རིག་འཛིན་འཇིགས་མེད་གླིང་པའི་གསུང་འབུམ།

རིག་འཛིན་འཇིགས་མེད་གླིང་པའི་གསུང་འབུམ།

ཨ་འཛོམ་པར་མ་གླེགས་བམ། ཕ༽

རིག་འཛིན་འཇིགས་མེད་གླིང་པ།

Nitartha International

མཁོ་རྒུའི་ལོངས་སྤྱོད་འཛོམས་ཀྱང་མ་བསགས་ཤིང་། །འདོད་ཡོན་འཁོར་མང་ཚོགས་ཀྱང་མ་ཞེན་པར། །བསླབ་གསུམ་སྡེ་སྣོད་རིག་པའི་བང་མཛོད་དེ། །སྤོང་དང་ཀློག་པའི་སྙིང་གི་དབུས་སུ་བསྐྱིལ། །
—རྫོགས་ཆེན་དཔོན་སློབ།

སྔ་འགྱུར་རྒྱུད་འབུམ་རིན་པོ་ཆེ་དང༌། མདོ་སྒྱུ་སེམས་གསུམ་གྱིས་མཚོན་བཀའ་མའི་སྒྲུབ་འཕྲིན། མཛོད་བདུན། སྙིང་ཏིག་ཡ་བཞི། གཏེར་ཁ་གོང་འོག་གཙོ་བོར་གྱུར་པའི་ཐོབ་ཡིག་ཉི་ཟླའི་རྣ་ཆ།

― JLAZ014_Page_0001 ―

^{[མ་དཔེ་གཟིགས་ན་འདིར་གནོན།]}

[Full Size]

སྔ་འགྱུར་རྒྱུད་འབུམ་རིན་པོ་ཆེ་དང༌། མདོ་སྒྱུ་སེམས་གསུམ་གྱིས་མཚོན་བཀའ་མའི་སྒྲུབ་འཕྲིན། མཛོད་བདུན། སྙིང་ཏིག་ཡ་བཞི། གཏེར་ཁ་གོང་འོག་གཙོ་བོར་གྱུར་པའི་ཐོབ་ཡིག་ཉི་ཟླའི་རྣ་ཆ་ཞེས་བྱ་བ་བཞུགས། །

― JLAZ014_Page_0002 ―

^{[མ་དཔེ་གཟིགས་ན་འདིར་གནོན།]}

[Full Size]

དཔལ་རྡོ་རྗེ་ཆོས་ལ་ཕྱག་འཚལ་ལོ། །དེ་ལ་རྡོ་རྗེ་ཐེག་པའི་རྙིང་མ་ཞེས་བྱ་བ་ནི། ཆོས་ཀྱི་རྒྱལ་པོ་ཁྲི་སྲོང་ལྡེའུ་བཙན་གྱི་སྐུ་རིང་ལ་སློབ་དཔོན་ཆེན་པོ་པདྨ་དང༌། བི་མ་ལ་དང༌། བཻ་རོ་ཙཱ་ན་དང༌། གཡུ་སྒྲ་དང༌། གཉགས་ཛྙ་ན་ཀུ་མཱ་ར་དང༌། རྨ་རིན་ཆེན་མཆོག་དང༌། སྐ་ཅོག་ཞང་གསུམ་ལ་སོགས་པས་བསྒྱུར་ཞིང་གཏན་ལ་ཕབ་པ་རྣམས་ལ་སྔ་འགྱུར་གྱི་རྣམ་གཞག་བྱེད་ཅིང༌། དཔྱད་པ་རྣོན་པོའི་དབང་དུ་བྱས་ན་ད་ལྟ་གསར་མར་གྲགས་པའི་སྡེ་ཚན་ཀྱང་མང་དག་ཅིག་ཡོད་པས་མཐའ་གཅིག་ཏུ་ཁ་ཚོན་གཅོད་པར་དཀའ་ཡང༌། ཆོས་ལ་ཕྱོགས་རིས་འབྱེད་པའི་རྣམ་གཞག་དོར་ནས་རྡོ་རྗེ་ཐེག་པ་སྔ་འགྱུར་ཞེས་བྱ་བའི་ངེས་བརྗོད་ནི་མདོ་སྒྱུ་སེམས་གསུམ་

― JLAZ014_Page_0003 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཡོ་ག་རྣམ་གསུམ་ལ་བསྡུ་བ་དང་པོར་གཉགས། བར་དུ་གནུབས། ཐ་མར་ཟུར་ལ་བཀའ་བབས་པའི་ལོ་རྒྱུས་དང༌། རང་བཞིན་བསྙད་པར་འོས་པ་ནི་དེབ་ཐེར་སྔོན་པོ་ལ་སོགས་པའི་ཆོས་འབྱུང་ཚད་མར་གྱུར་པ་རྣམས་ལས་ཤེས་ཤིང༌། བདག་ཅག་གིས་ཀྱང་རྒྱུད་འབུམ་རིན་པོ་ཆེའི་རྟོགས་པ་བརྗོད་པ་ལ་ལེགས་པར་འདོམས་མོད། སྤྱིར་འཁོར་ལོ་གསུམ་གྱི་གྲངས་ངེས་སུ་རྣམ་པར་བཞག་པའི་སྡེ་ཚན་ལའང༌། རྒྱལ་བའི་ཉན་ཐོས་གང་ཞིག་ཆོས་འཆད་དང༌། །ཞེས་པ་ལ་སོགས་པས་ཆོས་ཀྱི་རྣམ་གྲངས་ཞལ་འཕངས་པ་དང༌། སྟོན་པ་འདི་ཡི་བྱིན་རླབས་ཀྱིས། །ཞེས་པ་དེའང་རྒྱུད་བླ་མ་ལས་སྐྱེས་བུའི་རྣམ་རིག་དང་སྒྲ་སྙན་

― JLAZ014_Page_0004 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་དཔེས་གསུངས་པ་ཡང་དག་པར་ཁོང་དུ་ཆུད་ན་རྡོ་རྗེ་ཐེག་པའི་རྒྱུད་ཀྱི་རྣམ་གྲངས་ནི་བསམ་གྱིས་མི་ཁྱབ་པ་ཞིག་ཡིན་པས་སྔོན་གྱི་མཁན་པོ་རྣམས་ཀྱི་སྔ་འགྱུར་གྱི་སྡེ་ཚན་དུ་བསྡུས་པ་རྣམས་ལའང་མ་ཚོགས་པ་དང༌། མཚན་གྱི་རྣམ་གྲངས་ངོས་མི་ཟིན་པ་སོགས་མང་དུ་སྣང་ཞིང༌། བཀའ་ལུང་གི་བརྒྱུད་པ་ཟམ་མ་ཆད་པར་གྲགས་པའི་ཆོས་ཀྱི་རྣམ་གྲངས་ལའང་གསན་ཡིག་རྙིང་པ་ཚོར་རྒྱས་བསྡུས་ཅི་རིགས་པར་སྣང་ནའང༌། ད་ལྟ་ཡོངས་སུ་གྲགས་ཤིང་བརྒྱུད་པའི་ཆུ་བོ་འདྲེས་པ་ནི་རིག་འཛིན་རཏྣ་གླིང་པ་ཡབ་སྲས་ནས་བརྒྱུད་ཅིང་བསྟན་པའི་ཆུ་མགོ་རྨ་གཉགས་གཉིས་ལས་སྒྱུ་འཕྲུལ་ཤིང་རྟ་ཆེན་མོ་རྨ་ནི་གཤེགས་པ་སྔ་ལ་སློབ་མ་དཔལ་བརྒྱད་ལ་སོགས་ཕྲིན་ལས་རྒྱ་ཆེ། གཉགས་ཀྱི་རྒྱུད་པ་ལ་རོང་ལུགས་དང་མཆིམས་ལུགས་དང༌། ཅོག་རོ་ལུགས་གནུབས་ཟུར་རྣམས་ལ་བརྒྱུད་པ་ལ་གཙང་ལུགས་ཞེས་གྲགས། དེ་ལས་དར་རྗེས་ཁམས་སུ་བྱོན་ནས་བཤད་པས་ཁམས་ལུགས་དང༌། སླར་ལོག་པ་དབུས་སུ་འཕེལ་བས་དབུས་ལུགས་སུ་གྲགས། སེམས་ཕྱོགས་ལ་སློབ་དཔོན་ཆེན་པོ་བཻ་རོ་ཙཱ་ནའི་སྙན་བརྒྱུད་ཆོས་རྒྱལ་ཁྲི་སྲོང༌། གཡུ་སྒྲ་སྙིང་པོ། སྤང་མི་ཕམ་སོགས་ནས་བརྒྱུད་པའི་གདམས་སྐོར་གོང་འོག་དང༌། ཨ་རོ་ཡེ་ཤེས་འབྱུང་གནས་ལས་བརྒྱུད་པའི་ལུགས་སོགས་

― JLAZ014_Page_0005 ―

^{[མ་དཔེ་གཟིགས་ན་འདིར་གནོན།]}

[Full Size]

མདོར་བསྡུ་ན་བསྐྱེད་རིམ་གཙོ་བོར་སྟོན་པ་བསྐྱེད་པ་མ་ཧཱ་ཡོ་ག །རྫོགས་རིམ་གཙོ་བོར་སྟོན་པ་ལུང་ཨ་ནུ་ཡོ་ག །ཆོས་ཉིད་རང་བཞིན་མེད་པ་རྫོགས་ཆེན་ཨ་ཏི་ཡོ་ག་སྟེ། རྣལ་འབྱོར་གསུམ་གྱི་སྒྲས་བསྡུས་པའི་དང་པོར། འོག་མ་བརྒྱད་ཀྱི་གོལ་སྒྲིབ་ཤན་འབྱེད་པའི་གསང་ཚིག་ཐོད་རྒལ་དུ་སྟོན་པ་སེམས་མད་བཅོ་བརྒྱད་ནས་རིམ་པར་བཀའ་སྲུང་གི་རྒྱུད་ཀྱི་བར་གོ་རིམ་མ་འཆོལ་བར་བསྒྲིགས་པའི་པོད་ཆེན་ཉི་ཤུ་རྩ་ལྔའི་ལུང་གི་བརྒྱུད་ཚུལ་ཐ་དད་པ་གོང་མ་ལྔ་བའི་གསན་ཡིག་ཏུ་ཤིན་ཏུ་ཞིབ་པའི་ཕྱིར་ན་འདིར་ཡི་གེའི་ངལ་བ་ལ་འཛེམས་ཤིང༌། དེ་ལྟར་ནའང་བརྒྱུད་པའི་ཆུ་འགོ་གངས་ལ་ཐུགས་པ་ནི་ཆོས་ལ་ངེས་ཤེས་སྐྱེ་བའི་རྒྱུར་མེད་དུ་མི་རུང་པས། རྒྱུད་བཅུ་བདུན་དང༌། ཆོས་དབང་རིན་པོ་ཆེའི་སངས་རྒྱས་མཉམ་སྦྱོར་གྱི་ཆོས་སྡེ་ལས་སྤྲོས་བྲལ་དོན་གསལ་གཉིས་མ་གཏོགས་གཞན་མ་ཕལ་ཆེར་རཏྣ་པ་ཡབ་སྲས་ལ་བརྒྱུད་པ་ཡིན་པས་དེའི་ཚུལ་ཆོས་སྐུ་ཀུན་ཏུ་བཟང་པོ་ནས་ཆོས་ལོངས་སྤྲུལ་གསུམ། དགོངས་བརྡ་སྙན་བརྒྱུད་ཀྱི་བླ་མ་བརྒྱུད་པའི་ཕྲེང་བ་མུ་ཏིག་བསྟར་ལ་བརྒྱུས་པ་ལྟ་བུའི་མཚན་སྒྲ་ཐ་དད་པ་གོང་དུ་སྨོས་པ་ལྟར་གསན་ཡིག །༼ང༽ ལས་ཤེས་པར་བྱས་ནས་ཟུར་པའི་སློབ་བརྒྱུད་གཉལ་བ་བདེ་ལེགས་པ། གྲྭ་པ་རོག་འཇམ་དབྱངས་བཤེས་གཉེན། ཨར་

― JLAZ014_Page_0006 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་བ་ཆོས་དཔལ་རྒྱལ་མཚན། ཕྱམ་དགོན་པ་བསོད་ནམས་བཟང་པོ། གཏེར་སྟོན་རཏྣ་གླིང་པ། སྲས་ཚེ་དབང་གྲགས་པ། ངག་དབང་གྲགས་པ། ངག་དབང་ནོར་བུ། ནོར་བུ་ཡོངས་གྲགས། ནོར་བུ་དབང་རྒྱལ། ཚུལ་ཁྲིམས་རྡོ་རྗེ། ཚུལ་ཁྲིམས་དཔལ་འབྱོར། བསྟན་འཛིན་འགྱུར་མེད་རྡོ་རྗེ། མང་ཐོས་པ་མི་འགྱུར་རྡོ་རྗེ་དང༌། སྡེ་ཚན་ལ་ལ་ཞིག །སྤྲུལ་སྐུ་ཚུལ་ཁྲིམས་རྡོ་རྗེ། དཔལ་འབྱོར་ཚུལ་ཁྲིམས་རྒྱལ་མཚན། བསྟན་འཛིན་འགྱུར་མེད་རྡོ་རྗེ། མང་ཐོས་པ་མི་འགྱུར་རྡོ་རྗེ། ལྕགས་ཟམ་སྤྲུལ་སྐུ་བསྟན་འཛིན་ལྷུན་གྲུབ། དེ་ལས་སོ། །དཀར་ཆག་སྔ་འགྱུར་བསྟན་པ་མི་ནུབ་པའི་རྒྱལ་མཚན་ཞེས་པ། གསུང་སྤྲུལ་ཚུལ་རྡོར། བོན་ལུང་པ་ཚུལ་ཁྲིམས་རྒྱལ་མཚན། ཨོ་རྒྱན་ཆོས་རྒྱལ། སངས་གླིང༌། ཨོ་རྒྱན་དོན་གྲུབ། ཐང་འབྲོག་པ་པདྨ་རིག་འཛིན་དབང་པོ། དེས་བདག་ལའོ། །རྒྱུད་བཅུ་བདུན་ནི་བཀྲ་ཤིས་མངའ་གསོལ་གྱི་བླ་རབས་ལྟར་ལ། འབྲི་གུང་རཏྣ་ཕྲེང་པོ་གཏེན་ཆེན། རྒྱལ་སྲས་ཀུན་བཟང༌། རིན་ཆེན་དར་རྒྱས། ཕྲིན་ལས་ལྷུན་གྲུབ། གཏེར་གླིང༌། ཁྲི་རིན་རྣམ། ཤྲཱི་ནཱ་ཐ། དེས་བདག་ལའོ། ༢ །སྤྲོས་བྲལ་དོན་གསལ་ཆེན་མོ། གོང་ས་ལྔ་པ་ཡན་དེ་ཁའི་གསན་ཡིག །༼ང༽ པ་ཉིས་བརྒྱ་དྲུག་པའི་མདུན་ལོགས་ལྟར་ལ། གཏེར་གླིང༌།

― JLAZ014_Page_0007 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་ཆེན། རིན་རྣམ། ཐང་འབྲོག་པ། དེས་བདག་ལའོ། ༢ །འདུས་པ་མདོ་གླན་ལུགས་ཀྱི་ཡིག་ཆའི་སྟེང་ནས་ཆ་ཚང་ཐོབ་པའི་བརྒྱུད་པ་སྒྲུབས་ཐབས་ཀྱི་སྨན་མཆོད་ལྟར་ལས་གཏེར་གླིང་ཁུ་དབོན། རིན་ཆེན་རྣམ་རྒྱལ། འགྱུར་མེད་ཡོན་ཏན། ཐང་འབྲོག་པ་འགྱུར་མེད་པདྨ་མཆོག་གྲུབ། དེས་བདག་ལའོ། །ཡང་ན་རྡོར་བྲག་པདྨ་ཕྲིན་ལས་ནས། གཏེར་གླིང་ཁུ་དབོན། རིན་རྣམ་སོགས་འདྲ། སྒྱུ་འཕྲུལ་ཞི་ཁྲོའི་དབང་རྒྱལ་བ་གཡུང་གི་ཡི་གེའི་སྟེང་ནས་སློབ་བུ་ལྷག་གནས་སྔོན་དུ་འགྲོ་བའི་རས་བྲིས་ཀྱི་དཀྱིལ་འཁོར་དུ་ཕན་དབང་བཅུ། ནང་ལུས་ཀྱི་དཀྱིལ་འཁོར་དུ་ནུས་དབང་ལྔ་སྟེ་ཞི་བའི་དབང་བཅོ་ལྔ། སྒྲོལ་མ་བའི་ཡི་གེའི་སྟེང་ནས་ཁྲོ་བོའི་ཕྱི་ནང་གི་དཀྱིལ་འཁོར་དུ་ཕན་ནུས། གནུབས་སྟོན་རཏྣ་ཤྲཱིའི་ཟུར་འདེབས་ཀྱི་སྟེང་ནས་གསང་བ་བྷ་གའི་དཀྱིལ་འཁོར་དུ་གསང་དབང་དང༌། ཤེར་དབང༌། དེ་ཁོ་ན་ཉིད་སེམས་ཀྱི་དཀྱིལ་འཁོར་དུ་དབྱེར་མེད་བདེ་བ་ཆེན་པོའི་དབང་སྟེ་ཁྲོ་བོའི་བཅོ་བརྒྱད་རྣམས་ཐོབ་པའི་ཞི་ཁྲོ་གཉིས་ཀའི་དབང་རྒྱུད་ནི། སྟོན་པ་ཀུན་བཟང༌། རྒྱལ་ཚབ་རིགས་ལྔ། རྒྱལ་སྲས་རིགས་གསུམ། སྐལ་ལྡན་ཛ། དགེ་སློང་ཀུ་ཀུ་རཱ་ཛ། ཨིནྡྲ་བོ་དྷི། སིདྷ་རཱ་ཛ། ཨུ་པ་རཱ་ཛ། སྲས་མོ་གོ་མས། སློབ་དཔོན་སྒེག་པ་རྡོ་རྗེ། དེ་གཉིས་ནས་སློབ་

― JLAZ014_Page_0008 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་སངས་རྒྱས་གསང་བ་ལའོ། །ཡང་ན་སྲས་མོ་ནས། རྒྱལ་པོ་ཀུ་ཀུ་རཱ་ཛ། རོ་ལངས་བདེ་བའི་དངོས་གྲུབ། རྡོ་རྗེ་བཞད་པ། ཟ་ཧོར་རྒྱལ་པོ་པྲ་བྷ་ཧ་སྟི། སློབ་དཔོན་སངས་རྒྱས་གསང་བ། དེ་དང་སྒེག་པ་རྡོ་རྗེ་གཉིས་ཀས་པཎ་ཆེན་བི་མ་ལ་མི་ཏྲ། རྨ་རིན་ཆེན་མཆོག །གཙུག་རུ་རིན་ཆེན་གཞོན་ནུ། ཀྱེ་རེ་མཆོག་སྐྱོང༌། ཞང་རྒྱལ་བའི་ཡོན་ཏན། གནུབས་སངས་རྒྱས་ཡེ་ཤེས་སོ། །ཡང་ན། ཟ་ཧོར་རྒྱལ་པོ་པྲ་བྷ་ཧ་སྟི་ནས་རིག་འཛིན་པདྨ་སཾ་བྷ་ཝ། དེ་དང་མཆིམས་ལ་གཉིས་ཀའི་སློབ་མ་གཉགས་ཛྙཱ་ན་ཀུ་མཱ་ར། དེ་ནས་སོག་པོ་དཔལ་གྱི་ཡེ་ཤེས། གནུབས་སངས་རྒྱས་ཡེ་ཤེས། ཡང་ན་རྨ་གཉགས་ཐུན་མོང་གི་སློབ་མ། ཁུ་བྱང་ཆུབ་འོད། དེས་ཞང༌། དེས་གནུབས་ཆེན་ལའོ། །གནུབས་སངས་རྒྱས་ཡེ་ཤེས་ནས། གནུབས་ཡོན་ཏན་རྒྱ་མཚོ། གནུབས་ཡེ་ཤེས་རྒྱ་མཚོ། དེ་བགཉིས་ཀས་ཉང་ཤེས་རབ་མཆོག །ཡང་ན་གནུབས་ཆེན་ནས། སོ་ཡེ་ཤེས་དབང་ཕྱུག །དེས་རབ་ཐུང༌། ར་ཐུང༌། ཀོང་བཙུན་གསུམ་ལ། གསུམ་ཀ་ལ་ཉང་ཤེར་མཆོག་གིས་གསན། དེ་ལ་ཉང་ཡེ་ཤེས་འབྱུང་གནས། ཟུར་བོ་ཆེ་ཤཱཀྱ་འབྱུང་གནས། ཟུར་ཆུང་ཤེས་རབ་གྲགས། ཐུགས་སྲས་ཀ་བཞི་གདུང་བརྒྱད། སྒྲོ་ཕུག་པ་ཤཱཀྱ་སེང་གེ །རྩགས་ཚ་ཤཱཀྱ་རྡོ་རྗེ།

― JLAZ014_Page_0009 ―

^{[མ་དཔེ་གཟིགས་ན་འདིར་གནོན།]}

[Full Size]

རྩགས་སྟོན་ཤཱཀྱ་འབྱུང་གནས། གླན་རྡོ་རྗེ་འོད། གླན་བསོད་ནམས་རྒྱལ་མཚན། ཆོས་ཀྱི་སེང་གེ །གླན་བུངྔྷ་ཤྲཱི། གླན་བསོད་ནམས་མགོན་པོ། སྒྲོལ་མ་པ་བསམ་འགྲུབ་རྡོ་རྗེ། ཟུར་མོ་དགེ་འདུན་འབུམ། ཟུར་ཤཱཀྱ་མི་ཏྲ། དྷརྨ་ལཀྵ། དཀོན་མཆོག་བཟང་པོ། རྡོ་རྗེ་བཟང་པོ། བཛྲ་བི་ཛ་ཡ་མ་ཏི་ཤྲཱི། ཀརྨ་གུ་རུ། ཀུན་བཟང་དཔལ་འབྱོར། ཕྲིན་ལས་ལྷུན་གྲུབ། ཆོས་རྒྱལ་བསྟན་འཛིན། གཏེར་གླིང་པ། མཁན་ཆེན་ལོ་ཙཱ། ཁྲི་རིན་རྣམ། བསྟན་འཛིན་རྡོ་རྗེ། ཁྲི་འགྱུར་རྣམ། སྒོམ་རི་ཨོ་རྒྱན་ཀློང་ཡངས། དེ་ལས་བདག་གིས་ཉན་ནོ། །ཡང་ན། སྒྲོལ་མ་པ་བསམ་འགྲུབ་རྡོ་རྗེ། སྒྲོལ་མ་པ་སངས་རྒྱས་རིན་ཆེན། འགོས་ལོ་གཞོན་ནུ་དཔལ། ལོ་ཆེན་བསོད་ནམས་རྒྱ་མཚོ། སེ་སྟོན་རིན་ཆེན་རྒྱལ། སྤྱན་ཚབ་མགོན་པོ། སེ་ངག་དབང་རྡོ་རྗེ། དཔལ་ལྡན་བཀྲ་ཤིས། སེ་སྟོན་ལེགས་འགྲུབ། ཉང་རྡོ་རྗེ་མི་རྟོག །ལྷ་བཙུན་པདྨ་ཕྲིན་ལས། གཏེར་གླིང་མན་གོང་ལྟར་རོ། །ཡང་ཟུར་ཆུང་ཤེས་རབ་གྲགས་པ་ནས། སྐྱོ་བྱེ་མ་ལུང་སྐྱོ་སྟོན་ཤཱཀ་ཡེའི་དབོན་པོ་མཚན་ཡེ་ཤེས་བླ་མ། པ། དམ་པ་ཡ་སེ། ཨ་མེས་རྡོ་རྗེ་བདེ་ཆེན། དངོས་གྲུབ་ནམ་མཁའ་རྡོ་རྗེ། ཤེས་རབ་འབར། དངོས་གྲུབ་གྲགས། ལྷུན་པོ་བ། བཤེས་གཉེན་པ། མཁས་པ་

― JLAZ014_Page_0010 ―

^{[མ་དཔེ་གཟིགས་ན་འདིར་གནོན།]}

[Full Size]

ཞང་སྟོན། བྲག་ལྟག་པ་རྡོ་རྗེ་རིན་ཆེན། བྲག་ལྟག་པ་ཤེས་རབ་ཚུལ་ཁྲིམས། རིག་འཛིན་ནམ་གྲགས་མན་སྔར་ལྟར་རོ། །ཟུར་ལུགས་པ་ཕལ་ཆེར་ཟབ་དབང་གསུམ་ཀ་ལ་བཀའ་དོག་པར་མཛད་པས་ཕྱག་ལེན་ཆད་པ་འགའ་རེ་བྱུང༌། ཟབ་དབང་གསུམ་ལ་བརྒྱུད་པ་གཞན་ལས་དམ་པ་ཡ་སེ་ནས་བརྒྱུད་པ་འདི་ཟབ་དབང་རྟེན་ཅན་དུ་གྲགས་ཤིང༌། གཅུང་སྟོད་ཡ་ལུང་མཚལ་མདོར་སྦས་དོན་རྣལ་འབྱོར་ལའང་རྟེན་མེད་དུ་གསན། ཡང་ཟུར་ལུང་པའི་སྒེར་བརྒྱུད་གཅིག་ལ། དར་རྗེ་དཔལ་གྲགས་ནས། ཚེ་དབང་རིག་འཛིན་ལྷུན་པོ་དགུང་ལོ་སུམ་བརྒྱ་བཞུགས་བ། རིམ་པར་དམ་པ་ཡ་སེ་ནས་རྗེ་བཤེས་གཉེན་པའི་བར་སྔར་བཞིན་ལས། གྲུབ་ཐོབ་བཛྲ་ཤྭ་ར། བཛྲ་ལཀྵ་སྐྱེ། མ་སྐུ་མཆེད་རཏྣ་ཏ་ར། མཁས་བཙུན་སངས་རྒྱས། མདོ་སྡེའི་མཚན་ཅན། དུས་གསུམ་སངས་རྒྱས། རྣམ་རྒྱལ་བཟང་པོ། ཆོས་རྒྱལ་བཤེས་གཉེན། ནམ་མཁའ་དཔལ་ལྡན། ནམ་མཁའ་གྲགས། སེ་ཆོས་རྒྱལ་དཔལ་བཟང༌། སེ་ཀུན་བཟང༌། སེ་ངག་དབང་རྡོ་རྗེ། དཔལ་ལྡན་བཀྲ་ཤིས་མན་འདྲའོ། །བརྒྱུད་པ་ཁྱད་པར་བ་ཀུན་མཁྱེན་ཆེན་པོ་ནས་བརྒྱུད་པ་ནི་སྒྱུ་འཕྲུལ་ཞི་ཁྲོའི་ཆོ་ག་གསར་སྒྲིགས་ཉིད་བཙན་པའོ། །སེམས་སྡེའི་རྩལ་དབང་གི་ཐོབ་ཡིག །གཡུང་སྟོན་རྡོ་རྗེ་དཔལ་བཟང་པོའི་ཡི་གེའི་སྟེང་ནས་རྫོགས་པ་ཆེན་པོ་རྒྱལ་

― JLAZ014_Page_0011 ―

^{[མ་དཔེ་གཟིགས་ན་འདིར་གནོན།]}

[Full Size]

ཐབས་སྤྱི་བླུགས་སེམས་སྡེ་མ་བུ་བཅོ་བརྒྱད་ཀྱི་རིག་པའི་རྩལ་དབང་བརྒྱུད་པ་ནི་ཀུན་ཏུ་བཟང་པོ། རིགས་ལྔ། གསང་བདག །དགའ་རབ་རྡོ་རྗེ། མཁས་པ་ཉི་ཤུ་རྩ་གཅིག །བཻ་རོ་ཙཱ་ན། གཡུ་སྒྲ་སྙིང་པོ། གཉགས་ཛྙཱ་ན་ཀུ་མཱ་ར། སོགས་པོ་དཔལ་གྱི་ཡེ་ཤེས། གནུབས་སངས་རྒྱས། གནུབས་ཡོན་ཏན་རྒྱ་མཚོ། གནུབས་ཡེ་ཤེས་རྒྱ་མཚོ། ཉང་ཤེས་རབ་མཆོག །ཉང་ཡེ་ཤེས་འབྱུང་གནས། ཟུར་ཆེན། ཟུར་ཆུང༌། སྐྱོ་སྟོན་ཤཱཀ་ཡེ། སྒྲོ་ཕུག་པ། དམ་པ་ཤཱཀ་རྒྱལ། སྟོན་ཡབ་སྲས། ལྕེ་སྟོན་ཟུང་ངེ༌། སྲས་སྟོན་བཀྲ་ཤིས་བླ་མ། སྟོན་འབུམ་མེ། ཆོས་རྗེ་བླ་སྐྱབས་རྡོ་རྗེ། དྲིན་ཅན་མཁས་པ། དཔལ་གྱི་ཡེ་ཤེས། མ་ཅིག་ཟུར་མོ། ཟུར་ཧཾ་ཤཱཀ་འབྱུང༌། ཟུར་མོ་དགེ་འདུན། ཟུར་ཤཱཀྱ་བཤེས་གཉེན། བྲའོ་ཆོས་འབུམ། དཀོན་མཆོག་བཟང་པོ། ཀཿཐོག་པ་བཛྲ་རཏྣ། རྡོ་རྗེ་རྣམ་རྒྱལ། ཁྱུང་ཚང་པ་བློ་གྲོས་དཔལ་ལྡན། ཀརྨ་གུ་རུ། ཀུན་བཟང་དཔལ་འབྱོར། ཕྲིན་ལས་ལྷུན་གྲུབ། ཆོས་རྒྱལ་བསྟན་འཛིན། གཏེར་གླིང༌། དྷརྨཱ་ཤྲཱི། རིན་རྣམ། པདྨ་བསྟན་འཛིན། འབྲུག་སྒམ་རི་བླ་མ། དེ་ལས་ཆེད་དུ་ཉན་ནོ། །ཡང་ན་ཀཿཐོག་པ་བཛྲ་རཏྣ་ནས། འཕགས་མཆོག་བྱ་བཏང༌། ཤ་མི་རྡོ་རྗེ་རྒྱལ། གཡུ་འབྲུག་རྡོ་རྗེ། གཏད་མེད་ཡོངས་གྲོལ། གོང་ལོ་

― JLAZ014_Page_0012 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ཕན། ཕྲིན་ལས་ལྷུན་གྲུབ་མན་འདྲ། ཡང་གཏད་མེད་ཡོངས་གྲོལ་ནས། ཟབ་ལུང་དབང་གི་རྒྱལ་པོ། ནམ་མཁའ་འཇིགས་མེད། ཕྲིན་ལས་ལྷུན་གྲུབ་མན་འདྲ། ཡང་བརྒྱུད་ལུགས་གཅིག་ལ། ཟུར་ཧཾ་ཤཱཀ་འབྱུང་དང༌། ཟུར་མོ་དགེ་འདུན་འབུམ་གཉིས་ལ། ལང་འགྲོ་ཚེ་དབང་རྒྱལ་པོ། བླ་མ་ལེགས་པ་དཔལ་བཟང༌། རིན་ཆེན་རྒྱལ་མཚན་ཡབ་སྲས། སྐྱི་སྟོན་ཚེ་རིང༌། གཉན་སྟོན་ཆོས་རྒྱལ། རོང་པོ་འོད་གསལ་རང་གྲོལ། གཏེར་གླིང་མན་འདྲ། སངས་རྒྱས་མཉམ་སྦྱོར་གྱི་དབང༌། གཏེར་སྟོན་རིན་པོ་ཆེ་ཡན་དེའི་གསན་ཡིག་ལྟར་ལ། པདྨ་འགྱུར་མེད་རྒྱ་མཚོ། གཉིས་ཀར་ཁྲི་རིན་རྣམ། དེས་ཨོ་རྒྱན་བསྟན་རྡོར། སྒམ་རི་བླ་མ། དེས་བདག་ལའོ། །བཀའ་མའི་ཡང་དག །གཏེར་སྟོན། པདྨ་འགྱུར་མེད། ཁྲི་རིན་རྣམ། ཨོ་རྒྱན་བསྟན་འཛིན་རྡོ་རྗེ། སྒམ་རི་བླ་མ། དེས་བདག །ན་རག་དོང་སྤྲུགས་ཀྱི་སྤྱི་ཁྲུས་ཆེན་པོ་སེ་སྟོན་གྱི་དབང་ཆོག་སྟེང་ནས། རས་བྲིས་ཀྱི་དཀྱིལ་འཁོར་དུ་སྟ་གོན་དང་འཇུག་པ་སྔོན་དུ་འགྲོ་བའི། རྡོ་རྗེ་སེམས་དཔའ་བུམ་པའི་དབང༌། མཁའ་འགྲོ་མ་གཏོར་མའི་དབང༌། ཀུན་ཏུ་བཟང་པོ་རིག་པ་རྩལ་གྱི་དབང༌། ཞི་ཁྲོ་ཕྱག་རྒྱའི་དབང་རྣམས་ལེགས་པར་ཐོབ་པའི་བརྒྱུད་པ་ནི། ཀུན་ཏུ་བཟང་པོ། རྡོ་རྗེ་སེམས་དཔའ། རྣམ་པར་སྣང་མཛད། གསང་བདག་རྒྱལ་པོ་ཛ། ཀུ་

― JLAZ014_Page_0013 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུ་རཱ་ཛ། ཧཱུྃ་ཀཱ་ར། སངས་རྒྱས་གསང་བ། པྲ་བྷ་ཧ་སྟི། བྲམ་ཟེ་ཉི་མ། སློབ་དཔོན་མཐིང་ནག །པདྨ་འབྱུང་གནས། བི་མ་མི་ཏྲ། ཡང་ན། ཀུན་བཟང༌། ཕྱག་རྡོར། ཀུ་ཀུ་རཱ་ཛ་ཆེ་བ། ཨིནྡྲ་བོ་དྷི། ཤཱཀྱ་པུ་ཏྲི། སིདྷ་རཱ་ཛཿ ཨུ་པ་རཱ་ཛཿ སྲས་མོ་གོ་མ་དེ་བཱི། ཧཱུྃ་ཀཱ་ར། སངས་རྒྱས་གསང་བ། བི་མ་མི་ཏྲ། དེས་རྨ་གཉགས་གཉིས། སྔ་མར་གྱེར་གཙུག་གཉིས། གཉིས་ཀས་དར་རྗེ་དང་ཞང་རྒྱལ་ཡོན། དེ་གཉིས་ཀྱིས་གནུབས་ཆེན། ཕྱི་མས་སོག་པོ་དཔལ་ཡེ། དེས་གནུབས་ཆེན། དེ་ནས་སྲུ་ལེགས་སྟོན། སྲས་གཞོན་ནུ་སྙིང་པོ། ཞུ་བསོད་ནམས་ཤཱཀྱ། ཟུར་པོ་ཆེ། ཡང་ན། གནུབས་ཆེན་ནས་ཡོན་ཏན་རྒྱ་མཚོ། ཡེ་ཤེས་རྒྱ་མཚོ། ཉང་ཤེར་མཆོག །ཉང་ཡེ་འབྱུང༌། ཟུར་པོ་ཆེ། ཟུར་ཆུང་བ། སྐྱོ་ཤཱཀ་ཡེ། སྒྲོ་ཕུག་པ། ཉེ་སྟོན་ཆོས་སེང༌། གཙང་ནག་འོད་འབར། ཟུར་ཧེ་རུ་ཀ །གཡུང་སངས་རྒྱས། སྐྱོ་གསང་བདག །ཞང་སྟོན་འཁོར་ལོ། གླན་བསོད་ནམས་རྒྱལ། དཔལ་ལྡན་ཆོས་སེང༌། གླན་སངས་རྒྱས་དཔལ། གླན་བསོད་ནམས་མགོན་པོ། ཟུར་བྱམས་པ་སེང་གེ །དེ་གཉིས་ཀས་སྒྲོལ་མ་པ་བསམ་འགྲུབ་རྡོ་རྗེ། དེ་སྲས་སངས་རྒྱས་རིན་ཆེན། ཆོས་གྲགས་དཔལ་བཟང༌། ནམ་མཁའི་རྣལ་འབྱོར། སེ་སྟོན་རིན་ཆེན་རྒྱལ་མཚན། སྤྱན་ཚབ་མགོན་

― JLAZ014_Page_0014 ―

^{[མ་དཔེ་གཟིགས་ན་འདིར་གནོན།]}

[Full Size]

པོ། འཇམ་དབྱངས་ཆོས་རྒྱལ་མཚན། སྲས་བློ་གྲོས་རྒྱལ་མཚན། བྱམས་པ་བཟང་པོ། ནུབ་དགོན་པ་ཤཱཀྱ། བྱམས་པ་རིན་ཆེན། པདྨ་འཕྲིན་ལས། གཏེར་སྟོན། ལོ་ཆེན། ཁྲི་རིན་རྣམ། སྲས་པད་བསྟན། སྒམ་རི་པ། དེ་ལས་བདག་གིས་ཉན་ནོ། །དཔལ་གསང་བ་སྙིང་པོ་སྒྱུ་འཕྲུལ་རྩ་བའི་རྒྱུད་ཀྱི་ལུང་ཐོབ་པའི་བརྒྱུད་པ་ནི། སྟོན་པ་ཀུན་ཏུ་བཟང་པོ། ལོངས་སྐུ་རིགས་ལྔའི་སངས་རྒྱས། སྤྲུལ་སྐུ་རིགས་གསུམ་མགོན་པོ། གསང་བདག་ཕྱག་ན་རྡོ་རྗེ། ལི་ཙཱ་དྲི་མེད། རྒྱལ་པོ་ཛཿ རྒྱལ་པོ་ཨིནྡྲ་བོ་དྷི། སྲས་ཤཱཀྱ་བྷུ་ཏི། དགེ་སློང་ཀུ་ཀུ་རཱ་ཛཿ ནཱ་གཱ་རྫུ་ན། པདྨ་སཾ་བྷ་ཝ། སློབ་དཔོན་སངས་རྒྱས་གསང་བ། བི་མ་ལ་མི་ཏྲ། གཉགས་ཛྙཱ་ན་ཀུ་མཱ་ར། རྨ་རིན་ཆེན་མཆོག །གྱེ་རེ་ཕྱོགས་སྐྱོང༌། དར་རྗེ་དཔལ་གྱི་གྲགས་པ། གནུབས་སངས་རྒྱས་ཡེ་ཤེས། སྤ་གོར་བློན་ཆེན་འཕགས་ན་ཡོན་ཏན་མཆོག །གེ་རེ་གསལ་བའི་བྱང་ཆུབ། རྒྱ་བློ་གྲོས་གཞོན་ནུ། མགར་ཚུལ་ཁྲིམས་བཟང་པོ། ཚུར་ཡེ་ཤེས་དབང་པོ། དན་ཆོས་ཀྱི་དབང་ཕྱུག །ཞང་མཆོག་གི་བླ་མ། གྱི་ཇོ་ཡོན་ཏན་འབྱུང་གནས། སློབ་དཔོན་གཞོན་ནུ་དོན་གྲུབ། ཀུན་མཁྱེན་ངག་གི་དབང་པོ། མཁས་གྲུབ་ཁྱབ་གདལ་ལྷུན་གྲུབ། སྤྲུལ་སྐུ་གྲགས་པ་འོད་ཟེར། འཁྲུལ་ཞིག་སངས་རྒྱས་དབོན་པོ། ཆོས་རྗེ་ཟླ་གྲགས། བླ་མ་ཀུན་བཟང་

― JLAZ014_Page_0015 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ། འབྲི་གུང་པ་རཏྣ། ཉི་ཟླ་སངས་རྒྱས། ཚེ་དབང་མ་ཎི། སྣང་མཛད་རྡོ་རྗེ། འབྲུག་སྒྲ་བཟང་པོ། ཕྲིན་ལས་ལྷུན་གྲུབ། གཏེར་སྟོན་རིན་པོ་ཆེ། ཁྲི་རིན་རྣམ། ཤྲཱི་ནཱ་ཐ། དེས་བདག་ལ། ༢ དཔལ་བོའི་སྐྱེས་རབས་སོ་བཞི་པའི་ཁ་སྐོང་རང་བྱུང་རྡོ་རྗེས་མཛད་པའི་བོད་ལུང་རཏྣ་བི་ཛ་ཡ། ཐང་འབྲོག་པ། དེས་བདག་ལའོ། །རྒྱུད་མགོན་ལེགས་ལྡན་ལྗང་སྔོན་དྲག་པོའི་དབང་གཙང་ཤོད་པའི་ཡི་གེའི་ལུགས་ལྟར་ཐོབ་པའི་བརྒྱུད་པ་ནི། ཀུན་བཟང་རིགས་ལྔ། ཕྱག་རྡོར། རྒྱལ་པོ་ཛཿ ཀུ་ཀུ་རཱ་ཛཿ རོ་ལངས་བདེ་བ། རྡོ་རྗེ་བཞད་པ། དྷརྨ་བོ་དྷི། བ་སུ་དྷ་ར། གནུབས་སངས་རྒྱས། ཡོན་ཏན་རྒྱ་མཚོ། ཉང་ཤེར་མཆོག །ཡེ་ཤེས་འབྱུང་གནས། ཟུར་ཆེན། ཟུར་ཆུང༌། གླན་ཤཱཀྱ། འདར་ནག་བསོད་ནམས་གྲགས། འདར་ནག་ཀུན་དགའ། ཇོ་བཙུན་ཤེས་རབ་འབར། ཧོར་ནག་དབང་སྒྲོག །ཆོས་སྐྱོང་འོད། འདར་ཤཱཀྱ་བྱང་ཆུབ། འདར་ཀུན་དགའ་འོད། བར་སྟོན་བློ་གྲོས་རྒྱལ་མཚན། སྣར་སྟོན་ཤཱཀྱ་ཤྲཱི། སྣར་སྟོན་བུདྡྷ་དྷྭ་ཛཿ ཤཱཀྱ་རི་པ། རྡོར་རྒྱལ་བཟང་པོ། །དཔངས་ཆོས་ཀྱི་རྒྱལ་མཚན་དང་འཇམ་དབྱངས་བསོད་ནམས་རྒྱལ་མཚན་གཉིས་ཀ་ལས་དཔངས་སྟོན་བདེ་ལེགས་རྒྱལ་མཚན་པས་གསན། དེ་ནས། སེ་སྟོན་རིན་ཆེན་རྒྱལ་མཚན། འདར་ཀུན་བཟང་

― JLAZ014_Page_0016 ―

^{[མ་དཔེ་གཟིགས་ན་འདིར་གནོན།]}

[Full Size]

རིན་ཆེན། གཞོན་ནུ་སྟོབས་ལྡན། བྱམས་པ་རིན་ཆེན། སྐྱི་སྟོན་ཚེ་རིང༌། ཟུར་ངག་དབང་ཕུན་ཚོགས། གཏེར་གླིང༌། ལོ་ཆེན། ཁྲི་རིན་རྣམ། དེའི་སྲས་དང་དངོས་གཉིས་ཀ་ལས་སྒམ་རི་བླ་མ། དེས་བདག་ལའོ། །ཡང་ན། རྡོ་རྗེ་འཆང༌། རྡོ་རྗེ་ཧཱུྃ་མཛད། བྲམ་ཟེ་གསལ་བའི་རྒྱན། བ་སུ་དྷ་ར་མན་འདྲ། ཡང་ན། རྡོ་རྗེ་འཆང༌། སྠི་ར་མ་ཏི། དྷརྨ་བོ་དྷི། བ་སུ་དྷ་ར། གྲུབ་ཐོབ་རིན་ཆེན་རྗེ། སྨད་བུ་ཆོས་སེང༌། གུ་རུ་བྱིའུ་ལོག་སེ། ཤུད་བུ་རྡོ་རྗེ་སེང་གེ །ཞང་སྟོན་བཀྲ་ཤིས། གླན་ཇོ་ཟུང༌། གུ་རུ་དྷ་ན་ཀརྒྱ། ལྕེ་སྟོན་བཀྲ་ཤིས། ལྕེ་སྟོན་གྲུབ་པ་འབུམ། ཟུར་ཤཱཀྱ་སེང་གེ ། ཟུར་སེང་གེ་དཔལ་བཟང༌། ཟུར་ཧཾ་ཤཱཀ་འབྱུང༌། དེ་གཉིས་ལས་འབྲོམ་སྟོན་སངས་རྒྱས་རིན་ཆེན། མཁས་གྲུབ་རྡོ་རྗེ་དཔལ་བཟང༌། ནམ་མཁའི་རྣལ་འབྱོར། སེ་སྟོན་རིན་ཆེན་རྒྱལ་མཚན་མན་འདྲ། ཡང་མདོ་མགོན་ལེགས་ལྡན་ཞལ་གཅིག་ཕྱག་གཉིས་པའི་དབང་བཞིའི་བྱིན་རླབས་བཀའ་གཏད་གཏོར་དབང་དང་བཅས་པ་ཐོབ་པའི་བརྒྱུད་པ་ནི། ཀུན་ཏུ་བཟང་པོ། རིགས་ལྔ། སྒྲོལ་བྱེད་ཐུགས་རྗེའི་རྒྱལ་པོ། དམ་པའི་རིགས་ཅན་ལྔ། རྒྱལ་པོ་ཛཿ སྠི་མ་ར་ཏི། དྷརྨ་བོ་དྷི། བ་སུ་དྷ་ར། གནུབས་སངས་རྒྱས་ཡེ་ཤེས། རྣ་ཆུང་ཆོས་ཀྱི་སེང་གེ །མཐུ་སྟོབས་བྱི་ནུ་ལོག །ཤུད་བུ་རྡོ་རྗེ་སེང༌།

― JLAZ014_Page_0017 ―

^{[མ་དཔེ་གཟིགས་ན་འདིར་གནོན།]}

[Full Size]

ཞང་བཀྲ་ཤིས། གླན་ཇོ་ཟུང༌། དྷ་ན་ཀརྒྱ། ལྕེ་གྲུབ་པ་འབུམ། ཟུར་ཤཱཀྱ་སེང་གེ །དེའི་སྲས་ཏཱའི་སི་ཏུ་སེང་གེ་དཔལ། རྡོ་རྗེ་གླིང་པ། བྱང་ཆུབ་རིན་ཆེན། ཆོས་རྗེ་བསོད་ནམས་བློ་རྒྱལ། མཁས་གྲུབ་ཆོས་རྒྱལ་མཚན། དཔངས་སྟོན་བདེ་ལེགས་རྒྱལ་མཚན། སེ་སྟོན་རིན་ཆེན་རྒྱལ་མཚན། སྤྱན་ཚབ་མགོན་པོ་ཟླ་བ། ནུབ་དགོན་པ་བྱམས་པ་ཆོས། ཐུགས་སྲས་བྱམས་པ་ཆོས་རྒྱལ་མཚན། ངམ་རིན་མཁན་ཆེན་བྱམས་པ་བཟང་པོ། སྤྲུལ་ཤཱཀྱ་རྒྱལ་མཚན། བླ་མ་བྱམས་པ་རིན་ཆེན། རིག་འཛིན་པདྨ་ཕྲིན་ལས། གཏེར་བདག་གླིང་པ། མན་འདྲའོ། །༈ ཤིང་རྟ་རྣམ་གསུམ་དང་མཛོད་བདུན་གྱི་ཐོབ་ཡིག །གངས་རིའི་ཁྲོད་ན་སངས་རྒྱས་གཉིས་པས་ཆོས་ཀྱི་འཁོར་ལོ་བསྐོར་བ་ཤིང་རྟ་རྣམ་གསུམ་དང་མཛོད་བདུན་གྱི་ལུང་བརྒྱུད་ལ་ཐུན་མོང་དང་ཁྱད་པར་གཉིས་ལས། དང་པོ་ནི་སྤྱི་དོན་ལེགས་བཤད་རྒྱ་མཚོས་རང་སྡེ་སངས་རྒྱས་པའི་ལམ་གྱི་ཆོས་འབྱུང་དང་གཞུང་ལམ་གྱི་དེ་ཁོ་ན་ཉིད་བཤད་ནས། རྩ་བ་སེམས་ཉིད་ངལ་བསོ་ལེའུ་བཅུ་གསུམ་པ། འགྲེལ་བ་ཤིང་རྟ་ཆེན་མོ། རྩ་བ་བསམ་གཏན་ངལ་བསོ། འགྲེལ་བ་ཤིང་རྟ་རྣམ་དག །རྩ་བ་སྒྱུ་མ་ངལ་བསོ། འགྲེལ་པ་ཤིང་རྟ་བཟང་པོ། དེ་དག་གིས་བསྡུས་དོན། ས་བཅད། ཁྲིད་ཡིག་ལ་སོགས་པའི་ཆོས་ཀྱི་རྣམ་གྲངས་བཅོ་ལྔའི་ལུང་

― JLAZ014_Page_0018 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་ནི། ཟབ་མོ་ལྟ་བརྒྱུད་དང༌། རྒྱ་ཆེན་སྤྱོད་པའི་བརྒྱུད་པ་ཆུ་འགོ་གངས་ལ་ཐུགས་པའི་རིམ་པ་ནི་དགེ་བ་གསུམ་གྱི་དོན་ཁྲིད་ལས་ཤེས་པར་བྱ་ལ། ཀུན་མཁྱེན་ཆེན་པོ་ནས། ཁྱབ་གདལ་ལྷུན་གྲུབ། གྲགས་པ་འོད་ཟེར། སངས་རྒྱས་དབོན་པོ། ཟླ་བ་གྲགས་པ། ཀུན་བཟང་རྡོ་རྗེ། རྒྱལ་མཚན་དཔལ་བཟང༌། སྣ་ཚོགས་རང་གྲོལ། བསྟན་འཛིན་གྲགས་པ། མདོ་སྔགས་བསྟན་འཛིན། གཉོས་སྟོན་ཀརྨ། བཛྲཱ་ཀྵ་ར། ས་མནྟ་བྷ་དྲ། དེས་བདག་ལའོ། །ཡང་ན་བསྟན་འཛིན་གྲགས་པ། པདྨ་ཕྲིན་ལས། ཚུལ་ཁྲིམས་རྡོ་རྗེ། གཉོས་སྟོན་ཆོས་རྗེ་མན་འདྲ། སྡེ་ཚན་ལ་ལར་བརྒྱུད་རིམ་མི་མཐུན་ཙམ་ཡོད་ཀྱང་བླ་མ་གོང་མ་ཚོའི་གསན་ཡིག་ན་བཀོད་པས་ཤེས་ཤིང༌། འདིར་ནི་ཉེ་བརྒྱུད་ཁྱད་པར་བ་ཡོད་པས་མཚན་ཐོ་འདྲི་བར་མི་བྱེད་དོ། །ཟབ་ལ་རྒྱ་ཆེ་བའི་གསུང་རབ་མཛོད་བདུན་ལས། རང་དང་གཞན་གྱི་གྲུབ་པའི་མཐའ་ལེགས་པར་འབྱེད་པས་ཐོག་དྲངས་ཐ་སྙད་ཀྱི་གཙུག་ལག་དང་ཤས་ཆེར་མཐུན་པའི་ཆོས་སྐད་ཟབ་མོས་དོན་གྱི་དབྱིངས་འཇལ་བ་ཡིད་བཞིན་རིན་པོ་ཆེའི་མཛོད་རྩ་བ་ལེའུ་ཉེར་གཉིས་པ། རྒྱས་འགྲེལ་པདྨ་དཀར་པོ། ཁྲིད་ཡིག་ཟབ་དོན་རྡོ་རྗེ་སྙིང་པོ་རྣམས་ཀྱི་བརྒྱུད་པ་ནི། ཀུན་མཁྱེན་རྒྱལ་བ། ལྡན་སྒོམ་ཆོས་གྲགས། ངམ་སྟོན་ཉི་མ་འོད་ཟེར། ཆོས་དབྱིངས་

― JLAZ014_Page_0019 ―

^{[མ་དཔེ་གཟིགས་ན་འདིར་གནོན།]}

[Full Size]

གྲགས་པ། བསོད་ནམས་དཔལ་འབྱོར། སྨན་རྩེ་བ་སྣ་ཚོགས་རང་གྲོལ། བསྟན་འཛིན་གྲགས་པ། པདྨ་འཕྲིན་ལས། ཚུལ་ཁྲིམས་རྡོ་རྗེ། གར་གྱི་དབང་པོ། གཉོས་སྟོན། བཛྲཱ་ཀྵ་ར། ཐང་འབྲོག་སྐུ་སྐྱེ། དབོན་པོ་སྐུ་སྐྱེ། དེས་བདག་ལའོ། །ཐེག་པ་མཐའ་དག་གི་དོན་གསལ་བར་བྱེད་ཅིང༌། ཁྱད་པར་གྲུབ་མཐའ་སྨྲ་བ་བཞིའི་གསང་ཚིག་གཞན་ལས་ཁྱད་པར་དུ་སྟོན་པའི་ཞར་བྱུང་ཟབ་མོའི་ཆོས་ཀྱི་སྡེ་ཚན་ཀྱང་གསལ་བར་འབྱེད་པ་གྲུབ་མཐའ་རིན་པོ་ཆེའི་མཛོད་ཀྱི་བརྒྱུད་པ་ནི་ངལ་གསོ་སྐོར་གསུམ་དང་འདྲ་བ་ལ། སངས་རྒྱས་དབོན་པོ་དང་ཟླ་གྲགས་ཀྱི་བར་ན་ཤེས་རབ་རྒྱ་མཚོ་དང༌། མདོ་སྔགས་བསྟན་འཛིན་དང༌། གཉོས་སྟོན་འཕྲིན་ལས་ཀྱི་བར་ན་དམ་ཆོས་བཟང་པོ་གཉིས་ལྷག་པའི་ཁྱད་པར་ཙམ་མོ། །རིམ་པ་དགུའི་ཐེག་པ་ལ་ཆེ་ཁྱད་ཞུགས་པའི་ངེས་འབྱེད་གསལ་བར་བསྟན་ནས། བླ་ན་མེད་པའི་རྒྱུད་བཅུ་བདུན་དང་མན་ངག་བརྒྱ་བཅུ་དགུའི་དགོངས་པ་ཆོས་སྐད་གཞན་དང་མ་འདྲེས་པར་སྟོན་པས་ན། འཛམ་བུ་གླིང་ན་ཕྱི་རབས་མིས་བསྒྲུབ་རྟེན། །ཐེག་མཆོག་འདི་དང་མཉམ་པ་ཡོད་མ་ཡིན། །དེ་ཕྱིར་དཔག་མེད་ཆོས་ཀྱི་མཛོད་འདི་ནི། །

― JLAZ014_Page_0020 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་སྙིང་པོ་བསྟན་པའི་སྲོག་ཤིང་ཡིན། །ཞེས་བསྔགས་པར་མཛད་པ་ཐེག་མཆོག་ཐེག་མཆོག་མཛོད་འདི་རྗེ་བླ་མས་ཀོང་པོ་ཀྲ་ཏི་བར་ཡང་གསན་འདུག་པས་དེའི་བརྒྱུད་རིམ་ཉི་གྲགས་ནས་ཡིན་པར་སྣང་ངོ༌། །རིན་པོ་ཆེའི་མཛོད་རིམ་ཁང་ཉི་ཤུ་རྩ་ལྔ་པའི་བདག་ཉིད་ཅན་དང༌། ཟབ་མོ་ཐམས་ཅད་ཀྱི་དོན་བཀོལ་བ་མན་ངག་རིན་པོ་ཆེའི་མཛོད་གཉིས་ནི་གྲུབ་མཐའ་མཛོད་དང་འདྲ་བ་ལས་བཛྲཱ་ཀྵ་ར་ནས་རཏྣ་བི་ཛཿ ཐང་འབྲོག་དབོན་པོ། དེས་སོ། །ཀློང་སྡེ་གཙོ་བོར་སྟོན་པ། ཆོས་དབྱིངས་མཛོད་ལེའུ་བཅུ་གསུམ་པ་དང༌། དེའི་འགྲེལ་པ་ཆོས་དབྱིངས་གསལ་བ་གཉིས་ཀུན་མཁྱེན་ཆེན་པོ། བདེ་ལེགས་རྒྱ་མཚོ། བྱ་བྲལ་ཆོས་རྗེ། སངས་རྒྱས་དབོན་པོ། ཀུན་སྤངས་སེམས་དཔའ། སངས་རྒྱས་ཡེ་ཤེས། སངས་རྒྱས་རྒྱལ་མཚན། ལྡན་རྫོང་ཀུན་བཀྲས། སྣ་ཚོགས་རང་གྲོལ། བསྟན་འཛིན་གྲགས་པ། མདོ་སྔགས་བསྟན་འཛིན། གཉོས་ཀརྨ་ཡབ་སྲས་མན་གོང་དང་འདྲ། ཚིག་དོན་ནམ་འོད་གསལ་མཛོད་དུ་གྲགས་པ་རྡོ་རྗེའི་གནས་བཅུ་གཅིག་པ་ནི། སངས་རྒྱས་རྒྱལ་མཚན་ཡན་གོང་དང་འདྲ་བ་ལ། འཇག་སྟོད་པ་རིན་ཆེན་གྲུབ། གསེར་ཁང་པ་ངག་གི་དབང་པོ། བྱམས་

― JLAZ014_Page_0021 ―

^{[མ་དཔེ་གཟིགས་ན་འདིར་གནོན།]}

[Full Size]

སྡིངས་པ་དཔལ་འབྱོར་རྒྱལ་མཚན། སྣ་ཚོགས་རང་གྲོལ། བསྟན་འཛིན་གྲགས་པ་མན་འདྲ། གནས་ལུགས་སྒྲ་རྟོག་དང་ཞེན་པའི་ཡུལ་ལས་འདས་པ་སྟོན་པས་མིང་དོན་ཐོད་རྒལ་དུ་ལ་བཟླ་བ་གནས་ལུགས་རིན་པོ་ཆེའི་མཛོད་ལེའུ་ལྔ་པ་འགྲེལ་པ་དང་བཅས་པ་ནི། བློ་འདས་ཀུན་མཁྱེན་ཆེན་པོ། བདེ་ལེགས་རྒྱ་མཚོ། བྱ་བྲལ་མངྒ་ལ། དབོན་པོ་ཤེས་རབ་རྒྱ་མཚོ། ཀུན་སྤངས་པ། བུདྡྷ་ཛྙཱ་ན། བུདྡྷ་དྷྭ་ཛ། འཇག་སྟོད་པ་རཏྣ། གུ་རུ་བསོད་རྒྱལ། སྣ་ཚོགས་རང་གྲོལ་མན་འདྲའོ། །ཡང་ཡིད་བཞིན་མཛོད་འགྲེལ་མ་གཏོགས་མཛོད་བདུན་ཡོངས་རྫོགས་ཀྱི་བརྒྱུད་པ་ལུགས་གཅིག་ནི། སྨན་རྩེ་བ། རྫོགས་ཆེན་པ་བསོད་ནམས་རིན་ཆེན། ངག་དབང་པདྨ། རྒྱལ་དབང་བསྟན་འཛིན། ཨོ་རྒྱན་དཔལ་འབྱོར། ཀུན་བཟང་རྣམ་རྒྱལ། གེ་ཉོས་འཕྲིན་ལས་ཡབ་སྲས། རིན་པོ་ཆེ་ཐང་འབྲོག་པ། དེས་སོ། །ད་དུང་བརྒྱུད་ལུགས་མི་གཅིག་པ་ཡོད་མོད་ཀྱི་ལྔ་པའི་གསན་ཡིག་ལ་སོགས་པས་ཤེས་སོ། །གསང་བ་སྙིང་པོའི་འགྲེལ་བ་ཕྱོགས་བཅུ་མུན་སེལ་ནི། སྒྱུ་འཕྲུལ་སྡེ་བརྒྱད་ཀྱི་རྩ་རྒྱུད་གུ་ཧྱ་གརྦྷ་ལེའུ་ཉི་ཤུ་རྩ་གཉིས་པའི་ལུང་གི་བརྒྱུད་པ་

― JLAZ014_Page_0022 ―

^{[མ་དཔེ་གཟིགས་ན་འདིར་གནོན།]}

[Full Size]

དང་འདྲའོ། །གཉིས་པ་ཐུན་མོང་མ་ཡིན་པ་ནི། དཔལ་གྱི་བསམ་ཡས་མཆིམས་ཕུའི་དགེའུ་འོག་མར་དབང་ཤེས་ཐ་མལ་ལས་ལྡོག་པའི་དག་ཆེན་སྒྱུ་མའི་རོལ་མཚོར། རྒྱལ་བ་གཉིས་པ་དེས་ཡེ་ཤེས་ཀྱི་སྐུ་ལན་གསུམ་དུ་བསྟན་ནས། རྒྱལ་བའི་ལུང་གི་དམ་ཆོས་རྒྱ་མཚོ་ཨ་དཱི་ཀ་དཱིའི་ངོ་བོ་ཉིད་དུ་རྫོགས་པའི་གསུང་གི་སྣང་བས་འདོམས་ཤིང༌། རྟོགས་པའི་ཆོས་ཉིད་སྤྲོས་པ་དང་བྲལ་བའི་དེ་ཁོ་ན་ཉིད་དངོས་དང་ཐ་དད་མེད་པའི་དགོངས་བརྒྱུད་ཡེ་ཤེས་སྙིང་པོར་རོ་གཅིག་པའི་བྱིན་རླབས་བུམ་པ་གང་བྱོར་ཐོབ་པས། སོ་སོ་སྐྱེ་བོའི་སྒྲ་ཚིག་རང་ཚན་པའི་གཞན་དབང་ལ་ལྟོས་པ་མེད་པ་གང་ཞིག་ལུང་གི་དམ་པའི་ཉེ་བརྒྱུད་ཡིད་བཞིན་ནོར་བུ་ལྟ་བུར་གཟུང་བ་ནི། སྙིང་ཏིག་ཡ་བཞི་པོ་ལ་སོགས་པའི་གསུང་རབ་ཐམས་ཅད་ལ་འགྲེ་ཞིང་ཉིད་ཀྱི་བསྟན་པ་ལ་བྱ་བ་བྱེད་པའི་ལུང་ཡང་འགྲེལ་པ་ཤིང་རྟ་ཆེན་མོའི་བཤམ་ན་གསལ་པོར་ཡོད་དོ། །བི་མ་སྙིང་ཏིག་དང་བླ་མ་ཡང་ཏིག །དབང་ལུང་ཡོངས་རྫོགས། གཏེར་གླིང་ཡན་དེའི་གསན་ཡིག་ལྟར་ལ། ཁྲི་རིན་རྣམ། རབ་ཨུ་ཆོས། ཤྲཱི་ནཱ་ཐ། དེས་སོ། །མཁའ་འགྲོ་སྙིང་ཏིག་དང་མཁའ་འགྲོ་ཡང་ཏིག་ཀྱང་དབང་ལུང་ཡོངས་རྫོགས་

― JLAZ014_Page_0023 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་ཚུལ་གོང་དང་འདྲ་མོད། འོན་ཀྱང་མཁའ་འགྲོ་སྙིང་ཏིག་ལ་བརྒྱུད་ཚུལ་གཉིས་སུ་ཡོད་པའི་ཁྱད་པར་ལྔ་པ་རིན་པོ་ཆེ་ནས། རིག་འཛིན་པདྨ་ཕྲིན་ལས། ཀུན་བཟང་པདྨ། ཀུན་བཟང་འོད་ཟེར། ཀྲ་ཏི་སྔགས་འཆང་ལས་ཀྱང་ཐོབ་བོ། །རབ་འབྱམས་དཀྱིལ་འཁོར་རྒྱ་མཚོའི་ཚོམ་བུ་སྒྲུབ་པ་ཆེན་པོ་བཀའ་བརྒྱད་ལ། མཁས་པ་མི་བཞི་ནས་གནུབས་ལ་བརྒྱུད་པ་བཀའ་མའི་ལུགས། དེ་ཉིད་གཉགས་ལོ་གཞོན་ནུ་ནས་རིམ་པར་གྲུབ་ཐོབ་དངོས་གྲུབ་ལ་བརྒྱུད་པ་ལས་མངའ་བདག་ཉང་རལ་ནས་བཀའ་གཏེར་ཆུ་བོ་གཅིག་ཏུ་འདྲེས་པ་སོགས་བརྒྱུད་ཚུལ་ཐ་དད་དུ་ཡོད་པ་ལྔ་པའི་གསན་ཡིག་ལྟར་ལ། འདིར་དངོས་གྲུབ་བརྙེས་པའི་སྐྱེས་ཆེན་བྲེང་ཆགས་སུ་བྱོན་པ་མངའ་བདག་གདུང་རབས་ལས་བརྒྱུད་པ་ནི། ཀུན་ཏུ་བཟང་པོ། རྡོར་སེམས། རྡོ་རྗེ་ཆོས། ལས་ཀྱི་དབང་མོ་ཆེ། རིག་འཛིན་བརྒྱད། ཀུན་འདུས་སློབ་དཔོན་ཆེན་པོ། བོད་ཀྱི་གྲུབ་ཆེན་བརྒྱད། ཀུན་འདུས་ཁྲི་སྲོང༌། ཉང་རིན་པོ་ཆེ། སྲས་འགྲོ་མགོན། ཉང་བློ་ལྡན། ཉང་བདུད་འདུལ། མདོ་སྡེ་སེངྒེ་། པདྨ་དངོས་གྲུབ། འཇམ་དཔལ་ནོར་བུ། མངའ་

― JLAZ014_Page_0024 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་རྒྱལ་མཚན། ནོར་བུ་འཕེལ། ཀུན་དགའ་འོད་ཟེར། རྗེ་རིགས་ནམ་མཁའི་རྣལ་འབྱོར། པཎ་ཆེན་པདྨ་དབང་རྒྱལ། འདི་ལ་བཀའ་བརྒྱུད་ལུགས་གཉིས་དང༌། གཏེར་བརྒྱུད་བདེ་གཤེགས་འདུས་པ་ཆུ་བོ་གཅིག་འདྲེས་ཐམས་ཅད་ཀྱི་བཀའ་བབས་ཤིང༌། བསྟན་པ་ཐམས་ཅད་ཀྱི་ཤིང་རྟ་ཆེན་མོར་བསྙོན་དུ་མེད་ལ། དེས་འབྲི་གུང་པ་རིན་ཆེན་ཕུན་ཚོགས་དང༌། གཙང་པ་ངག་གི་དབང་པོ། གཉིས་ཀ་ལ་ཚེ་བརྟན་རྒྱལ་པོས་ཞུས། ཡང་བསྒྲུབ་དབང་ཕྱག་ལེན་དང་བཅས་པ། པཎ་ཆེན་རིན་པོ་ཆེ། ལེགས་ལྡན། རཏྣ། ཚེ་བརྟན་རྒྱལ་པོ། བློ་གྲོས་བཟང་པོ། རྡོ་རྗེ་ཡེ་ཤེས། དེ་གཉིས་ཀ་ལ་ཕྲིན་ལས་ལྷུན་གྲུབ། གཏེར་བདག་གླིང་པ། སྲས་རིན་རྣམ། ཤྲཱི་ནཱ་ཐ། དེ་ལ་བདག་གིས་སོ། །ཡང་ཞི་བའི་དབང་དང༌། དྲེགས་པའི་མཐུ་དབང་ནི། གཏེར་གླིང༌། སྲས་འགྱུར་རྒྱམ། ཁྲི་རིན་རྣམ་མན་འདྲ། ༢ ལར་བཀའ་བརྒྱད་འདི་ལ་མངའ་རིས་གུང་ཐང་ནས་བརྒྱུད་པ། ལྷོ་བྲག་གུ་རུ་པ་ལས་བརྒྱུད་པ། ཉང་སྟོད་བརྩེ་ཆེན་ནས་བརྒྱུད་པ། གཞན་རྫོང་ལུང་པ། རིན་ཆེན་སྒང་པ། ཟུར་པ་སོགས་ལས་བརྒྱུད་ཚུལ་ཐ་དད་པ་ཡོད་དོ། །ཉང་

― JLAZ014_Page_0025 ―

^{[མ་དཔེ་གཟིགས་ན་འདིར་གནོན།]}

[Full Size]

གཏེར་དྲག་དམར་བདེ་འདུས་ཀྱི་བརྒྱུད་རིམ་ནི། ལྔ་པ་རིན་པོ་ཆེ་ཡན་དེའི་གསན་ཡིག་ལྟར་ལ། འགྱུར་མེད་རྡོ་རྗེ། རིན་རྣམ། འགྱུར་མེད་དོན་བཟང༌། ཐང་འབྲོག །དེས་སོ། །ཉང་གཏེར་ཁྲོས་ནག་མའི་བརྒྱུད་རིམ་ནི། པཎ་ཆེན་མངའ་རིས་པ་ཆེན་པོ་ཡན་དེའི་གསན་ཡིག་ལྟར་ལས། ཀང་ཀུན་དགའ་ལྷུན་གྲུབ། ཀརྨཱ་གུ་རུ། མངའ་བདག་སྤྲུལ་སྐུ། ཆོས་དབང་ཀུན་བཟང༌། ཕྲིན་ལས་ལྷུན་གྲུབ། གཏེར་གླིང༌། རིན་རྣམ། ཤྲཱི་ནཱ་ཐ། དེས་བདག །༢གཏེར་ཁ་འོག་མའི་གསང་རྫོགས་ནི། དབང་ལུང་ཡོངས་རྫོགས་ཀྱི་ཆོས་ཀྱི་རྣམ་གྲངས་གོང་ས་ལྔ་པའི་གསན་ཡིག་ལྟར་ལས། བརྒྱུད་རིམ་ཀྱང་སྨན་ལུང་པ་བློ་མཆོག་རྡོ་རྗེ་ཡན་དེ་ཉིད་ལྟར་ལ་འཇམ་དབྱངས་ལེགས་བཤད་རྒྱ་མཚོ། གང་ར་བ་པདྨ་ཆོས་འབྱོར། འབྲས་ལྗོངས་རིན་སྤུངས་པ་གསང་བདག་རྡོ་རྗེ། ལྕགས་ཟམ་པ་བསྟན་འཛིན་ལྷུན་གྲུབ། དེས་བདག་ལ། སྨན་ལུང་པའི་དཀྱིལ་ཆོག །གུ་རུའི་དགོངས་རྒྱན། སྔོན་འགྲོའི་ལྷན་ཐབས། སྨན་ལུང་མི་བསྐྱོད་རྡོ་རྗེའི་རྒྱུད་ཀྱི་བཤད་ཐབས་གཉིས། ཤཱཀ་འོད་ཀྱི་རྒྱུད་ཀྱི་ཡང་བཅད་ཀྱི་ལུང་ཡང་ཐོབ། ཡང་རྩ་དབང་

― JLAZ014_Page_0026 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ལུང་རགས་རིམ་གྱི་བརྒྱུད་པ་ལུགས་གཅིག །ལྔ་པ་ཆེན་པོ། པད་ཕྲིན། ཁམས་ལུང་པ་པདྨ་དབང་རྒྱལ། དབོན་གསང་སྔགས། ལྕགས་ཟམ་པ། དེས་བདག་ལའོ། ། བླ་མ་གསང་འདུས་དབང་ལུང་གཉིས་ཀའི་བརྒྱུད་པ། གཏེར་གླིང་ཡན། དེའི་གསན་ཐོ་ལྟར་ལ་དེས། ཁྲི་རིན་རྣམ། ཤྲཱི་ནཱ་ཐ། དེས་སོ། །ཆོས་དབང་རིན་པོ་ཆེའི་ཡང་དག་དབང་ལུང་གཏེར་སྟོན་ནས། རིམ་པར། གཏེར་གླིང༌། རིན་རྣམ། ཐང་འབྲོག་པ། རྫ་དཀར་དར་རྒྱས། དེ་ལས་ཉན་ནོ། །གཏེར་ཁ་གོང་འོག་ཆུ་བོ་གཉིས་འདྲེས་ཀྱི་སྔགས་རྒོད་ལོག་ཏྲིའི་རིག་གཏད་དང་ལུང་གི་བརྒྱུད་པ་ནི། དྲང་སྲོང་དྲི་མེད། དྷརྨ་ཨ་ཤྭ་ཀ །བྲམ་ཟེ་ལེགས་གྲུབ། པྲ་བྷ་ཧ་སྟི། ཤཱནྟིང་གརྦྷ། ཨོ་རྒྱན་ཆེན་པོ། མངའ་བདག་ཡབ་སྲས། གུ་རུ་ཆོས་དབང༌། པདྨ་དབང་ཆེན། ཡར་སྟོན་སངས་རྒྱས། གཉན་སྟོན་བཀྲས་སེང༌། ཆོས་ཉིད་རང་གྲོལ། སངས་རྒྱས་ལྷུན་དབང༌། ཀུན་དགའ་བཀྲ་ཤིས། རྒྱལ་སྲས་ཆོས་རྗེ། ཆོས་འཕགས་བཟང་པོ། ཤཱཀྱ་དཔལ་བཟང༌། འཇམ་དབྱངས་རྒྱལ་མཚན། མཁའ་དབྱིངས་རྡོ་རྗེ། རྗེ་རཏྣ། ཆོས་རྒྱལ་ཕུན་ཚོགས། བཀྲ་ཤིས་ཕུན་

― JLAZ014_Page_0027 ―

^{[མ་དཔེ་གཟིགས་ན་འདིར་གནོན།]}

[Full Size]

ཚོགས། གཉིས་ཀས་ཆོས་ཀྱི་གྲགས་པ། དཀོན་མཆོག་ལྷུན་གྲུབ། རིན་པོ་ཆེ་པད་ཕྲིན། ཀུན་བཟང་གྲོལ་མཆོག་དེས་བདག་ལའོ། །ཡང་ན། གཏེར་སྟོན་ནས་མཁན་པོ་ཆོས་དཔལ་བཟང་པོ། དེ་ནས་རིམ་པར། ཡང་ན་གཏེར་སྟོན་ནས་ཀཿཐོག་པ་རྒྱལ་བ་བཟང་པོ། སངས་རྒྱས་ཡེ་ཤེས། མདོ་སྡེ་རྒྱ་མཚོ། དགེ་འདུན་རྒྱ་མཚོ། མཁའ་དབྱིངས་རྡོ་རྗེ་མན་སྔར་བཞིན། ཡང་ན་བཀྲ་ཤིས་ཕུན་ཚོགས་ནས། བཀྲ་ཤིས་ཀུན་དགའ། ཕྲིན་ལས་ལྷུན་གྲུབ། གཏེར་གླིང་ཡན་གོང་ལྟར་རོ། །ཀུན་གཟིགས་རིགས་ཀྱི་བདག་པོ་ཕྲེང་པོ་གཏེར་ཆེན་རིན་པོ་ཆེའི། གྲོལ་ཐིག་ཡོངས་རྫོགས་བླ་རྫོགས་ཐུགས་གསུམ་ཚང་མ། ནག་པོ་གསུམ་སྒྲིལ་གྱི་དབང་ལུང་ཡོངས་རྫོགས། གསུང་འབུམ་མཐོ་རེ་ལུང་བཅས་གཏེར་ཆེན་དམ་པ། རྒྱལ་སྲས་ཀུན་བཟང༌། བཤེས་གཉེན་རིན་དར། ཕྲིན་ལས་ལྷུན་གྲུབ། བཛྲཱ་ཀྵ་ར། ངག་དབང་ཀུན་བཟང་པདྨ། ཀུན་བཟང་གྲོལ་མཆོག །དེ་ཉིད་ལས་ཉན་ནོ། །ཡང་ན། རྒྱལ་སྲས་ཀུན་བཟང༌། དཀོན་མཆོག་ཆོས་དབང་གྲགས་པ། སྣང་གསལ་བ་ཡེ་ཤེས་གྲུབ་པ། འབྲི་གུང་ཆོས་ཀྱི་གྲགས་པ། རྣལ་འབྱོར་ཡེ་ཤེས་ཕུན་ཚོགས། མེ་

― JLAZ014_Page_0028 ―

^{[མ་དཔེ་གཟིགས་ན་འདིར་གནོན།]}

[Full Size]

རག་སྤྲུལ་སྐུ་པདྨ་ཕྲིན་ལས་དབང་ཕྱུག །ངག་དབང་ཀུན་བཟང་པདྨ། བླ་མཆན་ཀུན་བཟང་གྲོལ་མཆོག་དེས་སོ། །འཆི་མེད་སྐུ་གསུམ་འདུས་པ་བརྒྱུད་ལུགས་ཅུང་མི་གཅིག་པ་ལས་བྱང་སྨན་མཆོད་ལྟར་ཡིན་ནོ། །བཀའ་འདུས་བར་པ་བླ་མ་དགོངས་འདུས་པོད་ཆེན་བཅུ་གསུམ་ཚང་མའི་དབང་ལུང་ཡོངས་རྫོགས་ཐོབ་པའི་བརྒྱུད་ལུགས་ཐ་དད་པ་ཡོད་ཀྱང་འདིར་ཉམས་ལེན་བྱིན་རླབས་ཀྱི་བརྒྱུད་པ་གཙོ་ཆེ་བ་ནི་རྒོད་ཚང་སངས་རྒྱས་གླིང་པ། རོལ་པ་ཡེ་ཤེས། བྱ་ཁྱུང་དཔལ་ལྡན་སེང་གེ །ཆོས་རྒྱལ་བཀྲ་ཤིས། བསོད་ནམས་རྒྱལ་པོ། བསོད་ནམས་བླ་མ། བསོད་ནམས་རིན་ཆེན། ངག་དབང་པདྨ། འབྲུག་སྒྲའི་མཚན་ཅན། སྣ་ཚོགས་རང་གྲོལ།སྣ་ཚོགས་རང་གྲོལ་ཡན་དེའི་གསན་ཡིག་ལྟར་ལ། དེས་བདེ་ཆེན་དར་རྒྱས། ཀུན་བཟང་རང་གྲོལ། ཐུགས་མཆོག་རྡོ་རྗེ། རིག་འཛིན་ཕྲིན་ལས། དེས་བདག་ལའོ། །ཡང་ན་ལྔ་པ་རིན་པོ་ཡན། དེའི་གསན་ཡིག་ལྟར་ལ། རིག་འཛིན་པདྨ་ཕྲིན་ལས། ཀུན་བཟང་པདྨ། ཀུན་བཟང་འོད་ཟེར། དེས་བདག་ལའོ། །མངའ་རིས་པཎ་ཆེན་རིན་པོ་ཆེས་སྟེང་ཁང་སྙིང་མཛོད་ནས་གདན་དྲངས་པའི་བཀའ་འདུས་ཕྱི་མ་རིག་འཛིན་ཡོངས་འདུས་ནི། ཆོས་ཀྱི་རྣམ་གྲངས་ལྔ་པའི་གསན་ཡིག །༼ ང ༽ པའི་བརྒྱད་ཅུ་གྱ་བརྒྱད་པ་ནས་གསལ་བ་ལྟར་

― JLAZ014_Page_0029 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་དགོངས་པ་ཚིག་གསུམ་པའི་རྒྱུད་དང༌། ཙིའུ་དམར་པོའི་སྐོར་མ་གཏོགས་དབང་ལུང་ཚང་མ་ཐོབ་པའི་བརྒྱུད་རིམ་ནི། ལྔ་པ་ཆེན་པོ་ཡན་གསན་ཡིག་ལྟར་ལ། རིག་འཛིན་པད་ཕྲིན། གཉགས་སྟོན་པདྨ་དབང་རྒྱལ། དབོན་པདྨ་གསང་བསྟན། ལྕགས་ཟམ་རིན་པོ་ཆེ། དེས་བདག་ལའོ། །སྤྲོས་བྲལ་བདེ་ཆེན་མའི་སྐོར་ཚེའི་རིག་འཛིན་སྒྲུབ་ཐབས། སིནྡྷུར་ཆེ་བའི་ཡང་ཏིག་གཅེས་སྒྲོན། དྲག་སྒྲུབ་གདུག་པ་ཀུན་འཇོམས། ཐུགས་རྗེ་ཆེན་པོའི་ཡང་ཏིག་བཅས་གཏེར་གཞུང་དང༌། དབང་གིས་ཟིན་བྲིས། སིནྡྷུར་ཆེ་བའི་བརྒྱུད་འདེབས། ཡོན་ཏན་གཏེར་མཛོད་ཀྱི་བརྒྱུད་འདེབས། ལས་བྱང་ཆོག་བསྒྲིགས། བསྙེན་ཡིག་བཅས་བཀའ་བརྒྱད་གསང་བ་ཡོངས་འདུས་ཀྱི་ཆོས་སྐོར་བསམ་པ་ལྷུན་གྲུབ་མའི་དབང་བཀའ་བརྒྱུད་པ་གོང་འདྲ། ༢ མངའ་རིས་ལེགས་ལྡན་པའི་འོམ་ཕུ་སྟག་ཚང་གི་གཏེར་བྱོན་དྲག་པོ་དབུ་དགུའི་དབང་གི་བརྒྱུད་པ་ནི། ཆོས་བདག་ནས་དབང་ཕྱུག་རབ་བརྟན། བསོད་ནམས་མཆོག་ལྡན། ཆོས་དབྱིངས་རང་གྲོལ། ཟིལ་གནོན་དྲག་རྩལ་རྡོ་རྗེ། རིག་འཛིན་པདྨ་ཕྲིན་ལས། གཉགས་སྟོན་པདྨ་དབང་རྒྱལ། དེ་དབོན་གསང་སྔགས་

― JLAZ014_Page_0030 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་འཛིན། ལྕགས་ཟམ་པ་བསྟན་འཛིན་ལྷུན་གྲུབ། དེས་བདག་ལའོ། །རིག་འཛིན་མངའ་རིས་པའི་མཆིགས་ཕུའི་གཏེར་བྱོན། གནོད་སྦྱིན་ཙིའུ་དམར་པོའི་སྲོག་གཏད་དང༌། རྒྱུད་དྲུག་སོགས་ལུང་ཆ་ཚང༌། པཎ་ཆེན་སྐུ་མཆེད་ནས། འབྲི་གུང་པ་རཏྣ། བསྟན་པའི་འབྱུང་གནས། རྒྱལ་སྲས་ཀུན་བཟང༌། རིན་ཆེན་དར་རྒྱས། ཕྲིན་ལས་ལྷུན་གྲུབ། ཆོས་དབྱིངས་རང་གྲོལ། ཟ་ཧོར་ཀུན་མཁྱེན། བློ་བཟང་པད་འཕྲིན། སྨིན་གླིང་གཏེར་སྟོན། དགེ་སློང་བློ་གསལ། རྡོ་རྗེ་གཡོ་མེད། སྒོམ་ཆེན་དྷརྨ་ཀཱིརྟི། དེས་བདག །རྒྱལ་པོ་བྱེས་ཆས་ཤེལ་ཕྲེང་དཀར་པོ་ཆ་ཚང་གི་དབང་ལུང་ཐོབ་པའང་འདི་དང་འདྲ། ལས་འབྲེལ་རྩལ་གྱི་ཕྱག་རྡོར་དྲེགས་འདུལ། ཆོས་ཀྱི་བདག་པོ་ནས་གཏེར་གླིང་ཡན་དེའི་ཡིག་ཆ་ལྟར་དང༌། ལོ་ཆེན་ཆོས་དཔལ། གཉིས་ཀར་ངག་དབང་ཀུན་བཟང་པདྨ། ཀུན་བཟང་འོད་ཟེར། དེས་སོ། །ལས་འབྲེལ་གཟའ་རྒོད་ཀྱི་དབང༌། སངས་རྒྱས་རིན་ཆེན་སྙིང་པོ། ཐུབ་པ་ཆེན་པོ། རྡོ་རྗེ་འཆང༌། ཨོ་རྒྱན་པདྨ། འཚོ་རྒྱལ། ཁྲི་སྲོང༌། པདྨ་གསལ། གཏེར་སྟོན་ལས་འབྲེལ། རྡོ་རྗེ་འབུམ། འཐིང་གི་བླ་མ་གྲགས་འོད། སྐལ་

― JLAZ014_Page_0031 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་རྡོ་རྒྱལ། དྷརྨ་ཀེ་ཏུ། ཆོས་ཀྱི་བློ་གྲོས། ཀོང་ཆེན་ནམ་མཁའ། ཤཱཀྱ་བཟང་པོ། ཞང་སྟོན། གསང་སྔགས་རྡོ་རྗེ། བདུད་འཇོམས་རྡོ་རྗེ། བཀྲ་ཤིས་སྟོབས་རྒྱལ། ངག་གི་དབང་པོ། ཆོས་དབྱིངས་རང་གྲོལ། རིག་འཛིན་པད་ཕྲིན། གཏེར་གླིང༌། རིན་རྣམ། ཤྲཱི་ནཱ་ཐ། དེས་བདག ༧ །རཏྣའི་ཕུར་པ་དབང་ལུང་ཡོངས་རྫོགས། གཏེར་སྟོན་རཏྣ་ནས། དབང་ཆེན་བཟང་པོ། རྡོ་རྗེ་རྒྱལ་མཚན། ནམ་མཁའ་གྲགས་པ། ཚེ་བདག་རྡོ་རྗེ། བདུད་འཇོམས། ཀུན་དགའ། འཇམ་ལུང་རིག་ཀུན་དགའ། འཇམ་དཔལ་རྒྱ་མཚོ། དཔལ། ཞེས་ཡོད་འདྲ། གྲགས་རྒྱམ། ངག་དབང་འགྲུབ་པ། དགེ་སློང་རྣམ་རྒྱལ། དེ་ལས་བདག་གིས་སོ། །རཏྣའི་དམ་ཅན། གཏེར་སྟོན་རཏྣ། སྲས་ཚེ་དབང༌། ངག་དབང༌། ལས་འཕྲོ། འབྲི་གུང་རཏྣ། སངས་རྒྱས་ཕུན་ཚོགས། ནོར་བུ་ཆོས་བརྟན། ཕྲིན་ལས་ལྷུན་གྲུབ། གཏེར་གླིང༌། རིན་རྣམ། གུ་ན་ཤྲཱི། འགྱུར་མེད་ཆོས་དབྱིངས། ཐང་འབྲོག །དེས་བདག་ལ་ལུང་དང་བཅས་ཐོབ། གཤིན་རྗེ་ཚེ་བདག་དབང་དང་པོ་ལུང་རྫོགས་པ་གཏེར་གླིང་ཡན་དེའི་བརྒྱུད་ཡིག་ལྟར་ལས། རིན་རྣམ། ཤྲཱི་ནཱ་ཐ། དེས་བདག་ལའོ། །ཡང་

― JLAZ014_Page_0032 ―

^{[མ་དཔེ་གཟིགས་ན་འདིར་གནོན།]}

[Full Size]

བཟློག་མེའི་སྤུ་གྲི་ནི། འབྲི་གུང་རཏྣ་ཡན་བརྒྱུད་འདེབས་ལྟར་ལ། རྗེ་བཙུན་པྲཛྙཱ། ཀརྨཱ་རྒྱལ་སྲས། བཤེས་གཉེན་རིན་དར། ཕྲིན་ལས་ལྷུན་གྲུབ། བཛྲཱ་ཀྵ་ར། རཏྣ་བི་ཛ་ཡ། ཤྲཱི་ནཱ་ཐ། དེས་སོ། །ཀི་ཀང་རླུང་སྒྲུབ་ངག་འདོན་དང་ཞལ་ཤེས་ཁག་གཉིས་བཅས་བྱང་བདག་ལས་བརྒྱུད། ཐུགས་མཆོག་རྡོ་རྗེ། རྗེ་ཐེག་གླིང༌། དེས་སོ། །ལྔ་པ་རིན་པོ་ཆེའི་རྒྱ་ཅན་སྐུ་དངོས་ལས་གཏེར་གླིང་དང༌། དེ་ནས་བླ་མ་བདེ་ཆེན་དབང་ཕྱུག་སོགས་འགའ་ཞིག་སྤོས་འཛིན་པ་ལྷུན་རྒྱམ་དང་གཞན་ཕལ་ཆེར་གྲ་རྙིང་དགེ་སློང་ཀླུ་སྒྲུབ་གཉིས་ལས་ཐང་འབྲོག་པར་བརྒྱུད་རྒྱ་ཅན་རྩ་བའི་དབང་ལུང་རྫོགས་པར་ཐོབ། བླ་མ་རྣམ་གཉིས་ཀྱི་ལྷན་ཐབས་ལ་སྣ་ཚོགས་ཡོད། བྱང་གཏེར་ཐུགས་སྒྲུབ། གཏེར་སྟོན་ནས་རིམ་པར། རིག་འཛིན་པད་ཕྲིན། ཀུན་བཟང་པདྨ། ཀུན་བཟང་འོད་ཟེར། དེས་སོ། །དབང་པོའི་སྡེའི་ཀརྨཱ་གུ་རུ། གཏེར་སྟོན་ནས་རིམ་པར། ལྔ་པ་ཆེན་པོ། གཏེར་གླིང༌། དགེ་སློང་ཀླུ་སྒྲུབ། ཐང་འབྲོག་པ། དེས་སོ། །བསྟན་གཉིས་གླིང་པའི་ཕག་མོ་ཟབ་རྒྱ། གཏེར་སྟོན་ནས། འཚོ་མཛད། ཆོས་ལྷུན། ཆོས་རྗེ། ཡེ་སྒྲོལ། མང་ཐོས་དགེ་དར། པདྨ་དབང༌། སྐྱི་སྟོན། དཔོན་སློབ་ཡར་འཕེལ།

― JLAZ014_Page_0033 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུག་མཆོག་རྡོ་རྗེ། དེས་བདག་ལའོ། །དཀོན་མཆོག་སྤྱི་འདུས། གཏེར་སྟོན་ནས་རིམ་བརྒྱུད་རྒོད་ཚང་སྣ་ཚོགས། བདེ་ཆེན་དར་རྒྱས། ཀུན་བཟང་རང་གྲོལ། ཐུགས་མཆོག་རྡོ་རྗེ། རྗེ་ཐེག་གླིང་ལས་ཁོ་བོས་སོ། །འཇའ་ཚོན་མ་ནིང་ལྷ་བཙུན་པ་བརྒྱུད། སྔགས་འཆང་རང་གྲོལ། ཐང་འབྲོག་མཁན་པོ། དབོན་པོ་སྐུ་སྐྱེ་ཕྲིན་ལས་མཆོག་གྲུབ་ དེས་སོ། །འཇའ་ཚོན་སྙན་བརྒྱུད་གཙུག་རྒྱུན་ནོར་བུ་དང༌། ཚེ་དཔག་མེད་དངོས་གྲུབ་ཀུན་འདུས། རྟ་ཕག །གཟའ་དབང་ཀྱང་དེ་ལས་ཐོས། སྨིན་གླིང་ལྷ་ཆེན། གཏེར་སྟོན། རིན་རྣམ། ཐང་འབྲོག་དེས་སོ། ཆོས་རྗེ་གླིང་པའི་ཡང་ཕུར། ཁྲོས་ནག་སྐོར། གུར་དྲག །རྩ་གསུམ་དྲིལ་སྒྲུབ། བླ་མ་རིག་འཛིན་གནས་ལུང༌། ཕྱག་རྡོར་སེང་སྒྲོག །ཆོས་བདག་བར་ཆད་སེལ་བ་སོགས་ཕལ་ཆེ། གཏེར་སྟོན། ནམ་རྡོར། ཆོས་འཕེལ། ཐང་འབྲོག །དེས་བདག །ར་སྟོན་ཕུར་པ་དང༌། ཐུགས་མཆོག་རྡོ་རྗེའི་གཏེར་ཆོས། རྗེ་ཐེག་གླིང་གི་གཏེར་ཆོས་རྣམས་དངོས་ལས་ཐོས། དུང་མཚོ་རས་པའི་ཡང་ཏི་ནག་པོ་ཡོངས་རྫོགས། ལྕུབ་རི་ནས་བརྒྱུད་དྷརྨ་ཀིརྟི་ལས་ཐོས། ཐུགས་རྗེ་ཆེན་པོ་རྒྱལ་

― JLAZ014_Page_0034 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ལུགས་ཀྱི་དབང་ལུང་གཏེར་གླིང༌། རིན་རྣམ། ཤྲཱི་ནཱ་ཐ། དེས་བདག །རྟ་མགྲིན་གསང་སྒྲུབ། གཏེར་སྟོན་རྒྱ་གོང་རི་པ། ལྔ་པ་ཆེན་པོ། གཏེར་གླིང༌། རིན་རྣམ། ཤྲཱི་ན། དེས་སོ། །དམ་ཅན་སྡེ་བདུན་གྱི་སྲོག་དབང༌། ཀུན་མཁྱེན་ཆེན་པོ་ཡན་སྙིང་ཏིག་བླ་རབས་བཞིན་ལ། བདེ་ལེགས་རྒྱ་མཚོ། མ་ཏི་མངྒ་ལ། ཡོན་ཏན་དཔལ། སྤྲུལ་སྐུ་བསམ་རྒྱལ། ནམ་གཞོན། མཁའ་ཀློང་ཡངས་པ། སྨན་རྩེ་བ་བློ་རྒྱལ། སྣ་ཚོགས་རང་གྲོལ། བསྟན་འཛིན་གྲགས་པ། རྒྱལ་སྲས་ཀུན་བཟང༌། བཤེས་གཉེན་རིན་དར། ཕྲིན་ལས་ལྷུན་གྲུབ། གཏེར་གླིང༌། རིན་རྣམ། ཐང་འབྲོག །རིག་འཛིན་ཕྲིན་ལས། དེས་སོ། །དམག་ཟོར་མའི་རྗེས་གནང༌། པཎ་ཆེན་ཆོས་རྒྱན་ནས། དམ་ཆོས་རྣམ་རྒྱལ། སྒོམ་ཆེན་དྷརྨ། དེས། གཡུ་སྒྲོན་མའི་སྲོག་གཏད་དང་གསོལ་ཀ །དགེ་སློང་བློ་གསལ་ནས། རྡོ་རྗེ་གཡོ་མེད། སྒོམ་ཆེན་དྷརྨ། དེས་སོ། །ཆོས་དབང་གཏེར་བྱོན་བསྟན་མ་བཅུ་གཉིས་ཀྱི་སྲོག་གཏད་ལུང་བཅས་སྨིན་གླིང་གཏེར་སྟོན་བརྒྱུད། དགེ་སློང་བློ་གསལ། རྡོ་རྗེ་གཡོ་མེད། དྷརྨ་ཀཱི་རྟི། དེས་སོ། །ལས་འཕྲོའི་དམ་ཅན། ལས་འཕྲོ་ནས། སྲས་འོད་རྒྱམ།

― JLAZ014_Page_0035 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་པ། པདྨ་ཚངས་དབྱངས། ཐང་འབྲོག །དེས་སོ། །སྟག་ཤར་དམ་ཅན། ཆོས་གླིང་བརྒྱུད། བླ་ཕྱག །ཆོས་སྤྲུལ། ཐར་འབྲོག །དེས་སོ། །གསར་མའི་སྐོར། བདེ་ཆེན་ལཱུ་ཧི་པ་དང༌། འདུས་པ་འཕགས་ལུགས། འཇིགས་བྱེད་རྭ་ལུགས་གསུམ་གྱི་དབང་ལྔ་པ་རིན་པོ་ཆེ་ཡན་གསན་ཡིག་ལྟར་ལ། ལྔ་པ་ནས། བློ་བཟང༌མཁས་བཙུན། དུས་འཁོར་དཔོན་སློབ། སྒོམ་ཆེན་དྷརྨ། དེས་བདག་ལ། བདེ་མཆོག་རྩ་རྒྱུད་ལུང་ཀྱང་ཐོབ། ས་སྐྱ་པའི་གསེར་ཆོས་སུ་གྲགས་པ་ལས། མཁའ་སྤྱོད་སྐོར་གསུམ་ཚར་ལུགས་སིནྡྷུ་རའི་དཀྱིལ་འཁོར་དུ་བྱིན་རླབས་ཀྱིས་མཚོན་བསམ་མི་ཁྱབ་ཞལ་ཤེས་དང་བཅས་པའི་བོད་ལུང་ཡོངས་རྫོགས་དང༌། སྤྱོད་འཇུག །སློབ་སྤྲིང༌། བཤེས་སྤྲིང༌། གཙུག་ཏོར་རྣམ་རྒྱལ་མའི་རྗེས་གནང༌། གདུགས་དཀར། གནས་བཅུ། སྒྲོལ་དཀར་ཡིད་བཞིན་འཁོར་ལོ། དབྱངས་ཅན་མ་དཀར་མོ། བཅུ་གཅིག་ཞལ། ཕྱག་རྡོར་གོས་སྔོན། འབྱུང་འདུལ། འཇམ་དཀར་མ་ཏི་ལུགས། ཡུམ་ཆེན་མོ། སོ་སོར་འབྲང་མ། ཛམ་ལྷ་དཀར་པོ། གྲྭ་པའི་ཞང་བློན་རྣམས་ཀྱི་རྗེས་གནང་ལུང་བཅས་

― JLAZ014_Page_0036 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་པ་རིན་པོ་ཆེ། ཞ་ལུ་པ། བཅོ་བརྒྱད་པ། རྨོ་རོ་པ། དབོན་རིན་པོ་ཆེ། དྷརྨ་ཀཱི་རྟི། དེས་བདག །རྣམ་འཇོམས། གྲྭ་ལྔ། རྣམ་སྲས་སེར་ཆེན་རྣམས་ཀྱི་རྗེས་གནང་ངམ་རིང་མཁན་པོ་བརྒྱུད། ངག་དབང་རིན་ཆེན། སྒོམ་གྲགས་ཆོས་ལས་ཐོབ། རྒྱལ་སྲས་ཐོགས་མེད་པའི་བཀའ་འབུམ་པོད་ཐོབ་པའང་བརྒྱུད་པ་དེ་དང་འདྲ། རྗེ་དགེ་འདུན་རྒྱ་མཚོའི་གསུང་འབུམ་ནས་རང་ལུགས་གུར་དྲག་དང༌། ཚེ་དབང་གྲུབ་རྒྱལ། དགེ་སློང་འཇམ་གྲགས་ནས། བྱར་རྩེ་དཔོན་སློབ། དྷརྨ་ཀཱིརྟི། དེས་བདག །རྒ་ལོའི་མགོན་པོ་ཕྱག་བཞི་པ་དང༌། ཤངས་མགོན་ཕྱག་དྲུག་པ་ཐོབ་པའང་འདྲ། ༢རྟ་མཆོག་རིགས་སྒྲོལ་མ་མངོན་བྱུང་གི་རྒྱུད་ནས་བསྡུས་པ་ཀླུ་སྒྲུབ་ཀྱི་ཐུགས་དམ་གཉན་ལོས་བོད་དུ་དྲངས་པ་གཉན་སྒྲོལ་ཡན་ལག་དྲུག་པར་གྲགས་པའི་རྗེས་གནང་དང༌། མཚན་བརྒྱའི་ལུང་ཐོབ་པའི་བརྒྱུད་པ། སྒྲོལ་མ། ཀླུ་སྒྲུབ། པ་ལིམྟ་པ། སངས་རྒྱས་ཡེ་ཤེས་ཞབས། དཱི་པཾ་ཀཱ་ར་བྷ་དྲ། དཔལ་བདེ་བའི་ལྷ། དྲི་མེད་སྦས་པ། ཁ་ཆེ་རིན་རྡོར། རིན་ཆེན་གྲགས་པ། སེནྡ་པ་ཆེན་པོ། རི་སུལ་རྣལ་འབྱོར་མ། གཉན་ལོ། ཁའུ་པ། བརྩེ་ཆེན། རྗེ་བཙུན་གྲགས་

― JLAZ014_Page_0037 ―

^{[མ་དཔེ་གཟིགས་ན་འདིར་གནོན།]}

[Full Size]

པ། ས་པཎ། བྱང་ཆུབ་དཔལ། བདེ་བ་དཔལ། ཀ་བཞི་གྲགས་གཞོན། བསོད་གྲགས། ཚུལ་ཁྲིམས་མཆོག་སྟོན། ཤེར་རྡོར། རྒྱལ་བཟང༌། བྱང་སེང༌། ཤར་ཆེན་ཡེ་རྒྱལ། དྲུག་པ་ཀུན་བཟང༌། ཞལ་ཚབ་ཀུན་དབང༌། དཀོན་མཆོག་འཕེལ་བ། ངོར་པ་དཀོན་ལྷུན། ཐར་རྩེ་ནམ་དཔལ། སྒྲུབ་ཁང་པ་དཔལ་དོན། བསོད་ནམས་མཆོག་ལྡན། ལྔ་པ་རིན་པོ་ཆེ། ཕྲིན་ལས་རྣམ་རྒྱལ། བློ་གྲོས་དབང་ཕྱུག །འཇམ་དབྱངས། ནུས་རྒྱན། དྷརྨ་ཀཱིརྟི། དེ་ལས་མཎྜལ་བཞི་པའི་ལུང་དང་བཅས་ཐོབ། བཀའ་འགྱུར་རོ་ཅོག་གི་གཟུངས། ལྕགས་སྡོང་ཚེ་སྒྲུབ་ཧྲཱིཿགཅིག་མ། འ་ཞ་མཁྱེན་བརྩེའི་བཀའ་བརྒྱུད་ཆུ་གཏོར། ཞང་ཁྲོམ་གྱི་ངག་བྱིན་རླབས། འགྱུར་སྔགས་སཾ་བྷ་ར། ཕྲེང་སྔགས་རུ་ཙི་ར། བསྐལ་བཟང་རྒྱན་ཕྲེང༌། བྱམས་པས་དམ་བཅས་པའི་གཟུངས། གཙུག་གཏོར་དྲི་མེད་དང་སོར་འབྲང་སྙིང་པོ་རྣམས་ལུང་ཐོབ་པ་བརྒྱུད་པ་ལྔ་པ་རིན་པོ་ཆེ་ནས་གོང་འདྲ། མ་ཎི་བཀའ་འབུམ་ཡོངས་རྫོགས་སྤྲུལ་སྐུ་ཚུལ་ཁྲིམས་རྡོ་རྗེ་ལས་བརྒྱུད་པ་དང༌། འབྲུག་པ་པདྨ་དཀར་པོའི་གུར་དྲག །མདོ་སྡུད་པ། རས་

― JLAZ014_Page_0038 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུང་ལུགས་ཀྱི་གཏུམ་མོ་རྣམས། ཨོ་ཌི་ཀརྨ་ལས་ཐོབ། པོ་དོང་པའི་དཀྱིལ་འཁོར་ལམ་བསྡུས་དང༌། དེ་ཉིད་སྙིང་པོའི་ལུང་སྦྱོར་རྩེ་སྤྲུལ་པའི་སྐུ་ལས་ཉན། སྒྲུབ་ཐབས་རིན་འབྱུང་ནས། ཀུ་རུ་ཀུལླེ། འོད་ཟེར་ཅན་མ། ཚེ་རིང་མཆེད་ལྔ་རྣམས། ཉང་རེ་དོང་ཀོང་བླ་མ། དྲིའུ་ལྷ་བ། དེས་ཐང་འབྲོག །དེས་སོ། །ལྔ་པའི་གསུང་འབུམ་ནང་མ་རྣམས། འཇམ་གྲགས། དགེ་སློང་སྐལ་ལྡན། སྐལ་བཟང་པདྨ་དབང་ཕྱུག །ཐང་འབྲོག །དེས་སོ། །རྒོད་ཚང་སྣ་ཚོགས་པའི་གསུང་འབུམ་པོད་བཞི། རྒོད་ཚང་ནས་བཟང་པོ་རྡོ་རྗེ། དགེ་སློང་ཚུལ་ཁྲིམས་དཔལ་བཟང༌། ཀུན་བཟང་ལེགས་གྲུབ། པདྨ་རིག་འཛིན། དེས་སོ། །བཀའ་ཐང་ཤེལ་བྲག་མ། ཐང་ཡིག་སྡེ་ལྔ། ལྷ་བསང་བདེ་ལེགས་ཀུན་འབྱུང༌། བདེར་འདུས་ལས་བྱང་བདེ་རྣམ། སྒྲུབ་ཁོག །ཁྲོ་རོལ་གཏོར་བཟློག་ཆོག་ཁྲིམས་དང་ལག་ལེན། ཚེ་བདག་ལས་བྱང་རྡོ་རྗེ་མེ་ཕྲེང་རྣམས་ཀྱི་ལུང་ཁྲི་རིན་རྣམ། ཤྲཱི་ནཱ་ཐ། དེས་སོ། །ལེའུ་བདུན་མའི་འཁོར་ལོ་འབར་བ། བྱང་གཏེར་ཀུན་བཟང་སྨོན་ལམ་སོགས་ཆོས་སྤྱོད་ངག་དོན་རྣམས་ཀྱི་ལུང༌། ངག་དབང་ཀུན་བཟང་པདྨ། ཐུགས་མཆོག་རྡོ་རྗེ། བློ་

― JLAZ014_Page_0039 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་པདྨ། དེས་བདག །ཐུགས་རྗེ་ཆེན་པོའི་མིག་འབྱེད་ལུང༌། སྐྱི་སྟོན་ནས། གནས་གསར་བ་ཝ་གིནྡྲ། དྷརྨ་ཀཱིརྟི། དེས། བྱད་འགྲོལ་ཆང་ཁྲུས་མའི་ལུང༌། སྐྱི་སྟོན་ནས། དགེ་སློང་བློ་གསལ། གཡོ་མེད། དྷརྨ་ཀཱིརྟི། དེས། གཏད་རུལ་ཟངས་གླིང་མ། སྐྱི་སྟོན་ནས། ཐང་འབྲོག །དེས། བྱིས་པ་གཏེར་སྟོན་གྱི་འབྲུམ་སྲུང་བཅུད་འཁོར་ཡང་བརྒྱུད་པ་དེ་དང་གཅིག །ཤ་བརྒྱ་ཟན་བརྒྱའི་ལུང༌། དགེ་སློང་བློ་གསལ་ནས། དྷརྨ་ཀཱིརྟི། དེས། གནམ་སྐས་གཏེར་མ་སྙིང་གཟེར་ནག་པོའི་ལུང༌། ངག་དབང་ཀུན་བཟང་པདྨ། ཐུགས་མཆོག་རྡོ་རྗེ། ཀྲ་ཏི་སྔགས་འཆང༌། དེས་སོ། །སློབ་དཔོན་དཔའ་བོའི་སྐྱེས་རབས་སོ་བཞི་པའི་ཁ་སྐོང་རྗེ་རང་བྱུང་བས་མཛད་པའི་པོད་ལུང༌། ཁྲི་རིན་རྣམ། ཐང་འབྲོག །དེས་སོ། །ཀར་ལུགས་ཀྱི་གཅོད་གདོན་ཚོགས་དགུ་མ་དང༌། མ་གཅིག་གི་གཅོད། གཟའ་བཅོས་རིན་ཆེན་ཕྲེང་བ། སྤུར་སྔགས་བཅས་དྲུང་གཅོད་པ་ལས་ཉན་ཏོ།། །།དེ་དག་ལ་འདི་སྐད་ཅེས་སྟོན་འཁོར་དང་གླེགས་བམ་ལ་སོགས་པའི་རྒྱུ་རྐྱེན་ཕུན་སུམ་ཚོགས་པའི་ཉན་བཤད་ལན་ཅིག་གི་ཆ་ལ་ཆོས་ཀྱི་རྣམ་གྲངས་དང་རྒྱུན་ཆགས་ཡོད་མེད་ཀྱི་དཔྱད་

― JLAZ014_Page_0040 ―

^{[མ་དཔེ་གཟིགས་ན་འདིར་གནོན།]}

[Full Size]

བཟོད་འཐད་ལེགས་ཀྱི་གཏན་ཚིགས་ཀྱང༌། སྔ་མའི་སྔ་མ་དང༌། གོང་མའི་གོང་མ་ལ་སོགས་ཏེ། དུས་གསུམ་གྱི་བརྒྱུད་པ་བྲེང་ཆགས། ཐམས་ཅད་ཀྱི་ཚོར་བ་དང༌། འདུ་ཤེས་དང༌། རྣམ་པར་ཤེས་པའི་ཕུང་པོ་མཚུངས་པར་ལྡན་པ་ཡང་མ་ཡིན་པས་དོན་ལ་ཇི་ལྟར་གནས། དེ་ལྟ་ནའང་སློབ་དཔོན་དཔའ་བོ་སྟག་གིས་ཟོས་ནས་སྐྱེས་རབས་སོ་བཞི་པའི་འཕྲོ་ལུས་པར་གྲགས་བཞིན་དུ་ལུང་རྒྱུན་ད་ལྟའང་ཀློག་པ་ལྟར་ངེས་པའི་དོན་དུ་དམ་པའི་ཆོས་ནི་རྒྱལ་པའི་དགོངས་བརྒྱུད་གཅིག་ཏུ་གནས་པའི་ཕྱིར། ཆོས་ཞུ་བའི་ཡུལ་དེ་རབ་ཆོས་ཉིད་ཀྱི་བདེན་པ་གཟིགས་ཤིང་དམིགས་པ་མེད་པའི་སྙིང་རྗེ་དང་ལྡན་པ་དང༌། ཉན་པ་པོ་ཡང་སྣོད་ཀྱི་སྐྱོན་གསུམ་དང༌། མ་དག་པའི་དྲི་མ་དྲུག་སྤངས་པ་ཞིག་འཛོམ་ན། བྱིན་རླབས་འཇུག་པ་རྟེན་ཅིང་འབྲེལ་འབྱུང་ཡང་དག་པར་ཚོགས་པའི་རྒྱུ་འབྲས་བསླུ་བ་མེད་པར་མཐོང་བས་དཔོན་སློབ་ཀྱི་རྟེན་འབྲེལ་མ་ལོག་པ་འདི་གཙོ་བོར་གཟུངས་ལ། དེ་ལྟ་ནའང་ལྔ་བརྒྱའི་ཐ་མ་ལ་ཆོས་ཉིད་ཀྱི་བདེན་པ་གཟིགས་པ་ནི་དཀོན་པའི་དངོས་པོར་གྱུར་ཀྱང༌། བསྐྱེད་རྫོགས་ཀྱི་དོན་ལ་འགྲུས་པ་དང༌།

― JLAZ014_Page_0041 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་ཆུབ་ཀྱི་སེམས་དང་ལྡན་པ་ཞིག་ངེས་པར་གཅེས་ལ། དེ་ལྟ་བུའང་ད་ནི་བསྟན་པའི་སྙིགས་མར་གྱུར་པར་དཀོན་ན། གཞན་ལས་ཐོས་པའི་ཐོབ་བློ་ནི་སོ་སོ་སྐྱེ་བོའི་གང་ཟག་ལ་དབང་ལུང་གི་རྫས་དང་དངོས་པོར་རུང་པ་ཡིན་པས་ན། བདག་ཅག་གིས་ཀྱང་བསྟན་པའི་དོན་ལ་སེམས་སྟོབས་ཆེན་པོ་བསྐྱེད་ནས་རྒྱུད་འབུམ་རིན་པོ་ཆེ་དང༌། མདོ་སྒྱུ་སེམས་གསུམ་ལ་སོགས་ཆེད་དུ་ཉན་པར་བསྐུལ་ནས། རྒྱུན་བླངས་ཤིང་རིང་ལུགས་དར་བར་བྱས་པ་ཡིན་ལ། འདི་ལྟར་རྟོགས་པའི་དམ་ཆོས་ནི་མཆོག་གཟིགས་རྣམས་ཀྱི་རྒྱུད་ལ་ཡོད་དགོས་པ་དང༌། ལུང་གི་ཆོས་ནི་སྒྲ་ཚིག་དང་ཞེན་པའི་ཡུལ་ཡིན་པས་སོ། །དེ་ལས་གཞན་དུ་ཐོས་པ་འཚོལ་བའི་རྣམ་གཡེང་ལ་ཡང་སྐྱོ་ནས་དབེན་པར་མཉམ་གཞག་ལ་གཙོ་བོར་བྱས་མོད་དེ། རང་བཞིན་དུ་ཆོས་སྒོ་བསྐྱེལ་གྱི་ཚུལ་དུ་བྱུང་བ་ཐམས་ཅད་ལ་དག་སྣང་སྦྱངས་ཏེ། སྣང་བ་དག་པའི་ཕྱོགས་ལ་བསྙེན་པ་ལ་ཆོས་སྤོང་པའི་ཉེས་པ་ཡོད་མི་སྲིད་པས་དགག་བསྒྲུབ་དང་ཕྱོགས་རིས་དང་བླང་དོར་སྤངས་ནས་ཉན་པའི་ཚུལ་ས་བོན་ཙམ་ཞིག་སྨོས་པ་ལས་ཆོས་དང་གང་ཟག་གི་མཚན་ཐོ་སྒྲིག་པའི་སྤྲོས་པ་ཉེ་བར་ཞི་བ་ཉིད་དོ།། །།

― JLAZ014_Page_0042 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རིག་འཛིན་འཇིགས་མེད་གླིང་པའི་འཁྲུངས་རབ་རྣམ་ཐར་ཉུང་བསྡུས།

― JLAZ014_Page_0043 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་འཛིན་འཇིགས་མེད་གླིང་པའི་འཁྲུངས་རབ་རྣམ་ཐར་ཉུང་བསྡུས་བཞུགས།

― JLAZ014_Page_0044 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལ་བདག་ཅག་གི་བླ་མ་དམ་པ་འདི་ཐུགས་རྗེ་ལས་སྦྲུལ་གྱི་རྣམ་པས་བསྟན་བ་དང་སེམས་ཅན་གྱི་དོན་དུ་བྱོན་པ་སྟེ། །མན་ངག་རྫོགས་པ་ཆེན་པོས་གདུལ་བའི་དུས་ལ་བབ། མགོན་པོ་འཇིག་རྟེན་དབང་ཕྱུག་གི་ཐུགས་བསྐྱེད་ལས་རྒྱལ་པོ་དྷརྨ་ཨ་ཤའི་སྲས་མོ་མི་ལས་འདས་པའི་དགེ་སློང་མ་ཞིག་ལ་ཤེལ་གྱི་སྐྱེས་བུ་བཀྲག་དང་ལྡན་པ་ཞིག་གིས་དབང་བསྐུར་བས་སྐྱེས་བུ་མཚན་དང་ལྡན་པ་ཅིག་འཁྲུངས། ཕ་མེད་ཀྱི་བུར་གྱུར་པས་ཐལ་ཁུང་དུ་བོར། ཞགས་གསུམ་ནའང་མ་ཉམས་པར་འདུག་པས་སྤྲུལ་པའི་སྐུར་ཡིན་ཆེས། ལོ་བདུན་ན་པཎིྜ་ཏ་དང་ཆོས་གཏམ་བྱས་པས་སུས་ཀྱང་མ་ཐུབ་སྟེ་ཞབས་སྤྱི་བོར་བླངས།

― JLAZ014_Page_0045 ―

^{[མ་དཔེ་གཟིགས་ན་འདིར་གནོན།]}

[Full Size]

ཡབ་དགྱེས་བས་དགའ་རབ་རྡོ་རྗེར་བཏགས། ཉི་མ་སྣང་བྱེད་ཀྱི་རི་ལ་ལོ་སུམ་ཅུ་རྩ་གཉིས་སུ་བསམ་གཏན་ལ་གཞོལ། སྐུ་ཉེ་ཞུར་ལྟ་བུར་གྱུར་ཅིང་། ནམ་མཁའ་ལ་གཤེགས་བཞུད་མཛད། རྫོགས་པ་ཆེན་པོའི་རྒྱུད་འབུམ་ཕྲག་དྲུག་ཅུ་རྩ་བཞི་གདོད་ནས་ཐུགས་སུ་ཡོད་པ་འདོན་དུ་མཛད་ཅིང་། མཁའ་འགྲོ་མས་བཀའི་བསྡུ་བ་བྱས་ནས་ཡི་གེར་བཀོད། ཁྱབ་འཇུག་གི་བུ་མོ་གཅེར་བུ་ལ་ཆིབ་ས་ཏེ་དུར་ཁྲོད་བསིལ་ཚལ་དུ་བྱོན་ནས་མཁའ་འགྲོ་རྣམས་ལ་ཆོས་སྟོན། མཐར་ཆུ་བོ་དན་ཏིག་གི་འགོར་འོད་ཕུང་དུ་ཡལ། སངས་རྒྱས་འོད་སྲུངས་ཀྱི་དྲུང་དུ་རྒྱལ་པོ་ཀྲི་ཀིའི་སྲས་སུ་གྱུར་ནས་བྱང་ཆུབ་ཏུ་སེམས་བསྐྱེད། འོད་

― JLAZ014_Page_0046 ―

^{[མ་དཔེ་གཟིགས་ན་འདིར་གནོན།]}

[Full Size]

སྲུངས་ཀྱི་མཆོད་སྡོང་ལ་གདུགས་ཕུབ་པས། སྟོབས་ཀྱི་འཁོར་ལོས་སྒྱུར་བའི་ཡུང་བསྟན་ཐོབ། ཤཱཀྱ་ཐུབ་པའི་དུས་སུ་སྐུའི་མ་ཆད་དུ་གྱུར་པས་ཅུང་དགའ་བོར་གྲགས། སྟོན་བས་ཐབས་ལ་མཁས་པའི་འདུལ་བས་དགྲ་བཅོམ་པའི་གོ་འཕང་མངོན་དུ་མཛད། སྔོ་སངས་རྒྱས་འོད་སྲུངས་ལ་བྱུག་པ་ཕུལ་བས་བགས་པ་གསེར་གྱི་མདོག་ཏུ་སྣང་བ་དང་། གཙུག་ཏོར་གྱི་རྣམ་བ་སོགས་མཚན་གྱི་མེ་ཏོག་ཅན་དུ་གྱུར། སྲོང་བཙན་སྒོམ་པོའི་དུས་ན་རྒྱལ་བོ་ཉིད་ཀྱི་མཛོད་སྤུ་ལས་སྤྲུལ་བའི་དགེ་སློང་ཨ་ར་མ་མ་ཏིར་གྲགས། ཙན་དན་གརིྴ་ཤ་ལེན་ཕྱིར་འཕགས་པའི་ཡུལ་དུ་བྱོན་ནས་རང་བྱོན་འཕགས་བའི་སྐུ་སྤྱན་དྲངས། དྲི་མེད་ཀུན་ལྡན་གྱི་བུས་ནོར་བུ་ཕ་རོལ་དཔུང་འཇོམས་ཀྱིས་གཙོས་ལོངས་སྤྱོད་གཅེས་ནོར། བུ་དང་བུ་མོ། རང་གི་མིག་ལ་སོགས་པ་བཏང་སྟེ་གཏོང་བ། གཏོང་བ་ཆེན་པོ་དང་། ཤིན་ཏུ་གཏོང་པས་སྦྱིན་པའི་ཕ་རོལ་ཏུ་ཕྱིན་པ་རྫོགས་པར་མཛད། བསྟན་པ་སྔ་དར་གྱི་དུས་ཆོས་ཀྱི་རྒྱལ་པོ་ཁྲི་སྲོང་ལྡེའུ་བཙན་དུ་གྱུར་ནས་དཔལ་གྱི་བསམ་ཡས་བཞེངས། མཁན་སློབ་ཆོས་གསུམ་ལ་སོགས་པའི་སྤྲུལ་པའི་ལོ་པཎ་མང་པོ་སྤྱན་དྲངས། བོད་དུ་སངས་རྒྱས་ཀྱི་བསྟན་པ་ཉི་མ་ཤར་བ་ལྟ་བུར་མཛད། སྤྲུལ་པའི་དམག་གིས་རྒྱ་གར་

