། །རལ་པ་དམར་པོས་རབ་ཏུ་བརྒྱན། །མེ་སྟག་འབར་བའི་ཆ་ག་ཅན། །སྐྱེ་ན་གཡུ་ཡི་དྲིལ་བུ་ཐོགས། །ཕྱག་གཡས་ཞགས་པ་དམར་པོ་ཐོགས། །ཉམས་པ་བཅིང་བའི་དུས་ལ་བབ། །གཡོན་ན་སྐུ་མཆོག་ཕུར་པ་བསྣམས། །ཉམས་པའི་སྙིང་ལ་ས་མ་ཡ། །སྐུ་མཆོག་ཁྲམ་བམ་


JLAZ009_Page_0652
[མ་དཔེ་གཟིགས་ན་འདིར་གནོན།]

རྒྱབ་ན་ཐོགས། །དུང་གི་སོ་བརྡར་ཁྲིགས་སེ་ཁྲིག །མཆེ་བ་དུང་གི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །དམ་ཉམས་ཀུན་གྱི་སྙིང་ལ་ཤད། །དྲི་ནི་མོན་དྲི་ཆི་ལི་ལི། །སྤྱུག་པའི་གླུ་ལེན་ཀྱུ་རུ་རུ། །སྐུ་མདོག་དམར་པོ་དབང་དུ་སྡུས། །སྐུ་མཆོག་ཤན་པས་སྟོང་ཁམས་ཁེངས། །བདུད་ཀྱི་རིགས་རྣམས་དབང་བསྡུས་ནས། །བདུད་འདུལ་ཆེན་པོའི་དུས་ལ་བབ། །གསེར་གྱི་རྣ་ཆ་བྱུང་བ་ཡང༌། །སྙན་པ་གསེར་བས་ལྷག་པའི་རྟགས། །རྒྱས་པ་སྒྲུབ་རྟགས་བསྙེན་པའི་རྟགས། །རྒྱས་པ་བདུད་འདུལ་དུས་ལ་བབ། །བ་སྤུ་ལྕགས་ཀྱུ་བཅིངས་པ་ཡང༌། །ཉམས་པ་གང་ཡིན་འཛིན་པ་དང༌། །རབ་ཏུ་བཟུང་ནས་འཆོར་མི་སྲིད། །འཛིན་བྱེད་བདུད་འདུལ་དུས་ལ་བབ། །དར་ནག་ཅོད་པན་འཕུར་བས་ཀྱང༌། །ཆོས་ཀྱི་རྒྱལ་མཚན་འཛུགས་པ་དང༌། །མ་བདུད་མང་པོ་དཔུང་བསྡུས་ནས། །ཕུང་བྱེད་བདུད་འདུལ་དུས་ལ་བབ། །མཐིང་ནག་རལ་པས་བརྒྱན་པ་ཡང༌། །བདུད་དཔུང་ཟིལ་གྱིས་གནོན་པ་དང༌། །འཇིག་རྟེན་ཁམས་ནི་སྤ་བཀོང་ཕྱིར། །བདུད་འདུལ་རལ་པའི་དུས་ལ་བབ། །ཕྱག་གཡས་ཕུར་པ་བསྣམས་པ་ཡང༌། །རྡོ་རྗེ་ཕུར་པའི་སྲུང་མ་སྟེ། །གང་ཡིན་སྙིང་ལ་ཕུར་པ་འདེབས། །ཕུར་


JLAZ009_Page_0653
[མ་དཔེ་གཟིགས་ན་འདིར་གནོན།]

སྲུང་བདུད་འདུལ་དུས་ལ་བབ། །གཡོན་པས་ལྕགས་ཀྱུ་བསྣམས་པ་ཡང༌། །ཉམས་པ་གང་ཡིན་འགུགས་པར་བྱེད། །ལྕགས་ཀྱུས་ཟུང་ལ་ཕུར་པས་ཐོབ། །འཛིན་བྱེད་ཆེན་མོའི་དུས་ལ་བབ། །ཧཱུྃ། གཟའ་ཡུལ་ཟླ་འོད་རླུང་སྟེང་ནས། །འཆི་བདག་གཟའ་ཡི་བུ་མོ་སྟེ། །ཆིབས་སུ་གཟའ་རྟ་འུར་པ་བཅིབས། །གཟའ་རྟ་འུར་པ་ཞགས་པས་བརྒྱན། །ཕྱོགས་བཅུར་འདྲེན་ཞིང་གཟའ་རྟ་རྒྱུག །ཉམས་པ་བཅིང་བའི་དུས་ལ་བབ། །སེར་ཁྲ་སྦྲུལ་གྱིས་རབ་ཏུ་བརྒྱན། །གདུག་པ་དམངས་རིགས་ཀླུ་རྣམས་འདུལ། །རྒྱས་པར་སྒྲོལ་ཅིང་དབང་དུ་སྡུས། །གཟའ་འདུལ་སེར་ཁྲའི་དུས་ལ་བབ། །གཟའ་བྱ་ནག་པོ་ལྡིང་བ་ཡང༌། །གཟའ་བདུད་བདུད་དུ་འབེབས་པའི་བྱ། །གཟའ་བྱ་ཁྲ་བོ་སེར་ལྟར་འབབ། །གཟའ་འདུལ་བྱ་ཁྲའི་དུས་ལ་བབ། །སེར་ནག་དར་གྱི་སྟན་བསྟད་ནས། །སྲིད་པའི་བགེགས་རིགས་སྟན་དུ་བཏིང༌། །ཀི་ཀང་དམར་པོ་གདན་དུ་བཏིང༌། །གཟའ་འདུལ་སྟན་གྱི་དུས་ལ་བབ། །གཟའ་སྒ་སེར་པོ་བསྟད་པས་ཀྱང༌། །གཟའ་བདུད་ཁྲ་བོའི་ཡ་མགལ་ལ། །གཟའ་བདུད་མོ་ཡི་མ་མགལ་ཅན། །གཟའ་སྒ་སེར་ཁྲའི་དུས་ལ་བབ། །སྔ་ལོང་ནད་ཀྱི་རྐྱལ་པ་སེར་ཁྲ་བཀལ། །


JLAZ009_Page_0654
[མ་དཔེ་གཟིགས་ན་འདིར་གནོན།]

སྲིད་པ་གསུམ་གྱི་ནད་འབེབས་ཤིང༌། །བསྐལ་པ་སྟོང་དུ་ནད་འབེབས་པའི། །ནད་བདག་ཆེན་མོའི་དུས་ལ་བབ། །ཕྱི་ལོང་ཚོན་གྱི་གྲུ་གུ་བཀལ། །ཉམས་པ་ཚོན་ནད་ཁྲག་ཏུ་སྐྱུག །སྟོང་གསུམ་ཚོན་གྱི་ནད་བཏང་མ། །ཚོན་ནད་གཏོང་བའི་དུས་ལ་བབ། །ཟངས་དང་ལྕགས་ཀྱི་གོང་རྨེད་ཅན། །རིན་ཆེན་ཆར་ལྟར་འབེབས་པ་དང༌། །ཚོན་གྱི་རྒྱལ་པོ་ཆར་ཕབ་ནས། །ཚོན་བདག་ཆེན་མོའི་དུས་ལ་བབ། །གཡུ་སྲབ་སྔོན་པོ་སྲ་བས་ཀྱང༌། །རིན་ཆེན་གཡུ་བས་ཆེ་བའི་ཕྱིར། །རིན་ཐང་གཡུ་རུ་གཅིག་པ་དང༌། །གཡུ་སྲབ་བདག་མོའི་དུས་ལ་བབ། །དེ་ཕྱིན་གཟའ་ཡི་བུ་མོ་ཡང༌། །སྐུ་ལ་སེར་ནག་བེར་ནག་གསོལ། །སེར་ནག་གཟའ་ཡི་འགྲན་ཟླ་སྟེ། །གཟའ་བདུད་ཆེན་མོའི་དུས་ལ་བབ། །སྐུ་མདོག་སེར་མོར་བཞུགས་པ་ཡང༌། །ཕྲིན་ལས་རྒྱས་པས་ཐམས་ཅད་འདུལ། །གདུག་པ་འདུལ་བར་རབ་ཏུ་ཆེ། །གཟའ་བདུད་ཆེན་པོའི་དུས་ལ་བབ། །སེར་ནག་རལ་པས་བརྒྱན་པ་ཡང༌། །འཇིག་རྟེན་གནད་ལ་འབེབས་པ་དང༌། །གཟའ་ཡི་རིགས་རྣམས་དབང་བསྡུས་ནས། །གཟའ་བདུད་ཆེན་མོའི་དུས་ལ་བབ། །གསེར་གྱི་རྣ་ཆ་བྱུང་བ་ཡང༌། །སྙན་པ་གསེར་བས་ལྷག་པའི་རྟགས། །རྒྱས་པའི་སྒྲུབ་རྟགས་བསྙེན་པའི་རྟགས། །


JLAZ009_Page_0655
[མ་དཔེ་གཟིགས་ན་འདིར་གནོན།]

རྒྱས་པ་གཟའ་འདུལ་དུས་ལ་བབ། །བ་སྤུ་ལྕགས་ཀྱུ་འཛིངས་པ་ཡང༌། །ཉམས་པ་གང་ཡིན་འཛིན་པར་བྱེད། །རབ་ཏུ་བཟུང་བས་འཆོར་མི་སྲིད། །འཛིན་བྱེད་གཟའ་འདུལ་དུས་ལ་བབ། །དར་ནག་ཕུར་བྱེད་གཟའ་འདུལ་དུས་ལ་བབ། །སེར་ནག་རལ་པས་བརྒྱན་པས་ཀྱང༌། །གཟའ་འདུལ་ཀི་ཀང་ཟིལ་གྱིས་གནོན། །འཇིག་རྟེན་ཁམས་རྣམས་སྤ་བཀོང་ཕྱིར། །གཟའ་བདུད་རལ་པའི་དུས་ལ་བབ། །ཕྱག་གཡས་ཕུར་པ་བསྣམས་པ་ཡང༌། །རྡོ་རྗེ་ཕུར་པའི་སྲུང་མ་སྟེ། །གང་ཡིན་སྙིང་ལ་ཕུར་པ་འདེབས། །ཕུར་སྲུང་གཟའ་འདུལ་དུས་ལ་བབ། །གཡོན་པས་ལྕགས་ཀྱུ་བསྣམས་པ་ཡང༌། །ཉམས་པ་གང་ཡིན་འགུགས་པར་བྱེད། །ལྕགས་ཀྱུས་ཟུང་ལ་ཕུར་པས་ཐོབ། །འཛིན་བྱེད་ཆེན་མོའི་དུས་ལ་བབ། །ཧཱུྃ། བཙན་ཡུལ་ཁྲམ་མཁར་བཞི་སྟེང་ན། །འཆི་བདག་བཙན་གྱི་བུ་མོ་སྟེ། །ཆིབས་སུ་བཙན་རྟ་དམར་པོ་བཅིབས། །བཙན་རྟ་དམར་པོ་ཞགས་པས་བརྒྱན། །ཕྱོགས་བཅུར་འཕེན་ཞིང་བཙན་རྟ་རྒྱུག །ཉམས་པ་བཅིང་བའི་དུས་ལ་བབ། །དམར་ཁྲ་སྦྲུལ་གྱིས་རབ་ཏུ་བརྒྱན། །


JLAZ009_Page_0656
[མ་དཔེ་གཟིགས་ན་འདིར་གནོན།]

གདུག་པ་རྗེ་རིགས་ཀླུ་རྣམས་འདུལ། །དབང་དུ་སྡུད་ཅིང་སྒྲོལ་བར་བྱེད། །བཙན་འདུལ་དམར་ཁྲའི་དུས་ལ་བབ། །བཙན་བྱ་དམར་པོ་ལྡིང་བས་ཀྱང༌། །བཙན་བདུད་བདུད་དུ་བབ་པའི་ཕྱིར། །བཙན་བྱ་དམར་པོ་ཁྲག་ལྟར་ལུད། །བཙན་འདུལ་བྱ་དམར་དུས་ལ་བབ། །དམར་ནག་དར་གྱི་སྟན་བསྟད་པ། །སྲིད་པའི་བགེགས་རིགས་སྟན་དུ་བཏིང༌། །དགེ་བསྙེན་དམར་པོ་གདན་དུ་བཏིང༌། །བཙན་འདུལ་སྟན་གྱི་དུས་ལ་བབ། །བཙན་སྒ་དམར་པོ་བསྟད་པ་ཡང༌། །བཙན་འདུལ་དམར་པོའི་ཡ་མགལ་དང༌། །བཙན་འདུལ་དམར་མོའི་མ་མགལ་དང༌། །བཙན་སྒ་དམར་ཁྲའི་དུས་ལ་བབ། །སྔ་ལོང་ནད་ཀྱི་རྐྱལ་པ་དམར་ཁྲ་བཀལ། །སྲིད་པ་གསུམ་གྱི་ནད་འབེབས་ཤིང༌། །བསྐལ་པ་སྟོང་དུ་ནད་འབེབས་ཤིང༌། །ནད་བདག་ཆེན་མོའི་དུས་ལ་བབ། །ཕྱི་ལོང་ཚོན་གྱི་གྲུ་གུ་བཀལ། །ཉམས་པ་ཚོན་ནད་ཁྲག་ཏུ་སྐྱུག །སྟོང་གསུམ་ཚོན་གྱི་ནད་གཏོང་མ། །ཚོན་ནད་བཏང་བའི་དུས་ལ་བབ། །གཡུ་དང་གསེར་གྱི་གོང་རྨེད་ཅན། །རིན་ཆེན་ཆར་ལྟར་འབེབས་པ་དང༌། །ཚོན་གྱི་རྒྱལ་མོའི་ཆར་ཕབ་ནས། །ཚོན་བདག་ཆེན་མོའི་དུས་ལ་བབ། །གསེར་སྲབ་སེར་པོས་བརྒྱན་པས་ཀྱང༌། །ཐམས་ཅད་རིན་ཆེན་རྒྱན་བསྟར་ནས། །སྣང་


JLAZ009_Page_0657
[མ་དཔེ་གཟིགས་ན་འདིར་གནོན།]

སྲིད་གསེར་དུ་དབང་སྒྱུར་རྟགས། །དབང་སྒྱུར་ཆེན་མོའི་དུས་ལ་བབ། །བསེ་བྱིན་བཙན་གྱི་བུ་མོ་ཡང༌། །སྐུ་ལ་དམར་ནག་བེར་ཆེན་གསོལ། །དམར་ནག་བཙན་གྱི་འགྲན་ཟླ་སྟེ། །བཙན་འདུལ་ཆེན་མོའི་དུས་ལ་བབ། །སྐུ་མདོག་དམར་མོར་བཞུགས་པ་ཡང༌། །ཐམས་ཅད་དབང་དུ་བསྡུ་བ་དང༌། །གདུག་པ་འདུལ་བར་རབ་ཏུ་ཆེ། །བཙན་འདུལ་ཆེན་མོའི་དུས་ལ་བབ། །དམར་ནག་རལ་པས་བརྒྱན་པ་ཡང༌། །འཇིག་རྟེན་དབང་དུ་སྡུས་པ་དང༌། །བཙན་གྱི་རིགས་རྣམས་ཟིལ་གྱིས་གནོན། །བཙན་འདུལ་ཆེན་མོའི་དུས་ལ་བབ། །གསེར་གྱི་སྙན་ཆ་བྱུང་བ་ཡང༌། །སྙན་པ་གསེར་བས་ལྷག་པའི་རྟགས། །རྒྱས་པའི་སྒྲུབ་རྟགས་བསྙེན་པའི་རྟགས། །རྒྱས་པ་བཙན་འདུལ་དུས་ལ་བབ། །བ་སྤུ་ལྕགས་ཀྱུ་འཛིངས་པ་ཡང༌། །ཉམས་པ་གང་ཡིན་འཛིན་པར་བྱེད། །རབ་ཏུ་བཟུང་བས་འཆོར་མི་སྲིད། །འཛིན་བྱེད་བཙན་འདུལ་དུས་ལ་བབ། །དར་ནག་ཅོད་པན་འཕུར་བས་ཀྱང༌། །ཆོས་ཀྱི་རྒྱལ་མཚན་འཛུགས་པ་དང༌། །བཙན་འདུལ་དམར་པོའི་དཔུང་བསྡུས་ནས། །འཕུར་བྱེད་བཙན་འདུལ་དུས་ལ་བབ། །དམར་ནག་རལ་པ་བརྒྱན་པས་ཀྱང༌། །དགེ་བསྙེན་འཁོར་བཅས་ཟིལ་གྱིས་གནོན་པ་དང༌། །འཇིག་


JLAZ009_Page_0658
[མ་དཔེ་གཟིགས་ན་འདིར་གནོན།]

རྟེན་ཁམས་རྣམས་སྤ་བཀོང་ཕྱིར། །བཙན་འདུལ་རལ་པའི་དུས་ལ་བབ། །ཕྱག་གཡས་ཕུར་པ་བསྣམས་པ་ཡང༌། །གང་ཡིན་སྙིང་ལ་ཕུར་པ་འདེབས། །ཕུར་སྲུང་བཙན་འདུལ་དུས་ལ་བབ། །གཡོན་པ་ལྕགས་ཀྱུ་བསྣམས་པ་ཡང༌། །ཉམས་པ་གང་ཡིན་འགུགས་པར་བྱེད། །ལྕགས་ཀྱུས་ཟུང་ལ་ཕུར་པས་ཐོབ། །འཛིན་བྱེད་ཆེན་མོའི་དུས་ལ་བབ། །ཧཱུྃ། ཕོ་བྲང་ཀླུ་འདུལ་གདུག་པ་འདུལ། །འཆི་བདག་ཀླུ་ཡི་བུ་མོ་ནི། །ཆིབས་སུ་ཀླུ་རྟ་ལྗང་སྔོན་བཅིབས། །ཀླུ་རྟ་སྔོན་པོ་སྦྲུལ་གྱིས་བརྒྱན། །ཕྱོགས་བཅུར་འཕེན་ཞིང་ཀླུ་རྟ་རྒྱུག །ཉམས་པ་བཅིངས་པའི་དུས་ལ་བབ། །སྔོ་ཁྲ་སྦྲུལ་གྱིས་རབ་ཏུ་བརྒྱན། །གདུག་པ་རྒྱལ་རིགས་ཀླུ་རྣམས་འདུལ། །ཕྲིན་ལས་མཐར་ཕྱིན་ཉེས་པ་མེད། །ཀླུ་འདུལ་སྔོ་ཁྲའི་དུས་ལ་བབ། །ཀླུ་བྱ་སྔོན་པོ་ལྡིང་བས་ཀྱང༌། །ཀླུ་བདུད་བདུད་དུ་བབ་པའི་བྱ། །ཀླུ་བྱ་ལྗང་སྔོན་ཆུ་ལྟར་འབྲུབ། །ཀླུ་བྱ་སྔོ་བཀྲའི་དུས་ལ་བབ། །ལྗང་སྔོན་དར་གྱི་སྟན་བསྟད་པས། །སྲིད་པའི་བགེགས་རིགས་སྟན་དུ་བཏིང༌། །ཀླུ་སྲིན་སྔོན་པོ་གདན་དུ་བཏིང༌། །གཡས་པ་སྟྭ་ཐོགས་ཆེམས་སེ་ཆེམ། །དམ་ཉམས་མགོ་ལུས་ཚལ་པར་ཁོས། །གཡོན་པ་གྲི་ཐོགས་ཤན་པའི་རིགས། །ཉམས་པའི་ལྷུ་དང་དུམ་བུར་


JLAZ009_Page_0659
[མ་དཔེ་གཟིགས་ན་འདིར་གནོན།]

