cover

རིག་འཛིན་འཇིགས་མེད་གླིང་པའི་གསུང་འབུམ།

ཨ་འཛོམ་པར་མ་གླེགས་བམ། ཐ༽

རིག་འཛིན་འཇིགས་མེད་གླིང་པ།

Nitartha International

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

ཐུག་རྗེ་ཆེ་ཞུ།

༈ སྐྱེ་རྒུའི་བདེ་སྐྱིད་ཀྱི་འབྱུང་གནས་རྒྱལ་བ་མཉམ་མེད་དོན་ཀུན་གྲུབ་པ་ཆེན་པོའི་གསང་གསུམ་ཡེ་ཤེས་ཀྱི་སྒྱུ་འཕྲུལ་ངོ་མཚར་ཆོས་སྐུའི་རིང་བསྲེལ་གྱི་གཟུགས་སུ་བལྟམས་པ་གསུང་རབ་རྒྱལ་བའི་བཀའ་འགྱུར་རིན་པོ་ཆེ་དང་། ཐུབ་པའི་དགོངས་པ་རང་སྟོབས་ཀྱི་བཀྲལ་ནུས་པའི་འཕགས་ཡུལ་པཎ་གྲུབ་རྣམས་ཀྱི་མཛད་པའི་བསྟན་འགྱུར་རིན་པོ་ཆེ་སྟེ་མདོ་སྔགས་གཉིས་ལྡན་གྱི་ཡོངས་རྫོགས་བསྟན་པ་རྒྱ་མཚོ་འདི་ཉིད། དེང་གི་ཆར་གངས་རིའི་ལྗོངས་ཀྱི་ཡེ་གེ་ཁོ་ནའི་གཟུགས་སུ་བཞུགས་པ་ནི་སྤྲུལ་པའི་མཁན་སློབ་ཆོས་གསུམ་གྱི་ཐུགས་བསྐྱེད་ཉག་གཅིག་ལས་བྱུང་བ་དང་། དེ་དག་མི་ནུབ་བརྒྱུད་འཛིན་ཡུན་གནས་ཀྱི་ཆེད་དུ་གངས་ལྗོངས་ཆོས་བརྒྱུད་ཁག་ལས་བྱོན་པའི་རིས་སུ་མ་ཆད་པའི་སྐྱེས་ཆེན་རྣམས་ཀྱིས་བཀའ་བསྟན་རིན་པོ་ཆེའི་དགོངས་སྙིང་ཅན་གྱི་གསང་རབ་གླེགས་བམ་སྟོང་ཕྲག་མང་པོ་མཛད་ཅིང་། དཀའ་སྤྱད་ཐུགས་བརྩོན་སྣ་ཚོགས་གྱིས་མ་ཕྱི་གསར་བསྐྲུན་དང་བསྐྱར་བསྐྲུན་སོགས་ཀྱིས་འཇིག་རྟེན་གྱི་ཁམས་སུ་བཞུགས་པ་མཛད་མུས་བཞིན། དེང་གི་ཆར་གློག་རྡུལ་འཕྲུལ་ཆ་དང་དྲྭ་རྒྱའི་དུས་རབས་ཀྱི་འགྲོས་དང་བསྟུན་ནས་རྒྱལ་སྤྱིའི་རིག་གཞུང་སྤྱི་མཚུངས་ལྟར། རྒྱལ་བའི་གསུང་རབ་རིན་པོ་ཆེ་གཙོ་བོར་གྱུར་པའི་འཕགས་བོད་མཁས་པའི་གཞུང་ལུགས་རྣམས་དྲྭ་ཐོག་ནས་བཤེར་འཚོར་དང་འདྲ་བཤུས་སྒྲིག་གཟོ་སོགས་སྟབས་བདེའི་ལམ་ནས་བཀོལ་སྤྱོད་ཐུབ་པའི་གཞི་རྒྱ་ཆེ་བའི་འཆར་འགོད་དངོས་སུ་ལས་བཞིན་པར། གྲུབ་དབང་རྫོགས་ཆེན་པའི་བསྟན་པ་ལ་ལྷག་བློ་མཆོག་ཏུ་དཀར་བ་ཉག་རོང་བླ་མ་ཀུན་བཟང་རིག་འཛིན་མཆོག་གིས་རིག་འཛིན་འཇིགས་མེད་གླིང་པའི་གསུང་འབུམ་ཆ་ཚང་ཞུ་དག་ཟིན་པ་ཞིག་འདིར་གནང་འབྱོར་བྱུང་བ་ལགས་ན། སྙིང་ནས་ཐུགས་རྗེ་དང་བཀའ་དྲིན་བླ་ལྷག་ཏུ་ཆེ་ཞུ་བ་དང་། ཆབ་གཅིག་སླད་ནས་ཀྱང་གསུང་རབ་རིན་པོ་ཆེ་ཅི་རིགས་དཔེ་སྐྲུན་གནང་ན་འདི་གར་འདྲ་བཤུས་གནང་སྩོལ་ཡོང་བར་ཅི་ནས་ཀྱང་བཀའ་དྲིན་མི་ཆུང་བ་ཞུ། གཞན་ཡང་གཞི་རྒྱ་ཆེ་བའི་ལས་རིམ་འདིའི་ཐོག་ཏུ་དངོས་སུ་ཕྱག་རོགས་པ་ཚོང་དཔོན་པདྨ་དོན་ཡོད་ལགས་དང་། ཕྱི་གླིང་པ་ Gerry Wiener གྷེ་རེའི་ཝི་ནེར། Jeff Furlong རྗེཕུ༹་ལཱོང་རྣམ་པ་གསུམ་ནས་བརྩོན་པ་ཐང་ལྷོད་མེད་པ་གནང་བ་དང་། གཞན་ཡང་ལས་གཞི་འདིའི་ཐོག་དངོས་དང་བརྒྱུད་ནས་ཐུགས་ཁུར་རྒྱབ་སྐྱོར་གནང་མཁན་ཡོངས་ལ་ཐུགས་རྗེ་དང་བཀའ་དྲིན་ཆེ་ཞུ།

ཞེས་དྲྭ་རྒྱའི་དཔེ་མཛོད་འགན་འཛིན་པ་རྫོགས་ཆེན་བསྟན་འཛིན་རྣམ་དག་ནས་ཕུལ།།

ཀློང་ཆེན་སྙིང་གི་ཐིག་ལེའི་རྟོགས་པ་བརྗོད་པ་ཌཱཀྐིའི་གསང་གཏམ་ཆེན་མོ།


JLAZ010_Page_0001
[མ་དཔེ་གཟིགས་ན་འདིར་གནོན།]

ཀློང་ཆེན་སྙིང་གི་ཐིག་ལེའི་རྟོགས་པ་བརྗོད་པ་ཌཱཀྐིའི་གསང་གཏམ་ཆེན་མོ་བཞུགས། །


JLAZ010_Page_0002
[མ་དཔེ་གཟིགས་ན་འདིར་གནོན།]

ཆོས་སྐུ་ཡེ་ཤེས་ཀྱི་མཁའ་འགྲོ་མ་ལ་ཕྱག་འཚལ་ལོ། །འོད་གསལ་རྡོ་རྗེ་སྙིང་པོ་ཀློང་ཆེན་སྙིང་གི་ཐིག་ལེ། ཟབ་དོན་མན་ངག་གི་སྐོར་རྣམས་བྱུང་བའི་ལོ་རྒྱུས་ཅུང་ཟད་སྨྲ་ན། ལུང་བསྟན་བཀའ་རྒྱ་མར། ལྷོ་ཕྱོགས་འོད་ཟེར་མིང་ཅན་སྤྲུལ་པའི་སྐུཿ ཟབ་དོན་སྙིང་ཐིག་ཆོས་ཀྱིས་འགྲོ་བ་འདྲེནཿ འབྲེལ་ཚད་རིག་འཛིན་ཞིང་དུ་འཐེན་པ་འབྱུངཿ ཞེས་པ་ལྟར། དཔལ་ཨོ་རྒྱན་ཆོས་ཀྱི་རྒྱལ་པོ་ཡབ་ཡུམ་གྱི་ཐུགས་རྗེའི་ཕྲིན་ལས་རླབས་པོ་ཆེས། ཚེ་རབས་སུ་བསྐྱངས་པའི་རྟེན་ཅིང་འགྲེལ་བར་འབྱུངབའི་སྨོན་ལམ་དུས་སུ་སྨིན་པ་ལས། འཁོར་བ་སྡུག་བསྔལ་གྱི་རང་བཞིན་ལ་བཟོད་དུ་མེད་པའི་སྐྱོ་ཤས་


JLAZ010_Page_0003
[མ་དཔེ་གཟིགས་ན་འདིར་གནོན།]

དང་ངེས་འབྱུང་དྲག་པོས་རྒྱུད་བསྐུལ་ནས་ཤྲཱི་པརྤ་ཏའི་གླིང་དུ་ལོ་གསུམ་སྙིང་པོའི་སྒྲུབ་པ་ལ་རྩེ་གཅིག་ཏུ་གནས་པའི་ཚེ་གཏེར་ཁ་གོང་འོག་བཀའི་ཆུ་བོ་གཅིག་ཏུ་འདྲེས་པའི་གསང་བདག་དཔའ་བོ་དྲང་སྲོང་དྲི་མེད་ཞི་ཁྲོའི་བསྙེན་སྒྲུབ་ལ་གཞོལ་བའི་དུས་ཀྱི་ཐོ་རེངས་ཤིག་གི་ཆར། སྐྱོ་ཤས་དང་ངེས་འབྱུང་དྲག་པོས་རྐྱེན་བྱས་ཏེ། མདུན་གྱི་ནམ་མཁར་ཨོ་རྒྱན་ཆོས་ཀྱི་རྒྱལ་པོ། རིག་འཛིན་འཇམ་དཔལ་བཤེས་གཉེན་སོགས་འོད་གསལ་གྱི་ངང་དུ་མཇལ་ཏེ་བརྡ་དོན་སྤྲོས་པ་མེད་པའི་དབང་མང་པོ་བསྐུར་བའི་མཐར་རང་ཉིད་ལ་ཐིམ་པ་ཞིག་བྱུང་བས་རང་བྱུང་གི་རྟོགས་པ་བྱུང་རྒྱལ་དུ་སྐྱེས། ཉམས་ཀྱི་འཛིན་སྟངས་བུད། ལས་རླུང་དབང་དུ་འདུས། སྣང་བའི་རྫུན་ཕུག་རྡིབ། ཤེས་པ་ལ་བརྟུལ་ཞུགས་ཀྱི་


JLAZ010_Page_0004
[མ་དཔེ་གཟིགས་ན་འདིར་གནོན།]

ངར་ཐོགས་ནས་ཚེ་འདིའི་སྣང་བ་ཕལ་ཆེར་བརྗེད་ནས་སྐྱེ་བ་འཕོས་པ་ལྟ་བུ་ལ་མངའ་རིས་པཎ་ཆེན་གྱི་བག་ཆགས་འལ་འོལ་ཆད་ཆོད་དུ་གསལ་བ་ཁོ་ནའི་ངང་དུ་འབྱམ་ཀླས། དེའི་ཚེ་རྨི་ལམ་ཞིག་ན། གནས་ངོ་མི་འཚལ་བ་ཞིག་ཏུ་བསམ་པ་ལྷུན་གྲུབ་མའི་ཞིང་བཀོད་ཡིན་ཟེར་བ་ཞིག་མཐོང་བའི་ཁྲོད་ན་འབྲུག་ལ་ཆིབས་པའི་རྡོ་རྗེ་གྲོ་ལོད་རོལ་པའི་སྟབས་ཀྱིས་དཔའ་བ་རྡོས་བཅས་ལས་འདས་པ་འཇའ་ཚོན་གྱི་རྣམ་པར་འཆར་བ་ཞིག་གཡོ་འགུལ་བྱེད་ཅིང་འདུག་པས་དམ་ཅན་པ་ཡིན་སྙམ་པའི་མི་བན་མ་ཧོར་ཞིག་ན་རེ། འདི་ནི། ཨོ་རྒྱན་ཡི་དམ་ལྷ་དང་དབྱེར་མེད་པསཿ ཕ་ནོར་བུ་ཡིས་ལོན་པར་ཐེ་ཚོམ་མེདཿ ཟེར་བའི་ལྷ་དེ་ཡིན་པར་འདུག་ཟེར་བའི་མོད་ལ་ཡལ་སོང༌། དེ་ནས་ཞག་ཤས་འདས་པའི་མེ་མོ་གླང་གི་ལོ་ཟླ་བ་བཅུ་བའི་མར་ངོའི་ཚེས་བཅུའི་ནུབ། སློབ་དཔོན་ཆེན་པོ་ལ་མོས་གུས་མཆི་མ་འཁྲུགས་པ་ཙམ་དུ་འབར། སྔོན་གྱི་བག་ཆགས་ར་རི་དྲན་པ་འདྲས་རྐྱེན་བྱས། སྣང་བ་སྐྱོ་ཆད་དེ་བ་ཞིག་ལ་རང་རེ་གདོང་དམར་བོད་ཀྱི་ཡུལ་མི་རྣམས་གདོལ་པར་སྤྱོད་པ། བསྟན་པ་གཟུགས་བརྙན་དང་ཆགས་སྡང་གིས་འཚོ་བའི་ཡུལ་དུ་དྭ་ཕྲུགས་མཐར་ལུས་པ་བཞིན་དུ་འཁྱར། སངས་རྒྱས་ཀུན་ལས་ལྷག་པའི་མགོན་པོ་ཐུགས་རྗེ་ཅན་དེ་ཟངས་མདོག་དཔལ་གྱི་རི་བོར་གཤེགས། ད་དུས་


JLAZ010_Page_0005
[མ་དཔེ་གཟིགས་ན་འདིར་གནོན།]

ནམ་གྱི་ཚེ་མཇལ་བའི་སྐལ་བ་ཐོབ་བམ་སྙམ་ནས་སེམས་སྡུག་ཚད་མེད་པ་ཞིག་ལངས། མཆི་མ་རྒྱུད་ཆད་མེད་པར་ཤོར་བའི་ངང་དུ་མནལ་བ་ན། རྟོགས་བརྗོད་ཆུ་ཟླའི་གར་མཁན་དུ་གསལ་བ་ལྟར་འོད་གསལ་གྱི་སྣང་བ་ཁྱབ་གདལ་དུ་འབྱམ་ཀླས་པའི་མུར་སེང་གེ་དཀར་མོ་ཡིད་དུ་འོང་བ་ཞིག་ལ་ཞོན་ནས་ནམ་མཁའི་དབྱིངས་ཕ་མཐའ་མི་འཚལ་བར་ཁྱེར་བ་ལས། ཅི་ཞིག་ན་ཡུལ་གྱི་སྣང་བ་བཀོད་དེ་བར་ཡུལ་གྱི་མཆོག་རྟེན་བྱ་རུང་ཁ་ཤོར་ཡིན་སྙམ་པ་ཞིག་གི་བསྐོར་ལམ་དུ་སླེབས། དེའི་ཤར་ཕྱོགས་ཀྱི་ཁྱམས་དེར་འགྲོ་བའི་མོད་ལ་ཆོས་སྐུ་ཡེ་ཤེས་ཀྱི་མཁའ་འགྲོ་མའི་ཞལ་མངོན་སུམ་དུ་མཇལ། ལྗོན་ཤིང་ལས་གྲུབ་པའི་ཟ་མ་ཏོག་ལེབ་ཆགས་གའུའི་རྣམ་པའི་མཚམས་ལ་རྩིས་བགགས་པ་ཞིག་ངེད་ལ་གཏད་ནས། དག་པའི་འཁོར་གྱི་སྣང་བ་ལ། །ཁྱོད་ནི་ཁྲི་སྲོང་ལྡེའུ་བཙན། །མ་དག་གདུལ་བྱའི་སྣང་ངོ་རུ། །ཁྱོད་ནི་སེང་གེ་རས་པ་ཡིན། །ཀུན་ཏུ་བཟང་པོའི་ཐུགས་ཀྱི་གཏེར། །རིག་འཛིན་པདྨའི་ཀློང་ཆེན་བརྡ། །མཁའ་འགྲོའི་གསང་མཛོད་ཆེན་མོ་ཡིན། །དྷ་ཐིམ། དེས་གསུངས་པའི་མོད་ལ་དངོས་མེད་དུ་ཡལ་སོང་བས་སྣང་བ་ཟི་བུན་བུན་པ་ཞིག་བྱུང༌། དེར་སྤྲོ་བ་ཆེན་པོ་བརྟས་ཏེ་སྒྲོམ་བུ་དེ་ཞལ་ཕྱེ་བར་ནང་ནས། ཤོག་སེར་ཧྲིལ་མོ་ལྔ་


JLAZ010_Page_0006
[མ་དཔེ་གཟིགས་ན་འདིར་གནོན།]

དང༌། ཤེལ་དཀར་སྲན་འཕོས་ཙམ་པ་བདུན་བཅས་ཁྲོལ་གྱིས་དོན་བྱུང༌། དེ་ཉིད་དུ་རིངས་སྟབས་ཀྱིས་ཤོག་དྲིལ་ཆེ་བ་དེ་ཞལ་ཕྱེ་བས། ག་བུར་ལ་སོགས་པ་སྨན་བཟང་པོའི་དྲི་ངད་དཔག་ཏུ་མེད་པར་འཐུལ་བ་དང༌། མགོ་ལུས་ཐམས་ཅད་སྤྲིད་ཆི་ལེ་བ་ཞིག་བྱུང་བར་གློ་བུར་གྱི་རྟོག་པ་སྐད་ཅིག་མར། འདིའི་གཏེར་བདག་དེ་གཟའ་ཡིན་པར་འདུག །བཀའ་ཤིན་ཏུ་གཉན་སྙམ་ནས་ཡིད་འཕྲིགས་སེ་བྱུང༌། དེ་རིམ་པས་ཁ་ཕྱེས་བས། ཕྱི་མཆོད་རྟེན་གྱི་དབྱིབས་སུ་ཡོད་པ་ལ་ནང་བློས་དཔྱད་དུ་མི་བཟོད་པའི་མཁའ་འགྲོ་གསང་བའི་བརྡ་ཡིག་གིས་ཐེ་རྩེར་ནེ་རྩེར་ཁེངས་པ་ཞིག་འདུག །དེ་ཀློག་པར་མ་ནུས་པས་སྒྲིལ་བར་བརྩམས་པ་ན། མིག་འཕྲུལ་ལྟར་སྐད་ཅིག་དེ་ཉིད་ལ་མཆོད་རྟེན་གྱི་རི་མོའང་ཡལ། ནང་གི་བརྡ་རིས་རྣམས་བོད་ཡིག་ཉག་གཅིག་ཏུ་སོང་བས་ཐུགས་རྗེ་ཆེན་པོའི་སྒྲུབ་སྐོར་དུ་འདུག །བྱིངས་ཀློག་འཕྲོ་བཞག །འདིའི་བཀའ་བབས་སུ་ཡིན། གཏད་རྒྱ་གང་ལ་མཛད། རང་གི་སྐྱེ་མཐའི་ལུང་བསྟན་གང་འདྲ་ཞིག་བསམས་ནས་གཤམ་དུ་བརྟགས་པས། ཆོས་རྒྱལ་ཡབ་སྲས་ཆོས་ཀྱི་སྐལ་བར་གདམསཿ ཞེས་ཤིན་ཏུ་གསལ་བར་མཐོང༌། འཕྲོ་རྣམས་ཀྱང་བཀླགས་པས། ཚིག་དོན་ཡོངས་སུ་རྫོགས་པ་མེ་ལོང་ལ་གཟུགས་བརྙན་ཤར་


JLAZ010_Page_0007
[མ་དཔེ་གཟིགས་ན་འདིར་གནོན།]

བ་བཞིན་བློ་ངོར་སྟབས་གཅིག་ཏུ་གསལ་བ་ལ། མཐར་ཆགས་སུ་ཀློག་མི་ཤེས་པ་ལྟ་བུའི་བརྗོད་དཀའ་བ་ཞིག་བྱུང༌། དེར་དགའ་སྤྲོ་ཚད་མེད་པ་དང་བཅས། ཤེལ་འགའ་ཞིག་ཁ་ནང་དུ་བཅུག །ཤོག་སེར་རྣམས་ཁྱེར་ནས་གནས་སུ་ལྡོག་པར་སྙམ་པ་ན། བན་དྷེ་བརྫུ་བག་ཅན་ཞིག་གློ་བུར་དུ་ཟླ་བོར་བྱུང་ནས་དེ་ན་རེ། ད་ཁྱེད་ལ་འདི་འདྲ་ཡོང་བསམ་པ་སྔ་མོ་རང་ནས་ཡོད་ཟེར་ཞིང་དག་སྣང་དཔེ་མེད་བྱེད་ཀྱིན་འདུག་པ་བཀའ་སྲུང་དྲང་སྲོང་ཆེན་པོར་ངེས་པ་རྙེད། དེ་ཁའི་མོད་ལ་བསྐོར་ལམ་བྱང་གི་ཁྱམས་སུ་སླེབས། སླར་ཡང་ཤོག་དྲིལ་གཅིག་ཁ་ཕྱེ་བས། གནད་བྱང་ཐུགས་ཀྱི་སྒྲོམ་བུ་དང་ཐུག །ཡིད་ལ་ལྷག་པར་གསལ་བས་བདེ་བ་ཆེན་པོའི་ཉམས་བཟོད་མེད་དུ་འབར། བསམ་པར་འདི་ནི་མཐོང་གྲོལ་ཁོ་ནར་འདུག །ངེད་རང་གི་མ་དེ་ལ་སྟོན་དགོས་སྙམ་ཙ་ན། ནམ་མཁའི་མཐོངས་ནས་མར་ཨ་མ་ཡིན་སྙམ་པའི་བུད་མེད་རྒྱན་ཆ་ཅན་སླད་དུ་བསམ་ཡས་མཆིམས་ཕུར་བརྡ་འགྲོལ་བྱེད་མཁན་དེ་བཙན་ཐབས་སུ་བྱུང༌། མཐོང་གྲོལ་ལ་གཟིགས་ཤིག་བྱས་ནས་བསྟན་པས། དེ་ན་རེ། གསང་དགོས་རྒྱུ་དེ་སྟོན་པར་དགའ་དྲག་པའི་སྐྱོན་རང་འདུག །མཐོང་གྲོལ་མི་དགོས་མྱོང་གྲོལ་ཀྱང་ཡིན་པས་ཁྱོད་རང་ཟོ་ཞིག་ཟེར། ཤེལ་དང་ཤོག་སེར།


JLAZ010_Page_0008
[མ་དཔེ་གཟིགས་ན་འདིར་གནོན།]

ཐམས་ཅད་བཟར་བཅུག་བྱུང་བ་ཁྱུར་མིད་བྱས་པས། ཚིག་དོན་ཐམས་ཅད་བློ་ལ་པར་གྱིས་འདེབས་པའི་ངོ་མཚར་ཚད་ལས་འདས་པ་འདུག །དེ་ཁའི་མོད་ལ་ཉམས་སྣང་དེ་སད་ནས། དྲན་རིག་བདེ་སྟོང་ཆེན་པོར་འབྱམས་ཀླས་ཤིང༌། དུས་དེའི་ཚེ་གཉིད་འོད་གསལ་གྱི་འཁོར་ལོར་འབྱམས་ཀླས་པ་སོགས་དག་པའི་སྣང་བ་རྒྱ་ཆེར་མཐོང་ཚུལ་དང༌། སྐྱེ་བརྒྱུད་ཀྱི་ལུང་བྱང་ཇི་ལྟར་གསལ་བ་སོགས་ཆུ་ཟླའི་གར་མཁན་ན་གསལ། ལོ་རྒྱུས་འདི་རྗེ་བླ་མར་སྙན་དུ་སྒྲོན་པས་རང་རིགས་གྲུབ་ཐོབ་བརྒྱུད་པའི་བཀའ་བབས་དངོས་གཏེར་ཟམ་མ་ཆད་པའམ། ཡང་ན་དག་སྣང་དགོངས་གཏེར་གྱི་ཚུལ་དུ་ཆོས་ཀྱི་སྒོ་མོ་གྲངས་མེད་པར་འབྱུང་བར་སོམ་ཉི་བྲལ་ལ། འོན་ཀྱང་རེ་ཞིག་གཞན་ལ་ཤིན་ཏུ་གསང་བ་གལ་ཆེ་ཚུལ་སོགས་ཀྱི་ཕྱག་བྲིས་ལེ་ཚན་གྱི་ཁོངས་སུ་སྐྱེ་བརྒྱུད་ལུང་བསྟན་ཀྱང་ཕྱོགས་མཐུན་དུ་གསལ་བ་ལྟར་ཡིན་ཀྱང༌། རང་བློར་ཡང་དེང་སང་དུས་སྙིགས་གཏེར་དང་དག་སྣང་ལ་བཞེད་པ་དྲག་ཞན་ལ་མ་ལྟོས་པར་མང་དྲག་པས་མི་ཐམས་ཅད་ཐེ་ཚོམ་གྱི་དྲྭ་བར་ཚུད། ལར་མཁའ་འགྲོའི་གསང་མཛོད་ཆེན་མོ་ལ་རང་དབང་སྒྱུར་ནུས་པའི་བརྡ་རྟགས་ལག་པའི་མཐིལ་དུ་མ་ཟིན་ན། རྩ་ཁམས་དྭངས་པའི་རང་རྩལ་ལ་ཚིགས་བཅད་ཐར་ཐོར་དུ་ཤར་བ་ལ་དག་སྣང་དུ་


JLAZ010_Page_0009
[མ་དཔེ་གཟིགས་ན་འདིར་གནོན།]

ངོས་འཛིན་པ་སོགས་ལས་རླབས་པོ་ཆེའི་རྒྱུར་འདུག་སྟེ་དེ་འདྲའི་རིགས་ཀྱང་མཐོང་ཐོས་མང༌། ད་དུང་དཔའ་བོ་མཁའ་འགྲོའི་བསྐུལ་བྱང་འདྲ་བྱུང་ན་ནི། ཚེ་དང་འཕྲིན་ལས་ཀྱི་རྟེན་འབྲེལ་ལ་གནོད་པས་མི་བྱེད་དབང་མེད་ཡོང༌། གཞན་སྙིང་ལས་ཆུང་ངུའི་ངང་ནས་དྲན་པ་ལ་དམར་ཐག་བཅད་པ་རང་སོ་བཟོད་སྙམ་ནས་ལོ་བདུན་གྱི་བར་དུ་རླུང་ཕྱོགས་ཙམ་དུའང་མ་བསྒྲགས་པར་རྟོག་མེད་ཁོ་ནར་བཞག་གོ། དེ་ལྟ་ནའང་ས་མོ་ཡོས་ཀྱི་ལོར་འོག་མིན་དཔལ་གྱི་མཆིམས་ཕུའི་བྲེ་གུ་དགེའུ་འོག །ཉང་ཕུག་གོང་འོག་ཏུ་གྲགས་པའི་ལྷུན་གྲུབ་རང་བྱུང་གི་ཕུག་པར་ལོ་གསུམ་སྙིང་པོའི་སྒྲུབ་པ་ལ་རྩེ་གཅིག་ཏུ་གནས་པའི་ཚེ། ཇི་སྐད་དུ། སྒྲོན་མ་རྣམ་པར་བཀོད་པ་ལས། །དགོངས་པ་བརྡ་དང་སྙན་བརྒྱུད་ནས། །གསང་སྔགས་དོན་གྱི་ཚད་མ་འབྱུང༌། །དཔེ་ལ་བརྟེན་ནས་དོན་ངོ་ཤེས། །རྟགས་ལ་བརྟེན་ནས་ཡིད་ཆེས་འགྱུར། །ཅེས་གསུངས་པ་ལྟར། པཎ་ཆེན་བི་མ་ལའི་གསང་བ་གསུམ་གྱི་སྒྱུ་འཕྲུལ་དྲི་མེད་འོད་ཟེར་གྱི་རྫུ་ལ་ཆགས་པ་ཀུན་མཁྱེན་ངག་གི་དབང་པོ་དེ་འོད་གསལ་གྱི་ངང་དུ་ཞལ་ལན་གསུམ་མཇལ་ནས་དགོངས་པའི་གསང་མཛོད་ཆེན་མོ་གཏན་ལ་དབབ་པར་བསྐུལ་ཞིང་རིགས་ལྔ་ཌཱཀྐིའི་གཙོ་མོས་བརྡ་འགྲོལ་གྱི་སྐབས་དབྱེ་ནས་རིམ་པར་སྐྱར་ཤོག་དཀར་པོའི་ངོས་སུ་སྣང་བར་


JLAZ010_Page_0010
[མ་དཔེ་གཟིགས་ན་འདིར་གནོན།]

བྱས་པ་ཡིན་ལ། དེ་ཡང་གནད་བྱང་ཐུགས་ཀྱི་སྒྲོམ་བུར། རིག་འཛིན་དཔའ་བོ་མཁའ་འགྲོ་ཡིས། །བསྐུལ་མ་ཐེངས་གསུམ་དག་ཏུ་འོང༌། །དེ་ཚེ་མི་བརྗེད་དྲན་པའི་གཟུངས། །གཟེར་དྲུག་གནད་ཀྱིས་ལྡེ་མིག་གིསཿ ཀློང་གསལ་དགོངས་པའི་གཏེར་ཁ་འབྱེདཿ ཅེས་དང༌། སྤྲེལ་ལོ་སྤྲེལ་ཟླའི་ཚེས་བཅུ་ལཿ པདྨ་ང་དང་དངོས་ཞལ་མཇལཿ བར་ཆད་སེལ་ཞིང་བྱིན་གྱིས་རློབསཿ ཞེས་སོགས་ནས། དེ་ཚེ་གདམས་པ་གསང་ཞིང་སྤེལ། །ཞེས་སྤྲེལ་ལོར་གསང་རྒྱ་འགྲོལ་བའི་དུས་ཚོད་ཡིན་པ་བཞིན། སྤྲེལ་ལོ་སྤྲེལ་ཟླ་བའི་ཚེས་བཅུའི་ཉིན་པདྨ་འོད་གླིང་སིནྡྷུ་རྒྱ་མཚོའི་ཞིང་ཁམས་བཀོད་པར་ཕྱི་ནང་གི་མཆོད་པ་གཟབས་རྒྱས་དང་བཅས་བདག་ཅག་འདུས་པར་བཅས་པས་མན་ངག་བཅུ་གསུམ་སྤྱི་དྲིལ་གསོལ་འདེབས་བསམ་པ་ལྷུན་གྲུབ་མའི་སྒོ་ནས་ཚེས་བཅུའི་ཆོ་ག་བསྟར་བ་ལས། སྤྱན་འདྲེན་གྱི་ཚེ་མོས་གུས་བླ་ན་མེད་པས་རྐྱེན་བྱས་དཔལ་ཨོ་རྒྱན་ཆོས་ཀྱི་རྒྱལ་པོ་མཚན་དཔེའི་ལང་ཚོ་བལྟ་བས་ཆོག་མི་ཤེས་པ་དཔའ་བོ་མཁའ་འགྲོ་ཏིལ་གྱི་གོང་བུ་ལྟར་འཁྲིགས་པའི་ཀློང་ནས་རྡོ་རྗེའི་གར་སྟབས་སྲིད་གསུམ་ཟིལ་གྱིས་གནོན་པའི་རང་བཞིན་དུ་སྒྱུར་ཞིང༌། མནྡ་ར་བའི་མེ་ཏོག་གི་སིལ་མ་ཀུན་ཏུ་འཐོར་བའི་ངང་ཚུལ་ཅན་ཆུ་བུར་མིག་གིས་སྤྱོད་ཡུལ་དུ་གྱུར་པས་མོས་གུས་ཀྱིས་བརྒྱལ་བ་ཙམ་གྱི་ངང་ནས་སྐལ་བ་


JLAZ010_Page_0011
[མ་དཔེ་གཟིགས་ན་འདིར་གནོན།]

བཟང་པོའི་དགེ་མཚན་ཅི་ཡང་ཐོབ་བོ། །དེའི་ཚེ་ལྷོ་རྒྱུད་སྤྲུལ་བའི་སྐུ་མཆོག་རྣམ་པ་གསུམ་གྱིས་ཀྱང་མ་འདྲིས་བཞིན་དུ་ཐུགས་གཏེར་ཆེན་མོ་གཏན་ལ་དབབ་པ་ལེགས་སོའི་དབུག་འབྱིན་དང༌། ལྷ་རྫས་སྲིད་དུ་རིང་བའི་སྐྱེས་ཀྱི་གནང་ཆ་དང་བཅས། དྭངས་བ་སྟོན་པར་མཛད་པ་ནི་རྒྱལ་དབང་པདྨའི་ཐུགས་བསྐྱེད་ཀྱི་མཐུས་བསྐུལ་བར་གདོན་མི་ཟ་མོད། དེ་བཞིན་དུ་ཀོང་སྨྱོན་སྤས་པའི་རྣལ་འབྱོར་ལའང་ཟབ་དོན་འདིའི་སྐོར་གསང་རྒྱའི་སྟབས་ཀྱིས་དོགས་པ་ཙམ་ཡང་མ་མཆིས་པའི་གནས་སུ་ཡོད་ཀྱང༌། ལྐོག་གྱུར་མངོན་དུ་རིག་པ་ལྟར་ཚམ་ཚོམ་མེད་པའི་ངེས་ཤེས་ཀྱིས་ད་ལམ་ཅིས་ཀྱང་ཐུགས་གཏེར་གཏན་ལ་ཕེབས་པ་དགོས་ཞེས་གསུངས་པ་སྔོན་གྱི་སྨོན་ལམ་དུས་སུ་སྨིན་ཅིང་རྟེན་འབྲེལ་དུས་ལ་བབས་པར་གོ་ནས་དེར་འདུས་པ་དང་བོའི་འཁོར་ཟླ་བ་ཉ་བའི་གྲངས་ལ་སྨིན་གྲོལ་གྱི་སྒོ་འཕར་དབྱེ་བ་ནས་བཟུང་རིམ་པར་སྤེལ་བ་ལས། ལོ་དེར་ཕྱི་ནང་གསང་བ་ཡང་གསང་དང་བཅས་པའི་བསྙེན་སྒྲུབ་མཐར་ཆགས་སུ་གཏོང་བ་རྣམས་མི་ཐེ་བའི་ཕྱི་སྒྲུབ་ཡིད་བཞིན་ནོར་བུ་ལ་བརྟེན་ནས་བཛྲ་གུ་རུ་འབྲུ་འབུམ་གཏོང་བ་པོ་ཉི་ཤུ་རྩ་གྲངས་སྐོར་བྱུང་བས་གང་འབྲེལ་དོན་དང་ལྡན་པའི་རྟེན་འབྲེལ་མངོན་དུ་གྱུར་བ་ཡིན་ལ། འོན་ཀྱང་དེ་ཉིད་ལས། བདག་ཉིད་ཆེན་པོ་པདྨ་སོགསཿ སྤྲུལ་པའི་ལོ་


JLAZ010_Page_0012
[མ་དཔེ་གཟིགས་ན་འདིར་གནོན།]

པཎ་སྐྱེས་མཆོག་དངཿ ཟབ་མོའི་རྟེན་འབྲེལ་མང་འཕྱུགས་པསཿ ཕྱི་དུས་འགྲོ་དོན་དུས་བབ་ཚེཿ འགལ་རྐྱེན་རྣམ་པ་སྣ་ཚོགས་དངཿ ཁྱད་པར་བདུད་བློན་དམ་སྲིའི་རིགསཿ རྗེས་འབྲངས་རྣམ་འགྱུར་ཅིར་ཡང་རྫུཿ བཀའ་དྲིན་དམ་ཚིག་ཁྱད་དུ་གསོདཿ ཅེས་གསུངས་པ་ལྟར་ལྷོངས་དང་རྡུར་གྱི་རྣམ་པའང་དཔག་ཏུ་མེད་པ་བྱུང་སྟེ་ལས་བདག་གིར་ཤེས་ཤིང་རྐྱེན་ལ་བསྙེངས་མ་ཤོར་བའི་སྣང་བ་ཧུར་བོ་འདིས་སྒྱུ་མ་མཁན་སྒྱུ་མའི་རོལ་རྩེད་ལ་རྟོགས་པ་བཞིན་དུ་ལོག་སྒྲུབ་དང་སྐྱོ་ངལ་མཐའ་དག་བཟོད་པར་བྱས་ཏེ་དོན་གཉིས་བསྒྲུབ་པ་ལ་གཡེར་བ་མེད་པའི་དམ་བཅའ་བརྟན་པོ་འདི་ཇི་སྲིད་སྲོག་དབང་འགག་པ་ལ་ཉེ་བ་དེ་སྲིད་དུ་མི་གཏོང་བ་ཡིན་ལ། དེ་ལྟ་ནའང་ཟབ་དོན་གྱི་མན་ངག་འདིའི་སྐོར་གྱི་ཡི་གེ་ན་གཅིག་ཀྱང་སྣོད་མིན་ལ་བཤད་པར་མ་བྱེད། སྟོན་པར་མ་བྱེད། ཚིག་ཙམ་རླུང་གི་ཕྱོགས་སུའང་བསྒྲགས་པར་མ་བྱེད་པར་ཡིད་བཞིན་གྱི་ནོར་བུ་ལྟ་བུར་ཟུངས་ལ་སྒྲུབ་པ་སྙིང་པོར་གྱིས་ཤིག། །།

གསང་བ་ཆེན་པོ་ཉམས་སྣང་གི་རྟོགས་བརྗོད་ཆུ་ཟླའི་གར་མཁན།


JLAZ010_Page_0013
[མ་དཔེ་གཟིགས་ན་འདིར་གནོན།]

གསང་བ་ཆེན་པོ་ཉམས་སྣང་གི་རྟོགས་བརྗོད་ཆུ་ཟླའི་གར་མཁན་ཞེས་བྱ་བ་བཞུགས། །


JLAZ010_Page_0014
[མ་དཔེ་གཟིགས་ན་འདིར་གནོན།]

དཔལ་གདོད་མའི་མགོན་པོ་ལ་ཕྱག་འཚལ་ལོ། །མ་སྐྱེས་མི་འགག་རང་བཞིན་སྤྲོས་དང་བྲལ། །དམིགས་མེད་རང་གྲོལ་འོད་གསལ་འདུས་མ་བྱས། །ཤིན་ཏུ་རྣམ་དག་ཐ་མལ་རིག་པ་ལ། །དུས་གསུམ་འཕོ་མེད་དགོངས་པས་ཕྱག་བགྱིའོ། །ཀུན་བཟང་དགེ་བ་རྡུལ་ཙམ་མ་བརྟེན་ཀྱང༌། །ཟག་མེད་རང་ངོ་ཤེས་པའི་དགེ་ཚོགས་ཀྱིས། །མངོན་པར་བྱང་ཆུབ་ཁམས་གསུམ་ཡིད་ཅན་རྣམས། །སྡིག་པའི་ས་བོན་མེད་བཞིན་འཁོར་བར་འཁྱམས། །དེ་ཕྱིར་རིག་དང་མ་རིག་ཆོ་འཕྲུལ་གྱིས། །འཁོར་འདས་སོ་སོར་ཕྱེ་བའི་མཚང་རིག་ཀྱང༌། །འདི་ན་ལྷན་སྐྱེས་བག་ཆགས་གཡོ་འཕྲུལ་བོས། །ད་དུང་བློ་བྲིད་བྱེད་པ་སེམས་པ་སྐྱོ། །


JLAZ010_Page_0015
[མ་དཔེ་གཟིགས་ན་འདིར་གནོན།]

གཞི་དབྱིངས་ཁྱད་ཆོས་དྲུག་ལྡན་མ་ལགས་པ། །ཐམས་ཅད་རྫུན་པའི་རྣམ་འགྱུར་ཆེན་པོ་རུ། །གོ་ཡང་དད་ལྡན་གདུལ་བྱ་དྲང་བའི་སླད། །ཉམས་སྣང་ཆུ་ཟླའི་གར་མཁན་འདིར་གསལ་བྱ། །དེ་ཡང་མདོ་ལས། །རབ་འབྱོར་ཆོས་ཐམས་ཅད་རྨི་ལམ་ལྟ་བུ། མྱ་ངན་ལས་འདས་པའི་ཆོས་ལས་ལྷག་པའི་ཆོས་ཤིག་ཡོད་ན་དེ་ཡང་རྨི་ལམ་ལྟ་བུ་སྒྱུ་མ་ལྟ་བུ་ཞེས་ངས་བསྟན་ཏོ། །རབ་འབྱོར་ཆོས་ཐམས་ཅད་ཡང་དག་པ་མ་ཡིན་པ་ཀུན་ཏུ་བརྟགས་པ་མེད་བཞིན་དུ་སྣང་བ་རྨི་ལམ་ལྟ་བུ་སྒྱུ་མ་ལྟ་བུའོ། །ཞེས་དང༌། བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས། སྟག་དང་སེང་གེ་གླང་ཆེན་དྲེད། །སྦྲུལ་དང་དགྲ་རྣམས་ཐམས་ཅད་དང༌། །


JLAZ010_Page_0016
[མ་དཔེ་གཟིགས་ན་འདིར་གནོན།]

སེམས་ཅན་དམྱལ་བའི་སྲུང་མ་དང༌། །བྱད་མ་དེ་བཞིན་སྲིན་པོ་རྣམས། །སེམས་འདི་གཅིག་པུ་བརྟགས་པ་ཡིས། །དེ་དག་ཐམས་ཅད་བརྟགས་པར་འགྱུར། །ཞེས་འཁོར་འདས་ལམ་གསུམ་ཐམས་ཅད་རང་སྣང་ཁོ་ནའི་ལྡོག་ཆས་ཕྱེ་བ་ཉིད་ལས་དོན་དམ་པར་བདེན་པར་གྲུབ་པ་སྤུ་ཙམ་མ་མཆིས་ན། དེ་ལས་ཀྱང་ཉིང་འཁྲུལ་དུ་གྱུར་པའི་རྨི་ལམ་བག་ཆགས་ཀྱི་སྣང་ཆ་ནི་ཤིན་ཏུ་ཡ་མ་བརླ་སྟེ་ཤཱནྟ་དེ་དབུས། འགྲོ་བ་རྨི་ལམ་ལྟ་བུ་སྟེ། །རྣམ་པར་དཔྱད་ན་ཆུ་ཤིང་འདྲ། །ཞེས་སོ། །དེ་ལྟ་ནའང་ཆོས་ཐམས་ཅད་རྨི་ལམ་དང་འདྲ་བའི་རྟེན་དེ་ལ་དགེ་མི་དགེའི་འཇུག་ལྡོག་བྱེད་པའི་མཁན་པོ་ནི་ལས་དང་དེའི་རྣམ་པར་སྨིན་པ་ཁོ་ན་ལས་བྱེད་པོ་གཞན་མེད་པ་ནི་ཨོ་རྒྱན་ཆེན་པོས། གནོད་པའི་དམྱལ་དཔོན་ཆེན་པོ་དེ། །གལ་ཏེ་སེམས་ཅན་ཡིན་གྱུར་ན། །དེ་ཡི་སྡིག་པ་གང་དུ་འགྲོ། །ཞེས་སོ། །རྒྱུ་མཚན་དེས་ན་སོ་སོའི་སྐྱེ་བོ་རྨོངས་པའི་རབ་རིབ་ཀྱིས་ལྡོངས་པ་དག་གིས་ཕྱིན་ཅི་ལོག་གི་ལས་ཐབས་སྒྲིབ་པའི་ཕུང་པོ་ཅན་ལའང་གཏན་ཚིགས་དང་ཤོག་ཁྲར་བྱས་ཏེ་ངོ་མཚར་གྱི་གླིང་གཞིར་བྱེད་ན། འདིར་བླ་ན་མེད་པའི་བྱང་ཆུབ་ཀྱི་སྤྱོད་པ་ལ་བསླབས་ཤིང༌། མྱུར་ལམ་རྡོ་རྗེ་ཐེག་པའི་རྣལ་འབྱོར་གྱི་སྒོ་ནས་རང་རྒྱུད་ལ་གདོད་ནས་བཞུགས་པའི་རྡོ་རྗེ་བཞིའི་གནས་ལུགས་མངོན་སུམ་སད་པའི་རྟེན་འབྲེལ་


JLAZ010_Page_0017
[མ་དཔེ་གཟིགས་ན་འདིར་གནོན།]

དང༌། སངས་རྒྱས་རྣམས་ཀྱི་ཐུགས་རྗེ་དང་བྱིན་རླབས་རང་གི་ཀུན་རྟོག་དང་འདྲེས་ནས་འཇུག་པའི་ཆོ་འཕྲུལ་ཆེན་པོ་ལ་སྣང་ཆའི་གཟུགས་བརྙན་ཅི་ཡང་སྲིད་པའི་ཕྱིར། དེ་ཉིད་ལ་དག་པ་ཡེ་ཤེས་ཀྱི་འཁོར་ལོའི་བརྡར་བཏགས་པ་སྟེ། དེའང་ནང་དགོངས་པའི་བརྟུལ་ཞུགས་ཀྱི་ན་འཕར་ཞིང་འཁོར་འདས་མཉམ་པ་ཉིད་དུ་རྩལ་རྫོགས་པའི་འཕྲིན་ལས་ཀྱི་རོལ་པ་ཚད་མེད་པས་མ་ཡིན་པར། ཐ་མལ་གྱི་རྟོག་པ་ལ་བྲལ་ཐོབ་མེད་བཞིན་དུ་ལྷ་འདྲེས་བྱིན་གྱིས་རླབས་པའི་དག་སྣང་དང་མངོན་ཤེས་རྫུ་འཕྲུལ་ལ་མཆོག་ཏུ་རློམ་པ་དག་ལ་གནས་སྐབས་སུ་སོ་སོ་སྐྱེ་བོ་དགའ་བའི་ནུས་པ་དང༌། མཐོན་པའི་གོ་ས་ལ་སྙེགས་པའི་རང་སྟོབས་ཡོད་ཀྱང་མཐར་ཐུག་གྲོལ་བ་འགྲུབ་པའི་རྟེན་འབྲེལ་མེད་པས་ཚུལ་དེ་དག་དང་བདག་ཅག་གྲུབ་ཐོབ་བརྒྱུད་པའི་བུ་སྦས་པའི་རྣལ་འབྱོར་སྤྱོད་ཡུལ་མཉམ་པར་ནི་བལྟ་བར་མི་བྱའོ། །ཨེ་མ་སྤྲང་འཇིགས་མེད་ནམ་མཁའི་རྣལ་འབྱོར་གྱིས། །ཆོས་འདི་བྱའི་གཟའ་གཏད་མ་མཐོང་པར། །བློ་གང་ཤར་རང་གྲོལ་ཆེན་པོའི་ཀློང༌། །ཉམས་རྟོགས་པའི་བག་ཆགས་ཁོང་ནས་སད། །ཕ་རྒྱལ་སྲས་པདྨའི་རང་ཞལ་མཇལ། །དོན་གདམས་པ་ཟབ་དགུའི་སྙིང་ཁུ་ཐོབ། །དེ་ཐོབ་ཙམ་མ་ལགས་རྒྱུད་ལ་ཤར། །ཚིག་ཁ་ཁྱེར་མ་ཡིན་གནད་ལ་ཕེབས། །


JLAZ010_Page_0018
[མ་དཔེ་གཟིགས་ན་འདིར་གནོན།]

ཚེ་ངེས་མེད་སྙིང་ལ་བརྣགས་པ་ཡིས། །ལས་འཁོར་བར་ཡི་ཆད་དྲག་པོ་ཤར། །དོན་སྙིང་པོའི་སྒྲུབ་པ་ལྷུར་བླངས་ཚེ། །ཡིད་ཤེས་ཀྱི་ཆུ་མཚོར་འདི་ལྟར་མངོན། །ཕ་བཀའ་དྲིན་འཁོར་མེད་མཚོ་སྐྱེས་རྗེས། །མི་ལས་ཅན་གྱི་ཕ་ཕོགས་སུ་བྱིན་པ་ཡི། །ཆོས་པདྨ་སྙིང་ཐིག་ཧཱུྃ་སྒྲུབ་དེས། །སྣང་སྲིད་ཧཱུྃ་གླུར་བླངས་པའི་ཚེ། །ཤར་ཉིན་བྱེད་དབང་པོའི་འོད་ཟེར་དེ། །སྒྲུབ་ཁང་གི་ཐོད་ལ་འཆིང་བའི་སྐབས། །ཉམས་སྣང་ཤེས་ཟང་ཐལ་གྱི་འཆར་སྒོ་ལ། །ལྷོ་མོན་ཁའི་བྲག་གི་སྐུ་རྗེས་མཐོང༌། །བྲག་དབྱིབས་ནི་མཆིམས་ཕུའི་ཇག་ཧུག་འདྲ། །བྲག་ཁ་དོག་གནག་སྣུམ་བག་ཆགས་ངོས། །ཁྱོན་ཞགས་ཚད་ཙམ་བེར་གྱི་སུལ་དང་བཅས། །ཤིན་ཏུ་གསལ་བའི་ངང་ཚུལ་མཇལ། །དེར་མོས་གུས་བཟོད་གླགས་མེད་པའི་ངང༌། །མིག་མཆི་མའི་དཔའ་རླབས་ཅིར་ཡང་གཡོ། །ཕ་ཨོ་རྒྱན་དྲན་ནས་ཚུགས་ཐབས་མེད། །གནས་དེ་རུ་ད་ལྟ་སླེབ་ན་སྙམ། །ཉམས་བདེ་སྟོང་རྣམ་རོལ་ཅིར་ཡང་རྩེ། །ཡང་དེ་ནས་མི་རིང་ཞག་འགའ་ན། །བྲག་ལྗང་ནག་མེ་ལོང་ལྟ་བུའི་ངོར། །སུ་ཝརྞས་བྱུགས་འདྲའི་ཞབས་རྗེས་གཉིས། །འོད་གསལ་གཉུག་མ་ཡི་ངང་ནས་མཐོང༌། །འདི་ཆེ་ཆུང་བློ་ཡིས་དཔྱད་མ་བཟོད། །སྤྱིར་མཐོང་སྣང་རིག་པའི་རྩལ་ཡིན་པར་མ་ཟད་ལྷོ་མོན་ཕྱོགས་ལ་བྲག་ལ་འཕྲང་སོགས་སྐུ་རྗེས་བརྒྱ་ཙམ་ཡོད་པར་བཤད་པས་གང་ཡིན་


JLAZ010_Page_0019
[མ་དཔེ་གཟིགས་ན་འདིར་གནོན།]

ངོ་མ་འཚལ། ཞབས་རྗེས་ནི་ཕྱོགས་བཞིའི་བྲག་ལ་ཆེ་བ་བཞི་དང༌། གཞན་ནི་ཤིན་ཏུ་མང་ངོ༌།། ༈ དུས་དེའི་ཚེ་འཁྲུལ་པའི་རྨི་ལམ་ལ། །རང་བེམ་རིག་བྲལ་དུ་ཉེ་བ་ལ། །ཉེ་འབྲེལ་གྱིས་བསྐོར་ནས་གདུང་བར་བྱེད། །དེར་འཆི་བྲོད་གདེང་ཆེན་རྙེད་སྙམ་པས། །ཁོང་དེ་དག་ལ་ཐིམ་རིམ་གཤོས་པའི་ངང༌། །ཆོས་ཉིད་ཀྱི་ངང་དུ་དྲན་པ་སྟོར། །སྐབས་ཤིག་ཏུ་དྲན་པ་རྙེད་ཙ་ན། །རང་སྲིད་པ་བར་དོར་བསླེབས་ནས་གདའ། །ཕུང་པོ་ཞུགས་ལ་སྤར་བ་མཐོང༌། །ཀྱེ་ཕ་དེས་མྱ་ངན་ཆེན་པོ་བྱེད། །རང་བག་ཆགས་ཤ་གཟུགས་ཀྱི་ཡིད་ངོ་ལ། །སེམས་དངོས་མེད་ལ་སྐྱེ་འཆིའི་མིང་འདོགས་བྲལ། །ངས་བདེན་པ་མཐོང་བས་བདེ་སྡུག་རྫུན། །ཕ་ཁོ་རང་སྙིང་རྗེ་བསམས་ཙ་ན། །གཉིད་སད་ནས་བདེ་གསལ་ངང་ལ་འབྱམས། །རྗེ་པདྨས་འགྲོ་བ་རིགས་དྲུག་གི། ས་བོན་བསྲེགས་པར་ལུང་བསྟན་མཛད། །དུས་འདི་ནས་ལུས་ཀྱི་ཤིག་སྲོ་རྣམས། །གར་སོང་ཆ་མེད་དུ་དག་པར་གྱུར། །སྤྱིར་བར་དོ་ལ་རྣམ་གྲངས་བཞིར་འཆད་པ་དང༌། ལ་ལར་དྲུག་ཏུ་དབྱེ་བ་སོགས་སྣང་ཞིང༌། ཁྱད་པར་ཆོས་ཉིད་དང་སྲིད་པའི་བར་དོ་འདིར་གསང་སྔགས་གསར་རྙིང་བཞེད་པ་ཅུང་ཟད་མ་མཐུན་ཞིང༌། དེའི་དབང་གི་རང་ལུགས་འཐད་ལྡན་དུ་སྒྲུབ་པ་དང༌། གཞན་ཕྱོགས་ཚུལ་མིན་དུ་དགག་པ་སོགས་ཇི་སྙེད་ཅིག་འཆད་སྣང་སྟེ། སྐབས་


JLAZ010_Page_0020
[མ་དཔེ་གཟིགས་ན་འདིར་གནོན།]

འདིར་ཡང་དགོན་པའི་བར་དོ་འཕྲང་སྒྲོལ་དུ་གྲགས་པར། རོ་བསྲེགས་པ་ལ་སོགས་བྱེད་ན་མྱུར་དུ་ཚིག་ན་དགའ། མ་ཚིག་ན་མི་དགའ། མྱུར་དུ་མི་སྣང་བར་སོང་ན་དགའ། ཡུན་རིང་དུ་ལུས་ན་ཡང་ཁ་སྣར་འཚངས། རུལ་བ་དང་དྲི་སྣོམ་ན་སྡུག་བསྔལ་ཆེན་པོ་བྱེད། རང་ལ་གདུང་བ་མེད་པ་ཀུན་ལ་ཞེ་སྡང་ཆེན་པོ་བྱེད་ཅིང་མི་དགའ་བའི་སྣང་བ་འོང་བར་འདུག །སྔར་གྱི་ཁྱིམ་དང་མལ་ལ་སོགས་པར་འཁོར་ཞིང་ཉེ་བ་ཉེ་འགྲེལ་རྣམས་ཁོ་རང་ཟས་ཟ་ཞིང་བདག་ལ་མི་སྟེར་བ་དང༌། མིང་ནས་བཏོན་ཅིང་ངུ་བ་དང༌། ཤི་བའི་གཏམ་བརྗོད་པ་ལ་སོགས་པས་ཤིན་ཏུ་མི་དགའ་བར་གྱུར་ཏེ། གར་འགྲོ་གཏད་མེད་དུ་འགྲོ་བར་འདུག །ཅེས་སྲིད་པ་བར་དོའི་རང་བཞིན་རྒྱས་པར་དབྱེ་བ་ལྟར་ད་ལྟའི་རྨི་ལམ་དང་ཕྱིན་ཆད་ཀྱི་བར་དོ་གནད་གཅིག་པས་འཆད་ཚུལ་སྣ་ཚོགས་ལ་ཀླན་ཀ་མི་དགོས་པར་རྟོགས་སོ། །ཨ་ཧོ། དུས་དེ་ཡི་གནས་སྐབས་ཐམས་ཅད་དུ། །ཕྱི་བཟུང་ཡུལ་རགས་པའི་རྣམ་རྟོག་འགགས། །ནང་འཛིན་བྱེད་ཤེས་པ་གཏད་མེད་གྲོལ། །སེམས་བདེ་སྟོང་གི་ནམ་མཁའ་དྭངས་པའི་ཀློང༌། །ལམ་མངོན་སུམ་རིག་མདངས་ལྷག་མཐོང་གིས། །དཔལ་མ་ཧཱ་གུ་རུའི་ཞལ་སྐྱིན་མཇལ། །ཉམས་རྟོགས་འབུལ་ཞིབ་རྒྱས་ཞུས་པ་ན། །སྒོམ་ཡལ་གྲབས་ཡིན་འདུག་གསུངས་པ་ཐོས། །སྒོམ་བྱས་ཚད་ཉམས་ཞེན་རྣམ་རྟོག་ཡིན། །དེ་ཡལ་ན་ཉམས་


JLAZ010_Page_0021
[མ་དཔེ་གཟིགས་ན་འདིར་གནོན།]

ཡལ་རྟོགས་པ་ཤར། །དོན་སྤྲོས་བྲལ་བདེན་པ་མཐོང་བའི་བརྡབ། །ཆོས་ཡང་གསང་ཐུགས་ཀྱི་སྒྲུབ་པ་ཡི། །བསྙེན་སྒྲུབ་ལས་སྦྱོར་ཕ་མཐར་ཕྱིན། །མཚན་མ་རྫས་ཀྱི་སྐུ་རྟེན་དེ། །དངོས་གྲུབ་ལེན་པར་འགུལ་བ་སྙམ། །ནང་རིག་པ་དབྱིངས་ཀྱི་ཧེ་རུ་ཀ། གསལ་བརྟན་གྱི་ཡུལ་གསུམ་གྱད་དུ་གྱུར། །སེམས་ཡི་དམ་གྱི་ཕྱག་རྒྱར་རྩལ་རྫོགས་པས༌། །རྣམ་སྨིན་རིགས་འཛིན་གྱི་ལྡང་ཚད་ཤེས། །དེ་ནང་ལྟར་སྒྲུབ་པ་རྟ་གདོང་ཞལ། །ཕྱག་རྒྱར་བསྒྱུར་ནས་བསྒྲུབས་པའི་ཚེ། །གཉིད་མི་རྟོག་ཀུན་གཞིའི་མུན་པ་ནས། །ཡིད་གཅིག་པུར་ལངས་པའི་གསལ་སྣང་ལ། །གནས་འོག་མིན་དཔལ་གྱི་མཆིམས་ཕུ་ཡི། །བྲག་དམར་གྱི་ཀེའུ་ཚང་དུ་སླེབས། །དབྱིབས་རྣམ་འགྱུར་ཇི་བཞིན་མ་ཡིན་པའི། །རང་བྱུང་གི་བྲག་སྐྱིབས་ཆེན་པོའི་ནང༌། །ཕ་མཚོ་སྐྱེས་རྡོ་རྗེའི་སྣང་བརྙན་ལ། །འཁོར་རྒྱལ་བ་རིགས་ལྔས་མཛེས་པ་དེའི། །སྐུ་ཆེ་ཆུང་མི་ཚད་ཉིས་འགྱུར་ཙམ། །རིགས་གཙོ་དང་ཨོ་རྒྱན་གཉིས་ཀའི་ཕྱག །རཏྣའི་པྲོག་ཞུས་མཚན་པར་སྣང༌། །དེར་རིག་འཛིན་ཧཱུྃ་ཆེན་འགྲོ་འདུལ་དང༌། །མིག་འཕྲུལ་ལྟ་བུར་མཇལ་བ་ན། །བྲག་འདི་ལ་གུ་རུའི་ཞབས་རྗེས་ཡོད། །བདག་ཅག་གཉིས་འཚོལ་ལོ་གསུངས་པ་ལ། །གཉིས་ཀས་འཚོལ་བའི་འདུ་ཤེས་དང༌། །གནས་དེ་ཡི་དཀོན་གཉེར་ཡིན་སྙམ་


JLAZ010_Page_0022
[མ་དཔེ་གཟིགས་ན་འདིར་གནོན།]

པའི། །བན་རྒན་སོང་ཞིག་ཁྱམས་དེར་འདུག་པ་དེས། །མཛུབ་རིས་དང་བཅས་བསྟན་བྱུང་བར། །དེ་ན་ཞབས་རྗེས་ཁྲུ་དོ་ཙམ། །འདམ་ལ་རྒྱབ་ལྟར་ཤིན་ཏུ་གསལ། །དེར་རང་ཉམས་འུར་ཏེ་ཏིང་འཛིན་གྱིས། །དབང་བཞི་བླངས་པའི་ནུས་པ་དེ། །ཐ་མལ་གྱི་བློ་ཡིས་དཔག་པར་དཀའ། །སེམས་གྱ་གྱུའི་ཀུན་རྟོགས་འཆིང་བ་ཅན། བཙན་ཐབས་སུ་གཏད་མེད་ཆེན་པོར་གྲོལ། །གཉིད་རྨི་ལམ་གྱི་འཆར་སྒོ་རྫུན་པ་དེ། །ནང་དབྱིངས་སུ་ནུབ་བའི་ཟླ་བ་ལྟར། །མི་རྟོག་དབུ་མའི་གཤིས་ལ་ཐིམ། །དེ་ལུང་མ་བསྟན་དུ་མ་འབྱམས་པར། །རྩ་ཤེལ་སྦུག་ཅན་དུ་ཞུགས་པ་ལས། །གཉིད་གཏི་མུག་གི་འཆིང་བ་ལས་བརྒལ་ཏེ། །བུམ་ནང་དུ་མར་མེ་སྦར་བ་བཞིན། །འོད་གསལ་གྱི་གོ་ཡང་མ་འགགས་ལ། །འཁོར་འདས་སོ་སོའི་མཚང་རིག་ཅིང༌། །བློ་དེར་འཛིན་གྱི་ཀུན་རྟོག་དང་བྲལ་བའི། །དབྱིངས་གཞོན་ནུ་བུམ་སྐུའི་ཞིང་ཁམས་མཐོང༌། །ངས་སྔོན་ཆད་མ་མཐོང་དགུ་མཐོང་ཡང༌། །འོད་གསལ་ལྷུན་འགྲུབ་ཀྱི་ཞིང་མ་མཐོང༌། །ཕ་པདྨའི་ཐུགས་རྗེ་བསམ་མི་ཁྱབ། །དོན་རང་རིག་རྩལ་གྱི་དབང་ཆེན་ཐོབ། །དེ་སླར་ཡང་ནམ་མཁའ་འདྲེས་པ་ལྟར། །ལྷག་མཐོང་གི་རིག་པ་སད་པ་ལས། །སྟོང་པའི་གསལ་མདངས་ཆེར་འབར་ནས། །སྣང་སྲིད་ཀུན་རྟོག་མེད་འོད་གསལ་དང༌། །


JLAZ010_Page_0023
[མ་དཔེ་གཟིགས་ན་འདིར་གནོན།]

མེ་ལོང་ནང་གི་གཟུགས་བརྙན་ནམ། །རྒྱ་མཚོར་གཟའ་སྐར་བཀྲམ་པ་བཞིན། །དེར་འཛིན་མེད་པའི་བལྟད་མོ་མཐོང༌། །དེ་ཕྱིར་གསལ་ཕྲ་མོའི་ཀུན་རྟོགས་ལས། །གཉིས་སྣང་གི་ཞེན་པ་ཤར་བ་ན། །ཡུལ་དཔལ་གྱི་གྲུ་འཛིན་པོ་ཏ་ལ། །སྒོ་སྐར་ཁུང་བསམ་ལས་འདས་པ་དང༌། །དེའི་སྟེང་གི་ནམ་མཁར་འཕགས་མའི་སྐུ། །བཻ་ཌཱུརྻ་མདངས་ཅན་འོད་ཀྱི་སྐུ། །ཧ་ཅང་གསལ་འཚེར་མིན་པ་ཞིག །སྣང་བས་དེ་ལ་དེར་འཛིན་གྱི། །གཉིས་སྣང་དུ་ཞེན་པས་རྐྱེན་བྱས་ཏེ། །འོད་གསལ་གྱི་སྣང་བར་རང་སར་འགགས། །གཉིད་སད་རྒྱུ་མེད་ལ་སད་འདྲའི་ངང༌། །ད་ལྟའི་ཤེས་པ་རྗེན་པར་འདུག །ཨེ་མ། རྗེ་རང་བྱུང་པདྨའི་བྱིན་རླབས་མཐུས། །ངས་རྫོགས་པ་ཆེན་པོའི་གཞི་དབྱིངས་དོན། །ཉམས་མྱོང་དུ་རྡོ་རུས་ཐུག་པར་མཇལ། །འོད་གསལ་རྫོགས་པ་ཆེན་པོ་ཡི། །རྒྱུད་སྡེ་དང་ཞུས་དག་ཕེར་པར་ཤེས། །འདིར་བརྗོད་བྱའི་གནས་ཚུལ་མ་ལགས་ཏེ། །དུས་མ་འོངས་རིག་འཛིན་སྤྲུལ་པའི་གར། །དགོངས་བརྒྱུད་ཀྱི་འཕོ་བ་ཐོབ་ངེས་པ། །འགའ་སྲིད་ན་དེ་དག་ངོ་མཚར་ཞིང༌། །ངེས་ཤེས་ཀྱི་དང་བ་འདྲེན་པའི་ཕྱིར། །འདིར་རྟོགས་པའི་འདྲ་འབག་ཡི་གེར་བཞག །སྤྱིར་འོད་གསལ་ལ་འཆད་ཚུལ་མང་ན་ཡང༌། ཀུན་གཞིའི་དྲི་མ་དག་ཅིང་གཞིའི་གནས་


JLAZ010_Page_0024
[མ་དཔེ་གཟིགས་ན་འདིར་གནོན།]

ལུགས་ལུང་མ་བསྟན་ལས་ཁྱད་ཆོས་དྲུག་གིས་འཕགས་པའི་གདོད་མའི་ནང་དབྱིངས་གཞོན་ནུ་བུམ་པའི་སྐུར་གྲགས་པ་འདི་ངེས་གསང་རྫོགས་པ་ཆེན་པོ་སྙིང་ཏིག་ཐུན་མོང་མ་ཡིན་པའི་དགོངས་པ་ཡིན་ལ། དེ་ལྟ་ནའང་ཀུན་ཏུ་བཟང་པོ་དང་ཞལ་མི་གཉིས་པ་ཀུན་མཁྱེན་ཀློང་ཆེན་པས་དགོངས་པའི་རྩལ་གྱིས་ཉམས་སུ་མྱོང༌། བཤད་པའི་ལམ་ནས་གཏན་ལ་ཕབ་པས་འདི་དག་གི་བཤད་ཚུལ་གོལ་འཕྱུགས་མེད་པ་གང་གི་དགོངས་གཏེར་བསྟན་བཅོས་ཆེན་པོ་རྣམས་སུ་སྣང་བ་ནི། སུམ་ཅུ་རྩ་གསུམ་དུ་བགྲོད་མ་མྱོང་བའི་གང་ཟག་ཆེ་གེ་མོ་ཞིག་ལ་དེའི་དངོས་གནས་ཞིབ་པར་བཤད་ཀྱང་དེ་འདྲ་ཞིག་གོ་སྙམ་པའི་འོལ་སྤྱི་ཙམ་ལས་ངེས་ཤེས་མི་སྐྱེ་ཞིང་ཡིན་ཚུལ་ཇི་བཞིན་པ་བློ་ཡུལ་དུ་སྣང་དཀའ་བ་ཙམ་དུའང་མ་ཟད། ཕྱི་རབས་ཀྱི་གང་ཟག་རྣམས་ཚིག་ཙམ་དང་གྲགས་པའི་རྗེས་སུ་འབྲང་བའི་གསང་བ་ཆེན་པོ་འདི་ལྟ་བུ་བཤད་པ་ལས་ལྷ་མཐོང་འདྲེ་མཐོང་ཅུང་ཞིག་སྨྲས་ན་མགུ་བར་བྱེད་མོད། རྒྱུ་མཚན་དེས་ད་ལྟ་གངས་ཅན་འདིར་རྟོགས་པ་མཐོན་པོར་རློམ་ཞིང་ཉིན་མཚན་འདྲེས་པའི་ཁས་ལེན་སྤྱི་བརྟོལ་དུ་བྱེད་པ་སྣང་ནའང༌། ནང་དབྱིངས་གྲོལ་ས་ཆེན་པོ་འདིའི་གནད་རྟོགས་ཤིང་མྱོང་བ་ལྟ་ཅི། གོ་བས་གཏན་ལ་ཕེབས་པ་ཡང་དཀོན་པར་སྣང་ངོ༌། །དེ་ཡང་མཁའ་འགྲོ་ཡང་ཐིག་གི་


JLAZ010_Page_0025
[མ་དཔེ་གཟིགས་ན་འདིར་གནོན།]

མཐོང་སྣང་རིན་པོ་ཆེ་འོད་ཀྱི་དྲྭ་བར། སང་ཉིན་ཐོ་རེངས་བླ་མ་གཟིམས་དུས་ཐུགས་འོད་གསལ་ལ་འབྱམས་ཏེ། ཡར་ཀ་དག་གི་སྣང་བ། བར་ལོངས་སྐུའི་ཚོམ་བུ། མར་འགྲོ་དྲུག་གི་འཆར་ཚུལ། སྒྲ་སྐད་སྣ་ཚོགས་པ་ཐོས་པ་ལ་ཐུགས་ཀྱིས་རིག་ཅིང་རགས་པར་མེད་པར་སྣང་བ་དང༌། དེའི་སྐད་ཅིག་མ་སྔ་མ་ན་དྲན་བསམ་རྒྱུན་ཆད་ནས། སྣང་བ་དམར་ལ་མཐིང་པ་ཙམ་གྱི་ངང་ལ་བརྒྱལ་བ་བཞིན་འབྱམས་སོ། །དལ་གཅིག་ན་རྣལ་འབྱོར་མ་དེས་འོངས་ནས། སྔ་མའི་དེ་ནི་གདོད་མའི་ཀ་དག་ཏུ་ནང་གསལ་ཐིམ་ལ་མ་རྨུགས་པར་བཞུགས་པའི་ངོ་སྤྲོད་ཡིན་ནོ། །བརྒྱལ་བ་ཞེས་བྱ་སྟེ་ཆོས་ཉིད་ཀྱི་ངང་དུ་བརྒྱལ་བས་སློང་དགོས་པ་ཡིན་ནོ། །ཕྱི་མ་ནི་ཕྱིར་གསལ་དུ་སྤྲུལ་སྐུ་འགྱེད་ཚུལ་དང༌། འཁྲུལ་བ་རིམ་གྱིས་སྣང་ཚུལ་རང་སར་ཤར་བའི་ངོ་སྤྲོད་ཡིན་ནོ་གསུངས་སོ། །ཞེས་བཤད་པ་དང་དོན་གཉིས་སུ་མེད་པར་འབྱོར་པས་རང་གིས་མྱོང་བ་ལ་ངེས་ཤེས་འདྲོངས་ཤིང་ཀུན་མཁྱེན་ཆེན་པོ་ལ་མོས་པའི་སྲོག་མཁར་གཞིག་ཏུ་མེད་པ་ཚུགས་པར་གྱུར་ཏོ།། །། ༈ ལྷ་དེ་ཡི་ལས་སྦྱོར་ལ་བབས་ཚེ། །ཉམས་རྨི་ལམ་དྭངས་པའི་མེ་ལོང་ངོར། །ཁོ་གནོད་སྦྱིན་བྲག་བཙན་དམར་པོ་དེ། །མི་གཞན་གྱིས་བདག་ལ་རྦད་པ་མཐོང༌། །ངས་སྟོང་ཉིད་སྙིང་རྗེར་ཁྲོས་པའི་ངང༌། །ཁོ་སྲིད་པ་


JLAZ010_Page_0026
[མ་དཔེ་གཟིགས་ན་འདིར་གནོན།]

རུ་ལོག་སྙིང་ཁ་རུ། །གནད་རང་གཤེད་དབབ་པའི་མཚོན་ཆས་གཟིར། །ཞག་གཉིས་ནས་སྒྲུབ་གཡོག་ས་མནྟས། །རྡོ་ཕ་ཝོང་ལོང་བུ་སྟར་རློན་ཙམ། །མངོན་སུམ་དུ་ཕྱིན་པ་བླ་རྡོར་བསྔགས། །གཅུན་པ་དང་ཤི་བསྟན་པའི་ཕྱིར། །མལ་ཞབས་སུ་ཟིལ་གནོན་དགོངས་པས་གཟིར། །བཀའ་ནན་ཆད་མདོ་ལ་གནས་པའི། །སྲུང་མའང་ངོ་སྲུང་ཟས་ཕྱིར་འཕྲེང༌། །འདི་དག་ལ་གཏོར་མ་བྱིན་པ་ལས། །གནམ་ལྕགས་སྤུ་གྲིའི་གནད་དབབ་ཟབ། །འདྲེ་གནོད་སྦྱིན་གྱི་ཀུན་སྤྱོད་ཉམས་རེ་དགའ། །དུས་དེ་ཚེ་སྨིན་དྲུག་ཟླ་བའི་ནུབ། །དམྱལ་བ་ཡིན་ནོ་སྐད་པ་ཡི། །ཟབས་རིང་པོ་ལྷུང་པའི་སྣང་བ་ལ། །ཚེ་འདིར་ནི་ལས་ངན་བསགས་པ་མེད། །བཅས་པ་དང་རང་བཞིན་ལས་འདས་པའི། །ཕྲ་མོའི་སྡིག་པ་དག་ལ་ཡང༌། །སྟོབས་བཞི་དང་བཅས་པས་གཤགས་མོད་དེ། །ཚེ་ཐོགས་མེད་ནས་བསགས་པའི་རྣམ་སྨིན་ཞིག །དུས་ད་རེས་སྐབས་སུ་བབ་པ་ལ། །ཁོང་སངས་རྒྱས་བྱོན་ཀྱང་རང་གིས་ནོངས། །དེ་འོན་ཏེ་དམྱལ་བའང་སེམས་ཀྱིས་བཟོས། །ནང་དྲན་རིག་གི་ངོ་བོར་ལྟ་སྙམ་ཚེ། །འདིས་དམྱལ་པའི་སྐལ་བ་ཐེངས་པ་ཡིན། །ཁྱོད་ད་ལམ་སོང་ཟེར་སྒྲ་ཞིག་ཐོས། །གཉིད་སད་དེ་སྐྱོ་ཤས་ངང་ལ་འབྱམས། །རྐྱེན་དེ་ཡིས་ནངས་པར་སྔོན་འགྲོ་ཡི། །ལམ་ཟབ་མོ་


JLAZ010_Page_0027
[མ་དཔེ་གཟིགས་ན་འདིར་གནོན།]

བླ་མའི་རྣལ་འབྱོར་ཚེ། །ལས་དེ་འདྲ་མྱོང་བའི་སེམས་ཅན་ལ། །བཟོད་བླག་དང་བྲལ་བའི་སྙིང་རྗེ་སྐྱེས། །དབང་མེད་དུ་མཆི་མའི་ཆར་བ་བབས། །སྐྱོ་ཤས་ཀྱི་སྣང་བ་སངས་པའི་ཚེ། །བརྗོད་མེད་ཀྱི་ཉམས་རྟོགས་གསར་དུ་འཁྲུངས། །ཕ་བླ་མ་དྲན་པའི་མགུར་ཡང་བླངས། །སྡུག་བསྔལ་ཀུན་སྒྲིབ་པའི་བུད་ཤིང་དུ། །གསུངས་པ་དེ་ངོ་མཚར་ཅན་དུ་གདའ། །དཔེ་རྨི་ལམ་ཙམ་གྱི་དུཿ ཁས་ཀྱང༌། །ཉམས་རྟོགས་འགུགས་པའི་ཕོ་ཉར་བྱུང༌། །དེ་ཕྱིན་ཆད་སྡུག་བསྔལ་དང་གཏམ་ངན་ལ། །དངོས་གྲུབ་ཆེན་པོར་ལྟ་བ་ཡིན། །དེར་སླར་ཡང་ཅུང་ཟད་མནལ་བ་ན། །ཐུགས་རྒྱུད་རྟོགས་པའི་བྱིན་རླབས་མཐུས། །ཀུན་གཞིའི་རྣམ་རྟོག་ཆོས་སྐུར་སངས། །གསལ་བ་ལ་རྟོག་པ་མེད་པ་ཡི། །སྟོང་པའི་འོད་གསལ་གྱི་ལྟད་མོར་འབྱམས། །དེར་མཆེད་པའི་ཕྱིར་གསལ་དུ་གཡོས་པ་ལས། །སྣང་བའི་འོད་གསལ་གྱི་རིག་གདངས་སུ། །བྲག་ཉི་མ་ཤར་བའི་ལྡེབས་ཤིག་ལ། །རང་བྱོན་གྱི་བཀོད་པ་འགའ་ཞིག་མཐོང༌། །རྐྱེན་དེ་ཉིད་ཀྱིས་ཡིད་ཤེས་ལངས་པ་ལས། །གཉིད་ཡིན་མིན་རྟོག་དཔྱོད་ཕྲ་མོ་ཤར། །དེས་སྒོ་ལྔའི་རྩ་ནང་རླུང་ཞུགས་པས། །གཉིད་སད་རྒྱུར་སྣང་ཡང་འཁྲུལ་འབྱམས་མེད། །གཤིས་མི་རྟོག་རྗེན་པའི་ངང་ལ་གནས། །ཕྱིས་འོད་གསལ་


JLAZ010_Page_0028
[མ་དཔེ་གཟིགས་ན་འདིར་གནོན།]

ལ་སློབ་པའི་རྗེས་འཇུག་རྣམས། །དྲན་པ་རྒྱ་འབྱམས་ཀྱི་ཀུན་རྟོག་དང༌། །མུན་པ་ལྟ་བུའི་གཏི་མུག་ལ། །འོད་གསལ་གྱི་མིང་འདོགས་མ་བྱེད་པར། །གནད་འདི་དག་ཁོང་དུ་ཆུད་པར་གྱིས། །འདི་དགོངས་བརྒྱུད་འཕོ་བ་ཐོབ་པའི་མཐུ། །དུས་གཏན་དུ་ཟིན་པ་དཀའ་བ་སྟེ། །རླུང་དབུ་མར་ཞུགས་གནས་ཐིམ་གསུམ་གྱིས། །རྩལ་ཡོངས་སུ་རྫོགས་ལས་གཞན་དུ་མིན། །དེའི་ཐོ་རངས་ལྡངས་པའི་རྣལ་འབྱོར་ཚེ། །གཞི་སྣང་བའི་འོད་གསལ་དྭངས་པའི་ངོར། །རང་གནས་པའི་སྨིན་མཚམས་ནམ་མཁའི་ཐད། །འཇའ་ཚོན་སྣ་ལྔ་པའི་གུར་ཁྱིམ་ནང༌། །སྐྱབས་ཀུན་འདུས་མཚོ་སྐྱེས་རྡོ་རྗེ་མཇལ། །དེ་བལྟ་བྱ་དང་ལྟ་མཁན་དབྱེར་མེད་པས། །རེ་དོགས་ཀྱི་འཆིང་བ་གང་ཡང་མེད། །དེའི་ངང་ལ་དེ་ཉིད་གནས་འགྱུར་ཏེ། །ཡུལ་སིངྒ་ལ་ཡི་ཨཱ་ཙརྱ། འཇམ་དཔལ་བཤེས་གཉེན་དུ་ལམ་གྱིས་སོང༌། །སྐུ་དམར་སྨུག་མཆོང་ལྟར་དངས་པ་ཡི། །ཕྱག་གཡས་ན་བེ་ཅོན་ཁྱད་འཕགས་བསྣབས། །གཡོན་བདག་གི་སྙིང་ཁར་སྡིགས་མཛུབ་ཀྱི། །ཕྱག་རྒྱས་བརྡ་ཐབས་སྟོན་པའི་མོད། །ཕྱག་མཚན་གྱི་བེ་ཅོན་བདག་ཉིད་ལ། །བྱིན་ཏེ་རང་ལ་དབྱེར་མེད་ཐིམ། །སྐུ་སྒྱུ་མ་ལྟ་བུའི་གསལ་སྣང་དེ། །ཀ་དག་གི་དབྱིངས་སུ་གཏད་མེད་ཡལ། །དུས་འདི་ནས་དགོངས་


JLAZ010_Page_0029
[མ་དཔེ་གཟིགས་ན་འདིར་གནོན།]

པའི་གསང་མཛོད་རྡོལ། །གསུང་རབ་ཀུན་ཀྱི་དགོངས་པ་ཁྲོལ། །ཀློང་ཆེན་རིག་པའི་རྩལ་ཆེན་རྫོགས། །སྣང་ཡུལ་བརྡ་དང་དཔེ་ཆར་ཤར། །མཆོག་གི་དངོས་གྲུབ་རྒྱུད་ལ་བཞག །གང་ཚེ་ལོངས་སྐུའི་ཆས་གྱོན་ཞིང༌། །ལུས་རྣམ་སྣང་ཆོས་བདུན་དྲང་པོའི་ངང༌། །ནམ་མཁར་བྱ་ལྟར་ལྡིང་བ་དང༌། །གཅེར་བུ་རྒོད་ལྟར་འཕུར་བ་སོགས། །རྒྱ་གར་ཡིན་རྒྱུའི་སྨན་ལྗོངས་ཤིན་ཏུ་ཁུལ་ཡངས་པ་ཞིག་ཏུ་སླེབས་པ་ན། བནྡེ་གཙོ་བོར་གྱུར་པའི་ཁྲོམ་དམར་ནག་འཁྱིལ་བ་མདུན་ངོས་ནས་ཡོང་བར་སྣང་བ་ལ་གྲྭ་པ་རྟོག་གེ་བའི་རིགས་གསང་སྔགས་ཟབ་མོ་ལ་ལྷག་པར་སྡང་སེམས་དང་ལྡན་ཞིང་གྲུབ་པའི་ཆ་ལུགས་ཙམ་ལའང་ལོག་རྟོག་མི་བཟད་པ་ཡོད་འདུག་པས་ད་ལམ་སྣང་བ་སྤྲུལ་བསྒྱུར་ཞིག་བྱེད་དགོས་བསམ་ནས། འདི་སྐད་དུ། ང་རེ་རྣལ་འབྱོར་དབང་ཕྱུག་བི་རུ་པ། །ནམ་མཁར་འཕུར་ན་འདི་ལྟར་འཕུར། །ས་ལ་འཛུལ་ན་འདི་ལྟར་འཛུལ། ཞེས་ནམ་མཁར་གཞུ་འདོམ་ལྔ་བརྒྱ་ཙམ་ཤུགས་ཀྱིས་འཕར་ཞིང༌། ས་ལ་འཛུལ་དགོས་སྙམ་པ་ན་གཉིད་སད། རྨི་ལམ་གྱི་རང་གཟུགས་ཅིར་ཡང་རྩེ། །འདི་ནམ་མཁའི་རླུང་ཟིན་ལྟས་སུ་ངེས། །ས་ནོན་ཅེས་བཤད་པའི་གཞུང་ཡང་ཡོད། །དེ་ཡན་ཆད་རང་ལོ་ཉེར་བརྒྱད་པའི། །འཁྲུལ་སྣང་སྒྱུ་མའི་མེ་ལུང་ངོ༌། །ཞིང་བཀོད་ལ་ཌཱཀྐིའི་གསང་གཏམ་ཆེན་མོ་འདིར་བགོད། མེ་གོས་སུ་བཀླུབས་པའི་


JLAZ010_Page_0030
[མ་དཔེ་གཟིགས་ན་འདིར་གནོན།]

གླང་གི་ལོའི། །དུས་ཆོ་འཕྲུལ་ཟླ་བའི་ཚེས་བཅུའི་ཉིན། །ཕ་རྗེ་བཙུན་ཨོ་རྒྱན་སྙིང་ནས་དྲན། །མིག་མཆི་མའི་དཔའ་རླབས་གཡོ་བཞིན་དུ། །ངག་གདུང་བའི་འོ་དོད་ལྷང་ལྷང་སྙིལ། །ཕ་སངས་རྒྱས་གཉིས་པ་དེ་ཉིད་ཀྱི། །རྣམ་ཐར་དང་བཀའ་དྲིན་དྲན་པའི་མོད། །ཚེས་བཅུའི་དུས་དྲན་གསོལ་འདེབས་བརྩམས། །དེས་ཐུན་མཚམས་ཀུན་ཏུ་གསོལ་བཏབ་པས། །ཞག་གསུམ་འདས་པའི་ཐོ་རངས་ཁར། །སྒོ་ལྔའི་གསལ་སྣང་ནུབ་པ་ཡིས། །ཀུན་གཞིའི་རྣམ་ཤེས་ཀྱི་མེ་ལོང་ངོར། །ལྗོངས་འདི་ཡིན་ངོ་མི་འཚལ་པའི་སར། །མདུན་ངོས་ནས་ལྷག་པར་ལྟར་སྣང་བའི། །གདུགས་རྒྱལ་མཚན་བ་དན་འཕན་ཕུར་སོགས། །བློས་དཔག་ཏུ་མེད་པས་སྔོན་བསུས་ཏེ། །སྤྲུལ་པའི་གུ་རུ་མཚན་བརྒྱད་རྣམས། །སྐུ་ཆེ་ཆུང་མི་ཚད་ཉིས་འགྱུར་ཙམ། །ལྷམ་མེ་ལྷན་ནེ་འབྱོན་པ་མཇལ། །དེར་མིག་འཕྲུལ་ལྟ་བུའི་གསལ་སྣང་ལ། །འཇའ་འོད་ཟླུམ་འཁྱིལ་དངས་པའི་ནང༌། །སྐས་གདང་བུ་ལྔ་ལྡན་བཙན་ཐབས་སུ། །ནམ་མཁའི་ངོས་སུ་བཙུགས་པ་མཐོང༌། །དེར་རྟོག་མེད་དུ་འཛེགས་ཏེ་འགྲོ་བའི་ངང༌། །ཕ་ཨོ་རྒྱན་དང་མཇལ་ལོ་སྙམ་ཙ་ན། །བུ་མ་ཆགས་པདྨའི་ས་ལ་ཤོག །ཅེས་གསུངས་པ་རྣ་བར་ལྷང་གིས་གོ། དེའི་མོད་ལ་རང་སྣང་རྔ་ཡབ་གླིང༌། །དཔལ་གསོ་བུའི་ཁྲ་འབྲུག་ཡིན་སྙམ་པའི། །ངོ་མཚར་གྱི་


JLAZ010_Page_0031
[མ་དཔེ་གཟིགས་ན་འདིར་གནོན།]

གཞལ་མེད་ཁང་དུ་སླེབས། །དབུས་འཇའ་ཚོན་གྱི་ལྡིང་གུར་བཀྲ་བའི་ཀློང༌། །ཡབ་རིག་འཛིན་པདྨ་འབྱུང་གནས་དེ། །སྐུ་གསུམ་རིགས་འདུས་ཀྱི་རྣམ་རོལ་ཅན། །རྟེན་མེད་དུ་བར་སྣང་དབྱིངས་ལ་བཞུགས། །གཡས་གཡོན་ན་བི་མ་བ་གོར་ཞབས། །འཁོར་དཔའ་བོ་ཌཱཀྐིའི་ཚོམ་བུས་མཛེས། །དབུས་རྡོ་ཡི་བཞུགས་ཁྲི་ཆེན་པོའི་སྟེང༌། །རྟོག་མེད་ལ་རང་ཉིད་སླེབས་པའི་མོད། །མོས་གུས་ཀྱིས་དྲན་པ་དབང་མེད་སྟོར། །རིག་པ་སྐར་མདའ་འཕངས་པ་བཞིན། །རྗེ་བཙུན་གུ་རུའི་ཐུགས་ཀར་ཐིམ། །དེར་རིག་པ་རྩལ་གྱི་དབང་ཆེན་ཐོབ། །ལམ་རྫོགས་པ་ཆེན་པོའི་གནད་ཤེས་ཤིང༌། །དབྱིངས་གཞོན་ནུ་བུམ་སྐུའི་ཞིང་ཁམས་དེ། །རྒྱ་ཆད་དང་ཕྱོགས་ལྷུང་མེད་པར་མཐོང༌། །ཞག་གཅིག་འདས་པའི་ཉམས་སྣང་བྱུང༌། །དེ་སད་པའི་ཤེས་པ་སྐད་ཅིག་མར། །གསང་མཆོག་བདེ་བ་ཆེན་པོ་ནི། །ཡུམ་ཡེ་ཤེས་ཌཱཀྐི་འཚོ་རྒྱལ་མ། །བུ་མོ་མཛེས་མའི་ཆ་བྱད་ཅན། །དེས་མཚན་ལྡན་གྱི་བནྡྷ་སྲུབས་མེད་ཅིག །བདག་ཉིད་ཀྱི་ལག་ཏུ་སྤྲོད་པ་དང༌། །འདི་ཆོས་རྒྱལ་ཁྲི་སྲོང་ལྡེ་བཙན་གྱི། །དབུ་ཐོད་ངོ་མ་ཡིན་ནོ་གསུངས། །ཡང་ཅུང་ཞིག་དགོངས་ནས་ཐོད་པ་དེ། །རེ་ཞིག་ཕར་ལ་བླངས་པའི་མོད། །མིག་འཕྲུལ་ལྟ་བུའི་སྣང་ཆ་ལ། །སྔ་མ་དང་དབྱེ་བར་མི་བཟོད་པའི། །ཐོད་པ་ཞིག་


JLAZ010_Page_0032
[མ་དཔེ་གཟིགས་ན་འདིར་གནོན།]

དེ་ཡི་ཟླ་ལ་སྦྱར། །གཉིས་ཀ་ལྷན་ཅིག་སྩོལ་བ་དང༌། །ད་འདི་གཉིས་དབྱེ་བ་ཨི་ཕྱེད་གསུངས། །དེ་དཔྱད་དུ་མ་བཟོད་ནེམ་ནུར་དང༌། །གསལ་སྣང་དེ་ནམ་མཁའི་འཇའ་ལྟར་ཡལ། །རྗེ་ཡབ་ཡུམ་དེ་སྙིང་ལ་དྲན་དྲགས་ནས། །སྐྱོ་ཤས་ཀྱིས་གདུངས་བ་བཟོད་ཐབས་བྲལ། །རིག་པ་བདུན་པའི་ཏནྟྲ་ལས། །བརྡ་དང་བརྡ་མཚོན་གོ་བ་ནི། །དབང་གི་ནང་ནས་དབང་ཀའོ། །ཞེས་པའི་དོན་ལ་ངེས་ཤེས་རྙེད། །ལོ་དེ་ཡི་ས་ག་ཉ་བའི་ཟླར། །ལྷ་དཔལ་ཆེན་རྡོ་རྗེ་གཞོན་ནུ་ཡི། །ཡན་ལག་བཞི་ལྡན་གྱི་སྒྲུབ་ཆེན་བཙུགས། །སྲོད་ཐུན་དང་པོའི་བྱིན་འབེབས་ཚེ། །ཉམས་གཏད་མེད་ངང་ནས་ཤེས་པ་འུར། །དཀྱིལ་འཁོར་གསུམ་ལྡན་གྱི་ཏིང་འཛིན་དང༌། །ཆོས་ཉིད་ཀྱི་ངང་དུ་དྲན་པ་མྱོས། །དེར་སྤྲོས་བྲལ་ནམ་མཁའི་རྣལ་འབྱོར་པ། །རྗེ་ལྷ་བཙུན་མཁའ་འགྲོའི་དབང་ཕྱུག་དེ། །སྐུ་ཧ་ཅང་མི་བགྲེས་དར་ཡོལ་ཙམ། །མིག་འཕྲུལ་ལྟ་བུའི་ངང་དུ་མཐོང༌། །ཉམས་རྟོགས་ཀྱི་བགྲོ་བས་མཉེས་པར་བྱས། །དུས་དེ་ཚེ་བཀོད་མཛེས་ཀྱི་ཁང་བའི་ནང༌། །བཻ་རོའི་རྣམ་འཕྲུལ་གཏེར་བདག་གླིང༌། །མཇལ་ཏེ་གསུང་ལས་འདི་ལྟར་ཐོས། །འགྲོ་བའི་དོན་དུ་སྲིད་མེས་རྔ། །བསྐུལ་མཁན་བྱུང་ན་སྐད་སྙན་ཡོད། །ཅེས་གསུངས་པ་གང་གི་རྟེན་འབྲེལ་ལས། །རིག་འཛིན་དེ་ཡི་མགུར་ཕུར་དུ། །གྲགས་པའི་ཕུར་


JLAZ010_Page_0033
[མ་དཔེ་གཟིགས་ན་འདིར་གནོན།]

པ་ངོ་མཚར་ཅན། །འདི་ཀོ་དངོས་གྲུབ་ཀྱི་རྫས་སུ་འབྱོར། །དེའང་སྙིགས་མའི་དུས་ན་རྩོད་པ་དང་བྲལ་བའི་གཏེར་སྟོན་ཆོས་རྗེ་གླིང་པས་ཁ་རེག་མགོ་དགུ་བདུད་མཚོའི་ཀློང་ནས་ཁྲོམ་གཏེར་དུ་སྤྱན་དྲངས་པའི་ལུང་བསྟན་ལས། དབུས་གཡོར་གཞུང་དུ་བྱང་སེམས་པདྨའི་མིངཿ སྤྱིར་བསོད་ནམས་དང་དབང་ཐང་གིས་བརྒྱན་ལ་གོས་ཆེ་བ་ཞིག་ལ་ངོས་འཛིན་པས། བདག་འདྲ་བ་མ་ཡིན་ཀྱང༌། པདྨའི་མིང་ཙམ་ལ་མིང་འདྲ་དང་དུས་འདྲའི་ཐེ་ཚོམ་བཅད་པའི་དཔང་པོ་ནི། བླ་མ་དགོངས་འདུས་ཀྱི་ལུང་བསྟན་བཀའ་རྒྱ་མ་ནས། མ་འོངས་པའི་ཚེ་ལུང་ཟིན་ཐམས་ཅད་ལ་མི་འགྱུར་བའི་བརྡ་རྟགས་གསུམ་གྱིས་གཟེར་ཡོད་པ་དེ་ཉིད་ལས། གར་ཡང་མི་འགྱུར་བརྡ་རྟགས་གསུམ་དང་ལྡནཿ ལུས་ལ་ལྟེ་སྨེ་སྙིང་ཁར་ཤ་མཚན་ཏེཿ ངག་གི་སྙན་མགུར་སྔགས་ཚིག་རྩོལ་བ་ཅནཿ པདྨ་ལས་བྱུང་པདྨའི་མིང་ཅན་གཉིསཿ ཡིད་ནི་རྩེ་གཅིག་གདུང་ཤུགས་ང་ཉིད་དྲནཿ ཕུར་ཚུགས་འདི་མིན་ཡིད་ལ་མི་བྱེད་གསུམཿ དེ་གསུམ་འཛོམ་ན་མཆོག་ཡིན་གཉིས་འཛོམ་འབྲིངཿ གཅིག་འཛོམ་ཐ་མ་གང་ཡང་ལས་ཅན་ཏེཿ ཞེས་པས་བསྟན་པ་ལྟར་ཁོ་བོའི་སྙིང་ཁར་ཕྱི་རྡོ་རྗེའི་དབྱིབས་སུ་མཚན་པའི་སྨེ་བ་དམར་བོའི་ཐིག་ལེ་བཅུ་ཕྲག་གསུམ་དང༌། ལྟེ་བར་དྲིལ་བུའི་དབྱིབས་ཀྱིས་མཚན་པའི་སྨེ་བ་དམར་པོ་སུམ་ཅུ་ཙམ་ཡོད་པས་འདྲ་ཚོད་འོས་ཚོད་ཀྱི་ཞེ་འདོད་བསྒྲུབ་ན་དེ་ཙམ་མོ། །བཀའ་རྙིང་བསྟན་སྐྱོང་ཐབས་མཁས་འགྲོ་བ་འདུལཿ ཞེས་བཀའ་རྙིང་མའི་བསྟན་པ་བཤད་


JLAZ010_Page_0034
[མ་དཔེ་གཟིགས་ན་འདིར་གནོན།]

སྒྲུབ་ཀྱིས་འཛིན་པར་ལུང་གིས་བསྔགས་པ་ལྟར་ཚེ་འདི་ཉིད་ལ་དགེ་བའི་བཤེས་གཉེན་བསྟེན་ནས་ཐ་སྙད་དང་གཞུང་ལུགས་ལ་བཅད་བརྡར་གྱིས་ངལ་དུབ་སོགས་ཅི་ཡང་མ་དགོས་པར་སྔོན་སྦྱངས་ཀྱི་རང་སྟོབས་སྟོན་པའི་རྩལ་རྫོགས་པས་རིག་པ་ཕྱོགས་ཡན་དུ་གྲོལ་བས་རེ་དོགས་གྱི་འཕྲང་ལས་གྲོལ། གང་བྱུང་དེས་ཆོག་ཏུ་ལ་བཟླ་བས་ཞེ་འདོད་ཀྱི་མཚང་བརྡོལ་ནས་སུའི་ཁའང་མི་ཉན་ཞིང་གུ་ཡངས་བྱུང་རྒྱལ་ཆེན་པོར་སྤྱོད་ལ་སྣང་བ་དཔེ་ཆར་ཤར་བས་བྱས་ཚད་མན་ངག་ཏུ་གོ་བ་དེས་བླ་མ་དགོངས་འདུས་ཀྱི་ཆོ་གའི་རྣམ་བཤད་མཁྱེན་བརྩེའི་མེ་ལོང་རྩོམ་པའི་སྒང་ཡོལ་ལ་ཐུག་པའི་ཚེ། ཐོ་རངས་ཀྱི་ཆ་ཞིག་ན་གཉིད་སད་དེ་ཤེས་རིག་སྤྲོས་བྲལ་གྱི་ངང་དུ་ལ་བཟློ་བའི་ཚེ། སྨིན་མཚམས་ཀྱི་ནམ་མཁའ་ནས་རྟ་སྐད་མངོན་སུམ་དུ་འཚེར་བ་ཐོས་པས་སྐད་ཅིག་མ་དང་པོ་ལ་ཤེས་པ་དགའ་ཡལ་ཡལ་བ་དང་འཇིགས་ཆུམ་ཆུམ་པ་གཉིས་ཀ་བྱུང་ངོ༌། །ཨེ་མ། འདིའི་བསྟན་པ་འཛིན་པར་ལུང་བསྟན་པའི། །ཁོང་པདྨའི་ལྗགས་ལྡན་མཆེད་དྲུག་ལས། །རྗེ་མ་ཧཱ་གུ་རུས་མིང་གི་དབང༌། །པདྨ་དབང་ཆེན་དུ་བྱིན་གྱིས་བརླབས། །དབྱིངས་ལྷན་ཅིག་སྐྱེས་པའི་ཌཱཀྐི་མས། །ལྷ་དབང་ཆེན་པདྨའི་སྲོག་གི་སྙིང༌། །མངོན་སུམ་དུ་ལག་པའི་རི་མོ་ལ། །མཐེ་བོང་གཡས་ལ་ཧྱ་དང་ཧྲཱི་སོགས་མཐོང་ཕྱོགས་ཐ་དད་པའི་རི་མོ་གསལ་བར་འདུག །


JLAZ010_Page_0035
[མ་དཔེ་གཟིགས་ན་འདིར་གནོན།]

རྩོད་པ་མེད་པར་བཞུགས་ཞེས་བཤད། །སྐབས་དེ་ཚེ་དགོངས་འདུས་སྲུང་བའི་མ། །མི་བསྲུན་ཤ་ཟ་ཧོར་མོ་ཆེ། །གསུང་མཆིམས་ཕུའི་གནས་ནས་ལྷགས་སོ་སྙམ། །སྨན་བཙུན་གཡུ་ཡི་ལན་ཚར་ཅན། །དཔག་ཏུ་མེད་པའི་འཁོར་དང་བཅས། །མི་ཁོ་བོའི་མདུན་དུ་ཁྲོང་གིས་བྱུང༌། །ངག་ཅི་ཡང་མི་སྨྲ་འཛུམ་པའི་ངང༌། །དུང་དཀར་པོ་ཡིད་དུ་འོང་བ་ཞིག །ངེད་ལ་སྤྲོད་པར་རྩོམ་པ་ན། །དེ་འགྱེལ་སྟབས་སུ་ཅུང་ཟད་སོང་བ་ལས། །དུང་ཆག་གིས་དོགས་ནས་སློང་སློང་ཚེ། །དེས་ཧར་གྱིས་ལངས་ནས་སླར་ལ་སྤྲད། །ཁོ་བོས་དཔལ་གྱི་རི་བོ་ཡི། །གཙུག་ལག་གི་སྟེང་ནས་འབུད་སྙམ་ཚེ། །གཉིད་སད་པས་རྟེན་འབྲེལ་དེ་ཙམ་མོ། །དུས་རེ་ཞིག་བསྙེན་བསྒྲུབ་དམ་པོའི་ཚེ། །རང་གཉུག་མའི་བསྟི་གནས་ཡིན་སྙམ་པའི། །ཁང་པ་བཀོད་མཛེས་ཞིག་གི་ནང༌། །རྗེ་རིག་འཛིན་ཧཱུྃ་ཆེན་ཀཱ་ར་དེ། །ཞལ་ཁྱིམ་ཟླ་བ་ལྟ་བུ་ལ། །སྐུ་ཤ་ཡང་རྒྱགས་པ་ལྟར་སྣང་བའི། །གཟི་བྱིན་མཚུངས་པ་མེད་པ་ཞིག །སྒྱུ་མ་ལྟ་བུའི་སྣང་ཆར་མཇལ། །ཉམས་རྟོགས་ཀྱི་གླེང་མོ་མང་ཞུས་མཐར། །ད་ངེད་ཀྱི་སྒྲུབ་ཁང་འདི་ཉིད་དུ། །བློས་བླང་གི་དཀྱིལ་འཁོར་ཞིག་བཞེངས་ཞུས་པས། །ད་བློས་བླང་གསར་དུ་བཞེངས་པ་ལས། །ཆུད་ངུ་ཞིག་གསོ་དགོས་པ་ཞིག །གནས་གཞན་དུ་འདུག་པ་ངས་བླངས་ཏེ། །


JLAZ010_Page_0036
[མ་དཔེ་གཟིགས་ན་འདིར་གནོན།]

བུ་ཁྱོད་ལ་སྤྲད་ཀྱི་ཞིག་གསོ་གྱིས། །ཞེས་གསུངས་ཏེ་མི་སྣང་གཞན་དུ་ཐལ། །ཡང་མཚོ་སྣ་ཕྱོགས་ནས་ཡིན་སྙམ་པའི། །བུད་མེད་མོན་མོའི་ཆ་བྱད་ཅན། །སྐྲ་ཐམས་ཅད་སྤོས་ཤེལ་གྱི་ལན་ཚར་ཅན། །ངོ་ཤེས་ཤེས་འདྲ་བ་གཅིག་ན་རེ། །གཏམ་སྙན་པའི་ངག་གིས་སྔོན་བསུས་ནས། །དཔེ་བམ་པོ་ཞིག་ལག་ཏུ་སྤྲད་བྱུང་བ། །ཁ་ཕྱེ་བས་གསོལ་འདེབས་ལེའུ་བདུན་མ། །ཁ་གསར་པ་ཆེ་ཆུང་གསུམ་དུ་སྣང༌། །སྔར་འདས་པའི་སྲིད་པ་མང་པོ་ལ། །ཆོས་འདི་ཡི་བདག་པོར་གྱུར་པ་དང༌། །ཀློང་ཆེན་གྱི་རིག་རྩལ་རྫོགས་པའི་བརྡར། །མ་མཁའ་འགྲོས་གནང་བ་བྱིན་ནམ་སྙམ། །ཀྱེ་ཧོ། ལོ་དེ་ཡི་ཆུ་སྟོད་ཟླ་བའི་ཉིན། །རྗེ་མཆོག་སྤྲུལ་མངའ་རིས་པཎ་ཆེན་གྱིས། །གཏེར་གནས་གསུམ་ནས་སྤྱན་དྲངས་པའི། །བཙན་གནོད་སྦྱིན་ཡ་པ་རྐྱ་བདུན་གྱི། །སྲོག་གཏད་དང་རྒྱུད་ལུང་ནོད་པའི་ནུབ། །ནམ་ཐོ་རངས་ཐུན་གྱི་སྨད་ཆ་ནས། །གཉིད་ཡིན་མིན་དཔྱད་དུ་མ་བཟོད་པའི། །ཉམས་འཁྲུལ་པའི་སྣང་བ་རྫུན་པོ་ཆེར། །ཁོང་གནོད་སྦྱིན་ཆེན་པོ་བན་ངྷེའི་གཟུགས། །ན་ཆེར་ཡོལ་གྱོན་པ་སྣུམ་བག་ཅན། །འཁོར་དང་བཅས་པ་བདག་དྲུང་ལྷགས། །ཕྱག་ཕུ་དུད་ཆེན་པོས་འཚལ་བ་ལ། །བདག་ཀུན་རྟོག་རང་ཁའི་བག་ཆགས་བློར། །རང་ན་ཚོད་ཆུང་ངུའི་ཕན་གཞོན་


JLAZ010_Page_0037
[མ་དཔེ་གཟིགས་ན་འདིར་གནོན།]

ལ། །ཁོང་ཆེ་བགྲེས་ཀྱིས་གུས་ཕྱག་མི་འཐད་སྙམ། །ཁྱེད་དེ་ལྟར་བགྱི་བར་མི་འོས་ཞེས། །ནན་ཆེན་པོས་ལྡོག་ཀྱང་བཙལ་བ་ན། །དེའི་རྐེ་ནས་འུབས་ཀྱིས་བསྡམས་པ་ལས། །ཡིད་གུས་པའི་ཚུལ་གྱིས་འདི་སྐད་ཟེར། །ཁྱེད་ལ་གཏེར་སྟོན་རིན་པོ་ཆེས། །མངའ་རིས་པཎ་ཆེན། གཅུང་དགའ་བོའི་སྐྱེ་བ་ཡིན་གསུངས་པས། །ཤཱཀྱ་ཐུབ་པའི་མཆེད་དུ་སྒྱུ་འཕྲུལ་མའི་བུ། ལོ་རྒྱུས་དཀོན་བརྩེགས་ལས་དགའ་བོ་མངལ་འཇུག་གི་མདོ་དང༌། དགའ་བོ་མངལ་ན་གནས་པ་བསྟན་པ་སོགས་ལས་གསལ། གུས་པས་ལྷ་ཕྱག་འཚལ་བ་ཡིན། །སྔར་བྱང་པ་རིག་འཛིན་སྤྲུལ་པའི་སྐུས། །ཁྱེད་དབུ་བླར་བཞེས་ཤིང་གུས་འདུད་དང༌། །བདག་རྐྱེན་དེ་འདྲ་མཛད་མོད་ཟེར། །དེར་ད་ལྟའི་རྣམ་རྟོག་རང་སར་ཡལ། །བག་ཆགས་འགའ་ཞིག་བློ་ལ་སྣང༌། །ཤེས་པ་གཏད་མེད་དུ་ཡོད་ཙ་ན། །ཡང་ཁོ་ཡིས་ངག་ནས་འདི་སྐད་ཟེར། །ཁྱེད་ལ་གཏེར་སྟོན་རིན་པོ་ཆེས། །ལོ་བཅོ་ལྔ་ཚེ་ཚད་ཡིན་ནོ་གསུངས། །ཞེས་སྨྲས་ཏེ་བདག་ལ་ཆེ་རེ་ལྟ། །ཕྱིས་རྩེ་ཆེན་བྲག་གི་བཀོད་པའང་བསྟན། །སྐྱབས་རིག་འཛིན་པདྨ་འབྱུང་གནས་དང༌། །རྗེ་ཁྲི་སྲོང་ཡང་སྤྲུལ་མངའ་རིས་པ། །ཁོང་རིག་འཛིན་བརྒྱུད་པའི་ཐ་ཚིག་ལ། །ལྷ་འདི་ཡིས་མི་འདར་ཆད་ཐོ་བཙན། །ཚུལ་དེ་ལ་བརྟེན་ནས་འདི་ཉིད་ཀྱི། །གསོལ་ཀ་དུས་ཀྱི་ཕོ་ཉའང་བརྩམས། །ཚེ་མི་རྟག་ལུང་བསྟན་གློག་དང་འདྲ། །


JLAZ010_Page_0038
[མ་དཔེ་གཟིགས་ན་འདིར་གནོན།]

གཤིས་གདོད་ནས་དག་པའི་དག་པ་ལ། །དགྲ་སྐྱེ་འཆིའི་བག་ཆགས་མི་མངའ་ཡང༌། །འདུ་བྱེད་ཀྱི་རྟ་བདུན་ཆུ་ལྷར་ཕྱོགས། །འདི་ཟབ་ལམ་རྡོ་རྗེའི་རྣལ་འབྱོར་དང༌། །རྟེན་འབྲེལ་གྱི་བདེན་པས་མ་ཟིན་ན། །མཁའ་དབྱིངས་ལ་ཤར་བའི་རྒན་ཐིག་འདྲ། །ལོ་དེ་ཡི་སྨིན་དྲུག་ཟླ་བའི་ནང༌། །དུས་ཡར་ངོའི་ཚེས་བཅུའི་ཐོ་རེངས་ཁར། །དབྱིངས་འོད་གསལ་གྱི་རྣམ་མཁའ་དངས་པ་ལ། །བོད་གངས་ཅན་གྱི་ལྟ་གཅིག་སྙིང་རྗེའི་གཏེར། །ལྷ་འཕགས་མཆོག་ཕྱག་ན་པདྨའི་སྐུ། །སྡུག་བསྔལ་རང་གྲོལ། ཤར་ནམ་མཁས་གར་ཁྱབ་སྐུས་ཁྱབ་པའི། །མཚན་དཔེའི་སྣང་བརྙན་བཞེངས་སྟབས་ཅན། །དེ་མཐོང་བས་མོས་གུས་ཀྱི་མཆི་མ་འཁྲུགས། །གསོལ་འདེབས་ཀྱི་ཚིགས་བཅད་གསར་དུ་བརྩམས། །དུས་དེ་ནས་རང་ལོ་སུམ་ཅུ་པ། །མགོ་ཟླ་བའི་ཡར་ངོའི་ཚེས་བཅུའི་ནུབ། །བདག་གཅུང་གཞོན་དང་བསྡེབས་ནས་ཕྱིན་པའི་མོད། །ཁང་པ་ཡིན་ནོ་སྙམ་པ་ཡི། །སྒོ་སྤུས་འབྱེད་ཞིག་ཕྱེ་ནས་སོང་ཙ་ན། །དཔལ་མཆིམས་ཕུའི་ལུང་པ་སྐྱིད་ཉམས་ཅན། །ལྗོངས་རྩི་ཤིང་ནགས་ཚལ་སྨན་དྲིས་ཁེངས། །དབྱར་གུང་ཆེན་ལྟ་བུར་སྣང་ཉམས་སྤྲོ། །དབུས་དགེའུ་འོག་གི་ས་འཛིན་དེ། །དབྱིབས་ཕུར་པ་བཙུགས་པ་ལྟ་བུ་ལ། །གཅོང་རོང་ཟབ་པའི་རྣམ་པར་སྣང༌། །བྲག་དེའི་ཤར་སྒོའི་སྐེད་པ་ན། །མ་འཚོ་རྒྱལ་གཟིམས་ཕུག་ཡིན་སྙམ་པའི། །སྒྲུབ་ཕུག་གི་


JLAZ010_Page_0039
[མ་དཔེ་གཟིགས་ན་འདིར་གནོན།]

སྒོ་ཁུང་ཧ་རེ་མཐོང༌། །དེར་འགྲོ་བའི་ལམ་པོ་ཡིན་རྒྱུ་བའི། །རྡོ་རིང་ལྟ་བུའི་ཐེམ་སྐས་ལ། །མི་དཀྱུས་མས་ཐར་ས་མེད་པར་མངོན། །དེར་ཤེས་པ་གཏད་མེད་དེ་ཁའི་ངང༌། །རྡོ་སྐས་ལ་འཛེགས་ཏེ་འགྲོ་སྙམ་ཚེ། །ཐར་བའི་རེ་བ་མ་བྱུང་བས། །ཡིད་སྐྱོ་ཤས་ཀྱི་སྣང་བར་འདི་ལྟར་སེམས། །སྔར་ཡིན་ན་འདི་འདྲར་འགྲོ་བཞིན་ལ། །ད་ཐར་པའི་རེ་བ་ཟད་པ་འདི། །ལས་ཉོན་མོངས་ཀྱི་སྒྲིབ་པས་ཡིན་ནོ་སྙམ། །སེམས་མ་དགའ་ཏིང་ངེ་ཡོད་པའི་ངང༌། །རིག་པ་ཕུག་པའི་ནང་དུ་གཏད། །འོད་གསལ་གྱི་དགོངས་པས་བལྟས་ཙ་ན། །རྗེས་ལྷ་གཅིག་ཚངས་པ་ལྷའི་མེ་ཏོག །སྐུ་རྡོས་བཅས་མ་ཡིན་འོད་ཀྱི་ལུས། །ཕྱག་གཉིས་མཉམ་གཞག་གི་ཕྱག་རྒྱ་ཅན། །གཟི་བྱིན་མཚུངས་པ་མེད་པ་ཞིག །རང་སྣང་འོད་གསལ་གྱི་ངང་དུ་མཇལ། །འདི་མངའ་བདག་གིས་མྱང་བན་ཏིང་འཛིན་ལ། །ཆོས་རྫོགས་ཆེན་ཞུས་ནས་བསྒོམས་པའི་ཕུག །ཡིན་སྙམ་པའི་བག་ཆགས་ཝ་ལེར་དྲན། །ཕྱིས་བྲག་སྒོ་སེ་བས་འགགས་པ་ཡིས། །མི་ཀུན་ཀྱི་སྣང་ངོར་མ་གྱུར་ཅིག །མདུན་ངོས་ཀྱི་བྲག་ལ་བྱང་སེམས་ཀྱི། །སྐུ་དོང་བརྐོས་འདུག་པ་སས་ནོན་ནས། །དབུ་རིབ་རིབ་ཙམ་ཡང་མི་འདུག་མོད། །ཉེ་འདབས་ན་རྡོ་ཡི་གཏུན་ཁུང་དང༌། །ནང་ངོས་ལ་དུ་བའི་དྲེག་པ་སོགས། །སྔར་སྒྲུབ་ཕུག་


JLAZ010_Page_0040
[མ་དཔེ་གཟིགས་ན་འདིར་གནོན།]

ཡུན་རིང་བྱས་པའི་ཤུལ། །འདི་གསང་ཆེན་ཕུག་པར་འདུག་པའི་ཕྱིར། །ས་མོ་ཡོས་ལ་གནས་སྒོ་ཕྱེ། །སྟག་ཚང་ཕུར་པའི་ལུང་བསྟན་ལས། བི་མའི་སྤྲུལ་པ་པདྨའི་མིང་འཛིན་ལཿ ཡེ་ཤེས་རྩལ་རྡོལ་དག་སྣང་གནམ་སྒོ་འབྱེདཿ ཅེས་སོ། །མིང་ཡང་མེ་ཏོག་ཕུག་པར་བཏགས། །ལོ་གསུམ་སྒྲུབ་པའི་རྒྱལ་མཚན་བཙུགས། །མི་ཁོ་བོའི་འོད་གསལ་བསྒོམས་པའི་མཐུས། །ཕྱིས་སུ་བསྡད་མི་ལ་ཏིང་འཛིན་འཆར། །བཀྲ་ཤིས་བྱིན་ཆགས་ཀྱི་སྒྲུབ་ཕུག་ཡིན། །དེ་འོན་ཀྱང་ཡུལ་དེར་རང་ཕྱོགས་པ། །སྔར་འདྲིས་ཀྱི་མཉམ་འགྲོགས་ཚོད་ཡོད་དང༌། །འགའ་འགའི་སྡང་ཞེན་མཐུས་ཆེས་བས། །ཕྱུག་རྫིས་ཆར་ཡིབས་རྙེད་པ་བཞིན། །སྟབས་ལེགས་ཙམ་དུ་འཛིན་པ་ལས། །མེད་ཕྱིར་བདེན་དང་རྫུན་པ་ཡི། །དག་སངས་ནི་ཅི་ཡང་བྱ་དོན་མེད། །དུས་དེ་ཚེ་འཁྲུལ་པའི་སྣང་ཆ་ལ། །དཔལ་མཆིམས་ཕུའི་ནང་ནས་འོངས་སྐད་པའི། །སྐྱེ་མཆེད་དངས་པའི་གཞོན་ནུ་ཞིག །ཤིན་ཏུ་འཛུམ་པའི་མདངས་དང་བཅས། །ཤོག་དྲིལ་ཞིག་ལག་པར་སྤྲོད་དུ་བྱུང༌། །ཁ་ཕྱེ་ནས་དེ་ཉིད་བཀླགས་པ་ན། །ཡི་གེ་ལེ་ཚན་གཉིས་སྣང་བའི། །ཡིག་ཕྲེང་གཅིག་འབྱར་གྱི་སྐེད་པ་ན། །ཁྱོད་སྤྲུལ་བའི་དགེ་སློང་ཨ་ཀར་མའི། །ཆོས་རྒྱལ་སྲོང་བཙན་སྒམ་པོའི་སྨིན་མཚམས་ལས་སྤྲུལ་ཏེ་ཙནྡན་གོར་ཤི་ཤ་ལེན་དུ་རྒྱ་གར་འཕགས་པའི་ཡུལ་ལ་བགྲོད། རྒྱལ་སྲས་


JLAZ010_Page_0041
[མ་དཔེ་གཟིགས་ན་འདིར་གནོན།]

ལྷ་རྗེ་དང་ཐུགས་རྒྱུད་གཅིག་པ་ཡིན་པར་གོ། སྐྱེ་བ་ཡིན་ནོ་ཞེས་པ་དང༌། །གཞན་ལུང་བསྟན་གྱི་རྣམ་པ་འགའ་ཞིག་སྣང༌། །དེ་ནས་རང་ལོ་སོ་གཅིག་པ། །ས་མོ་ཡོས་ཀྱི་བགྲང་བྱ་ལ། །ལོ་གསུམ་གྱི་སྒྲུབ་པ་མཐའ་རུ་ཕྱིན། །དཔལ་གྱི་བསམ་ཡས་མཆིམས་ཕུ་རུ། །སྒྲུབ་པའི་རྒྱལ་མཚན་འཛུགས་སུ་ཕྱིན། །མཚུངས་མེད་རིག་འཛིན་བླ་མའི་དྲུང༌། །སྨིན་གྲོལ་ཟབ་མོའི་བཅུད་འཐུངས་ཤིང༌། །རིགས་བསྡུས་པདྨ་གུ་རུ་ཡི། །བྱིན་རླབས་ཉེ་བརྒྱུད་ཐོབ་པ་ལ། །རྟེན་འབྲེལ་ཟབ་མོའི་ཕྲིན་ལས་སྒོ། །དཔལ་མགོན་རིག་འཛིན་བླ་མས་ཕྱེ། །དེ་ཚེ་བླ་མའི་གཟིམས་ཁང་གི། ཡང་ཐོག་ཉིད་དུ་མནལ་བ་ལ། །གཉེན་ཟུར་ཕུད་ལྔ་པ་ཡིན་སྙམ་པའི། །ཁྱེའུ་དར་གྱི་གོ་ཟུ་ཅན། །ཡིད་དུ་འོང་བ་གཅིག་ན་རེ། །ཁྱེད་ཆོས་རྒྱལ་ཕུན་ཚོགས་ཡིན་ཨཱ་ཟེར། །ངས་བཀྲ་ཤིས་སྟོབས་རྒྱལ་ཨེ་ཡིན་བྱས། །དེས་འོ་འོ་ཆོས་རྒྱལ་ཕུན་ཚོགས་ཟེར། །གཏམ་དེ་ཀོ་གཉིས་ཀས་ལན་གསུམ་བསྐྱར། །དམ་ཆོས་གྲོལ་བའི་ཐིག་ལེ་ཡི། །བཀའ་ཡི་སྲུང་མ་ཡིན་པར་རྟོགས། །རྗེ་བཙུན་པདྨའི་བཀའ་ལུང་བཞིན། །ཆོས་འདི་ནམ་མཁའི་ཕ་མཐའ་རུ། །བརྡལ་བའི་རྟེན་འབྲེལ་བསྒྲིགས་ན་ཡང༌། །སྨོན་ལམ་མི་བསྲུན་སྐྱེ་བོ་འགས། །འདུན་པ་གཞན་དུ་བསྒྱུར་བ་ལས། །རེ་ཞིག་ཕྲིན་ལས་དེ་ཙམ་མོ། །དེ་ནས་དཔལ་གྱི་


JLAZ010_Page_0042
[མ་དཔེ་གཟིགས་ན་འདིར་གནོན།]

མཆིམས་ཕུ་ཡི། །འོག་མིན་རྡོ་རྗེའི་ཀེའུ་ཚང་དུ། །ལོ་གསུམ་སྒྲུབ་པའི་དམ་བཅའ་བཟུང༌། །མུ་ཏོའི་བརྟུལ་ཞུགས་ལ་གནས་ཚེ། །རྨི་ལམ་སྒྱུ་མའི་བཀོད་པ་ལ། །ནེ་ཙོ་འདྲ་བའི་འདབ་ཆགས་ཀྱིས། །དཀྱིལ་འཁོར་ཡིད་འོང་བཞེངས་པ་མཐོང༌། །དཀྱིལ་འཁོར་གྲུབ་མ་ཐག་པ་ལ། །ཆོ་ག་བཏང་བའི་སེམས་བསྐྱེད་དེར། །སངས་རྒྱས་མེད་ལ་སེམས་ཅན་མེད། །ཡིན་པ་མེད་ལ་མིན་པ་མེད། །སོ་མ་རང་གདངས་ལྷུག་པའི་ངང༌། །རང་གྲོལ་ཆེན་པོར་སེམས་བསྐྱེད་དོ། །ཟེར་མུར་རྨི་ལམ་ཉམས་དེ་སད། །ཡང་གསང་བླ་མའི་སྒྲུབ་པ་དེ། །སྙིང་གི་དབུས་ན་ལྷམ་མེར་གསལ། །ཡང་གཅིག་ཤ་ཟ་ཌཱཀྐི་མ། །བུ་མོ་གཞོན་ནུའི་རྣམ་འགྱུར་ཅན། །ལག་ཏུ་ཟབ་ལམ་ཕོ་ཉའི་སྐོར། །དཔེ་ཆ་ཤོག་ལྡེབས་གཅིག་ཁྱེར་ནས། །འདི་ཡི་བདེ་སྟོང་ཆེན་པོའི་ཉམས། །གང་ཡིན་རྒྱུད་ལ་མ་འཚལ་པས། །ཚིག་གིས་མ་ཡིན་རྒྱུད་ཐོག་ཏུ། །ངོ་སྤྲོད་གནད་སྨིན་ཞུ་ཟེར་བར། །དོན་དམ་ཤེས་རབ་ཡེ་ཤེས་ཀྱི། །དབང་བསྐུར་བྱས་པའི་རྗེས་ཐོབ་ཏུ། །ཟབ་མོའི་སྙན་བརྒྱུད་གདམས་པ་འདི། །ཀློང་ཆེན་ཉམས་ཀྱི་ཚུལ་དུ་གདམས། །ཀྱེ་ཧོཿ བརྗོད་མེད་བློ་འདས་ཀྱི་ཁང་མཛེས་ན། །དབྱིངས་ཆེན་རྣམ་དག་གི་ལུས་ཕྲ་མོ། །མཐའ་བརྒྱད་སྤྲོས་བྲལ་གྱི་བཞིན་རས་མཛེས། །ཡེ་གྲོལ་མཉམ་ཉིད་ཀྱི་རྒྱན་ཆ་


JLAZ010_Page_0043
[མ་དཔེ་གཟིགས་ན་འདིར་གནོན།]

བཏགས། །མ་བཅོས་རང་བྱུང་གི་སྤྱོད་ལམ་དལ། །སྨན་དེ་ལ་བདག་གིར་སུ་ཡིས་བྱེད། །སྤྱིར་གྲུབ་ཐོབ་ཡོངས་ཀྱི་མཛའ་ན་མོ། །སྒོས་རིག་པའི་དཔའ་བོ་གཞོན་ནུ་ངས། །སྦྱོར་ཚེ་ཟུང་འཇུག་ཡངས་པར་སྦྱོར། །སྒྲོལ་ཚེ་དུག་ལྔའི་རྣམ་རྟོག་སྒྲོལ། །ཏ་ན་ག་ནའི་གསང་སྤྱོད་འདི། །མཛད་མཁན་ཤིན་ཏུ་མང་ལགས་ཏེ། །མཁྱེན་མཁན་མེ་ལོང་རྡོ་རྗེ་ཙམ། །ང་མེ་ལོང་རྡོ་རྗེའི་བརྒྱུད་པ་འཛིན། །དབྱངས་དེ་ལ་བསྐྱར་བཟློས་བྱེད་སྙིང་འདོད། །ཙིཏྟ་རང་བྱུང་གི་གུར་ཁང་ནང༌། །བུ་རིག་པའི་རྒྱལ་པོ་དཔའ་བརྟུལ་ཆེ། །རྩ་ཡོ་འཁྱོག་མེད་པ་དབུ་མའི་ནང༌། །འབངས་སྲོག་རྩོལ་གཉིས་པོ་རང་བཙོན་འཛིན། །ནོར་ཉི་ཟླ་སོ་སོས་བདག་གིར་བྱེད། །རླུང་ནུས་པ་ཅན་གཉིས་མ་འཆམས་པས། །ནད་འདུ་བ་རྣམ་བཞིའི་ཁ་རླངས་གཏོང༌། །དུས་མ་ཡིན་པར་སྲོག་ལ་ཧུར་ཐུམ་བྱེད། །རླུང་ཕྲ་མོའི་ཚོགས་རྣམས་ཡན་དྲག་པས། །འོད་གསལ་འཇའ་སྤྲིན་གྱི་ཁང་མཛེས་བཤིག །འགྱུ་དྲན་མཐའ་མེད་ཀྱི་རྡུལ་ཕྲན་གཡོ། །རྣམ་མཁྱེན་བྱང་ཆུབ་ཀྱི་ཞལ་རས་བསྒྲིབས། །དུས་དེ་ཚེ་རིག་པའི་རྒྱལ་པོ་ངས། །སྙན་བརྒྱུད་མན་ངག་གི་ཕོ་ཉ་བཏང༌། །རྩ་ཨ་ཝ་དྷུ་ཏིའི་ཁྲི་མུན་དུ། །རླུང་ནུས་པ་ཅན་གཉིས་བཙོན་ལ་བཅུག །ཁོང་རྒྱལ་པོའི་དཔའ་ཟིལ་མ་བཟོད་ནས། །


JLAZ010_Page_0044
[མ་དཔེ་གཟིགས་ན་འདིར་གནོན།]

གཟུང་འཛིན་གཉིས་ཟླ་སྒྲིལ་བྱེད་པར་འཆམས། །དེ་མི་དབང་གིས་བློན་པོ་རོ་རྐྱང་གཉིས། །ཁྲི་མུན་དུ་ཞལ་ལྕེ་གཅོད་ལ་མངགས། །བཙོན་པ་གཉིས་གཅིག་ཏུ་ཁ་འདྲིལ་བས། །རྩ་ཕྲན་གྱི་རླུང་རྣམས་དབང་མེད་འདུས། །ཁོང་ཐམས་ཅད་འདོད་པ་གཅིག་ཏུ་དྲིལ། །རྩོལ་བས་གཏུམ་མོའི་མེ་སྦར་ཞིང༌། །སྲོག་གི་བདུད་རྩིའི་ཐིགས་པ་གཏིགས། །དེ་ལུགས་འབྱུང་བཞི་ཡི་ཕོ་ཉས་ཕབ། །ཆོས་དབྱིངས་ཡེ་ཤེས་ཀྱི་རྫིང་དུ་བསྐྱིལ། །ལུགས་ལྡོག་བཞི་ཡི་གནས་སུ་སྐྱོལ། །འབྲམ་པར་སོར་རྟོག་ཡེ་ཤེས་སླེབས། །དེས་ཟག་བཅས་ཀྱི་སྡོམ་པ་རྣམ་པ་གསུམ། །རྡོ་རྗེ་གསུམ་དུ་རྣམ་པར་དག །འཁོར་འདས་ཡེ་གྲོལ་གྱི་མནའ་གན་ཕུལ། །སྣང་སེམས་རོ་གཅིག་གི་རྟེན་འབྲེལ་བསྒྲིགས། །དུས་མིན་གྱི་འཆི་བ་ཕ་མཐར་བསྐྲད། །ལམ་རྟགས་ཀྱི་ཡོན་ཏན་མཐའ་ནས་རྒྱས། །དཔའ་བོ་དང་མཁའ་འགྲོ་ཚོགས་ཀྱིས་མཉེས། །སྒོམ་གསལ་འགྲིབ་མེད་པའི་མར་མེ་སྦར། །སྣང་སེམས་དབྱེར་མེད་ཀྱི་སྲོག་མཁར་ཚུགས། །དེ་སེང་གེའི་འོ་མ་མངར་བོ་ཡིན། །མྱོང་མཁན་ཨུ་དུམ་ཝར་ཙམ། །དབང་རིམ་པ་གསུམ་པའི་གསོབ་གྱོན་ཏེ། །ཉོན་མོངས་བྱུང་རྒྱལ་དུ་སྤྱོད་པ་དང༌། །ཐུར་མའི་ཕྱག་རྒྱ་རྔོམ་པ་རྣམས། །འབྱུང་འཇུག་རླུང་གི་རྟེན་འབྲེལ་


JLAZ010_Page_0045
[མ་དཔེ་གཟིགས་ན་འདིར་གནོན།]

གྱིས། །ཀུནྡ་བཙན་ཐབས་སུ་འཆིངས་ན་ཡང༌། །འབྲས་བུ་དབྱུང་བའི་ཤུགས་འགྲོ་དང༌། །དབྱེ་བ་མེད་པར་རྒྱུད་ལས་བཤད། །ཀྱེ་མ་དུས་མཐར་དེ་འདྲ་མང༌། །ཤལ་མ་རི་ཡིས་འཇིགས་པ་ཆེ། །མི་བདག་ལ་འདྲི་བའི་དོན་གཉེར་མ། །དབྱིངས་ཀུན་ཏུ་བཟང་མོའི་མཁའ་ཀློང་དུ། །རིག་པ་བརྗོད་བྲལ་གྱི་དཔའ་བོས་སྦྱོར། །བདེ་སྟོང་བློ་འདས་ཀྱི་ངང་ལ་ཞོགས། །འཇིག་རྟེན་པའི་སྙིང་སྡུག་ལ་རེ་མ་དགོས། །ཁྱིམ་ཐབས་དང་ཟང་ཟིངམེད་པ་ལ། །སྐལ་བ་དང་མན་ངག་མེད་དོ་སྙམ། །དེ་མནོ་མཁན་འདུ་ཤེས་འཁྲུལ་ཚབས་ཆེ། །མྱུར་ལམ་རྡོ་རྗེའི་ཐེག་པ་ལ། །འཇུག་སྒོའི་དབང་ནི་རྣམ་བཞི་ཡོད། །དེ་ཀུན་ལ་གསང་ལམ་ཁྱད་འཕགས་རེ། །ཉམས་ལེན་ལྷོད་མེད་ཀྱི་གནམ་རུ་འགུགས། །དམ་ཚིག་ཟོལ་མེད་ཀྱི་གཞུ་རྒྱུད་སྒྲོན། །རྟེན་འབྲེལ་སྨོན་ལམ་གྱི་འཐེབ་ལྟོང་སྤྲོད། །མདའ་འཕེན་པ་རྒྱལ་ཁམས་ཀུན་ལ་འཕེན། །འཕོག་པ་ལས་འབྲེལ་ཅན་ལ་འཕོག །འཚེངས་པ་གཏན་འདུན་འཚེངས་པ་ཡིས། །འགྲུབ་པ་ཚེ་གཅིག་སངས་རྒྱས་འགྲུབ། །ཀུན་ཀྱིས་སྤྱོད་ཡུལ་མ་ལགས་པས། །རྐུན་ནོར་བཞིན་དུ་ཨ་ཐམ་རྒྱ། །ཞེས་སྨྲས་པས་མོ་ཡི་སེམས་དགའ་ནས། །སྐྱེས་རབས་འབྲེལ་བའི་ཞབས་བརྟན་


JLAZ010_Page_0046
[མ་དཔེ་གཟིགས་ན་འདིར་གནོན།]

བརྩམས། དགའ་བའི་རྣམ་འགྱུར་སྟོན་བཞིན་དུ། །རང་སྣང་སྟོང་བའི་ངང་ལ་ཡལ། །དེ་ཚེ་རླངས་ཆེན་དཔལ་སེང་གི། ཡང་སྲིད་པདྨ་ཚེ་དབང་རྩལ། །འདི་རླབས་དཔལ་སེང་དངོས་ཀྱི་ཕུར་པ་རྒྱུད་ལུགས་ཀྱི་དོན་དབང་བསྐུར་བ་ཡིན་ཀྱང༌། དེ་དུས་བཀའ་རྒྱ་མ་གྲོལ་ཞིང་གཞན་སྣང་དང་བསྟུན་པའི་གསང་རྒྱའི་རྫུ་འཕྲུལ་གྱི་ངག་ཡིན་ནོ། །མཇལ་ཏེ་རང་གཏེར་སྟག་ཚང་གི། རྡོ་རྗེ་ཕུར་པའི་དབང་བསྐུར་རྨིས། །ཨེ་དབྱིངས་ཉི་གཞོན་འཆར་ཀའི་ཕོ་བྲང་ཆེར། ཝཾ་ཡིག་ཟླ་ཞུན་འཁྱིལ་པ་རྡོ་རྗེའི་ཁམས། །ཟུང་འཇུག་དཔལ་ལྡན་དང་པོའི་སངས་རྒྱས་སུ། །བསྒྲུབ་པའི་རྟེན་འབྲེལ་སྨོན་ལམ་འཇོམས་པའི་ཚེ། །རྡོ་རྗེ་ཕུང་པོའི་གྲོང་ཁྱེར་འཛམ་གླིང་དབུས། །སྒྲ་གཅན་ས་ཡི་ཐིག་ལེར་བྱང་ཆུབ་སེམས། །བདེ་སྟོང་གཉིས་མེད་ཆེན་པོར་སངས་རྒྱས་པ། །གཏི་མུག་ཆོས་དབྱིངས་ཡེ་ཤེས་ངོ་བོར་གྲུབ། །དེ་ཚེ་ཐ་མར་རང་ཁའི་ཀུན་རྟོག་ཀུན། །མཐའ་བྲལ་གཉུག་མའི་རྒྱལ་སར་འཇོགས་པ་ལ། །འགྱུར་དྲན་སྣང་བའི་འཆར་སྒོས་ཕྱག་བྱས་ཤིང༌། །ལྔ་བཅུར་འཚོ་བའི་རྟེན་འབྲེལ་སྲོག་ཤིང་ཚུགས། །གདོད་མའི་གསང་ལམ་སྟོན་པའི་ཆོ་ག་མཁན། །དམ་ཚིག་སེམས་དཔའ་གཡུང་དྲུང་འཁྱིལ་བ་ལ། །དབྱིངས་ཕྱུག་ཨེ་ཀ་ཙ་ཏིའི་སྲོག་འདྲེས་ནས། །སློབ་བརྒྱུད་ཟླ་བ་ཉ་བའི་ཚོམ་བུ་བཀོད། །ལོ་དམར་སེར་ཅན་


JLAZ010_Page_0047
[མ་དཔེ་གཟིགས་ན་འདིར་གནོན།]

གྱི་དབྱུག་གུ་ཟླའི། །དུས་ཡར་ངོའི་ཚེས་བཅུའི་ནུབ་མོ་དེ། །ཡིད་ཀུན་རྟོག་གི་མེ་ལོང་དྭངས་བའི་ངོས། །དཔལ་ཨཽ་ཌཱི་ཡ་ནའི་སངས་རྒྱས་ཆེ། །སྐུ་གཞོན་མཛེས་གཡས་ན་ཧཱུྃ་ཀཱ་ར། །གཡོན་ཕྱོགས་ན་རང་ཉིད་འདུག་པའི་མོད། །དེས་ཕྱག་རྒྱའི་བརྡ་ཐབས་ནམ་མཁར་གདེངས། །མ་དབྱིངས་ཕྱུག་བདེ་ཆེན་འཚོ་རྒྱལ་དང༌། །རྒྱ་གར་གྱི་རིག་འཛིན་ཧཱུྃ་ཀཱ་ར། །ཐུགས་ཡེ་ཤེས་ཆེན་པོར་གཉིས་སུ་མེད། །ཧཱུྃ་ཀཱ་ར་གསང་འཛིན་རྡོ་རྗེ་འཆང༌། །བདག་ཉིད་ནི་འཕགས་མཆོག་སྙིང་རྗེའི་གཏེར། །ངེད་རྣམ་གསུམ་རིགས་གསུམ་སྤྲུལ་པའི་གར། །ཞེས་གསུངས་པའི་མོད་ལ་གཏད་མེད་ཡལ། །ཡང་ཁྱུ་མཆོག་དབྱུག་གུའི་ཟླ་བ་ལ། །འོག་མིན་གྱི་ལྗོན་པའི་བསིལ་གྲིབ་འོག །ལྭ་ཝའི་ལྡིང་གུར་ལ་བརྟེན་ནས། །དགོངས་འདུས་ཀྱི་དཀྱིལ་འཁོར་ཆེན་པོ་རུ། །བདུད་རྩིའི་སྒྲུབ་ཆེན་བཙུགས་པའི་ཚེ། །ཤིན་ཏུ་གྲང་བའི་ནམ་ཟླ་ལ། །མེ་ཏོག་པད་སྡོང་ཁ་བྱེ་ཞིང༌། །ཐོ་རངས་འོད་གསལ་གྱི་སྣང་ཆ་ལ། །རི་དོ་ཆད་ཅིག་གི་རྩེ་མོ་རུ། །རྒྱ་གར་གྱི་ཛོ་གི་གཉིས་དང་ཕྲད། །དེ་ལ་བདག་གིས་འདི་སྐད་དུ། །རི་འདི་ལ་བསྐོར་བ་བྱས་པ་ན། །གྲུབ་ཐོབ་བརྒྱད་ཅུ་མཇལ་ཡོང་སྨྲས། །ཛོ་གི་དེས་ཅུང་ཞིག་བསམས་ནས་སུ། །རི་འདི་འདྲའི་རྒྱུས་ལ་ང་རང་ཞིབ། །གྲུབ་ཐོབ་བརྒྱད་ཅུ་དང་


JLAZ010_Page_0048
[མ་དཔེ་གཟིགས་ན་འདིར་གནོན།]

ལོས་ཀྱང་མཇལ། །ཁྱེད་གཡས་ཀྱི་ཕྱག་ན་ནེའུ་ལེ་འཛིན། །མཚན་ན་མཚན་ལྡན་གཟུངས་མ་བརྟེན། །གཡོན་གྱི་འགྲམ་པ་གཟེངས་བསྟོད་ནས། །མགུར་ཡིད་ཁ་འཕྲོག་པར་ལེན་པ་མཐོང༌། །དུས་ད་རེས་ཇི་བཞིན་ངོ་འཕྲོད་ཀྱང༌། །མི་གཞན་གྱི་བློ་ལ་མ་ཤོང་དོགས། །ཁ་རོག་འདུག་པ་ལགས་སོ་ཟེར། །དེར་ངེད་ཀྱི་ལན་དུ་གྲུབ་ཐོབ་དེའི། །མཚན་ཅི་འདྲ་བྱ་བ་ལགས་དྲིས་པས། །བྲག་ཁུང་པ་ཞེས་པར་གྲགས་སོ་ལོ། །ཤ་བ་ཁྱི་ཁྲིད་ཀྱི་གདམས་པའི་གནད། །དེར་ངེད་ལ་ཞུའོ་ཟེར་བ་ན། །ངས་དེ་འདྲའི་དཔེ་ཆ་མེད་ཀྱང་མེད། །སྤྱིར་རྣལ་འབྱོར་གྱི་རི་ཁྲོད་འགྲིམ་པ་ལ། །མཐུ་ངན་སྔགས་ཀྱི་བསམ་པ་མི་རིག་བྱས། །དེར་རྣལ་འབྱོར་ཟླའོ་ཞིག་བྱུང་ནས། །དེས་བསྟན་ལ་ཕན་ན་དགོས་སོ་ཟེར། །དེའི་མོད་ལ་ཉམས་སྣང་དེ་སད་དོ། །གང་ཚེ་རྡོ་རྗེ་གཡུ་ཡི་སྒྲོན་མ་དེས། །སྣམ་དཀར་ཡིད་དུ་འོང་བ་རྣམ་པ་གཉིས། །ཤིན་ཏུ་བརྩེ་བའི་འཛུམ་གྱིས་སྔོན་བསུས་ནས། །བདག་ལ་བྱིན་ནས་རིག་འཛིན་བུ་ཁྱོད་ཀྱི། །གྱོན་པའི་བསྣོན་མ་གྱིས་ཞེས་ཟེར་བ་དང༌། །བརྩེ་དུངས་མོས་བར་ལྡན་པའི་གླུ་འདི་བླངས། །རྒྱལ་སྲས་ལྷ་རྗེའི་སྤྲུལ་པ་བརྒྱ་རྩ་བརྒྱད། །ཡ་གྱལ་གཅིག་ནི་ཡར་རྗེ་ཨོ་རྒྱན་གླིང༌། །འོད་གསལ་བླ་མ་ཨོ་རྒྱན་བསམ་གཏན་གླིང༌། །ཞལ་མཇལ་འབྲེལ་པ་ཐོགས་པ་


JLAZ010_Page_0049
[མ་དཔེ་གཟིགས་ན་འདིར་གནོན།]

ཀུན་ལ་མཛོད། །ཅེས་པའི་མོད་ལ་གཏད་མེད་ཆོས་སྐུར་འགྱིལ། རེ་ཞིག་གི་ཚེ་ཐོར་ཐུན་གྱི་སྒང་ལ་གཉིད་དུ་ཅུང་ཟད་ཤོར་བའི་སྣང་བ་ལ། གནས་བསྐོར་དུ་འོངས་པ་ཡིན་སྙམ་པའི་བུད་མེད་ལྔ་དང་སྦྲགས་ནས་བྱིན་པ་ལས། དེའི་ཁྲོད་ནས་རང་གི་མ་ཡིན་སྙམ་པའི་བུད་མེད་རྒན་སོང་ཞིག་གིས་ངོ་ཚ་དང་ཚུལ་འཆོས་བཤིག་ནས་ངེད་ལ་ཤིན་ཏུ་བརྩེ་བའི་རྣམ་འགྱུར་མས་བུ་ཆུང་ལ་བྱེད་པ་ལྟར་བཞིན་གཏུགས་པ་དང༌། ཁ་སྦྱར་བ་མང་པོ་བྱེད་པའི་ངང་ནས་བྲག་ཕུག་ཡིད་དུ་འོང་བ་ཨོ་རྒྱན་ཆེན་པོའི་དབུ་རྗེས་ཡོད་པ་ཞིག་ཏུ་ཁྲིད། དེར་གནས་བཤད་ཀྱི་ཚུལ་དུ་འདི་འཚོ་རྒྱལ་གྱིས་ཕུར་པ་བསྒྲུབས་པའི་གཟིམས་ཕུག་ཡིན་ཟེར། ཁོང་རང་རྣམས་ཀྱིས་སྐད་སྒྲ་སྙན་པོས་མཎྜལ་དང༌། གསོལ་འདེབས་ཡིད་འཕྲོག་པ་ཞིག་བྱས་སོང༌། དེའི་མོད་ལ་བུད་མེད་ཅུང་གཟུགས་མི་སྡུག་པ་ཞིག་འདུག་པ་དེས་བསྐུལ་ནས་ངེད་རང་ལ་ཁ་གཏད་ནས། བླ་མ་སྐུ་ཁམས་བཟང་བར་གསོལ་བ་འདེབས། །ཞེས་པའི་ཤོ་ལོ་ཀ་ཚར་གསུམ་རྒྱ་གླིང་ལས་སྙན་པའི་དབྱངས་རྟ་ལ་དྲངས་ནས་ཟེར་བྱུང་བས་སྣང་བ་ཟི་བུན་པ་ཞིག་བྱུང༌། དེའི་ཚེ་ལྷན་སྐྱེས་ཀྱི་ཤེས་པ་སྐད་ཅིག་མར། ད་ཁོང་རྣམས་ཡར་ཀླུངས་རྟེན་གསུམ་མཇལ་དུ་འགྲོ་ཡོང་བས་སྨོན་ལམ་འདེབས་ལུགས་ཤིག་བསླབ་


JLAZ010_Page_0050
[མ་དཔེ་གཟིགས་ན་འདིར་གནོན།]

དགོས་བསམ་པ་དང༌། སྐད་ཅིག་ལ་རང་གི་ཕུ་བོ་ཡིན་སྙམ་པ་ཞིག་ཁྲོང་ངེ་བྱུང་ནས་དེས་བྱང་དྲངས་ཏེ། ཆོས་རྔ་ཆེན་པོའི་སྒྲ་ཡིས་ནི། ཞེས་སོགས་ཤོ་ལོ་ཀ་བརྗོད་མཐར་ནམ་མཁའ་ལ་བྱ་ཁྱུ་འགྲོགས་པ་བཞིན་ཅོ་དིར་གྱིས་གྱེས་སོང༌། དེར་སྤུན་ཡིན་སྙམ་པའི་བུད་མེད་གཅིག་ད་དུང་བསྡད་ནས་བསླབ་དོན་ཞུ་རྒྱུ་འདྲ་ཡོད་དེ་འགོལ་འགོལ་ཞིག་གཏན་ནས་མ་བྱུང་ཟེར་ཞིང༌། ངེད་ཀྱི་རྣ་བ་གཡོན་པ་ལ་ཁ་སྦྱར་ནས་གཏམ་ཤབ་ཤུབ་ཐོས་རྒྱུ་རང་མེད་པ་མང་ཞིག་ཟེར་པའི་ཐོས་པ་ཞིག་ལ་མི་ཆེན་ཚོ་ལའང་ངོ་འཛིན་རང་ཆེར་གནང་ཞན་འདྲ་ཟེར་བ་དང༌། ཡང་ཤབ་བི་ཤུབ་བི་ཁོ་ན་ཟེར་བའི་སྒྲ་མ་གོཡང་ཐོས་པ་ཞིག་ལ། ཉིད་རང་ལུས་དབེན་པར་བཞུགས་དང༌། སྟོན་དཔྱིད་ལ་སོགས་པའི་འཚོ་ཆས་ནི་འབད་མེད་དུ་ཡོང༌། ངག་དབེན་པར་བཞུགས་དང་ཟེར་བའི་མོད་ལ་སྐད་ཤུགས་ཆུང་ངུ་རང་བཏང་བྱུང་བས། དེ་དག་མ་གོ། དེ་ལས་སྒྲ་དག་པར་གྱིས་དང་བྱས་པས་ད་དུང་སྐད་ཤུགས་དེ་བས་ཀྱང་ཇེ་ཆུང་དུ་སོང་བས་ཁོ་བོས་རྨི་ལམ་ཡིན་པར་ཤེས་ཏེ་དགོངས་པ་དབྱིངས་ལ་གཏད་པས་གཉིད་ལས་སད་དེ། དྲན་པ་བདེ་སྟོང་ཆེན་པོའི་ངང་དུ་རིང་ཞིག་འདས། ལུང་བསྟན་དེ་ལ་བརྟེན་ནས་མི་ཆེན་སྡིག་ཏོ་ཅན་རྣམས་ཀྱི་ངོ་སྲུང་མ་བགྱིས་སོ། །དེའི་ཚེ་ཟླ་བ་བརྒྱད་པའི་ཚེས་བཅུ་དྲུག་གི་ཉིན་སྒྲུབ་


JLAZ010_Page_0051
[མ་དཔེ་གཟིགས་ན་འདིར་གནོན།]

གནས་ཆེན་མོ་ཉིད་ལ་གནས་བསྟོད་ཅིག་བརྩམས་ཏེ་འོད་གསལ་འགྲོ་འོང་མེད་པའི་ངང་དུ་མནལ་བ་ན། དབང་བོའི་ཡུལ་ལྔའི་ཐ་མལ་གྱི་འཛིན་པ་དྭངས། གཟུང་ཡུལ་རགས་པ་ཡིད་ཤེས་ཀྱི་ཆུ་མཚོར་ཐིམ། ཀུན་གཞི་མི་རྟོག་པའི་ངང་དུ་སྣང་ཆའི་རྟེན་འབྲེལ་ནུབ་པ་དང༌། ལྷག་མཐོང་གསལ་བའི་ཡེ་ཤེས་ཀྱི་སྣང་བའི་འོད་གསལ་གྱི་མེད་ལོང་ཕྱིས་པའི་ངོས་ཤིན་ཏུ་དྭངས་པར་མ་བྱོན་བདེ་གཤེགས་སྟིང་པོ་རི་རབ་མར་མེའི་རྒྱལ་མཚན་སྣང་བའི་གྲོང་ཁྱེར་དུ་ཁམས་དྲུག་ལྡན་གྱི་མིའི་ཟོལ་ལ་བརྟེན་པ། དཔལ་བསམ་ཡས་པ་ཀུན་མཁྱེན་ངག་གི་དབང་པོ་སྐུ་གཟུགས་བཟང་ལ་ན་བཟའ་ཆོས་གོས་རྣམ་གསུམ་གྱིས་མཛེས་ཤིང༌། སྐུ་ན་ཅུང་ཟད་སྨིན་པ། དེ་བཞིན་གཤེགས་པ་ལྟར་མཐོང་ན་མི་མཐུན་པ་མེད་པ་ཞིག་དང་མིག་འཕྲུལ་ལྟ་བུར་མཇལ་ཏེ། བརྗོད་བྱ་དོན་གྱི་ཐུགས་རྒྱུད་འཕོ་བར་གྱུར་ཅིག །འཕོ་བར་གྱུར་ཅིག །རྗོད་བྱེད་ཚིག་གི་བརྒྱུད་པ་རྫོགས་པར་གྱུར་ཅིག །རྫོགས་པར་གྱུར་ཅིག །ཅེས་གསུང་སྒྲ་ལྷང་ལྷང་ཞལ་འདོན་མཛད་པ་ཐོས། དེར་དྲན་པ་འཐོར་འགྲོ་བ་ལྟ་བུའི་དད་པ་དང་མོས་གུས་བཟོད་བླག་མེད་པ་ཞིག་སྐྱེས། ཕྱག་འཚལ་ལོང་མེད་པར་ཀུན་མཁྱེན་བླ་མའི་ཕྱག་གཉིས་ནས་འུབ་ཀྱིས་འཇུས། སྤྱི་བོ་བདེ་ཆེན་གྱི་འཁོར་


JLAZ010_Page_0052
[མ་དཔེ་གཟིགས་ན་འདིར་གནོན།]

ལོའི་ཅོད་པན་དུ་བཏགས་ནས། ཀུན་མཁྱེན་ཆོས་ཀྱི་རྒྱལ་པོ་མཁྱེན། ཀུན་མཁྱེན་ཆོས་ཀྱི་རྒྱལ་པོ་མཁྱེན། ཀུན་མཁྱེན་ཆོས་ཀྱི་རྒྱལ་པོ་མཁྱེན། ཞེས་མོས་གུས་ཀྱིས་བརྒྱལ་བ་ཙམ་དུ་གསོལ་བ་བཏབ། ཁོ་བོ་ལ་དུས་ཕྱིས་དེ་སྐད་ཟེར་མཁན་ཡོང་ཕེབས། དེར་སྣང་བ་ལ། ཁམས་འདུས་མེ་ཏོག་ཕྲེང་ལྡན་ལ་སོགས་པར་གསུངས་པ་ལྟར་སེམས་ཅན་བསོད་ནམས་དམན་པས་སྐུ་དངོས་སུ་བཞུགས་དུས་དད་མོས་མེད་ཅིང་ལོག་སྒྲུབ་ཆེ་བའི་ཤུགས་ཀྱིས་ཐུགས་མུག་པར་བྱུང་འདུག་པའི་གསུང་ཅོང་ཡིན་པར་གོ་སྟེ། ངོས་ནས་ཁྱོད་ཀྱི་མཛོད་བདུན་དང༌། སྙིང་ཐིག་རྣམས་ཀྱི་དགོངས་གཏེར་གཅིག་པུའི་སྒོ་ནས་བསྟན་པ་དང་སེམས་ཅན་ལ་ཕན་བཏགས་པའི་བཀའ་དྲིན་དྲན་ཅིང༌། ཆེ་བའི་ཡོན་ཏན་སངས་རྒྱས་དངོས་དང་མཚུངས་པའི་མོས་གུས་རྒྱུན་གཏན་བྱེད་བཞིན་པར་ལགས་མོད་ཞུས་པས། ང་ལ་སྤྱན་ཧུར་གྱིས་གཟིགས་ནས། རིགས་ཀྱི་བུ་ཁྱོད་ལ་ད་ཅི་སྨོན་ལམ་གཏད་རྒྱའི་སྒོ་ནས་དོན་རྒྱུན་ཀྱི་དགོངས་པ་འཕོས་པ་ཡིན་པསཿ སྒྲུབ་པའི་སྲོག་མཁར་ཚུགས་ལ་སྐལ་ལྡན་ལ་རྒྱ་ཆེར་སྟོན་ཅིག །ཁྱོད་རང་གི་མགུར་མ་ཡང་ཤིན་ཏུ་ལེགས་པ་བྱུང་འདུག །གསུང་པའི་མོད་ལ་བསླབ་སྟོན་འདྲ་ཞུ་སྙམ་པ་དང༌། སྐུ་གསུམ་གྱི་སྣང་ཆ་མིག་འཕྲུལ་ལྟ་བུར་དབྱིབས་སུ་ནུབ་


JLAZ010_Page_0053
[མ་དཔེ་གཟིགས་ན་འདིར་གནོན།]

སྟེ། ཀུན་མཁྱེན་བླ་མ་དྲན་པ་ལ་ཚུགས་ཐབས་མེད་པ་ཞིག་བྱུང་ངོ༌། །བྲག་ཕུག་འགྲིམ་པའི་སྤྲང་བཙུན་བྷུ་སུ་ཀུ། །དབེན་པར་གནས་ནས་ན་ཚོད་མ་རྒས་པས། །རྟོགས་པ་སྐྱེ་བ་ཤེས་བྱར་མི་སྲིད་སྙམ། །དྲེགས་རློམ་ཅན་གྱིས་ག་ཞ་བྱེད་ན་ཡང༌། །རྒྱལ་སྲས་པདྨ་དགེ་བའི་བཤེས་གཉེན་གྱི། །རྫུ་ལ་ཞུགས་པ་ཀློང་གསལ་དྲི་མེད་ཀྱི། །ཞལ་མཐོང་ཙམ་གྱིས་བག་ཆགས་སྡིག་སྒྲིབ་ཟད། །གསུང་ཐོས་ཙམ་གྱི་རྟོགས་པའི་ཀློང་ཆེན་རྡོལ། །ཐ་སྙད་ཆོས་ལ་བསླབ་གཉེར་མ་བགྱིས་ཀྱང༌། །དཔེ་མཐོང་ཙམ་གྱིས་གདམས་པའི་གནད་མཚང་རིག །ཉིན་ཞག་གཅིག་ལ་སེམས་ཅན་སངས་རྒྱས་སུ། །བསྒྱུར་བའི་བཀའ་དྲིན་བསམ་གྱིན་བླ་མ་དྲན། །ཕྱི་ལྟར་ཧཱུྃ་ཆེན་འགྲོ་འདུལ་དྲི་མེད་རྗེ། །ནང་ལྟར་སིངྒའི་སློབ་དཔོན་མཉྫུ་ཤྲཱི། །གསང་བ་ཡེ་ཤེས་སྐུ་ཅན་ཀློང་ཆེན་པས། །བརྡ་ཐབས་རྟེན་འབྲེལ་དུ་མས་དོན་རྒྱུད་བྱིན། །མཐོང་སྣང་ཟ་ཟི་ནམ་མཁའི་གློག་དང་འདྲ། །རྡོ་ལ་ཞབས་རྗེས་མུ་སྟེགས་ནག་པོས་འཇོག །ཉམས་རྟོགས་དབང་པོའི་ཡུལ་དུ་མི་སྣང་བས། །གཞན་ལ་རྟག་བརྟན་ཐེར་ཟུག་སྨྲ་དོན་ཅི། །སྐུ་ཡི་བྱིན་གྱིས་བརླབས་པ་སྟེ་དང་པོའོ། །འདི་གནས་ཡིག་རྙིང་པར་ཉང་ཕུག་གོང་མར་གྲགས་པའི་དོན་ལ་ཉང་ཏིང་འཛིན་


JLAZ010_Page_0054
[མ་དཔེ་གཟིགས་ན་འདིར་གནོན།]

བཟང་པོའི་སྒྲུབ་ཕུག་བྱ་གཡབས་ཕུག་པ་ལྟ་བུའི་སྒོ་ལོགས་གཡས་ཟུར་ན་ད་ལྟ་བྲག་གསེང་དུ་ཤིང་སྒྲོ་དཀར་སྐྱེས་ཤིང༌། བྲག་ལོགས་ལ་མཆོད་རྟེན་གྱི་རི་མོ་གསུམ་ཡོད་པའི་བྲག་གཞོལ་འདེབས་དེར་འཇག་མའི་ལྷག་སྐྱོབ་ཙམ་ལ་བརྟེན་ནས་འདུག་པའི་སྐབས་ཡིན་ནོ། །དེ་ནས་ཉང་ཕུག་འོག་མའི་ཐ་སྙད་གྲགས་པ་ལ་བརྟེན་ནས་སྔ་རབས་པ་དག་གིས་ལྷོ་ཕྱོགས་ཀྱི་ཕྱིས་བྱུང་གི་བྲག་ཕུག་དེ་ལ་ཉང་ཕུག་གི་ཁ་བྱང་བྲིས་འདུག་ཀྱང༌། སྔར་བཤད་པ་ལྟར་གསལ་སྣང་གི་བདེན་པས་ངེས་ཤེས་རྙེད་པའི་སྔོན་ཆོས་རྒྱལ་ཚངས་པ་ལྷའི་མེ་ཏོག་དང༌། དེ་རྗེས་མངའ་བདག་ཉང་གི་མངའ་བདག་ཉང་གི་སྐྱེ་བ་བཅུ་གསུམ་དྲན། སྒྲུབ་ཕུག་ཡིན་པས་ཉང་ཕུག་འོག་མར་གྲགས་པ་ངེད་རང་གིས། ངོས་བཟུང་ཞིང་མེ་ཏོག་ཕུག་ཏུ་བཏགས་པའི་གནས་སུ་བཅད་མཚམས་ཤིན་ཏུ་དམ་ཞིང་ངེས་འབྱུང་གིས་རྒྱུད་བརླན་པ་ཞིག་གི་ཚེ། ཨ་འཐས་གཟུང་ཡུལ་གྱི་འཛིན་ཆ་ཞིག་པའི་སྣང་ངོར་ཡང་གཅིག་ཀུན་མཁྱེན་སངས་རྒྱས་གཉིས་པ་དང་མཇལ་བ་ན། དཔེ་ཆ་བམ་པོ་ཞིག་གནང་ནས་འདིས་ཤིང་རྟ་ཆེན་མོ་ན་གབ་པའི་ཚུལ་དུ་ཡོད་པ་མཐའ་དག་གསལ་བ་ཡོད། ཅེས་དང༌། གསང་མཛོད་ཆེན་མོའི་བརྡ་འགྲོལ་གྱི་སྐོར་སྐབས་འདིར་གསུངས་པ་ཡིན། ཡང་འདི་ཁྱེད་རང་གི་སྐྱེ་བརྒྱུད་ལུང་བྱང་ཡིན་ནོ་ཞེས་ཤོག་དྲིལ་ཞིག་གནང་བྱུང་བ་ཁ་ཕྱེ་


JLAZ010_Page_0055
[མ་དཔེ་གཟིགས་ན་འདིར་གནོན།]

བས། ཡི་གེ་གོང་འོག་རིམ་པ་གཉིས་ཀྱི་རྣམ་པར་འདུག་པའི་གོང་མར། སྐྱེ་བ་སྔོན་མ་ནི་ཀུན་མཁྱེན་ཆོས་རྗེའོ། །ཞེས་འདུགཕྱི་མ་རྣམས་ཀློག་པར་རྩོམ་པ་ན། གསལ་སྣང་དེ་ནམ་མཁའ་ལ་སྤྲིན་དེངས་པ་བཞིན་སོང་ལ། འདིའི་ཚེ་སྐུའི་བྱད་དབྱིབས་སོགས་འདི་ལྟར་འདུག་སྙམ་པའི་འཛིན་ཤེས་རགས་པ་གང་ཡང་མ་བྱུང་ངོ༌། །གསུང་གི་བྱིན་གྱིས་བརླབས་ནས་བསྟན་བཅོས་བརྩམ་པར་རྗེས་སུ་གནང་བ་སྟེ་ཞལ་མཐོང་གཉིས་པའོ། །དེ་ནས་ཟླ་ཤས་སོང་ཙ་ན། ཀུན་མཁྱེན་བླ་མ་ཉིད་པཎྡྲི་ཏའི་ཆ་བྱད་སྣུམ་བག་དང་ལྡན་ཞིང༌། ཤིན་ཏུ་གཞོན་ཤ་ཆགས་པ་དགུང་ལོ་ཉི་ཤུ་རྩ་གྲངས་པའི་སྐུ་ན་ཅན། དབུ་ལ་པཎ་ཞྭ་རྣ་རིང་བཞེས་པ་ཞིག་དང་མཇལ་ཏེ། རྡོ་རྗེ་ཕུང་པོའི་དཀྱིལ་འཁོར་ལུས་དཀྱིལ། རྨད་དུ་བྱུང་བའི་རྟ་བབས་གོང་མ་གཉིས་ཀྱི་འཕྱང་འཕྲུལ་ལ་བརྟེན། ལྷུན་གྲུབ་རིགས་ལྔ་ཡབ་ཡུམ་ཟུང་དུ་འཇུག་པའི་བརྡས། འོད་གསལ་དག་པ་རབ་འབྱམས་ཀྱི་དབང་བསྐུར་ནས། ཅི་ཡང་མི་གསུང་པར་ཤིན་ཏུ་དགྱེས་པ་ཆེན་པོའི་ཞལ་འཛུམ་མུ་ལེ་བའི་ངང་ལ། དག་ཆེན་ཡེ་ཤེས་ཀྱི་སྣང་ཆ་དབྱིངས་སུ་ཐིམ་པར་གྱུར་པ་ནི་ཐུགས་ཀྱི་བྱིན་གྱིས་བརླབས་ནས་དོན་རྒྱུད་རྟོགས་པའི་བདག་པོར་རྗེས་སུ་གནང་བ་སྟེ་ཞལ་མཐོང་གསུམ་པའོ། །དེའི་ཚེ་ཕྱི་ཡུལ་གྱི་སྣང་བ་གཏད་མེད་དུ་གྲོལ་ཏེ་མཉམ་གཞག་གི་དགོངས་


JLAZ010_Page_0056
[མ་དཔེ་གཟིགས་ན་འདིར་གནོན།]

པ་ལ་ཕྱོགས་ལྷུང་གི་རིས་མེད། ནང་འཛིན་པའི་འདུ་ཤེས་པ་ལ་རྩིས་གདབ་ཀྱི་རིས་མེད་པས་རང་གྲོལ་ཕྱོགས་ཡན་དུ་སངས། རྗེས་ཐོབ་ཤེས་རབ་ཀྱི་སྣང་ཆར་དགའ་བ་དང་སྐྱོ་བའི་ཡིད་ཀྱིས་དུས་འདས་ཏེ། དད་པ་དང་གདུང་ཤུགས་དྲག་པོའི་རྐྱེན་གྱིས་བསྟོད་པ་དཔྱིད་ཀྱི་རྒྱལ་མོའི་རྒྱང་གླུ་ཞེས་བྱ་བ་དེ་ཡང་བརྩམས། ཤིང་རྟ་གསུམ་དང་མཛོད་ཆེན་བདུན་གྱི་བརྗོད་བྱའི་དོན་སྙིང་ལ་ཤར་བས་ཀུན་མཁྱེན་ཞལ་ལུང༌། པདྨ་དཀར་པོ། གོལ་ཤོར་ཚར་གཅོད་སོགས་མན་ངག་གི་གནད་ལྟ་སྒོམ་གྱི་བཅུད། ཉམས་ལེན་གྱི་མཚང་ལྟ་བུའི་གནད་ལག་བཅངས་མ་ཚིག་ཉུང་དོན་གསལ་མང་པོ་ཡང་བྲིས། དེ་ཡང་སྒོམ་ཆེན་པ་ནི་བཤད་རལ་དང་རྟོག་དཔྱོད་ལ་གཙོར་འདོན་མི་བྱེད་ཅིང༌། ཁྱད་པར་དུ་ཐོས་བསམ་ཙམ་ལ་བརྟེན་པའི་ཐ་སྙད་དང་གནས་ལུགས་བརྗོད་བྲལ་གྱི་དོན་གོ་བའི་ཕོ་ཚོད་ཙམ་གྱིས་གཏན་ལ་ཕབ་པའི་བསྟན་བཅོས་དང་མི་འདྲ་པར་འཁོར་འདས་ཀྱི་ཆོས་ཐམས་ཅད་ལ་རྫོགས་པའི་སངས་རྒྱས་དང༌། ཨོ་རྒྱན་ཆོས་རྗེ། བི་མ་ལ། མགོན་པོ་ཀླུ་སྒྲུབ་ལྟར་དབང་སྒྱུར་ནུས་པའི་བརྟུལ་ཞུགས་ཀྱིས་བསྟན་པའི་སྲོག་ཤིང་དུ་བསྒྲུབས་པ་ཀུན་མཁྱེན་ཆེན་པོའི་བསྟན་བཅོས་ཉི་ཟླའི་སྣང་བ་ལྟ་བུ་རྩོད་པ་དང་རྒོལ་ངན་གྱིས་གླགས་ལྟ་བར་མི་བཟོད་པ་འདི་དག་ཡོད་བཞིན་དུ། རང་ཅག་གི་སྲིན་བུའི་མེ་འོད་ལྟ་བུའི་


JLAZ010_Page_0057
[མ་དཔེ་གཟིགས་ན་འདིར་གནོན།]

གླེགས་བམ་ཆེན་པོ་བཅོས་པ་ལ་དགོས་པ་མེད་སྙམ་ནས་ལྷོད་དེ་སྡོད་པ་ལ་འདུན་ནོ། །འོན་ཀྱང་དགོངས་གཏེར་ཆེན་པོ་དེ་དག་གི་དོན་ལ་ཐོས་པ་དང༌། བསམ་པ་དང༌། སྒོམ་པ་དང༌། བཀུར་སྟི་དང༌། རི་མོར་བྱ་བ་དང༌། བཤད་པ་དང༌། སྒྲུབ་པའི་སྒོ་ནས་རང་རྒྱུད་སྨིན་གྲོལ་དུ་བསྒྲུབ་ཅིང་གཞན་དག་ལའང་བསྔགས་པར་བརྗོད་པ་དང༌། རྒྱ་ཆེར་འདོམས་པའི་སྤྱོད་པ་ལ་བསླབ་པར་དམ་བཅས་ཤིང༌། དེ་ཡང་གཞོན་ནུ་ནོར་བཟང་གིས་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་སྨོན་ལམ་དུ་བཏབ་པར། ལན་གཅིག་ཙམ་ཡང་དད་པ་སྐྱེས་པ་ནི། །བསོད་ནམས་དམ་པའི་མཆོག་ཏུ་འདི་འགྱུར་རོ། །ཞེས་བཤད་པ་ལྟར། གདུལ་བར་བྱ་བ་གང་ཟག་གི་དད་པའི་མྱུར་གུ་གསར་དུ་བསྐྱེད་པ་དང༌། བྱིན་རླབས་དོན་གྱི་ཉེ་བརྒྱུད་ལག་པའི་མཐིལ་དུ་ཟིན་པའི་རྟེན་འབྲེལ་གྱི་བདེན་པ་མི་འགོག་པའི་ཕྱིར་དུ། ཆོས་ཀྱི་རྣམ་གྲངས་དེ་དག་གི་དོན་ཟབ་པ་དང་རྒྱ་ཆེར་བ་ཇི་སྙེད་ཅིག་དགོངས་པའི་ཀློང་ནས་རང་ཤར་བའི་ཚུལ་དུ་བཀོད་པ་མན་ངག་གི་བསྟན་བཅོས་རིན་པོ་ཆེ་ལུང་གི་གཏེར་མཛོད་ལ་སོགས་པའང་བགྱིས་ནས་རྡོ་རྗེའི་གནས་ཆེན་པོ་རྣམས་གསལ་བར་བགྱིས་པ་ཡིན་ནོ། །

ཀློང་ཆེན་སྙིང་གི་ཐིག་ལེ་ལསཿ གནད་བྱང་ཐུགས་ཀྱི་སྒྲོམ་བུ།


JLAZ010_Page_0059
[མ་དཔེ་གཟིགས་ན་འདིར་གནོན།]

༂ ཀློང་ཆེན་སྙིང་གི་ཐིག་ལེ་ལསཿ གནད་བྱང་ཐུགས་ཀྱི་སྒྲོམ་བུ་བཞུགསཿ


JLAZ010_Page_0060
[མ་དཔེ་གཟིགས་ན་འདིར་གནོན།]

བརྡ་ཡིག །ཀུན་བཟང་ཡངས་པའི་ཀློང་ལ་བདུདཿ འོག་མིན་སྤྲུལ་པའི་གནྡྷོ་ལཿ བར་ཁང་གཡུ་ཞལ་འབར་བ་རུཿ ཐུགས་སྲས་རྗེ་འབངས་གྲོགས་གསུམ་ལཿ ཟབ་དོན་སྙིང་གི་ཐིག་ལེའི་སྐོརཿ དམར་ཁྲིད་ལྐོག་བྱང་གནད་ཡིག་སྒྲོམཿ སྐུ་གསུམ་རང་བྱུང་མཁའ་འགྲོའི་བརྡསཿ བསྟན་ཚེ་གསེར་གཡུའི་མཎྜལ་དངཿ ཁྱད་པར་སྒོ་གསུམ་ལྟོས་མེད་ཕུལཿ དུས་གསུམ་མཁྱེན་པའི་གུ་རུ་རྗེཿ ད་ལྟ་དུས་བཟང་སྐལ་བ་ལྡནཿ མ་འོངས་ལྔ་བརྒྱའི་ཐ་མ་དེརཿ སེམས་ཅན་སྡུག་བསྔལ་དཔའ་ལ་གཡེངཿ དེ་ཚེ་བདག་ཅག་རྗེ་འབངས་གྲོགསཿ རྗེ་བཙུན་ཁྱེད་ཀྱི་ཐུགས་རྗེ་ཡིསཿ གྲོལ་བ་ཐོབ་ཀྱང་གདུལ་བྱའི་དོནཿ སྲིད་པར་ཉིང་མཚམས་ཡང་ནས་ཡངཿ སྦྱོར་ཞིང་དག་པའི་གདུལ་བྱ་ཡིཿ ཁ་ལོ་གྱེན་ལ་བསྒྱུར་འཚལ་ནཿ དེ་དུས་ད་ལྟའི་འདུས་པ་རྣམསཿ ས་ཕྱོགས་གང་དང་གང་དུ་འབྱུངཿ ས་རྟགས་བསྟན་པའི་གནས་ཚུལ་སོགསཿ ཀུན་མཁྱེན་གུ་རུས་གསུང་དུ་གསོལཿ ཞེས་ཞུས་མོས་གུས་གདུངས་བ་ལསཿ ཕྱག་གཡས་བཻ་རོ་ཙཱ་ན་དངཿ གཡོན་པ་ཇོ་མོའི་སྤྱི་བོར་བཞགཿ ཆོས་རྒྱལ་ཉིད་ལ་དབུ་གཏུགས་ནསཿ ཉོན་ཅིག་ལས་ཅན་རྗེ་འབངས་གྲོགསཿ མ་འོངས་ལྔ་བརྒྱའི་མཐའ་


JLAZ010_Page_0061
[མ་དཔེ་གཟིགས་ན་འདིར་གནོན།]

མ་དེརཿ སེམས་ཅན་བསོད་ནམས་ཉམས་པའི་རྒྱུརཿ རྟེན་གསུམ་འཇིག་ཅིང་རབ་གནས་ཡལཿ ཆོས་བྱེད་དམོད་ཅིང་སྡིག་བྱེད་བསྟོདཿ ཁྱད་པར་འདྲེ་རྒོད་སྤུན་དགུ་ཡིཿ ལས་མཐའ་སྙིང་ཞུགས་ཆེ་ཚུལ་འགསཿ བླ་མར་བརྫུས་ནས་སློབ་བུ་བསླུཿ རྗེ་བོར་ཏ།ཤ་ནས་བདེ་སྐྱིད་འཕྲོགཿ བན་དེར་བརྫུས་ནས་ཆོས་བྱེད་བཅོམཿ དེ་ཚེ་གནམ་ཐིལ་སྤྲུལ་པ་ཞིགཿ ཤར་ནས་འབྱུང་སྟེ་ནུབ་ཏུ་འགྲོཿ དབུས་གཙང་གཞུང་ལ་ཆོས་སྡེ་དརཿ བསོད་ནམས་དམན་པའི་སྐྱེ་འགྲོ་ཀུནཿ དེ་ལ་འདུན་ཅིང་ཡིད་སྨོན་བྱེདཿ སྤྲེའུས་མེ་ཁྱེར་སྲིས་ལ་རྐུཿ བྱ་ཡི་མགོ་སྤུ་གནམ་ལ་བསྲེགཿ ཁྱི་ཡིས་མ་མོའི་ནད་རྐྱལ་ཁུརཿ ཕག་གིས་ས་རྐོ་རྡོ་སློག་བརྩོནཿ བྱི་བས་བློ་གཏད་སྙིང་ལ་རྐུཿ གླང་གི་རྭ་རྩེ་རྡོ་ལ་བརྡརཿ སྟག་གི་ལོ་ལ་དུག་མཚོ་ཁོལཿ གཟིག་སློག་གྱོན་པའི་གསུམ་གྱིསཿ ཊརྑ་མོ། སློང་ཞིང་ཊཅ། ཉ་རྩ་བ་འགྱེདཿ དེ་ཚེ་ང་སྤྲུལ་སྐྱེས་བུ་ལཿ ཐུགས་རྗེར་ཕྱོགས་རིས་མ་མཆིས་པསཿ ལྐོག་ཡིག་གསང་བའི་ལུང་བྱང་བཞིནཿ བསྟན་འགྲོའི་བདེ་ཐབས་ལྷུར་ལེན་གཅེསཿ དེ་དུས་ད་ལྟའི་རྗེ་འབངས་གྲོགསཿ བི་མ་རྒྱལ་སྲས་ལྷ་རྗེ་རྣམསཿ སྨོན་ལམ་ཐུགས་རྗེས་སྤྲུལ་པའི་སྲསཿ རང་བྱུང་རྡོ་རྗེ་པདྨ་དབངཿ གསང་མཚན་གར་


JLAZ010_Page_0062
[མ་དཔེ་གཟིགས་ན་འདིར་གནོན།]

དབང་འཇིགས་མེད་གླིངཿ རྟོགས་གྲོལ་དུས་མཉམ་ཐུགས་གཏེར་བདགཿ འཕགས་པས་རྗེས་སུ་བཟུང་བའི་རྟགསཿ ལག་གཡས་མཐིལ་ན་པདྨའི་སྤྱནཿ དབང་ཆེན་གསུང་གི་རིག་འཛིན་ཕྱིརཿ མཐེ་བོང་ཐུགས་སྲོག་ཧྱ་ཡིས་མཚནཿ རྟོགས་པ་ཀློང་དུ་གྱུར་པའི་རྟགསཿ ཚེམས་ལ་སྐྱེ་མེད་ཡི་གེ་ཨཿ སྙིང་རྗེ་ཆེ་ལ་རིག་པ་ཧུརཿ ཤེས་རབ་ཆེ་ཞིང་འཛིན་ཆགས་ཆུངཿ ཐུགས་སྒམ་ཚིག་བཙན་བློ་གྲོས་ཟབཿ ངེས་མེད་སྤྱོད་པ་ཅིར་ཡང་སྟོནཿ འཇིགས་པ་མེད་པའི་བརྟུལ་བཞུགས་ཅནཿ ཞུམ་མེད་སྣང་བ་ཟིལ་གྱིས་གནོནཿ དེ་ལ་ཐུགས་རྒྱུད་དངོས་གཏེར་རམཿ ཡང་ན་དགོངས་གཏེར་ཚུལ་དུ་འབེབསཿ དངོས་ཉམས་རྨི་ལམ་མ་ངེས་པརཿ ང་དང་ཞལ་མཇལ་དོན་དབང་བསྐུརཿ ཐུགས་རྒྱུད་དགོངས་པའི་བྱིན་རླབས་འཕོཿ པད་འབྱུང་ང་དང་རིག་འཛིན་ཉིདཿ དགོངས་པ་གཅིག་དང་དབྱངས་གཅིག་འགྱུརཿ ཐེག་ཀུན་དགོངས་པའི་ཀློང་ལ་ཤརཿ རིག་འཛིན་དཔའ་བོ་མཁའ་འགྲོ་ཡིསཿ བསྐུལ་མ་ཐེངས་གསུམ་དག་ཏུ་འོངཿ དེ་ཚེ་མི་བརྗེད་དྲན་པའི་གཟུངསཿ གཟེར་དྲུག་གནད་ཀྱི་ལྡེ་མིག་གིསཿ ཀློང་གསལ་དགོངས་པའི་གཏེར་ཁ་འབྱེདཿ བརྡ་རྟགས་སྙིང་མཛོད་སྒྲོམ་བུར་བསྐྱིལཿ པདྨ་ང་ཉིད་སྤྱི་བོར་སྒོམཿ འཛད་


JLAZ010_Page_0063
[མ་དཔེ་གཟིགས་ན་འདིར་གནོན།]

མེད་ནམ་མཁའ་མཛོད་ཀྱི་བརྡཿ ཌཱཀྐི་གསང་བའི་བརྡ་གྲོལ་བཞིནཿ བཅས་བཅོས་ཕྲི་བསྣན་མེད་པར་བསྒྱུརཿ ལོ་བདུན་སྤིར་གྱི་ཁ་བཞིན་སྡོམསཿ སྤྲེལ་ལོ་སྤྲེལ་ཟླའི་ཚེས་བཅུ་ལཿ པདྨ་ང་དང་དངོས་ཞལ་མཇལཿ བར་ཆད་སེལ་ཞིང་བྱིན་གྱིས་རློབཿ དེ་ཚེ་ལས་ཅན་དག་པའི་འཁོརཿ ད་ལྟའི་འདུས་པར་བཅས་པ་རྣམསཿ རྒྱ་བོད་དབུས་གཙང་མ་ངེས་པརཿ ལ་ལ་ཆེ་ཚུལ་བླ་དཔོན་གཟུགསཿ ལ་ལ་འཁྲུལ་ཞིག་བྱ་བྲལ་དངཿ ཁ་ཅིག་དམངས་དང་ཐ་ཤལ་ཚུལཿ མ་འགགས་སྤྱོད་པ་ཅིར་ཡང་སྟོནཿ ཀུན་ཀྱང་ལྟེ་སྨེ་སྙིང་མཚན་སྤྲསཿ ལས་ཀྱི་དབང་གིས་འདུད་པ་འབྱུངཿ ཁྱད་པར་ད་ལྟའི་སྨོན་ལམ་མཐུསཿ ནམ་སྙིང་ཉང་བན་མཆོག་དབྱངས་དངཿ ལྷ་སྲས་སྤྲུལ་པས་ཆོས་སྒོ་འབྱེདཿ དེ་ཚེ་གདམས་པ་གསང་ཞིང་སྤེལཿ འོན་ཀྱང་ད་དུས་ཡབ་སྲས་རྣམསཿ ཐུགས་རྒྱུད་མཁའ་ལྟར་དག་ན་ཡངཿ བཙུན་མོའི་བསླུ་བྲིད་གཡོ་རྒྱུ་ཆེཿ སྡིག་བློན་སྣང་བ་འབྲིད་མཁས་པསཿ བདག་ཉིད་ཆེན་པོ་པདྨ་སོགསཿ སྤྲུལ་པའི་ལོ་པན་སྐྱེས་མཆོག་དངཿ ཟབ་མོའི་རྟེན་འབྲེལ་མང་འཕྱུགས་པསཿ ཕྱི་དུས་འགྲོ་དོན་དུས་བབ་ཚེཿ འགལ་རྐྱེན་རྣམ་པ་སྣ་ཚོགས་དངཿ ཁྱད་པར་


JLAZ010_Page_0064
[མ་དཔེ་གཟིགས་ན་འདིར་གནོན།]

བདུད་བློན་དམ་སྲིའི་རིགསཿ རྗེས་འབྲང་རྣམ་འགྱུར་ཅིར་ཡང་རྫུཿ བཀའ་དྲིན་དམ་ཚིག་ཁྱད་དུ་གསོདཿ ཕྲ་མེན་དམར་རྒྱུན་སྤྲེལ་གདོད་མསཿ དང་པོར་གྲགས་སུ་རེ་ནས་འདུདཿ བར་དུ་དམ་ཚིག་ཆུ་ལ་འཕོཿ ཐ་མར་གྱོད་དང་མི་ཁ་གཡོཿ སྔགས་ཀྱི་སྲུང་མས་མ་སྐྱོབ་ནཿ ལོ་བརྒྱའི་ཚེ་ཡང་ཞག་པོར་བསྟུངསཿ ད་ལྟའི་ལས་ཅན་རྣམ་ལྔ་དངཿ ངང་ཚུལ་ཕོ་གྱོང་རྒྱལ་མོ་བཙུནཿ དབྱིངས་ཕྱུག་མཁའ་འགྲོ་ཨེ་ཀ་ཛསཿ ཆོས་སྲིད་རྟེན་འབྲེལ་ལེགས་ཚོགས་སྤེལཿ བཛྲ་རཏྣ་དྷརྨ་དབངཿ ཤྲཱི་ཨཱའ་ཡུར་ཛྙཱ་ནའི་མིངཿ དད་གུས་སྙིང་རྗེ་གཏོང་ཕོད་ཆེཿ རིགས་ལྔའི་གནས་སུ་སྨེ་བ་ཅནཿ དབུས་གཙང་ལྷོ་བྱང་སྟོད་སྨད་ནསཿ ཕོ་མོར་མ་ངེས་རིམ་བཞིན་འབྱུངཿ ཆོས་འདི་ཉམས་ལོངས་བརྒྱུད་པ་འཛིནཿ སོ་བདུན་ཀེག་ལ་གློ་བུར་འཚུབསཿ བཞི་བཅུ་ལོངས་པའི་ལྔ་གསུམ་མཚམསཿ ཕལ་ཆེར་དག་པའི་ཞིང་དུ་འགྲོཿ གཙུག་ལག་གསུམ་ལ་མཆོད་འབུལ་དངཿ སྒྲུབ་གནས་རྣམས་སུ་མེ་ཚོགས་སྐོངཿ རིགས་ལྔ་ཡེ་ཤེས་ཌཱཀྐི་ནིའིཿ བདེ་སྟོང་བཅུད་ལེན་དག་ལ་འབདཿ དམ་འཁོན་གྲིབ་ལ་ཤིན་ཏུ་གཟབསཿ དེ་ཚོ་བཟང་ངན་ཅི་བྱུང་ཡངཿ སུ་དང་ལྟ་སྤྱོད་མ་བསྟུན་པརཿ བློ་གཏད་པདྨ་ང་ལ་གྱིསཿ ཆོས་ཀུན་རྨི་ལམ་སྒྱུ་མར་སྦྱོངསཿ འོད་གསལ་དགོངས་པའི་


JLAZ010_Page_0065
[མ་དཔེ་གཟིགས་ན་འདིར་གནོན།]

བརྟུལ་ཞུགས་བསྐྱེདཿ སྙེམས་འཕྲིགས་སེམས་ལ་ཐོག་བརྫིས་ཐོངཿ གཉན་ས་འགྲིམ་ཞིང་མེ་ཚོགས་དངཿ བསྐང་བཤགས་ཐུགས་དམ་གནད་ལ་གཟིརཿ བར་ཆད་བཟློག་འགྱུར་ཐ་ཚིག་ཡོདཿ རྟེན་འབྲེལ་དམ་ཚིག་མཐུན་གྱུར་ནཿ ལྔ་བཅུའི་བར་དུ་འཚོ་ཡང་སྲིདཿ དེ་བས་རིང་མིན་གདུལ་བྱ་ཡིཿ ཁ་རྗེ་བསོད་ནམས་དག་ལ་རགཿ དམ་ཉམས་ལོག་ལྟ་ཆེ་ན་ཡངཿ སྙན་པས་རྒྱལ་ཁམས་ཕལ་ལ་ཁྱབཿ ཉི་ཤར་སྦར་མོས་མི་ཁེབས་བཞིནཿ དུས་མཐར་རང་འོད་ལྷག་པར་གསལཿ བསྟན་པ་མཐའ་ནས་རྒྱས་པ་འབྱུངཿ གལ་ཏེ་ལུང་བསྟན་སྐྱེས་བུ་ཡངཿ མ་དག་བདུད་ཀྱིས་བློ་བསྒྱུར་ནསཿ ཟས་ནོར་ཆེད་དུ་དམ་ཚིག་གཏོངཿ མདུན་ནས་བཅོས་མའི་མོས་གུས་འབརཿ རྒྱབ་ནས་ལོག་ལྟའི་རྔ་བརྡུང་ནཿ གྱོ་མོའི་ཁྲོད་ན་ནོར་བུ་བཞིནཿ མ་ཚོགས་མཁའ་འགྲོ་ཡིད་ཕམ་ནསཿ འཇའ་ཚོན་དར་གྱི་ལམ་པོ་ལཿ ཁྱོད་ཉིད་དྲངས་ཏེ་བཞགས་ཐབས་མེདཿ སྐྱེ་འཆི་རྨི་ལམ་སྒྱུ་མ་ཙམཿ ཐེ་ཚོམ་ཡིད་གཉིས་མེད་པ་རུཿ རྔ་ཡབ་དཔལ་གྱི་རི་བོར་ཤོགཿ ཕ་བུ་འཕྲད་པའི་དགའ་སྟོན་སྐྱོངཿ ས་མ་ཡཿ ཞེས་གསུངས་ཡེ་ཤེས་མཚོ་རྒྱལ་མསཿ ཆོས་སྐུ་བྱང་ཆུབ་སེམས་ཀྱི་རྟེནཿ རང་བྱུང་ཤོག་སེར་ལྔ་ལྡན་ནངཿ མི་བརྗེད་


JLAZ010_Page_0066
[མ་དཔེ་གཟིགས་ན་འདིར་གནོན།]

གཟུངས་ཀྱི་བརྡ་རིས་བཀོདཿ འོད་གསལ་སྙིང་མཛོད་སྒྲོམ་དུ་སྩལཿ སྨོན་ལམ་དབང་བསྐུར་རྒྱ་ཡིས་བཏབཿ ནམ་ཞིག་སྨོན་ལམ་དུས་བབ་ཚེཿ ཡེ་ཤེས་དབྱིངས་ཀྱི་མཁའ་འགྲོ་མསཿ བག་ཆགས་སད་པའི་ཆ་རྐྱེན་དུཿ ཀློང་བྱང་བརྡ་རིས་ལག་ཏུ་སྤྲོདཿ རྒྱུ་རྐྱེན་རྟེན་འབྲེལ་མ་འཛོམ་པརཿ གཏན་ལ་ཕབ་ཀྱང་བར་ཆད་རྒྱུཿ བརྡ་འགྲོལ་ལུང་གིས་བསྐུལ་བའི་ཚེཿ མཁའ་འགྲོ་ཚོགས་ཀྱིས་མཉེས་བྱས་ནསཿ གཞོམ་མེད་རྡོ་རྗེའི་དབྱངས་སུ་བསྒྱུརཿ ས་མ་ཡཿ རྒྱ་རྒྱ་རྒྱཿ གསང་རྒྱཿ གར་དབང་འཇིགས་མེད་གླིང་པས་མཁའ་འགྲོ་གསང་བའི་བརྡ་རིས་ནས་ཞལ་བཤུས་པ་བསྟན་དུ་མེད་པའི་སྙིང་བྱང་ཡིད་བཞིན་ནོར་བུའོ།། །།

ཀློང་ཆེན་སྙིང་གི་ཐིག་ལེ་ལསཿ རིག་འཛིན་རྩ་རྒྱུད་ཐོད་པའི་དུམ་བུ།


JLAZ010_Page_0067
[མ་དཔེ་གཟིགས་ན་འདིར་གནོན།]

འུྃཿ ཀློང་ཆེན་སྙིང་གི་ཐིག་ལེ་ལསཿ རིག་འཛིན་རྩ་རྒྱུད་ཐོད་པའི་དུམ་བུ་བཞུགསཿ ཨོཾ་ཨཱཿཧཱུྃ་མ་ཧཱ་གུ་རུ་སརྦ་ཧེ་རུ་ཀཿ རིག་འཛིན་གྱི་རྩ་རྒྱུད་ཐོད་པའི་དུམ་བུ་ཞེས་བྱ་བཿ དཔལ་ཧེ་རུ་ཀ་ལ་ཕྱག་འཚལ་ལོཿ རྒྱུད་ཅེས་བྱ་བ་རྒྱུན་ཆགས་ཏེཿ རྒྱུ་ཡིས་མ་བསྐྱེད་རྐྱེན་ལས་གྲོལཿ རིག་པ་བདེ་གཤེགས་སྙིང་པོའི་རྒྱུདཿ སྤྲོས་པ་རྣམ་དག་ངོ་བོ་ཉིདཿ མ་བཅོས་མ་བསླད་དེ་བཞིན་གཤེགསཿ དེ་ཉིད་མངོན་དུ་བྱ་བའི་ཐབསཿ ལམ་གྱི་རྒྱུད་ནི་མཐའ་ཡས་ཀྱངཿ ཐབས་ལ་བརྟེན་པ་ཕ་ཡི་རྒྱུདཿ ཤེས་རབ་གཙོར་སྟོན་མ་ཡི་རྒྱུདཿ ཆ་མཉམ་གཉིས་མེད་ཟུང་འཇུག་རྒྱུདཿ རྟག་ཆད་ལས་གྲོལ་ལྟ་བ་དངཿ ཡུལ་དུས་འབྲེལ་པའི་སྤྱོད་པ་དངཿ དཀྱིལ་འཁོར་ཕྱག་རྒྱ་གསལ་རྫོགས་དངཿ ཕྲིན་ལས་བཞི་ཡི་མཐའ་སྒྱུར་དངཿ འཇུག་སྒོ་དབང་གི་བྱེ་བྲག་དངཿ དེ་ཡི་སྲོག་འཛིན་དམ་ཚིག་དངཿ ལྷ་ཡི་སྙིང་པོ་གསང་སྔགས་དངཿ བདེན་པའི་མཐུ་ཅན་ཕྱག་རྒྱ་དངཿ ལྷ་དང་སྙིང་ཉེར་བསྙེན་པ་དངཿ ཚོམ་བུ་ཚོགས་ཀྱི་སྒྲུབ་པ་དངཿ བསོད་ནམས་ཚོགས་སྤེལ་མཆོད་པ་སྟེཿ རྒྱུད་ཀྱི་དངོས་པོ་བཅུ་གཅིག་ནིཿ མདོ་ཆིངས་ཡིན་པར་མཁས་པས་བཟུངཿ དེ་ཡང་རྒྱུད་ལུང་མན་ངག་གིཿ ཁྱད་པར་འདི་ནི་ཤེས་བྱ་སྟེཿ


JLAZ010_Page_0068
[མ་དཔེ་གཟིགས་ན་འདིར་གནོན།]

སྟོན་པས་བཀའ་སྩལ་རྒྱུད་ཡིན་ལཿ ཞུ་བ་པོ་ཡིས་བསྡུས་པ་ལུངཿ དེ་ལ་གཅུས་དང་དཀྲུགས་དང་གབཿ ཇི་བཞིན་གསལ་བ་མན་ངག་སྟེཿ དབྱེ་ན་ངོ་བོ་ངེས་ཚིག་དངཿ རྣམ་གྲངས་གསུམ་གྱིས་སྟོན་པ་ཡིཿ ངོ་བོ་ཆོས་ཉིད་མ་འཁྲུལ་བཿ ངེས་ཚིག་ཐེ་ཚོམ་བྲལ་བ་སྟེཿ རྣམ་གྲངས་ཤེས་དང་ཉམས་སུ་བླངཿ འཁྲུགས་པ་སྡེབ་པ་རྣམ་གསུམ་མོཿ དེ་ཡང་དྲང་དོན་བསྐྱེད་རིམ་དངཿ ངེས་དོན་རྫོགས་རིམ་དགོངས་པ་ཅནཿ བརྗོད་བྱས་ལྡོག་པའི་དོན་སྟོན་ཅིངཿ དགོངས་མིན་དེ་ལས་ལྡོག་པའོཿ དེ་བཞིན་གབ་དང་མ་གབ་པཿ སྒྲ་ཇི་བཞིན་དང་མ་ཡིན་ཏེཿ མཐའ་དྲུག་གནད་ཀྱི་མན་ངག་གོཿ ཁྱད་པར་ཡིག་དོན་སྤྱི་དོན་གཉིསཿ སྦས་པའི་དོན་དང་མཐར་ཐུག་སྟེཿ ཚུལ་བཞིའི་མན་ངག་ལ་བརྟེན་ནསཿ རྒྱུ་རྒྱལ་ཟབ་མོའི་དོན་ལ་སྤྱོདཿ འབྲས་བུའི་རྒྱུད་ནི་ངོ་བོའི་ཆོསཿ སྣ་ཚོགས་དག་བྱའི་སྒྲིབ་པ་གངཿ ལམ་གྱི་བདེན་པ་ཚོགས་གཉིས་མཐུསཿ མངོན་དུ་གསལ་ནས་སྐུ་གསུང་ཐུགསཿ ཡེ་ཤེས་རྡོ་རྗེའི་རང་བཞིན་དུཿ མངོན་པར་བྱང་ཆུབ་ངོ་བོ་ཉིདཿ ཚིག་དང་དཔེ་ལས་འདས་པའོཿ དེ་དག་གསལ་བར་བྱེད་པ་ནིཿ རང་སྣང་ཉིད་ལས་རང་གིས་སྤྱོདཿ སྟོན་བྱེད་གཙོ་


JLAZ010_Page_0069
[མ་དཔེ་གཟིགས་ན་འདིར་གནོན།]

དང་སྡུད་བྱེད་འཁོརཿ བསྒྲུབ་བྱའི་ཆོས་དང་སྒྲུབ་བྱེད་ཀུནཿ རང་ལས་ལོགས་སུ་མ་ཡིན་ཏེཿ ཡེ་ཤེས་ལྟར་དུ་ཀློང་དགུའི་རྩལཿ ཡི་དམ་ལྟར་དུ་སྒྲུབ་སྡེ་བརྒྱདཿ བྱང་སེམས་ལྟར་དུ་ཉེ་བའི་སྲསཿ རིག་འཛིན་ལྟར་དུ་འདི་ལྟ་སྟེཿ ཨོ་རྒྱན་རང་བྱུང་མཁའ་འགྲོའི་གླིངཿ རོ་གླིང་བསིལ་བའི་ཚལ་ཆེན་དུཿ གདན་འཛོམས་གདུལ་བྱ་དུས་བབས་ཚེཿ འོག་མིན་གནས་སུ་ཧེ་རུ་ཀསཿ ལེགས་གསུངས་བདེ་གཤེགས་ཡོངས་རྫོགས་རྒྱུདཿ མཆོད་རྟེན་བདེ་བྱེད་བརྩེགས་པ་རུཿ སྩལ་པ་ལས་ཀྱི་དབང་མོ་ཆེསཿ ཕྱུངས་ཏེ་རིག་འཛིན་བརྒྱད་ལ་གཏདཿ ཟ་ཧོར་ཡུལ་དུ་སྐུ་འཁྲུངས་པའིཿ དྲི་མེད་ཆོས་ཀྱི་བཤེས་གཉེན་ལཿ ཆེ་མཆོག་བདུད་རྩིའི་སྒྲོམ་བུ་གཏདཿ མ་ལ་ཡར་འཁྲུངས་བྲམ་ཟེའི་བུཿ མི་ཏྲ་མཉྫུ་ཤྲཱི་ལཿ སྐུ་མཆོག་འཇམ་དཔལ་སྒྲོམ་བུ་གཏདཿ བཻ་ཏའི་ཡུལ་འཁྲུངས་བྲམ་ཟེའི་རིགསཿ བློ་ཆེན་ནཱ་ག་རྫུ་ན་ལཿ གསུང་མཆོག་པདྨའི་སྒྲོམ་བུ་གཏདཿ སིང་ག་ལ་ཡི་ནགས་གླིང་དུཿ འཁྲུངས་པའི་ཧཱུྃ་ཆེན་ཀཱ་ར་ལཿ ཐུགས་མཆོག་ཡང་དག་སྒྲོམ་བུ་གཏདཿ ཨོ་རྒྱན་ཐོར་ཅོག་ཅན་གྱི་ཡུལཿ འཁྲུངས་པའི་པྲ་བྷ་ཧསྟི་ལཿ ཕྲིན་ལས་ཕུར་པའི་སྒྲོམ་བུ་གཏདཿ ཐོ་གར་


JLAZ010_Page_0070
[མ་དཔེ་གཟིགས་ན་འདིར་གནོན།]

ཡུལ་དུ་སྐུ་འཁྲུངས་པའིཿ དྷ་ན་སཾ་སྐྲྀ་ཞེས་བྱ་བརཿ ཁྲག་འཐུང་མངོན་རྫོགས་སྒྲོམ་བུ་གཏདཿ མཁའ་འགྲོའི་གླིང་དུ་སྐུ་འཁྲུངས་པའིཿ ལྷ་ཡི་ཟླ་བ་ཞེས་བྱ་ལཿ མཆོད་སྟོད་དྲེགས་པའི་སྒྲོམ་བུ་གཏདཿ མཚོ་གླིང་ཚལ་དུ་སྐུ་འཁྲུངས་པའིཿ ཞི་བའི་སྙིང་པོ་ཞེས་བྱ་བརཿ དྲག་སྔགས་དམོད་པའི་སྒྲོམ་བུ་གཏདཿ ཀུན་ཀྱང་རང་རྒྱུད་མ་ཡིན་ཏེཿ ལྷ་དང་བཀའ་བབས་ལྟར་བསྟན་ཡངཿ བསྒྲུབ་བྱ་སྒྲུབ་བྱེད་རོ་གཅིག་སྟེཿ གདུལ་བྱའི་ངོ་རུ་སྣང་བ་ཙམཿ དེ་བཞིན་ཡོངས་རྫོགས་རིན་ཆེན་སྒྲོམཿ དྷ་ན་ཀོ་ཤའི་མཚོ་གླིང་དུཿ རྫུས་ཏེ་བྱོན་པའི་རིག་འཛིན་ལཿ ལས་ཀྱི་དབང་མོ་ཆེ་ཡིས་གཏདཿ འདི་ནི་རིག་འཛིན་རྡོ་རྗེ་ཆོསཿ སྟོན་པ་རང་ཉིད་སྡུད་བྱེད་ཀྱིཿ ཚུལ་བཟུང་ཟབ་མོའི་གསང་བ་འཛིནཿ གཙོ་དང་འཁོར་གྱི་ཚོམ་བུའི་ཚུལཿ ལྟར་དུ་བསྟན་པའི་མན་ངག་བཅུདཿ གསང་སྔགས་ཀུན་ཀྱི་འབྲས་བུ་སྟེཿ མངའ་བདག་རྒྱལ་པོའི་ཆོས་སྐལ་ཡིནཿ ཁྱོད་ཉིད་དག་དང་མ་དག་གིཿ སྲིད་པའི་རྣམ་རོལ་བཅུ་གསུམ་གྱིཿ སྐྱེ་བའི་མཐའ་བཅད་ཐུགས་རྗེའི་སྤྲུལཿ ཉི་ཤུ་རྩ་གཅིག་ལ་སོགས་པཿ གྲངས་ཅན་གྲངས་མེད་འགྱེད་པའི་དུསཿ རང་རྒྱུད་སྤས་ཚུལ་ལྟར་བཞུགས་པའིཿ གསུང་སྤྲུལ་བདུན་གྱི་གཅིག་


JLAZ010_Page_0071
[མ་དཔེ་གཟིགས་ན་འདིར་གནོན།]

ཤོས་ལཿ སྨོན་ལམ་གཏད་རྒྱའི་དབང་བསྐུར་བསཿ ནམ་ཞིག་འགྲོ་དོན་དུས་བབ་ཚེཿ རིག་འཛིན་ཁྱོད་ཀྱིས་བལྟར་ཡོད་ལཿ ཕལ་གྱིས་བཟུང་དུ་མེད་པ་ཡིཿ མཁའ་འགྲོའི་ཡི་གེ་རྫུ་འཕྲུལ་ཅནཿ སྐུ་གདུང་འབར་བའི་བརྡ་རིས་འདིཿ དབྱིངས་ཀྱི་མཁའ་འགྲོས་སྤྲད་པའི་མོདཿ སོ་སོ་ཡང་དག་རིག་པ་བཞིཿ དག་པ་ཆེན་པོའི་བརྟུལ་ཞུགས་ལཿ དབང་སྒྱུར་ཆོས་ཀྱི་གཏེར་ལ་དབངཿ འདི་མེད་བློ་ཡིས་བྱས་པའི་ཆོསཿ ཟབ་མོའི་གཏེར་དུ་ཁུངས་འཕྱིན་ཅིངཿ རྫས་གསབ་སྙན་གྱི་རི་མོ་ཡིཿ པདྨའི་ཆོས་ལ་ཡ་ག་འབོདཿ དེ་ཚེ་རྨོངས་པས་བརྟགས་དཀའ་ཡངཿ མཁས་པས་རང་བཞིན་ཤེས་པ་ཡིཿ གར་གྱི་དབང་ཕྱུག་འཇིགས་མེད་གླིངཿ འབྲེལ་ཚད་དོན་དང་ལྡན་པར་ཤོགཿ ས་མ་ཡཿ རྒྱ་རྒྱ་རྒྱཿ གུ་ཧྱཿ དྷ་ཐིམཿ

ཀློང་ཆེན་སྙིང་གི་ཐིག་ལེ་ལསཿ རྩ་དབང་རྒྱལ་ཐབས་སྤྱི་བླུགས།


JLAZ010_Page_0073
[མ་དཔེ་གཟིགས་ན་འདིར་གནོན།]

༂ ཀློང་ཆེན་སྙིང་གི་ཐིག་ལེ་ལསཿ རྩ་དབང་རྒྱལ་ཐབས་སྤྱི་བླུགས་བཞུགསཿ ནང་ནུས་པ་འཇུག་པའི་དབང་ངོ་། །


JLAZ010_Page_0074
[མ་དཔེ་གཟིགས་ན་འདིར་གནོན།]

རང་རིག་དོན་གྱི་ལྷ་ལ་འདུདཿ གསང་ཆེན་རྡོ་རྗེ་ཐེག་པ་ནིཿ འཇུག་སྒོ་དབང་ལ་དམ་ཚིག་སྲོགཿ རང་བཞིན་གནས་ལུགས་བརྗོད་བྲལ་ཏེཿ དེ་ཕྱིར་སྐལ་བ་མཆོག་ལྡན་གྱིཿ སློབ་མ་རྗེས་སུ་བཟུང་བའི་ཕྱིརཿ རྩ་དབང་རྒྱལ་ཐབས་སྤྱི་བླུགས་བསྟནཿ ས་མ་ཡཿ དབེན་ཞིང་ཉམས་དགའི་གནས་མཆོག་ཏུཿ དཀྱིལ་འཁོར་བཅའ་གཞི་ལེགས་པར་བསྒྲིགསཿ དབུས་སུ་རཏྣའི་བུམ་པ་ལཿ ཁ་རྒྱན་མགུལ་ཆིངས་བཅུད་ཀྱིས་གཏམསཿ གཡས་སུ་རང་གཞུང་པོ་ཏི་དངཿ གཡོན་དུ་གསང་རྫས་བྷཉྫ་འགོདཿ སྟེང་དུ་མེ་ལོང་སིནྡྷུར་བཅསཿ རྡོ་རྗེ་སེམས་དཔའི་མེ་ལོང་དངཿ རིག་ཙཀ་རྣམས་ལ་ལྡིང་གུར་ཕུབཿ བགེགས་བསྐྲད་རིག་འཛིན་འདུས་པ་ཡིཿ ལས་གཞུང་བསྲང་ཞིང་ནུས་ལྡན་སབཿ ཏིང་ངེ་འཛིན་གྱིས་བདག་འཇུག་བླངཿ དེ་ནས་སློབ་མ་གྲལ་ལ་འཁོདཿ ལས་བུམ་ཆུས་བཀྲུས་བགེགས་གནས་དབྱུངཿ སྲུང་འཁོར་བསྒོམ་ཞིང་ལོ་རྒྱུས་བཤདཿ མཎྜལ་འབུམ་ཞིང་གསོལ་བ་གདབཿ ཧོཿ བདག་ནི་སྐལ་ལྡན་རིགས་ཀྱི་བུཿ ཐུགས་རྗེ་ཆེན་པོས་རྗེས་བཟུང་ལཿ དམ་ཚིག་ཆེན་པོའི་དཀྱིལ་འཁོར་དུཿ འཇུག་ཅིང་སྨིན་པར་མཛད་དུ་གསོལཿ ཚར་གསུམ་ཞུ་ཞིང་ལན་སྦྱིན་པཿ ཧོཿ གསང་བ་མཆོག་གི་དཀྱིལ་འཁོར་འདིརཿ འཇུག་པར་དཀའ་ལ་ཁེ་ཉེན་ཆེཿ དམ་ཚིག་ཉམས་ན་བརླག་འགྱུར་པསཿ དམ་


JLAZ010_Page_0075
[མ་དཔེ་གཟིགས་ན་འདིར་གནོན།]

བསྲུང་དབང་བསྐུར་སྦྱིན་པར་བྱཿ ཞེས་བསྒྲག་སྐྱབས་སེམས་སྡོམ་པ་འབོགཿ ཡན་ལག་བདུན་པས་ཚོགས་བསགས་བྱཿ དེས་ནི་དབང་གི་གཞི་རྟེན་འགྱུརཿ དེ་རྗེས་སློབ་བུ་ལྟར་བསྐྱེད་ནསཿ ཡེ་ཤེས་དབབ་ལ་ནན་ཏན་བྱཿ ཏིཥྛ་བཛྲས་རྒྱས་གདབ་ལཿ བུམ་པ་སྤྱི་བོའི་གཙུག་ཏུ་བསྐུརཿ ཧཱུྃ་བཀྲ་ཤིས་བུམ་པ་ལྷའི་གཞལ་ཡསཿ ལྷ་དང་གཉིས་མེད་བདུད་རྩིའི་ཆུསཿ སྐལ་ལྡན་བུ་ལ་དབང་བསྐུར་བསཿ སྣང་ཞེན་ལྷ་སྐུའི་ཕྱག་རྒྱར་རྫོགསཿ རྣམ་སྨིན་རིགས་འཛིན་ཉེར་ཐོབ་ཅིངཿ ཀུན་ཏུ་འོད་ཀྱིས་ས་ནོན་ཤོགཿ རྩ་སྔགས་དང་ཀཱ་ཡ་ཨབྷི་ཥིཉྩ་ཨོཾཿ གསང་རྫས་བདེ་སྐྱོང་མགྲིན་པར་བཞགཿ ཧཱུྃཿ ཡབ་ཡུམ་སྦྱོར་པའི་བྱང་ཆུབ་སེམསཿ དཀར་དམར་བྷན་དྷའི་ནང་དུ་བསྐྱིལཿ སྐལ་ལྡན་བུ་ལ་དབང་བསྐུར་བསཿ རྩ་ཁམས་ཡི་གེའི་རྣམ་པར་སྨིནཿ ཚེ་ལ་དབང་པའི་རིག་འཛིན་ཐོབཿ པདྨ་ཅན་གྱི་ས་ནོན་ཤོགཿ རྩ་སྔགས་དང་ཝཱཀྐ་ཨ་བྷི་ཥིཉྩ་ཨཱཿ མཚན་ལྡན་གཟུངས་མ་ལག་ཏུ་གཏདཿ ཧཱུྃཿ ཆོས་རྣམས་ཀུན་ཀྱི་འབྱུང་གནས་ཏེཿ བདེ་བ་ཆེན་པོ་གསང་བའི་ཡུམཿ རིགས་ཀྱི་བུ་ལ་སྦྱིན་པ་ཡིསཿ དགའ་བཞིའི་ཡེ་ཤེས་མངོན་དུ་གྱུརཿ ཕྱག་རྒྱ་ཆེན་པོའི་རིགས་འཛིན་ཐོབཿ འཁོར་ལོ་ཚོགས་ཆེན་ས་ནོན་ཤོགཿ རྩ་སྔགས་དང་ཙིཏྟ་ཨ་བྷི་


JLAZ010_Page_0076
[མ་དཔེ་གཟིགས་ན་འདིར་གནོན།]

ཥིཉྩ་ཧཱུྃཿ འཁར་བའི་མེ་ལོང་ཟླུམ་པོའི་སྟེངཿ རྡོ་རྗེ་སེམས་དཔའི་མེ་ལོང་བསྟནཿ ཧོཿ ཀ་དག་མེ་ལོང་གཙང་མའི་ངོགསཿ ལྷུན་གྲུབ་དྭངས་ཤེལ་དྲི་མེད་གསལཿ བརྡ་རྟགས་རྫོགས་པའི་དབང་བསྐུར་བསཿ དྲི་མེད་རིག་པའི་གནས་ལུགས་རྟོགསཿ ལྷུན་འགྲུབ་རིགས་འཛིན་ཉེར་ཐོབ་ནསཿ བདེ་བ་ཆེན་པོའི་ས་ནོན་ཤོགཿ རྩ་སྔགས་དང་དྷརྨཱའ་དྷཱརྟུ་ཨ་བྟི་ཥིཉྩ་ཧཱུྃཿ གནས་ལུགས་དོན་གྱི་ངོ་སྤྲོད་གདབཿ མཐའ་བྲལ་ངང་དུ་མཉམ་པར་བཞགཿ ཕཊ་ཅེས་བརྗོད་ལ་སོགས་རིག་དབྱེཿ ཨཱཿཞེས་བརྗོད་ལ་དོན་ངོ་སྤྲོདཿ དེ་ནས་གླེགས་བམ་བཀའ་གཏད་བྱཿ ཧོཿ ཆོས་སྐུ་ཀུན་ཏུ་བཟང་པོཿ ལོངས་སྐུ་རྒྱལ་བ་རིགས་ལྔཿ སྤྲུལ་སྐུུ་དགའ་བར་རྡོ་རྗེཿ སློབ་དཔོན་འཇམ་དཔལ་བཤེས་གཉེནཿ རིག་འཛིན་ཤྲཱི་སིངྷཿ པཎ་ཆེན་བི་མ་ལ་མི་ཏྲཿ ཨོ་རྒྱན་པདྨ་ཐོད་ཕྲེངཿ མཁའ་འགྲོ་ཡེ་ཤེས་འཚོ་རྒྱལཿ མངའ་བདག་ཁྲི་སྲོང་ལྡེའུ་བཙནཿ རྒྱལ་སྲས་དྲི་མེད་འོད་ཟེརཿ ཀློང་ཆེན་ནམ་མཁའི་རྣལ་འབྱོར་ལ་སོགས་རང་བཞིན་རྫོགས་པ་ཆེན་པོའི་རྩ་བ་དང་བརྒྱུད་པར་བཅས་པའི་དཔལ་མགོན་རིག་འཛིན་བླ་མཿ ཡི་དམ་མཁའ་འགྲོ་རྒྱ་མཚོཿ ཆོས་སྲུང་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱིསཿ དེང་འདིར་རྡོ་རྗེའི་སློབ་མ་རྣམས་ལ་དབང་བསྐུར་དུ་གསོལཿ བྱིན་


JLAZ010_Page_0077
[མ་དཔེ་གཟིགས་ན་འདིར་གནོན།]

གྱིས་བརླབ་ཏུ་གསོལཿ རྟོགས་པ་སྤར་དུ་གསོལཿ བརྟུལ་ཞུགས་བསྐྱེད་དུ་གསོལཿ བྱ་རྩོལ་བློ་འདས་རྫོགས་པ་ཆེན་པོའི་ཀློང་དུ་དགོངས་པའི་བཙན་ས་ཟིན་ཏེ་ཚེ་གཅིག་ལུས་གཅིག་ལ་འཇའ་ལུས་འཕོ་བ་ཆེན་པོའི་སྐུ་མཆོག་བརྙེས་ནས་དཔལ་ཀུན་ཏུ་བཟང་པོའི་གོ་འཕང་ལ་འགོད་པར་མཛད་དུ་གསོལཿ ལན་གསུམ་བརྗོད་ཅིང་དོན་བརྒྱུད་འཕོཿ ཤེས་པ་གཏད་མེད་ངང་ལ་གཞགཿ དེ་ནས་དམ་ཚིག་བསྒོ་བ་ནིཿ རྣམ་དབྱེ་བཤད་ལ་རྗེས་ཟློས་བྱཿ རྩ་བ་སྐུ་གསུང་ཐུགས་མཆོག་དངཿ ཡན་ལག་དམ་ཚིག་ཉི་ཤུ་ལྔཿ མེད་དང་གཅིག་པུ་ཕྱལ་བ་སོགསཿ ཆོ་ག་བཞིན་དུ་བསྲུང་བར་བགྱིཿ ཞེས་བརྗོད་གཏང་རག་མཎྜལ་འབུལཿ སླར་ཡང་བྲན་དུ་ཁས་བླང་ཕྱིརཿ གཙོ་བོས་ཇི་ལྟར་བཀའ་སྩལ་པཿ དེ་དག་ཐམས་ཅད་བདག་གིས་བགྱིཿ ལན་གསུམ་བརྗོད་ཅིང་དགེ་བ་བསྔོཿ རྗེས་གྱི་བྱ་བ་སྤྱི་དང་མཐུནཿ ས་མ་ཡཿ འདི་ཁོ་ནའོཿ

ཀློང་ཆེན་སྙིང་ཐིག་གི་དབང་གི་སྤྱི་དོན་སྙིང་པོ།


JLAZ010_Page_0079
[མ་དཔེ་གཟིགས་ན་འདིར་གནོན།]

ཀློང་ཆེན་སྙིང་ཐིག་གི་དབང་གི་སྤྱི་དོན་སྙིང་པོ་དོན་གསལ་ནང་ལྟར། ཞི་ཁྲོའི་ལྷ་དབང་ཨ་ལ་ལ་ཧོ་ཕྱག་འཚལ་ལྟར་ཁ་བསྒྱུར་སོ་སོའི་སྔགས་སྦྱར་དགོས། བཀའ་བརྒྱད་ལྷ་དབང་གི་སྤྱི་དོན་ནང་ལྟར། །ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་དབང་དེ་གའི་བདག་འཇུག་ལྟར་བསྐུར་ན་བདེ་ཡོང་། །ཕྱི་སྒྲུབ་བླ་མའི་རྣལ་འབྱོར། །བླ་མཆོད་ནང་སྒྲུབ་རིག་འཛིན་འདུས་པ། །ཡང་གསང་བླ་སྒྲུབ་བཅས་ལ་རིག་འཛིན་ཀྱི་རྩལ་དབང་ཐོབ་པས་ཉམས་ལེན་བྱེད་ཆོག །གཤིང་རྗེ་ལ་སྟ་གོན་མི་དགོས་ཤིང་དབང་གོང་མ་གསུམ་ཡང་མི་དགོས། །གཞན་ཕུར་པ་ཡང་དག་རྟ་མཆོག་རོལ་པ་བཅས་ལ་སྟ་གོན་ས་ཆོག་སོགས་དབང་གོང་མ་རྣམས་སྤྱི་དོན་སྙིང་པོ་དོན་གསལ་ལྟར་བསྐུར་དགོས། །ཡུམ་ཀའི་བུམ་དབང་དང་གསང་དབང་བཅས་ལ་ཐོད་ཆང་རང་གི་ཡོང་ཞིང་དབང་རྫས་ཐོག་ཆར༴ མེ་ལོ༴ རྡོལ་དྲིལ་བཅས་དགོས་གཞུང་ལྟར་བྱ། །མཁའ་འགྲོ་བདེ་ཆེན་རྒྱལ་མོའི་དཀྱིལ་འཁོར་དབུས་ཟླ་གམ་སྒོ་གཅིག་རྟ་བབས་མེད་དེའི་ཕྱིར་པདྨ་འོད་འཕྲེང་རྡོ་རྭ་པཊ་བྲི། དབུས་ཀྱི་མཁའ་འགྲོའི་སྐུ་བྲིས་ཤིང་། །མ་བྲིས་ཚེ་ཆོས་འབྱུང་དམར་པོ་ལྷ་མཚན་ཅན། །སོ་སོའི་


JLAZ010_Page_0080
[མ་དཔེ་གཟིགས་ན་འདིར་གནོན།]

སྲོག་སྒྲུབ་བཀའ་འདུས་རྒྱ་མཚོ་ཡིན་ཅིང་སྟོད་ལས་སྨད་ལས་ཚོགས་ནས་བཀྲ་ཤིས་བར་རིག་འཛིན་ཐུགས་སྒྲུབ་རང་ནས་ལེན་དགོས། ཕུར་པ་རྒྱུད་ལུགས་ཀྱི་དབང་ཆེན་མ་གྲུབ་སྐབས་དག་འཇུག་ལྟར་བསྐུར་ན་དེ་རང་གི་ངེས་པ་ཆོག རང་བྱུང་རྡོ་རྗེའི་ཕྱག་བྲིས་ལས་བཤུས་སོ།

ཀློང་ཆེན་སྙིང་གི་ཐིག་ལེ་ལས། དབང་གི་སྤྱི་དོན་སྙིང་པོ་དོན་གསལ།


JLAZ010_Page_0081
[མ་དཔེ་གཟིགས་ན་འདིར་གནོན།]

ཀློང་ཆེན་སྙིང་གི་ཐིག་ལེ་ལས། དབང་གི་སྤྱི་དོན་སྙིང་པོ་དོན་གསལ་བཞུགས། །


JLAZ010_Page_0082
[མ་དཔེ་གཟིགས་ན་འདིར་གནོན།]

དབང་གི་སྤྱི་དོན་སྙིང་པོ་དོན་གསལ་ཞེས་བྱ་བ། དྲི༵་མེ༵ད་སངས་རྒྱས་ཀུན་ཀྱི་ཡེ་ཤེས་ནི། །ཀུན་འབྱུང་ཁམས་ལས་གྲོལ་བའི་འོ༵ད་ཟེ༵ར་ཅན། ། གྲ༵གས་ཆེ༵ན་ཞིང་ཁམས་རྒྱ་མཚོའི་སྟོན༵་པ༵་རུ། །མངའ་དབང་རྫོགས་པ་བཅུ་གཉིས༷་སྤྱི་བོས་བསྙེན། །སློབ་མ་རྗེས་སུ་འཛིན་པའི་ཆོ་ག་འདིས་དབང་ཐམས་ཅད་ཀྱི་ཁོག་དབུབ་པར་བྱ་སྟེ། དེ་ལ་སྔོན་འགྲོ། དངོས་གཞི། རྗེས་སོ། །དང་པོ་ལ་བཞི། ས་ཆོག་ཐིག་ལེས། སྟ་གོན། རེ་ཁཱ་འབྱེད་པའོ། །དང་པོ་ས་ཆོག་ནི། གཞི་དེར་མཎྜལ་ཟླུམ་པོ་ཁྲུ་གང་བ། བ་བྱུང་དང་དྲིས་བྱུགས་པར་མེ་ཏོག་གི་ཚོམ་བུ་བཀོད། དེའི་མདུན་དུ་ཆུ་གཅིག་སྔོན་དུ་འགྲོ་བའི་མཆོད་པ་ལྔ། སའི་ལྷ་མོ་དང༌། གཉུག་མར་གནས་པ་སོ་སོ་ལ་གཏོར་མ་རེ་བཤམ། བདག་གི་རྣལ་འབྱོར་དང་ལྡན་པས་བསང་སྤྱངས། འབྲུ་གསུམ་གྱི་བྱིན་གྱིས་བརླབས། སེ་གོལ་


JLAZ010_Page_0083
[མ་དཔེ་གཟིགས་ན་འདིར་གནོན།]

གཏོགས་པ་དང་བཅས། པྲི་ཐཱི་དྷི་ཝཱི་ས་མཱ་ཛཿ ཞེས་བརྗོད་པས་སའི་ལྷ་མོ་སེར་མོ་བུམ་པ་འཛིན་པ་དོ་ཤལ་དང་རྐང་གདུབ་ཀྱི་སྒྲ་སྒྲོགས་པ་ས་བདག་ཀླུ་གཉན་གྱི་འཁོར་དང་བཅས་པ་སྤྱན་དྲངས། ཨོཾ་པྲི་ཐཱི་དྷི་ཝཱི་ཨརྒྷཾ། པུཥྤེ་སོགས་ཀྱིས་མཆོད། སྐྱོབ་པས་སངས་རྒྱས་ཐམས་ཅད་ཀྱིས། །སྤྱོད་པའི་ཚུལ་དང་ཁྱད་པར་དང༌། །ས་དང་ཕ་རོལ་ཕྱིན་རྣམས་ལ། ལྷ་མོ་ཁྱོད་ནི་དཔང་དུ་གྱུར། །ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་བྲི། །བདག་རྡོ་རྗེ་འཛིན་པས་སེམས་ཅན་ཐམས་ཅད་ཀྱི་དོན་དུ་ས་ཕྱོགས་འདིར་དཀྱིལ་འཁོར་ཆེན་པོ་བཞེང་གིས། སའི་ཕྱོགས་འདི་བདག་ལ་


JLAZ010_Page_0084
[མ་དཔེ་གཟིགས་ན་འདིར་གནོན།]

གནང་བར་མཛོད་ཅིག །ཅེས་བརྗོད་པས། དེས་ཀྱང་རིག་པ་འཛིན་པ་ཁྱོད་ཅི་དགའ་བར་བྱོས་ཤིག །ཅེས་གནང་བ་བྱིན་པར་བསམ། གཉུག་མར་གནས་པ་ལ་ཨ་ཀཱ་རོ་མུ་སོགས་ལན་གསུམ་གྱིས་བསྔོས་ལ། གང་དག་འདིར་གནས་ལྷ་དང་ཀླུ། །གནོད་སྦྱིན་སྲིན་པོ་གཞན་དག་ལ། །ས་འདི་བདག་གིས་བསླང་བར་བགྱི། །དཀྱིལ་འཁོར་དོན་དུ་སྩལ་དུ་གསོལ། །ཅེས་དང་སྤྲོ་ན། མཆོད་སྦྱིན་གཏོར་མ་འདི་བཞེས་ལ། །སོགས་ཀྱང་བརྗོད། བཛྲ་མུས་མགྲོན་རྣམས་རང་གནས་སུ་གཏང༌། གཞི་དེའམ་སྟེགས་བུའི་སྟེང་དང་ཁོར་ཡུག་ཏུ་ལག་མཐིལ་གཡས་ཀྱི་སོར་མོ་རྣམས་ཕྲལ་བསྐོར་ཞིང༌། ཨོཾ་ཧ་ན་ཧ་ན་ཧཱུྃ་ཕཊཿཅེས་བརྗོད་པས་དེ་ལས་འོད་ཟེར་བྱུང་སྟེ་མ་དག་པ་ཐམས་ཅད་སྦྱངས་པར་བསམ། ཨོཾ་བྷུ་ཁཾ་གྱིས་ས་ཕྱོགས་ཐམས་ཅད་ནམ་མཁའི་རང་བཞིན་དུ་བསམ། ཨོཾ་མེ་དི་ནི་བཛྲ་བྷནྡྷ་བྷནྡྷ་ཧཱུྃ་ཕཊཿཀྱིས་རྡོ་རྗེའི་གཞིར་གྱུར། ཨོཾ་བཛྲ་རཀྵ་རཀྵ་ཧཱུྃ་ཕཊ་ཀྱིས་བསྲུང་བར་བྱའོ། །དེའང་རས་བྲིས་ལ་བརྟེན་ཚེ་དཀྱིལ་ཁང་རྙིང་པར། ས་གཞི་རྡོ་རྗེ་བརླབས་ནས་བཟུང་བ་དང༌། བཛྲ་རཀྵས་བསྲུང་བ་ཙམ་གྱིས་ཀྱང་ཆོག་གོ། །གཉིས་པ་ཐིག་ལས་ནི། སློབ་དཔོན་ཡབ་ཡུམ་གཙོ་བོའི་ང་རྒྱལ་ལ་གནས་པས་ཡབ་ཤར་ཡུམ་ནུབ་བལྟས་ཏེ། ཨོཾ་ཧཱུྃ་ཏྲཱཾ་ཧྲཱིཿཨཱཿབརྗོད་པས། ཐིག་སྐུད་རིགས་ལྔའི་ངོ་བོ་འགྱུར་པ་བཟུང་སྟེ། བྷྲཱུཾ་ཛྙཱ་ན་མ་ད་ལ་ཧཱུྃ་ཞེས་ལན་གསུམ་བརྗོད་


JLAZ010_Page_0085
[མ་དཔེ་གཟིགས་ན་འདིར་གནོན།]

ཅིང་ནམ་མཁའི་དབྱིངས་ལ་ཡེ་ཤེས་ཀྱི་ཐིག་བརྒྱད་དམ། ཚངས་ཐིག་གཉིས་ཙམ་གདབ་པའི་སྒྲས་སངས་རྒྱས་ཐམས་ཅད་སད་དེ་ཐིག་སྐུད་ལ་ཐིམ། དེ་ལས་ཐིག་སྐུད་གཉིས་པ་ཞིག་ཆད་པར་བསམ་ལ། ཐིག་གི་མེས་པོ་ཚངས་པའི་ཐིག །དེ་ལ་བྱ་རྗེས་ཀྱིས་ཐོན་པའི། །ཐིག་ཆེན་བརྒྱད་པོ་ལག་ཁྲིད་བཞིན། །བཏབ་ནས་ཆ་ཆེན་བཅུ་དྲུག་བགོ། ཚངས་ཐིག་གཉིས་པོའི་གཡས་གཡོན་ནས། །དང་པོར་ཕྱེད་གདབ་ཕྱི་མའང་གདབ། །གཉིས་པ་ཆ་ཕྲན་བཞི་རུ་བགོ། གསུམ་བཞི་མི་གདབ་ལྔ་དབུས་དོར། །དྲུག་པ་ཕྱེད་གདབ་ཕྱི་མ་གདབ། །བདུན་པ་བཞི་བགོ་བརྒྱད་དབུས་དོར། །ཕྱི་རིམ་སྣ་ཚོགས་པདྨ་ནི། །མཚན་བཟང་གྲངས་ལ་ཆ་ཆེན་ཕྱེད། །འོད་ལྔའི་མུ་ཁྱུད་ཆ་ཕྲན་གཅིག །དུར་ཁྲོད་ཆ་ཆེན་རྡོ་ར་ཕྱེད། །མེ་རི་ཆ་ཆེན་གཅིག་རྣམས་བསྐོར། །གསུམ་པ་སྟ་གོན་ལ་ཡང་གསུམ། །དང་པོ་ལྷ་ཡི་སྟ་གོན་ནི། །ལྷ་གནས་རྣམས་སུ་དྲིའི་ཐིག་ལེར། །ཚོམ་བུ་བཀོད་ལ་མཆོད་པ་བཤམ། །བདག་བསྐྱེད་ལྡན་པས་ལྷ་ཚོགས་རྣམས། །ཆོ་གས་བསྒྲུབ་ཅིང་མ་ནུས་ན། །སྔགས་ཀྱིས་བསྐྱེད་ལ་མཆོད་བསྟོད་འབུལ། །བཟླས་པ་ཅི་རིགས་བགྱིས་པའི་རྗེས། །ཧཱུྃ་ལས་ལྕེ་ནི་རྡོ་རྗེར་བསྒོམ། །རྒྱལ་བ་སྲས་བཅས་དགོངས་སུ་གསོལ། །ཁྱེད་རྣམས་མཆོད་དང་སེམས་ཅན་དོན། །ནངས་པར་དཀྱིལ་འཁོར་བྲི་འཚལ་བས། །ཐུགས་ཀྱིས་དགོངས་ཏེ་གནང་བར་མཛོད། །ཅེས་གསོལ་གནང་བ་སྩལ་བར་བསམ། །སེམས་


JLAZ010_Page_0086
[མ་དཔེ་གཟིགས་ན་འདིར་གནོན།]

མ་རྡོ་རྗེ་མ་ཡི་རྒྱས། །ཡེ་ཤེས་དཀྱིལ་འཁོར་ནམ་མཁར་བཏེགས། །བཛྲོད་ཏིཥྠ་ལྷན་ཞེས་བརྗོད། །དམ་ཚིག་བསྡུས་ཏེ་ཡིག་བརྒྱ་བརྗོད། །ཚོམ་བུ་མཆོད་བཅས་རེ་ཞིག་བསྡུ། །གཉིས་པ་བུམ་པ་བཅུད་ལྡན་ལ། །ཆོ་ག་སྔ་མ་ཇི་བཞིན་ལས། །བུམ་ལྷ་འོད་དུ་ཞུ་བ་ཙམ། །བུམ་པའི་སྟ་གོན་ཁྱད་པར་རོ། །གསུམ་པ་སློབ་མ་སྟ་གོན་ནི། །ཁྲུས་བྱས་བགེགས་བསྐྲད་མཎྜལ་དབུལ། །སློབ་བུའི་བློ་ནི་འདི་ལྟར་བཅོས། །གསང་སྔགས་དངོས་གྲུབ་དོན་གཉེར་ན། །འཇིག་རྟེན་ཚེ་འདིའི་ཞེན་པ་དོར། །ཕ་རོལ་ལ་ནི་འདུན་པ་བསྐྱེད། །འདི་འབྲས་གཉེར་ན་ཕྱི་མ་འཇིག །ཕྱི་མ་གཉེར་ན་འདི་འབྲས་འགྲུབ། །དེ་བས་རང་གཞན་དོན་བྱའི་ཕྱིར། །བསམ་པ་བཟང་པོ་མཆོག་ལ་སྤྱོར། །ཅེས་དང་སླར་ཡང་བཀྲོལ་ལ་བཤད། །སློབ་མས་སྙིམ་པ་མེ་ཏོག་བཅས། །ཨེ་མ་དུས་གསུམ་རྒྱལ་བ་ཀུན་ཏུ་བཟང༌། །རིགས་ལྔའི་སངས་རྒྱས་དགོངས་སུ་གསོལ། །དཀོན་མཆོག་གསུམ་ལ་སྐྱབས་འགྲོ་དང༌། །སོ་ཐར་བྱང་སེམས་སྔགས་སྡོམ་རྣམས། །མགོན་པོས་བདག་ལ་གནང་དུ་གསོལ། །ལན་གསུམ་ཞུ་ཞིང་དེའི་ལན་དུ། ཨེ་མ་སྣོད་དང་ལྡན་པའི་བུ། །གསང་སྔགས་ཆོ་ག་ཁྱོད་ལ་བསྟན། །འདས་དང་མ་བྱོན་ད་ལྟར་གྱི། །སངས་རྒྱས་མ་ལུས་ཐམས་ཅད་ཀྱང༌། །གསང་སྔགས་ཆོ་ག་འདི་མཁྱེན་ནས། །རྫོགས་པའི་བྱང་ཆུབ་བརྙེས་པ་ཡིན། །བདུད་ཀྱི་


JLAZ010_Page_0087
[མ་དཔེ་གཟིགས་ན་འདིར་གནོན།]

དཔུང་ཡང་འདི་ཡིས་བཅོམ། །དེ་ལྟར་ཁྱེད་ཀྱང་རྗེས་སུ་ཞུགས། །ཞེས་བརྗོད་སྡོམ་པ་བྱིན་པ་ནི། །སྐྱེས་བུ་གསུམ་གྱི་བློ་རྩལ་རྣམས། །གང་ནས་གོང་དུ་སྤར་བའི་བློས། །ཀུན་བཟང་རིགས་ལྔའི་ལྷ་ཚོགས་ལ། །འདིར་བཟུང་བླ་མེད་བྱང་ཆུབ་པར། །གུས་པ་ཡིས་ནི་སྐྱབས་སུ་མཆི། །བླ་མ་ཀུན་བཟང་སྤྱན་སྔ་རུ། །ལུས་ངག་ཡིད་ཀྱིས་གཞན་རྣམས་ལ། །གནོད་པ་ལས་བཟློག་དགེ་བ་བསྒྲུབ། །དགེ་ཚུལ་དགེ་སློང་བྱང་ཆུབ་སེམས། །སོ་སོ་ཐར་པའི་སྡོམ་པ་ལ། །བདག་ནི་རྒྱུན་དུ་གནས་ཤིང་བསྲུང༌། །ཞེས་པ་གསུམ་གྱིས་ཐུན་མོང་གི་སྡོམ་པ་དང༌། ཁྱད་པར་ཐེག་ཆེན་གྱི་རིགས་ལ་ནུས་པ་སད་པ་དང། སྨོན་སེམས་བརྟན་ཅིང་སྤྱོད་པ་ལ་སློབ་པའི་འདུན་པ་དྲག་བོས། ཧོཿབླ་མ་ཀུན་བཟང་དགོངས་སུ་གསོལ། །འདི་བཟུང་བྱང་ཆུབ་མ་ཐོབ་བར། །འགྲོ་དྲུག་སེམས་ཅན་ཐམས་ཅད་ལ། །མ་དང་བུ་ཡི་འདུ་ཤེས་ཀྱིས། །མ་བསྒྲལ་བ་རྣམས་བསྒྲལ་བ་དང༌། །མ་གྲོལ་དགྲོལ་དང་དབུགས་དབྱུང་ཕྱིར། །སྨོན་པའི་བྱང་ཆུབ་སེམས་བསྐྱེད་དོ། །སྔོན་གྱི་རྒྱལ་བ་ཐམས་ཅད་ཀྱང༌། སྡོམ་པ་ལ་ནི་གནས་པ་ལྟར། །འདི་བཟུང་འཁོར་བ་མ་སྟོངས་པར། །བླ་མེད་འཇུག་པའི་བྱང་ཆུབ་སེམས། །ཕ་རོལ་ཕྱིན་དྲུག་སློབ་ཅིང་བསྒྲུབ། །ཀུན་དོན་ཚུལ་ཁྲིམས་


JLAZ010_Page_0088
[མ་དཔེ་གཟིགས་ན་འདིར་གནོན།]