― JLAZ014_Page_0047 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུ་བོ་གདྷཱ་ཚུན་ཆད་དབང་དུ་བསྡུས་ནས་དགེ་བཅུའི་ཁྲིམས་ལ་བཀོད། ཉིད་དང་ཐུགས་རྒྱུད་གཅིག་པ་ལྷ་ལྕམ་པདྨ་གསལ་གྱི་ཐུགས་བསྐྱེད་ལས་མན་ངག་མཁའ་འགྲོའི་སྙིང་ཏིག་ཆོས་སྐལ་དུ་ཐོབ་ནས་དངོས་སྤྲུལ་ཡང་སྦྲུལ་དུ་མས་ལས་ཅན་གྱི་གདུལ་བྱ་མང་པོ་སྨིན་གྲོལ་ལ་བཀོད། འཕགས་པའི་ཡུལ་དུ་རྣལ་འབྱོར་གྱི་དབང་ཕྱུག་རྭི་པར་གྱུར་ནས་ཀྱེའི་རྡོ་རྗེའི་ལམ་འབྲས་བུ་དང་བཅས་པའི་སྨིན་གྲོལ་བསྟན། མངའ་བདག་རལ་བ་ཅན་གྱི་དུས་གཙུག་ལག་འཛིན་གྱི་སྐྱེ་བ་རྒྱལ་སྲས་ལྷ་རྗེར་གྱུར་ནས་སློབ་དཔོན་ཆེན་པོ་ལས་གཡུ་རུའི་ཁྲ་འབྲུག་ཏུ་བཀའ་འདུས་ཆོས་ཀྱི་རྒྱ་མཚོ་ནོས་ཤིང་གཏེར་སྟོན་རྐྱང་པའི་སྐྱེ་བ་བཅུ་གསུམ་བླངས་ནས་ཕྲིན་ལས་རླབས་ཆེན་འགྲུབ་པའི་ལུང་བསྟན་ཐོབ། སྐྱེ་བ་བདུན་པ་ཡིན་བས་སྐུ་ཤའི་ཆ་ཤས་ཙམ་གྱིས་ཀྱང་སེམས་ཅན་གྱི་དོན་རླབས་པོ་ཆེ་བསྒྲུབས། དེའི་སྐྱེ་བ་ཕྱི་མ་ལ་ཡར་རྗེ་ཨོ་རྒྱན་གླིང་པར་གྱུར་ནས་ཤེལ་བྲག་ནས་བཀའ་འདུས་ཆོས་ཀྱི་རྒྱ་མཚོ་ཀླེགས་བམ་བརྒྱ་ཕྲག་ཏུ་ལོངས་པའི་གཏེར་སྨྱོན་དང་། ཐང་ཡིག་སོགས་སྤྱན་དྲངས། དེ་བཞིན་དུ་བསམ་གཏན་གླིང་པའི་དུས་ཨ་ཏིའི་ཆོས་སྐོར་རྨད་དུ་བྱུང་བ་གདན་དྲངས་ནས་འགྲོ་བ་མང་པོའི་དོན་མཛད། །དྭགས་པོ་ཟླ་འོད་གཞོན་ནུའི་ཚེ་དགེ་བའི་བཤེས་གཉེན་སྙུག་རུམ་པ་སོགས་

― JLAZ014_Page_0048 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་བཀའ་གདམས་དང་། །རྣལ་འབྱོར་དབང་ཕྱུག་མི་ལ་ལས་ནཱ་རོའི་ཆོས་དྲུག་ཕྱག་ཆེན་ལ་སོགས་པ་ནོས་ཤིང་ཀློང་དུ་གྱུར་ནས་དཔལ་སྒོམ་པོ་བ་ཞེས་པའི་སྙན་གྲགས་ཀྱིས་འཇིག་རྟེན་ཕལ་ཆེར་བཀབ་ཅིང་གྲུབ་ཐོབ་ཀྱི་ས་བོན་བཏབ། །དཔལ་ས་སྐྱའི་དཀར་པོ་རྣམ་གསུམ་ལས་རྗེ་བཙུན་གྲགས་པ་རྒྱལ་མཚན་ཞེས་མཁས་པ་དང་རུབ་པའི་རྣམ་དཔྱོད་ཀྱིས་གསར་རྙིང་གཉིས་ཀའི་བསྟན་པའི་བདག་པོ་མཛད། ཁ་ཆེ་པཎ་ཆེན་དང་མཇལ་འཛོམ་བཤེས་པར་མཛད་ཅིང་དབོན་པོ་ས་པན་གྱི་རྡོ་རྗེ་སློབ་དཔོན་མཛད། ཁྱད་བར་དུ་པཎ་ཆེན་བི་མ་ལ་བོད་ཡུལ་དུ་བྱོན་པ་དཔལ་བསམ་ཡས་པ་ཀུན་མཁྱེན་ངག་གི་དབང་པོར་གྱུར་ནས་འཛམ་བུའི་གླིང་གི་རྒྱན་དྲུག་མཆོག་གཉིས་ཐམས་ཅད་ཀྱི་སྤངས་རྟོགས་གཅིག་ཏུ་སྤུངས་པ་ལྟ་བུ་སྔོན་མེད་པའི་བསྟན་པའི་ཆོས་འཁོར་མཛོད་ཆེན་བདུན་དང་ཤིང་རྟ་རྣམ་གསུམ་རྩ་འགྲེལ་སོགས་གསུང་རབ་ཀྱི་སྣང་བས་འཇིག་རྟེན་ཀྱི་མུན་པ་ལ་བསལ་པར་མཛད་ཅིང་ཕྱོགས་རེས་མིག་ཅན་རྣམས་ཐེག་པའི་ཡང་རྩེ་གཤུང་བར་མི་ནུས་པའི་དམ་བཅའ་ལ་བཀོད་ཅིང་། ལྷ་དང་མི་མཁའ་འགྲོའི་འདུ་བ་ལ་ཆོས་ཀྱི་སྒོ་རྒྱ་ཆེན་པོ་བསྟན། མངའ་རིས་གློ་བོ་བ་པདྨ་དབང་རྒྱལ་གྱི་ཚེ་སྟེང་ཁང་སྙིང་མཛེད་ནས་བཀའ་འདུས་ཕྱི་མ་རིག་འཛིན་ཡོངས་འདུས་སྤྱན་དྲངས་ཤིང་། མངའ་བདག་ཉང་གི་

― JLAZ014_Page_0049 ―

^{[མ་དཔེ་གཟིགས་ན་འདིར་གནོན།]}

[Full Size]

བག་ཆགས་སད་པས་བདེ་གཤེགས་སྒྲུབ་པ་བཀའ་བརྒྱད་ཀྱི་བསྟན་པ་ལ་བྱ་བ་རྒྱ་ཆེན་པོ་དང་། མགོར་ན་གསར་རྙིང་བཀའ་གཏེར་གྱི་ཆོས་ལ་མི་མཁྱེན་བྱ་བ་དང་། །ཐུགས་ཉམས་སུམ་བཞེས་པ་མེད་པ་ལྟ་བུས་བསྟན་པ་དང་སེམས་ཅན་གྱི་དོན་མཛད། རིན་ཆེན་ཕུན་ཚོགས་ཀྱི་རྡོ་རྗེའི་སློབ་དཔོན་དུ་གྱུར་པའི་རྟེན་འབྲེལ་དེ་ཉིད་ཀྱི་སྲས་ཆོས་རྒྱལ་ཕུན་ཚོགས་སུ་འཁྲུངས་ནས་རང་གི་ཡབ་རྗེ་དང་། །རྗེ་བཙུན་པྲཛྙཱའི་ཞབས་ལ་དམ་པའི་བདུད་རྩི་ནོད་ནས། འབྲི་གུང་བའི་ཆོས་སྲིད་་ཀྱི་སྡེ་ལ་ཕན་ཏོག་རྒྱ་ཆེན་པོ་བསྒྲུབས། བྱངས་བདག་བཀྲ་ཤིས་སྟོབས་རྒྱལ་གྱི་ཚེ་བཀའ་གཏེར་གྱི་གདམས་པའི་གསང་མཛོད་དུ་རྒྱུ་ཅིང་། ཟབ་མོའི་གཏེར་ཁ་ཕྱེ་ནས་དབུས་གཙང་ཁམས་གསུམ། རྒྱ་ནག་གི་ཡུལ་བུའི་ཆལ་ཐུག་པར་ཕྲིན་ལས་རླབས་ཆེན་པོས་རྒྱལ་དབང་པདྨའི་བསྟན་པ་ལ་ཞབས་ཏོག་རྒྱ་ཆེན་པོ་བསྒྲུབས། དེ་ནས་ཀོང་ཡུལ་བདུད་རི་ནག་པོ་བྱ་རོག་སྒྲ་ཅན་གྱི་འདབས་སུ་རིག་འཛིན་འདམ་གླིང་རྡོ་རྗེར་འཁྲུངས་ཏེ་བདུད་མཚོའི་ཀློང་ནས་ཁྲིམ་གཏེར་སྤྱན་དྲངས་ཤིང་མཐའ་ཁོབ་སློ་བོ་ལ་སོགས་པའི་གདུལ་བྱ་རྣམས་ཆོ་ཀྱི་སྣོད་དུ་མཛད། དེ་ནས་ད་རེས་སེམས་ཅན་གྱི་དོནདུ་སྤྲུལ་པའི་སྐུར་བཟུང་ཚུལ་ནི། ཡུལ་དབུས་གཡོ་རུའི་སའི་ཆ་བཀྲ་

― JLAZ014_Page_0050 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིས་སྲོང་བཙན་བང་སོ་དང་ཉེ་བའི་གནས་སུ་རིགས་རུས་ཆོ་འབྲང་གིས་བཙུན་པར་སྐུ་འཁྲུངས། དགོང་ལོ་དྲུག་པ་ནས་བསྟན་པའི་སྒོར་ཞུགས་ཤིང་། ཆུང་དུ་ནས་ཤེས་རབ་ཀྱི་སྤོབས་པ་དང་སྙིང་རྗེ་ཆེན་པོ་བློ་བཅོས་མིན་དུ་ཤར། སྐྱོ་ཤས་དང་ངེས་འབྱུང་ལྷག་པར་ཆེ་བས་ཉི་ཞུ་རྩ་ལྔ་པ་ནས་སུམ་ཅུ་རྩ་ལྔའི་བར་ཐེག་མི་འདའ་བའི་དམ་བཅའ་དང་། དབེན་པར་བཅད་རྒྱ་འབའ་ཞིག་མཛད། སྔོན་གྱི་བག་ཆགས་དཔས་དགེ་བའི་བཤེས་གཉེན་མཁས་པ་བསྟེན་པ་དང་། བསླབ་གཉེར་སོགས་ལ་ཅུང་ཟད་ཀྱང་མ་ལྟོས་པར་མགྲིན་པའི་རྩ་མདུད་གྲོལ་བས་གསུང་རབ་ཀྱི་དོན་བདེ་བླག་ཏུ་མཁྱེན་པའི་རྟོགས་པའི་ཀློང་བརྡོ་ལ། མཆིམས་ཕུར་རྒྱལ་བ་ཀླང་ཆེན་པའི་ཡེ་ཤེས་ཀྱི་སྐུ་དང་མི་དང་མི་འཕྲད་བ་ལྟ་བུས་ལན། །གསུམ་མཇལ་ནས་བྱིན་རླབས་རྗེས་གནང་ཐོབ་པས་མདག་རྒྱུད་ཐམས་ཅ་ལ་སྤོབས་པའི་གཏེར་མཛོད་གྲོལ། མཁའ་འགྲོའི་ཀློད་བྱང་གི་བརྡ་རིས་གཏད་པས་རྫོགས་པ་ཆེན་པོ་ཀློང་ཆེན་སྙིང་ཏིག་དང་། ཡོན་ཏན་མཛོད་རྩ་འགྲེལ་སོགས་པ་དགོངས་ཏེ་ར་བསྟན་བཅོས་པོད་ཆེན་བཅུ་སྐོར་མཛད། དབུས་གཙང་ཁམས་གསུམ། མོན་ཁ་སྣ་བཞི་ལ་སོགས་པ་ནས་སློབ་མ་སྐད་རིགས་མི་གཅིག་པ་ཅན་རྟག་ཏུ་འདུལ་བས་ཆོས་ཀྱི་འཁོར་ལོ་ལ་རྒྱུན་ཆད་མེད། དབང་བཅུ་རྗེས་མཐུན་པ་ཐོབ་བས་སྐུ་ཚེ་རིང་པོར་བཞུགས་ཤིང་

― JLAZ014_Page_0051 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱོང་སྡེ་དགེས་གཙོས་པའི་ཟང་ཟིང་གི་འབུལ་ནད་གྱ་ནོམ་པ་འབྱོར་ཡང་གནས་མིན་དུ་གང་ཟགས་མ་མཛད་པར་བཀའ་འགྱུར་ཀློག་པ་དང་། རྙིང་མ་རྒྱུད་འབུམ་ཆ་ཆང་། རྣམ་ཐར་ཤེལ་བྲག་མ་སོགས་ཀྱི་བྲིས་ཐང་སྤུས་དག་དྲུག་ཅུ་སློར་བཞེས་པེ། མེས་དབོན་རྣམ་གསུམ་གྱི་བཙུག་ལག་ཁང་ལ་ཁྲི་མཆོད་མང་པོ་དང་མཆོད་རྫས་ཡོ་བྱད་སྣ་ཚོགས་སྦྱར་བ། བསམ་ཡས་སུ་སྟང་དངུལ་གཉིས་ཙམ་གྱི་རྒྱུ་འགྲོའི་ཆོས་ལོངས་སྤྲུལ་གསུམ་དང་འཁོར་ལོ་རིན་པོ་ཆེ་གསེར་སྲང་བརྒྱ་ལས་གྲུབ་པ་སོགས་ཀྱིས་མཚོན་རྟེན་བཞེངས་མང་པོ་མཛད། །སེམས་ཅན་ལ་སྙིང་རྗེ་ཆེན་པོ་རྒྱུན་མི་འཆད་པས་ཕོངས་པ་དང་སྡུག་བསྔལ་བ་ལ་བརྩེ་ཞིང་ཟང་ཟིང་གི་སྦྱིན་པ་དང་། ཕྱུགས་ལུག་སྟོང་ཕྲག་ལྡང་བ་ཉེའུ་འདོན་པ། ལོ་ལྟར་སྦྲང་ཚང་བསླུ་བ་སོགས་སྲོག་ཆགས་དུང་གྱུར་མང་པོ་ལ་མི་འཇིགས་པའི་སྐྱབས་སྦྱིན་མཛད། ཆེན་པོར་རློམ་པ་དང་། སྟོབས་འབྱོར་གྱིས་དྲེགས་པ་ཅན་སུ་ལའང་ཅི་མི་སྙམ་པར་བཞུགས་ཀྱང་། གཞན་ལ་ངན་སྨྲས་དང་། ཕྲག་དོག་དང་མཚང་འདྲུ་བའི་ཐུགས་བསམ་དན་པ་གཏན་ནས་མི་འཆར། །གནོད་བ་ཅན་དག་ལའང་འཁོན་འཛིན་མི་མཛད། །བོད་གངས་ཅམ་ཙམ་མན་ཐམས་ཅས་ཀྱིས་འདྲེན་པར་བཀུར་བ་ས་སྐྱ་བ་ཆེན་པོས་དབུ་བླར་མཛད་ཅིང་། སྐུ་ཞབས་རྒྱལ་བ་ཡབ་སྲས་ཀྱིས་གཙོ་ཀརྨ་པ་དང་། འབྲིང་གུང་བ་

― JLAZ014_Page_0052 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཀྱིས་དངོས་དང་ཆབ་ཤོག་གི་ལམ་ནས་གཟེངས་བསྟོད་པས་མཚོན་འཇིག་རྟེན་གྱི་ཕྱོགས་ནས་བླ་སྤྲུལ་ཆེ་བར་གྲགས་བ་དང་། གྲས་ཆེན་པོ་སེར་འབྲས་དགེ་གསུམ་གྱི་དགེ་བཤེས་གཟུ་བོའི་བློ་ལྡན་རྣམས་ཀྱིས་ཆོས་ཉན་པ་དང་བསྟི་སྟང་མཛད་ཀྱང་དྲེགས་བསྙེམས་དང་། ཆོས་བརྒྱད་ཀྱིས་གཟི་བྱིན་མི་རྔམ་པར་འཁྲུལ་ཞིང་ཆེན་པོར་བཞུགས་ཤིང་། ཁྱད་པར་དུ་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བ་ལ་རང་བྱན་ཆུད་པས་དབུ་སྐྲ་དང་། སེན་མོ་དང་། ཆོམས་ཕྲེང་སོགས་ལ་དད་ཅན་གྱི་གདུང་རིང་བ་སྲེལ་མངོན་སུམ་དུ་སྐྱེས་ཤིང་འཕེལ་བ་སོགས་འབྲེལ་ཚད་དོན་ལྡན་གྱི་སྐྱེས་བུ་དམ་བ་ཡིན་ལ། དེ་ལྟ་བུ་ལས་བརྒྱུད་པའི་གདམས་པ་འདེབས་པར་བྱེད་པ་ལ་སོགས་མཚམས་སྦྱོར་རོ། སངས་རྒྱས་ཉིད་ཀྱང་རང་བསྟོད་གསུང་བ་ལ། །བསྙེམས་པ་བཏང་ན་ལོག་ཤེས་ཅན་དག་གིས། །མཐོང་ཐོས་བྱུང་དོགས་སྐྲག་པ་སྐྱེས་ན་ཡང་། །ཁམས་བླའི་ཨུ་ཚུགས་མ་ལྡོག་དབང་མེད་དུ། །བྲིས་འདི་བདེན་པ་མ་ཡིན་རྫུན་པའང་མིན། །མོས་པ་ཐོབ་ཚད་བདག་གི་བདུལ་བྱར་ཤོག་། །མངྒལ།

རྫོགས་ཆེན་པ་རང་བྱུང་རྡོ་རྗེའི་དོན་གྱི་རྣམ་ཐར་དོ་ཧའི་རྒྱན།

― JLAZ014_Page_0053 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་ཆེན་པ་རང་བྱུང་རྡོ་རྗེའི་དོན་གྱི་རྣམ་ཐར་དོ་ཧའི་རྒྱན་ཅེས་བྱ་བ་བཞུགས།

― JLAZ014_Page_0054 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་གཙོ་ལ་ཕྱག་འཚལ་ལོ། །ཟད་དང་མི་སྐྱེ་ཤེས་པ་ཡི། །ཆོས་ཉིད་མངོན་དུ་མ་བྱས་པར། །གཟུང་འཛིན་རྣམ་རྟོག་རྗེས་སོན་པའི། །འཁོར་བའི་རྣམ་ཐར་བརྗོད་མི་ལང་། །ཀུན་གཞི་ལུང་མ་བསྟན་གྱི་ཁམས། །དམིགས་པ་དང་ནི་མཚུངས་ལྡན་གྱིས། །ཟག་པ་བསྐྱེད་ཅིང་འཕེལ་བྱས་པ། །རྣམ་པར་ཤེས་པའི་ཚོགས་དག་དང་། །ཁམས་དང་སྐྱེ་མཆེད་འདུས་བྱས་ལ། །འཇིག་རྟེན་སྲིད་པའི་འཁོར་ལོར་གྲགས། །དེ་ལས་ད་རེས་འདོད་པའི་ཁམས། །ང་ཡིར་འཛིན་པའི་གནས་སྐབས་ཀྱི། །ཡུལ་ནི་ཤྲི་པརྤ་ཏ། །རུས་ནི་ཆོས་རྗེ་རྒྱ་ཡགས་པ། །མངའ་རིས་ཅན་དུ་མ་སྐྱེས་པས། །གཞན་འབྱོར་ཚང་བའི་གེགས་མ་

― JLAZ014_Page_0055 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས། །རྣམ་རིག་གཙང་བའི་བུར་སྐྱེས་པས། །རང་འབྱོར་ཡན་ལག་བྱང་མ་ཉམས། །བྱ་རོག་དཀྲོགས་མིན་གཞོན་ནུ་ལ། །སྡོམ་པ་སྐྱེ་བ་མ་ཡིན་ཀྱང་། །དྲུག་པའི་ལོ་ནས་གྲྭ་ཁྱུར་ཞུགས། །ཆོས་སྤྱོད་བསླབ་པའི་བརྡུང་འཐག་དང་། །འབད་རྩོལ་ཆུང་བའི་ཐོས་བསམ་སྒོམ། །རྒྱུ་འབྲས་འགལ་བ་ཅན་དུ་ཤར། །བཅོ་ལྔའི་ལོ་ལ་རབ་བྱུང་ཡང་། །རྩ་བ་བཞི་ཙམ་མ་ལགས་པའི། །བླང་འདས་ཤེས་པའང་ཡོད་མིན་ན། །ཁྲིམས་ཀྱི་བསླབ་པ་ག་ལ་ཆགས། །ལེགས་སྨོན་འབའ་ཞིག་དོན་གཉེར་ལ། །ཉེས་སྤྱོད་སྡོམ་པ་ཡིན་སྙམ་ནས། །དཀོར་ལ་དགར་སྤྱོད་པ་ཡི། །བཙུན་གཟུགས་རྣམ་ཐར་སྤྱི་མཐུན་བསྐྱངས། །

― JLAZ014_Page_0056 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལྟ་ན་ཡང་སྐྱོ་ཤས་དང་། །ངེས་འབྱུང་སྙིང་རྗེ་ཆེན་པོའི་བློ། །ཤུགས་འབྱུང་དྲན་ཙམ་ཉིད་ནས་ཡོད། །སྤྱོད་པ་བྱ་བྲལ་དག་ལ་སྨོན། །ལྟར་སྣང་རིག་པ་ཧུར་སྤྱོད་ཅན། །བྱིས་པའི་རྣམ་ཐར་བསྐྱངས་ཆེ་ཡང་། །བྱི་ལའི་བརྟུལ་ཞུགས་ངན་པ་ཡི། །རྣམ་ཐར་ཁོང་ན་ཡོད་མི་སྲིད། །ལུས་སེམས་གཉིས་ཀ་ནར་ཚེ། །མི་ཕྱེད་བསམས་ཀྱང་གཞན་རྐྱེན་དང་། །མཐུན་པར་འཆར་བའི་གྲྭ་ཚོགས་ཀྱི། །ཆགས་སྡང་གནས་ལ་སྐྱོ་བ་སྐྱེས། །གཅིག་པུར་སྡོད་ཚེ་མ་ཆོས་དྲན། །ཨོ་རྒྱན་གྱི་སློབ་དཔོན་ཆེན་པོ་ཡི། །རྣམ་ཐར་དང་རྟེན་གསུམ་ལ་བརྟེན་ནས། ས་ཚུགས་མེད་པའི་དད་སྟོབས་འབར། །དུས་ད་ལྟ་ཟངས་མདོག་དཔལ་གྱི་རིར། །སླེབ་ན་སྙམ་པའི་གདུང་བ་འཕེལ། །དེ་ཚེ་བདག་རྒྱུད་བྱིན་གྱིས་རློབས། །རྔོན་པས་རི་དྭགས་འདེད་པ་དང་། །འབྲོག་པས་ལུག་ཁྱུ་བདའ་བ་དང་། །ཁྲིམས་ཀྱིས་འཇིགས་པས་མནར་བ་གསུམ། །མཐོང་ན་ལྟ་ཅི་ཐོས་ན་ཡང་། །བཟོད་བླག་མེད་པའི་སྙིང་རྗེ་སྐྱེས། །ཉི་ཤུ་རྩ་ལྔ་ལོན་པའི་ཚེ། །འདུ་འཛིའི་ཉེས་དམིགས་འབའ་ཞིག་དྲན། །ཕྱོགས་མེད་དུ་ཆོས་ལ་བྲོས་སྙམ། །གཅིག་པུར་ལུང་སྟོང་འགྲིམས་ན་སྙམ། །རང་ཡུལ་ལ་ཞེན་པ་གཅོད་འདོད་བློ། །རྒྱུན་ཆད་མེད་པ་ཡིད་ལ་ཤར། །སྣང་བ་དགྲ་རུ་མི་སྡང་བས། །

― JLAZ014_Page_0057 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མའི་མིང་དུ་ཆགས་པ་དང་། །སྒོམ་ཆེན་བྱ་བ་ཉུང་བ་དང་། །ཞི་དུལ་བསམ་པ་དགེ་བ་ཡི། །ཆོས་དང་གང་ཟག་ཐམས་ཅད་ལ། །རྟོག་དཔྱོད་མེད་པའི་རིམ་གྲོ་བསྐྱེད། །སྦྱངས་བའི་ཡོན་ཏན་བཅུ་གཉིས་ཀྱི། །དྲི་མས་གོས་པ་མ་ལགས་ཀྱང་། །ཁྱིམ་དང་བསམ་སྦྱོར་ཐ་དད་ཅིང་། །སྐྱོ་ཤས་ངེས་འབྱུང་ཚད་མེད་པས། །ཤེས་རྒྱུད་སོ་སོ་ཐར་པ་དང་། །ཆ་མཐུན་འབྱོར་བའི་གནས་སྐབས་དེར། །སྔགས་སྡོམ་གཟུགས་བརྙན་ཙམ་དང་བཅས། །ཤྲཱི་པརྥ་ཏ་དང་ནི། །དཔལ་གྱི་བསམ་ཡས་མཆིམས་ཕུ་རུ། །ལོ་བདུན་བསྐྱེད་རྫོགས་རྩེ་གཅིག་སྒོམ། །ཀུན་ནས་ཉོན་མོངས་དབང་པོ་ལྔའི། །ཉེར་ལེན་རྣམ་བྱང་རྒྱུར་གྱུར་པས། །ཤེས་པ་ཉམས་འུར་བག་ཕེབས་ཤིང་། །སྟོང་ཉིད་སྙིང་རྗེ་གོང་ནས་གོང་། །འཕེལ་བས་ཆགས་རེ་དོགས་ཀྱི། །རྣམ་རྟོག་རང་གྲོལ་ལམ་དུ་ལྷོངས། །རྩ་བ་གསུམ་གྱི་བྱིན་རླབས་དང་། །རྡོ་རྗེ་ལམ་གྱི་ཉེ་རྒྱུ་ལས། །རྣམ་བྱང་ཡོན་ཏན་ཀུན་གྱི་མཛོད། །སྐུ་གདུང་འབར་བ་མཁའ་འགྲོའི་བརྡ། སོ་སོ་ཡང་དག་རིག་པའི་གཏེར། །རྒྱལ་དབང་པདྨའི་ལུང་གིས་ཕྱེ། །རྩ་ཁམས་ཡི་གེའི་འཁོར་ལོའི་སྤྲིན། །དམ་པ་ཆོས་ཀྱི་རོལ་མོ་རུ། །འཁྲོལ་ལ་གནས་གསུམ་མཁའ་འགྲོ་དང་། །ཀུན་དུ་ཐོགས་མེད་སྤྱན་ལྡན་གྱིས། །

― JLAZ014_Page_0058 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་གྱུར་མངོན་སུམ་ཚད་མའི་ཕྱིར། །རྟོག་གེའི་གནས་ལ་འཇིགས་པ་དང་། །གོར་མའི་སེར་ཀ་འདྲུ་པ་དང་། །ཆོས་བདག་རྐྱེན་ལ་རེ་བ་དང་། །རྟེན་འབྲེལ་རྫས་ལ་འཆོལ་པ་ཡི། །སྤང་བླང་དགག་སྒྲུབ་དབྱིངས་སུ་སངས། །བདག་ཅག་ལམ་མཐོན་པོ་རུ། །སོན་པའི་ཁས་ལེན་མི་འགྲུབ་ཀྱང་། །མདོ་སྡེ་དྲན་པ་ཉེར་གཞག་ནས། །ཆོས་གཏེར་ཆེན་པོ་བརྒྱད་གསུངས་པའི། །དོན་ལ་རྟོན་པ་གང་ཞིག་ནི། །ལས་དང་དངོས་བསྒྲུབ་པ་ལ། །བསླུ་བ་མེད་པའི་ཁྱད་ཆོས་ཡིན། །ཁྱད་པར་སྔོན་གྱི་སྨོན་ལམ་མཐུས། །ཀུན་མཁྱེན་ཆེན་པོའི་མན་ངག་ལ། །བརྟན་ནས་སེམས་ཀྱི་གནས་ལུགས་ཤེས། །མཆིམས་ཕུའི་དགེའུ་འོག་མ་རུ། །དངོས་ཞལ་མཇལ་ནས་བདེན་པ་མཐོང་། །གྲུབ་མཐའ་རྒྱ་མཚོ་སྨོས་ཅི་དགོས། །དལ་འབྱོར་བཅོ་བརྒྱད་གྲངས་ངེས་དང་། །སྐྱེས་བུ་གསུམ་གྱི་སྐྱབས་འགྲོ་ཡན། །འདི་ལ་བརྟེན་ནས་ཤེས་པའི་ཕྱིར། །རྒྱལ་བ་བདེན་པར་སྨྲ་བ་དེས། །གང་ལས་ཆོས་ནི་རྣམ་ཤེས་པས། །དེ་ལ་གུས་པས་ཕྱག་བྱ་སྟེ། །བྲམ་ཟེ་གཙང་མས་མེ་ལ་བཞིན། །ཞེས་པའི་དོན་ལ་རབ་སྦྱར་བས། །བསྟན་པ་ཀུན་གྱི་དེ་ཉིད་དང་། །རྫོགས་པ་ཆེན་པོའི་ཁྱད་ཆོས་རྟོགས། །དངོས་ཉམས་རྨི་ལམ་ཐམས་ཅད་དུ། །རྒྱལ་བ་དགྱེས་པའི་ལུང་

― JLAZ014_Page_0059 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་ཐོབ། །ཆོས་དང་གཟུགས་བརྙན་མི་ཕྱེད་ཅིང་། །བློ་གྲོས་བདུད་སྡེས་བཅོམ་པ་དག །དགེ་སྦྱོང་གོའུ་ཏ་མ་ནི། །མུ་སྟེགས་ཅན་གྱི་དཀའ་ཐུབ་ལས། །ཉམས་པའི་སྡིག་ཏོ་ཅན་ནོ་ཞེས། །འཁུ་ཞིང་གཤུང་བའི་རྣམ་ཐར་བསྐྱང་། །ཨེ་མ་མ་ལ་སྙིང་རེ་རྗེ། །སྔོན་ཚེ་འོད་སྲུངས་རྒྱལ་བ་ལས། །སེམས་ཀྱི་དམ་པ་ཐོབ་པ་ནས། །བདེ་གཤེགས་སྙིང་པོའི་མཐོང་སྒོམ་གྱི། །སྒྲིབ་གཉིས་སྤངས་རྒྱས་པའི་རྒྱལ་བ་ཅན། །བྱང་ཆུབ་ཤིང་དྲུང་གཤེགས་ཀྱི་བར། །རྒྱལ་སྲས་སྤྱོད་པ་མི་ཉམས་ཤིང་། །སོ་སོའི་སྐྱེ་བོའི་གཞན་དབང་ལ། །ལྟོས་པ་མེད་པའི་མངོན་རྟོགས་ནི། །རང་བྱུང་རྡོ་རྗེར་ལྷུན་གྱིས་གྲུབ། །དེ་ལྟ་ན་ཡང་བློ་གྲོས་ནི། །ཤིན་ཏུ་གཟུ་བོར་གྱུར་པའི་ཕྱིར། །ཆོས་དང་ཆོས་ཀྱི་གང་ཟག་གི། །གཟུགས་བརྙན་ཙམ་ལའང་མི་བསྐུར་ན། །འབྲལ་བ་ཅན་ལ་སྨོས་ཅི་དགོས། །རྒྱ་བོད་ཀུན་ན་དབང་རྣོན་གྱི། །གང་ཟག་ཆོས་ཀྱི་རྗེས་འབྲང་བའི། །མཚན་ཉིད་རྨོངས་པས་ག་ལ་རིག །སྲིད་རྩེའི་སེམས་དང་བརྗོད་མེད་བདག །རྣམ་འབྱེད་ཤེས་རབ་ཀྱིས་ལྡོག་པས། །དཔའ་བོའི་ཞབས་དང་ཕྱོགས་གླང་སོགས། །བསྟན་པའི་ཉིན་བྱེད་ཆེན་པོ་རུ། །གྱུར་པའང་རྒྱལ་བའི་ཕྲིན་ལས་ཡིན། །བསྟན་པ་ཀུན་ལ་དད་གྱུར་ཀྱང་། །བྱང་

― JLAZ014_Page_0060 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་སེམས་དཔའི་སྡེ་སྣོད་ནི། །སྔགས་ཀྱི་གཞི་མ་ལྟར་མཐོང་ནས། །ཇོ་བོ་ཤཱཀྱ་མུ་ནེའི་དྲུང་། །བྱང་སྡོམ་ཞུ་བར་ཆེད་ཀྱིས་ཕྱིན། །རིགས་ལས་སད་པའི་སྨོན་འཇུག་བླངས། །སྔ་འགྱུར་རང་ལུགས་ཉམས་དམས་པར། །མཐོང་ནས་རྒྱུད་འབུམ་གླེངས་བམ་བཞེངས། །ལུང་མཉན་ཆོས་འབྱུང་དཀར་ཆག་བརྩམས། །ལོག་རྟོག་བསལ་བའི་ཐལ་འགྱུར་བཀོད། །དཔེ་ལུང་གཉིས་ཀའི་རྒྱུན་འཕེལ་བའི། །རྟེན་འབྲེལ་མངོན་སུམ་གནས་ལ་སྦྱར། །མདོ་སྒྱུ་སེམས་དང་སྙིང་ཏིག་བཞིའི། །།དོན་ལ་མི་རྟོན་གྱ་ཚོམ་གྱིས། །སྔགས་གཞུང་རྙོག་མར་གྱུར་པ་ལ། །མཁས་པ་གཞན་གྱིས་གཞུང་བའི་ཚེ། །སྨིན་གྲོལ་གམ་འཁྲུགས་ཤིང་། །རྒྱུད་དང་མན་ངག་མི་འགལ་ལ། །སྦྱང་གཞི་སྦྱོང་བྱེད་གནད་ཚང་བས། །སྐུ་ལྔའི་འབྲས་བུ་འབྱིན་ནུས་པ། །གང་དག་རྣམས་དང་བཀའ་མའི་གཞུང་། །སངས་རྒྱས་མཉམ་སྦྱོར་ཡང་ཕུར་དང་། །དོར་སྤྲུགས་དཀའ་བརྒྱད་གཤིན་རྗེ་སོགས། །ཉན་ནས་བཤད་སྒྲུབ་ཅི་ནུས་བགྱིས། །སློབ་དཔོན་ཤྲཱི་སིདྷ་ཡི། །བྱིན་བརླབས་དབང་གི་ཉེ་བརྒྱུད་ལ། །བརྟེན་ནས་ཕུར་པ་རྒྱུད་ལུགས་ཀྱི། །བཀའ་ཡི་བསྡུ་བ་གསར་དུ་བྱས། །གནས་རིའི་ཁྲོད་ཀྱི་རིང་ལུགས་པ། །ཅི་ཡང་རླུང་སྟེ་སངས་རྒྱས་པའི། །གྲུབ་

― JLAZ014_Page_0061 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ་འཛིན་པ་ཡིན་ཕྱིན་ཆད། །དེ་ཡི་བསྟན་པ་མདོ་སྔགས་ཀྱི། །སྡེ་སྣོད་ལེགས་པར་ཤེས་དགོས་ན། །རྒྱལ་བའི་གསུང་དང་དཀོན་ཅོག་འགྲེལ། །ཤིང་རྟ་གསུམ་དང་མཛོད་བདུན་གྱི། །རྗེས་སུ་འབྲངས་ལ་བཀའ་བསྟན་གྱི། །ལུང་གསར་མང་པོའི་རྒྱན་དང་བཅས། །ཡོན་ཏན་རིན་པོ་ཆེ་ཡི་མཛོད། །འགྲེལ་པ་བདེན་རྣམས་ཤིང་རྟ་གཉིས། །གསར་དུ་བརྩམས་ནས་རང་སྡེ་ཡི། །གྲུབ་མཐའ་གཞུང་ལམ་གསར་བྱས་བྱས། །དམ་ཆོས་མངོན་པའི་སྡེ་སྣོད་ཀྱི། །རྣམ་ཤེས་ཁམས་རྣམས་ལེགས་ཕྱེད་པས། །སྐྱེ་འགག་སྟོང་པར་སྒོམ་པའི་ལུགས། །དོར་ནས་འཕགས་ལམ་རྫོགས་ཆེན་གྱི། །ཡེ་ཤེས་སྒོམ་སྟོབས་ཀྱིས་ཐོབ་ལ། །དོན་དམ་བྱང་ཆུབ་སེམས་སུ་གྲགས། །ཀུན་རྫོབ་སྨོན་འཇུག་རྣམ་གཉིས་ནི། །བསྐྱེད་ལས་སྐྱེས་པ་གཙོ་ཆེ་བའི། །བསླབ་བྱ་གོང་དུ་འཕེལ་བའི་ཕྱིར། །ཕྱུགས་ལུག་བརྒྱ་ཕྲག་གཉིས་ཙམ་དང་། །སྲོག་ཆགས་ཕྲ་མོ་གྲངས་མེད་ལ། །འཇུངས་པ་མེད་པའི་སྲོག་སྦྱིན་བྱས། །དད་གཤིན་རྫས་རྣམས་ལོག་འཚོ་རུ། །སྦྱར་ནས་གཟི་བྱིན་མ་བསྒྲུབས་པས་སྡེ་སྣོད་བཞུགས་པའི་གཙུག་ལག་ཁང་། །པདྨ་འོད་ཀྱི་གླིང་བསྒུན་ཅིང་། །བདག་སྦྱར་སྒོམ་གྲྭ་འཛུགས་པ་དང་། །སྟོང་

― JLAZ014_Page_0062 ―

^{[མ་དཔེ་གཟིགས་ན་འདིར་གནོན།]}

[Full Size]

དངུལ་ཐལ་བའི་རྒྱུ་ཚོགས་ལས། །དཀོན་མཆོག་རྟེན་གསུམ་བཞེངས་པ་དང་། །མེས་དབོན་གནས་ལ་ཁྲི་མཆོད་དང་། །བཀའ་འགྱུར་ཡོན་གྱིས་བསླུ་སྒྲོགས་སོགས། །སྦྱིན་པའི་ཕ་རོལ་ཕྱིན་ལ་བསླབས། །རྩ་རླུང་ཁམས་གསུམ་ལས་རུང་ནས། །རྡོ་རྗེ་ཐེག་པའི་འདུལ་བ་དང་། །སྔགས་ཀྱི་ཚུལ་ཁྲིམས་དང་དུ་བླངས། །གླེན་པ་རྣམས་ཀྱིས་སྒྲོ་སྐུར་ལ། །ཉམ་པ་མེད་པའི་གདེང་ཐོབ་ཅིང་། །ཟབ་མོའི་དོན་ལ་བཟོད་པ་ཡི། །རྣམ་ཐར་ངོ་ལྐོལ་མེད་པར་བསྐྱངས། །བྱ་བ་ལས་ཀྱི་འཁོར་ལོ་དང་། །འཇུག་པའི་སྤྱོད་པ་མཐའ་དག་གི། །གྲོགས་སུ་བརྩོན་འགྲུས་ཕ་རོལ་ཕྱིན། །དྲངས་པས་བར་མདོར་མ་འཁྱམས། །བསྐྱེད་རྫོགས་སྤྲོས་པ་རང་ཞིག་ནས། །བསམ་གཏན་དང་དུ་ཡིད་བསྡུད་ཀྱང་། །ཤེས་རབ་ཕ་རོལ་ཕྱིན་པ་ནི། །ལྷག་མཐོང་རྫོགས་པ་ཆེན་པོར་སོང་། །དེ་ལྟས་རྙེད་དང་མི་རྙེད་སོགས། །ལོ་ཀའི་ཆོས་བརྒྱད་ལ་ཐལ་བའི། །ཆེན་པོ་བསྙེན་ལ་མི་མཁས་ན། །རྒྱལ་པོའི་བླ་མཆོད་ཕྲང་དོ་གཅིང་། །རྒ་དང་ནད་ཀྱི་བར་ཆད་ལའང་། །དཔྱད་ནས་སྐྱོང་སྡེ་དགེ་ཡི། །སྤྱན་འདྲེན་ལན་དུ་སྤྲིང་ཡིག་བྱས། །ཆོས་རྗེ་དཔལ་ལྡན་ས་སྐྱ་པའི། །སྤྱན་འདྲེན་ནན་ཏན་ཆེ་བའི་སྟེང་། །མགོན་པོ་ཞལ་གྱི་བརྡ་དོན་ལ། །ཡང་སྲིད་སྔ་ཕྱིའི་རྟེན་འབྲེལ་མཐོང་། །ཤུལ་རིང་

― JLAZ014_Page_0063 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་ཐོག་ཁེལ་བ་ཡི། །རྟེན་གསུམ་མཇལ་ཞིང་བསྟི་སྟར་བྱས། །ལྷ་ཁང་ཆེན་པོར་མཇལ་འཛོམ་ནས། །བཟུང་སྡེ་དགུན་ཟླ་གསུམ་གྱི་བར། །རྟེན་གསུམ་སྤྱི་ལ་རབ་གནས་དང་། །བྱེ་བྲག་སྐྱེས་བུའི་ལྷག་གནས་ནི། །གསར་རྙིང་རྒྱུད་ལུང་དབང་ཆེན་བརྒྱད། །རྗེས་གནང་སྲུང་མའི་སྲོག་གཏད་དང་། །བྱང་སྡོམ་ཐུགས་བསྐྱེད་ཆེན་མོ་དང་། །འབྲེལ་པར་འཁྲིད་ཚུལ་ནན་ཏན་གྱིས། །ཐུགས་རྒྱུད་བྱང་ཆུབ་སེམས་གཉིས་སུ། །སྨིན་པའི་ཐབས་ལ་ནན་ཏན་བྱས། །ཆེན་པོ་དག་གི་ཆོས་རྒྱུན་ནི། །བླ་ལ་དྲང་བའི་རྟེན་འབྱུང་ཕྱིར། །འོག་མའི་སྣོད་དུ་འབབ་དཀའ་ཡང་། །རྒྱལ་ཁམས་ཡོངས་ཀྱི་བླ་མ་རུ། །བསྐུར་བའི་ཐུགས་རྒྱུད་ཐེག་ཆེན་དང་། །ཆོས་ཉིད་དོན་ལ་རབ་སྦྱར་ནས། །འདྲེན་བའི་དེད་དཔོན་དོན་མཐུན་དུ། །འགྱུར་བའི་སྨོན་ལམ་བཟང་པོ་བཏབ། །དམན་པ་རྣམས་ལ་ཆེ་འགྱིང་དང་། །ནོར་ལྡན་རྗེས་སུ་འཛིན་པ་ཡི། །ལྷག་བསམ་ཟོལ་མ་སྤངས་བྱས་ཏེ། །བསྡུས་དངོས་བཞི་ལ་སེམས་བསྐྱེད་ནས། །ཚོགས་བཤད་མོས་སློབ་ཙམ་མིན་པར། །བརྒྱ་ཕྲག་གཉིས་ཐལ་ཁྲིད་ན་ཡང་། །ད་ནི་སྒྲུབ་པའི་དུས་ཀྱི་མཐར། །ངེས་འབྱུང་ར་རིས་རྒྱུད་བསྐུལ་ནས། །ཆོས་དོན་གཉེར་བ་ཕལ་མོ་ཆེ། །སྙིགས་མ་ལྔ་ཡི་གདོན་ཆེན་གྱིས། །ཤེས་རྒྱུད་ཟིལ་

― JLAZ014_Page_0064 ―

^{[མ་དཔེ་གཟིགས་ན་འདིར་གནོན།]}

[Full Size]

གྱིས་ནོན་ཆེས་པས། །ལོ་ཟླ་དུས་ཀྱི་སྒྲུབ་ཚུགས་ལ། །དཔག་པའི་ཡོན་ཏན་སྐྱེས་ནས་ཀྱང་། །སླར་ལ་ཐུར་དུ་ལྷུང་བའི་ཕྱིར། །ལམ་དུ་འགྲོ་བ་ཤིན་ཏུ་དཀོན། །དེ་ལྟས་བདག་ཉིད་དབེན་པ་ལ། །ཐེ་ཐང་བྱེད་པའི་རྒྱུ་ཡང་འདི། །ཁྱད་པར་སྔགས་ཀྱི་སྡེ་སྣོད་ནི། །ལམ་སྟོན་བྱེད་པ་ཕལ་ལ་ཡང་། །ལྷོངས་སུ་གྱུར་པའི་གནས་ཉུང་ནས། །རྫིང་མ་མཆིས་ཝ་ནང་དུ། །འདྲོང་བ་རྒྱུ་འབྲས་འགལ་བ་ཅན། །དེ་ཕྱིང་བསྟན་པའི་འཕེལ་འགྲིབ་ཀྱང་། །ཆོས་ཀྱི་དེ་ཉིད་རིག་པ་དང་། །ཆོས་བཞིན་སྤྱོད་པ་ཡོད་མིན་ལ། །དགོངས་ཀྱིས་གང་ཟང་མང་ཉུང་དང་། །རིགས་གཟུགས་དབང་ཕྱུག་ཆེ་ཆུང་ལ། །འཛིན་བ་རྨོངས་པའི་འཁྲུལ་སྣང་ཙམ། རྒྱན་དྲུག་དབང་ཕྱུག་བརྒྱད་ཅུ་དང་། །རྒྱ་གར་དམ་པ་སངས་རྒྱས་དང་། །དགེ་བཤེས་ཁ་རག་སྒོམ་ཆུང་དང་། །རྒྱལ་བ་ཀློང་ཆེན་རབ་འབྱམས་ལའང་། །ཁྱིམ་ཆུང་སྤང་བའི་ཁྱིམ་ཆེན་གྱི། །དགོན་གནས་སྡིག་པས་འཛིན་པ་དང་། །ཆགས་སྡང་ཆོས་སུ་སྒོམ་པ་ཡི། །གྲ་སློབ་རྒྱུན་ཆགས་མ་མཆིས་པས། །རྟེན་གསུམ་རྣམས་ལ་བསྟི་སྟང་དང་། །ཆོས་ལ་གུས་པའི་ཉམས་ལེན་མཛོད། །འབྲེལ་ཚད་དགེ་ལ་འགྱུར་བ་ཡི། །སྨོན་ལམ་བཟང་པོ་བཏབ་ནས་ཡོད། །ཁོ་

― JLAZ014_Page_0065 ―

^{[མ་དཔེ་གཟིགས་ན་འདིར་གནོན།]}

[Full Size]

བོའི་རྒྱུད་ནི་ངེས་འབྱུང་དང་། །དྲན་སྣང་ཡེ་ཤེས་རྣམ་པ་གཉིས། །མཉམ་རྗེས་ཅན་དུ་འཆར་བའི་ཕྱིར། །ང་དང་ང་ཡིར་འཛིན་པའི་སེམས། །ཆོས་ཉིད་དོན་ལ་ཡོད་མིན་ན། །མངོན་དང་ལྷག་བའི་ང་རྒྱལ་དང་། །ཕྱོགས་རིས་བདག་སྟོད་གཞན་སྨོད་དང་། །ཁེངས་དང་བརྟུན་ངས་ཆོས་ལས་འདས། །རིགས་གཟུགས་དབང་ཕྱུག་གྲགས་པ་ཡི། །ཚེ་དང་མངོན་རློམ་ཅན་དག་ལ། །སྨོན་དང་ཞུམ་བཅས་ཏེ་དོགས་ཀྱི། །གནས་ལས་ཀྱང་ནི་གྲོལ་བའི་ཕྱིར། །ཀུན་ནས་མཐོང་བ་ཐ་དད་པ། །སྐྱེས་བུ་སོ་སོའི་ལས་སྣང་དང་། །གནས་སྐབས་རྟེན་ཅིང་འབྲེལ་འབྱུང་ཡིན། །གང་ཞིག་ཐེག་པ་ཆེན་པོ་ཡིས། །བྱིན་གྱིས་བརླབས་པའི་གང་ཟག་ནི། །གང་ལ་ཕན་པའི་མཐུ་མེད་ཀྱང་། །དེ་ཡི་བསམ་པ་རྟག་ཏུ་བྱ། །གང་ལ་བསམ་པ་དེ་ཡོད་ད། །དེ་ནི་དེ་ལ་དོན་གྱིས་ཞུགས། །ཞེས་པས་གསེར་འགྱུར་རྩི་ལྟ་བུའི། །རིན་ཆེན་སེམས་ལ་རྟག་གུས་པས། །མི་ཚེའི་ལྷག་མའང་དོན་ཡོད་འགྱུར། འདི་ནི་བླ་ཆེན་ས་སྐྱ་བའི། གསུང་གིས་བསྐུལ་ནས་བྲིས་བ་ཡིན། །དགེ་བས་མཐོང་ཐོས་དྲན་རེག་ཀུན། །རྣལ་བྱང་དམ་པའི་རྒྱུར་གྱུར་ཅིག །སརྦ་མངྒལཾ།

― JLAZ014_Page_0066 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

ཡུལ་ལྷོ་རྒྱུད་དུ་བྱུང་བའི་རྫོགས་ཆེན་བ་རང་བྱུང་རྡོ་རྗེ་མཁྱེན་བརྩེའི་འོད་ཟེར་གྱི་རྣམ་པར་ཐར་པ་ལེགས་བྱས་ཡོངས་འདུའི་སྙེ་མ།

― JLAZ014_Page_0067 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུལ་ལྷོ་རྒྱུད་དུ་བྱུང་བའི་རྫོགས་ཆེན་བ་རང་བྱུང་རྡོ་རྗེ་མཁྱེན་བརྩེའི་འོད་ཟེར་གྱི་རྣམ་པར་ཐར་པ་ལེགས་བྱས་ཡོངས་འདུའི་སྙེ་མ་ཞེས་བྱ་བ་བཞུགས་པ་དགེ །

― JLAZ014_Page_0068 ―

^{[མ་དཔེ་གཟིགས་ན་འདིར་གནོན།]}

[Full Size]

གདོད་ནས་སྲིད་ཞི་མཉམ་པར་བརྡལ་ཡང་ཚུ་རོལ་མཐོང་བའི་ཡུལ་མིན་ལ།

― JLAZ014_Page_0069 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷུན་གྱིས་གྲུབ་པའི་སྐུ་དང་ཡེ་ཤེས་ཆོས་མཆོག་གཞན་དུ་མི་འགྱུར་བ།

― JLAZ014_Page_0070 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་པ་བདེ་གཤེགས་སྙིང་པོའི་ངོ་བོ་ཚོགས་ཀྱི་དམ་པ་ཀུན་གྱི་དངོས།

― JLAZ014_Page_0071 ―

^{[མ་དཔེ་གཟིགས་ན་འདིར་གནོན།]}

[Full Size]

དུས་གདུས་དུས་མེད་ཀུན་བཟང་པོ་གསལ་འགྲིབ་མེད་པར་རྒྱལ་གྱུར་ཅིག།

― JLAZ014_Page_0072 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ལ་སྲིད་ཞི་མ་ལུས་པའི་མགོན་པོ། ཁྱབ་གདལ་ཡོངས་གྲུབ་ཆེན་པོ་ཆོས་ཉིད་ཀུན་ཏུ་འགྲོ་བའི་རྣམ་ཐར་བཟང་པོ་འཕེལ་བ་དང་འགྲིབ་པའི་གནས་ཡོངས་སུ་སྤངས་པ་གང་། རྣམ་པར་བྱང་བའི་ཁམས་ལ་ནི་རྟག་ཏུ་མཉམ་པར་གཞག་གོ་སྙམ་པའམ། ངས་འགྲོ་བའི་གནས་རིགས་འདི་ལྟ་བུར་སྤྲུལ་བ་འདི་བཀྱེ་བར་བྱའོ། །སེམས་ཅན་འདི་ལྟ་བུ་སྨིན་པར་བྱེད་དོ་སྙམ་བྱེད་ཀྱི་རྟོག་པ་རང་མཚན་པ་ཞིག་མ་གྲུབ་མོད་ཀྱི། རྒྱུ་སྐར་གྱི་བདག་པོ་ལ་གཟུགས་བརྙན་ཀུན་ཏུ་འགྲོ་བའི་རྣམ་རྟོག་གི་བྱ་བ་དང་བྱེད་པ་པོས་སྟོངས་བཞིན་དུ་ཆུ་སྣོད་ཐ་དད་པའི་རྗེས་སུ་འཇུག་པ་ལྟར། ནང་པ་སངས་རྒྱས་པའི་ཆོས་ཁམས་རྒྱ་མཚོའི་སྙིང་པོ་དངོས་པོ་མེད་པའི་ངོ་བོ་ཉིད་ཀྱི་རང་བཞིན་ལས་ཕྱི་རོལ་ཏུ་མ་གྱུར་པའི་བྱང་ཆུབ་ཀྱི་སེམས་ཆོས་དབྱིངས་དྲི་མ་མེད་པའི་སྙིང་པོ་ཅན་གྱི་རྟེན་ཅིང་འབྲེལ་པར་འབྱུང་བའི་རིགས་ཡོངས་སུ་སད་པ་ན། བསོད་ནམས་དང་བཅས་པའི་སེམས་ཅན་གྱི་ཁམས་ལ་རང་བཞིན་གྱི་ཕན་རླབས་པོ་ཆེ་རྣམ་པ་ཅིར་ཡང་ཤར་ནས་ཐོགས་པ་ཤ་སྟག་གོ །དེ་ལས་བདག་བཅས་པའི་སེམས་ཅན་གྱི་ཁམས་ནི་འདི་ཙམ་ནས་འཁྲུལ་དང་། འདི་ཙམ་ནས་མ་འཁྲུལ་དང་། འདི་ཙམ་ནས་གྲོལ་གྱི་གཏན་ཚིགས་བརྗོད་དུ་མི་སྣང་སྟེ། གདོད་མའི་ཡེ་ཤེས་དེ་དང་གློ་བུར་དུ་

― JLAZ014_Page_0073 ―

^{[མ་དཔེ་གཟིགས་ན་འདིར་གནོན།]}

[Full Size]

མཛའ་བར་བྱས་པའི་སྲིད་པའི་བདག་པོ་ཀུན་གཞིའི་རྣམ་པར་ཤེས་པ་བག་ལ་ཉལ་ལམ། གཉིས་སུ་སྣང་བའི་རྟོག་པ་བཀོད་པ་ཙམ་ནས་ཚོར་བ་སྣ་ཚོགས་པ། ཐ་དད་པའི་འདུ་ཤེས་ཅན་རྣམ་པར་ཤེས་པའི་ཚོགས། འདུ་བྱེད་ཀྱི་རླབས་ཕྲེང་དང་བཅས་པས་འཁོར་བའི་ཐོག་མ་བཀོད་ཅིང་། སྲིད་པའི་ཉེས་དམིགས་དེ་དག་གི་དབུས་ན་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་ཕྲིན་ལས་མི་ཟད་པ་རྒྱན་གྱི་འཁོར་ལོའི་རང་ངོ་མ་ཉམས་པར་ཡོད་པས། དེ་བཞིན་གཤེགས་ཉིད་དེ་ཡི་ཕྱིར། འགྲོ་ཀུན་དེ་ཡི་སྙིང་པོ་ཅན། །ཅེས་སོ། །གང་ཚེ་སྒྲ་གཅན་འཛིན་གྱིས་ཡུམ་ལ་བསྟོད་བལྟར་སྨྲ་བསམ་བརྗོད་དུ་མེད་པ་ལ་སོགས་ཆོས་ཉིད་བསམ་གྱིས་མི་ཁྱབ་པའི་དབྱིངས་སུ་སྤྲོས་པ་ཉེ་བར་ཞི་བ་ན་མྱ་ངན་ལས་འདས་པ་ཞེས་རྣམ་འགྱུར་གཉིས་སུ་མིང་གིས་གྲུབ་པ་ཡང་། འཁྲུལ་གྲོལ་གྱི་བྱ་བ་རྫོགས་པའི་སྐད་ཅིག་ལ་སྣང་བ་རྗེས་ལ་ཐོབ་པའི་ཤེས་རབ་ཀྱི་མཚང་རིག་པ་ཞིག་ཡོན་ནོ། །མཚན་ཉིད་དེ་ལྟ་བུས་ཐོག་མཐའ་མི་འཚལ་བའི་འཁོར་བ་ལ་ཇི་ལྟར་བརྒྱུད་པའི་རབས་འགོད་དུ་ག་ལ་ཞིག །སེམས་དང་བཅས་པའི་མ་རིག་པའི་བཞོན་པ་ཅན་དག་གིས་སྔོན་རབས་དྲན་པའི་ལམ་ནས་བརྗོད་ཟེར་བ་ནི་ལས་ཀྱི་སྒྲིབ་པ་མཆོག་ཏུ་ལྕི་བའང་

― JLAZ014_Page_0074 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་སོ། །འོན་ཏང་གནས་ལུགས་འདི་བསམ་གྱིས་མི་ཁྱབ་པའི་ངང་ལ་བཞག་བདོ་ཨཱི་ཚེ་ད་ལྟར་བའི་སྣང་བ་མངོན་སུམ་པར་གདགས་པ་འདི་ཡང་གདགས་གཞི་རང་གི་སྟེང་ན་ཡོད་མེད་གཉིས་ཆར་ལས་མ་གྲུབ་ཀྱང་རྗེས་ལ་ཐོབ་པའི་སྣང་ཆ་ལ་སྲོག་དང་བྲལ་བའི་སེང་གེ་བཞིན་རྨི་ལམ་དང་དོད་མཉམ་པའི་མཚང་ཕུགས་ནས་རིག་པས། །འདི་ནི་མངོན་སུམ་བའི་སྣང་བའོ་ཞེས་བདེན་བདེན་པོར་བལྟ་བའི་བྱིས་པ་སོ་སོ་སྐྱེ་བོས་རྣམ་པར་རྟོག་པའི་ཉེར་ལེན་ཅན་གྱི་རྗེས་སུ་འབྲངས་ནས་ཉིང་འཁྲུལ་གྱི་བཀོད་པ་ལ་གསལ་བ་འགའ་ཞིག་གསང་བ་ཆེན་པོ་ཉམས་སྣང་གི་རྟོགས་བརྗོད་དུ་བཀོད་པ་དེ་ཀར་གདའ། དེ་ལ་ད་རེས་ཀྱི་སྲིད་པ་འདི་ནི་རྣལ་འབྱོར་དབང་ཕྱུག་མི་ལ་བཞད་པ་རྡོ་རྗེའི་ཐུགས་བསྐྱེད་ལས་ཆོས་རྗེ་འབྲུག་བ་ཞེས་རྒྱལ་ཁམས་ཀུ་སུ་ལུ་པའི་བརྟུལ་ཞུགས་ཀྱིས་གྲོལ་བར་མཛད་བའི་སློབ་རྒྱུད་ལ། དང་པོར་ཆེ་བ་སྤ་རྐྱང་གཉིས། །བར་དུ་ཆེ་བརྒྱ་འབྲས་གཉིས། །ཐ་མར་ཆེ་བ་ལོ་རྒོད་གཉིས། །གཞན་རས་པ་གསུམ། ཞིག་པོ་གསུམ་སོགས་དབུ་ཆེ་གདུགས་ཐེག་པ་ཉིས་སྟོང་བརྒྱད་བརྒྱ་བྱུང་བར་གྲགས་པའི་ནང་ཚན་རྒྱལ་བའི་དབང་པོ་ཀློང་ཆེན་ཞབས་དང་ཆོ་འབྲང་གཅིག་ཅིང་། དེ་

― JLAZ014_Page_0075 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་སྐུ་བལྟམས་པའི་གནས་གཡོ་རུ་གྲའི་ཕུ་སྟོད་གྲོང་ཞེས་པ་དང་ཧ་ཅང་མི་རིང་བའི་གནས་ཟར་པོ་ཆོས་རྗེ་རྒྱ་ཡགས་པའི་ཁྱིམ་དུ་བདག་གི་མེས་པོ་ཆོས་རྗེ་སྨོན་ལམ་བཟང་པོ་དེ་བྱུང་བར་གདའ། ཆོས་རྗེ་དེ་ནི་རང་བཞིན་བཟང་ལ། །མ་བཅོས་པའི་དང་ཚུལ། ཆོས་སྤྱོད་དང་བཟླས་བརྗོད་སྨྲ་ཞིང་། ཚེའི་བཅུད་ལེན་གྲུབ་པ་ལྟ་བུ་ཞིག་ཡོད། ཁོང་གཞོན་བུའི་དུས་གཏེར་བདག་གླིང་བ་མཛད་པ་ཕྲིན་ལས་རྒྱས་པའི་སྐབས་ཡིན་བ་ནས་རིགས་རུས་སོགས་ལ་གཟིགས་ཏེ། རྫོགས་ཆེན་པ་འོད་གསལ་ཀློང་ཡངས་དང་། ཌཱ་ཀྐི་རས་ཆེན་གྱི་གདན་ས་མིག་བཞི་དཔལ་གྱི་དགོན་པ་དང་། འོད་གསལ་གླིང་། གཞན་ཡང་སྙན་ཆ། སྐལ་ལྡན། དཔལ་འབྱོར་ཆོས་སྡིངས། བྱར་གྱི་ཅང་མོ་དགོན་སོགས་ཀྱི་བླ་མར་བཀོས་འཇའ་མཛད། རེ་ཞིག་ནམ་སངས་རྒྱས་སྤུན་དགུའི་རྒྱུད་ལས་བྱུང་བའི་སྣོད་མེད་མ་དང་འདུས་པ་ལས་བདག་གི་བདེ་བཙས་པར་གདའ། དེ་ལ་མེས་པོ་ཚུན་ཆད་རིགས་རུས་ཀྱི་ཆོས་ཚུགས་མ་ཞིག་བ་ཞིག་ཡིན། མ་ནི་རྒྱལ་པོ་གྲི་འགུམ་བཙན་པོའི་བློན་པོ་ལོང་མ་ཏ་ཟིག་ཆད་པ་མོད་སྲིབས་སྟེང་ཁང་པའི་རིགས་དང་ཆོ་འབྲང་གནུབས་ཀྱི་བརྒྱུད་པ་མ་ཉམས་པ་མདོང་ཆུང་རྙིང་མའི་

― JLAZ014_Page_0076 ―

^{[མ་དཔེ་གཟིགས་ན་འདིར་གནོན།]}

[Full Size]

ཁུངས་ཏེ་ཕྱི་མོ་དང་མེས་པོ་སོགས་ཕྲུགས་ཀྱི་བདུན་པ་ཚུན་ཆད་ཀྱི་ཉེ་དུ་ངེད་ཀྱི་ཡང་མེས་ཀྱི་ཆར་གཏོགས་པ་ལའང་དགེ་སློང་གྲགས་དབང་དང་། ལྗང་ཕྲེང་བ་ལྷུན་གྲུབ་རྣམ་རོལ་སོགས་དགེ་བའི་བཤེས་གཉེན་འགའ་རེ་བྱུང་བར་གདའ། ལར་བོད་དེང་སར་རིགས་བཞིའི་བྱེ་བྲག་རྟོག་དཔྱོད་བྱེད་པ་མེད་མོད། མདངས་རྗེའི་ཁྱད་པར་འཇིག་རྟེན་གྱི་འབྱོར་རྒུད་ཁོ་ནས་དབྱེ་བ་ལས་རིགས་རུས་ཀྱིས་གཏན་ཚིགས་དགོས་པའི་གནས་ཅང་མེད། ཆོས་ཀྱི་དོན་ནི་གང་ཟག་རང་གི་ཤེས་རྒྱུད་དང་བྱེད་ལས་གཙོ་ཆེ་བ་དོན་ལ་གནས་པ་དེ་ཀར་གདའ་ཏེ་རླངས་ཀྱི་པོ་ཏི་བསེ་རུར། ལར་སྐྱེས་པའི་མིའི་རང་གི་སྐྱེ་རྒྱུད་མ་ཉེས་ན་ནགས་ཁུང་གི་སྤྲེའུ་དང་འདྲ། ཞེས་པའི་རྗེས་སུ་འབྲངས་ཏེ་གནས་ཚུལ་ཙམ་མོ། །དེ་ལ་བཙས་པའི་ཡུལ་ནི། དཔལ་ཨོ་རྒྱན་ཆོས་ཀྱི་རྒྱལ་པོས། །འཕྱོད་རྒྱས་ནང་དུང་སྤྲུལ་དོན་བྱེད་འོང་། །སུ་ཡིན་མི་ཤེས་ཅིག་ཅར་སྨྲ་བ་འབྱུང་། །འཕྱིང་དབར་མདོའམ་བང་སོ་དམར་པོའི་ལྷོར། །ལྷ་བབ་མཆོག་རྟེན་དགོན་སྡེ་འཆའ་ཡང་སྲིད། །ཅེས་གསུངས་པ་ལྟར་འཕྱིང་དབར་བར་སོ་དམར་པོའི་ལྷོ་ཕྱོགས། རི་བྲག་དང་བཅས་པའི་གྲོང་རྡལ་གྱི་སྟོང་ན་རྡོ་རྗེ་སྙིང་པོའི་རིང་ལུགས་འཛིན་པའི་

― JLAZ014_Page_0077 ―

^{[མ་དཔེ་གཟིགས་ན་འདིར་གནོན།]}

[Full Size]

འདུས་སྡེ། སྨན་ན་དཔལ་ལྷ་ལས་བབ་པའི་མཆོག་རྟེན་ངོ་མཚར་གྱི་བཀོད་པ་ཅན་གྱིས་ཡོངས་སུ་བརྟེན་པའི་གནས་སུ་ཞི་བ་ཞེས་པ་ས་མོ་བྱའི་ལོ་རྒྱལ་གྱི་ཟླ་བའི་ཆེས་བཅོ་བརྒྱད་དེ་རྒྱལ་བའི་དབང་པོ་པདྨ་ལས་གྲོལ་ཞིབ་ཆེན་པོའི་གྲོང་ཁྱེར་དུ་མནལ་བའི་དུས་ཚེས་བཟང་པོའི་སྔ་དྲོའི་ཆ་ན་མངལ་གྱི་པདྨོ་ལས་གྲོལ་བར་འདུག །དེ་ལ་འདི་སྙམ་དུ། སྔོན་གྱི་ཚེ་དཀོན་མཆོག་གསུམ་ལ་བླ་མར་བྱས་ཤིང་། སྨོན་ལམ་དག་པའི་ལས་ཀྱི་འཕྲོ་འགའ་ཙམ་མཆིས་པ་འདྲ་སྟེ། འདི་ལྟར་འཇིག་རྟེན་དཔལ་དང་སྟོབས་ཀྱི་མངོན་པར་མཐོ་བའི་གནས་རྣམས་སུ་ཉིང་མ་ཚངས་སྦྱར་ན་དེ་དག་གི་རང་བཞིན་ཕལ་མོ་ཆེ་རྣམས་ནི་ཚེ་རབས་སྔ་མར་ཐབས་ཀྱིས་མ་ཟིན་པའི་དགེ་བ་སྤྱད་པས་ཚེ་བལྟར་སྣང་གི་བསོད་ནམས་དང་མངའ་ཐང་ཇི་ཙམ་ཆེ་བ་དེ་སྲིད་དུ་སྲོག་གཅོད་པ་དང་། འབངས་མན་ར་བ་ལ་སོགས་ཕྱི་མར་ངན་འགྲོ་རླབས་པོ་ཆེ་བསྒྲུབ་པའི་རྒྱུར་འདུག་པ་རིག་པས་ཤེས་ཤིང་དཔལ་མགོན་ཆེན་པོ་ཀླུ་སྒྲུབ་ཞབས་ཀྱི་སྨོན་ལམ་དུའང་བཏབ་པའི་ཕྱིར་རོ། །ཤིན་ཏུ་གུད་པར་གྱུར་པ་རྣམས་ནི་མྱང་བྱ་མི་བཟད་པས་སྙིང་ཤིན་ཏུ་རྗེ་བའི་གནས་སུ་ཉམ་ཐག་ཅིང་ཆོས་དང་མཇལ་བའི་རྒྱུ་རྐྱེན་རྟེན་འབྲེལ་ཙམ་ཡང་ཆོགས་

― JLAZ014_Page_0078 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཤིན་ཏུ་དཀའ་བར་སྣང་ངོ། །དེའི་ཕྱིར་མཐའ་ཉིས་སུ་མ་ལྷུང་བར་ཆོས་ཀྱི་བྱ་བ་བསྒྲུབ་པ་ལ་བར་ཆད་ཀྱི་སྒོ་མེད་པའི་ཁྱིམ་དུ་སྐྱེས་ཤིང་། དེའང་ལེགས་སྨོན་དང་བཅས་པས་བསྟན་པའི་སྒོར་འཇུག་པ་ཕལ་གྱིས་དོན་དུ་གཉེར་བྱ་སྡེ་ཆེལ་བཟའ་བཏུང་མོད་བ་ཉིད་དང་། གཞན་ཡང་ཞང་པོ་དང་ཁུ་བོ་ལ་སོགས་པའི་གྲ་རྒྱུན་དང་སྟབས་གཅིག་པའི་དབང་དུ་རི་བོ་བདེ་ཆེན་དུ་ཆོས་སྒོར་འཇུག་པའི་རྣམ་ཆ་ཤར་བ་ན་ཤྲི་བརྦ་ཏའི་གླིང་དུ་ཁམས་པ་རྫ་ཡུལ་བའི་གྲ་རྒྱུན་ཆོས་རྒྱུ་མ་བཅུ་ཐམ་པ་འོངས་པ་ནས་གཅིག་ལམ་བར་དུ་འདས་པའི་སྟེས་དབང་གིས། གྲ་གསར་དགུ་སྟབས་གཅིག་ཏུ་འཆོས་པ་རྟེན་འབྲེལ་ལམ་བཏུང་ཟེར་སྣེ་མོ་བ་དག་ནས་སྣང་བ་བློ་རྡེག་ཏུ་བསྒྱུར་བའི་བརྡ་བསྐུལ་དང་། །ཁོ་བོ་ཅག་མནོ་ཤེས་མི་ཤེས་ཙམ་ནས་རབ་ཏུ་བྱུང་བའི་རྟགས་ཅན་མཐོང་ན་དེར་སྨོན་ཤིང་རིངས་པའི་སྒྲ་འདབ་ཕལ་མོ་ཆེ་མཛུབ་མོ་ལ་བཀོན་ཏེ་ཕྱུང་པའི་དང་ཐུང་གཉིས་རྟེན་འབྲེལ་འགྲིག་པའི་རྒྱུ་རྐྱེན་ལས་རང་ལོ་དྲུག་པའི་ཚེ། གསང་མཆོག་དཔལ་གྱི་རི་འོད་གསལ་ཐེག་པ་ཆེན་པོའི་གླིང་དུ་དངོས་དང་བཅས་པའི་གསར་བུ་བ་མི་བཅུ་ཐམ་པ་ཆོས་སྒོར་ཞུགས། སྤྲུལ་པའི་སྐུ་ངག་དབང་བློ་བཟང་པདྨ་ལས་གཙུག་ཕུད་ཕྱུང་སྟེ་རབ་ཏུ་བྱུང་བའི་རྟགས་མ་ཡིན་པ་དོར། དགེ་ཚོགས་རིན་པོ་ཆེ་མཐའ་ཡས་པའི་རྟེན་

― JLAZ014_Page_0079 ―

^{[མ་དཔེ་གཟིགས་ན་འདིར་གནོན།]}

[Full Size]

གཞི་དགེ་བསྙེན་གྱི་སྡོམ་པ་ཡང་དག་པར་ནོད། སངས་རྒྱས་ཀྱི་བསྟན་པ་རྟགས་ཀྱི་ཆེ་ཞིང་། འཇིག་རྟེན་གསུམ་དུ་ཐོབ་པར་དཀའ་བའི་གནས་དུར་་སྨྲིག་གི་རྒྱལ་མཚན་དྲང་སྲོང་གི་ཆ་ལུགས་དག་གིས་བརྒྱན་པར་བྱས་སོ། །སྐྱེས་མ་ཐག་ཏུ་དམ་པའི་ཆོས་མཐལ་ཟེར་བ་དེ་བྱུང་འདུག་ནའང་། དངོས་གནས་ལ་བྱིས་པ་མནོ་མི་ཤེས་པའི་ཁྲོད་དུ་ལོ་བཅུ་གསུམ་ཙམ་ལོན་ལོན་དུ་ཐལ་རྩེད་འབའ་ཞིག་ལ་གཡེངས་ཤིང་། ཧ་ཅང་བྱིས་པའི་རྣམ་ཐར་བསྐྱངས་དྲགས་པས་རྒན་པ་འདྲས་འདི་ཡང་ན་དང་ཡང་ན་གཅིག་ཡོར་ཟེར་བ་ཐོས། དེ་ཚེ་གྲུབ་མཐའི་ཕྱོགས་སྔ་སོགས་གང་ཡང་མི་ཤེས་མོད་ཀྱི་རྡོ་རྗེ་ཐེག་པ་སྔ་འགྱུར་གྱི་རིང་ལུགས་སུ་ཞུགས་པ་ལ་སྤྲོ་བ་ཆེན་པོ་བརྟས་པ་དང་། སྤྱིར་དཀོན་མཆོག་གསུམ་གྱི་སྣང་བརྙན་ལ་མཆོག་ཏུ་དད་ཅིང་། །ཁྱད་པར་སློབ་དཔོན་ཆེན་པོའི་སྣང་བརྙན་མཐོང་བའམ། མཚན་ཐོས་པའམ། ཡིད་ལ་དྲན་པ་ཙམ་ནས་དད་མོས་ཤིན་ཏུ་འཕེལ་བ་དང་། མཚན་མོའི་རྨི་ལམ་ན་འཇིག་རྟེན་གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་ལ་རིམ་བཞིན་མེ་ཤོར་ནས་རང་གིས་བྱང་དྲངས་འགྲོ་བ་འགའ་ཞིག་དང་བཅས་མེ་ལས་རྒྱད་གྲགས་ཙམ་གྱི་ཕ་རོལ་ཏུ་འབྲོས་པའི་རྨི་ལམ་སྔ་མ་ཇི་ལྟ་བ་ལོ་ཉི་ཤུ་མ་ལོན་ཚུན་ལ་ཐེངས་གཉིས་གཉིས་

― JLAZ014_Page_0080 ―

^{[མ་དཔེ་གཟིགས་ན་འདིར་གནོན།]}

[Full Size]

སྟར་ཆགས་འོང་བ་དང་། ཁྱད་པར་ཆུང་ངུའི་དུས་སེམས་ཞེས་པ་འདི་ཇི་འདྲ་ཞིག་ཡོད་འོང་སྙམ་པའི་སྣང་བ་འགོལ་སར་རྟག་ཏུ་ཤར་ནས་རང་གིས་རྟོག་དཔྱོད་བྱས་པའི་ཚོ་རང་སར་ཧ་ཕྱད་དེ་ལུས། དེས་མ་ཚིམ་ནས་རྒན་པ་འདྲལ་དྲི་བ་བྱས་ཙམ་ན་ཁོག་པའི་ནང་ན་རང་ཉིད་ཇི་ལྟ་བ་ཡོད་ཟེར། ཡོད་ཟེར་བདེ་ལ་རྟོག་དཔྱོད་ཞུགས་ཙ་ན་དེ་ཡང་སྒྲ་ཇི་བཞིན་མ་ཡིན་པའི་མཚང་རིག་ནས་རྣམ་པར་ཀུན་ཏུ་དེ་ཀ་འཚོལ་བ་དང་། ཐོ་རེངས་སམ། སྡ་ཞོགས་སོགས་ཉིད་སྲབ་མོའམ། སད་མ་ཐག་པའི་གནས་སྐབས་ན་ཚོགས་དུང་གི་སྒྲ་ཐོས་པས་རྐྱེན་བྱས་དུང་གསོན་མདང་། རྒྱ་མཚོ་ཆེན་པོའི་སྣང་བ་མུ་མཐའ་མེད་པར་ཤར་ནས་སྣང་བ་མཆོག་ཏུ་འགྱུར་བ་དང་། ཆོས་སྤྱོད་བསླབ་པའི་ཚེ་སྔོན་གྱི་ལས་དབང་ལས་དགེ་རྒན་གྱི་རགས་ཇི་སྙེད་པ་དྲག་ཚུལ་ཅན་འབའ་ཞིག་དང་ཐུག་པས་བརྡུང་འཐག་གི་རྣམ་པ་ཉི་མ་རེ་ཙམ་མེད་པ་མ་བྱུང་ནའང་ནུབ་མོ་ཉལ་བའི་ཚེ་སེམས་དགའ་ཡལ་ལེ་ཡོང་བས་གཞོན་ནུའི་དུས་སྐྱིད་བསམ་པ་མ་དྲན། སྡིག་པ་དག་པའི་རྟགས་མང་པོ་བྱུང་། རྐྱེན་དེ་དག་གིས་བྱིས་པ་བསྲན་མི་བཟོད་པའི་སྣང་བ་སྐྱོ་ཤས་དང་སྡུག་བསྔལ་གྱི་རྣམ་ཆར་ཤར་ནས། གདོང་བརྩིགས་སྤུག་ལ་བསྟན་འདུ་ཤེས་གང་མེད་ཡང་མེད་

― JLAZ014_Page_0081 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སྐྱོར་སྦྱངས་ལ་ཡོད་པའི་ཚེ། ད་ལྟའི་སྣང་བ་རྨི་ལམ་ལྟར་ནུབ་ནས་སྲིད་པ་སྔ་མའི་བག་ཆགས་འཛམ་བུའི་གླིང་གི་རྡོ་རྗེར་ཡང་ནས་ཡང་དུ་གསལ་ཞིང་། སྐབས་ཤིག་ཆུ་ཀླུང་ཆེན་པོའི་འགྲམ་ཕ་ལྦང་ཁང་པ་ཙམ་གྱི་སྟེང་ན་རྒྱབ་ན་རྣམས་ཀྱི་ཆོས་ལ་འོང་བའི་སྟོང་ལ་སེར་པོ་དེ་འདྲ་མན་བསས་ནས་ཉམས་འུར་བའི་སྤྱོད་པ་བྱུང་རྒྱལ་དུ་བསྐྱངས་པའང་དྲན། བསྟན་པ་ཕྱར་ཟུག་སྐབས་སུ་ངའི་སྤྲུལ་པ། ཟ་ཧོར་རྒྱལ་པོ་གཙུག་ལག་འཛིན་རྗེས་བཟུང་། །སེམས་ཅན་གང་གི་དོན་བྱེད་མ་འོངས་དུས། །དེ་ལྦ་ཨ་ཀ་ར་ཙནྡ་རི་རྒྱལ་གླིང་། །དེ་ནས་ཚོ་འཕོས་ཡིད་གཉིས་ཆ་མ་མཆིས། །ཕྱི་རབས་འབྱུང་འགྱུར་སངས་རྒྱས་བླ་མ་སྟེ། དེ་ནས་ཚོ་འཕོས་རྒྱ་ཡི་ལོ་ཙཱ་ཞེས། །དེ་ནས་ཉི་མ་སེང་གེ་སྟོད་གཏེར་དབང་། །གཤེད་མ་བརྒྱ་ཡིས་བསྐོར་ཀྱང་ཉམ་མིང་། །གཏེར་སྟོན་རྐྱང་པའི་སྐྱེ་བ་བཅུ་གསུམ་ལེན། །ཞེས་བའི་སྐབས་སུ་སྣང་། གཞན་ཡང་བསྐྱེད་རྫོགས་ཟབ་མོའི་བརྗོད་བ་གླིང་བའམ། ཆོ་ག་དང་བཟླས་བརྗོད་སོགས་བྱེད་པ་ལ་ཤིན་ཏུ་སྤྲོ་ཞིང་གཞན་དག་བྱེད་པ་མཐོང་ན་ཡང་སྣང་བ་གཏིང་ནས་འགྱུར་བ་དང་། ཁྱད་པར་སེམས་ཅན་གྱི་སྲོག་གཅོད་པ་མཐོང་ཞིང་ཐོས་བའམ། ཁྱི་རབ་སོགས་ཀྱི་བྱེད་སྤྱོད་ཡིད་ལ་དྲན་པ་ཙམ་ནས་རང་ཡང་ཤིན་ཏུ་སྡུག་

― JLAZ014_Page_0082 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔལ་ཞིང་། སེམས་ཅན་འདི་དག་སྡུག་བསྔལ་འདི་ལས་ད་ལྟ་ཉིད་དུ་ཐར་ན་སྙམ་པ་དང་། འདི་ཐམས་ཅད་ཀྱི་སྲོག་བསྐྱབ་པའི་གཉེར་ཁང་ལ་ཡོད་ན་སྙམ་པ་དང་། སེམས་ཅན་གསོད་པའི་ནམ་ཟླ་ཤར་བ་ཙམ་ནས་རྣམ་པ་ཀུན་ཏུ་གནས་སྐབས་འདི་ན་མི་བསད་པའི་ལས་འདི་ལྟ་བུ་ཞིག་ཡོད་འོང་སྙམ་ནས་སྙིང་རྗེའི་བློ་བཅོས་མིན་དུ་སྐྱེ་བ་འདི་ད་ལྟའི་བར་དུ་ཡོད་པས་ཚད་མེད་བཞིའི་བློ་སྦྱོང་གི་ཚིག་ཙམ་འབུམ་ཐེར་གསོག་པ་པོ་ལས་བཅོས་མིན་གྱི་སྙིང་རྗེ་ཤུགས་དྲག་སྐྱེ་བ་འདི་དོན་གྱི་ཆོད་ཆེ་བར་འགྱུར་གྲང་སྙམ་བ་འདི་བདག་གི་རྣམ་ཐར་བཟང་ཤོས་ཡིན། གཞན་དུ་ནི་བསྟན་པའི་སྒོར་ཞུགས་པ་སྐལ་བ་ནི་བཟང་མོད་དོ། དུས་ཀྱི་དབང་ལས་འདུས་བའི་སྡེ་སྡེ་རྣམས་སུའང་། དགེ་བའི་བཤེས་གཉེན་ནི་ཉུང་། སྡིག་པའི་གྲོགས་པོ་ནི་མོད། རྟག་པར་བྱིས་དང་འདུ་འཛིའི་ཉེས་དམིགས་དང་འགྲོགས་བརྟག་པས། དེ་དག་གི་རང་བཞིན་རྨོངས་པའི་གོས་ཀྱིས་ནི་གཡོགས། ཉོན་མོངས་པའི་འདམ་དུ་ནི་བྱིང་། སྲེད་པའི་ལྕགས་སྒྲོག་གིས་འཁྱུད། བདག་ལྟའི་རི་བོ་དང་འགྲོགས་པ་ཅན་ཤ་སྟག་ཡིན་པས། དེ་ལས་བྱུང་བའི་རང་གཞན་གྱི་རྣམ་ཐར་ཡ་མ་ཟུང་བརྗོད་ལས་འདས་པས་ཡིད་འབྱུང་ནས་རྣམ་པ་ཀུན་ཏུ་བྱ་བྲལ་ཀུན་སྤངས་ཀྱི་སྦྱོང་བ་ཅན་ལ་སྨོན་ནའང་། ཁྲིམས་ནི་རྒྱུ་

― JLAZ014_Page_0083 ―

^{[མ་དཔེ་གཟིགས་ན་འདིར་གནོན།]}

[Full Size]

དང་མི་རྒྱུའི་ས་བཞིན་དུ། །ཡོན་ཏན་ཀུན་གྱི་གཞི་རྟེན་ལེགས་པར་གསུངས། །ཞེས་བསྟན་པའི་གཞི་བརྟན་པ་ལ་ཚུལ་ཁྲིམས་གྱི་བསླབ་པ་གཅེས་ཤིང་རྡོ་རྗེ་ཐེག་པའི་ལམ་གྱི་འཇུག་ངོགས་སམ། འབབ་སྟེགས་ཀྱང་ངེས་པར་ཡིད་པས་ཁ་ཆེའི་བསོད་སྙོམས་པ་ཆེན་པོ་པཎ་ཆེན་ཤཱཀྱ་ཤྲཱིའི་སྡོམ་རྒྱུན་ལས། གནས་གསར་བ་ཨ་ནནྡའི་ཞལ་སྔ་ནས་ཀྱི་མཁན་པོ། གཞན་དམ་པའི་ཆོས་འདུལ་བའི་ལས་ཆོག་ལས་ཇི་ལྟར་བསྟན་པའི་ངེས་པ་ལས་བསླབ་ཕྱིར། སློབ་དཔོན། དུས་བསྒོ་བ། གྲོགས་ངན་པ་ཁྲིམས་ལྡན་གྱི་ལས་གྲལ་དང་བཅས་པའི་དབུས་སུ། ཐུར་གྲིབ་ཀྱིས་ལེགས་པར་བཙལ་བའི་ཉི་མའི་བཞི་ཆ་འཆར་བའི་སྐྱེས་བུ་གཅིག་དང་། རྐང་པ་གཉིས་ཀྱི་ཚེ་ན་དགེ་ཚུལ་གྱི་སྡོམ་པ་ཡང་དག་པ་ནོད། དེ་ཡང་དཔལ་མགོན་དབྱིག་གཉེན་གྱིས། །ཚུལ་གནས་ཐོས་དང་བསམ་ལྡན་པས། །སྒོམ་པ་ལ་ནི་རབ་ཏུ་སྦྱོར། །ཅེས་ཁ་ན་མ་ཐོབ་མེད་པ་ཚུལ་ཁྲིམས་ཀྱི་བསླབ་བས་རྟེན་ཕུན་སུམ་ཚོགས་པར་བྱས་ནས། བསྟན་པ་རང་གི་ངོ་བོ་ལུང་དང་རྟོགས་པའི་བདག་ཉིད་ལ་འདྲིས་ཤིང་བྱང་ཆུབ་བས་ཐར་པ་དོན་དང་ལྡན་པར་བྱ་བའི་སླད་དུ་ཤེས་རབ་གསུམ་གྱི་གནས་གང་ཡིན་པ་ལ་རིག་པའི་སྒོ་

― JLAZ014_Page_0084 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ནས་འཇུག་དགོས་པ་དེ་ལྟ་ནའང་། བདག་ཅག་ནི་རྣམ་པར་ཤེས་པའི་ཁམས་ལ་སྒྱིད་པ་ལ་བསྒྱུར་སྒྲིབ་བྱེད་དང་བཅས་ལོ་ཉི་ཤུ་རྩ་ལྔ་ལོན་ལོན་ཆོས་དང་མཐུན་པའི་བྱར་རབ་གཏོགས་པ་ཆོས་སྤྱོད་བློ་འཛིན་དང་ཟ་ཆོག་ཉི་ཚེ་བའི་བསླབ་གཉེར་སྤྱི་མཐུན་ཙམ་ལས་གཞུང་ལུགས་ལ་ཐོས་བསམ་བྱེད་པ་སོགས་བཏང་སྙོམས་ཀྱི་ཕ་རོལ་ཏུ་ཕྱིན་པ་དེ་གར་གདའ། ཤཱཀྱ་ཐུབ་པ་ཐུགས་རྗེའི་མངའ་བདག་པའི་གྲིབ་བསིལ་ལ་ལེགས་སྨོན་དང་བཅས་པའི་བླ་གོས་ཐུན་མཚམས་གསར་པའི་འཇོ་སྒེག་ལ་ཀུན་གྱི་བཀུར་བས་ཕྱིན་ཆད་དཀོར་གྱི་ལ་གཡོགས་མ་དོར་ན་ངེད་དང་འདྲ་བའི་བསྟན་པའི་སྒོར་ཞུགས་པ་ཚོ་གནས་སྐབས་སུ་སྐྱིད་པོ་ཡིན། རིས་འགྲེ་མཉམ་པོའི་ནང་ནས་དངོས་ཅག་གིས་ཚོང་དང་། སོ་ནམ། ཁྱིམ་གྱི་འཚོ་འཛིན་ལ་སོགས་ཆོས་དང་འགལ་བའི་བྱ་བ་ཟླབས་པོ་ཆེ་ནི་རྨོ་ལམ་ཙམ་དུའམ་དྲན་པས། དགེ་སྦྱོང་ཤཱཀྱའི་ནང་ན་ཡོད། །ཀུན་ཏུ་རྒྱུ་ལ་དགེ་སྦྱོང་མེད། །ཅེས་པའི་གྲས་སུ་ཚུད་པ་ཙམ་སྣང་། སྐབས་དེ་དག་ཏུ་སློབ་དཔོན་ནི་མེད། སྦྱངས་ཤིང་ཁར་ཡིག་དཔེ་ལ་བལྟས་པའི་སུ་ག་བྲིས་ཀྱི་འབྲས་བུ་འདི་ཙམ་དུ་ཟད། ཟླ་བ་གཟས་འཛིན་ལ་ངོ་མཚར་སྐྱེས་ནས་རིས་བསླབས་པས་ཞག་བདུན་ལ་ལེའུ་ཐོ་

― JLAZ014_Page_0085 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱོར་དགྲོལ་ཐེབས་པ་ཤེས། འགྱང་ཙམ་ནས་ལེགས་ལྡན་གཟའ་ལྔ་ཉིན་ཞག་མའི་དལ་མྱུར་དང་། །དུས་སྦྱོར་གྱི་ཏཱངྒལ་ལའི་འགྲོ་ལུགས་ཀྱང་འབད་པ་ཆུང་དུས་རིག །འདི་དག་གི་ཚེ་ཉོན་མོ་གཎྜ་ལ་བསྒྱུར་དགོད་བྱས་བའི་བག་ཆགས་རྨི་ལམ་ལ་འཐས་ཆེས་པའི་རྐྱེན་གྱིས་རས་དཀར་གྱི་ལྦ་སྟྲ་གྱོན་པའི་གཞོན་ནུ་ཞིག་གིས་ཐུར་ཤིང་བཙུགས་ནས་དུས་སྦྱོར་གྱི་སྲང་ཚད་བསླབ་པ་བྱུང་། ཞག་གསུམ་གྱི་རྣམ་པར་གཞག་པ་དཔེར་བརྗོད་གཏན་ཚིགས་ལ་བརྟེན་ནས་བརྒྱབ་པས་རི་མོའི་འགྲོ་ལུགས་དགའ་མོས་ཤེས། ཉི་ཟླ་གཟས་འཛིན་ལ་སྒོ་ཡིག་ལན་ཁ་ཡར་བྱས་ཤིང་ཉི་འཛིན་འདི་ཟླ་འཛན་ལས་རི་མོའི་འགྲོ་ལུགས་ཀྱང་ཅུང་དོགས་པར་མ་ཚད་མན་ངག་གི་ཡི་གེ་དང་། གཏན་ཚིགས་རྙིང་པའི་སྒོ་ནས་ཆ་རྒྱུས་འཚོལ་བ་ལ་སོགས་རྟོག་པ་ཞི་བ་མོ་དགོས་ཏེ་ཕུ་མི་ལོན་པའི་ཡོན་ཏན་དུ་མི་སྣང་། སྨན་དཔེ་དུམ་བུ་གསུམ་བཟུང་ཡང་ལག་ལེན་ལ་སྦྱོར་བ་མ་བྱུང་། སློབ་དཔོན་དབྱུག་པ་ཅན་གྱི་གཞུང་སྙན་དངགས་མེ་ལོང་གི་དཔེ་ཆ་ཞིག་སྟེར་མཁན་བྱུང་བ་དྲུང་དམ་ཆོས་པ་ལ། ཁྱོད་ཀྱི་ཞལ་ནི་ཁྱོད་ཉིད་ལས། །མཐོང་ཞིང་ཟླ་བ་མཁའ་ལ་མཐོང་། །ཞེས་ཤོ་ལོ་ཀ་གཅིག་པོའི་རྒྱན་གྱི་ངེས་བརྗོད་དྲི་བརྩད་བྱས་པས་

― JLAZ014_Page_0086 ―

^{[མ་དཔེ་གཟིགས་ན་འདིར་གནོན།]}

[Full Size]

བོད་ཀྱི་སྙན་དངགས་རྩིད་རལ་ཅན་རྣམས་ཀྱི་ལ་དམོ་ཤོབ་ལ་དཀའ་ཚེགས་མ་བྱུང་། སྔར་ལོ་བཅུ་ཙམ་འགྲོ་བའི་ཚེ་སློབ་དཔོན་བོན་བཙན་པས་བློ་གསལ་གསར་བུ་བ་འདྲ་ལ་མ་མཚམས་སྦྱོར་ལྔ་པ་འཁྲིད་པ་མཐོང་བས། རྒྱ་གར་སྐད་དུ། ཀཱ་ལ་པ་སཱུ་ཧྲ། བོད་སྐད་དུ། ཀཱ་ལ་པའི་མདོ། གཉིས་སུ་མེད་པར་གསུང་བ། སངས་རྒྱས་ཕྱག་འཚལ་ལོ། །གྲུབ་པའི་ཡི་གེ་ཡང་དག་པའི་མན་ངག་གོ །ཞེས་པའི་ཚིག་རིགས་འདི་མཐོང་ཞིང་ཐོས་པ་ཙམ་ནས་གཞུང་འདི་ལ་སྤྲོ་པ་ཞིག་ཡོད་དེ་ཧ་ཅང་ན་གཞོན་པས་གོ་བ་ཆགས་པོ་མི་འདུག །ཕྱིས་སློབ་དཔོན་ནི་མེད། འདི་སྐོར་ལ་ཤེས་ཟེར་བ་འདྲར་དཔེར་ཆའི་ཁ་བྱང་བསྒྲུབ་པ་ཅུག་པས་མཁར་གོང་ཁྲིགས་དེ་འདྲ་བས་ནི། གཞུང་མ་མོའི་ཡང་དམའ་དབབ་པར་འདུག །སྐད་དོད་ལ་སྐྱབས་བཅོལ། བྱིངས་རྐྱེན་རྣམ་དགྱེའི་ཕྲད་ཀྱི་བྱ་བ་བྱེད་པའི་གནས་ལ་ཧ་ཅང་འཇུག་པ་དོག་པ་ཡོང་དུ་མི་སེམས་ཏེ། རྗོད་བྱེད་གང་ཡིན་བདེའི་བརྗོད་དོན་དབྱིངས་འཇལ་མ་ཤེས་ན་སྐད་དེད་འདྲ་ཆོས་སུ་སྡེབ་པས་དེ་ན་རླབས་པོ་ཆེ་འཆོལ་བའི་མ་ཚང་ཤེས་དགོས་པར་གདའ། ལར་བར་སྐབས་ཀྱི་ལོ་ཙཱ་བ་དག་གིས་རྒྱ་དཔེའི་ཚིག་གི་རིམ་པ་ཙམ་དུ་བཀྲལ་ནས་བསྟན་པ་སྔ་དར་གྱི་ཚེ་ན་བྱོན་པའི་སྤྲུལ་

― JLAZ014_Page_0087 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལོ་པཎ་ཆེན་པོ་རིག་པའི་གནས་ལྔ་ལ་མཁས་ཤིང་དོན་འགྱུར་སྒྲ་ཇི་བཞིན་པས་གསུང་རབ་ཆུད་མི་གསན་པ་རྣམས་ལ་བསྟིང་ཚིག་ཏུ་སྨྲ་མོད་ཀྱི། ལོ་ཙཱ་བ་ཆེན་པོ་བློ་ལྡན་ཤེས་རབ་ལྟ་བུས་ཀྱང་རྒྱན་ལ་གཞི་འགྱུར་མཛད་པས། སྦྱིན་པའི་ཕར་ཕྱིན་ལ། སྐྱེ་མེད་ཀྱི་ཡི་གེས་འགྲོ་དྲངས་པའི་རཀྟའི་སྒྲ་ལན་གསུམ་བསྒྱུར་བའི་སྐབས་མ་རྙེད། སྐབ་དཔལ་བརྩེགས་ཀྱིས་སྔ་འགྱུར་ལ་མ་ཆགས་མི་ཆགས་ཆགས་པ་མེད་པའི་རང་བཞིན་སྦྱིན་པའི་ཕར་ཕྱིན་ལ་སྦྱར་བ་སོགས་དོན་འགྱུར་གྱི་ཁྱད་པར་གཟིགས་ཤིང་། བཻ་རོ་ཙ་ནས་བྱེ་བྲག་བཤད་མཛོད་ཆེན་མོའི་གཞུང་དུམ་བུ་བསྒྱུར་བ་སོགས་ཀྱི་ངོ་མཚར་ལ་རྩ་བ་མེད་པའི་མོས་གུས་འཁྲུངས་ནས། བཻ་རོ་ཙན་ནམ་མཁའི་མཐའ་དང་མཉམ། །སྐ་ཅོག་གཉིས་ནི་ཉི་ཟླ་ཟུང་འབྲེལ་ཡིན། །རིན་ཆེན་བཟང་པོ་ཐོ་རངས་སྐར་ཆེན་འདྲ། །ཁོ་བོ་ཡང་ནི་སྲིན་བུ་མེ་ཁྱེར་ཙམ། །ཞེས་གཟུ་བོའི་ཐུགས་ཀྱིས་བསྔགས་པ་མཛད་པའི་ཕྱིར། གསུང་རབ་ཀྱི་དགོངས་པར་ཚུལ་བཞིན་དུ་མི་ཁྲོལ་བའི་ལེགས་སྦྱར་མཁན་པོས་དེ་བཞིན་གཤེགས་པས་ལེགས་པར་གསུངས་པ་ཆུད་གསན་པ་མངོན་དུ་སྣང་བའི་ཕྱིར་རིག་པའི་གནས་འདི་གཏིང་རིང་བ་ཞིག་ཏུ་ཤེས་སོ། །ལར་ཁོ་བོ་ཅག་གི་ནི་ཡི་

― JLAZ014_Page_0088 ―

^{[མ་དཔེ་གཟིགས་ན་འདིར་གནོན།]}

[Full Size]

གེའི་བརྡ་སྤྲོད་པ་བརྩམས་ཏེ། རྒྱལ་བའི་བཀའ་དང་། །དགོངས་འགྲེལ་བསྟན་བཅོས། །ཐ་སྙད་ཀྱི་གཞུང། ཡིན་ལུགས་ཀྱི་མན་ངག་སོགས་རྡོ་རྗེའི་གནས་ཇི་སྙེད་པ་མཐོང་བ་དེ་དག་གུས་པས་ཉེ་བར་བླངས་ཏེ་ཉིན་མོའི་སྣང་བ་དང་སྒྲོན་མའི་འོད་ལ་མཇལ་བར་སྤྲོ་བའི་བག་ཆགས་བཟང་བ་ཙམ་ལས་དགེ་བའི་བཤེས་གཉེན་དང་ཉིན་གཅིག་ཀྱང་འགྲོགས་ནས་སྦྱངས་སྟོབས་ཀྱི་བློ་གྲོས་འཕེལ་པའི་གནས་སུ་མ་གྱུར་མོད། དཔལ་གྱི་བསམ་ཡས་མ་ཆིམས་ཕུར་རྒྱལ་བ་ཀློང་ཆེན་པའི་ཡེ་ཤེས་ཀྱི་སྐུ་དང་ལྡན་གསུམ་དུ་མཇལ་ཞིང་བརྡ་ཐབས་རྟེན་འབྲེལ་དུ་མ་བྱིན་གྱིས་བརླབས་པ་ལ་བརྟན་ནས་ཁོ་བོའི་ལས་འབྲེལ་རྫོགས་པ་ཆེན་པོ་ནས་སད་པ་ཡིན་ནོ། །དྲན་མི་དྲན་ཙམ་ན་གནས་བརྟན་ཀུན་བཟང་འོད་ཟེར་གྱི་ཐུགས་རྗེས་ཆེན་པོ་པདྨའི་དབང་ཕྱུག་དང་། རྟ་མགྲིན་དྲེགས་པ་ཀུན་འདུལ། ཚེ་དཔག་མེད་སྐུ་གསུམ་འདུས་པ་ལ་སོགས་པའི་དཀྱིལ་འཁོར་དུ་སྨིན་པར་མཛད་ཅིང་གཞན་ཡང་སྔ་ཕྱིར་རྒྱལ་བ་ཀློང་ཆེན་པའི་སེམས་ཉིད་ངལ་གསོ་རྩ་འགྲེལ་བླ་མ་དགོངས་འདུས། ཕྱག་རྡོར་དྲེགས་འདུལ། བྱང་གཏེར་ཐུགས་སྒྲུབ། རྡོ་རྗེ་གཤོག་རྒོད་ལ་སོགས་དྲན་པ་དང་མི་དྲན་པའི་དབང་ལུང་མང་པོ་ནོད་པས་རྟེན་འབྲེལ་གྱི་སྒོ་བཟང་པོ་འགྲིག །ལོ་བཅུ་གསུམ་ལོན་དུས་བླ་མ་གྲུབ་དབང་རིན་པོ་ཆེ་ཐུགས་

― JLAZ014_Page_0089 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་རྡོ་རྗེ་དང་མཇལ། ངེད་གཞོན་ནུའི་ཚོ་ནས་སྣང་བ་མི་དག་པ་དེ་མ་ཡིན་པས་བླ་མར་མཚན་བཏགས་པ་ལས། སྒྲོ་མཆེད་ཀུན་སྤངས་པ། མདོར་ན་ཆོས་ཞི་དུལ་གྱི་རྣམ་པ་ཅན་ཚུན་ཆད་ལ་དག་སྣང་དང་དཔའ་འཕེལ་བ་ཞིག་ཡིན་ཏེ་སྔོན་གྱི་སྨོན་ལམ་དབང་ལས་རྗེ་འདི་པ་ལ་མཇལ་བ་ཙམ་གྱིས་སྣང་བ་འགྱུར་བའི་དད་པ་ཡོད། རྒྱུན་གཏན་བླ་མ་རྒྱལ་ཁམས་ངེས་མེད་ལ་གཤེགས་པས་ཡང་ཡང་མི་མཇལ། རེས་འགའ་ཐག་ཉེར་ཕེབས་པ་ནའང་དེ་དུས་ཀྱི་རྒན་པོ་བྱིས་པའི་བློ་ཅན་རྣམས་དགེ་སློང་སྐར་བཟང་གི་བརྟུལ་ཞུགས་འཛིན་པ་མང་བས་གཅིག་ལ་གཉིས་བརྟེན་གྱིས་སྡིག་པའི་གྲོགས་པོའི་གཞན་དབང་གིས་མཇལ་མི་མཇལ་སྣ་ཚོགས་འོང་། ཕྱིས་འཕྲིན་ལས་དགའ་མོས་རྒྱས་པས་ལོག་སྲེད་ཅན་ཡང་བ་ལྟར་སྣང་འཇམ་དུ་སོང་དུས་དཔལ་གྱི་རི་བོའི་མཆོད་ཁང་ཆེན་མོར་རྟེན་བཞེངས་དང་བཅས་རྒྱད་རིང་ཙམ་བཞུགས་པའི་སྐབས། དཀྱིལ་འཁོར་དང་མཆོད་རྟེན་གྱི་ཐིག་རྩེ་ཕྱག་འཁྲུད་དུ་སྩལ། ཕྱག་རྒྱ་ཆེན་པོ་ཡེ་ཤེས་མཐོང་གྲོལ་གྱི་རྩ་དབང་དང་། བསམ་པ་ལྷུན་གྲུབ་མ་སོགས་སྨིན་བྱེད་དང་འབྲེལ་པར་གྲོལ་བྱེད་ཀྱི་གདམས་པ་ཚིག་རྫོགས་སུ་བཏབ་ནས་རྒྱུད་ཡིན་གྱིས་བརླབས་པའི་བཀའ་དྲིན་སྩལ། མཆོད་ཁང་ཆེན་མོའི་གྱང་ལོགས་

― JLAZ014_Page_0090 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་བཞུགས་པའི་ཐུབ་དབང་གི་སྐུ་ཁྲུ་ཚང་པ་ཁྲི་རྒྱབ་དང་བཅས་པ་འདི་ལ་ལི་ཏ་བསྒྲེས་སོང་གིས་རོགས་མཛད་དེ་ངེད་ཁོ་ནས་བཏབ། ཧ་ཅང་ལྗིད་ཆེས་པས་ལས་ཐབས་དང་ལུས་ཤེས་གཉིས་ཆར་ཀ་བརྟེན་དགོས་པ་བརྩོན་པ་ཤིན་ཏུ་ཆེ་བས་ཉིན་གཅིག་ལ་བརྒྱ་མ་ཟིན་ཙམ་ཐོབས། ཕྱིས་སུས་ཀྱང་དེ་ཙམ་འདེབས་མ་ཐུབ་པས་རྟོག་དཔྱོད་ཅན་རྣམས་ཡ་མཚན་དུ་བྱེད། དེ་ནུབ་ལུས་ཤིན་ཏུ་དུབ་པ་བྱུང་སྟེ་སྒྲིབ་པ་དག་པའི་རྟགས་གསལ་པོ་བྱུང་། བླ་མ་དམ་པ་འདི་ངེད་ལ་དགོངས་པ་གཏད་པ་ཡོད་པས་སྐུ་གཤེགས་ནས་ཀྱང་ཡེ་ཤེས་སྒྱུ་མའི་སྐུ་དང་མཇལ། རྡོ་ཁྲི་ཆེན་པོ་ཞིག་གི་སྟེང་ནས་ཁྲིད་གསུང་བ་ན། ངོས་ཀྱི་བྱང་ཆུབ་སེམས་ཀྱི་རང་བཞིན་ཐིག་ལེ་དཀར་པོར་འདུག་ཞུས་པས། འཛུམ་མུལ་ལེ་བ་ལས་ཅང་མི་གསུང་བས་ལན་བཏབ། དེའི་བྱིན་རླབས་ཀྱིས་བརྗོད་མེད་ཀྱི་ཉམས་ཤར། ཆུང་དུའི་དུས་དྲུང་དམ་ཆོས་བློ་གསལ་དབང་པོས། རྒྱུད་རྒྱལ་གསང་བ་སྙིང་པོ་དང་། མཁས་གྲུབ་ཆེན་པོ་རོང་ཟོམ་ཆོས་ཀྱི་བཟང་པོའི་དཀོན་མཆོག་འགྲེལ་ཞིག་བྱིན་ནས་འདི་ཁྱེད་རང་སྙིང་མ་པའི་ཆོས་ཀྱི་དྲག་ཤོས་ཤིག་ཡིན་གསུངས། བལྟས་པས་གོ་རྒྱུད་དང་ཤེས་རྒྱུད་ཅང་མ་བྱུང་། ཅུར་ཟད་ནར་སོན་ནས་བློ་གྲོས་གསལ་དུ་སོང་བ་དང་། སྔ་འགྱུར་

― JLAZ014_Page_0091 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེ་ཐེག་པའི་ཆོས་ཀྱི་རྩ་བ་མ་ནོར་བ་དེ་རྒྱུད་སྡེ་བཀའ་མ་ཡིན་པར་ཤེས། །དེ་དང་འགྲེལ་བར་གཡུང་འགྲེལ་གསལ་བྱེད་མེ་ལོང་ཞིག་བྱུང་པ་གཉིས་ཀ་ངེད་ལ་རྟེན་འབྲེལ་བཟང་བར་འདུག །དཔའ་བོ་མཁའ་འགྲོའི་བྱིན་རླབས་ཁོ་ནས་སྩལ་བ་ཡིན་སྙམ་པ་བྱུང་། ཟུར་མེས་དཔོན་རྣམ་ཐར་ལ་ཤིན་ཏུ་དད་ནས་དེའི་རིང་ལུགས་ལ་བསླབ་གཉེར་ཞིག་བྱེད་སྙམ་སྟེ་འདི་སྐོར་ལ་འབག་འབུག་མི་གདའ། རང་གི་ཁུ་བོ་དགེ་སློང་རབ་རྒྱས་དིང་སང་རྙིང་འགྲེལ་གསར་ཚོར་བློ་གྲོས་རྣོ་ལ་ཡོད་འདུག་སྟེ། གཞོན་ནུ་དོན་གྲུབ་འཚང་རྒྱ་ཙ་ན་དྲང་སྲོང་ཉོན་མོངས་མེད་མི་བཞུགས་པར་གདའ་བས་ངས་རི་ཐོད་དཀར་དུ་ལོ་གསུམ་གྱི་ཐོག་ཏུ་གཤེགས། ཕྱིས་གྲུབ་དབང་ཤྲཱི་ནཱ་ཐ་ལས་ཉིད་ཀྱི་དགོངས་པས་ཇི་ཙམ་བརྟོལ་པའི་དཀའ་བའི་གནས་ལ་དྲི་བརྩད་བྱས་པས་གློ་བ་ཁེངས་པར་བྱུང་། གཏེར་ཆོས་ཚད་མ་འདི་བློ་རྨོངས་ཀྱི་སེམས་ཅན་ལ་ཉམས་སུ་ལེན་བདེ་བའི་མན་ངག་ཏུ་མཐོང་ནས་གནས་དུས་དེར་ཆོས་རྗེ་གླིང་པ་དང་། རིན་པོ་ཆེ་དེ་ཉིད་ཀྱི་རང་ལུགས་ལ་བློ་འཇུག་པར་བྱུང་བས་བརྒྱུད་འཛིན་ལ་སུ་བཟང་དྲིས་པས། །གུ་རུ་རྒྱ་མཚོ་དང་། ཐེག་ཆེན་གླིང་པ་གདམ་ང་ཅན་ཡིན་

― JLAZ014_Page_0092 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེར། ལས་འབྲེལ་ཕྱི་མ་ལ་ཡོད་པས་སྐུ་དྲུང་དུ་གཏུགས། ཆོས་གླིང་གི་ཚེ་དག་གཉིས། རིན་པོ་ཆེ་ཉིད་ཀྱི་རྟ་ཕུར། ཎཱ་གང་ཀྴ་སོགས་ཞུས། དེ་སྐབས་བླ་མ་རིན་པོ་ཆེ་འགྲོ་དོན་རྒྱས་པའི་སྐབས་མ་ཡིན་པས། གྲོང་པའི་ཕ་ཇོར་བརྩི་ཡང་རང་སྣང་དག་པ་རྩིས་སུ་བཏང་ནས་གཞག་གསུམ་ལ་གནས་འགྱུ་རིག་གསུམ་གྱི་དྲི་བརྩད་ལ་བརྟེན་པའི་ཞི་གནས་ཀྱི་འཇོག་ཚུལ་ཞུས་པས་སྣང་བ་འགྱུར་ཞིང་། སེམས་ལ་ཕན་པ་ཞིག་བྱུང་། ད་དུང་རྫོགས་པ་ཆེན་པོའི་ཡིན་ལུགས་གཏིང་ཕྱིན་པའི་ཕ་མཐའ་ལ་ནི་མ་རེག །རིགས་ཞང་སྒོམ་ཆེན་དམ་པ་ལས་སྤྱོད་འཇུག་དང་འབྲེལ་པར་བྱང་སྡོམ། ཇོ་བོ་རིན་པོ་ཆེའི་ལམ་སྒྲོན། རྒྱལ་སྲས་ཐོགས་མེད་པའི་བཀའ་འབུམ། བདེ་མཆོག་ལུ་ཡི་པ། འདུས་པ་འཕགས་ལུགས། འཇིགས་བྱེད་ར་ལུགས་སོགས། སྔ་ཕྱིར་གསལ་རྙིང་གི་དབང་རྗེས་གནང་། བཀའ་ལུང་མང་པོ་ནོད། ལར་གནས་སྐབས་འདི་དག་ཏུ་སྐྱོ་ཤས་དང་ངེས་བྱུང་དཔག་ཏུ་མེད་པ་ཡོད། སྒྲུབ་འབའ་ཞིག་ལས་གཞན་བྱང་གིས་ཀྱང་འཆི་ཙན་ཕན་མི་ཐོགས་སྙམ་པ་བྱིས་པ་མནོ་ཤེས་མི་ཤེས་ཙམ་ནས་ཡོད། ཡོད་བཞིན་དུ་ལོ་ཉི་ཤུ་རྩ་ལྔ་ལོན་ལོན་ཆོས་ཞུས་ལོ་དང་ཐོས་ལོའི་དང་དུ་བཏད་སྙོམས་ཐ་མལ་དུ་

― JLAZ014_Page_0093 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་པ་འིད་བདུད་ཀྱི་མངོན་སུམ་དུ་བསླུས་འདུག །ཉི་ཟླ་ཁ་སྦྱོར་ལས། ཚེ་འདི་མི་རྟག་འགྲོན་པོ་འདྲ། །འགྲོན་པོ་རྟག་ཏུ་བསྡད་པ་མིད། །ཅེས་གསུངས་བ་ལྟར། ལུས་ཀྱི་ཚོང་འདུས་སུ་སེམས་ཀྱི་འགྲོན་པོ་ཚོགས་པ་འདི་སང་ནང་པར་ཚུན་ཆད་ནའང་མི་གྱེས་པའི་དེས་པ་མེད་པས་ནམ་འཆི་ཆ་མེད་ཡིན། མ་ཚོར་བ་དེ་ཀའི་དང་ལ་མི་ཚེ་ཕལ་ཆེར་སོང་བདའ། དཕྱི་ཐལ་ཆེས་སྙམ་པའི་སྙིང་ལས་སྒྱིད་པ་མག་མཛུག་སློག་པའི་ཐལ་སོང་བྱས་པ་ཙམ་རྒྱུན་དུ་སྐྱེས། ཇོ་བོ་བྱང་ཆུབ་ཆེན་པོ་ཞལ་གྱི་དཀྱིལ་འཁོར་ཅིར་ཡང་འགྱུར་བའི་རྣམ་པ་ཞིག་མཇལ་བས་མཆི་མ་ནང་དབང་མེད་པར་ཤོར། དཔལ་ཨོ་རྒྱན་ཆོས་ཀྱི་རྒྱལ་པོ་དེ་རང་དྲན། དེའི་རྣམ་ཐར་དང་སྒྲུབ་གནས་རྣམས་མཐོང་བས་དྲན་དུ་སོང་། ལྷོ་ནུབ་སྤིན་པོའི་ཡུལ་ལ་ཁ་བསྟན་ནས་ཡང་ཡང་དུ་ཤོར། དུས་པས་ཅི་ཕན་ཕྱི་མ་ཟངས་མདོག་དཔལ་རིར་ཟང་ཐལ་དུ་བགྲོད་པའི་དགེ་སྦྱོར་ཞིག་བྱེད་དགོས་སྙམ་བསྒྲུབ་པ་བཙན་ཐུབས་སུ་བྱེད་པའི་ཞེ་དམ་བཅས། མེས་དཔོན་རྣམ་གསུམ་གྱི་གཙུག་ལག་ཁང་ཀུན་ཏུ་ཚེ་འདི་འམ་ཕྱི་མའི་གནས་སྐབས་ཀུན་ཏུ་ཕུན་སུམ་ཚོགས་པའི་གནས་ཡིད་ལ་བྱེད་པའི་ཕྱིན་ཅི་ལོག་མ་ཡིན་པའི་སྨོན་ལམ་བྱང་

― JLAZ014_Page_0094 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་སེམས་དཔའ་ཀུན་ཏུ་བཟང་པོའི་རྗེས་སུ་འབྲངས་ནས་བཏབ། སྡེ་དང་བཅས་པའི་ལམ་ཁ་ཞིག་ན་བཙུན་ཆུང་ལོ་བརྒྱད་ཙམ་འགྲོ་བ་ཞིག་དགེ་རྒན་གྱིས་བརྡུངས་འཐག་བཏང་ཟེར། ལུས་ལ་བརྡེག་བཙོག་ག་རྗེས་དང་བཅས་གཅེར་བུ་རྣལ་མ་ཙམ་ཡང་མེད་པར་ཕུད་པ་ཁོ་རང་མྱུ་ངན་གྱི་ཁུར་བུར་ཚུད། ཕྱུགས་སྐྱོང་པའི་བུ་དང་བུ་མོ་ཆུང་དུ་འདྲས་དེའི་སེམས་གསོ་ཞིང་སྙིང་རྗེ་བའི་གནས་སུ་བྱེད་པ་མཐོང་བས་རང་ཉིད་ཀྱིད་མཆི་མ་ཤོར། སྙིང་རྗེ་དཔག་ཏུ་མེད་པ་སྐྱེས། ཕ་མ་ཡོད་དམ་བྱས་པས། གཉིས་ཀ་ཤི་ནས་མེད་ཟེར། དྭ་ཕྲུག་ལ་འདི་འདྲ་ཕོད་པ་སྙ་མ་འཁོར་བའི་རང་བཞིན་སྡུག་བསྔལ་དུ་སྟོན་པའི་སློབ་དཔོན་དུ་བྱུང་། སྟོད་གོས་ལེགས་པོ་ཞིག་ཡོད་པ་ཕུད་ནས་གཡོགས། ཕྱིས་པ་རྣམས་ལ་བརྡ་སྦྱོར་ཚུལ་བསླབས་ནས་བཞག །ཐེག་པ་ཆེན་པོའི་ལམ་དུ་འཇུག་པ་ལ་བྱང་ཆུབ་ཆེན་པོར་སེམས་བསྐྱེད་པ་འདི་རྒྱལ་བའི་སྲས་ཀྱི་བསླབ་པར་བྱ་བའི་གནས་གཙོ་ཆེ་ཤོས་ཤིག་ཡིན། དེའི་སྔོན་དུ་ཚད་མེད་བཞིས་བློ་འཆོས་པའི་རྟེན་འབྲེལ་མ་ལུས་པ་དེར་འགྲིགས་གདའ། རང་ལ་ཉེར་བརྒྱད་པ་མེ་མོ་གླང་གི་ལོ་ཆོ་འཕྲུལ་ཆེན་མོའི་དུས་ཆེན་འཆར་བར་བརྩམས་པ་ན་ཤྲཱི་པརྦ་ཏའི་གླིང་དུ་ལོ་གསུམ་གྱི་དམ་བཅའི་རི་མོ་སྙིང་ལ་བྲིས་ཏེ་བག་ཕབ། དགོངས་

