ཀློང་ཆེན་སྙིང་ཐིག་གི་དབང་གི་སྤྱི་དོན་སྙིང་པོ།
ཀློང་ཆེན་སྙིང་ཐིག་གི་དབང་གི་སྤྱི་དོན་སྙིང་པོ་དོན་གསལ་ནང་ལྟར། ཞི་ཁྲོའི་ལྷ་དབང་ཨ་ལ་ལ་ཧོ་ཕྱག་འཚལ་ལྟར་ཁ་བསྒྱུར་སོ་སོའི་སྔགས་སྦྱར་དགོས། བཀའ་བརྒྱད་ལྷ་དབང་གི་སྤྱི་དོན་ནང་ལྟར། །ཐུགས་རྗེ་ཆེན་པོ་སྡུག་བསྔལ་རང་གྲོལ་གྱི་དབང་དེ་གའི་བདག་འཇུག་ལྟར་བསྐུར་ན་བདེ་ཡོང་། །ཕྱི་སྒྲུབ་བླ་མའི་རྣལ་འབྱོར། །བླ་མཆོད་ནང་སྒྲུབ་རིག་འཛིན་འདུས་པ། །ཡང་གསང་བླ་སྒྲུབ་བཅས་ལ་རིག་འཛིན་ཀྱི་རྩལ་དབང་ཐོབ་པས་ཉམས་ལེན་བྱེད་ཆོག །གཤིང་རྗེ་ལ་སྟ་གོན་མི་དགོས་ཤིང་དབང་གོང་མ་གསུམ་ཡང་མི་དགོས། །གཞན་ཕུར་པ་ཡང་དག་རྟ་མཆོག་རོལ་པ་བཅས་ལ་སྟ་གོན་ས་ཆོག་སོགས་དབང་གོང་མ་རྣམས་སྤྱི་དོན་སྙིང་པོ་དོན་གསལ་ལྟར་བསྐུར་དགོས། །ཡུམ་ཀའི་བུམ་དབང་དང་གསང་དབང་བཅས་ལ་ཐོད་ཆང་རང་གི་ཡོང་ཞིང་དབང་རྫས་ཐོག་ཆར༴ མེ་ལོ༴ རྡོལ་དྲིལ་བཅས་དགོས་གཞུང་ལྟར་བྱ། །མཁའ་འགྲོ་བདེ་ཆེན་རྒྱལ་མོའི་དཀྱིལ་འཁོར་དབུས་ཟླ་གམ་སྒོ་གཅིག་རྟ་བབས་མེད་དེའི་ཕྱིར་པདྨ་འོད་འཕྲེང་རྡོ་རྭ་པཊ་བྲི། དབུས་ཀྱི་མཁའ་འགྲོའི་སྐུ་བྲིས་ཤིང་། །མ་བྲིས་ཚེ་ཆོས་འབྱུང་དམར་པོ་ལྷ་མཚན་ཅན། །སོ་སོའི་
སྲོག་སྒྲུབ་བཀའ་འདུས་རྒྱ་མཚོ་ཡིན་ཅིང་སྟོད་ལས་སྨད་ལས་ཚོགས་ནས་བཀྲ་ཤིས་བར་རིག་འཛིན་ཐུགས་སྒྲུབ་རང་ནས་ལེན་དགོས། ཕུར་པ་རྒྱུད་ལུགས་ཀྱི་དབང་ཆེན་མ་གྲུབ་སྐབས་དག་འཇུག་ལྟར་བསྐུར་ན་དེ་རང་གི་ངེས་པ་ཆོག རང་བྱུང་རྡོ་རྗེའི་ཕྱག་བྲིས་ལས་བཤུས་སོ།