གསུམ་གྱི་དངོས། །ཐ་མལ་སྣང་ཞེན་ཉེས་སྤྱོད་སྡོམ། །བསྐྱེད་རྫོགས་ཟབ་མོས་དགེ་ཆོས་སྡུད། །རྣམ་བཞིའི་ཕྲིན་ལས་གཞན་ཕན་སྤྱོད། །སྔགས་ཀྱི་ཆོ་གས་བསྡམས་པར་བགྱི། །ཞེས་ལན་གསུམ། དེ་ནས་སློབ་མ་རྡོ་རྗེ་སེམས་དཔར་གསལ་བ་ལ་ལས་ཆུས་འཐོར་ཞིང༌། གནས་གསུམ་དུ་དྲིའི་ཐིག་ལེ་བྱ་བ་དང་ལྷན་ཅིག །ཨོཾ་ཨཱཿཧཱུྃ་ཞེས་དང་མས་ནས་རིམ་བཞིན། ཧཱུྃ་ཨཱཿཨོཾ་ཞེས་བྱིན་གྱིས་རློབ། དེ་བཞིན་དུ་དྲིའི་ཐིག་ལེ་གདབ་ཅིང༌། རྣ་བར་དྲཱཾཿལྕེ་ལ་ཧྲཱིཿསྙིང་ལ་ཧཱུྃཿཡན་ལག་བཞིར་ཧྲཱིཿསྙིང་ཁར་ཧཱཿཞེས་བརྗོད་ནས་སྐྱེ་མཆེད་རྣམས་རིགས་ལྔར་བྱིན་གྱིས་རློབ། དེ་ནས་སོ་ཤིང་བྱིན་ལ། པདྨ་འདབ་བརྒྱད་རེ་ཁཱ་ཅན་ནམ་མཎྜལ་དྲི་དང་བ་བྱུང་གིས་སྤགས་པའི་ཚོམ་བུར་ཤར་མཚན་བཀོད་པ་ལ། དངོས་གྲུབ་ཀྱི་ལྟས་བརྟགས་པའི་འདུན་པས། བཛྲ་ཧ་ས་ཧ། ཞེས་མིག་བཙུམ་ལ་དོར། ཕྱོགས་བཞི་དབུས་དང་ལྔར་བབས་ན། །རིགས་ལྔ་གང་ཡིན་དངོས་གྲུབ་ཐོབ། །སོགས་པའི་མཚན་མ་བཤད། དེ་ནས་དུང་བཞལ་དུ་གནས་པའི་ཁྱོར་ཆུ་འབྲུ་གསུམ་གྱིས་བྱིན་གྱིས་བརླབས་ལ་བྱིན་ཅིང༌། ཆོས་ཐམས་ཅད་རྣམ་པར་དག་པ་ཡིན་པས། ཕུང་པོ་འདིའི་སྡིག་པ་ཐམས་ཅད་རྣམ་པར་སྦྱོངས་ཤིག །རྣམ་པར་རྟོག་པ་ཐམས་ཅད་བསལ་བར་མཛོད། ཨོཾ་ཧྲཱིཿབི་ཤུདྡྷ་སརྦ་དྷརྨཱ་པཱ་པཾ་བི་ཤུདྡྷ་ནི་ཙ་སྱ་པི་ཤྭ་དྷ་ཡ་སརྦ་བི་ཀ་ལྤནྡ་ཨ་ན་ཡ་ཧཱུྃ། ཞེས་ལག་པ་


JLAZ010_Page_0089
[མ་དཔེ་གཟིགས་ན་འདིར་གནོན།]

གཡས་སུ་ལན་གསུམ་བྱིན་ནས་བཏུང་བའི་ལྷག་མ་དཔུང་པ་གཡོན་རྒྱབ་ཏུ་དོར་བས་སྡིག་སྒྲིབ་དག་པར་བསམ། དེ་ནས་ཧཱུྃ་ལས་བྱུང་བའི་སྲུང་སྐུད་མདུད་པ་གསུམ་པ་ལས་ཆུས་བསངས་ནས་སྐྱེས་པའི་དཔུང་པ་གཡོན། བུད་མེད་ཀྱི་གཡས་སུ་བཅིངས་ཤིང༌། ཨོཾ་སརྦ་བུདྡྷ་མཻ་ཏྲི་རཀྵ་རཀྵ་སརྦ་སྭཱཧཱ། ཞེས་བཟླ། རྡོ་རྗེ་དང་བཅས་པའི་དྲི་ཆུས་རྒྱ་གྲམ་དུ་རེག་ནས། བཛྲ་རཀྵ་རཀྵ་སྭཱཧཱ། ཞེས་བརྗོད། ཀུ་ཤ་ལས་ཆུས་བསང༌། སྟོང་པའི་ངང་ལས་ཧཱུྃ་དང༌། དྷི་ལས་བྱུང་པའི་ཀུ་ཤ་ཆེ་ཆུང་སློབ་མ་ལ་བྱིན་ནས། ཨོཾ་བཛྲ་ཏིཀྵྞ་དྷིཿཨོཾ་བཛྲ་རཀྵ་ཧཾཿཞེས་བདུན་བཟླ། འོ་དོ་ནུབ་རྨི་ལམ་མི་འཁྲུགས་པའི་ནུས་པ་ཅན་གྱིས་ཀུ་ཤ་ཆེ་བ་སྟན་དང༌། ཆུང་བ་སྔས་སུ་གྱིས་ལ་བླ་མ་དང་དཀྱིལ་འཁོར་གྱི་ལྷ་ཚོགས་ལ་མོས་པ་རྩེ་གཅིག་པས་གློ་གཡས་སར་ཕོབ་ལ་ཉོལ། ནངས་པར་དགེ་མི་དགེའི་རྨི་ལམ་ང་ལ་སྨོས་ཤིག །ཅེས་དང༌། སྤྲོ་བ་བསྐྱེད་པ་ནི། འཇིག་རྟེན་ན་རྙེད་པར་དཀའ་བ་མེ་ཏོག་ཨུ་དུམ་ཝཱ་ར། དེ་བས་ཀྱང་སངས་རྒྱས་རྙེད་པར་དཀའ། དེ་བས་ཀྱང་གསང་སྔགས་ཀྱི་ཆོས་རྙེད་པར་དཀའ་སྟེ། རྒྱུའི་ཐེག་པར་བསྐལ་པ་གྲངས་མེད་གསུམ་དུ་ངལ་དུབ་ཀྱི་མཐའ་དང༌། རྨོངས་པའི་སྒྲིབ་པ་ཕྱོགས་གཅིག་པ་ཉིད། གསང་སྔགས་སུ་


JLAZ010_Page_0090
[མ་དཔེ་གཟིགས་ན་འདིར་གནོན།]

ཐབས་མང་བ་དང༌། དཀའ་བ་མེད་པ་དང༌། བྱིན་རླབས་མྱུར་བ་དང༌། དབང་པོ་རྣོན་པོའི་ཡེ་ཤེས་ལ་སྤྱོད་པས་ཚེ་གཅིག་ལ་སོགས་པར་མིག་འཕྲུལ་ལྟར་གྲོལ་བའི་ལམ་ཡིན་ཏེ། འདི་ལྟར་དཀྱིལ་འཁོར་གྱི་ཚོན་རྩི་མཐོང་བས་ཀྱང་སྡིག་པའི་ལས་ཇི་སྙེད་པ་ཟད་པར་འགྱུར་ན། སང་ནངས་པར་དཀྱིལ་འཁོར་ཆེན་པོར་ཞུགས་ནས་སྨིན་ཅིང་གྲོལ་བའི་ནུས་པ་རྒྱུད་ལ་འཇོག་པ་འོག་མིན་དུ་ཐར་ལམ་ལ་ཞུགས་པ་དང་སྐལ་བ་མཉམ་པ་ཡིན་པས་སྤྲོ་བ་ཁྱད་པར་ཅན་སྐྱེད་ཅིག །ཅེས་བརྗོད་ནས་དགེ་བ་བསྔོ། བཞི་པ་རེ་ཁཱ་འབྱེད་པ་ནི། ཚོན་རྣམས་དཔའ་བོ་འབྲུ་ལྔ་ལས། །རིགས་ལྔར་བསྐྱེད་ལ་མཆོད་བསྟོད་རྗེས། །ལྷ་རྣམས་འོད་ཞུའི་ངོ་བོར་བསམ། །དེ་ནས་ཚོན་གྱི་རེ་ཁཱ་དབྱེ། །དབུས་སུ་འདབ་བརྒྱད་མུ་ཁྱུད་གསུམ། །དབུས་མཐིང་ཕྱོགས་བཞི་ཕྱོགས་ཀྱི་མདོག །མཚམས་བཞི་ཤར་ལྷོ་ནས་བརྩམས་ཏེ། །དམར་ལྗང་དཀར་སེར་མུ་ཁྱུད་གསུམ། །མཐིང་དམར་དཀར་ལ་གྲྭ་ཕྱོགས་མདོག །རྩིག་པ་ལྔ་ནི་ནང་རིམ་བཞིན། །མཐིང་ཀ་ལྗང་དང་དམར་སེར་དཀར། །འདོད་སྣམ་དམར་ལ་ཕ་གུ་སེར། །དྲ་ཕྱེད་སྔོ་ལ་མདའ་ཡབ་དམར། །པུ་ཤུ་མཛེས་ཚོན་ཞིང་ཁམས་ལྗང༌། །རྒྱུ་འབྲས་རྟ་བབས་མཛེས་ཚོན་ལ། །ཆུ་སྲིན་དམར་པོ་རྡོ་རྭ་དང༌། །དུར་ཁྲོད་བརྒྱད་སོགས་ཕྱོགས་ཀྱི་མདོག །པདྨ་སྣ་ཚོགས་འོད་ཕྲེང་


JLAZ010_Page_0091
[མ་དཔེ་གཟིགས་ན་འདིར་གནོན།]

དང༌། །རྡོ་རྗེ་མཐིང་ལ་མེ་འོད་ལྔ། །སྲབ་འཐུག་མེད་ཅིང་མཉམ་པར་བྲི། །དཀྱིལ་འཁོར་སོ་སོའི་སྒོས་ཆོས་ནི། །ལྷ་ཡི་གནས་དང་རྟ་བབས་ཁྱད། །བླ་མའི་ཞལ་ལས་ཤེས་པར་བྱ། །སྟ་གོན་གྱི་ནི་ཡེ་ཤེས་པ། །སྔགས་རྒྱ་བཞི་ཡིས་དལ་ལ་བསྟིམ། །ཐིག་ཚོན་ལྷག་མའི་ཡེ་ཤེས་གཤེགས། །དཀྱིལ་འཁོར་རྒྱན་དགོད་མཆོད་གཏོར་དང༌། །བུམ་པ་གཉིས་སོགས་དབང་རྫས་རྣམས། །མ་ཚང་མེད་པར་འདུ་བྱའོ། །གཉིས་པ་དངོས་གཞི་ལ་གསུམ། དཀྱིལ་འཁོར་སྒྲུབ་མཆོད། བདག་ཉིད་འཇུག་པ། སློབ་མ་རྗེས་སུ་འཛིན་པའོ། །དང་པོ་ནི། དཔལ་ཆེན་འདུས་པའི་སྒོས་དབང་གི་ཚེའང་དབང་བྱང་འདི་ཉིད་ལ་བརྟེན་ནས་སྐབས་འདིར་དཀྱིལ་འཁོར་སྒྲུབ་མཆོད་རང་གཞུང་ལྟར་བྱ་ཞིང༌། ཞི་ཁྲོའི་སྒོས་ཆོས་རྣམས་དོར། འདིར་དང་པོའི་སྨིན་བྱེད་གདན་གསུམ་ཚང་བའི་དཀྱིལ་འཁོར་ཞི་ཁྲོ་ལ་བརྟེན་པ་ཡིན་པས། བགེགས་ལ་གཏོང་མ་བྱིན་ནས། ཧཱུྃ་ཉོན་ཅིག་བགེགས་དང་ལོག་འདྲེན་ཚོགས། །ལུས་ངག་ཡིད་ལ་གནོད་པའི་བགེགས། །བར་ཆད་འབྱུང་པོ་ཐམས་ཅད་ཀུན། །འདི་རུ་མ་འདུག་གཞན་དུ་དེངས། །ང་ནི་དཔལ་ཆེན་རྟ་མགྲིན་རྒྱལ། །རྡོ་རྗེ་འཛིན་བྱེད་འབར་བའི་སྐུ། །ང་ཡི་བཀའ་ལས་འདས་གྱུར་ན། །ཐལ་བའི་རྡུལ་བཞིན་བརླག་པར་འགྱུར། །ཨོཾ་ཤྲཱི་བཛྲ་ཧྱ་གྷྲི་ཝ་ར་ཙ་ཧྲཱི་ཡ་ཧ་རི་ནི་ས་རཀྵ་ཨུ་ཙ་ཏ་ཡ་ཕཊཿ


JLAZ010_Page_0092
[མ་དཔེ་གཟིགས་ན་འདིར་གནོན།]

བགེགས་ཐམས་ཅད་རྒྱ་མཚོའི་ཕ་མཐར་བྱེར་ནས་ཡེ་ཤེས་ཀྱི་མེ་དཔུང་གཅིག་ཏུ་འབར་བར་གྱུར། དེ་ནས་མཆོད་རྫས་རྣམས་ལ་བསང་ཆུས་འཐོར་ཞིང༌། ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཧཱུྃ་ཕཊ། ཨརྒྷཾ། པཱདྱཾ། པུཥྤེ། དྷཱུ་པེ། ཨཱ་ལོ་ཀེ །གནྡྷེ། ནཻཝི་དྱཱ། ཤཔྟ། ཨོཾ་ཨཱཿཧཱུྃ། ཡོངས་སུ་གྱུར་པ་ལས། ཕྱི་ནང་གི་མཆོད་པ་རྣམས་དྭངས་ཤིང་ཐོགས་པ་མེད་པ་ས་དང་བར་སྣང་ཀུན་ཏུ་བཟང་པོའི་མཆོད་སྤྲིན་གྱིས་གང་བར་གྱུར། སྨན་གཏོར་རཀྟའི་སྔགས་ཀྱང་བརྗོད། ཕ་མས་ཐོག་དྲངས་པའི་སེམས་ཅན་ཐམས་ཅད་བླ་མ་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །བཅོམ་ལྡན་འདས་རྒྱལ་བ་ཞི་ཁྲོ་རབ་འབྱམས་ཀྱི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་འཆིའོ། །ཆོས་ཐམས་ཅད་སྟོང་ཞིང་བདག་མེད་པ་ཡིན་པ་ལ། དེ་ལྟར་མ་རྟོགས་པའི་སེམས་ཅན་ཐམས་ཅད་སྙིང་རེ་རྗེ། དེ་ཐམས་ཅད་རྫོགས་པའི་སངས་རྒྱས་ཀྱི་ས་ལ་འགོད་པར་བྱ། དེའི་ཆེད་དུ་བཅོམ་ལྡན་འདས་ཞི་ཁྲོ་རབ་འབྱམས་ཀྱི་དཀྱིལ་འཁོར་ཆེན་པོ་སྒོམ། ལན་གསུམ། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་འཕྲད་པར་གྱུར་ཅིག །སྡུག་བསྔལ་དང་སྡུག་བསྔལ་གྱི་རྒྱུ་


JLAZ010_Page_0093
[མ་དཔེ་གཟིགས་ན་འདིར་གནོན།]

དང་བྲལ་བར་གྱུར་ཅིག །དགའ་བ་ཆེན་པོ་དེ་དང་དུས་རྟག་ཏུ་མི་འབྲལ་བར་གྱུར་ཅིག །བདེ་སྡུག་གི་རྒྱུ་ཉེ་རིང་ཆགས་སྡང་དང་བྲལ་བའི་བཏང་སྙོམས་ཆེན་པོ་ལ་གནས་པར་གྱུར་ཅིག །ལན་གསུམ། དེ་ནས་བདག་མདུན་བུམ་གསུམ་འཇུག་པ་གཅིག་པས་ཞི་ཁྲོའི་དཀྱིལ་འཁོར་ཆེན་པོར་སྒོམ་པ་ནི། ཨོཾ་མ་ཧཱ་ཤུ་ནྱ་ཏ་སོགས་ངན་སོང་སྦྱོང་བ་བཞིན་ལ། བཟླས་པའི་ཚེ་ཞི་ཁྲོ་སོ་སོའི་སྙིང་པོ་ཅི་ནུས་དང༌། བུམ་པ་ལ་དམིགས་ནས། བདག་གི་སྙིང་ག་ནས་འོད་ཟེར་གཟུངས་ཐག་ལ་འཁྲིལ་ཏེ་སོང་བས་རྣམ་པར་རྒྱལ་བའི་ལྷ་རྣམས་ལ་ཕོག །བདེ་བའི་སྒྲས་བསྐུལ་སྙོམས་པར་ཞུགས་པའི་སྦྱོར་མཚམས་ནས་བདུད་རྩིའི་རྒྱུན་བབས་པར་བསམ་ལ། ཨོཾ་ཧཱུྃ་ཏྲཱཾ་ཧྲཱིཿ ཨས་མགོ་དྲངས་པའི་དབྱངས་གསལ་ཅི་ནུས་བཟླ། དེ་བཞིན་དུ་ལས་བུམ་དུ་རྟ་མགྲིན་དམར་པོ་གཡས་དབྱུག་ཏོ་དང༌། གཡོན་མེའི་ཞགས་པ་ཐོགས་པ་གསལ་ལ། ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཧཱུྃ་ཕཊཿ ཁྲུས་སྔགས། ཨ་བྷི་ཥེ་ཀའང་བཟླའོ། །ཐུན་མཐར་དཀྱིལ་འཁོར་བ་དང་བུམ་པའི་ལྷ་གཉིས་ཆར་ལ་དམིགས་ཏེ་མཆོད་བསྟོད་དང༌། ཨོཾ་ཨཱཿཧཱུྃ་གིས་དུང་ཆོས་ཀྱི་ཆུ་མཆོད་ཡོན་དུ་ཕུལ་ལོ། །བུམ་པའི་ལྷ་བདེ་སྟོང་ཆེན་པོའི་ངོ་བོར་འོད་དུ་ཞུ་བ་བུམ་ཆུ་དང་རོ་གཅིག་པར་གྱུར། ཅེས་བརྗོད། གཉིས་པ་བདག་འཇུག་ནི། སློབ་མ་ལ་ཇི་ལྟར་བྱ་བ་


JLAZ010_Page_0094
[མ་དཔེ་གཟིགས་ན་འདིར་གནོན།]

བཞིན་དུ་བླང་ངོ༌། །གལ་ཏེ་བསྐྱེད་རྫོགས་ལ་གོམས་པ་བརྟན་པོར་སོན་པས་རིག་པའི་མེ་ཏོག་དོར་བས་འཇུག་ན། ཨོཾ་བཛྲ་ས་མ་ཡ་ཨོཾ། །ཨཱཿབཛྲ་ས་མ་ཡ་ཨཱཿཧཱུྃ་བཛྲ་ས་མ་ཡ་ཧཱུྃཿསྭཱ་བཛྲ་ས་ཡ་སྭཱཿཧཱ་བཛྲ་ས་མ་ཡ་ཧཱཿཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་ཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ། ཨོཾ་བཛྲ་ས་མ་ཡ་སྟྭཾ། ཨོཾ་བཛྲ་ས་མ་ཡ་ཧོཿཞེས་ཏིང་ངེ་འཛིན་གྱིས་འཇུག་གོ། གསུམ་པ་སློབ་མ་རྗེས་སུ་འཛིན་པའི་ཆོ་ག་ལ། དཀྱིལ་འཁོར་དུ་འཇུག་པ་དང༌། དབང་གིས་སྨིན་པར་བྱ་བ་གཉིས་ལས། དང་པོ་ནི། ལས་བུམ་གྱི་ཆུས་བཀྲུ་ཞིང༌། བདུད་རྩི་འཁྱིལ་བའི་སྔགས་བཟླ། ཙཀྵུ་བྷནྡྷ་ཝ་ར་མ་ན་ཡེ་སྭཱ་ཧཱ། ཞེས་མིག་དར་འཆིང༌། ཨ་ཁཾ་ཝཱི་ར་ཧཱུྃ་གིས་རིགས་ལྔའི་ས་བོན་སོ་སོ་ལས་སྐྱེ་བའི་མེ་ཏོག་གཏད། གསོལ་བ་གདབ་པ་ནི། ཀྱཻ་ཁྲོ་བོ་མི་བཟད་འཇིགས་པའི་སྐུ། །མཚོན་ཆ་སྣ་ཚོགས་ཕྱག་ན་བསྣམས། །བདག་ཅག་འཁོར་བ་ལས་བསྒྲལ་ཕྱིར། །ཁྱེད་ཀྱིས་གནང་སྟེ་གཏོང་དུ་གསོལ། །ཅེས་པའི་ལན། ཁྱེད་རྣམས་སུ་ཡིན་ཅི་ལ་དགའ། །ལས་དང་སྐལ་བར་ལྡན་ནམ་ཅི། །སློབ་མས། བླ་མ་རྡོ་རྗེ་འཛིན་པ་དང༌། དཀྱིལ་འཁོར་ལྷ་ཚོགས་སྤངས་ནས་ནི། །སྐྱོབ་པ་གཞན་ན་མ་མཆིས་པས། །སྒོ་ཕྱེ་


JLAZ010_Page_0095
[མ་དཔེ་གཟིགས་ན་འདིར་གནོན།]

ཐར་བའི་གྲོང་བསྟན་འཚལ། །ལན་གསུམ། ཁྱེད་ནི་སྣོད་མཆོག་དམ་པ་སྟེ། །ཁྱོད་འདོད་པ་ནི་བདག་གིས་སྦྱིན། །སྤྲོ་བ་བསྐྱེད་ལ་ནང་དུ་ཤོག །ཅེས་བརྗོད་ལ་ཕྱིར་འབྲང་གི་བགེགས་བསྐྲད། སྲུང་བའི་འཁོར་ལོ་སྒོམ། ནམ་མཁའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་སེམས་བསྐྱེད་དེ་གསན་འཚལ། དེ་ལ་རང་ཅག་རྣམས་ཀྱིས་མི་ལུས་ཁྱད་པར་ཅན་འདི་སླན་ཆད་རྙེད་པར་དཀའ་ཞིང༌། ཆོས་བསྒྲུབ་པའི་རྟེན་དལ་འབྱོར་ཚང་བ་འབའ་ཞིག་ལ་ལྟོས་དགོས་པའང༌། འཕྲལ་བྱུང་གི་རྐྱེན་བརྒྱད་དང༌། རིས་ཆད་ཀྱི་བློ་བརྒྱད་ཀྱིས་ཡུད་ཙམ་ལ་མི་ཁོམ་པར་འགྱུར་ཞིང༌། ལས་མཐའ་ལོག་པའི་རིགས་ལ་ལྟོས་ན་འབྱོར་པ་བཅུ་ཡང་འདུ་འབྲལ་དང་བཅས་པས་ཡོན་ཏན་ཐམས་ཅད་ཚོགས་པའི་མི་ལུས་རིན་པོ་ཆེ་ཡིན་པར་དཀའ་ཞིང༌། སྤྱི་མཐུན་དུ་སྐྱེས་པའི་ནངས་པ་ནས་གཤིན་རྗེའི་ཕོ་ཉ་དང་འགྲོགས་པ། འབྱོར་རྒུད་དང་བདེ་སྡུག་སྣ་ཚོགས་པའི་རྟེན་འབྲེལ་ཚོགས་པ་ལས་ཀྱི་གཞན་དབང་ཅན་འགྱུར་བ་དང༌། ཁྱབ་པ་འདུ་བྱེད་ཀྱི་སྡུག་བསྔལ་ལྟར་མི་མངོན་པ་དང་འགྲོགས་པས་མཐོ་རིས་ཀྱི་བདེ་འབྲས་ནི་རྩྭ་རྩེའི་ཟིལ་པ་ལྟ་བུ་ཤིན་ཏུ་ཡིད་བརྟན་མི་རུང་བ་ཡིན་པས། ངེས་འབྱུང་གི་བློ་ཁྱད་པར་ཅན་བསྐུལ་


JLAZ010_Page_0096
[མ་དཔེ་གཟིགས་ན་འདིར་གནོན།]

ཏེ་ཐར་པ་དང་ཐམས་ཅད་མཁྱེན་པ་བསྒྲུབ་པའི་ཐབས་ལ་འབད་དགོས། དེ་ལ་སངས་རྒྱས་རྣམས་ནི་ཐུགས་རྗེ་ཚད་མེད་པས་སེམས་ཅན་ཡལ་བར་མི་འདོར་ཞིང༌། ཕྲིན་ལས་ཚད་མེད་པས་གདུལ་བྱའི་ཁམས་དང༌། དབང་པོ་དང་བསམ་པ་ལ་འཚམས་པའི་ཆོས་སྒོ་ཇི་སྙེད་པ་གསུངས་པ་རྣམས་ཀྱི་ནང་ནས་མཆོག་ཏུ་གྱུར་པ་ནི་འབྲས་བུའི་ཐེག་པ་ཡིན་ཏེ། དེའི་ཆོས་འཁོར་གྱི་གྲངས་ངེས་དང་རྣམ་དབྱེ་བསམ་པར་མི་ནུས་ཀྱང༌། གངས་ཅན་པ་རྣམས་ཀྱིས་འགྱུར་གྱི་བྱེ་བྲག་ལས་གསར་རྙིང་དུ་སྒྲོ་བཏགས་པའི་རྡོ་རྗེ་ཐེག་པ་སྔ་འགྱུར་ལ་མདོ་སྒྱུ་སེམས་གསུམ་གྱི་གྲུབ་པའི་མཐའ་ཆེན་པོ་གསུམ་འཆའ་བ་ལས། འདི་ནི་སེམས་ཕྱོགས་ཀྱི་གྲུབ་མཐའི་སྙིང་པོ་གཙོ་བོར་འདོན་པས་རྫོགས་པ་ཆེན་པོ་ཀློང་ཆེན་སྙིང་ཐིག་ཞེས་གྲགས་ལ། ནང་གསེས་ཀྱི་དབང་དུ་ན། སྔགས་འོག་མ་ལྟར་ཁམས་ཀྱི་དྲི་མ་བླང་དོར་དང་བཅས་པའི་ངལ་དུབ་ཀྱིས་སྦྱོང་བ་མ་ཡིན་ཀྱང༌། སྣང་གྲགས་རིག་པའི་ཆོ་འཕྲུལ་དུ་མངོན་བྱང་ཆུབ་པ་དཔལ་ལྡན་སྒྱུ་འཕྲུལ་དྲྭ་བའི་སྙིང་པོ་དཔལ་ཆེན་ཞལ་ལུང་དང་ཧེ་རུ་ཀ་འདུས་པའི་བསྐྱེད་རིམ། དག་པའི་སྣོད་བཅུད་ཀྱང་འཕོ་མེད་བདེ་བ་ཆེན་པོའི་ཡེ་ཤེས་གཞན་དུ་མི་འགྱུར་བ་ཨ་ནུའི་མདོ་ལུང་གི་སྙིང་པོ་རིགས་བརྒྱ་དང་རིག་འཛིན་


JLAZ010_Page_0097
[མ་དཔེ་གཟིགས་ན་འདིར་གནོན།]

གྱི་བསྐྱེད་རྫོགས་རྒྱུད་ལུང་གབ་བྱང་དང་བཅས། རྒྱུ་རྐྱེན་དང་རྩོལ་སྒྲུབ་ལ་མ་ལྟོས་པ་ཕྱི་སེམས་སྡེ། སྐུ་གསུམ་རང་ཆས་ཀྱི་དབྱིངས་ལ་མི་འགྱུར་བ་ནང་ཀློང་སྡེ། མངོན་སུམ་རང་གནས་སུ་སྟོན་པ་གསང་བ་མན་ངག་གི་སྡེ། གནད་ལས་གནད་དུ་བསྡུས་པས་ཡིད་དཔྱོད་དང་འབྲས་བུ་ཕྱི་དུས་ལ་ལྟོས་མི་འཆའ་བ་ཡང་གསང་བླ་ན་མེད་པའི་སྡེ་སྟེ་སེམས་ཕྱོགས་རྒྱ་མཚོའི་སྙིང་པོ་ཀུན་ཏུ་བཟང་པོ་ཡེ་ཤེས་ཀློང་གི་རྒྱུད་ལ་སོགས་པས་མན་ངག་གི་ཐུས་ཀ་ཚང་ལ་མ་ནོར་བ་སྟོན་ལ། དེ་ཉིད་ཀྱང་བདེ་བར་གཤེགས་པའི་བཀའ་ཚད་མ། རྒྱུད་དོན་དང་འབྲེལ་བས། རྡོ་རྗེ་འཛིན་པའི་བརྒྱུད་ལྡན་ལས་ཐོས་མན་ངག་ཚད་མ། རྣལ་འབྱོར་དབང་ཕྱུག་གི་ཉམས་མྱོང་ཚད་མ། རྟེན་ཅིང་འབྲེལ་འབྱུང་གི་ལོ་རྒྱུས་ཚད་མ་དང༌། དབང་གི་ཆུ་བོ་མ་ནུབ་པ། བཀའ་མ་དང་འབྲེལ། བྱིན་རླབས་ཀྱི་བརྒྱུད་པ་མ་ཉམས་པ། མན་ངག་གི་སྣ་ཁ་མ་ལོག་པ་དག་ལ་མ་བརྟེན་ན། ཟབ་མོར་བཏགས་པ་ཙམ་ཡང་དག་དང་ལྟར་སྣང་གང་ཡིན་མ་འཚལ་བའི་རྨོངས་པ་ལམ་ནོར་བས་ངལ་བ་འབྲས་མེད་དུ་བྱས་ལ། དེའི་ཕྱིར་གཏེར་ལུང་ལས། རྒྱལ་བས་དགོངས་པ་ཉིད་ཀྱི་ཚུལ། །དགོངས་པ་བབས་པ་དབང་གི་མཆོག །ཅེས་གདོད་མའི་


JLAZ010_Page_0098
[མ་དཔེ་གཟིགས་ན་འདིར་གནོན།]

མགོན་པོ་སྲས་དང་བཅས་པས་ཆོས་ཀྱི་བདག་པོ་ལ་དགོངས་པས་གནས་ལུགས་ཆོས་སྐུར་རྟོགས་པའི་དབང་ཐོབ། བརྡ་དང་བརྡ་མཚོན་གོ་བ་ནི། དབང་གི་ནང་ནས་དབང་བཀའ་འོ། །ཞེས་པ་ལྟར་ཡེ་ཤེས་ཀྱི་མཁའ་འགྲོ་མས་བརྡ་སྒྱུར་གྱི་ཤོག་སེར་དབྱིབས་དང་རྣམ་པ་ཐམས་ཅད་པ་བྱིན། རྫོགས་པའི་སངས་རྒྱས་དྲི་མེད་འོད་ཟེར་དང་དངོས་ཞལ་མཇལ་ཏེ། སྙན་བརྒྱུད་ཀྱི་ཕ་ཕོགས་སྩལ་བའི་བརྒྱུད་པ་གསུམ་ལྡན་གྱི་སྟེང༌། གོང་འོག་གི་བདག་པོ་རྣམ་གཉིས་ལ་སོགས་ཏེ། སྔོན་གྱི་དུས་ན་བྱོན་པའི་ལམ་སྟོན་ཆེན་པོ་རྣམས་ཀྱིས་བཞེད་པ་བཞིན་རྒྱུད་སྡེ་བཀའ་མ་དང༌། སྒྲུབ་སྡེ་བཀའ་བརྒྱད་ལ་སོགས་པའི་དབང་གི་ཆུ་བོ་མ་ནུབ་པའང་ཉན་ཞིང་འདྲེས་པར་བྱས་ནས། ཇི་སྐད་དུ་སྡུད་པ་ལས། རྒྱལ་བའི་ཉན་ཐོས་པ་དག་ཆོས་སྟོན་དང༌། །འཆད་དང་རིག་པ་དག་དང་ལྡན་པར་བརྗོད་པ་དང༌། མཆོག་འཕགས་བདེ་བ་བྱེད་དང་དེ་ཡི་འབྲས་ཐོབ་པ། །དེ་དག་ཀུན་ཀྱང་དེ་བཞིན་གཤེགས་པའི་སྐྱེས་བུ་མཐུ། །ཞེས་པ་ལ་སོགས་པ་དང༌། གཞན་དུ། བྱང་ཆུབ་སེམས་དཔའ་བསམ་པ་རྣམ་པར་དག་པ་ལ་ནི་རང་གིས་ཡིད་ཀྱིས་སྤྱོད་པ་ཉིད་ལས། མན་ངག་དང་རྗེས་སུ་བསྟན་པ་ཐམས་ཅད་འབྱུང་ངོ༌། །


JLAZ010_Page_0099
[མ་དཔེ་གཟིགས་ན་འདིར་གནོན།]

ཞེས་པ་ལྟར་རྒྱལ་བའི་ཡེ་ཤེས་རྣམ་པ་ཐམས་ཅད་པས་དགོངས་ཤིང་མཁའ་འགྲོའི་གསང་མཛོད་ལ་མངའ་སྒྱུར་བ་བྱིན་གྱིས་བརླབས་པ་དང་རྗེས་སུ་གནང་བའི་བཀར་རྩོད་པ་མེད་ཅིང༌། སངས་རྒྱས་གཉིས་པ་སློབ་དཔོན་ཆེན་པོས་ཞལ་ནས་གསུངས་པའི་བཀར་བསྙོན་མེད་དུ་གྲུབ་པ་ལ་ཟབ་མོ་གཏེར་གྱི་རིང་ལུགས་མ་ནོར་བ་ཞེས་བྱ་སྟེ། མཆོག་གཟིགས་ཀྱི་བརྒྱུད་པས་མ་ཆད་པ་དང༌། ཉམས་པ་དང་འདྲེས་ཁྱེར་གྱིས་བར་མ་ཆོད་པ་དང༌། ཚིག་ལ་གྲིམས་པའི་སློབ་པ་སོ་སོ་སྐྱེ་བོས་བསླད་པ་མ་སོང་བས་བྱིན་རླབས་ཆེ་ཞིང༌། སྒྲུབ་ཐག་ཉེ་བ་ཡིན་ནོ། །དེ་ལྟ་བུའི་སྔགས་ཀྱི་ཉེ་ལམ་དམ་པ་ལ་དབང༌། བསྐྱེད་རིམ། རྫོགས་རིམ། བཤད་པ་སྟེ་སྔ་འགྱུར་བཀའ་བབས་ཀྱི་ཆུ་བོ་བཞིའི་ཞལ་ལུང་དང་ལྡན་པ་ལས། དེང་རིམ་པར་དབང་གི་ཆོ་ག་ལས་ཞི་ཁྲོའི་དཀྱིལ་འཁོར་ཆེན་པོར་སྨིན་པར་བྱ་བའི་སྐབས་སུ་བབས་པས་སྙིམ་པ་མེ་ཏོག་དང་བཅས་འདིའི་རྗེས་ཟློས། ཨེ་མ་དུས་གསུམ་རྒྱལ་བ་ཀུན་ཏུ་བཟང༌། །རིགས་ལྔའི་སངས་རྒྱས་དགོངས་སུ་གསོལ། །ཅེས་པ་ནས། ཐུན་མོང་དང་ཁྱད་པར་གྱི་སྡོམ་པ་བྱིན་པ། སྔགས་ཀྱི་ཆོ་གས་བསྡམ་པར་བགྱི། །ཞེས་པའི་བར་སྟ་གོན་བཞིན་ལ། ཐམས་ཅད་རྣལ་འབྱོར་དུ་


JLAZ010_Page_0100
[མ་དཔེ་གཟིགས་ན་འདིར་གནོན།]

སེམས་བསྐྱེད་པའི་ཕྱིར། སློབ་མའི་སྙིང་གར་རྡོ་རྗེ་བཞག་ལ། སེམས་ཅན་ཐམས་ཅད་ཀྱི་དོན་དུ་སངས་རྒྱས་བསྒྲུབ་པའི་བློ་བཅོས་མིན་དེ་ཉིད། སྙིང་གར་ཀུན་རྫོབ་བྱང་སེམས་ཀྱི་ངོ་བོ་ཟླ་བ་ཉ་གང་བའི་སྟེང༌། དོན་དམ་བྱང་སེམས་ཀྱི་རང་བཞིན་རྡོ་རྗེ་རྩེ་ལྔ་པ་འོད་དང་འོད་ཟེར་དུ་འབར་བར་གྱུར་པར་བསམ་ལ་འདིའི་རྗེས་ཟློས། ཨོཾ་སརྦ་ཡོ་ག་ཙིཏྟ་ཨུ་པ་ཏ་ཡ་མི། ལན་གསུམ། དམ་གཞག་ནི། ནང་མཆོད་བྱིན་ལ། འདི་ནི་ཁྱོད་ཀྱི་དམ་ཚིག་ཆུ། །དམ་ཚིག་ཉམས་ན་བསྲེག་པར་བྱེད། །བསྲུང་ན་དངོས་གྲུབ་ཐམས་ཅད་ཐོབ། །དམ་ཚིག་བདུད་རྩིའི་ཆུ་འདི་ཐུངས། །ས་མ་ཡ་ཨི་དན་ན་ར་ཀནཿ རིགས་ལྔའི་སྡོམ་བཟུང་ཁྱད་པར་པ་ལ་དམིགས་ནས་འདིའི་རྗེས་ཟློས། སངས་རྒྱས་རིགས་ཀྱི་དམ་ཚིག་ཏུ། །རྒྱལ་སྲས་སངས་རྒྱས་ཐམས་ཅད་དང༌། །དཔའ་བོ་རྣལ་འབྱོར་མ་རྣམས་བསྙེན། །རྡོ་རྗེའི་རིགས་ཀྱི་དམ་ཚིག་ཏུ། །རྡོ་རྗེ་དྲིལ་བུའི་ཕྱག་རྒྱ་དང༌། །བྱང་ཆུབ་སེམས་ནི་སྤང་མི་བྱ། །རིན་ཆེན་རིགས་ཀྱི་དམ་ཚིག་ཏུ། །སྦྱིན་པ་རྣམ་བཞི་རྟག་ཏུ་སྤྱིན། །པདྨ་རིགས་ཀྱི་དམ་ཚིག་ཏུ། །ཐེག་པ་གསུམ་དང་ཆོས་རྣམས་བཤད། །ལས་ཀྱི་རིགས་ཀྱི་དམ་ཚིག་ཏུ། །འགྲོ་བའི་དོན་ལ་བརྩོན་པར་བྱ། །ལྷ་ཡི་ཕྱག་རྒྱ་བླ་མའི་བསྟན། །བཞོན་པ་


JLAZ010_Page_0101
[མ་དཔེ་གཟིགས་ན་འདིར་གནོན།]

ལ་སོགས་མི་སྨད་ཅིང༌། །བསྟན་པ་སྐྱོང་རྣམས་བརྙས་མི་བྱ། །བླ་མ་སངས་རྒྱས་དྲན་བྱེད་ཅིང༌། །བརྟན་གཡོ་ལྷ་དང་མཉམ་པར་སྦྱོར། །མདོར་ན་རྒྱལ་བས་གང་བསྒྲགས་པ། །དེ་དག་ཐམས་ཅད་བདག་གི་བཟུང༌། །ལན་གསུམ། དེ་ནས་ལྷ་དང་སྐལ་བ་མཉམ་པའི་ཕྱིར་དཀྱིལ་འཁོར་དུ་འཇུག་པ་ཡིན་པས་འདིའི་རྗེས་ཟློས། ཀྱེ་རིགས་ལྔ་བདེ་བར་གཤེགས་པ་དང༌། །བླ་མ་ཡི་དམ་མཁའ་འགྲོ་དགོངས། །སྒོ་བ་ཆེན་པོ་ཁྱེད་རྣམས་ཀྱིས། །སྒོ་ཕྱེ་ཐར་བའི་གྲོང་བསྟན་འཚལ། །ལན་གསུམ་གྱི་རྗེས་ལ། བླ་མས་ཨཱ་ཁཾ་ཝཱི་ར་ཧཱུྃཿབརྗོད་ལ་བཅུག་པར་བསམ། སློབ་མས་གནས་གསུམ་དུ་ཐལ་མོ་སྦྱར་བའི་སྐུ་གསུང་ཐུགས་ཕྱག་བྱེད་བཞིན་པར། ཨོཾ་ན་མ་ཏེ་ཧཱུྃ། ཨོཾ་ན་མ་མེ་ཧཱུྃ། ཨོཾ་ན་མ་ན་མ་ཧཱུྃ། བརྗོད་ནས་ཕྱི་འཇུག་བྱ། ནང་ལྟར་འཇུག་པ་སློབ་དཔོན་དང་དཀྱིལ་འཁོར་གྱི་བདག་པོ་གཉིས་སུ་མེད་པའི་སྲས་སུ་བྱ་བའི་ཕྱིར་དམིགས་པ་འདི་བཞིན་དུ་མཛོད། གཙོ་བོའི་མདུན་ཐད་ཤར་སྒོའི་དབང་སྟེགས་ལ་འཁོད་པས། དཀྱིལ་འཁོར་གྱི་བདག་པོའི་ཐུགས་ཀ་ནས་འོད་ཟེར་བྱུང༌། སློབ་མའི་རྣམ་སྨིན་གྱི་ཕུང་པོ་སྦྱངས། རྣམ་པར་ཤེས་པ་ཧཱུྃ་དུ་གྱུར་པ་ཡབ་ཀྱི་ཞལ་ནས་དྲངས། རྗེས་སུ་ཆགས་པའི་ཡེ་ཤེས་ཀྱིས་བསྐུལ་ཏེ་


JLAZ010_Page_0102
[མ་དཔེ་གཟིགས་ན་འདིར་གནོན།]

ཡུམ་གྱི་པདྨོར་ལྷུང༌། །སྲས་ཀྱི་ཚུལ་དུ་གཙོ་བོའི་རྣམ་པ་གཉིས་པ་ཞིག་བྱུང་བ་སྔར་གྱི་དབང་སྟེགས་ལ་འཁོད་པའི་གནས་གསུམ་དུ་ཕྱག་མཚན་གསུམ་དང༌། ཡི་གེ་གསུམ་གྱིས་མཚན་པ་ལས་འོད་ཟེར་འཕྲོས་པས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དཀྱིལ་འཁོར་གྱི་ལྷའི་རྣམ་པས་སྙིང་ནང་དུ་ཐིམ་པར་བསམ་ལ། རོལ་མོའི་སྒྲ་དང་བཅས་བབས་དྲུག་གིས་བྱིན་འབེབས་སམ། ཨོཾ་བཛྲ་པྲ་བེ་ཤ་ཡ་པྲ་བེ་ཤ་ཡ་ཧཱུྃ་ཧཱུྃ། མང་དུ་བརྗོད་ལ་ནན་ཏན་བྱ། ལུས་ངག་ཡིད་ལ་ཕེབས་པའི་རྟགས། །འདར་ཞིང་འཕར་གཡོ་སཾ་སྐྲྀ་ཏའི། །བརྡ་སྐད་གླུ་ལེན་ངུ་བ་དང༌། །བདེ་གསལ་མི་རྟོག་ལྷག་པའི་ལྷས། །སྦོག་ན་རྡོ་རྗེའི་འདུག་སྟངས་ཀྱི། །སྙིང་གར་གཡུང་དྲུང་འཁོར་བར་སྒོམ། །ཧཱུྃ་དང་ཨ་ར་ལི་ཕེཾ་གྱི། །གླུ་ཡིས་བསྐུལ་ཞིང་ལྟ་བས་གཅུན། ཏིཥྛ་བཛྲས་བརྟན་པར་བྱ། །དེ་ནས་མེ་ཏོག་དོར་བ་ནི། ཀྱེ་བདེ་གཤེགས་རིགས་ལྔའི་ཕོ་བྲང་དུ། །འབྲེལ་བའི་མེ་ཏོག་འདི་དོར་བས། །ལས་འཕྲོ་གང་ཡོད་ལྷ་དང་མཇལ་བར་ཤོག །ཨོཾ་པུཥྤེ་སིདྡྷི་སྟྭཾ། ལྷུང་ན་བསྐྱར་ཞིང་སྤྱི་བོར་བཅིང༌། །པྲ་ཏི་གྷྲི་ཧ་ན་ཨི་མཾ་ས་ཏྭ་མ་ཧཱ་བྷ་ལ། ལྷག་ལྷ་སྤྱིར་བོར་ཐིམ་པར་བསམ། །གདོང་གཡོགས་ཕྱེ་ཞིང་དཀྱིལ་འཁོར་བསྟན། །སྟོན་པ་རིགས་ལྔའི་སངས་རྒྱས་ཀྱིས། །ཁྱོད་ཀྱི་མ་རིག་འཁོར་བའི་མིག །ཡེ་


JLAZ010_Page_0103
[མ་དཔེ་གཟིགས་ན་འདིར་གནོན།]

ཤེས་སྤྱན་དུ་དབྱེ་བ་ལྟར། །དེ་བཞིན་ཁྱེད་ཀྱིས་འགྲོ་བ་རྣམས། །ཡེ་ཤེས་སྤྱན་དུ་འབྱེད་པར་ཤོག །ཙཀྵུ་པྲ་བེ་ཤ་ཡ་ཕཊཿ ཨེ་མ་སྐལ་ལྡན་རིགས་ཀྱི་བུ། །ཁྱེད་ནི་སྡིག་པ་ཀུན་ལས་གྲོལ། །དཀྱིལ་འཁོར་ཆེན་པོ་འདི་ལ་ལྟོས། །ལུས་ངག་ཡིད་ཀྱི་དད་པ་བསྐྱེད། །དངོས་གྲུབ་ཐམས་ཅད་ཁྱེད་ཀྱིས་ཐོབ། །དམ་ཚིག་སྔགས་ལ་བརྩོན་པར་གྱིས། །ཀྱེ་རིགས་ཀྱི་བུ་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་ལ་སོགས་པའི་སངས་རྒྱས་ཀྱི་སྐུ་དང་ཡེ་ཤེས་བརྡ་དོན་རྟགས་ཀྱིས་མཚོན་པའི་རྡུལ་ཚོན་གྱི་དཀྱིལ་འཁོར་འདི་ནི་རྟེན་གཞལ་ཡས་ཁང་སྟེ། ནང་ལྟར་ཕུང་པོ་ཁམས་དང་སྐྱེ་མཆེད་མཚོན་ལ། དེ་ན་བཞུགས་པའི་བརྟེན་པ་ཡེ་ཤེས་ཀྱི་ལྷ་ནི་རང་གི་སེམས་རྣམ་ཤེས་ཚོགས་བརྒྱད་སེམས་བྱུང་དང་བཅས་པ་དམ་པ་རིགས་བརྒྱའི་ལྷ་ཚོགས་སུ་བཞུགས་པ་དེ་དྲན་པར་གྱིས་ཤིག །འཇུག་པའི་ཆོ་གའོ། །གཉིས་པ་དབང་བསྐུར་བ་ནི། ཕྱོགས་བཅུའི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་འཁོར་ལོའི་རྣམ་པར་སྤྱན་དྲངས། མཆོད་ཅིང་བསྟོད། རྡོ་རྗེ་ཅན་གྱིས་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང༌། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལའང་སྩལ་དུ་གསོལ། །ཅེས་


JLAZ010_Page_0104
[མ་དཔེ་གཟིགས་ན་འདིར་གནོན།]

གསོལ་བ་བཏབ་པས། གཤེགས་པ་རྣམས་ཀྱིས་དགོངས་པ་མཛད། གཤེགས་མ་རྣམས་ཀྱིས་དབང་བསྐུར། སེམས་དཔའ་རྣམས་ཀྱིས་ཤིས་པ་བརྗོད། སེམས་མ་རྣམས་ཀྱི་གླུ་གར་སྒྱུར། ཁྲོ་བོ་རྣམས་ཀྱིས་བགེགས་བསྐྲད་དེ། ཀུན་ཀྱང་དབང་གི་བྱ་བ་ལ་དགྱེས་པར་གྱུར། སློབ་མ་མི་བསྐྱོད་པར་གསལ་ལ། བུམ་པ་བཏེག་ནས། ཧཱུྃ་རྣམ་ཤེས་ཕུང་པོ་རྣམ་དག་ཅིང༌། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱི། །དཔལ་ལྡན་ཐུགས་ཀྱི་དབང་བསྐུར་རོ། །ཨོཾ་བཛྲ་ཨ་བྷི་ཥིཉྩ་ཧཱུྃཿརིགས་ཀྱི་བུ་ཁྱོད་ལ་མི་བསྐྱོད་པ་ཆུ་ཡིས་དབང་བསྐུར་བས་ཡིད་ཀྱི་སྒྲིབ་པ་ཐམས་ཅད་དག་སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པ་རྡོ་རྗེ་མི་བསྐྱོད་པ་དང་ཆུའི་ཁམས་མཱ་མ་ཀཱིར་སངས་རྒྱས། ཞེ་སྡང་ཆོས་དབྱིངས་ཡེ་ཤེས་སུ་གྲོལ་ཏེ། སངས་རྒྱས་རྡོ་རྗེ་རིགས་ཀྱི་ཐུགས་འཁྲུལ་པ་མེད་པས་འགྲོ་བའི་དོན་བྱེད་པར་འགྱུར་རོ། །སློབ་མ་རིན་འབྱུང་དུ་གསལ་ལ། དབུ་རྒྱན་ཐོགས་ནས། ཧཱུྃ་ཚོར་བའི་ཕུང་པོ་རྣམ་དག་ཅིང༌། །ཉོན་མོངས་ང་རྒྱལ་སྦྱོང་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱི། །དཔལ་ལྡན་ཡོན་ཏན་དབང་བསྐུར་རོ། །ཨོཾ་རཏྣ་ཨ་བྷི་ཥིཉྩ་ཏྲཱཾ། རིགས་ཀྱི་བུ་ཁྱོད་ལ་རིན་བྱུང་གི་ངོ་བོ་དབུ་རྒྱན་འདི་བསྐོན་པ་ཙམ་གྱིས་


JLAZ010_Page_0105
[མ་དཔེ་གཟིགས་ན་འདིར་གནོན།]

ཤེས་བྱའི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང་སའི་ཁམས་སངས་རྒྱས་སྤྱན་དུ་དག །ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །སློབ་མ་སྣང་བ་མཐའ་ཡས་སུ་གསལ་ལ། རྡོ་རྗེ་དབང་བསྐུར་ཞིང༌། ཧཱུྃ་འདུ་ཤེས་ཕུང་པོ་རྣམ་དག་ཅིང༌། །ཉོན་མོངས་འདོད་ཆགས་སྦྱོང་བྱེད་པའི། །སོ་སོར་རྟོགས་པའི་ཡེ་ཤེས་ཀྱི། །དཔལ་ལྡན་གསུང་གིས་དབང་བསྐུར་རོ། །ཨོཾ་པདྨ་ཨ་བྟི་ཥིཉྩ་ཧྲཱིཿ རིགས་ཀྱི་བུ་ཁྱོད་ལ་རྡོ་རྗེས་དབང་བསྐུར་བས་ངག་གི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་བ་མཐའ་ཡས་དང་མེའི་ཁམས་གོས་དཀར་མོར་སངས་རྒྱས། འདོད་ཆགས་སོ་སོར་རྟོགས་པའི་ཡེ་ཤེས་སུ་གྲོལ་ཏེ། སངས་རྒྱས་པདྨའི་རིགས་ཀྱི་གསུང་འགག་པ་མེད་པའི་ཆོས་ཀྱི་སྒྲ་དབྱངས་ཀྱིས་འགྲོ་བའི་དོན་བྱེད་པར་འགྱུར་རོ། །སློབ་མ་དོན་གྲུབ་ཏུ་གསལ། དྲིལ་བུ་འཛིན་པས། ཧཱུྃ་འདུ་བྱེད་ཕུང་པོ་རྣམ་དག་ཅིང༌། །ཉོན་མོངས་ཕྲག་དོག་སྦྱོང་བྱེད་པའི། །བྱ་བ་གྲུབ་པའི་ཡེ་ཤེས་ཀྱི། །དཔལ་ལྡན་ཕྲིན་ལས་དབང་


JLAZ010_Page_0106
[མ་དཔེ་གཟིགས་ན་འདིར་གནོན།]

བསྐུར་རོ། །ཨོཾ་ཀརྨ་ཨ་བྷི་ཥྀཉྩ་ཨཱཿརིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཀུན་གཞིའི་སྒྲིབ་པ་དག །སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་གི་ཁམས་དམ་ཚིག་སྒྲོལ་མར་སངས་རྒྱས། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་ལས་ཀྱི་རིགས་ཀྱི་ཕྲིན་ལས་ཐོགས་པ་མེད་པར་གྲུབ་ནས་འགྲོ་བའི་དོན་བྱེད་པར་འགྱུར་རོ། །སློབ་མ་རྣམ་སྣང་དུ་གསལ་ལ། མིང་དབང་བྱིན་པར་མོས་ཏེ། ཧཱུྃ་གཟུགས་ཀྱི་ཕུང་པོ་རྣམ་དག་ཅིང༌། །ཉོན་མོངས་གཏི་མུག་སྦྱོང་བྱེད་པའི། །མེ་ལོང་ལྟ་བུའི་ཡེ་ཤེས་ཀྱི། །དཔལ་ལྡན་སྐུ་ཡིས་དབང་བསྐུར་རོ། །ཨོཾ་བུདྡྷ་ཆེ་གེ་མོ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གི་དབང་བསྐུར་བས་ལུས་ཀྱི་སྒྲིབ་པ་དག་ནས། སངས་རྒྱས་ཐམས་ཅད་ཀྱི་སྐུའི་དབང་ཐོབ། གཟུགས་ཀྱི་ཕུང་པོ་རྣམ་པར་སྣང་མཛད་དང་ནམ་མཁའི་ཁམས་དབྱིངས་ཕྱུག་མར་སངས་རྒྱས། གཏི་མུག་མེ་ལོང་ཡེ་ཤེས་སུ་གྲོལ་ཏེ། དེ་བཞིན་གཤེགས་པའི་རིགས་ཀྱི་སྐུ་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །ཞེས་རིགས་དབང་ལྔས་གསང་སྔགས་ཕྱི་བའི་དབང་ཡང་ཞར་བྱུང་དུ་རྫོགས་པའོ། །རྡོ་རྗེ་སློབ་དཔོན་གྱི་དབང་ནི།


JLAZ010_Page_0107
[མ་དཔེ་གཟིགས་ན་འདིར་གནོན།]

ཐུགས་གྱི་དམ་ཚིག་རྡོ་རྗེ་གསོར་བ་དང༌། གསུང་གི་དམ་ཚིག་དྲིལ་བུ་འཁྲོལ་བ་དང༌། སྐུ་ཡི་དམ་ཚིག་འཁྱུད་རྒྱ་བྱེད་པ་སྟེ། དམ་ཚིག་གསུམ་བྱིན་ལ། ཨོཾ་ཨཱ་ཧཱུྃ། ཐབས་དང་ཤེས་རབ་གཉིས་མེད་ཅིང༌། །སྣང་སྟོང་དབྱེར་མེད་འདི་བཟུང་ལ། །སྟོང་ཉིད་སྙིང་རྗེའི་སྙིང་པོ་ཡི། །ཀུན་བཟང་རྡོ་རྗེ་འཛིན་ཁྱོད་ཀྱིས། །འགྲོ་ཀུན་རྗེས་སུ་བཟུང་བར་མཛོད། །རིགས་ཀྱི་བུ་ཁྱོད་ལ་གསང་བ་སྔགས་ཀྱི་ཕྱག་རྒྱའི་དམ་ཚིག་གི་ནང་ན་མཆོག་ཏུ་གྱུར་པ། རྡོ་རྗེ་དང་དྲིལ་བུ་དཀྱིལ་འཁོར་ཐམས་ཅད་པའི་བདག་ཉིད་འདི་ལག་ཏུ་གཏད་པ་ཙམ་གྱིས། རྣམ་པ་ཐམས་ཅད་མཁྱེན་པའི་ས་བོན་ཐེབས། སངས་རྒྱས་ཐམས་ཅད་ཀྱི་མེས་པོ་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་སངས་རྒྱས་ཏེ་སེམས་ཅན་གྱི་དོན་དཔག་ཏུ་མེད་པར་མཛད་ནུས་པར་གྱུར་ཅིག །ཅེས་བརྗོད། རྒྱལ་ཚབ་ཏུ་འོས་པའི་སློབ་བུ་ཡིན་ན། པོ་ཏི། དུང་དཀར། ཕྱག་ཤིང༌། འཁོར་ལོ་ལ་སོགས་པ་སྤྲད་ཅིང་ཁྲི་ལ་མངའ་གསོལ་བ་གཞན་དང་མཐུན། སླར་ཡང་རྣམ་རྒྱལ་བུམ་པ་བཟུང་ལ། ཧཱུྃ་བཀྲ་ཤིས་བུམ་པ་ལྷའི་གཞལ་ཡས། །ལྷ་དང་གཉིས་མེད་བདུད་རྩིའི་ཆུས། །སྐལ་ལྡན་བུ་ལ་དབང་བསྐུར་བས། །སྣང་ཞེན་ལྷ་སྐུའི་ཕྱག་རྒྱར་རྫོགས། །


JLAZ010_Page_0108
[མ་དཔེ་གཟིགས་ན་འདིར་གནོན།]

རྣམ་སྨིན་རིག་འཛིན་ཉེར་ཐོབ་ཅིང༌། །ཀུན་ཏུ་འོད་ཀྱི་ས་ནོན་ཤོག །རྩ་སྔགས་དང༌། ཀཱ་ཡ་ཨ་བྷི་ཥིཉྩ་ཨོཾ། རིག་ཀྱི་བུ་ཁྱོད་ལ་དབང་ཐམས་ཅད་བརྟེན་པར་བྱེད་པ་རྣམ་རྒྱལ་གྱི་བུམ་པས་དབང་བསྐུར་བས། སྣོད་བཅུད་ལྷ་དང་གཞལ་ཡས། ཕུང་པོ་ཁམས་དང་སྐྱེ་མཆེད་ཀྱང་ལྷ་དང་ལྷ་མོར་གནས་དག་པ་ཡིན་པས། ཕྱི་ནང་ཐམས་ཅད་ལ་བརྙས་པར་བྱས་ན་ལྟུང་བར་གྱུར་པ་ཡིན་པས། དག་སྣང་དང་མོས་པ་གྱིས་ཤིག །སྐབས་འདིར་རིགས་བརྒྱའི་ལྷ་དབང་བསྐུར་ན། སོ་སོའི་ཙཀླི་གཏུགས་ལ། ཆོས་རྣམས་རྣམ་དག་ཡེ་ནས་ལྷུན་གྲུབ་ཅིང༌། །བྱ་བ་བྱེད་དང་ཡིད་ཆོས་རྣམ་པར་དག །ཀུན་བཟང་ཡབ་ཡུམ་གཉིས་ཀྱི་དབང་བསྐུར་རོ། །ཨོཾ་ཨཱཿཧཱུྃ་ཨ་བྷི་ཥིཉྩ་ཧཱུྃ། ཞེས་ཀུན་ལ་འགྲེས་སྦྱར་ཞི་ཁྲོའི་ཕྱག་གི་བཀོལ་བྱང་བཞིན་ནོ། །དཔལ་ཆེན་འདུས་པའི་ཚེ། སྤྱི་བོར། ཆེ་མཆོག་ལྷ་ཚོགས་དབང་བསྐུར་བས། །ཆོས་དབྱིངས་ཡེ་ཤེས་རྟོགས་པར་ཤོག །ཨོཾ་གུ་རུ་ཤྲཱི་བཛྲ་ཡཀྴ་ཀྲོ་ཏ་ཙིཏྟ་ཨ་བྷི་ཥིཉྩ་ཧཱུྃ། དཔྲལ་བར། འཇམ་དཔལ་སྐུ་ཡིས་དབང་བསྐུར་བས། །མཉམ་ཉིད་ཡེ་ཤེས་རྟོགས་པར་ཤོག །ཨོཾ་ཧྲཱིཿཥྚི་ཝི་ཀྲི་ཏཱ་ན་ན་ཨ་བྷི་ཥིཉྩ་ཧཱུྃ། མགྲིན་པར། པདྨ་གསུང་གི་དབང་བསྐུར་བས། །སོར་རྟོགས་ཡེ་ཤེས་རྟོགས་པར་ཤོག །ཨོཾ་པདྨ་ཏ་ཀྲི་ཏ་ཧྱ་གྷྲི་ཝ་ཨ་བྷི་ཥིཉྩ་


JLAZ010_Page_0109
[མ་དཔེ་གཟིགས་ན་འདིར་གནོན།]

ཧཱུྃ། སྙིང་གར། ཡང་དག་ཐུགས་ཀྱིས་དབང་བསྐུར་བས། །མེ་ལོང་ཡེ་ཤེས་རྟོགས་པར་ཤོག །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཨ་བྷི་ཥིཉྩ་ཧཱུྃ། ལྟེ་བར། ཕུར་བ་ཕྲིན་ལས་དབང་བསྐུར་བས། །བྱ་གྲུབ་ཡེ་ཤེས་རྟོགས་པར་ཤོག །ཨོཾ་བཛྲ་ཀཱི་ལི་ཀཱི་ཡ་སརྦ་བིག་ནན་བཾ་ཧཱུྃ་ཕཊ་ཨ་བྷི་ཥྀཉྩ་ཧཱུྃ། གསང་གནས། མ་མོ་རྦོད་གཏོང་དབང་བསྐུར་བས། །དབྱིངས་གྲོལ་ཡེ་ཤེས་རྟོགས་པར་ཤོག །ཨོཾ་གུ་ཧྱ་ཛྙཱ་ན་ཤྲཱི་ཧེ་རུ་ཀ་སརྦ་ས་མ་ཡ་ཨ་བྷི་ཤིཉྩ་ཧཱུྃ། བརླ་གཡས། འཇིག་རྟེན་མཆོད་བསྟོད་དབང་བསྐུར་པས། ཀློང་གྱུར་ཡེ་ཤེས་རྟོགས་པར་ཤོག །ཨོཾབཛྲ་ཙཎྜ་སརྦ་དུཥྚཾ་ཨ་བྷི་ཥིཉྩ་ཧཱུྃ། བརླ་གཡོན། དམོད་པ་དྲག་སྔགས་དབང་བསྐུར་བས། །ལྷུན་གྲུབ་ཡེ་ཤེས་རྟོགས་པར་ཤོག །ཨོཾ་བཛྲ་སརྦ་དུཥྚཾ་ཨ་བྷི་ཥིཉྩ་ཧཱུྃ། སྤྱི་བོར། རིག་འཛིན་སློབ་དཔོན་དབང་བསྐུར་བས། །འདའ་ཀ་ཡེ་ཤེས་རྟོགས་པར་ཤོག །ཨོཾ་བཛྲ་མ་ཧཱ་གུ་རུ་ཨ་བྷི་ཥིཉྩ་ཧཱུྃ། དཔུང་བ་གཉིས། ཚོགས་བརྒྱད་གདུག་པ་ཀླུ་ཡི་གདོན། །ཟ་བྱེད་ཁྱུང་གིས་དབང་བསྐུར་རོ། །ཁྲོཾ་ག་རུ་ཌ་ཨ་བྷི་ཥིཉྩ་ཧཱུྃ། དེ་ལྟར་བུམ་པའི་དབང་གིས་ལུས་དང་རྩའི་སྒྲིབ་པ་དག །བསྐྱེད་རིམ་བསྒོམ་པ་ལ་དབང༌། ཕུང་ཁམས་སྐྱེ་མཆེད་ཚོགས་བརྒྱད་དབང་ཡུལ་དང་བཅས་པ་སྐུ་དང་ཡེ་ཤེས་


JLAZ010_Page_0110
[མ་དཔེ་གཟིགས་ན་འདིར་གནོན།]

སུ་འགྱུར་བའི་ས་བོན་ཐེབས། སྤྲུལ་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ། གསང་རྫས་མགྲིན་པར་བཞག་སྟེ། ཧཱུྃ་ཡབ་ཡུམ་སྦྱོར་བའི་བྱང་ཆུབ་སེམས། །དཀར་དམར་བྷནྡྷའི་ནང་དུ་བསྐྱིལ། །སྐལ་ལྡན་བུ་ལ་དབང་བསྐུར་བས། །རྩ་ཁམས་ཡེ་གེའི་རྣམ་པར་སྨིན། །ཚེ་ལ་དབང་བའི་རིག་འཛིན་ཐོབ། །པདྨ་ཅན་གྱི་ས་ནོན་ཤོག །རྩ་སྔགས་དང༌། ཝཱཀྐ་ཨ་བྷི་ཥིཉྩ་ཨཱཿ རྗེས་འབྲེལ་དུ་བཟླས་ལུང་སྦྱིན་པ་ནི། སློབ་དཔོན་གྱི་ཐུགས་ཀ་ནས་རྩ་བའི་སྔགས་ཕྲེང་ལུ་གུ་རྒྱུད་དུ་བྱུང༌། སློབ་མའི་མགྲིན་པ་ནས་ཞུགས་སྙིང་གར་འཁོར་བའི་འགྱུ་བའི་རླུང་ཁམས་མཐའ་དག་གྲགས་སྟོང་སྔགས་ཀྱི་འཁོར་ལོར་རྫོགས་པར་བསམ་ལ། རྩ་སྔགས་ཀྱི་རྗེས་ཟློས་ལན་གསུམ། དེས་ངག་དང་རླུང་གི་སྒྲིབ་པ་དག །བླ་མེད་ཀྱི་དམ་རྫས་ཁྱད་པར་ཅན་སྤྱོད་ཅིང་བཟླས་བརྗོད་དང་གཏུམ་མོའི་རྣལ་འབྱོར་ལ་དབང༌། རླུང་བཅུ་ལས་སུ་རུང་བའི་ཡོན་ཏན་ཐམས་ཅད་ཐོབ། ལོངས་སྤྱོད་རྫོགས་པའི་སྐུ་འགྲུབ་པའི་སྐལ་བ་རྒྱུད་ལ་བཞག །རིག་ཙཀ་གཏད་ལ། ཧོཿཆོས་རྣམས་ཀུན་ཀྱི་འབྱུང་གནས་ཏེ། །བདེ་བ་ཆེན་པོ་གསང་བའི་ཡུམ། །རིགས་ཀྱི་བུ་ལ་བྱིན་པ་ཡིས། །དགའ་བཞིའི་ཡེ་ཤེས་མངོན་དུ་གྱུར། །ཕྱག་རྒྱ་ཆེན་པོའི་རིག་འཛིན་ཐོབ། །འཁོར་ལོ་ཚོགས་ཆེན་ས་ནོན་ཤོག །རྩ་སྔགས་དང༌། ཙིཏྟ་བྷི་ཥིཉྩ་ཧཱུྃ། ཞེས་གཏད་པས། རིག་མ་


JLAZ010_Page_0111
[མ་དཔེ་གཟིགས་ན་འདིར་གནོན།]

དེས་པདྨ་བྷཉྫ་མོཀྵ་ཧོཿཞེས་པའི་སྒྲས་ཐར་པ་བསྟན་པ་ལ་བསྐུལ། རྗེས་སུ་ཆགས་པའི་རོལ་པོས་དགའ་བ་བཞིའི་ཡེ་ཤེས་ཉམས་སུ་མྱོང༌། ཡིད་དང་ཐིག་ལེའི་སྒྲིབ་པ་དག །རང་བཞིན་བརྒྱད་ཅུའི་རྟོག་ཚོགས་འགགས། ཆོས་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག །དབང་བཞི་པ་ལ་མེ་ལོང་དང་ཤེལ་རྡོ་ནི་མཚོན་དཔེའི་བརྡ་སྟེ། དཔེ་དོན་འབྲེལ་པའི་ཡེ་ཤེས་ཉམས་སུ་མྱོང་བར་བསམ་ལ། ཧོཿཀ་དག་མེ་ལོང་གཙང་མའི་ངོགས། །ལྷུན་གྲུབ་དྭངས་ཤེལ་དྲི་མེད་གསལ། བརྡ་རྟགས་རྫོགས་པས་དབང་བསྐུར་བས། །དྲི་མེད་རིག་པའི་གནས་ལུགས་རྟོགས། །ལྷུན་གྲུབ་རིག་འཛིན་ཉེར་ཐོབ་ནས། །བདེ་བ་ཆེན་པོའི་ས་ནོན་ཤོག །རྩ་སྔགས་དང༌། དྷརྨཱ་དྷརྟུ་ཨ་བྷི་ཥིཉྩ་ཨཱཿཞེས་པའི་རྗེས་ལ། སློབ་མ་ལུས་གནད་དང་ལྡན་པས་མཉམ་པར་འཇོག་ཏུ་བཅུག །དེའི་ངང་ལ་ཕཊ་དྲག་པོ་ཞིག་བརྗོད་ལ། སེམས་གང་ཡིན་ཞེས་ཏབ་ཏབ་ཏུ་དྲིས་པས་སྣང་བ་ཧད་དེ། ཕྱད་དེ། ཅི་ཟེར་ཆ་མི་དོད་པ་བྱུང་ཚོར་ཀྱི་སྤྲོས་པ་འགགས་པ་དེ་ཉིད་རིག་པ་རང་གནས་ཀྱི་ཡེ་ཤེས་སུ་ངོ་སྤྲོད། དེའང་ལྟ་བ་ལུང་རིག་དང་འབྲེལ་བ་ཞེས་བྱ་བ་ཡིན་པས། སྨྲ་བསམ་བརྗོད་མེད་ཤེས་རབ་ཕ་རོལ་ཕྱིན། །མ་སྐྱེས་མི་འགག་ནམ་མཁའི་


JLAZ010_Page_0112
[མ་དཔེ་གཟིགས་ན་འདིར་གནོན།]

ངོ་བོ་ཉིད། །སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་གྱུར་རྫོགས་པ་ཆེ། །ཞེས་པའི་ལུང་གིས་སྐྱོར། སློབ་དཔོན་ལྟ་དགོངས་ཅན་ཡིན་ན། ཐུགས་ཀར་ཨ་གཅིག་བསམ་པ་ལ་སློབ་མས་རིག་པ་གཏད་དེ་གཉིས་ཀས་མཉམ་པར་བཞག །སྒོམ་པ་ཉམས་མྱོང་དང་འབྲེལ་བའི་གཤིས་ནས། ཨ་ཉི་ཤུ་རྩ་གཅིག་བརྩེགས་མར་བརྗོད། དེས་ཀུན་གཞི་དང་ཤེས་བྱའི་སྒྲིབ་པ་དག །རྫོགས་པ་ཆེན་པོ་བསམ་གྱིས་མི་ཁྱབ་པའི་ཡེ་ཤེས་བསྒོམ་པ་ལ་དབང༌། ངོ་བོ་ཉིད་སྐུ་ཐོབ་པའི་སྐལ་བ་རྒྱུད་ལ་བཞག །དེ་ནས་བཀའ་རྫོགས་ལུང་རྫོགས་ཕྱིར། །གླེགས་བམ་སྤྱི་བོར་བཞག་བྱས་ལ། ཧོཿ ཆོས་སྐུ་ཀུན་ཏུ་བཟང་པོ། ལོངས་སྐུ་རྒྱལ་བ་རིགས་ལྔ། སྤྲུལ་སྐུ་དགའ་རབ་རྡོ་རྗེ། སློབ་དཔོན་འཇམ་དཔལ་བཤེས་གཉེན། རིག་འཛིན་ཤྲཱི་སེདྷ་། པཎ་ཆེན་བི་མ་ལ་མི་ཏྲ། ཨོ་རྒྱན་པདྨ་ཐོད་ཕྲེང༌། མཁའ་འགྲོ་ཡེ་ཤེས་འཚོ་རྒྱལ། མངའ་བདག་ཁྲི་སྲོང་ལྡེའུ་བཙན། རྒྱལ་སྲས་དྲི་མེད་འོད་ཟེར། ཀློང་ཆེན་ནམ་མཁའི་རྣལ་འབྱོར་ལ་སོགས། རང་བཞིན་རྫོགས་པ་ཆེན་པོའི་རྩ་བ་དང་བརྒྱུད་པར་བཅས་པའི་དཔལ་མགོན་རིག་འཛིན་བླ་མ། ཡི་དམ་མཁའ་འགྲོ་རྒྱ་མཚོ། ཆོས་སྲིད་དམ་ཅན་རྒྱ་མཚོའི་ཚོགས་དང་བཅས་པ་རྣམས་ཀྱིས་དེང་འདིར་རྡོ་རྗེའི་སློབ་མ་རྣམས་ལ་དབང་བསྐུར་དུ་


JLAZ010_Page_0113
[མ་དཔེ་གཟིགས་ན་འདིར་གནོན།]

གསོལ། བྱིན་གྱིས་བརླབ་ཏུ་གསོལ། རྟོགས་པ་སྤར་དུ་གསོལ། བརྟུལ་ཞུགས་བསྐྱེད་དུ་གསོལ། བྱ་རྩོལ་བློ་འདས་རྫོགས་པ་ཆེན་པོའི་ཀློང་དུ་དགོངས་པའི་བཙན་ས་ཟིན་ཏེ། ཚེ་གཅིག་ལུས་གཅིག་ལ་འཇའ་ལུས་འཕོ་བ་ཆེན་པོའི་སྐུ་མཆོག་བརྙེས་ནས་དཔལ་ཀུན་ཏུ་བཟང་པོའི་གོ་འཕང་ལ་འགོད་པར་མཛད་དུ་གསོལ། ཞེས་ལན་གསུམ་དང༌། བཤད་སྒྲུབ་ཀྱི་བརྒྱུད་པ་འཛིན་པ་དག་ལ་ཐོད་རྒལ་རིག་པའི་རྩལ་དབང་བསྐུར་བ་ཡེ་ཤེས་བླ་མ་ལས་ཤེས་སོ། །དེ་ནས་དམ་ཚིག་བསྒྲགས་པ་ནི། གྲངས་དང་རིམ་པའི་རྣམ་དབྱེ་བཤད་ལ། རྩ་བ་སྐུ་གསུང་ཐུགས་མཆོག་དང༌། །ཡན་ལག་དམ་ཚིག་ཉི་ཤུ་ལྔ། །མེད་དང་གཅིག་པུ་ཕྱལ་བ་སོགས། །ཆོ་ག་བཞིན་དུ་བསྲུང་བར་བགྱི། །ལན་གསུམ། གཏང་རག་གི་མཎྜལ་ཕུལ། སླར་ཡང་ལུས་དང་ལོངས་སྤྱོད་བླ་མའི་ཕྱོགས་སུ་བསྔོ་བ་ནི། དམ་ཚིག་གི་ཐ་ཚིག་ཡིན་པས་འདིའི་རྗེས་ཟློས། གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ཁྱོད་ལ་བདག་ཀྱང་ཡོངས་སུ་འབུལ། །སློབ་མར་བཟུང་ནས་སྤྱད་དུ་གསོལ། །གསུམ་གྱི་རྗེས་ལ་དགེ་བ་བསྔོ། གསུམ་པ་རྗེས་ཀྱི་ལས་ཁྲིགས་ནི། ཚོགས་འཁོར་བསྐོར། རྡོ་རྗེའི་གླུ་གར་བྱ། གཏང་རག་དང་དངོས་གྲུབ་བླང༌། རྡུལ་ཚོན་ཡིན་


JLAZ010_Page_0114
[མ་དཔེ་གཟིགས་ན་འདིར་གནོན།]

ན་ཨ་ཀཱ་རོས་བསྡུ་ཞིང་ཆུ་ཀླུང་ལ་གཤེགས། རས་བྲིས་ལ་བརྟན་བཞུགས་བྱ། བསྔོ་སྨོན་དང༌། ཤིས་བརྗོད་ཀྱིས་མཐའ་བརྟེན་པ་སོགས་སྤྱི་ལྟར་བྱའོ། །དེའང་རང་བཞིན་བརྒྱད་ལྡན་གྱི་རྡོ་རྗེ་སློབ་དཔོན་དག་ལ་ནི་ཡི་གེ་འདི་ཙམ་གྱིས་མཚོན་ལ། གཞན་དུ་ལྷོངས་སུ་མ་གྱུར་པའི་གང་ཟག་རྣམས་ལ་ནི་མདོ་སྔགས་ཀྱི་ལམ་སྤྱི་དང་བྱེ་བྲག་པ་དབང་གི་སྒྲོམ་ནས་ཁོང་དུ་ཆུད་པའི་སྐལ་བ་ཅན་ཉུང་པས་རང་དང་སློབ་མའི་དངོས་གྲུབ་ཀྱི་གེགས་སུ་འགྱུར་ཕྱིར་མདོ་སྒྱུ་སེམས་གསུམ་གྱི་རྒྱུད་སྡེའི་གནད་ལ་ངེས་པ་རྙེད་པར་མ་ནུས་ཀྱང༌། ཁོ་བོས་བྱས་པའི་གྲོལ་ཏིག་གི་དབང་ཅོག་མཁྱེན་བརྩེའི་དགོངས་རྒྱན་ལས་སྤྱི་དོན་ཤེས་པར་བྱ་བ་ཁོ་ནའོ། །འདི་ལྟར་ཞི་ཁྲོ་དང༌། དཔལ་ཆེན་ཅི་རིགས་པའི་དཀྱིལ་འཁོར་ཆེན་པོ་གཅིག་ཏུ་འཇུག་སྨིན་ཀྱི་ཆོ་ག་རྫོགས་པ་དག་ལ། རིག་འཛིན་དང༌། ཐུགས་རྗེ་ཆེན་པོ་ལ་སོགས་པའི་སྒོས་དབང་ནི། སོ་སོའི་ལས་གཞུང་གི་བདག་མདུན་བུམ་གསུམ་སྒྲུབ་ཅིང༌། རྩ་དབང་རྒྱལ་ཐབས་སྤྱི་བླུགས་ལྟར་ནང་ནུས་པ་འཇུག་པའི་དབང་གིས་ཆོ་ག་པ་ཡིན་ནོ། །ཞེས་རྫོགས་ཆེན་པ་རང་བྱུང་རྡོ་རྗེས་སོ།། །།

ཀློང་ཆེན་སྙིང་གི་ཐིག་ལེ་ལསཿ ཕྱི་སྒྲུབ་བླ་མའི་རྣལ་འབྱོར་ཡིད་བཞིན་ནོར་བུ།


JLAZ010_Page_0115
[མ་དཔེ་གཟིགས་ན་འདིར་གནོན།]

འུྃཿ ཀློང་ཆེན་སྙིང་གི་ཐིག་ལེ་ལསཿ ཕྱི་སྒྲུབ་བླ་མའི་རྣལ་འབྱོར་ཡིད་བཞིན་ནོར་བུ་བཞུགསཿ རིག་པ་དབྱིངས་ཀྱི་ལྷ་ལ་མདུདཿ བླ་མ་ཕྱི་ལྟར་སྒྲུབ་པ་ནིཿ མ་ངེས་གནས་སྐབས་ཐམས་ཅད་དུཿ ལུས་ནི་རྣམ་སྣང་ཆོས་བདུན་དངཿ མོས་གུས་དྲག་པོའི་ཀུན་སློང་གིསཿ ཤེས་པ་གཞན་དུ་མ་ཡེངས་པརཿ གཞི་རྫོགས་རྟེན་བསྐྱེད་འདི་ལྟར་གསལཿ ཨེ་མ་ཧོཿ རང་སྣང་ལྷུན་གྲུབ་དག་པ་རབ་འབྱམས་ཞིངཿ བཀོད་པ་རབ་རྫོགས་ཟངས་མདོག་དཔལ་རིའི་དབུསཿ རང་ཉིད་རྗེ་བཙུན་རྡོ་རྗེ་རྣལ་འབྱོར་མཿ ངོ་བོ་འཚོ་རྒྱལ་ལ་རྣམ་པ་རྣལ་འབྱོར་མར་གསལ་རྗེས་སུ་འཛིན་པའི་རྟེན་འབྲེལ་གྱི་མན་ངག༔ ཞལ་གཅིག་ཕྱག་གཉིས་དམར་གསལ་གྲི་ཐོད་འཛིནཿ ཞབས་གཉིས་དོར་སྟབས་སྤྱན་གསུམ་ནམ་མཁར་གཟིགསཿ སྤྱི་བོར་པདྨ་འབུམ་བརྡལ་ཉི་ཟླའི་སྟེངཿ སྐྱབས་གནས་ཀུན་འདུས་རྩ་བའི་བླ་མ་དངཿ དབྱེར་མེད་མཚོ་སྐྱེས་རྡོ་རྗེ་སྤྲུལ་པའི་སྐུཿ དཀར་དམར་མདངས་ལྡན་གཞོན་ནུའི་ཤ་ཚུགས་ཅནཿ ཕོད་ཀ་ཆོས་གོས་ཟབ་བེར་མདུང་མ་གསོལཿ ཞལ་གཅིག་ཕྱག་གཉིས་རྒྱལ་པོ་རོལ་པའི་སྟབསཿ ཕྱག་གཡས་རྡོ་རྗེ་གཡོན་པས་ཐོད་བུམ་བསྣམསཿ དབུ་ལ་འདབ་ལྡན་པདྨའི་མཉེན་ཞུ་གསོལཿ མཆན་ཁུང་གཡོན་ན་བདེ་སྟོང་ཡུམ་མཆོག་མཿ


JLAZ010_Page_0116
[མ་དཔེ་གཟིགས་ན་འདིར་གནོན།]

སྦས་པའི་ཚུལ་གྱིས་ཁ་ཊཱཾ་རྩེ་གསུམ་བསྣམསཿ འཇའ་ཟེར་ཐིག་ལེ་འོད་ཕུང་ཀློང་ན་བཞུགསཿ ཕྱི་འཁོར་འོད་ལྔའི་དྲྭ་བས་མཛེས་པའི་ཀློངཿ སྤྲུལ་པའི་རྗེ་འབངས་ཉི་ཤུ་རྩ་ལྔ་དངཿ རྒྱ་བོད་པཎ་གྲུབ་རིག་འཛིན་ཡི་དམ་ལྷཿ མཁའ་འགྲོ་ཆོས་སྐྱོང་དམ་ཅན་སྤྲིན་ལྟར་གཏིབསཿ གསལ་སྟོང་མཉམ་གནས་ཆེན་པོའི་ངང་དུ་གསལཿ ཧཱུྃ་ཨོ་རྒྱན་ཡུལ་གྱི་ནུབ་བྱང་མཚམསཿ པདྨ་གེ་སར་སྡོང་པོ་ལཿ ཡ་མཚན་མཆོག་གི་དངོས་གྲུབ་བརྙེསཿ པདྨ་འབྱུང་གནས་ཞེས་སུ་གྲགསཿ འཁོར་དུ་མཁའ་འགྲོ་མང་པོས་བསྐོརཿ ཁྱེད་ཀྱི་རྗེས་སུ་བདག་བསྒྲུབ་ཀྱིསཿ བྱིན་གྱིས་བརླབ་ཕྱིར་གཤེགས་སུ་གསོལཿ གུ་རུ་པདྨ་སིདྡྷི་ཧཱུྃཿ ཧྲཱིཿ བདག་ལུས་ཞིང་གི་རྡུལ་སྙེད་དུཿ རྣམ་པར་འཕྲུལ་པས་ཕྱག་འཚལ་ལོཿ དངོས་བཤམས་ཡིད་སྤྲུལ་ཏིང་འཛིན་མཐུསཿ སྣང་སྲིད་མཆོད་པའི་ཕྱག་རྒྱར་འབུལཿ སྒོ་གསུམ་མི་དགེའི་ལས་རྣམས་ཀུནཿ འོད་གསལ་ཆོས་སྐུའི་ངང་དུ་བཤགསཿ བདེན་པ་གཉིས་ཀྱི་བསྡུས་པ་ཡིཿ དགེ་ཚོགས་ཀུན་ལ་རྗེས་ཡི་རངཿ ཐེག་གསུམ་ཆོས་འཁོར་བསྐོར་བར་བསྐུལཿ ཇི་སྲིད་འཁོར་བ་མ་སྟོངས་བརཿ མྱ་ངན་མི་འདའ་བཞུགས་གསོལ་འདེབསཿ དུས་གསུམ་བསགས་པའི་དགེ་རྩ་ཀུནཿ བྱང་


JLAZ010_Page_0117
[མ་དཔེ་གཟིགས་ན་འདིར་གནོན།]

ཆུབ་ཆེན་པོའི་རྒྱུ་རུ་བསྔོཿ རྗེ་བཙུན་གུ་རུ་རིན་པོ་ཆེཿ ཁྱེད་ནི་སངས་རྒྱས་ཐམས་ཅད་ཀྱིཿ ཐུགས་རྗེ་བྱིན་རླབས་འདུས་པའི་དཔལཿ སེམས་ཅན་ཡོངས་ཀྱི་མགོན་གཅིག་པུཿ ལུས་དང་ལོངས་སྤྱོད་བློ་སྙིང་བྲངཿ ལྟོས་པ་མེད་པར་ཁྱེད་ལ་འབུལཿ འདི་ནས་བྱང་ཆུབ་མ་ཐོབ་བརཿ སྐྱིད་སྡུག་ལེགས་ཉེས་མཐོ་དམན་ཀུནཿ རྗེ་བཙུན་ཆེན་པོ་པད་འབྱུང་མཁྱེནཿ བདག་ལ་རེ་ས་གཞན་ན་མེདཿ ད་ལྟའི་དུས་ངན་སྙིགས་མའི་འགྲོཿ མི་བཟད་སྡུག་བསྔལ་འདམ་དུ་བྱིངཿ འདི་ལས་སྐྱོབས་ཤིག་མ་ཧཱ་གུ་རུཿ དབང་བཞི་བསྐུར་ཅིག་བྱིན་རླབས་ཅནཿ རྟོགས་པ་སྤོར་ཅིག་ཐུགས་རྗེ་ཅནཿ སྒྲིབ་གཉིས་སྦྱོངས་ཤིག་ནུས་མཐུ་ཅནཿ ནམ་ཞིག་ཚེ་ཡི་དུས་བྱས་ཚེཿ རང་སྣང་རྔ་ཡབ་དཔལ་རིའི་ཞིངཿ ཟུང་འཇུག་སྤྲུལ་པའི་ཞིང་ཁམས་སུཿ གཞི་ལུས་རྡོ་རྗེ་རྣལ་འབྱོར་མཿ གསལ་འཚེར་འོད་ཀྱི་གོང་བུ་རུཿ གྱུར་ནས་རྗེ་བཙུན་པད་འབྱུང་དངཿ དབྱེར་མེད་ཆེན་པོར་སངས་རྒྱས་ཏེཿ བདེ་དང་སྟོང་པའི་ཆོ་འཕྲུལ་གྱིཿ ཡེ་ཤེས་ཆེན་པོའི་རོལ་པ་ལསཿ ཁམས་གསུམ་སེམས་ཅན་མ་ལུས་པཿ འདྲེན་པའི་དེད་དཔོན་དམ་པ་རུཿ རྗེ་བཙུན་པདྨས་དབུགས་དབྱུང་གསོལཿ གསོལ་བ་སྙིང་གི་དཀྱིལ་ནས་འདེབསཿ


JLAZ010_Page_0118
[མ་དཔེ་གཟིགས་ན་འདིར་གནོན།]

ཁ་ཙམ་ཚིག་ཙམ་མ་ཡིན་ནོཿ བྱིན་རླབས་ཐུགས་ཀྱི་ཀློང་ནས་སྩོལཿ བསམ་དོན་འགྲུབ་པར་མཛད་དུ་གསོལཿ ཨོཾ་ཨཱཿཧཱུྃཿ བཛྲ་གུ་རུ་པདྨ་སིདྡྷི་ཧཱུྃཿ ཞེས་ཁ་ཞེ་ངོས་ལྐོག་མེད་པར་བློས་ལིང་བསྐྱུར་གྱིས་བཟླས་པ་ཆུ་བོའི་རྒྱུན་བཞིན་བཟླ་བ་དང་མཉམ་དུ་དབང་བཞི་ལེན་པའི་དམིགས་པ་བྱཿ དམིགས་པ་མི་གསལ་བ་དང་ཁམས་འདུས་པ་སོགས་བྱུང་ནཿ སྣང་སྲིད་སྣོད་བཅུད་ཐམས་ཅད་ཨོ་རྒྱན་ཆེན་པོའི་སྐུ་གསུང་ཐུགས་ཀྱི་རོལ་པར་དག་སྣང་སྦྱངས་ཏེ་གསོལ་བ་ཕུར་ཚུགས་སུ་བཏབཿ ཉམས་སྤྲོ་བ་དང་རིག་པ་དྭངས་པའི་ཚེ་སྣང་བ་གཏད་མེད་དུ་བསྐྱུར་ནས་ད་ལྟའི་ཤེས་པ་སྐད་ཅིག་མ་ཡེ་རེ་སྐྱོངཿ སྡུག་བསྔལ་གཏམ་ངན་ན་ཚ་སོགས་བྱུང་ན་བདག་གི་ལས་ངན་འཛད་པའི་ཐབས་སུ་བླ་མས་གནང་བ་ཡིན་པས་ང་རེ་དགའ་སྙམ་དུ་ཡིད་དྭངས་སྤྲོ་སིང་ངེ་བ་གྱིས་ལ་རླུང་རོ་འབུད་ཅིང་གསོལ་འདེབས་ལ་འབདཿ གདོན་བགེགས་ཀྱིས་འཚེ་བ་བྱུང་ན་དེ་ལ་སྙིང་རྗེ་དུང་དུང་བ་བསྐྱེད་ལ་ཁོའི་སེམསཿ རང་གི་རིག་པ་གུ་རུའི་ཐུགས་གསུམ་དབྱེར་མེད་དུ་བསྲེས་ལ་གནོད་བྱེད་ཀྱི་རྣམ་རྟོག་རྩ་གདར་བཅད་དེ་བཛྲ་གུ་རུ་ལ་འབདཿ རྟག་པར་གང་དུ་འདུག་པའི་གནས་ཟངས་མདོག་དཔལ་རི་དངོས་ཡིན་སྙམ་པ་ལས་ཐ་མལ་དུ་མི་བལྟཿ དེས་ཞིང་ཁམས་འབྱོངས་པ་ཡིན་ནོ། །འགྲོ་བའི་ཚེ་སངས་རྒྱས་ཀྱི་ཞིང་ཁམས་རྡུལ་ཕྲ་རབ་ལ་བསྐོར་བ་བྱེད་པར་བསམཿ ཅི་ཟ་ཅི་འཐུང་གི་ཕུད་བདུད་རྩིའི་རང་བཞིན་དུ་བསམས་ཏེ།


JLAZ010_Page_0119
[མ་དཔེ་གཟིགས་ན་འདིར་གནོན།]

སྤྱི་བོའི་བླ་མ་ལ་འབུལཿ ཉལ་བའི་ཚེ་སྤྱི་བོ་ཚངས་པའི་བུ་ག་ནས་མར་ལ་ཡེར་གྱིས་བྱོན་ནསཿ རང་གི་སྙིང་པདྨ་འདབ་བཞིའི་རྣམ་པར་གནས་པའི་ནང་དུ་བྱོནཿ དེའི་འོད་ཟེར་གྱིས་རང་ལུས་སྣོད་བཅུད་དང་བཅས་པ་འོད་གསལ་དུ་སྦྱངས་པའི་སྣང་བ་ནང་གསལ་ཐིམ་ལ་མ་རྨུགས་པའི་ངང་དུ་ཁམས་གསོཿ གལ་ཏེ་སད་པ་ན་འཕྲོ་རྒོད་རྒྱ་འབྱམས་དང་རྨི་ལམ་སོགས་ལ་བསམ་གཞིག་གི་འཕྲོ་བཅད་དེ་འོད་གསལ་གྱི་ངང་མདངས་ཁྱབ་གདལ་དུ་བསྐྱངསཿ ནང་པར་ལྡང་བའི་ཚེ་ཆུ་ལས་ཉ་འཕར་བ་བཞིནཿ གཞི་ལུས་ཞིང་ཁམས་ཀྱི་བཀོད་པ་དང་བཅས་པ་གསལ་བཞིན་པའི་ངང་ལས་སྙིང་གའི་བླ་མ་དབུ་མའི་ལམ་བརྒྱུད་སྤྱི་བོའི་སྟེང་གི་བར་སྣང་ལ་ཡེ་རེ་ཁྱིལ་ལེར་དགྱེས་བཞིན་དུ་བཞུགས་པར་བསམཿ མདོར་ན་དུས་དང་རྣམ་པ་ཐམས་ཅད་དུ་ཕྱི་སྣོད་ཀྱི་འཇིག་རྟེན་ཟངས་མདོག་དཔལ་རིའི་ཕོ་བྲངཿ ནང་བཅུད་ཀྱི་སེམས་ཅན་དཔའ་བོ་མཁའ་འགྲོའི་ཚོམ་བུཿ གསང་བ་སེམས་ཀྱི་འཕྲོ་འདུ་རང་གྲོལ་བྱ་ལམ་རྗེས་མེད་དུ་ཤེས་པའི་ངང་ནས་སྙིང་པོ་བཛྲ་གུ་རུ་ཁོ་ན་ལ་འབད་ཅིངཿ ཐུན་མཚམས་སུ་ཟངས་མདོག་དཔལ་རིའི་སྨོན་ལམ་འདོན་ཞིང་བསྔོ་བས་རྒྱས་འདེབསཿ དུས་དང་དུས་མ་ཡིན་ལ་སོགས་མདོར་ན་ནམ་འཆི་བ་ལ་བབས་པའི་ཚེ་གཞི་ལུས་རྡོ་རྗེ་རྣལ་འབྱོར་མའི་རྣམ་པ་འོད་ཀྱི་གོང་བུར་གྱུར་ནས་སྤྱི་བོའི་བླ་མ་ལ་བསྟིམསཿ བླ་མ་རང་སེམས་གཉིས་སུ་མེད་པའི་ངང་ལ་ཤེས་པ་སྤྲོ་བསྡུ་


JLAZ010_Page_0120
[མ་དཔེ་གཟིགས་ན་འདིར་གནོན།]

དང་བྲལ་བར་བཞག་པ་ནི་འཕོ་བ་ཐམས་ཅད་ཀྱི་རྒྱལ་པོ་ཡིན་ལཿ འདི་ལྟ་བུའི་མན་ངག་ནི་བསྐྱེད་རིམ་གྱི་གནདཿ རྫོགས་རིམ་གྱི་བཅུདཿ གནས་ལུགས་ཀྱི་མཚངཿ མན་ངག་གི་མདུན་ཡིན་པས་ཆོས་སྒོ་བརྒྱད་ཁྲི་བཞི་སྟོང་ཞལ་བསྡུར་ཀྱང་གནད་འདི་ལས་ཟབ་པ་འབྱུང་མི་སྲིད་པའི་ཟབ་རྒྱ་ཡིན་པས་སྐལ་ལྡན་རྣམས་ཀྱི་སྙིང་ལ་གཅེས་པར་ཟུངས་ཤིགཿ ཨེ་མ་ཀློང་ཆེན་སྙིང་གི་ཐིག་ལེ་ལསཿ ཕྱི་སྒྲུབ་བླ་མའི་རྣལ་འབྱོར་སྐོརཿ ཟབ་གཉན་བྱིན་རླབས་ཚན་ཁ་ཆེཿ འོད་གསལ་དབུ་མའི་ཕོ་བྲང་དུཿ ཤེས་རིག་པདྨ་ཐོད་ཕྲེང་གིསཿ བྱིན་རླབས་བརྡ་བརྒྱུད་ཚུལ་དུ་གདམསཿ འགྲོ་དོན་དུས་ལ་བབ་པའི་ཚེཿ ཐུགས་གཏེར་ནམ་མཁའ་མཛོད་ཀྱི་སྒོཿ རྟེན་འབྲེལ་ཟབ་མོའི་རྐྱེན་གྱིས་ཕྱེདཿ ཤིན་ཏུ་ཟབ་པའི་མཐར་ཐུག་གོཿ ས་མ་ཡཿ རྒྱ་རྒྱ་རྒྱཿ ༈ དབང་བཞི་ལེན་པའི་དམིགས་པ་ནི། བླ་མ་ལ་གདུང་བ་དྲག་པོའི་རྐྱེན་གྱིས་བདག་ཉིད་ལ་བརྩེ་བས་རྗེས་སུ་དགོངས་ཏེ། གུ་རུའི་སྨིན་མཚམས་ནས་ཨོཾ་ཡིག་ཆུ་ཤེལ་ལྟ་བུར་འཚེར་བ་ལས་འོད་ཟེར་འཕྲོས། རང་གི་སྤྱི་བོ་ནས་ཞུགས། ལུས་ཀྱི་ལས་དང་རྩའི་སྒྲིབ་པ་དག །སྐུ་རྡོ་རྗེ་བྱིན་རླབས་ཞུགས། བུམ་པའི་དབང་ཐོབ། བསྐྱེད་རིམ་གྱི་སྣོད་དུ་གྱུར། རྣམ་སྨིན་རིག་འཛིན་གྱི་ས་བོན་ཐེབས། སྤྲུལ་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག །མགྲིན་པ་ན་ཨཱཿཡིག་པདྨ་རཱ་ག་ལྟར་འབར་བ་ལས་འོད་ཟེར་འཕྲོས། རང་གི་མགྲིན་པ་ནས་ཞུགས། ངག་གི་ལས་དང་རླུང་གི་སྒྲིབ་པ་དག །གསུང་རྡོ་རྗེའི་བྱིན་རླབས་ཞུགས། གསང་བའི་དབང་


JLAZ010_Page_0121
[མ་དཔེ་གཟིགས་ན་འདིར་གནོན།]

ཐོབ། བཟླས་བརྗོད་ཀྱི་སྣོད་དུ་གྱུར། ཚེ་དབང་རིག་འཛིན་གྱི་ས་བོན་ཐེབས། ལོངས་སྤྱོད་རྫོགས་པའི་གོ་འཕང་གི་སྐལ་བ་བརྒྱུད་ལ་བཞག །ཐུགས་ཀའི་ཧཱུྃ་ཡིག་ནམ་མཁའི་མདོག་ཅན་ལས་འོད་ཟེར་འཕྲོས། རང་གི་སྙིང་ག་ནས་ཞུགས། ཡིད་ཀྱི་ལས་དང་ཐིག་ལེའི་སྒྲིབ་པ་དག །ཐུགས་རྡོ་རྗེའི་བྱིན་རླབས་ཞུགས། ཤེས་རབ་ཡེ་ཤེས་ཀྱི་དབང་ཐོབ། བདེ་སྟོང་ཙཎྜ་ལཱིའི་སྣོད་དུ་གྱུར། ཕྱག་རྒྱའི་རིག་འཛིན་གྱི་ས་བོན་ཐེབས། ཆོས་སྐུའི་གོ་འཕང་གི་སྐལ་བ་རྒྱུད་ལ་བཞག །སླར་ཡང་ཐུགས་ཀའི་ཧཱུྃ་ཡིག་གཉིས་པ་ཞིག་སྐར་མདའ་འཕངས་པ་བཞིན་ཏུ་ཆད། རང་སེམས་དང་ཐ་དད་མེད་པར་འདྲེས། ཀུན་གཞིའི་ལས་དང་ཤེས་བྱའི་སྒྲིབ་པ་སྦྱངས། ཡེ་ཤེས་རྡོ་རྗེའི་བྱིན་རླབས་ཞུགས། ཚིག་གིས་མཚོན་པར་དོན་དམ་གྱི་དབང་ཐོབ། །ཀ་དག་རྫོགས་པ་ཆེན་པོའི་སྣོད་དུ་གྱུར། ལྷུན་གྲུབ་རིག་འཛིན་གྱི་ས་བོན་ཐེབས། མཐར་ཐུག་གི་འབྲས་བུ་ངོ་བོ་ཉིད་སྐུའི་སྐལ་བ་རྒྱུད་ལ་བཞག་གོ། དེ་རྗེས་གུ་རུའི་སྐུ་གསུང་ཐུགས་དང་རང་གི་སྒོ་གསུམ་དུ་མ་རོ་གཅིག་ཏུ་བསྲེས་པའི་ངང་ལ་ལྟ་བའི་ངང་མདངས་བསྐྱང་ཞིང་གསོལ་འདེབས་བསྙེན་པ་ལ་འབད། འདི་ནི་བླ་མ་ཆོས་སྐུའི་ཞལ་བལྟ་བ་ཞེས་བྱའོཿ

དཀྱིལ་འཁོར་ཐམས་ཅད་ཀྱི་ངོ་བོ་བླ་མ་མཆོད་པའི་ཆོ་ག་དངོས་གྲུབ་རྒྱ་མཚོ།


JLAZ010_Page_0123
[མ་དཔེ་གཟིགས་ན་འདིར་གནོན།]

དཀྱིལ་འཁོར་ཐམས་ཅད་ཀྱི་ངོ་བོ་བླ་མ་མཆོད་པའི་ཆོ་ག་དངོས་གྲུབ་རྒྱ་མཚོ་ཞེས་བྱ་བ་བཞུགས། །


JLAZ010_Page_0124
[མ་དཔེ་གཟིགས་ན་འདིར་གནོན།]

གང་ཞིག་བསམ་གྱིས་མི་ཁྱབ་པའི། །ཡེ་ཤེས་ལྷན་ཅིག་སྐྱེས་པ་ནི། །བླ་མའི་བྱིན་གྱིས་ཐོབ་པའི་ཕྱིར། །དེ་ཉིད་མཆོད་པའི་ཆོ་ག་བཤད། །དེ་ལ་དུས་གསུམ་གྱི་སངས་རྒྱས་ཐམས་ཅད་ཀྱང་བླ་མའི་ཐུགས་རྗེ་དང་བྱིན་རླབས་ལ་བརྟེན་ནས་གྲོལ་ཞིང་དགྲོལ་བར་འགྱུར་བ་འབའ་ཞིག་ལས་སྟེས་དབང་དང་རང་བཟོས་གྲོལ་བ་མ་ཡིན་པའི་ཚུལ་ཡེ་ཤེས་གྲུབ་པ་ལས། སྐྱ་བ་འཛིན་པ་མེད་པར་ནི། །གྲུས་ཀྱང་ཕ་རོལ་ཕྱིན་མི་འགྱུར། །ཡོན་ཏན་ཐམས་ཅད་ཀུན་རྫོགས་ཀྱང༌། །བླ་མ་མེད་ན་སྲིད་མཐའ་མིན། །ཞེས་སོ། །དེ་བས་ན་སྒོམ་པ་ཐམས་ཅད་ཀྱི་ནང་ནས་བླ་མ་སྒོམ་པ་དང༌། མཆོད་པ་ཐམས་ཅད་ཀྱི་ནང་ནས་བླ་མ་མཆོད་པ་ལས་ལྷག་པའི་བསོད་ནམས་མེད་པའི་ཚུལ་ནམ་མཁའ་ཀློང་ཡངས་ལས། ལྷ་སྐུ་འབུམ་ཕྲག་སྟོང་སྒོམས་པས། །བླ་


JLAZ010_Page_0125
[མ་དཔེ་གཟིགས་ན་འདིར་གནོན།]

མའི་མོས་པ་ཁྱད་པར་འཕགས། །ཞེས་དང༌། དེའི་ཚུལ་ཡང་བསྐྱེད་རྫོགས་གཞན་དག་བསྙེན་སྒྲུབ་ལས་སྦྱོར་དང་བོགས་འདོན་གྱི་གྲོགས་རྐྱེན་ལ་ལྟོས་པ་ལས་རང་ངོ་དེས་མི་གྲོལ་ལ། འདིར་ནི་བླ་མའི་སྣང་བ་མ་བྲལ་ན། །སངས་རྒྱས་རྣམས་དང་འབྲེལ་མེད་གནས། །ཞེས་དང༌། རྒྱུད་སྡེ་ལྔ་བཅུ་པ་ལས། གཡོ་མེད་མོས་གུས་ཟླ་དྲུག་གིས། །རྡོ་རྗེ་འཆང་གི་ས་ཐོབ་འགྱུར། །ཞེས་པ་ལ་དགོངས་ནས། སྡོམ་འབྱུང་ལས། མཆོད་པ་ཐམས་ཅད་ཡོངས་སྤངས་ཏེ། །བླ་མ་མཆོད་པ་ཡང་དག་བརྩམ། །འདི་མཉེས་པས་ནི་ཀུན་མཁྱེན་གྱི། །ཡེ་ཤེས་མཆོག་ནི་ཐོབ་པར་འགྱུར། །ཞེས་པས་འདིར་དེའི་ཚུལ་ལག་ཏུ་བླང་བའི་ཆོ་ག་ལ་སྦྱོར་དངོས་རྗེས་གསུམ་ལས། དང་པོ་ནི། དབང་དང་


JLAZ010_Page_0126
[མ་དཔེ་གཟིགས་ན་འདིར་གནོན།]

འབྲེལ་ན་ཚོན་དཀྱིལ་གཉིས་གང་རུང་གི་དཀྱིལ་འཁོར་སྒོ་རྫོགས་ཅན་སྤྱི་དང་མཐུན་པ་ལ་དབུས་ནས་རིམ་པར་རིན་ཆེན་ཟུར་བརྒྱད། རིག་འཛིན་སྣམ་བུ། པད་འདབ་བཅུ་བཞི། ཉེར་བཞི། ཞེ་ལྔ་པ་རྣམས་ལ་ལྷ་གནས་ཀྱི་དྲིའི་ཐིག་ལེ་བཀོད་པའི་ཤར་སྒོའི་གཡས་གཡོན་དུ་དབང་རྫས་ཀྱང་བཤམ། ཚོགས་གསོག་སྤྱིར་བཏང་ཙམ་ལ་དཀྱིལ་འཁོར་མ་གྲུབ་ན་བྲིས་སྐུ་ལ་སོགས་པའི་རྟེན་དང་སྤྱན་གཟིགས་དགྲམ། མཆོད་གཏོར་དང་ཚོགས་ཀྱི་འཁོར་ལོའི་ལོངས་སྤྱོད་རྒྱ་ཆེན་པོ་འདུ་བྱ་བ་ནི་ཅི་ནས་ཀྱང་གལ་ཆེའོ། །གཉིས་པ་དངོས་གཞི་ལ་རྣམ་གྲངས་ཉེར་གཅིག་ལས། དང་པོ་སྐྱབས་སེམས་ནི། སངས་རྒྱས་ཆོས་དང་ཚོགས་སོགས་ལན་གསུམ། གཉིས་པ་བླ་མའི་མོས་གུས་ལ་བརྟེན་ནས་རྒྱུད་སྦྱོང་བ་ནི། མོས་གུས་དྲག་པོས། སྙིང་དབུས་དད་པའི་གེ་སར་བཞད་པ་ནས། །སྐྱབས་གཅིག་དྲིན་ཅན་བླ་མ་ཡར་ལ་བཞེངས། །ལས་དང་ཉོན་མོངས་དྲག་པོས་གཟིར་བ་ཡི། །སྐལ་པ་ངན་པ་བདག་ལ་སྐྱོབ་པའི་ཕྱིར། །སྤྱི་བོ་བདེ་ཆེན་འཁོར་ལོའི་རྒྱན་དུ་བཞུགས། །དྲན་དང་ཤེས་བཞིན་ཀུན་ཀྱང་བཞེངས་སུ་གསོལ། །ད་རེས་དམྱལ་བ་ཡི་དྭགས་དུད་འགྲོ་དང༌། ཚེ་རིང་ལྷ་དང་ཀླ་ཀློ་ལོག་ལྟ་ཅན། །སངས་རྒྱས་མ་བྱོན་ཞིང་དང་ལྐུགས་པ་སྟེ། །མི་ཁོམ་བརྒྱད་ལས་ཐར་པའི་དལ་བ་ཐོབ། །མིར་གྱུར་དབང་པོ་ཚང་དང་ཡུལ་དབུས་སྐྱེས། །


JLAZ010_Page_0127
[མ་དཔེ་གཟིགས་ན་འདིར་གནོན།]

ལས་མཐའ་མ་ལོག་བསྟན་ལ་དད་པ་སྟེ། །རང་ཉིད་འབྱོར་པ་ལྔ་ཚངས་སངས་རྒྱས་བྱོན། །ཆོས་གསུང་བསྟན་པ་གནས་དང་དེ་ལ་ཞུགས། །བཤེས་གཉེན་དམ་པས་ཟིན་དང་གཞན་འབྱོར་ལྔ། །ཐམས་ཅད་རང་ལ་ཚང་བའི་གནས་ཐོབ་ཀྱང༌། །རྐྱེན་མང་ངེས་པ་མེད་པའི་ཆོས་སྤངས་ནས། །འཇིག་རྟེན་ཕ་རོལ་ཉིད་དུ་སོན་པར་འགྱུར། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ད་རེས་དལ་རྟེན་དོན་ཡོད་མ་བྱས་ན། །ཕྱི་ནས་ཐར་བ་བསྒྲུབ་པའི་རྟེན་མི་རྙེད། །བདེ་འགྲོའི་རྟེན་ལ་བསོད་ནམས་ཟད་གྱུར་ནས། །ཤི་བའི་འོག་ཏུ་ངན་སོང་ངན་འགྲོར་འཁྱམ། །དགེ་སྡིག་མི་ཤེས་ཆོས་ཀྱི་སྒྲ་མི་ཐོས། །དགེ་བའི་བཤེས་དང་མི་མཇལ་མཚང་རེ་ཆེ། །སེམས་ཅན་ཙམ་གྱི་གྲངས་དང་རིམ་པ་ལ། །བསམས་ན་མི་ལུས་ཐོབ་པ་སྲིད་མཐའ་ཙམ། །མི་ཡང་ཆོས་མེད་སྡིག་ལ་སྤྱོད་མཐོང་ན། །ཆོས་བཞིན་སྤྱོད་པ་ཉིན་མོའི་སྐར་མ་ཙམ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །གལ་ཏེ་མི་ལུས་རིན་ཆེན་གླིང་ཕྱིན་ཡང༌། །ལུས་རྟེན་བཟང་ལ་བྱུར་པོ་ཆེ་ཡི་སེམས། །ཐར་པ་


JLAZ010_Page_0128
[མ་དཔེ་གཟིགས་ན་འདིར་གནོན།]

བསྒྲུབ་པའི་རྟེན་དུ་མི་རུང་ཞིང༌། །ཁྱད་པར་བདུད་ཀྱིས་ཟིན་དང་དུག་ལྔ་འཁྲུགས། །ལས་ངན་ཐོག་ཏུ་བབས་དང་ལེ་ལོས་གཡེང༌། །གཞན་ཁོལ་བྲན་གཡོག་འཇིགས་སྐྱོབ་ཆོས་ལྟར་བཅོས། །རྨོངས་སོགས་འཕྲལ་བྱུང་རྐྱེན་གྱི་མི་ཁོམ་བརྒྱད། །བདག་ལ་ཆོས་ཀྱི་འགལ་ཟླ་ལྷགས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །སྐྱོ་ཤས་ཆུང་ཞིང་དད་པའི་ནོར་དང་བྲལ། །འདོད་སྲེད་ཞགས་པས་བཅིངས་དང་ཀུན་སྤྱོད་རྩུབ། །མི་དགེ་སྡིག་ལ་མི་འཛེམ་ལས་མཐའ་ལོག །སྡོམ་པ་ཉམས་ཤིང་དམ་ཚིག་རལ་པ་སྟེ། །རིས་ཆད་བློ་ཡི་མི་ཁོམ་རྣམ་པ་བརྒྱད། །བདག་ལ་ཆོས་ཀྱི་འགལ་ཟླ་ལྷགས་པ་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ད་ལྟ་ནད་དང་སྡུག་བསྔལ་གྱིས་མ་གཟིར། །བྲན་ཁོལ་ལ་སོགས་གཞན་དབང་མ་གྱུར་པས། །རང་དབང་ཐོབ་པའི་རྟེན་འབྲེལ་འགྲིགས་དུས་འདིར། །སྙོམས་ལས་ངང་དུ་དལ་འབྱོར་ཆུད་གསོན་ན། །འཁོར་དང་ལོངས་སྤྱོད་ཉེ་དུ་འབྲེལ་པ་ལྟ། །ལྟ་ཅི་གཅེས་པར་བཟུང་བའི་ལུས་འདི་ཡང༌། །མལ་གྱི་ནང་ན་ས་ཕྱོགས་སྟོང་པར་བསྐྱལ། །ཝ་དང་བྱ་རྒོད་


JLAZ010_Page_0129
[མ་དཔེ་གཟིགས་ན་འདིར་གནོན།]

ཁྱི་ཡིས་འདྲད་པའི་དུས། །བར་དོའི་ཡུལ་ན་འཇིགས་པ་ཤིན་ཏུ་ཆེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །དགེ་སྡིག་ལས་ཀྱི་རྣམ་སྨིན་ཕྱི་བཞིན་འབྲང༌། །ཁྱད་པར་དམྱལ་བའི་འཇིག་རྟེན་ཉིད་སོན་ན། །ལྕགས་བསྲེགས་ས་གཞིར་མཚོན་གྱིས་མགོ་ལུས་འབྲལ། །སོག་ལེས་གཤོག་དང་ཐོ་ལུམ་འབར་བས་འཚིར། །སྒོ་མེད་ལྕགས་ཁྱིམ་འཐུམས་པར་འོ་དོད་འབོད། །འབར་བའི་གསལ་ཤིང་གིས་འབུགས་ཁྲོ་ཆུར་འཚོད། །ཀུན་ནས་ཚ་བའི་མེས་བསྲེགས་བརྒྱད་ཚན་གཅིག །གངས་རི་སྟུག་པོའི་འདབས་དང་ཆུ་འཁྱགས་ཀྱི། །གཅོང་རོང་ཡ་ངའི་གནས་སུ་བུ་ཡུག་སྦྲེབས། །གྲང་རེག་རླུང་གིས་བཏབ་པའི་ལང་ཚོ་ནི། །ཆུ་བུར་ཅན་དང་ལྷག་པར་བརྡོལ་བ་ཅན། །སྨྲེ་སྔགས་རྒྱུན་མི་ཆད་པར་འདོན་པ་ཡང༌། །ཚོར་པའི་སྡུག་བསྔལ་བརྣག་པར་དཀའ་བ་ཡིས། །ཟུངས་ཀྱིས་རབ་བཏང་འཆི་ཁའི་ནད་པ་བཞིན། །ཤུགས་རིང་འདོན་ཞིང་སོ་ཐམ་པགས་པ་འགས། །ཤའུ་ཐོན་ནས་ལྷག་པར་འགས་ཏེ་བརྒྱད། །དེ་བཞིན་སྤུ་གྲིའི་ཐང་ལ་རྐང་པ་གཤོགས། །རལ་གྲིའི་ཚལ་དུ་ལུས་ལ་བཅད་གཏུབས་བྱེད། །རོ་མྱགས་འདམ་ཚུད་ཐལ་ཚན་


JLAZ010_Page_0130
[མ་དཔེ་གཟིགས་ན་འདིར་གནོན།]

རབས་མེད་ཀློང༌། །མནར་བའི་ཉེ་འཁོར་བ་དང་འགྱུར་བ་ཅན། །སྒོ་དང་ཀ་བ་ཐབ་དང་ཐག་པ་སོགས། །རྟག་ཏུ་བཀོལ་ཞིང་སྤྱོད་པའི་ཉི་ཚེ་བ། །རྣམ་གྲངས་བཅོ་བརྒྱད་གང་ལས་འབྱུང་བའི་རྒྱུ། །ཞེ་སྡང་དྲག་པོའི་ཀུན་སློང་སྐྱེས་པའི་ཚེ། །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །དེ་བཞིན་ཕོངས་ལ་ཉམས་མི་དགའ་བའི་ཡུལ། །བཟའ་བཏུང་ལོངས་སྤྱོད་མིང་ཡངས་མི་གྲགས་པར། །ཟས་སྐོམ་ལོ་ཟླར་མི་རྙེད་ཡི་དྭགས་ལུས། །རིད་ཅིང་ལྡང་བའི་སྟོབས་ཉམས་རྣམ་པ་གསུམ། །གང་ལས་འབྱུང་བའི་རྒྱུ་ནི་སེར་སྣ་ཡིན། །གཅིག་ལ་གཅིག་བཟའ་གསོད་པའི་འཇིགས་པ་ཆེ། །བཀོལ་ཞིང་སྤྱོད་པས་ཉམ་ཐག་བླང་དོར་རྨོངས། །ཕ་མཐའ་མེད་པའི་སྡུག་བསྔལ་གྱིས་གཟིར་བའི། །ས་བོན་གཏི་མུག་མུན་པར་འཁྱམས་པ་བདག །བློ་སྣ་ཆོས་ལ་སྒྱུར་ཅིག་གུ་རུ་མཁྱེན། །ལམ་གོལ་དམན་པར་མ་གཏོང་ཀུན་མཁྱེན་རྗེ། །གཉིས་སུ་མེད་དོ་དྲིན་ཅན་བླ་མ་མཁྱེན། །ཆོས་ལམ་ཞུགས་ཀྱང་ཉེས་སྦྱོད་མི་སྡོམ་ཞིང༌། །ཐེག་ཆེན་སྒོར་ཞུགས་གཞན་ཕན་སེམས་དང་བྲལ། །དབང་བཞི་ཐོབ་ཀྱང་བསྐྱེད་རྫོགས་མི་སྒོམ་པའི། །ལམ་གོལ་འདི་ལས་བླ་མས་བསྒྲལ་དུ་གསོལ། །ལྟ་བ་མ་རྟོག་ཐོ་ཅོའི་སྤྱོད་


JLAZ010_Page_0131
[མ་དཔེ་གཟིགས་ན་འདིར་གནོན།]

པ་ཅན། །སྒོམ་པ་ཡེངས་ཀྱང་གོ་ཡུལ་འུད་གོག་འཐག །སྤྱོད་པ་ནོར་ཀྱང་རང་སྐྱོན་མི་སེམས་པའི༌། །ཆོས་དྲེད་འདི་ལས་བླ་མས་བསྒྲལ་དུ་གསོལ། །ནངས་པར་འཆི་ཡང་གནས་གོས་ནོར་ལ་སྲེད། །ན་ཚོད་ཡོལ་ཡང་ངེས་འབྱུང་སྐྱེ་ཤས་བྲལ། །ཐོས་པ་ཆུང་ཡང་ཡོན་ཏན་ཅན་དུ་རློམ། །མ་རིག་འདི་ལས་བླ་མས་བསྒྲལ་དུ་གསོལ། །རྐྱེན་ཁར་འཆོར་ཡང་འདུ་འཛིན་གནས་སྐོར་སེམས། །དབེན་པ་བསྟེན་ཀྱང་རང་རྒྱུད་ཤིང་ལྟར་རེངས། །དུལ་བར་སྨྲ་ཡང་ཆགས་སྡང་མ་ཞིག་པའི། །ཆོས་བརྒྱད་འདི་ལས་བླ་མས་བསྒྲལ་དུ་གསོལ། །གཉིད་འཐུག་འདི་ལས་མྱུར་དུ་སད་དུ་གསོལ། །ཁྲིན་མུན་འདི་ལས་མྱུར་དུ་དབྱུང་དུ་གསོལ། །ཞེས་འབོད་པ་དྲག་པོས་ཐུགས་རྗེ་ལྷོངས་པར་བྱའོ། །གསུམ་པ་ཐེག་པ་ཆེན་པོའི་ལམ་གྱི་རྩ་བ་བྱང་སྡོམ་བླང་བའི་ཐོག་མར་ཚོགས་གསོག་ནི། གང་ཞིག་ལུས་པ་མེད་པའི་སེམས་ཅན་ཀྱི། །མགོན་དང་དཔུང་གཉེན་གྱུར་ཀྱང་བདུད་སྡེའི་དགྲ། །ཇི་ལྟར་ཇི་སྙེད་མཁྱེན་ཅིང་གཟིགས་པ་ཡི། །བཅོམ་ལྡན་བདག་གི་སྡུམ་པར་མཆིས་སུ་གསོལ། །ལས་ཀྱིས་སྤྲུལ་པ་མ་ཡིན་འབྱོན་པའི་ཤུལ། །ཁྲུས་ཀྱི་ཁང་བུ་བརྩེགས་པ་དྲི་བསུང་ཅན། །ཤེལ་དང་ནོར་བུའི་ས་གཞི་ཀ་བར་ལྡན། །གཡུ་དམར་མུ་ཏིག་བླ་བྲེ་དཔྱངས་པ་དེར། །བདེ་གཤེགས་རིགས་ཀྱི་བུ་མཆོག་བཅས་པ་ལ། །སྤོས་ཆུས་གང་


JLAZ010_Page_0132
[མ་དཔེ་གཟིགས་ན་འདིར་གནོན།]

བའི་ནོར་བུའི་བུམ་པ་ནས། །ཁྲུས་ཀྱི་རིམ་འགྲོ་བགྱིད་པའི་སྨིན་ལེགས་མ། །གླུ་གར་རོལ་མོའི་འགྱུར་བ་འགྲན་ལ་བརྩོན། །ཉེ་རེག་ཆོ་ག་མཁས་པའི་རི་དྭགས་མིག །དྲིལ་ཕྱིས་བསྐུ་མཉེའི་སྲི་ཞུས་གཡེང་བ་ཡང༌། །ཁ་དོག་གཅིག་ཏུ་མི་གནས་དབང་པོའི་ཚོན། །ཐགས་སུ་བཏགས་པ་མེད་པའི་ལྷ་རྫས་ཉོ། །དཔག་བསམ་ལྗོན་པས་བཙོང་པའི་པཉྩ་ལི། །ལྕིད་ཀྱིས་ནོན་སྤངས་སྲབ་འཇམ་ཡང་བའི་གོས། །དྲི་དང་སྤོས་ཆུས་བགོས་ཤིང་བྱུགས་པ་དང༌། །རིན་ཐང་བརྗོད་ལ་ཁྲེལ་བའི་རིན་ཆེན་རྒྱན། །གདུ་བུ་དཔུང་རྒྱན་སྙན་ཆ་ཅོད་པན་སོགས། །འདོད་པའི་ཡོན་ཏན་སྤངས་པའི་ཐུབ་དབང་ཀྱང༌། །བཀྲེན་ལྡན་བསོད་ནམས་སླད་དུ་བདག་གིར་བཞེས། །འཇིག་རྟེན་དབང་ཕྱུག་ལ་སོགས་ཉེ་བའི་སྲས། །ངན་སོང་ཀུན་འདྲེན་ལ་སོགས་སྐལ་བཟང་གི། སེམས་དཔའ་བཅུ་དྲུག་དང་ནི་ཁྱིམ་པའི་ཚུལ། །ཆོས་འཕགས་རྟག་ཏུ་ངུ་དང་ལི་ཙ་བྱི། །དྲི་མ་མེད་པར་གྲགས་ལའང་དབུལ་བར་བགྱི། །སྟོང་གསུམ་ཅིག་ཅར་ཁྱབ་པའི་དྲིའི་བཞོན་པར། །འཁྱུད་པའི་ཙན་དན་སྤོས་ཀྱི་བསུང་ཞིམ་དྲིས། །བསོད་ནམས་བྱེ་བའི་འབྱུང་གནས་མཚན་དཔེའི་བྱད། །གསེར་སྤྱངས་བརྟན་པ་འཕྲོག་ལ་བྱུག་པར་བགྱི། །བཏང་སྙོམས་ཡངས་པའི་ཤེལ་གྱི་ས་གཞི་ལ། །བྱམས་པའི་པདྨོ་


JLAZ010_Page_0133
[མ་དཔེ་གཟིགས་ན་འདིར་གནོན།]

གེ་སར་སྟོང་བརྡལ་བར། །སྙིང་རྗེའི་ཉི་ཟླ་བཀྲག་ཏུ་འཚེར་བ་བསྟར། །དགའ་ཆེན་བཅོམ་ལྡན་སྲས་བཅས་བཞུགས་སུ་གསོལ། །བབས་ཅོལ་གོམས་པའི་མིན་པའི་ལུས་བཏུད་ཀྱིས། །སྙིང་ཁར་གུས་བཅས་མངོན་རྟོགས་ངོམས་པ་ལ། །མེ་ཏོག་དོག་པས་རབ་བཟུང་སྙིམ་པའི་སྣོད། །ག་བུ་ཆུང་གི་བརྟུལ་ཞུགས་འཛིན་པ་ཡིན། །རིག་དང་ཞབས་སུ་ལྡན་སོགས་བདེ་གཤེགས་ཀྱི། །ཡོན་ཏན་མཐའ་དག་གནས་ཀྱི་བསྐལ་པ་བཞིན། །དད་པའི་སྐྱེད་མོས་ཚལ་དུ་འོངས་པའི་མོད། །སྐྱོ་བ་མིན་པའི་བ་སྤུ་གཅིག་ཏུ་ཟིང༌། །ཟླ་གཞོན་ཁྲུས་ལ་འཇུག་པའི་རྫིང་བུའི་ནང༌། །རྨ་བྱའི་བུ་མོ་འཇོ་སྒེག་རོལ་པ་ལྟའི། །ལང་ཚོའི་གྲངས་སྙེད་རྡུལ་གྱི་རྣམ་གྲངས་དང༌། །ཤིན་ཏུ་འཕྲུལ་པ་སྐྱེད་བྱེད་ཕྱག་གིས་བྲེལ། །གཏོང་བའི་ཡན་ལག་རྫོགས་པའི་དངོས་འབྱོར་དང༌། །དེས་ཀྱང་མཚོན་པ་དཔེ་མེད་ཡིད་ཀྱིས་སྤྲུལ། །བླ་ན་མཆིས་པ་མ་ཡིན་མཆོད་པའི་སྤྲིན། །ཀུན་ཏུ་བཟང་པོའི་ཡན་ལ་ཕྲག་དོག་བགྱིད། །མུ་ཅོར་སྨྲ་བའི་ལས་དང་བག་ཆགས་སྡིག །དགེ་ལ་འཇིགས་ནས་གཞན་དུ་བྲོས་པའི་གཟུགས། །སྲིད་པའི་མུན་ནག་སྟུག་པོར་འཆབ་པ་ཀུན། །སྟོབས་བཞིའི་ཉིན་བྱེད་འབར་བས་སྦྱངས་ཤིང་བཤགས། །སྦྱོར་བ་གང་གིས་


JLAZ010_Page_0134
[མ་དཔེ་གཟིགས་ན་འདིར་གནོན།]

བདག་ཉིད་མ་འཁྲུགས་བཞིན། །བསམ་པའི་ཁྱད་པར་གཅིག་གིས་གཞན་དག་གི། རྣམ་དཀར་ཡུད་ལ་འཕྲོག་པའི་ཆོམ་རྐུན་གྱི། །བརྟུལ་ཞུགས་རྗེས་སུ་ཡི་རང་ཁོ་ནས་བྱས། །ཐར་མེད་འཁོར་བའི་སྤྱོད་པ་མ་དུལ་ཞིང༌། །རྣམ་པར་སྲ་མཁྲེགས་ཐ་པ་གང་གིས་ཀྱང༌། །གདུལ་ཐབས་བརྟན་པ་བྲལ་ལ་ཆོས་འཁོར་གྱི། །རྩིབས་རྣོན་མུ་ཁྱུད་འཛིན་དེ་བསྐོར་བར་བསྐུལ། །རྒྱལ་དང་དེ་སྲས་རྣམས་ཀྱིས་སྤངས་གྱུར་བའི། །འགྲོ་འདིས་སྡུག་བསྔལ་གནས་སྐབས་རྟེན་མཐོང་ནས། །མྱ་ངན་འདའ་བ་མེད་པའི་གདན་ཁྲི་ལ། །དངོས་པོ་ཀུན་ཀྱི་རིན་ཐང་གཅིག་ཏུ་སྤུངས། །བདག་ཏུ་ལྟ་བས་འདར་བའི་རྣམ་དཀར་ཡང༌། །སྲིད་པར་ལན་ཅིག་མཐོ་བའི་ཆོ་ངེ་སྟེ། །བྱང་ཆུབ་བསྔོ་བའི་གསེར་འགྱུར་རྩིས་ཐེབས་པ། །འདི་ནི་སྟོན་པ་གཞན་གྱི་ལུགས་ལ་མེད། །ཆོག་ཤེས་བདུད་རྩིའི་བཏུང་བས་མ་ངོམས་ན། །སྐྱེས་བུའི་ཡིད་ལ་མ་བཟུང་མཆོད་སྤྲིན་ཡང༌། །ཚིག་གི་ཕ་མཐར་འཁྱམ་ལ་སྐྲག་གྱུར་ནས། །བདག་ལུས་སྟན་དུ་དབུལ་ལའང་དོ་གལ་བགྱིད། །དཀོན་མཆོག་གསུམ་གྱི་འབངས་སུ་དམ་བཅས་པའི། །གྲིབ་བསིལ་སོ་ཀའི་མེ་ཏོག་འཇོ་སྒེག་ཅན། །རྣམ་ཀུན་འཁྲུགས་པའི་གཤིན་རྗེའི་མདུན་


JLAZ010_Page_0135
[མ་དཔེ་གཟིགས་ན་འདིར་གནོན།]

སར་ཡང༌། །ཁྲོ་གཉེར་འཇིག་པའི་རིན་ཐང་ཟད་མི་ཤེས། །དེས་ནི་གཏི་མུག་མཐུས་ནོན་སྡིག་ལྡན་བདག །བྱི་དོར་ཤིན་ཏུ་བསྟེན་པའི་དྭངས་ཤེལ་ལྟར། །བསོད་ནམས་རྙོག་པ་དྭངས་པའི་སེམས་ཀྱི་ནང༌། །སེམས་བསྐྱེད་ཆོ་གས་ཐོབ་པའི་གཟུགས་བརྙན་རྔོམ། །ཉེས་པ་བརྒྱ་ཕྲག་གཡང་སར་ལྷུང་བ་ཡི། །རིམས་ཀྱིས་ཤིན་ཏུ་བཏབ་པའི་ནད་པ་རྣམས། །གསོ་དཔྱད་ཕལ་པའི་མདུན་སར་དབུགས་མི་ཕྱིན། །སྨན་པ་མཆོག་ལ་སྐྱབས་སུ་ལྷག་པར་དོང༌། །མོས་པ་གང་གི་སླད་དུ་འདིར་གཤེགས་ནས། །སེམས་ཅན་ཁམས་ལ་དགོངས་པའི་སྟོན་མཆོག་ནི། །ཐེག་པ་ཆེན་པོའི་སྐྱེས་བུ་འབའ་ཞིག་པའི། །ཚོགས་ཀྱི་དབུས་ན་ལྷམ་མེར་མཛེས་པ་ལ། །སྐྱབས་སུ་འགྲོ་བ་གསུམ་གྱིས་གཞི་བཅས་ལ། །དགོངས་སུ་གསོལ་བ་གསུམ་གྱིས་སད་བྱས་ནས། །རྒྱལ་བ་སྲས་དང་བཅས་པའི་ཐུགས་བསྐྱེད་དང༌། །བསླབ་པའི་བརྟུལ་ཞུགས་མཐའ་དག་བླང་བ་ཡིན། །ཉོན་སྒྲིབ་ཟུག་རྔུའི་དུམ་བུ་བཅད་གྱུར་ཀྱང༌། །ཤེས་སྒྲིབ་ཡུལ་གྱི་རོ་ལ་བཅགས་པ་ཡི། །ཉན་རང་དགྲ་བཅོམ་མ་བསྒྲལ་བ་ལས་བསྒྲལ། །གཉིས་ཀའི་འཆིང་བས་ཀུན་ནས་དཀྲིགས་པ་ཡི། །ཚངས་པ་ལ་སོགས་སོ་སོའི་སྐྱེ་བོ་ནས། །སློབ་པ་འཕགས་པའི་བར་


JLAZ010_Page_0136
[མ་དཔེ་གཟིགས་ན་འདིར་གནོན།]

ལ་གནས་པ་ཡི། །སེམས་ཅན་མ་གྲོལ་བ་རྣམས་དགྲོལ་བ་དང༌། ཤིན་ཏུ་སྡུག་བསྔལ་དྲག་པོའི་ཤུགས་རིང་ལས། །དབུགས་འབྱིན་ཐོབ་པ་མེད་པའི་ངན་སོང་གསུམ། །དབུགས་འབྱིན་ཆེན་པོའི་གནས་ལ་སྦྱར་བ་དང༌། །མདོར་ན་རྟེན་ཅིང་འབྲེལ་འབྱུང་བཅུ་གཉིས་ཀྱི། །འཁོར་ལོའི་རྒྱར་ཆུད་སེམས་ཅན་ཡོད་དོ་ཅོག །མི་གནས་ཡེ་ཤེས་མྱ་ངན་འདས་པའི་གྲོང༌། །འགོད་བྱེད་ཆོ་གས་བཟུང་བའི་བརྗོད་པ་ནི། །སྔོན་བྱོན་དྲང་སྲོང་རྣམས་ཀྱི་ལུགས་ལ་བརྟེན། །བཞི་པ་ཚད་མེད་བཞི་བསྒོམ་པ་ནི། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་སོགས་ལན་གསུམ། ལྔ་པ་སྨོན་འཇུག་སྟབས་གཅིག་ཏུ་བླང་བ་ནི། བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང༌། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང༌། །དེ་བཞིན་དུ་ནི་བསླབ་པ་ལ། །རིམ་པ་བཞིན་དུ་བསླབ་པར་བགྱི། །ལན་གསུམ། དྲུག་པ་སེམས་གཟེངས་བསྟོད་པ་ནི། སྔོན་ཆད་གཞན་གྱི་དོན་ལ་ལྟ་ཅི་སྨོས། །རང་དོན་ཉིད་


JLAZ010_Page_0137
[མ་དཔེ་གཟིགས་ན་འདིར་གནོན།]

དུ་རྨི་བའང་མ་མྱོང་བའི། །རིན་ཆེན་སེམས་ཀྱི་ཁྱད་པར་དམ་པ་འདིས། །བདག་གི་སྲིད་པ་རིན་ཐང་མེད་པ་བྱས། །རིགས་ལས་ཉམས་པ་གང་ཞིག་ཆོ་རིགས་ཀྱི། །ལྷག་པར་བཙུན་པའི་གནས་ཐོབ་ཇི་བཞིན་དུ། །རྒྱལ་བ་ཀུན་ཀྱི་སྲས་སུ་དེང་གྱུར་པས། །བྱང་ཆུབ་སེམས་དཔའི་མིང་གི་ཅོད་པན་འཐོབ། །སྲིད་གསུམ་བདག་པོ་བྱས་དང་དེ་ཉིད་ཀྱིས། །རྨོངས་པའི་བླ་དྭགས་དཔྱངས་ལའང་དགའ་བྱེད་ན། །བྱང་ཆུབ་སེམས་དཔའི་གནས་ཐོབ་དེ་རིང་ཙམ། །དགའ་བའི་འཁྲི་ཤིང་སློང་ལ་ལྟ་ཡང་ཕྱོགས། །འཆི་བདག་འཇོམས་པའི་བདུད་རྩི་མི་ཟད་གཏེར། །དབུལ་བ་སེལ་བའི་ནོར་དང་ནད་ཞིའི་སྨན། །སྲིད་ལམ་དུབ་པའི་མགྲོན་པོའི་ངལ་སྟེགས་ཕྱིར། །བདག་ནི་དེང་ནས་འགྲོ་བའི་ཉེར་འཚོར་གྱུར། །བདུན་པ་བགེགས་ལ་བཀའ་བསྒོ་བ་ནི། ཨེ་མ་ང་ནི་རང་བྱུང་བ། །ཁྲོ་རྒྱལ་དཔལ་ཆེན་ཉིད་ཀྱི་སྐུ། །དངོས་གྲུབ་བར་ཆད་བྱེད་པའི་བགེགས། །འདི་རུ་མ་འདུག་གཞན་དུ་སོང༌། །ཅི་སྟེ་འགྲོ་བར་མི་བྱེད་ན། །མགོ་བོ་ཚལ་པ་བརྒྱད་འགས་ཤིང༌། །ལུས་ནི་དུམ་བུ་སྟོང་དུ་གཏུབས། །ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ། བརྒྱད་པ་མཚམས་གཅོད་ནི། ཧཱུྃ། སྟེང་འོག་ཕྱོགས་མཚམས་ཡེ་ཤེས་མེ་དཔུང་འབར། །རྡོ་རྗེའི་ར་བ་དྲ་བ་གུར་དང་ནི། །བླ་རེ་མཚོན་ཆའི་


JLAZ010_Page_0138
[མ་དཔེ་གཟིགས་ན་འདིར་གནོན།]

འཁོར་ལོས་ནམ་མཁར་ཁྱབ། །ཁྲོ་བོ་ཁྲོ་མོ་དཔལ་ཆེན་རྔམས་པའི་ཚོགས། །སྤྲིན་ཕུང་འཁྲིགས་ཤིང་ཧཱུྃ་སྒྲ་དི་རི་རི། །ཧཱུྃ་ཧཱུྃ་ཧཱུྃ། དགུ་པ་མཆོད་རྫས་བྱིན་གྱི་རློབ་པ་ནི། ཨ་མྲྀ་ཏས་བསང་སྦྱངས། སྟོང་བའི་ངང་ལས་ལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་ཀྱི་བདུད་རྩི་ལ་རྣམ་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་དུ་རྒྱས་པར་གྱུར་ཅིག །ན་མཿ སརྦ་ཏ་ཐཱ་ག་ཏ་སོགས་དང༌། སྨན་གཏོར་རཀྟའི་སྔགས་ཀྱིས་བརླབ། བཅུ་པ་ཚོགས་ཞིང་བསྒྲུབ་པ་ནི། བདག་མདུན་བླ་འོག་ལྟར་གསལ་ཀྱང་སྤྱི་བོ་ཆེར་སོན་པ་དང༌། ཚོགས་ཞིང་ཆུང་ངུར་སོན་པའི་ཀུན་རྟོག་རང་རྒྱུད་པ་སྤངས་ཏེ་ཏིང་ངེ་འཛིན་གྱི་རྣམ་འཕྲུལ་བསམ་གྱིས་མི་ཁྱབ་པ་ཉམས་འོག་ཏུ་ཆུད་པས། ཨོཾ་སྭཱ་བྷཱ་ཝས་སྟོང་པར་སྦྱངས། རང་སྣང་ལྷུན་གྲུབ་དག་པ་རབ་འབྱམས་ཞིང༌། །བཀོད་པ་རབ་རྫོགས་ཟངས་མདོག་དཔལ་རིའི་དབུས། །རང་ཉིད་རྗེ་བཙུན་རྡོ་རྗེ་རྣལ་འབྱོར་མ། །ཞལ་གཅིག་ཕྱག་གཉིས་དམར་གསལ་གྲི་ཐོད་འཛིན། །ཞབས་གཉིས་དོར་སྟབས་སྤྱན་གསུམ་ནམ་མཁར་གཟིགས། །སྤྱི་བོར་པདྨ་འབུམ་བརྡལ་ཉི་ཟླའི་སྟེང༌། །སྐྱབས་གནས་ཀུན་འདུས་རྩ་བའི་བླ་མ་དང༌། །དབྱེར་མེད་མཚོ་སྐྱེས་རྡོ་རྗེ་སྤྲུལ་པའི་སྐུ། །དཀར་དམར་མདངས་ལྡན་གཞོན་ནུའི་ཤ་ཚུགས་ཅན། །ཕོད་ཁ་


JLAZ010_Page_0139
[མ་དཔེ་གཟིགས་ན་འདིར་གནོན།]

ཆོས་གོས་ཟབ་བེར་འདུང་མ་གསོལ། །ཞལ་གཅིག་ཕྱག་གཉིས་རྒྱལ་པོ་རོལ་པའི་སྟབས། །ཕྱག་གཡས་རྡོ་རྗེ་གཡོན་པ་ཐོད་བུམ་བསྣམས། །དབུ་ལ་འདབ་ལྡན་པདྨའི་མཉེན་ཞུ་གསོལ། །མཆན་ཁུང་གཡོན་ན་བདེ་སྟོང་ཡུམ་མཆོག་མ། །སྦས་པའི་ཚུལ་གྱིས་ཁ་ཊཱཾ་རྩེ་གསུམ་བསྣམས། །འཇའ་ཟེར་ཐིག་ལེ་འོད་ཕུང་ཀློང་ན་བཞུགས། །ཕྱི་འཁོར་འོད་ལྔའི་དྲ་བས་མཛེས་པའི་ཀློང༌། །སྤྲུལ་པའི་རྗེ་འབངས་ཉི་ཤུ་རྩ་ལྔ་དང༌། །རྒྱ་བོད་པཎ་གྲུབ་རིག་འཛིན་ཡི་དམ་ལྷ། །མཁའ་འགྲོ་ཆོས་སྐྱོང་དམ་ཅན་སྤྲིན་ལྟར་གཏིབས། །གསལ་སྟོང་མཉམ་གནས་ཆེན་པོའི་ངང་དུ་གསལ། །ཞེས་མོས་པས་བསྐྱེད་ནས། རྣམ་པ་བྱེ་བྲག་ཏུ་གསལ་གདབ་པ་ནི། ཧཱུྃ། སངས་རྒྱས་ཀུན་ཀྱི་ངོ་བོ་བླ་མ་རྗེའི། །ཐུགས་ཀ་ཆོས་ཀྱི་འཁོར་ལོའི་ལྟེ་བ་ལ། །མི་འཇིགས་སེང་གེ་བརྒྱད་ཀྱིས་བཏེག་པའི་ཁྲིར། །དང་པོའི་སངས་རྒྱས་ཀུན་བཟང་ཡབ་ཡུམ་བཞུགས། །པད་འདབ་བཞི་ལ་མདུན་ནས་རིམ་པ་བཞིན། །བདེ་གཤེགས་རི་རབ་མར་མེ་རྒྱལ་མཚན་ནི། །དྲུག་པ་རྡོ་རྗེ་འཆང་གི་རྣམ་པ་དང༌། །ཧེ་རུ་ཀའི་ཆས། དགའ་རབ་ཤྲཱི་སིང་ཛྙཱ་ན་སུ་ཏྲས་བསྐོར། །རྒྱལ་རིག་གང་ཟག་ལས་སྐྱེས་འགོག་ལམ་གྱི། །བདེན་གཉིས་ལུང་གི་ཆོས་ཚུལ་མ་ལུས་པ། །བདེན་པ་དབྱེར་མེད་


JLAZ010_Page_0140
[མ་དཔེ་གཟིགས་ན་འདིར་གནོན།]

རྟོགས་པའི་ངོ་བོར་རྫོགས། །དཀོན་མཆོག་གསུམ་གྱི་བདག་ཉིད་ཨེ་མ་ཧོ།། ༈རང་ཉིད་རྡོ་རྗེ་རྣལ་འབྱོར་མའི། །སྤྱི་བོར་པདྨ་འབུམ་བརྡལ་ནི། །ཟང་ཐལ་སྒྲིབ་གཡོགས་བྲལ་བའི་གཞིའི། །ནང་རིམ་རིན་ཆེན་ཟུར་བརྒྱད་ཀྱི། །ཤར་དུ་ཧཱུྃ་ཀཱར་རྡོ་རྗེ་གདེངས། །ལྷོ་རུ་བཤེས་གཉེན་རིན་ཆེན་འཛིན། །ནུབ་ཏུ་ཀླུ་སྒྲུབ་པདྨ་བསྣམས། །བྱང་དུ་པྲ་ཆེན་རྒྱ་གྲམ་གདེངས། །ཤར་ལྷོ་ནས་བརྩམས་མཚམས་བཞི་རུ། །དྷ་ན་སཾ་སྐྲྀ་ཐོད་རྔ་འཁྲོལ། བི་མ་མི་ཏྲ་ཚེ་བུམ་འཛིན། །གུ་ཧྱ་ཙནྟྲ་མཆོད་སྡོང་བསྣམས། །ཤཱནྟིང་གརྦྷ་འཁོར་ལོ་གདེངས། །ཀུན་ཀྱང་གཡོན་པ་དྲིལ་བུ་འཛིན༌། །འཁོར་ལོས་སྒྱུར་བའི་ཆས་ཀྱིས་རོལ། །དེའི་ཕྱི་རིག་འཛིན་སྣམ་བུ་ལ། །རྒྱལ་གསུང་ལམ་བདེན་སེང་གེའི་སྒྲ། །རྡོ་རྗེའི་ཐེག་པ་རིམ་པ་དགུས། །འདྲེན་པའི་ཤིང་རྟ་ཆེན་པོ་ནི། །དཔལ་ཆེན་གྲུབ་པ་དགུ་ལ་སོགས། །སྤྲུལ་པའི་རྗེ་འབངས་ཉི་ཤུ་ལྔ། །ཕྱོགས་ལས་རྣམ་རྒྱལ་བརྟུལ་ཞུགས་སྤྱོད། །བར་མཚམས་ཏིང་འཛིན་བཟང་པོ་ནས། །དྲིན་ཅན་བླ་མ་ཡན་ཆོད་ཀྱི། །རྫོགས་ཆེན་བརྒྱུད་པ་སྤྲིན་ལྟར་གཏིབས།། ༈དེའི་ཕྱི་པད་འདབ་བཅུ་བཞི་ལ། །སྤྱིར་བརྒྱད་ཅུ་རྩ་ལྔ་ལས་སློབ་དཔོན་པདྨ་དང་ཀླུ་སྒྲུབ་སྙིང་པོ་གོང་དུ་ཡོད་པ་རིག་པར་བྱའོ། །གྲུབ་བརྒྱའི་སྤྱི་མས་ས་ར་ཧ། །མུ་སྟེགས་ཚར་


JLAZ010_Page_0141
[མ་དཔེ་གཟིགས་ན་འདིར་གནོན།]

གཅོད་འཕགས་པ་ལྷ། །ཉ་ལྟོ་ཟ་བ་ལཱུ་ཡི་པ། །ཡི་དམ་ཞལ་གཟིགས་ཡེ་ཤེས་ཞབས། །རིག་མ་ཁྱིར་སྤྲུལ་ཀུ་ཀུ་རི། །ཆུ་བོ་གྱེན་ལྡོག་བི་རཱུ་པ། །རྩོད་པའི་ཁྱུ་མཆོག་ཆོས་ཀྱི་གྲགས། །མཚོ་སྐྱེས་རྡོ་རྗེ་པདྨར་རོལ། །ནམ་མཁར་སྤྱོད་པ་ན་ལནྟྲ། །དགའ་ལྡན་གནས་གཤེགས་ཐོགས་མེད་ཞབས། །རྡོ་རྗེ་དྲིལ་བུ་བུ་སྨད་ཅན། །སྟག་ཞོན་གང་བརྒལ་ཌོཾ་བྷི་བ། །རྩོམ་མཁས་མཁར་གཤེགས་ཞི་བའི་ལྷ། །པདྨ་བཛྲ་ཁྱིམ་པའི་ཚུལ། །དེའི་ཕྱི་པད་འདབ་ཉེར་བཞི་ལ། །འཕགས་པས་ཞལ་བསྟན་བྷ་ཡ་ནི། །དབུ་མའི་དོན་གཟིགས་ཟླ་བ་གྲགས། །ནག་པོ་རྡོ་རྗེ་དགའ་ཐུབ་ཅན། །རམས་མཁན་ཚངས་སྤྱོད་ནི་ལ་བ། །ཨིནྡྲ་བྷུ་ཏི་འདོད་ཡོན་སྤྱོད། །བྱིའུ་གསོད་པ་གྷུཎྜ་རི། །མཁའ་འགྲོས་བྱིན་རླབས་ས་ར་སུ། །རྒྱ་མཚོར་དཀའ་སྤྱད་སེང་གེ་པ། །རྒྱལ་བཏུལ་མཁར་གཤེགས་ཀ་ལ་ཀ།།དགྱེས་རྡོར་ཞལ་གཟིགས་གླིང་བུ་པ། །ཀ་ལ་ལམ་པ་གཤེད་དམར་གྲུབ། །མ་གར་རྒྱལ་བཏུལ་མེ་ཏོག་པ། །སྡོམ་པའི་ཞལ་གཟིགས་ཀུ་བུ་ཙ། །རྣལ་འབྱོར་རྒྱུད་འགྲེལ་ཀུན་དགའ་སྙིང༌། །ཐབས་ལམ་དབང་ཐོབ་ཙརྱ་པ། །བྱ་ལམ་རྒྱུ་བ་ཙ་པ་རི། །དབང་རྫོགས་མཁར་གཤེགས་ད་སི་རི༌། མཉན་པའི་ཚུལ་


JLAZ010_Page_0142
[མ་དཔེ་གཟིགས་ན་འདིར་གནོན།]

འཛིན་ཀ་རུ་ཀ།།རིགས་ངན་སེང་ཞོན་སེདྷ་པ། །གནས་ལུགས་དོན་གཟིགས་སྒྲ་མཁན་ཞབས། །སྒྲོལ་མས་རྗེས་བཟུང་ཙནྡྲ་གོ། གཏི་མུག་ལམ་ལོངས་ལྭ་ཝ་པ། །ཉི་ཟེར་ལ་ཞོན་ངག་གི་དབང༌། བྷཾ་ག་ལ་པ་སྦྱངས་ཡོན་ཅན། །དེའི་ཕྱི་པད་འདབ་ཞེ་ལྔ་ལ། །གདོལ་བའི་རྣམ་འགྱུར་ཐ་ག་པ། །སྡེ་སྣོད་མཁྱེན་པ་གསེར་གླིང་ཞབས། །བྱང་ཆུབ་སེམས་འབྱོངས་མར་མེ་མཛད། །ཐུགས་དམ་ཞལ་གཟིགས་ས་ར་ཀ །དཔལ་གྱི་རི་བསྐོར་ན་ད་པ། །དུར་ཁྲོད་ཉུལ་བའི་ཀོན་ཏཾ་ལི། །མཛེ་མོ་ཆུང་སྒྲོལ་ཚེམ་བུ་པ། །ཨ་ཝ་དྷཱུ་ཏི་འཇིགས་བརྒྱད་ཐར། །རྩོད་པ་ལས་རྒྱལ་ཛི་ཏ་རི། །བྷ་ལིང་མཁར་དགྲོལ་བཟང་པོ་པ། །དུར་ཁྲོད་ཉུལ་བའི་སྨད་དཀྲིས་ཅན། མགར་པའི་སྤྱོད་ཅན་ཏམ་པ་ཀ།།མདའ་འཚོང་བདག་པོ་ད་ཀི་པ། སུ་ཏ་ལོ་ཀི་སྨད་འཚོང་ཁོལ། ནམ་མཁའི་ལྷར་བགྲོ་སྤྲིན་ཤུགས་ཅན། །ཐགས་ཀྱིས་འཚོ་བ་ཏནྟྲ་པ། །རྫོགས་པའི་ཚུལ་འཛིན་ཟླ་བ་བཟང༌། །ཤཱཀྱ་བཤེས་གཉེན་ཤིང་ཐུན་ལུས། །ཉ་པའི་རིགས་ཅན་ཙནྜ་ལཱི། །ནམ་མཁར་གཤེགས་པ་གླུ་དབྱངས་ཅན། །གདོལ་པ་ཏིལ་རྡུང་བྷ་ཝ་པ། །ཉ་དོལ་འདྲུད་པ་མི་ན་ར། །བརྟུལ་ཞུགས་སྤྱོད་པ་ཨ་ནན་ཏ། །རིགས་ངན་མར་སྤྱོད་ཀརྞ་པ། །འཚོ་བ་སྟན་གཅིག་ཧི་ལ་པ། །འབྲས་སོ་


JLAZ010_Page_0143
[མ་དཔེ་གཟིགས་ན་འདིར་གནོན།]

ཟ་བ་ཀནྟྲ་པ། །རྔོན་པའི་ཚུལ་འཛིན་ཤ་ཝ་རི། །དྲི་མ་འཁྲུད་པའི་སེང་གེ་པ། །ཛ་ལན་དྷ་རི་གསད་གསོ་ནུས། །བར་དོར་གྲོལ་བ་ནག་པོ་སྤྱོད། །སྐྱོང་བྱེད་ཚུལ་འཛིན་ཕག་ཚང་པ། །ཡུམ་བཅས་འབུད་དཀྲོལ་བི་ན་ས། །སྤྱོད་པ་མཐར་ཕྱིན་ཤཱནྟི་བ། །སྣ་ཚོགས་ལུས་ཅན་མར་མེ་ལྷ། །ཏིལ་བརྡུང་གྱིས་འཚོ་ཏེ་ལོ་པ། །ནཱ་རོ་རང་གི་སྲིང་མོ་བརྟེན། །ཁྱོ་ཤུག་མཁར་གཤེགས་ཀཾ་ཀ་ན། །དཱ་རི་ཀ་པ་སྨད་འཚོང་སྤྱོད། །མཆིལ་ལྷུམ་མཁན་པོ་ཀུ་མཱ་ར། །ཞིང་པའི་ལུས་ཅན་ཏོག་རྩེ་པ། །ནཱ་ག་བོ་དྷི་བ་ལང་སྐྱོང༌། །ལྐུགས་པའི་སྤྱོད་ཅན་པ་ཀ་པ། །ཤ་ཆེན་ཟ་བ་སི་ལ་ལི། །སྒྲོལ་མའི་ཞལ་གཟིགས་ཉི་མ་སྦས། །ཚེ་ལ་དབང་ཐོབ་ཀ་མ་ལ། །མདོར་ན་སྔགས་ཀྱི་བརྟུལ་ཞུགས་ཀྱིས། །རྣམ་གྲོལ་ཐོབ་བོ་འཚལ་རྣམས་ཀུན། །གདན་གསུམ་ཚང་བའི་དཀྱིལ་འཁོར་གྱི། །བདག་ཉིད་སངས་རྒྱས་ཀུན་གྱི་དངོས། །མོས་པའི་ཡིད་ཀྱིས་སྤྱན་དྲངས་ནས། །ཚོམ་བུ་གཅིག་ཏུ་གསལ་བ་ཡི། །གསེར་ཁྱམས་དཔའ་བོ་མཁའ་འགྲོ་དང༌། །ཁྲག་ཁྱམས་དཔལ་མགོན་བདུན་ཅུ་ལ། །སྒོ་བཞིར་འཇིག་རྟེན་སྐྱོང་བ་བཞི། །འདོད་སྣམ་མཆོད་པའི་ལྷ་མོས་གཏིབས། །བརྟན་གཡོ་སྣོད་བཅུད་མ་ལུས་པ། །བླ་མའི་དཀྱིལ་འཁོར་གཅིག་ཏུ་རྫོགས། །བཅུ་གཅིག་པ་


JLAZ010_Page_0144
[མ་དཔེ་གཟིགས་ན་འདིར་གནོན།]

བྱིན་གྱིས་རླབས་པ་ནི། དེ་ལྟར་དུ་གསལ་བའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ་ལས་འཁོར་ལོ་དཀར་པོ་ཨོཾ་གྱིས་མཚན་པ། མགྲིན་པར་ཨཱཿལས་པདྨ་དམར་པོ་ཨཱས་མཚན་པ། ཐུགས་ཀར་ཧཱུྃ་ལས་རྡོ་རྗེ་སྔོན་པོ་ཧཱུྃ་གིས་མཚན་པར་གྱུར། སྤྱི་བོ་ནས་རིམ་པར་རྡོ་རྗེའི་ཕྱག་རྒྱ་གནས་གསུམ་དུ་བཞག་ཅིང༌། ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཱཏྨ་ཀོཉ་ཧཾ། དེ་བཞིན་ལས་མགྲིན་པར་ཝཱཀྐ། སྙིང་གར་ཙིཏྟ། ཞེས་སྦྱོར། བཅུ་གཉིས་པ་དབང་བསྐུར་བ་ནི། གཙོ་བོའི་ཐུགས་ཀར་ཡེ་ཤེས་སེམས་དཔའ་ཀུན་བཟང་ཡབ་ཡུམ་གསལ་བའི་ཐུགས་ཀའི་འོད་ཀྱིས་ཕྱོགས་བཅུའི་དེ་བཞིན་གཤེགས་ཐམས་ཅད་ཀྱི་ཐུགས་རྒྱུད་བསྐུལ། དེ་རྣམས་ཀྱི་ཐུགས་ཀ་ནས་གདན་གསུམ་ཚང་བའི་དཀྱིལ་འཁོར་དུ་སྤྲུལ་པ་མདུན་གྱི་ནམ་མཁའ་ལ་བྱོན། ཨོཾ་སརྦ་ཏ་ཐཱ་ག་ཏ་མ་ཧཱ་ཨ་ནུ་རཱ་ག་ཛྙཱ་ན་བཛྲ་སྭ་བྷཱ་ཝ་ཨཱདྨ་ཀོ྅་ཧཾ། ཞེས་བསྐུལ་བས། ལྷ་ཚོགས་རྣམས་བདེ་སྟོང་གི་རོས་ཚིམ། རྗེས་ཆགས་ཞུ་བདེའི་ཆུ་རྒྱུན་གྱིས་མགོ་བོའི་གནས་ལྔར་དབང་བསྐུར། ཉོན་མོངས་པ་ལྔ་སྤྱངས། ཕུང་པོ་ལྔ་རིགས་ལྔའི་སངས་རྒྱས་དང༌། ཁམས་དང་སྐྱེ་མཆེད་ལྷའི་རང་བཞིན་དུ་རྣམ་པར་དག །ཆུ་ལྷག་མ་གྱེན་དུ་བརྟན་པ་ཡོངས་སུ་གྱུར་པ་ལས་གཙོ་བོ་ལ་འོད་དཔག་མེད་དང༌། གཞན་རྣམས་ལ་སོ་སོའི་རིགས་ཀྱི་


JLAZ010_Page_0145
[མ་དཔེ་གཟིགས་ན་འདིར་གནོན།]

བདག་པོས་དབུ་བརྒྱན་པར་གྱུར། བཅུ་གསུམ་པ་སྤྱན་དྲང་བ་ནི། དེ་ལྟར་དུ་གསལ་བའི་ལྷ་ཚོགས་རྣམས་ཀྱི་ཐུགས་ཀའི་ཧཱུྃ་ཡིག་ལས་འོད་ཟེར་འཕྲོས་པས་རང་བཞིན་གྱི་གནས་དང༌། རྔ་ཡབ་དཔལ་རི་སྤྲུལ་པའི་ཞིང་ནས་རིག་འཛིན་བླ་མའི་དཀྱིལ་འཁོར་མ་ལུས་ཤིང་ལུས་པ་མེད་པ་བཛྲ་ས་མཱ་ཛཿཧཱུྃཿཨོ་རྒྱན་ཡུལ་གྱི་ནུབ་བྱང་མཚམསཿ པདྨ་གེ་སར་སྡོང་པོ་ལཿ ཡ་མཚན་མཆོག་གི་དངོས་གྲུབ་བརྙེསཿ པདྨ་འབྱུང་གནས་ཞེས་སུ་གྲགསཿ འཁོར་དུ་མཁའ་འགྲོ་མང་པོས་བསྐོརཿ ཁྱེད་ཀྱི་རྗེས་སུ་བདག་བསྒྲུབ་ཀྱིཿ བྱིན་གྱིས་བརླབ་ཕྱིར་གཤེགས་སུ་གསོལཿ གུ་རུ་པདྨ་སིདྡྷི་ཧཱུྃཿ ཡུལ་གྱི་མིང་ནི་རྒྱ་གར་ཡུལཿ གནས་ཀྱི་མཆོག་གྱུར་ཨོ་རྒྱན་གནསཿ དྷུ་མ་ཐ་ལ་མཁའ་འགྲོའི་གྲོངཿ གླིང་གི་གླིང་མཆོག་རྔ་ཡབ་གླིངཿ དོན་ལ་འོག་མིན་བདེ་ཆེན་ཞིངཿ རྣམ་པ་མཁའ་སྤྱོད་སྤྲུལ་པའི་གནསཿ རབ་ཏུ་དགའ་དང་དྲི་མ་མེདཿ གནས་དང་ཉེ་བའི་གནས་ཡིན་ཏེཿ དེ་བཞིན་འོད་བྱེད་འོད་འཕྲོ་ལཿ ཞིང་དང་ཉེ་ཞིང་ཞེས་སུ་གྲགསཿ སྤྱང་དཀའ་བ་དང་མངོན་གྱུར་པཿ ཚནྡྷོ་ཉེ་བའི་ཚནྡྷོ་སྟེཿ རིང་དུ་སོང་དང་མི་གཡོ་བཿ འདུ་དང་ཉེ་བའི་འདུ་བའོཿ ལེགས་པའི་བློ་གྲོས་ཆོས་ཀྱི་སྤྲིནཿ འཐུང་སྤྱོད་ཉེ་བའི་འཐུང་སྤྱོད་དེཿ


JLAZ010_Page_0146
[མ་དཔེ་གཟིགས་ན་འདིར་གནོན།]

དཔེ་མེད་དཔེ་མེད་ཡེ་ཤེས་ཆེཿ རྡོ་རྗེ་འཛིན་དབང་ས་རྣམས་ནསཿ རིག་འཛིན་བླ་མའི་ཚོགས་རྣམས་དངཿ དཔའ་བོ་དང་ནི་རྣལ་འབྱོར་མཿ མཁའ་གྲོ་དང་ནི་མཁའ་འགྲོ་མཿ མ་ལུས་འདིར་སྤྱོན་དགྱེས་པར་བཞུགསཿ གནས་མཆོག་འདི་རུ་བྱིན་ཕོབ་ལཿ སྒྲུབ་མཆོག་བདག་ལ་དབང་བཞི་བསྐུརཿ བགེགས་དང་ལོག་འདྲེན་བར་ཆད་སོལཿ མཆོག་དང་ཐུན་མོང་དངོས་གྲུབ་སྩོལཿ བཅུ་བཞི་པ་རིག་པའི་མེ་ཏོག་དོར་ནས་རང་སྣང་གི་དཀྱིལ་འཁོར་དུ་འཇུག་ཅིང་དབང་བླང་བ་ནི། ཨོཾ་བཛྲ་ས་མ་ཡ་ཨོཾཿཨཱ་བཛྲ་མ་ཡ་ཨཱཿཧཱུྃ་བཛྲ་ས་མ་ཡ་ཧཱུྃཿསྭཱ་བཛྲ་ས་མ་ཡ་སྭཱཿཧཱ་བཛྲ་ས་མ་ཡ་ཧཱཿཞེས་བརྗོད་པས་རང་བཞིན་ཡེ་ཤེས་ཀྱི་དཀྱིལ་འཁོར་དང༌། ཏིང་འཛིན་ལས་སྤྲུལ་པའི་དཀྱིལ་འཁོར་ཀྱི་སྐུ་གསུང་ཐུགས་ཡོན་ཏན་ཕྲིན་ལས་ལྔ་སོ་སོ་མ་ཡིན་ཐ་མི་དད་པའི་ཚུལ་ཀྱིས་བཞུགས་ནས་དབྱེར་མེད་དུ་བྱ་བའི་ཕྱིར། ཨོཾ་ཡེ་ཤེས་རྒྱལ་པོ་སྐུ་གསུང་ཐུགས། །ཡོན་ཏན་འཕྲིན་ལས་རྨད་པོ་ཆེ། །དེ་ཉིད་དུ་ནི་མཉམ་སྦྱོར་བའི། །ཕྱག་རྒྱ་ཆེན་པོར་བདག་སྦྱོར་ཅིག །ཨོཾ་བཛྲ་ས་མ་ཡ་ཧཱུྃ་གིས་ཡེ་ཤེས་པ་དམ་ཚིག་པ་ལ་ཆུ་ལ་ཆུ་བཞག་པ་བཞིན་དབྱེར་མེད་དུ་ཐིམ། ཨོཾ་བཛྲ་ས་མ་ཡ་སྟྭཾ་གྱིས་རང་ཉིད་ལྷའི་དཀྱིལ་འཁོར་དུ་སངས་མ་རྒྱས་ཀྱི་བར་དུ་བརྟན་པར་ཞུགས། ཨོཾ་བཛྲ་ས་མ་ཡ་ཧོས་དབང་དུ་གྱུར་ཅིང་དགྱེས་པར་བསམ་མོ། །བཅོ་ལྔ་པ་ཡན་ལག་བདུན་པ་ཕུལ་ནས་གསོལ་བ་


JLAZ010_Page_0147
[མ་དཔེ་གཟིགས་ན་འདིར་གནོན།]

གདབ་པ་ནི། ཧྲཱིཿབདག་ལུས་ཞིང་གི་རྡུལ་སྙེད་དུཿ རྣམ་པར་འཕྲུལ་པས་ཕྱག་འཚལ་ལོཿ དངོས་བཤམས་ཡིད་སྤྲུལ་ཏིང་འཛིན་མཐུསཿ སྣང་སྲིད་མཆོད་པའི་ཕྱག་རྒྱར་འབུལཿ སྒོ་གསུམ་མི་དགེའི་ལས་རྣམས་ཀུནཿ འོད་གསལ་ཚོས་སྐུའི་ངང་དུ་བཤགསཿ བདེན་པ་གཉིས་ཀྱིས་བསྡུས་པ་ཡིཿ དགེ་ཚོགས་ཀུན་ལ་རྗེས་ཡི་རངསཿ ཐེག་གསུམ་ཆོས་འཁོར་བསྐོར་བར་བསྐུལཿ ཇི་སྲིད་འཁོར་བ་མ་སྟོངས་པརཿ མྱ་ངན་མི་འདའ་བཞུགས་གསོལ་འདེབསཿ དུས་གསུམ་བསགས་པའི་དགེ་རྩ་ཀུནཿ བྱང་ཆུབ་ཆེན་པོའི་རྒྱུ་རུ་བསྔོཿ རྗེ་བཙུན་གུ་རུ་རིན་པོ་ཆེཿ ཁྱེད་ནི་སངས་རྒྱས་ཐམས་ཅད་ཀྱིཿ ཐུགས་རྗེ་བྱིན་རླབས་འདུས་པའི་དཔལཿ སེམས་ཅན་ཡོངས་ཀྱི་མགོན་གཅིག་པུཿ ལུས་དང་ལོངས་སྤྱོད་བློ་སྙིང་བྲངཿ ལྟོས་པ་མེད་པར་ཁྱེད་ལ་འབུལཿ འདི་ནས་བྱང་ཆུབ་མ་ཐོབ་པརཿ སྐྱིད་སྡུག་ལེགས་ཉེས་མཐོ་དམན་ཀུནཿ རྗེ་བཙུན་ཆེན་པོ་པད་འབྱུང་མཁྱེནཿ བདག་ལ་རེ་ས་གཞན་ན་མེདཿ ད་ལྟ་དུས་ངན་སྙིགས་མའི་འགྲོཿམི་བཟད་སྡུག་བསྔལ་འདམ་དུ་བྱིངཿ འདི་ལས་སྐྱོབས་ཤིག་མ་ཧཱ་གུ་རུཿ དབང་བཞི་བསྐུར་ཅིག་བྱིན་རླབས་ཅནཿ རྟོགས་པ་སྤོར་ཅིག་ཐུགས་རྗེ་ཅནཿ སྒྲིབ་གཉིས་


JLAZ010_Page_0148
[མ་དཔེ་གཟིགས་ན་འདིར་གནོན།]

སྦྱོངས་ཤིག་ནུས་མཐུ་ཅནཿ ནམ་ཞིག་ཚེ་ཡི་དུས་བྱས་ཚེཿ རང་སྣང་རྔ་ཡབ་དཔལ་རིའི་ཞིངཿ ཟུང་འཇུག་སྤྲུལ་པའི་ཞིང་ཁམས་སུཿ གཞི་ལུས་རྡོ་རྗེ་རྣལ་འབྱོར་མཿ གསལ་འཚེར་འོད་ཀྱི་གོང་བུ་རུཿ གྱུར་ནས་རྗེ་བཙུན་པད་འབྱུང་དངཿ དབྱེར་མེད་ཆེན་པོར་སངས་རྒྱས་ཏེཿ བདེ་དང་སྟོང་པའི་ཆོ་འཕྲུལ་གྱིཿ ཡེ་ཤེས་ཆེན་པོའི་རོལ་པ་ལསཿ ཁམས་གསུམ་སེམས་ཅན་མ་ལུས་པཿ འདྲེན་པའི་དེད་དཔོན་དམ་པ་རུཿ རྗེ་བཙུན་པདྨས་དབུགས་དབྱུང་གསོལཿ གསོལ་བ་སྙིང་གི་དཀྱིལ་ནས་འདེབསཿ ཁ་ཙམ་ཚིག་ཙམ་མ་ཡིན་ནོཿ བྱིན་རླབས་ཐུགས་གྱི་ཀློང་ནས་སྩོལཿ བསམ་དོན་འགྲུབ་པར་མཛད་དུ་གསོལཿ བཅུ་དྲུག་པ་གསོལ་འདེབས་བསྙེན་པས་ཐུགས་རྒྱུད་བསྐུལ་ནས་ཏིང་ངེ་འཛིན་གྱི་དབང་བླང་བ་ནི། ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃཿ རིག་འཛིན་སྤྱིའི་སྙིང་པོ། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཛྙཱ་ན་སིདྡྷི་ཧཱུྃཿ ཞེས་བཟླ་ཞིང༌། གུ་རུའི་སྨིན་མཚམས་ན་ཨོཾ་ཡིག་ཆུ་ཤེལ་ལྟར་འཚེར་བ་ལས་འོད་ཟེར་འཕྲོས། རང་གི་སྤྱི་བོ་ནས་ཞུགས། ལུས་ཀྱི་ལས་དང་རྩའི་སྒྲིབ་པ་དག །སྐུ་རྡོ་རྗེའི་བྱིན་རླབས་ཞུགས། བུམ་པའི་དབང་ཐོབ། བསྐྱེད་རིམ་གྱི་སྣོད་དུ་གྱུར། རྣམ་སྨིན་རིག་འཛིན་གྱི་ས་བོན་ཐེབས། སྤྲུལ་སྐུའི་གོ་འཕང་ཐོབ་པའི་སྐལ་བུ་རྒྱུད་ལ་


JLAZ010_Page_0149
[མ་དཔེ་གཟིགས་ན་འདིར་གནོན།]

བཞག །མགྲིན་པ་ན་ཨཱ་ཡིག་པདྨ་རཱ་ག་ལྟར་འབར་བ་ལས་འོད་ཟེར་འཕྲོས། རང་གི་མགྲིན་པ་ནས་ཞུགས། ངག་གི་ལས་དང་རླུང་གི་སྒྲིབ་པ་དག །གསུང་རྡོ་རྗེའི་བྱིན་རླབས་ཞུགས། གསང་བའི་དབང་ཐོབ་བཟླས་བརྗོད་ཀྱི་སྣོད་དུ་གྱུར། ཚེ་དབང་རིག་འཛིན་གྱི་ས་བོན་ཐེབས། ལོངས་སྤྱོད་རྫོགས་པའི་གོ་འཕང་གི་སྐལ་བ་རྒྱུད་ལ་བཞག །ཐུགས་ཀའི་ཧཱུྃ་ཡིག་ནམ་མཁའི་མདོག་ཅན་ལས་འོད་ཟེར་འཕྲོས། རང་གི་སྙིང་ག་ནས་ཞུགས། ཡིད་ཀྱི་ལས་དང་ཐིག་ལེའི་སྒྲིབ་པ་དག །ཐུགས་རྡོ་རྗེའི་བྱིན་རླབས་ཞུགས། ཤེས་རབ་ཡེ་ཤེས་ཀྱི་དབང་ཐོབ། བདེ་སྟོང་ཙཎྜ་ལཱིའི་སྣོད་དུ་གྱུར། ཕྱག་རྒྱའི་རིག་འཛིན་གྱི་ས་བོན་ཐེབས། ཆོས་སྐུའི་གོ་འཕང་གི་སྐལ་བ་རྒྱུད་ལ་བཞག །སླར་ཐུགས་ཀའི་ཧཱུྃ་ལས་ཧཱུྃ་ཡིག་གཉིས་པ་ཞིག་སྐར་མདའ་འཕངས་པ་བཞིན་དུ་སོང༌། རང་སེམས་དད་ཐ་དད་མེད་པར་འདྲེས། ཀུན་གཞིའི་ལས་དང་ཤེས་བྱའི་སྒྲིབ་པ་སྦྱངས། ཡེ་ཤེས་རྡོ་རྗེའི་བྱིན་རླབས་ཞུགས། ཚིག་གིས་མཚོན་པ་དོན་དམ་གྱི་དབང་ཐོབ། ཀ་དག་རྫོགས་པ་ཆེན་པོའི་སྣོད་དུ་གྱུར། ལྷུན་གྲུབ་རིག་འཛིན་གྱི་ས་བོན་ཐེབས། མཐར་ཐུག་གི་འབྲས་བུ་ངོ་བོ་ཉིད་སྐུའི་སྐལ་


JLAZ010_Page_0150
[མ་དཔེ་གཟིགས་ན་འདིར་གནོན།]

བ་རྒྱུད་ལ་བཞག་གོ། ཞེས་འདོན་སྒོམ་ཟུང་དུ་འཇུག་པས་ལམ་དབང་ལ་འབད་པར་བྱའོ། །གལ་ཏེ་སྤྲོས་པ་ལ་དགའ་བས་དབང་བཞི་ལེན་པར་སྤྲོ་ན། བུམ་པ་གཞལ་མེད་ཁང་དུ་གསལ་བའི་ནང་དུ། རིགས་ལྔ་ཡབ་ཡུམ་བསྒོམ་ལ། ཨོཾ་ཨཱཿཧཱུྃ་སྭཱ་ཧཱཿཞེས་པ་ཅི་ནུས་དང༌། ལས་བུམ་དུ་བདུད་རྩི་འཁྱིལ་པ་བསྒོམ་ལ་ཀུཎྜ་ལི་ཇི་ལྟར་འོས་པ་བཟླར་རྗེས་འོད་ཞུ་ཡང་བྱའོ། །བཅུ་བདུན་པ་མཆོད་པ་ལ་བཞི་ལས། དང་པོ་མཎྜལ་ནི། ཨོཾ་བཛྲ་བྷཱུ་མི་སོགས་བླ་མ་འཕགས་པའི་ལུགས་ལྟར་ཕུལ། གཉིས་པ་ལྷ་མོ་བཅུ་དྲུག་ནི། པདྨ་རྒྱས་པ་ལྟ་བུའི་ལང་ཚོ་ཅན། །རེག་ན་བདེ་བའི་མཆོག་སྟེར་ཨུཏྤལ་མིག །གཟུགས་ཀྱི་རྣམ་འགྱུར་ངོམ་པའི་ཡིད་འཕྲོག་མ། །རྡོ་རྗེ་སྒེག་མོ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་ལཱ་སྱེ་ཧཱུྃ་པྲ་ཏཱིཙྪ་ཧོཿསྲིད་ན་རྣམ་པར་མཛེས་པའི་ཟླ་བས་ཀྱང༌། །ལྟ་ན་སྡུག་པའི་གཟུགས་ཀྱི་ཆར་མི་ཉེ། །ནོར་བུའི་དོ་ཤལ་འཛིན་པའི་ཡིད་འོང་མ། །རྡོ་རྗེ་ཕྲེང་བ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་མཱ་ལེ་ཏྲཱཾ་ཏཱིཙྪ་ཧོཿའཇམ་མཉེན་པུཎྜ་རི་ཀའི་ལང་ཚོ་ལ། །རེག་འཇམ་དབང་པོའི་གཞུ་ཡི་འཁྲི་ཤིང་ཅན། །སྐད་སྙན་འགྱུར་ཁུག་སྟོང་གི་གླུ་ལེན་མ། །རྡོ་རྗེ་གླུ་མའི་ཚོགས་ཀྱིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་


JLAZ010_Page_0151
[མ་དཔེ་གཟིགས་ན་འདིར་གནོན།]

གཱིརྟི་ཧྲཱིཿཔྲ་ཏཱིཙྪ་ཧོཿབུང་བ་པདྨའི་ཚལ་ན་གཡོ་བ་བཞིན། །ཕྱག་ཞབས་གསེར་གཡུའི་གདུ་བུས་མཛེས་པའི་གར། །མིག་འཕྲུལ་ལྟ་བུར་བསྒྱུར་བའི་གཡོ་ལྡན་མ། །རྡོ་རྗེ་གར་མའི་ཚོགས་ཀྱིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་ནཱིརྟི་ཨ་པྲ་ཏཱིཙྪ་ཧོཿ༈བཅུ་དྲུག་ལང་ཚོས་མྱོས་པའི་རྣམ་འགྱུར་དེས། །སྙིང་ལ་དགའ་བའི་ཡ་མཚན་ཅིར་ཡང་སྟེར། །དྲི་ཞིམ་སྤོས་ཕོར་ཐོགས་པའི་སྨིན་ལེགས་མ། །རྡོ་རྗེ་བདུག་སྤོས་མ་ཡིས་མཉེས་གྱུར་ཅིག ། གུ་རུ་སརྦ་ཏ་ཐཱ་ག་ཏ་ས་པཱ་རི་ཝཱ་ར་བཛྲ་དྷཱུ་པེ་ཧཱུྃ་པྲ་ཏཱིཙྪ་ཧོཿཚངས་དབང་འཆི་མེད་བུ་མོའི་འཇོ་སྒེག་ཀྱང༌། །ཤིན་ཏུ་མཛེས་པའི་ལང་ཚོས་བརྟན་པ་འཕྲོག །ཨུ་དུམ་ཝཱ་རའི་ཆུན་འཕྱང་་ཡིད་འཕྲོག་མ། །རྡོ་རྗེ་མེ་ཏོག་མ་ཡིས་མཉེས་གྱུར་ཅིག །གུ་རུ་སརྦ་ར་ཐཱ་ག་ཏ་ས་པཱ་རི་ཝཱ་ར་བཛྲ་པུཥྤེ་ཏྲཱཾ་པྲ་ཏཱིཙྪ་ཧོཿཡིད་འོང་ལྟ་ན་སྡུག་པའི་མཁུར་ཚོས་ལ། །ལི་ཁྲིའི་ཐིག་ལེས་བསྐུས་པའི་རི་དྭགས་མིག །ཉི་ཟླའི་སྒྲོན་མེ་ཐོགས་པའི་བཞིན་བཟང་མ། །རྡོ་རྗེ་སྣང་གསལ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝ་བཛྲ་ཨཱ་ལོ་ཀེ་ཧྲཱིཿཔྲ་ཏཱིཙྪ་ཧོཿ འཆི་མེད་བུ་མོའི་དཔལ་འཛིན་སྨིན་ལེགས་གཟུགས། །ཞལ་ནས་ཨུཏྤ་ལ་ཡི་དྲི་འཐུལ་ཞིང༌། །བཟང་དྲུག་སྨན་གྱི་བྱུགས་པས་དགྱེས་པ་བསྐང༌། །རྡོ་རྗེ་དྲི་ཆབ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝ་བཛྲ་གྷནྡྷེ་ཨཿཔྲ་ཏཱིཙྪ་ཧོཿ ༈ ལང་ཚོའི་ཆ་ཤས་རྫོགས་པའི་པདྨ་དང༌། །


JLAZ010_Page_0152
[མ་དཔེ་གཟིགས་ན་འདིར་གནོན།]

རྣམ་འགྱུར་ཅི་ཡང་འཆར་བའི་ཨ་དརྴ། །ཕན་ཚུན་འགྲན་པ་ལྟ་བུའི་གཟུགས་མཛེས་མ། །རྡོ་རྗེ་མེ་ལོང་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝ་བཛྲ་རཱུ་པ་ཨོཾ་པྲ་ཏཱིཙྪ་ཧོཿ ཏིང་འཛིན་རི་མོ་མཁན་གྱིས་བྲིས་པའི་གཟུགས། །བཞིན་མཛེས་མནྡ་ར་བའི་ཐོད་བཅིངས་ཅན། །ཟླུམ་པོའི་རྔ་ལས་བདེ་སྟོང་སྒྲ་འབྱིན་མ། །རྡོ་རྗེ་རྔ་ཟླུམ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝ་བཛྲ་མྲྀ་ཏཾ་གི་ཧྲཱིཿཔྲ་ཏཱིཙྪ་ཧོཿ རཏྣའི་སོར་གདུབ་འཁྲོལ་བའི་ཁུ་ཚུར་གྱིས། །དྲི་ཟའི་བུ་མོའི་འགྲན་པའི་ཏམྦུ་ར། །རྣ་བའི་དཔྱིད་དུ་སྦྲེང་བའི་ཡིད་འཕྲོག་མ། །རྡོ་རྗེ་པི་ཝཾ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝ་བཛྲ་ཝི་ནི་ཧཱུྃ་པྲ་ཏཱིཙྪ་ཧོཿ དགའ་བ་བཅུ་དྲུག་གི་རླུང་གི་རྟར་སྐྱོན་ནས། །ཐིག་ལེ་བཅུ་དྲུག་གནས་སུ་དག་པ་ལས། །སྟོང་ཉིད་བཅུ་དྲུག་གླིང་བུའི་སྒྲར་སྟོན་པའི། །རྡོ་རྗེ་གླིང་བུ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝ་བཛྲ་ཝཾ་སེ་ཏྲཱྂ་པྲ་ཏཱིཙྪ་ཧོཿ ༈ཟླ་གཞོན་པད་དཀར་ལྟ་བུའི་ལང་ཚོའི་དཔལ། །མིག་གི་བདུད་རྩིར་སྦྱིན་དང་ཆབས་གཅིག་པར། །སྙན་འགྱུར་རྫ་རྔའི་སྒྲ་སྒྲོག་ན་ཆུང་མ། །རྡོ་རྗེ་རྫ་རྔ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝ་བཛྲ་མུ་ར་ཉྫཻ་ཨཿཔྲ་ཏཱིཙྪ་ཧོཿ སྟོང་ཉིད་ནམ་མཁའི་རྒྱན་གྱུར་ལྷ་ཡི་གོས། །རིན་ཐང་བརྗོད་དུ་མེད་པའི་པཉྩ་ལི། །འཕྲུལ་ལྡན་སོར་རྩེས་སྒྲོན་པའི་མཛའ་ན་མོ། །རྡོ་རྗེ་རེག་བྱ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝ་བཛྲ་པརྴེ་ཏྲཱཾ་པྲ་ཏཱིཙྪ་ཧོཿ ཆགས་མེད་ཆགས་པ་ཆེན་པོའི་ཟུར་མིག་གིས། །དཔའ་བོའི་ཡིད་ལ་མྱོས་པའི་ཆོམ་རྐུན་འཇུག །ལག་ན་རོ་བརྒྱའི་


JLAZ010_Page_0153
[མ་དཔེ་གཟིགས་ན་འདིར་གནོན།]

དཔལ་འཛིན་ཞལ་ཟས་ཐོགས། །རྡོ་རྗེ་རོ་མའི་ཚོགས་ཀྱིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པཱ་རི་ཝ་བཛྲ་རྭ་ས་ཧྲཱིཿཔྲ་ཏཱིཙྪ་ཧོཿབདེ་བས་བདེ་བའི་མཐར་སོན་སྟོང་པ་ཉིད། །བདེ་ཆེན་ཆོས་ཀྱི་འབྱུང་གནས་མངལ་ཁུར་ཅན། །བདེ་སྟོང་ངང་ལས་རྒྱལ་ཀུན་བསྐྱེད་པའི་ཡུམ། །ཆོས་ཀྱི་རྡོ་རྗེ་མ་ཡིས་མཉེས་གྱུར་ཅིག །གུ་རུ་སརྦ་ཏ་ཐཱ་ག་ཏ་ས་པ་རི་ཝཱ་ར་བཛྲ་དྷརྨ་དྷཱརྟུ་ཨཱཿཔྲ་ཏཱིཙྪ་ཧོཿགསུམ་པ་གསང་མཆོད་ནི། དེ་མ་ཐག་པའི་ལྷ་མོ་རྣམས་དང་མཉམ་པར་རོལ་པའི་རྗེས་ཆགས་དགའ་བ་བཞིའི་ཡེ་ཤེས་སུ་ཤར་བའི་གཟུགས། ཆོས་ཉིད་ཀྱི་གླུ་སིད་དང་ཧ་ལ་སོགས་པའི་སྒྲ། ཚོར་བ་བདེ་བ་ལས་འདས་པས་འཛག་བདེའི་རྒྱུན་ལམ་ཁྱབ་པའི་ཚུལ་ཁྲིམས་ཀྱི་དྲི། ལྷན་ཅིག་སྐྱེས་པའི་ཡེ་ཤེས་ལ་ཀུན་ནས་ཉམས་བརྟས་པའི་རོ། །དཔེ་དོན་འབྲེལ་བའི་ཆོས་ཉིད་ཀྱིས་འཁོར་འདས་ཀུན་ལ་ཁྱབ་པའི་རེག་བྱ་སྟེ། ནང་གི་འདོད་ཡོན་བླ་ན་མེད་པས་མཉེས་པར་བསམས་ལ། ཨཱཿཐབས་དང་ཤེས་རབ་འདུ་འབྲལ་མེད་པའི་ངང༌། །བདེ་ཆེན་ཡེ་ཤེས་ཡུམ་གྱི་བྷ་གའི་ཀློང༌། །བྱང་ཆུབ་སྙིང་པོ་དགྱེས་མཉམ་མཆོད་པ་ཡཱི། །རྒྱལ་བ་རྒྱ་མཚོའི་ཚོགས་རྣམས་མཉེས་གྱུར་ཅིག །ཨ་ནུ་རཱ་ག་སརྦ་པཉྩ་ཧཱུྃ་ཧྲཱིཿཋཱཿབཞི་པ་ཀུན་བཟང་མཆོད་སྤྲིན་ནི། ཨོཾ་མཆོད་པའི་ཕྱག་རྒྱ་ཆེན་པོ་ནི། །སེམས་ཀྱི་ཡིད་བཞིན་སྤྲིན་ཚོགས་ཀྱི། །ཕྱོགས་བཅུ་ཐམས་ཅད་སངས་རྒྱས་ཞིང༌། །མཉེན་འཇམ་རེག་ན་བདེ་བ་དང༌། །སྣ་ཚོགས་རིན་པོ་ཆེ་ཡི་གཞི། །མཛེས་པར་བྲིས་ཤིང་སྤྲས་པ་དང༌། །ཀུན་འབྱུང་རིན་ཆེན་ཕུང་པོར་


JLAZ010_Page_0154
[མ་དཔེ་གཟིགས་ན་འདིར་གནོན།]

འབར། །དབྱིབས་ལེགས་རྫིང་བུ་བྲོ་མཆོག་བསིལ། །རིན་ཆེན་ཁང་པ་སྣ་ཚོགས་དང༌། །རྒྱན་དང་དཔག་བསམ་ལྗོན་པའི་ཚལ། །གླུ་དབྱངས་ཚིགས་སུ་བཅད་པའི་སྒྲ། །བླ་བྲེ་རྒྱལ་མཚན་ན་བཟའ་གདུགས། །དོ་ཤལ་དཔུང་རྒྱན་སེ་མོ་དོ། །བཟའ་དང་བཏུང་བའི་མཆོག་རྣམས་དང༌། །རབ་ལ་མཛེས་པར་བརྒྱན་པ་ཡི། །ལྷ་དང་ལྷ་མོ་རྡུལ་སྙེད་ཀྱིས། །བྲོ་གར་ལ་སོགས་བསམ་ཡས་ཀྱིས། །ཕྱོགས་བཅུ་ནམ་མཁའི་ཁམས་བཀང་ནས། །དཀྱིལ་འཁོར་ལྷ་ལ་རྒྱས་པར་འབུལ། །སྐལ་ལྡན་གསལ་བའི་ཁྱད་པར་གྱི། །རིམ་གྱིས་ཡང་ན་ཅིག་ཅར་དུ། །ཆོས་ཀྱི་དབྱིངས་དང་མཉམ་སྦྱོར་ཞིང༌། །མཆོད་པའི་ཕྱག་རྒྱ་ཆེན་པོ་བསྒོམ། །བཅོ་བརྒྱད་པ་བསྟོད་པ་ནི། ༈གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་དང༌། །བླ་མ་རིན་ཆེན་ལྟ་བུའི་སྐུ། །རྡོ་རྗེ་འཆང་ཞབས་པད་ལ་འདུད། །བླ་མ་སངས་རྒྱས་བླ་མ་ཆོས། །དེ་བཞིན་བླ་མ་དགེ་འདུན་ཏེ། །ཀུན་ཀྱི་བྱེད་པོ་བླ་མ་ཡིན། །བླ་མའི་སྐུ་གསུང་ཐུགས་ལ་འདུད། འདྲེན་པ་རྣམས་ཀྱིས་ཡོངས་སྤངས་ཤིང༌། །ངན་འགྲོ་གཡང་སར་ཕྱོགས་པ་བདག །ཐར་པའི་ལམ་དང་རབ་སྤྲོད་པའི། །དེད་དཔོན་ཆེན་པོ་ཁྱོད་ལ་འདུད། །གནས་དང་གནས་མིན་མི་ཤེས་ཤིང༌། །ལམ་དང་ལམ་མིན་གྱི་ནར་འཕྱན། །མུན་པ་ལས་ཀྱང་མུན་ནག་ཅན། །


JLAZ010_Page_0155
[མ་དཔེ་གཟིགས་ན་འདིར་གནོན།]

བདག་ལྟའི་སྒྲོན་མ་ཁྱོད་ལ་བསྟོད། །གང་སྐུ་མཐོང་བས་སྣང་བར་འགྱུར། །ཞི་བར་གཟིམས་པའི་སྙིགས་མས་ཀྱང༌། །མཚམས་མེད་བྱང་ཞེས་མདོ་ལས་གསུངས། །རྒྱན་སྡུག་པོ་བཀོད་པ་ལས། འཇམ་དཔལ་ཕྱོགས་གང་ན་ཆོས་སྨྲ་བ་དེ་འདུག་གམ་དེའི་རུས་བུའམ། རོ་བམ་པ་ཞིག་ཡོད་པ་མཐོང་ན་ཡང་མཚམས་མེད་པའི་ལས་ལྔ་རྣམ་པར་བྱང་བར་འགྱུར་རོ། །ཞེས་སོ། འབྲེལ་ཚད་དོན་ལྡན་ཆེན་པོ་འདུད། །ཁྱེད་གསུང་ཐོས་པས་བླང་དོར་ཤེས། །ཉེས་སྤྱོད་ཆེན་པོའི་གཡང་ལས་སྐྱོབ། །འགོག་ལམ་བདེན་པའི་ངོ་བོ་ཉིད། །ཐོས་གྲོལ་ཆེན་པོའི་དབྱངས་ལ་བསྟོད། །བདག་གིས་འབད་ཀྱང་མི་ཐར་བ། །ཁྱེད་ཐུགས་གཏད་པས་ཡུད་ལ་སྨིན། །མོས་གུས་ཐོབ་ན་རྟོགས་པ་འཆར། །སྤྲོས་བྲལ་བསམ་མི་ཁྱབ་ལ་འདུད། །གྲངས་མེད་གསུམ་དུ་དཀའ་ཐུབ་ཀྱིས། །གདུངས་བས་དབང་པོ་ཚར་བཅད་ཀྱང༌། །ཐོབ་པར་དཀའ་བའི་རྡོ་རྗེ་སེམས། །མ་ནོར་མངོན་སུམ་སྟོན་ལ་འདུད། །བླ་མ་ཡང་ཏིགབླ་མ་སངས་རྒྱས་རིན་པོ་ཆེ། །བདག་ལ་རེ་ས་གཞན་ན་མེད། །ཐུགས་རྗེའི་སྤྱན་གྱིས་གཟིགས་མཛོད་ལ། །འཁོར་བའི་མཚོ་ལས་བསྒྲལ་དུ་གསོལ། །ཚེ་འདིའི་ལེགས་པ་ཀུན་འགྲུབ་ཅིང༌། །བགེགས་དང་བར་ཆད་མེད་པ་དང༌། །འཆི་ཁར་ཟབ་མོའི་འོད་གསལ་ཟིན། །བར་དོའི་འཕྲང་ལས་སྒྲོལ་བར་མཛོད། །


JLAZ010_Page_0156
[མ་དཔེ་གཟིགས་ན་འདིར་གནོན།]

ལུས་དང་ངག་ཡིད་རྩོམ་པ་ཀུན། །རྟག་ཏུ་གཞན་ལ་ཕན་པ་དང༌། །རྐྱེན་རྣམས་བྱང་ཆུབ་ལམ་མཆོག་ཏུ། །དེ་རིང་ཉིད་ནས་བསྒྱུར་དུ་གསོལ། །བདག་གིས་འབད་ཀྱང་ཐར་བར་དཀའ། །མགོན་པོ་ཁྱེད་ཀྱི་ཐུགས་རྗེའི་གྲུས། །མགོན་མེད་བདག་དང་འགྲོ་བ་ཀུན། །ཐར་བའི་གླིང་དུ་ཕྱིན་པར་མཛོད། །གང་དག་བདག་ལ་དད་གྱུར་ཏམ། །སྨོད་དམ་སྐུར་པ་འདེབས་ཀྱང་རུང༌། །དེ་དག་སྡིག་ཟད་ཉོན་མོངས་མེད། །སྲིད་པའི་ཆུ་བོ་སྤངས་པར་ཤོག །ནམ་ཞིག་བདག་གིས་མིང་ཙམ་གྱིས། །འགྲོ་བའི་འདོད་དགུ་རབ་འགྲུབ་ཅིང༌། །ཕྱོགས་བཅུ་གང་བའི་ཞིང་རྣམས་སུ། །མཆོད་པའི་སྤྲིན་གྱི་ཆར་འབེབས་ཤོག །དགེ་བ་འདི་ཡིས་ལུས་ཅན་ཀུན། །ཐམས་ཅད་སྲིད་ལས་རྣམ་གྲོལ་ནས། །ཡེ་ཤེས་དམ་པ་གཉིས་ཐོབ་སྟེ། །དོན་གཉིས་ལྷུན་གྱིས་གྲུབ་པར་མཛོད། །བཅུ་དགུ་པ་བཤགས་པ་ནི། དུས་གསུམ་སངས་རྒྱས་ཐམས་ཅད་ཀྱི་ངོ་བོ་བླ་མ་དམ་པ་དང་ཕྱོགས་བཅུའི་རྒྱལ་བ་སྲས་དང་བཅས་པ་བདག་ལ་དགོངས་སུ་གསོལ། བདག་ཆེ་གེ་མོ་ཐོག་མར་འཁྲུལ་པ་ནས་བཟུང་སྟེ་དུས་དེ་རིང་ལ་ཐུག་གི་བར་དུ་མ་རིག་པའི་གཞན་དབང་དུ་སོང་སྟེ། ཀུན་འབྱུང་གི་ཉེ་བར་ལེན་པའི་ཉོན་མོངས་པ་འདོད་ཆགས་དང༌། ཞེ་སྡང་དང༌། གཏི་


JLAZ010_Page_0157
[མ་དཔེ་གཟིགས་ན་འདིར་གནོན།]

མུག་མངོན་པར་འདུ་བྱས་ཏེ། ལུས་ཀྱི་སྒོ་ནས་སྲོག་བཅད་པ་དང་གསོད་སེམས་སྐྱེས་པ། མ་བྱིན་བླངས་པ་དང༌། འདོད་པས་ལོག་པར་གཡེམ་བའི་རིགས། ངག་གི་སྒོ་ནས་རྫུན། ཕྲ་མ་ཚིག་རྩུབ་ངག་ཀྱལ། ཡིད་ཀྱི་སྒོ་ནས་བརྣབ་སེམས། གནོད་སེམས། ལོག་ལྟ་སྟེ་མིང་དགེ་བ་བཅུ། དེ་བཞིན་གཤེགས་པའི་སྐུ་ལ་ངན་སེམས་ཀྱིས་ཁྲག་འབྱིན་པ་ལ་སོགས་ཏེ་མཚམས་མེད་པ་ལྔ། དེ་དང་ཉེ་བ་ལྔ་ལ་སོགས་ཏེ་མི་དགེ་བའི་ཕྱི་མོ་རྣམས་ཀྱི་སྟེང༌། བཅས་པའི་ཁྲིམས་དགེ་བསྙེན་དང༌། དགེ་ཚུལ་དང༌། དགེ་སློང་སྟེ་སོ་སོར་ཐར་པའི་སྡོམ་པ་རིགས་བདུན་ལ་ཕམ་ལྟུང་དང་ཉེས་བྱས་བྱུང་བ་དང༌། བྱང་ཆུབ་སེམས་དཔའི་སྨོན་འཇུག་གི་བསླབ་བྱ་སྤྱི་དང༌། རྩ་ལྟུང་དང་སྦོམ་པོའི་རྣམ་གྲངས་ཐ་དད་པ་དང་འགལ་བ་དང༌། ཁྱད་པར་དུ་རིག་པ་འཛིན་པའི་ཚུལ་ཁྲིམས་ཀྱི་བསླབ་པའི་གཞི་ལས། རྡོ་རྗེ་ཐེག་པའི་འདུལ་བ་དང་འགལ་པའི་ནོངས་པ་བླ་མ་སྨོད་པ་ལ་སོགས་པའི་རྩ་བའི་ལྟུང་བ་བཅུ་བཞི་དང༌། ཡན་ལག་སྦོམ་པོའི་རྣམ་གྲངས་བརྒྱད་ལས་ཕས་ཕམ་པ་དང༌། ཁ་ན་མ་ཐོ་བའི་མཐུས་བཅོམ་སྟེ་གསང་སྔགས་ཀྱི་དམ་ཚིག་སྤྱི་དང་བྱེ་བྲག་པ་ཕྲ་ཞིབ་བསྲུང་དཀའ་བ་ལས་འདས་པ་ཐམས་ཅད་དང༌། རང་བཞིན་དུ་ཉོན་མོངས་


JLAZ010_Page_0158
[མ་དཔེ་གཟིགས་ན་འདིར་གནོན།]

པའི་གཞན་དབང་གིས་སེམས་ཟིལ་གྱིས་མནན་ནས་དཀོན་མཆོག་གསུམ་དང་བླ་མ་ལ་བརྙས་པ་དང༌། དམ་པའི་ཆོས་སྤངས་པ་དང༌། མཁན་པོ་ལ་མ་གུས་པ་དང༌། བྱང་ཆུབ་སེམས་དཔའ་ལ་སྐུར་བ་བཏབ་པ་དང༌། ཕ་མའི་དྲིན་ལན་མ་བཅལ་བ་དང༌། དཀོན་མཆོག་གི་དཀོར་འཕྲོག་པ་དང༌། ཚངས་པར་མཚུངས་སྤྱོད་སུན་ཕྱུང་བ་དང༌། བསམ་གཏན་སྒོམ་པའི་ཐུགས་དཀྲུགས་པ་དང༌། དགེ་བ་ཅན་གྱི་ཚོགས་བཅག་པ་དང༌། དད་པ་ཅན་སུན་ཕྱུང་བ་དང༌། རྒྱུ་འབྲས་ལ་སྐུར་པ་བཏབ་པ་དང༌། སེམས་ཅན་ལ་གནོད་པའི་ལས་བྱས་པ་དང༌། ཁྲེལ་དང་ངོ་ཚ་སྤངས་པ་ལ་སོགས་ཏེ་མདོར་ན་སྡིག་པ་མི་དགེ་བའི་ལས་རང་གིས་བགྱིས་པ་དང་གཞན་ལ་བྱེད་དུ་བཅུག་པ་དང༌། བྱས་པ་ལ་རྗེས་སུ་ཡི་རང་བ་ལ་སོགས་པ་དེ་དག་ཀྱང་རྟག་པའི་སེམས་དང༌། མངོན་པར་ཞེན་པ་དང༌། གཉེན་པོ་སྟོབས་ཞན་པ་དང༌། ཡུལ་ཁྱད་པར་ཅན་དང་བཞི་ལས་བྱུང་བ་ལ་སོགས་པས་ཁ་ན་མཐོ་བ་ཆེན་པོར་གྱུར་པས་མཚོན། མདོར་ན་མངོན་པར་མཐོ་བ་དང༌། ངེས་པར་ལེགས་པའི་གོ་འཕང་ཐོབ་པ་ལ་བར་དུ་གཅོད་ཅིང༌། འཁོར་བ་དང་ངན་སོང་གི་རྒྱུར་གྱུར་པ་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ཀུན་ཏུ་ཐོགས་མེད་ཀྱི་གཟིགས་པར་ལྡན་


JLAZ010_Page_0159
[མ་དཔེ་གཟིགས་ན་འདིར་གནོན།]

པ་རྣམས་ཀྱི་སྤྱན་སྔར་ཤིན་ཏུ་གནོང་ཞིང་འགྱོད་པས་མཐོལ་ལོ་བཤགས་སོ། །སྔོན་ཆད་ནི་བཀའ་ལས་འདས་སོ། །ད་ནི་ཉེས་པ་ལ་ཉེས་པར་མཐོང་ལགས་པས་མི་འཆབ་པོ། །མངོན་གྱུར་དུ་སྒྲོག་པས་མི་སྦེད་དོ། །ཕྱིན་ཆད་སྲོག་ལ་བབ་ཀྱང་སྡོམ་ལགས་སོ། །མགོན་པོ་ཐུགས་རྗེ་ཆེན་པོ་དང་ལྡན་པ་རྣམས་ཀྱིས་སྡིག་ལྡན་བདག་ལ་དགོངས་ཤིག །དེང་བདག་གི་འགྱོད་མཚང་དང་དུ་མ་བཞེས་ན་སྐྱབས་མེད་དོ། །མགོན་མེད་དོ། །དཔུང་གཉེན་དང་བྲལ་ལོ། །དེ་བས་ན་སེམས་ཅན་གྱི་རང་བཞིན་ལས་དང་ཉོན་མོངས་པའི་གཞན་དབང་ཅན་ལགས་པས་དེ་ལ་དགོངས་ཏེ་མཚང་པར་སྩལ་དུ་གསོལ། ཉི་ཤུ་པ་དབང་བླང་བར་མོས་ན། ཇི་ལྟར་བལྟམས་པ་སོགས་ཀྱིས་ཁྲུས་བྱ། བགེགས་གཏོར་གཏང༌། ཐོགས་མར་སྡོམ་བཟུང་ནི། ཀྱེ་བླ་མ་རྡོ་རྗེ་འཛིན་པ་དང༌། །རིགས་ལྔ་བདེ་བར་གཤེགས་པ་ནི། །ཐམས་ཅད་བདག་ལ་དགོངས་སུ་གསོལ། །དེང་ནས་བྱང་ཆུབ་སྙིང་པོའི་བར། །སངས་རྒྱས་ཆོས་དང་དགེ་འདུན་ཏེ། །བླ་ན་མེད་པའི་དཀོན་མཆོག་གསུམ། །བླ་མ་ལ་ཡང་སྐྱབས་སུ་མཆི། །སྡིག་པ་ཐམས་ཅད་སོ་སོར་བཤགས། །དགེ་བ་ཀུན་ལ་རྗེས་ཡི་རང༌། །བྱང་ཆུབ་སེམས་ནི་བསྐྱེད་པར་བགྱི། །རིགས་ལྔའི་དམ་ཚིག་ལེགས་བཟུང་སྟེ། །རྡོ་རྗེ་དྲིལ་བུ་ལ་སོགས་


JLAZ010_Page_0160
[མ་དཔེ་གཟིགས་ན་འདིར་གནོན།]

པ། །དམ་ཚིག་རྫས་རྣམས་བཟུང་བར་བགྱི། །བླ་ན་མེད་པའི་དཀོན་མཆོག་གསུམ། །ནམ་དུ་ཡང་ནི་མི་གཏོང་ཞིང༌། །རྡོ་རྗེ་སློབ་དཔོན་མི་གཏོང་ངོ༌། །རྡོ་རྗེ་སྤུན་སྲིང་རྣམས་ལ་ཡང༌། །ནམ་ཡང་སྨད་པར་མི་བྱའོ། །སེམས་ཅན་རྣམས་ལ་འཚེ་བ་སྤང༌། །འཕགས་པ་རྣམས་ལ་སྨད་མི་བགྱི། །ཐེག་པ་དམན་ལ་མི་བརྙས་ཤིང༌། །སྔགས་འཆང་སྤང་བར་མི་བྱའོ། །བསྙེན་སྒྲུབ་ལས་ཀྱི་མཐའ་བཟུང་ཞིང༌། །དཀྱིལ་འཁོར་འཁོར་ལོ་བསྒོམ་པར་བགྱི། །དམ་ཚིག་སྡོམ་པ་ལ་གནས་ཤིང༌། །འཁྲུལ་བའི་བྱ་བ་མི་བགྱིའོ། །རང་གི་སེམས་ནི་ཡོངས་འདུལ་ཞིང༌། །ཕྱོགས་མཐའ་གཏུགས་པའི་སེམས་ཅན་གྱི། །དོན་ནི་བླ་མེད་བདག་གིས་སྒྲུབ། །མ་གྲོལ་བ་རྣམས་དགྲོལ་བ་དང༌། །མ་སྒྲལ་བ་རྣམས་བསྒྲལ་བར་བགྱི། །དབུགས་མ་ཕྱུང་རྣམས་དབུགས་འབྱུང་ཞིང༌། །སེམས་ཅན་མྱ་ངན་འདས་ལ་དགོད། །ལན་གསུམ། དེ་ནས་འཇུག་པའི་བྱ་བ་རྣམས་ནི་སྔོན་དུ་རིག་པའི་མེ་ཏོག་དོར་བ་ལ་དོན་གྱིས་ཚང་བར་མ་ཟད་གཟོད་ནས་སྣང་བ་བླ་མའི་དཀྱིལ་འཁོར་དུ་སྦྱང་ཤིང་གསལ་སྣང་དག་པ་རབ་འབྱམས་སུ་སློབ་པའི་རང་བཞིན་ཡེ་ཤེས་ཀྱི་དཀྱིལ་འཁོར་ལ་ད་གདོད་ཀྱི་འཇུག་ཡུལ་མེད་པས། ལམ་དབང་ཐོད་རྒལ་དུ་བླང་བ་ནི། དུས་གསུམ་གྱི་རྒྱལ་བ་སྲས་དང་བཅས་པ་ཐམས་ཅད་གདན་གསུམ་ཚང་བའི་དཀྱིལ་འཁོར་གྱི་འཁོར་ལོའི་རྣམས་པར་སྤྱན་དྲངས།


JLAZ010_Page_0161
[མ་དཔེ་གཟིགས་ན་འདིར་གནོན།]

མཆོད་ཅིང་བསྟོད། རྡོ་རྗེ་ཅན་གྱིས་སངས་རྒྱས་ལ། །འགྲོ་བ་སྐྱོབ་པའི་ཆེད་དུ་དབང༌། །ཡོན་ཏན་འབྱུང་གནས་ཇི་ལྟར་སྩལ། །དེ་ལྟར་འདི་ལའང་སྩལ་དུ་གསོལ། ཞེས་གསོལ་བཏབ་པས། གཤེགས་པ་རྣམས་ཀྱིས་དགོངས་པ་མཛད། གཤེགས་མ་རྣམས་ཀྱི་དབང་བསྐུར། སེམས་དཔའ་རྣམས་ཀྱིས་ཤིས་པ་བརྗོད། སེམས་མ་རྣམས་ཀྱིས་གླུ་གར་བསྒྱུར། ཁྲོ་བོ་རྣམས་ཀྱིས་བགེགས་བསྐྲད་དེ་ཀུན་ཀྱང་དབང་གི་བྱ་བ་ལ་དགྱེས་པར་གྱུར། བཀྲ་ཤིས་གང་ཞིག་སེམས་ཅན་ཀུན་གྱི་སྙིང་ལ་གནས། །ཀུན་ཀྱི་བདག་ཉིད་རིག་ཀུན་གྱི་ནི་བདག་པོ་མཆོག །མ་ལུས་སེམས་ཅན་བསྐྱེད་མཛད་བདེ་བ་ཆེན་པོ་སྟེ། །དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོག །དེ་ཡང་ཆོས་ཉིད་མ་འཁྲུལ་པའི་བདེ་གཤེགས་སྙིང་པོ་ནི་རྡོ་རྗེ་སློབ་དཔོན་སྤྲུལ་པར་བཅས་པའི་དཀྱིལ་འཁོར་དུ་རྫོགས་པ་ལ། ཚོགས་བརྒྱད་འདུས་བྱས་པ་སློབ་མའི་ཚུལ་དུ་ཤར་བའི་ཕུང་ཁམས་སྐྱེ་མཆེད་དང༌། ཉོན་མོངས་པ་ལྔའི་སྦྱང་གཞི་སྦྱོང་བྱེད་སྦྱངས་འབྲས་སོ་སོའི་རང་བཞིན་ཁོང་དུ་ཆུད་པས་རིགས་དབང་ལྔའི་དང་པོར་སློབ་མ་མི་བསྐྱོད་པར་གསལ་ལ། རྣམ་བུམ་བཏེག་ནས། ཧཱུྃ། རྣམ་ཤེས་ཕུང་པོ་རྣམ་དག་ཅིང༌། །ཉོན་མོངས་ཞེ་སྡང་སྦྱོང་བྱེད་པའི། །ཆོས་ཀྱི་དབྱིངས་ཀྱི་ཡེ་ཤེས་ཀྱི། །དཔལ་


JLAZ010_Page_0162
[མ་དཔེ་གཟིགས་ན་འདིར་གནོན།]

ལྡན་ཐུགས་ཀྱི་དབང་བསྐུར་རོ། །ཨོཾ་བཛྲ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་མི་བསྐྱོད་པ་ཆུ་ཡི་དབང་བསྐུར་བས་ཡིད་ཀྱི་སྒྲིབ་པ་ཐམས་ཅད་དག །སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབ། རྣམ་པར་ཤེས་པ་རྡོ་རྗེ་མི་བསྐྱོད་པ་དང། ཆུའི་ཁམས་མཱ་མ་ཀཱིར་སངས་རྒྱས། ཞེ་སྡང་ཆོས་དབྱིངས་ཡེ་ཤེས་སུ་གྲོལ་ཏེ། སངས་རྒྱས་རྡོ་རྗེའི་རིགས་ཀྱི་ཐུགས་འཁྲུལ་པ་མེད་པས་འགྲོ་བའི་དོན་བྱེད་པར་འགྱུར་རོ། །སློབ་མ་རིན་འབྱུང་དུ་གསལ་ཞིང་དབུ་རྒྱན་བསྐོན་ལ། ཧཱུྃ། ཚོར་བའི་ཕུང་པོ་རྣམ་དག་ཅིང༌། །ཉོན་མོངས་ང་རྒྱལ་སྦྱོང་བ་བྱེད་པའི། །མཉམ་པ་ཉིད་ཀྱི་ཡེ་ཤེས་ཀྱི། །དཔལ་ལྡན་ཡོན་ཏན་དབང་བསྐུར་རོ། །ཨོཾ་རཏྣ་ཨ་བྷི་ཥིཉྩ་ཏྲཱཾཿ། རིགས་ཀྱི་བུ་ཁྱོད་ལ་རིན་འབྱུང་གི་ངོ་བོ་དབུ་རྒྱན་འདི་བསྐོན་པ་ཙམ་གྱིས་ཤེས་བྱའི་སྒྲིབ་པ་སྦྱངས། སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབ། ཚོར་བའི་ཕུང་པོ་རིན་ཆེན་འབྱུང་ལྡན་དང་སའི་ཁམས་སངས་རྒྱས་སྤྱན་དུ་དག །ང་རྒྱལ་མཉམ་པ་ཉིད་ཀྱི་ཡེ་ཤེ་སུ་གྲོལ་ཏེ། སངས་རྒྱས་རིན་ཆེན་རིགས་ཀྱི་ཡོན་ཏན་ཐམས་ཅད་མཁྱེན་ནས་འགྲོ་བའི་དོན་བྱེད་པར་འགྱུར་རོ། །སློབ་མ་སྣང་བ་མཐའ་ཡས་སུ་གསལ་ལ། རྡོ་རྗེ་དབང་བསྐུར་ཞིང༌། ཧཱུྃ། འདུ་ཤེས་ཕུང་པོ་རྣམ་དག་ཅིང༌། །ཉོན་མོངས་འདོད་ཆགས་སྦྱོང་བྱེད་པའི། །སོ་སོར་རྟོག་པའི་


JLAZ010_Page_0163
[མ་དཔེ་གཟིགས་ན་འདིར་གནོན།]

ཡེ་ཤེས་ཀྱི། །དཔལ་ལྡན་གསུང་གི་དབང་བསྐུར་རོ། །ཨོཾ་པདྨ་ཨ་བྷི་ཥྀཉྩ་ཧྲཱིཿརིགས་ཀྱི་བུ་ཁྱོད་ལ་རྡོ་རྗེས་དབང་བསྐུར་བས་ངག་གི་སྒྲིབ་པ་ཐམས་ཅད་དག་སངས་རྒྱས་ཐམས་ཅད་ཀྱི་གསུང་གི་དབང་ཐོབ། འདུ་ཤེས་ཀྱི་ཕུང་པོ་སྣང་པ་མཐའ་ཡས་དང་མེའི་ཁམས་གོས་དཀར་མོར་སངས་རྒྱས། འདོད་ཆགས་སོ་སོར་རྟོག་པའི་ཡེ་ཤེས་སུ་གྲོལ་ཏེ་སངས་རྒྱས་པདྨའི་རིགས་ཀྱི་གསུང་འགགས་པ་མེད་པའི་ཆོས་ཀྱི་སྒྲ་དབྱངས་ཀྱིས་འགྲོ་བའི་དོན་བྱེད་པར་འགྱུར་རོ། །སློབ་མ་དོན་གྲུབ་ཏུ་གསལ། དྲིལ་བུ་འཛིན་པས། ཧཱུྃ། འདུ་བྱེད་ཕུང་པོ་རྣམ་དག་ཅིང༌། །ཉོན་མོངས་ཕྲག་དོག་སྦྱོང་བྱེད་པའི། །བྱ་བ་གྲུབ་པའི་ཡེ་ཤེས་ཀྱི། །དཔལ་ལྡན་འཕྲིན་ལས་དབང་བསྐུར་རོ། །ཨོཾ་ཀརྨཱ་ཨ་བྷི་ཥིཉྩ་ཨཿརིགས་ཀྱི་བུ་ཁྱོད་ལ་དྲིལ་བུ་འདི་གཏད་པ་ཙམ་གྱིས་ཀུན་གཞིའི་སྒྲིབ་པ་དག །སངས་རྒྱས་ཐམས་ཅད་ཀྱི་འཕྲིན་ལས་ཀྱི་དབང་ཐོབ། འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་གི་ཁམས་དམ་ཚིག་སྒྲོལ་མར་སངས་རྒྱས། ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་ལས་ཀྱི་རིགས་ཀྱི་ཕྲིན་ལས་ཐོགས་པ་མེད་པར་གྲུབ་ནས་འགྲོ་བའི་དོན་བྱེད་པར་འགྱུར་རོ། །སློབ་མ་རྣམ་སྣང་དུ་གསལ་ལ། མིང་དབང་བྱིན་པར་མོས་ཏེ། ཧཱུྃ་གཟུགས་ཀྱི་ཕུང་པོ་རྣམ་དག་ཅིང༌། །ཉོན་མོངས་གཏི་མུག་སྦྱོང་བྱེད་པའི། །


JLAZ010_Page_0164
[མ་དཔེ་གཟིགས་ན་འདིར་གནོན།]

མེ་ལོང་ལྟ་བུའི་ཡེ་ཤེས་ཀྱི། །དཔལ་ལྡན་སྐུ་ཡི་དབང་བསྐུར་རོ། །ཨོཾ་བུདྡྷ་ཆེ་གེ་མོ་ཨ་བྷི་ཥིཉྩ་ཧཱུྃ། རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གི་དབང་བསྐུར་བས་ལུས་ཀྱི་སྒྲིབ་པ་དག་ནས། སངས་རྒྱས་ཐམས་ཅད་ཀྱི་སྐུ་ཡིས་དབང་ཐོབ། གཟུགས་ཀྱི་ཕུང་པོ་རྣམ་པར་སྣང་མཛད་དང་ནམ་མཁའི་ཁམས་དབྱིངས་ཕྱུག་མར་སངས་རྒྱས། གཏི་མུག་མེ་ལོང་ཡེ་ཤེས་སུ་གྲོལ་ཏེ། དེ་བཞིན་གཤེགས་པའི་རིགས་ཀྱི་སྐུ་འགྱུར་བ་མེད་པ་ཐོབ་ནས་འགྲོ་བའི་དོན་བྱེད་པར་འགྱུར་རོ། །རྡོ་རྗེ་སློབ་དཔོན་གྱི་དབང་ནི། ཐུགས་ཀྱི་དམ་ཚིག་རྡོ་རྗེ་གསོར་བ་དང༌། གསུང་གི་དམ་ཚིག་དྲིལ་བུ་འཁྲོལ་བ་དང༌། སྐུའི་དམ་ཚིག་འཁྱུད་རྒྱ་བྱེད་པ་སྟེ་དམ་ཚིག་གསུམ་བྱིན་ལ། ཨོཾ་ཨཱཿཧཱུྃ། ཐབས་དང་ཤེས་རབ་གཉིས་མེད་ཅིང༌། །སྣང་སྟོང་དབྱེར་མེད་འདི་བཟུང་ལ། །སྟོང་ཉིད་སྙིང་རྗེའི་སྙིང་པོ་ཡི། །ཀུན་བཟང་རྡོ་རྗེ་འཛིན་ཁྱོད་ཀྱིས། །འགྲོ་ཀུན་རྗེས་སུ་གཟུང་བར་མཛོད། །རིགས་ཀྱི་བུ་ཁྱོད་ལ་གསང་བ་སྔགས་ཀྱི་ཕྱག་རྒྱའི་དམ་ཚིག་གི་ནང་ནས་མཆོག་ཏུ་གྱུར་པ་རྡོ་རྗེ་དང་དྲིལ་བུ་དཀྱིལ་འཁོར་ཐམས་ཅད་པའི་བདག་ཉིད་འདི་ལག་ཏུ་གཏད་པ་ཙམ་གྱིས། རྣམ་པ་ཐམས་ཅད་མཁྱེན་པའི་ས་བོན་ཐེབས། སངས་རྒྱས་ཐམས་ཅད་ཀྱི་མེས་པོ་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་སངས་རྒྱས་ཏེ་སེམས་


JLAZ010_Page_0165
[མ་དཔེ་གཟིགས་ན་འདིར་གནོན།]

ཅན་གྱི་དོན་དཔག་ཏུ་མེད་པ་མཛད་ནུས་པར་གྱུར་ཅིག །སླར་ཡང་རྣམ་རྒྱལ་བུམ་པ་བཟུང་ལ། ཧཱུྃ༔བཀྲ་ཤིས་བུམ་པ་ལྷའི་གཞལ་ཡས། །ལྷ་དང་གཉིས་མེད་བདུད་རྩིའི་ཆུས། །སྐལ་ལྡན་བུ་ལ་དབང་བསྐུར་བས། །སྣང་ཞེན་ལྷ་སྐུའི་ཕྱག་རྒྱར་རྫོགས། །རྣམ་སྨིན་རིག་འཛིན་ཉེར་ཐོབ་ཅིང༌། །ཀུན་ཏུ་འོད་ཀྱི་ས་ནོན་ཤོག །རྩ་སྔགས་དང༌། ཀཱ་ཡ་ཨ་བྷི་ཥིཉྩ་ཨོཾ། རིགས་ཀྱི་བུ་ཁྱོད་ལ་དབང་ཐམས་ཅད་བརྟན་པར་བྱེད་པ་རྣམ་རྒྱལ་གྱི་བུམ་པས་དབང་བསྐུར་བས་སྣོད་བཅུད་ལྷ་དང་གཞལ་ཡས། ཕུང་པོ་ཁམས་དང་སྐྱེ་མཆེད་ཀྱང་ལྷ་དང་ལྷ་མོར་གནས་དག་པ་ཡིན་པས་ཕྱི་ནང་ཐམས་ཅད་ལ་བརྙས་པ་བྱས་ན་ལྟུང་བར་གྱུར་བ་ཡིན་པས་དག་སྣང་དང་མོས་པ་གྱིས་ཤིག །དེ་ལྟར་བུམ་པའི་དབང་གིས་ལུས་དང་རྩའི་སྒྲིབ་པ་དག །བསྐྱེད་རིམ་བསྒོམ་པ་ལ་དབང༌། ཕུང་ཁམས་སྐྱེད་མཆེད་ཚོགས་བརྒྱད་དབང་ཡུལ་དང་བཅས་པ་སྐུ་དང་ཡེ་ཤེས་སུ་འགྱུར་བའི་ས་བོན་ཐེབས། སྤྲུལ་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ། གསང་རྫས་མགྲིན་པར་བཞག་སྟེ། ཧཱུྃཿཡབ་ཡུམ་སྦྱོར་བའི་བྱང་ཆུབ་སེམས། །དཀར་དམར་བྷཱནྡྷའི་ནང་དུ་བསྐྱིལ། །སྐལ་ལྡན་བུ་ལ་དབང་བསྐུར་བས། །རྩ་ཁམས་ཡི་གེའི་རྣམ་པར་སྨིན། །ཚེ་ལ་དབང་བའི་རིག་འཛིན་


JLAZ010_Page_0166
[མ་དཔེ་གཟིགས་ན་འདིར་གནོན།]

ཐོབ། །པདྨ་ཅན་གྱི་ས་ནོན་ཤོག །རྩ་སྔགས་དང༌། ཝཱཀྐ་ཨ་བྷི་ཥིཉྩ་ཨཱ། རྗེས་འབྲེལ་དུ་བཟླས་ལུང་སྦྱིན་པ་ནི། སློབ་དཔོན་གྱི་ཐུགས་ཀ་ནས་སྔགས་ཕྲེང་ལུ་གུ་རྒྱུད་དུ་བྱུང༌། སློབ་མའི་མགྲིན་པ་ནས་ཞུགས། སྙིང་གར་འཁོར་བས་འགྱུ་བའི་རླུང་ཁམས་མཐའ་དག་གྲགས་སྟོང་སྔགས་ཀྱི་འཁོར་ལོར་རྫོགས་པར་བསམ། རྩ་སྔགས་ཀྱི་རྗེས་ཟློས་ལན་གསུམ། དེས་ངག་དང་རླུང་གི་སྒྲིབ་པ་དག །བླ་མེད་ཀྱི་དམ་རྫས་ཁྱད་པར་ཅན་སྤྱོད་ཅིང་བཟླས་བརྗོད་དང་གཏུམ་མོའི་རྣལ་འབྱོར་ལ་དབང༌། རླུང་བཅུ་ལས་སུ་རུང་བའི་ཡོན་ཏན་ཐམས་ཅད་ཐོབ། ལོངས་སྤྱོད་རྫོགས་པའི་སྐུ་འགྲུབ་པའི་སྐལ་བ་རྒྱུད་ལ་བཞག་གོ། རིག་ཙག་གཏད་ལ། ཧོཿཆོས་རྣམས་ཀུན་ཀྱི་འབྱུང་གནས་ཏེ། །བདེ་བ་ཆེན་པོ་གསང་བའི་ཡུམ། །རིགས་ཀྱི་བུ་ལ་བྱིན་པ་ཡིས། །དགའ་བཞིའི་ཡེ་ཤེས་མངོན་དུ་གྱུར། །ཕྱག་རྒྱ་ཆེན་པོའི་རིག་འཛིན་ཐོབ། །འཁོར་ལོ་ཚོགས་ཆེན་ས་ནོན་ཤོག །རྩ་སྔགས་དང༌། ཙིཏྟ་ཨ་བྷི་ཥིཉྩ་ཧཱུྃ། ཞེས་གཏད་བས། རིག་མ་དེས་པདྨ་བྷཉྫ་མོཀྵཧོཿཞེས་པའི་སྒྲས་ཐར་པ་བརྟེན་པ་ལ་བསྐུལ། རྗེས་སུ་ཆགས་པའི་རོལ་མོས་དགའ་བ་བཞིའི་ཡེ་ཤེས་ཉམས་སུ་མྱོང༌། ཡིད་དང་ཐིག་ལེའི་སྒྲིབ་པ་དག །རང་བཞིན་བརྒྱད་ཅུའི་རྟོག་ཚོགས་འགགས། ཆོས་སྐུའི་གོ་འཕང་ཐོབ་པའི་སྐལ་བ་རྒྱུད་ལ་བཞག་གོ། དབང་བཞི་པ་ལ་མེ་ལོང་དང་ཤེལ་རྡོ་མཚོན་པའི་བརྡ་


JLAZ010_Page_0167
[མ་དཔེ་གཟིགས་ན་འདིར་གནོན།]

སྟེ། དཔེ་དོན་འབྲེལ་བའི་ཡེ་ཤེས་ཉམས་སུ་མྱོང་བར་བསམ་ལ། ཧོཿཀ་དག་མེ་ལོང་གཙང་མའི་ངོགས། །ལྷུན་གྲུབ་དྭངས་ཤེལ་དྲི་མེད་གསལ། །བརྡ་རྟགས་རྫོགས་པའི་དབང་བསྐུར་བས། །དྲི་མེད་རིག་པའི་གནས་ལུགས་རྟོགས། །ལྷུན་གྲུབ་རིག་འཛིན་ཉེར་ཐོབ་ནས། །བདེ་བ་ཆེན་པོའི་ས་ནོན་ཤོག །རྩ་སྔགས་དང༌། དྷརྨ་དྷཱརྟུ་ཨ་བྷི་ཥིཉྩ་ཨཱཿཞེས་པའི་མཐར། རང་བཞིན་མེད་པའི་ཆོས་ཉིད་ལ་མཉམ་པར་བཞག །རྗེས་ལ་དམ་ཚིག་ཁས་བླང་པ་ནི། གཙོ་བོས་ཇི་ལྟར་བཀའ་སྩལ་པ། །དེ་དག་ཐམས་ཅད་བདག་གིས་བགྱི། །ཁྱེད་ལ་བདག་ནི་འབུལ་ལགས་ན། །ཁྱེད་ཀྱི་སློབ་མར་བཟུང་བ་དང༌། །ཆ་ཡིས་ཀྱང་ནི་སྤྱད་དུ་གསོལ། །གཏང་རག་གི་མཎྜལ་ཕུལ། ཉེར་གཅིག་པ་སྨན་གཏོར་རཀྟ་དང༌། ཚོགས་ཀྱི་འཁོར་ལོ་ཕྱི་ནང་གི་འདོད་ཡོན་ལ་བརྟེན་པའི་དམ་ཚིག་སྐོང་བཤགས་ཆེན་མོ་ནི། རིག་འཛིན་གྱི་ཚོམ་བུ་དེ་དག་གི་ཐུགས་རྒྱུད་ཀྱི་སྤངས་རྟོགས་ཐེག་པ་རིམ་པ་དགུའི་དཀྱིལ་འཁོར་གྱི་ངོ་བོ་ཉིད་ཡིན་པས་རྣམ་སྤྲུལ་ཀྱང་མདུན་གྱི་ནམ་མཁའ་ལ་མགྲོན་ཐབས་ཀྱི་རྣམ་པར་སད་པར་བྱ་བ་ནི། བདེ་གཤེགས་སྙིང་པོས་འགྲོ་བ་ཡོངས་ལ་ཁྱབཿ སེམས་ནི་རྒྱ་ཆེན་མཆོག་ཏུ་རབ་བསྐྱེད་ཅིངཿ འགྲོ་བ་འདི་དག་མ་ལུས་སངས་རྒྱས་རྒྱུཿ འདི་ན་སྣོད་མིན་སེམས་ཅན་གང་ཡང་མེདཿ བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷཿ དུས་ལས་མི་འདའ་ཐུགས་རྗེའི་དབང་གིས་ནིཿ སེམས་ཅན་དོན་ལ་དགོངས་པའི་


JLAZ010_Page_0168
[མ་དཔེ་གཟིགས་ན་འདིར་གནོན།]

དཀོན་མཆོག་གསུམཿ ཡིད་ཀྱིས་སྤྲུལ་ཞིང་བཤམས་པའི་གནས་འདི་རུཿ རྒྱལ་བ་འཁོར་བཅས་མ་ལུས་གཤེགས་སུ་གསོལཿ བཛྲ་ས་མཱ་ཛཿཞེས་སྤྱན་དྲངས། པདྨ་ཀ་མཱ་ལཱ་ཡ་སྟྭཾཿགྱིས་གདན་འབུལ། དེ་ནས་གཏོར་ཚོགས་རྣམས་ལ་ནང་མཆོད་བྲན་ནས། ཨོཾ་ཀུན་བརྟགས་སྣང་བ་སྣོད་ཀྱི་གཏོར་གཞོང་དུཿ གཞན་དབང་སྲིད་པ་བཅུད་ཀྱི་གཏོར་མར་སྦྱངསཿ ཡོངས་གྲུབ་ཆོས་དབྱིངས་ཀློང་ཆེན་དགོངས་པ་ཡིསཿ སྣང་སྲིད་གཞིར་བཞེངས་ཀུན་བཟང་མཆོད་པའི་སྤྲིནཿ འཕོ་མེད་ནམ་མཁའ་མཛོད་དུ་མངའ་དབང་སྒྱུརཿ ཨོཾ་ཨཱཿཧཱུྃ། ལན་བདུན་གྱིས་ངོ་བོ་ཡེ་ཤེས་ཀྱི་བདུད་རྩི་དང༌། ནམ་མཁའ་མཛོད་ཀྱི་སྔགས་རྒྱས་ཀུན་ཏུ་བཟང་པོའི་མཆོད་སྤྲིན་དུ་བྱིན་གྱིས་བརླབས། ཨཱཿརང་བྱུང་ལྷུན་གྲུབ་འཇའ་ཟེར་ལུས་ཀྱི་སྦུབསཿ སྒྱུ་འཕྲུལ་ཚོགས་བརྒྱད་རོལ་པ་སྲིན་པོའི་གྲོངཿ སྙིང་དབུས་ཟངས་མདོག་དཔལ་རིའི་ཕོ་བྲང་ནསཿ རིགས་འདས་མ་ཧཱ་གུ་རུའི་ཐུགས་དམ་བསྐངཿ གཞི་དབྱིངས་སྟོང་གསལ་ཀུན་ཏུ་བཟང་པོ་ཡིཿ གཞི་སྣང་ལོངས་སྐུའི་རྩལ་ལ་དགོངས་པ་འཕོསཿ བརྡ་ཚིག་བློ་ལས་འདས་པའི་དཀྱིལ་འཁོར་ནསཿ དགོངས་བརྒྱུད་དག་པ་གཉིས་ལྡན་ཐུགས་དམ་བསྐངཿ ངེས་པ་ལྔ་ལྡན་ལྷུན་གྲུབ་ལོངས་སྐུའི་རྩལཿ རིག་འཛིན་རིག་པའི་འཁོར་ལ་བརྡ་སྟོན་ཞིངཿ དགོངས་བརྡའི་དོན་རྒྱུད་ཆིག་རྫོགས་སྤྲུལ་པའི་གརཿ


JLAZ010_Page_0169
[མ་དཔེ་གཟིགས་ན་འདིར་གནོན།]

སྙན་བརྒྱུད་ཐོས་གྲོལ་ཆེན་པོའི་ཐུགས་དམ་བསྐངཿ མཚོན་བྱེད་རྟགས་ཀྱི་བརྡ་ཤོག་ཆེན་པོའི་དབངཿ ལས་ཅན་སྐྱེས་བུའི་སྙིང་ལ་བསྐུལ་བ་ལསཿ མཚོན་བྱ་དོན་གྱི་དགོངས་པའི་གསང་མཛོད་བརྡོལཿ གཏད་རྒྱ་སྨོན་ལམ་དབང་རྒྱུད་ཐུགས་དམ་བསྐངཿ གདོད་ནས་ཀུན་ཏུ་བཟང་པོ་རང་རིག་ལཿ ཁྱབ་གདལ་དགོངས་པ་གུད་དུ་བཅད་པ་དངཿ སངས་རྒྱས་གཞན་དུ་བཙལ་བའི་ནོངས་པ་ཀུནཿ དག་ནས་བྱ་རྩོལ་བྲལ་བའི་ས་ལ་སྐྱོལཿ ཀ་དག་ཕྱོགས་ཡན་ཆེན་པོའི་དགོངས་པ་ལཿ བགྲང་བྱའི་ཐེག་པ་ཐ་དད་མ་གྲུབ་ཀྱངཿ ཀུན་རྟོག་གདུལ་བྱའི་ཁམས་དབང་བསམ་པའི་ཕྱིརཿ ཐེག་པ་རིམ་དགུར་ཤར་བའི་ཐུགས་དམ་བསྐངཿ འཁོར་བ་སྡུག་བསྔལ་ཆེན་པོར་ཤེས་པ་ཡིསཿ ཀུན་རྫོབ་བདེན་བཞིའི་ལམ་ལ་རབ་བཞུགས་ནསཿ བདག་འཛིན་འཆིང་བ་གཅོད་པ་ཉན་ཐོས་ཀྱིཿ ཚོམ་བུའི་དཀྱིལ་འཁོར་ལྔ་ཡི་ཐུགས་དམ་བསྐངཿ སོ་ཐར་འདུལ་བའི་སྡེ་སྣོད་ཆེན་པོ་ཡིསཿ བཅས་དང་རང་བཞིན་འགལ་བའི་ཉེས་པ་ཀུནཿ མི་འཆབ་མི་སྦེད་སྙིང་ནས་བཤགས་པར་བགྱིཿ བདག་ལ་འཕགས་པ་དགྲ་བཅོམ་བྱིན་གྱིས་རློབསཿ ལྷག་པའི་ཚུལ་ཁྲིམས་བསླབ་པས་རྒྱུད་བསྡམས་ཤིངཿ ཕུང་སོགས་རང་བཞིན་མེད་པར་


JLAZ010_Page_0170
[མ་དཔེ་གཟིགས་ན་འདིར་གནོན།]

རྟོགས་པ་དངཿ རྟེན་འབྲེལ་བཅུ་གཉིས་ལུགས་ལས་ལྡོག་པ་ཡིཿ རང་རྒྱལ་དཀྱིལ་འཁོར་བཞི་ཡིས་ཐུགས་དམ་བསྐངཿ རྣམ་དག་ཚུལ་ཁྲིམས་མི་གཡོ་ཏིང་འཛིན་གྱིཿ བསླབ་པ་མདོ་སྡེའི་སྲུང་མཚམས་ཉམས་པ་ཀུནཿ འགྱོད་པས་བཤགས་སོ་བྱང་ཞིང་དག་པ་དངཿ ཚོགས་དང་བསེ་རུའི་རང་རྒྱལ་དངོས་གྲུབ་སྩོལཿ ཆོས་ཀུན་སྒྱུ་མ་ལྟ་བུར་ཤེས་པའི་ངངཿ སྙིང་རྗེས་གཞན་དོན་སྒྲུབ་ལ་ཆེས་དཔའ་ཞིངཿ བདེན་གཉིས་ལམ་འཁྱེར་མངོན་པའི་སྡེ་སྣོད་ཀྱིཿ དཀྱིལ་འཁོར་ཕྱོགས་ཀྱི་གྲངས་ལྡན་ཐུགས་དམ་བསྐངཿ སོ་སོར་རྟོག་པའི་ཤེས་རབ་ཏིང་ངེ་འཛིནཿ རྟག་ཆད་མུ་བཞིའི་ལམ་དུ་གོལ་བ་དངཿ སྙིང་རྗེའི་མྱུ་གུ་སྐམ་པའི་ནོངས་པ་ཀུནཿ དག་ནས་ཀུན་ཏུ་འོད་ཀྱི་ས་ལ་སྐྱོལཿ དག་པ་གསུམ་དང་གཙང་སྦྲ་གསུམ་སྤྱོད་ཅིངཿ དམ་ཡེ་ཐ་དད་རྗེ་ཁོལ་རྣམ་པར་བསྒྲུབཿ བལྟས་པས་བདེ་བ་ལམ་བྱེད་བྱ་རྒྱུད་ཀྱིཿ དཀྱིལ་འཁོར་དྲུག་གི་ལྷ་ཚོགས་ཐུགས་དམ་བསྐངཿ ཀྲི་ཡའི་ཐབས་དང་ཡོ་གའི་རྣལ་འབྱོར་ལཿ ཆ་མཉམ་སྤྱད་པས་མ་ནིང་ཐེག་པ་སྟེཿ མངོན་བྱང་ལྔ་ཡིས་དཀྱིལ་འཁོར་རྒྱལ་མཆོག་བསྒྲུབཿ སྤྱོད་རྒྱུད་དཀྱིལ་འཁོར་རྒྱ་མཚོའི་ཐུགས་དམ་བསྐངཿ བྱ་སྤྱོད་རྒྱུད་སྡེའི་ལྷ་སྔགས་ཏིང་འཛིན་དངཿ ཕྲ་རགས་དམ་ཚིག་ཉམས་པ་མཐོལ་ལོ་བཤགསཿ