ཁྲོལ། །གློ་སྙིང་ནང་ཁྲོལ་ཁ་རུ་རྫོངས། །དམ་ཉམས་ནང་ཁྲོལ་ཁ་རུ་རྫོངས། །ཁ་ནས་མེ་འབར་ལམས་སེ་ལམ། །སྣ་ནས་དུད་འཐུལ་ཐུ་ལུ་ལུ། །ཤན་པ་ཁྱེད་ཀྱི་དུས་ལ་བབ། །སྲོག་ཟན་ཁྱེད་ཀྱི་དུས་ལ་བབ། །སྐུ་མཆོག་རབ་ཏུ་མི་འཁྲུགས་ཀྱང༌། །རྔམས་པ་ཆེན་པོ་སྐུ་བསྐྱེད་ཅིང༌། །ཧ་ཧས་སྟོང་ཁམས་ང་རོས་ཁེངས། །བདུད་དཔུང་རབ་ཏུ་འཇོམས་པར་བྱེད། །ཡ་མཚན་ཅན་གྱི་ལྷ་མཆོག་ཀྱང༌། །ཆེ་བས་འགྲན་པའི་ཟླ་དང་བྲལ། །མི་སྙིང་ནང་ཁྲོལ་འདི་གསོལ་ལ། །གང་ཡིན་སྙིང་རྩ་ཆོད་ལ་ཤོག །བཅོལ་བའི་ཕྲིན་ལས་གྲུབ་པར་མཛོད། །དེ་ནས་མིང་པོའི་བསྐུལ་བ་ནི། ཧཱུྃ། གདུག་བ་འདུལ་བ་དྲེགས་པའི་ལྷ། །དྲེགས་པ་རྔམས་པའི་རལ་པ་ཅན། །མཆེ་བ་གཙིགས་ཤིང་ཚེམས་བརྡར་བ། །སྐུ་ལ་ཞིང་ལྤགས་རློན་པ་གསོལ། །རལ་པ་བཅིངས་པའི་ཐོར་ཚུགས་ཅན། །གཡས་པ་དགྲ་སྙིང་སྤར་གྱིས་འདེབས། །གཡོན་པ་བདུད་ཀྱི་ཁྲམ་བམ་བསྣམས། །རྔམས་པའི་ཚེམས་བརྡར་སྤུ་གྲིའི་སོ། །མཆེ་བ་ལྕགས་ཀྱི་སྤུ་གྲི་ཅན། །སྤུ་གྲི་ཤད་ཤད་སྙིང་ལ་ཤད། །བསྟན་པ་གཉན་པོར་མི་བྱེད་པའི། །ཉམས་པ་གང་ཡིན་སྙིང་ལ་ཤད། །ཧཱུྃ། བདུད་ཀྱི་རྒྱལ་པོ་མ་རུངས་པ། །མུན་པ་ནག་


JLAZ009_Page_0660
[མ་དཔེ་གཟིགས་ན་འདིར་གནོན།]

པོའི་ཁ་དོག་ལ། །སྐུ་ལ་དར་ནག་བེར་མཐིང་གསོལ། །རལ་པ་ནག་པོའི་སྤྱི་བཅིངས་ཅན། །ལག་ན་གཅོད་པའི་སྟྭ་རེ་ཐོགས། །དགྲ་སྟྭ་སྡང་བའི་དགྲ་ལ་ཐོབ། །མཆེ་བ་དུང་གི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཡ། །ཧཱུྃ། འཇིགས་པར་བྱེད་པའི་བདུད་ཕོ་ནི། །མོན་པ་ནག་པོ་རྣ་ཆ་ཅན། །སྐུ་ལ་སྟག་ལྤགས་གཡང་གཞི་གསོལ། །རལ་པ་ནག་པོ་མུན་ལྟར་གཏིབས། །ལག་ན་འབྲེག་པའི་ཟོར་བ་བསྣམས། ། ཟོར་བ་སྡང་བའི་དགྲ་ལ་ཡ། །མཆེ་བ་ལྕགས་ཀྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཡ། །ཧཱུྃ། སྒྲོལ་བྱེད་བདུད་ཀྱི་ཤན་པ་ནི། །མུན་པ་ནག་པོའི་ཁ་དོག་ལ། །སྐུ་ལ་ཞིང་གི་གཡང་གཞི་གྱོན། །རལ་པ་ནག་པོ་གྱེན་ལ་བསྒྲེ། །ལག་ན་འཆིང་བའི་ཞགས་པ་ཐོགས། །དམ་ཉམས་གང་ཡིན་འཆིང་བར་བྱེད། །མཆེ་བ་ཟངས་ཀྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཡ། །ཧཱུྃ། ཤ་ཟ་ཁྲག་འཐུང་བདུད་ཀྱི་བུ། །མོན་པ་ནག་པོ་མེན་དྲི་ཅན། །སྐུ་ལ་དྲེད་ཀྱི་པགས་པ་ལ། །རལ་པ་ཁམ་པ་ཡ་ལེན་ཅན། །ལག་ན་བསྲེག་པའི་མེ་དཔུང་ཐོགས། །ཉམས་པ་གང་


JLAZ009_Page_0661
[མ་དཔེ་གཟིགས་ན་འདིར་གནོན།]

ཡིན་སྲེག་པར་བྱེད། །མཆེ་བ་བསེ་ཡི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ཉམས་པ་གང་ཡིན་སྙིང་ལ་ཡ། །དྲེགས་པ་བདུད་ཀྱི་རྒྱལ་པོ་ལ། །འཁོར་ནི་བདུད་ནག་སྟོང་གིས་བསྐོར། །ཞིང་ལྤགས་རློན་པའི་སྟོད་ཐུལ་ཅན། །སྤྱི་བཅིངས་བདུད་ཀྱི་རིགས་རྣམས་ཀྱང༌། །མཆེ་བ་ལྕགས་ཀྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །བསྟན་པ་འཇིགས་པའི་ཉམས་པ་ཡི། །སྲོག་རྩ་དམར་པོ་ཆོད་ལ་ཤོག །ཁོང་ཁྲག་ཁ་རུ་སྐྱུག་པར་གྱིས། །ཆོས་ཤིག་རང་གི་དམག་དཔུང་ཆོས། །ཕྱོར་ཅིག་རུ་མཚོན་ནག་པོ་ཕྱོར། །ཐོབ་ཅིག་བདུད་ཀྱི་ཁྲམ་ལ་ཐོབ། །འཐུངས་ཤིག་སྙིང་ཁྲག་དྲོན་མོ་འཐུང༌། །ཟོ་ཞིག་ཉམས་པའི་ཤ་ལ་ཟོ། །འཆོ་ཞིག་ཉམས་པའི་ཀེང་རུས་འཆོ། །བྷྱོ། བདུད་ཀྱི་དམག་དཔུང་ཆི་ལི་ལི། །བདུད་ཀྱི་དམག་སྣ་ད་དྲོངས་ཤིག །དམ་ཉམས་དགྲ་བོ་གང་ཡིན་པ། །ཁྲམ་ལ་ཐོབ་ཅིག་བདུད་ཀྱི་ཚོགས། །ཧཱུྃ། ཡ་བདུད་ཚོགས་ཀྱི་གཙོ་བོ་ནི། །ཤེལ་གྱི་མི་ཕོ་དཀར་པོ་ལ། །སྐུ་ལ་བྱ་རྒོད་ཐུལ་པ་གསོལ། །ཕྱག་ན་ཤེལ་གྱི་འགྱིང་དཀར་ཐོགས། །ཉི་མ་ཟླ་བའི་གདོང་པ་ཅན། །གསེར་གྱི་སོ་བརྡར་ཁྲིགས་སེ་ཁྲིག །མཆེ་བ་གསེར་གྱི་སྤུ་གྲིས་


JLAZ009_Page_0662
[མ་དཔེ་གཟིགས་ན་འདིར་གནོན།]

གཏམས། །སྤུ་གྲི་ཤད་ཤད་སྙིང་ལ་ཤད། །དམ་ཉམས་ཀུན་གྱི་སྙིང་ལ་ཤད། །ཆིབས་སུ་དུང་གི་རྟ་ཕོ་བཅིབས། །ཕྲུམ་ཕུར་དམར་པོ་དར་ལྟར་འཕྱར། །དཀར་པོ་ཀུན་གྱི་གཙོ་བོ་སྟེ། །དཀར་པོ་འབུམ་ལ་མངའ་མཛད་ཅིང༌། །འོད་དཀར་ལམ་གྱི་བདག་པོ་སྟེ། །ཉམས་པ་འདི་ལ་རྟགས་ཕྱུང་ཞིག །ཧཱུྃ། ཤར་ཕྱོགས་སྲིད་པའི་རྒྱལ་པོ་ནི། །ཤེལ་གྱི་འོད་དཀར་ལམས་སེ་ལམ། །སྐུ་ལ་བསེ་ཁྲབ་སྨུག་པོ་གསོལ། །ཕྱག་ན་བསེ་ཡི་མདུང་དམར་བསྣམས། །མཆེ་བ་དུང་གི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཡ། །སྨྱོ་འབོག་ལྷོག་རྒལ་དུས་ལ་བབ། །ཧཱུྃ། ལྷོ་ཕྱོགས་སྲིད་པའི་རྒྱལ་པོ་སྟེ། །ལྕགས་ཀྱི་འོད་འཕྲོ་ལམས་སེ་ལམ། །སྐུ་ལ་ལྕགས་ཀྱི་ཚེམ་ཁྲབ་གསོལ། །ཕྱག་ན་ལྕགས་ཀྱི་སྲིན་མོ་རྐང༌། །མཆེ་བ་ལྕགས་ཀྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ཕོ་ལྷོག་ནད་ཀྱི་དུས་ལ་བབ། །ཧཱུྃ། ནུབ་ཕྱོགས་སྲིད་པའི་རྒྱལ་པོ་སྟེ། །ཟངས་ཀྱི་འོད་འཕྲོ་ལམས་སེ་ལམ། །སྐུ་ལ་ཟངས་ཀྱི་ཚེམ་ཁྲབ་གསོལ། །ཕྱག་ན་ཟངས་ཀྱི་མདུང་དམར་བསྣམས། །མཆེ་བ་ཟངས་ཀྱི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །གཟེར་ནད་ནད་ཀྱི་ཐུན་ཕོབ་ཅིག །ཧཱུྃ།


JLAZ009_Page_0663
[མ་དཔེ་གཟིགས་ན་འདིར་གནོན།]

བྱང་ཕྱོགས་སྲིད་པའི་རྒྱལ་པོ་སྟེ། །བསེ་ཡི་འོད་འཕྲོ་ལམས་སེ་ལམ། །སྐུ་ལ་བསེ་ཡི་ཚེམ་ཁྲབ་གསོལ། །ཕྱག་ན་བསེ་ཡི་མདུང་དམར་བསྣམས། །མཆེ་བ་བསེ་ཡི་སྤུ་གྲིས་གཏམས། །སྤུ་གྲི་ཤད་ཤད་སྙིང་ལ་ཤད། །ལྷོག་རྒལ་ནད་ཀྱི་ཐུན་ཕོབ་ཅིག །སྲིད་པའི་མངའ་བདག་ཀུན་ལ་དབང༌། །སྐར་ཆེན་དམར་པོ་རྟ་རུ་ཞོན། །སྲིད་པའི་རྒྱལ་པོ་འབུམ་གྱིས་བསྐོར། །ཁམས་གསུམ་དབང་སྡུད་སྲོག་ལ་དབང༌། །སྲོག་བདག་ཆེན་པོ་དམག་སྣ་དྲོངས། །དམག་དཔུང་རུ་མཚོན་དཀར་པོ་ཕྱོར། །དམག་དཔུང་བསྡུ་བའི་དུས་ལ་བབ། །སྲིད་པའི་རྒྱལ་པོས་དམག་སྣ་དྲོངས། །ཧཱུྃ། ཤར་ཕྱོགས་བཙན་གྱི་རྒྱལ་པོ་སྟེ། །རྟ་དཀར་ཤེལ་མདོག་ཆིབས་སུ་བཅིབས། །སྐུ་ལ་དར་དཀར་རལ་ག་གསོལ། །ཕྱག་ན་ཞགས་པ་དཀར་པོ་བསྣམས། །དྲི་ཟའི་དམག་དཔུང་འབུམ་གྱིས་བསྐོར། །ཤར་ཕྱོགས་བཙན་གྱི་དམག་སྣ་དྲོངས། །ཕོ་ལྷོག་ནད་ཀྱི་ཐུན་ཕོབ་ཅིག །ཧཱུྃ། ལྷོ་ཕྱོགས་སྲིད་པའི་རྩེ་མོ་ན། །སྲིད་པ་བཙན་གྱི་རྒྱལ་པོ་སྟེ། །སྔོན་པོ་གཞའ་དགུ་ཆིབས་སུ་བཅིབས། །སྐུ་ལ་བེར་ཆེན་སྔོ་བཀྲ་གསོལ། །ཕྱག་ན་ཞགས་པ་སྔོན་པོ་ཐོགས། །གཤིན་རྗེའི་དམག་དཔུང་འབུམ་གྱིས་


JLAZ009_Page_0664
[མ་དཔེ་གཟིགས་ན་འདིར་གནོན།]

བསྐོར། །ལྷོ་ཕྱོགས་བཙན་གྱི་དམག་སྣ་དམར་པོ་ཟངས་མདོག་ཆིབས་སུ་བཅིབས། །ལེ་བརྒན་དམར་པོའི་ཆར་ཆེན་གསོལ། །ཕྱག་ན་ཞགས་པ་དམར་པོ་ཐོགས། །ཀླུ་བདུད་དམག་དཔུང་འབུམ་གྱིས་བསྐོར། །ནུབ་ཕྱོགས་བཙན་གྱི་དམག་སྣ་དྲོངས། །གླང་ཐབས་ནད་ཀྱི་ཐུན་ཕོབ་ཅིག །ཧཱུྃ། བྱང་ཕྱོགས་སྲིད་པའི་ཡུལ་རྩེ་ན། །སྲིད་པ་བཙན་གྱི་རྒྱལ་པོ་སྟེ། །ལྗང་གུ་སྤུན་དམར་ཆིབས་སུ་བཅིབས། །ན་བཟའ་ལྗང་གུ་བེར་ཆེན་གསོལ། །ཕྱག་ན་ཞགས་པ་ལྗང་གུ་ཐོགས། །གནོད་སྦྱིན་དམག་དཔུང་འབུམ་གྱིས་བསྐོར། །བྱང་ཕྱོགས་བཙན་གྱི་དམག་སྣ་དྲོངས། །ལྷོག་རྒལ་ནད་ཀྱི་ཐུན་ཕོབ་ཅིག །འབྱུང་བའི་བདུད་བཅོམ་བཙན་ཆེན་ཡང༌། །སྲོག་རྩ་གཅོད་ཅིང་ཤ་ལ་ཡ། །སྙིང་རྩ་གཅོད་ཅིང་ཁྲག་ལ་འཐུང༌། །བཀྲག་དང་མདངས་ལ་དབང་བསྒྱུར་བའི། །ནད་ཁ་དབབ་པའི་དུས་ལ་བབ། །བསྟན་པའི་སྲུང་བའི་དུས་ལ་བབ། །ཧཱུྃ། སྟོང་གསུམ་རྣམ་དག་དམག་གི་སྣ་འདྲེན་པ། །དགེ་བསྙེན་སྲུང་མ་བཙན་གྱི་ཚོགས། །དུས་ཀྱི་འཁྲུག་པ་སློང་བྱེད་ཅིང། །མཚོན་གྱི་བསྐལ་པ་འབེབས་བྱེད་པ། །


JLAZ009_Page_0665
[མ་དཔེ་གཟིགས་ན་འདིར་གནོན།]

སྐུ་ལ་ཟ་འོག་བེར་ཆེན་གསོལ། །ཕྱག་ན་ཤེལ་གྱི་རྡོ་རྗེ་བསྣམས། །རོལ་པས་དབང་བསྐུར་རང་ལ་དབང༌། །ཆིབས་སུ་སེང་གེ་དཀར་མོ་བཅིབས། །རོལ་དུ་སྟོང་གསུམ་འཁོར་གྱིས་བསྐོར། །རྡོ་རྗེ་དྲག་པོ་དམག་དཔུང་འཇོམས། །གང་དུ་རྦད་སར་དམག་སྣ་འདྲེན། །བདུད་ཀྱི་དམག་སྣ་མུན་ལྟར་འདྲེན། །བཙན་གྱི་དམག་སྣ་མེ་ལྟར་འཕྲོ། །རྒྱལ་པོའི་དམག་སྣ་སྐར་ལྟར་འཁྲུག །བ་དན་རུ་མཚོན་མེ་ལྟར་འབར། །མ་བདུད་མང་པོ་མུན་ལྟར་གཏིབ། །ཤ་ཟ་མང་པོ་ཁྲ་ལྟར་ལྡིང༌། །ཁྲག་འཐུང་མང་པོ་མཚོ་ལྟར་རློབས། །གང་དུ་རྦད་སར་དམག་སྣ་འདྲེན། །ཤར་གྱི་ཕྱོགས་སུ་དམག་འདྲེན་ན། །བ་དན་དཀར་པོ་རྫི་ལ་ཕྱར། །ལྷོ་ཡི་ཕྱོགས་སུ་དམག་འདྲེན་ན། །བ་དན་སྔོན་པོ་གནམ་ལྟར་སྔོ། །ནུབ་ཀྱི་ཕྱོགས་སུ་དམག་འདྲེན་ན། །བ་དན་དམར་པོ་མེ་ལྟར་འབར། །བྱང་གི་ཕྱོགས་སུ་དམག་འདྲེན་ན། །བ་དན་ལྗང་གུ་ཆུ་ལྟར་འབྲུབ། །རུ་མཚོན་ཕྱར་ཞིང་དམག་སྣ་དྲོངས། །གང་དུ་བསམ་པ་ཆིབས་བསྐྱོད་ལ། །བདུད་ཀྱི་མུན་པ་ཆར་ལྟར་ཕོབ། །བཙན་གྱི་ཤ་བརྡལ་ཁྲག་ཏུ་སྐྱུག །རྒྱལ་པོའི་འོད་ཟེར་སྐར་ལྟར་འཁྲུགས། །དེ་ཡང་དགེ་བསྙེན་གཉེན་གྱི་གྲོགས། །མེ་ལྟར་འབར་


JLAZ009_Page_0666
[མ་དཔེ་གཟིགས་ན་འདིར་གནོན།]

ཞིང་དམག་སྣ་དྲོངས། །ཆུ་ལྟར་འབྲུབ་ཅིང་དམག་སྣ་དྲོངས། །བྷྱོ་བྷྱོ་གང་ཡིན་ལས་ལ་ཐུན་ཕོབ་ཅིག །ཅེས་བསྐུལ་ལ། བཞི་སྙིང་དྲིལ་བ་ལེའུ། ༼༢༦༽ ཨཱོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ ཀ་ཏང་ཀ་ཏེ་ཛ་ཡེ་བི་ཛ་ཡེ། ཨ་ཙི་ཏེ་ཨ་པ་ར་ཙི་ཏེ་མ་ར་སྱ་ན་པྲ་མར་ཏ་ནི་ཡེ་སརྦ་བིགྣཱན་བཾ་ཧཱུྃ་ཕཊ། ཅེས་བརྒྱ་རྩ་བརྒྱད་བཟླའོ། །བཞི་པ་གདབ་ལས་ལ་སྤྱི་དང་བྱེ་བྲག་གཉིས་ལས། དང་པོའི་དོན་རྩ་དུམ་གྱི་དགོངས་པའི་འཁྲུགས་པ་སྡེབས་ནས། དྲག་པོའི་ཕྲིན་ལས་དུས་གཅིག་ལ་རྫོགས་པ་སྔགས་དྲུག་སུར་ཕུག་ཏུ་བསྟན་པའི་ཆོ་ག་ལ་དགུ་ལས། དང་པོ་བསྐུལ་བ་ནི། ཧཱུྃ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །ས་བདག་ཆེན་མོའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ཁྱེད་ཀྱི་དམ་ཚིག་དུས་ལ་བབ། །མཐུ་རྩལ་དབྱུང་བའི་དུས་ལ་བབ། །གཉིས་པ་ལས་དྲུག་གི་འཕྱོང་ནི། ཧཱུྃ། དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །གཏོགས་ཤིག་གྲོགས་དང་བྲལ་བར་གྱིས། །ཕོབ་ཅིག་རྣམ་པར་གཟིར་བར་གྱིས། །ཟུངས་ཤིག་ཆིངས་ཤིག་རྣམ་པར་ཆིངས། །རེངས་པར་ཁུག་ལ་སྨྲར་ཆུག་ཅིག །ལུས་ངག་རྡུལ་ཕྲན་བཞིན་དུ་རློགས། །ང་ཡི་དབང་དུ་གྱུར་ནས་ཀྱང༌། །