― JLAZ014_Page_0095 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཁྱབ་གདལ་དུ་མ་གྲོལ་བར་གེགས་ཀྱི་འཇུག་པས་སྒོ་གང་ནས་ཀྱང་ལགས་ལྟ་བ་ལས་བཟློག་ཕྱིར། ལོ་བདུན་གྱི་བར་ས་ཁྱིམ་དང་འདུ་འཛིའི་ཐེམ་པ་མི་འདའ་བ་དང་གཅིག །སྡོད་ས་སྡེ་ཁྲོད་ཡིན་པས་མ་ཚམས་འོག་ལ་མཇལ་ཕྲད་མི་མང་ཞིང་ཆགས་སྡང་གི་ཚོགས་འགོ་མི་གནོན་པ་གཉིས་དང་། ཕྱི་གཏམ་ནང་དུ་མི་ལོན་ནང་གཏམ་ཕྱི་རུ་མི་སྒྲོག་པས་བུག་སྒོར་ཉེ་རིང་སུ་ལའང་དག་མི་གཏང་བ་དང་གསུམ། ལྟོགས་ལྷ་མགྲོན་དུ་བརྟེན་ནས་ཡོན་ཏན་ཟོང་དུ་མི་འཚོང་བ་དང་བཞི། །ནང་དུ་ཆོས་སྤྱོད་བཅུར་མི་གཏོགས་པའི་ལག་ལས་རྣམ་པར་མི་གཡོངས་པ་དང་ལྔ་། འཚོ་བ་གྱི་ནར་བརྟེན་པ་ལས་དཀོར་ཟད་བྱུང་རྒྱལ་དུ་མི་སྤྱོད་པ་དང་དྲུག །གྲོལ་བ་འབའ་ཞིག་དོན་དུ་གཉེར་བ་ལས་ཕྲིན་ལས་རྣམ་པ་བཞིའི་ལས་ཐབས་མི་བསྒྲུབ་པ་དང་བདུན་གྱི་དམ་བཅའ་སྤྱོད་འཇུག་ལས། སངས་རྒྱས་བྱང་ཆུབ་སེམས་དཔའ་དག །ཀུན་ཏུ་ཐོགས་མེད་གཟིགས་པར་ལྡན། །དེ་དག་ཐམས་ཅད་སྤྱན་སྔ་ན། །རྟག་པར་བདག་ཅི་གནས་སོ་ཞེས། །དེ་ལྟར་བསམས་ནས་ངོ་ཚ་དང་། །གུས་དང་འཇིགས་ལྡན་དར་ཞིན་མ་ནོས། །ཞེས་པ་ལྟར་བཟུང་ཞིང་། །དེ་ལྟར་བཟུང་ནས་ཀྱང་། །བཟླས་བརྗོད་དང་ནི་དཀའ་ཐུབ་ཀུན། ཡུན་རིང་དུས་སྤྱད་བྱས་ཀྱང་། །སེམས་གཞན་གཡེངས་པས་

― JLAZ014_Page_0096 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་པ་ནི། །དེ་ཉིད་རིག་པ་འདོན་མེད་གསུངས། །གང་གི་ཆོས་ཀྱི་གཙོ་བོ་མཆོག །སེམས་ཀྱི་གསང་འདི་མ་ཤེས་ན། །བདེ་ཐོབ་སྡུག་བསྔལ་གཞོམ་འདོད་ཀྱང་། །དེ་དག་དོན་མེད་ཀྱི་ནར་འཁྱམ། །དེ་ལྟས་བདག་གི་སེམས་འདི་ནམ། །ལེགས་གཟུངས་ལེགས་པར་བསྲུང་བར་བྱ། །ཞེས་པ་འདི་ལ་ངེ་ཤེས་རྙེད། །ཉིན་རེ་བཞིན་སེ་གོལ་གཏོགས་པའི་ཡུན་ལའང་ཡེངས་མ་ལམ་དུ་སོང་མ་སོང་ནང་ནུབ་རེ་བཞིན་ལྟ་རྟོག་བཅུག་ནས་བསྒོམ། དགོས་མེད་ཀྱི་ཞེ་ན་ལོག །སྐྱོ་ཤས་དང་ངེས་འབྱུང་། བཅོས་མིན་གྱི་དད་པ། སེམས་ཅན་ལ་སྙིང་རྗེ་སོགས་ལ་མ་རྟགས་དང་པོའི་ཡོན་ཏན་ཀྱང་ཇེ་ཆེར་འཕེལ། ཞི་གནས་ཀྱི་ཉམས་རྣམ་པ་སྣ་ཚོགས་པ་སྟེས་དབང་ཅན་དུ་འཆར་གྱི་ཡོད་པའི་ཚེ་རིགས་ཞང་སྒོམ་ཆེན་དམ་པས་རྒོད་ཚང་པ་སྣ་ཚོགས་རང་གྲོལ་གྱི་སྒོམ་དོན་གསུང་བགྲོས་འགལ་ཞིག་བསྐུར་བར་མཛད་པས་འིད་རེས་ཀྱི་གེགས་མང་པོ་གྲོལ། ལས་དང་པོ་པ་ལ་ཤིན་ཏུ་ངན་པར་གདའ། ལར་མ་བཅོས་པ་གཤིས་ཀྱི་ཐོག་ཏུ་དོ་སྤྲོད་པ་དང་། བྱུང་ཚོར་གནས་ཉམས་ལ་ངོ་སྤྲོད་པ་གཉིས་ལ་མ་ཁྱད་ལ་གནམ་ས་ལྟ་བུར་འདུག །ཁོ་བོས་རྫོགས་པ་ཆེན་པོའི་གུབ་མཐའ་ངོས་འཛིན་ཐུན་མོང་མ་ཡིན་པ་དང་། དཀའ་བའི་གནས་མ་ལུས་པ་མཛོད་ཆེན་

― JLAZ014_Page_0097 ―

^{[མ་དཔེ་གཟིགས་ན་འདིར་གནོན།]}

[Full Size]

བདུན་ལས་རྙེད་པ་ཡིན། འཛམ་བུའི་གླིང་གི་རྒྱན་དྲུག་མཆོག་གཉིས་དང་བཅས་པ་ཚོ་མངོན་སུམ་པར་བྱོན་ཀྱང་རྒོལ་བ་མི་འཇུག་པའི་གྲུབ་པའི་མཐའ་ཆེན་པོ་འདིའི་དགོངས་པ་ལེན་མི་ཤིས་ན་གཞན་ལུ་བསུ་མཐོ་བྲེར་ཡང་ཀུན་འབྱུང་གི་གཡོགས་པ་ཅན་དུ་གོ་ །ཟླ་བ་གསུམ་ཙམ་ལོན་པའི་ཚེ་རང་ལུས་ཞུགས་ལ་སྦྱངས་པ་དང་། །ནམ་མཁའ་ལ་སྐྱིལ་མོ་ཀྲུང་བཅས་པ་སོགས་ཀྱི་སྣང་བ་ཡང་ནས་ཡང་དུ་བྱུང་། ལུས་ཀྱི་སྲིན་བུ་རྣམས་དེ་ནས་དག་ ་སྤྱིར་དུས་བཟང་པོ་ལ་སོགས་པའི་ཚེ་ཉམས་འུར་ན་ཐ་བསྒྲུབ་ཡང་དུ་པྲོ་འ་ཁྲབ་སྙིང་འདོད་པ་དང་། སྣང་བ་བདེན་མེད་སྒྱུ་མ་ལྟ་བུར་འགྲོ་བ་ཡང་ཡང་དུ་ཡོང་བས་མདོ་ཏིང་ངེ་འཛིན་རྒྱལ་པོ་དང་། སྒྱུ་མངལ་གསོའི་མན་ནག་ཉམས་འོག་ཏུ་ཆུད། སྤྱིར་སྲིད་པ་འདི་ལ་མེ་ཏོག་ཕོག་པའི་ཆོས་སྐལ་ཡང་ཡིན། ཆོས་ཀྱི་རང་ངོས་ནས་ཀྱང་རིག་འཛིན་པདྨའི་ཞལ་གདམས་རྩ་གསུམ་དགོངས་པ་རང་གྲོལ་འདི་ལ་རྒྱུད་སྡེ་ཆེན་པོའི་སྤྱི་ཆིངས། །མན་ངག་ཐ་བ་མོའི་གནད་བསྡུས་སོགས་དཔག་པར་དཀའ་བའི་ཡོན་ཏན་དུ་མ་འདུག་པ་གནས་སྐབས་འདི་ཙམ་ན་ཤེས། དབང་ལུང་གི་བརྒྱུད་པ་ཆད་དུ་ཡོངས་པ་ན་རྨི་ལམ་དུ། ཆུ་ཀླུང་ཆེན་པོ་ཞིག་ན་གར་མཁན་ཞིག་སྐམ་ལ་འཐོན་དུ་ཉེ། བཀྲ་ཤིས་

― JLAZ014_Page_0098 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རྗེས་སྐྱེ་བ་ལྔ་པའི་རྟགས་དང་ལྡན་པ་ཞིག་ངོས་ཀྱི་ཁུ་ཚུར་ན་བཅངས་པ་ལས་ཕུན་སུམ་ཚོགས་པའི་སྒྲེ་མང་པོ་བསྒྲག་ཏེ་ཆུ་ཀླུང་ཆེན་པོར་དོར་ནས་རྒྱ་མཚོའི་རྡུ་མ་དུ་སོང་བ་རྨིས། རྟེན་འབྲེལ་དེའི་དོན་ལ་བརྡ་མང་པོ་ཤེས། དགེ་སློངས་མནྟ་བྷ་དྲ་བགྲེས་པོ་མཚམས་ནང་དུ་སྤྱན་དྲངས། ཁོང་པ་ཐུགས་བསྐྱེད་བཟང་། དྲང་པོ་མ་བཅོས་པའི་ངང་ཚུལ་ཅན་དག་སྣང་འགྲོ་བར་ཡོད། ཆོས་གསུང་པ་ལ་འཇུག་པ་མི་བདེ་ཡང་བརྒྱུད་པ་ཁུངས་བཙུན་སེལ་མེད་ཡིན། དབང་རྫས་དེད་རང་གིས་སྐབས་ཐོག་དཔྱད་ནནས་ཕྱག་ཏུ་འབུལ་བཞིན་ཞུས། ལུང་མཛད་པ་ལ་ཞག་དགུ་ཙམ་འཐོགས། ཞར་ལ་ཆོས་རྒྱལ་འབྲི་གུང་པ་གཏེར་ཆོས་ཀྱང་ཉན། དེས་གསང་སྔགས་རང་ཉིད་ལེན་པའི་ཉེས་པ་བསལ་ཏེ། སླར་བདག་འཇུག་ལན་མང་པོར་ནོད་ནས་ལམ་བསྡུས་པའི་བསྐྱེད་རྫོགས་ལ་ཉམས་ལེན་གནད་དུ་བསྣུན་པས་བྱིན་རླབས་ཉིད་རྒྱུད་རྒྱལ་དབང་པདྨས་སྩལ། ཡིད་ཆེས་པའི་ངེས་ཤེས་རྙེད་པ་ལས་ལོ་གསུམ་འདིའི་རིང་ཐོ་རངས་བྱ་སྐད་སྒྲོགས་པ་ཕྱི་མཐར་བྱས་པའི་ནམ་ལང་པ་ནས་ཉི་མ་ཚ་རྟིང་ཁ་སྟེང་དུས་སྦྱོར་བཞིའི་འཕོ་བ་མ་རྫོགས་རིང་ཡི་གེ་མེད་པའི་སྙན་བརྒྱུད་ལ་རྩ་ལ་བཏོན་བུམ་ཅན་གྱི་ཐུན་རྟག་པ་ཀུན་ཏུ་བཟུང་བས་དྷཱུ་ཏིར་ཞུགས་གནས་ཐིམ་གསུམ་གྱི་རྟགས་

― JLAZ014_Page_0099 ―

^{[མ་དཔེ་གཟིགས་ན་འདིར་གནོན།]}

[Full Size]

ཕལ་ཆེར་ཤར། རྩ་ཁམས་ཡི་གེའི་རྣམ་པར་གྲོལ་བས་མགྲིན་པ་རྡོ་རྗེ་གླུའི་དཀོར་མཛོད་དུ་སོང་། ཆོས་ཐམས་ཅད་བལྟས་པ་ཙམ་གྱི་ཤེས་སྙམ་པའི་སྒོམ་བྱུང་གི་ཤེས་རབ་ཀློང་བརྡོལ་ནས་བླ་མ་དགོངས་འདུས་ལ་རྣམ་ངེས་འོད་ཟེར་བརྒྱ་པ་བྱིས་པའི་བློ་གྲོས་ཀྱིས་བརྩམས། སྲོག་ཐུར་འདྲེས་བ་ལས་ལྟ་བ་སྤྲུལ་པའི་འཁོར་ལོ་རིལ་པ་ཞབས་ཆགས་ཅན་དུ་སོང་། འོག་རླུག་འདྲི་བ་བས་བཞོན་པར་མི་ནུས་ཤིང་། ཁམས་ལ་མི་འཕྲོད་པའི་ཟས་ཀྱི་རྣམ་པ་ཅི་ལྟ་བུ་ཁོང་དུ་སོང་ཡང་ཉམས་བརྟས་པར་གྱུར་ནས་ངོ་བོ་མི་འགྱུར་བ་ཐོན། །དྲི་ཆུ་བསུང་པ་དང་། འདུ་བའི་ཁ་དོག་གིས་མ་གོས་པར་འབབ་པ་སོགས་ཐུན་མོང་གི་རྟགས་མང་པོ་དང་། བྱང་ཆུབ་ཀྱི་སེམས་ཞི་བོ་ཆེ་རྡོ་རྗེ་ནོར་བུར་བརྟན་པས་བདེ་སྟོང་གི་ཡོན་ཏན་དཔག་ཏུ་མེད་པ་སྐྱེས། དགེ་སྦྱོར་ནར་སོན་པས་ལོ་བར་པ་ལ་ལུས་རུས་སྦལ་འཁར་གཞོང་དུ་བཅུག་པ་ལྟ་བུ་སོགས་རྫོགས་པ་ཆེན་པོ་ཆོས་ཉིད་མངོན་སུམ་པའི་ལམ་རྟགས་སྒྲ་ཇི་བཞིན་པའི་སྲོལ་དུ་སྒྲ་ཇི་བཞིན་པའི་སྲོལ་དུ་ཆུད་པ་བྱུང་། དེ་ཀའི་མྱུར་ལྕེ་བཙུན་སེང་གེ་དབང་ཕྱུག་གི་རྣམ་ཐར་འཁྱོངས་ན་འཇའ་ལུས་སུ་དངོས་པ་ལ་དགའ་ཚོགས་མེད་པའི་ངེས་ཤེས་རྙེད་ནའང་། སྤྱིར་དུས་ཀྱི་རྒུད་པ་དང་། ཁྱད་པར་དངོས་ལ་འཕོ་བ་ཆེན་པོའི་གྲུབ་མཐའ་སྙིགས་

― JLAZ014_Page_0100 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ལས་འབྲེལ་ཕྱིས་ཕོངས་པས་གྲོང་ཡུལ་དང་བཅས་བའི་རི་ཁྲོད་དུ་འདུ་བྱེད་ཕུང་པོའི་གྲོང་ཁྱེར་ཟོ་མདོག་བདེ་བ་ཉིད་དུ་ལུས་པར་གྱུར་ཏེ། དཔག་ཚད་བརྒྱད་ཁྲིའི་སྐྱོན་ཡང་བལྟར་མི་མོན་པར་སྦས། ཁུ་ཚུར་ཅན་གྱི་ཡོན་ཏན་ལྷུན་པོར་འགྲན་པ་བཞིན། བཟུང་འཛིན་ལག་པ་ཆེན་པོས་སུན་ནས་ཀུན་ཏུ་འཁྱུད། །རྣམ་རྟོག་ལག་ན་གཞོང་ཐོགས་དལ་རྟེན་མིན་གྱིས་དོགས། །དབང་ཤེས་རི་རྩེ་སྐན་པ་གླིང་བཞིའི་ལྟད་མོས་གཡེངས། །ཡུལ་ལྔ་རྟ་གདོང་རྒོད་མས་ཁོ་ར་ཁོར་ཡུག་བཅིངས། །བདག་ལྟ་ཡོངས་འདུའི་ལྗོན་པ་ཡལ་འདབ་བསྐྱོད་ལ་བརྩོན། །ཕུང་པོ་ལྔ་ཡི་བྱད་པའི་རྣམ་པར་ཐར་པ་ལགས། །ཞི་གནས་བསིལ་ཟེར་དབང་པོ་འཕེལ་འགྲིབ་རེས་འཇོག་ཅན། །ལྷག་མཐོང་འོད་ཟེར་བརྒྱ་པམ་རིག་སྤྲིན་གྱིས་གཡོགས། །རྣམ་གཡེངས་རྒྱ་མཚོའི་རླབས་ཀྱིས་མཉམ་རྗེས་བར་ལག་བྲལ། །ཚོགས་བརྒྱད་དབང་པོའི་གཞུ་ཡི་ཞགས་བས་བཅིངས་པ་ལགས། རིག་པ་མ་བཅོས་སྤྲོས་བྲལ་དབང་པོའི་སངས་རྒྱས་ལ། །ཤེས་སྒྲིབ་ཕ་ཚན་རགས་པས་སྒོམ་གོ་ཆོད་མ་ནུས། །མུ་བཞི་བློ་ཡིས་ཕྲལ་བའི་རྟོག་དཔྱོད་བསམ་གཏན་ལ། །མཐའ་བརྒྱད་སྤྲོས་བྲལ་རེ་བའི་སྟོན་ཆེན་ལྷམ་རྡོལ་ལགས། །

― JLAZ014_Page_0101 ―

^{[མ་དཔེ་གཟིགས་ན་འདིར་གནོན།]}

[Full Size]

བློ་བྲལ་རང་བྱུང་རིག་པ་ལོངས་སྤྱོད་རྫོགས་པའི་ངང་། །ལྷན་སྐྱེས་མུན་པ་སྟུག་པོས་རང་ཞལ་ཐད་ཀར་བསྒྲིབས། །དྲན་པས་ཆེད་འཛིན་བྱས་པས་ངར་གདེངས་སོ་མ་ལ། །སྒོམ་གྱི་དངོས་གཞིར་འཁྲུལ་བའི་སྒོམ་ཆེན་གཏན་རྡོལ་ལགས། །རྟོག་ཚོགས་བྱ་ལམ་རྗེས་མེད་རོལ་རྩལ་སྤྲུལ་སྐུ་དངོས། །ཀུན་བརྟགས་བློ་ཤོ་རྒོད་པས་འཛིན་ཞེན་བྲལ་མ་ནུས། །ལྷག་མཐོང་གཤིས་ལ་འབྱམས་པའི་རི་དྭགས་རྒྱ་ཤོར་ལ། །རྣམ་རྟོག་ཆོས་སྐུ་ར་འདོད་པའི་གྲུབ་ཐོབ་སྨྱོན་བ་ལགས། །སྐུ་གསུམ་འདུ་འབྲལ་མེད་པའི་ཀློང་ན་གྲོལ་མ་ནུས། རེས་འཇོག་ཡ་བྲལ་ཅན་ལ་རྟོགས་པའི་ལས་འབྲེལ་ཉུང་། །སྣང་ཚད་ལམ་ཁྱེར་ཚིག་གི་ལམ་དུ་ཟད་པ་ཡི། །རྒྱས་འདེབས་གོ་ཡུལ་མཁན་ཞིག་དངོས་ཀྱང་ཡིན་གྱི་དོགས། །མཉམ་གཞག་ནམ་མཁར་གྲགས་ནས་སྟོང་བ་བློ་ཡིས་བསྒྲུབས། །རྗེས་ཐོབ་སྒྱུ་མའི་སྒྲ་ཡིས་དངོས་འཛིན་མཚན་མས་ཞིག །མཉམ་རྗེས་དབྱེར་མེད་ཟེར་ནས་ཐ་མལ་རང་དགར་ལུས། །བདོག་བ་ཅི་ཡང་དགོས་པའི་གྲུབ་གདའ་ཟིན་པ་ལགས། །ཉེ་འཁོན་མེད་པའི་ཐུགས་རྗེ་འདོད་པའི་ཕྱོགས་སུ་ལྷུང་། །ལོག་པར་བསྒྲུབ་པའི་ཕྱོགས་ལ་བཟོད་པ་བསྲན་མི་ནུས། །རྙེད་

― JLAZ014_Page_0102 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཀུར་སྟིའི་སླད་དུ་དབང་པོ་སྡོམ་པའི་ཚུལ། །སྙིང་རྗེ་སྐམ་ཐག་ཆོད་པའི་བྱང་ཆུབ་སེམས་དཔའ་ལགས། །ཅུང་ཟད་རྙེད་པའི་རྒྱད་པའི་ཚེ་ན་རྒྱགས་དར་དྲེགས་པའི་ནད་བུ་འཕེལ། །སྤངས་རྟོགས་ཡོན་ཏན་མི་སྨོན་གྲགས་སྐམ་དགེ་བའི་ཆོམ་རྐུན་གཉེར། །ཆོས་ལྟར་བཅོས་པ་ཀུན་དང་མཐུན་པའི་རྣམ་པར་ཐར་པའི་ཚུལ། །ཧ་ཅང་སྦས་དྲེགས་རྒྱལ་རྣམས་ཐུགས་ཀྱིས་ཁྲེལ་དོགས་འདིར་བརྗོད་དོ། །དེ་ལས་གཞན་དུ་ཐུན་མོང་མ་ཡིན་པ། །ཅི་ཡང་མེད་མོད་གལ་ཏེ་ཡོས་དྲིད་ན། །མོས་པ་བརྟན་པོའི་རྒྱུན་ལས་གནས་སྐབས་འདིར། །ཆ་ཙམ་སྐྱེས་པའི་རང་རྒྱུས་མིག་འཕྲུལ་ནི། །གང་ཚེ་སྒོ་གསུམ་མི་འདར་བསྡོམས་པ་ནས། །སྟན་ཐོག་འདིར་ནི་ལུས་གནད་མ་ཞིག་ཅིང་། །སེ་གོལ་གཏོག་པ་ཙམ་ལའང་ཡེངས་མ་ཡེངས། །ནང་ནུར་རེ་བཞིན་ལྟ་རྟོག་བཅུག་ནས་བསྒོམ། །དེ་ཡི་འབྲས་བུ་ནམ་ཡང་མི་བསླུ་བས། །ཟླ་བ་གསུམ་ན་ཞི་གནས་རྩེ་གཅིག་པའི། །གནས་ཉམས་ཉིན་མཚན་བར་མཚམས་མེད་དུ་ཤར། །གཉིད་ཀྱང་མར་མེ་སྦར་བ་ཇི་བཞིན་ནོ། །ད་ཀོས་ང་དང་འཇིག་རྟེན་ཕྱི་མའི་ལམ། །ངེས་པར་སྔོན་ལ་གང་ཡོད་མི་ཤེས་པའི། །ཤུགས་རིང་དབུགས་འབྱིན་ཆེན་པོའི་འབབ་སྟེགས་

― JLAZ014_Page_0103 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་། །ཁ་རག་སྒོམ་ཆུང་རྗེས་སུ་འགྲོ་བ་སྙམ། །ཚེ་འདིའི་ཚོ་རྩིས་ཆགས་སྡང་གཡོ་འཁྲུག་གི། །རི་དབང་འཇོམས་ལ་གནམ་ལྕགས་ཐོག་ལྟ་བུ། །འཆི་བ་སྙིང་དྲན་ཉིད་ལས་གཞན་མེད་པར། །རྒྱལ་བས་གསུངས་པའི་བདེན་པ་རྒྱུད་ལ་སྨིན། །བྱིན་རྒྱུད་རྟོགས་པ་འཕོ་བའི་བྱད་པ་པོ། །སུ་ཡང་མ་ཡིན་རང་གི་མོས་གུས་ལ། །རིག་པ་དེ་ཕྱིར་དད་པའི་གདུང་ཤུགས་ཀྱང་། །མཆི་མ་འཁྲུལ་པའི་བྱེད་པོས་རྟག་ཏུ་བོས། །ཐེག་ཆེན་ལམ་གྱི་ཡོན་ཏན་ཕལ་མོ་ཆེ། །མགྲོན་པོར་འབོད་ལ་སྙིང་རྗེ་ཆེས་པ་བཞིན། །དགྲ་མི་ཤ་བོར་མཚོན་རྣོན་ཐོགས་པ་ལའང་། །འཁུན་པ་མེད་པར་སྲོག་འདི་སྟེང་ཕྱོད་སྐྱེས། །འཁོར་བ་ཤིན་ཏུ་མི་བདེ་སྡུག་བསྔལ་བའོ། །རུམ་ན་སེམས་ཅན་ཀུན་གྱི་མཚམས་བཅས་དེའི། །གནས་ལ་བཟོད་ཐབས་མེད་པའི་སྨྲ་སྔགས་དང་། །ཤུགས་རིང་མཆི་མར་བས་པ་བརྟག་ཏུ་འགྲན། །ངེས་པར་འབྱུང་དང་སྐྱོ་ཤས་དྲག་པོ་དང་། །སྙིང་རྗེ་ཚད་མེད་མོས་གུས་རླབས་པོ་ཆེས། །ལོ་ཟླའི་དམ་བཅའ་བརྟན་པོ་མ་ལུས་པ། །སྐྱོ་ངལ་མེད་པའི་དང་དུ་ཟད་པ་བྱུང་། །གང་ལས་བྱུང་བའི་ཡོན་ཏན་ཅི་སྙེད་ན། །མ་ཡེངས་ལམ་དུ་སློང་བའི་ཆོས་དྲུག་གིས། །དྲན་པའི་ངོ་བོ་རང་གྲོལ་ཆེན་པོའི་ཀློང་། །ཀུན་པོའི་རྣམ་རྟོག་ཡིབས་

― JLAZ014_Page_0104 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་འཕྲོ་བཅད་དོ། །དེ་ལའང་ཡིད་ཆེས་ཉམས་ཀྱི་འཛིན་སྟངས་དང་། སྒོམ་འཛིན་ཤེས་བྱའི་དྲི་མ་ཕལ་མོ་ཆེ། །བརྗོད་མེད་བློ་བྲལ་ཆེན་པོའི་གཤིས་སུ་དག །བཏང་སྙོམས་ལུང་མ་བསྟན་ལས་འདས་པའོ། །བསྒོམ་དང་མ་བསྒོམ་མཐའ་ལས་རྣམ་གྲོལ་ཞིང་། །ལྷག་མཐོང་གཤིས་ལ་འབྱམས་པའི་གཞི་རྩ་ཆོད། །ཆོད་དང་མཆོད་འདི་ཡང་བློ་བཏགས་ཙམ། །བརྡལ་བ་ཆེན་པོ་ཆོས་སྐུའི་བཞུགས་ཚུལ་ལོ། །སྐྱེ་མེད་ངེས་བཟུང་མཉམ་གཞག་ཡོན་ཏན་སྐྱེ། །འགག་མེད་ལམ་ཁྱེར་རྗེས་ཐོབ་རང་ངོར་གྲོལ། །སྣང་བའི་སྟེང་དུ་སྟོང་པའི་རང་ཞལ་མཐོང་། །རྣམ་པ་ཐམས་ཅད་མཆོག་ལྡན་ཉིད་དུ་གོལ། །དེ་ཉིད་མ་རིག་སྲིད་པའི་ཁུང་བུ་ཅན། །རྟེན་འབྲེལ་བཅུ་གཉིས་རྒྱུན་ལ་རྟག་ཏུ་འཁོར། །བསྒོམ་འདོད་བློ་ནིཆགས་དང་སྤོང་འདོད་སྡང་། །ཆགས་སྡང་བཅོས་མའི་བློ་ཡིས་འཁོར་བར་འཕེན། །དེ་ཕྱིར་ཡེ་གྲོལ་ཆེན་པོའི་ངང་བསྒོམས་དང་། །ཀུན་བརྟགས་གྲ་མོའི་དཔྱད་པ་ཁྱད་ཆེ་བའི། །རང་བཞིན་ཤེས་ནས་དེ་གར་ལུས་པ་ལས། །འཁྲུལ་པའི་དེ་ཉིད་རིག་པའི་ཀློང་ཡལ། །ཐེག་དམན་་ལམ་གྱི་སྐལ་བ་འདི་གྲོལ་བའི། །གཟུང་འཛིན་སེམས་ཉིད་གྱ་གྱུའི་རང་བཞིན་ཅན། །དོན་གྱི་རྟོགས་པ་བརྗོད་པ་དེ་ལ་རུང་། །ལར་ལོ་གསུམ་

― JLAZ014_Page_0105 ―

^{[མ་དཔེ་གཟིགས་ན་འདིར་གནོན།]}

[Full Size]

འདིའི་རིང་ལ། །རྡོ་རྗེའི་རིགས་དང་། །རིན་པོ་ཆེ་དང་། པདྨ་དང་། །ལས་དང་། །དེ་བཞིན་གཤེགས་པ་ལ་སོགས་ཏེ་ཡིད་མ་རིགས་ཐ་དད་པའི་བསྙེན་སྒྲུབ་ཀྱིས་སྒོ་གསུམ་རྡོ་རྗེ་གསུམ་དུ་གོ་འཕོ་བའི་གནད་དང་། དེའི་རང་བཞིན་མཉམ་གཞག་ཆེན་པོར་བསྲེ་བ་ལ་གོམས་པར་བསླབས་བས་བསོད་ནམས་དང་ཡེ་ཤེས་ཀྱི་ཚོགས་ཟུང་འབྲེལ་ཉིད་དུ་རྫོགས་པ་ནི་རྒྱུ་འབྲས་མི་བསླུ་བའི་འབྲས་བུ་ཡིན་པ་སྨོས་མ་དགོས་ལ། གནས་སྐབས་སུའང་རྣམ་པར་སྨིན་པའི་རིག་འཛིན་གྱི་ལྡང་ཚད་ཇི་ལྟ་བར་གདགས་སུ་རུང་བའི་བསྐྱེད་རིམ་གསལ་བརྟན་གྱི་ངེས་བརྗོད་རྫོགས་པའང་འགའ་ཙམ་སྣང་བས་ཕྲིན་ལས་རྣམ་པ་བཞི་ལ་རང་བྱན་ཆུ་པའི་རྟེན་འབྲེལ་འགྲིག་ཅིང་། གདོན་བགེགས་ཀྱིས་མནར་བའི་འགྲོ་བ་གང་ཞིག་ལ་རིག་པ་གཏད་པ་ཙམ་གྱིས་མནོན་གྱུར་དུ་ཕན་པའང་འགའ་ཙམ་བྱུང་ལ་། གང་ཞིག་སྙིང་རྗེ་་ཆེན་པོའི་བློ་ཤུགས་འབྱུང་དུ་སྐྱེས་པ་དེའི་ཚེ་དེའི་དུས་ན་རང་གཞན་བརྗེ་བར་ནུས་སོ་སྙམ་པའི་ཀུན་སློང་བཟང་པོ་རྒྱལ་པོ་བྱམས་པའི་སྟོབས་ལ་སྨོན་པར་ནུས་པ་ཙམ་དུ་སྐྱེས་པ་ལས། འཇིག་རྟེན་སྐྱེ་བ་ནས་སྐྱེ་བར་རབས་སུ་བརྒྱུད་པ་དང། གདུང་འཛིན་ལ་སོགས་པ་གྲགས་པའི་ལྕགས་ཀྱུས་མཐོན་པོའི་གནས་ལ་དཔྱད་དུ་མེད་པའི་ཀུ་སུ་ལུ་སྲན་མ་ལྟ་

― JLAZ014_Page_0106 ―

^{[མ་དཔེ་གཟིགས་ན་འདིར་གནོན།]}

[Full Size]

བུར་ཟླུམ་པའང་། ལས་འགྲོ་དག་པས་རང་བཞིན་གྱི་བླ་མར་བྱ་བ་དང་། རི་མོར་བྱ་བ་དང་། བསྟི་སྟང་དུ་བྱ་བའི་འོས་སུ་མཐོང་ཞིང་དེ་དག་ཆོས་ཀྱི་སྒོ་ནས་ཡང་དག་པའི་ལམ་ལ་བཀྲི་བར་ནུས་པའང་སྟོང་ཉིད་སྙིང་རྗེའི་སྙིང་པོ་ཅན་གྱི་གཞན་དབང་ཁོ་ན་ལས་བདག་ཉིད་ཐབས་ལ་མཁས་པའི་སྤྱོད་པས་མ་ཡིན་ནོ། །གང་གི་ཚེ་མོས་གུས་ཆེན་པོའི་རླབས་ཕྲེང་གཡོ་བའི་མོད་ལ། མིག་ནས་མཆི་མའི་ཆར་རྒྱུན་དྲག་ཏུ་འབབ་པ་དང་ཆབས་ཅིག །གདུང་བ་དྲག་པོའི་བློ་སྲོག་ལ་མི་ཕོངས་པ་ཙམ་དུ་སྐྱེས། དེའི་རྗེས་འབྲེལ་དུ་སྔ་ན་མེད་པའི་རྟོགས་པ་བརྗོད་དུ་མེད་པ་རེ་སྐྱེས་ནས་སྔ་མ་སྔ་མའི་ལྟ་བ་ཕྱི་ཤུན་ལྟ་བུར་འགྲོ་ཞིང་། དེ་ལ་སོགས་པའི་ཡུལ་རྐྱེན་ཐ་དད་པས་མགྲིན་པ་ལོངས་སྤྱོད་ཀྱི་འཁོར་ལོའི་གྲོང་ཁྱེར་ཆེན་པོ་ན་གནས་པའི་རྩ་ཁམས་ཀྱི་ཏེ་གེ་རྟེན་དང་བརྟེན་པར་བཅས་པ་གསང་བ་ཡེ་ཤེས་ཆེན་པོའི་རླུང་གིས་རྡོ་རྗེའི་རོལ་མོར་བཀྲོལ་བ་ལས། བཛྲ་མ་ཀསྟེ་གླུའི་རིམ་པའང་ཇི་སྙེད་ཅིག་བྱུང་སྟེ། དེ་ལ་ཆེད་དུ་འཛིན་བ་མ་ཞུགས་བས་ཟིན་བྲིས་ལ་ལ་གྱར། ལ་ལ་གཞན་དུ་འཁོད་པ་སོགས་ཡོད་པས་འདིར་མ་བྲིས། དེ་ལྟ་ནའང་ཆོས་ཡང་དག་པར་སྡུད་པའི་མདོ་ལས། བཅོམ་ལྡན་འདས་བསམ་པ་ཕུན་སུམ་ཚོགས་པ་ནི་ཆོས་ཐམས་

― JLAZ014_Page_0107 ―

^{[མ་དཔེ་གཟིགས་ན་འདིར་གནོན།]}

[Full Size]

ཅད་ཀྱི་རྩ་བ་སྟེ། བཅོམ་ལྡན་འདས་བསམ་པ་ཕུན་སུམ་ཚོགས་པ་ལ་ནི་གལ་ཏེ་སངས་རྒྱས་མི་བཞུགས་ནའང་། ནམ་མཁའི་དཀྱིལ་དང་། རྩིག་པ་དང་། ཤིང་ལྗོན་པ་རྣམས་ལས་ཆོས་ཀྱི་སྒྲ་འབྱུང་ངོ། བྱང་ཆུབ་སེམས་དཔའ་བསམ་པ་དག་པ་ལ་ནི་རང་གི་ཡིད་ཀྱིས་སྤྱོད་བ་ཉིད་ལས་གདམས་ངག་དང་རྗེས་སུ་བསྟན་པ་ཐམས་ཅད་འབྱུང་ངོ། །དེ་བས་ན་བྱང་ཆུབ་སེམས་དཔའ་བསམ་པ་ཕུན་སུམ་ཚོགས་པ་བགྱིའོ། །ཞེས་གསུངས་པ་ལྟར་གནས་སྐབས་དེར་བློ་ལས་སུ་རུང་བའི་ཉེ་བར་ལེན་པ་དང་། སྣང་བའི་ཆོས་ཉིད་སྒྱུ་མ་ལྟ་བུར་རྟོགས་པའི་རྟེན་ཅིང་འབྲེལ་བར་འབྱུང་བས་མཚམས་སྦྱར་ཏེ། བཀའ་འདུས་རྫོགས་པ་ཆེན་པོ་ཀློང་ཆེན་སྙིང་ཐིག་གི་ཀློང་བྱང་ཐུགས་ཀྱི་སྒྲོམ་བུ་བརྡ་བསྒྱུར་གསང་བའི་གལ་མདོ་བབས་ཤིང་དེ་ཉིད་འབྱུང་བའི་ལྗོན་འགྲོར་སྣང་བ་དཔེ་ཆར་ཤར་བའི་བརྡ་ལས་བློ་ལྡན་བྷྲ་མ་རའི་གཏམ་དུ་གྲགས་པ་ཇ་ཞལ་གསུམ་འཐུང་བའི་ཡུན་ལ་བྲིས་མི་ཚར་བ་ཙམ་དུ་བབས་པ་བློས་བཀོད་པའི་ཡི་གེ་མ་ཡིན་པས་དོན་བཟུང་ལ་ཚིག་གཏད་པ་མེད་པར་སྣང་ངོ། །སྒྲུབ་ཁང་ཡང་འོག་མིན་དག་པའི་ཞིང་། །འདུ་ཁང་དང་ཚོགས་འདུ་དྲན་དོན་མེད། །དེ་དྲན་ན་ཆགས་སྡང་མེ་ལྟར་འབར། །བྱང་ཆུབ་ལ་

― JLAZ014_Page_0108 ―

^{[མ་དཔེ་གཟིགས་ན་འདིར་གནོན།]}

[Full Size]

གསོན་བསྲེག་གཏོང་ཉེན་ཡོད། །ཅོག་པུ་ནི་རང་བཞིན་སྤྲུལ་པའི་གནས། །འདུ་འཛི་དང་རྒྱལ་ཁབ་མ་གཤགས་ཤིག །དེ་ཤགས་ན་སྒྲུབ་འབྲས་ཟོང་ལ་འཚོང་། །མ་མཁའ་འགྲོའི་བྱིན་རླབས་ཡལ་གྱིས་དགོས། །གཅོད་ཌཾ་ལྷ་འདྲེའི་ཡིད་རྩལ་ཁོལ། །རྔ་ཆོལ་དང་རོལ་མོ་མ་དྲན་ཅིག །གཏོར་རྒྱག་གི་འགྲོ་དོན་སླེབས་ནས་ཡོད། །ལམ་རྟགས་ཀྱི་ཡོན་ཏན་འགྲིབ་ཉེན་ཡོད། །མི་རྐང་དང་གླིང་བུ་གདངས་འགྱུར་སྙན། །དུང་སྒྲ་དང་རྒྱ་གླིང་མ་དྲན་ཅིག །རི་དྭགས་ཀྱི་སྨིག་རྒྱུ་མཐོང་བ་ལྟར། །སྟོང་གསོལ་བ་ལ་མི་ཚེ་བསྐྱལ་ཉེན་ཡོད། །གནས་ཡུལ་གྱི་བཀོད་པ་ལུས་ལ་ཚང་། །རྐང་པ་ལ་འཕང་ལོ་མ་སྐོར་ཅིག །ཚར་ལྷོངས་གཉིས་མལ་སར་འགྲིག་གིན་གདའ། །སྤང་སྙོགས་ཀྱི་མཐར་ཐུག་ཅིག་བྱས་ཉེན་ཡོད། །མཚམས་འོག་ལ་འཇལ་ཕྲད་མ་གནང་ཞིག །དགེ་བའི་གྲོགས་པོ་གསེར་ལས་དཀོན། །སྡིག་གྲོགས་ཀྱིས་དགེ་སྦྱོར་རླུང་ལ་བསྐུར། །སེམས་སྣང་སྟོང་ལ་བུམ་པའི་དབང་བསྐུར་ཞུས། །ཐུན་མཚམས་སུ་ཁ་སྡུར་མ་བཏང་ཞིག །ཕྱི་གཏམ་ནང་བསྐྱེལ་འདི་རྣམ་རྟོག་རྒོད། །ཁ་བཙུམ་ན་རྟོག་བྲལ་གྱི་ཡོན་ཏན་འཆར། །སེམས་གསལ་སྟོང་ལ་གསང་དབང་གི་ཉམས་ལེན་མཛོད། །སྒོམ་འདོད་ཚོ་

― JLAZ014_Page_0109 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་བྱམ་སློབས་ཤིག །དེ་ཤེས་ན་སྲུང་འཁོར་གྱི་མི་ཐུབ་པའི། །གེགས་ཆེན་དེ་རང་ལ་ཆེད་ནས་གདའ། །མི་ཤེས་དང་མི་ཡོང་སྐུ་དྲིན་ཆེ། །སེམས་བདེ་སྟོང་ལ་ཤེར་དབང་གི་ལམ་ཁྱེར་མཛོད། །འུམ་འུམ་དང་ཡིག་ཕྲིན་བྱ་བ་མང། །ཆོས་བརྒྱད་གྱི་རྟོག་ཚོགས་གསར་རེ་ས་ །བུག་སྒོ་ལ་རྡོ་བརྩིགས་ཐོང་ལ་ཞོག །རིག་སྟོང་ལ་ཚིག་དབང་ག་ལམ་ཁྱེར་ཚང། །གཡོ་མེད་དུ་བརྟན་པ་ལུས་ཀྱི་ཚུག།། སྒྱུ་ལུས་ཀྱང་དྲན་པ་ཉེ་བར་གཞག །རྣམ་རྟོག་ལ་འགྲོ་དང་འོང་བ་མེད། །སེམས་ཉིད་ཀྱང་དྲན་པ་ཉེར་བར་གཞག །ཚོགས་དྲུག་གི་ཡུལ་ལ་བྱ་མ་ཤོར། །ཚོར་བ་ཡང་དྲན་པ་ཉེར་བར་གཞག །གཤིས་ཐོག་ལ་བཅས་བཅོས་མ་དགོས་པ། །ཆོས་ཉིད་ལ་དྲན་པ་ཉེ་བར་གཞག །མཉམ་གཞག་ལ་སྡིག་པའི་ཀུན་སློང་མེད། །མི་དགེ་བ་ཡང་དགས་སྤོང་བ་ལགས། །ཆོས་ཉིད་ནི་མུ་བཞི་སྤྲོད་དང་བྲལ། །གཟུང་འཛིན་ཀྱང་ཡང་དགས་སྤོང་བ་ལགས། །སྣང་བ་ལ་མ་ཞེན་ཆོས་སྐུར་དག །རྣམ་རྟོག་ཀྱང་ཡང་དག་སྤོང་བ་ལགས། །འཁོར་འདས་ལ་རང་བཞིན་མ་གྲུབ་པས། །གཉིས་འཛིན་ཀྱང་ཡང་དག་སྤོང་བའོ། །ཉིན་མཚན་དུ་མཉམ་པར་བཞག་ལ་བརྩོན། །འདུན་པའི་རྫུན་འཕྲུལ་རྐང་པ་ཡིན། །ལྷག་

― JLAZ014_Page_0110 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོང་གིས་དེ་ལ་ཆོས་སྤྱོད་གྲོགས། །སྤྱོད་པའི་རྫུ་འཕྲུལ་རྐང་པ་ཡིན། །སེམས་ཀྱི་རྫུ་འཕྲུལ་རྐང་པ་ཡིན། །དེ་ཡི་ངོ་བོ་གསལ་དངས་ཕྱེད། །ཤེས་རབ་ཀྱི་རྫུ་འཕུལ་རྐང་པ་ཡིན། །བློ་འདས་ལ་ཡོན་ཏན་མ་ལུས་འཆར། །དགེ་ཆོས་མ་བསྐྱེད་པ་བསྐྱེད་པར་བྱེད། །མཉམ་རྗེས་ལ་རིས་མེད་རྩལ་སྦྱོང་བས། །སྐྱེས་པའང་གོང་དུ་སྤེལ་བར་བྱེད། །རྟོག་པའི་གཞི་རྩ་རང་སར་ཆོད། །ཕྱི་ནས་མི་དགེ་མི་སྐྱེད་བྱེད། །ཤར་བ་དང་གྲོལ་བ་དུས་མཉམ་ན། །སྐྱེས་བའང་རང་སར་སྤོང་བར་བྱེད། །ཡང་དག་གི་དོན་ལ་ངེས་ཤེས་སྐྱེ། །དད་པའི་དབང་པོ་དེ་ལས་གང་། །བསྒོམས་དང་མ་བསྒོམས་གང་དུའང་དྲན། །དྲན་པའི་དབང་པོ་དེ་ཉིད་དོ། །ཆུ་བོ་བཞིན་དུ་རྒྱུན་འཆད་མེད། །ཏིང་ངེ་འཛིན་གྱི་དབང་པོའོ། །དེ་ལ་བསལ་བཞག་བྱ་བ་མེད། །བརྩོན་འགྲུས་ཆེན་པོའི་དབང་པོའོ། །གཏིང་མཐའ་མེད་པའི་མཚང་ཤེས་བ། །ཤེས་རབ་ཀྱི་དབང་པོ་ཁྱད་པར་ཅན། །སྣང་བ་ནི་དག་པ་རབ་འབྱམས་ཞིང་། །ཁྱབ་གདལ་ཆེན་པོ་དད་པའི་སྟོབས། །དུས་གསུམ་ཡང་དུ་མ་རོ་གཅིག་དང་། །སྐྱེ་འགག་གནས་མེད་དྲན་པའི་སྟོབས། །ཡོད་མེད་ཀྱི་མཐའ་

― JLAZ014_Page_0111 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སྤྲོས་བྲལ་ཤར། །དབྱེ་མར་གནས་པའི་ཏིང་འཛིན་སྟོབས། །སྒོམ་པའི་ངོ་བོ་བྲི་གང་མེད། །ལེ་མོ་དང་བྲལ་བ་བརྩོན་འགྲུས་སྟོབས། །ལྷན་སྐྱེས་ཀྱི་ངོ་བོ་བརྗོད་པ་བྲལ། །རང་བྱུང་ཡེ་ཤེས་ཆེན་པོའི་སྟོབས། །ཚོགས་དང་སྦྱོར་བའི་ལམ་ཆེན་པོར། །ཡོན་ཏན་གྱི་རྣམ་པ་ཅིར་བསྟན་པ། །རིས་མེད་མཉམ་བ་ཆེན་པོར་འགྱེལ། །སྤྲོས་བྲལ་གྱི་ཡེ་ཤེས་རྣམ་མི་རྟོག་ཏིང་འཛིན་གྱི་བྱང་ཆུབ་ཡན་ལག་ཉིད། །མཐའ་དང་བྲལ་བ་ཁྱད་པར་གྱི་ཆོས། །ཡང་དག་གི་བྱང་ཆུབ་ཡན་ལག་ཉིད། །ལུས་སེམས་དང་བཅས་པའི་ཚོགས་པ་ཀུན། །ཤིན་ཏུ་སྦྱངས་པའི་བྱང་ཆུབ་ཉིད། །སྤོང་ལེན་ལས་གྲོལ་བ་གང་ཞིག་ནི། །བརྩོན་འགྲུས་ཀྱི་བྱང་ཆུབ་ཡན་ལག་གོ །ས་ལམ་གྱི་རྣམ་པར་དཔྱད་དུ་བཟོད། །རྣམ་འབྱེད་ཀྱི་བྱང་ཆུབ་ཡན་ལག་ཡིན། །རྒྱ་ཆད་དང་ཕྱོགས་སུ་ལྷུང་མ་མྱོང་། །བཏང་སྙོམས་ཀྱི་བྱང་ཆུབ་ཡན་ལག་ཉིད། །འདར་བ་དང་འཕྲིག་པའི་ཆོས་ཅན་མིན། །དྲན་པ་འདི་བྱང་ཆུབ་ཡན་ལག་གོ། གར་ཡང་ཕྱིན་པ་མེད་པ་ལ། །ཅི་ཡང་མ་མཐོང་མཐོང་བའི་ལམ། །དབྱིངས་ཀྱི་ངང་ལ་རྩོལ་རྟོག་མེད། །ཡང་དག་འདི་ལྟ་བའི་རྩེ་མོར་འདུག །རང་ངོའི་ཡེ་ཤེས་

― JLAZ014_Page_0112 ―

^{[མ་དཔེ་གཟིགས་ན་འདིར་གནོན།]}

[Full Size]

བསྒྲིབ་པ་མེད། །ཡང་དག་འདི་རྟོགས་པའི་རྩེ་མོར་སོང་། །ཅ་ཅོ་དང་གཞས་བསླུ་བ་མིན། །ཡང་དག་འདི་ངག་གི་རྩེ་མོ་ལགས། །སྤངས་པ་དང་རྟོགས་པ་ལྷུན་རྫོགས་ཉིད། །ཡང་དག་འདི་རྩོལ་བའི་རྩེ་མོར་ཕྱིན། །མཆོག་ཏུ་མི་འགྱུར་བདེ་བའི་དངོས། །ཡང་དག་འདི་འཚོ་བའི་རྩེ་མ་ལགས། །མཉམ་གཞག་དང་རྗེས་ཐོབ་ཤུགས་ལ་འདྲེས། །ཡང་དག་འདི་ཏིང་ངེ་འཛིན་གྱི་རྩེ། །རང་གསལ་ལ་སྒོམ་པས་ཕན་མ་བཏགས། ཡང་དག་འདི་དྲན་པའི་རྩེ་མོའོ། །རེ་དོགས་ཀྱི་གཉིས་སྣང་རང་སར་ཞིག །ཡང་དག་འདི་ལས་མཐའ་རྩེ་མོ་ཉིད། །འཕགས་པའི་ལམ་གྱི་ཡན་ལག་བརྒྱད། །བསྒོམ་པའི་ངོ་བོར་རང་གྲོལ་ནས། །ལམ་ལྔ་ས་བཅུའི་འབབ་སྟེགས་ལ། །མི་སློབ་ལམ་གྱི་རྟོགས་བའི་ཆོས། །མངོན་གྱུར་དག་པ་གཉིས་ལྡན་ཞེས། །གྲགས་པ་ཕ་རོལ་ཕྱིན་པའི་ལུགས། །མཐར་ཐུག་སྔགས་ཀྱི་མྱུར་ལམ་ལ། །མ་བརྟེན་ས་ནས་སར་འཕགས་པ། །ངེས་པར་སྐས་ཀྱི་གདང་བུ་བཞིན། །འགྲོ་བར་འདོད་པའི་རྣམ་རྟོག་ཅན། །དེ་ལ་བྱང་ཆུབ་ཡོད་པ་མ་ཡིན། །ཅེར་གྲོལ་རིག་པ་སྐད་ཅིག་མའི། །སྟེང་དུ་བྱང་ཆུབ་ཕྱོགས་ཀྱི་ཆོས། །སུམ་ཅུ་རྩ་བདུན་མ་ལུས་པ། །སྤངས་ཐོབ་བྲལ་བར་

― JLAZ014_Page_0113 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པ་འདི། །རྣལ་འབྱོར་བདག་གི་ཉམས་ལེན་ལགས། །དམ་བཅའ་རྫོགས་པ་ན་བསྙན་སྒྲུབ་ཀྱི་ཁ་སྐོང་ལ་སྒྲུབ་ཆེན་བདེ་གཤེགས་འདུས་པའི་སྒོ་ནས་ཕྲིན་ལས་བཞི་དང་མཚོ་གི་ཆོ་ག་ལ་བརྟེན་པའི་ཧོ་མའི་ལས་སྦྱོར་བརྩམས། མཆོད་ཟླ་སྐྱེས་ཐོབ་ཀྱི་རྩེ་མོར་སོན་ལ། ཐོས་བསམ་ལ་རིག་པ་རྣོ་བ་ཞིག་ཡོད། བསླབ་གཉེར་རྒྱུད་ཐོག་ཏུ་མི་འགེལ་བ་ནི་དགེ་བཤེས་མཚན་ཉིད་པའི་གཞུང་ལམ་ཆེན་མོར་མེད་དམ་སྙམ། །དབུ་མ་ཆེན་པོའི་ལུགས་ལ་ཞི་གནས་ཁྱད་པར་བ་ཐབ་པ་དེས། མདུན་ན་ཟན་ཟབ་པོའི་ཁམ་རྡོག་ལའང་གྲངས་ཀྱི་ནོན་པ་ཙམ་དུ་མི་ཡེངས་པ་ཡོད་ཟེར་བ་ཐོས། ཁྱེད་རྫོགས་པ་ཆེན་པོའི་ལྟ་བ་ཧར་སངས་ཟེར་ འདི་ཧྭ་ཤང་གི་གྲུབ་མཐའ་དང་གཅིག་པ་ཡིན་པར་བྱེད་ཀྱང་། འཇའ་ལུས་གྲུབ་པ་དང་། གྲོལ་བ་ཐོབ་པ་མངོན་གྱུར་དུ་བྱུང་ལུགས་འདི་ལ་དཔགས་ས་ན་ལྟ་བའི་ངོ་བོ་ནི་ཟབ་མོ་རང་ཟིག་ཡོད་པར་འདུག་སྐད། །མ་ཡེངས་བ་ཟེར་བའི་ཚིག་དེ་ག་གཅིག་པོས་འཚང་རྒྱ་ན་ཀུན་ནས་ཉོན་མོངས་པའི་ཕྱུགས་རྫི་རྒན་པོས་ཀྱང་ཆེད་འཛིན་གྱི་ངང་དུ་དྲན་པ་བཞག་པའི་ཚེ། སྟོང་ཕྲག་ཁྲི་ཕྲག་ཏུ་ལོངས་པའི་ཕྱུགས་ཀྱི་ངོ་བོ་རྩི་བར་ནུས་པ་རིག་པས་གྲུབ། རྫོགས་པའི་སངས་རྒྱས་ཀྱི་ལྟ་བ་ལ་སྤྲོས་བྲལ་གྱི་

― JLAZ014_Page_0114 ―

^{[མ་དཔེ་གཟིགས་ན་འདིར་གནོན།]}

[Full Size]

མིང་གདགས་དོན་མེད། མཐའ་གཉིས་ལ་མི་གནས་པའི་དབུ་མར་བློས་བཞག་པའང་དྲན་པས་བཟུང་བའི་ཡོད་མཐའ་ལ་ལྷུང་གིས་དོགས། སངས་རྒྱས་ཀྱི་ལྟ་བ་ཟབ་མོ་སྟོན་པ་ལ་ཀླུ་སྒྲུབ་ལྷུང་བསྟན། རྒྱ་གར་ན་དགོངས་འགྲེལ་ཚད་མ་ཟླ་བ་གྲགས་པ་ཡིན། རྣམ་པའི་གཞུང་ལུགས་མ་སྨྲ་བས་མ་བརྗོད་མེད་གཉིད་མཐུག་པོ་དང་གཅིག་པའི་ཕྱོགས་ཕུལ་བཀོད་པའང་འདུག །དེ་ཀ་ཡིན་ན་རྫོགས་པ་ཆེན་པོ་ཧ་ཤང་དང་མཐུན་པ་ལོང་དུ་མ་སོང་། རྒྱལ་བའི་ཡུམ་ལའང་སྒྲ་གཅན་འཛིན་གྱི་བསྔགས་བ་དེ་ལས་བརྗོད་མ་ཤེས་པའི་ཕྱིར་དང་། ཡང་སྐབས་ཤིག་ཏུ་ངེས་པའི་ཤེས། པ་དང་། ཡུལ་གྱི་འཛིན་སྟངས་ཞིག་པ་ལྟ་བ་ལ་དཔྱད་པ་རྫོགས་པའི་ཚད་དུ་ཁས་བླངས་པར་ཁ་ཐུན་བ་རྒྱུད་ལ་ཁེལ་གྱིན་ཡོད་ན་ནི། སྔ་མའི་ཁས་ལེན་དངོས་འགལ་ལ་སོང་ཡང་གོ་བཅད། རྫོགས་པ་ཆེན་པོའང་ཕྱོགས་གང་དུ་འཕུལ། གསར་རྙིང་གང་གི་ཐད་དུའང་འདྲ་མིན་མང་པོ་ཡོད་པ་ནི་ཀུན་ན་གསལ། བོད་ན་རྒྱན་དྲུག་མཆོག་གཉིས་ཀྱི་གཞུང་སྟེགས་སུ་གནས་ནས་རྫོགས་པ་ཆེན་པོའི་གྲུབ་མཐའ་རང་སར་སྤྱོད་ནུས་པ་དེ་རྒྱལ་བ་ཀློང་ཆེན་པ་ཡིན། དེའི་དགོངས་པ་ལ་རྟག་ཆད་ཀྱི་རྒོལ་བ་འཇུག་པ་འདུག་པ་ན་རྣལ་འབྱོར་པར་ཡང་ཐོར་ཚུགས་འབྲེག་པ་ལ་སྤྲོ་བ་ཡིན། བྱས་པས་ཁོང་མགུ་སོང་། སྔར་གོ་བ་ང་ཆེ་བ་ཡིན་ཏེ།

― JLAZ014_Page_0115 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་བྱུང་གི་ཤེས་རབ་ཁྱད་པར་འཕགས། ཁྱོད་བསླབ་གཉེར་མ་བྱས་སྐད། ཁོང་གི་དེ་དྲིང་ལྷག་བསམ་ནས་ངེད་ལ་འགྲོ་བརྩི་བར་འདུག་སྟེ་ཤེས་བྱ་གཤིས་ཐོག་ཏུ་གྲོལ་བ་ལ་རྒྱུ་མཚན་འདི་ཡོད། བདེ་གཤེགས་སྙིང་པོ་སྣང་ནས་གསལ་བ་ལ། ཕྱི་ནས་དྲན་པས་འཛིན་པ་བཙལ་མ་དགོས། །ཡུལ་ལ་ཆེད་དུ་དམིགས་པའང་རྣམ་དག་པ། །ཟབ་ཅིང་སྤྲོས་བྲལ་ཀོང་ལ་ཕྱག་བགྱིའོ། །བཅིངས་གྲོལ་ལས་འདས་པ་ཀ་དག་གི་རིག་པ། །རྒྱས་འདེབས་ཀྱིས་མ་བསླད་ལྷུན་གྲུབ་ཏུ་རང་ཤར། །བྱར་མེད་ལ་རྩོལ་བྱས་ཀྱི་ལྷན་ཐབས་ཀྱང་མི་འདེབས་སོ། །རྟག་ཆད་ཀྱི་མ་བསླུས་བློ་བྲལ་གྱི་རིག་པ། །དབུ་མ་ལ་མ་བཙིར་སེམས་འཛིན་ལས་འདས་སོང་། །རང་གྲོལ་ལ་བསྐྱར་གྲོལ་གྱི་འཇུག་ཀྱང་མི་བྱེད། །དྲན་པས་ཀྱང་མ་བཟུང་རང་བབ་ཀྱི་རིག་པ། །འཆར་སྒོས་ཀྱང་མ་གཡེལ་ཐད་ཀ་རུ་རང་ཡན། །ཅེར་གྲོལ་ལ་གཉེན་པོའི་བསལ་གཞག་ཀྱང་དགོས་སོ། །སྟོང་གསལ་གྱི་རིག་པ་སྨྲ་བསམ་དང་བརྗོད་མེད། ཆད་འཛིན་ཀྱང་མ་བྱས་རྒྱ་ཡན་དུ་མ་འབྱམས། །བློ་བྲལ་ལ་འཐད་ལེགས་ཀྱིས་གཟབས་མཚོར་ཀྱང་མ་དགོས་སོ། །ཡིད་དཔྱོད་ལས་འདས་པ་མཉམ་ཉིད་ཀྱི་རང་སྒོམ། བཅོས་སླད་ཀྱི་

― JLAZ014_Page_0116 ―

^{[མ་དཔེ་གཟིགས་ན་འདིར་གནོན།]}

[Full Size]

མགོས་རང་ས་ན་ཐལ་ཐལ། །དབྱིངས་གྲོལ་ལ་གོ་ཉམས་དང་ཕོ་ཚོད་ཀྱིས་མི་རེག་གོ །གནས་འགྱུ་དང་མཉམ་རྗེས་ཞི་ལྷག་གི་འབྲེལ་མཚམས། །ཐ་དད་དུ་དབྱེ་བའི་རསཧ་གྲངས་ཀྱང་ཞིག་པ། །བཟུང་དྲན་གྱི་གདོན་ཆེན་སངས་རྒྱས་པ་ལས་བྱུང་ངོ། །དྲན་པ་ལ་དྲན་ལུགས་རྣམ་དྲུག་ཏུ་ཡོད་པ། །མ་རྟགས་མཐར་འཛིན་གྱི་གཡངས་རུ་ལྷུང་ན། །སྒོམ་ཆེན་དང་གནས་ལུགས་མཁོན་བ་ཞིག་འབྱུང་བས། །ལྟ་བ་ལ་མཐོ་དམན་བརྗོད་ས་རང་མ་རྙེད་དོ། །ཞེས་སོ། །ལྟ་བའི་ཡིན་ལུགས་རྗེན་པར་མཐོང་བ་དང་། །སྒྲིབ་པ་སྤངས་ཐོབ་བྲལ་བ་ངོ་མཚར་ཆེ། སྐྱིད་སྡུག་གཉིས་ལ་འདམ་ཀ་ད་རུང་འདུག །རོ་སྙོམས་ལམ་དུ་ལོངས་པར་བྱིན་གྱིས་རློབས། །ངེས་འབླུང་དྲན་པོ་རྒྱུད་ལ་སྐྱེས་པ་དང་། །ཚེ་འདིའི་འཁྲི་བ་ཆོད་པ་ངོ་མཚར་ཆེ། །སྣང་ཡུལ་རྐྱེན་ཁར་འཆོར་ཉེར་ད་རུང་འདུག །གནས་ལ་ངེས་པ་མེད་པར་བྱིན་གྱིས་རློབས། །རང་གྲོལ་ཆེན་པོ་སེམས་ལ་ཤར་བ་དང་། །ཤེས་སྒྲིབ་བག་ལ་ཞ་བ་ངོ་མཚར་ཆེ། །ཡེངས་མ་ལམ་གྱི་ཆོམ་

― JLAZ014_Page_0117 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ད་རུང་འདུག །རྟོགས་པའི་ལོ་ཏོག་སྨིན་པར་བྱིན་གྱིས་རློབས། །འཆི་བར་འཇིགས་པ་མེད་ཚོ་མཐོང་ཙ་ན། །སྙིང་རྗེ་རྩོལ་མེད་སྐྱེ་བ་ངོ་མཚར་ཆེ། །ངག་འཁྱལ་དབུས་ན་ཚིག་རྩུབ་བརྗོད་མི་ལང་། །སྡིག་པའི་གྲོགས་དང་མི་ཕྲད་བྱིན་གྱིས་རློབས། །ཀློག་པ་ཐོས་བསམ་དང་འབྲེལ་བའི་སྐོར་ཏེ་སྐབས་དང་པོའོ།

― JLAZ014_Page_0118 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རྫོགས་ཆེན་པ་རང་བྱུང་རྡོ་རྗེ་མཁྱེན་བརྩེའི་འོད་ཟེར་གྱི་རྣམ་ཐར་སྒྲུབ་པ་ནན་ཏན་དང་འབྲེལ་བའི་སྐོར་ཏེ་སྐབས་གཉིས་པ།

ཤོག་ལྷེབ་ ༢༦༥ ནས་ ༣༠༠ བར།

― JLAZ014_Page_0119 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་ཆེན་པ་རང་བྱུང་རྡོ་རྗེ་མཁྱེན་བརྩེའི་འོད་ཟེར་གྱི་རྣམ་ཐར་སྒྲུབ་པ་ནན་ཏན་དང་འབྲེལ་བའི་སྐོར་ཏེ་སྐབས་གཉིས་པ་བཞུགས།

― JLAZ014_Page_0120 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་ལ་ཕྱག་འཚལ་ལོ། །སྙིང་ག་ཆོས་ཀྱི་འཁོར་ལོ་དིར། །གདོད་མའི་མགོན་པོས་གར་བརྩེས་པས།

― JLAZ014_Page_0121 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་བ་མཐའ་གྲོལ་ཀློང་ཡངས་གདངས། །ཅི་ཤར་མ་བཅོས་ལྷུང་པར་བསྐྱངས།

― JLAZ014_Page_0122 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཚེ་མགྲིན་པའི་ཁང་མཛེས་ནས། །སྒྲ་དབྱངས་ལྷ་མོ་དབྱངས་ཅན་མས། །ཤིན་ཏུ་སྙན་པའི་པི་ལྦང་ལ། །ངེས་པ་དོན་གྱི་གླུ་ཞིག་བླངས། །རང་བཞིན་དགའ་དང་སྐྱོ་བའི་རྣམ་འགྱུར་སོ་སྐྱེའི་རྣམ་རྟོག་ཕྲ་རབས་ཀྱི། །སྣང་ཚུལ་ཡི་གེའི་བརྗོད་པས་སྒྲུབ་པ་གྲུབ་པའི། ངང་ཚུལ་མ་ཡིན་ཀྱང་། ལས་འབྲེལ་ཅན་རྣམས་ཆོས་ལ་བསྩལ་ལ་བའི་ལྷག་བསམ་ཁུར་དང་འགྲོགས་པའི་གཏམ། །བྱ་བྲལ་རལ་པའི་ཐོར་ཚུགས་ཅན་དེས་དད་ལྡན་སེམས་ཀྱི་རྟེན་དུ་བཀོད། །དེ་ནས་རང་ལོ་སོ་གཅིག་པ་སྣ་ཚོགས་ཞེས་པ་ས་མ་ཡོས་ཀྱི་ལོར་དཀོན་མཆོག་རྩ་གསུམ་རྒྱ་མཚོའི་ཐུགས་རྗེས་ལོ་གསུམ་ཕྱོགས་གསུམ་གྱི་དམ་བཅའི་མཚམས་གེེགས་མེད་དུ་ཐེམས། གྲོལ་དབང་དང་དངོས་གྲུབ་ལེན་ཆོག་སྒྲགས་མའི་དགའ་སྟོན་ལ་དཔལ་ལྡན་གཡུང་དྲུང་འཁྱིལ་པའི་དགའ་ཚལ་ནས་སྦྱིན་བདག་ཞལ་ངོ་རྣམས་འཛོམ། སྒྲོལ་དཀར་ཡིད་བཞིན་འཁོར་ལོའི་སྒོ་ནས་ཚེ་དབང་དང་། ཚོགས་ཀྱི་འཁོར་ལོ་རྒྱ་ཆེན་པོ་བསྐོར། ཉེ་ལྟོས་བར་མའི་འགྲོ་བ་ཀུན་གྱི་ཕྱག་མཆོད་ཀྱི་ཡུལ་དུ་བཟུང་ཡང་བློ་དྲེད་ཀྱི་དོགས་པ་དུང་ངེ་བས། །ད་ནི་ཆགས་པ་དང་སྡང་བ་ལ་སོགས་ཏེ་ཉེས་པ་མི་བཟད་པའི་འབྱུང་།ཁུངས་ཕ་ཡུལ་དང་གྲ་ཚང་གི་ཞེན་འཁྲིས་མཆིལ་མའི་ཐལ་བ་བཞིན་དུ་བོར། གནས་ངེས་མེད་ལ་ཕ་གཞིས་ཀྱི་

― JLAZ014_Page_0123 ―

^{[མ་དཔེ་གཟིགས་ན་འདིར་གནོན།]}

[Full Size]

མཐིལ་བཅོལ། གང་བྱུང་དེས་ཚོག་གི་ངང་ནས་རྒྱལ་ཁམས་ཀྱི་གཅེས་ཕྲུག་གཞོན་ནུ་བྱེད་བསམ་པ་ཁོ་ན་ལས་མེད་པའི་ཚེ་ཉེ་ལྟོས་དག་ན་རེ། ད་འདི་ནས་ཕྱོགས་འགྲོ་སོགས་བྱས་ན་མི་འགབ་པའི་ཤ་ཚ་ཡིན་ཡིན་གྱི་བསླབ་བྱས་བསླུ་བྲིད་ཀྱི་བཙོན་རར་འཇུག་པ་འདུག །དེའི་ཚེ་སྣང་བ་བྱུང་རྒྱལ་གྱི་གླུས་རང་གིས་རང་ལ་འདི་སྐད་ཅེས་བསྐུལ་ལོ། །ཨེ་མ་ཧོ། །བསྟན་པའི་བདག་པོ་ཤཱཀྱ་སེང་གེ། །ལྗོངས་འདིའི་ལྷ་སྐལ་ཕྱག་ན་པདྨ། །བདེ་གཤེགས་ཀུན་འདུས་ཨོ་རྒྱན་ཆེན་པོར། །སྙིང་ནས་མོས་པས་གསོལ་བ་འདེབས་སོ། །དྲེད་པའི་བློ་སྣ་ཆོས་ལ་བསྒྱུར་མཛོད། །འཁོར་བའི་རང་བཞིན་གང་ལ་བསམས་ཀྱང་། །ཤོ་ཤས་ངེས་འབྱུང་ཅོང་རྡོ་ཆེན་པོ། །ད་རེས་དལ་འབྱོར་རིན་ཆེན་ཐོབ་ཀྱང་། །མི་ཚེ་ཕལ་ཆེར་སྟོང་པར་ཟད་འདུག་སྙིང་ནས་དམ་ཆོས་བྱེད་ལོ་བྱས་ཀྱང་། །ཆོས་བརྒྱད་རྣམ་གཡེང་ཟོལ་དང་འདྲེས་འདུག །འདོད་ཡོན་ལམ་འཁྱེར་སྔགས་ལ་སྤྱད་ཀྱང་། །ཉོན་མོངས་དུག་ལྔ་རང་རྒྱུད་ཤོར་འདུག །སྡེ་དགོན་ཁྲོད་དུ་བསམ་གཏན་བསྒོམས་ཀྱང་། །ཤི་གསོན་དཀོར་གྱིས་འཕོ་བ་འགྱངས་འདུག །བསྐྱེད་རྫོགས་ཟུང་འཇུག་སྒོམ་བློ་བྱས་ཀྱང་། །མཐུ་ནུས་གྲགས་པའི་ཕྱིལ་ཤོར་འདུག །ཀ་དག་རང་ངོ་རྗེན་པར་ཤེས་ཀྱང་། །

― JLAZ014_Page_0124 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེས་ཐོབ་ཉམས་ཀྱི་ཤུན་པ་བསྡད་འདུག །མཐའ་གྲོལ་ཀློང་ཡངས་རྟོགས་པར་ཤར་ཡང་། །མཚན་མོའི་རྨི་ལམ་འཁྲུལ་བར་གྲོལ་འདུག །གཞན་ལ་དགེ་བསྐུལ་སྙིང་གཏམ་བཤད་ཀྱང་། །ངག་བཀྱལ་ཕྱར་ཀའི་རྒྱུ་རུ་སོང་འདུག །རྒྱལ་བས་གསུངས་པའི་མ་འོངས་ལུང་བསྟན། །དེང་སང་འགྲོ་བའི་ཐོག་ཏུ་བབས་འདུག །ད་ནི་ཅིས་ཀྱང་དགོས་མེད་བསམས་ནས། །ལྷ་ཆོས་གཤའ་མ་སྙིང་ནས་བྱེད་དོ། །གོང་མའི་གདན་ས་བྱིན་རླབས་ཆེ་ཡང་། །ཆོས་བཞིན་སྤྱོད་ས་དབེན་གནས་རི་སུལ། །འདྲིས་མེད་བཤེས་མེད་ལུང་སྟོང་འགྲིམས་ཤིག །འབུལ་བ་མེད་ན་བླ་དཔོན་མི་མཉེས། །མང་འགྱེད་མེད་ན་གྲ་ཚོགས་སུ་དགའ། །ལོངས་སྤྱོད་མེད་ན་ནམ་ཆེད་གྲོགས་འདུ་འབྲལ། །འཁོར་འབངས་མེད་ན་ཀུན་གྱིས་བརྙས་ཤིང་། །བསྟན་འགྲོའི་དོན་ཡང་དྲུག་པ་ཆི་ཞིག །ལུང་དང་རིག་པ་རྟོགས་པའི་ཡོན་ཏན། །དབུ་མའི་སྦུབས་ན་ཞལ་འཛུམ་དམུལ་དམུལ། །བསྒྲུབ་ཚུགས་བཟུང་ན་འཇུངས་མེད་ཐ་ཤལ། །བསྟན་བཅོས་བརྩམ་ན་མ་བཤད་ཚིག་སྐམ། །འཁོར་སློབ་འདུས་ན་གྱི་ནར་ཁྲིལ་བརྡས། །ཉམས་རྟོགས་གླེང་ན་ཁ་ལྟ་རྦད་ཁམས། །དེས་ན་ཤེལ་ལ་ཡ་མཚན་སུས་བྱ། །ཤེས་རང་སྦས་ལུང་སྐྱོག་མོར་བཞུགས་མཛོད། །

― JLAZ014_Page_0125 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱེ་ཧོ། །གཉུག་མའི་གནས་ལ་མ་ཆགས། །སྒོམ་ཐག་འཁོར་གཅིག་སྐེད་ལ་དཀྲིས་ཏེ། །གཡབ་རྫ་གངས་སྟོངས་རི་སུལ་ཀུན་ཏུ། །སྣང་བ་གཏད་མེད་ཆེན་པོར་ཐོང་མཛོད། །དེ་རུ་འདུ་འཛིའི་གཟེབ་ལས་གྲོལ་ཏེ། །མེ་ལོང་རྡོ་རྗེ་ལྟ་བུའི་ཤུལ་ལམ། །སྙོགས་ནས་གཏན་སྲིད་ཟིན་པར་མཛོད་ཅིག །ཅེས་སྨྲས། །དེའི་ཐོ་རངས་རྒྱལ་རྔ་བརྡུང་བའི་ཆ་ན་བདག་ཅག་དཔོན་སློབ་གསུམ་གྱི་སུས་ཀྱང་མ་ཚོར་པར། ཕུའི་རི་ཁྲོད་མཁའ་ལ་སྤྱོད་པའི་གནས་སུ་སྐྱེ་བསེང་བ་ལ་ཕྱིན། ཞང་རིགས་སྒོམ་ཆེན་དམ་པ་ན་རེ། མདང་ཉ་མ་གོ་གྲུ་ཡིན་ཟེར་བ་ཤིག་ཏུ་ཞུགས་ནས་གཙང་པོའི་དཀྱིལ་དུ་སླེབས་ཙ་ན། མི་མང་པོ་ན་རེ། ལྟོས་དང་རིག་འཛིན་དགའ་རབ་རྡོ་རྗེ་ནམ་མཁའ་ལ་ཕེབས་འདུག་ཟེར། །བལྟས་ཙ་ན་ཉིད་ཧེ་རུ་ཀ་པའི་ཆས་སུ་བྱས་ནས་སྣང་། སྔར་ཚ་བོའི་འདུ་ཤེས་དང་མོས་གུས་ཆུང་བའི་སྐྱོན་སེལ་དུ་གོ་གསུངས། དེ་ནས་བཟུང་དག་སྣང་དཔེ་མེད་མཛད། །དམ་ཚིག་ཤིན་ཏུ་གཙང་བས་ས་སྐྱ་བའི་གསེར་ཆོས་སུ་གྲགས་པ་མཁའ་སྤྱོད་སྐོར་གསུམ་གྱི་བྱིན་རླབས་ཞུས་པས། །བརྩེ་ཆེན་ཀུན་དགའ་སྙིང་པོ་དང་། ཚར་པ་ཆོས་རྗེ། མཁའ་སྤྱོད་བཞུགས་སྟངས་མཚར་བདེ་བཅས་ཉམས་སྣང་ལ་ཤིན་ཏུ་གསལ་བར་མཐོང་། །ལར་

― JLAZ014_Page_0126 ―

^{[མ་དཔེ་གཟིགས་ན་འདིར་གནོན།]}

[Full Size]

ཤཱནྟ་དེ་ལྦས། སྐད་ཅིག་གཅིག་གིས་མཛའ་གྱུར་ལ། །ཡུད་ཙམ་གྱིས་ནི་དགྲར་ཡང་འགྱུར། །དགའ་བོའི་གནས་ལ་ཁྲོ་བྱེད་པས། །སོ་སོ་སྐྱེ་བོ་མགུ་བར་དཀའ། །ཞེས་སེམས་ཅན་རང་རང་གི་ངང་ཚུལ་སྟོན་པ་ལ་རིངས་པའི་ཆུ་སྐྱར་དང་བྱི་ལའི་སྡེ་ཚོགས་མཐོང་ཡང་གཉེན་གཤིན་པར་འགྲོགས། གཡོན་ཅན་གྱི་ངག་གིས་གཤུང་ཞིང་བཀྱལ་གའི་ས་བོན་འདེབས་པའང་བྲག་ཅ་ལྟ་བུར་ཤེས་པས་ཆོས་ཉིད་བསམ་གྱིས་མི་ཁྱབ་པའི་ངང་དུ་བརྡལ་ནས་གཞན་དོན་བྱེད་དགོས་པ་ལ་ད་ལྟ་དེའི་དུས་མ་ཡིན། འོན་ཀྱང་མོས་པ་ཅན་གྱི་ངོར་སྨན་གྱི་སྒྲུབ་ཆེན་ཡིད་སྤྲོ་བ་ཞིག་བཙུགས་པའི་གྲོལ་དབང་ལ་ཕྱོགས་དེའི་སྐྱེ་བོ་ཕལ་ཆེར་འདུས་པ་ལ་ཆོས་དང་དམ་རྫས་ཀྱི་འབྲེལ་པ་བཏགས་ཤིང་སྨོན་ལམ་རྣམ་པར་དག་པས་རྒྱས་བཏབ། བདུད་རྩི་ནས་ཆུ་བོ། །ལྷ་ཚུགས། ས་གནད་ལ་སོགས་པར་སྒྲུབ་གཞུང་ནས་བཤད་པ་བཞིན་བུམ་གཏེར་དང་བཅས་ས་བཅུད་གསོ་བའི་རྟེན་འབྲེལ་མང་བགྱིས། དེའི་ཚེ་རིག་པ་དངས་ཤིང་སྣང་བ་ཐམས་ཅད་བདེ་སྟོང་འབའ་ཞིག་ཏུ་འཆར་བ་བྱུང་བས་ཅོག་པུའི་འོག་ནས་མགུར་མངོན་གྱི་བསྐྱེད་རིམ་ལ་སྦྱར་བ་འདི་བྱས་སོ། །ཧཱུྃ་ཧཱུྃ་ཧཱུྃ། ཧཱུྃ་གསུམ་སྐུ་གསུམ་ཐུགས་ཀྱི་ས་བོན་ཡིན། །སྐུ་གསུམ་དུག་གསུམ་འདུལ་བའི་གཉེན་པོ་

― JLAZ014_Page_0127 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། །ཧཱུྃ་གསུམ་བདེ་གཤེགས་ཀུན་གྱི་ཐུགས་སྲོག་ཡིན། །ཧཱུྃ་ལས་ལྷག་པའི་སྙིང་པོ་ག་ལ་ཡོད། །ཧཱུྃ་གཉིས་ལོག་འདྲེན་འདུལ་བའི་མཚོན་ཆ་ཡིན། །རྒྱ་འདྲེ་འབྱུང་པོ་འདུལ་བའི་གཤེད་མ་ཡིན། །སྡེ་བརྒྱད་གནད་ལ་འབབས་བའ་དྲག་སྔགས་ཡིན། །དྲག་པོ་ཧཱུྃ་གི་ངར་སྐད་ཀྱུ་རུ་རུ། །ཧཱུྃ། སྣང་གྲག་ཕྱག་རྒྱའི་འཁོར་ལོར་རྫོགས་ཙ་ན། །ཁམས་གསུམ་ཧཱུྃ་གྱི་སྟོང་སྒྲས་ཤིགས་སེ་ཤིག །སྟོང་གསུམ་ཧཱུྃ་གི་སྣང་བས་ཡེམས་སེ་ཡེམ། །བསྟན་དགྲ་དམ་སྲིའི་མགོ་ལ་ཆེམས་སེ་ཆེམ། །ཧཱུྃ། སྣང་སྲིད་ཀློང་ལྔ་མི་ཤུགས་ཡུམ་ལྔའི་དལ། །རང་རིགས་བདེ་གཤེགས་འདུས་པའི་འཁོར་ལོར་རྫོགས། རིག་རྩལ་དབང་ཐོབ་གྱད་ཀྱི་གླུ་བླངས་པས། །འཁྲུལ་སྣང་འཁོར་བའི་རྫུན་ཕུགས་རང་སར་རྡིབ། །ཧཱུྃ། ཁམས་གསུམ་ཟིལ་གནོན་པདྨ་ཐོད་ཕྲེང་ཡང་། །རིག་མདངས་ཡེ་ཤེས་འཁོར་ལོར་རྩལ་རྫོགས་པས། །ཀུན་བརྟགས་བསྐྱེད་རིམ་གསལ་བརྟན་རང་དག་ཀློང་། །རིག་རྩལ་གར་དགུའི་རོལ་བར་ཆ་ལ་ལ། །ཧཱུྃ། རིག་པ་གཞི་དབྱིངས་ཀློང་དུ་ཕྱིན་པའི་ཚེ། །ཡིད་དཔྱོད་ཐེག་པའི་བློ་སྒོམ་རང་སར་དག །དྲན་འཛིན་གཉེན་པོའི་རྩོལ་བ་མཐོང་སར་ཡལ། །དབྱིངས་རིག་དབྱེར་མེད་ཀློང་དུ་སོས་ཏེ་དལ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། །ཧཱུྃ་ཞེས་སྲོག་

― JLAZ014_Page_0128 ―

^{[མ་དཔེ་གཟིགས་ན་འདིར་གནོན།]}

[Full Size]

གི་སྙིང་པོ་བགྲངས་པ་ལས། །སྟོང་གཟུགས་ཧཱུྃ་གི་སྣང་བ་མཁའ་འགྲོར་གྱུར། །ནམ་མཁས་གར་ཁྱབ་མཁའ་འགྲོ་སྡེ་ལྔའི་དལ། །ཧཱུྃ་གི་སྣང་གླུ་བརྡ་སྐད་ཙེ་རེ་རེ། །དུག་ལྔའི་རྣམ་ཆོག་སྐུ་ལྔར་ཡ་ལ། །ཧཱུྃ་ཧཱུྃ་ཧཱུྃ་ཧཱུྃཧཱུྃ། གཞོམ་མེད་ཧཱུྃ་གི་སྣང་གླུ་ལྔ་ལྡན་གྱི། །རེ་དགོས་སྤང་བླང་དགག་སྒྲུབ་ཆམ་གདལ་གྲོལ། །ལྔ་ལྡན་པདྨ་འོད་ཀྱི་ཕོ་བྲང་དེར། །རིག་འཛིན་རྣམ་བཞིའི་གྲལ་དུ་ཁྱོད་ཅིག་བྱོན། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ། དུག་ལྔའི་གདོན་གྱིས་གཟིར་རྣམས་སྙིང་རེ་རྗེ། །བདེ་སྟོང་ཆེན་པོའི་ངང་དུ་དགྲ་གཉེན་ཟད། །སྤངས་ཐོབ་བྲལ་བའི་འབྲས་བུ་ངོ་མཚར་ཆེ། །ཁྱབ་གདལ་ལྷིང་པའི་ཤེས་པ་ཨ་ལ་ལ། །ཧཱུྃ་ཧཱུྃ་ཧཱུྃ་ཧཱུྃ་ཧཱུྃ་ཞེས་བྱས་པས་རང་གཞན་ཐམས་ཅད་སྣང་བ་འགྱུར་སིང་སིང་བྱུང་ངོ་། །རྒྱལ་བ་བུ་རམ་ཤིང་པ་མཆོད། །གང་ཚེ་ཡོན་བདག་ཞིག་གི་ནང་། །ཀློང་ཆེན་ནམ་མཁའི་རྣལ་འབྱོར་ལ། །དགེ་བའི་བཤེས་གཉེན་མཚན་ཉིད་པས། །ཐང་ཤམ་ཞེས་པའི་ཕྱོགས་སྔ་ཡི། །ཆོས་སྐད་འདི་ནི་སྒྲོག་ཏུ་བྱུང་། །ཁྱེད་ཀྱིས་བསྙེན་པར་རྫོགས་པ་བཞེས་ཨེ་མྱོང་། གསང་སྔགས་ཉམས་སུ་ལེན་པ་ལ་སོ་སོ་ཐར་པའི་རྟགས་དང་ཆ་ལུགས་ཀྱང་ངེས་པར་དགོས། དགེ་སློང་རྡོ་རྗེ་འཛིན་པ་ཞེས་བཤད་ནས་ཡོད་ཟེར་བ་ལ། ངས་དེ་ཤིན་ཏུ་ཡིན། ཚུལ་ཁྲིམས་འཆལ་བས་གསང་སྔགས་

― JLAZ014_Page_0129 ―

^{[མ་དཔེ་གཟིགས་ན་འདིར་གནོན།]}

[Full Size]

མི་འགྲུབ་པར་གསུངས་པའི་རྒྱབ་སྐྱོར་ལའང་དེ་སྐད་གསུང་དགོས། ངེད་ཅག་གཤིས་ལུགས་རྫོགས་བ་ཆེན་པོ་རི་སུལ་དང་དབེན་པ་ཁོ་ན་ལ་དགའ་ཞིང་། སྟོང་པ་ཉིད་དང་སྙིང་རྗེ་ཟུང་དུ་འབྲེལ་བ་ལ་ཉམས་ལེན་གྱི་འཐིལ་བཅའ། རྟོགས་པ་ཤར་མི་ཤར་མོས་གུས་དང་བསྒྲུབ་ཚུགས་ཁོ་ན་ལ་རེ། འཕྲལ་གྱི་སྤྱོད་པ་ཕྱི་ཚིག་མེད་པ་ཙམ་ལྷུར་ལེན་པའི་བྷཱུ་སུ་ཀུ་པ་དང་། །དགེ་སློང་རྡོ་རྗེ་འཛིན་པ་ལ་སོགས་པ་དེ་ཚོའི་དོག་འཚངས་བྱེད་དགོས་པ་མི་འདུག་སྟེ། གོ་ཡུལ་གྱི་དབང་དུ་བྱས་ན། གསང་སྔགས་ཉམས་སུ་ལེན་པའི་རྟེན་དེ་ལ་དོན་གྱི་སྡོམ་པ་གསུམ་ལྡན་དུ་བསྒྲུབ་དགོས་པ་ནི། དཀྱིལ་འཁོར་དུ་འཇུག་པའི་སྔོན་འགྲོའི་སྐབས་ནས། སོ་སོ་ཐར་དང་བྱང་ཆུབ་སེམས། །རིག་འཛིན་ནང་གི་སྡོམ་པའི་ཚོགས། །འདི་ནས་བྱང་ཆུབ་མ་ཐོབ་པར། །ཡང་དག་ཉིད་དུ་གཟུང་བར་བགྱི། །ཞེས་པའི་ཆོ་གས་ཐོབ་ཙམ་ཡིན། །དེ་འཛིན་མི་འཛིན་དམ་ཚིག་དང་སྡོམ་པ་བསྲུང་མ་བསྲུང་ལ་རག་ལས། དེ་ལྟར་སྡོམ་པ་དེ་རྒྱུད་ལ་གནས་ཕྱིན་ཆད་སྔགས་སྤྱོད་ཀྱི་རྟེན་དེ་ལ་སོ་ཐ་གྱི་རྟགས་དང་ཆ་ལུགས་ཀྱང་ངེས་ངེས་རྟག་རྟག་བྱེད་དགོས་པའི་གཞི་ཅིས་གྲྭ་བ། །ཁྱེད་ལྟར་ན་མདའ་མཁན་མཆོག་གིས་སྤྱོད་པའི་གྲུབ་ཆེན་ས་ར་ཧ་པ་དང་། ཨོ་རྒྱན་གྱི་རྒྱལ་པོ་ཨིནྡྲ་བོ་དྷི་ལ་སོགས་རྒྱ་བོད་ཀྱི་པཎ་གྲུབ་སྔགས་ལ་

― JLAZ014_Page_0130 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་པ་མཐའ་ཡས་པ་ཞིག་ལ་གསང་སྔགས་ཉམས་སུ་ལེན་བའི་སྐལ་བ་ཆད་ཅིང་འོག་མ་རྣམ་གཉིས་ཀྱི་སྡོམ་པས་བཏང་བ་སྟེ། དོན་གྱི་སྡོམ་པའི་མཚང་མ་རིག་པ་མིན་ལས་བྱེ་བྱས་པས། ཁོང་ཁམས་པ་ང་རྒྱལ་ཅན་རིགས་གྲར་རྩོད་པའི་བག་ཆགས་ཤིན་ཏུ་འཐས་པས། བཞིན་གྱི་མདངས་པདྨ་རཱ་ག་ལྟ་བུར་གནས་འགྱུར་ནས་སྐད་འདར་བ་དང་ལག་ངར་སྒྲེང་བ་ཚབས་ཅིག་པས། འོ་ན་སྡོམ་པའི་ངོ་བོ་གང་ལ་ངོས་འཛིན་ཟེར་ཞིང་ཞེ་སྡང་གི་སྡང་མིག་བལྟར་བྱུང་བས། ང་སྙིང་རྗེ་ལྷང་ལྷང་བ་བྱུང་། ཁོང་ལ་ཞེ་སྡང་འདི་ལངས་པ་རང་རེས་རྟོག་གེའི་ཚིག་ལན་གདབ་པས་ལན། །ད་འཇམ་པོའི་ངག་གིས་སྨྲ་དགོས་སྙམ་ནས། དགེ་བཤེས་རིན་པོ་ཆེ་ཐུགས་བདེན། ངས་བསླབ་གཉེར་སོགས་བྱེད་མ་མྱོང་བས་ཇི་བཞིན་ཤེས་བ་ཅི་འདུག་སྟེ། ཁྱེད་རང་ཡིན་མ་ཡིན་ཞིག་འབྲེལ་གནང་བ་ཞུ། ཀུན་རྫོབ་ཉན་ཐོས་ཀྱི་སྡོམ་པ་ལ་ལུས་ངག་ཡིད་གསུམ་གྱི་སྒོ་ནས་ཉེས་སྤྱོད་སྡོམ་པ་གཞིར་བཞག་ནས། གནང་བཀག་གི་དབྱེ་བས་ཉིས་བརྒྱ་ལྔ་བཅུའི་ཁྲིམས། །བྱང་ཆུབ་སེམས་དཔའ་ལ་དེའི་སྟེང་དུ་དགེ་བ་ཆོས་སྡུད། སེམས་ཅན་དོན་དེ་ཚུལ་ཁྲིམས་རྣམ་པ་གསུམ། རིག་པ་འཛིན་པ་ལ་རིགས་ལྔའི་སྡོམ་པ་ལ་སོགས་ཏེ་མཐའ་ཡས། དེ་གང་ཟག་གཅིག་གི་རྒྱུད་ལ་ཇི་ལྟར་བསྲུང་ན། མཚན་

― JLAZ014_Page_0131 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་སོ་སོར་འཛིན་པས་རང་ལྡོག་མ་འདྲེས། གསུམ་ཀས་གཅིག་པོ་དེའི་རྒྱུད་ཀྱི་མི་དགེ་བསྡོམ་པས་དགག་དགོས་ཡོངས་རྫོགས། སྔགས་ཀྱི་དུས་ན་སོ་ཐར་དང་བྱང་སེམས་ཞེས་རྫས་ཐ་དད་པ་མེད་པས་ངོ་བོ་གནས་འགྱུར། །ཡོན་ཏན་ཡར་ལྡན་ནི་པདྨ་ཅོད་པན་ལས། དབང་གསུམ་བགྲོད་པའི་རྣལ་འབྱོར། །དེ་ནི་དགེ་སློང་ཆེན་པོར་གསུངས། །ཞེས་སོ། །དེ་དག་ལའང་གནད་ཀྱིས་མི་འགལ་བ་དང་། དུས་སྐབས་ཀྱི་བྱ་བས་དབྱེ་བ་ཁོ་ནོའི་བླ་མ་དྲི་མེད་འོད་བཞེད། དོན་དམ་གྱི་སྡོམ་པ་ནི་སྤྱོད་ཡུལ་ལས་ཡིད་གཙོ། །དེའི་རྒྱུ་མཚན་སོ་སོ་ཐར་བ་ལས་ཀྱང་། སྡིག་པ་ཅི་ཡང་མི་བྱ་ཞིང་། དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། འདི་ནི་སངས་རྒྱས་བསྟན་པ་ཡིན། །ལུས་ཀྱི་སྒོམ་པ་ལེགས་པ་སྟེ། །ངག་གི་སྡོམ་པ་ལེགས་པ་ཡིན། །ཡིད་ཀྱི་སྡོམ་པ་ལེགས་པ་སྟེ། །ཐམས་ཅད་དུ་ནི་སྡོམ་པ་ལེགས། །སྡུག་བསྔལ་ཀུན་ལས་དེ་གྲོལ་ལོ། །ཞེས་ཟེར་བ་ཡོང་། སངས་རྒྱས་ཀྱིས་ཁྱིམ་པའི་དཀོར་ཟ་བར་རྗེས་སུ་གནང་བ་དེ་ལྡན་པ་དང་གྲོལ་བ་རྣམ་གཉིས་ཡིན། ལྔ་ན་བ་ནི་ཚུལ་ཁྲིམས་ཅན་དང་། གྲོལ་བ་ནི་སྟོང་ཉིད་རྟོགས་བ་ལ་ཡིན། ཁྱེད་ཀྱི་ལྟར་ན་འདི་གཉིས་ཁ་ཕྲལ་བ་ལ་ཡང་

― JLAZ014_Page_0132 ―

^{[མ་དཔེ་གཟིགས་ན་འདིར་གནོན།]}

[Full Size]

དོགས་པ་སྐྱེ་ཉེན་གདའ། སོ་སོ་ཐར་པའི་རྟགས་དང་ཆ་ལུགས་ཅན་མ་གཏོགས་གཞན་དུ་གསང་སྔགས་ཀྱི་བརྟུལ་ཞུགས་ལ་སོགས་པས་གྲོལ་བ་ཅན་འགའ་ཡང་མི་སྲིད་བར་ཁས་བླངས་བའི་ཕྱིར། འདི་ཚོའི་ཡོན་ཏན་དེ་སྦྱངས་བའི་ཡོན་ཏན་བཅུ་གཉིས་དང་ལྡན་པ། གཞི་གསུམ་གྱི་ཆོ་གའི་ལག་ལེན་ལ་མཁས་པ། ལྡན་གྲོལ་གྱི་བརྟུལ་ཞུགས་ལ་དབང་འབྱོར་བའི་ཕགས་པའི་གནས་བརྟན་ཆེན་པོ་བཅུ་དྲུག་ལྟ་བུ་ལ་མངའ་བ་ཡིན་གྱི་གཞན་པཎ་ཆེན་ཤཱཀྱ་ཤྲཱི་ས་བོད་ན་རྗེ་བཙུན་མི་ལ་དེས་རྟགས་དང་ཆོ་ག་བྱས་ན་བཙུན་པ་མཚན་ཉིད་པ་ཞིག་འོང་ཐང་ཞེས་གསུངས་བ་ལྟར་རང་ཅག་བྱི་ལའི་བརྟུལ་ཞུགས་ཀྱི་ཚུལ་ཁྲིམས་མཆོག་འཛིན་ཅན་ལ་དཀའ་ལས་ཆེན་པོ་འདུག་པས་ཕན་ཚུན་དག་སྣང་སྦྱངས་རེས་འདི་ཀ་སྤྱན་ལམ་བཀྲབ་འདུག་བྱས་ནས། སྣང་བ་ཡེངས་པ་ལྟར་ཚིག་གོ་མིན་མི་གོ་མིན་གྱི་དབྱངས་རྟ་ལ་བསྐྱོན་ནས་མགུར་མ་འདི་འདྲས་འཐོན་ནོ། ཀྱེ་ཧོ། །སྣང་སེམས་གཉིས་སུ་མེད་པའི་རང་ངོ་ལ་ལྟད་མོ་ཞིག་བལྟས་པས། །གདོད་ནས་འཕོ་འགྱུར་མེད་པའི་སངས་རྒྱས་དང་མཇལ་བྱུང་ངོ། །ཨ་ཧོ་ཡེ་འབྲས་བུའི་གྲོལ་ས་དེ་དག་བ་གཉིས་ལྡན་ལ་ཞུ་བ་ནོ། །ཤཱཀ་ཐུབ་ཟེར་བའི་གཙུག་ཏོར་རོང་རོང་དེ་ཡིན་ན་དགའ་བ་ལ། །སྡེ་སྣོད་གསུང་རབ་རྒྱུད་སྡེ་རྒྱ་མཚོའི་བང་མཛོད་ལ་གཟིགས་

― JLAZ014_Page_0133 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། །མུ་སྟེགས་ཟེར་བའི་རྟག་ཆད་སྨྲ་བ་རྣམས་ལེ་བཞུགས་བཞུགས་མཛོད་དང་བྱས་ཨེ་གོ །ཡུམ་ཆེན་ཤེས་རབ་ཀྱི་ཕ་རོལ་ཕྱིན་པ་ཁོང་ལ་འཁྱུད་རྒྱ་ཞིག་བྱས་བས། །དཔའ་མགོན་འཕགས་བ་ཀླུ་སྒྲུབ་ཀྱི་ཉམས་ཤིག་ཤར་བྱུང་ངོ། །ཨ་ཧོ་ཡེ་བཤད་བའི་ཆུ་འགོ་དེ་སྐྱེ་བ་གྲགས་པ་ལ་ཞུ་བ་ནོ། །འཛམ་བུ་གླིང་གི་རྒྱན་དྲུག་མཆོག་གཉིས་དེ་ཡིན་ན་དགའ་བ་ལ། །དབུ་མ་ཆེན་པོའི་དགོངས་སྙིང་ལ་ཤར་བ་ལ་ལྟོས་དང་། །ཚིག་སྐམ་ཁ་ལ་མུར་བའི་ཉན་ཐོས་རྒན་པོ་ཚོ་ག་ལེ་བཞུགས་བཞུགས་རང་མཛོད་དང་བྱས་ཨེ་གོ །ཕྱག་རྒྱ་ཆེན་པོ་དོ་ཧའི་དཀོར་མཛོད་ལ་ཞུ་བའི་ལྡེ་མིག །གྲུབ་པའི་དབང་ཕྱུགས་ས་ར་ཧ་པ་ལ་ཁོང་གིས་གནང་བྱུང་ངོ། །ཨ་ཧོ་ཡེ་སྒོམ་པའི་ཉམས་མྱོང་དེ་ཤ་ལྦ་རི་བ་ལ་འདྲི་བ་ནོ། །རྒྱ་གར་ཡུལ་གྱི་གྲུབ་ཐོབ་བརྒྱད་ཅུ་དེ་ཡིན་ན་དགའ་བ་ལ། །གནས་ལུགས་ཕྱག་རྒྱ་ཆེན་པོའི་ཆང་གིས་བཟི་བ་ལ་ལྟོས་དང་། །རྐང་བྲོ་གླུ་བཞད་ལ་བརྟུལ་ཞུགས་སུ་འཛིན་པ་ཐོག་ལེ་བཞུགས་བཞུགས་རང་མཛོད་དང་བྱས་ཨེ་གོ །ཐེག་པའི་ཡང་རྩེ་རྫོགས་པ་ཆེན་པོ་ཁོང་གཏན་གྲོགས་སུ་བསྐོས་པས། །རྡོ་རྗེ་འཆང་དངོས་དགའ་རབ་རྡོ་རྗེ་ཡང་སྙིང་དཀྱིལ་དུ་ཕེབས་བྱུང་ངོ། །ཨ་ཧོ་ཡེ་རྟོགས་པའི་བོགས་འདོན་དེ་ཀུན་ཏུ་བཟང་པོ་ལ་ཞུ་བ་ནོ། །ལྔ་བརྒྱའི་

― JLAZ014_Page_0134 ―

^{[མ་དཔེ་གཟིགས་ན་འདིར་གནོན།]}

[Full Size]

གཙུག་རྒྱན་བི་ཨ་མ་ཏྲ་དེ་ཡིན་ན་དགའ་བ་ལ། །ལྟ་སྒོམ་གྱི་ཕུ་ཐག་ཟད་སར་འཁྱོལ་བ་ལ་གཟིགས་དང་། །ལྷ་འདྲེས་བརླམས་པའི་གྲུབ་རྟགས་ངོམ་མཁན་ཚོག་ག་ལེ་བཞུགས་བཞུགས་རང་མཛོད་དང་བྱས་ཨེ་གོ །བྱས་པས་ཁོང་སྣང་བ་འགྱུར། དབྱངས་རྟ་སྙེན་སྙན་སྐུ་ཚེ་རིང་། །ང་ཡང་རྙིང་མ་ལ་མོས་པོ་ཡོད། རྟ་མགྲིན་ཡང་གསང་འདི་གཏེར་སྟོན་གསུམ་གྱིས་གཏེར་ནས་བཏོན་པས་ཤིན་ཏུ་ཡིད་ཆེས་ཡིན་ཨ། འདིའི་སྦྱིན་སྲེག་གི་དཔེ་ཆ་ཞིག་དང་ཕྱག་ལེན་དེ་དགོས་པ་ཡོད་ཟེར། བླ་མ་ལ་དམོད་སྔགས་ལ་འཕྲ། །ཞེས་པ་དར་འདུག་གོ །དེ་ནས་ཡོན་བདག་པུ་ཤུད་ཀྱི་གཞི་ཀར་ཕྱིན། གུར་ཅོག་ལ་བརྟེན་ནས་ཀླུ་ལྡིངས་སུ་བསྡད། །མཁའ་འགྲོ་བསུ་བཟློག་རྒྱས་བ་ཞིག་མཛད་བྱུང་བས་ནུབ་མོའི་རྨི་ལམ་ན་ཀློང་ཡངས་བདེ་ཆེན་གྱི་ཁང་མཛེས་སུ་བུད་མེད་ཅིག་གི་ཡར་བཞེངས་པ་ཞུ་དང་བཞུགས་གདན་སྲབས་ནས་མི་འདུག་ཟེར་གོས་གདན་ཁ་གང་མ་ཞིག་བཏིངས་བྱུང་བ་ཕྱིས་ཀྱི་རྟེན་འབྲེལ་ལ་བལྟས། བསྙེན་བཀུར་དང་ཞབས་ཏོག་བླ་ན་མེད་པ་མཛད། ཚེས་བཅུ་པ་རྣམས་ལ་གསང་འདུས་ཟླུམ་པོ་བཞི་དབང་དང་། ཡོན་བདག་སྐུ་ངོ་རྣམས་ལ་གྲོལ་ཏིང་ལམ་རྒྱས་བའི་དབང་ཞིག་བྱས། དེ་ནས་དཔལ་གྱི་བསམ་ཡས་

― JLAZ014_Page_0135 ―

^{[མ་དཔེ་གཟིགས་ན་འདིར་གནོན།]}

[Full Size]

མཆིམས་ཕུར་སྒྲུབ་པའི་རྒྱལ་མཚན་འཛུགས་པའི་དྲན་པ་མངོན་དུ་བཞག་ནས་ཕྱིན། ཟུར་མཁར་རྡོའི་མཆོད་རྟེན་དུ་ཚོགས་བསྐངས་བགྱིས་པའི་ཚེ་སྣང་བ་ཁྲལ་ཁྲོལ་དུ་སོང་། རིག་པ་ལ་དག་སྣང་མཐའ་ཡས་པ་ཤར་བ་ན་འདི་སྐད་དོ། །རྒྱལ་བ་རིགས་ལྔའི་ཞབས་ལ་འདུད། །མཚན་མ་སྤྲོས་བཅས་ཀྱི་དགེ་སྦྱོར་ལ། །རང་འདོད་བྲལ་བའི་སྲོག་མཁར་ཚུགས། །བསྐྱེད་རིམ་སྣོད་བཅུད་རྣམ་དག་ལ། །ཞེན་མེད་རང་ཤར་གྱི་གནད་ཅིག་གོ །མི་ཚེ་སྒྲུབ་ལ་དྲིལ་བ་ལ། །གྲུབ་རྟགས་མངོན་ཤེས་ཀྱི་ཞེ་འདོད་བྲལ། །ནོར་ས་གསུམ་གྱི་ཕྲང་ལས་ཐར། །དེ་བདག་གི་ཐོས་པའི་ཉེས་ལེན་ལགས། །རྫོགས་རིམ་གདོད་ནས་སྤྲོས་བྲལ་ལ། །ཅང་མེད་སྟོང་པ་སོམ་དོན་མེད། །མཉམ་རྗེས་རིག་སྟོང་ཟུང་འཇུག་ལ། །བཏང་བཞག་ཆེད་འཛིན་རང་སར་དག །ཐ་མལ་རིག་པ་རང་གསལ་ལ། །དྲན་མེད་ཧར་པོའི་ལྷད་མ་ཞུགས། །ནོར་ས་གསུམ་གྱི་ཕྲང་ལས་ཐར། །དེ་བདག་གི་བསམ་བའི་གདེང་ཚད་ལགས། །ལྷག་མཐོང་གང་ཤར་རིག་སྟོང་ལ། །བརྟག་དཔྱད་ཤེས་བྱའི་བྱ་མ་ཤོར། །རང་བབ་གཉུག་མའི་དྲན་པ་ལ། །ཡེངས་ཀྱི་དགོས་པའི་མཁན་པོ་མེད། །སྒོམ་མེད་དམིགས་གཏད་བྲལ་བ་

― JLAZ014_Page_0136 ―

^{[མ་དཔེ་གཟིགས་ན་འདིར་གནོན།]}

[Full Size]

ལ། །བཏང་སྙོམས་བློས་བཏང་དྲིས་མ་གོས། །ནོར་ས་གསུམ་གྱི་ཕྲང་ལས་ཐར། །དེ་བདག་གི་སྒོམ་བའི་གདེང་ཚད་ལགས། །ཐ་མལ་གྱི་ཚོར་བའི་སྡུག་བསྔལ་མེད། །ཟག་བཅས་ཀྱི་དགེ་བར་ཞེན་བ་བྲལ། །རིག་པའི་འཆར་སྒོམ་འགགས་བཞིན། །ཡུལ་གྱི་གསལ་ཆར་རེ་ལྟོས་མེད། །རྣམ་རྟོག་དབྱིངས་སུ་ཐིམ་ན་ཡང་། །དྲན་མེད་མུན་པའི་གཟེབ་ལས་གྲོལ། །འདོད་ཁམས་དང་གཟུགས་ཁམས་གཟུགས་མེད་ལྷའི། །གོལ་ས་གསུམ་གྱི་ཕྲང་ལས་ཐར། །ཐུག་ཕྲད་ཀྱི་ཤེས་པ་གུས་ཡངས་ལ། །སྤྲོས་བྲལ་འདུག་པ་མངོན་དུ་གྱུར། །འདི་བདག་གི་འབྲས་བུའི་སྐྱེལ་སོ་ལགས། །ཞེས་སྨྲས། དེ་ནས་བསམ་ཡས་མཆིམས་ཕུའི་དགེའུ་འོག་ཉང་ཏིང་འཛིན་བཟང་པོའི་སྒྲུབ་ཕུག་ཏུ་གྲགས་པ་དེར་སླེབས། བྲག་ཕུག་གི་སྟེང་ཐམས་ཅད་ནི་ཐིགས་པའི་བླ་ཤྲེ་བྲེས། ནང་ཐམས་ཅད་རྒྱ་མཚོ་ལྟ་བུར་འབྱིལ། ཟ་ཚོད་ལ་སོགས་ཏེ་སྔོ་ངད་སྣ་ཚོགས་པའི་མྱུ་གུས་ཁྱབ། ཚེ་འདིའི་སྣང་བ་རྣག་སར་ལྡོག་ནུས་པའི་ས་དེར་རང་ཉིད་གཅིག་པུར་འདུག །ཆར་ཞོད་ཤིན་ཏུ་ཆེ་བས་ཕུག་པའི་ཕྱི་ནང་ལ་སྐམ་རློན་མི་འདུག་པས་འགག་སྟོངས་དེར་གྲོང་པའི་སྐྱེ་བོ་ཞིག་ལ་གླེའུ་དཀར་པོ་ཞིག་གཡར་བ་ཉིན་མཚན་མེད་བའི་གོས་སུ་བྱས། སྒོས་

― JLAZ014_Page_0137 ―

^{[མ་དཔེ་གཟིགས་ན་འདིར་གནོན།]}

[Full Size]

མཛའ་དང་བྱམས་སྐྱོང་མཁན་ནི་ཉིན་མོའི་སྐར་མ་ལས་མེད་པས་འགོལ་ཞིང་ཉམས་རྟོགས་ལ་ཤན་ཕྱེད། གྲུབ་ཐོབ་གོང་མའི་ཤུལ་ལམ་སྙོགས་སྙམ་པའི་བློ་བདེ་སིང་ངེ་བ་ཁོ་ན་བྱུང་། རེ་ཞིག་ནས་ཇ་སྡོར་ལ་སོགས་ཏེ་བཅུད་ལྡན་གྱི་ཟས་རྣམས་འཇའ་ལུས་འགྲུབ་ཏུ་ཉེ། སྔར་སྐྱིད་པོ་འབའ་ཞིག་མ་གཏོགས་སྡུག་པོ་ཞིག་མ་མྱོང་སྟེ། ཨོ་རྒྱན་ཆེན་པོའི་སྒྲུབ་གནས་སུ་སྙིང་པོ་དོན་གྱི་སྒྲུབ་པའི་རྒྱལ་མཚན་འཛུགས་པ་འདི་བསོད་ནམས་གང་ལས་ཀྱང་ཆེ། ཟས་དཀའ་ཐུབ་བཅུད་ལེན་ལ་བརྟེན་དགོས་བྱུང་ཡང་སྒྲུབ་པའི་དམ་བཅའ་མི་ལྡོག་སྙམ་པའི་ཞེ་བཅད་དྲག་པོ་སྐྱེས། སེམས་ཅན་རྙེད་པ་མེད་ལ་སྨོད། །རྙེད་པ་ཅན་ལ་མི་སྙན་བརྗོད། །རང་བཞིན་འགྲོགས་དཀའ་དེ་དག་གི། །དགའ་བ་ཇི་ལྟར་སྐྱེ་བར་འགྱུར། །ཞེས་པ་ནི་བདེན་པོ་རང་སྣང་། ཆགས་ཞེན་མེད་པའི་གནས་སུ་འདུག་ཙ་ན་བྲག་ཕུག་གང་ན་མིན་པ་འདི་འདྲར་བསྡད་ཟེར་ཕྱར་ཀ་སྒྲོགས། ཟླ་བོ་དག་ནས་ཀྱང་དེ་བཞིན་མི་འཐད་དམ་ཞེས་སྨྲ་བ་ལ་འདི་སྐད་ཅེས་སྤྲོ་བ་བསྐྱེད་དོ། །ཕ་རྡོ་རྗེའི་སློབ་དཔོན་པད་འབྱུང་དང་གཅིག །བུ་དག་པའི་འཁོར་སློབ་རྗེ་འབངས་དང་གཉིས། །གནས་བྲག་དམར་དཔལ་གྱི་མཆིམས་ཕུ་དང་གསུམ། ཚུལ་དེ་གསུམ་འཛོམ་པའི་རྣམ་ཐར་ད་གསན་ཏམ། །

― JLAZ014_Page_0138 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་དབེན་པའི་བྲག་ཕུག་བསམ་གཏན་གྱི་རྫོང་ཆེན། །འཁོར་འདུ་འཛིའི་ཁ་རུས་ཞེན་ཆགས་ཀྱི་རྩ་བ། །ང་རི་སུལ་འགྲིམ་པ་ཡུལ་མེད་ནི་མ་ལགས། །རྗེ་གྲུབ་ཐོ་གོང་མའི་ཤུལ་ལམ་དུ་འདུག་གོ །གནས་བདག་འཛིན་གྱིས་ང་བདག་ཆེན་པ་དང་གཅིག །རྡོ་ངོས་འཇམ་གྱིས་བརྩིགས་པའི་ས་མཁར་དང་གཉིས། །ཐུགས་དར་ཅོག་གིས་བརྒྱན་བའི་གནས་ཁང་དང་གསུམ། །འདི་གསུམ་བསྒྲུབ་ན་སྤྲང་པོས་ཀྱང་འགྲུབ་ཚོད་ན་གདའ་སྟེ། །ཚེ་ངེས་མེད་འདི་བསམས་ནས་བྲག་ཕུག་བཟུང་བ་ལགས། །མི་རྟག་འཆི་བ་སེམས་ཤིག་མཆོད་གྲོགས་ཚེ། །ས་འཇལ་ལེགས་ཀྱི་ཞལ་བ་སྲུབས་མེད་དང་གཅིག །ཤིང་མཛེས་བཞོགས་ཀྱི་ཀ་གདུང་སྲ་མཁྲེགས་དང་གཉིས། །ཚོན་ཁྲ་འབྱེད་ཀྱི་ལྡེབས་བྲིས་ཤིང་རྩི་དང་གསུམ། །འདི་གསུམ་བསྒྲུབ་ན་སྤྲང་པོས་ཀྱང་གྲུབ་ཚོན་ནི་གདའ་སྟེ། །ཚེ་ངེས་མེད་འདི་བསམ་ནས་བྲབ་ཕུག་བཟུང་བ་ལགས། །མི་རྟག་འཆི་བ་སོམས་ཤིག་མཆེད་གྲོགས་ཚོ། །རྟེན་མཆོད་བཤམས་ཀྱི་བསྐེ་མཛེས་གཟི་བརྗིད་དང་གཅིག །ཐང་ཕྱིས་བདར་གྱི་སྐྱོགས་ཟངས་རྣམ་བཀྲ་དང་གཉིས། །གཟན་ཤན་ཐབས་ཀྱི་ཆ་ལྷབ་དོམ་ཁྱེར་དང་གསུམ། །འདི་གསུམ་བསྒྲུབ་ནས་སྤྲང་པོས་ཀྱང་འགྲུབ་ཚོད་ནི་གདའ་སྟེ། །ཚེ་ངེས་མེད་འདི་བསམས་ནས་བྲག་ཕུག་བཟུང་བ་ལགས། །མི་རྟག་འཆི་བ་སོམས་ཤིག་མཆེད་

― JLAZ014_Page_0139 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོགས་ཚོ། །སྡེ་དཔོན་ཆེན་གྱི་ངོ་འཛིན་འགྲོ་ཕྱོགས་དང་གཅིག རྡའུར་ཚོམས་ཀྱི་བསྲུང་བཟློག་གསད་མནན་དང་གཉིས། །ལྟོ་ཡས་ཐགས་ཀྱི་ཟ་འགོ་འཚོལ་བ་དང་གསུམ། །འདི་གསུམ་བསྒྲུབ་ན་སྤྲང་པོས་ཀྱང་འགྲུབ་ཚོད་ན་གདའ་སྟེ། །ཚེ་ངེས་མེད་འདི་བསམས་ནས་བྲག་ཕུག་བཟུང་བ་ལགས། །མི་རྟག་འཆི་བ་སོམས་ཤིག་མཆེད་གྲོགས་ཚོ། །འགྲན་སེམས་ཆགས་སྡང་གི་རིགས་ལམ་བསླབ་གཉེར་དང་གཅིག །རང་རྒྱུད་གཉའ་རེངས་ཀྱི་འཆད་རྩོད་རྩོམ་པ་དང་གཉིས། རང་དོན་ཆ་མེད་ཀྱི་གཞན་དོན་འུར་ལངས་དང་གསུམ། འདུ་གསུ་བསྒྲུབ་ན་སྤརྔ་པས་ཀྱན་འགྲུབ་ཚོད་ན་གདའ་སྟེ། ཚེ་ངེས་མེད་འདི་བསན་ནས་བྲག་ཕུག་བཟུང་བ་ལགས། །མི་རྟག་འཆི་བ་སོམས་ཤིག་མཆེད་གྲོགས་ཚོ། །ལྷ་མེད་འདྲེ་མེད་ཀྱི་ལས་འབྲས་ཁྱད་གསོད་དང་གཅིག །སྟོང་ལྟ་ཡུལ་འབྱམས་ཀྱི་གདོལ་སྤྱོད་བརྟུལ་ཞུགས་དང་གཉིས། །ཆང་བཟི་སྨྱོ་འགྲོགས་ཀྱི་ཞབས་བྲོ་ལྡིར་སྡིར་དང་གསུམ། །འདི་གསུམ་བསྒྲུབ་ན་སྤྲང་པོས་ཀྱང་འགྲུབ་ཚོད་ན་གདའ་སྟེ། །ཚེ་ངེས་མེད་འདི་བསམས་ནས་བྲག་ཕུག་བཟུང་བ་ལགས། །མི་རྟག་འཆི་བ་སོམས་ཤིག་མཆེད་གྲོགས་ཚོ། །ཨ་ཧོ། །ཕ་པད་འབྱུང་དང་དགའ་རབ་ཤྲཱི་སེང་། །རྗེ་མི་ལ་དང་ལོ་རལ་

― JLAZ014_Page_0140 ―

^{[མ་དཔེ་གཟིགས་ན་འདིར་གནོན།]}

[Full Size]