JLAZ010_Page_0171
[མ་དཔེ་གཟིགས་ན་འདིར་གནོན།]

མཁའ་སྤྱོད་ལ་སོགས་གྲུབ་ཆེན་རྣམ་བརྒྱད་ཀྱིཿ ཐུན་མོང་དངོས་གྲུབ་འཛད་མེད་ཆར་དུ་སྙིལཿ ཕྱི་ནང་གསང་གསུམ་རྣམ་དག་བདེན་པ་ཡིཿ ལྷ་དང་རྣལ་འབྱོར་གཉིས་མེད་ཆེན་པོར་རྟོགསཿ ཕྱག་རྒྱ་བཞི་དང་ཟབ་གསལ་ཏིང་འཛིན་བརྙེསཿ ལིང་ཚེ་དགུ་ལྡན་ཡོ་གའི་ཐུགས་དམ་བསྐངཿ བདག་དང་ལྷ་ལ་བཟང་ངན་བལྟས་པ་དངཿ བསྙེན་སྒྲུབ་མཆོད་པ་སྦྱིན་བསྲེག་ཆག་པ་དངཿ དཀྱིལ་འཁོར་སྒྲུབ་པའི་ཡན་ལག་ཉམས་པ་ཀུནཿ བཟོད་པར་བཞེས་ནས་མཆོག་གི་དངོས་གྲུབ་སྩོལཿ ཞེས་པའི་མཚམས་ཚོགས་ཕུད་རིམ་པ་གསུམ་ལྷག་མ་དང་བཅས་པར་སྤེལ་ཞིང་སྨན་རཀ་འཐོར་བཞིན་པས། བདེ་སྟོང་ཀློང་ཡངས་ཏིང་འཛིན་གསུམ་གྱི་སྦུབསཿ བསྐྱེད་རིམ་སྣོད་བཅུད་དག་པ་རབ་འབྱམས་སུཿ ཡོངས་ཤར་སྒྱུ་འཕྲུལ་ཞི་ཁྲོ་བཀའ་བརྒྱད་སོགསཿ ཚོམ་བུའི་དཀྱིལ་འཁོར་བཅུ་གཉིས་ཐུགས་དམ་བསྐངཿ ཤེས་བྱ་ལྔ་དང་མི་སྤང་དང་དུ་བླངཿ སྒྲུབ་དང་སྤྱད་བྱའི་དམ་ཚིག་ཉི་ཤུ་ལྔཿ གསང་བཅུ་ལ་སོགས་ཉམས་ཆག་སྡིག་སྒྲིབ་ཀུནཿ བཤགས་སོ་རིག་འཛིན་རྣམ་བཞིའི་ས་ལ་སྐྱོལཿ བཀོད་པ་ལུས་ཀྱི་གཞལ་མེད་ཁང་ཆེན་ནངཿ རྩ་གསུམ་འཁོར་ལོ་ལྔ་ཡི་འཇའ་ཟེར་སྦུབསཿ དབྱིངས་དང་ཡེ་ཤེས་མཉམ་སྦྱོར་རིག་པའི་རྩལཿ ཨ་ནུ་ཡོ་གའི་དཀྱིལ་འཁོར་


JLAZ010_Page_0172
[མ་དཔེ་གཟིགས་ན་འདིར་གནོན།]

ཐུགས་དམ་བསྐངཿ རྣམ་ཤེས་ཚོགས་བརྒྱད་ཉེ་ཉོན་ཉི་ཤུ་དངཿ སེམས་བྱུང་ལྔ་བཅུ་བརྒྱད་ཁྲི་བཞི་སྟོང་གིཿ རྟོག་ཚོགས་དག་ནས་དྲན་རྫོགས་ཕྱག་རྒྱའི་སྐུཿ ལྷན་སྐྱེས་བདེ་བ་ཆེན་པོའི་ས་ལ་སྐྱོལཿ ཤེས་རིག་ཟང་ཐལ་གཉུག་མའི་གཞལ་ཡས་སུཿ ཡེ་གདངས་སྒྲོན་དྲུག་འཇའ་ཟེར་ཐིག་ལེའི་ཀློངཿ རིག་པ་བཅུད་དུ་སྨིན་པ་ཨ་ཏིའི་ལྷཿ ཞལ་ཕྱག་འཛིན་པ་དག་པའི་ཐུགས་དམ་བསྐངཿ རང་གྲོལ་རིག་པ་རྡོ་རྗེ་ལུ་གུ་རྒྱུདཿ བཞུགས་སྟངས་གསུམ་དང་གཟིགས་སྟངས་རྣམ་གསུམ་གྱིསཿ གཅུན་ཏེ་སྣང་བཞི་ཆོས་ཟད་གདོད་མའི་དབྱིངསཿ ལྷུན་གྲུབ་རྫོགས་པ་ཆེན་པོའི་ས་ལ་སྐྱོལཿ མདོར་ན་རབ་འབྱམས་དཀྱིལ་འཁོར་རྒྱ་མཚོའི་ཀློངཿ ཐ་དད་རིག་པས་བཏགས་པའི་སྲི་ཞུའི་བགྲོནཿ རྡུལ་སྙེད་མ་ཚང་མེད་པ་ཐམས་ཅད་དངཿ སྣང་བ་ཡབ་ཀྱི་རང་བཞིན་རཱ་ཧུ་ལཿ སྟོང་པ་ཡུམ་གྱི་ངོ་བོ་ཨེ་ཀ་ཙཿ ཟུང་འཇུག་ཐུགས་རྗེ་བཛྲ་ས་དྷུ་སོགསཿ སྙིང་ཐིག་གཉན་པོའི་བཀའ་སྲུང་ཐམས་ཅད་དངཿ ཨོ་རྒྱན་རྒྱ་གར་བལ་ཡུལ་ཁ་ཆེའི་གླིངཿ འ་ཞའི་ཡུལ་དང་བྲུ་ཤ་ཟངས་གླིང་ཡུལཿ གསེར་གླིང་རྔ་ཡབ་ལངྐའི་གླིང་ཕྲན་དངཿ རྒྱ་ནག་ལྗོངས་ཡུལ་གེ་སར་དམག་གི་གླིངཿ ཙ་རི་ཏྲ་དང་ལྷོ་མོན་འབྲས་མོའི་གཤོངསཿ མངའ་རིས་བསྐོར་


JLAZ010_Page_0173
[མ་དཔེ་གཟིགས་ན་འདིར་གནོན།]

གསུམ་དབུས་གཙང་རུ་བཞི་དངཿ མདོ་ཁམས་སྒང་དྲུག་སྦས་གནས་གཉན་པོའི་ཡུལཿ ལྗོངས་ལྔ་གླིང་དྲུག་གསེར་རི་ལྷུན་པོའི་སྤོཿ སུམ་ཅུ་རྩ་གསུམ་གནས་ཡུལ་དུར་ཁྲོད་གཉནཿ ཆོས་འཁོར་གཙུག་ལག་སྒྲུབ་གནས་དབེན་གནས་ཀྱིཿ འཁོར་ཡུག་ལྗོན་ཤིང་བྲག་རི་མཚོ་གླིང་ལཿ གནས་པའི་དཔའ་བོ་ཌཱཀྐི་ཆོས་སྲུང་ཚོགསཿ ཞལ་ནས་གསུངས་དང་རྗེས་སུ་གནང་བ་དངཿ བྱིན་བརླབས་ལུང་བསྟན་དག་སྣང་བསྟན་བཅོས་དངཿ ཐུགས་གཏེར་དགོངས་གཏེར་ཟབ་གཏེར་རྫས་གཏེར་སོགསཿ གཏེར་རིགས་བཅོ་བརྒྱད་ཆོས་ཀྱི་བཀའ་གཏད་ཅིངཿ དཀྱིལ་འཁོར་རྒྱ་མཚོའི་མུ་རན་ལ་གནས་པའིཿ དམ་ཅན་ཌཱཀྐི་བསྟན་སྲུང་རྒྱ་མཚོ་ཡིཿ ཐུགས་དང་འགལ་གྱུར་ནོངས་བ་ཅི་མཆིས་པཿ སྙིང་ནས་བཤགས་སོ་ཚངས་པའི་ཞལ་རས་སྟོནཿ རྟག་ཆད་མཐའ་བྲལ་དབུ་མ་ཆེན་པོའི་སྦུབསཿ འཁོར་འདས་རོ་རྐྱང་ཟུང་འཇུག་ཕྱག་རྒྱ་ཆེརཿ སྦྱར་བས་སྣང་སེམས་ཞེན་གྲོལ་རྫོགས་པ་ཆེའིཿ ཏིང་འཛིན་ནམ་མཁའི་མཛོད་ཀྱི་སྒྱུ་འཕྲུལ་ལསཿ གཟུང་འཛིན་ཕཊ་ཀྱིས་གཏོར་བའི་རྗེས་གཞིག་ཆེརཿ བློ་བྲལ་ཐུག་ཕྲད་ཤེས་པའི་ངོ་བོ་རུཿ ཚོགས་བརྒྱད་ཀ་ནས་དག་པའི་བཀྲ་ཤིས་རྟགསཿ སྣང་བ་རྒྱན་དུ་ཤར་བའི་རྒྱལ་སྲིད་བདུནཿ རིག་སྟོང་རྗེན་པར་གྲོལ་


JLAZ010_Page_0174
[མ་དཔེ་གཟིགས་ན་འདིར་གནོན།]

པའི་འདོད་ཡོན་ལྔཿ རྐྱེན་ངན་ལམ་དུ་ལོངས་པའི་ཕྱག་རྒྱ་གརཿ འབུལ་ལོ་མཆོག་ཐུན་དངོས་གྲུབ་རྒྱ་མཚོར་བསྐྱིལཿ ཀློང་ཆེན་གཞོན་ནུ་བུམ་སྐུའི་ཀ་པཱ་ལརཿ དུག་གསུམ་རྣམ་རྟོག་དྲེགས་པ་བཏུལ་བའི་ཁྲགཿ སྐུ་གསུམ་ཡོངས་གྲོལ་ཆེན་པོའི་བ་ལིང་ཏཿ རེ་དོགས་ཚར་གཅོད་ཤ་ལྔ་བདུད་རྩི་ལྔཿ ཉི་ཟླའི་དྭངས་མ་རྩ་བརྒྱད་ཡན་ལག་སྟོངཿ རང་བྱུང་ལྷུན་གྲུབ་ནང་གི་དམ་རྫས་ཀུནཿ འབུལ་ལོ་བརྟུལ་ཞུགས་མཐར་ཕྱིན་དངོས་གྲུབ་སྩོལཿ གདོད་མའི་སྟོང་ཆེན་དབྱིངས་ཀྱི་བྷ་གའི་ཀློངཿ རྣམ་ཀུན་མཆོག་ལྡན་རིག་པའི་རྡོ་རྗེ་ཡིསཿ རྟེན་འབྲེལ་ལུགས་ལྡོག་འཁོར་བའི་བག་ཆགས་བསྒྲལཿ བདེ་སྟོང་དགའ་བཞིའི་ཉམས་རྩལ་རྫོགས་པའི་གརཿ སྦྱོར་སྒྲོལ་བརྟུལ་ཞུགས་མཐར་ཕྱིན་གསང་བའི་རྫསཿ འབུལ་ལོ་གཞན་སྣང་དབང་འདུས་དངོས་གྲུབ་སྩོལཿ མཚན་མ་རྫས་དང་མཚན་མེད་ཏིང་འཛིན་གྱིཿ ལས་བཞིའི་ཕྲིན་ལས་བསྒྲུབ་པའི་ཕྱག་རྒྱ་དངཿ ཤུགས་སྒྲོལ་དམོད་པའི་མཚོན་ཆ་ཁྱོད་ལ་འབུལཿ སྨོན་འཇུག་སེམས་བསྐྱེད་ཕྲག་ཕུག་ཞྭ་ལྟར་གྱོནཿ ཆགས་མེད་འཁོར་བ་སྤངས་པའི་རྣལ་འབྱོར་ལཿ མ་ཉེས་ཁ་གཡོགས་ཅལ་སྒྲོག་ངན་སྦྱོར་གཤོམཿ སྒྲུབ་ལ་བར་གཅོད་ཐུགས་རྒྱུད་དཀྲུགས་པ་ཡིཿ སྨོན་ལམ་ལོག་པའི་དགྲ་འདྲེའི་སྙིང་ཁྲག་འཐུངསཿ


JLAZ010_Page_0175
[མ་དཔེ་གཟིགས་ན་འདིར་གནོན།]

མཐོན་མཐིང་རལ་བའི་གླེགས་བམ་མན་ཆད་ནསཿ བདོག་པའི་ཉེར་སྤྱད་ཕྲ་མོ་ཡན་ཆོད་དུཿ མདོར་ན་རྣལ་འབྱོར་ཡིད་ལ་མཛའ་བའི་རྫསཿ རྩ་གསུམ་དམ་ཅན་ཌཱཀྐིའི་བླ་རྡོར་འབུལཿ ནགས་ཁྲོད་བས་མཐའ་མཚོ་གླིང་བྲག་སྐྱིབས་སོགསཿ ངེས་མེད་གནས་སུ་བྱང་ཆུབ་བསྒྲུབ་པའི་ཕྱིརཿ སྟག་མོ་རི་སུལ་འགྲིམ་ལྟར་རྒྱུ་བའི་ཚེཿ རྣལ་འབྱོར་ལུས་ལ་གྲིབ་མ་བཞིན་དུ་འགྲོགསཿ བརྟན་གཡོ་སྣང་སེམས་ཞེན་པས་བཅིངས་པ་ཡིཿ ཕྲ་རགས་རྣམ་རྟོག་གྱ་གྱུའི་སྒྱུ་འཕྲུལ་ཅནཿ སྲིད་ཞི་གཉིས་མེད་ཤར་གྲོལ་དུས་མཉམ་ཀློངཿ འབུལ་ལོ་ཆོས་ཉིད་ཟད་སར་འཁྱོལ་བར་ཤོགཿ ཀུན་གཞིའི་ངང་ནས་ལས་རླུང་གཡོས་པའི་འཕྲུལཿ བག་ཆགས་སེམས་ཉིད་མངལ་རྒྱར་འཐུམས་པ་ལསཿ བྱུང་བའི་ཤ་ཁྲག་དྲོད་དབུགས་ཕུང་པོའི་ཁམསཿ འབུལ་ལོ་བདག་གིས་འཇའ་ལུས་འགྲུབ་པར་ཤོགཿ འདིས་མཚོན་དུས་གསུམ་བསགས་པའི་དགེ་རྩ་ཀུནཿ དྲན་རིག་ཟག་པ་མེད་པའི་ཡེ་ཤེས་ཀྱིསཿ འཁོར་གསུམ་ཡོངས་དག་ཆེན་པོར་རྒྱས་བཏབ་ནསཿ གནས་ལུགས་རྫོགས་པ་ཆེན་པོའི་ཀློང་དུ་ཨཱཿ ཞེས་པའི་མཐར། ལྷག་མ་ཕྱི་རོལ་དུ་གཤེགས། གསུམ་པ་རྗེས་ཀྱི་བྱ་བ་ལ་བརྒྱད་ལས། དང་པོ་དངོས་གྲུབ་ཀྱི་དམ་རྫས་ཚོགས་ལ་རོལ་བ་ནི། ལས་སློབ་ཀྱིས་


JLAZ010_Page_0176
[མ་དཔེ་གཟིགས་ན་འདིར་གནོན།]

འདུས་པའི་གཙོ་བོ་ལ་བཏུད་དེ་ཕྱག་བྱས་ནས་རྣམ་ལྔ་འདོད་སྐོར་གྱི་ཕྱག་རྒྱ་དང་སྦྲགས། ཧོཿབླ་མ་དཔའ་བོ་ཆེན་བོ་དགོངས་སུ་གསོལ། །འདིར་ནི་ཆོས་རྣམས་བཟང་པོར་ལྟོས། །འདུས་པ་རྣམས་ལ་ཐེ་ཚོམ་མེད། །བྲམ་ཟེ་ཁྱི་དང་གདོལ་པ་ཡང༌། །རང་བཞིན་གཅིག་ཏུ་དགོངས་ཏེ་རོལ། །ཞེས་པའི་ལན་དུ་སློབ་དཔོན་གྱིས་ཀྱང་ཕྱག་རྒྱ་དེ་ཉིད་དང་བཅས། བདེ་བར་གཤེགས་པ་ཆོས་ཀྱི་སྐུ། །འདོད་ཆགས་ལ་སོགས་དྲི་མ་སྤངས། །གཟུང་འཛིན་རྣམ་པར་བྲལ་བ་ཡི། །དེ་བཞིན་ཉིད་ལ་བདག་ཀྱང་འཚལ། །ཨ་ལ་ལ་ཧོ། ཞེས་པས་བླང་ཞིང༌། ལག་སོར་གཡས་གཡོན་རིགས་ལྔ་ཡབ་ཡུམ་དུ་མོས་ནས་རྡོ་རྗེ་ལུས་ཀྱི་དཀྱིལ་འཁོར་ལ་ནང་གི་སྦྱིན་སྲེག་ལྟར་འབུལ་ནི། སློབ་དཔོན་གྱིས་བསྐུལ་ལ་ཚོགས་པ་ཐམས་ཅད་ཀྱིས། ཧོཿབདག་ལུས་ཕུང་ཁམས་སྐྱེ་མཆེད་ནི། །གདན་གསུམ་ཚང་བའི་ངོ་བོ་སྟེ། །དམ་པ་རིགས་བརྒྱའི་དཀྱིལ་འཁོར་ལྷ། །འགུལ་བསྐྱོད་ཐམས་ཅད་བདེ་བ་ཆེ། །རྡོ་རྗེའི་དམ་ཚིག་བླ་ན་མེད། །བྱང་ཆུབ་སེམས་ཀྱི་སྤྲིན་ཆེན་པོར། །གཉིས་མེད་མཉམ་པའི་ངང་དུ་རོལ། །རྣལ་འབྱོར་ལམ་གྱི་ཚོགས་རྫོགས་ནས། །ཟས་ཀྱི་སྒྲིབ་པར་མི་འགྱུར་ཞིང༌། །གཏན་པ་མེད་པའི་སྦྱིན་བདག་ཀྱང༌། །ཐེག་ཆེན་འབྲས་བུར་སྤྱོད་པར་ཤོག །ཅེས་བརྗོད་ཅིང་ཐ་མལ་གྱི་རྟོག་པ་སྤངས་ལ་རང་ལུས་ཕུང་ཁམས་སྐྱེ་མཆེད་གདན་གསུམ་ཚང་བའི་དཀྱིལ་འཁོར་གྱི་བདག་ཉིད་


JLAZ010_Page_0177
[མ་དཔེ་གཟིགས་ན་འདིར་གནོན།]

དུ་མོས་པ་ལ་མཆོད་པའི་ཚུལ་གྱིས་ཚིམ་པར་རོལ་རྗེས། ཧེ་རུ་ཀ་དཔལ་གྲོང་ཁྱེར་དུ། །སོགས་ཀྱིས་སྨོན་ལམ་གདབ། དེའི་ཚེ་ཚོགས་ཀྱི་དམ་རྫས་ལ་སྨོད་པ་དང༌། ཐེག་དམན་གྱི་བློས་བླང་དོར་དུ་ལྟ་བ་དང༌། འཐབ་རྩོད་དང༌། ཀུ་ཅོ་དང༌། ཤགས་ལ་སོགས་པ་ནི་སྦོམ་པོ་བརྒྱད་ཀྱི་ཡ་གྱལ་ཡིན་པས་སྤང་བར་བྱའོ། །གཉིས་པ་རྡོ་རྗེའི་གླུ་གར་བྱ་བར་མོས་ན། སྐྱེ་བོ་ཐ་མལ་པས་དབེན་པས་གནས་སུ། ལས་སློབ་གྱིས་སློབ་དཔོན་ལ་ཕྱག་བྱས་ཏེ། ཧོཿདགོངས་སུ་གསོལ། མངའ་དབང་རྫོགས་པའི་དཀྱིལ་འཁོར་ཆེན་པོར་ཀུན་ཏུ་བཟང་པོའི་ཚོགས་མཆོད་རྒྱ་མཚོས་ཕྱི་ནང་གི་འདུ་བ་དང་ཉེ་བའི་འདུ་བ་ལེགས་པར་མཆོད་ཟིན་པའི་གནས་སྐབས་འདིར་ནི་མུ་ཏིག་ཕྲེང་བ་ལས། ཚོགས་དང་དབང་བསྐུར་དཀྱིལ་འཁོར་འཇུག །དེ་ནས་གླུ་ལ་བརྩོན་པར་བྱ། །ཞེས་པའི་དོན་ལྟར་ཆོས་ཉིད་བསམ་གྱིས་མི་ཁྱབ་པའི་དགོངས་སྤྱོད་རྒྱ་མཚོས་རྡོ་རྗེའི་གླུ་གར་ལ་ཐུགས་གཏད་པར་ཞུ། ཞེས་གསོལ་ནས། དཔོན་སློབ་ཐམས་ཅད་འཁོར་ལོས་སྒྱུར་བའམ། ཧེ་རུ་ཀའི་ཆས་སུ་བཞུགས་ནས་བསམ་གཏན་གྱི་ངང་ལས་ལངས་ཏེ་རིག་པ་བརྟུལ་ཞུགས་ཀྱི་སྤྱོད་པ་བྱུང་རྒྱལ་དུ་བསྐྱང་བའམ། མོས་པས་སྤྱོད་པ་རྣམས་ནི་རང་བཞིན་གྱི་བསམ་གཏན་ལ་གནས་པས་ཆོས་ཉིད་ཀྱི་གླུ། ཨ་དཱི་ཀ་དཱི་རིང་བོ་དང༌། ཐུང་ངུ་དང༌། འཁྱོག་པོར་སྤེལ་བའི་དབྱངས་སྙན་པོས་བླང་ཞིང༌། དེ་ནས་ཨོཾ་དང༌། ཨེ་དང༌། ཧཱུྃ་དང༌། ཧེ་དང༌། ལྱཱཻ་ཤག་སོགས་པས་


JLAZ010_Page_0178
[མ་དཔེ་གཟིགས་ན་འདིར་གནོན།]

སྣ་དྲངས་ཏེ་ཐོད་རྔ་དང་ཅང་ཏེའུའི་སྒྲ་དང་བཅས། ཨེ་མ་ཀཱི་རི་ཀཱི་རི། མསྟ་བཱ་ལི་བཱ་ལི། ས་མི་ཏ་སུ་རུ་སུ་རུ། ཀུ་ཏ་ལི། མ་སུ་མ་སུ། ཨེ་ཀ་རཱ་སུ་ལི་བྷ་ཏ་ཡཱེ། ཙི་ཀི་ར་བྷུ་ལི་པ་ལ་ཡེ། ས་མུན་ཏ་ཙརྱ་སུ་གྷ་ཡ། བྷི་ཏ་ས་ན་བྷྱ་ཀུ་ལ་ཡཱི། ས་ཀ་རི་དྷཱུ་ཀ་ན། མ་ཏ་རི་བཱཻ་ཏ་ན། པ་ར་ལི་ཧི་སཱ་ན། མ་ཁརྟ་ཀེ་ལ་ནཱཾ། སཾ་བྷུ་ར་ར་མེ་ཀ་ཙ་དྷི་པ། སུརྱ་བྷ་ཏར་ཨེ་པ་ཤ་ན་པ། ར་ན་བྷི་ཏི་ས་གྷུ་ར་ལཱ་པ། མ་སྨིན་ས་གུ་ལི་ཏ་ཡ་བ། འགུ་ར་འགུ་ར་ས་ག་ཁ་ར་ན་ལཾ། ན་ར་ན་ར། ཨི་ཐ་ར་པ་ཀཱ་ལཾ། སི་ར་ཎ་སི་ར་ཎ། བྷེ་ས་ར་ས་པ་ལ། བྷུན་དྷ་བྷུན་དྷ། ཚི་ཥ་ས་ཀེ་ལཾ། ས་སཱ། རཾ་རཱི། ལི་ལཱི། ཨི་ཨཱི། མི་མཱི། ར་ར་རཱ། མ་སྐྱེས་པས་ན་མི་འགགས་ཅིང༌། །འགྲོ་དང་འོངས་མེད་ཀུན་ཏུ་ཁྱབ། །བདེ་ཆེན་ཆོས་མཆོག་མི་གཡོ་བ། །མཁའ་མཉམ་རྣམ་གྲོལ་གོས་པ་མེད། །རྩ་བ་མེད་ཅིང་རྟེན་མེད་ལ། །གནས་མེད་ལེན་མེད་ཆོས་ཆེན་པོ། །ཡེ་གྲོལ་ལྷུན་འབྱམས་ཡངས་པ་ཆེའི། །བཅིངས་མེད་རྣམ་པར་བགྲོལ་མེད་པ། །ཁྱབ་གདལ་ཁང་བཟང་ཡེ་ཡོད་ཉིད། །ཁྱབ་མཉམ་པ་ལས་རྣམ་འདས་པ། །ཡངས་སོ་ཆེའོ་ནམ་མཁའི་དབྱིངས། །ཆོས་ཆེན་འབར་བ་ཉི་ཟླའི་དཀྱིལ། །ལྷུན་གྱིས་གྲུབ་དང་མངོན་སུམ་པ། །རྡོ་རྗེ་རི་བོ་པདྨ་ཆེ། །ཉི་མ་སེང་གེ་ཡེ་ཤེས་གླུ། །སྒྲ་ཆེན་རོལ་མོ་མཚུངས་པ་


JLAZ010_Page_0179
[མ་དཔེ་གཟིགས་ན་འདིར་གནོན།]

མེད། །ནམ་མཁའི་མཐའ་ལ་ལོངས་སྤྱོད་པ། །སངས་རྒྱས་སངས་རྒྱས་ཀུན་མཉམ་ཞིང༌། །ཀུན་བཟང་ཡངས་པ་ཆོས་ཀྱི་རྩེ། །མཁའ་དབྱིངས་བཟང་མོའི་དབྱིངས་རུམ་དུ། །ཀློང་གསལ་ལྷུན་གྲུབ་ཡེ་རྫོགས་ཆེ། །ཞེས་བླང་ངོ༌། །ཕན་ཡོན་ཉི་ཟླ་ཁ་སྦྱོར་ལས། ཟག་པ་མེད་པའི་རྡོ་རྗེའི་གླུས། །སངས་རྒྱས་ཀུན་གྱི་ཡིད་ཀྱང་ཚིམ། །རྣལ་འབྱོར་ང་ཡི་ཉམས་ཀྱི་གྲོགས། །མཁའ་འགྲོ་མ་ཡི་ཡིད་རྣམས་འཕྲོག །རིགས་དྲུག་འཁོར་བའི་ཞེན་པ་བཟློག །ཅེས་པ་ལ་སོགས་རྒྱ་ཆེར་གསུངས་སོ། །གསུམ་པ་བཤགས་པ་ནི། མ་འབྱོར་པ་དང་ཉམས་པ་དང༌། །གཙོ་བོ་ནུས་པ་མ་མཆིས་པས། །འདིར་ནི་བགྱི་བ་གང་བགྱིས་པ། །དེ་ཀུན་མགོན་པོས་བཟོད་པར་མཛོད། །ཡི་གེ་བརྒྱ་བའི་མཐར་བརྗོད་མེད་དོན་བཤགས་ནི། ཧོཿརང་བཞིན་ངང་ལ་ཉེས་པའི་སྐྱོན་མེད་པས། །བཤགས་དང་བཤགས་པར་བྱེད་པ་ཅུང་ཟད་མེད། །ཀུན་རྫོབ་སྒྱུ་མ་ཙམ་དུ་བཤགས་ན་ཡང༌། །གཉིས་མེད་སེམས་ཀྱི་ངང་དུ་དག་གྱུར་ཅིག །ཅེས་རྟོགས་པ་བསྐྱེད། བཞི་པ་གཤེགས་གསོལ་ནི། ཨོཾ་ཁྱེད་ཀྱི་སེམས་ཅན་དོན་ཀུན་མཛད། །སོགས་བརྗོད་ལ། བཛྲ་མུ། ཡེ་ཤེས་པ་དབྱིངས་སུ་གཤེགས། དམ་ཚིག་པ་རང་ལ་བསྡུ། འཇིག་རྟེན་པའི་མགྲོན་རྣམས་རང་གནས་སུ་བཏང༌། རས་བྲིས་ཡིན་ན་བརྟན་བཞུགས་བྱའོ། །ལྔ་པ་བསྔོ་བ་ནི། དགེ་བ་འདི་ཡིས་སྐྱེ་བོ་ཀུན། །བསོད་ནམས་


JLAZ010_Page_0180
[མ་དཔེ་གཟིགས་ན་འདིར་གནོན།]

ཡེ་ཤེས་ཚོགས་རྫོགས་ཤིང༌། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །འཇམ་དཔལ་དཔའ་བོས་ཇི་ལྟར་མཁྱེན་པ་དང༌། སོགས་ཤླཽ་ཀ་གཉིས་བརྗོད། དྲུག་པ་སྨོན་ལམ་གདབ་པ་ནི། ཧོཿསྣང་སྲིད་ཐམས་ཅད་བླ་མའི་དཀྱིལ་འཁོར་དུ། །ཡོངས་གྲུབ་ཆེན་པོའི་མོས་གུས་ལ་གོམས་པས། །འོད་སྣང་མཐའ་ཡས་བདེ་ལྡན་ཞིང་གི་མགོན། །མངོན་སུམ་འགྲུབ་ནས་འགྲོ་ཀུན་འདྲེན་པར་ཤོག །ཅེས་དང༌། དེ་མ་ཐོབ་པའི་ཚེ་རབས་ཀུན། །འཁྲུལ་པ་ལས་ཀྱང་ཉིང་འཁྲུལ་ཅན། །འཁོར་བ་སྡུག་བསྔལ་ཅན་ཕུང་པོར། །རྟག་འཛིན་འཆིང་བ་ལས་གྲོལ་ཤོག །སྙིགས་མ་ལྔ་ཡི་མཐར་སྐྱེས་པའི། །ཉོན་མོངས་གདོན་གྱིས་གཟིར་བ་རྣམས། །རྒྱུ་འབྲས་སྔ་ཕྱི་ལྟར་སྨིན་པའི། །དྲང་དོན་ལམ་གྱིས་རྒྱུད་སྦྱངས་མཐར། །ཐེག་པ་གཞན་གྱིས་མི་འདུལ་བས། །གསང་ཆེན་རྡོ་རྗེའི་ཐེག་པ་མཆོག །མ་ནོར་ཚུལ་བཞིན་སྟོན་ནུས་པའི། །བླ་མ་དམ་པ་མཇལ་བར་ཤོག །མཇལ་ནས་ཀུན་ཏུ་མཉེས་བྱེད་ཅིང༌། །བར་གཅོད་རྐྱེན་གྱིས་མི་བརྫི་བར། །ཚུལ་བཞིན་བསྒྲུབ་པའི་རང་དབང་དང༌། །དབང་བཞིས་རང་རྒྱུད་སྨིན་པར་ཤོག །བསྐྱེད་རྫོགས་གནད་ལ་མ་འཁྲུལ་བས། །སྣང་བའི་བདེན་ཞེན་ཞིག་པ་དང༌། །རྩ་རླུང་ཐིག་ལེ་ལས་རུང་ནས། །


JLAZ010_Page_0181
[མ་དཔེ་གཟིགས་ན་འདིར་གནོན།]

མཐོང་ལམ་མྱུར་དུ་སྐྱེ་བར་ཤོག །བདེན་པ་མཐོང་བའི་ཆོས་ཉིད་ལ། །གཟུང་འཛིན་འཁྲུལ་པ་མི་གནས་པས། །རྒྱུ་འབྲས་དག་གྲོལ་ལ་ཞེན་རྣམས། །བརྟུལ་ཞུགས་སྤྱོད་པས་འདུལ་བར་ཤོག །བདག་ལ་གཤེའམ་སྨོད་ཀྱང་རུང༌། །སེམས་ཅན་ཉོན་མོངས་རང་བཞིན་ལ། །བཟོད་པ་ཐོབ་པའི་བྱང་ཆུབ་སེམས། །མི་སློབ་ལམ་གྱི་འབྲས་བུར་ཤོག །བདུན་པ་ཤིས་བརྗོད་ནི། གདོད་མའི་མགོན་པོ་རིགས་ལྔ་གང་ཆེན་མཚོཿ སྐུ་ལྔ་ལྷུན་རྫོགས་སྤྲུལ་པའི་ཞིང་ཁམས་ལཿ བསྐལ་བཟང་སངས་རྒྱས་སྟོང་རྩ་བྱོན་པ་ཡིསཿ སྒྲོན་མེའི་བསྐལ་པ་བཟང་པོའི་བཀྲ་ཤིས་ཤོགཿ སྟོང་གསུམ་མི་མཇེད་རྡོ་རྗེ་ཐེག་པའི་ཞིངཿ འཕུར་འགྲོའི་བསྟན་པ་འབྱུང་གནས་ཨོ་རྒྱན་ཡུལཿ གངས་རིའི་ཁྲོད་དུ་འབོད་པ་ཁྲི་སྲོང་རྗེའིཿ ཐུགས་བསྐྱེད་བསྟན་པ་མཐར་རྒྱས་བཀྲ་ཤིས་ཤོགཿ འཛམ་གླིང་ས་ཡི་ལྟེ་བ་རྡོ་རྗེའི་གདནཿ པཎ་གྲུབ་ཆོས་རྒྱལ་འཛོམ་པ་ཆོས་འཁོར་གསུམཿ མདོ་སྔགས་བསྟན་པ་དར་བ་གངས་ཅན་ལྗོངསཿ རྒྱལ་བསྟན་ཡུན་དུ་གནས་པའི་བཀྲ་ཤིས་ཤོགཿ བརྒྱད་པ་ཕན་ཡོན་བསྟན་པ་ནི། སྒྱུ་འཕྲུལ་དྲྭ་བའི་རྒྱུད་ལས། བླ་མ་དཀྱིལ་འཁོར་ཐམས་ཅད་ཀྱི། །དབང་ཕྱུག་ལོངས་སྤྱོད་ལྔས་མཆོད་ན། །དཀྱིལ་འཁོར་ཐམས་ཅད་མཆོད་པ་ཡིན། །ཉེ་བའི་དཀྱིལ་འཁོར་སྨོས་ཅི་དགོས། །ཞེས་པས་དཀྱིལ་


JLAZ010_Page_0182
[མ་དཔེ་གཟིགས་ན་འདིར་གནོན།]

འཁོར་གྱི་འཁོར་ལོ་ནི་བླ་མའི་ཏིང་ངེ་འཛིན་གྱི་རྣམ་པར་སྤྲུལ་པ་ཙམ་ཡིན་ལ། བླ་མ་ནི་དཀྱིལ་འཁོར་གང་གི་དབང་ཕྱུག་གམ་སྤྲུལ་གཞིའི་ངོ་བོ་ཉིད་ཡིན་པས་རྡོ་རྗེ་ཐེག་པའི་ལམ་གྱི་སྨིན་གྲོལ་ཟབ་མོའི་བྱིན་རླབས་ཐམས་ཅད་དང་པོར་བླ་མ་ལ་མ་བརྟེན་པར་མི་འགྲུབ་སྟེ། འདི་ལྟར་གཟུགས་བརྙན་ནམ། རས་བྲིས་སམ། རྡུལ་ཚོན་ནམ། བློས་བླང་ལ་སོགས་པའི་མདུན་དུ་རང་བཟོ་དང་ཡིད་བྱེད་ཀྱིས་གྲོལ་བ་ཐོབ་པའི་གཏན་ཚིགས་གཅིག་ཀྱང་མེད་པའི་ཕྱིར། དེ་ཁོ་ན་ཉིད་བསྡུས་པར་ཡང་ལོང་བས་རང་དགར་རི་བོ་ལ། འཛེགས་པས་བདེ་བར་འགྱུར་མ་ཡིན། །ཞེས་པ་ལྟར་རོ། །རྒྱུ་དེས་ན་སྤྱི་མདོ་ལས། བསྐལ་པ་འབུམ་གྱི་སངས་རྒྱས་ལས། །བླ་མ་གཉན་པར་ཤེས་པར་བྱ། །ཞེས་སོ། །གཉན་པའི་རྒྱུ་ཅིས་ཤེ་ན། དུས་གསུམ་དུ་གཤེགས་ཤིང་འབྱོན་པའི་སངས་རྒྱས་རྣམས་ཀྱི་ཐུགས་རྗེ་དང་ཡེ་ཤེས་ལ་སྒྲིབ་པ་མེད་ཅིང༌། ཉེ་རིང་དང་ཕྱོགས་ཆ་མེད་ཀྱང་རང་ངོ་ནས་ཡོད་ལོ་དང་མོས་པ་ཙམ་བྱེད་པ་ལས་དངོས་སུ་ཞལ་སྐྱིན་མི་མཇལ། གསུང་མ་ཐོས་པས་ལམ་བདེན་མངོན་སུམ་པར་འདོམས་པའི་མཐུ་མེད་ལ། བླ་མ་ནི་དུས་གསུམ་སངས་རྒྱས་ཐམས་ཅད་ཀྱི་བདག་ཉིད་ཡིན་བཞིན་དུ་རང་དང་སྤྱོད་ཡུལ་མཐུན་པ་ལྟར་གྱི་འགྲོ་བའི་གཟུགས་སུ་བྱོན་ནས་འགོག་ལམ་གཉིས་ཀྱི་བདེན་པ་མངོན་སུམ་དུ་འདོམས་པས་ཉི་མའི་སྔ་འདྲེས་ལའང་སེམས་ཅན་སངས་རྒྱས་སུ་གནས་བསྒྱུར་བ་མཐོང་ཆོས་ལ་གནས་པའི་ཕྱིར་ཏེ། འཇམ་དཔལ་རྩ་རྒྱུད་ལས། གང་ཕྱིར་སངས་རྒྱས་ཐམས་ཅད་ནི། །འདས་དང་མ་བྱོན་ད་ལྟར་གྱི། །ཐམས་ཅད་མི་ཡི་འཇིག་རྟེན་


JLAZ010_Page_0183
[མ་དཔེ་གཟིགས་ན་འདིར་གནོན།]

དུ། །མི་ཡི་ལུས་སུ་ཡང་དག་འབྱུང༌། །ཞེས་དང༌། གུར་ལས། གང་ཞིག་རྡོ་རྗེ་སེམས་དཔའ་ཞེས། །རྡོ་རྗེ་སློབ་དཔོན་གཟུགས་སུ་གནས། །སེམས་ཅན་ཕན་བཏགས་དམིགས་ནས་ནི། །ཐ་མལ་པ་ཡི་གཟུགས་སུ་སྤྲུལ། །ཞེས་གསུངས་པས་དད་པའི་ཁམས་གསོལ་བའི་གང་ཟག་ལ་རྣམ་པར་བསྒྱུར་བ་ཡང་མ་བཤད་དོ། །དེ་ལྟར་ཡིན་པས་ཕྱོགས་བཅུའི་སངས་རྒྱས་ཐམས་ཅད་ཀྱང་བླ་མ་ལ་དུས་གསུམ་དུ་ཕྱག་མཛད་ན། །རང་ཅག་འཁོར་བའི་བཙོན་རར་ནི་ཆུད། ཉོན་མོངས་པའི་ལྕགས་སྒྲོག་གིས་བཅིངས་པ་རྣམས་ནི་ཅིའི་ཕྱིར་བླ་མ་མཆོད་པའི་ཆོ་ག་ལ་བརྩོན་པར་མི་བྱེད། དེ་སྐད་དུ་རྡོ་རྗེ་གཙུག་གཏོར་གྱི་རྒྱུད་ལས། སློབ་དཔོན་ལ་ནི་དེ་བཞིན་གཤེགས། །ཕྱོགས་བཅུའི་འཇིག་རྟེན་ཁམས་བཞུགས་པ། །དུས་གསུམ་དུ་ནི་མོས་ཕྱག་མཚལ། །ཞེས་སོ། །མདོར་ན་སངས་རྒྱས་ཐོབ་པར་འདོད་པ་རྣམས་ཀྱིས་ནི་བསྟི་སྟང་དང༌། རིམ་གྲོ་བསྐྱེད་ཅིང༌། བསྒོམ་ཞིང་མཆོད་པར་བྱ་བའི་ཡུལ་བླ་མ་གཅིག་པོ་ལ་རག་ལས་པའི་ཚུལ་སྡུད་པ་ལས། སངས་རྒྱས་ཆོས་རྣམས་དགེ་བའི་བཤེས་ལ་བརྟེན་ཏོ་ཞེས། །ཡོན་ཏན་ཀུན་ཀྱི་མཆོག་མངའ་རྒྱལ་བས་དེ་སྐད་གསུངས། །ཞེས་པ་སོགས་པའི་བརྗོད་བྱ་ཟད་མི་ཤེས་པ་ཡོད་དོ། །འདི་ནི་མདོ་ཁམས་རྫོགས་ཆེན་སྤྲུལ་པའི་སྐུ། །གཞོན་ནུ་སངས་རྒྱས་སྨོན་ལམ་འོད་ཟེར་དེའི། །རིགས་ཀྱི་བདག་པོ་བྲལ་ཐོབ་མེད་པའི་ལྷ། །སྟོན་པའི་ཞལ་སྐྱིན་གཅིག་ཏུ་མངོན་པར་གྲུབ། །རྒ་བས་


JLAZ010_Page_0184
[མ་དཔེ་གཟིགས་ན་འདིར་གནོན།]

ནོན་པའི་ལང་ཚོས་མ་བརྟོལ་ཡང༌། །འཕེལ་འགྲིབ་སྤངས་པ་བསྟན་པའི་ཉི་མ་ནི། །བདེན་པ་གཉིས་ཀྱི་ཤིང་རྟའི་བཞོན་པ་ཅན། །དམ་པའི་བློ་གྲོས་ཉིན་མོའི་དཔལ་དུ་སྤྱོན། །ཐུགས་ཡིད་འདྲེས་པའི་སྨོན་པ་དུས་གསུམ་ཀུན། །འདུ་འབྲལ་དབྱེན་གྱིས་མི་ཕྱེད་དམ་ཆོས་འཛོད། །གདན་གསུམ་མངོན་རྟོགས་ངོམ་པའི་རྣམ་སྣང་ཞལ། །མངོན་སུམ་མཐོང་བའི་དགེ་མཚན་འགྲུབ་གྱུར་ཅིག །ཅེས་པའང་སློབ་དཔོན་བཻ་རོ་ཙ་ནའི་བསྒྲུབས་གནས་རྒྱལ་རོང་བྲག་ལྷ་མགོན་པོ་དང་ཉེ་བའི་རྡོ་ཡུལ་ཞེས་བྱ་བར་སྔོན་གྱི་ལེགས་སྨོན་སྟོབས་སུ་གྱུར་བའི་ལས་ཅན་གྱི་སློབ་མ་འཇིགས་མེད་འཕྲིན་ལས་འོད་ཟེར་གྱིས་ཉེ་བར་ལེན་པའི་རྟེན་འབྲེལ་གྱིས་མཚམས་སྤྱར་ཏེ། བླ་སྒྲུབ་རྩ་བའི་གཏེར་གཞུང་ལ་མཁའ་འགྲོའི་བརྡ་བསྒྱུར་ཇི་ལྟར་གནས་པ་བཞིན་རིག་འཛིན་འཇིགས་མེད་གླིང་པས་དཔལ་ལྡན་པདྨ་འོད་གླིང་དུ་སྤྱར་བས་འགྲོ་ཀུན་བླ་མའི་གོ་འཕང་ལ་རེག་པའི་རྒྱུར་གྱུར་ཅིག །དགེའོ། །དགེའོ། །དགེའོ།། །།

ཟངས་མདོག་དཔལ་རིའི་སྨོན་ལམ་དཔལ་རིའི་གསང་ལམ།


JLAZ010_Page_0185
[མ་དཔེ་གཟིགས་ན་འདིར་གནོན།]

༂ ཟངས་མདོག་དཔལ་རིའི་སྨོན་ལམ་དཔལ་རིའི་གསང་ལམ་ཞེས་བྱ་བ་བཞུགསཿ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃཿ རང་བཞིན་རྣམ་དག་བློ་བྲལ་གཉུག་མའི་སྦུབསཿ གསལ་མདངས་འགགས་མེད་བདེ་སྟོང་ལོངས་སྐུའི་རྩལཿ སྤྲུལ་སྐུའི་ཞིང་ཁམས་མི་མཇེད་བཀོད་པའི་ཆཿ ཟངས་མདོག་དཔལ་གྱི་རི་བོར་སྐྱེ་བར་ཤོགཿ འཛམ་གླིང་ས་ཡི་ལྟེ་བ་རྡོ་རྗེ་གདནཿ དུས་གསུམ་རྒྱལ་བས་ཆོས་འཁོར་བསྐོར་བའི་གནསཿ དེ་ཡི་ནུབ་བྱང་རྔ་ཡབ་ལངྐའི་གླིངཿ ཟངས་མདོག་དཔལ་གྱི་རི་བོར་སྐྱེ་བར་ཤོགཿ བཀོད་པ་ལྷུན་གྲུབ་ཙིཏྟའི་ས་འཛིན་སྤོཿ རྩ་བ་གདེངས་ཅན་འཇོག་པོའི་ཐོད་དུ་བཅིངཿ སྐེད་པར་ལུས་མེད་མཁའ་འགྲོས་ཚོགས་འཁོར་བསྐོརཿ རྩེ་མོ་གཟུགས་ཁམས་བསམ་གཏན་སྙོགས་པ་ལྟའིཿ ཟངས་མདོག་དཔལ་གྱི་རི་བོར་སྐྱེ་བར་ཤོགཿ རི་རྒྱལ་དེ་ཡི་རྩེ་མོའི་གཞལ་མེད་ཁངཿ ཤར་ཤེལ་ལྷོ་ཕྱོགས་དབང་སྔོན་བཻཌཱུརྱཿ ནུབ་ཕྱོགས་པད་རག་བྱང་ཕྱོགས་ཨིནྡྲ་ནིཿ ཕྱི་ནང་བར་མེད་ཟང་ཐལ་དབང་གཞུའི་མདངསཿ ཟངས་མདོག་དཔལ་གྱི་རི་བོར་སྐྱེ་བར་ཤོགཿ ཁྱམས་དང་གྲུ་ཆད་གློ་འབུར་འཇའ་རིས་འཁྱིལཿ འདོད་སྣམ་ཕ་གུ་དྲྭ་བ་དྲྭ་ཕྱེད་དངཿ ཤར་བུ་མདའ་ཡབ་སྒོ་རྒྱན་རྟ་བབས་ཅནཿ ཆོས་འཁོར་གདུགས་ཏོག་བརྡ་དོན་རྟགས་རྫོགས་པའིཿ ཟངས་མདོག་དཔལ་


JLAZ010_Page_0186
[མ་དཔེ་གཟིགས་ན་འདིར་གནོན།]

གྱི་རི་བོར་སྐྱེ་བར་ཤོགཿ དཔག་བསམ་ལྗོན་པའི་ཤིང་དང་བདུད་རྩིའི་ཆུཿ ནེའུ་སེང་སྨན་ལྗོངས་དྲི་བསུང་འཐུལ་བའི་ཁྲོདཿ དྲང་སྲོང་རིག་འཛིན་བྱ་ཚོགས་བྷྲ་མ་རཿ ཐེག་གསུམ་ཆོས་ཀྱི་སྒྲ་དང་བརྡ་གླུ་སྒྱུརཿ ཟངས་མདོག་དཔལ་གྱི་རི་བོར་སྐྱེ་བར་ཤོགཿ ཕོ་བྲང་གཞལ་མེད་ཆེན་པོའི་ལྟེ་བ་ལཿ རིན་ཆེན་ཟུར་བརྒྱད་པདྨ་ཉི་ཟླའི་སྟེངཿ བདེ་གཤེགས་ཀུན་འདུས་རང་བྱུང་པདྨ་འབྱུངཿ སྐུ་གསུམ་རིགས་འདུས་འཇའ་ཟེར་ཀློང་ན་བཞུགསཿ ཟངས་མདོག་དཔལ་གྱི་རི་བོར་སྐྱེ་བར་ཤོགཿ གང་གི་ཟབ་གསལ་བདེ་ཆེན་ཡེ་ཤེས་རྩལཿ སྟོང་ཉིད་སྙིང་རྗེར་ཤར་བའི་སྒྱུ་འཕྲུལ་ལསཿ ཕྱོགས་བཅུ་ཀུན་དང་ཁྱད་པར་བོད་ཡུལ་དུཿ སྤྲུལ་པ་བྱེ་བ་ཕྲག་བརྒྱ་བར་མེད་འགྱེདཿ ཟངས་མདོག་དཔལ་གྱི་རི་བོར་སྐྱེས་བར་ཤོགཿ གཡས་ཀྱི་གྲལ་ན་རྒྱ་བོད་རིག་འཛིན་རྣམསཿ འོད་གསལ་རྡོ་རྗེའི་རོལ་ངོར་འབྱམས་སུ་ཀླསཿ གཡོན་གྱི་གྲལ་ན་འཕགས་བོད་པཎ་གྲུབ་རྣམསཿ བཤད་སྒྲུབ་ཉམས་རྟོགས་བགྲོ་གླེང་ཆོས་སྒྲ་འུརཿ ཟངས་མདོག་དཔལ་གྱི་རི་བོར་སྐྱེ་བར་ཤོགཿ མཐའ་སྐོར་བར་མཚམས་རྗེ་འབངས་ཉེར་ལྔ་དངཿ སྤྲུལ་པའི་གཏེར་སྟོན་གྲུབ་པའི་ཁྱུ་མཆོག་རྣམསཿ ཐེག་པ་རིམ་དགུའི་འཁོར་ལོ་ལ་སྤྱོད་ཅིངཿ གཡོ་མེད་དགོངས་པའི་གཟེར་གྱི་བརྟུལ་ཞུགས་འཛིནཿ ཟངས་མདོག་དཔལ་


JLAZ010_Page_0187
[མ་དཔེ་གཟིགས་ན་འདིར་གནོན།]

གྱི་རི་བོར་སྐྱེ་བར་ཤོགཿ ཕྱོགས་བཞི་མཚམས་བརྒྱད་གྲུ་ཆད་བར་ཁྱམས་ཀུནཿ དཔའ་བོ་ཌཱཀི་ལྷ་དང་ལྷ་མོས་ཁེངསཿ རྡོ་རྗེའི་གླུ་གར་མིག་འཕྲུལ་ལྟ་བུར་གཡོཿ ཕྱི་ནང་གསང་བའི་མཆོད་སྤྲིན་སྟོབ་པར་བྱེདཿ ཟངས་མདོག་དཔལ་གྱི་རི་བོར་སྐྱེ་བར་ཤོགཿ དེ་སྟེང་ལོངས་སྐུའི་གཞལ་མེད་བཀོད་མཛེས་ནངཿ ཕྱག་ན་པདྨ་འཇིག་རྟེན་དབང་ཕྱུག་ལཿ ཚོམ་བུའི་དཀྱིལ་འཁོར་བསམ་ཡས་འཁོར་གྱིས་བསྐོརཿ རྣམ་རྟོག་བག་ཆགས་དགྲ་གདོན་ཐལ་བར་བྱེདཿ ཟངས་མདོག་དཔལ་གྱི་རི་བོར་སྐྱེ་བར་ཤོགཿ དེ་སྟེང་ཆོས་སྐུའི་ཞིང་ཁམས་ཉམས་དགའ་བརཿ གཞི་སྣང་ཡེ་ཤེས་སྙིང་པོ་ཀུན་ཏུ་བཟངཿ སྣང་མཐའ་རིག་པའི་འཁོར་ལ་བརྡ་ཆོས་སྟོནཿ སྟོན་འཁོར་དགོངས་པ་མཉམ་པའི་ཕྲིན་ལས་ཅནཿ ཟངས་མདོག་དཔལ་གྱི་རི་བོར་སྐྱེ་བར་ཤོགཿ སྒོ་བཞིར་བཀའ་ཉན་རྒྱལ་པོ་ཆེན་པོ་བཞིཿ ཕྱི་ནང་གསང་པའི་ལྷ་སྲིན་སྡེ་བརྒྱད་ཀུནཿ ཕོ་ཉར་མངགས་ནས་མུ་སྟེགས་དམ་སྲི་འདུལཿ དམ་ཅན་རྒྱ་མཚོ་དཔའ་རྟགས་རྒྱལ་རྔ་བརྡུངཿ ཟངས་མདོག་དཔལ་གྱི་རི་བོར་སྐྱེ་བར་ཤོགཿ དེ་ལྟར་ཞིང་གི་བཀོད་པ་གསལ་བཏབ་ནསཿ ཕྱི་རོལ་ཡུལ་ཀྱི་ཟངས་མདོག་དཔལ་རི་ལཿ ཡུལ་ཅན་ནང་གི་རིག་པས་སྨོན་དེའི་མཐུསཿ རང་ལུས་མི་མཇེད་ཞིང་གི་བཀོད་པའི་ནངཿ


JLAZ010_Page_0188
[མ་དཔེ་གཟིགས་ན་འདིར་གནོན།]

རང་སྣང་ཟངས་མདོག་དཔལ་རིར་མངོན་པར་ཤོགཿ ཁྱད་པར་བསྐྱེད་རྫོགས་ཟབ་མོའི་རྟེན་འབྲེལ་གྱིསཿ རྩ་གསུམ་འཁོར་ལྔའི་མདུད་པ་གྲོལ་ནས་ཀྱངཿ སྙིང་དབུས་ཟངས་མདོག་དཔལ་རིའི་ཕོ་བྲང་ཆེརཿ ལྷན་སྐྱེས་ཡེ་ཤེས་རོལ་པའི་རྩལ་རྫོགས་ནསཿ རང་རིག་པད་འབྱུང་རྗེ་དང་མཇལ་བར་ཤོགཿ ཚོགས་སྦྱོར་མཐོང་སྒོམ་མི་སློབ་ལམ་ལྔའི་སྦུབསཿ རབ་དགའ་ནས་བཟུང་ཀུན་ཏུ་འོད་ཀྱི་བརཿ དེ་ལ་རྡོ་རྗེ་ཐེག་པའི་ས་མཆོག་གཉིསཿ ཁྱད་པར་འོད་གསལ་རྫོགས་པ་ཆེན་པོ་ཡིཿ ཐུན་མོང་མ་ཡིན་ཡེ་ཤེས་བླ་མའི་སཿ བྱར་མེད་ལྷུག་པའི་ངང་དུ་རྫོགས་ནས་ཀྱངཿ གཞི་དབྱིངས་པདྨ་འོད་དུ་གྲོལ་བར་ཤོགཿ གལ་ཏེ་དགོངས་པའི་རྩལ་ཆེན་མ་རྫོགས་ནཿ གསོལ་འདེབས་སྨོན་ལམ་དྲག་པོའི་འཕེན་པ་ཡིསཿ ནམ་ཞིག་འཆི་བ་བཙན་ཐབས་བྱུང་བའི་ཚེཿ པདྨའི་ཕོ་ཉ་མཁའ་འགྲོ་གར་མཁན་མསཿ མངོན་སུམ་ལག་པའི་ཁུ་ཚུར་ནས་བཟུང་ནསཿ མཁར་ཆེན་བཟའ་དང་གུ་ཎ་ནཱ་ཐ་ལྟརཿ བདག་ཀྱང་པདྨ་འོད་དུ་འཁྲིད་པར་ཤོགཿ ཆོས་དབྱིངས་རྣམ་པར་དག་པའི་བདེན་པ་དངཿ དཀོན་མཆོག་རྩ་གསུམ་རྒྱ་མཚོའི་ཐུགས་རྗེ་ཡིསཿ བདག་གི་སྨོན་པ་ཡིད་མཐོང་སྣང་སྣ་ཚོགས་ཡོད་པའི་ལུགས་ལྟར་བཤད་པ་ཡིན། བཞིན་འགྲུབ་གྱུར་ནས། འགྲོ་བ་འདྲེན་པའི་དེད་དཔོན་བྱེད་པར་ཤོགཿ

རྫོགས་པ་ཆེན་པོ་ཀློང་ཆེན་སྙིང་ཐིག་གི་བརྒྱུད་འདེབས་བྱིན་རླབས་ཆར་རྒྱུན།


JLAZ010_Page_0189
[མ་དཔེ་གཟིགས་ན་འདིར་གནོན།]

༂ རྫོགས་པ་ཆེན་པོ་ཀློང་ཆེན་སྙིང་ཐིག་གི་བརྒྱུད་འདེབས་བྱིན་རླབས་ཆར་རྒྱུན་བཞུགས། ཨེ་མ་ཧོཿ རྒྱ་ཆད་ཕྱོགས་ལྷུང་བྲལ་བའི་ཞིང་ཁམས་ནསཿ དང་པོའི་སངས་རྒྱས་ཆོས་སྐུ་ཀུན་ཏུ་བཟངཿ ལོངས་སྐུ་ཆུ་ཟླའི་རོལ་རྩལ་རྡོ་རྗེ་སེམསཿ སྤྲུལ་སྐུར་མཚན་རྫོགས་དགའ་རབ་རྡོ་རྗེ་ལཿ གསོལ་བ་འདེབས་སོ་བྱིན་རླབས་དབང་བསྐུར་སྩོལཿ ཤྲཱི་སིདྷ་དོན་དམ་ཆོས་ཀྱི་མཛོདཿ འཇམ་དཔལ་བཤེས་གཉེན་ཐེག་དགུའི་འཁོར་ལོས་སྒྱུརཿ ཛྙཱ་ན་སུ་ཏྲ་པཎ་ཆེན་བི་མ་ལརཿ གསོལ་བ་འདེབས་སོ་གྲོལ་བྱེད་ལམ་སྣ་སྟོནཿ འཛམ་བུའི་གླིང་གི་རྒྱན་གཅིག་པདྨ་འབྱུངཿ ངེས་པར་ཐུགས་ཀྱི་སྲས་མཆོག་རྗེ་འབངས་གྲོགསཿ ཐུགས་གཏེར་རྒྱ་མཚོའི་བརྡ་འགྲོལ་ཀློང་ཆེན་ཞབསཿ མཁའ་འགྲོའི་དབྱིངས་མཛོད་བཀའ་བབས་འཇིགས་མེད་གླིངཿ གསོལ་བ་འདེབས་སོ་འབྲས་བུ་ཐོབ་གྲོལ་སྩོལཿ སྲིད་ལས་ངེས་པར་འབྱུང་བའི་ཞེན་ལོག་གིསཿ རྡོ་རྗེའི་བླ་མ་དོན་ལྡན་མིག་བཞིན་བརྟེནཿ ཅི་གསུང་བཀའ་བསྒྲུབ་ཟབ་མོའི་ཉམས་ལེན་ལཿ ལྟེམ་རྐྱང་མེད་པའི་སྒྲུབ་ཚུགས་ཞེ་རུས་ཀྱིསཿ ཐུགས་རྒྱུད་དགོངས་པའི་བྱིན་རླབས་འཕོ་བར་ཤོགཿ སྣང་སྲིད་འཁོར་འདས་ཡེ་ནས་འོག་མིན་ཞིངཿ ལྷ་སྔགས་ཆོས་སྐུར་དག་རྫོགས་སྨིན་པའི་འབྲསཿ སྤང་བླང་བྱ་རྩོལ་མེད་པའི་རྫོགས་པ་ཆེཿ ཤེས་ཉམས་ཡིད་དཔྱོད་ལས་འདས་རིག་པའི་གདངསཿ ཆོས་ཉིད་


JLAZ010_Page_0190
[མ་དཔེ་གཟིགས་ན་འདིར་གནོན།]

མངོན་སུམ་རྗེན་པར་མཐོང་བར་ཤོགཿ མཚན་མའི་རྟོགས་པ་རྣམ་གྲོལ་འཇའ་ཟེར་སྦུབསཿ སྐུ་དང་ཐིག་ལེའི་ཉམས་སྣང་གོང་དུ་འཕེལཿ རིག་རྩལ་ལོངས་སྐུའི་ཞིང་ཁམས་ཚད་ལ་ཕེབསཿ ཆོས་ཟད་བློ་འདས་ཆེན་པོར་སངས་རྒྱས་ནསཿ གཞོན་ནུ་བུམ་སྐུར་གཏན་སྲིད་ཟིན་པར་ཤོགཿ ཤིན་ཏུ་རྣལ་འབྱོར་ཉམས་འོག་མ་ཆུད་དེཿ རགས་ལུས་དྭངས་མའི་དབྱིངས་སུ་མ་གྲོལ་ནཿ ནམ་ཞིག་ཚེ་ཡི་འདུ་བྱེད་བསྟུངས་བའི་ཚེཿ འཆི་བ་འོད་གསལ་ཀ་དག་ཆོས་སྐུར་ཤརཿ བར་དོའི་སྣང་ཆ་ལོངས་སྤྱོད་རྫོགས་སྐུར་གྲོལཿ ཁྲེགས་ཆོད་ཐོད་རྒལ་ལམ་གྱི་རྩལ་རྫོགས་ནསཿ མ་པང་བུ་འཇུག་ལྟ་བུར་གྲོལ་བར་ཤོགཿ གསང་ཆེན་འོད་གསལ་ཐེག་པ་མཆོག་གི་རྩེཿ སངས་རྒྱས་གཞན་ནས་མི་འཚོལ་ཆོས་སྐུའི་ཞལཿ མངོན་གྱུར་གདོད་མའི་ས་ལ་མ་གྲོལ་ནཿ མ་སྒོམ་སངས་རྒྱས་ཆོས་ལྔའི་ལམ་མཆོག་ལཿ བརྟེན་ནས་རང་བཞིན་སྤྲུལ་པའི་ཞིང་ལྔ་དངཿ ཁྱད་པར་པདྨ་འོད་ཀྱི་ཕོ་བྲང་དུཿ རིག་འཛིན་རྒྱ་མཚོའི་གཙོ་མཆོག་ཨོ་རྒྱན་རྗེསཿ གསང་ཆེན་ཆོས་ཀྱི་དགའ་སྟོན་འགྱེད་པའི་སརཿ སྲས་ཀྱི་ཐུ་བོར་སྐྱེས་ནས་དབུགས་དབྱུང་སྟེཿ མཐའ་ཡས་འགྲོ་བའི་ཉེར་འཚོར་བདག་འགྱུར་ཤོགཿ རིག་འཛིན་རྒྱལ་བ་རྒྱ་མཚོའི་བྱིན་རླབས་དངཿ ཆོས་དབྱིངས་བསམ་མི་ཁྱབ་པའི་བདེན་པ་ཡིསཿ དལ་འབྱོར་རྟེན་ལ་རྫོགས་སྨིན་སྦྱངས་གསུམ་གྱིསཿ རྟེན་འབྲེལ་མངོན་གྱུར་སངས་རྒྱས་ཐོབ་པར་ཤོགཿ

ཀློང་ཆེན་སྙིང་གི་ཐིག་ལེ་ལསཿ ནང་སྒྲུབ་རིག་འཛིན་འདུས་པ།


JLAZ010_Page_0191
[མ་དཔེ་གཟིགས་ན་འདིར་གནོན།]

༂ ཀློང་ཆེན་སྙིང་གི་ཐིག་ལེ་ལསཿ ནང་སྒྲུབ་རིག་འཛིན་འདུས་པ་བཞུགསཿ


JLAZ010_Page_0192
[མ་དཔེ་གཟིགས་ན་འདིར་གནོན།]

བཛྲ་གུ་རུ་བིདྱཱ་དྷ་ར་ཡེཿ ནང་སྒྲུབ་རིག་འཛིན་འདུས་པ་ནིཿ དབེན་ཞིང་ཉམས་དགའ་ས་ཕྱོགས་དམརཿ རྩི་ཤིང་ནགས་ཚལ་མེ་ཏོག་རྒྱསཿ བཀྲ་ཤིས་ཡིད་འོང་གནས་མཆོག་དེརཿ དཀྱིལ་འཁོར་མཆོད་པའི་ཡོ་བྱད་དངཿ སྤྱན་གཟིགས་ལ་སོགས་བློ་དང་སྦྱརཿ བདེ་བའི་སྟན་ལ་བག་ཕབ་ནསཿ སྦྱོར་དངོས་རྗེས་གསུམ་ཚང་བ་ཡིཿ རྟེན་འབྲེལ་ཟབ་མོས་ཉམས་སུ་བླངཿ ས་མ་ཡཿ དང་པོ་སྔོན་འགྲོའི་སྦྱོར་བ་ལཿ རྣམ་གྲངས་བདུན་ལས་དང་པོ་ནིཿ མདུན་མཁར་ཚོགས་ཞིང་གསལ་བཏབ་སྟེཿ ཁྱེད་ཤེས་དད་པས་སྐྱབས་སུ་འགྲོཿ ན་མོཿ བདག་དང་མཐའ་ཡས་སེམས་ཅན་ཀུནཿ མཆོག་གསུམ་ངོ་བོ་བླ་མ་དངཿ རིག་འཛིན་རྒྱ་མཚོ་དཀྱིལ་འཁོར་ལཿ སྙིང་


JLAZ010_Page_0193
[མ་དཔེ་གཟིགས་ན་འདིར་གནོན།]

ནས་དད་པས་སྐྱབས་སུ་མཆིཿ ལན་གསུམ་གཉིས་པ་སེམས་བསྐྱེད་ནི། ཧོཿརིག་འཛིན་དཀྱིལ་འཁོར་འདིར་ཞུགས་ནསཿ ཕ་མ་འགྲོ་དྲུག་སེམས་ཅན་ཀུནཿ ཚད་མེད་སྙིང་རྗེས་སྒྲོལ་བའི་ཕྱིརཿ སྨོན་འཇུག་དོན་དམ་བྱང་སེམས་བསྐྱེདཿ ལན་གསུམ། གསུམ་པ་ཚོགས་གསོག་ནི། ཧོཿཆུ་ལས་ཆུ་བུར་ཇི་བཞིན་དུཿ ཡེ་ཤེས་དབྱིངས་ལས་སྤྲུལ་པའི་ལྷརཿ མངོན་སུམ་རིག་པས་ཕྱག་འཚལ་ལོཿ ཉམས་སྣང་གོང་འཕེལ་མཆོད་པར་འབུལཿ རིག་པ་ཚད་ཕེབས་ངང་དུ་བཤགསཿ ཆོས་ཉིད་ཟད་ལ་རྗེས་ཡི་རངཿ འཕོ་ཆེན་ཀློང་ནས་ཆོས་འཁོར་བསྐོརཿ འཇའ་ལུས་ཆེན་པོར་བཞུགས་གསོལ་འདེབསཿ དགེ་ཚོགས་གཞོན་ནུ་བུམ་སྐུར་བསྔོཿ བཞི་པ་བགེགས་ལ་བཀའ་བསྒོ་བཿ ཧྲཱིཿ སྣོད་བཅུད་སྤྲུལ་


JLAZ010_Page_0194
[མ་དཔེ་གཟིགས་ན་འདིར་གནོན།]

པའི་དཀྱིལ་འཁོར་འདིརཿ གླགས་ལྟ་བར་གཅོད་བདུད་ཀྱི་རིགསཿ གཏོར་མ་ལོང་ལ་གཞན་དུ་དེངསཿ བཀའ་ལས་འདས་ན་རྡོ་རྗེས་གཞོམཿ ཧཱུྃ་བཞིའི་སྔགས་དང་ཐུན་གྱིས་གཟིརཿ ལྔ་པ་སྲུང་འཁོར་བསྒོམ་པ་ནི། ཧྲཱིཿསྣང་སྲིད་དག་པ་རབ་འབྱམས་ལཿ བགེགས་དང་བར་གཅོད་མིང་ཡང་མེདཿ གློ་བུར་རྣམ་རྟོག་འཁྲུལ་པའི་གདོནཿ ཆོས་དབྱིངས་ངང་དུ་མཚམས་གཅོད་དོཿ དྲུག་པ་ཡེ་ཤེས་བྱིན་འབེབ་ནི། ཧཱུྃཿསྤྲོས་བྲལ་ཆོས་སྐུའི་ཕོ་བྲང་ནསཿ དང་པོའི་སངས་རྒྱས་ཀུན་ཏུ་བཟངཿ རིགས་ལྔ་ཡབ་ཡུམ་སྤྲུལ་འཁོར་བཅསཿ དགོངས་བརྒྱུད་བླ་མས་བྱིན་ཆེན་ཕོབཿ སྒྱུ་འཕྲུལ་རྡོ་རྗེའི་ཕོ་བྲང་ནསཿ དགའ་རབ་འཇམ་དཔལ་ཤྲཱི་སེང་སོགསཿ བརྡ་བརྒྱུད་བླ་མས་བྱིན་ཆེན་ཕོབཿ འགྲོ་འདུལ་སྤྲུལ་པའི་ཕོ་བྲང་ནསཿ རིག་འཛིན་བརྒྱད་དང་པདྨ་འབྱུངཿ རྗེས་འབངས་ཉི་ཤུ་རྩ་ལྔ་སོགསཿ སྙན་བརྒྱུད་བླ་མས་བྱིན་ཆེན་ཕོབཿ དཀྱིལ་འཁོར་འདི་ལ་བཀྲག་ཅིག་ཐོནཿ སྒྲུབ་རྫས་འདི་ལ་ཞག་ཅིག་སྐྱིལཿ ལུས་ངག་ཡིད་ལ་བདེ་ཆེན་སྦོརཿ མཆོག་དང་ཐུན་མོང་དངོས་གྲུབ་སྩོལཿ ཨོཾ་ཨཱཿཧཱུྃཿབིདྱ་དྷཱ་རཱ་ཨེ་ཨ་ར་ལཱི་ཕེཾ་ཕེཾཿ ཧཱུྃཧཱུྃཧཱུྃཿ ཧཱུྃཧཱུྃཧཱུྃཿ ཧཱུྃཧཱུྃཧཱུྃཿ ཞེས་བརྗོད་རོལ་མོ་དྲག་ཏུ་བཀྲོལ། བདུན་པ་མཆོད་རྫས་བྱིན་བརླབས་ནི། ཨོཾ་ཨཱཿཧཱུྃཿ སྣང་སྲིད་ཐམས་ཅད་


JLAZ010_Page_0195
[མ་དཔེ་གཟིགས་ན་འདིར་གནོན།]

མཆོད་པའི་སྤྲིནཿ ཡེ་ཤེས་བདུད་རྩིར་བྱིན་རླབས་པསཿ ཕྱི་ནང་གསང་བའི་མཆོད་རྫས་ཀུནཿ ཀུན་བཟང་རྣམ་འཕྲུལ་ཆེན་པོར་གྱུརཿ ཨོཾ་བཛྲ་ཨརྒྷཾ་སོགས། སརྦ་པཉྩ་རཀྟ་བ་ལིངྟ་མ་ཧཱ་སུ་ཁ་པཱུ་ཙ་ཨཱཿཧཱུྃཿལན་གསུམ་བརྗོད་པས་བྱིན་གྱིས་བརླབས། གཉིས་པ་དངོས་གཞིར་རྣམ་གྲངས་བདུན། དང་པོ་རྟེན་དང་བརྟེན་པར་བཅས། སྤྲོས་བྲལ་ངང་ནས་བསྐྱེད་པ་ནི། ཧཱུྃཿམ་བཅོས་རིག་པ་སྟོང་གསལ་ངངཿ ལྷག་མཐོང་སྣང་ཆའི་རྟེན་འབྲེལ་ཀུནཿ ལྷུན་གྲུབ་དག་པ་རབ་འབྱམས་ཀྱིཿ དཀྱིལ་འཁོར་ཆེན་པོར་ལྷུན་རྫོགས་པའིཿ ཕོ་བྲང་གཞལ་མེད་ཉམས་དགའ་བཿ གྲུ་བཞི་སྒོ་བཞི་མཚན་ཉིད་ལྡནཿ བརྡ་དོན་རྟགས་གསུམ་ཡོངས་རྫོགས་པའིཿ ཕྱི་ནང་ཟང་ཐལ་ཆེན་པོའི་དབུསཿ སྣ་ཚོགས་པདྨ་ཉི་ཟླའི་སྟེངཿ ཧཱུྃ་ལས་སྐད་ཅིག་དྲན་རྫོགས་སུཿ བདག་ཉིད་སངས་རྒྱས་ཀུན་ཀྱི་དངོསཿ སྣང་སྲིད་ཟིལ་གནོན་པདྨ་འབྱུངཿ ཞལ་གཅིག་ཕྱག་གཉིས་དཀར་དམར་མདངསཿ ཐེག་གསུམ་རྫོགས་པའི་བརྡ་རྟགས་སུཿ ཕོད་ཁ་ཆོས་གོས་བེར་འདུང་མནབསཿ ཕྱག་གཡས་རྡོ་རྗེ་རྩེ་ལྔ་བསྡིགསཿ གཡོན་པས་བྷནྡྷ་ཚེ་བུམ་བསྣམསཿ མཆན་ཁུང་གཡོན་ན་ལྷ་ལྕམ་མཛེསཿ དབུ་ལ་པདྨའི་མཉེན་ཞུ་གསོལཿ རྒྱལ་པོ་རོལ་པའི་སྟབས་སུ་འགྱིངསཿ དབུ་གཙུག་


JLAZ010_Page_0196
[མ་དཔེ་གཟིགས་ན་འདིར་གནོན།]

འཇའ་ཟེར་ཐིག་ལེའི་ཀློངཿ དགའ་རབ་རྡོ་རྗེ་ལོངས་སྐུའི་ཆསཿ དཀར་གསལ་རྡོར་དྲིལ་ཐུགས་ཀར་བསྣོལཿ དེ་ཡི་དབུ་གཙུག་ཐོག་མའི་མགོནཿ ཀུན་བཟང་ཡབ་ཡུམ་ནམ་མཁའི་མདོགཿ ཕྱི་འཁོར་པདྨ་འདབ་བརྒྱད་སྟེངཿ འོད་ལྔའི་ཐིག་ལེ་ཟླུམ་སྐོར་དབུསཿ དཔལ་ཆེན་གྲུབ་པའི་རིག་འཛིན་བརྒྱདཿ ཀུན་ཀྱང་ཧེ་རུ་ཀ་པའི་ཆསཿ ཕྱག་གཉིས་ཌ་རུ་དྲིལ་བུ་འཁྲོལཿ སྟངས་སྟབས་ཕྱག་རྒྱ་གར་གྱིས་རོལཿ ཕྱོགས་བཞི་ཕྱོགས་མདོག་མཚམས་བཞི་མཐིངཿ སྒྲུབ་སྡེ་བརྒྱད་ཀྱི་ངོ་བོར་གསལཿ བར་མཚམས་རྒྱ་བོད་རིག་འཛིན་དངཿ སྤྲུལ་པའི་རྗེ་འབངས་ཉི་ཤུ་ལྔཿ རྣམ་འགྱུར་ཆ་ལུགས་མ་ངེས་ཤིངཿ རྡོ་རྗེའི་གར་སྟབས་ཅིར་ཡང་བསྒྱུརཿ སྟེང་ཕྱོགས་རྒྱུད་སྡེ་བཞི་དྲུག་གིཿ ཡི་དམ་དཔའ་བོ་མཁའ་འགྲོའི་ཚོགསཿ ཏིལ་གྱི་གང་བུ་ལྟ་བུར་བཞུགསཿ ཕྱི་ཁྱམས་དཔལ་མགོན་བདུན་ཅུ་དངཿ དབང་ཕྱུག་ཉི་ཤུ་རྩ་བརྒྱད་སོགསཿ བཀའ་སྡོད་དམ་ཅན་རླུང་ལྟར་འཚུབསཿ སྒོ་བཞིར་གིང་ཆེན་སྡེ་བཞི་གསལཿ ཀུན་ཀྱང་སྣང་སྟོང་རོལ་པའི་ངངཿ གསལ་ལ་མ་འདྲེས་ལྷུན་གྱིས་གྲུབཿ གནས་གསུམ་ཡི་གེ་གསུམ་གྱིས་མཚནཿ རྡོ་རྗེ་གསུམ་གྱི་ངོ་བོར་གྲུབཿ དེ་ལས་འོད་ཟེར་རབ་འཕྲོས་པསཿ རང་བཞིན་ཆོས་དབྱིངས་གནས་མཆོག་དངཿ ནུབ་ཕྱོགས་ཨོ་རྒྱན་


JLAZ010_Page_0197
[མ་དཔེ་གཟིགས་ན་འདིར་གནོན།]

སྤྲུལ་པའི་ཞིངཿ གནས་ཡུལ་དུར་ཁྲོད་བརྒྱད་སོགས་དངཿ ཁྱད་པར་རྔ་ཡབ་ལངྐའི་གླིངཿ ཟངས་མདོག་དཔལ་གྱི་རི་བོ་ནསཿ རིག་འཛིན་འདུས་པའི་དཀྱིལ་འཁོར་ལྷཿ སྤྱན་འདྲེན་གནས་འདིར་ས་མཱ་ཛཿ གཉིས་པ་སྤྱན་འདྲེན་སྤོས་རོལ་དང༌། གདུང་བ་དྲག་པོའི་དབྱིངས་ཀྱིས་འབོད། ཧཱུྃཿསྔོན་གྱི་བསྐལ་བའི་དང་པོ་ལཿ ཨོ་རྒྱན་ཡུལ་གྱི་ནུབ་བྱང་མཚམསཿ པདྨ་གེ་སར་སྡོང་པོ་ལཿ ཡ་མཚན་མཆོག་གི་དངོས་གྲུབ་བརྙེསཿ པདྨ་འབྱུང་གནས་ཞེས་སུ་གྲགསཿ འཁོར་དུ་མཁའ་འགྲོ་མང་པོ་དངཿ རིག་འཛིན་གྲུབ་ཐོབ་རྒྱ་མཚོས་བསྐོརཿ ཁྱེད་ཀྱི་རྗེས་སུ་བདག་བསྒྲུབ་ཀྱིཿ བྱིན་གྱིས་བརླབ་ཕྱིར་གཤེགས་སུ་གསོལཿ གནས་མཆོག་འདི་རུ་བྱིན་ཕོབ་ལཿ བསྒྲུབ་མཆོག་བདག་ལ་དབང་བཞི་བསྐུརཿ བགེགས་དང་ལོག་འདྲེན་བར་ཆད་སོལཿ མཆོག་དང་ཐུན་མོང་དངོས་གྲུབ་སྩོལཿ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལཿ བཛྲ་ས་མ་ཡ་ཛཿཛཿགསུམ་པ་བཞུགས་སུ་གསོལ་བ་ནི། ཧཱུྃཿཐབས་ཀྱིས་བསྐྱེད་པའི་དཀྱིལ་འཁོར་འདིརཿ ཤེས་རབ་དབྱིངས་ནས་དྲངས་པའི་ལྷཿ རིག་འཛིན་བླ་མའི་དཀྱིལ་འཁོར་རྣམསཿ གཉིས་མེད་ངང་དུ་དགྱེས་པར་བཞུགསཿ བཛྲ་ས་མ་ཡ་ཏིཥྛ་ལྷནཿ བཞི་པ་བརྡ་ཕྱག་འཚལ་བ་ནི། ཧཱུྃཿ ལྷ་ཉིད་


JLAZ010_Page_0198
[མ་དཔེ་གཟིགས་ན་འདིར་གནོན།]

རང་ལ་རང་ཉིད་ལྷཿ རང་བྱུང་སྤྲུལ་པའི་དཀྱིལ་འཁོར་ལཿ བཟང་ངན་བླང་དོར་མ་མཆིས་ཀྱངཿ རྟེན་འབྲེལ་བརྡ་ཡིས་ཕྱག་འཚལ་ལོཿ ཨ་ཏི་པུ་ཧོཿཔྲ་ཏཱིཙྪ་ཧོཿལྔ་པ་མཆོད་པའི་བྱེ་བྲག་ནི། ཨོཾ་ཨཱཿཧཱུྃཿཕྱི་ནང་སྣོད་བཅུད་མཆོད་པའི་སྤྲིནཿ ཉེར་སྤྱོད་འདོད་ཡོན་སྣ་ལྔ་དངཿ བཀྲ་ཤིས་རྫས་རྟགས་རྒྱལ་སྲིད་བདུནཿ སྨན་གཏོར་རཀྟ་དྭངས་རེ་སྤྲོཿ སྒེག་བཞད་གཡོ་བའི་གར་མ་དངཿ བདེ་ཆེན་སྦྱོར་བའི་རིག་མ་འབུམཿ མཆོད་བྱ་མཆོད་བྱེད་མཆོད་ཡུལ་ཀུནཿ ཡེ་ཤེས་དབྱིངས་སུ་རྣམ་དག་པའིཿ མཆོད་པའི་ཕྱག་རྒྱ་ཆེན་པོ་སོགསཿ རིག་འཛིན་འདུས་པའི་ལྷ་ལ་འབུལཿ བཞེས་ནས་དབང་དང་དངོས་གྲུབ་སྩོལཿ ཨོཾ་བཛྲ་ཨརྒྷཾ་ནས་ཤཔྟ་རཱུ་པ་ཤཔྟ་གྷནྡྷེ་རཱ་ས་སྤརྴེ་ཨཱཿཧཱུྃཿསརྦ་པཉྩ་བ་ལིང་ཏ་རཀྟ་མ་ཧཱ་སུ་ཁ་དྷརྨ་དྷཱརྟུ་ཨཱ་ཧཱུྃཿདྲུག་པ་བསྟོད་པ་བྱ་བ་ནི། ཧྲཱིཿམ་བཅོས་སྤྲོས་བྲལ་བླ་མ་ཆོས་ཀྱི་སྐུཿ བདེ་ཆེན་ལོངས་སྤྱོད་བླ་མ་ཆོས་ཀྱི་རྗེཿ པད་སྡོང་ལས་འཁྲུངས་བླ་མ་སྤྲུལ་པའི་སྐུཿ སྐུ་གསུམ་རྡོ་རྗེ་འཆང་ལ་ཕྱག་འཚལ་བསྟོདཿ བདེ་བྱེད་བརྩེགས་པར་ཟབ་བརྒྱའི་དངོས་གྲུབ་བརྙེསཿ དུར་ཁྲོད་བརྒྱད་དུ་དགོངས་པའི་བཙན་ས་ཟིནཿ རབ་འབྱམས་དཀྱིལ་འཁོར་རྒྱ་མཚོར་མངའ་དབང་བསྒྱུརཿ མཆོག་གི་རིག་འཛིན་བརྒྱད་ལ་ཕྱག་འཚལ་


JLAZ010_Page_0199
[མ་དཔེ་གཟིགས་ན་འདིར་གནོན།]

བསྟོདཿ དགོངས་པ་ཀློང་ཆེན་ཡངས་པའི་མཁའ་ལ་འཕྱོཿ རྣམ་འགྱུར་བརྟུལ་ཞུགས་སྤྱོད་པས་འགྲོ་བ་འདྲེནཿ རྨད་བྱུང་རྡོ་རྗེ་སྙིང་པོའི་དགོངས་སྲོག་འཛིནཿ ཐུགས་སྲས་རྗེ་འབངས་ཉེར་ལྔར་ཕྱག་འཚལ་བསྟོདཿ གཞན་ཡང་རིག་འཛིན་སྤྲུལ་པའི་དཀྱིལ་འཁོར་དུཿ དམ་ཚིག་ཐུགས་རྗེས་འཁོད་པའི་རྩ་གསུམ་ལྷཿ ཡེ་ཤེས་དབྱིངས་ལས་སྤྲུལ་པའི་ཕོ་ཉ་བཿ དཀྱིལ་འཁོར་ཡོངས་རྫོགས་ལྷ་ལ་འཚལ་བསྟོདཿ བདུན་པ་འཛབ་དགོངས་གསལ་བ་ནི། ཐུགས་ཀར་པདྨ་ཉི་ཟླའི་སྟེངཿ ཧཱུྃ་ཡིག་མཐིང་གའི་མཐའ་སྐོར་དུཿ སྔགས་ཕྲེང་སྤུ་ཤད་ལྟ་བུས་བསྐོརཿ འོད་ཟེར་འཕྲོས་པས་སྣོད་བཅུད་སྦྱངསཿ རྣམ་དག་ལྷ་ཡི་དལ་དུ་བསྒོམཿ མ་གྲུབ་བར་དུ་མི་བཏང་ངོཿ ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃཿབསྙེན་པ་ཆུ་བོའི་གཞུང་བཞིན་བསྐྱལཿ རེས་འགའ་ཧཱུྃ་གི་སྣང་གླུ་ལེན། ཤེས་པ་གཏད་མེད་ངང་དུ་བཏང༌། རྗེས་ཐོབ་ལུ་གུ་རྒྱུད་ལ་གཟིར། འདི་ཉིད་བསྒྲུབས་པའི་རྣལ་འབྱོར་ལ། རིག་འཛིན་རྒྱ་མཚོ་བྱིན་གྱིས་བརླབ། མ་དང་ཌཱཀྐིས་ལུང་ཡང་སྟོན། ཕྱི་མ་རྔ་ཡབ་དཔལ་གྱི་རིར། ཐེ་ཚོམ་མེད་དོ་ས་མ་ཡ། གབ་བྱང་ལས། བསྙེན་པ་འབྲུ་འབུམ་སྔོན་སོང་ནས། རིག་འཛིན་སྲོག་སྒྲུབ་སྙིང་པོ་ནི། ཐོག་མཐའ་ཨོཾ་དང་ཧཱུྃ་བཞག་ནས། བར་ན་བཅུ་གཉིས་གྲོང་མཛེས་པ། རིག་འཛིན་


JLAZ010_Page_0200
[མ་དཔེ་གཟིགས་ན་འདིར་གནོན།]

སྲོག་གི་ཡང་སྙིང་ཡིན། ཨོཾ་ཨཱཿཧཱུྃ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃཿའབུམ་ཕྲག་བཅུ་གཉིས་དངོས་གྲུབ་ཐོབ། ཅེས་གསུངས་སོ། །རྗེས་ལ་ཚོགས་ཀྱི་རིམ་པ་ནི། སྲིད་པའི་འདོད་ཡོན་མཆོད་པར་བཤམ། ཁྱད་པར་ཤ་ཆང་མེད་མི་རུང༌། དང་པོ་བྱིན་གྱིས་བརླབས་པ་ནི། ཧཱུྃཿབདག་ཉིད་ཐུགས་ལས་རཾ་ཡཾ་ཁཾཿ འཕྲོས་པས་ཚོགས་ཀྱི་ཉེས་སྐྱོན་སྦྱངསཿ ཨོཾ་ཨཱཿཧཱུྃ་གིས་བདུད་རྩིར་བསྒྱུརཿ འདོད་ཡོན་ནམ་མཁའ་མཉམ་པར་སྤེལཿ རཾ་ཡཾ་ཁཾཿཨོཾ་ཨཱཿཧཱུྃཿགཉིས་པ་ཚོགས་ཞིང་སྤྱན་འདྲེན་ནི། ཧཱུྃཿའོག་མིན་བདེ་ཆེན་ཞིང་ཁམས་དངཿ ནུབ་ཕྱོགས་ཨོ་རྒྱན་སྤྲུལ་པའི་གླིངཿ ཁྱད་པར་རྔ་ཡབ་དཔལ་གྱི་རིཿ གནས་ཡུལ་དུར་ཁྲོད་བརྒྱད་སོགས་ནསཿ རིག་འཛིན་འདུས་པའི་ལྷ་ཚོགས་རྣམསཿ ཚོགས་ལ་སྤྱན་འདྲེན་གཤེགས་སུ་གསོལཿ དུར་ཁྲོད་ཚོགས་ཁང་ཉམས་རེ་དགའཿ མཁའ་འགྲོའི་འདུ་བ་བག་རེ་དྲོཿ རྣལ་འབྱོར་ཕོ་མོ་དམ་རེ་གཙངཿ འདོད་ཡོན་ཚོགས་མཆོད་མདངས་དང་ལྡནཿ འདིར་གཤེགས་ཚོགས་ལ་བྱིན་ཆེན་ཕོབཿ མཆོག་དང་ཐུན་མོང་དངོས་གྲུབ་སྩོལཿ གསུམ་པ་ཚོགས་ཕུད་འབུལ་བ་ནི། ཧཱུྃཿརྩ་གསུམ་རིག་འཛིན་རྒྱ་མཚོ་དངཿ ཌཱཀྐི་ཆོས་སྲུང་དམ་ཅན་ལཿ འདོད་ཡོན་ལོངས་སྤྱོད་ཚོགས་མཆོད་འབུལཿ མཆོག་དང་ཐུན་མོང་དངོས་གྲུབ་སྩོལཿ ག་ན་ཙཀྲ་པཱུ་ཙ་ཁཱ་ཧིཿ བཞི་པ་བར་བ་བཤགས་པ་ནི།


JLAZ010_Page_0201
[མ་དཔེ་གཟིགས་ན་འདིར་གནོན།]

ཧཱུྃཿབདག་གི་ཚེ་རབས་ཐོག་མེད་ནསཿ གསང་སྔགས་ཐེག་ཆེན་སྒོར་ཞུགས་ཏེཿ རྩ་བ་ཡན་ལག་དམ་ཉམས་པཿ འདོད་ཡོན་ཚོགས་ཀྱི་མཆོད་པས་བཤགསཿ བཛྲ་ས་མ་ཡ་ཨཱཿལྔ་པ་བསྒྲལ་ཞིང་བསྟབ་པ་ནི། ཧཱུྃཿམ་རིག་ལས་ཉོན་གཟུང་འཛིན་གྱིསཿ བསྐྱེད་པའི་བདག་འཛིན་རཱུ་ཏྲ་ཀུནཿ གཟུགས་ལ་ཕོབ་ཅིག་ནྲྀ་ཏྲི་ཛཿ རྣམ་ཤེས་ཆོས་དབྱིངས་ཀློང་དུ་ཕཊཿ གཟུགས་ཕུང་ཚོགས་ཀྱི་འཁོར་ལོར་རོལཿ རཱུ་ཏྲ་སརྦ་ཧ་ལ་པཉྩ་པཱུ་ཙ་ཁཱ་ཧིཿ དྲུག་པ་ལྷག་མ་བསྔོ་བ་ནི། ཧཱུྃཿདཀྱིལ་འཁོར་ཆེན་པོའི་མུ་རན་ལཿ གནས་པའི་དབང་ཕྱུག་གིང་ལངྐཿ ལྷག་མའི་གཏོར་མ་འདི་བཞེས་ལཿ རྣལ་འབྱོར་སྒྲུབ་པའི་བར་ཆད་སྲུངསཿ ཨུཥྩི་ཊ་བཱ་ལིདྟ་ཁཱ་ཧིཿབདུན་པ་ཐུགས་དམ་བསྐུལ་བ་ནི། ཧཱུྃཿབཞེངས་ཤིག་རིག་འཛིན་འདུས་པའི་ལྷཿ ཆོས་ཀྱི་དབྱིངས་ནས་སྐུར་བཞེངས་ལཿ བྱང་ཆུབ་བསྒྲུབ་པའི་བར་ཆད་ཐུལཿ སྣོད་བཅུད་འབྱུང་པའི་རྒུད་པ་སོལཿ རྩ་རླུང་དབང་ཐང་ཉམས་པ་གསོསཿ སྒྲུབ་པའི་འབྲས་བུ་མཆིས་པར་མཛོདཿ བརྒྱད་པ་ཆད་ཐོ་བྱ་བ་ནི། ཧཱུྃཿསྔོན་ཚེ་འོག་མིན་བདེ་ཆེན་ཞིངཿ ལྷ་གནས་གསུམ་སོགས་ཉམས་དགའ་བརཿ གསང་ཆེན་རྒྱུད་སྡེའི་གནས་བསྟན་ཚེཿ རྡོ་རྗེ་ཐེག་པའི་བཀའ་སྲུང་རྣམསཿ དམ་ཚིག་གཉན་པོའི་


JLAZ010_Page_0202
[མ་དཔེ་གཟིགས་ན་འདིར་གནོན།]

གྲལ་དུ་བཞགཿ བར་དུ་གངས་ཅན་བོད་ཀྱི་ཡུལཿ སློབ་དཔོན་པདྨ་ཐོད་ཕྲེང་གིསཿ གསང་སྔགས་ཆོས་འཁོར་བསྐོར་བའི་ཚེཿ སྲིད་པའི་ལྷ་སྲིན་ཆེ་དགུ་ཡིཿ སྲོག་སྙིང་འཕྲོགས་ཏེ་རྩིས་སུ་ཕབཿ ཐ་མ་འོད་གསལ་དག་པའི་ཞིངཿ བདེ་བ་ཆེན་པོའི་ཕོ་བྲང་དུཿ རིག་འཛིན་པདྨ་དབང་ཆེན་ལཿ པད་འབྱུང་དྲི་མེད་འོད་ཟེར་གྱིསཿ ཀློང་ཆེན་ཟབ་རྒྱའི་དབུགས་དབྱུང་ཞིངཿ ཡེ་ཤེས་དབྱིངས་ཀྱི་མཁའ་འགྲོ་མསཿ ཀློང་གསལ་བརྡ་རིས་སྤྲད་པའི་ཚེཿ གཟའ་རྒོད་སྲོག་གི་སྤུ་གྲི་སོགསཿ བཀའ་སྲུང་གཉན་པོས་ཁས་བླངས་བཞིནཿ མཆོད་གཏོར་རྒྱན་ལྡན་འདི་བཞེས་ལཿ ལས་བཞིའི་ཕྲིན་ལས་འགྲུབ་པར་མཛོདཿ དགུ་པ་བརྟན་མ་སྐྱོང་བ་ནི། ཧཱུྃཿདཔལ་གྱི་བཀའ་ཉན་བོད་ཁམས་སྐྱོངཿ མ་སྲིང་བརྟན་མ་བཅུ་གཉིས་རྣམསཿ འདིར་བྱོན་གཏོར་མའི་བཤལ་ཆུ་བཞེསཿ བཅོལ་པའི་ཕྲིན་ལས་འགྲུབ་པར་མཛོདཿ མ་མ་ཧྲཱིཾ་ཧྲཱིཾ་བ་ལིང་ཏ་ཁཱ་ཧིཿབཅུ་པ་རྟ་བྲོ་བྱ་བ་ནི། ཧཱུྃཿརིག་འཛིན་རྒྱལ་བའི་དཀྱིལ་འཁོར་འདིརཿ ལོག་པར་འདྲེན་པའི་དམ་སྲི་ཀུནཿ མནན་ནོ་ཐེག་པ་རིམ་དགུའི་རྒྱཿ ནམ་ཡང་ལྡང་བར་མ་གྱུར་ཅིགཿ སྟྭཾ་བྷ་ཡ་ནནཿ བཅུ་གཅིག་དངོས་གྲུབ་བླང་བ་ནི། ཧོཿརིག་འཛིན་དཀྱིལ་འཁོར་ལྷ་ཚོགས་རྣམསཿ བསྙེན་ཅིང་སྒྲུབ་པའི་དམ་ཚིག་


JLAZ010_Page_0203
[མ་དཔེ་གཟིགས་ན་འདིར་གནོན།]

ཐེམསཿ རྡོ་རྗེ་སེམས་དཔའི་ནམ་ཡང་ལངསཿ དངོས་གྲུབ་སྩོལ་བའི་དུས་ལ་བབཿ སྐུ་གསུང་ཐུགས་ཀྱི་དཀྱིལ་འཁོར་ནསཿ མི་གནས་ཡེ་ཤེས་གསང་བ་མཆོགཿ རྡོ་རྗེ་གསུམ་གྱིས་བྱིན་རློབ་ལཿ མཆོག་དང་ཐུན་མོང་དངོས་གྲུབ་ཀུནཿ ད་ལྟ་ཉིད་དུ་ཐོབ་པར་སྩོལཿ ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿཀཱ་ཡ་ཝཱཀྐ་ཙིཏྟ་ཨ་ལ་ལ་སིདྡྷི་ཕ་ལ་ཧཱུྃཿབཅུ་གཉིས་ནོངས་པ་བཤགས་པ་ནི། ཧཱུྃཿརིག་འཛིན་འདུས་པའི་དཀྱིལ་འཁོར་དུཿ མཆོད་རྫས་མ་ཚང་སྒྲུབ་པ་གཡེལཿ ཏིང་འཛིན་བྱིང་རྨུགས་འཐིབས་ལ་སོགསཿ འགལ་འཁྲུལ་ནོངས་པ་བཟོད་པར་གསོལཿ བཛྲ་ས་ཏྭ་སོགས་བརྗོད། བཅུ་གསུམ་རྫོགས་རིམ་བསྡུ་བ་ནི། ཧོཿཆུ་ལ་ཆུ་བུར་རྡོལ་བ་བཞིནཿ རང་ལས་སྤྲུལ་པའི་དཀྱིལ་འཁོར་ལྷཿ ཡེ་ཤེས་དབྱིངས་སུ་བཛྲ་མུཿ རྗེས་ཐོབ་སྒྱུ་མའི་ལྷ་སྐུར་ལྡངཿ བཅུ་བཞི་བསྔོ་སྨོན་མཚམས་སྦྱོར་ནི། ཧོཿདུས་གསུམ་བསགས་པའི་དགེ་རྩ་ཀུནཿ རྣམ་མཁྱེན་གདོད་མའི་རྒྱུ་རུ་བསྔོཿ བདག་སོགས་འདུས་པར་བཅས་པ་རྣམསཿ ཚོམ་བུ་གཅིག་ཏུ་སངས་རྒྱས་ཤོགཿ ལན་གསུམ། བཅོ་ལྔ་བཀྲ་ཤིས་བརྗོད་པ་ནི། ཧོཿརིག་འཛིན་བརྒྱུད་པའི་བྱིན་རླབས་དངཿ དཀོན་མཆོག་གསུམ་གྱི་བདེན་པ་དངཿ གསང་སྔགས་ཟབ་མོའི་རྟེན་


JLAZ010_Page_0204
[མ་དཔེ་གཟིགས་ན་འདིར་གནོན།]

འབྲེལ་གྱིཿ འཇིགས་བརྒྱད་ཞི་བའི་བཀྲ་ཤིས་ཤོགཿ ཚེ་བསོད་རྒྱས་པའི་བཀྲ་ཤིས་ཤོགཿ སྣང་བ་དབང་འདུས་བཀྲ་ཤིས་ཤོགཿ ལོག་འདྲེན་ཚར་གཅོད་བཀྲ་ཤིས་ཤོགཿ སྣང་ཞེན་ལྷ་སྐུའི་ཕྱག་རྒྱར་རྫོགསཿ སྒྲ་གྲགས་བདེ་ཆེན་སྔགས་སུ་དགཿ དྲན་རྟོག་འོད་གསལ་ཆོས་སྐུར་སྨིནཿ འཇའ་ལུས་ཟང་ཐལ་བཀྲ་ཤིས་ཤོགཿ ཨེ་མཿ འདི་ལྟར་ཤིན་ཏུ་ཟབ་པའི་གནདཿ གཏེར་བཅུད་འདུས་པ་དགོངས་པའི་གཏེརཿ ཀློང་གསལ་དབྱིངས་ཀྱི་ཕོ་བྲང་དུཿ བརྡ་ཚིག་རྡོ་རྗེའི་རོལ་མོར་འཁྲོལཿ སྙིང་ལ་རྒྱས་བཏབ་སྦ་སྙམ་ཡངཿ རིག་འཛིན་མཁའ་འགྲོའི་བརྡས་བསྐུལ་ནསཿ ལས་ཅན་རྗེས་འཇུག་དོན་དུ་བཀོདཿ སྙིང་ལ་སྦོས་ཤིག་ས་མ་ཡཿ

ཀློང་ཆེན་སྙིང་གི་ཐིག་ལེ་ལསཿ རིག་འཛིན་གྱི་གབ་བྱང་གནད་ཀྱི་མིག་ཚགས།


JLAZ010_Page_0205
[མ་དཔེ་གཟིགས་ན་འདིར་གནོན།]

༂ ཀློང་ཆེན་སྙིང་གི་ཐིག་ལེ་ལསཿ རིག་འཛིན་གྱི་གབ་བྱང་གནད་ཀྱི་མིག་ཚགས་བཞུགསཿ བརྡ་བརྒྱུད་རིག་འཛིན་རྒྱ་མཚོར་འདུདཿ རིག་འཛིན་སྒྲུབ་པའི་གབ་བྱང་ནིཿ ལྷ་ལ་ཡེ་ཤེས་སེམས་དཔའ་གབཿ སྣང་སྲིད་ཟིལ་གནོན་ཐུགས་ཀ་རུཿ རིག་འཛིན་རྒྱལ་པོ་རྡོ་རྗེ་ཆོསཿ སྐུ་མདོག་བྱེ་རུ་སྣུམ་བསྐུས་ལྟརཿ གསལ་འཚེར་བཀྲག་མདངས་ལྡན་པ་ལཿ ཞལ་གཅིག་ཕྱག་གཉིས་ཞི་མ་ཁྲོཿ གཅེར་བུ་རུས་རྒྱན་ཐོར་ཚུགས་ཅནཿ རྡོ་རྗེ་དྲིལ་བུ་བསྣོལ་བའི་པངཿ རྣལ་འབྱོར་སྔོན་མོ་གྲི་ཐོད་ཅནཿ ཆ་ལུགས་ཡབ་འདྲ་གཉིས་ཀ་ཡངཿ ཤིན་ཏུ་ཆགས་པའི་རྣམ་འགྱུར་ཅནཿ ཟག་མེད་བདེ་བ་ཆེན་པོར་སྦྱོརཿ མི་ལ་གཅེས་པ་རྣམ་ཤེས་ལྟརཿ ཕྱག་རྒྱ་རྟགས་ཀྱི་ལྷ་སྐུ་ཀུནཿ ཟིལ་གནོན་ཡེ་ཤེས་སེམས་དཔའ་ནིཿ ཤིན་ཏུ་གསལ་བརྟན་ཐོན་པ་གནདཿ ས་མ་ཡཿསྔགས་ལ་གབ་པ་འདི་ལྟ་སྟེཿ བསྙེན་པ་འབྲུ་འབུམ་སྔོན་སོང་ནསཿ རིག་འཛིན་སྲོག་སྒྲུབ་སྙིང་པོ་ནིཿ ཐོག་མཐའ་ཨོཾ་དང་ཧཱུྃ་བཞག་ནསཿ བར་ན་བཅུ་གཉིས་གྲངས་མཛེས་པཿ རིག་འཛིན་སྲོག་གི་ཡང་སྙིང་ཡིནཿ ཨོཾ་ཨཱཿཧཱུཾ་བཛྲ་མ་ཧཱ་གུ་རུ་སརྦ་སིདྡྷི་ཧཱུྃཿའབུམ་ཕྲག་བཅུ་གཉིས་དངོས་གྲུབ་ཐོབཿ ས་མ་ཡཿཏིང་འཛིན་དོ་ལའི་མན་ངག་གབཿ ལྷ་ལ་གསལ་བརྟན་ཐོབ་པའི་ཚེཿ ཐུགས་ཀའི་སྔགས་ཕྲེང་གཡས་བསྐོར་ལསཿ སྔགས་ཕྲེང་ལུ་གུ་རྒྱུད་དུ་འཕྲོསཿ ཡེ་ཤེས་སེམས་དཔའི་


JLAZ010_Page_0206
[མ་དཔེ་གཟིགས་ན་འདིར་གནོན།]

ཞལ་ནས་ཐོནཿ ཡུམ་གྱི་ཞལ་ཞུགས་སྐུའི་དབྱིབས་བརྒྱུདཿ ཐུགས་ཀའི་བཾ་ལ་གཡོན་དུ་འཁོརཿ མཁའ་གསང་ནོར་བུའི་ལམ་བརྒྱུད་དེཿ མགལ་མེ་ལྟ་བུར་འཁོར་བ་ཡིསཿ ཡབ་ཡུམ་བདེ་བ་ཆེན་པོའི་ཉམསཿ བཟོད་དུ་མེད་པར་འབར་བ་ལསཿ ཐུགས་རྗེའི་འོད་ཟེར་ཀུན་ཏུ་འཕྲོསཿ གཙོ་དང་འཁོར་བཅས་ཐམས་ཅད་ཀྱངཿ བདེ་སྟོང་ཡེ་ཤེས་ཉམས་འུར་བསཿ ཅང་ཏེའུ་དྲིལ་བུ་ཁྲོ་ལོ་ལོཿ ཞལ་ནས་ཧཱུྃ་གླུ་ཀྱུ་རུ་རུཿ དབྱིངས་རིག་གཉིས་མེད་བྱང་ཆུབ་སེམསཿ རྩལ་སྣང་དག་པ་རབ་འབྱམས་ཀྱིཿ དཀྱིལ་འཁོར་གཅིག་ཏུ་རྫོགས་པ་ལསཿ རིག་པ་གཏད་དེ་གཡོ་མེད་བཞགཿ གལ་ཏེ་སྣང་སྲིད་སྣོད་བཅུད་ཀྱིཿ དངོས་སྣང་ཞིག་པར་མ་གྱུར་ནཿ དཀྱིལ་འཁོར་འཁོར་ལོའི་འོད་ཟེར་གྱིཿ སྣོད་བཅུད་སྦྱངས་ཏེ་རང་ལ་བསྟིམཿ ལྷ་དང་སྣང་བ་ཆོས་ཉིད་གསུམཿ གཅིག་ཏུ་འདྲེས་པར་མ་གྱུར་བརཿ ཏིང་འཛིན་གནད་ཀྱི་འཛིན་ཕུར་གདབཿ ང་རུ་འཛིན་པའི་ང་རྒྱལ་དངཿ དག་པ་དྲན་པའི་བསྐྱེད་རིམ་དངཿ རྣམ་པ་བཅོས་ནས་གསལ་བ་དེསཿ ཟུང་འཇུག་འབྲས་བུ་འབྱིན་མི་ནུསཿ དབྱིངས་ཀྱི་གསལ་ཆ་ལྷར་ཤར་བསཿ བསོད་ནམས་ཚོགས་ཆེན་འདི་ཡིས་རྫོགསཿ དེ་ལ་དངོས་ཞེན་རྣམ་དག་པསཿ ཡེ་ཤེས་ཚོགས་ཀྱང་རྫོགས་པ་ཡིནཿ ས་མ་ཡཿདེ་ཚེ་འབྲས་བུ་ནོད་ཚུལ་གྱིཿ མན་ངག་གབ་པ་འདི་ལྟ་སྟེཿ ཐ་མལ་ལུས་ལ་ཡེ་ཤེས་ཀྱིཿ ས་ཆོད་རིག་འཛིན་བརྙེས་པའི་ཚུལཿ རྒྱུད་དང་རྗེས་མཐུན་ཁྱད་པར་


JLAZ010_Page_0207
[མ་དཔེ་གཟིགས་ན་འདིར་གནོན།]

གནདཿ སློབ་དཔོན་བཀུར་ཞིང་བསག་སྦྱང་བརྩོནཿ མོས་གུས་གཡོ་བ་གཡོ་ཉམས་ལཿ དབང་གི་དཀྱིལ་འཁོར་ཡོངས་རྫོགས་ཤིངཿ ཡེ་ཤེས་མཐོང་བས་ས་དང་པོཿ དམ་ཚིག་མ་ཉམས་དཀྱིལ་འཁོར་ལྷཿ རང་དུས་ཤེས་པ་ས་གཉིས་པཿ དཀྱིལ་འཁོར་གཙོ་ལ་སེམས་ཟིན་པཿ གསུམ་པ་ཡིན་ནོ་རིག་པ་འཛིནཿ དཀྱིལ་འཁོར་ཡོངས་སུ་རྫོགས་པ་ལཿ སེམས་འཛིན་ཐོབ་པ་ས་བཞི་པཿ དེ་ལྟར་མན་ཆད་ཐོབ་པའི་ཉམསཿ ཏིང་ངེ་འཛིན་ལ་དགའ་བྲོད་དངཿ འཕེལ་འགྲིབ་རིམ་གྱིས་བརྟན་འགྱུར་ཞིངཿ སྦས་ཚུལ་རྣམ་སྨིན་རིག་འཛིན་ནོཿ དེ་ལས་དཀྱིལ་འཁོར་འཁོར་ལོ་ནིཿ གསལ་བར་ཟིན་པ་ས་ལྔ་པཿ རླུང་སེམས་གདེང་ཐོབ་ལྟ་བས་ཟིནཿ སྒྱུ་འཕྲུལ་ལས་རིམ་སོགས་དང་རྣམ་པར་བཤད་ཚུལ་མི་མཚུངས་ཀྱང་དོན་གྱི་འཇོག་ཚུལ་མཚུངས་པས་རྣམ་གཞག་ཕྱིན་ཅི་མ་ལོག་པ་ཡོད་པས་མན་ངག་གི་དགོངས་པ་ལོངས་པར་བྱཿ རྟེན་དང་བརྟེན་པའི་འཁོར་ལོ་རྣམསཿ ཤིན་ཏུ་ཕྲ་བའི་རྡུལ་ཕྲན་དུཿ སྤྱན་གྱི་དཀར་ནག་ཕྲ་མོ་ཚུནཿ མ་འདྲེས་ཀུན་ནས་གསལ་བ་ནིཿ དྲུག་པ་མངོན་དུ་གྱུར་པའོཿ ཕྱི་ནང་སྣོད་བཅུད་གང་དུ་ཡངཿ རླུང་སེམས་དབྱེར་མེད་སེམས་ཟིན་པསཿ རྡོ་རྗེའི་བཟླས་པས་དུས་འདའ་བཿ བདུན་པ་རིང་དུ་སོང་བ་སྟེཿ དེ་མན་ཀུན་བཟང་སྤྱོད་པ་ལྔཿ ཁ་ན་མ་ཐོ་མེད་པར་སྤྱོདཿ གནས་དག་དགོན་པ་བས་མཐའ་བཟུངཿ འཚོ་བ་དག་པ་ཆོས་མཐུན་ཟསཿ གྲོགས་དག་བླ་མ་ཚངས་མཚུངས་ལྡནཿ


JLAZ010_Page_0208
[མ་དཔེ་གཟིགས་ན་འདིར་གནོན།]

སྡོམ་པ་དག་པ་སོ་ཐར་དངཿ བྱང་སེམས་རིག་འཛིན་ཉེས་མ་གོསཿ ཆོས་དག་བསྐྱེད་དང་རྫོགས་པ་གཉིསཿ གཙོ་བོར་ལྷ་ཡི་ལམ་ཁྱེར་བསླབཿ དེ་ཡན་ས་ཡི་ལྷག་མ་རྣམསཿ སྙན་བརྒྱུད་ཡིད་བཞིན་ནོར་བུ་ཡིཿ མ་བརྒྱུད་ཨ་ནུའི་ལམ་མཆོག་ལཿ བརྟེན་ནས་བགྲོད་པ་ལམ་འདིའི་ལུགསཿ འོན་ཀྱང་ལམ་དང་ཉམས་ལྔའི་འགྲོསཿ བསྐྱེད་རིམ་ཤིན་ཏུ་གོམས་པའི་རྟགསཿ ཡེངས་དང་མ་ཡེངས་མེད་པར་འཆརཿ མཉམ་གཞག་རྗེས་ཐོབ་མཐའ་ལས་གྲོལཿ སྐྱེ་འཆིར་གདིངས་ཐོབ་ཚེ་དབང་སྟེཿ བརྒྱད་པ་མི་གཡོའི་ས་ཡིན་ནོཿ དེ་ནས་གོམས་པ་བརྟན་པའི་རྟགསཿ ལུས་ལ་ཚོར་བའི་ཟུག་རྔུ་མེདཿ ངག་ལ་བདེན་ཐོབ་ཆོས་རྣམས་ཤེསཿ ཡིད་ལ་མངོན་ཤེས་སྣ་ཚོགས་འཆརཿ མཁའ་འགྲོ་བདེ་གཤེགས་ལུང་ཡང་སྟོནཿ དགྲ་བགེགས་གཉིས་ལ་བདེན་པས་འཇུགཿ དགུ་བཅུ་ཕྱག་རྒྱའི་རིག་འཛིན་ནོཿ དེ་ནས་མཐར་ཕྱིན་ཀུན་ཏུ་འོདཿ དག་པ་རབ་འབྱམས་ཆེན་པོའི་དུསཿ ལྷུན་གྱིས་གྲུབ་པའི་རིག་འཛིན་ཏེཿ སྣང་བའི་ཆོ་འཕྲུལ་འོད་ལྔར་འཆརཿ ལུས་ངག་ཡེ་ཤེས་འོད་གསལ་སྐུཿ རྣམ་པར་རྟོག་པ་རྩད་ནས་ཆོདཿ རིག་པ་ཆོས་སྐུ་འགྱུར་མི་སྲིདཿ བདག་ཏུ་ལྟ་བའི་ས་བོན་ཞིགཿ མངོན་པར་ཤེས་པ་གཉིས་ཀ་འཆརཿ སྐྱེ་འཆི་གནད་གཅོད་སྡུག་བསྔལ་མེདཿ སྐུ་ལྔ་ལྷུན་གྲུབ་རིན་ཆེན་སྦུབསཿ ལོངས་


JLAZ010_Page_0209
[མ་དཔེ་གཟིགས་ན་འདིར་གནོན།]

སྐུ་ཆེན་པོའི་སྣང་བ་འཆརཿ ས་མ་ཡཿབསྐྱེད་རྫོགས་ཟབ་ཟབ་གྲངས་མང་ཡངཿ ལམ་གྱི་གནད་དང་ས་ཡི་ཆོདཿ སྦས་དོན་བཙན་ཐབས་མན་ངག་གནདཿ རྒྱུད་སྡེའི་ཡང་སྙིང་འདི་མེད་ནཿ ཀུན་བརྟགས་བསྐྱེད་རིམ་འབད་བསྒོམས་ཀྱངཿ གནས་སྐབས་མངོན་ཞེན་དགག་པ་ཙམཿ ཡང་ན་བདུད་དང་རུ་ཏྲར་གོལཿ ཟུང་འཇུག་མིང་དུ་ཟད་པའི་ཚེཿ རྟགས་མཚན་བློ་ཡི་སྣང་བ་ལཿ ཡེ་ཤེས་ལྷ་ནི་འགྲུབ་པོ་སྙམཿ འདོད་ཡོན་བདུད་ཀྱི་ཆོ་འཕྲུལ་ལཿ རིག་པ་འཛིན་པའི་ས་ནོན་སྙམཿ སྔགས་ཀྱི་བསྟན་པ་ཉམས་པའི་ཚེཿ རང་བྱུང་རྡོ་རྗེ་འཇིགས་མེད་གླིངཿ འབྲེལ་ཚད་དོན་དང་ལྡན་པར་ཤོགཿ ས་མ་ཡཿརྒྱ་རྒྱ་རྒྱཿགུ་ཧྱཿདྷ་ཐིཾཿ

ཀློང་ཆེན་སྙིང་ཏིག་ལས། རིག་འཛིན་བསྙེན་ཡིག་དངོས་གྲུབ་ཀྱི་ཟ་མ་ཏོག


JLAZ010_Page_0211
[མ་དཔེ་གཟིགས་ན་འདིར་གནོན།]

ཀློང་ཆེན་སྙིང་ཏིག་ལས། རིག་འཛིན་བསྙེན་ཡིག་དངོས་གྲུབ་ཀྱི་ཟ་མ་ཏོག་ཅེས་བྱ་བ་བཞུགས། །


JLAZ010_Page_0212
[མ་དཔེ་གཟིགས་ན་འདིར་གནོན།]

སངས་རྒྱས་པདྨའི་ཞབས་ལ་ཕྱག་འཚལ་ལོ། །རིག་འཛིན་གྱི་བསྙེན་པ་བྱ་ན། འགལ་རྐྱེན་མེད་པའི་གནས་སུ་གཞི་བདག་ལ་གཏོར་མ་བཏང་ནས་ཕྲིན་ལས་བཅོལ། མཚམས་དམ་པར་གཅོད་པའི་སྔ་རོལ་དུ་གནས་ཁང་ལ་བྱི་དོར་བྱ། སྟེགས་ཀྱི་ཁར་འབྲུ་ཚོམ་ལ་སྨན་རག་གཏོར་གསུམ་ཉེར་སྤྱོད་དང་བཅས་པ་བཤམས། སྟན་གྱི་འོག་ཏུ་རྡོ་རྗེ་རྒྱ་གྲམ་འདྲི་ཟེར་ཏེ་ཕྱག་རྒྱ་ལ་སྨད་པའི་ཉེས་པ་འབྱུང་ཉེ་བས་གཡུང་དྲུང་དང་རྩ་ཀུ་ཤ་བཏིང༌། བག་ཕེབས་པར་འདུག་ལ་ཐུན་མོང་གི་སྔོན་འགྲོས་རྒྱུད་ལེགས་པར་སྦྱངས། བླ་མའི་རྣལ་འབྱོར་གྱི་མཐར་དབང་བཞི་བླང་བ་ལ་ནན་ཏན་བྱས་པས་ཉམས་ཆག་དག་ཅིང་སྒྲུབ་པ་མཐར་ཕྱིན་པ་ཡིན། དེ་ནས་སྐྱབས་


JLAZ010_Page_0213
[མ་དཔེ་གཟིགས་ན་འདིར་གནོན།]

འགྲོ་སེམས་བསྐྱེད་ནས་བཟུང་ཚིག་དོན་དང་འབྲེལ་བར་བྱ། དེ་ཡང་སེམས་བསྐྱེད་གསུམ་གྱི་དོན་པོ་མར་གྱུར་སེམས་ཅན་ཐམས་ཅད་ཀྱི་དོན་དུ་བདག་གིས་བླ་མ་སྒྲུབ་པར་བྱའོ་སྙམ་པ་སྨོན་སེམས། འཇུག་སེམས་ནི་གཞན་དོན་ལ་དངོས་སུ་འཇུག་པ་ཡིན་པས། བགེགས་གཏོར་དང་མཆོད་ཚོགས་ཕོངས་མེད་དུ་འབུལ་བ་སྦྱིན་པ། ཕྱི་ནང་གི་རྒྱུ་འགྲུལ་གཅོད་ཅིང་ངག་བཅད་བྱེད་པ་དང་འགལ་རྐྱེན་ཇི་ལྟ་བུ་བྱུང་ཡང་མཚམས་མི་གྲོལ་བ་སོགས་དམ་བཅའ་རས་སུ་མི་བོར་བ་ཚུལ་ཁྲིམས། ཐུན་བཞིའམ་དྲུག་ལ་སོགས་དང་པོ་ནས་ཇི་ལྟར་དམ་བཅས་པའི་དཀའ་སྤྱད་བཟོད་ཅིང་ཚོད་ཡོད་ཕྲི་གཞོལ་གྱི་དབང་དུ་མི་གཏོང་བ་བཟོད་པ། ཐུན་དངོས་


JLAZ010_Page_0214
[མ་དཔེ་གཟིགས་ན་འདིར་གནོན།]

དང་ཐུན་མཚམས་ཀྱི་བྱ་བ་གང་ལའང་སོས་དལ་ལེ་ལོའི་དབང་དུ་སྐད་ཅིག་ཀྱང་མི་གཏོང་བ་བརྩོན་འགྲུས། རྟེན་དང་བརྟེན་པའི་རྣམ་པ་གསལ་བ་ལ་སྒོ་ལྔ་སྡུད་ཅིང་ཐ་མལ་གྱི་འཛིན་རྟོག་ཟིལ་གྱིས་གནོན་པ་ལས་ཅུང་ཟད་ཀྱང་མི་གཡེངས་པ་བསམ་གཏན། བསྐྱེད་རིམ་སྒོམ་མཁན་གྱི་སེམས་ཐ་མལ་རང་རྒྱུད་ཅན་མ་ཡིན་པར་ཆོས་ཉིད་མ་བཅོས་པའི་གསལ་ཆར་རང་བཞིན་ལྷུན་གྲུབ་ཏུ་འཆར་བ་ཤེས་རབ་སྟེ་རང་སའི་ཕ་རོལ་ཏུ་ཕྱིན་པ་དྲུག་གི་དོན་གོ་ཞིང་དེ་དོན་ལས་མི་འདའ་བ་འཇུག་སེམས་དང༌། དེ་དག་ཐམས་ཅད་བློ་འདས་ཀྱི་དྲན་པས་རྩིས་ཟིན་པ་ལ་དོན་དམ་སེམས་བསྐྱེད་ཀྱི་ཐ་སྙད་བཏགས་པའི་དོན་ཤེས་ན་མདོ་སྔགས་དགོངས་པ་གཅིག་ཏུ་མཐུན་པའི་གནད་ཀྱང་རིག་པ་ཡིན། འདིའི་ཡན་ལག་བདུན་པ་དོན་དམ་བདེན་པ་དང་འབྲེལ་བས། དབང་པོར་རབ་ཀྱི་རྫོགས་ཆེན་ཐོད་རྒལ་གྱི་དགོངས་པ་ཤེས་ན་ལྷུན་གྲུབ་སྣང་སྟོང་དུ་ཤར་བ་ཟབ་མོའི་བསྐྱེད་རིམ་ལ་འབྱོར་ཀྱང་དེའི་སྣོད་དཀོན་པས་མོས་པས་སྤྱོད་པ་རྣམས་ཀྱིས་ཡན་ལག་བདུན་པ་སྤྱི་ལྟར་ཚོགས་གསོག་གི་འདུན་པ་ལ་སྦྱོང༌། དེ་ནས་གཏོར་མ་ཕྱི་རོལ་དུ་བསྐྱལ། དེའི་ཞོར་ལ་མཚམས་ཐོ་རྒྱལ་ཆེན་སྡེ་བཞི་དཔལ་མགོན་བདུན་ཅུ་དང་བཅས་པར་བསྐྱེད་


JLAZ010_Page_0215
[མ་དཔེ་གཟིགས་ན་འདིར་གནོན།]

ལ། མཆོད་སྦྱིན་གཏོར་མ་འདི་བཞེས་ལ། སོགས་ཀྱིས་གཏོར་མ་ཕུལ་བས་དགྱེས་བཞིན་བཞུགས་ནས་བར་ཆད་སྲུང་བར་བསམ། སྒོ་བསྡམ། ཕྱི་ནང་གི་རྒྱུ་འགྲུལ་བཅད། མི་མེད་ཀྱི་ལུང་སྟོང་ཡིན་ཀྱང་མཚམས་རྒྱ་རལ་ན་ཉེས་པ་ཆེན་པོ་ཡོད་པས་སྐྱོ་སངས་སོགས་བག་ཡངས་མི་བྱ། ནང་དུ་ལོག །སྲུང་འཁོར་གྱི་གཙོ་བོར་རང་སེམས་སྐྱེ་འགག་མེད་པའི་གཞི་རྩ་བཅད་ལ་བགེགས་བདེན་མེད་དུ་ཤེས་པར་བྱ། དེ་ཙམ་བློས་མ་ནུས་ན་སྣ་ཚོགས་རྡོ་རྗེའི་གུར་ལྕགས་རྨོག་ཁ་སྦུབ་པ་ལྟ་བུ་བསྒོམ། དེས་ཚིག་དོན་ལ་ཇི་ལྟར་རྟོན་ན་རྣམ་རྟོག་ནི་གློ་བུར་བའི་བགེགས་ཡིན་ལ། ཆོས་ཉིད་ནི་གདོད་ནས་རྡོ་རྗེའི་ཁམས་སུ་འགྱུར་བ་མེད་པའི་དོན་རྟགས་སོ། །དེ་ནས་བྱིན་འབེབས་སོགས་གོ་སླ། བསྐྱེད་རིམ་དངོས་གཞིའི་སྐབས་དོན་ལ། འདི་ནི་ཡོ་ག་འོག་མ་ལྟར་ཏིང་འཛིན་གསུམ་བསྐྱེད་མ་ཡིན་པར། ཆོས་ཐམས་ཅད་དབྱིངས་ནས་སངས་རྒྱས་པར་སྟོན་པ་ཨ་ནུ་ཡོ་གའི་དགོངས་པ་སྟེ། འདི་ལྟར་རང་བཞིན་གྱི་ཆོས་ཉིད་ལ་རྟོག་བཟོས་མ་བཅོས་པའི་རིག་པ་ངོ་བོ་ཉིད་ཀྱིས་སྟོངས་ཀྱང༌། གདངས་ཀྱིས་གསལ་བའི་ལྷག་མཐོང་གི་རྩལ་ལམ་སྣང་ཆ་ཐམས་ཅད་དག་པ་རབ་འབྱམས་ཡོངས་གྲུབ་ཆེན་


JLAZ010_Page_0216
[མ་དཔེ་གཟིགས་ན་འདིར་གནོན།]

པོའི་དཀྱིལ་འཁོར་དུ་གསལ་གདབ་པ་སྟེ། དེ་ཡང་དཀྱིལ་ནི་བརྟེན་པའི་ལྷ་ཡིན་ལ། འཁོར་ནི་རྟེན་གཞལ་ཡས་ཁང་དུ་ངེས་པར་བྱས་ནས་གྲུ་བཞི་སྒོ་བཞི་རྟ་བབས་ལ་སོགས་པ་རྣམ་པ་གཟུགས་སྣང་ཐམས་ཅད་དྲན་པ་ཉེ་བར་གཞག་པ་བཞི་ནས་བཟུང་བྱང་ཆུབ་ཕྱོགས་ཀྱི་ཆོས་ལ་དག་པ་སྦྱོར་བའི་བརྡ་དོན་རྟགས་གསུམ་ཤིང་རྟ་ཆེན་པོ་སོགས་ལས་ཤེས་པར་བྱ་ཞིང༌། དེ་ལྟ་བུའི་རྟེན་གྱི་དབུས་སུ་བརྟེན་པའི་ལྷ་བསྐྱེད་ཚུལ་ཡང༌། སྐྱེ་གནས་བཞིའི་བག་ཆགས་སྦྱོང་ཚུལ་རགས་པ་གཉིས་མ་ཡིན་ཀྱང་ཕྲ་བ་གཉིས་ལས། ཉི་གདན་དྲོད། ཟླ་གདན་གཤེར། ཧཱུྃ་ཡིག་བར་སྲིད་ཀྱི་ཤེས་པའམ་རྟོགས་པ་མཐོན་པོས་དབང་སྒྲུབ་སོགས་དགོས་པའི་སླད་དུ་རྣམ་བྱང་དང་བསྟུན་ནས་མངོན་བྱང་བཞིས་བསྐྱེད་ཚུལ་གྱི་གོ་དོན་བསྐྱེད་རིམ་རྣམ་བཤད་འོག་མིན་བགྲོད་པས་ཤེས་ཤིང༌། དེ་ལས་ཡོངས་སུ་གྲུབ་པའི་ལྷ་ནི་སངས་རྒྱས་ཐམས་ཅད་ཀྱི་སྤྱི་གཟུགས་སམ་དངོས་སམ་ངོ་བོ་ཉིད་སློབ་དཔོན་སྣང་སྲིད་ཟིལ་གནོན་གྱི་མཚན་དཔེར་ཤར་བའི་དག་པ་སྦྱོར་ཚུལ་འདི་ལྟར་ཤེས་དགོས་ཏེ། ཆོས་ཐམས་ཅད་དེ་བཞིན་ཉིད་དུ་རོ་གཅིག་པའི་བརྡར་ཞལ་གཅིག །ཐབས་དང་ཤེས་རབ་འབྲེལ་བས་ཕྱག་གཉིས། བདེ་སྟོང་ཟུང་དུ་འཇུག་


JLAZ010_Page_0217
[མ་དཔེ་གཟིགས་ན་འདིར་གནོན།]

པས་དཀར་ལ་དམར་མདངས་ཆགས་པ། ཉན་ཐོས་ཀྱི་ཐེག་པ་རྫོགས་པའི་རྟགས་སུ་ཆོས་གོས། བྱང་ཆུབ་སེམས་དཔའི་བེར་མདུང༌། གསང་སྔགས་ཀྱི་ཕོད་ཆེན་མནབས་པ། སྤངས་རྟོགས་མཐར་ཕྱིན་པའི་སྔགས་ཀྱི་སངས་རྒྱས་སྐུ་ལྔའི་ངོ་བོ་ཉིད་ལྷུན་གྲུབ་རིག་འཛིན་གྱི་གོ་འཕང་ལ་བཞུགས་པའི་རྟགས་སུ་ཕྱག་གཡས་གསེར་རྡོར་རྩེ་ལྔ་པ་དང་དེ་ཡང་གཟུང་འཛིན་དང་རྟོགས་ཚོགས་ཀྱི་གདོན་ལ་བསྡིགས་པས་གདུག་པ་ཅན་ཚར་གཅོད་ཀྱི་ཕྲིན་ལས་དང༌། འབྲས་བུའི་ཐེག་པ་འབའ་ཞིག་གིས་སེམས་ཅན་སྨིན་གྲོལ་མཛད་ཅིང་ཚེ་དབང་རིགས་འཛིན་གྱི་དངོས་གྲུབ་ཆེན་པོས་གདུལ་བྱ་རྗེས་སུ་འཛིན་པའི་རྟགས་སུ་གཡོན་ན་བྷནྡྷ་ཚེ་བུམ་བསྣམས་པ། སྲིད་ཞི་གཉིས་ཀ་ལ་མི་གནས་པའི་སྐུ་གསུམ་ཡན་ལག་བདུན་ལྡན་གྱི་བདག་ཉིད་ཡིན་པས་མཆན་ཁུང་ན་ལྷ་ལྕམ་འཁྲིལ་ཞིང༌། རིགས་ལྔའི་དབང་རྟགས་རྫོགས་པའི་མཉེན་ཞུ་ཅན། རང་དོན་གྱི་མཛད་པ་བརྟུལ་ནས་གཞན་དོན་ལ་ཞུགས་པའི་བརྡར་ཞབས་གཉིས་རྒྱལ་པོ་རོལ་སྟབས་སུ་བཞུགས་པ། གདུལ་བྱ་རྣམས་ཐེག་པའི་ཡང་རྩེ་ནས་མྱ་ངན་འདས་པར་མཛད་པས་དབུ་གཙུག་ན་ཐེག་མཆོག་གི་སྟོན་པ་གཉིས་བཞུགས་པ། འཁོར་བའི་རང་


JLAZ010_Page_0218
[མ་དཔེ་གཟིགས་ན་འདིར་གནོན།]

བཞིན་ཚོགས་བརྒྱད་གནས་སུ་དག་པའི་བརྡར་བྱང་ཆུབ་སེམས་དཔའ་བརྒྱད་དང་སྒྲུབ་སྡེ་བརྒྱད་ཀྱི་ངོ་བོ་ཉིད་རིག་འཛིན་བརྒྱད་ཀྱིས་བསྐོར་བ། མདོར་ན་ཡིད་དང་ཆོས་སུ་སྣང་བའི་གཉིས་སྣང་གི་འཁྲུལ་པ་ཐམས་ཅད་བསྐྱེད་པའི་གཞི་ཕྲ་རགས་ཀྱི་ཐིག་ལེ་ཐམས་ཅད་ཀྱི་རྩ་བ་ཁམས་དྲུག་གི་ནུས་པ་སྔགས་ཀྱི་ཐབས་ལམ་ཟབ་མོས་བཅོམ་པས་ཡེ་ཤེས་ཀྱི་ཐིག་ལེའི་བདག་ཉིད་དམ་རྣམ་འགྱུར་གྱི་བཀོད་པ་དཀྱིལ་འཁོར་གྱི་ལྷ་ཚོགས་སུ་ཤར་བའི་སྤྲོ་བསྡུའི་བྱེད་པོ་རྡོ་རྗེ་སློབ་དཔོན་སངས་རྒྱས་གཉིས་པ་ང་ཉིད་དོ་ཞེས་མཚོན་པའི་ཕྱིར་སྟེང་ཕྱོགས་སུ་དམ་ཚིག་སྒྲུབ་དང་གྲུབ་སྟེ་སྔགས་ཕྱི་པ་གསུམ་དང༌། །སྐུ་གསུང་ཐུགས་ཀྱི་རང་བཞིན་ནང་རྒྱུད་ཡོ་ག་གསུམ་སྟེ་རྒྱུད་སྡེ་དྲུག་གི་ལྷ་ཚོགས་ཐམས་ཅད་དང༌། ལམ་དེ་དག་ལས་དངོས་གྲུབ་བརྙེས་པའི་རྒྱ་བོད་ཀྱི་རིག་འཛིན་རྣམས་མགྲོན་ཐབས་ཀྱི་ཚུལ་དུ་བཞུགས་པས་ན་ནང་སྒྲུབ་རིག་འཛིན་འདུས་པ་ཞེས་པའི་སྒྲ་དོན་ལ་གནས་པ་ཡིན་ནོ། །དེ་ནས་སྤྱན་འདྲེན་དང་མཆོད་བསྟོད་སོགས་ཀྱི་དོན་ནི་གོ་སླ་ཞིང་བྲིས་པས་ཀྱང་མི་ལང་ལ། བསྙེན་བསྒྲུབ་གཉིས་ཀྱི་འཛབ་དགོངས་ནི། དང་པོ་བསྙེན་རྐྱང་ལ། ཐུགས་དཀར་པདྨ་ཉི་ཟླའི་སྟེང༌། །སོགས་ཀྱི་དོན་ངེས་པར་བྱས་ནས་


JLAZ010_Page_0219
[མ་དཔེ་གཟིགས་ན་འདིར་གནོན།]

ཐོག་མར་ལྷ་ལ་གསལ་སྣང་ཅུང་ཟད་མ་ཐོན་པར་འོད་ཟེར་སྤྲོ་བསྡུ་བྱེད་མི་དགོས། ཆོས་ཉིད་གང་དུའང་མ་གྲུབ་པའི་གསལ་ཆའམ་གདངས་ལས་སྣང་བའི་འཁྲུལ་འཛིན་ཤར་བ་དེ་རྟེན་དང་བརྟེན་པའི་འཁོར་ལོར་འཆར་བ་ལ་སློབ། དེ་ལ་རྣམ་པར་གསལ་བ་ཟེར། མི་གསལ་བའི་གནས་སྐབས་སུ་བཤད་མ་ཐག་པའི་དག་པ་དྲན་པར་བྱས་པས་ལྷ་རང་རྒྱུད་དུ་འཛིན་པའི་གོལ་ས་སྦྱོངས། མདོར་ན་སྣང་གྲགས་རིག་གསུམ་ཐ་མལ་དུ་སོང་བའི་བསྙེན་པས་ས་མི་ཆོད་པས། སྣང་ཞེན་ལྷ་སྐུའི་ཕྱག་རྒྱར་རྫོགས། །སྒྲར་གྲགས་བདེ་ཆེན་སྔགས་སུ་དག །དྲན་རྟོག་འོད་གསལ་ཆོས་སྐུར་སྨིན། །ཞེས་རང་ལུགས་ཀྱི་དག་རྫོགས་སྨིན་གསུམ་འདི་བསྙེན་པའི་མདོ་ཆིངས་ཆེན་པོ་ཡིན། དེ་ལྟར་ལྷ་ལ་གསལ་སྣང་ཐོན་པའི་ཚེ་སྔགས་ཕྲེང་ཤིན་ཏུ་ཕྲ་བ་ལས་འོད་ཟེར་སྤྲོས། རྒྱལ་བ་སྲས་བཅས་མཆོད་ནས་བསོད་ནམས་ཀྱི་ཚོགས་རྫོགས་པར་བྱས། འོད་ཟེར་ཚུར་འདུས་རང་ཉིད་ལ་ཐིམ་པས་སྒྲིབ་པ་བཞི་དག །དབང་བཞི་ཐོབ། སྐུ་བཞི་མངོན་དུ་བྱས་པར་བསམ་ལ་ཆོས་ཉིད་ཀྱི་དོན་ལ་མཉམ་པར་བཞག་པས་ཡེ་ཤེས་ཀྱི་ཚོགས་རྫོགས། དེ་ལྟར་ཚོགས་གཉིས་ལ་བརྟེན་ནས་ལྷ་དང་ཉེ་བར་བསྙེན་ཅིང༌།


JLAZ010_Page_0220
[མ་དཔེ་གཟིགས་ན་འདིར་གནོན།]

བདག་བྱིན་གྱིས་བརླབས་པ་ནི་རང་དོན་སྔོན་དུ་བྱ་བ་ཡིན། ཡང་འོད་ཟེར་སྤྲོས་སེམས་ཅན་ཐམས་ཅད་ལ་ཕོག་པས་འགྲོ་དྲུག་རྒྱུ་ལྔའི་ལས་དང་བག་ཆགས་སྦྱངས། སྣོད་བཅུད་རང་རྒྱུད་དུ་འཛིན་པའི་ཞེན་རྟོག་ཉི་མས་བ་མོ་བཞུ་བ་བཞིན་སྦྱངས་ནས། སྣོད་གཞལ་ཡས་ཁང་དང་བཅུད་རིག་འཛིན་གྱི་ལྷ་ཚོགས་སུ་དག་པར་སྒོམ། དེས་ནི་གཞན་དོན་ཕྲིན་ལས་ཀྱི་རྟེན་འབྲེལ་སྒྲིག །དོན་གཉིས་ལྷུན་གྲུབ་ཀྱི་ས་ལ་སྦྱོར། དེ་ལྟ་བུའི་དགོངས་དོན་རང་རྒྱུད་ལ་མ་གྲུབ་བར་དུ་མི་གཏོང་བའི་དམ་བཅའ་མཐར་ཕྱིན་པ་སྨིན་པར་སློབ་པའི་བསྙེན་ཚད་ཡིན་ན་འབུམ་ཕྲག་བཅུ་གཉིས་ལ་སོགས་པའི་གྲངས་བསྙེན་ལས་རུང་ནི་མོས་སློབ་བག་ཆགས་བཟང་པོར་རེ་བ་ཙམ་ཡིན་པས་མཚམས་བཅད་བྱས་མིན་ལ་མི་ལྟོས་པར་དག་རྫོགས་སྨིན་གསུམ་གྱི་དགོངས་པ་དང་མ་བྲལ་ན་ཕྱི་མ་ཟངས་མདོག་དཔལ་རིར་ཉིང་མཚམས་སྦྱོར་བ་ལ་ཐེ་ཚོམ་མེད། ཆོས་རྣམས་ཐམས་ཅད་རྐྱེན་ཡིན་ཏེ། །འདུན་པའི་རྩེ་ལ་རབ་ཏུ་གནས། །ཞེས་པས་འཁྲུལ་སྣང་དང་སྡིག་སེམས་གོམས་པ་ལས་འཁོར་བ་དང་ངན་སོང་དུ་འཁོར་བ་ཡིན་ན། སྣང་གྲགས་རིག་གསུམ་དཀྱིལ་འཁོར་གྱི་འཁོར་ལོར་བསྒོམས་པའི་འབྲས་བུ་ལ་བསླུ་བ་མེད་པས་བསྟན་པའི་ལྷག་ཞབས་ཅུང་ཟད་ཡོང་དུས་འདིར་བརྩོན་


JLAZ010_Page_0221
[མ་དཔེ་གཟིགས་ན་འདིར་གནོན།]

པ་བསྐྱེད་ཅིང་སྒྲུབ་པ་ཐམས་ཅད་ཀྱི་ནང་ནས་བླ་མ་སྒྲུབ་པ་མཆོག་ཏུ་གསུངས་ཤིང༌། ཁྱད་པར་སློབ་དཔོན་ཆེན་པོ་ནི་སངས་རྒྱས་ཐམས་ཅད་ཀྱི་སྤྱི་གཟུགས་ཡིན་པས་ཉིད་ཀྱི་ཞལ་ནས། ང་མཐོང་སངས་རྒྱས་ཐམས་ཅད་མཐོངཿ ང་བསྒྲུབས་སངས་རྒྱས་ཐམས་ཅད་འགྲུབཿ ང་ནི་བདེ་གཤེགས་འདུས་པ་ཡིནཿ ཞེས་གསུངས་པ་ལ་བསླུ་བ་མེད་པ་མངོན་སུམ་ཚད་མའོ། །གཉིས་པ་སྒྲུབ་པ་ནི། ཐུགས་ཀར་ཡེ་ཤེས་སེམས་དཔའ་གསལ་བ་སོགས་ལྷ་དང་སྔགས་དང་ཏིང་ངེ་འཛིན་གྱི་ཁྱད་པར་ཐམས་ཅད་གབ་བྱང་གནད་ཀྱི་མིག་ཚགས་ལས་ཤེས་པར་བྱ་ཞིང༌། གྲུབ་འབྲས་ཀྱི་ཁྱད་པར་ཡང་མདོའི་ལམ་ལྔ་སྔགས་ཀྱི་རིག་འཛིན་བཞིས་ས་བཅད་ནས་ཟངས་མདོག་དཔལ་རི་ལ་སོགས་དག་པའི་ཞིང་ཁམས་སུ་ལས་འཕྲོ་ཅན་བགྲོད་པ་ལ་མ་ལྟོས་པར་སྐྱེ་བ་ཉིད་ལ་སྐུ་ལྔའི་དབྱིངས་སུ་མངོན་པར་སངས་རྒྱས་པའི་ཁྱད་པར་རྡོ་རྗེ་སློབ་དཔོན་གྱི་མན་ངག་ལ་བརྟེན་ནས་ཤེས་པར་བྱའོ། །ཞེས་པའང་བརྒྱུད་འཛིན་གྱི་སློབ་མ་ཀུན་གྲོལ་ཅན་གྱིས་ནན་དུ་བསྐུལ་བའི་ངོར་ཆོས་ཀྱི་བདག་པོས་སོ།། །།

ཀློང་ཆེན་སྙིང་གི་ཐིག་ལེ་ལསཿ རིག་འཛིན་ཚེ་སྒྲུབ་བདུད་རྩི་བུམ་བཅུད།


JLAZ010_Page_0223
[མ་དཔེ་གཟིགས་ན་འདིར་གནོན།]

༂ ཀློང་ཆེན་སྙིང་གི་ཐིག་ལེ་ལསཿ རིག་འཛིན་ཚེ་སྒྲུབ་བདུད་རྩི་བུམ་བཅུད་བཞུགསཿ


JLAZ010_Page_0224
[མ་དཔེ་གཟིགས་ན་འདིར་གནོན།]

འཆི་མེད་རིག་འཛིན་སྐུ་ལ་འདུདཿ ཚེ་སྒྲུབ་བདུད་རྩི་བུམ་བཅུད་བསྟནཿ དབེན་པའི་གནས་སུ་སྟེགས་བུའི་ཁརཿ རྡུལ་ཚོན་རས་ཚོན་སྐབས་སྦྱར་གྱིཿ དཀྱིལ་འཁོར་དབུས་སུ་ལྡིང་ཁྲིའི་ཁརཿ ཚེ་བུམ་དབུས་ལ་ཚེ་རིལ་གཡསཿ ཚེ་མདའ་རྒྱབ་ལ་ཚེ་ཆང་གཡོནཿ ཚེ་གཏོར་མདུན་བཤམ་མཆོད་པས་བསྐོརཿ བདག་དང་སྒྲུབ་རྟེན་དབྱེར་མེད་དུཿ རིག་འཛིན་འདུས་པའི་ལས་གཞུང་བསྲངཿ བསྟོད་པའི་མཇུག་ཏུ་ཛབ་ཁང་དབྱེཿ ཧྲཱིཿ ཚེ་དབང་རིག་འཛིན་པདྨ་འབྱུངཿ སྣང་སྲིད་ཟིལ་གནོན་ཐུགས་ཀ་རུཿ བཅོམ་ལྡན་མགོན་པོ་ཚེ་དཔག་མེདཿ དམར་གསལ་ལོངས་སྐུ་ཡུམ་དང་སྦྱོརཿ པདྨ་རཱ་གའི་བུམ་པ་འཛིནཿ ཐུགས་ཀར་ཉི་ཟླའི་གྭ་བུའི་ནངཿ སྲོག་གི་སྙིང་པོ་ཡི་གེ་ཧྲཱིཿ ཐ་མར་སྔགས་ཀྱི་ཕྲེང་བས་བསྐོརཿ འོད་ཟེར་འཕྲོས་པས་བརྟན་གཡོའི་བཅུདཿ རྒྱལ་བ་རིག་འཛིན་དྲང་སྲོང་གིཿ ཚེ་བཅུད་བསྡུས་ལ་བཅུད་དུ་འདྲིལཿ བ་སྤུའི་བུ་ག་ཚུན་ཆོད་ཀྱངཿ ཚེ་དཔག་མེད་པས་ཐེམ་གྱིས་གངཿ ཀུན་ཀྱང་བུང་བ་ཚང་ཞིག་ལྟརཿ ཧྲཱིཿསྒྲ་འཇམ་ལ་སྙན་པར་སྒྲོགཿ འཆི་མེད་རིག་འཛིན་འགྲུབ་པར་གྱུརཿ ངག་ཏུ་བརྗོད་ཅིང་ཡིད་ལ་བསམཿ འཇམ་རླུང་བུམ་པ་ཅན་དང་སྦྲགསཿ ཨོཾ་ཨཱཿཧཱུྃ་བཛྲ་མ་ཧཱ་གུ་རུ་ཨཱ་ཡུརྫྙཱ་ན་མ་ཧཱ་པུཎྱེ་ཚེ་བྷྲཱུཾ་ནྲི་ཛཿསརྦ་སིདྡྷི་ཧཱུྃཿཐུན་མཚམས་རིག་འཛིན་ཚེ་འགུགས་ནི། མདའ་དར་ཚད་བཞག་


JLAZ010_Page_0225
[མ་དཔེ་གཟིགས་ན་འདིར་གནོན།]

གདུང་ཤུགས་བསྐྱེདཿ ཨོཾཿརང་སྣང་ཟངས་མདོག་དཔལ་གྱི་རིཿ ལྔ་ལྡན་རང་བྱུང་ཕོ་བྲང་ནསཿ བཅོམ་ལྡན་མགོན་པོ་ཚེ་དཔག་མེདཿ འཇའ་ལུས་རིག་འཛིན་ཚོགས་དང་བཅསཿ ཐུགས་དམ་བསྐུལ་ལོ་དབྱིངས་ནས་བཞེངསཿ འཆི་མེད་ནམ་མཁའི་བཅུད་བསྡུས་ལཿ རྣམ་ཤེས་ཁམས་ནས་ཡར་བའི་ཚེཿ དབྱིངས་ཕྱུག་རིག་པའི་ཀློང་དུ་བསྐྱིལཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ རྩ་སྔགས་བརྗོད། ཧཱུྃཿཤར་ནས་རིག་འཛིན་ཧཱུཾ་ཀཱ་རཿ ཡང་དག་ཐུགས་ཀྱི་ཀློང་ནས་བཞེངསཿ འབྱུང་བ་ཆུ་ཡི་བཅུད་བསྡུས་ལཿ ཁྲག་གི་ཁམས་ནས་ཡར་བའི་ཚེཿ མཱ་མ་ཀཱི་ཡི་ཀློང་དུ་བསྐྱིལཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ རྩ་སྔགས་བརྗོད། ཏྲཱཾཿལྷོ་ནས་རིག་འཛིན་མཉྫུ་ཤྲཱིཿ འཇམ་དཔལ་སྐུ་ཡི་ཀློང་ནས་བཞེངསཿ འབྱུང་བ་ས་ཡི་བཅུད་བསྡུས་ལཿ ཤ་ཡི་ཁམས་ནས་ཡར་བའི་ཚེཿ སངས་རྒྱས་སྤྱན་མའི་ཀློང་དུ་བསྐྱིལཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ


JLAZ010_Page_0226
[མ་དཔེ་གཟིགས་ན་འདིར་གནོན།]

སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ རྩ་སྔགས་བརྗོད། ཧྲཱིཿནུབ་ནས་རིག་འཛིན་ནཱ་གཱརྫུཿ པདྨ་གསུང་གི་ཀློང་ནས་བཞེངསཿ འབྱུང་བ་མེ་ཡི་བཅུད་བསྡུས་ལཿ དྲོད་ཀྱི་ཁམས་ནས་ཡར་བའི་ཚེཿ གོས་དཀར་མོ་ཡི་ཀློང་དུ་བསྐྱིལཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་མཆི་མེད་པའི་དངོས་གྲུབ་སྩོལཿ རྩ་སྔགས་བརྗོད། ཨཱཿབྱང་ནས་རིག་འཛིན་པྲ་བྷ་ཧཿ ཕྲིན་ལས་ཕུར་པའི་ཀློང་ནས་བཞེངསཿ འབྱུང་བ་རླུང་གི་བཅུད་བསྡུས་ལཿ དབུགས་ཀྱི་ཁམས་ནས་ཡར་བའི་ཚེཿ དམ་ཚིག་སྒྲོལ་མའི་ཀློང་དུ་བསྐྱིལཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ རྩ་སྔགས་བརྗོད། ཛཿཤར་ལྷོ་རིག་འཛིན་དྷ་ན་སཾཿ རྦོད་གཏོང་ཟིལ་གནོན་བརྟུལ་ཞུགས་བསྐྱེདཿ ཀློང་གྱུར་ཡེ་ཤེས་ལྕགས་ཀྱུ་ཡིསཿ འཁྱམས་དང་ཡར་བའི་བླ་ཚེ་ཁུགཿ འགྱུར་མེད་སྲོག་གི་ཀ་བ་ཚུགཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩི་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ རྩ་སྔགས་བརྗོད། ཧཱུྃཿལྷོ་


JLAZ010_Page_0227
[མ་དཔེ་གཟིགས་ན་འདིར་གནོན།]

ནུབ་རིག་འཛིན་བི་མ་ལཿ ཚེ་ལ་དབང་བའི་བརྟུལ་ཞུགས་བསྐྱེདཿ འདའ་དཀའ་ཡེ་ཤེས་ཞགས་པ་ཡིསཿ འཐོར་བ་ཁུག་ལ་ཟད་པ་སྲིངསཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ རྩ་སྔགས་བརྗོད། བཾཿནུབ་བྱང་རིག་འཛིན་རོམྦུ་གུཿ དྲེགས་པ་ཟིལ་གནོན་བརྟུལ་ཞུགས་བསྐྱེདཿ དབྱིངས་གྲོལ་ཡེ་ཤེས་ལྕགས་སྒྲོག་གིསཿ ལྷ་འདྲེས་བརྐུས་པའི་བླ་ཚེ་ཕྲོགསཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ རྩ་སྔགས་བརྗོད། ཧོཿབྱང་ཤར་རིག་འཛིན་ཤཱནྟིཾ་གྷརཿ མངོན་སྤྱོད་དམོད་པའི་བརྟུལ་ཞུགས་བསྐྱེདཿ མཐའ་གྲོལ་ཡེ་ཤེས་དྲིལ་བུ་ཡིསཿ བྱད་དུ་བཅུག་པའི་བླ་ཚེ་བསྡུསཿ འགྱུར་མེད་སྲོག་གི་ཀ་བ་ཚུགསཿ ཚེ་མདའ་འདི་ལ་ཚད་ཅིག་སྟོནཿ སྒྲུབ་རྫས་འཆི་མེད་བདུད་རྩིར་བསྒྱུརཿ སྐྱེ་འཆི་མེད་པའི་དངོས་གྲུབ་སྩོལཿ རྩ་སྔགས་བརྗོད། ཞེས་བཀུག་ཚེ་པྲ་བརྟགས་པའི་རྗེསཿ རྒྱས་གདབ་ཚེ་མདའ་དྲང་པོར་བསྲངཿ ཨཱཿའབྱུང་ལྔའི་དབྱིངས་སུ་འཁྱམས་པའི་ཚེཿ ཡུམ་ལྔའི་ཀློང་དུ་རྒྱས་བཏབ་པསཿ ཡེ་ཤེས་ལྔ་ལ་སྐྱེ་འཆི་མེདཿ སྐུ་ལྔའི་


JLAZ010_Page_0228
[མ་དཔེ་གཟིགས་ན་འདིར་གནོན།]

དབྱིངས་སུ་ཚེ་སྦས་པཿ རིགས་ལྔའི་རྒྱལ་བས་ཀྱང་མི་གཟིགསཿ དྷརྨ་དྷཱརྟུ་བཛྲ་རཀྵཿ ཞེས་བརྗོད་སྤྲོས་བྲལ་ངང་ལ་བཞག་ས་མ་ཡཿ ལྷ་སྔགས་ཏིང་འཛིན་དམིགས་པའི་གནདཿ ཀུན་ལས་ཁྱད་འཕགས་རིག་འཛིན་གྱིཿ ཚེ་སྒྲུབ་བདུད་རྩི་བུམ་བཅུད་འདིཿ ཆོས་བདག་སྐྱེས་བུའི་སྲོག་མཐུད་ཕྱིརཿ ཀློང་བྱང་མཁའ་འགྲོའི་བརྡ་རུ་བསྟནཿ དུས་བབ་འགྲོ་དོན་སྤྱོད་པར་ཤོགཿ གུ་ཧྱཿ དྷ་ཐིམཿ གཞན་ལ་ཚེ་ཡི་དབང་བསྐུར་ནཿ སློབ་མ་ཁྲུས་བྱ་བགེགས་དང་ཕྲལཿ སྲུང་འཁོར་བསྒོམ་ལ་མཎྜལ་ཕུལཿ ལོ་རྒྱུས་བཤད་ལ་སྐྱབས་སེམས་དངཿ རྒྱུན་བཤགས་བྱས་རྗེས་གསོལ་བ་གདབཿ འཆི་མེད་མགོན་པོ་པདྨ་འབྱུངཿ སྲོག་གི་འཇིགས་པས་སྐྲག་པ་ལཿ ཐུགས་རྗེ་ཆེན་པོས་ཉེར་དགོངས་ནསཿ ཚེ་ཡི་དབང་དང་དངོས་གྲུབ་སྩོལཿ ལན་གསུམ་རྗེས་སུ་སློབ་མ་ནིཿ ལས་ཆུས་བསངས་ལ་གུ་རུར་བསྐྱེདཿ སྤྱི་བོར་ཚེ་དཔག་མེད་ཡབ་ཡུམཿ མཉམ་པར་སྦྱོར་བའི་མཁའ་གསང་ནསཿ བདེ་ཆེན་བྱང་སེམས་བདུད་རྩིའི་རྒྱུནཿ བབས་པས་ལུས་ངག་བདེ་བས་མྱོསཿ རྡོ་རྗེའི་སྲོག་ལ་དབང་ཐོབ་དམིགསཿ སྤོས་རོལ་དང་བཅས་ཡེ་ཤེས་དབབཿ ཏིཥྛ་བཛྲས་བརྟན་པར་བྱཿ དེ་ནས་ཚེ་བུམ་སྤྱི་བོར་བསྐུརཿ ཧྲཱིཿསྣང་སྲིད་གཞོན་ནུ་བུམ་པའི་སྐུཿ སྐྱེ་འཆི་བྲལ་བའི་བཅུད་ཀྱིས་གཏམསཿ སྐལ་ལྡན་བུ་ལ་དབང་བསྐུར་བསཿ འཆི་མེད་རྡོ་རྗེའི་སྲོག་འགྲུབ་ཤོགཿ རྩ་སྔགས་དང༌།


JLAZ010_Page_0229
[མ་དཔེ་གཟིགས་ན་འདིར་གནོན།]

ཀཱ་ཡ་ཨ་བྷི་ཥིཉྩ་ཨོཾཿ བདུད་རྩི་མགྲིན་པར་གཏད་ལཿ ཧྲཱིཿབདེ་ཆེན་ཡུམ་ལྔའི་བྷན་དྷ་རུཿ འཆི་མེད་བྱང་སེམས་བདུད་རྩིར་འཁྱིལཿ སྐལ་ལྡན་བུ་ལ་བྱིན་པ་ཡིསཿ སྐྱེ་འཆི་མེད་པའི་དབང་ཐོབ་ཤོགཿ རྩ་སྔགས་དང༌། ཝཱཀྐ་ཨ་བྷི་ཥིཉྩ་ཨཱཿ ཚེ་རིལ་སྙིང་གར་གཏུགས་ལཿ ཧྲཱིཿབརྟན་གཡོའི་ཁམས་དང་སྟོབས་བཅུའི་དཔལཿ ཡོངས་ཀྱི་བཅུད་འདུས་ཚེའི་རིལ་བུཿ རིགས་ཀྱི་བུ་ལ་སྦྱིན་པ་ཡིསཿ རྡོ་རྗེའི་སྲོག་ལ་དབང་ཐོབ་ཤོགཿ རྩ་སྔགསཿ ཙིཏྟ་ཨ་བྷི་ཥིཉྩ་ཧཱུྃཿ རྗེས་ལ་ཚེ་འགུགས་རྒྱ་ཡིས་གདབཿ གཏང་རག་འབུལ་ཞིང་དམ་ཚིག་བསྲུངཿ ཐུགས་རྗེ་ལྡན་པའི་སློབ་དཔོན་གྱིསཿ མོས་གུས་ལྡན་པའི་སློབ་མ་ལཿ གཞུང་བཞིན་འདི་ནི་སུས་བསྐུར་བཿ འཆི་བདག་ཁ་རུ་ཚུད་ཀྱང་ཐོནཿ རིག་འཛིན་དམོད་པའི་སྟོབས་བཙན་པསཿ བྱད་དུ་བཅུག་ཀྱང་ཡ་མི་ངཿ དེ་ཕྱིར་སྙིང་ལས་གཅེས་པར་ཟུངཿ བཀའ་སྲུང་ལྕམ་དྲལ་མེལ་ཚེ་ཀྱིསཿ ས་མ་ཡཿརྒྱ་རྒྱ་རྒྱཿ སརྦ་མདྒ་ལཾཿ

རིག་འཛིན་ཚེ་སྒྲུབ་དམིགས་གནད་གལ་མདོ།


JLAZ010_Page_0231
[མ་དཔེ་གཟིགས་ན་འདིར་གནོན།]

རིག་འཛིན་ཚེ་སྒྲུབ་དམིགས་གནད་གལ་མདོ་བཞུགས། །རིག་འཛིན་ཚེ་ཡི་ལྷ་ལ་ཕྱག་འཚལ་ལོ། །ཚེ་སྒྲུབ་བདུད་རྩི་བུམ་བཅུད་ཀྱི་དམིགས་རྐང་ཉེར་བསྡུས། བཅས་ཤོམ་རྣམས་གཞུང་ལྟར་གྲུབ་ནས་སྒོམ་དོན་བདག་དང་སྒྲུབ་རྟེན་དབྱེར་མེད་ཨ་ཏིའི་རྣལ་འབྱོར་གྱི་ངེས་པས་རིག་འཛིན་གྱི་ལས་གཞུང་བསྲང་ལ། བསྟོད་པའི་རྗེས། ཧྲཱིཿ ཚེ་དབང་རིག་འཛིན་པདྨ་འབྱུང༌། །ཞེས་སོགས་ཀྱི་ཡེ་ཤེས་སེམས་དཔའ་ཚེ་དཔག་མེད་སྐུ་མདོག་དམར་གསལ་ལོངས་སྤྱོད་རྫོགས་སྐུའི་ཆ་བྱད་རང་འོད་ཀྱི་ཡུམ་དང་འཁྲིལ་ཞིང་ཕྱག་གཉིས་མཉམ་གཞག་གི་སྟེང་ན་པདྨ་རཱ་གའི་ཚེ་བུམ་འཛིན་ཅིང་ཡབ་ཡུམ་གཉིས་སུ་མེད་པའི་ཐུགས་ཀར་སྣོད་བཅུད་མ་ལུས་པའི་ཁམས་ཀྱི་དྭངས་མ་ཉི་ཟླའི་གའུ་ཁ་སྦྱོར་གྱི་ནང་དུ་ཐུགས་སྲོག་གི་སྙིང་པོ་ཧྲཱིཿདང༌། དེའི་གཡས་བསྐོར་དུ་སྔགས་ཕྲེང་ལུ་གུ་རྒྱུད་དུ་འཁོར་ཞིང་འོད་ཟེར་བཀྲག་ལྡན་དུ་འཕྲོ་བ་ལ་གསལ་བརྟན་གྱི་རྩལ་རྫོགས་པའི་དམིགས་པ་བརྩེ་གཅིག་ཏུ་བཞུར་ནས་སྙིང་པོ་བགྲངས་པས་སྔགས་ཕྲེང་རྣམས་ལས་འོད་ཟེར་དཀར་འཚེར་བ་ཐག་འཛིངས་པ་ལྟ་བུ་བུན་བུན་འཕྲོས། འོག་མིན་དག་པའི་ཞིང་གི་ངེས་པ་ལྔ་ལྡན་རྟག་པ་རྒྱུན་གྱི་འཁོར་ལོའི་ཡོན་ཏན་དང༌། རིག་འཛིན་དང་དྲང་སྲོང་རྣམས་ཀྱི་སྐལ་བར་གནས་པའི་ཚེ་


JLAZ010_Page_0232
[མ་དཔེ་གཟིགས་ན་འདིར་གནོན།]

བཅུད། བརྟན་པ་སྣོད་ཀྱི་འཇིག་རྟེན་དང༌། གཡོ་བ་བཅུད་ཀྱི་སེམས་ཅན་ཐམས་ཅད་ཀྱི་ཁམས་དང་བཀྲགས་མདངས་གཟི་བྱིན་དྭངས་བཅུད་ཚེ་དཔལ་བསོད་ནམས་ཐམས་ཅད་རྡོ་ཁབ་ལེན་གྱི་ལྕགས་ཕྱེ་ལེན་པ་ལྟར་བསྡུས་ནས་རང་ཉིད་ལ་ཐིམ་པའི་མོད་འཁོར་འདས་ཀྱི་དྭངས་བཅུད་དེ་དག་ཐམས་ཅད་སྐད་ཅིག་ཉིད་ལ་བཅུད་དུ་འདྲིལ་ནས་ཚེ་དཔག་མེད་ཀྱི་སྐུ་རྡུལ་ཕྲ་རབ་ཏུ་གྱུར་པས་ལུས་ཀྱི་ནང་ཁོངས་བ་སྤུའི་བུ་ག་ཚུན་ཆོད་ཀྱང་ཐིམ་གྱིས་འགགས་པས་རྡོ་རྗེའི་སྲོག་ལ་དབང་ཐོབ་ཅིང༌། གཡུང་དྲུང་ལྟ་བུའི་ལུས་སུ་གྱུར་པ་དམིགས་ཤིང༌། དེ་དག་ཀུན་ཀྱང་གཅིག་ལ་གཅིག་མི་རེག །གཅིག་གིས་གཅིག་མི་སྒྲིབ། ཡང་དོག་མེད་པ་ཏིལ་གང་ཕྱུར་བ་ལྟར་གནས་པ་ཐམས་ཅད་ཀྱི་ཞལ་ནས་ཚེའི་སྙིང་པོ་ཀུན་ལས་ཡང་སྙིང་དུ་གྱུར་པ་གནད་བསྐུལ་སྲོག་གི་རིག་པ་ཡི་གེ་འབྲུ་གཅིག་པོ་བུང་བ་ཚང་ཞིག་པ་ལྟར་འཇམ་ལ་སྙན་པ་སྒྲོགས་པར་བསམ་ལ། འཇམ་རླུང་བུམ་ཅན་དང་བཅས་པའི་འགོག་བཟླས་སམ། རྡོ་རྗེའི་བཟླས་པ་ཁོ་ན་ལ་གཞོལ་བ་ནི་དབང་པོ་ཡང་རབ་སྤྲོས་པ་དང་བྲལ་བ་རྣམས་ཀྱིས་རླུང་སེམས་དབྱེར་མེད་ཀྱི་ཚེ་སྒྲུབ་ཡིན་ནོ། །སྤྱིར་བཏང་གཞན་དོན་དུ་བསྒྲུབ་པ་དང༌། ཏིང་ངེ་འཛིན་དང་རླུང་སྟོབས་ཞན་པའི་དང་པོའི་ལས་


JLAZ010_Page_0233
[མ་དཔེ་གཟིགས་ན་འདིར་གནོན།]

ཅན་རྣམས་ཀྱིས་རང་ཉིད་ཀྱིས་སྒྲུབ་སྔགས་དང༌། ཚེ་དཔག་མེད་རྣམས་ཀྱིས་ཧྲཱིཿསྒྲ་སྒྲོགས་པར་བསམ་ལ་འོད་ཟེར་སྤྲོ་བསྡུ་བྱ་བ་ནི་གཙོ་བོར་གཅེས་ཤིང༌། གཞན་དོན་ལ་དམིགས་བྱའི་སྲོག་གི་ངོ་བོ་ཡི་གེ་ནྲྀའི་རྣམ་པ་ཐུགས་སྲོག་གི་ཁོང་དུ་བསམ་ནས་དེ་ལ་ཚེ་བཅུད་སྡུད་ཅིང༌། ཀུན་ལ་ཐུན་གྱི་སྨད་ཆར་རྡོ་རྗེའི་བཟླས་པ་ཅུང་ཟད་རེ་བྱས་པས་ལེགས་པར་འགྱུར་ལ། ཐུན་མཚམས་སུ་རིག་འཛིན་སོ་སོ་ལ་ཁྱད་པར་གྱི་དངོས་གྲུབ་བསྐུལ་བའི་ཚེ་འགུགས་ཟབ་གནད་ཅན་ལྟ་བ་བསྐྱེད་རིམ་གདུང་ཤུགས་གསུམ་ཀའི་ངར་ཆ་དང་ལྡན་པས་བྱས་རྗེས། སྐྱེ་ཤི་མེད་པ་ཆོས་དབྱིངས་རང་བྱུང་གི་ཀློང་དུ་རྒྱས་གདབ་ཅིང་ཚེ་སྦ་བ་ཡང་ཤིན་ཏུ་ཟབ་པའི་གནད་དོ། །

ཚེ་སྒྲུབ་བདུད་རྩི་བུམ་བཅུད་ཀྱི་དབང་བཤད་ལྷན་ཐབས་སུ་བྱས་པ།


JLAZ010_Page_0235
[མ་དཔེ་གཟིགས་ན་འདིར་གནོན།]

ཚེ་སྒྲུབ་བདུད་རྩི་བུམ་བཅུད་ཀྱི་དབང་བཤད་ལྷན་ཐབས་སུ་བྱས་པ་བཞུགས། །


JLAZ010_Page_0236
[མ་དཔེ་གཟིགས་ན་འདིར་གནོན།]

རིག་འཛིན་ཚེ་སྒྲུབ་ཀྱི་དབང་བཤད་ཉེར་བསྡུས་ལྷན་ཐབས་ནི། ཁྲུས་ནས་དབྱུང༌། བགེགས་གཏོར་བཏང༌། སྲུང་འཁོར་བསྒོམས་རྗེས། ནམ་མཁའ་དང་མཉམ་པའི་སེམས་ཅན་ཐམས་ཅད་ལ་ཕན་འདོད་ཀྱི་ལྷག་བསམས་ཡིད་ལ་མཆོག་ཏུ་བཅག་ནས་དམ་པའི་ཆོས་ཉན་པ་ལ་ཞུགས་པ་ནི་སྐྱེས་བུ་ཆེན་པོའི་ལམ་བསོད་ནམས་ཚད་མེད་པའི་འཇུག་ངོགས་ཡིན་ཏེ། རིན་ཆེན་ཕྲེང་བ་ལས། སེམས་ཅན་ཁམས་ནི་ཚད་མེད་ལ། །ཕན་འདོད་དེ་ནི་དེ་འདྲའོ། །ཞེས་སོ། །དེའི་ཕྱིར་སེམས་ཅན་ཐམས་ཅད་ཐུགས་ལ་བཅངས་ཏེ་གསན་པར་ཞུ། དེ་ཡང་སྣོད་ཀྱི་སྐྱོན་ཁ་སྦུབ་ཞབས་རྡོལ་དུག་ཅན་ཏེ་གསུམ། ང་རྒྱལ་དང་ནི་མ་དད་དང༌། །དོན་དུ་གཉེར་བ་མེད་ཉིད་དང༌། །ཕྱི་རོལ་རྣམ་གཡེང་ནང་དུ་སྡུད། །སྐྱོ་བ་ཉན་པའི་དྲི་མ་ཡིན། །ཞེས་དྲི་མ་དྲུག་དང་བཅས་པའང་སྤང་བྱ་ངེས་པ་བྱས་ནས་འདུ་ཤེས་བཞི་བསྟེན་པར་བྱ་སྟེ། སྡོང་པོ་བཀོད་པ་ལས། རིགས་ཀྱི་བུ་ཁྱོད་ཀྱིས་བདག་ཉིད་ལ་ནད་པའི་འདུ་ཤེས་བསྐྱེད་པར་བྱའོ། །ཆོས་ལ་སྨན་གྱི་འདུ་ཤེས་བསྐྱེད་པར་བྱའོ། །ནན་ཏན་ཉམས་སུ་ལེན་པ་ལ་ཉེ་བར་འཚོ་བའི་འདུ་ཤེས་བསྐྱེད་པར་བྱའོ། །དགེ་བའི་བཤེས་གཉེན་ལ་སྨན་པ་མཁས་པའི་འདུ་ཤེས་བསྐྱེད་པར་བྱའོ། །ཞེས་གསུངས་པ་ལ་དྲན་པ་ཉེ་བར་བཞག་སྟེ་གསན་པར་ཞུ། འདི་ལྟར་དམ་


JLAZ010_Page_0237
[མ་དཔེ་གཟིགས་ན་འདིར་གནོན།]

པའི་ཆོས་ཀྱི་སྒྲ་ཙམ་ཐ་ན་དུད་འགྲོའི་རྣ་ལམ་དུ་ཐོས་ནའང་ངན་སོང་གི་སྡུག་བསྔལ་ལས་གྲོལ་བའི་ནུས་པ་ཅན་ཡིན་པར་རྒྱལ་བའི་དབང་པོ་ཀློང་ཆེན་ཞབས་ཀྱིས། ཆོས་རྔ་སྒྲོག་པའི་སྒྲ་ཐོས་སེམས་ཅན་ཡང༌། །ངན་སོང་རྣམ་གྲོལ་ཉན་རྣམ་སྨོས་ཅི་དགོས། །ཅེས་གསུངས་པའི་ཕྱིར་ཁྱེད་ཅག་རྣམས་ཆོས་སྒྲ་སྒྲོགས་པ་ལ་མོས་པ་སྟོབས་སུ་གྱུར་པ་འདི་ཡང་སྲིད་པ་མང་པོར་ཚོགས་བསགས་པ་ཆོས་ཅན། དེ་ལྟར་ནའང་སློབ་དཔོན་ཞི་བ་ལྷས། དལ་འབྱོར་འདི་ནི་ཤིན་ཏུ་རྙེད་པར་དཀའ། །སྐྱེས་བུའི་དོན་འགྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་བསྒྲུབ་ན། །ཕྱི་ནས་ཡང་དག་འབྱོར་བ་ག་ལ་འགྱུར། །ཅེས་གསུངས་པས་ན། དེ་རེས་ཡིད་བཞིན་གྱི་ནོར་བུ་ལག་ཏུ་ལོན་པའི་དཔེས་ཀྱང་བརྒྱ་སྟོང་གི་ཆར་ཡང་མི་ཕོད་པའི་དལ་བའི་རྟེན་བཟང་འདི་ལྟ་བུ་རྙེད་པའི་གནས་སྐབས་ཐར་པ་དང་ཐམས་ཅད་མཁྱེན་པའི་གོ་འཕང་དོན་དུ་གཉེར་བའི་ཐབས་ལྷུར་ལེན་དགོས། དེ་ཅིས་ལེན་ན་ཁམས་དྲུག་ལྡན་གྱི་རྟེན་འདི་ཁོ་ན་ལ་ལྟོས་དགོས་པའི་ཕྱིར། སློབ་དཔོན་ངག་གི་དབང་ཕྱུག་གྲགས་པའི་ཞལ་ནས། ཆོས་སྤྱོད་དབང་པོ་ཐུལ་བ་ནི། །འཁོར་བ་རུ་ནི་ཇི་སྲིད་འཚོ། །དེ་སྲིད་བསོད་ནམས་ལ་སོགས་ཚོགས། །བྱང་ཆུབ་སྒྲུབ་བྱེད་རབ་ཏུ་སྐྱེ། །འཁོར་བར་


JLAZ010_Page_0238
[མ་དཔེ་གཟིགས་ན་འདིར་གནོན།]

སྲོག་ལས་གཅེས་པ་ནི། །ཅི་ཡང་ཡོད་པར་མ་མཐོང་སྟེ། །དེ་བས་མྱུར་དུ་ཐབས་མང་པོས། །འཆི་བ་བསླུ་བ་ཀུན་ཏུ་སྤྱད། །ཅེས་གསུངས་པ་ལྟར་མཐར་ཐུག་ངེས་ལེགས་ཀྱི་གོ་འཕང་དོན་དུ་གཉེར་བའི་ཆེད་དུ་ཚེ་དང་བསོད་ནམས་ལ་སོགས་པ་གནས་སྐབས་མངོན་པར་མཐོ་བའི་དཔལ་དང་ཡོན་ཏན་ལ་བརྟེན་པ་གསང་སྔགས་ཀྱི་ཁྱད་པར་ཡིན་ལ། དེ་ལྟ་བུའི་ཚུལ་ལ་རྒྱལ་བ་ཐབས་མཁས་ཤིང་ཐུགས་རྗེ་ཆེན་པོ་དང་ལྡན་པ་རྣམས་ཀྱིས་འཆི་མེད་སྒྲུབ་པའི་ཆོས་ཀྱི་རྣམ་གྲངས་ཇི་སྙེད་ཅིག་བསྟན་པ་རྣམས་ཀྱི་ནང་ནས་འདི་ནི་སྔ་འགྱུར་རྡོ་རྗེ་ཐེག་པའི་ཕྱོགས་སུ་གཏོགས་ལ། དེ་ལ་ཞལ་ནས་གསུངས་པའི་བཀའ་མ། རྗེས་སུ་གནང་བའི་གཏེར་མ། བྱིན་གྱིས་བརླབས་པའི་དག་སྣང་མ་སྟེ་བརྒྱུད་པའི་བཀའ་སྲོལ་ཆེན་པོ་གསུམ་དུ་གྲགས་པ་ལས། ཁྱད་པར་དུ་གྱུར་པ་འདིའི་ལོ་རྒྱུས་ཅུང་ཟད་སྙན་དུ་གསོལ་ན། ལུང་བསྟན་བཀའ་རྒྱ་མར། ལྷོ་ཕྱོགས་འོད་ཟེར་མིང་ཅན་སྤྲུལ་པའི་སྐུ། །ཟབ་དོན་སྙིང་ཐིག་ཆོས་ཀྱིས་འགྲོ་བ་བདྲེན། །འབྲེལ་ཚད་རིག་འཛིན་ཞིང་དུ་འཕེན་པ་འབྱུང༌། །ཞེས་སྙིང་ཐིག་གི་རྫོགས་རིམ་དང༌། རིག་འཛིན་གྱི་བསྐྱེད་རིམ་ལ་བརྟེན་ནས་རིམ་པ་བཞིའི་རྣལ་འབྱོར་ལ་སྦྱོར་བའི་ལམ་སྟོན་དུ་བསྔགས་པའི་ཕྱིར་རིག་འཛིན་འཛམ་གླིང་རྡོ་རྗེའི་


JLAZ010_Page_0239
[མ་དཔེ་གཟིགས་ན་འདིར་གནོན།]

གཏེར་ལུང་ལས་ཀྱང༌། དབུས་གཡོར་གཞུང་དུ་བྱང་སེམས་པདྨའི་མིང༌། །བཀའ་རྙིང་བསྟན་སྐྱོང་ཐབས་མཁས་འགྲོ་བ་འདུལ། །ཞེས་རྡོ་རྗེའི་ལུང་གིས་དཔང་པོར་བྱས་པ་བཞིན། དཔལ་ཨོ་རྒྱན་ཆོས་ཀྱི་རྒྱལ་པོ་ཡབ་ཡུམ་གྱིས་རང་བྱུང་རྡོ་རྗེ་འཇིགས་མེད་གླིང་པར་མིང་གིས་དབང་བསྐུར་བའི་སྐྱེས་བུ་ཉིད་ཀྱི་རྗེས་ལ་ཐོབ་པའི་རོལ་པ་དང་རྨི་ལམ་གྱི་སྣང་ཆ་སྒྱུ་མའི་རང་བཞིན་གཅིག་ཏུ་མཉམ་པའི་མིག་འཕྲུལ་ལྟ་བུའི་གསལ་སྣང་ལ་བལ་ཡུལ་གྱི་མཆོད་རྟེན་བྱ་རུང་ཁ་ཤོར་གྱི་གམ་དུ། ཆོས་སྐུ་ཡེ་ཤེས་ཀྱི་མཁའ་འགྲོ་མས་ཀློང་བྱང་ཡེ་ཤེས་ཀྱི་བརྡ་རིས་མངོན་དུ་སྤྲད་པ་ལས་བྱུང་བའི་ཆོས་སྡེ་གནད་བྱང་ཐུགས་ཀྱི་སྒྲོམ་བུ་ལས། དེ་དུས་ད་ལྟའི་རྗེ་འབངས་གྲོགསཿ བི་མ་རྒྱལ་སྲས་ལྷ་རྗེ་རྣམསཿ སྨོན་ལམ་ཐུགས་རྗེས་སྤྲུལ་པའི་སྲསཿ རང་བྱུང་རྡོ་རྗེ་པདྨ་དབངཿ གསང་མཚན་གར་དབང་འཇིགས་མེད་གླིངཿ རྟོགས་གྲོལ་དུས་མཉམ་ཐུགས་གཏེར་བདགཿ འཕགས་པས་རྗེས་སུ་བཟུང་བའི་རྟགསཿ ལག་གཡས་མཐིལ་ན་པདྨའི་སྤྱནཿ དབང་ཆེན་གསུང་གི་རིག་འཛིན་ཕྱིརཿ མཐེ་བོང་ཐུགས་སྲོག་ཧྱ་ཡིས་མཚནཿ རྟོགས་པ་ཀློང་དུ་གྱུར་པའི་རྟགསཿ ཚེམས་ལ་སྐྱེ་མེད་ཡི་གེ་ཨཿ སྙིང་རྗེ་


JLAZ010_Page_0240
[མ་དཔེ་གཟིགས་ན་འདིར་གནོན།]

ཆེ་ཞིང་རིག་པ་ཧུརཿ ཤེས་རབ་ཆེ་ཞིང་འཛིན་ཆགས་ཆུངཿ ཐུགས་སྒམ་ཚིག་བཙན་བློ་གྲོས་ཟབཿ ངེས་མེད་སྤྱོད་པ་ཅིར་ཡང་སྟོནཿ འཇིགས་པ་མེད་པའི་བརྟུལ་ཞུགས་ཅནཿ ཞུམ་མེད་སྣང་བ་ཟིལ་གྱིས་གནོནཿ དེ་ལ་ཐུགས་རྒྱུད་དངོས་གཏེར་རམཿ ཡང་ན་དགོངས་གཏེར་ཚུལ་དུ་འབེབསཿ ཞེས་གསུངས་པ་ལྟར་ཀློང་བྱང་བརྡ་བསྒྱུར་ནམ་མཁའ་མཛོད་ཀྱི་ཆོས་སྡེ་རིག་འཛིན་གྱི་ཚེ་སྒྲུབ་བདུད་རྩི་བུམ་བཅུད་ཀྱི་ཚེ་དབང་འབུལ་བར་སྐབས་སུ་བབས་པ་ཡིན་ཏེ། དེ་ཡང་རྩ་བར། ལྷ་སྔགས་ཏིང་འཛིན་དམིགས་པའི་གནདཿ ཀུན་ལས་ཁྱད་འཕགས་རིག་འཛིན་གྱིཿ ཚེ་སྒྲུབ་བདུད་རྩི་བུམ་བཅུད་འདིཿཆོས་བདག་སྐྱེས་བུའི་སྲོག་མཐུད་ཕྱིརཿ ཀློང་བྱང་མཁའ་འགྲོའི་བརྡ་རུ་བསྟནཿ ཅེས་གསུངས་པ་ལྟར། ཡེ་ཤེས་སེམས་དཔའ་ལ་བརྟེན་ནས་རྒྱལ་བ་འོད་མཚན་སྟོང་འབར་མངོན་དུ་བསྒྲུབ་ཅིང་ཚེ་དཔག་མེད་ཀྱི་གོ་ཆ་བསྐོན་པ། རིགས་ལྔའི་རིག་འཛིན་ལ་བརྟེན་ནས་འབྱུང་ལྔའི་ཁམས་ནས་བླ་ཚེ་བསྡུ་བ། དྷ་ན་སཾ་སྐྲྀ་ལ་བརྟེན་ནས་བླ་འཁྱམས་འགུགས་པ། བི་མ་མི་ཏྲ་ལ་བརྟེན་ནས་ཚེ་ཟད་པ་བསྲིང་བ། རོམྦུ་གུ་ཧྱ་ལ་བརྟེན་ནས་ལྷ་འདྲེ་མཐུ་བོ་ཆེས་བརྐུས་པའི་བླ་ཚེ་འཕྲོག་པ། ཤཱིནྟཾ་གརྦྷ་ལ་


JLAZ010_Page_0241
[མ་དཔེ་གཟིགས་ན་འདིར་གནོན།]

བརྟེན་ནས་ཕ་རོལ་བན་བོན་གྱིས་བྱད་དུ་བཅུག་པའི་བླ་ཚེ་བསྡུ་བ། འབྱུང་འཇུག་གནས་གསུམ་སྔགས་ཀྱི་ངོ་བོར་རྒྱས་འདེབས་པ་ལ་སོགས་ཏེ་ཁྱད་ཆོས་དུ་མ་དང་ལྡན་པའི་ཕྱིར། ཐུགས་རྗེ་ལྡན་པའི་སློབ་དཔོན་གྱིསཿ མོས་གུས་ལྡན་པའི་སློབ་མ་ལཿ གཞུང་བཞིན་འདི་ནི་སུས་བསྐུར་བཿ འཆི་བདག་ཁ་རུ་ཚུད་ཀྱང་ཐོནཿ བྱད་དུ་བཅུག་ཀྱང་ཡ་མི་ངཿ དེ་ཕྱིར་སྙིང་ལས་གཅེས་པར་ཟུང༌། ཞེས་ཆེད་དུ་བསྔགས་པ་ཡིན་ལ། དེ་ལྟ་བུའི་ཚེ་དབང་ཟབ་མོ་བསྐུར་བར་བྱེད་པ་ལ། བདག་རྡོ་རྗེ་སློབ་དཔོན་ཚེ་དབང་རིགས་འཛིན་དང་གཉིས་སུ་མེད་པའི་དཀྱིལ་འཁོར་གྱི་ངོ་བོར་རྫོགས་པ་ལ་མཎྜལ་འབུལ་བ་ཐུགས་ལ་བཏགས་པ་ཞུ། འོ་ཆོས་ཐམས་ཅད་ཀྱི་སྔོན་དུ་འགྲོ་ཞིང་གཞི་བརྟན་པར་བྱ་བ་ནི་དཀོན་མཆོག་གསུམ་ལ་སྐྱབས་སུ་འགྲོ་བ་དང༌། རྒྱལ་སྲས་ཀྱི་སྤྱོད་པ་ལ་སློབ་ཕྱིར། བྱང་ཆུབ་ཆེན་པོར་སེམས་བསྐྱེད་པ། རྒྱུད་དག་པར་བྱ་ཕྱིར་ཡན་ལག་བདུན་གྱིས་ཚོགས་བསག་པ་རྣམས་ཚེགས་ཆུང་ངུས་དོན་ཆེན་པོ་སྒྲུབ་པར་མ་ཟད། དབང་གི་འབྲས་བུ་ཆགས་པ་ལའང་མེད་དུ་མི་རུང་བ་ལགས་པས་དེ་དག་རང་རང་གི་ཚིག་དོན་ཡིད་ལ་བརྣག་པས་འདི་ནི་རྗེས་ཟློས་མཛད་པར་ཞུ། རྡོ་རྗེ་སློབ་དཔོན་སངས་


JLAZ010_Page_0242
[མ་དཔེ་གཟིགས་ན་འདིར་གནོན།]

རྒྱས་དཔལཿ དུས་གསུམ་བཞུགས་ལ་ཕྱག་འཚལ་ལོཿམཆོག་གསུམ་བསྟེན་པའི་ཞིང་གྱུར་ལཿ གཉིས་མེད་ཡིད་ཀྱིས་སྐྱབས་སུ་མཆིཿདངོས་འབྱོར་ཡིད་ཀྱིས་རྣམ་འཕྲུལ་པའིཿདག་པའི་མཆོད་པ་བཞེས་སུ་གསོལཿ དངོས་གྲུབ་ཆུ་བོ་གཅོད་པའི་གེགསཿ ཉེས་བྱས་མ་ལུས་བཤགས་པར་བགྱིཿ ཕྱོགས་བཅུ་འཁོར་གསུམ་དག་པའི་ཆོསཿ མ་ཆགས་སྤྱོད་ལ་རྗེས་ཡི་རངཿ དག་པའི་མཐའ་བཞི་དྲི་མ་མེདཿ རྫོགས་པའི་བྱང་ཆུབ་སེམས་བསྐྱེད་དོཿབདེ་གཤེགས་དབང་ཕྱུག་སེམས་ཅན་ལཿ དགོས་པ་གསུམ་ཕྱིར་ལུས་འབུལ་ལོཿཚེ་རབས་བགྲངས་པའི་དགེ་བ་ཀུནཿ བསྡུས་ཏེ་བྱང་ཆུབ་ཆེན་པོ་བསྔོཿཞེས་པའི་རྗེས་ལཿ འཆི་མེད་མགོན་པོ་པདྨ་འབྱུངཿ སོགས་ཀྱི་རྗེས་ཟློས་མཐར། བྱིན་འབེབས་ཚེ་འགུགས། ཨ་མྲྀ་ཏས་བསངས། སྣ་ཚོགས་པདྨ་ཉི་ཟླའི་སྟེངཿ ཧཱུཾ་ལས་སྐད་ཅིག་དྲན་རྫོགས་སུཿ སློབ་མ་སངས་རྒྱས་ཀུན་ཀྱི་དངོསཿ སྣང་སྲིད་ཟིལ་གནོན་པདྨ་འབྱུངཿ ཞལ་གཅིག་ཕྱག་གཉིས་དཀར་དམར་མདངསཿ ཐེག་གསུམ་རྫོགས་པའི་བརྡ་རྟགས་སུཿ ཕོད་ཁ་ཆོས་གོས་བེར་མདུང་མནབསཿ ཕྱག་གཡས་རྡོ་རྗེ་རྩེ་ལྔ་བསྡིགསཿ གཡོན་པ་བྷནྡྷ་ཚེ་བུམ་བསྣམསཿ མཆན་ཁུང་གཡོན་ན་ལྷ་ལྕམ་མཛེསཿ དབུ་ལ་པདྨའི་མཉེན་ཞུ་གསོལཿ


JLAZ010_Page_0243
[མ་དཔེ་གཟིགས་ན་འདིར་གནོན།]

རྒྱལ་པོ་རོལ་པའི་སྟབས་སུ་འགྱིངཿ སྤྱི་བོར་ཚེ་དཔག་མེད་ཡབ་ཡུམཿ མཉམ་པར་སྦྱོར་བའི་མཁའ་གསང་ནསཿ བདེ་ཆེན་བྱང་སེམས་བདུད་རྩིའི་རྒྱུནཿ བབས་པས་ལུས་གང་བདེ་བས་མྱོསཿ རྡོ་རྗེའི་སྲོག་ལ་དབང་ཐོབ་དམིགསཿ ཧཱུྃཿ སྤྲོས་བྲལ་ཆོས་སྐུའི་ཕོ་བྲང་ནསཿ སོགསཿ ཏིཥྛ་བཛྲས་བརྟན་བྱ། དེ་ནས་སློབ་དཔོན་ཚེ་དཔག་མེད་དུ་གསལ་བ་དང་མདུན་བསྐྱེད་ཀྱི་ཐུགས་ཀ་ནས་འོད་ཟེར་དཀར་འཚེར་བ་ཐག་འཛིངས་པ་ལྟ་བུ་བུན་བུན་འཕྲོས་འོག་མིན་དག་པའི་ཞིང་ངེས་པ་ལྔ་ལྡན་རྟག་པ་རྒྱུན་གྱི་འཁོར་ལོའི་ཡོན་ཏན་དང་ཕྲིན་ལས་རིག་འཛིན་དྲང་སྲོང་རྣམས་ཀྱི་བསྐལ་པར་གནས་པའི་ཚེ་བཅུད། བརྟན་པ་སྣོད་ཀྱི་འཇིག་རྟེན་དང༌། གཡོ་བ་བཅུད་ཀྱི་སེམས་ཅན་ཐམས་ཅད་ཀྱི་ཁམས་དང་བཀྲག་མདངས་གཟི་བྱིན་དྭངས་བཅུད། ཚེ་དཔལ་བསོད་ནམས་ཐམས་ཅད་རྡོ་ཁབ་ལེན་གྱིས་ལྕགས་ཕྱེ་བླངས་པ་ལྟར་བསྡུས་ནས་ཁྱོད་རང་ལ་ཐིམ་པའི་མོས་པར་མཛོད། ཨོཾ་རང་སྣང་ཟངས་མདོག་དཔལ་གྱི་རིཿསོགས། དབང་དངོས་གཞི་གཏང་རག་མཎྜལ་དགེ་བ་བསྔོ་བ་རྣམས་བྱའོ།། །།

ཡུམ་ཀ་བདེ་ཆེན་རྒྱལ་མོའི་ལོ་རྒྱུས།


JLAZ010_Page_0245
[མ་དཔེ་གཟིགས་ན་འདིར་གནོན།]

༂ ཡུམ་ཀ་བདེ་ཆེན་རྒྱལ་མོའི་ལོ་རྒྱུས་བཞུགསཿ ༂ ཌཱཀྐི་ལ་ན་མོཿ ཆུ་མོ་སྦྲུལ་གྱི་ལོརཿ སྐུའི་དབེན་གནས་སྒྲགས་ཀྱི་ཡང་རྫོང་དུ་ཚོགས་ཀྱི་འཁོར་ལོ་སྟོང་རྩ་དངཿ མཁའ་འགྲོའི་མེ་མཆོད་སོགས་ཀྱི་ཆེད་གནས་འབྲེལ་དུ་ལྷགས་པ་ལསཿ རེ་ཞིག་ན་གཡོ་རུ་སྒྲགས་ཀྱི་གྲོང་མོ་ཆེ་དང་ཉེ་བ་མཚོ་རྒྱལ་བླ་མཚོར་སླེབས་པའི་ཚེཿ མྱོང་གྲོལ་བདུད་རྩིའི་ཕུར་མ་དངཿ མཚོ་དར་བཅས་ཕུལ་བ་སྲོག་ཆགས་འཛུལ་བ་ལྟར་དལ་རིམ་གྱིས་གཏིང་དུ་སོང་བའི་དར་མཇུག་མཚོ་ཁར་སྐྱ་ཡ་ལེར་བསྡད་སོང་བསཿ ངོ་མཚར་གྱི་སྣང་བ་ཅུང་ཟད་སྐྱེསཿ དེར་དག་པའི་ཤེས་པ་ལྷན་སྐྱེས་སུ་ཤར་ནས་ཐ་མལ་གྱི་སྣང་བ་སྤངས་པས་ཆུ་ལ་བཏུང་བ་དངཿ ཉེ་རེག་བྱས་པའི་ཚེཿ སྐད་ཅིག་དེར་བུང་བ་ཤིན་ཏུ་གནག་པ་མེ་ཏོག་ཨུཏྤ་ལའི་རྣམ་པ་ལྟ་བུ་ཞིག་འཕུར་ལྡིང་བྱེད་པ་དངཿ རྒྱུད་མངས་གྱི་སྒྲ་ལྟ་བུ་སྦོམ་ལ་འགྱུར་བ་ལན་གསུམ་སྒྲོགས་པའི་རྐྱེན་ལས་ཐ་མལ་གྱི་སྣང་བ་གཏད་མེད་དུ་སོངཿ སྣང་སེམས་ཆོས་ཉིད་གསུམ་འདྲེས་པའི་ཀློང་ནས་ཡེ་ཤེས་ཀྱི་མཁའ་འགྲོ་མ་སྐུ་མདོག་དམར་གསལ་རིན་པོ་ཆེ་དང་རུས་པའི་རྒྱན་དྲུགཿ མེ་ཏོག་གི་དོ་ཤལ་འཕྱང་འཕྲུལ་དུ་གཡོ་བ་ཞིག་གིསཿ རང་གི་མངོན་པར་རྟོགས་པའི་ཆོ་ག་སྙིང་པོ་དང་བཅས་པ་ལེགས་པར་བསྟན་ནསཿ མཁའ་འགྲོ་


JLAZ010_Page_0246
[མ་དཔེ་གཟིགས་ན་འདིར་གནོན།]

ང་ནི་ཆོས་སྐུའི་ཀློང་ནས་འོངཿ འགྲོ་དང་འོང་བའི་རྣམ་རྟོག་ཡོད་མ་ཡིནཿ བུ་མོ་ང་ནི་གནས་ཡུལ་ཉེར་བཞིའི་བདགཿ རྔ་ཡབ་དཔལ་རི་སྤྲུལ་པའི་ཞིང་ནས་འོངཿ བཀོད་པ་ལུས་ལ་སྔགས་ཀྱི་ཡོན་ཏན་རྫོགསཿ བུ་མོ་ང་ནི་དུས་གསུམ་རྒྱལ་བའི་ཡུམཿ ང་ལས་མ་སྐྱེས་དཀོན་མཆོག་གསུམ་ཡང་མེདཿ མཁའ་འགྲོ་ང་སྒྲུབས་སྐུ་གསུམ་དངོས་གྲུབ་ཐོབཿ གདུལ་བྱའི་འགྲོ་དོན་ལྷོ་ནུབ་ཕྱོགས་ལ་ཡོདཿ རྟེན་འབྲེལ་མ་འཆོལ་ལས་ཅན་སྐྱེས་བུའི་ཚེཿཐིག་ལེ་དྲུག་གི་ཀློང་དུ་ངས་༼བརྡ་ཡིག་ཡོད། ༽ གསོས་བཏབཿ ཞེས་གསུངས་པའི་མོད་ལ་མཁའ་འགྲོ་གསང་བའི་ཡི་གེ་རྫུ་འཕྲུལ་གྱི་བཀོད་པ་ཟད་མི་ཤེས་པ་དང་གཉིས་སུ་མེད་པར་འདྲེས་ནས་སྙིང་གི་དབུས་སུ་ཐིམ་པར་བྱས་སོཿདེའི་ཚེ་ཆོས་རྗེ་བྲག་ཕུག་པ་མདུན་ན་ཡོད་པ་ནན་གྱིས་བཏུད་ནས་གཟིགས་སྣང་ཅི་བྱུང་ཞེས་དྲི་བར་མཛད་པས་བཏང་སྙོམས་སུ་འཇོག་པའི་རྟེན་འབྲེལ་ནི་སདཿ གསང་བའི་དམ་ཚིག་ཞག་ལྔར་བསྲུངས་ནས་དམར་ཕྱོགས་ཀྱི་མཁའ་འགྲོ་འདུ་བའི་ཚེས་ལ་ཚོགས་དང་མཆོད་པའི་འདུ་བ་རྒྱ་ཆེན་པོ་དང་བཅས་ཡང་རྫོང་དུས་དགྲའི་དབང་པོའི་ཕོ་བྲང་དུ་རྟེན་འབྲེལ་ཟབ་མོའི་མཚམས་སྦྱོར་དང་བཅས་རྒྱ་ཁྲོལཿ

ཀློང་ཆེན་སྙིང་གི་ཐིག་ལེ་ལསཿ ཡུམ་ཀའི་བྱིན་རླབས་དབང་གི་ཆོ།


JLAZ010_Page_0247
[མ་དཔེ་གཟིགས་ན་འདིར་གནོན།]

༂ ཀློང་ཆེན་སྙིང་གི་ཐིག་ལེ་ལསཿ ཡུམ་ཀའི་བྱིན་རླབས་དབང་གི་ཆོ་ག་བཞུགསཿ ༼བརྡ་ཡིག་ཡོད། ༽བྱིན་རླབས་དབང་གི་རིམ་པ་ནིཿ མཁའ་འགྲོ་འདུ་བའི་དུས་མཉན་ལཿ ཚོན་དཀྱིལ་གཉིས་སམ་ཚོམ་བུའི་སྟེངཿ བྷནྡྷ་མཚན་ལྡན་བདུད་རྩིས་བཀངཿ ཨ་མྲྀ་ཏ་དང་ཉེར་ལྔས་བྲནཿ སིན་དྷུ་རས་བཅགས་མེ་ལོང་ལཿ གཤེགས་མ་ལྔ་ཡི་ས་བོན་བྲིཿསྟེང་དུ་དྲིལ་བཅས་ལྡིང་གུར་ཕུབཿ ཉེར་སྤྱོད་ཚོགས་གཏོར་བཟང་དུ་བཤམཿ ལས་གཞུང་བསྲང་ལ་བཟླས་པ་བྱཿཚོགས་ཕུལ་རིག་པའི་མེ་ཏོག་དོརཿ སློབ་མ་བཀྲུ་ཞིང་བགེགས་དང་ཕྲལཿ ཀུན་མཁྱེན་ཡེ་ཤེས་ཕུང་པོ་ཅནཿ སྲིད་པའི་འཁོར་ལོ་རྣམ་སྦྱོང་བཿ དེ་རིང་བཤད་པའི་རིན་ཆེན་གཏེརཿ གཙོ་བོས་བདག་ལ་བཀའ་དྲིན་སྩོལཿ ལན་གསུམ་རྗེས་ཟློས་ལོ་རྒྱུས་བཤདཿ ཚད་མེད་བཞི་དང་སྐྱབས་སེམས་འབོགཿ དེ་ནས་དབང་གི་དོན་པོ་ནིཿ ཡེ་ཤེས་དབབ་ལ་ནན་ཏན་བྱཿསློབ་མའི་རྣམ་ཤེས་རཾ་ཡིག་ལསཿ མེ་འབར་རྣམ་སྨིན་ཕུང་པོ་བསྲེགསཿ འོད་ཀྱི་རྣམ་པའི་སྟོང་གཟུགས་ལསཿ མཁའ་འགྲོ་བདེ་ཆེན་རྒྱལ་མོ་ནིཿ ཞལ་གཅིག་ཕྱག་གཉིས་སྐུ་མདོག་དམརཿ གཅེར་མོ་མཉམ་པའི་དོར་སྟབས་ཅནཿ ཤིན་ཏུ་ཆགས་དང་བཞད་པའི་ཞལཿ ཕྱག་གཡས་ཐོད་པའི་ཅང་ཏེའུཿསྙན་གྱི་ཐད་ཀར་གཏོད་ཅིང་འཁྲོལཿ གཡོན་པའི་གྲི་གུག་ཡུ་བ་ནིཿ དཀུ་ལ་བརྟེན་ནས་མཆོག་ཏུ་འགྱིངཿ བྷ་ག་རྒྱས་ཤིང་ནུ་མ་འབུརཿ རིན་པོ་ཆེ་དང་གཞོན་ནུའི་རྒྱནཿ པུནྜ་རི་ཀའི་དོ་ཤལ་འཕྱངཿ རུས་པའི་


JLAZ010_Page_0248
[མ་དཔེ་གཟིགས་ན་འདིར་གནོན།]

རྒྱན་དྲུག་སྐུ་ལ་མཛེསཿ གནག་སྣུམ་དབུ་སྐྲའི་ལན་ཚར་ཅནཿ རིན་པོ་ཆེ་ཡི་རྩེ་བྲན་བརྗིདཿ དབུ་མའི་སྤྱན་ནི་དབྱིངས་ལ་གཟིགསཿ ལོངས་སྐུའི་སྤྱན་གྱིས་འགྲོ་བ་འདུལཿ སྤྲུལ་སྐུའི་སྤྱན་གྱིས་ཁམས་གསུམ་འགུགསཿ སྐུ་ལ་རྒྱུད་སྡེའི་དཀྱིལ་འཁོར་རྫོགསཿ འབུམ་ཕྲག་ཡངས་པའི་མཁའ་འགྲོས་བསྐོརཿ ཐུགས་ཀར་ཨཱརྱ་ཏཱ་རེ་མཿ ལྗང་སྔོན་ཞལ་གཅིག་ཕྱག་གཉིས་ཚུལཿ དེ་ཡི་ཐུགས་ཀར་ཡེ་ཤེས་ཀྱིཿཕག་མོ་གནག་སྣུམ་གྲི་ཐོད་ཅནཿ སེམས་དཔའ་སུམ་བརྩེགས་གནས་ལྔ་རུཿཕྱག་མཚན་ལྔ་དང་ས་བོན་ལྔསཿ མཚན་པ་དེ་ལས་འོད་འཕྲོས་པསཿ འོག་མིན་གནས་དང་མཁའ་སྤྱོད་ཞིངཿ གཡུ་ལོ་བཀོད་དང་པདྨ་འོདཿ རང་བཞིན་གནས་ནས་ཡེ་ཤེས་པཿདྲངས་ཏེ་གཉིས་སུ་མེད་པར་བསྟིམཿ ཧཱུྃཿཡུལ་གྱི་མིང་ནི་རྒྱ་གར་ཡུལཿ གནས་ཀྱི་མཆོག་གྱུར་ཨོ་རྒྱན་གནསཿ དྷུ་མ་ཐ་ལ་མཁའ་འགྲོའི་གྲོངཿ གླིང་གི་གླིང་མཆོག་རྔ་ཡབ་གླིངཿ དོན་ལ་འོག་མིན་བདེ་ཆེན་ཞིངཿ རྣམ་པ་མཁའ་སྤྱོད་སྤྲུལ་པའི་གནསཿ དགྱེས་ཤིང་བཞུགས་པའི་ཡུལ་ཀུན་ནསཿ ཆོས་སྐུ་ཡུམ་ཆེན་འཚོ་རྒྱལ་མཿ འབུམ་ཕྲག་མཁའ་འགྲོའི་འཁོར་དང་བཅསཿ བྱིན་གྱིས་བརླབ་ཕྱིར་གཤེགས་སུ་གསོལཿ གནས་མཆོག་འདི་རུ་ཕྱིན་ཕོབ་


JLAZ010_Page_0249
[མ་དཔེ་གཟིགས་ན་འདིར་གནོན།]

ལཿ སྒྲུབ་མཆོག་བདག་ལ་དབང་བཞི་བསྐུརཿ བགེགས་དང་ལོག་འདྲེན་བར་ཆད་སོལཿ མཆོག་དང་ཐུན་མོང་དངོས་གྲུབ་སྩོལཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་ཛྙཱ་ན་ཝཱ་རཱ་ཧཱི་ཕེཾེཾ་ཕེཾཿསྤོས་རོལ་དང་བཅས་བྱིན་ཆེན་དབབཿ ཏིཥྛ་བཛྲས་བརྟན་པར་བྱཿབདེ་སྐྱོང་བུམ་པ་སྤྱི་བོར་བཞགཿ ཧོཿགསང་སྔགས་དམ་ཚིག་བླ་ན་མེདཿ རང་བྱུང་ལྷུན་གྲུབ་བུམ་པའི་དབངཿ སངས་རྒྱས་ཀུན་ཀྱི་གསང་གསུམ་གྱིཿ དབང་བསྐུར་དམ་པ་ཁྱོད་ལ་སྤྱིནཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟ་རེ་ཏུ་རེ་ཛྙཱ་ན་ཝཱ་རཱ་ཧཱི་ཀ་ལ་ཤ་ཨ་བྷི་ཥིཉྩ་ཧཱུྃཿསྤྱི་བོར་གཏུགས་ཤིང་ཧུབ་གང་བྱིནཿ མགྲིན་པར་བཞག་ཅིང་ལྕེ་ལ་བླུདཿ ཧོཿ བྱང་ཆུབ་སེམས་ཀྱི་དམ་ཚིག་ནིཿ རྩ་ཁམས་ཡི་གེའི་འཁོར་ལོར་བསྟིམཿ བརྗོད་པ་མེད་ལས་ཐམས་ཅད་སྐྱེསཿ གྲགས་སྟོང་གསུང་གི་དབང་ཐོབ་ཤོགཿ རྩ་སྔགས་དངཿ བྷོ་དྷི་ཙིཏྟ་ཨ་བྷི་ཥིཉྩ་ཧཱུྃཿབགྲང་ཕྲེང་བཟུང་ལ་སྔགས་རྗེས་ཟློསཿ སིན་ངྷུ་ར་ཡི་དཀྱིལ་འཁོར་གཏད་ལཿ ཧོཿཡེ་ཤེས་རྣམ་པ་ཐམས་ཅད་པཿདགའ་བ་བཞི་ལ་ཡང་དག་བརྟེནཿ ཐབས་ཤེས་འབྲེལ་བའི་དམ་ཚིག་གིཿཕྱག་རྒྱ་ཆེན་པོ་ཁྱོད་ཀྱིས་ལོངསཿ ཛཿཧཱུྃ་བཾ་ཧོཿཨ་ཧོ་མ་ཧཱ་སུ་ཁཿསིནྡྷུ་


JLAZ010_Page_0250
[མ་དཔེ་གཟིགས་ན་འདིར་གནོན།]

ར་ནི་སྙིང་གར་བྱུགཿ དྲིལ་བུ་དཀྲོལ་ཞིང་དེའི་སྒྲ་ལཿ དཔོན་སློབ་གཉིས་ཀས་རིག་པ་གཏདཿ ཧོཿསྒྲ་ནི་གྲགས་པ་ཉིད་ནས་སྟོངཿ དེ་བཞིན་སེམས་ལ་ངོ་བོ་མེདཿ ངོ་བོ་མེད་པའི་གནས་ལུགས་ལཿ བལྟ་བྱ་སྤངས་ནས་ཡང་དག་ལྟོསཿ ཨ་ཨ་ཞེས་བརྗོད་དོན་ངོ་སྤྲདཿ དབང་བཞི་རྫོགས་པའི་དམ་ཚིག་ཏུཿརྡོ་རྗེ་སློབ་དཔོན་མི་སྤང་ཞིངཿ མར་ངོའི་ཚེས་བཅུ་རྒྱུན་མི་གཅདཿ གཞོན་ནུ་མ་ལ་བསྙེན་བཀུར་བྱཿརྟག་ཏུ་བྱང་ཆུབ་སེམས་གཉིས་བསྒོམཿ གཙོ་བོས་ཇི་ལྟར་བཀའ་སྩལ་པཿསོགས་དང་དགེ་བ་རྫོགས་བྱང་བསྔོཿས་མ་ཡཿཆོ་ག་གཅིག་གིས་ ༼རྣལ་འབྱོར་མའི་༽བྱིན་རླབས་དངཿ ༼སྒྲོལ་མའི་༽རྗེས་གནང་༼ཕག་མོའི་༽དབང་བསྐུར་གསུམ་རྫོགས་པཿདམ་ཚིག་འཆལ་བར་མི་གཏོང་ཞིངཿ ཉམས་སུ་ལེན་པའི་གང་ཟག་ལསཿ གཞན་དུ་སྤེལ་ན་བཀའ་ཆད་འབྱུངཿ ས་མ་ཡཿ རྒྱ་རྒྱ་རྒྱཿབརྡ་རྒྱཿགཏེར་རྒྱཿསྦས་རྒྱཿཟབ་རྒྱཿ

ཀློང་ཆེན་སྙིང་གི་ཐིག་ལེ་ལསཿ ཡུམ་ཀ་འཚོ་རྒྱལ་བདེ་ཆེན་རྒྱལ་མོའི་རྩ་བའི་སྒྲུབ་པ་བདེ་ཆེན་དཔལ་ཕྲེང་།


JLAZ010_Page_0251
[མ་དཔེ་གཟིགས་ན་འདིར་གནོན།]

༂ ཀློང་ཆེན་སྙིང་གི་ཐིག་ལེ་ལསཿ ཡུམ་ཀ་འཚོ་རྒྱལ་བདེ་ཆེན་རྒྱལ་མོའི་རྩ་བའི་སྒྲུབ་པ་བདེ་ཆེན་དཔལ་ཕྲེང་བཞུགསཿ


JLAZ010_Page_0252
[མ་དཔེ་གཟིགས་ན་འདིར་གནོན།]

མཁའ་འགྲོ་བདེ་ཆེན་རྒྱལ་མོར་བདུདཿ དཀྱིལ་འཁོར་ཟླ་གམ་སྒོ་གཅིག་དབུསཿ ཆོས་འབྱུང་དམར་པོ་ལྷ་མཚན་ཅནཿ དེ་སྟེང་བདེ་སྐྱོང་མ་དཱ་ནཿ ཡང་ན་རིན་ཆེན་སྨན་བཅུད་གཏམསཿ ཤེལ་དང་མེ་ལོང་སྲོག་གི་རྟེནཿ ཕྱི་ནང་མཆོད་པས་མཐའ་ནས་བསྐོརཿ ནུབ་གྱིས་ཕྱོགས་སུ་ཁ་བསྟན་ལཿ དང་པོ་སྐྱབས་སུ་འགྲོ་བ་ནིཿ ན་མོཿ སྐྱེ་མེད་ཡེ་ཤེས་མཁའ་འགྲོའི་སྐུཿ འགགས་མེད་རང་བྱུང་རྣལ་འབྱོར་མཿ རྒྱལ་ཡུམ་རྡོ་རྗེ་ཕག་མོ་ལཿ འདུ་འབྲལ་མེད་པར་སྐྱབས་སུ་མཆིཿལན་གསུམ་གཉིས་པ་སྨོན་འཇུག་སེམསཿ ཧོཿའདི་ནས་བྱང་ཆུབ་མ་ཐོབ་པརཿ ཡེ་ཤེས་མཁའ་འགྲོ་ཁྱོད་བསྒྲུབ་


JLAZ010_Page_0253
[མ་དཔེ་གཟིགས་ན་འདིར་གནོན།]

ནསཿ ཕྱོགས་རིས་བྲལ་བའི་སེམས་ཅན་རྣམསཿ བདེ་ཆེན་ས་ལ་འགོད་པར་བགྱིཿ ལན་གསུམ་གསུམ་པ་མཆོད་གཏོར་བརླབཿ ཨོཾ་ཨཱཿཧཱུྃཿདངོས་པོ་འཛིན་པའི་རྣམ་རྟོག་ཀུནཿ ཕྱི་ནང་གསང་གསུམ་མཆོད་པའི་སྤྲིནཿ ཀུན་ཏུ་བཟང་པོའི་འདོད་ཡོན་ནིཿ ནམ་མཁའ་ལྟ་བུར་འཛད་པ་མེདཿ སརྦ་པཱུ་ཛ་ས་མ་ཡ་ཧོཿབཞི་པ་བསྐྱེད་རིམ་ཨ་ཏིར་སྒོམཿ ཨཱཿསྣང་བ་ཐམས་ཅད་ཡུམ་ལྔའི་ཀློངཿ སྲིད་པ་ཐམས་ཅད་མཁའ་འགྲོའི་དལཿ རྒྱུ་རྐྱེན་ལས་འདས་གཞལ་ཡས་ཁངཿ ཐིག་ལེ་ཉག་གཅིག་ཆོས་དབྱིངས་སྒོཿབདེ་ཆེན་འབར་བའི་ཕོ་བྲང་དབུསཿ ཆུ་སྐྱེས་གེ་སར་བཞད་པའི་སྟེངཿ ཉི་མའི་གདན་ལ་མཁའ་འགྲོའི་གཙོཿ ཆོས་སྐུའི་ཀློང་ན་ཀུན་བཟང་མོཿ ལོངས་སྐུའི་


JLAZ010_Page_0254
[མ་དཔེ་གཟིགས་ན་འདིར་གནོན།]

ཞིང་ན་ཝཱ་རཱ་ཧཱིཿ སྤྲུལ་སྐུ་ཡེ་ཤེས་མཚོ་རྒྱལ་མཿ ཞལ་གཅིག་ཕྱག་གཉིས་སྐུ་མདོག་དམརཿ གཅེར་མོ་མཉམ་པའི་དོར་སྟབས་ཅནཿ ཤིན་ཏུ་ཆགས་དང་བཞད་པའི་ཞལཿ ཕྱག་གཡས་ཐོད་པའི་ཅང་ཏེའུཿ སྙན་གྱི་ཐད་ཀར་གཏོད་ཅིང་འཁྲོལཿ གཡོན་པ་གྲི་གུག་ཡུ་བ་ནིཿ དཀུ་ལ་བརྟེན་ནས་མཆོག་ཏུ་འགྱིངཿ བྷ་ག་རྒྱས་ཤིང་ནུ་མ་འབུརཿ རིན་པོ་ཆེ་དང་གཞོན་ནུའི་བརྒྱནཿ པུཎྜ་རི་ཀའི་དོ་ཤལ་འཕྱངཿ རུས་པའི་རྒྱན་དྲུག་སྐུ་ལ་མཛེསཿ གནག་སྣུམ་དབུ་སྐྲའི་ལན་ཚར་ཅནཿ རིན་པོ་ཆེ་ཡི་རྩེ་བྲན་བརྗིདཿ དབུ་མའི་སྤྱན་ནི་དབྱིངས་གྱེན།ལ་གཟིགསཿ ལོངས་སྐུའི་སྤྱན་གྱིས་གཡོན་ཐད་ཀ །འགྲོ་བ་འདུལཿ སྤྲུལ་སྐུའི་སྤྱན་གྱིས་གཡས་འོག །ཁམས་གསུམ་འགུགཿ སྐུ་ལ་རྒྱུད་སྡེའི་དཀྱིལ་འཁོར་རྫོགསཿ ཐུགས་ཀ་དཔལ་གྱི་བེའུའི་དབྱིངསཿ མ་བསྐྱེད་རང་བྱུང་ཡོངས་གྲུབ་ལྷཿའཁོར་ལོ་རྩིབས་ལྔའི་ལྟེ་བ་རུཿཀུན་གཞིའི་ཡིད་ཆོས་གནས་དག་པའིཿཁྱབ་གདལ་རིག་པ་ཀུན་ཏུ་བཟངཿ སྣང་སྟོང་གཉིས་མེད་ཡུམ་དང་སྦྱོརཿ རྩིབས་ལྔར་གཟུགས་ཚོར་འདུ་ཤེས་དངཿ འདུ་བྱེད་རྣམ་ཤེས་དག་པའི་ལྷཿརྣམ་སྣང་རིན་འབྱུང་སྣང་མཐའ་དངཿ དོན་གྲུབ་རྡོ་རྗེ་མི་བསྐྱོད་པརཿ ས་ཆུ་སྤྱན་དང་མཱ་མ་


JLAZ010_Page_0255
[མ་དཔེ་གཟིགས་ན་འདིར་གནོན།]

ཀཱིཿ མེ་རླུང་གོས་དཀར་དམ་ཚིག་སྒྲོལཿ ནམ་མཁའ་དབྱིངས་ཀྱི་དབང་ཕྱུག་ལྔརཿ གནས་དག་རིགས་ཀྱི་ཡུམ་ལྔས་འཁྲིལཿ གཡས་ཕྱོགས་དབང་པོའི་རྩ་བཞི་ལཿ རྣམ་ཤེས་དག་པའི་ནང་སེམས་བཞིརཿ ཡུལ་བཞི་དག་པའི་སེམས་མས་འཁྲིལཿ མིག་ལ་ས་སྙིང་སྒེག་མོ་མཿ རྣ་བར་ཕྱག་རྡོར་གླུ་མ་གཉིསཿ སྣ་ལ་ནམ་སྙིང་ཕྲེང་བ་མོཿ ལྕེ་ལ་སྤྱན་རས་གཟིགས་གར་མཿ གཡོན་ཕྱོགས་དབང་པོའི་རྩ་བཞི་ལཿ དབང་པོ་དག་པའི་ཕྱི་སེམས་བཞིརཿ དུས་བཞི་དག་པའི་སེམས་མས་འཁྲིལཿ མིག་ལ་བྱམས་པ་བདུག་སྤོས་མཿ རྣ་བར་སྒྲིབ་སེལ་མེ་ཏོག་ཅནཿ སྣ་ལ་ཀུན་བཟང་ཨཱ་ལོ་ཀེཿལྕེ་ལ་འཇམ་དཔལ་དྲི་ཆབ་མཿ དཔྲལ་བ་ལྕེ་དག་སྙིང་ག་དངཿ ལྟེ་བ་གསང་གནས་རྐང་མཐིལ་གཡོནཿ འཇིག་རྟེན་དྲུག་དང་ཉོན་མོངས་ལྔཿསེར་སྣར་ལྟ་བ་གནས་དག་པའིཿརིག་པའི་སྐྱེས་བུ་ཐུབ་པ་དྲུགཿ ཡན་ལག་བཞི་ལ་སེམས་ཅན་གྱིཿ ལུས་ཀྱི་རྣམ་པར་ཤེས་པ་དངཿ དབང་པོ་རེག་བྱ་རེག་ཤེས་བཞིཿགནས་དག་སྒོ་བ་ཡབ་བཞི་ལཿ རྟག་ཆད་ལྟ་དང་བདག་ལྟ་དངཿ མཚན་མར་ལྟ་བ་གནས་དག་ཡུམཿ ལག་གཡས་གཤིན་རྗེ་ལྕགས་ཀྱུ་མཿ གཡོན་པར་སྟོབས་ཆེན་ཞགས་པ་མོཿ


JLAZ010_Page_0256
[མ་དཔེ་གཟིགས་ན་འདིར་གནོན།]

རྐང་གཡོན་རྟ་མགྲིན་ལྕགས་སྒྲོག་མཿ གཡས་པར་བདུད་རྩི་འཁྱིལ་དྲིལ་བུཿཚད་མེད་བཞི་ཡི་ཕྲིན་ལས་ཅནཿ དག་བྱ་དག་བྱེད་རྫོགས་པ་ལསཿ ཡོངས་གྲུབ་གདན་གསུམ་ཚང་བའི་ལྷཿསྣང་ལ་རང་བཞིན་མེད་པར་གསལཿ དེ་ཡི་བ་སྤུའི་བུ་ག་ལ། །ཁྲག་འཐུང་རྒྱུད་སྡེའི་དཀྱིལ་འཁོར་ནིཿ མ་ལུས་ལུས་པ་མེད་པར་རྫོགསཿ ཀུན་ཀྱང་སྐུ་མདོག་ཕྱག་མཚན་དངཿ རྣམ་འགྱུར་མ་ངེས་སྒྱུ་འཕྲུལ་ནིཿ རང་བྱུང་རང་ཤར་ཆེན་པོའོཿའབུམ་ཕྲག་ཡངས་པའི་མཁའ་འགྲོས་བསྐོརཿ རིག་བདག་པདྨ་ཐོད་ཕྲེང་རྩལཿ ཨཱ་ཙཱརྱ་གཞོན་དཀར་གསལ་འཛུམཿ ཧེ་རུ་ཀ་པ་ཅང་དྲིལ་འཁྲོལཿ དམ་ཚིག་ཡེ་ཤེས་གཉིས་སུ་མེདཿ བསྒོམས་པ་ཙམ་གྱིས་དངོས་གྲུབ་ཐོབཿ ས་མ་ཡཿལྔ་པ་སྤྱན་འདྲེན་གདུང་བའི་བློསཿ ཧཱུྃཿཡུལ་གྱི་མིང་ནི་རྒྱ་གར་ཡུལཿ གནས་ཀྱི་མཆོག་གྱུར་ཨོ་རྒྱན་གནསཿ དྷུ་མ་ཐ་ལ་མཁའ་འགྲོའི་གྲོངཿ གླིང་གི་གླིང་མཆོག་རྔ་ཡབ་གླིངཿ དོན་ལ་འོག་མིན་བདེ་ཆེན་ཞིངཿ རྣམ་པ་མཁའ་སྤྱོད་སྤྲུལ་པའི་གནསཿ དགྱེས་ཤིང་བཞུགས་པའི་ཡུལ་ཀུན་ནསཿ ཆོས་སྐུ་ཡུམ་ཆེན་འཚོ་རྒྱལ་མཿ འབུམ་ཕྲག་མཁའ་འགྲོའི་འཁོར་དང་བཅསཿ བྱིན་གྱིས་བརླབ་ཕྱིར་གཤེགས་སུ་གསོལཿ གནས་


JLAZ010_Page_0257
[མ་དཔེ་གཟིགས་ན་འདིར་གནོན།]

མཆོག་འདི་རུ་བྱིན་ཕོབ་ལཿ སྒྲུབ་མཆོག་བདག་ལ་དབང་བཞི་བསྐུརཿ བགེགས་དང་ལོག་འདྲེན་བར་ཆད་སོལཿ མཆོག་དང་ཐུན་མོང་དངོས་གྲུབ་སྩོལཿ ཨོཾ་ཨཱཿཧཱུྃ་བཛྲ་ཛྙཱ་ན་ཌཱཀྐི་ནི་ཨེ་ཨ་རལླི་ཕེཾ་ཕེཾ་ཛཿདྲུག་པ་བཞུགས་གསོལ་ཕྱག་འཚལ་བཿ ཧོཿགདོད་ནས་དམ་ཚིག་ཡེ་ཤེས་པཿགཉིས་སུ་མེད་པ་རྡོ་རྗེའི་བསྟནཿ མཁའ་འགྲོ་སེམས་ཀྱི་ཆོ་འཕྲུལ་དུཿ ལྷན་ཅིག་སྐྱེས་ལ་ཕྱག་འཚལ་ལོཿན་མོ་ན་མ་ཧཱུྃཿབདུན་པ་འདོད་ཡོན་མཆོད་པ་འབུལཿ ཧོཿ སྣང་ཞིང་སྲིད་པའི་ཆོས་སོ་ཅོགཿ འདོད་ཡོན་ལྔ་ཡི་རྒྱན་དུ་ཤརཿ སེམས་ཀྱི་ཡིད་བཞིན་གཏེར་ཆེན་པོཿབླང་དོར་མེད་པའི་དགྱེས་མཆོད་འབུལཿ བཛྲ་ཛྙཱ་ན་ཌཱཀྐི་ནི་པུཥྤེ་ནས་ཤཔྟ་མ་ཧཱུ་མུ་དྲ་རཀྟ་པཉྩ་བ་ལིངྟ་སརྦ་པཱུ་ཛ་ཨཱཿཧཱུྃཿབརྒྱད་པ་བསྟོད་ཅིང་སྨོན་ལམ་བཏབཿ ཧཱུྃཿརྒྱལ་བ་ཀུན་ཡུམ་རྡོ་རྗེ་རྣལ་འབྱོར་མཿ སྣ་ཚོགས་ཡུམ་གྱུར་ཤེས་རབ་ཕ་རོལ་ཕྱིནཿ དགྱེས་ཆགས་བཞད་པའི་རྣམ་འགྱུར་མཚོ་རྒྱལ་ཡུམཿ སངས་རྒྱས་པདྨའི་ལྕམ་ལ་ཕྱག་འཚལ་བསྟོདཿ མཐོང་བས་ཡིད་འཕྲོག་མཚན་དཔེའི་ལང་ཚོ་ཅནཿ ཐོས་པས་རྣམ་གྲོལ་འགག་མེད་བརྡ་ཡི་གསུངཿ དྲན་པས་བདེ་སྟོང་ཡེ་ཤེས་བསྐྱེད་པའི་ཐུགསཿ ཌཱཀྐིའི་རྗེ་མོ་མཁར་ཆེན་བཟའ་ལ་བསྟོདཿ བཅུ་དྲུག་


JLAZ010_Page_0258
[མ་དཔེ་གཟིགས་ན་འདིར་གནོན།]

དགའ་སྟེར་མཆོག་གི་ཕོ་ཉ་མོའིཿགསལ་སྣང་སྒྱུ་མའི་ཏིང་འཛིན་དང་འགྲོགས་པསཿ ཕྱི་ནང་གཞན་གསུམ་རྩ་རླུང་ཐིག་ལེའི་ཁམསཿ ཀུན་ཏུ་བཟང་མོའི་ཀློང་དུ་དག་གྱུར་ཅིགཿ འདི་ལྟར་སྒྲུབ་པའི་འཛབ་དགོངས་ནིཿ རང་ཉིད་མཁའ་འགྲོའི་ཐུགས་ཀ་རུཿཕག་མོ་མཐིང་ནག་གྲི་ཐོད་ཅནཿ སྙིང་དབུས་དགའ་འཁྱིལ་བཾ་མཚན་མཐརཿ སྔགས་ཕྲེང་འཁོར་བའི་འོད་ཟེར་གྱིསཿ ལྷ་སྐུའི་སྣང་ཞེན་གསལ་བར་བྱསཿ རིགས་བདག་བླ་མའི་ཐུགས་རྒྱུད་བསྐུལཿ དེ་ལས་འོད་འཕྲོས་དོན་གཉིས་བྱསཿ བླ་མའི་སྐུ་ལས་བདུད་རྩིའི་རྒྱུནཿ ཟག་མེད་བདེ་བ་ཆེན་པོར་བབསཿ དགའ་བ་བཞི་ཡི་བྱེད་ལས་ཀྱིསཿ དབང་བཞིའི་ཡེ་ཤེས་ཉམས་སུ་མྱོངཿ ཨོཾ་པདྨོ་ཡི་གི་ནི་ཛྙཱ་ན་ཝཱ་རཱ་ཧཱི་ཧཱུྃཿཞེས་རྩ་སྔགས་དངཿ ལུས་དཀྱིལ་ལ་དམིགས་ནསཿ ཨོཾ་གུ་ཧྱ་ཛྙཱ་ན་བོ་དྷི་ཙིཏྟ་མ་ཧཱ་སུ་ཁ་རུ་ལུ་རུ་ལུ་ཧཱུྃ་བྷྱོ་ཧཱུྃཿརྒྱལ་ཐབས་སྤྱི་བླུགས་ཚངས་པའི་དབངཿ བསྐུར་ཐོབ་མེད་པའི་ཆོས་ཉིད་ལཿ མཉམ་པར་གཞག་པ་གནད་ཀྱི་གཟེརཿ བསྐྱེད་རྫོགས་རྣམས་གྲངས་མང་མི་དགོསཿ འདི་ཉིད་གཅིག་པུ་དངོས་གྲུབ་ཐོབཿ ས་མ་ཡཿརྟགས་ཀྱི་རིམ་པ་བསམ་ཡས་ཀྱངཿ མཆོག་ལ་དགོངས་པ་གཡོ་འགུལ་མེདཿ ཐུན་མོང་མཁའ་འགྲོ་འདུ་བ་དངཿ ཇི་སྙེད་མཁྱེན་པའི་ཀློང་རྡོལ་བསཿ སྣང་བ་བརྡ་དང་ཆོས་སྐུར་འཆརཿ ཉམས་དགའ་བག་ཕེབ་རིག་པ་དྭངསཿ མཁའ་སྤྱོད་གྲུབ་སོགས་ཡོན་ཏན་བརྒྱདཿ དངོས་སུ་གྲུབ་ཅིང་རྨི་


JLAZ010_Page_0259
[མ་དཔེ་གཟིགས་ན་འདིར་གནོན།]

ལམ་དུཿ བུད་མེད་དམར་མོ་འདུ་བ་དངཿ མེ་ཏོག་དུང་མགྲོན་ཤེལ་དཀར་རྙེདཿ མདའ་དང་ཕྱག་མཚན་མཐོང་བ་སོགསཿ མཁའ་འགྲོ་འགྲུབ་པའི་རྟགས་སུ་བཤདཿ ཕྲིན་ལས་ཁ་བསྒྱུར་གཞན་དུ་ཤེསཿ ས་མ་ཡཿརྗེས་ཀྱི་རིམ་པའི་ཚོགས་སྐོང་ནིཿ བསོད་ནམས་ནང་ནས་ཚོགས་འཁོར་མཆོགཿ མཁའ་འགྲོ་འདུ་བའི་དམ་ཚིག་རྫསཿ ནང་མཆོད་ཁྱད་པར་བཟང་དུ་བཤམཿ ཧོཿ བདེ་བ་ཆེན་པོའི་སྣོད་མཆོག་ཏུཿཚོགས་ཀྱི་འཁོར་ལོའི་ལོངས་སྤྱོད་ནིཿ བླང་དོར་མེད་པའི་དམ་ཚིག་རྫསཿ ཨོཾ་ཨཱཿཧཱུྃ་གིས་བདུད་རྩིར་གྱུརཿ ཚོགས་ཕུད་རིམ་པ་གསུམ་དུ་སྤྲོསཿ ཧཱུྃཿའོག་མིན་གནས་དང་མཁའ་སྤྱོད་ཞིངཿ དཔའ་བོ་མཁའ་འགྲོ་འདུ་བའི་གནསཿ ཉི་ཤུ་རྩ་བཞི་སྤྲུལ་པའི་ཡུལཿ ནང་ལྟར་རྡོ་རྗེ་ཕུང་པོའི་གྲོངཿ སྤྱི་བོ་ཛ་ལནྡྷ་ར་དངཿ སྨིན་མཚམས་པུལླི་ར་མ་ལཿ ལྟག་པའི་རྩ་ཁམས་ཨརྦུ་ཏཿམཛོ་སྤུ་རཱ་མེ་ཤྭ་རཱ་དངཿ རྣ་བ་གཡས་པ་ཨོ་རྒྱན་ཡུལཿ གཡོན་པ་གོ་དྷ་ཝ་རཱའི་ཞིངཿ མིག་གཉིས་དེ་ཝཱི་ཀོ་ཊཱ་དངཿ ཕྲག་པ་མ་ལཱ་ཝ་བརྒྱད་ནཿ བཞུགས་པའི་དཔའ་བོ་རྣལ་འབྱོར་མཿ མཁའ་འགྲོ་དང་ནི་མཁའ་འགྲོ་མཿ ཚོགས་ཀྱི་འདུ་བར་གཤེགས་སུ་གསོལཿ དབུ་སྐྲ་ཐོར་ཚུགས་ལྡེམས་སེ་ལྡེམཿ ལྕང་ལོའི་ཟར་བུ་ཏ་ལ་ལཿ སྙན་ཆ་གདུ་བུ་ཀྱི་ལི་ལིཿ རུས་རྒྱན་གཡེར་ཁ་ཁྲོ་ལོ་ལོཿ ཅང་ཏེའུ་


JLAZ010_Page_0260
[མ་དཔེ་གཟིགས་ན་འདིར་གནོན།]

དྲིལ་བུའི་སྒྲ་དང་བཅསཿ རྡོ་རྗེའི་གླུ་དང་གར་ལ་རོལཿ འདོད་ཡོན་ལོངས་སྤྱོད་ཚོགས་སུ་འབུལཿ དམ་ཚིག་ཉམས་པ་མཐོལ་ལོ་བཤགསཿ ཕྱི་ནང་བར་གཅོད་དབྱིངས་སུ་སྒྲོལཿ མཆོག་དང་ཐུན་མོང་དངོས་གྲུབ་སྩོལཿ ལོངས་སྤྱོད་འཁོར་ལོར་ལམ་པཱ་ཀཿ མཆན་དང་མཁའ་ཁུང་ཀཱ་མཱ་རུཿ ནུ་མ་གཉིས་ནི་ཨོ་ཊི་སྟེཿ ལྟེ་བ་ཏྲི་ཤ་ཀུན་ནའི་གྲོངཿ སྣ་ཡི་རྩེ་མོ་ཀོ་ས་ལཿ ཡ་རྐན་ཀ་ལིངྐ་ཡི་ཡུལཿ སྙིང་ག་ཀཉྩི་ཀ་དང་ནིཿ ཧི་མཱ་ལ་ཡི་གྲོང་འཁྱེར་ནཿ བཞུགས་པའི་དཔའ་བོ་རྣལ་འབྱོར་མཿ མཁའ་འགྲོ་དང་ནི་མཁའ་འགྲོ་མཿ ཚོགས་ཀྱི་འདུ་བར་གཤེགས་སུ་གསོལཿ དབུ་སྐྲ་ཐོར་ཚུགས་ལྡེམས་སེ་ལྡེམཿ ལྕང་ལོའི་ཟར་བུ་ཏ་ལ་ལཿ སྙན་ཆ་གདུ་བུ་ཀྱི་ལི་ལིཿརུས་རྒྱན་གཡེར་ཁ་ཁྲོ་ལོ་ལོཿཅང་ཏེའུ་དྲིལ་བུའི་སྒྲ་དང་བཅསཿ རྡོ་རྗེའི་གླུ་དང་གར་ལ་རོལཿ འདོད་ཡོན་ལོངས་སྤྱོད་ཚོགས་སུ་འབུལཿ དམ་ཚིག་ཉམས་པ་མཐོལ་ལོ་བཤགསཿ ཕྱི་ནང་བར་ཆད་དབྱིངས་སུ་སྒྲོལཿ མཆོག་དང་ཐུན་མོང་དངོས་གྲུབ་སྩོལཿ མཚན་མ་པྲེ་ཏ་པུ་རིའི་ཞིངཿ བཤང་ལམ་གྲྀ་ཧ་དེ་ཝཱིའི་ཡུལཿ མཐེ་བོང་མ་རོ་བརླ་རཥྟཿབྱིན་པ་སུ་ཝརྞ་དྭཱི་པཿསོར་མོ་བཅུ་དྲུག་ནཱ་ག་རཿ པུས་མོ་ཀུ་ལནྟཱ་དང་ནིཿ བོལ་གོང་སིནྡྷུའི་གྲོང་ཁྱེར་ནཿ བཞུགས་པའི་དཔའ་བོ་རྣལ་འབྱོར་


JLAZ010_Page_0261
[མ་དཔེ་གཟིགས་ན་འདིར་གནོན།]

མཿ མཁའ་འགྲོ་དང་ནི་མཁའ་འགྲོ་མཿ ཚོགས་ཀྱི་འདུ་བར་གཤེགས་སུ་གསོལཿ དབུ་སྐྲ་ཐོར་ཚུགས་ལྡེམས་སེ་ལྡེམཿ ལྕང་ལོའི་ཟར་བུ་ཏ་ལ་ལཿ སྙན་ཆ་གདུ་བུ་ཀྱི་ལི་ལིཿརུས་རྒྱན་གཡེར་ཁ་ཁྲོ་ལོ་ལོཿ ཅང་ཏེའུ་དྲིལ་བུའི་སྒྲ་དང་བཅསཿ རྡོ་རྗེའི་གླུ་དང་གར་ལ་རོལཿ འདོད་ཡོན་ལོངས་སྤྱོད་ཚོགས་སུ་འབུལཿ དམ་ཚིག་ཉམས་པ་མཐོལ་ལོ་བཤགསཿ ཕྱི་ནང་བར་ཆད་དབྱིངས་སུ་སྒྲོལཿ མཆོག་དང་ཐུན་མོང་དངོས་གྲུབ་སྩོལཿ ཚོགས་སྐོང་སྤྲེལ་མ་བྱེད་ནཿ ཧོཿཡེ་ཤེས་མཁའ་འགྲོའི་ལྷ་ཚོགས་དགོངས་སུ་གསོལཿ འདོད་ཆགས་ཞེ་སྡང་གཏི་མུག་དབང་གྱུར་བསཿ ལུས་ངག་སེམས་ཀྱི་སྡིག་སྤྱད་མཐོལ་ཞིང་བཤགསཿ ཐེག་པ་དམན་པའི་དབང་དུ་གྱུར་པས་ནཿ ཡང་དག་དོན་མ་རྟོགས་པ་མཐོལ་ལོ་བཤགསཿ སྙིང་རྗེ་ཆུང་ཞིང་ཞེ་སྡང་དབང་གྱུར་པསཿ འགྲོ་བའི་དོན་མ་བགྱིས་པ་མཐོལ་ཞིང་བཤགསཿ ལེ་ལོ་གཉིད་ཀྱི་དབང་དུ་གྱུར་པ་ཡིསཿ སྒོམ་དང་སྒྲུབ་པ་གཡེལ་བ་མཐོལ་ཞིང་བཤགསཿ སེར་སྣ་འཇུར་གེགས་དབང་དུ་གྱུར་པས་ནཿ མཆོད་པ་ལོ་ཟླར་འདས་པ་མཐོལ་ཞིང་བཤགསཿ ང་རྒྱལ་ཁེངས་སེམས་དབང་དུ་གྱུར་པས་ནཿ བླ་མའི་སྐུ་གསུང་ཐུགས་དང་འགལ་བ་བཤགསཿ བརྩེ་གདུང་