JLAZ009_Page_0667
[མ་དཔེ་གཟིགས་ན་འདིར་གནོན།]

བསྒོ་བའི་བཀའ་ལ་ཉན་པར་གྱིས། །གསུམ་པ་སྔགས་ནི། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ ཆེ་གེ་མོ་ཧ་ས་ཡ་ཧྲི་ཏ་ན། ཨཱ་ཝེ་ཤ་ཡ་ཨཱ་ཝེ་ཤ་ཡ། ཤྲི་ཀྲི་ཨ་ན་ཡ་ཤི་ཀྲི་ཨ་ན་ཡ། ཛྭ་ལ་པ་ཡ་ཛྭ་ལ་པ་ཡ། ཏ་ཐཱ་ཡ་ཏ་ཐཱ་ཡ། བྷནྡྷ་ཡ་བྷནྡྷ་ཡ་སརྦ་བིགྣཱན་བཾ་ཧཱུྃ་ཕཊ། བཞི་པ་ཚེ་ལུང་ཁྲུས་ལུང་གི་དགོངས་པས་བསྒྲལ་བ་རང་རྒྱུད་པ་ལྡོག་པ་ནི། བསྙེན་ཕུར་གྱི་རྩེ་མོར་ཨ་དཀར་པོ་གསལ་བའི་འོད་ཟེར་གྱི་དམིགས་བྱའི་ལས་ཉོན་སྦྱངས། ཁོའི་བླ་ཚེའི་ངོ་བོ་ཡང་ཨ་དཀར་པོའི་རྣམ་པས་བླངས་པ་ཕུར་རྩེའི་ཨ་དང་འདྲེས། རང་ཉིད་ལ་གཏད་པས་ཚེའི་སྣོན་མར་ཐོབ། གཟས་པོའི་རྣམ་ཤེས་དཔལ་ཆེན་པོ་ཡབ་ཡུམ་གྱི་སྦྱོར་མཚམས་སུ་འཕང་བར་བསམས་ལ། ཧཱུྃ། སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེར་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཨོཾ་ལཾ་ཧཱུྃ་ལཾ་སྟྭཾ་བྷ་ནན། མོ་ཧ་གྷ་ཡ་བྷ་ག་ཝཱན། ཤི་ཀྲི་བི་ཀྲི། ཤྲྀ་བཛྲ་ཧཱུྃ་ཀཱ་ར་ཧཱུྃ་ཧཱུྃ་ཕཊ། ཅེས་སོ། །ལྔ་པ་ཕུར་བུས་གདབ་ལས་ནི་ཁྲོ་བཅུའི་ཕུར་པ་མ་འཛོམ་ན་སྲས་ཕུར་ཐོགས་ལ། ཁྲོ་བོ་བཅུའི་བསྒྲལ་དམིགས་ཀྱིས། ཧཱུྃ། བདག་ཅག་རྣལ་འབྱོར་སྒྲུབ་པ་པོ། །བྱང་ཆུབ་མཆོག་ཏུ་སེམས་བསྐྱེད་ཅིང༌། །དུས་


JLAZ009_Page_0668
[མ་དཔེ་གཟིགས་ན་འདིར་གནོན།]

གསུམ་རྒྱལ་བའི་གདུང་གསོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང༌། །དངོས་གྲུབ་འཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང༌། །ལུས་ངག་རྡུལ་དུ་བཤིག་ནས་ཀྱང༌། །སྡུག་བསྔལ་ཉམས་སུ་མྱོང་བར་མཛོད། །ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ ཧ་ན་ཧ་ན་ཧཱུྃ་ཕཊ།་་་་མིག་གཡས། ད་ཧ་ད་ཧ་ཧཱུྃ་ཕཊ།་་་་མིག་གཡོན། པ་ཙ་པ་ཙ་ཧཱུྃ་ཕཊ།་་་་རྣ་བ་གཡས། མ་ཐ་མ་ཐ་ཧཱུྃ་ཕཊ།་་་་གཡོན། ཛྭ་ལ་ཛྭ་ལ་ཧཱུྃ་ཕཊ།་་་་སྣ་བུག་གཡས། སུ་རུ་སུ་རུ་ཧཱུྃ་ཕཊ།་་་་གཡོན། མུ་རུ་མུ་རུ་ཧཱུྃ་ཕཊ།་་་་ལྕེ། ཀ་ཏཾ་ཀ་ཏེ་ཡ་ཧཱུྃ་ཕཊ།་་་་མགྲིན་པ། ཛ་ཡེ་བི་ཛ་ཡེ་ཧཱུྃ་ཕཊ།་་་་སྙིང༌། ནུ་མ།་་་་ཨ་ཙི་ཏ་ཨ་པ་ར་ཙིཏྟ་མ་ར་ས་ན་པྲ་མར་ཏ་ནི་ཡེ་སརྦ་བིགྣཱན་བཾ་ཧཱུྃ་ཕཊ། ཁྲོ་མོ་བཅུའི་བསྒྲལ་དམིགས་ཀྱིས། ཧཱུྃ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་མཛོད། །ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ ལྟེ་བ།་་་་པ་ར་བི་ཏན་ཧཱུྃ་ཕཊ། སྙིང༌།་་་་ཚིནྡྷ་ཚིནྡྷ་ཧཱུྃ་ཕཊ། དཔུང་གཡས།་་་་བྷིནྡྷ་བྷིནྡྷ་


JLAZ009_Page_0669
[མ་དཔེ་གཟིགས་ན་འདིར་གནོན།]

ཧཱུྃ་ཕཊ། སྤྱི་ལ་འདྲ།་་་་གྲྀཧྞ་གྲྀཧྞ་ཧཱུྃ་ཕཊ། གསང་བ།་་་་་་ཧ་ན་ཧ་ན་ཧཱུྃ་ཕཊ། གསང་རྩེ།་་་་་་བྷནྡྷ་བྷནྡྷ་ཧཱུྃ་ཕཊ། སྤྱི་བོ།་་་་་་སརྦ་ཨ་ན་ཡ་ཧཱུྃ་ཕཊ། རྐང་མཐིལ།་་་་་་ཏ་ཐཱ་ཡ་ཏ་ཐཱ་ཡ་སརྦ་བིགྣཱན་བཾ་ཧཱུྃ་ཕཊ། དྲུག་པ་མཚོན་ཆའི་གདབ་ལས་ནི། བསད་གྲིས་ཉ་བོ་གཏུབ་ཅིང༌། ཧཱུྃ། བྲན་དང་བཀའ་ཉན་ཕོ་ཉའི་ཚོགས། །ཁྱེད་ཀྱི་དམ་ཚིག་དུས་ལ་བབ། །སྔོན་ཆད་ཇི་བཞིན་དམ་བཅས་པའི། །མངོན་སྤྱོད་ཕྲིན་ལས་མྱུར་དུ་མཛོད། །ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། སརྦ་བིག་ནན་བཾ་ཧཱུྃ་ཕཊ། བདུན་པ་ཐུན་དབབ་པ་ནི། ཧཱུྃ། རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་རྣམས། །ང་ཡི་བཀའ་ལས་འདའ་མ་བྱེད། །ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བཾ་ཧོཿ ཀ་ཏཾ་ཀ་ཏེ་ཛ་ཡེ་བི་ཛ་ཡེ། ཨ་ཙི་ཏེ་ཨ་པ་ར་ཙི་ཏེ། མ་ར་སྱཻ་ན་པྲ་མརྟ་ནི་ཡེ་ཧཱུྃ་མ་མ་པ་ཤི་ཀུ་རུ་མ་ཏཾ་ཉ་ཀ་ར་ཨི་ནན་དྷ་ཏི་མ་མ་ཀརྨ་ཤི་ཀྲཾ་ཀ་ཏེ་ཡ་སརྦ་བིགྣཱན་བཾ་ཧཱུྃ་ཕཊ། བརྒྱད་པ་གཏུན་དུ་བརྡུང་བ་ནི། ཧཱུྃ། རྡུངས་ཤིག་རྡོ་རྗེ་འབར་བའི་གཏུན། །བཀའ་


JLAZ009_Page_0670
[མ་དཔེ་གཟིགས་ན་འདིར་གནོན།]

ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་ལྷོགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བརླག་པར་གྱུར། །ཁ་ཐམ་ཁ་ཐམ། ཞེས་ཉི་ཤུ་རྩ་གཅིག་བརྗོད། དགུ་པ་ཞལ་བསྟབ་ནི། ཧཱུྃ། བདག་ཉིད་ཆེན་པོའི་དུས་ལ་བབ། །ཁྱེད་ཀྱི་དམ་ཚིག་དུས་ལ་བབ། །ང་ཡི་དབང་དུ་གྱུར་ནས་ཀྱང༌། །བསྒོ་བའི་བཀའ་ནི་ཉན་པར་བྱོས། །ཧཱུྃ་ཧཱུྃ་ཧཱུྃ། ཕཊ་ཕཊ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་བཛྲ་ཡཀྴ་ཀྲོ་དྷ་ཁཱ་ཧི་ཁཱ་ཧི་ཧ་ཧ་ཧ། གཉིས་པ་ནི། བཤད་མ་ཐག་པའི་གདབ་ལས་ཀྱི་མལ་དུ་ངན་སྔགས་ཉེ་བར་བསྙེན་པའི་མན་ངག་ཆིག་བརྒྱུད་ལས་མངོན་སྤྱོད་ཀྱི་ཕྲིན་ལས་གཏིང་ཕྱིན་པར་བྱའོ།། །།ལྔ་པ་བཟློག་པའི་ཕྲིན་ལས་ནི། ཧཱུྃ། ཆོས་སྐུ་བདེ་བ་ཆེན་པོའི་ངང་ཉིད་ལས། །ཀུན་ཏུ་བཟང་པོའི་རོལ་པ་ཅིར་ཡང་སྣང༌། །བདུད་དང་སྲིན་པོ་མ་ལུས་འདུལ་བའི་ལྷ། །རྔམས་པ་ཆེན་པོས་སྲིད་གསུམ་འཇོམས་པའི་ལྷ། །བདུད་རྒྱལ་དྲེགས་པ་འདུལ་ཞིང་དབང་དུ་སྡུད། །ཧཱུྃ། དབུ་གསུམ་ཕྱག་དྲུག་རྡོ་རྗེའི་གཤོག་པ་ཅན། །དབུ་གསུམ་རྣམ་ཐར་གསུམ་གྱི་དབུ། །དབུས་མ་མཐིང་གར་བསྟན་པ་ནི། །ཆོས་སྐུ་འགྱུར་བ་མེད་པ་དང༌། །ཞེ་སྡང་རྩད་ནས་གཅོད་པའི་


JLAZ009_Page_0671
[མ་དཔེ་གཟིགས་ན་འདིར་གནོན།]

རྟགས། །གཡས་ནི་ལྗང་བར་བསྟན་པ་ནི། །ཕྲིན་ལས་ཀུན་ལ་མངའ་བརྙེས་ཤིང༌། །ཉོན་མོངས་གནས་སུ་དག་པའི་རྟགས། །གཡོན་ནི་དམར་བར་བསྟན་པ་ནི། །ཐུགས་རྗེ་ཐབས་ཀྱིས་ཆགས་པ་དང༌། །འདོད་ཆགས་རྩད་ནས་གཅད་པའི་ཕྱིར། །སྤྱན་མིག་དགུ་རུ་བསྟན་པ་ནི། །འཁོར་བའི་ས་དགུ་འཇོམས་པ་དང༌། །ཐེག་པ་དགུ་དང་ལྡན་པའི་ཕྱིར། །མཆེ་བ་བཅུ་གཉིས་བསྟན་པ་ནི། །སྐྱེ་མཆེད་བཅུ་གཉིས་རྩད་ནས་གཅོད་པ་དང༌། །ཤ་ཟ་གདུག་པའི་མཆེ་བ་དམར་བའི་ཕྱིར། །ཤངས་ནི་གསུམ་དུ་བསྟན་པ་ནི། །སྐུ་གསུམ་ལྷུན་གྱིས་གྲུབ་པ་དང༌། །དུག་གསུམ་རྩད་ནས་གཅད་པའི་ཕྱིར། །ཞལ་ནི་གསུམ་དུ་བསྟན་པ་ནི། །དུག་གསུམ་ཞལ་དུ་གསོལ་བ་དང༌། །སྟོང་གསུམ་སྒྲ་ཡིས་དགང་བའི་ཕྱིར། །རི་སྤུ་གྱེན་དུ་འཁྱིལ་བར་བསྟན་པ་ནི། །ཁམས་གསུམ་འཁོར་བའི་གནས་ནས་དྲང་བ་དང༌། །སྐུ་གསུམ་ལྷུན་གྲུབ་ས་ལ་དགོད་པའི་ཕྱིར། །རལ་པ་ཁམ་ནག་གྱེན་དུ་འཁྱིལ་བར་བསྟན་པ་ནི། །གདུག་པ་ཅན་རྣམས་དབང་དུ་བསྡུ་བ་དང༌། །སྲིད་པའི་རྩེ་མོ་ཟིལ་གྱིས་གནོད་པའི་རྟགས། །ཕྱག་དྲུག་ཡེ་ཤེས་དྲུག་གི་རང་བཞིན་ཏེ། །གཡས་ཀྱི་


JLAZ009_Page_0672
[མ་དཔེ་གཟིགས་ན་འདིར་གནོན།]

དང་པོ་རྡོ་རྗེ་རྩེ་དགུ་བསྣམས་པ་ནི། །ས་དགུ་ལྷུན་གྱིས་གྲུབ་པ་དང༌། །ཐེག་པ་དགུ་དང་ལྡན་པའི་ཕྱིར། །བར་པ་རྡོ་རྗེ་རྩེ་ལྔ་དང༌། །སྟྭ་རེ་ཐོ་བ་བསྣམས་པ་ནི། །ཡེ་ཤེས་ལྔ་དང་ལྡན་པ་དང༌། །ཉོན་མོངས་རྩ་བ་གཅོད་པའི་རྟགས། །གཡོན་གྱི་དང་པོ་མེ་དཔུང་བསྣམས་པ་ནི། །ཡེ་ཤེས་མེ་རུ་འབར་བ་དང༌། །ཉོན་མོངས་འཁོར་བ་བསྲེག་པའི་ཕྱིར། །བར་པ་ཁ་ཊྭཱཾ་རྩེ་གསུམ་དང༌། །ཐོད་དབྱུག་ལྕགས་ཀྱུ་བསྣམས་པ་ནི། །དུག་གསུམ་རྩད་ནས་གཅོད་པ་དང༌། །དགུག་བསྒྲལ་ལས་རྣམས་མཛད་པའི་རྟགས། །གཡས་ཀྱི་ཐ་མས་ཕུར་པ་འདྲིལ། །ཁམས་གསུམ་གདུག་པ་བསྒྲལ་བའི་ཕྱིར། །གཡོན་ན་རྦོད་གཏོང་ཕྲ་མེན་བསྣམས། །བྱད་ཕུར་རང་གཤེད་འབེབས་པའི་རྟགས། །དུར་ཁྲོད་ཆས་བརྒྱད་སྐུ་ལ་གསོལ་བ་ནི། །རྣམ་ཤེས་ཚོགས་བརྒྱད་རྩད་ནས་གཅོད་པའི་རྟགས། །རྡོ་རྗེ་གཤོག་པས་སྐུ་ལ་བརྒྱན་པ་ནི། །མ་མོ་མཁའ་འགྲོ་ཟིལ་གྱིས་གནོན་པ་དང༌། །ཐམས་ཅད་ཀུན་ཏུ་དབང་དུ་བསྡུ་བའི་ཕྱིར། །སྦྲུལ་ཆེན་རིགས་ལྔས་སྐུ་ལ་བརྒྱན་པ་ནི། །གདུག་པ་ཀླུ་རྣམས་རྩད་ནས་གཅོད་པའི་རྟགས། །ཞབས་བཞི་མངོན་པར་བསྟན་པ་ནི། །རྫུ་འཕྲུལ་བཞི་ཡི་རང་བཞིན་ཏེ། །རྡོ་རྗེ་བ་སྤུ་ཁྲོ་བོས་གཏམས་པ་ནི། །འཇིགས་པ་མེད་


JLAZ009_Page_0673
[མ་དཔེ་གཟིགས་ན་འདིར་གནོན།]

པར་དབང་དུ་སྡུད་པའི་རྟགས། །སྒེག་པ་དཔའ་བ་འཇིགས་སུ་རུང་བ་དང༌། །དགོད་དང་གཤེ་དང་འཇིགས་པར་བྱེད་པ་དང༌། །སྙིང་རྗེ་རྔམ་བརྗིད་རྡོ་རྗེ་གཞོན་ནུའི་སྐུ། །བདུད་བཞི་གདན་དུ་བཏིང་བས་དཔའ་དཔའ་འདྲ། །དུར་ཁྲོད་ཆས་བརྒྱད་ལྡན་པས་སྒེག་སྒེག་འདྲ། །སྐུ་ཆེ་ཡན་ལག་རགས་པས་འཇིགས་འཇིགས་འདྲ། །ཞལ་གཡས་ལྗང་ནག་བཞད་པས་རྒོད་རྒོད་འདྲ། །ཞལ་གཡོན་དམར་ལ་གདངས་པས་གཤེ་གཤེ་འདྲ། །དབུས་ཞལ་མཐིང་ལ་གནག་པས་ཁྲོ་ཁྲོ་འདྲ། །ཞལ་ནས་གདུག་རྩུབ་འབྱིན་པས་རྔམ་རྔམ་འདྲ། །རྒྱུད་དྲུག་ཐུགས་རྗེས་གཟིགས་པས་སྙིང་རྗེ་འདྲ། །ཆོས་སྐུ་མཚན་མ་མེད་པས་ཞི་ཞི་འདྲ། །ཞེ་སྡང་འཇོམས་མཛད་ཐུགས་དམ་དུས་ལ་བབ། །ཐབས་ཀྱི་སྐུ་ལ་དགྱེས་པ་བསྐྱེད་པའི་ཡུམ། །འཁོར་ལོ་རྒྱས་འདེབས་འདོད་ཆགས་འཇོམས་མ་དང༌། །ཞེ་སྡང་ཚུལ་གྱིས་ཞེ་སྡང་འཇོམས་མཛད་པ། །སྒྲོལ་ཡུམ་ཨེ་ཀ་ཙ་ཊིའི་དུས་ལ་བབ། །བཟློག་འཕྱོང༌། དགྲ་བགེགས་ཤ་ཁྲག་གཏོང་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་


JLAZ009_Page_0674
[མ་དཔེ་གཟིགས་ན་འདིར་གནོན།]

པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། ཐུགས་ལས་སྤྲུལ་པའི་སྲས་མཆོག་ཀཱི་ལ་ཡ། ། སྐུ་གསུང་ཐུགས་ཡོན་ཕྲིན་ལས་རང་བཞིན་ལས། །བཛྲ་འདུས་པའི་སྲས་མཆོག་ཀཱི་ལ་ཡ། །མཐིང་ནག་ཞལ་གཅིག་ཕྱག་བཞི་དབལ་ཤམ་ཅན། །རྡོ་རྗེ་སྟྭ་རེ་ཁ་ཊྭཱཾ་ཕུར་པ་འདྲིལ། །རིགས་ཀྱི་ཡུམ་འཁྲིལ་ལྷ་ཆེན་བརྒྱ་བྱིན་གྱི། །གདན་ལ་བཞུགས་ཏེ་ལས་རྣམས་མ་ལུས་མཛད། །ཞེ་སྡང་ཆེན་པོའི་ཕྲིན་ལས་དུས་ལ་བབ། །གནོད་སེམས་ཕྲ་མ་ཅན་གྱི་སྙིང་ལ་རྒྱོབ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་


JLAZ009_Page_0675
[མ་དཔེ་གཟིགས་ན་འདིར་གནོན།]

བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། བུདྡྷ་འདུས་པའི་སྲས་མཆོག་ཀཱི་ལ་ཡ། །སྨུག་ནག་ཞལ་གཅིག་ཕྱག་བཞི་སྐུ་སྨད་ཟླུམ། །འཁོར་ལོ་སྟྭ་རེ་ཁ་ཊྭཱཾ་ཕུར་པ་འདྲིལ། །རིགས་ཀྱི་ཡུམ་འཁྲིལ་ལྷ་ཆེན་ཚངས་པ་ཡིན། །གདན་ལ་བཞུགས་ཏེ་ཞི་བའི་ཕྲིན་ལས་མཛད། །གཏི་མུག་ཆེན་པོའི་ཕྲིན་ལས་དུས་ལ་བབ། །ངག་འཁྱལ་རྫུན་དུ་སྨྲ་བའི་སྙིང་ལ་རྒྱོབ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། རཏྣ་འདུས་པའི་སྲས་མཆོག་ཀཱི་ལ་ཡ། །སེར་ནག་ཞལ་གཅིག་ཕྱག་བཞི་སྨད་ཟུར་བཞི། །རིན་ཆེན་སྟྭ་རེ་ཁ་ཊྭཱཾ་ཕུར་པ་འདྲིལ། །རིགས་ཀྱི་ཡུམ་འཁྲིལ་མ་ཧཱ་དེ་ཝ་ཡི། །གདན་ལ་


JLAZ009_Page_0676
[མ་དཔེ་གཟིགས་ན་འདིར་གནོན།]

བཞུགས་ནས་རྒྱས་པའི་ཕྲིན་ལས་མཛད། །ང་རྒྱལ་ཆེན་པོའི་ཕྲིན་ལས་དུས་ལ་བབ། །སྲོག་གཅོད་ལོག་པར་ལྟ་བའི་སྙིང་ལ་རྒྱོབ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། པདྨ་འདུས་པའི་སྲས་མཆོག་ཀཱི་ལ་ཡ། །དམར་ནག་ཞལ་གཅིག་ཕྱག་བཞི་སྨད་ཟླ་གམ། །པདྨ་སྟྭ་རེ་ཁ་ཊྭཱཾ་ཕུར་པ་འདྲིལ། །རིགས་ཀྱི་ཡུམ་འཁྲིལ་ལྷ་ཆེན་ཁྱབ་འཇུག་གི། །གདན་ལ་བཞུགས་ནས་དབང་གི་ཕྲིན་ལས་མཛད། །འདོད་ཆགས་ཆེན་པོའི་ཕྲིན་ལས་དུས་ལ་བབ། །གཡེམ་དང་མ་བྱིན་ལེན་གྱི་སྙིང་ལ་རྒྱོབ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་


JLAZ009_Page_0677
[མ་དཔེ་གཟིགས་ན་འདིར་གནོན།]

བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། ཀརྨ་འདུས་པའི་སྲས་མཆོག་ཀཱི་ལ་ཡ། །ལྗང་ནག་ཞལ་གཅིག་ཕྱག་བཞི་སྨད་ཟུར་གསུམ། །རྒྱ་གྲམ་སྟྭ་རེ་ཁ་ཊྭཱཾ་ཕུར་བུ་འདྲིལ། །རིགས་ཀྱི་ཡུམ་འཁྲིལ་དབང་ཕྱུག་ཆེན་པོ་ཡི། །གདན་ལ་བཞུགས་ཏེ་དྲག་པོའི་ཕྲིན་ལས་མཛད། །ཕྲག་དོག་ཆེན་པོའི་ཕྲིན་ལས་དུས་ལ་བབ། །ངག་རྩུབ་བརྣབ་སེམས་ཅན་གྱི་སྙིང་ལ་རྒྱོབ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་


JLAZ009_Page_0678
[མ་དཔེ་གཟིགས་ན་འདིར་གནོན།]

བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། སྟེང་ཕྱོགས་གྲུ་གསུམ་རྡོ་རྗེའི་བྲག་སྟེང་ན། །ཧཱུྃ་མཛད་དཀར་དམར་སྔོ་སྟེ་རྡོ་རྗེ་དུང༌། །མདའ་གཞུ་འགེངས་ཤིང་རི་རབ་ཕུར་པ་འདྲིལ། །ཚངས་པ་ཕོ་མོ་བསྣོལ་བའི་གདན་སྟེང་ན། །སྒྲ་འབྱིན་ཡུམ་དང་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་ཕག་དང་སྨིག་བུའི་མགོ །རོལ་པ་ཆེན་པོའི་ཕྲིན་ལས་དུས་ལ་བབ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལས་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། ཤར་ཕྱོགས་གྲུ་གསུམ་རྡོ་རྗེའི་བྲག་སྟེང་ན། །རྣམ་རྒྱལ་སྔོ་དམར་དཀར་ཏེ་རྡོ་རྗེ་དུང༌། །ཏྲི་ཤཱུལ་འཁོར་ལོ་རི་རབ་ཕུར་བུ་འདྲིལ། །བརྒྱ་བྱིན་ཕོ་མོ་བསྣོལ་བའི་གདན་སྟེང་ན། །རྣམ་སྙེམས་ཡུམ་དང་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་


JLAZ009_Page_0679
[མ་དཔེ་གཟིགས་ན་འདིར་གནོན།]

སྟག་དང་བྱ་རྒོད་མགོ །ཟློག་བྱེད་ཆེན་པོའི་ཕྲིན་ལས་དུས་ལ་བབ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བྱེད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། ཤར་ལྷོ་གྲུ་གསུམ་རྡོ་རྗེའི་བྲག་སྟེང་ན། །དབྱུག་པ་སྔོན་པོ་སྔོ་སྐྱ་རྡོ་རྗེ་དུང༌། །རིན་ཆེན་དབྱུག་པ་མེ་དཔུང་ཕུར་པ་འདྲིལ། །མེ་ལྷ་ཕོ་མོ་བསྣོལ་བའི་གདན་སྟེང་ན། །སྡེར་མོ་ཡུམ་དང་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་གཡག་དང་བྱ་རོག་མགོ །འཇོམས་བྱེད་ཆེན་པོའི་ཕྲིན་ལས་དུས་ལ་བབ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་


JLAZ009_Page_0680
[མ་དཔེ་གཟིགས་ན་འདིར་གནོན།]

པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། ལྷོ་ཕྱོགས་གྲུ་གསུམ་རྡོ་རྗེའི་བྲག་སྟེང་ན། །གཤིན་རྗེ་སྔོ་ནག་མཐིང་ག་རྡོ་རྗེ་དུང༌། །བེ་ཅོན་དབྱུག་ཏོ་རི་རབ་ཕུར་པ་འདྲིལ། །གཤིན་རྗེ་ཕོ་མོ་བསྣོལ་བའི་གདན་སྟེང་ན། །དུར་ཁྲོད་ཡུམ་དང་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་ཤ་བ་འུག་པའི་མགོ །འཇིགས་བྱེད་ཆེན་པོའི་ཕྲིན་ལས་དུས་ལ་བབ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། ལྷོ་ནུབ་གྲུ་གསུམ་རྡོ་རྗེའི་བྲག་


JLAZ009_Page_0681
[མ་དཔེ་གཟིགས་ན་འདིར་གནོན།]

སྟེང་ན། །མི་གཡོ་སྔོ་མཐིང་དམར་སྨུག་རྡོ་རྗེ་དུང༌། །སྤུ་གྲི་ཞགས་པ་རི་རབ་ཕུར་པ་འདྲིལ། །སྲིན་པོ་ཕོ་མོ་བསྣོལ་བའི་གདན་སྟེང་ན། །གཏུན་ཁུང་ཡུམ་དང་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་གཟིག་དང་ཁྭ་ཏའི་མགོ །མི་འགྱུར་ཆེན་པོའི་ཕྲིན་ལས་དུས་ལ་བབ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། ནུབ་ཕྱོགས་གྲུ་གསུམ་རྡོ་རྗེའི་བྲག་སྟེང་ན། །རྟ་མགྲིན་དཀར་སྔོ་དམར་ཞལ་རྡོ་རྗེ་དུང༌། །རལ་གྲི་སྦྲུལ་ཞགས་རི་རབ་ཕུར་པ་འདྲིལ། །ཆུ་ལྷ་ཕོ་མོ་བསྣོལ་བའི་གདན་སྟེང་ན། །གཏུམ་མོ་ཡུམ་དང་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་བྱི་ལ་པུ་ཤུད་མགོ །བརྗིད་པའི་ཕྲིན་ལས་ཆེན་པོ་མཛད་དུ་གསོལ། །


JLAZ009_Page_0682
[མ་དཔེ་གཟིགས་ན་འདིར་གནོན།]

དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། ནུབ་བྱང་གྲུ་གསུམ་རྡོ་རྗེའི་བྲག་ སྟེང་ན། །གཞན་རྒྱལ་དམར་ལྗང་ལྗང་དམར་རྡོ་རྗེ་དུང༌། །བ་དན་རྔུལ་གཡབ་རི་རབ་ཕུར་པ་འདྲིལ། །རླུང་ལྷ་ཕོ་མོ་བསྣོལ་བའི་གདན་སྟེང་ན། །མདའ་སྙེམས་ཡུམ་དང་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་སྤྱང་ཀི་ཁྲ་ཡི་མགོ །བརྟུལ་ཞུགས་ཆེན་པོའི་ཕྲིན་ལས་མཛད་དུ་གསོལ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་


JLAZ009_Page_0683
[མ་དཔེ་གཟིགས་ན་འདིར་གནོན།]

གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། བྱང་ཕྱོགས་གྲུ་གསུམ་རྡོ་རྗེའི་བྲག་སྟེང་ན། །འཁྱིལ་བ་དུད་སེར་ལྗང་གུ་རྡོ་རྗེ་དུང༌། །རྒྱ་གྲམ་དྲིལ་བུ་རི་རབ་ཕུར་པ་འདྲིལ། །གནོད་སྦྱིན་ཕོ་མོ་བསྣོལ་བའི་གདན་སྟེང་ན། །རླུང་འབྱིན་ཡུམ་དང་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་སེང་གེ་ཕ་ཝང་མགོ །གཟིར་བའི་ཕྲིན་ལས་ཆེན་པོ་མཛད་དུ་གསོལ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། བྱང་ཤར་གྲུ་གསུམ་


JLAZ009_Page_0684
[མ་དཔེ་གཟིགས་ན་འདིར་གནོན།]

རྡོ་རྗེའི་བྲག་སྟེང་ན། །རྣམ་རྒྱལ་ལྗང་སེར་སྐྱ་སྟེ་རྡོ་རྗེ་དུང༌། །རྡོ་རྗེ་ཁ་ཊྭཱཾ་རི་རབ་ཕུར་པ་འདྲིལ། །དབང་ལྡན་ཕོ་མོ་བསྣོལ་བའི་གདན་སྟེང་ན། །གསོད་བྱེད་ཡུམ་དང་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་དྲེད་དང་སྲེ་མོའི་མགོ །སྒྲོལ་བའི་ཕྲིན་ལས་ཆེན་པོ་མཛད་དུ་གསོལ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། འོག་ཕྱོགས་གྲུ་གསུམ་རྡོ་རྗེའི་བྲག་སྟེང་ན། །སྟོབས་ཆེན་ལྗང་སེར་དུད་ཁ་རྡོ་རྗེ་དུང༌། །ཐོ་བ་གཏུན་ཤིང་རི་རབ་ཕུར་པ་འདྲིལ། །ས་བདག་ཕོ་མོ་བསྣོལ་བའི་གདན་སྟེང་ན། །བསྐྱོད་མ་ཡུམ་དང་འཁྲིལ་སྦྱོར་རོལ་པ་ལས། །སྤྲུལ་པའི་ཕྲ་མེན་དོམ་དང་བྱི་བའི་མགོ །གདབ་པའི་ཕྲིན་ལས་ཆེན་པོ་མཛད་དུ་གསོལ། །དགྲ་


JLAZ009_Page_0685
[མ་དཔེ་གཟིགས་ན་འདིར་གནོན།]

བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཧཱུྃ། དཀར་མོོ་པུ་ཤུད་མགོ་ཅན་ལྕགས་ཀྱུ་ཅན། །སྙིང་རྗེ་ཆེན་པོའི་སྒྲོལ་དོན་མཛད་དུ་གསོལ། །སྔོན་མོ་སྐྱེ་ཀའི་མགོ་ཅན་ཞགས་པ་ཅན། །བྱམས་པ་ཆེན་པོའི་ཕྲིན་ལས་མཛད་དུ་གསོལ། །དམར་མོ་སྲིན་བྱའི་མགོ་ཅན་ལྕགས་སྒྲོག་སྡོམ། །དགའ་བ་ཆེན་པོའི་ཕྲིན་ལས་མཛད་དུ་གསོལ། །ལྗང་ནག་ཁྲ་ཡི་མགོ་ཅན་དྲིལ་བུ་འཁྲོལ། །བཏང་སྙོམས་ཆེན་པོའི་ཕྲིན་ལས་མཛད་དུ་གསོལ། །དགྲ་བགེགས་ཤ་ཁྲག་གཏོར་མ་ད་རོལ་ལ། །རྣལ་འབྱོར་བདག་ཅག་ཡོན་མཆོད་འཁོར་བཅས་ཀྱི། །ཆག་ཆེ་ཉམ་ང་བཟློག་པའི་དུས་ལ་བབ། །ནད་གདོན་འཇིགས་བརྒྱད་ཞི་བའི་དུས་ལ་བབ། །བྱད་ཕུར་རྦོད་གཏོང་བཟློག་པའི་དུས་ལ་བབ། །


JLAZ009_Page_0686
[མ་དཔེ་གཟིགས་ན་འདིར་གནོན།]

དགྲ་མཚོན་གོད་ཁ་བཟློག་པའི་དུས་ལ་བབ། །གེགས་དལ་རིམས་ཁ་བཟློག་པའི་དུས་ལ་བབ། །མི་ཁ་གླེང་གཞི་བཟློག་པའི་དུས་ལ་བབ། །ཀེག་སྲི་ཐན་ལྟས་བཟློག་པའི་དུས་ལ་བབ། །བཟློག་བསྒྱུར་བཅོལ་བའི་ཕྲིན་ལས་མཛད་དུ་གསོལ། །ཅེས་བསྐུལ་ལ་ཟོར་སྔགས་བཟླ་བ་ནི། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུྃ་བྃ་ཧོཿ མ་མ་ཙ་དུར་ན་དགྲ་བོའི་སྲོག་ལ་བྷྱོ། ཁ་ལ་ལོ་པ་མ་ཤ་དགྲ་བོ་ལ་བྷྱོ། རུ་རུ་མ་ཏི་དགྲ་བོའི་སྲོག་ལ་བྷྱོ། མ་ཧྲིང་ཛ་ཙི་ཏ་ཚལ་ཚལ་དགྲ་བོའི་སྲོག་ལ་བྷྱོ། ཧ་ཤ་ཧ་ཤ་སྙིང་ལ་སུ་པ་མ་ཡོ་སྙིང་ཁ་རག་དགྲ་བོའི་སྲོག་ལ་བྷྱོ། པ་ར་ཏེ་ས་མ་ཡ་ཀེཾ་ཏ་ནི་དགྲ་བོའི་སྲོག་ལ་བྷྱོ། ནི་རཀྨོ་མ་ཤ་ས་མ་ཡ་ཏིང་ཛ་དགྲ་བོའི་སྲོག་ལ་བྷྱོ། ཞེས་བཟླས་པའི་ཚེ་དཀྱིལ་འཁོར་གསུམ་གྱི་ལྷ་ཚོགས་རྣམས་ཐུགས་རྒྱུད་བསྐུལ། དེ་རྣམས་ཀྱི་ཐུགས་ཀ་ནས་འོད་ཟེར་འཕྲོས་པས་དམ་ཅན་རྣམས་ལ་ཕོག་པས་གཟི་བརྗིད་མ་བཟོད་ནས་དམིགས་བྱ་ལ་མཚོན་ཆ་སྣ་ཚོགས་ཀྱི་ཆར་ཕབ་པས་བསད་པ་དང༌། གཟིར་བ་དང༌། དབང་དུ་བསྡུ་བའི་ལས་མཛད། བྱད་ཕུར་དང་བཀྲ་མི་ཤིས་པ་ཐམས་ཅད་དགྲ་གཤེད་དུ་ཕབ་པར་བསམ་མོ། །དྲུག་པ་ཐུན་གཏོར་ནི། བྷྱོ། ཟློག་བྱེད་དཔལ་ཆེན་ཕུར་པའི་ལྷ། །བྷྱོ་ཟློག་དྲག་པོའི་དུས་ལ་བབ། །མཐིང་ནག་གྲུ་གསུམ་


JLAZ009_Page_0687
[མ་དཔེ་གཟིགས་ན་འདིར་གནོན།]

དཀྱིལ་འཁོར་ནས། །བདུད་བདག་འཇིགས་བྱེད་ཆེན་པོ་དང༌། །ཡུམ་ཆེན་འཁོར་ལོ་རྒྱས་འདེབས་མ། །གཉིས་སུ་མེད་པའི་བྱིན་རླབས་ལས། །གདུག་པ་འདུལ་མཛད་ཁྲོ་བཅུ་བྱུང༌། །ཁྲོ་བོ་ཁྲོ་མོའི་བྱིན་རླབས་ལས། །སྤྲུལ་པའི་མགོ་བརྙན་རྣམས་བྱུང་བ། །ད་ནི་ཟོར་གྱི་ལས་མཛོད་ཅིག །སངས་རྒྱས་བསྟན་ཞུགས་རྣལ་འབྱོར་ལ། །ཕྱོགས་བཅུ་ཀུན་ནས་གདུག་པ་ཡི། །བསམ་སྦྱོར་ངན་པའི་རིག་སྔགས་དང༌། །སྡེ་བརྒྱད་དྲེགས་པའི་ངན་སྔགས་དང༌། །སྣང་སྲིད་ལྷ་འདྲེའི་རྦོད་གཏོང་དང༌། །དྲང་སྲོང་བཀའ་ཡི་དམོད་པ་དང༌། །བན་བོན་འདུས་པའི་བཙོ་ཟོར་དང༌། །གཤིན་རྗེའི་འཁོར་ལོ་མ་མོའི་ཐུན། །ཀླུ་ལ་གཏད་མནན་ཕོ་ཉའི་ཟོར། །མདོ་བསྒྲུབས་ཧོམ་དང་སྡེབ་གཤོར་བྲུབས། །བྱོལ་གཏོ་ལོག་དང་མི་ཁ་ངན། །ལོ་ཟླ་ཞག་དང་ཟ་མའི་ཀེག །ཐན་ལྟས་ངན་དང་ཡེ་འདྲོག་སོགས། །བཀྲ་མི་ཤིས་པའི་དངོས་པོ་ཀུན། །དམ་ཉམས་དགྲ་བོའི་སྟེང་དུ་ཟློག །བྷྱོ་བྷྱོ་སྡང་བའི་དགྲ་ལ་བྷྱོ། །བྷྱོ་བྷྱོ་གནོད་པའི་བགེགས་ལ་བྷྱོ། །བྷྱོ་བྷྱོ་བར་གཅོད་བདུད་ལ་བྷྱོ། །ཞེས་ཐུན་གཏོར་དགྲ་ཕྱོགས་སུ་འཕང་ངོ༌། །དེ་ལྟར་ཞག་བདུན་ལ་སོགས་པར་འབད་པས། རབ་ཐུན་ཁྲག་ཁོལ་བའམ། རླངས་པ་འཐུལ་བ་དང༌། ལུད་པའམ་ཞབས་ནས་འཛག་པ་


JLAZ009_Page_0688
[མ་དཔེ་གཟིགས་ན་འདིར་གནོན།]