དྭགས་པོ་སོགས། །ཁོང་ཕྱག་རྫོགས་ཀྱི་པཎ་གྲུབ་ཐམས་ཅད་ཀྱིས། །གནས་བྲག་ཁུང་བཟུང་ནས་དངོས་གྲུབ་ཐོབ། །དེ་དག་ལ་མིག་ལྟོས་ཞུ་བ་ལགས། །རྗེ་ཀློང་ཆེན་དང་ཟུར་བ་མེས་དཔོན་གསུམ། ཁོང་རྫོགས་ཆེན་མཆེད་བཞིའི་རྣམ་ཐར་གྱིས། །མི་ཁོ་བོའི་ཡིད་ཁ་ཕྲོགས་པ་ལས། །འུད་ཆེ་ཚད་ལ་བ་སྤུ་མི་ལྡང་ཙམ། །སྤྲང་ལྟོས་མེད་ཀྱི་སྤྱོད་པ་སྐྱོང་བ་ལགས། །ཚེ་མི་རྟག་སྙིང་ནས་དྲན་པ་དེས། །གནས་ངེས་མེད་དུ་སྒྲུབ་པའི་རྒྱལ་མཚན་བཙུགས། །ངེས་འཁོར་བར་ཞེན་པའི་གནང་འགྱོད་མེད། །བློ་གཏུམ་ཡང་འདོད་ཁ་རྫོགས་པ་ལགས། །ཆོས་རྫོགས་པ་ཆེན་པོ་བསྒོམས་བསྒོམས་པས། །དོན་མངོན་གསུམ་རིག་པ་གནད་ལ་ཕེབས། །ད་འཁོར་བ་མི་ལྡོག་བློ་ཐག་ཆོད། །ད་དུང་ཟད་སར་འཁྱོལ་བ་ཞིག་བྱེད་པ་ལགས། །སྔོན་ཚེ་རབས་མང་པོར་ཚོགས་བསྔགས་པས། །ཆོས་རྡོ་རྗེ་ཐེག་པའི་ཉེ་ལམ་མཇལ། །གཞི་ཀ་དག་ཆེན་པོའི་དགོངས་པ་ལོན། །ཆོས་བོར་ཀྱང་ཡེངས་སུ་མེད་པ་ལགས། །འཆད་རྩོད་དང་རྩོམ་པའི་ཀློང་བརྡོལ་ཀྱང་། །འདིས་ལས་རླུང་རྒྱུ་བ་འཕེལ་དོགས་ནས། །དེ་ཚིག་ལ་རྟོག་དཔྱོད་མི་གཏང་བར། །དོན་ཡིན་ལུགས་ཀྱི་སྟེང་དུ་འཇོག་པ་ལགས། །གནས་བྲག་ཁུང་བརྟེན་པ་དམ་པའི་ལུགས། །སྡེས་མཁར་

― JLAZ014_Page_0141 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་བ་ཁྱིམ་པའི་སྲོལ། །ངའི་སྐྱོན་ཡོན་ཕལ་གྱི་མི་རྟོགས་པས། །གནས་ངེས་མེད་ལ་སྐུར་པ་མི་འདེབས་འཚལ། །ཚུལ་དེ་སྐད་དྲང་གཏམ་རྗེན་པའི་གླུ། །ལར་རང་གཙིགས་སྐྱེས་བ་མ་ལ་གིས་ཏེ། །གནས་དབེན་པའི་བྲག་ཁུང་བརྟེན་པའི་ཚེ། །ཁྱོད་ས་མཁར་བཞག་ནས་བྲག་ཁུང་བརྟེན། །བཅོས་ག་ལོག་ཅེས་སྒྲོ་སྐུར་བྱེད་པའི་དུས། །བདག་ཐོལ་བྱུང་རང་གྲོལ་རྣལ་འབྱོར་པས། །ཡིད་སྐྱོ་བ་སད་པའི་མགུར་དུ་བཞེངས། །འདི་ཆོས་མཛད་ཡོངས་ཀྱི་ཐུགས་ལ་འཕྲོད། །གནོང་ཅན་སྙིང་གི་ཚེར་མར་བྱེད། །རྐུན་ནོར་བཞིན་དུ་ཨ་ཐམ་རྒྱ། །ཞེས་སོ། །དེ་ནས་འདབ་ལྡན་གཡུང་དྲུང་འཁྱིལ་པའི་ཚལ་ནས་མགོ་དུང་ལས་དཀར་བའི་མི་རྒན་ཞིག་འཚོ་བའི་ཡོ་བྱད་བསྐྱེལ་དུ་བྱུང་བས་ཐོག་དྲངས་ཆད་བསྐྱེད་རྒྱུན་མར་བྱུང་། དེར་ལྷན་སྐྱེས་ཌཱ་ཀྐིའི་བརྡ་སྟོན་ལྟར་མེ་ཏོག་ཕུལ་བར་འདུག་གནས་བཟོས་ཤིང་། སྟེང་ལ་སྒོ་སྐྱོར་འཇག་སྐྱོབས་ལ་སོགས་པས་རེ་བཞག་འདུག་ཏུ་རུང་བར་བྱས། དེའི་རིང་བློན་ཆེན་གུར་དཀར་ཕུག་གི་རེ་རྩེར་གནས་འབྲེལ་བྱེད་དུ་ལྷགས་པའི་ཚེ་འོད་གསལ་ཐོད་རྒལ་གྱི་ཉམས་ལ་སྤྲོ་བ་བརྟས་པའི་གླུ། ཕ་བདེ་གཤེགས་ཀུན་འདུས་པདྨ་འབྱུང་། །མ་མཁའ་འགྲོའི་གཙོ་མོ་མཁར་ཆེན་བཟའ། །སྐྱབས་

― JLAZ014_Page_0142 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་འཛིན་རྗེ་འབངས་རྒྱ་མཚོ་རྣམས། །བུའི་དེ་རིང་སྙིང་གི་དཀྱིལ་ནས་དྲན། །ཡང་ལྕགས་ཕོ་འབྲུག་ལོ་གྲོ་བཞིན་ཉར། །སྤང་ཆོས་མེད་ཨིནྡྲ་མ་རེ་ཙྱཻ། །དཔལ་མཆིམས་ཕུའི་བློན་ཆེན་མགུལ་དུ་བསྐྱོད། །དེར་ཤེས་པ་ཡུལ་ཕྱིར་འབྲེངས་པ་ཡིས། །སེམས་ཚོགས་དྲུག་གི་ལྟད་མོ་འདི་ལྟར་མངོན། །རི་མཐོན་པོ་གནམ་གྱི་ཀ་བ་འདྲའི། །འདབས་གཡའ་དང་རྫ་ཡིས་མགུལ་པ་མཛེས། །སྟེང་ཕྱོགས་ནས་ཐང་དཀར་རྒོད་སྨུག་འཕྲོ། །ལོགས་གཤམ་ན་ལྷ་བྱ་གོང་མོ་རྒྱུ། ཁོང་བྱ་བྱིའི་ཚོགས་ཀྱང་མི་རྟག་སྒོམ། །གཟུགས་ཅན་གྱི་སྐྱེ་བོའི་རྒྱུ་འགྲུལ་མེད། །བུང་ང་རྣམས་བཅུད་ལ་ལྡིང་ཞིང་གཡོ། །གནས་ངོ་མཚར་ཅན་དེའི་རྩེ་མོ་ན། །ལྷུན་གྲུབ་རང་བྱུང་གི་གུར་དཀར་ཕུབ། །བྲལ་དབྱིབས་ནི་རུས་སྦལ་སྒུམ་པ་འདྲ། །སྟེང་ལྷོ་སྤྲིན་སྨུག་པོའི་བླ་བྱེ་བྲག །ཆར་སྦྲང་ཆར་ཟིམ་བུའི་ཅོད་པན་འཕུར། །བྱ་རོག་ནག་ཆུང་སྟོང་སྒྲ་སྒྲོགས། །སྐུ་གསུམ་ཡེ་བབ་ཀྱི་དགོངས་པ་ལ། །ལྷུན་གྲུབ་ཐོད་རྒལ་གྱི་འཇའ་རིས་འཁྱིལ། །ཐིག་ལེ་དང་ལུག་རྒྱུད་ཟིམ་བུར་གཡོ། །དུས་དེ་ཚེ་མེ་ལྷས་དབང་བའི་ས། །གནས་ཡར་ཀླུངས་པདྨ་ཤེལ་ཕུག་གི། །སྟེང་ཡང་ཐོག་ཟླ་གམ་ལྟ་བུ་ཡི། །འཇའ་ཚོན་སྣ་ལྔ་བ་གུར་དུ་འཁྱིལ། །དེར་ཨོ་རྒྱན་མངོན་སུམ་

― JLAZ014_Page_0143 ―

^{[མ་དཔེ་གཟིགས་ན་འདིར་གནོན།]}

[Full Size]

བྱོན་ནོ་སྙམ། །མིག་ཆུ་བུར་དབང་ཤེས་ཟུག་བཞིན་དུ། །དོན་སྤྲོས་པ་མེད་པའི་དབང་བཞི་བླངས། །གཏད་མེད་ཀྱི་ཤེས་པ་སྤྲོས་བྲལ་ལ། །ཡེ་བབ་ཀྱི་ངས་ལུགས་ལྷུན་གྱིས་གྲུབ། །ཀུན་རྫོབ་ཏུ་བདེ་ཉམས་དཔག་ཏུ་མེད། །དོན་དམ་བདེ་སྡུག་མཐའ་ལས་གྲོལ། དུས་དེ་ཚེ་རྡོ་རྗེའི་མཆེད་པོ་ཡིས། །དཔལ་རྡོ་རྗེའི་མགུར་ལས་བྱོན་པ་ཡི། །ལྷུན་གྲུབ་ཀྱི་གཏམ་གསུམ་དགོས་སོ་སྐད། །དེར་དྲན་རིག་ཆམ་གྲོལ་སོ་མའི་གདངས། །སྣང་བ་དཔེ་གྲས་ཀྱི་མགུར་འདི་བླངས། །ཧོ་ཧོ། །མི་མངོན་ནམ་མཁའི་ཀློང་ཡངས་དེར། །ཁོང་ཐང་དཀར་སྨུག་པོ་གཤོག་རྩལ་ངོམ། །བུ་རང་ང་ཡང་སྣང་སེམས་གཞི་གྲོལ་ཀློང་། །གཏད་མེད་ཀྱི་ནམ་མཁའ་ཡེངས་མེད་འཕྱོ། །དམ་འདོག་མོས་གཞིའི་སྐྱེད་ཚལ་ན། །ཁོང་རྩི་ཤིང་ནགས་ཚལ་ལོ་འདབ་གཡོ། །བུ་ང་རང་ཡང་ཉམས་མྱོང་གོང་འཕེལ་ཕྱིར། །རྣམ་རྟོག་ལ་རིག་པའི་རྩལ་སྦྱོང་བྱེད། །བར་འདོད་ཁམས་མི་ཡི་ཡུ་གྲུ་ན། །སྨན་མཚར་སྡུག་ཀུན་གོས་རྒན་གཟབས་མཆོར་ངོམ། །བུ་ང་རང་ཡང་མཐའ་གྲོལ་ཀློང་ཡངས་དང་། །ཕྱི་ཡུལ་སྣང་གི་འཆར་སྒོ་རྒྱན་ཆར་འདོགས། མཚོ་སྔོན་མོ་གཡུ་ཞལ་འཁྱིལ་འདྲའི་དང་། །ཁོང་གར་མཁན་ཚོ་འགྱུར་ལྕམ་མཉེན་ལྕུག་འཁྲིལ།

― JLAZ014_Page_0144 ―

^{[མ་དཔེ་གཟིགས་ན་འདིར་གནོན།]}

[Full Size]

བུང་རང་ཡང་སྣང་སེམས་བསྲེ་བའི་ཕྱིར། །རྒྱ་མཚོ་ཅོག་བཞག་ལ་གདར་ཤ་གཅོད། །གནས་སྡེ་དགོན་ཆེན་པོའི་ཆོས་ར་ན། །ཁོང་དགེ་བཤེས་ཚེ་དགག་སྒྲུབ་མཐའ་མེད་མཛད། །བུ་ང་རང་ཡང་མཐར་བརྒྱད་སྤྲོས་བྲལ་དང་། །འཁོར་འདས་རྒྱབ་གྱེས་ཀྱི་རིགས་ལམ་གཏོད། །ཁྲིམ་ཐོན་པོ་དར་གོས་འབོལ་བརྩེགས་སྟེང་། །ཁོང་བླ་ཆེན་ཚོ་ཕྲིན་ལས་ཅིར་ཡང་སྟོན། །བུང་རང་ཡང་རྟེན་འབྲེལ་ལམ་ལྷོངས་ཕྱིར། །སེམས་རིག་ཤན་འབྱེད་ཀྱི་ལྟ་སྒོམ་སྐྱོང་། །ཕྱི་བཀོད་མཛེས་ཀྱི་ཁང་གཞིས་སྐྱིད་པོའི་ནང་། །ཁོང་མི་དཔོན་ཚོ་འབངས་ལ་མཉལ་ཐག་གཅོད། །བུ་ང་རང་ཡང་བྲག་ཕུག་རང་གཤོམ་ནང་། །ཀུན་རྟོག་ཡུལ་འབྱམས་ལ་དྲག་འཇུན་བྱེད། །སྡུག་ཁྱིམ་ཐབ་མང་པོའི་གོ་ར་ན། །ཁོང་མ་རྒན་རྣམས་འཁོར་བའི་སོ་ནམ་རེམ། །བུ་ང་རང་ཡང་གཉུག་མའི་བརྟུལ་ཞུགས་དང་། །ས་ལམ་གཞི་གྲོལ་གྱི་དགོངས་པ་བསྐྱང་། །སྤང་སྔོ་ལྗང་གཡུ་ཡི་མཎྜལ་སྟེང་། །ཁོང་རྫི་བོ་རྣམས་ཕྱུགས་ལུག་སྐྱོང་བྲལ་བྱེད། །བུ་ང་རང་ཡང་རྣམ་རྟོག་ལུ་གུ་རྒྱུད། །ལྷག་མཐོང་རྟོག་མེད་ཀྱི་ར་བར་འཛུད། །ཡུལ་ལམ་འཕྲང་དང་དབེན་པའི་བས་མཐའ་རུ། །ཁོང་ཇག་རྐུན་རྣམས་མཐའ་མེད་ཨར་སྤྲང་རེམ། །བུ་ང་རང་ཡང་འཇིག་རྟེན་

― JLAZ014_Page_0145 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་བརྒྱད་ལ། སྣང་བ་གདོང་འདེད་ཀྱི་འཕྲོག་བཅོམ་བྱེད། །གནས་ངེས་མེད་ཀྱི་རྒྱལ་ཁམས་ཡངས་པོ་ཆེར། །ཁོང་རྟོག་ལྡན་རྣམས་སྒོ་ཁྱིའི་འགྲམ་རུས་གཅོག །བུ་ང་རང་ཡང་དགོངས་ཀློང་ཡངས་པའི་ངོགས། །གཟུང་འཛིན་བྱི་རྒན་གྱི་ལྟག་རྩ་སྤུར། །ཁྱིམ་ཕུན་ཚོགས་ཀྱི་སྒོ་ཁང་སློར་ན། །ཁོང་གཅེས་ཕྲུག་ཚོ་ཡུལ་ལ་རྩེད་མོ་རྩེ། །བུ་ང་རང་ཡང་མ་བཅོས་གཉུག་མའི་གྲོང་། །ཡུལ་ཅན་རིག་པའི་རྩེད་འཇོར་རོལ། །འཁོར་བ་ན་འདི་འདྲའི་གཟིགས་མོ་སྣང་། །མྱང་འདས་ལ་ལེགས་ཉེས་བླང་དོར་བྲལ། །སེམས་ཀུན་གཞི་གཅིག་ལ་རྣམ་འགྱུར་བརྒྱ། །རིག་མ་རིག་གི་མེ་ལོང་ངོས་སུ་ཤར། །དེ་སྣང་བ་དཔེལ་གྲས་པ་ཡིན། །དཔེ་དེ་ཉིད་དོན་ལ་སྦྱོར་བ་ཡིན། །དོན་དེ་ཉིད་ཚིག་གིས་བཀྲལ་བ་ན། །ཁོང་སྣོད་བཅུད་ཕལ་གྱི་ཐུགས་ལ་གཟོན། །བློ་ནང་དུ་བཀུག་ན་བདེན་པའི་གཏམ། །མི་གོ་བ་ཅན་གྱིས་དཔྱད་ན་ཤེས། །ངེད་བརྒྱུད་པ་བཟང་པོའི་བུ་བརྒྱུད་འདི། །རེ་དོགས་ཀྱི་སྲད་བུ་ཕྲ་སར་གཅོད། །ཉམས་འུར་ཚེ་སྣང་སྲིད་གླུ་རུ་ལེན། །གནས་མི་མེད་རི་སུལ་དབེན་ཕུག་འགྲིམས། །སེམས་ཁོང་གྲོལ་སྒྲུབ་པའི་རྒྱལ་མཚན་འཛུགས། །ཀ་དག་ཆོས་ཟད་ཀྱི་གྲུབ་མཐའ་སྙོགས། །འདི་

― JLAZ014_Page_0146 ―

^{[མ་དཔེ་གཟིགས་ན་འདིར་གནོན།]}

[Full Size]

གཅིག་ཏུ་འུད་གོག་རྔམ་པོ་ཆེ། །གཉིས་སུ་དྲང་གཏམ་བདེན་པོ་ཆེ། །གསུ་དུ་དགོངས་པ་རང་ཤར་ཚིག །རི་གནམ་ལ་ཅོ་འདྲི་འདྲ་བའི་རྩེར། །ཀློང་ཆེན་མཁྱེན་བརྩེའི་འོད་ཟེར་གྱིས། །བྲེ་མོའི་ཚུལ་དུ་བགྱིས་པ་ལགས། །ཕྱིར་ལམ་མཚོ་རྒྱལ་ཕུག་ཏུ་གནས་འབྲེལ་ཞག་ཏུ་ལོངས་པ་བྱས་པའི་ཚེ་གནས་ཀྱིས་གང་ཟག་བྱིན་གྱིས་བརླབས་པས་བརྟུལ་ཞུགས་རོལ་པའི་གླུ། སྐྱབས་པད་འབྱུང་རྗེ་ལ་གསོལ་བ་འདེབས། །མ་ཡེ་ཤེས་མཚོ་རྒྱལ་སྙིང་ནས་དྲན། །བདག་ཁམས་གསུམ་ཡིད་ཅན་ཐམས་ཅད་དང་། །དགོས་གསོལ་འདེབས་བུ་ལ་ཐུགས་རྗེས་གཟིགས། །ཚེ་མི་རྟག་གཡང་ཁའི་བྱིའུ་འདྲ། །འདི་འགྱུར་བར་ངེས་ཀྱང་ཆོས་མ་དྲན། །ལས་འདི་བྱའི་ཏིག་པོ་མེད་པའི་ངང་། །གཞོན་སོ་དཀར་གྱི་མི་ཚེ་བུད་དེ་ཐལ། །བུ་དེ་རིང་བསམས་བཞིན་སྙིང་རླུང་ལངས། །ལས་མཐའ་མེད་འཁོར་བའི་བཙོན་ར་འདིར། །སྔོན་ཐོག་མེད་དུས་ནས་ད་བར་འཁྱམས། །ཆོས་བྱེད་ལོའི་ངང་ལ་མི་ཚེ་ཟད། །དགྲ་འཆི་བདག་བྱུང་ན་ཇི་ལྟར་བྱེད། །ཚེ་འདི་ཡི་སྣང་བ་ཟ་ཟི་ཀུན། །རྟག་མི་ཐུབ་ནམ་མཁའི་འཇའ་ཚོན་འདྲ། །དེང་གཉིད་དུ་སོང་བའི་རྨི་ལམ་ཀུན། །ཚེ་ཕྱི་མའི་འཁྲུལ་སྣང་དང་ཁྱད་པར་མེད། །འདི་བསམ་ས་བཞིན་སྙིང་རླུང་དབང་མེད་ལངས། །ངའི་བླ་

― JLAZ014_Page_0147 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཨོ་རྒྱན་ཆོས་རྗེ་དང་། །ངའི་མཁའ་འགྲོ་ཡེ་ཤེས་མཚོ་རྒྱལ་ལྕམ། །དུས་ད་ལྟ་བཞུགས་ན་དགའ་བ་ལ། །དུས་དེ་རིང་མཇལ་ན་སྐྱིད་པ་ལ། །གནས་ཡ་མཚན་དཔལ་གྱི་མཆིམས་ཕུ་ཡི། །ལྷུན་གྲུབ་རང་བྱུང་གི་མཚོ་རྒྱལ་ཕུག་ཡུམ་རྡོ་རྗེ་ཕག་མོའི་སྐུའི་ཕྱག་རྒྱ། །བྲག་ཤེལ་གྱི་མཆོད་རྟེན་བརྩེགས་པ་འདྲ། །འདབས་གཡུ་མཚོ་འཁྱིལ་བའི་ནགས་ཚལ་ཁྲོད། །ཁོན་བྱ་ཚོགས་བུང་བ་གསུང་གླུ་སྙན། །གནས་འདི་འདྲའི་ཡོན་ཏན་བསམ་མི་ཁྱབ། །སེམས་གྱ་གྱུའི་འཁྲུལ་རྟོག་རང་སར་འགགས། །སྙམས་སྣ་ཁ་མནོན་ཐོད་རྒལ་བསྐྱངས། །ལས་བྱ་བྱེད་འཁོར་བའི་རྣམ་རྟོག་ཞིག །དོན་དེ་ཕྱིར་སྒྲུབ་པའི་རྒྱལ་མཚན་ཚུགས། །དུས་སྙིགས་མའི་སྤྱོད་ཚུལ་ཡ་མ་བརླ། །གཤིས་གང་ལ་བརྟགས་ཀྱང་སྙིང་པོ་མེད། ཕ་གྲུབ་ཐོབ་གོང་མའི་བཤུལ་ལམ་སྙོགས། །ཆོས་རྫོགས་པ་ཆེན་པོར་གདར་ཤ་ཆོད། །དཀོར་ཤ་ཟན་ནག་པོའི་སྡེ་གོག་དང་། །ཡིད་ཆེད་ཆགས་སྒྱུ་མའི་ནོར་རྗེས་སོགས། །བློ་དགོས་མེད་ཞེན་ལོག་སྙིང་བཅང་མཛོད། །དུས་ད་རེས་འཁོར་པར་ཕྱི་ཕྱག་ཚོལ། །ཕྱི་ནམ་ཟླ་དུས་བཞིའི་འགྱུར་ལྡོག་དང་། །ནང་རྣམ་རྟོག་གྱ་གྱུའི་སྒྱུ་འཕྲུལ་གཉིས། །དུས་སྐད་ཅིག་ཙམ་ཡང་རྟག་པ་མེད། །རྟག་མི་རྟག་བློ་འདས་གཉུག་མའི་ངང་། །གཤིས་

― JLAZ014_Page_0148 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་བཟང་དགོངས་པ་ཟང་ཐལ་ཀློང་། །དུས་གསུམ་གྱི་རྣམ་རྟོག་ཁ་ཡན་གློད། །ཚོགས་དྲུག་གི་ཡུལ་སྣང་རང་སར་འགགས། །ཆོས་འོད་གསལ་རྫོགས་པ་ཆེན་པོ་ལ། །སྣང་སེམས་དང་སྐྱེ་འཆིའི་འདུ་ཤེས་མེད། །ཡེ་བབ་ཀྱི་རང་གཤིས་ལྷུག་པའི་ངང་། །ཆོས་ཟད་ཀྱི་རྟོགས་པ་མངོན་དུ་འགྱུར། ཧོ་ཧོ། །སྟག་སྤགས་དང་རུས་རྒྱན་ཁྲོ་ལོ་ལོ། །དྲིལ་ཆུང་དང་གཡེར་གས་སི་ལི་ལི། །ལྷུན་གྲུབ་ཀྱི་ཐོར་ཚུགས་ལྡེམས་སེ་ལྡེམ། །ཅང་ཏེའུ་དང་གླིང་བུ་ཀྱུ་རུ་རུ། །ངེས་མེད་ཀྱི་གཉན་ཁྲོད་འགྲིམ་པའི་ཚེ། །རེ་དོགས་ཀྱི་རྣམ་རྟོག་རྫུན་པོ་ཆེས། འཁོར་འདས་ཀྱི་བར་ལག་ཐད་ཀར་འབྱེད། །ཀློང་གྲོལ་གྱི་རིག་པ་ཧུར་སྤྱོད་སྐྱོངས། །དགའ་རབ་དང་འཇམ་དཔལ་ཤྲཱི་སེང་། །པད་འབྱུང་དང་བིམ་ཀློང་ཆེན་སོགས། །རྗེ་ནམ་མཁའི་རྣལ་འབྱོར་གྱི་དགོངས་བརྒྱུད་ཡིན། །བདག་དཔོན་སློབ་ཚོ་བརྒྱུད་པ་བཟང་པོའི་བུ། །བློ་བདེ་གུ་ཡངས་ལ་རྒྱུན་ཆད་མེད། །གཟུང་འཛིན་ལ་ཕཊ་ཀྱི་གཏོར་མ་རྒྱོབ། །ལྟ་སྒོམ་ལ་མིང་འདོགས་བྱ་གྱུ་མེད། །བྱར་མེད་ཀྱི་ངང་དུས་ལམ་རྫོགས། །ཐ་མལ་གྱི་ཤེས་རིག་ལྷོད་ཡངས་སོ། །ཨ་ལ་ལ་ཆགས་མེད་ཞེན་དྲལ་དང་། །འཁོར་འདས་ཀྱི་རེ་དོགས་འཇའ་ལྟར་ཡལ། །སྐུ་གསུམ་གྱི་འབྲས་བུ་གཞི་ལ་རྫོགས། །ཞེས་སོ། །དེར་གཅུང་སྒྲུབ་གཡོག་

― JLAZ014_Page_0149 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་གནས་སུ་སློག །རེ་ཞིག་རང་གཅིག་པུར་མཚམས་ཤིན་ཏུ་དམ་པར་བཅད་པའི་ཚེ་བྲག་རི་ལ་ངོ་མཚར་སྐྱེས་པའི་མགུར་དྲན་པའི་གསལ་འདེབས་ཞེས་བྱ་བ་ནི། གནས་ངོ་མཚར་ཅན་དཔལ་ཕྱི་མཆིམས་ཕུར། །རང་བྱུང་ལྷུནགྲུབ་ཀྱི་མེ་ཏོག་ཕུག །ཕྲལ་ཐིགས་ཚགས་དང་འཛིན་སྦྲས་མ་དགོས་ཤིང་། ཕུགས་བདག་འཛིན་གྱི་ཞེན་པས་མི་འཆིང་བའི། །འབུ་ཤུབས་ཐོན་གྱི་གཞལ་མེད་ཁང་ཞེན་སྣང་། །སྒྲུབ་ཁང་འདི་རྣལ་འབྱོར་པའི་རྒྱན་དུ་ཆེ། །ཕ་རང་བྱུང་པདྨས་བདག་ལ་སྩལ། །གྲོགས་སྙིང་རུས་ཅན་རྣམས་འདི་རུ་སྒོམས། །ཕྱི་ལུས་གནད་ལྷུན་གྲུབ་ཀྱི་བྱ་སྐྱིབས་ནང་། །རྡོ་ཐབ་རྫ་ཁོག་གི་འཁོར་འབངས་ཅན། །ཤིང་སྐམ་མེ་འབར་གྱི་ཁོལ་པོ་རྣམས། །ཕྲལ་བསྡུ་བར་དང་ཁྲིགས་བཅད་མ་དགོས་ཤིང་། །ཕུགས་རྣམ་དཔྱོད་ཡི་ཞེན་ཆགས་མི་སྐྱེ་བའི། །གར་བཞག་འདོལ་འདོལ་གྱི་ཞམ་རིང་བ། །ཉེ་གནས་འདི་རྣལ་འབྱོར་བའི་རྒྱན་དུ་ཆེ། །བྱ་བ་བློས་བཏང་གིས་ང་ལ་སྩལ། །གྲོགས་འདུ་ལོང་ཅན་རྣམས་དེ་འདྲ་མཛོད། །ནང་བཀོད་པ་ལུས་ཀྱི་ཕོ་བྲང་ན། །ལྷ་རར་སེམས་སུ་ཤེས་པའི་རྣལ་འབྱོར་པ། །ཕྱི་མཚན་མའི་དལ་ལ་མ་ལྟོས་ཤིང་། །སྣང་ལྟོང་ཟུང་འཇུག་ཏུ་ལྷུན་གྲུབ་པས། ཕྲལ་གསུམ་ཆོག་དང་ཌ་དྲི་མ་

― JLAZ014_Page_0150 ―

^{[མ་དཔེ་གཟིགས་ན་འདིར་གནོན།]}

[Full Size]

དགོས་ཤིང་། །ཕུགས་འདུ་འབྲལ་མེད་པའི་ངོ་མཚར་ཅན། །ཡི་དམ་འདི་རྣལ་འབྱོར་པའི་རྒྱན་དུ་ཆེ། །འདི་རྣམ་སྨིན་རིག་འཛིན་གྱིས་དལ་སྩལ། །གྲོགས་དབང་རྣོན་ཅན་རྣམས་དེ་འདྲ་མཛོད། །ཕྱི་དག་སྣང་ཅན་གྱི་ཡུལ་གྲོང་ནས། །ཟས་མཐུན་རྐྱེན་སྦྱོར་བའི་ཡོན་གྱི་བདག །ཕྲལ་དགོངས་ཕན་དང་རིམ་གྲོ་མ་དགོས་ཤིང་། །ཕུགས་བསྔོ་སྨོན་བཙན་པོས་མཚམས་སྦྱོར་བའོ། །མགོན་མེད་ཟས་སྦྱིན་གྱི་རྣམ་མཐར་ཅན། །ཡོན་བདག་འདི་རྣལ་འབྱོར་པའི་རྒྱན་དུ་ཆེ། །ཕ་རྩ་གསུམ་རྒྱ་མཚོས་ང་ལ་སྩལ། །ཁྱེད་དག་སྣང་ཅན་རྣམས་དེ་འདྲ་མཛོད། །སྤུ་ནེ་ཙོ་ལྟ་བུར་སྙིང་སྡུག་ལ། བཞིན་པད་དཀར་ལྟ་བུར་བཀྲ་བའི་བྱ། །ཕྲལ་གཏམ་ལན་གཞལ་ཡང་མ་དགོས་ལ། །ཕུགས་མགུ་མཁང་ཚངས་སྡང་མི་སྐྱེ་བའི། །སྐྱོ་རོགས་ཀྱི་བྱ་བཏང་བསམ་མེད་པོ། །མཛའ་ཐོགས་འདི་རྣལ་འབྱོར་བའི་རྒྱན་དུ་ཆེ། བྱམས་སྙིང་རྗེའི་སྦྱིན་ལག་ཡངས་པོས་སྩལ། །གྲོགས་བྱང་སེམས་ཅན་རྣམས་དེ་འདྲ་མཛོད། །དབྱིངས་རྣམ་དག་སྒྲོན་མའི་ཕོ་བྲང་ན། །མངོན་སུམ་རིག་པའི་ག་རྩེད་མཁན། །ལམ་སྲོག་རྩོལ་གནད་དུ་ཆུད་པའི་མཐུས། །ཕྲལ་ལས་རླུང་གིས་གཡོ་བར་མི་ནུས་ཤིང་། །ཕུགས་གནས་ལུགས་ཡིད་དཔྱོད་དུ་མི་གོལ་བའི། ལྟ་སྒོམ་འདི་རྣལ་འབྱོར་པའི་རྒྱན་

― JLAZ014_Page_0151 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཆེ། །ལམ་སྙན་བརྒྱུད་ཟབ་མོས་ང་ལ་སྩལ། །གྲོགས་ལས་འཕྲོ་ཅན་རྣམས་དེ་འདྲ་མཛོད། །སྡེ་གྱང་རོལ་གྱི་ཞེན་ཆགས་སྙིང་ནས་ཐོངས་། །ཁྱུ་མང་པོ་དང་འགྲོགས་པའི་སྣ་གཏུན་འཕོག །ཚེ་སྟོད་ཀྱི་བྱ་བཞག་ཕལ་ཆེར་བརྗེད། །ད་ལྟའི་རིག་པ་ཐ་མལ་བ། །ཕྲལ་ཁ་འཛིན་གྱི་རྩིས་གདབ་མ་དགོས་ལ། །ཕུགས་གང་དགར་ཡན་པའི་བློ་མཁན། །ད་དུང་ཀྱུ་ནས་མི་བྱོལ་རེ། །ལྟོས་མེད་འདི་རྣལ་འབྱོར་པའི་རྒྱན་དུ་ཆེ། །འུར་གསུམ་ཐག་ཆོད་ཀྱིས་ང་ལ་སྩལ། །གྲོགས་ཐར་འདོད་ཅན་རྣམས་དེ་འདྲ་མཛོད། །སྐྱབས་མཚོ་སྐྱེས་རྡོ་རྗེས་དབྱིངས་ནས་གཟིགས། །ཕ་དྲིན་ཆེན་བླ་མས་དགོངས་བརྒྱུད་འཕོ། །མ་མཁའ་འགྲོ་རྒྱ་མཚོས་བར་ཆད་སོལ། །ཕྲལ་བྱེ་བྱེད་མང་པོ་མི་དགོས་ཤིང་། ཕུགས་སྐུ་གསུམ་རང་རྩལ་རྫོགས་པ་ཡི། །སྐྱེད་ཉལ་འདི་རྣལ་འབྱོར་པའི་རྒྱན་དུ་ཆེ། །མཉམ་རྗེས་དབྱེར་མེད་ཀྱིས་ང་ལ་སྩལ། །གྲོགས་སྒོམ་ཉམས་ཅན་རྣམས་དེ་འདྲ་མཛོད། །དཔེ་བརྒྱད་དོན་བརྒྱད་ཀྱི་མགུར་མ་འདི། །གནས་འོག་མིན་དཔལ་གྱི་བྲག་ཕུག་ཏུ། །རྐྱེན་ཞེ་སུན་དྲག་པོས་མཚམས་སྦྱར་ནས། །རང་གཅིག་བུར་འདུག་ལ་སྐྱིད་སྣང་ཚོར། །ཉམས་བདེ་སྟོང་ཆེན་པོར་འབར་བའི་ཚེ། །ཕ་ཨོ་རྒྱན་ཡུལ་གྱི་མཁས་པ་ཆེའོ། །

― JLAZ014_Page_0152 ―

^{[མ་དཔེ་གཟིགས་ན་འདིར་གནོན།]}

[Full Size]

བུ་ཆོས་མེད་མཁྱེན་བརྩེའི་འོད་ཟེར་གྱིས། །ཚིག་བློ་ལ་ཤར་ནས་ཡེ་གེར་བྲིས། །དོན་ཉམས་སུ་ལེན་པའི་བསྐུལ་མར་བཞག །གྲོགས་དག་སྣང་ཅན་ཚོ་མཉེས་པར་ཤོག །དུས་འདི་དག་ཏུ་རྒྱལ་བ་གཉིས་པ་ཀུན་མཁྱེན་ངག་གི་དབང་པོའི་ཡེ་ཤེས་ཀྱི་སྐུ་དང་ལན་གསུམ་མཇལ་ཞིང་བྱིན་གྱིར་བརླབས་པས། །ཀུན་ཏུ་བཟང་པོའི་ཆོས་འཁོར་དུ་འདུས་པ་ལ་སྤྲོ་ནས། །བླ་མ་བཟང་པོ་ཨོ་རྒྱན་ཆོས་རྗེ་ལ་ཞུས་པས། །བྱིན་རླབས་ཟབ་མོ་དགོངས་བརྒྱུད་སྤྲོས་བྲལ་དེ་བབས་བྱུང་། །ལྟ་སྒོམ་ཡེ་བབ་སྐུ་གསུམ་ལྷུན་གྲུབ་འདི་དགའ་ཡོ། །ཉམས་ལེན་བྱར་མེད་བློ་འདས་ཡེ་གྲོལ་འདི་སྐྱོད་དོ། །ཡི་དམ་བཟང་པོ་པདྨ་སྙིང་ཏིག་ལ་ཞུས་པས། །བསྐྱེད་རིམ་ཟབ་མོ་སྣང་སྟོང་ཟུང་འཇུག་དང་མཇལ་བྱུང་། །རང་སེམས་མངོན་རྫོགས་ལྷ་སྐུར་སོང་བ་དེད་གའ་ཡོ། །རྣམ་སྨིན་རིག་འཛིན་ཚེ་འདིར་ཐོབ་པ་དེ་སྐྱིད་དོ། །མཁའ་འགྲོ་བཟང་པོ་རྡོ་རྗེ་རྣལ་འབྱོར་ལ་ཞུས་པས། །ཕྲིན་ལས་ཟབ་མོ་དགོངས་པའི་གསང་མཛོད་དེ་བརྡོལ་བྱུང་། །ཐ་སྙད་ཚིག་ལ་བསླབ་གཉེར་མ་དགོས་བ་དགའ་ཡོ། །སྣང་གྲག་བརྡ་དང་དཔེ་ཆར་སོང་བ་དེ་སྐྱེད་དོ། །རྒྱུད་པ་བཟང་པོ་བྱིན་རླབས་དོན་རྒྱུད་ལ་ཞུས་པས། །དབང་བཞིའི་ཉམས་རྟོགས་བུམ་པ་གང་བྱོ་རུ་སྩལ་བྱུང་། །རིག་པའི་རྩལ་དབང་རང་ལ་ཡོད་པ་འདི་

― JLAZ014_Page_0153 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་ཡོ། །ལྟ་སྒོམ་སྤྱོད་བའི་ཐ་སྙད་ཟད་པ་འདི་སྐྱིད་དོ། །དོན་དབང་ཟབ་མོ་དྲི་མེད་འོད་ཟེར་ལ་ཞུས་པས། །ཐུགས་རས་ལས་ཅན་རྟོགས་གྲོལ་དུས་མཉམ་ལངས་སོང་། །དཀའ་སྤྱད་སྡུག་བཙིར་ཞེ་འདོད་མ་དགོས་པ་དགའ་ཡོ། །བྱར་མེད་ལྷུག་པའི་རྒྱལ་ས་ཟིན་པ་འདི་སྐྱིད་དོ། །ཉམས་ལེན་བཟང་པོ་རྫོགས་པ་ཆེན་པོ་ལ་ཞུས་པས། །གནས་ལུགས་ཟབ་མོ་ཆོས་ཉིད་མངོན་སུམ་དང་མཇལ་བྱུང་། །རིག་པའི་གསལ་མདངས་ཕྱི་ལ་གསལ་བ་འདི་དགའ་ཡོ། །ལམ་རྟགས་ཟབ་མོ་ནང་དུ་མངོན་པ་འདི་སྐྱིད་དོ། །མྱུར་ལམ་ཟབ་མོ་སྙན་བརྒྱུད་ཕོ་ཉ་ལ་ཞུས་པས། །ལྟ་སྒོམ་ཟབ་མོ་ལྷོད་ལྷོད་འབོལ་འབོལ་དང་མཇལ་བྱུང་། །རླུང་སེམས་དབུ་མར་དབང་དུ་འདུས་པ་འདི་དགའ་ཡོ། །སྣང་སེམས་དབྱེར་མེད་ཟང་ཁ་རྒྱ་ཡན་འདི་སྐྱིད་དོ། །སྒྲུབ་ཁང་བཟང་པོ་བྲག་ཕུག་རང་གཤོམ་ལ་ཞུས་པས། །ད་ལྟའི་རིག་པ་ཀུན་ཏུ་བཟང་པོ་ལངས་སོ། །བསྐྱེད་རྫོགས་བཟླས་བརྗོད་ཌ་དྲིལ་མི་དགོས་པ་དགའ་ཡོ། །ཤེས་

― JLAZ014_Page_0154 ―

^{[མ་དཔེ་གཟིགས་ན་འདིར་གནོན།]}

[Full Size]

པ་གདོང་གཏད་སྒོམ་ལ་སོང་བ་འདི་སྐྱིད་དོ། །ཆོས་སྐྱོང་ཟབ་མོ་དམ་ཅན་སྡེ་བདུན་ལ་ཞུས་པས། །ཕྲིན་ལས་བཟང་པོ་རེ་དོགས་ཚར་གཅོད་དང་གནང་བྱུང་། །གསལ་མཆོད་མ་དགོས་སྡོང་གྲོགས་མཛད་པ་འདི་དགའ་ཡོ། །ཕྲིན་བཅོལ་མ་དགོས་ཆད་མཐོ་བསྲུང་བ་དེ་སྐྱིད་དོ། །དགའ་སྐྱིད་འཛོམ་པ་ཕྱོགས་ཀྱི་གྲངས་ལྡན་གྱི་ཐོལ་བྱུང། །གསུང་གི་དབེན་གནས་མཆིམས་ཕུ་དགེའུ་ཡི་ཕུག་ཏུ། །འཁོས་མེད་སྤྲང་པོ་མཁྱེན་བརྩེའི་འོད་ཟེར་གྱིས་བླངས་པས། །ཀུན་གྱི་རྒྱུད་ལ་ཉམས་རྟོགས་འབར་བ་ཞིག་ཞུའོ། །ཞེས་སོ། །འདིའི་ཚེ་རྨི་ཉམས་འདྲེས་པ་ཞིག་ལ། མི་གོས་ནེ་ཁ་གྱོན་ཞིང་སྣུམ་བག་ཆགས་ལ་གཙུག་སྐྲ་ཡན་བུར་མདུད་པ་ཞིག་སྒྲུབ་ཕུག་འགག་དེར་འོངས། ངེད་དུ་ཕྱག་གསུམ་བཙལ། ཐེམ་པ་ལ་མགོ་བོ་བཙུགས་ཏེ་འདི་སྐད་ཅེས་གླེང་ངོ། །སྔ་པ་ན་མཇལ་ཐེངས་གསུམ་སོང་བའི་རྗེས་མ་དམར་ནག་རཀྟའི་ཕྱོགས་སུ་སུ་མཇལ་བ་དེ་ཡིན། ད་ནང་ངེད་གདན་འདྲེན་ལ་འོངས་པ་ལགས་པས་ཅིས་ཀྱང་ཕེབས་དགོས་ཟེར། ཁྱེད་སུ་ཡིན་པེད་ལོ་གསུམ་གྱི་དམ་བཅའ་མ་རྫོགས་པར་འགྲོ་ཐབས་མེད། དུས་ནམ་འོང་དགོས་བྱས་པས། སང་གནངས་ལས་མ་འགྱངས་པར་ཕེབ་དགོས་ཟེར་གཙུག་སྐྲའི་ལན་བུ་ལ་ཤོག་ཚར་ཞིག་འདུག་པ་

― JLAZ014_Page_0155 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟན་བྱུང་བཀ་བཀླགས་པས། འདས་དང་མ་འདས་མཚམས་ནས། །མངགས་པའི་བང་ཕྱིན་འདི་ཡིན་ནོ། །ཟེར་བ་འདུག །ནག་པོ་ཆེན་པོ་ཡིན་པར་གོ་སྟེ་སྤྲོས་བྲལ་དུ་བཞག་པས་ཉམས་རྨིས་དེ་སད། ཕྱོགས་དེར་གཏན་དུ་མི་ཆགས་པའི་བརྡ་སྟོན་ཙམ་དུ་འདུག །མཁས་པ་ཁ་ཅིག་འདས་མ་འདས་ཀྱི་སོ་མཚམས་ཐམས་ཅད་ལ་དཔྱད་བྱེད་མོད་ཀྱང་། ཀུན་མཁྱེན་གྱིས། འཇིག་རྟེན་འདས་ཀྱང་འཁོར་བའི་ཆ་ལུགས་འཛིན། །ཡེ་ཤེས་གྲུབ་ཀྱང་ལས་ཀྱི་ཕོ་ཉ་སྟོན། །ཞེས་གསུངས་པའི་ཕྱོགས་གཉིས་ཀ་འགལ་བ་མེད་པར་བསྒྲུབ་ཞེས་སོ། །རྒྱུད་ལུང་མན་ངག་རྣམས་ནས་ལུང་བསྟན་ལ་དངོས་འཛིན་གྱི་རབ་གནས་བྱེད་པར་མ་བཤད་ན། རི་སུལ་གྱི་རྣལ་འབྱོར་པར་ཤར་གྲོལ་དུས་མཉམ་གྱི་དངོས་གྲུབ་ལ་མངོན་སུམ་ཚད་མ་ལགས། དེའི་ཚེ་མཐའ་མེད་འཁོར་བའི་བཙོན་རར་ངེས་འབྱུང་དྲག་པོ་ནི་སྐྱེས། ཚེ་འདིའི་ལེགས་ཉེས་དང་བླང་དོར་ཐམས་ཅད་ཁྲོན་པའི་ནང་དུ་རྡོ་འཕངས་བ་ལྟར་ཕྱི་ཚིག་དང་རེ་དོགས་མེད་པར་བློ་རྒོད་བླངས། མི་ཚེ་ལ་ཆད་བཙུགས་ནས་སྙིང་པོའི་དོན་ལ་རེས་འཇོག་མེད་པར་ཡིན་ལུགས་བཟོ་མེད་དུ་སྐྱོང་བའི་ཞེ་བཅད་དྲག་པོའང་སྐྱེས། སྡུག་བཙིར་ཞེ་ཡུས་དང་ཁོང་བསྲན་ཙམ་ལ་བསྒྲུབ་པའི་ཕོ་ཚུགས་ར་མ་དགོས། རིང་མོ་ཞིག་ནས་རིག་པའི་གནས་ལུགས་གུ་ཡངས་རང་གྲོན་ཆེན་པོར་ལ་ཟློས།

― JLAZ014_Page_0156 ―

^{[མ་དཔེ་གཟིགས་ན་འདིར་གནོན།]}

[Full Size]

ཇི་ལྟ་བའི་དགོངས་པ་རྒྱུད་རྒྱལ་དབང་པདྨ་ཡབ་ཡུམ་གྱི་ཐུགས་རྗེས་སྙིང་གི་རྫིང་བུར་བྱོས་པས་ཇི་སྙེད་པའི་མཁྱེན་པའི་ཀློང་དབྱར་གྱི་ཆུ་བོ་ལྟར་བརྡོལ། སྣང་བ་གདོང་འདེད་རང་བབ་བྱུང་རྒྱལ་ལས། སུའི་ཁ་ལ་ཉན་ཡང་ཆོས་དང་ནི་མཐུན་པ་དཀའ། འཇིག་རྟེན་ལུགས་དང་མ་མཐུན་ཀྱང་ནང་དུ་རྒྱལ་བའི་བཀའ་དང་བླ་མའི་ལུང་དབང་པོར་བཞག་ནས་ཞིབ་མོར་འཐག་པའི་སྙིང་སྟོབས་ནི་བསྐྱེད། རྒྱལ་བ་གོང་མའི་བྱིན་རླབས་ཞུགས། དག་སྣང་ཅན་གྱི་མཁན་སློབ་དང་། །སྒོམ་ཆེན་ལ་སོགས་པ་ཡང་དག་པའི་དོན་ལ་མོས་པས་དཔྱོད་པ་དང་། རྣལ་མའི་ལམ་མཐོང་བ་དང་། ཐེ་ཚོམ་གྱི་སྒྲོག་ཏུ་ཆུད་པ་ཇི་སྙེད་ཀྱི་རང་རང་བཞིན་མོལ་བ་དང་། གེགས་སྐྱོ་ན་སྐྱེལ་བ་དང་། དམགས་སར་བསྟོད་པ་དང་། མངོན་པའི་ང་རྒྱལ་རྩ་གདར་གཅོད་པ་སོགས་ཀྱི་སྤོབས་པ་རྙེད་པས་ཆོས་དོན་གཉེར་བའི་འཁོར་སློབ་འགའ་ཙམ་འདུ་བའི་མགོ་ཚུགས། འོན་ཏང་ཁོ་བོ་ཅག་ནི་ད་ལྟའང་བཟང་པོ་མ་ཡིན་ལ། གདོད་ནས་སངས་རྒྱས་དང་བྱང་ཆུབ་སེམས་དཔའི་གདུང་དང་སྤྲུལ་སྐུར་མིང་གི་མ་སྙན་པས་ལོ་གསུམ་བཏང་བའི་གྲ་པ་ལ་ཁྲིད་ཞུས་ནས་ཟེར་མི་མཐུན་པར་བལྟ། ལས་འཕྲོ་ངན་པའི་ཁྱིམ་བཙུན་མ་ཡན་ཆོད་ཀྱི་ཁ་ཟེར་བ་དང་ཕྱར་ཀ་གཏོང་བའི་སྐབས་ཀྱང་བཙལ། །དེའི་ཚེ་འདི་སྙམ་དུ། ཞེ་སྡང་ལྟ་བུའི་སྡིག་པ་མེད། །བཟོད་

― JLAZ014_Page_0157 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལྟ་བུའི་དཀའ་ཐུབ་མེད། །དེ་བས་བཟོད་ལ་ནན་ཏན་དུ། །སྣ་ཚོགས་ཚུལ་དུ་སྒོམ་པར་བྱ། །ཞེས་པ་དེ་སྙིང་ཐག་པ་ནས་དྲན། ཚིག་ལན་སྨྲ་བལྟ་ཅི་བསྐྱར་ཟློས་ཙམ་ཡང་། མ་བྱས་སོ། །དེ་ལྟ་བའང་རང་ཉིད་ལ་དག་པའི་སྣང་བ་ཆེས་དཀར་བ་དག་མ་རངས་པ་དང་ངག་ཚིག་བརླང་པོས་ཕ་རོལ་གྱི་དོ་ཟླར་བལྟ་བ་ལ། ཀྱེ་གྲོགས་པོ་དག་འདི་ལྟར་ཤེས་པར་གྱིས་ཤིག །བྱིས་པ་སོ་སོ་སྐྱེ་བོ་ཆགས་སྡང་རྨོངས་གསུམ་གྱི་དྲ་བར་འཐུམས། གཟུང་འཛིན་གྱི་སྒྲོག་དམ་པོས་བཅིངས། འཁོར་བའི་བཙོན་དོང་ཆེན་གཅིག་ནས་གཉིས་སུ་ཐར་མེད་ལུ་གུ་རྒྱུད་དུ་འཁོར་བདག་གི་ལས་དང་། བསོད་ནམས་མ་ཡིན་པའི་སྣང་ངོ་རུ་བདག་ཅག་ལ་ལྟ་ཅི། སྟོན་མཆོག་རྫོགས་པའི་སངས་རྒྱས་ལའང་དགེ་སྦྱོང་ལྷས་བྱིན་དང་། ལེགས་པའི་སྐར་མ། མུ་སྟེགས་ཀྱི་སྟོན་པ་དྲུག་རྗེས་འབྲང་དང་བཅས་པས་ལོག་པར་བསྒྲུབས་པའི་ཚུལ་མདོ་སྡེ་དང་འདུལ་བའི་ནང་དུ་བརྟགས་པས་ཤེས། དེ་བཞིན་དུ་རྒྱ་གར་གྱི་སློབ་དཔོན་ཐོགས་མེད་ལ་སྨད་ཅིང་། ཕྱོགས་ཀྱི་གླང་པོ་ལྟ་བུ་ལའང་། ཕྱོགས་ཀྱི་གླང་པོ་ནི་མུན་པའི་གླང་པོའོ། །ཀུན་ལས་བཏུས་ནི་མུན་བའི་ཀུན་ལས་བཏུས་སོགས་ཞེས་གང་ཟག་གཞུང་སུན་ཕྱུང་བ་དང་། རྒྱལ་སྲས་ཞི་བ་ལྷ་ལྟ་བུའི་བྱང་ཆུབ་སེམས་དཔའ་ལའང་བྷུ་སུ་ཀུ་འདུ་ཤེས་གསུམ་བཞེས་བསྒྲགས། བོད་

― JLAZ014_Page_0158 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་མཁན་སློབ་ཆོས་གསུམ་གྱི་དུས་བོན་དང་སྡིག་བློན་གྱི་སྣང་ཚུལ། ས་ཕྱོགས་འདིར་གདོད་མའི་མགོན་པོ་དང་ཞལ་མི་གཉིས་པ་ཀུན་མཁྱེན་ཀློང་ཆེན་པ་ལྟ་བུའི་རྣམ་དཔྱོད་ལའང་གཤེ་ཞིང་། སྐུར་པ་མི་བཟད་པས་ཐུགས་དབྱུང་བ་ནི། ཁམས་འདུས་མེ་ཏོག་འཕྲེང་ལྡན་ལས། །དྲང་པོར་གནས་ན་རབ་ཏུ་གྱོང་བར་མཐོང་། །ནོར་གྱི་དབེན་ན་བསོད་ནམས་མེད་བར་འཛིན། །ཆོས་དང་ལྡན་ན་འཁོས་མེད་ཐབས་རྡུགས་ཟེར། །དེ་འདྲའི་སྐྱེ་པོ་མཐོང་ནས་ཁམས་འདི་འདུས། །མཐུན་འཇུག་མཁན་ལ་དགེ་བཤེས་བཟང་པོར་བརྩི། །གཡོ་ཅན་ཚུལ་འཆོས་མཁན་ལ་བཙུན་པར་སྨྲ། །ཚིག་རྩུབ་གླེང་ཟོག་མཁན་ལ་བཟང་པོར་བརྩི། །དེ་འདྲའི་སྐྱེ་བོ་མཐོང་ནས་ཁམས་འདི་འདུས། །ཞེས་དང་། དེང་སང་དུས་ན་རྣམ་གཞག་ཕྱིན་ཆི་ལོག །རང་སྐྱོན་དང་འགལ་ཡོན་ཏན་སྐྱོན་དུ་བརྩི། །ཙུ་ཏའི་སྐྱེ་བོས་རྐང་གཉིས་མི་རྣམས་ལ། །རྐང་གཅིག་ལྷག་ཅེས་བཞད་གད་བྱེད་པ་ལྟར། །རྩོམ་འཆད་རྩོད་པར་སྨྲ་བའི་བསམ་ཡས་པས། །ཆོས་བྷིན་སྤྱོད་ལ་བརྙེས་པའི་དུས་འདིར་མཐོང་། །ཞེས་གསུང་གིས་ལྕོངས་པ་ཡིན་ནོ། །ལར་ཐང་སྟོང་རྒྱལ་པོ་ལ་སྤྲང་པོས་འཕྱ་བའི་དཔེ་བཞིན་འདི་དག་སྙིགས་མ་ལྔ་བདོ་བའི་རང་མཚང་དུ་འདུག་པས་དམ་པ་སུ་ཞིག་གི་བ་སྤུའི་ཁུང་བུ་ཙམ་ཡང་གཡོ་བར་མི་ནུས་སོ། །

― JLAZ014_Page_0159 ―

^{[མ་དཔེ་གཟིགས་ན་འདིར་གནོན།]}

[Full Size]

དེའི་ཕྱིར་ཐོས་པ་མང་པོ་ནི་བཟོད་པའི་དཀའ་ཐུབ་བརྟེན་པའི་གཉེན་པོའང་ཡིན་ནོ། །ལར་གྱི་ནའི་གཏམ་གྱིས་བརྫི་བར་མི་ནུས་ཤིང་ཡུལ་རྐྱེན་ངན་པ་མན་ངག་དང་བདེ་སྟོང་དུ་འཆར་བ་ལ་དྲོད་ཐོབ་པའི་རྣལ་འབྱོར་པ་ཞེས་བྱའོ། །ཚེ་དབང་རིག་འཛིན་པདྨ་འབྱུང་། །ཡང་སྤྲུལ་རྗེ་འབངས་ཉི་ཤུ་ལྔ། །བྱང་སེམས་པཎ་གྲུབ་ཐམས་ཅད་ལ། །སྙིང་ནས་འདོད་དོ་དབྱིངས་ནས་གཟིགས། །སེམས་ཅན་བློ་མིག་མ་དག་པ། །དག་པ་ཆེན་པོའི་གདུལ་བྱར་ཤོག །གཞན་སྣང་བ་དགྲ་རུ་ལྡང་པའི་ཚེ། །ང་ཉམས་དགའི་གླུ་དབྱངས་ལེན་སྙིང་འདོད། །དོན་མེད་ཀྱང་བྲེ་མོ་བགྱིས་པ་ལགས། །ཆུང་ལུས་རྒྱའི་སྦུབས་ནས་ཉམས་རྩལ་རྫོགས། །ཆེ་ལུང་རྟོགས་གཡུ་རལ་ལན་བུ་གཡོ། །བདེན་གནས་རི་སུལ་གངས་སྟོངས་འགྲིམ། །ད་སྐྱེ་འཆི་གཉིས་ལ་བག་ཚ་མེད། །ང་སེང་གེ་དཀར་མོའི་ཕྲུག་གུ་ཡིན། །ལྦ་མོས་གངས་སྟོང་འགྲིམ་པ་མེད། །ལས་མྱོང་བས་འདག་གོ་བློ་རེ་བདེ། །འདི་ཞེན་པ་རྫོགས་པའི་གེགས་སེལ་ཡིན། །ཚེ་སྔོན་བསགས་ལས་འཕྲོད་བུ་མའི་སྤུབས། །ཆོས་མ་བསླབས་ཤེས་བྱའི་རྩ་མདུད་གྲོལ། །ལམ་སྟོང་ཉིད་ནམ་མཁའི་ཀློང་ན་འཕྱོ། །སྒོམ་མཉམ་རྗེས་འདྲེས་པའི་གཤོག་རྩལ་སྦྱོང་། །ད་བྱ་རྒྱལ་ཁྱུང་གི་ཕྲུག་གུ་ཡིན། །ཁྱིམ་བྱས་ནམ་འཕྱང་

― JLAZ014_Page_0160 ―

^{[མ་དཔེ་གཟིགས་ན་འདིར་གནོན།]}

[Full Size]

གཅད་པ་མེད། །གཏམ་བདེན་པར་མ་གྲུབ་བསེར་བུ་འདྲ། །གཏུམ་མོའི་ངོ་སྤྲོད་ཀྱང་འདི་ཀར་འདུག །དབྱིངས་ཀློང་ཆེན་དགོངས་པའི་མཁའ་དབྱིངས་སུ། །དོན་ཐུགས་བརྒྱུད་བཀའ་བབ་གློག་མར་འཁྱུག །ཆོས་འོད་གསལ་རྡོ་རྗེའི་རྭ་རྩེ་རྣོ། །གཟུགས་རྟ་ཆད་གཉིས་སུ་སྟོན་པ་མེད། །ང་གཡུ་འབྲུག་སྔོན་མོའི་བུ་ཆུང་ཡིན། །སྦྲང་མས་དགུང་སྔོན་སྙོགས་པ་མེད། །གཏམ་རང་བཞིན་མེད་དེ་འཁྲུལ་པས་བཟོས། །སྒྱུ་མ་ངོ་སྤྲོད་ཀྱང་འདི་གར་སྣང་། །ཕ་པདྨའི་ལུང་བསྟན་ནགས་ཀྱི་ཁྲོད། །རྟགས་འགྱུར་མེད་ཀྱི་རི་མོ་ལུས་ལ་རྫོགས། །ཆོས་བཀའ་གཏེར་བསྟན་པའི་གྲ་ཟུར་འགྲིམ། །ལམ་རྨོངས་པའི་རི་དྭགས་ཟིལ་གྱིས་གནོན། །ང་སྟག་མོ་རི་བཀའི་བུ་ཆུང་ཡིན། །ཞུམ་བུས་ཐེམ་པ་བརྒལ་བ་མེད། །གཏམ་དྲིའི་གྲོང་ཁྱེར་གསར་པ་འདྲ། །བར་དོ་ངོ་སྤྲོད་ཀྱང་གཞན་དུ་མེད། །གཞི་སྐྱེ་མེད་སྟོང་པའི་ནམ་མཁའ་ལ། །ལམ་འགག་མེད་གསལ་ཆའི་འོད་ཟེར་འབར། །ཀུན་གཞིའི་མུན་པ་རྩ་གདང་གཅོད། །ཆོས་རྫོགས་ཆེན་བསྟན་པའི་མེ་རོ་སློང་། །ང་བཅུ་གཉིས་བདག་པོའི་བུ་རྒྱུད་ཡིན། །སྲིན་བུས་མུན་པ་བསལ་བ་མེད། །གཏམ་རྫུན་པོ་ཆེ་སྟེ་ཆུ་ཤིང་འདྲ། །རྨི་ལམ་ངོ་སྤྲོད་ཀྱང་འདི་ཉིད་དོ། །ཆོས་བཤད་རྒྱུད་ནམ་མཁའ་ལྟ་བུའི་ངོགས། །

― JLAZ014_Page_0161 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་དོན་རྒྱུད་རིག་པའི་གཟུངས་དང་ལྡན། །ཡར་ངོའི་ཉམས་རྟོགས་འཕེལ་བ་ཡི། །མར་དོར་བག་ཆགས་ཤུགས་ལ་འགྲིབ། །ང་སྤྲོས་བྲལ་ཟླ་བའི་བུ་རྒྱུད་ཡིན། །མུན་པས་མཚན་ཉིད་མཐོང་བ་མེད། །གཏམ་གྲག་སྟོང་ཉིད་དེ་ངོ་བོས་སྟོང་། །འོད་གསལ་ངོ་སྤྲོད་ཀྱང་འདི་ཀ་ཀྱང་། །ཚེ་མང་པོའི་རབས་སུ་ཆོས་ལ་སྦྱངས། །ད་རེས་ཐོས་གྲོལ་ཆེན་པོར་སོང་། །མི་ཤེས་ལྡན་ཀུན་གྱི་ཐོད་དུ་བཅིངས། །གཞན་ཕན་ལྷག་བསམ་གྱི་ཁུར་ཆེན་འཁྲིས། །ང་ཀླག་ཆེན་རབ་འབྱམས་བུ་ཆུང་ཡིན། །ཀླུགས་པས་བླང་དོར་ཤེས་པ་མེད། །གཏམ་ཀུན་བརྟགས་ཡིན་ཏེ་ཟག་པ་ཟད། །འདའ་ཀ་མ་ངོ་སྤྲོད་ཀྱང་འདི་ཁལ་ཤས། །ཧོ་ཧོ། །རིག་པ་ཡེ་ནས་ཀ་དག་ལ། །སྟོང་པ་བློ་ཡིས་འཆོས་མ་དགོས། །ད་དགག་སྒྲུབ་ཀྱི་གྲུབ་མཐའ་འཛིན་དོན་མེད། །ཤེས་བྱ་གཤིས་ལ་ཤོར་བ་ཚོས། རྟག་ཆད་ཀྱི་བཀའ་བཀྱོན་མི་གནང་འཚལ། །ཡེ་ནས་སྐུ་གསུན་ལྷུན་གྲུབ་ལ། །འབྲས་བུ་ལོགས་ནས་འཚོལ་མ་དགོས། །ད་བློ་སྒོམ་གྱི་གྲུབ་མཐའ་འཛིན་དོན་མེད། །སྟོང་ཉིད་ལམ་དུ་ཤོར་འཚོས། །ཡིད་དཔྱོད་ཀྱི་བཀའ་བཀྱོན་མི་གནང་འཚལ། །ཉོན་མོངས་དང་རྣམ་རྟོག་ཅི་ཤར་ཡང་། །སྤང་གཉེན་རིག་སྟོང་རྗེན་པར་དག །ད་ཐ་དད་ཀྱི་

― JLAZ014_Page_0162 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་མཐའ་འཛིན་དོན་མེད། །སྟོང་ཉིད་གཉེན་པོར་ཤོར་འཚོས། །ཡ་བྲལ་ཀྱི་བཀའ་བཀྱོན་མི་གནང་འཚལ། །སྤྲོས་བཅས་དང་སྤྲོས་མེད་ཐམས་ཅད་ཀུན། །གཞི་ཀློང་ཆེན་ཡངས་པར་འུབ་ཀྱི་ཆུད། །ད་རྗེས་གཞིག་གི་གྲུབ་མཐའ་འཛིན་དོན་མེད། །སྟོང་ཉིད་རྒྱས་འདེབས་སུ་ཤོར་བ་ཆོས། །རེས་འཇོག་གི་བཀའ་བཀྱོན་གནང་འཚལ། །དུས་དེང་སང་སྒོམ་ཆེན་ཕལ་ཆེར་ཀུན། །ཤོར་གོལ་ནོར་སའི་ཕྲང་རིང་ལ། །ཐ་མལ་གྱི་རིག་པ་བསྐུངས་ནས་འདུག །ལ་ལ་བཤེས་གཉེན་ཚད་ལྡན་གྱི། །ཟིན་ཏེ་རེ་ཞིག་གནས་ལུག་དོན། །བསླད་མེད་རྒྱུད་ལ་སྐྱེས་ན་ཡང་། རྗེས་ལ་ཆོས་དྲེད་ཉམས་ཆག་དང་། །རྣམ་གཡེང་བདུད་ཀྱི་ཕྲང་ལ་ཞུགས། །གོ་ཡུལ་ཁ་ལྟའི་འདུད་གོག་ལ། །ཐམས་ཅད་ཆོས་དབྱིངས་ཐམས་ཅད་སྟོང་། །ཐམས་ཅད་ཆོས་སྐུ་ཐམས་ཅད་སེམས། །ལས་འབྲས་མི་བདེན་ང་རྒོད་ཅེས། །རྣམ་གཡེང་འདུ་འཛི་བྱ་བྱེད་མང་། །མི་ནག་ཁྱིམ་པའི་ཚོ་འཛིན་དང་། །མགོ་དཔོན་གྲོང་ཆོག་དག་ལ་རེམ། །ལ་ལ་སྲིད་པའི་ཕུན་ཚོགས་དང་། །ཡོན་བདག་རྔམ་ཞིང་གདོལ་བར་སྤྱོད། །མཆོག་དམན་བྱེ་བྲག་མི་ཕྱེད་དང་། །རང་རྩིས་དྲེགས་པས་བརྒྱལ་བ་དང་། །ལྷ་བུའི་བདུད་ཀྱི་བསླུས་པ་རྣམས། །སྙིང་

― JLAZ014_Page_0163 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་རྗེ་སྟེ་ཆོས་སྐལ་ཚད། །ཧོ་ཧོ། །བདག་སྔོན་དགེའི་ལས་འཕྲོ་སད་པ་དེས། །སྡུག་བཙིར་ལོ་ཟླའི་གྲངས་འདྲེན་གྱིས། །ཞེ་ཡུས་ཁོང་བསྲན་མ་དགོས་པར། །སྣང་བ་བརྡ་དང་དཔེ་ཆར་ཤར། །རིག་པ་གཏད་མེད་ཆོས་སྐུར་གྲོལ། །འོད་གསལ་འགྲོ་འོང་མེད་པའི་གདངས། །ཆོས་ཉིད་མངོན་སུམ་རྗེན་པར་མཐོང་། །རླུང་སེམས་དབུ་མར་འདུས་པ་དེས། །ལས་རླུང་རྣམ་རྟོག་བག་ལ་ཞ། །རོ་རྐྱང་ཉི་ཟླའི་རྒྱུ་བ་དེ། །དབུ་མ་སྒྲ་གཅན་ནང་དུ་ཞུགས། །ནང་གི་རྩ་མདུད་ལྷོད་པོར་གྲོལ། །འཆིང་གྲོལ་མེད་པའི་སྒོམ་མཁར་ཚུགས། །ཀློང་ཆེན་དགོངས་པ་མཁའ་ལྟར་དག །དེ་ཚེ་སློབ་མ་འདུས་ཀྱང་འདུས། །དེ་ཚེ་འགྲོ་དོན་བྱས་ཀྱང་བྱས། །རང་སེམས་ཆོས་སྐུར་ཡང་དག་ཤེས། །ཀུན་ཏུ་བཟང་དང་བརྒྱུད་པ་འཕྲོད། །ངོ་སྤྲོད་ཐོབ་ཚད་འཚེངས་པ་ཡིན། །བདག་གདོང་བ་ལྔ་པའི་རྣལ་འབྱོར་གྱི། །ཤེས་རབ་གསུམ་གྱི་སྒྱུ་རྩལ་ལ། །གླེན་པའི་རི་དྭགས་སྙིང་འདར་ཡང་། །གངས་རི་ལྟ་བུའི་མཁས་གྲུབ་ཚོ། །མཉེས་ནས་བྱ་དགའ་མཐོང་ཚོར་མཛོད། །ཁྱེད་ལོག་ལྟའི་ཤེས་པ་མ་ཉམས་རྣམས། །བཞུགས་ས་འཁོར་བའི་གཏིང་དུ་ཟབ། །སྐུར་པ་སངས་རྒྱས་འཕགས་པར་

― JLAZ014_Page_0164 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོབ། །དགྲ་ལ་ཆོས་དང་བླ་མར་གྱིས། །བསྟན་འཛིན་བྱུང་ན་སྒོ་ཕྱོགས་བསྲུངས། །བསྟན་བཤིག་འདུག་ན་གྲོགས་པོར་བསྡེབས། །ཁྱེད་ལ་རིགས་བདག་འདི་འདྲ་བ། །སྲིད་པ་ལས་ཀྱིས་བསྐོས་པ་མཚར། །དེ་དང་དེ་ལ་འབྲས་བུ་འབྱུང་། །འདི་ཡང་གནད་ལ་ཕེབས་མི་ཕེབ། །ཕྱོགས་ལྷུང་ཅན་གྱི་སྨྱོན་པ་དང་། །བ་ལྔ་རྫི་བོས་དབྱེ་མི་ཤེས། །ད་ལྟར་བཞུགས་པའི་མཁས་གྲུབ་དང་། །སླད་ནས་འབྱོན་གྱུར་ཀུན་གྱིས་གཟིགས། ལར་ཀུན་རྟོག་རྟེན་མེད་ཤར་གྲོལ་ལ། །ཚིག་བཟང་ངན་རྐྱེན་གྱི་མི་བརྫི་སྟེ། །རླུང་བསེར་བུའི་རེ་བྱས་བྱམ་ཆུང་གི། །སྲོག་ཆགས་ལ་སྡུག་བསྔལ་སྐྱེད་ན་ཡང་། །ནགས་མེ་ཡིས་ཚིག་པའི་གྲོགས་སུ་འགྱུར། །རྐྱེན་ལམ་དུ་སློང་བའི་བོགས་འདོན་ཡིན། །སྒྲ་བྲག་ཅར་ཤེས་པའི་གེགས་སེལ་ཡིན། །གནས་སྡེ་དགོན་སྤོང་བའི་ལུང་བསྟན་ཡིན། །གྲོགས་སྡིག་ཅན་སྤོང་བའི་བསྐུལ་བྱང་ཡིན། །འདི་རྣལ་འབྱོར་གྱི་ལྟ་བའི་རྒྱན་དུ་ཆེ། །ངེད་རི་སུལ་འགྲིམ་པའི་སྤྲང་པོ་དང་། །ཁྱེད་འཁོར་བར་ཆགས་པའི་ཨཾ་བརྟེན་རྣམས། །ཚེ་འདི་ཡི་བྱེད་ལས་ཐ་དད་པས། །གཞང་ཆགས་སྡང་གི་ཟུག་རྔུ་སྐྱེས་ཙམ། །ང་བྱང་ཆུབ་

― JLAZ014_Page_0165 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཀྱི་རྩ་མདུད་གྲོལ། །དེ་གྲོལ་ཚེ་འདི་འདྲའི་གླུ་རེ་འབྱོན། །དེ་བྱོན་པ་ལྟ་བའི་གནད་རེ་བཤད། །དེ་ཐོན་པས་རྟོགས་པ་ཁོང་ནས་ལུད། །དེ་ལུད་པས་སྤྱོད་པ་ཤུགས་འབྱུང་སྐྱོང་། །དེ་བསྐྱངས་པས་ཆོས་ཉིད་རང་མལ་ཟད། །དེ་ཟད་ཚེ་ཚེ་འདིར་མངོན་སངས་རྒྱས། །དེ་རྒྱས་ཚེ་བདག་ལ་འབྲེལ་ཐོགས་ཀུན། །ལས་བཟང་ངན་མེད་པ་འཚོངས་པ་ཡིན། །དེ་འཁོར་བ་དོང་ནས་སྤྲུགས་ཐབས་ལགས། །བདག་བརྒྱུད་པའི་བྱིན་རླབས་ཞུགས་པའི་བུ། །སེམས་རང་མཐོང་ལོངས་པ་མ་ལགས་ཏེ། །ཚིག་རྩུབ་ཀྱི་ཚེར་མ་མི་བཟོད་པའི། །སློབ་མ་རྣམས་སྤྲོ་བ་འཕེལ་ཕྱིར་རོ། །བྱས་ནས་བྲག་ཕུག་འགག་ཏུ་བྲོ་བརྡུངས་པས་ཁོར་རྣམས་ཀྱི་ཞེ་སྡང་ལངས་པ་ཞི་ཐུབ་པ་བྱུང་ངོ། །འདིའི་ཚེ་ཀློང་མྱོན་སྦས་པའི་རྣལ་འབྱོར་གྱིས་ཆོས་ཀྱི་རྔ་ཆེན་བདུད་བར་བསྐུལ་ཞིང་རྟེན་འབྲེལ་ལེགས་སྤེལ་གྱི་ལྡེ་མིག་རང་དུ་སྣང་། རིག་འཛིན་ཐུགས་མཆོག་ནས་བརྒྱུད་པའི་གཏེར་ཁ་གསར་རྙིང་གི་མན་ངག་ཕལ་ཆེར་དམ་པ་འདི་ལ་ནོད། །སེམས་ཅན་གཟུ་བོར་མི་གནས་པ་རེ་ཞིག་གིས་གུ་རུའི་སྐུ་བརྙན་ལ་བརྡིབ་ཆོམས་བྱས་པས་ཞེ་ཁྲེལ་གྱི་ངན་སྨྲ་མཛད་པ་མི་མངོན་པའི་རུམ་དུ་རྒྱས་བཏབ།

― JLAZ014_Page_0166 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུགས་རྗེའི་འཇུག་པ་དུས་ལས་མི་ཡོལ་བའི་རྟེན་འབྲེལ་གྱི་མགུར་མ་འདི་ཕུལ་བས་ཁོང་ཡང་ལྷག་པར་མཉེས་སོ། །གནས་ཟངས་མདོག་དཔལ་རིའི་ཕོ་བྲང་ན། །མགོན་སངས་རྒྱས་སྟོང་གི་ཕྲིན་ལས་པ། །སྐྱབས་ཀུན་འདུས་གུ་རུ་རིན་པོ་ཆེ། །སྤྱིར་འཛམ་གླིང་ཡོངས་ཀྱི་རྒྱན་དུ་ཤར། །སྒོས་བོད་ཁམས་གླིང་དགུའི་གཉེན་གཅིག་པུ། །བུས་གསོལ་བ་དྲག་པོ་སྙིང་ནས་འདེབས། །ཕས་རྔ་ཡབ་གླིང་ནས་ཐུགས་རྗེས་སྐྱོངས་། །ཁྱེད་ཤཱཀྱ་ཐུབ་པའི་རྒྱལ་ཚབ་ཡིན། །སྐྱབས་རིགས་གསུམ་མགོན་གྱི་སྤྲུལ་པའི་གར། །བོད་ཁ་བ་ཅན་གྱི་ལྷ་གཅིག་པུ། རྗེ་ཁྲི་སྲོང་ལེའུ་བཙན་ཁོང་པའི་སྙིང་། །འབངས་ཐུགས་རྗེས་སྐྱོང་བའི་ཞལ་བཞེས་དགོངས། །བུས་གསོལ་བ་དྲག་པོ་སྙིང་ནས་འདེབས། །ཕས་རྔ་ཡབ་གླིང་ནས་ཐུགས་རྗེས་སྐྱོངས། །ཡིད་གདོན་གྱིས་བརླམས་ལ་ཅི་ཆ་ཡོད། །བོད་སེམས་ཅད་ཐམས་ཅད་ཁྱོད་ལ་དད། །ཆུང་བསམ་བརླག་བྱིས་པའི་ངག་ནས་ཀྱང་། །སྐྱབས་ཨོ་རྒྱན་པདྨ་འབོད་ཤེས་ན། །ཐུགས་བཏང་སྙོམས་བཞུགས་པ་མི་རིགས་པས། །བུས་གསོལ་བ་དྲག་པོ་སྙིང་ནས་འདེབས། ཕས་རྔ་ཡབ་གླིང་ནས་ཐུགས་རྗེས་སྐྱོངས། །དུས་ནས་ཞིག་ཚེ་ཡི་འཕེན་པ་ཟད། །དགྲ་གཤིན་རྗེའི་དམག་དཔུང་མདུན་དུ་ལྷག །ལུས་ཡིད་འོང་བེམ་པོར་ལིངས་ཀྱི་སོང་། །

― JLAZ014_Page_0167 ―

^{[མ་དཔེ་གཟིགས་ན་འདིར་གནོན།]}

[Full Size]

དབུགས་མེ་སྟག་ཙམ་འདི་ཡར་བའི་ཚེ། །སྐྱབས་རེ་ས་གཞན་ནམ་མཆིས་པས། །བུས་གསོལ་བ་དྲག་པོ་སྙིང་ནས་འདེབས། །ཕས་རྔ་ཡབ་གླིང་ནས་ཐུགས་རྗེས་སྐྱོངས། །ཞེས་སོ། །སྐབས་འདིར་དཔལ་སྔགས་ཀྱི་བདག་མོའི་ཡེ་ཤེས་ཀྱི་རོལ་བ་རྣམ་པར་བཀོད་པས་བསྐུལ་བ་ལ་བརྟེན་ནས་སྐལ་ལྡན་བདུན་ལ་གྲོལ་ཐིག་དགོངས་པ་རང་གྲེལ་གྱི་དོན་རྒྱུད་ཀྱི་ཆོས་འཁོར་བསྐོར་བའི་ཐོག་མ་བྱས། ཆོས་འདི་ཕ་ཆོས་སུ་འཛིན་པར་འོས་པའི་རང་གྲར་ཡང་མིང་ཙམ་ལས་མི་གྲག་ཅིང་། གཞན་གྱི་ཐོས་འཛིན་གྱི་པདོྨ་དང་ཉེ་མ་མྱོང་བ་ཙམ་གྱི་དར་རྒྱས་ཕྲ་བར་ཡོད་པ་རང་གི་སློབ་རྒྱུད་ཀྱིས་མཚོན་ཏེ་མོས་པ་ཅན་མང་དག་གིས་ཉམས་སུ་ལེན་པ་དང་། འགྲེལ་པའི་སྒྲོན་མེ་སྦར་བ་སོགས་འཕེལ་རྒྱས་ཀྱི་སྒོ་དབྱེ་བའི་བྱེད་པོར་རྒྱལ་སྲས་པདྨས་དབུགས་དབྱུང་བའི་རྟེན་འབྲེལ་གྱི་བདེན་པ་འགོག་ཏུ་མེད་པའང་གྲུབ། འོན་ཀྱང་། ཕལ་ཆེར་ཡོངས་སུ་འདྲིས་ལ་སྡང་། །རྟག་ཏུ་གསར་པ་གསར་བ་འཚོལ། །ཞེས་པ་དེར་སྣང་། རང་ཉིད་ལམ་འདིས་གྲོལ་བ་ཐོབ་པའི་ཕྱིར་ཆེད་དུ་བརྗོད་པའི་གླུ། གནས་ཆེན་དེ་ཟངས་མདོག་དཔལ་རིན། །དུས་གསུམ་ཀུན་མཁྱེན་པད་འབྱུང་བཞུགས། །འཁོར་རྗེ་འབངས་རིག་འཛིན་ཚོམ་བུ་ཡོད། །བདག་ལས་ཅན་བུ་ལ་ཐུགས་རྗེས་གཟིགས། །སྐུ་གསུམ་གྱི་སྟོན་པ་བརྒྱུད་པ་བཟང་། །རིགས་བསྡུས་

― JLAZ014_Page_0168 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་གུར་བསྒྲུབ་ཐག་ཉེ། །ལམ་སྙན་བརྒྱུད་ཡི་གེ་མེད་བ་ཡོད། །ཞག་བདུན་ཕྲག་གསུམ་གྱིས་ལམ་རྟགས་མཇལ། །ཨོ་རྒྱན་གྱི་ཐུགས་རྗེ་བསམ་མི་ཁྱབ། །རྫོགས་ཆེན་གྱི་ཁྱད་ཆོས་བསམ་མི་ཁྱབ། །ཆོས་བསམ་མི་ཁྱབ་པ་སྙིང་ཐིག་གི། །བསྟན་པ་དེ་ནམ་ལངས་ཉི་ཤར་འདྲ། །སློང་ཆེན་ལ་དགོངས་པའི་སང་མཛོད་ནས། །བཤད་རྒྱུད་ཀྱི་གྲུབ་མཐའ་གཏན་ལ་ཕོབ། །དོན་ཐུགས་བརྒྱུད་ཀྱི་རིག་པ་འོད་གསལ་གཟུངས། །བདག་ལས་ཅན་སྐྱེས་བུའི་སྙིང་ལ་བབས། །ཅི་ཤྲ་ཀུན་དག་ར་རབ་འབྱམས་ལ། །དགག་སྒྲུབ་ཀྱི་བློ་སྒོམ་བྱ་མ་དགོས། །ང་དབྱིངས་རིག་འདྲེས་པའི་རྣལ་འབྱོར་པ། །རྐྱེན་བཟང་ངན་ཀློང་ཆེན་ངང་དུ་ཟད། །སྣང་གྲག་ཀུན་དཔེ་ཆར་སོང་ཙ་ན། །གང་ཤར་ཀུན་ཆོས་ཉིད་བདེན་པའི་གཏམ། །ཚིག་ཐ་སྙད་སྐམ་པོར་ཞེན་མ་དགོས། །བློ་གཏད་མེད་ཀྱི་ངང་ནས་ས་ལམ་རྫོགས། །རང་རིག་ལ་སྐྱེ་འཆིའི་མིང་འདོགས་ཟད། །འཁོར་འདས་ལ་བཟང་ངན་བླང་དོར་མེད། །གཞི་གནད་ལ་ཕེབ་པའི་རྫོགས་ཆེན་འདི། སྤྲིན་ཡེ་ཟད་ཀྱི་ནམ་མཁའ་སྟོང་པ་འདྲ། །འདིར་དུས་ཀྱི་སྐལ་ཕོ་མོ་རྣམས། །འཁོར་བ་ལ་མ་ཞེན་རི་ཁྲོད་འགྲིམ། །ཁོང་སངས་རྒྱས་ཟེར་བའི་སྒྲ་བོ་ཆེ། རང་རིག་པའི་དང་དུ་ཁོ་བོས་མཐོང་། །དུས་ད་རེས་སུ་མཇལ་བ་སྐལ་བ་བཟང་། །

― JLAZ014_Page_0169 ―

^{[མ་དཔེ་གཟིགས་ན་འདིར་གནོན།]}

[Full Size]

སང་ཅིས་ཀྱང་མཇལ་བའི་སྨོན་ལམ་ཞུ། །བློ་གཏད་མེད་ཀྱི་བདེན་པ་ནུས་མཐུ་ཆེ། །དོན་ལག་ཏུ་ལོངས་པར་གདོན་མི་ཟ། །དེར་ཞབས་དྲུང་ཡང་སྟེང་པ་དང་། །རྒྱལ་རྩེ་མདའ་བཟང་ནོར་དཔལ་ཀྱང་གཤེགས་བསྐྱེལ་གྱི་རྡོ་རྗེའི་གླུས་དེ་ཉིད་དུ་སྣང་བ་གཏིང་ནས་འགྱུར་ཞིང་མཆི་མ་བླགས། མ་ཎི་བྷ་དྲས་རང་ཁྱིམ་ཕ་མེས་ཀྱི་ལས་ཐབས་སེམས་ཅན་ཁྲི་ཕྲག་མང་པོའི་སྲོག་ལ་འཚེ་བའི་སྡིག་རིས་འཇིག་རྟེན་འབྱོར་ཆུང་གི་གནས་སུ་ལྟོས་པའང་སྙིང་ ཐག་པ་ནས་སྤང་བར་དམ་བཅས། བཅོམ་ལྡན་འདས་ཀྱིས་འདོད་པའི་ཉེས་དམིགས་བསྟན་པ་ལ་བླང་དོར་བྱས་པས་རྗེས་སུ་ཡི་རང་བརྒྱ་ཆེན་པོ་བསྒོམས། སླར་ཞབས་དྲུང་གི་བཞེད་པ་བཞིན་ལྟ་བ་ལ་ཐལ་ཆེན་པོའི་མགུར། ཕ་གྲུབ་ཐོབ་གོང་མ་ཡོངས་ལ་འདུད། །ཉམས་གདར་ཤ་ཆོད་པར་བྱིན་གྱིས་རློབས། །སེམས་མི་འཆར་དགུ་འཆར་གྱི་རྣམ་རྟོག་དང་། །སྟོང་གསལ་རིག་པའི་ཐིག་ལེ་གཉིས། །བརྗོད་དུ་མེད་པའི་ངོ་བོ་གཅིག་ ་ཆོས་ཕྱག་རྫོགས་དབུ་མའི་ཐ་སྙད་དང་། བློ་འདས་སྤྲོས་བྲལ་བྱར་མེད་གཉིས། །དྲན་རིག་ངོས་གཟུང་མེད་པར་གཅིག །རང་སེམས་སྐྱེ་འགོག་མཐའ་བྲལ་དང་། །ཡེ་ཤེས་ཟལ་ཐལ་གྱི་དགོངས་པ་གཉིས། །ཐ་མལ་རིག་པའི་གཤིས་སུ་གཅིག །ལར་ང་ཡིར་འཛིན་གྱི་གྲུབ་པའི་

― JLAZ014_Page_0170 ―

^{[མ་དཔེ་གཟིགས་ན་འདིར་གནོན།]}

[Full Size]

མཐའ། །རྟག་ཆད་ཀྱི་ཕྲང་ལས་བརྒལ་བ་མེད། །བདག་ཕྱོགས་འཛིན་ཞིག་པའི་བྱ་བྲལ་གྱི། །གནས་ལུགས་ལ་བརྗོད་བྱས་གཏན་མ་ཕེབས། །ཆོས་ཆེན་པོ་གསུམ་གྱི་ཉིང་ཁུ་འདི། །ཁོང་རྒྱར་གྱི་རྒྱན་དྲུག་མཆོག་གཉིས་དང་། །འཕགས་བོད་ཀྱི་པཎ་གྲུབ་ཚད་ལྡན་གྱིས། །འགྲེལ་པས་བཀྲལ་ཞིང་ཉམས་བསྟར། །འདི་དབུ་མ་སྣང་མེད་སྤྲོས་བྲལ་དང་། །ཕྱག་ཆེན་འཁོར་འདས་མཉམ་པར་སྦྱོར། །རྫོགས་ཆེན་བློ་འདས་ཁ་ཡན་གྱི། །ཡེ་ཤེས་མཐོང་བའི་རྣལ་འབྱོར་བའི། །དྲན་རིག་ལྷུན་གྲུབ་ཆེན་པོར་གཅིག །དེ་འོན་ཀྱང་ལམ་གྱི་འཇུག་སྒོ་དང་། །རྟོག་པའི་ལམ་ཁྱེར་བོགས་འདོན་སོགས། །མངོན་གསུམ་གནད་ཀྱི་ཉམས་མྱོང་ལ། །བུལ་མགྱོགས་ཡོད་ཀྱི་གྲུབ་པའི་མཐའ། །ཇི་བཞིན་མངོན་དུ་བྱུང་ནས་འཛིན། །བློས་བྱས་ཞི་གནས་ལྟེངས་པོ་དང་། །འཇུར་དྲན་རང་སའི་འཆིང་བ་ཅན། སོ་སོར་རྟོག་པའི་ཤེས་རབ་ཀྱིས། །གནས་ལུགས་རང་ཞལ་འགེབས་པ་ལ། །རྣམ་དག་ལྟ་བར་རློམ་པ་འཁྲུལ། །བདག་རྫོགས་པ་ཆེན་པོའི་རྣལ་འབྱོར་པ། །རིག་པ་གཞི་གྲོལ་གྱི་གནད་གོ་ནས། །སྟོང་འབྱམས་ཕྱོགས་འཛིན་ཕ་མཐར་བསྐྲད། །བློ་ཁྲིམས་མེད་ཁ་ཡན་ཟང་ཐལ་ཀློང་། །གང་ཤར་ཡེ་ཤེས་ཆེན་པོར་དག །བཟང་རྟོག་ངན་རྟོག་

― JLAZ014_Page_0171 ―

^{[མ་དཔེ་གཟིགས་ན་འདིར་གནོན།]}

[Full Size]

ལུང་མ་བསྟན། །ཐ་མལ་རིག་པ་ཀློང་ཆེ་དང་། །སྤང་བླང་ཡེ་གྲོལ་ཆེན་པོར་སོང་། །ཉམས་རྟོགས་བཟང་པོའི་ཤུབས་ནས་དོན། །གཅེར་བུ་ལྷིང་བ་བཟོ་མེད་ངང་། །གདོད་མའི་རྒྱལ་ས་འཛིན་པ་ལགས། །དེ་སྐད་རང་བབ་ཐོལ་བྱུང་གཏམ། །འོག་མིན་རྡོ་རྗེའི་ཀེའུ་ཚང་དུ། །ཀློང་ཆེན་མཁྱེན་བརྩེའི་འོད་ཟེར་གྱིས། །ཉམས་ལ་ཤར་ནས་གླུ་རུ་བླངས། །རིགས་རུས་ཞིང་ས་གཤིན་པོའི་དོགས། །ལུང་རྟོགས་འདབ་མ་རྔམ་བྱེད་པ། །ཞབས་དྲུང་སྐུ་གསུམ་ཀློང་གྲོལ་ལ། །ཕུལ་བས་དགྱེས་པ་བསྐྱེད་གྱུར་ཅིག །ཅེས་སོ། །ལར་ལས་དང་པོ་པ་ལ་ངེས་འབྱུང་བསྐུལ་ཞིང་སྐྱོབ་སེང་བ་ལའང་མགུར་མ་འདི་བྱིན་རླབས་ཆེ། ནང་གི་རྩ་མདུད་གྲོལ་བའི་སྐབས་སུ་རང་ཉམས་ཀྱི་སྣ་ཁ་མནོན་པ་རྡོ་རྗེའི་གླུར་འཆར། དཀར་ཕྱོགས་ལ་དགའ་བའི་ལྷ་འདྲེ་དག་ཀྱང་སྣང་བ་འགྱུར་བ་ཡིན་བས། ཙནྡྲཤྲཱི་ཆེད་དུ་བསྐུལ་བའི་དོར། རྔ་ཡབ་དཔལ་རི་འོད་ཕུང་གི་ཀློང་ན། །སྐྱབས་གནས་ཀུན་འདུས་ཨོ་རྒྱན་རྗེ་བཞུགས་ཡོད། །སྤྲང་པོའི་བློ་གཏད་ཞུ་ས་དེ་མ་ནོར། །གསོལ་འདེབས་རེམ་ཤོག་རྡོ་རྗེ་ཡི་སྤུན་གྲོགས་ཚོ། །ཆོས་ཕུང་བརྒྱད་ཁྲི་བཞི་སྟོང་གི་དབུས་ན། །ཐེག་པའི་མཐར་ཐུག་རྫོགས་ཆེན་དེ་བཞུགས་ཡོད། །སྤྲང་པོའི་ཉམས་ལེན་འཇུག་

― JLAZ014_Page_0172 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་དེ་མ་ནོར། །ཐོད་རྒལ་སྒོམ་ཤོག་རྡོ་རྗེ་ཡི་སྤུན་གྲོགས་ཚོ། །ལྟ་བ་མཐའ་བྲལ་བྱར་མེད་ཀྱི་ཀློང་ན། །མངོན་སུམ་རིག་པའི་ཐིག་ལེ་དེ་བཞུགས་ཡོད། །སྤྲང་པོའི་སྒོམ་པ་ཡིད་དཔྱོད་དང་མ་ནོར། །དབྱིངས་རིག་གཟིར་ཤོག་རྡོ་རྗེ་ཡི་སྤུན་གྲོགས་ཚོ། །སྒོམ་པ་བློ་འས་སྐྱིད་ཉལ་གྱི་ཀློང་ན། །སོར་བཞག་ཡེ་བབ་རྫོགས་ཆེན་དེ་བཞུགས་ཡོད། །སྤྲང་པོའི་ཉམས་ལེན་བཅོས་མ་དང་མ་ནོར། །ལྷོད་དེ་སྡོད་ཅིག་རྡོ་རྗེ་ཡི་སྤུན་གྲོགས་ཚོ། །སྤྱོད་པ་ཆམ་གྲོལ་གཏད་མེད་ཀྱི་ཀློང་ན། །རང་གྲོལ་གཉུག་མ་ཡེ་རྫོགས་དེ་བཞུགས་ཡོད། །སྤང་པོའི་བྱ་བཞག་ཚུལ་འཆོས་དང་མ་ནོར། །ཞབས་བྲོ་ཁྱོགས་ཤོག་རྡོ་རྗེ་ཡི་སྤུན་གྲོགས་ཚོ། །དམ་ཚིགས་མ་འབུམ་སྡེ་ཡི་ཀློང་ན། །ཡེ་བསྲུངས་ཆེན་པོ་བསྲུང་མཚམས་ལས་བརྒལ་སོང་། །སྤྲང་པོའི་འདུན་མ་ཆོས་མིན་དང་མ་ནོར། །ཉམས་དཀའ་སྐྱོང་ཤོག་རྡོ་རྗེ་ཡི་སྤུན་གྲོགས་ཚོ། །འབྲས་བུ་ཅོག་བཞག་སྐུ་གསུམ་གྱི་ཀློང་ན། །བཅིང་མེད་གྲོལ་མེད་རེ་དོགས་ལས་འདས་སོང་། །སྤྲང་པོའི་རྣམ་རྟོག་འོག་གཏུམས་དང་མ་ནོར། །གཞི་རྩ་ཆོད་ཤོག་རྡོ་རྗེ་ཡི་སྤུན་གྲོགས་ཚོ། །འཁོར་འདས་གཉིས་མེད་ཁྱབ་གདལ་གྱི་ཀློང་ན། །ཁམས་གསུམ་ལུས་ཅན་ཕ་མ་རུ་འདུག་པས། །སྤྲང་པོའི་སེམས་བསྐྱེད་ཕྱོགས་

― JLAZ014_Page_0173 ―

^{[མ་དཔེ་གཟིགས་ན་འདིར་གནོན།]}

[Full Size]

རིས་དང་མ་ནོར། །སྨོན་ལམ་ཐོབ་ཤོག་རྡོ་རྗེའི་སྤུན་གྲོགས་ཚོ། །བདག་ཅག་འདིར་འདུས་སྐལ་ལྡན་གྱི་ཚོམ་བུ། །ལས་སྨོན་དག་པའི་མཆེད་ལྕམ་ཞིག་ལགས་པས། །རྔ་ཡབ་དཔལ་རིར་རིག་འཛིན་གྱི་ཚོམ་བུར། །ཉམ་ང་མེད་པ་སེང་གེ་ལྟར་མཆོངས་འགྲོ། །ཞེས་སོ། །ཡང་ཉམས་སྣང་ལ་བུད་མེད་ཅིག་གིས། སྐུ་གསུམ་གྱི་ཞིང་ཁམས་ལ་གོ་བ་བསྐྱེད་པའི་གསུང་མགུར་ཅིག་དགོས་ཟེར་བ་ལ།་ ཨེ་མ་ཧོ། །འཁོར་འདས་བདག་མེད་གཞི་དབྱིངས་ཀྱི་ཀླིང་ན། །གདོད་མོའི་མགོན་པོ་ཀུན་བཟང་དེ་བཞུགས་ཡོད། །ཞལ་ཕྱག་འཛིན་པ་དག་པ་དེ་ཨ་ཧོ། །གཞོན་ནུ་བུམ་སྐུའི་བླ་མ་དེ་མཁྱེན་ནོ། །ངེས་པ་ལྔ་ལྡན་བདེ་སྟོང་གི་ཞེང་ན། །རིགས་ལྔའི་སངས་རྒྱས་ལོངས་སྐུ་དེ་བཞུགས་ཡོད། །ཁ་སྦྱོར་ཡན་ལག་བདུན་ལྡན་དེ་ཨ་ཧོ། །ཟུང་འཇུག་རྡོ་རྗེའི་བླ་མ་དེ་མཁྱེན་ནོ། །མངོན་དགའ་ལ་སོགས་ལྔ་ཚོམ་གྱི་ཞིང་ན། །ཕྱེད་སྤྲུལ་ལོངས་སྐུའི་སངས་རྒྱས་དེ་བཞུགས་ཡོད། །བྱར་མེད་ས་ལམ་སྦྱོང་བ་དེ་ཨ་ཧོ། །ཡི་ཤེས་སྙིང་པོའི་བླ་མ་དེ་མཁྱེན་ནོ། །རིགས་འདུས་ཟངས་མདོག་དཔལ་རི་ཡི་ཞིང་ན། །རྒྱལ་ཀུན་འདུས་ཞལ་མཚོ་སྐྱེས་རྗེ་བཞུགས་ཡོད། །སྐྱེ་འཆིའི་མིང་འདོགས་ཟད་པ་དེ་ཨ་ཧོ། །འཇའ་ལུས་

― JLAZ014_Page_0174 ―

^{[མ་དཔེ་གཟིགས་ན་འདིར་གནོན།]}

[Full Size]

རྡོ་རྗེའི་བླ་མ་དེ་མཁྱེ་ནོ། ཐ་མལ་རིག་པ་སྤྲོས་བྲལ་གྱི་ཀློང་ན། །གཉུག་མའི་རང་བཞིན་རྫོགས་ཆེད་དེ་བཞུགས་ཡོད། །ཆོས་ཀྱི་འདུ་ཤེས་ཟད་པ་འདི་ཨ་ཧོ། །བྱར་མེད་ལྷུག་པའི་བླ་མ་མཁྱེན་ནོ། །དངས་མ་ལྔ་ལྡན་དྷཱུ་ཏི་ཡི་ཀློང་ན། །རིག་པ་དངོས་མེད་ཁྱབ་གལ་དེ་བཞུགས་ཡོད། །ཅིར་སྣང་དག་པ་རབ་འབྱམས་དེ་ཨ་ཧོ། །ཡེ་གྲོལ་ཆོས་སྐུའི་བླ་མ་དེ་མཁྱེན་ནོ། །ཕུང་ཁམས་སྐྱེ་མཆེད་འདུས་བྱས་ཀྱི་གྲོང་ཁྱེར། །མཁའ་འགྲོའི་གསང་མཛོད་རང་བྱུང་གི་ཡེ་ཤེས། །སྣང་ཚད་དཔེ་ཆར་ཤར་བ་དེ་ཨ་ཧོ། རང་བྱུང་རིག་པའི་བླ་མ་དེ་མཁྱེན་ནོ། །སྒོམ་པ་རང་གསལ་ལྷུན་གྲུབ་ཀྱི་ཞིང་ན། །འཕོ་མེད་བྱ་བྲལ་སངས་རྒྱས་དེ་བཞུགས་ཡོད། །ལྷོད་དེ་སྡོད་བའི་ལྟ་བ་དེ་ཨ་ཧོ། །ངེས་པ་དོན་གྱི་བླ་མ་དེ་མཁྱེན་ནོ། །མཉམ་བཞག་ལྟ་སྟངས་གང་འགྲོ་ལ་ཐོང་ཞོག །སེམས་འཛིན་ཡིད་བྱེད་ལ་བབ་ཏུ་སྒྱུར་ཐོང་། །བཏང་བཞག་ཆེད་འཛིན་བློས་བྱས་ཀྱིས་ཅི་བྱེད། །མ་བསྒོམས་སངས་རྒྱས་ཀ་དག་ལ་འདུག་གོ །ཆིག་ཆད་གཞི་རྫོགས་ཨ་ཏི་ཡི་ཐེག་པར། །ས་ལམ་བརྩི་བའི་འོད་བརྒྱལ་ནི་མ་དགོས། །ལུས་རྒྱའི་སྦུབས་ནས་ཆོས་ཟད་དང་མཇལ་ནས། །འཇའ་ལུས་རྡོ་རྗེའི་གསང་ལམ་ལ་ཆས་འགྲོ། །ཞེས་སྨྲས་པས། འོ་ན་སེམས་ཅན་

― JLAZ014_Page_0175 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་འབད་པ་མེད་པར་མི་གྲོལ་བཅིས་ལན་ཟེར། །ཨེ་མ་ཧོ། སེམས་ཉིད་འདི་ནམ་མཁའ་སྟོང་པ་འདྲ། །ཡེ་ཤེས་དང་ལྡན་པས་ཁྱད་བར་འཕགས། །འོད་གསལ་འདི་ཉི་མ་ཟླ་བ་འདྲ། །དངོས་པོ་དང་བྲལ་བས་ཁྱད་པར་འཕགས། །རིག་པ་འདི་ཟད་ཐལ་ཤེལ་གོང་འདྲ། །སྒྲིབ་གཡོགས་དང་བྲལ་བས་ཁྱད་པར་འཕགས། །རྣམ་རྟོག་འདི་དངོས་མེད་བསེར་བུ་འདྲ། །ལྷག་མཐོང་དང་ལྡན་པས་ཁྱད་པར་འཕགས། །ལྟ་སྒོམ་འདི་བུ་ཆུང་གཞོན་ནུ་འདྲ། །འདུ་ཤེས་དང་བྲལ་བས་ཁྱད་པར་འཕགས། །བདག་བུ་རྒྱལ་ཁྱུང་གི་ཕྲུག་གུ་འདི། །སྒོ་ངའི་སྦུབས་ནས་གཤོག་རྩལ་རྫོགས། །ཕྱི་ལུས་ཀྱི་ཤུན་པ་དོར་མ་ཐག །དབྱིངས་ནམ་མཁའི་ཀློང་དུ་མི་འཕྱོ་རེ། །ཁོང་བྱ་བྲན་རྣམས་ད་དུང་ལང་ཚོ་སྐྱོད། །དེ་འདབ་མའི་ཉམས་རྩལ་མ་རྫོགས་ལན། །ཆོས་རྫོགས་པ་ཆེན་པོ་ཡེ་གྲོལ་ལ། །ས་ལམ་གྱི་བསྐྱར་ནས་གྲོལ་བ་མེད། །དབྱིངས་ནམ་མཁའ་ལྟ་བུའི་མཁའ་ཀོང་ན། །སེམས་རྣམ་རྟོག་གྱ་གྱུའི་བསླུ་བྲིད་མཁན། །འདིས་འཁོར་འདས་བར་ལག་ཕྱེ་ཕྱེ་ནས། །སེམས་གཉུག་མའི་རང་ས་ཟིན་དུས་མེད། །བདག་གང་ཤར་གདོད་མར་ཤེས་པ་དེས། །ལྟ་གསོམ་ལ་མིང་འདོགས་བྱ་རྒྱུ་ཟད། །བློ་

― JLAZ014_Page_0176 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྲིམས་མེད་རང་ཡན་དུ་བསྡད་ན་ཡང་། །དོན་བདེན་བའི་གཤིས་ལ་འཕོ་འགྱུར་མེད། །ཕྱི་འབྱུང་ལྔ་ལུས་ཀྱི་མཚམས་ཁང་དང་། །སྙིང་ཨ་ལྦ་དྷཱུ་ཏིའི་མལ་སྒྲོམ་དུ། །སེམས་ཚོགས་དྲུག་རང་སའི་སྐུ་མཚམས་བྱས། །ལུས་བཙོན་འཇུག་གི་ཚམས་ལ་རེ་དགོས་སྤངས། །གཞི་ཀ་དག་བསམ་ངོ་བྲལ་བའི་ངང་། །ལམ་ཡིན་ལུགས་རང་སར་འཇོག་ཤེས་པས། །སྒོམ་ཡིད་དཔྱོད་ཀྱི་ས་ལམ་བརྩི་དོན་མེད། །འདི་སྐྱིད་ཉལ་རྒྱབ་པའི་ལག་རྗེས་ལགས། །ཚུལ་དེ་སྐད་ཐོལ་བྱུང་རིག་པའི་མགུར། །ཁྱེད་དག་སྣང་ཅན་གྱི་དྷ་ཀི་ནི་ར། །སྤྲང་ཆོས་མེད་མཁྱེན་བརྩེའི་འོད་ཟེར་གྱིས། །ཉམས་ཐོལ་ཤར་ཡི་གེའི་ལམ་ནས་གདམས། །ཞེས་སོ། །འདིའི་ཚེ་བདག་ཅག་དཔོན་སློབ་རྣམས་ཀྱིས་ཉིན་མཚན་ཐུན་མཚམས་ཀུན་ཏུ་མགུར་གླུ་རང་འཐེན་པས་སྣང་བ་བདེན་མེད་དུ་ཞིག །སྒྱུ་མ་དང་རྨི་ལམ་ལྟ་བུའི་ཉམས་མཐའ་ཡས་བང་ཤར་ནས་སྒྲོ་ཤིང་ཁྲོན་པོ་ཞིག་ལ་མདུད་པ་བྱས་པ་ལོ་དུས་སུའང་མ་བསྐམས་པར་སྐྱེས། །སྙིང་རྗེ་ཆེན་པོ་སྟོབས་སུ་གྱུར་པས་མི་དད་པ་དག་ཀྱང་སླར་བྱམས་པར་གྱུར། བྱ་དང་བྱིའུའི་ཚོགས་ཀྱང་དགའ་བར་བྱེད་པས་འདབ་ཆགས་ཀྱི་གཏམ་རིག་པ་རང་ཤར་ཞེས་བྱ་བའང་བྲིས། འཁོར་བ་ལ་ངེས་འབྱུང་བློ་རྡེག་ཏུ་སྐྱེས་ནས་ཐམས་ཅད་སྒྲུབ་པ་ལ་ཡིད་གཏོད་ཅིང་ཐུགས་དམ་དགེ་སྦྱོར་ལ་བརྩོན། །ཁྱད་པར་

― JLAZ014_Page_0177 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཁྱིད་ཀྱི་སྐབས་དཔའ་བོ་མཁའ་འགྲོ་འདུ་བའི་རྟགས་ཁྱད་པར་ཅན་མང་ཞིང་། ས་ལ་སྐྱོང་གི་ཌཱཀྐིའམ་མི་མ་ཡིན་ཆ་མ་འཚལ་བའི་རྗེས་ཉིད་ལག་མི་འདྲེན་པའི་སླད་ཙམ་མོ། །ཧོ་ཧོ། །འཁོར་འདས་སྣང་སྲིད་ཐམས་ཅད་རང་གི་སེམས། ཁ་བཏགས་རྙེད་པ་སོགས་བྱུང་། དེ་ལྟ་ནའང་ཀུན་རྫོབ་འཁྲུལ་པའི་རྟགས་སྣང་ར་རི་ལ་ཡ་མཚན་དུ་རློམ་པ་དང་བདེན་རྫུན་གྱི་དགས་ངས་་ནི་བྱེད་དོན་མ་མཆིས་ཏེ་ཆོས་ཀྱི་བྱིན་རླབས་ལ་ངེས་པ་འདྲེན་པའི་སླད་ཙམ་མོ། །འཁོར་འདས་སྣང་སྲིད་ཐམས་ཅད་རང་གི་སེམས། །སེམས་འདིས་བརྟགས་ན་ཡུལ་གྱི་སྣང་བ་ཀུན། །བདེན་བདེན་ཡོད་ཡོད་འདྲ་སྟེ་ཡུལ་ཅན་ཀློང་། །རྣམ་པར་དཔྱད་ན་ཆུ་ཤིང་སྙིང་པོ་འདྲ། ཡོད་མེད་མཐའ་བྲལ་ཕྱོགས་ལྷུང་ཞིག་པའི་ཀློང་། །དབུ་མ་ཙམ་དུ་འཛིན་པའང་བློ་ཡིས་བྱས། །དེ་ཕྱིར་ཆོས་མེད་སྤྲང་པོ་ཉལ་ནས་སྡོད། །ཤིན་ཏུ་རྣམ་དག་ཐ་མལ་རིག་པ་འདི། །སུས་ཀྱང་མ་བྱས་གང་ནས་བྱུང་བ་མེད། སྤྲིའུ་ལྟ་བུའི་སེམས་འདི་ཙབ་ཙུབ་ལག་འབྱེད་མཁན་ཁྱོད་ཀྱིས་བྱས། །སེམས་རིག་གདར་ཤ་ཆོད་པའི་རྣལ་འབྱོར་པ། །རིག་པ་འགྱུར་མེད་ཀློང་དུ་ཉལ་ནས་སྡོད། །རྡོ་རྗེ་སྙིང་པོ་ཐེག་པ་ཀུན་གྱི་རྩེ། །གཞན་དང་མི་འདྲ་ཀུན་གྱིས་མ་རྟོགས་པ། །ཚིག་གིས་མི་མཚོན་དཔེ་ལས་བྱང་བ་མེད། །ཀློང་ཆེན་ཀུན་ཏུ་བཟང་མོའི་བྷ་ག་ནས། །ཕྱིན་

― JLAZ014_Page_0178 ―

^{[མ་དཔེ་གཟིགས་ན་འདིར་གནོན།]}

[Full Size]

རླབས་དོན་བརྒྱུད་ཚུལ་དུ་སྙིང་ལ་བབས། །མཚུངས་མེད་དཔལ་ལྡན་བླ་མའི་བཀའ་དྲིན་།ཡིན། །རང་སེམས་བླ་མའི་དང་དུ་ཉལ་ནས་སྡོད། །ལྟ་རྒྱུ་མེད་པ་ལྟ་བའི་བཞུགས་ཚུལ་དུ། །མི་འདུག་སྙམ་པས་རྒྱས་འདེབས་ཡུལ་ལ་ཤོར། །སྒོམ་རྒྱུ་མེད་པ་སྒོམ་པའི་ལ་བཟླ་ལ། །ཡེངས་ལ་ཤོར་བས་སྒོམ་ཆེན་ཕལ་ཆེར་བསླུས། །སྤྱོད་པའི་གནད་ལ་དུས་ཚོད་གཅེས་ན་ཡང་། །མཐར་འཛིན་གུད་དུ་བཅད་པས་ཕལ་ཆེར་ནོངས། །ལྟ་སྒོམ་སྤྱོད་པའི་མིང་འདོགས་ཟད་པ་འདི། །རོ་ལྟར་ཉལ་བའི་སྤྲང་པོའི་འདུན་མའི་རྩེ། །གོ་བའི་ལྟ་བས་སྙིང་པོའི་དོན་མ་མཐོང་། །ཉམས་ཀྱི་ལྟ་བས་གནས་ལུགས་རང་ཞལ་བསྒྲིབས། །ཚིག་གི་ལྟ་བས་བྱ་བྲལ་བྱ་བྱེད་མང་། །ཡེ་ནས་ལྷུམས་སུ་ཞུགས་པའི་ལྟ་བ་འདི། །གཞན་་ལ་བཤད་ན་ཁྲེལ་བགད་ག་ཤར་བྱེད། །རང་གིས་བསམས་ནས་འོག་གཏེར་མཐོང་འདྲ། །ཇི་སྲིད་འདུ་ཤེས་ཞིག་པར་མ་གྱུར་བར། །དེ་སྲིད་ལྟ་བར་རློམ་ཡང་རྣམ་རྟོག་ཡིན། །ཀུན་རྟོག་དབྱིངས་སུ་ནུབ་པས་རྣལ་དུ་འབྱོར། །དབྱིངས་ནས་རིག་རྩལ་རྫོགས་པས་ཨ་ལ་ལ། །ལངས་ཡང་ཆོས་སྐུ་ཉལ་ཀྱང་རྫོགས་པ་ཆེ། །གཤིས་ལུགས་སྤྲོས་བྲལ་ཡེ་ཡིན་ཆེན་པོ་ལ། ལྟ་སྟངས་སེམས་འཛིན་ཞགས་པས་བཅིངས་དོན་མེད། །བག་མེད་རོ་ཉལ་

― JLAZ014_Page_0179 ―

^{[མ་དཔེ་གཟིགས་ན་འདིར་གནོན།]}

[Full Size]

བྱས་པས་ས་ལམ་རྫོགས། །ཧ་ཧ་ཧ་ཞེས་འདར་ཉལ་སྤྲད་ནས་འདུག་པའི་ཚེ། སྐད་ཅིག་མ་དེར་དུམ་པ་ཞིག་རྣལ་དུ་ཤོར་བའི་རྨི་ལམ་ན། བདེ་སྟོང་ཡེ་ཤེས་ཆེན་པོའི་ལང་ཚོ་རྔམ་ཞིང་། བདེན་གཉིས་ཟུང་དུ་འཇུག་པའི་ཟུར་མིག་ཅན། གསལ་སྟོང་བློ་བྲལ་ཆེན་པོའི་བྱད་དབྱིབས་མཛེས་པའི་བཞིན་བཟང་མ་ཞིག་ཁོ་བོའི་མདུདན་དུ་ཁྲོང་གིས་འོངས་ནས། ངེད་ཀྱི་ལག་པ་ལ་ཤིན་ཏུ་ཆགས་ཤིང་འཕྲེང་བའི་ཚུལ་གྱིས་དམ་དུ་བཟུང་ནས་འདི་སྐད་ཅེས་ཟེར་རོ། །ངེད་སྐོར་གཅིག་མཚོ་སྣར་འགྲོ་བ་ཡིན། ཟླ་བ་བཅུ་དྲུག་ཙམ་ལས་འགོར་མི་ཡོང་། འདི་ཁ་གནས་ཀྱི་ཁྱད་སྐྱེ་བོ་ཕོ་མོ་གྲ་གསུན་ལ་མ་ངེས་པ་མང་པོ་ཡོང་འདུག་པས་དེ་ཐམས་ཅད་ལ་ཞལ་འཇལ་ཙམ་རེ་དང་འབྲེལ་པ་ཐོགས་ཙམ་རེ་གནང་བ་ཞུ་ཨེ་གོ །ཞེས་ཤིན་ཏུ་འཕྲེང་བའི་ཚུལ་གྱིས་ཟེར་བས། རྣམ་ཐར་བཞི་ལྡན་གྱི་དྲན་པ་ཆོས་ཉིད་བློ་འདས་ཀྱི་ངང་དུ་དར་གཅིག་བརྒྱལ་ནས་མི་འདུག་གོ །དེར་རྗེས་ཐོབ་སྒྱུ་མ་ལྟ་བུའི་ཏིང་ངེ་འཛིན་གྱི་སྣང་ཆའི་རྟེན་འབྲེལ་ལུགས་ལྡོག་ཏུ་སྣང་བས་ངས་ཀྱང་ལག་པའི་ཚིགས་པ་ལ་བརྡ་བྱས་ནས་ཟླ་བ་བཅུ་ཉིས་ལས་འགོར་མི་ཡོང་བྱས་པས། དེས་ཀྱང་ལག་པས་བརྡ་སྣ་ཚོགས་སུ་སྟོན་པའི་བརྡ་ཐབས་ཅིར་ཡང་བྱས་ཏེ་སོང་། རྒྱུད་སྡེ་ནས་གསུངས་པའི་བརྡ་ལན་སྟོན་པའི་སྣང་བ་གཡེལ་བས་བརྡ་

― JLAZ014_Page_0180 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་འཕྲོད་པ་ནི་ཅང་མེད། དེར་གཉིད་དེ་སད་ཙ་ན་སེམས་ལ་སྐྱོ་ཤས་ཤིན་ཏུ་ཞེ་བ་ཞིག་ལངས། ཤེས་པ་འདི་ཆད་ཆོད་ཡད་ཡུད་བར་དོའི་སྣང་བ་འདྲ་བ་ཞིག་ཏུ་སོང་ནས་གདའ། དེར་ཧར་གྱིས་ལངས་ནས་ལུས་གནད་དྲང་པོར་བསྲངས། རླུང་རོ་དྲག་ཏུ་བུད། མིག་བར་སྣང་ལ་ཧར་རེར་ལྟས་ཏེ་སེམས་ཉིད་ངལ་གསོ་བའི་ཕྱག་རྒྱ་བྱས་པ་སྡད་ཙ་ན་ཀླུ་འདི་འདྲ་ཞིག་སྙིང་ལ་ཀམ་ཀམ་ཤར་བྱུང་། །ཕ་ཨོ་རྒྱན་རྗེ་ལ་སྙིང་ནས་འདུད། །སེམས་གཞི་རྩ་ཆོད་པར་བྱིན་གྱིས་རློབས། །བུ་སེམས་ཀྱིས་སེམས་ལ་བལྟ་བ་འདི། །གཉུག་མའི་དྲན་པ་མ་ལགས་པས། །བུ་ད་ལྟའི་ཤེས་པ་བཟོ་མེད་དང་། །མ་ཡེངས་ཅམ་དུ་ཅོག་གེ་ཞོག །བུ་དྲན་པས་ཆེད་དུ་བཟུང་བ་འདི། །སྒོམ་གྱི་གནད་ཚང་མ་ཡིན་པས། བུ་རང་བབ་དྲན་རིག་སོ་མའི་ངང་། །ཆེད་འཛིན་མེད་པའི་ངང་ལ་ཞོག །བུ་གནས་ཚད་སྒོམ་དུ་འདོད་པ་ནི། །ཞི་ལྷག་ཟུང་འབྲེལ་མ་ལགས་པས། །བུ་གནས་འཕྲོར་དགག་སྒྲུབ་མེད་པའི་ངང་། །རིག་པ་ཁ་ཡན་གཏད་མེད་ཞོག །བུ་ཞལ་གཟིགས་ལུང་བསྟན་བྱུང་བ་འདི། །ཀུན་བཟང་དགོངས་པ་མ་ལགས་པསབུ། །བུ་རེ་དོགས་ཁོང་གྲོལ་སོ་མའི་དང་། །གཏད་མེད་བདེན་མེད་ཆེན་པོར་ཞོག །བུ་མངོན་ཤེས་བརྟག་པ་གསལ་བ་འིད། །གདོད་མའི་གཞི་དབྱིངས་མ་ལགས་པས། །བུ་