JLAZ010_Page_0262
[མ་དཔེ་གཟིགས་ན་འདིར་གནོན།]

ཆུང་བའི་དབང་དུ་གྱུར་པས་ནཿ གྲོགས་མཆེད་ཐུགས་དང་འགལ་བ་མཐོལ་ཞིང་བཤགསཿ ཟླ་གྲོགས་ངན་པའི་དབང་དུ་གྱུར་པས་ནཿ ཕུད་དང་ལྷག་མར་གྱུར་པ་མཐོལ་ཞིང་བཤགསཿ ཕུད་དང་ལྷག་མ་ཉམས་པའི་སྐྱོན་དབང་གིསཿ ཕུད་ཉུལ་ཐུགས་དང་འགལ་བ་མཐོལ་ཞིང་བཤགསཿ ཕུད་ཉུལ་ཐུགས་དང་འགལ་བའི་སྐྱོན་དབང་གིསཿ མཁའ་འགྲོའི་བཀའ་ཆད་གནས་གྱུར་མཐོལ་ལོ་བཤགསཿ སྒྲོལ་བའི་དུས་ན་སྙིང་རྗེ་ཆུང་བ་ཡིསཿ སེམས་ཅན་གནས་མ་སྟོབས་པ་མཐོལ་ལོ་བཤགསཿ ཉོན་མོངས་གནས་མ་སྟོབས་པའི་སྐྱོན་དབང་གིསཿ ཡུན་གྱི་སྒྲིབ་པར་གྱུར་པ་མཐོལ་ལོ་བཤགསཿ སྦྱོར་བའི་དུས་སུ་ཏིང་འཛིན་མ་གསལ་བསཿ གཟུངས་མའི་ཐུགས་དག་འགལ་བ་བཟོད་པར་གསོལཿ གཟུངས་མའི་ཐུགས་དང་འགལ་བའི་སྐྱོན་དབང་གིསཿ ཆགས་ཤིང་འཁོར་བར་སྐྱེ་བ་མཐོལ་ལོ་བཤགསཿ བཤགས་ནས་སྐུ་གསུང་ཐུགས་ཀྱི་དངོས་གྲུབ་སྩོལཿ ཞེས་སྙིང་ཐག་པ་ནས་བཤགས་པས་དམ་ཚིག་ཉམས་ཆགས་སོར་ཆུད་པར་འགྱུར་རོཿདེ་ནས་ལྷག་མ་ནི་ཁ་ཕྲུས་བཏབ་ལཿ ཨོཾ་ཨཱ་ཀཱ་རོ་མུ་ཁཾ་སརྦ་དྷརྨཱ་ནཱཾ་ཨཱདྱ་ནུཏྤནྣ་ཏྭ་ཏ་ཨོཾ་ཨཱཿཧཱུྃ་ཕཊ་སྭཱ་ཧཱཿཕཻཾཿ ལྷག་ལ་དབང་བའི་བཀའ་ཉན་ནིཿ མཁའ་འགྲོ་སུམ་ཅུ་རྩ་གཉིས་དངཿ གིང་ཆེན་


JLAZ010_Page_0263
[མ་དཔེ་གཟིགས་ན་འདིར་གནོན།]

ཁྱོ་ཤུགས་ལངྐ་འབུམཿ ཕོ་ཉ་སུམ་བརྒྱ་དྲུག་ཅུའི་སྡེཿམགྱོགས་མ་བཞི་དང་འབར་མ་བརྒྱདཿ མ་མོ་བདུན་དང་སྲིང་མོ་བཞིཿ ཤུགས་འགྲོ་གནས་ཉུལ་ཕྲ་མེན་རྣམསཿ ལྷག་ལ་གདུང་ཞིང་ཚོགས་ཁང་འགྲིམཿ ཕམ་ཕབ་བཟང་པོ་འདི་བཞེས་ལཿ མི་མཐུན་རྐྱེན་ངན་བར་ཆད་སོལཿ བཅོལ་བའི་འཕྲིན་ལས་འགྲུབ་པར་མཛོདཿ ཅེས་ཕྱི་རོལ་དུ་དོརཿ ཐུགས་དམ་བསྐུལ་བ་ནིཿ ཧཱུྃཿབཞེངས་ཤིག་མཁའ་འགྲོ་འདུས་པའི་ལྷཿཆོས་ཀྱི་དབྱིངས་ནས་སྐུར་བཞེངས་ལཿ བྱང་ཆུབ་བསྒྲུབ་པའི་བར་ཆད་ཐུལཿ སྣོད་བཅུད་འབྱུང་བའི་རྒུད་པ་སོལཿ རྩ་རླུང་དབང་ཐང་ཉམས་པ་གསོསཿ སྒྲུབ་པའི་འབྲས་བུ་མཆིས་པར་མཛོདཿ ཆད་ཐོ་བྱ་བ་ནིཿ ཧཱུྃཿདུས་གསུམ་ལས་འདས་ཀུན་ཏུ་བཟངཿ རང་བཞིན་རྣམ་དག་འོག་མིན་དུཿ གདན་གསུམ་ཚང་བའི་སྟོན་འཁོར་གྱིསཿ གསང་ཆེན་རྡོ་རྗེའི་ཆོས་འཁོར་བསྐོརཿ དངོས་འཛིན་དག་པའི་ལྷ་གནས་གསུམཿ རྒྱུད་སྡེ་འབྱུང་བའི་གནས་སུ་བསྟནཿ སྔགས་ནི་ལས་ཅན་སྤྲུལ་བའི་ངོརཿ རང་བཞིན་ཉིད་དུ་འབྱུང་བའི་ཚེཿསྒྲགས་མདའ་འཚོ་རྒྱལ་བླ་མཚོ་རུཿདཔལ་ལྡན་རང་བྱུང་རྡོ་རྗེའི་རྒྱུདཿ གནས་གསུམ་མཁའ་འགྲོས་བྱིན་རླབས་ཤིངཿ སྲེད་ལེན་མེད་པའི་བརྡ་ཡིག་ལསཿ འཛད་མེད་གཏེར་གྱི་སྒོ་


JLAZ010_Page_0264
[མ་དཔེ་གཟིགས་ན་འདིར་གནོན།]

ཕྱེ་ཚེཿའཁྲུལ་པ་གཞི་ལ་དག་པ་ཡིཿརྟེན་འབྲེལ་བཞིན་དུ་ཕྲིན་ལས་མཛོདཿ བརྟན་མ་སྐྱོང་བ་ནིཿ ཧཱུྃཿདཔལ་གྱི་བཀའ་ཉན་བོད་ཁམས་སྐྱོངཿ མ་སྲིང་བརྟན་མ་བཅུ་གཉིས་རྣམསཿ འདིར་བྱོན་གཏོར་མའི་བཤལ་ཆུ་བཞེསཿ བཅོལ་བའི་ཕྲིན་ལས་འགྲུབ་པར་མཛོདཿ རྟ་བྲོ་བྱ་བ་ནིཿ ཧཱུྃཿཡེ་ཤེས་མཁའ་འགྲོའི་དཀྱིལ་འཁོར་འདིརཿ ལོག་པར་འདྲེན་པའི་དམ་སྲི་ཀུནཿ མནན་ནོ་ཐེག་པ་རིམ་དགུའི་རྒྱཿནམ་ཡང་ལྡང་བར་མ་གྱུར་ཅིགཿ སྟྭཾ་བྷ་ཡ་ནནཿ དེ་ནས་མཆོད་ཅིང་བསྟོད་ལཿ དངོས་གྲུབ་བླང་བ་ནིཿ ཧོཿ མཁའ་འགྲོ་སྒྲུབ་པའི་དམ་ཚིག་ད་ནངས་ཐེམསཿ དངོས་གྲུབ་སྩོལ་བའི་དུས་ལ་ད་བབ་ནཿ མི་གནས་ཡེ་ཤེས་ཐུགས་ཀྱི་དཀྱིལ་འཁོར་ནསཿ སྐུ་གསུང་ཐུགས་དང་མཉམ་སྦྱོར་དབང་བཅུའི་སྟོབསཿ ད་ལྟ་ཉིད་དུ་བདག་ལ་སྩལ་དུ་གསོལཿ ཨོཾ་པདྨོ་ཡོ་གི་ནི་ཛྙ་ན་ཝཱ་རཱ་ཧཱི་བཛྲ་ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཧོཿ སྒྲུབ་རྫས་གནས་གསུམ་གཏུགས་ཤིང་མྱོངཿ ནོངས་པ་བཤགས་པ་ནིཿ ཧཱུྃཿཡེ་ཤེས་མཁའ་འགྲོའི་དཀྱིལ་འཁོར་དུཿ མཆོད་རྫས་མ་ཚང་སྒྲུབ་པ་གཡེལཿ ཏིང་འཛིན་བྱིང་རྨུགས་འཐིབས་ལ་སོགསཿ འགལ་འཁྲུལ་ནོངས་པ་བཟོད་པར་གསོལཿ ཨོཾ་བཛྲ་ས་ཏྭ་སོགས་བརྗོདཿ རྫོགས་རིམ་ནིཿ ཧོཿ ཆུ་ལས་ཆུ་བུར་རྡོལ་བ་བཞིནཿ རང་ལས་སྤྲུལ་བའི་དཀྱིལ་འཁོར་ལྷཿ ཡེ་ཤེས་དབྱིངས་སུ་བཛྲ་མུཿ རྗེས་ཐོབ་སྒྱུ་མའི་ལྷ་སྐུར་ལྡངཿ བསྔོ་བ་ནིཿ ཧོཿ མཁའ་འགྲོ་མ་


JLAZ010_Page_0265
[མ་དཔེ་གཟིགས་ན་འདིར་གནོན།]

ཡི་དཀྱིལ་འཁོར་དུཿ བསྐྱེད་རྫོགས་བཟླས་བརྗོད་བགྱིས་པ་ཡིཿདགེ་བའི་རྩ་བ་གང་ལགས་པཿའགྲོ་ཀུན་སངས་རྒྱས་ཐོབ་ཕྱིར་བསྔོཿསྨོན་ལམ་ནིཿ ཧོཿསྣང་སྲིད་ཐམས་ཅད་དག་པ་མཁའ་སྤྱོད་ཞིངཿ བདེ་ཆེན་འགྱུར་མེད་རྡོ་རྗེ་རྣལ་འབྱོར་མཿ རྣམ་ཀུན་མཆོག་ལྡན་དོན་གྱི་ཕག་མོ་དངཿ རང་ཞལ་མཇལ་ཏེ་མངོན་པར་བྱང་ཆུབ་ཤོགཿ བཀྲ་ཤིས་ནིཿ ཧོཿ རིག་འཛིན་བརྒྱུད་པའི་བྱིན་རླབས་དངཿ དཀོན་མཆོག་གསུམ་གྱི་བདེན་པ་དངཿ གསང་སྔགས་ཟབ་མོའི་རྟེན་འབྲེལ་གྱིསཿ འཇིགས་བརྒྱད་ཞི་བའི་བཀྲ་ཤིས་ཤོགཿ ཚེ་བསོད་རྒྱས་པའི་བཀྲ་ཤིས་ཤོགཿ སྣང་བ་དབང་འདུས་བཀྲ་ཤིས་ཤོགཿ ལོག་འདྲེན་ཚར་གཅོད་བཀྲ་ཤིས་ཤོགཿ སྣང་ཞེན་ལྷ་སྐུའི་ཕྱག་རྒྱར་རྫོགསཿ སྒྲར་གྲགས་བདེ་ཆེན་སྔགས་སུ་དགཿ དྲན་རྟོགས་འོད་གསལ་ཆོས་སྐུར་སྨིནཿ འཇའ་ལུས་ཟང་ཐལ་བཀྲ་ཤིས་ཤོགཿ གཞན་ཡང་བཀྲ་ཤིས་གང་རྒྱས་བྱའོཿས་མ་ཡཿགཏེར་རྒྱཿབརྡ་རྒྱཿཟབ་རྒྱཿརིག་འཛིན་འཇིགས་མེད་གླིང་པས་སྒྲགས་མདའ་འཚོ་རྒྱལ་བླ་མཚོརཿ མཁའ་འགྲོ་རང་བྱུང་རྒྱལ་མོའི་ཐུགས་ཀ་ནསཿ དཔལ་ལེན་པ་མེད་པའི་མཁའ་འགྲོའི་བརྡ་རིས་སྤྱན་དྲངས་པ་ལས་བསྒྱུར་བ་སླད་ནས་ཆོག་ཁྲིགས་སུ་སྡེབས་པའོཿ

ཀློང་ཆེན་སྙིང་ཐིག་གི་ཡུམ་ཀ་བདེ་ཆེན་རྒྱལ་མོའི་རྩ་བའི་བསྙེན་ཡིག


JLAZ010_Page_0267
[མ་དཔེ་གཟིགས་ན་འདིར་གནོན།]

ཀློང་ཆེན་སྙིང་ཐིག་གི་ཡུམ་ཀ་བདེ་ཆེན་རྒྱལ་མོའི་རྩ་བའི་བསྙེན་ཡིག་བཞུགས། །


JLAZ010_Page_0268
[མ་དཔེ་གཟིགས་ན་འདིར་གནོན།]

དུས་གསུམ་རྒྱལ་དང་རྒྱལ་སྲས་ཀྱི། །ཡུམ་གྱུར་རྡོ་རྗེ་ཆོས་དབྱིངས་མའི། །རྣམ་རོལ་བདེ་ཆེན་རྒྱལ་མོ་ལ། །འདུད་དོ་དངོས་གྲུབ་རྣམ་གཉིས་སྩོལ། །ཡུམ་ཀའི་བསྙེན་སྒྲུབ་བྱེད་པར་འདོད་པས་མཁའ་འགྲོ་འདུ་བའི་གནས་ཁྱད་པར་ཅན་དུ། རྡུལ་ཚོན་ནམ་རས་བྲིས་ཀྱི་དཀྱིལ་འཁོར་ཟླ་གམ་སྒོ་གཅིག་པོ་མདུན་བསྟན་གྱི་ལྟེ་བར་ཆོས་འབྱུང་དམར་པོ་བཾ་ཡིག་གིས་མཚན་པའི་སྟེང༌། བྷནྡྷ་བཟང་པོ་ཆང་དང་ཆོས་སྨན་སིནྡྷུ་རས་བྲན་པ་ཉིད་ཡུན་རིང་སྒྲུབ་ན་ཁ་མར་ཁུས་བཅད་པའམ། ཡང་ན་སྐམ་རྫས་རིན་པོ་ཆེ་དང༌། མགྲོན་བུ་སྨན་བཅུད་འབྲུ་སྣ་བཟང་པོས་གཏམས་པས་ཀྱང་རུང༌། དེའི་ཁར་མེ་ལོང་ལ་སིནྡྷུ་རས་བཅགས་པར་གཞོན་ནུ་མའི་རྔུལ་གྱིས་ཆོས་འབྱུང་བསྣོལ་མ་བྲིས་པའི་དབུས་སུ་བཾ། མདུན་ནས་གཡོན་བསྐོར་གྱིས་ཆོས་འབྱུང་གི་གྲ་རེར་ཛྙཱ་ན་ཝཱ་རཱ་ཧཱི་ཧཱུྃ། ཞེས་ཡིག་འབྲུ་རེ་བཀོད་པའི་སྟེང་ཤེལ་རྡོ་བཞག་སྟེ་ལྡིང་གུར་དམར་པོ་དབུབ། མཐར་ཕྱིན་ནང་གི་མཆོད་པས་བསྐོར། ཁ་ནུབ་ཕྱོགས་ཨོ་རྒྱན་གྱི་ཞིང་དུ་བལྟས་ལ། སྐྱབས་སེམས་ནས་བཟུང་བསྐྱེད་རྫོགས་ཀྱི་དོན་ལ་བློ་བཞག་སྟེ། དེ་ཡང་སྣང་བ་ཐམས་ཅད་འབྱུང་བ་ལྔའི་རང་བཞིན་དུ་མ་གྱུར་པ་མེད་ལ། གཤེགས་མ་ལྔའི་དབྱིངས་སུ་གདོད་ནས་སངས་རྒྱས་པའི་ཚུལ། རྒྱུད་ལས།


JLAZ010_Page_0269
[མ་དཔེ་གཟིགས་ན་འདིར་གནོན།]

སུ་ཆུ་སྤྱན་དང་མ་མཱ་ཀཱི། །མེ་རླུང་གོས་དཀར་སྒྲོལ་མ་སྟེ། །ནམ་མཁའི་དབྱིངས་ཀྱི་དབང་ཕྱུག་མ། །སྲིད་གསུམ་ཡེ་ནས་སངས་རྒྱས་ཞིང༌། །ཞེས་པས་སྣང་སྲིད་ཐམས་ཅད་མཁའ་འགྲོའི་ཞིང་ཁམས་སུ་རང་བཞིན་གྱིས་རྫོགས་པའི་དོན་བློ་ལ་ཆུད་པའི་ངང་ནས། སྤྲུལ་པ་གཟུགས་བརྙན་གྱི་རྟེན་དང་བརྟེན་པའི་སྣང་ཆ་ཚིག་དོན་འབྲེལ་བར་གསལ་གདབ་ཅིང༌། དེ་ཡང་སྤྱི་བོ་ན་ཛ་ལན་དྷ་ར་སོགས་ཡུལ་ཉི་ཤུ་རྩ་བཞི་དང་གནས་སུམ་ཅུ་རྩ་གཉིས་རྩ་ཐིག་རླུང་གསུམ་གྱི་རྟེན་དང་བརྟེན་པའི་འགྲེལ་བཀོད་ལུགས་དང༌། སྐུའི་དབྱིངས་ལ་རྒྱུད་སྡེའི་དཀྱིལ་འཁོར་ཚོམ་བུའི་ཚུལ་དུ་རྫོགས་ཚུལ་ལ། དབང་པོ་རབ་ཀྱིས་གོ་དོན་ལྷོངས་བ། འབྲིང་གིས་མོས་པ་ལམ་བྱེད། ཐ་མས་གཙོ་མོ་དང་ཡེ་ཤེས་སེམས་དཔའ་གསལ་ཐེབས་པ་ལ་སློབ་པ་ནི་སྤྱི་དོན་ཡིན་ལ། དམིགས་བསལ་བསྙེན་པའི་དམར་བྱང་ནི། བདག་ཉིད་མཁའ་འགྲོའི་ཐུགས་ཀར་ཡེ་ཤེས་སེམས་དཔའ་རྡོ་རྗེ་ཕག་མོ་སྐུ་མདོག་མཐིང་ནག་ཕྱག་གཡས་གྲི་གུག་ནམ་མཁར་འཕྱར་ཞིང༌། གཡོན་ཐོད་ཁྲག་ཐུགས་ཀར་བསྣམས་པ། ཞབས་གཡས་བསྐུམ་པའི་རྟིང་པ་བྷ་གར་གཏད་ཅིང༌། གཡོན་བརྐྱངས་པས་པདྨ་ཉི་གདན་ལ་གནས་པའི་མི་རོའི་སྙིང་ཁ་མནན་པ། གཅེར་བུ་ཕྱག་རྒྱ་ལྔ་དང་


JLAZ010_Page_0270
[མ་དཔེ་གཟིགས་ན་འདིར་གནོན།]

རུས་པའི་རྒྱན་དྲུག་གིས་སྤྲས་ཤིང་རྣ་ལྟག་ན་ཕག་ཞལ་ངུར་བ། ཐུགས་ཀར་མཚན་ཉིད་བཞི་དང་ལྡན་པའི་དགའ་འཁྱིལ་གཡོན་དུ་ཀྱི་ལི་ལི་འཁོར་བའི་དབུས་སུ་བཾ། དེའི་མཐའ་བསྐོར་རྩ་སྔགས་ཡིག་འབྲུ་བཅུ་གཉིས་པ་བྱི་རུ་འབྲུ་མར་གྱིས་བསྐུས་པ་ལྟ་བུ་བཀོད་པ་ལ་དྲན་པ་བཞག་སྟེ། ལྷ་སྐུ་ལ་གསལ་སྣང་མ་ཐོན་བར་དུ་སྒོམ། གསལ་སྣང་ཐོན་པ་དང་སྔགས་ཕྲེང་ལས་འོད་ཟེར་འཕྲོས་སྤྱི་བོ་ནས་ཐོན། རིགས་བདག་བླ་མའི་ཐུགས་རྒྱུད་བསྐུལ། བདེ་སྟོང་གི་མཆོད་པས་མཉེས། དེ་ལས་འོད་ཟེར་མཁའ་ཁྱབ་ཏུ་འཕྲོས། སངས་རྒྱས་ཀྱི་ཞིང་ཁམས་ཐམས་ཅད་མཆོད་ཅིང་གཡོས། ཚུར་འདུས་དངོས་གྲུབ་རྣམ་པ་གཉིས་ཐོབ། ཡང་འཕྲོས་ཁམས་གསུམ་རྒྱུད་དྲུག་གི་སྡུག་བསྔལ་རྒྱུ་དང་བཅས་པ་སྦྱངས། འཁོར་བ་གནས་སྤར་ནས་མིང་མེད་པར་བསམས་ཏེ། སྟོང་པ་ཉིད་ལ་བློ་གཞག །ཡང་རིགས་བདག་བླ་མའི་སྐུ་ལས་བདུད་རྩིའི་རྒྱུན་བྱུང༌། རང་ཉིད་མཁའ་འགྲོར་གསལ་བའི་སྤྱི་བོར་བབས་པ་དགའ་བ། མགྲིན་པར་མཆོག་དགའ། སྙིང་ཁར་ཁྱད་པར་གྱི་དགའ་བ། གསང་བར་ལྷན་ཅིག་སྐྱེས་པའི་ཡེ་ཤེས་ཉམས་སུ་མྱོང༌། རྩ་ཐིག་རླུང་གསུམ་གྱི་དྲི་མ་དག་ཅིང་ཡོན་ཏན་ཁྱད་པར་ཅན་ཐོབ། དེའི་འགྲོས་ཀྱིས་གསང་བ་སྔགས་ཀྱི་རྒྱུད་སྡེ་མ་ལུས་པའི་དབང་བཞི་ཐོབ་


JLAZ010_Page_0271
[མ་དཔེ་གཟིགས་ན་འདིར་གནོན།]

སྒྲིབ་བཞི་སྦྱངས་པར་བསམ། འདི་ནི་གནད་ཤིན་ཏུ་ཟབ་པ་ཡིན། ཚོགས་འཁོར་སྟོང་ལས་དགའ། བདག་འཇུག་དང་དབང་བསྐུར་འབུམ་སྡེའི་དོན་ཚང༌། ཉམས་ཆག་དང་སྡིག་ལྟུང་འདག །དངོས་གྲུབ་ཆེན་པོའི་སྣོད་དུ་འགྱུར། རིག་པའི་རྩལ་ཁ་རྒྱས། ཉམས་རྟོགས་རང་བཞིན་གྱིས་འཕེལ། ཆོས་ཐམས་ཅད་ཀྱི་འབྱུང་གནས། རྒྱལ་བ་ཀུན་ཀྱི་ཡུམ་ཡིན་པས་སྐུ་ལ་རྒྱུད་སྡེའི་དཀྱིལ་འཁོར་རྫོགས། དེ་བསྒྲུབས་པས་གསང་སྔགས་ཀྱི་ཉེ་ལམ་ཟབ་མོའི་རྟེན་འབྲེལ་ཐམས་ཅད་འགྲིགས་པ་ཡིན་ནོ། །བསྙེན་ཚད་ནི་ལས་རུང་ལ་འབྲུ་འབུམ། གྲངས་བསྙེན་ལ་བཞི་འགྱུར། མཐར་ཕྱིན་ལ་རྟགས་མཐོང་སྟེ། བསྙེན་རྟགས་ནི། གཞུང་ལས། རྟགས་ཀྱི་རིམ་པ་བསམ་ཡས་ཀྱངཿ མཆོག་ལ་དགོངས་པ་གཡོ་འགུལ་མེདཿ ཅེས་པ་ལ་སོགས་པ་ལྟརཿ མཆོག་གི་དངོས་གྲུབ་རྟོགས་པ་ཁྱད་པར་ཅན་རྒྱུད་ལ་སྐྱེ་བ་དང༌། ཐུན་མོང་གི་དངོས་གྲུབ་གྲུབ་པ་ཆེན་པོ་བརྒྱད། ཕྲན་ཚེགས་ཀྱི་དངོས་གྲུབ་ཉིན་པར་མི། ནུབ་མོ་མཁའ་འགྲོ། ནང་ནུབ་ཟས་འདུ་བ་སྟེ་འདུ་བ་གསུམ་ལ་སོགས་པ་འབྱུང་བ་ཡིན་ནོ། །ཐུན་མཚམས་ཀྱི་བྱ་བ་ནི་གསང་སྔགས་སྤྱི་ལྟར་བྱ་ལ། ཁ་སྐོང་མེ་མཆོད་ནི་ལོགས་སུ་བཀོད་པ་ལས་ཤེས་པར་བྱའོ། །ཞེས་པའང་དཔལ་སྡིངས་རྗེ་བཙུན་དྲུང་གིས་ནན་དུ་གསོལ་བ་བཏབ་པའི་ངོར་རིག་པ་འཛིན་པ་མཁྱེན་བརྩེའི་ལྷས་ཡུད་ཙམ་ལ་གྲུབ་པར་བགྱིས་པའོ། །

ཡུམ་ཀ་བདེ་ཆེན་རྒྱལ་མོའི་བསྙེན་ཡིག་ཡང་གསལ་ལུས་དཀྱིལ་མངོན་བརྗོད།


JLAZ010_Page_0273
[མ་དཔེ་གཟིགས་ན་འདིར་གནོན།]

ཡུམ་ཀ་བདེ་ཆེན་རྒྱལ་མོའི་བསྙེན་ཡིག་ཡང་གསལ་ལུས་དཀྱིལ་མངོན་བརྗོད་ཅེས་བྱ་བ་བཞུགས། །


JLAZ010_Page_0274
[མ་དཔེ་གཟིགས་ན་འདིར་གནོན།]

རྗེ་བཙུན་རྡོ་རྗེ་རྣལ་འབྱོར་མ་ལ་ཕྱག་བགྱིའོ། །འདིར་རིག་འཛིན་གྱི་ཡུམ་ཀ་ཤིན་ཏུ་ཟབ་པ་མཁའ་འགྲོ་བདེ་ཆེན་རྒྱལ་མོའི་བསྙེན་ཡིག་གི་ལྷན་ཐབས་དོགས་སེལ་དུ་བརྗོད་པ། སྤྱིར་མ་དག་པ་སྣོད་བཅུད་དུ་སྣང་ཞིང་ཞེན་པའི་འཁྲུལ་པ་སྦྱོང་ཕྱིར་སྔགས་སུ་ལམ་བསྐྱེད་རྫོགས་རིམ་པ་གཉིས་གསུངས་ལ། དེའང་རྟེན་སྣོད་ཀྱི་འཇིག་རྟེན་བརྟེན་པ་བཅུད་ཀྱི་སེམས་ཅན་ཐམས་ཅད་ཀྱང་འབྱུང་བ་ལྔ་ལས་མ་གྲུབ་པ་མེད་པས་ཕྱི་འབྱུང་ནི་ས་ཆུ་མེ་རླུང་ནམ་མཁའ་ལྔ་དང་ནང་འབྱུང་ཤ་ཁྲག་དྲོད་དབུགས་རྣམ་པ་ཤེས་པའི་ཁམས་ལྔ་ཡང་དེའི་རང་བཞིན་དུ་གནས་པ་ཉིད་ས་ཆུ་སྤྱན་ལ་སོགས་ཡུམ་ལྔའི་ངོ་བོ་ཉིད་དུ་གནས་པའི་གོ་དོན་སློང་ནས་ས་


JLAZ010_Page_0275
[མ་དཔེ་གཟིགས་ན་འདིར་གནོན།]

འོག་ས་སྟེང་ས་བླ་སྟེ་བར་སྣང་སྟོང་པའི་ཆ་གསུམ་ལ་སྲིད་པ་གསུམ་དུ་གྲགས་པའང་སངས་རྒྱས་ཀྱི་ཞིང་དུ་རང་བཞིན་གྱིས་སངས་རྒྱས་པ་ཡིན་པར་ཤེས་པ་ཡིན་ནོ། །ཁྱད་པར་རང་གི་ཕུང་པོ་ཁམས་དང་སྐྱེ་མཆེད་དབང་ཡུལ་རྣམ་ཤེས་ཚོགས་བརྒྱད་དང་བཅས་པ་མ་དག་པ་སེམས་ཅན་གྱི་དུས་དེ་དང་དེར་སྣང་ཡང༌། བསྐྱེད་རིམ་ཟབ་མོའི་དག་བྱ་དག་འབྲས་ལས་ལྷའི་རང་བཞིན་དུ་རྣམ་པར་དག་པའི་ངོ་བོ་ཆོས་ཉིད་མ་འཁྲུལ་པ་ཤེས་ཤིང་ལམ་དུ་ལོངས་པའི་གསལ་སྣང་བརྟན་པ་ལ་ནི་རང་བཞིན་ཡོངས་གྲུབ་ཆེན་པོའི་བསྐྱེད་རིམ་ཞེས་བྱའོ། །དེ་ལ་དག་བྱ་གང༌། དག་འབྲས་ཅི་ཞེ་ན། དག་བྱ་ནི་དྲི་མ་སྟེ་ཀུན་གཞི་དང་ཉོན་ཡིད་ཀྱིས་ཐོག་མར་བསྐྱེད་


JLAZ010_Page_0276
[མ་དཔེ་གཟིགས་ན་འདིར་གནོན།]

པའི་ཕུང་པོ་ལྔ་འབྱུང་བ་ལྔ། རྣམ་པར་ཤེས་པའི་ཚོགས་ཞེས་བྱ་སྟེ་བདག་རྐྱེན་དང་དམིགས་རྐྱེན་གཉིས་ཀྱི་འབྲས་བུ་དབང་པོ་ལྔ་ལ་སོགས་པའི་སྐྱེ་མཆེད་ཕན་ཚུན་ཡུལ་དང་ཡུལ་ཅན་དུ་འབྲེལ་བ་རྣམས་ཡིན་ལ། དག་འབྲས་ནི་རང་གཤིས་རིག་པའི་རྒྱལ་པོ་དཀྱིལ་འཁོར་རྒྱ་མཚོའི་བདག་ཉིད་བཅོམ་ལྡན་འདས་དཔལ་ཀུན་ཏུ་བཟང་པོ་ལ་སོགས་ལྷའི་རྣམ་པར་ཤར་བའི་ཚུལ། དྲི་མེད་བཤགས་རྒྱུད་ལས། ཀུན་གཞི་གསང་བ་དག་པའི་དབྱིངས་ནས་ཡིད་རང་བྱུང་རང་ཤེས་རིག་པའི་རྒྱལ་པོ། དུས་གསུམ་སངས་རྒྱས་ཐམས་ཅད་ཀྱི་ཡབ་ཅེས་པ་ལ་སོགས་པས་སྟོན་ལ། དེའང་ཡིད་ནི་བདག་པོའི་རྐྱེན་འཁྲུལ་པ་བསྐྱེད་པའི་བྱེད་པ་པོ་ཡིན་ལ། དེ་ལ་རང་བཞིན་མེད་པར་ཤེས་པ་ལ་གནས་ལུགས་དོན་གྱི་ཀུན་ཏུ་བཟང་པོ་རང་ཤེས་རིག་པའི་རྒྱལ་པོ་ཞེས་བྱའོ། །ཆོས་ཞེས་བྱ་བ་ནི་སྒྲ་ཡངས་པ་ཞིག་སྟེ་འདིར་དམིགས་པའི་རྐྱེན་ཡིད་ཀྱི་ཁམས་ཡིན་པས་འཁོར་འདས་ཀྱི་མཚན་ཉིད་ཐམས་ཅད་ལ་འཇུག་ཀྱང་སྐབས་འདིར་ཀུན་རྫོབ་ཏུ་སྣང་བའི་ཆོས་ཐམས་ཅད་དོན་དམ་བདེན་པའི་ཆོས་ཉིད་སྤྲོས་པ་དང་བྲལ་བའི་དབྱིངས་སུ་སྡུད་པར་བྱེད་ཅིང་དཀྱིལ་འཁོར་ཐམས་ཅད་བསྐྱེད་པའི་ཡུམ་དུ་ཤར་བས་ཆོས་བྱ་བ་ཀུན་ཏུ་བཟང་མོ་ཞེས་བརྡར་བཏགས་པའོ། །གཉིས་པ་ནི་ཆོས་ཀྱི་སྐུ་སྟེ་དབྱིངས་ལ་


JLAZ010_Page_0277
[མ་དཔེ་གཟིགས་ན་འདིར་གནོན།]

བཞུགས་པ་ཉིད་ཀྱང་རེ་ཞིག་སྣང་སྟོང་ཟུང་དུ་འཇུག་པའི་ཐ་སྙད་མཚོན་ཕྱིར་ཞལ་ཕྱག་གི་རྣམ་པ་ཅན་དུ་བསྟན་པའོ། །དེ་སྐད་དུ། བྱ་བ་བྱེད་དང་ཡིད་ཆོས་རྣམ་པར་དག །ཀུན་བཟང་ཡབ་ཡུམ་གཉིས་ལ་ཕྱག་འཚལ་ལོ། །ཞེས་འབྱུང་ངོ༌། །དེ་བཞིན་དུ་ཕུང་པོ་ལྔ་ལ་མཚོན་ན། དོན་དམ་པར་སེམས་ཅན་གྱི་རྣམ་པར་ཤེས་པའི་ཕུང་པོ་གནས་སུ་དག་པ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་བདག་ཉིད་ཅེས་པ་ནས། བཅོམ་ལྡན་འདས་དཔལ་རྡོ་རྗེ་མི་བསྐྱོད་པ་ལ་ཕྱག་འཚལ་ལོ། །ཞེས་པ་ནས་རིམ་པར་དག་བྱ་དག་འབྲས་ཀྱི་མཚན་ཉིད་བཤད་པ་ལ་དཔྱད་པས་ལུས་དཀྱིལ་གྱི་ལྷའི་མངོན་རྟོགས་ཀྱང་ཞར་ལ་ཤེས་ཤིང༌། འོན་ཀྱང་ཀུན་ཏུ་བཟང་པོ་ཡབ་མཉམ་གཞག་དང་ཡུམ་ཐལ་སྦྱོར་ཆོས་འབྱུང་གི་ཕྱག་རྒྱ་ཅན། རིགས་ལྔ་རྣམས་གཡས་རང་རྟགས་དང༌། གཡོན་དྲིལ་བུ། ཡུམ་རྣམས་གཡས་དྲིལ་བུ་དང་གཡོན་རང་རྟགས། སོ་སོའི་སྐུ་མདོག་ཀྱང་རིགས་ཀྱི་ངེས་པ་བཞིན་ནོ། །དོན་དེ་སྟོན་པའི་ཕྱིར་རང་གཞུང་ལས། ཐུགས་ཀ་དཔལ་གྱི་བེའུའི་དབྱིངསཿ མ་བསྐྱེད་རང་བྱུང་ཡོངས་གྲུབ་ལྷཿསོགས་ནས། ཀུན་གཞི་ཡིད་ཆོས་གནས་དག་པའིཿཁྱད་གདལ་རིག་པ་ཀུན་ཏུ་བཟངཿ སྣང་སྟོང་གཉིས་མེད་ཡུམ་དང་སྦྱོརཿ རྩིབས་


JLAZ010_Page_0278
[མ་དཔེ་གཟིགས་ན་འདིར་གནོན།]

ལྔར་གཟུགས་ཚོར་འདུ་ཤེས་དངཿ འདུ་བྱེད་རྣམ་ཤེས་དག་པའི་ལྷཿཞེས་གཟུགས་ཀྱི་ཕུང་པོ་རྣམ་པར་སྣང་མཛད་དུ་དག་པ་སྐུ་མདོག་དཀར་པོ་ནས་རིམ་པར་བཤད་དོ། །དཔྱོད་ལྡན་ཡོད་ན་རྒྱུད་འགྲེལ་རྣམས་ལ་མི་མཐུན་པའི་ཆ་ཅུང་ཟད་ཡོད་དེ་རང་ལུགས་སུ་རིགས་བརྒྱའི་རྩ་བ་སྒྱུ་འཕྲུལ་གྱི་འགྲེལ་པ་ཕྱོགས་བཅུ་མུན་སེལ་ཉིད་བཙན་པར་བྱའོ། །འདི་ལྟ་བུའི་བསྐྱེད་རིམ་གྱི་སྒོ་ནས་ལྷའི་དག་བྱ་དག་འབྲས་མ་རྟོགས་ན་རྣམ་པ་གསལ་ཀྱང་རྨོངས་པས་ལྷ་ཁང་མཐོང་བ་དང་ཁྱད་པར་མེད་དེ་སྔགས་ཀྱི་ཐབས་ལམ་མྱུར་པོ་ནས་ལམ་བགྲོད་པའི་གནད་མི་ཤེས་སོ། །ཡང་ཕྱི་ལྟར་དུ་འཛམ་བུ་གླིང་འདིར་དཔའ་བོ་མཁའ་འགྲོ་རང་བཞིན་གྱིས་འདུ་བའི་ཡུལ་ཉི་ཤུ་རྩ་བཞི་ཡོད་པའང༌། འཁོར་ལོ་སྡོམ་པ་ལས། ཀུ་ལུ་ཏ་དང་མ་རུ་དང༌། །སིནྡྷུའི་ཡུལ་དང་ནཱ་ག་ར། །སུ་ཝརྣ་དྭཱི་པ་སཽ་རཥྟྀ། །གྲི་ཧ་དེ་ཝ་པྲེ་ཏ་བར། །ཧི་མ་ལ་ཡ་ཀཉྩི་དང༌། །ལམྦཱ་ཀའི་ཡུལ་ཀ་ལིངྐ། །ཀོ་ས་ལ་ཏྲི་ཤ་ཀུ་ནི། །ཨོ་ཊི་ཀཱ་མ་རཱུ་པ་དང༌། །མ་ལ་ཝ་དང་དེ་བི་ཀོ་ཏྲི། །རཱ་མེ་ཤྭ་རཱི་གོ་དཱ་ཝར། །ཨརྦུ་ཏ་དང་ཨོ་རྒྱན་དང༌། །ཛ་ལནྡྷ་ར་པུ་ལིར་སོགས། །ཡུལ་འདི་དག་གི་བུ་མོ་གང༌། །དཔའ་བོ་གཉིས་མེད་རྣལ་འབྱོར་མ། །དེ་ཀུན་འདོད་པའི་གཟུགས་ཅན་ཏེ། །ཡིད་ཀྱི་ཤུགས་ཀྱིས་འཇུག་པ་


JLAZ010_Page_0279
[མ་དཔེ་གཟིགས་ན་འདིར་གནོན།]

ཡིན། །ཅེས་པ་དང་མཐུན་པ་རྒྱུད་སྡེ་གཞན་དག་ལས་བཤད་པ་ཡོད་དེ་རེ་ཞིག་ཡི་གེས་འཇིགས་སོ། །དེ་རྣམས་ཀྱང་ནང་ལྟར་དུ་རང་གི་ལུས་ལ་ཚང་བའི་ཚུལ་གྱིས་སྤྱི་བོ་ལ་སོགས་པས་སྟོན་ལ། གནས་དེ་དག་སོ་སོའི་རྩ་ཡོངས་སུ་གྱུར་པ་ལས་དཔའ་བོ་དང༌། ཁམས་ཡོངས་སུ་གྱུར་པ་ལས་རྣལ་འབྱོར་མ་མིང་ཅན་ཟུང་དུ་འབྲེལ་པ་རེ་ཡོད་ཀྱང་མ་རྒྱུད་འཁོར་ལོ་སྡོམ་པའི་ལེའུ་ཞེ་གཅིག་པའི་དངོས་བསྟན་དུ། རྣལ་འབྱོར་མ་དྲུག་ཀུ་ལུ་ཏ། མ་རུའི་ཡུལ་ན་མ་མོ་རྣམས། །སིན་དྷུའི་ཡུལ་ན་ལཱ་མ་སྟེ། །རིགས་ཀྱི་གཙོ་མོ་ནཱ་ག་རར། །ལམ་པ་ཀ་དང་སཽ་རཥྟར། །རིགས་ཀྱི་ལྷ་མོ་རྣམས་ཡིན་ནོ། །ཡི་དྭགས་ཡུལ་དུ་ནག་མོ་ཆེ། །མཁའ་འགྲོ་གཟུགས་ཅན་མ་རུ་བཅས། །ཧི་མའི་རི་དང་ཀཱཉྩི་དང༌། །པཉྩ་ལ་ཡུལ་ཀ་ལིངྐ། །བརྟུལ་ཞུགས་འཛིན་པའི་ཁྱིམ་ལྷ་མོ། །བྱིས་བཅས་མོ་རུ་བཤད་པའོ། །ཀོ་ས་ལར་ནི་ཤ་ཟན་མ། །ཡི་དྭགས་གྲོང་དུ་ཤ་ཆེན་ཟ། །རྡོ་རྗེ་མཁའ་འགྲོ་སྦོམ་དབང་ཕྱུག །ཏྲི་ཤ་ཀུ་ནེར་ཁན་རོ་ཧ། །པུ་ལིར་མ་ལ་ཡ་དེ་བཞིན། །གསེར་རིར་སྨེ་ཤ་ཅན་རིགས་སྐྱེས། །བུད་མེད་སྟོང་ཕྲག་ཉི་ཤུ་གཅིག །ལྷག་མ་གཞན་དག་ཇི་སྙེད་པ། །དཔལ་ལྡན་ཧེ་རུ་ཀ་ཡི་ནི། །འཁོར་ལོ་རྣལ་འབྱོར་མ་ཡིན་ནོ། །ཤྲཱི་


JLAZ010_Page_0280
[མ་དཔེ་གཟིགས་ན་འདིར་གནོན།]

ཧེ་རུ་ཀ་ཡི་བསྲུབ་པ་ཆེ། །དེ་ཡི་དཀྱིལ་འཁོར་གཙོ་མོ་ཡིན། །མཁའ་འགྲོ་ཉི་ཤུ་རྩ་བཞི་འདིས། །རྒྱུ་དང་མི་རྒྱུའི་འཇིག་རྟེན་གསུམ། །འགྲོ་བ་ཀུན་ལ་འདི་ཡིས་ཁྱབ། །མཁའ་འགྲོ་མ་ཡི་དམ་ཚིག་འདི། །སྤྲུལ་པ་སྒོམ་པ་ཉིད་ཡིན་ཏེ། །བསམ་གཏན་སོགས་པ་ཅི་ཡང་རུང༌། །ས་སྟེང་ན་ནི་རྫོགས་གྱུར་པའོ། །ཞེས་བཤད་པའི་ཕྱིར་སྔགས་ནི་དམ་ཚིག་དང་མོས་པས་འགྲུབ་པའི་ཕྱིར། ནང་གི་ཡུལ་ཉི་ཤུ་རྩ་བཞི་པར་གཙོ་མོ་རྣམས་ཀྱི་རང་བཞིན་ངེས་པར་བྱས་ནས་དཔའ་བོ་མཁའ་འགྲོའི་གྲོང་ཁྱེར་བསམ་གྱིས་མི་ཁྱབ་པའང་མོས་པས་བསྐྱེད་པ་ལ་ཕན་ཡོན་དཔག་ཏུ་མེད་པ་ཡོད་དེ། དེ་ཉིད་ལས། སྔགས་པས་རྟག་ཏུ་མཉམ་གཞག་པས། །མཚན་མ་ནམ་མཁའི་གོས་ཅན་བྱ། །སྐྱེས་པའམ་གལ་ཏེ་གཡོན་པ་རུང༌། །རྣལ་འབྱོར་མ་ཀུན་དཔའ་བོ་མཉེས། །ཕྱག་རྒྱ་གར་གྱི་མཆོད་པ་ཡིས། །རང་བྱུང་རྟག་ཏུ་མཆོད་ན་ནི། །མ་ལུས་ལུས་པ་མེད་འགྲུབ་ཅིང༌། །གཡོན་པའི་མཆོད་པ་རབ་ཏུ་འཇུག །ཅེས་རྟགས་ཀྱི་སྒོ་ནས་མཁའ་འགྲོ་མ་ཚོགས་དང༌། །ཀུན་སློང་གི་སྒོ་ནས་གཡོན་པ་ཞེས་བསྟན་པར་རིག་པར་བྱའོ། །དེ་བཞིན་དུ་འཁོར་འབུམ་ཕྲག་ཡངས་པའི་མཁའ་འགྲོ་ནི་རིགས་བསྡུས་པ་ཡིན་ཏེ། སྔ་འགྱུར་རྒྱུད་འབུམ་ལས། དྲི་ཟ་ཆེན་མོ་འབུམ་ཕྲག་དང༌། །གྲུལ་


JLAZ010_Page_0281
[མ་དཔེ་གཟིགས་ན་འདིར་གནོན།]

བུམ་ཆེན་མོ་འབུམ་ཕྲག་དང༌། །ཚངས་མ་ཆེན་མོ་འབུམ་ཕྲག་ལ་སོགས་པ་ཡོད་དེ་མཐའ་དག་སྨྲ་བ་མ་ལྡང་ངོ༌། །དེ་ལྟར་གོ་དོན་སློང་ནས། ཡེ་ཤེས་སེམས་དཔའི་བཞུགས་གནས་ལ། རྒྱུད་སྡེ་གཞན་དག་ནས། སྙིང་ག་ཀཉྩི་ཀ་དང༌། དྲན་པ་ཧི་མ་ལ་ཡ་ཞེས་དག་སྦྱོར་སོ་སོར་བཤད་པ་ལྟར། འདིར་ཡང་ཐུགས་ཀའི་ཀུན་བཟང་ཡབ་ཡུམ་ཕག་མོར་གནས་བསྒྱུར་བ་ཡང་མ་ཡིན། །ཀུན་བཟང་ཡབ་ཡུམ་གྱི་ཐུགས་ཀར་ཕག་མོ་སྣོད་ལ་སྣོད་འཇུག་ལྟ་བུའི་རྣམ་རྟོག་གིས་བཏགས་པའི་བློ་ཞེན་གཅིག་གིས་གཅིག་ལ་ཐུག་རེག་དང༌། ཕན་ཚུན་བསྒྲིབས་པ་ལྟ་བུའི་རྟོག་ངན་སྤངས་ནས། རང་བཞིན་མ་བཅོས་པའི་གནས་ལུགས་ཀྱི་གདངས་ལྷའི་རྣམས་པ་ཡོངས་སུ་རྫོགས་པར་གསལ་བའི་གཙོ་མོའི་ཐུགས་ཀའི་ཐད་འོད་ཀྱི་རྣམ་པའི་ཀློང་དུ་ཡེ་ཤེས་སེམས་དཔའ་རྡོ་རྗེ་ཕག་མོ་ཉིད་ལྷག་པར་དུ་གསལ་བ་ལ་རིག་པ་གཡོ་མེད་དུ་གཏད་ཅིང་འོད་ཟེར་སྤྲོ་བསྡུ་སོགས་བསྙེན་ཡིག་ལྟར་བྱ་བ་ནི་ཞལ་ཤེས་སྙན་བརྒྱུད་ཐུན་མོང་མ་ཡིན་པ་བཀའ་རྒྱ་ཅན་ནོ། །འོན་ཀྱང་ལུས་དཀྱིལ་གྱི་བཟླས་པའི་ཚེ་ཀུན་བཟང་ཡབ་ཡུམ་གྱི་ཐུགས་ཀར་ཉི་ཟླའི་གའུ་ཁ་སྦྱོར་ནང་ཐུགས་སྲོག་ཨ་ཡིག་ལ་སྔགས་ཕྲེང་གིས་བསྐོར་བ་སྒོམ་མོ། །ཞེས་པའང་དཔལ་


JLAZ010_Page_0282
[མ་དཔེ་གཟིགས་ན་འདིར་གནོན།]

ལྡིངས་རྗེ་བཙུན་དྲུང་གི་མྱུར་ལམ་ཟབ་མོ་བསོད་ནམས་ཀྱིས་འཆུན་པའི་བཤད་སྒྲུབ་དམ་པ་དོན་གཉེར་མཛད་ཅིང༌། ཕྱོགས་སུ་རིང་བའི་ས་ནས་ཕོ་ཉ་ཆེད་དུ་མངགས་ཏེ་བསྐུལ་བ་ལ་སྙིང་པོར་དྲིལ་པའི་མན་ངག་བཅུད་དུ་དྲིལ་ནས་སྨྲས་ཤིང༌། སྔོན་ཆད་ཉམས་ལེན་མི་བྱེད་པའི་གང་ཟག་མང་པོས་བཀའ་རྒྱ་བཀྲོལ་ཞིང་ཕྲོགས་པའི་ནོངས་པ་གང་མཆིས་པ་བདག་ཅག་གིས་བསམ་པ་བཟང་པོས་བཤད་པའི་རང་བཞིན་ལ་དགོངས་ནས་ཆོས་བདག་མཁའ་འགྲོ་རྣམས་ཀྱིས་བཟོད་པར་མཛོད་ལ་ཆོས་ཀྱི་བྱིན་རླབས་ཞུད་པ་དང་དངོས་གྲུབ་ཆེན་པོ་ལ་སྒྲིབ་པའི་གནས་མ་ལུས་པ་དག་ཚངས་ཆེན་པོར་མཛད་དུ་གསོལ། ཞེས་དཔལ་ལྡན་པདྨ་འོད་གླིང་དུ་བཀོད་པའོ།། །།

ཡུམ་ཀ་མཁའ་འགྲོའི་བདག་འཇུག་དབང་དོན་རབ་གསལ།


JLAZ010_Page_0283
[མ་དཔེ་གཟིགས་ན་འདིར་གནོན།]

ཡུམ་ཀ་མཁའ་འགྲོའི་བདག་འཇུག་དབང་དོན་རབ་གསལ་བཞུགས། །


JLAZ010_Page_0284
[མ་དཔེ་གཟིགས་ན་འདིར་གནོན།]

རང་བཞིན་མེད་པའི་ཆོས་ཉིད་ཀྱི། །རྟེན་འབྱུང་རྣམ་པར་ཐར་བའི་སྒོ། །རྡོ་རྗེ་བཙུན་མོའི་མཁའ་དབྱིངས་ལ། །རྣམ་ཀུན་མཆོག་ལྡན་དྲན་པས་རོལ། །རིག་འཛིན་ཡུམ་ཀའི་བདག་འཇུག་ལ་སྤྱི་དོན་རྣམ་པ་གསུམ་ལས། དང་པོ་སྦྱོར་བ་ནི། གཞི་མ་དུལ་བ་ཡིན་ན་ས་ཆོག་སྔོན་དུ་འགྲོ་བས་རྡུལ་མཚོན་ནམ་རས་བྲིས་གྲུབ་ན་རབ། མ་ནུས་ན་སྟེགས་བུའི་ཁར་ཚོམ་བུ་ལ་བྷནྡྷ་བདུད་རྩིས་བཀང་བ་ཆོས་སྨན་དང་བུམ་རྫས་ཉེར་ལྔ་བྲན་པའི་སྟེང་མེ་ལོང་སིན་དྷུ་རས་བཅགས་པར་ཆོས་འབྱུང་བསྣོལ་མ་བྲིས་པའི་དབུས་སུ་དགའ་འཁྱིལ་དམར་པོ་མཚན་ཉིད་བཞི་ལྡན་ལ་ཏཱཾཿདང༌། མདུན་ནས་བརྩམས་པས་གཡས་བསྐོར་དུ་དགའ་འཁྱིལ་ཕྱོགས་མདོག་ཅན་བཞི་ལ་ཧ་རི་ནི་ས་ཡིག་མགོ་ཕྱིར་བསྟན་དུ་བཀོད། དེའི་སྟེང་དུ་དྲིལ་བུ་བཀབ་པ་དར་དམར་གྱི་ལྡིང་གུར་དང་བཅས་བཞུག ། སྨན་གཏོར་རཀྟ་དང་ཉེར་སྤྱོད་ཀྱིས་བསྐོར། ཉེ་ལོགས་སུ་ལས་བུམ་བཅུད་ལྡན་ཀྱང་གཞག་གོ། གཉིས་པ་དངོས་གཞི་ལ་གཉིས་ལས། དང་པོ་དཀྱིལ་འཁོར་སྒྲུབ་པ་ནི། ཐ་མལ་གྱི་སྣང་ཞེན་མཁའ་འགྲོའི་དཀྱིལ་འཁོར་དུ་གསལ་ཐེབ་ན་བདག་མདུན་གྱི་གོ་ས་ལོགས་སུ་མ་བྱས་ཀྱང་རུང་ལ། རིག་པའི་མེ་ཏོག་དོར་བ་ཙམ་གྱིས་དཀྱིལ་འཁོར་དུ་འཇུག་པའི་དོན་རྫོགས་པ་ཡིན་ཀྱང༌། དེ་ལྟར་ལྷོངས་སུ་མ་གྱུར་བ་ལ་བདག་འཇུག་དམིགས་ཀྱིས་བསལ་བ་ཡིན་པས་བསྟོད་པའི་མཇུག་ཏུ་རྩ་སྔགས་ལ་ཕཊཿཛཿབཏགས་པའི་སྒྲ་གདངས་ཀྱིས་བདག་མདུན་ཐ་དད་དུ་དབྱེ་ནས་དོ་ལིའི་བཟླས་པ་དང་དེ་བཞིན་རང་བྱུང་བདེ་སྐྱོང་གི་བུམ་པའི་སྣོད་གཞལ་ཡས་ཁང་


JLAZ010_Page_0285
[མ་དཔེ་གཟིགས་ན་འདིར་གནོན།]

དང༌། བཅུད་ལྷ་ཡི་རང་བཞིན་གྱི་ངེས་པ་དྲན་པའི་བུམ་བཟླས་དམིགས་ཕྱེད་པའི་མཐར་མཆོད་བསྟོད་དང་བཅས་དུང་ཆོས་ཀྱི་ཆུ་མཆོད་ཡོན་དུ་ཕུལ་ལ་འོད་ཞུ་བྱ། ལས་བུམ་དུ་རྟ་མགྲིན་ཐོད་དབྱུག་དང་སྡིགས་མཛུབ་མཛད་པ་བསྐྱེད་ལ། ཨོཾ་བཛྲ་ཀྲོ་ཏ་ཧྱ་གྷྲི་ཝ་ཧུ་ལུ་ཧུ་ལུ་ཧཱུྃ་ཕཊཿཅེས་ཅི་རིགས་པར་བཟླས་ནས་ཀྱང་ཨོཾ་ཨཱཿཧཱུྃ་གིས་མཆོད་ཡོན་ཕུལ་ལ་འོད་ཞུ་བྱའོ། །གཉིས་པ་བདག་འཇུག་ལ་དོན་བརྒྱད་ལས། དང་པོ་ནི། ཇི་ལྟར་བལྟམས་པ་སོགས་ཀྱིས་ཁྲུས་ནས་དབྱུང༌། ཕྱི་རོལ་པ་ལ་གཏོར་མ་བྱིན་ནས་སྲུང་འཁོར་སྒོམ། ཙཀྵུ་བྷནྡྷས་མིག་དར་འཆིང༌། ཨ་ཁཾ་ཝཱི་རས་མེ་ཏོག་བཟུང༌། མཎྜལ་འབུལ་བ་རྣམས་བྱའོ། །གཉིས་པ་གསོལ་གདབ་ནི། ཀུན་མཁྱེན་ཡེ་ཤེས་ཕུང་པོ་ཅནཿ སོགས་ལན་གསུམ། གསུམ་པ་ཚོགས་བསག་པ་ནི། རྡོ་རྗེ་སློབ་དཔོན་སངས་རྒྱས་དཔལ། །སོགས་ལན་གསུམ། བཞི་པ་སྡོམ་བཟུང་ནི། བདེ་བར་གཤེགས་པ་ཁྱེད་ཅི་འདྲ། དེ་འདྲ་ཁོ་ནར་བདག་འགྱུར་ཤོག །སྤྱོད་པ་རྨད་བྱུང་བསམ་ཡས་པ། །འགྲོ་ལ་ཕན་ཕྱིར་བདག་གིས་སྤྱད། །བྱང་ཆུབ་སེམས་མཆོག་དམ་པ་དང༌། །སྐུ་གསུང་ཐུགས་ཀྱི་ཕྱག་རྒྱ་ནི། །སྲོག་གི་ཕྱིར་ཡང་མི་གཏོང་ན། །རྡོ་རྗེ་རྒྱལ་པོས་བྱིན་རླབས་མཛོད། །ལན་གསུམ། བཞི་པ་དཀྱིལ་འཁོར་དུ་འཇུག་པ་ནི། དེ་ནས་རིག་པ་བདེ་གཤེགས་སྙིང་པོའི་ངོ་བོ་ཉིད་སློབ་དཔོན་གྱི་ཕྱག་ལ་འཇུས་ནས་ཚོགས་བརྒྱད་གློ་བུར་བའི་རྟེན་ཐིག་ལེ་ཉག་གཅིག་


JLAZ010_Page_0286
[མ་དཔེ་གཟིགས་ན་འདིར་གནོན།]

པའི་སྒོར་ཁྲིད་པར་བསམ་ལ། ཨ་ཁཾ་ཝཱི་ར་ཧཱུྃ་ཞེས་ལན་གསུམ་བརྗོད། ཨོཾ་ན་མ་ཏེ་ཧཱུྃ། ཨོཾ་ན་མ་མེ་ཧཱུྃ། ཨོཾ་ན་མ་ན་མ་ཧཱུྃ། ཞེས་སྐུ་གསུང་ཐུགས་ཕྱག་བྱ། ལྔ་པ་སྲས་སུ་བསྐྲུན་པ་ནི། རྗེ་བཙུན་རྡོ་རྗེ་རྣལ་འབྱོར་མའི་མདུན་དུ་དབང་སྟེགས་པདྨ་འདབ་བརྒྱད་ལ་རང་ཉིད་འཁོད་པས་གཙོ་བོ་དང་རིགས་བདག་གིས་ཐུགས་ཀ་ནས་རཾ་ཡིག་དམར་པོ་བདེ་བའི་བདག་ཉིད་ཅན་དུ་བྱུང་བས་ཀུན་གཞི་ཚོགས་བརྒྱད་དང་བཅས་པའི་རྣམ་སྨིན་གྱི་ཕུང་པོ་སྦྱངས། རྣམ་པར་ཤེས་པ་ཏཱཾ་ཡིག་ཏུ་གྱུར་པ་རིགས་བདག་གི་ཞལ་དུ་དྲོང༌། སྐུའི་དབྱིབས་བརྒྱུད། ཡུམ་གྱི་མཁའ་གསང་དུ་ལྷུང༌། ཞུ་བདེ་དང་གཉིས་སུ་མེད་པའི་བྱང་ཆུབ་ཀྱི་སེམས་སུ་གྱུར་པ་སྔར་གྱི་དབང་སྟེགས་ལ་འཁོད་པ་གྱུར། དྲུག་པ་ཡེ་ཤེས་དབབ་པ་ནི། འོད་ཀྱི་རྣམ་པའི་སྟོང་གཟུགས་ལས། མཁའ་འགྲོ་བདེ་ཆེན་རྒྱལ་མོ་ནིཿ ཞལ་གཅིག་ཕྱག་གཉིས་སྐུ་མདོག་དམརཿ གཅེར་མོ་མཉམ་པའི་དོར་སྟབས་སོགས་ནས། སྐུ་ལ་རྒྱུད་སྡེའི་དཀྱིལ་འཁོར་རྫོགསཿ ཐུགས་ཀར་ཨཱརྱ་ཏཱ་རེ་མཿ ལྗང་སྔོན་ཞལ་གཅིག་ཕྱག་གཉིས་ཚུལཿ དེ་ཡི་ཐུགས་ཀར་ཡེ་ཤེས་ཀྱིཿཕག་མོ་གནག་སྣུམ་གྲི་ཐོད་ཅནཿ སེམས་དཔའ་སུམ་བརྩེགས་གནས་ལྔ་རུཿཕྱག་མཚན་ལྔ་དང་ས་བོན་ལྔསཿ མཚན་པ་དེ་ལས་འོད་འཕྲོས་


JLAZ010_Page_0287
[མ་དཔེ་གཟིགས་ན་འདིར་གནོན།]

པསཿ འོག་མིན་གནས་དང་མཁའ་སྤྱོད་ཞིངཿ གཡུ་ལོ་བཀོད་དང་པདྨ་འོདཿ རང་བཞིན་གནས་ནས་ཡེ་ཤེས་པཿདྲངས་ཏེ་གཉིས་སུ་མེད་པར་བསྟིམཿ ཧཱུྃཿཡུལ་གྱི་མིང་ནི་རྒྱ་གར་ཡུལཿ སོགས་ཀྱི་མཐརཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་ཛྙཱ་ན་ཝཱ་རཱ་ཧཱི་ཕེཾ་ཕེཾཿཞེས་སྤོས་རོལ་དང་བཅས་འཕར་གཡོ་འབྱུང་བ་ཙམ་དུ་ཡེ་ཤེས་པ་དབབ་བརྗེའི་ཏིཥྛ་བཛྲས་བརྟན་པར་བྱཿཔྲ་ཏཱིཙྪ་བཛྲ་ཧོཿཞེས་རིག་པའི་མེ་ཏོག་དོརཿ པྲ་ཏི་གྷྲི་ཧ་ན་ཨི་མཾ་ས་ཏྭ་མ་ཧཱ་བཱ་ལཿ ཞེས་མེ་ཏོག་སྤྱི་བོར་བཞག་ལ་ལྷག་ལྷ་ཐིམ་པར་བསམཿ ཙཀྵུ་པྲ་བེ་ཤ་ཡ་ཕཊཿཅེས་པས་མཐོང་བ་བསྟན་པར་བསམཿ བདུན་པ་གསོལ་གདབ་ནི། བྱང་ཆུབ་རྡོ་རྗེས་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་ཡོངས་སུ་སྐྱོབ་པའི་ཕྱིར། །ནམ་མཁའི་རྡོ་རྗེས་དེང་བདག་སྩོལ། །བརྒྱད་པ་དབང་བསྐུར་དངོས་ལ་བཞི་ལས། དང་པོ་བུམ་དབང་ནི། ཐོད་བུམ་སྤྱི་བོར་གཏུགས་ཤིང༌། ཧོཿགསང་སྔགས་དམ་ཚིག་བླ་ན་མེདཿ རང་བྱུང་ལྷུན་གྲུབ་བུམ་པའི་དབངཿ སངས་རྒྱས་ཀུན་ཀྱི་གསང་གསུམ་གྱིཿ དབང་བསྐུར་དམ་པ་ཁྱོད་ལ་སྦྱིནཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་ཛྙཱ་ན་ཝཱ་རཱ་ཧཱི་ཀཱ་ལ་ཤ་ཨ་བྷི་ཥིཉྩ་ཧཱུྃཿཞེས་བུམ་བཅུད་མྱོང༌། གཉིས་པ་གསང་དབང་ནི། བདུད་རྩི་དེ་ཉིད་བླ་མ་ཡབ་ཡུམ་གྱི་བྱང་སེམས་དངོས་སུ་བསམ་ལ་


JLAZ010_Page_0288
[མ་དཔེ་གཟིགས་ན་འདིར་གནོན།]

ཡུམ་གྱི་མཁའ་གསང་ནས་བླངས་པར་མོས་ནས་ཧུབ་གང་བཏུང་སྟེ། ཧོཿབྱང་ཆུབ་སེམས་ཀྱི་དམ་ཚིག་ནིཿ རྩ་ཁམས་ཡི་གེའི་འཁོར་ལོར་བསྟིམཿ བརྗོད་པ་མེད་ལས་ཐམས་ཅད་སྐྱེསཿ གྲགས་སྟོང་གསུང་གི་དབང་ཐོབ་ཤོགཿ རྩ་སྔགས་དང་། བྷོ་དྷི་ཙིཏྟ་ཨ་བྷི་ཥིཉྩ་ཨཱཿཞེས་དང་རྗེས་འབྲེལ་དུ་བགྲང་ཕྲེང་དང་བཅས། མདུན་བསྐྱེད་ཀྱི་ཐུགས་ཀ་ནས་སྔགས་ཕྲེང་བྱུང༌། བདག་བསྐྱེད་ཀྱི་ཞལ་དུ་ཞུགས། ཐུགས་ཀའི་ས་བོན་ལ་འཁོར་བར་བསམ་ལ་རྩ་སྔགས་ལན་གསུམ་དང༌། བཅོམ་ལྡན་བདག་གིས་བཟུང་ལགས་ཀྱིས། །བདག་ལ་ཉེ་བར་མཛད་དུ་གསོལ། །གསུམ་གྱིས་མཐར། ཕྲེང་བ་མགོ་བོར་བཞག་ལ། བཅོམ་ལྡན་འདི་ལ་སྩལ་ལགས་ཀྱིས། །འདི་ལ་འགོ་བར་མཛད་དུ་གསོལ། །སྔགས་ཀྱི་དངོས་གྲུབ་སྩལ་ནས་ཀྱང༌། །བརྟུལ་ཞུགས་བརྟན་པར་མཛད་དུ་གསོལ། །ཞེས་བརྗོད། གསུམ་པ་ཤེར་དབང་ནི། དགའ་བ་བཞིའི་བདག་ཉིད་སིན་དྷུ་རའི་རྟེན་དྲིལ་བུའི་བརྟེན་པ་དང་བཅས་པ་བླངས་ལ་ཐབས་ཤེས་འབྲེལ་བའི་ཐར་པ་བསྟེན་པ་མོས་ལ། ཧོཿ ཡེ་ཤེས་རྣམ་པ་ཐམས་ཅད་པཿ དགའ་བ་བཞི་ལ་ཡང་དག་བསྟེནཿ ཐབས་ཤེས་འབྲེལ་བའི་དམ་ཚིག་གིཿ ཕྱག་རྒྱ་ཆེན་པོ་ཁྱོད་ཀྱིས་ལོངསཿ ཛཿཧཱུྃ་བཾ་ཧོཿཞེས་པས་རོལ་པ་ཆེན་པོའི་དམ་ཚིག་དང༌། ཨ་ཧོ་མ་ཧཱ་སུ་ཁས་བདེ་བས་


JLAZ010_Page_0289
[མ་དཔེ་གཟིགས་ན་འདིར་གནོན།]

ཐབས་བྱས་པའི་ལྷན་སྐྱེས་ལ་ངེས་པ་བརྟན་པར་བསམ་ཞིང་སིན་དྷུ་ར་སྙིང་གར་བྱུག །བཞི་པ་དོན་དབང་ནི། དྲིལ་བུ་དཀྲོལ་ཞིང་དེའི་སྒྲ་ལ་རིག་པ་གཏད་ནས། ཐབས་ལས་བྱུང་བའི་དཔེའི་ཡེ་ཤེས་ཀྱིས་ཀྱང་མི་མཚོན་པའི་ཆོས་ཉིད་ལ་མཉམ་པར་བཞག་ནས། ཧོཿསྒྲ་ནི་གྲགས་པ་ཉིད་ནས་སྟོངཿ དེ་བཞིན་སེམས་ལ་ངོ་བོ་མེདཿ ངོ་བོ་མེད་པའི་གནས་ལུགས་ལཿ བལྟ་བྱ་སྤངས་ནས་ཡང་དག་ལྟོསཿ ཨ་ཨཿཞེས་སྐྱེ་མེད་ཀྱི་དོན་ལ་བལྟའོ། །དེ་ལྟར་དབང་བཞི་སོ་སོའི་དག་བྱ་དག་འབྲས་ནི་བླ་མའི་རྣལ་འབྱོར་ལྟར་ཚིག་ཕྲད་བསྒྱུར་ནས་བརྗོད་པའང་རུང་སྟེ་དོན་ལ་ངེས་ཤེས་ལྷོངས་པར་བྱའོ། །གསུམ་རྗེས་ཀྱི་རིམ་པ་དམ་ཚིག་ཁས་བླང་བ་ལ་སྤྱི་དང་བྱེ་བྲག་གཉིས་ལས་དང་པོ་ནི། དབང་བཞི་རྫོགས་པའི་དམ་ཚིག་ཏུཿརྡོ་རྗེ་སློབ་དཔོན་མི་སྤང་ཞིངཿ མར་ངོའི་ཚེས་བཅུ་རྒྱུན་མི་གཅདཿ གཞོན་ནུ་མ་ལ་བསྙེན་བཀུར་བྱཿརྟག་ཏུ་བྱང་ཆུབ་སེམས་གཉིས་སྒོམཿ ལན་གསུམ། གཉིས་པ། གཙོ་བོས་ཇི་ལྟར་བཀའ་སྩལ་པཿསོགས་ཤླཽ་ཀ་ལན་གསུམ་བརྗོད་ཅིང༌། ཚོགས་ཀྱི་འཁོར་ལོ་དང་བསྔོ་སྨོན་སོགས་རྗེས་ཆོག་སྤྱི་ལྟར་བྱའོ། །འདིས་ནི་ཉམས་ཆག་ཐམས་ཅད་འདག་ཅིང་རྒྱུད་ལ་བྱིན་རླབས་འཇུག་པ་ཡིན་པས་ཡང་ཡང་བླང་བར་བྱའོ། །ཞེས་པའང་བསམ་ཡས་ནས་རབ་བྱུང་སློབ་དཔོན་དམ་ཚིག་རྡོ་རྗེའི་ངོར་རིག་འཛིན་འཇིགས་མེད་གླིང་པས་སོ།། །།

རིག་འཛིན་ཡུམ་ཀའི་མེ་མཆོད་ལས་བཞིའི་བང་མཛོད།


JLAZ010_Page_0291
[མ་དཔེ་གཟིགས་ན་འདིར་གནོན།]

༂ རིག་འཛིན་ཡུམ་ཀའི་མེ་མཆོད་ལས་བཞིའི་བང་མཛོད་བཞུགསཿ


JLAZ010_Page_0292
[མ་དཔེ་གཟིགས་ན་འདིར་གནོན།]

རྡོ་རྗེ་དབྱིངས་ཀྱི་མཁའ་འགྲོ་ལ་ཕྱག་འཚལ་ལོཿའདིར་ཚོགས་གཉིས་སྤེལ་བ་དང་ཉམ་ཆགས་དག་པར་བྱ་བ་གཙོར་གྱུར་ལ་ཕྲིན་ལས་གཞན་པའི་ཁ་སྒྱུར་ཀྱང་བགྱི་བར་རུང་བའི་མཁའ་འགྲོའི་མེ་མཆོད་བྱ་བར་འདོད་ནཿ དང་པོ་རྫས་གསག་པ་ནིཿ མར་ཁུཿཡམ་ཤིངཿ ཏིལ་དཀར་ནགཿ དཀར་གསུམ་མངར་གསུམ་དང་དྲི་བཟང་གིས་སྦགས་པའི་ཞོ་ཟནཿ སོ་བཿ འབྲསཿ ནསཿ གྲོཿསྲན་མཿ ཡུངས་དཀརཿ ཀུ་ཤཿ དཱུར་ཝཿཤིང་ཏོགཿ དར་སྣཿསྨན་སྣཿརིན་པོ་ཆེའི་རིགས་དངཿ ཁྱད་པར་གྱི་རྫས་བ་དམར་ཟལ་རྙེད་ན་རབཿ མ་རྙེད་ན་བ་གླང་ཨ་མྲྀ་ཏས་སྦགས་པ། གཞོན་ནུའི་ཤཿལས་མདོག་དང་མཐུན་པའི་མེ་དར་རྣམས་ཀྱང་གསོགཿ གཉིས་པ་ཐབ་བཅའ་བ་ནི། བདག་གི་རྣལ་འབྱོར་དང་ལྡན་པས་འཁྱིལ་བའི་སྔགས་ཀྱི་བསང་ཆུ་བསྒྲུབཿ


JLAZ010_Page_0293
[མ་དཔེ་གཟིགས་ན་འདིར་གནོན།]

གང་དུ་བྱ་བའི་གཞི་མ་དུལ་བ་ཡིན་ན་ས་ཆོག་བྱཿདེ་ནས་རླན་ཅན་གྱི་ས་སྟེགས་འཇམ་པོ་ལཿ རྡུལ་མཚོན་གྱི་རེ་ཁཱ་རིམ་པ་གསུམ་དུ་བསྐོར་བའི་དབུས་མ་མཐིང་ཁར་བྂཿདེའི་ཕྱི་པད་འདབ་བཞི་ཕྱོགས་མདོག་ལ་འབུམ་ཕྲག་ཡངས་པའི་མཁའ་འགྲོའི་སྲོག་སྙིང་ཧ་རི་ནི་ས་བཀོདཿ ཕྱི་མ་རྡོ་ར་དང་འོད་ཕྲེང་ངོཿདེའི་སྟེང་ལྷ་རྫས་ལ་རུང་བའི་བུད་ཤིང་བཟང་པོ་རན་པར་བརྩེགསཿ ཉེ་ལོགས་ཅི་བདེ་བར་མཆོད་གཏོར་བཟང་པོ་དང་ཚོགས་འཁོརཿ སྲེག་རྫས་རྣམས་ཀྱང་འདུ་བྱའོཿགསུམ་པ་དངོས་གཞིའི་རིམ་པ་ནིཿ བསང་ཆུ་འཐོར་ཞིངཿ ཨ་མྲྀ་ཏས་བསངསཿ སྟོང་པའི་ངང་ལས་མཆོད་རྫས་དང་སྲེག་རྫས་རྣམས་རང་རང་གི་མིང་ཡིག་དང་པོ་ཐིག་ལེ་བརྒྱན་པ་ལས་བྱུང་བའི་བདུད་རྩིའི་དངོས་པོ་ལས་ཐམས་ཅད་ལ་ཐོགས་པ་མེད་


JLAZ010_Page_0294
[མ་དཔེ་གཟིགས་ན་འདིར་གནོན།]

པར་བསྐུལ་ཞིང་ལྷ་ཚོགས་རྣམས་དགྱེས་པ་བསྐང་བའི་ནུས་ལྡན་དུ་གྱུརཿ ནང་མཆོད་འཐོར་ཞིངཿ ཨོཾ་ཨཱཿཧཱུྃ་ཧ་ཧོ་ཧྲཱིཿལན་བདུན་བརྗོད། ལས་མཐུན་གྱི་མེ་སྦར་ལཿ ཨཱཿཆོས་རྣམས་རང་བཞིན་སྐྱེ་བ་མེདཿ ནམ་མཁའ་དབྱིངས་ཀྱི་དབང་ཕྱུག་མའིཿཀློང་ན་ལས་བཞི་རྫོགས་པའི་ཐབཿ སྤྱན་དང་མཱ་ཀཱིའི་མཁའ་དབྱིངས་སུཿ ཞལ་ཕྱག་སྤངས་པའི་མེ་ལྷ་ནིཿ ཡུམ་ཆེན་ན་བཟའ་དཀར་མོ་ཉིདཿ དམ་ཚིག་སྒྲོལ་མའི་བརྟུལ་ཞུགས་དངཿ མཉམ་སྦྱོར་བྱིན་ཟ་འབར་བའི་ཀློངཿ རྒྱུ་རྐྱེན་ལས་འདས་གཞལ་ཡས་ཁངཿ ཐིག་ལེ་ཉག་གཅིག་ཆིས་དབྱིངས་སྒོཿབདེ་ཆེན་འབར་བའི་ཕོ་བྲང་དབུསཿ ཆུ་སྐྱེས་གེ་སར་བཞད་པའི་སྟེངཿ ཉི་མའི་གདན་ལ་མཁའ་འགྲོའི་གཙོཿ ཆོས་སྐུའི་ཀློང་ལ་ཀུན་བཟང་མོཿ ལོང་སྐུའི་ཞིང་ན་ཝཱ་རཱ་ཧཱིཿསྤྲུལ་སྐུ་ཡེ་ཤེས་འཚོ་རྒྱལ་མཿ ཞལ་གཅིག་ཕྱག་གཉིས་སྐུ་མདོག་དམརཿ གཅེར་མོ་མཉམ་པའི་དོར་སྟབས་ཅནཿ ཤིན་ཏུ་ཆགས་དང་བཞད་པའི་ཞལཿ ཕྱག་གཡས་ཐོད་པའི་ཅང་ཏེའུཿསྙན་གྱི་ཐད་ཀར་གཏོད་ཅིང་འཁྲོལཿ གཡོན་པ་གྲི་གུག་ཡུ་བ་ནིཿ དཀུ་ལ་བརྟེན་ནས་མཆོག་ཏུ་འགྱིངཿ བྷ་ག་རྒྱས་ཤིང་ནུ་མ་འབུརཿ རིན་པོ་ཆེ་དང་གཞོན་ནུའི་བརྒྱནཿ པུནྜ་རི་


JLAZ010_Page_0295
[མ་དཔེ་གཟིགས་ན་འདིར་གནོན།]

ཀའི་དོ་ཤལ་འཕྱངཿ རུས་པའི་རྒྱན་དྲུག་སྐུ་ལ་མཛེསཿ གནག་སྣུམ་དབུ་སྐྲའི་ལན་ཚར་ཅནཿ རིན་པོ་ཆེ་ཡི་རྩེ་ཕྲན་བརྗིདཿ དབུ་མའི་སྤྱན་ནི་དབྱིངས་ལ་གཟིགསཿ ལོངས་སྐུའི་སྤྱན་གྱིས་འགྲོ་བ་འདུལཿ སྤྲུལ་སྐུའི་སྤྱན་གྱིས་ཁམས་གསུམ་འགུགསཿ སྐུ་ལ་རྒྱུད་སྡེའི་དཀྱིལ་འཁོར་རྫོགསཿ འབུམ་ཕྲག་ཡངས་པའི་མཁའ་འགྲོས་བསྐོརཿ རིགས་བདག་པདྨ་ཐོང་ཕྲེང་རྩལཿ ཨཱ་ཙཱརྱ་གཞོན་དཀར་གསལ་འཛུམཿ ཧེ་རུ་ཀ་པ་ཅང་དྲིལ་འཁྲོལཿ དམ་ཚིག་ཡེ་ཤེས་གཉིས་སུ་མེདཿ བསྒོམས་པ་ཙམ་གྱིས་དངོས་གྲུབ་ཐོབཿ སྤྱན་འདྲེན་པ་ནིཿ ཧཱུྃཿཡུལ་གྱི་མིང་ནི་རྒྱ་གར་ཡུལཿ གནས་ཀྱི་མཆོག་གྱུར་ཨོ་རྒྱན་གནསཿ དྷཱུ་མ་ཐ་ལ་མཁའ་འགྲོའི་གྲོངཿ གླིང་གི་གླིང་མཆོག་རྔ་ཡབ་གླིངཿ དོན་ལ་འོག་མིན་བདེ་ཆེན་ཞིངཿ རྣམ་པ་མཁའ་སྤྱོད་སྤྲུལ་པའི་གནསཿ དགྱེས་ཤིང་བཞུགས་པའི་ཡུལ་ཀུན་ནསཿ ཆོས་སྐུ་ཡུམ་ཆེན་འཚོ་རྒྱལ་མཿ འབུམ་ཕྲག་མཁའ་འགྲོའི་འཁོར་དང་བཅསཿ བྱིན་གྱིས་བརླབ་ཕྱིར་གཤེགས་སུ་གསོལཿ གནས་མཆོག་འདི་རུ་བྱིན་ཕོབ་ལཿ སྒྲུབ་མཆོག་བདག་ལ་དབང་བཞི་བསྐུརཿ བགེགས་དང་ལོག་འདྲེན་བར་ཆད་སོལཿ མཆོག་དང་ཐུན་མོང་དངོས་གྲུབ་སྩོལཿ ཨོཾ་ཨཱཿཧཱུྂ་བཛྲ་


JLAZ010_Page_0296
[མ་དཔེ་གཟིགས་ན་འདིར་གནོན།]

ཛྙཱ་ན་ཌཱཀྐི་ནི་ཨེ་ཨ་ར་ལི་ཕེཾ་ཕེཾ་ཛཿཛཿབཞུགས་གསོལ་ཕྱག་འཚལ་ནིཿ ཧོཿགདོད་ནས་དམ་ཚིག་ཡེ་ཤེས་པཿགཉིས་སུ་མེད་པ་རྡོ་རྗེའི་སྟནཿ མཁའ་འགྲོ་སེམས་ཀྱི་ཆོ་འཕྲུལ་དུཿ ལྷན་ཅིག་སྐྱེས་ལ་ཕྱག་འཚལ་ལོཿན་མོ་ན་མ་ཧཱུྂཿམཆོད་པ་འབུལ་བ་ནིཿ ཧོཿསྣང་ཞིང་སྲིད་པའི་ཆོས་སོ་ཅོགཿ འདོད་ཡོན་ལྔ་ཡི་རྒྱན་དུ་ཤརཿ སེམས་ཀྱི་ཡིད་བཞིན་གཏེར་ཆེན་པོཿབླང་དོར་མེད་པའི་དགྱེས་མཆོད་འབུལཿ བཛྲ་ཛྙཱ་ན་ཌཱཀྐི་ནི་པུཥྤེ་ནས་ཤབྟ་མ་ཧཱ་མུ་དྲ་རཀྟ་པཉྩ་བྷ་ལིང་ཏ་སརྦ་པཱུ་ཛ་ཨཱཿཧཱུྂཿབསྟོད་པ་ནིཿ ཧཱུྂཿརྒྱལ་བ་ཀུན་ཡུམ་རྡོ་རྗེ་རྣལ་འབྱོར་མཿ སྣ་ཚོགས་ཡུམ་གྱུར་ཤེས་རབ་ཕ་རོལ་ཕྱིནཿ དགྱེས་ཆགས་བཞད་པའི་རྣམ་འགྱུར་འཚོ་རྒྱལ་ཡུམཿ སངས་རྒྱས་པདྨའི་ལྕམ་ལ་ཕྱག་འཚལ་བསྟོདཿ མཐོང་བས་ཡིད་འཕྲོག་མཚན་དཔེའི་ལང་ཚོ་ཅནཿ ཐོས་པས་རྣམ་གྲོལ་འགག་མེད་བརྡ་ཡི་གསུངཿ དྲན་པས་བདེ་སྟོང་ཡེ་ཤེས་བསྐྱེད་པའི་ཐུགསཿ ཌཱཀྐིའི་གཙོ་མོ་མཁར་ཆེན་བཟའ་ལ་བསྟོདཿ བཅུ་དྲུག་དགའ་སྟེར་མཆོག་གི་ཕོ་ཉ་མོའིཿགསལ་སྣང་སྒྱུ་མའི་ཏིང་འཛིན་དང་འགྲོགས་པསཿ ཕྱི་ནང་གཞན་གསུམ་རྩ་རླུང་ཐིག་ལེའི་ཁམསཿ ཀུན་ཏུ་བཟང་མོའི་ཀློང་དུ་དག་གྱུར་ཅིགཿ དགང་བླུགས་བཟུང་ལ། ཧཱུྂཿ དགང་བླུགས་དཀྱིལ་འཁོར་མ་ལུས་པའིཿ ཞལ་


JLAZ010_Page_0297
[མ་དཔེ་གཟིགས་ན་འདིར་གནོན།]

གྱི་ངོ་བོར་རྣམ་དག་ཅིངཿ རྡོ་རྗེའི་ལྗགས་སྟེང་ཧཱུྃ་ཡིག་གིསཿ སྲེག་རྫས་བདུད་རྩིའི་རྒྱུན་དྲངས་ནསཿ ཐུགས་ཀའི་རྡོ་རྗེ་ཕག་མོ་མཉེསཿ ལས་མཐུན་འོད་ཟེར་འཕྲོས་པ་ཡིསཿ མཆོག་ཐུན་དངོས་གྲུབ་ཐོབ་པར་གྱུརཿ ཞེས་བརྗོད་ཅིང་བསམ་ལཿ ཨོཾ་པདྨོ་ཡོ་གི་ནི་ཛྙཱ་ན་ཝཱ་རཱ་ཧཱི་སརྦ་པཱ་པཾ་ཤཱནྟཾ་ཀུ་རུ་སྭཱ་ཧཱཿཞེས་བདུན་གྱིས་ཕུལ་ལཿ རྣལ་འབྱོར་པ་བདག་དང་ཡོན་གྱི་བདག་པོ་ལ་ནད་གདོན་སྡིག་སྒྲིབ་འགལ་རྐྱེན་བར་གཅོད་ཉམས་ཆག་ཉེས་ལྟུང་མ་དང་མཁའ་འགྲོའི་བཀའ་ཆད་ཐམས་ཅད་ཤཱིནྟཾ་ཀུ་རུ་སྭཱ་ཧཱཿཞེས་འདོད་དོན་གསོལཿ རྫས་གཞན་རྣམས་ཀྱང་གཅིག་ཏུ་སྤམས་ཏེ་འབུལ་ཚུལ་དེ་དང་འདྲཿཞི་བྱེད་དམིགས་བསལ་ཡོད་ན་རྩ་སྔགས་ཤམ་བུ་སརྦ་པཱ་པཾ་གྱི་མལ་དུཿ དམ་ཚིག་ཉམས་ཆག་ཤཱིནྟཾ་ཀུ་རུ་སྭཱ་ཧཱཿཞེས་པ་ལྟ་བུའི་འབྱིན་འཇུག་བྱཿདེ་བཞིན་དུ་རྒྱས་པ་ལཿ ཚེ་དང་བསོད་ནམས་པུཥྟིཾ་ཀུ་རུ་ཧོཿདབང་ལ། ཁམས་གསུམ་སྐྱེ་དགུའི་བླ་ཡིད་ཝཱ་ཤཾ་ཀུ་རུ་ཧོཿམངོན་སྤྱོད་ལཿ དགྲ་བགེགས་འབྱུང་པོ་མཱ་ར་ཡ་ཕཊཿཅེས་བསྒྱུརཿ རྫས་ལ་མཚོན་ནཿ ཞི་བར་མར་ཁུ་དངཿ ཏིལ་དཀར་ནགཿ པད་ཁ་རྣམས་བུངས་བསྐྱེདཿ རྒྱས་པ་ལ་ཞོ་ཟན་དང་དཱུར་ཝཱཿ རིན་པོ་ཆེ་དང་ཤིང་ཏོག་རྣམསཿ དབང་ལ་རོ་མངར་ཞིང་སྣུམ་པའི་བཟའ་བཅའ་དངཿ མེ་ཏོག་དང་འབྲས་བུ་དམར་པོའི་རིགསཿ དགྲ་བགེགས་ཞི་བ་ལ་ཡུངས་དཀར་དང་གུ་གུལ་ཚ་བ་གསུམ་


JLAZ010_Page_0298
[མ་དཔེ་གཟིགས་ན་འདིར་གནོན།]

དང་ལན་ཚྭའི་ཁུ་བས་ཅུང་ཟད་སྦགས་པ་ཞི་བའི་མཐུ་དང་ལྡན་པའི་མངོན་སྤྱོད་དོཿཚུལ་དེ་བཞིན་དུ་མཆོད་རྫས་དང་སྲེག་རྫས་ཐབ་དཀྱིལ་ལ་སོགས་པའི་ཁ་དོག་ལས་མཐུན་དངཿ གཙོ་བོར་ཏིང་ངེ་འཛིན་གྱི་ལྡེ་ཁ་ནི་རྣོ་ལ་ངར་གྱི་གདགས་པ་བཞིན་ནོཿརྫས་རྣམས་རྫོགས་པ་དངཿ ཨོཾ་བཛྲ་ཝསྟྲ་ཡེ་སྭཱ་ཧཱཿགོས་ཟུང་དངཿ བཛྲ་ཏཾ་བུ་ལ་ཡེ་སྭཱ་ཧཱཿཞེས་སོ་རྩི་དབུལཿ ཚོགས་ཀྱི་འཁོར་ལོས་མཆོདཿ དངོས་གྲུབ་བླང་བའི་རྗེས་ཐོག་ཏུ་བྱོན་སྐྱེམས་ཕུལ་ལཿ ཨོཾ་ཁྱེད་ཀྱིས་སེམས་ཅན་དོན་ཀུན་མཛོདཿ སོགས་ཀྱི་མཐརཿ བཛྲ་མུཿས་ཡེ་ཤེས་པ་གཤེགསཿ དམ་ཚིག་རང་ལ་འདྲེས་པར་བསམཿ དེ་ནས་བསྔོ་བ་ནིཿ མཁའ་འགྲོ་མ་ཡི་དཀྱིལ་འཁོར་དུཿ སྦྱིན་སྲེག་མཆོད་པ་འདི་ཕུལ་བསཿ དགེ་བའི་རྩ་བ་གང་ལགས་པཿའགྲོ་ཀུན་སངས་རྒྱས་ཐོབ་ཕྱིར་བསྔོཿཞེས་ལན་གསུམ་དངཿ སྨོན་ལམ་ནིཿ ཧོཿསྣང་སྲིད་ཐམས་ཅད་དག་པ་མཁའ་སྤྱོད་ཞིངཿ བདེ་ཆེན་འགྱུར་མེད་རྡོ་རྗེ་རྣལ་འབྱོར་མཿ རྣམ་ཀུན་མཆོག་ལྡན་དོན་གྱི་ཕག་མོ་དངཿ རང་ཞལ་མཇལ་ཏེ་མངོན་པར་བྱང་ཆུབ་ཤོགཿ ཤིས་པ་བརྗོད་པ་སྤྱི་དང་མཐུན་པར་བྱའོཿམི་ནི་དཀྱིལ་འཁོར་ལྷ་ཡི་ཞལཿ མངོན་སུམ་ཉིད་དུ་ལོངས་སྤྱོད་པསཿ བསོད་ནམས་ནང་ནས་སྦྱིན་སྲེག་མཆོགཿ རྣོ་ལ་མྱུར་པའི་ལས་བརྩམས་ནཿ རྣལ་འབྱོར་ལྡན་པས་འདི་ལ་འབདཿ ས་མ་ཡཿརྒྱ་རྒྱ་རྒྱཿརྗེ་བཙུན་དཔལ་སྡིངས་པས་གསོལ་བ་ནན་གྱིས་བཏབ་པས་ལོ་ཕྱི་མ་ལ་རྒྱ་ཁྲོལཿ

མཁའ་འགྲོ་བདེ་ཆེན་རྒྱལ་མོ་ལསཿ སྐུ་གསུམ་བདུད་རྩིའི་བཅུད་ལེན།


JLAZ010_Page_0299
[མ་དཔེ་གཟིགས་ན་འདིར་གནོན།]

༂ མཁའ་འགྲོ་བདེ་ཆེན་རྒྱལ་མོ་ལསཿ སྐུ་གསུམ་བདུད་རྩིའི་བཅུད་ལེན་བཞུགསཿ མཁའ་འགྲོ་མ་ལ་ཕྱག་འཚལ་ལོཿརླུང་ཟས་སྟོབས་ཀྱི་བཅུད་ལེན་ནིཿ བགེགས་འདུལ་ཁྲོ་བོའི་རྒྱལ་པོར་སྒོམཿ ཁུ་ཚུར་གདེངས་ཤིང་ཧཱུྃ་གླུ་ལེནཿ ལག་པ་གཡས་གཡོན་གར་སྟབས་བསྒྱུརཿ དབང་པོའི་སྒོ་རྣམས་ཧཱུྃ་གིས་བཀགཿ བགེགས་ཀྱང་སྟོང་པ་ཉིད་དུ་བསམཿ དེ་ནས་བླ་མའི་རྣལ་འབྱོར་སྒོམཿ མོས་གུས་དྲག་པོས་གསོལ་བ་གདབཿ རྐང་པ་རྡོ་རྗེའི་འདུག་སྟངས་ལཿ ལག་པ་སྟ་ཟུར་གཡས་གཡོན་བཞགཿ སྣ་བུག་གཉིས་ནས་དྲག་རླུང་དངཿ ཁོང་འདར་ཐོན་པའི་ཧ་གསུམ་འབུདཿ ངལ་བསོ་ཤེས་པ་དལ་བ་དངཿ ཧུབ་སྒྲ་གསུམ་གྱིས་བསྟུད་མ་རུཿབྱ་ལམ་བཟའ་ཞིང་བུམ་ཅན་བཟུངཿ ཧ་ཅང་མི་བསྡམ་ནམ་མཁའི་བཅུདཿ ཁོང་དུ་འུབ་ཀྱིས་དྲངས་པར་བསམཿ མི་ཐུབ་སྣ་བུག་གཉིས་ཀ་ནསཿ དྲག་འབུད་མ་ཡིན་དལ་བུས་བཏངཿ རེས་འགའ་པུས་བྲང་སྦྱར་བྱས་ལཿ ལག་པ་གཉིས་ཀྱིས་ཨོལ་ཀོ་བརྟེནཿ འཇམ་རླུང་ངང་ནས་དབྱིངས་རིག་བསྲེཿརྟགས་དང་ཡོན་ཏན་བསམ་མི་ཁྱབཿ རགས་པའི་ཟས་ཀྱི་ཞེན་པ་ཆོདཿ འབྱུང་བའི་སྙིགས་མ་ཤུགས་ལ་དེངསཿ སེམས་དང་རིག་པ་དངས་སྙིགས་ཕྱེདཿ གཉིད་ཀྱང་འོད་གསལ་ཆེན་པོར་འཆརཿ ཡེ་ཤེས་ཆེན་པོའི་བཅུད་ལེན་ཡིནཿ


JLAZ010_Page_0300
[མ་དཔེ་གཟིགས་ན་འདིར་གནོན།]

ས་མ་ཡཿ ལོངས་སྤྱོད་རྫོགས་སྐུ་རྡོ་རྗེ་སེམསཿ རྡོ་ཆེན་ཅོང་ཞིའི་བཅུད་ལེན་ནིཿ ཆེ་ཆུང་ནས་ཕྱེད་ཙམ་དུ་བརྡུངསཿ ཚགས་ཀྱིས་བཙགས་ལ་སྙོམས་པར་བྱཿཆུ་ཡིས་ལེགས་བཀྲུ་རྡོ་ཕྱེ་དངཿ ཐལ་དྲི་སྤུ་ཙམ་མ་འདྲེས་གཅེསཿ འབྲི་ཡི་འོ་མ་མར་གསར་དངཿ ཀར་བུར་སྦྲང་རྩི་སྤྱངས་པའི་ནངཿ བཏབ་ནས་མ་ཚིག་ལེགས་པར་སྐོལཿ ཁུ་བ་རང་སིམ་འགྲོ་བར་བྱཿགཡའ་མེད་སྣོད་བླུགས་མ་ཧུམས་གཅེསཿ དགོང་དང་ཐོ་རངས་ཉིན་གུང་གསུམཿ ཐུར་མགོ་རེ་རེ་ཇ་ཡིས་ཕུལཿ འདུ་བའི་ནད་སེལ་སྒྲིབ་པ་བྱངཿ ཉམས་དང་རྟོགས་པ་ཤུགས་ལ་འཕེལཿ དཔའ་བོ་མཁའ་འགྲོ་དབང་དུ་འདུཿ གནད་དུ་སོང་ན་འབྱུང་བའི་ཁམསཿ ཉམས་བརྟས་བཀྲག་དང་གཟི་མདངས་འབརཿ སྟོབས་རྩལ་གླང་པོ་ཆེ་དང་མཉམཿ མི་མ་ཡིན་དང་བརྡ་འཕྲོད་ཅིངཿ མངོན་ཤེས་རྫུ་འཕྲུལ་ཐོགས་པ་མེདཿ ས་དང་ལམ་གྱི་ཡོན་ཏན་རྫོགསཿ ས་མ་ཡཿསྤྲུལ་སྐུ་འབྲུ་ཆེན་བཅུད་ལེན་ནིཿ ནས་ཆེན་སྦུན་པ་མེད་པ་དེཿརྡུལ་དྲི་བཀྲུས་ལ་ལེགས་པར་བྲུསཿ རྫ་ནང་བླུགས་ལ་ཆང་ལྟར་བཙོཿ སྐྱ་བས་དཀྲུགས་ཤིང་འབྲགས་མི་གཞུགཿ རྒྱུན་དུ་རླངས་པ་མ་ཤོར་གཅེསཿ ཆུ་ཐག་ཆོད་ནས་གཞོང་པའམཿ སྤུ་རྡུལ་མེད་པའི་སྣོད་དུ་སྐམཿ ཉིན་རེ་ནས་ཕུལ་


JLAZ010_Page_0301
[མ་དཔེ་གཟིགས་ན་འདིར་གནོན།]

རེ་ཡི་ཚདཿ མར་ཚིལ་ལན་ཚྭའི་རྡོར་དང་བཅསཿ འབྲུ་ཐུག་ཉིད་དུ་འཚོ་ཤེས་སྤྱོདཿ སྲིན་བུ་འཆི་བར་མི་འགྱུར་ཞིངཿ དཀོར་དང་ལོག་འཚོའི་ཉེས་པ་དགཿ བྱ་བ་བཏང་བའི་རྣལ་འབྱོར་ལཿ ཟས་ཀྱིས་འཕོངས་པ་འབྱུང་མི་སྲིདཿ དེ་ལྟར་བཅུད་ལེན་རྣམ་པ་གསུམཿ བཟའ་དུས་ཡེ་གེ་འབྲུ་གསུམ་དུཿ བསྒོམས་པས་བདུད་རྩིའི་ནུས་པ་འབྱིནཿ ས་མ་ཡཿདེ་ལྟར་སྐུ་གསུམ་བཅུད་ལེན་ནིཿ ཁམས་དང་དབང་པོའི་ཁྱད་པར་གྱིསཿ སོ་སོ་ཉམས་སུ་བླང་ནུས་མོདཿ མོས་པས་སྤྱོད་པའི་གང་ཟག་ཕལཿ རིམ་བཞིན་ཆོས་ལོངས་སྤྲུལ་སྐུའི་ཚུལཿ ཉི་མ་རེ་མོས་ཉམས་བླངས་པསཿ ལུས་སྟོབས་རྒུད་པར་མི་འགྱུར་ཞིངཿ ཡུན་དུ་བསྲིང་བའི་མཐུ་ཆེ་བསཿ ཟླ་བ་རེ་ལ་བདུན་ཕྲག་རེཿརྟག་པ་རྒྱུན་གྱི་ཉམས་ལེན་འབདཿ རྗེས་ལ་ཟོས་ལོག་མི་འབྱུང་ཕྱིརཿ རགས་པའི་ཟས་ལ་རིམ་གྱིས་བསླབཿ བྱང་ཆུབ་བསྒྲུབ་པའི་ཆ་རྐྱེན་ཏེཿསྒྲུབ་པ་པོ་ཡི་དཔལ་དུ་ཤོགཿ ས་མ་ཡཿརྒྱ་རྒྱ་རྒྱཿ

ཀློང་ཆེན་སྙིང་གི་ཐིག་ལེ་ལསཿ ཡུམ་ཀ་མཁའ་འགྲོའི་ནང་སྒྲུབ་བདེ་ཆེན་སྙིང་པོའི་གཏེར་བུམ།


JLAZ010_Page_0303
[མ་དཔེ་གཟིགས་ན་འདིར་གནོན།]

༃ ཀློང་ཆེན་སྙིང་གི་ཐིག་ལེ་ལསཿ ཡུམ་ཀ་མཁའ་འགྲོའི་ནང་སྒྲུབ་བདེ་ཆེན་སྙིང་པོའི་གཏེར་བུམ་བཞུགསཿ


JLAZ010_Page_0304
[མ་དཔེ་གཟིགས་ན་འདིར་གནོན།]

བདག་ཉིད་ཆེན་པོ་པདྨ་ནིཿ དབྱིངས་ཀྱི་ཡུམ་ལ་དབང་བསྒྱུར་བསཿ མཁའ་འགྲོ་ཡོངས་ཀྱི་མིང་པོ་ཡིནཿ ཆུ་སྐྱེས་ཞལ་གྱི་གེ་སར་ལསཿ བྱུང་བའི་ལྷ་མོ་མྱུར་དཔའ་སྒྲོལཿ གངས་རིའི་ཁྲོད་ན་མི་མོའི་ཚུལཿ ཕྱི་ལྟར་དབྱངས་ཅན་མཚོ་རྒྱལ་མཿ ནང་ལྟར་རྗེ་བཙུན་སྒྲོལ་མ་དངོསཿ གསང་བ་རྡོ་རྗེ་ཕག་མོ་ཡིནཿ བསྙེན་པ་དབྱིངས་ཀྱི་ཡུམ་ལ་བྱཿདོན་གྱི་ཕག་མོས་ཞལ་མཐོང་འགྱུརཿ ཕྲིན་ལས་ཐུགས་རྗེས་རྩལ་ཤུགས་ནིཿ བྱེ་བ་ཕྲག་བརྒྱའི་སངས་རྒྱས་དངཿ སེམས་དཔའ་མཆོག་རྣམས་བསྙེན་བཀུར་ཞིངཿ འགྲོ་སྒྲོལ་ཐུགས་བསྐྱེད་དམ་བཅའ་ལཿ དཔལ་ཞིང་ཐུགས་རྗེ་མྱུར་བས་ནཿ བཅོམ་ལྡན་སྣང་བ་མཐའ་ཡས་དངཿ བསྐལ་བཟང་སངས་རྒྱས་སྟོང་རྩ་ཡིསཿ བསྟོད་བསྔགས་རྒྱལ་སྲས་རྣམས་ཀྱིས་བསྟེནཿ ས་དང་ཕ་རོལ་ཕྱིན་པ་ལཿ དབང་བསྒྱུར་སྒྲོལ་མ་རྣལ་འབྱོར་


JLAZ010_Page_0305
[མ་དཔེ་གཟིགས་ན་འདིར་གནོན།]

མའིཿ རྣམ་པར་སྒྲུབ་པས་བྱིན་རླབས་འགྱུརཿ ས་མ་ཡཿདེ་ལ་ལུས་ཚོགས་ཉེར་གཅིག་གིཿ དང་པོ་ཚད་མེད་བཞི་བསྒོམས་ནསཿ གཞན་ཕན་རྟེན་འབྲེལ་བསྒྲིགས་པ་གཅེསཿ སྙན་གྲགས་རྩ་བ་བྱང་ཆུབ་སེམསཿ རང་སྣང་འགྱུར་ཚེ་གཞན་སྣང་འགྱུརཿ རྩ་བའི་སྒྲུབ་པས་ཁོག་ཕུབས་ལཿ ཡེ་ཤེས་སེམས་དཔའ་གནས་བསྒྱུར་ནིཿ མཁའ་འགྲོའི་ཐུགས་ཀར་པད་ཟླའི་སྟེངཿ མྱུར་མ་དཔའ་བའི་རྗེ་བཙུན་མཿ དམར་མོ་ཁྲོ་འཛུམ་ཆགས་པའི་ཉམསཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ གཡས་འཁྱིལ་དུང་མཚན་ཨུཏྤལ་འཛིནཿ གློག་ལྟར་མྱུར་བའི་སྤྱན་གཡོས་པསཿ ལྷ་དང་བཅས་པའི་འཇིག་


JLAZ010_Page_0306
[མ་དཔེ་གཟིགས་ན་འདིར་གནོན།]

རྟེན་ནཿ བདག་གི་སྙན་གྲགས་གསལ་བར་བསམཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་བོ་དྷི་ཙིཏྟཱ་སྭཱ་ཧཱཿཐུགས་ཀར་ཟླ་གདན་ལ་ཏཱཾ་ཡིག་བཀོད་པའི་མཐའ་བསྐོར་སྔགས་ཕྲེང་ལས་མཐུན་གྱི་འོད་ཟེར་འཕྲོ་བར་བསམ་མོཿ མཆན། ཐུན་མཚམས་མཆོད་ཅིང་ཡིག་བརྒྱས་བཤགསཿ མྱུར་མ་དཔའ་མོ་བརྒྱ་ཚར་བརྗོདཿ སྨོན་སེམས་བསྐྱེད་ཅིང་དགེ་བ་བསྔོཿཀུན་ལ་ཐུན་མཐར་ཚོགས་འཁོར་བསྐོརཿ ལས་མཐའ་མེ་མཆོད་ཉིད་ལ་གཏདཿ རྣོ་ལ་ངར་གྱི་གདགས་པ་བཞིནཿ ས་མ་ཡཿ༈གཉིས་པ་བློ་དང་ཤེས་རབ་སྒྲུབཿ མཁའ་འགྲོའི་ཐུགས་ཀར་པད་ཟླའི་སྟེངཿ དབྱངས་ཅན་མ་ནི་སྟོན་ཟླའི་ཞལཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ མེ་ལོང་ཧྲཱིཾཿམཚན་ཨུཏྤལ་འཛིནཿ འོད་ཟེར་འཕྲོས་པས་རྒྱལ་རྣམས་ཀྱིཿམཁྱེན་རབ་སོ་སོ་ཡང་དག་རིགཿ སྐར་མ་སྟོང་ཕྲག་ཚོགས་པ་ལྟའིཿབློ་གྲོས་གཏེར་ཁ་ཕྱེ་བར་བསམཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་པྲ་ཛྙཱ་ཧྲིཾ་ཧྲིཾ་སྭཱ་ཧཱཿརྨོངས་པའི་རྒྱུན་ནི་མ་རིག་པཿནད་དང་གདོན་ཡང་དེ་ལ་བརྟེནཿ རིག་པ་འདི་བསྒྲུབས་སྐྱེས་བུ་ནིཿ ཤེས་རབ་ལྷ་ཡིས་རྗེས་སུ་འཛིནཿ ཐུན་མཚམས་གོང་འདྲཿ ཕྱག་འཚལ་ནིཿ སྟོན་ཀའི་ཟླ་བ་ཀུན་ཏུ་བརྗོདཿ ས་མ་ཡཿགསུམ་པ་བསོད་ནམས་སྟོབས་བསྐྱེད་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ སེར་མོ་བསོད་ནམས་མཆོག་སྟེར་མཿ ཞབས་


JLAZ010_Page_0307
[མ་དཔེ་གཟིགས་ན་འདིར་གནོན།]

གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཆུ་སྐྱེས་སྟེང་ན་རིན་ཆེན་འཛིནཿ སྐུ་ལས་ཉི་གཞོན་འཆར་ཀའི་འོདཿ འཕྲོས་པས་བྱང་ཆུབ་སེམས་དཔའ་ཡིཿའཇུག་པའི་སྤྱོད་པ་བདག་དབང་གྱུརཿ ཀུན་ཀྱིས་བརྫི་བར་མི་ནུས་པའིཿདབང་བཅུའི་ཡོན་ཏན་ཐོབ་པར་བསམཿ རྩ་སྔགས་ཤམ་བུརཿ མ་ཧཱ་པུཎྱེ་སྭཱ་ཧཱཿབསོད་ནམས་མེད་ན་ལོངས་སྤྱོད་དངཿ ཚེ་ཡང་རྟག་པར་མི་ནུས་ནཿ ཆོས་དོན་གཉེར་ལ་སྨོས་ཅི་དགོསཿ དེ་ཕྱིར་འདི་ལ་བརྩོན་པར་གྱིསཿ ཐུན་མཚམས་གོང་འདྲ། ཕྱག་འཚལ་ནིཿ སེར་སྔོན་ཆུ་ནས་སྐྱེས་ཀྱི་བརྗོདཿ ས་མ་ཡཿ༈བཞི་པ་འཆི་མེད་ཚེ་སྒྲུབ་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ གཙུག་ཏོར་རྣམ་རྒྱལ་གསེར་མདོག་ཅནཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་ཚེ་བུམ་མཛིནཿ འོད་ཟེར་སྤྲོ་བསྡུས་འཁོར་འདས་ཀྱིཿདྭངས་བཅུད་བདག་ལ་ཐིམ་པར་བསམཿ རྩ་སྔགས་ཤམ་བུརཿ ཨཱ་ཡུར་ད་ཏེ་བྷྲཱུཾ་སྭཱ་ཧཱཿསྤྲོས་པ་ཅན་ལ་ཚེ་རྫས་བཤམཿ ཚེ་དབང་བདུད་རྩི་བུམ་བཅུད་ཀྱིཿ སྔགས་ལ་ཚིག་ཕྲད་བསྒྱུར་བས་འགྲུབཿ ཕྱག་མཚལ་དེ་བཞིན་གཤེགས་པའི་བརྗོདཿ ས་མ་ཡཿ༈ ལྔ་པ་དམིགས་བྱ་དབང་སྡུད་ནཿ མཁའ་འགྲོའི་ཐུགས་ཀར་


JLAZ010_Page_0308
[མ་དཔེ་གཟིགས་ན་འདིར་གནོན།]

པད་ཟླའི་སྟེངཿ རིག་བྱེད་སྒྲོལ་མ་ལེ་བརྒན་མདོགཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་མདའ་གཞུ་འཛིནཿ འབར་ཞིང་རྣོ་བའི་འོད་ཟེར་གྱིསཿ དམིགས་བྱའི་སྙིང་ལ་གཟིར་བ་ཡིསཿ བརྟན་པ་འབྲལ་ཏེ་འདུད་པར་བསམཿ རྩ་སྔགས་ཤམ་བུརཿ ཀུ་རུ་ཀུལླེ་ནྲི་ཛཿསྭཱ་ཧཱཿམཁན་སློབ་དགེ་འདུན་རྒྱལ་བློན་དངཿ ཁྱིམ་བདག་དྲ་མའི་མིང་སྤེལ་བཅུགཿ ཕྱག་འཚལ་ཏུཏྟཱ་ར་སོགས་བརྗོདཿ ས་མ་ཡཿ༈དྲུག་པ་སྨྱོ་བརྗེད་ཤ་ཟ་དངཿ གནོད་སྦྱིན་གདོན་གྱི་སྟོབས་གཞོམ་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ འཇིགས་བྱེད་ཆེན་མོ་དམར་ནག་ཞལཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་ཕུར་བུ་འཛིནཿ ཧཱུྃ་གི་ཚྭ་ཚྭ་འཕྲོས་པ་ཡིསཿ གདོན་གྱི་མགོ་བོ་རབ་བཀས་ནསཿ ཆོས་ཉིད་ངང་དུ་བརྒྱལ་བར་བསམཿ རྩ་སྔགས་ཤམ་བུརཿ སརྦ་བིག་ནན་བཾ་ཧཱུྃ་ཕཊ་སྭཱ་ཧཱཿརྨོངས་བྱེད་གདོན་དང་སྨྱོ་འདྲེ་ཀུནཿ འདི་ཡིས་གསོས་པར་ཐེ་ཚོམ་མེདཿ ཕྱག་འཚལ་བརྒྱ་བྱིན་མེ་ལྷ་བརྗོདཿ ས་མ་ཡཿ༈བདུན་པ་གཡུལ་གྱི་འཁྲུལ་འཁོར་དངཿ ཐོག་སེར་དྲག་པོ་འཇོམས་འདོད་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ


JLAZ010_Page_0309
[མ་དཔེ་གཟིགས་ན་འདིར་གནོན།]

གཏུམ་མོ་གཞན་གྱིས་མི་ཐུབ་མཿ ནག་མོ་མེ་འབར་ཁྲོ་གཉེར་ཅནཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་རལ་གྲི་འཛིནཿ ཐོག་སེར་སྡེ་བརྒྱད་འཁྲུལ་འཁོར་དངཿ སྒྱོགས་སོགས་གཡུལ་གྱི་འཁྲུལ་འཁོར་གྱིཿ དགྲ་གཤེད་ཐལ་བར་གྱུར་པར་བསམཿ རྩ་སྔགས་ཤམ་བུརཿ བཛྲ་ཏ་ཀ་ཧ་ན་ལི་ཙ་ཕཊཿཕྱག་འཚལ་ཏྲད་ཅེས་བྱ་དང་བརྗོདཿ ས་མ་ཡཿ༈བརྒྱད་པ་གཞན་རྒོལ་མཚང་འབྲུ་གཞོམཿ མཁའ་འགྲོའི་ཐུགས་ཀར་པད་ཟླའི་སྟེངཿ གཞན་མི་རྒྱལ་བའི་དཔའ་མོ་ནིཿ དམར་ནག་ཁྲོ་གཉེར་ལྡན་པའི་ཞལཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་རྡོ་རྗེ་འཛིནཿ ཚ་ཞིང་རྩུབ་པའི་འོད་ཟེར་གྱིསཿ ཉོན་མོངས་བདུད་དགྲ་གསོད་པར་བསམཿ རྩ་སྔགས་ཤམ་བུརཿ ད་ཧ་པ་ཙ་ཧཱུྃ་ཕཊ་སྭཱ་ཧཱཿཕྱག་འཚལ་ཏུ་རེའི་འཇིགས་པ་བརྗོདཿ ས་མ་ཡཿ༈དགུ་པ་འཇིགས་པའི་ཚོགས་སྐྱོབ་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ སེང་ལྡེང་ནགས་ཀྱི་སྒྲོལ་མ་ནིཿ མར་གད་མདོག་ཅན་འོད་རབ་འཁྲུགསཿ ཞབས་གཉིས་རྟ་བབས་སྐྱིལ་མོ་ཀྲུངཿ


JLAZ010_Page_0310
[མ་དཔེ་གཟིགས་ན་འདིར་གནོན།]

ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་འཁོར་ལོ་འཛིནཿ མེ་སྤྲུལ་ཤ་ཟ་གླང་ཆེན་བཙོནཿ ཆོམ་རྐུན་སེང་གེ་རྒྱ་མཚོའི་རླབསཿ རྒྱལ་པོའི་ཆད་པ་དགྲ་གདོན་མཛེཿབཤེས་བྲལ་དབུལ་ཕོངས་གནམ་ལྕགས་ཐོགཿ དོན་ཉམས་ལ་སོགས་འཇིགས་པ་ནིཿ བརྒྱད་ཚན་གཉིས་ལས་སྐྱོབས་པར་བསམཿ རྩ་སྔགས་ཤམ་བུར། དཱ་ན་ཏྲ་ཡ་སྭཱ་ཧཱཿཕྱག་འཚལ་དཀོན་མཆོག་གསུམ་མཚོན་བརྗོདཿ ས་མ་ཡཿ༈བཅུ་པ་འཇིག་རྟེན་དབང་བྱེད་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ སྒྲོལ་མ་འཇིག་རྟེན་གསུམ་རྒྱལ་དམརཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་རྒྱལ་མཚན་འཛིནཿ འདོད་ལྷ་དབང་བྱེད་འོད་ཟེར་དངཿ བཞད་པ་བརྒྱད་ལྡན་སྔགས་ཀྱི་སྒྲསཿ གཞན་འཕྲུལ་དབང་བྱེད་སྡེ་དང་བཅསཿ རྨོངས་ཤིང་བདག་གི་དབང་གྱུར་ནསཿ འཇིག་རྟེན་ཀུན་ཀྱིས་འདུད་པར་དམིགསཿ རྩ་སྔགས་ཤམ་བུརཿ ལོ་ཀ་པཱ་ཤཾ་ཀུ་རུ་སྭཱ་ཧཱཿརྗེ་དཔོན་དབང་གྱུར་གཞན་སྨོས་ཅིཿརྒྱལ་བློན་རབ་བྱུང་ཁྱིམ་བདག་དངཿ ཡུལ་གྱི་གཙོ་བོ་རིག་གནས་མཁནཿ དཔལ་ཆེན་བུད་མེད་རིགས་བཟང་མོཿ ལྷ་ཀླུ་གནོད་སྦྱིན་ནོར་གྱི་ལྷཿ སྐྱེད་མོས་ཚལ་དང་ཡུལ་མཁར་ཞིངཿ རྐང་ཕྲན་


JLAZ010_Page_0311
[མ་དཔེ་གཟིགས་ན་འདིར་གནོན།]

ནོར་དབྱིག་ཕྱུགས་ལ་སོགསཿ གང་འདོད་དམིགས་པའི་ལྡེ་ཁ་སྒྱུརཿ ཕྱག་འཚལ་རབ་ཏུ་དགའ་བ་བརྗོདཿ ས་མ་ཡཿ༈བཅུ་གཅིག་དབུལ་བ་སེལ་འདོད་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ ནོར་གཏེར་དམར་སེར་ཁྲོ་གཉེར་ཅནཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་གཏེར་བུམ་འཛིནཿ འོད་ཟེར་འཕྲོས་པས་ཕྱོགས་སྐྱོང་སོགསཿ ས་གཞི་སྐྱོང་བའི་ཕོ་ཉ་བསྐུལཿ ལྷ་ཀླུ་མི་ཡི་དཔལ་འབྱོར་དངཿ ལོངས་སྤྱོད་ཆར་དུ་ཕབ་པ་ཡིསཿ ཡུལ་ལྗོངས་དང་ནི་ཁྱིམ་གང་བསམཿ རྩ་སྔགས་ཤམ་བུརཿ མ་མ་བ་སུ་པུཥྟིཾ་ཀུ་རུ་སྭཱ་ཧཱཿཕྱག་འཚལ་ས་གཞི་སྐྱོང་བ་བརྗོདཿ གཏེར་བུམ་བསྒྲུབ་དང་གཡང་འགུགས་སོགསཿ ཕྲིན་ལས་ཁ་ཚར་གདགས་སུ་རུངཿ ས་མ་ཡཿ༈བཅུ་གཉིས་ཆར་ཆུ་བུ་དཔལ་སྤེལཿ ཡུལ་གྲུ་བཀྲ་ཤིས་བྱེད་འདོད་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ བཀྲ་ཤིས་དོན་བྱེད་སྒྲོལ་མ་སེརཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་དཔལ་བེའུ་འཛིནཿ ལྷ་མོའི་དཔྲལ་བའི་ཟླ་བའི་ཟེར་ལས་བདུད་རྩིའི་ཆརཿ ཕབ་པས་རྩི་སྨན་ལོ་ཏོག་རྒྱསཿ རིགས་བདག་ཉིད་ལས་འོད་འཕྲོས་


JLAZ010_Page_0312
[མ་དཔེ་གཟིགས་ན་འདིར་གནོན།]

པསཿ བཀྲ་ཤིས་རྫས་རྟགས་ཆར་དུ་བབཿ བརྟན་གཡོའི་རྟེན་འབྲེལ་ལོག་པའི་དུགཿ གཞིལ་ཏེ་ཕུན་སུམ་ཚོགས་པར་བསམཿ རྩ་སྔགས་ཤམ་བུརཿ མངྒ་ལ་ཤྲཱི་མ་ཧཱ་པཱ་ཎི་སྭཱ་ཧཱཿཕྱག་འཚལ་ཟླ་བའི་དུམ་སོགས་བརྗོདཿ ས་མ་ཡཿ༈བཅུ་གསུམ་གཡུལ་ལས་རྒྱལ་བྱེད་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ མེ་འབར་དབུས་གནས་རྗེ་བཙུན་མཿ དམར་མོ་སྤྱན་གསུམ་ཁྲོས་པའི་གདོངཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་རྡོ་རྗེ་གདེངསཿ འོད་ཟེར་རྡོ་རྗེའི་ཚྭ་ཚྭ་ཡིསཿ གཞན་སྡེ་བཅོམ་ནས་ཚུར་འདུས་པསཿ རྡོ་རྗེའི་རྭ་བའི་གུར་གྱུར་པའིཿནང་དུ་རང་སྲིད་སྲུང་བར་བསམཿ རྩ་སྔགས་ཤམ་བུརཿ བཛྲ་ཛྭ་ལ་ཕཊ་ཕཊཿརཀྴ་རཀྵ་སྭཱ་ཧཱཿཕྱག་འཚལ་བསྐལ་པའི་ཐ་མ་བརྗོདཿ ས་མ་ཡཿ༈བཅུ་བཞི་འགོང་པོ་སྤུན་དགུ་དངཿ སྡེ་བརྒྱད་གནོད་བྱེད་ཚོགས་གཞོམ་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ ཁྲོ་གཉེར་ཅན་མཛད་སྐུ་མདོག་ནགཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་གཏུན་ཤིང་འཛིནཿ ཧཱུྃ་སྒྲ་སྒྲོགས་པའི་འོད་ཟེར་དངཿ ཕྱག་ཞབས་ས་ལ་བསྣུན་


JLAZ010_Page_0313
[མ་དཔེ་གཟིགས་ན་འདིར་གནོན།]

པ་ཡིསཿ དམ་འགོང་རྒྱ་འདྲེའི་མགོ་བོ་བཀསཿ ཆོས་ཉིད་ངང་དུ་བརྒྱལ་བར་བསམཿ རྩ་སྔགས་ཤམ་བུརཿ ཧཱུྃ་ཧཱུྃ་ཧཾ་ཤཾ་ཏྲིག་ནན་ཕཊཿཕྱག་འཚལ་ས་གཞིའི་ངོས་སོགས་བརྗོདཿ ས་མ་ཡཿ༈བཅོ་ལྔ་སྡིག་པ་ཞི་འདོད་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ རབ་ཏུ་ཞི་བ་སྐུ་མདོག་དཀརཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་སྤྱི་བླུགས་འཛིནཿ ཐུགས་ལས་དག་བྱེད་ལྷ་མོ་ནིཿ བུམ་པ་ཐོགས་པ་དཔག་མེད་སྤྲོསཿ ཟླ་གདན་ལ་གནས་དམིགས་བྱ་ཡིཿངན་སོང་སྡིག་སྒྲིབ་བཀྲུས་པར་བསམཿ རྩ་སྔགས་ཤམ་བུརཿ སརྦ་པཱ་པཾ་ག་ཏེ་ག་ཏེ་སྭཱ་ཧཱཿཕྱག་འཚལ་བདེ་མ་དགེ་མ་བརྗོདཿ གནས་ལུང་དག་ཀྱང་སྦྱར་དུ་རུངཿ ས་མ་ཡཿ༈བཅུ་དྲུག་དགྲ་ཡི་མཐུ་སད་ཅིངཿ བྱད་མའི་རིགས་སྔགས་སྟོབས་གཞོམ་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ འབར་བའི་འོད་ཅན་སྐུ་མདོག་དམརཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་རྒྱ་གྲམ་འཛིནཿ འོད་ཟེར་འཕྲོས་པས་དགྲ་བོ་དངཿ བྱད་མའི་མཐུ་སྟོབས་ངག་ནུས་བཤིགཿ དྲང་སྲོང་


JLAZ010_Page_0314
[མ་དཔེ་གཟིགས་ན་འདིར་གནོན།]

ངག་ལ་དབང་ཐོབ་དམིགསཿ རྩ་སྔགས་ཤམ་བུརཿ ཏྲཾ་དུ་ཏྲི་ན་ཏྲཾ་དུ་ཕཊཿསྭཱ་ཧཱཿཕྱག་འཚལ་ཀུན་ནས་བསྐོར་རབ་བརྗོདཿ ས་མ་ཡཿ༈བཅུ་བདུན་དགྲ་ཇག་ཆོམ་རྐུན་དངཿ རྔོན་པ་ཅན་གྱི་ཁ་འཆིང་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ དཔག་མེད་གནོན་མ་གུར་གུམ་མདོགཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་མཆོད་རྟེན་འཛིནཿ ཐུགས་ཀའི་ཧཱུྃ་ལས་འོད་འཕྲོས་ཧཱུྃཿཞབས་མཐིལ་ས་ལ་བརྡབས་པ་ཡིསཿ སྟོང་གསུམ་ཕ་རོལ་གནས་པའི་རིཿམནྡ་ར་དང་འབིགས་བྱེད་དངཿ འདོད་དང་གཟུགས་ཁམས་གཟུགས་མེད་ལྡེགཿ དྲག་ཤུལ་སྟོབས་ཀྱིས་དམིགས་བྱའི་གཟུགསཿ ཞབས་ཀྱི་འོག་ཏུ་མནན་པར་བསམཿ རྩ་སྔགས་ཤམ་བུརཿ ཧཱུྃ་ཧཱུྃ་བཾ་ཧོཿསྭཱ་ཧཱཿཕྱག་འཚལ་ཏུ་རེའི་ཞབས་བརྡབས་བརྗོདཿ ས་མ་ཡཿ༈བཅོ་བརྒྱད་སྦྱར་དང་དབྱིག་གི་དུགཿ གཟའ་ཀླུ་གནོད་སྦྱིན་སྡེ་ཚོགས་ཀྱིཿམཐོང་རེག་ཁ་རླངས་དུག་བསྲུང་ནཿ མཁའ་འགྲོའི་ཐུགས་ཀར་པད་ཟླའི་སྟེངཿ སྒྲོལ་མ་རྨ་བྱ་ཆེན་མོ་དཀརཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ རི་དྭགས་རྟགས་ཅན་ཟླ་བ་ཉ་གང༌། ཨུཏྤལ་འཛིནཿ འོད་ཟེར་འཕྲོས་པས་


JLAZ010_Page_0315
[མ་དཔེ་གཟིགས་ན་འདིར་གནོན།]

བརྟན་གཡོའི་དུགཿ ལྷག་མ་མེད་པར་གཞིལ་བར་བསམཿ རྩ་སྔགས་ཤམ་བུརཿ སརྦ་བི་ཥ་ཏཱ་ར་ཕཊཿཕྱག་འཚལ་ལྷ་ཡི་མཚོ་རྣམས་བརྗོདཿ དུག་དབྱུང་བྱེད་ན་བུམ་སྒྲུབ་དངཿ འབྲེལ་བར་ཆུས་བཀྲུ་རྨ་བྱས་བྱབཿ ཧོཿའགལ་རྐྱེན་ཐམས་ཅད་དུག་ལ་བརྟེནཿ དུག་གི་རྒྱུ་ནི་ཉོན་མོངས་པཿརིག་པ་མཆོག་གིས་སྨན་ཆེན་འདིསཿ སེམས་ཅན་ཁམས་ནི་དུག་མེད་ཤོགཿ ཕྱག་འཚལ་སྔགས་སྦྲེལ་བརྒྱ་ཚར་བརྗོདཿ ས་མ་ཡཿ༈བཅུ་དགུ་བས་ནི་རྩོད་པ་དངཿ རྨི་ལམ་ངན་པ་ཐམས་ཅད་སེལཿ མཁའ་འགྲོའི་ཐུགས་ཀར་པད་ཟླའི་སྟེངཿ རྗེ་བཙུན་མི་ཕམ་རྒྱལ་མོ་དཀརཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་གདུགས་དཀར་འཛིནཿ སྣ་ཚོགས་རྡོ་རྗེའི་ཚྭ་ཚྭ་ཡིསཿ ཕ་རོལ་ངག་གི་ནུས་པ་བཅོམཿ དབུ་རྒྱན་ལ་སོགས་རྒྱན་བརྒྱད་སྙན་ཆ་དཔུང་རྒྱན་གཉིས་ཕྱག་ཞབས་གདུ་བུ་གཉིས་མགུལ་ཆུན་སྐ་རགས་བ་ཏིའི་སྨད་དཀྲིས་རྣམས་སོཿཀྱིསཿ གོ་ཆ་བརྗིད་པ་ལྟར་བསྲུངས་པསཿ རྩ་རླུང་ཐིག་ལེ་འཁྲུགས་པ་ཡིཿརྨི་ལམ་ངན་པ་བསལ་བར་བསམཿ རྩ་སྔགས་ཤམ་བུརཿ ཧཱུྃ་ཧཱུྃ་ཕཊ་ཕཊ་རཀྞ་རཀྵ་མཱཾ་སྭཱ་ཧཱཿ ཕྱག་འཚལ་ལྷ་ཡི་ཚོགས་རྣམས་བརྗོདཿ ས་མ་ཡཿ༈ ཉི་ཤུ་པ་ཡིས་རིམས་ནད་སེལཿ མཁའ་འགྲོའི་ཐུགས་ཀར་པད་


JLAZ010_Page_0316
[མ་དཔེ་གཟིགས་ན་འདིར་གནོན།]

ཟླའི་སྟེངཿ དམར་སེར་ལྷ་མོ་རི་ཁྲོད་མཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་ཟ་མ་ཏོགཿ ཉི་མ་ཟླ་བའི་སྤྱན་རྒྱས་པསཿ ནད་བདག་ཚར་བཅད་ཉི་མ་ལས་འབར་བའི་འོད་ཀྱིས་རིམས་གསོས་ཟླ་བ་ལས་བདུད་རྩིའི་རྒྱུན་བྱུང་བས་བསམཿ རྩ་སྔགས་ཤམ་བུརཿ ན་ལ་ཏཱ་རེ་མ་ནོ་ཧ་ར་ཧཱུྃ་ཧ་ར་སྭཱ་ཧཱཿཕྱག་འཚལ་ཉི་མ་ཟླ་བ་བརྗོདཿ ས་མ་ཡཿ༈ཉེར་གཅིག་ནད་པའི་བླ་ཚེ་བསླུཿམཁའ་འགྲོའི་ཐུགས་ཀར་པད་ཟླའི་སྟེངཿ འོད་ཟེར་ཅན་མ་སྐུ་མདོག་དཀརཿ སྐུ་གསུང་ཐུགས་ལས་ཨོཾ་ཨཱཿཧཱུྃཿཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤ་ལར་གནས་གསེར་ཉ་འཛིནཿ ཡི་གེ་གསུམ་ལས་འོད་འཕྲོས་པསཿ གདོན་དང་རོ་ལངས་གནོད་སྦྱིན་གྱིསཿ ནད་པའི་བླ་དང་ཚེ་བརྐུས་པཿསླར་ལ་གནང་བཞིན་སྤྲད་པར་དམིགསཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་མ་རི་ཙྱེ་ཚེ་བྷྲཱུྃ་ནྲི་ཛཿསྭཱ་ཧཱཿཚེ་མདའ་དང་བླ་ལ་གཡུཿཁམས་ཀྱི་རྟེན་དུ་དར་ཚོན་དབྱངསཿ རྟེན་འབྲེལ་བླ་ལུག་ཉིད་ལ་བརྟགཿ མ་གྲུབ་བར་དུ་བསྐྱར་ཞིང་འབདཿ ཐུན་མཚམས་བླ་གླུད་བཟང་པོ་ལཿ གླུད་ཕྲན་ཟན་འབྲུལ་ཆང་བུ་བརྒྱཿའབྲུ་གསུམ་བྱིན་བརླབས་སཾ་བྷ་རཿ བརྒྱ་རྩ་བརྒྱད་བསྔོ་ལན་རེ་བཞིནཿ ཧཱུྃཿ


JLAZ010_Page_0317
[མ་དཔེ་གཟིགས་ན་འདིར་གནོན།]

ཁྱེར་ཅིག་ཁྱེར་ཅིག་སྟོབས་ལྡན་རྣམསཿ སྲེད་དང་ཆགས་དང་ཞེན་པ་དངཿ དྲན་དང་བཟུང་དང་བསམ་དང་རེགཿ གློད་དང་ཞི་དང་གྲོལ་བར་མཛོདཿ ཅེས་དང་སྒྲོལ་མ་ཡིད་ལ་བྱསཿ ཐལ་སྦྱར་དེ་ཉིད་གསུམ་བཀོད་མཐརཿ ཐལ་མོ་རྡེབ་ཅིང་འབབ་ཆུར་དོརཿ སྲོག་བསླུ་བྱ་ཞིང་ཉེའུ་འདོནཿ དུས་མིན་འཆི་བ་ངེས་པ་བཟློགཿ ས་མ་ཡཿརྒྱ་རྒྱ་རྒྱཿ ༈བཅངས་པས་མི་མཐུན་ཕྱོགས་བསྲུང་ཞིངཿ མཐོང་བས་སྡིག་པ་ལས་གྲོལ་བའིཿཡུམ་འཁོར་དཔལ་གྱི་གདུ་བུ་ལཿ མཐོང་གྲོལ་ཙཀྲ་ཞེས་སུའང་གྲགསཿ མཁའ་འགྲོ་འདུ་བའི་དུས་གཉན་ལཿ མུ་ཁྱུད་རིམ་པ་བདུན་གྱི་དབུསཿ པདྨ་འདས་བཞི་དབུས་དང་ལྔའིཿཁོང་དུ་འོང་ལྔའི་ཐིག་ལེའི་ཀློངཿ གཤེགས་མ་ལྔ་ཡི་ས་བོན་ནིཿ ཏཱཾ་ཡིག་དབུས་སུ་གནས་པ་བྲིཿ དེའི་ཕྱི་མུ་ཁྱུད་དང་པོ་ལཿ ཨོཾ་པདྨོ་ཡོ་གི་ནི་ཛྙཱ་ན་ཝཱ་རྭ་ཧཱི་ཧཱུྃཿན་མོ་ཨཱརྱ་ཏཱ་རེཿཨོཾ་ཏཱ་རེ་ཏཱཾ་སྭཱ་ཧཱཿན་མོ་རཏྣ་ཏྲ་ཡཱ་ཡཿནམཿ ཨརྱ་ཨ་ཝ་ལོ་ཀི་ཏེཿཤྭ་ར་ཡཿབྷོ་དྷི་ས་ཏྭ་ཡཿམ་ཧཱ་ས་ཏྭ་ཡཿམཱ་ཧཱ་ཀ་རུ་ནི་ཀཱ་ཡཿཨོཾ་ཏཱ་རེ་ཏུཏྟཱ་རེ་ཏུ་རེ་མཱཾཿཀྲྀ་ཏེ་སརྦ་དུཥྟ་ནཾཿཛཾ་བྷ་ཡཿསྟྭཾ་བྷ་ཡཿམོ་ཧ་ཡཿབྷན་དྷ་ཡཿཧཱུྃ་ཧཱུྃ་ཕཊ་ཕཊཿསརྦ་དུཥྟཾ་སྟྭཾ་བྷ་ནི་ཏཱ་རེ་སྭཱ་ཧཱཿཞེས་བྲི་དེའི་ཕྱི་པད་འདབ་བརྒྱདཿ མདུན་ནས་བརྩམས་པའི་གཡས་བསྐོར་དུཿ དང་པོཿཨོཾ་པདྨོ་ཡོ་གི་ཏཱ་རེ་ཏུཏྟཱ་རེ་ཏུ་རེ་པྲ་ཛྙཱ་ཧྲིཾ་ཧྲིཾ་སྭཱ་ཧཱཿགཏི་མུག་གླང་པོའི་འཇིགས་པ་ལས་སྐྱོབས་ཤིག་རཀྵཿ གཉིས་པར་ཐོག་མཐའ་འདྲ་བ་ལཿ མ་ཧཱ་པུཎྱེ་སེར་སྣ་ལྕགས་སྒྲོག་གི་འཇིགས་


JLAZ010_Page_0318
[མ་དཔེ་གཟིགས་ན་འདིར་གནོན།]

པ༴ གསུམ་པརཿ ཨཱ་ཡུརྡ་ཏེ་བྷཱུྃ་སྭཱ་ཧཱཿཐེ་ཚོམ་ཤ་ཟའི་འཇིགས༴ བཞི་པརཿ མངྒལ་ཤྲཱི་མ་ཧཱ་པཱ་ནི་སྭཱ་ཧཱཿའདོད་པ་ཆུ་བོའི་དབའ་རླབས་ཀྱི༴ ལྔ་པརཿ སརྦ་པཱ་པཾ་ག་ཏེ་ག་ཏེ་སྭཱ་ཧཱཿཞེ་སྡང་མེའི༴ དྲུག་པརཿ ཧཱུྃ་ཧཱུྃ་བཾ་ཧོཿསྭཱ་ཧཱཿལྟ་ངན་ཆོམ་རྐུན་གྱི༴ བདུན་པརཿ སརྦ་བིཥ་ཏཱ་ར་ཕཊ་སྭཱ་ཧཱཿཕྲག་དོག་དུག་སྤྲུལ་གྱི༴ བརྒྱད་པརཿ ཧཱུྃ་ཧཱུྃ་ཕཊ་ཕཊཿརཀྵ་རཀྵ་མཱཾ་སྭཱ་ཧཱཿང་རྒྱལ་སེང་གེའི་འཇིགས༴ སྤྲོ་ན་བསྒྲུབ་བྱའི་དངོས་གྲུབ་ཀྱིཿའདོད་གསོལ་རེ་རེ་བཞིན་དུ་སྦྱརཿ དེའི་ཕྱི་རྩིབས་ནི་བཅུ་གསུམ་ལཿ རྩ་སྔགས་ནི་ཐོག་མཐའ་འདྲ་སྟེ་རྩིབས་དང་པོརཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་བྷོ་དྷི་ཙིཏྟ་སྭཱ་ཧཱཿཕ་རོལ་གྱི་ལྕེ་འབབ་པའི་འཇིགས་པ་ལས་སྲུངས་ཤིགཿ གཉིས་པརཿ མུ་ཏྲ་ནྲི་ཛ་སྭཱ་ཧཱཿམིང་སྤེལ་དམིགས་གསལ་འཇུགཿ ས་གཡོ་བའི་འཇིགས༴ གསུམ་པརཿ སརྦ་བིག་ནན་བཾ་ཧཱུྃ་ཕཊཿསྨྱོ་བརྗེད་ཀྱི་གདོན་ལས༴ བཞི་བརཿ བཛྲ་ཏ་ཀ་ཧ་ན་ལི་ཙ་ཕཊཿགནམ་ལྕགས་དང་འཁྲུལ་འཁོར་གྱི་འཇིགས༴ ལྔ་པརཿ ད་ཧ་པ་ཙ་ཧཱུཾ་ཕཊ་སྭཱ་ཧཱཿརྒྱལ་པོའི་ཆད་པའི༴ དྲུག་པརཿ དཱ་ན་ཏྲ་ཡ་སྭཱ་ཧཱཿདུས་མ་ཡིན་པར་འཆི་བའི༴ བདུན་པརཿ ལོ་ཀ་པཱ་ཤཾ་ཀུ་རུ་སྭཱ་ཧཱཿམཛའ་བཤེས་དང་བྲལ་བའི༴ བརྒྱད་པརཿ མ་མ་བཱ་སུ་པུཥྟིཾ་ཀུ་རུ་སྭཱ་ཧཱཿམུ་གེ་དང་ཕོངས་པའི༴ དགུ་པརཿ བཛྲ་ཛྭ་ལ་རཀྵ་སྭཱ་ཧཱཿཕ་རོལ་གྱི་དམག་ཚོགས་ཀྱི༴ བཅུ་པ་ལ་ཧཱུཾ་ཧཱུཾ་སྭཱ་ཧཱཿ མཛེ་ནད་དང་ཁྱབ་འཇུག་གི༴ བཅུ་གཅིག་པརཿ ཏྲཾ་དུ་ཏྲི་ན་ཏྲཾ་དུ་ཕཊ་སྭཱ་ཧཱཿབྱད་ཕུར་དང་རིག་སྔགས་ཀྱི༴ བཅུ་གཉིས་པ་ལཿ མ་ནོ་ཧ་ར་ཧཱུྃ་ཧ་ར་སྭཱ་ཧཱཿགྲིབ་དང་རིམས་ནད་ཀྱི༴


JLAZ010_Page_0319
[མ་དཔེ་གཟིགས་ན་འདིར་གནོན།]

བཅུ་གསུམ་པ་ལཿ མ་རི་ཙྱེ་ཚེ་བྷྲཱུྃ་ནྲི་ཛ་སྭཱ་ཧཱཿརོ་ལངས་དང་གནོད་སྦྱིན་གྱི་འཇིགས༴ རྩིབས་མཆན་བཅུ་གསུམ་དག་ལ་ནིཿ ཨོཾ་ཨ་ན་ལེ་ཨ་ན་ལེཿ༡ཁ་ས་མེད་ཁ་ས་མེདཿ ༢བཻ་རེ་བཻ་རེཿ༣སཽ་མེ་སཽ་མེཿ༤ཤཱནྟེ་ཤཱནྟེཿ༥དཱནྟེ་དནྟེཿ༦བི་ཥ་དེ་བི་ཥ་དེཿ༧བཱི་རེ་བཱི་རེཿ༨དེ་བི་བཛྲ་དྷཱ་རིཿ༩བྷནྡྷ་བྷནྡྷ་ནིཿ ༡༠བཛྲ་པཱ་ཎི་ཕཊཿ༡༡ཨོཾ་ཧཱུྃ་ཧཱུྃ་དྲུཾ་ཧྲི་ཥྚོཾ་ཕཊ་སྭཱ་ཧཱཿ༡༢ཧཱུྃ་དྲུཾ་བྷནྡྷ་ཕཊཿ༡༣དེའི་ཕྱི་མུ་ཁྱུད་བཞི་བ་ལཿ མཐོང་གྲོལ་ཡབ་ཀྱི་དགོངས་པ་བྲིཿལྔ་པར་རེག་གྲོལ་ཡུམ་སྙིང་པོཿདྲུག་པར་ཐིག་ལེ་ཉེར་ལྔའི་དབུསཿ ཡེ་ཤེས་ཆེན་པོའི་སྙིང་པོ་ནིཿ སྡེ་ཚན་ཉི་ཤུ་རྩ་ལྔ་དངཿ བར་མཚམས་ཀློང་གྲོལ་ཡིག་དྲུག་བཀོདཿ བདུན་པར་ཕྱག་མཚན་ཉེར་གཅིག་དངཿ བརྒྱད་པར་དབྱངས་གསལ་རྟེན་སྙིང་བྲིཿདགུ་པར་རྡོ་རྗེའི་ཕྲེང་བ་དངཿ བཅུ་པ་ཉིད་ནི་པ་ཏྲ་འོཿབསྲུང་བ་རྐྱང་པར་ལྟོ་བ་དངཿ བརྟགས་གྲོལ་མུ་ཁྱུད་གསུམ་དོར་རོཿཀུན་ཀྱང་ཚོན་གྱིས་རྣམ་པར་དབྱེཿཨ་མྲྀ་ཏ་དང་དྲི་བཟང་ཕྱུགཿ མགུལ་དུ་བཏགས་ན་རང་རྒྱུད་ལཿ གནས་པའི་ཉོན་མོངས་དུག་རྣམས་སྦྱོངཿ ཕྱི་ལ་གཡེངས་ན་རྫི་ཕྱོགས་ཀྱིསཿ ཕོག་པའི་སེམས་ཅན་དོན་བྱེད་འགྱུརཿ གྲོང་ཁྱེར་དག་དང་ཕྱུགས་ཀྱི་ལྷསཿ གཡུལ་གྱི་ཕྲུ་མ་ལ་བཙུགས་ནཿ འཇིགས་པ་མེད་པའི་གནས་ཐོབ་འགྱུརཿ རིག་སྔགས་དང་ནི་མཁྱུད་དཔྱད་ཀྱིཿརྟེན་འབྲེལ་བདེན་པ་བསམ་མི་ཁྱབཿ རྒྱལ་བའི་ཕྲིན་ལས་ཚད་མེད་ཕྱིརཿ དོན་འབྲས་གྲུབ་ལ་བསླུ་བ་མེདཿ སྒྲིབ་པའི་ནང་ན་ཐེ་ཚོམ་ཆེཿདངོས་གྲུབ་དད་པ་ཅན་ལ་འབྱུངཿ ཤིན་ཏུ་ཟབ་པའི་སྔགས་རྒྱུད་


JLAZ010_Page_0320
[མ་དཔེ་གཟིགས་ན་འདིར་གནོན།]

འདིའིཿ བརྡ་རིས་འཚོ་རྒྱལ་བླ་མཚོར་རྒྱཿབརྡ་འགྲོལ་སེང་གེ་རོང་དུ་འབྱུངཿ གྲུ་གཟིངས་ཆུ་བོའི་གཞུང་ལ་འབབསཿ རྟེན་འབྲེལ་སྣ་ཁ་མ་ལོག་ནཿ འགྲོ་དོན་ཉི་འོག་གཉིད་ལ་སྤྱོདཿ སྙིང་གི་བུ་དང་འཕྲད་ནས་ཀྱངཿ འགྲོ་དོན་ནམ་མཁའི་མཐར་ཐུག་ཤོགཿ ས་མ་ཡཿརྒྱ་རྒྱ་རྒྱཿགཏེར་རྒྱཿདགོངས་རྒྱཿབརྡ་རྒྱཿ ལས་ཚོགས་འདི་གཞན་བསྐུལ་ཡང་ཡང་བྱུང་ཡང་རིང་ཞིག་གཏེར་རྒྱ་མ་ཁྲོལཿ དེ་རྗེས་ནོར་སྐྱོང་གི་ལོ་སྒྲོལ་མ་འབུམ་ཐེར་བསགས་པའི་རྐྱེན་གྱིས་རྗེ་བཙུན་མའི་བྱིན་རླབས་ཁོ་ནས་ཀློང་གི་བརྡ་རིས་གྲོལཿ དེ་ལོ་ཆར་ཞོད་ཤིན་ཏུ་དཀོན་པ་ལ་བཀྲ་ཤིས་སྲོང་བཙན་བང་སོར་ཡུམ་ཀའི་ཚོགས་སྐོང་དང་བཅས་འདུན་པ་སྒྱུར་བས་རིགས་བདག་གི་ལས་ཚོགས་བཅུ་གཉིས་པ་ལ་ངེས་པ་རྙེད་པའོཿ

སྒྲོལ་མ་མཎྜལ་བཞི་པའི་ཆོ་ག་ཀླུ་དབང་དགོངས་རྒྱན།


JLAZ010_Page_0321
[མ་དཔེ་གཟིགས་ན་འདིར་གནོན།]

སྒྲོལ་མ་མཎྜལ་བཞི་པའི་ཆོ་ག་ཀླུ་དབང་དགོངས་རྒྱན་བཞུགས། །


JLAZ010_Page_0322
[མ་དཔེ་གཟིགས་ན་འདིར་གནོན།]

དེ་མཚན་དེ་ཡི་ཨུཏྤ་ལ། །རྣ་ལུང་དཔྱངས་པའི་གདེངས་ཀ་ནི། །འཇིགས་པ་བརྒྱད་ཀྱི་མི་མཐུན་ཕྱོགས། །ཁོ་ནར་ངེས་པས་ཕྱག་བགྱིའོ། །འདིར་འཇིགས་པ་ཆེན་པོ་བརྒྱད་དང་བཅུ་དྲུག་ལ་སོགས་པའི་འགལ་རྐྱེན་ཐམས་ཅད་ཞི་བར་བྱེད་པ་སྒྲོལ་མ་མཎྜལ་བཞི་པའི་ཆོ་ག་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི་གཙུག་ལག་ཁང་དང་དགོན་པ་སོགས་གནས་གཙང་ཞིང་ཡིད་དུ་འོང་བར་རྟེན་གསུམ་སྤྱི་དང༌། ཁྱད་པར་རྗེ་བཙུན་མའི་སྣང་བརྙན་བྱིན་རླབས་ཅན་བཤམས་པའི་ཟུར་བཞིར་མཎྜལ་བཞི་དང༌། ལོགས་བཞིར་མཆོད་པ་སྣ་ལྔ་བྲེང་ཆགས་རེ། ཅི་རིགས་པར་གཏོར་མ་དཀར་ཟླུམ། དཀར་གསུམ་མངར་གསུམ་གྱིས་བརྒྱན་པ་ཚར་བཞི་ཡང་བཤམས། གཞན་ཡང་བུམ་པ་བཅུད་ལྡན་ལ་སོགས་པའི་ཁྲུས་ཀྱི་ཡོ་བྱད་དང༌། ཚར་རེ་བཞིན་གསོ་རྒྱུའི་མཆོད་པ་


JLAZ010_Page_0323
[མ་དཔེ་གཟིགས་ན་འདིར་གནོན།]

སོགས་ཉེ་བར་འདུ་བྱའོ། །གཉིས་པ་དངོས་གཞི་ལ་གཉིས། དཀོན་མཆོག་སྤྱི་ལ་བརྟེན་ནས་ཚོགས་བསགས་པ་དང༌། རྗེ་བཙུན་མ་སྒོས་ལ་བརྟེན་ནས་ཚོགས་བསག་པའོ། །དང་པོ་ལའང་རྣམ་གྲངས་བཅུ་གཅིག་ལས། དང་པོ་ནི་རང་ཉིད་ཀྱང་ཁྲུས་བྱ་ཞིང་གཙང་སྤྲ་ལ་གནས་པས་སྐྱབས་སུ་འགྲོ་བ་དང་སྨོན་སེམས་ནི། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །སོགས་ཀྱི་ཤླཽ་ཀ་ལན་གསུམ། གཉིས་པ་བྱང་སྡོམ་བླང་བ་ནི། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ཕྲད་པར་གྱུར་ཅིག །སོགས་ཚད་མེད་བཞི་བསྒོམ་པ་ལན་གསུམ་གྱི་མཐར། བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཞེས་


JLAZ010_Page_0324
[མ་དཔེ་གཟིགས་ན་འདིར་གནོན།]

ལན་གསུམ་གྱིས་སྐྱབས་སུ་འགྲོ་བ་སྔོན་དུ་བཏང་ནས། ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང༌། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང༌། །དེ་བཞིན་དུ་ནི་བསླབ་པ་ལའང༌། །རིམ་པ་བཞིན་དུ་བསླབ་པར་བགྱི། །གསུམ་གྱི་མཐར། དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་བདག་དེང་གྱུར། །བདག་གིས་དེ་རིང་སྐྱོབ་པ་ཐམས་ཅད་ཀྱི། །སྤྱན་ལྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་ཟིན་གྱིས། །ལྷ་དང་ལྷ་མིན་ལ་སོགས་དགའ་བར་བགྱི། །ཞེས་པས་དགའ་བ་སྒོམ། གསུམ་པ་ས་གཞི་བྱིན་བརླབ་ནི། ཐམས་ཅད་དུ་ཡང་ས་གཞི་དག །གསེག་མ་ལ་སོགས་མེད་པ་དང༌། །ལག་མཐིལ་ལྟར་མཉམ་བཻཌཱུརྻའི། །རང་བཞིན་འཇམ་པོར་གནས་གྱུར་ཅིག །བཞི་པ་མཆོད་པ་བྱིན་རླབས་ནི། ཨོཾ་ཧཱུྃ་ཏྲཱྃ་ཧྲཱིཿཨཱཿལྷ་རྫས་དང་ཏིང་ངེ་འཛིན་ལས་གྲུབ་པའི་ཕྱི་ནང་གསང་བའི་མཆོད་སྤྲིན་ངོ་བོ་ཡེ་ཤེས་བདུད་རྩི་ལ་རྣམ་པ་འདོད་ཡོན་གྱི་སྤྲིན་ཕུང་ཟད་མི་ཤེས་པ་ཀུན་ཏུ་བཟང་པོའི་མཆོད་པའི་རྣམ་རོལ་དུ་རྒྱས་པར་གྱུར་ཅིག །ཨོཾ་བཛྲ་ཨརྒྷཾ་པཱ་དྱཾ་པུཥྤེ་དྷཱུ་


JLAZ010_Page_0325
[མ་དཔེ་གཟིགས་ན་འདིར་གནོན།]

བེ་ཨཱ་ལོ་ཀེ་གནྡྷེ་ནཻ་ཝི་དྱ་ཤཔྟ་ཨཱཿཧཱུྃ། དང་སྤྲོ་ན་མཆོད་པའི་སྤྲིན་གྱི་གཟུངས་ཀྱང་འདོན། ལྔ་པ་སྤྱན་འདྲེན་གྱི་སྔ་རོལ་དུ་དཀོན་མཆོག་གི་ཡོན་ཏན་རྗེས་སུ་དྲན་པར་བྱ་བ་ནི། འདི་ལྟར་སངས་རྒྱས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཏེ་དེ་བཞིན་གཤེགས་པ་དེ་ནི་བསོད་ནམས་དག་གི་རྒྱུ་མཐུན་པ། དགེ་བའི་རྩ་བ་རྣམས་ཆུད་མི་ཟ་བ། བཟོད་པས་རབ་ཏུ་བརྒྱན་པ། བསོད་ནམས་ཀྱི་གཏེར་རྣམས་ཀྱི་གཞི། དཔེ་བྱད་བཟང་པོ་རྣམས་ཀྱིས་སྤྲས་པ། མཚན་རྣམས་ཀྱི་མེ་ཏོག་རྒྱས་པ། སྤྱོད་ཡུལ་རན་པར་མཐུན་པ། མཐོང་ན་མི་མཐུན་པ་མེད་པ། དད་པས་མོས་པ་རྣམས་ལ་མངོན་པར་དགའ་བ། ཤེས་རབ་ཟིལ་གྱིས་མི་ནོན་པ། སྟོབས་རྣམས་ལ་བརྫི་བ་མེད་པ། སེམས་ཅན་ཐམས་ཅད་ཀྱི་སྟོན་པ། བྱང་ཆུབ་སེམས་དཔའ་རྣམས་ཀྱི་ཡབ། འཕགས་པའི་གང་ཟག་རྣམས་ཀྱི་རྒྱལ་པོ། མྱ་ངན་ལས་འདས་པའི་གྲོང་ཁྱེར་དུ་འགྲོ་བ་རྣམས་ཀྱི་དེད་དཔོན། ཡེ་ཤེས་དཔག་ཏུ་མེད་པ། སྤོབས་པ་བསམ་གྱིས་མི་ཁྱབ་པ། གསུང་རྣམ་པར་དག་


JLAZ010_Page_0326
[མ་དཔེ་གཟིགས་ན་འདིར་གནོན།]

པ། དབྱངས་སྙན་པ། སྐུ་བྱད་ལྟ་བས་ཆོག་མི་ཤེས་པ། སྐུ་མཚུངས་པ་མེད་པ། འདོད་པ་དག་གིས་མ་གོས་པ། གཟུགས་དག་གིས་ཉེ་བར་མ་གོས་པ། གཟུགས་མེད་པ་དག་དང་མ་འདྲེས་པ། སྡུག་བསྔལ་དག་ལས་རྣམ་པར་གྲོལ་བ། ཕུང་པོ་དག་ལས་རབ་ཏུ་རྣམ་པར་གྲོལ་བ་ཁམས་རྣམས་དང་མི་ལྡན་པ། སྐྱེ་མཆེད་རྣམས་བསྡམས་པ། མདུད་པ་རྣམས་ཤིན་ཏུ་བཅད་པ། ཡོངས་སུ་གདུང་བ་དག་ལས་རྣམ་པར་གྲོལ་བ། སྲིད་པ་ལས་གྲོལ་བ། ཆུ་བོ་ལས་བརྒལ་བ། ཡེ་ཤེས་ཡོངས་སུ་རྫོགས་པ། འདས་པ་དང༌། མ་བྱོན་པ་དང༌། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་ལ་གནས་པ། མྱ་ངན་ལས་འདས་པ་ལ་མི་གནས་པ། ཡང་དག་པ་ཉིད་ཀྱི་མཐའ་ལ་གནས་པ། སེམས་ཅན་ཐམས་ཅད་ལ་གཟིགས་པའི་ས་ལ་བཞུགས་པ་སྟེ། འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་ཆེ་བའི་ཡོན་ཏན་ཡང་དག་པ་རྣམས་སོ། །དམ་པའི་ཆོས་ནི་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། བཅོམ་ལྡན་འདས་ཀྱིས་ཆོས་ལེགས་པར་གསུངས་པ། ཡང་དག་པར་མཐོང་བ། ནད་མེད་པ། དུས་ཆད་པ་མེད་པ། ཉེ་བར་བསྟོད་པ། འདི་མཐོང་བ་ལ་དོན་ཡོད་པ།


JLAZ010_Page_0327
[མ་དཔེ་གཟིགས་ན་འདིར་གནོན།]

མཁས་པ་རྣམས་ཀྱིས་སོ་སོ་རང་གིས་རིག་པར་བྱ་བ། བཅོམ་ལྡན་འདས་ཀྱིས་གསུངས་པའི་ཆོས་འདུལ་བ་ལ་ལེགས་པར་བརྟེན་པ། ངེས་པར་འབྱུང་བ། རྫོགས་པའི་བྱང་ཆུབ་ཏུ་འགྲོ་བར་བྱེད་པ། མི་མཐུན་པ་མེད་ཅིང་འདུས་པ་དང་ལྡན་པ། རྟེན་པ་ཡོད་པ། རྒྱུ་བ་བཅད་པའོ། །ཐེག་པ་ཆེན་པོའི་དགེ་འདུན་ནི་ལེགས་པར་ཞུགས་པ། རིག་པར་ཞུགས་པ། དྲང་པོར་ཞུགས་པ། མཐུན་པར་ཞུགས་པ། ཐལ་མོ་སྦྱར་བའི་འོས་སུ་གྱུར་པ། ཕྱག་བྱ་བའི་འོས་སུ་གྱུར་པ། བསོད་ནམས་ཀྱི་དཔལ་གྱི་ཞིང༌། ཡོན་ཡོངས་སུ་བྱང་བ་ཆེན་པོ། སྦྱིན་པའི་གནས་སུ་གྱུར་པ། ཀུན་ཏུ་ཡང་སྦྱིན་པའི་གནས་སུ་གྱུར་པ་ཆེན་པོའོ། །དྲུག་པ་སྤྱན་འདྲེན་དངོས་ནི། མ་ལུས་སེམས་ཅན་ཀུན་ཀྱི་མགོན་གྱུར་ཅིང༌། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་བའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཅོམ་ལྡན་བསྐལ་པ་གྲངས་མེད་དུ་མ་རུ། །འགྲོ་ལ་བརྩེ་ཕྱིར་ཐུགས་རྗེའི་རྣམས་དགོངས་ཤིང༌། སྨོན་ལམ་རྒྱ་ཆེན་དགོངས་པ་ཡོངས་རྫོགས་པའི། །ཁྱོད་བཞེད་འགྲོ་དོན་མཛད་དུས་འདི་ལགས་ན། །དེ་ཕྱིར་ཆོས་དབྱིངས་ཕོ་བྲང་ལྷུན་གྲུབ་ནས། །རྫུ་འཕྲུལ་བྱིན་རླབས་སྣ་ཚོགས་སྟོན་མཛད་


JLAZ010_Page_0328
[མ་དཔེ་གཟིགས་ན་འདིར་གནོན།]

ཅིང༌། །མཐའ་ཡས་སེམས་ཅན་ཚོགས་རྣམས་བསྒྲལ་བའི་ཕྱིར། །ཡང་དག་འཁོར་དང་བཅས་ཏེ་གཤེགས་སུ་གསོལ། །བཛྲ་ས་མཱ་ཛཿཞེས་རོལ་ཆེན་བྱ། བདུན་པ་བཞུགས་གསོལ་ནི། བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །པདྨ་ཀ་མ་ལཱ་ཡེ་སྟྭཾ། ཞེས་གདན་དབུལ། བརྒྱད་པ་ཁྲུས་གསོལ་བ་ནི། ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་རེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུས། །ཡིད་འོང་ལེགས་པར་བཀང་བ་གླུ་དང་ནི། རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོམ་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང༌། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང༌། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡིས། །


JLAZ010_Page_0329
[མ་དཔེ་གཟིགས་ན་འདིར་གནོན།]

དྲི་མཆོག་རྣམས་ཀྱིས་ཐུབ་དབང་ཀུན་གི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །ཞེས་བརྗོད་ཅིང་ཚིག་དོན་འབྲེལ་པར་གོས་ཟུང་འབུལ་བ་དང༌། དྲིའི་བྱུག་པ་འགྱེད་པར་ཡང་བྱའོ། །བརྒྱད་པ་མཆོད་པ་ནི། ཇི་སྙེད་སུ་དག་ཕྱོགས་བཅུའི་འཇིག་རྟེན་ན། །སོགས་ཕལ་པོ་ཆེ་བྱུང་བའི་ཡན་ལག་བདུན་པ་དང༌། སྤྲོ་ན། ཐུབ་དབང་མཆོད་གནས་མཆོག་ལ་ཡིད་འོང་བའི། །མེ་ཏོག་མནྡ་ར་དང་པདྨ་དང༌། །ཨུཏྤལ་སོགས་དྲི་ཞིམ་ཐམས་ཅད་དང༌། །ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད། །སྤོས་མཆོག་ཡིད་འཕྲོག་དྲི་ངད་ཁྱབ་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་དབུལ། །ཞལ་ཟས་བཟའ་བཏུང་སྣ་ཚོགས་བཅས་པ་ཡི། །ལྷ་བཤོས་རྣམས་ཀྱང་དེ་ལ་དབུལ་བར་བགྱི། །གསེར་གྱི་པདྨ་ཚར་དུ་དངར་བ་ཡི། །རིན་ཆེན་སྒྲོན་མ་རྣམས་ཀྱང་དབུལ་བར་བགྱི། །ས་གཞི་བསྟར་བ་སྤོས་ཀྱིས་བྱུགས་པ་དེར། །མེ་ཏོག་ཡིད་འོང་སིལ་མ་དགྲམ་པར་བྱ། །གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན། །མུ་ཏིག་རིན་ཆེན་རྒྱན་འཕྱང་མཛེས་འབར་བ། །དཔག་ཡས་ནམ་མཁའི་རྒྱན་གྱུར་དེ་དག་ཀྱང༌། །ཐུགས་རྗེའི་རང་བཞིན་ཅན་ལ་དབུལ་བར་བགྱི། །རིན་ཆེན་གདུགས་མཛེས་གསེར་གྱི་ཡུ་བ་ཅན། །འཁོར་ཡུག་རྒྱན་གྱི་རྣམ་པ་ཡིད་


JLAZ010_Page_0330
[མ་དཔེ་གཟིགས་ན་འདིར་གནོན།]

འོང་ལྡན། །དབྱིབས་ལེགས་བལྟ་ན་སྡུག་པ་སྒྲེང་བ་ཡང༌། །རྟག་ཏུ་ཐུབ་དབང་རྣམས་ལ་དབུལ་བར་བགྱི། །དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་ཚིམས་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་དཀོན་མཆོག་ཐམས་ཅད་དང༌། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་འཆད་པར་འབབ་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་ལྟར་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་ཀུན་ཏུ་འབྱུང་གྱུར་ཅིག །དུས་གསུམ་གཤེགས་པའི་སངས་རྒྱས་ཀུན། །ཆོས་དང་ཚོགས་ཀྱི་མཆོག་བཅས་ལ། །ཞིང་རྡུལ་ཀུན་ཀྱི་གྲངས་སྙེད་ཀྱི། །ལུས་བཏུད་པ་ཡིས་བདག་ཕྱག་འཚལ། །བྱང་ཆུབ་སེམས་ཀྱི་གཞི་རྣམས་དང༌། །མཆོད་རྟེན་རྣམས་ལ་བདག་ཕྱག་འཚལ། །མཁན་པོ་དེ་བཞིན་སློབ་དཔོན་དང༌། །བརྟུལ་ཞུགས་མཆོག་ལ་ཕྱག་འཚལ་ལོ། །དགུ་པ་བསྟོད་པ་ནི། མགོན་པོ་ཐུགས་རྗེ་ཆེ་ལྡན་པ། །


JLAZ010_Page_0331
[མ་དཔེ་གཟིགས་ན་འདིར་གནོན།]

ཐམས་ཅད་མཁྱེན་པའི་སྟོན་པ་པོ། །བསོད་ནམས་ཡོན་ཏན་རྒྱ་མཚོའི་ཞིང༌། །དེ་བཞིན་གཤེགས་པ་ཕྱག་འཚལ་ལོ། །དག་པ་འདོད་ཆགས་བྲལ་བའི་རྒྱུ། །དགེ་བས་ངན་སོང་ལས་གྲོལ་ཞིང༌། །གཅིག་ཏུ་དོན་དམ་མཆོག་གྱུར་པ། །ཞི་གྱུར་ཆོས་ལ་ཕྱག་འཚལ་ལོ། །གྲོལ་ནས་གྲོལ་བའི་ལམ་ཡང་སྟོན། །བསླབ་པ་དག་ལ་རབ་ཏུ་གུས། །ཞིང་གི་དམ་པ་ཡོན་ཏན་ལྡན། །དགེ་འདུན་ལ་ཡང་ཕྱག་འཚལ་ལོ། །བསྟོད་པར་འོས་པ་ཐམས་ཅད་ལ། །ཞིང་རྡུལ་ཀུན་ཀྱི་གྲངས་རྙེད་ཀྱི། །ལུས་བཏུད་པ་ཡིས་རྣམ་ཀུན་ཏུ། །མཆོག་ཏུ་དད་པས་ཕྱག་འཚལ་ལོ། །སྤྲོ་ན། དགའ་བ་བརྒྱ་ལྡན་འཆི་མེད་གྲོང་ཁྱེར་ནས། །བྱང་ཆུབ་སེམས་ཀྱི་དམ་པ་ཏོག་དཀར་པོ། །ཤཱཀྱའི་རིགས་ཀྱི་ཐིག་ལེར་འཛིན་པའི་སྣོད། །སྒྱུ་འཕྲུལ་ལྷ་མོ་རི་དྭགས་མིག་ཅན་ཡིན། །འོད་སྟོང་ཤར་གྱི་རི་ལ་ཆས་པ་བཞིན། །ལྷུམས་གྱི་གེ་སར་བཞད་པ་ལུམྦིའི་ཚལ། །ཚངས་དང་དབང་པོས་སྲི་ཞུས་མཛེས་བྱས་ཤིང་། །བྱང་ཆུབ་རིགས་སུ་ལུང་བསྟན་ལ་ཕྱག་འཚལ། །ལང་ཚོས་དྲེགས་པའི་ཤཱཀྱ་གཞོན་ནུའི་དབུས། །སྒྱུ་རྩལ་དྲུག་ཅུ་རྩ་བཞིའི་རོལ་རྩེད་མཐུ། །ཀུན་ཀྱིས་ཁྱོད་ལ་བཏུད་ཅིང་གྲགས་པ་ཡིས། །སྐྱེ་དགུའི་རྣམ་ཤེས་མིག་དང་རྣ་བར་རྫོགས། །འདོད་སྲེད་ཞགས་པས་གཞན་དབང་


JLAZ010_Page_0332
[མ་དཔེ་གཟིགས་ན་འདིར་གནོན།]

མ་གྱུར་བཞིན། །ཡབ་གཅིག་དགྱེས་སླད་བཙུན་མོའི་སྒྱུ་མ་ལ། །སྒྱུ་མའི་ལྟ་བས་བལྟས་ནས་རྒྱལ་པོའི་ཁབ། །བསྐྱངས་པས་དོན་ཀུན་གྲུབ་པ་ལ་ཕྱག་འཚལ། །ཤིན་ཏུ་གཡོ་ཞིང་འཇིགས་པ་རྒྱལ་སྲིད་ཀྱི། །ལྕགས་ཀྱུའི་དབང་དུ་མ་གྱུར་འགའ་མེད་ཀྱང༌། །ངེས་པར་འབྱུང་བའི་རྐྱེན་བཞིས་ཁྱོད་ཀྱི་ཐུགས། །ཕྲོགས་ནས་རང་བྱུང་དགེ་སློང་ཉིད་དུ་བསྟན། །བརྩོན་འགྲུས་རླབས་ཀྱིས་མི་ངལ་ནེ་རཉྫར། །དཀའ་ཐུབ་གདུང་བ་བཟོད་པའི་སྙིང་སྟོབས་དང༌། །ཀུན་རྟོག་འདུལ་བ་འཛིན་པའི་བསམ་གཏན་ལ། །ཕྱོགས་བཅུའི་བདེ་གཤེགས་དགྱེས་ལ་ཕྱག་འཚལ་ལོ། །གྲངས་མེད་གསུམ་གྱི་སྲིད་དུ་རྣམ་རིག་ཀུན། །ཚོགས་གཉིས་ཐ་གུས་བཅིངས་པ་དོན་ཡོད་ཕྱིར། །བྱང་ཆུབ་ཤིང་དྲུང་བདུད་རྣམས་སྐྲག་བྱས་ནས། །མངོན་པར་རྫོགས་སངས་རྒྱ་བ་རྒྱལ་ཀུན་གཤིས། །འཁོར་བ་གཏིང་མཐའ་མེད་པའི་གཡང་ས་ལ། །རྒྱུག་པའི་འགྲོ་བ་འཁོར་ལོ་གསུམ་གྱི་གྲུས། །བསྒྲལ་ནས་ཐར་པ་དང་ནི་རྣམ་མཁྱེན་གྱི། །གོ་འཕང་དཀྲི་བ་ཁྱོད་ལ་ཕྱག་འཚལ་ལོ། །རྟོག་ཅིང་དཔྱོད་ཀྱང་སྡོམ་པ་མིན་པའི་ཆང༌། །འཐུངས་པས་ཆེས་བཟིས་མུ་སྟེགས་སྟོན་པའི་ལྕེ། །མཉན་དུ་ཡོད་པའི་ཆོ་འཕྲུལ་མཐུས་བཅད་པས། །སྐྱེངས་དང་གཟི་བརྗིད་ཉམས་པའི་ཆོ་ག་རྫོགས། །རྫུ་འཕྲུལ་རྐང་པ་བཞི་


JLAZ010_Page_0333
[མ་དཔེ་གཟིགས་ན་འདིར་གནོན།]

ལ་མཆོག་ཐོབ་ཁྱོད། །སྐྱེ་རྒ་ན་འཆིའི་ཚོར་བ་མི་མྱོང་ཡང༌། །ངེས་པར་ཕ་རོལ་འགྲོ་འདི་མི་སེམས་རྣམས། །སྐྱོ་སླད་མྱ་ངན་འདའ་སྟོན་དེར་ཕྱག་འཚལ། །བསོད་ནམས་ཉམ་ཆུང་གྱུར་བའི་འགྲོ་བ་རྣམས། །དཀར་པོའི་ཆོས་རབ་འཕེལ་བའི་ཚོང་ཟོང་ནི། །འཛད་པ་མེད་པའི་རིང་བསྲེལ་ཆ་བརྒྱད་དུ། །བཞག་སྟེ་ཆོས་ཀྱི་དབྱིངས་སུ་གཟིམས་པ་ལྟར། །བདག་ཀྱང་རྫོགས་སྨིན་སྦྱངས་གསུམ་མཐར་ཕྱིན་ནས། །ཁམས་གསུམ་ལས་འདས་འོག་མིན་ཆེན་པོ་རུ། །མངོན་པར་སངས་རྒྱས་སྤྲུལ་པའི་མཛད་པ་བཅུས། །ཀུན་མཁྱེན་ཁྱེད་དང་འགྲོ་དོན་མཉམ་པར་ཤོག །བཅུ་པ་མཎྜལ་འབུལ་བ་ནི། ཨོཾ་བཛྲ་བྷཱུ་མི་ཨཱཿཧཱུྃ་སོགས་ཀྱིས་དབུལ། བཅུ་གཅིག་པ་འདོད་དོན་གསོལ་བ་ནི། ཕན་བདེ་འབྱུང་བའི་གནས་གཅིག་པུ། །བསྟན་པ་ཡུན་རིང་གནས་པ་དང༌། །བསྟན་པ་འཛིན་པའི་སྐྱེས་བུ་རྣམས། །སྐུ་ཚེའི་རྒྱལ་མཚན་བརྟན་གྱུར་ཅིག །འགྲོ་བའི་སྡུག་བསྔལ་སྨན་གཅིག་པུ། །བདེ་བ་ཐམས་ཅད་འབྱུང་བའི་གནས། །བསྟན་པ་རྙེད་དང་བཀུར་སྟི་དང༌། །བཅས་ཏེ་ཡུན་རིང་གནས་གྱུར་ཅིག །གཙུག་ལག་རྣམས་ནི་ཀློགས་པ་དང༌། །ཁ་ཏོན་གྱིས་བརྒྱན་ལེགས་གནས་ཤིང༌། །རྟག་ཏུ་དགེ་འདུན་མཐུན་པར་ཤོག །དགེ་འདུན་དོན་ཡང་འགྲུབ་པར་ཤོག །ཕྱོགས་རྣམས་ཀུན་ནས་ལུས་དང་


JLAZ010_Page_0334
[མ་དཔེ་གཟིགས་ན་འདིར་གནོན།]

སེམས། །སྡུག་བསྔལ་ནད་པ་ཇི་སྙེད་པ། །དེ་དག་བདག་གི་བསོད་ནམས་ཀྱིས། །བདེ་དགའ་རྒྱ་མཚོ་ཐོབ་པར་ཤོག །དེ་དག་འཁོར་བ་ཇི་སྲིད་དུ། །ནམ་ཡང་བདེ་ལས་ཉམས་མ་གྱུར། །འགྲོ་བས་བྱང་ཆུབ་སེམས་དཔའ་ཡི། །བདེ་བ་རྒྱུན་མི་འཆད་ཐོབ་ཤོག །འཇིག་རྟེན་ཁམས་ན་དམྱལ་བ་དག །གང་དག་ཇི་སྙེད་ཡོད་པ་རྣམས། །དེ་དག་ཏུ་ནི་ལུས་ཅན་རྣམས། །བདེ་ཅན་བདེ་བས་དགའ་བར་ཤོག །གྲང་བས་ཉམ་ཐག་དྲོ་ཐོབ་ཤོག །བྱང་ཆུབ་སེམས་དཔའི་སྤྲིན་ཆེན་ལས། །འབྱུང་བའི་ཆུ་བོ་མཐའ་ཡས་ཀྱིས། །ཚ་བས་ཉམ་ཐག་བསིལ་བར་ཤོག །དུད་འགྲོ་རྣམས་ནི་གཅིག་ལ་གཅིག །ཟ་བའི་འཇིགས་དང་བྲལ་བར་ཤོག །སྒྲ་མི་སྙན་པའི་མི་བཞིན་དུ། །ཡི་དྭགས་རྣམས་ནི་བདེ་བར་གྱུར། །ལོང་བ་རྣམས་ཀྱིས་མིག་མཐོང་ཞིང༌། །འོན་པས་རྟག་ཏུ་སྒྲ་ཐོས་ཤོག །ལྷ་མོ་སྒྱུ་འཕྲུལ་ཇི་བཞིན་དུ། །སྦྲུམ་མའང་གནོད་མེད་བཙའ་བར་ཤོག །གཅེར་བུ་རྣམས་ཀྱིས་གོས་དག་དང༌། །བཀྲེས་པ་རྣམས་ཀྱིས་ཟས་དང་ནི། །སྐོམ་པ་རྣམས་ཀྱིས་ཆུ་དག་དང༌། །བཏུང་བ་ཞིམ་པོ་ཐོབ་པར་ཤོག །བཀྲེན་པ་རྣམས་ཀྱིས་ནོར་ཐོབ་ཤོག །མྱ་ངན་ཉམ་ཐག་དགའ་ཐོབ་ཤོག །ཡི་ཆད་རྣམས་ཀྱང་ཡིད་སོས་ཤིང༌། །བརྟན་པ་ཕུན་སུམ་ཚོགས་པར་ཤོག །སེམས་ཅན་ནད་པ་ཇི་སྙེད་པ། །


JLAZ010_Page_0335
[མ་དཔེ་གཟིགས་ན་འདིར་གནོན།]

མྱུར་དུ་ནད་ལས་ཐར་གྱུར་ཅིག །འགྲོ་བའི་ནད་ནི་མ་ལུས་པ། །རྟག་ཏུ་འབྱུང་བ་མེད་པར་ཤོག །སྐྲག་པ་རྣམས་ནི་འཇིགས་མེད་ཤོག །བཅིངས་པ་རྣམས་ནི་གྲོལ་བར་འགྱུར། མཐུ་མེད་རྣམས་ནི་མཐུ་ལྡན་ཞིང༌། །སེམས་ནི་ཕན་ཚུན་བསྙེན་གྱུར་ཅིག །འགྲོན་པོ་དག་ནི་ཐམས་ཅད་ལ། །ཕྱོགས་རྣམས་ཐམས་ཅད་བདེ་བར་ཤོག །གང་གི་དོན་དུ་འགྲོ་བྱེད་པ། །དེ་འབད་མི་དགོས་འགྲུབ་གྱུར་ཅིག །གྲུ་དང་གྲུ་ཆེན་ཞུགས་པ་རྣམས། །ཡིད་ལ་བསམ་པ་འགྲུབ་གྱུར་ཏེ། །ཆུ་ཡི་ངོགས་སུ་བདེར་ཕྱིན་ནས། །གཉེན་དང་ལྷན་ཅིག་དགའ་བར་ཤོག །མྱ་ངན་ལམ་གོལ་འཁྱམས་པ་རྣམས། །འགྲོན་པོ་དག་དང་འཕྲད་གྱུར་ནས། །ཆོམ་རྐུན་སྟག་སོགས་འཇིགས་མེད་པར། །མི་ངལ་བདེ་བླག་འདོང་བར་ཤོག །དགོན་སོགས་ལམ་མེད་ཉམ་ང་བར། །བྱིས་པ་རྒན་པོ་མགོན་མེད་པ། །གཉིད་ལོག་མྱོས་ཤིང་རབ་མྱོས་རྣམས། །ལྷ་དག་སྲུང་བ་བྱེད་པར་ཤོག །ལྷ་ཡང་དུས་སུ་ཆར་འབེབས་ཤིང༌། །ལོ་ཏོག་ཕུ་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་གྱུར་ཅིག །འཇིག་རྟེན་དག་ཀྱང་དར་བར་ཤོག །སྨན་རྣམས་མཐུ་དང་ལྡན་པ་དང༌། །གསང་སྔགས་བཟླས་བརྗོད་འགྲུབ་པར་ཤོག །མཁའ་འགྲོ་སྲིན་པོ་ལ་སོགས་པ། །སྙིང་རྗེའི་སེམས་དང་ལྡན་གྱུར་ཅིག །


JLAZ010_Page_0336
[མ་དཔེ་གཟིགས་ན་འདིར་གནོན།]

ངན་སོང་སྡུག་བསྔལ་མི་མྱོང་ཞིང༌། །དཀའ་བ་སྤྱད་པ་མེད་པར་ཡང༌། །ལྷ་བས་ལྷག་པའི་ལུས་ཀྱིས་ནི། །དེ་དག་སངས་རྒྱས་མྱུར་ཐོབ་ཤོག །བྱང་ཆུབ་སེམས་དཔའ་རྣམས་ཀྱིས་ནི། །འགྲོ་དོན་ཐུགས་ལ་དགོངས་འགྲུབ་ཤོག །མགོན་པོ་ཡིས་ནི་གང་དགོངས་པ། །སེམས་ཅན་རྣམས་ལ་དེ་འབྱོར་ཤོག །ཅེས་བརྗོད། གཉིས་པ་མཎྜལ་བསྙེན་པ་ཚར་གསུམ་གྱི་དང་པོ་ལ་རྣམ་གྲངས་བཅུ་གཉིས་ལས། དང་པོ་རྟེན་བསྐྱེད་པ་ནི། ཨོཾ་ཤུ་ནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་གྲངས་གསོག་གི་ཚེ་རྟེན་བསྐྱེད་ཚར་གཅིག་སོང་རྗེས་པོ་ཏ་ལ་ཡི་སོགས་ནས་སྤྱན་འདྲེན་གྱིས་འཐུས། ཀོ྅་ཧཾ། ཞེས་པས་ཆོས་ཐམས་ཅད་དེ་བཞིན་ཉིད་དུ་རྟོགས་པས་ཡེ་ཤེས་ཀྱི་ཚོགས་དང༌། དེ་ལྟར་མ་རྟོགས་པ་རྣམས་ལ་སྙིང་རྗེ་ཆེན་པོའི་ངང་ནས་སྒྱུ་མ་ལྟ་བུའི་ལྷ་སྐུར་ལངས་ཏེ་གཞན་དོན་བྱེད་པ་བསོད་ནམས་ཀྱི་ཚོགས་སུ་ངེས་པས། སྟོང་པའི་ངང་ལས་པཾ་ལས་པདྨ་དང༌། ཨ་ལས་ཟླ་བའི་དལ་གྱི་སྟེང་དུ་ཏཱཾ་ལས་ཨུཏྤལ་ཏཱཾ་གྱིས་མཚན་པ་དེ་ལས་འོད་ཟེར་འཕྲོས་འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་པ་ལས་མདུན་གྱི་རྟེན་རྗེ་བཙུན་སྒྲོལ་མ་སྐུ་མདོག་ལྗང་གུ་བཅུ་དྲུག་ལོན་པའི་རྣམ་པ་མཛེས་ཤིང༌། རིན་པོ་ཆེའི་རྒྱན་དང་དར་སྣ་ཚོགས་ཀྱི་ཤམ་ཐབས་ཅན་སྟོད་གཡོགས་དང་དར་སྲབ་མོས་ནུ་མ་བཀབ་པ། དབུ་སྐྲ་ལི་བའི་གཡོན་ཕྱོགས་གྱེན་དུ་བརྫེས་ཤིང༌།


JLAZ010_Page_0337
[མ་དཔེ་གཟིགས་ན་འདིར་གནོན།]

གཡས་ངོས་ནས་ཐུར་དུ་ཅུང་ཟད་འཕྱང་བ། ཕྱག་གཡས་མཆོག་སྦྱིན་དང་གཡོན་པ་ཐུགས་ཀར་ཨུཏྤལའི་རྩ་བ་ནས་བཟུང་བའི་མེ་ཏོག་འཁོར་ལོས་མཚན་པ་རྣ་བའི་ཐད་དཀར་སླེབ་པ། ཟླ་བའི་རྒྱབ་ཡོལ་ཅན། དེའི་མཐའ་སྐོར་དུ་པད་འདབ་བཅུ་པ་གཉིས་རིམ་ལ་སྒྲོལ་མ་གཞན་ཉི་ཤུ་པོ་བཞུགས་སྟངས་གཙོ་མོ་དང་འདྲ་བ་ལ་སྐུ་མདོག་དང་ཕྱག་མཚན་གྱི་ཁྱད་པར་མདུན་ནས་རིམ་པས་གཡས་བསྐོར་དུ་མྱུར་མ་དཔའ་མོ་དམར་ལ་ཁྲོ་འཛུམ་ཆགས་པའི་ཉམས་ཅན་ཨུཏྤལ་ལའི་སྟེང་ན་དུང་གཡས་འཁྱིལ་འཛིན་པ། དེ་བཞིན་དུ་དབྱངས་ཅན་མ་སྟོན་ཟླའི་ཞལ་མེ་ལོང་ཧྲཱིཾཿགྱིས་མཚན་པ། སེར་སྔོ་བསོད་ནམས་མཆོག་སྟེ་རིན་པོ་ཆེ། གཙུག་ཏོར་རྣམ་རྒྱལ་གསེར་མདོག་ཚེ་བུམ། རིག་བྱེད་མ་ལེ་བརྒན་མདོག་མདའ་གཞུ། འཇིགས་བྱེད་ཆེན་མོ་དམར་ནག་ཕུར་བུ། གཞན་གྱིས་མི་ཐུབ་མ་ནག་མོ་ཁྲོ་གཉེར་ཅན་རལ་གྲི། གཞན་མི་རྒྱལ་བ་དམར་ནག་ཁྲོ་གཉེར་ཅན་རྡོ་རྗེ། འཇིག་རྟེན་གསུམ་རྒྱལ་དམར་མོ་རྒྱལ་མཚན། ནོར་གཏེར་དམར་མོ་ཁྲོ་གཉེར་ཅན་གཏེར་བུམ། བཀྲ་ཤིས་དོན་བྱེད་མ་སེར་མོ་དཔལ་བེ། དགྲ་དཔུང་འཇོམ་མ་དམར་མོ་རྡོ་རྗེ་རྭ་གདེངས། ཁྲོ་གཉེར་ཅན་མཛད་ནག་མོ་གཏུན་ཤིང༌། རབ་ཏུ་ཞི་བ་དཀར་གསལ་སྤྱི་བླུགས། འབར་


JLAZ010_Page_0338
[མ་དཔེ་གཟིགས་ན་འདིར་གནོན།]

བའི་འོད་ཅན་དམར་མོ་རྒྱ་གྲམ། དཔག་མེད་གནོན་མ་ངུར་སྨྲིག་མཆོད་རྟེན། རྨ་བྱ་ཆེན་མོ་དཀར་གསལ་ཟླ་བ། མི་ཕམ་རྒྱལ་མོ་དཀར་གསལ་གདུགས་དཀར། རི་ཁྲོད་ལྷ་མོ་དམར་སེར་ཟ་མ་ཏོག །འོད་ཟེར་ཅན་མ་དཀར་དམར་གསེར་ཉ་འཛིན་པ། ཐམས་ཅད་ཀྱང་རྟ་བབས་ཀྱི་སྐྱིལ་མོ་ཀྲུང་དང་ཐུགས་ཀར་པདྨ་དང་ཟླ་བའི་དལ་ལ་ཏཱཾ་ཡིག་རེ་རེས་མཚན་པ་དེའི་འོད་ཟེར་གྱིས་རི་བོ་པོ་ཏ་ལ་ནས་རྗེ་བཙུན་མ་སྒྲོལ་མ་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་བཛྲ་ས་མཱ་ཛཿགཉིས་པ་སྤྱན་འདྲེན་པ་ནི། པོ་ཏ་ལ་ཡི་གནས་མཆོག་ནས། །ཏཱཾ་ཡིག་ལྗང་གུ་ལས་འཁྲུངས་ཤིང༌། །འོད་དཔག་མེད་པས་དབུ་ལ་རྒྱན། །དུས་གསུམ་སངས་རྒྱས་ཕྲིན་ལས་མ། །འགྲོ་བའི་དོན་ཕྱིར་གཤེགས་སུ་གསོལ། །བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། །དུས་ལས་མི་འདའ་ཐུགས་རྗེའི་དབང་གིས་ན། །སེམས་ཅན་དོན་ལ་དགོངས་པའི་དཀོན་མཆོག་གསུམ། །ཡིད་ཀྱིས་སྤྲུལ་ཞིང་བཤམས་པའི་གནས་འདི་རུ། །རྒྱལ་བ་འཁོར་བཅས་མ་ལུས་གཤེགས་སུ་གསོལ། །བཛྲ་ས་མ་ཡ་ཛཿགསུམ་པ་དབང་བསྐུར་བ་ནི། མེ་ཏོག་དམ་པ་ཕྲེང་པ་དམ་པ་སོགས་ཤླཽ་ཀའི་མཐར། པུཥྤེ་སོགས་དང༌། གསོལ་བ་གདབ་པ་ནི། བཅོམ་ལྡན་དེ་བཞིན་གཤེགས་པ་ཀུན། །བཅོམ་ལྡན་བདག་ཉིད་ཆེན་པོ་རྣམས། །ཐུགས་


JLAZ010_Page_0339
[མ་དཔེ་གཟིགས་ན་འདིར་གནོན།]

རྗེའི་རང་བཞིན་ཅན་རྣམས་ཀྱིས། །བདག་ལ་དབང་བསྐུར་མཛད་དུ་གསོལ། །ཅེས་བརྗོད་པས། དེ་བཞིན་གཤེགས་པ་རྣམས་ཀྱིས་བུམ་པ་བདུད་རྩིས་གང་བ་ཕྱག་ན་བསྣམས་ནས། །ཇི་ལྟར་བལྟམས་པ་ཙམ་གྱིས་ནི། །ལྷ་རྣམས་ཀྱིས་ནི་ཁྲུས་གསོལ་ལྟར། །ལྷ་ཡི་ཆུ་ནི་དག་པ་ཡི། །དེ་བཞིན་བདག་གི་སྐུ་འཁྲུས་གསོལ། །ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ། །ཞེས་དབང་བསྐུར་བས་སྐུ་གང་དྲི་མ་དག་ཆུ་ལྷག་མ་ཡར་ལུད་པ་ལས་གཙོ་མོ་ལ་དོན་ཡོད་གྲུབ་པ་དང༌། གཞན་རྣམས་ལ་སོ་སོའི་རིགས་ཀྱིས་དབུ་རྒྱན། དབང་གི་ལྷ་རྣམས་སྒྲོལ་མར་གྱུར་ནས་ཛཿཧཱུྃ་བྃ་ཧོཿཞེས་པས། གཉིས་མེད་དུ་ཐིམ་པར་གྱུར། བཞི་པ་ཕྱག་རྒྱ་བཅིང་པས་རྒྱས་གདབ་པ་ནི། ཐལ་མོ་ཁ་སྦྱར་ནས་གུང་མོ་གཡས་པའི་ཅིག་ཤོས་ཀྱི་སེན་མོ་བཀབ། སྲིན་ལག་གཉིས་ནང་དུ་བཀུག་ལ་མཐེ་བོང་མནན་པ་ཨུཏྤལ་ཁ་ཕྱེ་བའི་རྒྱ་དཔྲལ་བ། མགྲིན་པ། སྙིང་གཔུས་མོ་གཡས་གཡོན་དུ་འཇོག་པ་དང་སྦྲག །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་ལན་རེ་བརྗོད། ལྔ་པ་ཡན་ལག་བདུན་པ་ནི། ལྷ་དང་ལྷ་མིན་ཅོད་པན་གྱིས། །ཞབས་ཀྱི་པདྨོ་ལ་བཏུད་དེ། །ཕོངས་པ་ཀུན་ལས་སྒྲོལ་མཛད་མ། སྒྲོམ་མ་ཡུམ་ལ་ཕྱག་འཚལ་ལོ། །རྗེ་བཙུན་འཕགས་མ་སྒྲོལ་མ་དང༌། །ཕྱོགས་བཅུ་དུས་གསུམ་བཞུགས་པ་ཡི། །རྒྱལ་བ་སྲས་བཅས་ཐམས་ཅད་ལ། །ཀུན་ནས་དང་བས་ཕྱག་བགྱིའོ། །མེ་


JLAZ010_Page_0340
[མ་དཔེ་གཟིགས་ན་འདིར་གནོན།]

ཏོག་བདུག་སྤོས་མར་མེ་དྲི། །ཞལ་ཟས་རོལ་མོ་ལ་སོགས་པ། །དངོས་འབྱོར་ཡིད་ཀྱིས་སྤྲུལ་ནས་འབུལ། །འཕགས་མའི་ཚོགས་ཀྱིས་བཞེས་སུ་གསོལ། །ཐོག་མ་མེད་ནས་ད་ལྟའི་བར། །མི་དགེ་བཅུ་དང་མཚམས་མེད་ལྔ། །སེམས་ནི་ཉོན་མོངས་དབང་གྱུར་པའི། །སྡིག་པ་ཐམས་ཅད་བཤགས་པར་བགྱི། །ཉན་ཐོས་རང་རྒྱལ་བྱང་ཆུབ་སེམས། །སོ་སོ་སྐྱེ་བོ་ལ་སོགས་པས། །དུས་གསུམ་དགེ་བ་ཅི་བསགས་པ། །བསོད་ནམས་ལ་ནི་བདག་ཡི་རང༌། །སེམས་ཅན་རྣམས་ཀྱི་བསམ་པ་དང༌། །བློ་ཡི་བྱེ་བྲག་ཇི་ལྟ་བར། །ཆེ་ཆུང་ཐུན་མོང་ཐེག་པ་ཡི། །ཆོས་འཁོར་ལོ་བསྐོར་དུ་གསོལ། །འཁོར་བ་ཇི་སྲིད་མ་སྟོངས་བར། །མྱང་ངན་མི་འདའ་ཐུགས་རྗེ་ཡིས། །སྡུག་བསྔལ་རྒྱ་མཚོར་བྱིངས་པ་ཡི། །སེམས་ཅན་རྣམས་ལ་གཟིགས་སུ་གསོལ། །བདག་གིས་བསོད་ནམས་ཅི་བསགས་པ། །ཐམས་ཅད་བྱང་ཆུབ་རྒྱུར་གྱུར་ནས། །རིང་པོར་མི་ཐོགས་འགྲོ་བ་ཡི། །འདྲེན་པའི་དཔལ་དུ་བདག་གྱུར་ཅིག །དྲུག་པ་ཁྲུས་གསོལ་ནི། དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བ་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲིར་རབ་བསྒོས་པས་སྐུ་ཕྱིའོ། །དེ་


JLAZ010_Page_0341
[མ་དཔེ་གཟིགས་ན་འདིར་གནོན།]

ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟང་སྲབ་ལ་འཇམ་པ་སྣ་ཚོགས་དང༌། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་བཟང་དང་འཇམ་དབྱངས་དང༌། །འཇིག་རྟེན་དབང་ཕྱུག་སོགས་ལའང་བརྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་ཀུན་ཀྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་བགྱི། །བདུན་པ་མཆོད་པ་ནི་ལྷ་མོ་བཅུ་དྲུག་གི་མཆོད་ཕྲེང་བྱ། གྲངས་གསོག་གི་མེ་ཏོག་དམ་པ་སོགས་ཤླཽ་ཀ་གསུམ་གྱིས་འཐུས། བརྒྱད་པ་ནི་མཎྜལ་རྒྱས་པ་འབུལ། དགུ་པ་བསྟོད་པ་ནི། ཐུགས་རྗེ་ཆེན་པོའི་བདག་ཉིད་ནི། །ཆུ་སྐྱེས་ཞལ་གྱི་གེ་སར་ལས། །རྣམ་སྤྲུལ་ལྷ་མོ་མྱུར་དཔའ་སྒྲོལ། །འཇིགས་པ་ཐམས་ཅད་སྐྱོབས་ལ་འདུད། །ཉོན་མོངས་ཆུ་གཏེར་ཆེན་པོའི་ཀློང༌། །རྣམ་པར་འཁྱམས་པའི་སེམས་ཅན་ཀུན། །གཏི་མུག་གླང་པོའི་གཞན་དབང་གིས། །ཟིལ་གྱིས་ནོན་སྐྱོབ་མ་ལ་འདུད། །འདོད་སྲེད་གོམས་དང་ཆོས་ཉིད་དོན། །ཡུལ་ལ་འཆིང་བའི་ལྕགས་སྒྲོག་དང༌། །ཀུན་ནས་དཀྲིས་པའི་ཐེ་ཚོམ་གྱི། །ཤ་ཟའི་འཇིགས་པ་སྐྱོབས་ལ་འདུད། །འདོད་པ་ཆུ་བོའི་དབའ་རླབས་དང༌། །དེ་བཞིན་ཞེ་


JLAZ010_Page_0342
[མ་དཔེ་གཟིགས་ན་འདིར་གནོན།]

སྡང་གོམས་པ་ལས། །གྱུར་བའི་རྒྱུ་མཐུན་གཏུམ་མོའི་མེ། །ཅིག་ཅར་གསོད་མཛད་མ་ལ་འདུད། །གོ་འཕང་མཆོག་ལ་ཆོམ་རྐུན་གྱི། །བརྟུལ་ཞུགས་འཇིག་ཚོགས་ལ་བལྟ་དང༌། །སྣང་བ་དགྲར་གྱུར་ཕྲག་དོག་གི། ལྟོ་འགྲོའི་འཇིགས་པ་སྐྱོབས་ལ་འདུད། །ང་རྒྱལ་སེང་གེའི་སྡེར་མོ་ཡིས། །ཚུལ་ཁྲིམས་ལྟ་བ་མཆོག་འཛིན་དང༌། །རྒྱལ་པོའི་ཆད་པ་དགྲ་གདོན་མཛེ། །བཤེས་བྲལ་དབུལ་ཕོངས་གནམ་ལྕགས་ཐོག །དོན་ཉམས་ལ་སོགས་འཇིགས་པའི་ཚོགས། །མ་ལུས་སྐྱོབ་ལ་བདག་བསྟོད་དོ། །ཞེས་དང༌། བཅུ་པ་ཕྱག་འཚལ་བ་ནི། ཕན་ཡོན་དྲན་པའི་སྒོ་ནས་ཕྱག་དང་བཅས། ཨོཾ་རྗེ་བཙུན་མ་འཕགས་མ་སྒྲོལ་མ་ལ་ཕྱག་འཚལ་ལོ། །ཕྱག་འཚལ་སྒྲོལ་མ་མྱུར་མ་དཔའ་མོ། །སོགས་ནས། འཇོམས་པ་ཏུ་རེའི་རབ་མཆོག་ཉིད་མ། ཞེས་པའི་བར་གྱི་ཕྱག་འཚལ་ཚར་གཉིས་བྱ། བཅུ་གཅིག་པ་མཎྜལ་བསྙེན་པ་ནི། རྗེ་བཙུན་མའི་ཐུགས་ཀར་པདྨ་དང་ཟླ་བའི་དལ་ལ་ཏཱཾ་ཡིག་ལྗང་གུའི་མཐར་སྔགས་ཕྲེང་གིས་བསྐོར་བ་ལ་དམིགས་ནས། ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་པ་ཡི་གེ་བཅུ་པའི་བསྙེན་པ་སྟོང་ཕྲག་བཅུ་སྔོན་དུ་སོང་ན་རབ། མ་སོང་ན་སྟོང་ཕྲག་གཅིག་བཟླས་རྗེས། ཕྲིན་ལས་ཁ་བསྒྱུར་གྱི་བཟླས་པ་ནི། དང་པོ་བསོད་ནམས་འཕེལ་བའི་རྒྱུ་བྱང་ཆུབ་ཀྱི་སེམས་རྒྱས་པར་འདོད་ན། རྩ་སྔགས་ལ། བྷོ་དྷི་ཙིཏྟ་སྭཱ་ཧཱ། ཞེས་པ་དང༌། དེ་བཞིན་དུ་འཇིགས་


JLAZ010_Page_0343
[མ་དཔེ་གཟིགས་ན་འདིར་གནོན།]

པ་ཆེན་པོ་བརྒྱད་སྐྱོབས་པར་འདོད་ན་སྭཱ་ཧཱའི་གོང་དུ། དཱ་ན་ཏྲ་ཡ་སྦྱར། ཤེས་རབ་འཕེལ་བ་ལ། པྲ་ཛྙཱ་ཧྲཱིཾ་ཧྲཱིཾ། བསོད་ནམས་བསྐྱེད་པ་ལ། མ་ཧཱ་པུཎྱེ། ཚེ་སྒྲུབ་ན། ཨཱ་ཡུར་དཱ་ཏེ་བྷྲཱུྃ། དབང་བྱེད་ལ། ཀུ་རུ་ཀུལླེ་ནྲི་ཛཿགདོན་ལ། སརྦ་བིག་ནན་བཾ་ཧཱུཾ་ཕཊཿགཡུལ་ངོ་སོགས་ལ། བཛྲ་ཏ་ཀ་ཧ་ན་ལི་ཙ་ཕཊཿམཚང་འབྲུ་བ་ལ། ད་ཧ་པ་ཙ་ཧཱུྃ་ཕཊཿའཇིག་རྟེན་དབང་དུ་བྱེད་ན། ལོ་ཀ་པཱ་ཤཾ་ཀུ་རུ། དབུལ་བ་སེལ་ན། མ་མ་བ་སུ་པུཥྟིཾ་ཀུ་རུ། བུ་དཔལ་ཆར་ཆུ་སྤེལ་ན། མངྒ་ལ་ཤྲཱི་མ་ཧཱ་པཱ་ཎི། འགྱེད་པ་ལ། བཛྲ་ཛྭ་ལ་ཕཊ་ཕཊ་རཀྵ་རཀྵཿཕུང་བྱེད་ལ། ཧཱུྃ་ཧཱུྃ་ཧཾ་ཤཾ་ཏྲིག་ནན་ཕཊཿསྡིག་པ་ལ། སརྦ་པཱ་པཾ་ག་ཏེ་ག་ཏེ། བྱད་ཕུར་ལ། ཏྲཾ་དུ་ཏྲི་ན་ཏྲཾ་དུ་ཕཊཿདགྲ་ཇག་དང་གཅན་གཟན་ལ། ཧཱུྃ་ཧཱུྃ་བྃ་ཧོཿདུག་རིགས་ལ། སརྦ་བི་ཥ་ཏ་ར་ཕཊཿརྩོད་པ་དང་རྨི་ལམ་ངན་པ་ལ། ཧཱུྃ་ཧཱུྃ་ཕཊ་ཕཊ་རཀྵ་རཀྵ་མཱཾ། རིམས་ནད་ལ། ནཱ་མ་ཏཱ་རེ་མ་ནོ་ཧ་ར་ཧཱུྃ་ཧ་ར་སྭཱ་ཧཱ། ནད་པའི་བླ་ཚེ་བསླུ་ན། མ་རི་ཙྱེ་ཚེ་བྷྲཱུྃ་ནྲྀ་ཛ་སྭཱ་ཧཱཿདེ་དག་གི་དམིགས་གནད་ཁྱད་པར་བ་ནི་བདེ་སྙིང་གཏེར་བུམ་ལས་རྟོགས་པར་བྱ་ཞིང༌། ལས་སྒྲུབ་སོ་སོའི་ཕྱག་འཚལ་ཁོལ་བཏོན་བརྒྱ་རྩ་བརྗོད་པ་མན་ངག་གོ། བཅུ་གཉིས་པ་གསོལ་བ་བཏབ་པ་ནི། ཏཱ་རེ། ཞེས་མཚན་སྔགས་བརྒྱ་ཕྲག་གསུམ་གྱིས་བོས་ནས། རྗེ་བཙུན་བཅོམ་ལྡན་འདས་མ་ཐུགས་རྗེ་ཅན། །བདག་དང་མཐའ་ཡས་སེམས་ཅན་ཐམས་ཅད་ཀྱི། །སྒྲིབ་


JLAZ010_Page_0344
[མ་དཔེ་གཟིགས་ན་འདིར་གནོན།]

གཉིས་བྱང་ཞིང་ཚོགས་གཉིས་མྱུར་རྫོགས་ནས། །རྫོགས་པའི་སངས་རྒྱས་ཐོབ་པར་མཛད་དུ་གསོལ། །དེ་མ་ཐོབ་ཀྱི་ཚེ་རབས་ཀུན་ཏུ་ཡང༌། །ལྷ་དང་མི་ཡི་བདེ་བ་མཆོག་ཐོབ་ནས། །ཐམས་ཅད་མཁྱེན་པ་སྒྲུབ་པར་བྱེད་པ་ལ། །བར་གཅོད་གདོན་བགེགས་རིམས་དང་ནད་ལ་སོགས། །དུས་མིན་འཆི་བར་གྱུར་པའི་ནད་རྣམས་དང༌། །རྨི་ལམ་ངན་དང་མཚན་མ་ངན་པ་དང༌། །འཇིགས་པ་བརྒྱད་སོགས་ཉེ་བར་འཚེ་བ་རྣམས། །མྱུར་དུ་ཞི་ཞིང་མེད་པར་མཛད་དུ་གསོལ། །འཇིག་རྟེན་འཇིག་རྟེན་ལས་ནི་འདས་པ་ཡི། །བཀྲ་ཤིས་བདེ་ལེགས་ཕུན་སུམ་ཚོགས་པ་རྣམས། །འཕེལ་ཞིང་རྒྱས་པའི་དོན་རྣམས་མ་ལུས་ཀུན། །འབད་མེད་ལྷུན་གྱིས་གྲུབ་པར་མཛད་དུ་གསོལ། །སྒྲུབ་ལ་བརྩོན་ཞིང་དམ་ཆོས་འཕེལ་པ་དང༌། །རྟག་ཏུ་ཁྱེད་བསྒྲུབ་ཞལ་མཆོག་མཐོང་བ་དང༌། །སྟོང་ཉིད་དོན་རྟོགས་བྱང་སེམས་རིན་པོ་ཆེ། །ཡར་ངོའི་ཟླ་ལྟར་འཕེལ་ཞིང་རྒྱས་པར་མཛོད། །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །བདག་གིས་ཚེ་རབས་ཀུན་ཏུ་བསྒྲུབས་པའི་ལྷ། །དུས་གསུམ་སངས་རྒྱས་ཀུན་ཀྱི་ཕྲིན་ལས་མ། །སྔོ་ལྗང་ཞལ་གཅིག་ཕྱག་གཉིས་


JLAZ010_Page_0345
[མ་དཔེ་གཟིགས་ན་འདིར་གནོན།]

མྱུར་ཞི་དཔའ། །ཡུམ་གྱུར་ཨུཏྤལ་བསྣམས་པའི་བཀྲ་ཤིས་ཤོག །ཅེས་དང༌། ཕན་བདེ་འབྱུང་བའི་གནས་གཅིག་པུ། སོགས་དང༌། ལྷ་ཡང་དུས་སུ་འཆར་འབེབས་ཤིང༌། །ལོ་ཏོག་ཕུན་སུམ་ཚོགས་པར་ཤོག །རྒྱལ་པོ་ཆོས་བཞིན་བྱེད་པ་དང༌། །འཇིག་རྟེན་དག་ཀྱང་དར་བར་ཤོག །སོགས་ཀྱིས་སྨོན་ལམ་གདབ་པོ། །མཎྜལ་གཉིས་པ་ནི། ལྷ་དང་ལྷ་མིན་ཅོད་པན་གྱིས། །སོགས་དང༌། རྗེ་བཙུན་འཕགས་མ་སྒྲོལ་མ་དང༌། །སོགས་པའི་ཡན་ལག་བདུན་པ་ནས། ཁྲུས་གསོལ། མཆོད་ཕྲེང༌། མཎྜལ། བསྟོད་པ། ཕྱག་འཚལ་ཉེར་གཅིག་ཚར་གསུམ་བཟླས་པ། གསོལ་གདབ་སྨོན་ལམ་གྱི་བར་སྔར་བཞིན་བལྡབ། དེ་བཞིན་དུ་མཎྜལ་གསུམ་པ་ལའང་ཕྱག་འཚལ་ཉེར་གཅིག་ཚར་བདུན་སྦར་བའི་ཁྱད་པར་ཙམ་མོ། །གྲངས་གསོག་བྱེད་ན་འདི་ཡན་ཆད་བལྡབ། གསུམ་པ་རྗེས་ཀྱི་རིམ་པ་ལ་ལྔ་ལས། དང་པོ་གཏོར་མ་འབུལ་བ་ལ། ཆ་བཞིའི་དང་པོ་རྗེ་བཙུན་མ་ལ་འབུལ་བ་ནི། ཁ་པོ་ཏ་ལར་བལྟས་པའམ། འདུན་པ་བཅོས་ཏེ། ལག་པ་རྡོ་རྗེ་ཐལ་མོ་སྙིང་ཁར་སྦྱར་ནས། གཏོར་མ་བསང་སྦྱངས། སྟོང་བའི་ངང་ལས་ཨོཾ་ལས་རིན་པོ་ཆེའི་སྣོད་དུ་ཨོཾ་ཨཱཿཧཱུྃ་འོད་དུ་ཞུ་བ་ལས་བྱུང་བའི་ལྷ་རྫས་འདོད་ཡོན་གྱི་ཕུང་པོ་ཟད་མི་ཤེས་པར་གྱུར། འབྲུ་གསུམ་ལན་བདུན་གྱིས་བརླབས། ལྗགས་རྡོ་རྗེའི་སྦུ་གུ་ཅན་གྱིས་གཏོར་མའི་བཅུད་དྲངས་ཏེ་གསོལ་བར་བསམ། ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་པྲ་ཏི་ཧ་ཏ་ཤཱ་


JLAZ010_Page_0346
[མ་དཔེ་གཟིགས་ན་འདིར་གནོན།]

ས་ནཱ་ནཱཾ། ཧེ་ཧེ་བྷ་ག་ཝ་ཏེ་མ་ཧཱ་ས་ཏཱ། སརྦ་བུདྡྷ་ཨ་ཝ་ལོ་ཀི་ཏེ། མ་བི་ལཾ་བ། མ་བི་ལཾ་པ། ཨི་དཾ་བ་ལིངྟ་གྲིཧྞཱ་པ་ཡ་གྲྀཧྞཱ་པ་ཡ་ཧཱུྃ་ཧཱུྃ་ཛ་ཛ་སརྦ་བི་པཉྩ་རེ་སྭཱ་ཧཱ། ཞེས་ལན་གསུམ་གྱི་མཐར། རྗེ་བཙུན་མ་སྒྲོལ་མས་བདག་ལ་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་མ་ལུས་པ་སྩོལ་བ་དང༌། འཇིགས་པ་ཆེན་པོ་བརྒྱད་ལ་སོགས་པ་ལས་ཐར་བར་མཛད་དུ་གསོལ། སྲིད་པའི་དུཿ ཁ་ཐམས་ཅད་ཞི་བར་མཛད་དུ་གསོལ། ཆ་གཉིས་པ། ཨ་ཀཱ་རོ་མུ་ཁཾ་གསུམ་གྱིས་རྡོ་རྗེ་ཆོས་སྐྱོང་རྣམས་ལ་འབུལ་ལོ། །མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང༌། །དཔལ་དང་གྲགས་དང་སྐལ་པ་བཟང༌། །ལོངས་སྤྱོད་རྒྱ་ཆེན་ཀུན་ཐོབ་ཅིང༌། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་ཀྱིས་སྡོང་གྲོགས་མཛོད། །དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང༌། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཕུན་ཚོགས་པའི་གནས། །ཡིད་ལ་འདོད་པ་ཀུན་འགྲུབ་


JLAZ010_Page_0347
[མ་དཔེ་གཟིགས་ན་འདིར་གནོན།]

ཤོག །གིས་ཕྲིན་ལས་བཅོལ། ཆ་གསུམ་པ་ཨ་ཀཱ་རོ་མུ་ཁཾ་གསུམ་དང༌། གཞི་བདག་གཉུག་མར་གནས་པ་ལ་འབུལ་ལོ། །གནས་འགྲོན་གྱི་དམ་ཚིག་བསྲུང་བ་དང་འགོ་ཞིང་སྡོང་གྲོགས་གཉེན་པོ་མཛད་དུ་གསོལ། །ཆ་བཞི་བ། ན་མཿ སརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་སོགས་གསུམ། རིགས་དྲུག་སྙིང་རྗེའི་མགྲོན་ལ་བསྔོའོ། །མྱུར་དུ་བླ་ན་མེད་པ་སངས་རྒྱས་ཀྱི་གོ་འཕང་ཐོབ་པར་གྱུར་ཅིག །དེ་བཞིན་གཤེགས་པ་རིན་ཆེན་མང་ལ་ཕྱག་འཚལ་ལོ། །དེ་བཞིན་གཤེགས་པ་གཟུགས་མཛེས་དམ་པ་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམ་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་ཐམས་ཅད་དང་བྲལ་བ་ལ་འཚལ་ལོ། །སྡིག་པ་ཅི་ཡང་མི་བྱ་ཞིང༌། སོགས་དང༌། སྦྱིན་པ་རྒྱ་ཆེན་གྱུར་པ་འདི་ཡིས་ནི། །སོགས་སྨོན་ལམ་གདབ། གཉིས་པ་ནོངས་བཤགས་ནི། མ་འབྱོར་བ་དང་ཉམས་པ་དང༌། །གཙོ་བོ་ནུས་པ་མ་མཆིས་པས། །འདིར་ནི་བགྱི་བ་གང་བགྱིས་པ། །དེ་ཀུན་མགོན་པོས་བཟོད་པར་མཛོད། །ཆད་པ་དང་ནི་ལྷག་པ་དང༌། །ཆོ་གའི་ཡན་ལག་ཉམས་པ་སོགས། །བདག་གི་བརྗེད་ངས་ཅི་མཆིས་པ། །དེ་ཀུན་ཁྱེད་ཀྱིས་བཟོད་པར་གསོལ། །ཅེས་དང༌། ཡི་གེ་བརྒྱ་


JLAZ010_Page_0348
[མ་དཔེ་གཟིགས་ན་འདིར་གནོན།]

པ་ལན་གསུམ་བརྗོད། གསུམ་པ་ནི་རྟེན་ལ་བརྟན་བཞུགས་དང༌། གློ་བུར་བ་རྣམས་ལ། ཨོཾ་ཁྱེད་ཀྱིས་སེམས་ཅན་དོན་ཀུན་མཛད། སོགས་ཀྱིས་གཤེགས་གསོལ་བྱ། བཞི་པ་དགེ་བ་བསྔོ་བ་ནི། དགེ་བ་འདི་ཡིས་སྐྱེ་བོ་ཀུན། །བསོད་ནམས་ཡེ་ཤེས་ཚོགས་རྫོགས་ཤིང༌། །བསོད་ནམས་ཡེ་ཤེས་ལས་བྱུང་བའི། །དམ་པ་སྐུ་གཉིས་ཐོབ་པར་ཤོག །བསོད་ནམས་སྟོབས་ཆེན་འདི་ཡི་མཐུས། སྦྱིན་བདག་འཁོར་དང་བཅས་རྣམས་ལ། །ཚེ་འདིར་བསམ་པའི་དོན་གྲུབ་ཅིང༌། །བར་ཆད་ཞི་ནས་བཀྲ་ཤིས་པ། །བསམ་པ་འགྲུབ་པའི་བཀྲ་ཤིས་ཤོག །གཞན་ཡང་སྐྱེ་བ་འདི་ཉིད་དུ། །མི་མཐུན་ཕྱོགས་ཀུན་ཞི་བ་དང༌། །ཚེ་རིང་ནད་མེད་ཕུན་སུམ་ཚོགས། །གཏན་དུ་བདེ་བ་ཐོབ་པར་ཤོག །སངས་རྒྱས་སྐུ་གསུམ་བརྙེས་པའི་བྱིན་རླབས་དང༌། །ཆོས་ཉིད་མི་འགྱུར་བདེན་པའི་བྱིན་རླབས་དང༌། །དགེ་འདུན་མི་ཕྱེད་འདུན་པའི་བྱིན་རླབས་ཀྱིས། །ཇི་ལྟར་བསྔོ་བ་སྨོན་ལམ་འགྲུབ་པར་ཤོག །ལྔ་པ་ཤིས་བརྗོད་ནི། ཕུན་སུམ་ཚོགས་པ་མངའ་བ་གསེར་གྱི་རི་བོ་འདྲ། །ཞེས་སོགས་ཀྱིས་མཐའ་རྒྱས་སུ་བྱའོ། །དེ་ལྟར་སྒྲོལ་མ་མཎྜལ་བཞི་པར་གྲགས་པའི་ཆོ་ག་ལ་ཡིག་ཆ་མང་དུ་སྣང་ཡང༌། རྩ་བའི་ཁུངས་ནི་སློབ་དཔོན་ཀླུ་སྒྲུབ་ཀྱིས་སྒྲོལ་མ་མངོན་པར་འབྱུང་བའི་རྒྱུད་ལ་


JLAZ010_Page_0349
[མ་དཔེ་གཟིགས་ན་འདིར་གནོན།]

བརྟེན་ནས་བསྡུ་བ་མཛད་པ་ཉིད་ཀྱང་དེ་ཉིད་ཀྱི་མངོན་རྟོགས་རང་ས་མ་ཟིན་པ་དང༌། ཚིག་ཚོགས་ལ་ཐལ་བ་རྣམས་བཏང་སྙོམས་སུ་བྱས་ཤིང༌། མན་ངག་ལས་བྱུང་བ་འགའ་ཞིག་གསར་དུ་བསྣན་ནས་བཀླག་ཆོག་ཏུ་བཀོད་པ་འདི་ཡང་མདོ་ཁམས་པ་འཇིགས་མེད་འཕྲིན་ལས་འོད་ཟེར་གྱིས་ནན་ཏན་ཆེན་པོའི་ངོར་རྒྱལ་བའི་མྱུ་གུ་མཁྱེན་བརྩེའི་ལྷས་སོ། །།

ཡུམ་ཀ་མཁའ་འགྲོ་བདེ་ཆེན་རྒྱལ་མོ་ལསཿ མཁའ་འགྲོའི་བསུན་ཟློག་ངོ་མཚར་སྣང་བ།


JLAZ010_Page_0351
[མ་དཔེ་གཟིགས་ན་འདིར་གནོན།]

༂ ཡུམ་ཀ་མཁའ་འགྲོ་བདེ་ཆེན་རྒྱལ་མོ་ལསཿ མཁའ་འགྲོའི་བསུན་ཟློག་ངོ་མཚར་སྣང་བ་བཞུགསཿ


JLAZ010_Page_0352
[མ་དཔེ་གཟིགས་ན་འདིར་གནོན།]

སྣ་ཚོགས་ཡུམ་ལ་ཕྱག་འཚལ་ལོཿ རིག་འཛིན་རྣམས་ལ་དཔའ་བོ་དངཿ མཁའ་འགྲོའི་བསུན་མ་ཟློག་ཐབས་བསྟནཿ ལས་དཀྱིལ་པདྨ་འདབ་བཞིའི་དབུསཿ ཆོས་འབྱུང་བསྣོལ་མ་དགའ་འཁྱིལ་ཅནཿ འདབ་བཞིར་རིགས་བཞིའི་ཕྱག་མཚན་བྲིཿདབུས་སུ་འཁར་གཞོང་གཙང་མའི་ནངཿ སྐུ་མཁར་གྲུ་བཞི་པུ་ཤུ་ཅནཿ དེ་སྟེང་རིགས་ལྔའི་འབྲང་རྒྱས་བཀོདཿ དབུས་སུ་ཁམས་མཐུན་ནམ་མཁའ་དངཿ ཕྱོགས་བཞིར་རིགས་བཞིའི་མདོག་ཅན་བཞིཿརྒྱང་བུ་མདའ་འཕང་ཤིང་རིས་གཟུགསཿ བཀོར་ཆ་བཟའ་བཏུང་ཚོགས་ཚད་དངཿ ལྷོ་བྱང་ལ་གླུད་མཐུན་རྫས་དངཿ གསེར་གཡུ་དཀར་མངར་ཕུད་སྐྱེམས་གསགཿ ཁྱད་པར་ཚོགས་འཁོར་བཟང་བོ་དངཿ མཁའ་འགྲོ་སྡེ་ལྔའི་གཏོར་མ་བཤམཿ ཉེ་ལོགས་བླ་གླུད་བཟང་པོ་ལཿ གླུད་ཕྲན་བསྒྲུབ་བྱའི་


JLAZ010_Page_0353
[མ་དཔེ་གཟིགས་ན་འདིར་གནོན།]

ལོ་གྲངས་བསྐོརཿ མཐེབ་སྐྱུ་ཤ་དུམ་རིལ་བུ་དངཿ ཆང་བུའི་གྲངས་ཀྱང་དེ་བཞིན་ནོཿདེ་ནས་བདག་བསྐྱེད་བཟླས་པའི་རྗེསཿ ཕཊ་ཛཿས་མདུན་བསྐྱེད་འཛབ་ཁང་དབྱེཿམཁའ་འགྲོའི་ཐུགས་ཀར་པད་ཟླའི་སྟེངཿ གཙུག་ཏོར་རྣམ་རྒྱལ་གསེར་མདོག་ཅནཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་ཚེ་བུམ་འཛིནཿ འོད་ཟེར་སྤྲོ་བསྡུས་འཁོར་འདས་ཀྱིཿདྭངས་བཅུད་བདག་ལ་ཐིམ་པར་བསམཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་ཨཱ་ཡུརྡ་ཏེ་བྷྲཱུྂ་སྭཱ་ཧཱཿཞེས་བཟླས་བདུན་རྟེན་དཀྱིལ་འཁོར་སྒྲུབཿ བསུན་བཟློག་རྐྱང་པར་བསྒྲུབ་མི་དགོསཿ དེ་ནས་ལས་བུམ་རྨེ་བརྩེགས་བསྒྲུབཿ ལས་དཀྱིལ་


JLAZ010_Page_0354
[མ་དཔེ་གཟིགས་ན་འདིར་གནོན།]

སྒྲུབ་པ་འདི་སྟ་སྟེཿཨོཾ་མ་ཧཱ་ཤུ་ནྱ་ཏས་སྟོང་པར་སྦྱངསཿ སྟོང་པའི་ངང་ལས་སྣང་སྲིད་འཁོར་འདས་ཀྱི་ཆོས་ཐམས་ཅད་རྡོ་རྗེ་བཙུན་མོའི་བྷ་ག་རྣམ་ཐར་གསུམ་དང་ལྡན་པའི་ཆོས་འབྱུང་བསྣོལ་མས་མཚན་པའི་དབུས་སུ་གནས་གསུམ་གྱི་དཔའ་བོ་དང་མཁའ་འགྲོ་འདུ་བའི་ཞིང༌། ཨོ་རྒྱན་དྷཱུ་མ་ཐ་ལ་གཙོ་བོར་གྱུར་པའི་མཐའ་སྐོར་དུཿ ཛ་ལནྡྷ་རཿ པུལླཱི་ར་མ་ལཿ ཨརྦུ་ཏཿརསྨི་ཤྭ་རཱཿགཽ་ཏ་ཝཱ་རཱིཿདེ་ཝཱི་ཀོ་ཊཱཿམཱ་ལ་ཝ་སྟེ་གནས་དང་ཉེ་བའི་གནས་རྣམ་པ་བརྒྱདཿ ཀཱ་མ་རཱུཿཨཽ་ཊི་ཡཿཏྲི་ཤ་ཀུཿཀོ་ས་ལཿ ཀ་ལིངྐཿལཾ་པཱ་ཀ་སྟེ་ཞིང་དང་ཉེ་བའི་ཞིང་རྣམ་པ་དྲུགཿ ཀཉྩི་ཀ་དང་ཧི་མཱ་ལ་ཡ་སྟེ་ཚནྡྷོ་རྣམ་པ་གཉིསཿ པྲེ་ཏ་པུ་རིཿགྲྀ་ཧ་དེ་ཝཿསོ་རཱཥྚཿསུ་ཝརྞ་དྭཱི་པ་སྟེ་འདུ་བ་དང་ཉེ་བའི་འདུ་བ་རྣམ་པ་བཞིཿནཱ་ག་རཿ སིནྡྷུཿམ་རུཿཀུ་ལུ་ཏཱ་སྟེ་འཐུང་སྤྱོད་དང་ཉེ་བའི་འཐུང་སྤྱོད་རྣམ་པ་བཞི་རྣམས་ལས་ཡུལ་ཉི་རྩ་བཞིའམཿ ཧེ་རུ་ཀའི་གནས་བཅུཿའཁོར་བ་མྱང་འདས་སུ་སྒྲོལ་བའི་དུར་ཁྲོད་ཆེན་པོ་བརྒྱདཿ མདོར་ན་ས་བཅུ་དང་ལམ་ལྔའི་ཡོན་ཏན་སྟོབས་སུ་གྱུར་བའི་གནས་སུམ་ཅུ་རྩ་གཉིས་ལ་སོགས་པ་རྣམས་དང༌། རང་བཞིན་གར་བཞུགས་ཀྱི་གནས་ནས་དཔའ་བོ་དང་མཁའ་འགྲོའི་ཚོགས་ཏིལ་གྱི་གང་བུ་རྡོལ་བ་བཞིན་དུ་སྤྱན་དྲངས་པར་གྱུརཿ སྤོས་རོལ་


JLAZ010_Page_0355
[མ་དཔེ་གཟིགས་ན་འདིར་གནོན།]

དང་དབྱངས་སྙན་པོས། ཧཱུྃཿཡུལ་གྱི་མིང་ནི་རྒྱ་གར་ཡུལཿ གནས་ཀྱི་མཆོག་གྱུར་ཨོ་རྒྱན་གནསཿ དྷཱུ་མ་ཐ་ལ་མཁའ་འགྲོའི་གྲོངཿ གླིང་གི་གླིང་མཆོག་རྔ་ཡབ་གླིངཿ དོན་ལ་འོག་མིན་བདེ་ཆེན་ཞིངཿ རྣམ་པ་མཁའ་སྤྱོད་སྤྲུལ་པའི་གནསཿ རབ་ཏུ་དགའ་དང་དྲི་མ་མེདཿ གནས་དང་ཉེ་བའི་གནས་ཡིན་ཏེཿདེ་བཞིན་ཞིང་དང་ཉེ་ཞིང་དངཿ ཚནྡྷོ་ཉེ་བའི་ཚནྡྷོ་དངཿ འདུ་དང་ཉེ་བའི་འདུ་བ་དངཿ འཐུང་སྤྱོད་ཉེ་བའི་འཐུང་སྤྱོད་ཉིདཿ ཕ་རོལ་ཕྱིན་བཅུའི་སར་རྫོགས་པཿཉེ་བའི་དུར་ཁྲོད་ཆོས་ཀྱི་སྤྲིནཿ དཔེ་མེད་ཡེ་ཤེས་ཡེ་ཤེས་ཆེཿརྡོ་རྗེ་འཛིན་དབང་ས་རྣམས་ནསཿ དཔའ་བོ་དང་ནི་རྣལ་འབྱོར་མཿ མཁའ་འགྲོ་དང་ནི་མཁའ་འགྲོ་མཿ མ་ལུས་འདིར་སྤྱོན་དགྱེས་པར་བཞུགསཿ གནས་མཆོག་འདི་རུ་བྱིན་ཕོབ་ལཿ སྒྲུབ་མཆོག་བདག་ལ་དབང་བཞི་བསྐུརཿ བགེགས་དང་ལོག་འདྲེན་བར་ཆད་སོལཿ མཆོག་དང་ཐུན་མོང་དངོས་གྲུབ་སྩོལཿ ཨོཾ་པདྨོ་ཡི་གེ་ནི་ཛྙཱ་ན་ཝཱ་རཱ་ཧཱི་ཧ་རི་ནི་ས་ར་ཙ་ཧྲཱི་ཡ་ཙིཏྟ་ཧྲཱིཾ་ཧྲཱིཾ་ཛཿཛཿཞེས་སྤྱན་དྲངསཿ དེ་ལྟར་དྲངས་པའང་ནང་ལྟར་དུ་རང་ལུས་ཀྱི་ཁམས་ཉི་ཤུ་རྩ་བཞི་པོ་དང་དབྱེར་མེད་དུ་གདོད་ནས་འདྲེས་པའི་ངེས་པ་བརྟན་པར་བྱས་པ་ལ་ཚོགས་ཀྱི་འཁོར་ལོ་ཕྱི་ནང་གསང་གསུམ་གྱིས་མཉེས་པར་བྱས་པས་ཁམས་ཀྱི་ཐིག་ལེའི་ཚོགས་ཀྱི་རྣམ་


JLAZ010_Page_0356
[མ་དཔེ་གཟིགས་ན་འདིར་གནོན།]

པར་འགྱུར་བ་མི་བརྟན་ལ་རྒས་ཤིང་རྒུད་པ་དང་འཆི་བའི་ངང་ཚུལ་ལས་བཟློག་པར་བྱེད་པ་ནི་དོན་དམ་པར་མཁའ་འགྲོའི་བསུན་མ་བཟློག་པའི་གནད་ཕལ་གྱིས་མི་རྟོགས་པ་ཉིད་ཡིན་པ་ལསཿ དང་པོ་ཕྱིའི་ཚོགས་ནིཿ ཧཱུྃཿབདེ་བ་ཆེན་པོའི་སྣོད་མཆོག་ཏུཿཚོགས་ཀྱི་འཁོར་ལོའི་ལོངས་སྤྱོད་ནིཿ སོགས་ལས་བྱང་ལྟར་ལྷག་མའི་བར་བྱའོཿདེ་ནས་ནང་དང་གསང་བའི་ཚོགས་ནི་མན་ངག་ལྟར་བྱའོཿདེ་ནས་ཀུན་རྫོབ་རྟེན་ཅིང་འབྲེལ་འབྱུང་གི་བསུན་ཁ་བཟློག་པ་ནིཿ གཞོན་ནུ་མ་གྲོང་པའི་ཆོས་ཀྱིས་མ་གོས་པ་ལྔའམཿ དེ་ཡང་རིགས་བཟང་དཔལ་ཅན་འཛོམ་ན་རབཿ དེ་མིན་ཆས་ཞུགས་པ་ལྔས་དང་པོ་བསུ་བའི་ཚུལ་དུ་རང་མདོག་དང་མཐུན་པའི་དར་ཚོན་གཅིག་པ་རེ་ལག་པ་གཉིས་ཀས་བཟུང་བའི་སྣེ་མོ་རྡོ་རྗེ་སློབ་དཔོན་གྱི་སྟན་འོག་ཏུ་ཚུད་པ་ནས་ཅུང་ཟད་གཡབ་ཅིངཿ ཀྱེཿགསོན་ཅིག་འདིར་ཚོགས་སྐྱེས་བུ་རྣམསཿ ཁྱེད་ལ་འབོད་པའི་དོན་ཅི་འཚལཿ བདག་ལ་འོང་བའི་གལ་འདི་མཆིསཿ འདི་ནས་ཤར་གྱི་ཕྱོགས་རོལ་ནཿ མངོན་པའི་དགའ་བའི་ཞིང་ཁམས་ཡོདཿ དེ་བཞིན་ལྷོ་ན་དཔལ་ལྡན་བརྩེགསཿ ནུབ་ན་པདྨ་བརྩེགས་པ་དངཿ བྱང་ན་ལས་རབ་གྲུབ་པ་ཡོདཿ ཤར་ལ་སོགས་པའང་བཏགས་པ་ཙམཿ བརྟགས་པ་ཙམ་ནས་མིང་ཞིག་གྲུབཿ དེ་ལ་ཞིང་དང་གནས་ཞེས་གྲགསཿ ཁྱད་པར་དཔའ་བོ་མཁའ་འགྲོ་ཡིཿ སྤྲུལ་པའི་ཞིང་ཁམས་བསམ་ལས་འདསཿ མཁའ་སྤྱོད་


JLAZ010_Page_0357
[མ་དཔེ་གཟིགས་ན་འདིར་གནོན།]

དག་པའི་ཞིང་ནས་འོངསཿ ཉི་ཤུ་རྩ་བཞིའི་ཡུལ་ནས་འོངསཿ དུར་ཁྲོད་ཆེན་པོ་བརྒྱད་ནས་འོངསཿ དཔའ་བོ་མཁའ་འགྲོའི་གནས་ནས་འོངསཿ འོང་བ་གང་གི་དོན་ཡིན་ནཿ འདི་ན་བཞུགས་པའི་སྐྱེས་མཆོག་ལཿ གདུང་ཞིང་འཕྲེང་བའི་སེམས་ཀྱིས་འོངསཿ སྐྱེ་བོ་དད་མེད་བསམ་བརླག་ལཿ ཁྲེལ་ཞིང་གཤུང་བའི་སེམས་ཀྱིས་འོངསཿ ཚེ་ལ་ལོག་ལྟ་སྒྲོ་སྐུར་གཟནཿ གྲིབ་ལ་དམ་ཚིག་ཉམས་པ་ཐུཿནད་ལ་འདུ་བ་རྣམ་བཞི་ལྡངཿ རྩ་རླུང་ཐིག་ལེའི་གནད་འཕྱུགས་ནཿ སྐྱེས་མཆོག་བཞུགས་པའི་གནས་མ་མཆིསཿ ང་ནི་རྡོ་རྗེ་ཌཱཀྐི་ནིཿ འཁོར་ཡང་འབུམ་ཕྲག་ཡངས་པས་བསྐོརཿ འཇའ་ཚོན་དཀར་པོའི་དར་ལམ་ལཿ རིག་འཛིན་བླ་མ་གཤེགས་རེ་རནཿ མངོན་པར་དགའ་བ་ཉམས་རེ་དགའཿདེ་ན་སྐྱེ་དང་འཆི་བ་མེདཿ རྒ་དང་ན་བ་ག་ལ་སྲིདཿ དེ་ན་དམ་ཚིག་ཉམས་པ་མེདཿ དེ་ན་ལོག་ལྟ་ཅན་ཡང་མེདཿ བླ་མའི་བཞུགས་གནས་དེ་རུ་བཟངཿ ལམ་ལ་དར་ལམ་དཀར་པོ་འཇམཿ སྐྱེ་བུ་ཆེན་པོ་དེར་གཤེགས་ཤིགཿ ང་ནི་རིན་ཆེན་ཌཱཀྐི་ནིཿ འཁོར་ཡང་འབུམ་ཕྲག་ཡངས་པས་བསྐོརཿ འཇའ་ཚོན་སེར་པོའི་དར་ལམ་ལཿ རིག་འཛིན་བླ་མ་གཤེགས་རེ་རནཿ དཔལ་ལྡན་བརྩེགས་པ་དྭངས་རེ་སྤྲོཿདེ་ན་སྐྱེ་དང་འཆི་བ་མེདཿ རྒ་དང་ན་བ་ག་ལ་སྲིདཿ དེ་ན་དམ་ཚིག་


JLAZ010_Page_0358
[མ་དཔེ་གཟིགས་ན་འདིར་གནོན།]

ཉམས་པ་མེདཿ དེ་ན་ལོག་ལྟ་ཅན་ཡང་མེདཿ བླ་མའི་བཞུགས་གནས་དེ་རུ་བཟངཿ ལམ་ལ་དར་ལམ་སེར་པོ་འཇམཿ སྐྱེས་བུ་ཆེན་པོ་དེར་གཤེགས་ཤིགཿ ང་ནི་པདྨ་ཌཱཀྐི་ནིཿ འཁོར་ཡང་འབུམ་ཕྲག་ཡངས་པས་བསྐོརཿ འཇའ་ཚོན་དམར་པོའི་དར་ལམ་ལཿ རིག་འཛིན་བླ་མ་གཤེགས་རེ་རནཿ པདྨ་བརྩེགས་པ་མདངས་དང་ལྡནཿ དེ་ན་སྐྱེ་དང་འཆི་བ་མེདཿ རྒ་དང་ན་བ་ག་ལ་སྲིདཿ དེ་ན་དམ་ཚིག་ཉམས་པ་མེདཿ དེ་ན་ལོག་ལྟ་ཅན་ཡང་མེདཿ བླ་མའི་བཞུགས་གནས་དེ་རུ་བཟངཿ ལམ་ལ་དར་ལམ་དམར་པོ་འཇམཿ སྐྱེས་བུ་ཆེན་པོ་དེར་གཤེགས་ཤིགཿ ང་ནི་ཀརྨ་ཌཱཀྐི་ནིཿ འཁོར་ཡང་འབུམ་ཕྲག་ཡངས་པས་བསྐོརཿ འཇའ་ཚོན་ལྗང་གུའི་དར་ལམ་ལཿ རིག་འཛིན་བླ་མ་གཤེགས་རེ་རནཿ ལས་རབ་གྲུབ་པ་བྱིན་རེ་ཆགསཿ དེ་ན་སྐྱེ་དང་འཆི་བ་མེདཿ རྒ་དང་ན་བ་ག་ལ་སྲིདཿ དེ་ན་དམ་ཚིག་ཉམས་པ་མེདཿ དེ་ན་ལོག་ལྟ་ཅན་ཡང་མེདཿ བླ་མའི་བཞུགས་གནས་དེ་རུ་བཟངཿ ལམ་ལ་དར་ལམ་ལྗང་གུ་འཇམཿ སྐྱེས་བུ་ཆེན་པོ་དེར་གཤེགས་ཤིགཿ ང་ནི་དེ་བཞིན་གཤེགས་པའི་རིགསཿ འཁོར་ཡང་འབུམ་ཕྲག་ཡངས་པས་བསྐོརཿ འཇའ་ཚོན་མཐིང་གའི་དར་ལམ་ལཿ རིག་འཛིན་བླ་མ་གཤེགས་རེ་རནཿ མེ་རི་འབར་བ་བཀྲག་དང་ལྡནཿ དེ་ན་སྐྱེ་


JLAZ010_Page_0359
[མ་དཔེ་གཟིགས་ན་འདིར་གནོན།]