དང༌། འབྲིང་ཉམས་སམ་རྨི་ལམ་དུ་དམ་ཅན་གྱི་དམག་དཔུང་ཆས་པ་དང༌། ཐ་མ་གཅན་གཟན་གྱི་ཚོགས་དང་བུད་མེད་མང་པོ་དགྲ་ཕྱོགས་སུ་རྒྱུག་པ་རྨིས་ན་ཟོར་གྱི་ལས་བྱའོ། །གསུམ་པ་རྗེས་ཀྱི་རིམ་པ་ལ་ལྔ་ལས། དང་པོ་ཟོར་ལམ་བསྟན་པ་ནི། རྒྱུད་ལས། ཟོར་ལམ་ཕྱེ་ལ་ཁྲོ་བས་འཕང༌། །མདའ་དང་ཐོད་ཟོར་ལྟས་ཀྱང་བརྟགས། །ཟོར་ཁ་བཟློག་ན་བདུན་དགུར་བསྐྱར། །ཞེས་པས་སྒྲུབ་ཁང་གི་ཡང་སྟེང་ནས་གསེར་སྐྱེམས་ཕུལ། གཟུ་དཔང་གསོལ། ཧཱུྃ། ང་ནི་དཔལ་ཆེན་ཁྲག་འཐུང་གཙོ། །མ་མོ་ཀུན་གྱི་མངའ་བདག་ཡིན། །སྲིད་པ་ཟོར་གྱི་ལས་བྱེད་པ། །མཁའ་འགྲོ་འབུམ་ཕྲག་ལས་ལ་ཆོས། །དམ་ཉམས་དགྲ་བོ་ལས་ངན་ལ། །ཟོར་ཆེན་འཕང་བའི་དུས་ཡིན་གྱི། །སྟེང་གི་ལྷ་ལ་ཟོར་མི་འཕེན། །འོག་གི་ཀླུ་ལ་ཟོར་མི་འཕེན། །བར་སྣང་གནས་པའི་ལྷ་སྲིན་ལ། །ཟོར་གྱི་རྫས་ནི་མི་འཕེན་ནོ། །དྲེགས་པའི་ལྷ་སྲིན་སྡེ་བརྒྱད་དང༌། །ཆོས་ལ་དགའ་བའི་ཕྱོགས་སྐྱོང་བཅུ། །འཇིག་རྟེན་སྐྱོང་བའི་རྒྱལ་ཆེན་བཞི། །དམ་ཚིག་སྲུང་བའི་ཆོས་སྐྱོང་ཚོགས། །ཐམས་ཅད་ཟོར་གྱི་ལམ་ཕྱེས་ལ། །སྟེང་ན་བཞུགས་པ་ཞབས་བརྟུལ་ཅིག །འོག་ན་བཞུགས་པ་དབུ་ཆུམ་ཞིག །བར་ན་གནས་པ་སྐུ་བཟུར་ཅིག །སྡང་བའི་དགྲ་བོ་ལས་ངན་ལ། །དྲག་པོའི་ཟོར་གྱིས་འཕང་བའི་ཚེ། །ཕོ་ཡི་རིགས་བརྒྱུད་རླག་པར་བྱེད། །


JLAZ009_Page_0689
[མ་དཔེ་གཟིགས་ན་འདིར་གནོན།]

མོ་ཡི་སྲིད་ཀུན་གཅོད་པར་བྱེད། །ནོར་དང་ལོངས་སྤྱོད་རྡུལ་དུ་འགྲོ། །འཁོར་དང་བདུན་བརྒྱུད་ཆད་པར་བྱེད། །ཕོབ་ཅིག་ཟོར་འདི་དགྲ་ལ་ཕོབ། །མཚོན་ཆའི་ཐུན་འདི་དགྲ་ལ་བྷྱོ། །ཞེས་བརྗོད་ཅིང་ཟོར་རྫས་གཉིས་ནས་ཅུང་ཟད་འཕང་ཞིང་ཟོར་པྲ་ཡང་བརྟག་གོ །གཉིས་པ་ཟོར་འཕང་བའི་ལས་དངོས་ནི། རྒྱུད་ལས། ལས་བྱེད་ཚོགས་ནི་དྲག་ཏུ་བསྐུལ། །ཁྲོ་བོ་སྤྲུལ་པ་དེ་བཞིན་བསྐུལ། །དྲོད་ཚད་ལྡན་པས་ཟོར་དུ་འཕང༌། །མ་མོའི་ཟོར་ནི་སྲོད་ལ་སྟེ། །སྲིན་པོའི་ཟོར་ནི་ཐོ་རངས་འཕང༌། །གདུག་ཅིང་སྡང་སེམས་ལྡན་པ་རྣམས། །སྐད་ཅིག་ཉིད་ལ་སྒྲོལ་བར་འགྱུར། །རྡོ་ནག་འུར་རྡོ་འཕང་བར་བྱ། །མདའ་འཕང་མདེའུ་མེ་སྟག་ནི། །གཡས་སུ་འཕྲོ་་་འབྲིང་། དང་གཡོན་དུ་འཕྲོ།་་་་་བཟང་། གང་ལ་་་་་ཚུར་བསྟན་ན། ལོག་པའི་དྲོད་ཚད་བཟུང༌། །ཁྲག་ལ་དེ་བཞིན་བལྟ་བ་དེ། །ལྐུགས་་་་་་དང་པོའི་དོན་དུ་རྒྱུ་བའི་ཁ་རྩེ་ཁྲག་གསུམ་རང་སར་ལོག་ན་བསྒྲུབ་པ་བསྐྱར། གཉིས་པ་རུ་རྩེ་མ་ལོག་པར་ཁྲག་འཐུམ་ན་དགྲའི་འཁོར་ལ་སོང་། གསུམ་པ་རུ་རྩེ་གཡོན་དུ་ཕར་སོང་བའི་ཁ་ནས་ཁྲག་དར་ཕྱར་བ་ཙམ་སོང་ན་རབ་ཡིན་ནོ། །དང་འཁྱིལ་དང་འཕྲོ་བའོ། །ཟོར་ནི་རབ་ཏུ་འཕང་བར་བྱ། །ཐོད་ཟོར་སྦུབ་དང་ལོག་ལྟས་ནི། །ཕྱི་རོལ་རྟགས་སུ་ཤེས་པར་བྱ། །ལས་ཀུན་མཐའ་ནི་ཟོར་གྱིས་བསྐུལ། །ཞེས་པས། སྒྲུབ་པ་པོ་རྣམས་ཞིང་ཆེན་གྱི་གཡང་གཞི་དང༌། སྲིད་པ་སྤྱི་བླུགས་ཀྱི་ཞྭ་གྱོན། སྙིང་གར་ཞག་གི་ཟོ་རིས། དཔྲལ་བར་ཐལ་ཆེན་གྱི་ཚོམ་བུ། མཁུར་མཚོས་སུ་རཀྟའི་ཐིག་ལེ་བྱས་ལ།


JLAZ009_Page_0690
[མ་དཔེ་གཟིགས་ན་འདིར་གནོན།]

ཧཱུྃ། མཐིང་ནག་གྲུ་གསུམ་དཀྱིལ་འཁོར་ནས། །དཔལ་ཆེན་རྡོ་རྗེ་གཞོན་ནུ་ཡང༌། །གཡས་ན་ཁྲག་ཟོར་མདའ་ལྟར་འཕེན། །གཡོན་ན་ཉུང་ཟོར་རྦབ་ལྟར་འདྲིལ། །ཁྲག་ཟོར་དམར་པོ་མཚོ་ལྟར་རློག །མདའ་ཟོར་དྲག་པོ་སྐར་ལྟར་འཁྲུགས། །དྲག་པོ་ཉུང་ཟོར་རྦབ་ལྟར་འདྲིལ། །མཚེ་ཟོར་རྣོན་པོ་མདུང་ལྟར་འདེབས། །དྲག་པོའི་ཕུར་ཟོར་སྙིང་ལ་འདེབས། །དོ་ནུབ་ཟོར་གྱི་ལས་མཛོད་ཅིག །བྷྱོ། ཡུམ་གཅིག་འཁོར་ལོ་རྒྱས་འདེབས་མ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །ཧཱུྃ། སྲས་མཆོག་ཁྲག་འཐུང་རིགས་ལྔ་ནི། །སྟོད་ནི་ཞལ་གསུམ་ཕྱག་དྲུག་ལ། །སྐུ་སྨད་ལྕགས་ཕུར་དབལ་དང་ལྡན། །གཡས་པ་འདྲལ་བྱེད་གྲི་གུག་བསྣམས། །གཡོན་པ་ཁྲག་ཟོར་མཚོ་ལྟར་རློག །ཁྲག་མདའ་ཁྲག་སྦུར་ཆི་ལི་ལི། །ཁྲག་མདའ་བུ་ཡུག་ཆར་ལྟར་ཕོབ། །དགྲ་བོའི་ཁོང་དུ་དུག་མདའ་གཡོས། །ཧཱུྃ། སྟེང་ཕྱོགས་ཚངས་པ་འདུལ་བའི་ལྷ། །ཁྲོ་བོ་ཆེན་པོ་ཧཱུྃ་ཀཱ་ར། །ཚངས་པ་


JLAZ009_Page_0691
[མ་དཔེ་གཟིགས་ན་འདིར་གནོན།]

འདུལ་བའི་མཐུ་བོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །བྷྱོ། ཡུམ་ཆེན་རྡོ་རྗེ་སྒྲ་འབྱིན་མ། །སྟེང་ཕྱོགས་མོ་འདུལ་མཐུ་མོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ ལ་ཡ། །བརྣག་པའི་ཁོང་དུ་དུག་མདའ་གཡོས། །ཧཱུྃ། ཁྲོ་བོ་ཆེན་པོ་རྣམ་པར་རྒྱལ། །བརྒྱ་བྱིན་འདུལ་བའི་མཐུ་བོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །བྷྱོ། ཡུམ་ཆེན་རྡོ་རྗེ་རྣམ་སྙེམས་མ། །བརྒྱ་བྱིན་མོ་འདུལ་མཐུ་མོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་


JLAZ009_Page_0692
[མ་དཔེ་གཟིགས་ན་འདིར་གནོན།]

ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །ཧཱུྃ། ཁྲོ་བོ་ཆེན་པོ་དབྱུག་པ་སྔོ། །དྲང་སྲོང་འདུལ་བའི་མཐུ་བོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །བྷྱོ། ཡུམ་ཆེན་རྡོ་རྗེ་སྡེར་མོ་སྟེ། །དྲང་སྲོང་མོ་འདུལ་མཐུ་མོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །ཧཱུྃ། ཁྲོ་བོ་ཆེན་པོ་གཤིན་རྗེ་གཤེད། །གཤིན་རྗེ་འདུལ་བའི་མཐུ་བོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་ཟེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །


JLAZ009_Page_0693
[མ་དཔེ་གཟིགས་ན་འདིར་གནོན།]

ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །བྷྱོ། ཡུམ་ཆེན་རྡོ་རྗེ་དུར་ཁྲོད་མ། །གཤིན་རྗེ་མོ་འདུལ་མཐུ་མོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །ཧཱུྃ། ཁྲོ་བོ་ཆེན་པོ་མི་གཡོ་མགོན། །སྲིན་པོ་འདུལ་བའི་མཐུ་བོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །བྷྱོ། ཡུམ་ཆེན་རྡོ་རྗེ་གཏུན་ཁུང་མ། །སྲིན་མོ་འདུལ་བའི་མཐུ་མོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །ཧཱུྃ། ཁྲོ་བོ་


JLAZ009_Page_0694
[མ་དཔེ་གཟིགས་ན་འདིར་གནོན།]

ཆེན་པོ་རྟ་མགྲིན་དཔལ། །ཀླུ་བདུད་འདུལ་བའི་མཐུ་བོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །བྷྱོ། ཡུམ་ཆེན་རྡོ་རྗེ་གཏུམ་མོ་ནི། །ཀླུ་བདུད་མོ་འདུལ་མཐུ་མོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །ཧཱུྃ། ཁྲོ་བོ་གཞན་གྱིས་མི་ཐུབ་པ། །རླུང་ལྷ་འདུལ་བའི་མཐུ་བོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །བྷྱོ། ཡུམ་ཆེན་རྡོ་རྗེ་མདའ་སྙེམས་མ། །རླུང་ལྷ་མོ་འདུལ་མཐུ་མོ་ཆེ། །གཡས་པ་ཁྲག་ཟོར་མདའ་ལྟར་འཕེན། །


JLAZ009_Page_0695
[མ་དཔེ་གཟིགས་ན་འདིར་གནོན།]

གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །ཧཱུྃ། ཁྲོ་བོ་ཆེན་པོ་བདུད་རྩི་འཁྱིལ། །གནོད་སྦྱིན་འདུལ་བའི་མཐུ་བོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །བྷྱོ། ཡུམ་ཆེན་ཟ་བྱེད་རླུང་འབྱིན་མ། །གནོད་སྦྱིན་མོ་འདུལ་མཐུ་མོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །ཧཱུྃ། ཁྲོ་བོ་ཁམས་གསུམ་རྣམ་པར་རྒྱལ། །དབང་ལྡན་འདུལ་བའི་མཐུ་བོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་


JLAZ009_Page_0696
[མ་དཔེ་གཟིགས་ན་འདིར་གནོན།]

མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །བྷྱོ། ཡུམ་ཆེན་རྡོ་རྗེ་གསོད་བྱེད་མ། །དབང་ལྡན་མོ་འདུལ་མཐུ་མོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །ཧཱུྃ། འོག་ཕྱོགས་ཁྲོ་བོ་སྟོབས་པོ་ཆེ། །ས་བདག་འདུལ་བའི་མཐུ་བོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །བྷྱོ། ཡུམ་ཆེན་རྡོ་རྗེ་བསྐྱོད་མ་སྟེ། །ས་བདག་མོ་འདུལ་མཐུ་མོ་ཆེ། །གཡས་པ་ཁྲག་ཟོར་མདའ་ལྟར་འཕེན། །གཡོན་པ་ཉུང་ཟོར་རྦབ་ལྟར་དྲག །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་


JLAZ009_Page_0697
[མ་དཔེ་གཟིགས་ན་འདིར་གནོན།]

མདའ་གཡོས། །ཧཱུྃ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཁྲོ་མོ་བཅུ་ཡི་ཕྱག་བརྙན་ཏེ། །བུད་མེད་འདི་ལྟར་ཡ་མཚན་ཅན། །བུད་མེད་ལུས་ལ་ཕྲ་ཐབས་མགོ །གཡས་པ་རྟགས་ཀྱི་ཕྱག་མཚན་ལ། །གཡོན་པ་ཟོར་གྱི་མདའ་འཕེན་མ། །ཕུར་བུའི་ཟོར་འཕེན་ཁྲ་ལ་ལ། །ཉུང་མོའི་ཟོར་འཕེན་སི་ལི་ལི། །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །ཁྲོ་མོ་བཅུ་ཡི་ཕྱག་བརྙན་ཏེ། །མོན་མོ་འདི་ལྟར་ཡ་མཚན་ཅན། །མོན་མོའི་ལུས་ལ་ཕྲ་མེན་མགོ །གཡས་པ་རྟགས་ཀྱི་ཕྱག་མཚན་ལ། །གཡོན་པ་ཟོར་གྱི་མདའ་འཕེན་མ། །ཕུར་བུའི་ཟོར་འཕེན་ཁྲ་ལ་ལ། །ཉུང་མོའི་ཟོར་འཕེན་སི་ལི་ལི། །མཚོན་ཟོར་མང་པོ་ཟིངས་སེ་ཟིང༌། །དུག་ཟོར་མང་པོ་ཐིབས་སེ་ཐིབ། །ནད་ཁྲག་ཁྲག་ཟོར་ཆི་ལི་ལི། །ཁྲག་ཟོར་ཆེན་པོ་དགྲ་ལ་ཡ། །བརྣག་པའི་ཁོང་དུ་དུག་མདའ་གཡོས། །བྷྱོ། ཤྭ་ན་ལས་ཀྱི་མཁའ་འགྲོ་མ། །ལྕགས་ཀྱི་སྤྱང་མོ་མགོ་དགུ་


JLAZ009_Page_0698
[མ་དཔེ་གཟིགས་ན་འདིར་གནོན།]

དང༌། །གསེར་གྱི་འཕར་བ་ལྕེ་བརྒྱད་མ། །ཟངས་ཀྱི་ཝ་མོ་རྐང་གསུམ་མ། །ཟས་སུ་ཤ་ཟ་ཁྲག་འཐུང་མ། །གཡས་སུ་ཕུར་ཟོར་མདའ་ལྟར་འཕེན། །གཡོན་དུ་ཁྲག་ཟོར་མཚོ་ལྟར་རློག །ཉིད་ཀྱི་དམ་ཚིག་ཁྲག་མདའ་འདི། །ད་ནི་འཕེན་པའི་དུས་ལ་བབ། །ཁྲག་མདའ་ཁྲག་སྦུར་ཆི་ལི་ལི། །ཁྲག་མདའ་བུ་ཡུག་ཆར་ལྟར་ཕོབ། །དགྲ་བོའི་ཁོང་དུ་དུག་མདའ་རྒྱོབ། །བདག་ཉིད་མ་དང་ས་བདག་མ། །ལས་ཀྱི་མཁའ་འགྲོ་རྣམ་གསུམ་ཡང༌། །ཁྲག་ཟོར་དམར་པོའི་སྣ་དྲོངས་ལ། །ཁྲག་ཟོར་མེ་ལྟར་མཆེད་ནས་ཀྱང༌། །དམ་ཉམས་དགྲ་བོ་འཚིག་པར་གྱིས། །ཁྲག་ཟོར་ཆུ་ལྟར་འབྲུབ་ནས་ཀྱང༌། །དམ་ཉམས་དགྲ་བོ་འཁྱེར་བར་གྱིས། །ལས་ཀྱིས་མནར་བའི་བྱུར་ངན་འདི། །དྲག་པོའི་ཤུགས་ཀྱིས་མི་བསྒྲལ་དུ། །བསྟན་པ་འཇིག་ཅིང་ཆོས་འཁོར་བརླག །སྙིང་ཁྲག་ཆོམས་ཤིག་གུ་ལུ་ན། །རྣམ་ཤེས་སྡོམས་ཤིག་ཤྭ་ན་རམ། །སྲོག་རྩ་ཆོད་ཅིག་སུ་ཏྲི་རམ། །ཕོག་པར་རྒྱོབ་ཅིག་སྙིང་གི་དཀྱིལ། །གནད་དུ་རྒྱོབ་ཅིག་སྲོག་གི་རྩ། །བརྣག་པའི་ཁོང་དུ་ཁྲག་ཟོར་གཡོས། །ཁྲག་ཟོར་དམར་པོའི་སྣ་དྲོངས་ཤིག །ཟོར་འཕང་ཚུར་ལ་མ་ལོག་ཅིག །གཉེན་བྱས་དགྲ་རུ་མ་ལྡང་ཞིག །ཟས་སྦྱོར་དུག་ཏུ་མ་


JLAZ009_Page_0699
[མ་དཔེ་གཟིགས་ན་འདིར་གནོན།]