― JLAZ014_Page_0181 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་རྟོག་ངན་རྟོག་ལུང་མ་བསྟན། །རང་གྲོལ་ཀློང་ཡངས་ཆེན་པོར་ཞོག །བུ་གཞན་གྱི་བཀུར་བཟོད་བྱེད་པ་འདི། །གྲུབ་རྟགས་མཐར་ཐུག་མ་ལགས་པས། །བུ་སྐྱེ་འཆིར་བག་ཚ་མེད་པའི་ངང་། །རང་མཐོང་མེད་པའི་གཤིས་ལ་ཞོག །བུ་ཟང་ཟང་ལོངས་སྤྱོད་འདུ་བ་འདི། །ལམ་རྟགས་ཡོན་ཏན་མ་ལགས་པས། །བུ་ནོར་རྫས་སྒྱུ་མར་ཤེས་པའི་ངང་། །བདག་མེད་རིག་པའི་ཀློང་དུ་ཞོག །བུ་མངའ་ཐང་རྗེ་ཆེར་འཕེལ་བ་འདི། །ཆོས་ཟད་འབྲེལ་བུ་མ་ལགས་པས། །བུ་བྱ་བྲལ་སྟབས་བདེ་ཀྱི་ནའི་ངང་། ཚུལ་འཆོས་ཞིག་པའི་ངང་དུ་ཞོག །བུ་སྒོམ་བློའི་བག་ཆགས་འཁོར་ཡུག་འདི། །ཉིན་མཚན་འདྲེས་པ་མ་ལགས་པས། །བུ་ཉིད་སྣང་སྒོམ་གྱིས་མ་བསླུས་པར། །གཏད་མེད་སྤྲོས་བྲལ་ངང་ལ་ཞོག །བུ་གཉིད་ལ་སྒོམ་བློས་སླེབས་པ་འདི། །དབུ་མའི་འོད་གསལ་མ་ལགས་པས། །བུ་རླུང་སེམས་རོ་གཅིག་ཁྱབ་བདལ་ངང་། །བསྒོམ་མེད་བློ་འདས་ཆེན་པོར་ཞོག །བུ་བློས་བྱས་མཐའ་བརྒྱད་སྤྲོས་བྲལ་འདི། །ཀ་དག་ཕྱོགས་ཡན་མ་ལགས་པ། །་བུ་རིག་གདངས་ལུག་རྒྱུད་འབྲལ་མེད་ངང། །སྣང་རིག་ཟུང་འཇུག་ཆེན་པོར་ཞོག །བུ་བསྐྱོད་རིམ་གསལ་བརྟན་ཨ་འཐས་

― JLAZ014_Page_0182 ―

^{[མ་དཔེ་གཟིགས་ན་འདིར་གནོན།]}

[Full Size]

འདེ། །མ་ཧཱ་ཡོ་ག་མ་ལགས་པས། །བུ་ཞལ་ཕྱག་འཛིན་ཞེན་ཞིག་པའི་གླིང། །རིག་སྟོང་མཉམ་རྫོགས་ཆེན་པོར་ཞོག །བུ་དགའ་བཞིའི་ཉམས་ལ་ཞེན་པ་འདི། །ཨ་ནུ་ཡོ་ག་མ་ལགས་པས། །བུ་རླུང་སེམས་དབུ་མར་འདུས་པའི་ངང་། །བདེ་སྟོང་བློ་འདས་ཆེན་པོར་ཞོག །བུ་སྲོག་ཐུར་གནས་ལ་གོམས་པ་ཙམ། །ཐབས་ལམ་མཐར་ཐུག་མ་ལགས་པས། །བུ་མཁས་པ་བཞི་ཡི་གནད་ཤེས་པས། །སོར་རྟོག་ཡེ་ཤེས་ངན་ལ་ཞོག །བུ་སྐུ་གསུམ་ལྷུན་གྲུབ་ཤེས་པ་ཙམ། །ཨ་ཏིའི་མཐར་ཐུག་མ་ལགས་པས། །བུ་ལྷག་མཐོང་རྡོ་རྗེ་ལུག་རྒྱུད་དང་། ཡིད་དཔྱོད་རྫུན་ཕུགས་བརྡེབ་ལ་ཞོག །བུ་རགས་ལུས་དངས་མར་འགྱུར་བ་ཙམ། །ཕུང་པོ་ལྷག་མེད་མ་ལགས་པས། །བུ་གཞི་དབྱིངས་ཁྱད་ཆོས་དྲུག་ལྡན་ཀློང་། །ནང་དབྱིངས་བཙན་ས་ཟིན་པར་གྱིས། །བསྐྱེད་རྫོགས་རྒྱུད་སྡེའི་མན་ངག་མཐིལ། །གབ་པ་མངོན་ཕྱུང་གསང་བའི་གཏམ། །མཁས་བཙུན་བརྒྱ་ཡི་ཞལ་བསྡུར་ཀྱང་། །འདི་ལས་ལྷག་པ་སུ་ཡིས་གཟུངས། །རང་བྱུང་པདྨ་ཡབ་ཡུམ་དང་། །ཆོས་ཀྱི་རྒྱལ་པོ་ཀློང་ཆེན་པ། །ལབ་སྲས་རྒྱུད་པའི་བཀའ་དྲིན་ལ། །ཚིག་འདི་ཁོ་བོའི་བློ་ལ་ཤར། །དོན་དེ་ཉམས་ལེན་མཐར་

― JLAZ014_Page_0183 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུག་ཡིན། །དཔལ་གྱི་བསམ་ཡས་མཆིམས་ཕུ་ཡི། །འོག་མེན་རྡོ་རྗེའི་གསང་ཕུག་ཏུ། །ཀློང་ཆེན་དགོངས་པའི་མཛོད་ནས་བྲིས། །ཙ་གསུམ་མཁས་འགྲོས་བཟོད་པར་བཞེས། །དགེ་བས་འགྲོ་ཀུན་སངས་རྒྱས་ཤོག །ཡང་འགའ་འགའི་ཆོས་སྐད་ལ་བློན་རྣེམ་ནུར་སྐྱེད་པའི་ཚེ། །ངའི་བླ་མ་ཨུ་རྒྱན་ཆོས་རྗེ་དང། །ངའི་རིག་འཛིན་དྲི་མེད་འོད་ཟེར་ཞབས། ངའི་ཕ་རྒན་རྒྱས་སྲས་འགྲོ་འདུལ་གླིང། །ངའི་མ་རྒན་ཡི་ཤེས་མཚོ་རྒྱལ་རྣམ། །དུས་དེ་རིང་དྲན་ནས་ཚུགས་ཐབས་མེད། །ཕྱི་སྣང་བ་སེམས་ཀྱི་རོལ་རྩལ་དུ། །ཐག་ཆོད་ཀྱང་འཛིན་པའི་འཕྲོ་འདུ་རྒོད། །རྐྱེན་ཡུལ་སྣང་གི་བདེ་སྡུག་གྱོན་ཅན་མས། །གཤེས་རིག་པའི་དཔཱ་བོ་འཁྲུལ་དུ་བཅུག །དཀོར་ནག་པོའི་ནུས་མཐུ་རི་ལས་ལྕི། །དུས་སྙིགས་མའི་སྤྱོད་པ་རླུང་ལས་འཚུབས། །ལས་སྒྲིབ་བའི་གོང་བུ་གསེར་ལྕི། །ང་བསམས་བཞིན་སྙིང་རླུང་དབང་མེད་ལངས། །དྲན་རིག་ལ་འཕོ་འགྱུར་མེད་པ་དེ། །ལྟ་སྒོམ་གྱི་གནད་དུ་ཆེ་སྐད་ཀྱང་། །ཚོགས་དྲུག་རང་སྟོང་གི་རྩལ་མ་རྫོགས། །འདུ་ཤེས་མ་ཟད་པ་ཡི་རེ་མུག །རྗེས་ཐོབ་ཀྱང་རྟོག་པའི་དྲ་བར་ངེས། །གནས་མི་མེད་ལུང་སྟོང་ཆེན་པོའི་ནང་། །ཕུང་པོ་འཇའ་ལུས་སུ་བསྒྲུབ་བསྒྱུ་ལ། །རྣམ་གཡེང་

― JLAZ014_Page_0184 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་གྱི་རི་ཁྲོད་དུ། །འགྲོ་དོན་མིང་བཏགས་ཀྱི་ངག་འཁྱལ་སྒྲོགས། །རྒྱུ་དྲན་རྟོག་གཞི་མེད་རྩ་བྲལ་ལ། །རྐྱེན་རྣམ་རྟོག་ངན་བས་མི་བརྫི་ཡང་། །རླུང་། དབུ་མར་ཞུགས་གནས་གཉིས་པོ་ལས། །ཐིམ་པའི་རང་རྩལ་མ་རྫོགས་དེས། །ཉམཚན་དབྱེར་མེད་དུ་ལམ་ཟློས། །ཀུན་གཞི་ལས་ལས་རླུང་དུ་གཡོས་པ་དེས། །རྨི་ལམ་སྣ་ཚོགས་ཀྱི་ཆོ་འཕྲུལ་སེམས། །དེས་ཆོས་སྐུར་གྲོལ་ལ་ཐེ་ཚོམ་སྐྱེ། །ཕྱི་དུས་ཀྱི་རྣལ་འབྱོར་དབང་ཕྱུག་ཚོ། །དྲན་པ་ལ་སྒོམ་གྱི་རྩ་བར་བྱེད། །རྩེ་གཅི་ལྟ་བར་རློམ་པ་དང་། །དཔྱད་ན་ནམ་མཁའི་རྣལ་འབྱོར་དུ། །ང་ཁས་ལེན་བྱས་ཀྱང་མི་གནོང་ཙམ། །སྔ་དུས་ཀྱི་གྲུབ་པའི་རིག་འཛིན་དང་། །རྫོགས་པ་ཆེན་པོའི་རྒྱུད་སྡེ་ཡི། །ལྟ་སྤྱོད་དང་ལམ་རྟགས་ཀྱི་ཡོན་ཏན་ལ། །བསམས་ན་དང་པོའི་ལས་ཅན་ཁྱོད། །ད་དུང་དབེན་པའི་རི་ཁྲོད་བསྟེན། །འདེ་དྲང་དོན་དང་བསྟུན་པའི་སྐྱོ་གླུ་ཡིན། །དེས་དོན་དང་བསྟུན་པའི་གསུང་ཅོང་ཡིན། །དགོངས་པ་ཅན་གྱི་ཅོ་འདྲི་ཡིན། །བྱང་ཆུབ་དོན་གཉེར་དབང་ཕྱུག་རིགས། །གང་ན་བཞུགས་པ་ཆ་མ་ཚལ། །རྟོག་གེའི་ཚིག་སྦྱོར་ཤེས་པ་ཡི། །ང་རྒྱལ་རང་རྩིས་ཙམ་མིན་བའི། །ཉམས་རྟོགས་རྒྱུད་ལ་འབྱོར་བའི་གཏམ། །

― JLAZ014_Page_0185 ―

^{[མ་དཔེ་གཟིགས་ན་འདིར་གནོན།]}

[Full Size]

གསར་པས་ལན་གཅིག་གདབ་པར་རིགས། །རང་གིས་རང་ལ་དེ་སྐད་སྨྲས་པའི་ཚུལ། །མི་ཤེས་ཁེངས་པ་ཆེ་བའི་ཨུ་ཚུགས་ཅན། །མ་རྟོགས་བློས་བྱས་ལྟ་སྒོམ་མཆོག་ཏུ་འཛིན། །ཕྲལ་སྣང་སྲིད་པའི་ཕུན་ཚོགས་རྔམ་པ་དེར། །འདི་འདྲའི་ཡི་གེ་རྩེད་མོའི་ཚུལ་དུ་བསྐུར། །དེའི་ཚེ་རྡོ་རྗེ་ཕུར་པ་ལ་བསྙེན་པ་དུང་ཕྱུར་ངག་བཅད་གཅིག་གི་ཐོག་ནས་སོང་བའི་པདྨོ་དྷ་མཱ་འདུ་བ་ཤིན་ཏུ་ལ་འཁྲུགས་པའི་ཚེ། ན་ཚ་ལམ་འཁྱེར་གྱི་མན་ངག་སྐུ་གསུམ་རང་གྲོལ་ཞེས་བྱ་བ། དྲང་སྲོང་རིག་པའི་ཡེ་ཤེས་ལ་ཕྱག་འཚལ་ལོ། །རྟེན་འབྲེལ་བཅུ་གཉིས་རྩ་བ་མ་རིག་པ། །དེ་ཡི་ལུགས་འབྱུང་བསྐྱེད་པ་ཟོ་ནད་ཀྱི། །གཉེན་པོ་ཨོ་རྒྱན་སྨན་གྱི་བླ་མ་ལ། །འདུད་དོ་དུག་གསུམ་ན་ཚ་ཞི་བར་མཛོད། །ན་ཚ་སྡིག་སྒྲིབ་འདེད་པའི་ཕྱགས་མ་ཡིན། །ན་ཚ་བླ་མར་སྒོམ་ལ་གསོལ་བ་ཐོབས། །ན་བ་བརྡེག་བཙོག་བྱས་པའི་རྣམ་སྨིན་ཡིན། །རྣམ་སྨིན་སུས་ཀྱང་མི་མྱོང་རང་ཐོག་འབབ། །བབས་པའི་ལས་སྐལ་ཟིན་ན་བློ་བདེ་ལྟར། བླ་མ་དཀོན་ཅོག་དྲིན་གྱིས་ལྷོངས་པ་ཡིན། །ན་ཚ་དངོས་གྲུབ་ཡིན་པས་ལྷ་གསོལ་གྱིས། །ན་ཚ་ལས་ངན་འཛད་པའི་སྔ་ལྟས་ཡིན། །ན་བའི་ངོ་བོར་མ་བལྟ་ན་མཁན་ལྟོས། །སེམས་ཀྱི་ཐོག་ཏུ་ན་ཚ་མ་

― JLAZ014_Page_0186 ―

^{[མ་དཔེ་གཟིགས་ན་འདིར་གནོན།]}

[Full Size]

འཇོག་པར། །ན་ཚའི་སྟེང་དུ་རིག་པ་རྗེན་པར་ཞོག །ན་ཚ་ཆོས་སྐུར་འཆར་བའི་གདམས་ངག་ཡིན། །ལུས་ནི་བེམ་པོ་སེམས་ནི་སྟོང་པ་ཉིད། །བེམ་པོར་ཅིས་གནོད་སྟོང་པར་གང་གིས་ཚུགས། །ན་ཚའི་གཤིས་ལ་བྱུང་གནས་འགྲོ་གསུམ་འཚོལ། །ན་ཚ་གློ་བུར་བྱུང་བའི་རྣམ་རྟོག་ཡིན། །རྣམ་རྟོག་ཡལ་ཚེ་ན་ཚ་རང་སར་དེངས། །རིག་པ་གློ་འདས་གསལ་སྟོང་ཆེན་པོར་གྲོལ། །ན་ཚ་ཡོངས་སྐུར་འཆར་བའི་མན་ངག་ཡིན། །བསྐལ་བར་བསགས་པའི་སྡིག་སྒྲིབ་ན་ཚས་འདག །ཉམས་རྟོགས་དངོས་གྲུབ་འགུགས་པའི་ཕོ་ཉ་ཡིན། །ལུས་ཀྱི་གཅེས་འཛིན་བོར་ལམ་ལ་གཅོད་ཀྱི། །དམིགས་པ་གསལ་པོས་ཤ་ཁྱེར་ཁྲག་ཁྱེར་ཐོང་། །རེས་འགའ་ཁྲོལ་ཚགས་ཅན་གྱི་སྟོང་ར་སྒོམ། །ནས་ཏལ་མར་ཕུག་ལ་རླུང་གིས་ཐོན། །རྗེས་ཤེས་དབྱིངས་རིག་ཟང་ཐལ་ངང་ལ་ཞོག །ན་ཚ་སྤྲུལ་སྐུར་འཆར་བའི་མན་ངག་ཡིན། །ན་བ་འདི་ཀོ་རྩ་གསུམ་ཐུགས་རྗེའི་མཐུ། །ན་བ་འདི་ཀོ་དཀོན་ཅོག་རྣམ་གསུམ་དྲིན། །ན་བ་འདི་ཀོ་སྡིག་སློང་བསྒྲུབ་པའི་མཐུ། །སྒྲུབ་པའི་བུད་ཤིང་འདི་ལས་ལྷག་པ་མེད། །ཡི་མུག་ལོག་ལྟའི་རིམ་གྲོ་མ་བྱེད་པར། །ལས་ངན་ཟད་པའི་རྟགས་ཡིན་དགའ་བ་སྒོམས། །དབེན་པ་གསུམ་གྱི་སྒོ་གསུམ་ཉེར་བསྡམས་ཤིང་། །མཉེས་པ་གསུམ་གྱི་གཙོ་བོ་སྒྲུབ་པ་ཡིས། རྩ་བ་

― JLAZ014_Page_0187 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་གྱི་ཐུགས་དམ་བསྐང་ནུས་པའི། །སྐུ་གསུམ་དབྱིངས་རིག་འདུ་བ་འཁྲུགས་པའི་ཚེ། །མཁྱེན་བརྩེའི་འོད་ཀྱིས་དབེན་པའི་མལ་ནས་གདམས། །དགེ་བས་དུག་གསུམ་ནས་ལས་གྲོལ་གྱུར་ཅིག །དེའི་ཚེ་སྒོམ་ཆེན་ཤྲཱི་ནཱ་ཐའི་མཚན་ཅན་ཕྱོགས་དེར་ཕེབས་པ་དང་འགྲིག །ཉེ་རིགས་ཀྱི་རྨོངས་ཞེན་ཐུགས་ལ་བཅངས་ནས་ཕྲད་དུ་ཕེབས། སྔར་རྣ་ཐོས་ཙམ་ལས་མཇལ་གླེན་མེད་པས་གང་ཅིའི་གསུང་གླེང་སྨར་བའི་ལྷོངས་ཤིག་ལ། ཁྱོད་རིག་པ་ཚེ་རབས་འདུག །བླ་མ་སུ་ལ་གཏུགས་པ་ཡིན། དང་པོ་ཡིན་ན་སྨིན་གྲོལ་གླིང་དུ་ཆོས་སྒོར་ཞུགས། རྒྱུད་གསང་བ་སྙིང་པོ་ལའང་བསླབ་གཉེར་ཞིག་བྱས་ན་ཡོང་རྒྱུར་འདུག་སྟེ་གསུངས། གཞན་སྣང་ཟིལ་གྱིས་གནོན་བའི་གསུང་གང་ཡང་འབྱོན་གྱིན་འདུག་གོ །དེར་རང་གིས་དག་པའི་སྣང་བས་བསྟུད་དེ་དཔལ་གསང་བ་སྙིང་པོ་དང་རྒྱུད་བཅུ་བདུན་ལ་སོགས་པའི་ཆོས་འབྲེལ་ཡང་ཞུས་པ་ན། དོ་ཀེར་ཅན་ལ་ཆོས་མི་འཆད། ཅེས་པ་ལས་བརྩམས་ཏེ་ཐབས་ལ་མཁས་པའི་ཙོ་འདྲིའང་མཛད། དྲང་གཏམ་རང་དུ་སྣང་སྟེ་དཔྱད་ཕྱིར་འདི་སྐད་ཅེས་ཞུས་སོ། །དེ་ཤིན་ཏུ་བདེན། སྤྱིར་སྲིད་ཞི་མཉམ་ཉིད་དུ་འདྲེས་པའི་ལྟ་བ་མྱོང་ཐོག་ཏུ་མཁེལ་པར་རལ་པ་ཐོར་ཚུགས་སུ་བྱེད་པས་མཚོན་ཧེ་རུ་ཀ་པའི་ཆས་བྱེད་པའི་འདི་གསང་སྔགས་ཀྱི་བླ་འཚོང་། །

― JLAZ014_Page_0188 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་འཛིན་མཁའ་འགྲོའི་ཁྲེལ་ས། སྤྲང་འཁྱམས་ཟོག་པོ་རྣམས་ཀྱི་རྣམ་ཐར་དུ་འདུག་ངེད་ཀྱི་འདི་རྒྱ་གར་གྱི་སློབ་དཔོན་འཇམ་དཔལ་བཤེས་གཉེན་དང་འོད་གསལ་གྱི་དང་དུ་གསལ་གྱི་ངང་དུ་མཇལ་བ་ཞིག་བྱུང་བ་ནས་གཟུངས་སྤྱི་བོར་གླེགས་རལ་དང་བཅས་འཆིང་སྙིང་འདོས་པ་ཞིག་བྱུང་བས་སྣང་བ་རྒྱལ་བཏགས་ནས་བཅིངས་བཏང་བ་ཡིན། ཟོག་པོ་དང་གྲུབ་ཐོག་གང་དུ་ངོས་བཟུང་ཡང་ཆོག་པ་ཡོད། ཁྱད་པར་གསང་སྔགས་ཀྱི་ཆོས་ཉན་བ་ལ་ཁོག་ཡངས་པའི་དབང་དུ་བཏང་ནས་སློབ་དཔོན་དཀྱིལ་འཁོར་གྱི་གཙོ་བོ་དང་། སློབ་མ་རྣམས་འཁོར་གྱི་རྣམ་རོལ་དུ་དག་སྣང་སྦྱར་བའི་ལུགས་ཀྱང་ཡོད་པས་ད་རེས་དགོངས་པ་མི་ཁྲེལ་བ་ཞུ་བྱས་པས་ཐུགས་སྙེགས་ཅུང་ཟད་ཆག་ དེའི་ཚེ་རྩེད་མོའི་ཚུལ་དུ་ཡི་གེ་འདི་བཞིན་བྲིས་ནས་ཕུལ་ལོ། །ཨེ་མ་ཧོ། །རུས་ནི་ཆོས་རྗེ་འབྲུག་པའི་བུ། །ཆོ་འབྲང་གནུབས་ཀྱི་རིགས་སུ་གཏོགས། །མངའ་རིས་ལ་དབང་བ་མིན་ན་ཡང་། །རབས་ལ་ཡས་འདེད་ཐོངས་ཙམ་ལགས། །པུ་ཏྲ་ནས་ཤཱཀྱཱི་བསྟན་ལ་ཞུགས། །ཨུ་པ་ས་ཀའི་རྣམ་ཐར་བསྐྱངས། །ཤ་མ་ཎེ་ཀ་ཏའི་སྡོམ་པ་མ་ནོས། །འཇུག་སྒོ་ལ་གོ་རིམ་འཕྱུགས་སྙམ་མེད། །ཐོས་བསམ་དེ་ཕྱོགས་མེད་གྲུབ་མཐར་བྱས། །བཤེས་གཉེན་ཀུན་ལ་དག་སྣང་སྦྱངས། །གསང་སྔགས་སྔ་འགྱུར་གྱི་

― JLAZ014_Page_0189 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོ་རུ་ཞུགས། །བཙན་ཐབས་སུ་རྟོགས་ལྡན་བྱས་སྙམ་མེད། །རྟེན་འབྲེལ་དེ་ཧཱུྃ་ཆེན་ཀཱ་རས་བསྒྲིགས། །སྨིན་གྲོལ་དུ་བྱང་ཆུབ་རྡོ་རྗེས་བཙུད། །རྩོད་མེད་ཀྱི་རིག་འཛིན་རྣམས་ཀྱིས་བསྐྱངས། །བླ་མ་ལ་ནོར་འཁྲུལ་བྱུང་སྙམ་མེད། ཞེན་ལོག་གི་བསྒྲུབ་ཚུགས་རྣག་གིས་བཟུང་། །ཉམས་ལེན་ལ་ཞུན་ཐར་པདྨས་མཛད། །གཏད་མེད་ཀྱི་རིག་པ་ཆོས་སྐུར་ཤར། །ལྟ་བ་ལ་གོལ་འཕྱུགས་བྱུང་སྙམ་མེད། །ཁྱེད་ཤེས་ཀྱིས་གསུང་བའི་ཐུགས་རྒྱུད་བསྐུལ། །དོན་རྒྱུད་དེ་ཨོ་རྒྱན་ཆོས་རྗེས་སྩལ། །བོགས་འདོན་དེ་མཛོད་ཆེན་བདུན་གྱིས་བཏོན། །སྒོམ་པ་ལ་གོལ་ཤོར་ཡོད་སྙམ་མེད། །ཟླ་དགའ་ཟས་འཚོལ་དུ་མ་འབྱམས་ཤིང་། །སྤྲོས་བཅས་དང་སྤྲོས་མེད་དགེ་སྦྱོང་ཀུན། །འཁོར་གསུམ་ཡོངས་དག་གི་མཚམས་སྦྱོར་བྱས། །སྤྱོད་པ་ལ་ཚུལ་འཆོས་ཤོར་སྙམ་མེད། ཀུན་མཁྱེན་ཆེན་པོའི་བཀའ་དྲིན་ལ། །མདོ་རྒྱུད་རྒྱ་མཚོའི་མེ་ལོང་མཐོང་། །ཕྱི་ནང་གི་གྲུབ་མཐའི་ཁྱད་པར་ཤེས། །བླུན་སྒོམ་དང་མུན་རྡོས་བསླུས་སྙམ་མེད། །རལ་པ་ཐོར་ཚུགས་ཀྱི་ལན་བུ་ཅན། །གསང་སྔགས་ཀྱི་བསྟན་པ་དར་བ་དང་། །སྣང་བ་ཟིལ་གནོན་གྱི་རྟེན་འབྲེལ་ཡིན། །ལེགས་འདོད་དང་ཚུལ་འཆོས་བྱས་སྙམ་མེད། །མཁྱེན་གཉིས་ཀྱི་གཏེར་

― JLAZ014_Page_0190 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད་བརྡོལ་བ་འདི། །ལུང་བསྟན་གྱི་བདེན་པས་རབ་བསྐུལ་ནས། །སྔོན་སྦྱངས་ཀྱི་དད་སྟོབས་བསྟན་པ་ཡིན། །མུ་ཅོར་གྱི་ཚིག་སྐམ་ཡིན་སྙམ་མེད། །སྟན་ཐོག་ཏུ་བསྒྲུབ་ཚུགས་འཛིན་བ་འདི། །འགྲོ་སམ་ཕོངས་པ་མ་ལགས་ཏེ། །ཁོང་གྲུབ་ཐོབ་གོང་མའི་བཤུལ་ལམ་ཡིན། །གདུལ་བྱ་མེད་པ་ཡིན་སྙམ་མེད། །ཆུ་དང་གྲུབ་མཐའ་བླ་མ་གསུམ། །རང་གི་ཡུལ་ན་བཟང་བ་དེ། །རང་རང་སོ་སོའི་མཐོང་སྣང་ཡིན། །རྒྱུད་བཤད་བློ་ལ་འཛིན་པ་ལ། །ངོ་མཚར་ཆེ་སྙམ་མི་བགྱི་སྟེ། །རྒྱུད་དོན་བདེ་བླག་རྟོགས་པ་ལ། །མཁས་པའི་དབང་ཕྱུག་མི་ཟེར་རམ། །དེ་ཕྱིར་ཏནྟྲ་བཅོ་བརྒྱད་བཅུད། །རྒྱུད་རྒྱལ་གསང་བ་སྙིང་པོ་ལ། །རྒྱལ་པོ་ཨིནྡྲ་བྷོ་དྷིའཾ། །ལུང་བསྟན་རྡོ་རྗེ་མན་ཆད་ནས། །ངག་དབང་ཆོས་དཔལ་ཡན་ཆད་ལ། །རྒྱ་བོད་རྒྱུད་འགྲེལ་དགུ་ཙམ་མཐོང་། །གཞི་རྒྱུད་བདེ་གཤེགས་སྙིང་པོ་ལ། །བྲག་ཕུག་ནང་དུ་འགྲེལ་པ་བྱེད། །འདི་ལས་ཟབ་པའི་འགྲེལ་བ་ནི། །ངས་ནི་ནམ་ཡང་མ་མཐོང་ངོ། །ཞེས་ཕུལ་བས་དག་སྣང་ཆེ་རུ་སོང་། །དེ་ནས་ཐུགས་ནང་གཞིན་པར་གྱུར་ནས་གང་ཆིའི་གསུང་བགྲོས་གླེངས་བས་ཁོང་པ་གཤེགས་འདུས་པ་དང་གཤིན་རྗེ་ཚེ་བདག་གི་

― JLAZ014_Page_0191 ―

^{[མ་དཔེ་གཟིགས་ན་འདིར་གནོན།]}

[Full Size]

བསྙེན་སྒྲུབ་ཚད་དུ་འཁྱོལ་བའི་རྣལ་འབྱོར་དུ་གོ་ནས་སླར་ཆེད་དུ་གདན་དྲངས་ཏེ་དེ་དག་གི་དབང་ལུང་།ཡོངས་སུ་རྫོགས་པ་ཉན་པ་ཡིན་ནོ། །དེ་ལ་འདི་སྐད་ཅེས། ནང་རྒྱུད་ཡིད་བཞིན་གྱི་ནོར་བུ་འདིའི་རྒྱུད་པ་ཁུངས་སྟོང་དུ་ཉེ་བ་ལ། པཎ་ཆེན་རིན་པོ་ཆེ་ཡེ་ཤེས་རོལ་པའི་རྡོ་རྗེས་དྭ་རི་དྲའི་བརྟུལ་ཞུགས་ཀྱིས་དབུས་གཙང་ལ་སྟོད་ལྷོ་བྱང་ཐམས་ཅད་དུ་བཀའ་བརྒྱད་ཁོ་ནའི་ཆེད། ལ་ཆུ་ཕྲང་གསུམ་ལ་དཀའ་བ་སྤྱད། ཡར་རྗེ་ནས་བཟུང་བདེ་འདུས་ཁོ་ན་ཡང་ཚར་རྙེར་ལྔ་གསན་རྗེས་རྗེ་རིགས་ནམ་མཁའི་རྣལ་འབྱོར་ལ་སྤྲོས་པ་ཆོད་པའི་ཚེ་དཔལ་གྱི་མགུར་ལས། །དེ་ཕྱིར་རིག་འཛིན་ཕྱི་རབས་འབྱོན་པ་རྣམས། །རྒྱུད་ལུང་མན་ངག་ཐམས་ཅད་སྟོང་ཀྱང་སླ། །བཀའ་བརྒྱད་རྣམ་གསུམ་ཉམས་སུ་མ་འཇུག་ཅིག །གསུངས་པས་གདམས་པྲན་ལ་སྡུག་བཙིར་མ་བྱས་པར་རྒྱུད་སྡེ་ཆེན་པོས་གཞུང་བསྲངས་པའི་ཆོས་ཀྱི་རྣམ་གྲངས་འདི་དག་ལ་དོན་གཉེར་ཆེན་པོས་ཀློག་པ་ཐོས་བསམ་གྱི་འཁོར་ལོ་བདག་གིར་བཟུང་བ་ལགས། ཀྱེ་ཧོརྗེ་དུས་གསུམ་ཀུན་མཁྱེན་པད་འབྱུང་དང་། །ཆོས་ཐེག་པའི་ཡང་རྩེ་རྫོགས་པ་ཆེ། །ཁོང་སྔོན་བྱོན་གྱི་རྒྱལ་བློན་བྱང་ཆུབ་སེམས། །རྒྱ་བོད་ཀྱི་གྲུབ་ཐོབ་ཡོངས་ལ་འདུད། །ཡོངས་ད་ལྟ་སྙིགས་མ་ལྔ་བོའི་

― JLAZ014_Page_0192 ―

^{[མ་དཔེ་གཟིགས་ན་འདིར་གནོན།]}

[Full Size]

དུས། །མི་ཕལ་ཆེར་ལོག་པའི་ལམ་ལ་འཕྱན། །ཚུལ་མི་དགེ་བཅུ་ལ་སྤྱད་པའི་མཐུས། །ཡིད་ཅན་ཀུན་ངན་འགྲོའི་དུཁ་མྱོང་། །བོད་རྟགས་འཛིན་གྱི་ཆོས་གཟུགས་ཕལ་མོ་ཆེ། །ཐོས་བསམ་ལ་ནན་ཏན་མི་བྱེད་པར། །མདའ་ལྔ་སྙིང་ཞུགས་ཀྱི་སྤྱོད་པས་གཡེང། །འདི་བསམས་བཞིན་སྙིང་རླུང་གཅོང་གིས་ཟིན། །སྔོན་ཚེ་ལོ་བརྒྱ་པའི་གནས་དུས་ལ། །རྗེ་ཤཱཀྱ་ཐུགས་པ་འཛམ་གླིང་བྱོན། །ཆོས་དྲང་དོན་གྱི་འཁོར་ལོ་རྒྱ་ཆེར་བསྐོར། །ངེས་དོན་གྱི་མདོ་ཡང་གྲངས་མེད་གསུངས། །ལམ་བསླབ་པ་གསུམ་གྱི་རྒྱུད་བསྡམས་ཤིང་། །ཉན་ཐོས་འདུལ་བའི་བསྟན་པ་དར། །བཀའ་བདེན་པ་བཞི་ལ་ནན་ཏན་མཛད། །སྲིད་པ་ཐ་མའི་བྱང་སེམས་མང་། །དེ་དེང་སང་ཡིན་ན་དགའ་བ་ལ། །དེ་དེང་སང་ཡིན་ན་སྐྱིད་པ་ལ། །གནས་འོག་མིན་གསང་ཆེན་རོལ་པ་དང་། །རིམ་ལ་ཡ་དང་ཨོ་ཌི་ཡ། །ཚུལ་ངེས་མེད་ཀུན་ཏུ་སྤྲུལ་བསྒྱུར་གྱི། །སྐུའི་བཀོད་པས་འབྲས་བུའི་ཐེག་པ་བསྟན། །དེ་རྒྱུད་སྡེ་བཞི་དང་ཡོ་ག་གསུམ། །ཐབས་ཤེས་དང་མན་ངག་རང་བྱུང་རྒྱུད། །དོན་ཡང་དག་ལམ་ལ་བཀྲི་བར་གཅིག །འཇུག་སྒོ་ལ་ཟབ་ཁྱད་ལྷག་བར་ཆེ། །འཕགས་ཡུལ་དུ་གསར་རྙིང་དབྱེ་བ་མེད། །མངོན་ཕྱུང་དང་གབ་པའི་གནད་ཡོད་དེ། །མཁན་

― JLAZ014_Page_0193 ―

^{[མ་དཔེ་གཟིགས་ན་འདིར་གནོན།]}

[Full Size]

སློབ་ཆོས་རྒྱལ་སྐུ་དྲིན་ལ། །བོད་གངས་ཆེན་འདིར་གཅིག་དར་དར་མོད་དེ། །མི་ཁྲིམས་མེད་གདོལ་པའི་ཀུན་རྟོག་གིས། །བཟང་ངན་དང་ཕྱོགས་ཆའི་སྡེ་རིས་ཕྱེ། །ཆོས་རྫོགས་པ་ཆེན་པོར་ཡག་སྒྲོགས། །ཀྱེ་ཉི་ཟླ་ནམ་མཁར་རྒྱུ་བ་འདི། །ཆུང་བྱིས་པའི་ལག་གིས་དགག་བྱ་མིན། །ཁོང་ཀུན་ཏུ་བཟང་པོ་བཀའ་བཙན་པས། །རིག་འཛིན་གྱི་སྤྲུལ་པ་རིམ་པར་བྱོན། །དོན་དམ་པ་རིག་པ་སོ་མའི་རྒྱུད། །ཀློང་ཆེན་པོ་དགོངས་པའི་གསང་མཛོད་བརྡོལ། སྣང་ཀུན་བརྡ་དང་དཔེ་ཆར་ཤར། །བཀའ་བརྒྱུད་བཤད་པའི་བསྟན་པ་དར། །དགོངས་བརྒྱུད་སྒྲུབ་པའི་སྲོག་ཤིང་ཚུགས། །བྱིན་བརྒྱུད་ཡེ་ཤེས་རང་སར་ཕེབས། །རི་སུལ་ཀུན་རྣལ་འབྱོར་ཞིག་པོས་ཁེངས། །འཇའ་ལུས་རྡོ་རྗེའི་ལམ་སྲོལ་བཏོད། །དེ་ལྕེ་བཙུན་སེང་གེ་དབང་ཕྱུག་དང་། །མེ་ལོང་རྡོ་རྗེ་ཀློང་ཆེན་པ། །སོ་ཟུར་གནུབས་དང་སྐོར་རོང་ཁམས། །དྲག་རྩལ་རྡོ་རྗེ་ཉང་རལ་སོགས། །བཀའ་གཏེར་བསྟན་སྐྱོང་མང་པོའི་དྲིན། །བསྒྲུབ་བརྒྱུད་གོང་མས་རྫོགས་ཆེན་གྱི། །བསྟན་བའི་མེ་རོ་ཀུན་ནས་སློང་། །དོན་རིག་པ་འོད་གསལ་སྙིང་པོའི་གཟུངས། །དུས་དེང་དུའང་སྦས་པའི་རྣལ་འབྱོར་པ། །ཀུ་སུ་ལུའི་སྤྲང་པོ་རྣམས་ལ་གདམས། །

― JLAZ014_Page_0194 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་འབྱོར་ལྡན་གྱི་ཁེངས་སེམས་བལྟར་སྣང་ཙམ། །བདུད་དམ་སྲི་འབྱུང་པོའི་ལུང་བསྟན་འུམ། །ཕུགས་བློ་ཡི་རེ་བ་ཡི་དམ་བརྟན་། །གཞི་ཀ་དག་ཆེན་པོས་བསླུ་མ་མྱོང་། །འདི་གྲུབ་རྟགས་རྒྱ་པོ་ཅིས་མ་ཡིན། །སེམས་སྟོང་གསལ་ཞི་གནས་འཛིན་པ་ཅན། །ཡིད་རྟོག་དཔྱོད་ཀྱི་ལྷག་མཐོང་གཡོ་འཁྲུལ་པོ། །དབྱིངས་ལུང་མ་བསྟན་གྱི་བྱར་མེད་གསུམ། །འདི་གསུམ་པོ་རྫོགས་ཆེན་ཁྱུ་ནས་བུད། །སྒོམ་དྲན་འཛིན་གཉེན་པོའི་འཆིང་བ་དང་། །བློས་ཆེད་འཛིན་བྱས་པའི་སྟོང་ཉམས་ཅན། །བློ་གོ་ཡུལ་དྲེད་པའི་རྒྱས་འདེབས་གསུམ། །ཁྱེད་གསུམ་ནས་རྫོགས་ཆེན་ཁུད་ནད་བུད། །སེམས་འདུ་ཤེས་གྲུང་པོའི་ལྟ་སྒོམ་དང་། །བློ་གོ་རར་འཐུམས་པའི་ཉམས་ཞེན་དང་། །ཡིད་མྱང་བྱའི་དྲི་མས་སྤགས་ཏེ་གསུམ། །ཁྱེད་གསུམ་ཡང་རྫོགས་ཆེན་ཁྱུ་ནས་བུད། །བདག་འཆིང་བ་ཅན་གྱི་བྲ་བྲལ་བ། །སྔོན་སྐྱེ་བ་འགའ་ལ་སྤྱངས་པའི་མཐུས། །ཚེ་ད་རེས་ཐོས་གྲོལ་ཆེན་པོར་སོང་། །ཁྱེད་མཆེད་གྲོགས་རྣམས་ཀོ་ལོང་མི་མཛད་མཁྱེན། །འདི་ཁ་ཚིག་འུད་གོག་ཏུ་སོང་དོགས་ཀྱང་། །ཀློང་ཆེན་པོ་དགོངས་པའི་གསང་མཛོད་བརྡོལ། །སེམས་ལས་རླུང་དབུ་མའི་རྒྱལ་སར་བཏོན། །རྩ་ཨ་ལྦ་དྷཱ་

― JLAZ014_Page_0195 ―

^{[མ་དཔེ་གཟིགས་ན་འདིར་གནོན།]}

[Full Size]

ཏིའི་མདུད་གྲོལ་དང་། །མི་རྨོངས་པའི་བློ་གྲོས་ལྐོག་གྱུར་གཉིས་འགལ་བ་ལྟག་སྤྲོད་དུ་སྣང་བའི་ཚེ། །སྟོང་ཉིང་སྙིང་རྗེའི་གདངས་ཀྱི་གྱུར། །ཤར་བ་ཤིང་ཤུན་འཇམ་པའི་དོགས། །འོག་མིན་རྡོ་རྗེའི་བྲག་ཏུ་བྲིས། །དགེ་བས་འཁོར་བ་དོང་སྤུགས་ཤོག །ཅེས་སྨྲས་ནས་མཚམས་དམ་པས་བཅད་འོད་གསལ་སྤྲོས་པ་མེད་པའི་ངང་མདངས་སྣང་གྲག་ཐམས་ཅད་ཧཱུྃ་ལྔའི་རྒྱལ་གླུར་ལེན་པའི་སྐབས་ཤིག་གཉིད་དུ་སོང་བའི་རྨི་ལམ་ན་རྩི་ཤིང་ནགས་ཚལ་གྱི་སྨན་ལྗོངས་མཐོང་ན་དགའ་བ་ཞིག་ཏུ་བུད་མེད་ལྔས་ཁྲིད་བྱུང་བས། དེའི་ཁྲོད་ནས་རྒན་པ་རང་གིས་མ་ཡིན་སྙམ་པ་ཞིག་གིས་ང་ལ་ཤིན་ཏུ་བརྩེ་བའི་རྣམ་འགྱུར་ཕ་མཐར་མི་དཔོགས་པར་སྟོན། བུ་ཆུང་ལ་གཅེས་ཁ་བྱེད་པ་ལྟར། མགུལ་པར་འཁྱུད་པ་དང་། གདོང་གུག་པ་དང་། །འོ་བྱེད་པ་ལ་སོགས་ངོ་ཚ་དང་ཚུལ་འཆོས་པའི་རྣམ་འགྱུར་སྤངས་ནས། བུ་ཆུང་དང་མའི་འདུ་ཤེས་གྱི་ངང་ནས་བྲག་ཕུག་ཤིན་ཏུ་ཡངས་པ་སློབ་དཔོན་ཆེན་པོའི་དབུ་རྗེས་ཡོད་པ་ཞིག་ཏུ་ཁྲིད། དེར་ཁོང་རྣམས་ཀྱིས་འདི་མཚོ་རྒྱལ་གྱིས་ཕུར་པ་བསྒྲུབས་པའི་གཟིམས་ཕུག་ཡིན། འདི་ཨུ་

― JLAZ014_Page_0196 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་གྱི་དབུ་རྗེས་ཡིན་ཞེས་དེད་ལ་གནས་བཤད་ཀྱི་ཚུལ་དུ་བཤད་ནས། ཁོང་རང་རྣམས་སྐད་གྲ་ཤིན་ཏུ་སྙན་པས་མཎྜལ་གསོལ་དཱེབས་ཡིད་འཕྲོག་པ་ཞིག་བྱས་སོང་། དེའི་ཁོང་ལ་སྐད་ཅིག་མ་དེར་དེའི་ཁྲོད་ན། འདི་སླར་འབྲུག་པ་དགེ་སློང་དང་གླེང་སྐབས། སྤ་གོ་སྟག་ཚང་གི་མཚོ་རྒྱལ་གཟིམ་ཕུག་ཡིན་བ་ངོ་ལེགས་པར་འཕྲོད། བུད་མེད་ཅུང་གཟུགས་མི་སྡུག་པ་ཞིག་འདུག་པ་དེས་བསྐུལ་ནས་ཐམས་ཅད་ཀྱིས་ངེད་ལ་གདོང་གཏད་དེ། བླ་མ་སྐུ་ཁམས་བཟང་བར་གསོལ་བ་འདེབས། །སོགས་ཤློ་ཀ་གཅིག་རྒྱ་གླིང་བཏང་བའི་སྐད་ལས་ཀྱང་སྙན་ཅིང་དངས་སངས་པར་ཟེར་བས་སྣང་བ་ཟི་སྦིར་བ་ཞིག་བྱུང་། དེའི་མོད་ལ་རྣག་གི་ཕུ་བོ་ཡིན་རྒྱུད་ཞིག་ཀྱང་ཁྲོང་གི་བྱུང་ནས་དེས་བསྐུལ་མཁན་བྱས། ཆོས་རྔ་ཆེན་པོའི་སྒྲ་ཡིས་ནི། །སོགས་ཤློ་ལོ་ཀ་གཅིག་ཤིན་ཏུ་སྙན་པའི་སྐད་གྲ་སྡེབས་ནས་ཟེར་མ་ཐག །རང་གི་སྣང་བ་ལ། ད་འདི་ཚོར་ཡར་ཀླུངས་རྟེན་གསུམ་མཇལ་དུ་འགྲོ་ཡོང་། སྨོན་ལམའདེབས་ལུགས་ཤིག་བསླབ་དགོས་སྙམ་ཙ་ན་དོ་དིར་གྱིས་གྱེས་སོང་། དེའི་ཁྲོད་ནས་ད་རང་རི་སྲིང་མོ་ཡིན་སྙམ་པ་ཞིག་ད་རུང་བསྡད་ནས། བསླབ་དོན་འདུ་ཞུ་རྒྱུ་ཡོད་དེ་འགོལ་འགོལ་ཤིག་རྩ་བ་ནས་མ་བྱུང་ཟེར་ནནས་རྣ་བ་ལ་ཁ་གཏུགས་ཏེ། ཉིད་རང་ལུས་དབེན་པར་བཞུགས་དང་། སྟོན་དཔྱིད་ལ་སོགས་པའི་འཚོ་ཆས་ནི་འབད་མེད་དུ་ཡོང་། ངག་དབེན་པར་བཞུགས་དང་། ཟེར་བའི་མོད་ལ་སྐད་ཤུགས་ཆུང་དུ་ཆུང་

― JLAZ014_Page_0197 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཏང་གོ་རྒྱུ་ཡེ་མ་བྱུང་ཤུབ་བུ་ཤུབ་བུ་དེ་གོ་རྒྱུ་མི་འདུག་དེ་ལས་གསལ་པར་སྨྲོས་དང་བྱས་པས། ད་དུང་སྐད་ཤུག་ཆུང་དུ་བཏང་། ཡར་ཐོས་པ་ཧིག་ལ་མི་ཆེན་ཚོ་ལའང་ངོ་འཛིན་ཆེར་གནང་གཞན་འདྲ་ཟེར། འཕྲོས་རྣམས་གོ་རྒྱུ་ཡེ་མ་བྱུང་། དེར་མི་ལམ་ཡིན་པར་ཤེས་ཏེ་འདི་ལུང་བསྟན་འདྲ་ཟེར་རྒྱུ་ཡིན་པ་སྲིད་སྙམ་ནས་ལྟོས་པ་མེད་པ་དྲན་པ་སྤྲོས་བྲལ་གྱི་ངང་དུ་མཉམ་པར་བཞག་པས། རྨི་ལམ་འཁྲུལ་པ་ཡིན་པར་ལོས་ཀྱང་བདེན། །མཁའ་འགྲོ་རང་རྩལ་ཡིན་པས་ལོས་ཀྱང་བདེན། །ལུང་བསྟན་བལྟར་སྣང་ཡིན་པར་ལོས་ཀྱང་བདེན། ཐམས་ཅད་ཀུན་རྫོབ་ཡིན་པར་ལོས་ཀྱང་མེད། བདག་ཉིད་མཁའ་འགྲོའི་དབང་དུ་མ་གྱུར་ཞིང་། །མཁའ་འགྲོ་བདག་གི་དབང་དུ་འདུས་པ་ལས། དྲན་རིག་སྨྲོས་བྲལ་དབྱིངས་ལ་བཞག་ཙ་ན། །གཉིད་སད་བུ་མོ་གར་སོང་ཆ་མེད་ཐལ། །དེར་རྗེས་ཐོབ་ཀྱི་ཤེས་པ་ལ་སྐྱོ་ཤས་ཚད་མེད་པ་ཞིག་ལངས། ཁམས་གསུམ་གྱི་སེམས་ཅན་ཐམས་ཅད་རང་རང་གི་ལས་ལ་སྤྱོད་པའི་སྡུག་བསྔལ་དཔག་ཏུ་མེད་པར་མྱོང་བ་རྣམས་ཡིད་ལ་ལམ་ལམ་ཤར་ནས་སྙིང་རྗེ་དཔག་ཏུ་མེད་པ་སྐྱེས། ངའི་བླ་མ་ཨུ་རྒྱན་ཡབ་ཡུམ་དེ་སྙིང་ལ་དྲན་ནས་ཚུགས་ཐབས་དང་བྲལ། ད་ཅིའི་མཁའ་འགྲོ་རྣམས་ཡིད་ཡུལ་དུ་ལམ་ལམ་གསལ་ཞིང་

― JLAZ014_Page_0198 ―

^{[མ་དཔེ་གཟིགས་ན་འདིར་གནོན།]}

[Full Size]

ཨུ་རྒྱན་མཁའ་འགྲོའ་གླིང་ལ་གཤེགས་སོང་སྙམ་པའི་མདོ་ལ་སྐྱོ་གླུ་རྒྱང་འབོད་འདི་ཐལ་ལོ། །ད་ལྟ་སྐྱིད་མོ་གདའ་བ་དགོན་མཆོག་གི་ཐུགས་རྗེ། །ཕྱི་མ་འདྲོས་ལེགས་བསྒོམ་སྒྲུབ་ཀྱི་འབྲས་བུ། །འཇིག་རྟེན་མི་དང་སྣང་བ་བསྟུན་དང་དགོས་པ་མི་འདུག །ངའི་སྙིང་གྲོགས་དམ་པའི་ལྷ་ཆོས་ལ་ཕེབས་ཤིག །མི་རྟག་འཆི་བ་དྲན་པ་ངེས་འབྱུང་གི་རྩ་བ། །སྙིང་པོའི་སྒྲུབ་ལ་གཞོན་བ་དོན་ལྡན་གྱི་གཙོ་བོ། །འཇིག་རྟེན་འཁོར་བའི་ཕ་ཞིས་ལ་ཆགས་འང་དགོས་པ་མི་འདུག །ངའི་སྙིང་གྲོགས་དབེན་པའི་རི་ཁྲོད་ལ་ཕེབས་གཏོང་། །ལྟ་བ་མཁའ་ལྟར་དག་པ་དོན་བརྒྱུད་ཀྱི་བྱིན་རླབས། །སྒོ་པ་མ་བཅོས་རང་གསལ་ཚོགས་གཉིས་ཀྱི་འབྲས་བུ། །སྡེ་དགོན་ཆོས་པའི་ཞེན་པ་བྱེད་དགོས་པ་མི་འདུག །ངའི་སྙིང་གྲོགས་དབེན་གནས་བྲག་སྐྱིབས་ལ་ཕེབས་གཏོང་། །འཆི་བདག་ནམ་ཡོང་མེད་པའི་གནས་ཚུལ་ལ་བསམས་པས། །ཚེ་འདིའི་ལེགས་ཉེས་སྟོན་ཀའི་འཇའ་སྤྲིན་ལྟར་གོ་བྱུང་། །སྐྱིད་སྡུག་རྨི་ལམ་སྒྱུ་མར་ཞེན་ད་དགོས་པ་མི་འདུག །ངའི་སྙིང་གྲོགས་གོང་མའི་རྣམ་ཐར་ལ་སོམས་ཤིག །གནས་བཟང་བག་རིའི་བ་གམ་བརྗིད་ཆགས་ཀྱི་ཕུག་ཏུ། །ཨོ་ལོས་སྙིང་ནས་དམ་པའི་ལྷ་ཆོས་ལ་བསམས་ཀྱང་། །ལས་ཤུགས་བདེན་པའི་རྔ་སྒྲས་ཡིད་ཀྱི་ཆོམ་

― JLAZ014_Page_0199 ―

^{[མ་དཔེ་གཟིགས་ན་འདིར་གནོན།]}

[Full Size]

རྐུན་བྱས་ཏེ། །སྣང་བ་ཡུལ་ཕྱེར་ཤོར་སྐྱོ་གླུ་ཞིག་ཐོལ་ལོ། །འོད་གསལ་ཉི་ཟླའི་སྒྲོན་མ་ནུབ་རི་ལ་གཟིམས་པས། །སྣ་ཚོགས་རྟོག་པའི་རྒྱུ་སྐར་ལང་ལོང་དུ་གཡོས་བྱུང་། །བག་ཆགས་ཀུན་གཞིའི་གཟའ་སྐར་ངན་སོང་གི་གཏིང་རྡོ། །ངའི་ཤར་རིའི་མགྲོན་པོ་སྐྱོ་སངས་ལ་ཕེབས་ཤིག །སྐྱོ་གྲོགས་རང་སེམས་དཀར་པོ་བདེ་སྟོང་གི་ཡེ་ཤེས། །ཉམས་རྟོགས་ལང་ཚོ་རྔམ་པའི་འཇོ་སྒེག་དང་སྦྲགས་ནས། གཏད་མེད་བདེན་པའི་རྒྱང་གླུས་སེམས་གཞོ་ཞིག་ཐོང་ལ། །ངའི་སྣང་སེམས་ཀ་དག་སྤྲོས་བྲལ་ལ་སྦྱོར་དང་། །མཛའ་གྲོགས་གློ་སྙིང་ཐུབ་པོ་རྫོགས་ཆེན་གྱི་སྒེག་མོ། །ཀུན་བརྟགས་དུཁའི་སྣང་བ་མཐའ་གྲོལ་དུ་ཐོང་ལ། །སྒྲོན་དྲུག་འཇའ་ཟེར་ཐིག་ལེའི་འཛུམ་མདངས་ཀྱི་ངང་ནས། །ངའི་སྣང་བཞིའི་འོད་གསལ་ཟད་ས་ལ་སྐྱོལ་དང་། །མཛའ་མོ་ཐུགས་བསྐྱེད་དཀར་པོ་ཀུན་བཟང་གི་ཌཱ་ཀྐི། །དབྱིངས་རིག་གཞོན་ནུ་བུམ་སྐུའི་ཁང་མཛེས་ཀྱི་ནང་དུ། །དྲན་རིག་འཕོ་འགྱུར་མེད་པ་གཡུང་དྲུང་གི་ཁྲི་ལ། །ངའི་རིགས་པ་ཅོག་གཞག་འཁྱིལ་པ་ཞོག་དང་། །ཚིག་མཐའ་ཤེས་བྱས་གཞལ་བ་ངར་འཛིན་གྱི་ཅོང་རྡོ། །དོན་མཐའ་རྟོགས་པས་གཅོད་པ་གྲུབ་ཐོབ་ཀྱི་བཤུལ་ལམ། །བྱར་མེད་རྒྱལ་པོ་སྙིད་ཉལ་ལྷུག་པ་ཡི་མལ་དུ། །ངའི་སྐྱོ་

― JLAZ014_Page_0200 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོགས་འོད་གསལ་སྦུབས་འཇུག་ལ་ཕེབས་དང་། །སོ་དཀར་གཞོན་པའི་མི་ཚེ་ཡད་ཡུད་ལ་ལངས་སོང་། །དབུ་དཀར་རྒན་པོའི་ཚེ་རྩིས་སྐུག་ལོང་ནི་མི་གདའ། །ད་ནི་མི་ཚེའི་ཉི་མ་ནུས་རི་ལ་ལངས་སོང་། །ངའི་ལམ་སྣ་ཨུ་རྒྱན་ཆོས་རྗེ་ཡིས་མཛོད་དང་། །གནས་བཟང་མི་མེད་ལུང་སྟོང་ཕ་གཞིས་སུ་བཟུང་ནས། །ལྕེ་བཙུན་ཆེན་པོའི་རྣམ་ཐར་མི་འཁྱོངས་དོ་ཟིན་ན། །མཁའ་སྤྱོད་དབུ་མའི་ལམ་ལ་བཙན་ཐབས་སུ་འཁྲོད་པའི། །ངའི་ཡེ་ཤེས་མཚོ་རྒྱལ་བསུ་མ་ལ་ཕེབས་དང་། །ཅི་ཤར་དག་པ་རབ་འབྱམས་ཉམས་མྱོང་ཤར་ན། །གནས་ཀྱིས་གང་ཟག་རློབ་པའི་རེ་དོགས་ཀྱང་མ་དགོས། །དམ་ཚིག་ཟླ་ཞུན་དཀར་པོའི་བས་མཐའ་ཞིག་བཙལ་ནས། །ངའི་མི་ཚེ་ལྷག་མ་སྒོམ་སྒྲུབ་ལ་སྒྲིལ་གཏོང་། །སྒྲུབ་གནས་ཆུ་ཤིང་འཛོམ་པ་དབང་ཆེན་གྱི་ཕོ་བྲང་། །ལ་ལྦ་དཀར་པོའི་ལྡིང་གུར་འོད་གསལ་གྱི་ཁང་མཛེས། །མཁའ་འགྲོ་གླུ་དབྱངས་སྒྲོག་པའི་ཞགས་ཚལ་གྱི་གླིང་ནས། །ངའི་སྐྱོ་གྲོགས་བུང་པའི་དབྱངས་རྟ་ལ་དྲངས་སོ། །ཞེས་བླངས་པས་གཅིག་པོར་བྲོ་འཁྲབ་སྙིང་འདོད་ཚད་ཚད་ཀྱི་ཉམས་འུར་བ་བྱུང་ངོ། །བླ་མ་ལ་ཕྱག་འཚལ་ལོ། །རེ་ཞིག་གི་ཚེ་ཉི་འོག་གི་རྒྱལ་པོའི་ལུང་གིས་བོད་ཆུང་དུའི་ལྗོངས་ཀྱི་ཕྱིང་སོང་དུ་དབང་བསྐུར་བའི་

― JLAZ014_Page_0201 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་ཀྱིས་ཁེངས་པའི་རོ་བོ་ནམ་མཁའི་དབྱིངས་ལ་ཅོ་འདྲི་བ་ཞིག་ཡོད་ཅེས་གྲག་གོ །དེས་དེ་བཞིན་གཤེགས་པའི་གསུང་རབ་ཀྱི་ཕུང་པོ་བྱ་བ་ལས་ཀྱི་འཁོར་ལོས་བསྐྱེད་བསྲེངས་བའི་ངོ་མཚས་གྱི་རྟོགས་པ་བརྗོད་པ་དང་། བསྔོ་བ་སྨོན་ལམ་གྱི་མཐའ་བསྡུས་པའི་ཡི་གེའི་བརྩམ་གཞི་དགོས་ཞེས་བདག་ལ་བསྙད་པར་མཛད་དོ། །དེ་ཡང་འདི་སྐད་དུ། རང་ཕྱོགས་ཀྱི་གྲུབ་མཐའ་ལྷུང་བ་དངོས་ཅག་པ་དང་དབང་ཕྱོགས་ཀྱི་མིའི་བདག་པོ་ལ་བསྟོད་ར་གང་ཆེ་དགོས་ཞེས་པ་ཙམ་གྱི་སྙིང་པོར་སྣང་། དེར་འདི་སྙམ་དུ། ཀྲི་ཀྲིའི་རྨོ་ལྟས་དང་མཚུངས་པར་སྡེ་པ་བཅོ་བརྒྱད་དུ་གྱེས་པའང་ཤཱཀྱ་སེང་གེའི་ཕྲིན་ལས་ཀྱི་དབང་གིས་ཡིན། གདུལ་བྱའི་དབང་གིས་བསྟན་པའི་རྣམ་གྲངས་ཐ་དད་དུ་ཤར་བ་ལ་རྩ་བའང་ཐ་དད་པར་དབྱེ་ན་འཆོས་པ་རྨོངས་བས་གཡོགས་པའོ། །དེ་ལྟ་ནའང་འཕེན་བྱེད་ཡི་ཀུན་རྟོག་ཇི་ལྟ་བུ་ཡིན་ཀྱང་རྫོགས་བྱེད་ཀྱི་ལས་དགེ་བའི་ཕུང་པོར་རྫོགས་པ་ཉིད་དུ་དཔྱད། །རྒྱལ་བ་བུ་རམ་ཤིང་པའི་བསྟན་པའི་བབ་ཚུལ་གཞུང་ཚུགས་པར་སྔོན་དུ་བཏང་ནས་གནས་སྐབས་ཀྱི་བརྗོད་བྱེད་ལ་སྙན་དང་གསལ་བའི་རབས་བཏགས་དང་ཟོལ་གྱི་བསྟོད་པའི་ངག་གནྡྷ་རྦ་རབ་དགའི་གླིང་བུའི་སྒྲ་གངས་སུ་བསྒྱུར་ནས་ཤོག་བརྒྱ་ལ་ཉེ་བ་ཞིག་བྲིས།

― JLAZ014_Page_0202 ―

^{[མ་དཔེ་གཟིགས་ན་འདིར་གནོན།]}

[Full Size]

ནོར་སྐྱོང་གི་ཚུལ་བུས་ཟུག་རྡུའི་རྨ་ལ་ཕན་པའང་འཇིག་རྟེན་ན་ཆོས་ཅན། །བརྩམ་གཞིའི་ཡི་གེ་འགྲུབ་ལ་ཕན་པའི་དངོས་པོར་གྱུར་པས་ཡི་རངས། །གཅམ་བུའི་ངག་གི་ཡི་གེའི་ལམ་ནས་གྱ་གྱུར་བསྟོད་ཅིང་གནང་བྱིན་འདྲ་ཡང་ཐོབ་པོ། །རྒྱུ་དེས་རེ་ཞིག་གི་ཚེ་མཚམས་ལ་ལྷུར་འདོན་གྱི་བརྡའ་འགྲེལ་གླེང་རབས་ཆོས་ཚིགས་སྤྲུལ་པའི་གཙུག་ལག་ཁང་གི་ཕྱོགས་ག་ལ་བ་དེར་བྱ་བྲལ་རྣལ་འབྱོར་བསླབ་ཉན་ཐོས་ཀྱི་ཚ་བྱད་བྱས་ཏེ་བདེགས་དགོས་པའི་ཕོ་ཉ་བ་ཤུགས་ལྡན་གྱི་བཞོན་བར་བཅས་པས་མདུན་བདར་བྱུང་ངོ། །དེའི་ཚེ་སྔོན་ནས་སྨན་བཙུན་མཆེད་ལྔ་ས་འགྱུར་མེད་ངེས་པའི་ལུང་གིས་བླང་དོར་བྱི་གནས་བསྟན་པ་དེ་ཡིད་ཡུལ་དུ་ལྷམ་མེར་ཤར། རང་བྱུང་ལྷན་སྐྱེས་མའི་ཌཱ་ཀིས་ཀྱང་བཤོལ་པའི་བརྡར་སྟབས་ཅིར་ཡང་སྟོན་ཏོ། །དེང་འདི་སྙམ་དུ། འདི་ཕྱི་ཐམས་ཅད་ནམ་ཡང་བསླུ་བ་མེད་པ་དེ་དཀོན་མཆོག་རིན་པོ་ཆེ་རྣམ་པ་གསུང་ལས་གཞན་དུ་ག་ལ་ཞིག །ཚུལ་དེས་རང་རེ་བྱ་བྲལ་རྣལ་འབྱོར་པའི་མགོ་བཏགས་ནི་དུས་རིང་མོ་ཞིག་ནས་ཁོང་རྣམ་པ་ལ་ཞུས་ཟིན། བྲལ་སྣང་ཟང་ཟིང་གི་དངོས་པོ་དང་ཁེ་གྲགས་སྙིང་ལ་འདོད་པ་ཞིག་ཡིན་ན་བསྒྲུབ་པའི་དམ་བཅའ་རླུང་ལ་བསྐུར་ནས་དེར་བགྲོད་པ་ཡིན་མོད། ཨོཾ་མ་ཎི་པདེྨ་ཧཱུ། གཞན་བཞུགས་པ་རང་དྲག །བསྟན་པ་དང་སེམས་ཅན་ལ་ཕན་རླབས་པོ་ཆེ་ཐོགས་པ་ཞིག་ཡིན་ན་དེར་བགྲོད་བ་ཞིག་ཡིན་མོད། ཨོཾ་མ་ཎི་པདེྨ་ཧཱུྃ། །གཞན་བཞུགས་པ་རང་དྲག །

― JLAZ014_Page_0203 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་སུ་སྦས། ལྐོག་ཏུ་བྲིས། །ངོ་སོ་གཞན་གྱིས་འདོན་པའི་བྱ་བྱ་དེ་སུ་ལས་ཀྱང་བྲེལ་བ་ཞིག་སྔར་ཡང་བྱས་ཟིན། ད་ཡང་དེ་ཀ་ལས་འོས་མེད་བྱས་པས་རང་གིས་རང་ལ་བདེན་ནོ་བདེན་ནོ་ཞེས་སྨྲ་ཞིང་གཉའ་ཤིང་སྐམ་ལྟར་རེངས་ནས་སུའི་ཁ་ལ་ཡང་ཉན་པ་མི་འདུག་གོ །དབྱིངས་བྲག་སྟོད་ལ་བཞུགས་པའི་ཐད་དཀར་གྱི་རྒོད་པོར་འཁོར་ལོ་གསུམ་སྟབས་མཛེས་པའི་མདའ་སྒྲོ་ཅིག་འདོད་དེ། །རྒོད་པོ་གནམ་འཕང་བཅས་པས་གནང་ཐབས་རང་ཟད་སོང་། །གླང་ཆེན་སྨྱོན་པ་ལྟ་བུ་གུབ་ཐོབ་ཀྱི་གཤེགས་ཤུལ། །སྟོང་གངས་དཀར་འགྲིམ་པའི་སེང་གེ་དཀར་མོར། །ཐད་འདོགས་སྒོ་ཁྱི་རེ་བ་མང་པོ་དང་འདུག་སྟེ། །སེང་གེ་གངས་ལ་ཟིན་བསམ་ཐོངས་ན་མི་འདུག །ཁྱུང་ཆེན་མཁའ་ལྡིང་ལྟ་བུ་གྲུབ་ཐོབ་ཀྱི་གཤེགས་ཤུལ། །ནགས་རླུང་ནག་འཚུབ་མའི་རྒྱལ་སྟག་གི་ཁྲ་ཆུང་། ཐ་ཤལ་བོང་བུའི་པགས་པའི་མཐོངས་འདུག་ལ་འདོད་དེ། སྟག་མོ་རི་སུལ་འགྲིམ་པ་ཐུབ་ས་ན་མི་འདུག །གཡུ་འབྲུག་སྔོན་མོ་ལྟ་བུ་གྲུབ་ཐོབ་ཀྱི་གཤེགས་ཤུལ། །རྟོགས་པ་གདེང་དུ་གྱུར་པའི་ལྟོས་མེད་ཀྱི་བྱ་

― JLAZ014_Page_0204 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ། །གཏོ་ཆོག་གྲོང་འཁྱམ་བྱེད་པའི་ཨ་ཡ་ཅིག་རེ་སྟེ། །ངོ་བསྲུང་ཕྱོགས་ཆ་སྤངས་པས་ཕེབས་ན་མི་འདུག་ རང་གདངས་ལྟག་ཚུགས་ཅན་གྱི་རྣལ་འབྱོར་ལ་ལྟོས་དང་། །ཧེ་ཧེ་བྱས་པས་འགའ་ཞིག་ན་རེ། ཧ་ཅང་རང་ཐུགས་གཏུམ་མ་དྲག་དམ་ཟེར། །ཀུན་མཁྱེན་གྱིས། བསྡད་པའི་ཚེ་ན་འགྲོ་བའི་བློ་སྣ་འདོན། །ཕྱིན་པར་གྱུར་ན་བསྡད་པ་ལེགས་ཟེར། །ཅི་ཟེར་འདི་ཟེར་རང་བཞིན་ཆ་མེད་པའི། །ཞེས་དང་། ཆོས་གཙོར་བཞག་ནས་བྱ་ལམ་བསྒྲུབས་ན་ཡང་། །འཇིག་རྟེན་མ་ཤེས་བྱ་བྱེད་ནོར་ཞེས་ཟེར། །ཅུང་ཟད་བསྟུན་ན་མཐུན་འཇུག་ཆེ་ཞེས་སྨྲ་། །དུས་ངན་འཁོར་ལ་བསམས་བཞིན་སྐྱོ་བ་འཕེལ། །ཞེས་གསུངས། གཞན་གྱི་རྣམ་པར་རྟོག་པའི་རྣམ་འགྱུར་འདི་ལ་མཐའ་མེད། རང་གི་དགོངས་པས་ཞིབ་མོར་དཔྱད་པ་དེ་ལ་ནོར་འཁྲུལ་མི་འདུག་གོ་བྱས་སོ། །དུས་དེའི་ཚེ་སླར་ཡང་གནས་དང་གང་ཟག་གི་རྟེན་འབྲེལ་དུ་ཆུད་པའི་ཆེ་བ་དབྱུང་ཞིང་སྐྱོ་ཤས་དང་ངེས་འབྱུང་གི་གདུང་བ་དྲག་པོས་སྲིད་པ་དེའི་འཆིང་ཞེན་བཙན་ཐབས་སུ་གཅོད་པའི་རྒྱལ་སྲིད་རིན་ཆེན་བདུན་གྱི་མགུར་ཀླུ་འདི་བསྒྲགས་སོ། །ལྟ་བ་བློ་འདས་ཀྱི་ཕོ་བྲང་ན། །སྒོམ་པ་ཡེངས་མེད་ཀྱི་རྒྱལ་པོ་བཞུགས། །སྤྱོད་པ་མཐའ་གྲོལ་གྱི་མངའ་ཐང་ཆེ། །དཔོན་

― JLAZ014_Page_0205 ―

^{[མ་དཔེ་གཟིགས་ན་འདིར་གནོན།]}

[Full Size]

མཇལ་གོ་ཆོད་པ་ཞིག་དེ་ན་གདའ། །འཇིག་རྟེན་པའི་མི་དཔོན་གང་དགྱེས་མཛོད། །མ་བཅོས་ལྷུན་གྲུབ་ཀྱི་འདུན་ཁང་ན། །སྣང་རིག་ཟུང་འཇུག་གི་བཙུན་མོ་བཞུགས་། །བདེ་གསལ་སྟོང་ཉིད་ཀྱི་བཞིན་རས་མཛེས། །སྨན་གྲོགས་གོ་ཆོད་པ་ཞིག་དེ་ན་གདའ། །གཡོན་ཅན་གྱི་སྒེག་མོ་གང་དགྱེས་མཛོད། །ཞེན་མེད་རང་གྲོལ་གྱི་མངའ་རིས་ན། །ལུང་རྟོགས་ཡོན་ཏན་གྱི་བློན་པོ་བཞུགས། །ཐོས་བསམ་སྒོམ་སྒྲུབ་ཀྱི་བློ་གྲོས་ཆེ། །མི་འདུན་སྟབས་མཁས་པ་ཞིག་དེ་ན་གདའ། །དཔྱད་འཁྱོག་པོར་བཏང་རྣམས་གང་དགྱེས་མཛོད། །རྒྱུད་ལུང་མན་ངག་གི་མཛོད་ཕུགས་ན། ཡང་དག་ཡིད་བཞིན་གྱི་ནོར་བུ་བཞུགས། །དགོས་འདོད་ཀུན་འབྱུང་གི་ནུས་པ་ཆེ། །གསེར་གྱི་ཡང་ཞུན་ཞིག་དེ་ན་གདའ། །ཟབ་དགུའི་མཆིང་བུ་རྣམས་གང་དགྱེ་མཛོད། །དབྱིངས་རིག་ཟང་ཐལ་གྱི་གྲོང་ཆེན་ན། །ཐེག་བརྒྱད་ཟིལ་གནོན་གྱི་གསེར་འཁོར་བཞུགས། འཁོར་འདས་དབང་བསྒྱུར་གྱི་འོད་ཟེར་ཆེ། །རྒྱལ་ཐབས་སྤྱི་བླུགས་ཤིག་དེ་ན་གདའ། །འཁོར་ལོས་བསྒྱུར་རྒྱལ་རྣམས་གང་དགྱེས་མཛོད། །བདེན་གཉིས་ཟུང་འཇུག་གི་ནགས་ཁྲོད་ན། སྐུ་གསུམ་རང་ཆས་ཀྱི་གླང་པོ་བཞུགས། །ཤིན་ཏུ་རྣལ་འབྱོར་གྱི་ཐེག་པ་ཆེ། །

― JLAZ014_Page_0206 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲན་གྱི་དོ་མེད་ཅིག་དེ་ན་གདའ། །ས་བསྲུང་དབང་པོ་རྣམས་གནག་དགྱེས་མཛོད། །ཐོས་བསམ་ཕྱོགས་མེད་ཀྱི་ནེའུ་ཐང་ན། །སྒོམ་པ་རྣག་གསལ་ཕྱི་ཅང་ཤེས་བཞུགས། །ས་ལམ་ཆིག་ཆོད་ཀྱི་བང་འགྲོས་མགྱོགས། །རྫུ་འཕྲུལ་ཤུགས་ལྡན་ཞིག་དེ་ན་གདལ། ཨ་ཤྭ་མཇུག་རིང་རྣམས་གང་དགྱེས་མཛོད། །དཀྱིལ་འཁོར་གསུམ་ལྡན་གྱི་གཡུལ་ངོ་བ། །བསྲུང་བསློག་གསད་གནན་གྱི་དམག་དཔོན་བཞུགས། །འོད་ཟེར་སྤྲོ་བསྡུའི་དམག་མི་རགས། །རྒྱལ་འགོང་ཚར་གཅོད་ཅིག་དེ་ན་གདའ། །ཀ་ཊ་ཀ་ཚོགས་རྣམས་གང་དགྱེས་མཛོད། །དེ་མི་དབང་ང་ཡི་ཁྱད་ནོར་ཡིན། །རྒྱལ་ཕྲན་ཀུན་ལ་ཡོད་མ་ལགས། །ནམ་འཆི་ཆ་མེད་ཀྱི་རི་སུལ་ན། །ཚེ་སྲོག་ཧུ་བ་འདེབས་ཀྱི་འཆི་བདག་བཞུགས། །ཅིས་ཀྱང་མི་ལྡོག་བའི་ནུས་མཐུ་ཆེ། །དགྲ་འཇིགས་གོ་ཆོད་པ་ཞིག་དེན་གདའ། །གློ་བུར་གྱི་དགྲ་བོ་གང་དགྱེས་མཛོད། །ལས་འབྲས་བསླུ་མེད་ཀྱི་ཚོང་འདུས་ན། །བདེ་སྡུག་རྣམ་འབྱེད་ཀྱི་ཚོང་དཔོན་བཞུགས། །བཟང་ངན་འདོར་ལེན་གྱི་ནོར་ཉམས་ཆེ། །དཔྱད་ཤིན་ཏུ་བཟོད་པ་ཞིག་དེ་ན་གདའ། །གཡོ་འཁྲུལ་གྱི་རྒྱ་བ་གང་མཉེས་མཛོད། །འཁོར་བ་སྡུག་བསྔལ་གྱི་འགྲམ་ན། །ཞེན་པ་རང་ལོག་གི་མ་ཉན་དཔོན་བཞུགས། །ཐེག་པ་སྣ་ཚོགས་ཀྱི་སྒྲོལ་

― JLAZ014_Page_0207 ―

^{[མ་དཔེ་གཟིགས་ན་འདིར་གནོན།]}

[Full Size]

འདོན་མཁས། །མི་དལ་འབྱོར་དོན་ལྡན་ཞིག་དེ་ན་གདའ། །འདོད་གདུངས་ཀྱི་དེད་དཔོན་གང་དགྱེས་མཛོད། ཤེས་པ་རང་གསལ་གྱི་སྤངས་ལྗོངས་ན། །རྣམ་རྟོག་འཚོ་སྐྱོང་གི་རྫི་བོ་བཞུགས། །ཤར་གྲོལ་རྗེས་མེད་ཀྱི་རི་ལུག་མང་། །མི་སེམས་བསྐྱེད་ཅན་ཞིག་དེ་ན་གདའ། །གླ་འདོད་ཀྱི་རྫི་བོ་གང་དགྱེས་མཛོད། །ནང་དོ་རྗེ་ལུས་ཀྱི་གཙང་ཁང་ནང་། །ཕུང་ཁམས་གནས་དག་གི་ལྷ་ཚོགས་བཞུགས། །བ་བཅོལ་ལྷུན་གྲུབ་ཀྱི་ཞལ་ཕྱག་མཛེས། །ལྷ་བྱིན་རླབས་ཅན་ཞིག་དེ་གདའ། །ཕྱི་འདུས་བྱས་ཀྱི་ལྷ་ཁང་གང་དགྱེས་མཛོད། །དེ་འཁོར་བ་དཔེ་ལ་གྲས་པ་ཡིན། །མྱང་འདས་དོན་ལ་སྦྱར་བ་ཡིན། །ཟུང་འཇུག་གནད་འགག་ཤེས་པ་ཡིན། །སྙིང་གཏམ་གྲོས་སུ་བཏབ་པ་ཡིན། །ཡིན་ལུགས་བཞི་ཡི་མགུར་དབྱངས་འདི། །གསུང་གི་དབེན་གནས་མཆིམས་ཕུ་ཡི། །དབང་ཆེན་ནགས་ཀྱི་དུར་ཁྲོད་ཆེ། །མཁའ་འགྲོའི་ཚོགས་ཁང་མེ་ཏོག་ཕུག །སྡིག་ཅན་སྐྱེ་བོའི་རྒྱུ་འགྲུལ་མེད། །བྱ་ཚོགས་སྙན་པའི་གསུང་གླུ་ཀྱུར། །ན་བུན་དཀར་པོའི་མགུལ་དར་མཛེས། །གཡའ་ཆུ་བསིལ་བ་ལྟུང་ལྷུང་འབབ། །བུང་བ་མང་པོ་འཕུར་ལྡིང་གཡོ། །ཉམས་ཉམས་རྩོལ་མེད་འཆར་བའི་གནས། རང་བྱུང་བྲག་གི་ཁང་མཛེས་

― JLAZ014_Page_0208 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་། །རྡོ་རྗེའི་སྙིང་པོའི་རྣལ་འབྱོར་པ། །དབང་ཆེན་མཁྱེན་བརྩེའོ་འོད་ཟེར་གྱིས། །བློ་ལ་ཤར་ནས་བྲིས་པས་ལགས། །དེར་ནམ་དུས་སྟོན་སེར་དང་ཐུག །ནུབ་མོ་ཨོ་དཀར་དུ་གྲགས་པའི་ངན་སེམས་ཅན་འདིས་ས་ལའི་འཁྲི་ཤིང་གི་རྩེར་འཛེགས་ནས་བྱ་ལྦང་གི་ཕྲུག་གུ་ཆུང་ཆུང་དེ་གྲངས་མེད་གསོད་ཀྱིན་འདུག་པའི་འཇིགས་སྐྲག་གིས་སྐད་ཤིན་ཏུ་མི་བཟད་པ་ཐོས་པ་དང་། །སྙིང་རྗེ་དྲག་ནས་སྡུག་བསྔལ་བཟོད་བླག་མེད་པ་བྱུང་། །ཨུ་རྒྱན་རིན་པོ་ཆེ་མཁྱེན། །འཁོར་བ་སྡུག་བསྔལ་གྱི་རྒྱ་མཚོ་ལ་བདེ་བ་ཁབ་རྩེ་ཙམ་མེད་པ་འདི་ཀས་མཚོན། སྨན་དང་མྱུ་གུས་འཚོ་བའི་འདབ་ཆགས་འདི་ལྟ་བུ་ལའང་ཚེ་སྲོག་གློ་བུར་དུ་གཅོད་པའི་འཇིགས་སྐྲག་དང་སྡུག་བསྔལ་དོས་དྲག །འདི་དག་གིས་ཀྱང་རང་གི་ཕ་དང་མ་བྱས་ཤིང་བརྩེ་བས་བསྐྱངས་པའི་གྲངས་མི་ཆོད། །ད་ལྟ་རང་གི་འདུ་ཤེས་འཁྲུལ་དུ་བཅུག །བྱ་ལྦང་དེ་དངོས་ཡིན་པའི་འདུན་པ་བཏང་ན། དེ་མ་ཐག་གཟུགས་ཕུང་སྦྲའི་ཚོན་ཐག་ཤོར་བའམ། ལྟགས་རློན་མེ་ལ་བསྲེགས་པ་ལྟར་འདུས་ཤིང་སྐྱི་བུང་བུང་མི་བྱེད་པའི་དབང་མི་འདུག་འཁོར་བ་ཟུ་ཆུའི་འཁྱུད་མོ་ལྟ་བུ་ཡིན་པས་སྐྱེ་བ་འདི་ཀའི་ཕྱི་མ་དུད་འགྲོ་འིད་ལྟ་བུ་ཞིག་གི་ལུས་མི་ལེན་པའི་ངེས་པ་ཅི་ཡོད། དུད་འགྲོ་གཅིག་ལ་གཅིག་ཟས་ཉམས། །ཞེས་པས་གྱིང་

― JLAZ014_Page_0209 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་དང་ཁ་འཐོར་གྱི་དུད་འགྲོ་ཕལ་ཆེར་ལ་སྡུག་བསྔལ་འིད་ཀ་ཡོད། དེ་ཡང་སེམས་ཅན་དམྱལ་བའི་ཚོད་དུ་བྱས་ན་ཆུང་དུ་ཙམ་ཡིན། ད་འདི་ལ་གཞན་ཐབས་ནི་མི་འདུག་བཏང་སྙོམས་སུ་བཞོག་ན་སེམས་བསྐྱེད་ཀྱི་ཁས་བླངས་འཆོར། མི་འཇིགས་པའི་སྐྱབས་སྦྱིན་པ་བྱང་སྡོམ་གྱི་བསླབ་བྱ་ཡང་ཡིན་སྙམ་ནས་མུན་པའི་སྨག་དང་གྲང་ཟུག་གི་རེག་བྱ་ལྡང་འདུག་མང་པོའི་ངལ་བ་ཁྱད་དུ་བསད་ནས་འུར་རྡོས་དཀྲོགས་པས་ཞག་ཤས་རེ་ཁྱད་ཡོང་གི་འདུག །སྤྱོད་འཇུག་ལས། སེམས་ཅན་རྣམས་ཀྱི་ཀླད་ནད་ཙམ། །བསལ་ལོ་སྙམ་དུ་བསམས་ན་ཡང་། །ཕན་འདོགས་བསལ་བ་དང་ལྡན་ཏེ། །བསོད་ནམས་དཔག་མེད་ལྡན་གྱུར་ན། །སེམས་ཅན་རེ་རེའི་མི་བདེ་བ། །དཔག་ཏུ་མེད་པ་བསམ་འདོད་ཅིང་། །རེ་རེའང་ཡོན་ཏན་དཔག་ཏུ་མེད། །བསྒྲུབ་པར་ནུས་པ་སྨོས་ཅི་དགོས། །ཞེས་གསུངས། ད་ལེགས་པར་བསམས་ཙ་ན་ངན་སོང་ལྟ་ཅི། མཐོ་རིས་ནའང་བདེ་བ་ཁབ་རྩེ་ཙམ་མི་འདུག །མ་བརྟགས་པའི་སྣང་ངོར་འཁོར་དང་འབྱོར་བས་དྲེགས་པའི་སྡེ་དཔོན་འདི་ཚོ་སྐྱིད་པ་ལྟར་སྣང་ཡང་། དགྲ་མི་སྡུག་པ་དང་ཕྲད་དགོས། རང་བས་ཆེ་བའི་དགོངས་པ་མ་ལོངས་དགོས། མཉམ་པོས་དོ་བ་བསྡོས་དོགས། དམན་པས་སྐུར་པ་བཏབ་ཀྱི་

― JLAZ014_Page_0210 ―

^{[མ་དཔེ་གཟིགས་ན་འདིར་གནོན།]}

[Full Size]

དོགས་པ་ལ་སོགས་སྡུག་བསྔལ་ཁོ་ན་ལས་མི་འདུག །འཇིག་རྟེན་བར་མའི་འགྲོ་བ་འདི་དག་ཤོ་ཞེ་སྡང་། མགུ་འཁང་བཅོ་བརྒྱད། སྡུག་ཡུས་ཁོང་བསྲན། འདོད་བསྐྱངས་མིན། སྙིང་མི་སྡུག་པ་དད་གདག་གཤིབས་ཐོད་པ་དུད་འགྲོག་སོགས་སེམས་སྐྱིད་པ་ཞོགས་ལས་ཙམ་མེད་པའི་ཚོད་དུ་དགའ། །དབུལ་པོ་ལྟོ་གོས་ཀྱི་འཕོངས་པ་འིད་དག་ནི་ཉིན་བཟའ་རྒྱུ་མེད། མཚན་གོན་རྒྱུ་མེད་པ་ཁྲལ་ནག་གི་ཁར་སྡུག་སྒུར་བཙུགས་པས་མི་ཆོད། །དཔོན་པོ་དཔྱ་ཁྲལ་སོགས་ལ་ནེམ་ནུར་བྱུང་ན་དམྱལ་བ་མངོན་སུམ་ལྟ་བུའི་མནར་སྤྱོད་དང་ཁྲིམས་ལུགས་ལུས་ཐོག་ཏུ་མྱོང་བས་ སྐྱིད་པོ་ཟེར་བ་གང་ནའང་མི་འདུག །ཅི་ཚུགས་བྱེད་སྙམ་ནས་སེམས་སྡུག་ལངས་པ་ལ་ཚད་མེད་བ་ཞིག་གི་བར་དུ་མ་ཎི་འདྲེན་གྱིན་བསྡད་ཙ་ན། དེ་ཁའི་དང་ལ་འདུ་ཤེས་འདི་འཁྲུལ། ཀུན་གྱི་གཞི་མདོ་ཆེན་མོ་བྱ་བའི་ཐང་ཡངས་པོ་ཞིག་ཏུ་སླེབས། དེ་བ་མ་བཅོས་རང་བྱུང་བྱ་བའི་མཆོད་རྟེན་ཆེན་པོ་ཞིག་བྱུང་འདུག །མཆོད་རྟེན་དེ་ལ་བསྐོར་བ་བྱེད་མི་མང་བ་འདུག་པའི་ཁྲོད་ནས་རྟོགས་ལྡན་ཞིག་དང་གྲྭ་བ་ཞིག་ཆོས་གཏམ་ཆུ་ཁོལ་ཁོལ་བཏང་བ་མཐོང་། དེར་གྲ་བ་ན་རེ། ཁྱོད་རྟོགས་ལྡན་གྱི་རིགས་ལས་ཟོག་ཆེ་བ། མི་ཐམས་ཅད་མགོ་བོ་བསྐོར་དོན་དམ་པའི་གནས་ལུགས་ནི་མ་གོ །

― JLAZ014_Page_0211 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་མཐའ་རྒྱ་མཚོའི་མཐའ་དཔྱོད་ནི་མི་ཤེས། ཆང་དང་བུད་མེད་ལ་བསྙེན་པ་བཏང་ནས་སྡོད། བྱེད་ལུགས་འིད་ཚོ་མགོན་པོ་རྡོ་རྗེ་འཆང་གིས་གསན་ན་ཅི་གསུང་ཧ་གོ་ཟེར་ཧ་ལས་ལས་བྱེད་ཀྱིན་འདུག་རྟོགས་ལྡན་ན་རེ་བཞུགས་བཞུགས། འབྲུག་སྨྱོན་གྱི་མགུར་འབུམ་ན་ད་ལྟ་འདུལ་བ་དང་སུ་མཐུན་ཟེར། བཅོམ་ལྡན་འདས་དང་རྒྱན་དྲུག་མཆོག་གཉིས་མཐུན་ལས་ཆེ། གཞན་འདུལ་བ་ཡི་གེར་བྲིས་པའི་སྣག་ཚ་དང་ཤོག་བུ་མཐུན་ཡོང་ཟེར་བ་དེ་ཁྱོད་ཀྱིས་མགོ་འདུག །མི་མགོ་བསྐོར་བ་ལ་ཆོས་བརྫུ་བྱས་ནས་བསྐོར་བ་དང་། རྒྱ་བ་བྱས་ནས་བསྐོར་བ་ལ་ཁྱད་ཡོད་པ་ཨར་ཡིན། ཆང་དང་བུད་མེད་ནི་རྟོགས་ལྡན་ཁས་ངན་པ་བྱུང་ན་མ་གཏོགས་ཧུ་ཧུ་ཧུ། ཟེར་གྱི་འདུག་པས་གྲ་པ་ཞེ་སྡང་ལངས། རྟོགས་ལྡན་ལ་གང་བཟང་བརྡེག་གྲབས་བྱས། ཁོང་གཉིས་ལས་འཐབ་སྤྲོད་དུ་ཉེ་བར་ངས་སེམས་ཀྱི་མ་བཟོད། ཁོང་གཉིས་ཀྱི་བར་དུ་འཚངས། དེ་འདྲ་མི་མཛད་པ་ཞུ་ཟེར་གྱི་ཡོད་ཙ་ན། བསྐོར་མི་བ་གཞན་ཞིག་ན་རེ། ཁོང་གཉིས་པ་ཆེང་བཙན་གྱི་ཁེངས་པས་གཏན་དུ་དག་སྣང་སྦྱར་རེས་མེད་པར་འདི་ཀ་བྱེད་ཅིང་འདུག །ད་ཁྱེད་རང་ཆ་ལུགས་གྲ་མིན་གྲུབ་མིན་སྣང་བ་གདོང་འདེད་ལྟ་བུ་ལ། གཏིང་བསམ་བ་བཟང་པོ་འདུག་པས་རྒྱལ་བའི་བཀའ་དཔང་

― JLAZ014_Page_0212 ―

^{[མ་དཔེ་གཟིགས་ན་འདིར་གནོན།]}

[Full Size]

པོར་བཞག་པའི་གཟུ་ཅིག་ཐོང་དང་ཟེར་དེར་ངས་རིག་པ་གཟེངས་བསྟོད་འོ་ན་གསན་པ་ཞུ། སེམས་ཉིད་ངལ་གསོའི་ལུང་བསྟན་ལས། བོད་ཁམས་མི་རྣམས་དམ་སྡོམ་བྲལ། །དེ་དུས་གངས་དཀར་ཏི་སེ་ནས། །ཡར་ལྷ་ཤམ་པོའི་བར་དག་ཏུ། །བཙུན་པའི་གཟུགས་ཅན་བྱེ་བ་གཅིག །བཙུན་པར་མོས་ཙམ་འབུམ་ཕྲག་གཅིག་ཚུལ་བཞིན་སྡོམ་པ་སྲུང་བ་ནི། །ལྔ་བརྒྱ་ལྷག་ལས་མི་འབྱུང་ངོ། །བཙུན་གཟུགས་མངན་སྡོམ་ཉམས་མང་། །དེ་དུས་སྡེ་ཡིས་ཅི་ཞིག་བྱ། །ཞེས་གསུངས་པའི་ལུང་བསྟན་མངོན་དུ་གྱུར་ནས་ཆོས་གཟུགས་ཕལ་ཆེར་ཁྱིམ་པ་ལས་བསམ་སྦྱོར་ལོད་ཅིང་། ཡོན་གནས་སུ་ཁས་འཆེས་ནས་ཞི་མ་དགུའི་ཟས་དང་། བདོག་དགུའི་དངོས་པོ་ལ་ལོངས་སྤྱད་པས་ཀྱང་མོ་ཆོག་པར། བསོད་སྙོམས་ཙམ་བྱེད་ཀྱང་བྱེའུ་དང་ཁྲ་ཐུག་པ་ལྟ་བུའི་སྒྱུ་གཤེད་ཀྱིས་བླངས་ནས་ཁྱིམ་པ་སུན་འབྱིན་ཁོ་ན་ལྷུར་བྱེད་པ་འདི་ལའང་བཅོམ་ལྡན་འདས་ཐུགས་བློ་བདེ་པོ་ཡོད་སྐད་མི་འདུག །གསུང་རབ་སྡེ་སྣོད་ལས། ངས་ཤའི་ཟས་སུ་ལའང་མ་གནང་མི་གནང་གནང་བར་མི་འགྱུར་རོ། །རབ་ཏུ་བྱུང་བ་རྣམས་ལ་ཤའི་ཟས་ནི་མི་རུང་བར་བཤད་དོ། །ཞེས་དང་དེང་ཕྱིན་ཆད་དུ་ངའི་ཉན་ཐོས་རྣམས་ཤ་བར་མི་

― JLAZ014_Page_0213 ―

^{[མ་དཔེ་གཟིགས་ན་འདིར་གནོན།]}

[Full Size]

རུང་ངོ། །ཞེས་བཤད་པ་མ་གཏོགས་བཤས་རིའི་ནང་དུ་ཚག་ལུག་གི་མགོ་ལ་རྟགས་གསལ་བཀོད་ཤོག་གསུངས་པ་མ་མཐོང་། དེ་བཞིན་དུ་ཆད་ལ། གང་ཞིག་ཆང་གི་བཏུང་བ་རྩེའི་རྩེ་མོ་ཡན་ཆད་འཐུང་བར་བྱེད་པ་དེ་ནི་ངའི་ཉན་ཐོས་མ་ཡིན་ལ། ང་ནི་དེའི་སྟོན་པ་མ་ཡིན་ནོ། །ཞེས་ཆང་ལ་བོར་ཀྱང་ཤ་ཆང་གཉིས་ནི་དགེ་སློང་དུ་རློམ་པོ་རྣམས་ཀྱིས་ཀྱང་ལྟོའི་དངས་མར་བྱེད་པས་དེ་ཀ་གཅིག་པོས་སྡོམ་པ་ཡུལ་མེད་དུ་སངས་ནས་མི་འདུག་པས་ཁྱེད་བཙུན་པ་རྣམས་ནས་ཀྱང་གནས་དབྱུང་གི་འཇིགས་པས་ཆུང་མ་དངོས་སུ་མ་བསྟེན་པ་ཙམ་ལ་སྡོམ་པ་གཙང་བའི་རློམ་སེམས་ཀྱི་ཀུན་ལ་ཁྱད་དུ་བསད་པ་འདི་མ་མཛད་པར་དགའ་བོའི་མདོ་སོགས་ལའང་ཐུགས་བསམ་ལེགས་པོ་བཞེས་པ་ཞུ། །བློ་གྲོས་རབ་གསལ་གྱིས་ཞུས་པའི་མདོ་ལས་ཀྱང་བསླབ་པ་དང་ཚུལ་ཁྲིམས་ཇི་ལྟར་བསྲུང་བར་བགྱི། འཇམ་དཔལ་གྱི་སྨྲས་པ། དགེ་སློང་རྣལ་འབྱོར་པས་ཚུལ་ཁྲིམས་དང་། ཚུལ་ཁྲིམས་འཆལ་བ་དང་། ཚུལ་ཁྲིམས་བསྲུངས་པ་ལ་སོགས་པའི་འདུ་ཤེས་སྣ་ཚོགས་པ་དང་ལྡན་བ་ནི་ལྷའི་བདེ་བ་ཉམས་སུ་མྱོང་ནས་སླར་ངན་སོང་དུ་འཁོར་བར་འགྱུར་རོ། །གང་ལ་སྡོམ་པ་དང་སྡོམ་བ་མ་ཡིན་བའི་རློམ་སེམས་མེད་ཅིང་། རྟོག་པ་མེད་པ་

― JLAZ014_Page_0214 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནི་མྱ་ངན་ལས་འདས་པའི་ཚུལ་ཁྲིམས་རྣམ་པར་དག་པ་ཡིན་ནོ། །ཞེས་བཤད། ཡང་རྟོགས་ལྡན་རྣམས་ཀྱི་ཆོས་ལུགས་ཙམ་དང་། སྒོམ་ཞྭ་པུས་འཁྱུད་ཀྱི་སྲུང་བ་ཙམ་ལ་བརྟེན་ནས་ཉོན་མོངས་པ་ལྔ་ལ་འབྱོལ་ཉོག་ཏུ་སྤྱོད་ཅིང་ད་དུང་བདག་ཅག་ནི་གསང་སྔགས་པའོ་ཞེས་ཆང་ལ་སོགས་པར་བག་འཛེ་མ་མེད་པར་སྤྱད་ནས་སྨྱོན་པར་གྱུར་བའི་ཚེ་བག་མེད་ངོ་ཚ་དང་བྲལ་བའི་སྤྱོད་པ་བརྟུལ་ཞུགས་ཆེ་བའི་མིང་སྙན་པོ་འདོགས་པ་འདི་ཡང་ཐེག་པ་ཆེན་པོའི་བསྟན་པ་ལ་རྨ་འབྱིན་ཆེན་པོ་ཞིག་ཏུ་འདུག །བསྐྱེད་རྫོགས་ཀྱི་ནུས་པ་མངོན་དུ་གྱུར་ནས་དུག་བདུད་རྩིར་བསྒྱུར་ཞུས་ཤིང་། ཆང་གིས་བཟི་བའི་ནུས་པ་ཟིལ་གྱིས་གནོན་ཐུབ་བ་རྒྱལ་དབང་མཚོ་སྐྱེས་རྡོ་རྗེ་དང་། གྲུབ་ཆེན་བིརླ་པ་སོགས་ཀྱི་རྣམ་པར་ཐར་པ་དང་སྤྱོད་ཡུལ་ཡིན་པ་མ་གཏོགས་གསང་སྔགས་མོ་པས་སྤྱོད་པའི་གང་ཟག་ལ་མ་ཞུགས་པ་རྣམས་ཀྱི་བཏུང་བར་མ་གསུངས་ཏ། རྒྱུད་ལས། སུ་ཞིག་ཆང་གི་མྱོས་གྱུར་བ། །དེ་ལ་གེགས་ནི་མང་པོ་འབྱུང་། །སྔགས་པ་ཆང་གི་མྱོས་གྱུར་གང་། །དུ་འབོད་གནས་སུ་འཚོད་པར་འགྱུར། །ཅེས་གསུངས། དེང་སང་གི་བླ་མ་གྲུབ་ཐོབ་ཏུ་རློམ་པ་རྣམས་ཆང་གིས་བཟི་ཐུབ་པ་འདུག་གང་མི་འདུག་མི་འདུག་ན་གོ་བཅད།

― JLAZ014_Page_0215 ―

^{[མ་དཔེ་གཟིགས་ན་འདིར་གནོན།]}

[Full Size]

འདུག་ན་རྒྱུད་དུ་རྟོགས་པ་ལ་མཉམ་རྗེས་མེད་པའི་གདེང་ཡོད་ཀྱང་ཆང་གིས་བཟི་བ་དང་སྨྱོན་པ་ལ་ཁྱད་པར་མེད་སྨྱོ་བ་དང་དུས་མཚུངས་པར་ཐུགས་དམ་དང་སྒོམ་གྱི་དྲན་པའི་ཚུགས་ཁ་མ་ཤོར་བ་ལྟ་ཅི། འདུ་ཤེས་མ་འཁྲུལ་བ་ཙམ་ཡང་མེད་མོད། དེ་བཞིན་དུ་མཚོན་བྱེད་དཔེའི་དབང་ནོད་ཅིང་རྡོ་རྗེ་ཐེག་པའི་སྒོ་རུ་ཞུགས་པ་ཙམ་ནས་བགྲོད་བྱ་བུད་མེད་ལ་ཚ་མཚོམ་མེད་པར་འཇུག་པ་འདི་ཡང་ཁྱབ་གདལ་དུ་དར་བ་ཞིག་སྣང་སྟེ། མ་འོངས་འགོང་པོས་བསླད་པའི་ཆང་ལྟ་ལ། །སྟོང་ཉིད་ཟུང་འཇུག་ཅེས་སུ་འཆད་པ་དང་། །གསང་བ་སྔགས་ཀྱི་བསྟན་པ་ཉམས་པའི་དུས། ཉོན་མོངས་སྤྱོད་ཁ་བདེ་བ་ཆེན་པོ་ཞེས། །ཞེས་པའི་ལུང་བསྟན་མངོན་དུ་གྱུར་པ་མ་ལགས་སམ། །ཁ་ཅིག་རླུང་གི་ནུས་པས་དངས་མ་བཙན་ཐབས་སུ་འཆིང་ནུས་པ་དང་། དེས་མཚུངས་ཐུར་ལམ་གྱི་ཕྱག་རྒྱ་ལམ་ལ་མ་ཞུགས་བའི་སྐྱེ་བོའི་ཁྲོད་དུ་མཚར་སྟོན་མཆོར་དགོག་དུ་བྱས་ནས་རྩ་རླུང་ཤེས་བའི་རློམ་སེམས་སུ་བྱེད་པ་ཐོས་ཏེ། དེ་དག་ནི་གསང་སྔགས་ཟབ་མོའི་དམ་ཚིག་དང་སྡོམ་པ་ཆུ་ལ་རྡོ་འཕངས་པ་བཞིན་དུ་འདོར་བའི་བསྟན་པའི་ཆོམ་རྐུན་པ་ཉིད་དུ་ངེས་ལ། དབང་གསུམ་པའི་སྲོག་རྩོལ་ཉམས་ལེན་རང་ལུས་ཐབས་ལྡན་གྱི་ལམ་མཐར་ཕྱིན་ནས། །གཞན་ལུས་བདེ་ཆེན་པོར་དབང་བཞི་ལུགས་

― JLAZ014_Page_0216 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡོག་གི་རྩལ་རྫོགས་ནས་འཕོ་མེད་ཀྱི་གདེང་ཐོབ་པ་ཙམ་གྱིས་ཀྱང་མི་ཆོག་པར། འདོད་པའི་ངོ་བོ་ཀ་དག་ཆགས་གྲོལ་ཆེན་པོར་རྟོགས་པས་ཉོན་མོངས་ཀྱི་འཛིན་ཆས་སོར་རྟོག་པའི་ཡེ་ཤེས་སུ་འཆར་བ་ཞིག་མེད་ན། འཕོ་མེད་ཀྱི་གནད་ཤེས་པ་ཙམ་ནི་གནས་སྐབས་སུ་རླིག་པ་བཅད་པའི་དུད་འགྲོ་དང་འདྲ་ཞེས་རྩ་རླུང་རྡོ་རྗེའི་དྲ་མིག་ནས་བཤད་ཅིང་། མཐར་ཐུག་དེ་ལ་གྲོལ་བ་ཐོབ་པའི་རྟེན་འབྲེལ་མེད་ཀྱི་སྟེང་དུ་ལྡོག་འགྲམ་གྱི་མན་ངག་གནན་དུ་མ་སོང་བས། སྲོག་རླུང་དང་། གྲང་བ་ལ་སོགས་པའི་ནད་རྐྱེན་སྣ་ཚོགས་པ་མཁའ་འགྲོའི་བཀའ་ཆད་དང་བསྡོངས་ནས་འཇུག་པ་ད་ཁྱེད་ཚོས་མ་རིག་པ་འདུག་བྱས་པས། ཁོང་གཉིས་ཀའི་མཚང་ལ་ཕོག་དྲགས། འཐབ་མོ་བྱེད་འཕྲོ་རང་སར་བཞག །མགོ་ཐུམས་བསྒྱུར་ནས་ཞུམ་ཞུམ་ལངས་སོང་བས་གཞན་ཞིག་ན་རེ། བྱུང་བྱུང་དེ་ཀ་ཡིན་རྗེས་སུ་ཡི་རང་། གདམས་ངག་རྣམ་ཐར་གྱི་སྒོ་ནས་སྟོན་པ་དེ་ཚོ་ལ་ཟེར་གཞན་བྱས་བྱས་བྱུང་བྱུང་རང་བྲིས་པས་ཅིག་ཡོང་། ཁྱེད་ལ་རང་ཡུལ་ན་སྒོམ་ཆེན་པ་ཨ་ཐོ་བ་ཙམ་གྱི་མཐོང་ཡང་མི་འདུག །ངོ་ཤེས་འདྲིས་མེད་ཀྱི་ལུང་པ་ཚོར་ནི་སྙན་པ་འུར་ལངས་པ་ཞིག་འདུག་བདེ་འདྲ་ཅི་ཞིག་གམ་སྙམ་པ་ཁོ་ན་བྱུང་བས། ད་བྱས་ཙ་ན་བཞུགས་ས་ལ་འཁོས་མི་འདུག་ཀྱང་ནད་ན་ཉམས་མྱོང་ཡོད་ངེས་ཤེས་པ་དེ་མི་གོ་བ་ཅན་ཚོས་རིག་པར་འདུག །ད་

― JLAZ014_Page_0217 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེད་རང་གི་གྲུབ་མཐའ་དང་། ལྟ་བའི་ཞེ་ཕུགས་གང་ལ་གཏོད་ཚིག་ཉུང་ལ་མཐའ་ཆོད་པ་ཞིག་གསུང་བ་ཞུ་དང་ཟེར་བྱུང་བས། སེམས་ཅན་བློ་མང་བ་བཞིན་དུ་གྲུབ་མཐའ་རྣམ་གྲངས་མང་བས་འདུལ་བ་འདི་སྟོན་པ་རྡོ་རྗེ་འཆང་གི་ཁྱད་ཆོས་སུ་འདུག་པས་ཐམས་ཅད་ལ་དག་སྣང་སྦྱང་བ་ལས། མདོ་རྒྱུད་དང་མན་ངག་ཟབ་མོའི་ཚིག་དེ་ཁ་ལ་ཉུང་མ་མུར་མུར་བྱེད་དོན་ཟབ་མོ་དེ་དགྲ་ལྟར་སྤངས་ནས། ངའི་ཆོས་ལུགས་ལས་ཟབ་པ་དང་ཁ་མཆེ་བ་མི་ཡོང་། ང་རང་ལས་འགྱངས་ཆེ་བ་དང་། ཚུལ་ཁྲིམས་གཙང་བ། གྲུབ་པ་ཐོབ་པ་མི་ཡོད་ཞེས་སྡེ་དང་རུས་སུ་བཅད་པའི་གྲུབ་མཐའ་ཞིག་ང་ལ་སྟོན་རྒྱུ་མེད། རང་ངོ་སོ་སོར་གཞུང་ལུགས་དང་མན་ངག་འདི་རང་ལེགས་བསམ་པ་ཀུན་ལ་ཡོད། ངེད་ཅག་རྡོ་རྗེ་སྙིང་པོ་པ་ལའང་ཀུན་མཁྱེན་པོའི་གཞུང་གིས་རྒྱན་དྲུག་མཆོག་གཉིས་རྗེས་ཕེར་ངེས་པ་དེ་ཀ་ལགས། དེ་ལས་རྣམ་པར་དག་རྒྱུ་ཅི་ཡོད་རྗེས་འཇུག་གི་གྲུལ་མི་བཏུབ་པ་ནི་སུའི་ཁྲོད་ནའང་ཡོད་པ་དེ་ཡིན་མོད། དུས་ཚོད་དང་འབྲེལ་བའི་སྤྱོད་པ་ལ་རྒྱུ་འབྲས་འགལ་འདུ་མེད་པ་ནི། རྒྱུའི་ཐེག་པ་ནས་ཉོན་མོངས་པ་དང་འདོད་པའི་ཡོན་ཏན་གཉེན་པོ་བརྟེན་ནས་སྤང་བྱར་གསུངས་པ་ཐམས་ཅད། འབྲས་བུའི་ཐེག་པ་ནས་བླང་བྱར་གསུངས་པ་ཡང་རྡོ་རྗེ་ཐེག་པའི་ལམ་ཐབས་དང་

― JLAZ014_Page_0218 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་རབ་བསམ་གྱི་མི་ཁྱབ་པས་འཕགས་ཤིང་། དབང་པོ་རྣོན་པོའི་གདུལ་བྱ་ལ་རྗེས་སུ་བསྟན་པས་སྤང་རྒྱུའི་ངོ་བོ་ལམ་དུ་ལོངས་པས་མཐར་ཐུག་གཉིས་ཀ་སྤང་བྱའི་བདག་ཉིད་ཅན་དུ་མཚུངས་པ་ཡིན་པ་གོ་དགོས། དཔེར་ན་རྨ་བྱས་དུག་ཟོས་དང་གཞན་གྱིས་ཟོས་པ་ལ་ཁྱད་པར་ཅི་འདྲ་འདུག་དེའི་ངོ་བོར་ང་ལྟ་བ་རྣམ་པར་དག་པའི་ཤེས་རབ་ཀྱི་བྱེད་པ་པོས་བྱས་ཤིང་ཐབས་ཀྱིས་ཟིན་པས་ཁུར་བོར་བ་ཡིན། ཡང་ངའི་བླ་མ་ཨུ་རྒྱན་ཆོས་ཀྱི་རྒྱལ་པོ་དེས། རྒྱལ་པོ་ཆེན་པོ། ངའི་གསང་སྔགས་འདི་ལྟ་བ་གཙོ་ཆེ་ལྟ་བའི་ཕྱོགས་སུ་སྤྱོད་པ་མ་ཤོར་བ་མཛད། ལྟ་བའི་རྗེས་སུ་སྤྱོད་པ་ཤར་ན་དགེ་སྟོང་སྡིག་སྟོང་དུ་གོལ་ནས་ནག་པོ་ཁ་འབྱམས་བདུད་ཀྱི་ལྟ་བར་འགྲོ། སྤྱོད་པའི་རྗེས་སུ་ལྟ་བ་མ་ཤོར་བ་མཛོད། སྤྱོད་པའི་རྗེས་སུ་ལྟ་བ་ཤོར་ན་དངོས་པོ་མཚན་མ་ཅན་གྱིས་བཅིངས་ནས་གྲོལ་བའི་དུས་མ་མཆིས། ཞེས་གསུངས། གསང་སྔགས་མོས་པས་སྤྱོད་པ་ལམ་ཐད་དྲང་དུ་འཁྲིད་པའི་གནད་འདི་ལས་ཟབ་པ་མི་འདུག་སྙམ་པ་ཡོད། གཞན་དུ་སྡོམ་པ་ཉི་ཤུ་པ་ལས། ཐབས་ཆེན་རྣམས་དང་ལྡན་པ་ལ། །ཉོན་མོངས་བྱང་ཆུབ་ཡན་ལག་འགྱུར། །ཅེས་སྡོམ་པ་གསུམ་ཀར་ཉེས་པ་བསྐྱེད་པ་བཀག་ཅིང་། ཡོན་ཏན་བསྐྱེད་པ་བཀག་པ་གང་ནའང་མེད་པས་གནང་བཀག་

― JLAZ014_Page_0219 ―

^{[མ་དཔེ་གཟིགས་ན་འདིར་གནོན།]}

[Full Size]

རྫས་མི་འགལ་བའི་ངོ་བོ་དང་། མིག་འཕྲུལ་ལྟ་བུར་སེམས་ཅན་གྱི་ཁམས་ཤིན་ཏུ་གློ་བུར་དྲི་མེས་མ་དག་པ་སངས་རྒྱས་ཀྱི་གོ་འཕང་དག་པ་ཆེན་པོའི་དབྱིངས་ལ་སྦྱོར་བའི་ཐེག་པའི་རྩེ་རྒྱལ་རང་བཞིན་རྫོགས་པ་ཆེན་པོ་སྒོམ་མེད་ཡེ་གྲོལ་རང་བབ་ཅོག་བཞག །གནས་འགྱུ་བར་འགྱེལ། ཡེ་བཞག་ངར་སྒོམ་འདུ་ཤེས་གཏད་མེད། ཐ་མལ་གྱི་རྣམ་རྟོག་དགའ་བ་དང་། སྡུག་པ་དང་། སྐྱིད་པ་དང་། ངུ་བྲོ་བ་ལ་སོགས་ཏེ་བཟང་ངན་རེ་དོགས་ཀྱི་རྣམ་རྟོག་ལྕགས་ཀྱི་པར་བུར་བཅུག་ཀྱང་མི་འཆུན་པ་དེ་ཀོ །ད་ལྟའི་རིག་པ་རྗེན་ཧུར་ཧུར། ཁས་ལེན་ཐམས་ཅད་དང་བྲལ་བའི་ངང་དུ་མ་ཡེངས། མ་འཁྲུལ། དམིགས་པ་གང་ལ་གཏད། མིན་བྱས་ན་ཡིན། ཡིན་བྱས་ན་མིན། གད་མོ་འཆོར། དགོག་རྒྱུ་མེད་གྲུབ་མཐའ་ཞིག །སྨ་སྙིང་མི་འདོད། ཁ་ཕྱ་ར་ར། མིག་ཧུར་ཧུར་སེམས་ཅན་ཐམས་ཅད་ཀྱི་གྲོལ་ས་ཆེན་པོ་ཁོ་ལ་རྫོགས་པའི་སངས་རྒྱས་ཁོང་གིས་ཀྱང་མིང་འདོགས་མ་ཤེས། ཀུན་ཏུ་བཟང་པོས་ཀྱང་ལབ་རྒྱུ་ཟད་ནས། རེས་འགའ་སྣང་ཆ་ཡིན་ཞེས་ངོ་ཚ་དང་བྲལ་བའི་གཟུགས་སྔོ་ཧྲེང་ཧྲེང་གཡོ་འགུལ་མེད་པ་ལྟར་བྱེད། རེས་འགའ་སྟོང་ཆ་ཡིན་ཞེས་གཏིང་གསལ་བརྗོད་དུ་མེད་པའི་ངང་དམངས་ནམ་མཁའི་སྟོང་པ་ལས་ཀྱང་དང་སངས། གུ་

― JLAZ014_Page_0220 ―

^{[མ་དཔེ་གཟིགས་ན་འདིར་གནོན།]}

[Full Size]

ཡངས། ཧར་ཆེ། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་ལབ་ལབ་མང་པོ་རྫུན་ཕུགས་རྡིབ། རྒྱུད་སྡེ་དང་མན་ངག་ཟབ་མོའི་ཁ་སྤོ་མཐའ་དག་ད་ལྟའི་དྲན་རིག་ཧེ་ཧེ། ཟེར་མ་ཤེས། ལབ་མ་ཤེས། སྨྲ་མ་ཤེས། ད་དེ་གའི་ངང་དུ་གཞོག་ཐོང་། ཟེར་གྱི་ཡོད་ཙ་ན་ཉམས་སྣང་དེས་ད། སྣང་བ་ལ། ངའི་རྣམ་རྟོག་རྫུན་པོའི་ཆེ་འདིའི་བདེ་བླག་དང་གཡོ་འཁྲུལ་ལ་ཨཱ། གང་ཟག་དགའ་མོ་ཞིག་ཡིན་ན་མཁའ་འགྲོའི་གསང་ལུང་ཡིན་བྱས་ཀྱང་ལོས་འོང་། བསམ་གྱིས་མི་ཁྱབ་པའི་དོན་བསམས་ཙ་ན་ཀུན་ཏུ་རྟོག་པ་ཨོཾ་ཨཱཧཱུྃ། ལར་ཐུགས་དམ་བསྐྱངས་པའི་ལམ་རྟགས་སམ། འདོད་ཁམས་ཀྱི་བདག་པོའི་ཆོ་འཕྲུལ་གང་ལའང་གསལ་སྣང་ཅི་རིགས་པ་འབྱུང་བ་བཤད་སྟེ། དོན་དམ་པར་འོད་གསལ་འདུས་མ་བྱས་ཀྱི་ཀློང་དུ་དགག་སྒྲུབ་རེ་དོགས་ལས་འདས་པར་བརྡལ་མ་ཤེས་ན་འཇུངས་ཤོར། རང་རེ་ཚོའི་ནང་གི་རྟོགས་པ་དང་ཕྱིའི་སྤྱོད་ལམ་གཉིས་རྫོགས་པ་ཆེན་པོ་ལ་སོགས་པའི་རྒྱུ་ལུང་མན་ངག་དང་བཏུན་ན་གར་ཡང་ཕྱིན་པར་མི་འདུག་པས། ཡེ་ཤེས་ཀྱི་རྩལ་རྫོགས་པའི་དག་པར་བ་འབྱམས་དང་མངོན་པར་མཁྱེན་པ་ཡིན་སྙམ་པ་ནི་མེད། ནང་དུ་དགོངས་པའི་རྩལ་རྫོགས་པ་དང་། ཕྱི་རུ་རེ་དགོགས་ཀྱི་གཟེབ་ལས་གྲོལ་ཞིང་ཚད་མེད་ཐུགས་རྗེའི་འཇུག་པ་མངོན་པ་ཆོས་

― JLAZ014_Page_0221 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་ཡིན་པས། རང་རེ་ལ་དག་སྣང་ཆེ་ཞིང་སུ་འཇུག་རྣམས་ཀྱི་ཐུགས་ལ་དེ་ལྟར་གཞག་པ་ཞུ། ཞེས་སྨྲས་ནས་རང་གིས་རང་ཉིད་ལ་བསླབ་བྱ་སྙིང་གཏམ་གྱི་མགུར་བཅའ་ཡིག་ཆེན་མོ་ཞེས་བྱ་བ། །སྐྱབས་རྒྱལ་ཀུན་འདུས་པའི་སྤྱི་གཟུགས་ཀྱི་ངོ་བོ། །དུས་སྙིགས་མའི་སྐྱབས་གནས་གངས་ཆེན་གྱི་ལྷ་ཅིག །དྲན་པས་སྙིང་གི་མུན་སེལ་ཨོ་རྒྱན་རྗེ་མཁྱེན་ནོ། །བདག་ལས་ངན་སེམས་ཅན་ལ་ཐུགས་རྗེ་ཡི་གཟིགས་ཤིག །སེམས་གཞི་མེད་རྩ་བྲལ་མྱང་འདས་ཀྱི་རྫོང་ཆེན། །ཡིད་རྟོག་པའི་དྲ་བ་འཁོར་བ་ཡི་ཅོང་རྡོ། །ཁོང་གཉིས་ཀྱི་སོ་མཚམས་སྐྱོ་ཤས་སུ་ཤར་བའི། །གྲོས་སྙིང་གཏམ་དྲན་པའི་མེ་བཙའ་ལ་འདེབས་སོ། །ལས་ནག་པོར་བསགས་པས་ལུས་ངན་དེ་བླངས་ཤིང་། །གཤིས་སྤྱོད་ངན་སྟོན་ལ་ཡིད་སྐྱོ་ཞིག་ཤོར་བས། །སྐྱབས་དཀོན་ཆོག་རིན་ཆེན་བཏང་སྙོམས་སུ་མ་བཞུགས། །སྙིང་རྗེའི་འདབ་ཆགས་འཇིགས་སྐྲག་ལས་སྐྱོབས་ཤིག །ལས་འཁོར་བ་སྡུག་བསྔལ་རང་བཞིན་དུ་སྟོན་པ། །རྗེ་རྒྱལ་བས་གསུངས་པའི་དམ་ཆོས་ཀྱི་འཇུག་སྒོ། བདག་ལས་ཉོན་ཅན་གྱི་བདེ་བ་རུ་མཐོང་བས། །སྡུག་འཁོར་བར་གཏན་འཁྱམས་ད་ལྟ་ཕན་ཐལ་ལོ། །མགོན་བླ་མའི་བྱིན་རླབས་སྙིང་དབུས་སུ་བབས་པས། །

― JLAZ014_Page_0222 ―

^{[མ་དཔེ་གཟིགས་ན་འདིར་གནོན།]}

[Full Size]