དང་འཆི་བ་མེདཿ རྒ་དང་ན་བ་ག་ལ་སྲིདཿ དེ་ན་དམ་ཚིག་ཉམས་པ་མེདཿ དེ་ན་ལོག་ལྟ་ཅན་ཡང་མེདཿ བླ་མའི་བཞུགས་གནས་དེ་རུ་བཟངཿ ལམ་ལ་དར་ལམ་སྔོན་པོ་འཇམཿ སྐྱེས་བུ་ཆེན་པོ་དེར་གཤེགས་ཤིགཿ དེ་ནས་བསུན་མའི་ཚོགས་ལ་སྐྱེམས་དྲངས་ལ་འདི་སྐད་དོཿཀྱེཿབསུན་མའི་མགྲོན་རྣམས་ཚུར་གསོན་དངཿ འདི་ན་བཞུགས་པའི་སྐྱེས་མཆོག་ལཿ གདུང་ཞིང་འཕྲེང་བ་ཁྱེད་བདེན་ཏེཿའགྲོ་བའི་བསམ་པ་ཐ་དད་པསཿ འདྲེན་པ་སྤངས་རྣམས་རྨོངས་པའི་སྐྱོནཿ ཐེག་པ་ཆེན་པོའི་སྐྱེས་བུ་རྣམསཿ དེ་ལ་ཁྲོ་བའི་སྐབས་མི་དབྱེཿབསོད་ནམས་ལྡན་པའི་སྐྱེ་བོའི་ཚོགསཿ དམ་པ་རྣམས་ལ་དད་ཅིང་འདུནཿ འདི་ཕྱིའི་ལམ་སྟོན་རེ་བས་ནཿ འདི་མེད་འཇིག་རྟེན་ལོང་བར་འགྱུརཿ སངས་རྒྱས་བསྟན་པ་སུ་ཡིས་འཛིནཿ ཁྱད་པར་གསང་སྔགས་ཟབ་མོ་ཡིཿདམ་ཚིག་གཉེན་པོས་འབྲེལ་བ་ལཿ ཉམས་པའི་བཀའ་ཆད་བྱུང་སྲིད་ནཿ སླར་ལ་གནོང་ཞིང་བཤགས་པས་སྦྱངསཿ དབྱིངས་ཀྱི་མཁའ་འགྲོ་གཡེལ་བའི་རྒྱུཿལྟ་བ་ནོར་ན་དབུ་མར་སྦྱོརཿ རྟག་ཆད་མེད་པས་ཐུགས་དམ་བསྐངཿ སྒོམ་པ་ཡེངས་ན་རིག་པ་འཛིནཿ ལྷག་མཐོང་གསལ་བས་ཐུགས་དམ་བསྐངཿ སྤྱོད་པ་ནོར་ན་ཚོགས་ཀྱིས་བསྐངཿ འགྱོད་ཚངས་ཆེན་པོས་ཐུགས་དམ་བསྐངཿ འཇིག་


JLAZ010_Page_0360
[མ་དཔེ་གཟིགས་ན་འདིར་གནོན།]

རྟེན་འདས་ཀྱང་འཁོར་བའི་ཚུལཿ ཡེ་ཤེས་གྲུབ་ཀྱང་ཕོ་ཉར་སྟོནཿ ལེགས་ཉེས་སྟངས་འཛིན་བདག་པོ་རྣམསཿ སྐྱོན་མཐོང་ཙམ་ན་བར་ཆོད་རྩོམཿ ཁྱེད་རྣམས་ཐུགས་དང་འགལ་སྲིད་ནཿ ཚོགས་དང་གཏོར་མ་རྒྱན་དང་ལྡནཿ སྐུ་མཁར་འབྲང་རྒྱས་རྣམ་པ་ལྔསཿ སྐུ་ཡི་དམ་ཚིག་ཉམས་པ་བསྐངཿ ཕྲིན་ལས་གྱེར་དབྱངས་བཟླས་བརྗོད་ཀྱིསཿ གསུང་གི་དམ་ཚིག་ཉམས་པ་བསྐངཿ ནམ་རྒྱང་མདའ་འཕང་ཤིང་རིས་ཀྱིསཿ ཐུགས་ཀྱི་དམ་ཚིག་ཉམས་པ་བསྐངཿ མཐུན་པའི་དམ་རྫས་དཀོར་ཆ་དངཿ གསེར་སྐྱེམས་གཡུ་སྐྱེམས་ཕུད་ལྷག་གིསཿ ཚངས་པ་ལ་སོགས་དབང་ཕྱུག་དངཿ དྲི་ཟ་གྲུལ་བུམ་མི་འམ་ཅིཿའབུམ་ཕྲག་ཡངས་པའི་མཁའ་འགྲོ་ཡིཿཐུགས་དམ་གཉེན་པོ་བསྐངས་གྱུར་ནསཿ གྲིབ་དང་བར་ཆད་དབྱིངས་སུ་གསོལཿ རྩ་རླུང་ཐིག་ལེ་ཉམས་པ་གསོསཿ ཁྱད་པར་བསུན་མའི་མགྲོན་རྣམས་ལཿ སྔགས་དང་ཕྱག་རྒྱ་ཏིང་འཛིན་མཐུསཿ མི་ལས་དགའ་བའི་གླུད་བཟང་འབུལཿ མི་ལས་གླུད་འདི་མི་དགའ་རྒྱུཿདངོས་ལས་བྱད་དང་རྣམ་འགྱུར་མཛེསཿ སྐྱེ་མཆེད་བཅུ་གཉིས་འདི་ལ་ཚང༌། རྒྱལ་དུ་ཞི་བའི་མཆོད་གཏོར་བཞེསཿ རྡོ་རྗེ་མཁའ་འགྲོའི་དར་ཐག་བསྡུསཿ མི་ལས་གླུད་འདི་མི་དགའ་རྒྱུཿ དངོས་ལས་བྱད་དང་རྣམ་འགྱུར་མཛེསཿ དབང་


JLAZ010_Page_0361
[མ་དཔེ་གཟིགས་ན་འདིར་གནོན།]

པོ་སྣ་ལྔ་འདི་ལ་ཚངཿ རྒྱལ་དུ་རྒྱས་པའི་མཆོད་གཏོར་བཞེསཿ རིན་ཆེན་མཁའ་འགྲོའི་དར་ཐག་སྡུསཿ མི་ལས་གླུད་འདི་མི་དགའ་རྒྱུཿདངོས་ལས་བྱད་དང་རྣམ་འགྱུར་མཛེསཿ ཕུང་པོ་སྣ་ལྔ་འདི་ལ་ཚངཿ རྒྱལ་དུ་དབང་གི་མཆོད་གཏོར་བཞེསཿ པདྨ་མཁའ་འགྲོའི་དར་ཐག་བསྡུསཿ མི་ལས་གླུད་འདི་མི་དགའ་རྒྱུཿདངོས་ལས་བྱད་དང་རྣམ་འགྱུར་མཛེསཿ ཁམས་ཆེན་བཅོ་བརྒྱད་འདི་ལ་ཚངཿ རྒྱལ་དུ་དྲག་པོའི་མཆོད་གཏོར་བཞེསཿ ལས་ཀྱི་མཁའ་འགྲོའི་དར་ཐག་སྡུསཿ མི་ལས་གླུད་འདི་མི་དགའ་རྒྱུཿདངོས་ལས་བྱད་དང་རྣམ་འགྱུར་མཛེསཿ རྟོགས་ན་གདན་གསུམ་ཚང་བའི་ལྷཿརྒྱལ་དུ་མཆོག་གི་མཆོད་གཏོར་བཞེསཿ དེ་བཞིན་རིགས་ཀྱི་དར་ཐག་སྡུསཿ བསྡུས་ནས་འདི་ན་གནས་མེད་ཀྱིཿདཔའ་བོ་མཁའ་འགྲོའི་བསུན་མ་རྣམསཿ ད་ནི་གཤེགས་ཤིག་ཏ་ལ་ལཿ ད་ནི་བཞུད་ཅིག་སི་ལི་ལིཿརྒྱལ་བའི་བཀའ་ལ་མི་ཉན་མེདཿ བདེན་པའི་ཚིག་ལ་མི་བརྟེན་མེདཿ བརྔན་དང་ནོར་ལ་མི་ཆགས་མེདཿ རྟེན་འབྲེལ་རྒྱུ་འབྲས་འཆོལ་བ་མེདཿ བདག་དང་རྒྱུ་སྦྱོར་སློབ་མ་ཡིཿལྷག་བསམ་རྣམ་དག་བདེན་པའི་མཐུསཿ བསུན་མའི་མགྲོན་ལ་རྫོངས་བཏབ་པསཿ རྡོ་རྗེ་ཕུང་པོའི་གྲོང་ཁྱེར་ལཿ གནས་པའི་དཔའ་བོ་མཁའ་འགྲོའི་སྲོགཿ


JLAZ010_Page_0362
[མ་དཔེ་གཟིགས་ན་འདིར་གནོན།]

གནས་པ་རྩ་དང་གཡོ་བ་རླུངཿ བཀོད་པ་བྱང་ཆུབ་སེམས་མཆོག་གིཿརྟེན་འབྲེལ་གནས་མལ་འཕྱུགས་པ་ལསཿ བླ་ཡི་རྟེན་མཁར་ཞིག་པ་དངཿ ཚེ་ཡི་རྒྱ་མདུད་དྲལ་བ་དངཿ སྲོག་གི་ལྗོན་ཤིང་ཆག་པ་དངཿ རླུང་གི་དུས་སྦྱོར་འགགས་པ་སོགསཿ སྐད་ཅིག་ཉིད་ལ་སོར་ཆུད་ནསཿ བླ་ཚེ་ཡར་ངོའི་ཟླ་བ་ལྟརཿ འཕེལ་ཞིང་བརྟན་པའི་ཕྲིན་ལས་མཛོདཿ ཅེས་བརྗོད་བསུན་མའི་མགྲོན་རྣམས་ཀྱིསཿ གླུད་གཏོར་མི་མངོན་གནས་སུ་བསྐྱལཿ རྟེན་འབྲེལ་བདེན་པ་མཐུ་ཆེ་བསཿ ངེས་པར་བསུན་ཁ་བཟློག་པར་འགྱུརཿ ས་མ་ཡཿ༈དེ་ནས་བརྟན་བཞུགས་དང་འབྲེལ་ནཿ སྣ་ཚོགས་རྡོ་རྗེའི་རེ་ཁཱ་ལཿ སློབ་དཔོན་བཞུགས་བྱས་རྨེ་བརྩེགས་ཀྱིསཿ བུམ་ཆུས་ཁྲུས་གསོལ་རས་ཀྱིས་ཕྱིཿའདི་ནི་སྦྱིན་པའི་རང་བཞིན་ཆུཿསེར་སྣའི་དྲི་མ་སྦྱོང་མཛད་ཅིངཿ གཏོང་བ་དྲི་ཡིས་ལེགས་བགོས་ཆུཿཁྲུས་ལེགས་མཛད་ཀྱིས་ཁྲུས་བགྱིའོཿའདི་ནི་ཚུལ་ཁྲིམས་རང་བཞིན་ཆུཿའཆལ་བའི་དྲི་མ་སྦྱོང་མཛད་ཅིངཿ བསྲུངས་པ་དྲི་ཡིས་ལེགས་བགོས་ཆུཿ ཁྲུས་ལེགས་མཛད་ཀྱིས་ཁྲུས་བགྱིའོཿ འདི་ནི་བཟོད་པའི་རང་བཞིན་ཆུཿ ཁོང་ཁྲོའི་དྲི་མ་སྦྱོང་མཛད་ཅིངཿ རླབས་ཆེན་དྲི་ཡིས་ལེགས་བགོས་ཆུཿ ཁྲུས་ལེགས་མཛད་ཀྱིས་ཁྲུས་བགྱིའོཿ འདི་ནི་བརྩོན་འགྲུས་རང་བཞིན་ཆུཿ ལེ་ལོའི་དྲི་མ་སྦྱོང་མཛད་ཅིངཿ ནན་ཏན་དྲི་ཡིས་


JLAZ010_Page_0363
[མ་དཔེ་གཟིགས་ན་འདིར་གནོན།]

ལེགས་བགོས་ཆུཿ ཁྲུས་ལེགས་མཛད་ཀྱིས་ཁྲུས་བགྱིའོཿ འདི་ནི་བསམ་གཏན་རང་བཞིན་ཆུཿརྣམ་གཡེང་དྲི་མ་སྦྱོང་མཛད་ཅིངཿ མཉམ་གཞག་དྲི་ཡིས་ལེགས་བགོས་ཆུཿཁྲུས་ལེགས་མཛད་ཀྱིས་ཁྲུས་བགྱིའོཿའདི་ནི་ཤེས་རབ་རང་བཞིན་ཆུཿརྨོངས་པའི་དྲི་མ་སྦྱོང་མཛད་ཅིངཿ ལྷག་མཐོང་དྲི་ཡིས་ལེགས་བགོས་ཆུཿཁྲུས་ལེགས་མཛད་ཀྱིས་ཁྲུས་བགྱིའོཿཞེས་དང་སྒྲུབ་སྔགས་དག་ཀྱང་བརྗོདཿ སློབ་དཔོན་ཚེ་མཐའ་ཡས་པར་བསྒྲུབཿ ཤུ་ནྱ་ཏཱས་སྟོང་པར་སྦྱངསཿ སྟོང་བའི་ངང་ལས་རིན་པོ་ཆེ་སྣ་ཚོགས་ལས་གྲུབ་པའི་ཁྲི་སྟེགས་ཀྱི་ཤར་དུ་གླང་པོ་ཆེཿལྷོར་རྟ་མཆོགཿ ནུབ་ཏུ་རྨ་བྱཿབྱང་དུ་ཤང་ཤངཿ ཟུར་བཞིར་སེང་གེ་བརྒྱདཿ སྟེང་དུ་པདྨ་དང་ཉི་ཟླའི་གདན་ཡངས་ཤིང་རྒྱ་ཆེ་བའི་དབུས་སུ་འཁོར་ལོ་དང་སྣ་ཚོགས་རྡོ་རྗེའི་སྟན་ལ་ཧྲཱིཿལས་རྡོ་རྗེ་སློབ་དཔོན་རིགས་ཐམས་ཅད་ཀྱི་བདག་ཉིད་རྒྱལ་བ་འོད་མཚན་སྟོང་འབར་སྤྲུལ་སྐུའི་ཆ་བྱད་ཅན་ཕྱག་གཉིས་མཉམ་གཞག་གི་སྟེང་ན་ལྷུང་བཟེད་ལ་གནས་པའི་ཚེའི་བུམ་པ་དང་བདུད་རྩིའི་བཅུད་ལྡན་གྱིས་གང་བ་བསྣམས་པའི་སྤྱི་བོར་ཨོཾཿམགྲིན་པར་ཨཱཿཐུགས་ཀར་ཧཱུྃ་གིས་མཚན་པ་ལས་འོད་ཟེར་འཕྲོས་པས་ཕྱོགས་བཅུ་རབ་འབྱམས་ནམ་མཁའི་མཐའ་ཀླས་པའི་དེ་བཞིན་གཤེགས་པ་སྲས་དང་བཅས་པ་བདེ་གཤེགས་ཚེ་མཐའ་


JLAZ010_Page_0364
[མ་དཔེ་གཟིགས་ན་འདིར་གནོན།]

ཡས་པའི་དཀྱིལ་འཁོར་རྒྱ་མཚོའི་རྣམ་པར་བྱོན་ནས་རྡོ་རྗེ་སློབ་དཔོན་དང་རོ་གཅིག་ཏུ་འདྲེས་པར་གྱུརཿ ཚེ་མདའ་གཡབ་ཅིངཿ ཧཱུྃཿ ཤར་ནས་རྡོ་རྗེ་མཁའ་འགྲོ་སྲ་བའི་དབྱིངསཿ ལྕགས་ཀྱུ་ཐོགས་པའི་ཕོ་ཉ་འབུམ་ཕྲག་གིསཿ ཤ་ཡི་ཁམས་ནས་ཡར་བའི་བླ་ཚེ་སྡུསཿ དྲི་ཟའི་ལག་ནས་བླ་དང་ཚེ་ཁུག་ཅིགཿ ལྷོ་ནས་རིན་ཆེན་མཁའ་འགྲོ་མཉེན་པའི་དབྱིངསཿ ཞགས་པ་ཐོགས་པའི་ཕོ་ཉ་འབུམ་ཕྲག་གིསཿ ཁྲག་གི་ཁམས་ནས་ཡར་བའི་བླ་ཚེ་སྡུསཿ གྲུལ་བུམ་ལག་ནས་བླ་དང་ཚེ་ཁུག་ཅིགཿ ནུབ་ནས་པདྨ་མཁའ་འགྲོ་དྲོ་བའི་དབྱིངསཿ ལྕགས་སྒྲོག་ཐོགས་པའི་ཕོ་ཉ་འབུམ་ཕྲག་གིསཿ ཁྲག་གི་ཁམས་ནས་ཡར་བའི་བླ་ཚེ་སྡུསཿ ཀླུ་དབང་ལག་ནས་བླ་དང་ཚེ་ཁུག་ཅིགཿ བྱང་ནས་ཀརྨ་མཁའ་འགྲོ་གཡོ་བའི་དབྱིངསཿ དྲིལ་བུ་ཐོགས་པའི་ཕོ་ཉ་འབུམ་ཕྲག་གིསཿ རླུང་གི་ཁམས་ནས་ཡར་བའི་བླ་ཚེ་སྡུསཿ གནོད་སྦྱིན་ལ་གནས་བླ་དང་ཚེ་ཁུག་ཅིགཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཨཱ་ཡུར་ད་ཏེ་བྷྲཱུྃ་སྭཱ་ཧཱཿདེ་ནས་ཚེ་བུམ་ཕྱག་ཏུ་ཕུལཿ ཧྲཱིཿ སྣང་སྲིད་གཞོན་ནུ་བུམ་པའི་སྐུཿ སྐྱེ་འཆི་བྲལ་བའི་བཅུད་ཀྱིས་གཏམསཿ རིག་འཛིན་ཁྱེད་ལ་ཕུལ་བ་ཡིསཿ འཆི་མེད་རྡོ་རྗེའི་སྲོག་འགྲུབ་ཤོགཿ རྩ་སྔགས་ཤམ་བུརཿ ཨཱ་ཡུར་ད་ཏེ་བྷཱུྃ་ཀཱ་ཡ་ཨ་བྷི་ཥིཉྩ་ཨོཾཿ བདུད་རྩི་ཕུལ་ལཿ


JLAZ010_Page_0365
[མ་དཔེ་གཟིགས་ན་འདིར་གནོན།]

ཧྲཱིཿ བདེ་ཆེན་ཡུམ་ལྔའི་བྷན་དྷ་རུཿ འཆི་མེད་བྱང་སེམས་བདུད་རྩིར་བསྐྱིལཿ རིག་འཛིན་ཁྱེད་ལ་ཕུལ་བ་ཡིསཿ སྐྱེ་འཆི་མེད་པའི་དབང་ཐོབ་ཤོགཿ རྩ་སྔགས་དངཿ ཝཀྐ་ཨ་བྷི་ཥིཉྩ་ཨཱཿཚེ་རིལ་ཕུལ་ལཿ ཧྲཱིཿབརྟན་གཡོའི་ཁམས་དང་སྟོབས་བཅུའི་དཔལཿ ཡོངས་ཀྱི་བཅུད་བདུས་ཚེའི་རིལ་བུཿརིག་འཛིན་ཁྱེད་ལ་ཕུལ་བ་ཡིསཿ རྡོ་རྗེའི་སྲོག་ལ་དབང་ཐོབ་ཤོགཿ རྩ་སྔགས་མཐརཿ ཙིཏྟ་ཨ་བྷི་ཥིཉྩ་ཧཱུཾཿཚེ་མདའ་བསྣོལ་ནས་རྒྱས་གདབ་ཅིངཿ ཨཱཿའབྱུང་ལྔའི་དབྱིངས་སུ་འཁྱམས་པའི་ཚེཿཡུམ་ལྔའི་ཀློང་དུ་རྒྱས་བཏབ་པསཿ ཡེ་ཤེས་ལྔ་ལ་སྐྱེ་འཆི་མེདཿ སྐུ་ལྔའི་དབྱིངས་སུ་ཚེ་སྦས་པཿརིགས་ལྔའི་རྒྱལ་བས་ཀྱང་མི་གཟིགསཿ དྷརྨ་དྷཱརྟུ་བཛྲ་རཀྵཿཞེས་བརྗོད་ཡོན་དང་མཎྜལ་ཕུལཿ དེ་ནས་རྡོ་རྗེ་སློབ་དཔོན་ནིཿ གདན་གསུམ་ཚང་བའི་དཀྱིལ་འཁོར་གྱིཿ བདག་ཉིད་ཆེན་པོར་བརྟན་བཞུགས་བྱཿཧོཿརྡོ་རྗེ་སློབ་དཔོན་གཟུགས་ཀྱི་ཕུང་པོ་ནིཿ སྣང་མཛད་རྒྱལ་པོ་དེ་བཞིན་གཤེགས་པའི་རིགསཿ ཚོར་བའི་ཕུང་པོ་རིན་ཆེན་འབྱུང་ལྡན་དངཿ འདུ་ཤེས་རྒྱལ་པོ་སྣང་བ་མཐའ་ཡས་ཞལཿ འདུ་བྱེད་རྒྱལ་པོ་དོན་ཡོད་གྲུབ་པ་ཆེཿརྣམ་པར་ཤེས་པ་མི་བསྐྱོད་རྒྱལ་པོའི་ཕྱིརཿ རྟག་པར་རྒྱུན་གྱི་འཁོར་ལོའི་ཆོས་ཉིད་ལཿ རིགས་ལྔའི་རང་བཞིན་ཉིད་དུ་བརྟན་པར་བཞུགསཿ ས་ཁམས་རྣམ་པར་དག་པ་སངས་རྒྱས་སྤྱནཿ ཆུ་ནི་མཱ་མ་ཀཱི་དང་མེ་གོས་དཀརཿ རླུང་ཁམས་དམ་ཚིག་སྒྲོལ་མ་ནམ་མཁའི་དབྱིངསཿ ཡུམ་ལྔའི་རང་བཞིན་ཉིད་


JLAZ010_Page_0366
[མ་དཔེ་གཟིགས་ན་འདིར་གནོན།]

དུ་བརྟན་པར་བཞུགསཿ དེ་བཞིན་མིག་ལ་སོགས་པའི་སྐྱེ་མཆེད་རྣམསཿ རྡོ་རྗེ་མཐོང་ཐོས་སྣོམ་དང་མྱོང་བ་དངཿ བྱ་བའི་རང་བཞིན་དེ་ཡི་བཙུན་མོ་བཞིཿཕྱི་སེམས་བཞི་ཡི་ངོ་བོར་བརྟན་པར་བཞུགསཿ བྱང་ཆུབ་ཆེན་པོ་རྡོ་རྗེ་མཐོང་ཐོས་སྣོམཿ མྱོང་བར་བྱེད་པའི་བཙུན་མོ་དུས་བཞི་སྟེཿཡུལ་དང་ཡུལ་ཅན་སྦྱོར་བའི་ནང་སེམས་བཞིའིཿརང་བཞིན་ཉིད་ལས་མི་འགྱུར་བརྟན་པར་བཞུགསཿ སྒོ་གསུམ་འཛིན་པར་བཅས་པ་ཁྲོ་བོ་བཞིཿརྟག་ཆད་བདག་མཚན་ལྟ་བ་རིགས་ཀྱི་ཡུམཿ ཚད་མེད་བཞི་ཡི་ངང་ལས་མི་གཡོ་བའིཿསྒོ་མ་བཞི་ཡི་ངོ་བོར་བརྟན་པར་བཞུགསཿ མདོར་ན་སློབ་དཔོན་ལུས་ཀྱི་དཀྱིལ་འཁོར་ནིཿ གདན་གསུམ་ཚང་བའི་ངོ་བོ་ཉིད་ཀྱི་ཕྱིརཿ རྒྱུ་འབྲས་སྤང་གཉེན་དག་པའི་རང་བཞིན་ཅནཿ འཁོར་འདས་མཉམ་པ་ཉིད་དུ་བརྟན་པར་གསོལཿ ཞེས་པའི་དོན་ལ་ངེས་ཤེས་བསྐྱེདཿ དོན་གྱི་བརྟན་བཞུགས་བླ་ན་མེདཿ དེ་ནས་ཚོགས་ཀྱི་འཁོར་ལོ་ཡིསཿ ཞལ་བསྲོ་བཀྲ་ཤིས་རྫས་བརྒྱད་འབུལཿ ཤིས་པ་བརྗོད་ཅིང་དགེ་བ་བསྔོཿས་མ་ཡཿབསུན་མ་བཟློག་ཐབས་མང་ན་ཡངཿ གནད་ཀྱི་གདམས་པ་འདི་ཉིད་ཡིནཿ མཁའ་འགྲོའི་གསང་མཛོད་མ་གཏོགས་པཿཀུན་འབྱུང་བློ་ལ་འདི་མི་འཆརཿ བསྟན་པ་འཛིན་སྐྱོང་སྤེལ་བ་ཡིཿསྐྱེས་བུ་རྣམས་ཀྱི་དཔལ་དུ་ཤོགཿ དྷ་ཐིམཿ གུ་ཧྱ་རྒྱཿརིག་འཛིན་འཇིགས་མེད་གླིང་པས་དཔལ་ས་སྐྱའི་གཙུག་ལག་ཆེན་པོའི་ཟུར་ལྕོགས་རིག་འཛིན་ཕོ་བྲང་དུ་ནམ་མཁའ་མཛོད་ཀྱི་བརྡ་ལས་བསྒྱུར་བའོ།། །།

བསུན་བཟློག།


JLAZ010_Page_0367
[མ་དཔེ་གཟིགས་ན་འདིར་གནོན།]

༈ གྲངས་གསོག་ཚེ་བསུན་བཟློག་རྒྱས་པའི་མཚམས་སུ་གླུད་གཏོར་རིལ་བུ་དང་བཅས་པ་ནམ་མཁའ་མཛོད་ཀྱི་སྔགས་རྒྱས་བརླབས་ནས་ཕུལ་ཏེཿཧཱུྃ་རིགས་ལྔའི་རྒྱལ་བ་གང་ཆེན་མཚོའིཿསྐུ་ལ་ཞིང་ཁམས་ཡོངས་རྫོགས་པའི། །དེ་སྙེད་སངས་རྒྱས་བྱང་སེམས་དང༌། །དཔའ་བོ་ཌཱཀྐི་རྣལ་འབྱོར་མ། །སྟོང་གསུམ་བྱེ་བ་ཕྲག་བརྒྱའི་ཞིང༌། །ཧེ་རུ་ཀ་ཡི་གནས་བཅུ་དང༌། །ནང་ལྟར་རྡོ་རྗེ་ལུས་ཀྱི་གྲོང༌། །ཨོ་རྒྱན་དྷུ་མ་ཐ་ལ་སོགས། །གནས་དང་ཡུལ་གྱི་དཔའ་བོ་དང༌། །འབུམ་ཕྲག་ཡངས་པའི་མཁར་འགྲོའི་ཚོགས། །འདིར་བྱོན་དམ་ཚིག་གདན་ལ་བཞུགས། །ཉེར་སྤྱོད་འདོད་ཡོན་གླུད་གཏོར་དང༌། །ཚོགས་ཀྱི་འཁོར་ལོས་ཐུགས་དམ་བསྐང༌། །སྡོམ་གསུམ་དམ་ཚིག་ཉམས་པ་བཤགས། རྩ་རླུང་ཐིག་ལེའི་གནད་འཕྱུགས་ན། །དཔའ་བོ་མཁའ་འགྲོའི་བསུན་ཁ་ལྡང༌། །རང་མལ་བཞུགས་ཤིང་བར་ཆད་ཟློག །རིགས་ལྔ་ཡེ་ཤེས་ཌཱཀྐི་ཡིས། །སྤྱན་འདྲེན་དར་ཐག་དབྱིངས་སུ་སྡུས། །དཔའ་བོ་རྡོ་རྗེ་སློབ་དཔོན་འདི། །བསྟན་པ་རྒྱ་མཚོའི་སྒྲོན་མེ་ཡིན། །སེམས་ཅན་ཡོངས་ཀྱི་དཔུང་གཉེན་ཕྱིར། །སྤྱན་འདྲེན་དར་ལམ་བརྐྱང་སྲིད་ན། །ཁྱེད་རྣམས་དམ་ཚིག་ཉམས་པར་འགྱུར། །དམ་ཚིག་འདི་ནི་མཁའ་འགྲོའི་སྲོག །སྲོག་ལ་མི་གཅེས་གང་ཡང་མེད། །ཚོགས་གཏོར་གླུད་བཟང་འདི་བཞེས་ལ། །དབྱིངས་ཀྱི་རྗེ་མོས་སྲོག་མཁར་ཚུགས། །འཁོར་གྱི་མཁའ་འགྲོས་བླ་རྐུན་ཆོམས། །ཤུགས་འགྲོ་གནས་ཉུལ་རང་གནས་དེངས། །སྐྱེས་བུ་ཆེན་པོ་ལོ་བརྒྱའི་བར། །ཞབས་པད་བརྟན་པའི་ཕྲིན་ལས་མཛོད།། །།

བསུན་ཟློག་ཚོགས་བརྒྱ།


JLAZ010_Page_0368
[མ་དཔེ་གཟིགས་ན་འདིར་གནོན།]

༈ གངས་ཆེན་མཚོ་ཡི་ཞིང་ཁམས་ལ། །ཇི་སྙེད་བཀོད་པའི་གནས་ཡུལ་དང༌། །དཔའ་བོ་མཁའ་འགྲོའི་གྲོང་ཁྱེར་ནས། །རྡོ་རྗེ་རིན་ཆེན་པདྨ་ལས། །འབུམ་ཕྲག་ཡངས་པའི་མཁའ་འགྲོའི་ཚོགས། །འདིར་སྤྱོན་ཉེར་སྤྱོད་འདོད་ཡོན་དང༌། །ཚོགས་ཀྱི་འཁོར་ལོས་ཐུགས་དམ་བསྐང༌། །ཐེག་པ་གསུམ་དང་རིག་འཛིན་གྱི། །སྡོམ་གསུམ་དང་ཚིག་ཉམས་པ་བཤགས། །བསྟན་པ་རྒྱ་མཚོའི་སྒྲོན་མེ་ཆེ། །སེམས་ཅན་ཡོངས་ཀྱི་དཔུང་དང་གཉེན། །འདི་ན་བཞུགས་པའི་སྐྱེས་མཆོག་གི། ཚེ་འཕྲང་བར་ཆད་དབྱིངས་སུ་སོལ། །དཔའ་བོའི་མཁའ་འགྲོའི་བསུན་ཁ་ཟློག །ཞབས་པད་བརྟན་པའི་བཀྲ་ཤིས་སྩོལ། །འདི་བསུན་ཟློག་རྒྱས་པ་ཚོགས་བརྒྱ་དང་འབྲེལ་སྐབས་ཡུམ་ཀའི་ཚོགས་ཀྱི་སྐོང་བཤགས་མལ་དུ་འཛུད་པ་ལག་ལེན་ནོ།། །།

ཡུམ་ཀ་བདེ་ཆེན་རྒྱལ་མོ་ལསཿ དཔའ་བོ་དཔའ་མོའི་བསུན་བཟློག


JLAZ010_Page_0369
[མ་དཔེ་གཟིགས་ན་འདིར་གནོན།]

༂ ཡུམ་ཀ་བདེ་ཆེན་རྒྱལ་མོ་ལསཿ དཔའ་བོ་དཔའ་མོའི་བསུན་བཟློག་བཞུགསཿ ཡེ་ཤེས་མཁའ་འགྲོའི་སྐུ་ལ་འདུདཿ ལས་ཅན་དཔའ་བོ་དཔའ་མོ་ལཿ མཁའ་འགྲོའི་བསུན་བཟློག་བྱ་འདོད་ནཿ གཏོར་ཚོགས་འདུ་བྱ་གཞུང་བསྲང་ལཿ བཟླས་མཆོད་ཚོགས་སྐོང་བགྱིས་བའི་མཐརཿ དར་ལམ་མཁའ་འགྲོའི་མཆོད་གཏོར་བཤམཿ དབྱིངས་རང་སྣང་རྣམ་དག་འོག་མིན་དངཿ ཞིང་དག་པ་མཁའ་སྤྱོད་སྤྲུལ་པའི་གནསཿ ཡུལ་ཉེར་བཞིའི་དཔའ་པོ་མཁའ་འགྲོ་རྣམསཿ དེང་ཚོགས་ཀྱི་འདུ་བར་གཤེགས་སུ་གསོལཿ ཡོངས་སྣང་སྲིད་མཆོད་སྤྲིན་རྒྱ་མཚོ་དངཿ ཚོགས་བདེ་སྟོང་དངོས་བཤམས་ཡིད་སྤྲུལ་རྫསཿ དབྱིངས་དག་མཉམ་ནམ་མཁའི་མཛོད་དུ་འབུལཿ མ་མཁའ་འགྲོའི་དམ་ཚིག་ཉམས་ཆག་བསྐངཿ བདག་སྒྲུབ་མཆོག་བུ་ལ་དངོས་གྲུབ་སྩོལཿ དབྱིངས་སྲ་བའི་རང་བཞིན་སངས་རྒྱས་སྤྱནཿ ཤར་རྡོ་རྗེ་རིགས་ཀྱི་མཁའ་འགྲོ་འབུམཿ ཡོངས་ཞི་བའི་མཆོད་གཏོར་འདི་བཞེས་ལཿ ཤར་དར་ལམ་དཀར་པོའི་བསུན་མ་ཟློགཿ མེ་ལོངས་ཡེ་ཤེས་ངང་དུ་བཞུགསཿ དབྱིངས་མཉེན་པའི་རང་བཞིན་མཱ་མ་ཀཱིཿལྷོ་རིན་ཆེན་རིགས་གྱི་མཁའ་འགྲོ་འབུམཿ ཡོངས་རྒྱས་པའི་མཆོད་གཏོར་འདི་བཞེས་ལཿ ལྷོ་དར་ལམ་སེར་པོའི་བསུན་མ་ཟློགཿ མཉམ་ཉིད་ཡེ་ཤེས་ངང་དུ་བཞུགསཿ དབྱིངས་དྲོ་བའི་རང་བཞིན་གོས་དཀར་མོཿ ནུབ་པདྨ་རིགས་ཀྱི་མཁའ་འགྲོ་འབུམཿ ཡོངས་


JLAZ010_Page_0370
[མ་དཔེ་གཟིགས་ན་འདིར་གནོན།]

དབང་གི་མཆོད་གཏོར་འདི་བཞེས་ལཿ ནུབ་དར་ལམ་དམར་པོའི་བསུན་མ་ཟློགཿ སོར་རྟོགས་ཡེ་ཤེས་ངང་དུ་བཞུགསཿ དབྱིངས་གཡོ་བའི་རང་བཞིན་དམ་ཚིག་སྒྲོལཿ བྱང་ལས་ཀྱི་རིགས་ཀྱི་མཁའ་འགྲོ་འབུམཿ ཡོངས་དྲག་པོའི་མཆོད་གཏོར་འདི་བཞེས་ལཿ བྱང་དར་ལམ་ལྗང་གུའི་བསུན་མ་ཟློགཿ བྱ་གྲུབ་ཡེ་ཤེས་ངང་དུ་བཞུགསཿ དབྱིངས་ནམ་མཁའི་རང་བཞིན་དབྱིངས་ཕྱུག་མཿ དབུས་སངས་རྒྱས་རིགས་ཀྱི་མཁའ་འགྲོ་འབུམཿ ཡོངས་མཆོག་གི་མཆོད་གཏོར་འདི་བཞེས་ལཿ དབུས་དར་ལམ་མཐིང་ཀའི་བསུན་མ་ཟློགཿ ཆོས་དབྱིངས་ཡེ་ཤེས་ངང་དུ་བཞུགསཿ ཉི་ཤུ་རྩ་བཞིའི་གནས་མཆོག་དངཿ འབུམ་ཕྲག་ཡངས་པའི་མཁའ་འགྲོའི་ཚོགསཿ གླུད་གཏོར་བཟང་པོ་འདི་བཞེས་ལཿ འདིར་བཞུགས་དམ་པའི་སྐྱེས་བུ་ཡིཿཚེ་འཕྲང་བར་གཅོད་དབྱིངས་སུ་སོལཿ བླ་དང་སྲོག་གི་ཀ་བ་ཚུགསཿ རྩ་ཐིག་རླུང་གི་རྒུད་པ་སོལཿ ཚེ་འགྱུར་བ་མེད་པ་རྡོ་རྗེའི་ཁྲིརཿ སྲོག་གཞོམ་གཞིག་བྲལ་བ་གཡུང་དྲུང་ལུསཿ བླ་གཟི་འོད་འབར་བ་ཉི་ཟླ་བཞིནཿ དུས་འཕོ་འགྱུར་མེད་པར་རྟག་བརྟན་གསོལཿ ཅེས་བརྗོད་གཏོར་གླུད་ཕྱོགས་ཕྱོགས་གཤེགསཿ མཁའ་འགྲོའི་བསུན་མ་བཟློག་པར་འགྱུརཿ ས་མ་ཡཿརྒྱ་རྒྱ་རྒྱཿ

ཡུམ་ཀ་མཁའ་འགྲོའི་ལས་ཚོགས་བཞི་བ་དང་འབྲེལ་བར། ཚེ་དབང་གི་མཚམས་སྦྱོར།


JLAZ010_Page_0371
[མ་དཔེ་གཟིགས་ན་འདིར་གནོན།]

ཡུམ་ཀ་མཁའ་འགྲོའི་ལས་ཚོགས་བཞི་བ་དང་འབྲེལ་བར། ཚེ་དབང་གི་མཚམས་སྦྱོར་བཞུགས།


JLAZ010_Page_0372
[མ་དཔེ་གཟིགས་ན་འདིར་གནོན།]

མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་སངས་རྒྱས་ཀྱི་གོ་འཕང་ཐོབ་པར་བྱ། དེའི་ཆེད་དུ་འཆི་མེད་ཚེའི་དབང་བསྐུར་ཞུ་སྙམ་པའི་ཐུགས་བསྐྱེད་དེ་གསན་འཚལ། དེ་ལ་རང་ཅག་རྣམས་མི་ལུས་ཀྱི་རྟེན་ཁྱད་པར་ཅན་ཐོབ་པ་ནི་ད་རེ་ཙམ་ཡིན་ཏེ། ད་རེས་རྟེན་སྟོང་ལོག་ཏུ་སོང་ན་སླད་ནས་འདི་འདྲ་བའི་ལུས་རྟེན་རྙེད་པ་མ་ཡིན་པའི་ཚུལ། འདུལ་བ་རྣམ་འབྱེད་ལས། དགེ་སློང་དག་ངན་སོང་བའི་འགྲོ་བ་ལ་ལྟོས། ཕྱི་ཕྱིར་མི་ཉིད་ཀྱི་དངོས་པོ་ཐོབ་པ་ཡང་ཤིན་ཏུ་དཀའོ། །ལོག་པར་ལྟ་བའི་སྟོན་པ་འདི་དག་ལ་ལྟོས། ཡང་དག་པའི་དགེ་བའི་བཤེས་གཉེན་དང་ཤིན་ཏུ་འཕྲད་པར་དཀའོ། །ཞེས་


JLAZ010_Page_0373
[མ་དཔེ་གཟིགས་ན་འདིར་གནོན།]

གསུངས་པ་ཡིན་ལ། དེ་ཙམ་དུ་རྙེད་པར་དཀའ་བའི་རྒྱུ་མཚན་གང་ཡིན་ན། སྤྱིར་ངན་སོང་གསུམ་གྱི་འགྲོ་བ་ལ་ལྟོས་ན་མིའི་ལུས་རྟེན་ཐོབ་པ་མི་སྲིད་པའི་ཚོད་ཡིན་པས། མཐོང་ཆོས་སུ་མི་དང་སྲོག་ཆགས་གཞན་གྱི་མང་ཉུང་ཁོ་ནས་ཀྱང་ཤེས་ལ། མི་ཡང་ཆོས་ལྡན་གྱི་བྱ་བ་ལ་ཞུགས་པ་ནི་ཉིན་མོའི་སྐར་མ་ཙམ་ལས་མི་འདུག་ན། གནས་སྐབས་ཀྱི་བདེ་འབྱོར་ནི་རྟག་པ་མ་ཡིན་པས་འགྱུར་བའི་རང་བཞིན་ཅན་དང༌། དེའི་སྟེང་དུ་སྡུག་བསྔལ་གྱི་སྡུག་བསྔལ་དང་ཁྱབ་པ་འདུ་བྱེད་ཀྱི་སྡུག་བསྔལ་གྱིས་རྟག་ཏུ་མནར་པས་རི་དྭགས་མཐའ་ལ་གཅུར་བ་ལྟ་བུའི་ངང་ནས་ད་ལྟའི་སྡུག་བསྔལ་ལ་སྤྱོད་ཅིང༌། ཕྱི་མའི་སྡུག་བསྔལ་གྱི་རྒྱུ་


JLAZ010_Page_0374
[མ་དཔེ་གཟིགས་ན་འདིར་གནོན།]

སྒྲུབ་པ་ན་མཚང་ཤིན་ཏུ་ཆེ། དེ་བས་ན་འཁོར་བའི་རང་བཞིན་ནི་སྡུག་བསྔལ་གྱི་བཙོན་རྭ། འཕྲལ་ཉམས་དགའ་ཡང་ཕུགས་མཐའ་སྐྱོ་བ། བྱས་ཚད་སྡིག་པ། བསགས་ཚད་གཞན་དབང༌། བྱ་བ་མང་བ། དོན་ཉུང་བ། བསོད་ནམས་མ་ཡིན་པ་ཁོ་ན་དང་འབྲེལ་ཆེ་བས་འདི་ལས་ཐར་བའི་ཐབས་ལ་མ་འབད་ན་ཤི་འཕོས་ནས་ངན་སོང་དུ་འཁྱམས་པ་ལས་འོས་མེད། ངན་སོང་དུ་སྐྱེས་ན་དམྱལ་བ་ནི་ལྕགས་བསྲེགས་ཀྱི་ས་གཞི་མེ་འབར་བའི་ཀློང་དུ་སོག་ལེ་དང་སྤུ་གྲི་ལ་སོགས་པའི་མཚོན་ཆ་རྣོན་པོའི་དབལ་གྱིས་ལུས་བཤགས། རི་དབར་དུ་བཅར། མགོ་ལུས་དབྲལ། ཁྲོ་ཆུར་འཚོད། མཚོན་ཆའི་དབལ་ལ་འདྲད། གློ་སྙིང་ཡན་ཆད་མེར་འབར་བ་ལ་སོགས་པའི་ཚ་དམྱལ་བརྒྱད། ཁ་ཆར་བུ་ཡུག་རླུང་དང་བཅས་པའི་དཀྱིལ་ན་ལུས་སྤྲེབས་ཤིང༌། གྲང་ངད་ཀྱིས་ཤ་སྤགས་དུམ་བུར་གས་པའི་གྲང་དམྱལ་བརྒྱད། སྡུག་བསྔལ་གྱི་རྣམ་གྲངས་འདི་མི་འབྱུང་བྱ་བ་མེད་པའི་ཉི་ཚེ་ཉེ་འཁོར་བ་གཉིས་ཏེ་དམྱལ་ཁམས་བཅོ་བརྒྱད། ལོ་ཟླ་མང་པོར་ཡང་ཟས་སྐོམ་གྱི་མིང་མི་ཐོས་ཤིང་ཚ་གྲང་ཁོད་མི་སྙམས་པའི་ཡི་དྭགས་སྡེ་ཚན་གསུམ། མཐུ་ཆེ་བ་གང་ཡིན་པ་དེས་ཉམ་ཆུང་བ་དེ་ཟ་ཞིང༌། གཞན་ཡང་ལས་ཀྱི་དབང་


JLAZ010_Page_0375
[མ་དཔེ་གཟིགས་ན་འདིར་གནོན།]

གིས་གཅིག་ལ་གཅིག་བཟའ་བ་དང༌། མིས་བཀོལ་བ་དང༌། ཤ་དང་པགས་པའི་དོན་དུ་གསོད་པ་དང༌། གསོད་ལུགས་མི་འདྲ་བས་སྡུག་བསྔལ་དང་འཇིགས་སྐྲག་དཔག་ཏུ་མེད་པ་དེ་རང་ཐོག་ཏུའང་འབབ་ངེས་པ་ཡིན་ན་དེའི་སྡུག་བསྔལ་ཇི་ལྟར་བཟོད་ནུས། གལ་ཏེ་བདེ་འགྲོ་ཐོབ་ཀྱང༌། མི་ལ་སྐྱེ་རྒ་ན་འཆི། ཡོད་པ་བྲི་ཡིས་དོགས་པ་དང༌། མེད་པ་བཙལ་གྱིས་མི་རྙེད་པ་དང༌། དགྲ་དང་འཕྲད་པ་དང༌། གཉེན་དང་བྲལ་བ་དང༌། དཔྱ་ཁྲལ་གྱིས་གདུངས་པ་ལ་སོགས་རང་རེས་མཐོང་ཞིང་མྱོང་བ་འདི་ལགས་མོད། དེ་བཞིན་དུ་འདོད་ཁམས་ཀྱི་ལྷ་རྣམས་ནི་རེ་ཞིག་བདེ་བ་ལྟར་སྣང་ཡང༌། ཧ་ཅང་བག་མེད་པས་གཡེངས་ནས་ཕྱི་མའི་དོན་བསྒྲུབ་པ་ལ་གཡེལ་བས། རེ་ཞིག་ན་སྔ་མའི་ལས་ཟད་དེ། སྟན་ལ་མི་དགའ་བ་དང༌། མེ་ཏོག་གི་ཕྲེང་བ་རྙིང་པ་དང༌། ལུས་ལ་རྔུལ་འབྱུང་བ་དང༌། ལྷ་ཟླ་བོས་སྤོང་ཞིང་འདུ་ཤེས་འཁྲུལ་པ་དང༌། ཕྱི་མ་སྐྱེ་འགྱུར་གྱི་གནས་རིགས་ངན་པ་མཐོང་ནས་འཇིགས་པ་ལ་སོགས་པའི་འཆི་བའི་ལྟས་མཐོང་ནས་སྡུག་བསྔལ་ཤིན་ཏུ་མི་བཟད་པ་ཡོད་ལ། ཁམས་གོང་མ་དག་ཀྱང་བསམ་གཏན་གྱི་བདེ་བས་འཚོ་བའི་ལས་ཟད་དེ་སྲིད་པ་འོག་མར་ལྷུང་བ་མང་


JLAZ010_Page_0376
[མ་དཔེ་གཟིགས་ན་འདིར་གནོན།]

བས། འགྱུར་བའི་སྡུག་བསྔལ་གྱིས་གདུང་ཞིང༌། སྲིད་པ་ཕྱི་མར་འདུ་བྱེད་པའི་སྡུག་བསྔལ་གྱིས་ཉམ་ཐག་ལ། ཁྱད་པར་ལྷ་མ་ཡིན་རྣམས་ནི་ལྷའི་དཔལ་ལ་མི་བཟོད་པའི་ཕྲག་དོག་གིས་སེམས་རྣལ་དུ་མི་གནས་པས་རྟག་ཏུ་འཁྲུག་རྩོད་འབའ་ཞིག་གིས་གདུང་ཞིང༌། གཡུལ་ངོར་ཡན་ལག་ཆད་པ་དང༌། མཚོན་ཆས་སྣད་པ་ལ་སོགས་པས་ཤིན་ཏུ་སྡུག་བསྔལ་བའི་ཕྱིར་ན་འཁོར་བ་གང་དུ་སྐྱེས་ཀྱང་སྡུག་བསྔལ་གྱི་རང་བཞིན་ཡིན་པའི་ཚུལ། དྲན་པ་ཉེར་གཞག་ལས། སེམས་ཅན་དམྱལ་བ་དམྱལ་མེས་ཉམས། །ཡི་དྭགས་བཀྲེས་ཤིང་སྐོམ་པས་ཉམས། །དུད་འགྲོ་གཅིག་ལ་གཅིག་ཟས་ཉམས། །མི་རྣམས་འཚོ་བ་ཐུང་བས་ཉམས། །ལྷ་རྣམས་བག་མེད་པ་ཡིས་ཉམས། །ལྷ་མིན་འཐབ་ཅིང་རྩོད་པས་ཉམས། །འཁོར་བ་ཁབ་ཀྱི་རྩེ་ཙམ་ལ། །བདེ་བ་ནམ་ཡང་ཡོད་མ་ཡིན། །ཞེས་སོ། །དེ་ལྟ་བུའི་འཁོར་བ་ལས་ཐར་པའི་ཐབས་ནི་དམ་པའི་ཆོས་ཁོ་ན་ལས་གཞན་གང་ཡང་མ་ཡིན་ཀྱང་རང་ཅག་རྣམས་ནི་ལས་ངན་ལ་གོམས་པས་མི་རྟག་པ་ལ་རྟག་པར་འཛིན། སྡུག་བསྔལ་བ་ལ་བདེ་བར་འཛིན་པས། དགེ་བའི་ཚོགས་སུ་ནི་བློ་འཇུག་པར་ཤིན་ཏུ་དཀའ། སྡིག་པའི་ལས་ནི་རྩེད་མོའི་ཞོར་ཙམ་


JLAZ010_Page_0377
[མ་དཔེ་གཟིགས་ན་འདིར་གནོན།]

དུའང་འདུ་བྱེད་ཅིང༌། ཁྱད་པར་ཚེ་འདིའི་དོན་དུ་གཉེར་བའི་ལས་ཐམས་ཅད་ནི་དངོས་སམ་བརྒྱུད་ནས་སྡིག་པའི་གཡོ་བཀོལ་འབའ་ཞིག་ལས་མ་འདས་པ་ཡིན་པའི་ཚུལ། ཁྱིམ་པ་རང་བཞིན་པ་གཅིག་ལ་ལྟོས་ཀྱང༌། ཤ་ཁྲག་ལ་ཆགས་ནས་སྲོག་གཅོད། ཚོང་དང་གཡོ་སྒྱུ་ལ་བརྟེན་ནས་མ་བྱིན་ལེན་པས་མཚོན་མི་དགེ་བཅུ་ལ་རྟག་ཏུ་སྤྱོད་པ་ཡིན་ན། དེའི་འབྲས་བུ་ངན་སོང་དུ་འགྲོ་བ་ལས་འོས་ཅི་ཡོད། དེ་བས་ན་ད་ལྟ་རང་དབང་ཡོད་དུས་སྡིག་པ་སྤོང་ཞིང་དགེ་བའི་ལས་བསྒྲུབ་པ་ལ་བརྩོན་དགོས་ཏེ། སློབ་དཔོན་ཆེན་པོས། འདི་ནི་འཇིག་རྟེན་སྐྱོ་བའི་ཡུལ་ཡིན་པས། །སྐྱེ་བོའི་བདེ་སྐྱིད་ཕུན་སུམ་ཚོགས་འདྲ་བ། །དབྱར་གྱི་ཆུ་དང་རྨི་ལམ་ནོར་རྫས་ལྟར། །བདེན་པ་མེད་ཅིང་མྱུར་དུ་མི་རྟག་པས། །སྐྱོ་བའི་འདུ་ཤེས་རྟག་ཏུ་བསྐྱེད་འཚལ་ལོ། །འདི་ཉིད་ལས་ལོག་བག་ཆགས་ཆགས་པ་དང༌། །སྐྱེས་བུའི་དཔལ་ལ་ངོ་མཚར་ཆེར་བྱེད་པ། །དེ་ནི་བསོད་ནམས་དམན་པའི་རིགས་ཅན་ཏེ། །ཁྱེད་ཀྱི་སྙིང་ནི་ཤིང་སྡོང་ཁོང་རུལ་ལྟར། །ཕྱི་ནས་མཐར་བའི་ལོ་འབྲས་མི་འབྱུང་ངོ༌། །ཀྱེ་མ་ཀྱི་ཧུད་ཚེ་འདིའི་དཔལ་འབྱོར་ལ། །རྟག་ཅིང་ཕུན་སུམ་ཚོགས་འདྲར་ཤེས་པའི་བློ། །བྱིས་པའི་ནང་ནས་ཐ་ཤལ་སྐྱེས་བུ་སྟེ། །འཇིག་རྟེན་འདི་ན་དེ་བས་བླུན་པ་སུ། །སྔར་ཡང་མ་བྱུང་ཕྱིས་ཀྱང་མི་འབྱུང་ངོ༌། །ཅེས་སོ། །དེ་བས་ན་བ་འཆི་བ་ནམ་ཡོང་མི་ཤེས་ཤིང༌། དེའི་ཚེ་ད་ལྟའི་ནོར་རྫས་


JLAZ010_Page_0378
[མ་དཔེ་གཟིགས་ན་འདིར་གནོན།]

དང༌། དབང་ཐང་དང༌། ཉེ་འབྲེལ་དང༌། མཛའ་བཤེས་དང་འགྲོགས་དབང་ནི་མེད། རང་གི་ལུས་འདི་ཡང་དུར་ཁྲོད་འཇིགས་པར་འདོར་ཞིང་འབྲལ་དགོས། ད་ལྟ་གཏན་དུ་སྡོད་དབང་ཡོད་པ་ལྟ་བུའི་སེམས་ཀྱིས་རང་ཕྱོགས་ལ་ཆགས། གཞན་ཕྱོགས་ལ་སྡང༌། ལོངས་སྤྱོད་དང་ཁ་དྲག་ལ་སོགས་པ་བསྒྲུབ་ཀྱང༌། དེ་རིང་ཡོད་པ་སང་ཉིན་ནས་མེད་པའི་གནས་སྐབས་ཉམས་སུ་མྱོང་ནས་སྲིད་པ་བར་དོའི་འཕྲང་ལ་བཤར་དགོས། དེའི་ཚེའི་དབང་ཡོད་དང༌། ནོར་རྫས་དང༌། གཉེན་བཤེས་ཀྱིས་ཕན་པ་ཏིལ་གྱི་འབྲུ་ཙམ་མེད་པས། སྐྱབས་དང་རེ་ལྟོས་སུ་གྱུར་པ་ནི་དམ་པའི་ཆོས་ལས་གཞན་སུ་ཡང་མེད་པའི་ཕྱིར། ད་ལྟ་ནས་བླ་མ་དཀོན་མཆོག་ལ་བློ་གཏད་དེ་བློ་གདེང་ཐུབ་པའི་ཆོས་ལ་འབད་དགོས། དེ་ལྟར་འབད་པའང་མིའི་ལུས་རྟེན་ཡུན་དུ་འཚོ་བ་ལ་ལྟོས་དགོས་པས་རྡོ་རྗེ་ཐེག་པའི་ལམ་ནས་ཚེ་བསྒྲུབ་ཅིང་ཡུན་དུ་བསྲིང་བའི་ཐབས་ཇི་སྙེད་གསུངས་པ་རྣམས་ལས་འདི་ནི་ལུང་བསྟན་བཀའ་རྒྱ་མ་ལས། ལྷོ་ཕྱོགས་འོད་ཟེར་མིང་ཅན་སྤྲུལ་པའི་སྐུཿ ཟབ་དོན་སྙིང་ཐིག་ཆོས་ཀྱིས་འགྲོ་བ་འདྲེནཿ འབྲེལ་ཚད་རིག་འཛིན་ཞིང་དུ་འཕེན་པ་འབྱུངཿ ཞེས་རྡོ་རྗེ་ལུང་གིས་དཔང་པོར་བྱས་པ་བཞིན། མངའ་བདག་ཁྲི་སྲོང་ལྡེའུ་བཙན་གྱི་གསུང་གི་སྤྲུལ་པ་ཀུན་མཁྱེན་རྫོགས་ཆེན་པ་རང་བྱུང་རྡོ་རྗེའམ།


JLAZ010_Page_0379
[མ་དཔེ་གཟིགས་ན་འདིར་གནོན།]

རིག་འཛིན་འཇིགས་མེད་གླིང་པ་ཉིད་ལ་གཡོ་རུ་སྒྲགས་ཀྱི་གྲོང་མོ་ཆེ་དང་ཉེ་བ་འཚོ་རྒྱལ་བླ་མཚོ་ནས་དཔལ་ལེན་པ་མེད་པའི་མཁའ་འགྲོའི་བརྡ་རིས་བབས་པ་ལས་བྱུང་བའི་ཆོས་སྡེ་མཁའ་འགྲོའི་ནང་སྒྲུབ་བདེ་ཆེན་སྙིང་པོའི་གཏེར་བུམ་གྱི་ལས་ཚོགས་བཞི་པ། རྗེ་བཙུན་སྒྲོལ་མ་གཙུག་ཏོར་རྣམ་རྒྱལ་མ་ལ་བརྟེན་ནས་ཚེ་དབང་བསྐུར་བ་ཡིན་པས། གསོལ་བ་འདེབས་པ་འདིའི་རྗེས་ཟློས་མཛོད། །ཀུན་མཁྱེན་ཡེ་ཤེས་ཕུང་པོ་ཅན། །སྲིད་པའི་འཁོར་ལོ་རྣམ་སྦྱོང་བ། །དེ་རིང་བཤད་པའི་རིན་ཆེན་གཏེར། །གཙོ་བོས་བདག་ལ་བཀའ་དྲིན་སྩོལ། ལན་གསུམ་རྗེས། འདི་ལྟར་མིའི་ལུས་རྟེན་རྙེད་པའི་ཁྱད་པར་དཀོན་མཆོག་གི་མཚན་ཐོས་པ་ཙམ་ལའང་ཕན་ཡོན་དཔག་ཏུ་མེད་ན། དེ་ལ་སྙིང་ཐག་པ་ནས་སྐྱབས་སུ་སོང་ན་འཁོར་བ་དང་ངན་སོང་གི་སྡུག་བསྔལ་ལས་སྐྱོབ་པ་སྨོས་ཅི་དགོས་ཏེ། མདོ་སྡེ་ལས་བརྒྱ་པ་ལས། བྱ་ཞིག་ནམ་མཁའ་ལས་བབས་ནས་ངའི་མདུན་དུ་འདུག་པ་མཐོང་ངམ། གསོལ་བ། བཙུན་པ་བཅོམ་ལྡན་འདས་མཐོང་ལགས་སོ། །བཀའ་སྩལ་པ། དགེ་སློང་དག་བྱ་དེ་ང་ལ་སེམས་དགའ་བར་གྱུར་ནས་སོང་བ་ལས་ཁྲས་བསད་དེ། དེ་ང་ལ་སེམས་དགའ་བཞིན་དུ་སེམས་འཕོས་ནས་


JLAZ010_Page_0380
[མ་དཔེ་གཟིགས་ན་འདིར་གནོན།]

རྒྱལ་པོའི་ཁབ་འདི་ཉིད་དུ་ཚོང་དཔོན་གྱི་རིགས་སུ་སྐྱེས་ནས་ཆེར་སྐྱེས་པ་དང༌། ང་ཉིད་ཀྱི་བསྟན་པ་ལ་རབ་ཏུ་འབྱུང་ངོ༌། །དེ་རབ་ཏུ་འབྱུང་ནས་ན་ཚོད་ཀྱི་ལོ་བདུན་ལོན་པ་ཁོ་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱེད་དོ། །ཞེས་གསུངས་ནས། དཀོན་མཆོག་ལ་བརྟེན་པའི་རྒྱུ་འབྲས་ནི་བསམ་གྱིས་མི་ཁྱབ་པས་སྐྱབས་སུ་སོང་བ་གཅིག་པོའི་ཕན་ཡོན་ཀྱང་གཟུགས་ཅན་དུ་སོང་ན་ནམ་མཁའི་སྣོད་དུ་མི་ཆུད་པའི་ཚུལ། ཇི་སྐད་དུ། སྐྱབས་སོང་འདི་ལ་གཟུགས་མཆིས་ན། །ནམ་མཁའ་འདི་ཡང་སྣོད་དུ་ཆུང༌། །རྒྱ་མཚོ་ཆེན་པོའི་ཆུ་ཡི་གཏེར། །ཕུལ་ལ་གཞལ་བས་ཟད་མི་འགྱུར། །ཞེས་གསུངས་པ་ཡིན་ནོ། །དེའི་ཕྱིར་གནས་སྐབས་ཀྱི་མངོན་མཐོ་དང་རང་ཞི་བདེ་ཙམ་ལ་དམིགས་པ་ནི། སྐྱབས་འགྲོ་ཉི་ཚེ་བ་ཡིན་པས། སྐྱེས་བུ་ཆེན་པོའི་སེམས་ཀྱིས། མདུན་གྱི་ནམ་མཁར་སངས་རྒྱས་དང་བྱང་ཆུབ་སེམས་དཔའ་ཐམས་ཅད་མངོན་སུམ་པར་དམིགས་ལ། དེ་དག་གི་ཡོན་ཏན་ལ་ཡིད་ཁྱེད་ཤེས་ཀྱི་དད་པ་དང་བཅས། མ་གྱུར་ནམ་མཁའི་མཐའ་དང་མཉམ་པའི་སེམས་ཅན་ཐམས་ཅད་འཁོར་བ་སྡུག་བསྔལ་གྱི་རྒྱ་མཚོ་ལས་ཐར་ཏེ་རྣམ་པ་ཐམས་ཅད་མཁྱེན་པའི་གོ་འཕང་


JLAZ010_Page_0381
[མ་དཔེ་གཟིགས་ན་འདིར་གནོན།]

ཐོབ་པའི་ཆེད་དུ་དམིགས་ནས། སྐྱབས་སུ་འགྲོ་ཞིང༌དེ་དང་རྗེས་སུ་འབྲེལ་བར་སེམས་ཅན་ཐམས་ཅད་ཕ་མར་ཤེས་པའི་བྱམས་པ་དང༌། བྱས་པ་ཤེས་པའི་སྙིང་རྗེ་དང༌། དྲིན་དུ་བཟོ་བའི་དགའ་བ་དང༌། ཉེ་འཁོན་མེད་པའི་ཕན་སེམས་བཞིའི་ལྷག་བསམ་ལྡན་པས་སྨོན་སེམས་བསྐྱེད་པ་འདིའི་རྗེས་ཟློས་མཛོད། སངས་རྒྱས་ཆོས་དང་ཚོགས་ཀྱི། སོགས་ལན་གསུམ། དེ་ལྟར་སྐྱབས་སུ་སོང་ནས་བསླབ་བྱ་གསུམ་ལ་བསླབ་དགོས་ཏེ། དང་པོ་དགག་པའི་བསླབ་བྱ་ནི། སངས་རྒྱས་ལ་སྐྱབས་སུ་སོང་ནས་རང་ཉིད་འཁོར་བ་ན་འཁོར་བ་འཇིག་རྟེན་པའི་ལྷ་དང་དབང་པོ་ཆེ་ལ་སྐྱབས་སུ་མི་བཟུང༌། ཆོས་ལ་སྐྱབས་སུ་སོང་ནས་སེམས་ཅན་ལ་འཚེ་བ་མི་བྱེད། དགེ་འདུན་ལ་སྐྱབས་སུ་སོང་ནས་མུ་སྟེགས་ཅན་ནམ་དེ་དང་ཕྱོགས་མཐུན་པ་ལ་མི་འགྲོགས། གཉིས་པ་སྒྲུབ་པའི་བསླབ་བྱ་ནི། སྐུའི་རྟེན་ཆག་དུམ་ཡན་ཆད་དང༌། གསུང་གི་རྟེན་གླེགས་བམ་གྱི་རས་མོ་དང༌། དགེ་འདུན་གྱི་རྟེན་ལྷན་པ་སེར་པོ་ཡན་ཆད་ལ་བསྟི་སྟང་དུ་བྱ། གསུམ་པ་ཆ་མཐུན་གྱི་བསླབ་བྱ་ནི། སྐྱེས་བུ་དམ་པ་ལ་བརྟེན། དམ་པའི་ཆོས་ལ་ཐོས་བསམ་བྱ། དགེ་འདུན་དང་རྗེས་སུ་མཐུན་པར་སྤྱོད། རྣམ་པ་ཐམས་ཅད་དུ་དཀོན་མཆོག་ཡིད་ལ་བྱེད་


JLAZ010_Page_0382
[མ་དཔེ་གཟིགས་ན་འདིར་གནོན།]

པ་དང་མ་བྲལ་བས་སྐྱབས་འགྲོ་འདོན་པ་ལ་བརྩོན་པར་བྱ་ཞིང༌། དེ་བཞིན་དུ་སྨོན་སེམས་ཀྱི་བསླབ་བྱ་སེམས་ཅན་ཐམས་ཅད་ནི་ཚེ་རབས་གཞན་དང་གཞན་དག་ཏུ་བདག་གི་ཕ་མར་གྱུར་པ་ཤ་སྟག་ཡིན་པ་ལ་དྲིན་ཤེས་པ་དང༌། དྲིན་དྲན་པ་དང༌། བྱས་པ་དྲིན་དུ་གཟོ་བའི་ལྷག་པའི་བསམ་པ་རྒྱ་ཆེན་པོས་བདག་ལས་གཞན་གཅེས་ཀྱི་ཕན་སེམས་དང༌། བདག་གཞན་བརྗེ་བ་དང༌། ཐ་ནའང་བདག་གཞན་མཉམ་པའི་སེམས་ཀྱིས་མཐུན་པར་བལྟས་ནས་ཕན་འདོགས་པ་འབའ་ཞིག་ལས་གནོད་སེམས་ཅུང་ཟད་ཀྱང་མི་བསྐྱེད་པ་ནི་རྒྱལ་བ་དགྱེས་པའི་བྱ་བ་སྒྲུབ་པ་ཡིན་པའི་ཚུལ། ཚིགས་སུ་བཅད་པ་བཅུ་གཅིག་པ་ལས། སེམས་ཅན་རྣམས་ལ་ཕན་མཆོག་དེ་ནི་ང་ལ་ཕན་མཆོག་ཡིན། སེམས་ཅན་རྣམས་ལ་གནོད་མཆོག་དེ་ནི་ང་ལ་གནོད་མཆོག་ཡིན། ང་དང་སེམས་ཅན་རྣམས་ནི་བདེ་སྡུག་མཚུངས་པས་ན། ང་ཡི་གཟུགས་ཀྱི་སྐུ་ནི་སེམས་ཅན་དོན་དུ་བསྒྲུབས་པ་ཡིན། ཞེས་གསུངས་པས། འདུས་བྱས་ཀྱི་དགེ་བ་ལ་བྱང་ཆུབ་ཀྱི་སེམས་ལས་རྣམ་པར་སྨིན་པ་རྒྱ་ཆེ་བ་མེད་ཅིང་རྫོགས་པའི་སངས་རྒྱས་ཐོབ་པའི་རྒྱུ་མ་ནོར་བ་ཡིན་པས་རྟག་ཏུ་བསམ་པ་བཟང་པོ་ལ་གནས་འཚལ། དེ་ལྟ་བུ་ཀུན་སློང་བཅོས་ནས་བསོད་ནམས་ཀྱི་ཚོགས་


JLAZ010_Page_0383
[མ་དཔེ་གཟིགས་ན་འདིར་གནོན།]

ཆེན་པོ་འདུ་བའི་སྒོ་ནས་ཡན་ལག་བདུན་པས་རྒྱུད་སྦྱང་བའི་ཕྱིར་ནམ་མཁའ་གང་བའི་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱི་སྤྱན་སྔར་དད་པའི་སེམས་ཀྱིས། ཕྱག་འཚལ་བ་དང༌། མཆོད་པའི་སྤྲིན་རབ་འབྱམས་སྤྲོ་བ་དང༌། སྡིག་པའི་ལས་རྣམས་གནོང་འགྱོད་དྲག་པོས་བཤགས་པ་དང༌། རང་གཞན་གྱི་དགེ་བ་ལ་རྗེས་སུ་ཡི་རང་བ་བསྐྱེད་པ་དང༌། རྒྱལ་དང་དེ་སྲས་སྤྲུལ་པའི་གཟུགས་བརྙན་དང་བཅས་པ་ལ་ཆོས་ཀྱི་འཁོར་ལོ་བསྐོར་བར་བསྐུལ་བ་དང༌། མྱ་ངན་ལས་མི་འདའ་བར་གསོལ་པ་གདབ་པ་དང༌། དགེ་བ་རྫོགས་བྱང་དུ་བསྔོ་བ་སོ་སོའི་དོན་ལ་ངེས་ཤེས་ཁྱད་པར་ཅན་ཡིད་ལ་བྱེད་པས་འདིའི་རྗེས་ཟློས་མཛད་པར་འཚལ། ཕྱག་འཚལ་བ་དང་མཆོད་ཅིང་བཤགས་སོགས་བརྗོད། དེ་ནས་དབང་གི་དོན་པོ་ཚེ་དང་ཡེ་ཤེས་དབབ་པའི་ཕྱིར་དམིགས་པ་འདི་བཞིན་དུ་མཛོད། ལས་བུམ་ཆུས་བསང༌། སྭ་བྷཱ་ཝས་སྦྱངས། སྟོང་པའི་ངང་ལས་སློབ་མ་རྣམས་ཀུན་གཞིའི་རྣམ་པར་ཤེས་པ་ཨ་དཀར་པོར་གསལ་བ་ཡོངས་སུ་གྱུར་པ་ལས། དུས་གསུམ་སངས་རྒྱས་ཐམས་ཅད་བསྐྱེད་པའི་ཡུམ་འཕགས་མ་ཚེ་དང་ཡེ་ཤེས་དཔག་ཏུ་མེད་པའི་བདག་ཉིད་རྗེ་བཙུན་སྒྲོལ་མ་གཙུག་ཏོར་རྣམ་པར་རྒྱལ་མ་སྐུ་མདོག་གསེར་བཙོ་མ་ལྟ་བུ་ཞབས་


JLAZ010_Page_0384
[མ་དཔེ་གཟིགས་ན་འདིར་གནོན།]

ཕྱེད་སྐྱིལ་གྱིས་བཞུགས་པའི་ཕྱག་གཡས་མཆོག་སྦྱིན་དང༌། གཡོན་དཀོན་མཆོག་གསུམ་མཚོན་གྱི་ཕྱག་རྒྱས་མེ་ཏོག་ཨུཏྤལ་འཛིན་པའི་སྟེང་ན་ཚེ་བུམ་བཅུད་ལྡན་གྱིས་བརྒྱན་པའི། སྤྱི་བོར་ཨོཾ། མགྲིན་པར་ཨཱཿཐུགས་ཀར་ཧཱུྃ་གིས་མཚན་པ་ལས་འོད་ཟེར་འཕྲོས་པས་ཕྱོགས་བཅུའི་རྒྱལ་བ་སྲས་དང་བཅས་པའི་བྱིན་རླབས་དང་དངོས་གྲུབ། སྣོད་བཅུད་བརྟན་གཡོ་ཀུན་ཀྱི་དངས་བཅུད་བཀྲག་མདངས་དང་བཅས་པ་བསྡུས་ནས་བསྒྲུབ་བྱ་རྣམས་ལ་ཐིམ་པས། འཆི་བ་མེད་པའི་ཚེ་དང་རྡོ་རྗེ་ལྟ་བུའི་སྲོག་ཐོབ་པའི་མོས་པ་མཛོད། ཅེས་བརྗོད་ལ། ཚེ་འགུགས་ནི་མདའ་དར་གཡབ་ཅིང༌། ཧཱུྃཿཡེ་ཤེས་དབྱིངས་ནས་ཚེ་འགུགས་མཿ བདེ་གཤེགས་སངས་རྒྱས་མཁའ་འགྲོ་མཿ དམར་མོ་ཚེ་ཡི་བུམ་པ་འཛིནཿ ཆོས་ཀྱི་དབྱིངས་ནས་ཚེ་ཁུག་ཅིགཿ ཧཱུྃཿནམ་མཁའི་དབྱིངས་ནས་ཚེ་འགུགས་མཿ སངས་རྒྱས་མཁའ་འགྲོ་གཤིན་རྗེ་མོཿ སྔོན་མོ་ཚེ་ཡི་བུམ་པ་འཛིནཿ ནམ་མཁའི་ཁམས་ནས་ཚེ་ཁུག་གཅིགཿ ཧཱུྃཿརླུང་གི་ཁམས་ནས་ཚེ་འགུགས་མཿ རྡོ་རྗེ་མཁའ་འགྲོ་སྐྱོད་བྱེད་མཿ མཐིང་ནག་ཚེ་ཡི་བུམ་པ་འཛིནཿ རླུང་གི་ཁམས་ནས་ཚེ་ཁུག་ཅིགཿ ཧཱུྃཿ མེ་ཡི་ཁམས་ནས་ཚེ་འགུགས་མཿ རིན་ཆེན་མཁའ་འགྲོ་སྲེག་བྱེད་མཿ སེར་མོ་ཚེ་ཡི་བུམ་


JLAZ010_Page_0385
[མ་དཔེ་གཟིགས་ན་འདིར་གནོན།]

པ་འཛིནཿ མེ་ཡི་ཁམས་ནས་ཚེ་ཁུག་ཅིགཿ ཧཱུྃཿ ཆུ་ཡི་ཁམས་ནས་ཚེ་འགུགས་མཿ པདྨ་མཁའ་འགྲོ་རྨོངས་བྱེད་མཿ དམར་མོ་ཚེ་ཡི་བུམ་པ་འཛིནཿ ཆུ་ཡི་ཁམས་ནས་ཚེ་ཁུག་ཅིགཿ ཧཱུྃཿ ས་ཡི་ཁམས་ནས་ཚེ་འགུགས་མཿ ལས་ཀྱི་མཁའ་འགྲོ་ཙན་ཏི་ཀཿལྗང་གུ་ཚེ་ཡི་བུམ་པ་འཛིནཿ ས་ཡི་ཁམས་ནས་ཚེ་ཁུག་ཅིགཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་ཨཱ་ཡུར་ད་ཏེ་བྷྲཱུྃ་སྭཱ་ཧཱཿདེ་ནས་དབང་བསྐུར་བའི་སྔོན་དུ་རྗེ་བཙུན་མ་ལ་ཕྱག་འཚལ་བ་འདིའི་རྗེས་ཟློས་མཛོད། ཕྱག་འཚལ་དེ་བཞིན་གཤེགས་པའི་གཙུག་ཏོར། །མཐའ་ཡས་རྣམ་པར་རྒྱལ་བ་སྐྱེད་མ། །མ་ལུས་ཕ་རོལ་ཕྱིན་པ་ཐོབ་པའི། །རྒྱལ་བའི་སྲས་ཀྱིས་ཤིན་ཏུ་བརྟེན་མ། ཞེས་པའི་རྗེས་ཚེ་དབང་དངོས་དང་རྒྱས་གདབ་ནི་བདུད་རྩི་བུམ་བཅུད་བཞིན་ནོ། །ཞེས་དད་མེད་ཀྱི་མདུན་སར་རང་བསྟོད་ཀྱི་མཚམས་སྦྱོར་སྒྲོགས་པ་ནི་འཇིག་རྟེན་གྱི་གྲགས་ཚོད་དང་ཡང་འགལ་བར་ཤེས་ཀྱང་རྗེ་བཙུན་དཔལ་ལྡིངས་པའི་ཐུགས་འདོད་ནན་ཆེས་པས་རེ་དོགས་མེད་པའི་ངང་ནས་སྨྲས་པའོ།། །།

ཡུམ་ཀ་མཁའ་འགྲོའི་ལས་ཚོགས་ལས། གཏེར་བུམ་སྒྲུབ་པའི་ལྷན་ཐབས།


JLAZ010_Page_0387
[མ་དཔེ་གཟིགས་ན་འདིར་གནོན།]

ཡུམ་ཀ་མཁའ་འགྲོའི་ལས་ཚོགས་ལས། གཏེར་བུམ་སྒྲུབ་པའི་ལྷན་ཐབས་བཞུགས། །


JLAZ010_Page_0388
[མ་དཔེ་གཟིགས་ན་འདིར་གནོན།]

རྗེ་བཙུན་སྒྲོལ་མ་རྣལ་འབྱོར་མ་ལ་ཕྱག་འཚལ་ལོ། །མཁའ་འགྲོའི་ལས་ཚོགས་བཅུ་གཅིག་པའི་སྒོ་ནས་གཏེར་བུམ་སྒྲུབ་པ་དང༌། གཡང་འགུགས་ལྷན་ཐབས་ནི། རིན་པོ་ཆེའམ། རྫ་ཡི་བུམ་པ་བྲེ་གང་ཤོང་བ་ལས་མི་ཆུང་བར་ལི་ཁྲི་བྱུགས་པ་ལ། བཀྲ་ཤིས་རྟགས་བརྒྱད་ཀྱི་རི་མོ་བྲི། པྲ་རྩིས་མནན། ནང་གི་མིང་ཞབས་སུ་ཞིང་ས་བཟང་པོ་དགུ། རྒྱ་བོད་ཀྱི་གནས་ཆེན་དང༌། རི་རྒྱུད་བཟང་པོ་བཀྲ་ཤིས་པ་ལ་སོགས་པའི་ས་རྡོ་ཆུ་ཤིང༌། ཕྱུགས་འཕེན་གྱི་ལག་ནས་བྱུང་བའི་འབྲུ་སྣ་དང་གོས་དར། ནོར་དབྱིག་གཙང་མ། རིན་པོ་ཆེ་སྣ་ལྔ། དར་སྣ། ནས་འབྲས། གྲོ་སྲན། ལ་སོགས་པའི་འབྲུ་སྣ་བཟང་པོ། ཛཱ་ཏི། ལི་ཤི། གུར་གུམ། ཙན་དན། དབང་ལག །འབྲས་བུ་གསུམ། གེ་སར་གསུམ། དུག་རིགས་མེད་པའི་སྨན་སྣ། ཀླུ་སྨན་ཁྲོལ་བུ་ཚོགས་པ་དང༌། ཁྱད་པར་སའི་སྙིང་པོ་གསེར། ཆུ་ཡི་སྙིང་པོ་སྤུག །


JLAZ010_Page_0389
[མ་དཔེ་གཟིགས་ན་འདིར་གནོན།]

མེའི་སྙིང་པོ་ཤེལ། རླུང་གི་སྙིང་པོ་ག་བུར་སོགས་དང༌། དཀར་གསུམ་མངར་གསུམ་བཅུད་སྨན་ཉེར་ལྔ། གཞན་ཡང་ཤིང་ཏོག་སོགས་བཟའ་བཅའ་བཟང་པོས་བཀང་བའི་སྟེང་དུ་ཐུགས་རྗེ་ཆེན་པོའི་པྲ་ཁྲིད་ལས་བཤད་པའི་ནོར་རྒྱུན་མའི་ཙཀྲ་ཇི་བཞིན་ལ་རྟེན་སྙིང་ནང་དུ་མུ་ཁྱུད་མཐོལ་གཅིག་བསྐོར་བར་ལས་སྒྲུབ་གཟུངས་འབྲི། ཙན་དན་དང་དྲི་བཟང་གིས་བྱུགས་པའི་ལྟེ་བ་མ་ཆག་པར་ལྟེབ། འབྱོར་ན་གནོད་སྦྱིན་མོ་དགུའི་འཁོར་ལོས་ཕྱི་ནས་དྲིལ། གཉིས་ཀ་ལ་དར་གྱི་ན་བཟའ་གསོལ། བུམ་པའི་མདུན་རྟགས་དང་འཁོར་ལོའི་ཞལ་ཕྱོགས་བསྒྲིགས། རྒྱ་ཤོག་ལ་གྲང་གསེར་གྱིས་ནམ་མཁའ་མཛོད་ཀྱི་སྔགས་འདོད་གསོལ་དང་བཅས་བྲིས་པའི་ཤོག་དྲིལ་ཀྱང་བཙུད། ཁ་བལ་ཚོན་སྣ་ལྔས་བཅད། ཤིང་ལ་སོགས་པའི་ཁ་གཅོད་ཀྱི་ནང་ལ་པདྨ་འདབ་བཞིའི། དབུས་སུ་མུྃ། ཤར་དུ་ལཱཾ། ལྷོར་མཱྃ། ནུབ་ཏུ་བཱྃ།


JLAZ010_Page_0390
[མ་དཔེ་གཟིགས་ན་འདིར་གནོན།]

བྱང་དུ་ཏཱྃ། ཞེས་དང༌། ཕྱི་ལ་ནོར་བུ་འམ་གཡུང་དྲུང་བྲིས། སྲོག་ཆགས་དང་རླན་གཤེར་མི་འཇུག་པའི་བཅའ་ག་བྱ། རྟེན་འཛུགས་བྱེད་ན་ཤོད་ཁང་སོགས་མི་གཙང་དྲི་ངའི་གནས་མ་ཡིན་པར་རི་གླིང་རོལ་མཚོ་དང་བཅས་པའི་བཀོད་པ་བྲིས་པའམ་སྨན་སྣ་བསྲེས་པའི་བཀྲ་ཤིས་ཀྱི་ས་ལ་བྱ། དེའི་སྟེང་བུམ་པ་དར་གྱི་ན་བཟའ་དང་བཅས། རྩི་བཅུད་ལས་གྲུབ་པའི་ནོར་བུ་འབར་བས་ཁ་བརྒྱན་པ་བཞག །བང་རིམ་རྣམས་ལ་བཀྲ་ཤིས་རྫས་རྟགས། རྒྱལ་སྲིད་བདུན་རལ་གྲི། རྒྱ་མཚོའི་ཀླུའི་པགས་པ། མལ་ཆ་མཐོ་དམའ་ཅན། སྐྱེད་ཚལ། ཁང་བཟང༌། གོས། ལྷྭམ་སྟེའི་ཉེ་བའི་རིན་ཆེན་བདུན་དང༌། འདོད་ཡོན་གྱི་ལྷ་མོ་བྲིས་འབུར་ཅི་རིགས་པ་གདུགས་དང་རྒྱལ་མཚན་བ་དན་དང་བཅས་པ་བཞག །འཇུག་བདེ་ཉིན་ཆོག་མ་ལྟ་བུར། ཕྱིང་དཀར་སྟེང་ཙན་དན་གྱི་ཕྱེ་མས་སྦགས་པའི་འབྲུ་དཀར་གྱི་གཡུང་དྲུང་བྲིས་པའི་སྟེང་དུ་བཀོད། རྒྱབ་ཏུ་མདའ་དར། གཡས་སུ་བྱེ་མར་དཀར་མོ་ལག་གཡས། གཡོན་དུ་གཡང་ཆང༌། མདུན་དུ་མཆོད་གཏོར་དང་ཉེར་སྤྱོད། ཅི་རིགས་པར་གཡང་འགུགས་ཀྱི་ཕོ་ཉ་ཚེ་རིང་མའི་རྟེན་གཏོར་དང་གཡང་གཏོར་ནོར་བུ་མིག་གསུམ་པ་མདའ་བྱ་རྒོད་མས་བརྒྱན་པ། མ་མགོན་ལྕམ་དྲལ་གྱི་གཏོར་མ་ཀུན་ཀྱི་མཐའ་སྐོར་ཟས་ནོར་སྲིད་བའི་ཕུན་ཚོགས་འབྱོར་ཚད་བཤམས། དེ་ནས་མཁའ་འགྲོའི་ལས་གཞུང་གིས་བདག་མདུན་མཉམ་བསྒྲུབ་བྱ། བསྟོད་པའི་མཚམས་སུ། མཁའ་འགྲོའི་ཐུགས་ཀར་པད་ཟླའི་སྟེངཿ ནོར་སྟེར་དམར་སེར་ཁྲོ་གཉེར་ཅནཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་


JLAZ010_Page_0391
[མ་དཔེ་གཟིགས་ན་འདིར་གནོན།]

མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་གཏེར་བུམ་འཛིནཿ འོད་ཟེར་འཕྲོས་པས་ཕྱོགས་སྐྱོང་སོགསཿ ས་གཞི་སྐྱོང་བའི་ཕོ་ཉ་བསྐུལཿ ལྷ་ཀླུའི་མི་ཡིད་དཔལ་འབྱོར་དངཿ ལོངས་སྤྱོད་ཆར་དུ་བབས་པ་ཡིསཿ ཡུལ་ལྗོངས་དང་ནི་ཁྱིམ་གང་བསམ། ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་མ་མ་པཱ་སུ་པུཥྟིཾ་ཀུ་རུ་སྭཱ་ཏཱ། ཞེས་རྩ་སྔགས་དང༌། ལས་སྒྲུབ་གཟུངས། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲ་ཡ། མ་ཧཱ་ཡཀྵ་སེ་ན་པ་ཏ་ཡེ། ཏདྱ་ཐཱ། ཨོཾ་ས་མ་ས་མ། སི་མི་སི་མི། སུ་མུ་སུ་མུ། ཙནྡྷ་ཙནྡྷ། ས་ར་ས་ར། ཙ་ར་ཙ་ར། ཀ་ར་ཀ་ར༌། ཀུ་རུ་ཀུ་རུ༌། མུ་རུ་མུ་རུ། ས་ཏྲཱ་ཡ་ནི། ཨ་ད་མ་ཡ་ནི། དྷ་ར་རུ་སྭཱ་ཧཱ། ན་མོ་བཻ་ཤྲ་མ་ཎ་ཡེ། ཧ་ན་ཧ་ན། སྡུད་དུ་སྡུད་དུ། མ་མ་ཀུན་ནེ་ཀུན་ནེ་ན་ཡེ་སྭཱ་ཧཱ། ཞེས་ཅི་ལྕོགས་བཟླ། རྒྱལ་ཆེན་སྡེ་བཞི་ལ་སོགས་དཔལ་མགོན་བདུན་ཅུ། ས་གཞི་སྐྱོང་བའི་ཚོགས་ལས་ལ་བཀོལ་བས་སྲིད་པའི་ལོངས་སྤྱོད་ཆར་དུ་བབས་པས་ཡུལ་ལྗོངས་དང་ཁྱིམ་ཐམས་ཅད་གང་བར་བསམ། ཐུན་མཐར་མཆོད་ཅིང༌། ཕྱག་འཚལ་ས་གཞི་སྐྱོང་བའི་ཚོགས་རྣམས། །ཐམས་ཅད་འགུགས་པར་ནུས་པ་ཉིད་མ། །ཁྲོ་གཉེར་ཅན་མཛད་ཡི་གེ་ཧཱུྃ་གིས། །ཕོངས་པ་ཐམས་ཅད་རྣམ་པར་སྒྲོལ་མ། །ཞེས་


JLAZ010_Page_0392
[མ་དཔེ་གཟིགས་ན་འདིར་གནོན།]

བརྒྱ་ཚར་བརྗོད། སྐབས་འདིར་མ་མགོན་དང་ཚེ་རིང་མའི་གསོལ་ཁ་བྱ། བསོད་ནམས་འཕེལ་བ་ལས་ཕུན་སུམ་ཚོགས་པ་ཐམས་ཅད་འབྱུང་བ་ཡིན་པས་ཚོགས་སྐོང་ཀྱང་ཅི་ནུས་བགྱིད། དེ་ནས་གཡང་འགུགས་ནི། མདའ་དར་གཡོབ་ཅིང༌། ཧཱུྃ། ཤར་གྱི་ཕྱོགས་ནས་གཡང་འགུགས་མ། །རྡོ་རྗེ་ཡུམ་ཆེན་སངས་རྒྱས་སྤྱན། །ཕྱག་ན་མདའ་དར་བུམ་པ་འཛིན། །འབྱུང་བ་ས་ཡི་བཀྲགས་མདངས་བཅུད། །ཕྱྭ་དང་གཡང་དུ་འདིར་ཁུག་ཅིག །ལྷོ་ཡི་ཕྱོགས་ནས་གཡང་འགུགས་མ། །རིན་ཆེན་ཡུམ་ནི་མཱ་མ་ཀཱི། །ཕྱག་ན་མདའ་དར་བུམ་པ་འཛིན། །འབྱུང་བ་ཆུ་ཡི་བཀྲག་མདངས་བཅུད། །ཕྱྭ་དང་གཡང་དུ་འདིར་ཁུག་ཅིག །ནུབ་ཀྱི་ཕྱོགས་ནས་གཡང་འགུགས་མ། །པདྨ་ཡུམ་ཆེན་ན་བཟའ་དཀར། །ཕྱག་ན་མདའ་དར་བུམ་པ་འཛིན། །འབྱུང་བ་མེ་ཡི་བཀྲགས་མདངས་བཅུད། །ཕྱྭ་དང་གཡང་དུ་འདིར་ཁུག་ཅིག །བྱང་གི་ཕྱོགས་ནས་གཡང་འགུགས་མ། །ལས་རབ་ཡུམ་ཆེན་དམ་ཚིག་སྒྲོལ། །ཕྱག་ན་མདའ་དར་བུམ་པ་འཛིན། །འབྱུང་བ་རླུང་གི་བཀྲག་མདངས་བཅུད། །ཕྱྭ་དང་གཡང་དུ་འདིར་ཁུག་ཅིག །དབུས་ཀྱི་ཕྱོགས་ནས་གཡང་འགུགས་མ། །དབྱིངས་ཀྱི་དབང་ཕྱུག་ཀུན་ཏུ་བཟང༌། །ཕྱག་ན་མདའ་དར་བུམ་པ་འཛིན། །འབྱུང་བ་ནམ་མཁའི་བཀྲག་མདངས་བཅུད། །ཕྱྭ་དང་གཡང་དུ་འདིར་ཁུག་གཅིག །


JLAZ010_Page_0393
[མ་དཔེ་གཟིགས་ན་འདིར་གནོན།]

བཙུན་མོ་དཔལ་ལྡན་ནོར་གྱི་རྒྱུན། །སྐུ་མདོག་བཙོ་མ་གསེར་གྱི་མདོག །ཞལ་གཅིག་ཕྱག་གཉིས་ཕྱེད་སྐྱིལ་བཞུགས། །ཤིང་ཏོག་བི་ཛ་པུ་ར་དང༌། །རིན་ཆེན་འབྲས་ཀྱི་སྙེ་མ་འཛིན། །ཤིན་ཏུ་མཛེས་ལྡན་དབུ་སྐྲ་གྲོལ། །མུ་ཏིག་ནོར་བུའི་དོ་ཤལ་དང༌། །ཨུཏྤལ་མེ་ཏོག་ཕྲེང་བས་བརྒྱན། །འབྲས་ལྡན་བྱང་ཆུབ་ཤིང་ལ་བརྟེན། །རིན་ཆེན་འབྲུ་ཡི་བང་མཛོད་དང༌། རྟ་དང་བ་ལང་གཡག་ལུག་ཕྱུག །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆང་ལྟར་འབབ་པའི་གཡང་ཁུག་གཅིག །ཟླ་བའི་འོད་ཟེར་དབྱངས་ཅན་མ། །འཕགས་མ་དང་ནི་སྦས་མ་དང༌། ནོར་སྦྱིན་མ་དང་རབ་སྦྱིན་མ། །ལྷ་མོ་མཛེས་མ་རབ་བཟང་དང༌། །དབུལ་བ་སེལ་བ་ཁྱེད་རྣམས་ཀྱིས། །རིན་ཆེན་འབྲུ་ཡི་བང་མཛོད་དང༌། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་ཀྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིང༌། །ཤར་ཕྱོགས་རྒྱལ་པོ་ཡུལ་འཁོར་སྲུང༌། །མཁས་ཤིང་བུ་མང་དཔལ་དང་ལྡན། །དྲི་ཟ་ཀུན་ཀྱི་བདག་པོ་ཡིན། །སྨིན་དྲུག་ལ་སོགས་ཤར་སྐར་བདུན། །རྒྱལ་དང་རྣམ་པར་རྒྱལ་མ་དང༌། །དོན་གྲུབ་མ་དང་མི་ཕམ་མ། །


JLAZ010_Page_0394
[མ་དཔེ་གཟིགས་ན་འདིར་གནོན།]

དགའ་མཆོག་མ་དང་དགའ་བདེ་དང༌། །དགའ་ཅན་མ་དང་དགའ་འཕེལ་མ། །ལྷ་མོ་གཞོན་ནུ་བརྒྱད་རྣམས་ཀྱིས། །རིན་ཆེན་འབྲུ་ཡི་བང་མཛོད་དང༌། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །ལྷོ་ཕྱོགས་རྒྱལ་པོ་འཕགས་སྐྱེས་པོ། །མཁས་ཤིང་བུ་མང་དཔལ་དང་ལྡན། །གྲུལ་བུམ་ཀུན་ཀྱི་བདག་པོ་ཡིན། །མཆུ་དང་གྲེ་སོགས་ལྷོ་སྐར་བདུན། །དཔལ་ལྡན་མ་དང་གྲགས་ལྡན་མ། །གྲགས་པ་ཐོབ་དང་གྲགས་འཛིན་མ། །ལེགས་པར་ལངས་དང་རབ་སྔ་དང༌། །ལེགས་པར་སད་དང་བདེ་སྒྲུབ་མ། །ལྷ་མོ་གཞོན་ནུ་བརྒྱད་རྣམས་ཀྱིས། །རིན་ཆེན་འབྲུ་ཡི་བང་མཛོད་དང༌། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །ནུབ་ཕྱོགས་རྒྱལ་པོ་སྤྱན་མི་བཟང༌། །མཁས་ཤིང་བུ་མང་དཔལ་དང་ལྡན༌། །ཀླུ་རྣམས་ཀུན་ཀྱི་བདག་པོ་ཡིན། །ལྷ་མཚམས་ལ་སོགས་ནུབ་སྐར་བདུན། །རྣ་ཆ་སྲ་མཁྲེགས་མ་དང་ནི། །པདྨ་དཀར་དང་སྐྱ་རེངས་དང༌། །ཆ་མེད་གཅིག་དང་དགུ་པ་དང༌། །རོལ་དང་


JLAZ010_Page_0395
[མ་དཔེ་གཟིགས་ན་འདིར་གནོན།]

གནག་དང་སྟོབས་མྱུར་སྲིད། །ལྷ་མོ་གཞོན་ནུ་བརྒྱད་རྣམས་ཀྱིས། །རིན་ཆེན་འབྲུ་ཡི་བང་མཛོད་དང༌། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་གྲུབ་ཀུན། །ཆར་ལྟར་འབབ་པའི་གཡང་ཁུག་གཅིག །བྱང་ཕྱོགས་རྒྱལ་པོ་རྣམ་ཐོས་སྲས། །མཁས་ཤིང་བུ་མང་དཔལ་དང་ལྡན། །གནོད་སྦྱིན་ཀུན་ཀྱི་བདག་པོ་ཡིན། །མོན་གྲུ་ལ་སོགས་བྱང་སྐར་བདུན། །རབ་ཆགས་ལྷ་མོ་སྟོང་ལྷ་མོ། །ས་དང་དེ་བཞིན་པདྨ་ཅན། །རྒྱལ་པོ་ཆེ་ལ་ཉེ་གནས་དང༌། །རི་དང་ཁྲིལ་ཡོད་དཔལ་ལྡན་མ། །ལྷ་མོ་གཞོན་ནུ་བརྒྱད་རྣམས་ཀྱིས། །རིན་ཆེན་འབྲུ་ཡི་བང་མཛོད་དང༌། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །རི་རྒྱལ་ལྷུན་པོ་སྟེང་ཕྱོགས་ན། །དབང་པོ་ལ་སོགས་ལྷ་ཆེན་བརྒྱད། །རོལ་མཚོ་ལ་གནས་ཀླུ་ཆེན་སྡེ། །གོ་ལའི་ཁྱིམ་གྱི་དྲང་སྲོང་ཚོགས། །ཕྱོགས་སྐྱོང་བཅུ་དང་འཇིགས་བྱེད་སོགས། །དཔལ་མགོན་བདུན་ཅུའི་ཚོགས་རྣམས་ཀྱིས། །རིན་ཆེན་འབྲུ་ཡི་བང་མཛོད་དང༌། །རྟ་དང་བ་གླང་གཡག་ལུག་ཕྱུགས། །ཚེ་


JLAZ010_Page_0396
[མ་དཔེ་གཟིགས་ན་འདིར་གནོན།]

དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །གླིང་ཆེན་བཞི་དང་གླིང་ཕྲན་བརྒྱད། །རི་རབ་ཟོམ་དང་གསེར་རི་བདུན། །རོལ་མཚོ་ལྷ་གནས་རྒྱ་མཚོའི་རུམ། །ས་ཆུ་མེ་རླུང་ནམ་མཁའི་ལྷ། །རི་དང་ནགས་ཚལ་སྐྱེད་མོས་ཚལ། །གཙུག་ལག་ཁང་དང་རྒྱལ་པོའི་ཁབ། །གྲོང་དང་གྲོང་ཁྱེར་ལ་གནས་པའི། །ལྷ་ཡི་ཕྱྭ་དང་སྣོད་ཀྱི་གཡང༌། །རིན་ཆེན་འབྲུ་ཡི་བང་མཛོད་དང༌། །རྟ་དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །མཁར་གྱི་རྩེ་དང་སྒྱེད་པོའི་ལྷ། །ཐབ་ལྷ་ཡུ་མོ་འབར་བ་དང༌། །མུ་དར་སྣང་དང་མཁར་གོང་ལ། །གནས་པའི་ཞིང་ལྷ་ཚངས་པ་དང༌། །ཁྱིམ་ལྷ་གེལ་ཐུང་ནང་ལྷ་དང༌། །སྒོ་ལྷ་རྟ་གཡག་ཕྱུགས་ཀྱི་ལྷ། །རྨ་གཡང་ཚོང་ལྷ་དོན་གྲུབ་དང༌། །རྟ་ལྷ་དམག་དཔོན་ནོར་ལྷ་མཆོག །ཁ་རྗེ་དབང་ཐང་སྙན་གྲགས་ལྷ། །སྦུ་གུ་མི་ལ་འགོ་བ་ཡི། །སྲོག་ལྷ་མོ་ལྷ་དགྲ་ལྷ་དང༌། །ཕོ་ལྷ་ཡུལ་ལྷ་ལོ་ཟླ་ཞག །སྤར་སྨེ་ཚེས་གྲངས་དུས་ཚོད་ལྷའི། །སྣོད་ཀྱི་ཕྱྭ་དང་བཅུད་ཀྱི་གཡང༌། །རིན་ཆེན་འབྲུ་ཡི་བང་མཛོད་དང༌། །རྟ་


JLAZ010_Page_0397
[མ་དཔེ་གཟིགས་ན་འདིར་གནོན།]

དང་བ་གླང་གཡག་ལུག་ཕྱུགས། །ཚེ་དང་བསོད་ནམས་དབང་ཐང་གཏེར། །ལོངས་སྤྱོད་ནོར་གྱི་དངོས་གྲུབ་ཀུན། །ཆར་ལྟར་འབབ་པའི་གཡང་ཁུག་ཅིག །ཁྱད་པར་གཡང་ཅན་ནོར་གྱི་ལྷ། །ཇོ་མོ་བཀྲ་ཤིས་ཚེ་རིང་མ། །མཁའ་འགྲོའི་རྒྱལ་མོ་སྤུན་ལྔ་ཡི། །འཆི་མེད་ཚེ་དང་རིགས་བརྒྱུད་བུ། །རྨ་གཡང་ནོར་དང་རྐང་བཞི་ཕྱུགས། །མངོན་ཤེས་གཏེར་དང་ཟས་གོས་ནོར། །ལོ་ཏོག་བཅུད་དང་བཟའ་ཤིང་དཔལ། །ཆར་ཆུ་རྒྱས་ཤིང་ལོ་འབྲས་འཕེལ། །ཕན་ཚུན་འཛའ་དང་ནད་ཡམས་མེད། །བཀྲ་ཤིས་ཕུན་སུམ་ཚོགས་པའི་གཡང༌། །འབད་པ་མེད་པ་དེང་འདིར་ཁུག །མདོར་ན་ལྷ་དང་མིའི་དྲང་སྲོང༌། །ཚོགས་ཀྱི་བདག་པོ་གནོད་སྦྱིན་སྡེ། །ནམ་མཁའ་ལྡིང་དབང་མིའམ་ཅི། །ལྟོ་འཕྱེ་ཆེ་དང་འཕྲོག་མའི་བུ། །སྣ་ཚོགས་གཟུགས་སྤྲུལ་རྫུ་འཕྲུལ་ཅན། །སྲིད་པ་ཆགས་པའི་སྣོད་དང་བཅུད། །མ་ལུས་ལུས་པ་མེད་པ་ཡི། །ཕྱྭ་གཡང་མ་འཁྱམ་ཁྱི་ལི་ལི། །ཕྱྭ་གཡང་མ་ཡར་ནུ་རུ་རུ། །ཕྱྭ་གཡང་མ་གོད་ཏ་ལ་ལ། །རྒྱུ་སྦྱོར་ཡོན་གྱི་བདག་པོ་ཡི། །བླ་དང་ཚེ་དང་བསོད་ནམས་དང༌། །དབང་ཐང་རྟེན་དུ་གནས་འདིར་བཞུགས། །དགའ་འཁྱིལ་བཞིན་དུ་ཀྱི་ལི་ལི། །གཡུང་དྲུང་བཞིན་དུ་


JLAZ010_Page_0398
[མ་དཔེ་གཟིགས་ན་འདིར་གནོན།]

འདུ་རུ་རུ། །རྒྱ་མཚོ་བཞིན་དུ་མེ་རེ་རེ། །གནས་འདིར་བརྟན་པའི་བཀྲ་ཤིས་སྩོལ། །ཞེས་གཡང་འགུགས་པ་དང་ལས་སྒྲུབ་གཟུངས་སྔགས་བཟླ་བ་སྤེལ་མར་ཅི་ནུས་བྱ། རྗེས་ཀྱི་བྱ་བ་ལ་གཡང་གཏའ་སྡོམ་པ་སོགས་བོན་ལུགས་དང་འབྲེལ་བས་འདིར་ཤིས་པ་བརྗོད་པ་ཉིད་སྐབས་སུ་བབ་སྟེ། ཡོན་བདག་གོས་རྒྱན་གསར་བས་བཀླུབས། སྟན་བཟང་པོ་ལ་འདུག །ཕྱེ་མར་ལ་སོགས་བཟའ་བཏུང་གིས་ཞལ་བསྲོ། དེ་ནས་མེ་ཏོག་འཐོར་བཞིན་པས་གྲུབ་ན་མདོ་སྡེ་བཀྲ་ཤིས་བརྩེགས་པ་སྒྲོག །འཇུག་བདེར། མ་ཆགས་ཐོགས་མེད་འཁོར་ལོ་རིན་པོ་ཆེ། །འཁོར་ལོ་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཐེག་ཆེན་སྟོབས་ལྡན་གླང་པོ་ནི་པོ་ཆེ། །གླང་པོ་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཅང་ཤེས་ཤུགས་ལྡན་རྟ་མཆོག་རིན་པོ་ཆེ། །རྟ་མཆོག་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ཀུན་ལ་དབང་སྒྱུར་བློན་པོ་རིན་པོ་ཆེ། །བློན་པོ་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །ལོག་རྟོག་དཔུང་འཇོམས་དམག་དཔོན་རིན་པོ་ཆེ། །དམག་དཔོན་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །


JLAZ010_Page_0399
[མ་དཔེ་གཟིགས་ན་འདིར་གནོན།]

ཐམས་ཅད་ཀུན་སྐྱེད་བཙུན་མོ་རིན་པོ་ཆེ། །བཙུན་མོ་རིན་ཆེན་བཀྲ་ཤིས་ཡིན་པ། །བཀྲ་ཤིས་དེང་ཀྱང་དེར་འདིར་བདེ་ལེགས་ཤོག །དེ་མ་ཐག་ཏུ་བདག་ཅག་བདེ་ལེགས་ཤོག །བསམ་འཕེལ་དོན་གྲུབ་ནོར་བུ་རིན་པོ་ཆེ། །ནོར་བུ་རིན་ཆེན་བཀྲ་ཤིས་གང་ཡིན་པ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །བདག་དང་སྐལ་ལྡན་རིགས་ཀྱི་བུ། །དེང་གི་རྒྱུ་སྦྱོར་ཡོན་གྱི་བདག །སངས་རྒྱས་རྣམས་ཀྱིས་བྱིན་རླབས་ནས། །བཀྲ་ཤིས་དམ་པའི་མདོ་སྡེ་འདི། །ང་ཡིས་བརྗོད་པའི་བསོད་ནམས་ཀྱིས། །ནམ་མཁའ་ལྟ་བུར་ཀུན་ཁྱབ་ཅིང༌། །ཉི་ཟླ་ལྟ་བུར་ཀུན་གསལ་ཏེ། །སྐར་ཚོགས་ལྟ་བུར་གྲངས་མང་ཞིང༌། །སྤྲིན་ཚོགས་ལྟ་བུར་ལྷུན་སྡུག་སྟེ། །འཇའ་ཚོན་ལྟ་བུར་མཛེས་སྡུག་ཅིང༌། །རི་རབ་ལྟ་བུར་བརྟན་བརྗིད་ཆེ། །ས་གཞི་ལྟ་བུ་ཀུན་སྐྱེད་ཅིང༌། །རྒྱ་མཚོ་ལྟ་བུར་གཏིང་ཟབ་ལ། །ལྗོན་ཤིང་ལྟ་བུར་འདབ་རྒྱས་ཏེ། །ཡིད་བཞིན་ནོར་བུ་རིན་ཆེན་ལྟར། །དགོས་འདོད་བཀྲ་ཤིས་ཆར་ལྟར་འབབ་གྱུར་ཅིག །ཨོཾ་ཨཱཿཧཱུྃ་རཏྣ་བྲུཾ་ནི་ཨ། བཀྲ་ཤིས་པར་གྱུར་ཅིག །ཅེས་པའང་གཙང་དཔལ་ལྡིངས་རྗེ་བཙུན་མས་རིང་མོ་ཉིད་ནས་བསྐུལ་ཞིང༌། མདོ་ཁམས་པ་ཚོགས་གཉིས་ཅན་གྱིས་བཏུད་ནས་བསྐུལ་བའི་ངོར་གཡོ་རུ་རྫོགས་ཆེན་པ་རང་བྱུང་རྡོ་རྗེས་ལྷན་ཐབས་སུ་བཀོད་པའོ།། །།

མཁའ་འགྲོའི་གཡང་འགུགས་བསེ་རགས་རྫོང་ཐབས།


JLAZ010_Page_0401
[མ་དཔེ་གཟིགས་ན་འདིར་གནོན།]

༂ མཁའ་འགྲོའི་གཡང་འགུགས་བསེ་རགས་རྫོང་ཐབས་བཞུགསཿ ནོར་སྒྲུབ་སྒབ་འདྲེ་མ་ནོན་ནཿ ཞབས་རྡོལ་སྣོད་དུ་བཅུད་བླུགས་འདྲཿདེ་ཕྱིར་ཐེའུ་བྲང་སྲིས་རྐུན་གཟུགསཿ གཅེར་བུ་ཐལ་མོ་བཟེད་པའི་མདུནཿ འབྲུ་སྣ་ཟས་སྣ་ཆངས་བུ་དངཿ སྦང་མ་ལ་ཕུག་ཐལ་ཟན་དངཿ ཆང་ཆུ་གོས་དུམ་སྔོ་ངད་སོགསཿ ངན་ངོན་ཟས་དང་ཏིང་ལོ་བསགཿ ཨ་ཀཱ་རོས་བརླབ་འདི་ལྟར་གྱེརཿ ཀྱཻ་སྲིད་གསུམ་འདི་ན་སུ་ཡང་རུངཿ མ་རིག་འཛིན་པའི་ཉེར་ལེན་ལསཿ དུག་ལྔའི་རང་གཟུགས་ཅན་དུ་འཁོརཿ བརྐུ་དང་སེར་སྣའི་རྒྱུ་མཐུན་ལསཿ ཐེའུ་བྲང་ཡི་དྭགས་བསེ་རགས་ནིཿ ནོར་ལ་གང་སྟོངས་བདག་པོ་སྟེཿཁྱོད་ལ་དེ་རིང་བརྔན་བྱིན་གྱིསཿ མི་ཡི་དཔལ་དང་ཕྱུགས་ཀྱི་གཡངཿ ནོར་གྱི་ཕྱྭ་དང་འབྲུ་ཡི་བཅུདཿ བཟའ་བཏུང་སྲིས་ལ་མ་བརྐུ་བརཿ རི་རབ་ཆེན་པོའི་བྱང་གི་ཕྱོགསཿ སྒྲ་མི་སྙན་པའི་གྲོང་ཁྱེར་ནཿ ཟས་ནོར་ལོངས་སྤྱོད་བསམ་མི་ཁྱབཿ ཕོངས་དང་མུ་གེའི་སྡུག་བསྔལ་མེདཿ དེ་རུ་ཁྱོད་ལ་ལམ་བསྟན་གྱིསཿ ཏིང་ལོས་ལམ་སྒྲོན་གྱིས་ལ་སོངཿ ཆངས་བུས་ལམ་རྒྱགས་གྱིས་ལ་སོངཿ འདི་རུ་སྡོད་པའི་གནས་མེད་ཀྱིསཿ ཡི་དམ་ལྷ་ཡི་མཐུ་བྱིན་དངཿ ཁྲོ་བོ་ཁྲོ་མོའི་ཚྭ་ཚྭ་ཡིསཿ ཁྱོད་ཀྱི་མིང་གཟུགས་བརླག་འགྱུར་ནཿ ད་ལྟ་ཉིད་དུ་ཕྱིར་


JLAZ010_Page_0402
[མ་དཔེ་གཟིགས་ན་འདིར་གནོན།]

དེངས་ཤིགཿ གཙྪཿཞེས་རོལ་མོ་བཟློས་དང་ཐུན་གྱིས་བསྐྲད། སྲུང་འཁོར་བསྒོམ། འདི་ནི་ཤིན་ཏུ་གལ་ཆེ་བར་འདུག་གོ། འདི་གཡང་འགུགས་པ་ཚར་རྗེས། མ་མགོན་དང་ཚེ་རིང་མའི་བསྐང་གསོའི་མཇུག །གཡང་འགུགས་དངོས་གཞིའི་མགོར་གཏང་ངོ༌།། །།

བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ།


JLAZ010_Page_0403
[མ་དཔེ་གཟིགས་ན་འདིར་གནོན།]

བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ་ཞེས་པ་བཞུགས།


JLAZ010_Page_0404
[མ་དཔེ་གཟིགས་ན་འདིར་གནོན།]

བདེ་བ་ཅན་དུ་བགྲོད་པའི་ཆོ་ག་དཔག་མེད་མྱུར་ལམ་ཞེས་བྱ་བ། སངས་རྒྱས་སྣང་བ་མཐའ་ཡས་ལ་ཕྱག་འཚལ་ལོ། །འདི་ལ་སྦྱོར་བ་དངོས་གཞི་རྗེས་གསུམ་ལས་དང་པོ་སྦྱོར་བ་ལའང་དྲུག་གི །དང་པོ་ཤོམ་ནི་གང་དུ་བྱ་བའི་གནས་ཁང་བྱི་དོར་བྱས་ཞིང་རྒྱན་བཀོད་དང༌། སྐུ་གསུང་ཐུགས་རྟེན་དགྲམ། མཆོད་པ་སྣ་ལྔ་བརྒྱ་རྩ་འབྱོར་ན་རབ། མ་མཐའ་ཡང་བཅུ་ཕྲག་རེ་ལས་མི་ཉུང་བ་བཤམ། གཞན་དོན་སྦྱོང་བ་དང་འབྲེལ་ན་བུམ་སྟེགས་པདྨ་འདབ་བརྒྱད་ལ་ཁྲུས་བུམ་ལ་སོགས་འོག་ཏུ་དགོས་པ་རྣམས་ཀྱང་བཤམ། གཉིས་པ་ནི། གྲུབ་ན་དཀར་ཆ་བཞི་དང༌། མ་ནུས་ན་གཞི་བགེགས་སོ་སོར་གཏོར་མ་བཤམ་ལ། བགེགས་ལ། ཨ་ཀཱ་རོ་དང༌། གཞི་བདག་ལ། མཆོད་སྦྱིན་གཏོར་མ་འདི་བཞེས་ལ། །རྣལ་འབྱོར་བདག་ཅག་འཁོར་བཅས་ལ། །ནད་མེད་ཚེ་དང་དབང་ཕྱུག་དང༌། །དཔལ་


JLAZ010_Page_0405
[མ་དཔེ་གཟིགས་ན་འདིར་གནོན།]

དང་གྲགས་དང་སྐལ་པ་བཟང༌། །ལོངས་སྤྱོད་རྒྱ་ཆེན་ཀུན་ཐོབ་ཅིང༌། །ཞི་དང་རྒྱས་ལ་སོགས་པ་ཡི། །ལས་ཀྱི་དངོས་གྲུབ་བདག་ལ་སྩོལ། །དམ་ཚིག་ཅན་གྱིས་བདག་ལ་སྲུངས། །དངོས་གྲུབ་ཀུན་གྱི་སྡོང་གྲོགས་མཛོད། །དུས་མིན་འཆི་དང་ནད་རྣམས་དང༌། །གདོན་དང་བགེགས་རྣམས་མེད་པར་མཛོད། །རྨི་ལམ་ངན་དང་མཚན་མ་ངན། །བྱ་བྱེད་ངན་པ་མེད་པར་མཛོད། །འཇིག་རྟེན་བདེ་ཞིང་ལོ་ལེགས་དང༌། །འབྲུ་རྣམས་འཕེལ་ཞིང་ཕྱུགས་འཕེལ་བ། །དགེ་ལེགས་ཕུན་སུམ་ཚོགས་པའི་གནས། །ཡིད་ལ་འདོད་པ་ཀུན་འགྲུབ་ཤོག །ཅེས་པས་བསྔོ། །གསུམ་པ་སྐྱབས་སུ་འགྲོ་བ་དང་སྨོན་སེམས་བསྐྱེད་པ་ནི། སངས་རྒྱས་ཆོས་དང་ཚོགས་


JLAZ010_Page_0406
[མ་དཔེ་གཟིགས་ན་འདིར་གནོན།]

ཀྱི་མཆོག་རྣམས་ལ། །སོགས་ལན་གསུམ། བཞི་པ་འཇུག་པའི་དོན་དུ་ཚད་མེད་བཞི་བསྒོམ་པ་ནི། སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །ལན་གསུམ། ལྔ་པ་བྱང་སྡོམ་བླངས་བ་དངོས་ནི། བྱང་ཆུབ་སྙིང་པོར་མཆིས་ཀྱི་བར། །སངས་རྒྱས་རྣམས་ལ་སྐྱབས་སུ་མཆི། །ཆོས་དང་བྱང་ཆུབ་སེམས་དཔའ་ཡི། །ཚོགས་ལའང་དེ་བཞིན་སྐྱབས་སུ་མཆི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང༌། །བྱང་ཆུབ་སེམས་དཔའི་བསླབ་པ་ལ། །དེ་དག་རིམ་བཞིན་གནས་པ་ལྟར། །བདག་ཀྱང་འགྲོ་ལ་ཕན་དོན་དུ། །བྱང་ཆུབ་སེམས་ནི་བསྐྱེད་བགྱི་ཞིང༌། །དེ་བཞིན་དུ་ནི་བསླབ་པ་ལ། །རིམ་པ་བཞིན་དུ་སློབ་པར་བགྱི། ལན་གསུམ། དེང་དུས་བདག་ཚེ་འབྲས་བུ་ཡོད། །མི་ཡི་སྲིད་པ་ལེགས་པར་ཐོབ། །དེ་རིང་སངས་རྒྱས་རིགས་སུ་སྐྱེས། །སངས་རྒྱས་སྲས་སུ་ད་གྱུར་ཏོ། །བདག་གིས་དེ་རིང་སྐྱོབས་པ་ཐམས་ཅད་ཀྱི། །སྤྱན་སྔར་འགྲོ་བ་བདེ་གཤེགས་ཉིད་དང་ནི། །བར་དུ་བདེ་ལ་མགྲོན་དུ་བོས་ཟིན་གྱིས། །ལྷ་དང་ལྷ་མིན་ལ་སོགས་དགའ་བར་བགྱི། ལན་གསུམ། དྲུག་པ་ས་གཞི་བྱིན་བརླབ་ནི། ཐམས་ཅད་དུ་ཡང་ས་གཞི་བྱིན་དག །གསེག་མ་ལ་སོགས་མེད་པ་དང༌། །ལག་མཐིལ་ལྟར་མཉམ་བཻ་ཌཱུརྱའི། །རང་བཞིན་འཇམ་པོར་གནས་གྱུར་ཅིག །


JLAZ010_Page_0407
[མ་དཔེ་གཟིགས་ན་འདིར་གནོན།]

ཅེས་བརྗོད་ཅིང་བསམ་མོ། །གཉིས་པ་དངོས་གཞི་ལ། བདག་མདུན་གཉིས་ལས། དང་པོ་བདག་བསྐྱེད་ནི། པདྨ་དྲ་བའི་རྒྱུད་ཀྱི་དགོངས་པ། ཨོཾ་མཱ་ཧཱ་ཤུནྱ་ཏཱ་ཛྙཱ་ན་བཛྲ་སྭཱ་བྷཱ་ཝ་ཨཱཏྨ་ཀོ྅ཧཾ། ཧྲཱིཿམཁའ་ཁྱབ་གཞལ་ཡས་ཞིང་གི་བཀོད་པ་ནི། །ཞིང་ཁམས་ཆེན་པོ་གསེར་གྱི་ས་གཞིའི་དབུས། །འབྱུང་བ་ཡོངས་རྫོགས་དྭངས་མའི་རིན་ཆེན་མཚོ། །ཡོངས་སུ་རྒྱས་པའི་དབུས་སུ་སྐྱེས་པ་ཡི། །པདྨའི་སྡོང་པོ་ཁྲི་འཕང་གསུམ་དང་ལྡན། །ཡལ་ག་མེ་ཏོག་འབྲས་བུའི་ཕུར་གྱི་ལྡིང༌། །ཆུ་བྱ་སྣ་ཚོགས་ཐེག་གསུམ་ཆོས་སྒྲ་སྒྲོག །ཕན་ཚུན་ཆོས་ཀྱི་རོས་ཚིམས་གར་སྟབས་བསྒྱུར། །ཡལ་འདབ་རེ་རེའང་མཆོད་པའི་ལྷ་མོས་བརྒྱན། །སྙན་པའི་གླུ་དབྱངས་མཛེས་པའི་གར་གྱིས་མཆོད། །རིག་འཛིན་དུ་མ་གསེར་གཡུ་བྱུ་རུ་ཡི། །མདོག་མཚུངས་བུང་བའི་ཚུལ་བཟུང་ཐེག་ཆེན་ཆོས། །བརྡ་དང་སྟོབས་ཀྱིས་སྐལ་ལྡན་རྣམས་ལ་སྒྲོགས། །རིན་ཆེན་ནེའུ་སེང་བྲག་རིའི་ཚལ་གྱིས་བསྐོར། །དེ་དག་རྣམས་ལ་དྲང་སྲོང་རིག་འཛིན་གནས། །མ་ཡེངས་བསམ་གཏན་ཏིང་འཛིན་རོས་གང་བའི། །ཡེ་ཤེས་རྒྱ་མཚོ་ལྷུན་གྱིས་གྲུབ་པར་བཞུགས། །ཕྱོགས་མཚམས་མ་ལུས་ཡེ་ཤེས་འོད་ཀྱི་གུར། །རབ་མཛེས་མདངས་བཀྲ་རིམ་གསུམ་རྣམ་པར་གསལ། །སྟེང་ཕྱོགས་ནམ་མཁའི་འོད་ཀྱི་སྤྲིན་


JLAZ010_Page_0408
[མ་དཔེ་གཟིགས་ན་འདིར་གནོན།]

ཕུང་ན། །རིག་འཛིན་ལྷ་དང་མཁའ་འགྲོ་དཔག་མེད་ཀྱིས། །བདུད་རྩིའི་ཁྲུས་གསོལ་མེ་ཏོག་མནྡྷ་ར། །ཁ་དོག་སྣ་ཚོགས་ཆར་འབེབས་རོལ་མོ་སྒྲོག །རི་བོ་ཆེན་པོ་པོ་ཏ་ལ་འདྲ་ཡི། །ཇི་ལྟར་རབ་འབྱམས་དག་པའི་ཞིང་གི་དབུས། །འོད་སྣང་དཀྱིལ་འཁོར་ཆུ་སྐྱེས་ཟླ་བའི་སྟེང༌། །སྐད་ཅིག་དྲན་རྫོགས་ཆུ་ལས་ཉ་འཕར་ལྟར། །བདག་ཉིད་ཧྲཱིཿདཀར་མདངས་ལྡན་འོད་འཕྲོས་པས། །རྒྱལ་བ་སྲས་བཅས་སྤྱན་དྲངས་ཧྲཱིཿལ་ཐིམ། །སླར་འཕྲོས་འགྲོ་དྲུག་སྡུག་བསྔལ་སེལ་བྱས་ནས། །དེ་ལྟར་འཕྲོ་འདུས་ཡོངས་སུ་གྱུར་པ་ལས། །བདག་ཉིད་ཐུགས་རྗེ་ཆེན་པོ་སྤྱན་རས་གཟིགས། །སེམས་ཉིད་ངལ་གསོ་ཞལ་གཅིག་ཕྱག་གཉིས་པ། །དཀར་གསལ་མདངས་ལྡན་ཞི་མཛུམ་བཞད་པའི་ཚུལ། །ཕྱག་གཡས་མཆོག་སྦྱིན་དགོས་འདོད་རེ་བ་སྐོང༌། །གཡོན་པ་སྟ་ཟུར་ནས་བརྐྱངས་གདན་བརྟེན་མཛད། །པད་དཀར་ཡུ་བ་མཐེབ་མཛུབ་ལ་གནས་པའི། །ཡལ་ག་ལོ་འདབ་སྙན་ཤལ་ཕྱོགས་ཀུན་མཛེས། །སྲིད་ཞིར་མི་གནས་ཞབས་གཉིས་བརྐྱང་བསྐུམ་ཚུལ། །ཡིད་འོང་མཚན་དང་དཔེ་བྱད་ལྷུན་གྱིས་གྲུབ། །སྨིན་མཚམས་མཛོད་སྤུར་འོད་ལྔའི་ཐིག་ལེར་འཁྱིལ། །ཞི་ཚུལ་དགུ་ལྡན་རྒྱན་ཆ་བཅུ་གསུམ་འཆང༌། །དབུ་སྐྲ་ཐོར་ཚུགས་ཟུར་ཕུད་ནོར་བུས་སྤྲས། །


JLAZ010_Page_0409
[མ་དཔེ་གཟིགས་ན་འདིར་གནོན།]

ཀུན་ནས་བཀྲག་མདངས་འོད་དང་གཟི་བརྗིད་འབར། །ཐུགས་རྗེས་བརྩེ་བས་འགྲོ་ལ་ལྷགས་གེར་གཟིགས། །འོད་ཕུང་སྟུག་པོ་སྤྲིན་ལྟར་འཁྲིགས་པའི་ནང༌། །འགགས་མེད་ཆོས་ཀྱི་སྐུ་དང་དབྱེར་མེད་བཞུགས། །ཞེས་གསལ་བཏབ་ལ་བཟླ་བ་ནི། ཨོཾ་མ་ཎི་པདྨེ་ཧཱུྃ་ཧྲཱིཿཞེས་ཅི་རིགས་བཟླའོ། །གཉིས་པ་མདུན་བསྐྱེད་ལ་བདུན་ལས། དང་པོ་མཆོད་པ་བྱིན་བརླབ་ནི། དངོས་འཛིན་དང་འབགས་བཙོག་ཏུ་གྱུར་པ། སྭ་བྷ་ཝས་སྦྱངས། སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བར་ལྷ་རྫས་ལས་གྲུབ་པའི་མཆོད་སྤྲིན་འཕགས་པ་ཀུན་ཏུ་བཟང་པོའི་ཏིང་ངེ་འཛིན་གྱི་རྣམ་པར་འཕྲུལ་པ་རྒྱ་མཚོ་དང་གཉིས་སུ་མེད་པར་གྱུར། ན་མོ་རཏྣ་ཏྲ་ཡཱ་ཡ། ན་མོ་བྷ་ག་ཝཱ་ཏེ། བཛྲ་སཱ་ར་པྲ་མརྟ་ནེ། ཏ་ཐཱ་ག་ཏ་ཡ། ཨརྷ་ཏེ་སམྱཀྶཾ་བུདྡྷ་ཡ། ཏདྱ་ཐཱ། ཨོཾ་བཛྲེ་བཛྲེ་མ་ཧཱ་བཛྲེ། མ་ཧཱ་ཏེ་ཛྭ་བཛྲེ། མ་ཧཱ་བིདྱ་སྭཱ་ཧཱ། མ་ཧཱ་བོ་དྷི་ཙིཏྟ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲ་མ་ཎ་བཛྲེ། སརྦ་ཀརྨཱ་ཨ་ཝ་ར་ཎ་བི་ཤོ་དྷ་ན་བཛྲེ་སྭཱ་ཧཱ། ཞེས་ལན་གསུམ། གཉིས་པ་ཚོགས་ཞིང་བསྒྲུབ་པ་ལ། རྣམ་བྱང་དང་མཐུན་པའི་མོས་པ་ལམ་བྱེད་ཀྱིས་བསྐྱེད་ཆོག་ནི། ཨོཾ་མ་ཧཱ་ཤུ་ནྱ་ཏཱ་སོགས་དང༌། གཟུང་འཛིན་ལྟར་སྣང་བའི་ཡུལ་ལྔ་ཡིད་ཤེས་དང་བཅས་པ་འཆི་སྲིད་ཆོས་སྐུ་དང་གཉིས་སུ་མེད་པའི་སྟོང་པ་ཉིད་དུ་གྱུར། སྟོང་པའི་ངང་ལས་བར་དོའི་སྲིད་པ་དང༌།


JLAZ010_Page_0410
[མ་དཔེ་གཟིགས་ན་འདིར་གནོན།]

ཡིད་ཤེས་རྫུས་སྐྱེས་ཀྱི་གནས་ངན་ལེན་ཀུན་ནས་རྣམ་པར་དག་པ་བདེ་བ་ཅན་གྱི་ཞིང་ཁམས་ས་གཞི་ཐམས་ཅད་ལག་མཐིལ་ལྟར་ཀུན་ཏུ་མཉམ་ཞིང་ཆུ་ཞེང་དང་སྲིད་དུ་མི་མངོན་པའི་ཐ་གྲུ་ཀུན་ནས་ཡངས་པ་ལ་འཇིག་རྟེན་ན་མི་སྤྱོད་པའི་རིན་པོ་ཆེ་རྣམ་པ་སྣ་ཚོགས་གཅལ་དུ་བཀྲམ་པས་བཀྲག་ཏུ་བརྟས་པ། རི་ནག་པོ་དང༌། ལྷུན་པོ་དང༌། ཆུ་གཏེར་དང༌། འཁོར་ཡུག་ལ་སོགས་པའི་བསྟི་གནས་ཕལ་པ་མེད་པས་ཀུན་ནས་ཉམས་དགའ་ཞིང་ཤིན་ཏུའང་བལྟ་ན་སྡུག་པ། འབྱོར་བ་རྒྱས་པ། བདེ་བ་ལོ་ལེགས་པ་ལྷ་དང་མི་འབའ་ཞིག་པ་ལས་ངན་སོང་དང་ལྷ་མིན་མེད་པ། རིན་པོ་ཆེའི་རིགས་ཁ་དོག་སྣ་ཚོགས་ལས་གྲུབ་པའི་ཤིང་ལྗོན་པ་རྩ་བ་དང༌། ཡལ་ག་དང༌། ལོ་འདབ་དང༌། མེ་ཏོག་དང་འབྲས་བུ་རྣམས་གསེར་དང༌། དངུལ་དང༌། བཻ་ཌཱུརྱ་དང༌། སྤུག་དང༌། མུ་ཏིག་དམར་པོ་དང༌། ཤེལ་དང༌། རྡོའི་སྙིང་པོ་སྟེ་རིན་པོ་ཆེ་སྣ་བདུན་ལས་བྱས་ཤིང་བལྟ་ན་སྡུག་པ་དཔག་ཚད་སྟོང་དང་དྲུག་བརྒྱའི་དབང་དང་ལྡན་པ། གསེར་གྱི་དྲྭ་བས་བརྒྱན་པ་རྣམས་རླུང་གིས་བསྐྱོད་པ་ལས། སྙན་པ་དང༌། མཐུན་པ་དང༌། ཡིད་དུ་འོང་བའི་སྒྲ་དབྱངས་ཆོག་མི་ཤེས་ཤིང༌། དྲི་བསུང་རྒྱས་པའི་མེ་ཏོག་གིས་མི་འགྲེང་བདུན་གྱི་སྲིད་དུ་ཀུན་ནས་བཀྲམ་པ་རྣམས་ནི་མནན་ན་སོར་བཞིས་ནེམ་


JLAZ010_Page_0411
[མ་དཔེ་གཟིགས་ན་འདིར་གནོན།]

ཞིང༌། བཏེག་ན་དེ་སྙེད་ཀྱིས་མཐོ་བ། གཞན་ཡང་ལྷའི་མེ་ཏོག་ཨུཏྤལ་དང༌། པདྨ་དང༌། ཀུ་མུད་ཏ་དང༌། པདྨ་དཀར་པོའི་ཚལ་ཡིད་དུ་འོང་ཞིང༌། འདམ་རྫབ་སྤངས་པའི་གསེར་གྱི་བྱེ་མ་བརྡལ་བ་ལ་སྤྲུལ་པའི་བྱ་ངང་པ་དང༌། བཞད་དང༌། ཁྲུང་ཁྲུང་དང༌། ངུར་པ་དང༌། ཀ་རན་ད་དང༌། ནེ་ཙོ་དང༌། རི་སྐེགས་དང༌། ཀུ་ལ་ན་དང༌། ཀ་ལ་པིངྐ་དང༌། རྨ་བྱ་སོགས་པས་མགྲིན་པའི་རྒྱུད་མངས་འཁྲོལ་བ་སྤོས་ཆུའི་ཀླུང་ཀུན་ཏུ་བཀྲམ་པ་དག་ཀྱང་འབབ་སྟེགས་བདེ་བས་ཅ་ཅོའི་སྒྲ་གཏན་ནས་མི་འབྱུང་ཞིང་རྣམ་པར་བདེ་བ་དང༌། ཡིད་ལ་འབབ་པ་དང༌། མཉན་པས་ཆོག་མི་ཤེས་པ་དང༌། མི་རྟག་པ་དང༌། ཞི་བ་དང༌། བདག་མེད་པ་དང༌། ཚད་མེད་བཞི་དང༌། དཀོན་མཆོག་གསུམ་དང་། ས་དང་ཕ་རོལ་ཏུ་ཕྱིན་པ་དང༌། སྟོབས་བཅུ་དང༌། མི་འཇིགས་པ་བཞི་དང༌། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང༌། རྣམ་པར་ཐར་བའི་སྒོ་གསུམ་དང༌། མངོན་པར་ཤེས་པ་ལྔ་དང༌། འོད་ཟེར་ཆེན་པོའི་དབང་བསྐུར་བ་ཐོབ་པའི་སྒྲ་འབྱུང་བས་མཆོག་ཏུ་དགའ་བ་རྒྱ་ཆེན་པོ་ཐོབ་ཅིང༌། སྡུག་བསྔལ་བ་དང༌། ཀུན་འབྱུང་བ་དང༌། སྒྲིབ་པ་དང༌། ངན་སོང་དང༌། ངན་འགྲོ་ལ་སོགས་པ་ཚོར་བ་སྡུག་


JLAZ010_Page_0412
[མ་དཔེ་གཟིགས་ན་འདིར་གནོན།]

བསྔལ་བའི་སྒྲ་ཙམ་ཡང་མེད་པར་དགྲ་བཅོམ་འགོག་པའི་སྙོམས་པར་ཞུགས་པ་ལྟ་བུའི་བདེ་བ་དང་ལྡན་པས་བདེ་བ་ཅན་ཞེས་བྱ་ལ། དེ་བཞིན་དུ་གོས་དང༌། རྒྱན་དང༌། སྐྱེད་མོས་ཚལ་དང༌། བར་སྣང་ལ་འབྱུང་བའི་གཞལ་མེད་ཁང་དང༌། རོལ་མོའི་བྱེ་བྲག་དང༌། མཆོད་རྫས་ལ་སོགས་པ་ཡོངས་སུ་སྤྱད་པར་བྱ་བའི་འདོད་པའི་ཡོན་ཏན་རྣམ་པ་ཐམས་ཅད་པ་གཞན་འཕྲུལ་དབང་བྱེད་ཀྱི་གནས་དང་མཚུངས་པར་ལྡན་ཞིང་དྭངས་མའི་ཟས་ཀྱིས་ཚིམས་པར་འགྱུར་བ། གཟའ་དང༌། རྒྱུ་སྐར་དང༌། ཉིན་མཚན་དུ་གདགས་པ་དང༌། ཁྱིམ་ཡོངས་སུ་འཛིན་པའི་འདུ་ཤེས་ཀྱང་མེད་ལ་དུས་དང་དུས་སུ་སྤོས་ཆུའི་སྤྲིན་ཆར་མངོན་པར་འབབ་ཅིང་ལྷའི་མེ་ཏོག་དང༌། རིན་པོ་ཆེ་དང༌། གདུགས་དང༌། རྒྱལ་མཚན་དང༌། བ་དན་དང༌། བླ་རེ་དང༌། རྔ་མའི་བསིལ་ཡབ་ལ་སོགས་པ་ནམ་མཁའ་ལ་འཛིན་ཅིང༌། ལྷའི་བུ་མོ་དག་ཀྱང་རོལ་མོའི་སྒྲ་དབྱངས་དང་བཅས་གར་བྱེད་པ། མདོར་ན་སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱི་གྲངས་དང་ཕ་རོལ་ཏུ་སོན་པས་ཀྱང་འཇིག་རྟེན་གྱི་ཁམས་བདེ་བ་ཅན་གྱི་བདེ་བའི་རྒྱུ་དང་ཡོན་ཏན་གྱི་ཚོགས་བསྐལ་པར་བརྗོད་ཀྱང་ཟད་མི་ཤེས་པ་དེའི་བླ་དཔག་ཚད་བརྒྱད་སྟོང་པའི་གཞལ་མེད་ཁང་གིས་མཛེས་


JLAZ010_Page_0413
[མ་དཔེ་གཟིགས་ན་འདིར་གནོན།]

པའི་དབུས་སུ་རིན་པོ་ཆེ་སྣ་བདུན་ལས་གྲུབ་པའི་ཁྲི་སྟེགས་རབ་ཏུ་མཐོ་བ་རྨ་བྱ་ཟློས་གར་རྩེན་པའི་དབུས་སུ་པཾ་ལས་པདྨ་དམར་པོ་འདབ་མ་སྟོང་དུ་བརྡལ་བ། དེའི་སྟེང་རཾ་ལས་ཉི་མའི་དཀྱིལ་འཁོར་གྱི་དབུས་སུ་རང་གི་རྣམ་པར་ཤེས་པའི་ངོ་བོ་ཡི་གེ་ཧྲཱིཿདམར་པོ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོན་བྱས་ཚུར་འདུས་ས་བོན་ལ་ཐིམ། དེ་ཡོངས་སུ་གྱུར་པ་ལས་སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱིས་རྒྱལ་བའི་དབང་པོ་དེའི་མཚན་ཡོངས་སུ་བརྗོད་ཅིང་བསྔགས་པ་བརྗོད་པ་ལ་ཞུགས་པའི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྣང་མཐའ་ཡས་ཚེ་དང་ཡེ་ཤེས་དཔག་ཏུ་མེད་ཅིང་རྡུལ་བྲལ་ཤིན་ཏུ་རྣམ་པར་དག་པ་སྐུ་མདོག་པདྨ་རཱ་གའི་ལྷུན་པོ་ལ་ཉི་མ་བྱེ་བས་འཁྱུད་པའི་གཟི་བྱིན་ཅན། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པའི་སྟེང་དུ་ལྷུང་བཟེད་ཀྱིས་མཚན་པའི་ཕྱག་གཉིས་མཉམ་པར་བཞག་ཅིང་དར་དམར་སེར་གྱི་ཤམ་ཐབས། སྔོན་པོའི་བླ་གོས། དམར་པོའི་སྣམ་སྦྱར་ཅན། དབུའི་གཙུག་ཏོར་བལྟར་མི་མངོན་པ་ལ་སོགས་པའི་མཚན་དཔེའི་རྒྱན་མ་ཚང་བ་མེད་པས་བརྒྱན་པའོ། །དེའི་


JLAZ010_Page_0414
[མ་དཔེ་གཟིགས་ན་འདིར་གནོན།]

གཡས་སུ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དང༌། གཡོན་དུ་མཐུ་ཆེན་ཐོབ་གཉིས་གཙོ་བོ་ལ་ཞལ་ཕྱོགས་པས་འདུག་པ། མཐའ་བསྐོར་དུ་སངས་རྒྱས་ཀྱི་ཞིང་འདི་དང༌། ཞིང་གཞན་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བའི་དགེ་བའི་རྩ་བ་དང༌། རྒྱལ་བའི་ཡེ་ཤེས་ཆགས་པ་མེད་པ་ལ་ནེམ་ནུར་གྱི་བློས་བར་དུ་གཅོད་པ་དང་མ་ཡིན་པའི་ཁྱད་པར་ལས། ཉན་ཐོས་འགོག་པ་ཆོས་ཅན་ལ་སོགས་ཏེ་པདྨའི་མངལ་ལ་སྐྱེད་མོས་ཚལ་དང་གཞལ་མེད་ཁང་དུ་འདུ་ཤེས་ཤིང་བཤང་གཅི་མེད་པར་ལོ་ལྔ་བརྒྱར་གནས་ནས་འབྱུང་ལ། ཉེས་པ་ཟད་པ་རྣམས་ནི་སེམས་དང་བ་ཙམ་ལ་པདྨ་རྣམས་ལ་སྐྱིལ་མོ་ཀྲུང་བཅས་ཏེ་སྐད་ཅིག་ལ་རྫུས་ཏེ་འབྱུང་བའི་བྱང་ཆུབ་སེམས་དཔའ་ཡོངས་སུ་གྲུབ་པ་གྲངས་དང་བློས་མི་ཐུགས་པ་དང༌། ཉན་ཐོས་དང་རང་སངས་རྒྱས་དང༌། ལྷ་དང་མིའི་རྣམ་པ་ཅན་བར་སྣང་ལ་ཆགས་ཐོགས་མེད་པར་འགྲོ་བ། དེ་དག་ཀྱང་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ། ལུས་ཡོངས་སུ་རྫོགས་པ་བསམ་གཏན་དང་མངོན་པར་ཤེས་པ་ལ་མཁས་པ། ཤེས་རབ་ཀྱི་རབ་ཏུ་དབྱེ་བ་བཟོད་པ། དབང་པོ་རྣོ་བ། མ་


JLAZ010_Page_0415
[མ་དཔེ་གཟིགས་ན་འདིར་གནོན།]

བསྡམས་པ་མེད་པ། ཀུན་ཤེས་པ། མ་ཞུམ་པ། དབང་པོ་མི་གཡོ་བ། བཟོད་པ་ཐོབ་པ། སངས་རྒྱས་མཐོང་བ་དང༌། ཆོས་ཉན་པ་དང་མི་འབྲལ་བ། ལོག་པར་མི་ལྟུང་བ། ཡོན་ཏན་མཐའ་ཡས་མུ་མེད་པ་ཤ་སྟག་གོ། དེ་ལྟར་དུ་གསལ་བའི་གཙོ་འཁོར་ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿཐུགས་དཀར་ཧཱུྃ་གིས་མཚན་པ་ལས་འོད་ཟེར་འཕྲོས་པས་རང་བཞིན་གྱི་གནས་དང༌། བདེ་བ་ཅན་གྱི་ཞིང་ཁམས་ནས་མགོན་པོ་འོད་དཔག་ཏུ་མེད་པ་ལ་བསྐལ་པ་བཟང་པོའི་སངས་རྒྱས་སྟོང་རྩ་གཉིས་དང༌། བྱང་ཆུབ་སེམས་དཔའི་ཚོགས་ཀྱིས་བ་བསྐོར་བ་སྤྱན་དྲངས་པར་གྱུར། ཞེས་སྙན་བརྣན་ལ། གསུམ་པ་སྤྱན་དྲང་བ་ནི། མ་ལུས་སེམས་ཅན་ཀུན་གྱི་མགོན་གྱུར་ཅིང༌། །བདུད་སྡེ་དཔུང་བཅས་མི་བཟད་འཇོམས་མཛད་ལྷ། །དངོས་རྣམས་མ་ལུས་ཇི་བཞིན་མཁྱེན་གྱུར་བའི། །བཅོམ་ལྡན་འཁོར་བཅས་གནས་འདིར་གཤེགས་སུ་གསོལ། །བཛྲ་ས་མཱ་ཛཿཞེས་པས་སྤྱན་དྲངས། བཞི་པ་བཞུགས་གསོལ་ནི། བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བཞེས་སླད་དུ། །འདི་ཉིད་དུ་ནི་བཞུགས་སུ་གསོལ། །པདྨ་ཀ་མ་ལཱ་ཡེ་སྟྭཾ། གྱིས་གཙོ་འཁོར་རྣམས་


JLAZ010_Page_0416
[མ་དཔེ་གཟིགས་ན་འདིར་གནོན།]

ལ་གདན་འབུལ་ནས་བཞུགས་གསོལ་བྱ། ལྔ་པ་མཆོད་བསྟོད་ལ་སོགས་པ་སྤྱོད་འཇུག་ལས། དེ་བཞིན་གཤེགས་པ་རྣམས་དང་དམ་པའི་ཆོས། །དཀོན་མཆོག་དྲི་མ་མེད་དང་སངས་རྒྱས་སྲས། །ཡོན་ཏན་རྒྱ་མཚོ་རྣམས་ལ་ལེགས་པར་མཆོད། །མེ་ཏོག་འབྲས་བུ་ཇི་སྙེད་ཡོད་པ་དང༌། །སྨན་གྱི་རྣམ་པ་གང་ཞིག་ཡོད་པ་དང༌། །འཇིག་རྟེན་རིན་ཆེན་ཇི་སྙེད་ཡོད་པ་དང༌། །ཆུ་གཙང་ཡིད་དུ་འོང་བ་ཅི་ཡོད་དང༌། །རིན་ཆེན་རི་བོ་དང་ནི་དེ་བཞིན་དུ། །ནགས་ཚལ་ས་ཕྱོགས་དབེན་ཞིང་ཉམས་དགའ་དང༌། །ལྗོན་ཤིང་མེ་ཏོག་རྒྱན་སྤྲས་སྤུད་པ་དང༌། །ཤིང་གང་འབྲས་བཟང་ཡལ་ག་དུད་པ་དང༌། །ལྷ་སོགས་འཇིག་རྟེན་ན་ཡང་དྲི་དང་ནི། །སྤོས་དང་དཔག་བསམ་ཤིང་དང་རིན་ཆེན་ཤིང༌། །མ་རྨོས་འཁྲུངས་པའི་ལོ་ཏོག་རྣམ་པ་དང༌། །གཞན་ཡང་མཆོ་པར་འོས་པའི་རྒྱན་རྣམས་ནི། །མཚོ་དང་རྫིང་བུ་པདྨས་བརྒྱན་པ་དག །ངང་པ་ཤིན་ཏུ་སྐད་སྙན་ཡིད་འོང་ལྡན། །ནམ་མཁའ་རབ་འབྱམས་ཁམས་ཀྱི་མཐས་གཏུགས་ནས། །ཡོངས་སུ་བཟུང་བ་མེད་པ་དེ་དག་ཀུན། །བློ་ཡིས་བླངས་ནས་ཐུབ་པ་སྐྱེས་ཀྱི་མཆོག །སྲས་དང་བཅས་པ་རྣམས་ལ་ལེགས་འབུལ་ན། །ཡོན་གནས་དམ་པ་ཐུགས་རྗེ་ཆེ་རྣམས་ཀྱིས། །བདག་ལ་བརྩེར་དགོངས་


JLAZ010_Page_0417
[མ་དཔེ་གཟིགས་ན་འདིར་གནོན།]

བདག་གི་འདི་དག་བཞེས། །རྒྱལ་དང་དེ་སྲས་རྣམས་ལ་བདག་གིས་ནི། །བདག་གི་ལུས་འདི་གཏན་དུ་དབུལ་བར་བགྱི། །སེམས་དཔའ་མཆོག་རྣམས་བདག་ནི་ཡོངས་བཞེས་ཤིག །གུས་པས་ཁྱེད་ཀྱི་འབངས་སུ་འཆི་བར་བགྱི། །བདག་ནི་ཁྱེད་ཀྱིས་ཡོངས་སུ་བཟུང་བས་ན། །སྲིད་ན་མི་འཇིགས་སེམས་ཅན་ཕན་པར་བགྱི། །སྔོན་གྱི་སྡིག་ལས་ཡང་དག་འདའ་བགྱིད་ཅིང༌། །སྡིག་པ་གཞན་ཡང་སླན་ཆད་མི་བགྱིད་དོ། །ཁྲུས་ཀྱི་ཁང་པ་ཤིན་ཏུ་དྲི་ཞིམ་པ། །ཤེལ་གྱི་ས་གཞི་གསལ་ཞིང་འཚེར་བ་བསྟར། །རིན་ཆེན་འབར་བའི་ཀ་བ་ཡིད་འོང་ལྡན། །མུ་ཏིག་འོད་ཆགས་བླ་རེ་བྲེས་པ་དེར། །དེ་བཞིན་གཤེགས་པ་རྣམས་དང་དེ་སྲས་ལ། །རིན་ཆེན་བུམ་པ་མང་པོ་སྤོས་ཀྱི་ཆུ། །ཡིད་འོང་ལེགས་པར་བཀང་བར་གླུ་དང་ནི། །རོལ་མོར་བཅས་པ་དུ་མས་སྐུ་ཁྲུས་གསོལ། །དེ་དག་སྐུ་ལ་མཚུངས་པ་མེད་པའི་གོས། །གཙང་ལ་དྲི་རབ་བསྒོས་པས་སྐུ་ཕྱིའོ། །དེ་ནས་དེ་ལ་ཁ་དོག་ལེགས་བསྒྱུར་བའི། །ན་བཟའ་ཤིན་ཏུ་དྲི་ཞིམ་དམ་པ་འབུལ། །གོས་བཟའ་སྲབ་ལ་འཇམ་པ་སྣ་ཚོགས་དང༌། །རྒྱན་མཆོག་བརྒྱ་ཕྲག་དེ་དང་དེ་དག་གིས། །འཕགས་པ་ཀུན་ཏུ་


JLAZ010_Page_0418
[མ་དཔེ་གཟིགས་ན་འདིར་གནོན།]

བཟང་དང་འཇམ་དབྱངས་དང༌། །འཇིག་རྟེན་དབང་ཕྱུག་སོགས་ལའང་རྒྱན་པར་བགྱི། །སྟོང་གསུམ་ཀུན་ཏུ་དྲི་ངད་ལྡང་བ་ཡི། །དྲི་མཆོག་རྣམས་ཀྱིས་ཐུབ་དབང་རྣམས་ཀྱི་སྐུ། །གསེར་སྦྱངས་བཙོ་མ་བྱི་དོར་བྱས་པ་ལྟར། །འོད་ཆགས་འབར་བ་དེ་དག་བྱུག་པར་གྱི། །ཐུབ་དབང་མཆོད་གནས་མཆོག་ལ་ཡིད་འོང་བའི། །མེ་ཏོག་མནྡྷ་ར་དང་པདྨ་དང༌། །ཨུཏྤལ་ལ་སོགས་དྲི་ཞིམ་ཐམས་ཅད་དང༌། །ཕྲེང་བ་སྤེལ་ལེགས་ཡིད་འོང་རྣམས་ཀྱིས་མཆོད། །སྤོས་མཆོག་ཡིད་འཕྲོག་དྲི་ངད་ཁྱད་པ་ཡི། །བདུག་པའི་སྤྲིན་ཚོགས་རྣམས་ཀྱང་དེ་ལ་དབུལ། །ཞལ་ཟས་བཟའ་བཏུང་སྣ་ཚོགས་བཅས་པ་ཡི། །ལྷ་བཤོས་རྣམས་ཀྱང་དེ་ལ་དབུལ་བར་བགྱི། །གསེར་གྱི་པདྨ་ཚར་དུ་དངར་བ་ཡི། །རིན་ཆེན་སྒྲོན་མ་རྣམས་ཀྱང་དབུལ་བར་བགྱི། །ས་གཞི་བསྟར་བ་སྤོས་ཀྱིས་བྱུགས་པ་དེར། །མེ་ཏོག་ཡིད་འོང་སིལ་མ་དགྲམ་པར་བྱ། །གཞལ་མེད་ཕོ་བྲང་བསྟོད་དབྱངས་ཡིད་འོང་ལྡན། །མུ་ཏིག་རིན་ཆེན་རྒྱན་འཕྱང་མཛེས་འབར་བ། །དཔག་ཡས་ནམ་མཁའི་རྒྱན་གྱུར་དེ་དག་ཀྱང༌། །ཐུགས་རྗེའི་རང་བཞིན་ཅན་ལ་དབུལ་བར་བགྱི། །རིན་ཆེན་གདུགས་མཛེས་གསེར་གྱི་ཡུ་བ་ཅན། །འཁོར་ཡུག་རྒྱན་གྱི་རྣམ་པ་ཡིད་འོང་ལྡན། །


JLAZ010_Page_0419
[མ་དཔེ་གཟིགས་ན་འདིར་གནོན།]

དབྱིབས་ལེགས་བལྟ་ན་སྡུག་པ་སྒྲེང་པ་ཡང༌། །རྟག་ཏུ་ཐུབ་དབང་རྣམས་ལ་དབུལ་བར་བགྱི། །དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སིམས་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །དམ་ཆོས་དཀོན་མཆོག་ཐམས་ཅད་དང༌། །མཆོད་རྟེན་རྣམས་དང་སྐུ་གཟུགས་ལ། །རིན་ཆེན་མེ་ཏོག་ལ་སོགས་ཆར། །རྒྱུན་མི་ཆད་པར་འབབ་པར་ཤོག །ཇི་ལྟར་འཇམ་དབྱངས་ལ་སོགས་པས། །རྒྱལ་བ་རྣམས་ལ་མཆོད་མཛད་པ། །དེ་ལྟར་བདག་གིས་དེ་བཞིན་གཤེགས། །མགོན་པོ་སྲས་དང་བཅས་རྣམས་མཆོད། །ཡོན་ཏན་རྒྱ་མཚོ་རྣམས་ལ་བདག །བསྟོད་དབྱངས་ཡན་ལག་རྒྱ་མཚོས་བསྟོད། །བསྟོད་དབྱངས་སྙན་སྤྲིན་དེ་དག་ལ། །ངེས་པར་ཀུན་ཏུ་འབྱུང་གྱུར་ཅིག །དྲུག་པ་བསྙེན་པ་བྱ་བ་ནི། མདུན་བསྐྱེད་གསུང་རྡོ་རྗེ་འོད་དཔག་མེད་དུ་གསལ་བའི་ཐུགས་ཀར་ཉི་གདན་ལ་ཧྲཱིཿཡིག་དམར་པོས་མཚན་པའི་མཐའ་བསྐོར་དུ་སྔགས་ཕྲེང་གིས་བསྐོར་བ་ལས་འོད་ཟེར་འཕྲོས་པས་དོན་གཉིས་བྱས་པར་དམིགས་ལ། ཨོཾ་ཨ་མི་ཏ་བྷ་ཧྲཱིུཿཨཱཾ་ཨ་རོ་ལིཀ་ཧཱུྃ། ཞེས་བཟླ། བདུན་པ་ལས་སྦྱོར་ལ་གཉིས་ལས་དང་པོ་གསོན་པོའི་དོན་དུ་ཚེ་སྒྲུབ་བྱེད་ན་


JLAZ010_Page_0420
[མ་དཔེ་གཟིགས་ན་འདིར་གནོན།]

ཕྱག་མཚན་ཚེ་བུམ་དུ་སྒྱུར། སྙིང་གར་པདྨ་འདབ་བཞིའི་དབུས་སུ་ཉི་སྟེང་ཧྲཱིཿདམར་པོ་ལས་འོད་ཟེར་ཀུན་ཏུ་འཕྲོས་པས་ཕྱོགས་བཅུའི་སངས་རྒྱས་བྱང་སེམས་ཉི་ཟླ་ལ་སོགས་པའི་ཚེ་དང་བསོད་ནམས་གཟི་བརྗིད་ཐམས་ཅད་བསྡུས་པས་རང་ལུས་གང་བར་བསམས་ཏེ། རླུང་ཁ་སྦྱར་ནས་ཐུགས་སྲོག་ལ་ཡིད་བཟླས་བྱ། ཐུན་བསྡུ་བ་ན་སྣོད་བཅུད་འོད་དུ་ཞུ་བའི་དྭངས་མ་ཧྲཱིཿཡིག་ལ་བསྡུས་པས་རྡོ་རྗེའི་སྲོག་ཐོབ་པར་བསམ་ལ་དགེ་བ་བསྔོ་བར་བྱའོ། །གཉིས་པ་ཁྲུས་ཆོག་འབྲེལ་བར་གཤིན་པོ་ལ་ལམ་བསྟན་བྱེད་ན། ཁྲུས་བུམ་དུ་བྱང་ཆུབ་སེམས་དཔའ་ནམ་མཁའི་སྙིང་པོ་རལ་གྲི་དང་དྲིལ་བུ་འཛིན་པ་བསྐྱེད་ལ། ཏྲཱཾ་ཨ་གརྦྷ་ཡ་སརྦ་དུརྒ་ཏེ་སརྦ་པཱ་པཾ་ཤཱིནྟཾ་ཀུ་རུ་སྭཱ་ཧཱ། ཞེས་བཟླས་ལ་མཐར་ཡེ་ཤེས་པ་གཤེགས། དམ་ཚིག་པ་འོད་ཞུ་བྱའོ། །རང་གཞན་གང་གི་དོན་ཡིན་ཡང༌། འདི་ནི་ཚོགས་བསགས་པ་དང་ཞིང་ཁམས་སྦྱོང་བ་གཙོ་བོར་གྱུར་བའི་ལམ་ཡིན་པས་བཟླས་པ་བརྒྱ་འཁོར་རེའི་མཚམས་སུ་ཡན་ལག་བདུན། ཨོཾ་ཨཱ་ཧཱུྃ་གིས་དུང་ཆོས་ཀྱི་ཆུ་མཆོད་ཡོན་དུ་ཕུལ་བ་དང་བཟང་སྤྱོད་སྦྲེལ་ནས་གྲངས་གསོག་བྱ་ལ་གསོན་གཤིན་གཉིས་ཀའི་དོན་ལ་འདྲའོ། །གཤིན་པོ་ལ་ལམ་བསྟན་གྱི་ཚེ་དང་པོ་རྟེན་ལ་རྣམ་ཤེས་དགུག་པ་ནི། སྟོང་པའི་ངང་ལས་པདྨ་དང་ཟླ་བའི་གདན་ལ་ནྲི་ཡོངས་སུ་གྱུར་པ་ལས་ཚེ་འདས་ཀྱི་ཕུང་པོ་དང་སྐྱེ་མཆེད་ལ་སོགས་པ་གསོན་གྱི་གནས་སྐབས་ཇི་ལྟ་བར་གྱུར།


JLAZ010_Page_0421
[མ་དཔེ་གཟིགས་ན་འདིར་གནོན།]

ན་མོ། རྗེ་བཙུན་རྩ་བ་དང་བརྒྱུད་པར་བཅས་པའི་བླ་མ་དམ་པ་རྣམས་ཀྱི་བདེན་པ་དང༌། དཀོན་མཆོག་གསུམ་གྱི་བདེན་པ་དང༌། ཆོས་ཉིད་རང་བཞིན་གྱི་རྣམ་པར་དག་པའི་བདེན་པ་དང༌། ཆོས་ཅན་རྒྱུ་འབྲས་བསླུ་བ་མེད་པའི་བདེན་པ་དང༌། ཁྱད་པར་དུ་བཅོམ་ལྡན་འདས་མགོན་པོ་འོད་དཔག་མེད་འཁོར་དང་བཅས་པའི་བདེན་པ་དང༌། ཐུགས་བསྐྱེད་དང་སྨོན་ལམ་བསམ་གྱིས་མི་ཁྱབ་པའི་བྱིན་རླབས་ལ་བརྟེན་ནས་ཚེ་ལས་འདས་པ་ཆྒཻ་མོའི་རྣམ་པར་ཤེས་པ་འགྲོ་བ་རིགས་དྲུག་སྲིད་པ་བར་དོ་གང་ན་གནས་ཀྱང་རྟེན་འདི་ལ་མཆིས་པར་གྱུར་ཅིག །ལན་གསུམ། གཉིས་པ་བགེགས་ལ་གཏོར་མ་སྦྱིན་པ་ནི། ཨོཾ་སརྦ་བིགྷ་ནན་ན་མཿ སརྦ་ཏ་ཐཱ་ག་ཏ་བྷྱོ་བི་ཤྭ་མུ་ཁེ་བྷྱཿསརྦ་ཏད་ཁཾ་ཨུཏྒ་ཏེ་སྥ་ར་ཎ་ཧི་མཾ་ག་ག་ན་ཁཾ་ཚེ་ལས་འདས་པའི་སྡིག་པ་སྦྱོང་བ་ལ་བར་དུ་གཅོད་པའི་བགེགས་རྣམས་གཏོར་མ་འདིས་བརྔན་གྱིས་ལ་སོང་ཞིག །ལན་གསུམ། ཏིང་ལོ་ཆང་བུ་དང་བཅས་བསྐོར་ཞིང༌། ཨོཾ་སུཾ་བྷ་ནི་སུཾ་བྷ་ཧཱུྃཿགྲྀ་ཧྞཱ་གྲྀ་ཧྞཱ་ཧཱུྃཿགྲྀ་ཧྞཱ་པཱ་ཡ་གྲྀ་ཧྞཱ་པཱ་ཡ་ཧཱུྃཿཨཱ་ན་ཡ་ཧོཿབྷ་ག་ཝཱན་བིདྱཱ་རཱ་ཛ་ཡ་ཧཱུྃ་ཕཊཿཏིང་ལོས་སྣང་བ་དང་ཆངས་བུས་བཟའ་བ་གྱིས་ལ་སོང་ཞིག །གསུམ་པ་མཚམས་བཅད་པ་ནི། མེའི་རྒྱ་བསྟན་ཏེ། ཨོཾ་བཛྲ་ཛྭ་ལ་ཨ་ན་ལ་ཧ་ན་ད་ཧ་པ་ཙ་མ་ཐ་བྷཉྫ་རཎྞ་ཧཱུྃ་ཕཊཿབཞི་པ་སྡིག་པ་སྦྱོང་བ་ལ་ལྔ་ལས། དང་པོ་རིག་སྔགས་ཀྱིས་སྦྱོང་བ་ནི་རྣམ་རྒྱལ་མའི་རྩ་རིགས་ཡིག་བརྒྱ་སོགས་བཟླས་པའི་བྱེ་མ་དང་


JLAZ010_Page_0422
[མ་དཔེ་གཟིགས་ན་འདིར་གནོན།]

ཡུངས་ཀར་གྱིས་བྲབ་ཅིང༌། ཨོཾ་ཤྭ་དྷ་ནི་ཤྭ་དྷ་ནི་སརྦ་པཱ་པཾ་བི་ཤོ་དྷ་ནི་ཤུདྡྷེ་བི་ཤུདྡྷེ་སརྦ་ཀརྨཱ་ཨཱ་ཝ་ར་ནི་བི་ཤུདྡྷེ་སྭཱ་ཧཱ། ཨོཾ་ན་མོ་བྷ་ག་ཝཱ་ཏེ་སརྦ་དུརྒ་ཏེ་པ་རི་ཤྭ་དྷ་ནི་རཱ་ཛ་ཡ། ཏ་ཐཱ་ག་ཏ་ཡ། ཨརྷ་ཏེ་སམྱཀྶཾ་བྷུདྡྷ་ཡ། ཏདྱ་ཐཱ། ཨོཾ་ཤྭ་དྷ་ནི་ཤྭ་དྷུ་ནི། བི་ཤྭ་དྷ་ནི་བི་ཤྭ་དྷ་ནི། སརྦ་པཱ་པཾ་བི་ཤྭ་དྷ་ནི་ཤུདྡྷེ་བི་ཤུདྡྷེ་སརྦ་ཀརྨཱ་ཨ་བ་ར་ཎ་བི་ཤུདྡྷེ་སྭཱ་ཧཱ། ཨོ་སརྦ་བིདྱཱ་སརྦ་ཨཱ་ཝ་ར་ཎ་བི་ཤྭ་དྷ་ཡ་ཧ་ན་ཧཱུྃ་ཕཊཿཨོཾ་སརྦ་བིད་ཧཱུྃ། ཨོཾ་སརྦ་བིད་ཕཊཿཨོཾ་སརྦ་བིད་ཨཱཿཨོཾ་སརྦ་བིད་ཏྲཊཿཨོཾ་སརྦ་བིད་ཨོཾཿཨོཾ་སརྦ་བིད་སྭཱཿཨོཾ་སརྦ་བིད་ཨཱཿཨོཾ་སརྦ་བིད་ཧཱུྃཿཨོཾ་སརྦ་བིད་ཏྲཊཿཨོཾ་ཤཿཨོཾ་བྷཿརིག་པ་ཆེན་པོ་འདིའི་བྱིན་རླབས་ཀྱིས་ཚེ་ལས་འདས་པའི་སྡིག་སྒྲིབ་དང་ངན་སོང་ཐམས་ཅད་ཤཱིནྟཾ་ཀུ་རུ་སྭཱ་ཧཱ། ཞེས་གང་མང་བརྗོད། གཉིས་པ་བུམ་ཆུས་མེ་ལོང་ངོས་སམ། རུས་བུ་སོགས་ལ་དངོས་སུ་བཀྲུ་ཤིང༌། འོད་དཔག་མེད་མགོན་སྨོན་ལམ་དང༌། །ནམ་མཁའི་སྙིང་པོའི་ཐུགས་བསྐྱེད་དང༌། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །སྦྱིན་པའི་ཆུ་བོ་ལ་བརྟེན་ནས། །སེར་སྣའི་རྒྱུ་འབྲས་དག་པར་ཤོག །ཨོཾ་ཨ་མི་ཏེ་ཨ་མི་ཏེ། ཨ་མི་ཏོད་བྷ་བེ། ཨ་མི་ཏ་སཾ་བྷ་བེ། ཨ་མི་ཏ་བི་ཀྲནྟེ། ཨ་མི་ཏ་བི་ཀྲནྟེ་ག་མི་ནི་སརྦ་ཀརྨ་ཀླེ་ཤ་ཀྵ་ཡཾ་ཀ་ར་སྭཱ་ཧཱ། ནམཿ ས་མནྟ་བུདྡྷཱ་ནཱཾ། ཨཱ་ཀ་ཤ་ས་མ་


JLAZ010_Page_0423
[མ་དཔེ་གཟིགས་ན་འདིར་གནོན།]

ཏ་ནུ་ག་ཏ་པི་ཙི་ཏྲཾ་བ་ར་དྷ་ར་སྭཱ་ཧཱ། སྤྱན་རས་གཟིགས་ཀྱི་སྙིང་རྗེ་དང༌། །ནམ་མཁའི་སྙིང་པོའི་ཐུགས་བསྐྱེད་དང༌། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །ཚུལ་ཁྲིམས་ཆུ་བོ་ལ་བརྟེན་ནས། །ཁྲིམས་འཆལ་རྒྱུ་འབྲས་དག་པར་ཤོག །ན་མཿ ས་མནྟ་བུདྡྷཱ་ནཱཾཿསརྦ་ཏ་ཐཱ་ག་ཏ་ཨ་ཝ་ལོ་ཀི་ཏེ་ཀཱ་རུ་ཎ་མཱ་ལ་ར་ར་ར་ཧཱུྃ་ཛ་སྭཱ་ཧཱ། མཐུ་ཆེན་ཐོབ་པའི་ནུས་སྟོབས་དང༌། །ནམ་མཁའི་སྙིང་པོའི་ཐུགས་བསྐྱེད་དང༌། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །བཟོད་པའི་ཆུ་བོ་ལ་བརྟེན་ནས། །ཁོང་ཁྲོའི་རྒྱུ་འབྲས་དག་པར་ཤོག །ན་མཿ ས་མནྟ་བུདྡྷ་ནཱཾ་ཛིཾ་ཛིཾ་སྭཱ་ཧཱ། སྒྲིབ་པ་རྣམ་སེལ་བྱིན་རླབས་དང༌། ནམ་མཁའི་སྙིང་པོའི་ཐུགས་བསྐྱེད་དང༌། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས༌། །བརྩོན་འགྲུས་ཆུ་བོ་ལ་བརྟེན་ནས། །ལེ་ལོའི་རྒྱུ་འབྲས་དག་པར་ཤོག །ན་མཿ ས་མནྟ་བུདྡྷ་ནཱཾ། ཨཥྟ་ས་ཏྭ་ཧི་ཏ་ཨ་བྷྱ་ག་ཏ་ཏཾ་ཏཾ་རཾ་རཾ་སྭཱ་ཧཱ། བྱམས་པ་དང་ནི་སའི་སྙིང་པོ། །ནམ་མཁའི་སྙིང་པོའི་ཐུགས་བསྐྱེད་དང༌། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །བསམ་གཏན་ཆུ་བོ་ལ་བརྟེན་ནས། །རྣམ་གཡེང་རྒྱུ་འབྲས་དག་པར་ཤོག །ན་མཿ ས་མནྟ་བུདྡྷ་ནཱཾ། ཨ་ཛི་ཏཉྫ་ཡ་སརྦ་ཏྭ་ཤ་ཡ་ཨ་ནུ་ག་ཏ་སྭཱ་ཧཱ། ཧ་ཧ་ཧ་བུ་ན་ཏ་ནུ་སྭཱ་


JLAZ010_Page_0424
[མ་དཔེ་གཟིགས་ན་འདིར་གནོན།]

ཧཱ། འཇམ་དཔལ་དབྱངས་དང་ཀུན་ཏུ་བཟང༌། །ནམ་མཁའི་སྙིང་པོའི་ཐུགས་བསྐྱེད་དང༌། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་རྣམས་ལ་ཕན་འདོད་པས། །ཤེས་རབ་ཆུ་བོ་ལ་བརྟེན་ནས། །རྨོངས་པའི་དྲི་མ་དག་པར་ཤོག །ན་མཿ ས་མནྟ་བུདྡྷ་ནཱཾ། ཧེ་ཧེ་ཀུ་མ་རཱ་ཀ་ནི་མུགྟེ་པ་ཐ་པ་ཐ་ཏ་སྨ་ར་སྨ་ར་པྲ་ཏི་ཛྙཱ་ན་སྭཱ་ཧཱ། ས་མནྟ་ནུ་ཀ་ཏ་བི་རཱ་ག་དྷརྨཱ་ནི་རཱ་ཛ་ཏ་མ་ཧཱ་མ་ཧཱ་སྭཱ་ཧཱ། གསུམ་པ་མཆོག་གསུམ་གྱི་བདེན་པས་སྦྱོང་བ་ནི། འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་སངས་རྒྱས་དུག་མི་མངའ། །སངས་རྒྱས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་དམ་ཆོས་དུག་མི་མངའ། །དམ་ཆོས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་དགེ་འདུན་དུག་མི་མངའ། །དགེ་འདུན་བདེན་པས་དུག་བཅོམ་མོ། །བཞི་པ་འབྱུང་བཞིའི་དུག་སྦྱོང་བ་ནི། སོ་སོའི་སྟེང་དུ་ཀུ་ཤས་དབྱུང་བའི་ཚུལ་དུ༌། ས་ནི་དུག་གི་ཕ་ཡིན་ཏེ། །ས་ནི་དུག་གི་མ་ཡང་ཡིན༌། །བདེན་པའི་བདེན་ཚིག་འདི་བརྗོད་པས། །དུག་གསུམ་ས་ཡི་ནང་དུ་སོང༌། །ཆུ་ནི་དུག་གི་ཕ་ཡིན་ཏེ། །ཆུ་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་ཆུ་ཡི་ནང་དུ་སོང༌། །མེ་ནི་དུག་གི་ཕ་ཡིན་ཏེ། །མེ་ནི་དུག་གི་མ་ཡང་ཡིན། །


JLAZ010_Page_0425
[མ་དཔེ་གཟིགས་ན་འདིར་གནོན།]

བདེན་པའི་བདེན་ཚིག་འདི་བརྗོད་པས། །དུག་གསུམ་མེ་ཡི་ནང་དུ་སོང༌། །རླུང་ནི་དུག་གི་ཕ་ཡིན་ཏེ། རླུང་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་རླུང་གི་ནང་དུ་སོང༌། །ལྔ་པ་ཤིས་པ་བརྗོད་པ་ནི། བྱང་ཆུབ་སྙིང་པོར་གཤེགས་པ་ན། །ས་རྣམས་དྲུག་པོ་གཡོས་གྱུར་ཅིང༌། །བདུད་ཡིད་མི་བདེར་གྱུར་པ་དེས། །ཁྱེད་ལ་བདེ་ལེགས་མཛད་པར་གྱུར། །ཆོས་ཀྱི་འཁོར་ལོ་བསྐོར་བ་ན། །འཕགས་པའི་བདེན་པ་རྣམས་གསུང་ཞིང༌། །ཐུབ་པའི་སྙན་པ་གང་བྱུང་དེས། །ཁྱེད་ལ་བདེ་ལེགས་མཛད་པར་གྱུར། །ཡིད་འཕྲོག་གང་ཞིག་མུ་སྟེགས་བྱེད། ཐམས་ཅད་ཆོས་ཀྱི་ཕམ་མཛད་ཅིང༌། །ཚོགས་ཀུན་དབང་དུ་མཛད་པ་དེས། །ཁྱེད་ལ་བདེ་ལེགས་མཛད་པར་གྱུར། །དེ་ནས་ཟས་བསྔོ་བ་ནི། བཟའ་བཏུང་གྱ་ནོམ་པ་དང༌། དྲི་བསུང་ཞིམ་པོའང་སྦྱང་ལ། ཨ་ཀཱ་རོས་བསྔོས་ལ། འགྲོ་བ་གང་དག་སྔ་མའི་ལུས་རྟེན་བོར་ཕྱི་མའི་ལུས་མ་རྙེད། སྲིད་པ་བར་དོར་ཉམ་ང་བའི་འཕྲང་ལ་སྐྱབས་དང་སྐྱོབ་པ་མེད་པ། མགོན་དང་དཔུང་གཉེན་བྲལ་བ། མིང་བཞི་འདུས་པའི་ཕུང་པོ། ཚོར་བ་སྡུག་བསྔལ་གྱི་རང་བཞིན། འཇིགས་སྐྲག་འཁྲུལ་སྣང་གིས་མནར་བ་གར་འགྲོའི་གཏད་པ་དང་བྲལ་བའི་བར་དོའི་སེམས་ཅན་ཆྒཻ་མོས་གཙོ་བྱས་པ་རྣམས་ལ་འབུལ་ལོ། །


JLAZ010_Page_0426
[མ་དཔེ་གཟིགས་ན་འདིར་གནོན།]

བར་དོའི་སྡུག་བསྔལ་དང་བྲལ་ནས་མྱུར་དུ་བླ་ན་མེད་པའི་བྱང་ཆུབ་ཐོབ་པར་གྱུར་ཅིག །ན་མོ། བདག་གི་བསམ་པའི་སྟོབས་དང་ནི། །དེ་བཞིན་གཤེགས་པའི་སྦྱིན་སྟོབས་དང༌། །ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །འཕགས་པ་རྣམས་ལ་མཆོད་པ་དང༌། །སེམས་ཅན་རྣམས་ལ་ཕན་གདགས་སླད། །དོན་རྣམས་གང་དག་བསམ་པ་ཀུན། །དེ་དག་ཐམས་ཅད་ཅི་རིགས་པ། །ཐོགས་པ་མེད་པར་འགྲུབ་གྱུར་ཅིག །སྡིག་པ་ཅི་ཡང་མི་བྱ་ཞིང༌། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །གསུམ་པ་རྗེས་ཀྱི་རིམ་པ་ལ་ལྔ་ལས། དང་པོ་བཤགས་པ་དང་འབྲེལ་བར་ཐུགས་རྗེ་བསྐུལ་བ་ནི། ཕྱོགས་རྣམས་ཀུན་ན་བཞུགས་པ་ཡི། །རྫོགས་སངས་རྒྱས་དང་དེ་ཡི་སྲས། །ཐུགས་རྗེ་ཆེན་པོ་མངའ་རྣམས་ལ། །ཐལ་མོ་སྦྱར་ཏེ་གསོལ་བ་ནི། །ཐོག་མ་མེད་ལྡན་འཁོར་བ་ནས། །ཚེ་རབས་འདིའམ་གཞན་དག་ཏུ། །བདག་གིས་མ་འཚལ་སྡིག་བགྱིས་པ། །བགྱིད་དུ་སྩལ་བ་ཉིད་དང་ནི། །གཏི་མུག་འཁྲུལ་པས་བདག་ནོན་ཏེ། །རྗེས་སུ་ཡི་རང་གང་ཡིན་པ། །ནོངས་པ་དེ་ནི་མཐོང་བགྱིས་ནས། །བསམ་པ་ཐག་པས་མགོན་ལ་བཤགས། །བདག་གི་དཀོན་མཆོག་གསུམ་དང་ནི། །ཕ་


JLAZ010_Page_0427
[མ་དཔེ་གཟིགས་ན་འདིར་གནོན།]

མའམ་བླ་མ་གཞན་དག་ལ། །ཉོན་མོངས་སྒོ་ནས་ལུས་ངག་དང༌། །ཡིད་ཀྱིས་གནོད་བགྱིས་གང་ལགས་དང༌། །ཉེས་པ་དུ་མས་སྐྱོན་ཆགས་པའི། །སྡིག་ཅན་བདག་གི་སྡིག་པ་གང༌། །ཤིན་ཏུ་མི་བཟད་བགྱིས་པ་དེ། །ཐམས་ཅད་འདྲེན་པ་རྣམ་ལ་བཤགས། །བདག་གི་སྡིག་པ་མ་བྱང་བར། །སྔོན་དུ་འགུམ་པར་འགྱུར་དུ་འཆི། །དེ་བས་འདི་ལས་ངེས་ཐར་བྱ། །མྱུར་བའི་ཚུལ་གྱིས་བསྐྱབ་ཏུ་གསོལ། །ཡིད་བརྟན་མི་རུང་འཆི་བདག་འདི། །བྱས་དང་མ་བྱས་མི་སྡོད་པས། །ན་དང་མི་ན་ཀུན་ཀྱི་ཀྱང༌། །གློ་བུར་ཚེ་ལ་ཡིད་མི་བརྟན། །ཐམས་ཅད་བོར་ཏེ་ཆ་དགོས་པར། །བདག་གིས་དེ་ལྟར་མ་ཤེས་པས། །མཛའ་དང་མི་མཛའི་དོན་གྱིས་ཕྱིར། །སྡིག་པ་རྣམ་པ་སྣ་ཚོགས་བྱས། །མི་མཛའ་རྣམས་ཀྱང་མེད་འགྱུར་ཞིང༌། །མཛའ་བ་རྣམས་ཀྱང་མེད་པར་འགྱུར། །རྨི་ལམ་ཉམས་སུ་མྱོང་བ་བཞིན། །དངོས་པོ་གང་དང་གང་སྤྱད་པ། །དེ་དེ་དྲན་པའི་ཡུལ་དུ་འགྱུར། །འདས་པ་ཐམས་ཅད་མཐོང་མི་འགྱུར། །རེ་ཞིག་གསོན་ཚེ་འདི་ཉིད་ལ། །མཛའ་དང་མི་མཛའ་དུ་མ་འདས། །དེ་དག་དོན་དུ་བྱས་པའི་སྡིག །མི་བཟད་གང་ཡིན་མདུན་ན་གནས། །དེ་ལྟར་བདག་ནི་


JLAZ010_Page_0428
[མ་དཔེ་གཟིགས་ན་འདིར་གནོན།]

གློ་བུར་ཞེས། །བདག་གིས་རྟོགས་པར་མ་གྱུར་པས། །གཏི་མུག་ཆགས་དང་ཞེ་སྡང་གིས། །སྡིག་པ་རྣམ་པ་དུ་མ་བྱས། །ཉིན་མཚན་སྡོད་ས་ཡོད་མེད་པར། །ཚེ་འདི་རྟག་ཏུ་གོད་འགྱུར་ཞིང༌། །བསྣོན་པ་གུད་ནས་འོང་མེད་ན། །བདག་ལྟ་འཆི་བར་ཅིས་མི་འགྱུར། །བདག་ནི་མལ་ན་འདུག་བཞིན་དུ། །གཉེན་བཤེས་ཀུན་ཀྱིས་མཐའ་བསྐོར་ཀྱང༌། །སྲོག་འཆད་པ་ཡི་ཚོར་བ་དག །བདག་ཉིད་གཅིག་པུས་མྱོང་བར་འགྱུར། །གཤིན་རྗེའི་ཕོ་ཉས་ཟིན་པ་ལ། །གཉེན་གྱིས་ཅི་ཕན་བཤེས་ཅི་ཕན། །དེ་ཚེ་བསོད་ནམས་སྐྱབས་གཅིག་པ། །དེ་ཡང་བདག་གིས་མ་བསྟེན་ཏོ། །མགོན་པོ་བག་མེད་བདག་གིས་ནི། །འཇིགས་པ་འདི་འདྲ་མ་འཚལ་ནས། །མི་རྟག་ཚེ་འདིའི་ཆེད་དག་ཏུ། །སྡིག་པ་མང་པོ་ཉེ་བར་བསྒྲུབས། །སྐྱེ་བོ་ཡན་ལག་བཅད་པའི་སར། །དེ་རིང་ཁྲིད་པའང་བྲེད་གྱུར་ཏེ། །ཁ་སྐམ་མིག་རྩ་ངན་ལ་སོགས། །སྔ་ལས་གཞན་དུ་འགྱུར་སྣང་ན། །གཤིན་རྗེའི་ཕོ་ཉ་འཇིགས་འཇིགས་ལྟའི། །ཤ་ཚུགས་ཅན་གྱིས་བཟུང་འགྱུར་ཞིང༌། །འཇིགས་ཆེན་ནད་ཀྱིས་ཐེམས་གྱུར་པ། །རབ་ཏུ་ཉམ་ཐག་སྨོས་ཅི་དགོས། །སུ་ཞིག་འཇིགས་ཆེན་འདི་ལས་བདག །ལེགས་པར་སྐྱོབ་པར་བྱེད་


JLAZ010_Page_0429
[མ་དཔེ་གཟིགས་ན་འདིར་གནོན།]

འགྱུར་ཞེས། །བྲེད་ཤ་ཐོན་པའི་མིག་བགྲད་ནས། །ཕྱོགས་བཞིར་སྐྱབས་དག་འཚོལ་བར་བྱེད། །ཕྱོགས་བཞིར་སྐྱབས་མེད་མཐོང་ནས་ནི། །དེ་ནས་ཀུན་ཏུ་ཡི་མུག་འགྱུར། །གནས་དེར་སྐྱབས་ཡོད་མ་ཡིན་ན། །དེ་ཚེ་བདག་གིས་ཇི་ལྟར་བྱ། །དེ་བས་རྒྱལ་བ་འགྲོ་བའི་མགོན། །འགྲོ་བ་སྐྱོབ་པའི་དོན་བརྩོན་པ། །སྟོབས་ཆེན་འཇིགས་པ་ཀུན་སེལ་བ། །དེ་རིང་ཉིད་ནས་སྐྱབས་སུ་མཆི། །དེ་ཡི་ཐུགས་སུ་ཆུད་པའི་ཆོས། །འཁོར་བའི་འཇིགས་པ་སེལ་བ་དང༌། །བྱང་ཆུབ་སེམས་དཔའི་ཚོགས་ལ་ཡང༌། །དེ་བཞིན་ཡང་དག་སྐྱབས་སུ་མཆི། །བདག་ནི་འཇིགས་པས་རྣམ་སྐྲག་པས། །ཀུན་ཏུ་བཟང་ལ་བདག་ཉིད་དབུལ། །འཇམ་པའི་དབྱངས་ལའང་བདག་ཉིད་ཀྱིས། །བདག་གིས་ལུས་འདི་དབུལ་བར་བགྱི། །ཐུགས་རྗེའི་སྤྱོད་པ་མ་འཁྲུལ་བའི། །སྤྱན་རས་གཟིགས་མགོན་དེ་ལ་ཡང༌། །ཉམ་ཐག་ང་རོས་འོ་དོད་འབོད། །སྡིག་ལྡན་བདག་ལ་བསྐྱབ་ཏུ་གསོལ། །འཕགས་པ་ནམ་མཁའི་སྙིང་པོ་དང༌། །ས་ཡི་སྙིང་པོ་དག་དང་ནི། །ཐུགས་རྗེ་ཆེ་མགོན་ཐམས་ཅད་ལ། །སྐྱབས་འཚོལ་སྙིང་ནས་འོ་དོད་འབོད། །གང་ཞིག་མཐོང་ན་གཤིན་རྗེ་ཡི། །


JLAZ010_Page_0430
[མ་དཔེ་གཟིགས་ན་འདིར་གནོན།]

ཕོ་ཉ་ལ་སོགས་སྡང་བ་རྣམས། །སྐྲག་ནས་ཕྱོགས་བཅུར་འབྱེར་བྱེད་པ། །རྡོ་རྗེ་ཅན་ལ་སྐྱབས་སུ་མཆི། །སྔོན་ཆད་ཁྱོད་ཀྱི་བཀའ་ལས་འདས། །ད་ནི་འཇིགས་པ་ཆེར་མཐོང་ནས། །ཁྱེད་ལ་སྐྱབས་སུ་མཆི་ལགས་ཀྱིས། །འཇིགས་པ་མྱུར་དུ་བསལ་དུ་གསོལ། །ཞེས་གཞན་དོན་ལ་ཚིག་ཕྲད་བསྒྱུར། དེ་ནས་སྦྱོང་བ་དང་འབྲེལ་ན་ལམ་བསྟན་པ་ནི། ཉོན་ཅིག་ཚེ་འདས་རིགས་ཀྱི་བུ། །འཁོར་བ་སྡུག་བསྔལ་ཅན་ཕུང་པོར། །འགྱུར་དང་འདུ་བྱེད་ཉིང་འཁྲུལ་ཅན། །ལས་ལ་སྐྱེ་ཞིང་ལས་ལ་བརྟེན། །དེ་ཕྱིར་དེ་ལ་མ་ཆགས་པར། །བླ་མ་དཀོན་མཆོག་རྣམས་ཀྱི་མཐུ། །དད་པའི་ཡུལ་ལ་ཤིན་ཏུ་སྣང༌། །མོས་གུས་བསྐྱེད་ཅིག་རིགས་ཀྱི་བུ། །འདི་ནས་ནུབ་ཀྱི་ཕྱོགས་རོལ་ན། །བདེ་བ་ཅན་གྱི་ཞིང་ཁམས་ཡོད༌། །མགོན་པོ་འོད་དཔག་མེད་པ་བཞུགས། །གང་ཞིག་ཡིད་ལ་དྲན་པའི་མོད། །ཁྱེད་ཀྱང་དེ་རུ་ཕྱིན་འགྱུར་བས། །མགོན་པོ་དེ་ཡི་མཚན་ཟུང་ལ། །ཡིད་གཉིས་སྤོངས་ལ་དེར་གཤེགས་ཤིག །སྦྱང་བྱའི་རྣམ་ཤེས་ཧཱུྃ་གི་རྣམ་པ་བདེ་བ་ཅན་དུ་འཕངས་པའི་དེ་མ་ཐག་བྱང་བུ་བསྲེག་ཅིང༌། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །སོགས་ཀྱིས་སྨོན་ལམ་བཏབ། གཉིས་པ་ཐུན་མཚམས་ཀྱི་རྣལ་འབྱོར་ནི། སྔགས་སྤྱིའི་བསྐྱེད་རིམ་ལྟར་རྟག་ཆད་ཀྱི་མཐའ་བསལ་བའི་དོན་


JLAZ010_Page_0431
[མ་དཔེ་གཟིགས་ན་འདིར་གནོན།]

ལ་འཇུག་མི་དགོས་ཏེ། འཇིག་རྟེན་གྱི་ཁམས་བདེ་བ་ཅན་ནི་ད་ལྟ་འཚོ་ཞིང་གཞེས་པའི་སངས་རྒྱས་ཀྱི་ཞིང་ཡིན་པས་རྣམ་པ་ཐམས་ཅད་དུ་དེ་སྒོམ་ཞིང་ཡིད་ལ་བྱེད་པ་དང་མི་འབྲལ་བས་ཐ་མལ་གྱི་སྣང་བ་ཞིང་ཁམས་སུ་གོམས་པ་ལ་སློབ་པའི་ཚུལ། གང་ཞིག་སྟོན་པའི་མདོ་སྡེ་ལས། ཀུན་དགའ་བོ་གང་དག་ཡང་དེ་བཞིན་གཤེགས་པ་དེ་ཡིད་ལ་བྱེད་ཅིང་དགེ་བའི་རྩ་བ་མང་པོ་དཔག་ཏུ་མེད་པ་རྒྱུད་དུ་བསྐྱེད་ལ་སངས་རྒྱས་ཀྱི་ཞིང་དེ་ན་སེམས་ཡང་དག་པར་གཏོད་པ་དེ་དག་འཆི་བའི་དུས་ཉེ་བར་གནས་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་དེའི་ཁ་དོག་དང༌། དབྱིངས་དང༌། ཆུ་ཞིང་དང། ཞབས་འབྲིང་བ་དགེ་སློང་གི་དགེ་འདུན་ནི་འདྲ་བས་སངས་རྒྱས་ཀྱི་སྤྲུལ་པ་དག་མདུན་དུ་གནས་པར་གྱུར་ཏེ། དེ་དག་དེ་བཞིན་གཤེགས་པ་མཐོང་བའི་རབ་ཏུ་དང་བ་ལ་དམིགས་པའི་ཏིང་ངེ་འཛིན་དེ་དང་བརྗོད་པ་མེད་པའི་དྲན་པས་ཤི་འཕོས་ནས་སངས་རྒྱས་ཀྱི་ཞིང་དེ་ཉིད་དུ་སྐྱེ་བར་འགྱུར་རོ། །ཞེས་སོ། །དེ་བས་ན་དགེ་སློང་ཆོས་ཀྱི་འབྱུང་གནས་སྨོན་ལམ་ཕུན་ཚོགས་པ་དེའི་དམ་བཅའ་བསྐུལ་བའི་ཕྱིར། གལ་ཏེ་བདག་གིས་བྱང་ཆུབ་ཐོབ་ཚེ་སྨོན་ལམ་མཆོག །ཁྱད་པར་འཕགས་པ་རྣམ་པ་འདི་འདྲར་མ་གྱུར་ན། །སྟོབས་བཅུ་མངའ་བ་མཚུངས་པ་མ་མཆིས་སྦྱིན་པའི་གནས། །མི་ཡི་སེང་གེ་སེམས་ཅན་སྙིང་པོར་བདག་མ་གྱུར། །སེམས་ཅན་གང་དག་ང་ཡི་མིང་ཐོས་ནས། །ང་ཡི་ཞིང་དུ་རྟག་ཏུ་འོང་


JLAZ010_Page_0432
[མ་དཔེ་གཟིགས་ན་འདིར་གནོན།]

པར་ཤོག །ང་ཡི་སྨོན་ལམ་བཟང་པོ་དེ་རྫོགས་པས། །འཇིག་རྟེན་ཁམས་མང་དག་ནས་སེམས་ཅན་འོང༌། །དེ་དག་ང་ཡི་ཞིང་དུ་ལྷགས་ནས་ནི། །དེ་དག་སྐྱེ་བ་གཅིག་ལས་ཕྱིར་མི་ལྡོག །དེ་ཕྱིར་བྱང་ཆུབ་སེམས་དཔའ་གང་ཞིག་འདིར། །བདག་གི་ཞིང་ཡང་འདི་འདྲར་གྱུར་པ་དང༌། །བདག་གི་སྒྲ་དང་མིང་དང་ལྟ་བས་ཀྱང༌། །སེམས་ཅན་མང་པོ་གྲོལ་བར་བྱ་ཞེས་པའི། །བདེན་པའི་གསུང་ལ་ཡིད་གཉིས་གནས་མེད་ན། །ཚེ་འདིའི་འདུ་བྱེད་སྟོངས་པར་ཕྱོགས་པའི་ཚེ། །འོད་ནི་དཔག་མེད་གཟི་བརྗིད་དཔག་མེད་པ། །སྐུ་ཚེ་དཔག་མེད་དགེ་འདུན་དཔག་མེད་པ། །བྱང་ཆུབ་སེམས་དཔས་བསྐོར་ཞིང་མཛེས་གྱུར་བའི། །སངས་རྒྱས་བསོད་ནམས་ཕུང་པོ་མཐོང་བར་ཤོག །རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །པདྨོ་དམ་པ་ཤིན་ཏུ་མཛེས་ལས་སྐྱེས། །སྣང་བ་མཐའ་ཡས་རྒྱལ་བས་མངོན་སུམ་དུ། །ལུང་བསྟན་པ་ཡང་བདག་གིས་དེར་ཐོབ་ཤོག །གསུམ་པ་བསྔོ་བ་ནི། འགྲོ་ཀུན་དགེ་བ་ཇི་སྙེད་ཡོད་པ་དང༌། །བྱས་དང་བྱེད་འགྱུར་དེ་བཞིན་བྱེད་པ་དག །བཟང་པོ་ཇི་བཞིན་དེ་འདྲའི་ས་དག་ལ། །ཀུན་ནས་ཀུན་ཀྱང་བཟང་པོར་རེད་གྱུར་ཅིག །རྣམ་སྣང་མངོན་བྱས་ལས། སེམས་ཅན་ཐམས་ཅད་བདེ་གྱུར་ཅིག །ཐམས་ཅད་ནད་ཀྱང་མེད་པར་ཤོག །ཡང་ན་དེ་བཞིན་


JLAZ010_Page_0433
[མ་དཔེ་གཟིགས་ན་འདིར་གནོན།]

གཤེགས་བསྔགས་པའི། །འདོད་པ་ཕུན་སུམ་ཚོགས་གྱུར་ཅིག །ཡང་ན་སེམས་ཅན་ཐམས་ཅད་ཀྱང༌། །རེ་བ་ཐམས་ཅད་ཡོངས་རྫོགས་པ། །སྒྲིབ་པ་མེད་པའི་ཚུལ་གྱིས་སུ། །མ་ཐོགས་པར་ནི་འགྲུབ་པར་ཤོག །དུད་འགྲོ་གཅིག་ལ་གཅིག་ཟ་བའི། །སྡུག་བསྔལ་ནམ་ཡང་འབྱུང་མ་གྱུར། །ཡི་དྭགས་རྣམས་ལ་ཟས་སྐོམས་སོགས། །ཐོགས་པ་མེད་པར་འབྱུང་བར་ཤོག །སེམས་ཅན་དམྱལ་བའི་སྡུག་བསྔལ་གང༌། །མི་བཟད་རྣམ་པ་སྣ་ཚོགས་པ། །བདག་གི་བསོད་ནམས་མཐུ་ཡིས་ནི། །དེ་དག་མྱུར་དུ་ཞི་བར་གྱུར། །སེམས་ཅན་སྡུག་བསྔལ་ཐམས་ཅད་ལས། །སྙིང་རྗེ་ཆེན་པོ་སྐྱེས་ནས་ནི། །བསྒྲུབས་པ་དེ་དང་གཞན་དག་ཀྱང༌། །དེས་ནི་ཡང་དང་ཡང་དུ་བསམས། །ཇི་ལྟར་བསམ་པ་འགྲུབ་པར་ཤོག །བཞི་པ་བཀྲ་ཤིས་ནི། ཕུན་སུམ་ཚོགས་པ་མངའ་བ་གསེར་གྱི་རི་བོ་སོགས་བརྗོད། ལྔ་པ་ཕན་ཡོན་ནི། འོད་མདོ་ལས། གང་གིས་ཕྲ་རབ་རྡུལ་གྱི་འཇིག་རྟེན་ཁམས། །བཤིག་ཅིང་བཏགས་ཏེ་རྡུལ་དུ་བྱས་གྱུར་པར། །དེ་བས་མང་བའི་འཇིག་རྟེན་རྣམས་ཀྱི་ཁམས། །རིན་ཆེན་བཀང་སྟེ་སྦྱིན་པ་བྱིན་པ་ལས། །གང་གིས་འོད་དཔག་མེད་པའི་འོད་མཚན་དང༌། །བདེ་བ་ཅན་གྱི་ཡོན་ཏན་ཁྱད་འཕགས་རྣམས། །ཐོས་ནས་དགའ་སྟེ་ཐལ་མོ་སྦྱོར་བྱེད་པ། །བསོད་ནམས་འདི་ཡིས་ཆར་ཡང་འགྱུར་མ་ཡིན། །དེ་ལྟ་བས་ན་དེ་བཞིན་གཤེགས་པ་དེའི། །


JLAZ010_Page_0434
[མ་དཔེ་གཟིགས་ན་འདིར་གནོན།]

ཡོན་ཏན་ཐོས་ནས་མགུ་དང་དད་བསྐྱེད་ལ། བདེ་བ་ཅན་གྱི་འཇིགས་རྟེན་ཁམས་མཆོག་ཏུ། །འགྲོ་བར་བྱ་ཕྱིར་མོས་པ་དྲག་པོ་བསྐྱེད། །གང་གིས་བདེ་བ་ཅན་གྱི་འཇིག་རྟེན་ཀྱི། །མིང་ཐོས་པ་ཡི་བསོད་ནམས་དེ་ལ་ནི། །ཞིང་མཆོག་ཐ་གྲུ་ཆེན་པོ་དེ་དག་ཀུན། །ཆ་དང་དཔེར་ཡང་འགྱུར་བ་མ་ཡིན་ནོ། །ཞེས་དང༌། ཀུན་དགའ་བོ་ལོངས་ལ་ནུབ་ཕྱོགས་སུ་ཕྱོགས་ཏེ། མེ་ཏོག་གཏོར་ལ་ཐལ་མོ་སྦྱར་ཏེ། གང་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡག་དག་པ་རྫོགས་པའི་སངས་རྒྱས་འོད་དཔག་མེད་རྡུལ་མེད་ཅིང་རྣམ་པར་དག་པ་བཞུགས་ཤིང་འཚོ་ལ་གཞེས་ཤིང་ཆོས་ཀྱང་སྟོན་པའི་ཕྱོགས་དེར་ཕྱག་འཚོལ་ཞིག །དེ་ཡི་མཚན་ཡང་སྒྲིབ་པ་མེད་པར་ཕྱོགས་བཅུར་གྲགས་ཏེ། ཕྱོགས་རེ་རེ་ན་ཡངས་སངས་རྒྱས་བཅོམ་ལྡན་འདས་གསུང་ཆགས་པ་མི་མངའ་ཞིང་གསུང་ཐོགས་པ་མི་མངའ་བ་གངྒཱའི་ཀླུང་གི་བྱེ་མ་སྙེད་དག་ལན་འགའ་མ་ཡིན་པར་བསྔགས་པ་བརྗོད་ཅིང་བསྟོད་དེ་སྙན་པ་གསུངས་སོ། །ཞེས་སོགས་རྒྱ་ཆེར་ཡོད་པས་འདི་ཁོ་ན་ལ་བརྩོན་པར་བྱའོ། །མདོ་ལས་ཆོ་ག་དངོས་བསྟན་གབ་ན་ཡང༌། །དོན་ལ་རྟོན་པ་རྒྱལ་བའི་ཕྲིན་ལས་ཕྱིར། །སྡོམ་པའི་ཀུན་སྤྱོད་མཚུངས་པ་ཡོ་ག་ལྟར། །བཀྲོལ་བས་སེམས་ཅན་ཀུན་ལ་སྨན་གྱུར་ཅིག །ཅེས་པའང་མདོ་ཁམས་པ་འཇིགས་མེད་ཕྲིན་འོད་ཟེར་གྱིས་ནན་ཏན་ཆེན་པོས་བསྐུལ་བའི་ངོར་རང་བྱུང་རྡོ་རྗེས་དཔལ་ལྡན་ཚེ་རིང་ལྗོངས་སུ་སྦྱར་བའོ།། །།

བདེ་ཅན་ཞིང་བཀོད་སྨོན་ལམ།


JLAZ010_Page_0435
[མ་དཔེ་གཟིགས་ན་འདིར་གནོན།]

བདེ་ཅན་ཞིང་བཀོད་སྨོན་ལམ་བཞུགས། བཅོམ་ལྡན་འདས་རྡུལ་བྲལ་ཤིན་ཏུ་རྣམ་པར་དག་པ་ལ་ཕྱག་འཚལ་ལོ། །སངས་རྒྱས་བསོད་ནམས་ཕུང་པོ་ལས་གྲུབ་པའི། །འོད་སྣང་མཐའ་ཡས་བདེ་བ་ཅན་གྱི་ཞིང༌། །དེ་ན་བཞུགས་པའི་མགོན་པོ་འོད་དཔག་མེད། །སྐུ་ཚེ་དཔག་མེད་ཞབས་ལ་ཕྱག་འཚལ་ལོ། །བདེ་བ་ཅན་གྱི་ཞིང་དུ་སྐྱེ་བར་ཤོག །གང་ཁྱོད་འཇིག་རྟེན་དབང་ཕྱུག་རྒྱལ་པོའི་དྲུང༌། །དགེ་སློང་ཆོས་ཀྱི་འབྱུང་གནས་ཞེས་གྲགས་ཚེ། །ཞིང་ཁམས་བཟུང་བར་སྨོན་པའི་དམ་བཅའ་ལ། །བླ་མར་བྱའོ་མྱུར་དུ་སྐབས་དབྱེར་གསོལ། །བདེ་བ་ཅན་གྱི་ཞིང་དུ་སྐྱེ་བར་ཤོག །གཞོན་ཤ་ཤིན་ཏུ་ཆགས་པའི་ལག་མཐིལ་དང༌། །མཉམ་པའི་དཔེ་བྱར་འོས་པའི་འགལ་ཟླ་ནི། །ཆུ་ཞིང་སྲིད་དུ་མི་མངོན་ཐ་གྲུའི་ཁྱོན། །རིན་ཆེན་སྣ་ཚོགས་གཅལ་དུ་བཀྲམ་པས་བྱས། །བདེ་བ་ཅན་གྱི་ཞིང་དུ་སྐྱེ་བར་ཤོག །ལྷུན་པོ་ཆུ་གཏེར་ཁོར་ཡུག་རི་ནག་པོའི། །བསྟི་གནས་ཕལ་བ་མེད་པས་ཉམས་དགའ་ཞིང༌། །རིན་ཆེན་སྣ་བདུན་ལས་གྲུབ་ལྗོན་པ་ནི། །དཔག་ཚད་སྟོང་དང་དྲུག་བརྒྱའི་འཕོངས་སུ་སྙེགས། །བདེ་བ་ཅན་གྱི་ཞིང་དུ་སྐྱེ་བར་ཤོག །ཡལ་འདབ་མེ་ཏོག་འབྲས་བུས་དུད་པ་ལ། །གསེར་གྱི་དྲ་བས་དཔྱངས་པར་དྲི་བཞོན་གྱིས། །བསྐུལ་ལས་


JLAZ010_Page_0436
[མ་དཔེ་གཟིགས་ན་འདིར་གནོན།]

ཆོག་མི་ཤེས་པའི་སྒྲ་དབྱངས་ཀུན། །ཡིད་འོང་སྙན་དང་མཐུན་པ་དར་དིར་སྒྲོག །བདེ་བ་ཅན་གྱི་ཞིང་དུ་སྐྱེ་བར་ཤོག །དྲི་བསུང་ལྷག་པར་རྒྱས་པའི་མེ་ཏོག་གིས། །ཀུན་ནས་ཀུན་ཏུ་བཀྲམ་པའི་བསྟི་སྟང་ནི། །མི་འགྲེང་བདུན་དུ་སྙེགས་པས་མི་ངོམས་པར༌། །མནན་ན་ནེམ་ལ་བཏེག་ན་སྤར་བས་འགྲན། །བདེ་བ་ཅན་གྱི་ཞིང་དུ་སྐྱེ་བར་ཤོག །ལྷ་དང་མི་ལས་ངན་སོང་ལྷ་མིན་གྱི། །མིང་ཙམ་མི་གྲགས་འབྱོར་ཞིང་རྒྱས་པ་དང༌། །ལོ་ལེགས་ཕུན་སུམ་ཚོགས་པའི་བདེ་བ་ཡིས། །ངོམས་པ་མེད་པའི་དཔལ་ལ་མིང་ཆགས་པ། །བདེ་བ་ཅན་གྱི་ཞིང་དུ་སྐྱེ་པར་ཤོག །འབབ་སྟེགས་མཆོག་ཏུ་བདེ་བའི་སྤོས་ཆུའི་ཀླུང༌། །ཅ་ཅོའི་གཞན་དབང་མ་ཡིན་ཡིད་ལ་འབབ། །རྣམ་པར་བདེ་དང་མཉན་པས་ཆོག་མི་ཤེས། །མི་རྟག་ཞི་དང་བདག་མེད་དོན་ལ་རྟོན། །བདེ་བ་ཅན་གྱི་ཞིང་དུ་སྐྱེ་བར་ཤོག །འདམ་རྫབ་སྤངས་པའི་གསེར་གྱི་བྱེ་མ་ལ། །བཞད་དང་ཁྲུང་ཁྲུང་ངང་ངུར་ཀ་རན་ད། །ནེ་ཙོ་རི་སྐེགས་རྨ་བྱ་ཀུ་ལ་ན། །ཀ་ལ་པིང་ཀའི་རྒྱུད་མངས་ལ་བསྙེན་པ། །བདེ་བ་ཅན་གྱི་ཞིང་དུ་སྐྱེ་བར་ཤོག །དེ་ལས་རྣ་བའི་འདུས་ཏེ་རེག་ཚོར་ཀུན། །རིན་ཆེན་རྣམ་གསུམ་སྒྲ་དང་ཚད་མེད་བཞི། །ས་དང་ཕར་ཕྱིན་སྟོབས་བཅུ་མི་འཇིགས་


JLAZ010_Page_0437
[མ་དཔེ་གཟིགས་ན་འདིར་གནོན།]

བཞི། །མ་འདྲེས་བཅོ་བརྒྱད་རྫོགས་པའི་དོན་དང་ལྡན། །བདེ་བ་ཅན་གྱི་ཞིང་དུ་སྐྱེ་བར་ཤོག །བལྟ་ན་སྡུག་པའི་སྐྱེད་ཚལ་ལྗོན་པ་ལས། །འདོད་པའི་ཡོན་ཏན་བརྒྱ་ཕྲག་མོད་ལ་འབྱུང༌། །བར་སྣང་ལ་སྤྲུལ་གཞལ་མེད་ཁང་ལ་སོགས། །གཞན་འཕྲུལ་དབང་བྱེད་ཀྱིས་ཀྱང་དོ་ཟླར་མིན། །བདེ་བ་ཅན་གྱི་ཞིང་དུ་སྐྱེ་བར་ཤོག །དེ་ན་གཟའ་དང་རྒྱུ་སྐར་ཉིན་མཚན་ཆ། །ཁྱིམ་དང་དེ་ལ་ཡོངས་སུ་འཛིན་པའི་སེམས། །གཏན་ནས་མེད་ཀྱང་མཆོད་སྤྲིན་སྤྲོ་བ་ཡི། །ལྷ་ཡི་བུ་མོས་ཤིན་ཏུ་ཉམས་བདེ་བ། །བདེ་བ་ཅན་གྱི་ཞིང་དུ་སྐྱེ་བར་ཤོག །གང་ན་འཚོ་ཞིང་གཞེས་པའི་རྒྱལ་བ་དེའི། །བསྔགས་པ་བརྗོད་ལ་གངྒཱའི་རྡུལ་སྙེད་ཀྱི། །སངས་རྒྱས་རྣམས་ཀྱང་བརྩོན་པ་མི་འདོར་བས། །སྤྱན་རས་གཟིགས་དང་མཐུ་ཆེན་ཐོབ་པའང་བསྙེན། །བདེ་བ་ཅན་གྱི་ཞིང་དུ་སྐྱེ་བར་ཤོག །ཞིང་ཁམས་འདིར་སོན་དགེ་བའི་རྩ་བ་ལ། །སྒྲིབ་པ་དང་བཅས་པདྨོའི་མངལ་འཛིན་དང༌། །སྐྱིལ་མོ་ཀྲུང་བཅས་མོད་ལ་སྐྱེ་གཉིས་ཀ། །སྐྱེས་བུ་ཆེན་པོའི་མཚན་དང་ཡང་དག་ལྡན། །བདེ་བ་ཅན་གྱི་ཞིང་དུ་སྐྱེ་བར་ཤོག །ཉན་རང་བྱང་སེམས་ལྷ་མིའི་རྣམ་པ་ཅན། །ཀུན་ཀྱང་དབང་རྣོན་བཟོད་པ་ཐོབ་པ་


JLAZ010_Page_0438
[མ་དཔེ་གཟིགས་ན་འདིར་གནོན།]

སྟེ། །བར་སྣང་ལ་འགྲོ་ལོག་པར་མི་ལྟུང་ཞིང༌། །སངས་རྒྱས་མཐོང་དང་མི་འབྲལ་དམ་ཆོས་ཉན། །བདེ་བ་ཅན་གྱི་ཞིང་དུ་སྐྱེ་བར་ཤོག །བསམ་གཏན་དང་ནི་མངོན་པར་ཤེས་པ་ལ། །མཁས་པའི་ཤེས་རབ་ཀྱིས་ནི་རྣམ་དབྱེ་བཟོད། །མ་བསྡམས་མི་མངའ་དབང་པོ་མི་གཡོ་ཞིང༌། །ཀུན་ཤེས་ཡོན་ཏན་མཐའ་ཡས་མུ་མེད་པ། །བདེ་བ་ཅན་གྱི་ཞིང་དུ་སྐྱེ་བར་ཤོག །ཀུན་འབྱུང་རྒྱུ་འབྲས་སྤངས་པའི་ལམ་བདེན་གྱིས། །འགོག་པ་མངོན་དུ་བྱས་པའི་དགྲ་བཅོམ་ཀྱང༌། །རྣམ་ཐར་གསུམ་གྱི་དབྱིངས་ལ་དབུགས་ཕྱུང་ནས། །འོད་ཟེར་ཆེན་པོའི་དབང་བསྐུར་ལ་སྐྱོར་བ། །བདེ་བ་ཅན་གྱི་ཞིང་དུ་སྐྱེ་བར་ཤོག །སྐད་ཅིག་རེར་བསྟན་ཆོས་ཀྱི་རྣམ་གྲངས་ཀྱང༌། །བགྲང་བར་མི་བཟོད་རྫུ་འཕྲུལ་ཆེན་པོ་ཡིས། །ཞིང་ཁམས་གཞན་ཉུལ་ཆོས་ལས་ཐོབ་པ་ཡི། །བྱེ་བ་ཕྲག་བརྒྱའི་ཏིང་འཛིན་སྒོ་འབྱེད་པ། །བདེ་བ་ཅན་གྱི་ཞིང་དུ་སྐྱེ་བར་ཤོག །མདོར་ན་གང་གི་མཚན་དང་སྒྲ་དང་ནི། །ལྟ་བ་ཡིད་ལ་གོམས་པར་བྱས་པ་ཡང༌། །ཞིང་ཁམས་བདེ་བ་ཅན་དུ་དབུགས་འབྱིན་པའི། །ཐུགས་བསྐྱེད་དམ་བཅའ་བསླུ་བ་མེད་པའི་ཕྱིར། །ཁྱོད་ཀྱིས་གཞན་དོན་མཛད་པའི་དཔེ་ཟླ་ལ། །རྒྱ་མཚོའི་དུས་རླབས་དལ་བའི་སྐབས་བསྟན་པས། །བུ་རམ་ཤིང་པའི་


JLAZ010_Page_0439
[མ་དཔེ་གཟིགས་ན་འདིར་གནོན།]

ཞལ་ནས་ཀུན་དགའ་བོ། །ཁྱོད་ལོངས་ནུབ་ཀྱི་ཕྱོགས་སུ་ཁ་སྟོན་ལ། །མེ་ཏོག་གཏོར་ནས་ཐལ་མོ་སྦྱར་བྱས་ཏེ། །རྫོགས་པའི་སངས་རྒྱས་འོད་སྣང་དཔག་ཏུ་མེད། །རྡུལ་བྲལ་ཤིན་ཏུ་རྣམ་པར་དག་པ་ལ། །ཕྱག་འཚོལ་དེ་མཚན་སྒྲིབ་པ་མེད་པ་ནི། །ཕྱོགས་བཅུར་གྲགས་ནས་རྒྱལ་བ་དེ་རྣམས་ཀྱང༌། །བསྔགས་པ་བརྗོད་པར་གསུངས་ན་བདག་ཅག་ནི། །ལུས་དང་ལོངས་སྤྱོད་ལྟོས་པ་མེད་པར་འབུལ། །བྱས་ཤིང་བསགས་པའི་སྡིག་སྒྲིབ་མཐོལ་བ་དང༌། །ཆབས་གཅིག་མཛད་པ་རྒྱ་མཚོར་ཡི་རང་འབུལ། །རྟག་པར་ཆོས་འཁོར་དང་བཅས་བཞུགས་སུ་གསོལ། །དགེ་རྩ་ཇི་སྙེད་མཆིས་པ་འགྲོ་བ་ཀུན། །བདེ་བ་ཅན་དུ་སྐྱེ་བའི་རྒྱུར་བསྔོ་ན། །སྨོན་པ་ཇི་བཞིན་འགྲུབ་པའི་བཀྲ་ཤིས་ཤོག །ཅེས་འོད་མདོ་དང་མཐུན་པའི་སྨོན་ལམ་འདི་ནི། མདོ་ཁམས་ནས་སློབ་བུའི་དམ་པ་འཇིགས་མེད་ཕྲིན་ལས་འོད་ཟེར་གྱིས་རིང་མོ་ནས་བསྐུལ་ཞིང༌། ཉེ་ཆར་དེའི་གསལ་འདེབས་ལ་བརྩོན་པ་འཇིགས་མེད་བློ་གསལ་ཅན་གཉིས་ཀྱི་ངོར་རྒྱལ་བའི་མྱུ་གུ་མཁྱེན་བརྩེའི་ལྷས་སོ།། །།

མཁའ་འགྲོའི་ལས་ཚོགས་བཅོ་ལྔ་པ་སྒྲིབ་སྦྱོང་གནས་ལུང་གི་ཆོག་བསྒྲིགས་དག་བྱེད་གཏེར་བུམ།


JLAZ010_Page_0441
[མ་དཔེ་གཟིགས་ན་འདིར་གནོན།]

མཁའ་འགྲོའི་ལས་ཚོགས་བཅོ་ལྔ་པ་སྒྲིབ་སྦྱོང་གནས་ལུང་གི་ཆོག་བསྒྲིགས་དག་བྱེད་གཏེར་བུམ་བཞུགས། །


JLAZ010_Page_0442
[མ་དཔེ་གཟིགས་ན་འདིར་གནོན།]

བདེ་བར་གཤེགགས་པ་ཀུན་ཀྱི་ཡུམ། །འཕགས་མ་སྒྲོལ་མ་རྣལ་འབྱོར་མ། །ཤེས་རབ་ཕ་རོལ་ཕྱིན་མ་ལ། །བརྟེན་ནས་གནས་ལུང་སྦྱོང་བ་བཤད། །དབེན་པའི་གནས་སུ་མཁའ་འགྲོ་བདེ་ཆེན་རྒྱལ་མོའི་རས་བྲིས་མཚན་ཉིད་དང་ལྡན་པ་དང༌། མཆོད་གཏོར། དབང་རྫས། རྣམ་བུམ་དང༌། ཁྲུས་བུམ། མདོར་ན་འོག་ཏུ་དགོས་པའི་སྦྱོང་བའི་ཡོ་བྱད་ཐམས་ཅད་ཚོགས་པར་བསག་གོ། དེ་ནས་བདག་མདུན་འཇུག་པ་གཅིག་གི་ཆོ་གས་བསྐྱེད་ནས་བཟླས་པ་སྔོན་དུ་སོང་རྗེས། ཁྲུས་བུམ་ལ་དམིགས་ནས། སྭ་བྷ་ཝས་སྦྱངས། སྟོང་པའི་ངང་ལས་བཾ་ལས་པདྨ་ཨ་ལས་ཟླ་བའི་སྟེང་དུ་བྷྲཱུཾ་ཡིག་འོད་དུ་ཞུ་བ་ལས་བྱུང་བའི་ཁྲུས་ཀྱི་བུམ་པ་རིན་པོ་ཆེའི་རང་བཞིན་ཡངས་ཤིང་རྒྱ་ཆེ་བ། ལྟོ་བ་ལྡིར་བ། ཞབས་ཞུམ་པ། མཆུ་འཕྱང་བ། མགྲིན་པ་ཕྲ་བ།


JLAZ010_Page_0443
[མ་དཔེ་གཟིགས་ན་འདིར་གནོན།]

ལྷའི་གོས་པཉྩ་ལི་ཀས་དཀྲིས་ཤིང༌། དཔག་བསམ་ཤིང་གིས་ཁ་བརྒྱན་པའི་ནང་མཁའ་འགྲོའི་གཞལ་མེད་ཁང་ཟླ་གམ་སྒོ་གཅིག་པའི་རྣམ་པར་གནས་པའི་དབུས་སུ་རྗེ་བཙུན་རྡོ་རྗེ་རྣལ་འབྱོར་མ་པདྨ་རིགས་ཀྱི་མཁའ་འགྲོ་བདེ་ཆེན་ཡེ་ཤེས་ཀྱི་རྒྱལ་མོ་སྐུ་མདོག་དམར་གསལ་རྒྱན་དང་ཆ་ལུགས་ཡོངས་སུ་རྫོགས་པའི་ཐུགས་ཀར་རྗེ་བཙུན་སྒྲོལ་མ་རབ་ཏུ་ཞི་མ་སྐུ་མདོག་དཀར་གསལ་ཆུ་ཤེལ་གྱི་ཕུང་པོ་ལ་ཟླ་བ་ཤར་བ་ལྟ་བུ་དམིགས་བྱའི་སྡིག་སྒྲིབ་ཞི་བ་ལ་ཐུགས་བྱང་ཆུབ་སེམས་ཀྱི་འོད་ཟེར་སྤྲོ་བཞིན་པར་བཞུགས་པར་གྱུར། ཧཱུྃ། བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། །དུས་ལས་མི་འདའ་ཐུགས་རྗེའི་དབང་གིས་ན། །སེམས་


JLAZ010_Page_0444
[མ་དཔེ་གཟིགས་ན་འདིར་གནོན།]

ཅན་དོན་ལ་དགོངས་པའི་དཀོན་མཆོག་གསུམ། །ཡིད་ཀྱི་སྤྲུལ་ཞིང་བཤམས་པའི་གནས་འདི་རུ། །རྒྱལ་བ་འཁོར་བཅས་མ་ལུས་གཤེགས་སུ་གསོལ། །བཛྲ་ས་མ་ཡ་ཛ། ཡེ་ཤེས་ཀྱི་དཀྱིལ་འཁོར་མ་ལུས་ཤིང་ལུས་པ་མེད་པ་ཐམས་ཅད་མདུན་གྱི་ནམ་མཁར་བྱོན། ཛཿཧཱུྃ་བཾ་ཧོཿཞེས་བརྗོད་པས་དམ་ཚིག་པ་དང་གཉིས་སུ་མེད་པར་འདྲེསཿ ཨོཾ་ཨཱཿཧཱུྃ་གིས་སྐུ་གསུང་ཐུགས་རྡོ་རྗེ་གསུམ་དུ་བྱིན་གྱིས་རློབ། གནས་སོ་སོར་རིགས་ལྔའི་དབང་རྒྱ་བཅས་ལ། ཨོཾ་བཛྲ་ས་མ་ཡ་ཨོཾ། ཨཱཿབཛྲ་ས་མ་ཡ་ཨཱཿཧཱུྃ་བཛྲ་ས་མ་ཡ་ཧཱུྃ། སྭཱ་བཛྲ་ས་མ་ཡ་སྭཱ། ཧཱ་བཛྲ་ས་མ་ཡ་ཧཱ། དབང་ལྷ་ཡབ་ཡུམ་རྗེས་ཆགས་ཞུ་བདེའི་ཆུ་རྒྱུན་བྱང་ཆུབ་སེམས་ཀྱི་རོལ་བས་དབང་བསྐུར། བདུད་རྩི་གྱེན་དུ་བརྟན་པ་གནས་སོ་སོའི་དབུ་རྒྱན་དུ་བཞུགས་པར་གྱུར། སྙིང་ཁའི་འོད་ཟེར་གཟུངས་ཐག་ལ་འཁྲིལ་ཏེ་སོང་བས་བུམ་ལྷ་ལས་བདུད་རྩིའི་རྒྱུན་བབས་པར་བསམ་ཞིང༌། ཛབ་དགོངས་ཀྱི་དམིགས་པས་ཚེ་འདས་ཀྱི་སྡིག་སྒྲིབ་སྦྱོང་བར་བསམ་མོ། །མཁའ་འགྲོའི་ཐུགས་ཀར་པད་ཟླའི་སྟེངཿ རབ་ཏུ་ཞི་མ་སྐུ་མདོག་དཀརཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ ཨུཏྤལ་ལ་གནས་སྤྱི་བླུགས་འཛིནཿ


JLAZ010_Page_0445
[མ་དཔེ་གཟིགས་ན་འདིར་གནོན།]

ཐུགས་ལས་དག་བྱེད་ལྷ་མོ་ནིཿ བུམ་པ་ཐོགས་པ་དཔག་མེད་སྤྲོསཿ ཟླ་གདན་ལ་གནས་དམིགས་བྱ་ཡིཿངན་སོང་སྡིག་སྒྲིབ་བཀྲུས་པར་གྱུརཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་སརྦ་པཱ་པཾ་ག་ཏེ་ག་ཏེ་སྭཱ་ཧཱཿཅེས་སྟོང་རྩ་ལས་མི་ཉུང་བར་བཟླས་རྗེས་ཚོགས་བསགས་གི་ཕྱིར་དུ་མཆོད་ཕྲེང་རྒྱས་པའམ། མ་ནུས་ན། མེ་ཏོག་དམ་པ་ཕྲེང་བ་དམ་པ་སོགས། ཤླཽ་ཀ་གཉིས་ཀྱིས་མཆོད། དེ་དག་བསྔགས་པ་མི་ཟད་རྒྱ་མཚོ་དང༌། སོགས་ཤླཽ་གཅིག་གིས་བསྟོད། ཡི་གེ་བརྒྱ་པས་ལྷག་ཆད་བསྐང༌། ཨོཾ་ཨཱཿཧཱུྃ་གིས་དུང་ཆོས་ཀྱི་ཆུ་མཆོད་ཡོན་དུ་ཕུལ་བས། བུམ་པའི་ལྷ་བདེ་སྟོང་ཆེན་པོའི་ངོ་བོའི་འོད་དུ་ཞུ་བར་བསམ་མོ། །བར་འདིར་ཚོགས་ཀྱི་འཁོར་ལོ་དང༌། བདག་འཇུག་ཀྱང་བླང་ངོ༌། །དེ་ནས་སྦྱོང་བ་ལ་འཇུག་པར་བྱ་སྟེ། ཐོག་མར་རྟེན་ལ་དགུག་པ་ནི། སྟོང་པའི་ངང་ལས་པདྨ་དང་ཟླ་བའི་སྟེང་དུ་ནྲྀ་ཡོངས་སུ་གྱུར་པ་ལས་ཚེ་འདས་ཀྱི་ཕུང་པོ་དང་སྐྱེ་མཆེད་གསོན་གྱི་གནས་སྐབས་ཇི་ལྟ་བར་ཡོད་པར་གྱུར། ན་མོ། བྱིན་རླབས་ཀྱི་རྩ་བ་བླ་མ་རྣམས་ཀྱི་བདེན་པ་དང༌། བསླུ་བ་མེད་པ་དཀོན་མཆོག་གསུམ་གྱི་བདེན་པ་དང༌། གསང་སྔགས་དང་རིགས་སྔགས་དང་གཟུངས་སྔགས་རྣམས་ཀྱི་བདེན་པ་དང༌། དོན་དམ་རང་བཞིན་གྱི་རྣམ་པར་དག་པའི་བདེན་པ་དང༌། ཀུན་རྫོབ་རྟེན་འབྲེལ་བསླུ་བ་མེད་པའི་བདེན་པ་དང༌། བཅོམ་


JLAZ010_Page_0446
[མ་དཔེ་གཟིགས་ན་འདིར་གནོན།]

ལྡན་འདས་རྒྱལ་བ་ཞི་ཁྲོ་རབ་འབྱམས་ཀྱི་ཡུམ་གྱུར་ཤེས་རབ་ཀྱི་ཕ་རོལ་ཏུ་ཕྱིན་མའི་བདེན་པ་དང༌། བདེན་པ་ཆེན་པོའི་བྱིན་རླབས་ཀྱིས་རང་བཞིན་སྐྱེ་གནས་ཀྱི་བར་དོ་ནས་ཆོས་ཉིད་དང་སྲིད་པའི་བར་དོར་བརྒྱུད་ཁ་འཁྱལ་བའི་ཚེ་འདས་ཆྒཻ་མོའི་རྣམ་པར་ཤེས་པ་འགྲོ་བ་རིགས་དྲུག །སྐྱེ་གནས་རྣམ་པ་བཞི། སྲིད་པ་བར་མ་དོ་གང་དུ་གནས་ཀྱང་སྙིང་རྗེ་ཆེན་པོ་དང་གསང་སྔགས་ཟབ་མོའི་བདེན་པས་རྟེན་འདི་ལ་མཆིས་པར་གྱུར་ཅིག །ལན་གསུམ། རྣམ་པར་ཤེས་པ་འོད་ཀྱི་རང་བཞིན་དུ་རྟེན་ལ་ཐིམ་པར་གྱུར། ཛཿཧཱུྃ་བྃ་ཧོཿཞེས་ཕྱག་རྒྱ་བཞིས་ཅིང༌། ཕྱིར་འབྲང་གི་བགེགས་སྦྱང་བའི་ཕྱིར། གཏོར་མ་གསུམ་རེ་རེ་ནས་བསྐོར་ཞིང༌། ཨོཾ་སརྦ་བིག་ནན་ན་མཿ སརྦ་ཏ་ཐཱ་ག་ཏ་བྷྱོ་བི་ཤྭ་སོགས་མཐར། ཚེ་ལས་འདས་པའི་སྡིག་པ་སྦྱོང་བ་ལ་བར་དུ་གཅོད་པའི་བགེགས་རྣམས་ལ་གཏོར་མ་འདི་བརྔན་དུ་སྦྱིན་གྱིས་སོང་ཞིག །ཅེས་སྦྲེལ་བ་ལན་གསུམ། ཏིང་ལོ་ཆང་བུ་དང་བཅས་བསྐོར་ཞིང༌། སུཾ་བྷ་ནིའི་མཐར་ཏིང་ལོ་འདིས་སྣང་བ་དང༌། ཆང་བུ་འདིས་ལམ་རྒྱགས་གྱིས་ལ་སོང་ཞིག །ཅེས་སྦྲེལ་བ་གསུམ་གྱི་མཐར། འབར་བ་མེའི་ཕྱག་རྒྱ་བསྟན་ཏེ། ཨོཾ་བཛྲ་ཛྭ་ལ་ཨ་ན་ལ་ཧ་ན་མ་ཐ། ད་ཧ་པ་ཙ་ཧཱུྃ་ཕཊཿཅེས་མཚམས་བཅད། དེ་ནས་རྟེན་གྱི་གཡས་སུ་མེ། གཡོན་དུ་ཆུ། མདུན་དུ་


JLAZ010_Page_0447
[མ་དཔེ་གཟིགས་ན་འདིར་གནོན།]

ཏིལ་བཞག་ནས། ཚེ་འདས་ཀྱི་སྡིག་སྒྲིབ་ཐམས་ཅད་སྙིང་གར་ཀཾ་ནག་པོའི་རྣམ་པར་གནས་པ་སྣ་སྒོ་ལས་སྡིག་པ་རྭ་ཅན་གྱི་རྣམ་པར་འཐོན། ཏིལ་ལ་ཐིམ་པ་ཡེ་ཤེས་ཀྱི་མེ་དང་ཆུ་བོར་དོར་བས་སྡིག་སྒྲིབ་དག་པར་གྱུར། ཨོཾ་བཛྲ་ཌ་ཀ་ཁ་ཁ་ཁཱ་ཧི་ཁཱ་ཧི་སརྦ་པཱ་པཾ་ད་ཧ་ན་བྷསྨིཾ་ཀུ་རུ་སྭཱ་ཧཱ། ཆྒཻ་མོའི་སྡིག་པ་དང་སྒྲིབ་པ་ཐམས་ཅད་སརྦ་པཱ་པཾ་ཤིནྟཾ་ཀུ་རུ་སྭཱ་ཧཱ། གསང་སྔགས་ཟབ་མོ་བཟླས་བའི་བྱེ་མས་བྲབ་ཅིང༌། རྩ་རིག་དང་ཡིག་བརྒྱ་གང་མང་བརྗོད། དེ་ནས་ཁྲུས་བུམ་གྱི་ཆུས་མེ་ལོང་ངོས་སུ་བཀྲུ་ཞིང་དམིགས་པ་ལྡན་པས། ཕྱག་འཚལ་བདེ་མ་དགེ་མ་ཞི་མ། །མྱ་ངན་འདས་ཞི་སྤྱོད་ཡུལ་ཉིད་མ། །སྭཱ་ཧཱ་ཨོཾ་དང་ཡང་དག་ལྡན་པས། །སྡིག་པ་ཆེན་པོ་འཇོམས་པ་ཉིད་མ། །ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་སརྦ་པཱ་པཾ་ག་ཏེ་ག་ཏེ་སྭཱ་ཧཱ། ཞེས་ལན་མང་དུ་བཀྲུས་མཐར་འབྱུང་བའི་དུག་དབྱུང་བ་ནི། ས་ལ་སོགས་པ་མདུན་དུ་ཞགས་ལ། ཀུ་ཤའི་ཆུན་བོས་དབྱུང་བའི་ཚུལ་དུ། ས་ནི་དུག་གི་ཕ་ཡིན་ཏེ། །ས་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་ས་ཡི་ནང་དུ་སོང༌། །ཆུ་ནི་དུག་གི་ཕ་ཡིན་ཏེ། །ཆུ་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་ཆུ་ཡི་ནང་དུ་སོང༌། །མེ་ནི་དུག་གི་ཕ་ཡིན་ཏེ། །མེ་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་མེ་ཡི་ནང་དུ་སོང༌། །རླུང་ནི་དུག་གི་ཕ་


JLAZ010_Page_0448
[མ་དཔེ་གཟིགས་ན་འདིར་གནོན།]

ཡིན་ཏེ། །རླུང་ནི་དུག་གི་མ་ཡང་ཡིན། །བདེན་པའི་བདེན་ཚིག་འདི་བརྗོད་པས། །དུག་གསུམ་རླུང་གི་ནང་དུ་སོང༌། མཱུཾ་ལཱཾ་མཱཾ་པཱཾ་ཏཱཾ་ཆྒཻ་མོའི་འབྱུང་བའི་དུག་ཐམས་ཅད་ཤཱིནྟཾ་ཀུ་རུ་སྭཱ་ཧཱ། བདེན་པའི་སྟོབས་ཀྱི་དུག་གཞོམ་པ་ནི། འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་སངས་རྒྱས་དུག་མི་མངའ། །སངས་རྒྱས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་དམ་ཆོས་དུག་མི་མངའ། །དམ་ཆོས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་གསུམ། །འདི་དག་ཚེ་འདས་དུག་གསུམ་སྟེ། །བཅོམ་ལྡན་དགེ་འདུན་དུག་མི་མངའ། །དགེ་འདུན་བདེན་པས་དུག་བཅོམ་མོ། །ཆྒཻ་མོའི་ཉོན་མོངས་པ་དུག་གསུམ་ཐམས་ཅད་དཀོན་མཆོག་གསུམ་གྱི་བདེན་པས་ཤཱིནྟཾ་ཀུ་རུ་སྭཱ་ཧཱ། དེ་ནས་ཤིས་པ་བརྗོད་པ་ནི། བྱང་ཆུབ་སྙིང་པོར་གཤེགས་པ་ནས། །ས་རྣམས་དྲུག་པོ་གཡོས་གྱུར་ཅིང༌། །བདུད་ཡིད་མི་བདེར་གྱུར་པ་དེས། །ཁྱོད་ལ་བདེ་ལེགས་མཛད་པར་གྱུར། །ཁྱེད་ཅག་སྡིག་པར་མ་གྱུར་ཅིག །ཆོས་ཀྱི་འཁོར་ལོ་བསྐོར་བ་ནས། །འཕགས་པའི་བདེན་པ་རྣམས་གསུང་ཞིང༌། །ཐུབ་པའི་སྙན་པ་གང་བྱུང་དེས། །ཁྱོད་ལ་བདེ་ལེགས་མཛད་པར་གྱུར། །ཁྱེད་ཅག་


JLAZ010_Page_0449
[མ་དཔེ་གཟིགས་ན་འདིར་གནོན།]

སྡིག་པར་མ་གྱུར་ཅིག །ཡིད་འཕྲོག་གང་ཞིག་མུ་སྟེགས་བྱེད། །ཐམས་ཅད་ཆོས་ཀྱིས་ཕམ་མཛད་ཅིང༌། །ཚོགས་ཀུན་དབང་དུ་མཛད་པ་དེས། །ཁྱོད་ལ་བདེ་ལེགས་མཛད་པར་གྱུར། །ཁྱེད་ཅག་སྡིག་པར་མ་གྱུར་ཅིག། ༈ཚེ་ལས་འདས་པས་གཙོ་བྱས་པའི་སེམས་ཅན་ཐམས་ཅད་སྡིག་པའི་ཕྱོགས་ལས་རྒྱལ་ཞིང་ཤིན་ཏུ་བཀྲ་ཤིས་པར་གྱུར་ཅིག །དེ་ནས་དབང་བསྐུར་བ་ནི། ཉེ་དུ་ལ་སོགས་པ་ཡིད་བཅུགས་པས་བྱང་བུ་བཟུང་ལ། ཀུན་མཁྱེན་ཡེ་ཤེས་ཕུང་པོ་ཅན། །སྲིད་པའི་འཁོར་ལོ་རྣམ་སྦྱོང་བ། །དེ་རིང་བཤད་པའི་རིན་ཆེན་གཏེར། །གཙོ་བོས་བདག་ལ་བཀའ་དྲིན་སྩོལ། །ལན་གསུམ། རྒྱུན་བཤགས་དང་སྡོམ་བཟུང་ལ་དམིགས་ནས། དཀོན་མཆོག་གསུམ་ལ་བདག་སྐྱབས་མཆི། །སོགས་ལན་གསུམ་ཡེ་ཤེས་དབབ་པ་ནི། ཚེ་འདས་ཀྱི་སྙིང་ཁར་རྣམ་པར་ཤེས་པའི་ངོ་བོ་རཾ་ཡིག་དམར་སེར་གསལ་བ་ལས་མེ་འབར། རྣམ་སྨིན་བག་ཆགས་ཀྱི་ལུས་གཞོབ་ཐུལ་གྱི་ཚིག །སྐད་ཅིག་ཉིད་ལ་བདེ་ཆེན་རྡོ་རྗེ་རྣལ་འབྱོར་མར་གསལ་བའི་སྙིང་ནང་དུ་གདན་གསུམ་ཚང་བའི་དཀྱིལ་འཁོར་གྱི་ལྷ་ཚོགས་ནམ་མཁའ་ལས་ཁ་ཆར་བབས་པ་བཞིན་དུ་བྱོན་ནས་ཐིམ་པར་བསམ་ཞིང༌། ཧཱུྃ། བཞེངས་ཤིག་བཞེངས་ཤིག་སྟོབས་བཅུ་མངའ་བའི་ལྷ། དུས་ལས་མི་བདའ་ཐུགས་རྗེའི་


JLAZ010_Page_0450
[མ་དཔེ་གཟིགས་ན་འདིར་གནོན།]

དབང་གིས་ན། །སེམས་ཅན་དོན་ལ་དགོངས་པའི་དཀོན་མཆོག་གསུམ། །ཡིད་ཀྱིས་སྤྲུལ་ཞིང་བཤམས་པའི་གནས་འདི་རུ། །རྒྱལ་བ་འཁོར་བཅས་མ་ལུས་གཤེགས་སུ་གསོལ། །ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་ཛྙཱ་ན་ཝཱ་རཱ་ཧཱི་ཕེཾ་ཕེཾཿཞེས་རོལ་མོ་དཀྲོལ། ཏིཥྛ་བཛྲས་བརྟན་པར་བྱ། བུམ་པ་སྤྱི་བོར་བཞག་ལ། ཧོཿགསང་སྔགས་དམ་ཚིག་བླ་ན་མེད། །རང་བྱུང་ལྷུན་གྲུབ་བུམ་པའི་དབང༌། །སངས་རྒྱས་ཀུན་ཀྱི་གསང་གསུམ་གྱི། །དབང་བསྐུར་དམ་པ་ཁྱོད་ལ་སྦྱིན། །རྩ་སྔགས་མཐར། ཀ་ལཱ་ཤ་ཨ་བྷི་ཥིཉྩ་ཧཱུྃ། བདུད་རྩི་སྦྱིན་ཞིང༌། ཧོཿབྱང་ཆུབ་སེམས་ཀྱི་དམ་ཚིག་ནི། །རྩ་ཁམས་ཡི་གེའི་འཁོར་ལོར་བསྟིམ། །བརྗོད་པ་མེད་ལས་ཐམས་ཅད་སྐྱེས། །གྲགས་སྟོང་གསུང་གི་དབང་ཐོབ་ཤོག །རྩ་སྔགས་མཐར། བྷོ་དྷི་ཙིཏྟ་ཨ་བྷི་ཥིཉྩ་ཧཱུྃ། སིན་དྷུ་རའི་དཀྱིལ་འཁོར་གཏད་ལ། ཧོཿཡེ་ཤེས་རྣམ་པ་ཐམས་ཅད་པ། །དགའ་བ་བཞི་ལ་ཡང་དག་བརྟེན། །ཐབས་ཤེས་འབྲེལ་བའི་དམ་ཚིག་གི། ཕྱག་རྒྱ་ཆེན་པོ་ཁྱེད་ཀྱིས་ལོངསཿ ཛཿཧཱུྃ་བཾ་ཧོཿཨ་ཧོ་མ་ཧཱ་སུ་ཁ། དྲིལ་བུ་དཀྲོལ་ཞིང༌། སྒྲ་ནི་གྲགས་པ་ཉིད་ནས་སྟོང༌། །དེ་བཞིན་སེམས་ལ་ངོ་བོ་མེད། །ངོ་བོ་མེད་པའི་གནས་ལུགས་ལ། །བལྟ་བྱ་སྤངས་ནས་ཡང་དག་ལྟོས། །ཨ་ཨཱཿ ཞེས་ཚེ་འདས་ཀྱི་སེམས་དང་རང་སེམས་ཐ་དད་མེད་པར་བསྲེ།


JLAZ010_Page_0451
[མ་དཔེ་གཟིགས་ན་འདིར་གནོན།]