གཡོ་ཞིག །ཉམས་པ་གང་ཡིན་ཡུལ་མཁར་སྒྱེལ། །མི་ནད་མེ་ལྟར་མཆེད་ནས་ཀྱང༌། །ཉམས་པ་གང་ཡིན་ཕུང་བར་གྱིས། །དམག་སྣ་དྲོངས་ཤིང་དྲག་པོ་ཟོར་གྱི་ལྷ། །བྷྱོ་བྷྱོ་དྲག་པོ་ཟོར་གྱི་ཐུན་ཕོབ་ཅིག །ཅེས་བརྗོད་ལ་ཐོད་པ་དང༌། རྭ་ཟོར་དུ་གནས་པའི་ཁྲག་མདས་སྣ་དྲངས་པའི་ཟོར་རྫས་རྣམས་རབ་དགྲ་བོའི་དུར་མ་ཆད། འབྲིང་མཁར་ཁྱིམ། ཐ་མ་ཡུལ་ཕྱོགས་སུ་འཕངས་ན་རིམ་པ་བཞིན་དུ་བདུན་བརྒྱུད་དང༌། ཡུལ་མཁར་དང༌། དམིགས་བྱ་ཁ་ཕུང་དུ་འགྲོ་བའི་ཚུལ། རྩ་རྒྱུད་ལས། དྲག་པོ་ལས་ཀྱི་སྦྱོར་བ་ནི། །མཚན་ངན་ཐོད་པ་ཆེན་པོ་རུ། །ཁྲག་དང་དུག་དང་ཕྱེ་མ་གསུམ། །བསྒྲུབ་བྱའི་ལིངྒར་ལྡན་པ་ལ། །སྔགས་ནས་དཔལ་གྱི་སྐུ་ཉིད་ཀྱིས། །བསྟན་པ་འཇིག་པར་བྱེད་པ་ཡི། །སྐྱེ་བོ་དེ་ལ་འཕང་གྱུར་ན། །ཚངས་པའི་ཚེ་དང་ལྡན་པ་ཡང༌། །དྲག་པོའི་ལས་འདིས་འཆི་འགྱུར་བར། །དེ་བས་འདི་ནི་དྲག་པོའི་ལས། །གསང་ཆེན་ང་ཡི་བསྟན་པ་ཡིན། །ཞེས་སོ། །གསུམ་པ་ལས་མཇུག་བྲོས་བསྡུ་བ་ནི། སྒྲུབ་ཁང་གི་སྒོ་དྲུང་དུ་དགྲ་བགེགས་ལ་འགུགས་འདྲེན་བྱས། མེ་ཆུའི་སྟེང་དུ་གཏོར་གཞོང་རི་རབ་ཏུ་བསམ་པ་སྦུབ་ལ། ལག་པ་ལུ་གུ་རྒྱུད་དུ་སྦྲེལ་ནས་ལས་བཞི་དང་བསྟུན་པའི་བྲོ་ར་བཅའ་ཞིང༌། ཧཱུྃ། ཞེ་སྡང་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་ཐམས་ཅད་ཀུན། །ཁྲོ་བོར་མ་གྱུར་གང་ཡང་མེད། །ཐམས་ཅད་ཐལ་བ་རྡུལ་དུ་རློགས། །


JLAZ009_Page_0700
[མ་དཔེ་གཟིགས་ན་འདིར་གནོན།]

ཨོཾ་བཛྲ་ཀཱི་ལི་ཀཱི་ལ་ཡ་མཱ་ར་ཡ་ཧཱུྃ་ཕཊ། བཾ། འདོད་ཆགས་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །དབང་གི་ཁྲོ་བོར་མ་གྱུར་གང་ཡང་མེད། །ཐམས་ཅད་དབང་དུ་འདུ་བར་མཛོད། །ཨོཾ་བཛྲ་ཀཱི་ལི་ཀཱི་ལ་ཡ་ཝ་ཤང་ཀུ་རུ་སྭཱ་ཧཱ། ཡ། ང་རྒྱལ་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་ཐམས་ཅད་ཀུན། །རྒྱས་པར་མ་གྱུར་གང་ཡང་མེད། །ཚེ་དང་བསོད་ནམས་རྒྱས་པར་མཛོད། །ཨོཾ་བཛྲ་ཀཱི་ལི་ཀཱི་ལ་ཡ་པུཥྟིཾ་ཀུ་རུ་སྭཱ་ཧཱ། མ། གཏི་མུག་རྡོ་རྗེ་འཁོར་བཅས་པས། ། འཇིག་རྟེན་ཁམས་ནི་ཐམས་ཅད་ཀུན། །ཞི་བར་མ་གྱུར་གང་ཡང་མེད། །ཐམས་ཅད་མ་ལུས་ཞི་བར་མཛོད། །ཨོཾ་བཛྲ་ཀཱི་ལི་ཀཱི་ལ་ཡ་ཤཱནྟིཾ་ཀུ་རུ་སྭཱ་ཧཱ། ཧཱུྃ། རྡོ་རྗེ་གཞོན་ནུའི་ཞབས་ཀྱིས་མནན། །འཁོར་ལོ་རྒྱས་འདེབས་བྷ་གར་སྦ། །ཁྲོ་བོའི་ཚོགས་ཀྱི་ཟས་སུ་བསྔོ། །བསྐལ་པའི་མེ་ཡི་ཕུང་པོས་བསྲེག །ཡེ་ཤེས་མེ་ཡིས་བག་ཆགས་བསྲེག །ཉོན་མོངས་ལྔ་དང་ལྡན་པ་ཡི། །གདུག་ཅིང་སྡང་སེམས་ལྡན་པ་རྣམས། །བྱང་ཆུབ་སེམས་ནི་མ་སྐྱེས་བར། །ནམ་ཡང་བཏང་བར་མི་བྱའོ། །ཨོཾ་སུམྦྷ་ནི་སུམྦྷ་ཧཱུྃ། གྷྲྀ་ཧྞ་གྷྲྀ་ཧྞ་ཧཱུྃ། གྷྲྀ་ཧྞཱ་པ་ཡ་གྷྲྀ་ཧྞཱ་པ་ཡ་ཧཱུྃ། ཨཱ་ན་ཡ་ཧོ་བྷ་ག་ཝཱན་བིདྱ་རཱ་ཛ་ཧཱུྃ་ཕཊ། བརྗོད་ཅིང་


JLAZ009_Page_0701
[མ་དཔེ་གཟིགས་ན་འདིར་གནོན།]

བྲོ་བརྡུང་ངོ༌། །བཞི་པ་ཕྱོགས་སྐྱོང་དང་རྒྱལ་ཆེན་བཞི་ལ་གཏང་རག་བཏང་བ་ནི། གཏོར་གཞོང་སྨན་ཕུད་དང་འབྲུས་བཀང༌། གསེར་སྐྱེམས་དང་གཏོར་མ་འབུལ་བ་སྤྱི་ལྟར་རོ། །ལྔ་པ་ནི། ནང་དུ་ལོག་ནས་ཚེ་ཡི་སྙིང་པོ་བཟླས། ཆོ་གའི་རྗེས་ཆོག་རྣམས་གཞུང་བཞིན་བྱའོ། ། དགེའོ། །དགེའོ། །དགེའོ།། །།

ཕུར་པ་རྒྱུད་ལུགས་ལས། སྲི་གནོན་རྒྱ་གྲམ་ནག་པོ།


JLAZ009_Page_0703
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས། སྲི་གནོན་རྒྱ་གྲམ་ནག་པོ་བཞུགས། །


JLAZ009_Page_0704
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་མཐུ་སྟོབས་ཀྱི་དབང་ཕྱུག་ལ་ཕྱག་འཚལ་ལོ། །རྡོ་རྗེ་ཕུར་པའི་སྒོ་ནས་སྲི་གནོན་པའི་ཐབས་ལ་སྦྱོར་དངོས་རྗེས་གསུམ་ལས། དང་པོ་ནི། སྟོབས་པོ་ཆེའི་རྒྱུད་ལས། རྒྱལ་པོ་ཕུང་བའི་ཕུང་སྲི་ནི། །མོན་དང་ཧོར་མོ་སྤྱི་རིང་མགོར། །ཆོས་འཁོར་དབུས་སུ་གནན་པར་བྱ། །ཡང་ན་ཡུལ་གྱི་མདོ་ཉིད་དོ། །དགྲ་སྲི་རྟ་གཡག་ཐོད་པ་རུ། །དགྲ་ཟུན་མཚམས་སུ་གནན་པར་བྱ། །དམ་སྲི་གཡི་སྤྱང་ཐོད་པ་རུ། །གྲོང་གི་དབུས་སུ་གནན་པར་བྱ། །བློན་པོ་ཕུང་བའི་ཕུང་སྲི་ནི། །སྤྲེའུའམ་ནེ་ཚོ་ཕ་ཝང་ཐོད། །འདུན་མ་འདུ་སར་གནན་པར་བྱ། །ཡུལ་ཁམས་ཕུང་བའི་ཕུང་སྲི་ནི། །མཛོ་རྟོལ་དྲེའུའི་ཐོད་པ་རུ། །ཡུལ་གྱི་དབུས་སུ་གནན་པར་བྱ། །དམེ་ཡིས་ཕུང་བའི་ཕུང་སྲི་ནི། །གཡི་དང་གསའ་སྤྱང་ཐོད་པ་རུ། །གྲོང་


JLAZ009_Page_0705
[མ་དཔེ་གཟིགས་ན་འདིར་གནོན།]

བརྡལ་ཆེན་པོའི་དབུས་སུ་མནན། །ཆུང་སྲི་ཁྱི་ཕག་ཐོད་པ་རུ། །མལ་གྱི་འོག་ཏུ་གནན་པར་བྱ། །དུར་སྲི་ཝ་ཐོད་གྲུམ་ཐོད་དམ། །ཡང་ན་ཟེར་མོའི་ཐོད་པ་རུ། །དུར་གྱི་འདབས་སུ་གནན་པར་བྱ། །རྣལ་འབྱོར་དམ་སྲི་མི་དང་ཁྱི། །ཕག་ཐོད་ལ་སོགས་སྣོད་དུ་ནི། །མཆོད་རྟེན་འོག་ཏུ་གནན་པར་བྱ། །གོད་སྲི་ར་ལུག་ཐོད་པ་རུ། །ར་བའི་དབུས་སུ་གནན་པར་བྱ། །ཞེས་པས་སྣོད་དང་གནས་བསྟན་ཅིང༌། དེའི་ནང་དུ་སྲི་ཅན་སོ་སོའི་ལིངྒ་བཅའ་ཚུལ་ནི། འཁོར་ལོ་རྩིབས་དྲུག་བྲིས་པ་ལ། །དབུས་སུ་སྲི་དང་ཏྲི་བྲིའོ། །དགྲ་ལ་བྱེད་ན་ནྲྀ་ཡང་བྲི། །རྩིབས་དྲུག་ལ་ནི་སྔགས་དྲུག་བྲི། །མཐའ་མ་ཁྲོ་བཅུའི་སྔགས་ཀྱིས་བསྐོར། །དབུས་ཀྱི་ལྟེ་བར་གཟུགས་བྲིས་ལ། །སྙིང་གར་རུས་ལ་དཔྲལ་བར་མིང༌། །ཡན་ལག་བཞི་ལ་ཡིག་འབྲུ་བཞི། །མཱ་ར་ཡ་ཡིས་


JLAZ009_Page_0706
[མ་དཔེ་གཟིགས་ན་འདིར་གནོན།]

མཐའ་མ་བསྐོར། །སྔོ་དམར་དཀྲི་ཞིང་རེ་བས་གཏུམ། །ཞེས་པས་འཁོར་ལོ་མུ་ཁྱུད་གསུམ་པའི་ལྟེ་བར་དགྲ་སྲི་མ་གཏོགས་སྲི་ཅན་གྱི་ལིངྒ་ཐམས་ཅད་མི་གཟུགས་བྱ་མཆུ་ཅན་གྱི་སྙིང་གར་དགྲ་ལ་ནྲྀ་དང༌། གཞན་རྣམས་ལ་ཏྲི་ཡིག་ཛ་སྤྲོད་ཀྱི་བར་དུ་གཏིམས་པའི་མཐའ་སྐོར་དུ་ཛཿཧཱུཾ་བཾ་ཧོཿ མོ་ཧ་གྷ་ཡ་ཆེ་གེ་མོ་ཨོཾ་བཛྲ་ཨངྐུ་ཤ་ཛཿ ཆེ་གེ་མོ་ཧཱུཾ་ཛཿ ཞེས་པས་བསྐོར། དཔྲལ་བར་སྲི་ཅན་གང་ཡིན་གྱི་མིང་སྤེལ་བཅུག་པའི་མནན་སྔགས་དཔེར་ན། ཨོཾ་ལཾ་ཧཱུཾ་ལཾ་རྒྱལ་པོ་ཕུང་བའི་ཕུང་སྲི་སྟྭམྦྷ་ནན། ཞེས་དང༌། ཡན་ལག་བཞི་ལ་ཛཿཧཱུཾ་བཾ་ཧོཿ གཟུགས་ཀྱི་མཐའ་སྐོར་དུ་མཱ་ར་ཡ་ནན་རྣམས་བྲི། མུ་ཁྱུད་གཉིས་པར་འཁོར་ལོ་རྩིབས་དྲུག་གི་མགོ་ཐོག་ནས་རིམ་པར་གཡས་བསྐོར་དུ། ཧ་ས་ཡ་ར་སོགས་སྔགས་དྲུག་པོ་བྲི། མུ་ཁྱུད་གསུམ་པར་ཁྲོ་བཅུའི་སྔགས་མཐར་ཆེ་གེ་མོ་སྟྭམྦྷ་ནན། ཞེས་དང༌། ཕྱི་རོལ་ཛ་ཁྲམ་གྱིས་བསྐོར། དྷ་དུ་ར་དང་དུག་ཁྲག་གིས་བྱུགས། གཏོར་ཟློག་དང་འབྲེལ་ན་ཟོར་གཏོར་གྱི་འོག་ཏུ་བྱེ་སྟེགས་ཀྱི་བྲུབ་ཁུང་ནང་དུ་བཅུགགལ་ཏེ་སྲི་གནོན་རྐྱང་པ་བྱེད་ན་ལྕགས་ཀྱི་ཧོམ་ཁུང་ངམ། སླ་ང་བྱེ་མས་བཀང་བར་བྲུབ་ཁུང་བྲུས་པའི་ནང་དུ་ལིངྒ་བཅུག་ལ་ཁ་ཁྱེར་རྩང་གིས་སྲིན་མོ་འགྲོས་སུ་བསྐོར་བའི་སྟེང་བསྙེན་ཕུར་དར་ནག་བཀབ་པས་གཟིར། སྐྱེ་ཤང་ཉུང་དཀར་ལྕགས་ཟངས་ཕྱེ་ལ་དུག་ཁྲག་གིས་ངར་བཏགས་པའི་ཐུན་རྫས་དང༌། མནན་སྣོད་ཕུང་རེ་སོགས་ཀྱང་ཚོགས་པར་བྱའོ། །གཉིས་པ་དངོས་གཞི་ནི། བསྙེན་བསྒྲུབ་གདབ་ལས་ཚུལ་བཞིན་བྱ། །ཟོར་དང་ཧོམ་དང་མནན་པ་དང༌། །ཐ་མས་ལས་སུ་གྲུབ་པ་ཡིན། །ཞེས་པའི་དོན་ལས་དང་པོ་བསྙེན་བསྒྲུབ་ནི། སྟེགས་མཐོ་


JLAZ009_Page_0707
[མ་དཔེ་གཟིགས་ན་འདིར་གནོན།]

བར་ཡི་དམ་དང་ཆོས་སྲུང་གི་མཆོད་གཏོར་ཚོགས་པར་བྱས་ལ། སྒྲུབ་ཐབས་འབྲིང་བསྡུས་གང་རིགས་ཀྱི་གཞུང་སྲོང་ནས་བཟླས་པ་ཅི་ནུས་བྱའོ། །གཉིས་པ་གདབ་ལས་ནི། གཏོར་ཟློག་དང་འབྲེལ་ན་གཟུ་དཔང་དང༌། དམ་ཅན་གྱི་བསྐུལ། བཞི་སྙིང་དྲིལ་བའི་བཟླས་པ་གསུམ་གྱི་མཇུག་ཏུ་བླ་འགུགས་ཀྱི་ཕོ་ཉ་མོ་བཞིའི་སྒོས་བསྐུལ་དང་སྲི་ཅན་འགུགས་པའི་སྔགས་ཅི་ནུས་རེ་སྤེལ་ནས་ཚར་གང་འོས་ལྡབ། གལ་ཏེ་སྲི་མནན་རྐྱང་པ་བྱེད་ན། དམ་ཅན་མཆོད་བསྐུལ་བསྡུས་པ་བྱས་ལ། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཀ་ཏཾ་ཀ་ཡེ་ཛ་ཡེ་བི་ཛ་ཡེ། ཨ་ཙི་ཏེ་ཨ་པ་ར་ཙི་ཏེ། མ་ར་སྱ་ན་པྲ་མརྟ་ནི་ཡེ་སརྦ་བིག་ནན་བཾ་ཧཱུཾ་ཕཊ། ཅེས་བརྒྱ་རྩ་བརྒྱད་བཟླས་སོ། །དེ་ནས་བླ་འགུགས་ཀྱི་ཕོ་ཉ་མོ་བཞི་བསྐུལ་བ་ནི། ཧཱུཾ། དཔལ་གྱི་ཕོ་ཉ་ལས་མཁན་མོ། །དཀར་མོ་དུང་གི་མཆེ་བ་ཅན། །མཁའ་ལ་འབྱུང་བའི་མཛོད་འཁྱིལ་མ། །ལག་ན་སྤུ་གྲིས་སེམས་ཅན་སྒྲོལ། །ཞལ་དུ་དགྲ་བོའི་སྙིང་ཁྲག་རྔུབ། །སྤྲུལ་པ་ཐོག་ཐོག་སེར་ཆེན་འབེབས། །ཕོ་ཉ་སུམ་བརྒྱ་དྲུག་ཅུ་འགྱེད། །སུམ་བརྒྱ་དྲུག་ཅུའི་གཙོ་ མོ་སྟེ། །བསྐལ་པ་བརྒྱད་ཁྲིའི་ཕ་རོལ་ནས། །དམ་ལས་འདས་པའི་བླ་འདྲེན་མ། །ཉམས་པའི་བླ་ལ་ནན་མ་ཆུང༌། །ལྷོ་ཡི་ཕྱོགས་ནས་འབྱུང་བ་ནི། །ནག་མོ་ལྕགས་ཀྱི་ལན་ཚར་ཅན། །ཁྱུང་གི་ཁྲ་ཐོགས་གཡས་པ་ན། །བྷནྡྷ་གྲི་


JLAZ009_Page_0708
[མ་དཔེ་གཟིགས་ན་འདིར་གནོན།]

ཐོགས་གསོད་ལ་རྔམས། །ཚངས་པ་བསྒྱིངས་པའི་ཆ་ལུགས་ཅན། །མི་སྡུག་མགོ་ལ་གཅེར་བུའི་ལུས། །ཕོ་ཉ་སུམ་བརྒྱ་དྲུག་ཅུ་འགྱེད། །སུམ་ཅུ་དྲུག་ཅུའི་གཙོ་མོ་སྟེ། །བསྐལ་པ་བརྒྱད་ནས་བླ་ཚོལ་ཚོལ། །དཔག་ཚད་བྱེ་བར་བླ་འགུགས་འགུགས། །ཉམས་པའི་བླ་དང་སྲོག་ ལ་ཡ། །ནུབ་ཀྱི་ཕྱོགས་ནས་འབྱུང་བ་ནི། །དཀར་མོ་ཉི་མའི་འོད་འཕྲོ་མ། །གདུག་པ་འདུལ་ལ་དྲག་པོ་སྟེ། །གསོད་ལ་རྔམས་པའི་ལས་ལ་བརྩོན། །མཆེ་གཙིགས་གཡང་གཞི་གོས་སུ་གྱོན། །སུམ་བརྒྱ་དྲུག་ཅུའི་གཙོ་མོ་སྟེ། །རབ་ཏུ་བསྒྲུབས་ནས་བླ་འགུགས་མ། །ཉམས་པའི་བླ་དང་སྲོག་ལ་ཡ། །བྱང་གི་ཕྱོགས་ནས་འབྱུང་བ་ནི། །ལྗང་ནག་འཁྱིལ་བའི་ཐོད་གདེངས་ཅན། །སེར་མོ་རལ་ཅན་འབུམ་གྱིས་བསྐོར། །ཕྱག་ན་རལ་གྲི་གསོད་ལ་རྔམས། །སུམ་བརྒྱ་དྲུག་ཅུའི་གཙོ་མོ་སྟེ། །སྔོན་ནས་སྲི་ཅན་བླ་འགུགས་མ། །ཉམས་པའི་བླ་དང་སྲོག་ལ་ཡ། །ནམ་མཁའི་ལྷ་མོ་ཕུར་པའི་ལྷ། །ལག་བརྒྱ་ལྕགས་ཀྱི་ཕུར་པ་འདྲིལ། །སྤྱན་བརྒྱ་ཁྲག་གི་མཆི་མ་འཛག །ཞལ་བརྒྱ་གདུག་པའི་ངན་སྔགས་ཟློས། །ཚེམས་ཀྱིས་སྐྱེ་ཤི་རྩ་བ་གཅོད། །ཕུར་པའི་ལས་མཁན་ཆེན་མོ་མ། །རབ་ཏུ་མི་བསྲུན་ལས་ལ་བརྩོན། །ཕོ་ཉ་མང་པོ་