བློ་ལས་རུང་བླ་མ་ཕྱི་རོལ་ན་མ་བཞུགས། །སེམས་ཆོས་སྐུར་གྲོལ་བས་བག་ཆགས་ཀྱི་རྟེན་ལ། སྙིང་དམར་པོར་སྟོན་པའི་བསླབ་བྱ་འདི་འཆད་དོ། །གནས་ངན་སོང་སྡུག་བསྔལ་འདི་འདྲ་རུ་མཐོང་བས། །འདིས་དལ་འབྱོར་རྙེད་དཀའ་མངོན་སུམ་དུ་བསྟན་མོད། །ཁྱོད་དལ་འབྱོར་མི་ལུས་སྟོང་ཟད་དུ་མ་གཏོང་། །ལས་བྱས་པ་དོན་ལྡན་ལྷ་ཆོས་ལ་རེམ་མཛོད། །ཆུང་བྱིས་པའི་མི་ཚེ་ཐལ་རྩེད་ལ་ཟད་འདུག །ལུས་ལང་ཚོའི་མཛེས་པ་འཆི་བདག་གིས་བཅོམ་འགྲོ། །གཏམ་ལྟོ་གོས་ཁོལ་པོ་མི་ཚེ་ལ་རེམ་ཡང་། །ལུས་དྲེས་མས་བསྡམ་ཚེ་ཕན་པ་ཞིག་མི་འདུག །ལས་དཀར་ནག་ཁྲ་གསུམ་མ་རུལ་པའི་ས་བོན། །འབྲས་བུ་རང་ཐོག་སྨིན་པ་མངོན་སུམ་དུ་ཨེ་གཟུགས། །འདིས་ངན་སོང་གསུམ་གྱི་བརྒྱ་ཆར་ཡང་མི་ཕོད། །འཛོལ་དགེ་སྡིག་བླང་དོར་ལ་མ་ཤོར་བ་དགོས་སོ། །ཆོས་ཞུས་བློ་ཐོབ་བློས་འཁོ་བ་ལས་མི་གྲོལ། །གཟུགས་རང་བྱུང་ཙམ་གྱི་ཉན་ཐོས་སུ་མི་འགྲོ། །སྦྱངས་པའི་ཡོན་ཏན་བཅུ་གཉིས་མ་ལྡན་དུ་ཟིན་ཀྱང་། །ཚོང་བུན་སྐྱེད་ཁྱིམ་པའི་འཚོ་འཛིན་ལ་མ་རེམ། །ཉན་རང་ཞི་བདེ་ར་གཞོལ་བ་གནས་སྐབས་ཀྱི་བདེ་བ། །ཐེག་ཆེན་གཞན་དོན་བསླབ་པ་བྱང་སེམས་ཀྱི་དོན་རྡོ། །འཇག་ཚོ་བླ་ན་མེད་པའི་གསང་ཆེན་

― JLAZ014_Page_0223 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་སྦྱངས་ནས། །རྟེན་འདི་ལ་བྱང་ཆུབ་ཐོས་ངེས་ཤིག་བྱེད་དགོས། །ལུས་ལོག་པའི་འཚོ་བས་གཟི་བྱིན་དང་ལྡན་ཞིང་། །ནོར་གསོག་བསྐྲུན་མཁས་པོའི་ཐོད་ཤམ་དང་འགྲིག་འགྲིག །ཡིད་མི་དགེའི་ཟློས་གར་ངན་སོང་ལ་ཆས་པའི། །གྲོགས་གྲ་སའི་ཞེན་པ་སྙིང་དབུས་ནས་ཆོད་མཛོད། །མགོར་སྐྲ་ཡི་ལྭ་ལྦ་མུ་སྟེགས་ལའང་ཡོད་མེད། གོས་རས་གོས་གྱོན་པས་རྟོགས་ལྡན་དུ་མི་འགྲོ། །ཕ་གྲུབ་ཐོབ་གོང་མའི་ཤུལ་ལམ་ལ་འབྱོན་ནས། །གནས་དབེན་པར་བསྐྱེད་རྫོགས་ཉམས་ལེན་ལ་འབུངས་མཛོད། །བློ་བླ་མར་གཏོད་བ་སྐྱབས་འགྲོ་ཡི་མཐར་ཐུག །དོན་གཞན་དོན་ལྷུར་ལེན་སེམས་བསྐྱེད་ཀྱི་ངོ་བོ། །དྲན་ཤེས་བཞིན་སྐྱོང་བ་མདོ་སྔགས་ཀྱི་ལམ་ཁྱེར། །ལས་ཤེས་ཤེས་མང་པོའི་ཕེར་ཡོད་དེ་ཞོག་མཛོད། གཉེན་ཉེ་པའི་གདུང་སེམས་ལྷ་བདུད་ཀྱི་གཡབ་མོ། །དགྲ་དར་མའི་ཡ་བཟུང་དམྱལ་བ་ཡི་ལམ་མཁན། །མི་གཞན་ཟེར་ཁ་མངའི་རེ་དོགས་ལ་ཉན་ན། །ཆོས་མཐུན་རྐྱེན་འཛོམ་པ་ལོག་ལམ་ལ་བསྒྱུར་ཡོང་། །གཏམ་སྙན་པའི་གྲགས་པ་ང་རྒྱལ་གྱི་ཅོང་རྡོ། །ནོར་ཁ་དྲག་འཛོམ་པ་ལྷ་ཆོས་དང་རྒྱབ་འགལ། །མིའི་ཁྱུ་ནས་བུད་པ་བྱ་བཏང་གི་ཡང་རྩེ། །ཚོའི་

― JLAZ014_Page_0224 ―

^{[མ་དཔེ་གཟིགས་ན་འདིར་གནོན།]}

[Full Size]

ལྷག་མ་ཆགས་མེད་བློ་བདེ་ལ་སྐྱེ་ལ་མཛོད། །གནས་དབེན་པར་བསྒོམ་པའི་མཐུ་ནུས་དང་ཡོན་ཏན། །ཁོང་འཇིག་རྟེན་ཁྱིམ་པའི་རྐྱེན་སེལ་ལ་བཙོངས་ནས། །འགྲོ་དོན་ཕྲིན་ལས་ཆེ་བའི་ང་རྒྱལ་གྱི་སྟོང་སྦོས། །བདུད་མངོན་སུམ་འགྲུབ་པའི་གཡང་ས་ལ་གཟབས་མཛོད། །སྐྱབས་བླ་མ་དཀོན་ཅོག་ཐུགས་རྗེ་ལ་བརྟེན་ནས། ཟས་མཐུན་རྐྱེན་མི་བྲེལ་ལྷུད་ལྷུད་དུ་བབས་ཀྱང་། །ལས་རྒྱུ་འབྲས་ཕྲ་ཞིབ་རྩིས་གྲངས་སུ་ཐོབ་ལ། །སྡིག་ཤ་ཆང་ཟས་ལ་བག་ཡོད་ཀྱི་རོལ་མཛོད། །ནང་བདག་འཛིན་ཁོང་བསྲན་མ་ཞིག་པ་དེ་ཀོ །ཕྱི་དུར་ཁྲོད་ཉུལ་བའི་བརྟུལ་ཞུགས་ལ་ཆས་ཀྱང་། །ཕུགས་སྤྲང་སྙོགས་ཁྱེར་བའི་སྔ་ལྟས་སུ་འདུག་པས། །གནས་དབེན་པར་སྒྲུབ་པའི་རྒྱལ་མཚན་རང་ཚུགས་མཛོད། །ཡུལ་ས་ཕྱོགས་གང་དང་ཅི་འདྲ་རུ་འདུག་ཀྱང་། །འཁོར་རལ་རོལ་ཆགས་སྡང་ས་བོན་དེ་སྤངས་ལ། །སྟབས་བདེ་པོ་ཐ་མལ་སྨྱོ་སྤྱོད་ཀྱི་ངང་ནས། །བློ་བདེ་པོ་ཀ་དག་ཆོས་ཟད་རང་སྐྱོང་མཛོད། །སྐབས་འགའ་རེ་དགོས་པ་དོན་ལྡན་གྱི་རྒྱུ་བར། །བློ་ཆོས་མཐུན་མཆེད་གྲོགས་རེ་གཉིས་ལས་མང་བའི། །སེམས་ལང་ཤོར་ཤ་ཆང་བདུད་གཅོད་ཀྱི་རྟོག་བཙུན། །རྗེས་ཉུལ་བའི་བླ་ཆུང་དེ་འདྲ་ཞིག་མ་མཛད། །དུས་ཀུན་ཏུ་མི་རྟོག་

― JLAZ014_Page_0225 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོར་དེ་མང་ན། །ཟས་དཀོར་ནག་བག་མེད་བྱུང་རྒྱལ་དུ་སྤྱད་དགོས། །རང་གཅིག་པོའི་ཟས་གོས་ཤུགས་འབྱུང་དུ་སླབས། །ཕ་གྲུབ་ཐོབ་གོང་མའི་རྣམ་ཐར་ལ་གཟིགས་མཛོད། །གསོན་དད་པས་བྱིན་པའི་ཟང་ཟིང་གི་དངོས་པོ། །གཤིན་འགག་ལ་ཐུག་པའི་ཉེར་དཔྱད་ཀྱི་རྣམ་གྲངས། །འདིས་ཐར་བའི་སྲོག་རྩ་བཙན་ཐབས་སུ་གཅོད་པས། །ཁབ་སྐུད་པ་བརྒྱུས་ནས་མཆོད་སྦྱིན་ལ་ཐོང་མཛོད། །དགྲས་ལོག་བསྒྲུབ་བྱས་ཀྱང་ཐུགས་དམ་གྱི་བོགས་འདོན། །གཏམ་མ་ཉེས་ཁ་ཡོགས་དགེ་བསྐུལ་གྱི་ལྕག་འདེབས། འདི་ཆགས་ཞེན་འཇིག་པའི་བླ་མ་རུ་འདུག་པས། །ཁོའི་དྲིན་ལན་འཁོར་ཐབས་མེད་པ་རུ་གཟིགས་མཛོད། །སྙིང་ཉེ་བོའི་གདུང་སེམས་གཟུང་འཛིན་གྱི་བརྟོད་ཕུར། །གྲོགས་མཛའ་བའི་མཇལ་ཕྲད་དགེ་སྦྱོར་གྱི་བདུད་གཅོད། །ཁ་མི་དགེའི་བང་མཛོད་ཉེས་ལྟུང་གི་འབྱུང་ཁུངས། །ཐོན་མཛད་ན་ཁོང་དེ་གསུམ་ལ་སྒྲིམ་མཛོད། །ཡོངས་དྲག་ཞན་གྱི་ནང་བར་མ་ཡི་ཐད་ནས། །ལས་བཟང་ངན་རྣམ་འགྱུར་ཇི་འདྲ་རུ་སྟོན་ཀྱང་། །དེ་མ་ཤེས་མ་རིག་རྫུ་བག་དང་འགྲོགས་ནས། །སྟོབས་བཟོད་པའི་གོ་ཆ་བཙན་པོ་རུ་བགོས་ཤིང་། །དུས་སྙིགས་མའི་འགྲོ་བ་རྒྱལ་བས་ཀྱང་དགུལ་དཀའ། །ཕན་བཏགས་པའི་

― JLAZ014_Page_0226 ―

^{[མ་དཔེ་གཟིགས་ན་འདིར་གནོན།]}

[Full Size]

བརྡ་ལྡན་ལོག་བསྒྲུབ་ཀྱིས་སྦྱོར་ཞིང་། །གནས་དབེན་པར་འདུག་ཀྱང་བརྙས་དམོད་ཀྱིས་གཙོར་བ། །དེ་ཀུན་ཀྱང་རྨི་ལམ་སྒྱུ་མ་རུ་སྒོམ་མཛོད། །ལུང་རྟོགས་པའི་ཡོན་ཏན་རྒྱལ་བསྟན་གྱི་སྙིང་པོ། །ཆོས་འཆད་སྤེལ་རྩོམ་པ་བསྟན་འགྲོ་ལ་སྨན་ཀྱང་། །ཡུལ་བསོད་ནམས་དམན་བས་གཞན་དོན་དུ་མི་འགྱུར། །སེམས་འཁྲི་བ་ཆོད་ནས་སྒྲུབ་པ་ལ་འབུངས་མཛོད། །དུས་བསྐལ་པ་སྙིགས་མའི་སྤྱོད་ཚུལ་དང་ལུང་བསྟན། །མ་འགྲོ་དྲུག་ཡོངས་ཀྱི་སྤྱི་གཙུག་བ་བབས་འདུག །ཆོས་ཚུལ་བཞིན་སྤྱད་པ་ཉིན་སྐར་ལས་དགོན་པས། །མ་ཌཱ་ཀྐིའི་གཅེས་ནོར་ཁྱབ་གདལ་དུ་མ་སྒྲོགས། །ལས་བསྲུང་བཟློག་གསད་པའི་བརྟུལ་ཞུགས་ལ་གོམས་ཁྱང་། །དགྲ་འཆི་བདག་བདུད་པོར་ལས་སྦྱོར་ནི་མི་འགྲོ། །གཞན་བསྟན་པའི་སོ་ནམ་བྱེད་མཁན་ནི་དཀོན་པས། རྔ་བརྡུང་ན་བྱ་བཏང་སྨྱོ་བ་རང་ཡིན་མོད། །ཁྱུ་མང་པོའི་ཚོགས་དཔོན་མགུ་འཁང་གི་རང་བཞིན། །མི་ཆེན་པོའི་ངོ་འཛིན་རེ་དོགས་ཀྱི་འབྱུང་ཁུངས། །སྐྱབས་ཀུན་འདུས་ཨོ་རྒྱན་ཆོས་རྗེ་ལ་ཞུས་ནས། །ལམ་ཟབ་མོ་རྫོགས་པ་ཆེན་པོ་ལ་ཞུགས་མཛོད། །ཕྱི་ནམ་ཟླ་དུས་བཞིའི་འགྱུར་ལྡོག་གི་སླ་ལུགས། །ནང་རྣམ་རྟོག་གྱ་གྱུའི་བྱ་བྱེད་ཀྱི་སྐྱེན་ལུགས། །འདི་བསམས་བཞིན་ཐམས་ཅད་མི་རྟག་

― JLAZ014_Page_0227 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་རང་བཞིན། །ད་འཆི་ཆོས་མ་རན་དགུ་རན་ལ་འདུག་གོ །སྐྲ་དག་པ་རབ་འབྱམས་ཞི་ཁྲི་ཡི་ཚོམ་བུ། །གཟུངས་གླེགས་བམ་མཛེས་པ་རིག་འཛིན་གྱི་བླ་རྡོ། །སྐྱབས་སྐུ་གསུམ་བླ་མའི་དྲིན་རྟེན་དུ་མཛོད་དང་། །གནས་ཟངས་མདོག་དཔལ་རི་ཐག་རིང་ན་མི་འདུག །ལུས་དག་པར་རབ་འབྱམས་བདེ་གཤེགས་ཀྱི་དཀྱིལ་འཁོར། །རླུང་ཉི་ཁྲི་ཆིག་སྟོང་སྐྱེ་མེད་ཀྱི་བཟླས་པ། །སེམས་མ་བཅོས་སྤྲོས་བྲལ་རང་བབ་ལ་ཞོག་དང་། །བློས་བཏགས་པའི་བསྐྱེད་རྫོགས་ལ་ཡིད་སྨོན་ནི་མ་དགོས། །འགལ་མ་འགལ་རྩོད་པར་གཞུང་ལུགས་ལ་ལོས་མཁས། །ཆོས་ཁ་འཛིན་བསྒྲུབ་པར་དབང་ཡོད་རྣམས་བཙན་དྲག །གཤིས་བརྗོད་མེད་བློ་འདས་རྫོགས་ཆེན་གྱི་ཁྱད་ཆོས། །རྐྱེན་ཆོས་སྐུར་འཆར་བ་འོད་གསལ་ཕ་ཕོགས། །ཕྱི་སྣང་བ་དཀར་དམར་རྟེན་འབྲེལ་གྱི་འཆར་སྒོ། །ནང་རིག་པ་བཟོ་མེད་ལྷུན་གྲུབ་ཀྱི་རྫོང་ཆེན། །ང་ནམ་མཁའ་རྣལ་འབྱོར་ཡིན་སྙམ་པ་མེད་དེ། །བློ་གཏད་མེད་ཡེངས་གྲོལ་ཀློང་ཆེན་གྱི་ཐུགས་རྗེ། །གྲོས་སྙིང་གཏམ་དེ་ཀོང་རང་ལ་ཡིན་མོད། །གཞན་གསང་མཁན་བྱུང་ན་ངོ་མཚར་གྱི་རང་བཞིན། །དོན་རྒྱལ་སྲས་སྤྱོད་པའི་ངང་ཚུལ་དུ་གདའ་བས། །སྐྱབས་རིག་འཛིན་རྒྱ་མཚོ་མཐུན་

― JLAZ014_Page_0228 ―

^{[མ་དཔེ་གཟིགས་ན་འདིར་གནོན།]}

[Full Size]

འགྱུར་ལ་བཞེངས་ཤིག་འདི་ཁམས་གསུམ་རིགས་དྲུག་སེམས་ཅན་གྱི་ཚོགས་དང་། །སྒོས་བློ་སྙིང་གཏོད་པའི་ཡོན་སྦྱོར་དང་འཁོར་སློབ། །གཞན་གཏམ་བུའི་ངོ་འཛིན་སྣ་ཚོགས་ཀྱི་འདུད་པའི། །ལས་འབྲེལ་ཐོགས་ཀུན་ལ་སྨོན་ལམ་དུ་ཞུའོ། །ཞེས་སྨྲས། འབྲུག་པའི་རྟོགས་ལྡན་ཞིག་གནས་འབྲེལ་ལ་འོངས་པ་ལོག་ཁར་ངེད་ཀྱི་ཕུག་སྒོ་འགག་ཏུ་དག་སྣང་གི་ཕྲད་དུ་བྱུང་། གནས་ཚུལ་འདྲ་གླེང་བས་སྒྲུབ་ཚུགས་དང་མོས་གུས་ནོར་ཉེན་རང་ཞིག་འདུག །ཉམས་རྟོགས་སྐོར་ལ་དྲི་མོལ་བྱས་པས་བླ་མ་ཉམས་མྱོང་ཅན་གྱིས་མ་ཟིན་པའི་ཉམས། སྒོམ་ལྕགས་ཀྱུ་དང་འཇའ་ཚོན་མ་སོགས་ཞི་ལྷག་གི་ཆོས་སྐད་གྱི་མདོ་མང་པོ་སྨྲ་བ་སྣང་། ཁོའི་སྙིང་རུས་དང་སྒྲུབ་ཚུགས་ལ་འཕོངས་ནས་བཀའ་རྒྱུད་གོང་མའི་དགོངས་པ་འདི་འདྲ་ཡིན་པ་འདྲ་ཞེས་རྗེ་མི་ལ་དང་། ཡང་དགོན་པ། དྭགས་པོ་ལྷ་རྗེ་རྣམས་ཀྱི་བཞེད་སྲོལ་དཔང་པོར་བཞག་ནས་འཇམ་པོའི་ངག་གིས་སྨྲས་པས་ལག་པ་འདར་སིལ་སིལ་བྱེད་པ་དང་སྦྲགས་ཐུགས་བདེན་ཟེར་སྒོམ་ཆེན་པ་རྒན་པོའི་རང་མཐོང་ལྟག་ཚུགས་དེ་རང་མི་བྱེད་པའི་གོ་བ་ལེན་པ་ཞིག་འདུག་བས་སེམས་ལ་ཤིན་ཏུ་ཕན་པར་བྱུང་སོང་། ཆོས་འབྲེལ་ཞིག་དགོས་ཟེར་བ་ལྟར་བྱས། ཁ་ས་ང་ནས་

― JLAZ014_Page_0229 ―

^{[མ་དཔེ་གཟིགས་ན་འདིར་གནོན།]}

[Full Size]

ངེད་འདིར་བཅར་ན་ཡོད་རྒྱུར་འདུག་སྟེ་སྐུ་གཉེར་བས་ཁོང་སྤུན་གཉིས་རྒན་པས་མཚམས་བྱས། གཞོན་པས་མཚམས་གཡོག་བྱས་ནས་ཡོད་ཟེར་བའི་རྒྱུས་ཡོད་ལས་མ་བྱུང་། མདང་ཉིན་ནས་གཅོད་ཌཾ་གྱི་སྐད་ཐོས་པས་སེམས་ཤིན་ཏུ་སྤོར་བ་ཞིག་བྱུང་བས་མར་ལམ་མཇལ་དུ་ཡོད་པ་ཡིན་ཟེར་འཕྲེང་འཕྲེང་ལྟར་བྱེད་ཀྱི་འདུག་པས་ཁོའི་བསམ་པ་རྫོགས་པའི་སླད་དུ་མགུར་འདི་འཐེན་ནོ། །ཨེ་མ་ཧོ། །ཆོས་ཉིད་མངོན་སུམ་མཇལ་བ་སྤྲོས་བྲལ་གྱི་བླ་མ། །གཏད་མེད་དྲན་པས་ལྟ་བ་མོས་གུས་ཀྱི་མཐར་ཐུག །ཐིག་ལེ་ཕྱིན་མི་བཞུགས་ཤེལ་སྤུག་གི་ཟེར་གདངས། །འོད་གསལ་རྫོགས་ཆེན་སྒོམ་ན་དེ་ལྟར་དུ་མཛོད་ཅིག །བཀོད་པ་བྱང་ཆུབ་སེམས་མཆོག་བདེ་སྟོང་གི་ཌ་ཀྐི། །གཡོ་བའི་རླུང་གི་འགྲེམས་པ་ཐབས་ལམ་གྱི་རྩ་བ། །གནས་ཡུལ་ཕྱིན་མི་བཞུགས་རྩ་འཁོར་དང་དབྱེར་མེད། །བདེ་ཆེན་ཨ་ནུ་སྒོམ་ན་དེ་ལྟར་དུ་མཛོད་ཅིག །གཡོ་ཐོབ་གོམས་བརྟན་མཐར་ཕྱིན་ལྷུན་གྲུབ་ཀྱི་ཡི་དམ། །དཀྱིལ་འཁོར་གསུམ་གྱི་སྒོམ་པ་བསྐྱེད་རིམ་གྱི་སྙིང་པོ། །ཞི་ཁྲོ་ཕྱིན་མི་བཞུགས་ལྷན་སྐྱེས་ཀྱི་རང་གདངས། །རྣལ་འབྱོར་ཆེན་པོ་སྒོ་ན་དེ་ལྟར་དུ་མཛོད་ཅིག །ཡེ་ནས་བསྲུངས་མཚམས་བྲལ་བ་དམ་ཚིག་གི་ཁྱད་ཆོས། ཉམས་

― JLAZ014_Page_0230 ―

^{[མ་དཔེ་གཟིགས་ན་འདིར་གནོན།]}

[Full Size]

མཁན་རྩ་གདར་ཆོད་པ་ཆོས་ཉིད་ཀྱི་གཤིས་ལུགས། །ཉམས་བྱ་གདོད་ནས་དག་པ་ཀ་དག་གི་ངོ་བོ། །ལྟ་བའི་ཀློང་བཤགས་སྒོམ་ན་དེ་ལྟར་དུ་མཛོད་ཅིག །ཟབ་མོའི་སྙན་བརྒྱུད་སྒོམ་པ་ཉམས་ལེན་གྱི་གནད་འགགས། །དབུ་མའི་རྩ་མདུད་གྲོལ་བ་ལམ་རྟགས་ཀྱི་ཡོན་ཏན། །ས་ལམ་ཕྱི་ན་མི་བཞུགས་རང་རིག་ལ་རྫོགས་འདུག །སངས་རྒྱས་ལག་བཅངས་སྒོམ་ན་དེ་ལྟར་དུ་མཛོད་ཅིག །ཅེས་སྨྲས། དུས་དེའི་ཚེ་ཉེ་སྐོར་གྱི་གྲོང་པ་རྣམས་ནས་སེམས་ཅན་རྒྱགས་པ་དང་ལུས་བོངས་ཆེ་བ་ལ་སོགས་རླམ་སེམས་ཀྱི་བསད། དེའི་མཆིན་པ་ལ་སོགས་སྡིག་ཟས་ཀྱི་ཕུད་དེ་ཐུགས་ད་པ་དང་སྒོམ་ཆེན་པ་ཚོ་ལ་ཕུལ་ཤོག་ཅེས་ཁྱེར་ཡོང་གི་འདུག་གོ །སྟེར་བ་དག་དག་སྣང་ལོས་ཡིན་ཏེ། གསོད་ནུས་པ་དེ་སྙིང་ཁམས་ཤིན་ཏུ་ཆེ། ཁོང་ཚོའི་སྣང་བ་ལ་གསོད་པའི་ཉེས་པ་ཆེན་པོ་དེ་མི་བརྩི་བར། ཕྲན་ཆེགས་བྱིན་པ་ལ་ཕན་ཡོན་ཆེན་པོ་འོང་དུ་རེ་བས་ཁོང་རང་ཚོའི་ཉེས་པ་འདག་པ་དང་། སེམས་ཅན་དེ་ངེད་ཚོས་ལྕགས་ཐག་འཐེན་འཐེན་བྱས་ཆོག་པ་ལྟ་བུའི་རེ་བ་ཆེན་པོ་ཞིག་བདོག་སྟེ་གནས་ཡོད། མགོན་པོ་ཀླུ་སྒྲུབ་ཀྱིས། མ་ཡི་ཐུག་མཐའ་ཚིག་གུ་ཙམ། །རིལ་བུར་དྲིལ་ཡང་ས་ཡི་ལང་མི་འགྱུར། །ཅེས་སེམས་ཅན་

― JLAZ014_Page_0231 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ཀྱི་རང་གི་མ་བྱས། ཁོང་འཇིག་རྟེན་པས་དེ་ལྟར་རིག་སྟེ་གསོད་ནུས་ཀྱང་། རང་རེ་ཆོས་པ་ཚོས་བཟའ་ནུས་པའི་ཁ་ན་མི་འདུག །དེ་ཅིའི་ཕྱིར་ན་སྐྱེ་བ་སྔོན་མའི་ཕ་དང་། མ་དང་། སྤུན་དང་། མཛའ་བཤེས་ལ་སོགས་པ་ཡིད་ལ་གཅེས་དགུ་དེ་ཚོ་དེང་སང་དུད་འགྲོ་ཟེར་བའི་སྒུར་པོ། ཏིག་མུག་ཅན། །བླང་དོར་ལ་རྨོངས་པ། མགོ་ལ་རྭ་ཅན། སུག་བཞིས་ས་ལ་འགྲོ་བའི་ལུས་སྟབས་འདི་འདྲ་ཞིག་ཏུ་སོང་བས་ཕམ་དང་གཉེན་བཤེས་དེ་དག་ཡིན་སྙམ་པའི་རྣམ་རྟོག་ཙམ་ཡང་མེད་པར་གྱང་ར་སྟོང་པར་བཅུག །འཇིག་རྟེན་ཡ་རབས་ཀྱི་སྤྱོད་ཚུལ་ལས་ཕྱིར་ལྡོག་ཅིང་། སྙིང་རྗེ་ཆེན་པོ་དང་ཞེ་འགྲས་པས་མཐོང་བ་ཙམ་གྱིས་ཡིད་དུ་མི་འོང་བའི་སྡིག་ཅན་ཤན་པ་ཟེར་བ་དེའི་ལག་ཏུ་རང་གི་སྐྱེ་བ་སྔོན་མའི་ཕ་དང་། མ་དང་། སྤུན་ཟླ་གཉེན་གཤེས་ལ་སོགས་པ་དེ་དག་མཐར་ཆགས་སུ་རྩིས་སྤྲོད་བྱས་པ་ཆེ། མ་རྒན་དེ་དག་ལུས་འདར་ཕྲི་ལི་ལི། མིག་མཆི་མ་ཁྲམ་ཁྲམ། དབུགས་སྤུད་པ་ལྷེད་ལྷེད་པའི་ངང་ནས་འདི་སྙམ་དུ། ད་ཅི་དྲག་ཀྱི་ཧུད། འབྲོས་ས་ནི་མེད། འཕུར་ནི་མི་ཐུབ། ད་ལྟ་ཉིད་དུས་འདིར་དིམ་ན་དིམ་ན་སྙམ་པའི་སྡུག་བསྔལ་དོས་དྲག་ལ་ལྕིད་ཆེ། འཇིགས་སྐྲག་གི་སྣང་བ་

― JLAZ014_Page_0232 ―

^{[མ་དཔེ་གཟིགས་ན་འདིར་གནོན།]}

[Full Size]

དམྱལ་མེའི་དོང་ཁར་ལྷགས་པ་ལྟ་བུའི་ངང་དེར། ལུས་གནམ་ས་བསྒྱུར། བྲང་དྲོད་ཚ་ལམ་ལམ་བྱེད་ཅིང་མིག་སྔོ་ཧུར་ཧུར། ལྟ་བཞིན་པ་དེའི་ལྟོ་བ་གྲིས་ཁ་ཕྱེ། ལག་པ་ཤད་དེ་བཏང་ནས་འགུལ་བ་ཙམ་ཡང་མེད་པར་འཇིག་རྟེན་ཕྱི་མའི་ལམ་པོར་བཏང་བ་ཡིན་འདུག་པས། འཇིག་རྟེན་ཁྱིམ་པའི་མཆོད་གནས་ལ་དགེའ་རྒྱུ་མི་འདུག་གོ །ཨོ་རྒྱན་རིན་པོ་ཆེ་མཁྱེན་ཞེས་ཡང་ཡང་སྨྲས། མཆི་མ་དབང་མེད་དུ་ཤོར། འཕགས་པ་ཀ་ཏུ་ཡ་ནས། ཁྱིམ་བདག་ཅིག་གི་སྒོར་བསོད་སྙོམས་ལ་བྱོན་ཙ་ན། ཁྱིམ་བདག་ངེས་བུ་ཆུང་ཞིག་པང་བར་བཟུང་། ཉ་ཤ་ཞིག་ཞིམ་ཞིམ་ལྟར་བཟའ། ཁྱི་མོ་ཞིག་རུས་པ་བཟའ་བ་ལ་རྡོ་བརྡེག་ཅིང་སྲུང་བ་གཟིགས་པ་འཕགས་པའི་མངོན་ཤེས་ཀྱི་དཔྱད་པས། སྐྱེ་བ་དེ་ཁའི་ཕ་ཉར་སྐྱེས་པའི་ཤ་བཟའ། མ་ཁྱིར་སྐྱེས་བ་ལ་རྡོ་བ་རྡེག་ རང་ཉིད་གསོད་པའི་དགྲ་བུར་སྐྱེས་པ་པང་ན་འཚོ་བར་མཁྱེན་པས་ཐུགས་ཤིན་ཏུ་མུག་སྟེ་ཚིགས་སུ་བཅད་པ། ཕ་ཤ་བཟའ་ཞིང་མ་ལ་བརྡེག །ལས་ངན་དགྲ་བོ་པང་ན་བཟུང་། །ཆུང་མས་ཁྱོ་ཡི་རུས་པ་འཆའ། །འཁོར་བའི་ཆོས་ལ་གད་མོ་བྲོ། །ཞེས་གསུངས་བ་ལྟར། སྐྱེ་བ་སྔ་ཕྱིའི་ལུས་སྟབས་འགྱུར་བ་འདིས། ཕ་མའི་ཤ་བཟའ་བ་

― JLAZ014_Page_0233 ―

^{[མ་དཔེ་གཟིགས་ན་འདིར་གནོན།]}

[Full Size]

ཚམ་ཚོམ་མེད་པའི་སྙིང་ཁམས་འདི་ཡི་རེ་མུག་སྙམ་ནས་ཤིང་བརྩེ་ཤུམ་ཤུམ་ཡོད་ཙ་ན། སྙིང་རྗེ་ཆེན་པོའི་གཤིས་སྟོང་པ་ཉིད་ཀྱི་བརྟུལ་ཞུགས་སུ་ཤར་ནས་ག་རེ། ད་བསད་ཟིན་པ་ལ་ཡི་མུག་སྒོམ་པ་ཁོ་ནས་མི་ཕན། རྒྱལ་བ་ཐབས་མཁས་ལ་ཐུགས་རྗེའི་འཇུག་པ་ཚད་མེད་པའི་ཕྱིར་རྡོ་རྗེ་ཐེག་པ་ལ་སྡུག་བསྔལ་བདེ་བར་བསྒྱུར་བའི་མན་ངག་ཀྱང་ཡོད་པའི་ཕྱིར། བསྙན་སྒྲུབ་ཟབ་མོ་ཚད་དུ་ནི་འཁྱོལ། ལྟ་བ་རྣམ་པར་དག་པ་ན་ཡིད་དཔྱོད་དང་ཕོ་ཚད་ལ་མི་རེ་བར་ཕྱོགས་ལྷུང་དང་བྲལ། དེ་ལ་ཉན་ཐོས་ཐེག་པ་ལྟ་བུའི་གུ་དོགས་དང་། སྐྱེ་བོ་ཕལ་པ་ལྟ་བུའི་བག་མེད་པའི་བཟའ་བཏུང་གི་རང་ཉིད་ལ་སྒྲིབ་པའི་ཕུང་པོ་མི་བཟད་པར་བསྐྱེད་ཅིང་། གཞན་ལ་ཕན་པ་མེད་བའི་ཐབས་ལ་རྨོངས་པ་དེ་འདྲ་ནི་མ་ཡིན་སྙམ་ནས་གཟུངས་སྔགས་རྣམ་པར་དག་པའི་སྔགས་ཀྱིས་བཏབ། །སྟོང་ཉིད་རྒྱུ་འབྲས་སུ་ཤར་བའི་བདེན་པ་མི་འགོག་ཕྱིར་སྡིག་བཤགས་ལ་དམིགས་ནས་ལོ་ལྟར་ལུགས་གཉིས་གསུམ་ཅི་འགྲུབ་དང་། ཉའུ་བརྒྱ་དང་དྲུག་ཅུ་ཁ་ཡན་རེ་སྲོག་སྐྱོབ་པའི་དམ་བཅའ་ལྷུར་བླངས་། གསང་སྔགས་ཀྱི་དམ་ཚིག་ཁྱད་དུ་མི་གསད་པའི་ཕྱིར་ཆོས་ཉིད་ལ་ཆོས་ཉིད་ཀྱི་རོལ་པའི་གསལ་སྣང་བཟང་པོའི་རྣལ་

― JLAZ014_Page_0234 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་དུ་ཤར་བས་སེམས་ཅན་དེའི་ལུས་ཀྱི་འབྲེལ་པས་ཚོགས་རྫོགས་པར་བྱས་ཏེ་བསྔོ་སྨོན་གྱི་མཚམས་སྦྱོར་དྲག་པོས་རྣམ་པ་ཀུན་ཏུ་རྒྱས་དཱེབས་པ་ཡིན་ཏེ། བདག་ཉིད་ལ་དགའ་བ་རྣམས་ནས་ཕྱིན་ཆད་སྲོག་ལ་བབ་ཀྱང་སྲོག་གཅོད་ཀྱི་ལམ་འིད་སྤངས་ཤིག །ཅིའི་ཕྱིར་ན་དྲན་པ་ཉེར་བཞག་ལས། སེམས་ཅན་གཅིག་གི་སྲོག་བཅད་ཀྱང་བར་གྱི་བསྐལ་པ་གཅིག་ཏུ་ཉི་ཚོ་པའི་དམྱལ་བར་འཚོད་པར་གསུངས་ཤིང་། །དེ་ལྟ་བུའི་སྦྱིན་པ་གནས་ལའང་། མདོ་ལས། ཤ་དང་ཆང་གི་སྦྱིན་པ་དང་། །དུག་དང་མཚོན་ཆའི་སྦྱིན་པ་སོགས། །ཞེས་མི་དགེ་བའི་ལས་སུ་དངོས་རྒྱུད་ཀུན་ནས་འགྱུར་བར་བཤད་པས་སྦྱིན་པ་དེ་ལྟ་བུ་ཡང་གནས་མ་ཡིན་ནོ། །ལམ་ཁྱེར་མི་ཤེས་པ་རྣམས་ནས་ཤ་བཟའ་བ་ཡང་སྤོང་ཅི་ཐུབ་ཀྱིས་ཤིག །དེ་ལྟ་བུའི་བདེན་པའི་ཚིག་ཀུན་ཏུ་འགྲུབ་པར་གྱུར་ཅིག །ཅེས་བརྗོད་ནས་ལྟ་བ་ཉམས་ཀྱི་གླུ། །ཧོ་ཧོ། དང་པོར་བྱ་བ་སེམས་ཀྱིས་བཏང་། །རྣམ་གཡེང་སྤངས་ནས་ཆོས་སྤྱོད་བརྩོན། །བྱ་བའི་ལས་ལ་ཞེན་ལོག་སྒོམ། །བར་དུ་བྱ་བ་བློ་ཡིས་ཐོང་། །བྱ་བྱེད་མང་པོ་དགོས་མེད་ཤེས། །བྱས་པས་ཟིན་པ་མེད་པར་གོ །ད་ལྟ་བྱ་བ་རྟོགས་པས་ཐོང་། །བྱ་བའི་འདུ་ཤེས་ཐད་ཀར་ཞིག །བྱར་མེད་རྒྱལ་པོའི་བཙན་ས་ཟིན། །དང་པོ་དཀའ་

― JLAZ014_Page_0235 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱད་སྙིང་རུས་བྱས། །ཡི་དམ་བསྒོམས་ཤིང་རིག་པ་བགྲངས། །དམིགས་རྟེན་བཅས་ནས་དྲན་པ་རྟེན། །བར་དུ་བསྐྱེད་རིམ་རང་ལ་ཤར། །རིགས་སྔགས་བཟླས་བརྗོད་ལྷུན་གྲུབ་ཤེས། །མཉམ་རྗེས་དྲན་པའི་སོ་པ་ཚུགས། །ད་ལྟ་བསྐྱེད་རྫོགས་རིག་པར་གྲོལ། །འབྱུང་འཇུག་སྔགས་སུ་རང་ཤུགས་ཤར། །བྱ་བཙལ་མེད་པའི་ཉམས་ཤིག་ཤར། །དང་པོའི་བཟའ་བཏུང་སྡིག་པར་ཤེས། །ལས་འབྲས་བསམས་ནས་ཚོད་ཀྱིས་རོལ། །གྱིནའི་ཟས་ཀྱིས་ཕོ་བ་བརྒྱངས། །བར་དུ་བཟའ་བཏུང་ཚོགས་སུ་ཤེས། །བག་ཡོད་དང་ནས་སྐྱེ་མཆེད་ཁམས། །སྣང་སྟོང་ལྷ་སྐུའི་ཞལ་དུ་ཕུལ། །ད་ལྟ་བཟའ་བཏུང་ཆོས་ཉིད་ལ། ཆོས་ཉིད་ཁྱབ་གདལ་དང་ནས་རོལ། །ཟས་ཀྱི་བུ་ལོན་ཅི་ལ་ཟེར། །དང་པོ་ཉོན་མོངས་དྲུག་ཏུ་ཤེས། །ཉོན་མོངས་སྤངས་ནས་གཉེན་པོ་བསྟེན། །དམ་ཆོས་འདུལ་བའི་གཞུང་ལམ་བསྲངས་། །བར་དུ་ཉོན་མོངས་རྩ་གདར་བཅད། །བྱུང་ཁུངས་བརྟགས་ནས་ཟིལ་གྱིས་མནན། །མགུ་བ་སྟོང་ཉིད་ངང་ལ་བཞག །ད་ལྟ་ཉོན་མོངས་དབྱིངས་ནས་ཤར། །དབྱིངས་སུ་གྲོལ་བས་སྤོང་གཉེན་མེད། །འདོད་ཡོན་ཆོས་ཉིད་རོལ་པའི་རྒྱན། །བྱད་དང་ཁ་དོག་མ་འགྱུར་ཀྱང་། །ཀློང་དང་

― JLAZ014_Page_0236 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་པར་གྱུར་བ་དེས། །འཇིགས་པ་མེད་པའི་ཉམས་ཤིག་ཤར། །དོགས་པ་མེད་པའི་ངར་ཞིག་ཐོན། །ཐོགས་པ་མེད་པའི་ཆོས་ཤིག་ཤེས། །འགྱུར་བ་མེད་པའི་ལུང་ཞིག་ཐོབ། །གཏད་སོ་མེད་པའི་གདེང་ཞིག་ཤར། །འདྲ་འདྲ་ཀུན་གྱིས་ལྷ་ཕྱག་འཚལ། །མཉམ་མཉམ་ཀུན་གྱིས་སྐྱབས་སུ་རེ། །སྐལ་ལྡན་ཀུན་གྱིས་བླ་མར་མཐོང་། །སྐལ་མེད་ཀུན་གྱིས་གཤེ་ཞིང་སྡང་། །སེམས་ཉིད་ཆོས་སྐུའི་རྩལ་རྫོགས་ཤིང་། །སྣང་བ་སྒྱུ་མར་ཤེས་པ་དེས། །ཆེན་པོས་བཀུར་ཀྱང་རློམ་སེམས་མེད། །ངན་པས་སྨད་ཀྱང་སྡང་སེམས་མེད། །ལས་དང་བསམ་པ་སྨོན་ལམ་ཀུན། །ཐ་དད་འཁོར་བའི་ཆོས་ཉིད་དུ། །གོ་བས་བརྟགས་ན་གད་མོ་འཆོར། །མ་དཔྱད་རང་ཤར་རང་གྲོལ་དང་། །ཆགས་སྡང་ཞེས་བྱ་ཅི་ལ་ཟེར། །བདག་ལ་འབྲེལ་བ་ཐོགས་ཚད་ཀུན། །བདག་གིས་འདྲོངས་པར་སྨོན་ལམ་འདེབས། །སྐྱེ་འཆིའི་སྡུག་བསྔལ་ཞི་བར་ཤོག །དུས་འདིར་མཆོད་རྟེན་དམར་པོ་ནས་རྐྱེན་སེལ་འདྲ་ལ་ཡོང་དགོས་ཚུལ་གྱི་བསུ་བའི་ཡི་གེ་འདུག་ ལན་འདི་བྲིས། །དབེན་པར་རྫོགས་ཆེན་སྒོམ་པའི་རྣལ་འབྱོར་པ། །ཚེ་བཙན་གོང་པའི་ངོ་བསྲུང་ཙམ་གྱི་སླད། །རྔ་བརྡུང་གཏོར་རྒྱག་མི་རྩས་མདོས་གྱེར་སོགས། །བསྒྲུབ་འབྲས་བཟོང་དུ་འཚོང་བའི་རིགས་

― JLAZ014_Page_0237 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཡིན། ཅེས་པ་ལ་སོགས་སེམས་ལ་གང་ཤར་བཅོས་བསྒྱུར་མེད་པ་བྲིས་པའི་མཇུག་ཏུ། ལོག་པར་ལྟ་ན་ཁྱོད་ཀྱི་ལས་སུ་ཟད། །ང་རང་སྐྱེ་མེད་རང་གྲོལ་དེ་སྐད་ལོ། །ཞེས་བསྐུར་ཡང་ཁོང་འདི་སྐབས་ངོས་ལ་དག་སྣང་ཤར་བ་དང་འགྲིག་པས་ཁ་སང་དེད་ཀྱིས་དེ་སྐད་ཞུས་པ་ལ་ཐུགས་མ་འཁྲུགས་ལས་ཆེ་གསུང་ཞིང་དེ་ནས་བཟུང་ལོ་སྐོར་ལྷག་ཙམ་གཤོར་འདེགས་ཁལ་བཅུ་རེའི་འཛིན་ཐམ་བྱུང་། ངེད་བྱ་བྲལ་བ་ལ་ལྟོ་ཕྱིད་ཙམ་བྱུང་ཚེ་གཤོར་འདེགས་ཀྱི་དགོས་པ་མི་འདུག །མ་ལྡངས་མི་ཕྱིད་པ་བྱུང་ན་ཁྱེད་ཞུ་ས་བཟང་པོ་ཚོར་ཞུས་ཆོག་པ་བགྱིད་དོ་ཞེས་དངས་པ་མི་སྟོན་པའི་འཛིན་ཐམ་ཕམ་ཕུལ་བྱས་ཀྱང་། ངེད་རང་བསམ་བ་རྫོགས་པའི་སླད་དུ་ཅི་ནས་ཀྱང་ལོངས་ཤིག་ཅེས་གསུངས་པ་ལ། མཆོག་སྤྲུལ་མངའ་རིས་པཎ་ཆེན་གྱི་སྡོམ་གསུམ་རྣམ་ངེས་ལས། དད་གསུམ་ལྡན་བའི་སེམས་ཅན་དོན་མི་ཕྱེད། །སེམས་མི་བསྲུང་དང་བསླུ་བ་བཅུ་གཉིས་པ། །ཞེས་རྩ་ལྟུང་བཅུ་གཉིས་པར་གསུངས་པས་བློས་བླངས་པའི་རྫས་སྟེར་བ་པོའི་བསོད་ནམས་རྫོགས་པའི་སླད་དུ་བདག་གིར་བྱས་ཏེ་སྟོང་མཆོད་ཀྱི་མཆོད་འབྲུ། འཆི་ངེས་ཀྱི་སྲོག་བསླུ་སོགས་ཀྱི་ཆེད་དུ་བཏང་ནས། གནས་མིན་དུ། གོད་ཟག་

― JLAZ014_Page_0238 ―

^{[མ་དཔེ་གཟིགས་ན་འདིར་གནོན།]}

[Full Size]

བྲེ་གང་ཡང་མ་བྱས། མགོན་པོ་ཀླུ་སྒྲུབ་དང་། རྒྱལ་བ་ཀློང་ཆེན་པའི་རྣམ་པར་ཐར་བ་ལ་ཡིད་ཕྱོགས་ནས་བསྔོ་སྨོན་རྣམ་དག་གི་རྒྱས་འདེབས་པ་ལས། མཆོད་ཡོན་གོ་ལྡོག་བའི་འགྱིབ་ལན་གྱིས་བརྔན་པ་དང་། ཚིག་གི་གཏང་རག་བསྐྱེད་པ་སོགས་ཕལ་ལ་མི་བགྱིད་པས་བརྒྱ་བཤིག་སྟོང་འགུགས་ཀྱི་ཐབས་ལ་རྨོངས་པར་མཐོང་བའང་འདུག་གོ །ཀ་དག་འོད་གསལ་ཆོས་སྐུའི་ཕོ་བྲང་དུ་ཉལ་བས། ཁ་བཤད་ནེ་ཚོའི་འདོན་པ་གཏིང་བརྗེད་ལ་ལངས་སོང་། །ག་ནས་བལྟས་ཀྱང་མཐོ་བ་ཨ་ཏི་ཡི་ཐེག་པ། །ང་རྒྱལ་རང་མཐོང་མ་ལགས་རྫོགས་ཆེན་གྱི་ཁྱད་ཆོས། །ཅ་གས་བསགས་པའི་ཟང་ཟིང་རི་རྒྱལ་ཙམ་ཡོད་ཀྱང་། །ཆ་མེད་བར་དོའི་འཕྲང་ལ་འཁྱེར་དབང་ནི་མི་འདུག །ཇ་སིགས་རྟ་ནོར་གསེར་དངུལ་རྨི་ལམ་སྒྱུ་མ་ཡི་རང་བཞིན། །ཉ་མོ་གང་ས་ལ་སྙག་སྙག་རི་ཁྲོད་ལ་ཕེབས་དང་། །ཏ་ན་ག་ནའི་གསང་སྤྱོད་ཉམས་མྱོང་ལ་སྦྱངས་པས། །ཐ་མལ་རིག་སྟོང་རྗེན་པའི་མཛའ་གྲོགས་དང་མཇལ་བྱུང་། །ད་ལྟ་སྣང་ཟོས་བདེ་བོའི་རྒྱང་གླུ་ཞིག་བླངས་ནས། །ན་ཆུང་མཁའ་འགྲོ་འདུ་བའི་གླིང་མཆོག་ལ་ཆས་འགྲོ། །པ་ར་རི་རའི་རྣམ་རྟོག་གཏད་མེད་དུ་སྒྱུར་ནས། །ཕ་རྒན་རིག་འཛིན་པདྨའི་རིང་ལུགས་ལ་

― JLAZ014_Page_0239 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱངས་པས། །བ་གླང་ལྟ་བུའི་འདུ་ཤེས་ཆོས་སྐུ་རུ་གྲོལ་སོང་། །མ་བཅོས་ལྷུག་པའི་སྤྱོད་པ་བྱུང་རྒྱལ་དུ་བསྐྱངས་བཏང་། །ཙ་རི་བསྐོར་བའི་སྙིང་རུས་སྒོམ་སྒྲུབ་ལ་མཛོད་དང་། །ཚ་གྲང་འོ་བརྒྱལ་མི་དགོས་ཆོས་སྐུ་དང་མཇལ་ཡོང་། །ཛ་ལན་དྷ་རའི་ཐུགས་སྲས་ནག་པོ་ཡི་ཞབས་ཀྱང་། །ལྦ་ལྟར་གལ་དུ་ཚུད་པའི་སྣང་ཚུལ་ལ་གཟིགས་ཤིག །ཞ་མོ་པདྨ་འཐོང་གྲོལ་སྤྱི་གཙུག་ཏུ་བཞག་པས། །ཟ་འདྲེ་ལྟོགས་འགོངས་རྣམས་ཀྱི་སྣང་བ་ཡང་འགྱུར་སོང་། །འ་ཅག་བྱིན་རླབས་ཆེ་བའི་མཐུ་ནུས་ནི་མ་ལགས། །ཡ་གི་ཟངས་མདོག་དཔལ་རིའི་ཨོ་རྒྱན་གྱི་ཐུགས་རྗེ། རྭ་བར་གཏི་མུག་སྒོམ་པའི་ཕག་ཐོམ་ནི་མ་ཡིན། །ལ་ཀླུངས་གཏད་མེད་ཉུལ་བའི་གཅན་གཅན་གྱི་བུ་རྒྱུད། །ཤ་ཁྲག་ཟས་ལ་རིངས་པའི་སྣང་ཚུལ་དང་བསྟུན་ནས། །ས་ལམ་དབུ་མའི་སྦུག་ཏུ་ཚིག་ཆོད་ལ་བཅད་བཏང་། །ཧ་ཅང་ངལ་དུ་བ་མ་དགོས་རྫོགས་ཆེན་གྱི་ལྟ་བ། །ཨ་དོན་སྐྱེ་མེད་ཀ་དག་རང་རིག་ལ་རྫོགས་འདུག །ཧ་རིའི་དྲི་བསུང་འཐུལ་བའི་ཉེ་རྒྱུ་ལ་བརྟེན་ནས། །ཨ་ཧཾ་འབར་འཛག་ཞུ་བདེའི་གསང་ལམ་ལ་ཆས་འགྲོ། །འདིའི་ཚེ་གནས་ཀྱིས་གང་ཟག་བྱིན་བརླབས་པའི་དག་སྣང་མཐའ་ཡས་པ་ཤར། རིག་པའི་

― JLAZ014_Page_0240 ―

^{[མ་དཔེ་གཟིགས་ན་འདིར་གནོན།]}

[Full Size]

རྩལ་སྣང་ཕྱོགས་མེད་དུ་རྒྱས་ནས་འཁྲིད་པ་རྣམས་ལ་རྒྱལ་ཡུམ་ཤེར་ཕྱིན་གྱི་དགོངས་པ་རང་བཞིན་ཐེག་མཆོག་རྒྱལ་པོའི་གཤིས་ལུགས་སུ་བཀྲལ་བ་སློབ་དཔོན་ནཱ་ག་རྫུནའི་དགོངས་བཅུད་ཚིག་གསུམ་དོན་བརྒྱ་མ་ཞེས་བྱ་བ་སྤྲོས་བྲལ་ལག་བཅངས་མའི་མགུར། གསོན་དང་དད་ལྡན་བུ་སློབ་རྣམས། །རིག་སྟོང་བློ་ལས་འདས་པ་ཡི། །སྨྲ་བསམ་བརྗོད་དུ་མེད་པ་དང་། །བུ་ཆུང་ལྷ་ཁང་བལྟ་བ་ལྟར། །འདུ་ཤེས་ལུང་མ་བསྟན་པ་གཉིས། །འདྲ་འདྲ་ནང་ནས་ནོར་ས་ཡོད། །བརྗོད་མེད་ཡེ་སྟོང་ཟང་ཐལ་དང་། །ལྟོས་གྲུབ་ཤེས་བྱའི་སྒྲིབ་པ་གཉིས། །འདྲ་འདྲའི་ནང་ནས་ནོར་ས་ཡོད། །སོ་སོར་རྟོག་པའི་ཤེས་རབ་དང་། །རྟོག་པས་བཏགས་པའི་རིག་ཤེས་གཉིས། །འདྲ་འདྲའི་ནང་ནས་ནོར་ས་ཡོད། །ཕ་རོལ་ཕྱིན་པའི་སྤྲོས་བྲལ་དང་། ཉན་ཐོས་འགོག་བའི་སྙོམས་འཇུག་གཉིས། །འདྲ་འདྲའི་ནང་ནས་ནོར་ས་ཡོད། །མ་སྐྱེས་གདོད་ནས་དག་བ་དང་། །རྒྱང་ཕན་པ་ཡི་ཆད་ལྟ་གཉིས། །འདྲ་འདྲའི་ནང་ནས་ནོར་ས་ཡོད། །མི་འགག་རིག་པའི་གསལ་ཆ་དང་། །སོ་སོ་སྐྱེ་བོའི་འཁྲུལ་སྣང་གཉིས། །འདྲ་འདྲའི་ནང་ནས་ནོར་ས་ཡོད། །ནམ་མཁའི་ངོ་བོ་ཉིད་ཀློང་དང་། །ཕུར་བུ་པ་ཡི་གྲུབ་མཐའ་གཉིས། །

― JLAZ014_Page_0241 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲ་འདྲའི་ནང་ནས་ནོར་ས་ཡོད། །སོ་སོ་རང་རིག་ཡེ་ཤེས་དང་། །གསལ་ཆ་མེད་པའི་མི་རྟོག་གཉིས། །འདྲ་འདྲའི་ནང་ནས་ནོར་ས་ཡོད། །རང་ཆས་ལྷུན་གྲུབ་སྤྱོད་ཡུལ་དང་། །ཐོ་ཅོ་སྨྱོན་པའི་བརྟུལ་ཞུགས་གཉིས། །འདྲ་འདྲའི་ནང་ནས་ནོར་ས་ཡོད། །དུས་གསུམ་རྒྱལ་བའི་ཡུམ་ཆེན་ལ། །དབྱིངས་ཆེན་ཀ་དག་ངོ་བོ་དང་། །རང་བཞིན་ལྷུན་གྲུབ་ཡེ་ཤེས་ལྔ། །འདུས་མ་བྱས་པའི་ཐུགས་རྗེ་གསུམ། །ཕྱོགས་རིས་མེད་པར་ཚང་བར་ཤེས། །དེ་ཕྱིར་གཉུག་མའི་དྲན་པ་ཡིས། །རྒྱུན་ཆད་མེད་པའི་ཕྱག་འཚལ་ལོ། །དགོངས་པ་ཀློང་ནས་གྲོལ་ཙ་ན། །བསླབ་གཉེར་ཟེར་བ་བརྫུན་དུ་གདའ། །ཚིག་གི་གྲུབ་མཐའ་ང་མི་འཛིན། །སྣང་བ་སྒྱུ་མར་གོ་ཙ་ན། །ཚུལ་འཆོས་ཟེར་བ་ཐོག་རེ་ཆེ། །ང་ཅག་གྲུབ་ཐོབ་བརྒྱུད་པའི་བུ། །དྲན་རྟོག་གཞི་མེད་རྩ་བྲལ་ལ། །རང་རྩིས་སྐྱེ་བ་མི་སྲིད་དེ། །ཁྱོད་ཅག་རྫོགས་པའི་སངས་རྒྱས་ཀྱི། །དགོངས་པ་རྣལ་མར་སྦྱོར་བའི་ཕྱིར། །གང་ཤར་རིག་པའི་མདའ་ཡིས་བསྐུལ། །དགེ་བས་གནས་ལུགས་རྟོགས་པར་ཤོག་ ཡང་ཆོས་ཞུ་བ་རྣམས་ཕྱི་ནང་གི་འབྱུང་བ་ལ་ཐུགས་པས་ཡིད་སྐྱོ་བ་སྙམ་བྱེད་ཅིང་དེས་འབྱུང་གི་ཕ་ཕོགས་ལ་

― JLAZ014_Page_0242 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་པ་ན་སྐྱོ་བ་ཆོས་དབྱིངས་སུ་ཞི་བའི་གླུ། །སྐྱབས་པད་འབྱུང་རྗེ་ལ་གསོལ་བ་འདེབས། །ཁྱེད་གསོན་དང་དད་ལྡན་བུ་སློབ་རྣམས། གནས་ཉམས་དགའ་དཔལ་གྱི་མཆིམས་ཕུ་ལ། །མི་ཕལ་པས་བལྟས་ན་སྐྱོ་བསུན་ཅན། །དབྱར་ཞོད་ཆེན་གྱི་ཁང་ཁྱིམ་སྒྱེལ་ལ་ཁད། །བྲག་ཕུག་ཀུན་ཐིགས་པའི་བླ་བྲེ་བྲེས། །ས་གཞི་ཀུན་བརླན་གཤེར་གྱི་འདམ་རྫབ་མོད། རི་ཀླུངས་ཀུན་རྨུགས་པའ་གོས་ཀྱིས་གཏུམས། །བད་ཀན་དང་རླུང་གི་འདུ་འཁྲུགས་མང་། །དགུན་དུས་སུ་གང་ངར་ལྕགས་ལས་ཚ། །བྲག་སེང་ནས་ལྷགས་པའི་བང་ཆེན་མང་། །ཐལ་བ་དང་ཁ་ཆར་བུ་ཡུག་འཚུབས། །དེ་སྤྱི་མཐུན་གྲུབ་པའི་གསལ་སྣང་ཡིན། །དེད་རྣལ་འབྱོར་གྱི་དགོངས་པས་བལྟས་ཙ་ན། །འདི་རྟ་མཆོག་རོལ་པའི་ཕོ་བྲང་དངོས། །སྐྱིད་འདོད་དང་འདུ་འཛིའི་གཡེང་རྐྱེན་མེད། །ཤ་ཆང་དང་སྡིག་ཟས་གསེར་ལས་དཀོན། །ངེས་འབྱུང་དང་སྐྱོ་ཤས་དབང་མེད་སྐྱེ། །ཁྱེད་སྤུན་གྲོགས་རྣམས་རང་རིག་རྟ་གདར་ཆོད། །ཕྱི་ཡུལ་སྣང་ལ་ཁ་བའི་བུ་ཡུག་འཚུབས། །དེ་བུ་ཡུག་འཚུབ་བ་མ་ལགས་ཏེ། །སེམས་སྣང་བའི་ཡུལ་ལ་ཤོར་བས་ལན། །བློ་ནང་དུ་ཁུག་དང་སྒོམ་ཕུག་ཚོ། །རླུང་འུར་འུར་གྱི་སྒྲ་སྐད་སེམས་

― JLAZ014_Page_0243 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་གཟན། །གྲང་ཟུག་གི་རེག་བྱ་སྙིང་ལ་རྒྱབ། །དེ་རླུང་ཆེན་གྱི་ཟུག་རྡུ་མ་ལགས་ཏེ། །ནང་བདེ་དྲོད་ཀྱི་ནུས་རྩལ་ཆུང་བས་ལན། །ལམ་གཏུམ་མོར་སྦྱོངས་ཤིག་སྒོམ་ཕྲུག་ཚོ། །མི་མ་ངེས་ཀྱིས་འདུག་པའི་བྲག་ཕུག་ལ། །ཉམས་གྲིབ་ཁྱི་རིག་པ་འཐིབས་སོ་སྙམ། །ནང་ལས་ཉོན་གྱི་གྲིབ་ལས་མ་གྲོལ་ན། །ཕྱི་ཡུལ་སྣང་གི་གྲིབ་ལ་བྱོལ་མི་ཚར། །དེ་བྲག་ཕུག་བཙོག་པ་མ་ལགས་ཏེ། །རིག་པ་ལ་ཀུན་གཞིའི་གྲིབ་ཀྱིས་མནན། །སེམས་རིག་གདར་ཆ་ཤོད་ཅིག་སྒོམ་ཕྲུག་ཚོ། །གནས་སྐུ་བཞིའི་གྲོང་ཁྱེར་བུ་འབྱོན་པ་ལ། །འབེམ་ལུས་སྲོགས་ནུས་པའི་སྙིང་ཁམས་དགོས། །ཕྱི་སྣང་བའི་ཡུལ་གྱི་སྐྱིད་སྡུག་ལ། །ནང་འཛིན་པའི་སེམས་ཀྱི་བྱ་ཤོར་ན། །ཆོས་བྱས་སོ་སྙམ་ཡང་སྡུག་ཡུས་ཡིན། །དཀའ་བ་དང་དུ་ལོངས་ཤིག་སྒོམ་ཕྲུག་ཚོ། །ཕྱི་འཇིག་རྟེན་སྐྱེ་བོའི་ཡ་ག་དང་། ནང་མཉམ་འགྲོགས་ཟླ་བོའི་བྱེད་སྤྱོད་དག །ཅུང་ཡིན་མིན་ཙམ་ཡང་མི་བཟོད་ན། །ཁ་ཆོས་སྐད་མཐོན་པོ་ངག་འཁྱལ་ཡིན། །སེམས་བཟོད་པ་སྒོམས་ཤིག་སྒོམ་ཕྲུག་ཚོ། །ཞེས་སྨྲས་པས་ཐམས་ཅད་སྣང་བ་འགྱུར། རབ་རྣམས་ཀྱིས་འདུ་འཛི་དང་ཡུལ་འཁོར་སྤངས། །ཆོས་ལ་འབྲོས་ཤིང་ཚེ་དང་སྒྲུབ་པ་སྙམ་པར་དམ་འཆའ་བ།

― JLAZ014_Page_0244 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲིང་གིས་ལོ་གསུམ་གྱི་སྒྲུབ་པའི་ཞབས་ཏོག་ཐ་མས་ཀྱང་སྔོན་འགྲོ་འབུམ་ཐེར་དང་། བླ་མའི་རྣལ་འབྱོར་འབུམ་ཕྲག་གཅིག་ནས་འབུམ་བརྒྱ་ཐམ་པའི་བར་གསོག་པའི་ལམ་སྲོལ་ཚུགས། །རང་ཉིད་ཀྱིས་ཀྱང་སྒྲུབ་ཚུགས་བཟུང་བའི་རྟེན་འབྲེལ་དང་ཁྱད་པར་མིག་ལྟོས་འིད་དང་ལའང་གཅིས་པ་ཡིན་ནོ། །དུས་འདི་ཙམ་ནས་སྤྲོས་བཅས་ཀྱི་དགེ་སྦྱོར་ལ་ཞེན་པ་རང་བཞིན་གྱིས་དག །ལུས་གནད་ཀྱང་ཅི་བདེར་གནས་པ་ཞིག་ཡོད་པས་གཞན་དག་བག་ཡངས་ཀྱི་རྟོག་པ་བསལ་བའི་སླད། རྒྱ་གར་གྱི་རིག་འཛིན་རྣམ་བརྒྱད་སོགས། །རྫོགས་ཆེན་གྱི་གྲུབ་ཐོབ་ཡོངས་ལ་འདུད། ལྟ་བ་ནམ་མཁའ་མདུང་བསྐོར་འདིས། །ཐེ་ཚོམ་གྱི་དྲ་བ་རང་སར་བཅད། །རྩོལ་མེད་ཨ་ཏིའི་དགོངས་པ་ཡིན། །ཆད་ལྟའི་རིགས་དང་མ་ནོར་བ་མཛོད། །སྒོམ་པ་ཤུགས་འབྱུང་རང་གསལ་འདིས། །བློས་བྱས་ཀྱི་ལྟ་སྒོམ་ཟིལ་གྱིས་གནོན། །ལྷུན་གྲུབ་རྫོགས་ཆེན་གྱི་དགོངས་པ་ཡིན། །སྡུག་བཙིར་འཇུར་དྲན་དང་མ་ནོར་བ་མཛོད། །སྤྱོད་པ་གཏད་མེད་རང་གྲོལ་འདིས། །རྐྱེན་ངན་དང་བདེ་སྡུག་ཟིལ་གྱིས་གནོན། །སྲིད་གསུམ་ཟིལ་གནོན་གྱི་དགོངས་པ་ཡིན། །དགེ་སྟོང་སྡིག་སྟོང་དང་མ་ནོར་བ་མཛོད། འབྲས་བུ་ཁྱད་ཆོས་དྲུག་ལྡན་འདིས། །མཚན་མའི་ཆོས་སྐུ་ཟིལ་གྱིས་གནོན། །

― JLAZ014_Page_0245 ―

^{[མ་དཔེ་གཟིགས་ན་འདིར་གནོན།]}

[Full Size]

གཞོན་ནུ་བུམ་སྐུའི་དགོངས་པ་ཡིན། །ཐ་ཆད་རྒྱལ་འཕེན་དང་མ་ནོར་བ་མཛོད། །ལྟ་སྒོམ་སྤྱོད་འབྲས་བཞི་པོ་འདི། །གྲུབ་མཐའ་ཀུན་གྱི་སྙིང་པོ་ཡིན། །རྟོག་པས་བཏགས་ན་འཁྱེར་སོ་མང་། །ཤེས་པ་སྐད་མའི་མཚང་རིག་ན། །ཐ་སྙད་ཀུན་ནེ་རོའི་འདོན་པ་འདྲ། །འཁོར་འདས་ཟེར་བའི་འགལ་འདུ་ཅན། །འཁྲུལ་གྲོལ་གཉིས་ཀྱི་ཆོ་འཕྲུལ་ཡིན། །དཔྱད་ན་ལག་པའི་ལྟོ་རྒྱབ་འདྲ། །ཁྱེད་དག་སྣང་དམ་ཚིག་ལྡན་པ་རྣམས་དྲན་པ་རང་གྲོལ་ཆེན་པོའི་ཀློང་། །སྤྲོས་བཅས་ཀྱི་དགེ་སྦྱོར་ཡལ་དུ་ཆུག །ཉལ་བས་གཏན་གྱི་འདུན་མ་འགྲུབ། །ཆོས་མེད་འདི་ཆོས་པའི་ཡང་རྩེར་གདའ། །འོད་གསལ་གཉིད་ཀྱི་ཀློང་ན་གསལ། །ཉམས་རྟོགས་མལ་གྱི་ནང་ནས་རྙེད། །རྩ་མདུད་ལུས་ཀྱི་རྒྱ་ནས་གྲོལ། །སངས་རྒྱས་ཕྱི་ནས་འཚོལ་བ་དང་། །ས་ལམ་གྱི་སྒུག་སྡོད་ཡི་རེ་མུག །དབྱིངས་རིག་ཟུང་འཇུག་ཆེན་པོའི་ཀློང་། །ཡེ་ཤེས་བླ་མའི་ས་མཆོག་ནོན། །དེ་བདེན་རྫུན་གྲུབ་ཐོབ་ཡོངས་ལ་དྲིས། །འཁོར་བ་དོང་སྤྲུགས་ཀྱི་ལྗགས་བསྙེན་མཛོད། །དེ་ནས་དཔལ་གྱི་བསམ་ཡས་མཆིམས་ཕུའི་ལོ་གསུམ་གྱི་དམ་བཅའ་རྫོགས་པར་ཉེ་བའི་ཚེ་འཚོ་བ་ངན་ངོན་ལ་བརྟེན་པའི་ཁར་ཤིང་ཆུ་གདུག་པ་ཅན་གྱི་རྐྱེན་བྱས། ཚེ་རབས་སུ་བསགས་པའི་ལས་ངན་

― JLAZ014_Page_0246 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་ལྷག་མ་དང་། དཀར་ལན་ཆགས་ཀྱི་རྣམ་སྨིན་རང་གི་ལུས་ཐོག་ཏུ་སྨིན། །རྒྱབ་ན་གླེ་གཅོང་གི་ན་ཚ་ནི་རྡོས་བརྡུངས་པ་ཙམ། མདུན་ན་ཁྲག་རླུང་གི་ཟེར་ཁ་མདའ་གཟེར་བལྟ་བུས་མནར། རྐང་པ་ལ་འབམ་གྱི་བསྣུན་གཞི་རི་ལྕི། ལུས་ཟུངས་ཐམས་ཅད་ཟད་དེ་ལོ་བརྒྱ་ལོན་པའི་རྒྱས་འཁོགས་བཞིན་དུ་ཉམ་ཐག །ལྟོ་ཆོས་ཀྱི་དང་ཁ་ཡང་འགགས། ཁ་སྟབས་ཤོར། གཟུགས་སྟོབས་འཁུམས། གོམ་གསུམ་ཕྱིན་ན་སྒྱིད་པ་འདར། ད་ལྟ་ཕྲལ་དུ་ཤི་ན་རང་ངོ་ནས་ཇོ་བོ་བཀའ་གདམས་པའི་རྣམ་ཐར་ལ་ཡིད་ཕྱོགས་ནས་བློ་ཕུགས་ཆོས་དང་ཆོས་ལུགས་སྦྲང་ལ་གཏད་ནས་གཏད་པ་བཞིའི་མགོ་ནོན་པའི་ལུགས་ཙམ་བྱས། རང་བཞིན་རྫོགས་པ་ཆེན་པོའི་གནས་ལུགས་ལ་བློ་གདེང་ཚུད་པས་ཐེ་ཚོམ་དང་འཚེར་ངད་ཅི་ལ་སྲིད་ཀྱང་། གཙོ་ཆེར་པ་མ་རྒས་འཁོངས་སྙིང་རེ་རྗེ། དེ་བཞིན་རང་ལ་སྙིང་ནས་བློ་གཏོད་པའི་ཡོན་བག་དང་འཁོར་སློབ་དད་པ་ཅན་འགའ་ཙམ་གྱི་བསམ་དོན་གྱི་རེ་བ་མ་རྫོགས། ཐོས་བསམ་སྒོམ་གསུམ་གྱི་སྒོ་ནས་བསྟན་པའི་ཞབས་ཏོག་དང་། སེམས་ཅན་ལ་ཕན་རྒྱ་ཆེར་གདགས་པའི་ཡིད་སྨོན་མངོན་དུ་མ་གྱུར་པ་བློ་ལྷག་ལུས། ཨོ་རྒྱན་རིན་པོ་ཆེ་མཁྱེན་ནོ་ཞེས་ཡང་ཡང་བརྗོད། དེ་ལྟ་ནའང་རྩ་བརྒྱུད་རིག་འཛིན་རྒྱ་མཚོའི་ཐུགས་རྗེས་སེམས་

― JLAZ014_Page_0247 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོག་ཏུ་ནད་ཀྱི་ཁུར་བཀའ་པའི་དུཁ་མྱོང་མ་དགོས་པར། ནད་ཐོག་ཏུ་རིག་སྟོང་ཀློང་གསལ་ཆེན་པོའི་མི་བཙའ་བཏབ་པས། ན་ཚ་དང་ནར་འཛིན་གྱི་དྲན་རྟོག་ཐམས་ཅད་མཐའ་གྲོལ་ཀློང་ཡངས་ཆེན་པོར་འུབ་ཀྱིས་ཆུད། གདམས་ངག་ལ་ངེས་ཤེས་སྐྱེས། རྐྱེན་ངན་ལ་བསྙེངས་མ་ཤོར། དེ་ཞི་བ་མོར་དཔྱད་ན་ལུས་ལ་ན་ཚ། སེམས་ལ་སྡུག་བསྔལ་ཅི་བྱུང་ཡང་ཉེ་བར་ལེན་པའི་ཕུང་པོ་ལྔའི་སྟེང་དུ་མ་གཏོོགས་གཞན་དུ་མི་འབྱུང་བ་ནི། ན་བ་ལ་མཚོན་ན་གཟུགས་ལ་ན་ཚའི་ཟུག་རྔུ། ཚོར་བས་དེ་ཉིད་ཟུག་ཏུ་ཤེས་པ། འདུ་ཤེས་ནི་སྐད་ཅིག་འབྲེལ་ཆགས། །འདུ་བྱེད་ཀྱིས་ཀྱང་ན་བར་བྱེད། །རྣམ་པར་ཤེས་པས་ཟུག་གི་རང་བཞིན་ལ་སྤྱོད་པ་སོགས་སྡུག་བསྔལ་བདེ་བའི་ཆོས་ཉིད་འཕགས་པའི་ཡེ་ཤེས་ཀྱིས་ཟིལ་གྱིས་གནོན་པའི་གནད་གོ །དེའི་ཚེ་དད་པ་དམ་ཚིག་དང་ལྡན་པའི་བུ་སློབ་འདྲས་ཚོགས་བསྐངས་བགྱིས་པ་ན། རང་སྣང་དག་བའི་ནམ་མཁའི་ལ་གྲུབ་པའི་དབང་ཕྱུག་ཐང་སྟོང་རྒྱལ་པོ་དབུ་སྐྲ་ཐོར་ཚུགས་ཀྱི་སྐེད་ཆིངས་སྦ་སྨྱུག་ལྷས་མ་ཅན་གྱི་བསྡམས་པ་ཞི་དང་མཇལ། དག་པའི་སྣང་བ་ཕ་ཕོགས་སུ་བྱིན། སྣང་བ་ཐམས་ཅད་བདེ་སྟོང་ཁྱད་གདལ་ཆེན་པོར་འདྲེས། གྲུབ་ཐོབ་རིན་ཆེན་པོ་ཆེས་ཚེའི་བར་ཆས་སེལ་བའི་མཚན་མར་

― JLAZ014_Page_0248 ―

^{[མ་དཔེ་གཟིགས་ན་འདིར་གནོན།]}

[Full Size]

གོ །མོས་གུས་ལྷག་པར་འབར་བས་མགུར་འདི་བཞེངས་སོ། །རྗེ་གྲུབ་ཐོབ་ཆེན་པོ་ལ་ཕྱག་འཚལ་ལོ། །ལྟ་བའི་ཡང་རྩེ་རྫོགས་ཆེན་ཨ་ཏི་རྟོགས། །སྒོམ་པའི་མིར་མེད་ལྟ་བའི་ངང་དུ་གྲོལ། །སྤྱོད་པའི་རྒྱལ་པོ་སྒྲུབ་པའི་རྒྱལ་མཚན་བཙུགས། །ད་ནི་སྤྲང་པོ་ཤི་ཡང་མི་འགྱོད་ཙམ། །དད་གཤིན་དཀོར་ཟས་གྲིབ་གྱི་གར་བུ་ཡིས། །ཐར་པའི་གཉའ་གནོན་རྟོགས་པའི་ཞལ་རས་སྒྲིབ། །རྒྱལ་སྲས་ཀུན་གྱི་སྨད་པ་གོ་ལགས་ནས། །གྱི་ནའི་སྲོག་འཚོ་ཙམ་ལས་བག་མེད་དུ། །སྤྱད་པའི་ནོངས་པས་མ་གོས་བློ་རེ་བདེ། །དེ་ཕྱིར་ངན་དོན་ས་པའི་ཤུན་པ་ལ། །བཏུང་བ་བགྱིས་ཏེས་རྒྱ་ཇའི་བམ་པོ་དང་། །དཀོན་མཆོག་མཆོད་པའི་རྒྱུ་རུ་བསྔོས་བྱས་ཀྱང་། །གཞན་གྱི་དང་པས་བྱིན་པའི་བཏུང་བ་ཞིག །རྟོག་མེད་ངང་ལ་རོལ་པས་རྐྱེན་བྱས་ནས། །ལན་ཆགས་དཀོར་གྱི་ལ་ཡོགས་ཕྲལ་དུ་ཕོག །ནག་པོའི་ཇ་ཡིས་རྣམ་བཞིའི་འདུ་བ་དཀྲུགས། །ནམ་སྨད་གཉིད་ཀྱི་མུན་པ་སངས་པའི་ཚེ། །བྱང་ཁོག་ནང་དུ་ཁྲག་རླུང་སྟོད་འཚངས་ཞུགས། །འབྱུང་འཇུག་དབུགས་ཀྱི་འགྱུ་བའང་གཅོད་ལ་ཁད། །ལངས་ན་མི་བདེ་འདུག་ན་མི་བཟོད་ཅིང་། །འགུལ་བར་དཀའི་བའི་དུཁས་མནར་ནས་འདུག །རྐྱེན་ངན་ལས་སུ་ཤེས་པའི་སྤྲང་པོ་ངས།

― JLAZ014_Page_0249 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོན་ཏན་ཀུན་གྱི་འབྱུང་གནས་བླ་མ་དེ། །བདེ་ཆེན་འཁོར་ལོའི་གཙུག་ཏུ་གསལ་བཏབ་ནས། །མྱུར་ལམ་ཟབ་མོ་བླ་མའི་རྣལ་འབྱོར་སྒོམ། །ན་ཚ་སྡིག་སྒྲིབ་འདག་པའི་ཕྱགས་མ་ཡིན། །དེ་ཕྱིར་བླ་མའི་ཐུགས་རྗེར་ཤེས་བྱས་ཤིང་། །ན་ཚ་བླ་མར་བསྒོམས་ཏེ་དབང་བཞི་ཟླངས། །བླ་མའང་རང་གི་སེམས་སུ་ཤེས་བྱས་ཏེ། །སེམས་ཉིད་ཡེ་སྟོང་རྩ་བྲལ་ངང་དུ་གློད། །དེ་ལ་ན་མཁན་མ་གྲུབ་ཆོས་ཀྱི་སྐུ། །ན་བ་རང་བཞིན་རྣམ་དག་ལོངས་སྤྱོད་རྫོགས། །ན་ཚ་རྟོགས་པས་ཟིལ་གནོན་སྤྲུལ་པའི་སྐུ། །སྐུ་གསུམ་དབྱེར་མེད་ངང་ན་འཆིང་གྲོལ་ཟད། །རྫོགས་པ་ཆེན་པོ་གཞི་གྲོལ་ཀློང་ཡངས་དང་། །རྐྱེན་གནན་རྡོ་རུས་ཐུག་པའི་ཐུགས་རྗེ་ཡིས། །བསྙེན་སྒྲུབ་ཤིན་ཏུ་བྲེལ་བའི་ཐུན་མ་ཆོགས། །དོན་ཡོད་གྲུབ་པས་སྣུམ་གྱི་ཁ་ཏོག་སྟོན། །རུས་ཚིགས་འཁྲུམས་ཤིང་བྲང་གཞུང་འགས་སྙམ་བྱེད། །དབུགས་ཀྱི་ཕྱིལ་གཟེར་གྱིས་འཕྲེང་ཕྱུར་ཀྱང་། །སྟོང་ཉིད་ངང་དུ་ན་ཚ་བག་ལ་ཞ། །སྨན་དང་གཉེན་པོའི་དཔྱད་ལ་རེ་དོགས་སྤངས། །དེ་ཚེ་ཀུན་གཞིའི་སེམས་ལ་འིད་སྙམ་དུ། །ཆུ་བུར་ལྟ་བུའི་ཚེ་སྲོག་ཡ་མ་བརླ། །མདང་ནུབ་ཉལ་དུས་བདེ་བར་བཙལ་མོད་ཀྱི། །ནང་པར་ལྡང་དུས་

― JLAZ014_Page_0250 ―

^{[མ་དཔེ་གཟིགས་ན་འདིར་གནོན།]}

[Full Size]

བཟོད་ཀའི་ཟུག་རྡུས་མནར། །དེ་བཞིན་དོ་ནུབ་ཉལ་དུས་མིར་འདུག་ཀྱང་། །སང་ཞོགས་རོ་ལ་མི་འགྲོ་ཡིད་བརྟན་མེད། །འཆི་བ་ཡོང་ལ་དཀའ་ཚོགས་མི་འདུག་པས། །སོས་དལ་ལེ་ལོའི་དབང་དུ་མ་སོང་བར། །དེ་རིང་ཉིད་ནས་འཆི་གྲབས་ཁོ་ན་མཛོད། །ད་ལྟ་ན་ཚོད་ཡོལ་ལ་མ་ཐུག་ཀྱང་། །མི་ཚེའི་ཉི་མ་ནུབ་རིའི་ཕང་པར་ཉལ། །འཆི་བདག་མདུན་ན་བཞུགས་པ་མ་མཐོང་འདུག །ཅིས་ཀྱང་དགོས་མེད་སོགས་ཤིག་མཁྱེན་བརྩེའི་འོད། །དུག་སྤྲུལ་ནག་པོ་པང་དུ་བབས་པ་ལྟའི། ཤ་ཆང་སྡིག་པའི་ཟས་ལ་བག་མེད་བསྟེན། །བཟང་ཇ་རིན་ཐང་ཅན་འདི་དཀོར་རྔམ་ཆེ། །གྱི་ན་ཐ་ཤལ་ཙམ་གྱིས་འཚོ་བར་མཛོད། །ཆོས་རྣམས་ཀུན་གྱི་མཐའ་རྟེན་སྨོན་ལམ་ཡིན། །སྡུག་ཡུས་ཁོང་བསྟན་ཙམ་ལ་གཏད་པ་མེད། །རང་འདོད་བརྟན་པ་བྲལ་བའི་ལྷག་བསམ་གྱིས། །འཁོར་བ་དོང་སྤྲུགས་སྨོན་ཅིག་མཁྱེན་བརྩེའི་འོད། །ཅེས་དང་ཡང་། །ཨ་ཧོ། །གདོད་ནས་སྟོང་གསལ་ལྷ་སྐུ་ལ། །ཀུན་བརྟགས་བསྐྱེད་རིམ་གྱི་ལྷད་མ་འདེབས། །སྣང་ཞེན་ཕྱག་རྒྱར་རྫོགས་པའི་ངང་། །ཞལ་ཕྱག་འཛིན་ཞེན་སྒྱུར་ལ་ཞོག །འབྱུང་འཇུག་སྔགས་ཀྱི་རང་བཞིན་ལ། །ལྕེ་མཆུའི་བཟླས་བརྗོད་ཐང་རེ་

― JLAZ014_Page_0251 ―

^{[མ་དཔེ་གཟིགས་ན་འདིར་གནོན།]}

[Full Size]

ཆད། །གྲག་སྟོང་སྔགས་སུ་རྫོགས་པའི་ངང་། །སྒྲ་ཚིག་འདུ་འཕྲོ་སྒྱུར་ལ་ཞོག །དྲན་རྟོག་ཆོས་སྐུའི་རོལ་རྩལ་ལ། །སེམས་འཛིན་རྫོགས་རིམ་མདུད་པ་ཁྲོལ། །རིག་སྟོང་སྤྲོས་བྲལ་རྗེན་བའི་ངང་། །སྐྱེ་འགག་རྩིས་འདེབས་སྒྱུར་ལ་ཞོག །འཁོར་འདས་རིག་པར་རྫོགས་པ་ལ། །འོད་ཟེར་སྤྲོ་བསྡུ་རྟོག་པའི་ཆོས། །རོ་གཅིག་ཀློང་ཆེན་ཡངས་པའི་ངང་། །བཏང་བཞག་ཆེད་འཛིན་སྒྱུར་ལ་ཞོག །ལྷ་འདྲེ་སེམས་ཀྱི་ཆོ་འཕྲུལ་ལ། །བཟང་ངན་འདོར་ལེན་གཉིས་སུ་མེད། །དབྱིངས་རིག་ཟུང་འཇུག་ཆེན་པོའི་ངང་། །དམིགས་གཏད་རང་སར་སྒྱུར་ལ་ཞོག །ན་ཚི་སྒྲིབ་པའི་བུད་ཤིང་ལ། །དུཁའི་རྣམ་རྟོག་སྣ་མ་བསྐྱིལ། །ན་མཁན་དམིགས་མེད་རྩ་བྲལ་ངང་། །བདེན་འཛིན་དབྱིངས་སུ་གཏོར་ལ་ཞོག །དེ་སྐད་དུས་མཐའི་རྣལ་འབྱོར་པ། །འོག་མིན་རྡོ་རྗེའི་བྲག་ཕུག་ཏུ། །བསྙེན་སྒྲུབ་ཟབ་མོར་གཞོལ་བའི་ཚེ། གྲུབ་ལྷོངས་ཕྱི་ནང་གསང་གསུམ་གྱིས། །རྟེན་ཅིང་འབྲེལ་འབྱུང་ཚོགས་པ་ལས། །འཁྲུལ་འབྱམས་རྨི་ལམ་ཟ་ཟེར་ཐལ། །འཁུ་འགྲིགས་ལྷན་སྐྱེས་འདྲ་ཡིས་སྟོན། །བྱང་ཁོག་གློ་གཅོང་དམ་པོས་བཅིངས་། །རྣག་དྲིའི་དད་པ་ཟད་མི་ཤེས། །གློ་བུར་ཡམ་པོའི་

― JLAZ014_Page_0252 ―

^{[མ་དཔེ་གཟིགས་ན་འདིར་གནོན།]}

[Full Size]

རིམས་ཀྱིས་ཟིན། །གློ་ལུད་སྣ་ཆུད་ཙ་ར་ར། །སྐབས་ཤིག་འདུ་ས་འཁྲུགས་པའི་ཚེ། །བློ་ལ་ཤར་ནས་ཡི་གེར་བྲིས། །བློ་བྲལ་རིག་པའི་ངོ་བོ་ལ། །ན་ཚ་སྡུག་བསྔལ་མིང་ཡང་མེད། །དེ་ཕྱིར་དགོངས་པའི་རྩལ་རྫོགས་ནས། །བར་གཅོད་རྐྱེན་གྱིས་མི་བརྗི་ཞིང་། །སྒྲུབ་བ་མཐའ་རུ་ཕྱིན་ནས་ཀྱང་། །ཁམས་གསུམ་སེམས་ཅན་མ་ལུས་པ། །བདག་ཉིད་གཅིག་པོས་འདྲོངས་པར་ཤོག །ཅེས་ན་ཚ་དབྱིངས་ཐོག་ཏུ་སྙོམས་པས་གནས་ལུགས་དོན་གྱི་ཀུན་ཏུ་བཟང་པོའི་རང་ཞལ་མཐོང་། དེའི་ཚེ་ཞལ་གདམས་ཀ་ཁ་སུམ་ཅུ་མ་འདི་བྱུང་ངོ། །སྤྱིར་བོད་འབངས་ཡོངས་ལ་བཀའ་དྲིན་ཆེ། སྒོས་སྤྲང་པོ་བདག་གི་སྐྱབས་གནས་མཆོག །རྗེ་སངས་རྒྱས་ཀུན་འདུས་ཨོ་རྒྱན་རྗེར། །སྙིང་རུས་པའི་གཏིང་ནས་གསོལ་བ་འདེབས། །བུ་ཀ་དག་སྤྲོས་བྲལ་ཕྱོགས་ཡན་ལ། །ཁ་དོག་བཟོ་དབྱིབས་མཚོན་པ་མེད། །ག་པུར་དབྱིངས་སུ་ཡལ་བ་ལྟར། །ང་བདག་རྩ་གདར་ཆོད་ལ་ཞོག །བུ་ཅ་ཅོའི་ཚིག་ལ་མ་ཞེན་བར། །ཆ་མེད་བས་མཐའི་ནགས་ཁྲོད་དེར། །ཇ་ཆང་འདོད་ཡོན་མ་བསམས་པར། །ཉ་ལྟར་རིག་པ་གཅེར་བུར་ཞོག །བུ་ཏ་ན་གྷ་ནའི་སྤྱོད་པ་འདི། །ཐ་མལ་གྱི་ལམ་དུ་མི་ལྷོངས་པས། །དྭ་ཕྲུག་ས་མཐར་འཁྱར་བ་ལྟར། །ན་དགའ་ཤི་སྐྱིད་ངང་

― JLAZ014_Page_0253 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ཞོག །བུ་པ་སངས་ལྟ་བུའི་ལྷག་བསམ་གྱིས། །ཕ་རོལ་ཀུན་ལ་དག་སྣང་སྦྱང་། །བ་མོ་ཉི་མས་བཞུ་བ་བཞིན། །མ་རིག་ཡུལ་ནས་ཐོན་ལ་ཞོག །པུ་ཙ་རི་ཏྲ་སོགས་གནས་སྐོར་ལ། །ཚ་གྲང་དཀའ་སྤྱད་མི་དགོས་ཀྱི། །ཛ་ཧུའི་རྒྱུན་ལྟར་ཏིང་ངེ་འཛིན། །ལྦ་ལྟར་རིས་སུལ་འགྲིམ་ལ་སྒོམས། །བུ་ཞྭ་གོས་འོད་ཟེར་དོན་གཉེར་དང་། །ཟ་མའི་ཆེད་དུ་མ་རྒྱུག་པར། །འ་ཅག་སྐྱེ་འཆིའི་དགྲ་བོ་ལ། །ཡ་ང་མེད་པའི་སྒོམ་སྒྲུབ་རེམ། །བུར་གན་ལྟ་བུའི་བློ་རེངས་་ཀྱིས། །ལ་ཀླུང་ཁྱི་བཞིན་ཉུལ་བ་དེ། །ཤ་ཟ་འབྱུང་པོའི་གདོན་དང་འདྲ། །ས་སྡེ་གཅིག་ཏུ་སྒྲུབ་ཚུགས་བཟུང་། །བུ་ཧ་ལ་ལྟ་བུའི་རྣམ་རྟོག་འདིས། །ཨ་དོན་སྐྱེ་མེད་དོན་ལ་སྒྲིབ། །རྨ་བྱ་ལྟ་བུའི་བརྟུལ་ཞུགས་ཀྱིས། །དུག་ལྔ་ལམ་ཁྱེར་བཙན་ཐབས་སྦྱངས། །དེ་སྐད་གེགས་སེལ་ཉམས་ཀྱི་གླུ། །བློ་འདས་ཀུན་ཏུ་བཟང་པོ་ཡིས། །བུ་གཅིག་མཁྱེན་བརྩེའི་འོད་ཟེར་ལ། །འོག་མིན་རྡོ་རྗེའི་བྲལ་ཡུག་ཏུ།་ །མར་ངོའི་ཚེས་བཅུའི་ཐོ་རངས་ཁ། །གསལ་རིག་རྗེན་པའི་ངང་ནས་སྩལ། །ཉི་ཤར་ཡི་གེའི་ལམ་དུ་བཞག །སེམས་ཅན་ཀུན་ལ་ཕན་ཐོགས་ཤོག །ཞེས་སོ། །དེ་ནས་སྦྱིན་པའི་བདག་པོས་ཚེ་རིང་ལྗོངས་བྱང་ཆུབ་ལྗོན་པའི་ཚལ་དུ་གནས་ཁང་ཀ་བ་ཉི་ཤུའི་ས་བཀོད་ལེགས་པར་བསྐྲུན་པའི་ས་འདུལ་གྱི་ཆེད་དུ་དཔལ་ཆེན་

― JLAZ014_Page_0254 ―

^{[མ་དཔེ་གཟིགས་ན་འདིར་གནོན།]}

[Full Size]

བླ་མ་དྲག་པོའི་ཏིང་འཛིན་ཡེ་ཤེས་ཀྱི་རོལ་པ་རྣམ་པར་བཀོད་པའི་རྩལ་ལས་རང་ཤར་བའི་རིགས་ལྔ་ཡི་ཤེས་ཀྱི་ཌཱ་ཀྐིའི་བྲོས་སྦྱངས་ཤིང་། སྒོམ་ཆེན་དྷ་རྨཱའི་མཚན་གྱིས་བྱ་ཁྲུང་གཱ་རུ་ན་བསྒྲུབས་པས་ས་གཞི་ལས་སུ་རུང་བར་བྱས། གཞི་དེར་ས་བདག་གདུག་པ་ཅན་གནས་པའི་ཅལ་སྒྲོགས་ལ་བརྟེན་ནག་པོའི་ཕྱོགས་ཀྱིས་ཡིད་ལ་ཟུག་རྡུར་གྱུར་པའི་སྐྱེ་བོ་སྣང་བ་ལ་ཤིན་ཏུ་བདེན་པར་འཛིན་པ། གྱ་གྱུ་དང་བཅས་ཤིང་། གཏི་མུག་གི་རང་བཞིན་ལ་ཁོར་ཁོར་ཡུལ་ཏུ་སྤྱོད་པ་གང་ཞིག་གིས་ཡིད་ལ་འཕྲིགས་པ་མི་བཟོད་པ་བཀུར་ནའང་། ཡུལ་བདག་སྲིད་པའི་ལྷ་རབས་མ་སངས་གཡའ་སྤང་སྐྱེས་གཅིག་མི་དཀར་གྱོན་པ་ནེམ་སོང་ལ་ལྦའི་ཞྭ་ཐོད་ཅན་ཞིག་ཏུ་བྱས་ནས་ཅོག་ཅོག་ཅིག་གི་ཁར་རྡོར་དྲིལ་ཐོད་རྔ་དང་བཅས་པ་ཚར་གཉིས་བཞག་པ་ངོས་ལ་བཏུད་དེ་ཕུལ་རྗེད་དར་དཀར་གྱི་གཡབ་མོ་དང་བཅས་སོང་། །བརྡ་དོན་ལ་རྣམ་པར་དཔྱད་དེ་ཉེས་སྐྱོན་མེད་པར་སྟངས་བཅད། གནས་གཞི་གེགས་མེད་དུ་གྲུབ་སྟེ་ཡུན་དུ་གཏན་ཆགས་དགོས་པར་གསོལ་བ་འདེབས་པ་ལ། ག་རེ་བྱ་བཏང་ལ་གན་ཀྱི་འཁྱེར་སོ་མ་དགོས་མོད་ཀྱི་དགོས་པ་ཁྱད་པར་བ་དང་ལྡན་པ་ལ་དགོངས་ནས་སངས་རྒྱས་ཀྱི་གཞི་འཛིན་པའི་བསླབ་པའང་བཅས། གནས་ལ་སྲེད་པ་དང་རྟག་འཛིན་སྤོང་ཕྱིར་ལྗོངས་གྱུ་བའང་གསུངས།

― JLAZ014_Page_0255 ―

^{[མ་དཔེ་གཟིགས་ན་འདིར་གནོན།]}

[Full Size]

ད་ནི་རིག་པ་ལ་གཏན་སྲིད་ཟིན་པའི་རྣལ་འབྱོར་པ་གང་བྱས་ཀྱང་བདེ་སྙམ་པའི་ཚེ། རྨི་ལམ་གྱི་སྣང་ཆ་རྫུན་པོ་ཆེར་འཕྱིང་དབར་སྟག་རྩེའི་ཕོ་བྲང་ཡིན་རྒྱུའི་སེང་གཡེངས་ཁ་ཤར་བལྟ་དེར། རྒོད་ཚང་བ་སྣ་ཚོགས་རང་གྲོལ་བཞུགས་ཁྲི་མཐོན་པོ་ཞིག་ཁར་བཞུགས་ནས་ཕྱོགས་དེར་སྤྱན་ཕུར་ཚུགས་སུ་གཟིགས་ཤིང་ཕྱག་མཉམ་པར་བཞག་པ་ཞིག་མཐོང་བས་དུས་ད་ལྟ་བ་དང་མ་འོངས་པའི་ལུང་བསྟན་གཉིས་ཤེས། སྒྲུབ་བརྒྱུད་ཀྱི་བསྟན་པ་ལ་ཆུང་ཟད་ཕན་ནམ་སྙམ་སྦྱིན་པའི་བདག་པོ་ལའང་དེ་དེ་བཞིན་དུ་བསྒྲུབ་པར་བྱའོ་ཞེས་སྤྲོ་བ་བསྐྱེད། ལམ་གླུ་རིང་མོ་འདི་ཡང་བྱས་སོ། །ཀ་ལ་པིངྐའི་ལུང་བསྟན་དྲིན་ཅན་བླ་མས་གནང་བྱུང་། །ཁ་སྨྲས་གླེང་གཞིར་འཇིགས་ན་རྣལ་འབྱོར་དབང་པོ་མ་ཡིན། །གནས་བསམས་ཀྱང་ད་ནི་རེ་དོགས་མཐའ་ལས་གྲོལ་སོང་། །ང་ཅག་པདྨའི་བུ་བརྒྱུད་ལས་འཕྲོས་དཔའི་གང་ཟག །ཅ་ཅོ་བྲག་ཅའི་སྒྲ་ལ་ཁུ་ལན་བྱིས་པས་སྦྱིན་ཡོང་། །ཆ་ལུགས་པ་ལྟར་སྣང་ངན་ཡང་འཕགས་བའི་ནོར་གྱིས་ཕྱུག་པས། །ཇ་ཆང་སྒྱུ་མའི་ནོར་ལ་ཆགས་སྲེད་ཞེན་པ་མི་གདའ། །ཉ་ལྟར་ཆགས་མེད་ཞེན་མེད་གྲུབ་ཐོབ་གོང་མའི་ཤུལ་ལམ། །ཏ་ཐཱ་ག་ཏའི་བསྟན་པ་དེང་སང་བོད་ན་དར་ཀྱང་། །ཐ་དད་ཟུང་དུ་འཇུག་པའི་གསང་

― JLAZ014_Page_0256 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཉེ་ལམ་མི་ཤེས། །ད་ལྟ་ཤི་ཡང་མི་འགྱོད་གདེང་ཆེན་བློ་ལ་ཁོལ་འདུག །ན་འཆི་རྐྱེན་ངན་བྱུང་ཡང་རང་རིག་སྐྱེ་མེད་སྤྲོས་བྲལ། །པ་སངས་ལྟ་བུར་དཀར་བའི་དག་སྣང་ཁྱེད་ཀྱིས་སྦྱངས་དང་། །ཕ་མ་འབྲེལ་ཐོགས་ཀུན་ལ་སྨོན་ལམ་འན་བུས་བཏ་ཆོག །བ་ལང་ལྟ་བུའི་སྐྱེ་འགྲོ་དབང་པོ་རྣམ་རིག་གཙང་ཡང་། །མ་རིག་རྨོངས་པའི་མལ་དུ་ངན་སོང་སྒྲུབ་པ་སྙིང་རྗེ། །ཙ་ར་ཟན་གོང་གཟོད་པའི་གྲོང་སྔགས་སྡིག་ཅན་རྣམས་ཀྱང་། །ཚ་གྲང་དམྱལ་བ་མྱོང་དུས་འོ་བརྒྱལ་ཅི་འདྲ་བྱེད་པ། །ཛབོྷྱ་རྦད་བའི་དྲག་སྔགས་གྲོང་ཁྱེར་ཧྲལ་པོའི་རྒྱན་ཆ། །ལྦ་ལྟར་ཕུགས་སུ་ཡིབས་བ་བྱང་ཆུབ་སེམས་དཔའི་ཤུལ་ལམ། །ཞྭ་མོས་གྲུབ་མཐའ་འཛིན་པ་སྙིགས་མ་ལྔ་བོད་དུས་རྟགས། །ཟ་ལན་ཚོགས་གསོག་རིམ་པ་ལྔ་བརྒྱ་ཐ་མའི་དགེ་རྩ། །འ་ཅག་བསྐྱེད་རྫོགས་ཟུང་འབྲེལ་ཚོགས་གཉིས་མཉམ་རྫོགས་བྱས་ནས། །ཡམཱནྟ་ཀ་བྱུང་དུས་པདྨ་འོད་དུ་དེངས་འགྲོ། །ར་གན་གསེར་གྱིས་གཡོགས་པའི་ཚུལ་འཆོས་བསླུ་བྲིད་མི་ཤེས། །ལྭ་ལྦ་ལྟ་བུར་རྒྱུ་སྤུན་ཕྱི་ནང་མེད་པར་བྱས་ནས། །ཤ་ཟ་སྲིན་པོས་བསྐོར་བའི་རྔ་ཡབ་པདྨ་འོད་ཀྱི། །ས་འཛིན་དག་པའི་སྤོ་ལ་པད་འབྱུང་མཇལ་བར་དེངས་འགྲོ། །ཧ་ལའི་བློ་ངན་འཆང་བའི་སྐྱེ་འགྲོ་

― JLAZ014_Page_0257 ―

^{[མ་དཔེ་གཟིགས་ན་འདིར་གནོན།]}

[Full Size]

གདུལ་བ་དཀའ་ཡང་། །ཨ་དོན་སྐྱེ་མེད་སྒོམས་ཚོ་རིང་ལྗོངས་ལ་ཞུས་ནས། །སྐུ་གསུམ་རྩལ་ཆེན་རྫོགས་པ་བདེ་བ་ཆེན་པོའི་ཕོ་བྲང་། །ཀུན་རྟོག་དབུ་མར་ཐིམ་པ་འོད་གསལ་ཆེན་པོའི་འཆར་གཞི། །འཁོར་ལྔའི་མདུད་པ་གྲོལ་བ་ལྷན་སྐྱེས་ཕོ་ཉའི་གར་མཁན། །སྨོན་ལམ་རྣམ་པར་དག་པའི་ཞིང་མཆོག་ཉིད་ལ་དེངས་འགྲོ། །ཞེས་ཀྱང་སྨྲས་སོ། །དེར་ལོ་གསུམ་གྱི་དམ་བཅའ་ནི་མཐར་ཕྱིན། །གནས་དེ་ཉིད་དུ་འདུག་རིང་རང་གིས་ཟས་ཕུད་ཐུད་ནས་བཅད་དེ་ཟླ་བ་བྱུང་ངོ་ཅོག་གི་ཚེས་བཅུ་ལ་བྲག་དམར་ཀེའུ་ཚང་དུ་མཆོད་པ་ལྔ་ཚར་མར་མེ་དང་བཅས་པ། སྣྲོན་དང་སག་གཉིས་ལ་བརྒྱ་མཆོད་ཆ་རེ་རེ་མ་ཆག་པ་དང་། བླ་མ་དགོངས་འདུས་ཀྱི་སྨན་སྒྲུབ། ཚོགས་ཀྱི་འཁོར་ལོ་ཁྲི་ཚོར་ཉེ་བ། མཁའ་འགྲོའི་མེ་མཆོད་མང་ཙམ་དང་། གྲོལ་བའི་ཁ་སྐོང་བཅས་སྒྲུབ་ཆེན་བཀའ་བརྒྱད་ཀྱི་ལས་བཞིའི་སྦྱིན་སྲེག་སོགས་སྤྲོས་བཅས་ཀྱི་ཚོགས་གསོག་ཀྱང་ཅི་ནུས་བགྱིས། ཤི་གསོན་གྱི་དངོས་པོ་ཆུང་ཟད་འབྱོར་བ་ཡང་དཀོར་ལ་ཇི་མི་སྙམ་པའི་བརྟུལ་ཞུགས་ཀྱི་གནས་མིན་དུ་གོད་ཟེག་ཕྲན་བུའང་མ་བྱས་པར་མར་ཐོག་ཏུ་བརྗེས་པས་སྟོང་མཆོད་ཀྱི་མར་ཡོངས་རྫོགས་འདེངས། འདབ་ལྡན་གཡུང་དྲུག་འཁྱིལ་པའི་ཚལ་དུ་དགེ་བསྐུར་གྱི་སྤྲོ་བ་བསྐྱེད་དེ་མཆོད་རྩམ་མཆོད་འབྲུ་ཡོངས་སུ་རྫོགས་པའི་རྐྱེན་སྦྱར་སྤྲེལ་ཟླའི་ཆོས་བརྒྱད་ལ་འབུ་

― JLAZ014_Page_0258 ―

^{[མ་དཔེ་གཟིགས་ན་འདིར་གནོན།]}

[Full Size]

ཤུབས་ནས་ཐོན་པ་བཞིན་དུ་མི་འགྱུར་ལྷུན་གྱིས་གྲུབ་པའི་གནས་སུ་ཕྱིན། ཞིང་པ་རྣམས་ཐན་པས་ཉམ་ཐག་པ་ལ་ཕན་དུ་རེ་བའི་སེམས་བསྐྱེད་ཁོ་ནས་ཧས་པོ་རིའི་རྩེ་ནས་བསངས་བརྔན་དང་བཀའ་ནན་རབ་བརྗིད་བྱེད་པའི་ལུགས་བྱས་པ་ལྷ་འདྲེ་རྣམས་ཁྲེལ་དགོད་མི་བྱེད་ལས་ཆེ། ཚེས་བཅུའི་ཉིན་སངས་རྒྱས་དངོས་དང་མཚུངས་པའི་ཇོ་བོ་བྱང་ཆུབ་ཆེན་པོའི་སྐུ་མདུན་དུ་སྟོང་མཆོད་ཀྱི་སྤྲིན་ཀུན་ཏུ་བཟང་པོའི་མཆོད་པའི་རྣལ་རོལ་དུ་རྒྱས་ཐེབས་པར་བྱས། གནས་སྐབས་དང་མཐར་ཐུག་ཀུན་དུ་བསྟན་པ་དང་སེམས་ཅན་གྱི་སྨན་ཡོན་བླ་ན་མེད་པར་འགྱུར་ཞིང་། རང་ལ་ཤི་གསོན་གྱི་འབྲེལ་པར་ཐོགས་པ་མཐའ་དག་བྱང་གྲོལ་རྣམ་མཁྱེན་གྱི་གོ་འཕང་ལ་འགོད་པའི་སྨོན་ལམ་རླབས་པོ་ཆེ་བཏབ། བར་ཁང་གཡུ་ཞལ་དུ་ཚོགས་ཀྱི་འཁོར་ལོ་རྒྱ་ཆེན་པོ་བསྐོར་བའི་ཚེ་མཁན་སློབ་རྗེ་འབངས་རྣམས་ཀྱི་ཐུགས་རྗེ་དང་སྐྱོ་བའི་ཉམས་ཤིན་ཏུ་འཕེལ་བ་བྱུང་། དུས་དེའི་ཚེ་རང་གི་ལུས་ལ་མནབས་པའི་གྱོན་པ་དང་། དཔེ་ཆ་ཙམ་ལས་གཞན་པའི་ཟང་ཟིང་ཅི་ཡང་མི་འདུག་པས། བྱ་བྲལ་ཀུན་སྤངས་པའི་མིང་གདགས་སུ་རུང་བ་ཙམ་ཡོད། གང་ཞིག་སྲིད་པའི་གྲིང་ཁྱེར་འདི། །ཆགས་པ་ཙམ་ནས་འཇིག་པའི་ཆོས། །དེ་ཕྱིར་མ་དང་བུ་གཅིག་པུ། །བྲལ་བའི་སྡུག་བསྔལ་གཟུགས་གྱུར་ན། །སྙིང་ཡང་

― JLAZ014_Page_0259 ―

^{[མ་དཔེ་གཟིགས་ན་འདིར་གནོན།]}

[Full Size]

ཚལ་པར་འགས་པ་ལྟའི། །ཆོ་ངེ་འདོན་པ་དེ་ཡི་སེམས། །དབུགས་འབྱིན་སླད་དུ་འདི་གདམས་སོ། །ཕ་དྲན་པས་སྙིང་གི་མུན་སེལ་མཆོག །དཔལ་ཨོ་ཌི་ཡ་ནའི་སློབ་དཔོན་རྗེས། །དུས་སྙིགས་མའི་སེམས་ཅན་བསྐྱབ་ཏུ་གསོལ། །ཁྱེད་ཚུར་ལ་གསན་དང་དད་དམ་ཅན། །སྤྱིར་འཁོར་བ་སྡུག་བསྔལ་རྒྱ་མཚོ་འདིར། །བློས་ལེགས་པར་བརྟགས་པ་ན་སྙིང་རླུང་ལྡང་། །སྟོད་ཡ་གི་སྲིད་པའི་རྩེ་མོ་ནས། །སྨད་ན་རག་དམྱལ་ཁམས་བཅོ་བརྒྱད་ཡན། །སྡུག་བསྔལ་རྒྱུ་ཆགས་ཀྱི་འཁྲུལ་འཁོར་ཅན། །དེ་མ་རིག་ཁམས་གསུམ་སེམས་ཅན་ཀུན། །བདེ་འདོད་སྡུག་བསྔལ་གྱི་ས་བོན་འདེབས། །སེམས་སྐྱོ་ཤས་དང་ངེས་འབྱུང་མ་སྐྱེས་པས། །བློ་དམ་པའི་ཆོས་ལ་འགྱུར་མ་ཉན། །སྡུག་བལྟར་སྣང་ཚེ་འདིའི་འདུན་མ་ལ། །གཏམ་ཐ་ཤལ་ཙམ་གྱི་རྗེས་འབྲངས་ནས། །ཞེན་ཆགས་ཀྱི་འཁོར་ལོ་བསྐོར་ཆེས་པས། །སྡུག་བསྔལ་རྣལ་གསུམ་གྱི་རྒྱལ་ཚུད། །དེ་དམ་ཆོས་མ་ནུས་པ་ཁོ་ནས་ལན། མི་ཁོ་བོའི་ཐ་ཤལ་དུ་བས་ནའང་། །གཞོན་ནུའི་ལང་ཚོ་གསར་བ་ནས། །སྐྱོ་ཤས་དང་ངེས་འབྱུང་ཁོ་ན་བསམས། །ནམ་འཆི་ཆ་མེད་ཀྱི་བློ་སྣ་བསྟུངས། །ཅིས་ཀྱང་དགོས་མེད་ཀྱི་སེམས་ཐག་བཅད། །གཏམ་ཁེ་གྲགས་ཀྱི་ཕྱོགས་སུ་སེམས་མ་བཏང་། །ན་དགའ་ཤི་སྐྱིད་ལ་སྐྱབས་གནས་བཅོལ། །རང་བྱུང་གི་གནས་

― JLAZ014_Page_0260 ―

^{[མ་དཔེ་གཟིགས་ན་འདིར་གནོན།]}

[Full Size]

ལུགས་བརྗོད་མེད་བསྐྱངས། །རི་སུལ་དང་དབེན་གནས་གཉན་པོ་འགྲིལ། །སྔར་མི་ལོ་བཅུ་གཅིག་སྒྲུབ་པར་འབུངས། །དུས་ད་ལྟ་དགོངས་པའི་བཙན་ས་ཟིན། །རྐྱེན་ངན་དང་སྡུག་བསྔལ་ཅི་བྱུང་བྱང་། །རང་ཤར་རང་གྲོལ་དུ་ལམ་གྱིས་ལྷོངས། །སྒྱུ་མ་དང་རྨི་ལམ་ལྟ་བུར་འབྱོངས། །བདེ་སྡུག་ཀུན་འདོ་གསལ་སྟོང་བ་ཉིད། །ཁྱོད་འཇིག་རྟེན་བ་སྡུག་བསྔལ་རང་རྒྱུད་ལ། །བཟོད་དུ་མེད་པར་སྤྱོད་པ་འདི། །དོན་རང་སེམས་ལྐོག་ཏུ་གྱུར་བསལ་ན། །ད་སྡུག་བསྔལ་སྤངས་པས་འཕོངས་པ་མེད། །སྡུག་བསྔལ་ཤར་བའི་མཁན་པོ་ལྟོས། །དེས་སྡུག་བསྔལ་གྱི་རང་མཚང་ངེས་པར་འཇིག །སྡུག་བསྔལ་ལ་རྟོག་པས་བརྟགས་པ་ན། །འཁོར་བའི་རང་བཞིན་སྡུག་བསྔལ་ཏེ། །སྔོན་བདེ་སྐྱིད་ཕུན་སུམ་ཚོགས་པའི་དུས། །ཉེས་མེད་དུ་རྒྱལ་པོ་ཆད་པས་མནར། །དགོངས་ཕོག་གི་འཕོ་འགྱུར་ཅིར་ཡང་ཤར། དེ་འགྱུར་བའི་སྡུག་བསྔལ་ཆེན་པོར་གྲགས། །དུས་གཏན་དུ་ཚེ་འདིའི་ཁེ་གྲགས་ལ། །ཆགས་ནས་དགྲ་འདུལ་གཉེན་སྐྱོང་སོགས། །ལུས་སེམས་ལ་བདེ་བའི་སྐམས་མི་རྙེད། །ཕྲལ་བལྟར་སྣང་བདེ་བར་སྣང་བ་ཀུན། །ཁྱབ་པ་འདུ་བྱེད་ཀྱི་སྡུག་བསྔལ་བལྟར་མི་མངོན། །དུས་ད་རེས་སྙིང་ལ་བརྩེ་བའི་སྲས། །སྔོན་ལས་དབང་གི་བདེན་པ་མཐུ་ཆེ་བས། །དུས་གློ་བུར་སྐུ་ཚེ་བཏང་བ་དེས། །སེམས་བཟོད་བླག་མེད་

― JLAZ014_Page_0261 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཟུག་རྡུས་བཅིངས། །དུས་ཉིན་མཚན་བར་མེད་དུཁས་མནར། །འདི་སྡུག་བསྔལ་གྱི་སྡུག་བསྔལ་ཞེས་སུ་གྲགས། །ཚུལ་དེ་ཕྱིར་སྡུག་བསྔལ་གསུམ་པོ་འདི། ཁོང་སེམས་ཅན་ཀུན་གྱི་གཉའ་ན་འདུག །འདི་གཞན་མིན་ཞིག་རང་ལ་འབྱུང་བའང་མིན། །སྔར་ཆོས་རྒྱལ་བཙུན་མོ་འབྲོམ་བཟའ་ལ། །སྲས་གཅིག་ལས་མེད་པའི་པདྨ་གསལ། །ཡབ་གཅེས་པའི་ངང་ཚུལ་མ་བཟོད་བཞིན། །དབང་མེད་དུ་འཇིག་རྟེན་ཕ་རོལ་སོང་། །ཕ་ཨོ་རྒྱན་ཆོས་རྗེའི་ཐུགས་རྗེ་ཡིས། །རོ་ལ་རྣམ་ཤེས་བཀུག་པའི་ཚེ། །མིག་བལྟ་ཞིང་སྨྲ་བ་ཤེས་ནའང་། །ཚེ་ཟད་པ་བསྲིང་བའི་མཐུན་མེད་པས། །ཞག་གཅིག་ཀྱང་བསྡད་དབང་ག་ལ་ཡོད། །དུས་དེ་ཚེ་རྗེས་སུ་བཟུང་བའི་མཐུས། །དག་མ་དག་གི་སྐྱེ་བ་མང་རྒྱུད་མཐར། །སྔོན་སྨོན་བའི་འབྲས་བུ་སྟོངས་གྱུར་ནས། །རིག་འཛིན་གྱི་ཟློས་གར་ལས་འབྲེལ་རྩལ། །ལོ་བཅུ་བདུན་ཙམ་ནས་སྙིང་ཐིག་བཏོན། །ཁོང་ལས་ཅན་ཡོངས་ལ་སྤེལ་རྒྱུ་ལ། །གློ་བུར་བདུད་ཀྱི་ཆོ་འཕྲུལ་མཐུས། །གཉལ་རྒྱ་འགྲོ་ལ་ཡི་རྩེ་མོ་རུ། །མཚོན་སྣ་ཚོགས་ཀྱི་ཆར་པ་ཕབ་ནས་དཀྲོངས། །ཁོང་ལྷོ་བྲག་མར་པ་ཐུགས་བརྩེ་ཞིང་། །ལུས་ཤ་ནས་ཆད་པའི་སྙིང་གི་བུ། །སྲས་དར་མ་མདོ་སྡེ་སྐད་བ་དེ། །རྐྱེན་དྲག་ཤུལ་ཅན་གྱི་རྟ་གྲིར་བཀུམས། །དབུ་ཀླད་ས་ལ་བཀྲམ་ནས་གཤེགས། །རྗེ་རིན་ཆེན་ཚངས་དབྱངས་རྒྱ་མཚོ་ཞེས། །བོད་བདེ་སྐྱིད་འབྱུང་བའི་ཡིད་བཞིན་ནོར། །སྐུ་བལྟ་བས་

― JLAZ014_Page_0262 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོག་མི་ཤེས་པ་དེ། །ས་མཐར་དྭ་ཕྲུག་བཞིན་དུ་ཐལ། །ཚུལ་དེ་ཕྱིར་ལས་དང་དེ་འབྲས་ནི། །བྱང་སེམས་དང་འཕགས་པས་ཀྱང་བདག་གིར་མཛད། །མགོན་ཤཱཀྱ་ཐུབ་པའི་ཞབས་པད་ལ། །སེང་ལྡེང་གི་ཚལ་བུས་གནད་ཚུལ་བཞིན། །ལས་སུས་ཀྱང་བཅོས་སུ་མི་ཏུབ་པ། །དེ་བདག་གིར་བཞེས་ལ་ཐུགས་ཁྲལ་བསྐྱངས། །བོད་གངས་ཁྲོད་ཀྱི་ཆོས་པ་མི་ལ་དང་། །དྭགས་པོ་ཟླ་འོད་བརྒྱུད་པར་བཅས། །ཀློང་ཆེན་དང་ཟུར་པ་མེས་བདོན་སོགས། །གསར་རྙིང་གི་གྲུ་ཐོབ་ཕལ་མོ་ཆེ། །རྐྱེན་ངན་ལ་བརྟེན་ནས་ཆོས་དང་མཇལ། །སྡུག་བསྔལ་ལ་བརྟེན་ནས་དངོས་གྲུབ་ཐོ། །འཁོར་གསུམ་སྟག་ཆས་ཀྱི་དྲུང་འཁོར་དང་། །གསེང་གཡུའི་ལན་ཚར་གྱི་སྒེག་ཆོས་ཅན། །སྟོབས་འབྱོར་མངའ་ཐང་གིས་དྲེགས་པ་འདིས། །དུས་གཏན་གྱི་འདུན་མ་བསླུ་བསླུ་འདྲ། །མི་ཕལ་ཆེར་དུད་འགྲོ་དངོས་དང་མཚུངས། །འདིར་རྨི་ལམ་ཙམ་གྱི་འདུན་མ་ལ། །རྟག་ཆས་སུ་བཟུང་ནས་གཡོ་སྒྱུས་འཚོ། །ཚེ་གཏན་གྱི་འདུན་མ་ཉེས་པ་ལ། །དོགས་པ་ཙམ་ཡང་བྱེད་མཁན་མེད། །དུས་རྒྱལ་བའི་གསུང་རབ་རྒྱ་མཚོ་མཐོང་། །རྟག་པར་བྱང་ཆུབ་སེམས་མཆོག་བསྐྱེད། །རང་བྱུང་གི་གནས་ལུགས་རྟོགས་པའི་མཐུས། །འཁོར་འདས་ཀྱི་གནད་མཚང་རིག་བ་དེས། །དུད་འགྲོའི་ཁྲོད་ནས་ཅང་ཤེས་ཙམ། །སྐྱིད་སྡུག་མདང་གི་རྨི་ལམ་འདྲ། །མདང་ནུབ་བདེན་ཀྱང་དེ་རིང་ཡལ། །དེ་ལ་དགོངས་ནས་ཐུགས་ཁྲལ་བསྐྱུངས། །

― JLAZ014_Page_0263 ―

^{[མ་དཔེ་གཟིགས་ན་འདིར་གནོན།]}

[Full Size]