གཏང་རག་གི་མཎྡྲལ་དབུལ། གཙོ་བོས་ཇི་ལྟར་བཀའ་སྩལ་པ། །ཞེས་སོགས་བརྗོད་པར་བསམ། དེ་ནས་འཁོར་བ་དང་འབྲེལ་བཅད་ནས་ལམ་བསྟན་པ་ནི། སྣང་གསལ་འོད་འཕྲོ་བ་ཅིག་བཏེག་ནས། གསོན་ཅིག་ཚེས་འདས་རིགས་ཀྱི་བུ། །འཁོར་བ་སྡུག་བསྔལ་ཅན་ཕུང་པོ། །འགྱུར་དང་འདུ་བྱེད་ཉིང་འཁྲུལ་ཅན། །ལས་ལས་སྐྱེས་ཤིང་ལས་ལ་བརྟེན། །དེ་ཕྱིར་དེ་ལ་མ་ཆགས་པར། །བླ་མ་དཀོན་མཆོག་རྣམས་ཀྱི་མཐུ། །དད་པའི་ཡུལ་ལ་ཤིན་ཏུ་སྣང༌། །མོས་གུས་བསྐྱེད་ཅིག་རིགས་ཀྱི་བུ། །འདི་ནས་ནུབ་ཀྱི་ཕྱོགས་རོལ་ན། །སྲིད་གསུམ་དྲི་མ་རབ་སྤངས་པ། །རང་བཞིན་སྤྲུལ་པའི་ཞིང་ཁམས་ནི། །པདྨོ་བརྩེགས་པ་ཞེས་བྱ་བར། །མགོན་པོ་འོད་དཔག་མེད་པ་བཞུགས། །གང་ཞིག་ཡིད་ལ་དྲན་པའི་མོད། །ཁྱེད་ཀྱང་དེ་རུ་ཕྱིན་འགྱུར་བས། །དད་གུས་བསྐྱེད་ལ་དེ་མཚན་ཟུངས། །སྟོན་པ་དེ་ཡི་ཞལ་མཐོང་བའི། །མོད་ལ་སྒྲིབ་པ་རྣམ་པ་གཉིས། །ཡུད་ལ་སྤངས་ནས་མངོན་སངས་རྒྱས། །ཡིད་གཉིས་སྤོངས་ལ་དེར་གཤེགས་ཤིག །ཅེས་བརྗོད་པའི་མོད་ལ་བྱང་བུའི་རྣམ་ཤེས་ཧཱུྃ་གི་རྣམ་པས་དེར་འཕངས། བྱང་བུ་སྲེག་ཅིང༌། ཧོཿགསོན་ཅིག་དགོངས་ཤིག་རིགས་ཀྱི་བུ། །ཕུང་པོ་ལྔ་ཡི་བུད་ཤིང་ལ། །རྒྱལ་བ་རིགས་ལྔའི་མེ་སྦར་རོ། །འབྱུང་བ་ལྔ་ཡི་


JLAZ010_Page_0452
[མ་དཔེ་གཟིགས་ན་འདིར་གནོན།]

བུད་ཤིང་ལ། །གཤེགས་མ་ལྔ་ཡི་མེ་སྦར་རོ། །རྣམ་ཤེས་བརྒྱད་ཀྱི་བུད་ཤིང་ལ། །སེམས་དཔའ་བརྒྱད་ཀྱི་མེ་སྦར་རོ། །སྐྱེ་མཆེད་དྲུག་གི་བུད་ཤིང་ལ། །ཐུབ་པ་དྲུག་གི་མེ་སྤར་རོ། །ཡུལ་དང་དབང་པོའི་བུད་ཤིང་ལ། །དག་བྱ་དག་བྱེད་མེ་སྤར་རོ། །ལུས་ངག་ཡིད་གསུམ་བུད་ཤིང་ལ། །རྒྱལ་བའི་སྐུ་གསུམ་མེ་སྦར་རོ། །སྐུ་གསུམ་ཡེ་ཤེས་ལྔ་ལྡན་པ། །འགྲོ་བའི་དོན་དུ་འགྲུབ་པར་ཤོག །ཅེས་དང༌། ལམ་སྦྱོང་བ་ནི། དཀོན་མཆོག་རིན་ཆེན་དཔལ་ཞིང་དུ། །དཀོན་མཆོག་རིན་ཆེན་འོད་ཟེར་གྱི། །རིན་ཆེན་ཕྲེང་བ་རྣམ་དག་པ། །ཚོགས་ཀྱི་ལམ་དང་སྦྱོར་བའི་ལམ། །མཐོང་བའི་ལམ་དང་སྒོམ་པའི་ལམ། །བླ་ན་མེད་པའི་ཁྱད་པར་ལམ། །བྱང་ཆུབ་བར་ཆད་མེད་པའི་ལམ། །རྣམ་པར་གྲོལ་བའི་ལམ་དག་ལ། །བརྟེན་ནས་སྡིག་སྒྲིབ་ཀུན་སྦྱངས་ནས། །འཕགས་པའི་ལམ་དེར་བགྲོད་པར་ཤོག །ཅེས་དང༌། རྒྱལ་བའི་དཀྱིལ་འཁོར་བཟང་ཞིང་དགའ་བ་དེར། །སོགས་སྨོན་ལམ་ཀྱང་གདབ་པས་ཚེ་འདས་དེ་ཉིད་བདེ་བ་ཅན་ནས་སླར་སྟེང་གི་ནམ་མཁའ་ལ་འོངས་ནས་དྲིན་ལན་བསབས་ཕྱིར་མེ་ཏོག་འཐོར་ཞིང་རྒྱལ་བའི་ཕྲིན་ལས་ལ་ཆེད་དུ་བརྗོད་པ། ཨེ་མ་སངས་རྒྱས་ངོ་མཚར་ཆེ། །ཨེ་མ་སངས་རྒྱས་ཕྲིན་ལས་འཕགས། །གང་ཕྱིར་བདག་ཅག་ངན་སོང་སྦྱངས། །བྱང་ཆུབ་སྤྱོད་པ་ཉིད་ལ་


JLAZ010_Page_0453
[མ་དཔེ་གཟིགས་ན་འདིར་གནོན།]

བཞག །སངས་རྒྱས་འདྲ་བའི་སྟོན་པ་མེད། །ཆོས་དང་འདྲ་བའི་སྐྱོབ་པ་མེད། །དགེ་འདུན་འདྲ་བའི་ཞིང་ས་མེད། །སྔགས་དང་འདྲ་བའི་མྱུར་ལམ་མེད། །བདག་གཞན་སེམས་ཅན་ཐམས་ཅད་ཀྱང༌། །ལམ་མཆོག་འདི་ནས་དབུགས་དབྱུང་གསོལ། །ཅེས་བརྗོད་ནས་སླར་ཡང་བདེ་བ་ཅན་དུ་སོང་ནས་ལམ་སྦྱངས་ཏེ། དབུས་ཕྱོགས་མེ་རི་འབར་བར་ཀུན་ཏུ་བཟང་པོའི་ཞིང་ཁམས་སུ་སངས་རྒྱས་པར་གྱུར། ཅེས་བརྗོད་ཅིང༌། བཟང་པོ་སྤྱོད་པའི་སྨོན་ལམ་འདོན། ཆོ་གའི་རྗེས་ཆོག་རྣམས་དཀྱུས་བཞིན་བྱས་ལ། ཤི་རྒབ་གཅོད་པའི་ཕྱིར་ཤིས་བརྗོད་རྒྱ་ཆེན་པོ་ཡང་བྱའོ། །འདི་ལྟར་སྦྱང་བ་བགྱི་བའི་རིམ་པ་ལ་མིང་བཞི་འདུས་པའི་ཕུང་པོ་ཅན་མཐའ་དག་དབང་གི་རྟེན་དུ་རུང་མི་རུང་སོགས་དང༌། དབང་གི་སྔོན་འགྲོའི་སྡོམ་བཟུང་རྣམ་པ་གསུམ་གྱི་ཐ་སྙད་ལ་བརྟེན་ནས་དངོས་གཞི་ཐོབ་ཚུལ་སོགས་ལ་དཔྱད་པ་བྱེད་པ་ཡོད་ཀྱང་བྱང་ཆུབ་ཀྱི་སེམས་ལྷག་པའི་བསམ་པ་བརྟན་པོ་དང་མི་ལྡན་ན་ནི་ཆོ་གའི་ཐ་སྙད་རྫོགས་ཀྱང་བར་མ་དོའི་ཡིད་ཅན་ཕན་པའི་ཡོན་ཏན་སྒྲ་ཇི་བཞིན་པ་མི་ཐོབ་ལ། རང་འདོད་མེད་ཅིང་སྙིང་རྗེ་ཆེན་པོའི་བློ་ཡོངས་སུ་དག་པ་རྣམས་ལ་ནི་འདི་ཙམ་གྱིས་ཕན་པ་འགྲུབ་པར་ངེས་པ་རྙེད་ནས་ཚིག་གི་སྦྱོར་བ་ཉུང་བ་ཉིད་གཙོ་བོར་བྱས་པའོ། །ཞེས་པའང་རྒྱང་རུ་དཔལ་ལྡིངས་རྗེ་བཙུན་མས་ནན་གྱིས་བསྐུལ་བའི་ངོར་རྫོགས་ཆེན་པ་རང་བྱུང་རྡོ་རྗེས་སོ། །མངྒ་ལཾ།། །།

ཡུམ་ཀ་བདེ་ཆེན་རྒྱལ་མོ་ལས། སྒྲོལ་མ་རྣལ་འབྱོར་མ་ལ་བརྟེན་ནས་དུག་དབྱུང་བྱབ་བཀྲུའི་ལྷན་ཐབས།


JLAZ010_Page_0455
[མ་དཔེ་གཟིགས་ན་འདིར་གནོན།]

ཡུམ་ཀ་བདེ་ཆེན་རྒྱལ་མོ་ལས། སྒྲོལ་མ་རྣལ་འབྱོར་མ་ལ་བརྟེན་ནས་དུག་དབྱུང་བྱབ་བཀྲུའི་ལྷན་ཐབས་བཞུགས། ན་མོ་ས་ཏ་ཛ་ཡ། སངས་རྒྱས་ཐམས་ཅད་ཀྱི་འཕྲིན་ལས་པ་འཕགས་མ་སྒྲོལ་མ་ལ་ཕྱག་འཚལ་ལོ། །མཁའ་འགྲོའི་ལས་ཚོགས་བཅོ་བརྒྱད་པ་དུག་དབྱུང་བྱེད་པར་འདོད་པས་བུམ་པ་བཟང་པོ་བཅུད་སྨན་ཉེར་ལྔས་གཏམས་པའི་ཁ་རྒྱན་རྨ་བྱའི་སྒྲོ་ཕོད་ལ་རྨ་བྱའི་རྒྱལ་པོ་གསེར་དུ་སྣང་བ་ཡན་ལག་བཀྲ་བ། རིན་པོ་ཆེའི་མཆུ་ཅན་གྱི་ཙཀླི་གྲུབ་ན་བཀོད། མ་གྲུབ་ན་ཡིད་ཀྱི་ཆོ་གར་བྱ། ཉེར་སྤྱོད་བཟང་པོས་མཐའ་སྐོར། ལས་གཞུང་གི་བསྟོད་པའི་རྗེས་ལ་འཛབ་དགོངས་ནི། མཁའ་འགྲོའི་ཐུགས་ཀར་པད་ཟླའི་སྟེངཿ སྒྲོལ་མ་རྨ་བྱ་ཆེན་མོ་དཀརཿ ཞབས་གཉིས་རྟ་བབས་སྐྱིལ་མོ་ཀྲུངཿ ཕྱག་གཡས་མཆོག་སྦྱིན་གཡོན་པ་ནིཿ དཀོན་མཆོག་གསུམ་མཚོན་སྐྱབས་སྦྱིན་རྒྱསཿ རི་དྭགས་རྟགས་ཅན་ཨུཏྤལ་འཛིནཿ འོད་ཟེར་འཕྲོས་པས་བརྟན་གཡོའི་དུགཿ ལྷག་མ་མེད་པར་གཞིལ་བར་བསམཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་སརྦ་བི་ཥ་ཏཱ་ར་ཕཊཿཅེས་བརྒྱ་ཙམ་བཟླས་རྗེས། བུམ་པའི་ནང་དུ་འོ་མའི་རྒྱ་མཚོའི་དབུས་ན་རྨ་བྱའི་རྒྱལ་པོ་གསེར་དུ་སྣང་བ་ཆེས་མཛེས་ཤིང་བལྟ་ན་སྡུག་པ་རིག་པ་མཆོག་གི་སྔགས་སྒྲ་སྟོང་གསུམ་ཁྱབ་པ་ཙམ་དུ་དི་རི་རི་སྒྲོགས་པས་དམིགས་བྱའི་དུག་རྣམས་རང་བཞིན་མེད་པའི་ངང་དུ་དག་པར་བསམས་ལ་བཟླས་པ་ཅི་


JLAZ010_Page_0456
[མ་དཔེ་གཟིགས་ན་འདིར་གནོན།]

ནུས་བྱ། ཐུན་མཐར་རྨ་བྱ་ཡེ་ཤེས་པ་ཁ་རྒྱན་ནམ་གཟུགས་བརྙན་དང་འདྲེས། དམ་ཚིག་པ་ཆུར་ཞུ་བར་མོས། དེ་ནས་བཀྲུ་བྱབ་བྱ་བ་ནི། བུམ་ཆུས་བཀྲུ་ཞིང༌། ཧོཿའགལ་རྐྱེན་ཐམས་ཅད་དུག་ལ་བརྟེནཿ དུག་གི་རྒྱུ་ནི་ཉོན་མོངས་པཿརིག་པ་མཆོག་གི་སྨན་ཆེན་འདིསཿ སེམས་ཅན་ཁམས་ན་དུག་མེད་ཤོགཿ ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་སརྦ་བི་ཥ་ཏཱ་ར་ཕཊཿཕྱག་འཚལ་ལྷ་ཡི་མཚོ་ཡི་རྣམ་པའི། །རི་དྭགས་རྟགས་ཅན་ཕྱག་ན་བསྣམས་མ། །ཏཱ་ར་གཉིས་བརྗོད་ཕཊ་ཀྱི་ཡེ་གེས། །དུག་རྣམས་མ་ལུས་པ་ནི་སེལ་མ། །ཞེས་སྔགས་དང་ཕྱག་འཚལ་སྒྲོལ་མ་བརྒྱ་ཚར་སོགས་ཀྱིས་བཀྲུ། དེ་ནས་བྱབ་པ་ནི། རྨ་བྱ་བཟུང་ལ་དུག་ཐམས་ཅད་མེ་ལོང་ལ་ཧས་བཏབ་པ་བཞིན་དུ་བླང་བར་བསམས་ལ། དེ་བཞིན་གཤེགས་པས་ཁྱིམ་བདག་དཔལ་སྤས་ཀྱི་ཁ་ཟས་དུག་ཅན་བདེན་ཚིག་གིས་བསལ་བ་འདི་བྱིན་རླབས་ཤིན་ཏུ་ཆེ་བས། འདོད་ཆགས་ཞེ་སྡང་གཏི་མུག་རྣམས། །དེ་དག་འཇིག་རྟེན་དུག་གསུམ་སྟེ། །བཅོམ་ལྡན་སངས་རྒྱས་དུག་མེད་པ། །སངས་རྒྱས་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་རྣམས། །དེ་དག་འཇིག་རྟེན་དུག་གསུམ་སྟེ། །བཅོམ་ལྡན་ཆོས་ནི་དུག་མེད་པ། །ཆོས་ཀྱི་བདེན་པས་དུག་བཅོམ་མོ། །འདོད་ཆགས་ཞེ་སྡང་གཏི་མུག་རྣམས། །དེ་དག་འཇིག་རྟེན་


JLAZ010_Page_0457
[མ་དཔེ་གཟིགས་ན་འདིར་གནོན།]

དུག་གསུམ་སྟེ། །བཅོམ་ལྡན་དགེ་འདུན་དུག་མེད་པ། །དགེ་འདུན་བདེན་པས་དུག་བཅོམ་མོ། །བདེན་པ་གང་གིས་ང་སངས་རྒྱས། །འཇིག་རྟེན་ཀུན་ལ་བླ་ན་མེད། །བདེན་པའི་ཚིག་ནི་དེ་ཡིས་སུ། །གང་ལུས་དུག་གིས་མི་ཚུགས་ཤོག །བདེན་པ་གང་གིས་ང་ཡི་ཆོས། །འཇིག་རྟེན་ཀུན་ལ་བླ་ན་མེད། །བདེན་པའི་ཚིག་ནི་དེ་ཡིས་སུ། །གང་ལུས་དུག་གིས་མི་ཚུགས་ཤོག །བདེན་པ་གང་གི་ང་དགེ་འདུན། །འཇིག་རྟེན་ཀུན་ལ་བླ་ན་མེད། །བདེན་པའི་ཚིག་ནི་དེ་ཡིས་སུ། །གང་ལུས་དུག་གིས་མི་ཚུག་ཤོག །ཤིང་གང་དུག་དང་བཅས་རྣམས་དང༌། །སྲོག་ཆགས་གང་དག་དུག་བཅས་པ། །དེ་ཀུན་འདོད་ཆགས་དུག་ལས་བྱུང༌། །འདོད་ཆགས་དུག་ནི་དུག་གི་མཆོག །ཤིང་གང་དུག་དང་བཅས་རྣམས་དང༌། །སྲོག་ཆགས་གང་དག་དུག་བཅས་པ། །དེ་ཀུན་ཞེ་སྡང་དུག་ལས་བྱུང༌། །ཞེ་སྡང་དུག་ནི་དུག་གི་མཆོག །ཤིང་གང་དུག་དང་བཅས་རྣམས་དང༌། །སྲོག་ཆགས་གང་དག་དུག་བཅས་པ། །དེ་ཀུན་གཏི་མུག་དུག་ལས་བྱུང༌། །གཏི་མུག་འདི་ནི་དུག་གི་མཆོག །དྲག་པོའི་དུག་གིས་དུག་བཅོམ་སྟེ། །སྲུང་དང་ཡོངས་སུ་བཟུང་བ་བྱས། །སངས་རྒྱས་ཀུན་ཀྱིས་དུག་བཅོམ་པས། །རྫོགས་སངས་རྒྱས་ལ་སྐྱབས་སུ་དོང༌། །


JLAZ010_Page_0458
[མ་དཔེ་གཟིགས་ན་འདིར་གནོན།]

ཞེས་ཅི་ནུས་བརྗོད་པས་ཟླ་བ་སྒྲ་གཅན་ལས་ཐར་བ་ལྟ་བུར་གྱུར་རོ། །ཁྲུས་ཁུ་ཟག་པ་ཟ་བའི་ཡི་དྭགས་ལ་སཾ་བྷ་རས་བསྔོ་ཞིང༌། གདོན་ལ་ཆོས་ཀྱི་སྦྱིན་པས་རྒྱུད་འགྲོལ་བ་ནི་སྙིང་རྗེ་ཆེན་པོའི་བློ་དང་ལྡན་པས། ཆོས་རྣམས་ཐམས་ཅད་རྒྱུ་ལས་བྱུང༌། །སོགས་དང༌། ཆོས་རྣམས་གཟུགས་བརྙན་ལྟ་བུ་སྟེ། །ཞེས་པས་ངེས་དོན་གྱི་འབྲེལ་པ་བཞག །ཕུན་སུམ་ཚོགས་པ་མངའ་བ་ལ་སོགས་པས་ཤིས་པ་བརྗོད་པར་བྱའོ། །ཞེས་པའང་མཁྱེན་བརྩེའི་ལྷས་སོ།། །།

ཡུམ་ཀ་མཁའ་འགྲོའི་ལས་ཚོགས་ལས། བླ་བསླུའི་ལྷན་ཐབས་སྲོག་འཚོའི་ལྗོན་པ།


JLAZ010_Page_0459
[མ་དཔེ་གཟིགས་ན་འདིར་གནོན།]

ཡུམ་ཀ་མཁའ་འགྲོའི་ལས་ཚོགས་ལས། བླ་བསླུའི་ལྷན་ཐབས་སྲོག་འཚོའི་ལྗོན་པ་ཞེས་བྱ་བ་བཞུགས། །


JLAZ010_Page_0460
[མ་དཔེ་གཟིགས་ན་འདིར་གནོན།]

རྗེ་བཙུན་སྒྲོལ་མ་ཕྱག་འཚལ་ལོ། །མཁའ་འགྲོའི་ལས་ཚོགས་ཉེར་གཅིག་པ་ལ་བརྟེན་ནས་བླ་བསླུའི་ལྷན་ཐབས་ལ། སྦྱོར་དངོས་རྗེས་གསུམ་ལས་དང་པོ་ནི། མཆོད་གཏོར་གྱི་ཉེ་ལོགས་ཅི་བདེ་བར་རི་རབ་མཚོན་བྱེད་ཀྱི་རེ་ཁཱ་གྲུ་བཞི་པ་ཕྱོགས་མདོག་ཅན་གྱི་དབུས་སུ་པད་འདབ་བརྒྱད་ཀྱི་ལྟེ་བ་ལ་སྨེ་བ་གླིང་དགུ་ཤེས་ན་བསྒྲུབ་བྱའི་བབས་སྨེ་དང་བསྟུན། མ་ཤེས་ན་ལྔ་སེར་དབུས་བཞག་དཔེ་ལྟར་བྲིའོ། །འདབ་བརྒྱད་ལ་སྤར་ཁ་བརྒྱད། རི་རབ་ཀྱི་ཕྱོགས་བཞིར་གླིང་བཞི་གླིང་ཕྲན་གྱི་བཀོད་པ། དེའི་ཕྱིར་རིམ་ཟླུམ་སྐོར་ཕྱོགས་མཚམས་བརྒྱད་དུ་བཅད་པ་བྲི། དེ་ཡང་གཞུང་ལས། ཚེ་ལ་མདའ་དང་བླ་ལ་གཡུ། །ཁམས་ཀྱི་རྟེན་དུ་དར་ཚོན་དཔྱང༌། །ཞེས་པས། སྨེ་བ་གླིང་དགུའི་སྟེང་དུ་མདའ་རྒྱང་མ་ལ་དར་ཚོན་སྣ་ལྔ་དྲི་མེད་ཁ་ཚར་མ་ཉམས་པ་དང་བླ་གཡུ་བཏགས་པ་བཙུགས། ལྟོང་གི་ནང་དུ་རྣམ་ཤེས་ཚོགས་བརྒྱད་མཚོན་པའི།


JLAZ010_Page_0461
[མ་དཔེ་གཟིགས་ན་འདིར་གནོན།]

ཨ་ཀ་ཙ་ཊ་ཏ་པ་ཡ་ཤཿབྲིས་པ་བཅུག །སྤར་ཁའི་སྟེང་དུ་ངར་གླུད་བརྒྱད། གླིང་བཞི་སོ་སོའི་དབུས་སུ་རྒྱལ་ཆེན་སྡེ་བཞི་ལ་ཆབ་གཏོར་དང་ཉེར་སྤྱོད་རེ། ཕྱོགས་མཚམས་བརྒྱད་པོར་གདོན་བརྒྱད་ལ་ཕྱོགས་མདོག་དང་མཐུན་པའི་གཏོར་ཟླུམ་མཛུབ་གང་བ་རེ་ལ་ཆངས་བུ་གང་མང་སོ་སོར་ངར་གླུད་རེ་དང༌། ནམ་རྒྱང༌། མདའ་འཕང༌། ཤིང་རིས་ཚང་བ་རེ་དང༌། འོ་ཕུད། ཆང་སྐྱེམས། ཆུ་ཕུད། འབྱུང་པོའི་ཟས་ཤ་ཆང་ལ་ཕུག །འབྲས་ཆན། འབྲས་བུ་རྣམས་ཀྱང་བཤམ། ཅི་བདེ་བར་ཕྱིང་དཀར་གྱི་སྟེང་འབྲུ་ཚོམ་བརྒྱད་བཀོད་པའི་སྟེང་འཁར་གཞོང་ནང་དུ་རབ་གཙང་བོ། མ་འབྱོར་ན་ཆུ་སྣ་གང་འཛོམ་བླུགས་པའི་སྟེང་མར་གྱི་བླ་ལུག་ཡོལ་གོར་བཅུག་པ་བཞག །ཞག་སྦྲེལ་དུ་བྱེད་ན་རྟེན་འབྲེལ་བརྟག་པའི་ཕྱིར། ཤོག་བུ་གྲུ་བཞི་གཅིག་གི་དཀྱིལ་དུ་ནྲྀ་དང་མཐའ་བསྐོར་དུ་ཚེ་དང་ལྡན་པ་ཆྒཻ་མོའི་བླ་ཚེ་ཡར་བ་ཁུག་


JLAZ010_Page_0462
[མ་དཔེ་གཟིགས་ན་འདིར་གནོན།]

ཛཿ ཞེས་བྲིས་པའི་ཁུད་དུ་བསྒྲུབ་བྱའི་ལོ་གྲངས་ཀྱི་འབྲུ་དཀར་བཅུག་ལ་བླ་ལུག་གི་ཁོང་དུ་འཇུག །སྤྲེལ་གླུད་ཆེ་བ་གཅིག་ལ་གླུད་རྫས་འཛོམ་པར་བྱས་པའི་ཉེ་སྐོར་དུ་ཁ་གསོ་རྒྱུའི་གླུད་ཕྲན་བརྒྱ། ཆངས་བུ་བརྒྱ། རིལ་བུ་བརྒྱ་རྣམས་བཤམ་ལ་བཞག །གཉིས་པ་ནི། མཁའ་འགྲོའི་ལས་གཞུང་བསྲང་ལ་བཟླས་པ་ལ་བབས་པ་ན། མཁའ་འགྲོའི་ཐུགས་ཀར་པད་ཟླའི་སྟེང༌། །འོད་ཟེར་ཅན་མ་སྐུ་མདོག་དཀར། །སྐུ་གསུང་ཐུགས་ལ་ཨོཾ་ཨཱཿཧཱུྃ། །ཞབས་གཉིས་རྟ་བབས་སྐྱིལ་མོ་ཀྲུང༌། །ཕྱག་གཡས་མཆོག་སྦྱིན་གཡོན་པ་ནི། །དཀོན་མཆོག་གསུམ་མཚོན་སྐྱབས་སྦྱིན་རྒྱས། །ཨུཏྤལ་ལ་གནས་གསེར་ཉ་འཛིན། །ཡི་གེ་གསུམ་ལས་འོད་འཕྲོས་པས། །གདོན་དང་རོ་ལངས་གནོད་སྦྱིན་གྱིས། །ནད་པའི་བླ་དང་ཚེ་བརྐུས་པ། །སླར་ལ་གནངས་བཞིན་སྤྲད་པར་དམིགས། །ཨོཾ་པདྨོ་ཡོ་གི་ནི་ཏཱ་རེ་ཏུཏྟཱ་རེ་ཏུ་རེ་མ་རི་ཙྱཻ་ཚེ་བྷྲཱུྃ་ནྲི་ཛཿསྭཱ་ཧཱ། ཞེས་པའི་བཟླས་པ་དམིགས་གནད་དང་ལྡན་པ་ཅི་ནུས་བཟླས་རྗེས། མདོས་ཡས་རྣམས་སྔགས་དྲུག་ཕྱག་དྲུག་གིས་བྱིན་གྱིས་བརླབས་ལ་གྱེར་བ་ནི། ཀྱེ། སངས་རྒྱས་རྐང་གཉིས་གཙོ་སྟེ་བདེན་པའི་མཆོག །ཆགས་བྲལ་དམ་པའི་ཆོས་ཏེ་བདེན་པའི་མཆོག །རིགས་གྲོལ་དགེ་འདུན་མཆོག་སྟེ་བདེན་པའི་མཆོག །བདེན་པའི་བཀའ་ལ་མི་ཉན་གང་ཡང་མེད། །འཆི་བའི་སྲོག་ལ་མི་ཆགས་གང་ཡང་མེད། །བརྔན་དང་རྒྱགས་


JLAZ010_Page_0463
[མ་དཔེ་གཟིགས་ན་འདིར་གནོན།]

ལ་མི་བརྟེན་གང་ཡང་མེད། །ཆོས་ཀྱི་དབྱིངས་སུ་མི་གཅིག་གང་ཡང་མེད། །དེ་བས་ཐམས་ཅད་བདེན་པའི་ངག་ལ་ཉོན། །ཀྱེ་བླ་མ་ཡི་དམ་མཁའ་འགྲོ་གསུམ། །བཀའ་དང་དམ་ལ་གནས་པ་ཡི། །མྱ་ངན་འདས་པའི་གདོན་གྱི་སྡེ། །ལེགས་ཉེས་སྟང་འཛིན་ཕན་གནོད་ཅན། །མཁའ་འགྲོ་ཤུགས་འགྲོ་གནས་ཡུལ་བདག །གང་དང་ལངྒ་མ་བདུན་སྲིང༌། །ཕོ་ཉ་སུམ་བརྒྱ་དྲུག་ཅུ་དང༌། །མགྱོགས་མ་བཞི་དང་འབར་མའི་ཚོགས། །སྤོར་མ་ཤུག་འགྲོ་བསྟན་མའི་སྡེ། །དབང་ཕྱུག་ཉི་ཤུ་རྩ་བརྒྱད་དང༌། །འབུམ་ཕྲག་ཡངས་པའི་མཁའ་འགྲོ་མ། །གདོན་གྱི་གཙོ་བོ་ཕྱོགས་སྐྱོང་བཅུ། །རྒྱལ་པོ་ཆེན་པོ་སྡེ་བཞི་སོགས། །གཙང་རིས་མགོན་པོ་བདུན་ཅུ་རྣམས། །དེ་རིང་མདོས་དང་གླུད་ལ་སྤྱོན། །དེང་གི་རྒྱུ་སྦྱོར་ཡོན་བདག་འདིའི། །རྩ་རླུང་ཐིག་ལེའི་ཉེར་ལེན་དང༌། །ཕུང་པོ་ཁམས་དང་སྐྱེ་མཆེད་ཀྱི། །རྟེན་འབྲེལ་དུས་སྦྱོར་ལོག་པ་ཡི། །བླ་དང་ཚེ་ལ་གཞོམ་སྲིད་ན། །མཆོད་སྦྱིན་འདོད་ཡོན་ལྔ་ལྡན་དང༌། །མདོས་གླུད་བཟང་པོ་འདི་བཞེས་ལ། །བྱད་དང་རྦོད་གཏོང་ཁྲམ་ཁ་བསྒྱུར། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྒྱུར། །ཀྱེ། སྟོང་གསུམ་སྟོང་གི་འཇིག་རྟེན་ན། །གླིང་བཞི་བྱེ་བ་ཕྲག་བརྒྱ་སྟེ། །གླིང་བཞིའི་ཁམས་ལ་དབང་བྱེད་པའི། །


JLAZ010_Page_0464
[མ་དཔེ་གཟིགས་ན་འདིར་གནོན།]

རྒྱལ་པོ་ཆེན་པོ་སྡེ་བཞི་ནི། །རང་རང་རིགས་ཀྱི་ལྷ་རྣམས་དང༌། །ཉི་ཤུ་རྩ་བརྒྱད་སྡེ་དཔོན་ཡིན། །དེ་དག་འཁོར་ན་གནས་པ་ཡི། །ལྷ་དང་ལྷ་མིན་གསང་བ་པ། །སྟོང་ཕྲག་བྱེ་བ་ཕྲག་བརྒྱའི་གདོན། །འདི་དག་མི་ཡི་འཇིག་རྟེན་ལ། །ཀུན་ནས་གནོད་ཅིང་བླ་ཚེ་བརྐུ། །གནོད་པ་སྣ་ཚོགས་ལས་སྐྱོབས་ཕྱིར། །གདོན་གྱི་སྡེ་དཔོན་གཤེགས་སུ་གསོལ། །གཤེགས་ནས་མཐུན་པའི་དམ་རྫས་བཞེས། །རང་རང་གདོན་ལ་བཀའ་ནན་གསོལ། །ཁྱེད་རྣམས་སྟོན་པའི་ཞལ་མཐོང་ཞིང༌། །བསྟན་པ་ལ་གུས་སེམས་ཅན་ལ། །ཕན་པར་བཞེད་པའི་དམ་ཚིག་ཅན། །ཡིན་ན་རང་གི་རིག་སྔགས་དང༌། །མིང་དང་སྟོབས་དང་དབང་ཕྱུག་གི། བྱིན་གྱི་ནུས་པས་བསྲུང་དུ་གསོལ། །ཀྱེ། ཤར་ཕྱོགས་རྒྱལ་པོ་ཡུལ་འཁོར་སྲུང༌། །དྲི་ཟའི་གདོན་གྱི་བདག་པོ་སྟེ། །གདོན་དེས་བཏབ་པའི་སྐྱེ་འགྲོ་རྣམས། །གླུ་དང་བྲོ་དང་རྒྱན་ལ་དགའ། །བསྐམས་པ་མ་མཆིས་སྨྲ་ཞིང་རྒོད། །སྐོམ་དད་ཆེ་བའི་རིམས་ཀྱིས་འདེབས། །མིག་འཛུམ་རྒྱབ་ཀྱིས་ཕྱོགས་ཤིང་ལ། །དེང་གི་རྒྱུ་སྦྱོར་ཡོན་བདག་འདི། །དྲི་ཟའི་བྱད་དུ་ཆུད་པ་དང༌། །བླ་ལ་བརྐུས་སམ་ཚེ་བསྟུངས་ན། །མདོས་གླུད་བཟང་པོ་འདི་བཞེས་ལ། །དྲི་ཟའི་བྱད་དང་གདོན་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྒྱུར། །


JLAZ010_Page_0465
[མ་དཔེ་གཟིགས་ན་འདིར་གནོན།]

ཡུལ་འཁོར་སྲུང་གི་རིགས་སྔགས་དང༌། །མིང་དང་སྟོབས་དང་དབང་ཕྱུག་གིས། །དྲི་ཟའི་གདོན་ལ་བཀའ་ནན་གསོལ། །བྱིན་གྱི་ནུས་པས་བསྲུང་དུ་གསོལ། །ཀྱེ། ལྷོ་ཕྱོགས་རྒྱལ་པོ་འཕགས་སྐྱེས་པོ། །གྲུལ་བུམ་གདོན་གྱི་བདག་པོ་སྟེ། །གདོན་དེས་བཏབ་པའི་སྐྱེ་འགྲོ་རྣམས། །སྐོམ་དང་གཡེང་དང་བཞིན་རས་དམར། །འཁུམ་ནས་སར་ཉལ་ཁ་དོག་ངན། །རིད་ཅིང་སྐྲ་དང་སེན་མོ་རིང༌། །དྲི་ང་རྫུན་དང་ཀྱལ་པ་མང༌། །དེང་གི་རྒྱུ་སྦྱོར་ཡོན་བདག་འདི། །གྲུལ་བུམ་བྱད་དུ་ཆུད་པ་དང༌། །བླ་ལ་བརྐུས་སམ་ཚེ་བསྟུངས་ན། །མདོས་གླུད་བཟང་པོ་འདི་བཞེས་ལ། །གྲུལ་བུམ་བྱད་དང་གདོན་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྒྱུར། །འཕགས་སྐྱེས་པོ་ཡི་རིགས་སྔགས་དང༌། །མིང་དང་སྟོབས་དང་དབང་ཕྱུག་གིས། །གྲུལ་བུམ་གདོན་ལ་བཀའ་ནན་གསོལ། །བྱིན་གྱི་ནུས་པས་བསྲུང་དུ་གསོལ། །ཀྱེ། ནུབ་ཕྱོགས་རྒྱལ་པོ་སྤྱན་མི་བཟང༌། །འདབ་བཟང་གདོན་གྱི་བདག་པོ་སྟེ། །གདོན་དེས་བཏབ་པའི་སྐྱེ་འགྲོ་རྣམས། །སྐྱིགས་བུ་མང་ལ་དབུགས་ཀྱང་གྲང༌། །རྡུལ་ཞིང་ཝུ་བ་ཁ་ཆུ་འབྱུང༌། །གཉིད་ཀྱིས་མྱོས་ཤིང་འདར་སྐྱུག་ཏུ། །དོག་པར་མཆི་ཞིང་སེན་མོ་སྟོན། །དེང་གི་རྒྱུ་


JLAZ010_Page_0466
[མ་དཔེ་གཟིགས་ན་འདིར་གནོན།]

སྦྱོར་ཡོན་བདག་འདི། །ཀླུ་ཡི་བྱད་དུ་ཆུད་པ་དང༌། །བླ་ལ་བརྐུས་སམ་ཚེ་བསྟུངས་ན། མདོས་གླུད་བཟང་པོ་འདི་བཞེས་ལ། །འདབ་བཟང་བྱད་དང་གདོན་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྒྱུར། །མིག་མི་བཟང་གི་རིགས་སྔགས་དང༌། །མིང་དང་སྟོབས་དང་དབང་ཕྱུག་གིས། །ཀླུ་ཡི་གདོན་ལ་བཀའ་ནན་གསོལ། །བྱིན་གྱི་ནུས་པས་བསྲུང་དུ་གསོལ། །ཀྱེ། བྱང་ཕྱོགས་རྒྱལ་པོ་རྣམ་ཐོས་སྲས། །གནོད་སྦྱིན་གདོན་གྱི་བདག་པོ་ཡིན། །གདོན་དེས་བཏབ་པའི་སྐྱེ་འགྲོ་རྣམས། །རྒོད་ཅིང་འཇིགས་ལ་སྨྲ་བར་བྱེད། །ཁྲོ་ཞིང་གཉིད་ལོག་ཤིན་ཏུ་ན། །གྱེན་དུ་བལྟ་ཞིང་སྐར་མ་སྙེགས། །འདར་ཞིང་སྒྲ་འབྱིན་ནུབ་མོ་དགའ། །ཁྱད་པར་ལུས་ངན་པོ་ཡི་བུ། །ཀུན་ཏུ་བརྒྱལ་དང་བསྐྱེད་པ་པོ། །གདོན་པོ་ཆེ་དང་བུམ་པའི་ལྟོ། །སོ་སོའི་འཁོར་ན་གནས་པ་ཡི། །གནོད་སྦྱིན་བྱེ་བ་དྲུག་ཅུ་བཞིས། །དེང་གི་རྒྱུ་སྦྱོར་ཡོན་བདག་འདི། །གནོད་སྦྱིན་བྱད་དུ་ཆུད་པ་དང༌། །བླ་ལ་བརྐུས་སམ་ཚེ་བསྟུངས་ན། །མདོས་གླུད་བཟང་པོ་འདི་བཞེས་ལ། །གནོད་སྦྱིན་བྱད་དང་གདོན་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁང་ནང་དུ་སྒྱུར། །རྣམ་ཐོས་སྲས་ཀྱི་རིག་སྔགས་དང༌། །མིང་དང་སྟོབས་དང་དབང་ཕྱུག་གིས། །


JLAZ010_Page_0467
[མ་དཔེ་གཟིགས་ན་འདིར་གནོན།]

གནོད་སྦྱིན་གདོན་ལ་བཀའ་ནན་གསོལ། །བྱིན་གྱི་ནུས་པས་བསྲུང་དུ་གསོལ། །མདོར་ན་བཅིང་བ་ལྔས་བཅིངས་ཤིང༌། །ཕྱོགས་བཞི་མཚམས་བརྒྱད་སྟེང་འོག་གི། གནོད་སྦྱིན་བྱེ་བ་སྟོང་ཕྲག་སྡེ། །ལྷུན་པོའི་ངོས་དང་ངམ་གྲོག་གཡང༌། །རྒྱ་མཚོ་ཆུ་ཀླུང་ལུ་མ་རྫིང༌། །སྐྱེད་མོས་ཚལ་དང་གཞལ་མེད་ཁང༌། །ཀུན་དགའ་རྭ་བ་ནགས་ཚལ་བྲག །མཆོད་རྟེན་ལྗོན་ཤིང་གཅིག་པ་དང༌། །གྲོང་དང་གྲོང་ཁྱེར་གྲོང་རྡལ་ལྗོངས། །རྒྱལ་པོའི་ཕོ་བྲང་དཀྱིལ་འཁོར་གནས། །ལྷ་ཁང་དུར་ཁྲོད་ཤོ་གམ་འཕྲང༌། །ཁང་སྟོང་ཕྱུགས་ལྷས་གླང་པོའི་བྲེས། །དཀའ་ཐུབ་གནས་དག་དཀོར་ཁང་དང༌། །རི་སྣ་གྲོང་སྣ་བྲག་སྐྱིབས་སོགས། །གནས་དག་གནས་མིན་ལ་དབང་ཞིང༌། །མིང་གཟུགས་སྐྱེ་མཆེད་སྣ་ཚོགས་པས། །དེང་གི་རྒྱུ་སྦྱོར་ཡོན་བདག་འདི། །བླ་དང་ཚེ་ལ་གཞོམ་སྲིད་ན། །མདོས་གླུད་བཟང་པོ་འདི་བཞེས་ལ། །བཞི་བརྒྱ་རྩ་བཞིའི་ནད་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་གཞལ་ཁ་ནང་དུ་སྒྱུར། །བདུད་ཀྱི་བདུད་ཆེན་རིག་སྔགས་དང༌། །མིང་དང་སྟོབས་དང་དབང་ཕྱུག་གིས། །བླ་རྐུན་གདོན་ལ་བཀའ་ནན་གསོལ། །སེང་གེའི་གཟུགས་དང་གླང་ཆེན་སྟག །དོམ་དང་མ་ཧེ་སྤྱང་ཀི་དྲེད། །


JLAZ010_Page_0468
[མ་དཔེ་གཟིགས་ན་འདིར་གནོན།]

ཝ་དང་ཕག་རྒོད་སྦྲུལ་གྱི་གཟུགས། །རྟ་དང་བོང་བུ་རྔ་མོ་ལུག །ཁྱི་དང་བྱི་ལའི་གཟུགས་ཅན་སོགས། །མཆུ་སོ་ཁྲག་གིས་གོས་པ་དང༌། །ཀེང་རུས་གཟུགས་དང་མཚོན་ཆ་ཅན། །རྣ་བ་འཕྱང་དག་རྣ་བ་མེད། །རྣ་བོ་ཆེ་དང་སྒྲ་ཆེན་འབྱིན། །ཆེ་ཞིང་གཏུམ་ལ་མི་སྡུག་གཟུགས། །སྤུ་གཞོལ་སེན་མོའི་རང་བ་དང༌། །སྐྲ་བརྫེས་ལྕགས་མཆུ་ཟངས་སོ་ཅན། །ལག་པ་ཁྲག་གིས་དམར་བ་དང༌། །སྙིམ་པར་ནང་ཁྲོལ་ཐོགས་པ་དང༌། །ཡན་ལག་མ་ཚང་ཕྱེད་པའི་ལུས། །གསུས་པ་ཆེ་དང་ནུ་མ་འཕྱང༌། །མགོ་ཆེ་ཡན་ལག་རིང་བ་དང༌། །སྲིན་པོ་འདོད་དགུར་སྒྱུར་བའི་གཟུགས། །ཆུང་མ་ཤ་ཟ་རལ་གཅིག་སོགས། །དཔག་ཚད་བརྒྱད་ཁྲིར་ཁྲག་ལ་རྔམས། །ཤིན་ཏུ་གཟུ་ལུམས་ཆེ་བའི་གདོན། །རྣམ་འགྱུར་རྣམ་པ་སྣ་ཚོགས་དང༌། །བྱད་དང་ཁྲམ་ཁ་ཀུན་ཀྱི་བདག །འདོད་པ་ཁམས་ཀྱི་དབང་ཕྱུག་མས། །དེང་གི་རྒྱུ་སྦྱོར་ཡོན་བདག་འདི། །བླ་དང་ཚེ་ལ་གཞོམ་སྲིད་ན། །མདོས་གླུད་བཟང་པོ་འདི་བཞེས་ལ། །བཞི་བརྒྱ་རྩ་བཞིའི་ནད་ལས་འཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྒྱུར། །བདུད་ཀྱི་བདུད་ཆེན་རིག་སྔགས་དང༌། །མིང་དང་སྟོབས་དང་དབང་ཕྱུག་གིས། །བླ་རྐུན་གདོན་


JLAZ010_Page_0469
[མ་དཔེ་གཟིགས་ན་འདིར་གནོན།]

ལ་བཀའ་ནན་གསོལ། །གདོན་གྱི་གཙོ་བོ་ཕྱོགས་སྐྱོང་བཅུ། །དེ་ཡི་འཁོར་ན་གནས་པ་ནི། །ལྷ་དང་ཀླུ་དང་ལྷ་མ་ཡིན། །མེ་དང་རླུང་ལྷ་གཤིན་རྗེ་དང༌། །བདེན་བྲལ་དབང་ལྡན་ནམ་མཁའ་ལྡིང༌། །མིའམ་ཅི་དང་ལྟོ་འཕྱེ་ཆེ། །ཡི་དྭགས་སྡེ་ཚན་སུམ་ཅུ་གཉིས། །འཕྲོག་མ་མ་བུ་ལྔ་བརྒྱ་དང༌། །དྲི་ཟ་གྲུལ་བུམ་ལུས་སྲུལ་བོ། །སྐེམ་བྱེད་སྨྱོ་བྱེད་བརྗེད་བྱེད་དང༌། །གྲིབ་གནོན་རྣོན་པོ་ཚེར་མ་འདོན། །རེ་ལྡེ་འདོན་དང་ཤ་ཁྲག་རྔམས། །ཞག་དང་ཚིལ་བུ་ལྷ་རྐང་དང༌། །མངལ་དང་སྦྱིན་སྲེག་ཟ་བ་དང༌། །དྲི་དང་ཕྲེང་བ་གཏོར་མ་ཟ། །མེ་ཏོག་འབྲས་བུ་ངར་སྣབས་དང༌། །སྐྱུགས་པ་ལ་སོགས་མི་གཙང་ཟ། །སྟོར་ཁུང་ནས་འབབས་འཐུངས་བ་དང༌། །བྱད་དང་སྐར་མ་རོ་ལངས་གདོན། །སྡིགས་པའི་སེམས་དང་དྲག་ཤུལ་དང༌། །སྡང་བའི་སེམས་ལྡན་ཐམས་ཅད་ཀྱིས། །དེང་གི་རྒྱུ་སྦྱོར་ཡོན་བདག་འདི། །བླ་དང་ཚེ་ལ་གཞོམ་སྲིད་ན། །མདོས་གླུད་བཟང་པོ་འདི་བཞེས་ལ། །བཞི་བརྒྱ་རྩ་བཞིའི་ནད་ལས་ཕྲོལ། །བླ་ཚེ་རང་གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྒྱུར། །བདུད་ཀྱི་བདུད་ཆེན་རིག་སྔགས་དང༌། །མིང་དང་སྟོབས་དང་དབང་ཕྱུག་གིས། །བླ་རྐུན་གདོན་ལ་བཀའ་ནན་གསོལ། །དེ་


JLAZ010_Page_0470
[མ་དཔེ་གཟིགས་ན་འདིར་གནོན།]

བཞིན་མངལ་ལ་མ་རུངས་བྱེད། །རྣམ་པ་སྣ་ཚོགས་ནད་ཀྱི་བདག །འཇོམ་པོ་བ་ལང་གཟུགས་ཅན་དང༌། །རི་དྭགས་རྒྱལ་པོ་རི་དྭགས་གཟུགས། །སྐེམ་བྱེད་གཞོན་ནུར་བརྫུ་ཞིང་འཕྲུལ། །བརྗེད་བྱེད་ཝ་གཟུགས་མ་མོའི་དོན། །ཁུ་ཚུར་ཅན་ནི་བྱ་རོག་གཟུགས། །རྟ་ཡི་གཟུགས་ཅན་ཛི་མི་ཀ།།འདོད་ཅན་རྡོ་རྗེ་ནམ་གྲུ་ཁྱི། །སྲུལ་པོ་ཕག་གཟུགས་བྱ་དང་ནི། །བྱི་ལའི་གཟུགས་ཅན་མ་དགའ་བྱེད། །བྱ་གག་གཟུགས་ཅན་གཉའ་ལག་ཅན། །བཞིན་རྒྱན་འུག་པ་མིག་འཕྱང་ནི། །ཕ་ཝང་གཟུགས་སྤྲུལ་བྱིས་པ་རྣམས། །སྐྲག་ཅིང་མ་རུངས་བྱེད་པའི་གདོན། །མི་བརྫུ་དགུ་རུ་བརྫུ་བ་དང༌། །གཞན་ཡང་སྤར་སྨེ་ལོ་ཟླ་བཞག །དུས་ཚོད་ཚེས་གྲངས་གབ་ཚེའི་བདག །ཕྱི་ནང་གསང་བའི་ལྷ་མ་སྲིན། །སྡེ་བརྒྱད་སྟོང་སྡེ་ལན་ཆགས་དང༌། །བགེགས་རིགས་གློ་བུར་ལྷགས་པའི་གདོན། །ཡིད་གཟུགས་ཅན་དང་གསོན་པོ་འདྲེ། །གསོད་དང་གཅོད་དང་མདངས་འཕྲོག་ལ། །དགའ་ཞིང་གནོད་པ་སྣ་ཚོགས་ཅན། །མཁའ་ལ་རྒྱུ་བའི་ཡི་དྭགས་ཀྱིས། །དེང་གི་རྒྱུ་སྦྱོར་ཡོན་བདག་འདི། །བླ་དང་ཚེ་ལ་གཞོམ་སྲིད་ན། །མདོས་གླུད་བཟང་པོ་འདི་བཞེས་ལ། །བཞི་བརྒྱ་རྩ་བཞིའི་ནད་ལས་ཕྲོལ། །བླ་ཚེ་རང་


JLAZ010_Page_0471
[མ་དཔེ་གཟིགས་ན་འདིར་གནོན།]

གི་གནས་སུ་སྐྱོལ། །བླ་ལུག་ཞལ་ཁ་ནང་དུ་སྐྱུར། །བདུད་ཀྱི་བདུད་ཆེན་རིག་སྔགས་དང༌། །མིང་དང་སྟོབས་དང་དབང་ཕྱུག་གིས། །བླ་རྐུན་གདོན་ལ་བཀའ་ནན་གསོལ། །ཞེས་གྱེར་ཞིང་གསེར་སྐྱེམས་དང༌། ཁྲག་སྐྱེམས་ཕྱོགས་ཕྱོགས་སུ་གཏོར། དེ་ནས་སློབ་དཔོན་སྒེག་པའི་རྡོ་རྗེའི་ལུགས་སུ་གྲགས་པའི་བླ་འགུགས་ཀྱི་སྔགས་འདི་ཡང་བཟླ་སྟེ། ཨོཾ་རྫབ་རྫབ་རྫུབ་རྫུབ་བྷི་ཏྲ་ཀློང་ནྲྀ་ཁུག་ཛཿཞེས་དང་དམིགས་གནད་ནི་ཕྱག་མཚན་ལ་གནས་པའི་གསེར་ཉ་དེ་ཉིད་བསྒྲུབ་བྱའི་བླ་གཟུགས་སུ་བསམས་ལ་བླ་ཚེ་འོད་ཀྱི་རྣམ་པ་བསྟིམས་པས་བཀྲག་མདངས་ཤིན་ཏུ་འབར་བར་བསམ་མོ། །བཟླས་པ་སྟོང་ཕྲག་རེའི་ཐུན་མཚམས་སུ་གླུད་ཕྲན་བསྔོ་བ་ནི། གཞུང་ལས། ཐུན་མཚམས་བླ་གླུད་བཟང་པོ་ལ། །གླུད་ཕྲན་ཟན་བྲུལ་ཆངས་བུ་བརྒྱ། །འབྲུ་གསུམ་བྱིན་བརླབས་སམ་བྷ་རས། །བརྒྱ་རྩ་བརྒྱད་བསྔོ་ལན་རེ་བཞིན། །ཞེས་པ་ལྟར། གླུད་ཆུང་གཅིག །རིལ་བུ་གཅིག །ཆང་བུ་གཅིག་རྣམས་ལ་ཆུ་ཆང་གིས་བྲན་ནས། ཨོཾ་ཨཱཿཧཱུྃ་གིས་བརླབ། སཾ་བྷ་ར་གཅིག་གི་མཐར། ཧཱུྃ། ཁྱེར་ཅིག་ཁྱེར་ཅིག་སྟོབས་ལྡན་རྣམས། །སྲེད་དང་ཆགས་དང་ཞེན་པ་དང༌། །དྲན་དང་གཟུང་དང་བསམ་དང་རེག །གློད་དང་ཞི་དང་གྲོལ་བར་མཛོད། །ཅེས་བརྗོད་པ་དང་གླུད་ཆེན་དུ་དོར། ཕྱག་འཚལ་དེ་ཉིད་གསུམ་རྣམས་བཀོད་པའི། །ཞི་བའི་མཐུ་དང་ཡང་དག་ལྡན་མ། །གདོན་དང་རོ་ལངས་གནོད་སྦྱིན་ཚོགས་


JLAZ010_Page_0472
[མ་དཔེ་གཟིགས་ན་འདིར་གནོན།]

རྣམས། །འཇོམས་པ་ཏུ་རེ་རབ་མཆོག་ཉིད་མ། །ཞེས་ཐལ་མོ་ལན་གཅིག་བརྡེབ། དེ་འདྲ་བ་བརྒྱ་རྩ་བྱ། ཡས་གླུད་མ་འཛོམ་པའི་རིགས་ལ་ཆུ་གཏོར་གྱི་རྗེས་སུ་རང་ཉིད་སྒྲོལ་མར་གསལ། གླུད་ཆུང་སོགས་ལ་བརྟེན་ནས་འདི་ལྟར་བྱས་པས་ཀྱང་རུང་ངོ༌། །ལྟས་བརྟག་པ་ནི། བར་མཚམས་ཅི་རིགས་པར་བསྒྲུབ་བྱ་དངོས་སམ་མིན་ནའང་རུང་སྟེ་བསྒྲུབ་བྱའི་བླ་ཚེའི་རྟེན་ཚེ་མདའ་ལ་དམིགས་ནས་བླ་ལུག་གི་སྣོད་བསྐོར་བས་དེ་ཕྱོགས་ལ་བླ་ལུག་གིས་བལྟས་ན་བླ་ཁུག་པའི་ལྟས་དང༌། མ་ཁུག་ན་ཕྱིར་ལོག་ཏུ་བལྟ་བས་བསྐྱར་བའི་ཚུལ་གཞུང་ལས། རྟེན་འབྲེལ་བླ་ལུག་ཉིད་ལ་བརྟག །མ་གྲུབ་བར་དུ་བསྐྱར་ཞིང་འབད། །ཅེས་དང༌། སྲོག་བསླུ་བྱ་ཞིང་ཉེའུ་འདོན། །དུས་མིན་འཆི་བ་ངེས་པར་བཟློག །ཅེས་སོ། །ཚུལ་དེ་ལྟ་བུ་ཞག་སྦྲེལ་ལམ་ཉིན་ཆོག་ཇི་ལྟ་བུ་བྱ་ཡང་ཐུན་ཕྱི་མར་ཆོས་སྲུང་གི་བསྐང་གསོ་དང༌། ཚོགས་མཆོད་སོགས་བྱའོ། །གསུམ་པ་རྗེས་ཀྱི་བྱ་བ་ནི། རྒྱལ་ཆེན་སྡེ་བཞིའི་མཆོད་གཏོར་རྣམས་མ་གཏོགས་ཡས་གླུད་ཐམས་ཅད་སྣོད་དུ་བསྡུས་ཆུ་ཆང་གིས་བྲན། །གསེར་སྐྱེམས་དང་གསུར་དུད་ཀྱིས་སྣ་དྲངས་ལ་འདེགས་པ་དང་སྦྲགས། ཀྱེ། སྟོང་གསུམ་སྟོང་གི་འཇིག་རྟེན་ནས། །གློ་བུར་ལྷགས་པའི་གདོན་ཚོགས་རྣམས། །དེ་རིང་རྒྱུ་སྦྱོར་ཡོན་བདག་གི། དཀོར་ལ་ངོ་སོ་མཆིས་པར་མཛོད། །མི་དང་དེ་ནི་གླུད་དུ་བརྗེས། །མི་བས་གླུད་དགའ་སྐྱེ་མཆེད་


JLAZ010_Page_0473
[མ་དཔེ་གཟིགས་ན་འདིར་གནོན།]

མཛེས། །བླ་ཡི་རིན་དུ་མཐུན་རྫས་བཅལ། །བླ་ལས་གྱ་ནོམ་ཟང་ཟིང་མང༌། །ཚེ་ཡི་འཇལ་དུ་ཡོད་དགུ་སྤྲུགས། །ཚེ་ལས་བཟའ་ཆེ་དཀོར་ཆ་འཛོམ། །ཏིང་འཛིན་སྔགས་རྒྱས་འདོད་དགུར་སྤེལ། །ཁྱེད་ལ་རྫོངས་སུ་བཏབ་ཟིན་ན། ཟས་སྐོམ་ནོར་ལ་མི་ཆགས་མེད། །བརྔན་དང་དྲིན་ལ་མི་བསམ་མེད། །མནའ་དང་ཆད་ལ་མི་བརྩི་མེད། །དེ་བས་ངོམས་ཤིང་ཚིམ་གྱིས་ལ། །ཚིམས་པའི་ངོ་ཅིག་དེང་འདིར་མཛོད། །བདེན་པའི་ཚིག་ལ་མེ་ཡང་ཉན། །འབྱུང་བའི་ཆུ་ལ་ས་ཡང་འཐུང༌། །བྱམས་པའི་དྲིན་ལ་རླུང་ཡང་གཟོ། །སྟོང་པའི་སེམས་ལ་ནམ་མཁའ་ཤོང༌། །དེ་ཕྱིར་ཡས་དང་དཀོར་བསྣམས་ལ། །རང་རང་སོ་སོའི་གནས་སུ་དེངས། །རྒྱ་མཚོ་རྡོལ་བའི་ནང་ཤེད་ན། །རིན་པོ་ཆེ་ཡི་གླིང་ཡང་ཡོད། །ནོར་འདོད་ཅན་རྣམས་དེར་གཤེགས་ཤིག །གྲུ་གསུམ་ས་དང་རྒྱ་གྲམ་ལམ། །ལ་ཀླུང་བརྒལ་བའི་བཞི་མདོ་ན། །ལྷ་སྲིན་འདུ་བའི་གནས་ཤིག་ཡོད། །དེ་ན་དམ་ཚིག་ཉམས་པ་དང༌། །སེམས་ཅན་ཡོངས་ལ་གནོད་པ་དང༌། །ལས་འབྲས་ཁྱད་དུ་གསོད་པ་ཡི། །བླ་ཚེ་འཁྱམས་པོ་ཡོད་དོ་ཅོག །ཁྱེད་རྣམས་ཀུན་ཀྱི་བཟའ་སྐལ་དུ། །དཀོན་མཆོག་བདེན་པའི་མཐུས་བཅད་ན། །


JLAZ010_Page_0474
[མ་དཔེ་གཟིགས་ན་འདིར་གནོན།]

དེ་རུ་གཤེགས་ཤིག་ཤ་ར་ར། །ཤུལ་རིང་ཞགས་པ་བཞིན་དུ་བསྡོག །ལ་ཆེན་ཐེམ་པ་བཞིན་དུ་རྒོལ། །ཆུ་ཆེན་དར་ལམ་བཞིན་དུ་བགྲོད། །རྒྱན་གྱིས་བརྒྱན་པར་བྱས་ཀྱང་ཆོས་སྤྱོད་ཅིང༌། །དུལ་ཞིང་ཡང་དག་སྡོམ་ལ་ཚངས་པར་སྤྱོད། །འབྱུང་པོ་ཀུན་ལ་ཆད་པ་སྤངས་པ་སྟེ། །དགེ་སློང་དགེ་སྦྱོང་དེ་ཡིན་བྲམ་ཟེའང་དེ། །མཚོན་ཆས་མི་འཇིག་གང་ཡང་མེད། །འཆི་བའི་སྲོག་ལ་ཀུན་ཀྱང་འཛེམ། །འཚོ་བའི་ཟས་ལ་ཀུན་ཀྱང་འདུ། །རང་གི་ལུས་ལ་དཔེ་ལོང་ལ། །གཞན་ལ་གནོད་པ་མ་བྱེད་ཅིག །ཨོཾ་ཆེན་པོའམ་ཆུང་ངུ་གང་དག་གིས། །ལུས་ལ་མངོན་པར་གནོད་འགྱུར་བའི། །བར་ཆད་ཉེ་བར་སོལ་མཛོད་ལ། །གདོན་ཁྱོད་རང་གི་གནས་སུ་དེངས། །དེ་ལྟར་བདག་གིས་ཅི་ནུས་ཀྱིས། །མཆོད་དང་བསྙེན་བཀུར་བྱས་པ་ཡི། །དམ་ཚིག་ལ་ནི་གནས་ནས་སུ། །བདག་གི་བསམ་པ་བསྐང་བར་མཛོད། །རྟག་ཏུ་དམ་ཚིག་ལ་གནས་ཤིང༌། །འདིར་ནི་མཆོད་ཡོན་འཁོར་བཅས་ཀྱི། །བར་ཆད་ཉེ་བར་སོལ་མཛོད་ལ། །གདོན་ཁྱོད་རང་གི་གནས་སུ་དེངས། །སརྦ་བྷཱུ་ཏ་གཙྪ། ཞེས་ཡས་རྣམས་ཆུ་ཀླུང་ངམ་བཞི་མདོ་ཆེན་པོར་བསྐྱལ། དེ་ནས་རྒྱལ་ཆེན་གྱི་གཏོར་མ་རྣམས་ཨ་ཀཱ་རོས་བརླབ་ལ། མཆོད་སྦྱིན་གཏོར་མ་འདི་


JLAZ010_Page_0475
[མ་དཔེ་གཟིགས་ན་འདིར་གནོན།]

བཞེས་ལ། །སོགས་ནས་ཐོག་གི་ཡང་སྟེང་ཕྱོགས་སོ་སོར་གཤེགས་ལ་སྲུང་འཁོར་གྱིས་ཚུལ་དུ་བཞུགས་པར་བསམ། ཆོ་གའི་རྗེས་ཆོག་རྣམས་སྤྱི་ལྟར་བྱའོ། །དེ་ལྟར་གྲུབ་ནས་ཚེ་མདའ་དང༌། བླ་ལུག་བསྒྲུབ་བྱ་ལ་དངོས་གྲུབ་ཀྱི་ཚུལ་དུ་གཏད་ལ་ཞག་བདུན་ཕྲག་ལ་སོགས་པར་སྔས་མགོར་འཇོག །ཕྱི་ནས་བླ་གཡུ་མགུལ་དུ་གདགས་ཤིང༌། བླ་ལུག་ལོངས་སྤྱོད། འབྲུ་ནས་མ་ཚང་ན་བླ་བསླུ་བསྐྱར་བར་བྱའོ།། །།

ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ དབང་ཆོག་བྱིན་རླབས་ཆུན་པོ།


JLAZ010_Page_0477
[མ་དཔེ་གཟིགས་ན་འདིར་གནོན།]

༂ ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ དབང་ཆོག་བྱིན་རླབས་ཆུན་པོ་བཞུགསཿ བདུད་འདུལ་དྲག་མོའི་སྐུ་ལ་འདུདཿ གསང་སྒྲུབ་སེང་གེའི་གདོང་ཅན་གྱིཿ དབང་བསྐུར་གུད་དུ་ཕྱུང་བ་ནིཿ དཀྱིལ་འཁོར་གཞུང་བཞིན་མཉྫིའི་སྟེངཿ དབང་གཏོར་ཙཀླི་དར་གདུགས་ཅནཿ ཕྱག་མཚན་མཆོད་ཚོགས་འདུ་བྱས་ལཿ གཞུང་བཞིན་བདག་མདུན་རོ་གཅིག་སྒྲུབསཿ དབང་གི་སྔོན་རྗེས་བྱ་བ་རྣམསཿ ཡུམ་ཀའི་དབང་གིས་ཁོག་ཕུབ་ལཿ ལོ་རྒྱུས་མཚམས་སྦྱོར་ཅི་རིགས་པ་ལསཿ འདིར་རིག་འཛིན་འཇིགས་མེད་གླིང་པ་ལ་དུས་གསུམ་མཁྱེན་པ་ཨོ་རྒྱན་ཆེན་པོས་མངོན་སུམ་པར་དགོངས་པ་གཏད་ཅིང༌། བརྡ་བརྒྱུད་ཤོག་སེར་བྱ་ཁྲའི་གཟུགས་ཀྱི་ལྟོ་བ་ལ་སྙན་བརྒྱུད་མཁའ་འགྲོའི་བརྡ་ཡིག་ཏུ་ཤར་བ་ལས་བསྒྱུར་བའི་མཁའ་འགྲོ་མ་སེང་གེའི་གདོང་ཅན་གྱི་དབང་བསྐུར་བགྱི་བ་ལ་ཁྱེད་རང་གཞི་ལུས་སུ་གནས་པའི་མིག་གཉིས་ལ་ལཾ་ལཾཿརྣ་བ་གཉིས་ལ་གཾ་གཾཿསྣ་བུག་གཉིས་ལ་དཾ་དཾཿལྕེ་ལ་མཾཿལྟེ་བར་སཾཿསྙིང་གར་གཾཿཡིག་འབྲུ་དེ་རྣམས་ལས་འབར་བའི་འོད་ཟེར་གྱིས་རྣམ་སྨིན་གྱི་ལུས་རྟེན་དབང་ཡུལ་ཚོགས་བརྒྱད་རྣམས་བསྲེགས་ཤིང་སྦྱངསཿ སྟོང་པའི་ངང་ལས་པད་ཉི་བདུད་བཞིའི་གདན་ལ་ཡེ་ཤེས་ཀྱི་མཁའ་འགྲོ་མ་སེང་གེའི་གདོང་ཅན་སྐུ་མདོག་མཐིང་ནག་རྒྱན་དང་ཆ་ལུགས་རྫོགས་པར་


JLAZ010_Page_0478
[མ་དཔེ་གཟིགས་ན་འདིར་གནོན།]

གསལ་བའི་གནས་གསུམ་དུ་ཨོཾ་ཨཱཿཧཱུྃ་གིས་མཚན་པ་ལས་འོད་ཟེར་འཕྲོས་པས་རང་བཞིན་ཆོས་ཉིད་ཀྱི་གནས་ནས་ཡེ་ཤེས་སེམས་དཔའ་སྤྱན་དྲངས་ནས་སློབ་མ་དང་གཉིས་སུ་མེད་པར་གྱུརཿ ཅེས་བརྗོད་ལ་རྩ་སྔགས་དང་རོལ་མོས་བྱིན་དབབཿ ཏིཥྛ་བཛྲས་བརྟན་པར་བྱཿདེ་ནས་གཏོར་མ་སྤྱི་བོར་བཞག་ལ། གཏོར་མ་འདི་ཉིད་མཁའ་འགྲོ་མ་སེང་གེའི་གདོང་པ་ཅན་དངོས་སུ་གསལ་བ་ཁྱེད་རང་གི་སྤྱི་བོ་ནས་ཞུགས་པས་ཕུང་ཁམས་སྐྱེ་མཆེད་གདན་གསུམ་ཚང་བའི་ངོ་བོར་སྨིནཿ སེང་གེའི་གདོང་ཅན་དངོས་སུ་གྱུར་པའི་མོས་པ་མཛོདཿ ཧོཿསྐྱེ་བ་མེད་ལས་གཟུགས་སུ་སྐྱེསཿ སྣང་སྟོང་དབྱེར་མེད་ལྷ་ཡི་སྐུཿ བུམ་པའི་དབང་གི་ངོ་བོ་ཉིདཿ སྐུ་ལྔ་ཡེ་ཤེས་ལྔ་རྫོགས་ཤོགཿ རྩ་སྔགས་མཐརཿ ཀ་ལཱ་ཤ་ཨ་བྷི་ཥིཉྩ་ཧཱུྃཿབགྲང་ཕྲེང་མགྲིན་པར་བཞག་ལཿ ཨཱ་ལི་ཐབས་ཀྱི་ངོ་བོ་ཉིདཿ ཀཱ་ལི་ཤེས་རབ་རང་བཞིན་ལསཿ ཟུང་འཇུག་ཡིག་འབྲུ་བཅུ་གཉིས་བྱུངཿ རྟེན་འབྲེལ་དུས་སྦྱོར་ལས་སྐྱེས་པའིཿལས་རླུང་སྔགས་སུ་སྨིན་པར་ཤོགཿ བསྙེན་སྒྲུབ་སྔགས་ཀྱི་རྗེས་གནང་བྱིནཿ ཁ་ཊྭཾ་ཀ་སྙིང་གར་བཞག་ལ། ཧཱུྃཿཕྱག་མཚན་ཐབས་མཆོག་བདེ་བ་ཆེཿ གསུམ་པའི་དབང་གི་ངོ་བོ་ཉིདཿ དགའ་བཞིས་སྦྱངས་པའི་


JLAZ010_Page_0479
[མ་དཔེ་གཟིགས་ན་འདིར་གནོན།]

དཔེའི་ཡེ་ཤེསཿ རྣམ་ཐར་གསུམ་ལྡན་ལ་གནས་ཤོགཿ རྩ་སྔགས་མཐརཿ ཛཿཧཱུྃ་བྃ་ཧོཿདྷརྨ་དྷཱརྟུ་ཨཿགྲི་ཐོད་གཏད་ལཿ ཧཱུྃཿགྲི་གུག་གཟུང་འཛིན་རྩ་བ་གཅོདཿ ཐོང་ཁྲག་ཞི་རྒྱས་ཆགས་པའི་ཉམསཿ ལས་བཞི་ལྷུན་གྲུབ་ཕྱག་མཚན་འདིསཿ ཕྲིན་ལས་རྣམ་བཞི་འགྲུབ་པར་ཤོགཿ རྩ་སྔགས་མཐརཿ ཤཱིནྟཾ་པུཥྟིཾ་པཱ་ཤང་མཱ་ར་ཡ་ཕཊཿརྗེས་ཆོག་ཡུམ་ཀའི་དབང་བཞིན་ནོཿས་མ་ཡཿརྒྱ་རྒྱ་རྒྱཿ

ཡུམ་ཀའི་གསང་སྒྲུབ་སེང་གེའི་གདོང་ཅན་གྱི་གསོལ་འདེབས་བྱིན་རླབས་ཆར་འབེབས།


JLAZ010_Page_0481
[མ་དཔེ་གཟིགས་ན་འདིར་གནོན།]

ཡུམ་ཀའི་གསང་སྒྲུབ་སེང་གེའི་གདོང་ཅན་གྱི་གསོལ་འདེབས་བྱིན་རླབས་ཆར་འབེབས་བཞུགས།། ༈ཡུམ་ཀའི་གསང་སྒྲུབ་སེང་གེའི་གདོང་ཅན་གྱི་གསོལ་འདེབས་བྱིན་རླབས་ཆར་འབེབས་ནི། ཆོས་དབྱིངས་སྤྲོས་པ་བྲལ་བའི་ཞིང་ཁམས་ནས། །ཆོས་སྐུ་ཀུན་ཏུ་བཟང་མོ་ལ་གསོལ་བ་འདེབས། །སྤྲོས་བྲལ་བློ་འདས་རྟོགས་པར་བྱིན་གྱིས་རློབས། །ལྷུན་གྲུབ་འདུས་མ་བྱས་པའི་ཕོ་བྲང་ནས། །ལོངས་སྐུ་རྡོ་རྗེ་ཕག་མོ་ལ་གསོལ་བ་འདེབས། །བདེ་སྟོང་རྒྱུན་ཆད་མེད་པར་བྱིན་གྱིས་རློབས། །འགྲོ་འདུལ་ཐུགས་རྗེ་སྤྲུལ་བའི་གནས་མཆོག་ནས། །སྤྲུལ་སྐུ་སེང་ཧ་མུ་ཁ་ལ་གསོལ་འདེབས། །གཞན་དོན་རླབས་ཆེན་གྲུབ་པར་བྱིན་གྱིས་རློབས། །དབང་ཡུལ་སྐྱེ་མཆེད་དག་པའི་ཕོ་བྲང་ནས། །རྡོ་རྗེ་ཕྲ་མེན་དྲུག་ལ་གསོལ་བ་འདེབས། །འཁྲུལ་རྟོག་ལྷ་རུ་འཆར་བར་བྱིན་གྱིས་རློབས། །རྟོག་ཚོགས་རང་སར་གྲོལ་བའི་ཕོ་བྲང་ནས། །མཁའ་འགྲོ་སུམ་ཅུ་གཉིས་ལ་གསོལ་བ་འདེབས། །ཉོན་མོངས་རང་ངོར་གྲོལ་བར་བྱིན་གྱིས་རློབས། །ཕྲིན་ལས་མུ་མཐའ་མེད་པའི་ཕོ་བྲང་ནས། །འབུམ་ཕྲག་མཁའ་འགྲོའི་ཚོགས་ལ་གསོལ་བ་འདེབས། །འགྲོ་དོན་རྒྱུན་ཆད་མེད་པར་བྱིན་གྱིས་རློབས། །དྲུག་ལྡན་གསང་ཆེན་རྡོ་རྗེའི་ཕོ་བྲང་ནས། །རིག་འཛིན་འཇིགས་མེད་གླིང་


JLAZ010_Page_0482
[མ་དཔེ་གཟིགས་ན་འདིར་གནོན།]

པ་ལ་གསོལ་བ་འདེབས། །ལྷ་ཚོགས་བླ་མར་ཤེས་པར་བྱིན་གྱིས་རློབས། །བཀའ་གཏེར་དག་སྣང་ལྕགས་རི་ལེགས་སྲུང་པའི། །གཏེར་བདག་ཆོས་སྲུང་རྣམས་ལ་གསོལ་བ་འདེབས། །དགྲ་བགེགས་ནུས་མཐུས་སྒྲོལ་བར་བྱིན་གྱིས་རློབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །བདག་ཅག་སྒྲུབ་པོའི་སྒོ་གསུམ་གནས་འགྱུར་ནས། །སེདྷ་མུ་ཁའི་གསང་གསུམ་རྡོ་རྗེའི་ཁམས། །མངོན་གྱུར་བསྟན་འགྲོར་ཕན་པའི་མཐུ་ཐོབ་ཤོག །དེ་ལྟར་ཡུམ་ཀའི་གསང་སྒྲུབ་ཀྱི། །གསོལ་འདེབས་བྱིན་རླབས་ཆར་འབེབས་འདི། །རིག་འཛིན་འཇིགས་མེད་གླིང་པ་ཡི། །ཞབས་པད་སྤྱི་བོར་ལེགས་བསྟེན་པ། །འཇིགས་མེད་ཕྲིན་ལས་འོད་ཟེར་གྱིས། །བྲིས་འདི་འགྲོ་ལ་སྨན་གྱུར་ཅིག །།

ཀློང་ཆེན་སྙིང་གི་ཐིག་ལེ་ལསཿ ཡུམ་ཀའི་གསང་སྒྲུབ་སེངྒེའི་གདོང་ཅན།


JLAZ010_Page_0483
[མ་དཔེ་གཟིགས་ན་འདིར་གནོན།]

༂ ཀློང་ཆེན་སྙིང་གི་ཐིག་ལེ་ལསཿ ཡུམ་ཀའི་གསང་སྒྲུབ་སེངྒེའི་གདོང་ཅན་བཞུགསཿ


JLAZ010_Page_0484
[མ་དཔེ་གཟིགས་ན་འདིར་གནོན།]

བདག་ཉིད་ཆེན་པོ་པདྨ་ལཿ ཚོགས་བརྒྱད་བསྒྲལ་བའི་དུར་ཁྲོད་དུཿ ཆོས་ཉིད་སྒྲ་དང་ཆོས་ཉིད་ཟེརཿ ཆོས་ཉིད་འོད་ཀྱི་ཀློང་དཀྱིལ་ནསཿ དབྱིངས་ཀྱི་མཁའ་འགྲོའི་ཆོས་འདི་གཏདཿ སིནྡྷུ་ར་ཡི་མཎྜལ་ནིཿ ཆོས་འབྱུང་བསྣོལ་མ་པད་འཁོར་ཅནཿ དུར་ཁྲོད་རྡོ་ར་མེ་རིས་བསྐོརཿ ཤེལ་ནི་དཀྱིལ་ཡིན་མེ་ལོང་འཁོརཿ ནང་མཆོད་དམ་རྫས་བཟང་དུ་བཤམསཿ དང་པོ་སྐྱབས་འགྲོ་སེམས་བསྐྱེད་ནིཿ ཧོཿ ཡིད་ཆོས་རྣམ་དག་ཀུན་བཟང་ཡབ་ཡུམ་ལཿ སྣང་སྟོང་གཉིས་སུ་མེད་པར་སྐྱབས་སུ་མཆིཿའགྲོ་ལ་དམིགས་པའི་སྙིང་རྗེ་ཆེན་པོ་དངཿ ཆོས་ཉིད་དེ་བཞིན་ཉིད་དུ་སེམས་བསྐྱེད་དོཿགཉིས་པ་སྔོན་གཏོར་བྱ་བ་ནིཿ ཧཱུྃཿ བགེགས་ཞེས་བྱ་བའང་སྡུག་བསྔལ་


JLAZ010_Page_0485
[མ་དཔེ་གཟིགས་ན་འདིར་གནོན།]

བདེན་པ་སྟེཿ བདེ་གཤེགས་སྙིང་པོ་རང་བཞིན་མེད་པ་ལཿ གློ་བུར་རྣམ་རྟོག་ཀུན་འབྱུང་མ་རིག་གདོནཿ གཏོར་མ་ལོང་ལ་རྒྱ་མཚོའི་ཕ་མཐར་དེངསཿ ཧཱུྃ་བཞིའི་སྔགས་བརྗོདཿ གསུམ་པ་སྲུང་འཁོར་ནིཿ ཧཱུྃཿ སེམས་ལས་སེམས་བྱུང་ཆོས་ཉིད་སྐྱེ་བ་མེདཿ འགགས་མེད་རྩལ་ལས་རྡོ་རྗེའི་ཆོས་བདུན་གྱིཿ སྲུང་བའི་འཁོར་ལོ་ཡོངས་གྲུབ་ཆེན་པོ་ལཿ གཞན་དབང་ཀུན་བརྟགས་གདོན་གྱིས་གླགས་མི་རྙེདཿ དྷརྨ་དྷཱརྟུ་བཛྲ་རཀྵཿབཞི་པ་མཆོད་པ་བྱིན་བརླབ་ནིཿ ཧོཿཆོས་ཅན་ཀུན་རྫོབ་བདེན་པ་མཐའ་དག་ཀུནཿ ཐབས་དང་ཤེས་རབ་ཟུང་འཇུག་འདོད་ཡོན་རྫསཿ སྨན་གཏོར་རཀྟའི་དངོས་པོ་བྱིན་རླབས་ཤིངཿ ཉེར་སྤྱོད་ཀུན་ཏུ་བཟང་པོའི་སྤྲིན་དུ་གྱུརཿ ཨོཾ་རཱུ་པ་ཤཔྟ་གནྡྷེ་རཱ་ས་པརྴེ་ཨརྒྷཾ་ནས་


JLAZ010_Page_0486
[མ་དཔེ་གཟིགས་ན་འདིར་གནོན།]

ཤཔྟ་དྷརྨ་དྷཱརྟུ་ཨཱཿཧཱུྃཿ ཨོཾ་མ་ཧཱ་པཉྩ་ཨ་མྲྀ་ཨཱཿཧཱུྃཿ ཨོཾ་མ་ཧཱ་རཀྟ་ཨཱཿཧཱུྃཿ ཨོཾ་མ་ཧཱ་བྷ་ལིཾ་ཏ་ཨཿ ཧཱུྃཿ སྨན་རག་གཏོང་མའི་སྔགས་ཀྱིས་བརླབསཿ ལྔ་པ་རྣམ་བྱང་དང་མཐུན་པའི་ལྷའི་རྣལ་འབྱོར་སྒོམ་པ་ནིཿ ཨཱཿ སྟོང་པ་ཉིད་དང་མཚན་མ་མེད་པ་དངཿ སྨོན་པ་མེད་པའི་ཏིང་འཛིན་རྣམ་གསུམ་ལསཿ རྣམ་ཐར་ཡོངས་རྫོགས་རྡོ་རྗེ་བཙུན་མོའི་མཁའཿ འོད་སྣང་སྟོང་གཟུགས་ཆོས་འབྱུང་བསྣོལ་མའི་དབུསཿ ཆུ་སྐྱེས་གེ་སར་ཐབས་ཤེས་ཉི་ཟླའི་སྟེངཿ སྐྱེ་མེད་རྡོ་རྗེ་ཨ་ཡིག་ཡོངས་གྱུར་ལསཿ སྣང་སྟོང་ལྷུན་གྲུབ་གཞོན་ནུ་བུམ་པའི་སྐུཿ སྐྱེ་མཆེད་ཡོངས་རྫོགས་རྡོ་རྗེ་བདག་མེད་མཿ ཆོས་ཉིད་མི་འགྱུར་སྐུ་མདོག་མཐིང་ག་ལཿ ཁམས་གསུམ་ཟ་བྱེད་སེང་གེའི་གདོང་པ་ཅནཿ ཕྱག་གཡས་གྲི་གུག་འཕྱར་བས་གཟུང་འཛིན་གཅོདཿ གཡོན་པས་ཐོད་ཁྲག་སྐྱེ་ཤིའི་རྩ་བ་འཇོམསཿ མཆན་ཁུང་རྡོ་རྗེ་རྩེ་གསུམ་ཁ་ཊྭཱཾ་གཿ མཚན་ཉིད་ཡོངས་རྫོགས་ཅང་ཏེའུ་དྲིལ་བུ་འཕྱངཿ ཐབས་མཆོག་བདེ་ཆེན་ཡབ་དང་འདུ་འབྲལ་མེདཿ ཞབས་གཉིས་གཡས་བསྐུམས་འཁོར་བའི་སྐྱེ་སྒོ་དགགཿ གཡོན་བརྐྱངས་བདུད་བཞིའི་སྟེང་ན་སྒེག་ཅིང་འགྱིངཿ ཕ་རོལ་ཕྱིན་དྲུག་རྫོགས་པའི་རུས་རྒྱན་དངཿ ཐོད་སྐམ་དབུ་རྒྱན་ཕྱག་རྒྱ་ལྔ་ཡིས་སྤྲསཿ འདུ་བྱེད་ལྔ་བཅུ་དག་པའི་མགོ་ཕྲེང་འཕྱངཿ ང་རྒྱལ་རྩད་གཅོད་སེང་གེའི་གཡང་གཞི་གསོལཿ རྩིབས་དྲུག་མདུན་ནས་རིམ་པས་གཡས་བསྐོར་


JLAZ010_Page_0487
[མ་དཔེ་གཟིགས་ན་འདིར་གནོན།]

དུཿ དབང་ཡུལ་སྐྱེ་མཆེད་དག་པའི་ཕྲ་མེན་དྲུགཿ གཟུགས་ལ་མི་སྤྱོད་ནག་མོ་བྱ་ལོང་གདོངཿ སྒྲ་ལ་མི་སྤྱོད་མཐིང་ནག་སྐྱ་གའི་མགོཿདྲི་ལ་མི་སྤྱོད་དམར་སེར་ངུར་བའི་གདོངཿ ་རོ་ལ་མི་སྤྱོད་ལྗང་ནག་དམུ་བྱའི་མགོཿརེག་བྱར་མི་སྤྱོད་ནག་མོ་སོ་བྱའི་གདོངཿ ཆོས་དབྱིངས་ནམ་མཁར་སྤྱོད་པའི་བྱ་རྒོད་དཀརཿ ཀུན་ཀྱང་གཟུང་འཛིན་གཅོད་པའི་གྲི་གུག་དངཿ ཆགས་སྡང་དབྱིངས་སུ་སྦྱོར་བའི་ཐོད་ཁྲག་འཛིནཿ རྟོག་མེད་རོ་ཡི་གདན་ལ་དོར་སྟབས་འགྱིངཿ གཅེར་མོ་རིན་ཆེན་ཕྱག་རྒྱ་ལྔ་ཡིས་བརྒྱནཿ པད་འདབ་རྣམས་ལ་མཁའ་འགྲོ་སོ་གཉིས་དངཿ གིང་ལང་དབང་ཕྱུག་བསྟན་མའི་ཚོགས་ཀྱིས་བསྐོརཿ ཕྱག་རྒྱ་བཞི་ལྡན་རྡོ་རྗེ་གསུམ་གྱི་ངངཿ རང་དབང་རང་ཐོབ་རྡོ་རྗེ་ཕྱེད་པས་མཚནཿ མ་བསྐྱེད་རང་བྱུང་ཡོངས་གྲུབ་ཆེན་པོར་གསལཿ དྲུག་པ་སྤྱན་འདྲེན་ནིཿ ཧཱུྃཿདེ་བཞིན་ཉིད་དབྱིངས་སྤྲོས་བྲལ་ཆེན་པོ་ལཿ གཤེགས་བྱོན་བཞུགས་སུ་གསོལ་བ་མི་དམིགས་ཀྱངཿ ཐུགས་རྗེའི་སྣང་ཆ་གཟུགས་སྐུར་རོལ་པ་ལསཿ དམ་ཡེ་གཉིས་མེད་ཆེན་པོར་གཤེགས་སུ་གསོལཿ ཨོཾ་སེང་ཧ་མུ་ཁ་ཧཱུྃ་ཧ་ཧེ་ཕཊ་ཛཿབདུན་པ་བཞུགས་གསོལ་ནིཿ ཧཱུྃཿ གདོད་ནས་དམ་ཚིག་ཡེ་ཤེས་གཉིས་མེད་ཀྱངཿ གློ་བུར་བློ་ཡི་དག་


JLAZ010_Page_0488
[མ་དཔེ་གཟིགས་ན་འདིར་གནོན།]

བྱ་སྦྱང་བྱའི་ཕྱིརཿ གསལ་སྣང་ལྷ་སྐུར་རྫོགས་པའི་བསམ་གཏན་ལཿ ལྷག་མཐོང་གསལ་བའི་ཡེ་ཤེས་བརྟན་པར་བཞུགསཿ བཛྲ་ས་མ་ཡ་ཏིཥྛ་སྭཱ་ཧཱཿབརྒྱད་པ་ཕྱག་འཚལ་བ་ནིཿ ཧཱུྃཿ སྐྱེ་མེད་ཆོས་སྐུའི་ངང་ལས་འགག་མེད་རྩལཿ ལོངས་སྤྱོད་རྫོགས་མཛད་མཁའ་འགྲོ་སེང་གེའི་གདོངཿ ང་རྒྱལ་གཟུགས་ཀྱིས་ངར་འཛིན་འཇོམས་མ་ལཿ མངོན་སུམ་བལྟ་བ་མཇལ་བའི་ཕྱག་བགྱིའོཿཨ་ཏི་པུ་ཧོཿཔྲ་ཏཱིཙྪ་ཧོཿདགུ་པ་མཆོད་པ་ནིཿ ཧོཿགཟུགས་སྣང་ལྷར་རྫོགས་མཆོད་པའི་ཕྱག་རྒྱ་ཆེཿསྒྲ་གྲགས་བཟླས་བརྗོད་རྡོ་རྗེའི་རོལ་མོར་འཁྲོལཿ དྲི་མཆོག་ཚུལ་ཁྲིམས་སྤོས་ཀྱི་གླང་པོའི་ངདཿ རོ་དྲུག་ཚོགས་ཀྱི་འཁོར་ལོའི་འདོད་ཡོན་ཅནཿ རེག་བྱ་རྡོ་རྗེ་བདེ་ཆེན་དབྱིངས་ལ་སྤྱོདཿ ཆོས་ཀྱི་འབྱུང་གནས་རྡོ་རྗེ་བཙུན་མོའི་མཁའཿཨེ་ཝཾ་ཟུང་འཇུག་སྨན་གཏོར་རཀྟ་དངཿ བྱང་ཆུབ་སེམས་ཀྱི་འོད་ཟེར་ཀུན་བཟང་སྤྲིནཿ བླང་དོར་མེད་པའི་དགྱེས་མཆོད་ཆེན་པོར་བཞེསཿ ཤྲཱི་བཛྲ་སེང་ཧ་མུ་ཁ་རཱུ་པ་ཤཔྟ་གྷནྡྷེ་རཱ་ས་པརྴེ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྷེ་ནེ་ཝི་ཏྱ་ཤཔྟ་སརྦ་པཉྩ་རཀྟ་བྷ་ལིངྟ་དྷརྨ་དྷཱརྟུ་ཧོཿབཅུ་པ་བསྟོད་པ་ནིཿ ཧཱུྃཿབདེ་བའི་བདག་ཉིད་སྣ་ཚོགས་གཟུགས་ཅན་ལཿ བདག་མེད་སེདྒེའི་སྒྲ་ཡིས་བདག་འཛིན་འཇོམསཿ ཡིད་དང་ཆོས་སུ་འཛིན་པའི་བྱ་བྱེད་ཀུནཿ རྣམ་ཀུན་མཆོག་ལྡན་དབྱིངས་སུ་སྦྱོར་ལ་བསྟོདཿ སྣང་


JLAZ010_Page_0489
[མ་དཔེ་གཟིགས་ན་འདིར་གནོན།]

སྟོང་དབྱེར་མེད་ནམ་མཁའི་རྡོ་རྗེ་ཅནཿ ཆགས་སྡང་དབྱིངས་སུ་སྦྱོར་བའི་གྲི་ཐོད་འཛིནཿ སྐྱེ་མཆེད་རྩ་བ་གཅོད་པའི་ཁ་ཊྭཱཾ་ཀཿ ཐབས་མཆོག་ཡབ་དང་འདུ་འབྲལ་མེད་ལ་བསྟོདཿ ཀུན་འབྱུང་འཁོར་བའི་རྒྱུ་འབྲས་རྣམ་ཤེས་ཚོགསཿ ཡུལ་དང་ཡུལ་ཅན་གཉིས་མེད་བདེ་ཆེན་ཀློངཿ སྦྱོར་མཛད་ཡེ་ཤེས་དབྱིངས་ཀྱི་ཕྲ་མེན་དྲུགཿ གནས་ཡུལ་ཉེར་བཞིའི་བདག་ཉིད་ཀུན་ལ་བསྟོདཿ བཅུ་གཅིག་པ་འཛབ་ཀྱི་དགོངས་པ་ནིཿ གཙོ་ལ་སེམས་བཟུང་བསྙེན་པ་སྟེཿགཙོ་འཁོར་ཡོངས་རྫོགས་ཉེ་བསྙེན་ནོཿབཟླས་བརྗོད་བརྩོན་པ་སྒྲུབ་པ་སྟེཿའོད་ཟེར་སྤྲོ་བསྡུ་སྒྲུབ་ཆེན་པོཿཐུགས་ཀར་ཉི་གདན་ཧཱུྃ་གི་མཐརཿ བསྙེན་སྔགས་སྤུ་ཤད་ལྟ་བུས་བསྐོརཿ ཨོཾ་བཛྲ་སེདྷ་མུ་ཁ་ཧཱུྃ་ཧ་ཧེ་ཕཊཿལས་རུང་འབྲུ་འབུམ་དུས་བསྙེན་བཞིཿསྒྲུབ་སྔགས་མགལ་མེའི་འཁོར་ལོ་བཞིནཿ གཡོན་བསྐོར་མེ་སྟག་འཕྲོ་བར་བསྒོམཿ ཨཿཀཿསཿ མཿ རཿ ཙཿཤཿདཿ རཿ སཿ མཱཿརཿ ཡཿཕཊཿའོད་ཟེར་ཕར་འཕྲོས་རྒྱལ་བ་མཆོདཿ བྱིན་རླབས་དངོས་གྲུབ་ཚུར་ལ་བསྡུཿསླར་འཕྲོས་འགྲོ་བའི་ལས་ཉོན་སྦྱངསཿ ཡུལ་དྲུག་རང་གར་འཛིན་པའི་དགྲཿ ཡུལ་ཅན་རྣམ་པར་རྟོག་པའི་བགེགསཿ དག་པའི་སྣོད་བཅུད་ཆེན་པོར་སྦྱངསཿ གྲངས་དུས་བསྙེན་པ་གོང་བཞིན་ལཿ མཚན་མའི་བསྙེན་པ་རྟགས་མཐོང་སྟེཿ


JLAZ010_Page_0490
[མ་དཔེ་གཟིགས་ན་འདིར་གནོན།]

སྨིན་པ་རིགས་འཛིན་རྣམ་བཞི་ལའོཿ རྗེས་ཆོག་ཡུམ་ཀའི་གཞུང་ལྟར་ལསཿ རྗེས་ཀྱི་རིམ་པ་ཚོགས་སྐོང་ནིཿ བསོད་ནམས་ནང་ནས་ཚོགས་འཁོར་མཆོགཿ མཁའ་འགྲོ་འདུ་བའི་དམ་ཚིག་རྫསཿ ནང་མཆོད་ཁྱད་པར་བཟང་དུ་བཤམསཿ ཧོཿ བདེ་བ་ཆེན་པོའི་སྣོད་མཆོག་ཏུཿ ཚོགས་ཀྱི་འཁོར་ལོའི་ལོངས་སྤྱོད་ནིཿ བླང་དོར་མེད་པའི་དམ་ཚིག་རྫསཿ ཨོཾ་ཨཱཿཧཱུྃ་གིས་བདུད་རྩིར་བསྒྱུརཿ ཚོགས་ཕུད་རིམ་པ་གསུམ་དུ་སྤྲོཿ ཧཱུྃཿ འོག་མིན་གནས་དང་མཁའ་སྤྱོད་ཞིངཿ དཔའ་བོ་མཁའ་འགྲོ་འདུ་བའི་གནསཿ ཉི་ཤུ་རྩ་བཞི་སྤྲུལ་པའི་ཡུལཿ ནང་ལྟར་རྡོ་རྗེ་ཕུང་པོའི་གྲོངཿ སྤྱི་བོ་ཛ་ལནྡྷ་ར་དངཿ སྨིན་མཚམས་པུལླཱི་ར་མ་ལཿ ལྟག་པའི་རྩ་ཁམས་ཨརྦུ་ཏཿམཛོད་སྤུ་རཱ་མེ་ཤྭཱ་རཱ་དངཿ རྣ་བ་གཡས་པ་ཨོ་རྒྱན་ཡུལཿ གཡོན་པ་གོ་དྷཱ་ཝཱ་རཱའི་ཞིངཿ མིག་གཉིས་དེ་ཝཱི་ཀོ་ཊཱ་དངཿ ཕྲག་པ་མཱ་ལ་ཝ་བརྒྱད་ནཿ བཞུགས་པའི་དཔའ་བོ་རྣལ་འབྱོར་མཿ མཁའ་འགྲོ་དང་ནི་མཁའ་འགྲོ་མཿ ཚོགས་ཀྱི་འདུ་བར་གཤེགས་སུ་གསོལཿ དབུ་སྐྲ་ཐོར་ཚུགས་ལྡེམས་སེ་ལྡེམཿ ལྕང་ལོའི་ཟར་བུ་ཏ་ལ་ལཿ སྙན་ཆ་གདུ་བུ་ཀྱི་ལི་ལིཿརུས་རྒྱན་གཡེར་ཁ་ཁྲོ་ལོ་ལོཿཅང་ཏེའུ་དྲིལ་བུའི་སྒྲ་དང་བཅསཿ རྡོ་རྗེའི་གླུ་དང་གར་ལ་རོལཿ འདོད་ཡོན་ལོངས་སྤྱོད་ཚོགས་སུ་འབུལཿ དམ་ཚིག་ཉམས་པ་མཐོལ་ལོ་བཤགསཿ


JLAZ010_Page_0491
[མ་དཔེ་གཟིགས་ན་འདིར་གནོན།]

ཕྱི་ནང་བར་གཅོད་དབྱིངས་སུ་སྒྲོལཿ མཆོག་དང་ཐུན་མོང་དངོས་གྲུབ་སྩོལཿ ལོངས་སྤྱོད་འཁོར་ལོ་ལཾ་པཱ་ཀཿ མཆན་དང་མཁལ་ཁུང་ཀཱ་མ་རུཿ ནུ་མ་གཉིས་ནི་ཨོ་ཊི་སྟེཿ ལྟེ་བ་ཏྲི་ཤ་ཀུན་ནའི་གྲོངཿ སྣ་ཡི་རྩེ་མོ་ཀོ་ས་ལཿ ཡ་རྐན་ཀ་ལིང་ཀ་ཡི་ཡུལཿ སྙིང་ག་ཀཉྩི་ཀ་དང་ནིཿ ཧི་མཱ་ལ་ཡི་གྲོང་ཁྱེར་ནསཿ བཞུགས་པའི་དཔའ་བོ་རྣལ་འབྱོར་མཿ མཁའ་འགྲོ་དང་ནི་མཁའ་འགྲོ་མཿ ཚོགས་ཀྱི་འདུ་བར་གཤེགས་སུ་གསོལཿ དབུ་སྐྲ་ཐོར་ཚུགས་ལྡེམས་སེ་ལྡེམཿ ལྕང་ལོའི་ཟར་བུ་ཏ་ལ་ལཿ སྙན་ཆ་གདུ་བུ་ཀྱི་ལི་ལིཿརུས་རྒྱན་གཡེར་ཁ་ཁྲོ་ལོ་ལོཿཅང་ཏེའུ་དྲིལ་བུའི་སྒྲ་དང་བཅསཿ རྡོ་རྗེའི་གླུ་དང་གར་ལ་རོལཿ འདོད་ཡོན་ལོངས་སྤྱོད་ཚོགས་སུ་འབུལཿ དམ་ཚིག་ཉམས་པ་མཐོལ་ལོ་བཤགསཿ ཕྱི་ནང་བར་གཅོད་དབྱིངས་སུ་སྒྲོལཿ མཆོག་དང་ཐུན་མོང་དངོས་གྲུབ་སྩོལཿ མཚན་མ་པྲེ་ཏ་པུ་རིའི་ཞིངཿ བཤང་ལམ་གྲྀ་ཧ་དེ་བའི་ཡུལཿ མཐེ་བོང་མ་རོ་བརླ་རཱཥྟཿབྱིན་པ་སུ་ཝརྣ་དྭཱི་པཿསོར་མོ་བཅུ་དྲུག་ནཱ་ག་རཿ པུས་མོ་ཀུ་ལནྟཱ་དང་ནིཿ བོལ་གོང་སིནྡྷུའི་གྲོང་ཁྱེར་ནཿ བཞུགས་པའི་དཔའ་བོ་རྣལ་འབྱོར་མཿ མཁའ་འགྲོ་དང་ནི་མཁའ་འགྲོ་མཿ ཚོགས་ཀྱི་འདུ་བར་གཤེགས་སུ་གསོལཿ དབུ་སྐྲ་ཐོར་ཚུགས་ལྡེམས་སེ་ལྡེམཿ ལྕང་ལོའི་


JLAZ010_Page_0492
[མ་དཔེ་གཟིགས་ན་འདིར་གནོན།]

ཟར་བུ་ཏ་ལ་ལཿ སྙན་ཆ་གདུ་བུ་ཀྱི་ལི་ལིཿ རུས་རྒྱན་གཡེར་ཁ་ཁྲོ་ལོ་ལོཿ ཅང་ཏེའུ་དྲིལ་བུའི་སྒྲ་དང་བཅསཿ རྡོ་རྗེའི་གླུ་དང་གར་ལ་རོལཿ འདོད་ཡོན་ལོངས་སྤྱོད་ཚོགས་སུ་འབུལཿ དམ་ཚིག་ཉམས་པ་མཐོལ་ལོ་བཤགསཿ ཕྱི་ནང་བར་གཅོད་དབྱིངས་སུ་སྒྲོལཿ མཆོག་དང་ཐུན་མོང་དངོས་གྲུབ་སྩོལཿ ཚོགས་སྐོང་སྦྲེལ་མ་བྱེད་ནཿ ཧོཿཡེ་ཤེས་མཁའ་འགྲོའི་ལྷ་ཚོགས་དགོངས་སུ་གསོལཿ འདོད་ཆགས་ཞེ་སྡང་གཏི་མུག་དབང་གྱུར་པསཿ ལུས་ངག་སེམས་ཀྱི་སྡིག་སྤྱོད་མཐོལ་ཞིང་བཤགསཿ ཐེག་པ་དམན་པའི་དབང་དུ་གྱུར་པས་ནཿ ཡང་དག་དོན་མ་རྟོག་པ་མཐོལ་ལོ་བཤགསཿ སྙིང་རྗེ་ཆུང་ཞིང་ཞེ་སྡང་དབང་གྱུར་པསཿ འགྲོ་བའི་དོན་མ་བགྱིས་པ་མཐོལ་ཞིང་བཤགསཿ ལེ་ལོ་གཉིད་ཀྱི་དབང་དུ་གྱུར་པ་ཡིསཿ སྒོམ་དང་སྒྲུབ་པ་གཡེལ་བ་མཐོལ་ཞིང་བཤགསཿ སེར་སྣ་འཇུར་གེགས་དབང་དུ་གྱུར་པས་ནཿ མཆོད་པ་ལོ་ཟླར་འདས་པ་མཐོལ་ཞིང་བཤགསཿ ང་རྒྱལ་ཁེངས་སེམས་དབང་དུ་གྱུར་པས་ནཿ བླ་མའི་སྐུ་གསུང་ཐུགས་དང་འགལ་བ་བཤགསཿ བརྩེ་གདུང་ཆུང་བའི་དབང་དུ་གྱུར་པས་ནཿ གྲོགས་མཆེད་ཐུགས་དང་འགལ་བ་མཐོལ་ཞིང་བཤགསཿ ཟླ་གྲོགས་ངན་པའི་དབང་དུ་གྱུར་


JLAZ010_Page_0493
[མ་དཔེ་གཟིགས་ན་འདིར་གནོན།]

པས་ནཿ ཕུད་དང་ལྷག་མར་གྱུར་པ་མཐོལ་ཞིང་བཤགསཿ ཕུད་དང་ལྷག་མ་ཉམས་པའི་སྐྱོན་དབང་གིསཿ ཕུད་ཉུལ་ཐུགས་དང་འགལ་བ་མཐོལ་ཞིང་བཤགསཿ ཕུད་ཉུལ་ཐུགས་དང་འགལ་བའི་སྐྱོན་དབང་གིསཿ མཁའ་འགྲོའི་བཀའ་ཆད་གནས་གྱུར་མཐོལ་ལོ་བཤགསཿ སྒྲོལ་བའི་དུས་ན་སྙིང་རྗེ་ཆུང་བ་ཡིསཿ སེམས་ཅན་གནས་མ་སྟོབས་པ་མཐོལ་ལོ་བཤགསཿ ཉོན་མོངས་གནས་མ་སྟོབས་པའི་སྐྱོན་དབང་གིསཿ ཡུན་གྱི་སྒྲིབ་པར་གྱུར་པ་མཐོལ་ལོ་བཤགསཿ སྦྱོར་བའི་དུས་སུ་ཏིང་འཛིན་མ་གསལ་བསཿ གཟུངས་མའི་ཐུགས་དང་འགལ་བ་བཟོད་པར་གསོལཿ གཟུངས་མའི་ཐུགས་དང་འགལ་བའི་སྐྱོན་དབང་གིསཿ ཆགས་ཤིང་འཁོར་བར་སྐྱེ་བ་མཐོལ་ལོ་བཤགསཿ བཤགས་ནས་སྐུ་གསུང་ཐུགས་ཀྱི་དངོས་གྲུབ་སྩོལཿ ཞེས་སྙིང་ཐག་པ་ནས་བཤགས་ན་དམ་ཚིག་ཉམས་ཆག་སོར་ཆུད་པར་འགྱུར་རོཿདེ་ནས་ལྷག་མ་ནི་ཁ་ཕྲུས་བཏབ་ལཿ ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨདྱ་ནུཏྤནྣ་ཏྭ་ཏ་ཨོཾ་ཨཱཿཧཱུྃ་ཕཊ་སྭཱ་ཧཱཿཕཻཾཿལྷག་ལ་དབང་བའི་བཀའ་ཉན་ནིཿ མཁའ་འགྲོ་སུམ་ཅུ་རྩ་གཉིས་དངཿ གིང་ཆེན་ཁྱོ་ཤུགས་ལངྐ་འབུམཿ ཕོ་ཉ་སུམ་བརྒྱ་དྲུག་ཅུའི་སྡེཿ མགྱོགས་མ་བཞི་དང་འབར་མ་བརྒྱདཿ


JLAZ010_Page_0494
[མ་དཔེ་གཟིགས་ན་འདིར་གནོན།]

མ་མོ་བདུན་དང་སྲིང་མོ་བཞིཿཤུག་འགྲོ་གནས་ཉུལ་ཕྲ་མེན་རྣམསཿ ལྷག་ལ་གདུང་ཞིང་ཚོགས་ཁང་འགྲིམཿ ཕམ་ཕབ་བཟང་པོ་འདི་བཞེས་ལཿ མི་མཐུན་རྐྱེན་ངན་བར་ཆད་སོལཿ བཅོལ་བའི་ཕྲིན་ལས་འགྲུབ་པར་མཛོདཿ ཅེས་ཕྱི་རོལ་དུ་དོརཿ ཐུགས་དམ་བསྐུལ་བ་ནིཿ ཧཱུྃཿབཞེངས་ཤིག་མཁའ་འགྲོ་འདུས་པའི་ལྷཿཆོས་ཀྱི་དབྱིངས་ནས་སྐུར་བཞེངས་ལཿ བྱང་ཆུབ་བསྒྲུབ་པའི་བར་ཆད་ཐུལཿ སྣོད་བཅུད་འབྱུང་བའི་རྒུད་པ་སོལཿ རྩ་རླུང་དབང་ཐང་ཉམས་པ་གསོསཿ སྒྲུབ་པའི་འབྲས་བུ་མཆིས་པར་མཛོདཿ ཆད་ཐོ་བྱ་བ་ནིཿ ཧཱུྃཿདུས་གསུམ་ལས་འདས་ཀུན་ཏུ་བཟངཿ རང་བཞིན་རྣམ་དག་འོག་མིན་དུཿ གདན་གསུམ་ཚང་བའི་སྟོན་འཁོར་གྱིསཿ གསང་ཆེན་རྡོ་རྗེའི་ཆོས་འཁོར་བསྐོརཿ དངོས་འཛིན་དག་པའི་ལྷ་གནས་གསུམཿ རྒྱུད་སྡེ་འབྱུང་བའི་གནས་སུ་བསྟནཿ སྔགས་ནི་ལས་ཅན་སྤྲུལ་པའི་ངོརཿ རང་བཞིན་ཉིད་དུ་འབྱུང་བའི་ཚེཿ སྒྲགས་མདའ་མཚོ་རྒྱལ་བླ་མཚོ་རུཿདཔལ་ལྡན་རང་བྱུང་རྡོ་རྗེའི་རྒྱུདཿ གནས་གསུམ་མཁའ་འགྲོས་བྱིན་རླབས་ཤིངཿ སྲེད་ལེན་མེད་པའི་བརྡ་ཡིག་ལསཿ འཛད་མེད་གཏེར་གྱི་སྒོ་ཕྱེ་ཚེཿའཁྲུལ་པ་གཞི་ལ་དག་པ་ཡིཿ རྟེན་འབྲེལ་བཞིན་དུ་ཕྲིན་ལས་མཛོདཿ བསྟན་མ་སྐྱོང་བ་ནིཿ ཧཱུྃཿདཔལ་གྱི་བཀའ་ཉན་བོད་ཁམས་


JLAZ010_Page_0495
[མ་དཔེ་གཟིགས་ན་འདིར་གནོན།]

སྐྱོངཿ མ་སྲིང་བརྟན་མ་བཅུ་གཉིས་རྣམསཿ འདིར་སྤྱོན་གཏོར་མའི་བཤལ་ཆུ་བཞེསཿ བཅོལ་བའི་ཕྲིན་ལས་འགྲུབ་པར་མཛོདཿ རྟ་བྲོ་བྱ་བ་ནིཿ ཧཱུྃཿཡེ་ཤེས་མཁའ་འགྲོའི་དཀྱིལ་འཁོར་འདིརཿ ལོག་པར་འདྲེན་པའི་དམ་སྲི་ཀུནཿ མནན་ནོ་ཐེག་པ་རིམ་དགུའི་རྒྱཿནམ་ཡང་ལྡང་བར་མ་གྱུར་ཅིགཿ སྟྭཾ་བྷ་ཡ་ནནཿ དེ་ནས་མཆོད་ཅིང་བསྟོད་ལཿ དངོས་གྲུབ་བླང་བ་ནིཿ ཧོཿམཁའ་འགྲོ་སྒྲུབ་པའི་དམ་ཚིག་ད་ནང་ཐེམསཿ དངོས་གྲུབ་སྩོལ་བའི་དུས་ལ་ད་བབ་ནཿ མི་གནས་ཡེ་ཤེས་ཐུགས་ཀྱི་དཀྱིལ་འཁོར་ནསཿ སྐུ་གསུང་ཐུགས་དང་མཉམ་སྦྱོར་དབང་བཅུའི་སྟོབསཿ ད་ལྟ་ཉིད་དུ་བདག་ལ་སྩལ་དུ་གསོལཿ ཨོཾ་བཛྲ་སེང་ཧ་མུ་ཁ་ཧཱུྃ་ཧ་ཧེ་ཕཊ་བཛྲ་ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཧོཿསྒྲུབ་རྫས་གནས་གསུམ་དུ་གཏུགས་ཤིང་མྱོངཿ ནོངས་པ་བཤགས་པ་ནིཿ ཧཱུྃཿཡེ་ཤེས་མཁའ་འགྲོའི་དཀྱིལ་འཁོར་དུཿ མཆོད་རྫས་མ་ཚང་སྒྲུབ་པ་གཡེལཿ ཏིང་འཛིན་བྱིང་རྨུགས་འཐིབ་ལ་སོགསཿ འགལ་འཁྲུལ་ནོངས་པ་བཟོད་པར་གསོལཿ ཨོཾ་བཛྲ་ས་ཏྭ་ས་མ་ཡཿསོགས་བརྗོདཿ རྫོགས་རིམ་ནིཿ ཧོཿཆུ་ལས་ཆུ་བུར་རྡོལ་བ་བཞིནཿ རང་ལས་སྤྲུལ་པའི་དཀྱིལ་འཁོར་ལྷཿ ཡེ་ཤེས་དབྱིངས་སུ་བཛྲ་མུཿ རྗེས་ཐོབ་སྒྱུ་མའི་ལྷ་སྐུར་ལྡངཿ བསྔོ་བ་


JLAZ010_Page_0496
[མ་དཔེ་གཟིགས་ན་འདིར་གནོན།]

ནིཿ ཧོཿམཁའ་འགྲོ་མ་ཡི་དཀྱིལ་འཁོར་དུཿ བསྐྱེད་རྫོགས་བཟླས་བརྗོད་བགྱིས་པ་ཡིཿདགེ་བའི་རྩ་བ་གང་ལགས་པཿའགྲོ་ཀུན་སངས་རྒྱས་ཐོབ་ཕྱིར་བསྔོཿསྨོན་ལམ་ནིཿ ཧོཿསྣང་སྲིད་ཐམས་ཅད་དག་པ་མཁའ་སྤྱོད་ཞིངཿ བདེ་ཆེན་འགྱུར་མེད་རྡོ་རྗེ་རྣལ་འབྱོར་མཿ རྣམ་ཀུན་མཆོག་ལྡན་དོན་གྱི་ཕག་མོ་དངཿ རང་ཞལ་མཇལ་ཏེ་མངོན་པར་བྱང་ཆུབ་ཤོགཿ བཀྲ་ཤིས་ནིཿ ཧོཿརིག་འཛིན་བརྒྱུད་པའི་བྱིན་རླབས་དངཿ དཀོན་མཆོག་གསུམ་གྱི་བདེན་པ་དངཿ གསང་སྔགས་ཟབ་མོའི་རྟེན་འབྲེལ་གྱིསཿ འཇིགས་བརྒྱད་ཞི་བའི་བཀྲ་ཤིས་ཤོགཿ ཚེ་བསོད་རྒྱས་པའི་བཀྲ་ཤིས་ཤོགཿ སྣང་བ་དབང་འདུས་བཀྲ་ཤིས་ཤོགཿ ལོག་འདྲེན་ཚར་གཅོད་བཀྲ་ཤིས་ཤོགཿ སྣང་ཞེན་ལྷ་སྐུའི་ཕྱག་རྒྱར་རྫོགསཿ སྒྲར་གྲགས་བདེ་ཆེན་སྔགས་སུ་དགཿ དྲན་རྟོག་འོད་གསལ་ཆོས་སྐུར་སྨིནཿ འཇལ་ལུས་ཟང་ཐལ་བཀྲ་ཤིས་ཤོགཿ གཞན་ཡང་བཀྲ་ཤིས་གང་རྒྱས་བྱའོཿགསང་སྒྲུབ་སེང་གེའི་གདོང་ཅན་འདིཿཤིན་ཏུ་ཟབ་ཕྱིར་གུད་དུ་སྦསཿ རྣམ་བཅས་འཕུར་འགྲོའི་བརྡ་རིས་ལསཿ རྒྱལ་རིག་གང་ཟག་བརྒྱུད་པ་རྫོགསཿ ས་མ་ཡཿརྒྱ་རྒྱ་རྒྱཿཟབ་རྒྱཿགསང་རྒྱཿཤོག་སེར་བྱ་ཁྲའི་གཟུགས་བརྙན་ལ་བརྡ་ཡིག་བྲིས་པ་ཞིག་ལས་ཕབ་པའོཿ

ཡུམ་ཀའི་གསང་སྒྲུབ་སེང་གེའི་གདོང་ཅན་གྱི་བསྙེན་ཡིག་དངོས་གྲུབ་རྒྱ་མཚོའི་འཇུག་ངོགས།


JLAZ010_Page_0497
[མ་དཔེ་གཟིགས་ན་འདིར་གནོན།]

ཡུམ་ཀའི་གསང་སྒྲུབ་སེང་གེའི་གདོང་ཅན་གྱི་བསྙེན་ཡིག་དངོས་གྲུབ་རྒྱ་མཚོའི་འཇུག་ངོགས་བཞུགས། བླ་མ་དང་རྒྱལ་ཡུམ་རྡོ་རྗེ་དབྱིངས་ཀྱི་དབང་ཕྱུག་མ་ལ་ཕྱག་འཚལ་ལོཿགདོད་མའི་མགོན་པོ་ཀློང་ཆེན་སྒྱུ་མའི་འཕྲུལ། །ནམ་མཁའི་རྣལ་འབྱོར་ཆེན་པོ་ཐིག་ལེའི་གཟུགས། །རོ་གཅིག་དོན་དམ་བདེ་བའི་རང་ཞལ་མཆོག །སྙིང་དབུས་མི་ཤིགས་རྡོ་རྗེའི་ཆོས་སུ་བསྟེན། །འདིར་རིག་འཛིན་ཡུམ་ཀའི་གསང་སྒྲུབ་སེང་གེའི་གདོང་ཅན་གྱི་བསྙེན་སྒྲུབ་ལ་འཇུག་པར་འགལ་རྐྱེན་མེད་པའི་གནས་སུ་བསྒྲུབ་པའི་གཞི་བཟུང་བའི་སྔོན་རོལ་དུ་གཞི་དེའི་གཉུག་མར་གནས་པ་ལ་གྲུབ་ན་ཆ་གསུམ་དང༌། མིན་ནའང་གཏོར་མ་གསེར་སྐྱེམས་དང་བཅས་པ་བཤམས་པ་ཨ་ཀཱ་རོས་བསྔོས་ལ། མཆོད་སྦྱིན་གཏོར་མ་འདི་བཞེས་ལ། །སོགས་པས་བཀའ་བསྒོས་ཤིང་ཕྲིན་ལས་བཅོལ། སྟེགས་གཙང་མའི་ཁར་མེ་ལོང་ལ་བདུད་རྩི་ལྔ་དང་ཆང་གིས་སྦགས་པའི་སིནྡྷུ་རའི་དཀྱིལ་འཁོར་དབུས་སུ་ཆོས་འབྱུང་བསྣོལ་མ་དང༌། དེའི་མཐར་པད་འདབ་སོ་གཉིས་དུར་ཁྲོད་རྡོ་རྭ་མེ་རིས་བསྐོར་བའི་དབུས་སུ་ཤེལ་རྡོ་བཙུགས་པ་བཀོད། མ་གྲུབ་ན་གཏོར་མ་གཅིག་པོས་ཀྱང་རུང༌། །མཐའ་སྐོར་དུ་སྨན་གཏོར་རཀྟ་ཉེར་སྤྱོད་རྣམས་བཤམ། སྟན་བདེ་བ་ལ་འདུག་སྟེ་ཐུན་མོང་གི་སྔོན་འགྲོས་རྒྱུད་སྦྱང་བ་དང༌། བླ་མའི་རྣལ་འབྱོར་དབང་བཞི་ལེན་པ་དང་བཅས་པས་གསོལ་བ་གདབ། དེ་ནས་ཐུན་མོང་མ་ཡིན་པའི་སྐྱབས་འགྲོ་སེམས་བསྐྱེད་རྣམས་ཚིག་དོན་ལ་ཡིད་གཞོལ་བས་བྱ། བགེགས་གཏོར་


JLAZ010_Page_0498
[མ་དཔེ་གཟིགས་ན་འདིར་གནོན།]

ཕྱི་རོལ་དུ་དོར་ཏེ་རྒྱལ་ཐོ་བཙུགས་ལ་རྒྱལ་ཆེན་སྡེ་བཞི་དཔལ་མགོན་བདུན་ཅུའི་དཔུང་དང་བཅས་པ་གསལ་བ་ལ་གཏོར་མ་བཤམས་པ་བསྔོས་ཏེ་བར་གཅོད་བསྲུང་བའི་ཕྲིན་ལས་བཅོལ། བརྟན་བཞུགས་བྱ། དེ་ནས་བཟུང་སྟེ་ཕྱི་ནང་རྒྱུ་འགྲུལ་སོགས་མཚམས་དམ་དུ་བཅད། ནང་དུ་ལོག་ནས་སྲུང་འཁོར་ལེགས་པར་སྒོམ། དེ་ནས་གནས་ཡོ་བྱིན་འབེབས་མཆོད་རྫས་རློབ་པ་རྣམས་དམིགས་འདོན་ཟུང་དུ་འཇུག་པར་བྱ། བསྐྱེད་རིམ་ལ་བབས་པ་ན། ཆོས་ཐམས་ཅད་མ་བསྐྱེད་ཡེ་ནས་རྫོགས་པ་རྣམ་བྱང་ཆེན་པོའི་བསྐྱེད་རིམ་དུ་ལྡང་བ་ནི། ཨཱཿསྟོང་པ་ཉིད་དང་ལ་སོགས་པའི་ཚིག་དོན་གྱི་གསལ་གདབ་བ་སྟེ། འདི་ལྟར་སྣང་སྲིད་དག་པ་རབ་འབྱམས་ཀུན་ཏུ་བཟང་མོ་རྡོ་རྗེ་བཙུན་མོའི་མཁའ་ཀློང་རྣམ་ཐར་གསུམ་ལྡན་གྱི་ངོ་བོ་རྣམ་པ་བདེ་ཆེན་ཆོས་ཀྱི་འབྱུང་གནས་གཞི་ལམ་འབྲས་བུའི་ངོ་བོར་རྫོགས་པ་ཨེ་ཀློང་བསྣོལ་མ་ཕྱི་འཁོར་པད་འདབ་སོ་གཉིས་སྲུང་བའི་འཁོར་ལོ་དང་བཅས་པ་གསལ་བའི་དབུས་ཡིད་དང་ཆོས་སུ་རྟོགས་པའི་སྣང་ཆ་ཐམས་ཅད་གདོད་ནས་ལྷའི་རང་བཞིན་རྡོ་རྗེ་བདག་མེད་སེང་གེའི་གདོང་པ་ཅན་ཕྱག་རྒྱ་རྟགས་ཀྱི་ལྷ་སྐུའི་ངོ་བོ་རྣམ་པ་ཉི་ཤུས་བྱང་ཆུབ་པའི་སྐུ་གདན་དང་བཅས་བ་གསལ་ཞིང༌། དེ་ཡང་ལྷར་སྣང་ཕྱག་ཆེན། རྒྱན་དྲུག་ཆོས་རྒྱ། ཕྱག་རྒྱ་ལྔ་དམ་རྒྱ། ཕྱག་མཚན་ལས་རྒྱ་སྟེ་ཕྱག་རྒྱ་བཞི་ལྡན་དང༌། ཆོས་འབྱུང་གི་ཟུར་དྲུག་ལ་དབང་ཡུལ་སྐྱེ་མཆེད་གནས་སུ་དག་པའི་ཕྲ་མེན་ནག་མོ་བྱ་ལོང་གདོང་ཅན་ལ་སོགས་པ་དྲུག །ཕྱི་འཁོར་གྱི་པད་འདབ་ལ་མཁའ་འགྲོ་འཇོམ་བྱེད་མ་ལ་སོགས་པའི་མཁའ་འགྲོ་སོ་གཉིས་


JLAZ010_Page_0499
[མ་དཔེ་གཟིགས་ན་འདིར་གནོན།]

དང་ཞིང་སྐྱོང་བའི་གིང་དང་ལངྐ་དབང་ཕྱུག་ཉེར་བརྒྱད་བརྟན་མའི་ཚོགས་དང་བཅས་པ་རྣམས་ནི་མ་བསྐྱེད་རང་བཞིན་ཡོངས་གྲུབ་ཆེན་པོའི་དཀྱིལ་འཁོར་དམ་ཡེ་གཉིས་མེད་ཆེན་པོར་གསལ་བཏབ་སྟེ་རྣམ་པ་འཇིག་རྟེན་གྱི་སྲིད་ཞུ་དང་སྒོ་བསྟུན་པའི་སྤྱན་འདྲེན་མཆོད་བསྟོད་རྣམས་ཚིག་ཕྱིར་ཡིད་ཕྱོགས་པར་བྱ། དེ་ནས་བཟླས་པ་ལ་འཇུག་པ་ཛ྄བ་དགོངས་ནི། གཙོ་བོའི་ཐུགས་ཀར་ཉི་མའི་དཀྱིལ་འཁོར་ཀྱི་སྟེང་དུ་ཧཱུྃ་མཐིང་ནག་དེའི་མཐར་བཛྲ་སེང་ཧ་མུ་ཁའི་བསྙེན་སྔགས་ཡིག་འབྲུ་བཅུ་གཅིག་པའི་སྔགས་ཕྲེང་གཡས་སུ་འཁོར་བར་བསམས་ལ་བཟླས་པ་བྱ། དེ་ཡང་ལས་དང་པོ་པ་རྣམས་ཀྱིས་ལྷ་སྐུའི་རྣམ་པ་ཐམས་ཅད་པ་ཅིག་ཅར་ཡིད་ཡུལ་དུ་མི་ལྷོངས་པས་ཐོག་མར་གཙོ་བོའི་རྣམ་པ་གསལ་བར་བསྒོམ། དེ་ཡང་མི་བདེ་ན་བྲིས་སྐུ་སོགས་ལ་བལྟས་ཏེ་དེ་ཡིད་ཡུལ་དུ་ལོངས་བ་དང་རྣམ་པ་གསལ་བ་ལ་བསླབ། དེ་ལ་ཅུང་ཟད་གོམས་པ་བརྟེན་ནས་རིམ་བཞིན་འཁོར་རྣམས་ཀྱང་གསལ་བར་བསྒོམ། ཕྱི་འཁོར་པད་འདབ་ཀྱི་ལྷ་གཞུང་དུ་མངོན་རྟོགས་མི་གསལ་བ་རྣམས་ནི་སྐུ་མདོག་དང་ཕྱག་མཚན་གཅིག་ཏུ་མ་ངེས་ཤིང་རྣམ་པར་འགྱུར་བའི་ཆ་ལུགས་ཅན་མེ་ལོང་ནང་གི་གཟུགས་བརྙན་ལྟ་བུར་གསལ་ལ་འགོག་བཟླས་དང་ཤུབ་བུ་སྤེལ་བའི་བཟླས་པ་བྱ། རེས་འགའ་ཐུགས་ཀའི་སྔགས་ཕྲེང་ལས་འོད་ཟེར་མུ་མཐའ་མེད་པར་འཕྲོས་ཕྱོགས་བཅུའི་རྒྱལ་བ་ཐམས་ཅད་མཆོད། སྐུ་གསུང་ཐུགས་ཀྱི་དངོས་གྲུབ་ཐམས་ཅད་བསྡུས་ནས་རང་ཉིད་ལ་ཐིམ། ཡང་འཕྲོས་འགྲོ་བའི་ལས་དང་ཉོན་མོངས་པའི་རྒྱུ་འབྲས་ཐམས་ཅད་སྦྱངས། སངས་རྒྱས་


JLAZ010_Page_0500
[མ་དཔེ་གཟིགས་ན་འདིར་གནོན།]

ཀྱི་གོ་འཕང་ལ་བཀོད་དེ་དེ་དག་ཀྱང་སྔགས་ཀྱི་སྒྲ་དང་ཆོས་ཉིད་ཀྱི་ཟེར་བསམ་གྱིས་མི་ཁྱབ་པར་སྤྲོ་བར་བསམ་ལ་བཟླས་པ་བྱ། བསྙེན་ཚད་ནི་ལས་རུང་ལ་འབུམ་ཕྲག་བཅུ་གཅིག །དུས་བསྙེན་ལ་དེའི་བཞི་འགྱུར་རོ། །བསྙེན་པ་ཐེམ་ནས་སྒྲུབ་པའི་དམིགས་བཟླས་ཀྱི་ཁྱད་པར་ནི། གཙོ་བོའི་ཐུགས་སྲོག་གི་མཐར་ཡིག་འབྲུ་བཅུ་བཞི་པའི་སྔགས་ཕྲེང་གཡོན་བསྐོར་མགལ་གྱི་མེ་སྟག་འཕྲོ་བ་ལྟ་བུར་འཕྲོ་བར་བསམ་ལ་ཡིག་འབྲུ་བཅུ་བཞི་པ་བཟླ་ཞིང་བསྐྱེད་རིམ་གསལ་བ་དང་འོད་ཟེར་སྤྲོ་བསྡུ་བྱེད་པ་གོང་དང་འདྲ། ཐུན་མཚམས་ཚོར་སྲུང་ཟློག་གུད་དུ་ཕྱུང་བའི་དམིགས་གནད་དང་ལྡན་པས་སྔགས་དུམ་རེ་བཟླས་མཐར་བདེན་སྟོབས་བརྗོད་ལ་ཐལ་མོ་བརྡབ། ཡིག་འབྲུ་བཅུ་བཞི་པ་གྲངས་བསྙེན་ལ་འབུམ་ཕྲག་བཅུ་བཞི། དུས་བསྙེན་ལ་དེའི་བཞི་འགྱུར་རོ། །མཚན་མའི་བསྙེན་པ་ནི་རྟགས་མཐོང་གི་བར་དུ་སྟེ་བསྐྱེད་རིམ་རྣམ་གཞག་སོགས་སུ་གསལ་བ་བཞིན་བར་ཆད་དང་མ་འདྲེས་པའི་མཚན་མ་བརྟན་པོ་མཐོང་ན་སྒྲུབ་པའི་ཞག་དུས་མ་རྫོགས་ཀྱང་དེ་མ་ཐག་པར་དངོས་གྲུབ་བླང་བ་ཙམ་རེ་བྱ་ཞིང༌། སྨིན་པར་སློབ་པ་དག་གིས་ནི་རིག་འཛིན་གྱི་གབ་བྱང་ལས་བཤད་པ་ལྟར་ཐོབ་བྱའི་འབྲས་བུ་རིག་འཛིན་རྣམ་པ་བཞིའི་གོ་འཕང་ལ་དོན་དུ་གཉེར་བའོ། །བསྙེན་སྒྲུབ་ཡན་ལག་བཞིའི་ངེས་པར་དབྱེ་ན་རང་གཞུང་དུ། གཙོ་ལ་སེམས་བཟུང་བསྙེན་པ་སྟེ། །གཙོ་འཁོར་ཡོངས་རྫོགས་ཉེ་བསྙེན་ནོ། །བཟླས་བརྗོད་བརྩོན་པ་སྒྲུབ་པ་སྟེ། །འོད་ཟེར་སྤྲོ་བསྡུ་སྒྲུབ་ཆེན་ནོ། །ཞེས་གཙོ་བོ་ལ་སེམས་འཛིན་ཐོབ་པ་བསྙེན་པ། གཙོ་འཁོར་ཡོངས་རྫོགས་ལ་གསལ་བརྟན་ཐོབ་པ་གཉེར་བསྙེན། བཟླས་བརྗོད་བརྩོན་ཞིང་སྒོམ་པ་ལ་བཟླ་བ་


JLAZ010_Page_0501
[མ་དཔེ་གཟིགས་ན་འདིར་གནོན།]

བསྒྲུབ་པ། འོད་ཟེར་སྤྲོ་བསྡུས་སྣོད་བཅུད་སྦྱངས་ཤིང་སྣང་ཞེན་ཆོས་ཉིད་དུ་སྦྱོང་བ་སྒྲུབ་པ་ཆེན་པོའི་ཕྲིན་ལས་སུ་བསྟན་པ་སྟེ། སྤྱིར་བསྙེན་པ་ནི། ཡུལ་གཉན་པོ་ལ་འདྲིས་གདགས་པ་ལྟ་བུའི་དཔེས་མཚོན་ནས་བསྙེན་བྱའི་ཡེ་ཤེས་དེ་ཉིད་རང་རྒྱུད་ལ་ཉེ་བར་བྱེད་པ་བསྙེན་པ། དེ་ལས་ཐུག་ཡིད་འདྲེས་པར་བྱེད་པ་ཉེ་བསྙེན། ཡེ་ཤེས་རང་དབང་དུ་བྱེད་པ་སྒྲུབ་པ། སྒྲུབ་པ་ཆེན་པོ་ནི་གཞན་དོན་གཙོ་བོར་གྱུར་བའི་ཕྲིན་ལས་རྣམ་པ་བཞི་བསྒྲུབ་པའི་ལས་དང་འབྲེལ་བ་ཡིན་ནོ། །བསྙེན་སྒྲུབ་གང་གི་ཚེ་ཡང་ཉིན་རེ་བཞིན་ཐུན་གྲངས་ཇི་ཙམ་བྱེད་པའི་ཐུན་ཐམས་ཅད་དུ་སྟོང་ཚིགས་ཀྱི་མཆོད་པ་དང་ཡིག་བརྒྱས་ཉེས་བྱས་བཤགས། སྲོད་ཐུན་གྱི་མཐར་ཚོགས་མཆོད། ཡུམ་ཀ་ལྟར་དང་ཆོས་སྲུང་སྤྱི་བྱེ་བྲག་པའི་གཏོར་བསྔོ་བྱ། ཐུན་བསྡུ་བའི་ཚེ་དག་པའི་སྣོད་བཅུད་ཐམས་ཅད་རིམ་གྱི་གཙོ་བོ་ལ་ཐིམ། དེ་ཡང་ཐུགས་སྲོག་ཧཱུྃ་གི་ནཱ་དའི་བར་བསྡུས་ནས་སྤྲོས་བྲལ་གྱི་ངང་ལ་མཉམ་པར་གཞག་པས་རྟག་མཐའ་གཞིག །རྗེས་ཐོབ་ལ་ཡོངས་གྲུབ་སྒྱུ་མ་ལྟ་བུའི་ལྷ་སྐུར་ལམ་གྱིས་ལངས་ཏེ་ཆད་མཐའ་བསལ་ཞིང་སྣང་གྲགས་རིག་གསུམ་དཀྱིལ་འཁོར་གསུམ་གྱི་ངར་དང་མ་བྲལ་བས་རྒྱུན་གྱི་སྤྱོད་ལམ་ལ་འཇུག །ནུབ་མོ་ཉལ་བའི་ཚེ་ཉེར་བསྡུ་གྲུབ་ནས་དགེ་བ་བསྔོ་བ་སོགས་ཀྱི་མཐར་སླར་ཡང་སྲུང་འཁོར་ལེགས་པར་གསལ་བཏབ་ནས་ཐུགས་ཀའི་སྔགས་ཕྲེང་འཁོར་བ་ལ་སེམས་བཟུང་སྟེ་དེ་ཉིད་བཟླ་བཞིན་པར་ཉལ། ནངས་པར་ལྡང་བའི་རྣལ་འབྱོར་གྱི་ཚེ་བླ་མའི་རྣལ་འབྱོར་སོགས་སྔོན་འགྲོ་སྤྱི་བྱེ་བྲག་པ་ནས་བཟུང་བགེགས་གཏོར་མ་གཏོགས་འགྲོས་སྔར་བཞིན་བྱ། སྒྲུབ་པ་ཐོན་རྒྱུའི་ནངས་པར་གྱི་སྔ་དྲོའི་ཆར་མཆོད་གཏོར་གསར་དུ་བཤམ། ཚོགས་མཆོད་གཏང་


JLAZ010_Page_0502
[མ་དཔེ་གཟིགས་ན་འདིར་གནོན།]

ཡུམ་ཀའི་ལས་བྱང་གི། བཞེངས་ཤིག་མཁའ་འགྲོ་འདུས་པའི་ལྷཿ སོགས་ཀྱིས་ཐུགས་དམ་བསྐུལ་ནས། མཁའ་འགྲོ་སྒྲུབ་པའི་དམ་ཚིག་ད་ནངས་ཐེམསཿ ཞེས་སོགས་ཀྱི་མཐར་སྒྲུབ་རྟེན་བཏེག་སྟེ་སྤྱི་བོར་གཏུགས། གཏོར་མ་ལྷར་གསལ་བ་འོད་དུ་ཞུ་བ་སྤྱི་བོ་ནས་ཐིམ་པ་སྙིང་གའི་ཐིག་ལེ་ལ་འདུས་པས་མཆོག་ཐུན་གྱི་དངོས་གྲུབ་བདེ་བླག་ཏུ་ཐོབ་པར་བསམ། སླར་ཡང་གཏང་རག་གི་མཆོད་བསྟོད་དང་ཡི་གེ་བརྒྱ་པས་ནོངས་བཤགས་བྱ། བསྙེན་སྒྲུབ་ཁ་སྐོང་དུ་མེ་མཆོད་བྱེད་པར་སྤྲོ་ན་སྐབས་འདིར་རིག་འཛིན་ཡུམ་ཀའི་མེ་མཆོད་ཉིད་ལས་འདོན་པ་བསྒྱུར་ཏེ་སྲེགས་རྫས་རྣམས་རྩ་སྔགས་འབའ་ཞིག་གིས་འབུལ་ཞིང་རྗེས་ཐོགས་སུ་དངོས་གྲུབ་བླང་བའང་བྱ། དེ་རྗེས་ཆད་ཐོ་བརྟན་སྐྱོང་དགེ་བ་བསྔོ་བ། ཤིས་བརྗོད་སོགས་རྒྱས་པར་བྱ། དེ་ནས་རྒྱལ་ཆེན་ལ་གཏང་རག་གཏོང་སྟེ་གཤེགས་གསོལ་བྱས་ལ་མཚམས་ཐོ་འགྲོལ། རིམ་པས་བླ་མ་དང་མཆེད་གྲོགས་སོགས་ཐོག་མར་དམ་གཙང་དང་འཕྲད་ནས་མཚམས་ལས་སེང་བར་བྱའོ། །རང་ཉིད་ལ་འདི་ལྟར་འདྲི་བའི་ཉམས་མྱོང་གི་དྲི་མ་ཙམ་ཡང་མ་གོས་ཀྱང་དཔལ་ལྡིངས་རྗེ་བཙུན་དྲུང་གིས་ལེགས་སོའི་སྐྱེས་དང་བཅས་ཏེ་བཀའ་ནན་གྱིས་བསྐུལ་མ་གནང་བར་རྗེ་བླ་མས་འབྲིར་རུང་བའི་གནང་བ་སྩལ་བར་བརྟེན། གསུང་རྒྱུན་བཞིན་དུ་བཀའ་འབངས་ཀྱི་ཆར་གཏོགས་པ་ཐ་ཤལ་བས་ཟིན་ཐོར་བསྐྱལ་བ་ལ་ནོངས་པ་མཆིས་ན་ལྷ་དང་སྲུངས་མས་བཟོད་པར་མཛོད་ཅིག །དགེའོ།།

ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ སྲུང་ཟློག་བྱད་མ་སྟོབས་འཇོམས།


JLAZ010_Page_0503
[མ་དཔེ་གཟིགས་ན་འདིར་གནོན།]

འུྃཿ ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ སྲུང་ཟློག་བྱད་མ་སྟོབས་འཇོམས་བཞུགསཿ བདུད་འདུལ་སེང་གེའི་ཞལ་ལ་འདུདཿ སྲུང་བཟློག་རྒྱུན་གྱི་རྣལ་འབྱོར་ལཿ གཉིས་ལས་དང་པོ་བསྲུང་བ་ནིཿ མངོན་རྟོགས་གཞུངས་བཞིན་བསྒོམས་པའི་མཐརཿ བདག་ཉིད་མཁའ་འགྲོ་བདུད་འདུལ་མའིཿ ཐུགས་མཆོག་འོད་ཀྱི་དྲྭ་བའི་ཀློངཿ པདྨ་ཉི་ཟླའི་གདན་སྟེངས་སུཿ ཕ་ལམ་ལས་གྲུབ་རྡོ་རྗེ་སེརཿ རྩེ་ལྔའི་ལྟེ་བར་ཉི་གདན་དབུསཿ ཧཱུྃཿཡིག་མཐིང་གའི་ཀླད་ཀོར་ནངཿ བླ་མ་ཁོག་པར་བསྲུང་བྱ་དངཿ ཞབས་སུ་ཡུལ་མཁར་རྟ་ཕྱུགས་ལཿ མཐའ་སྐོར་སྔགས་ཕྲེང་འཁོར་བ་ཡིཿའོད་ཀྱི་རྒྱལ་བ་སྲས་བཅས་མཆོདཿ བྱིན་རླབས་དངོས་གྲུབ་གསེར་བཙོ་མའིཿའོད་ཀྱི་རྣམ་པར་འདུས་པར་འདུས་པ་ཡངཿ ཕྲ་རབ་རྡོ་རྗེའི་རྡུལ་གྱུར་ནསཿ དམིགས་བྱའི་ལུས་ངག་ཡིད་གསུམ་དངཿ ཕྱི་རོལ་རྡོ་རྗེའི་རྭ་གུར་ལཿ འདྲེས་པས་ཅིས་ཀྱང་མི་ཤིགས་གྱུརཿ སྔགས་ཡིག་འབྲུ་བཅུ་བཞིའི་ཤམཿ ཨོཾ་ཧྲཱིཿབཛྲ་ཛྭ་ལ་སརྦ་ཀརྨཱ་རཀྵ་རཀྵ་ཧཱུྃཿབཟླས་རྗེས་མི་དམིགས་ངང་ལ་བཞགཿ གཉིས་པ་བཟློག་པའི་རིམ་པ་ནིཿ ཧཱུྃཿསྲུང་འཁོར་གསལ་བརྟན་འབར་བ་ཡིཿཐུགས་ཀའི་ཧཱུྃ་ལས་ཧཱུྃ་འཕྲོས་པསཿ སྟོང་གསུམ་འཇིག་རྟེན་ཧཱུྃ་གིས་གངཿ བྱད་གདོན་སྟོངས་ཤིང་ཟད་པར་བསྒྲལཿ སླར་འདུས་རྡོ་རྗེ་རྭ་བའི་ཕྱིརཿ ཡེ་ཤེས་མེ་དང་གཉིས་མེད་ཀློངཿ ཡོངས་གྱུར་


JLAZ010_Page_0504
[མ་དཔེ་གཟིགས་ན་འདིར་གནོན།]

གནམ་ལྕགས་འཁོར་ལོ་ནིཿ རྩིབས་སྟོང་འབར་བའི་རྣོ་དབལ་ལཿ བྱད་ཕུར་ཐོད་གཏོང་སྲི་གེག་དངཿ གནོད་བྱེད་དགྲ་གདོན་ལོག་འདྲེན་ཚོགསཿ སོ་སོའི་གཟུགས་དང་བྱད་དབྱིབས་ལྟརཿ རང་དབང་མེད་པར་བཀུག་བྱས་ནསཿ སྤུ་གྲི་རེག་གཅོད་འཐོར་རླུང་གིསཿ འཁོར་ལོ་གཡོན་དུ་བསྐོར་བ་ཡིསཿ གཟུགས་ཕུང་ཐལ་བའི་རྡུལ་དུ་བརླགཿ སྔགས་ཕྲེང་ལས་བྱུང་མེ་སྟག་གིསཿ ལྷག་མ་རྗེས་ཤུལ་མེད་པར་བསྲེགསཿ རྣམ་ཤེས་ཆོས་ཀྱི་དབྱིངས་སུ་ཕཊཿརྩ་སྔགས་ཤམཿ ཙཀྲ་ཛྭ་ལ་སརྦ་དུཥྚན་ཧ་ན་ཧ་ན་ཧཱུྃ་ཧཱུྃ་ཕཊཿཕཊཿབྷྱོ་བྷྱོ་ཟློག་ཟློགཿ ཅེས་བཟླས་བདེན་སྟོབས་བརྗོད་པ་ནིཿ སངས་རྒྱས་ཀྱིས་ནི་བདུད་ཕམ་མཛདཿ ཆོས་མ་ཡིན་པ་ཆོས་ཀྱི་སོཿདགེ་འདུན་གྱིས་ནི་མུ་སྟེགས་ཕམཿ དབང་པོས་ལྷ་མིན་ཕམ་པར་གྱུརཿ ལྷ་མིན་རྣམས་ཀྱིས་ཟླ་བ་ཕམཿ ནམ་མཁའ་ལྡིང་གིས་རྒྱ་མཚོ་ཡིཿཀླུ་རྣམས་རབ་ཏུ་ཕམ་པར་གྱུརཿ མེ་ཡིས་བུད་ཤིང་སྲེག་པ་དངཿ རླུང་གིས་སྤྲིན་རྣམས་གཏོར་བ་དངཿ རྡོ་རྗེ་རིན་ཆེན་ཕུག་པ་དངཿ ལྷ་རྣམས་བདེན་པ་རབ་ཏུ་གནསཿ བདེན་པ་འདི་དག་ཐམས་ཅད་ཀྱིསཿ དེང་འདིར་བདེན་པ་འགྲུབ་གྱུར་ཅིགཿ ཅེས་ཐལ་བརྡེབ་ལན་གསུམ་བྱཿམཐར་ནི་བསྲུང་བྱ་སྲུང་བྱེད་དངཿ བཟློག་བྱ་ཟློག་པར་བྱེད་པའི་ཆོསཿ མི་དམིགས་ངང་བཞག་དགེ་བ་བསྔོཿསྤྲོས་མེད་སྲུང་བཟློག་ཟབ་མོ་འདིཿརྡོ་རྗེའི་མཁར་དུ་ཚུད་དང་འདྲཿས་མ་ཡཿརྒྱ་རྒྱ་རྒྱཿ

ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ བྱད་འགྲོལ་གནམ་ལྕགས་འཁོར་ལོ།


JLAZ010_Page_0505
[མ་དཔེ་གཟིགས་ན་འདིར་གནོན།]

འུྃཿ ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ བྱད་འགྲོལ་གནམ་ལྕགས་འཁོར་ལོ་བཞུགསཿ


JLAZ010_Page_0506
[མ་དཔེ་གཟིགས་ན་འདིར་གནོན།]

བདུད་འདུལ་སེང་གེའི་ཞལ་ལ་འདུདཿ རིག་སྔགས་སྟོང་གི་ནུས་པ་དངཿ བྱད་མ་འབུམ་གྱིས་མཐུ་རྡུགས་པཿའདི་ལ་རྟེན་པའི་བྱད་འགྲོལ་བསྟནཿ དེ་ལ་དང་པོ་བཅའ་གཞི་ནིཿ སྟེགས་གཙང་མར་མཁའ་འགྲོའི་མཆོད་གཏོར་ཉེར་སྤྱོད་བཅས་བཤམས་པའི་མདུན་དུ་མཉྫིའི་ཁར་རིན་པོ་ཆེའི་བུམ་པ་འགུལ་ཆིངས་མཐིང་ཁ་གཙང་ཆུ་དང་ཤྭ་འོད་སེར་བའི་ཆུས་བཀང་བ་ལཿ རིན་ཆེན་སྣ་ལྔཿཐོག་ལྕགས་ཕྱེ་མཿ ཚྭ་བ་གསུམཿ ཁ་ཤའམ་ཤ་བའི་རྭཿཕག་གི་སྣའམ་གྲུམ་པའི་སོཿཁྱུང་ངམ་བྱ་གཱག་གི་སྡེར་མོའི་ཕྱེ་མ་བླུག་ལ་ཤིང་འབྲས་ཅན་ཀྱིས་ཁ་བརྒྱནཿ མཉྫིའི་འོག་ཏུ་རི་རུད་དང་ཕུང་ས་བསྲེས་པའི་འཇིམ་པ་ལ་ཧོམ་ཁུང་ཆུང་ངུ་བཟོས་པའི་ནང་དུ་ཆུ་མིག་ལྐུགས་པའི་ཆུ་བླུགསཿ དེའི་ཟུར་གསུམ་ལ་དབྱེ་སྒྲོ་གཉིས་དང་དཔལ་འབར་བཙུགསཿ བྱད་ལིངཿ ཚོན་སྐུད་སྔོ་དམརཿ ཐང་ཕྲོམཿ ཉུངས་དཀརཿ སྲིད་པའི་ཕྱེ་མཿ མདའ་བྱ་རྒོད་མ་དར་ཚོན་བཏགས་པཿ མེ་ལོངཿ ཕུར་པཿཚེར་ཤིང་གི་མེ་ཧོམཿ བསད་གྲིཿསྔོན་གཏོར་རྣམས་འདུ་བྱའོཿ གཉིས་པ་སྒྲུབ་པ་ལ་གཉིས་ལསཿ དང་པོ་བདག་བསྐྱེད་ནི་ལས་གཞུང་བཞིན་བྱས་ལ་ཡིག་འབྲུ་བཅུ་བཞི་པ་སྟོང་ཕྲག་ལས་མི་ཉུང་བར་བཟླའོཿ གཉིས་པ་ལས་བུམ་སྒྲུབ་པ་ནིཿ མཆོད་པ་གསོས་ལཿ ལས་བུམཿ སྭ་བྷཱ་ཝས་སྦྱངསཿ སྟོང་པའི་ངང་ལས་བྷྲཱུྃ་ཡིག་ཡོངས་གྱུར་ལསཿ སྣོད་ཀྱི་འཇིག་རྟེན་རིན་ཆེན་བུམ་པ་བཟངཿ ཞབས་ཞུམ་འདོད་ཁམས་ལྟོ་ལྡིར་གཟུགས་ཁམས་ལཿ མགྲིན་པ་རིང་ཞིང་ཁ་གཡེལ་གཟུགས་མེད་ཁམསཿ ནང་ནི་རྣམ་ཐར་


JLAZ010_Page_0507
[མ་དཔེ་གཟིགས་ན་འདིར་གནོན།]

སྒོ་གསུམ་གཞལ་མེད་ཁངཿ གཞི་ལམ་འབྲས་རྫོགས་ཆོས་འབྱུང་བསྣོལ་མའི་དབུསཿ ཡེ་ཤེས་མེད་དཔུང་རབ་ཏུ་འབར་བའི་ཀློངཿ ཆུ་སྐྱེས་གེ་སར་ཐབས་ཤེས་ཉི་ཟླའི་སྟེངཿ སྐྱེ་མེད་རྡོ་རྗེ་ཨ་ཡིག་ཡོངས་གྱུར་ལསཿ སྐྱེ་མཆེད་ཡོངས་རྫོགས་རྡོ་རྗེ་བདག་མེད་མཿ སོགས་ནས་བསྟོད་པའི་བར་སོང་རྗེསཿ མདུན་བསྐྱེད་བུམ་ལྷའི་ཐུགས་ཀ་རུཿཐུགས་སྲོག་ཧཱུྃ་ཡིག་སྔོན་པོ་ལཿ ཡིག་འབྲུ་བཅུ་བཞིའི་ཤམ་བུ་རུཿཨོཾ་ཧྲཱི་བཛྲ་ཛྭ་ལ་སརྦ་བཛྲ་ཙྪིནྡ་ཡ་ཧ་ཧེ་ཧཱུྃ་ཕཊཿཅེས་བཏགས་པས་བསྐོར་བ་མགལ་མེའི་འཁོར་ལོ་ལྟར་བསྐོར་བ་ལས་བྱུང་བའི་འོད་ཟེར་མེ་སྟག་འཕྲོ་བས་བྱད་ཕུར་རྦོད་གཏོང་ཐམས་ཅད་ལྷག་མེད་དུ་བསྲེགས་པར་བསམ་ལ་བཟླས་པ་སྟོང་ཕྲག་སོགས་ཅི་ནུས་བཟླས་མཐར་མཆོད་བསྟོད་བྱས་ལ་བུམ་ལྷ་འོད་ཞུ་བྱའོ། །གསུམ་པ་ལས་སྦྱོར་ནི། བསྒྲུབ་བྱ་མདུན་དུ་འཁོད་ལ་བྱད་ཐག་གིས་བཅིངསཿ ཧོམ་ཁུང་མདུན་དུ་བཞག་པའི་ནང་དུ་ཚུད་པར་བསམ་ལ། དེ་ཡང་བྱད་ཅེས་བྱ་བའི་ངོ་བོ་ནི་རྫས་སྔགས་ཏིང་ངེ་འཛིན་གསུམ་ཚོགས་པའི་རྟེན་འབྲེལ་ལ་བརྟེན་ནས་སྐྱེས་བུའི་སྒོ་གསུམ་འཆིང་ཞིང་རྨོངས་བར་བྱེད་ལ། དེ་འབྱུང་བའི་རྒྱུ་ནི་སྔོན་གྱི་ལས་ངན་དང༌། རྐྱེན་ནི་རང་གི་ལུས་ངག་གི་སྤྱོད་པ་མི་གཟོ་བ་དང༌། ཕ་རོལ་གྱི་བསམ་སྦྱོར་ངན་པ་ལས་འབྱུང་


JLAZ010_Page_0508
[མ་དཔེ་གཟིགས་ན་འདིར་གནོན།]

ལཿ དེ་ལས་གྲོལ་བའི་ཐབས་ནི་རྡོ་རྗེ་འཆང་གི་བྱིན་རླབས་ལས་རང་བཞིན་དུ་འབྱུང་བའི་སྔགས་རྒྱུད་ཀྱི་གདམས་པ་ཟབ་མོ་རྣམས་དང༌། སྟོན་པ་དྲང་སྲོང་ཆེན་པོ་ལ་སོགས་ལྷ་དང་མིའི་དྲང་སྲོང་བདེན་ཚིག་གྲུབ་པ་རྣམས་ཀྱིས་སྟོན་པའི་ཚུལ་རྒྱུད་ལས། ནམ་མཁའ་མེད་པར་གྱུར་ན་ཡངཿ སྔགས་ཀྱི་དངོས་གྲུབ་མེད་མི་སྲིདཿ ལྷ་དང་དྲང་སྲོང་གིས་བཤད་པའིཿརིག་སྔགས་བསླུ་བར་མི་སྲིད་ནཿ འདོད་ཆགས་བྲལ་བས་བཤད་པ་ཡིཿགསང་སྔགས་སྦྱོར་བས་བསླུས་པ་ནིཿ མ་བྱུང་འབྱུང་བར་མི་འགྱུར་རོཿཞེས་པས་གསལ་སྟེ། དེ་ལས་འདི་སྔོན་བྱུང་དང་ཕྱིས་བྱུང་གི་ལོ་རྒྱུས་གཉིས་ལས་དང་པོ་ནི་རྣམ་པར་རྒྱལ་བའི་ཁང་བའི་གནས་སུ་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན་གྱིས་གསོལ་པ། ཀྱཻཿ བཙུན་པ་བཅོམ་ལྡན་འདས་ཁྱེད་ནི་ཐམས་ཅད་མཁྱེན་པའི་གཙོ་བོ་ལྷ་མ་ཡིན་གྱིས་བདག་གིས་ལུས་ངག་ཡིད་གསུམ་བཅིངས་པ་ལས་དགྲོལ་དུ་གསོལཿ བཅོམ་ལྡན་འདས་ཀྱིས་བཀའ་སྩལ་པ། བརྒྱ་བྱིན་ཁྱོད་ཀྱིས་ང་ལ་གང་དག་ཞུ་བ་ལེགས་སོ། །དེའི་ཕྱིར་ལེགས་པར་རབ་ཏུ་སྟོན་ལ་ཡིད་ལ་བཟུང་སྟེ། འདི་ཉིད་ལ་ནན་ཏན་དུ་གྱིས་ཤིག །གང་དག་ལུས་ངག་ཡིད་གསུམ་མནན་པ་དང་བཅིངས་པ་དེ་ལ་ནི་


JLAZ010_Page_0509
[མ་དཔེ་གཟིགས་ན་འདིར་གནོན།]

ནམ་ཡང་བདེ་བའི་སྐབས་མི་འབྱུང་བས། རིགས་སྔགས་ཀྱི་མཐུ་དང་ཏིང་ངེ་འཛིན་གྱི་ནུས་པ་དང་ལས་ཚོགས་གཉིས་ལས་བྱུང་བའི་འབྲས་བུ་ཐམས་ཅད་ཉམས་པར་བྱ་བའི་ཕྱིར་དང༌། འཇིག་རྟེན་ཕ་རོལ་གྱི་ཡོན་ཏན་དང༌། བསོད་ནམས་དང༌། བདེ་བའི་འབྲས་བུ་ནམ་ཡང་འབྱུང་བར་མི་འགྱུར་ཏེ། འདི་ལྟར་ཉི་མའི་འོད་ཟེར་ཕུན་སུམ་ཚོགས་པར་གྱུར་ཀྱང་སྤྲིན་གྱི་དབང་དུ་བྱས་པ་བཞིན་ནོ། །དེ་བས་ན་ལུས་ངག་ཡིད་གསུམ་བཅིངས་པ་ལས་གྲོལ་བར་བྱེད་པའི་ཐམས་ལ་བརྩོན་པར་བྱའོ། །དེ་ལྟར་བྱས་ན་བཅིངས་པའམ་མནན་པ་ལས་གྲོལ་བར་འགྱུར་ཏེ། སྒྲོན་མེའི་འོད་ཀྱིས་མུན་པ་སེལ་བའམ། མེ་ལྕེའི་ནུས་པས་ནགས་ཐམས་ཅད་བསྲེགས་པའམ། སེང་གེའི་སྐད་ཀྱིས་རི་དྭགས་ཐམས་ཅད་ཟིལ་གྱིས་གནོན་པ་བཞིན་དུ། རིགས་སྔགས་ཆེན་མོ་འདིའི་བྱིན་རླབས་ཀྱིས་བཅིངས་པ་ཐམས་ཅད་ལས་གྲོལ་བར་བྱེད་དོ། །ཞེས་གསུངས་ལ་ཕྱིས་བྱུང་གི་ལོ་རྒྱུས་ནི། རིག་པ་འཛིན་པ་ཐམས་ཅད་ཀྱི་རྒྱལ་པོ་སློབ་དཔོན་ཆེན་པོ་པདྨ་འབྱུང་གནས་རྒྱལ་པོ་ཛའི་ཁབ་དང་ཉེ་བའི་རི་མཱ་ལ་ཡ་གནམ་ལྕགས་འབར་བ་སེང་གེའི་ཟ་འགྲམ་ལྟ་བུར་མཁའ་འགྲོའི་ཚོགས་དཔོན་མཛད་ཅིང་བཞུགས་པའི་ཚེ། མུ་སྟེགས་ཀྱི་སྟོན་པ་གྷ་ན་པ་ཏི་ལ་སོགས་


JLAZ010_Page_0510
[མ་དཔེ་གཟིགས་ན་འདིར་གནོན།]

པ་ལྔ་བརྒྱས་སློབ་དཔོན་ལ་རྩོད་པ་བྱས་པས་མ་ཐུབ་སྟེ། སླར་ཁྲོས་ནས་རི་སུལ་ཞིག་ཏུ་མུ་སྟེགས་ཀྱི་ངན་སྔགས་བཅས་ཆོ་ག་ནག་པོ་ཞེས་བྱ་བ་བསྒྲུབས་པས་མཐུ་རྟགས་ཆེན་པོ་བྱུང་ནས་སློབ་དཔོན་ཉིད་ལག་ན་རྡོ་རྗེ་སེང་གེའི་ང་རོ་ཅན་ཞེས་བྱ་བའི་སྐུར་བཞེངས་ཏེ་རིགས་སྔགས་ཀྱི་སྦྱོར་བ་གཤིག་པའི་ཏིང་ངེ་འཛིན་ལ་སྙོམས་པར་ཞུགས་པའི་ཚེ། མཁའ་འགྲོ་བདུད་འདུལ་སེང་གེའི་གདོང་ཅན་གྱིས་ཞལ་བསྟན་ནས་རིགས་སྔགས་ཀྱི་དངོས་གྲུབ་བྱིན་པས་དེ་ཉིད་དུ་མུ་སྟེགས་ཀྱི་སྟོན་པ་ངན་སྔགས་མཁན་གནམ་ལྕགས་ཐོག་གིས་བསྒྲལ། ཕྱི་རབས་ཀྱི་འགྲོ་བའི་དོན་དུ་གདམས་པ་ཟབ་མོ་འདི་མཁའ་ལྡིང་འབར་བའི་བརྡ་རིས་ལ་བྲིས་ཏེ་ཀློང་ལྔ་འདུས་པའི་གཏེར་སྒྲོམ་དུ་རྒྱས་བཏབ་པས་དམག་འཁྲུགས་དང་བྱད་ཕུར་དར་བའི་ཚེ། རིག་འཛིན་འཇིགས་མེད་གླིང་པ་ལ་བཀའ་བབས་པས་བརྒྱུད་པ་ཁུངས་ལ་ཐུག་པའི་མན་ངག་ཟབ་མོའི་སྒོ་ནས་བྱང་འགྲོལ་བ་ལ་ངེས་ཤེས་དང་དད་པ་བསྐྱེད་ནས་སློབ་དཔོན་མཁའ་འགྲོ་མ་སེང་གེའི་གདོང་ཅན་དངོས་སུ་མོས་པའི་མདུན་དུ་རང་ཉིད་ཕ་རོལ་མི་དང་མི་མ་ཡིན་གྱི་བྱད་དུ་བཅུག་པ་ལས་དབུགས་དབྱུང་བའི་མོས་པ་མཛོད། བརྡ་སྦྱར་ལ། ཐོག་མར་ཕྱོགས་སྐྱོང་དང་གཞི་བདག་ལ་ཕུད་དང་གཏོར་མ་ཨ་ཀཱ་རོས་བསྔོས་ལ། མཆོད་


JLAZ010_Page_0511
[མ་དཔེ་གཟིགས་ན་འདིར་གནོན།]

སྦྱིན་གཏོར་མ་འདི་བཞེས་ལ། སོགས་ཀྱིས་དོར། དེ་ནས་ཡི་དམ་གྱི་ང་རྒྱལ་བརྟན་པས་བསད་གྲིའམ་གྲི་གུག་ཕྱར་ལ། ཧཱུྃཿབྱད་ཅེས་བྱ་བ་ཀུན་རྫོབ་སྟེཿ བསྒྲུབ་བྱའི་ལུས་ནི་བེམ་པོ་ལཿ སེམས་ནི་སྟོང་པ་ཉིད་ཡིན་ཀྱངཿ གློ་བུར་རྣམ་རྟོག་ལས་གྲུབ་པའིཿམིང་གཟུགས་འདུས་པའི་བླ་སྲོག་ལཿ ཕ་རོལ་མི་དང་མི་མིན་གྱིསཿ རྫས་སྔགས་ཏིང་འཛིན་མཐུས་བསྐྱེད་པའིཿའགུགས་འཆིང་སྡོམ་མྱོས་ཕྱག་རྒྱ་བཞིསཿ སྒོ་གསུམ་བྱད་དུ་བཅུག་པ་རྣམསཿ གྲི་གུག་འབར་བའི་ཕྱག་རྒྱས་བཅདཿ སྤུ་གྲི་རྣོན་པོའི་དབལ་ལ་བསྐྱོནཿ རིགས་སྔགས་འབར་བའི་མེ་ཡིས་བསྲེགཿ ཨཿཀཿསཿ མཿ རཿ ཙཿཤཿདཿ རཿ སཿ མཿ རཿ ཡཿཕཊཿལན་གསུམ་གྱི་རྗེས། བསྒྲུབ་བྱའི་ལུས་ངག་ཡིད་གསུམ་བྱད་དུ་བཅུག་པ་དང༌། བཅིངས་པ་དང༌། མནན་པ་དང༌། ནུས་པ་བཤིག་པ་ཐམས་ཅད་གྲོལ་བར་གྱུར་ཅིགཿ ཅེས་བྱད་ཐག་དུམ་བུར་གཏུབསཿ དེ་ནས་མདུན་དུ་སྟན་པའི་སྟེང་དབྱེ་སྒྲོ་གཉིས་བཞག་ལ་རལ་གྲི་བསྟུན་ཞིངཿ ཧཱུྃཿམི་ལ་འགོ་བ་ལྷ་ལྔ་སྟེཿལྷ་དང་མི་རུ་དབྱེན་སྦྱོར་བའིཿཕྲ་མེན་ཕྲ་མ་མཁན་གཉིས་ཀྱིསཿ ཉེས་བྱེད་སྦྱོར་བ་ཞིག་གྱུར་ཅིགཿ ཡིག་འབྲུ་བཅུ་བཞི་དངཿ ཨོཾ་མ་མ་སརྦ་བི་དྷ་བི་དྷཿཛ་ཡེ་ཛ་ཡེཿབི་ཛ་ཡེ་བི་ཛ་ཡེཿཨ་ཛི་ཏེ་ཨ་པ་ར་ཛི་ཏ་ཡེ་མ་མ་བྷེ་བྷྱ་པྲ་མར་དྷཿ ཧ་


JLAZ010_Page_0512
[མ་དཔེ་གཟིགས་ན་འདིར་གནོན།]

ཡེ་མ་མ་ཧཱུྃ་ཕཊཿ གཞན་གྱིས་མི་ཐུབ་པའི་རིགས་སྔགས་ཆེན་མོ་འདིས་གང་དག་སྡང་བ་དངཿ ལོག་པར་སེམས་པ་ཐམས་ཅད་ཞི་བར་གྱུར་ཅིགཿ ཅེས་དུམ་བུར་གཅདཿ དེ་ནས་བྱད་ལིང་གི་སྟེང་དུ་བྱད་ཐག་དང་སྒྲོ་དུམ་བཞག་ལཿ ན་མོཿ སངས་རྒྱས་ཀྱི་བདེན་པ་དངཿ ཆོས་ཀྱི་བདེན་པ་དངཿ དགེ་འདུན་གྱི་བདེན་པ་དངཿ ཁྱད་པར་དུ་རིག་སྔགས་ཀྱི་རྒྱལ་མོ་མཁའ་འགྲོ་སེང་གེའི་གདོང་ཅན་གྱི་བདེན་པ་དངཿ བྱིན་རླབས་ནུས་པའི་མཐུསཿ བསྒྲུབ་བྱ་འདི་ཉིད་ལ་ཕ་རོལ་བན་བོན་མི་དང་མི་མིན་གྱིས་བྱས་པའི་བྱད་ཁ་ཕུར་ཁ་ཟོར་ཁཿཧོམ་དང་པར་བུཿསྡེབས་གཤོརཿ རླུང་འཁོརཿ གྱིམ་ཤངཿ གཤེད་སྡེབསཿ བསད་བསྐྲདཿ དབྱེ་རྨོངས་ལ་སོགས་པ་དངཿ རང་གི་སྦྱོར་ངན་ལོག་པའི་ནུས་པ་ཐམས་ཅད་དམིགས་པའི་རྟེན་འདི་ལ་ཁུག་ཅིགཿ རང་གཤེད་རང་ལ་ཕོབ་ཅིགཿ ཅེས་ལན་གསུམ་གྱིས་བསྟིམ་ལཿ བྱད་མ་རང་གཤེད་དབབ་པ་འདི་བྱ་སྟེཿཕུར་པ་འདྲིལ་ལཿ ཧཱུྃཿཕུར་ནི་སྐྱེ་བ་མེད་པ་ལཿ པ་ནི་འགག་པ་མེད་པ་སྟེཿསྐྱེ་འགགས་བྲལ་བའི་ཕུར་པ་ནིཿ བྱད་མའི་རྣམ་ཤེས་ཚོགས་བརྒྱད་ལཿ བཏབ་ནས་དབང་དུ་བྱས་པ་ཡིཿབསྒྲུབ་བྱའི་རྣམ་པར་ཤེས་པའི་ཚོགསཿ བཅོམ་དང་ཉམས་པ་སོར་ཆུད་ནསཿ དབང་ཡུལ་སྐྱེ་མཆེད་གསལ་གྱུར་ཅིགཿ ཡིག་འབྲུ་བཅུ་བཞི་ལཿ ཀཱི་ལི་ཀཱི་ལ་ཡ་ཧཱུྃ་ཕཊཿ


JLAZ010_Page_0513
[མ་དཔེ་གཟིགས་ན་འདིར་གནོན།]

ཅེས་བཏགས་པ་ཚར་བརྒྱད་བརྗོད་ཅིང་བྱད་ལིང་གཏུབས། དེ་ནས་མཐའ་སྡུད་འབྱུང་བ་བཞིའི་སྦྱོར་བ་བཤིག་པ་ནིཿ དཔལ་འབར་སྦར་ལཿ ཧོམ་ཁུང་གི་ཆུ་ལ་གསད་ཅིངཿ ཧཱུྃཿའབྱུང་བཞི་འདུས་པའི་ལུས་རྟེན་ནིཿ གྲུབ་ཀྱང་འབྱུང་བ་བཞི་ལ་གྲུབཿ བཤིག་ཀྱང་འབྱུང་བའི་ནུས་པས་བཤིགཿ ཚ་ཞིང་བསྲེག་པ་མེའི་ཀློང་དུཿ ཧོམ་དང་སྦྱིན་སྲེག་ལས་གྱུར་བྱདཿ འབྱུང་བའི་དགྲ་གཤེད་ཆེན་པོ་སྟེཿམེ་དགྲ་ཆུ་ཡི་ནུས་པས་བསདཿ ཨོཾ་ཤཱིནྟཾ་ཀ་རི་ནི་ཡེ་མ་མ་བཛྲཿཛྙཱ་ན་པྲ་ཡཙྪ་ཡཾཿམ་མ་བྷི་དྷ་ར་ཡཿཧ་ཧ་ཧེ་ཧེ་ཧི་ཧི་ཧཱུྃ་ཧཱུྃཿཔྲ་ཀ་ར་ན་སརྦ་ས་ཙ་ཡ་ལ་སརྦ་བཛྲ་རཀྵཿརཀྵཿཕཊ་ཕཊཿསྭཱ་ཧཱཿཧོམ་ཁུང་གི་ཆུ་སྲིད་པའི་བྱེ་མས་མནན་ཅིངཿ ཧཱུྃཿརླན་ཞིང་གཤེར་བ་ཆུའི་ཀློང་དུཿ ཀླུ་ལ་གཏད་ཁྲམ་ལས་གྱུར་བྱདཿ འབྱུང་བའི་དགྲ་གཤེད་ཆེན་པོ་སྟེཿཆུ་དགྲ་ས་ཡིས་མནན་པར་བྱཿསྔགས་གོང་བཞིན་བརྗོདཿ ཧོམ་ཁུང་གིས་སྟེངས་མདའ་བྱ་རྒོད་མ་བཙུགས་ལ་ཧོམ་ཁུང་བུམ་ཆུས་བཤིག་ཅིངཿ ཧཱུྃཿསྲ་ཞིང་འཐས་པ་སའི་ཀློང་དུཿ གཤེར་དང་མནན་པ་ལས་གྱུར་བྱདཿ འབྱུང་བའི་དགྲ་གཤེད་ཆེན་པོ་སྟེཿས་དགྲ་ཤིང་གིས་བསད་པར་བྱཿསྔགས་གོང་བཞིནཿ དེ་ནས་བསྒྲུབ་བྱར་མེ་ལོང་ལ་ཧས་བཏབ་ཏུ་བཅུག་ལཿ ཧཱུྃཿཡང་ཞིང་གཡོ་བ་རླུང་གི་ཀློངཿ འཁོར་ལོ་བསྐོར་བ་ལས་གྱུར་བྱདཿ མེ་ལོང་སྟེང་དུ་སྐྱུགས་པ་ཡིསཿ རང་བཞིན་མེད་པའི་དབྱིངས་སུ་ཡལཿ སྔགས་གོང་བཞིན་བརྗོད་པ་དང་མཉམ་དུ་བསྒྲུབ་བྱ་བུམ་ཆུས་བཀྲུཿདེ་ནས་བྱད་ཐག་དང་དབྱེ་སྒྲོའི་དུམ་བུ་ཟངས་ཀྱི་གའུ་ལ་སོགས་པའི་པར་བུར་བཅུག་


JLAZ010_Page_0514
[མ་དཔེ་གཟིགས་ན་འདིར་གནོན།]

དུ་བ་མི་འཆོར་བ་བྱས་པ་ཧོམ་ནང་དུ་བཞག་ལ་མེ་སྤར་ཞིངཿ སྭཱ་བྷཱ་ཝས་སྦྱངས། སྟོང་པའི་ངང་ལས་བསྐལ་པ་དུས་མཐའི་མེ་དཔུང་འབར་བའི་དབུས་སུ་དུས་གསུམ་བདེ་གཤེགས་ཐམས་ཅད་ཀྱི་མཐུ་སྟོབས་གཅིག་ཏུ་བསྡུས་པ་ཡེ་ཤེས་ཀྱི་མཁའ་འགྲོ་མ་སེང་གེའི་གདོང་ཅན་བལྟར་མི་བཟོད་པའི་གཟི་བརྗིད་ཅན་ཞལ་གནམ་ས་ལྟ་བུར་བགྲད་པའི་ནང་དུ་ཕ་རོལ་མི་དང་མི་མ་ཡིན་པའི་བྱད་གཟུགས་འདོད་ཆགས་ཁྲག་གི་རྒྱ་མཚོ། ཞེ་སྡང་རུས་པའི་གྲམ་བུ། གཏི་མུག་ཤའི་རི་བོར་གྱུར་པ་ཨ་ལ་ལ་ཞེས་གད་མོའི་སྒྲ་དང་བཅས་བཞེས་པར་གྱུརཿ ཅེས་བརྗོད་ལ་བསྔགས་ཀྱི་མཚོན་ཆ་ཉུངས་ཀར། སྨྱོ་བྱེད་ཀྱི་རྫས་ཐང་ཕྲོམ་འབྱུང་བ་བཞི་ལ་བརྟེན་པའི་བྱད་རྫས་རྣམས་བདུད་རྩིའི་རང་བཞིན་དུ་དམིགས་པ་ཕུལ་ལཿ ཧཱུྃཿབྱད་མའི་བསམ་སྦྱོར་ངན་པ་རྣམསཿ བདུད་འདུལ་དྲག་མོའི་ཞལ་དུ་སྟོབཿ དགྱེས་པར་རོལ་ཅིག་ཁ་རཾ་ཁཱ་ཧིཿཛཿཧཱུྃ་བཾ་ཧོཿཧ་ཧ་ཕཊཿཞེས་བརྗོད་ཅིང་རོལ་མོ་སྒྲོགསཿ བཛྲཿམུཾཿཡེ་ཤེས་པ་གཤེགསཿ དམ་ཚིག་པ་མེ་ལྷའི་རྣམ་པར་གྱུར་པ་ལས་བསྒྲུབ་བྱས་ལན་བདུན་འགོངས་པས་མཐུ་བྱད་ཀྱི་ནུས་པ་ལྷག་མེད་དུ་འཚིག་པར་བསམཿ རྟེན་འབྲེལ་སྙིང་པོ་བརྗོད་སྟན་དཀར་གྱི་སྟེང་དུ་བཞག་ནས་ལག་ཏུ་མདའ་དར་གཏད་ཅིང༌། བྱང་ཆུབ་སྙིང་པོར་གཤེགས་པ་ན། སོགས་ཀྱིས་ཤིས་པ་བརྗོད། དགེ་བ་བསྔོ། ཧོམ་རོ་ཆུ་ཀླུང་ཆེན་པོའམ། རི་རྩེར་རླུང་ལ་འཕྱར་བར་བྱའོ། །བདེ་གཤེགས་བཀའ་དང་ཌཱཀྐཱིའི་བརྡཿགུ་རུའི་མན་ངག་གསུམ་རྫོགས་པའིཿབྱད་འགྲོལ་གནམ་ལྕགས་འཁོར་ལོ་འདིཿ སྙིང་གི་བུ་ལ་གཏད་དོ་རྒྱཿ ས་མ་ཡཿ རྒྱ་རྒྱ་རྒྱཿ

ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ གཏོར་ཟློག་བྱད་གདོན་གཡུལ་འཇོམས།


JLAZ010_Page_0515
[མ་དཔེ་གཟིགས་ན་འདིར་གནོན།]

ཡུམ་ཀའི་གསང་སྒྲུབ་སེང་གེའི་གདོང་ཅན་ལསཿ གཏོར་ཟློག་བྱད་གདོན་གཡུལ་འཇོམས་བཞུགསཿ


JLAZ010_Page_0516
[མ་དཔེ་གཟིགས་ན་འདིར་གནོན།]

བདུད་འདུལ་སེང་གེའི་ཞལ་ལ་བདུདཿ ལྔ་བརྒྱ་ཕྲག་བཅུའི་མཐར་ཉེ་ཚེཿདམ་ཆོས་རྣམ་གཉིས་མི་ཤེས་པརཿ དམ་པར་ཁས་འཆེ་སྟོབས་འབྱོར་འགྲནཿ རྟགས་ཙམ་འཛིན་ལ་དགེ་འདུན་རེཿཁྲིམས་རྐུན་བྱེད་ཅིང་ཁྱིམ་སུན་འབྱིནཿ བསྐྱེད་རྫོགས་གདིང་མེད་སྔགས་པར་རློམཿ དཀོན་མཆོག་ལས་ཀྱང་འབྱུང་པོར་དདཿ དེ་ཚེ་མུ་སྟེགས་ཧིན་དུ་ཡིསཿ ཀླ་ཀློ་ལོ་གཡོབ་ཅིང་བསྟན་ཞབས་སྡུདཿ ང་སྤྲུལ་བྱང་ཆུབ་སེམས་ལྡན་རྣམསཿ མཐའ་དམག་བྱད་ཕུར་ཟློག་ལ་བརྩོནཿ ས་མ་ཡཿའདི་ལ་སྦྱོར་དངོས་རྗེས་གསུམ་ལསཿ སྦྱོར་བ་བཅའ་གཞི་བཤམ་པ་ནིཿ སྟེགས་བུའི་སྟེང་དུ་སེང་གདོང་མའིཿརྡུལ་མཚོན་དཀྱིལ་འཁོར་འདུ་བྱས་ལཿ མཉྫིའི་སྟེང་དུ་ཟོར་གཏོར་བཀོདཿ སྨན་གཏོར་རཀྟ་ཉེར་སྤྱོད་བཤམཿ འོག་ཏུ་བྱེ་སྟེགས་ཟུར་གསུམ་ལསཿ བསད་དཀྱིལ་དཔེའུ་ཆུང་ལྟར་བྱཿདབུས་སུ་ཧོམ་ཁུང་རཱུ་པ་བཀོདཿ གཟུགས་ནི་ཡིད་ཀྱི་རྟེན་ཡིན་པསཿ སྐྱེ་མཆེད་དབང་པོ་


JLAZ010_Page_0517
[མ་དཔེ་གཟིགས་ན་འདིར་གནོན།]

དོད་པ་དངཿ ཡིད་ལ་བླ་འཁོར་དེ་གསོད་པསཿ བླ་དྭགས་གནད་ཡིག་ལྡན་པར་བྲིཿརྟེན་འབྲེལ་ནུས་པ་རྫས་ཡིན་པསཿ ཟག་རྫས་དང་ནི་གནད་རྫས་བྱུགཿ མཐའ་བསྐོར་ཟོར་རྫས་ཐུན་རྫས་བཤམཿ བསྒྲལ་ལས་ཆས་རྣམས་འདུ་བྱས་ཤིངཿ ཁྱད་པར་དམག་ཟློག་དམིགས་གསལ་ལཿ མ་མགོན་གཡུལ་མདོས་གཞུང་བཞིན་བཀོདཿ གཉིས་པ་དངོས་གཞིའི་རིམ་པ་ལཿ བདག་མདུན་ལས་ལ་སྦྱོར་བ་གསུམཿ དེ་ལ་དང་པོ་བདག་བསྐྱེད་ནིཿ དཔལ་ཆེན་འདུས་པའི་སྒོས་སྒྲུབ་གཞུངཿ སྐབས་སུ་གང་བབ་རིག་པས་འཕྲུལཿ གཉིས་པ་མདུན་བསྐྱེད་སྒྲུབ་རིམ་ལཿ དང་པོ་མདུན་རྟེན་བསྐྱེད་པ་ནིཿ སྭ་བྷཱ་ཝས་སྦྱངས། མདུན་རྟེན་མི་དམིགས་སྟོང་པའི་དངཿ བྷྲཱུྃ་ཡིག་འོད་དུ་ཞུ་བ་ལསཿ རྡོ་རྗེ་རྭ་བའི་གུར་གྱི་དབུསཿ ཕ་ལམ་རྡོ་རྗེའི་མཆོད་རྟེན་ནིཿ རྣམ་པ་ཉི་ཤུས་བྱང་ཆུབ་པཿ རྒྱ་ཁྱོན་ཆོས་ཀྱི་དབྱིངས་


JLAZ010_Page_0518
[མ་དཔེ་གཟིགས་ན་འདིར་གནོན།]

དང་མཉམཿ བུམ་ནད་མཁའ་འགྲོའི་དཀྱིལ་འཁོར་ནིཿ ཧཱུྃཿརྣམ་ཐར་ཡོངས་རྫོགས་རྡོ་རྗེ་བཙུན་མོའི་མཁའཿསོགས་གཞུང་ལྟརཿ མ་བསྐྱེད་རང་བྱུང་ཡོངས་གྲུབ་ཆེན་པོར་གསལཿ ཧཱུྃཿཏོག་ལ་གཙུག་ཏོར་གདུགས་དཀར་མོཿ ཉིད་ཀྱིལ་ལྷ་མོ་འོད་ཟེར་ཅནཿ ཟླ་ཕྱེད་ཁྲོ་གཉེར་ཅན་གསུམ་ལཿ རིགས་སྔགས་ལྷ་མོ་འབུམ་སྡེས་བསྐོརཿ ཆོས་འཁོར་བསྐལ་བཟང་སངས་རྒྱས་སྟོངཿ བྲེ་ནང་སྒྲུབ་སྡེ་ཆེན་པོ་བརྒྱདཿ བང་རིམ་དབུས་སུ་པད་ཉིའི་སྟེངཿ ཡེ་ཤེས་མེ་དཔུང་འབར་བའི་ཀློངཿ དྲང་སྲོང་དྲི་མེད་ཁྲོ་བོའི་སྐུཿ སྔགས་རྒོད་ལོཀྟྲི་པཱ་ལ་ནིཿ མཐིང་ནག་དབུ་སྟོང་ཕྱག་སྟོང་རྔམསཿ རྩ་ཕྱག་ཐུགས་ཀར་ཐལ་མོའི་རྡེབཿ ལོག་འདྲེན་གནོད་བྱེད་རྡུལ་དུ་བྱེདཿ ལྷག་མ་གཡས་རྣམས་རལ་གྲི་དངཿ གཡོན་རྣམས་རྡོ་རྗེའི་ཐོ་བ་འཛིནཿ དགྲ་བགེགས་གདན་ལ་དོར་སྟབས་བགྲདཿ རིགས་སྔགས་དམོད་པ་གྲུབ་པ་ཡིཿདྲང་སྲོང་བྱེ་བ་འབུམ་སྡེས་བསྐོརཿ སེང་ཁྲིའི་ནང་དུ་ཐོད་མཁར་ཀློངཿ ཁྲག་ཞག་རྒྱ་མཚོ་འཁྱིལ་བའི་དབུསཿ མི་རོ་རྟ་རོ་གཅལ་དུ་བཀྲམཿ བདུད་དང་གཤིན་རྗེ་སྲིན་པོའི་སྡེཿགནོད་སྦྱིན་ཤ་ཟ་རོ་ལངས་དངཿ ཀེང་རུས་བྱ་གཅན་འཁྲིགས་པའི་ཀློངཿ དཔལ་ལྡན་མ་མགོན་ལྕམ་དྲལ་དངཿ བདུད་མགོན་ཚོགས་བདག་མཆེད་


JLAZ010_Page_0519
[མ་དཔེ་གཟིགས་ན་འདིར་གནོན།]

ལྔ་ལཿ ལྷ་དམགས་བྱེ་བ་འབུམ་སྡེ་དངཿ དཔལ་མགོན་བདུན་ཅུ་རྩ་ལྔས་བསྐོརཿ སྤྲུལ་པ་ཡང་སྤྲུལ་བསམ་མི་ཁྱབཿ འཇིགས་སུ་རུང་དང་དཔའ་བྱད་ཅནཿ བྱད་ཕུར་གཡུལ་ངོ་ཟློག་ལ་རྔམསཿ རྡོ་རྗེའི་རྭ་གུར་ཕྱི་རོལ་ཏུཿགནམ་ལྕགས་འབར་བའི་རྩིབས་འཁོར་ནིཿ སྟེང་འོག་ཕྱོགས་མཚམས་བཅུར་ལྡན་པའིཿཡར་རྩེ་ཆོས་ཀྱི་དབྱིངས་དང་ནིཿ མར་རྩེ་དམིགས་བྱའི་སྙིང་ལ་ཟུགཿ སོ་སོའི་ནང་ཁོངས་ཉི་གདན་སྟེངཿ ཕྱོགས་སྐྱོང་གདན་ལ་ཁྲོ་བོ་བཅུཿརང་རང་སྤྲུལ་པའི་དམག་དཔུང་བཅསཿ མེ་སྟག་འཕྲོ་ཞིང་ཀུན་ནས་འབརཿ དེའི་ཕྱི་སྤུ་གྲི་རེག་གཅོད་རླུངཿ ཡེ་ཤེས་མེ་ལྕེས་བསྐྱེད་པ་ལསཿ གཡོན་བསྐོར་མགལ་མེའི་འཁོར་ལོ་ལྟརཿ བསྐོར་ནས་དགྲ་བགེགས་ཉལ་ཉལ་གཏུབསཿ དེ་ལྟར་གསལ་བའི་ལྷ་ཚོགས་ཀྱིཿགནས་གསུམ་ཡི་གེ་འབྲུ་གསུམ་ལསཿ རང་འདྲའི་ཡེ་ཤེས་སྤྱན་དྲངས་བསྟིམཿ གཉིས་པ་སྤྱན་འདྲེན་པ་ནིཿ ཧཱུྃཿམགོན་པོ་ཀུན་གཟིགས་ཐུགས་རྗེ་ཅནཿ བདུད་ཀྱི་བདུད་ཆེན་ལྷ་ཡི་ལྷཿབཅོམ་ལྡན་རྒྱལ་བ་སྲས་བཅས་རྣམསཿ དེང་འདིར་གདུང་བས་སྤྱན་འདྲེན་ནཿ ཐུགས་ལ་ཁྲོ་བ་མི་མངའ་ཡངཿ སྙིགས་མ་ལྔ་ཡི་མཐར་སྐྱེས་པའིཿ ལོག་འདྲེན་འདུལ་ཕྱིར་དྲག་ཤུལ་དངཿ རོལ་པའི་སྟབས་ཀྱིས་གཤེགས་སུ་གསོལཿ ཨེ་


JLAZ010_Page_0520
[མ་དཔེ་གཟིགས་ན་འདིར་གནོན།]

ཧྱེ་ཧི་མ་ཧཱ་ཀཱ་རུ་ཎི་ཀ་དྲྀ་ཤ་ཧོཿགསུམ་པ་བཞུགས་སུ་གསོལ་བ་ནིཿ ཧཱུྃཿདྲན་པ་ཉེ་བར་གཞག་པ་ནསཿ ཀུན་ཏུ་འོད་མཆོག་མན་ཆད་ཀྱིཿརྣལ་འབྱོར་རྫོགས་པའི་གཞལ་ཡས་སུཿ དམ་ཡེ་གཉིས་མེད་ངང་དུ་བཞུགསཿ བཛྲ་ས་མ་ཡ་ཏིཥྛཿབཞི་པ་ཕྱག་འཚལ་ནིཿ ཧཱུྃཿལྷ་དང་རང་རིག་གཉིས་མེད་དུཿ ཤེས་ལ་སྲི་ཞུ་མི་མངའ་ཡངཿ སེམས་ཅན་དོན་ལ་བསྐུལ་བྱའི་ཕྱིརཿ བརྡ་དོན་དྲན་པའི་ཕྱག་གིས་མཆོདཿ ཨ་ཏི་པཱུ་ཧོཿཔྲ་ཏཱིཙྪ་ཧོཿལྔ་པ་ཉེར་མཆོད་ནིཿ ཧཱུྃཿཡུལ་ལ་དབང་པོས་སྤྱོད་པ་ཡིཿམཆོད་དང་མཆོད་བྱར་མི་དམིགས་ཀྱངཿ སྐྱེ་མཆེད་ཡབ་དང་སྦྱོར་བའི་ཕྱིརཿ ཡུལ་དྲུག་འདོད་ཡོན་ལྷ་མོར་རོལཿ བཛྲ་ཨརྒྷཾ་ནས་ནཻ་ཝི་དྱ་རཱུ་པ་ཤབྟ་སོགསཿ དྲུག་པ་སྨན་གཏོར་རཀྟའི་མཆོད་པ་ནིཿ ཧཱུྃཿགཏི་མུག་ཤ་ཆེན་བྷ་ལིང་ཏཿཞེ་སྡང་རུས་པ་འདོད་ཆགས་ཁྲགཿ ཐབས་ཤེས་བྱང་ཆུབ་སེམས་སྨིན་པའིཿདམ་རྫས་སྨན་གཏོར་རཀྟས་མཆོདཿ སརྦ་པཉྩ་རཀྟ་བྷ་ལིང་ཏ་ཧོཿབདུན་པ་སྦྱོར་སྒྲོལ་གྱི་མཆོད་པ་ནིཿ ཧཱུྃཿབདག་མེད་རྡོ་རྗེ་ཡུམ་ལྔའི་ཀློངཿ བདག་ལྟའི་རུ་ཏྲ་ཚར་བཅད་པསཿ འཁོར་ལོ་བཞི་དབྱིངས་ལྡོག་ཁྱབ་ཀྱིཿསྦྱོར་སྒྲོལ་མཆོད་པ་བླ་ན་མེདཿ མ་ཧཱ་སུ་ཁ་པཱུ་ཛ་ཧོཿབརྒྱད་པ་ཕྱག་རྒྱ་བཞི་མཆོད་ནིཿ ཨཱཿལྷར་སྣང་དམ་ཚིག་ཕྱག་རྒྱ་ཡངཿ སྣང་སྟོང་ཟུང་འཇུག་ལས་ཀྱི་ངངཿ གྲགས་སྟོང་ཆོས་ཀྱི་


JLAZ010_Page_0521
[མ་དཔེ་གཟིགས་ན་འདིར་གནོན།]

ཕྱག་རྒྱའི་སྤྲིནཿ སྟོང་ཉིད་ཕྱག་རྒྱ་ཆེན་པོར་རོལཿ དྷརྨ་དྷཱརྟུ་པཱུ་ཛ་ཧོཿདགུ་པ་བསྟོད་པ་ནིཿ ཧཱུྃཿམི་གནས་མི་དམིགས་ཆོས་ཀྱི་དབྱིངསཿ འགགས་མེད་ངང་ལས་ལོངས་སྐུར་རྫོགསཿ སྣ་ཚོགས་ཐབས་ལས་སྤྲུལ་པའི་སྐུཿ གཞན་དོན་རྒྱུན་ཆད་མེད་ལ་འདུདཿ སྒྲ་ཚིག་བརྗོད་པར་མི་དམིགས་ཀྱངཿ རླུང་དང་ཡི་གེར་འབྲེལ་པ་ལསཿ གསང་སྔགས་རིགས་སྔགས་དངོས་གྲུབ་ཀུནཿ གྲགས་སྟོང་རྡོ་རྗེའི་དབྱངས་ལ་འདུདཿ ཟབ་ཞི་སྤྲོས་བྲལ་ནམ་མཁའི་དབྱིངསཿ སྟོང་དང་མི་སྟོང་བློ་ལས་འདསཿ སྐྱེ་བ་མེད་ལས་སྣ་ཚོགས་སྐྱེཿརྡོ་རྗེའི་ཐུགས་ལ་ཕྱག་འཚལ་བསྟོདཿ རྒྱལ་བའི་སྐུ་གསུང་ཐུགས་མཆོག་ལསཿ སེམས་ཅན་འདུལ་ཕྱིར་ཡོན་ཏན་གཟུགསཿ འབར་དང་འཇམ་རྒྱས་ཆགས་པའི་ཉམསཿ དམ་ཅན་རྒྱ་མཚོའི་ཚོགས་རྣམས་དངཿ དེ་དག་འཁོར་ན་གནས་པ་ཡིཿའཇིག་རྟེན་འདས་དང་འཁོར་བའི་ཚུལཿ ཡེ་ཤེས་གྲུབ་ཀྱང་ཕྲིན་ལས་བཞིའིཿབདག་ཉིད་ཆེན་པོ་ཀུན་ལ་བསྟོདཿ བཅུ་པ་བཟླས་པ་ནིཿ བདུད་འདུལ་དྲག་མོའི་ཐུགས་ཀ་རུཿཉི་སྟེང་ཐུགས་སྲོག་ཧཱུྃ་གི་མཐརཿ ལས་སྔགས་མེ་སྟག་འཕྲོ་བས་བསྐོརཿ དེ་ལས་བྱུང་བའི་འོད་ཟེར་གྱིསཿ ལྷ་ཚོགས་ཀུན་གྱི་ཐུགས་རྒྱུད་བསྐུལཿ ཀུན་ཀྱང་རང་རང་གསང་སྔགས་དངཿ རིགས་སྔགས་དམོད་པ་


JLAZ010_Page_0522
[མ་དཔེ་གཟིགས་ན་འདིར་གནོན།]

འབྲུག་ལྟར་ལྡིརཿ སྒྲ་ལས་འོད་བྱུང་སྟོང་ཁམས་ཁེངསཿ ཕ་རོལ་བྱད་ཕུར་དམག་ཚོགས་དངཿ སྡེ་བརྒྱད་ལོག་འདྲེན་ཐལ་བར་བརླགཿ འཁོར་འདས་བྱང་ཆུབ་བ་སེམས་ཀྱི་ཀློངཿ གཉིས་སྣང་དགྲ་འདྲེ་དབྱིངས་སུ་ཡལཿ ཞེས་གསལ་ལཿ རྩ་སྔགས་ཤམ་བུརཿ ནྲྀ་ཏྲི་ཤ་ཏཱུྃ་ཨ་མུ་ཀཱ་སརྦ་ཙིཏྟ་རཱུ་པ་ད་ཧ་པ་ཙ་ཚིནྡྷ་ཧཱུྃ་ཕཊཿབྷྱོ་བཟློགཿ ཅེས་དྲག་སྔགས་གནམ་ཐོག་བབས་པ་བཞིན་བཟླ་བར་བྱ་ཞིང་ཐུན་རྫས་ལ་ཡང་སྔགསཿ དམ་ཚིག་དག་དང་བསྐྱེད་རིམ་གསལཿ བཟླས་བརྗོད་ནུས་པ་རྫོགས་པ་ལཿ སྔགས་ཀྱི་དངོས་གྲུབ་འབྱུང་བས་སྒྲིམཿ གསུམ་པ་ལས་ལ་སྦྱོར་བ་ལཿ སྲུང་བཟློག་གཉིས་ལས་དང་པོ་ནིཿ རང་སྲུང་བཙན་པོའི་མཁར་མེད་ནཿ གོ་མེད་གཡུལ་ངོར་ཞུགས་འདྲ་བསཿ སྲུང་འཁོར་གུད་དུ་བྱུང་ལྟར་བྱཿགཉིས་པ་གསད་བཟློག་རྣམ་གཉིས་ལསཿ དང་པོ་བསད་པའི་རིམ་པ་ལཿ དྲུག་ལས་དང་པོ་དམིགས་བྱ་བསྐྱེད་པ་ནིཿ ཧཱུྃཿརྟེན་དང་བརྟེན་པ་ཡོངས་རྫོགས་ཀྱིཿའོག་གཞི་རླུང་གི་དཀྱིལ་འཁོར་ལཿ འབྱུང་བ་དགྲ་གཤེད་འཐབས་པའི་ཀློངཿ གཤིན་རྗེའི་ལྕགས་མཁར་བཅུ་དྲུག་གིསཿ བསྐོར་བའི་བྲུབ་ཁུང་ཁ་རུབ་ལཿ གཏིང་ཟབ་གཏི་མུན་མུན་ནག་ཀློངཿ ནྲྀ་དང་ཏྲི་ལས་དམིགས་བྱའི་གཟུགསཿ ཤིན་ཏུ་རིད་ཅིང་ཉམ་ཐག་པའིཿཡན་ལག་ལྕགས་སྒྲོག་དྲྭ་བས་བཅིངསཿ སྙིང་ཁར་རྩིབས་བཅུའི་མར་སྣ་ཟུགཿ སྟེང་ན་བྱ་རོག་འུག་པ་འཐབསཿ དྲི་ངན་འཐུལ་བས་སྐྱོབ་པའི་ལྷཿ རང་


JLAZ010_Page_0523
[མ་དཔེ་གཟིགས་ན་འདིར་གནོན།]

དབང་མེད་པར་བྱེར་བྱེད་པའིཿཁ་ཁྱེར་གཤིན་རྗེའི་ཀིང་ཀང་དཔུངཿ འགུགས་འཆིང་སྡོམ་མྱོས་ལས་ལ་བརྩོནཿ གཉིས་པ་དགུག་པ་ནིཿ ཛཿདཀོན་མཆོག་གསུམ་གྱི་བདེན་པ་དངཿ ཡི་དམ་ལྷ་ཡི་ཏིང་འཛིན་དངཿ སྔགས་རྒོད་རྫས་ཀྱི་ནུས་པ་ཡིསཿ སངས་རྒྱས་བསྟན་པ་བཤིག་པ་དངཿ བླ་མ་དཀོན་མཆོག་དབུ་འཕང་སྨདཿ སེམས་ཅན་ཡོངས་ཀྱི་བདེ་སྐྱིད་འཇོམསཿ ཆོས་ལྡན་རྒྱལ་པོའི་རྒྱལ་སྲིད་འཕྲོགཿ སྒོས་སུ་རྣལ་འབྱོར་ཉེས་མེད་ལཿ སྔ་དགྲ་ལག་བརྡར་ཕྱི་དགྲ་སེམསཿ ད་དགྲ་དོ་བརྡོ་ཕོད་འཛུགས་ཞིངཿ ལེགས་བསུབས་ཉེས་སྒྲོགས་དུག་སྦྱོར་གཤོམཿ ཁ་དཀར་ཞེ་ནག་ལོག་འདྲེན་དམོདཿ ལས་འབྲས་ཁྱད་གསོད་སྲུང་མར་གཤེཿདམིགས་ཡུལ་རཱུ་པ་བཅས་པ་འདིའིཿརྣམ་ཤེས་བླ་སྲོག་ཚེ་དང་བཅསཿ ཁམས་གསུམ་ས་དགུ་གར་གནས་ཀྱངཿ ཀིང་ཀང་མོན་པའི་དམག་ཚོགས་རྣམསཿ ག་ཏེ་ག་ཏེ་བླ་ལ་ཁྱེཿལྕགས་ཀྱུ་ཅན་གྱིས་སྙིང་ནས་ཟུངཿ ཞགས་པ་ཅན་གྱིས་རྐེ་ནས་ཆིངསཿ ལྕགས་སྒྲོག་ཅན་གྱིས་ཡན་ལག་སྡོམསཿ དྲིལ་བུས་བརྟན་པ་བྲལ་བར་གྱིསཿ ལྷ་དང་ཕྲོལ་ཅིག་པྲ་ཝེ་ཤཿཞེས་འགུགས་འདྲེན་བྱས་ལཿ ཡ་མ་རཱ་ཛ་ག་ཏེ་ག་ཏེ་ནྲྀ་ཏྲི་ཤ་ཏྲུཾ་བླ་ཤ་ཐུམ་རིལ་ཛཿཧཱུྃ་བཾ་ཧོཿ ཞེས་བླ་རྟགས་མ་མཐོང་བར་དུ་བཟླ་ཞིང་སྐབས་མཚམས་སུ་བདེན་སྟོབས་


JLAZ010_Page_0524
[མ་དཔེ་གཟིགས་ན་འདིར་གནོན།]

བརྗོདཿ དེ་ཡང་ཕ་རོལ་དམག་དཔུང་བཟློག་པ་གཙོ་བོར་ཡིན་ན་ཐུན་མཚམས་ཐམས་ཅད་དུ་སངས་རྒྱས་སྟོང་དང་དྲང་སྲོང་གི་དམོད་པ་ལ་བརྟེན་ནསཿ བསོད་ནམས་དང་ཀླུང་རྟ་སྡུབ་པའི་སྔགས་དང་ཏིང་ངེ་འཛིན་ཟབ་གནད་ཅན་བླ་མའི་ཞལ་ལས་ཤེས་པར་བྱའོཿགསུམ་པ་བླ་རྟགས་བྱུང་ནས་ཚེ་ཁྲུས་ཀྱི་དགོངས་པས་གནས་སྦར་བ་ནིཿ ཕུར་བུ་སྙིང་གར་གཟུགས་ཅིངཿ ཧཱུྃཿསྙིང་རྗེས་བསྒྲལ་བའི་དམ་ཚིག་ནིཿ གསད་ཅིང་མནན་པ་མ་ཡིན་ཏེཿཕུང་པོ་རྡོ་རྗེས་གཏམས་བྱས་ནསཿ རྣམ་པར་ཤེས་པ་རྡོ་རྗེར་སྒོམཿ བཛྲ་ཀཱི་ལི་ཀཱི་ལི་ཡ་དང་རུ་ལུ་རུ་ལུ་བརྗོད་ཅིང་ཚེ་ལུང་ཁྲུས་ལུང་གི་དགོངས་པ་དང་ལྡན་པས་རྣམ་པར་ཤེས་པ་གཙོ་བོའི་ཐུགས་ཀར་སྦརཿ བཞི་པ་ཚོགས་དྲུག་གི་གནད་གཅོད་པ་ནིཿ ཧཱུྃཿདབྱིངས་ན་བཞུགས་པའི་རྒྱལ་བ་ཞི་ཁྲོ་དངཿ ཁྱད་པར་བདུད་འདུལ་སེང་གེའི་གདོངས་པ་ཅནཿ དྲང་སྲོང་ཁྲོས་པ་དམ་ཅན་རྒྱ་མཚོའི་ཚོགསཿ ཐུགས་དམ་བསྐུལ་ལོ་དྲག་པོའི་ཕྲིན་ལས་མཛོདཿ ཞིང་བཅུ་ཚང་བའི་དམ་ཉམས་དགྲ་བོ་འདིའིཿཕུང་པོ་ཁམས་དང་སྐྱེ་མཆེད་འབྲེལ་བ་ཡིཿརྟེན་དང་བརྟེན་པ་ཆོས་ཀྱི་དབྱིངས་སུ་སྒྲོལཿ རྩ་སྔགས་དང་ལོག་ཏྲིའི་སྔགས་ནོད་བཟླ་ཞིངཿ ཕུར་པ་ཚོགས་དྲུག་གི་རྟེན་སོ་སོར་བཏབཿ ལྔ་པ་བསད་གྲིས་གཏུབ་ཅིང་ཐོ་ཐུན་དབབ་པ་ནིཿ ཧཱུྃཿདྲང་སྲོང་ཁྲོས་པའི་མཚོན་ཆ་ནིཿ རལ་གྲིས་ཚལ་པ་སྟོང་དུ་བཀསཿ ཐོ་བས་རྡུལ་ཕྲན་ཕྱེ་


JLAZ010_Page_0525
[མ་དཔེ་གཟིགས་ན་འདིར་གནོན།]

མར་འཐགཿ ཐུན་རྫས་མེ་སྟག་འཕྲོ་བ་ཡིསཿ བསམ་སྦྱོར་ངན་པ་རང་གཤེད་དུཿ འཁོར་ནས་རང་མཚོན་རང་ལ་ཟུགཿ རང་སྡེ་རང་གིས་བརླག་བྱས་ནསཿ དམིགས་པ་མེད་པའི་ཀློང་དུ་ཕཊཿཅེས་སྔགས་གོང་མ་བཟླ་བཞིན་པར་གཟུགས་ཕུང་རྡུལ་དུ་བརླག་པར་བྱའོཿདྲུག་པ་བསྟབ་པ་ནིཿ ཧཱུྃཿདགྲ་བགེགས་བསྒྲལ་བའི་ཤ་ཁྲག་རུསཿ ཕུང་པོ་ཁམས་དང་སྐྱེ་མཆེད་དངཿ ཡུལ་མཁར་གནས་རིས་སྡེ་དང་བཅསཿ ཁྲོ་རྒྱལ་འབར་བའི་ཞལ་དུ་སྟོབཿ དགྱེས་པར་རོལ་ཅིག་ཁ་རཾ་ཁཱ་ཧིཿརྣམ་ཤེས་ཆོས་ཀྱི་དབྱིངས་སུ་དྲོངསཿ གཉིས་པ་བཟློག་པའི་རིམ་པ་ལཿ དང་པོ་སྤྱིར་བསྐུལ་བ་ནིཿ ཧཱུྃཿཞི་བ་ཆོས་ཀྱི་དབྱིབས་ལས་མ་གཡོས་ཀྱངཿ འགྲོ་བ་འདུལ་ཕྱིར་ཞི་དང་ཁྲོ་བོའི་སྐུཿ དུས་གསུམ་ཕྱོགས་བཅུའི་རྒྱལ་བ་སྲས་བཅས་དངཿ དཔལ་མགོན་བདུན་ཅུ་སྲུང་མ་དབྱིངས་ནས་བཞེངསཿ བདེ་གཤེགས་སྙིང་པོར་རང་བཞིན་མེད་པ་ལསཿ རང་རང་གློ་བུར་རྟོག་པས་འཁྲུལ་བའི་འགྲོཿདུག་ལྔ་རང་རྒྱུད་ཞེན་པའི་འཁྲུལ་འཁོར་གྱིསཿ འགྲོ་བ་རྒྱུད་ལྔའི་གནས་སུ་འཁོར་བྱས་ནསཿ ལས་ངན་སྦྱོང་བའི་རྣམ་སྨིན་རྒྱུ་འབྲས་ལསཿ བྱུང་བའི་ནད་མཚོད་དམག་འཁྲུགས་མུ་གེ་གདོནཿ ལྟ་བ་ངན་དང་བདུད་ཀྱི་བློ་བསྒྱུར་ནསཿ རང་གཞན་སྡུག་ལ་


JLAZ010_Page_0526
[མ་དཔེ་གཟིགས་ན་འདིར་གནོན།]

སྦྱོར་བའི་རྒྱུ་འབྲས་རྣམསཿ མངོན་སྤྱོད་དྲག་པོའི་རོལ་པས་ཚར་གཅོད་དེཿསྐྱེ་མེད་དབྱིངས་ལ་སྦྱོར་བའི་ཕྲིན་ལས་མཛོདཿ གཉིས་པ་སྒོས་སུ་བསྐུལ་བ་ནིཿ ཧཱུྃཿརྣམ་ཐར་སྒོ་གསུམ་རྡོ་རྗེ་བཙུན་མོའི་དབྱིངསཿ གཞི་ལམ་འབྲས་བུ་རྫོགས་པའི་ཕོ་བྲང་ནསཿ དུས་གསུམ་སངས་རྒྱས་ཐམས་ཅད་བསྐྱེད་པའི་ཡུམཿ ཡེ་ཤེས་མཁའ་འགྲོ་སེང་གེའི་གདོང་པ་ཅནཿ བདུད་བཞིའི་སྟེང་ན་འགྱིང་བས་སྒེག་སྒེག་འདྲཿམགོ་ཕྲེང་རྒྱན་དུ་འཆང་བས་དཔའ་དཔའ་འདྲཿསེང་ཞལ་ནམ་མཁར་གདངས་པས་འཇིགས་འཇིགས་འདྲཿམཆེ་བ་ཟངས་ཡག་འབར་བས་དགོད་དགོད་འདྲཿལྗགས་དམར་གློག་ལྟར་འཁྱུག་པས་གཤེ་གཤེ་འདྲཿཨ་ཀའི་གད་རྒྱངས་སྒྲོགས་པས་དྲག་ཤུལ་གསུངཿ འགྲོ་བ་མགོན་མེད་རྣམས་ལ་ཐུགས་བརྩེ་ཞིངཿ ལོག་འདྲེན་གཡུལ་ངོ་བཟློག་ལ་ཤིན་ཏུ་རྔམསཿ ཀུན་ཀྱང་རྟོག་བྲལ་བདེ་བ་ཆེན་པོར་ཞིཿགར་དགུའི་རོལ་པས་ས་དགུ་དབྱིངས་སུ་སྒྲོལཿ ཧཱུྃཿཁམས་དང་སྐྱེ་མཆེད་གནས་སུ་དག་པ་ལསཿ ཡེ་ཤེས་ལུས་ཅན་རྡོ་རྗེ་བཙུན་མོའི་སྐུསཿ གཏི་མུག་ལས་གྱུར་གླང་པོའི་འཇིགས་པ་དངཿ རྨོངས་པས་ལས་འབྲས་ཁྱད་གསོད་བྱད་ཕུར་གདོནཿ དཔག་དཔུང་གཡུལ་གཤོམ་རང་གཤེད་རང་ལ་བཟློགཿ སྐུ་


JLAZ010_Page_0527
[མ་དཔེ་གཟིགས་ན་འདིར་གནོན།]

ལ་ཡེ་ཤེས་མེ་དཔུང་འབར་བ་ཡིསཿ ཞེ་སྡང་ལས་གྱུར་མེ་ཡི་འཇིགས་པ་དངཿ ཕན་ཚུན་འཐབ་རྩོད་གཡུལ་ངོར་འཇུག་པའི་སེམསཿ བྱད་ཕུར་སྲི་སྐེག་ཐན་ལྟས་ངན་པ་ཟློགཿ སྐུ་ལ་སེང་གེའི་སློག་པ་གསོལ་བ་ཡིསཿ ང་རྒྱལ་ལས་གྱུར་སེང་གེའི་འཇིགས་པ་དངཿ བཅོམ་དང་དྲེགས་པས་རྒྱགས་པའི་གཡུལ་ངོ་ཡིསཿ འགྲོ་བའི་བདེ་སྐྱིད་འཕྲོག་པ་ཐམས་ཅད་ཟློགཿ ཕྱག་གཡས་གྲི་གུག་ནམ་མཁར་འཕྱར་བ་ཡིསཿ ཀླ་ཀློའི་ལྟ་བ་ངན་པ་ལས་གྱུར་བའིཿདམག་དང་ཆོམ་པོས་འཚེ་བའི་འཇིགས་པ་དངཿ བྱད་ཕུར་ངན་སྔགས་བཀྲ་མི་ཤིས་པ་བཟློགཿ ཕྱག་གཡོན་ཐོད་པ་ཁྲག་གིས་བཀང་བ་ཡིསཿ འདོད་པ་ལས་བྱུང་ཆུ་བོའི་འཇིགས་པ་དངཿ གཞན་འབྱོར་དཔལ་ལ་རྔམས་པའི་ལྟ་བ་ཡིསཿ འགྱེད་དང་རྩོད་པའི་བསམ་སྦྱོར་ངན་པ་བཟློགཿ རྡོ་རྗེ་ཁ་ཊྭཱྃ་མཆན་དུ་བརྟེན་པ་ཡིསཿ ཕྲག་དོག་ལས་གྱུར་དུག་སྦྲུལ་འཇིགས་པ་དངཿ གཞན་འབྱོར་དཔལ་ལ་མི་བཟོད་འཁུ་བ་ཡིསཿ རང་གཞན་སྡུག་ལ་སྦྱོར་བའི་གཡུལ་ངོར་ཟློགཿ ཕྱག་རྒྱ་ལྔ་ཡིས་སྐུ་ལ་བརྒྱན་པ་ཡིསཿ སེར་སྣ་ལས་གྱུར་ལྕགས་སྒྲོགས་འཇིགས་པ་དངཿ རང་དབང་བསྡམས་ཤིང་གཞན་དབང་འཕྲོག་པའི་སེམསཿ ཆོམ་པོས་འཚེ་དང་བཀྲ་


JLAZ010_Page_0528
[མ་དཔེ་གཟིགས་ན་འདིར་གནོན།]

མི་ཤིས་པ་ཟློགཿ སྐུ་ལ་རུས་པའི་རྒྱན་དྲུག་གསོལ་བ་ཡིསཿ ཐེ་ཚོམ་ལས་གྱུར་ཤ་ཟའི་འཇིགས་པ་དངཿ འབྱུང་པོས་རྒྱུད་བརླམས་བརླང་པོར་སྤྱོད་པ་ཡིསཿ བསྟན་འགྲོའི་ཕན་བདེ་བཤིག་པ་ཐམས་ཅད་ཟློགཿ ཧཱུྃཿཡུལ་དང་དབང་ཤེས་འབྲེལ་བ་ཚར་གཅོད་ཅིངཿ ཚོགས་དྲུག་གནས་སུ་དག་པའི་ཕྲ་མེན་དྲུགཿ ཉོན་མོངས་ཉེ་བའི་ཉོན་མོངས་ལས་སྐྱེས་པའིཿསེམས་བྱུང་རྒྱུ་འབྲས་གཅོད་ལ་དཔའ་བས་ནཿ ཕུང་པོ་ཁམས་དང་ཚོགས་བརྒྱད་ལས་གྱུར་བའིཿསྲིད་པ་གསུམ་གྱི་རྒུད་པ་ཐམས་ཅད་དངཿ ཆག་ཆེ་ཉམ་ང་ནད་མཚོན་མུ་གེ་གདོནཿ ལོ་ཉེས་སད་སེར་བཙའ་ཐན་ཤྭ་ལོག་དངཿ ཐན་ལྟས་རྟགས་དང་རྨི་ལམ་མཚན་མ་ངནཿ ཕན་ཚུན་འཐབ་རྩོད་བན་བོན་སྔགས་པའི་བྱདཿ མུ་སྟེགས་ཕྲ་མེན་ངན་སྔགས་སྦྱོར་བ་དངཿ དུས་མིན་འཆི་དང་རྨི་ལམ་ངན་པ་སོགསཿ བཀྲ་མི་ཤིས་པའི་དངོས་པོ་ཐམས་ཅད་ཀུནཿ གཅིག་ཏུ་བསྡུས་ནས་ཞིང་བཅུ་ཚང་བ་ཡིསཿ དམ་ཉམས་དགྲ་དང་གནོད་པའི་བགེགས་ལ་བསྒྱུརཿ ཟློག་སྒྱུར་བཅོལ་བའི་ཕྲིན་ལས་དུས་ལ་བབཿ ཧཱུྃཿཕྱི་རིམ་པད་འདབ་སོ་གཉིས་ནསཿ རྒྱ་མཚོའི་འགྲམ་ལ་སོགས་པ་ཡིཿགནས་ལ་དབང་བྱེད་མཁའ་འགྲོ་མཿ སུམ་ཅུ་རྩ་གཉིས་སྐུ་བཞེངས་ཤིགཿ དགའ་བྱེད་མ་དང་འདྲེན་བྱེད་མཿ


JLAZ010_Page_0529
[མ་དཔེ་གཟིགས་ན་འདིར་གནོན།]

གསོད་བྱེད་མ་དང་སྤོར་བྱེད་མཿ འབར་བྱེད་མ་དང་གཟི་བརྗིད་མཿ ཁྲོ་གཉེར་མ་དང་འཇོམས་བྱེད་མཿ ཆགས་བྱེད་མ་དང་ཆགས་བྲལ་མཿ འཁོར་ལོ་མ་དང་རྒྱས་འདེབས་མཿ སྣ་ཚོགས་ལུས་འཆང་སྲུང་བ་མོཿ གནོད་སྦྱིན་མ་དང་ཡང་དག་འཕྲོགཿ བྱ་རོག་གདོང་དང་འཇིགས་བྱེད་མཿ བཞད་གདོང་མ་དང་འུག་གདོང་མཿ ཁྱི་གདོང་མ་དང་ཕག་གདོང་མཿ རྔ་མོའི་གདོང་དང་བོང་བུའི་གདོངཿ འཇོམས་བྱེད་མ་དང་རུས་འཆའ་མཿ སེང་གདོང་མ་དང་རུས་ཕྲེང་ཅནཿ བུམ་སྣ་མ་དང་རྣམ་འཇོམས་མཿ དྷ་ཤ་གྷྲི་ཝ་འབོད་སྒྲོགས་མཿ ཀུན་ཀྱང་ཤིན་ཏུ་ཁྲོས་པའི་གཟུགསཿ ཕྱག་མཚན་རྣམ་པ་སྣ་ཚོགས་འཛིནཿ གསོད་ལ་རྒྱུག་ཅིང་གཅོད་ལ་རྔམསཿ མཐུ་རྩལ་ནམ་མཁའི་གློག་ལས་མྱུརཿ བསྟན་པ་བཤིག་པའི་དགྲ་བོ་ལཿ མཐུ་རྩལ་རྔམ་པའི་དུས་ལ་བབཿ གཡུལ་གཤོམ་བྱེད་པའི་དམག་དཔོན་དངཿ དམག་དཔུང་འཇོམས་པའི་དུས་ལ་བབཿ ངན་སྔགས་བྱེད་པའི་མུ་སྟེགས་དངཿ བན་བོན་འཇོམས་པའི་དུས་ལ་བབཿ བསྐུལ་ལོ་སེམས་ཅན་དོན་ལ་བསྐུལཿ མཛོད་ཅིག་དྲག་པོའི་ཕྲིན་ལས་མཛོདཿ ཧཱུྃཿསྒྲོལ་གིང་བཅོ་བརྒྱད་ཐུགས་དམ་བསྐུལཿ ཀིང་ཀང་རྡོ་རྗེ་འབྱུང་པོ་དངཿ རྡོ་རྗེ་གནོད་སྦྱིན་སྤྱང་ཀི་དངཿ རྡོ་རྗེ་གཤིན་


JLAZ010_Page_0530
[མ་དཔེ་གཟིགས་ན་འདིར་གནོན།]

རྗེ་རོལ་པ་དངཿ རྡོ་རྗེ་འཆི་བདག་དུས་མཚམས་དངཿ རྡོ་རྗེ་རོལ་པ་འཆི་བདག་དངཿ རྡོ་རྗེ་དུས་མཚམས་རོ་ལངས་དངཿ རྡོ་རྗེ་འཇོམས་པ་གིང་ལྕམ་དངཿ རྡོ་རྗེ་དབང་བསྐུར་འཕྲུལ་མོ་ཆེཿརྡོ་རྗེ་གློག་འགྱུ་མཐུ་མོ་ཆེཿརྡོ་རྗེ་རྣ་ཉན་སྒྲོལ་བྱེད་མཿ རྡོ་རྗེ་ཟ་བྱེད་མྱོང་བྱེད་ཏེཿབཀའ་སྡོད་གཉིས་བཅས་ལྕམ་དྲལ་དངཿ གིང་ལང་དབང་ཕྱུག་བསྟན་མའི་ཚོགསཿ ཀུན་ཀྱང་ཤིན་ཏུ་ཁྲོས་པའི་གཟུགསཿ ཕྱག་མཚན་རྣམ་པ་སྣ་ཚོགས་འཛིནཿ གསོད་ལ་རྒྱུག་ཅིང་གཅོད་ལ་རྔམསཿ མཐུ་རྩལ་ནམ་མཁའི་གློག་ལས་མྱུརཿ བསྟན་པ་བཤིག་པའི་དགྲ་བོ་ལཿ མཐུ་རྩལ་རྔམ་པའི་དུས་ལ་བབཿ གཡུལ་གཤོམ་བྱེད་པའི་དམག་དཔོན་དངཿ དམག་དཔུང་འཇོམས་པའི་དུས་ལ་བབཿ ངན་སྔགས་བྱེད་པའི་མུ་སྟེགས་དངཿ བན་བོན་འཇོམས་པའི་དུས་ལ་བབཿ བསྐུལ་ལོ་སེམས་ཅན་དོན་ལ་བསྐུལཿ མཛོད་ཅིག་དྲག་པོའི་ཕྲིན་ལས་མཛོདཿ ཧཱུྃཿདྲན་པ་ཉེ་བར་བཞག་པ་ནས་བཟུང་སྟེཿ རྣམ་པ་ཐམས་ཅད་རྫོགས་པའི་ཆོས་སྤྲིན་ཏོགཿ བལྟར་མི་མངོན་པ་འོད་ཀྱི་ཕོ་བྲང་ནསཿ བདེ་གཤེགས་ཀུན་ཀྱི་མཐུ་སྟོབས་གཅིག་བསྡུས་པཿ རིགས་སྔགས་བདག་མོ་གཙུག་ཏོར་གདུགས་དཀར་དངཿ རྡོ་རྗེ་ཉི་མ་སྣང་བའི་གཞལ་ཡས་ནསཿ


JLAZ010_Page_0531
[མ་དཔེ་གཟིགས་ན་འདིར་གནོན།]

གཞན་གྱིས་མི་ཐུབ་ལྷ་མོ་འོད་ཟེར་ཅནཿ ཡེ་ཤེས་ཟླ་བ་གསལ་བའི་དཀྱིལ་འཁོར་ནསཿ བཞད་པ་བརྒྱད་ལྡན་ཁྲོ་གཉེར་ཅན་མ་སྟེཿརིགས་སྔགས་བདག་མོ་འབུམ་སྡེའི་ལྷ་ཚོགས་རྣམསཿ འགྲོ་ཀུན་སྡུག་བསྔལ་ཚོར་བས་ཉམ་ཐག་ཚེཿཐུགས་དམ་བསྐུལ་ལོ་སེམས་ཅན་དོན་ལ་བཞེངསཿ འཇིགས་པ་ཆེན་པོ་བརྒྱད་དང་བཅུ་དྲུག་དངཿ བྱད་གདོན་གཡུལ་ངོ་ཟློག་པའི་དུས་ལ་བབཿ ཧཱུྃཿས་བཅུ་ཡོངས་རྫོགས་ཆོས་གྱི་འཁོར་ལོ་ནསཿ བསྐལ་བཟང་འདི་ལ་སྤང་རྟོགས་མཐར་ཕྱིན་པའིཿསྟོབས་བཅུ་མི་འཇིགས་རྣམ་བཞིའི་མཐུ་སྟོབས་ཅནཿ བསྐལ་བཟང་སངས་རྒྱས་སྟོང་དང་རྒྱལ་སྲས་ཚོགསཿ རྣམ་པ་བཞི་ཡི་འཁོར་དང་བཅས་པ་རྣམསཿ འགྲོ་ཀུན་སྡུག་བསྔལ་ཚོར་བས་ཉམ་ཐག་ཚེཿཐུགས་དམ་བསྐུལ་ལོ་སེམས་ཅན་དོན་ལ་བཞེངསཿ འཇིགས་པ་ཆེན་པོ་བརྒྱད་དང་བཅུ་དྲུག་དངཿ བྱད་གདོན་གཡུལ་ངོ་ཟློག་པའི་དུས་ལ་བབཿ ཧཱུྃཿཞལ་དང་གཉིས་མེད་བྲེ་ཡི་ཕོ་བྲང་ནསཿ བདེ་གཤེགས་ཡོངས་རྫོགས་གར་དགུའི་རོལ་པ་ཅནཿ འཁོར་འདས་ཀུན་ཀྱི་རྗེ་བཙུན་ཆེ་མཆོག་ནིཿ རྩ་ཞལ་ཉེར་གཅིག་ཕྱག་ནི་ཞེ་གཉིས་ནཿ ཞི་བ་རྡོ་རྗེ་དབྱིངས་ཀྱི་ལྷ་ཚོགས་བསྣམསཿ རང་རང་རིགས་ཀྱི་སྤྲུལ་པ་བསམ་མི་ཁྱབཿ སྐུ་མཆོག་འཇམ་


JLAZ010_Page_0532
[མ་དཔེ་གཟིགས་ན་འདིར་གནོན།]

དཔལ་ཁྲོ་བོའི་དཀྱིལ་འཁོར་དངཿ གར་གྱི་དབང་ཕྱུག་པད་མ་གསུང་གི་ཚོགསཿ ཐུགས་ཀྱི་བདག་ཉིད་ཡང་དག་ཧེ་རུ་ཀཿཕྲིན་ལས་རྡོ་རྗེ་གཞོན་ནུ་གཙོ་དང་འཁོརཿ མ་མོ་རྦོད་གཏོང་རིག་འཛིན་སྡེ་བཞི་དངཿ འཇིག་རྟེན་མཆོད་བསྟོད་དམོད་པ་དྲག་སྔགས་ཚོགསཿ བདུན་བརྒྱ་ཉེར་ལྔ་བཀའ་སྡོད་དམ་ཅན་རྣམསཿ འགྲོ་ཀུན་སྡུག་བསྔལ་ཚོར་བས་ཉམ་ཐག་ཚེཿཐུགས་དམ་བསྐུལ་ལོ་སེམས་ཅན་དོན་ལ་བཞེངསཿ འཇིགས་པ་ཆེན་པོ་བརྒྱད་དང་བཅུ་དྲུག་དངཿ བྱད་གདོན་གཡུལ་ངོ་ཟློག་པའི་དུས་ལ་བབཿ ཧཱུྃཿརྫུ་འཕྲུལ་རྐང་བའི་བང་རིམ་གཞལ་མེད་ནསཿ དྲང་སྲོང་ཁྲོས་པ་རྡོ་རྗེ་གཙུག་ཏོར་ཅནཿ དབུ་སྟོང་ཕྱག་སྟོང་ལོག་ཏྲི་པཱ་ལའི་སྒྲཿའུར་འུར་ཆེམ་ཆེམ་འབྲུག་སྟོང་ལྡིར་བ་བཞིནཿ བདེན་ཚིག་དམོད་པས་ལོག་འདྲེན་ཚར་གཅོད་པའིཿདྲང་སྲོང་བྱེ་བ་འབུམ་སྡེའི་འཁོར་དང་བཅསཿ གནམ་ས་ཁ་རྡེབ་ལྟ་བུའི་ཐལ་མོའི་བརཿ དགྲ་བགེགས་འཐག་ཅིང་རལ་གྲི་ཐོ་བ་དངཿ འཁོར་ལོ་གཏུན་ཤིང་དགྲ་སྟ་ཀླད་ལ་བསྐོརཿ ཐ་ནག་སྐུ་གདུང་ནག་པོའི་མེ་སྟག་གིསཿ ལོག་འདྲེན་རྣམ་ཤེས་ཚོགས་བརྒྱད་གནོད་ཅིང་གཟིརཿ འགྲོ་ཀུན་སྡུག་བསྔལ་ཚོར་བས་ཉམ་ཐག་ཚེཿ ཐུགས་དམ་བསྐུལ་ལོ་སེམས་ཅན་དོན་ལ་བཞེངསཿ


JLAZ010_Page_0533
[མ་དཔེ་གཟིགས་ན་འདིར་གནོན།]

འཇིག་པ་ཆེན་པོ་བརྒྱད་དང་བཅུ་དྲུག་དངཿ བྱད་གདོན་གཡུལ་ངོ་ཟློག་པའི་དུས་ལ་བབཿ གསུམ་པ་ཐུན་གཏོར་འཕངས་པ་ནིཿ ཧཱུྃཿརྣམ་པ་ཉི་ཤུ་བྱང་ཆུབ་པའིཿབདེ་གཤེགས་ཐུགས་ཀྱི་དཀྱིལ་འཁོར་ནསཿ ཡི་དམ་རྒྱལ་བ་ཞི་ཁྲོ་དངཿ བདུད་བཞི་བསྣོལ་བའི་གདན་སྟེང་ནསཿ བདུད་ཀྱི་བདུད་ཆེན་སེང་གེའི་གདོངཿ ཕྲ་མེན་མཁའ་འགྲོའི་ལྷ་ཚོགས་དངཿ དཔལ་ལྡན་མ་མགོན་ལྕམ་དྲལ་སྟེཿམགོན་པོ་བདུན་ཅུ་རྩ་ལྔའི་ཚོགསཿ ཐུགས་དམ་བསྐུལ་ལོ་དབྱིངས་ནས་བཞེངསཿ བདེན་པའི་མཐུ་དང་དཔུང་སྐྱེད་ལཿ སངས་རྒྱས་བསྟན་པ་བཤིག་པ་དངཿ བླ་མ་དཀོན་མཆོག་དབུ་འཕང་སྨདཿ འགྲོ་བའི་བདེ་སྐྱིད་འཕྲོག་པ་སོགསཿ ཞིང་བཅུ་ཚང་བའི་དམ་ཉམས་དངཿ ཡོངས་ལ་འཚེ་བའི་དགྲ་དང་བགེགསཿ དམར་གཏོར་ཁྲག་ཞག་འཁྱིལ་པའི་ཀློངཿ ཁུག་ཅིག་ཤ་ཁྲག་དྲོད་དབུགས་རོལཿ ཛཿབདེ་གཤེགས་འདུས་པའི་གཏོར་ཟོར་འདིཿབསྟན་པ་བཤིག་པའི་དགྲ་བགེགས་ལཿ དམིགས་ཀྱི་ལྷ་སྲིན་གཉན་པོ་རྣམསཿ ཀོ་ལོང་མ་སྡོམ་ཟོར་ལམ་ཕྱེསཿ ཟོར་ཆེན་རླུང་གིས་བསྐྱོད་ཙ་ནཿ འབྲོང་ཆེན་ངར་མའི་ཆོ་འདྲ་སྟེཿམཚོན་ཆ་སྣ་ཚོགས་རྭ་ལྟར་ཟིངཿ ཁྱུང་ཆེན་ངར་མའི་སྡེར་འདྲ་སྟེཿ


JLAZ010_Page_0534
[མ་དཔེ་གཟིགས་ན་འདིར་གནོན།]

གང་ལ་དམིགས་པའི་སྟེང་དུ་འབེབསཿ དམིགས་ལས་གཞན་དུ་མ་ལྡོག་ཅིགཿ ཇི་ལྟར་དམིགས་ན་ཕ་རོལ་ཐུསཿ མེ་ལ་ཧོམ་དང་ཆུ་ལ་གཏདཿ ས་ལ་གཤོར་དང་རླུང་ལ་ཟོརཿ དྲང་སྲོང་ཁྲོས་པའི་དམོད་པ་དངཿ བན་དྷེའི་མདོ་དང་བོན་པོའི་བཙོཿ གྱིམ་ཤང་གཤེད་སྡེབས་དགྲ་གཤེད་བསྐོརཿ དབྱེ་བསྐྲད་རྨོངས་རེངས་བསད་དང་བཅིངསཿ མུ་སྟེགས་ཕྲ་མེན་ངན་སྔགས་དངཿ བུད་མེད་དམོད་ངན་སྡེ་བརྒྱད་བྱདཿ གཤིན་རྗེའི་འཁོར་ལོ་མ་མོའི་རིམསཿ གཟའ་ཀླུའི་དུག་དང་བདུད་བཙན་ཁྲམཿ རྒྱལ་པོའི་སྨྱོ་འབོགས་དམུའི་གནམ་རྡོཿགྲིབ་གནོན་སྨྱོ་བྱེད་བརྗེ་བྱེད་གདོནཿ སྐེམ་བྱེད་རོགས་ལངས་ལ་སོགས་པཿགདོན་རིགས་སུམ་བརྒྱ་དྲུག་ཅུ་སོགསཿ དེ་ལས་བྱུང་བའི་སད་སེར་དངཿ རི་རུད་ཤྭ་ལོག་ས་གཡོས་དངཿ ཐན་ལྟས་རྟགས་མཚན་རྨི་ལམ་ངནཿ འཇིག་པ་བརྒྱད་དང་བཅུ་དྲུག་སོགསཿ བཀྲ་མི་ཤིས་པའི་དངོས་པོ་ཀུནཿ གཏོར་ཟོར་འདི་ལ་བསྟིམས་བྱས་ནསཿ སླར་ལ་རང་གཤེད་རང་ལ་ཕོབཿ བྷྱོ་བྷྱོ་སྡང་བའི་དགྲ་ལ་བྷྱོཿབྷྱོ་བྷྱོ་གནོད་པའི་བགེགས་ལ་བྷྱོཿབསམ་སྦྱོར་ངན་པའི་སྟེང་དུ་བྷྱོཿབདག་སྲུང་མི་མཐུན་དགྲ་ལ་སྒྱུརཿ ཞེས་དགྲ་ཕྱོགས་སུ་འཕངསཿ གལ་ཏེ་དམག་བཟློག་གལ་ཆེན་དང་འབྲེལ་ན་སྐབས་འདིར་མ་མགོན་


JLAZ010_Page_0535
[མ་དཔེ་གཟིགས་ན་འདིར་གནོན།]

གཡུལ་མདོས་སྦྲེལ་བ་མན་ངག་ཡིན་ནོཿ གསུམ་པ་རྗེས་ཀྱི་རིམ་པ་ལཿ ཆོས་སྲུང་གི་སྐོང་བ་རྒྱས་པར་བྱཿདེ་ནས་ཚོགས་མཆོད་ནས་བཟུང་རྗེས་ཆོག་རྣམས་དཀྱུས་བཞིན་བྱཿདེ་ལྟ་བུས་བདུན་ཕྲག་ལ་སོགས་བསྒྲུབས་རྗེས་ཉིན་ཐ་མའི་ཚེ་ལྷག་མའི་རྗེས་སུ་སྒོ་དབྱེ་བྱ་བ་ནིཿ བླ་གབ་མེད་པའི་སར་ཕྱིན་ལ་ལམ་གཏོར་ལ་ཆབ་བྲནཿ གསེར་སྐྱེམས་བཤམ་ལཿ ཧཱུྃཿདབང་བོ་རྡོ་རྗེ་ཅན་ལ་སོགསཿ ཕྱོགས་སྐྱོང་ཆེན་པོ་བཅུ་རྣམས་དངཿ རྒྱལ་ཆེན་བཞི་སོགས་གདོན་གྱི་བདགཿ རང་རང་འཁོར་དང་བཅས་པ་དངཿ གནམ་སའི་སྒྲ་གཅན་སའི་ལྷ་མོཿ དུས་མཚན་ཐུན་ཕྱེད་རཱ་ཧུ་དངཿ བིཥྟི་དུས་ལ་དབང་བའི་ལྷཿརྟག་ཆགས་ཡུལ་ལྷ་གཉན་པོ་རྣམསཿ གསེར་སྐྱེམས་བརྔན་སྦྱིན་འདི་བཞེས་ལཿ སྒོ་ཕྱེ་འཕྲང་སོལ་ཟོར་ལམ་ཕྱེཿསེམས་མེད་འབྱུང་བ་ཆེན་པོ་བཞིའིཿཀློང་དུ་དགྲ་བགེགས་དམིགས་བྱས་ནསཿ ཟོར་སྣ་དགྲ་ལ་གཏོད་བྱེད་ནཿ སེམས་ལྡན་ཀོ་ལོང་མི་འཚལ་ཏེཿདབུ་ཆུམ་ཞབས་བསྡུས་སྐུ་གཟུར་ལཿ རང་བཞིན་མེད་པའི་དབྱིངས་ལ་བཞུགསཿ དཀར་ཕྱོགས་སྲུང་བའི་གྲོགས་དན་མཛོདཿ ཅེས་གསེར་སྐྱེམས་ཕྱོགས་བཅུར་གཏོརཿ དེ་ནས་ཐུགས་དམ་བསྐུལཿ ཆད་མདོ་གྱེརཿ འཕངས་སར་སླེབས་པ་དངཿ སྡེ་བརྒྱད་སྤྱི་ལ་དམིགས་པའི་གསེར་སྐྱེམས་དང་གཏོར་མ་བཏངཿ ཤོག་ལིང་ཡོན་ན་ཧོམ་ཁུང་ནང་དུ་མགོ་འཇུག་ལྡོག་ལ་བཅུགཿ


JLAZ010_Page_0536
[མ་དཔེ་གཟིགས་ན་འདིར་གནོན།]

དེའི་འོག་ཏུ་མེ་ཆུའི་སྣོད་ཀྱང་གཞགཿ བདེན་བརྗོད་སྔོན་དུ་འགྲོ་བས་འགུགས་འདྲེན་དྲག་པོ་བྱཿདགྲ་བོའི་ཡུལ་མཁར་ས་ཞིང་མི་ནོར་ཁ་རྗེ་དབང་ཐང་དང་བཅས་པ་ཧོམ་ཁུང་ནང་དུ་གསལ་བར་དམིགས་ལ་བྱ་གཅན་གཟན་ལ་རྦད་པ་བཞིན་དུ་ཟོར་རྫས་རྣམས་དམག་དཔུང་དང་དུག་རླངསཿ མཚོན་ཆའི་རང་བཞིན་དུ་དམིགས་ནས་ཐོག་མར་ཆོས་སྲུང་གི་གཏོར་ཟོར་དངཿ རྗེས་ལ་གོང་གི་ཐུན་གཏོར་འཕེན་ཚིག་གིསཿ གཏོར་ཟོར་མེ་ཧོམ་དུ་སྒྲུབ་པ་ནི་འབྱུང་བ་བཞིའི་ཀློང་དུ་ལས་མཐའ་སྡུད་པའི་གནད་ཟབ་མོའོཿ དེ་ནས་བསྟན་མ་སྐྱོངཿ སྲུང་འཁོར་བསྒོམཿ སྒོ་དྲུང་དུ་གཏོར་མནན་བྱཿནང་དུ་ལོག་ནས་ཚེ་གཟུངས་བཟླཿགཏང་རག་དང་དངོས་གྲུབ་ལེན་པ་སོགས་དཀྱུས་ལྟར་བྱའོཿགསང་སྔགས་ཐབས་དང་རྟེན་འབྲེལ་གྱིཿ ཆེ་བས་བསྐྱེད་རྫོགས་གཏིང་ལྡན་གྱིསཿ ཏིང་འཛིན་ལྡེ་ཁ་བསྒྱུར་ཤེས་ནཿ ལས་གང་འགྲུབ་པར་གདོན་མི་ཟཿས་མ་ཡཿརྒྱ་རྒྱ་རྒྱཿདགོངས་རྒྱཿགཏེར་རྒྱཿགསང་རྒྱཿ

ཡུམ་ཀའི་གསང་སྒྲུབ་སེང་གདོང་མའི་གཏོར་ཟློག་གི་བཅའ་གཞི་གནད་ཀྱི་ཡིག་ཆུང་།


JLAZ010_Page_0537
[མ་དཔེ་གཟིགས་ན་འདིར་གནོན།]