JLAZ009_Page_0709
[མ་དཔེ་གཟིགས་ན་འདིར་གནོན།]

ཕྱོགས་བཅུར་འགྱེད། །རྡོ་རྗེ་སྐུ་གསུང་ཐུགས་ལས་སྤྲུལ། །ཉམས་པའི་བླ་དང་སྲོག་ལ་ཡ། །ཞེས་བསྐུལ། བླ་འགུགས་སྔགས་ནི། ཛཿཧཱུཾ་བཾ་ཧོཿ ཨོཾ་བཛྲ་ཨངྐུ་ཤ་ཛཿ རྒྱལ་སྲི་ཧཱུཾ་ཛཿ ཞེས་པས་མཚོན་བརྒྱའམ་སྟོང་ཕྲག་རེའི་མཚམས་སུ་ཕོ་ཉ་བསྐུལ་བ་ཅི་ནུས་བྱའོ། །དེ་ནས་ཟན་ལིང་རེ་བཤམ་ལ་ཕྱི་དྲོའི་ཐུན་ལ་གདབ་ལས་རེ་བྱ་བའི། དང་པོ་བསྐུལ་བ་ནི། ཧཱུཾ། དམ་ཚིག་ཆེན་པོའི་དུས་ལ་བབ། །སྤྲུལ་པ་ཆེན་པོའི་དུས་ལ་བབ། །ཕྱག་བརྙན་ཆེན་པོའི་དུས་ལ་བབ། །ཤྭ་ན་མུ་ཁའི་དུས་ལ་བབ། །ས་བདག་ཆེན་མོའི་དུས་ལ་བབ། །བདག་ཉིད་ཆེན་མོའི་དུས་ལ་བབ། །ཁྱེད་ཀྱི་ཐུགས་དམ་དུས་ལ་བབ། །མཐུ་རྩལ་འབྱུང་བའི་དུས་ལ་བབ། །དངོས་གྲུབ་བར་ཆད་བྱེད་པའི་བགེགས། །གདུག་ཅིང་སྡང་སེམས་ལྡན་པ་རྣམས། །གཏོགས་ཤིག་གྲོགས་དང་བྲལ་བར་གྱིས། །ཕོབ་ཅིག་རྣམ་པར་གཟིར་བར་གྱིས། །ཟུངས་ཤིག་ཆིངས་ཤིག་རྣམ་པར་ཆིངས། །རེངས་པར་ཁུག་ལ་སྨྲར་ཆུག་ཅིག །ལུས་ངག་རྡུལ་ཕྲན་བཞིན་དུ་རློགས། །ང་ཡི་དབང་དུ་གྱུར་ནས་ནི། །བསྒོ་བའི་བཀའ་རྣམས་ཉན་པར་གྱིས། །ཞེས་དང༌། ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ ཆེ་གེ་མོ་ཧ་ས་ཡ་ར་ཧྲི་ཏན་ཨ་བེ་ཤ་ཡ་ཨ་བེ་ཤ་ཡ། ཤི་ཀྲི་ཨ་ན་ཡ་ཤི་ཀྲི་ཨ་ན་ཡ།


JLAZ009_Page_0710
[མ་དཔེ་གཟིགས་ན་འདིར་གནོན།]

ཛྭ་ལ་པ་ཡ་ཛྭ་ལ་པ་ཡ། ཏ་ཐཱ་ཡ་ཏ་ཐཱ་ཡ། བནྡྷ་ཡ་བྷནྡྷ་ཡ་སརྦ་བིག་ནན་བཾ་ཧཱུཾ་ཕཊ། བརྒྱ་རྩ་བཟླ། གསུམ་པ་གནས་ལུང་ནི། ཧཱུཾ། སྙིང་རྗེས་བསྒྲལ་བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཨོཾ་ལཾ་ཧཱུཾ་ལཾ་སྟྭཾ་བྷ་ནན། མོ་ཧ་གྷ་ཡ་བྷ་ག་ཝཱ་ན་ཤི་ཀྲི་བི་ཀྲི་ཤྲི་བཛྲ་ཧཱུཾ་ཀཱ་ར་ཧཱུཾ་ཧཱུཾ་ཕཊ། བཞི་པ་ཕུར་གདབ་ནི། ཧཱུཾ། བདག་ཅག་རྣལ་འབྱོར་སྒྲུབ་པ་པོས། །བྱང་ཆུབ་མཆོག་ཏུ་སེམས་བསྐྱེད་ཅིང༌། །དུས་གསུམ་རྒྱལ་བའི་གདུང་གསོབ་པའི། །རིག་འཛིན་བདག་ཅག་རྣམས་ལ་ནི། །གནོད་ཅིང་གདུག་པའི་དགྲ་དང་བགེགས། །བདུད་དང་བར་དུ་གཅོད་པ་དང༌། །དངོས་གྲུབ་ཕྲོག་ཅིང་འཚེ་བ་རྣམས། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་ཁུག་ལ། །མངོན་སྤྱོད་ཚུལ་བཞིན་བསྒྲལ་བ་དང༌། །ལུས་ངག་རྡུལ་ཕྲན་བཞིན་དུ་རློགས། །སྡུག་བསྔལ་ཉམས་སུ་མྱོང་བར་མཛོད། །ཨོཾ་བཛྲ་ཀཱི་ལི་ཀཱི་ལ་ཛཿཧཱུཾ་བཾ་ཧོཿ ཧ་ན་ཧ་ན་ཧཱུཾ་ཕཊ། ད་ཧ་ད་ཧ་ཧཱུཾ་ཕཊ། པ་ཙ་པ་ཙ་ཧཱུཾ་ཕཊ། མ་ཐ་མ་ཐ་ཧཱུཾ་ཕཊ། ཛྭ་ལ་ཛྭ་ལ་ཧཱུཾ་ཕཊ། སུ་རུ་སུ་རུ་ཧཱུཾ་ཕཊ། མུ་རུ་མུ་རུ་ཧཱུཾ་ཕཊ། ཀ་ཏང་ཀ་ཏེ་ཧཱུཾ་ཕཊ། ཛ་ཡེ་བི་ཛ་ཡེ་ཧཱུཾ་ཕཊ། ཨ་ཙི་ཏེ་ཨ་པ་ར་ཙི་ཏེ་མ་ར་ས་ན་པྲ་མརྟ་ན་ཡེ་སརྦ་བིག་ནན་བཾ་ཧཱུཾ་ཕཊ།


JLAZ009_Page_0711
[མ་དཔེ་གཟིགས་ན་འདིར་གནོན།]

ཧཱུཾ། གདུག་ཅིང་སྡང་སེམས་ལྡན་པ་རྣམས། །ལྷའམ་གནོད་སྦྱིན་བདུད་ཀྱང་རུང༌། །ང་ལ་བར་ཆད་བྱེད་པ་རྣམས། །མཐུ་དང་རྫུ་འཕྲུལ་མེད་པར་མཛོད། །ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ པ་ར་བིག་ནན་སརྦ་བིག་ཏན་ཧཱུཾ་ཕཊ། ཚིནྡྷ་ཚིནྡྷ་ཧཱུཾ་ཕཊ། བིནྡྷ་བིནྡྷ་ཧཱུཾ་ཕཊ། གྷྲི་ཧ་ན་གྷྲི་ཧ་ན་ཧཱུཾ་ཕཊ། ཧ་ན་ཧ་ན་ཧཱུཾ་ཕཊ། ད་ཧ་ད་ཧ་ཧཱུཾ་ཕཊ། བནྡྷ་བནྡྷ་ཧཱུཾ་ཕཊ། སརྦ་ཨ་ན་ཡ་ཧཱུཾ་ཕཊ། ལྔ་པ་བསད་གྲིས་གཟིར་ཞིང༌། ཧཱུཾ། བྲན་དང་བཀའ་ཉན་ཕོ་ཉའི་ཚོགས། །ཁྱོད་ཀྱི་དམ་ཚིག་དུས་ལ་བབ། །སྔོན་ཆད་ཇི་ལྟར་དམ་བཅས་པའི། །མངོན་སྤྱོད་ཕྲིན་ལས་མྱུར་དུ་མཛོད། །ཨོཾ་བཛྲ་ཀཱི་ལི་ཀཱི་ལ་ཡ་ཛཿཧཱུཾ་བཾ་ཧོཿ མ་ཐ་མ་ཐ་བཛྲ། ཛྭ་ལ་ཛྭ་ལ་བཛྲ། སུ་རུ་སུ་རུ་བཛྲ། མུ་རུ་མུ་རུ་བཛྲ། སརྦ་བིག་ནན་བཾ་ཧཱུཾ་ཕཊ། དྲུག་པ་ཐུན་དབབ་པ་ནི། ཧཱུཾ། རྡོ་རྗེ་གསང་བའི་བཀའ་ལས་ནི། །སྡིག་ཅན་གང་ཞིག་འདའ་བྱེད་པ། །སྟོབས་ཆེན་ཁྲོ་བོ་ཆེན་པོ་ཡིས། །ཀླད་པ་ཚལ་པ་བརྒྱ་རུ་ཁོས། །ཉོན་ཅིག་བགེགས་དང་ལོག་འདྲེན་ཚོགས། །ང་ཡི་བཀའ་ལས་འདའ་མ་བྱེད། །ཨོཾ་བཛྲ་ཀཱི་ལི་ཀཱི་ལ་ཛཿཧཱུཾ་བཾ་ཧོཿ ཀ་ཏང་ཀ་ཏེ། ཛ་ཡེ་བི་ཛ་ཡེ། ཨ་ཙི་ཏེ་ཨ་པ་ར་ཙི་ཏེ། མ་ར་སྱཻ་ན་པྲ་མརྟ་ནི་ཡེ་ཧཱུཾ་མ་མ་པཱ་ཤཾ་ཀུ་རུ་མ་ཏང་ཉ་ཀ་ར་ཨི་ནན་དྷ་ཏི་


JLAZ009_Page_0712
[མ་དཔེ་གཟིགས་ན་འདིར་གནོན།]

མ་མ་ཀརྨ་ཤཱི་ཀྲཾ་ཀ་ར་ཡ་སརྦ་བིག་ནན་བཾ་ཧཱུཾ་ཕཊ། བདུན་པ་གཏུན་དུ་བརྡུང་བ་ནི། ཧཱུཾ། རྡུངས་ཤིག་རྡོ་རྗེ་འབར་བའི་གཏུན། །བཀའ་ལས་འདའ་བྱེད་སྡིག་ཅན་རྣམས། །རྡོ་རྗེ་མེ་དབལ་སྙིང་བསྲེག་ནས། །ལུས་ངག་རྡུལ་ཕྲན་བཞིན་དུ་རློགས། །ཁྲོ་མོ་འབར་བའི་གཏུན་ཁུང་དུ། །རྡོ་རྗེ་ཐོ་བས་བརྡུང་བྱས་ནས། །ལྷ་ཡང་རུང་སྟེ་བརླག་པར་འགྱུར། །ཁ་ཐཾ་ཁ་ཐཾ། ཉེར་གཅིག་བརྗོད། བརྒྱད་པ་བསྟབ་པ་ནི། ཧཱུཾ། བདག་ཉིད་ཆེན་མོའི་དུས་ལ་བབ། །ཁྱོད་ཀྱི་དམ་ཚིག་དུས་ལ་བབ། །ང་ཡི་དབང་དུ་གྱུར་ནས་ཀྱང༌། །བསྒོ་བའི་བཀའ་ནི་ཉན་པར་བྱོས། །ཧཱུཾ་ཧཱུཾ་ཧཱུཾ། ཕཊ་ཕཊ་ཕཊ། ཨོཾ་བཛྲ་ཀཱི་ལི་ཀཱི་ལ་ཡ་བཛྲ་ཡཀྴ་ཀྲོ་དྷ་ཁཱ་ཧི་ཁཱ་ཧི། ཧ་ཧ་ཧ། གལ་ཏེ་གཏོར་ཟློག་དང་འབྲེལ་ན་ཟློག་པའི་ཕྲིན་ལས་གཞུང་བསྲངས་ནས། ཐུན་གཏོར་འཕང་བ་ཡན་ཆད་ཉིན་ལྟར་བྱའོ། །གསུམ་པ་རྗེས་ཀྱི་རིམ་པ་ལ། གཏོར་ཟློག་དང་འབྲེལ་ན་ཉིན་ཐ་མར་ཟོར་ལམ་དབྱེ་བ་ནས་བཟུང་འཕང་བའི་ལས་ཡན་ཆད་སྔོན་དུ་བྱས་ནས་ལས་མཐའ་མནན་པས་བསྡུ་བའི་ཚུལ། ཟོར་དང་ཧོམ་དང་མནན་པ་དང༌། །ཐ་མས་ལས་སུ་གྲུབ་པ་ཡིན། །ཞེས་པས་བསྟན་ལ། དེའི་ཚུལ་ཡང༌། གང་དུ་བྱེད་པ་གྲུ་གསུམ་བྲུས། །ཨེ་ཡི་ཚོགས་ཀྱི་གཞལ་ཡས་བསྐྱེད། །སྟོབས་པོ་ཆེ་ཡི་ཐུགས་ཀ་ནས། །ཛཿལས་ལྕགས་ཀྱུས་དགུག་ཅིང་བསྟིམ། །ཐོད་པའི་ནང་དུ་སྦས་ནས་ནི། །སྟོབས་པོ་ཆེ་ཡི་ཕུར་པས་གདབ། །རྒྱ་


JLAZ009_Page_0713
[མ་དཔེ་གཟིགས་ན་འདིར་གནོན།]

གྲམ་མནན་ཅིང་ལས་བཞིས་བརྡུང༌། །གང་ལ་བྱས་ཀྱང་ཐེ་ཚོམ་མེད། །ཅེས་པ་ལྟར་ལྟོ་འཕྱེ་ལ་མི་གནོད་པའི་ཆོ་གས་དོང་ཚད་དང་ལྡན་པ་བྲུས་ལ། དགྲ་འདྲེ་སོ་སོའི་ལྟེབ་ཚུལ་གྱི་རཱུ་པ་རང་སྣོད་དུ་བཅུག །ཚོན་སྐུད་སྔོ་དམར་གྱིས་དཀྲིས། ཕུང་རེས་གཏུམས་ལ་མནན་སར་སླེབ་པ་དང༌། གཞི་བདག་དང་ཀླུ་ལ་དཀར་གཏོར་བསྔོས་རྗེས། མནན་དོང་གཤིན་རྗེ་ནག་པོའི་ལྟོ་བར་བསམས་པའི་ནང་དུ་མནན་ཆས་བསྐྱུར་ལ། ཐུན་བརྡེག །དུག་ཁྲག་གཏིག །དུག་གཏོར་བསྐྱུར། གུ་གུལ་བདུག །དུར་གཡམ་ལ་སྟོང་རྒྱ་བྲིས་པས་བཀབ་པའི་སྟེང་ཕུར་པ་གཅིག་སྟོབས་པོ་ཆེར་བསམས་ལ་གཟིར། ཧཱུཾ། སྲི་ཅན་བསྒྲལ་བའི་ཞིང་ཡིན་ཏེ། །སངས་རྒྱས་བསྟན་པ་ཁྱོད་ཀྱིས་བཤིག །དཀོན་མཆོག་དབུ་འཕང་ཁྱོད་ཀྱིས་སྨད། །དགེ་ལ་རྒྱབ་ཀྱི་ཕྱོགས་པ་ཁྱོད། །ཡོན་བདག་རྣམས་ལ་གནོད་པ་བྱས། །སྔགས་འཆང་རྣམས་ཀྱི་སྐུ་ལ་བསྡོས། །ཚེ་རབས་སྔ་མའི་ལན་ཆགས་པ། །སྡང་བའི་དགྲ་དང་གནོད་པའི་སྲི། །གྲུ་གསུམ་འབར་བ་འདིར་སྩལ་བས། །ནོར་གྱི་དོགས་ནས་མིང་རུས་འདི། །རྡོ་རྗེ་ཁྲོ་བོ་འཁོར་བཅས་ཀྱི། །ཟིལ་གྱིས་གནོན་པའི་ཕྲིན་ལས་མཛོད། །སྲི་ཅན་འདི་ལས་འདྲེ་ཆེ་མེད། །སྲི་ཅན་འདི་ལས་ཚེ་རིང་མེད། །ཚ་བའི་དབལ་དང་གསོན་གྱི་བདུད། །གཤིན་གྱི་ལྕགས་སུ་ཆེ་ བའི་སྲི། །ཆུང་སྲི་རྒྱལ་བློན་དམངས་ཀྱི་སྲི། །རྗེ་ཁོལ་


JLAZ009_Page_0714
[མ་དཔེ་གཟིགས་ན་འདིར་གནོན།]

ཞང་ཚ་ཚ་ཡི་སྲི། །ཕ་སྲི་བུ་སྲི་ནུ་བོའི་སྲི། །དགྲ་སྲི་དམེ་སྲི་ཕུང་བའི་སྲི། །དུར་སྲི་གོད་སྲི་སྒོ་སྲི་རྣམས། །སྲི་ཅན་མ་ལུས་འདུལ་བའི་ཕྱིར། །དཔལ་ཆེན་ཁྲོ་བོའི་སྐུར་བསྒོམས་ནས། །ཐམས་ཅད་རྡུལ་དུ་བརླག་པར་བྱ། །རྡོ་རྗེ་གཞོན་ནུའི་ཕུར་བུ་བསྟན། །གཤིན་རྗེ་ནག་པོའི་ལྟོ་བར་གཞུག །ཡ་མ་རཱ་ཛའི་ཟས་སུ་སྦྱིན། །མ་མོ་རྣམས་ལ་མཆོད་པར་འབུལ། །ཕོ་ཉ་རྣམས་ཀྱི་འགུགས་འདྲེན་བྱ། །རི་རབ་ཆེན་པོའི་རྨང་དུ་སྦ། །གཤིན་རྗེའི་བུ་ཡི་ལག་ཏུ་གཏད། །རྒྱ་མཚོ་ཆེན་པོའི་གཏིང་དུ་བསྐྱུར། །མཚོན་ཆེན་འབར་བའི་རྩེ་མོས་བཅད། །རྡོ་རྗེ་ཕུར་པའི་དབལ་གྱིས་གདབ། །ཡེ་ཤེས་རྣོན་པོའི་རྩེ་ལ་གཏད། །རཀྟ་འབར་བའི་རྦ་ལ་བཏང༌། །ཉུང་དཀར་སེལ་མེད་འབེམ་དུ་གཟུགས། །གུ་གུལ་སྦྱར་བའི་དུད་པས་བདུག །དུག་གི་གཏོར་མས་མྱོས་སུ་འཇུག །ལྕགས་ཕྱེ་ཟངས་ཕྱེའི་དབལ་གྱིས་གཅད། །གཏུན་ཁུང་རྡོ་རྗེ་ཐོ་བས་བརྡུང༌། །ཁྲོ་བོ་རོལ་པའི་ཚོགས་སུ་དབུལ། །དགྲ་བགེགས་སྙིང་ལ་སྙིང་གཟེར་གདབ། །བྱང་ཆུབ་སེམས་ནི་མ་སྐྱེས་བར། །ནམ་ཡང་བཏང་བར་མི་བྱའོ། །ཨོཾ་ལཾ་ཧཱུཾ་ལཾ་སྟྭམྦྷ་ནན། ཞེས་བརྗོད། ས་དང་མེ་ཆུའི་རྒྱས་འདེབས་སྤེལ་རྗེས། སྟེང་དུ་ལག་པ་ལུ་གུ་རྒྱུད་དུ་བྲོ་བརྡུང༌། སུམྦྷ་ནི་བརྗོད། ནང་དུ་ལོག་ནས་ཚེ་འགུགས། ཉེར་བསྡུ། ཤིས་བརྗོད་སོགས་སྤྱི་ལྟར་བྱ་བ་ཉིད་དོ། །དགེའོ།། །།