དཀོན་མཆོག་གསུམ་བློ་རྩེ་ཐོད། །དམ་པའི་ལྷ་ཆོས་སྙིང་ལ་ཕུར། །ད་ནི་དུས་ངན་སྙིགས་མའི་དུས། །སུ་ལ་བལྟས་ཀྱང་བློ་སྣ་སྐྱོག །གང་ལ་གཞིགས་ཀྱང་སྙིང་པོ་མེད། རི་སུལ་འགྲིམ་པའི་རྣལ་འབྱོར་ལ། སེམས་ཅན་མོས་པ་ཐ་དད་ཀྱང་། །སྨོན་ལམ་ཕྱོགས་རིས་བྲལ་བར་འདེབས། །ལས་ཀྱི་བསྡུས་པའི་འཁོར་སློབ་དང་། །གློ་སྙིང་གཏོད་པའི་ཡོན་བདག་ཀུན། །དམ་པའི་ཆོས་ལ་བློ་ཕྱོགས་ནས། །གཏན་འདུན་ཚེ་འདིར་འགྲུབ་པར་ཤོག །སྒྲུབ་པ་ནན་ཏན་དང་འབྲེལ་བའི་སྐོར་ཏེ་སྐབས་གཉིས་པའོ། །ད་ནི་བྱ་བ་ལས་ཀྱི་འཁོར་ལོ་དང་འབྲེལ་བའི་གཏམ་བཤད་པར་བྱ་སྟེ།

― JLAZ014_Page_0264 ―

^{[མ་དཔེ་གཟིགས་ན་འདིར་གནོན།]}

[Full Size]

ཤོག་སྟོང་།

རྫོགས་ཆེན་པ་རང་བྱུང་རྡོ་རྗེ་མཁྱེན་བརྩེའི་འོད་ཟེར་གྱི་རྣམ་ཐར་བྱ་བ་ལས་ཀྱི་འཁོར་ལོ་དང་འབྲེལ་བའི་སྐོར་ཏེ་སྐབས་གསུམ་པ།

― JLAZ014_Page_0265 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་ཆེན་པ་རང་བྱུང་རྡོ་རྗེ་མཁྱེན་བརྩེའི་འོད་ཟེར་གྱི་རྣམ་ཐར་བྱ་བ་ལས་ཀྱི་འཁོར་ལོ་དང་འབྲེལ་བའི་སྐོར་ཏེ་སྐབས་གསུམ་པ་བཞུགས་སོ།

― JLAZ014_Page_0266 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ནས་བཟང་ངན་ལེགས་ཉེས་དང་། །བསྟོད་སྨད་ཆགས་སྡང་ཀུན་ལ་ཡང་།

― JLAZ014_Page_0267 ―

^{[མ་དཔེ་གཟིགས་ན་འདིར་གནོན།]}

[Full Size]

ཇི་མི་སྙམ་པའི་བློ་སྐྱེས་ནས། །སྣ་ལམ་སེར་པོའི་བཙུན་ཚུགས་དང་།

― JLAZ014_Page_0268 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་བོ་འདྲིད་པའི་སྒོམ་ལྡིར་སོགས། །རང་ཉིད་བསླུ་བའི་རྒྱུར་མཐོང་ནས། །ཐམས་ཅད་མཉམ་པ་ཆེན་པོ་བརྡལ། །རྒྱུ་འབྲས་སྲོག་ཏུ་བརྩི་བ་དང་། །གཞན་ཕན་བསམ་པ་བཟང་པོ་དང་། །བསྟན་ལ་སྲི་ཞུའི་ལྷག་བསམ་དང་། །ཆོས་ཀྱི་སྙིང་པོ་རང་རིག་པ། །བརྟན་པ་ཐོབ་པར་མ་གྱུར་ན། །བལྟར་སྣང་ཆོས་ཚུལ་བཟང་པོ་དང་། །འཁོར་བའི་རང་བཞིན་ཉིད་ཡིན་པ། །ཤེས་ནས་བླང་དོར་མེད་པ་ཡི། །ངང་དུ་ཅི་བདེར་གནས་པ་ལ། །གཞན་ངོར་དགེ་དང་མི་དགེ་ཡི། །རྣམ་པར་རྟོག་པ་ཅི་ཤར་ཡང་། །ང་ལ་ཐོབ་དང་ཤོར་པ་མེད། །རེ་དང་དོགས་པའི་གནས་རྣམས་སུ། །འགྲོ་དང་འོང་བའང་ཡོད་མ་ཡིན། །རིས་མེད་མཉམ་པ་ཆེན་པོར་ཨ །དེ་ནས་བོད་ལ་བཀྲ་ཤིས་འབྱུང་བའི་གནས་ཧས་པོ་རི་དུང་སེང་གནམ་དུ་འཕྱོང་བ་འདྲ་བའི་མདུན་ནས་བཏེག །ཆུ་ཀླུང་ཆེན་པོ་ལོ་ཧི་ཏའི་འགྲམ་དུ་སྐྱ་རེངས་འཆར་བར་བརྩམས་པའི་ཚེ་ཐུགས་ཆོམས་ཀྱི་སྒྲ་ཆེན་པོ་ཞིག་བྱུང་བའི་མོད་ལ་རྟ་མཆོག་ཧེ་རུ་ཀའི་ལོ་བྲང་གི་གཡོན་རིའི་ཐད་ཀྱི་ནམ་མཁའ་ནས་དྲང་སྲོང་ཆེན་པོ་ཟླ་བ་ལ་དུས་མེད་ཐུག་པའི་ཁ་དོག་འདྲ་བ་ཞིག་རྒྱུ་བ་མཐོང་བས་སྲུང་མ་ཕྱི་བཞིན་འབྲང་བའི་རྟེན་འབྲེལ་དུ་གོ །རིམ་གྱིས་དལ་འགྲོའི་ཀླུང་ཆེན་པོ་ཤིང་རྟའི་བཞོན་

― JLAZ014_Page_0269 ―

^{[མ་དཔེ་གཟིགས་ན་འདིར་གནོན།]}

[Full Size]

པས་བརྒལ། གཞིས་ཀ་གཡུང་དྲུང་འཁྱིལ་བའི་ཚུལ་ནས་སྡུན་བསུས། ཐར་པ་ཆེན་པོའི་གྲོང་ཁྱེར་པདྨ་འོད་གླིང་གུ་བརྟོལ། །ས་དེར་ལྕང་སྐྱའི་འགལ་དུམ་ཡོགའི་གལ་ཙམ་ཞིག་འདུག་པ་གདའ་ཁྲིས་སུ་ལག་དལ་ལྟ་བུར་བཙུགས་པ་ལེགས་པར་སྐྱེས་ཤིང་། སླན་ཚད་ཆུ་མིག་བྲུས་པའང་ཕུན་སུམ་ཚོགས་པའི་ཡན་ལག་ཏུ་སོང་བས་གཞི་བདག་གི་རྟེན་འབྲེལ་ཤེས། དཔལ་རྡོ་རྗེ་ཕུར་པའི་སྒོ་ནས་ཞི་བའི་བསྲེགས་བླུགས་ཀྱི་གནས་གཞི་བཀྲ་ཤིས་པར་བྱས། །ས་བརྒོ་རྡོ་སློག་གི་དུས་བག་ལ་ཞར་སྲོག་འགགས་པའི་གྲོག་སྦུར་ཡན་ཆད་ལ་སྒྲིབ་སྦྱོང་གི་འདུན་པ་བསྒྱུར། སྤྱིར་དེ་བཞིན་གཤེགས་པའི་སྐུ་གསུང་ཐུགས་རྟེན་བཞགས་པའི་གནས་ལ་དོགས་པ་དེ་མི་དགོས་པའི་ལུང་ཡོད་མོད་དེ་དྲང་ངེས་སྡེམ་དགོངས་ཀྱི་ཚུལ་ཤེས་པས་རྒྱུ་འབྲས་རང་སའི་འབྲས་བུ་ལ་ཡིད་ཆེས་པར་བྱེད་པ་འདི་གལ་ཆེ་བར་གདའ། གཞིམ་ཆུང་འཁོར་ལོ་ཚོགས་ཆེན་དུ་ཕུར་སྒྲུབ་དང་འབྲེལ་བའི་སྨན་སྒྲུབ་ཉུང་དུ་ཞིག་བྱས། །འགྲོག་ནས་འདིའི་རིག་པ་ལ་སྔོན་སྦྱངས་ཀྱི་སྣང་བ་སད་ཅིང་རྒྱུད་ཆོས་དང་འདྲེས་པའི་སྡོམ་བརྩོན་རྣལ་འབྱོར་སྤྱོད་པ་ལྦ་གིནྡྲ་དྷ་རྨཱ་ཀི་རྟིས་གྱང་རིས་འདྲི་བའི་བཀོད་པ་བགྱིས། རབ་གནས་ལ་ཐུག་གི་བར་བྱ་བ་རྗེས་བཙན་པར་བྱས་ནས་ཆུ་བོ་རྟའི་

― JLAZ014_Page_0270 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་གྲོ་བཞིན་གྱི་ཟླ་བའི་རྐང་བ་རྫོགས་བའི་མཚམས་སུ། དུར་ཁྲོད་རོལ་པའི་གནས་གནས་ལ་རྡེའུ་གནས་འབྲེལ་བྱེད་དུ་ཕྱིན། གནས་དེ་ཉིད་རང་བཞིན་གྱི་ཉམས་དགའ་ལ་བག་ཕེབས། སྒྱུ་མ་ལྟ་བུའི་བློ་དང་མི་ལྡན་པ་རྣམས་སྐྱི་གཡའ་བའི་རྣམ་པར་སྣང་། དེའི་ནུབ་མོ་རྨི་ལམ་ན་འབྲོང་རྩལ་པོ་ཆེ་ཞིག་གིས་དེད་ལ་རྒོལ་དུ་འོངས་པ་ཡི་དམ་གྱི་བསྐྱེད་རིམ་བརྟན་པར་བྱས་པས་ཁོའི་ཞེ་སྡང་ཞི་ནས་ཚོམ་མེར་བསྡད་པ་ཞིག་རྨིས། སང་ཉིད་བསངས་དང་གསེར་སྐྱེམས་སོགས་བྱས་ཤིང་རིང་ལྟར་བྱས་པས་ཞོལ་དེར་རྫ་སྤྱིལ་བརྒྱ་ཙམ་འདུག་པ་མཐོང་བས། སྔོན་གྱི་ཚེ་བྱོན་པའི་སྒྲུབ་བརྒྱུད་ཀྱི་བསྟན་པའི་གསལ་བྱེད་ཚེ་ལ་མོས་པོ་ཆེན་པོ་འཕེལ། སྐྱེས་བུ་དམ་བ་རེ་རེ་ཙམ་གྱི་ཐུགས་རྗེའི་ནུས་པས་སེམས་ཅན་མང་པོའི་བློ་ཆོས་སུ་བསྒྱུར་ནས། ངེས་ལེགས་ཀྱི་ལམ་ལ་བཀོད་པའི་རྗེས་ཤུལ་འིད་ཀར་འདུག །དཔལ་ཨོ་རྒྱན་ཆོས་ཀྱི་རྒྱལ་པོས། །དེ་དུས་སེམས་ཅན་འབུམ་ཕྲག་དོན་བྱེད་ལས། །སྙིགས་དུས་སེམས་ཅན་རེའི་དོན་བྱེད་དཀའ། །ཅིའི་ཕྱིར་ལས་ངན་གདིང་ཆེན་ཆེས་པའི་ཕྱིར། །ཅེས་དང་། བཅུ་ཕྲག་ཡན་ཆད་ཁ་ལོ་བསྒྱུར་ནུས་པའི། །གང་ཟག་དེ་ནི་འཕགས་བའི་སྤྲུལ་པར་ངེས། །བརྒྱ་ཕྲག་ཡན་ཆད་ཁ་ལོ་བསྒྱུར་

― JLAZ014_Page_0271 ―

^{[མ་དཔེ་གཟིགས་ན་འདིར་གནོན།]}

[Full Size]

ནུས་པ། །དེ་ན་རྒྱལ་བ་དངོས་ཡིན་གདོན་མི་ཟ། །ཞེས་གསུངས་པས་རྣལ་འབྱོར་གྱི་དབང་ཕྱུག་མི་ལ་རས་པ་ཡབ་སྲས་དང་། འགྲོ་བའི་མགོན་པོ་ཀུ་མ་ར་ཛ། ཀུན་མཁྱེན་དྲི་མེད་འོད་ཟེར། སྔོན་དུས་སུ་བྱོན་པའི་ཇོ་བོ་བཀའ་གདམས་པ་སོགས་ཀྱིས་རི་ཚུགས་འཛིན་པའི་རྣམ་ཐར་ལ་དད་པ་མི་སྐྱེ་བའི་དབང་ག་ན་ཡོད། ད་ལྟ་འབྲེལ་འཚད་དོན་ལྡན་དུ་གྲགས་པ་དག་གིས་སློབ་རྒྱུད་པའི་དྲེགས་པ་ཙམ་གྱི་ནང་ནའང་སྒྲུབ་པ་སྙིང་པོར་མཛད་པའི་ཚུགས་ཁ་ཟིན་པ་ལྟ་ཅི། འཁོར་བའི་གནས་ལ་ཞེན་པ་གཏིང་ནས་ལོག་སྟེ་གཏད་པ་བཞིའི་ཆ་ཤད་འཁྱོངས་པ་ཡང་དཀོན་པའི་དངོས་པོ་ཉིད་དུ་གྲུབ་པའི་ཕྱིར། ཐུགས་བསྐྱེད་དང་སྨོན་ལམ་གྱི་སྟོབས་ཆེ་ཆུང་དེ་ཙམ་དུ་གོ་ནས་རང་ཉིད་ཀྱང་དེ་ལྟ་བུར་འགྱུར་བ་ཤོག་ཅིག་སྙམ་པའི་སྨོན་ལམ་ཤུག་དྲག་ཏུ་བཏབ། དེའི་ནུབ་མོའི་རྨི་ལམ་ན་མཚན་ཉིད་པ་ཞིག་གིས་ངེད་ལ་བགྲོ་གླེང་བཙུགས་པའི་འཕྲོ་ལ། ཁྱོད་རྒྱལ་ཁམས་གང་ལ་དགའ་ཟེར། ངས་པདྨ་ཁ་ཕྱེ་ལ་དགའ་བྱས། བློ་ཕུགས་གང་ལ་གཏོད་ཟེར། །ནམ་མཁའ་ཀློང་ཡངས་ལ་གཏོད་བྱས་པས། །སྐྱེངས་པའི་ཚུལ་གྱིས་ཅང་མི་ཟེར། །དེ་ཁའི་མུར་མི་དཔོན་སྣུམ་བག་ཅན་གཟུགས་བཟང་

― JLAZ014_Page_0272 ―

^{[མ་དཔེ་གཟིགས་ན་འདིར་གནོན།]}

[Full Size]

བ་གཡོག་དང་བཅས་པ་ཞིག་བྱུང་ནས། །ངེད་ཀྱི་ཁྱིམ་དུ་ཚེ་དབང་ལ་གདན་འདྲེན་པ་ཡིན་ཟེར་གུས་པ་ལྟར་བྱེད་ནས་སྡེ་ཁྱིམ་ཆེན་པོ་ཞིག་ཏུ་ཁྲི་གདན་བཀོད་སོགས་གཟབས་ནས་འདུག་པའི་ཁར་བསྡད་པ་ན་གཉིས་ཡལ། གནས་བདག་ཡར་ལྷ་ཤམ་པོས་བྱེད་བར་འདུག་སྙམ་པ་ཤར་ཏེ་གང་ཡིན་དཔྱད་དཀའ། ངེད་གསུམ་གྱི་ཞབ་བདུན་གྱི་བར་གནས་འབྲེལ་བྱས་པས་ཁ་བ་ཤིན་ཏུ་ཆེ་བ་བབས། སྣང་བ་ཡུལ་རྐྱེན་གྱིས་བསྒྱུར་བས་ངེས་འབྱུང་དང་སྐྱོ་ཤས་དཔག་ཏུ་མེད་པ་སྐྱེས། མངའ་རིས་བུ་མོའི་ཏམ་བུ་རའི་རྒྱུད་ལ་དྲངས་ནས་གླུ་འདི་འདྲས་ཀྱང་འཐེན་ནོ། །ན་མོ་གུ་རུ། ཡར་ལ་བལྟས་པས་ཀ་དག་འོད་གསལ་གྱི་མཁའ་ལ། །ལྷུན་གྲུབ་ཉི་ཟླའི་ཚོམ་བུ་མེ་ཤེལ་ལས་དངས་པ། །ལྟ་སྒོམ་སྤྱོད་པའི་རྒྱན་དུ་མེད་ཐབས་ནི་མི་འདུག །ཨོ་ལོའི་སེམས་པ་དགུང་སྔོན་མཐོན་པོ་ལ་ཤོར་སོང་། །མར་ལ་བལྟས་པས་ཁམས་གསུམ་འཁོར་བ་ཡི་གྲོང་ན། །མ་རྒན་འགྲོ་དྲུག་སྣ་ཚོགས་སྡུག་བསྔལ་གྱིས་མནར་འདུག །འདི་འདྲ་མཐོང་བས་སྙིང་རྩ་དབང་མེད་དུ་འདར་ནས། །ཨོ་ལོའི་སེམས་པ་དམ་པའི་ལྷ་ཆོས་ལ་ཤོར་སོང་། །འདི་རུ་བལྟས་པས་བྲག་རི་མཐོན་པོ་ཡི་རྩེ་མོར། །ཁ་ཆར་ན་བུན་རླུང་གི་རེག་བྱས་

― JLAZ014_Page_0273 ―

^{[མ་དཔེ་གཟིགས་ན་འདིར་གནོན།]}

[Full Size]

དང་གཡོགས་པའི། །གཡམ་པའི་སྤྱི་ལ་ཆུང་ཆགས་མེད་ཞེན་བྲལ་གྱི་ཁང་མཛེས། །ཨོ་ལོའི་སེམས་པ་གངས་ལའི་རྫ་ཁྲོད་ལ་ཤོར་སོང་། །དགྲ་ལ་སྡང་ཞིང་གཉེན་ལ་རང་ཤུགས་ཀྱིས་ཆགས་པའི། །སྡེ་དགོན་འདུ་འཛིའི་ཞེན་པ་ཡིད་ཡུལ་ན་མི་འདུག །བསླབ་བྱ་བྱིས་པའི་བསླུ་བྲིད་མ་མཛད་དང་ཨེ་གོ། ཨོ་ལོའི་སེམས་པ་སྣང་ཟོས་གང་བ་དེ་ལ་ཤོར་སོང་། །སྡིག་ཟས་ཤ་ལ་མཉེས་ཀྱང་གཞན་སྲོག་ནི་མི་གཅོད། །རླུང་གཤོག་རྩེ་སྒྲོ་ངར་མའི་བརྟུལ་ཞུགས་དང་འགྲོགས་ནས། །ལྟ་སྒོམ་ནམ་མཁའི་ཕུ་ཐག་བཙན་ཐབས་སུ་གཅོད་པའི། །ཨོ་ལོའི་སེམས་པ་ཐང་དཀར་རྒོད་སྨུག་ལ་ཤོར་སོང་། །བསམ་མེད་དུད་འགྲོར་སྐྱེས་ཀྱང་དགེ་སེམས་དང་ལྡན་པས། །གཞན་ལ་གནོད་པའི་ཁ་ཟས་དང་ཁ་རུ་མི་འགྲོ། །རྩྭ་དང་མྱུ་གུས་འཚོ་བའི་སྐད་སྙན་གྱི་འདབ་ཆགས། །ཨོ་ལོའི་སེམས་པ་ལྷ་བྱ་གོང་མོ་ལ་ཤོར་སོང་། །རི་དགས་སྤང་ལ་རྩ་བ་སྔོན་གྱི་ལས་སྨྱོན་ཡིན་པ། །ཁྲེལ་མེད་ལིངས་པའི་དགྲ་ལ་ཕྱོལ་ཕྱིན་པས་ལོས་ཆོག །གང་བྱུང་ཟས་ཀྱི་ཡང་རྩེ་རྩ་ཆུ་རུ་འདུག་པས། །ཨོ་ལོའི་སེམས་པ་ཤ་བ་སྨུག་ཆུང་ལ་ཤོར་སོང་། །ཁ་སང་ཕུང་པོ་བྱ་ལ་གཏོར་ཤུལ་དེ་མཐོང་བས། །གཞོན་པའི་

― JLAZ014_Page_0274 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྱུ་ལུས་ལ་ཁའི་ན་བུན་དུ་གོ་བྱུང་། །ལུས་སེམས་བྲལ་ཀྱང་ཚོར་བའི་སྡུག་བསྔལ་ལས་གྲོལ་བའི། །ཨོ་ལོའི་སེམས་པ་འོད་གསལ་ཆོས་སྐུ་ལ་ཤོར་སོང་། །དོ་ནུབ་ཙམ་ཡང་མི་འཆིའི་གདེངས་ཚད་ནི་མི་འདུག །བྱ་བྱེད་མང་པོ་ངན་སོང་འཁོར་བ་ཡི་གཏིང་རྡོ། བྱར་མེད་ངང་ནས་ས་ལམ་ཚིག་ཆོད་དུ་འགྱུར་བའི། །ཨོ་ལོའི་སེམས་པ་མ་བཅོས་ལྷུག་པ་ལ་ཤོར་སོང་། །གྲངས་མེད་གསུམ་གྱི་སྡུག་ཡུན་བཅོགས་ས་ན་མི་འདུག །སྡོམ་པ་གསུམ་གྱི་ངོ་བོ་རང་རིག་ལ་རྫོགས་སོང་། ད་ལྟའི་ཤེས་པ་སངས་རྒྱས་རློན་པོ་རུ་འདུག་པས། །ཨོ་ལོའི་སེམས་པཱོད་གསལ་རྫོགས་ཆེན་ལ་ཤོར་སོང་། །དབེན་པའི་རི་དགོས་གངས་ལ་རྗེའུ་ཡི་རྫ་ཁྲོད། །སྐུ་མཚམས་དམ་པོ་ཁ་ཆར་ན་བུན་གྱིས་བསྡམས་མོ། །དགའ་སྐྱོ་འདྲེས་པའི་ཉམས་སྣང་བ་ན་བུན་གྱི་དང་ནས། །སྒྱུ་མའི་རྣལ་འབྱོར་མཁྱེན་བརྩེའི་འོད་ཟེར་གྱིས་སྨྲས་སོ། །སྟོན་སེར་ནས་པདྨ་འོད་གླིང་དུ་མཚམས་ལ་བཞུགས། །སྦྱིན་བདག་གི་འཚོ་བ་གཅིག་པུར་ཆོག་ཤེས་པས་གཞན་ངོ་བསྲུང་བ་དང་། །གྲོང་ཆོག་ལ་སོགས་པས་ཕུན་ཚོགས་སྒྲུབ་པའི་བློ་གཡེང་བཤོལ། སྐྱིད་ལ་ཟོས་བདེ་དགེ་སྦྱོར་འཕེལ་བ་དབེན་པའི་ཡོན་ཏན་ཡིན་ཀྱང་དཔལ་རི་ནས་སྤྲུལ་སྐུ་རིན་པོ་ཆེ་གསན་སྦྱང་ལ་བྱོན། །སྤར་རྭ་སྦྲུལ་དེ་ཉིད་

― JLAZ014_Page_0275 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་གོང་མའི་དམ་ཚིག་ཁོ་ན་ལ་བསམས་ཏེ་ཉེ་བར་བསྟན་པའི་དེ་སྦྱོར་ལ་རྣམ་པར་གཡེང་བ་བྱུང་། །སྐབས་འདི་ཚོར་རྣམ་གླིང་པས་སྡིག་བརྒྱུད་ལོན་པའི་གཞོན་ནུ་ལ་ཡི་གེ་སོགས་བསླབ་རོགས་ནན་དུ་བྱུང་བའང་ཅི་མ་སྙམ་པར་བཞག་པ་དེ་ཡིན་ནའང་། སྤྱིར་ནི་སྡེ་འཛིན་གྱི་གང་ཟག་གོ་ནས་འཕོངས། སྔར་ཕྱོགས་གཞན་དུ་གསན་སྦྱངས་ཀྱི་རྟེན་འབྲེལ་འགྲིག་བའང་བྱུང་ཚོད་མི་གདའ། བསམ་མཆིམས་སུ་འདུག་སྐབས་ཀྱང་དགག་བྱ་དུ་མས་ཐོས་བསམ་གྱི་གནས་ལ་རི་དགས་རྒྱ་ལ་བཙུད་པ་ལྟ་བུའི་བརྟན་པ་བྲལ་བ་གོང་མའི་གདན་སར་མི་བཏུབ་པར་ཤེས་ནས། འདི་རེས་སྦྲུལ་པའི་སྐུ་རང་ཅུང་ཟད་སྐུ་ཆར་སོན་པའི་དགོངས་དཔྱད་ཡིན་པས་དེ་ཁའི་གྲོགས་སུ་འགྱུར་བར་བྱས། འདིར་དབྱར་ལོ་གཅིག་རིལ་པོར་བཞུགས། ཕྱག་བྲིས། ལན་ལྦར། སྙན་དངགས་གཙོ་བོ་གྱུར་པ་ལ། བཞུགས་ལུགས་ཡན་ཆོད་བཅོས། དུས་འཁོར་གྱི་ལག་རྩི་འདི་ནི་ཧ་ཅང་རང་རྣམ་པར་གཡེང་དྲག་པས་སྔར་སྒྲུབ་པ་ལ་འཇུག་པ་ཙམ་ནས་ས་གཞོང་ལ་ཡང་མི་འདྲི་བའི་དམ་བཅའ་བྱས་ནས་གཎྜལ་བླ་བྲང་དུ་བསྐྱལ་བ་དེ་ཡིན་པས་ཕལ་ཆེར་རེའུ་མིག་གཟིགས་པའི་སྐོར་ཙམ་ལ་ཆག་བཞག་གོ །སྤྱིར་རྒྱལ་སྲས་རྣམས་ཀྱིས་མི་སློབ་པའི། །དངོས་དེ་དང་ཡང་ཡོད་

― JLAZ014_Page_0276 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཡིན། །ཅེས་བཅུ་ཕྲག་རིག་པའི་གནས་རྣམས་ལ་སྒོ་གང་ནས་ཀྱང་འཇུག་པ་ཡངས་པ་ཕུན་སུམ་ཚོགས་པའི་གནས་སུ་མི་སེམས་པ་ལྟ་ག་ལ་ཡིན། རང་རང་གི་བརྩོན་པ་དང་མཁྱེན་སྟོབས་ལ་དཔགས་ནས་ཡོན་ཏན་སྤྱོང་བ་འདི་མཐའ་བཙན་པོར་མཆིས་ཤིང་། ཁྱད་པར་བླ་མའི་རིགས་ལ་ནི་ཐུགས་བསྐྱེད་དང་སྤངས་རྟོགས་ཕུན་སུམ་ཚོགས་པ་ཁོ་ན་གལ་ཆེ་བར་དགའ། སྟོན་སེར་ལིངས་པས་རི་དྲགས་བརྔོན་པ་ལ་སྐྱོབ་ཤིན་ཏུ་སྐྱེས་པའི་མོད་རི་དྲགས་ཀྱི་གཏམ་ངེས་འབྱུང་གི་ཕོ་ཉ་ཟེར་བ་དེའང་ཉམས་ཆོས་སུ་ཤར། རྫོགས་པ་ཆེན་པོའི་རྒྱུད་བཅུ་བདུན་གྱི་ལུང་ནོད་པའི་ཕྱིར་གྲུབ་དབང་ཤྲཱི་ནཱ་ཐ་ཤེལ་བྲག་ཏུ་ཕེབས་པའང་གདན་དྲངས། སྔ་འགྱུར་བཀའ་མའི་ཕྱོགས་ལ་གསན་རྒྱ་ཤིན་ཏུ་ཆེ་བ་ཡིན་ཏེ་འདི་ལོའི་དགུན་ནས་ཞིང་ཁམས་གཞན་དུ་གཤེགས་སོ། སྔ་ལོར་སྒྲུབ་ཆེན་བཀའ་བརྒྱད་བདེ་གཤེགས་འདུས་པ་དང་། གཤིན་རྗེ་ཚེ་བདག་གིས་མཚོན་འདོད་ཆོས་གཙོ་ཆེ་བ་རྣམས་ཞུ་ཐུག་པས་འཚེངས་སྙམ་པ་བྱུང་། ཆོས་དོན་དུ་གཉེར་པ་རྣམས་གང་ན་དགེ་བའི་བཤེས་གཉེན་དང་རྟེན་འབྲེལ་འགྲིག་པ་དེ་ཙམ་ལ་བརྩོན་པ་བསྐྱེད་པ་ནི་གལ་ཆེ་བ་ཡིན་ནོ། །སྐབས་འདིར་གོང་ཡུལ་ཤིང་ལོའི་དགའ་ཚལ་ནས་ཉང་སྟོན་བཀྲ་

― JLAZ014_Page_0277 ―

^{[མ་དཔེ་གཟིགས་ན་འདིར་གནོན།]}

[Full Size]

ཏི་པ་རིག་པའི་རྡོ་རྗེས་གསུང་བྲིས་ཀྱི་ལམ་ནས་བསྐུལ་བ་བཞིན། མན་ངག་ལུང་གི་གཏེར་མཛོད་ཤོག་བུ་བཞི་བརྒྱར་ཉེ་བའང་བརྩམས། སྦྱོར་རྩེ་སྤྲུལ་པའི་སྐུ་རིན་པོ་ཆེ་ཐམས་ཅད་མཁྱེན་པ་ཁྲ་འབྲུག་ཏུ་ཕེབས་པ་ནས་དབང་ཆོས་འགའ་ཞིག་གི་སླད་དུ་འདིར་ཅིས་ཀྱང་སླེབས་པ་བྱེད་དགོས་ཞེས་ཆིབས་གསར་མ་ལ་སྒ་བསྟད་ད་འབོད་མི་འབྱུང་བས་དེར་བརྟོལ། འཇིག་རྟེན་གྱིས་གདགས་པའི་སྤྲུལ་སྐུ་ཆེ་ཀའི་གོ་སར་བཞུགས་པ་ལ་ཐུགས་སྙེམས་ཅང་མེད་པའི་རང་བཞིན་བཟང་། གུ་རུ་དྲག་པོའི་དབང་ཞིག་དགོས་ཕེབས་པ་དང་། གཞན་ཆོས་འབྲེལ་གྱི་རྣམ་པ་འགའ་ཙམ་ཕུལ། བོ་དོང་འཇིགས་བྲལ་ཆེན་པོའི་གསུང་རབ་ལས་བརྩམས་ཏེ་རྣམ་ཤེས་ཚོགས་བརྒྱད་དང་། ཚོགས་དྲུག་གི་ཁྱད་པར་ལ་དྲི་བ་མཛད་པའི་ཐུགས་ཀྱི་དོགས་པ་བསལ། དག་སྣང་ཁྱབ་གདལ་དུ་འབྱོངས་པས་གསུང་བགྲོས་ལའང་སྦག་སྦུག་སྦྱང་སྦྱོང་མེད་ཅིང་། འཕྲོས་དོན་ལ་ངེད་གཞོན་ནུའི་ཚེ་མིའི་དབང་པོ་དེས། ཁྱེད་བླ་སྤྲུལ་གྱི་རིགས་ཚོ་ཐུགས་གཉེར་དང་། ཐོས་བསམ་སྒོམ་པའི་བྱ་བ་ལ་བརྩོན་པར་མཛད་ན། སྐྱེ་བ་ལེན་པ་སྐད་ཀྱི་ཡང་ཤི་ཡང་གསོས་ཟེར་བ་དེ་སྤྲུལ་སྐུ་རྣམ་པ་ཚོ་ལ་བྱུང་ཉེན་ཡོད་

― JLAZ014_Page_0278 ―

^{[མ་དཔེ་གཟིགས་ན་འདིར་གནོན།]}

[Full Size]

གསུངས་བྱུང་བ། གཟུ་བོས་བརྟགས་ཚེ་ཤིན་ཏུ་བདེན་པར་སྣང་། རྫོགས་པ་ཆེན་པོ་ལ་དོན་བརྒྱུད་མ་ཆད་བཞུགས་པས་རང་གཞན་གྱི་བསྟན་པ་ལ་ཕན་དུ་རེ་བས་ཉམས་ཁྲིད་གནད་སྨིན་ཞུ་བའི་སླད་དུ་སླན་ཆད་ཅིས་ཀྱང་ངེད་ཕྱོགས་སུ་སླེབ་པ་བྱེད་དགོས་ཞེས་གསེར། དངུལ། ནམ་ཐང་གི་གཙོས་པའི་དགུ་ཚན་བཟང་པོའི་བདོག་པ་སྐྱེས་སུ་བསྟར་བར་མཛད་ནས་དེ་ཉིད་འདུས་པ་ཆེན་པོའི་གྲོང་ཁྱེར་དུ་གཤེགས། སྤྱིར་དུས་ཀྱི་རྒུད་པ་ནི་ཕྱོགས་གང་ནའང་ཡོད་མོད། ཁྱད་པར་ཡུལ་ལྷ་ཆེན་པོ་མ་སངས་གཡའ་སྤང་སྐྱེས་ཀྱིས་བསྲུངས་པའི་གནས། སྐྱེ་བོ་རྣམས་ཆོས་ཀྱི་བག་ཆག་ཤས་ཆུང་ཞིང་། བསྟི་གནས་ལ་སྤྱོད་པའི་ཁྱིམ་པའང་སྲོག་གཅོད་པ་སོགས་ལ་ཇི་མི་སྙམ་པས་དབང་པོ་བསྒྱིངས་ལ། འབྲོག་དོན་པའི་ཡོན་ཏན་གྱི་སྙིགས་མ་ཙམ་གྱིས་ཀྱང་ཉམ་ཆུང་རྣམས་འཚོ་བར་ཤིང་། སོས་ཀྱི་ཚེ་སྨིག་རྒྱུ་ཤིན་ཏུ་གཡོ་བས་སྣོད་བཅུད་ཀྱི་དགེ་མཚན་རང་བཞིན་གྱི་དཔལ་ཆུང་བའི་སྟེང་། སྐྱིན་ཐང་གི་ཆོམ་པོས་ལ་ཏོག་ལ་རྟག་པ་རྒྱུན་དུ་འཚོ་བ་སོགས་ལ། ཐབས་དང་རྟེན་འབྲེལ་ཟབ་མོའི་ཆོ་གས་དབུགས་དབྱུང་བར་མཛད་དུ་གསོལ་ཞེས་གཞི་ཀ་ཉིད་ནས་བསྐུལ་བར་མཛད་པ་ལ། ལོ་ལྔ་དྲུག་ཙམ་གྱི་བར་

― JLAZ014_Page_0279 ―

^{[མ་དཔེ་གཟིགས་ན་འདིར་གནོན།]}

[Full Size]

ཕུ་མདའ་བར་གསུམ་དུ་ལོ་ལོ་བཞིན་བུམ་གཏེར་ཉི་ཤུ་ཙམ་རེ་བཅུག །འཇམ་དཔལ་ནཱ་ག་རཀྵ་ནས་གསུངས་པའི་འབྱུང་བ་དཔལ་བསྐྱེད་ཀྱི་འཁོར་ལོའི་བཅའ་ག་དང་། ཡུལ་ལྷ་མགོ་འཕངས་གཏོད་པའི་མན་ངག་གི་བུམ་གཏེར། སྒྲུབ་ཆེན་བདེ་གཤེགས་འདུས་པ་དང་། བར་ཆད་འདུལ་བའི་གཉེན་པོ་བཅོམ་ལྡན་འདས་དཔལ་རྡོ་རྗེ་ཕུར་པའི་སྒོ་ནས་ལོ་ལོ་བཞིན་ཞི་བའི་སྦྱིན་སྲེག་ཚར་མང་པོ་ལ་སྣོད་བཅུད་ཀྱི་རྒུད་པ་ཞི་བའི་དམིགས་གནད་བསྒྱུར། ལོ་ཏོག་སྨིན་པར་ཉེ་བའི་ཚེ་རྒྱས་པའི་སྦྱིན་སྲེག་དང་། གཡང་ཆོག་རྒྱལ་བའི་བཀའ་འགྱུར་རིན་པོ་ཆེ་གསུངས་སྒྲོགས། རྟག་པ་ལ་ཆུད་པའི་ཉི་ལྡོག་དང་བསྟུན་གཞིས་ཀར་ཁྲོ་བོ་རོལ་པའི་གཏོར་བཟློག་སོགས་ཀྱི་རྒྱུན་འཛུགས་པར་བསྐུལ་བས་སྤྱི་སྒེར་སུ་ལའང་ཕན་པའི་དངོས་པོ་ཉིད་དུ་འགྱུར་གྲང་སྙམ་པ་ནི་ཡོད། རྒྱལ་སྲས་ཞི་ན་ལྷས། སེམས་ཅན་མོས་པ་ཐ་དད་པས། །རྒྱལ་བས་ཀྱང་ནི་མི་མགུ་ན། །བདག་འདྲ་ངན་པས་སྨོས་ཅི་འཚལ། །ཅེས་གསུངས་པ་དེ་ཡིད་ལ་མནོ་བས་རེ་དགོས་ནི་ཡང་ཡང་མེད། འདི་སྐད་དུ། ལྷ་ཡང་དུས་སུ་ཆར་བབས་ཤིང་། །ལོ་ཏོག་ཕུན་སུམ་ཚོགས་པ་དང་། །རྒྱལ་པོ་ཆོས་བཞིན་སྐྱོང་བ་དང་། །འཇིག་རྟེན་ཁམས་ཀྱང་བདེ་བ་ཤོག །

― JLAZ014_Page_0280 ―

^{[མ་དཔེ་གཟིགས་ན་འདིར་གནོན།]}

[Full Size]

ཅེས་པའི་སྨོན་པ་ཕྱོགས་གང་དུ་གྲུབ་ཀྱང་དངོས་ཅག་དགའ་བསྒོམ་པ་ཡིན་པས་སོ། །སྡེ་དཔོན་རིགས་ཀྱི་འབྱོར་བ་ཕལ་མོ་ཆེའང་སྐྱེ་བ་སྔ་མར་བྱང་ཆུབ་ཆེན་པོའི་ལམ་བསྒྱུར་བ་ལ་མི་མཁས་པའི་དགེ་འབྲས་ལན་ཅིག་སྲིད་པ་འདི་ལ་སྨིན་པ་ཤས་ཆེ། དེའི་རང་བཞིན་ནི། བརྒྱ་བྱིན་མཆོད་འོས་ཉིད་དུ་གྱུར་ནས་ནི། །ལས་ཀྱི་དབང་གི་སླར་ཡང་ས་སྟེང་ལྟུང་། འཁོར་ལོས་སྒྱུར་བ་ཉིད་དུ་གྱུར་ནས་ཀྱང་། འཁོར་བ་དག་ཏུ་ཡང་བྲན་ཉིད་དུ་འགྱུར། །ཅེས་འཇིག་རྟེན་གྱི་དཔལ་འབྱོར་ནི་ཇི་ལྟར་ཕུན་སུམ་ཚོགས་ཀྱང་འཁྱགས་པའི་སྟེང་གི་ཁང་བཟང་ངམ། །མདང་སུམ་གྱི་རྨི་ལམ་སད་ནས་ཅི་ཡང་མེད་པ་ལྟར་རྟག་པ་མིན་པ་མཐོང་བའི་ཆོས་སུ་གྱུར་ན། ད་རེས་ཀྱི་དཔལ་འབྱོར་ལ་བརྟེན་ནས། ཕྱི་མ་ངན་སོང་གི་རྒྱུ་འབད་པས་བསྒྲུབ་པ་ནི་ཤིན་ཏུའང་བག་ཚ་བ་ཡིན་ལ། མདོ་དྲན་པ་ཉེར་གཞག་ལས་སེམས་ཅན་གཅིག་གི་སྲོག་བཅད་པའི་ཉི་ཚེའི་དམྱལ་བར་ཡུན་རིང་དུ་གནས་པར་གསུངས་པས་མི་དགེ་བ་བཅུའི་ཕྱི་མོ་སྲོག་གཅོད་པའི་ལས་ཐབས་འདི་སྤང་ཐུབ་པ་ཞིག་བྱུང་ན་དགེ་རྒྱུན་རླབས་པོ་ཆེར་འགྱུར་ཚུལ་ཡང་ནས་ཡང་དུ་བསྐུལ་བ་ན། འཇིག་རྟེན་མཁྱེན་པར་གྲགས་པའི་སྡིག་གྲོགས་ཀྱི་གཞན་དབང་ཅན་གྱིས་

― JLAZ014_Page_0281 ―

^{[མ་དཔེ་གཟིགས་ན་འདིར་གནོན།]}

[Full Size]

གོ་ཕྱེ་ནས་དམིགས་བསལ་ཤུགས་ཀྱིས་འཇོམ་པར་མི་ནུས་པ་ལོ་གཉིས་གསུམ་ལས་གཞན་ལོ་བཞི་ལྔ་ཙམ་གྱི་་ཁོང་ངའང་སེམས་ཅན་བརྒྱ་ཕྲག་ལས་རིང་དུ་བརྒལ་བའི་སྲོག་འཁྱོངས། དེ་ལྟར་ནའང་ཇོ་ནང་པ་ཆེན་པོའི་རྣམ་ཐར་དུ། དེང་སང་ངམ་ཕྱིས་ཀྱི་བླ་མ་རྒྱུད་ཅན། བླ་བྲང་སྔགས་པ་བ། བླ་ཆེན་དང་བླ་ཆུང་ཁྱུ་གཅིག་སྲོག་གཅོད་ལ་ནི་མི་འཛེམ། སྐུ་གསུང་ཐུགས་རྟེན་ལ་རས་ཆོད་བྱེད། ཅེས་སྣང་བ་ལྟར་འགྲོ་བ་མང་པོའི་འདྲེན་པར་སྙེམས་པའི་སྡེ་རྣམས་སུའང་ཀླ་ཀློའི་སྤྱོད་པ་དར་ཞིང་། བཙུན་པས་དམར་ཁེ་བྱེད་པ་སོགས་ཀྱི་གནས་ཚུལ་དཔགས་ན། སྡོམ་པས་རྒྱུད་ནི་མ་བསྡམས། རྨོངས་པའི་གོས་ཀྱི་ན་གཡོགས། དགེ་སྡིག་གི་བླང་དོར་ལ་རྨོངས་པའི་སྐྱེ་བོ་ཐ་མལ་བ་དག་ལ་རེ་བའང་མཆིས་པས། སྲིན་པོའི་བརྟུལ་ཞུགས་ལ་སྲེད་པ་དང་། རྫི་བོ་ཡན་ཆོད་ཀྱིས་ཀྱང་རྒན་རྒོན་གྱིས་རྗེ་མི་ཟིན་པར་བསྙན་པའི་བསྐུལ་མ་ བྱེད་པ་མང་མོད། །སློབ་དཔོན་ནཱ་ག་རྫུ་ནས། །ཁྱོད་ཀྱིས་དགེ་སློང་བ་མཛོ་ལྟ་དང་ནི་། །མགྲོན་དང་ཡབ་ཡུམ་དག་དང་བཙུན་མོ་དང་། །འཁོར་གྱི་སླད་དུའང་སྡིག་པ་མི་བགྱི་སྟེ། དམྱལ་བའི་རྣམ་སྨིན་སྐལ་ནོད་འགའ་མ་མཆིས། །སྡིག་པའི་ལས་རྣམས་སྤྱོད་པ་འགའ་ཡང་

― JLAZ014_Page_0282 ―

^{[མ་དཔེ་གཟིགས་ན་འདིར་གནོན།]}

[Full Size]

ནི། །དེ་ཡི་མོན་ལ་མཚོན་བཞིན་མི་གཅོད་ཀྱང་། །འཆི་བའི་དུས་ལ་བབས་ན་སྡིག་པ་ཡི་། །ལས་ཀྱི་འབྲས་བུ་གང་ལགས་མངོན་པར་འགྱུར། །ཞེས་པའི་རྒྱུ་མཚན་ནི་ཡང་དག་བཤད། །བཅོམ་ལྡན་འདས་ཀྱིས་འདུས་བྱས་ཀྱི་དགེ་བ་ལ་སྐུ་བཞེངས་པ་ཚོགས་ཆེ། དེ་ལས་ཀྱང་ཐུགས་བཞེངས་པ་ཚོགས་ཆེ། དེ་ལས་གསུང་བཞེང་པ་ཚོགས་ཆེ། དེ་ལས་ཀྱང་སེམས་ཅན་གྱི་སྲོག་བསྐྱབ་པ་ཚོགས་ཆེ་གསུངས། རྣམ་པ་ཀུན་ཏུ་སེམས་ཅན་གྱི་སྲོག་ལ་འཚེ་བ་འདི་ཁོ་ན་ལ་སྡུག་བསྔལ་དཔག་ཏུ་མེད་པ་འོང་བ་ཡིན་པས་ས་ལོ་སྟག་ལོ་ནས་བཟུངས་གླང་ཕན་ལ་བོད་ས་ཆུང་བ་དང་། འགབ་སྒོར་བ་སོགས་རིན་ལ་རྩེག་པའི་བསམ་སྦྱོར་གྱིས་མ་ཡིན་པར་དུས་བཟང་པོ་དང་བསྟུན་བཏང་སྙོམས་ཆེན་པོའི་བློ་རྒྱུད་ལ་བཞག་ནས་གྲི་འོག་མ་འབའ་ཞིག་བསླུས་པས། ལུག་ལྔ་བཅུ་ཐམ་པ། གཙང་པོའི་ཉ་ཆེན་སུམ་ཅུ་སོ་གསུམ། ཉེའུ་སྟོང་ཕྲག་གཅིག །རི་བོང་བརྒྱད་རྣམས་སོང་། དེ་ཡང་བློ་ཁེངས་པ་ཙམ་གྱི་གནས་སུ་ག་ལ་ཡིན་ཏེ། དངོས་ཅག་ཚོང་པ་སོ་ནམ་ལ་རྣམ་པར་མི་རྟོག །གྲོང་ཆོག་ནི་མི་འགྲིམ། །ནང་དུ་འབྲུ་ཁལ་བཅུར་ལོངས་པའང་མི་འདུག་པས་དེ་ཙམ་ལ་ལྟོས་པའོ། །ད་དུང་ཇི་སྲིད་སྲོག་གི་དབང་པོ་འགག་པ་ལ་ཉེ་བ་དེ་སྲིད་དུ་དམ་བཅའ་འདི་མི་གཏང་བ་ཡིན། མེ་ཚོགས་

― JLAZ014_Page_0283 ―

^{[མ་དཔེ་གཟིགས་ན་འདིར་གནོན།]}

[Full Size]

སྤུ་གྲིའི་སོ་ཡང་བརྒལ་ནས་ནི། །འཆི་མཐར་ཐུག་གི་བར་དུ་དམ་ཆོས་བཙལ། །ཞེས་གསུངས་པ་ལྟར་ཤེས་བྱའི་རྣམ་བརྒྱ་ཆེན་པོ་གཞན་ལས་ཆོས་ཐོས་རྒྱ་ཆེ་བ་ཉིད་བསོད་ནམས་ཆེ་བ་ཡིན་ས་ཤིང་པོ་སྤྲེའུའི་ལོ་སོ་ཀ་ཙམ་ནས་ཤར་ཕྱོགས་ཀོང་པོའི་ཡུལ་ནས་ཉང་སྟོན་རིག་པ་འཛིན་པ་ཆོས་སྒོ་སྒྱེལ་གྱི་ཚུལ་དུ་བྱོན། འཁོས་སུ་ཕེབས་པའི་ཞབས་ཏོག་གིས་བསྙེན་བཀུར་ཏེ་བླ་མ་དགོངས་པ་འདུས་པའམ། བཀའ་འདུས་པར་བར་གྲགས་པ་པོ་ཏི་བཅུ་གསུམ་གྱི་དབང་ལུང་ཡོངས་སུ་རྫོགས་པ་ཉན། ཆོས་ཚན་ཚང་མ་ཚང་ལ་ལྔ་པ་ཆེན་པོ་གསན་ཡིག་ཞལ་ལྕེ་གཅོད་པ་ལྟ་བུར་ཡོད་པས་རྟོག་དཔྱོད་ཞིབ་ཏུ་བྱས། ཁོང་པའི་ཐུགས་བསྐྱེད་སྨོན་ལམ་ཞིག་ལས་རྫོགས་པ་ཆེན་པོ་ཀློང་ཆེན་སྙིང་ཐིག་གི་བཀའ་རྒྱ་འང་འབད་མེད་དུ་གྲོལ། ལོ་སྔ་མ་རྟ་ལུག་གཉིས་ལ་ཤི་གསོན་གྱི་དངོས་པོ་ཉུང་ཟད་འབྱོར་པ་རྣམས་གཅིག་ཏུ་དྲིལ་ནས་གཡོ་རུ་ཁྲ་འབྲུག་གི་གཙུག་ལག་ཁང་ལ་སྟོང་མཆོད་གཤོམ་པའི་གྲ་བསྒྲིགས། སྔོན་ལ་ཡར་ཀླུངས་ཤེལ་གྱི་བྲག་ཕུག་ཏུ་བཏེག །ལ་ཁར་སྣང་བ་གཏད་མེད་ཀྱིས་ཉམས་ཐོལ་བྱུང་དུ་ཤར་ནས། ཨེ་མ་ཧོ། །སྣང་བ་འདི་གངས་རི་དཀར་པོ་འདྲ། །གསལ་འཚེར་དངས་པ་སྔོན་གྱི་ལས། །མ་བཅོས་གཉུག་མའི་འདུན་ཁང་ན། །བློ་བདེ་དང་གུ་ཡངས་རྒྱུན་ཆད་མེད། །

― JLAZ014_Page_0284 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་པ་འདི་ཤེལ་གྱི་མཆོད་རྟེན་འདྲ། །གསལ་འབྲིག་དང་བྲལ་བ་སྔོན་གྱི་ལས། །སྒྱུ་མ་ལུས་ཀྱི་གཞལ་ཡས་སུ། །རང་ཤར་རང་གྲོལ་རྒྱུན་ཆད་མེད། དྲན་པ་འདི་ཆུ་ཀླུང་ཆེན་པོ་འདྲ། །འཕེལ་འགྲིབ་མེད་པ་སྔོན་གྱི་ལས། །རྟེན་འབྲེལ་སྣ་ཚོགས་ཀྱི་ས་གཞི་ལ། །ལྷུང་ལྷུང་དུ་འབབ་པ་རྒྱུན་ཆད་མེད། །ལར་དགའ་བ་ལ་བསམས་ན་དགོད་སྙིང་འདོད། །སྐྱོ་བ་ལ་བསམས་ན་སྙིང་རླུང་ལྡང་། །འདི་འཇིག་རྟེན་འཁོར་བའི་སྤྱོད་སྲོལ་ཡིན། །མི་ངལ་བདེ་སྡུག་གང་ཡང་མེད། །ཡར་ཅིག་བལྟས་པས་པདྨ་ཤེལ་ཕུག་གི་བྲག་རི། །ན་བུན་དཀར་པོའི་མགུལ་དར་གྱིས་བཀྲ་བ་དེ་མཐོང་བས། །ངའི་དང་བླ་མ་མཚོ་སྐྱེས་རྡོ་རྗེ་དྲན་བྱུང་། །སྐྱོ་གྲོགས་ལ་ཕེབས་དང་ཡེ་ཤེས་ཀྱི་མཚོ་རྒྱལ། །མར་ཅིག་བལྟས་པས་གཡོ་རུའི་ཁྲ་འབྲུག་གི་གསེར་ཏོག །ལྗོན་ཤིང་གསར་པའི་བཀྲ་བ་དེ་མཐོང་བས། །ངའི་དང་རྗེའོ་རྒྱལ་སྲས་ལྷ་རྗེ་དེ་དྲན་བྱུང་། །སྐྱོ་གྲོགས་ལ་ཕེབས་དང་མནྡ་ཡི་ར་བ། །རྟག་བརྟན་ཐེར་ཟུག་ཡུལ་ལ་ཆགས་པ་དེ་སྤངས་པས། །རྒྱལ་ཁམས་མི་ཡིས་བྱམས་སྐྱོང་ཡག་ས་མ་རང་མཛད་བྱུང་། །དད་པ་ཅན་གྱི་གཅེས་ཕྲུག་བྱེད་པ་ངའི་དགའ་བ། །ལས་ཀྱིས་འབྲེལ་བ་ཚོ་དམ་པའི་ལྷ་ཆོས་ལ་ཕེབས་ཤིག །རྡོ་རྗེ་ཐེག་པའི་མྱུར་ལམ་ཟབ་མོ་ལ་སྦྱངས་པས། །ལས་རླུང་དབང་འདུས་

― JLAZ014_Page_0285 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འབྲེལ་ཕྱོགས་མེད་དུ་རྒྱས་སོང་། །ཐད་ཀའི་ཤེས་པ་ལམ་ཁྱེར་བྱུང་རྒྱལ་དུ་ཤེས་པས། །འདུ་འཛིའི་ཁྲོད་ནའང་ས་ལམ་དལ་མེད་དུ་བགྲོད་ཡོང་། །དྲེགས་པས་རྒྱགས་པའི་མི་དཔོན་སྡིག་ཅན་ལ་ཅི་ཞུ། །བཅོས་མས་བྱས་པའི་སྒྲོབ་བསིག་རྨི་ལམ་དང་སྒྱུ་མ། །གང་བྱུང་སྣང་བ་འོད་གསལ་ཆོས་སྐུ་དང་བསྲེས་ནས། བདེ་སྡུག་རྣམ་རྟོག་རོ་སྙོམས་ཆེན་པོ་རུ་སྦྱངས་བཏང་། །བེར་གོས་འོད་ཟེར་ཁྲི་རྐང་མ་ཟོན་པོ་ཡི་རྒྱན་ཆ། །དབང་བཞིའི་དོན་རྒྱུད་རིག་སྟོང་རྗེན་པ་ལ་གནས་འདུག །འབྲེལ་ཚད་བློ་ཁ་དམ་པའི་ཆོས་ཕྱོགས་ལ་བསྒྱུར་ནས། །རི་ཁྲོད་འགྲིམ་པའི་གུ་ཡངས་སྨྱོན་པ་ཞིག་ལོས་བྱེད། །སྣང་སྲིད་སྣོད་བཅུད་ཕྱི་ནང་བཟང་ངན་གྱི་རྟེན་འབྲེལ། །ཏིང་འཛིན་འདུན་པའི་ཁ་ལོ་བསྒྱུར་བ་དང་སྦྲགས་ནས། །སེམས་བསྐྱེད་འཕེན་པའི་ནུས་སྟོབས་ཆེན་པོ་ཡི་རྩལ་ཤུགས། །རེ་ལྟོས་འཆའ་བའི་སྐལ་ལྡན་གདུལ་བྱ་ལ་བྱིན་ཡོད། །གཞན་ལ་མཐོང་སྣང་རྣམ་པ་སྣ་ཚོགས་སུ་ལོས་ཡོད། །རང་ངོར་རེ་དང་དོགས་པའི་རྣམ་རྟོག་དང་བྲལ་བས། །ན་དགའ་ཤི་སྐྱིད་བློ་བདེ་གུ་ཡངས་ཀྱི་ངང་ནས། །མ་བཅོས་ལྷུག་པའི་སྐྱོ་གླུ་ཟང་མ་རུ་ཐལ་ལོ། ཞེས་སྨྲས། དཔལ་ཨོ་རྒྱལ་ཆོས་ཀྱི་རྒྱལ་པོས་ནུབ་ཕྱོགས་སྤྲུལ་པའི་ཞིང་དྷུ་མ་ཐཱ་ལའི་

― JLAZ014_Page_0286 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་དང་དོན་མཉམ་པར་བྱིན་གྱིས་བརླབས་པའི་གནས་སུ་སླེབས། །རང་དང་གཞན་གྱི་རྡོ་རྗེ་ཕུང་པོའི་གྲོང་ཁྱེར་ཡང་དག་པར་མཆོད་ནས་མཚོ་རྒྱལ་གསང་ཕུག་ཏུ་སྤྱོད། །དེར་དད་འདུས་སློབ་མའི་ཚོགས་ཀྱིས་ད་ལམ་འདིར་ཐུགས་ལ་ཤར་བའི་མགུར་མ་ཞིག་དགོས་ཟེར་བ་ལ་ཁྲོལ་བྱུང་ཉིད་ལ་བརྗོད་པའི་ཡི་གེར་བཀོད་པ་ནི། །དཔལ་གདོད་མའི་སངས་རྒྱས་ཀུན་ཏུ་བཟང་། །དབྱིངས་ཀྱི་ཡུམ་ཆེན་གནམ་ཞལ་མ། །ཟུང་འཇུག་སྤྲུལ་པའི་ཟློས་གར་ཅན། །ཨོ་རྒྱན་ཡབ་ཡུམ་དེ་སྙིང་ནས་དྲན། །བདེ་བ་ཆེན་པོའི་བྲག་རི་ལ། །སྟོང་པ་ཆེན་པོའི་ཆོས་འབྱུང་ཤར། །བདེ་ཆེན་དབང་མོ་མཚོ་རྒྱལ་མའི། །ངོ་མཚར་གྱི་སྒྲུབ་ཕུག་ཏུ་སླེབས་ཙ་ན། །སྐལ་ལྡན་སློབ་མའི་ཚོགས་རྣམས་ཀྱིས། །རྡོ་རྗེའི་རྒྱལ་གླུ་སྒྲོགས་ཤིག་ཟེར། །དེ་ཚེ་སྣང་བ་དཔེ་རུ་བླངས། །སྟོང་ཉིད་བློ་བྲལ་གྱི་ནམ་མཁའ་ལ། །ལྷག་མཐོང་འོད་གསལ་གྱི་བྱ་རྒོད་ལྡིང་། །ཕྱོགས་གང་དུའང་ལྷུང་དོགས་མེད་པའི་དཔེས། །ལྟ་བ་ལ་རྟག་ཆད་མེད་པ་ཞིག་ལ་འཚོལ། །བྲག་རི་ཀུན་མཚོན་ཆ་གཟེངས་པ་འདྲ། །ཅོང་རོང་དང་ངམ་གྲོག་དམན་ཡང་། །མི་ཤེས་ལྡན་ཀུན་འདར་འཕྲིག་མེད་པར་བགྲོད། །དཔེ་དེས་ཀྱང་སྒོམ་པའི་ཕྲང་ལ་བཅུར། །འཇིགས་ཤིང་སྐྱི་གཡའི་དུར་ཁྲོད་

― JLAZ014_Page_0287 ―

^{[མ་དཔེ་གཟིགས་ན་འདིར་གནོན།]}

[Full Size]

ན། །མ་མོ་དང་ཌཱ་ཀྐི་སྤྲུགས་གླུ་ལེན། །གད་རྒྱངས་ཧ་ཧར་སྒྲོགས་པ་བཞིན། སྤྱོད་པ་ལ་ཐེ་ཚོམ་མེད་པ་འཚལ། །དེ་རིང་སྐྱིད་པའི་ཉི་མ་ལ། །ལས་སྨོན་གྱིས་བསྡུས་པའི་མཆེད་ལྕམ་ཀུན། །རྟེན་འབྲེལ་གཅིག་ཏུ་ཚོགས་པ་འདི། །སྔོན་གྱི་ལས་འབྲེལ་ཡིན་མཆི་སྟེ། །འདུས་པའི་མི་རྟག་ཚོང་འདུས་འདྲ། །འགྲོན་པོ་གྱིས་པའི་རྗེས་ཤུལ་ན། །ཅི་ཡང་མེད་པ་དེ་སེམས་པ་སྐྱོ་། །དཔེ་འདི་ལ་བསམས་ནས་ལྷ་ཆོས་མཛོད། །ཀ་ཡི་ཤེད་དགུང་སྔོན་དཀྱིལ་འཁོར་ལ། །འཇའ་སྤྲིན་གྱི་རྣམ་འགྱུར་གྱ་མ་གྱུར། །ཟ་འོད་གི་ཁེངས་པ་འཕྲོག་པ་ཡང་། །རླུང་བསེར་བུའི་རྐྱེན་གྱིས་ཕྲལ་དུ་ཞིག །དུས་ན་ལྟ་གར་སོང་དང་འདི་ཡོད་མེད། །དཔེ་འདིས་ཀྱང་མི་རྟག་འཆི་བ་བསམས། །སྔོན་ཨོ་རྒྱན་ཆོས་ཀྱི་རྒྱལ་པོ་དང་། །མཁའ་འགྲོའི་གཙོ་མོ་མཁར་ཆེན་བཟས། །སྨིན་གྲོལ་གྱི་བདུད་རྩི་ཀུན་ལ་བྱིན། །སྒྲུབ་སྡེའི་སྲོག་མཁར་བཙུགས་པ་ཡང་། །དེང་སང་བྲག་སྐྱིབས་སྟོངས་པའི་ནང་། །བཞུགས་པའི་ཤུལ་ཡང་མ་ལུགས་པ། །འདུས་བྱས་རྟག་པ་མིན་པའི་མཚང་། །དཔེ་འདི་ལ་དགོངས་ནས་ལྷ་ཆོས་མཛོད། །རྒྱ་ལ་ལྷ་ཆོས་ནུས་པ་ན། །རྡོ་རྗེ་སྙིང་པོའི་ཐེག་པ་ལ། །བསྐྱེད་རྫོགས་ཟབ་

― JLAZ014_Page_0288 ―

^{[མ་དཔེ་གཟིགས་ན་འདིར་གནོན།]}

[Full Size]

མོའི་གསེང་ལམ་དང་། །རྩ་རླུང་ཐིག་ལེའི་མྱུར་ལམ་ཡོད། །སངས་རྒྱས་དེ་ལྟ་འགྲུབ་ཏུ་ཡོད། །བྱང་ཆུབ་ལག་པའི་མཐིལ་ན་ཡོད། །དེ་གོ་བར་མཛོད་ཅིག་སྐལ་ལྡན་རྣམས། །ཞེས་སྨྲས། ཉང་གཏེར་རྡོ་རྗེ་ཕག་མོ་ཁྲོས་མའི་དཀྱིལ་འཁོར་དུ་རིགས་ལྔ་ཌ་ཀྐིའི་ཚོགས་དང་ཞིང་སྐྱོང་གི་མཁའ་འགྲོ་འབུམ་ཕྲག་ཡངས་པའི་ཚོགས་རྣམས་སྤྱན་དྲངས་ནས་སྲེག་བླུགས་ཀྱི་མཆོད་པ་རྒྱས་པར་ཕུལ། །སྐབས་དེར་ངེད་དཔོན་སློབ་བཅུ་གསུམ་ཙམ་པས་གཞིམས་ཕུག་དང་འཚོར་རྣམས་བསྡོམས་ནས་ཉི་ཁ་ཤས་སྦྲེལ་ནས་ཚོགས་ཀྱི་འཁོར་ལོ་ལྔ་སྟོང་ཙམ་བསྐོར། ནུབ་མོ་ལྷ་བཙུན་མཁའ་འགྲོའི་དབང་ཕྱུག་གིས་བྲག་ཉག་གསེར་གཞོང་འཁྱིལ་པའི་བླ་གཡེར་ཅོག་བུ་ལ་བརྟེན་ནས་དབེན་པར་གནས་པའི་ཚེ་གནས་ཚུལ་དང་མཐུན་པའི་མགུར། །གླང་པོ་ཆེའི་གད་རྒྱངས་ཞེས་བྱ་བ་འདི་སྦ་བར་བྱ་བ་ཡིན་ནའང་། གང་ཞིག་འདི་ན་མྱོས་པར་བྱེད་པའི་རྫས་ཀྱིས་དྲན་པའི་དབང་པོ་ནི་མྱོས། རབ་ཏུ་མྱོས། །ཀུན་ཏུ་མྱོས་པ་དག་གིས་སྤྱོད་ཚུལ་གཟ་མ་ར་མགོ་ལྟ་བུའང་མཉམ་པ་ཆེན་པོའི་ངང་དུ་ནི་བརྡལ། སྔོན་གྱི་ཚེ་ལྷ་བླ་མའི་ཞི་བ་འོད་དང་། བྱང་ཆུབ་འོད་ལ་སོགས་པའི་ཚེ་ཕོ་བྲང་བཙུན་པའི་བཀའ་ཤོག་དུ་གྲགས་པས་སྣ་དྲངས། སྔགས་ལོག་སུན་འབྱིན་དུ་བཏགས་ནས་

― JLAZ014_Page_0289 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ལ་སྡང་བའི་ཉེས་པ་མི་ཟད་པར་སྒྲུབ་པའང་། ལ་ལའི་ལུས་ངག་གི་སྤྱོད་ཡུལ་རླབས་པོ་ཆེ་ལས་བྱུང་བར་ངེས་ན་ཁ་ན་མ་ཐོ་བ་ཆེན་པོའི་གནས་ལ་དེ་དང་དེའི་མཚང་བརྟོལ་བ་སྡིག་པ་ཆུང་བ་ཡིན། ཕ་ཨོ་རྒྱན་ཆོས་ཀྱི་རྒྱལ་པོ་དང་། །མ་མཁའ་འགྲོའི་གཙོ་མོ་པདྨ་ལྕམ། །དུས་རྟག་པར་ཡིད་ལ་འདུ་འབྲལ་མེད། །དེ་རིང་སྙིང་གི་དཀྱིལ་ནས་དྲན། །ཕྱི་སྣང་བ་ལ་སྤྲུལ་བསྒྱུར་མ་ནུས་ཀྱང་། །ནང་སེམས་ཉིད་ལ་རང་རྩལ་རྫོགས་པའི་མི། །གློང་ཆེན་ནམ་མཁའི་རྣལ་འབྱོར་བ། །གནས་ཡར་ཀླུངས་པདྨ་ཤེལ་ཕུག་གི །བྲག་ཉག་དཔའ་བོའི་ལྡིང་ཁང་དུ། །ཟླ་ཞུན་ཐགས་སུ་བཏགས་པ་ལྟའི། །གུར་ཅོག་ལ་བརྟེན་ནས་འདུག་ཙ་ན། །ཉམས་རྫུ་འཕྲུལ་གྱི་བཀོད་པའི་སྣང་ཆ་ལ། །ངོ་མཚར་གྱི་ལྟད་མོ་ཅི་ཡང་མཐོང་། །དབྱིངས་བྲག་སྟོད་ལ་གནས་མལ་འཆར་བ་ཡི། །བྱ་རྒྱལ་རྒོད་པོའི་ཞལ་ན་རེ། །མ་གི་ཤ་ཟན་གྱི་དུར་ཁྲོད་ཆེན་པོ་ན། །རོ་མགོ་ཡོད་བརྒྱ་ལ་མགོ་མེད་སྟོང་། །ཆུང་སྒོང་རྒྱ་གྲོལ་ནས་ད་བར་དུ། །ཟོས་པ་གྲངས་ཀྱིས་མི་ལང་སྟེ། །ང་འགྲང་རྒྱུ་མེད་པའི་ལྟོགས་བླ་ཅན། །མིག་ཧུ་རེ་སྡོད་བ་མི་མཐོང་བར། །དདུང་ཚེ་འདིའི་ཚོ་རྩིས་ལ། །ཞེན་ཆགས་ཆེ་བའི་སྐྱེ་བོ་རྣམས། །དཔྱིད་

― JLAZ014_Page_0290 ―

^{[མ་དཔེ་གཟིགས་ན་འདིར་གནོན།]}

[Full Size]

ར་བ་བཞི་ཡི་ཞག་ཐོག་ལ། །ཚོགས་ཁོར་བསྐོར་བ་དགོད་བྲོ་བྲོ། །ལྷ་བྱ་གོང་མོའི་ཞལ་ན་རེ། །གནས་ལ་མོས་པས་ཡོངས་བཞིན་དུ། །སྨོན་ལམ་རྣམ་དག་ནི་འདེབས་པར། །གླུ་ཆུང་དང་སིར་གླུའི་རྒྱབ་ཆོས་མཁན། །འབྲུ་སྲིན་གསོད་པའི་གཞོན་སྐྱེས་རྣམས། །ངན་སོང་འབད་པས་བསྒྲུབ་པ་ཀོ་ལོང་ལོང་། །བྲག་གསེབ་བྱི་ཆུང་ཞལ་ན་རེ། །གཞན་ལ་གནས་ཀྱི་ངོ་མཚར་སྒྲོགས། །ཚོགས་འཁོར་ཡང་ཆུད་མི་ཟ་བ་སྐད། །རང་ཉིད་ཚོགས་ཀྱི་སྤྱང་ཀི་བྱེད། །ལྷ་ལ་དགུན་ས་དབྱར་ཆས་སྤྲོད། །ཕྱོགས་མི་དད་པ་ལྡོག་པ་ཡི། །ཐོ་བཙུན་གྱི་རྣམ་ཐར་ཅི་རེ་ཆེ། །ནག་ཆུང་ཕོ་རོག་ཞལ་ན་རེ། །བསྐྱེད་རྫོགས་ཀྱི་དྲོད་དེ་རང་སར་དགོས། །ཨ་ཧའི་རུས་ལ་ཆི་ཞིག་སྙེམས། །བན་འགྲོང་གི་སྤྱོད་པ་རླབས་པོ་ཆེ། །སྙིང་པོའི་རིང་ལུགས་སུ་བརྡར་བཏགས་ནས། །ཡིན་ལུགས་ཀྱི་གྲུབ་མཐའ་སུན་ཕྱུང་ཡང་། །ཐར་པ་ནག་པོའི་སྐུ་མཆེད་ཅན། །འབྱོན་ས་ལྕགས་ཁང་སྒོ་རོ་རོ། །ཟེར་གྱིན་འདུག་པ་རྣམས་ལ་ང་སེམས་ཡེངས་ནས་ཡོད་ཙ་ན། །རིགས་པའི་ལྕགས་ཀྱུ་ཡིན་ཟེར་བའི་མི་ཞིག་ཁྲོག་གིས་འོང་ནས། །རྣལ་འབྱོར་པ་འདི་ན་ཅི་བྱེད་འདིར་དོན་ཅི་ལ་འོང་ཟེར། །ང་འདི་རུ་ཨོ་རྒྱན་རིན་པོ་ཆེ་ལ་གསོལ་བ་

― JLAZ014_Page_0291 ―

^{[མ་དཔེ་གཟིགས་ན་འདིར་གནོན།]}

[Full Size]

འདེབས། །སྟོང་ཉིད་བསམ་དུ་མེད་པ་ལ་ལྟད་མོ་བལྟ་ཞིང་ཡོད། །ཡོང་བ་ནི་རང་གཞན་འབྲེལ་ཐོགས་ཀུན་གྱི་དངོས་པོ་ཆུད་མི་གསན་པའི་ཕྱིར་ཚོགས་ཀྱི་འཁོར་ལོ་བསྐོར་དུ་འོང་བྱས་པས། །ཁོས་ང་ལ་མིག་ཧུར་གྱིས་བལྟས་ནས་བྲོ་མ་དབྱངས་ཀྱི་གླུ་འདི་འདྲས་བཏང་བྱུང་ངོ། །འོ་ན་གསོན་དང་རྣལ་འབྱོར་པ། །ཚུལ་ལ་དགོངས་དང་བྱ་བྲལ་བ། །ཁྱེད་ཀྱི་བརྒྱུད་པ་ཅི་ལ་ཐུག །ཐེག་པའི་འཇུག་སྒོ་གང་ལ་གཏོགས། །ཉམས་ལེན་གནད་དུ་ཅི་ལ་གཏོད། །སྒོམ་པའི་ཉམས་མྱོང་གང་ལྟར་མཆིས། །སྤྱོད་པའི་གཤིས་ལུགས་ཇི་ལྟར་ཡིན། །ཁྱེད་ཅག་ཡོན་གནས་དམ་པ་ཚོ། །གནས་ལ་བགྲོད་པ་ངོ་མཚར་ཏེ། །འུ་ལག་འདེད་པ་སྡིག་པ་ཆེ། །རང་གི་སྟོང་འགྲོས་མི་ཕེར་བས། །གཞན་ལ་བོང་བུའི་ཁལ་ཆེན་འགེལ། །སྙིང་རྗེ་མེད་པའི་ལྟ་བ་དེ། །ཇི་ལྟར་མཐོ་ཡང་རྣམ་རྟོག་ཡིན། །འོན་ཀྱང་ཆོས་དང་གང་ཟག་གི །ཕ་མཐའ་སུས་ཀྱང་མི་དཔོགས་པས། །རེ་ཞིག་འདིར་ནི་དྲང་པོའི་ངང་། །འཇམ་ལ་སྙན་པས་སྔོན་བསུས་ཏེ། །བདག་ལ་ཇི་བཞིན་སྒྲོག་པར་འཚལ། །ཅེས་ཟེར་བས་བདག་ཉིད་ཀྱང་ཉམས་འུར་བ་འདྲས་བྱུང་ནས་འདི་སྐད་ཅེས་སྨྲས་སོ། །མི་མིན་རྣམ་རྟོག་སེམས་ཀྱི་བུ། །འདྲེ་

― JLAZ014_Page_0292 ―

^{[མ་དཔེ་གཟིགས་ན་འདིར་གནོན།]}

[Full Size]

མིན་ཀུན་རྟོག་སྣང་ཆའི་རྩལ། །ངའི་བརྒྱུད་པ་ཀུན་ཏུ་བཟང་པོ་ཡིན། །ཀུན་བཟང་རང་གི་རིག་པར་རྟོགས་ཙ་ན། །རྒྱུད་པ་འདྲེན་པ་བརྗེད་ནས་ཐལ། །ཐེག་པའི་འཇུག་སྒོ་རིམ་པ་དགུ། །དང་པོ་ཉན་ཐོས་ཐེག་པར་ཞུགས། །བར་དུ་བྱང་ཆུབ་སེམས་ལ་སྦྱངས། །ཐ་མར་གནས་ལུགས་དང་ལ་བཞག །དུས་ད་ལྟ་བསྐྱེད་རྫོགས་གདེང་དུ་གྱུར། །གཤིས་ལུགས་རྫོགས་པ་ཆེན་པོའི་ངང་། །འཇུག་སྒོའི་རྣམ་གྲངས་བརྗེད་དེ་ཐལ། །ཉམས་ལེན་ནི་ཐོས་བསམ་སྒོམ་སུམ་ཡིན། །ཐོས་བསམ་སྒོམ་པའི་སྙིང་པོ་དེ། །ཟས་དང་ནོར་ཕྱིར་མ་ཡིན་ཏེ། །ཉོན་མོངས་བརྒྱད་ཁྲི་བཞི་སྟོང་གི། །གཉེན་པོར་བཏང་བ་རང་གི་ལུགས། །ལྟ་བ་བརྗོད་མེད་བློ་འདས་ཡིན། །ནམ་མཁའ་ལག་པས་འཛིན་པ་དང་། །རི་བོང་ར་ཡིན་རྣོ་རྟུལ་དང་། །མོ་གཤམ་བུ་ཡི་བྱང་བཞིན་ལ། །ཤེས་བྱས་རྟག་ཏུ་བཏུབ་ཙ་ན། །ལྟ་བའི་ཞེ་ཕུགས་དམིགས་སུ་མཆི། །གདོད་ནས་འཁྲུལ་དུ་མེད་ཙ་ན། །མཐའ་བརྒྱད་སྤྲོས་བྲལ་རྫུན་དུ་གདའ། །སྒོམ་པ་གཏད་མེད་ཡེ་བཞག་ཡིན། །རང་བབ་ལྷུག་པའི་ཆུ་རྒྱུན་ལ། །མཉམ་རྗེས་གཉིས་ཀྱི་རྦ་རླབས་ཀུན། །རང་ཤར་རང་གྲོལ་ཆེན་པོར་རྫོགས། །དམིགས་གཏད་བྲལ་བའི་ཤུགས་འབྱུང་ལ། །སྒོམ་རྒྱུའི་རང་ངོ་རྫུན་དུ་གདའ། །སྤྱོད་པ་ཚུལ་

― JLAZ014_Page_0293 ―

^{[མ་དཔེ་གཟིགས་ན་འདིར་གནོན།]}

[Full Size]

འཆོས་བྲལ་བ་ཡིན། །འོན་ཀྱང་རྫོགས་པའི་སངས་རྒྱས་ཀྱིས། །མདོ་སྔགས་ཐེག་པ་སོ་སོ་རུ། །དགོངས་གཞི་དགོས་པ་མཐའ་ཡས་པས། །གདུལ་བྱའི་ཁམས་དང་བསམ་པ་ལ། །དཔགས་ནས་ཐ་དད་བསྟན་པའི་ཕྱིར། དེང་སང་བསྐལ་པའི་སྙིགས་མ་ལ། །བྱུང་རྒྱལ་སྤྱོད་པ་ཨ་འཐས་ན། །རྩ་ལྟུང་འབད་པས་བསྒྲུབ་པའི་ཕྱིར། །གདུལ་བྱའི་ཡུལ་དང་བསྟུན་དེ་སྤྱད། །དེ་ཕྱིར་ཀློང་ཆེན་བྱ་བྲལ་བས། །རི་ཁྲོད་དབེན་པར་འདུག་ཙ་ན། །གང་ཤར་སྣང་བ་ལམ་དུ་ཁྱེར། །གང་བྱུང་དེས་ཆོག་ཙམ་དུ་བྱས། །དད་པ་ཅན་གྱི་ཡོན་བདག་གིས། །མོས་པས་ཞབས་ནས་བཏེག་ཙ་ན། །ལུང་དང་རྟོགས་པའི་དབུགས་བྲལ་བའི། །སྒོམ་ཆེན་རྒན་པོ་སེང་གེའི་གསོབ། །གྱི་ནའི་བརྟུལ་ཞུགས་ལ་ཞེན་པའི། །ཚུལ་འཆོས་ནམ་མཁའི་དབྱིངས་སུ་གཏོར། །བླ་ཆེན་རྣམས་ཀྱི་པད་མོ་བྱས། །གྱི་ལིང་སེང་གེ་འདྲ་བ་ཞོན། །གྲུམ་པད་བསྐུངས་ནས་རྟེན་སྒམ་བཏོན། །དར་ཁ་བཅད་ནས་མདུད་པ་བོར། །དེ་ཚེ་ཐ་མལ་སྐྱེ་བོས་ཀྱང་། །བཟང་པོར་མཐོང་ནས་ཐལ་མོ་སྦྱོར། །རང་གིས་བསམས་ཚེ་གད་མོ་བྲོ། །ཀུན་གཞི་གཅིག་ལ་རྣམ་འགྱུར་བརྒྱ། །གང་ཟག་གཅིག་ལ་མཐོང་ལུགས་གཉིས། །རྨོངས་པའི་སེམས་ཅན་སྙིང་རེ་རྗེ། །ང་ལ་རེ་དོགས་གང་ཡང་མེད། །

― JLAZ014_Page_0294 ―

^{[མ་དཔེ་གཟིགས་ན་འདིར་གནོན།]}

[Full Size]

གཡའ་ཁྲོད་རྫ་རི་འགྲིམ་པའི་ཚེ། །རང་གཤོམ་ཅོག་བུའི་ཕོ་བྲང་ན། །གཅན་གཟན་བགས་པའི་ཁྲི་སྟེང་དུ། །གཅེར་བུར་ཉལ་བའི་བག་ཡངས་པ། །ངོ་ཚ་བྲལ་བའི་རྣམ་འགྱུར་ཅན། །མགྲིན་པ་རྡོ་རྗེའི་དཀོར་མཛོད་ནས། སྣང་སྲིད་སེམས་སུ་ཐག་ཆོད་པས། །འཁོར་འདས་རྫུན་གྱི་རང་མཚང་དུ། །ངེས་པར་གོ་བའི་རྒྱང་གླུ་ལེན། །སྤྱོད་པའི་གཤིས་ལུགས་དེ་ཙམ་མོ། །སྔོན་ཚེ་རྫོགས་པའི་སངས་རྒྱས་ཀྱིས། ཆོས་གོས་གསུམ་གྱིས་སྐུ་ལ་བརྒྱན། །ལྷུང་བཟེད་མཁར་བསིལ་བསྣམས་ནས་སུ། །གྲོང་ཁྱེར་ཆེན་པོ་ག་ལ་བར། །བསོད་སྙོམས་སླད་དུ་གཤེགས་པ་ལས། །མི་དཔོན་བསྐུལ་ནས་ས་རིམ་བསྐུལ། །སྙིང་རྗེ་མེད་པར་འུ་ལག་བདས། །སེམས་ཅན་སྡུག་ལ་སྦྱར་བའི་གཏམ། །མདོ་རྒྱུད་ཀུན་ལ་མ་གྲགས་པས། །ཁྱོད་ཅག་ངེས་པར་བདེན་མོད་ཀྱང་། །བདག་ལ་ཤི་གསོན་འབྲེལ་ཐོགས་ཀྱིས། །ཅུང་ཟད་བྱིན་པའི་ཟང་ཟིང་ཀུན། །སྲིད་པའི་ཕུན་ཚོགས་དོན་གཉེར་གྱི། །སླད་དུ་འགའ་ཡང་ཆུད་མ་ཟོས། །རྟེན་གསུམ་རྣམས་ཀྱི་སྤྱན་ལམ་དུ། །བསོད་ནམས་དང་ནི་ཡེ་ཤེས་ཀྱི། །ཚོགས་གཉིས་རླབས་ཆེན་བསགས་པའི་མཐར། །བསྔོ་སྨོན་བཙན་པོས་མཚམས་སྦྱོར་བ། །འདི་ལ་རྫོགས་པའི་སངས་རྒྱས་ཀྱི། །བཀའ་དང་འབྲེལ་བའི་འགྲེལ་པ་ཡོད། །འབྲེལ་

― JLAZ014_Page_0295 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོགས་ཕ་མ་ལུས་ཅན་ཀུན། །གནས་སྐབས་མངོན་མཐོའི་དཔལ་རེག་ཅིང་། །མཐར་ཐུག་རྣམ་མཁྱེན་བྱང་ཆུབ་ལ། །མྱུར་བོར་རེག་པའི་དགོས་པ་ཡོད། །དེ་གོའམ་རིག་གམ་དམ་ཚིག་ཅན། །ཅེས་སྨྲས་པ་ན། ཡང་དེས་འདི་སྐད་སྨྲའོ། །ཀྱེའོ་གསོན་དང་རྣལ་འབྱོར་པ། །ཁྱོད་རང་གི་ཡུལ་ན་འདུག་ཙ་ན། །སྒོམ་ཆེན་གྱི་ནའི་ངང་ཚུལ་ཅན། །ཤེས་རབ་ཅན་གྱིས་དཔྱད་ཙ་ན། །བརྟག་ཏུ་དཀའ་བའི་རང་བཞིན་ཅན། །ཕྱོགས་འཛིན་ཅ་ཅན་གྱི་སྣང་ངོ་རུ། །ཚིག་ལ་མཁས་པའི་རྟག་པ་ཅན། ལས་འབྲེལ་ཅན་གྱི་སྣང་ངོ་རུ། །མཐོང་ན་དགའ་བའི་སེམས་བསྐྱེད་ཅན། །ཉམས་རྟོགས་ཅན་དང་མོལ་ཙ་ན། །ཀློང་ཆེན་ནམ་མཁའི་རྣལ་འབྱོར་པ། །རང་བཞིན་སུས་ཀྱང་མི་རྟོགས་ཤིང་། །ཐ་མལ་སྦས་པའི་བརྟུལ་ཞུགས་ཅན། །བྲག་རི་གཡང་ས་ཆེན་ཡང་། །རྩེ་སྒྲོ་རྒྱས་པའི་རྒོད་ཕྲུག་ལ། །ལྷུང་གི་དོགས་པའི་འཇིགས་པ་མེད། །དེ་ལྟ་བ་བརྗོད་དུ་མེད་པའི་རྩལ། །ཆུ་བོ་ཐུར་དུ་འབབ་ན་ཡང་། །གངས་སྟོད་བསྙེགས་པའི་ཉ་མོ་ལ། །འཕྱུགས་ཀྱིས་དོགས་པའི་ཉམ་ང་མེད། །དེ་སྒོམ་པ་རྒྱུན་ཆད་མེད་པའི་རྩལ། །ནགས་ཁྲོད་འཇིགས་པ་ཆེན་ཡང་། །རྩལ་གསུམ་རྫོགས་པའི་རྒྱ་སྟག་ལ། །ཡང་

― JLAZ014_Page_0296 ―

^{[མ་དཔེ་གཟིགས་ན་འདིར་གནོན།]}

[Full Size]

བག་ཆའི་རྣམ་རྟོག་མེད། །དེ་སྤྱོད་པ་རང་བབ་ལྷུག་པའི་རྩལ། །རྩལ་གསུམ་ལྡན་པའི་རྣལ་འབྱོར་ལ། །དགྲ་སྐྱེ་འཆིའི་འཇིགས་པ་མ་མཆིས་ཀྱང་། །བསྐུངས་ས་རྣམ་པ་གསུམ་དུ་འདུག །གསང་སྔགས་ཀྱི་རྩ་བ་དམ་ཚིག་ཡིན། །དམ་ཚིག་མེད་པའི་གང་ཟག་དང་། །ཟོལ་འགྲོགས་ཀྱི་ངོ་ལན་མངས་པ་ན། །རྩ་རླུང་ཐིག་ལེའི་རྟེན་འབྲེལ་འཕྱུགས། །དུས་མིན་དུ་ཚེ་སྲོག་བསྐུངས་ཀྱི་དོགས། །ཐེག་ཆེན་གྱི་རྩ་བ་སེམས་བསྐྱེད་ཡིན། །བྱང་སེམས་དང་བྲལ་བའི་གང་ཟག་ལ། །ཟབ་དོན་གྱི་བདུད་རྩི་བྱིན་པ་ན། །དངོས་གྲུབ་ཀྱི་སྦྲང་ཆར་བསྐུངས་ཀྱི་དོགས། །འགྲོ་དོན་གྱི་རྩ་བ་ཐུགས་རྗེ་ཡིན། །ཐུགས་རྗེ་ཡུལ་ལ་འཇུག་པའི་ཚེ། །ཞི་བདེ་དང་གཞན་དབང་དུ་ཤོར་བ་ན། །རླབས་ཆེན་གྱི་ཕྲིན་ལས་བསྐུངས་ཀྱི་དོགས། །བསྐུངས་གསུམ་གྱི་ཕྲང་རིང་ལ། །དྲན་རིག་གི་སོ་ཆེན་བཙུགས་གྱུར་ན། །བདུ་གཞན་དོན་སྤྱོད། །དེ་ནས་འགྲོ། །ཞེས་ཉམས་ཐོད་རྒལ་དུ་འུར་བའི་རྩལ་ལ་ལུང་བསྟན་གྱི་རྣམ་པའང་འདུག་པ་དོན་དམ་དང་ཀུན་རྫོབ་གང་དུའང་ཁས་ལེན་གྲུབ་པ་མེད་པས་རྣམ་རྟོག་གི་ཁུང་བུ་ཅན་ལ་མཛེས་པའི་དགག་སྒྲུབ་ཀྱི་བློ་བཟོ་མེད་པ་ཉིད་དུ་བཞག་མར་རེས་

― JLAZ014_Page_0297 ―

^{[མ་དཔེ་གཟིགས་ན་འདིར་གནོན།]}

[Full Size]

བཙན་ཐང་གཡུའི་ཁ་ལྷང་དུ་རྟེན་གསུམ་རྣམས་ལ་སྲི་ཞུ་བགྱིས། སེང་གཡེངས་ལ་བཞུགས་པའི་སློབ་དཔོན་ཆེན་པོའི་སྣང་བརྙན་བྱིན་རླབས་ཅན་དེ་ཉིད་ཀྱིས་སྙན་ཤལ་ཕྱག་ཏུ་མངོན་སུམ་པ་ལྟ་བུར་བཞེས་པས་སྐྱེ་བ་ནས་ཚེ་རབས་སུ་རྗེས་སུ་འཛིན་པ་ཡིན་སྙམ་པའི་མོས་གུས་བླ་ལྷག་ཏུ་འབར། རྩ་གཉེར་དག་སྣང་ཅན་ནས་གསང་སྔགས་ཕོ་བྲང་དུ་འཚེར་བརྐོས་ཤིང་བུད་ཤིང་གི་མཐུན་རྐྱེན་ལེགས་པར་སྦྱར། ས་ག་ཟླ་བའི་དུས་ཆེན་དང་བསྟུན་གཡུ་རུ་ཁྲ་འབྲུག་གི་གཙུག་ལག་ཁང་ཆེན་པོའི་ཁྱམས་སུ་ལྔ་ཚན་ལྔའི་མཆོད་སྤྲིན་བརྒྱ་ཕྲག་བཅུའི་འཁོར་ལོར་བཤམས། སྙན་ཤལ་གྱི་རིམ་པ་རྒྱས་པ་བསྟར། ཨོ་རྒྱན་ལྷ་ཁང་དུ་བརྒྱ་མཆོད། བཀའ་འདུས་གསར་མའི་ཆོ་ག་རྒྱས་པ་དང་འབྲེལ་པར་ཚོགས་ཀྱི་འཁོར་ལོ་བརྒྱ་ཕྲག་བསྐོར་། དབང་བཞི་རྒྱུད་ཐོག་ཏུ་སྨིན་པ་བླངས། སྨོན་ལམ་རྣམ་པད་དག་པའི་མཚམས་སྦྱོར་བྱས། ཀྲིན་ཀྲ་མེ་འཁོར་གྱི་ས་བོན་ཅན་དག་གིས་བླ་མ་འདི་པ་ཆས་ཀ་བཟང་པོ་ཡོད་པ་ཨེ་ཡིན་ཟེར་སྐད། ངེད་ཀྱི་ཁ་རྗེ་དབང་ཐང་ཡོད་ཚོད་མེད་ཚོད་དཀོན་མཆོག་ལ་བསྟི་སྟང་དང་། རི་མོར་བགྱིད་པ་དེ་ཁོང་གིས་མ་གོ །ཕུགས་ན་རང་ཚིམ་པའི་བདོག་པ་ཚགས་སུ་བཙུག་ནས། ཆ་ཤས་དགེ་བའི་ཚུལ་

― JLAZ014_Page_0298 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་ལོངས་སྤྱོད་པའི་སྣང་ཤས་ལ་སོམས་ཆེས་པ་དེ་ཀར་འདུག །ལར་ཁོང་ཅག་གི་ལྟར་ངེད་ཕྱུག་པོ་ཡིན་མོད། ཀླུ་སྒྲུབ་ཞབས་ཀྱིས། ནོར་རྣམས་ཀུན་གྱི་ནང་ན་ཆོག་ཤེས་པ། །རབ་མཆོག་ལེགས་པར་ལྷ་མིའི་སྟོན་པས་གསུངས། །ཀུན་ཏུ་ཆོག་ཤེས་མཛོད་ཅིག་ཆོག་མཁྱེན་ན། །ནོར་མི་བདོག་ཀྱང་ཡང་དག་འབྱོར་པ་ལགས། །ཞེས་པའི་གློ་བ་དགའ་བོ་དེ་དང་རྟག་ཏུ་མི་འབྲལ་བས་སོ། །སྤྲེལ་ལོ་སྤྲེའུའི་ཟླ་བ་ནི་དངོས་ཅག་ལ་དམིགས་བསལ་གྱི་དུས་ཆེན་ཡིན་པས། པདྨ་འོད་གསལ་ཐེག་པ་མཆོག་གི་གླིང་དུ་སྒྲུབ་ཆེན་བཀའ་བརྒྱད་བདེ་གཤེགས་འདུས་པའི་དཀྱིལ་འཁོར་ཆེན་པོར་སྣང་བ་སྲིད་ཀྱི་རྟོག་ཚོགས་ར་ས་ཡ་ནའི་འཁོར་ལོ་ཉིད་དུ་སྦྱངས་རྟོགས་སྤར་བ་བདུད་རྩི་སྨན་གྱི་སྒྲུབ་ཆེན་རྒྱ་གར་རིག་འཛིན་གྱི་ལུགས་སུ་བགྱིས། རྗེས་འབྲེལ་དུ་དབང་ཆེན་བསྐུར་བ་ལ། གསང་སྔགས་ཀྱི་འཇུག་སྒོ་ནི་རྣམ་པ་ཁོག་ཡངས་ལ་ངོ་བོ་གཉའ་དོག་པའི་ཚུལ་སྡོམ་པ་གསུམ་གྱིས་རྣམ་པར་ངེས་པའི་དགག་བྱ་དུ་མས། བྱ་བ་དང་མི་བྱ་བའི་གནས་ལེགས་པར་རྟོག་དགོས་པ་ཞིག་ཡིན་ནའང་། ཕྱི་མཐར་གསང་སྔགས་ཁྲོམ་ལ་གྱེན་བ་ཁྱབ་གདལ་དུ་གྲགས་པས་རྒྱལ་བ་རྡོ་རྗེ་འཆང་གི་རིང་ལུགས་སྒྲ་ཇི་བཞིན་པ་རེ་ཞིག་ཅིག་ནས་ཉམས་དམས་

― JLAZ014_Page_0299 ―

^{[མ་དཔེ་གཟིགས་ན་འདིར་གནོན།]}

[Full Size]

ཟིན་པ་དེར་ཟད་ལ། དེ་ལྟ་ནའང་རང་ཉིད་ལ་རྩ་ལྟུང་གི་ཉེས་པ་ཆ་ཡང་བའི་ཐབས་དང་རྟེན་འབྲེལ། གྱ་ཚོམས་སུ་འཇུག་པའི་རྒྱུད་ཆུད་གསན་པ་སོགས་ཀྱི་ཉེས་དམིགས་ལས་ལྡོག་པའི་ཁ་ལོ་ཅིར་ཡང་བསྒྱུར། ར་སྤྲུལ་བསྟན་རྒྱ་མ་སོགས་གསང ་སྔགས་མོས་པས་སྤྱོད་པའི་གནས་སུ་ཤེས་པ་ཁ་ཤས་ལ་བདེ་གཤེགས་འདུས་པའི་དབང་ཆེན་རྒྱ་བ་བརྟེན་བོད་དགུའི་ལུང་དང་བཅས་པ་སོང་། །རྣམ་པ་གང་དུའང་དཀོན་མཆོག་ཁོ་ནའི་ཐུགས་རྗེས་འཚོ་བ་ཧ་ཅང་གྱི་ན་བ་དང་། བྲེལ་ངོ་ལ་བརྟེན་མི་དགོས་ཤིང་། སྣོད་ཀྱི་འཇིག་རྟེན་ལ་ལོག་པར་རྟོག་པའི་བག་ཆགས་ངན་གོམས་ལས་ལྡོག་པའི་བྱེད་རྒྱུ་མཐུན་གྱི་འབྲས་བུ། གང་ན་དབེན་པའི་བསྟི་གནས་ཀྱང་རང་བཞིན་གྱི་ཉམས་དགའ་བ་ཙམ་གྱི་དབང་ཐང་ཉམ་ཆུང་ནའང་བཟོད་པར་མི་ནུས་པའི་དགེ་སློད་ལྷ་ཆེན་པོས་ཀླན་ཀ་འཚོལ་བ་ལ་རིངས་པའི་རྣམ་འགྱུར་ཅིར་ཡང་སྟོན་ཏོ། །སློབ་དཔོན་ཞི་བ་ལྷས། ཡིད་ནི་ལུས་ཅན་མ་ཡིན་པས། །སུས་ཀྱང་གང་དུའང་གཞོམ་མི་ནུས། །ལུས་ལ་མངོན་པར་ཞེན་པས་ན། །ལུས་ནི་སྡུག་བསྔལ་དག་གིས་གནོད། །བརྙས་དང་ཚིག་རྩུབ་སྨྲ་བ་དང་། །མི་སྙན་པ་ཡི་ཚིག་དེ་ཡིས། །ལུས་ལ་གནོད་པར་མི་འགྱུར་ན། །སེམས་ཁྱོད་ཅི་ཕྱིར་

― JLAZ014_Page_0300 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་ཏུ་ཁྲོ། །གཞན་བདག་ལ་མི་དགའ་བ། །དེས་ནི་ཚེ་འདིའམ་ཚེ་གཞན་ལ། །བདག་ལ་ཟ་བར་མི་བྱེད་ན་། །བདག་ནི་ཅི་ཕྱིར་དེ་མི་འདོད། །ཅེས་གསུངས་པ་ལྟར་ལོ་མང་པོའི་སྔ་རོལ་ནས་ཆགས་སྡང་གི་རྣམ་རྟོག་རོ་སྙོམས་ཆེན་པོར་ལ་ཟློ་བ་ལ་སྦྱངས་པས་ཁུ་འཕྲིག་གི་བློ་སྐྱེ་བའི་གནས་ཕལ་ཆེར་ལ་ཉམ་ང་བག་ཚ་ཆེར་མི་འབྱུང་བ་ཡིན། ལར་མི་ལའི་རྣམ་ཐར་ན་མར་པའི་གསུང་། ཡུལ་མི་རྩི་ཆུང་བའི་རང་ཡུལ་ན། །ཕྲག་གཡེང་བ་མེད་པའི་དགེ་སྦྱོར་ཡོད། །ཅེས་བྲིས་འདུག་པ་ལྟར། །འདི་ཚོན་དྲག་དཞན་ཕལ་མོ་ཆེ་དང་བཏང་སྙོམས་ཆེན་པོའི་འབྲེལ་བ་ཅན་ཡིན་པས་ཞྭ་འདིམ་དང་། ལྷྭམ་གོག་རེ་ཙམ་ལས་ལྷག་པའི་གདུལ་བྱ་ཕྲིན་ལས་གང་ཡང་མེད་པས་ངེད་ལ་གནོད་སོམས་འཆར་བ་དག་ཀྱང་རང་བཞིན་གྱི་བག་གཡེལ་བའི་མདོ་དྲང་སྲོང་ཆེན་པོས་ཉག་ཕྲན་གྱི་རྭ་བར་བཙུད་པས་སྙིང་རྗེ་ལ། མཆོག་དམན་བར་མའི་གདུལ་བྱ་ཕྱོགས་མཐའ་ཡས་པ་ནས་འདུས་ཏེ་རང་གཞན་གྱི་དོན་ཅུང་ཟད་འབད་པ་མེད་པར་གྲུབ་པས་བདག་ཉིད་ལ་རྣལ་འབྱོར་པ་དཀོན་མཆོག་འབངས་ཞེས་བྱའོ། །ཡིད་སྐྱོ་ཤས་དང་ངེས་འབྱུང་ལྷང་ངེ་དྲན། །ལས་རྒྱུ་འབྲས་ཀྱི་འདོར་ལེན་ཕྲ་ལ་ཞིབ། དོན་གང་ལའང་དགོས་མེད་ཞེན་ལོག་ཅན། །རྗེ་རྣལ་འབྱོར་

ཤོག་ལྷེབ་ ༣༠༡ ནས་ ༤༠༠ བར།

― JLAZ014_Page_0301 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་དབང་ཕྱུག་མི་ལར་སྨོན། །དུས་དེང་སང་དེད་རང་ཆོས་པ་ཚོ། །སྐབས་དང་པོ་ངེས་འབྱུང་སད་སུད་ཀྱི། །ཆོས་བྱེད་བློས་བླ་མའི་གདམས་ངག་མཉན། །ད་ཅུང་ཟད་བསྒོམས་པ་ཁ་ལ་ཁྱེར། །གཏམ་སྙན་གྲགས་གཞན་ཟེར་དབང་དུ་ཤོར། །རང་དམའ་ས་འཛིན་པ་ལ་ཞོག་གི །གཞན་ཆེན་པོས་ཀྱང་སྤྱི་བོས་མཆོད་དུ་རེ། །ཁོང་འཇིག་རྟེན་པར་དཀའ་ལས་ཅི་འདྲ་འདུག །ལྟོ་བཟའ་རྒྱུ་དང་གོན་རྒྱུ་ཅི་འདྲ་འདུག །ཁྲལ་འར་འུར་དང་འདེད་དྲག་ཅི་འདྲ་འདུག །དེ་བྱས་ཀྱང་ཕྱི་མ་ག་འདྲ་ཡོང་། །སྲོད་རྒྱུག་གླུ་ལེན་པ་ཐོས་ཙ་ན། །རང་མལ་དུ་ཉལ་བ་ལ་ཞེ་ཁྲེལ་སྐྱེས། །ཐོ་སླར་གྲལ་མ་ཞིག་པ་དེ་ནས་ལངས། །ལས་སྡུག་སྒུར་བཙུགས་པའི་བཟའ་བཏུང་དེ། །ཆུ་དངས་སངས་དང་སིང་འདག་ཙམ་དུ་འདུག །རང་ཆོས་པ་ཚོར་ཕྱག་ལས་ཅི་འདྲ་འདུག །དལ་བྲེལ་དང་བདེ་སྡུག་ག་འདྲ་འདུག །བཟའ་རྒྱུ་དང་གོན་རྒྱུ་ག་འདྲ་འདུག །ཨུ་ཧུ་ཧུ་སྐྱིད་སྡུག་གི་མ་སྙོམས་པ་ཨ། །ཚོད་རེས་ཧ་ཅང་རང་སྐྱིད་དྲག་པས། །རེས་འཇོག་ཅིག་ཕྱི་མར་ཡོད་ཉེན་ཆེ། །དེ་བྱུང་ན་དི་དྲག་ག་ཙུག་བྱེད། །བོད་གངས་རིས་བསྐོར་བྱའི་རྒྱལ་ཁམས་ན། །གྲངས་ཅན་པའི་གྲུབ་མཐའ་མངོན་གྱུར་མེད། །ཤཱཀྱའི་བསྟན་པ་ལ་ཀུན་ཀྱང་འཇུག །དེ་ལ་

― JLAZ014_Page_0302 ―

^{[མ་དཔེ་གཟིགས་ན་འདིར་གནོན།]}

[Full Size]

རང་གཞན་དུ་གཅོད་ལུགས་འདིས། །དགའ་སྡུག་དང་ཆགས་སྡང་སྐྱེ་ལུགས་འདིས། །ཁ་གསག་དང་དབྱེན་གཏུགས་ལ་སོགས་པ། །ཐབས་སྣ་ཚོགས་ཀྱིས་མང་པོའི་ངག་དཀྲོགས་ནས། །གཟུ་བོར་མི་གནས་པའི་ངན་གཡོ་རྫུ་འཕྲུལ་ཅན། །གནད་མ་གོ་བའི་རང་རྒྱལ་ཆོས་གཏམ་དང་། །དོན་མ་རྟོགས་པའི་བདག་མེད་སྤྲོས་བྱེད་ཡང་། །བྱང་ཆུབ་གསུམ་གྱི་རྒྱུར་མ་ངེས། །རླུང་མི་བསྒོམ་པའི་འཁྲུལ་འཁོར་གྱ་མ་གྱུས། །རྩ་མདུད་གྲོལ་བའི་ལམ་རྟགས་ག་ན་ཡོད། །དབྱིངས་མ་འཇལ་བའི་འདྲི་རྒྱུ་མེད་པ་འདིས། །སླར་འཁོར་བའི་གཏིང་རྡོ་བྱས་ཀྱིས་དོགས། །རང་མ་མགུ་ན་དམ་ཙིག་ད་རྨི་ལམ་ཙམ། །ཆགས་སྡང་གི་རང་འདེགས་ལྷུར་བྱས་ན། །དེ་ལ་ཕལ་ཆེར་མགུ་མོད་ཀྱི། །སེམས་བསྐྱེད་དང་གཞན་དོན་ག་ཙུག་བྱེད། །ལར་དད་མེད་ལ་སེམས་ངོ་སྤྲད་པ་དེ། །རང་བྱུང་གི་ཡེ་ཤེས་ཡིན་པའི་ཕྱིར། །སྐད་ཅིག་མ་དང་པོར་ཅེར་མཐོང་དང་། །མཛུབ་ཚུགས་སུ་རང་ངོ་ཤེས་ན་ཡང་། །བསོད་ནམས་ཀྱི་མ་འཆུན་རང་སར་ཡལ། །ཁོང་ལུང་བསྟན་གྱིས་སློབ་མའང་ནོར་གྱིས་བྲིད། །གཞན་སྡིག་པའི་གྲོགས་ཀྱི་ཕྱོགས་འཛིན་བྱེད། །མདུན་དྲིན་ཅན་དང་བ་མའི་ཞལ་ཏ་སྙན། །རྒྱབ་མཆེད་གྲོགས་དང་ཐ་ཤལ་ཉིད་དུ་སྒྲོགས། །རྒྱུ་འབྲས་བུར་སྨིན་པ་མཐོང་ཙ་ན། །སྙིང་མཆི་མ་འཕོངས་སེམས་

― JLAZ014_Page_0303 ―

^{[མ་དཔེ་གཟིགས་ན་འདིར་གནོན།]}

[Full Size]

དང་སྙིང་རྗེ་སྐྱེས། །ལར་གསང་སྔགས་ཀྱི་རྩ་བ་དམ་ཚིག་ཡིན། །ང་སྤྲོས་བྲལ་སྒྱུ་མའི་རྣལ་འབྱོར་ལ། །འཕྲལ་བལྟར་སྣང་གི་གྱ་གྱུས་མི་བརྫི་ཡང་། །ཕུགས་དམ་ཚིགས་ཉམས་པ་ཆད་བ་འདི། །གྲོགས་ཁྱེད་ལ་བྱུང་དོགས་སྨྲས་པ་ཡིན། །ཁོང་རེ་རེ་ཞིག་སྡིག་ཅན་གྱི་དཀོར་ལ་བརྔམས། །ཆོས་སྙིང་རུས་སུ་བྱས་ཀྱང་གྱོད་ཅག་མཆི། །ལས་དཀར་པོའི་ཆོས་ལ་རེམ་ན་ཡང་། །ཁར་སྲོག་གི་སྤུ་གྲི་ཟོས་པ་དེས། །མེ་འབར་ཞུན་མར་གྱི་གསོད་བ་བཞིན། །ལས་སྡིག་སྒྲིབ་སྦྱོང་བཞིན་སྡིག་ཆེན་བཟའ། །འདི་ཡང་ཤི་ཡང་སོས་ཀྱི་འཁྲུལ་འཁོར་ལ། །དོན་སྙིང་པོ་ཅི་འདུག་མནོ་བསམ་ཐོང་། །རྒྱ་གར་ན་རྒྱན་དྲུག་མཆོག་གཉིས་ལའང་། །གདུང་དང་སྐུ་སྐྱེའི་གྲགས་སྙན་མེད། །ཕུགས་རང་རྒྱུད་ཀྱི་ཡོན་ཏན་མི་རྟོག་པར། །ཡོངས་མི་ནག་པས་སངས་རྒྱས་དངོས་མཐོང་ལ། །དེ་དེ་བཞིན་ནོ་སྙམ་པའི་རང་རྒྱལ་འདིས། །མཐར་འོད་སྲུང་རྫོགས་བྱེད་དང་ཕྲད་ཀྱི་དོགས། །ང་སྐྱེ་བ་མི་ལེན་པའི་སྨོན་ལམ་འདེབས། །སྦྱངས་ཡོན་བཅུ་གཉིས་དག་ན་ཡོད། །བཞི་གསུམ་གྱི་ཆོ་གའི་རིམ་ལ། །རྟག་བརྟན་དང་ཐེར་ཟུག་བལྟར་སྣང་ཙམ། །བརྣབ་སེམས་དང་འཛིན་ཆགས་མ་སྤངས་པའི། །སྦྱིན་ལེན་གྱི་ཕྱག་ལེན་མཁས་མཁས་མོས། །ཐར་པ་དང་དགྲ་བཅོམ་

― JLAZ014_Page_0304 ―

^{[མ་དཔེ་གཟིགས་ན་འདིར་གནོན།]}

[Full Size]

མ་ཐོབ་དགོས། །ཁོང་སྡེ་དཔོན་རྣམས་སྔགས་སྡོམ་མ་གོ་བའི། །ལམ་མྱུར་པོ་གསང་སྔགས་ལ་འཇུག་བློ་འདི། །ཚེ་གཅིག་ལ་མགོན་པོ་རྡོར་འཆང་གི །གྲུབ་མཐའ་སྙོགས་པ་ཡིན་མཆི་སྟེ། །ཕུགས་མ་ཏྲཾ་རཱུ་ཏྲར་ཕྱིན་གྱི་དོགས། །ང་རིག་པ་ཐོད་རྒལ་དུ་འུར་བའི་ཚེ། །རང་སྐྱོན་ལ་ཇི་མི་སྙམ་པའི་བློས། །བཤགས་བཙན་པོ་སྤག་སྤུག་མེད་པར་ཐལ། །ཁེ་དང་ཉེས་དམིགས་མ་བསམས་ཤིང་། །རྣལ་འབྱོར་གྱི་སྣང་བ་གདོང་འདེད་ལ། །བསམ་ཡོད་ཀོ་ལོང་མི་འཚལ་ཏེ། །ཕོག་ཐུག་མེད་པའི་ཀློང་དུ་ཨ། །འདི་ལོའང་སྟོན་སེར་དུར་ཁྲོད་རོལ་པའི་གནས་གངས་ལ་རྗེའུ་རྫ་ཁྲོད་དུ་གནས་འབྲེལ་བྱེད་པར་ཕྱིན། ཡར་སྟོད་དགོན་པ་རྣམས་ནས་ཚོགས་ཀྱི་འཁོར་ལོ་རྒྱས་པར་བསྟབས། སྔ་ལོ་ཚེ་འདིར་སླེབས་པས་སེར་བ་མི་འབབ་པ་དང་ཆུ་བཟུང་བ་སོགས་བྱུང་། གནས་རེངས་བ་དུལ་བའི་ཕྱིར་ཕྱི་ལོ་རྣམས་ཀྱང་སླེབ་པ་བྱེད་དགོས་ཟེར། གནས་ལ་རེངས་རྒྱུ་ཅི་ཡིད་དེ་འཇིག་རྟེན་པའི་ཁ་གཏམ་དུ་སྣང་། ཁོ་རང་ཚོ་དག་སྣང་ཆེན་པོ་འདུག་པས་རིན་ཆེན་སྤུངས་པར་གྲགས་པའི་ལོགས་ལ་རང་བྱོན་གྱི་རྣམ་པ་གསལ་བ་ཡང་ངོ་སྤྲད། །ཟླ་བ་དགུ་པའི་ནང་དེར་སྦྱོར་རྩེ་རིན་པོ་ཆེ་ལྷ་རྩེར་ལོ་གསུམ་ལ་ཕེབས་བརྩམས་ཀྱི་ཐོག་ནས་ངེད་འབོད་མཁན་གྱི་བང་མི་ཆེད་

― JLAZ014_Page_0305 ―

^{[མ་དཔེ་གཟིགས་ན་འདིར་གནོན།]}

[Full Size]

གཏང་བྱུང་། ཤུལ་དུ་འཇུག་བར་བརྩམས་པ་ན། རྨི་ལམ་དུ་བུད་མེད་ཅིག་གིས་ཆ་རྒྱུས་མེད་པའི་ས་ཆ་ལ། འདི་ན་འདིར་བཞུགས་ཀྱི་བཀོད་པ་འདྲ་མོ་ཞིག་དང་། དྲག་ཇག་ཆོམ་རྐུན་མི་ཡོང་། དོལ་དུ་ངེད་ཀྱི་ཇོ་བོས་ཀྱང་གདན་འདྲེན། ཞུ་རྩིས་འདུག་ཟེར་བ། གཡོར་པོ་སྟོད་ལ་བརྟིང་ལ་བྱས་ཙ་ན་བགྲོད་པར་བྱ་བའི་གནས་ལོ་རེ་དོལ། གནས་དེ་ན་ཚེ་རིང་མ་བཞུགས་པའི་ཁྱད་པར་དུ་ཤེས། ཚོར་བ་དང་བཅས་པའི་འདུ་བྱེད་ཀྱི་ཕུང་པོ་ཅན་ལ་ངལ་དུབ་ཀྱི་རྣམ་པ་སྤྱི་མཐུན་དུ་ཡོད་པར་བསམས་ནས་རྐང་པས་འགྲོ་གང་བཅོགས་རྟ་ལས་གཞོལ་ཏེ་ཕྱིན་པས། ཟླ་བོ་ཚོ་རྐང་པ་ན་བའི་གསུང་འབྱོན་བར་སྣང་བས་སླན་ཆད་ཆང་ཤེས་སུ་སོང་། ཕུན་གངས་ལྡན་གྱི་རི་བོ་ནི་ཤེལ་གྱི་མཆོད་རྟེན་ལྟ་བུར་བཀོད་ལེགས། བར་ན་མཁའ་འགྲོ་ཆེན་མོ་ལྔའི་ཕོ་བྲང་གི་བྲག་རི་དབུ་འཕང་གཏོད་པ་ལྟ་བུ། སྐབས་ཕྱེད་པའི་གནས་ཅི་རིགས་པར་སྭ་ལའི་ནགས་ཚལ་ཐོར་བུ་དང་བཅས་པའི་སྨན་ལྗོངས་ལ་རི་དྭགས་རྣམས་བག་ཕེབས་པར་རྒྱུ་ཞིང་། འབབ་ཆུ་བསིལ་བའི་སྒྲ་དང་བཅས་འདུ་འཛིའི་ཉེས་དམིགས་ལས་བརྒལ་ཞིང་། ནགས་ཀྱི་ཡོན་ཏན་ཕལ་མོ་ཆེས་བསྟན་པ་མོག་པ་ལྷ་རྩེ་ཞེས་རྗེ་བཙུན་རས་ཆུང་པས་མཁའ་སྤྱོད་ཀྱི་གྲུབ་མཐའ་སྙགས་པའི་གནས་སུ་སླེབས། བླ་མ་

― JLAZ014_Page_0306 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོག་ནས་བསྙེན་བཀུར་དང་སྲི་ཞུ་ཐུགས་ལ་བཏགས། འདུལ་བ་ལུང་ལས། ང་ལ་མཁན་པོ་མེད་པས་ན། །ང་ནི་རང་བྱུང་དགེ་སློང་ཡིན། །ཞེས་འགྲོ་བ་ལྷ་དང་བཅས་པའི་བླ་མ་ཤཱཀྱང་སེང་གེ་ནི་སྤངས་པ་དང་རྟོགས་པའི་ཡོན་ཏན་གཞན་དབང་ཅན་ལ་མི་ལྟོས་བར། མདོ་སྔགས་རང་སའི་ལམ་དང་དེའི་འབྲས་བུ་མི་སྐྱེ་བའི་ཆོས་ལ་བཟོད་པ་ཐོབ་པའི་དེ་མ་ཐག་པར་མངོན་དུ་མཛད་ལ། གཞན་འཇིག་རྟེན་གྱིས་གདགས་པའི་སྤྲུལ་པའི་སྐུ་རྣམ་པ་ཚོ་ཡང་། ཆོས་ཉིད་ཀྱི་ངོ་བོ་ཤེས་བྱ་མ་ཡིན་པས། བརྒལ་བརྟག་གིས་ཀྱི་བཞུགས་ཚུལ་ཆེན་པོའི་མཚང་འདྲུས་པར་མ་གྱུར་པ་གང་། རྐང་འཁྱམས་ཀྱི་རྒྱལ་བུ་རྒྱལ་སར་འདོན་པའི་དཔེས་བསྟན་པར་བྱ་བའི་ངོ་བོ་ཉིད། དབང་དང་དོན་དམ་བརྒྱུད་པའི་བྱིན་རླབས་ལས་བྱུང་བའི་ཡེ་ཤེས་ཀྱི་ཆོས་ཉིད་མངོན་སུམ་བར་གཏན་ལ་འབེབས་པ། རང་བཞིན་རྫོགས་པ་ཆེན་པོའི་སྨིན་གྲོལ་ལུགས་གསུམ་གྱི་སྒོ་ནས་རང་བྱུང་གདོད་མའི་རྒྱལ་ཐབས་ལ་མངའ་གསོལ། ཆོས་ལ་ཕྱོགས་རིས་མི་གཅོད་པ་རྒོད་ཚང་མགོན་པོ་རྡོ་རྗེའི་རྣམ་ཐར་ལ་སྨོན་ནས་བོ་དོང་བའི་དཀྱིལ་འཁོར་དྲུག་མ་ཆོས་འབྲེལ་དུ་ཞུས། ཞར་ལ་འབྲུག་པ་རིན་པོ་ཆེ་པདྨ་དཀར་པོའི་རྣམ་ཐར་གྱིས་ངེས་པ་དྲངས་པའི་རྟེན་གསུམ་རྣམས་ཞི་བ་

― JLAZ014_Page_0307 ―

^{[མ་དཔེ་གཟིགས་ན་འདིར་གནོན།]}

[Full Size]

མཇལ་བྱས་སྐུ་འདྲ་ལ་བལ་ཚར་འདོགས་པ་སོགས་རྡོ་བོ་དང་གྲོགས་མཆེད་རང་དུ་སྣང་སྟེ་ཆོས་པ་ལ་དག་སྣང་དགའ་མོ་འདུག །ཟླ་བའི་འཁོར་ལོར་ལོངས་པ་ཙམ་གྱི་བར་ལ་བཞེད་དོན་མ་ལུས་པ་བསྐངས། བརྒྱ་ཀོང་ལེགས་པོ་དང་། སའི་སྙིང་པོ་ལ་སོགས་པ་བདོག་པ་སྩལ་པ་མཆོད་རྫས་དང་རྟེན་བཞེངས་ལ་ཤིན་ཏུ་མཁོ་བར་བྱུང་། །ལམ་ཞོར་ལ་ཞེ་བོར་ཞག་བདུན་འདུག་རིང་བསམ་གཏན་ཆོས་སྡེ་ནས་བོ་དོང་བའི་གསུང་རབ་དེ་ཉིད་འདུས་པ་ཆེན་པོ་ལ་བལྟས་མོ་བྱས་ངེད་རྫོགས་ཆེན་པོ་ཀུན་གཞི་དང་ཆོས་སྐུའི་བྱེ་བྲག་འབྱེད་པ་ལ་ཆོས་སྐད་རང་མཚན་པར་འདོད་པར་སྣང་། མདོ་ལས་ཀུན་གཞིའི་རྣམ་ཤེས་ཞེས་གསུངས་པ་ནི། བྱིས་པ་རྣམས་ཆོས་ཀྱི་དབྱིངས་དྲི་མེད་ལ་ཡིད་ཆེས་པར་དཀའ་བས་དེ་དག་དང་དྲན་པའི་ཕྱིར་ཡིན་གྱིས། སྒྲ་ཇི་ལྟ་བ་བཞིན་མ་ཡིན་ལ། གཉིས་སྣང་འཁྲུལ་པའི་བློ་ཡིན་ན། བྱིས་པ་རྣམས་ཀྱིས་གཉིད་མཐུག་པོ་ལོག་པའི་གནས་སྐབས་སུ་ཐ་ནའང་ལ་ལས་ཅུང་ཟད་མྱོང་དགོས་པ་ལ་ཅུང་ཟད་ཀྱང་མྱང་བ་མེད་པའི་ཕྱིར་དང་། ཡོད་ན་རྨི་ལམ་གྱི་བློ་ལྟར་འགྱུར་བས་འཇིག་རྟེན་ན་སེམས་མེད་པའི་གནས་སྐབས་སུ། ཤིན་ཏུ་གྲགས་པ་མི་བརྟེན་པར་འགྱུར་བའི་ཕྱིར་