ཡུམ་ཀའི་གསང་སྒྲུབ་སེང་གདོང་མའི་གཏོར་ཟློག་གི་བཅའ་གཞི་གནད་ཀྱི་ཡིག་ཆུང་བཞུགས། །གསང་འཛིན་སྟོན་པ་མཐུ་སྟོབས་ཀྱི་དབང་ཕྱུག་ལ་ཕྱག་འཚལ་ལོ། །རིག་འཛིན་ཡུམ་ཀའི་གསར་སྒྲུབ་སེང་གདོང་མའི་གཏོར་ཟློག་གི་བཅའ་གཞི་གནད་ཀྱི་ལག་ལེན་ལཿ གང་དུ་བྱ་བའི་གནས་ཁང་དུ་མ་དུལ་བའི་ས་ཡིན་ན་ས་བླང་པའི་ཆོ་ག་གྲུབ་ན་བྱ། མ་གྲུབ་ནའང་གཞི་བདག་ལ་གཏོར་མ་བྱིན་ནས་བདེན་བདར་སྔོན་དུ་བཏངཿ སྟེགས་བུ་གྲུ་བཞི་བླ་འོག་ཅན་གྱི་ཁར་ཁྲག་ཆང་གིས་ཆག་ཆག་བཏབ་ནས་དཀྱིལ་འཁོར་དཔེའུ་ཆུང་བཞིན་བྲི། འབྲུ་ནག་ལ་འབྲུ་སྣ་ཅུང་ཟད་བསྲེས་པའི་གཏོར་ཆེན་མཚེ་ཡུངས་རྩང་དང་ཤ་ཁྲག་གིས་བརྒྱན་པ། དཀྱིལ་འཁོར་གྱི་སྟེང་དུ་མཉྫི་ལ་བཀོད། དེའི་མཐར་ཟོར་ཀོང་མཚེ་རྩང་། ཡུངས་དཀར་ནག །ལྕགས་ཟངས་ཕྱེ། མི་བསད་རྡོ། སྐེ་ཚེ་ཤངས་ཚེ་རྣམས་དུག་ཁྲག་གིས་སྦགས་པའི་ཐུན་རྫས་ཀྱིས་བཀང་བས་མཐའ་བསྐོར། དེའི་མཐར་དྲག་པོའི་ཉེར་སྤྱོད་ལྔ་དང་སྨན་རག་གིས་བསྐོར། འོག་ཏུ་སྲིད་པའི་བྱེ་མ་ལ་བསད་དཀྱིལ་གྲུ་གསུམ་ལྟེ་བ་ཟབས་སུ་བརྐོས་པའམ་བྲིས་ཀྱང་རུང་བས་ནང་ནག །ཕྱི་སྔོན་པོ་མཐའ་བསྐོར་མེ་རི་དང་བཅས་པའི་མཐའ་སྐྱེར་རྩང་བཙུགས་པར་རེ་སྣམས་གྱིས་དཀྲིས། གཡུལ་མདོས་སོགས་གལ་ཆེན་དང་


JLAZ010_Page_0538
[མ་དཔེ་གཟིགས་ན་འདིར་གནོན།]

འབྲེལ་ན་ཉི་མ་ལྷོར་བགྲོད་པའི་དུས་ཀྱི་ཉི་ནག་གམ་གཟའ་ཚེས་དྲག་པོ་དང་ཕ་རོལ་པའི་སྲོག་ཀླུངས་གཤེད་དུ་སྐོར་བའི་དུས་གནད་ཁྱད་པར་བ་དང་བསྟུན་ནས་དམིགས་བྱའི་ལིངྒ་འདུ་བྱེད་པ་ནི་རྫས་རྣམས་སྔ་རོལ་དུ་ཚང་བར་བསགས་ནས་དུག་ཤོག་ལ་བྱ་ཤ་ཟན་གྱི་སྒྲོ་རྐང་ངམ་མི་བསད་ཀྱི་མདའི་སྨྱུ་གུས་རྒྱ་སྣག་གིས་རཱུ་པ་སོར་མོ་བཅུ་གཉིས་པ་མཚན་ཉིད་དང་ལྡན་པར་བྲིས་པའི་སྙིང་གར་དགྲ་འདྲེ་གང་ཡིན་གྱི་སྲོག་ཡིག་ཛཿཁ་སྤྲོད་ཀྱི་བར་དུ་ལྟེམ་པའི་མཐརཿ ཆྒཻ་མོ་བླ་ཤ་ཐུམ་རིལ་ཛཿཧཱུྃ་བཾ་ཧོཿཅེས་པས་བསྐོར། དཔྲལ་བར་རུསཿ བརླ་ལ་བླ་དྭགས། མདོམས་སུ་ཕཊ། སྤྱི་བོར་ཨོཾ་ལཾ་ཧཱུྃ་ལཾ་སྟྭཾ་བྷ་ཡ་ནན། རྐང་མཐིལ་གཉིས་སུ་ཡཾ། ཡན་ལག་བཞི་ལ་ཛཿཧཱུྃ་བཾ་ཧོཿམཐའ་བསྐོར་བླ་འགུགས་སྔགས། ཡ་མ་རཱ་ཛ་དང༌། རྣྲི་ཏྲི་ཤ་ཏྲུཾ། མཐར་དམོད་མོ་གང་ཤེས་བྲི། དེའི་མཐར་ཛ་ཁྲམ་གྱིས་བསྐོར། ལིང་ཁྲུས་ལེགས་པར་བྱས། དྷ་དུ་ར་སོགས་དུག་ཁྲག་དང་གནང་རྫས་ཁྱད་པར་བགང་རྙེད་ཀྱིས་བྱུགས་པ་ལྕགས་སླང་ནང་དུ་བཅུག་པའི་ཁར་ཟན་གྱི་ཉ་བོ་ཞིག་ཀྱང་བཅུག །ཡང་ལིང་ག་འབུར་དུ་བྱེད་ན། རྒྱ་མཚོའམ་ཆུ་ཀླུང་ཆེན་པོའི་འགྲམས། གྲོག་མཁར་ས། ཏིལ་ནག །ལན་ཚ། ཆུའི་རྦ། སོ་ཏོག །ཤ་ཆེན་ལ་སོགས་པར་གནད་རྫས་ཀྱང་འདྲེས་


JLAZ010_Page_0539
[མ་དཔེ་གཟིགས་ན་འདིར་གནོན།]

པར་བྱས་པ་བོང་བུ་དང་ར་ཐུག་ལུག་ཐུག་སོགས་ཀྱི་གཅིན་གྱིས་སྤྲུས་ནས་ཉ་བོ་སོར་བཅུ་བའི་སྲོག་རྩའི་དོད། དུར་ཁྲོད་ཀྱི་རྩྭ་ཀུ་ཤར་ཤོག་བུར་རྣྲི་ཏྲིའི་མཐར་བླ་འགུགས་ཀྱི་སྔགས་བྲིས་པས་དཀྲིས་པ་བཅུག་སྟེ་དབང་པོའི་སྒོ་ཉམས་དོད་པར་བཅོས། དུག་ཁྲག་སོགས་ཀྱིས་བྱུགས་པ་ལྕགས་སླང་དུ་བཅུག་སྟེ། དེའི་ཁར་དབྱེ་སྒྲོ་གཉིས་བསྣོལ་ཏེ་བཞག་པ་ལིང་ཁེབས་ཀྱིས་གཡོགས་པ་བསད་དཀྱིལ་གྱི་དབུས་སུ་གཞག །ཟོར་བཟློག་སྤྱིར་བཏང་ལ་ལྕགས་སླང་བྱེ་མས་བཀང་བའི་ལྟེ་བ་གྲུ་གསུམ་དུ་བྲུས་པའི་ཁ་ཁྱེར་ལ་མེ་རི་བྲིས་པར་རྩང་བཙུགས། ནང་དུ་ཟན་གྱི་ལིང་ག་བཅུག་པ་དར་ནག་གིས་གཡོགས་ཏེ་ཟློག་དཀྱིལ་མཐའི་མེ་རི་ལྟ་བུའི་ཟུར་གཅིག་ཏུ་བཀར་བས་ཀྱང་རུང༌། ལོག་ཅི་བདེ་བར་བདག་མདུན་གྱི་མཆོད་གཏོར་དང་ཆོས་སྐྱོང་སྤྱི་བྱེ་བྲག་པའི་གཏོར་མ་བཟང་བར་བཤམ། སྒྲུབ་ཞག་ཇི་ཙམ་བྱེད་པའི་ཐུན་རེར་ཟན་གྱི་ལིང་ཆུང་རེ་གསར་དུ་བཤམས་པ་བསྒྲལ་སྟབ་མཐར་ལིང་རོ་གཏོར་ཆེན་ལྷར་གསལ་བ་ལ་འབུལ། གྲོལ་ཉིན་བསད་དཀྱིལ་ཀྱི་ལིང་ག་ཕྱུང་བར་གདབ་ལས་བྱ་བ་མ་གཏོགས་རྒྱུན་ལྟར་ཟློག་བསད་ཀྱི་སྔགས་བཟླས་མཐར་སྔར་ཟོར་རྫས་སུ་བཤད་པའི་ཐུན་རྫས་


JLAZ010_Page_0540
[མ་དཔེ་གཟིགས་ན་འདིར་གནོན།]

ཐོད་ངན་ནམ་གཡག་རྒོད་ཀྱི་རྭ་ནང་དུ་བླུགས་པར་མཆིལ་མ་མ་ཕོག་པར་ཕུས་བཏབ་པའི་ཐུན་གྱིས་བྲབ་ཅིང༌། གུ་གུལ་བདུག །མཐར་ཤོག་ལིང་ཡོད་ན་ཟོར་གྱི་ཧོམ་ལ་བསྲེག་པའམ་དོ་གལ་ཆེ་ན་མནན་ཆས་ཚུལ་བཞིན་བགྱིས་ནས་མནན་པ་བྱས་ཀྱང་རུང་བ་ཡིན་ནོ། །

གསང་སྒྲུབ་སེང་གེའི་གདོང་ཅན་ལསཿ ཕྲིན་ལས་གཞན་ཕན་འཁོར་ལོ།


JLAZ010_Page_0541
[མ་དཔེ་གཟིགས་ན་འདིར་གནོན།]

གསང་སྒྲུབ་སེང་གེའི་གདོང་ཅན་ལསཿ ཕྲིན་ལས་གཞན་ཕན་འཁོར་ལོ་བཞུགསཿ འུྃཿ བདག་མེད་སེང་གེའི་ཞལ་སྒོ་ལསཿ བདག་ལྟའི་འགྲོ་ལ་ཕན་བཏགས་པའིཿཕྲིན་ལས་གཞན་ཕན་འཁོར་ལོ་བསྟནཿ ཞིང་ལ་ལྷགས་པ་སྲུང་བྱེད་ནཿ འཁོར་ལོ་མུ་ཁྱུད་གསུམ་པའི་ལྟོརཿ སྣ་ཚོགས་རྡོ་རྗེའི་ལྟེ་བ་རུཿམཱུཾ་དྷཱ་ཏི་ཤྭ་རཱི་སྭཱ་ཧཱཿམདུན་ནས་བརྩམས་པའི་དབུས་རྭ་བཞིརཿ ལྭཾ་ཏེ་ཥ་རསྟི་སྭཱ་ཧཱཿམཱཾ་མོ་ཧ་རསྟི་སྭཱ་ཧཱཿཔཱཾ་རཱ་ག་རསྟི་སྭཱ་ཧཱཿཏཱཾ་བཛྲ་རསྟི་སྭཱ་ཧཱཿམཚམས་རྭ་བརྒྱུད་ལ་རྟེན་སྙིང་འགོདཿ རྩིབས་བཞིར་གླང་པོ་ཉལ་སྟབས་ལྟོརཿ འབྱུང་བ་བཞི་ཡི་སྔགས་ཤམ་དུཿ ཡུལ་འདིར་ལྷགས་པ་སྲུང་ཞེས་བྲིཿགླང་སྣ་རྡོ་རྗེའི་འོག་ཏུ་མནནཿ མཐའ་ལ་སྤྲིན་དང་རྡོ་རས་བསྐོརཿ ན་བུན་འབུ་ཡི་ཁ་ཆུ་དངཿ རྡོ་སོལ་ཚ་བ་གསུམ་གྱིས་བྱུགཿ སཱཙྪའི་ནང་བཅུག་ཀླུ་བུམ་གྱིཿ སྟེང་བཞག་ཡུམ་ལྔའི་གསང་སྔགས་བཟླཿབསངས་ཁྲུས་ཀླུ་གཏོར་ཀླུ་འབུམ་སྒྲོགསཿ སྡེ་བརྒྱད་འབྱུང་པོར་བརྔན་སྦྱིན་བྱཿབྱང་ཆུབ་སེམས་དང་ལྡན་པ་ཡིསཿ རྒྱལ་བའི་བཀའ་སྒྲོགས་རྣམ་རྒྱལ་འདོནཿ ཤིན་ཏུ་ཟབ་པའི་མན་ངག་གོཿས་མ་ཡཿ༈འབྲུམ་ནད་ཅེས་པ་རུས་པ་ལཿ ཚ་བ་ཞུགས་པ་སྲུང་འདོད་ནཿ གནམ་ས་བར་གསུམ་ལྟོ་བ་རུཿཁྲག་སྣ་གསུམ་བསྲེས་སྔགས་འདི་བྲིཿདང་པོ་མཁའ་ལྡིང་སྦྲུལ་ཟའི་ལྟོརཿ དྲག་སྔགས་སོ་ལྔ་ཤམ་ལྡན་བྲིཿཨོཾ་བཛྲ་མ་ཧཱ་ཀྲོ་ཏ་ནས་ནཱ་ག་དུ་ན་ཙནྡྷེ་ཙནྡྷེ་མི་ལི་མི་ལི་བྷནྡྷ་བྷནྡྷ་ནཱ་ག་ནི་སྭཱ་ཧཱཿཧཱུྃ་ཧ་ཧེ་ཕཊཿབྷྱོ་བྷྱོཿའཆང་བ་ལ་འབྲུམ་ནད་རཀྵ་རཀྵཿ བར་སྣང་འཕྱོ་བ་སྤྲ་ཡི་


JLAZ010_Page_0542
[མ་དཔེ་གཟིགས་ན་འདིར་གནོན།]

ལྟོརཿ རྩ་བའི་སྔགས་དང་སྒྲུབ་སྔགས་ཤམཿ དུནྟིཾ་ཀཱ་ལ་ཏྲག་རཀྵ་གྷ་གྷ་ཧུར་ཐུམ་ཛ་གྷ་ཡཿནཱ་ག་ནནཿ ཧ་ན་ཧ་ན་བཛྲ་ནན་རཀྵཿསྭཱ་ཧཱཿའཆང་བ་ལ་འབྲུམ་ནད་རཀྵཿས་ལ་རྐོ་བ་ཕག་གི་ལྟོརཿ ཨོཾ་པརྞ་ཤ་པ་རི་ཕཊ་ནནཿ པརྴི་ནཱ་ག་ནནཿ སརྦ་བྷི་རི་ཏ་ཧ་ན་ཧ་ན་བཛྲ་ནནཿ བཛྲ་དུནྟིཾ་ཀཱ་ལ་ཏྲག་རཀྵ་བྷྱོཿའཆང་བ་ལ་རུས་ཚད་འབྲུམ་བུ་རཀྵཿརཀྵཿགུ་གུལ་གླ་རྩི་རྟ་བོན་དངཿ ཐང་ཕྲོམ་བཙན་དུག་བོང་ང་ནགཿ ཤ་ཆེན་རཀྟ་བྱ་རྒོད་ཤཿསྟག་ཤ་རུ་རྟ་བཟང་པོ་དྲུགཿ བྱུག་ལ་རབ་གནས་ནན་ཏན་བྱཿགསང་སྟེ་བཅང་ལ་འགྲུབ་པར་འགྱུརཿ ཐེ་ཚོམ་མེད་ན་ཤིན་ཏུ་ཟབཿ ས་མ་ཡཿརྒྱ་རྒྱ་རྒྱཿ

ཀློང་ཆེན་སྙིང་གི་ཐིག་ལེ་ལསཿ ཆོ་ག་གསུམ་གྱི་སྤྱི་ཆིངས་དཔལ་ཆེན་ཞལ་ལུང་།


JLAZ010_Page_0543
[མ་དཔེ་གཟིགས་ན་འདིར་གནོན།]

༂ ཀློང་ཆེན་སྙིང་གི་ཐིག་ལེ་ལསཿ ཆོ་ག་གསུམ་གྱི་སྤྱི་ཆིངས་དཔལ་ཆེན་ཞལ་ལུང་བཞུགསཿ


JLAZ010_Page_0544
[མ་དཔེ་གཟིགས་ན་འདིར་གནོན།]

ཀུན་བཟང་གདོད་མའི་ཀློང་ལ་འདུདཿ རིག་པ་ཐིག་ལེ་ཉག་གཅིག་ནིཿ ཆོས་རྣམས་ཀུན་ཀྱི་གྲོལ་ས་སྟེཿམདོ་སྔགས་ཐེག་པ་བསམ་ཡས་སུཿ བསྟན་ཀྱང་ཐེག་པ་གཅིག་ལས་མེདཿ འདི་ཉིད་མ་རིག་རྟོག་ཅན་རྣམསཿ ཐེག་པའི་ཚིག་ལ་རྩོད་པ་བྱེདཿ ཇི་སྲིད་སེམས་ཅན་བློ་མང་བཿ དེ་སྲིད་ཐེག་པ་བསམ་ཡས་སུཿ ཀུན་ཏུ་བཟང་པོ་ང་ཡིས་བསྟནཿ འོན་ཀྱང་འདིར་ནི་དབང་པོའི་ཁྱདཿ རབ་དང་འབྲིང་དང་ཐ་མ་གསུམཿ གསུམ་ཚན་གསུམ་དུ་དབྱེ་བ་ལསཿ ཐེག་པའི་རྣམ་གྲངས་དགུ་རུ་བསྟནཿ ཀུན་འབྱུང་འདྲེན་པའི་ཐེག་པ་དངཿ དཀའ་ཐུབ་རིག་བྱེད་ཐེག་པ་དངཿ དབང་སྒྱུར་ཐབས་ཀྱི་ཐེག་པའོཿདེ་ལས་ཚེ་གཅིག་མྱུར་གྲོལ་ལམཿ གང་ཟག་སྐལ་བ་མཆོག་ལྡན་ལཿ དབང་སྒྱུར་ཐབས་ཀྱི་ཐེག་པ་སྟེཿརབ་ལ་རྫོགས་པ་ཆེན་པོའི་ལམཿ འབྲིང་ལ་ཨ་ནུ་ཡོ་ག་ཆེཿདམན་ལ་མ་ཧཱ་ཡོ་གའོཿབསྐྱེད་པའི་ངོ་བོ་རིམ་གྱིས་ཏེཿགསང་སྔགས་ཀུན་ཀྱི་གཞི་ལྟ་བུཿརྫོགས་པའི་རང་བཞིན་ཅིག་ཆར་ཏེཿགསང་སྔགས་ཀུན་ཀྱི་ལམ་ལྟ་བུཿརྫོགས་པ་ཆེན་པོ་བློ་བྲལ་ཆོསཿ གསང་སྔགས་ཀུན་ཀྱི་འབྲས་བུར་བཤདཿ དེ་ལ་མ་ཧཱ་ཡོ་ག་ནིཿ དོན་དམ་མ་སྐྱེས་ཆོས་ཉིད་རྩལཿ ཏིང་འཛིན་གསུམ་གྱི་ཆོ་འཕྲུལ་ལསཿ སྣོད་བཅུད་འཛིན་ཞེན་


JLAZ010_Page_0545
[མ་དཔེ་གཟིགས་ན་འདིར་གནོན།]

སྦྱོང་བའི་ཕྱིརཿ རྟེན་དང་བརྟེན་པའི་འཁོར་ལོ་ཤརཿ དེ་ཡང་རིག་པས་བསྐྱེད་པའི་ལྷརཿ རང་རྒྱུད་རྩིས་གདབ་མེད་པའི་ཕྱིརཿ རྟོག་པ་འདུལ་བའི་གཉེན་པོ་རུཿགཙོ་དང་འཁོར་གྱི་རོལ་པ་དངཿ ཞལ་ཕྱག་རྣམ་འགྱུར་མཐའ་ཡས་པའིཿརྟགས་དང་དོན་གྱི་བརྡ་མཚོན་ནསཿ སྣོད་བཅུད་སྤྲུལ་པའི་དཀྱིལ་འཁོར་དུཿ སྒོ་གསུམ་ལྷ་སྔགས་ཏིང་འཛིན་གྱིསཿ གོམས་ལ་གདིང་དུ་གྱུར་པ་ལཿ བསླབ་ཕྱིར་བདག་སྲས་གཞན་སྲས་ནིཿ ཐུགས་རྗེའི་དབང་དང་ཤེས་རབ་དབངཿ ཡེ་ཤེས་ཕྱག་རྒྱའི་འཁོར་ལོ་ལསཿ དང་པོ་བསྙེན་པ་བྱ་བ་ནིཿ སྣང་སྲིད་འཁོར་འདས་ཆོས་རྣམས་དངཿ ཕུང་པོ་ཁམས་དང་སྐྱེ་མཆེད་ཀུནཿ རྣམ་དག་ལྷ་ཡི་དཀྱིལ་འཁོར་ལུས་དཀྱིལཿ དུཿ ཤེས་པར་བྱ་བ་དག་བསླབས་པསཿ བདག་གི་སྲས་སུ་དེ་བཞིན་གཤེགསཿ མངོན་དུ་བྱས་པར་གྱུར་པ་ཡིནཿ གཉིས་པ་ཡེ་ཤེས་ལྷ་ཉིད་དངཿ ཉེ་ཕྱིར་ཉེ་བའི་བསྙེན་པ་ནིཿ དེ་ཡི་བྱིན་རླབས་རྒྱུད་སྨིན་ཅིངཿ བླ་ན་མེད་པའི་ཡེ་ཤེས་ལཿ མངོན་པར་བྱང་ཆུབ་ཉིད་ལ་སློབཿ གསེར་ལ་བསྲེག་བཅད་བརྡར་བ་བཞིནཿ རང་བཞིན་ནན་གྱིས་གོམས་པ་སྟེཿབདག་ཉིད་དེ་བཞིན་གཤེགས་པ་ཡིཿསྲས་སུ་བྱས་པ་ཉིད་དུའོཿ གསུམ་པ་བསྒྲུབ་པ་བྱ་བ་ནིཿ


JLAZ010_Page_0546
[མ་དཔེ་གཟིགས་ན་འདིར་གནོན།]

བསྐྱེད་རྫོགས་གོམས་པའི་ཡེ་ཤེས་ཀྱིཿཚད་མེད་ཐུགས་རྗེ་ཆེན་པོའི་མཐུསཿ འགྲོ་བ་ཀུན་ཀྱི་དོན་མཐུན་པརཿ དམ་ཚིག་ཆེན་པོས་འཇུག་པ་སྟེཿའདི་ནི་བདག་གི་སྲས་ཉིད་དུཿ དེ་བཞིན་གཤེགས་པ་བྱས་པའོཿབཞི་པ་སྒྲུབ་པ་ཆེན་པོ་ནིཿ ཚོགས་གཉིས་ཆེན་པོ་ལ་བརྟེན་ནསཿ བདག་གཞན་གཉིས་ཀས་ཚོགས་སྒྲུབ་ཀྱིཿདཀྱིལ་འཁོར་བྱ་བ་ལ་ཞུགས་ཏེཿསྤང་རྟོགས་ཡོན་ཏན་མངོན་བྱས་པསཿ དོན་གཉིས་ལྷུན་གྱིས་གྲུབ་པ་སྟེཿའདི་ནི་དེ་བཞིན་གཤེགས་པ་ཡིཿསྲས་སུ་བདག་ཉིད་བྱས་པའོཿདེ་ལྟར་བསྙེན་སྒྲུབ་ཡན་ལག་བཞིའིཿརོལ་པ་རྣམ་བཀོད་ཆོ་འཕྲུལ་ལསཿ ཏིང་འཛིན་གདེང་དུ་གྱུར་བའི་མཐུསཿ ས་བཅུ་ལམ་ལྔའི་ཡོན་ཏན་ཀུནཿ ལུས་རྒྱའི་སྦུབས་ནས་རྫོགས་པའོཿདེ་ཡང་ཡུལ་གསུམ་གསལ་བ་དངཿ དགྲ་གསུམ་བསད་དང་བདུད་བཞིའི་བཅོམཿ འཕྲང་གསུམ་བསལ་བར་གྱུར་ཚུལ་ནིཿ བསོད་ནམས་དང་ནི་ཡེ་ཤེས་མཐུསཿ བསྐྱེད་རྫོགས་གདིང་དུ་གྱུར་པ་ལསཿ རྣམ་རྟོག་རགས་པ་ཆོམས་གྱུར་ཏེཿཡེ་ཤེས་ལྷ་ཡི་ཕྱག་རྒྱ་ཀུནཿ དང་པོ་ཡིད་ཀྱི་ཡུལ་དུ་གསལཿ དེ་ཡི་དངོས་སྣང་མཐུ་བརྟས་ཤིངཿ སེམས་ཉིད་ཤིན་ཏུ་སྦྱངས་བའི་མཐུསཿ རང་བཞིན་དབང་པོའི་ཡུལ་དུ་གསལཿ མཐར་


JLAZ010_Page_0547
[མ་དཔེ་གཟིགས་ན་འདིར་གནོན།]

ནི་བདེན་གཉིས་དབྱེར་མེད་ཀྱིཿལུས་སེམས་ཤིན་སྦྱངས་ཐོབ་པའི་ལྷཿལུས་ཀྱི་ཡུལ་དུ་མངོན་སུམ་གསལཿ ཡུལ་གསུམ་གྱད་དུ་གྱུར་པ་ལསཿ མ་དག་ལུས་ཀྱི་དངོས་སྣང་ཆོམསཿ རྣམ་སྨིན་ཚེ་དབང་ཕྱག་རྒྱ་ཆེཿལྷུན་གྲུབ་རིག་འཛིན་རྣམ་པ་བཞིའིཿགོ་འཕང་མཆོག་ལ་གནས་པའོཿདེ་ཚེ་བསྐྱེད་པའི་འཁོར་ལོ་ལཿ རྫོགས་རིམ་ཟབ་མོས་རྒྱས་ཐེབས་པསཿ ཕྱི་དགྲ་ང་ཡིར་འཛིན་པ་དངཿ ནང་དགྲ་བདག་ཏུ་འཛིན་པ་དངཿ གསང་དགྲ་ཉོན་མོངས་གཟུང་འཛིན་ཀུནཿ རྣམ་དག་ལྷ་ཡི་ཕུང་པོས་བཅོམཿ ཐ་མལ་ཕུང་པོའི་ཞེན་པ་ལསཿ ལྡོག་པ་དགྲ་གསུམ་བསད་པའི་ཚདཿ བདུད་བཞི་བཅོམ་པ་འདི་ལྟ་སྟེཿབདེ་བ་ཆེན་པོའི་མཁའ་ཀློང་དུཿ ཐབས་ཤེས་རྒྱུ་ཡི་ཧེ་རུ་ཀཿབདེ་སྟོང་ཆེན་པོར་རོལ་པ་ལསཿ བདུད་རྩི་བྱང་ཆུབ་སེམས་ཀྱི་སྤྲིནཿ བསམ་མི་ཁྱབ་པའི་ཡེ་ཤེས་ཀྱིཿའཕྲོ་འདུའི་བཀོད་པ་ཅིར་ཡང་སྣངཿ དུག་ལྔ་ཆགས་འཛིན་བྲལ་བར་སྤྱོདཿ འཕགས་པ་མཆོད་ཅིང་གཞན་དོན་བྱསཿ དེ་ཚེ་ཉོན་མོངས་བདུད་བཅོམ་མོཿ དེ་ཡང་ཆགས་སྡང་འཛིན་རྟོག་ཀུནཿ གཉིས་མེད་རང་བྱུང་ཡེ་ཤེས་རྩལཿ སྤངས་ཐོབ་བྲལ་བའི་ཆོས་ཉིད་ལཿ དགག་སྒྲུབ་ཕྱོགས་ལྷུང་ལས་འདས་པསཿ བསླུ་བྲིད་ལྟ་བུའི་


JLAZ010_Page_0548
[མ་དཔེ་གཟིགས་ན་འདིར་གནོན།]

བདུད་བཅོམ་མོཿ རྡོ་རྗེ་ཕུང་པོའི་ཡན་ལག་ལྔཿརྫོགས་པའི་སངས་རྒྱས་ལྔར་ཤེས་ཤིངཿ རྣམ་དག་ལྷ་ཡི་སྐུར་གྱུར་པསཿ ཐ་མལ་ཕུང་པོའི་བདུད་བཅོམ་མོཿ ཚོགས་གཉིས་འབྲས་བུའི་ཐུས་ཀ་ལསཿ བསྐྱེད་རྫོགས་གདེང་གྱུར་སངས་རྒྱས་ཏེཿདེ་ལ་སྐྱེ་དང་འཆི་བ་ཡིཿརྣམ་རྟོག་རང་མཚན་མེད་པས་ནཿ འཆི་བདག་བདུད་ནི་བཅོམ་པའོཿཕྱོགས་རིས་བྲལ་བའི་ལྟ་བ་ཡིསཿ ཐེ་ཚོམ་ཡིད་གཉིས་འཕྲང་ལས་གྲོལཿ གསལ་འགྲིབ་མེད་པའི་སྒོམ་པ་ཡིསཿ བྱིང་རྒོད་གཉིས་འཛིན་འཕྲང་ལས་གྲོལཿ སྤྱོད་པ་མ་འཁྲུལ་དམ་ཚིག་གིསཿ ཐེག་པ་དམན་པའི་འཕྲང་ལས་གྲོལཿ དེ་ལྟར་སྦྱང་གཞི་ལུས་ངག་ཡིདཿ སྦྱོང་བྱེད་ལྷ་སྔགས་ཏིང་འཛིན་གྱིསཿ སྦྱངས་འབྲས་བདེ་གཤེགས་སྐུ་གསུང་ཐུགསཿ རྡོ་རྗེ་གསུམ་གྱི་འཁོར་ལོ་རུཿཡོངས་སྨིན་དོན་གྱི་སངས་རྒྱས་ཏེཿམ་ཧཱ་ཡོ་གའི་གྲུབ་མཐའ་རུཿསྤྱི་དཔལ་ཆེན་པོ་ངས་བཤད་དོཿས་མ་ཡཿལུང་ཆེན་ཨ་ནུ་ཡོ་ག་ནིཿ ཆོས་དབྱིངས་དོན་གྱི་ཀུན་བཟང་མོའིཿམཁའ་ཀློང་རྣམ་པར་དག་པ་ནསཿ རིག་པ་ཀུན་ཏུ་བཟང་པོར་ཤརཿ དེ་ཡང་ཚིག་ལ་མི་ལྟོས་པརཿ དབྱིངས་དང་ཡེ་ཤེས་དབྱེར་མེད་པའིཿརང་བཞིན་ལྷུན་གྲུབ་ལྟ་བའི་ངངཿ ཀུན་རྫོབ་ལྷ་ཡི་དཀྱིལ་དང་འཁོརཿ དྲན་རིག་རྩལ་གྱིས་


JLAZ010_Page_0549
[མ་དཔེ་གཟིགས་ན་འདིར་གནོན།]

བསྐྱེད་པ་ལསཿ ལྷུན་འགྲུབ་ཟབ་མོའི་ཏིང་འཛིན་གྱིསཿ སྒྲིབ་གཉིས་དྲི་མ་རྣམ་སྦྱོང་ཞིངཿ སྐུ་བཞིའི་འབྲས་བུ་བསྐྱེད་པ་ལཿ རྫོགས་པ་ཨ་ནུ་ཡོ་གར་བཤདཿ དེ་ཡི་བདུད་བཞི་བཅོམ་ལུགས་ནིཿ དུག་གསུམ་ཡེ་ནས་སྐུ་གསུམ་དུཿ རྟོགས་པས་ཉོན་མོངས་ཡེ་སངས་རྒྱསཿ དགག་སྒྲུབ་བླང་དོར་ལས་འདས་པསཿ ཉོན་མོངས་བདུད་ནི་བཅོམ་པའོཿསྣང་བརྟགས་ཤེས་བྱས་སྤྲོ་བཏགས་པའིཿཆོས་དང་གང་ཟག་གཉིས་ཀའི་བློཿབདག་མེད་རོ་མཉམ་རྟོགས་པ་ཡིསཿ གཟུང་འཛིན་ལྟ་བུའི་བདུད་བཅོམ་མོཿ ཕུང་པོ་ཁམས་དང་སྐྱེ་མཆེད་ཀུནཿ མ་བསྐྱེད་ཡེ་རྫོགས་ལྷའི་ཕྱག་རྒྱརཿ མཉམ་ལ་མ་འདྲེས་ལྷུན་གྲུབ་པསཿ ཞེན་འཛིན་ཕུང་པོའི་བདུད་བཅོམ་མོཿ ཆོས་ཉིད་རང་བཞིན་འགྱུར་མེད་ཀློངཿ སྐྱེ་ཤི་བར་དོའི་བར་ལག་འགྱེལཿ དབྱིངས་ལ་གསལ་འགྲིབ་མི་མངའ་བསཿ འཆི་བདག་བདུད་བཅོམ་རྫོགས་སངས་རྒྱསཿ ས་མ་ཡཿརང་བཞིན་རྫོགས་པ་ཆེན་པོ་ནིཿ ལྷ་ཉིད་བྱང་ཆུབ་སེམས་དངོས་ལཿ སེམས་ཉིད་སངས་རྒྱས་ཤེས་པ་ཡིསཿ བསྐྱེད་དུ་མེད་དེ་ཡེ་ནས་ཡིནཿ ངེས་མེད་ཅིང་ཡང་འཆར་བ་ལཿ མ་བཀག་མ་སྒྲུབ་རང་བཞིན་གསལཿ བསམ་བརྗོད་བྲལ་བའི་རང་མདངས་ལཿ མཚན་


JLAZ010_Page_0550
[མ་དཔེ་གཟིགས་ན་འདིར་གནོན།]

དཔེའི་ཕྱག་རྒྱའི་ཅིར་ཡང་སྣངཿ སྣང་ཙམ་ཉིད་ནས་མ་གྲུབ་སྟོངཿ དེ་ཡི་བདུད་བཞི་བཅོམ་ལུགས་ནིཿ རིག་པ་ནམ་མཁའ་ལྟ་བུ་ལཿ དུག་ལྔའི་སྐྱོན་གྱིས་གོས་མ་མྱོངཿ དངུལ་ཆུ་ལྟ་བུའི་ཡེ་ཤེས་ཀྱིསཿ ཉོན་མོངས་བདུད་ཆེན་བཅོམ་པའོཿསྲིད་གསུམ་ཡེ་ནས་སངས་རྒྱས་ལཿ སྐུ་དང་ཞིང་ཁམས་ལྷུན་གྱིས་གྲུབཿ རྩོལ་སྒྲུབ་རྒྱུ་རྐྱེན་ལས་འདས་པསཿ ལྟར་སྣང་ལྷའི་བུའི་བདུད་ནི་བཅོམཿ བསམ་འདས་ཤེས་རབ་ཆེན་པོའི་དབྱིངསཿ དངོས་སྣང་བྲལ་བའི་ཆོས་ཉིད་ལཿ གཟུང་འཛིན་རྟག་ཆད་བློ་མེད་པསཿ འདུ་བྱེད་ཕུང་པོའི་བདུད་བཅོམ་མོཿ ངོས་བཟུང་མེད་པའི་རིག་པ་ལཿ དྲན་པ་གསལ་བའི་ཡེ་ཤེས་ཅནཿ སྐྱེ་འཆི་ལས་འདས་ཆོས་ཀྱི་སྐུསཿ འཆི་བདག་བདུད་བཅོམ་ཡེ་སངས་རྒྱསཿ ཨ་ཏིའི་གྲུབ་མཐའ་ཆེན་པོའོཿས་མ་ཡཿདེ་ལྟར་ཡོ་ག་རྣམ་པ་གསུམཿ ནང་གསེས་ཕྲ་མོར་དབྱེ་བ་ལཿ རྣམ་པ་དགུ་རུ་བསྟན་པ་ནིཿ དཀྱིལ་འཁོར་རིམ་གྱིས་བསྐྱེད་པ་ལཿ མ་ཧཱའི་མ་ཧཱ་ཞེས་བྱའོཿདཀྱིལ་འཁོར་ལྷུན་གྱིས་གྲུབ་པ་ལཿ མ་ཧཱའི་ཨ་ནུ་ཞེས་བྱའོཿདོན་དམ་མ་སྐྱེས་ཆོས་དབྱིངས་ལཿ མ་ཧཱའི་ཨ་ཏི་ཞེས་སུ་གྲགསཿ དཀྱིལ་འཁོར་ཅིག་ཆར་རྫོགས་པ་ལཿ ཨ་ནུའི་མ་ཧཱ་ཞེས་སུ་འདོདཿ ཀུན་རྫོབ་ལྷ་ཡི་དཀྱིལ་འཁོར་ལཿ


JLAZ010_Page_0551
[མ་དཔེ་གཟིགས་ན་འདིར་གནོན།]

དོན་དམ་ཆོས་དབྱིངས་རྣམ་དག་པཿཨ་ནུའི་ཨ་ནུ་ཞེས་བྱའོཿལྷ་དང་རང་རིག་གཉིས་མེད་པཿཨ་ནུའི་ཨ་ཏི་ཡོ་གའོཿའཁོར་འདས་གདོད་ནས་དཀྱིལ་འཁོར་དུཿ ཤེས་པ་ཨ་ཏིའི་མ་ཧཱ་ལཿ རང་སེམས་ལྷ་སྐུར་ལྷུན་རྫོགས་པཿཨ་ཏིའི་ཨ་ནུ་ཞེས་བྱའོཿསེམས་ཉིད་ངོ་བོ་མེད་པའི་དབྱིངསཿ སྤྲོས་པ་ཀུན་དང་བྲལ་བ་ནིཿ ཨ་ཏིའི་ཨ་ཏི་ཞེས་བྱ་སྟེཿགཞི་དང་ལམ་དང་འབྲས་བུ་ཡིཿབསྐྱེད་རྫོགས་རྣམ་པ་གསུམ་གསུམ་ལསཿ དབྱེ་བ་དགུ་རུ་ངས་བཤད་དོཿ ༈འདི་ན་དམ་ཚིག་གི་རྣམ་བཤད་འདུག་སྟེ་སྒྱུར་འཕྲོ་བཞག་པས་མ་ཕེབསཿ ཀུན་ལས་ཁྱད་འཕགས་གསང་ཆེན་གནདཿ ཚིག་ཉུང་དོན་འདུས་རྒྱུད་སྡེའི་བཅུདཿ ཡོ་ག་གསུམ་གྱི་སྤྱི་ཆིངས་འདིཿའཇམ་དཔལ་ཆོས་ཀྱི་བཤེས་གཉེན་གྱིསཿ བྱིན་གྱིས་བརླབས་པའི་རིག་པ་འཛིནཿ སྨིན་མཚམས་དཔའ་བོའི་རྒྱ་རྟགས་ཅནཿ དེ་ལ་ལས་ཀྱི་དབང་མོ་ཆེསཿ དགོངས་པའི་བརྡ་རིས་སྤྲད་པའི་ཚེཿམཁའ་འགྲོའི་གསང་མཛོད་ཆེན་མོ་ལཿ དབང་བསྒྱུར་ང་ཡི་དགོངས་པའི་མཐིལཿ དེ་ཡི་སྙིང་ལ་ཡང་དག་ཞུགསཿ སྣང་བ་ཚིག་དང་དཔེ་ཆར་ཤརཿ གཏེར་གྱི་ནང་ནས་ཡང་བཅུད་ཡིནཿ སྐལ་ལྡན་སྙིང་གི་བུ་གསུམ་གྱིསཿ ཐེ་ཚོམ་མེད་པར་ལེན་


JLAZ010_Page_0552
[མ་དཔེ་གཟིགས་ན་འདིར་གནོན།]

དུ་འོངཿ དེ་ལ་གཏད་རྒྱ་རྫོགས་པར་གྱིསཿ སྣོད་མིན་བཤད་ན་བཀའ་འདི་འཆལཿ སྔགས་ཀྱི་སྲུང་མས་བྱ་ར་གྱིསཿ འགྲོ་དོན་བསྟན་པ་མཐའ་རྒྱས་འགྱུརཿ ས་མ་ཡཿདྷ་ཐིམཿ

དཔལ་ཆེན་བརྒྱུད་འདེབས།


JLAZ010_Page_0553
[མ་དཔེ་གཟིགས་ན་འདིར་གནོན།]

དཔལ་ཆེན་བརྒྱུད་འདེབས་བཞུགས། །ཀུན་བཟང་ཡབ་ཡུམ་མཆེ་མཆོག་ཧེ་རུ་ཀཿ རྡོ་རྗེ་ཆོས་དང་མཁའ་འགྲོ་ལས་ཀྱི་དབང༌། །ཧཱུྃ་ཀར་བཤེས་གཉེན་ཀླུ་སྒྲུབ་སྙིང་པོ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །པྲ་ཆེན་ཧསྟི་དྷ་ན་སཾ་སྐྲྀ་ཏ། །དྲི་མེད་བཤེས་གཉེན་གུ་ཧྱ་ཙཱནྡྲ་ཆེ། །ཞི་བའི་སྙིང་པོ་པདྨ་ཐོད་ཕྲེང་ལ། །གསོལ་འདེབས་སོ་མཆོག་ཐུན་དངོས་གྲུབ་སྩོལ། །འཇམ་དཔལ་རྡོ་རྗེ་ཚངས་པའི་མེ་ཏོག་སོགས། །གྲུབ་ཆེན་བརྒྱད་དང་དགོངས་བརྡ་སྙན་བརྒྱུད་ཀྱི། །བཀའ་བབས་གསུམ་ལྡན་རྩ་བའི་བླ་མ་ལ། །གསོལ་བ་འདེབས་སོ་མཆོག་ཐུན་དངོས་གྲུབ་རྩོལ། །དཀྱིལ་འཁོར་རྣམ་བཞི་དབང་བཞིས་རྒྱུད་སྨིན་ནས། །སྒྲིབ་པ་བཞི་སྦྱངས་རིག་འཛིན་བཞིའི་ལམ་ལས། །ཡེ་ཤེས་བླ་མའི་ས་མཆོག་ཀུན་བཟང་ཞལ། །ཚེ་འདི་ཉིད་ལ་མཐོང་བར་བྱིན་གྱིས་རློབས། །ཞེས་པའང་འཇིགས་མེད་གླིང་པས་སོ།། དགེའོ། །

ཀློང་ཆེན་སྙིང་གི་ཐིག་ལེ་ལསཿ རིག་འཛིན་ཐུགས་སྒྲུབ་དཔལ་ཆེན་འདུས་པ།


JLAZ010_Page_0555
[མ་དཔེ་གཟིགས་ན་འདིར་གནོན།]

༂ ཀློང་ཆེན་སྙིང་གི་ཐིག་ལེ་ལསཿ རིག་འཛིན་ཐུགས་སྒྲུབ་དཔལ་ཆེན་འདུས་པ་བཞུགསཿ


JLAZ010_Page_0556
[མ་དཔེ་གཟིགས་ན་འདིར་གནོན།]

བིདྱཱ་དྷཱ་ར་ཏུཊཿམ་ཧཱ་ཤྲཱི་བསྟྲི་ཏཿ དཔལ་ཆེན་ཧེ་རུ་ཀ་ལ་འདུདཿ མ་འོངས་ལྔ་བརྒྱ་ཐ་མའི་ཚེཿམཐའ་ཡི་རྒྱ་འདྲེ་འབྱུང་པོ་དངཿ དབུས་ཀྱི་དམ་སྲི་གློ་བུར་བསྡོངསཿ ཆོས་པའི་སྙིང་བཞུགས་མི་དགེ་སྤྱོདཿ སྐྱེ་བོའི་སྙིང་ཞུགས་སྡིག་རྒྱུན་སྤེལཿ རྨི་ལམ་བཙུན་པ་བྱ་སྤྲེལ་རྨིཿབག་མི་ཕེབས་ཤིང་སྙིང་རླུང་ལྡངཿ དེ་ཚེ་གཉེན་པོ་སྟོབས་ཀྱི་ལྷཿཕལ་གྱིས་ཐུལ་བར་མི་འགྱུར་བསཿ ཕྱི་ལྟར་བྱང་སེམས་ནང་རིག་འཛིནཿ གསང་བ་དྲག་གཏུམ་འབར་བའི་ལྷཿབདེ་གཤེགས་ཡོངས་རྫོགས་སྒྲུབ་སྡེ་བརྒྱདཿ དཔལ་ཆེན་འདུས་པའི་སྒྲུན་པ་འདིསཿ ལོག་འདྲེན་འདུལ་བར་ཐེ་ཚོམ་མེདཿ ཤིན་ཏུ་གསང་ཞིང་རང་ཉམས་ལོངསཿ བསྟན་འགྲོའི་དོན་དུ་སྙིང་སྟོབས་བསྐྱེདཿ སམ་ཡཿདང་པོ་


JLAZ010_Page_0557
[མ་དཔེ་གཟིགས་ན་འདིར་གནོན།]

དབེན་ཞིང་ཉམས་དགའི་གནསཿ གྲུབ་ཐོབ་ཞབས་ཀྱིས་བཅག་པ་དངཿ ཁྱད་པར་དུར་ཁྲོད་རྩུབ་འགྱུར་ཚལཿ དཀྱིལ་འཁོར་རྩིབས་བཅུ་སྒོ་རྫོགས་ཅནཿ མཚན་ཉིད་ཚང་བར་བྲིས་པའི་སྟེངཿ སྒྲུབ་རྫས་ཐོད་སྐུ་སྔགས་བྱང་དངཿ ཙན་དན་འམ་ནི་སེང་ཕུར་སོགསཿ སྤྲོས་བཅས་སྒྲུབ་ཡིག་ལྟར་དུའམཿ ཡང་ན་གཙོ་ཕུར་ཙམ་ལ་བརྟེནཿ ཉེར་སྤྱོད་སྨན་གཏོར་རཀྟ་དངཿ དཀྱིལ་འཁོར་རྒྱན་བཀོད་ལེགས་པར་བཀྲམཿ བདེ་བའི་སྟན་ལ་བག་ཕབ་ནསཿ མཚམས་བཅད་གཡེལ་དང་མ་ཞུད་གཅེསཿ དང་པོ་སྐྱབས་སུ་འགྲོ་བ་ནིཿ ཧཱུྃཿ བདེ་གཤེགས་ཡོངས་རྫོགས་དཀོན་མཆོག་གསུམ་གྱི་ངངཿ དཔལ་ཆེན་འདུས་པའི་ངོ་བོར་ཡོངས་ཤར་བཿ སྤྲོ་བསྡུའི་བྱེད་པོ་བྱང་ཆུབ་སེམས་ཀྱི་ལྷརཿ རང་ངོ་ཤེས་པའི་ངང་ནས་སྐྱབས་སུ་མཆིཿལན་གསུམ། གཉིས་པ་སེམས་བསྐྱེད་ནིཿ ཧཱུྃཿ ཆོས་ཀྱི་དབྱིངས་ལ་ཕྱོགས་རིས་མཉམ་བརྡལ་ཡངཿ མ་རྟོགས་


JLAZ010_Page_0558
[མ་དཔེ་གཟིགས་ན་འདིར་གནོན།]

འཁྲུལ་པར་འཁྱམས་པའི་བདག་འཛིན་བདུདཿ འོད་གསལ་ཆོས་སྐུའི་ཀློང་དུ་བསྒྲལ་བའི་ཕྱིརཿ དཔལ་ཆེན་ལྷ་ཚོགས་བསྒྲུབ་པར་སེམས་བསྐྱེད་དོཿལན་གསུམ། གསུམ་པ་ཚོགས་གསོག་ནིཿ ཧོཿརྡོ་རྗེ་སློབ་དཔོན་སངས་རྒྱས་དཔལཿ དུས་གསུམ་བཞུགས་ལ་ཕྱག་འཚལ་ལོཿམཆོག་གསུམ་བསྟེན་པའི་ཞིང་གྱུར་ལཿ གཉིས་མེད་ཡིད་ཀྱིས་སྐྱབས་སུ་མཆིཿདངོས་འབྱོར་ཡིད་ཀྱིས་རྣམ་སྤྲུལ་པའིཿདག་པའི་མཆོད་པ་བཞེས་སུ་གསོལཿ དངོས་གྲུབ་ཆུ་བོ་གཅོད་པའི་གེགསཿ ཉེས་བྱས་མ་ལུས་བཤགས་པར་བགྱིཿ ཕྱོགས་བཅུ་འཁོར་གསུམ་དག་པའི་ཆོསཿ མ་ཆགས་སྤྱོད་ལ་རྗེས་ཡི་རངཿ དག་པའི་མཐའ་བཞི་དྲི་མ་མེདཿ རྫོགས་པའི་བྱང་ཆུབ་སེམས་བསྐྱེད་དོཿབདེ་གཤེགས་དབང་ཕྱུག་སེམས་ཅན་ལཿ དགོས་པ་གསུམ་ཕྱིར་ལུས་འབུལ་ལོཿཚེ་རབས་བགྲངས་པའི་ལས་རྣམས་ཀུནཿ བསྡུས་ཏེ་བྱང་ཆུབ་ཆེན་པོར་བསྔོཿབཞི་པ་བགེགས་གཏོར་གཏོང་བ་ནིཿ ཧཱུྃཿ ང་ནི་སྤྱི་དཔལ་ཆེན་པོ་སྟེཿབྱང་ཆུབ་བསྒྲུབ་ལ་བར་གཅོད་པའིཿགནོད་བྱེད་ལོག་འདྲེན་འབྱུང་པོ་རྣམསཿ གཏོར་མ་ལོངས་ལ་ཕྱིར་དེངས་ཤིགཿ གལ་ཏེ་བཀའ་ལས་འདའ་བྱེད་རྣམསཿ མགོ་བོ་ཚལ་པ་བརྒྱར་བཀས་ཤིངཿ ལུས་ནི་རྡུལ་ཕྲན་བཞིན་དུ་


JLAZ010_Page_0559
[མ་དཔེ་གཟིགས་ན་འདིར་གནོན།]

བཤིགཿ དྲག་སྔགས་མེ་དཔུང་ཐུན་བཅས་བརྡེགཿ ཨོཾ་བཛྲ་མ་ཧཱ་ཀྲོ་དྷ་པདྨ་ཀྲོ་དྷཱི་ཤཱ་རི་བཛྲ་ཀཱི་ལི་ཀཱི་ལཱ་ཡ་མ་ཧཱ་ཡཀྴ་ཀཱ་ལ་རཱུ་པ་ཀརྨཱ་རཾ་རཾ་ཛྭ་ལ་རཾ་ཧཱུྃ་ཕཊཿལྔ་པ་མཚམས་གཅོང་སྲུང་འཁོར་ནིཿ ཧཱུྃཿབདག་ཉིད་ཞེ་སྡང་རྡོ་རྗེ་ཡིཿསྤྱན་མིག་ཉི་ཟླར་འབར་ཞིང་བསྲེགཿ ཐུགས་ལས་ཁྲོ་བོའི་ཚྭ་ཚྭ་འཕྲོཿསྟོང་གསུམ་སྤྲུལ་པའི་མེ་ཡིས་འགེངསཿ ཕྱོགས་མཚམས་མཚོན་ཆ་འཆོལ་པས་གཏམསཿ བདག་མེད་སྟོང་པར་མཚམས་བཅད་དོཿཨོ་སཱུརྱ་ཙཎྜ་བཛྲ་ཀྲོ་ཏ་ཛྭ་ལ་རཾ་རཾ་ཙཀྲ་ཝརྟི་མ་ཧཱ་ཀྲོ་ཏ་སརྦ་དུཥྚཾ་ཨ་ཧཱུྃཿཕཊཿདྲུག་པ་བརྡ་སྒོ་དབྱེ་ཕྱག་འཚལཿ ནོངས་བཤགས་དམ་བཅའ་བཟུང་བ་ནིཿ ཧཱུྃཿམ་རིག་ལིང་ཏོག་ཡེ་ཤེས་ཐུར་མས་དབྱེཿསེམས་ཉིད་ལྷ་སྐུར་རྟོགས་པའི་བརྡ་ཕྱག་འཚལཿ འགལ་འཁྲུལ་ནོངས་པ་ཆོས་སྐུའི་ཀློང་དུ་བཤགསཿ དཔལ་ཆེན་སྲོག་གི་ཕྱིར་ཡང་མི་གཏོང་ངོཿཨ་ལ་ལ་ཧོཿབདུན་པ་སྣོད་བཅུད་བྱིན་འབེབས་ནིཿ ཧཱུྃཿདཔལ་ཆེན་འདུས་པའི་ལྷ་ཚོགས་རྣམསཿ ཆོས་སྐུའི་ཀློང་ནས་ཐུགས་རྗེ་བསྐྱེདཿ ལོངས་སྐུའི་རྣམ་རོལ་ཅིར་ཡང་བསྒྱུརཿ སྤྲུལ་སྐུའི་དཀྱིལ་འཁོར་བརྟེན་པར་བཅསཿ དབང་བསྐུར་བྱིན་ཕོབ་རྟགས་མཚན་སྟོནཿ ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཕཊཿསརྦ་ས་མ་ཡ་ཨ་བེ་ཤ་ཡ་ཕཻཾཻཾ་ཕཻཾཻཾཿ བརྒྱད་པ་མཆོད་


JLAZ010_Page_0560
[མ་དཔེ་གཟིགས་ན་འདིར་གནོན།]

པ་བྱིན་བརླབ་ནིཿ ཧཱུྃཿདབྱིངས་ནས་ཡེ་ཤེས་འབྲུ་གསུམ་ཆར་དུ་བབསཿ མཆོད་རྫས་ཉེས་སྐྱོན་མ་དག་བསྲེགས་གཏོར་བཀྲུསཿ བྷྲཱུྃ་ལས་རིན་ཆེན་ཨ་ལས་བྷནྡྷའི་ནངཿ ཕྱི་ནང་གསང་གསུམ་མཆོད་སྤྲིན་རྒྱ་མཚོར་གྱུརཿ ཨོཾ་བཛྲ་ཨརྒྷཾཿཔཱ་དྱཾ་པུཥྤེ་དྷུ་པེ་དཱི་པཾ་གྷནྡེ་རཱུ་པ་ཤཔྟ་གྷནྡྷེ་རཱ་ས་པརྴེ་སརྦ་པཱུ་ཙ་ཨཱཿཧཱུྃཿསྨན་གཏོར་རཀྟའི་སྔགས་ཀྱིས་བརླབསཿ ཨོཾ་ཨཿཧཱུྃ་སརྦ་པཉྩ་ཨམྲྀ་ཏ་ཧཱུྃ་ཧྲཱིཿཋཿཨོཾ་ཨཱཿཧཱུྃ་མ་ཧཱ་བ་ལིཾ་ཏ་ཏྭེ་ཛྭ་བྷ་ལིངྟ་བྷ་ལ་བྷ་ཏི་གུ་ཧྱ་ས་མ་ཡ་སྭཱ་ཧཱཿཨོཾ་ཨཱཿཧཱུྃ་མ་ཧཱ་རཀྟ་ས་མནྟ་མནྜལ་ཧཱུྃ་ཕཊཿདགུ་པ་སྒོང་སྐྱེས་སྦྱོང་བ་རྒྱས་པ་ཆེན་པོའི་བསྐྱེད་རིམ་ནིཿ ཧཱུྃཿརང་བྱུང་རིག་པ་བདག་མེད་དེ་བཞིན་ཉིདཿ རོལ་རྩལ་ཀུན་སྣང་སྙིང་རྗེ་ཆེན་པོའི་གདངསཿ རྒྱུ་ཡི་རིག་པ་ཧཱུྃ་གིས་སྣོད་བཅུད་སྦྱངསཿ དེ་ཉིད་གནས་འགྱུར་རྡོ་རྗེ་རྩེ་ལྔ་པཿསྐད་ཅིག་ཡོངས་གྱུར་རྒྱུ་ཡི་ཧེ་རུ་ཀཿབརྗོད་མེད་ཀློང་ལྔ་ཡུམ་གྱི་མཁའ་ལ་ཤརཿ ཐུགས་ལས་ཨེ་ཡཾ་ར་སུཾ་ཀེཾ་རཾ་ཆདཿ ཨེ་ལས་ནམ་མཁའ་ཡཾ་ལས་གཡོ་བྱེད་རླུངཿ ར་ལས་རཀྟ་སུཾ་ལས་ཞིང་ཆེན་གཞིཿཀེཾ་ལས་རུས་པའི་རི་དབང་བང་རིམ་ཅནཿ རཾ་ལས་བསྐལ་མེ་རབ་འབར་རྔམ་བརྗིད་ཀློངཿ ཧཱུྃ་ལས་གནམ་ལྕགས་རྡོ་རྗེའི་བྲག་ཆེན་སྟེངཿ ནམ་མཁའི་དབྱིངས་ནས་བྷྲཱུྃ་ཡིག་ལྔ་ལྡན་བབསཿ བྷྲཱུྃ་རཏྣ་བྷཉྫ་ཛྙཱ་


JLAZ010_Page_0561
[མ་དཔེ་གཟིགས་ན་འདིར་གནོན།]

ན་ཙཀྲ་མཎྜལ་བྷྲཱྃཿབྷྲཱུྃ་ཡིག་གནས་འགྱུར་སྤྲུལ་པའི་གཞལ་མེད་ཁངཿ ཕྱི་ནང་རིན་ཆེན་ནང་ནི་ཐོད་པའི་མཁརཿ གྲུ་བཞི་སྒོ་བཞི་ཚད་དང་མཚན་ཉིད་ལྡནཿ གུ་ཎ་ཏྭ་ར་རྟ་བབས་བང་རིམ་བརྒྱདཿ ཆོས་འཁོར་རི་དྭགས་གདུགས་དང་ནོར་བུའི་ཏོགཿ ཕྱི་རོལ་རིན་ཆེན་རྩིག་པའི་རྨང་གི་གཞིཿའདོད་སྣམ་དམར་པོར་ལྷ་མོ་བཅུ་དྲུག་འཁོདཿ ཕ་གུ་སེར་པོ་དྲྭ་བ་དྲྭ་ཕྱེད་མཛེསཿ ཤར་བུ་མདའ་ཡབ་ཁང་བརྩེགས་རྡོ་རྗེའི་ཏོགཿ ནང་ནི་དུར་ཁྲོད་རོལ་བའི་གཞལ་མེད་ཁངཿ ཕྱི་འཁོར་རོ་གླིང་བརྒྱད་དང་རྡོ་རྗེའི་གུརཿ བསྐལ་མེད་འུར་འུར་ཆེམ་ཆེམ་འབར་བའི་ཀློངཿ འོག་མིན་གསང་ཆེན་རོལ་བའི་ཕོ་བྲང་ཆེཿརབ་འཇིགས་གནམ་ལྕགས་ཙཀྲ་རྩིབས་བརྒྱད་དབུསཿ བདེ་ཆེན་ཀུན་ཏུ་བཟང་མོའི་ཨེ་ཀློང་དུཿ བྱོལ་སོང་གཙོ་རྣམས་དྲེགས་པ་ཆེ་དགུ་བརྫིསཿ མ་ཆགས་པདྨ་ཐབས་ཤེས་ཉི་ཟླ་འབརཿ རུ་ཏྲ་ཀྲོ་ཏི་ཏི་ར་བཾཿཔཾ་པདྨ་མ་དྷ་ལཿ མ་སཱུརྱ་མ་དྷ་ལཿ ཨ་ཙཎྜ་མ་དྷ་ལཿ ཧཱུྃ་རང་བྱུང་རྒྱུ་ཡི་ཧེ་རུ་ཀཿཡི་ཤེས་དབྱིངས་ནས་གདན་ལ་བབསཿ མཉམ་སྦྱོར་བདེ་བ་ཆེན་པོའི་སྒྲསཿ འཕགས་པ་མཆོད་ཅིང་གཞན་དོན་བྱསཿ ཡོངས་འགྱུར་འབྲས་བུའི་ཧེ་རུ་ཀཿཆེ་མཆོག་བཛྲ་ཐོད་ཕྲེང་རྩལཿ མཐིང་ནག་དབུ་གསུམ་ཕྱག་


JLAZ010_Page_0562
[མ་དཔེ་གཟིགས་ན་འདིར་གནོན།]

དྲུག་པཿཞབས་བཞི་གྱད་ཀྱི་དོར་སྟབས་བགྲདཿ རྒྱལ་འགོང་བདུད་བཞིའི་དཔྱི་ནས་བརྫིསཿ གཡས་དཀར་དགོད་ཅིང་གཤེ་བའི་ཞལཿ གཡོན་དམར་ཨམ་གཙིགས་འཇིགས་པར་སྟོནཿ དབུས་མཐིང་རྔམ་བརྗིད་ཁྲོ་བོའི་ཞལཿ སྐུ་མཆོག་རིགས་ལྔ་དབུ་ལ་རྫོགསཿ རྡོ་རྗེ་བྱ་ཁྱུང་སྤྱི་བོར་ལྡིངཿ སྤྱན་དགུ་ལྗགས་འདྲིལ་མཆེ་བ་གཙིགསཿ གཡས་ཀྱི་དང་པོ་རྡོ་རྗེ་དངཿ བར་པ་ཁ་ཊཱཾ་ཐ་མ་མེཿགཡོན་གྱི་དང་པོ་བྷནྡྷ་དམརཿ བར་པ་ཐོང་གཤོལ་ཐ་མ་ནཿ ལྕགས་ཀྱི་སྡིག་པ་མགོ་དགུ་བསྣམསཿ དུར་ཁྲོད་དཔལ་གྱི་ཆས་རྣམས་རྫོགསཿ གནམ་ཞལ་ཡུམ་མཆོག་ཀུན་བཟང་སྦྱོརཿ གཡས་པ་གཙོ་འཁྱུད་ཁ་ཊཱཾ་བསྣམསཿ གཡོན་པ་ཆགས་པའི་དུང་དམར་སྟོབཿ སྐུ་མདོག་སྔོན་མོ་རྒྱན་དང་ལྡནཿ བསྐལ་པའི་མེ་དཔུང་འབར་བའི་ཀློངཿ དགའ་བཞི་བདེ་བ་ཆེན་པོར་བཞུགསཿ དཔལ་ཆེན་ཡབ་ཡུམ་སྦྱོར་མཚམས་ནསཿ ཕྱོགས་བཞི་མཚམས་བཞིའི་རྩིབས་སྟེངས་སུཿ མཐིང་ནག་ཧཱུྃ་གི་ཡི་གེ་སྤྲོསཿ ཁྲག་འཐུང་ཡབ་ཡུམ་སྲས་བཅས་བསྐྱེདཿ ཧཱུྃཿཧཱུྃཿཧཱུྃཿཧཱུྃཿཧཱུྃཿཧཱུྃཿཧཱུྃཿཧཱུྃཿཧཱུྃ་ཆེན་སྔགས་ཀྱི་སྒྲ་བསྒྲགས་པསཿ ཁྲོ་རྒྱལ་དཀྱིལ་འཁོར་ལྷུན་གྱིས་གྲུབཿ བསྐལ་པའི་མེ་ལྟར་འབར་ཀློང་ནསཿ རང་བྱུང་ཡེ་ཤེས་


JLAZ010_Page_0563
[མ་དཔེ་གཟིགས་ན་འདིར་གནོན།]

ཁྲོ་ཚོགས་ཤརཿ ཤར་དུ་བཛྲ་ཧེ་རུ་མཐིངཿ རྡོ་རྗེ་གཡས་ལ་དུང་ཁྲག་གཡོནཿ བཛྲ་ཀྲོ་ཏི་ཤྭ་རཱི་སྦྱོརཿ ལྷོ་རུ་འཇམ་དཔལ་གཤིན་རྗེ་སེརཿ བེ་ཅོན་གཡས་ལ་སྡིག་མཛུབ་གཡོནཿ བཻ་ཏ་ཟ་བྱེད་ནག་མོ་ཡུམཿ ནུབ་ཏུ་དབང་ཆེན་རྟ་མགྲིན་དམརཿ རལ་གྲི་གཡས་ལ་པདྨ་གཡོནཿ པདྨ་གཟི་ལྡན་ཁྲོ་རྒྱལ་ཡུམཿ བྱང་དུ་རྡོ་རྗེ་གཞོན་ནུ་ལྗངཿ ཕྱག་གཉིས་རྡོ་རྗེ་ཕུར་བུ་འདྲིལཿ འཁོར་བ་རྒྱས་འདེབས་དཔལ་གྱི་ཡུམཿ ཤར་ལྷོ་བླ་མེད་ཧེ་རུ་ཀཿམཐིང་ནག་བྱ་ཁྱུང་ཞིང་དབྱུག་ཐོགསཿ ཡུམ་ཆེན་ཉིད་ཞི་བདེ་མཆོག་མཿ མ་ལྔ་ལ་སོགས་འཁོར་དང་བཅསཿ ལྷོ་ནུབ་རིག་འཛིན་རྡོ་རྗེ་དཀརཿ ཐོད་དབྱུག་གཡས་ལ་དྲིལ་བུ་གཡོནཿ བདེ་ཆེན་རྡོ་རྗེ་རྣལ་འབྱོར་ཡུམཿ ནུབ་བྱང་དྲེགས་པ་ཀུན་འདུལ་མཐིངཿ ཐོ་བ་གཡས་ལ་མདུང་ཐུང་གཡོནཿ ཁམས་གསུམ་སྲིད་པ་སྤྱི་འདུལ་ཡུམཿ བྱང་ཤར་སྟོབས་ལྡན་ནག་པོ་ཆེཿལྕགས་ཀྱུ་གཡས་ལ་སྦྲུལ་ཞགས་གཡོནཿ འབྱུང་བ་ལྔ་ཡི་བདག་མོ་ཡུམཿ གཟུགས་ཁམས་མཁར་འདེགས་འདོད་ཁམས་གནོནཿ ཀུན་ཀྱང་རིགས་བཞིའི་འཁོར་དང་བཅསཿ ཞབས་ཀྱི་ལྷ་ཆེན་ཕོ་མོ་བརྫིསཿ ཆོས་ཉིད་མི་འགྱུར་ཡུམ་རྣམས་མཐིངཿ གྲི་གུག་ཐོད་འཛིན་ཡབ་ལ་འཁྱུདཿ ཕྱི་


JLAZ010_Page_0564
[མ་དཔེ་གཟིགས་ན་འདིར་གནོན།]

རོལ་སྒོ་བ་རིགས་བཞི་ནིཿ ལྕགས་ཀྱུ་ཞགས་པ་ལྕགས་སྒྲོགས་དྲིལཿ ཚོམ་བུ་དགུ་ཡི་དཀྱིལ་འཁོར་ལྷཿབདུན་བརྒྱ་ཉེར་ལྔའི་ལྷ་ཚོགས་ཀུནཿ ཉི་ལས་འོད་ཟེར་བཞིན་དུ་ཤརཿ སྐུ་མདོག་ཕྱག་མཚན་རྒྱན་ཆ་ལུགསཿ མ་འདྲེས་ཡོངས་རྫོགས་ཆེན་པོར་གསལཿ བཅུ་པ་དབང་བསྐུར་བ་ནིཿ ཧཱུྃཿརང་ལས་ཤར་བའི་དཔལ་ཆེན་ཚོགསཿ མཐུ་རྩལ་ཡོངས་སུ་རྫོགས་བྱའི་ཕྱིརཿ སྐུ་གསུང་ཐུགས་སུ་བྱིན་བརླབ་ཅིངཿ ཡེ་ཤེས་ལྔ་ཡི་དབང་བསྐུར་རོཿཨོཾ་ཨཱཿཧཱུྃཿཨོཾ་ཧཱུྃ་སྭཱ་ཧྲཱིཿཨཿརང་གི་སྤྱིར་བོར་ཟླ་བ་ལ་ཨོཾཿམགྲིན་པར་པདྨ་ལ་ཨཱཿསྙིང་གར་ཉི་མ་ལ་ཧཱུཾ་གིས་མཚན་པ་ལས་འོད་ཟེར་འཕྲོསཿ དེ་བཞིན་གཤེགས་པ་ཐམས་ཅད་སྤྱན་དྲངསཿ ཡི་གེ་གསུམ་ལ་ཐིམཿ དེ་ཡོངས་སུ་གྱུར་པ་ལསཿ སངས་རྒྱས་ཐམས་ཅད་ཀྱི་སྐུ་གསུང་ཐུགས་ཡེ་ཤེས་རྡོ་རྗེའི་ངོ་བོར་རྣམ་པ་ཉི་ཤུས་བྱང་ཆུབ་པའི་ལྷཿསྤྱི་བོར་རྣམ་སྣང་དཀར་པོ་འཁོར་ལོ་འཛིན་པཿམགྲིན་པར་སྣང་མཐའ་དམར་པོ་པདྨ་འཛིན་པཿཐུགས་ཀར་མི་བསྐྱོད་པ་སྔོན་པོ་རྡོ་རྗེ་འཛིན་པས་རྒྱས་བཏབ་པསཿ གཞི་ལམ་འབྲས་བུའི་ཡོན་ཏན་ཡོངས་སུ་རྫོགས་པར་གྱུརཿ རྡོ་རྗེ་རྩེ་ལྔ་པ་དང་གསུམ་པ་དངཿ གཅིག་པ་ཕྱག་རྒྱ་གནས་སོ་སོར་གཏུག་ཅིངཿ ཨོཾ་སརྦ་ཏ་ཐཱ་ག་ཏ་མ་ཧཱ་ཀཱ་ཡ་བཛྲ་སྭ་བྷཱ་ཝ་ཨཏྨ་ཀོ྅ཧཾཿདེ་བཞིན་དུ་ཝཀྐ་དངཿ


JLAZ010_Page_0565
[མ་དཔེ་གཟིགས་ན་འདིར་གནོན།]

ཙིཏྟ་ཡང་སྦྱར་རོཿ ཡང་སྤྱི་བོའི་གནས་སོ་སོར་རིགས་ལྔའི་དབང་རྒྱ་བཅས་ལཿ ཨོཾ་མ་ཧཱ་ཤུ་ནྱ་ཏཱ་ཛྙཱ་ན་བཛྲ་ས་བྷ་ཝ་ཨཱཏྨ་ཀོ྅ཧཾཿཨོཾ་དེ་བཞིན་དུཿ ་མ་ཧཱ་ཨ་དརྴཿཨོཾ་མ་ཧཱ་ས་མ་ཏཿཨོཾ་མ་ཧཱ་པྲ་ཏྱ་བེ་ཀྵ་ཎཿ ཨོཾ་མ་ཧཱ་ཀྲྀ་ཏྱཱ་ནུཥྛ་ན་ཛྙཱ་ན་བཛྲ་སྭ་བྷཱ་ཝ་ཨཏྨ་ཀོ྅ཧཾཿསྤྱི་བོའི་གནས་ལྔར་དབང་ལྷ་ཡབ་ཡུམ་རྗེས་ཆགས་རྒྱས་པའི་ཞུ་བདེའི་ཆུ་རྒྱུན་བྱང་ཆུབ་སེམས་ཀྱི་རོལ་པས་དབང་བསྐུརཿ ཉོན་མོངས་པ་ལྔའི་དྲི་མ་སྦྱངསཿ ཕུང་པོ་ལྔ་རིགས་ལྔའི་སངས་རྒྱས་སུ་གནས་འགྱུར་བས་ཀུན་བརྟགས་ལ་གཞན་དབང་གིས་རྒྱས་བཏབཿ ཆུ་ལྷག་མ་སྤྱི་བོར་ལུད་པ་ལསཿ གཞན་དབང་ལ་ཡོངས་གྲུབ་ཀྱིས་རྒྱས་ཐེབས་ཤིང་ཡེ་ཤེས་འགྱུར་བ་མེད་པའི་བརྡར་དབུ་གཙུག་ན་རྡོ་རྗེ་ཕྱེད་པ་དངཿ རིགས་བདག་སྣང་བ་མཐའ་ཡས་ཀྱིས་དབུ་བརྒྱན་པར་གྱུརཿ རང་གི་འདུན་པ་སེམས་པ་དངཿ སྙིང་གའི་འོད་ཀྱི་རོལ་པ་ཆེན་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ནམ་མཁའ་གང་བའི་དཀྱིལ་འཁོར་གྱི་འཁོར་ལོར་བཛྲ་ས་མ་ཛཿཞེས་སྙན་བརྣན་ལཿ བཅུ་གཅིག་པ་སྤྱན་འདྲེན་པ་ནིཿ ཚིལ་ཆེན་དང་སྦྱར་སྤོས་བསྲེག་ཅིང་རོལ་མོའི་སྒྲ་དང་བཅསཿ ཧཱུྃཿའོག་མིན་ཆོས་དབྱིངས་བདེ་ཆེན་ཞིང་ཁམས་ནསཿ ལྷུན་གྲུབ་རོལ་པ་ཡེ་ཤེས་ཀློང་དགུའི་གརཿ ཞི་ཁྲོ་རབ་འབྱམས་དཔལ་ཆེན་བཀའ་བརྒྱད་ལྷཿ


JLAZ010_Page_0566
[མ་དཔེ་གཟིགས་ན་འདིར་གནོན།]

གདུག་པ་འདུལ་ཕྱིར་གནས་འདིར་གཤེགས་སུ་གསོལཿ ཨེ་ཧྱ་ཧི་ཛཿཧཱུྃ་བཾ་ཧོཿས་མ་ཡ་ཧྲིང་ཧྲིང་ཛཿཛཿབཅུ་གཉིས་པ་བཞུགས་གསོལ་ནིཿ ཧཱུྃཿམ་དག་སྣང་བ་དག་པར་རབ་འབྱམས་ཀྱིཿརྟེན་དང་བརྟེན་པའི་འཁོར་ལོར་ཡོངས་ཤར་བཿ ཏིང་འཛིན་སྤྲུལ་པའི་ཞིང་མཆོག་ཉམས་དགའ་བརཿ དམ་ཡེ་གཉིས་མེད་ངོ་བོར་བརྟན་པར་བཞུགསཿ ས་མ་ཡ་ཨ་བེ་ཤ་ཡ་ཏིཥྛ་ལྷནཿ བཅུ་གསུམ་པ་ཕྱག་འཚལ་བ་ནིཿ ཧཱུྃཿརང་བྱུང་རང་ཤར་སྤྲུལ་པའི་དཀྱིལ་འཁོར་ལཿ བཟང་ངན་གཉིས་འཛིན་ཀུན་རྟོག་རྣམ་དག་ཀྱངཿ རང་རིག་ཆོས་སྐུར་མཇལ་བའི་བརྡའ་ཕྱག་གརཿ སྤང་བླང་མེད་པའི་ངང་ནས་བཙལ་བར་བགྱིཿ ཨ་ཏི་པུ་ཧོཿན་མ་ཡ་དྷིཿབཅུ་བཞི་པ་ཕྱག་རྒྱ་གར་མཆོད་ནིཿ ཧཱུྃཿསྒེག་དཔའ་འཇིགས་རུང་སྐུ་ཡི་གརཿ དགོད་གཤེ་དྲག་ཤུལ་གསུང་གི་གརཿ སྙིང་རྗེ་རྔམ་ཞི་ཐུགས་ཀྱི་གརཿ རང་བྱུང་གར་དགུའི་མཆོད་པ་བཞེསཿ མ་ཧཱ་མུ་དྲ་པཱུ་ཙ་ཏོཿབཅོ་ལྔ་པ་ཡེ་ཤེས་གླུའི་མཆོད་པ་ནིཿ ཧཱུྃཿདགའ་བ་བཅུ་དྲུག་རྡོ་རྗེའི་གླུཿཡེ་ཤེས་གླུ་དང་མཉམ་སྦྱོར་བཿ རང་ལས་བྱུང་ཞིང་རང་ལ་མཆོདཿ མི་རྟོག་ཡེ་ཤེས་མངོན་དུ་སྟོནཿ མ་ཧཱ་ཛྙཱ་ན་ཏེ་ཏེ་ཧཱུྃཿཏེ་ན་ཏེ་ཏེ་ཧཱུྃཿབཅུ་དྲུག་པ་ཉེར་སྤྱོད་འདོད་ཡོན་གྱི་མཆོད་པ་ནིཿ ཧཱུྃཿཉེར་སྤྱོད་ལྔ་དང་འདོད་ཡོན་ཀུནཿ


JLAZ010_Page_0567
[མ་དཔེ་གཟིགས་ན་འདིར་གནོན།]

དབང་པོ་ལྔ་ཡི་རྒྱན་དུ་ཤརཿ མཆོད་པའི་ཕྱག་རྒྱ་ཆེན་པོ་ཡིསཿ དཔལ་ཆེན་ལྷ་ཚོགས་མཉེས་གྱུར་ཅིགཿ ཨོཾ་ཤྲཱི་བཛྲ་ས་པ་རི་ཝཱ་ར་དྷུ་པེ་ཧཱུྃཿཔུཥྤེ་ཏྲཱཾཿཨཱ་ལོ་ཀེ་ཧྲཱིཿགྷེནྡྷཻཿཧོཿནཻ་ཝི་དྱེ་ཨཱཿཤཔྟ་ཧཱུྃཿསརྦ་པཱུ་ཛ་ས་མ་ཡ་ཧོཿབཅུ་བདུན་པ་གསང་བ་དུག་གསུམ་གནས་སུ་དག་པའི་མཆོད་པ་ནིཿ ཧཱུྃཿའདོད་ཆགས་ཁྲག་ཆེན་ཞེ་སྡང་རུསཿ གཏི་མུག་ཤ་སྟེང་དུག་གསུམ་ཡངཿ གདོད་ནས་སྐུ་གསུམ་ཆེན་པོའི་ངངཿ རང་ལས་ཤར་ཞིང་རང་སར་གྲོལཿ ཧ་ལ་པཉྩཱ་པཱུ་ཛ་ཧོཿབཅོ་བརྒྱད་པ་སྨན་མཆོད་ནིཿ རྡོ་རྗེའི་དམ་ཚིག་རྨད་པོ་ཆེཿརྩ་བརྒྱད་སྟོང་ལ་སྦྱར་བའི་བདུདཿ རྒྱུ་དྲུག་སྡུག་བསྔལ་འཇོམས་པའི་རྩིཿརིགས་ལྔ་ཡེ་ཤེས་ལྔ་ཡི་དངོསཿ ཨོཾ་ཨཱཿཧཱུྃ་སརྦ་པཉྩ་ཨམྲྀ་ཏ་ཧཱུྃ་ཧྲཱིཿཋཿདབྱིངས་རིག་ཡབ་ཡུམ་སྣང་སྟོང་ཧེ་རུ་ཀཿཆོས་ཀྱི་རྡོ་རྗེ་མཁའ་འགྲོ་ལས་ཀྱི་དབངཿ རིག་འཛིན་འདུས་པ་བླ་མའི་དཀྱིལ་འཁོར་ལཿ མྱོང་གྲོལ་བདུད་རྩིའི་སྨན་གྱི་མཆོད་པ་འབུལཿ སརྦ་པཉྩ་ཨམྲྀ་ཏ་ཁ་རཾ་ཁཱ་ཧིཿའཇམ་དཔལ་རྡོ་རྗེ་ཁྲི་སྲོང་ལྡེའུ་བཙནཿ གྲུབ་ཆེན་བརྒྱད་དང་ལས་ཅན་དག་པའི་འཁོརཿ བརྒྱུད་པ་བདུད་ལྡན་ཐུགས་གཏེར་བདག་པོ་ལཿ མྱོང་གྲོལ་བདུད་རྩི་སྨན་གྱི་མཆོད་པ་འབུལཿ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧིཿཡེ་ཤེས་དགུ་རྫོགས་ཁྲག་


JLAZ010_Page_0568
[མ་དཔེ་གཟིགས་ན་འདིར་གནོན།]

འཐུང་དཀྱིལ་འཁོར་ལྷཿདཔལ་གྱི་བཀའ་སྡོད་འཇིག་རྟེན་དྲེགས་པའི་སྡེཿབདུན་བརྒྱ་ཉེར་ལྔ་བསམ་ཡས་ལྷུན་གྲུབ་ལཿ མྱོང་གྲོལ་བདུད་རྩི་སྨན་གྱི་མཆོད་པ་འབུལཿ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧིཿབཅུ་དགུ་པ་དངོས་གྲུབ་བླང་བ་ནིཿ བདུད་རྩི་སྙིང་པོ་ཅན་གྱི་དབུསཿ སངས་རྒྱས་ཀུན་ཀྱི་སྐུ་གསུང་ཐུགསཿ ཡི་གེ་གསུམ་གྱི་རྣམ་པ་ཅནཿ དམ་ཚིག་ཕྱག་རྒྱ་གཉེན་པོས་བླངཿ ཀཱ་ཡ་སིདྡྷི་ཨོཾཿཝཱཀྐ་སིདྡྷི་ཨཱཿཙིཏྟ་སིདྡྷི་ཧཱུྃཿམཐེབ་སྲིན་ཉི་ཟླའི་གའུས་བླངཿ ཉི་ཤུ་པ་དམ་རྫས་གཏོར་མའི་མཆོད་པ་ནིཿ ཧཱུྃཿབྷ་ག་ཡངས་པའི་གཏོར་གཞོང་དུཿ ལིངྒ་འདོད་ཡོན་གཏོར་མར་འབརཿ རྡོ་རྗེ་བཟའ་བའི་དམ་ཚིག་རྫསཿ ཨ་ལ་ལ་སྟེ་དགྱེས་པར་རོལཿ མ་ཧཱ་བ་ལིང་ཏ་ཁཱ་ཧིཿཉེར་གཅིག་པ་རཀྟའི་མཆོད་པ་ནིཿ ཧཱུྃཿལྕང་ལོར་བཅས་པའི་དུང་ཆེན་དུཿ ཆགས་སྡང་དབྱིངས་སུ་བསྒྲལ་བའི་ཁྲགཿ འཁོར་བ་གནས་སུ་དག་བྱའི་ཕྱིརཿ བླང་དོར་མེད་པར་བཞེས་སུ་གསོལཿ མ་ཧཱ་རཀྟ་ཁཱ་ཧིཿཉེར་གཉིས་པ་བདུད་རྩི་གསང་ནན་ནིཿ ཧཱུྃཿཡབ་དང་ཡུམ་གྱི་རྒྱུ་གཉིས་ཀྱངཿ ཕྱག་རྒྱ་བཞི་ཡི་རྐྱེན་གྱིས་སྦྱརཿ དུག་ལྔ་སྨན་དུ་གྱུར་པའི་རྫསཿ ཛ་གད་དཔའ་བོའི་བདུད་རྩིས་མཆོདཿ མ་ཧཱ་བཛྲ་ཨ་མྲྀ་ཏ་ཛ་གད་པཱུ་ཛ་ཧོཿཉེར་གསུམ་པ་སྦྱོར་སྒྲོལ་གྱི་མཆོད་པ་ནིཿ ཧཱུྃཿརྡོ་རྗེ་པདྨོའི་


JLAZ010_Page_0569
[མ་དཔེ་གཟིགས་ན་འདིར་གནོན།]

གྲོང་ཁྱེར་ལཿ སྙོམས་པར་ཞུགས་པར་རབ་བསྐུལ་བསཿ ལྷ་ཚོགས་ཀུན་ཀྱང་མཉེས་གྱུར་ཏེཿསྡུག་བསྔལ་བདེ་བ་ཆེན་པོར་སྦྱོརཿ རྣམ་རྟོག་བདག་མེད་དབྱིངས་སུ་སྒྲོལཿ ཛཿཧཱུྃ་བཾ་ཧོཿཏ་ན་ག་ན་པཱུ་ཛ་ཧོཿཉེར་བཞི་པ་བསྟོད་པ་ནིཿ ཧཱུྃཿམི་སྡུག་སྲིན་པོའི་སྐུ་ནི་སྒེག་ཅིང་དཔའཿདྲག་ཤུལ་རྡོ་རྗེའི་གད་མོ་གཤེ་བའི་སྒྲཿམཆོག་ཏུ་ཞི་བའི་ཐུགས་ནི་སྙིང་རྗེ་རྔམསཿ གར་དགུས་ས་གསུམ་རྣམ་གནོན་ཁྱོད་ལ་བསྟོདཿ རྡོ་རྗེ་ཐོད་ཁྲག་ཆགས་སྡང་དབྱིངས་སུ་སྦྱོརཿ ཁ་ཊཱཾ་དཀུར་བརྟེན་ནས་ཕྲག་པར་སློང་བ། ཐོད་གཤོལ་དུག་གསུམ་ཐ་རྒོད་འཇོམསཿ མེ་དཔུང་ལྕགས་སྡིག་རྣམ་རྟོག་རྒྱལ་འགོང་གཤེདཿ རྟོག་མེད་དྲེགས་པ་འདུལ་ལ་ཕྱག་འཚལ་བསྟོདཿ ཆོས་སྐུ་འགྱུར་བ་མེད་པས་སྐུ་མདོག་མཐིངཿ དབུ་ནི་སྐུ་གསུམ་ཕྱག་ནི་ཕར་ཕྱིན་དྲུགཿ ཞབས་ནི་ཚད་མེད་བཞི་ཡི་རང་བཞིན་ཏེཿརྟགས་དང་ཡོན་ཏན་རྫོགས་པའི་སྐུ་ལ་བསྟོདཿ ཆོས་ཉིད་གཅིག་ལ་ཡེ་ཤེས་ཀློང་དགུའི་རྩལཿ གདུལ་བྱའི་ཁམས་ལ་དགྱེས་ཆགས་ཁྲོ་བའི་ཉམསཿ རོལ་བའི་ཆོ་འཕྲུལ་མི་བཟད་འབར་བའི་སྐུཿ བདུན་བརྒྱ་ཉེར་ལྔའི་དཀྱིལ་འཁོར་ལྷ་ལ་བསྟོདཿ ཉི་ཤུ་རྩ་ལྔ་འཛབ་དོན་ལཿ བསྟེན་དང་སྒྲུབ་པ་ལས་སྦྱོར་རོཿ དང་པོ་


JLAZ010_Page_0570
[མ་དཔེ་གཟིགས་ན་འདིར་གནོན།]

ཞི་བར་བསྙེན་པ་ནིཿ བདག་ཉིད་ཆེ་མཆོག་ཡབ་ཡུམ་གྱིཿ ཐུགས་མཆོག་འོད་ཀྱི་དྲྭ་བའི་ཀློངཿ གསལ་སྟོང་ཟུང་འཇུག་ཉི་ཟླའི་སྟེངཿ ཀུན་བཟང་ཡབ་ཡུམ་ཞལ་སྦྱོར་ལཿ རྡོ་རྗེ་སྐྱིལ་ཀྲུང་མཉམ་གཞག་ཅནཿ ཐུགས་ཀར་བདེ་གཤེགས་ཀུན་ཀྱི་སྲོགཿ ཡི་གེ་འབྲུ་གསུམ་བརྩེགས་མར་གསལཿ དེ་ལས་འོད་འཕྲོས་སྣང་སྲིད་ཀུནཿ ཡེ་ཤེས་ལྔ་རུ་སངས་རྒྱས་བསམཿ འཁོར་འདས་རོ་གཅིག་ལྟ་བའི་ངངཿ ཨོཾ་ཨཱ་ཧཱུྃཿརིགས་རྣམས་ཀུན་ཀྱི་དབང་ཕྱུག་མཆོགཿ སངས་རྒྱས་ཀུན་ཀྱི་མེས་པོ་སྒོམཿ རྒྱལ་བའི་དཀྱིལ་འཁོར་བསམ་ཡས་ཀུནཿ བདེ་གཤེགས་གཅིག་སྒྲུབ་ཀུན་ཀྱི་ངངཿ གྲངས་ཀྱི་བསྙེན་པ་བྱེ་བ་གསུམཿ ཚེ་གཅིག་བྱང་ཆུབ་འདོད་པ་རྣམསཿ འདི་ལ་རྟག་ཏུ་ནན་ཏན་གྱིསཿ འབྱུང་འཇུག་སྔགས་སུ་གོམས་པ་ནཿ ཕུང་པོ་འོད་སྐུར་དེངས་པར་འགྱུརཿ ས་མ་ཡཿགཉིས་པ་ཁྲོ་བོར་བསྒྲུབ་པ་ནིཿ ཡེ་ཤེས་རྒྱལ་པོ་སྟང་དཔྱལ་གྱིཿ ཐུགས་ཀར་པདྨ་ཉི་ཟླའི་སྟེངཿ གསེར་གྱི་རྡོ་རྗེ་རྭ་དགུ་པའིཿདབུས་རྭར་ཏིང་འཛིན་སེམས་དཔའ་ཧཱུྃཿ རྭ་བརྒྱད་མདུན་ནས་རིམ་པ་བཞིནཿ ཐོག་མཐའ་གཉིས་དང་གྲོང་ཁྱེར་དྲུགཿ ཀུན་ཀྱང་ཐུགས་ཀའི་ཧཱུྃ་ལ་བལྟཿ ཤིན་ཏུ་ཕྲ་ཞིང་འོད་ཟེར་འབརཿ ཨོཾ་གུ་རུ་ཤྲཱི་བཛྲ་ཡཀྵ་ཀྲོ་དྷ་ཙིཏྟ་ཧཱུྃཿ ལྷ་ལ་གསལ་སྣང་ཐོན་པ་དངཿ འཕྲོ་འདུའི་གཟེར་ལ་


JLAZ010_Page_0571
[མ་དཔེ་གཟིགས་ན་འདིར་གནོན།]

ལྡེ་ཁ་བསྒྱུརཿ རང་རང་སྔགས་ཀྱི་ཡིག་འབྲུ་ལསཿ སྔགས་ཕྲེང་ལུ་གུ་རྒྱུད་དུ་ཐོནཿ ཡབ་ནས་ཡུམ་གྱི་ཞལ་དུ་ཞུགསཿ སྐུ་ཡི་དབྱིབས་བརྒྱུད་མཁའ་གསང་ནསཿ རྡོ་རྗེ་ནོར་བུའི་ལམ་ཞུགས་ཏེཿཐུགས་སྲོག་ཧཱུྃ་ལ་ཐིམ་ཞིང་འཁོརཿ བདེ་བ་ཆེན་པོའི་འོད་ཟེར་གྱིསཿ རྒྱལ་བ་མཆོད་ཅིང་དངོས་གྲུབ་དབྱིགཿ ཐམས་ཅད་བསྡུས་ནས་རང་ལ་བསྟིམཿ སླར་འཕྲོས་འགྲོ་བའི་ལས་ཉོན་སྦྱངསཿ ཀུན་ཀྱང་དཔལ་ཆེན་གོ་འཕངས་ལཿ དང་པོར་མོས་པས་འགོད་པ་སྟེཿལྷ་དང་ཞིང་ཁམས་ཆོས་ཉིད་གསུམཿ གཅིག་ཏུ་འདྲེས་པའི་གཟེར་ཐེབས་ཚེཿརང་སྣང་དོན་གྱི་འོག་མིན་དུཿ འཚང་རྒྱ་འདི་ལ་ཐེ་ཚོམ་མེདཿ ཧཱུྃཿཧཱུྃཿཧཱུྃཿལྷ་ཚོགས་འཕྲོ་འདུ་བསམ་ཡས་ཀྱངཿ གཙོ་བོ་གཅིག་པུའི་ཆོ་འཕྲུལ་ཏེཿདཔལ་ཆེན་སྲོག་ལ་དབང་ཐོབ་ནཿ ཚོམ་བུའི་འཁོར་ལོ་མ་སྒྲུབ་ཤརཿ ཨོཾ་བཛྲ་ཙཎྡྲ་སརྦ་དུཥྟཾ་ཏ་ཀ་ཧ་ན་ད་ཧ་པ་ཙ་ཧཱུྃ་ཕཊཿལྷ་ཚོགས་ཀུན་ཀྱང་སྤྱི་དྲིལ་སྔགསཿ འུར་ཆེམ་འབྲུག་གི་སྒྲ་བཞིན་སྒྲོགཿ ལྔ་ལྡན་འོད་ཀྱིས་སྟོང་གསུམ་གངཿ ནད་གདོན་ཞི་ཞིང་ཚེ་དཔལ་རྒྱསཿ ཁམས་གསུམ་དབང་འདུས་དམིགས་བྱ་བསྒྲལཿ རིག་འཛིན་བཞི་ཡི་གནས་ཐོབ་བསམཿ གཙོ་ལ་འབྲུ་འབུམ་ལས་རུང་སྟེཿ གཞན་དུ་དེ་ཡི་བཞི་འགྱུར་ལཿ སྤྱི་དྲིལ་བཅུ་ཆ་དག་ཏུའོཿ འདི་ནི་བླ་མ་ཡི་དམ་གྱིཿ རྣམ་པར་བསྒྲུབས་


JLAZ010_Page_0572
[མ་དཔེ་གཟིགས་ན་འདིར་གནོན།]

པས་བྱིན་རླབས་མྱུརཿ གལ་པོ་ལ་སོགས་ཧེ་རུ་ཀའིཿ ཏནྟྲ་ཀུན་གྱི་བཅུད་ཀྱང་འདྲིལཿ ལས་ལ་མི་ལྟོས་དཔལ་ཆེན་པོའིཿ སྲོག་ནས་འཕྲོག་པས་རྣོ་ལ་མྱུརཿ དབང་གི་ཆུ་བོ་མ་ཉམས་སྟེངཿ བརྒྱུད་པ་བདུན་ལྡན་སྒྲུབ་ཐག་ཉེཿགསང་ཆེན་རྒྱུད་སྡེ་རྒྱ་མཚོ་ཀུནཿ སྒྲུབ་སྡེ་ཆེན་པོ་བརྒྱད་ལ་འདུཿ རིག་འཛིན་བརྒྱད་དང་མཁས་པ་བཞིཿགོང་འོག་རྒྱ་མཚོ་ལྟ་བུའི་འཇིངཿ བརྒལ་བར་མི་ནུས་བློ་དམན་ལཿ བཅུད་འདྲིལ་འདི་ལས་གཞན་མ་གསུངསཿ གུ་ཧྱཿགསུམ་པ་ལས་ལ་སྦྱོར་བ་ནིཿ སྐད་ཅིག་གནམ་ལྕགས་རྡོ་རྗེ་ནིཿ རྩེ་དགུ་སྟོང་གསུམ་གང་བའི་ཁྱོནཿ སྦུབས་སྟོང་འབར་བའི་ལྟོ་བ་རུཿདཔལ་དགུ་རྔམས་པའི་དྲགས་སྔགས་སྒྲོགསཿ ཡར་རྩེ་བརྒྱད་ཀྱི་སྲོག་ཤིང་ལཿ ཐུབ་དབང་བདུད་འདུལ་ཆ་བྱད་ཅནཿ རྣམ་པ་བཞི་ཡི་འཁོར་གྱིས་བསྐོརཿ རྭ་ལ་རིག་འཛིན་གྲུབ་ཐོབ་བརྒྱདཿ མཉེན་ཞུ་ཕོད་ཆེན་སྡིག་མཛུབ་ཅནཿ དྲང་སྲོང་དམོད་པ་ལས་ཀྱི་ཆསཿ ཀུན་ཀྱང་ཛཿབྷྱོཿཕཊཿཀྱི་སྒྲསཿ འགུགས་བསྒྲལ་སྦར་བའི་ལས་ལ་བརྩོནཿ མར་རྩེ་དགུ་ཡིས་འགོང་པོ་དགུའིཿ སྙིང་ག་དབང་ཆེན་གཞི་ལ་ཕུགཿ འཆང་བཟུང་ཙཀྲ་རྩིབས་བརྒྱད་པའིཿ མཆན་ལ་སྤྲུལ་པའི་ལྕགས་སྡིག་འཕྱོཿ སྤུ་གྲི་གཡོན་དུ་འཁོར་བ་ཡིསཿ གནོད་བྱེད་དགྲ་གདོན་ཉལ་ཉལ་གཏུབསཿ སྡིག་པས་ཧབ་ཧབ་ཟོས་པ་ཡིསཿ ལོག་པར་འདྲེན་པའི་དགྲ་འདྲེ་དངཿ


JLAZ010_Page_0573
[མ་དཔེ་གཟིགས་ན་འདིར་གནོན།]

ཁྱད་པར་འགོང་པོ་སྤུན་དགུའི་སྡེཿརྫས་ལ་མེ་མཆེད་ལྟ་བུར་བསམཿ ཨོཾ་ཨཱཿཧཱུྃ་བཛྲ་ཡཀྴ་ཀྲོ་དྷ་སརྦ་དུཥྚཾ་ཧ་ན་ཧ་ན་ཧཱུྃ་ཕཊཿམ་འོངས་བསྐལ་པའི་ཐ་མ་ལཿ སྔགས་ལ་སྤྱོད་ཅིང་དམ་ཚིག་དྲལཿ དེ་དག་འགོང་པོའི་དབང་གྱུར་ཏེཿབྱ་རུ་མི་རུང་སྣ་དགུ་སྤྱོདཿ དེ་ཀུན་བདག་ཏུ་ལྟ་ལས་བྱུངཿ དེ་ཡི་རྒྱུ་འབྲས་འཇོམས་པ་ལཿ གཉེན་པོ་འདི་ལས་གཞན་དུ་མེདཿ སྲོག་ཆགས་བསད་དང་རི་ཆེན་བསྙིལཿ དྲེགས་པ་དམ་ལ་ཆུད་པའི་རྟགསཿ ཉམས་དང་སྤྱད་ཞིང་རིག་པས་དཔགཿ ཏིང་འཛིན་མི་ལྡན་རང་ལ་སྡིགསཿ དེ་ཕྱིར་མཁས་པས་འཚོ་ཤེས་བྱཿསྲི་ཀེག་བྱད་ཕུར་ལ་སོགས་པཿཀུན་ལ་རིག་པའི་ལྡེ་ཁ་བསྒྱུརཿ བར་ཆད་འདུལ་བར་ཐེ་ཚོམ་མེདཿ རྗེས་ལ་ཚོགས་ལས་རིམ་པ་ནིཿ ཧཱུྃཿདཔལ་ཆེན་ཐུགས་ལས་རཾ་ཡཾ་ཁཾཿའཕྲོས་པས་ཚོགས་ཀྱི་དངོས་འཛིན་སྦྱངསཿ སྣང་སྲིད་བདེ་ཆེན་ཀ་པཱ་ལརཿ བཅུད་རྣམས་རིགས་ལྔའི་དམ་རྫས་གྱུརཿ ཨོཾ་ཨཱཿཧཱུྃ་ཧ་ཧོ་ཧྲཱིཿསྤྱན་འདྲེན་ནིཿ ཧཱུྃཿའོག་མིན་ཆོས་དབྱིངས་ཕོ་བྲང་དངཿ ཡན་ལག་བདུན་ལྡན་ལོངས་སྤྱོད་རྫོགསཿ རང་བཞིན་སྤྲུལ་སྐུའི་ཞིང་ཁམས་ནསཿ དཔལ་ཆེན་དཀྱིལ་འཁོར་ལྷ་ཚོགས་དངཿ གནས་དང་ཉེ་གནས་རྣམ་པ་གཉིསཿ ཡུལ་ནི་རོལ་པ་ཉེ་ཡུལ་རོལཿ ཞིང་དང་ཉེ་བའི་ཞིང་དང་ནིཿ འདུ་དང་ཉེ་བའི་འདུ་བ་དངཿ ཚན་དྷོ་ཉེ་བའི་ཚན་དྷོ་སྟེཿ


JLAZ010_Page_0574
[མ་དཔེ་གཟིགས་ན་འདིར་གནོན།]

ཧེ་རུ་ཀ་ཡི་གནས་བཅུ་དངཿ དུར་ཁྲོད་ཆེན་པོ་བསིལ་པའི་ཚལཿ ཨོ་ཌི་ཡ་ནར་པདྨ་བརྩེགསཿ ཟ་ཧོར་ཡུལ་ན་ཁུ་བྱུག་ཀློངཿ སེང་ཧའི་ཡུལ་ན་སྐུ་ལ་རྫོགསཿ ཁ་ཆེའི་ཡུལ་ན་ཧེ་ཆེན་རོལཿ བལ་པོའི་ཡུལ་ན་ཡ་མ་ཁཿཐོ་གར་ཡུལ་ན་གསང་ཆེན་རོལཿ ལི་ཡུལ་འཇིག་རྟེན་མངོན་རྫོགས་ཏེཿདུར་ཁྲོད་ཆེན་པོ་བརྒྱད་རྣམས་ནཿ བཞུགས་པའི་དཔའ་བོ་མཁའ་འགྲོ་དངཿ ཤུགས་འགྲོ་རྣལ་འབྱོར་ཞིང་སྐྱོང་དངཿ ཚོགས་ལ་སྤྱན་འདྲེན་གཤེགས་སུ་གསོལཿ ཚོགས་ཁང་འདི་ནི་སྤྲུལ་པའི་ཞིངཿ ཚོགས་རྫས་འདོད་ཡོན་རོལ་པའི་རྒྱནཿ ཐབས་དང་ཤེས་རབ་ལྕམ་དྲལ་ལྡནཿ རྡོ་རྗེ་གླུ་གར་བྱིན་རེ་ཆགསཿ ཅང་ཏེའུ་དྲིལ་བུ་སྙན་ཅིང་འཁྲོལཿ འདི་ནི་དམ་ཚིག་མཆོག་གི་གནསཿ གཤགས་དང་རྩོད་པ་ཀུ་ཅོ་མེདཿ རིག་པ་བརྟུལ་ཞུགས་ཉམས་དང་ལྡནཿ དམ་ཚིག་འདི་ནི་དང་དུ་བཞེསཿ མཆོག་དང་ཐུན་མོང་དངོས་གྲུབ་སྩོལཿ གུ་རུ་ངྷེ་ཝ་ཌཱཀྐ་ཌཱཀྐི་ནི་དྷརྨ་པཱ་ལ་ས་མ་ཡ་ཛཿཕུད་དང་པོ་ནིཿ ཧཱུྃཿསངས་རྒྱས་དམ་ཚིག་བླ་ན་མེདཿ ཤ་ལྔ་བདུད་རྩི་རྣམ་པ་ལྔཿབཟའ་བཅའ་བཏུང་བ་ཕྱི་ཡི་ཚོགསཿ འདོད་ཡོན་ལྷ་མོ་རྣམ་པ་ལྔཿདབང་པོའི་ལོངས་སྤྱོད་ནང་གི་ཚོགསཿ བདེ་སྟོང་ཡེ་ཤེས་བླ་ན་མེདཿ དགའ་བཞི་རྣམ་རོལ་གསང་བའི་ཚོགསཿ དཀྱིལ་འཁོར་ལྷ་ལ་མཆོད་པ་འབུལཿ བཞེས་ནས་དབང་དང་དངོས་


JLAZ010_Page_0575
[མ་དཔེ་གཟིགས་ན་འདིར་གནོན།]

གྲུབ་སྩོལཿ ག་ན་ཙཀྲ་པཱུ་ཙ་ཧོཿབར་བ་བཤགས་པ་ནིཿ ཧཱུྃཿ གང་ཞིག་འཁྲུལ་པར་གྱུར་པ་དེ་ནས་བཟུངཿ རྣམ་སྨིན་ལུས་ལ་བརྟེན་པ་དེ་སྲིད་དུཿ མི་དགེ་བཅུ་དང་མཚམས་མེད་ཉེ་བ་ལྔཿ ལྕི་བ་བཅུ་དྲུག་ལོག་པ་བརྒྱད་ལ་སོགསཿ ཐེག་པ་གསུམ་དང་རིག་པ་འཛིན་པ་ཡིཿསྡོམ་གསུམ་དམ་ཚིག་ཉམས་པ་མཐའ་དག་ཀུནཿ ག་ན་ཚོགས་ཀྱི་འཁོར་ལོ་ལ་བརྟེན་ནསཿ འཆད་པ་མེད་པའི་སེམས་ཀྱིས་མཐོལ་ལོ་བཤགསཿ དག་ཚངས་ཆེན་པོའི་དངོས་གྲུབ་བདག་ལ་སྩོལཿ ཧེ་རུ་ཀའི་ཡིག་བརྒྱ་བཟླའོཿཐ་མ་བསྒྲལ་མཆོད་ནིཿ ཨེ་ལས་ཐར་མེད་སྲིད་པའི་བྲུབ་ཁུང་ནངཿ མ་རིག་འཁྲུལ་པས་བཅིངས་པ་བདག་ལྟའི་དགྲཿཡེ་ཤེས་དབྱིངས་ལ་སྒྲིབ་པའི་གཟུང་འཛིན་བགེགསཿ དག་ཆེན་ཡེ་ཤེས་རིག་པའི་ལྕགས་ཀྱུས་ཟུངཿ མཉམ་པར་མ་བཞག་མེད་པའི་ཞགས་པས་ཆིངསཿ ལྷག་མཐོང་ལུ་གུ་རྒྱུད་ཀྱི་དྲྭ་བས་སྡོམསཿ རྗེས་ཐོབ་འཁྲུལ་པ་མེད་པའི་དྲིལ་བུས་མྱོསཿ ཕུང་པོ་ལྔ་ཡི་ཉེ་བར་ལེན་པ་ཀུནཿ བདག་མེད་རྟོགས་པའི་མཚོན་གྱིས་རྣམ་པར་གཏུབསཿ སྐྱེ་མེད་ཁྲོས་པའི་ལྷ་ཚོགས་ཞལ་དུ་བསྟབཿ མཱཾ་ས་རཀྟ་ཙིཏྟ་གོ་རོ་ཙ་ན་བྷ་སུ་ཏ་ཀེཾ་ནིརྟི་ཏ་ན་ཙཀྲ་པཱུ་ཙ་ཁ་ཁ་ཁཱ་ཧི་ཁཱ་ཧིཿ རྒྱས་པར་སྤྲོ་ན།


JLAZ010_Page_0576
[མ་དཔེ་གཟིགས་ན་འདིར་གནོན།]

སྐབས་འདིར་སྐོངས་བཤགས་རྡོ་རྗེའི་ཐོལ་གླུས་ཐུགས་དམ་བསྐང་ངོཿདེ་ནས་ལྷག་མ་ནིཿ ཞིང་ལྤགས་ཀྱི་སྟེང་དུ་བཞག་ལཿ ཧེ་རུ་ཀའི་དམ་རྒྱས་ཁ་ཕྲུ་དབབཿ ཨ་ཀཱ་རོས་བརླབས་ཅིངཿ སྤྱུགས་གླུ་དང་བཅསཿ ཀྱཻཿ དང་པོ་ཕུད་ཀྱིས་མི་མཆོད་རྒྱུཿདཔལ་ཆེན་དཀྱིལ་འཁོར་ཚོགས་ཀྱི་བདགཿ བར་དུ་བཤགས་པ་མི་བགྱི་རྒྱུཿརྣལ་འབྱོར་ལྡན་ལ་དམ་ཚིག་གཉནཿ ཐ་མ་བསྒྲལ་བསྟབས་མི་བགྱི་རྒྱུཿ རྟོགས་པས་བདག་རྒྱུད་སྔོན་བསྒྲལ་ཕྱིརཿ ད་ལྟ་ལྷག་མས་མི་མཆོད་རྒྱུཿམ་ཚོགས་དབང་ཕྱུག་གིང་ལངྐཿཕོ་ཉ་སུམ་བརྒྱ་དྲུག་ཅུ་སོགསཿ ཀུན་ཀྱང་དཔལ་ཆེན་སྤྲུལ་པ་ཡིནཿ ལྷག་མ་ཁ་ཆུས་མི་བྲན་རྒྱུཿདམ་ཚིག་གཅིག་ཏུ་བསྲེ་བའི་ཕྱིརཿ འབངས་ཐོག་རྗེ་ཡིས་མི་མནན་རྒྱུཿཅི་བཅོལ་ལས་ལ་བསྐུལ་བའི་ཕྱིརཿ རྗེ་ལ་འབངས་ཀྱིས་མི་རྒོལ་རྒྱུཿདྲག་ཤུལ་ལས་ཐབས་མྱུར་བའི་ཕྱིརཿ ཧཱུྃཿརྣམ་དག་རང་བཞིན་ཞི་བ་ལསཿ བཅོམ་ལྡན་དཔལ་ཆེན་སྤྲུལ་པ་ནིཿ ཐབས་ཤེས་ཟླ་གསང་རོལ་པ་ལསཿ དཀྱིལ་འཁོར་མུ་རན་སྐྱོང་བ་སྟེཿཁྱེད་ཅག་སྔོན་གྱི་ཡལ་གམ་ཅནཿ ལག་ན་གློ་སྙིང་ནང་ཁྲོལ་ཐོགསཿ ལེགས་ཉེས་སྟངས་འཛིན་ཚོགས་ཁང་ཉུལཿ མཐུ་དང་རྫུ་འཕྲུལ་དཔག་ཏུ་མེདཿ སྔོན་ཚེ་དཔལ་ཆེན་ཧེ་རུ་ཀསཿ


JLAZ010_Page_0577
[མ་དཔེ་གཟིགས་ན་འདིར་གནོན།]

དུག་གསུམ་རཱུ་ཏྲ་བསྒྲལ་བའི་ཚེཿཁས་བླངས་དམ་བཅས་དྲན་གྱིས་ལཿ སྲིན་མོའི་ཟ་ལམ་ཆེན་པོ་རུཿཕམ་ཕབས་ལོང་ལ་བསྟན་པ་སྲུངསཿ བཅོལ་བའི་ཕྲིན་ལས་འགྲུབ་པར་མཛོདཿ ཐུགས་དམ་བསྐུལ་བ་ནིཿ ཧཱུྃཿམི་གནས་ཡེ་ཤེས་ཆོས་སྐུའི་ཕོ་བྲང་ནསཿ ལོངས་སྤྱོད་རྫོགས་པ་ཞི་དང་ཁྲོ་བོའི་ལྷཿཐུགས་དམ་བསྐུལ་ལོ་འགྲོ་བའི་དོན་ལ་དགོངསཿ རིག་པའི་རང་བཞིན་བདེ་གཤེགས་སྙིང་པོ་ཡངཿ མ་རིག་འཛིན་པའི་ཀུན་གཞི་ལུང་མ་བསྟནཿ སྒོ་ལྔའི་ཡུལ་དང་རྟེན་ཅིང་འབྲེལ་བ་ལསཿ རིགས་དྲུག་རྒྱུད་ལྔའི་གནས་སུ་འཁྱམས་པ་རྣམསཿ ལས་དང་ཉོན་མོངས་མཐུ་ཡིས་གཟིར་བའི་མཐུཿཕྱི་རོལ་ཡུལ་ལ་སྨིན་པའི་སྡུག་བསྔལ་དངཿ ནད་མཚོན་མུ་གེ་དགྲ་བགེགས་འབྱུང་པོའི་གདོནཿ འཇིགས་པ་ཆེན་པོ་བརྒྱད་དང་བཅུ་དྲུག་ཀུནཿ མངོན་སྤྱོད་དྲག་པོའི་རོལ་པས་ཚར་བཅད་ནསཿ ལོག་རྟོག་དངོས་པོར་ཞེན་པའི་སེམས་ཅན་རྣམསཿ རྒྱུ་འབྲས་ཐེག་པ་གཞན་གྱིས་གདུལ་དཀའ་བསཿ རང་བྱུང་ཡེ་ཤེས་རྟོགས་པའི་ཕྲིན་ལས་མཛོདཿ ཆད་ཐོ་བསྒྲག་པ་ནིཿ ཧཱུྃཿདུས་གསུམ་རྣམ་དག་ཀུན་ཏུ་བཟང་པོའི་དུསཿ མངོན་རྫོགས་ཡེ་ཤེས་དམ་པའི་འོག་མིན་དུཿ ཀུན་གཞི་ཡིད་ཆོས་དག་པའི་


JLAZ010_Page_0578
[མ་དཔེ་གཟིགས་ན་འདིར་གནོན།]

སྟོན་པ་ཡིསཿ རང་སྣང་རང་བཞིན་མེད་པའི་འཁོར་ཚོགས་ལཿ རྒྱལ་བ་དགོས་བརྒྱུད་རྫོགས་པའི་ཡོ་ག་གསུམཿ བརྡ་ཚིགས་བརྗོད་པ་བྲལ་བར་བསྟན་པའི་ཚེཿགྲགས་ཆེན་གསལ་བའི་སྟོན་པ་བཅུ་གཉིས་དངཿ དགའ་རབ་དཔའ་བོ་གསང་འཛིན་རྡོ་རྗེ་ཆོསཿ བརྡ་བརྒྱུད་རིག་འཛིན་གྲུབ་པ་མཆོག་རྣམས་ཀྱིསཿ སྟོན་འཁོར་དགོངས་པ་གཅིག་པའི་དབང་ཐོབ་བཞིནཿ ཚོགས་བརྒྱད་རང་གྲོལ་གཏོར་མ་འདི་བཞེས་ལཿ འཁྲུལ་བ་གཞི་ལ་དག་པའི་ཕྲིན་ལས་མཛོདཿ དེ་རྗེས་གསང་སྔགས་བསྟན་པ་བྱུང་བའི་ཚེཿའོག་སྨིན་དགའ་ལྡན་རི་རབ་ལྷུན་པོའི་རྩེཿལྷ་གནས་གསུམ་དུ་གྲགས་པའི་གནས་མཆོག་དངཿ ཤམ་བྷ་ལ་དང་ཨོ་རྒྱན་ཟ་ཧོར་ཡུལཿ སིངྒ་ལ་དང་གནམ་ལྕགས་འབར་བའི་རྩེཿམཆོད་རྟེན་ཆེན་པོ་བདེ་བྱེད་བརྩེགས་པ་རུཿརིག་འཛིན་སྡེ་སྣོད་མཐའ་དག་བབས་པའི་ཚེཿའཇིག་རྟེན་འཇིག་རྟེན་འདས་པའི་མཁའ་འགྲོ་དངཿ དཀྱིལ་འཁོར་མུ་རན་སྐྱོང་བ་ཐམས་ཅད་ཀྱིསཿ གཏོར་མ་ལེན་ཅིང་ལེགས་ཉེས་སྟངས་འཛིན་པའིཿཁས་བླངས་དམ་བཅའ་བཞིན་དུ་ཕྲིན་ལས་མཛོདཿ དེ་རྗེས་འགྲོ་དོན་དུས་ལ་བབས་པའི་ཚེཿཀླུ་སྒྲུབ་སྙིང་པོ་པདྨ་ཐོད་ཕྲེང་སོགསཿ གྲུབ་པའི་རིག་འཛིན་ཆེན་པོ་བརྒྱད་རྣམས་


JLAZ010_Page_0579
[མ་དཔེ་གཟིགས་ན་འདིར་གནོན།]

ཀྱིསཿ འཛམ་བུའི་གླིང་དུ་དར་ཞིང་རྒྱས་མཛད་ཅིངཿ ཁྱད་པར་བྲག་དམར་དཔལ་གྱི་མཆིམས་ཕུ་རུཿརིག་འཛིན་སློབ་དཔོན་པདྨ་འབྱུང་གནས་ཀྱིསཿ ལྷ་སྲས་རྒྱས་པོ་ཚངས་པའི་མེ་ཏོག་ལཿ སྒྲུབ་པ་བཀའ་བརྒྱད་དཀྱིལ་འཁོར་ཞལ་ཕྱེ་ཞིངཿ སེངྒེ་རྣམ་རོལ་ཁས་པུ་རི་ཡི་རྩེརཿ གནོད་སྦྱིན་ཐམས་ཅད་དམ་ལ་བཞག་པའི་ཚེཿསྲོག་སྙིང་ཕུལ་ཏེ་ཆད་ཐོ་བཟུང་བ་ལྟརཿ མཆོད་གཏོར་བཞེས་ལ་ཕྲིན་ལས་གྲུབ་པར་མཛོདཿ དེ་རྗེས་ཚོགས་བདུན་རོལ་བ་བལ་པོའི་ཡུལཿ རང་སྣང་མཆོད་རྟེན་བྱ་རུང་ཁ་ཤོར་དུཿ རང་བྱུང་རྡོ་རྗེ་འཇིགས་མེད་གླིང་པ་ལཿ དབྱིངས་ཀྱི་མཁའ་འགྲོས་ནམ་མཁའ་མཛོད་ཀྱི་བརྡཿཡེ་ཤེས་ལྔ་ལྡན་སྤྲུལ་པའི་ཤོག་སེར་ལསཿ བྲག་དམར་བྲེ་གུ་བརྩེགས་པའི་དགེ་འུ་རུཿཀུན་ཏུ་བཟང་པོ་དྲི་མེད་འོད་ཟེར་གྱིསཿ བཀལ་རྒྱ་ལུང་རྫོགས་གཏད་རྒྱ་བཀྲོལ་བའི་ཚེཿསྤྱན་གཅིག་ཁྲག་ཏུ་ཁོལ་བའི་མ་མོ་དངཿ བྱ་རོག་གཙུག་ཕུད་འཛིན་པའི་དྲང་སྲོང་གིསཿ ཁས་བླངས་ཐ་ཚིག་བཞིན་དུ་ཕྲིན་ལས་མཛོདཿ བཤལ་ཆུ་གཏོར་མར་བྲན་ལ་བསྟན་མ་སྐྱོང་བ་ནིཿ བྷྱོཿཚོགས་དང་བཀའ་ཡེ་བདག་ཉིད་ནིཿ ཁྲག་འཐུང་རྡོ་རྗེ་ནམ་མཁའི་ཡུམཿ གངས་རི་ཅན་གྱི་ཡུལ་ལྷ་ནིཿ


JLAZ010_Page_0580
[མ་དཔེ་གཟིགས་ན་འདིར་གནོན།]

བདུད་དང་གནོད་སྦྱིན་སྨན་མོ་བཞིཿཚུར་སྤྱོན་ཚུར་སྤྱོན་གཏོར་མ་ལོངསཿ རྟེན་འབྲེལ་ཡན་ལག་བཅུ་གཉིས་དངཿ དུས་སྦྱོར་བཅུ་གཉིས་གནས་དག་པསཿ བལ་བོད་མཚམས་ན་ཚེ་རིང་མཿ ལ་སྟོད་རྡོ་རྗེ་གཡའ་མ་སྐྱོངཿ གནོད་སྦྱིན་གངས་ལ་ཀུན་བཟང་མོཿ འབྲོག་ཆེན་འཁོར་འདུལ་བགེགས་ཀྱི་གཙོཿ ཇོ་མོ་གངས་རར་སྤྱན་གཅིག་མཿ བྱང་ན་མཁའ་ལྡིང་ཀླུ་མོ་རྒྱལཿ ཁ་རག་རྡོ་རྗེ་ཁྱུང་བཙུན་མཿ རྨ་ཆེན་སྤོམ་རར་དྲག་མོ་རྒྱལཿ ཀོང་བཙུན་དེ་མོ་བོད་ཁམས་སྐྱོངཿ འབྲོག་བཙན་རྡོ་རྗེ་སྨན་གཅིག་མཿ ཇོ་མོ་ནགས་རྒྱལ་གཡར་མོ་བསིལཿ དབུས་ན་རྡོ་རྗེ་ཟུ་ལེ་སྨནཿ ཀུན་ཀྱང་པདྨའི་བཀའ་ཉན་ཏེཿདམ་ལ་གནས་ཤིང་རིགས་ལ་འགོཿཐ་ཚིག་བཞིན་དུ་གཏོར་མ་ལོངསཿ མཐའ་ཡི་དམག་དང་རྒྱ་འདྲེའི་འཚུབསཿ མུ་སྟེགས་འགྱུ་བའི་སྒོ་འཕྲང་དངཿ འགོང་པོ་སྤུན་དགུའི་ནད་དལ་སྲུངསཿ རྟག་ཆད་ཐར་པར་འཁྲུལ་པ་ཡིཿའཇིགས་ཚོགས་ལྟ་བ་དབུ་མར་བཟློགཿ བདེན་དོན་རྣམ་པ་བཅུ་གཉིས་ཀྱིཿབསྟན་པ་དར་བའི་ཕྲིན་ལས་མཛོདཿ ཨོཾ་ལ་ལཿ ལེ་ལེཿཏཾ་ཏཾཿཏེ་ཏེ་ཁ་རག་མཿ མ་མ་སྲིང་འགྲོ་མ་ཧཱུྃ་བྷྱོ་ཧཱུྃ་ཧཱུྃཿགཏོར་གཞོང་རི་རབ་ཏུ་བསམ་པ་ཁ་སྦུབ་ལཿ ཧཱུྃཿ དམ་སྲི་བྱ་བའི་


JLAZ010_Page_0581
[མ་དཔེ་གཟིགས་ན་འདིར་གནོན།]

སྡིག་ཅན་ཁྱོདཿ འགྲོ་བ་ཡོངས་ཀྱི་རྒྱུད་ལ་རྒོལཿ བྱང་ཆུབ་སེམས་ཀྱི་བརྟུལ་ཞུགས་བྲོསཿ མནན་ནོ་སྟོང་ཆེན་འོག་ཏུ་མནནཿ གཏད་དོ་ཆུ་སྲིན་གྲེ་བར་གཏདཿ བསྒྱུར་རོ་གཤིན་རྗེའི་ཁ་རུ་བསྒྱུརཿ བསྲེག་གོ་ཡེ་ཤེལ་མེ་ཡིས་སྲེགཿ བདག་ཏུ་བལྟ་བ་མ་ཞིག་པརཿ བསྐལ་པ་ཞིག་ཀྱང་མི་བཏང་ངོཿཨོཾ་ཨཱཿཧཱུྃ་སྟྭ་བྷ་ཡ་ལཾ་ནནཿ དེ་ནས་དངོས་གྲུབ་བླང་བ་ནིཿ སྔར་བཞིན་མཆོད་ཅིང་བསྟོད་ལཿ ཧཱུྃཿབྱིན་རླབས་ཀུན་ཀྱི་རྩ་བ་བླ་མ་ནིཿ དངོས་གྲུབ་སྩོལ་ཕྱིར་དཔལ་ཆེན་རོལ་པའི་ལྷཿརྣམ་ཐར་སྒོ་གསུམ་ཐུགས་ཀྱི་དཀྱིལ་འཁོར་ནསཿ རང་བཞིན་ཡོངས་གྲུབ་བྱང་ཆུབ་སེམས་ཀྱི་དངོསཿ ཕྱག་རྒྱ་ཆེན་པོ་མཆོག་གི་དངོས་གྲུབ་སྩོལཿ ས་བཅུ་ལམ་ལྔ་དབང་བཅུ་ཕྱི་ནང་གཉིསཿ རིག་འཛིན་བཞི་དང་སྐུ་ལྔ་ཡེ་ཤེས་ལྔཿགྲུབ་ཆེན་བརྒྱད་དང་ཕྲིན་ལས་རྣམ་པ་བཞིཿའཁོར་བའི་རང་བཞིན་གློ་བུར་སྒྲིབ་པ་གཉིསཿ ཀུན་གཞིའི་ཁམས་ལ་བག་ལ་ཉལ་གྱི་ཚུལཿ ཤིན་ཏུ་རྣམ་དག་རྣམ་ཀུན་མཆོག་ལྡན་གྱིཿ དངོས་གྲུབ་དམ་པ་དེང་འདིར་སྩལ་དུ་གསོལཿ རྩ་སྔགས་མཐརཿ དྷཱརྨ་ཀཱ་ཡཿསཾ་བྷོ་ཀཱ་ཡཿནིརྨ་ཀཱ་ཡ་ཙིཏྟ་སིདྡྷི་ཕ་ལ་ཧཱུྃཿཞེས་སྒྲུབ་རྫས་གནས་གསུམ་དུ་གཏུག་ཅིང་མྱོང་ངོཿ སླར་ཡང་གཏང་རག་གི་མཆོད་བསྟོད་ཕུལ་ལཿ


JLAZ010_Page_0582
[མ་དཔེ་གཟིགས་ན་འདིར་གནོན།]

བཤགས་པ་བྱ་བ་ནིཿ ཧོཿསྔགས་ཀྱི་དངོས་གྲུབ་མ་ལུས་པཿདམ་ཚིག་ཉིད་ལ་བརྟེན་གྱུར་ཀྱངཿ རྨོངས་དང་མ་རིག་ཉོན་མོངས་པསཿ ཟིལ་གྱིས་ནོན་པ་བདག་ཅག་ནིཿ ཉེས་པ་དུ་མའི་སྣོད་ལགས་ཏེཿམགོན་པོ་ཐུགས་རྗེ་ཆེ་རྣམས་ཀྱིཿཐུགས་ལ་ཁྲོ་བ་མི་མངའ་ཡངཿ ལེགས་ཉེས་སྟངས་འཛིན་བདག་པོ་རྣམསཿ སྐྱོན་མཐོང་ཙམ་ན་ཆད་པ་གཅོདཿ འགལ་ཞིང་ནོངས་པ་ཅི་མཆིས་པཿམཐོལ་ལོ་བཤགས་སོ་ཚངས་པར་སྩོལཿ ཡི་གེ་བརྒྱ་པ་ལན་གསུམ་གྱི་སྙིང་ནས་བཤགས་པར་བྱའོཿཉེར་བསྡུ་ནིཿ ཧཱུྃཿསྣོད་བཅུད་ལྷ་དང་གཞལ་ཡས་སུཿ ཤར་བ་དག་པའི་སྣོད་བཅུད་ཀྱངཿ རྟེན་ཉིད་བརྟེན་པ་ལྷ་རྣམས་ཀྱངཿ གཙོ་བོ་ལ་ཐིམ་དེ་ཡང་ཧཱུྃཿཞབས་ཀྱུ་ནས་བཟུང་ནཱ་དའི་བརཿ རིམ་ཡལ་གདོད་མའི་གཤིས་སུ་ཨཱཿཞེས་མཉམ་པར་བཞགཿ སྤྱོད་ལམ་གྱི་རྣལ་འབྱོར་དུ་ལྡང་བ་ནིཿ སླར་ཡང་རིག་པ་བྱང་ཆུབ་སེམསཿ རྗེས་ཐོབ་གཉུག་མའི་ཧེ་རུ་ཀཿཕྱག་རྒྱ་གཅིག་པའི་གནས་གསུམ་དུཿ ཡི་གེས་མཚན་པས་རྣམ་རྟོག་སྲུངསཿ བཛྲ་རཀྵ་ཧཱུྃཿཞེས་རྡོ་རྗེའི་གོ་བསྒོ་ཞིངཿ ཡི་གེ་བརྒྱ་པས་བརྟན་པར་བྱའོཿདེ་ནས་བསྔོ་སྨོན་ནིཿ ཧཱུྃཿསྣང་གྲགས་རིག་པ་དཀྱིལ་འཁོར་གསུམ་གྱི་ངངཿ བསོད་ནམས་ཡེ་ཤེས་རིམ་གཉིས་རྣལ་འབྱོར་ཚོགསཿ མི་


JLAZ010_Page_0583
[མ་དཔེ་གཟིགས་ན་འདིར་གནོན།]

གནས་ཡེ་ཤེས་མྱ་ངན་འདས་པར་བསྔོཿཀུན་ཀྱང་དཔལ་ཆེན་གོ་འཕང་ཐོབ་པར་ཤོགཿ ལན་གསུམ་བཀྲ་ཤིས་ནིཿ ཧཱུྃཿགདོད་མའི་མགོན་པོ་རིགས་ལྔ་གང་ཆེན་མཚོཿསྐུ་ལྔ་ལྷུན་རྫོགས་སྤྲུལ་པའི་ཞིང་ཁམས་ལཿ བསྐལ་བཟང་སངས་རྒྱས་སྟོང་རྩ་བྱོན་པ་ཡིསཿ སྒྲོན་མེའི་བསྐལ་པ་བཟང་པོའི་བཀྲ་ཤིས་ཤོགཿ སྟོང་གསུམ་མི་མཇེད་རྡོ་རྗེ་ཐེག་པའི་ཞིངཿ འཕུར་འགྲོའི་བསྟན་པ་འབྱུང་གནས་ཨོ་རྒྱན་ཡུལཿ གངས་རིའི་ཁྲོད་དུ་འབོད་པ་ཁྲི་སྲོང་རྗེའིཿཐུགས་བསྐྱེད་བསྟན་པ་མཐའ་རྒྱས་བཀྲ་ཤིས་ཤོགཿ འཛམ་གླིང་ས་ཡི་ལྟེ་བ་རྡོ་རྗེའི་གདནཿ པཎ་གྲུབ་ཆོས་རྒྱལ་འཛོམ་པ་ཆོས་འཁོར་གསུམཿ མདོ་སྔགས་བསྟན་པ་དར་བ་གངས་ཅན་ལྗོངསཿ རྒྱལ་བསྟན་ཡུན་དུ་གནས་པའི་བཀྲ་ཤིས་ཤོགཿ ས་མ་ཡཿརྒྱ་རྒྱ་རྒྱཿ གཏེར་འདི་གཞི་ལམ་འབྲས་བུའི་རྒྱུདཿ རྒྱལ་བ་དགོངས་དང་རིག་འཛིན་གྱིཿ བརྡ་ལས་དབང་དང་བྱིན་རླབས་འབྱུངཿ མཁའ་འགྲོ་གསང་བའི་ཡི་གེ་ལསཿ ཚིག་དང་དོན་དུ་མི་འགལ་ཞིངཿ དངོས་གྲུབ་བསྒྲུབ་ལ་མི་བསླུ་བཿ པདྨ་ང་ཡི་ཁྱད་ཆོས་ཏེཿརང་བྱུང་རྡོ་རྗེའི་དཔལ་དུ་ཤོགཿ བུ་ཧྱཿདྷ་ཐིམཿ ཿ

ཐུགས་སྒྲུབ་དཔལ་ཆེན་འདུས་པའི་བསྙེན་ཡིག


JLAZ010_Page_0585
[མ་དཔེ་གཟིགས་ན་འདིར་གནོན།]

ཐུགས་སྒྲུབ་དཔལ་ཆེན་འདུས་པའི་བསྙེན་ཡིག་བཞུགས། །


JLAZ010_Page_0586
[མ་དཔེ་གཟིགས་ན་འདིར་གནོན།]

བླ་མ་དང་དཔལ་ཆེན་པོ་གཉིས་སུ་མེད་པ་ལ་ཕྱག་འཚལ་ལོ། །ཐུགས་སྒྲུབ་དཔལ་ཆེན་འདུས་པའི་བསྙེན་པ་བྱེད་པར་འདོད་པ་དག་དབང་ཐོབ་ཅིང་དམ་ཚིག་ལ་གནས་པ་གཞིར་བཞག་ནས་དབེན་ཞིང་བཀྲ་ཤིས་པའི་གནས་སུ། དཀྱིལ་འཁོར་རྩིབས་བཅུ་པ་སྒོ་རྫོགས་ཅན་རྡུལ་ཚོན་རས་བྲིས་གང་རུང་ལ་བརྟེན་པའམ། མ་ནུས་ན། འཁོར་ལོ་རྩིབས་བཅུ་པ་མུ་ཁྱུད་མེ་རི་དང་བཅས་པ། དེ་ཡང་མ་གྲུབ་ན་ཚོམ་བུ་ལ་བརྟེན་དུ་རུང་ཞིང་ཐོད་པ་དཔལ་ཅན་གྱི་ནང་གཙོ་བོའི་བྲིས་སྐུ་རབ་གནས་དང་ལྡན་པའི་རྒྱབ་ཏུ། ཙན་དན་ནམ་སེང་ལྡེང་གི་ཕུར་པ་སོར་མོ་བཅུ་གཉིས་པའི་མགུལ་དུ་དར་ནག་ལ་མཚལ་ལམ་གསེར་གྱིས་སྔགས་བྱང་བྲིས་པ་བཙུགས་པ་དཀྱིལ་འཁོར་གྱི་དབུས་སུ་གཞག །དར་ནག་གི་ལྡིང་གུར་ཕུབ། མཐའ་བསྐོར་དུ་ཕྱི་ནང་གི་མཆོད་པ་བཀོད་ལེགས་སུ་བཤམ། བསྙེན་སྒྲུབ་ལས་རུང་ལ་དཔལ་གཏོར་ཙམ་ལའང་བརྟེན་དུ་རུང་ངོ༌། །དེ་ནས་སྟན་བདེ་བ་ལ་འདུག་སྟེ་ཆོ་གའི་སྦྱོར་བ་ལ་ཚིག་དོན་གྱི་འབྲེལ་བཀོད་པའི་དམིགས་པ་དང༌། མཚམས་ཐོ་གཟུགས་པ་སོགས་མཐོང་བ་བརྒྱུད་པའི་ཕྱག་ལེན་ལ་བརྟེན་ཅིང༌། ཁྱད་པར་བསྐྱེད་རིམ་དངོས་གཞིའི་སྐབས་དོན་ལ་རྣམ་བཤད་འོག་མིན་བགྲོད་པའི་ཐེམ་སྐས་ལ་བློ་རྩལ་


JLAZ010_Page_0587
[མ་དཔེ་གཟིགས་ན་འདིར་གནོན།]

འདོན། འདིར་བསྙེན་སྒྲུབ་རང་རྐྱང་གི་དམིགས་གནད་དམར་ཁྲིད་ནི། ཞི་བར་བསྙེན་པ། ཁྲོ་བོར་སྒྲུབ་པ། ལས་ལ་སྦྱར་བ། ཞེས་ས་བཅད་གསུམ་གྱིས་ཁོངས་འཛིན་ཚུལ་ཟླ་བ་གཅིག་ལ་མཚོན་ན། ཞག་བཅུ་བསྙེན་པ། ཞག་བཅུ་སྒྲུབ་པ། ཞག་བདུན་སྒྲུབ་ཆེན། ཞག་གསུམ་ལས་སྦྱོར་ལྟ་བུའི་དཔེས་ཤེས་པར་བྱ་ཞིང། དེ་ཡང་བསྙེན་སྒྲུབ་སྤྱིར་བཏང་ལ། བསྙེན་པར་ཞག་བདུན། སྒྲུབ་པར་ཞག་ཉི་ཤུ། ལས་སྦྱོར་ལ་ཞག་གསུམ་དུ་དཔེས་མཚོན་པའི། དང་པོ་བསྙེན་པ་ནི། རང་ཉིད་ཆེ་མཆོག་ཡབ་ཡུམ་དུ་གསལ་བའི་སྐུ་ལུས་འཇའ་ཚོན་སྒྲུབ་གཡོགས་དང་བྲལ་བ་ལྟ་བུའི་ཐུགས་ཀར་ཡེ་ཤེས་སེམས་དཔའ་ཀུན་བཟང་ཡབ་ཡུམ་གསལ་བའི་ཐུགས་ཀའི་ཐད་དབུས་དྲང་པོར་སངས་རྒྱས་ཐམས་ཅད་ཀྱི་རྡོ་རྗེ་གསུམ་གྱི་ས་བོན་ཡི་གེ་གསུམ་གྱི་རྣམ་པར་གནས་པ་ལ་རིག་པ་གཡོ་མེད་དུ་གཏད་ཅིང། འབྲུ་གསུམ་ཡིད་བཟླས་སམ། མ་བདེ་ན་ཤུབ་བུའི་བཟླས་པ་རྒྱུན་མི་འཆད་པས་རླུང་འབྱུང་འཇུག་གནས་གསུམ་གདོད་ནས་དག་པའི་སྔགས་སུ་གོམས་པར་བྱ་བ་དང་ལྷན་ཅིག་དེ་ལས་འོད་ཟེར་འཕྲོས་པས་ཐ་མལ་གྱི་སྣང་ཞེན་སྤྲིན་དང་ཁུ་རླངས་དེངས་བ་བཞིན་དུ་རང་སར་དག་ནས། དབྱིངས་རིག་གཉིས་སུ་མེད་པའི་ལྟ་བའི་ངང་


JLAZ010_Page_0588
[མ་དཔེ་གཟིགས་ན་འདིར་གནོན།]

མདངས་བསྐྱང་བ་ཡིན་ནོ། །རྟོགས་པ་མཆོག་ལ་གོམས་པར་བསླབ་པ་དང་བྱིན་རླབས་འཇུག་པར་འདོད་པ་རྣམས་འདི་ཁོ་ན་ལ་ཉམས་ལེན་བྱའོ། །འདི་ནི་སངས་རྒྱས་ཐམས་ཅད་ཀྱི་སྤྱི་མེས་ཆེན་པོ་ཡིན་པས། ཞི་ཁྲོའི་རྣམ་པ་རིགས་བརྒྱ། རིགས་ལྔ། རིགས་གཅིག་གང་ཡང་བསྒོམ་ཞིང་བསྙེན་པར་འགྱུར་ཏེ། གཅིག་བསྒྲུབས་པས་ཐམས་ཅད་འགྲུབ་པ་ཡིན་ནོ། །གཉིས་པ་སྒྲུབ་པ་ནི། ཀུན་བཟང་ཡབ་ཡུམ་གྱི་ཐུགས་ཀར་པད་ཉིའི་གདན་ལ་གསེར་གྱི་རྡོ་རྗེ་རྭ་དགུ་པ་གྱེན་ལངས་སུ་གསལ་བའི་དབུས་རྭ་སྦོམ་མཚམས་ཀྱི་ཁོངས་སེང་ནང་དུ་ཏིང་འཛིན་སེམས་དཔའ་ཡི་གེ་ཧཱུྃ་མཐིང་ག་འོད་ཟེར་ཁ་དོག་ལྔ་ལྡན་དུ་འཕྲོ་བ། ཧཱུྃ་གི་ཐད་ཀའི་རྭ་ནས་རིམ་པ་བཞིན་རྭ་བརྒྱད་སོ་སོའི་ཁོངས་སེང་དུ། ཨོཾ། གུ་རུ། ཤྲཱི། བཛྲ། ཡཀྵ། ཀྲོ་ཏ། ཙིཏྟ། ཧཱུྃཿཞེས་པའི་ཡི་གེ་རྣམས་ཁ་དོག་མཐིང་གསལ་སྤུས་བྲིས་པ་ལྟ་བུ་ཐམས་ཅད་ཀྱང་ཁ་དབུས་རྭའི་ཧཱུྃ་ཡིག་ལ་བསྟན་པ་ཉི་མ་འཆར་ཀའི་ཟེར་ལྟར་བཀྲག་མདངས་མི་བཟོད་པ་ཙམ་དུ་བསམ་ལ་རེ་ཞིག་ལྷ་ལ་གསལ་སྣང་མ་ཐོན་བར་དུ་འོད་ཟེར་སྤྲོ་བསྡུ་སོགས་བྱེད་མི་དགོས་ཏེ་ཐོད་སྐུ་ཡོད་ན་དེ་ལ་ཅེ་རེ་བལྟ་བ་དང༌། ཡིད་ཡུལ་དུ་གོམས་འཇུག་པ་ལ་རེས་མོས་སུ་བསླབ། གསལ་སྣང་ཐོན་པ་དང་དོ་ལིའི་བཟླས་


JLAZ010_Page_0589
[མ་དཔེ་གཟིགས་ན་འདིར་གནོན།]

པ་ཞེས་བྱ་སྟེ། ཨོཾ་ཡིག་ནས་བཟུང་ཡིག་འབྲུ་སོ་སོ་ལས་ཡི་གེ་དེ་འདྲ་བ་རེ་མར་མེ་གཅིག་ལས་གཉིས་མཆེད་ཀྱི་ཚུལ་དུ་ཐོལ་ཐོལ་བྱུང་སྟེ། སྔགས་ཕྲེང་དུ་གྱུར་པ་ལུ་གུ་རྒྱུད་དུ་འབྲེལ་ཡེ་ཤེས་སེམས་དཔའི་གཙུག་ཏོར་ནོར་བུའི་རྩེ་མོ་ནས་ཐོན་ཡབ་ཀྱི་ཞལ་ནས་ཡུམ་གྱི་ཞལ་དུ་ཞུགས། སྐུའི་དབྱིབས་བརྒྱུད་ཡུམ་གྱི་མཁའ་གསང་ནས་ཡབ་ཀྱི་རྡོ་རྗེ་ནོར་བུའི་ལམ་བརྒྱུད་དེ་ཡེ་ཤེས་སེམས་དཔའི་སྦྱོར་མཚམས་ནས་ཞུགས། དབུས་རྭའི་ཏིང་འཛིན་སེམས་དཔའ་ཧཱུྃ་ལ་བསྐོར་བ་བྱས་ནས་ལྔ་མ་རྣམས་ཧཱུྃ་ལ་ཐིམ་པར་བསྒོམས་པས་ཐུགས་སྲོག་ཀྱང་གཟི་བྱིན་ལྷག་པར་འབར། དེ་ལས་འོད་ཟེར་འཕྲོས་རྟེན་དང་བརྟེན་པ་ཐམས་ཅད་མུན་ཁོང་དུ་སྒྲོན་མེ་བཏེག་པ་བཞིན་དུ་གསལ། རྒྱབ་མདུན་སྟེང་འོག་གོ་མཚམས་མེད་པ་ནས་འོད་ཟེར་འཕྲོས་པའི་སྣེ་ལ་མཆོད་པའི་ལྷ་མོ་མཛེས་ཤིང་ཡིད་དུ་འོང་བ་ཞིག་གི་རྡུལ་དང་མཉམ་པ་སྤྲོས། ཕྱོགས་བཅུའི་རྒྱལ་བ་སྲས་དང་བཅས་པ་ལ་བདེ་སྟོང་གི་མཆོད་པ་ཕུལ། དབང་དང་བྱིན་རླབས་དངོས་གྲུབ་མཁྱེན་བརྩེ་ནུས་གསུམ་གྱི་ཡོན་ཏན་ཐམས་ཅད་བསྡུས་ནས་བདག་ཉིད་ལ་ཐིམ། ཐུན་མོང་གི་དངོས་གྲུབ་གྲུབ་པ་བརྒྱད། ལམ་དང་འབྲེལ་བ་རིག་འཛིན་བཞི། མཆོག་གི་དངོས་གྲུབ་མི་སློབ་པའི་


JLAZ010_Page_0590
[མ་དཔེ་གཟིགས་ན་འདིར་གནོན།]

ཟུང་འཇུག་མངོན་དུ་ཐོབ་པར་བསྒོམ། ཡང་འོད་ཟེར་འཕྲོས་འགྲོ་བ་དྲུག་གི་ལས་དང་ཉོན་མོངས་པ་ཐམས་ཅད་འོད་ཟེར་དེས་རེག་པ་ཙམ་གྱིས་སྦྱངས། སྣོད་ཀྱི་འཇིག་རྟེན་དང་བཅུད་ཀྱི་སེམས་ཅན་དུ་འཛིན་པའི་རྟོག་འཛིན་མ་དག་པ་ཐམས་ཅད་འོག་མིན་གྱི་ཞིང་དུ་བསྒྱུར་བ་ལ་བསླབ་པས་ལྷ་དང་ཞིང་ཁམས་ཆོས་ཉིད་གསུམ་བློས་བཀོད་པ་མ་ཡིན་པར་གཉིས་མེད་རང་ཤར་མ་བསྒོམས་ལྷུན་གྱིས་གྲུབ་པའི་བསྐྱེད་རིམ་རང་རྒྱུད་ལ་གྲུབ་པའི་ཚེ་རང་སྣང་དོན་གྱི་འོག་མིན་དུ་མྱུར་བ་ཉིད་དུ་འཚང་རྒྱའོ། །དེ་ཡང་བཟླས་པས་སྐྱོ་ན་ཟབ་མོ་ཐུགས་ཀྱི་སྒྲུབ་པ་ཡིན་པས་སྐབས་ཅི་རིགས་པ་དང་ཐུན་མཚམས་ཐམས་ཅད་ལ་ཧཱུྃ་གི་བཟླས་པ་བགྱིས་པས་ཀྱང་འཐུས་པ་ཡིན་ནོ། །དེ་ལྟར་གཙོ་སྔགས་ཅི་ཙམ་བཟླ་བའི་བཅུ་ཆ་སྤྱི་དྲིལ་ཁོ་བོའི་སྤྱི་སྔགས་ལ་བཟླ་བ་ཡིན་ཏེ། དོ་ལིའི་ཁྱད་པར་བདག་ཉིད་བླ་མ་དཔལ་ཆེན་པོ་ཡེ་ཤེས་སེམས་དཔའ་དང་བཅས་པའི་ཐུགས་ཀའི་པད་ཉི་ཟླ་གདན་སྟེང་ན་གནས་པའི་རྡོ་རྗེའི་མཐའ་སྐོར་དུ་ཁྲོ་བོ་སྤྱི་སྔགས་གཡས་སྐོར་དུ་ཀྱི་ལི་ལི་འཁོར་ཞིང་འོད་ཟེར་ཁ་དོག་ལྔ་ལྡན་དུ་འཕྲོ་བ་ལས་སྔགས་ཕྲེང་ལུ་གུ་རྒྱུད་དུ་བྱུང་གཙོ་བོའི་ཞལ་ནས་ཐོན། ཡང་དག་གི་ཐུགས་ཀར་ཞུགས་སྦྱོར་མཚམས་ནས་འཐོན། གཤིན་རྗེའི་དཔྲལ་བར་


JLAZ010_Page_0591
[མ་དཔེ་གཟིགས་ན་འདིར་གནོན།]

ཐིམ་སྦྱོར་མཚམས་ནས་འཐོན། རྟ་མགྲིན་གྱི་མགྲིན་པ་ནས་ཞུགས་སྦྱོར་མཚམས་ནས་འཐོན། ཕུར་པའི་གསང་གནས་ནས་ཞུགས་ཞལ་ནས་འཐོན། རིམ་བཞིན་མ་མོ། རིག་འཛིན། མཆོད་བསྟོད། དྲག་སྔགས་རྣམས་ཀྱི་ཞལ་ནས་ཞུགས་སྦྱོར་མཚམས་ནས་འཐོན། ཅིག་ཤོས་ཀྱི་ཞལ་དུ་ཞུགས། སྦྱོར་མཚམས་ནས་འཐོན་ཏེ་འཁོར་བས་སྔགས་ཕྲེང་འོད་ཟེར་གྱི་དྲྭ་བས་ལྷ་ཚོགས་རྣམས་གསལ་བརྟན་ཤིན་ཏུ་འབར་ཞིང་བདེ་སྟོང་གི་རོས་ཚིམ། ཀུན་ཀྱང་སྤྱི་དྲིལ་གྱི་དྲག་སྔགས་འབྲུག་སྟོང་དུས་གཅིག་ཏུ་ལྡིར་བ་ལྟ་བུ་འུར་ཆེམ་དུ་སྒྲོགས་པར་བསྒོམས་པས་བསྐྱེད་རིམ་ལ་བརྟུལ་ཞུགས་བརྟན་པོ་ཐོབ་ཅིང་རིག་པའི་རྩལ་འབར་བར་འགྱུར་ལ། སྔགས་ཕྲེང་ལས་འོད་ཟེར་ཁ་དོག་ལྔ་པ་ཕྱོགས་བཅུར་འཕྲོས་པས། དཀར་པོས། ནད་དང་མུ་གེ། མེ་དང་ཆུ་ཆེན། དམག་དང་མཚོན་ཆ། རྒྱལ་པོའི་ཆད་པ་དང༌། དུས་མ་ཡིན་པའི་འཆི་བ་སྟེ། འཇིགས་བརྒྱད་ཞི་བའི་ཕྲིན་ལས། སེར་པོས། ཚེ་དང་བསོད་ནམས། དཔལ་དང་གཟིག་བརྗིད། འཁོར་དང་ལོངས་སྤྱོད་དེ། འབྱོར་པ་དྲུག །དམར་པོས། ཁམས་གསུམ་གྱི་སེམས་ཅན་ཐམས་ཅད་ཀྱིས་བདག་བླ་མར་མཐོང་བ། རྒྱལ་པོར། སྡེ་དཔོན་དུ། ཕ་མར་མཐོང་བ་སྟེ། མོས་པ་བཞིས་བསྡུ་བའི་དབང་


JLAZ010_Page_0592
[མ་དཔེ་གཟིགས་ན་འདིར་གནོན།]

གི་ཕྲིན་ལས། ལྗང་གུས་དགུག་པ་དང་བསྒྲལ་བ་ལ་སོགས་ཏེ་དྲག་ཤུལ་གྱི་ལས་ཆེན་རྣམ་པ་བཅུ་གཉིས། འོད་ཟེར་མཐིང་ཁས་ཕྲིན་ལས་བཞི་པོ་མཆོག་ཏུ་བསྒྱུར་བ་ནི། ལས་དང་ཉོན་མོངས་པ་དང་། ཀུན་གཞིའི་སྒྲིབ་པ་ཞི་བ། ལུང་དང་རྟོགས་པའི་ཡོན་ཏན་རྒྱས་པ། ཐར་པ་དང་ཐམས་ཅད་མཁྱེན་པའི་ཡེ་ཤེས་རང་དབང་དུ་འགྱུར་བ། རྟོགས་པས་བདག་བསྒྲལ་ནས་ཐུགས་རྗེས་གཞན་སྒྲོལ་བ་སྟེ་མཆོག་གི་ཕྲིན་ལས་དང་རྣམ་པ་ལྔའི་རང་བཞིན་དུ་གྱུར་པར་བསམ། དེ་ཡང་གཙོ་བོར་གཤིས་མ་བཅོས་པའི་གདངས་ཀྱི་སྣང་ཆ་ལྷའི་སྐུར་ལམ་མེར་བསྒོམ་པ་ནི་གསལ་སྣང་མཚན་ཉིད་པ་ཡིན་ནོ། །སྐྱོ་བའི་ཚེ་ང་རྒྱལ་བརྟན་པོ་ལ་བསླབ་པས་བར་ཆད་ཀྱིས་མི་ཚུགས་པའི་དགོས་པ་ཙམ་ཡོད་ལ། གཞན་དུ་ཡི་དམ་གྱི་སྣང་ཆ་དང༌། རྒྱན་དང་ཆ་ལུགས་སོགས་ལ་བརྡ་རྟགས་ཀྱི་རྩིས་མ་ཟིན་ན་ཞི་བས་འདོད་པའི་ཁམས། ཁྲོ་བོས་རུ་ཏྲ་དང་སྲིན་པོར་གོལ་བས་སྐྱེ་མཆེད་ཀྱི་བརྡ་རྟགས་དོན་གསུམ་ལས་གཞུང་གི་བསྟོད་པའི་དོན་དྲན་པར་བྱ། དུར་ཁྲོད་དཔལ་ཆས་ཀྱི་བརྡ་དོན་སྔ་འགྱུར་རྒྱུད་སྡེ་ནས་གསུངས་པ་དང༌། བདེ་གསང་གཉིས་ནས་རང་ལུགས་དམིགས་བསལ་བཤད་པ་སོགས་ཀྱི་འཐད་པ་འདིར་མ་བཀོད་ལ། བདུད་བཞི་བཅོམ་པ། འཕྲང་གསུམ་བསལ་བ། གསང་བའི་


JLAZ010_Page_0593
[མ་དཔེ་གཟིགས་ན་འདིར་གནོན།]

དགྲ་གསུམ་བསད་པ་ལ་སོགས་པའི་རྣམ་གཞག་ལུགས་འདིར་བརྡ་རྟགས་ལ་མི་འཇོག་པར་བདག་སྲས་གཞན་སྲས་ཀྱི་གོ་དོན་སློང་བའི་ཚུལ་དཔལ་ཆེན་ཞལ་ལུང་གིས་གོ་བར་བྱ་ཞིང༌། དེས་མཚུངས་པར་བསྐྱེད་རིམ་གྱི་ལམ་ནས་གང་ཟག་གཅིག་བགྲོད་པ་གཞན་ལ་མ་ལྟོས་པར་འཚང་རྒྱ་བའི་མཚན་ཉིད་ལེགས་པར་ཤེས་དགོས་པས་གབ་བྱང་གནས་ཀྱི་མིག་ཚགས་དང༌། རྣམ་བཤད་འོག་མིན་བགྲོད་པའི་ཐེམ་སྐས་སོགས་ལས་ཤེས་པར་བྱའོ། །གསུམ་པ་ལས་སྦྱོར་ནི། གནམ་ལྕགས་ཀྱི་རྡོ་རྗེ་སྟོང་གསུམ་གྱི་ཁམས་མ་ལུས་པ་ཁེངས་པའི་ལྟོ་བ་སྦུབ་སྟོང་ཁྱོན་ཡངས་པའི་ཁོངས་སུ་དཔལ་དགུའི་ལྷ་ཚོགས་གསལ་ཞིང༌། ཡར་མར་གྱི་རྭ་བརྒྱད་པོ་ཤིན་ཏུ་གདེངས་པའི་དབུས་རྭར་ཐུབ་དབངས་གནོན་མཉམ་གཞག་ཤཱ་རིའི་བུ་སོགས་ཐུན་མོང་གི་འཁོར་རྣམ་པ་བཞིས་བསྐོར་བ། རྭ་བརྒྱད་པོར་རྒྱ་གར་གྱི་རིག་འཛིན་བརྒྱད་མངོན་རྟོགས་ལྟར་ཞལ་ནས་དགུག་པ་ཛཿདང༌། བསྒྲལ་བ་བྷྱོཿརྣམ་ཤེས་ཆོས་དབྱིངས་སུ་ཕཊཿཀྱིས་སྤར་བའི་མངོན་སྤྱོད་ཀྱི་བརྟུལ་ཞུགས་ཅིག་ཅར་བ་ལ་བརྩོན་པ། རྭ་ཤམ་མ་བརྒྱད་དབུས་རྭ་དང་བཅས་པས་འགོང་པོ་སྤུན་དགུའི་གདོན་གཟུགས་ཀྱི་སྙིང་ག་ཕུགས་པས་སྐད་ངན་ཙི་རི་རི་སྒྲོགས་པ། འཆང་ཟུང་ལ་སྤུ་གྲི་འཁོར་ལོ་གཡོན་


JLAZ010_Page_0594
[མ་དཔེ་གཟིགས་ན་འདིར་གནོན།]

བསྐོར་དུ་འཁོར་བས་ལོག་པར་འདྲེན་པ་གཏུབས་ཤིང། མཆན་ལ་སྤྲུལ་པའི་ལྕགས་སྡིག་མགོ་དགུ་རྭ་བཅོ་བརྒྱད་པ་སྤྲོས་པས་ལྷག་མེད་དུ་ཟོས་པར་བསམ་ཞིང་སྤྲོ་ན་དྲང་སྲོང་དམོད་པའི་ཐལ་བརྡེབ་ཀྱང་བྱ་ལ་རྗེས་ཀྱི་ལས་ཁྲིགས་དང་ཁ་སྐོང་སྦྱིན་སྲེག་སོགས་སྤྱི་དང་མཐུན་པ་ཉིད་དུ་བྱའོ། །འདི་ནི་བླ་མ་ཡི་དམ་གྱི་རྣམ་པར་སྒྲུབ་པས་བྱིན་རླབས་ཤིན་ཏུ་མྱུར་ལ། སྙིགས་མའི་དུས་ན་རྒྱལ་འགོང་དམ་སྲི་དར་བའི་དུས་ན་གཉེན་པོ་སྟོབས་ཀྱི་ལྷ་ཚན་ཆེ་ལ་བཀྲ་ཤིས་པ་ཡིན་པས་བར་ཆད་འདུལ་བའི་ཡི་དམ་ཀྱི་བཅུད་ཕུར་དུ་གཟུང་བར་བྱའོ། །ཞེས་པའང་མོན་རྫ་དཀར་བླ་མའི་གསུང་གིས་ནན་ཆེན་བསྐུལ་བ་ལས་རྫོགས་ཆེན་པ་མཁྱེན་བརྩེའི་ལྷས་མཚོ་རྫོང་ལྷུན་གྲུབ་ཡང་རྩེར་སྦྱར་བའོ། །

དཔལ་ཆེན་བཀའ་འདུས་རྒྱ་མཚོ་ལསཿ འཇམ་དཔལ་གཤིན་རྗེ་འཆི་བདག་ཟིལ་གནོན།


JLAZ010_Page_0595
[མ་དཔེ་གཟིགས་ན་འདིར་གནོན།]

༂ དཔལ་ཆེན་བཀའ་འདུས་རྒྱ་མཚོ་ལསཿ འཇམ་དཔལ་གཤིན་རྗེ་འཆི་བདག་ཟིལ་གནོན་བཞུགསཿ


JLAZ010_Page_0596
[མ་དཔེ་གཟིགས་ན་འདིར་གནོན།]

དཔལ་ཆེན་འདུས་པའི་ལྷ་ལ་འདུདཿ ཁམས་དྲུག་ལྡན་པའི་ལུས་ཀྱི་རྟེནཿ རྡོ་རྗེ་བཞི་ཡི་གོ་འཕང་ལཿ སྦྱོར་བ་རྡོ་རྗེའི་ཏནྟྲ་ལསཿ རྒྱུ་འབྲས་དག་གྲོལ་ལམ་གྱིས་མིནཿ དེ་ལ་གཟུགས་ཕུང་སྐུ་རྡོ་རྗེརཿ འཇམ་དཔལ་སྐུ་ཡི་སྒྲུབ་པའི་གནདཿ ཟླ་གསང་སྡིག་པ་སྟོབས་ཆེན་གྱིཿ རྒྱུད་དོན་མ་ནོར་འདི་ཁོ་ནའོཿས་མ་ཡཿརྒྱ་རྒྱ་རྒྱཿསྒྲུབ་ཆེན་དཀྱིལ་འཁོར་གཞུང་བཞིན་ལཿ བསྙེན་པའི་དམ་ཚིག་ཕྱག་རྒྱ་ནིཿ སེང་ལྡེང་རྡོ་རྗེ་བེ་ཅོན་ལཿ སྐུ་གསུང་ཐུགས་ཡོན་ཕྲིན་ལས་སྔགསཿ རིན་ཆེན་གང་རུང་ཁུ་བས་བྲིསཿ སྐུ་ཡི་སྙིང་པོ་བཅུ་བདུན་ནིཿ ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊཿགསུང་གི་སྙིང་པོ་འབྲུ་དགུ་བཿ ཨོཾ་ཀཱ་ལ་རཱུ་པ་ཡ་ཨཱཿཧཱུཾ་ཕཊཿཐུགས་ཀྱི་སྙིང་པོ་བཅོ་ལྔ་ནིཿ ཨོཾ་ཧྲཱིཿཥྟི་ཝི་ཊི་ཏཱ་ན་ན་ཧཱུཾ་ཧཱུཾ་ཕཊཿཕཊ་སྭཱ་ཧཱཿཉེ་བསྙེན་ཡོན་ཏན་འབྲུ་ཉི་ཤུཿཨོཾ་ས་མ་ཡ་མཉྫུ་ཤྲཱི་ཡ་མཱནྟ་ཀ་པ་ན་ཙཿཏེ་རོ་ནི་ཧཱུཾ་ཛཿཕྲིན་ལས་སྙིང་པོ་བཅུ་བདུན་ནིཿ ཡ་མ་མེ་ད་ཀྵེ་རཱ་ཛཿས་ཏྭོ་རུ་ན་ཡོ་ནི་ར་ཡ་ཙ་ནིཿ ཞེས་བྲིས་དར་ནག་ཁུད་དུ་དྲིལཿ སྲིད་གསུམ་ལྟོ་རུ་འཆིང་བ་ཡིཿརུས་སྦལ་འཁོར་ལོའི་ནང་དུ་བཅུགཿ དེ་ལ་འཁོར་ལོ་འདི་ཡིན་ཏེཿབེ་ཅོན་ཕྱག་རྒྱའི་ལེའུ་ལསཿ དཀྱིལ་འཁོར་པདྨ་འདབ་བརྒྱད་ལཿ གྲུ་ཆད་མུ་ཁྱུད་གསུམ་བརྩེགས་བྱཿདེ་ཡི་དབུས་ཀྱི་ལྟེ་བ་ལཿ འདུད་འདུལ་སྙིང་པོ་འདི་དགོད་དོཿཨོཾ་ཐ་ག་བྷ་ན་མཱ་ར་ན་ཎཿཤར་གྱི་པདྨ་ལ་སྲིན་པོ་དབང་དུ་བསྡུ་བའི་སྙིང་པོཿཨོཾ་རཀྵ་ཁ་ག་ན་ཎཿལྟོ་རུ་མུ་སྟེགས་དབང་དུ་བསྡུ་བའི་སྙིང་པོཿཨོཾ་ཏི་ར་ཏི་ཀ་ན་ཎཿནུབ་ཏུ་བགེགས་


JLAZ010_Page_0597
[མ་དཔེ་གཟིགས་ན་འདིར་གནོན།]

དབང་དུ་བསྡུ་བའི་སྙིང་པོཿཨོཾ་བིག་ནན་མཱ་ར་ཡ་ན་ཎཿབྱང་དུ་ལོག་འདྲེན་དབང་དུ་བསྡུ་བའི་སྙིང་པོཿཨོཾ་ཀྲང་ཀ་རི་ན་ཎཿམཚམས་ཀྱི་པདྨ་བཞི་པོ་ལཿ ཧཱུཾ་དྷཿཧཱུཾ་པཱཿཧཱུཾ་མཿ ཧཱུཾ་སཿ རྣམས་བྲིའོཿགྲུ་ཆད་བཞི་ལ་ཐོད་པ་ལྕང་ལོ་ཅན་བཞི་བྲིའོཿམུ་ཁྱུད་ཟླུམ་པོ་ལ་ཐོད་པའི་ཕྲེང་བ་བཏངཿ དེའི་ཕྱི་རིམ་ལ་སྦྲུལ་བྲིཿདེ་ལྟར་དཀྱིལ་འཁོར་བཅས་ནས་ནིཿ དོག་པ་དམར་པོས་བཅིངས་ནས་ནིཿ དཀྱིལ་འཁོར་དབུས་སུ་དགོད་པར་བྱཿདྲེགས་པ་ཟིལ་གནོན་མན་ངག་ཡིནཿ སྤྲོས་པ་མེད་ཅིང་དམིགས་པ་གསལཿ ཤེས་པ་གསུམ་ལྡན་དོན་རིག་ནཿ གཏོར་མ་གཅིག་པོས་ལས་ཀུན་འགྲུབཿ འོག་མ་རྣམས་ལའང་དེ་ཡིས་འགྲེཿསྔོན་འགྲོ་དཔལ་ཆེན་འདུས་པ་ལྟརཿ སྨན་གཏོར་རློབ་པ་ཡན་སོང་རྗེསཿ ཡོ་ག་གོང་མའི་བསྐྱེད་རིམ་ནིཿ ཨཿརང་བཞིན་མི་གནས་མཉམ་པའི་ངངཿ ལྷུན་གྲུབ་ཡེ་ཤེས་གཞལ་མེད་ཁངཿ རིན་ཆེན་དུར་ཁྲོད་བརྟན་པར་གནསཿ ཕྱི་ནང་གཉིས་མེད་བརྡལ་ཁྱབ་གསལཿ གྲུ་གསུམ་མཐིང་ནག་འབར་བའི་དབྱིངསཿ ཟླ་གམ་དམར་པོ་དབང་གི་ཚུལཿ ལྷག་པའི་ཡེ་ཤེས་ཐོད་མཁར་བཞིཿལྕགས་མཁར་བཅུ་གཉིས་བཅུ་དྲུག་འོབསཿ རྡོ་རྗེའི་གདུང་འཁོར་གྲུ་ཆད་བཞིཿབར་ཁྱམས་དམར་པོ་སྒོ་ཁྱུད་ལྡནཿ གྲུ་བཞི་སྒོ་ལ་རྟ་བབས་ལྡནཿ རྩེ་མོ་གནམ་ལྕགས་འབར་བ་མཐོཿལྷ་བརྒྱད་ཀླུ་བརྒྱད་ཤིང་དང་རོཿདྲ་བ་དྲ་ཕྱེད་ཆུན་འཕྱང་སྦྲུལཿ གླང་ཆེན་འབྲུག་དང་སེངྒེ་


JLAZ010_Page_0598
[མ་དཔེ་གཟིགས་ན་འདིར་གནོན།]

སྟགཿ རུས་སྦལ་ཆུ་སྲིན་གནམ་ལྕགས་ཐོགཿ ཞིང་དང་ཞིང་ཆུང་ཐོད་པར་ཁྱུངཿ ཁ་ཁྱེར་ལྷ་མོས་མཛེས་པར་བྱེདཿ མ་བསྐྱེད་དབྱིངས་ནས་ཡེ་ཤེས་གསལཿ དྲག་པོ་ཨེ་ཡི་ཕོ་བྲང་དུཿ ཀླུ་འབུམ་གཉན་ཁྲི་ས་བདག་སྟོངཿ ཕྱོགས་སྐྱོང་མ་ཧེ་ཉི་ཟླའི་གདནཿ དབུས་སུ་ཟིལ་གནོན་ལྷུན་གྲུབ་སྐུཿ མཐིང་ནག་དུག་ཆེན་ཧ་ལའི་མདོགཿ དབུ་གསུམ་ཕྱག་དྲུག་ཞབས་བཞི་བགྲདཿ གཡས་པ་ཀུ་མུ་ཏ་འདྲ་བསཿ རོ་ཉེ་ཟ་དང་རྔམས་པར་གཟིགསཿ གཡོན་པ་རཱ་ག་གཉན་ཁྲི་གསོལཿ དབུས་མཐིང་དགྲ་བགེགས་ས་བདག་ཟཿརྡོ་རྗེ་འཁོར་ལོར་རལ་གྲི་གཡསཿ བེ་ཅོན་གཏུན་ཤིང་སྡིགས་མཛུབ་འབརཿ གླང་ཆེན་ཀོ་རློན་དུར་ཁྲོད་ཆསཿ སྦྲུལ་དང་རིན་ཆེན་ཙིཏྟས་བརྒྱནཿ དབུ་ལ་རིགས་ལྔ་ཁྲོ་བོའི་སྐུཿ དྲེགས་པའི་སྙིང་དང་ནཱ་གའི་མགོའིཿདོ་ཤལ་ཁྲོ་བོའི་ཆས་ཀ་རྫོགསཿ དེ་བཞིན་ཉིད་དབྱིངས་ཁྲོས་པའི་ཡུམཿ མཐིང་ནག་སྙིང་སྟོབས་གྲི་ཐོགས་འཁྱུདཿ གཙོ་བོའི་ཐུགས་ཀར་ཡ་མའི་སྐུཿ ཞེ་སྡང་རྡོ་རྗེ་སྨུག་ནག་འཇིགསཿ འཁོར་ལོ་ཙིཏྟ་ཕྱག་ན་བསྣམསཿ ཡ་མའི་ཐུགས་ཀར་དྲེགས་པ་ཆེཿང་རྒྱལ་རྡོ་རྗེ་ལྗང་ནག་རྔམསཿ རྡོ་རྗེ་སྙིང་ཕྲེང་ཕྱག་ན་བསྣམསཿ དྲེགས་པའི་ཐུགས་ཀར་ཁྱམས་ཁང་སྟེཿཕྲག་དོག་རྡོ་རྗེ་འཇིགས་པའི་སྐུཿ


JLAZ010_Page_0599
[མ་དཔེ་གཟིགས་ན་འདིར་གནོན།]

རུས་སྦལ་འཇིང་བསྣོལ་ཐུར་དུ་བལྟཿསྤྱི་གཙུག་འདབ་ཆགས་ཀུ་མུ་ཏཿའདོད་ཆགས་རྡོ་རྗེ་ཟིལ་གནོན་སྐུཿ རོ་ཉེ་འདྲེན་པའི་སྟོབས་དང་ལྡནཿ ཕྲག་དོག་ཁྱུང་མོ་སྔོ་ནག་གཉིསཿ ནུ་མར་སེང་གེ་དཔུང་པར་སྟགཿ སྟ་ཟུར་སྦྲུལ་ནག་ཅེ་སྤྱང་རྔམསཿ ཁྲོ་ཆུང་མང་པོས་སྐུ་ལ་གཏམསཿ ཐོད་མཁར་གློ་འབུར་གྲུ་གསུམ་ཁ་བད་ཅནཿ བཞི་པའི་ཤརཿ ཆོས་རྒྱལ་ནག་མ་ཧེ་ནག་པོ་ཞོནཿ སྲིད་གསུམ་སྲོག་ལ་རྒྱལ་ས་འཛིནཿ ལྷོ་ཕྱོགས་ཡ་བ་ཏི་ནག་པོཿཆུ་གླང་ཞོན་ནས་ཁྲག་ལ་རྔམསཿ ནུབ་ཏུ་ཨ་བ་གླང་མགོ་ནགཿ དྲེལ་རྟ་ཞོན་ནས་རྒྱལ་བར་བྱེདཿ བྱང་དུ་རལ་པ་ཚར་དགུ་སྨུགཿ སྦྲུལ་ནག་ཞོན་ནས་སྐྱེ་འགྲོ་གསོདཿ ཕྱ་སངས་ཏེལ་པ་འཆར་ཀ་དངཿ གྭ་དམར་མ་ཙེ་གྲུ་ཆད་འཛིནཿ གཤེད་ཆེན་བཅུ་གཉིས་ཚོགས་དང་བཅསཿ དེའི་ཕྱི་ལྕགས་མཁར་དོང་གྲུ་གསུམ་བཅུ་གཉིས་ནངཿ ཟླ་གཤེད་བཅུ་གཉིས་འོབས་རྣམས་ལཿ ཞག་གཤེད་སོ་གཉིས་གཉིས་རེ་གནསཿ གྲུ་ཆད་བཞི་དང་བར་ཁྱམས་ལཿ བདུད་དང་མོན་པ་ཀི་ཀང་ཚོགསཿ རྒྱལ་བ་གཅིག་གི་ཡེ་ཤེས་ལཿ དུ་མར་འཕྲུལ་ནས་རྒྱུག་ཅིང་འཕྲོགཿ དོ་དམ་གཉིས་མེད་གཅིག་ཏུ་རྫོགསཿ ཤར་སྒོར་དཀར་པོ་སྙིང་འབྱིན་དངཿ ལྷོ་སྒོར་མགོན་ནག་ནུབ་སྒོར་


JLAZ010_Page_0600
[མ་དཔེ་གཟིགས་ན་འདིར་གནོན།]

བདུདཿ བྱང་སྒོར་གནོད་སྦྱིན་ཁྲབ་ཅན་རྣམསཿ འཁོར་ལོ་ཐུན་ཁྲག་གཡས་གཡོན་བསྣམསཿ བདུད་དང་མུ་སྟེགས་རྒྱལ་པོ་དངཿ ཐེ་བྲང་གཉན་དང་གནོད་སྦྱིན་བཙནཿ བཀྲག་མདངས་ཚེ་སྲོག་སྡུད་པ་དངཿ མཛེ་འདྲེ་ས་སྲིན་ཀླུ་སྲིན་གདོནཿ གཅན་གཟན་གདུག་པ་ཁ་འཆིང་ཞིངཿ དམོད་པའི་དུག་དང་རིགས་བཞིའི་དུགཿ ཐམས་ཅད་འཇོམས་ཤིང་ཟིལ་གྱིས་གནོནཿ རྩ་བཅད་ཁྲག་སྐེམས་སྲོག་ཟུངས་གཅོདཿ མགོ་བཅད་ཚེ་སྲོག་རྟེན་འབྲེལ་འཆརཿ མཁྲིས་པ་འབྱིན་ཅིང་ཤ་ཁྲག་རོལཿ བླ་དང་དྲོད་དང་རླན་དབུགས་འབྲལཿ ཤེས་པ་དྭངས་སྙིགས་འབྱེད་པར་བྱེདཿ འབྲས་བུ་ཆོས་སྐུ་ཟུག་རྔུ་མེདཿ བྱེད་རྩོལ་གཡང་སའི་ཁོ་ཐག་ཆོདཿ མ་བཅོས་དེ་ཉིད་གཉུག་མར་གནསཿ འཁོར་བ་དོང་སྤྲུགས་ཀ་དག་ཀློངཿ སྣང་སྟོངས་གཉིས་མེད་ཡེ་ཤེས་སྐུཿ མི་ཟད་རྒྱན་གྱི་འཁོར་ལོ་རྫོགསཿ དེ་ལ་དབང་བསྐུར་བ་ནིཿ ཧཱུཾཿརང་ལས་ཤར་བའི་དཔལ་ཆེན་ལྷཿལ་སོགས་དཔལ་ཆེན་གཞུང་༼ཤཱུ་ནྱ་ཏའི་ཚབ་ཏུ་ཨ་དརྴ་བཅུག་ལ་རིགས་བདག་རྣམ་སྣངཿ ༽ལྟར་ལཿ སྤྱན་འདྲེན་གྱི་ནི་མལ་དག་ཏུཿཧཱུཾཿདབུས་ཕྱོགས་མཐིང་ནག་གྲུ་གསུམ་དཀྱིལ་འཁོར་ནསཿ རལ་པ་ཁམ་ནག་གྱེན་དུ་འཁྱིལ་བའི་ལྷསཿ སུམ་ཅུ་རྩ་གསུམ་ལྷ་ཡང་འདར་ཞིང་སྔངསཿ སྤྱན་མིག་


JLAZ010_Page_0601
[མ་དཔེ་གཟིགས་ན་འདིར་གནོན།]

གདངས་དགུ་གྱེན་དུ་ལྡོག་པ་ཡིསཿ ཕྱོགས་བཅུའི་ཁྲོ་བོ་ཀུན་ཀྱང་ཁ་སྦུབ་བསྲེགསཿ སྨིན་མ་གློག་སྟོང་འོད་དུ་འབར་བ་ལསཿ སྤྲུལ་བའི་ཕོ་ཉ་མང་པོས་སྲིད་གསུམ་འགེངསཿ ཤངས་ནས་རླུང་འབྱུང་རྡོ་རྗེའི་འཚུབས་མ་ལྡངཿ ས་གཞི་གཡོ་ཞིང་བར་སྣང་འཁྲུག་པར་བྱེདཿ མཆེ་བ་ཟླ་ཚེས་དཀར་པོ་གཙིགས་པ་ཡིསཿ དགྲ་བགེགས་སྲོག་རྩ་དམར་པོ་གཅོད་པར་མཛདཿ ཞལ་ནས་ཁྲོ་བོའི་བརྡ་སྐད་བྱུང་བ་ཡིསཿ ཁམས་གསུམ་སྲིད་གསུམ་འགུལ་བཞིན་སྡེག་པར་བྱེདཿ སྨ་ར་སེར་པོ་མེ་སྟག་འཕྲོ་བ་ཡིསཿ སྟོང་ཁམས་འོད་ཀྱིས་འགེངས་ཤིང་དགྲ་བགེགས་བསྲེགསཿ ཕྱག་དྲུག་མཚོན་ཆ་གདུག་པ་མང་པོ་ནིཿ གནོད་པའི་དགྲ་བགེགས་ཐམས་ཅད་ཐལ་བར་རློགསཿ ཐུགས་དམ་བསྐུལ་ལོ་གནས་འདིར་གཤེགས་སུ་གསོལཿ ཨོཾ་ཡ་མཱནྟ་ཀ་ཡ་མ་རཱ་ཙཀྵ་ཡ་ནནཿ ཛཿཧཱུཾ་བཾ་ཧོཿགུཧྱཿཨ་ཀྲ་མ་ཛཿབཞུགས་གསོལ་ལ་སོགས་གཞུང་ལྟར་ལཿ བསྟོད་པའི་ཁྱད་པར་འདི་ལྟར་རོཿཧཱུཾཿམི་གནས་མི་དམིགས་ཆོས་སྐུར་དག་པ་ལསཿ བདུད་འདུལ་ཁྲོ་བོ་མཆོག་གི་སྐུར་སྤྲུལ་ཏེཿཐུགས་རྗེའི་གཟི་ལྡན་གདུག་པ་ཐབས་ཀྱིས་འདུལཿ ཁྲོ་རྒྱལ་གཤིན་རྗེའི་གཤེད་ལ་ཕྱག་འཚལ་བསྟོདཿ གཏུམ་ཁྲོ་མི་བཟད་རྩུབ་པའི་སྒྲར་ལྡན་པསཿ ཁྱོད་ཀྱི་མཚན་ཐོས་ཙམ་གྱིས་བགེགས་རྣམས་ཕུངཿ འབར་བའི་སྐུ་མཐོང་གསུང་སྒྲ་ཐོས་པ་ཡིསཿ


JLAZ010_Page_0602
[མ་དཔེ་གཟིགས་ན་འདིར་གནོན།]

དགྲ་བགེགས་རློག་བྱེད་ཁྱོད་ལ་ཕྱག་འཚལ་བསྟོདཿ ལུས་ངག་ཡིད་གསུམ་དང་བས་ཕྱག་འཚལ་ཞིངཿ དད་པ་རབ་ཀྱིས་འཕགས་མགོན་མི་གཏོང་བརཿ འགྲོ་ལ་ཕན་ཕྱིར་ཁྲོ་རྒྱལ་ཁྱོད་བསྒོམས་ནཿ མི་མཐུན་ཚོགས་རྣམས་རྡུལ་དུ་བརླག་ཏུ་གསོལཿ དེ་ནས་འཛབ་ཀྱི་དགོངས་པ་ནིཿ ཡ་མའི་ཐུགས་ཀར་ཉི་སྟེང་ཧཱུཾཿསྐྱེ་བ་མེད་པའི་ཡེ་ཤེས་ཀྱིཿརྣམ་པའི་གཟུགས་བརྙན་ཡི་གེས་བསྐོརཿ ངོ་བོ་ལྷ་ཡི་སྐུ་རུ་བཤདཿ ཨེ་ཀ་ཡ་མ་ཧེ་དུན་སྙིང་ཁྲག་ར་མ་ཙ་ཡ་ཧཱུཾ་ཕཊཿཨེ་ནི་ཕྱག་རྒྱ་ཟིལ་གནོན་ཏེཿཀ་ནི་ཚེ་བདག་ནག་པོར་རྫོགསཿ ཡ་ནི་ཡ་མ་རཱ་ཛ་སྟེཿམ་ནི་རྡོ་རྗེ་ཁྲོས་མའོཿཧེ་ནི་བྱ་ཁྱུང་རྒྱལ་པོ་སྟེཿདུན་ནི་ལས་ཀྱི་འཆི་བདག་གོཿསྙིང་ནི་ཁྱུང་མོ་རྣམ་གཉིས་ཏེཿཁྲག་ནི་དྲེགས་པ་འཇོམས་བྱེད་དོཿར་ནི་ཞེ་སྡང་སྦྲུལ་ནག་སྟེཿམ་ནི་བདུད་མོ་ཁྲག་རལ་ཅནཿ ཙ་ནི་སྲོག་བདག་རུས་སྦལ་རྔམཿ ཡ་ནི་སྲོག་བདག་ལས་གཤིན་ཚོགསཿ མི་འགྱུར་རྩ་བའི་སྙིང་པོར་བཤདཿ ལྷ་ལ་གསལ་སྣང་ཐོན་པ་དངཿ རྒྱལ་བ་མཆོད་ཅིང་ཐུགས་དམ་བསྐུལཿ དངོས་གྲུབ་སྡུད་པས་བདག་བྱིན་རློབསཿ དེ་ལ་བསྙེན་པ་ཞེས་སུ་བྱཿཡང་འཕྲོས་བརྟན་གཡོ་ཐ་མལ་པའིཿསྣང་ཞེན་དག་པའི་སྣོད་དང་བཅུདཿ ལྷ་དང་གཞལ་ཡས་ལ་སྦྱོར་བཿ ཉེ་བསྙེན་ནམ་ནི་སྒྲུབ་པ་སྟེཿསྒྲུབ་ཆེན་དོ་ལིའི་བཟླས་པ་ལཿ བསླབ་པས་སྲོག་སྡོམས་གཟེར་བཞི་ཐོབཿ འདི་ནི་འཇམ་དཔལ་བཤེས་གཉེན་གྱིསཿ ཨོ་རྒྱན་རང་བྱུང་མཆོད་རྟེན་ནསཿ དབྱིངས་ཀྱི་ཌཱཀྐིའི་ཐུགས་མཛོད་བརྟོལཿ རྒྱུད་ལས་ལུང་དང་སྒྲུབ་ཐབས་སུཿ བསྡུས་འདི་པདྨའི་རིང་ལུགས་ཡིནཿ རྗེས་ཀྱི་ལས་རིམ་གཞུང་བཞིན་བྱཿས་མ་ཡཿརྒྱ་རྒྱ་རྒྱཿ

དཔལ་ཆེན་བཀའ་འདུས་རྒྱ་མཚོ་ལསཿ རྟ་མགྲིན་ཁམས་གསུམ་རོལ་པ།


JLAZ010_Page_0603
[མ་དཔེ་གཟིགས་ན་འདིར་གནོན།]

༂ དཔལ་ཆེན་བཀའ་འདུས་རྒྱ་མཚོ་ལསཿ རྟ་མགྲིན་ཁམས་གསུམ་རོལ་པ་ཞུགསཿ


JLAZ010_Page_0604
[མ་དཔེ་གཟིགས་ན་འདིར་གནོན།]

བརྗོད་པའི་སྒྲ་རྣམས་པདྨ་གསུངཿ བརྗོད་མེད་དོན་ལ་རབ་སྦྱོར་བཿ རྟ་མཆོག་རོལ་བའི་སྒོས་སྒྲུབ་ནིཿ དཀྱིལ་འཁོར་གཞུང་བཞིན་བཅས་པའམཿ ཙན་དན་ཕུར་པ་རྟ་ཞལ་གྱིསཿ མཚན་པར་ལེ་བརྒན་དར་གྱི་ངོསཿ པདྨ་ཅན་གྱི་རྡུལ་དང་པོསཿ ༈༼རྟ་མཆོག་རོལ་པའི་རྒྱུད་ལསཿ རྡོ་རྗེ་དབྱིངསཿ གཽ་རཱི་མ་བརྒྱདཿ གོ་ལ་མ་དྲུགཿ ལོང་བ་སོ་གཉིསཿ ཁམ་རྒྱ་དྲུགཿ ཡུམ་བཞིཿཁྱི་བརྒྱདཿ སྤྱང་བརྒྱདཿ སོ་སོས་བསྐོར་བའི་སྒོས་སྒྲུབ་ཀྱང་བཤད་མོདཿ འདི་ནི་རང་གཞུང་རྩ་བའི་དཀྱིལ་འཁོར་ཀུན་འདུས་ཀྱི་དགོངས་པའོཿ༽གནས་ལྔར་ཡི་གེ་འབྲུ་ལྔ་ལཿ རྩ་སྔགས་ཀྱིས་བསྐོར་ཐད་ཀར་བཅིངསཿ བྷནྡྷ་རྟ་ཞལ་བྲིས་པའི་ནངཿ རྒྱབ་་་་་་བརྟེན་པའི་ཚུལ་བཅུག་དར་དམར་དྲིལཿ ལྡིང་གུར་ཕུབ་ལ་མཆོད་པས་བསྐོརཿ དཔལ་ཆེན་འདུས་པའི་སྒྲུབ་གཞུང་གིཿསྐྱེད་རིམ་བསྒྱུར་ཚུལ་འདི་ལྟའོཿའོག་མིན་གསང་ཆེན་རོལ་བའི་ཕོ་བྲང་ཆེཿརྩིབས་འཁོར་བཅུ་དྲུག་པད་འདབ་སོ་གཉིས་པའིཿལྟེ་བར་ཟླ་གམ་དམར་པོ་སྒོ་གཅིག་དབུསཿ བཾ་ལས་པདྨ་མཾ་ལས་ཉི་མའི་གདནཿ རུ་དང་ན་ལས་ཀླུ་སྲིན་བསྣོལ་བའི་སྟེངཿ ཧཱུཾཿརང་བྱུང་སྒྱུ་ཡི་ཧེ་རུ་ཀཿཡེ་ཤེས་དབྱིངས་ནས་གདན་ལ་བབསཿ མཉམ་སྦྱོར་བདེ་བ་ཆེན་པོའི་སྒྲསཿ འཕགས་པ་མཆོད་ཅིང་གཞན་དོན་བྱསཿ ཡོངས་གྱུར་འབྲས་བུའི་ཧེ་རུ་ཀཿདཔལ་ཆེན་རྟ་མཆོག་རོལ་པ་ནིཿ སྐུ་མདོག་དུས་མཐའི་མེ་ལྟར་འབརཿ དབུ་ལྔ་ཕྱག་ནི་བཅུ་དྲུག་ལཿ ཁྱུང་གཤོགས་གདེངས་


JLAZ010_Page_0605
[མ་དཔེ་གཟིགས་ན་འདིར་གནོན།]

ཤིང་ཞབས་བརྒྱད་བགྲདཿ གཤོག་རྩེ་བྱ་ཁྱུང་ཉི་ཟླས་མཚནཿ དུར་ཁྲོད་དཔལ་གྱི་ཆས་རྣམས་རྫོགསཿ ཤར་ལྷོ་ནུབ་བྱང་གཟིགས་པའི་དབུཿདྲི་ཟ་གཤིན་རྗེ་ཀླུ་དབང་དངཿ གནོད་སྦྱིན་གདོན་ལ་མྱ་ངན་བསྐྱེདཿ གཡས་སྔོ་གཡོན་སེར་ལྷག་མ་དམརཿ སྟེང་ཞལ་རྔམས་པས་བདུད་བཞི་འདུལཿ ལྔ་ཀའང་རྟ་མགོ་ལྗང་ཞུར་འཚེརཿ རིགས་ལྔའི་རྒྱལ་ལ་གདན་གསུམ་རྫོགསཿ གཡས་པ་བརྒྱད་ཀྱི་དང་པོ་ནསཿ རྡོ་རྗེ་ཁ་ཊྭཱཾ་དྲིལ་བུ་དངཿ ལྕགས་ཀྱུ་སྦྲུལ་ཞགས་འཁོར་ལོའི་མཚནཿ རལ་གྲི་རྡོ་རྗེ་འཕྲེང་བའོཿགཡོན་བརྒྱད་ཐོད་ཁྲག་པདྨ་སྙིངཿ དབྱུག་པ་བརྒྱ་གྲམ་བེ་ཅོན་མེཿཏྲི་ཤུ་ལ་དང་ཁྱུང་ཁྲ་འགྱེདཿ ཞབས་བརྒྱད་ཀླུ་བརྒྱད་རྒྱལ་བསེན་བརྫིསཿ ཡུམ་ཆེན་པདྨ་གཟི་ལྡན་སྔོཿགཡས་པ་ཡིད་བཞིན་ནོར་འཛིན་འཁྱུདཿ གཡོན་ན་རིན་ཆེན་ཟ་མ་ཏོགཿ བརྡ་དང་བརྡ་ལེན་གྱིས་བསྐུལ་ནསཿ སྦྱོར་བའི་རོལ་མོའི་དགྱེས་སྤྲིན་ལསཿ ཆོས་སྐུ་འབྲས་བུར་སྨིན་པའི་ལྷཿརྩིབས་འཁོར་བཅུ་དྲུག་ནང་ཁོངས་སུཿ མདུན་ནས་བརྩམས་ཏེ་གཡས་བསྐོར་དུཿ བྷྱོ་ལས་གོ་ལ་མ་དྲུག་ནིཿ མཛེས་པའི་རྒྱན་ཅན་ཏི་གཡས་ཞིང་དབྱུགཿ གཡོན་ཐོད་ཁྲག་རས་མཚནཿ མ་ལས་གསང་བའི་ཡུམ་ཆེན་ནིཿ དྲྭ་བ་མོ་དང་གློག་འགྱུ་མཿ སྡེར་མོ་ཅན་དང་མཆེ་གཤོག་ཅནཿ


JLAZ010_Page_0606
[མ་དཔེ་གཟིགས་ན་འདིར་གནོན།]

དཀར་སེར་དམར་ལྗང་གཡས་རང་རྟགསཿ གཡོན་པ་དུང་དམར་བརྐྱང་བསྐུམས་ཚུལཿ ཕཊ་དྲུག་ལས་ནི་ཁམ་རྒྱ་མོཿ སྐུ་སྤྲུལ་དཀར་མོ་འཁོར་ལོ་དངཿ གསུང་སྤྲུལ་དམར་མོ་པདྨ་འཛིནཿ ཐུགས་སྤྲུལ་ནག་མོ་རྡོ་རྗེ་དངཿ ཡོན་ཏན་སེར་མོ་དྲིལ་བུ་ལཿ ལས་ཀྱི་ལྗང་གུ་རལ་གྲི་འཛིནཿ སྣ་ཚོགས་མདོག་ཅན་ཁ་ཊྭཱཾ་གཿ ཀུན་ཀྱང་གཡོན་པ་བྷནྡྷ་དམརཿ པད་འདབ་རྣམས་ལ་ལི་ཛ་ལསཿ མཁའ་འགྲོ་སུམ་ཅུ་རྩ་གཉིས་ཀྱིཿསྤྲུལ་བ་ལོང་བ་རྒྱབ་འབྲེལ་ནིཿ སྒྲ་མེད་ཁོང་ནས་འབྲུག་སྟོང་ལྡིརཿ སྙིང་མེད་དབྱིངས་ནས་ཡེ་ཤེས་གསལཿ སྙན་མེད་ཆོས་ཉིད་རང་སྒྲ་སྒྲོགཿ མིག་མེད་ཡེ་ཤེས་སྤྱན་གྱིས་གཟིགསཿ སྣ་མེད་འཕགས་པའི་ཚུལ་ཁྲིམས་མྱོངཿ ཁ་མེད་བདེ་བའི་རོ་མྱོང་ཅནཿ ཐོད་སྐྱའི་མགོ་ལ་གྱད་ཀྱི་ལུསཿ གཟའ་རྒོད་མིག་དམར་ཆར་དུ་འབེབསཿ ཕྱོགས་བཞིར་བརྒྱད་ཚན་རེ་རེ་ཡིཿཞོན་པ་སྟག་དང་ཆུ་སྲིན་གླངཿ ཁྱུང་ཆེན་བརྒྱད་བརྒྱད་ལ་ཆིབས་ཤིངཿ ཤར་ནས་རིམ་བཞིན་གཡས་ཀྱི་ཕྱགཿ ཤེལ་གསེར་བྱེ་རུ་གཡུའི་དཎྜཿགཡོན་རྣམས་ཐོད་པ་ཁྲག་བཀང་ཐོགསཿ གྲུ་ཆད་ཕྱི་ནང་གཉིས་པ་ལཿ ཀུ་ཛ་ལས་ནི་ཁྱི་བརྒྱད་དངཿ སྤྱང་བརྒྱད་གཉིས་ཀའི་ཕྱོགས་བཞི་པོཿ དུང་དང་གསེར་དང་ཟངས་དང་


JLAZ010_Page_0607
[མ་དཔེ་གཟིགས་ན་འདིར་གནོན།]

གཡུཿ མཚམས་བཞིར་རང་རང་ཕྱེད་གཟུགས་མདོགཿ མཆེ་བ་བཞི་གཙིགས་རྐན་སྒྲ་གཏོགསཿ མཇུག་མ་སོགས་ལེ་བ་སྤུ་རྩངཿ བྱེ་རུ་དམར་པོའི་ཨ་ལུང་དཔྱངསཿ རྔམ་པའི་སྒྲ་སྒྲོག་ཀུན་ཏུ་རྒྱུགཿ བར་ཁྱམས་བྷྱོ་ལས་ཕོ་ཉ་མོཿ སུམ་བརྒྱ་དྲུག་ཅུ་གློག་ལྟར་འཁྱུགསཿ སྒོ་བཞིར་པདྨ་ཞིང་ཆུང་སྟེཿཧཱུཾ་ལས་ཤར་ནས་རིམ་བཞིན་དུཿ མགོ་དགུ་བདུན་ལྔ་སུམ་བརྩེགས་ལཿ རྐང་པ་གཅིག་པའི་ཁྲོ་བོ་ནིཿ གཡས་རྣམས་འགུགས་འཆིང་སྡོམ་མྱོས་དངཿ གཡོན་པ་ཐོ་ཆེན་འབར་བ་བསྣམསཿ སྤྲུལ་པ་ཡང་སྤྲུལ་བསམ་མི་ཁྱབཿ མ་འདྲེས་ཡོངས་རྫོགས་ཆེན་པོར་གསལཿ ཧཱུཾ་རང་ལས་ཤར་བའི་དཔལ་ཆེན་ལྷཿཞེས་སོགས་དཔལ་ཆེན་གཞུང་༼ཤཱུ་ནྱ་ཏ་དང་པྲཱ་ཏྱ་བེཀྵ་བརྗེས་པའི་རིགས་བདག་སྣང་མཐའཿ༽ལྟར་ལཿ སྤྱན་འདྲེན་གྱི་ནི་མ་ལ་དག་ཏུཿཧཱུཾཿཐུགས་རྗེའི་ལྕགས་ཀྱུས་ཐུགས་དམ་རྒྱུད་བསྐུལ་ཞིངཿ བྱམས་པའི་ཞགས་པས་གནས་ནས་སྤྱན་འདྲེན་ནོཿལྕགས་སྒྲོག་བཀའ་ཡི་ཕོ་ཉས་གནས་བསྐྱོད་ལཿ བདེ་གཤེགས་བཞུགས་ཤིང་རྣམ་གྲོལ་དགྱེས་པ་བསྐྱེདཿ བཛྲ་ས་མ་ཡ་ཛཿཛཿཏིཥྛ་ལྷནཿ ཕྱག་འཚལ་ལ་སོགས་གཞུང་ལྟར་ལཿ མི་སྡུག་སྲིན་པོའི་བརྡ་བསྟོད་རྗེསཿ བཻཌཱུར་སྔོན་པོའི་རིན་ཆེན་རི་རབ་ལཿ ཉི་མ་སྟོང་གི་འོད་ཟེར་


JLAZ010_Page_0608
[མ་དཔེ་གཟིགས་ན་འདིར་གནོན།]

འབར་བ་ལྟརཿ སེམས་དཔའ་སྔོན་པོ་འོད་ཀྱི་དཀྱིལ་འཁོར་ཅནཿ དཔལ་དང་གཟི་བརྗིད་འབར་ལ་ཕྱག་འཚལ་བསྟོདཿ འོད་ཕུང་སྟུག་པོ་སྤྲིན་ལྟར་འཐིབས་པ་ཡིསཿ འཇིགས་བྱེད་རྔམ་སྟབས་བརྐྱང་བསྐུམས་ཚུལ་དུ་བཞུགསཿ ཟ་བྱེད་བསྐལ་པའི་མེ་ལྟར་འབར་བ་ཡིསཿ གདུག་པ་ཞལ་དུ་འདྲེན་ལ་ཕྱག་འཚལ་བསྟོདཿ མོ་བཟད་མཆེ་བས་བརྒྱན་པའི་ཞལ་གདངས་ཤིངཿ ཁམས་གསུམ་ཟ་བར་བྱེད་པའི་རྐན་སྒྲ་ཅནཿ ཉི་ཟླ་འབར་བའི་སྤྱན་གྱི་སྡང་མིག་གིསཿ བགེགས་དཔུང་བསྲེག་པར་མཛད་ལ་ཕྱག་འཚལ་བསྟོདཿ དེ་ནས་འཛབ་ཀྱི་དགོངས་པ་ནིཿ ཐུགས་ཀར་རྒྱལ་བ་ཀུན་ཀྱི་ཡུམཿ པདྨ་གཟི་ལྡན་ཞི་མ་ཁྲོཿཕྱག་མཚན་མེད་དེ་འཛིན་འཛིན་འདྲའིཿསྙིང་ག་རིན་ཆེན་ཟུར་བརྒྱད་སྟེངཿ ཉི་མའི་གདན་ལ་ཧྲཱིཿཡིག་མཐརཿ ཨོཾ་ནི་པདྨ་ཧེ་རུ་ཀཿཧུ་ལུ་ཧུ་ལུ་ཡུམ་ཆེན་བཞིཿཕཊ་ནི་ཁམ་རྒྱ་མ་དྲུག་གོཿཨེ་དང་ཨ་ནི་ལོང་བ་སྟེཿར་དང་རི་ནི་དམུས་ལོང་ངོཿཧཱུཾ་ནི་ཁྲོ་བོ་མགོ་བརྩེགས་བཞིཿཧྲཱི་ནི་ཟ་བྱེད་སྤྱང་ཀི་བརྒྱདཿ ཛཿནི་ཁྱི་བརྒྱད་རྔམ་པའི་ཚོགསཿ རྒྱུད་ཀྱི་ཁོང་སྙིང་བྱུང་བ་སྟེཿརྗེས་ཀྱི་ལས་རིམ་གཞུང་ལྟར་བྱཿས་མ་ཡཿརྒྱ་རྒྱ་རྒྱཿ

དཔལ་ཆེན་བཀའ་འདུས་རྒྱ་མཚོ་ལསཿ ཡང་དག་སངས་རྒྱས་མཉམ་སྦྱོར།


JLAZ010_Page_0609
[མ་དཔེ་གཟིགས་ན་འདིར་གནོན།]

༃ དཔལ་ཆེན་བཀའ་འདུས་རྒྱ་མཚོ་ལསཿ ཡང་དག་སངས་རྒྱས་མཉམ་སྦྱོར་བཞུགསཿ


JLAZ010_Page_0610
[མ་དཔེ་གཟིགས་ན་འདིར་གནོན།]

སངས་རྒྱས་མཉམ་སྦྱོར་ལྷ་ལ་འདུདཿ ཡིད་ནི་ཡེ་ཤེས་ལ་སྦྱོར་བཿ ཡང་དག་ཐུགས་ཀྱི་སྒོས་སྒྲུབ་ནིཿ ཁྲག་འཐུང་གལ་པོའི་ཏནྟྲའོཿདཀྱིལ་འཁོར་གཞུང་བཞིན་བཅས་པའམཿ བྷནྡྷ་དགུ་དང་མར་མེ་དགུཿསྒྲུབ་པའི་རྟེན་དུ་ངེས་བྱས་ནསཿ བསྐྱེད་རིམ་བསྒྱུར་ཚུལ་འདི་ལྟའོཿའོག་མིན་གསང་ཆེན་རོལ་པའི་ཕོ་བྲང་ཆེཿལྟེ་བ་ཟླ་གམ་དམར་པོ་སྒོ་གཅིག་ནངཿ གསེར་འཁོར་རྩིབས་བརྒྱད་ཐབས་ཤེས་ཟླ་གམ་སྟེངཿ པཾ་ལས་པདྨ་ཨ་ལས་ཟླ་བ་དངཿ མ་ལས་ཉི་སྟེང་དབང་ཕྱུག་ཁྱོ་ཤུག་བཀུགཿ དེ་སྟེང་དབྱིངས་ནས་རྒྱུ་ཡི་ཧེ་རུ་བབསཿ ཞུ་བ་གླུས་བསྐུལ་སྒྲ་ཡིས་འོད་དུ་ཞུཿགོང་བུའི་བདག་ཉིད་ཡོངས་སུ་གྱུར་པ་ལསཿ འབྲས་བུའི་ཡང་དག་སངས་རྒྱས་མཉམ་སྦྱོར་ནིཿ སྐུ་མདོག་མཐིང་ནག་ཞལ་གསུམ་ཕྱག་དྲུག་པཿགཡས་དཀར་བཞད་དང་གཡོན་དམར་གཤེ་བའི་ཞལཿ རྩ་ཞལ་རྔམ་བརྗིད་ཧཱུཾ་ཕཊ་གད་རྒྱངས་སྒྲོགཿ ཐོད་སྐམ་དབུ་རྒྱན་ཁྲག་འཐུང་རིགས་ལྔས་མཚནཿ སྤྱན་དགུ་སྡང་མིག་རྫི་སྨིན་ཨག་ཚོམ་འབརཿ གཡས་གསུམ་གནམ་ལྕགས་རྡོ་རྗེ་ཁ་ཊྭཱཾ་དངཿ རུ་ཏྲའི་དཔྱི་ལས་གསང་བའི་རྒྱུད་ལས་བཤད་པའི་རྔེའུ་ཆུང་འདི་བཞིན་ཡིན་ཏེ། བསྟན་པ་སྔ་དར་གྱི་ཚེ་བོན་ཤས་ཤོར་བས་བྲིས་འབུར་ཚོར་དེ་ལྟར་སྣང་ཞིང་། དེས་གསར་མ་འགའ་ཞིག་སྔ་འགྱུར་ལ་བརྟག་དཔྱད་མེད་པའི་ལོག་རྟོག་དང་། རིང་ལུགས་དར་མ་ཐག་གི་ལོ་པཎ་གཉིས་


JLAZ010_Page_0611
[མ་དཔེ་གཟིགས་ན་འདིར་གནོན།]

སྐད་བརྡ་མ་འཕྲོད་པའི་ཚིག་དང༌། ཡུལ་སྐད་དང་ཤན་མ་འབྱེད་པ་འགའ་རེ་སྣང་བ་ལ་བསྟིང་ཚིག་ཏུ་སྨྲ་ཡང་རྒྱུད་ཀྱི་རྡོ་རྗེའི་གནས་ཆེན་པོ་ལ་ངོ་མཚར་དུ་མཐོང་བའི་མིག་ལྡོངས་པའོ། །རྔེའུ་ཆུངཿ གཡོན་གསུམ་དུང་དམར་རྒྱུ་ཞགས་ཁྱུང་ཁྲ་འགྱེདཿ ཞབས་བརྒྱད་གཡས་བསྐུམ་གཡོན་བརྐྱང་དོར་སྟབས་བགྲདཿ རྡོ་རྗེའི་ཁྱུང་གཤོག་ལ་སོགས་དཔལ་ཆས་དངཿ དུར་ཁྲོད་ཆས་རྫོགས་གར་དགུའི་རོལ་པས་བརྗིདཿ ཀྲོ་ཏི་ཤྭ་རཱི་གཡས་པ་ཡབ་ལ་འཁྱུདཿ གཡོན་པ་ཐོད་ཁྲག་ཁྲོ་མོའི་ཆས་ཀུན་རྫོགསཿ ཧཱུཾ་ལས་ཡབ་ཀྱི་རྡོ་རྗེ་ནོར་བུའི་དབྱིངསཿ ཟླ་བར་ཨོཾ་མཚན་ཨ་ལས་ཡུམ་གྱི་མཁའཿ རྣམ་ཐར་གསུམ་ལྡན་ཟེའུ་འབྲུའི་ཉི་མར་མཱུཾཿ ས་མ་ཧོཿཡིས་ཡབ་ལ་བརྡ་སྦྱར་བསཿ ས་མ་ཡ་སྟྭཾ་ལན་གྱིས་དགྱེས་པ་བསྐྱེདཿ སླར་ཡང་རཱ་ག་ཧཾ་གིས་བརྡས་བསྐུལ་བསཿ རཱ་ག་ཡ་མིས་རྗེས་སུ་གནང་བ་བྱིནཿ ཕྱག་རྒྱ་བཞི་ལྡན་ཛ་ཧཱུཾ་བཾ་ཧོཿའི་སྒྲསཿ སྟོད་སྨད་སྐེད་སྐབས་དབང་པོའི་སྒོ་རྣམས་སྤྲདཿ དགའ་བ་བཞི་ལྡན་བྱང་ཆུབ་སེམས་ཀྱི་སྤྲིནཿ ཨོཾ་གྱིས་ཕབ་ནས་ཧཱུཾ་གིས་དྷཱུ་ཏིར་དྲངསཿ ཕཊ་ཀྱིས་འཕངས་པས་ཡུམ་མཁར་རྡུལ་དང་འདྲེསཿ བདེ་སྟོངས་ངང་ལས་མ་ཏྲཾ་ཛཿསྤྲོས་པསཿ རྩིབས་བརྒྱད་ཟླ་གམ་ཉི་གདན་རོ་ཡིས་མཚནཿ ཤར་དུ་གཾ་ལས་གཽ་རཱི་སྔོན་མོ་ནིཿ གཡས་པ་ཞིང་དབྱུག་གཡོན་


JLAZ010_Page_0612
[མ་དཔེ་གཟིགས་ན་འདིར་གནོན།]

པ་དུང་ཁྲག་འཛིནཿ སྡུག་བསྔལ་བདེན་པ་འཁོར་བ་ལུགས་ལྡོག་སྦྱོརཿ ལྷོ་རུ་ཙཾ་ལས་ཙཽ་རཱི་ཧ་སེར་མོཿ ཐབས་ཤེས་མཉམ་པར་སྦྱོར་བའི་མདའ་གཞུ་བཀངཿ ཀུན་འབྱུང་རྒྱུ་འབྲས་ཆོས་ཀྱི་དབྱིངས་སུ་འབིགསཿ ནུབ་ཏུ་བཾ་ལས་པྲ་མོ་ཧཱ་དམར་མོཿ རྣ་ལྟག་ཕག་ཞལ་རྡོ་རྗེ་དུང་ཁྲག་བསྣམསཿ ཆགས་སྡང་རྣམ་གཉིས་ཡེ་ཤེས་དབྱིངས་སུ་སྦྱོརཿ བྱང་དུ་བཾ་ལས་བཻ་ཏཱ་ལཱི་ནག་མོཿ ཕྱག་གཡས་རྡོ་རྗེ་གཡོན་པར་བ་དན་འཛིནཿ གཟུང་འཛིན་རྣམ་རྟོག་ཕག་ལ་ཉལ་ཀུན་འཛོམསཿ ཤར་ལྷོར་པུ་ལས་པུཀྐ་སཱི་དམར་སེརཿ འཁོར་བ་མྱ་ངན་འདས་ལ་སྦྱོར་བའི་ཕྱིརཿ ཕྱག་གཉིས་ཞིང་གི་རྒྱུ་མ་འདྲེན་ཅིང་གསོལཿ ལྷོ་ནུབ་གྷཾ་ལས་གྷས་མ་རཱི་སེར་ནགཿ རྡོ་རྗེ་ཐོད་ཁྲག་དཀྲུགས་ཤིང་འཐུང་བ་ཡིསཿ རྗེས་ཆགས་གདངས་ཀྱིས་ཆོས་སྐུ་ཞེ་ལ་གནོནཿ ནུབ་བྱང་སྨཾ་ལས་སྨ་ཤ་ནི་འཐིང་ནགཿ བམ་ཆུང་རེངས་པའི་རྐང་པ་ནས་བཟུང་སྟེཿདོན་སྙིང་ཟ་བས་རྟོག་མེད་དོན་ལ་སྦྱོརཿ བྱང་ཤར་ཙཾ་ལས་ཙཎྜ་ལཱི་སེར་སྐྱཿགཡས་པ་རྩེ་གསུམ་གཡོན་པ་བམ་ཆེན་འདྲལཿ སྐུ་གསུམ་མཚོན་ཆས་འཁོར་བའི་རྒྱུ་འབྲས་གཅོདཿ ཀུན་ཀྱང་ཚོགས་བརྒྱད་ལ་སྡང་ཁྲོས་པའི་ཚུལཿ ཞལ་གདངས་མཆེ་གཙིགས་སྨིན་མ་སྨ་ར་དངཿ དབུ་སྐྲ་དམར་


JLAZ010_Page_0613
[མ་དཔེ་གཟིགས་ན་འདིར་གནོན།]

སེར་ཕྱག་རྒྱ་ལྔ་ཡིས་བརྒྱནཿ ཐོད་ཕྲེང་མི་ལྤགས་གཡང་གཞི་སྟག་ཤམ་དཀྲིསཿ མེ་འབར་དབུས་ན་གཡོན་བརྐྱང་སྟབས་ཀྱིས་འགྱིངཿ གཙོ་འཁོར་ཀུན་ཀྱི་དབང་པོའི་སྒོ་རྣམས་ལཿ ཁཾ་ཏྲཱཾ་ཧྲཱི་ཧ་ཧཱུཾ་ཧི་ཡོངས་གྱུར་ལསཿ སྤྱན་ལ་རྣམ་སྣང་དཀར་པོ་འཁོར་ལོ་འཛིནཿ རྣ་བར་རྡོ་རྗེ་ཉི་སེར་རིན་ཆེན་བསྣམསཿ ཞལ་ལ་པདྨ་གར་དབང་དམར་རང་རྟགསཿ ཤངས་ལ་རྟ་མཆོག་རོལ་པ་ལྗང་རལ་གྲིཿཡིད་ལ་རྡོ་རྗེ་སེམས་དཀར་རྡོར་དྲིལ་འཛིནཿ ལུས་ལ་ཁྲག་འཐུང་མཐིང་ནག་ཁ་ཊྭཱཾ་དྲིལཿ མ་འདྲེས་ཡོངས་རྫོགས་ཆེན་པོར་ལམ་གྱིས་གསལཿ དབང་བསྐུར་བ་ནིཿ ཧཱུཾ་རང་ལས་ཤར་བའི་དཔལ་ཆེན་ལྷཿལ་སོགས་དཔལ་ཆེན་གཞུང་༼སྔགས་རང་གནས་རིག་བདག་མི་བསྐྱོད་པ།༽ལྟར་ལཿ སྤྱན་འདྲེན་གྱི་ནི་མལ་དག་ཏུཿཧཱུཾ་དམིགས་མེད་མཁའ་ལྟར་དག་ཅིང་ཁྱབ་པའི་སྐུཿ སྤྱན་འདྲེན་གཤེགས་སུ་གསོལ་བར་མི་དམིགས་ཀྱངཿ ཐུགས་རྗེའི་བདག་ཉིད་ཆོས་སྐུ་དག་པ་ལསཿ ཡེ་ཤེས་སྒྱུ་མར་རོལ་བཞིན་གཤེགས་སུ་གསོལཿ ཧཱུཾ་ཐུགས་རྗེའི་ལྕགས་ཀྱུས་རྒྱུད་བསྐུལ་ཞིངཿ བྱམས་པའི་ཞགས་པས་སྤྱན་ཡང་འདྲེནཿ ལྕགས་སྒྲོག་བཀའ་ཡི་ཕོ་ཉས་བཏབཿ བདེ་གཤེགས་དྲིལ་བུས་དགྱེས་པ་བསྐྱེདཿ རང་སྣང་དབྱེར་མེད་དཀྱིལ་


JLAZ010_Page_0614
[མ་དཔེ་གཟིགས་ན་འདིར་གནོན།]

འཁོར་ལཿ ཐུགས་རྗེའི་མགོན་གྱུར་མ་ལུས་རྣམསཿ མི་ཕྱེད་དབྱིངས་ལ་འགོད་མཛད་པཿབདག་ལ་དགྱེས་ཤིང་ཐིམ་པར་བཞུགསཿ ཨོཾ་ཨེ་ཧྱ་ཧི་བྷ་ག་ཝཱནཿ ཞེས་པད་རྒྱ་གཡོན་བསྐོར་དང་བཅས་སེ་གོལ་གཏོགས་པ་གསུམ་དངཿ ཛཿཧཱུཾ་བཾ་ཧོཿརུ་ལུ་རུ་ལུ་ཛཿཧཱུཾ་བཾ་ཧོཿཨེ་ཧྱ་ཧི་ཏྲྀ་ཤ་ཧོཿས་མ་ཡ་ཧོཿས་མ་ཡ་སྟྭཾཿཨེ་ཨ་ར་ལི་ཧོཿཧྲིཾ་ཧྲིཾ་ཧྲིཾཿཛཿཕྱག་འཚལ་ལ་སོགས་གཞུང་ལྟར་ལཿ མི་སྡུག་སྲིན་པོའི་ཤླཽ་ཀ་ཡི་རྗེསཿ བདག་མེད་ཕྱོགས་བྲལ་དོན་དམ་ཐུགས་ཆུད་ཅིངཿ བྱམས་དང་སྙིང་རྗེར་དགྲ་ཟུན་མི་མངའ་ཡངཿ གདུག་པ་འདུལ་ཕྱིར་དུས་ལས་མི་འདའ་བའིཿའཇིགས་བྱེད་ཧེ་རུ་ཀ་ལ་ཕྱག་འཚལ་བསྟོདཿ མི་གནས་མི་དམིགས་ཆོས་སྐུར་དག་པ་ལསཿ བདུད་འདུལ་ཁྲོ་བོ་མཆོག་གི་སྐུར་སྤྲུལ་བཿ ཐུགས་རྗེའི་གཟི་ལྡན་གདུག་པ་ཐབས་ཀྱིས་འདུལཿ སངས་རྒྱས་ཀུན་དང་མཉམ་པར་སྦྱོར་ལ་བསྟོདཿ ཁྲོ་མོ་དབང་ཕྱུག་སྐུ་ལ་ཉེར་གནས་ཤིངཿ ཐབས་དང་ཤེས་རབ་འབྲེལ་བའི་དཀྱིལ་འཁོར་འདིརཿ མཁའ་འགྲོ་མི་བཟད་འབར་མའི་སྤྲིན་འཕྲོ་བཿ གདུག་པ་འདུལ་མཛད་ཡུམ་ལ་ཕྱག་འཚལ་བསྟོདཿ ནམ་མཁའི་ལུས་ཅན་གར་ཡང་ཐོགས་པ་མེདཿ འདོད་དགུར་བསྒྱུར་བའི་གཟུགས་ཅན་འཕྲུལ་མོ་ཆེཿ མ་སྲིང་བྱམས་པའི་ཚུལ་གྱིས་གྲོགས་


JLAZ010_Page_0615
[མ་དཔེ་གཟིགས་ན་འདིར་གནོན།]

མཛད་པཿགཽ་རཱི་ལ་སོགས་བརྒྱད་ལ་ཕྱག་འཚལ་བསྟོདཿ དེ་ནས་འཛབ་ཀྱི་དགོངས་པ་ནིཿ ཧཱུཾཿདཔལ་ཆེན་བཛྲ་ཧེ་རུ་ཀཿདུང་ཁང་དཀར་པོའི་གཞལ་ཡས་ཁངཿ མགྲིན་པ་པདྨའི་གསང་ཆེན་དངཿ ཐུགས་ཀ་གསང་བའི་དཀྱིལ་འཁོར་དུཿ རང་སེམས་བྱང་ཆུབ་འབྲུ་བརྒྱད་ཉིདཿ རུ་ལུ་གསེར་ཕྲེང་རིན་པོ་ཆེཿགསེར་གྱི་བ་དག་འཛིངས་པ་དངཿ མགལ་མེ་ཀླད་ལ་བསྐོར་བ་དངཿ ལྕགས་ཀྱི་ཚྭ་ཚྭ་གཏམས་པ་ལྟརཿ ཕར་འཕྲོས་པས་ནི་ཐུགས་དམ་བསྐུལཿ ཡེ་ཤེས་ལྷ་ལ་བསྙེན་པ་ཕུལཿ སླར་འདུས་ཐུགས་ཀྱི་དཔལ་བེར་ཐིམཿ གཽ་རཱི་ལ་སོགས་བརྒྱད་རྣམས་ལཿ དཔལ་བེ་རིན་ཆེན་ཟུར་བརྒྱད་སྟེངཿ རུ་ལུ་འབྲུ་བརྒྱད་འཕྲོ་ཞིང་འདུཿ དངོས་གྲུབ་མཆོག་གི་གཏེར་དུ་བསམསཿ ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾཿའདི་ནི་ཐུགས་ཀྱི་སྒྲུབ་པ་སྟེཿདག་པ་ཐམས་ཅད་ཆོས་སྐུ་ལཿ སྦྱོར་བས་མཆོག་གི་དངོས་གྲུབ་མྱུརཿ ཁྲག་འཐུང་གལ་པོའི་བཅུད་དུམ་ཡིནཿ རྗེས་ཀྱི་ལས་རིམ་གཞུང་ལྟར་བྱཿས་མ་ཡཿརྒྱ་རྒྱ་རྒྱཿ

དཔལ་ཆེན་བཀའ་འདུས་རྒྱ་མཚོ་ལསཿ ཕུར་པ་བདུད་དཔུང་ཟིལ་གནོན།


JLAZ010_Page_0617
[མ་དཔེ་གཟིགས་ན་འདིར་གནོན།]

༂ དཔལ་ཆེན་བཀའ་འདུས་རྒྱ་མཚོ་ལསཿ ཕུར་པ་བདུད་དཔུང་ཟིལ་གནོན་བཞུགསཿ


JLAZ010_Page_0618
[མ་དཔེ་གཟིགས་ན་འདིར་གནོན།]

འཕྲིན་ལས་ཕུར་པའི་ལྷ་ལ་བདུདཿ ཡིད་དང་ཆོས་ཀྱི་རྟོགས་ཚོགས་ཀུནཿ བྱ་བ་ནན་ཏན་ཡེ་ཤེས་དབྱིངསཿ སྦྱོང་བྱེད་བཛྲ་ཀུ་མཱ་རཿ རྡོ་རྗེ་ཁྲོས་པའི་སྒོས་སྒྲུབ་བསྟནཿ ས་མ་ཡཿདཀྱིལ་འཁོར་ཡོངས་རྫོགས་བདག་ཉིད་ཅནཿ བསྙེན་ཕུར་དམ་ཚིག་ཆེན་པོའི་རྟེནཿ བསྒྲུབ་དུས་དཀྱིལ་འཁོར་གཞུང་བཞིན་ལཿ ལྷ་གྲངས་མཉམ་པའི་ཕུར་པས་བརྒྱནཿ རྒྱན་བཀོད་མཆོད་གཏོར་བཟང་དུ་བཤམཿ སྔོན་འགྲོ་དཔལ་ཆེན་གཞུང་ལྟར་ལཿ ཏིང་འཛིན་གསུམ་ལ་ཁྱད་ཆོས་ལྡནཿ རྡོ་རྗེ་དེ་བཞིན་ཉིད་ཀྱི་དབྱིངསཿ སྙིང་རྗེ་འགལ་ཟླ་ལ་ཁྲོས་པསཿ ཀུན་སྣང་བྱང་ཆུབ་སེམས་སུ་ཤརཿ མཚོན་ཆེན་ཐུགས་ཀྱི་རྡོ་རྗེ་ནིཿ ཡིག་འབྲུས་མཚན་པ་རྒྱུ་ཡིན་ནོཿ ཧཱུཾཿ རྡོ་རྗེ་ཁྲོས་པས་ཞེ་སྡང་གཅོདཿ ཐུགས་ནི་ཡང་དག་རྡོ་རྗེ་ཉིདཿ སྟོང་པ་ཉིད་ཀྱི་ཡེ་ཤེས་ཏེཿ རྣམ་པར་མི་རྟོག་རྟོག་ལས་འདསཿ སྙིང་


JLAZ010_Page_0619
[མ་དཔེ་གཟིགས་ན་འདིར་གནོན།]

རྗེས་བསྒྲལ་བའི་དམ་ཚིག་ནིཿ གསད་ཅིང་གནན་པ་མ་ཡིན་ཏེཿ ཕུང་པོ་རྡོ་རྗེས་གཏམས་བྱས་ནསཿ རྣམ་པར་ཤེས་པ་རྡོ་རྗེར་སྒོམཿ མཚོན་ཆེན་སྔོན་པོ་འབར་བ་ནིཿ ནམ་མཁའི་དཀྱིལ་ནས་ཐིགས་པ་ཤརཿ སྲོག་གི་གོ་རུ་ཤར་བ་དངཿ སྙིང་གི་གོ་རུ་སྒོམ་པར་བྱཿརྒྱུ་ལས་འབྱུང་བའི་ས་བོན་ཆདཿ ཨེ་ཡཾ་ར་སུཾ་ཀེཾ་རཾ་བྷྲཱུཾཿཨེ་ལས་ནམ་མཁའ་ཡཾ་ལས་གཡོ་བྱེད་རླུངཿ ར་ལས་རཀྟ་སུཾ་ལས་ཞིང་ཆེན་གཞིཿསོགས་གཞུང་ལྟར་ལཿ འོག་མིན་གསང་ཆེན་རོལ་བའི་ཕོ་བྲང་ཆེཿརབ་འཇིགས་གནམ་ལྕགས་ཙཀྲ་རྩིབས་བཅུའི་དབུསཿ བདེ་ཆེན་ཀུན་ཏུ་བཟང་མོའི་ཨེ་ཀློང་དབྱིངསཿ རྣམ་ཐར་གསུམ་ལྡན་རྡོ་རྗེ་བཙུན་མོ་མཁརཿ མ་ཆགས་པདྨ་ཐབས་ཤེས་


JLAZ010_Page_0620
[མ་དཔེ་གཟིགས་ན་འདིར་གནོན།]

ཉི་ཟླའི་སྟེངཿ རུ་ཏྲ་ཕོ་མོ་བདུད་བཞི་བྱི་ཆིངས་བསྣོལཿ པཾ་པདྨ་མཎྜལཿ མ་སཱུརྱ་མཎྜལཿ ཨ་ཙནྡྲ་མཎྜལཿ ཛཿཧཱུཾ་བཾ་ཧོཿཏི་ར་བཾཿཨོཾ་བཛྲ་ས་ཏྭ་ཧཱུཾཿརྡོ་རྗེ་ཧཱུཾ་ཡིག་ཡོངས་གྱུར་ལསཿ རྡོ་རྗེ་སེམས་དཔའ་ཡབ་ཡུམ་ནིཿ མཚན་དང་དཔེ་བྱད་ཡང་དག་རྫོགསཿ ཀུནྡ་ལྟ་བུར་དཀར་བའི་མདོགཿ རིགས་ལྔ་ཁྲག་འཐུང་ཡབ་ཡུམ་བཅུཿའདུས་པ་རྡོ་རྗེ་གཞོན་ནུའི་སྐུཿ ཨོཾ་བཛྲ་ཀཱི་ལི་ཀཱི་ལ་ཡ་དིཔྟ་ཙཀྲ་ཧ་ན་ཧ་ན་རུ་ལུ་རུ་ལུ་ཧཱུཾ་བྷྱོ་ཧཱུཾཿཞེ་སྡང་ཁྲག་འཐུང་རྒྱལ་པོ་དངཿ བདེ་བར་སྦྱོར་དང་སྒྲོལ་བའི་ཡུམཿ ཁྲོ་ཞིང་རྔམས་པའི་ཚུལ་བསྐྱེད་པསཿ གདུག་པ་མ་ལུས་སྒྲོལ་བར་བྱེདཿ ཨ་དང་ཧཱུཾ་གིས་རང་བཞིན་སྦྱརཿ ཡུམ་གྱིས་ཡབ་ཀྱི་ལྕེ་གཞིབས་ནསཿ ཡུམ་གྱིས་ཐུགས་ཀར་ཨུཏྤལ་གཏདཿ ཞུ་བ་གླུས་བསྐུལ་གདུང་བའི་སྒྲསཿ ཧཱུཾ་རྡོ་རྗེ་གཞོན་ནུའི་རིག་འཛིན་རྣམསཿ སྲིད་པ་རྡོ་རྗེ་བསྒྲུབ་མཛོད་ཅིགཿ སྲིད་པ་རྡོ་རྗེ་ཕུར་བའི་ལྷཿཡེ་ཤེས་ཁྲོ་བོ་གྲུབ་པར་མཛོདཿ སྤ་ར་ཎ་ཕཊ་བརྗོད་པསཿ རྒྱལ་བ་མཆོད་ཅིང་གཞན་དོན་བྱསཿ སཾ་ཧ་ར་ཎ་ཧཱུཾ་བརྗོད་པསཿ ཕྱོགས་བཅུའི་དེ་བཞིན་གཤེགས་པ་རྣམསཿ ཡབ་ཡུམ་སྦྱོར་བའི་མཁའ་རུ་ཞུགསཿ དགྱེས་ཆགས་ངང་ལ་འོད་དུ་ཞུཿགོང་བུའི་བདག་ཉིད་ཧཱུཾ་དུ་གྱུརཿ ཡོངས་གྱུར་འབྲས་བུའི་ཧེ་རུ་ཀཿ དཔལ་


JLAZ010_Page_0621
[མ་དཔེ་གཟིགས་ན་འདིར་གནོན།]

ཆེན་རྡོ་རྗེ་གཞོན་ནུ་ནིཿ སྙིང་རྗེ་རྔམ་བཞིའི་ངང་ཉིད་ལསཿ སྒེག་དཔའ་འཇིགས་སུ་རུང་བའི་སྐུཿ རྫུ་འཕྲུལ་ཞབས་བཞི་དོར་སྟབས་བགྲདཿ རྣམ་པར་ཐར་བའི་དབུ་གསུམ་གྱིསཿ སྐྲག་མཛད་བཞད་གཤེ་ཁྲོ་བོའི་ཞལཿ གཡས་དཀར་གཡོན་དམར་དབུས་མཐིང་ནགཿ སྤྱན་དམར་སྨིན་མ་སྨ་ར་སེརཿ ཁྲོ་གཉེར་ཆུ་ཡི་རླབས་བཞིན་འཁྲུགསཿ ཕྱག་དྲུག་གཡས་ཀྱི་དང་པོ་ཡིཿགསེར་གྱི་རྡོ་རྗེ་རྩེ་དགུ་དངཿ བར་པ་རྡོ་རྗེ་ལྕེ་ལྔ་བསྣམསཿ གཡོན་གྱི་དང་པོ་མེ་དཔུང་དངཿ བར་མ་ཁ་ཊྭཱཾ་རྩེ་གསུམ་འཛིནཿ མཐའ་གཉིས་རི་རབ་ཕུར་པ་འདྲིལཿ མཐིང་ནག་སྐུ་ལ་དུར་ཁྲོད་ཆསཿ རིགས་ལྔ་ཐོད་པ་ལྔ་ཡིས་བརྒྱནཿ འཁོར་ལོ་རྒྱས་འདེབས་བདེ་བའི་ཡུམཿ ཞལ་གཅིག་ཕྱག་གཉིས་ཐོད་སྦྲུལ་བརྒྱནཿ དྲིལ་བུ་ཐོད་ཁྲག་འཛིན་པས་འཁྱུདཿ ཨེ་ཀ་ཙ་ཏི་སྒྲོལ་བའི་ཡུམཿ གྲི་གུག་ཐོད་ཁྲག་ཁམས་གསུམ་སྒྲོལཿ རེས་འགའ་ཁ་ཊྭཱཾ་རྩེ་གསུམ་བསྣམསཿ གཡེར་ཀ་དྲིལ་བུ་ཉིད་ལས་ཀྱངཿ རྟོག་མེད་ཆོས་ཀྱི་སྒྲ་འབྱིན་ཅིངཿ མ་མོ་དྲུག་ཅུ་ཕོ་ཉར་འགྱེདཿ ཧཱུཾ་ལས་རྡོ་རྗེར་ཟླ་དཀྱིལ་ཨོཾཿ བཾ་ལས་པད་འདབ་ཉི་མར་མཱུཾཿ ས་མ་ཡ་ཧོཿ ས་མ་ཡ་སྟྭཾཿ རཱ་ག་ཡཱ་ཧོཿ རཱ་ག་ཡཱ་མིཿ བརྡ་


JLAZ010_Page_0622
[མ་དཔེ་གཟིགས་ན་འདིར་གནོན།]

དང་བརྡ་ལན་གྱིས་བསྐུལ་ནསཿ ཛཿཧཱུཾ་བཾ་ཧོའི་ཕྱག་རྒྱ་བཞིསཿ སྟོང་པ་ཤིན་ཏུ་ཡོད་མེད་ལསཿ ཆགས་པ་ལྕགས་ཀྱུ་རོལ་པ་ཞགསཿ ཙུམྦྷ་སྒྲོག་ལ་སྒྲ་གྲགས་དྲིལཿ གཉིས་མེད་བྱང་ཆུབ་སེམས་ཀྱི་སྤྲིནཿ དང་པོར་བབས་པ་ཡུམ་གྱི་མཁའཿགཞལ་མེད་ཁང་བྱུང་གཉིས་པ་གདནཿ གསུམ་པ་ས་བོན་ཉིད་དུ་རྫོགསཿ ཧཱུཾཿསངས་རྒྱས་ཀུན་ཀྱི་ཡེ་ཤེས་སྐུཿ ངང་ཉིད་རྡོ་རྗེ་ཆོས་དབྱིངས་ལསཿ འབར་བའི་ཁྲོ་བོ་མི་བཟད་པའིཿསྐུ་ཡི་དབྱིག་ཏུ་སྲས་བསྐྱེད་ཅིགཿ ཨོཾ་བུདྡྷ་བཛྲ་རཏྣ་པདྨ་ཀརྨཱ་ཀཱི་ལ་ཡ་སརྦ་བིག་ནན་བཾ་ཧཱུཾ་ཕཊཿསྲས་མཆོག་ཀཱི་ལ་རིགས་ལྔ་ནིཿ སྟོང་ཉིད་དབྱིངས་ལས་ལོངས་སྐུར་ཤརཿ སྤྲུལ་པ་རྫས་ཀྱི་དཀྱིལ་འཁོར་དུཿ ཡུམ་གྱིས་བྷ་གར་ལྷུན་གྱིས་གྲུབཿ བཛྲ་ས་མཱ་ཛཿས་དྲངས་ནསཿ རིགས་ལྔ་སྟང་དཔྱལ་བཅུའི་རང་བཞིནཿ ཐབས་ཀྱི་ཐལ་མོའི་བར་དུ་བྱོནཿ བདེ་བའི་རླབས་ཀྱིས་དབང་རྣམས་རྫོགསཿ དབང་རྟགས་རིགས་ལྔས་དབུ་ལ་བརྒྱནཿ སྟོད་ནི་གཙོ་བོ་ཡབ་འདྲ་ལཿ སྨད་ནི་ཆུ་སྲིན་ཕུར་བུ་དབལཿ ལྕགས་བསྲེགས་འབར་བ་མེ་སྟག་འཕྲོཿརྒྱ་མདུད་ནང་ནས་སྔགས་སྒྲ་སྒྲོགསཿ ཆུ་སྲིན་ཁ་ནས་མེ་ལྕེ་དངཿ སྡིག་སྦྲུལ་སྦལ་ལྕོང་ཆོ་འཕྲུལ་འགྱེདཿ སྟོང་གསུམ་གདུག་པའི་ཀླུ་


JLAZ010_Page_0623
[མ་དཔེ་གཟིགས་ན་འདིར་གནོན།]

རྣམས་འདུལཿ ཐུགས་ཀར་དཀྱིལ་འཁོར་ཡོངས་རྫོགས་དངཿ དབུ་ལ་རིགས་ལྔའི་ཁྲག་འཐུང་རྫོགསཿ དགྲ་སྟྭ་གཡས་ལ་རང་རྟགས་གཡོནཿ བར་པ་ཁ་ཊྭཱཾ་གཏུན་ཤིང་དངཿ ཐ་མ་རི་རབ་ཕུར་བུ་འདྲིལཿ རྒྱུད་ལྔ་ཡེ་ཤེས་ལྔ་རུ་སྒྲོལཿ དུག་ལྔ་རྩད་ནས་གཅོད་པར་བྱེདཿ སངས་རྒྱས་འདུས་པ་ཐམས་ཅད་ཀྱིཿསྐུ་གསུང་ཐུགས་སུ་བྱིན་གྱིས་རློབསཿ ཨོཾ་བུདྡྷ་ཀཱི་ལི་ཀཱི་ལ་ཡ་ཀཱ་ཡ་བཛྲ་ནནཿ ཛྭ་ལ་ཛ་ལ་པྲ་ཛྲ་ལཿ སྥུ་ཊ་སྥུ་ཊ་སརྦ་ན་ས་པ་ན་ཡེ་ཧཱུཾ་ཕཊཿཨོཾ་པདྨ་ཀཱི་ལི་ཀཱི་ལི་ཡ་ཝཱཀྐ་བཛྲ་ནནཿ སརྦ་དུཥྟཾ་ཧྲི་ཤོ་དྷ་ཡ་ཧཱུཾ་ཕཊཿཨོཾ་བཛྲ་ཀཱི་ལི་ཀཱི་ལ་ཡ་ཙིཏྟ་བཛྲ་ནནཿ ཚིནྡྷ་ཚིནྡྷ་ཧཱུཾ་ཕཊཿཅེས་བྱིན་གྱིས་བརླབས་ནས་བྱུག་བདུག་བྲབ་གསུམ་གྱིས་གཟི་བྱིན་བསྐྱེད་པ་ནིཿ ཨོཾ་བཛྲ་ཀཱི་ལི་ཀཱི་ལ་ཡ་མ་ཧཱ་རཀྟ་ཛྭ་ལ་ནི་ཧཱུཾ་ཕཊཿལུས་ཀྱི་བཀྲག་དང་ལྡན་པ་དངཿ བ་སྤུའི་བུ་ག་རྡོ་རྗེས་གཏམསཿ མ་གུ་ཏ་ལ་པྲ་ཏ་ལ་ཧཱུཾ་ཕཊཿབུདྡྷ་ཐམས་ཅད་འདུས་པའི་སྐུརཿ ཁྲོ་བོ་དུ་མས་བྱིན་གྱི་རློབསཿ བཻ་ཏ་ལཱི་མཎྜལ་རཀྵ་རཀྵ་ཧཱུཾ་ཕཊཿལུས་ཀྱི་བ་སྤུའི་བུ་ག་ཀུནཿ ཁྲོ་ཆུང་ཉིད་ཀྱིས་རབ་ཏུ་གཏམསཿ ཁམས་གསུམ་གདུག་པ་བསྒྲལ་བའི་ཕྱིརཿ གདུལ་བྱའི་གདན་ལ་བཞུགས་སུ་གསོལཿ ས་མ་ཡ་ཏིཥྛཿ ཞེས་ཕུར་པ་རྫས་ཀྱི་


JLAZ010_Page_0624
[མ་དཔེ་གཟིགས་ན་འདིར་གནོན།]

དཀྱིལ་འཁོར་དང་དབྱེར་མེད་དུ་བསམ་མོཿ དེ་ནས་ཕྱོགས་བཅུ་ཁྲོ་བོའི་དཀྱིལ་འཁོར་བསྐྱེད་པ་ནིཿ གཙོ་བོ་ཡབ་ཡུམ་ཐུགས་ཀ་ནསཿ ལྕགས་ཀྱུ་ལྟ་བུའི་འོད་ཟེར་གྱིསཿ ཕྱོགས་སྐྱོང་བཀུག་ནས་སྟན་དུ་བཏིངཿ སྦྱོར་བའི་ལམ་ནས་སྒོ་ང་བཅུཿཕྱུངས་ཏེ་སྔགས་ཀྱི་སྒྲ་གདངས་ལསཿ ཁྲོ་བཅུ་ཁྲ་ཐབས་སོ་སོར་གྱུརཿ ཨོཾ་བཛྲ་ཀྲོ་ཏ་ཧཱུཾ་ཀཱ་ར་ཧཱུཾཿགརྫ་ཧཱུཾ་ཕཊཿགརྫ་ཧཱུཾ་ཕཊཿསྟེང་ཕྱོགས་ཉི་ཟླའི་གདན་སྟེང་དུཿ ཁྲོ་བོ་རྡོ་རྗེ་ཧཱུཾ་མཛད་ནིཿ ཞལ་གཅིག་ཕྱག་གཉིས་མདའ་གཞུ་འགེངསཿ ཡུམ་ཆེན་རྡོ་རྗེ་སྒྲ་འབྱིན་མཿ སྤྲུལ་པ་ཕག་དང་རྨིག་བུའི་མགོཿཨོཾ་བཛྲ་ཀྲོ་ཏ་བཱི་ཛ་ཡ་ཧཱུཾཿཧ་ན་ཧཱུཾ་ཕཊཿཧ་ན་ཧཱུཾ་ཕཊཿཤར་ཕྱོགས་དྲི་ཟའི་གདན་སྟེང་དུཿ ཁྲོ་བོ་རྡོ་རྗེ་རྣམ་པར་རྒྱལཿ ཕྱག་ན་རྩེ་གསུམ་འཁོར་ལོ་བསྣམསཿ ཡུམ་ཆེན་རྡོ་རྗེ་སྙེམས་མ་དངཿ སྤྲུལ་པ་སྟག་དང་བྱ་རྒོད་མགོཿཨོཾ་བཛྲ་ཀྲོ་ཏ་ནཱི་ལ་དཎྜ་ཧཱུཾཿད་ཧ་ཧཱུཾ་ཕཊཿད་ཧ་ཧཱུཾ་ཕཊཿཤར་ལྷོ་མེ་ལྷའི་གདན་སྟེང་དུཿ ནི་ལ་དཎྜ་དབྱུག་པ་མེཿཡུམ་ཆེན་རྡོ་རྗེ་སྡེར་མོ་དངཿ སྤྲུལ་པ་གཡག་དང་བྱ་རོག་མགོཿཨོཾ་བཛྲ་ཀྲོ་ཏ་ཡ་མཱནྟ་ཀ་ཧཱུཾཿཔ་ཙ་ཧཱུཾ་ཕཊཿཔ་ཙ་ཧཱུཾ་ཕཊཿལྷོ་ཕྱོགས་གཤིན་རྗེའི་གདན་སྟེང་དུཿ ཁྲོ་བོ་རྡོ་རྗེ་གཤིན་རྗེའི་གཤེདཿ ཕྱག་ན་ཐོད་དབྱུག་དགྲ་སྟྭ་


JLAZ010_Page_0625
[མ་དཔེ་གཟིགས་ན་འདིར་གནོན།]