ཕུར་པ་རྒྱུད་ལུགས་ལས། ཕན་གནོད་ལས་ཚོགས་རྡོ་རྗེ་ཕ་ལམ།


JLAZ009_Page_0715
[མ་དཔེ་གཟིགས་ན་འདིར་གནོན།]

ཕུར་པ་རྒྱུད་ལུགས་ལས། ཕན་གནོད་ལས་ཚོགས་རྡོ་རྗེ་ཕ་ལམ་བཞུགས། །


JLAZ009_Page_0716
[མ་དཔེ་གཟིགས་ན་འདིར་གནོན།]

བཅོམ་ལྡན་འདས་དཔལ་ཆེན་ཁྲག་འཐུང་ལ་ཕྱག་འཚལ་ལོ། །ཕན་གནོད་ཀྱི་ལས་ཚོགས་གཉིས་ལས། དང་པོ་ནི། གབ་པ་འཁོར་ལོའི་རྒྱུད་ལས། སེམས་དཔའ་ཆེན་པོས་ཕན་པའི་ལེའུ་བཤད་དུ་གསོལ། ལས་ཀྱི་སེམས་དཔའ་ཉོན་ཅིག །ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་རྣམས་ཀྱི་སྔགས་འདི་བྱིན་གྱིས་བརླབས་ནས་གསུངས་སོ། །ཨོཾ་བྷུར་ཁུང་མ་ཧཱ་པྲ་ན་ཙེ་བྷུ་རྩེ་བྷི་མ་ན་སེ་བྱི་ཏ་ཀྲོ་ཏི། ཨོཾ་ཤི་མ་གོ་ཁུ་ལིང་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨོཾ་བྷུར་ཁུང་ཧོ་ར་རེ་ནི་ཧོ་ཡ་བྷྱོ། རཏྣ་ཁ་ཧི་བྷི་མ་ན་སེ་མོ། ཤིང་མོ་ཀུ་ལུ་ཀུ་ལུ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། ཨོཾ་བྷུར་ཁུང་མ་ཧཱ་པྲ་


JLAZ009_Page_0717
[མ་དཔེ་གཟིགས་ན་འདིར་གནོན།]

ན་ཙེ་བི་མ་ན་སེ། ཨུ་ཙུཥྨ་ཀྲོ་དྷ་ཧཱུཾ་ཕཊ། དེ་བཞིན་གཤེགས་པ་རྣམས་ཀྱིས་སྙིང་པོ་འདི་གསུངས་ནས་མི་སྣང་བར་གྱུར་ཏོ། །སེམས་དཔའ་ཆེན་པོ་རྐྱེན་བཟློག་པའི་རྫས་གང་ལགས། ལས་ཀྱི་སེམས་དཔའ་ཉོན་ཅིག །རྫས་འདི་རྣམས་ལགས་ཏེ། གལ་ཏེ་གསོ་བར་འདོད་ན་གུ་གུལ་ལ་སྔགས་ཀྱིས་བཏབ་སྟེ་བསྲེགས་ནས་བརྒྱ་རྩ་བརྒྱད་བཏབ་ན་གསོས་པར་འགྱུར་རོ། །སེར་བ་འོང་ན། སྡིགས་མཛུབ་ཀྱི་ཕྱག་རྒྱ་བསྟན་ན་སེར་བ་འཆད། འབྲུག་འབྲོས། ཐོག་འཆད་དོ། །རིམས་ནད་ན་བ་ལ་བྱ་མོ་ནག་མོའི་དོང་རུས་ཆུས་བཏབ་བོ། །ཀླུའི་རྟེན་ཡོད་ན་ཐལ་བ་གཙང་མ་ལ་སྔགས་


JLAZ009_Page_0718
[མ་དཔེ་གཟིགས་ན་འདིར་གནོན།]

བཏབ་ན་མི་དེ་ལ་སེམས་ངན་མེད་པར་འགྱུར་རོ། །མཆེ་བ་ཅན་ཟ་བ་ཡོད་ན། ཁ་ནས་ཟན་ལ་སྔགས་བཏབ་ལ་སྦྱིན་ནོ། །ཀླད་པ་གཟེར་ན་གང་ན་བ་ལ་ཕུར་པ་ལ་སྔགས་བཏབ་པའམ། ཡང་ན་གུར་གུམ་མམ་ཙནྡན་ལ་སོགས་ལ་བྱའོ། །བལ་ནད་ན་བ་ལ་ཕབ་ཟེར་ལ་བསྔགས་ཏེ་ཁུ་བ་བཙིར་ལ་བླུད་དོ། །མི་ལོ་ནད་ཀྱིས་ན་བ་ལ། ནད་པའི་མིང་ཤོག་བུ་ལ་བྲིས་ལ། ནད་པའི་ཁྲི་འོག་ཏུ་བཅུག་ལ་སྔགས་གདབ་བོ། །སྐྲངས་པ་ལ་ཉིན་མཚན་དུ་གདབ་བོ། །ཕ་རོལ་སྨྲ་ཤེས་པར་བྱ་ན། ཁོའི་མིང་རུས་ཁར་གཞུག་གོ །ར་ལུག་ལ་སྤྱང་གི་འོང་ན། དོམ་ཕོ་དོམ་མོའི་སྐེ་རུ་སྔགས་བྲིས་ལ་གདགས་སོ། །སྔགས་འདི་འབྲས་དང་ལྷོག་པ་དང༌། དེ་རྣམས་ལ་གུ་གུལ་བསྲེགས་ཤིང་བསྒྲུབ་པའོ། །ལིང་ཏོག་ལ་སྔགས་འདི་ཕུས་གདབ་བོ། །ཆུ་འགག་ན་གླ་བ་དང་མར་ལ་གདབ། སྦོས་ནས་ན་ན་ཆང་ཁྱེའུའི་ཆུ་ལ་བསྲེས་ནས་གདབ་བོ། །དེ་ཉིད་ལ་སྔགས་དེ་བཏང་ངོ༌། །འདྲེའི་གནོད་པ་ཆེ་ན་ཆུ་དང་ཡུངས་ཀར་ལ་བསྔགས་ལ་བླུད་དོ། །ནད་པ་སྲུང་བར་བྱེད་ན། སྔགས་བར་མ་ཆད་པར་བཟླས་ན། གདོན་མི་ཡོང་བར་འགྱུར་རོ། །སོས་ཀ་དག་གི་དུས་སུ་ཡུངས་ཀར་ལ་སྔགས་བཏབ་ན་ཆང་ཐུབ་པར་འགྱུར་རོ། །དེས་ཞོ་ཡང་ཐུབ་པར་འགྱུར་རོ། །ལྷ་ཉེ་


JLAZ009_Page_0719
[མ་དཔེ་གཟིགས་ན་འདིར་གནོན།]

བར་བྱ་ན། སྒྲོས་བསྲེགས་ཤིང་སྔགས་བཟླས་སོ། །བ་ལང་ཁོང་ལོག་ན་ཉུང་དཀར་ལ་སྔགས་བཟླས་སོ། །ཞིང་ལ་སྲིན་ཟ་ན་ཉུང་དཀར་དང་ཆེན་སྲས་ཏེ་ཞིང་མཐའ་བསྐོར་ཞིང་བཏབ་ན་ངོས་གཅིག་ཏུ་འགྲོའོ། །སོ་ལ་སྲིན་ཟ་ན་བཅས་ཏེ་ཐད་ཀར་གདབ་བོ། །མིག་ལ་སྲིན་ཟ་ན་བུད་ཤིང་གདབ་བོ། །བང་མཛོད་ལ་གནོད་པར་བྱེད་ན་ཙནྡན་ནམ་ཤུག་པའི་ཕུར་པ་སོར་བཅུ་གཉིས་པ་ལ་བསྔགས་ལ། ཐོད་པ་མཚན་ངན་འབྲུ་ནག་པོས་བཀང་ལ་དར་ནག་པོའི་ཅོད་པན་དང་བཅས་པས་ཧཱུཾ་ཀཱ་རའམ། རྣམ་པར་རྒྱལ་བར་མངའ་གསོལ་ལ། དབུས་སུ་བཞག་པར་བྱའོ། །ཞེས་སོ། །གཉིས་པ་ནི། གསང་རྒྱུད་ལས། དེ་ནས་རྡོ་རྗེ་འདུས་པས་འདི་སྐད་ཅེས་གསོལ་ཏོ། །དམ་ཆོས་གཞུང་སྤྱོད་རྣལ་འབྱོར་ལ། །བར་ཆོད་སྐུ་དགྲ་བྱུང་གྱུར་ན། །གཞན་ཉིད་སྐྲག་པར་བྱ་བའི་ཕྱིར། །ཐོག་དང་སེར་བ་དབབ་པ་དང༌། །མི་ནད་ཕྱུགས་ནད་བཏང་བ་དང༌། །སྨྱོ་བ་དང་ནི་འབོག་པ་དང༌། །མྱོས་པ་དང་ནི་ལྐུགས་པ་དང༌། །འཐབ་ཏུ་གཞུག་དང་སྐྲོད་གྱུར་ན། །ཐབས་དང་རིམ་པ་ཇི་ལྟར་ལགས། །དཔའ་བོ་ཁྱོད་ཀྱིས་བཤད་དུ་གསོལ། །ཞེས་གསོལ་པས། གསོལ་བའི་དོན་ཐུགས་སུ་ཆུད་ནས། གཞན་སྐྲག་པར་བྱེད་པའི་ཏིང་ངེ་འཛིན་ལ་སྙོམས་པར་


JLAZ009_Page_0720
[མ་དཔེ་གཟིགས་ན་འདིར་གནོན།]

ཞུགས་ཏེ། འདི་སྐད་ཅེས་བཀའ་སྩལ་ཏོ། །དེ་ལ་ཐོགས་དབབ་པར་འདོད་པས། ལྕགས་སྣ་ལྔ་ལ་དྲག་པོའི་ཕུར་པ་བྱས་ཏེ། ཀླུ་ནག་པོའི་གནས་སུ་དཀྱིལ་འཁོར་ནག་པོ་གྲུ་གསུམ་བྱས་ལ། འབྲས་ཀྱི་ཟན་ལ་ཀླུ་རྒྱལ་གཟུགས་བྱས་ལ། ཀླུ་ཡི་རྒྱལ་པོ་དགུག་གཞུག་བསྟིམ་ནས་ནི། ཕུར་པ་རྡོ་རྗེ་འདུས་པའི་བསྙེན་པ་འབུམ་བྱས་ཏེ། ཀླུའི་རྒྱལ་པོ་ལ་བཏབ་སྟེ། ཀླུ་གནད་ལ་བོར་ན་ཐོག་དུས་སུ་ཕེབས་པར་འགྱུར་རོ། །སེར་བ་དབབ་པར་འདོད་པས་ཤེར་ཤིང་ནག་པོ་ལ་ཕུར་པ་བྱས་ཏེ། འབྲས་སེར་པོའི་ཟན་ལ་ནི། ཁྱབ་འཇུག་གཟའ་རྒྱལ་གཟུགས་བྱས་ལ། བདག་ཉིད་ལྷའི་རྣལ་འབྱོར་གདེངས་དང་ལྡན་པར་བྱས་ལ། ལྕེ་བོག་ནག་པོའི་དུད་པས་བདུག་ཅིང༌། ཁྱབ་འཇུག་རྒྱུ་བའི་དུས་སུ། ཁྱབ་འཇུག་ཉིད་གཟུགས་ལ་ཕབ་སྟེ། ཕུར་པས་བཏབ་ལ་གནད་ལ་ཕབ་ན། སེར་བ་དུས་བཞིན་དུ་ཕེབས་པར་འགྱུར་རོ། །མི་ནད་གཏང་བར་འདོད་པས། མི་གང་རིམས་ཀྱིས་ཤི་བའི་མཆོག་ཕུར་གཡས་པ་ཐོགས་ལ། དབང་གི་དཀྱིལ་འཁོར་ཟླ་གམ་དམར་པོ་བྱས་ཏེ། རིམས་ཀྱིས་ཤི་བའི་རོ་རས་ལ། བྲམ་ཟེ་ནག་མོའི་མངའ་ཁྲག་གིས་མིང་རུས་བྲིས་ཏེ། ཟི་ར་ནག་པོའི་དུད་པས་བདུག་སྟེ། དགྲ་བགེགས་བཀུག་ལ་བསྟིམ། པདྨ་འདུས་པའི་བསྙེན་པ་འབུམ་


JLAZ009_Page_0721
[མ་དཔེ་གཟིགས་ན་འདིར་གནོན།]

བྱས་ཏེ། ཕུར་པ་བཏབ་སྟེ་དགྲ་བོའི་ཉལ་སར་སྦས་ན། མི་ནད་འབེབས་པར་འགྱུར་རོ། །ཕྱུགས་ནད་གཏང་བར་འདོད་པས། སེང་ལྡེང་གི་ཕུར་པ་ཐོགས་ཏེ། ཕྱུགས་ནད་ཀྱིས་ཤི་བའི་ཁྲག་གིས་མ་ཧེའམ་རྟ་མཆོག་གི་པགས་པ་ལ་དགྲ་བོའི་ཕྱུགས་ནོར་གྱི་མིང་བྲིས་ལ་ཕུར་པ་བཏབ་སྟེ། ཕྱུགས་ལྷས་སམ་བྲེས་སུ་བཏབ་ན། ཕྱུགས་ནད་འབབ་པར་འགྱུར་རོ། །མྱོས་པར་འདོད་པས། བྲམ་ཟེའི་མཆོག་ཕུར་གཡས་པ་ཐོགས་ལ། ནགས་ཚལ་ཆེན་པོའི་གནས་སུ་དཀྱིལ་འཁོར་སེར་པོ་གྲུ་བཞི་གཅིག་བྱས་ལ། རྩྭ་དགུན་མའི་ལོ་མ་ལ་གཟུགས་བྱས་ལ། དྷ་དུ་རའི་དུ་བས་བདུག་སྟེ། རིན་ཆེན་འདུས་པའི་བསྙེན་པ་འབུམ་བྱས་ལ། གཟུགས་ལ་ཕབ་སྟེ། ཕུར་པས་ལྕེ་ལ་བཏབ་སྟེ་ཡི་དྭགས་གནས་པའི་སར་སྦས་ན། མི་དེ་སྨྱོ་བར་བསྙེན་རོ། །འབོག་པར་འདོད་པས། གཡེར་ཤིང་ངམ་སྐྱེར་པའི་ཕུར་པ་ཐོགས་ཏེ། རས་སམ་གྲོ་ག་ལ་ཨ་དཀར་གྱི་ཁུ་བས་མིང་རུས་བྲིས་ནས། གོང་མ་བཞིན་དུ་ལས་བྱས་ཏེ། འབྱུང་པོ་གནས་པའི་སར་སྦས་ན་མི་དེ་འབོག་པར་འགྱུར་རོ། །མྱོས་པར་བྱ་བར་འདོད་ན། རྒྱལ་རིགས་ཀྱི་མཆོག་ཕུར་གཡས་པ་ཐོགས་ཏེ། རི་བོ་འདུས་པའི་རྩེར་དཀྱིལ་འཁོར་དཀར་པོ་ཟླུམ་པོ་བྱས་ཏེ། དུག་


JLAZ009_Page_0722
[མ་དཔེ་གཟིགས་ན་འདིར་གནོན།]

ཤིང་གདུག་པའི་ལོ་མ་ལ་གཟུགས་བྱས་ལ། ཙནྡན་དཀར་པོའི་ཐང་ཆུས་མིང་རུས་བྲིས་ལ། མི་ཚིལ་གྱི་དུ་བས་བདུག་ལ། བུདྡྷ་འདུས་པའི་བསྙེན་པ་འབུམ་བྱས་ལ་གཟུགས་ལ་ཕབ་སྟེ། སྤྱི་བོའི་གཙུག་ཏུ་ཕུར་པ་བཏབ་སྟེ། མ་མོའི་གནས་སུ་སྦས་ན། མི་དེ་ཤིན་ཏུ་ཡང་མྱོས་པར་འགྱུར་རོ། །ལྐུགས་པར་བྱ་བར་འདོད་ན། ཤུག་པའམ། འཇག་གི་ཕུར་པ་ཐོགས་ལ། ཤོག་ཤོག་གམ་ཤིང་ཤུན་ལ་སྔར་ལྐུགས་ནས་ཤི་བའི་ཀླད་ཁྲག་གིས་མིང་རུས་བྲིས་ཏེ་གོང་མ་བཞིན་ཕུར་པ་ལྕེ་ལ་བཏབ་ནས། ས་བདག་གནས་པའི་སར་སྦས་ན། མི་དེ་ཤིན་ཏུ་ཡང་ལྐུགས་པར་འགྱུར་རོ། །གང་ཞིག་འཐབ་པར་འདོད་ན་ནི། དམངས་རིགས་ཀྱི་མཆོག་ཕུར་གཡས་པ་ཐོགས་ལ། ཤིང་རྐང་གཅིག་གི་གནས་སུ་དཀྱིལ་འཁོར་ནག་པོ་གྲུ་གསུམ་བྱས་ཏེ། འུག་པའི་པགས་པ་ལ་བྱ་རོག་གི་ཁྲག་གིས་ཁོ་དང་མཛའ་བའི་མིང་བྲིས་ཏེ། སྦྲུལ་དང་རྨིགས་བུ་ལྟོ་སྦྱར་བའི་བར་དུ་བཀུག་སྟེ། ཚོན་སྐུད་ཀྱིས་བཅིངས་ཏེ། རྡོ་སོལ་ནག་པོའི་མེས་བསྲེགས་ཏེ། ལས་རབ་འདུས་པའི་བསྙེན་པ་འབུམ་བྱས་ཏེ། མིང་བྱང་གཉིས་ཀྱི་མཚམས་སུ་ཕུར་པ་བཏབ་སྟེ། དུར་ཁྲོད་ཀྱི་ཤིང་རིངས་ལ་གཏགས་ཏེ། རླུང་ཆེན་པོ་ལ་ཕྱར་ན། མཛའ་བོ་དང་འཐབ་པར་འགྱུར་རོ། །


JLAZ009_Page_0723
[མ་དཔེ་གཟིགས་ན་འདིར་གནོན།]

བསྐྲད་པར་འདོད་པས། སྨྲ་ཤིང་གི་ཕུར་པ་ཐོགས་ཏེ། ལུང་གི་རྔ་མོའི་པགས་པ་ལ། རཀྟས་མིང་རུས་ཡུལ་ཁྱིམ་གྱི་མིང་བྲིས་ལ། གོང་མ་བཞིན་དུ་ལས་བྱས་ཏེ། ཁྱིམ་གྱི་རྩིག་རྨང་དུ་སྦས་ནས། མི་དེ་ཡུལ་དབྱུང་བར་འགྱུར་རོ། །གཞན་ཡང་བསྐྲད་པའི་ལས་ཀྱི་རིམ་པ་འདི་ནི། ལས་དང་པོ་པ་རྣམས་ཀྱི་སྤྱོད་ཡུལ་མིན་ནོ། །ཏིང་ངེ་འཛིན་ལས་སུ་རུང་ཞིང་རྟགས་མཐོང་ཞིང་དྲོད་ཚད་ཟིན་པ་རྣམས་ཀྱིས་ནི་གདོན་མི་ཟ་བར་འགྱུར་རོ། །ཞེས་སོ། །མདོར་ན་མནན་པ་དང༌། བསྐྲད་པ་དང༌། དབྱེ་བ་ལ་སོགས་པའི་དྲག་ཤུལ་གྱི་ལས་ཆེན་རྣམ་པ་ཐ་དད་པའི་ལས་ཚོགས་ཡོད་ཀྱང་ད་ནི་ལྔ་བརྒྱའི་ཐ་མ་ཉིད་ཀྱི་ཕྱིར་ན་ཆོས་ཉིད་བྱང་ཆུབ་སེམས་ཀྱི་ཕུར་བུའི་ངང་དུ་རྣམ་པར་རིག་བྱེད་ཀྱི་ལས་ཉོན་གསད་པ་ལ་བརྩོན་པར་བྱས་པས་ངན་འགྲོའི་གོ་འཕང་ལས་ཕྱིར་ཕྱོགས་པར་འགྱུར་རོ། །དགེའོ། །དགེའོ། །དགེའོ།། །།