བསྣམསཿ ཡུམ་ཆེན་དུར་ཁྲོད་བདག་མོ་དངཿ སྤྲུལ་པ་ཤ་བ་འུག་པའི་མགོཿཨོཾ་བཛྲ་ཀྲོ་ཏ་ཨཱརྱ་ཨ་ཙ་ལ་ཧཱུཾཿ བྷནྡྷ་ཧཱུཾ་ཕཊཿ བྷནྡྷ་ཧཱུཾ་ཕཊཿ ལྷོ་ནུབ་སྲིན་པོའི་གདན་སྟེང་དུཿ ཁྲོ་བོ་མི་གཡོ་མགོན་པོ་ནིཿ ཕྱག་ན་རལ་གྲི་ཞགས་པ་བསྣམསཿ ཡུམ་ཆེན་རྡོ་རྗེ་གཏུན་ཁུང་མཿ སྤྲུལ་པ་གཟིག་དང་ཁྭ་ཏའི་མགོཿཨོཾ་བཛྲ་ཀྲོ་ཏ་ཧྱ་གྷྲི་ཝ་ཧྲིཿ ཧུ་ལུ་ཧཱུཾ་ཕཊཿ ཧུ་ལུ་ཧཱུཾ་ཕཊཿ ནུབ་ཕྱོགས་ཀླུ་དབང་གདན་སྟེང་དུཿ ཁྲོ་བོ་ཆེན་པོ་རྟ་མགྲིན་རྒྱལཿ ཕྱག་ན་ཞགས་པ་སྤུ་གྲི་བསྣམསཿ ཡུམ་ཆེན་རྡོ་རྗེ་གཏུམ་མོ་དངཿ སྤྲུལ་པ་བྱི་ལ་པུ་ཤུད་མགོཿཨོཾ་བཛྲ་ཀྲོ་ཏ་ཨ་པ་ར་ཙིཏྟ་ཧཱུཾཿ ཏིཥྛ་ཧཱུཾ་ཕཊཿ ཏིཥྛ་ཧཱུཾ་ཕཊཿ ནུབ་བྱང་རླུང་ལྷའི་གདན་སྟེང་དུཿ ཁྲོ་བོ་ཆེན་པོ་གཞན་ལས་རྒྱལཿ ཕྱག་ན་མདའ་དང་རྔ་ཡབ་བསྣམསཿ ཡུམ་ཆེན་རྡོ་རྗེ་མདའ་སྙེམས་མཿ སྤྲུལ་པ་སྤྱང་ཀི་ཁྲ་ཡི་མགོཿཨོཾ་བཛྲ་ཀྲོ་ཏ་ཨ་མྲྀ་ཏ་ཀུན་ལཱི་ཧཱུཾཿ ཚིནྡྷ་ཧཱུཾ་ཕཊཿ ཚིནྡྷ་ཧཱུཾ་ཕཊཿ བྱང་ཕྱོགས་གནོད་སྦྱིན་གདན་སྟེང་དུཿ ཁྲོ་བོ་རྡོ་རྗེ་བདུད་རྩི་འཁྱིལཿ ཕྱག་ན་དབྱུག་ཏོ་རྒྱ་གྲམ་བསྣམསཿ ཡུམ་ཆེན་རྡོ་རྗེ་རླུང་འབྱིན་དངཿ སྤྲུལ་པ་སེང་གེ་ཕ་ཝང་མགོཿཨོཾ་བཛྲ་ཀྲོ་ཏ་ཀྲཻ་ལོ་ཀྱ་བི་ཛ་ཡ་ཧཱུཾཿ བིནྡྷ་ཧཱུཾ་ཕཊཿ བིནྡྷ་ཧཱུཾ་ཕཊཿ བྱང་ཤར་འབྱུང་


JLAZ010_Page_0626
[མ་དཔེ་གཟིགས་ན་འདིར་གནོན།]

པོའི་གདན་སྟེང་དུཿ ཁྲོ་བོ་རྡོ་རྗེ་ཁམས་གསུམ་རྒྱལཿ ཕྱག་ན་ལྕགས་ཀྱུ་རིན་ཆེན་བསྣམསཿ ཡུམ་ཆེན་རྡོ་རྗེ་གསོད་མ་དངཿ སྤྲུལ་པ་དོམ་དང་སྲེ་མོང་མགོཿཨོཾ་བཛྲ་ཀྲོ་ཏ་མ་ཧཱ་པཱ་ལ་ཧཱུཾཿསྥོ་ཊ་ཧཱུཾ་ཕཊཿསྥོ་ཊ་ཧཱུཾ་ཕཊཿའོག་ཕྱོགས་ས་བདག་གདན་སྟེང་དུཿ ཁྲོ་བོ་རྡོ་རྗེ་སྟོབས་པོ་ཆེཿཕྱག་ན་རྡོ་རྗེ་ཐོང་གཤོལ་བསྣམསཿ ཡུམ་ཆེན་རྡོ་རྗེ་བསྐྱོད་མ་དངཿ སྤྲུལ་པ་དྲེད་དང་བྱི་བའི་མགོཿཡུམ་རྣམས་གཡས་པ་དྲིལ་བུ་དངཿ གཡོན་པ་དུང་ཆེན་སྟོབ་ཅིང་འཁྱུདཿ ཀུན་ཀྱང་རྡོ་རྗེའི་གཤོག་པ་གདེངསཿ དུར་ཁྲོད་ཆས་ཀྱིས་རབ་ཏུ་བརྗིདཿ མཆེ་བ་ཅན་དང་གཤོག་པ་ཅནཿ ཕྲ་མེན་མགོ་བརྙན་ཉི་ཤུ་ནིཿ རྩིབས་མཆན་རྣམས་ལ་གཉིས་གཉིས་གནསཿ སྦྲུལ་དང་ཐོད་པས་རབ་ཏུ་བརྒྱནཿ ཕུར་པ་ལྕགས་ཀྱུ་ཕྱག་ན་བསྣམསཿ སྐྲ་བརྫེས་སྤྱན་དམར་མཆེ་བ་གཙིགསཿ ལྷ་ཚོགས་ཀུན་ཀྱང་སྐུ་མདོག་ནགཿ དུས་མཐའི་འོད་ཟེར་འབར་བ་འཁྲུགསཿ དེ་ནས་སྒོ་མ་བཞི་བསྐྱེད་པ་ནིཿ ཨོཾ་བཛྲ་ཀཱི་ལི་ཀཱི་ལ་ཡ་བིད་ཡ་བིད་བིད་ཧཱུཾ་ཕཊཿཨོཾ་བཛྲ་ཀཱི་ལི་ཀཱི་ལི་ཡ་ན་མཿ ས་མནྟ་ཧྲིཾ་ཧྲིཾ་ཧཱུཾ་ཕཊཿཨོཾ་བཛྲ་ཀཱི་ལི་ཀཱི་ལི་ཡ་པྲ་སུ་རུ་པྲ་སུ་རུ་ཧཱུཾ་ཕཊཿཨོཾབཛྲ་ཀཱི་ལི་ཀཱི་ལ་ཡ་མཱ་ར་ཡ་མཱ་ར་ཡ་ཧཱུཾ་ཕཊཿཉི་ཟླ་ཡི་གེ་བཞི་ཉིད་ལསཿ དྲོད་གཤེར་ལས་སྐྱེས་སྒོ་


JLAZ010_Page_0627
[མ་དཔེ་གཟིགས་ན་འདིར་གནོན།]

མ་བཞིཿཤར་ཕྱོགས་དྲི་ཟའི་གདན་སྟེང་དུཿ སྐྱ་གའི་མགོ་ཅན་ལྕགས་ཀྱུ་མཿ ལྷོ་ཕྱོགས་གྲུལ་བུམ་གདན་སྟེང་དུཿ པུ་ཤུད་མགོ་ཅན་ཞགས་པ་མཿ ནུབ་ཕྱོགས་ཆུ་བདག་གདན་སྟེང་དུཿ སྲིན་བྱའི་མགོ་ཅན་ལྕགས་སྒྲོག་མཿ བྱང་ཕྱོགས་གནོད་སྦྱིན་གདན་སྟེང་དུཿ ཁྲ་ཡི་མགོ་ཅན་དྲིལ་བུ་མཿ དཀར་སེར་དམར་ལྗང་ཐོད་སྦྲུལ་བརྒྱནཿ ཕྱག་གཡོན་ཕུར་པ་བགེགས་ལ་གཟིརཿ མེ་དཔུང་དབུས་ན་ཀུན་ཀྱང་རྔམསཿ དྲག་པོའི་ཚུལ་གྱིས་ཞེ་སྡང་འཇོམསཿ མུ་རན་ལ་ནི་ཕུར་སྲུང་སྟེཿཨེ་ཡཾཾ་མ་ཡ་བཞི་པོ་ལསཿ ཤྭ་ན་མུ་ཁ་བཞི་པོ་གསལཿ ཛཿཡིག་བཞི་ལས་ས་བདག་བཞིཿབྷྱོ་ཡིག་བཞི་ལས་བདག་ཉིད་བཞིཿམཐུ་དང་རྫུ་འཕྲུལ་གློག་ལས་མྱུརཿ བསྟན་པ་སྲུང་ཞིང་ཉམས་པ་བདུནཿ ཞེ་ལ་བརྣག་པའི་སྟོབས་ཀྱིས་སྒྲོལཿ གནས་གསུམ་བྱིན་བརླབ་ནིཿ སྙིང་ག་མགྲིན་པ་སྤྱི་བོ་རུཿཟླ་བའི་དཀྱིལ་འཁོར་བསམས་ནས་ནིཿ རྡོ་རྗེ་པདྨ་འཁོར་ལོ་དགཿ ཧཱུཾ་ཨཱཿཨོཾ་གྱིས་མཚན་པ་ལསཿ ཐུགས་གསུང་སྐུ་ཡི་རྡོ་རྗེར་སྒོམཿ རྡོ་རྗེ་ཕྱག་རྒྱ་གནས་གསུམ་དུ་བཞག་ལཿ ཨོཾ་སརྦ་ཏ་ཐཱ་ག་ཏ་མ་ཧཱ་ཙིཏྟ་བཛྲ་སྭ་བྷཱ་ཝ་ཨཱཏྨ་ཀོ྅་ཧཾཿདེ་བཞིན་དུ་ཝཱཀྐ་དངཿ ཀཱ་ཡ་སྦྱརཿ དབང་བསྐུར་བ་ནིཿ སྙིང་ཁར་བྷྲཱུཾ་ལས་རིན་


JLAZ010_Page_0628
[མ་དཔེ་གཟིགས་ན་འདིར་གནོན།]

པོ་ཆེའི་གཞལ་མེད་ཁང་སྒོ་གཅིག་པའི་ནང་དུ་ཡེ་ཤེས་སེམས་དཔའ་རྡོ་རྗེ་མི་བསྐྱོད་པ་ཚོན་གང་བ་གསལ་བའི་སྒོ་སྲུང་རྟ་མགྲིན་ཡབ་ཡུམ་དུ་གསལ་ལཿ ཡེ་ཤེས་སེམས་དཔའི་འོད་ཀྱིས་དབང་ལྷ་སྤྱན་དྲངས་པར་བསམས་ལཿ ཧཱུཾཿཐབས་ཀྱི་སྤྱོད་པས་གཞན་དོན་དུཿ བྱམས་དང་སྙིང་རྗེས་གང་འདུལ་བཿ སངས་རྒྱས་ཕྲིན་ལས་རྫོགས་མཛད་པའིཿདབང་དང་བྱིན་རླབས་བདག་སྩོལ་ཅིགཿ རིགས་ལྔའི་དབང་རྒྱ་གནས་སོ་སོར་བཞག་ལཿ ཨོཾ་མཧཱ་ཤུ་ནྱ་ཏ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོ྅་ཧཾཿདེ་བཞིན་དུ་ཤཱུ་ནྱ་ཏའི་མལ་དུཿ ཨ་དརྴཿས་མ་ཏཿཔྲ་ཏྱ་བེཀྵ་ནཿ ཀྲྀ་ཏ་ཨ་ནུཥྛ་བཅུགཿ དེ་ནས་ཁམས་གསུམ་གྱི་སྲོག་ལ་དབང་བསྐུར་བ་ནིཿ ཧཱུཾ་ཧཱུཾ་ཧཱུཾཿའགྲོ་དྲུག་ཉོན་མོངས་བཅིངས་པ་རྣམསཿ ཧཱུཾ་གིས་དུག་ཆེན་རབ་སྦྱངས་ཏེཿ ཨ་ནྲི་སུ་ཏྲི་པྲེ་དུར་གྱུརཿ རཾ་ཡཾ་ཁཾ་ལས་མེ་རླུང་ཆུསཿ འགྲོ་བ་རབ་སྦྱངས་ཧཱུཾ་དུ་གྱུརཿ ཁམས་གསུམ་ཐམས་ཅད་རྡོ་རྗེ་སེམསཿ ཏིལ་གྱི་གོང་བུ་ལྟ་བུས་གངཿ རྟ་མགྲིན་རྒྱལ་པོ་ཡེ་ཤེས་ལཿ བསྟིམས་པས་བྱང་ཆུབ་སེམས་རྒྱས་གྱུརཿ ཡབ་ཡུམ་གཉིས་མེད་སྦྱོར་བའི་སྒྲསཿ ཡེ་ཤེས་ཁྲོ་བོ་སྤྱན་དྲངས་སོཿ དེ་ནས་སྤྱན་འདྲེན་པ་ནིཿ ཧཱུཾཿསྲིད་པ་ཕུར་བུར་སྒྲུབ་པ་དངཿ དབང་དང་དངོས་གྲུབ་སྩོལ་བའི་ཕྱིརཿ ཡེ་ཤེས་ཁྲོ་བོ་གཤེགས་སུ་གསོལཿ ཁྲོ་བོ་ཆེན་པོ་གཤེགས་ནས་ཀྱངཿ


JLAZ010_Page_0629
[མ་དཔེ་གཟིགས་ན་འདིར་གནོན།]

རྟགས་དང་མཚན་མ་སྟོན་པ་དངཿ རྡོ་རྗེ་ཕུར་བའི་དངོས་གྲུབ་སྩོལཿ ཐུགས་རྗེའི་ལྕགས་ཀྱུས་རྒྱུད་བསྐུལ་ཞིངཿ བྱམས་པའི་ཞགས་པས་སྤྱན་འདྲེན་ནོཿལྕགས་སྒྲོག་བཀའ་ཡི་ཕོ་ཉས་བཏབཿ བདེ་གཤེགས་དྲིལ་བུས་དགྱེས་པ་བསྐྱེདཿ ཨེ་ཧྱ་ཧི་མ་ཧཱ་ཀཱ་རུ་ཎི་ཀ་དྲྀ་ཤྱ་ཧོཿབཞུགས་གསོལ་ནིཿ ཧཱུཾཿཐུགས་མཆོག་གསལ་བའི་བྱིན་རླབས་ལསཿ ཞེ་སྡང་གནས་སུ་འཇོམས་པ་དངཿ མེ་ལོང་ཡེ་ཤེས་ཐོབ་བྱའི་ཕྱིརཿ དཀྱིལ་འཁོར་དབུས་སུ་བཞུགས་སུ་གསོལཿ དཀྱིལ་འཁོར་དབུས་སུ་བཞུགས་ནས་ཀྱངཿ ཉོན་མོངས་མུན་པ་བསལ་དུ་གསོལཿ ས་མ་ཡ་ཏིཥྛ་ལྷནཿ ཕྱག་འཚལ་བ་ནིཿ ཧཱུཾཿཡང་དག་དོན་དུ་སྐུ་ནི་ཅིར་སྣང་ཡངཿ བདུད་དང་སྲིན་པའི་ང་རྒྱལ་མ་ཡིན་ཏེཿའདུལ་བའི་དབང་གིས་རབ་རྔམས་མཆེ་བ་གཙིགསཿ ཧཱུཾ་དང་ཕཊ་ཀྱི་སྒྲས་ནི་ཀུན་ཀྱང་བཀངཿ ཉོན་མོངས་གདུག་པ་འདུལ་བའི་ཐུགས་རྗེ་ཡིསཿ བྱིན་རླབས་སྟེར་བའི་ལྷ་ལ་ཕྱག་འཚལ་ལོཿཨ་ཏི་པུ་ཧོཿཔྲ་ཏཱིུ་ཙྪ་ཧོཿམཆོད་པ་ནི་སྤྲོ་ནཿ སྒེག་དཔའ་འཇིགས་རུང་སྐུ་ཡི་གརཿ ཞེས་གར་དགུའི་མཆོད་པ་ནས་སྦྱོར་སྒྲོལ་གྱི་མཆོད་པའི་བར་ཐམས་ཅད་རྫོགས་པར་བྱ་ཞིངཿ བསྡུ་ན་དེའི་ཚབ་ཏུཿ ཧཱུཾཿ བླ་མེད་མཆོག་གི་མཆོད་པ་དམ་


JLAZ010_Page_0630
[མ་དཔེ་གཟིགས་ན་འདིར་གནོན།]

པ་ནིཿ ཡེ་ཤེས་ལྔ་ཡི་འོད་ཟེར་རྣམ་པར་འཕྲོཿའདོད་པའི་ཡོན་ཏན་ལྔ་ཡིས་རབ་བརྒྱན་ཏེཿདམ་ཚིག་བཞིན་ལས་ཅི་བདེར་བཞེས་སུ་གསོལཿ ཨོཾ་ཤྲཱི་བཛྲ་ཀུ་མཱ་ར་ས་པ་རི་ཝཱ་ར་ཨརྒྷཾ་ནས་ཤཔྟའི་བར་དངཿ སརྦ་པཉྩ་རཀྟ་བྷ་ལིངྟ་ཁཱ་ཧིཿརྒྱས་བསྡུས་ཇི་ལྟར་ཡང་ཕུར་བའི་སྒོས་ཆོས་རཀྟ་ཚར་གསུམ་ནིཿ ཕུད་དང་རཀྟ་བསྲེསཿ དང་པོ་ཕོ་ཉ་ལ་བཀའ་བསྒོས་ཏེ་མངོན་སྤྱོད་ཀྱི་ཚུལ་དུ་ཕུལ་ནསཿ ཧཱུཾ་དངོས་གྲུབ་བར་གཅོད་བྱེད་པའི་བགེགསཿ གདུག་ཅིང་སྡང་སེམས་ལྡན་པ་རྣམསཿ ཟུང་ཞིག་རྒྱོབ་ཅིག་རྣམ་པར་ཆིངསཿ རྟོགས་ཤིག་གྲོགས་དང་བྲལ་བར་གྱིསཿ རིངས་པར་ཁུག་ལ་སྨར་ཆུ་གཅིགཿ ཕོབ་ཅིག་རྣམ་པར་གཟིར་བར་གྱིསཿ ང་ཡི་དབང་དུ་གྱུར་ནས་ཀྱངཿ བསྒོ་བའི་བཀའ་ནི་ཉན་པར་གྱིསཿ མ་ཧཱ་རཀྟ་ཁཱ་ཏིཿགཉིས་པ་དམ་ཅན་ལ་ཐ་ཚིག་བསྒྲག་པའི་ཕྱིར་ཕུལ་ནསཿ ཧཱུཾཿབྲན་དང་བཀའ་ཉན་ཕོ་ཉའི་ཚོགསཿ ཁྱོད་ཀྱི་དམ་ཚིག་དུས་ལ་བབཿ སྔོན་ཆད་ཇི་ལྟར་དམ་བཅས་པའིཿམངོན་སྤྱོད་ཕྲིན་ལས་མྱུར་དུ་མཛོདཿ མ་ཧཱ་རཀྟ་ཁཱ་ཧིཿགསུམ་པ་གནོད་བྱེད་ཀྱི་མཐུ་དང་རྫུ་འཕྲུལ་འཕྲོག་ཕྱིར་ཕུལ་ནསཿ ཧཱུཾ་དངོས་གྲུབ་བར་ཆད་བྱེད་པའི་བགེགསཿ གདུག་ཅིང་སྡང་སེམས་ལྡན་པ་རྣམསཿ ལྷའམ་འོན་ཏེ་བདུད་ཀྱང་རུངཿ ང་ལ་བར་ཆད་བྱེད་པ་


JLAZ010_Page_0631
[མ་དཔེ་གཟིགས་ན་འདིར་གནོན།]

རྣམསཿ མཐུ་དང་རྫུ་འཕྲུལ་མེད་པར་མཛོདཿ མ་ཧཱ་རཀྟ་ཁཱ་ཧིཿབསྟོད་པ་ནིཿ ཧཱུཾ་སྒེག་པ་དཔའ་བ་འཇིགས་སུ་རུང་བ་དངཿ དགོད་དང་གཤེ་དང་འཇིགས་པར་སྟོན་པ་དངཿ སྙིང་རྗེ་རྔམ་ཞི་རྡོ་རྗེ་གཞོན་ནུའི་སྐུཿ ཞེ་སྡང་འཇོམས་པའི་ལྷ་ལ་ཕྱག་འཚལ་བསྟོདཿ ཡབ་ཀྱི་ཐུགས་དམ་དགྱེས་པ་སྐོང་བའི་ཡུམཿ འཁོར་ལོ་རྒྱས་འདེབས་འདོད་ཆགས་འཇོམས་མ་དངཿ ཨེ་ཀ་ཙ་ཏི་ཞེ་སྡང་འཇོམས་མཛད་མཿ འདོད་ཆགས་ཚུལ་གྱིས་འདོད་ཆགས་འཇོམས་ལ་བསྟོདཿ ཡེ་ཤེས་ལྔ་ལྡན་ཕུར་བུས་དུག་ལྔ་འཇོམསཿ ཕྲིན་ལས་ལྔ་ཡིས་དྲེགས་པ་སྒྲོལ་བ་ལཿ ཐོགས་པ་མེད་པའི་ལས་མཛད་འདུས་པ་ལྔཿསྲས་མཆོག་རིགས་ལྔའི་སྐུ་ལ་ཕྱག་འཚལ་བསྟོདཿ ཡེ་ཤེས་རོལ་བའི་སྟོབས་བཅུས་མི་དགེ་འཇོམསཿ སྐུ་གསུང་ཐུགས་ཀྱིས་གདུག་པ་སྒྲོལ་བར་མཛདཿ ཡང་དག་དོན་གྱིས་ལོག་འདྲེན་འཇོམས་མཛད་པཿཁྲོ་བོ་ཡབ་ཡུམ་བཅུ་ལ་ཕྱག་འཚལ་བསྟོདཿ བྱང་ཆུབ་བདེ་ལ་རོལ་བའི་ཕོ་ཉ་མོཿ གདུལ་བྱའི་དོན་ལ་ཁྲ་ཐབས་གཟུགས་འཛིན་ཅིངཿ དྲེགས་པའི་ཚོགས་རྣམས་མ་ལུས་འདུལ་མཛད་པཿ ཕྲ་མེན་ཕོ་ཉའི་ཚོགས་ལ་ཕྱག་


JLAZ010_Page_0632
[མ་དཔེ་གཟིགས་ན་འདིར་གནོན།]

འཚལ་བསྟོདཿ འཛབ་དགོངས་ནིཿ སྒྲུབ་པ་དང་སྒྲུབ་ཆེན་སོགས་ལཿ བྷྲཱུཾ་བི་ཤྭ་བི་ཤུདྡྷེ་ཕཊཿཛཿས་འཛབ་ཁང་དབྱེ་ནས་བདག་མདུན་གྱི་རྣམ་པར་གསལ་བ་ཀུན་ལ་འགྲེ་ཞིང་བསྙེན་པ་ནིཿ ཧཱུཾཿཐུགས་ཀ་དཔལ་གྱི་བེའུའི་དཀྱིལ་འཁོར་ནསཿ སྒོ་གཅིག་རིན་ཆེན་གཞལ་ཡས་ཁངཿ བདེ་སྟོང་དབྱེར་མེད་ངང་ཉིད་ལསཿ ཆོས་ཀྱི་སྐུ་ལས་ལོངས་སྐུར་ཤརཿ པདྨ་ཟླ་བའི་གདན་ལ་བཞུགསཿ སྐྱོན་གྱིས་མ་གོས་གཏི་མུག་སེལཿ ཡབ་ཡུམ་གཉིས་མེད་ཟག་མེད་སྐུཿ སྐུ་མདོག་དཀར་གསལ་རྣམ་དག་དབྱིངསཿ རྡོ་རྗེ་དྲིལ་བུ་ཕྱག་ན་བསྣམསཿ ཤེས་རབ་བྱང་ཆུབ་སེམས་དང་ལྡནཿ རྟོག་མེད་མི་འགྱུར་སྐྱིལ་ཀྲུང་བཞུགསཿ མཁའ་དབྱིངས་བདེ་ཆེན་སྐུ་ལ་བསྟོདཿ ཨོཾ་ནི་དཔལ་ཆེན་ཡབ་ཡིན་ཏེཿབཛྲ་ཤེས་རབ་ཡུམ་ཡིན་ནོཿཀཱི་ནི་ཡེ་ཤེས་ཁྲོ་བོ་ལཿ ལི་ནི་དབྱིངས་ཀྱི་ཁྲོ་མོ་ཡུམཿ ཀཱི་ནི་ཐབས་ཀྱི་མཆེ་བ་ཅནཿ ལ་ནི་ཤེས་རབ་གཤོག་པ་ཅནཿ ཡ་ནི་སྲས་མཆོག་ཕུར་པ་སྟེཿ ཧཱུཾ་ནི་ཕྱག་བརྙན་སྒོ་མ་བཞིཿ སརྦ་ཐམས་ཅད་འདུས་པ་སྟེཿ བིག་ནི་དགྲ་དང་བགེགས་ཡིན་ཏེཿ ནན་


JLAZ010_Page_0633
[མ་དཔེ་གཟིགས་ན་འདིར་གནོན།]

ནི་དགྲ་དང་བགེགས་མནན་ནོཿབཾ་ནི་དབང་དུ་སྡུད་པ་སྟེཿ ཧཱུཾ་ནི་རླག་པར་བྱེད་པའོཿཕཊཿ ཀྱིས་སྒྲོལ་བའི་ཕྲིན་ལས་མཛདཿ ཅེས་སོཿས་ཡ་ཐ་མ་བྱེ་བ་འབྲིངཿ སྨིན་པར་འདོད་ལ་གྲངས་ངེས་མེདཿ འདི་ལ་ཡི་དམ་བྱེད་པ་རྣམསཿ བར་ཆད་བདུད་ཀྱིས་མི་ཚུགས་ཤིངཿ ཕྲིན་ལས་ཀུན་ལ་མངའ་བརྙེས་འགྱུརཿ རྗེས་ལ་ཚོགས་ཀྱི་མཆོད་པ་སོགསཿ ལས་གཞུང་བཞིན་དུ་ཤེས་པར་བྱཿརྒྱུད་སྡེ་རྒྱ་མཚོའི་དོན་གྱི་དབྱིངསཿ དགོངས་བརྡ་སྙན་བརྒྱུད་ཤོག་སེར་ལཿ གཅུས་དཀྲུགས་གབ་པའི་གནད་གསལ་བཿ པདྨའི་རིང་ལུགས་དམ་པའོཿས་མ་ཡཿརྒྱ་རྒྱ་རྒྱཿ

བཀའ་འདུས་ཆོས་ཀྱི་རྒྱ་མཚོ་ལསཿ དཔལ་ཆེན་ཕྱག་རྒྱ་རྒྱས་པ།


JLAZ010_Page_0635
[མ་དཔེ་གཟིགས་ན་འདིར་གནོན།]

༂ བཀའ་འདུས་ཆོས་ཀྱི་རྒྱ་མཚོ་ལསཿ དཔལ་ཆེན་ཕྱག་རྒྱ་རྒྱས་པ་བཞུགསཿ


JLAZ010_Page_0636
[མ་དཔེ་གཟིགས་ན་འདིར་གནོན།]

བཀའ་འདུས་ཆོས་ཀྱི་རྒྱ་མཚོར་འདུདཿ སྟོང་པ་ཤིན་ཏུ་ཡོད་མེད་ཀྱིཿརྣལ་འབྱོར་རྣམ་བཅས་ནམ་མཁའི་གཟུགསཿ སྤྱི་དཔལ་ཆེན་པོ་དོན་དམ་གྱིཿ ཕྱག་རྒྱ་རྒྱས་པ་ལྟར་སྒྲུབ་པཿཤིན་ཏུ་ཟབ་ཕྱིར་གུད་དུ་སྦསཿ ས་མ་ཡཿརྒྱ་རྒྱ་རྒྱཿ༈ཆེ་མཆོག་བཛྲ་ཐོད་ཕྲེང་རྩལཿ མཐིང་ནག་དབུ་དགུ་ཕྱག་བཅོ་བརྒྱདཿ རྣམ་པར་ཐར་པའི་ཞབས་བརྒྱད་ཀྱིསཿ རྒྱལ་འགོང་བདུད་བཞིའི་སྤྱི་ནས་བརྫིསཿ དབུ་མའི་ཞལ་གསུམ་ཆོས་ཀྱི་སྐུཿ ཁྲོ་དང་རྔམ་དང་བརྗིད་པ་དངཿ གཡས་ཞལ་གསུམ་ནི་ལོངས་སྤྱོད་རྫོགསཿ དཀར་དམར་དགོད་གཤེ་ཆགས་པའི་ཉམསཿ གཡོན་ཞལ་གསུམ་ནི་སྤྲུལ་བའི་སྐུཿ དམར་ནག་ཨམ་གཙིགས་འཇིགས་པར་སྟོནཿ རང་རང་ཞལ་ལ་སྐུ་གསུམ་རྫོགསཿ སྟོང་པ་བཅོ་བརྒྱད་རྫོགས་པའི་ཕྱགཿ དང་པོ་གཉིས་ཀྱིས་རྡོ་རྗེ་དུངཿ གཟུང་འཛིན་ཆགས་སྡང་དབྱིངས་སུ་སྦྱོརཿ གཡས་པ་བརྒྱད་ན་མཐོང་ཐོས་སྣོམཿ མྱོང་བའི་དབང་པོ་དག་པ་ལསཿ ཕྱི་སེམས་བྱམས་པ་སྒྲིབ་སེལ་དངཿ ཀུན་ཏུ་བཟང་པོ་འཇམ་དཔལ་དབྱངསཿ རང་རང་དབང་ཤེས་དག་པ་ལསཿ ནང་སེམས་ས་སྙིང་རྡོ་རྗེ་འཛིནཿ ནམ་མཁའི་སྙིང་པོ་སྤྱན་རས་གཟིགསཿ གཡོན་པ་བརྒྱད་ན་དུས་བཞི་དངཿ ཡུལ་བཞི་དག་པའི་བཙུན་མོ་བརྒྱདཿ བདུག་


JLAZ010_Page_0637
[མ་དཔེ་གཟིགས་ན་འདིར་གནོན།]

སྤོས་མེ་ཏོག་མར་མེ་དྲིཿསྒེག་མོ་གླུ་ཕྲེང་གར་མ་བསྣམསཿ ཐུགས་ཀ་དཔལ་གྱི་བེའུའི་དབྱིངསཿ ཡིད་ཆོས་གནས་དག་ཡེ་ཤེས་སེམསཿ གདོད་མའི་མགོན་པོ་སྟང་དཔྱལ་སྦྱོརཿ ཕུང་པོ་ལྔ་དང་འབྱུང་བ་ལྔཿགནས་དག་རིགས་ལྔ་ཡབ་ཡུམ་བཅུཿདབུ་རྒྱན་བྷནྷའི་ནང་ན་བཞུགསཿ རྡོ་རྗེའི་བྱ་ཁྱུང་སྤྱི་བོར་ལྡིངཿ དུར་ཁྲོད་དཔལ་གྱི་ཆས་རྣམས་རྫོགསཿ གནམ་ཞལ་ཡུམ་མཆོག་ཀུན་བཟང་སྦྱོརཿ ལ་སོགས་སྒྲུབ་ཐབས་གཞུང་བཞིན་སྦྱརཿ སྤྲོསཿ སྒོས་བཀའ་ཡངཿ ཕྱག་རྒྱ་རྒྱས་པ་ལྟར་དུ་བསྐྱེདཿ བསྐལ་པའི་མེ་ལྟར་འབར་ཀློང་ནསཿ རང་བྱུང་ཡེ་ཤེས་ཁྲོ་ཚོགས་ཤརཿ ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾཿཤར་དུ་དབང་ཕྱུག་ཁྱོ་ཤུག་བསྣོལ་བའི་སྟེངཿ འབྲས་བུའི་ཡང་དག་སངས་རྒྱས་མཉམ་སྦྱོར་ནིཿ སྐུ་མདོག་མཐིང་ནག་ཞལ་གསུམ་ཕྱག་དྲུག་པཿགཡས་དཀར་བཞད་དང་གཡོན་དམར་གཤེ་བའི་ཞལཿ རྩ་ཞལ་རྔམ་བརྗིད་ཧཱུཾ་ཕཊ་གད་རྒྱངས་སྒྲོགཿ ཐོད་སྐམ་དབུ་རྒྱན་ཁྲག་འཐུང་རིགས་ལྔས་བརྒྱནཿ སྤྱན་དགུ་སྡང་མིག་རྫི་སྨིན་ཨག་ཚོམ་འབརཿ གཡས་གསུམ་གནམ་ལྕགས་རྡོ་རྗེ་ཁ་ཊྭཱཾ་དངཿ རུ་ཏྲའི་དཔྱི་ལས་གསང་བའི་རྔེའུ་ཆུངཿ གཡོན་གསུམ་དུང་དམར་རྒྱུ་ཞགས་ཁྱུང་ཁྲ་འགྱེདཿ ཞབས་


JLAZ010_Page_0638
[མ་དཔེ་གཟིགས་ན་འདིར་གནོན།]

བརྒྱད་གཡས་བསྐུམ་གཡོན་བརྐྱངས་དོར་སྟབས་བགྲདཿ རྡོ་རྗེའི་ཁྱུང་གཤོག་ལ་སོགས་དཔལ་ཆས་དངཿ དུར་ཁྲོད་ཆས་རྫོགས་གར་དགུའི་རོལ་པས་བརྗིདཿ ཀྲོ་ཏི་ཤྭ་རཱི་གཡས་པ་ཡབ་ལ་འཁྱུདཿ གཡོན་པ་ཐོད་ཁྲག་ཁྲོ་མོའི་ཆས་ཀུན་རྫོགསཿ རྣམ་ཤེས་རྣམ་དག་གཽ་རཱི་བརྒྱད་ཀྱིས་བསྐོརཿ ཨོཾ་ཨ་ཀྲོ་ཏེ་ཀ་ཡ་མཱནྟ་ཀ་ཧ་ན་མ་ཐ་བྷཉྫ་ཧཱུཾ་ཕཊཿལྷོ་ཕྱོགས་ཨེ་ཡི་ཕོ་བྲང་དུཿ ཀླུ་འབུམ་གཉན་ཁྲི་ས་བདག་སྟོངཿ ཕྱོགས་སྐྱོང་མ་ཧེ་ཉི་ཟླའི་གདནཿ དབུས་སུ་ཟིལ་གནོན་ལྷུན་གྲུབ་སྐུཿ མཐིང་ནག་དུག་ཆེན་ཧ་ལའི་མདོགཿ དབུ་གསུམ་ཕྱག་དྲུག་ཞབས་བཞི་བགྲདཿ གཡས་པ་ཀུ་མུ་ཏ་འདྲ་བསཿ རོ་ཉེ་ཟ་དང་རྔམ་པར་གཟིགསཿ གཡོན་པ་རཱ་ག་གཉན་ཁྲི་གསོལཿ དབུས་མཐིང་དགྲ་བགེགས་ས་བདག་ཟཿརྡོ་རྗེ་འཁོར་ལོ་རལ་གྲི་གཡསཿ བེ་ཅོན་གཏུན་ཤིང་སྡིགས་མཛུབ་འབརཿ གླང་ཆེན་ཀོ་རློན་དུར་ཁྲོད་ཆསཿ སྦྲུལ་དང་རིན་ཆེན་ཙིཏྟས་བརྒྱནཿ དབུ་ལ་རིགས་ལྔ་ཁྲོ་བའི་སྐུཿ དྲེགས་པའི་སྙིང་དང་ནཱ་གའི་མགོཿདོ་ཤལ་ཁྲོ་བོའི་ཆས་ཀ་རྫོགསཿ དེ་བཞིན་ཉིད་དབྱིངས་ཁྲོས་པའི་ཡུམཿ མཐིང་ནག་སྙིང་སྟོབ་གྲི་ཐོགས་འཁྱུདཿ གཙོ་བོའི་ཐུགས་ཀར་ཡ་མའི་སྐུཿ ཞེ་སྡང་རྡོ་རྗེ་སྨུག་ནག་འཇིགསཿ འཁོར་ལོ་ཙིཏྟ་ཕྱག་ན་བསྣམསཿ ཡ་མའི་


JLAZ010_Page_0639
[མ་དཔེ་གཟིགས་ན་འདིར་གནོན།]

ཐུགས་ཀར་དྲེགས་པ་ཆེཿང་རྒྱལ་རྡོ་རྗེ་ལྗང་ནག་རྔམསཿ རྡོ་རྗེ་སྙིང་ཕྲེང་ཕྱག་ན་བསྣམསཿ དྲེགས་པའི་ཐུགས་ཀར་ཁྱམས་ཁང་སྟེངཿ ཕྲག་དོག་རྡོ་རྗེ་འཇིགས་པའི་སྐུཿ རུས་སྦལ་འཇིང་བསྣོལ་ཐུར་དུ་བལྟཿསྤྱི་གཙུགས་འདབ་ཆགས་ཀུ་མུ་ཏཿའདོད་ཆགས་རྡོ་རྗེ་ཟིལ་གནོན་སྐུཿ རོ་ཉེ་འདྲེན་པའི་སྟོབས་དང་ལྡནཿ ཕྲག་གོང་ཁྱུང་མོ་སྔོ་ནག་གཉིསཿ ནུ་མར་སེང་གེ་དཔུང་པར་སྟགཿ སྟ་ཟུར་སྦྲུལ་ནག་ཅེ་སྤྱང་རྔམསཿ ཁྲོ་ཆུང་མང་པོས་སྐུ་ལ་གཏམསཿ ལས་གཤིན་བཞི་དང་གྲུ་ཆད་བདགཿ གཤེད་ཆེན་བཅུ་གཉིས་ཟླ་ཞག་གཤེདཿ བདུད་དང་མོན་པ་ཀིང་ཀང་ཚོགསཿ ཨོཾ་ཧུ་ལུ་ཧུ་ལུ་ཧཱུཾ་ཕཊཿཨེ་ཨ་ར་ལི་ཧཱུཾ་ཧྲཱིཿཛཿནུབ་ཏུ་ཀླུ་སྲིན་བསྣོལ་བའི་སྟེངཿ དཔལ་ཆེན་རྟ་མཆོག་རོལ་པ་ནིཿ སྐུ་མདོག་དུས་མཐའི་མེ་ལྟར་འབརཿ དབུ་ལྔ་ཕྱག་ནི་བཅུ་དྲུག་ལཿ ཁྱུང་གཤོག་གདེངས་ཤིང་ཞབས་བརྒྱད་བགྲདཿ གཤོག་རྩེ་བྱ་ཁྱུང་ཉི་ཟླས་མཚནཿ དུར་ཁྲོད་དཔལ་གྱི་ཆས་རྣམས་རྫོགསཿ ཤར་ལྷོ་ནུབ་བྱང་གཟིགས་པའི་དབུཿདྲི་ཟ་གཤིན་རྗེ་ཀླུ་དབང་དངཿ གནོད་སྦྱིན་གདོན་ལ་མྱ་ངན་བསྐྱེདཿ གཡས་སྔོ་གཡོན་དམར་ལྷག་མ་དམརཿ སྟེང་ཞལ་རྔམ་པ་བདུད་བཞི་འདུལཿ ལྔ་ཀའང་རྟ་མགོ་ལྗང་


JLAZ010_Page_0640
[མ་དཔེ་གཟིགས་ན་འདིར་གནོན།]

ཞུར་འཚེརཿ རིགས་ལྔའི་རྒྱལ་ལ་གདན་གསུམ་རྫོགསཿ གཡས་པ་བརྒྱད་ཀྱི་དང་པོ་ནིཿ རྡོ་རྗེ་ཁ་ཊྭཱཾ་དྲིལ་བུ་དངཿ ལྕགས་ཀྱུ་སྦྲུལ་ཞགས་འཁོར་ལོའི་མཚོནཿ རལ་གྲི་རྡོ་རྗེ་ཕྲེང་བའོཿགཡོན་བརྒྱད་ཐོད་ཁྲག་པདྨ་སྙིངཿ དབྱུག་པ་རྒྱ་གྲམ་བེ་ཅོན་མེཿཏྲི་ཤུ་ལ་དང་ཁྱུང་ཁྲ་འགྱེདཿ ཞབས་བརྒྱད་ཀླུ་བརྒྱད་རྒྱལ་བསེན་བརྫིསཿ ཡུམ་ཆེན་པདྨ་གཟི་ལྡན་མཿ གཡས་པ་ཡིད་བཞིན་ནོར་འཛིན་འཁྱུདཿ གཡོན་པ་རིན་ཆེན་ཟ་མ་ཏོགཿ གོ་ལ་མ་དྲུག་ཡུམ་ཆེན་བཞིཿཁམ་རྒྱ་དམུས་ལོང་ཁྱི་སྤྱང་ཚོགསཿ ཕོ་ཉ་སུམ་བརྒྱ་དྲུག་ཅུས་བསྐོརཿ ཨོཾ་བཛྲ་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུཾ་ཕཊཿབྱང་དུ་རུ་ཏྲ་བདུད་བཞིའི་སྟེངཿ དཔལ་ཆེན་རྡོ་རྗེ་གཞོན་ནུ་ནིཿ སྙིང་རྗེ་རྔམ་ཞིའི་ངང་ཉིད་ལསཿ སྒེག་དཔའ་འཇིགས་སུ་རུང་བའི་སྐུཿ རྫུ་འཕྲུལ་ཞབས་བཞི་དོར་སྟབས་བགྲདཿ རྣམ་པར་ཐར་བའི་དབུ་གསུམ་གྱིསཿ སྐྲག་མཛད་བཞད་གཤེ་ཁྲོ་བོའི་ཞལཿ གཡས་དཀར་གཡོན་དམར་དབུས་མཐིང་ནགཿ སྤྱན་དམར་སྨིན་མ་སྨ་ར་སེརཿ ཁྲོ་གཉེར་ཆུ་ཡི་རླབས་བཞིན་འཁྲུགསཿ ཕྱག་དྲུག་གཡས་ཀྱི་དང་པོ་ཡིསཿ གསེར་གྱི་རྡོ་རྗེ་རྩེ་དགུ་དངཿ བར་པ་རྡོ་རྗེ་རྩེ་ལྔ་བསྣམསཿ གཡོན་གྱི་དང་པོ་མེ་དཔུང་དངཿ བར་བ་ཁ་ཊྭཱཾ་རྩེ་གསུམ་འཛིནཿ


JLAZ010_Page_0641
[མ་དཔེ་གཟིགས་ན་འདིར་གནོན།]

མཐའ་གཉིས་རི་རབ་ཕུར་པ་འདྲིལཿ མཐིང་ནག་སྐུ་ལ་དུར་ཁྲོད་ཆསཿ རིགས་ལྔ་ཐོད་པ་ལྔ་ཡིས་བརྒྱནཿ འཁོར་ལོ་རྒྱས་འདེབས་བདེ་བའི་ཡུམཿ ཞལ་གཅིག་ཕྱག་གཉིས་ཐོད་སྦྲུལ་བརྒྱནཿ དྲིལ་བུ་ཐོད་ཁྲག་འཛིན་པས་འཁྱུདཿ ཨེ་ཀ་ཙཱ་ཏི་སྒྲོལ་བའི་ཡུམཿ གྲི་གུག་ཐོད་ཁྲག་ཁམས་གསུམ་སྒྲོལཿ རེས་འགའ་ཁ་ཊྭཱཾ་རྩེ་གསུམ་བསྣམསཿ གཡེར་ཀ་དྲིལ་བུ་ཉིད་ལས་ཀྱངཿ རྟོག་མེད་ཆོས་ཀྱི་སྒྲ་འབྱིན་ཅིངཿ མ་མོ་དྲུག་ཅུ་ཕོ་ཉར་འགྱེདཿ སྲས་མཆོག་རིགས་ལྔ་ཁྲོ་བོ་བཅུཿཕྲ་ཕྱག་དམ་ཅན་ཚོགས་ཀྱིས་བསྐོརཿ ཨོཾ་བཛྲ་ཙཎྜ་སརྦ་དུཥྚཾ་ཏ་ཀ་ཧ་ན་ད་ཧ་པ་ཙ་ཧཱུཾ་ཕཊཿཤར་ལྷོར་བླ་མེད་ཧེ་རུ་ཀཿལ་སོགས་རྩ་བའི་གཞུང་ལྟར་ལཿ གཙོ་བོའི་དོན་རྟགས་བསྟོད་པའི་མལཿ སྐུ་གསུམ་དབུ་ནི་སྟོབས་བཅུའི་དབྱིངས་ལ་རྫོགསཿ མ་འདྲེས་བཅོ་བརྒྱད་ལྡན་པའི་ཕྱག་རྒྱ་ཡིསཿ ཡུལ་དང་ཡུལ་ཅན་ལྷར་སྣང་ཕྱག་རྒྱ་ཆེཿབདེ་སྟོང་སྒྱུ་འཕྲུལ་དྲྭ་བར་སྦྱོར་ལ་བསྟོདཿ ཀུན་གཞི་ཡིད་ཆོས་ཕུང་ཁམས་སྐྱེ་མཆེད་ཚོགསཿ སྐུ་གསུམ་ཡན་ལག་བདུན་ལྡན་རྣམ་བྱང་གིཿ བཞིན་ལག་མཚན་དཔེར་ཤར་བའི་ཧེ་རུ་ཀཿ རྣམ་པ་ཀུན་ཀྱི་མཆོག་ལྡན་ཁྱོད་ལ་བསྟོདཿ ཆོས་ཉིད་གཅིག་ལ་སོགས་འཁོར་གྱི་བསྟོད་པ་སྦྲེལཿ འདི་ནི་རྡོ་རྗེའི་ལམ་ཀུན་ཀྱིཿ བཀའ་འདུས་ཆོས་ཀྱི་རྒྱ་མཚོ་སྟེཿ


JLAZ010_Page_0642
[མ་དཔེ་གཟིགས་ན་འདིར་གནོན།]

ཕུང་ཁམས་ཚོགས་བརྒྱད་གཞན་དབང་ཅནཿ གདན་གསུམ་ཡོངས་གྲུབ་ཆེན་པོར་རྒྱཿ གང་ཞིག་ཀུན་བརྟགས་བསྐྱེད་རིམ་ལཿ ལྷར་སྣང་ཕྱག་རྒྱ་ཆེན་པོ་རུཿ འདོད་པ་སྔགས་ཀྱི་གཟུགས་བརྙན་དེསཿ རྒྱུད་ལྔའི་བག་ཆགས་སྦྱོང་མི་ནུསཿ དེ་ཕྱིར་འདི་ནི་ཤེས་རབ་དངཿ མོས་གུས་ཅན་གྱི་ཆོས་སྐལ་ཏེཿསྔགས་གྱི་བསྟན་པ་ཉམས་པའི་ཚེཿལས་འཕྲོ་ཅན་གྱི་དཔལ་དུ་ཤོགཿ ས་མ་ཡཿརྒྱ་རྒྱ་རྒྱཿདྷ་ཐིམཿ

ཐུགས་སྒྲུབ་དཔལ་ཆེན་འདུས་པ་ལསཿ ཁྲག་འཐུང་རིགས་བཞིའི་སྒོས་དབང་།


JLAZ010_Page_0643
[མ་དཔེ་གཟིགས་ན་འདིར་གནོན།]

༃ ཐུགས་སྒྲུབ་དཔལ་ཆེན་འདུས་པ་ལསཿ ཁྲག་འཐུང་རིགས་བཞིའི་སྒོས་དབང་བཞུགསཿ


JLAZ010_Page_0644
[མ་དཔེ་གཟིགས་ན་འདིར་གནོན།]

རིགས་བཞི་ཧེ་རུ་ཀ་ལ་འདུདཿ དབང་བསྐུར་མ་རྫོགས་དོན་ལ་གཡེལཿ རྒྱལ་བུ་རྒྱལ་སར་མ་ཕྱིན་པཿདེ་སྲིད་རྒྱལ་པོའི་མིང་མི་ཐོབཿ དེ་ལ་སྒོས་དབང་ཁྱད་པར་ནིཿ སོ་སོའི་དཀྱིལ་འཁོར་དབང་རྫས་རྣམསཿ འདུ་བྱས་རང་རང་གཞུང་བཞིན་བསྒྲུབཿ བུམ་པར་དམིགས་ཕྱེད་བསྐྱེད་བཟླས་བྱཿསྡོམ་བཟུང་དཀྱིལ་འཁོར་བསྟན་པའི་རྗེསཿ བཀྲ་ཤིས་བུམ་པའི་མལ་དག་ཏུཿགཤིན་རྗེའི་གཤེད་པོའི་བུམ་དབང་ནིཿ ཧོཿཡེ་ཤེས་ལྷུན་གྲུབ་བུམ་པ་ཡིཿབརྟུལ་ཞུགས་དག་པའི་དབང་བསྐུར་བསཿ འཁོར་བ་རྣམ་དག་ཆོས་སྐུར་གསལཿ རང་བྱུང་ཡེ་ཤེས་དབང་ཐོབ་ཤོགཿ ཨེ་ཀ་ཡ་མ་གུ་ཧྱ་བྷ་ག་བྷོ་དྷི་ཙིཏྟ་ཧོཿདེ་ནས་དུར་ཁྲོད་རྒྱན་གྱི་དབངཿ ཧོཿ གླང་ཆེན་སྟག་ཤམ་ཞིང་ལྤགས་སྦྲུལཿ ཐོད་པ་སྙིང་ཕྲེང་ཀེང་རུས་


JLAZ010_Page_0645
[མ་དཔེ་གཟིགས་ན་འདིར་གནོན།]

རྒྱནཿ མེ་རི་དུར་ཁྲོད་དབང་བསྐུར་པསཿ དྲེགས་པའི་སྟོབས་དང་ལྡན་པར་ཤོགཿ ཨེ་ཀ་ཡ་མ་ཧ་སྟི་མ་ཧཱ་ནཱ་ཀ་རཱ་ལི་ཙིཏྟ་ཛྭ་ལ་ནི་རཾ་ཧོཿདེ་ནས་ཕྱག་མཚན་དབང་སྦྱིན་ལཿ ཧོཿརྡོ་རྗེ་བེ་ཅོན་དུག་ལྔ་ཟིལ་གྱིས་གནོནཿ འཁོར་ལོ་གཏུན་ཤིང་གདུག་པ་གནས་སུ་འཛོམསཿ རལ་གྲི་སྡིགས་མཛུབ་དུག་གསུམ་སྐུ་གསུམ་རྫོགསཿ རིག་པ་སྟོབས་ཀྱི་སྒོ་གསུམ་དབང་ཐོབ་ཤོགཿ ཨེ་ཀ་ཡ་མ་བྷི་ཧ་ཧུ་སྟི་ས་ར་ས་ཧོཿམཉམ་པའི་བརྟུལ་ཞུགས་བམ་ཆེན་གྱི་དབང་ནིཿ ཧོཿརྡོ་རྗེ་པདྨ་མཉམ་སྦྱོར་ནསཿ པདྨ་རཀྟ་བྱང་ཆུབ་སེམསཿ བམ་ཆེན་སྨེ་བའི་དོན་དང་སྦྱརཿ བརྟུལ་ཞུགས་རོལ་པའི་དབང་བསྐུར་བསཿ མི་ཟད་རྒྱན་གྱི་དབང་ཐོབ་ཤོགཿ ཨེ་ཀ་


JLAZ010_Page_0646
[མ་དཔེ་གཟིགས་ན་འདིར་གནོན།]

ཡ་མ་གུ་ཧྱ་རཀྟ་བྷོ་དྷི་ཙིཏྟ་ཧོཿམཾ་ས་རཀྟ་ཙིཏྟ་ཧོཿསྥུ་ཏ་ཀེཾ་ནི་རཾ་ཏི་ཧོཿདཔའ་བརྟུལ་སྔགས་ཀྱི་གཟི་བྱིན་བསྐྱེདཿ ཧོཿབམ་ཆེན་རོ་ལ་ཉམ་པར་རོལཿ རྡོ་རྗེ་བརྗིད་བའི་དབང་ཐོབ་ནསཿ བདེ་ཆེན་མཉམ་ཉིད་ཐོབ་པར་ཤོགཿ ཨེ་ཀ་ཡ་མ་ཨ་ཏི་པ་ཏི་སིདྡྷི་ཧོཿལོངས་སྤྱོད་དག་པའི་དབང་བསྐུར་ནིཿ ཧཱུཾཿའཆི་མེད་རང་བྱུང་ར་ས་ཡནཿ བཀྲ་ཤིས་མཚན་ལྡན་ལྷག་པའི་རྫསཿ འཕེལ་འགྲིབ་མེད་པའི་དབང་བསྐུར་བསཿ རིགས་ལྔ་ཡེ་ཤེས་ལྔ་ཐོབ་ཤོགཿ ཨེ་ཀ་ཡ་མ་སརྦ་པཉྩ་ཨ་མྲྀ་ཏ་ཛྙཱ་ན་བུདྡྷ་ཧོཿཚེ་གལ་བྱིན་ནསཿ ཧོཿབཀྲ་ཤིས་དངོས་གྲུབ་ག་འུ་རུཿམི་འགྱུར་བརྟན་པའི་ཚེ་བསྐྱིལ་ནསཿ རང་རྟགས་ཚེ་ཡི་དབང་བསྐུར་བསཿ འཆི་མེད་བརྟན་པའི་དབང་ཐོབ་ཤོགཿ ཨེ་ཀ་ཡ་མ་ཨཱ་ཡུརྫྙཱན་སིདྡྷི་ཧོཿགཏོར་མ་གཏད་ནསཿ ཧོཿསྣོད་ཀྱི་འཇིག་རྟེན་གཏོར་གཞོང་དུཿ བཅུད་ཀྱི་འཇིག་རྟེན་གཏོར་མར་གསལཿ འབྱུང་བ་རྣམ་ལྔ་གཏོར་མའི་རྒྱུཿལྷུན་གྲུབ་ཀུན་འབྱུང་གཏོར་མའི་རྒྱནཿ འཛིན་ཆགས་མེད་པའི་སྟོབས་ཀྱི་རོལཿ ཨེ་ག་ཡ་མ་མ་ཧཱ་བ་ལིངྟ་པཱུ་ཛཿཧོཿམནའ་ཆུ་བླུད་ལ་དམ་ཚིག་བསྒྲགཿ ཧོཿསྣོད་མེད་བརྟུལ་ཞུགས་ཞན་པ་ལཿ སྤེལ་ཞིང་སྨྲས་ན་རྡོ་རྗེ་ཁྲོ་བོ་དངཿ གཏུམ་པོ་གནོད་སྦྱིན་མཁའ་འགྲོ་དབང་ཆེན་གྱིསཿ ལུས་འདྲལ་མགོ་གཤགས་ཙིཏྟ་ཁྲག་ཏུ་


JLAZ010_Page_0647
[མ་དཔེ་གཟིགས་ན་འདིར་གནོན།]

འཐུངཿ ཁྱོད་ཀྱི་རྡོ་རྗེ་འཆང་ཆེན་ང་ཡིན་པསཿ བཀའ་ཡི་ཟུར་ཡང་བཅག་པར་བྱ་བ་མིནཿ བསྒོ་བ་བྱོས་ལ་དམ་ཚིག་སྲོག་ལྟར་སྲུངསཿ གལ་ཏེ་འདས་ན་རྡོ་རྗེའི་དམྱལ་བར་ལྷུངཿ ཨེ་ཀ་ཡ་མ་དུ་ན་རཀྟཾ་ཧོཿའདི་ནི་རྡོ་རྗེ་དམྱལ་བའི་ཆུཿཚུལ་འདི་བསྲུངས་ན་དངོས་གྲུབ་ཐོབཿ ཉམས་ན་ཙིཏྟ་གཤགས་ཏེ་འཕོཿརྡོ་རྗེའི་ཆུ་འདི་ཁྱོད་ཀྱིས་ལོངསཿ བཛྲོད་ཀ་ཨི་དཾ་ཧོཿརྗེས་ལ་ཚོགས་ཀྱི་འཁོར་ལོ་བྱཿབམ་ཆེན་གསང་བའི་དབང་བསྐུར་ཏེཿརྒྱུད་ཀྱི་ངེས་པ་ཁོ་ནའོཿས་མ་ཡཿ ༂ རྟ་མཆོག་རོལ་བའི་སྒོས་དབང་ནིཿ ས་ཆོག་སྟ་གོན་གཞུང་བཞི་ལཿ ཕོ་བྲང་ལྟེ་བའི་ལྷ་གནས་དངཿ བསྐྱེད་རིམ་རོལ་བའི་གཞུང་ལ་བརྟེནཿ བུམ་པར་དམིགས་ཕྱེད་བཟླས་པ་བྱཿབུམ་དབང་ཡན་ཆད་གཞུང་ལྟར་ལཿ ལྷ་དབང་ཁྱད་པར་འདི་ལྟར་དབྱེཿགཙོ་བོའི་སྐུ་སྤྱི་བོར་བཞག་ལཿ ཨེ་མ་གསང་མཆོག་གསང་བའི་བདགཿ རིག་པ་བདེ་ཆེན་རྒྱལ་བའི་ཡབཿ སངས་རྒྱས་ཀུན་འདུས་རྒྱལ་པོ་ཡིཿསྐུ་གསུང་ཐུགས་ཀྱི་དབང་བསྐུར་བསཿ རིགས་ཀྱི་དབང་མཆོག་ཐོབ་པར་ཤོགཿ ཀྲོ་ཏ་དེ་ཝཱ་ཨ་ཨཿཨབྷི་ཥིཉྩ་ཧཱུཾཿ རྟ་མགོ་ལྔས་དབང་བསྐུར་ལཿ ཧཱུཾཿདཔའ་བོ་ཡེ་ཤེས་སྒོ་སྲུང་ནིཿ ཟླ་གམ་འོད་ཀྱི་ཐིག་ལེ་ཆེཿ འབར་བའི་ཡེ་ཤེས་རྟ་མགོ་ལྔསཿ རྟ་མགྲིན་དབང་གི་སྐུ་ཐོབ་ཤོགཿ ཧྱ་གྷྲི་ཝ་ཛྙཱ་ན་ཧྲཱིཿཧྲཱིཿཧྲཱིཿཧྲཱིཿཧྲཱིཿཨ་བྷི་ཥིཉྩ་ཧཱུཾཿགཤོག་པས་དབང་བསྐུར་ལཿ ཧཱུཾཿ གཡས་པ་རྡོ་རྗེའི་གཤོག་པ་བརྒྱད་དུ་གདེངསཿ གཡོན་པ་རིན་ཆེན་གཤོག་པ་བརྒྱད་དུ་གདེངསཿ སྟེང་དང་འོག་དང་བར་བར་ནཿ རྡོ་རྗེའི་ཐེའུ་གཤོག་རེ་རེས་བརྒྱནཿ གཤོག་པའི་དང་རུ་རྩེ་


JLAZ010_Page_0648
[མ་དཔེ་གཟིགས་ན་འདིར་གནོན།]

མཆན་ལཿ དབང་གི་སྤྲུལ་པ་ཆེན་པོ་ནིཿ བྱ་ཁྱུང་འབར་བའི་སྐུར་བསྟན་འདིསཿ དེ་རིང་ཁྱོད་ལ་དབང་བསྐུར་བསཿ ཀླུ་གཉན་འདུལ་བའི་དབང་ཐོབ་ཤོགཿ ཙིཏྟ་བཛྲ་ག་རུ་ཊ་ཨ་བྷི་ཥིཉྩ་ཧཱུཾཿདུར་ཁྲོད་ཆས་བརྒྱད་གཏད་ལཿ ཧཱུཾཿདཔལ་གྱི་སྐུ་མཆོག་གཉིས་མེད་རོལ་པའི་སྟབསཿ དུར་ཁྲོད་ཆས་བརྒྱད་གསང་བའི་ངང་དུ་རོལཿ དུར་ཁྲོད་ཆེན་པོའི་དབང་མཆོག་འདི་བསྐུར་བསཿ ཏན་གན་རོལ་པ་རྟགས་ཆེན་དབང་ཐོབ་ཤོགཿ ཧཱུཾཿཀྲོ་དྷ་ཧུ་ལུ་ཧཱུཾ་ཕཊཿཨ་བྷི་ཥིཉྩ་ཧཱུཾཿདཔལ་གྱི་ཆས་བརྒྱད་གཏད་ལཿ ཧཱུཾཿདཔའ་བོ་ཏིང་འཛིན་རྣོན་པོ་སྟག་གི་ཆསཿ རྣོ་གདུག་ཟློག་བྱེད་རྒྱ་གྲམ་ལྕགས་ཀྱི་ཆསཿ ཤེས་རབ་ཏིང་འཛིན་རྡོ་རྗེ་འཆོལ་བའི་ཆསཿ དབང་གི་བསེ་ཁྲབ་དམར་པོ་གཟི་བརྗིད་ཆསཿ དཔའ་བརྗིད་མཉེན་ལྕུག་སྦྲུལ་ནག་རྒྱན་གྱི་ཆསཿ དབང་ཕྱུག་ཟ་བྱེད་ཏིང་འཛིན་མཆེ་བའི་ཆསཿ རྡོ་རྗེའི་སློག་པ་མཐིང་ག་ལེ་བརྒན་ཆསཿ སྡུད་བྱེད་གཅན་གཟན་གཏུམ་པ་གཟིག་གི་ཆསཿ བསྐུར་བས་རྣམ་ཐར་བརྒྱད་དང་ལྡན་པར་ཤོགཿ རྩ་སྔགས་མཐར་ཀརྨཱ་ཨ་བྷི་ཥིཉྩ་ཧཱུཾཿཕྱག་མཚན་རྣམས་གཏད་ལཿ ཧཱུཾཿརྡོ་རྗེ་ཁ་ཊྭཱཾ་དྲིལ་བུ་ལྕགས་ཀྱུ་དངཿ སྦྲུལ་ཞགས་མཚོན་ཆ་འཁོར་ལོ་རལ་གྲི་འབརཿ རྡོ་རྗེའི་ཕྲེང་བ་ཐོད་ཁྲག་པདྨ་སྙིངཿ དབྱུག་པ་རྒྱ་གྲམ་བེ་ཅོན་མེ་དཔུང་འབརཿ ཏྲི་ཤུ་ལ་དང་


JLAZ010_Page_0649
[མ་དཔེ་གཟིགས་ན་འདིར་གནོན།]

ཁྱུང་ཁྲ་འབར་བ་ཡིསཿ རྒྱུད་དྲུག་རྩད་ནས་འབྱིན་པའི་དབང་ཐོབ་ཤོགཿ རྩ་སྔགས་མཐར་མ་ཧཱ་མུ་དྲ་ཨ་བྷི་ཥིཉྩ་ཧཱུཾཿ ཡེ་ཤེས་སེམས་དཔའ་གཏད་ལཿ ཧཱུཾཿཐུགས་ཀར་སྦས་པ་གསང་བའི་ཡུམཿ རྒྱལ་བས་བསྔགས་པའི་གཟི་ལྡན་པདྨ་ཅནཿ གསང་མཛོད་ཡུམ་གྱི་དབང་བསྐུར་བསཿ ཤེས་རབ་ཕ་རོལ་ཕྱིན་མའི་དབང་ཐོབ་ཤོགཿ པདྨ་རཱ་ག་ཀྲོ་དྷ་མ་ཨ་བྷི་ཥིཉྩ་ཧཱུཾཿ གོ་ལ་མ་དྲུག་དང་ཡུམ་བཞི་གཏད་ལཿ ཧཱུཾཿསྲིད་གསུམ་སྒྲོལ་ཞིང་ལས་མཛད་དམ་སྲུང་མཿ གདུལ་བྱ་དྲག་པོ་འདུལ་བའི་དབང་མོ་ཆེཿགོ་ལ་མ་དང་ཡུམ་བཞིར་སྟོན་པ་སྟེཿགསང་བའི་ལས་མཛད་མ་སྲིང་དབང་ཐོབ་ཤོགཿ མ་མ་རུ་ཙ་ཨ་བྷི་ཥིཉྩ་ཧཱུཾཿལོང་བ་རྒྱབ་འབྲེལ་གཏད་ལཿ ཧཱུཾཿཉོན་མོངས་དུག་གསུམ་ནད་ཀྱིས་གདུངས་པ་ཡིཿབདུད་དང་སྲིན་པོ་མ་ལུས་འདུལ་བ་དངཿ ལས་ཀྱི་མཐའ་རྣམས་གྲུབ་པར་བྱ་བའི་ཕྱིརཿ མཁའ་འགྲོ་དམུས་ལོང་ཚོགས་ཀྱི་དབང་བསྐུར་བསཿ རྒྱབ་འབྲེལ་སུམ་ཅུ་རྩ་གཉིས་ལས་འཁོལ་ཤོགཿ ཁྱི་སྤྱང་རྣམས་གཏད་ལཿ ཧཱུཾཿཡུལ་བརྒྱད་གནས་སུ་དག་པ་ཁྱི་སྤྱང་ཚུལཿ འགུགས་འདྲེན་ལས་ཀྱིས་དཔལ་གྱི་ཐུགས་དམ་སྐོངཿ ཐོགས་མེད་སྒྲོལ་བའི་མཐུ་ལྡན་དབང་ཐོབ་ཤོགཿ ཀུ་ཛཿཀུ་ཛཿཀུ་ཛཿཀུ་ཛཿཀུ་ཛཿཀུ་ཛཿ


JLAZ010_Page_0650
[མ་དཔེ་གཟིགས་ན་འདིར་གནོན།]

ཀུ་ཛཿཀུ་ཛཿཨ་བྷི་ཥིཉྩ་ཧཱུཾཿསྒོ་བ་བཞི་གཏད་ལཿ ཧཱུཾཿཡེ་ཤེས་དགུ་ཡི་དོན་ལྡན་ཞིངཿ ཐེག་པ་དགུ་ཡི་བྱེ་བྲག་ཚུལཿ མགོ་དགུ་ལ་སོགས་རྐང་གཅིག་ལྡནཿ སྒོ་བ་བཞི་ཡི་དབང་ཐོབ་ཤོགཿ ཛཿཧཱུཾ་བཾ་ཧོཿཨ་བྷི་ཥིཉྩ་ཧཱུཾཿཡི་གེ་འབྲུ་ལྔ་གནས་ལྔར་གཏད་ལཿ ཧཱུཾཿལྷ་ཡི་སྙན་དང་ལྷ་ཡི་སྤྱནཿ དེ་བཞིན་སྔོན་གནས་རྗེས་དྲན་སོགསཿ མངོན་ཤེས་ལྔ་ཡི་དབང་ཐོབ་ཤོགཿ ཨོཾ་ཨཱ་ཧཱུཾ་སྭཱ་ཧཱཿཨ་བྷི་ཥིཉྩ་ཧཱུཾཿདེ་ནས་དྲག་པོ་སྒྲོལ་བའི་དབངཿ རཱུ་པར་དགྲ་བགེགས་དགུག་ཅིང་གཞུགཿ ཕུར་བ་སློབ་བུའི་ལག་ཏུ་གཏདཿ ཧཱུཾཿདབྱིངས་དང་ཡེ་ཤེས་དོན་གྱི་ཕོ་ཉ་དངཿ ཐབས་དང་ཤེས་རབ་རྟགས་ཀྱི་ཕོ་ཉ་མོཿ རྡོ་རྗེ་དབང་གི་ཕུར་པ་འདི་བྱིན་པསཿ ཡེ་ཤེས་དབྱིངས་ལ་ཕུར་པ་འདེབས་པར་ཤོགཿ རྩ་སྔགས་མཐར་ནྲྀ་ཏྲི་ཤ་ཏྲཱུ་མཱ་ར་ཡ་ཕཊཿདེ་ནས་གོང་མའི་དབང་གསུམ་པོཿགཞུང་བཞིན་བསྐུར་ལ་དམ་ཚིག་བསྒྲགཿ རྗེས་ཀྱི་བྱ་བ་སྤྱི་དང་མཐུནཿ ས་མ་ཡཿ ༂ ཆོས་དབྱིངས་ཡང་དག་ཐུགས་རྡོ་རྗེཿཟླ་གམ་དགུ་པའི་སྒོས་དབང་ནིཿ ས་ཆོག་སྟ་གོན་གཞུང་བཞིན་ལཿ ཕོ་བྲང་ལྟེ་བའི་ལྷ་གནས་བསྒྱུརཿ མར་མེ་དགུ་དང་བྷནྡྷ་ནཿ དུམ་བུ་གཅིག་པར་ཞིང་རས་སྦྱརཿ གཙོ་བོའི་སྐུའམ་སྔགས་བྱང་བྲིཿལྡིང་ཁྲིར་བཀོད་ཅིང་དབང་རྫས་གཞནཿ གཞུང་བཞིན་བཤམས་ལ་མངོན་རྟོགས་བསྒོམཿ བུམ་དམིགས་ཕྱེད་པའི་བཟླས་པའང་བྱཿ རིགས་དབང་ལྔ་ཡན་གཞུང་བཞིན་ལཿ


JLAZ010_Page_0651
[མ་དཔེ་གཟིགས་ན་འདིར་གནོན།]

མཐའ་བརྟེན་བུམ་པའི་ཆུ་དབང་ནིཿ ཧཱུཾཿསངས་རྒྱས་རྣམས་ནི་ཐམས་ཅད་ཀྱིཿཆོས་དབྱིངས་ཡུམ་གྱི་བུམ་པ་ནསཿ འདི་ཉིད་ལ་ནི་དབང་བསྐུར་བསཿ བག་ཆགས་མ་ལུས་དག་གྱུར་ཅིགཿ ཨོཾ་བཛྲ་ཨ་བྷི་ཥིཉྩ་ཧཱུཾཿཞེས་དང་ཐོད་སྐུ་སྤྱི་བོར་བཞགཿ ཧཱུཾཿསངས་རྒྱས་ཀུན་གྱི་སྐུ་ཡི་དབངཿ ཕྱག་མཚན་རྡོ་རྗེ་ཀ་པཱ་ལཿ སྐུ་ཡི་དངོས་གྲུབ་ཐོབ་བྱེད་པཿཁྲག་འཐུང་ཡབ་ཡུམ་དབང་བསྐུར་རོཿཨོཾ་ཀ་པཱ་ལ་སིདྡྷི་ཧེ་རུ་ཀ་ཀ་པཱ་ལ་ཨ་བྷི་ཥིཉྩ་ཧཱུཾཿསྤྱི་བོར་བཞག་པས་ཐིམ་པར་བསམཿ དྲིལ་བུའི་དབང་ནིཿ ཧཱུཾཿསངས་རྒྱས་ཀུན་ཀྱི་གསུང་གི་དབངཿ ཤེས་རབ་དབྱངས་ཀྱི་རྗེས་འགྲོ་བཿ མཁའ་འགྲོ་སྒྱུ་མའི་སྙིང་པོ་འདིཿགྲགས་སྟོང་གསུང་གི་དངོས་གྲུབ་ཐོབཿ ཝཱཀྐ་ཨ་བྷི་ཥིཉྩ་ཨཱཿཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾཿཞེས་འཁྲོལ་ཞིང་གཏད་ནས་སྒྲ་གྲགས་སྟོང་ལས་ཆོས་ཉིད་ཀྱི་དོན་ངོ་སྤྲོདཿ རྡོ་རྗེ་གཏད་ལཿ ཧཱུཾཿསངས་རྒྱས་ཀུན་ཀྱི་ཐུགས་ཀྱི་དབངཿ གཉིས་མེད་ཡེ་ཤེས་བསྐྱེད་པ་པོཿརྡོ་རྗེ་ལྟ་བུའི་ཏིང་འཛིན་ནིཿ ཆོས་ཀྱི་རྒྱལ་པོར་དབང་བསྐུར་རོཿཙིཏྟ་སིདྡྷི་བཛྲ་ཨ་བྷི་ཥིཉྩ་ཧཱུཾཿརྡོ་རྗེ་གཏད་དེ་དོན་དམ་བྱང་ཆུབ་སེམས་ཀྱི་ངོ་བོ་རྡོ་རྗེའི་ཆོས་བདུན་ལྡན་དུ་ངོ་སྤྲདཿ རྡོར་དྲིལ་ཟུང་འཇུག་ཏུ་གཏད་ནསཿ ཧཱུཾཿཐབས་དང་ཤེས་རབ་གཉིས་མེད་པའིཿདམ་ཚིག་རྡོ་རྗེ་དྲིལ་བུ་འདིཿཡོན་ཏན་ཕྲིན་ལས་བསྒྲུབ་པའི་ཕྱིརཿ


JLAZ010_Page_0652
[མ་དཔེ་གཟིགས་ན་འདིར་གནོན།]

ཕྲིན་ལས་རྫོགས་བྱེད་དབང་བསྐུར་རོཿཨོཾ་བཛྲ་གཎྜེ་ཨ་བྷི་ཥིཉྩ་མཾཿཁ་ཊྭཱཾ་ཀ་དང་གསང་བའི་རྔེའུ་ཆུང་གཏད་ལཿ ཧཱུཾཿཧེ་རུ་ཀ་དཔལ་ཁ་ཊྭཱཾ་ཀཿམཁའ་འགྲོ་འབོད་པའི་རྔེའུ་ཆུངཿ དཔའ་བོ་ཆེན་པོས་བླང་བར་བགྱིཿ ཁྱོད་ཀྱིས་ཀྱང་ནི་རྟག་ཏུ་ཟུངཿ མར་མེ་རྣམས་གཏད་ལཿ ཧཱུཾཿསྐྱེ་མེད་དབྱིངས་ལས་ཡེ་ཤེས་ཆེཿསེམས་ཅན་མ་རིག་མུན་པ་སེལཿ སེམས་ཉིད་འོད་གསལ་ཆོས་ཀྱི་དབྱིངསཿ གསལ་བྱེད་མར་མེས་དབང་བསྐུར་རོཿཨོཾ་བཛྲ་ཨ་ལོ་ཀེ་ཛྙཱ་ན་ཨ་བྷི་ཥིཉྩ་མཾཿདེ་ལྟར་དབང་དྲུག་གི་བྱིན་རླབས་ལས་དབང་པོ་དྲུག་དང་སྐྱེ་མཆེད་བྱེད་པའི་རྣམ་པར་ཤེས་པའི་ཚོགས་དྲུག་འགགས་ནས་ཡེ་ཤེས་དྲུག་མངོན་དུ་གསལ་བ་ཡིན་ནོཿཞེས་རྟོགས་པ་བསྐྱེདཿ དེ་ནས་དག་བརྗོད་ནིཿ གལ་པོ་ལསཿ གཞལ་ཡས་ཁང་ཆེན་ཡེ་ཤེས་ཏེཿའཁོར་འདས་མཉམ་པ་གྲུ་བཞི་པཿསྒོ་བཞི་དྲན་པ་ཉེར་གཞག་བཞིཿརྣམ་ཐར་བརྒྱད་ལྡན་རྟ་བབས་སོཿརིན་ཆེན་སྒོ་སྟེ་ཐུགས་རྗེའི་ངངཿ ཡང་དག་སྤོང་བཞི་ཏྭ་ར་ནཿ དྲན་པ་ཉེར་གཞག་སྒོ་ཁྱུད་དངཿ རྫུ་འཕྲུལ་རྐང་བཞི་སྒོ་ཡི་ཁྱམསཿ ཕྲེང་བ་བྱང་ཆུབ་ཡན་ལག་བདུནཿ འཕགས་ལམ་བརྒྱད་ཀྱི་ཀ་བ་མཛེསཿ ལམ་གྱི་ཡེ་ཤེས་རྔ་ཡབ་དངཿ ཉོན་མོངས་ཚོགས་འཇོམས་མུ་ཏིག་ཕྲེངཿ དྲིལ་བུ་བ་དན་རླུང་བསྐྱོད་པཿཤེས་རབ་ཆོས་


JLAZ010_Page_0653
[མ་དཔེ་གཟིགས་ན་འདིར་གནོན།]

ཀྱི་སྒྲ་སྒྲོག་དངཿ ཆེ་བའི་ཡོན་ཏན་འདུས་པའི་རྟགསཿ བདུད་བཞི་འཇོམས་པའི་རྒྱལ་མཚན་དངཿ ཐོད་ཕྲེང་སྐུ་གསུམ་ཐོབ་པའི་རྟགསཿ གཞལ་ཡས་ཁང་མཆོག་དམ་པའོཿབཅུ་ལྡན་ཡེ་ཤེལ་དཔལ་ཡང་དགཿ གཉིས་ལྡན་ཟག་མེད་ཡུམ་གྱི་སྐུཿ རྣམ་ཤེས་བརྒྱད་དག་མཁའ་འགྲོ་བརྒྱདཿ སྣོད་བཅུད་ལྷ་དང་གཞལ་ཡས་ཁངཿ ཕུང་པོ་ལྔ་ལ་སོགས་པའི་ཆོསཿ དེ་ནི་སྤང་བར་བྱ་བ་ཡིནཿ ཐེག་པ་གསུམ་ནི་སྤང་བ་མིནཿ ཀལི་ཏི་བཞིན་ཡོངས་སུ་ཟུངཿ ཞེས་སོཿདེ་ནས་བུམ་དབང་གི་དག་བརྗོད་ནས་བཟུང་དབང་གོང་མ་རྣམས་ནི་གཞུང་བཞིན་ལ་བཀའ་གཏད་དོར་ཏེ་དམ་ཚིག་བསྒྲགས་པས་མཐའ་བསྡུའོཿས་མ་ཡཿའུྃཿཕུར་པ་ཕྲིན་ལས་སྒོས་དབང་ནིཿ ས་ཆོག་སྟ་གོན་ལྷ་གནས་བསྒྱུརཿ མངོན་རྟོགས་སྒོམ་དང་བུམ་བཟླས་ནསཿ རིགས་དབང་ལྔ་ཡན་སྤྱི་ལྟར་ལཿ མཐའ་རྟེན་བུམ་པའི་ཆུ་དབང་ནིཿ ཧཱུཾཿདཔལ་ཆེན་རྡོ་རྗེ་གཞོན་ནུ་དངཿ ཡུམ་ཆེན་འཁོར་ལོ་རྒྱས་འདེབས་གཉིསཿ གཡོན་ནས་ཡུམ་གྱིས་ཡབ་ལ་འཁྱུདཿ ཕྱག་གིས་བུམ་པ་རབ་ཏུ་བླངཿ ཡེ་ཤེལ་དབང་གི་ཆུ་བོ་འདིཿཉོན་མོངས་མ་གོས་དཀར་ལ་འཚེརཿ སྐལ་ལྡན་རིགས་ཀྱི་བུ་ཁྱོད་ལཿ སྤྱི་བོར་བུམ་པས་དབང་བསྐུར་བསཿ ཉོན་


JLAZ010_Page_0654
[མ་དཔེ་གཟིགས་ན་འདིར་གནོན།]

མོངས་གསུམ་དང་དུག་གསུམ་སྦྱངསཿ དབང་གི་ཆུ་བོ་རྒྱུན་བཞིན་འབབཿ ཨོཾ་བཛྲ་ཀཱི་ལི་ཀཱི་ལི་ཡ་དིབྟ་ཙཀྲ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཀཱ་ལ་ཤ་ཨ་བྷི་ཥིཉྩ་ཧཱུཾཿགཙོ་བོའི་སྐུ་སྤྱི་བོར་བཞག་ལཿ ཧཱུཾཿཀུན་ཏུ་བཟང་པོའི་རོལ་པ་ལསཿ ཐུགས་རྗེས་ཁམས་གསུམ་གདུག་པ་འདུལཿ གཉེན་པོ་ལས་སུ་རུང་མཛད་པའིཿའཇིགས་བྱེད་གཉེན་པོའི་དབང་ཐོབ་ཤོགཿ ཨོཾ་བཛྲ་ཀཱི་ལི་ཀཱི་ལི་ཡ་ཧཱུཾ་ཕཊཿཀཱ་ཡ་ཨ་བྷི་ཥིཉྩ་ཧཱུཾཿདར་དམར་ལ་བྲིས་པའི་སྔགས་བྱང་མགྲིན་པར་གཏད་ལཿ ཧཱུཾཿགསུང་གི་རང་བཞིན་མཚོན་བྱེད་པཿལེ་བརྒན་འབར་བའི་ཁ་དོག་ལཿ སྙིང་པོ་ནུས་པའི་དོན་དང་ལྡནཿ ནུས་པ་ཅན་གྱི་དབང་ཐོབ་ཤོགཿ ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊཿཝཱཀྐ་ཨ་བྷི་ཥིཉྩ་ཧཱུཾཿཕུར་བ་སྙིང་གར་བཞག་ལཿ ཧཱུཾཿཙིཏྟ་དམར་པོའི་གཞལ་ཡས་ནཿ ཁམས་གསུམ་དབང་གི་བདག་པོ་སྟེཿབརྐྱང་བསྐུམས་རབ་ཏུ་གདེངས་པ་ཡིསཿ གདུག་པ་འཇོམས་པའི་དབང་ཐོབ་ཤོགཿ རྩ་སྔགས་མཐར་ཙིཏྟ་ཨ་བྷི་ཥིཉྩ་ཧཱུཾཿཡོན་ཏན་དང་ཕྲིན་ལས་ཡེ་ཤེས་སེམས་དཔའི་ཙཀླི་སྙིང་གར་བཞག་ལཿ ཧཱུཾཿཐུགས་ཀ་རིན་ཆེན་ཟུར་བརྒྱད་ལཿ ཕྲིན་ལས་སྣ་ཚོགས་ལྷུན་གྱིས་གྲུབཿ ཐམས་ཅད་ཀུན་ལ་རང་བཞིན་གནསཿ ཡེ་ཤེས་སེམས་དཔའི་དབང་ཐོབ་ཤོགཿ རྩ་སྔགས་མཐར་གུ་ཎ་ཀརྨ་ཨ་བྷི་ཥིཉྩ་ཧཱུཾཿ དུར་ཁྲོད་རྒྱན་རྣམས་


JLAZ010_Page_0655
[མ་དཔེ་གཟིགས་ན་འདིར་གནོན།]

གཏད་ལཿ ཧཱུཾཿགླང་ཆེན་སྟག་ཤམ་ཞིང་ལྤགས་སྦྲུལཿ ཐོད་པ་ཚར་གསུམ་བྱུགས་རྫས་གསུམཿ རྡོ་རྗེའི་ཁྱུང་གཤོག་ལ་སོགས་པཿདུར་ཁྲོད་དཔལ་ཆས་དབང་ཐོབ་ཤོགཿ དེ་ནས་རྡོ་རྗེ་སློབ་དཔོན་གྱི་དབང་ནིཿ རྡོར་དྲིལ་གཏད་ལ་དམ་ཚིག་གསུམ་བྱིན་ནསཿ ཧཱུཾཿཐབས་ཀྱི་སྤྱོད་པས་གཞན་དོན་དུཿ བྱམས་དང་སྙིང་རྗེས་གང་འདུལ་བཿ སངས་རྒྱས་ཕྲིན་ལས་རྫོགས་མཛད་པའིཿདབང་དང་བྱིན་རླབས་འདིར་སྩོལ་ཏོཿཨོཾ་བྷོ་དྷི་ཙིཏྟ་ས་མ་ཡ་སྟྭཾ་ཨ་བྷི་བིཉྩ་མཾཿཞེས་རྟོགས་པ་བསྐྱེདཿ མཆོག་དབང་གོང་མ་གཞུང་ལྟར་བྱཿདེ་ནས་སྨད་ལས་སྒྲོལ་དབང་ནིཿ སློབ་བུའི་ལག་ཏུ་ཕུར་པ་གཏདཿ ལས་དྲུག་རྣམ་དབྱེ་ལེགས་བཤད་ལཿ ཧཱུཾཿདངོས་གྲུབ་བར་ཆད་བྱེད་པའི་བགེགསཿ སོགས་ཀྱིས་རཀྟ་ཚར་གསུམ་འབུལཿ རྩ་དུམ་རྒྱུད་ཀྱི་དགོངས་པའོཿརྗེས་ཀྱི་ལས་རིམ་སྤྱི་དང་མཐུནཿ ས་མ་ཡཿདེ་ནི་སོ་སོའི་སྒོས་དབང་གིསཿ སྨིན་པར་བྱེད་པའི་ལུགས་ཡིན་ཏེཿདོན་ཚང་འཇིག་པ་བདེ་བའི་ཕྱིརཿ རྒྱལ་ཐབས་སྤྱི་བླུགས་ལྟར་བསྐུར་ནཿ ས་ཆོག་སྟ་གོན་ནས་བཟུང་སྟེཿདཀྱིལ་འཁོར་ཆེན་པོར་འཇུག་པ་དངཿ རིགས་པའི་དབང་ལྔས་སྨིན་པའི་བརཿ གདན་གསུམ་ཚང་བའི་དཀྱིལ་འཁོར་ནིཿ ཞི་ཁྲོའམ་དཔལ་ཆེན་འདུས་པ་ལཿ བརྟེན་རྗེས་སོ་སོའི་དབང་སྒྲུབ་དངཿ འབྲེལ་པར་བུམ་དབང་རྗེས་འབྲང་རྣམསཿ ཁོལ་བུར་བཏོན་ནས་བསྐུར་པའི་མཐརཿ སྤྱོད་པ་དང་ནི་རིག་པ་དངཿ མཉམ་པའི་


JLAZ010_Page_0656
[མ་དཔེ་གཟིགས་ན་འདིར་གནོན།]

བརྟུལ་ཞུགས་ཅན་གསུམ་ལཿ མཆོག་དབང་གོང་མ་གསུམ་པོའི་དོནཿ བློ་དང་འཚམས་པར་བཀྲལ་ནས་སྟེརཿ དབང་ལ་རྡོ་རྗེའི་ཐེག་པ་ཡིཿགཞི་ལམ་འབྲས་གསུམ་རྫོགས་པའི་ཕྱིརཿ རྒྱུད་ཀྱི་དངོས་པོ་བཅུ་ཤེས་ཤིངཿ བསྙེན་རྫོགས་རྟོགས་པས་རྒྱུད་གྲོལ་བའིཿརྡོ་རྗེ་སློབ་དཔོན་ཁོ་ན་ལསཿ གཟུ་ལུམ་རང་དགར་སྤྱད་པ་ནཿ སློབ་མ་སྨིན་པ་ལྟ་ཅི་སྨོསཿ རང་གི་སྲོག་ལའང་ཧུར་ཐུམས་བྱེདཿ དེ་ཕྱིར་མཁས་པས་འཚོ་ཤེས་སྤྱོདཿ དུས་མཐར་གསང་སྔགས་འཆལ་བའི་དུསཿ རང་བྱུང་སྤྲུལ་པའི་རྡོ་རྗེ་དེསཿ རྒྱུད་དོན་གསལ་བར་བྱེད་པར་ཤོགཿ ས་མ་ཡཿརྒྱ་རྒྱ་རྒྱཿདགོངས་རྒྱཿགཏེར་རྒྱཿདྷ་ཐིམཿ སརྦ་མདྒལཾཿ

དཔལ་ཆེན་བཀའ་འདུས་རྒྱ་མཚོ་ལས། སྒྲུབས་པའི་ཁོག་འབུབས་རིན་པོ་ཆེའི་ཟ་མ་ཏོག


JLAZ010_Page_0657
[མ་དཔེ་གཟིགས་ན་འདིར་གནོན།]

དཔལ་ཆེན་བཀའ་འདུས་རྒྱ་མཚོ་ལས། སྒྲུབས་པའི་ཁོག་འབུབས་རིན་པོ་ཆེའི་ཟ་མ་ཏོག་ཅེས་བྱ་བ་བཞུགས། །


JLAZ010_Page_0658
[མ་དཔེ་གཟིགས་ན་འདིར་གནོན།]

ཆོས་ཉིད་ཞི་ལས་མི་འགྱུར་རྡོ་རྗེ་ཅན། །སྙིང་རྗེའི་གཞན་དབང་གར་དགུ་ལ་ཆགས་པ། །དཔལ་ཆེན་ཡོངས་རྗོགས་འདུས་པའི་སྒྱུབ་ཆེན་གྱི། །ཁོག་འབུབས་རིན་ཆེན་ཟ་མ་ཏོག་འདིའོ། །དེ་ལ་གཉིས། རྡོ་རྗེ་ཐེག་པའི་སྤྱི་དོན་བཤད་པ་དང༌། བྱ་བའི་ལས་རིམ་བཤད་པའོ། །དང་པོ་ལ་བཞི། སྒྲུབ་གཞི་ལས་ཀྱི་ཕྱག་རྒྱ་དང། སྒྲུབ་བྱེད་དམ་ཚིག་གི་ཕྱག་རྒྱ་དང༌། བསྒྲུབ་བྱ་ཆོས་ཀྱི་ཕྱག་རྒྱ་དང༌། བསྒྲུབ་འབྲས་ཕྱག་རྒྱ་ཆེན་པོའོ། །དང་པོ་ནི། དཀྱིལ་འཁོར་གྱི་ལས་རིམ་རྣམས་ཆོས་བྱ་བ་མོ་ཡུམ་གྱི་མཁའ་ཀློང་དང་འབྲེལ་བའོ། །གཉིས་པ་ནི་དེ་ཐམས་ཅད་ཡིད་བྱེད་པ་པོ་དམ་ཚིག་དང་སྡོམ་པའི་ཀུན་སྤྱོད་དང་འབྲེལ་བའོ། །གསུམ་པ་ནི། ཕ་རོལ་ཏུ་ཕྱིན་པ་དྲུག་ལ་བརྟེན་ནས་རིག་འཛིན་རྣམ་པ་བཞིའི་ཆོས་ཉིད་ལ་འབྲེལ་བའོ། །བཞི་པ་ནི་སྐུ་གསུམ་ཡན་ལག་བདུན་ལྡན་གྱི་རང་བཞིན་ཕྱག་རྒྱ་ཆེན་པོའི་གོང་


JLAZ010_Page_0659
[མ་དཔེ་གཟིགས་ན་འདིར་གནོན།]

འཕང་ལ་འབྲེལ་བའོ། །གཉིས་པ་བྱ་བའི་ལས་རིམ་བཤད་པ་ལ་གཉིས། ཕུན་སུམ་ཚོགས་པ་ལྔ་ལྡན་གྱིས་གཞི་བཟུང་ནས་ལས་ཀྱི་རིམ་པས་དཀྱིལ་འཁོར་བཅའ་བ་དང༌། དེ་ཉིད་བསྙེན་ཅིང་སྒྲུབ་པའི་རིམ་པའོ། །དང་པོ་ལའང་སྔོན་འགྲོའི་ཆོ་ག་དང། དངོས་གཞིའི་རིམ་པ་གཉིས་ལས། དང་པོ་ནི། རང་གཞུང་རྩ་བར། དང་པོ་དབེན་ཞིང་ཉམས་དགའི་གནས། །གྲུབ་ཐོབ་ཞབས་ཀྱིས་བཅགས་པ་དང༌། །ཁྱད་པར་དུར་ཁྲོད་རྩུབ་འགྱུར་ཚལ། །ཞེས་པས་མཚན་ཉིད་དང་ལྡན་པའི་གནས་སུ་སྔོན་འགྲོའི་དང་པོ་སའི་ཆོ་ག་ལ་ལྔ་ལས། དང་པོ་ས་བརྟགས་པ་ནི། ལྟོ་འཕྱེ་ལེགས་པར་བརྟགས་ཏེ་བརྐོས་པའི་རོ་ལྔ་བསལ་བས་ཤུལ་ཕྱུར་བུར་ཁེངས་པ་བཟང༌། མ་ཁེངས་ན་ངན་པས། སྦྱིན་སྲེག་ལ་སོགས་སེལ་ཐབས་བྱའོ། །གཉིས་པ་བླང་བ་ནི། གཞི་དེ་གཟུགས་ཅན་


JLAZ010_Page_0660
[མ་དཔེ་གཟིགས་ན་འདིར་གནོན།]

གྱིས་བདག་ན་རིན་བཅལ་ཞིང་ཚིག་གིས་བཀྲོལ་ཏེ་བླང་ངོ༌། །མི་སྣང་བ་ལ་བླང་བ་ནི་གྲུབ་ན་གཉུག་མར་གནས་པ་ལ་ཆ་གསུམ་དང་མིན་ནའང་གསེར་སྐྱེམས་དང་གཏོར་མ་བཤམས་ལ་ཨ་ཀཱ་རོས་བསྔོས་ཏེ་མཆོད་སྦྱིན་གཏོར་མ་འདི་བཞེས་ལ་སོགས་ཀྱིས་འཕྲིན་ལས་བཅོལ། བྱེ་བྲག་ཏུ་ས་ལྷར་མཎྜལ་ཟླུམ་པོ་བ་བྱུང་དང་དྲིས་བྱུགས་པ་ལ་མེ་ཏོག་གི་ཚོམ་བུ་བཀོད་པའི་མདུན་དུ་ཉེར་སྤྱོད་དང་གཏོར་མ་བཤམས་ལ། བདག་ཉིད་ཡི་དམ་གྱི་སྐུར་གསལ་བས། སྟོང་པའི་ངང་ལས་པད་ཟླའི་སྟེང་དུ་པཾ་ལས། སའི་ལྷ་མོ་གསེར་བཙོ་མའི་མདོག་ཅན་བུམ་པ་བསྣམས་པ་བསྐྱེད་ནས། ཨོཾ་པྲི་ཐཱི་དེ་ཝི་ས་མ་ཡ་ཛ་ཛཿཞེས་བརྗོད་པས་སའི་ལྷ་མོ་ལ་ཀླུ་གཉན་ས་བདག་གིས་བསྐོར་བ་སྤྱན་དྲངས། ཛཿཧཱུཾ་བཾ་ཧོས་བསྟིམ། ཨོཾ་ཨཱཿ་ཧཱུཾ་གིས་མཆོད་པ་བརླབ། རང་སྔགས་ལ་ཨརྒྷཾ་པུཥྤེ་སོགས་བཏགས་པས་ཉེར་སྤྱོད་དང་ཨ་ཀཱ་རོས་གཏོར་མ་བསྔོ། སྐྱོབས་པ་སངས་རྒྱ་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་དང། །ས་དང་ཕ་རོལ་ཕྱིན་རྣམས་ལ། །ལྷ་མོ་ཁྱོད་ནི་དབང་དུ་གྱུར། །ཤཱཀྱ་སེང་གེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གིས་བདུད་སྡེ་ལས། །རྒྱལ་བར་བྱས་ཏེ་དཀྱིལ་འཁོར་བྲི། །དེ་ཕྱིར་ས་འདི་གནང་བར་མཛོད། །ཅེས་བརྗོད་པས་དེས་ཀྱང་རྡོ་རྗེ་འཛིན་པ་ཁྱེད་ཅི་དགའ་བར་ལོངས་སྤྱོད་ཅིག་ཅེས་


JLAZ010_Page_0661
[མ་དཔེ་གཟིགས་ན་འདིར་གནོན།]

གནང་བ་བྱིན་པར་བསམས་ལ། གཏོར་མ་ཕུལ་ལ་བཛྲ་མུཾ་གྱིས་རང་གནས་སུ་བཏང་ངོ་། །གསུམ་པ་དབང་དུ་བྱ་བ་ནི། ཙན་དན་ནམ་སེང་ལྡེང་གི་ཕུར་བུ་མདུན་དུ་བཀོད་ལ། བདག་ཉིད་ཡི་དམ་དུ་གསལ་བའི་ཐུགས་ཀའི་ཧཱུཾ་ལས་འོད་ཟེར་འཕྲོས། ཕུར་བུ་ལ་ཐིམ། དེ་ཉིད་དཔལ་རྟ་མགྲིན་གྱི་སྐུར་གྱུར་པར་བསམས་ཏེ་ཕུར་བུ་ས་ལ་གདབ་པའམ་བཀོད་ནས། ཧཱུཾ་པདྨ་ནྟ་ཀྲྀ་ཏ་ཧཱུཾ་ཕཊ་ཅེས་བཏབ་ཏེ་ལན་བདུན་བཟླས་པས། ཕུར་བུ་ལས་འཕྲོས་པའི་འོད་ཟེར་དམར་པོས་ས་གཞི་ཁྱབ་ཅིང་བདག་གི་དབང་དུ་གྱུར་པར་བསམ་མོ། །བཞི་པ་སྦྱང་བ་ནི། ལག་པ་གཡས་པའི་སོར་མོ་ལྔ་ཕྲལ་བ་རྡོ་རྗེ་རྩེ་ལྔ་པར་བསམས་ལ་ཤར་དང་བྱང་ཅུང་ཟད་གཞོལ་བའི་སྟེང་གི་ཁོར་ཡུག་ཏུ་བསྐོར་ཞིང་ས་ལའང་བཞག་ནས། ཨོཾ་ཧ་ན་ཧ་ན་ཧཱུཾ་ཕཊཿཅེས་བརྗོད་ཅིང༌རྡོ་རྗེ་ལས་བྱུང་བའི་འོད་ཟེར་གྱིས་སྣོད་བཅུད་དུ་འཛིན་པ་སྦྱངས། ཨོཾ་བྷུ་ཁཾ་ཞེས་བརྗོད་པས་ས་ཕྱོགས་ཐམས་ཅད་ནམ་མཁའི་རང་བཞིན་དུ་གྱུར་པར་སྒོམ། ལྔ་པ་སྲུང་བ་ནི། རང་ཉིད་ཡི་དམ་དུ་གསལ་བའི་མིག་གཉིས་ཉི་ཟླ་མིག་འབྲས་ཧཱུཾ་ལས་མེ་དཔུང་འབར་བས་བགེགས་དང་ལོག་པར་འདྲེན་པའི་ཚོགས་ལ་གཟིར་བས་རྣམ་སྨིན་གྱི་ལུས་བསྲེགས་ཤིང་སེམས་ཆོས་ཉིད་ཀྱི་ངང་དུ་ར་རོས་པར་བསམས་ལ་རྐང་པ་རྡོ་རྗེའི་འགྲོས་ཀྱིས་བསྐོར་ཞིང༌ཨོཾ་སཱུརྱ་ཙནྡྲ་ཛྭ་ལ་ཛྭ་ལ་ཧཱུཾ་ཕཊ་ཅེས་བརྗོད་ཅིང་སྤྲོ་ན་


JLAZ010_Page_0662
[མ་དཔེ་གཟིགས་ན་འདིར་གནོན།]

ཆས་སུ་ཞུགས་ཏེ་རྐང་པ་བྱིན་གྱིས་བརླབས་ནས་གར་གྱི་གཞི་བཅའ་བ་སྔོན་དུ་བཏང་སྟེ་ཁྲོ་བོ་བཅུའི་སྟངས་སྟབས་ཕུར་པ་རྒྱུད་ལུགས་ལས་འབྱུང་བ་ལྟར་བྱའོ། །སྐབས་འདིར་དགེ་བའི་དཔུང་བསྐྱེད་ཕྱིར། སཱཙྪ་གདབ་པ། སྲོག་བསླུ་ཉེའུ་འདོན། བཤགས་སྐོང་ཞི་བའི་སྦྱིན་སྲེག །མགྲོན་བཞི་ལ་མཆོད་སྦྱིན་ཅི་འབྱོར། གཟུངས་མདོ་སྒྲོགས་པ། ཁྱད་པར་གནས་ཀྱི་ཤར་དུ་ཤེར་ཕྱིན། ལྷོར་སྟོབས་པོ་ཆེ། ནུབ་ཏུ་ལང་གཤེགས། བྱང་དུ་ཏོག་གཟུངས་འདོན་པ་རྣམས་ཅི་འགྲུབ་བྱའོ། །དེ་ནས་མཚམས་གཅོད་པ་ལ་ལྔའི། དང་པོ་ཕྱི་མཚམས་བཅད་པ་ནི། སྒྲུབ་ཁང་གི་ཕྱི་རོལ་གོམ་པ་བདུན་ཅུ་རྩ་བཞིའི་སར་རྒྱལ་ཐོ་གཟུག་ཅིང་མཆོད་གཏོར་བཤམས་ལ། རང་གི་ཐུགས་ཀ་ནས་འོད་ཟེར་འཕྲོས་རི་རབ་ཀྱི་ཤར་ཕྱོགས་ནས་རྒྱལ་པོ་ཆེན་པོ་ཡུལ་འཁོར་སྲུངས་འཁོར་བཅས། བཛྲ་ས་མ་ཛཿས་སྤྱན་དྲངས་ཛཿཧཱུཾ་བཾ་ཧོས་བསྟིམ། ཨོཾ་དྷྲི་ཏ་རསྟྲ་ཧཱུཾ་ཛཿ ཞེས་བཟླ། རང་སྔགས་དེ་ལ་ཨརྒྷཾ་སོགས་བཏགས་པས་ཉེར་སྤྱོད་དང༌ཨ་ཀཱ་རོས་གཏོར་མ་ཕུལ་ལ། ཧཱུཾ། རི་རབ་གླིང་བཞིའི་ཤར་ཕྱོགས་ནས། །དཔལ་ལྡན་རྒྱལ་པོ་ཡུལ་འཁོར་སྲུང༌། །ཕྱོགས་བསྲུང་རེ་བ་བསྐང་བའི་ཕྱིར། །འདིར་བྱོན་མཆོད་སྦྱིན་གཏོར་མ་བཞེས། །དྲི་ཟའི་གདོན་རྣམས་མཚམས་ཆོད་ཅིག །ཅེས་ཕྲིན་ལས་བཅོལ། ཏིཥྛ་བཛྲས་བརྟན་པར་བྱ། དེ་བཞིན་དུ་གཞན་གསུམ་སོ་སོར་ཡང་རིགས་འགྲེ་བས་ལྷོར། རི་རབ་ཀྱི་ལྷོ་ཕྱོགས་ནས་རྒྱལ་པོ་འཕགས་


JLAZ010_Page_0663
[མ་དཔེ་གཟིགས་ན་འདིར་གནོན།]

སྐྱེས་པོ་འཁོར་བཅས། རང་སྔགས་བེ་རུ་དྷ་ཀ་ཧཱུཾ་ཛཿ ཧཱུཾ། རི་རབ་གླིང་བཞིའི་ལྷོ་ཕྱོགས་ནས། །དཔལ་ལྡན་རྒྱལ་པོ་འཕགས་སྐྱེས་པོ། །ཕྱོགས་བསྲུང་འདི་རེ་བ་བསྐང་བའི་ཕྱིར། །འདིར་བྱོན་མཆོད་སྦྱིན་གཏོར་མ་བཞེས། །གྲུལ་བུམ་གདོན་རྣམས་མཚམས་གཅོད་ཅིག །ཅེས་དང་ནུབ། རི་རབ་ཀྱི་ནུབ་ཕྱོགས་ནས་རྒྱལ་པོ་ཆེན་པོ་སྤྱན་མི་བཟང་འཁོར་བཅས། རང་སྔགས་བེ་རུ་པཀྵ་ཧཱུཾ་ཛཿ ཧཱུཾ། རི་རབ་གླིང་བཞིའི་ནུབ་ཕྱོགས་ནས། །དཔལ་ལྡན་རྒྱལ་པོ་སྤྱན་མི་བཟང༌། །ཕྱོགས་བསྲུང་རེ་བ་བསྐང་བའི་ཕྱིར། །འདིར་བྱོན་མཆོད་སྦྱིན་གཏོར་མ་བཞེས། །ཀླུ་དབང་གདོན་རྣམས་མཚམས་གཅོད་ཅིག །ཅེས་དང་བྱང༌། རི་རབ་ཀྱི་བྱང་ཕྱོགས་ནས་རྒྱལ་པོ་ཆེན་པོ་རྣམ་ཐོས་སྲས་འཁོར་བཅས། རང་སྔགས་བཻ་ཤྲ་མ་ཎ་ཧཱུཾ་ཛཿ ཧཱུཾ། རི་རབ་གླིང་བཞིའི་བྱང་ཕྱོགས་ནས། །དཔལ་ལྡན་རྒྱལ་པོ་རྣམ་ཐོས་སྲས། །ཕྱོགས་བསྲུང་རེ་བ་བསྐང་བའི་ཕྱིར། །འདིར་བྱོན་མཆོད་སྦྱིན་གཏོར་མ་བཞེས། །གནོད་སྦྱིན་གདོན་རྣམས་མཚམས་ཆོད་ཅིག །ཅེས་སོ་སོར་བསྒྱུར་རོ། །གཉིས་པ་བར་མཚམས་དམ་སྲི་མནན་པ་ནི། རཱུ་པ་བྱ་མགོ་ཅན་གྱི་སྙིང་ཁར་ཡ་མ་དམ་སྲི་གམ་པ་རི་མཱ་ར་ཡ་ཛཿ ཞེས་བྲིས་པ་འབྲུབ་ཁུང་དུ་བཀོད། གསེར་སྐྱེམས་གཏང༌། བདེན་བརྡར་དགུག་གཞུག་བྱས་ནས། དེའི་སྙིང་གར་ཕུར་


JLAZ010_Page_0664
[མ་དཔེ་གཟིགས་ན་འདིར་གནོན།]

པ་གདབ་ཅིང༌། ཨཱརྱཱ་ཨ་ཙ་ལ་དམ་སྲི་བྷནྡྷ་བྷནྡྷ་མཱ་ར་ཡ་ཧཱུཾ་ཕཊ་ཅེས་བཟླ། ཐུན་གྱིས་བྲབས་ཐོད་པ་མཚན་ངན་ཏུ་བཅུག་སྟེ་སྒྲུབ་ཁང་གི་ཐེམ་པའི་ཕྱི་རོལ་དུ་གནན། རོ་གཡམ་རྡོ་རྗེ་རྒྱ་གྲམ་བྲིས་པས་ཁ་གཅད། འབྱུང་བ་ལྔས་རྒྱས་འདེབས། དེའི་སྟེང་དུ་དཔོན་སློབ་རྣམས་ལག་པ་ལུ་གུ་རྒྱུད་དུ་སྦྲེལ་ནས་སུམ་བྷ་ནི་བཟླ་བཞིན་པར་ལས་གཞུང་ལྟར་བྲོ་བརྡུང་ངོ་། །གསུམ་པ་སྒོ་བྱང་གདགས་པ་ནི། རོ་རས་ས་མ་ར་སོག་ལ་གཤེད་པོའི་སྐུ་སྔགས་བྱང་དང་བཅས་པ་བྲིས་པ་སྒོའི་ཡ་ཐེམ་ཕྱི་མར་གདགས་བཛྲ་ས་མཱ་ཛཿས་ཡེ་ཤེས་པ་སྤྱན་དྲངས། ཛཿཧཱུཾ་བཾ་ཧོཿས་བསྟིམཿ ཨརྒྷཾ་ལ་སོགས་པས་མཆོད་ཅིང་གཏོར་མ་བསྔོ། །ཧཱུཾ། ལྷ་སྲིན་སྡེ་བརྒྱད་འབྱུང་པོ་ཀུན། །ཁྱོད་ཀྱི་གཡོག་དང་འཁོར་ལགས་ན། །རྣམ་པར་སྨིན་པའི་ཆོས་ཤོད་ལ། །བདག་གིས་འབྲས་བུ་མ་ཐོབ་པར། །སྒོ་འདི་ཚུན་ཆད་མ་གཏོང་ཅིག །ཅེས་མེ་ཏོག་འཐོར། བཞི་པ་གསང་མཚམས་དམ་སྲི་མནན་པ་ནི། མ་ཊཾ་གྱི་གཟུགས་མགོ་བོ་ལྷོ་ནུབ། རྐང་པ་བྱང་ཤར་དུ་བསྟན་པ་གན་རྐྱལ་དུ་བཞག་ལ། ཡི་དམ་གྱི་ང་རྒྱལ་ལ་གནས་པས་ལྕགས་ཀྱུའི་ཕྱག་རྒྱ་དང་བཅས། ཧཱུཾ། བྱང་ཆུབ་མཆོག་ཏུ་སེམས་བསྐྱེད་ཅིང་། །དུས་གསུམ་རྒྱལ་བའི་སྐུ་སྤྲུལ་བ། །རིག་འཛིན་ངེས་པ་མང་པོ་ལ། །དངོས་གྲུབ་འཕྲོག་པར་བྱེད་པ་ཡི། །རུ་ཏྲ་རྟག་པའི་རྒྱལ་པོ་འདི། །ཁྲོ་བོ་ཆེན་པོའི་བྱིན་རླབས་ཀྱིས། །ཡུད་ཙམ་གྱིས་ནི་འདིར་ཁུག་ལ། །སྡུག་བསྔལ་ཉམས་སུ་མྱོང་བར་གྱིས། །མ་


JLAZ010_Page_0665
[མ་དཔེ་གཟིགས་ན་འདིར་གནོན།]

ཊཾ་ཀ་རུ་ཏྲ་ཛཿ དཀྱིལ་འཁོར་གྱི་ལྷ་ཚོགས་རྣམས་ཀྱི་བདེན་པས་དངོས་གྲུབ་ལ་བར་དུ་གཅོད་པའི་བདུད་དང་ལོག་འདྲེན་ཐམས་ཅད་ཨ་ཀརྵ་ཛཿ ཏྲི་ཡཾ་ཛཿཛཿ ཧཱུཾ་བཾ་ཧོས་བསྟིམས་ལ། སྙིང་རྗེས་ཁྱོད་བསྒྲལ་དམ་ཚིག་གི། །གསད་གནན་བྱ་བ་མ་ཡིན་ཏེ། །ཕུང་པོ་རྡོ་རྗེས་གཏམས་བྱས་ལ། །རྣམ་པར་ཤེས་པ་མྱ་ངན་འདའ། །ཧཱུཾ། ཆོས་ལ་བལྟ་དང་གང་ཟག་བལྟ། །རྟག་ཆད་བལྟ་བའི་སྡིག་ཅན་ཁྱོད། །བདག་མེད་སྟོང་པའི་ཐོ་བས་གཞོམ། །འཇིགས་བྱེད་ཆེན་པོའི་ཞབས་ཀྱིས་གནོན། །མ་རིག་སྒོ་ལྔའི་སྦུབས་ལས་བྲལ། །རྣམ་ཤེས་ཆོས་ཀྱི་དབྱིངས་སུ་ཕཊ། །ཅེས་རྩེ་གསུམ་གྱི་ཕྱག་རྒྱ་སྙིང་གར་བསྣུན་པས་གཟུགས་ཕུང་ཧྲུལ་གྱིས་ཞིག་པའི་ཁོག་པར་བྲོས་སྦྱང་བ་ནི། ཧཱུཾ། སྟོང་གསུམ་སྟོང་གི་ལོ་ཀ་ན། །དབུས་ཕྱོགས་སྟོང་གི་འཇིག་རྟེན་ན། །དྲེགས་པ་བསྣོལ་བའི་གདན་སྟེང་ན། །རྡོ་རྗེ་ཁྲག་འཐུང་བྲོ་རར་ཆས། །ཞལ་གཅིག་ཕྱག་གཉིས་མཐིང་ནག་སྐུ། །རྡོ་རྗེ་དབྱིངས་ཕྱུག་ཡུམ་ལ་འཁྱུད། །རྡོ་རྗེ་ཐོད་ཁྲག་དཀྲུགས་ཤིང་གསོལ། །དུར་ཁྲོད་ཆས་ཀྱི་ལྷ་སྲིན་འདུལ། །རྡོ་རྗེ་གཤོག་པས་བར་སྣང་བརྒྱངས། །སྤྱན་གསུམ་དམར་ཟླུམ་སྟོང་གསུམ་བསྲེགས། །མཆེ་བ་གཙིགས་པས་བདུད་བཞི་འཇོམས། །ལྗགས་དམར་གློག་སྟོང་འཁྱུགས་པ་ཡིས། །སྟོང་


JLAZ010_Page_0666
[མ་དཔེ་གཟིགས་ན་འདིར་གནོན།]

གསུམ་མ་ལུས་གསལ་བར་བྱེད། །ཧཱུཾ་གི་སྒྲ་ནི་འབྲུག་བཞིན་སྒྲོགས། །བརྐྱང་བསྐུམ་ཞབས་གཉིས་བྲོ་བརྡུངས་པས། །བདུད་ནི་ཕྱེ་མར་འཐག་པའི་བྲོ། །ཀླུ་ནི་ཡོངས་སུ་བརྗོད་པའི་བྲོ། །བགེགས་རྣམས་མེར་ནི་སྲེག་པའི་བྲོ། །མ་བདུད་ཐལ་བར་བརླག་པའི་བྲོ། །དུར་ཁྲོད་འདི་ལ་བྲོ་བརྡུངས་པས། །དམ་ཉམས་གཤེད་ནི་བརླག་པར་འགྱུར། །ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ། ཕྱོགས་བཞིར་རིགས་བཞིའི་བྲོ་བརྡུངས་པས། །བར་ཆད་བགེགས་ནི་སྦྱང་བར་འགྱུར། །ཁྲོ་བཅུ་རྡོ་རྗེ་འགྲོས་ཀྱིས་བླངས། །དྲག་པོ་བྱ་བའི་འགྲོས་ཀྱིས་བླངས། །བདུད་ཀྱི་སྒོ་ལ་འཇུག་ཐག་བཅད། །ས་ཡི་རྟེན་ཕུར་འོག་ཏུ་དགོད། །རྡོ་རྗེ་རྒྱ་གྲམ་ཐག་པས་དྲགས། །དཀྱིལ་འཁོར་སྟན་དུ་རུ་ཏྲ་བཞིན། །དུར་ཁྲོད་གཞལ་ཡས་ཁང་དུ་བཟུང༌། །སྒྲུབ་པ་བྱེད་པའི་རྫས་སུ་བཟུང། །ཐུགས་དམ་སྐོང་བའི་བདུད་རྩིར་བཟུང༌། །ཨོཾ་རུ་ལུ་རུ་ལུ་ཧཱུཾ་བྷྱོ་ཧཱུཾ་ཤཱིནྟཾ་སྭཱ་ཧཱ། པུཥྚིཾ་སྭཱ་ཧཱ། པཱ་ཤཾ་སྭཱ་ཧཱ། མཱ་ར་ཡ་ཕཊ། ཅེས་བརྗོད་ལ་ཡན་ལག་ལྔ་སོ་སོ་དང༌། དོན་སྙིང་དང༌། ནང་ཁྲོལ་དང༌། མཚན་མ་བརྒྱད་དཀྱིལ་འཁོར་གྱི་ཕྱོགས་མཚམས་བརྒྱད་དུ་བཀོད། བདག་གི་ཐུགས་ཀ་ནས་བྷྲཱུཾ་འཕྲོས་ཁོག་པ་ལ་ཐིམ་པས་ཁོག་པ་དུར་ཁྲོད་རོལ་པའི་གཞལ་ཡས་ཁང་གི་མཐའ་བསྐོར་དུར་ཁྲོད་བརྒྱད་ཀྱིས་བསྐོར་བར་གྱུར་པར་བསམ་ཞིང་ཁུ་ཚུར་དཔུང་མགོར་བསྣོལ་དབྱེ་དང་བཅས། ཧཱུཾ་པྲ་བེ་ཤ་


JLAZ010_Page_0667
[མ་དཔེ་གཟིགས་ན་འདིར་གནོན།]

ཡ་ཕཊཿཅེས་ལན་བདུན་གྱིས་སྤྲུལ་པའི་དཀྱིལ་འཁོར་གྱི་སྒོ་ཕྱེ། ཧཱུཾ་ཧཱུཾ་ཧཱུཾ་ཧ་ན་ཧ་ན་ཕཊ་ཕཊ་ཕཊ་ཅེས་རྡོ་རྗེའི་གར་འགྲོས་ཀྱིས་ལན་གསུམ་བསྐོར་ནས་དཀྱིལ་འཁོར་གྱི་ནང་དུ་ཚུད་པར་བསྒོམ་མོ། །ལྔ་པ་འབར་བ་ལྟ་སྟངས་སོགས་ཀྱིས་ནང་མཚམས་གཅོད་པ་ནི། སོ་སོའི་དམིགས་པ་ཁོང་དུ་ཆུད་པས། ཧཱུཾ། བདག་ཉིད་ཞེ་སྡང་རྡོ་རྗེ་ཡི། །སྤྱན་མིག་ཉི་ཟླ་འབར་ཞིང་བསྲེགས། །ཐུགས་ལས་ཁྲོ་བོའི་ཚྭ་ཚྭ་འཕྲོ། །སྟོད་གསུམ་སྤྲུལ་པའི་མེ་ཡིས་འགེངས། །ཕྱོགས་མཚམས་མཚོན་ཆ་འཆོལ་བས་གཏམས། །བདག་མེད་སྟོང་པར་མཚམས་བཅད་དོ། །ཨོཾ་སཱུརྱ་ཙནྡྲ་བཛྲ་ཀྲོ་ཏ་ཛྭ་ལ་རཾ་རཾ་ཙཀྲ་ཝརྟི་མ་ཧཱ་ཀྲོ་དྷ་སརྦ་དུཥྚཾ་ཨེ་ཧཱུཾ་ཕཊ། གཉིས་པ་དངོས་གཞི་ཐིག་ཚོན་གྱི་རིམ་པའི་དང་པོ་ཐིག་ལས་ནི། གང་དུ་འདེབས་པའི་གཞི་དེར། བདུད་རྩི་ལྔ་དང་འབྱུང་ལྔས་བྱུག་ཅིང༌། ཨོཾ་བཛྲ་ཨ་མྲྀ་ཏ་མཎྜ་ལ་ཧཱུཾ། ཁྲག་ཆེན་གྱིས་བྱུག་ཅིང༌། ཨོཾ་རཀྟ་མཎྜ་ལ་ཧཱུཾ། ཀླད་ཆེན་གྱིས་བྱུག་ཅིང༌། ཨོཾ་ཀཾ་ཀ་པཱ་ལ་མཎྜ་ལ་ཧཱུཾ། ཞེས་བརྗོད་ཅིང་ཁྱེམ་མེད་པར་བྱུག་ཅིང༌། གཞན་དོན་དུ་དབང་བསྐུར་བ་སོགས་ཀྱི་ཚེ། ལྷ་དང་བུམ་པ་སློབ་མ་སྟ་གོན་ཀྱང་སྐབས་འདིར་བྱ་བ་དབང་གི་སྤྱི་དོན་ལས་ཤེས་པར་བྱ་ལ། ཐིག་སྐུད་ཀྱི་རྒྱུ་དཔའ་བོའི་རིན་གྱིས་ཉོས་པའི་རས་བལ་ལ་གཞོན་ནུ་མས་བཀལ་བའི་སྲད་བུ་ཚོན་སྣ་ལྔ་པ་སྲིད་དུ་དཀྱིལ་འཁོར་གྱི་ཉིས་འགྱུར་ལ་སྦོམ་ཕྲ་སྒོའི་ཉི་ཤུ་ཆར་བྱས་པ་སློབ་དཔོན་དཀྱིལ་འཁོར་གྱི་གཙོ་བོའི་ང་རྒྱལ་ལ་གནས་པ་ཤར་དང་ཐིག་གཡོག་


JLAZ010_Page_0668
[མ་དཔེ་གཟིགས་ན་འདིར་གནོན།]

ཡུམ་དུ་གསལ་ལ་ནུབ་ཏུ་གནས་པས་ཐིག་སྐུད་ཨོཾ་ཧཱུཾ་ཏྲཱཾཿཧྲཱིཿཨཱ་ཞེས་བརྗོད་པས་རིགས་ལྔའི་ངོ་བོར་གྱུར་པ་ཤར་ནས་ནུབ་ཏུ་དྲངས་པ་བྷྲུཾ་ཛྙཱ་ན་མ་དཱ་ལ་ཧཱུཾ་ཞེས་ལན་གསུམ་བརྗོད་ཅིང་སེ་གོལ་གཏོགས་པ་དང་བཅས་ནམ་མཁའི་དབྱིངས་ལ་ཡེ་ཤེས་ཀྱི་ཐིག་ཚངས་ཐིག་གཉིས་སམ་བཞི་དང་བརྒྱད་ལ་སོགས་པ་གཡས་བསྐོར་དུ་གདབ་ཅིང་ཐིག་གི་སྒྲ་ལས་བྲི་བྱའི་དཀྱིལ་འཁོར་ནམ་མཁའ་ལ་བཀྲ་ལམ་གྱི་གསལ་བ་ལ་མཆོད་བསྟོད་བྱ། དེ་ནས་ལས་ཐིག་གདབ་པ་ནི་ཐིག་སྐུད་ལོགས་སུ་ཡོད་ན་དང༌། མེད་ན་དེའི་ཡེ་ཤེས་པ་བཛྲ་མུཾ་གྱིས་གཤེགས་པ་བདུད་རྩི་ལྔ་དང་དཀར་ཆལ་གྱིས་སྦགས་ལ་གདབ་ཚུལ་ནི། ཤར་ནས་ནུབ་ཐད་ཚངས་ཐིག་གདབ། །ལྷོ་བྱང་ཚད་ན་གཉིས་པ་གདབ། །ཕྱོགས་བཞི་ཚད་ན་མཚམས་བཞི་གདབ། །དཀྱིལ་འཁོར་ཆེ་ཆུང་ཇི་ཙམ་པའི། །ཏོག་ནས་དབུས་ཀྱི་ལྟེ་བའི་བར། །ཆ་མཉམ་གསུམ་གསུམ་རེ་རེ་ཡང༌། །གསུམ་ཆར་དབྱེ་བ་ཆ་ཆེན་རེ། །ཀུན་ཀྱང་ནང་ནས་རིམ་པ་བཞིན། །དང་པོ་ཕྱེད་གདབ་ཕྱི་མའང་གདབ། །གཉིས་ལ་ཆ་བཞི་བགོ་བར་བྱ། །གསུམ་བཞི་མི་གདབ་ལྔ་དབུས་དོར། །དྲུག་པ་ཕྱེད་གདབ་ཕྱེད་མའང་གདབ། །དབུས་ཀྱི་ལྟེ་བ་འཁོར་ལོའི་ས། །ཆ་ཆེན་གཅིག་དང་ཆ་ཕྲན་གཅིག །བསྐོར་བ་མུ་ཁྱུད་ནང་མ་ལ། །དེའི་ཕྱིར་ཆ་ཆེན་གཅིག་དང་ནི། །ཆ་ཕྲན་གཅིག་སྐོར་རྩིབས་བརྒྱད་ཀྱི། །ཕྱི་ཐིག་མུ་ཁྱུད་ཆ་ཕྲན་གཅིག །དབུས་ཀྱི་ལྟེ་བར་ཆོས་འབྱུང་སྟེ། །ཕྱི་རོལ་ཆ་ཆེན་གསུམ་པོ་ནི། །ཚངས་པའི་ཐིག་གི་གཡས་གཡོན་དུ། །ནང་མ་གཉིས་པོ་ཆ་བཞིར་དབྱེ། །ཕྱི་མའི་དབུས་དོར་མཐའ་གཉིས་གདབ། །


JLAZ010_Page_0669
[མ་དཔེ་གཟིགས་ན་འདིར་གནོན།]

རྟ་བབ་དང་པོ་ཀ་རྒྱན་མཉམ། །གཉིས་པ་གསུམ་པ་གཅིག་ཕྱིར་བསྐྱེད། །བཞི་པ་གཉིས་བསྐུམ་ལྔ་པ་གཅིག །ཕྱིར་འཕྱར་དྲུག་པ་གཉིས་སུ་བསྐུམ། །བདུན་པ་བརྒྱད་པ་རེ་རེ་འཕྱར༌། །སྣམ་བུ་གསུམ་པའི་ཕྱི་ཐིག་དང༌། །ཚངས་ཐིག་རྒྱ་གྲམ་ཐེབས་མཚམས་ནས། །ཆ་ཕྲན་གཉིས་བསྐོར་གླང་རྒྱབ་དབུས། །སྣམ་བུ་དང་པོའི་ཕྱི་ཐིག་དང༌། །སྒོ་ཚད་གཡས་གཡོན་ཕྲད་མཚམས་ནས། །ཆ་ཕྲན་གཉིས་རེའི་གཡས་གཡོན་དང༌། །མུ་རན་ཆ་ཕྲན་རེ་རེའི་སྐོར། །སྣམ་བུ་གསུམ་པའི་ཕྱི་ཐིག་དང༌། །ཚངས་ནས་གཉིས་ཕྱིན་འཛོམ་ས་ནས། །བཟུང་སྟེ་ཀ་རྒྱན་རྩེ་མོ་དང༌། །དེ་ནས་འཕྲེད་གཉིས་གཅིག་ཕྱིར་ཕྱིན། །སྣ་ཚོགས་རྡོ་རྗེའི་ཕྱི་མཐའ་སྐོར། །པདྨ་ཆོས་འཁོར་གདུགས་ཀྱི་ས། །ཆ་ཆེན་ཕྱི་མར་རང་འགྲིགས་འགྱུར། །སྣ་ཚོགས་པད་འཁོར་ཆ་ཆེན་ཕྱེད། །འོད་ལྔའི་མུ་ཁྱུད་ཆ་ཕྲན་གཅིག །དུར་ཁྲོད་ཆ་ཆེན་རྡོ་ར་ཕྱེད། །མེ་རི་ཆ་ཆེན་གཅིག་རྣམས་སོ། །སྒོས་སྒྲུབ་སོ་སོའི་ཚེ་ནི་ལྟེ་བ་བསྒྱུར་བ་དང་སྒྲུབ་རྫས་ཀྱི་ཁྱད་པར་སོ་སོའི་གཞུང་ལས་ངེས་པར་བྱའོ། །གཉིས་པ་ཚོན་འགྱེད་པ་ནི། ཚོན་སྣ་ལྔ་པོ་མདོག་རིགས་ཀྱིས་དབྱེ་བས་ཕྱོགས་བཞི་དབུས་དང་ལྔར་གཞག་ཅིང་ཨོཾ་ཧཱུཾ་སྭཱ་ཨཱཾ་ཧཱ་ལས་འོད་ཟེར་འཕྲོས། འཕགས་པ་མཆོད་སེམས་ཅན་གྱི་དོན་བྱས་ཚུར་འདུས་རྡུལ་ཚོན་ལ་ཐིམ་ཡེ་ཤེས་ལྔའི་རང་བཞིན་རིན་པོ་ཆེའི་རྡུལ་ཕྲ་རབ་ཏུ་གྱུར་པར་བསམ། འབྲུ་ལྔ་བརྒྱ་རྩ་སོགས་བཟླས་པས་བརླབས་ཏེ་ཚོན་ཐོབ་ནི་མངོན་རྟོགས་


JLAZ010_Page_0670
[མ་དཔེ་གཟིགས་ན་འདིར་གནོན།]

བཞིན་མ་འདྲེས་པར་བྲིས་ལ། ལྷ་མཚན་དགོད་པ་ནི་ཡིག་འབྲུ་ཕྱག་མཚན་སྐུ་མདོག་དང་མཚུངས་པའི་ཐིག་ལེ་སོགས་ཅི་རིགས་པ་བཀོད་ལ་ཐིག་ཚོན་གྱི་ལྷག་མའི་ཡེ་ཤེས་པ་གཤེགས་གསོལ་བྱའོ། །སྒྲུབ་རྫས་དང་རྒྱན་དགོད་པ་ནི། བྷནྡྷ་དུམ་བུ་གཅིག་པའི་ནང་རོ་རས་ཀྱིས་གླན་པའི་དཔྲལ་བ་ངོས་སུ་དབུ་བསྟན་པའི་དཔལ་ཆེན་བོའི་སྐུ་མངོན་རྟོགས་བཞིན་བྲིས་པ་རབ་གནས་དང་ལྡན་པ་ལྕགས་སམ་ཙན་དན་སེང་ལྡེང་གང་རུང་གི་ཕུར་བའི་མགུལ་དུ་དར་ལེ་བརྒན་ལ་གསེར་རམ་མཚལ་གྱིས་སྔགས་བྱང་བྲིས་པ་དབུས་སུ་བཀོད་པ་ལ་བྷནྡྷ་རྒྱབ་བརྟེན་པའི་ཞལ་ཤར་སྒོར་ཕྱོགས་པར་གཞག་ཅིང་ཐོད་སྐུུ་མ་འབྱོར་ན་སྒྲུབ་ཕུར་ཙམ་ལའང་བརྟེན་དུ་རུང་ངོ༌། །སྒྲུབ་དབང་སོགས་དང་འབྲེལ་ཚེ། རྣམ་རྒྱལ་གྱི་བུམ་པ་ཤར། དབུ་རྒྱན་ལྷོ། རྡོ་རྗེ་ནུབ། དྲིལ་བུ་བྱང་སྟེ་ལྷ་གནས་དང་མཐུན་པར་དགོད་ཅིང༌། ལས་ཐམས་ཅད་པའི་བུམ་པ་སོགས་ཀྱང་དབང་གཞུང་བཞིན་དུ་འདུ་བྱའོ། །དཀྱིལ་འཁོར་གྱི་མཐའ་བསྐོར་ཁྲོ་བོ་བཅུའི་ཕུར་པ་འབྱོར་ན་སྔགས་ཀྱིས་གཟི་བྱིན་བསྐྱེད་དེ་ཕུར་གདན་ལ་བཀོད། གཞན་ཡང་སྲིད་པའི་དྲྭ་བ་གཅོད་ཕྱིར་ཕྱོགས་བཞིར་རལ་གྲི་བཞི། ཡེ་ཤེས་བཞིས་མ་རིག་པ་རྩད་ནས་གཅོད་ཕྱིར་མདའ་དར་མེ་ལོང་དང་བཅས་པ་བཞི་རྣམས་ཕྱོགས་མཚམས་སུ་བཀོད་པ་རིགས་ལྔ་ཡེ་ཤེས་ལྔ་མཚོན་བྱེད་ཚོན་སྐུད་སྣ་ལྔས་དྲྭ་བར་སྦྲེལ། གདུགས། རྒྱལ་མཚན། བ་དན། དར་གྱི་ལྡ་ལྡི་ལ་སོགས་པས་མཛེས་ཤིང་བཀོད་ལེགས་པར་བརྒྱན་ཅིང༌། མཆོད་རྫས་ཀྱི་ཤར་སྒོ་ནས་བཟུང༌། ཆུ་གཉིས་སྔོན་དུ་འགྲོ་བའི་ཉེར་སྤྱོད་ལྔ་སོགས་ཐུན་མོང་གི་


JLAZ010_Page_0671
[མ་དཔེ་གཟིགས་ན་འདིར་གནོན།]

མཆོད་པ་ལྔ་དང་། དབང་པོའི་མེ་ཏོག་ལ་སོགས་པའི་ནང་མཆོད། དཔལ་གྱི་བཤོས་བུ་ཤ་ཁྲག་གིས་བརྒྱན་པའི་གཏོར་མ། རྩ་བརྒྱད་ཡན་ལག་སྟོང་ལས་སྦྱར་བའི་སྨན། དཔའ་བོའི་སྙིང་ཁྲག་པདྨ་རཀྟ་ལ་སོགས་པའི་ཚད་ལྡན་གྱིས་རཀྟ་སོ་ལྔ་སྟེ་གསང་སྔགས་བླ་མེད་ཀྱི་ནང་གི་དམ་རྫས་དང། གསང་བ་བདེ་སྟོང་ཡེ་ཤེས་ཀྱི་བདུད་རྩིའི་ག་འུའམ་ཟླ་གམ་སྟེ། གཞན་ཡང་མཁའ་འགྲོ་ཆོས་སྐྱོང་གི་གཏོར་མ་དང་ཕྱི་ནང་གི་མཆོད་པའི་བྱེ་བྲག་ཅི་འབྱོར་པ་གཙང་ཞིང་དག་པས་མཐའ་བསྐོར་ཞིང་བཀོད་ལེགས་པར་བཤམ་མོ། །སྤྱི་དོན་གཉིས་པ་སྒྲུབ་ཅིང་མཆོད་པའི་རིམ་པ་གསུམ་གྱི། དང་པོ་སྒྲུབ་པ་པོ་རྣམས་གནས་སུ་དགོད་པ་ནི། རྡོ་རྗེ་རྒྱལ་པོ་དབུས་སུ་བཞུགས་པའི་དཀྱིལ་འཁོར་གྱི་ཤར་སྒོ་ནས་བརྩམ་ཏེ་རྡོ་རྗེ་རྒྱལ་ཐེབས། ཕྲིན་ལས་གཞུང་བསྲང་རྡོ་རྗེ་ལས་པ་དང༌། བར་གཅོད་བགེགས་སྒྲོལ་སྤྲུགས་པའི་རྡོ་རྗེ་གིང་མཚམས་པ། དངོས་གྲུབ་བར་ཆད་ཀྱི་དུས་དང་དྲོད་འཛིན་རྡོ་རྗེ་སྤྱན་པ། ཕྲིན་ལས་སྐབས་སྦྱོར་གྱི་དུས་འཛིན་རྡོ་རྗེ་དུས་མཚམས། ཕྱི་ནང་བྱ་བྱེད་ཀྱི་དྲོད་འཛིན་རྡོ་རྗེ་ཕྱག་ཚང་པ་སོགས་སྒྲུབ་པ་ཆེན་པོ་ལ་འདུ་བར་འོས་པའི་མཆེད་ལྕམ་རྣམས་ཀྱིས་རྡོ་རྗེ་སློབ་དཔོན་ནས་བཟུང་སྟེ་རིམ་པར་གྲལ་ཕྱག་དང་བཅས་སྟན་ལ་འདུག་སྟེ་ཐུན་མོང་གི་སྔོན་འགྲོས་རྒྱུད་སྦྱངས་ཏེ་སྤྲོས་བཅས་ཀྱི་བྱད་དུ་བཞུགས་པས་བྱ་ཞིང༌། རྡོ་རྗེ་ཐེག་པའི་དམ་ཚིག་གི་རྟེན་ཅིག་ཤོས་རྡོར་དྲིལ་བྱིན་གྱིས་རློབ་པ་ནི། ཧཱུཾ། ཡེ་ཤེས་འབར་བའི་རྡོ་རྗེ་ཆེ། །ཁྲོ་རྒྱལ་འབར་བའི་ཐབས་ཀྱི་སྐུ། །བདེ་ཆེན་ཡབ་རྣམས་སྐུར་བཞུགས་པས། །


JLAZ010_Page_0672
[མ་དཔེ་གཟིགས་ན་འདིར་གནོན།]

དགྱེས་པ་མཆོག་གི་ཕྲིན་ལས་མཛད་དུ་གསོལ། །མ་ཧཱ་བཛྲ་ཧཱུཾ་ཞེས་རྡོ་རྗེ་ལན་གསུམ་གསོར། ཧཱུཾ། ཤེས་རབ་ཆེན་པོའི་རང་བཞིན་ནི། །ཆོས་ཉིད་སྟོང་པ་ཆེན་པོའི་སྒྲས། །འཁོར་བའི་བག་ཆགས་ཟིལ་གྱིས་གནོན། །དུས་གསུམ་རྒྱལ་བ་ཀུན་ཀྱང་མཉེས། །མ་ཧཱ་གཎྜེ་ཧོཿཞེས་དྲིལ་བུ་འཁྲོལ་བ་གསུམ་སྟེ་དེ་ཁོ་ན་ཉིད་ངེས་པ་ནི་རྣམ་པ་ཐམས་ཅད་དུ་དྲན་པར་བྱའོ། །གཉིས་པ་སྒྲུབ་པའི་ཕྲིན་ལས་གཞུང་བསྲང་བ་ནི། ལས་གཞུང་གི་སྔོན་འགྲོ་ནས་བཟུང་བསྟོད་པའི་བར་མཐར་ཆགས་སུ་གྱེར་ལ་ཛཔ་ལ་བབ་པ་ན། བྷྲཱུཾ་བི་ཤྭ་བི་ཤུདྡྷེ་ཕཊ་ཛཿཞེས་པས་ཛཔ་ཁང་ཕྱེ་ལ་བདག་མདུན་རྣམ་པ་གཉིས་སུ་བྱས་ནས་གསལ་བརྟན་གྱི་ངེས་པར་བསྐྱེད་ཅིང་སྒྲུབ་པ་དང་སྒྲུབ་པ་ཆེན་པོའི་ཕྲིན་ལས་ཀྱི་རིམ་པས་ཞི་བར་བསྙེན་པ། ཁྲོ་བོར་སྒྲུབ་པ། ལས་ལ་སྦྱར་བ་སྟེ་རྩ་བའི་ས་ཁོངས་གསུམ་བཟུང་ནས་སྨིན་པར་སློབ་ཚུལ་རྣམ་བཤད་འོག་མིན་བགྲོད་པའི་ཐེམ་སྐས་དང༌། རྩ་བའི་བསྙེན་ཡིག་ལས་གོ་དོན་ལྷོངས་པར་བྱས་ཤིང༌། སྒྲུབ་མཆོད་ཙམ་པོ་ལ་བསྙེན་སྒྲུབ་པས་གསུམ་སྟབས་གཅིག་ཏུ་བསྒྲུབ་པའི་ཚུལ་ནི། ཐུན་བཞིའི་དང་པོར་བསྙེན་སྒྲུབ་གཉིས་ཕྱེད་ཁྱེར། གཉིས་པར་སྒྲུབ་སྔགས། གསུམ་པར་ཁྲོ་བོའི་སྤྱི་སྔགས། བཞི་པར་ཁྲོ་བོའི་སྤྱི་སྔགས་མཐར་ལས་སྦྱོར་དམིགས་གནད་དང་ལྡན་པ་འོས་འཚམ་བཟླའོ། །ལས་སྦྱོར་མ་གཏོགས་པའི་ཐུན་ཐམས་ཅད་ལ་སྟོང་ཚིག་མཆོད་པ་དང༌ལས་སྦྱོར་གྱི་ཐུན་མཐར་དྲང་སྲོང་དམོད་བཟློག་གི་ཐལ་མོ་བརྡེབ་ཅིང་ཐུན་མཚམས་ཐམས་ཅད་དུ་ཟབ་མོ་ཐུགས་ཀྱི་སྒྲུབ་པ་ཧཱུཾ་སྒྲུབ་ལ་འབད་པར་བྱའོ། །དུས་གསུམ་


JLAZ010_Page_0673
[མ་དཔེ་གཟིགས་ན་འདིར་གནོན།]

མ་མ་དྲུག་ཏུ་ཉུལ་ལེ་བསྐྲད་པ་ནི། ཕུར་ཐུན་དང་བཅས་གུ་གུལ་གྱི་དུད་པས་བདུག་ཅིང་དཔལ་གྱི་ཕོ་ཉ་ཀུན་ཐུབ་རྒྱལ་མོ་བསྐུལ་བ་ནི་རོལ་མོ་དང་བཅས། ཧཱུཾ། ཤར་ཕྱོགས་དཀར་མོ་དུང་གི་གཞལ་ཡས་ནས། །ཁྲག་མདོག་དམར་པོ་བསེ་ཡི་ལན་ཕྲན་ཅན། །སྤྱན་རྩ་དམར་པོ་ཉི་ཟླ་ལྟར་དུ་འཕྲོ། །སྨིན་མ་གློག་འགྱུ་བར་སྣང་གོ་སྐབས་འབྱེད། །བུ་ཡུག་ཐོག་འབེབས་ཤངས་ནས་རྡོ་རྗེ་འཁྲུགས། །བཞད་པ་ཧེ་དང་དཔལ་གྱི་སྤུ་གྲིས་གཏམས། །རྔམས་པའི་ལྗགས་འགྲིལ་བསྐལ་བའི་མེ་ཆེན་འབར། །ཨག་ཚོམགས་མེ་འབར་རབ་འབྱམས་སྲིད་པ་བསྲེགས། །བསྐལ་པའི་འབྲུག་སྒྲ་སྙན་ནས་གསུང་སྒྲ་སྒྲོགས། །ལག་པ་དམར་པོ་སྤུ་གྲི་འབུམ་གྱིས་གཏམས། །སེན་མོ་ལྕགས་ཀྱུའི་རྩེ་ལས་བསྐལ་པའི་མེ་ཆེན་འབར། །བ་སྤུ་རྡོ་རྗེ་གནམ་ལྕགས་ཞུན་མ་འཁྲུགས། །སྨིན་མ་ལྕགས་ཀྱི་ཁྲོ་བཅུ་ཆར་འབེབས་ཤིང༌། །ཞལ་གྱི་ཕུར་པས་སྲིན་པོ་ལྔ་བརྒྱ་གཟེར། །རལ་བའི་གསེབ་ནས་ཁྲག་གི་ཆར་ཆེན་འབེབས། །ཤིན་ཏུ་མི་བཟད་གཏུམ་ཆེན་ཁྲག་འཐུངས་མ། །སྲིན་པོའི་སྙིང་འབྱིན་ཆང་པར་བཅུག་ནས་གསོལ། །ཤིན་ཏུ་མི་བཟད་འབར་བའི་སྐུ་གཅིག་མ། །དཔག་ཚད་ལྔ་བརྒྱར་རྒྱུག་ཅིང་ཀླུ་སྲིན་མ་ལུས་སྒྲོལ། །ཁྲོས་པའི་ཞལ་མདོག་ཁྲག་གི་མཆིན་པ་ཁ། །ན་བཟའ་དམར་པོ་སྲིན་གྱི་གཡང་


JLAZ010_Page_0674
[མ་དཔེ་གཟིགས་ན་འདིར་གནོན།]

གཞི་གྱོན། ཕྱོགས་བཅུར་ཁ་བལྟས་ཕྱོགས་སྐྱོང་ཞབས་ཀྱི་གནོན། །དུས་ལ་བབས་ན་སྙིང་ཁྲག་དྲོན་མོ་འཐུངས། །སྲི་ལ་བབས་ན་སྲོག་རྩ་དམར་པོ་གཅོད། །དགྲ་ལ་བབས་ན་དུག་གི་ཁ་ཆུ་འབེབས། །བགེགས་ལ་བབས་ན་རཱུ་པ་རྡུལ་དུ་རློག །དཔལ་གྱི་ཕོ་ཉ་དཔལ་གྱི་ཐུགས་ལས་བྱུང༌། །དམ་ཉམས་དགྲ་དང་འབྱུང་པོ་བགེགས་ཀྱི་ཚོགས། །ཕུང་པོ་དུམ་བུར་གཏུབ་ཅིང་དོན་སྙིང་མ་ལུས་བསྲེགས། །གྲུམ་བུ་པ་རྩེ། རཱུ་པ་རྩེ། རྩ་མེ་ཐུན་དན་ཤ་སྟམ་བྷ་ཡཀྵ། བི་ན་ཡ་ག །ཕྱེ་མ་ཕྱེ་མ་རྡུལ་ཕྲན་རྡུལ་ཕྲན། ཙིཏྟ་རྦད། ཅེས་བསྐུལ་ཞིང་ཐུན་གྱིས་བྲབས་ལ་གཟིར་རོ། །བྱིན་འབེབས་ནི། སྒྲུབ་པ་པོ་རྣམས་ལག་ཏུ་མདའ་དར་དང་རོལ་མོ་ཐོགས་ཏེ་དཀྱིལ་འཁོར་ལ་སྐོར་ཞིང་རིག་འཛིན་བརྒྱད་ཀྱི་བྱིན་དབབ་པ་ནི། རོལ་མོ་དབྱངས་ཀྱི་འགྱུར་བ་དང་བཅས། ཧཱུཾ། བསྐལ་པ་སྲིད་པའི་དང་པོ་ལ། །བདག་མེད་རྡོ་རྗེ་ཧེ་རུ་ཀས། །གཟུང་འཛིན་རུ་ཏྲ་བསྒྲལ་བའི་ཚེ། །ཚོགས་བརྒྱད་དག་པའི་དུར་ཁྲོད་བྱུང༌། །ཁོག་པ་གྲུ་བཞི་སྒོ་བཞི་པ། །བདེ་གཤེགས་བཞུགས་པའི་གཞལ་མེད་ཁང༌། །ཕུང་པོ་ཁམས་དང་སྐྱེ་མཆེད་རྣམས། །གདན་གསུམ་ངོ་བོར་བྱིན་ཕོབ་ཅིག །ཡུལ་གྱི་མིང་ནི་འཛམ་བུའི་གླིང༌། །ཤར་ཕྱོགས་དུར་ཁྲོད་བསིལ་བའི་ཚལ། །རཱུ་ཏྲའི་སྙིང་དང་ཞིང་སྐྱོང་ནི། །གླང་མགོ་དཀར་པོ་གྲི་ཐོད་འཛིན། །ཕྱོགས་སྐྱོང་


JLAZ010_Page_0675
[མ་དཔེ་གཟིགས་ན་འདིར་གནོན།]

དབང་པོ་རྡོ་རྗེ་ཅན། །ཀླུ་དབང་མཐའ་ཡས་སྦྲུལ་མགོ་གདེངས། །ཆུ་སྤྲིན་དཀར་ལ་ལྗོན་ཤིང་སེར། །གནས་མ་ཆེན་མོ་ཀེའུ་རཱི་མ། །མཆོད་རྟེན་བདེ་བྱེད་བརྩེགས་པ་ནས། །ཡང་དག་གྲུབ་པའི་རིག་འཛིན་ནི། །ཧཱུཾ་ཆེན་ཀཱ་རས་བྱིན་ཕོབ་ཅིག །ཧཱུཾ། ལྷོ་ཕྱོགས་དུར་ཁྲོད་ཁུ་ཕྱུག་ཚལ། །རཱུ་ཏྲའི་ལག་གཡས་ཞིང་སྐྱོང་ནི། །མ་ཧེའི་གདོང་ཅན་སྦྲུལ་ཞགས་བསྣམས། །ཕྱོགས་སྐྱོང་གཤིན་རྗེ་བེ་ཅོན་ཅན། །ཀླུ་དབང་འཇོག་པོ་སྤྲིན་སྔོ་སྐྱ། །ཆུ་ཀླུང་རླབས་ཅན་ལྗོན་ཤིང་ལྗང༌། །གནས་མ་ཆེན་མོ་ཙཽ་རཱི་མ། །མཆོད་རྟེན་རིན་ཆེན་འོད་འཕྲོ་ནས། །འཇམ་དཔལ་གྲུབ་པའི་རིག་འཛིན་ནི། །མཉྫུ་མི་ཏྲས་བྱིན་ཕོབ་ཅིག །ཧཱུཾ། ནུབ་ཕྱོགས་དུར་ཁྲོད་པདྨ་བརྩེགས། །རཱུ་ཏྲའི་མཚན་མ་ཞིང་སྐྱོང་ནི། །ཆུ་སྲིན་གདོང་ཅན་ལ་ལི་ཧ། །ཕྱོགས་སྐྱོང་ཆུ་ལྷ་ཀླུ་དུང་སྐྱོང༌། །སྤྲིན་ཆེན་སྒྲ་སྒྲོགས་ཆུ་ཤིང་དམར། །གནས་མ་ཆེན་མོ་པྲ་མོ་ཧ། །མཆོད་རྟེན་གཟི་འོད་འབར་བ་ནས། །རྟ་མགྲིན་གྲུབ་པའི་རིག་འཛིན་ནི། །ཀླུ་སྒྲུབ་སྙིང་པོས་བྱིན་ཕོབ་ཅིག །ཧཱུཾ། བྱང་ཕྱོགས་དུར་ཁྲོད་ལངྐ་བརྩེགས། །རཱུ་ཏྲའི་རྐང་གཡོན་ཞིང་སྐྱོང་ནི། །རྟ་གདོང་དུད་ཁ་ཆུང་མར་བཅས། །ཕྱོགས་སྐྱོང་གནོད་སྦྱིན་ཀླུ་སྟོབས་རྒྱུ། །ཆུ་ཀླུང་མྱོས་དང་སྤྲིན་ལྗང་འཁྲུགས། །ལྗོན་ཤིང་ཨ་སུ་ཏ་ན་མཛེས། །གནས་མ་ཆེན་མོ་བེ་ཏ་


JLAZ010_Page_0676
[མ་དཔེ་གཟིགས་ན་འདིར་གནོན།]

ལཱི། །མཆོད་རྟེན་རང་བྱུང་བདེ་ཆེན་ནས། །ཕུར་པ་གྲུབ་པའི་རིག་འཛིན་ནི། །པྲ་བྷ་ཧ་སྟིས་བྱིན་ཕོབ་ཅིག །ཧཱུཾ། ཤར་ལྷོ་དུར་ཁྲོད་ལྷུན་གྲུབ་བརྩེགས། །རཱུ་ཏྲའི་ནང་ཁྲོལ་ཞིང་སྐྱོང་ནི། །ར་གདོང་ཕྱོགས་སྐྱོང་མེ་ལྷ་སེར། །ཀླུ་ཆེན་པདྨ་ནོར་བུ་འཛིན། །ཆུ་ཀླུང་དུར་བྱེད་སྤྲིན་དམར་སེར། །ལྗོན་ཤིང་ཁྲོ་བོ་གེལ་པའི་སྟབས། །གནས་མ་ཆེན་མོ་པུཀྐ་སཱི། །མཆོད་རྟེན་ཀེའུ་ཏི་ཤན་ནས། །མ་མོ་གྲུབ་པའི་རིག་འཛིན་ནི། །དྷ་ན་སཾ་སྐྲྀས་བྱིན་ཕོབ་ཅིག །ཧཱུཾ། ལྷོ་ནུབ་དུར་ཁྲོད་མ་ཧཱ་གུ་ཧྱ། །རཱུ་ཏྲའི་མགོ་བོ་ཞིང་སྐྱོང་ནི། །ཁ་དོག་སྔོན་པོ་མི་ལ་ཞོན། །ཕྱོགས་སྐྱོང་འབོད་སྒྲོག་ཀླུ་པད་ཆེན། །སྤྲིན་སེར་ག་ན་ཆུ་རླུང་དམར། །ལྗོན་ཤིང་ཤཱིནྟཾ་ཨུ་པ་ལ། །གནས་མ་ཆེན་མོ་གསྨ་རཱི། །མཆོད་རྟེན་ཆེན་པོ་ཀ་ནི་ནས། །ཡོན་ཏན་གྲུབ་པའི་རིག་འཛིན་ནི། །བི་མ་མི་ཏྲས་བྱིན་ཕོབ་ཅིག །ཧཱུཾ། ནུབ་བྱང་དུར་ཁྲོད་ཧེ་ཆེན་པོ། །རཱུ་ཏྲའི་ལག་གཡོན་ཞིང་སྐྱོང་ནི། །ཤ་བའི་གདོང་ཅན་འཕྱེ་པོའི་ཚུལ། །ཕྱོགས་སྐྱོང་རླུང་ལྷ་ཀླུ་ནོར་རྒྱས། །སྤྲིན་ཆེན་ཆར་འབེབས་ཆུ་ཀླུང་ནག །ལྗོན་ཤིང་ཛ་ལ་ནག་པོ་ལ། །གནས་མ་དུར་ཁྲོད་བདག་མོ་གནས། །མཆོད་རྟེན་རང་བྱུང་ཀུ་མ་ནས། །མཆོད་བསྟོད་གྲུབ་པའི་རིག་འཛིན་ནི། །གུ་ཧྱ་ཙཎྜས་བྱིན་ཕོབ་ཅིག །ཧཱུཾ། བྱང་ཤར་དུར་ཁྲོད་ལོ་ཀ་ནས། །རཱུ་ཏྲའི་རྐང་གཡས་ཞིང་སྐྱོང་


JLAZ010_Page_0677
[མ་དཔེ་གཟིགས་ན་འདིར་གནོན།]

ནི། །ཅེ་སྤྱང་གདོང་ཅན་རྩེ་གསུམ་འཆང༌། །ཕྱོགས་སྐྱོང་དབང་ལྡན་ཀླུ་རིགས་ལྡན། །ཆུ་ཀླུང་ནག་པོ་སྤྲིན་ཉ་ཅན། །ལྗོན་ཤིང་ཧ་ལ་ཀཱ་ལ་ལ། །གནས་མ་ཆེན་པོ་ཙཎྜ་ལཱི། །མཆོད་རྟེན་གོ་མ་སཱ་ལ་ནས། །དྲག་སྔགས་གྲུབ་པའི་རིག་འཛིན་ནི། །ཤཱནྟིཾ་གར་བྷས་བྱིན་ཕོབ་ཅིག །ཅེས་ཛབ་དབྱངས་བཟླ་བ་དང་བཅས་བྱིན་དབབ་པར་བྱའོ། །སྒྲུབ་ཆེན་གྱི་ཚེ་ཕྱག་རྒྱ་རྒྱས་པའི་མངོན་རྟོགས་དུས་གསུམ་མམ་བཞིར་བྱེད་ཅིང། བདུད་རྩི་སྨན་གྱི་སྒྲུབ་པ་ལ་ནི། སྔ་ཐུན་དང་པོ་ལ་རྩ་བའི་སྒྲུབ་གཞུང་བསྲང་སྟེ་བདག་བསྐྱེད་ཀྱི་བཟླས་པ་ཅི་ནུས་པས་བདག་རང་བཞིན་གྱི་དཀྱིལ་འཁོར་བསྒྲུབས་པའི་མཇུག་ཕྱག་རྒྱ་རྒྱས་པའི་མངོན་རྟོགས་གཞུང་བསྲང་སྟེ་མདུན་རྟེན་གྱི་ལྟེ་བ་ཞལ་བསྒྱུར་ནས་དཀྱིལ་འཁོར་བདུན་དང་སྦྱོར་བ་བརྒྱད་ལྡན་གྱི་བརྟེན་པ་སྒྲ་ཇི་བཞིན་པར་གསལ་བཏབ་ནས་རྒྱ་དར་ཀྱི་བཟླས་པ་བྱ་བ་ཉིད་དོ། །གང་གི་ཚེ་ཡང་ཐུན་མཐར་སྤྲོ་ན་ལྷ་མོ་བཅུ་དྲུག་གིས་མཆོད་ཅིང་བསྟོད་པ་མདོར་བསྡུས་དང་ཡི་གེ་བརྒྱ་པར་ཉེས་བྱས་བཤགས། ཚོགས་ཀྱི་འཁོར་ལོ་དུས་གསུམ་མམ་བཞིར་བསྐོར་བའི་ལྷག་མ་དཀྱིལ་འཁོར་གྱི་བྱང་ཤར་དུ་བཙོན་དུ་བཟུང༌། སྲོད་ཐུན་གྱི་མཐར་ཆོས་སྲུང་སྤྱི་བྱེ་བྲག་གི་བསྐང་གསོ་དང་ཆད་ཐོ་བསྟན་སྐྱོང་སོགས་མཇུག་ཆོག་རྣམས་དཀྱུས་བཞིན་ལ་ཉལ་བའི་རྣལ་འབྱོར་ཀྱི་ཚེ་བདག་ཉིད་གཉུག་མའི་ཧེ་རུ་ཀ་ཞལ་གཅིག་ཕྱག་གཉིས་རྡོ་རྗེ་དུང་ཁྲག་འཛིན་པའི་ཐུགས་ཀར་ཉི་ཟླའི་སྟེང་ཐུགས་སྲོག་ཧཱུཾ་གིས་མཚན་པ་ལ་རིག་པ་གཏད་དེ་དེ་ཉིད་བཟླ་བཞིན་པར་ཉལ་ལོ། །གསུམ་པ་དངོས་གྲུབ་བླང་བ་ནི། ནངས་པར་སྒྲུབ་པ་ཐོན་པའི་ཚེ་རྩ་བའི་


JLAZ010_Page_0678
[མ་དཔེ་གཟིགས་ན་འདིར་གནོན།]

བཟླས་པ་ཅི་རིགས་པ་ཐོན་རྗེས་ཚོགས་ཀྱི་འཁོར་ལོ་རྒྱས་པར་བསྐོར་ཞིང་དངོས་གྲུབ་བསྐུལ་པའི་དོན་དུ་ཐུགས་དམ་བསྐུལ་ཞིང་རྩ་སྔགས་མཐར། དྷརྨཱ་ཀཱ་ཡ། སམྦྷོ་ཀཱ་ཡ། ནིརྨ་ཀཱ་ཡ་ཙིཏྟ་སིདྡྷི་ཕཱ་ལ་ཧཱུཾ་ཞེས་བརྒྱའམ་ཉེར་གཅིག་བཟླས་ལ། ཉུལ་ལེ་བསྐྲད། རིག་འཛིན་གྱི་བྱིན་འབེབས་ལ་སྒྲུབ་རྫས་རྣམས་བཏེགས་ཏེ་ལས་གཞུང་གི་དངོས་གྲུབ་བླང་བའི་ཚིག་གིས་སྒྲུབ་རྫས་གནས་གསུམ་དུ་གཏུགས་ཤིང་མྱོང༌། གཏང་རག་མཆོད་བསྟོད་བྱས་ལ་དངོས་གྲུབ་ཀྱི་རྫས་དང་ཚོགས་ཀྱི་འཁོར་ལོ་ལ་རོལ། སྤྲོ་ན་དེའི་མལ་དུ་བདག་འཇུག་ལེན་ཆོག་དབང་དོན་རྒྱ་མཚོས་དབང་བསྐུར་བདག་འཇུག་བླངས་པའི་མཐར་དངོས་གྲུབ་བླང་ངོ་། །གཞན་དོན་དུ་དབང་བསྐུར་བྱེད་ནའང་སྐབས་འདིར་བྱའོ། །དེ་ནས་བསྒྲུབ་པའི་དཀྱིལ་འཁོར་གྱི་ལྷ་རྣམས་སྦྱིན་སྲེག་གིས་ཞལ་བསྲོ་བ་ནི་སྒྲུབ་ཁང་གི་ཕྱི་རོལ་ལྷོ་ཕྱོགས་སམ། དཀྱིལ་འཁོར་གྱི་མདུན་ངོས་སུ་རྒྱས་པའི་སྲེག་བླུགས་ཀྱི་ཐབ་ཏུ་དཀྱིལ་འཁོར་གྱི་ལྷ་རྣམས་མཚོན་པ་མེ་ཏོག་གི་ཚོམ་བུའམ་དབུ་རྒྱན་གྱི་རྣམ་པས་སྤྱན་དྲངས་པ་དཀྱིལ་འཁོར་གྱི་བདག་པོ་ལ་གཡས་སུ་བསྐོར་བ་དེ་ཉིད་ཀྱིས་བླངས་ཏེ་ཐབ་ཏུ་མེ་ཏོག་ཅུང་ཟད་དོར་ལ་གཞུང་བཞིན་ལྷ་རྣམས་གསལ་བཏབ་སྟེ་སྦྱིན་སྲེག་གི་མཆོད་འབུལ་དང་དངོས་གྲུབ་བླང་པའི་རྫས་དང་གཏོར་མ་ནས་ཀྱང་ཅུང་ཟད་འབུལ། སླར་ཡང་དཀྱིལ་འཁོར་གྱི་ལྷ་རྣམས་མཚོན་བྱེད་ཀྱི་སྤྱན་དྲངས་པ་གཟུགས་བརྙན་གྱི་དཀྱིལ་འཁོར་ལ་བསྟིམ་སྟེ་ཇི་སྲིད་མ་བསྡུས་ཀྱི་བར་དུ་མཆོད་པས་སྲི་ཞུར་བྱའོ། །གལ་ཏེ་བསྙེན་པའི་ཁ་སྐོང་ལ་སོགས་པའི་དོན་དུ་སྦྱིན་བསྲེག་བྱ་བར་སྤྲོ་ན་ཞི་བའི་ཐབ་ཏུ་སྲེག་རྫས་རྣམས་རྩ་


JLAZ010_Page_0679
[མ་དཔེ་གཟིགས་ན་འདིར་གནོན།]

སྔགས་འབའ་ཞིག་གིས་འབུལ་བ་ཁྱད་པར་རོ། །དེ་ནས་ཆོས་སྐྱོང་གི་གཏང་རག་དང་སྔར་བཙོན་དུ་བཟུང་བའི་ལྷག་མ་དང་སྒྲུབ་པ་པོ་རྣམས་ཀྱིས་རོལ་པའི་ལྷག་མ་བསྡུས་ཏེ་དྲག་ཤུལ་གྱི་ལས་ལ་ཤིས་པར་འདོད་ན་དམེ་ལྷག་སྟེང་དང་བཀྲ་ཤིས་པར་འདོད་ན་གཙང་ལྷག་སྟེང་དུ་བསྣན་པ་རྡོ་རྗེ་སློབ་དཔོན་གྱི་ཁ་ཕྲུས་བཏབ་ཅིང་སྨན་རག་ཀྱང་བྲན་ཏེ་ཨ་ཀཱ་རོ་སོགས་ཀྱིས་བསྔོས་ཤིང་ཕྲིན་ལས་བཅོལ་ཏེ་རྒྱལ་ཐོའི་ཕྱི་རོལ་དུ་དོར། ཆོས་སྐྱོང་གི་གཏོར་མ་ཐོག་སྟེང་སོགས་གཙང་སར་གཤེགས། ཆོ་གའི་མཇུག་ཆོག་རྣམས་དཀྱུས་བཞིན་ལ་བཀྲ་ཤིས་སྨོན་ལམ་གྱིས་མཐའ་རྒྱས་སུ་བྱའོ། །དེ་ནས་ཁྱད་པར་གྱི་ལས་མཇུག་བསྡུ་བ་ནི། རྒྱལ་ཆེན་ལ་གཏང་རག་གཏོང་སྟེ་ཕྱི་ནང་གི་ཐོ་རྣམས་འགྲོལ་ཤིང་གཤེགས་བསྡུ་བྱ། གཟུགས་བརྙན་གྱི་དཀྱིལ་འཁོར་ལ་མཆོད་ཅིང་བསྟོད་དེ་བཟོད་པར་གསོལ་ལ་ཨོཾ་ཁྱེད་ཀྱི་སེམས་ཅན་དོན་ཀུན་མཛད༌ཅེས་སོགས་དང༌བཛྲ་མུཾ་གྱིས་རང་བཞིན་ཡི་ཤེས་ཀྱི་དཀྱིལ་འཁོར་གཤེགས། རས་བྲིས་ཡིན་ན་བརྟན་བཞུགས་བྱ། ཐོད་སྐུ་ལ་སོགས་པའི་སྒྲུབ་རྫས་དང་རྒྱན་བསྡུས་ཏེ་དབེན་པར་འཇོག །ཨ་ཀཱ་རོའི་སྔགས་བརྗོད་ཅིང་ལག་གཡས་རྡོ་རྗེ་དང་བཅས་པས་དབང་ལྡན་ནས་བཟུང་རྡུལ་ཚོན་ཕྱགས་ལ་དམ་ཚིག་གི་དཀྱིལ་འཁོར་སྙིང་ཁའི་ཐིག་ལེར་འདུས་པར་བསམ། ཕུར་བུ་ཕྱུང་བའི་ཕུར་རྩེ་འོ་མས་བཀྲུ་ཞིང་


JLAZ010_Page_0680
[མ་དཔེ་གཟིགས་ན་འདིར་གནོན།]

ཤུལ་དུ་རིན་པོའི་གཏེར་གཞུག །རྡུལ་ཚོན་རྣམས་ལས་ཅུང་ཟད་ཕྲིན་ལས་གྱི་དོན་དུའང་བཟུང་ཞིང་བྱིངས་རྣམས་རིན་པོ་ཆེའམ་རྫའི་བུམ་པར་བླུགས་ལ་གཏོར་མ་དང་ལྷན་ཅིག་གཏེར་དུ་སྦ་བའམ་ཡང་ན་དབུ་རྒྱན་བསྐོན་ཏེ་མཆོད་རྫས་ཀྱིས་སྣ་དྲངས་ལ་ཆུ་ཀླུང་ཆེན་པོར་དོར་བའི་སྣོད་ཆུས་བཀང་སྟེ་ནང་དུ་ལོག་ནས་བསངས་གཏོར་བྱ། སླར་ཡང་རྡོ་རྗེའི་གླུ་གར་སོགས་དགའ་སྟོན་གྱི་མཐའ་རྒྱས་སུ་བྱའོ། །རྒྱ་རོང་སྐུ་སྐྱེའི་གསུངས་ནན་མ་ལྡོག་པས། །རྒ་བར་ནོད་ཀྱང་ཀླད་ཀྱི་དོན་སྨོས་ནས། །ཀུན་ཏུ་སྦྱོར་བ་དཔོན་པོ་འོད་ཟེར་ལ། །རྗེས་སུ་གནང་ནས་དཔྱད་གསུམ་དག་པས་བསྒྲུབས། །དགེའོ། །དགེའོ། །དགེའོ།། །།

ཐུགས་སྒྲུབ་དཔལ་ཆེན་འདུས་པ་ལས་ཧེ་རུ་ཀ་རིགས་བཞིའི་སྒོས་སྒྲུབ་བསྙེན་པའི་དམར་བྱང་།


JLAZ010_Page_0681
[མ་དཔེ་གཟིགས་ན་འདིར་གནོན།]

ཐུགས་སྒྲུབ་དཔལ་ཆེན་འདུས་པ་ལས་ཧེ་རུ་ཀ་རིགས་བཞིའི་སྒོས་སྒྲུབ་བསྙེན་པའི་དམར་བྱང་བཞུགས། །བཅོམ་ལྡན་འདས་ཁྲག་འཐུང་གི་རྒྱལ་པོ་ལ་ན་མོ། རིགས་བཞིའི་ཁྲག་འཐུང་གི་བསྙེན་པ་བྱེད་ན། བསྙེན་རྐྱང་གི་དུས་ཚོམ་བུའི་ཁར་སོ་སོའི་སྒྲུབ་རྟེན་འབྱོར་ན་ཁྲིའུའི་ཁར་བཤམ། མ་འབྱོར་ན་གཏོར་མ་ཁོ་ནས་རུང༌། སྒྲུབ་ཆེན་ལ་ཚོན་དཀྱིལ་གཉིས་གང་རུང་གི་ས་ཆོག་སྟ་གོན་རྣམས་དབང་གི་སྤྱི་དོན་ལྟར་བྱ། གཏོར་ཚོགས་བཟང་དུ་བཤམ། དེ་ནས་དང་པོ་འཇམ་དཔལ་གཤིན་རྗེའི་སྐབས། སྣང་སྲིད་ཐམས་ཅད་འཇམ་དཔལ་གཤིན་རྗེའི་རྟེན་དང་བརྟེན་པར་བསྐྱེད་པ་ལས་བདག་མདུན་གྱི་གཉིས་རྟོག་མི་དགོས། ཛཔ་ལ་བབ་པ་ན། ཡ་མ་རཱ་ཛའི་ཐུགས་ཀར་ཉི་སྟེང་ཧཱུཾ་ཡིག་མཐིང་ཀས་མཚན་པ་ལ་མདུན་ནས་བརྩམས་ཏེ་སྔགས་ཕྲེང་སྤུས་བྲིས་པ་ལྟར་ཤིན་ཏུ་ཕྲ་བ་གཡོན་བསྐོར་དུ་བཀོད་ལ་ཀློག་ཐབས་སུ་སེམས་འཛིན། དེའི་འོད་ཟེར་གྱིས་མུན་ཁུང་དུ་སྒྲོན་མེ་བཏེག་པ་ལྟར། དང་པོར་གཙོ་བོ་ཡབ་ཡུམ། དེ་གསལ་ཐེབས་ནས་ཕྱག་རྡོར་དང་རུས་སྦལ་ཏེ་རྩ་བའི་ལྷ་ལྔ་ཆར་གྱི་གསལ་སྣང་ལ་སློབ། དེ་ནས་རིམ་བཞིན་རྒྱན་གྱི་ལྷ་རྣམས་དང་བཅས་རྟེན་དང་བརྟེན་པ་ཐམས་ཅད་ཁྲ་ལམ་གྱི་གསལ་ན་རབ། མིན་ཀྱང་དེ་ལ་འདུན་པ་བརྟས་པ་དང་འོད་ཟེར་སྤྲོ་བསྡུ་གཞུང་བཞིན་བྱ། ཆེར་གོམས་པ་དང་ཐུན་མཇུག་ཚོར། ཐུགས་ཀའི་སྔགས་ཕྲེང་ལས་རང་འདྲ་གཉིས་


JLAZ010_Page_0682
[མ་དཔེ་གཟིགས་ན་འདིར་གནོན།]

པ་ཆད་དེ་ལུ་གུ་རྒྱུད་དུ་འབྲེལ་བ་ཞལ་ལས་ཐོན། ཡུམ་ཞལ་དུ་ཞུགས། ཡེ་ཤེས་སེམས་དཔའ་ལ་བསྐོར་བ་རྒྱུན་མི་ཆད་པ་ལ་དོ་ལི་ཟེར། སྒྲུབ་ཆེན་ལ་ཕཊ་ཛས་འཛབ་ཁང་དབྱེ་ནས་བདག་མདུན་ཕྱེ་ཞིང་དམིགས་པ་འདི་གཙོ། སྲོག་སྡོམ་གཟེར་བཞིའི་དོན་སོགས་དཔལ་ཆེན་གྱི་བསྙེན་ཡིག་དང་བསྐྱེད་རིམ་རྣམ་བཤད་དུ་གསལ། སྒོས་ཆོས་རྣམས་མ་གཏོགས་དམིགས་པ་འདིས་འོག་མ་རྣམས་ཀྱང་ཁོག་དབུབ། ༈ རྟ་མཆོག་རོལ་པ་ནི། ཡེ་ཤེས་སེམས་དཔའ་ཡུམ་པདྨ་གཟི་ལྡན་མ་སྐྱིལ་ཀྲུང་ཕྱག་གཡས་སྟེང་དང་གཡོན་པ་འོག་ཏུ་བྱས་པའི་སྡིགས་མཛུབ་སྙིང་གར་ཁ་སྤྲད་པའི་ཐུགས་ཀའི་དབྱིངས་ལ་རིན་ཆེན་ཟུར་བརྒྱད་དམར་པོའི་སྟེང་ཉི་གདན་ལ་ཧྲཱིཿཡིག་མཐར་སྔགས་ཕྲེང་བསྐོར་ཚུལ་དང་སྤྲོ་བསྡུ་སོགས་གོང་དང་འདྲ་རུང་བ་ལས། དང་པོ་འཕྲོ་འདུ་ལྷ་རྣམས་བསྐུལ། །གཉིས་པ་མ་མོ་མཁའ་འགྲོ་བསྐུལ། །གསུམ་པ་ལས་ཀྱི་མཁའ་འགྲོ་བསྙེན། །བཞི་པ་གཉིས་མེད་ངང་དུ་བསྙེན། །འཕྲོ་འདུ་འཕྲོ་བ་མ་དད་བཏུལ། །དེ་ལས་ཕར་མཆོད་ཚུར་དངོས་གྲུབ། །ཚ་ཚའི་ཚུལ་དུ་འཕྲོ་འདུ་བྱ། །དེ་ནི་སྒྲུབ་པ་ཆེན་པོའོ། །ཞེས་རྟ་མཆོག་རོལ་པ་ལས་བཤད་པ་ལྟར་བྱའོ།། ༈ ཡང་དག་གི་ཁྱད་པར། གནས་སོ་སོར་རིན་པོ་ཆེ་ཟུར་བརྒྱད་པ་རེ་ལས། ཀླད་པ་དུང་ཁང་གི་ནང་དུ་ཟླ་གདན་ལ། ཨོཾ་དཀར་པོ་ལ་རུ་ལུ་གསེར་གྱི་ཕྲེང་བ་


JLAZ010_Page_0683
[མ་དཔེ་གཟིགས་ན་འདིར་གནོན།]

ལྟ་བུ་དང༌། མགྲིན་པར་པདྨ་འདབ་བརྒྱད་ཀྱི་སྟེང་ཨཿཡིག་དམར་པོ་ལ་རུ་ལུ་དམར་གསལ་མགལ་མེ་ཀླད་ལ་བསྐོར་བ་ལྟ་བུ་དང༌། སྙིང་གར་ཉི་གདན་ཧཱུཾ་སྔོན་པོའི་མཐར་རུ་ལུ་སྔོ་ནག་ལྕགས་ཞུན་འཐོར་བ་ལྟ་བུས་བསྐོར། དེ་བཞིན་དུ་གཽ་རཱི་མ་སོགས་ལྷ་མོ་བརྒྱད་ཀྱི་ཐུགས་ཀར་རིན་ཆེན་ཟུར་བརྒྱད་ལ་རུ་ལུའི་ཡི་གེ་མདུན་ནས་བརྩམས་འབྲུ་རེ་དང༌། དབུས་ན་སོ་སོའི་མིང་ཡིག་ཐིག་ལེས་མཚན་པའི་ཐུགས་སྲོག་གནས་པ་ལ་སེམས་འཛིན་ཅིག་ཆར་དུ་ཐོབ་ན་རབ། མིན་ན་གཙོ་བོའི་ཐུགས་ཀ་ནས་རིམ་པར་གྱེན་དུ་སྔགས་ཕྲེང་ལས་སེམས་གཏད་དེ་རུ་ལུའི་བཟླས་པ་བྱས་པས་ཡི་གེའི་སྤྲིན་ནམ་མཁའ་གང་བར་སྤྲོས། ཕྱོགས་བཅུའི་རྒྱལ་བ་སྲས་དང་བཅས་པ་ལ་བདེ་སྟོང་གི་མཆོད་པ་ཕུལ། ཐུགས་དམ་གྱི་རྒྱུད་བསྐུལ། ཡང་ཡི་གེའི་སྤྲིན་ལས་སྣོད་བཅུད་དུ་འཛིན་པའི་རྟོག་པ་སྦྱངས། དེ་རྣམས་ཚུར་འདུས་ཡི་གེ་སོ་སོ་ལ་ཐིམ། རྣམ་པར་ཤེས་པའི་ཚོགས་བརྒྱད་དང་ཡུལ་ལ་ཉེ་བར་ལེན་པའི་སེམས་ཤིན་ཏུ་རྣམ་པར་དག་ནས་ཚེ་འདི་ཉིད་ལ་ཕྱག་རྒྱ་ཆེན་པོ་མཐོང་ལམ་རྣམ་པར་མི་རྟོག་པའི་ཡེ་ཤེས་རྒྱུད་ལ་སྐྱེས་ནས་མཆོག་གི་དངོས་གྲུབ་བདེ་བླག་ཏུ་ཐོབ་པར་བསམ་པ་སྟེ། ཧེ་རུ་ཀ་གལ་པོ་ལས། རང་སེམས་བྱང་ཆུབ་འབྲུ་བརྒྱད་ཉིད། །རུ་ལུ་གསེར་ཕྲེང་རིན་པོ་ཆེ། །གཅིག་ལས་མང་སྤྲོས་དགུ་


JLAZ010_Page_0684
[མ་དཔེ་གཟིགས་ན་འདིར་གནོན།]

རུ་ལྡན། །བསམ་འཕེལ་འབྲུ་བརྒྱད་རིན་པོ་ཆེ། །རྒྱལ་བ་ཀུན་ཀྱི་ཐུགས་ཀྱི་དབྱིག །གདོད་ནས་ཡེ་ཤེས་སྙིང་པོ་བས། །བྱིན་རླབས་འབྲུ་བརྒྱད་ཕྱག་རྒྱར་གསལ། །དྲོད་ཚད་རྟགས་དང་ལྡན་པ་ཡིས། །དེ་བཞིན་ཉིད་དུ་ཤེས་པར་བྱ། །ཅེས་དང༌། ཀུན་གཞིའི་རྣམ་ཤེས་ཡུམ་སྐུར་གསལ། །ཡབ་ཡུམ་གཉིས་མེད་སྐུ་གསུང་ཐུགས། །ཐུགས་ཀྱི་ཡོན་ཏན་འབྱུང་བའི་གཏེར། །ཞེས་གསུང་པས་འདིས་ནི་རྟོགས་པ་ཁྱད་པར་ཅན་རྒྱུད་ལ་སྟེར་བ་ཡིན་ནོ། །༈ཕུར་པའི་ཁྱད་པར་ནི། ཐུགས་ཀར་རིན་པོ་ཆེའི་གཞལ་མེད་ཁང་སྒོ་གཅིག་པའི་ནང་དུ་ཡེ་ཤེས་སེམས་དཔའ་རྡོ་རྗེ་མི་བསྐྱོད་པ་དཀར་པོ་ཡུམ་དང་བཅས་པ་པད་ཟླའི་གདན་ལ་བཞུགས་པའི་ཐུགས་ཀར་རྡོ་རྗེ་མཐིང་ནག་རྩེ་ལྔ་པ། དེའི་ལྟེ་བར་ཉི་དཀྱིལ་ལ་ཏིང་འཛིན་སེམས་དཔའ་ཧཱུཾ་མཐིང་ནག་ལ་སྔགས་ཕྲེང་གིས་སྐོར་བ་ལ་སེམས་རྩེ་གཅིག་ཏུ་བཟུང་ནས་རེས་འགའ་རྣམ་པ་གསལ། རེས་འགའ་དག་དྲན་སྒོམ་ཅིས་ཀྱང་གསལ་དཀའ་ན་ང་རྒྱལ་ལ་དྲན་པ་བརྟེན་ནས་འོད་ཟེར་སྤྲོ་བསྡུས་དོན་གཉིས་བྱ་བ་ལ་གཙོ་བོར་བསླབ་ཅིང༌། སྒྲུབ་པའི་དུས་དོ་ལི་ལ་བསླབ་པ་སྔར་བཞིན་ནོ། །འདིའི་དོ་ལིའི་ཁྱད་པར་སྔགས་ཕྲེང་དབུས་ར་ནས་འཐོན། དམ་ཚིག་སེམས་དཔའི་ཤངས་བུག་གཡས་པ་བརྒྱུད། མདུན་བསྐྱེད་ཡོད་སྐབས་དེའི་ཤངས་


JLAZ010_Page_0685
[མ་དཔེ་གཟིགས་ན་འདིར་གནོན།]

བུག་གཡོན་པ་ནས་རིམ་པར་ཤངས་གཡས། དེ་ནས་རང་གི་སྣ་བུག་གཡོན་པ་ནས་འཇུག་པའི་ཁྱད་པར་རོ། །གལ་ཏེ་སྨད་ལས་ཀྱི་དམ་ཅན་ཉེ་བསྙེན་སོགས་འདོད་ན་རྒྱུད་ལུགས་ལོགས་སུ་བཀོད་པ་ལས་ཕུར་པའི་གྲུབ་མཐའ་དཔྱིས་ཕྱིན་པར་ཤེས་པར་བྱའོ། །ཅེས་མདོ་ཁམས་པ་འཇིགས་མེད་བློ་གསལ་ཅན་གཉིས་ཀྱི་ངོར་ཆོས་ཀྱི་བདག་པོས་དེ་མ་ཐག་བཀོད་པའོ། །

ཀློང་སྙིང་བཀའ་འདུས་རྒྱ་མཚོ་ལསཿ བདག་འཇུག་དབང་དོན་རྒྱ་མཚོ།


JLAZ010_Page_0687
[མ་དཔེ་གཟིགས་ན་འདིར་གནོན།]

༂ ཀློང་སྙིང་བཀའ་འདུས་རྒྱ་མཚོ་ལསཿ བདག་འཇུག་དབང་དོན་རྒྱ་མཚོ་བཞུགསཿ


JLAZ010_Page_0688
[མ་དཔེ་གཟིགས་ན་འདིར་གནོན།]

སྐུ་དང་ཡེ་ཤེས་བདག་ཉིད་ཅནཿ མངོན་པར་བྱང་ཆུབ་བླ་མ་ནིཿ ཅིང་ཡང་སྤྲུལ་བའི་ཡི་དམ་ལྷཿ ཁྲག་འཐུང་འདུས་པའི་ལྷ་ལ་འདུདཿ འདིར་དཔལ་ཆེན་བཀའ་འདུས་རྒྱ་མཚོའི་དཀྱིལ་འཁོར་དུ་དབང་བསྐུར་བདག་འཇུག་བླང་བའི་ཆོ་ག་དབང་དོན་རྒྱ་མཚོ་ཞེས་བྱ་བ་ལཿ སྦྱོར་དངོས་རྗེས་གསུམ་ལསཿ དང་པོ་ནིཿ ས་ཆོག་ནས་བཟུང་དཀྱིལ་འཁོར་འདུ་བྱ་བའི་ལས་རིམ་དབང་གི་སྤྱི་དོན་ལྟར་རོཿ གཉིས་པ་དངོས་གཞི་ལ་གཉིསཿ དཀྱིལ་འཁོར་བསྒྲུབ་མཆོད་དངཿ བདག་འཇུག་གི་ཆོ་གའོཿ དང་པོ་ནི་གང་དུ་འཇུག་བྱ་སོ་སོའི་སྒོས་སྒྲུབ་ལྟར་བསྐྱེད་རིམ་གྱི་གོ་དོན་ལྷོངས་སུ་གྱུར་པ་དག་གིས་བདག་མདུན་བུམ་གསུམ་ཆོ་ག་གཅིག་གིས་བསྒྲུབ་ཀྱང་རུང་བ་སྔོན་གྱི་བླ་མ་དངོས་གྲུབ་རྙེད་པ་དག་གིས་ཕྱག་བཞེས་ཡིན་ལཿ ན་ཚོད་ཡོལ་ཡང་བྱིས་པའི་རྣམ་རིག་ཅན་རྣམས་


JLAZ010_Page_0689
[མ་དཔེ་གཟིགས་ན་འདིར་གནོན།]

ནི་ལས་དང་པོ་བ་ཡིན་པས་བདག་མདུན་བུམ་གསུམ་གྱི་རྣམ་དབྱེ་ཕྱེད་པའམ་མེད་ན་བསྐྱེད་རིམ་ལ་གོམས་བརྟན་གྱི་དངོས་དོན་ལ་ཇི་ལྟར་འབྱེདཿ དེ་བས་ན་ཆོས་ལ་དབང་ཟབ་སྤངས་ཏེཿ སྒྲུབ་གཞུང་བཞིན་དུ་བདག་བསྐྱེད་བཟླས་པ་དང་བཅས་པའི་མཐར་མཆོད་བསྟོད་དངཿ དེ་ནས་མདུན་བསྐྱེད་བསྒྲུབ་པའི་མཆོད་པ་གསོས་ལཿ རྡོ་རྗེ་སློབ་དཔོན་སངས་རྒྱས་དཔལཿ སོགས་ཀྱི་རྒྱུན་གཤགས་ལན་གསུམཿ བྱིན་འབེབས་དང་མཆོད་པ་བྱིན་རློབ་གཞུང་ལྟར་ལཿ མདུན་རྟེན་ཤུནྱ་ཏཱས་སྦྱངསཿ རང་བྱུང་རིག་པ་བདག་མེད་དེ་བཞིན་ཉིདཿ སོགས་ནས་བཟླས་པ་ཅི་ནུས་བྱའོཿ དེ་ལྟར་ནའང་འཇམ་དཔལ་སྐུ་ནི་ཡོངས་གྲུབ་ཀྱི་བསྐྱེད་རིམ་དངཿ ཕུར་བ་འཕྲིན་ལས་ལའང་རང་སའི་སྒོས་ཆོས་ཀྱི་ཏིང་འཛིན་རྣམ་གསུམ་དང་ལྡན་པས་དེ་གཉིས་རང་གཞུང་ལྟར་རོཿ དེ་ནས་


JLAZ010_Page_0690
[མ་དཔེ་གཟིགས་ན་འདིར་གནོན།]

བུམ་སྒྲུབ་ལ་རྣམ་བུམ་དངཿ ལས་བུམ་སྒྲུབ་པ་གཉིས་ལས་དང་པོ་ནིཿ ཤུ་ནྱ་ཏཱས་སྦྱངསཿ སྟོང་བའི་ངང་ལས་བུམ་གདན་པདྨ་འདབ་བརྒྱད་ཀྱི་སྟེང་དུ་བྷྲཱུཾ་ཡིག་ཡོངས་སུ་གྱུར་པ་ལས་འོད་སྣང་རིན་པོ་ཆེ་ལས་གྲུབ་པའི་བཀྲ་ཤིས་རྣམ་རྒྱལ་གྱི་བུམ་པ་ལྟོ་བ་ཟླུམ་ལ་ཞབས་ཞུམ་པཿ མགྲིན་པ་རིང་ལཿ ཁ་གཡེལ་བའི་མདུན་ངོས་ནས་མཆུ་འཕྱང་བཿ ལྷ་རྫས་ལས་གྲུབ་པའི་པཉྩ་ལི་ཀའི་མགུལ་ཆིངས་སྲོག་གསུམ་དང་ལྡན་པཿ བྱང་ཆུབ་ལྗོན་པའི་ཁ་རྒྱན་ཅནཿ ནང་ཆོས་སྐུའི་རང་བཞིན་ཡངས་ཤིང་མཐའ་མི་མངོན་པའི་གཟུགས་སྐུ་གཉིས་ཀྱི་ཆ་བཅུད་སོ་ལྔས་གཏམས་པཿ ཕྱི་བུམ་པའི་རྣམ་པ་ལ་ནང་ཡེ་ཤེས་ཀྱི་གཞལ་མེད་ཁང་རྣམ་པར་ཐར་པའི་སྒོ་གསུམ་གྱི་བདག་ཉིད་བྱང་ཆུབ་ཕྱོགས་ཀྱི་ཆོས་སུམ་ཅུ་རྩ་བདུན་གྱི་བརྡ་དོན་རྟགས་གསུམ་ཡོངས་སུ་རྫོགས་པའི་ཕོ་བྲང་ཆེན་པོར་མདུན་བསྐྱེད་ཇི་ལྟ་བའི་ལྷ་ཚོགས་གསལ་ལ་མ་འདྲེས་ཤིངཿ སྣང་ལ་རང་བཞིན་མ་གྲུབ་པར་བཞུགས་པའི་གནས་གསུམ་དུ་ཡི་གེ་གསུམ་གྱིས་མཚན་པ་ལས་འོད་ཟེར་འཕྲོས་པས་རང་བཞིན་གྱི་གནས་ནས་བསྒོམས་པ་དང་འདྲ་བའི་ཡེ་ཤེས་པ་བཛྲ་ས་མཱ་ཛཿ སྤྱན་འདྲེན་ནིཿ ཧཱུཾ། དམིགས་མེད་མཁའ་ལྟར་དག་ཅིང་ཁྱབ་པའི་སྐུཿ སྤྱན་འདྲེན་གཤེགས་སུ་གསོལ་བར་མི་དམིགས་ཀྱངཿ ཐུགས་རྗེའི་ངང་ཉིད་ཆོས་སྐུའི་རོལ་པ་ལསཿ ཡེ་ཤེས་སྒྱུ་མར་རོལ་ཅིང་གཤེགས་སུ་གསོལཿ ཨེ་ཧྱ་


JLAZ010_Page_0691
[མ་དཔེ་གཟིགས་ན་འདིར་གནོན།]

ཧི་བྷ་ག་ཝཱན་མ་ཧཱ་ཀཱ་རུ་ཎི་ཀ་དྲྀ་ཤྱ་ཧོཿ ཛཿ ཧཱུཾ་བཾ་ཧོཿ ས་བསྟིམཿ མཆོད་པ་ནིཿ ཧཱུཾ་དངོས་སུ་འབྱོར་དང་ཡིད་ཀྱིས་རྣམ་སྤྲུལ་བའིཿ སོགས་མཐར་རཱུ་པ་ནས་པརྴེའི་བར་དངཿ སརྦ་པཉྩ་རཀྟ་བ་ལིཾ་ཏ་མ་ཧཱ་སུ་ཁ་དྷརྨཱ་དྷཱརྟུ་པཱུ་ཛ་ཧོཿ བསྟོད་པ་ནིཿ ཧཱུཾ། རྡོ་རྗེ་གླུ་མའི་ལས་ཀྱི་ཕྱག་རྒྱ་ཡིསཿ དབྱངས་ཀྱིས་ཡན་ལག་ཆོས་ཀྱི་ཕྱག་རྒྱའི་སྤྲིནཿ རིགས་ལྔའི་དམ་ཚིག་ཕྱག་རྒྱ་ལ་སྦྱར་ནསཿ ལྷར་སྣང་ཕྱག་རྒྱ་ཆེན་པོར་བསྟོད་པར་བགྱིཿ བཟླས་པ་ནིཿ གཟུངས་ཐག་ལ་འཇུས་ནསཿ བདག་བསྐྱེད་ཀྱི་ཐུགས་ཀ་ནས་སྔགས་ཀྱི་འོད་ཟེར་གཟུངས་ཐག་འོད་ཀྱི་སྦུ་གུ་ཅན་ལ་འཁྲིལ་ཏེ་སོང་བས་བུམ་ལྷའི་ཐུགས་རྒྱུད་བསྐུལཿ བདེ་སྟོང་གི་ཡེ་ཤེས་བདུད་རྩིའི་རང་བཞིན་དུ་བབས་པས་བུམ་པ་གང་བར་བསམ་ཞིངཿ རྩ་སྔགས་ལ་དབྱངས་གསལ་སྦྲེལ་བ་བཟླཿ མཐར་བདག་མདུན་བུམ་སོགས་གསུམ་ཀའི་དཀྱིལ་འཁོར་ལ་དམིགས་ནས་མཆོད་ཕྲེང་རྒྱས་པ་དངཿ བསྟོད་པའི་རྗེས་ཡིག་བརྒྱས་ནོངས་པ་བཤགསཿ དུང་ཆོས་ཕུལ་ལཿ ཨོཾ་ཨཱཿ ཧཱུཾ་བུམ་པའི་ལྷ་ཚོགས་རྟེན་དང་བརྟེན་པར་བཅས་པ་འོད་དུ་ཞུ་ནས་བུམ་ཆུ་དང་རོ་གཅིག་ཏུ་གྱུརཿ ཅེས་བརྗོདཿ གཉིས་པ་ལས་བུམ་སྒྲུབ་པ་ནིཿ སྭབྷ་ཝཱས་སྦྱངསཿ སྟོང་པའི་ངང་ལས་རིན་པོ་ཆེའི་བུམ་པ་ཚད་དང་མཚན་ཉིད་རྫོགས་པ་བཅུད་ཀྱིས་གཏམས་པའི་དབུས་སུ་པཾ་ལས་པདྨ་དང་རཾ་ལས་ཉི་མའི་གདན་ལ་ཧཱུཾ་


JLAZ010_Page_0692
[མ་དཔེ་གཟིགས་ན་འདིར་གནོན།]

ལས་ཁྲོ་ཆེན་བདུད་རྩི་འཁྱིལ་པ་སྐུ་མདོག་ལྗང་ནག་མི་བཟད་པའི་ཉམས་ཅནཿ ཕྱག་གཡས་སྣ་ཚོགས་རྡོ་རྗེ་དང་གཡོན་སྡིགས་མཛུབཿ ཞབས་གཉིས་དོར་ཐབས་སུ་བཞུགས་པའི་སྤྱི་བོར་ཨོཾཿ མགྲིན་པར་ཨཱཿ ཐུགས་ཀར་ཧཱུཾ་གིས་མཚན་པ་ལས་འོད་ཟེར་འཕྲོས་པས་རང་འདྲའི་ཡེ་ཤེས་པ་སྤྱན་དྲངསཿ ཛཿ ཧཱུཾ་བཾ་ཧོཿ གཉིས་སུ་མེད་པར་གྱུརཿ ཨརྒྷཾ་སོགས་ཀྱིས་མཆོདཿ བསྟོད་པར་འོས་པས་བསྟོདཿ ཐུགས་ཀར་ཉི་དཀྱིལ་ཧཱུཾ་གི་མཐར་སྔགས་ཕྲེང་འཁོར་བ་ལས་འོད་ཟེར་མེ་སྟག་ལྟ་བུ་འཕྲོས་པས་གདོན་བགེགས་དང་སྡིག་སྒྲིབས་ཐམས་ཅད་བསྲེགསཿ བདུད་རྩིའི་རྒྱུན་བབས་པར་བུམ་པ་གང་བར་གྱུརཿ ཨོཾ་བཛྲ་ཨ་མྲྀ་ཏ་སོགས་ཅི་ནུས་བཟླཿ མཐར་དུང་ཆོས་འབུལ་ལཿ ཨོཾ་ཨཱཿ ཧཱུཾ་བུམ་ལྷ་བདེ་སྟོང་གི་ངོ་བོར་ཞུ་བ་ཁྲོ་བོའི་རྡུལ་ཕྲན་ཕྲ་རབ་ཏུ་གྱུར་པར་བསམ་མོཿ གཉིས་པ་ལ་བདག་འཇུག་དང་དབང་བླང་བ་གཉིས་ལསཿ དང་པོ་ནིཿ གཞི་རྒྱུད་བདེ་གཤེགས་སྙིང་པོ་གདོད་ནས་དཀྱིལ་འཁོར་གྱི་འཁོར་ལོ་རྫོགས་པ་འཇུག་ཅིང་དབང་བླངས་བའི་ཡུལ་དངཿ རྣམ་སྨིན་གྱི་རྟེན་ཕུང་ཁམས་ཚོགས་བརྒྱད་ཀྱིས་བསྡུས་པའི་བག་ཆགས་གློ་བུར་བ་སྦྱང་གཞི་སློབ་བུའི་ཚུལ་དུ་ཤེས་པར་བྱས་ནསཿ ཇི་ལྟར་བལྟམས་པ་སོགས་ཀྱིས་ཁྲུས་བྱཿ ཕྱི་རོལ་པ་ལ་གཏོར་མ་བྱིན་ནས་བསྐྲདཿ བསྲུང་འཁོར་སྒོམཿ ཙཀྵུ་བྷནྡྷ་ཝ་ར་མ་ན་ཡེ་སྭཱ་ཧཱཿ ཞེས་མིག་དར་འཆིངཿ ཨ་ཁཾ་ཝཱི་ར་ཧཱུཾཿ ཞེས་མེ་ཏོག་བཟུང་ལ་གསོལ་གདབ་ནིཿ ཨེ་


JLAZ010_Page_0693
[མ་དཔེ་གཟིགས་ན་འདིར་གནོན།]

མ་ཧོ་བདེ་གཤེགས་སྙིང་པོ་ལསཿ གློ་བུར་འཁྲུལ་པས་བཅིངས་པ་བདགཿ ཚོགས་བརྒྱད་སྲིད་མཚོ་ལས་བསྒྲལ་ཕྱིརཿ རང་བྱུང་དཀྱིལ་འཁོར་བསྟན་དུ་གསོལཿ ལན་གསུམཿ བླངས་ཡུལ་གྱིསཿ བླ་ན་མེད་པའི་དཀྱིལ་འཁོར་ནིཿ དམ་ཚིག་རྒྱ་མཚོའི་གནས་ཡིན་ཏེཿ བསྲུང་ན་ཚེ་འདིར་དངོས་གྲུབ་ཐོབཿ ཉམས་ན་རྡོ་རྗེ་དམྱལ་བར་བསྲེགཿ ལན་དུཿ ལྷ་དང་བླ་མར་གུས་པས་བདགཿ སྲོག་ལ་བབས་ཀྱང་དམ་ཚིག་བསྲུངཿ སོ་ཐར་བྱང་སེམས་རིག་འཛིན་གྱིཿ སྡོམ་པས་བདག་རྒྱུད་དག་པར་སྩོལཿ ལན་གསུམཿ རྒྱུན་བཤགས་ནིཿ རྡོ་རྗེ་སློབ་དཔོན་སངས་རྒྱས་དཔལཿ སོགས་ལན་གསུམཿ དེ་ནས་སྡོམ་པ་བཟུང་བ་ནིཿ དུས་གསུམ་དུས་མེད་སྟོན་པ་ཀུནཿ རྡོ་རྗེའི་ཆོ་ག་འདི་མཁྱེན་ནསཿ གོ་འཕང་མཆོག་ལ་བཞུགས་པའི་ཕྱིརཿ སྐྱབས་ཀྱི་མཆོག་ཏུ་དཀོན་མཆོག་འཛིནཿ རང་གིས་ཉེས་སྤྱོད་སྡོམ་བྱེད་ཅིངཿ གཞན་གནོད་གཞི་དང་བཅས་པ་སྤོངཿ སྨོན་དང་འཇུག་པའི་སེམས་གཉིས་བསྐྱེདཿ ཕྱིན་དྲུག་ལ་སྤྱོད་དགེ་ཆོས་སྡུདཿ རྟག་ཏུ་གཞན་ལ་ཕན་པ་སྒྲུབཿ མ་བསྒྲལ་བསྒྲལ་ཞིང་མ་གྲོལ་དགྲོལཿ དབུགས་མ་ཕྱིན་པ་དབུགས་དབྱུང་ཞིངཿ སེམས་ཅན་བྱང་གྲོལ་གནས་ལ་དགོདཿ ལྷ་ཡི་ཕྱག་རྒྱ་འགོད་པ་དངཿ བླ་མའི་བཞོན་པ་བརྙས་སོགས་སྤོངཿ ལྷ་དང་ལྷ་མིན་གསང་བ་


JLAZ010_Page_0694
[མ་དཔེ་གཟིགས་ན་འདིར་གནོན།]

པཿ བསྟན་པ་སྐྱོང་ལ་མཆོད་བྱེད་ཅིངཿ བྱང་ཆུབ་རྡོ་རྗེ་འབྲལ་མི་བྱཿ མདོར་ན་དེ་ཡིས་གང་བསྒྲགས་པཿ བྱང་ཆུབ་བར་དུ་གཅེས་པར་གཟུངཿ ལན་གསུམཿ དེ་ནས་ཐམས་ཅད་རྣལ་འབྱོར་དུ་སེམས་བསྐྱེད་པ་ནིཿ བདག་གིས་སེམས་ཅན་ཐམས་ཅད་ཀྱི་དོན་དུ་རྫོགས་པའི་བྱང་ཆུབ་ཐོབ་པར་བྱའོ་སྙམ་པའི་ཀུན་རྫོབ་བྱང་ཆུབ་ཀྱི་སེམས་དེ་ཉིད་སྙིང་ཁར་ཟླ་བ་ཉ་གང་བར་གྱུར་བའི་སྟེངཿ དོན་དམ་པའི་བྱང་ཆུབ་ཀྱི་སེམས་རྡོ་རྗེ་རྩེ་ལྔ་པའི་རྣམ་པར་ཤར་བ་ལས་འོད་ཟེར་མཁའ་ཁྱབ་ཏུ་འཕྲོ་བར་བསམས་ལཿ རྡོ་རྗེ་སྙིང་ཁར་བཟུང་སྟེཿ ཨོཾ་སརྦ་ཡོ་ག་ཙིཏྟ་ཨུ་པ་ཏ་ཡ་མིཿ ལན་གསུམ་བརྗོདཿ དེ་ནས་དམ་བཞག་ནིཿ ནང་མཆོད་ལྕེ་ཐོག་ཏུ་བླངས་ལཿ འདི་ནི་རྡོ་རྗེ་དམ་ཚིག་ཆུཿ ཉམས་ན་སྙིང་ཁྲག་སྡིག་པས་འཐུངསཿ བདེ་ལེགས་ཡོན་ཏན་ཐམས་ཅད་འགྲིབཿ བསྲུང་ན་ཡེ་ཤེས་སེམས་དཔར་གྱུརཿ ཚེ་འདིར་མཆོག་གི་དངོས་གྲུབ་སྟེརཿ ས་མ་ཡ་ཨི་དན་ན་རཀྐནཿ དེ་ནས་ལྷ་དང་སྐལ་བ་མཉམ་པའི་ཕྱིར་ཕྱི་ལྟར་འཇུག་པ་ནིཿ ཧོཿ སྲིད་ཞིར་མི་གནས་ཕོ་བྲང་ཆེརཿ འཇུག་པའི་སྒོ་ནི་ཚད་མེད་བཞིཿ རྣམ་པར་ཕྱེ་ལ་ཡེ་ཤེས་ཀྱིཿ དཀྱིལ་འཁོར་ཆེན་པོར་བདག་འཇུག་འཚལཿ ལན་གསུམཿ བྱང་ཆུབ་རྡོ་རྗེསཿ ཨ་ཁཾ་ཝཱི་ར་ཧཱུཾཿ ཞེས་ཤར་སྒོ་ནས་རིམ་པར་ཁྲིད་པར་མོས་ལཿ སྒོ་སོ་སོར་སྐུ་གསུང་ཐུགས་ཕྱག་བྱ་བ་ནིཿ ཐལ་མོ་


JLAZ010_Page_0695
[མ་དཔེ་གཟིགས་ན་འདིར་གནོན།]

གནས་གསུམ་དུ་སྦྱར་བ་དང་བསྟུན་ནསཿ ཨོཾ་ན་མ་ཏེ་ཧཱུཾཿ ཨོཾ་ན་མ་མེ་ཧཱུཾཿ ཨོཾ་ན་མོ་ན་མ་ཧཱུཾཿ ལན་བཞི་བརྗོདཿ དེ་ནས་ནང་འཇུག་ནིཿ དཀྱིལ་འཁོར་གྱི་ཤར་སྒོར་དབང་སྟེགས་པདྨ་འདབ་མ་བརྒྱད་ལ་འཁོད་པསཿ གཙོ་བོའི་ཐུགས་ཀ་ནས་འོད་ཟེར་བྱུངཿ རང་གི་རྣམ་སྨིན་གྱི་ལུས་རྟེན་སྦྱངསཿ རྣམ་པར་ཤེས་པ་ཧཱུཾ་ཡིག་ཏུ་གྱུར་པ་ཡབ་ཀྱི་ཞལ་ནས་དྲངསཿ ཡབ་ཡུམ་མཉམ་པར་རོལ་བའི་རྗེས་ཆགས་ཞུ་བདེའི་ཐིག་ལེར་གྱུར་པ་ཡུམ་གྱི་མཁའ་གསང་དུ་བབས་གཙོ་བོའི་རྣམ་པ་གཉིས་པའི་སྲས་སུ་སྨིན་པ་སྔར་གྱི་དབང་སྟེགས་ལ་བཞུགས་པའི་གནས་གསུམ་དུ་ཕྱག་མཚན་གསུམ་ལ་གནས་པའི་ཡི་གེ་གསུམ་ལས་འོད་ཟེར་འཕྲོས་པས་ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་བསྒྲུབ་བྱའི་དཀྱིལ་འཁོར་གྱི་ལྷའི་རྣམ་པས་རང་དང་རོ་གཅིག་ཏུ་འདྲེས་པར་བསམས་པཿ སྤོས་རོལ་དང་བཅས་དབྱངས་སྙན་པོསཿ ཧཱུཾཿ འཕགས་མཆོག་ཐུགས་རྗེའི་དུས་ལ་བབསཿ སོགས་དངཿ ཧཱུཾ་ཧཱུཾ་ཧཱུཾཿ ཨཱ་བེ་ཤ་ཡ་ཨཱ་བེ་ཤ་ཡ་ཕཻཾ་ཕཻཾཿ ཞེས་བྱིན་དབབ་ཚེ་ལུས་འཕར་གཡོཿ ངག་བརྡ་སྐད་སེམས་བདེ་གསལ་མི་རྟོག་པ་ཕེབས་པའི་རྟགས་སོཿ ཏིཥྛ་བཛྲས་བརྟན་པར་བྱཿ དེ་ནས་མེ་ཏོག་དོར་བ་ནིཿ ཧོཿ སྨོན་པའི་ཡིད་ཀྱིས་རབ་བཟུང་བའིཿ འཇུག་པའི་མེ་ཏོག་ཨུ་དུམ་ཝཱརཿ ལྷག་པའི་ལྷ་ལ་དེང་འབུལ་ནཿ བྱང་ཆུབ་བར་དུ་མི་འབྲལ་ཤོགཿ པུཥྤེ་སིདྡྷི་


JLAZ010_Page_0696
[མ་དཔེ་གཟིགས་ན་འདིར་གནོན།]

ཧོཿ ཞེས་དོརཿ ལྷག་ལྷ་རིགས་བདག་ཏུ་བྱོན་པར་བསམས་ལ་མེ་ཏོག་སྤྱི་བོར་བཞགཿ པྲ་ཏི་གྷྲྀ་ཧ་ན་ཨི་མཾ་ས་ཏྭ་མ་ཧཱ་པཱ་ལཿ དེ་ནས་དཀྱིལ་འཁོར་བསྟན་པ་ནིཿ ཨེ་མ་ཧོ་བདེ་གཤེགས་སྙིང་པོའི་ཁམསཿ སྒྲིབ་བྱེད་གློ་བུར་ལིང་ཏོག་ནིཿ ཡེ་ཤེས་ཐུར་མས་དབྱེ་བགྱིད་ནཿ དཀྱིལ་འཁོར་འདིར་ལྟོས་དད་པ་བསྐྱེདཿ ཛྙཱ་ན་ཙཀྵུ་པྲ་བེ་ཤ་ཡ་ཕཊཿ དེ་ནས་དཀྱིལ་འཁོར་བསྟན་པ་ནིཿ ཧོཿ ཕུང་པོ་ཁམས་དང་སྐྱེ་མཆེད་ནིཿ གདན་གསུམ་དཀྱིལ་འཁོར་ཉིད་ཡིན་ཀྱངཿ རྩ་རླུང་ཐིག་ལེའི་སྒྲིབ་པས་བཅིངསཿ དག་བྱེད་ལྷག་པ་གཟུགས་བརྙན་གྱིསཿ མཚོན་པའི་ཏིང་འཛིན་དཀྱིལ་འཁོར་ནིཿ རྣམ་བྱང་ཆེན་པོའི་བརྡ་དོན་རྟགསཿ འདིར་ལྟོས་འདིར་ཞུགས་འདི་བསྒོམས་པསཿ རྩ་དག་བསྐྱེད་རིམ་སྤྲུལ་སྐུར་འབྱོངསཿ རླུང་དག་ཁ་སྦྱོར་ཡན་ལག་བདུནཿ ཁམས་དག་རྣམ་ཀུན་མཆོག་ལྡན་གྱིཿ བདེ་ཆེན་ཡེ་ཤེས་ཁྱོད་ཀྱིས་མཐོངཿ གཉིས་པ་དབང་བསྐུར་བ་ནིཿ བདག་མདུན་གྱི་ཐུགས་ཀའི་འོད་ཟེར་གྱིས་ཕྱོགས་བཅུའི་རྒྱལ་བ་སྲས་དང་བཅས་པ་གདན་གསུམ་ཚང་བའི་དཀྱིལ་འཁོར་གྱི་རྣམ་པར་སྤྱན་དྲངསཿ ཨརྒྷཾ་སོགས་ཀྱི་མཆོདཿ ཕུང་ཁམས་དག་པ་གཤེགས་པ་གཤེགས་མའི་གདནཿ དབང་ཤེས་དག་པ་སེམས་དཔའ་སེམས་མ་སྟེཿ ལས་ཀྱི་བདག་པོ་ཁྲོ་བོ་ཁྲོ་མོའི་ཚོགསཿ གདན་གསུམ་ཡོངས་


JLAZ010_Page_0697
[མ་དཔེ་གཟིགས་ན་འདིར་གནོན།]

རྫོགས་ལྷ་ལ་ཕྱག་འཚལ་བསྟོདཿ ཅེས་བརྗོད་ལ་གསོལ་གདབ་ནིཿ ནམ་མཁའི་རྡོ་རྗེས་རྒྱལ་བ་ལྔརཿ དགོངས་ཤིང་ཇི་ལྟར་སྩལ་བ་ལྟརཿ མཆོད་པ་ཆེན་པོ་བརྡ་ཡི་དབངཿ རིག་པ་འཛིན་པ་བདག་ལ་སྩོལཿ ལན་གསུམ་གྱིས་གསོལ་བ་བཏབ་པསཿ དེ་བཞིན་གཤེགས་པ་རྣམས་ཀྱིས་དགོངས་པ་མཛདཿ གཤེགས་མ་རྣམ་ཀྱིས་དབང་བསྐུརཿ སེམས་དཔའ་རྣམ་ཀྱིས་བཀྲ་ཤིས་བརྗོདཿ སེམས་མ་རྣམས་ཀྱིས་གླུ་གར་བསྒྱུརཿ ཁྲོ་བོ་རྣམས་ཀྱིས་བགེགས་བསྐྲད་དེཿ དབང་གི་བྱ་བ་མཛད་པར་གྱུརཿ བཀྲ་ཤིས་གང་ཞིག་སེམས་ཅན་ཀུན་ཀྱི་སྙིང་ལ་གནསཿ ཀུན་ཀྱི་བདག་ཉིད་རིགས་ཀུན་ཀྱི་ནི་བདག་པོ་མཆོགཿ མ་ལུས་སེམས་ཅན་བསྐྱེད་མཛད་བདེ་བ་ཆེན་པོ་སྟེཿ དེས་ནི་དེང་ཁྱོད་དབང་བསྐུར་མཆོག་ལ་བཀྲ་ཤིས་ཤོགཿ བརྗོདཿ སློབ་མ་རྡོ་རྗེ་མི་བསྐྱོད་པར་གནས་བསྒྱུར་བའི་སྤྱི་མགྲིན་སྙིང་ག་གསུམ་དུ་ཕྱག་མཚན་གསུམ་ལ་གནས་པའི་ཡི་གེ་གསུམ་གྱིས་མཚན་པར་བསྒོམས་ལཿ རྣམ་བུམ་ཀྱང་དེར་གསལ་བསཿ ཧཱུཾཿ རྣམ་ཤེས་ཕུང་པོ་ནམ་མཁའི་ཁམསཿ ཞེ་སྡང་འཇོམས་མཛད་བཅོམ་ལྡན་འདསཿ ཆོས་དབྱངས་ཡེ་ཤེས་མི་བསྐྱོད་པའིཿ བཀྲ་ཤིས་བུམ་པས་དབང་བསྐུར་རོཿ ཧཱུཾ་བཛྲ་དྷྲིཀ་མཱུཾ་དྷ་ཏི་ཤྭ་རཱི་ཨ་བྷི་ཥིཉྩ་ཧཱུཾཿ རིགས་ཀྱི་བུ་ཁྱོད་ལ་རྡོ་རྗེ་མི་


JLAZ010_Page_0698
[མ་དཔེ་གཟིགས་ན་འདིར་གནོན།]

བསྐྱོད་པའི་ངོ་བོ་ཆུས་དབང་བསྐུར་བས་ཡིད་ཀྱི་སྒྲིབ་པ་དགཿ སངས་རྒྱས་ཐམས་ཅད་ཀྱི་ཐུགས་ཀྱི་དབང་ཐོབཿ རྣམ་པར་ཤེས་པ་རྡོ་རྗེ་མི་བསྐྱོད་པ་དང་ནམ་མཁའི་ཁམས་དབྱིངས་ཕྱུག་མར་སངས་རྒྱསཿ ཞེ་སྡང་ཆོས་དབྱིངས་ཡེ་ཤེས་སུ་གྲོལ་ཏེ་སངས་རྒྱས་རྡོ་རྗེའི་རིགས་མཆོག་གི་ཐུགས་རྣམ་པར་མི་རྟོག་པས་འགྲོ་བའི་དོན་བྱེད་ནུས་པར་གྱུར་ཅིགཿ སློབ་མ་རིན་འབྱུང་དུ་གནས་བསྒྱུར་ཚུལ་སོགས་འདྲཿ དབུ་རྒྱན་ཐོགས་ལཿ ཧཱུཾཿ ཚོར་བའི་ཕུང་པོ་མཉེན་པའི་ཁམསཿ ང་རྒྱལ་འཇོམས་མཛད་བཅོམ་ལྡན་འདསཿ མཉམ་ཉིད་ཡེ་ཤེས་རིན་ཆེན་འབྱུངཿ དབུ་རྒྱན་རིགས་ལྔས་དབང་བསྐུར་རོཿ སྭཱ་རཏྣ་དྷྲིཀ་མཱཾ་མོ་ཧ་ར་སྟི་ཨ་བྷི་ཥིཉྩ་ཧཱུཾཿ རིགས་ཀྱི་བུ་ཁྱོད་ལ་རིན་འབྱུང་གི་ངོ་བོ་གོ་འཕང་ཆེན་པོ་དབུ་རྒྱན་འདི་བསྐོན་པ་ཙམ་གྱིས་ཤེས་བྱའི་སྒྲིབ་པ་སྦྱངསཿ སངས་རྒྱས་ཐམས་ཅད་ཀྱི་ཡོན་ཏན་གྱི་དབང་ཐོབཿ ཚོར་བའི་ཕུང་པོ་རིན་ཆེན་འབྱུང་ལྡན་དང་ཆུའི་ཁམས་མཱ་མ་ཀཱིར་སངས་རྒྱསཿ ང་རྒྱལ་མཉམ་པ་ཉིད་ཀྱི་ཡེ་ཤེས་སུ་གྲོལ་ཏེ་སངས་རྒྱས་རིན་ཆེན་རིགས་ཀྱི་ཡོན་ཏན་བསམ་གྱིས་མི་ཁྱབ་པའི་གོ་འཕང་ཆེན་པོ་ལྔས་འགྲོ་བའི་དོན་བྱེད་ནུས་པར་གྱུར་ཅིགཿ སློབ་མ་སྣང་མཐར་བསྒྱུར་ཚུལ་འདྲ་ཞིང་རྡོ་རྗེ་དེར་གསལ་བསཿ ཧཱུཾཿ འདུ་ཤེས་ཕུང་པོ་དྲོ་བའི་ཁམསཿ འདོད་


JLAZ010_Page_0699
[མ་དཔེ་གཟིགས་ན་འདིར་གནོན།]

ཆགས་འཇོམས་མཛད་བཅོམ་ལྡན་འདསཿ སོར་རྟོགས་ཡེ་ཤེས་སྣང་མཐའ་ཡསཿ ཐབས་ཀྱི་རྡོ་རྗེས་དབང་བསྐུར་རོཿ ཨཱཾ་ཨ་རོ་ལིཀ་པཾ་རཱ་ག་རསྟི་ཨ་བྷི་ཥིཉྩ་ཧཱུཾཿ རིགས་ཀྱིས་བུ་ཁྱོད་ལ་སྣང་བ་མཐའ་ཡས་ཀྱི་ངོ་བོ་རྡོ་རྗེས་དབང་བསྐུར་བས་ངག་དང་རླུང་གི་སྒྲིབ་པ་དགཿ སངས་རྒྱས་ཐམས་ཅད་ཀྱི་གསུང་གི་དབང་ཐོབཿ འདུ་ཤེས་ཀྱི་ཕུང་པོ་སྣང་བ་མཐའ་ཡས་དང་མེའི་ཁམས་གོས་དཀར་མོར་སངས་རྒྱསཿ འདོད་ཆགས་སོ་སོར་རྟོགས་པའི་ཡེ་ཤེས་སུ་གྲོལ་ཏེ་སངས་རྒྱས་པདྨའི་རིགས་ཀྱིས་གསུང་རྣམ་པ་ཐམས་ཅད་པས་འགྲོ་བའི་དོན་བྱེད་ནུས་པར་གྱུར་ཅིགཿ སློབ་མ་དོན་གྲུབ་ཏུ་བསྒྱུར་ཞིང་དྲིལ་བུ་དེར་གསལ་བསཿ ཧཱུཾཿ འདུ་བྱེད་ཕུང་པོ་བསྐྱོད་པའི་ཁམསཿ ཕྲག་དོག་འཇོམས་མཛད་བཅོམ་ལྡན་འདསཿ བྱ་གྲུབ་ཡེ་ཤེས་དོན་ཡོད་གྲུབཿ ཤེས་རབ་དབྱངས་ཀྱིས་དབང་བསྐུར་རོཿ ཧཱ་པྲཛྙཱ་དྷྲིཀ་ཏཱཾ་བཛྲ་རསྟི་ཨ་བྷི་ཥིཉྩ་ཧཱུཾཿ རིགས་ཀྱི་བུ་ཁྱོད་ལ་དོན་གྲུབ་ཀྱི་ངོ་བོ་དྲིལ་བུས་དབང་བསྐུར་བས་ཀུན་གཞིའི་སྒྲིབ་པ་དགཿ སངས་རྒྱས་ཐམས་ཅད་ཀྱི་ཕྲིན་ལས་ཀྱི་དབང་ཐོབཿ འདུ་བྱེད་ཀྱི་ཕུང་པོ་དོན་ཡོད་གྲུབ་པ་དང་རླུང་གི་ཁམས་དམ་ཚིག་སྒྲོལ་མར་སངས་རྒྱསཿ ཕྲག་དོག་བྱ་བ་གྲུབ་པའི་ཡེ་ཤེས་སུ་གྲོལ་ཏེ་སངས་རྒྱས་ལས་ཀྱི་རིགས་ཀྱི་ཕྲིན་ལས་


JLAZ010_Page_0700
[མ་དཔེ་གཟིགས་ན་འདིར་གནོན།]

ཐོགས་པ་མེད་པས་འགྲོ་བའི་དོན་བྱེད་ནུས་པར་གྱུར་ཅིགཿ སློབ་མ་རྣམ་སྣང་དུ་གསལ་ལ་རྡོར་དྲིལ་མགོ་ཐོག་ཏུ་འཁྲོལ་བསཿ ཧཱུཾཿ མིང་གཟུགས་ཕུང་པོ་སྲ་བའི་ཁམསཿ གཏི་མུག་འཇོམས་མཛད་བཅོམ་ལྡན་འདསཿ མེ་ལོང་ཡེ་ཤེས་དེ་བཞིན་གཤེགསཿ རྡོ་རྗེ་མིང་གིས་དབང་བསྐུར་རོཿ ཨོཾ་ཛཱི་ན་ཛིཀ་ལཱཾ་དེ་ཥ་རསྟི་བཛྲ་མ་ཧཱ་ཤྲཱི་ཨ་བྷི་ཥིཉྩ་ཧཱུཾཿ རིགས་ཀྱི་བུ་ཁྱོད་ལ་རྣམ་པར་སྣང་མཛད་མིང་གིས་དབང་བསྐུར་བས་གཟུགས་ཀྱི་ཕུང་པོར་འཛིན་པའི་སྒྲིབ་པ་དགཿ སངས་རྒྱས་ཐམས་ཅད་ཀྱི་སྐུའི་དབང་ཐོབཿ མིང་གཟུགས་ཀྱི་ཕུང་པོ་རྣམ་པར་སྣང་མཛད་དངཿ སའི་ཁམས་སངས་རྒྱས་སྤྱན་མར་སངས་རྒྱསཿ གཏི་མུག་མེ་ལོང་ལྟ་བུའི་ཡེ་ཤེས་སུ་གྲོལ་ཏེཿ སངས་རྒྱས་དེ་བཞིན་གཤེགས་པའི་རིགས་ཀྱི་རྡོ་རྗེ་ལྟ་བུའི་སྐུས་འགྲོ་བའི་དོན་བྱེད་ནུས་པར་གྱུར་ཅིགཿ དེ་ནས་མཐའ་རྟེན་བུམ་པའི་ཆུ་དབང་ནིཿ རྣམ་རྒྱལ་བུམ་པ་བཟུང་ལཿ ཧཱུཾཿ བཀྲ་ཤིས་བུམ་པ་ལྷའི་གཞལ་ཡསཿ ལྷ་དང་གཉིས་མེད་བདུད་རྩིའི་ཆུསཿ སྐལ་ལྡན་བུ་ལ་དབང་བསྐུར་བསཿ སྣང་ཞེན་ལྷ་སྐུའི་ཕྱག་རྒྱར་རྫོགསཿ རྣམ་སྨིན་རིག་འཛིན་ཉེར་ཐོབ་ཅིངཿ ཀུན་ཏུ་འོད་ཀྱི་ས་ནོན་ཤོགཿ རྩ་སྔགས་གང་ཡིན་མཐརཿ བཛྲ་ཀ་ལཱ་ཤ་ཨབྷི་ཥིཉྩ་ཧཱུཾཿ རྒྱས་པར་སྤྲོ་ན་མཐའ་རྟེན་བུམ་པའི་ཆུ་དབང་འདི་མི་བསྐྱོད་པ་མ་གཏོགས་


JLAZ010_Page_0701
[མ་དཔེ་གཟིགས་ན་འདིར་གནོན།]

དབང་བཞི་ཀ་ལ་སྦྱར་རོཿ དག་པ་བརྗོད་པ་ནིཿ དེས་རྡུལ་ཚོན་སྤྲུལ་པའི་དཀྱིལ་འཁོར་དུ་བུམ་པའི་དབང་ཐོབ་ལུས་ཀྱི་ལས་གསུམ་དགཿ གཟུགས་སུ་རྣམ་པར་རྟོག་པ་དང་རྩའི་ཁམས་སྟོང་ཕྲག་བདུན་ཅུ་རྩ་གཉིས་སྦྱངསཿ དེ་བཞིན་གཤེགས་པ་ཐམས་ཅད་ཀྱི་སྐུ་རྡོ་རྗེའི་བྱིན་རླབས་ཞུགསཿ བསྐྱེད་རིམ་དམ་ཚིག་གི་ཕྱག་རྒྱ་བསྒོམ་པ་ལ་དབངཿ ཞི་བའི་ལས་དང་རྣམ་པར་སྨིན་པའི་རིག་འཛིན་འགྲུབཿ བཅུ་གཅིག་ཀུན་ཏུ་འོད་ཀྱི་ས་ནོནཿ འབྲས་བུ་སྤྲུལ་པའི་སྐུ་མངོན་དུ་བྱས་པའོཿ གསང་དབང་ནིཿ མཎྜལ་ཕུལ་ལཿ བདེ་སྐྱོང་གི་སྣོད་དུ་བླ་མ་ཡབ་ཡུམ་སྙོམས་འཇུག་མཛད་པར་མོས་ལཿ གསོལ་གདབ་ནིཿ ཧོཿ སྟང་དཔྱལ་མཉམ་པར་རོལ་བ་ཡིཿ གདན་གསུམ་སྐུ་ཡི་དཀྱིལ་འཁོར་ནསཿ ཞུ་བདེས་དྲངས་པའི་བྱང་ཆུབ་སེམསཿ སྐལ་བ་ཅན་ལ་སྩལ་དུ་གསོལཿ ལན་གསུམཿ བདུད་རྩི་ལྕེ་ཐོག་ཏུ་འཇོག་ཅིང་དམིགས་པ་གསུམ་དྲན་པར་བྱས་ལཿ ཧཱུཾཿ ཡབ་ཡུམ་སྦྱོར་བའི་བྱང་ཆུབ་སེམསཿ དཀར་མར་བྷནྡྷའི་ནང་དུ་བསྐྱིལཿ སྐལ་ལྡན་བུ་ལ་བྱིན་པ་ཡིསཿ རྩ་ཁམས་ཡི་གེའི་རྣམ་པར་སྨིནཿ ཚེ་ལ་དབང་བའི་རིག་འཛིན་ཐོབཿ པདྨ་ཅན་གྱི་ས་ནོན་ཤོགཿ ཨོཾ་བྷོ་དྷི་ཙིཏྟ་ཝཱཀྐ་ཨ་བྷི་ཥིཉྩ་ཨཱཿ རྗེས་འབྲེལ་དུ་བཟླས་ལུང་ནིཿ སློབ་དཔོན་གྱི་ཐུགས་ཀ་ནས་སྔགས་ཕྲེང་ལུ་


JLAZ010_Page_0702
[མ་དཔེ་གཟིགས་ན་འདིར་གནོན།]

གུ་རྒྱུད་དུ་བྱུངཿ སློབ་མའི་མགྲིན་པ་ནས་བརྒྱུད་སྙིང་གར་འཁོར་བར་བསམས་ལཿ རྩ་སྔགས་ལན་གསུམ་བཟླཿ དེས་གདན་གསུམ་སྐུ་ཡི་དཀྱིལ་འཁོར་དུ་གསང་བའི་དབང་ཐོབཿ ངག་གི་ལས་རྣམ་པ་བཞི་དགཿ སྒྲ་ཚིག་རང་ཚན་དུ་འཛིན་པ་དང་རླུང་བཅུ་དག་པར་སྦྱངསཿ གསུང་རྡོ་རྗེའི་བྱིན་རླབས་ཞུགསཿ བཟླས་བརྗོད་དང་རྫོགས་རིམ་ཆོས་ཀྱི་ཕྱག་རྒྱ་སྒོམ་པ་ལ་དབངཿ རྒྱས་པའི་ལས་དང་ཚེ་ལ་དབང་བའི་རིག་འཛིན་འགྲུབཿ མ་ཆགས་པདྨ་ཅན་གྱི་ས་ནོནཿ འབྲས་བུ་ལོངས་སྤྱོད་རྫོགས་པའི་སྐུ་མངོན་དུ་བྱས་པའོཿ སྲོག་ཐུར་སྦྱར་ལ་སྲོག་རྩོལ་བཅིངསཿ ཉི་ཁྲི་ཆིག་སྟོང་དྲུག་བརྒྱའི་དབུགསཿ ཡི་གེ་གསུམ་དུ་དག་པར་བསམཿ ཤེར་དབང་ནིཿ མཎྜལ་ཕུལཿ རིག་ཙག་གཏདཿ ཧོཿ ཆོས་རྣམས་ཀུན་ཀྱི་འབྱུང་གནས་ཆེཿ བདེ་བ་ཆེན་པོ་གསང་བའི་ཡུམཿ རིགས་ཀྱི་བུ་ལ་བྱིན་པ་ཡིསཿ དགའ་བཞིའི་ཡེ་ཤེས་མངོན་དུ་གྱུརཿ ཕྱག་རྒྱ་ཆེན་པོའི་རིག་འཛིན་ཐོབཿ འཁོར་ལོ་ཚོགས་ཆེན་ས་ནོན་ཤོགཿ པྲ་ཛྙཱ་ཛྙཱ་ན་དྷརྨ་དྷཱརྟུ་ཧོཿ ལྷ་མོ་དེསཿ དུས་སྦྱོར་བཅུ་གཉིས་རླུང་གིས་ཁམསཿ ཟ་བྱེད་རྡོ་རྗེའི་ཕོ་ཉ་མོཿ དགའ་བ་བཞི་ཡི་འབྱུང་གནས་པཿ ཆོ་ག་བཞིན་དུ་བསྟེན་ནུས་སམཿ ལན་དུཿ འདུལ་བ་མདོ་སྡེ་ཆོས་མངོན་ནསཿ རྣམ་བཅས་ལྷ་མོ་དགག་མཛད་པཿ


JLAZ010_Page_0703
[མ་དཔེ་གཟིགས་ན་འདིར་གནོན།]

ཐབས་ལ་རྨོངས་པ་དག་ལ་དགོངསཿ ལྷན་ཅིག་སྐྱེས་པའི་ཡེ་ཤེས་ནིཿ ཁྱོད་ལས་འབྱུང་ཕྱིར་བདག་འཚལ་ལོཿ ལྷ་མོསཿ རྡོ་རྗེ་བཙུན་མོའི་ཆུ་སྐྱེས་ནིཿ རྣམ་ཐར་གསུམ་གྱི་བདག་ཉིད་ཅནཿ འདི་སྤངས་མཆོག་གི་དངོས་གྲུབ་མེདཿ ཐར་བ་བསྟེན་ཅིག་དཔའ་བོ་ཆེཿ ཛཿ ཧཱུཾ་བཾ་ཧོཿ འི་དམ་ཚིག་ལསཿ ཨེ་ཝཾ་མཉམ་པར་རོལ་པ་ཡིསཿ འཁོར་ལོ་བཞིར་བབས་ལྡོག་དང་ཁྱབཿ དགའ་མཆོག་ཁྱད་པར་ལྷན་སྐྱེས་ལསཿ བཅུ་དྲུག་ཕྱེད་ཕྱེད་ཐིག་ལེའི་ཁམསཿ སྲིད་པ་ཟ་བྱེད་ཆེན་པོར་སྨིནཿ མས་བརྟེན་ལུགས་ལྡོག་ལྷན་ཅིག་སྐྱེསཿ བདེ་ཆེན་འཁོར་ལོ་མཉམ་པར་བཞགཿ དེས་རྡོ་རྗེ་བཙུན་མོའི་མཁའ་དབྱིངས་སུ་ཡེ་ཤེས་ཀྱི་དབང་ཐོབཿ ཡིད་ཀྱི་ལས་གསུམ་དགཿ ཡིད་དང་ཆོས་སུ་རྟོགས་པ་ལས་བྱུང་བའི་རྣམ་ཤེས་ཚོགས་བདུན་དངཿ རང་བཞིན་བརྒྱད་ཅུའི་རྟོག་པ་སྦྱངསཿ ཐུགས་རྡོ་རྗེའི་བྱིན་རླབས་ཞུགསཿ ཟུང་འཇུག་ལས་ཀྱི་ཕྱག་རྒྱ་བརྟེན་པ་ལ་དབངཿ དབང་གི་ལས་དང་ཕྱག་རྒྱ་ཆེན་པོའི་རིག་འཛིན་འགྲུབཿ ཡི་གེ་འཁོར་ལོ་ཚོགས་ཆེན་གྱི་ས་ནོནཿ འབྲས་བུ་ཆོས་ཀྱི་སྐུ་མངོན་དུ་བྱས་པའོཿ དབང་བཞི་པ་ནིཿ མཎྜལ་ཕུལཿ གསུམ་པའི་ལྷན་སྐྱེས་ལ་བརྟེན་པ་བཞི་པའི་ཡེ་ཤེས་ངོ་སྤྲོད་པ་དངོས་དོན་ཉིད་ཀྱངཿ སྤྱི་ཁྱབ་ལ་བརྡ་དབང་ལྟར་གསུངས་པསཿ མེ་ལོང་དང་ཤེལ་རྡོ་བསྟན་ལཿ ཧཱུཾཿ


JLAZ010_Page_0704
[མ་དཔེ་གཟིགས་ན་འདིར་གནོན།]

ཀ་དག་མེ་ལོང་གཙང་མའི་ངོགསཿ ལྷུན་གྲུབ་དྭངས་ཤེལ་དྲི་མེད་གསལཿ བརྡ་རྟགས་རྫོགས་པའི་དབང་བསྐུར་བསཿ དྲི་མེད་རིག་པའི་གནས་ལུགས་རྟོགསཿ ལྷུན་གྲུབ་རིག་འཛིན་ཉེར་ཐོབ་ནསཿ བདེ་བ་ཆེན་པོའི་ས་ནོན་ཤོགཿ ཨ་ཨ་ཨཿ དེས་རྣམ་ཐར་སྒོ་གསུམ་གྱི་དཀྱིལ་འཁོར་དུ་རང་བཞིན་འོད་གསལ་རྫོགས་པ་ཆེན་པོའི་དབང་ཐོབཿ དཔེ་དོན་འབྲེལ་བའི་ཆོས་ཉིད་ཉམས་སུ་མྱོངཿ ཀུན་གཞི་དང་ཤེས་བྱའི་སྒྲིབ་པ་དགཿ མཐོང་ལམ་ཕྱག་རྒྱ་ཆེན་པོ་སྒོམ་པ་ལ་དབངཿ དྲག་ཤུལ་གྱི་ལས་དང་ལྷུན་གྱིས་གྲུབ་པའི་རིག་འཛིན་འགྲུབཿ ཡེ་ཤེས་བླ་མའི་ས་ནོནཿ འབྲས་བུ་ངོ་བོ་ཉིད་སྐུ་མངོན་དུ་བྱས་པའོཿ དེ་ནས་མཐའ་རྟེན་རྡོ་རྗེ་སློབ་དཔོན་གྱི་དབང་ནིཿ རྒྱལ་ཚབ་ཏུ་འོས་པ་ཡིན་ནཿ ཁྲི་ལ་བཞགཿ གླེགས་བམཿ དུང་དཀརཿ ཕྱག་ཤིངཿ འཁོར་ལོ་རྣམས་གཏདཿ ཇི་ལྟར་ཡངཿ དམ་ཚིག་གསུམ་སྦྱིན་པར་བྱ་སྟེཿ རྡོ་དྲིལ་གཏད་ལཿ ཧོཿ སོ་ཐར་བྱང་སེམས་རིག་པ་འཛིན་པ་ཡིཿ དགག་དགོས་ཡོངས་རྫོགས་སྔགས་ཀྱི་དཀྱིལ་འཁོར་དུཿ ཡོན་ཏན་ཡར་འཕེལ་ཐབས་ལ་མཁས་པ་ཡིཿ རྡོ་རྗེའི་དམ་ཚིག་ཁྱོད་ཀྱིས་གསོར་བར་གྱིསཿ མ་ཧཱ་བཛྲ་ཧཱུཾཿ ལན་གསུམཿ ཧོཿ ཆོས་རྣམས་ཐམས་ཅད་བློ་ཡིས་བཏགས་པ་ཙམཿ རྣམ་ཐར་གསུམ་དང་ལྡན་པའི་ཤེས་རབ་ནིཿ ངོ་བོ་ཉིད་མེད་གྲགས་སྟོང་སྒྲས་མཚོན་ཕྱིརཿ དྲིལ་བུའི་དམ་ཚིག་འཁྲོལ་


JLAZ010_Page_0705
[མ་དཔེ་གཟིགས་ན་འདིར་གནོན།]

ཞིང་དཀུ་ལ་བརྟེནཿ མ་ཧཱ་གཎྜེ་ཧཱུཾཿ ལན་གསུམཿ ཐབས་དང་ཤེས་རབ་འདུ་འབྲལ་མེད་པ་ཡིཿ སྟོང་ཉིད་སྙིང་རྗེའི་བདག་ཉིད་ཆེན་པོ་ནིཿ གཉིས་མེད་དམ་ཚིག་རྡོ་རྗེ་སློབ་དཔོན་དབངཿ བསྡུ་བ་རྣམ་བཞིས་རྒྱལ་བའི་མཛད་པ་སྒྲུབསཿ འཁྱུད་རྒྱ་བྱའོཿ དེ་ནས་དམ་ཚིག་ཁས་བླང་བ་ནིཿ རྩ་བ་སྐུ་གསུང་ཐུགས་མཆོག་དངཿ ཡན་ལག་དམ་ཚིག་ཉི་ཤུ་ལྔཿ མེད་དང་གཅིག་པུ་ཕྱལ་བ་ཆེཿ ལྷུན་གྲུབ་བཞིན་དུ་བསྲུང་བར་བགྱིཿ ལན་གསུམ་གྱིས་འདའ་ཀའི་དམ་བཅའ་སྙིང་ལ་བཀོདཿ གཏང་རག་གི་མཎྜལ་ཕུལཿ རྗེས་ལ་དམ་ཚིག་གི་ཐ་ཚིག་ནིཿ བདག་ལུས་ལོངས་སྤྱོད་ཁྱེད་ལ་འབུལཿ ཇི་ལྟར་བཀའ་སྩལ་བཞིན་དུ་བགྱིདཿ སྲོག་ལ་བབས་ཀྱང་དེ་བསྒྲུབ་ནཿ དངོས་གྲུབ་མཐོང་བའི་ཆོས་ལ་སྩོལཿ བླ་མ་མཆོག་དང་ལྷག་པའི་ལྷཿ བྱང་ཆུབ་བར་དུ་མི་འབྲལ་ནཿ ཆ་ཡིས་ཀྱང་ནི་སྤྱད་དུ་གསོལཿ ཞེས་བརྗོད་ནམ་མཁའི་དབང་ལྷ་རྣམསཿ ཛཿ ཧཱུཾ་བཾ་ཧོཿ ས་རང་ལ་བསྟིམཿ དགེ་བ་བསྔོ་ཞིང་སྨོན་ལམ་གདབཿ གསུམ་པ་རྗེས་ཀྱི་ལས་ཁྲིགས་ནི་སྤྱི་དོན་ལྟར་རོཿ དགོངས་བརྡ་མཁའ་འགྲོའི་ཡི་གེ་ལསཿ རྒྱལ་གསུང་རྣམ་པ་ཐམས་ཅད་པཿ བྱིན་རླབས་ཕུང་པོར་རང་ཤར་བའིཿ མཚམས་སྦྱོར་ལེགས་པའི་བློ་གྲོས་ཡིནཿ དགེའོཿ