― JLAZ014_Page_0308 ―

^{[མ་དཔེ་གཟིགས་ན་འདིར་གནོན།]}

[Full Size]

རོ། །དེས་ན་གཉིས་སུ་མེད་པའི་བྱང་ཆུབ་ཀྱི་སེམས་འདི་ནི་འཕགས་པ་ཁོ་ནས་སོ་སོར་རིག་པའི་དངོས་ཀྱི་སྤྱོད་ཡུལ་ཡིན་གྱིས། གཞན་གྱིས་ཉམས་སུ་མྱོན་བར་ནུས་བྱེད་མ་ཡིན་ཏེ་འཁྲུལ་སྣང་གིས་བསྒྲིབས་པའི་ཕྱིར་དང་། །ཤི་བའི་ཚེ་འཁྲུལ་སྣང་མངོན་གྱུར་ཞི་བ་བག་ཆགས་ཀྱིས་ནོན་པས་རྗེས་སུ་དྲན་པར་ཡང་མི་ནུས་པའི་ཕྱིར། །གཉིས་སུ་མེད་པའི་བྱང་ཆུབ་ཀྱི་སེམས་ལ་ཀུན་གཞིའ་རྣམ་ཤེས་སུ་བཞག་པ་གནས་སྐབས་ཀྱི་གདུལ་བྱ་དྲང་པའི་དོན་མ་ཡིན་ན། དབུས་མཐའ་ལས་སེམས་མེད་པའི་གནས་སྐབས་ལྔར་བཤད་པའི་གཉིད་སྟུག་པོའི་ཚེ། ཡུལ་ལྔའི་ཤེས་པ་ཡིད་དང་བཅས་ཀུན་གཞིར་ཐིམ་བའི་གནས་སྐབས་ན། ཆོས་ཉིད་ཀྱི་ངོ་བོ་མ་ནོར་བ་སུས་ཀྱང་ཉམས་སུ་མྱོང་བ་མེད་པས་ཤེས་པ་ལ། ཀུན་གཞི་ཆོས་དབྱིངས་སུ་སད་བའི་ཆ་ནས་དབྱེ་བའི་ཁྱད་པར་འདོ་དགོངས་འབྲེལ་མཁན་པོ་ཀུན་གྱིས་ཤེས་པ་མ་ཡིན་ནོ། །རྗེ་བོ་དོང་པའི་གསོལ་འདེབས་ཤིག་དང་། ཆོས་སྐྱོང་བཀྲ་ཤིས་འོད་འབར་གྱི་གསོལ་ཀ་ཉུང་འདུས་ཤིག་དགོས་གསུངས་པའང་འདི་ནས་བྲིས་ཏེ་ལྷ་རྩེར་ཕུལ། ཚུར་ལམ་སྦ་མཁར་ཕུར་གྲགས་པ་ནས་ནམ་བཏེག་གླ་ཁོལ་ལ་འཛེག་དུས། དང་པོ་རིན་ཐང་ཡོད་པ་ཞིག་བོར་བའི་རྣམ་རྟོག་ཤར། སྐད་

― JLAZ014_Page_0309 ―

^{[མ་དཔེ་གཟིགས་ན་འདིར་གནོན།]}

[Full Size]

ཅིག་མ་དང་པོ་འཕངས་སེམས་ཀྱི་སྣང་བ་ཤར། དེ་མ་ཐག་སྟོན་པའི་གསུང་རབ་ན་ལུས་སྲོག་ལ་ལྟོས་པ་མེད་པའི་ལོ་རྒྱུས་ཡོད། དེ་ཙམ་མ་ཆགས་པའི་བྱ་བྲལ་གྱི་རྣལ་འབྱོར་བ་ཧུ་ཧུ། དངོས་འཛིན་དང་བྲལ་བ་དེ་ག་ན་ཡོད། རང་གིས་གཏོང་མ་ནུས་པ་ཁོའི་དབང་ཐང་གིས་ཐོབ་པ་ཡིན། ཁོང་ལ་དག་དགའ་བ་དཔག་ཏུ་མེད་པ་ཡོད་དགེ་བའང་འདུན་པའི་ཁྱད་པར་ཡིན་པས་འཕོངས་སེམས་མ་སྐྱེས་ན་སྦྱིན་པའི་ཕ་རོལ་ཏུ་ཕྱིན་པའང་དེ་ལས་གང་སྙམ་ནས་བསྔོ་བའི་རྒྱས་འདེབས་བྱས། གངས་རྒྱབ་ནས་རྟ་བོར་བ་ལའང་བསམ་པ་དེ་ཀ་སྐྱེས་པས་བྱ་ས་ཀོ་ཁའི་བང་ཆེན་གྱི་གཏམ་རྒྱུད་བཞིན་འདུན་པ་དགེ་བའི་ནུས་པ་ཁོ་ནས་གཉིས་ཀ་ལག་ཏུ་སོན། ལས་རྒྱུ་འབྲས་ཡིད་ལ་ཆེས་པ་ལགས། ལར་འཁོར་འདས་རྣམ་རྟོག་གིས་བཟོས་པའི་གཡོ་འཁྲུལ་དང་བདེ་བླག་ལ་ཨ། བློ་འདི་བཟང་ངན་གང་གི་ཕྱོགས་སུའང་ཕྲལ་ཕྲལ་འགྱུར་འགྲོ་བ་ལ་དཀའ་ཚེགས་མི་འདུག་པས་རྣམ་པ་ཀུན་ཏུ་དྲན་པ་ཤེས་བཞིན་གཅེས་པའི་ཚུལ། ཤནྟ་དེ་ཝས། སེམས་བསྲང་བརྟུལ་ཞུགས་མ་གཏོགས་པ། །བརྟུལ་ཞུགས་མང་པོས་ཅི་ཞིག་བྱ། །མ་གྲངས་དྲོལ་བའི་ཁྲོད་

― JLAZ014_Page_0310 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ན། །བསྒྲིམས་ཏེ་མ་ཡི་བག་བྱེད་བཞིན། །སྐྱེ་བོ་ངན་ཁྲོད་གནས་པས་ཀྱང་། །སེམས་ཀྱི་རྨ་འདི་རྟག་ཏུ་བསྲུང་། །ཞེས་པ་འདི་གལ་ཆེ་བར་སྣང་། དགུན་རང་གནས་སུ་ལྡོག་ མཚམས་རྒྱའི་མུར་གནས་པ་ན། མཛའ་ཤེས་ལ་སྦྲེངས་པར། །ས་དང་ལྷུན་པོ་རྒྱ་མཚོ་ཉི་མ་བདུན། །འབར་བས་བསྲེགས་པའི་ལུས་ཅན་འདི་དག་ཀྱང་། ཐལ་བ་ཡང་ནི་ལུས་པར་མི་འགྱུར་ན། ཤིན་ཏུ་ཉམ་ཆུང་མི་ལྟ་སྨོས་ཅི་འཚལ། །ཅེས་གསུངས་པ་ལྟར། སང་དང་འཇིག་རྟེན་ཕྱི་མ་མྱུར་བུ་ལ་རྟག་པ་མངོན་སུམ་དུ་མཐོང་བ་ལ་སྐྱོ་བ་བསྐུལ་བའི་གླུ། ཕ་དྲན་ཆོག་རྒྱལ་པོ་ཨུ་རྒྱན་རྗེ། །གནས་ཟངས་མདོག་དཔལ་གྱི་རི་བོར་གཤེགས། མ་སྙིང་ལ་བྱམས་པའི་མཚོ་རྒྱལ་མས། །བུ་ཤུལ་དུ་བསྒྱུར་ནས་མཁའ་སྤྱོད་འགྲིམ། །དུས་དེ་ནས་ད་དུང་སྲིད་མཚོ་ལ། །ལས་ཉིང་མཚམས་སྦྱར་བའི་རྣལ་འབྱོར་བར། །ཕྱི་ལོག་སྨོན་དམ་སྲིའི་ཆོ་འཕྲུལ་དང་། །ནང་རྩ་རླུང་འཁྲུགས་པའི་འཁུ་འཕྲིགས་སོམས། །རྐྱེན་རྣམ་འགྱུར་སྣ་ཚོགས་ལ་སྐྱོ་ནས། །ལམ་རོ་སྙོམས་ཆེན་པོར་ལ་བཟླ་ཚེ། །གྲོང་སྟོད་ནས་བུ་ཆུང་ཤིའོ་ཟེར། །གྲོང་སྨད་ནས་རྒས་འཁོགས་ནའོ་ཟེར། །གྲོང་དཀྱིལ་

― JLAZ014_Page_0311 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་རྒྱལ་བསེན་གནོད་དོ་ཟེར། །བརྟག་པ་དང་ཕྱིན་རླབས་དགོས་སོ་ཟར། །རྗེས་འཛིན་དང་བསྔོ་སྨོན་མཛད་དགོས་སྐད། །ཁོང་རང་རང་སོ་སོའི་འདོད་པའི་དོན། །གག་ཐུག་གི་གནས་སྐབས་ཡིན་སྙམ་ནས། །སེམས་བསྐྱེད་དང་སྨོན་ལམ་དང་ཡང་བླངས་། །ལས་འཁོར་བ་ཟེར་བའི་སྡུག་པོ་འདིར། སེམས་སྐྱོ་ཤས་ཀྱི་རྣམ་ཆ་ཅིར་ཡང་ཤར། །དུས་རེ་ཞིག་མུན་པའི་སྨག་རུམ་ན། །གཅུང་སྒྲུབ་གཡོག་ཁོ་མདུན་དུ་ཧར་གྱིས་བྱུང་། །ཡས་བཞེངས་པ་ཞུ་དང་རིན་པོ་ཆེ། །ལྕམ་རིན་ཆེན་དཔལ་འཛོམ་གཤེགས་པར་གདའ། །གསོལ་འདེབས་ལ་ད་ལྟ་ཕེབ་དགོས་ཟེར། །དེར་ལྟ་བ་རྟབ་ངང་ནས་ཕྱིན་ཙ་ན། །ཆུང་མེ་ཏོག་སད་ཀྱིས་ཁྱེར་བ་བཞིན། །ཡར་ཐོལ་གྱིས་ཡོངས་པས་ལྕམ་ཆུང་དེའི། །ལུས་མལ་གྱི་ཐ་མལ་བཞག་ནས་འདུག །སྙིང་རྗེ་བ་ལ་བཟོད་ཐབས་ག་ན་ཡོད། །ལམ་ཟབ་མོ་རྡོ་རྗེའི་ཐེག་པ་ཡིས། །གནས་སྤོར་དང་བསྔོ་སྨོན་ཡང་དག་བགྱིས། །ཁོང་འཆི་བདག་གཤིན་རྗེའི་ཞགས་ཐེབས་དེ། །གློག་ཕྲེང་ལས་བདེ་བླག་རྩོལ་དྲག་པ། །དུས་རྟག་པར་ཡིད་ལ་གཅགས་ཡོད་ཀྱང་། །དོ་ནུབ་ཐ་མའི་སྐད་ཅིག་ལ། མངོན་སུམ་དུ་མཐོང་བས་མཆི་མ་བཀུ། །འདི་དོ་ནུབ་ཁོང་གི་ཐོག་ཏུ་བབ། །སྤྱིར་སེམས་ཅན་ཀུན་གྱི་མདུན་ན་འདུག །

― JLAZ014_Page_0312 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོས་བདག་ཅག་ལ་ནམ་ཡོད་ཆ་ཅི་འཚལ། །དེ་བསམས་བཞིན་དམ་པའི་ལྷ་ཆོས་བྱེད། །འདི་དྲན་བཞིན་དབེན་པའི་རི་ཁྲོད་སྙོགས། །དེ་མཐོང་བཞིན་འདི་སྣང་ཞེན་འཁྲིས་གཅོད། །དེ་བསམས་བཞིན་བློ་སྣ་དྲུང་བུར་འཐུལ། །ཡིད་གདོན་གྱིས་བཏབ་པའི་སྐྱེ་བོ་ཀུན། །མི་གཞན་ལ་བྱུང་བ་ཤེས་བཞིན་དུ། །དེ་རང་ལ་འོང་སྙམ་མི་འདུག་སྟེ། །མིང་ལ་སྙིང་ནས་ལྟོས་པ་དང་། །ཁྱེད་སྒྲུབ་ཚུགས་ཟིན་པའི་སློབ་མ་རྣམས། །ཚུལ་འདི་ལ་བསམས་ནས་སྙིང་རུས་བསྐྱེད། །ཅིས་ཀྱང་དགོས་མེད་ཀི་བློ་སྣ་བསྟུངས། །ཞེས་སོ། །རྒྱ་གར་ན་སློབ་དཔོན་ཆེན་ཀླུ་སྒྲུབ་ཞབས་ཀྱིས་བསྟན་པ་སྐྱང་བའི་དུས་ཙ་ན་སྡེ་སྣོད་འཛིན་པ་གཞོན་ནུ་སྡེ་ཞེས་བྱ་བ་བདུད་ཀྱི་བྱིན་གྱིས་བརླབས་པས། སངས་རྒྱས་ཀྱི་བསྟན་པ་ལ་སེལ་བསྐྱེད་པའི་ཕྱིར་འཚོ་བ་ཆོས་སུ་སྨྲ་བ་ཀླ་ཀླའི་གྲུབ་མཐའ་བརྩམས་པ་ཡིན། བོད་ན་དེའི་རིང་ལུགས་མངོན་གྱུར་པ་མེད་ཀྱང་། བསམ་སྦྱོར་རྗེས་སུ་མཐུན་པ་མང་པོ་འབྱུང་བ་འདི་མཁྱེན་ནས། བཟོད་པ་དཀའ་ཐུབ་བཟོད་པ་དམ་བ་ནི། །ལ་སོགས་པའི་ཤོ་ལོ་ཀ་གཅིག་པོ་འདིས་གལ་བསྡམས་པར་ཤེས། རྒྱལ་བའི་ཕྲིན་ལས་ཀྱི་དབང་ལས་བསྟན་པའི་སྒོ་ཡང་འགྲོ་བའི་མོས་པ་དེ་སྙེད་དང་འཚམ་པས་འདུལ་བར་ཤེས་པ་ལ་འགོས་ལོ་གཞོན་ནུ་དཔལ་ཤིན་ཏུ་གཟུ་བོར་སྣང་། འདི་ན་རང་

― JLAZ014_Page_0313 ―

^{[མ་དཔེ་གཟིགས་ན་འདིར་གནོན།]}

[Full Size]

ཉིད་གང་གི་རྗེས་སུ་ཞུགས་པ་དེའི་གྲུབ་པའི་མཐའ་ཚུལ་བཞིན་དུ་ཤེས་པར་དཀའ་མོད་དེ། ཕྱོགས་མགོ་ཚོས་པ་ཙམ་གྱི་ཐོག་ནས་གཞན་ལ་སྡང་ཞེན་དང་བཅས་པའི་བློས་ཟག་ཟོག་མཁན་དུ་དྲིལ་བསྒྲགས་ན་མཛེས་མོད། སྐྱེས་བུ་རིགས་གཟུགས་ཐོས་དང་ལྡན་རྣམས་ཀྱང་། །ཤེས་དང་ཚུལ་ཁྲིམས་བྲལ་བ་བཀུར་མ་ལགས། །དེ་ལྟས་གང་ལ་ཡོན་ཏན་འདི་གཉིས་ལྡན། །དེ་ནི་ཡོན་ཏན་གཞན་དང་བྲལ་ཡང་མཆོད། །ཅེས་པ་འདི་རྒྱ་གར་ཆུ་བོ་གང་གཱ་ཕན་ཆད་ཀྱི་གནས་ཚུལ་དུ་འདུག །ཇོ་བོ་རྗེའི་གྲུབ་མཐའ་འཛིན་ན་སོ་སོ་ཐར་པའི་སྡོམ་པ་དག་ཀྱང་བསམ་པ་བྱང་ཆུབ་སེམས་ཀྱིས་འཕང་བར་བྱའོ། ཞེས་པའི་སྦྱོར་བའི་འདི་རྒྱུད་ལ་ལྡན་པར་བྱས་ནས་རབ་ཏུ་བྱུང་བའི་སྤྱོད་ཡུལ་སུམ་བརྒྱ་པ་ལས། གང་ཞིག་སྲོག་གཅོད་གཞན་གྱིས་ནོར་འཕྲོག་དང་། །མི་ཚངས་སྤྱོད་རྫུན་བཅོས་པའི་ཆང་ལ་སོགས། །གར་སོགས་ཕྲེང་སོགས་མལ་ཆེན་མཐོ་བ་དང་། །ཕྱི་དྲོའི་ཁ་ཟས་གསེར་དངུལ་སྤོང་བྱེད་པ། །ཉོན་མོངས་དག་གཡུལ་རྒྱལ་བྱེད་ཚུལ་ཁྲིམས་ཏེ། །ཞེས་གསུངས་པའི་གནས་ལ་དམ་ཆོས་འདུལ་བའི་རྒྱ་ཆེར་འགྲེལ་དང་། རྒྱས་པའི་བསྟན་བཅོས་ས་སྡེ་སོགས་ནས་ལེགས་པར་བཀྲལ་བའི་བསླབ་བྱ་ལ་ཚུལ་བཞིན་དུ་གནས་པ་བྱུང་ན་བོད་ན་སངས་རྒྱས་ཀྱི་བསྟན་པ་

― JLAZ014_Page_0314 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་སོ་སྙམ་ནས་དད་པ་ཤིན་ཏུ་འཕེལ་བ་ཡིན། གཞོན་ནུ་ཉིད་ནས་བསྟན་པའི་སྒོར་ཞུགས་ཀྱང་མ་བསྡམས་པ་བདག་ཅག་ནི། སུམ་བརྒྱ་པ་ལས། གང་ཞིག་གནང་མེད་དེ་བཞིན་བཀག་མེད་པ། དེ་ནི་གསུངས་པའི་རྗེས་མཐུན་བརྟགས་ཏེ་བཟུང་། །ཞེས་པ་ལྟར་དུས་བྱིན་གྱིས་བརླབས་ནས། །ཡང་ནས་ཡང་དུ་ཟ་དགོས་པ་ལ་བྱང་སྒྲ་མི་སྙན་པའི་གླིང་དུ་མོས་པ་ནས་བཟུང་། རིན་པོ་ཆེ་ལ་རེག་པ་དང་བདག་གིར་བྱེད་པ་ན་ཀྡོན་ཅོག་མཆོད་པ་དང་། སེམས་ཅན་གསོ་བ་ལ་སོགས་པའི་དོན་དུ་གནང་བ་ཡིན་སྙམ་དུ་མཐའ་གཉིས་ལ་གནས་པ་སླངས་ནས་ཕྱོགས་མཐུན་དང་རུང་མཐུན་དུ་བརྩི་མཁན་ཞིག་ཡིན་དུ་ཆུག་ཀྱང་། ལྟུང་བ་མི་འཕོག་པ་ལ་ཤིན་ཏུ་ཕན་པར་གདའ་སྟེ་གཟུགས་བརྙན་ཁོ་ནར་སོང་བའི་ཚུལ། ཆེད་དུ་བརྗོད་པའི་མདོ་ནས། དགེ་སློང་དག་མགོ་རེག་ལ་བྱང་ཆུབ་ག་ལ་ཡོད། །རྣལ་མ་སེར་པོ་ལ་བྱང་ཆུབ་ག་ལ་ཡོག །ཆུས་བཀྲུས་པ་ལ་བྱང་ཆུབ་ག་ལ་ཡོད། །དགོངས་ལྟོ་བཅག་པ་ལ་བྱང་ཆུབ་ག་ལ་ཡོད། །ཅེས་གསུངས་པས་དགེ་སློང་རྣམས་ཡིད་གཉིས་སུ་གྱུར་པ་ན། ཡང་བཀའ་སྩལ་པ། ཡེ་ཤེས་ཀྱི་སྤུ་གྲིས་རྣམ་རྟོག་གི་སྐྲ་བྲེག་བར་བྱ། སྟོང་ཉིད་ཀྱི་གོས་ཀྱིས་ཉོན་མོངས་པའི་ཚད་པ་ལས་སྐྱོབ་པར་བྱ། ཡེ་ཤེས་ཀྱི་

― JLAZ014_Page_0315 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུས་མ་རིག་པའི་དྲི་མ་བཀྲུ་བར་བྱ། བསམས་གཏན་གྱི་ཟས་ཀྱིས་འདོད་པའི་སྲེད་པ་བསལ་བར་བྱ་ཞེས་གསུངས་པ་དེས་སོ། །དེ་ལྟ་བའང་སྔོན་གྱི་སྨོན་ལམ་གྱི་དབང་ལས་གྱུར་བའི་བག་ཆགས་དུ་མ་སད། ལྟ་བ་འདི་ལ་དགག་སྒྲུབ་མང་པོ་ཞིག་འདུག་པས། དགེ་བའི་བཤེས་གཉེན་འགའི་དགོངས་པ་དང་གཏན་ཚིགས་བཀོད་འདུག་པ་ལྟར་ན། སྙིང་པོའི་རིང་ལུགས་འདི་རྟག་ཆད་ཀྱི་མཐར་ལྷུང་ཡོད་པའི་རྒྱུ་མཚན་མང་པོ་མཐོང་ཡང་། སྒོམ་པའི་ཉམས་མྱོང་གི་སྟེང་ནས་དེ་ལྟར་སྨྲ་བ་པོའི་མཚང་ཡང་ཕུགས་ནས་རིག །ནང་གི་ཉམས་སུ་མྱོང་བ་བརྗོད་མེད་བློ་འདས་ཆེན་པོ་ལ་ཚིག་གིས་བཏགས་པའི་ཁས་ལེན་གང་གིས་ཀྱང་ཕོག་པ་མེད་པ་ཞིག་ཏུ་སོང་བས། སློབ་དཔོན་འཕགས་པ་ལྷས། ཚུལ་ཁྲིམས་ལས་ནི་ཉམས་སླ་ཡི། །ལྟ་ལས་དེ་ལྟར་མ་ཡིན་ནོ། །ཞེས་ལྟ་བ་ནོར་བ་ལས་རྣམ་གྲོལ་གྱིས་འབྲས་བུ་མེད་པའི་གནམ་ལའང་ནོངས་པ་མེད་པའི་ངེས་ཤེས་ཐོང་། དེ་ཀས་རྒྱུ་འབྲས་ལུང་མ་བསྟན་བྱང་གི་སྒྲ་མི་སྙན་པ་སྲོག་མི་གཅོད་པ་ལྟ་བུའི་མཚུངས་དཔེས་སྤྱོད་པ་ལ་ཚུལ་འཆོས་དང་བླང་དོར་ངོ་ལྐོག་ཅན་བྱེད་དགོས་པའི་རྫུན་ཕུགས་ཀྱང་རང་སར་རྡིབ། འདི་བྱས་ན་འདི་ཡོད་སྙམ་པ་སྲིད་པ་རྒན་པ་རྟོག་དཔྱོད་ཅན་གྱི་རེ་བ་ཆེན་

― JLAZ014_Page_0316 ―

^{[མ་དཔེ་གཟིགས་ན་འདིར་གནོན།]}

[Full Size]

པོའམ། མདོ་སྔགས་གཉིས་ཀའི་དོན་མཐར་ཐུག་གང་ཡིན་པ་དང་འགལ་བའི་ཆོས་མིན་གྱི་བྱ་བ་རླབས་པོ་ཆེ་བྱས་ན་དཀོན་མཆོག་རིན་པ་ཆེ་ཐུགས་ཁྲེལ་ཡོང་སྙམ་པའི་འཇིགས་པ་རྩེ་གཅིག་ལས། གཞན་སྲིད་པ་མགོ་མཇུག་ལྡོག་ཀྱང་སྙིང་ལས་སུ་གྱུར་པའི་དོགས་པའི་རྣམ་རྟོག་ཆེན་པོ་ཕལ་མོ་ཆེ་ཡང་འཁོར་འདས་མཉམ་པ་ཉིད་དུ་སངས་པར་གྱུར་ནའང་། གཏམ་དུ་བྱ་བའི་གནས་ལ། རྒྱལ་བས་སྙིང་ལ་འབབ་དང་བདེན་པ་དང་། །ལོག་པར་སྨྲ་ལྡན་སྐྱེས་བུ་རྣམས་ཀྱི་ནི། །སྦྲང་རྩི་མེ་ཏོག་མི་གཙང་ལྟ་བུའི་ཚིག །རྣམ་གསུམ་བཀའ་རྩལ་དེ་ལས་ཐ་མ་སྤང་། །ཞེས་གྱལ་ཀ་དང་རྩུབ་མོའི་དྲེས་པ་འདི་ནམ་ཡང་སྨྲ་བྱ་མ་ཡིན་པར་ངེས་མོད། དེ་ལྟ་ནའང་ཞི་བ་ལྷས། བྱིས་དང་འགྲོགས་ན་བྱིས་པ་ལ། བདག་བསྟོད་གཞན་ལ་སྨོད་པ་དང་། །འཁོར་བར་དགའ་བའི་གཏམ་ལ་སོགས། །མི་དགེ་ཅིས་ཀྱང་ངེས་པར་འབྱུང་། །ཞེས་པ་ལྟར་ཁ་ཅིག་ནི་ཞེ་སྡང་། ལ་ལ་ནི་འདོད་ཆགས། ཕལ་ཆེར་གཏི་མུག་གི་དབང་ལས་དུལ་བར་མི་གནས་པའི་རྣམ་ཐར་གང་ཡིན་པ་འདུལ་བ་ལུང་ལས། གང་ཞིག་རབ་ཏུ་ཡང་ཡང་ཡོན་ཏན་སྣོད་མ་གྱུར། །སྐྲ་དང་ཁ་སྤུ་བྲེགས་ཀྱང་དགེ་སྦྱོང་ཚུལ་མ་ཞུགས། །རབ་བྱུང་དེ་ནི་རབ་བྱུང་མ་ཡིན་ཁྱིམ་པའང་

― JLAZ014_Page_0317 ―

^{[མ་དཔེ་གཟིགས་ན་འདིར་གནོན།]}

[Full Size]

མིན། །ཆུ་མེད་ཁྲོན་པ་རི་མོའི་མར་མེ་ཇཾ་བཞིན་ནོ། །ཞེས་པའང་སྣང་སྟེ། སྣང་བ་དག་པ་རབ་འབྱམས་ཀྱི་དམ་ཚིག་དང་འགལ་བས་དེ་ལ་རྟོག་དཔྱོད་གཏོང་མི་ནུས། འདི་ན་གཞན་གྱིས་དོན་ངན་པ་ཡིད་ བསམས་ཤིང་། ཚིག་རྩུབ་མོ་ཁ་ཏོན་དུ་བགྱིད་པ་གང་ཡིན་པ་ལ་གནོད་བཀུར་བ་བཞིན་དུ་འཆབ་པར་བྱ་བ་ནི་ནམ་ཡང་མ་ཡིན་པས་ལྔ་བརྒྱ་པ་རྣམས་ཀྱིས་རྣ་ལམ་དུ་མྱོས་པར་བྱ་བ་ནི་བསྟན་པའི་སྒོར་ཞུགས་པ་ཙམ་ལའང་བཀག་པར་མ་ཟད། འཁོར་འདས་ལམ་གསུམ་གྱི་བགེགས་བྱེད་པའི་ཚུལ། ཡན་ལག་བརྒྱད་པའི་རྒྱུད་ལས་ཀྱང་། ར་རོ་དང་པོ་བག་མེད་གནས་ལ་གནས། །རྣམ་རྟོག་ངན་བཅོམ་བདེ་བ་ཡིན་སྙམ་སེམས། །ར་རོ་གཉིས་པ་གླང་ཆེན་སྨྱོན་པ་ལྟར། །ཁ་ན་མཐོ་ཚུལ་ཁྲིམས་འཆལ་བའི་གནས། །ར་རོ་ཐ་མ་སེམས་མེད་རོ་ལྟར་ཉལ། །གང་ཡང་མི་ཤེས་མུན་པའི་གནས་སུ་འགྱུར། །ཅེས་པ་འདི་གའི་དགེ་སྐྱོན་དང་པོ་ཉིད་ནས་རིག་པས་དགྱེས་སྤྲོ་དང་ཕུད་བཞེས་ལ་སྤྲོ་བ་ཞིག་མ་ཡིན་མོད་ཀྱང་། སྨད་ར་བྱུང་ཕྱིར་རྒྱ་ཆེ་ལ་གཏིང་ཟབ་པ་འདི་ག་སྒྲིབ་པ་འདག་པ་ལ་ཕན་པས་མྱོས་པར་བྱ་བའི་གནས་ལ་བག་མ་ཡིན་པར་སྤྱོད་ཚུལ་གྱི་གླན་ཀ །སུ་ཞིག་གིས་དད་པར་གྱུར་ཅིང་གང་ལ་ཐེག་པ་ཆེན་པོའི་ཆོས་ཀྱི་སྒོ་

― JLAZ014_Page_0318 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ལན་གདགས་པ་དེ་དག་ནི་བགྲོད་བྱ་དང་། ལོག་པར་གཡེམ་པའི་རྟེན་དུ་ཕྱར་ཀ་སྒྲོག་པར་བྱེད། ཁ་ཟེར་བར་བྱེད། ལ་ལ་འདི་སྙམ་དུ། ཡང་དེ་བཞིན་གཤེགས་པ་ལའང་མུ་སྟེགས་བྱེད་ཀྱི་བྲམ་ཟེའི་བུ་མོ་དང་མཛའ་ཞེས་བརྗོད་ན། རྣལ་འབྱོར་དབང་ཕྱུག་ལ་ཚུལ་མ་ཡིན་པའི་ཚུལ་དབྱར་གྱི་ཆུ་ཀླུ་བཞིན་དུ་འབྲུབ་པར་འགྱུར་ནའང་དམ་ཚིག་གི་ཀུན་ཏུ་སྤྱོད་པའི་གནས། གསང་བ་འདུས་པ་ལས་དཀའ་ཐུབ་སྡོམ་པ་མི་བཟད་པ། །རྟེན་ཡང་འགྲུབ་པར་མི་འགྱུར་ཏེ། །འདོད་པའི་ཡོན་ཏན་ལྔ་རྣམས་ལ། །ཅི་བདེ་བར་ནི་བརྟན་པས་འགྲུབ། །ཅེས་དང་། རྩ་རྒྱུད་ལེའུ་བཅུ་དྲུག་པར། ཁྱོད་ཀྱིས་སྲོག་ཆགས་གསད་པར་བྱ། །རྫུན་གྱི་ཚིག་ཀྱང་སྨྲ་བར་བྱ། །མ་བྱིན་པར་ཡང་ཁྱོད་ཀྱིས་ལོངས། །བུད་མེད་དག་ཀྱང་བསྟེན་པར་བྱ། །རྡོ་རྗེའི་ལམ་ནི་འདི་དག་གིས། །སེམས་ཅན་ཐམས་ཅད་བསྐུལ་བར་བྱ། །ཞེས་པ་འདི་ལ་དགོངས་པ་ལུང་སྟོན་ལྟར་བཤད་པའི་སྐབས་སྲོག་གི་རླུང་སྟེ་ལས་རླུང་གི་རྒྱུ་བ་དབུ་མར་ཞུགས་གནས་ཐིམ་གསུམ་གྱི་ངེས་པས་གསད་པ་དང་། ཆོས་ཉིད་དང་ཐ་སྙན་གཉིས་འགལ་བ་ཅན་ཡིན་པའི་དཔེས་དོན་གྱི་གནས་ཚུལ་དང་མི་མཐུན་པའི་རྫུན་ཚིག་སྨྲ་བ་དང་། །བླང་བྱའི་རྫས་སོགས་པའི་སངས་རྒྱས་ཀྱི་གོ་འཕང་སུས་ཀྱང་མ་བྱིན་བཞིན་དུ

― JLAZ014_Page_0319 ―

^{[མ་དཔེ་གཟིགས་ན་འདིར་གནོན།]}

[Full Size]

འང་སྟོབས་ཀྱིས་བླངས་པའི་མ་བྱིན་ལེན། སྟོང་པ་ཉིད་ལ་བུད་མེད་ཀྱི་སྒྲར་བཏགས་ཏེ། དེ་ཉིད་ལ་རིག་པ་ཡེ་ཤེས་ཀྱི་སྦྱོར་བ་ལ་འདོད་པ་བསྟན་པའི་ཐ་སྙད་དབང་རྣོན་སྔགས་ལ་དྲོད་ཐོབ་པ་དང་བསྟི་གནས་ལ་སྤྱོད་པའི་ཁྱིམ་བས་མཚོན་གསང་སྔགས་མོས་པས་སྤྱོད་པའི་གནས་རྣམ་པ་གཉིས་ལ་གནང་བ་དང་བཀག་པའི་མཚམས་ཀྱང་ཤེས། སྤྱོད་འཇུག་ལས། ལ་ལ་བདག་གི་ཁྲག་མཐོང་ན། །དཔའ་བརྟན་ལྷག་པར་སྐྱེ་འགྱུར་ཡོད། ལ་ལ་གཞན་གྱི་ཁྲག་མཐོང་ན། །འབོག་ཅིང་བརྒྱལ་བར་འགྱུར་བ་ཡོད། །ཅེས་བློའི་ནུས་པ་དང་འཇུག་པ་ཐ་དད་པའི་ཁྱད་པར་ཡང་རྟོགས། ཀུན་ནས་ཉོན་མོངས་པའི་བྱིས་པ་རྣམས་ཀྱི་ཅོལ་སྒྲོགས་ལ་འཇིགས་པ་མེད་པའི་གདེངས་ཀྱང་ཐོབ། ཡུལ་རྐྱེན་ཆོས་ཉིད་དང་བསྲེ་བའི་རོ་སྙོམས་དངོས་གྲུབ་ཆེན་པོའི་ཕ་མ་ཕབས་ཤིན་ཏུ་ཡང་བློའི་ངོ་ལ་ལྐོག་ཏུ་གྱུར་པའི་རིགས་ཅན་འགའ་ཞིག་ལ་རྩེད་འཇོ་དང་བཞད་གད་ཀྱི་གནས་སུ་གྱུར་པ་འདི་ཙམ་བརྗོད་མི་རུང་བ་མ་ཡིན་ཏེ། པཎིྜ་ཏ་དྷ་རྨ་རཀིྵ་ཏས། ཁྱིམ་ནས་བྱུང་ཞིང་བསྟན་པའི་སྒོར་ཞུགས་ཀྱང་། །ཁྱིམ་པ་བཞིན་དུ་བྱ་བ་མཐའ་ཡས་ཤིང་། སྤང་བླང་ཐམས་ཅད་ཁྱད་དུ་གསོད་པ་སྟེ། དྲང་སྲོང་རྣམས་ཀྱི་དམོད་པས་

― JLAZ014_Page_0320 ―

^{[མ་དཔེ་གཟིགས་ན་འདིར་གནོན།]}

[Full Size]

གདབ་བྱ་ཡིན། ཅེས་བཤད་བས་རང་སྐྱོན་ལ་ཅི་ཡང་མི་སེམས་པ་སྒོ་ང་ལྟ་བུའི་རྣམ་རྟོག་ཅན་ལ་དགའ་བ་ཆེན་པོའི་གཏམ་འཇིགས་མེད་དཔའ་བོའི་རྒྱང་གླུ་ཞེས་བྱ་བ། ཡ་གི་གྲུབ་དབང་སར་ཧ་པ་ནས། །ད་ལྟ་དྲིན་ཅན་བླ་མ་ཡན་ཆད་ཀྱི། །གསང་སྔགས་དཀྱིལ་འཁོར་རྒྱ་མཚོའི་མངའ་བདག་རྣམས། །འདོད་པའི་ཡོན་ཏན་སྒྱུ་མ་ལྟ་བུར་སྤྱོད། །ཆོས་མགོ་མ་ཐོན་སྨྲ་ན་ཁྱོད་རང་ཤེས། །དང་པོ་འདུལ་ཁྲིམས་བསླབ་པ་དང་དུ་བླངས། །བསླབ་པར་བྱ་བའི་གཞི་བཅུ་སུན་མ་དབྱུང་། །བལྟར་མི་མངོན་པའི་ལྐོག་གྱུར་རིང་དུ་སྤངས། །ཁྱིམ་གྱི་འཚོ་འཛིན་ལྷོ་ཚོང་བྱང་བསྐྱེལ་སོགས། །བལྟར་སྣང་བཙུན་པའི་གཟུགས་བརྙན་བྱས་རེ་ཤི། །དེ་ནས་རྡོ་རྗེ་ཐེག་པའི་ལམ་ལ་ཞུགས། །ཀུན་ཏུ་བཟང་པོའི་སྤྱོད་པ་ཁྲེལ་བག་ཡོད། །རྡོ་རྗེའི་རྣལ་འབྱོར་རྩ་ཐིག་རླུང་ལ་བསྣུན། །རིག་པ་གཏད་མེད་ཆོས་སྐུར་ཡོངས་སུ་གྲོལ། །གྲུབ་པའི་མཐའ་དང་སྤང་བླང་རང་སར་ཞིག །བསླབ་བ་བསྲུང་བའི་ནང་ན་འདི་གཅེས་པ། །སེམས་བསྲུང་བརྟུལ་ཞུགས་དྲན་པ་ལྟ་ཞོག་གིས། །ལྟུང་བ་འབྱུང་བའི་སྒོ་གཅིག་མི་ཤེས་པ། །ཡིན་ཞེས་ཐོགས་མེད་བཞེད་ཕྱིར་དེའི་གནས་ལ། །སོ་སོ་ཐར་པའི་མདོ་དང་རྒྱ་ཆེར་འགྲེལ། །དགེ་ཚུལ་གྱི་ནི་

― JLAZ014_Page_0321 ―

^{[མ་དཔེ་གཟིགས་ན་འདིར་གནོན།]}

[Full Size]

ལྔ་བཅུ་ཙམ་དང་། །བྱང་ཆུབ་སེམས་དཔའི་སྡོམ་པ་ཉི་ཤུ་ཡི། །ཉེས་བྱས་སྦོམ་པོ་ཕམ་ལྟུང་འབྱུང་ཚུལ་གྱི། །གཞུང་ལུགས་ཙམ་ཡང་མཐོང་བར་མ་གྱུར་པས། །ལྡན་དང་གྲོལ་བའི་ཡོན་ཏན་ལྟ་ཅི་སྨོས། །དམར་སེར་གོས་ལ་ཚུལ་ཁྲིམས་ཆགས་སོ་སྙམ། །སྤང་བྱའི་གནས་ལ་ལྐོག་ཏུ་གྱུར་བ་ཅན། །ཆུ་ནང་རྡོ་བ་སྐམ་པོ་མཐོང་ཙ་ན། །བྱི་ལའི་བརྟུལ་ཞུག་མ་བཟུང་ཁར་རྗེ་ཆེ། །རྡོ་རྗེ་བཙུན་མོའི་སྒྱུ་མ་བདག་མེད་དབྱིངས། །དྷཱུ་ཏིའི་རྩ་མདུད་དགྲོལ་ལ་ཆས་པ་བཞིན། །ཕྱག་རྒྱ་ཆེན་པོའི་གནས་ལ་མིག་བསྒྱུར་གར། གུ་ཧྱ་པདྨ་བྷཉྫ་མོ་ཀྵ་ཧོ གནས་བརྟན་རྒན་པོ་འདོད་པའི་དགའ་ཐུབ་ཅན། །རྡུལ་གྱི་དངས་ས་མེད་པའི་མེ་ལོང་ལྟར། །མགོ་བྲིགས་བརྟུལ་ཞུགས་དག་ཀྱང་འགྱུར་བཅས་ཕྱིར། །ཆུ་ཡི་ཡོན་ཏན་བྲལ་བའི་ཆབ་རོམ་བཞིན། །བདག་ཏུ་སྤྲོས་པ་ཞི་བའི་སྲིད་གསུམ་སྒྲོན། །ཚད་མའི་གཏན་ཚིགས་ཙམ་ལ་ལྟོས་མིན་པ། །རང་ལས་བྱུང་ཡང་འདི་ཞེས་མི་མཚོན་པ། །ངོ་མཚར་སྒྱུ་མའི་ཆང་གི་མྱོས་པའི་རྗེས། །ངན་སྐྱུགས་མ་ཡིན་ཏི་གླེགས་བམ་ཆར། །རྒྱལ་པོ་ལུང་བསྟན་རྡོ་རྗེར་འགྲན་པ་བཞིན། །གནས་འགྱུར་བརྐོས་སུ་འདེབས་ལ་ཁེངས་པའི་བློ། །གང་དང་མཆེད་གྲོགས་སྤྱོད་ཡུལ་མཉམ་པ་ཅན།

― JLAZ014_Page_0322 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་མང་ཐོས་པའི་ནོར་གྱིས་ཕྱུག་པ་དང་། །གོ་ས་ཆེན་པོར་འཕོངས་པའི་དམ་པ་འགའ། །དད་པའི་མེ་ཏོག་འཐོར་ལ་རིངས་པ་བཞིན། །རང་མིན་གཞན་ལ་མི་མཐོང་ཐོས་སྒྲོགས་རིགས། །རྣལ་མ་སེར་པོའི་མེ་ཏོག་གང་ཡིན་པ། །རྡོ་རྗེའི་ཐེག་པ་འདི་ལ་སྐྲག་པའི་མོད། །རང་ཚུགས་ལས་ཀྱང་འདས་པས་ཤིན་ཏུ་ཉམས། །སྡེ་སྣོད་གསུམ་དང་རྒྱུད་སྡེའི་ཆོས་ཚུལ་ལ། །དངོས་དང་དངོས་འདྲ་དངོས་མིན་གསུམ་དུ་ཡོད། །ཀུན་ཀྱང་སངས་རྒྱས་བསྒྲུབ་ལ་མྱུར་བུལ་ཙམ། །ལས་དང་དེ་ཡི་འབྲས་ཀྱང་སར་ཡོད་། །སོ་སོའི་འདུན་མ་བདག་གིར་བཞེས་པ་འཐད། །དཀྱིལ་འཁོར་འཁོར་ལོའི་མགོན་པོ་སྟངས་དཔྱལ་ཀྱང་། དུས་གསུམ་ཁ་སྦྱོར་ཡན་ལག་བདུན་ལྡན་དབྱིངས། །དུས་མེད་ཆེན་པོའི་ཀློང་ན་འདུ་འབྲེལ་མེད། །རྡོ་རྗེའི་གནས་འདི་ཐོ་ཅོས་མ་ཡིན་ནོ། །ལར་ཨཱརྱ་དེ་ཝས། ཕལ་མོ་ཆེར་ན་མི་རྣམས་ནི། །དམ་པ་མ་ཡིན་ཕྱིགས་ལོངས་འཛིན། །ཞེས་པ་ལྟར་ཕལ་པ་འདི་ནི་གནས་སྐབས་ཁོ་ན་ལ་འགྲོ་རྩིས་པའི་སྤོང་གཉེན་གྱི་འགྱུར་ལྡོན་གར་མཁན་གྱི་ལག་པ་ལས་ཀྱང་བདེ་བླག་འཁྱུག་ ཟེར་ལོའི་རྗེས་སུ་འབྲེང་བ་ལ་ནི་དགའ། ཆོས་ཀྱི་དོན་ནི་ངོ་མི་ཤེས། ལས་འཕྲོ་དང་སྐལ་པ་ནི་ཤིན་ཏུ་ཆུང་། དེ་ལ་དཔའ་བོ་མཁའ་འགྲོ་རྣམས་མི་

― JLAZ014_Page_0323 ―

^{[མ་དཔེ་གཟིགས་ན་འདིར་གནོན།]}

[Full Size]

དགྱེས་པས་རྩ་ཁམས་བདེ་བ་ཆེན་པོའི་ཕོ་བྲང་དུ་ཀརྨ་ཌཀྐིའི་ལྷ་ཚོགས་ལ་ཉམས་གྲིབ་ཀྱི་རྟེན་འབྲེལ་སྟོབས་སུ་གྱུར་ནས། འདུ་བ་ཆ་མི་སྙོམས་པ་ལ་ཐབས་དང་རིམ་གྲོས་ཐོབ་ཤོར་མེད་པ་ཞིག་བྱུང་། །དེའི་ཚེ་དབང་ཆེན་འདུས་པའི་ཚེ་རྟ་ཟུང་འབྲེལ་གྱི་བཅད་མཚམས་ཤིན་ཏུ་དམ་པར་ཡོད་པའི་ཆོས་བཅུ་ཞིག་གི་ནུབ། ཉམས་སྣང་ལ་བུད་མེད་རྒྱན་་མཆོར་མོ་བཀྲག་ཟིལ་ཅན་ཞིག་གིས་བཞིན་མི་སྡུག་པའི་རྣམ་འགྱུར་སྟོན་པའི་ངང་ལ། ལུང་བསྟན་ཡིན་ཟེར་ཀོ་དམར་ལ་བྲིས་པ་ཞིག་གཏད་བྱུང་བའི་རྒྱུ་མཚན་ངེས། །དེ་ཀའི་མུར་ཁང་བ་སྐྱེད་རབ་ཅིག་ན་གྲུབ་རྒྱའི་རྣམ་ཐར་རིགས་མ་འདྲ་བ་གསུམ་ཀློག་པའི་སྣང་བ་ལ། བལ་པོའི་སློབ་དཔོན་དཔལ་སྡེས་མཛད་པའི་མངོན་རྟོགས་དང་རང་བཞིན་མཐུན་གྱི་མཐུན་གྱི་རྟོག་དཔྱོད་ཞུགས་པའི་ངང་དེར། གཙང་སྨྱོན་ཧེ་རུ་ཀ་པས་བསྐུར་བ་ཡིན་ཟེར་བའི་ཡི་གེ་ཞིག་ལག་ཏུ་འབྱོར་བར། ཁ་ཡིག་ལ་ཀུན་དགའ་དབྱངས་ཅན་ཚེ་དབང་ཞེས་བྲིས་འདུག །དེ་ལ་དཔྱོད་མི་ཤེས་པར་དགོད་བྲོ་བའི་མོད། ད་ཅིའི་བུད་མེད་དེ་དང་། དྲི་ལན་འདི་འདྲ་བྱེད་པའི་སྣང་བ་ཤར། །ཀ་དག་གཉུག་མའི་གཏན་སྲིད་ཟིན་པ་ཁྱེད། །ཁ་དོག་མཛེས་པའི་ནི་གུ་ངལ་དགོངས། །ག་བུར་ཐེངས་པས་ཚད་པ་སྨིན་པ་བཞིན། །ང་བདག་ལོག་

― JLAZ014_Page_0324 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་སྤངས་པའི་ཆོས་ཤིག་ཞུ། །ཞེས་ཟེར་བར། ཅ་ག་རྣམ་རྟོག་ཡིན་ཀྱང་སྡོམ་པ་བསྲུང་། །ཆ་བྱད་བུ་མོ་མཚར་ཀྱང་བལྟས་སྣང་ཙམ། །ང་བཟང་ཤང་དཀར་བཏུང་བའི་དགེ་སློང་ལ། །ཉ་མའི་བསླུ་བྲིད་འོས་པ་མ་ཡིན་ནོ། །ཞེས་སྨྲས་པ་ན། ཤིན་ཏུ་ཡུས་པའི་ཚུལ་གྱིས། ཏ་ན་ག་ན་གསང་ཆེན་འཕུར་འགྲོའི་ལམ། ཐ་མལ་ཉན་ཐོས་སྤྱོད་པའི་ཡུལ་མིན་ཀྱང་། །ད་ལྟ་སངས་རྒྱས་འགྲུབ་པ་གསང་སྔགས་ཀྱི། །ན་མའི་བསྒུགས་ཡུན་མི་དགོས་ཁྱད་ཆོས་ཡིན། །ཞེས་ཟེར་བར་ཐེག་པ་ཆེན་པོའི་རིགས་ཙམ་ཡིན་པར་ངེས་ནས། །པ་ཕཱ་རྡོ་རྗེའི་ལམ་གྱི་གནད་ཤེས་ན། ཕ་རོལ་ཕྱིན་པ་བདུན་པ་ཐབས་ཀྱི་ལམ། །བ་ལིང་ཚོགས་ཀྱི་འཁོར་ལོར་སྤྱོད་བཞིན་དུ། །མ་དང་མཁའ་འགྲོའི་ཚོགས་རྗེ་བྱས་པས་ཆོག །ཅེས་བརྗོད་པ་ན། དེ་ཤིན་ཏུ་སྒྲོ་བའི་རྣམ་འགྱུར་སྟོན་ཅིང་། །ལག་པ་ནམ་མཁར་གདེངས་ནས། །ཙཱ་རི་ཉེ་བའི་ཐུང་སྤྱོད་དེ་ནས་འོངས། །ཚ་གྲང་རྣམ་རྟོག་སྤངས་པའི་ཌཱ་ཀྐི་ཡིན། །ཛ་ལན་དྷ་ར་ལ་སོགས་ཉུལ་དུ་འགྲོ། །ཝ་ལྟར་འཁྱམས་པའི་བུད་མེད་ང་མ་ཡིན། །ཅེས་སྨྲས་བྱུང་བས། །རང་གི་ཤེས་པའང་བརྟུལ་ཞུགས་རོལ་པའི་ངར་ཐོགས་ནས། ངོ་ཚ་དང་ཚུལ་འཆོས་ཀྱི་རྣམ་རྟོག་རང་སར་

― JLAZ014_Page_0325 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་སྟེ། ཞྭ་མོས་ཅི་བྱེད་རལ་པའི་ཟུར་ཕུད་ཡོད། །ཟ་རི་ཟེ་རའི་བཙུན་པ་ཙམ་བཞག་ནས། །འ་ཅག་གྲུབ་དབང་སར་ཧ་པ་ལྟར། །ཡ་ང་མེད་པའི་བརྟུལ་ཞུགས་སྤྱོད་པ་སྐྱོང་། །ཞེས་སྨྲས་པས། རྭ་ཅོ་ལྟ་བུའི་ཐེག་དམན་ཆོད་རེ་ཆུང་། །ལ་ཝ་པ་ནི་གཉིད་ཀྱང་འོད་གསལ་དང་། །ཤ་ཟ་འབོད་སྒྲོག་རྒྱལ་པོ་པདྨ་བཞིན། །ས་བཅུ་ཕོ་ཉའི་ལམ་གྱིས་བསྒྲོད་ལགས་སམ། །ཞེས་ཟེར་བ་ལ། འདི་སྐད་དུ། ཧ་ལས་སྐྱེས་པའི་བཛྲ་ཌཱ་ཀྐི་ནི། །ཨ་ལ་ལ་སྟེ་དབུ་མའི་འཁྲོ་ཤིང་ཅན། །ཧཾ་ཡིག་བྱང་ཆུབ་སེམས་ལ་རྟག་རོལ་ཉིད། །གཏོར་བླུགས་རྒྱལ་པོའི་དམ་ཚིག་དང་དུ་ལོངས། །ཞེས་སྨྲས་པས། ཐལ་མོ་སྦྱར་ནས། བདེ་སྟོང་བུང་བ་གཞོན་ནུའི་འཕུར་རྩལ་གྱིས། བཅུ་དྲུག་སྦྲང་རྩིའི་ཉིད་ཤུ་འཐུངས་པ་ལས། བདུད་རྩིའི་ཆུ་ཡུར་གྱེན་དུ་དྲངས་པའི་མོད། །ང་ཡང་ཁྱོད་དང་རོ་གཅིག་འདྲེས་གྱུར་ཅིག །ཅེས་ཟེར་བའི་མོད་ལ་སྣང་ཤེས་འདྲེས་པའི་ཉམས་དེ་ནམ་མཁའ་ལ་སྤྲིན་དེངས་པ་བཞིན་སོང་ངོ། །དེ་ནས་ནམ་གུང་གཉིད་ཀྱི་རྣལ་འབྱོར་ལ་སླེབ་པ་ནས། སྤྱན་སྔ་རིན་པོ་ཆེའི་ཕྱག་ཐམ་ཡིན་ཟེར་བའི་ཐམ་ཆེན་མཚལ་གྱིས་བཀུས་པ་གཅིག་དང་། ཤོག་སེར་ཧྲིལ་མོ་ཚས་བཟང་པོས་གྲིལ་བ་ཞིག་

― JLAZ014_Page_0326 ―

^{[མ་དཔེ་གཟིགས་ན་འདིར་གནོན།]}

[Full Size]

འཇའ་ས་ཡིན་པའི་ཁུངས་ཀྱི་གལ་རྩིས་ཧ་ལས་བྱས་བྱིན། ཐེའུ་དམར་གྱི་རྟེན་འབྲེལ་དང་། གཙང་སྨྱོན་ཧེ་རུ་ཀ་པའི་གནས་ཚུལ་ནི་བླ་མ་ས་སྐྱ་པ་ཆེན་པོ་ཆོས་བདག་ཏུ་ལུང་བསྟན་པར་འཇུག །ཆུ་བོ་རིང་ལྕགས་ཟམ་དང་། དྲེའུ་ལྷས་པ་རིན་པོ་ཆེས་འགྱངས་མིན་ལ་ཆབ་ཤོག་རེ་སྩལ་བྱུང་། སྒྲུབ་བརྒྱུད་རིན་པོ་ཆེའི་བསྟན་པའི་སྲོག་ཤིང་དུ་བཞུགས་ཤིང་། འཇིག་རྟེན་རྨོངས་པས་གཡོགས་པའི་དུས་ཚོད་ན་སྔོན་སྦྱངས་སྟོབས་སུ་གྱུར་པ་ཉིད་དུ་བཞུགས་པའི་དངོས་པོ་ངེས་པར་བསྟན་པའི་གཏན་ཚིགས་རྟོག་དཔྱོད་ཅན་གྱིས་ཤེས་པར་བྱ་བའི་སླད་དུ། དྲེའུ་ལྷས་པའི་ཕྱག་བྲིས་དང་པོ། དྲི་མེད་བཤེས་གཉེན་ལྡང་མ་ལྷུན་གྱི་རྒྱལ། །ཀུན་མཁྱེན་ཆོས་རྗེ་ཡབ་སྲས་བརྒྱུད་བཅས་ཀྱི། ཐུགས་རྗེའི་རོལ་གར་མི་མངོན་སྦས་པའི་ཚུལ། །རྣམ་འདྲེན་རིག་འཛིན་བླ་མ་གང་ཞབས་སུ། །རང་ཚུལ་རྟོག་ལ་དམུས་ལོར་ལྟར་དམུན་ཡང་། །གཞན་ཚུལ་ཡང་དག་བལྟར་སྣང་ས་ལེ་སྦྲམ། །ར་གན་སོ་སོར་འབྱེད་པའི་གདེང་ལྡན། །གཡུང་མགོན་རྡོ་རྗེ་རབ་དད་མཆིད་འདི་གསོལ། །གདོད་ནས་སྤངས་རྟོགས་ཡོན་ཏན་ཡོངས་རྫོགས་པའི། །གོ་འཕང་ཙིནྟ་མ་ཎིའི་མཆོག་བརྙེས་ཀྱང་། །དྲང་དོན་སྐྱེ་འདིར་ཚུལ་བཞིན་སྦྱང་རིམ་གྱི། །དེང་སང་

― JLAZ014_Page_0327 ―

^{[མ་དཔེ་གཟིགས་ན་འདིར་གནོན།]}

[Full Size]

གསལ་རྫོགས་ཡིན་བཞིན་དབང་རྒྱལ་ཁྱོད། །གསང་གསུམ་མི་ཟད་རྒྱན་གྱི་འཁོར་ལོ་ཆེ། །གདོད་མའི་ཡོན་ཏན་ཁོང་ནས་ངོམ་མོད་ཀྱི། །སྐུལ་དམན་སྐྱེ་བོའི་སྣང་ངོར་དབེན་པའི་རིར། ལྷ་དང་ཌ་ཀྐིའི་ངོ་བོར་དགྱེས་བཞིན་དུ། །འདིར་སྣང་རྙེད་བཀུར་གྲགས་པའི་ཆེད་འདུས་པའི། །འ་འུར་ཟ་ཟིར་ཆེར་རློམ་འགྲོ་དོན་གྱི། །མཆེད་ཟླར་མ་གྱུར་སྐལ་ལྡན་འབའ་ཞིག་ངོར། །སྙིང་པོའི་བསྟན་པ་སྤེལ་དེ་ཅིས་མི་གུས། །གསུང་གི་གནས་དེར་གསུང་གི་རིག་འཛིན་རྗེ། །འོད་གསལ་ཀློང་དུ་ཆོས་ཀུན་ཐུགས་ཆུང་པའི། །སྙན་པའི་སྒྲ་ཆེན་ཚུར་མཐོང་ལག་པ་ཀྱང་། །མཁའ་སྤྱོད་མིག་ཡངས་ཚོགས་རྣམས་ཅ་ཅོས་བྲེལ། །དག་པའི་དགོངས་ཟབ་ཟླ་བའི་མ་མའི་རུམ། །དྲི་མེད་འོད་ཟེར་ཐུགས་བཅུད་ནོར་བུའི་གཏེར། །གདོད་ནས་མཆིས་པར་དུས་བབས་གན་མཛོད་ཀྱི། །སྙིང་པོར་ཕྱུང་ལ་དད་པའི་སྤུ་ལོང་གཡོས། །འདི་ན་རྒྱལ་ཀུན་འདུས་ཞལ་མཚོ་སྐྱེས་རྗེའི། །ཐུགས་རྗེའི་གྲིབ་ཏུ་བསིལ་བང་ངལ་གསོ་བའི། །འདུ་ཤེས་གསུམ་པ་རང་དོན་མ་གྲུབ་བཞིན། །གཞན་ཕན་ཟོལ་ཟོག་སྤྱོད་པས་འདའ་བཞིན་ལགས། །སྒྲིབ་བྲལ་གདོང་ནད་དག་པའི་ཡེ་ཤེས་སྤྱན། །གློ་བུར་ལིང་ཏོག་ནང་གི་རྣལ་འབྱོར་གྱི། །མིག་

― JLAZ014_Page_0328 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་ཆེན་པོས་སྦྱངས་པའི་སྦྱན་སྡ་ན། །ལྐོག་དང་མངོན་གྱུར་ཐ་སྙད་རྫུན་པའི་ཆོས། །འོན་ཀྱང་བྱམས་ལྡན་མ་ལ་བུས་པས་བཞིན། །རང་ཚུལ་བསྔགས་འོས་དམ་པའི་རྣས་ཐར་དང་། །བྲལ་ཡང་མ་སྦས་གསོང་པོར་རྡོ་རྗེའི་སྙན། །གཙུབས་པའི་རྐྱེན་དུ་གསོལ་འདིར་མ་ཁྲེལ་དགོངས་། །སྐྱེས་རབས་མང་པོར་ཨོ་ཌི་ཡ་ནའི་རྗེས། །བསྐྱངས་སམ་ཀུན་རྟོག་དངས་པའི་མེ་ལོང་དུ། །མགོན་དེར་དད་ཤུགས་གཟུགས་ཀྱི་སྣང་བ་ནི། །བུས་པའི་དུས་ནས་འགོག་མེད་ཅིར་ཡང་བཀྲ། །རིས་བྲལ་དམ་པ་ཀུན་ལ་ཕྱོགས་ལྷུང་དང་། །བྲལ་བའི་དད་གུས་དག་སྣང་ཆེར་རྒྱས་ཤིང་། །མགོན་པོ་དེ་དག་གིས་ཀྱང་རྗེས་བཟུང་བས། སྐལ་པ་བཟང་པོའི་དགེ་མཚན་ཅིར་ཡང་ཐོབ། །རྒྱལ་གསུང་དངོས་དང་རྗེས་འབྲང་གྲུབ་པའི་མཐའ། །མ་ལུས་གདུལ་བྱ་འདུལ་བའི་ཐབས་ཚུལ་དུ། །དེས་ཤིང་མཐར་ཐུག་དགོངས་པའི་གནད་གཅིག་ཏུ། །ཤེས་པས་ཕྱོགས་འཛིན་ཨ་འཐས་མ་དགོས་ཕྱིར། །འོན་ཀྱང་ཐོས་དང་བསམ་པའི་རྗེས་ཞུགས་པའི། །སྐལ་བཟང་ཙམ་ལས་རྣམ་གཡེང་གཞན་དབང་གིས། །རང་ཡིད་བརྟན་པ་མ་ཐོབ་ཀུན་རྟོག་གི། གྱ་གྱུས་བྲེལ་འདི་རྣམ་ཀུན་དལ་པའི་གནས། །ད་ཀོ་གློག་གི་མར་མེའི་གནས་ཚད་ཀྱི། །

― JLAZ014_Page_0329 ―

^{[མ་དཔེ་གཟིགས་ན་འདིར་གནོན།]}

[Full Size]

སྲོག་དབང་ལྷག་མ་ཇི་སྲིད་ཡོད་ཀྱི་བར། །དལ་འབྱོར་དོན་ལྡན་དེས་གསང་ཐེག་པའི་རྩེ། །ཉམས་ནེལ་ཐུགས་རྗེའི་མཐུ་དཔུང་བསྐྱེད་དུ་གསོལ། །སྒོས་ཀྱི་སྙིང་པོ་རྣམ་འདྲེན་རིག་འཛིན་རྗེ། །གང་ཉིད་བསྐལ་པ་རྒྱ་མཚོར་ཞབས་བརྟན་ཅིང་། །བདག་ཀྱང་རིང་མིན་དངོས་ཞལ་མངོན་སུམ་དུ། །མཇལ་ཞིང་ཟབ་མོའི་བདུད་རྩིར་སྤྱོད་པར་སྨོན། །གནས་སྐབས་བདག་གི་འགལ་རྐྱེན་སེལ་བ་དང་། འདོད་པ་འགྲུབ་པའི་ཐབས་ཚུལ་གསང་བའི་ལུང། །ཡེ་ཤེས་གཟིགས་ངོར་གསལ་དང་སྔོན་རབས་གྱུར། །ཀུན་ཀྱང་མ་སྦས་དྲང་པོའི་བཀའ་ཡིས་སྩོལ། །དེ་སྐད་དེང་སང་སྐྱེ་བོའི་སྤྱོད་འགྲོ་ས་དང་། །ཡེ་ནས་མི་མཐུན་བློ་སྣ་ཡན་གར་བ། ལེགས་སམ་ཉེས་ཀྱང་རུང་སྟེ་གདོད་མ་ནས། །རྟག་ཏུ་ཤར་བའི་རྣལ་འབྱོར་སྨྱོན་པ་དེས། །ཚུལ་ཁྲིམས་བློ་གྲོས་ཤེས་རབ་འོད་ཟེར་གྱི། །རྒྱུད་དུ་བརྫུས་ཏེ་བྱོན་པའི་བླ་མ་མཆོག །དགྱེས་པ་བསྐྱེད་ཕྱིར་རང་གནས་ཀུན་གྲོལ་གླིང་། །མཁའ་འགྲོའི་གླིང་ནས་སུག་བྲིས་ཉིད་དུ་ཐལ། །ཅེས་པ་འདི་ཡིན། ཀར་བརྒྱུད་པ་འདི་ལ་ཆོས་རྗེ་རྒོད་ཚང་པ་ནས་བཟུང་དག་སྣང་གི་སྲོག་ཤིང་བཟང་པོ་འདུག་པའི་སྟེ། རིན་པོ་ཆེ་འདི་ཉིད་གསན་བསམ་གྱི་འབྲས་བུ་ཕྱོགས་འཛིན་དུ་སྨིན་པའི་བཤེས་

― JLAZ014_Page_0330 ―

^{[མ་དཔེ་གཟིགས་ན་འདིར་གནོན།]}

[Full Size]

གཉེན་རྟོག་གེ་པ་དང་མི་འདྲ་བར་སྣང་བ་ཁྱབ་གདལ་དུ་དག་པ་འདི་ག་གཅིག་པོའང་རྣམ་ཐར་བཟང་པོར་སྣང་། ཕྱག་བྲིས་དང་པོ་འདི་ཕེབས་རྒྱུའི་ནུབ། བནྡེ་སྨུག་འཛི་རི་ཞིག་གིས། མདངས་མཚར་པོ་གཡུ་ཡི་ནེ་ཙོ་ཡིས། །གོས་དྲོ་འཇམ་གྱི་ངོས་ལ་རྩི་དུག་བཀུས། །དེས་རང་བྱུང་རྡོ་རྗེ་སྒྲིབ་བ་ན། །ལུས་ཆུ་བུར་གྱི་ཀོབ་པོར་སོང་གིས་དོགས། །ཤ་དམ་ཚིག་ཡིན་པས་བཟའ་དགོས་ཟེར། །ཟོས་དྲག་ན་མཁའ་འགྲོའི་བཀའ་ཆད་སྡང་། །ཞེས་པ་ལ་སོགས་པའི་ཚིག་རིས་ཤིག་ཟེར་བའང་ཕུལ་བ་ནི་ཡིན། །སླར་ཆབ་ཤོག་ཐེངས་གཉིས་ཙམ་བྱུང་བ་བཞིན། ཀློག་པ་ཐོས་བསམ་གྱི་རྒར་བརྒལ་བརྟག་ རྩོད་པའི་འཁོར་ལོས་སློབ་དཔོན་ཆོས་ཀྱི་གྲགས་པའི་རྣམ་ཐར་སྐྱོང་བ་ལ་དང་པ་བརྟས་པའི་རབ་འབྱམས་སྨྲ་བར་གྲགས་པས། དགེ་སློང་དག་གམ་མཁས་རྣམས་ཀྱིས། །བསྲེགས་བཅད་བརྡར་བའི་གསེར་བཞིན་དུ། །ལེགས་པར་བརྟགས་ལ་ང་ཡི་བཀའ། །བླང་བར་བྱ་ཡིས་གུས་ཕྱིར་མིན། །ཞེས་ཆོས་ཀྱི་ཚིག་དོན་ལ་བརྟག་དཔྱད་ལེགས་པར་བྱ་བ་འདི་གླེན་པ་རྣམས་ཀྱི་རྣམ་ཆོག་ཏུ་མི་འཛུལ་ཡང་། རྒྱལ་བ་ཀློང་ཆེན་པའི་གྲུབ་མཐའ་ཡིན་པ་བཞིན། དངོས་ཅག་ཀུ་སུ་ལུ་བའི་གཞུང་། ལུང་གི་གཏེར་མཛོད་

― JLAZ014_Page_0331 ―

^{[མ་དཔེ་གཟིགས་ན་འདིར་གནོན།]}

[Full Size]

སྐོར་ཞིག་ཕུལ་ནས། རིགས་པ་དང་རིགས་པ་མ་ཡིན་པའི་གནས་ལ་བྱི་དོར་མཛད་པ་རབ་བསྐུལ་བའི་ལན། ཀུན་མཁྱེན་དགོངས་པའི་གཏེར་མཛོད་པདྨའི་གདུང་ཚབ་མཆོག་གི་ཞབས་པད་དུ། མཚམས་ཞུའི་མཐར། ལོངས་སྤྱོད་རོལ་དུས་འཁོར་ལོའི་མདུད་རྒྱ་ཀུན། །ཟབ་གསང་རྣལ་འབྱོར་ཆེན་པོའི་སོར་མོ་ཡིས། །ལྷུག་པར་བཀྲོལ་པའི་རང་འབྲས་ལེགས་བཤད་དབྱངས། །ཚིག་རེར་ཆོས་ཕུང་ཀུན་རྫོགས་གཱ་མ་ཀ །ཀུན་བཟད་དགོངས་པའི་དབྱིངས་ནས་རྒྱལ་ཐབས་བཅུད། །སྤྱི་ནས་བླུགས་པའི་ནང་གཏེར་ཐུགས་ཀྱི་མཆོར། །འཁྱིལ་བའི་ཆ་ཤད་དྲི་ལན་ཟོལ་ཉིད་ཀྱིས། །སྐལ་ལྡན་རྗེས་སུ་འཛིན་པའི་ཐབས་དེར་རངས། རྙོག་པའི་ཆ་ཤས་ལན་བརྒྱར་བཙལ་བྱས་ཀྱང་། །རྙེད་པར་མ་གྱུར་དད་གསུམ་འདབ་མ་བརྒྱ། །རྣམ་པར་བཞད་པའི་གསོས་གྱུར་ཐལ་མོ་ཟུང་། །སྤྱི་བོར་ཟུམ་སྟེ་ཆབ་མི་འཚལ་བར་ཕུལ། །སླད་མན་ཡང་བདག་སོགས་བསྟན་དང་འགྲོའི། །སྤྱི་དཔལ་ཆེན་པོར་ཞབས་ཟུང་རྟག་བརྟན་ཅིང་། །རྣམ་ཀུན་ཚད་མེད་ཐུགས་རྗེའི་ལྕགས་ཀྱུ་ཡིས། །འདོར་བ་མེད་པར་འཚལ་ལོ་རིག་འཛིན་དབང་། །ཇི་སྲིད་དངོས་ཞལ་མཇལ་བའི་སྐལ་བཟང་ལ། །སྤྱོད་པར་མ་གྱུར་དེ་སྲིད་ཡང་ནས་ཡང་། །རྗེས་སུ་

― JLAZ014_Page_0332 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩེ་བའི་བཀའ་ཡིག་མི་འཆད་པས། །སྐྱོང་བར་མཛོད་ཅིག་ཀུན་མཁྱེན་གཉིས་པ་ཀྱི། །ཞེས་རྡོ་རྗེའི་ལམ་གྱི་མགྲིན་པའི་རྩ་མདུད་ཞིག་པ་ལས་སྣང་བ་དཔེ་ཆར་ཤར་བའི་ལམ་རྟགས་ཡོད་པ་དང་། རྒྱལ་ཐབས་སྤྱི་བླུགས་ཀྱི་དབང་རང་བྱུང་འོད་གསལ་གྱི་དབྱིངས་ནས་སངས་རྒྱས་ཀུན་གྱི་ཡེ་ཤེས་ཆེན་པོ་དང་རོ་གཅིག་པ་བསྐུར་ཐོབ་མེད་པར་བཞུགས་པའི་རིགས་ཡོངས་སུ་སད་བ་ནི། གང་ཟག་ས་མཐོན་པོ་ལ་གནས་པས་ཆོས་ཀྱི་གཏེར་རྙེད་པར་བཤད་པ་བཞིན། གསང་སྔགས་སྔ་འགྱུར་ལ་ཚད་མཁའ་འགྲོའི་ལུས། རྟགས་ཟབ་མོའི་བརྡའ་རིས་ཀྱི་བཟུང་བའི་ཆོས་ཚུལ་ངེས་པའི་མཚང་ལོངས་པ་འདི་ངོ་མཚར་དང་བཅས་པའི་རྣམ་དཔྱོད་དུ་ངེས་ལ། དེ་སྐད་དུ་བྱང་པ་བདག་པོས། དྲི་མེད་འོད་ཟེར་ཀུན་མཁྱེན་ཐུགས་གཏེར་མཛོད། །སྒོ་འཕར་འབྱེད་ལ་གཞན་གྱི་འགྲན་ཟླ་བྲལ། །ཅེས་གསུངས་པའི་ཕྱིར་རོ། །ལུགས་འདི་ལ་འཇུག་པའི་གང་ཟག་ཕལ་མོ་ཆེས། །དོན་རྩ་བ་ཆེན་པོ་འདི་མ་གོ་བར། མཁའ་འགྲོ་ཡང་ཏིག་ལ་སོགས་གདོད་མའི་སངས་རྒྱས་ཉག་གཅིག་གི་དགོངས་པའི་ཀློང་ནས་ཕྱུང་བའི་གཏེར་ཞེས་ཉམས་ཆོས་ཀྱི་ནོར་འཁྲུལ་ཞིང་། གོང་འོག་ཕྱིན་ཆད་ན་ས་བ་ཤུས་བཀབ་བྱས་ཆོག་པ་ཆེར་མེད་པ་ཞིག་ལ། སྤྱི་བརྟོལ་ཅན་གྱིས་

― JLAZ014_Page_0333 ―

^{[མ་དཔེ་གཟིགས་ན་འདིར་གནོན།]}

[Full Size]

ཞལ་བཤུས་སུ་ཁུངས་ཕྱུང་བ་པོའི་བློ་ནུས་དང་འཚམས་པོའི་ཚིག་དོན་གང་གི་ཐད་དུའང་ནོར་བ་ཆེན་པོ་ཡོད་པའི་ཀུན་འབྱུང་གི་སྒྲོ་བཏགས་ཅན། སློབ་དཔོན་པདྨ་དང་། བིམ་ལ་མི་ཏྲ་སོགས་པར་ཁག་བཞག་པས། གངས་ཅན་པའི་མཁས་གྲུབ་གཞན་གྱིས་ས་འོག་གི་རྫུན་མ་ཞེས་པདྨའི་རིང་ལུགས་རྩོད་པ་མེད་པ་དག་ལའང་ཐེ་ཚོམ་དུ་བྱེད་པ་འདི་བྱུང་བ་ཡིན་པས། མ་ཡིན་པ་ལ་ཡིན་དང་། ཡིན་པ་ལ་མ་ཡིན་ཞེས་སྒྲུབ་པ་གཉིས་ཀ་ལ་ཉེས་པ་མི་ཟད་པར་ཡོད་པས། མངོན་པར་ཤེས་པ་ལྔ་དང་བྲལ་བ་རྣམས། དྲན་དང་ཆོས་རབ་འབྱེད་དང་བརྩོན་འགྲུས་དང་། །དགའ་དང་ཤིན་ཏུ་སྦྱངས་དང་ཏིང་འཛིན་དང་། །བཏང་སྙོམས་འདི་བདུན་བྱང་ཆུབ་ཡན་ལག་སྟེ། །མྱ་ངན་འདས་ཐོག་བགྱིད་པའི་དགེ་ཚོགས་ལགས། ཞེས་པའི་དོན་ལ་དགོངས་པར་འཚལ། ཆོ་འཕྲུལ་ཆེན་པོའི་ཚེ་བརྒྱད་ལ་ཤྲཱི་པ་རྦཏའི་འདུས་ཚོགས་སུ་ཉིན་འབྱོངས་གཅིག་གི་བསྙེན་བཀུར་ནས་ན་རག་དོངས་སྤྲུགས་ཀྱི་ཆོ་ག་བསྟར། དགེ་འདུན་རེར་སྐྱ་ཆེན་རེ་དང་། གསུམ་ཊཾ། ལོ་སྔ་རྟིང་གཉིས་ལ་འབྱོར་བའི་ཤོ་གསོན་གྱི་གོས་ལྷྭམ་སོགས་ཉེ་བར་དཔྱད་པ་གནག་ཡོད་འགྱེད་ལ་བཏང་། གཙུག་ལག་ཁང་གི་ཟུར་བཞིར་ལོ་གྲོ་ནས་བྱོངས་པའི་རླུང་དྲིལ་ཆེན་པོ་བཞི་ཡང་བཏགས། བསམ་

― JLAZ014_Page_0334 ―

^{[མ་དཔེ་གཟིགས་ན་འདིར་གནོན།]}

[Full Size]

མཆིམས་ནས་དགེ་སློང་མཆོག་ཏུ་གྲུབ་པས་ཞལ་གདམས་ཤིག་དགོས་ཞེས་བསྐུལ་བར། ཀྱེ་མ་ཧུད་ཁམས་གསུམ་གྱི་འདྲེན་མཆོག །རྩ་གསུམ་བདེ་གཤེགས་ཀུན་འདུས་ཀྱི་ངོ་བོ། །དྲན་ཆོག་རྒྱལ་བ་འཛམ་གླིང་གི་བླ་རྡོ། །ཨོ་རྒྱན་དུས་གསུམ་མཁྱེན་བ་དེ་དྲན་ནོ། །སྔོན་ཚེ་བཟང་པོ་རྫོགས་ལྡན་གྱི་བསྐལ་བ། །མི་རྣམས་རང་བཞིན་ལྷུན་གྲུབ་ཀྱི་དཔལ་ལྡན། །ས་རྣམས་མ་མྲོས་ལོ་ཏོག་གི་འབྱུང་ཁུངས། །ལས་དང་ཉོན་མོངས་བབ་ཤུགས་ཀྱི་ཆུང་དུས། །མཐོ་རིས་བུ་མོའི་སྐྱེད་ཚལ་ལ་ཆགས་ཀྱང་། །གནས་སྐབས་མངོན་མཐོའི་ཡོན་ཏན་གྱིས་ཕྱུག་མོད། །ད་ནི་དུས་ངན་སྙིགས་མ་ཡི་ཡང་མཐའ། །ས་ཡི་བཅུད་ཉམས་ནད་མཚོན་གྱི་བསྐལ་བ། །ཉོན་མོངས་དུག་ལྔ་འབྱོལ་ཉོག་དུ་སྤྱད་པས། །ཚེ་ཐུང་ནད་མང་སྡུག་བསྔལ་གྱི་སྐྱེ་འགྲོ། །ཁྱེར་ཤོག་འུར་ཤོག་འུ་ལག་གི་འདེད་དག །བརྡུངས་ཤིག་བཀྱིགས་ཤིག་མནར་སྤྱོད་ཀྱི་དུཁ། །མ་ལྡངས་མ་ཕྱིད་མ་མཐུན་པའི་ངང་ལ། །མི་ཚེ་ལྷམ་གྱི་རྡོག་པ་ལྟར་འཛད་དོ། །ངན་སོང་གནས་ལ་ལིངས་སྐྱུར་གྱིས་འགྲོ་བའི། །སྤྱི་མཐུན་ལས་ཀྱི་ཉེར་ལེན་འདི་ཨེ་གཟིགས། སྔོན་བསགས་དཀར་པོའི་ལས་ཐབས་ཀྱི་ལྷག་མས། །ད་རེས་དལ་འབྱོར་མི་ལུས་ཙམ་ཐོབ་ཅིང་། །དམ་པ་ཆོས་ཀྱི་སྒོ་མོ་རུ་ཞུགས་ཀྱང་། །ཆོས་

― JLAZ014_Page_0335 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཞེ་འབྲས་ལྟོ་འགྲངས་དང་གོས་ཕྱིར། །དོན་གཉེར་ཕག་པའི་སྤུན་ཟླ་རུ་སོང་བ། །རང་དང་རང་འདྲའི་གྲོགས་པོ་རྣམས་མཐོང་བས། །གློ་བུར་འཆི་བདག་བདུད་བོ་དང་ཕྲད་ན། །གཙུག་བྱ་སྙམ་གློ་སྙིང་འདི་སྐྱོག་གྲང་། །ཁྱེད་ཀྱང་དལ་འབྱོར་དོན་ཡོད་ཅིག་མཛད་ན། །མང་པོ་ཚོགས་པའི་ཆགས་སྡང་གི་རམ་འདེགས། །མི་བྱེད་བསམས་ཀྱང་ཤུགས་འབྱུང་དུ་ཐལ་བའི། །དུག་ལྔའི་རླུང་འཁོར་དལ་མེད་དུ་བསྐོར་བས། །སེམས་ཉིད་ཨ་ཐང་ཆད་པ་འདི་སྒྱུར་ནས། །ད་རེས་ཚོགས་པའི་ཕ་མ་དང་སྤུན་ཟླ། །ཡུལ་མི་ཁྱིམ་མཚེས་གྲ་ཚོགས་དང་འདུ་ལོང་། །རྟག་རྟག་འདྲ་ཡང་སྐད་ཅིག་ལ་འགྱུར་བ། །ཚོང་འདུས་འགྲོན་པོ་ཤུལ་མེད་ལ་གྱེས་བཞིན། །རང་འཆི་ཚེ་མར་དཀྱིལ་གྱི་སྤུ་ལྟར། །སུ་དང་མི་འགྲོགས་ལས་རྗེས་སུ་འབྲངས་ནས། །ཕྲང་རིང་བར་དོར་གཅིག་སྐྱེལ་ལ་འབྱོན་པའི། །འོ་བརྒྱལ་སེམས་དཔའ་སྐྱོ་མོ་འདི་དགོངས་ནས། །དལ་འབྱོར་རིན་ཆེན་དོན་ལྡན་ཞིག་མཛོད་དང་། །ང་ཉིད་ས་ཕྱོགས་དེ་ཉིད་དུ་སྒོམ་པའི། །བྲག་ཕུག་ཆར་སྐྱོབས་རླུང་སྐྱོར་དང་བཅས་པ། །དེ་ནས་དེ་ལ་མི་རྟག་པའི་དང་ཚུལ། །བལྟས་མཐོང་གཟིགས་གསལ་མཚོན་དཔེ་རུ་བཞག་ནས། ཁྱེད་ཀྱང་གཉེན་འཁོར་ཡུལ་གཞིས་དང་བཅས་པ། །རང་བཞག་

― JLAZ014_Page_0336 ―

^{[མ་དཔེ་གཟིགས་ན་འདིར་གནོན།]}

[Full Size]

ལིངས་སྐྱུར་ནམ་འཆི་དང་ཆ་མེད། །ཐུགས་ལ་དགོངས་ནས་བསགས་སྦྱངས་དང་བསྐྱེད་རྫོགས། །སྟེང་འགྲུས་མེད་པའི་བསྐུལ་འདེབས་ཞིག་ཞུའོ། །ང་ཡང་འདུག་གནས་སྐྱིད་མོ་ཞིག་གདའ་སྟེ། །བཀའ་གདམས་དགོན་རྙིང་ཚོ་གྱང་རལ་ཚོ་མཐོང་བས། །དེ་པའི་ནང་དུ་འདོན་འདོན་དང་ཆོས་སྤྱོད། །གཉལ་དང་ལོ་རེའི་གྱང་གོག་ཚོ་མཐོང་བས། །དེ་པའི་ནང་དུ་ཆང་འཐུང་དང་གླུ་བཞད། །དོན་མཁར་ལུང་པའི་དུད་སྟོང་ཚོ་མཐོང་ཚེ། །རྣམ་རིག་འཁྱུག་ལ་སྤྱང་གྲུང་དུ་འཛོམ་པའི། །བྱ་བཞག་གཡར་པོ་བྱེད་མཁན་གྱི་མི་ཚོ། །དེང་སང་གར་ཡོད་འདིར་ཡོད་དང་བྲལ་བའི། །མི་རྟག་སྒྱུ་མའི་དཔེ་དོན་གྱི་ཆོས་འདིས། །སྣང་བ་རྨི་ལམ་མིག་ཡོར་དུ་གོན་ས། །ཞེན་མེད་རོལ་པའི་བརྟུལ་ཞུགས་ལ་སྤྱོད་ཡོད། །ཁྱོད་ཀྱང་ངེས་འབྱུང་ཞེན་ལོག་གིས་ལྕག་འདེབས། །དུས་བཞིར་སྙིང་ལ་གསལ་འདེབས་ཀྱིས་སྐུལ་ནས། ལས་དང་རྒྱུ་འབྲས་ཕྲ་ཞིབ་ཀྱི་འདོར་ལེན། །འཁོར་བའི་རྒྱ་མཚོ་མཐའ་མེད་ལས་ཐར་གྲབས། །རང་སེམས་རིན་ཆེན་ཡིད་བཞིན་གྱི་ནོར་བུ། །རང་ངོ་རིག་པའི་ཐབས་རྩོལ་ལ་འབུངས་ནས། །ཚེ་གཅིག་སངས་རྒྱས་འགྲུབ་ངེས་ཤིག་མཛོད་དང་། །ཕོ་བརྒྱའི་དཀྱིལ་ནས་རྒོད་ཤོས་ཤིག་འོད་ངེས། །མགོ་བརྒྱའི་དཀྱིལ་ནས་རང་ཐོན་ཞིག་

― JLAZ014_Page_0337 ―

^{[མ་དཔེ་གཟིགས་ན་འདིར་གནོན།]}

[Full Size]

འོང་ངེས། །དལ་འབྱོར་མི་ལུས་དོན་ལྡན་ཞིག་ཡོད་ངེས། །དེ་སྐད་སྙིང་ནས་ཕན་འདོད་ཀྱིས་བསམ་པས། །ཁྱེད་ཀྱི་བསྐུལ་པའི་མཆིད་ལན་དུ་སྨྲ་བའི། །བྱེད་པོ་ཀློང་ཆེན་ནམ་མཁའི་དང་རྣལ་འབྱོར། །བི་ཤྭ་ཌཱ་ཀྐིའི་མགུར་དབྱངས་ལ་སྨན་ནས། །དེ་འདྲ་ཇི་བཞིན་སྐྱི་གླུ་ཡི་ཕྲེང་བ། །མགྲིན་པ་རྡོ་རྗེའི་དཀོར་མཛོད་ནས་བླངས་སོ། །གཞན་སྣང་དགེ་ལ་འགྱུར་བ་ཞིག་ཞུའོ། །ལོ་དེའི་སོས་ནས་ཚེ་དཔག་མེད་ཀྱི་སྐུ་འབུམ་ཐེར་བཏག་གནང་གཟུངས་ཀྱི་གཙོ་བོར་བཞུགས་པའི་མཆོད་རྟེན་བྱང་ཆུབ་མཐོང་གྲོལ་སྟོན་པ་འཁྲུངས་པའི་དུས་ཆེན་ལ་འགོ་འཛུགས་ཀྱིས་བཞེངས། །དེ་བཞིན་གཤེགས་པའི་རྣམ་པ་ཐམས་ཅད་པའི་མཆོད་རྟེན་བརྒྱད་ཀྱི་ཐིག་གི་རྣམ་པར་བཞག་པ་བྱང་ཆུབ་ལྗོན་ཤིང་དུ་གྲགས་པའང་གསར་དུ་བརྩམས། འདི་ལོའང་འབྲོག་ཆེན་འཇིགས་སུ་རུང་བ་གལ་བར་གནས་འབྲེལ་དུ་ལྷགས། །རྫ་ཁྲོད་དུ་བསམ་གཏན་ལ་གནས་པ་ལས། མུན་མཚམས་སུ་ཙོག་པུར་ལོག་པའི་སྐབས་ན་ཞུམ་ནག་ཆེ་ཕྱོགས་ཙམ་ལ། བདེ་བླག་སྲེ་མོང་ལྟར་འཁྱུགས་ཞིག་རྫ་གསེབ་གཅིག་ནས་གཅིག་ཏུ་འཁྱུད་འགྲོ་བ་ཞིག་མཐོང་། ཟླ་བོ་རྣམས་ལ་ཞུམ་བུ་ཨེ་ཡིན་བྱས་པས་འདིར་མི་ཆགས་ཟེར་བ་དག་ནས་ཡུལ་འདི་ན་ཅེ་སྤྱང་

― JLAZ014_Page_0338 ―

^{[མ་དཔེ་གཟིགས་ན་འདིར་གནོན།]}

[Full Size]

ཡོད་ཟེར་བ་བདེན་པ་འདྲ། །སྟོན་ཟླ་སུམ་རྩི་ཐོག་དང་འབྲས་བུ་སྨིན་པར་ཕྱོགས་པའི་ཚེ་དཔལ་ཆུ་བོ་ནས་རྗེ་གྲུབ་ཆེན་པོའི་ཁྲི་ལ་མཁས་བཙུན་བཟང་པོའི་ཡོན་ཏན་དུ་མས་ལེགས་པར་བསྐྱིངས་པ་ལྕགས་ཟམ་སྤྲུལ་པའི་སྐུ་རིན་པོ་ཆེ་དཔོན་གཡོག་ཉུང་བསྡུས་ཤིག་ཕེབས། ཞག་གསུམ་གྱི་རིང་། དབང་རྣོན་ཆོས་ཀྱི་རྗེས་སུ་འབྲང་བའི་གསུང་གླེང་སྨར། །སྒྲུབ་ཆེན་བཀའ་བརྒྱད་བདེ་གཤེགས་འདུས་པའི་རྣལ་འབྱོར་རྒྱུན་དབང་དང་། ཀློང་ཆེན་སྙིང་ཏིག་གི་ཆོས་བདག་ཏུ་རྟེན་འབྲེལ་འགྲིག་པ་བཞིན་རྩ་དབང་རྒྱལ་ཐབས་སྤྱི་བླུགས་ཙམ། གཞན་དགོངས་བཞེད་ཀྱི་ཆོས་འབྲེལ་ཐར་ཐོར་འདྲ་ཡང་ཕུལ། སླན་ཆད་སྒྲུབ་ཆེན་བདེ་གཤེགས་འདུས་པ་མ་ཚང་བ་མེད་པ་གསན་བཞེད་དང་། ཤན་འབྱེད། ལ་བཟླ་རང་གྲོལ་མངོན་སུམ་དུ་སྟོན་པ་རྫོགས་པ་ཆེན་པོའི་སྨིན་གྲོལ་ཐུན་མོང་མ་ཡིན་པའི་དགའ་སྟོན་ལ་སྤྱོད་ཕྱིར་ཅི་ནས་ཀྱང་དཔལ་ཆེན་ཆུ་བོ་རིར་སླེབས་པ་བྱེད་དགོས་གསུངས། གང་དུ་ཀུན་ཏུ་རྒྱུ་རབ་བཟང་གི་བརྟུལ་ཞུགས་འཛིན་ཅིང་། དེ་ལས་ཀྱང་གདུལ་བར་དཀའ་བའི་རྒན་པོ་བྱིས་པའི་བློ་ཅན་ལ་ཆོས་ཀྱི་ལས་འབྲེལ་འཇོག་དགོས་ན། དག་སྣང་དང་མཁྱེན་དཔྱོད་ཕུན་སུམ་ཚོགས་པའི་དམ་པ་ལ་བདུད་རྩི་ཟབ་མོའི་མེ་ཏོག་འཐོར་བ་བསྟན་

― JLAZ014_Page_0339 ―

^{[མ་དཔེ་གཟིགས་ན་འདིར་གནོན།]}

[Full Size]

པ་དང་སེམས་ཅན་གྱི་སྨན་ཡོན་བླ་ན་མེད་པར་འགྱུར་གྲང་སྙམ་ནས། བཞེད་པ་ཆོས་བཞིན་དུ་བསྐང་བའི་ཁས་ལེན་བྱས། དགུན་ཆོས་ཀྱི་བྱ་བ་བསྒྲུབ་པའི་རྩུབ་འགྱུར་ཞི་ཕྱིར་ཁྲོ་རོལ་སླང་དགུ་མའི་གཏོར་བཟློག་གནད་སྨིན་ཞིང་སོང་། ནམ་ཟླ་དྲོས་ནས་ལོག་མིན་ལྷ་ཁང་གི་རྟེན་བཞེངས་ཚུགས། རྟེན་གཙོ་ཨོ་རྒྱན་རྡོ་རྗེ་འཆང་ཆེན་པོའི་སྐུ་ཚབ་བདུད་འདུལ་གྱི་ཆ་བྱད་སྐྱེས་བུའི་ལུས་ཚད་ཉིད་འགྱུར་ཙམ་བཟོ་སྒྲོས་གཙང་བ་དང་། འཁོར་དེ་བཞིན་གཤེགས་པ་རིགས་ལྔ། རྗེ་བཙུན་སྒྲོལ་མ་དང་བཅས་པ་མི་ཚད་ཙམ། ཀུན་ལ་སྲོག་ཤིང་ནས་བརྩམས་ཏེ་ནང་གཟུངས་ཀྱི་བྱ་བ་རྣམས་ལག་བསྟར་དང་། རབ་གནས་དགའ་སྟོན་མཐའ་རྒྱས་ལ་ཐུག་གི་བར་ངེད་རང་མཆོད་ཡོན་གཉིས་ཀས་རྒྱུ་འདོན་སྤུན་འདོན་བྱས། གསེར་གྱི་བྱུག་པ་དང་། བཟོ་ཡོན་རྣམས་རང་ཉིད་ཀྱི་འགྲུབ་པ་བཞིན་དུ་བླངས། ཇི་སྲིད་བར་མཆོད་མེ་སྡོང་གང་རེ་ཉིན་མཚན་བར་མེད། ཉིན་རེ་ཞལ་ཟས་དང་། དེ་ཀའི་མཆོད་འབྲུ་བཅས་གཞིས་ཀ་རང་ནས་སྦྱོར་འཇགས་མཛད། ཏིང་མཆོད་ཆ་དང་བླ་བྲེ་སོགས་ཀྱང་དངོས་ནས་བསྒྲིགས། །ཕྱི་ནས་འཇུག་རྣམས་ཀྱིས་ཀྱང་། །དཔལ་མགོན་ཀླུ་སྒྲུབ་ཞབས་ཀྱིས། མི་དགེ་

― JLAZ014_Page_0340 ―

^{[མ་དཔེ་གཟིགས་ན་འདིར་གནོན།]}

[Full Size]

བཅུ་པོ་སྤངས་པའི་སྟེང་། །ཆང་མི་འཐུང་དང་འཚོ་བ་བཟང་། །རྣམ་མི་འཚེ་དང་གོས་སྦྱིན་དང་། །མཆོད་འོས་མཆོད་དང་བྱམས་པ་སྟེ། །མདོར་ན་ཆོས་ནི་དེ་བཞིན་ནོ། །ཞེས་མི་ཆོས་གཏང་མ་བཅུ་དྲུག་ཏུ་གསུངས་པ་བཞིན། འབྲེལ་མཚུངས་ཀྱི་སྲི་ཞུ་སྨྲ་བའི་གཙུག་ལག་ཁང་རྟེན་དང་བརྟེན་པར་བཅས་པ་འདི་དག་ལ་ཁྱིམ་པའི་འཚང་མི་འཆོས། ཉམས་པ་གསོ་བ་དང་། བསྟི་སྟང་ཇེ་ཆེར་བསྐྱེད། རང་དབང་གི་རིལ་རི་རྒྱལ་བསྡམ་པ་དང་། སྲོག་གཅོད་ལ་འཛེམ་པ་སོགས་ཀྱི་རྒྱུན་ལ་འཐད་ན་ཁོ་བོའི་སྨོན་ལམ་གྱི་དབང་ལས་གནས་སྐབས་མཐར་ཐུག་ཀུན་ཏུ་ཁྱེད་ཅག་ལ་དོན་ཆེ་བའི་རྟེན་འབྲེལ་ཟབ་མོ་ཡོད་ཅེས་ཁ་ཆེམས་སུ་འདྲི་བ་ཡོན། །སྒྲུབ་གནས་རྟེན་གསུམ་དང་བཅས་པའི་དཀར་ཆག་ནོར་བུའི་དོ་ཤལ་ཞེས་བྱ་བའང་བྲིས་པའི་ཁོངས་སུ། འཕྲ་རྒྱན། ན་བཟའ་མཆོད་རྫས་སོགས་ཀྱི་ངེས་བརྗོད་ཀྱང་གསལ། གནས་གཞི་དང་པོར་འདེབས་པ་ཙམ་ནས་མ་གཟའ་རྡོར་གསུམ་གྱིས་སྐྱོང་བྲན་བྱེད་པའི་དག་སྣང་ཤར་ཞིང་། ཕྱིའི་གནས་བདག་བརྟེན་མ་ཆེན་མོ་བཀྲ་ཤིས་ཚེ་རིང་མས་རང་གིར་མཛད་པ་བཞིན་གཉེར་དུ་གཏད་ཅིང་སྐྱེས་བུ་ཆེན་པོ་དང་དྲལ་དུ་བྱས་པའི་བླ་རྡོ་སྲོག་འཁོར་ཁྱད་དུ་འཕགས་པའི་རྟེན་མཁར་བཅས་པ་

― JLAZ014_Page_0341 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། མཐུན་པར་གྱུར་པའི་ཡུལ་ན་གནས་པ་དང་། །སྐྱེས་བུ་དམ་པ་ལ་ནི་བརྟེན་པ་དང་། །བདག་ཉིད་ལེགས་སྨོན་སྔོན་ཡང་བསོད་ནམས་ཀྱིས། །འཁོར་ལོ་ཆེན་པོ་བཞི་ནི་ཁྱོད་ལ་མངའ། །དགེ་བའི་བཤེས་གཉེན་བསྟེན་པ་ཚངས་པར་སྤྱོད། །ཡོངས་སུ་རྫོགས་པ་ཐུབ་པས་གསུངས་དྲེའི་ཕྱིར། །སྐྱེས་བུ་དམ་པ་བསྟེན་བགྱི་རྒྱལ་བ་ལ། །བརྟེན་ནས་རབ་ཏུ་མང་པོས་ཞི་བ་ཐོབ། །ཅེས་སློབ་དཔོན་ནཱ་ག་རྫུ་ནས་མཛའ་བོ་བདེ་སྤྱོད་ལ་གདམས་པ་བཞིན། དུས་ཚོད་འདི་ཙམ་ན་ཐེག་མཆོག་རྫོགས་པ་ཆེན་པོའི་སྒོ་ནས་ལས་འབྲེལ་ཅན་སྨིན་པར་བྱས་ཤིང་སྣང་བ་བློ་རྡེག་ཏུ་བསྒྱུར་བའི་རྟེན་འབྲེལ་ལས། །དཀའ་ཐུབ་འབའ་ཞིག་ལྷུར་བླངས་ནས་གྲོལ་བ་དོན་དུ་གཉེར་བཞིན་ལོ་གསུམ་གྱི་དམ་བཅའ་རང་ལ་གནས་པའང་བཅུ་ཕྲག་ཏུ་བརྒལ་བ་དུས་གཅིག་ལ་སྣང་བས། འདི་ཚེའི་ཉིན་གཅིག་གི་དགེ་སྦྱོར་ལའང་དོན་ཅུང་ཟད་འདུག་སྙམ་སྤྲོ་བ་འཕེལ་བའང་བྱུང་། སྤྱིར་ནས་ཆོས་གཤའམ་བྱེད་མཁན་ཉིན་མོའི་སྐར་མ་ལས་ཀྱང་དཀོན་ཞིང་གཏན་ལ་ཕེབས་པས་ཡིད་སྐྱོ་བའི་གནས། གོང་མ་འགའ་ཞིག་གིས་གསུངས་བགྲོས་ན། མི་ཆེན་གྱི་སློབ་མ་སྟོང་ཕྲག་གཅིག་ལས། བརྒྱུད་པ་འཛིན་པའི་སྤྲང་པོ་གཅིག་དགའ་ཞེས་གསུངས་པ་འདི་ཆོས་ཐོག་ནས་དཔྱད་པའི་གསུང་ངེས་པ་ཅན་དུ་སྣང་། རྒྱུ་

― JLAZ014_Page_0342 ―

^{[མ་དཔེ་གཟིགས་ན་འདིར་གནོན།]}

[Full Size]

མཚན་དེ་ཀས་འཁྲི་དང་གདམས་པ་བཏབ་པ་ལ་ལྟོས་དེ་རྒྱལ་པོའི་ནང་གཟའ་དྲུང་འཁོར་ཚོས་གཉིས་དང་། བསྟི་གནས་ལ་སྤྱོད་པའི་ཁྱིམ་པ། ཚོང་དང་སོ་ནམས་ཀྱི་གཡེང་བའི་བཙུན་གཟུགས་རྣམས་ལ་སློབ་མའི་དངས་མ་བྱས་པས་ཅི་བཏུབ། བྱ་བ་གཏིང་ནས་ཐོངས་པའི་རྟོགས་བཙུན་གངས་ཀྱི་སེང་གེ་འདྲ་བ་བྱུང་ན་དགའ་སྟེ་དེ་ལས་ཉུང་། འདི་ལོ་མདའ་དཔོན་གཡུ་ཐོག་པ་དཔའ་བོའི་དབང་ཕྱུག་དེ་ཉིད་ཆུ་ཚན་ཞོར་ནས་དཔོན་ག་ཡོག་ལྔ་བཅུར་ཉེ་བ་དཔུང་གི་ཚོགས་ཡན་ལག་བཞི་པའི་ཆ་ཤས་ལ་འགྲན་པ་བཞིན་དུ་འདིར་ཆིབས་ཁ་བསྒྱུར། སྤྱིར་གང་ཟག་གི་རྒྱུད་ཚོད་ནི་སུས་ཀྱང་ཐེངས་པར་དཀའ་མོད་དེ། ཁྱིམ་པའི་ངང་ཚུལ་ཅན་ཞིག་ལ་དེ་དཀོན་མཆོག་གསུམ་ལ་བླ་མར་བྱ་བའི་དག་སྣང་འབྱོངས་ཐལ་བ་ཞིག་ཡིན་པར་སྣང་། །བཀའ་བསྒོ་དང་། བྱིན་རླབས་དགོས་གསུངས་པ་བཞིན་བྱས། མགུར་དབྱངས་ལ་དགྱེས་ཆེ་བས་བསྐུལ་བར་མཛད་པ་བཞིན། ལས་སྨོན་རྟེན་འབྲེལ་དཔག་བསམ་ལྗོན་ཤིང་གི་སྟེང་དུ། རྒྱ་གར་ཤར་གྱི་རྨ་བྱ་གཞོན་ནུ་ཡང་ཕེབས་བྱུང་། །རྨ་བྱའི་གདུགས་སྐོར་དམ་པའི་ཆོས་ཕྱོགས་ལ་བསྒྱུར་དང་། གཞོན་པ་ང་ཆོས་ཐར་པའི་ལམ་སྣ་ཞིག་ཟིན་ཡོང་། །བསོད་ནམས་དཔྱིད་ཀྱི་རྒྱལ་མོའི་ཤིང་རྟ་ལ་ཕེབས་པའི། །ལྷོ་མོན་ཤིང་ལོའི་ཚལ་གྱི་ཁུ་བྱུང་གི་གསུང་སྙན། །ཡ་གི་དྲི་ཟིའི་བུ་མོའི་གླིང་བུ་ལས་སྙན་པ། །དབྱར་

― JLAZ014_Page_0343 ―

^{[མ་དཔེ་གཟིགས་ན་འདིར་གནོན།]}

[Full Size]

གསུམ་ནམ་ཟླ་བསྲོ་བའི་རྟེན་འབྲེལ་ལ་ཡག་བྱུང་། འདིར་འདུས་ལས་སྨོན་མཐུན་པའི་རྡོ་རྗེའི་དང་སྤུན་གྲོགས། །ང་ཚོའི་བླ་མ་བཞུགས་པའི་ཆོས་ར་ལ་ཕེབས་དང་། །སྨིན་གྲོལ་བདུད་རྩི་འཐུང་བའི་དགའ་སྟོན་གྱི་ངང་ནས། །ཉམས་དགའ་གླུ་རུ་ལེན་པའི་ཁྱད་ཆོས་ཤིག་ཡོད་དོ། །བདེ་ཆེན་འཕོ་འགྱུར་མེད་པའི་བཞུགས་གྲལ་གྱི་དབུས་ནས། །ལྷ་དང་བླ་མའི་ཞལ་རས་མ་བསྒོམས་ཀྱང་མཐོང་བྱུང་། །མ་དང་མཁའ་འགྲོའི་སྙིང་ཏིག་འོད་གསལ་གྱི་ཐེག་པས། །འཇའ་ལུས་ཆོས་སྐུར་བསྒྲུབ་པའི་དངོས་གྲུབ་ཅིག་ཞུའོ། །ཞེས་པ་འདི་རམ་འདེགས་དང་བཅས་བླངས་པ་ཡིན། ཐེགས་ཁར་དབང་བཞི་ལེན་པ་ཡིན་ཞེས་ངོས་ལ་དབུ་གཏུགས་ནས་སྤྱན་ཆབ་བསིལ་བར་འདུག །སྣང་བ་འདི་སློབ་མཚོར་འཆར་གྱི་ཡོད་ན་ཉམས་རྟོགས་སྐྱེ་བའི་རོགས་སུ་ཤིན་ཏུ་འགྱུར་བར་གདའ། གནང་སྦྱིན་གྱི་གྲས་སུ་མར་སྟང་ཆེ་བ་ཞིག་འདུག་སྟེ་། ལྷ་སར་མཆོད་པའི་འབྲེལ་བ་དང་པོར་ཕུལ། དཔལ་རི་ནས་སྤྲུལ་པའི་སྐུ་ཡུལ་རྐྱེན་གྱི་ཉེས་དམིགས་དུ་མས་ཐུགས་དབྱུང་ནས་འཁྲིད་གསན་པ་ལ་ཕེབས། གོ་དོན་ཆགས་སུ་རེ་ནས་སེམས་ཉིད་ངལ་གསོས་ཁོག་ཕུབ་སྟེ་གསོལ་འདེབས་དང་སྦྲགས་སྔོན་འགྲོའི་སྐོར་དཔྱིས་ཕྱིན་པ་ནས། དངོས་གཞི་རྫོགས་པ་ཆེན་པོའི་ཀློང་ཆེན་སྙིང་ཏིག་ནས་རང་བྱུང་གདོད་མའི་

― JLAZ014_Page_0344 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་ཐབས་ལ་མངའ་གསོལ། རྒྱབ་ཆོས་སུ་ཤིང་རྟ་ཆེན་མོ་རྩ་འགྲེལ། རྒྱུད་ཀྱི་རྒྱལ་པོ་དཔལ་གསང་བའི་སྙིང་པོ། མཁའ་འགྲོ་སྙིང་ཏིག །བླ་མ་ཡང་ཏིག །མཁའ་འགྲོ་ཡང་ཏིག་སོགས་ཀྱང་སོང་། གྲོལ་ཐིག་ལ་དབང་ཆོག་སྒྲིགས་མ་དགོས་གསུང་བ། གསང་ཆེན་རྡོ་རྗེའི་ལམ་གྱི་གཞི་ལ་མ་འབྲས་བུའི་གནད་མ་ལུས་པ་དབང་གི་སྒྲོམ་ནས་ཤེས་པར་གྱུར་པ་འདི་རྒྱལ་བ་རོད་རྗེ་འཆང་གི་རིང་ལུས་སྒྲ་ཇི་བཞིན་པ་འཛིན་པ་རྣམས་ཀྱི་སྤྱི་ནོར་ཡིན། གདམས་ཕྲན་ཕལ་ཆེར་ལ་མན་ངག་གི་གཞུང་བསྲང་མི་ནུས་པ་ཞིག་སྣང་ནའང་། འདིའི་དཀྱིལ་འཁོར་གྱི་ཆོ་ག་དབང་དོན་དེ་ཉིད་གསལ་བ་ཞེས་བྱ་བའི་དོན་ཚིག་ཉུང་ལ་དོན་དཔག་པར་དཀར་བ་རྒྱུད་སྡེ་ཆེན་པོའི་སྤྱི་ཆིངས་ཀྱིས་ལེགས་པར་འཁྱུད་ལ་རྒྱ་བོད་ཀྱི་གྲུབ་ཆེན་རྣམས་ཀྱི་གཞུང་དང་མི་འགལ་བ། ཁྱད་པར་གསང་བ་འདུས་པའི་གཞུང་དང་ཕྱོགས་མཐུན་པ་ཉིད་དུ་རིག་པས། བར་སེང་རྣམས་སུ་དཔལ་ལྡན་འདུས་པ་མི་བསྐྱོད་རྡོ་རྗེའི་རྒྱ་གཞུང་དང་། བོད་འགྲེལ་ཚད་མར་གྱུར་པ་རྣམས་ལའང་རང་སྟོབས་ཀྱི་དཔྱད་པ་བཅུག །རང་ལུགས་རྗེ་བཙུན་ཐམས་ཅད་མཁྱེན་པ་མངའ་རིས་པཎ་ཆེན་རིན་པོ་ཆེས་གསར་རྙིང་གི་རྒྱུད་སྡེ་རྒྱ་མཚོའི་དབང་དོན་ཕྱོགས་གཅིག་ཏུ་བཀོད་བ་གབ་པ་མངོན་ཕྱུག་གསལ་བའི་མེ་ལོང་ཞེས་བྱ་བའི་རང་

― JLAZ014_Page_0345 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་ཀྱང་ངེས་པར་བྱས་ནས་དབང་གི་ཆོ་ག་མཁྱེན་བརྩེའི་དགོངས་རྒྱན་ཞེས་བྱ་བ་དེ། གོ་བདེ་བ་དང་དོན་འདུ་གཙོ་བོར་བཏོན་ནས་བསྒྲིགས། ཆུ་བོ་རི་ནས་གནོད་སྦྱིན་ཡང་ལེ་བེར་གྱི་བླ་རྡོ་སྲོག་འཁོར་ཞིག་བཅའ་དགོས་གསུང། གཞོན་ནུའི་དུས་ནས་ཙཀྲ་བྱ་བ་ལ་བྱང་ཆུབ་པ་ཞིག་པས་པཎ་ཆེན་རིན་པོ་ཆེའི་གཏེར་གཞུང་ལ་མན་ངག་ལག་ལེན་གྱིས་བརྒྱན་པ་ཉམས་སུ་བསྟར། དེ་སྐབས་གསང་ཆེན་རྙིང་མ་ལ་ཕྱི་སྐོར་འདིར་བསྐྱེད་རིམ་གྱི་རྣམ་གཞག་ཞལ་གསལ་དབྱིངས་ཡོད་ཀྱི་ཡིག་གསལ་དཀོན་པས་དེ་ལྟ་བུ་ཞིག་ཅིས་ཀྱང་དགོས་ཞེས་ཕེབས་པ་ལ། འོན་མིན་བགྲོད་པའི་ཐེམ་སྐས་ཞེས་ཕྱ་བ་བྲིས་ནས་ཕུལ་བ་ལ་དགྱེས་པ་འཁྲུལ་པའི་མཆིད་ལན། དཀྱིལ་འཁོར་ཀུན་གྱི་གཙོ་བོར་བཞུགས་ཀྱང་སེམས་ཅན་ཀུན་གྱི་བསམ་པ་ཇི་བཞིན་རྣམ་པར་འཕྲུལ། ཤེས་བྱ་ཀུན་གྱི་ཕ་རོལ་བྱོན་ཡང་སྤྲོས་པ་ཀུན་གྱིས་རྙོག་པ་མེད་པའི་ཐུགས་མངའ་བ། །བསྟན་པ་ཀུན་གྱི་སྒྲོན་མེ་ལགས་ཀྱང་སངས་རྒྱས་ཀུན་གྱི་གསང་ཆེན་རྡོ་རྗེ་སྙིང་པོའི་ཆོས། །མཁས་པ་ཀུན་གྱི་རྟོགས་པར་དཀའ་མོད་ཐར་འདོང་ཀུན་ལ་རྒྱ་ཆེར་སེང་གེའི་སྒྲ་སྒྲོག་ཅེས། །སྙན་གྲགས་གཏམ་གྱི་འོག་མིན་ཞིང་ཁྱོན་ཡང་། །ཡོངས་སུ་གང་དེ་དོན་དང་ལྡན་པ་ཉིད། །ཐུགས་རྗེའི་རང་བཞིན་

― JLAZ014_Page_0346 ―

^{[མ་དཔེ་གཟིགས་ན་འདིར་གནོན།]}

[Full Size]

མཁའ་ལྟར་རྒྱ་ཆེ་བ། །དཔལ་ལྡན་བླ་མའི་ཞབས་བཏེགས་ནོར་བུའི་དྲུང་། །ཟོལ་སྦྱོར་ཙམ་མིན་མགོན་ཁྱོད་ཡོན་ཏན་གྱི། །རིན་ཆེན་ཤིང་རྟ་བླ་ན་མཐོ་བ་ཡིས། །ཉེར་དྲངས་རི་དབང་བཞིན་དུ་མི་གཡོ་བའི། །དད་པ་རྒྱས་པས་ཕྱག་གིས་བཏུད་དེ་ཞུ། །འོག་མིན་ཞིང་ན་རྡོ་རྗེ་འཆང་། །རྔ་ཡབ་དཔལ་རིར་ཨོ་རྒྱན་རྗེ། །སྙིགས་དུས་ཕྱོགས་འདིའི་མུན་སེལ་བུ། །སྨྲ་བའི་དབང་ཕྱུག་འཇིགས་མེད་གླིང་། །དངོས་གཅིག་དུ་མའི་ཟློས་གར་ཆུ་ཟླ་བཞིན། །བསྒྱུར་བའི་ངོ་མཚར་དོངས་པོར་མཚན་དཔེའི་ཉི། །སྲིད་གསུམ་ལེགས་ཚོགས་པདྨོ་ཁ་འབྱེད་པའི། །སྣང་བ་མི་འགོག་ཉིན་མོའི་དཔལ་གྱི་གཤིས། །རྨོངས་ཆེན་དུག་གིས་མྱོས་པའི་འཇིག་རྟེན་གྱི། །བྱང་ཆུབ་སྲོག་རྩ་གཅོད་ལ་དཔའ་བའི་ཁུར། །འཛིན་ལ་མཁྱེན་རབ་བདུད་རྩིའི་ཆུ་རྒྱུན་ཅན། །དྲི་མེད་བཤེས་གཉེན་ངག་གི་དབང་པོའི་ཞབས། །སྙིགས་དུས་ཤིན་ཏུ་རྒུད་པའི་རླུང་ནང་དུ། །ཐུབ་བསྟན་སྒྲོན་མེ་མིང་གི་མཐར་ལྷུང་ཚེ། །མཁྱེན་བརྩེ་ཡེ་ཤེས་སྣང་བས་སྲིད་གསུམ་བྱོན། །ཡོངས་ཁྱབ་མགོན་ཁྱོད་རྣམ་པར་མངོན་སུམ་བྱོན། །གདོང་མ་ཉིད་ནས་ཇི་ལྟ་ཇི་སྙེད་ཆོས། །ཐམས་ཅད་གཟིགས་པའི་རིན་ཆེན་བཻ་ཊཱུརྱ། །འབད་རྩོལ་སྦྱངས་སྟོབས་བཙོ་སྦྱངས་དལ་བ་ལ། །

― JLAZ014_Page_0347 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟོས་མིན་མཁྱེན་བརྩེའི་འོད་ཟེར་ལྷག་པར་འབར། །སྣ་ཚོགས་གྲུབ་མཐའི་བློ་ཡི་ཞེ་འདོད་གཟིངས། །རྒྱལ་ཀུན་གསུང་རབ་ཆུ་གཏེར་ཆེར་བཤམས་ཀྱང་། །མཐའ་བྲལ་དགོངས་པའི་ཡིད་བཞིན་དབང་གི་རྒྱལ། །ཚོགས་གཉིས་དཔུང་པས་ཐོགས་པ་གཞན་མ་མཆིས། །གང་འདིར་སྙིགས་དུས་ང་བཞིན་རྩུབ་མོས་ཆེར་དཀྲུགས་པའི། གསང་ཆེན་རྡོ་རྗེའི་ཐེག་མཆོག་ཆོས་ཚུལ་བསྡུ་བ་ལ། །དུས་གསུམ་རྒྱལ་བའི་བཀའ་ཡི་ཅོད་པན་ཁྱོད་ལ་བཅིངས་། །རྡོ་རྗེ་ཆོས་དང་སྐལ་བ་མཚུངས་ཤིང་ངོ་བོ་གཅིག །རྩོད་དུས་མཐའ་འདིར་པདྨ་སཾ་བྷ་ཝའི། །ཆོས་ཀྱི་རྒྱལ་སྲིད་འཛིན་པ་མགོན་ཁྱོད་ཡིན། །གཞན་དུ་ཆོས་ཀྱི་རིགས་ལས་སྐྱེས་པ་ཕལ། །རྨོངས་དང་འདུ་འཛིའི་སྤྱོད་པས་ཆེས་ཆེར་ཉམས། །དེ་སླད་ཆོས་ཀྱི་དུང་སྒྲ་འཆད་དང་རྩོམ། །གསལ་བར་ཁྱོད་དང་དུས་གསུམ་རྒྱལ་བའི་མགུར། །རོ་གཅིག་ཉིད་ནས་ཕྱོགས་འདིར་སྒྲོག་པ་ལ། །སྐྱོན་དང་འགྲན་ཟླའི་གོ་སྐབས་སྲིད་ན་སུ། །སྐྱོ་བཞིའི་ཁང་བཟང་རྩེ་མོར་འགྲོ་བའི་རིན་ཆེན་ཐེམ་སྐས་མ་སྨད་པ། །བསྐྱེད་པའི་རིམ་པའི་རྣམ་པར་བཤད་པ་ངོ་མཚར་ཚིག་དོན་བཅུ་དྲུག་ཆ། །རབ་རྫོགས་མཁྱེན་རབ་རི་དབང་སྤོ་ནས་སྐལ་བཟང་སྤྱོད་ཡུལ་མཁའ་ལ་ཤར། །དེ་ཚེ་

― JLAZ014_Page_0348 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་སྲས་ཀུན་གྱིས་བཀྲ་ཤིས་གླུ་དང་རོལ་མོས་མཆོད། །གང་ཆེ་ལོགས་བཤད་བདིད་རྩི་དངར་པོའི་སྐྱེས། །ཐུགས་རྗེས་ཆགས་པའི་བཀའ་དྲིན་རོ་བདའ་བ། །གུས་དང་སྤྲོ་བའི་སྤྱི་བོ་ལ་སོན་པས། །རིང་དུ་སྣ་ཚོགས་རྟོག་པ་འགགས་པར་གྱུར། །མཁས་དང་བཙུན་དང་གྲུབ་པའི་ཡོན་ཏན་བྲལ། །སྒོམ་པའི་མྱུ་གུ་ལེ་ལོའི་སད་ཀྱིས་བཅོམ། །མང་དུ་ཐོས་ཀྱང་འབྲས་བུ་སྟོངས་པ་བདག །བསམས་བཞིན་རང་གི་ཚུལ་ལ་ཁྲེལ་བར་གྱུར། །འོན་ཏེ་རྒྱལ་ཀུན་འདུས་ཞལ་བླ་མའི་ཞབས། །གཙུག་གི་ནོར་བུར་ཐོབ་པ་ལེགས་བྱས་ཀྱི། །ཕུང་པོ་མངོན་མཐོར་ཤེས་པའི་སྤྲོ་དགའ་ཡིས། །ཁྱོད་ཤེས་གསོལ་འདེབས་ཙམ་ལ་སྐྱབས་འཚོལ་བཞིན། །འཆི་མེད་གྲུབ་པ་དཔལ་གྱི་རི་བོའི་ངོས། །དགེ་བའི་འབྱུང་གནས་རྒྱལ་བའི་གཙུག་ལག་ཁང་། །གསར་དུ་བསྒྲུབ་པའི་འདུ་འཛི་བརྒྱ་ཕྲག་གིས། །ཡིད་ནི་ཞི་བའི་གནས་ལས་རིང་དུ་བྱས། །ཞེས་པ་ལ་སོགས་གཙུག་ལག་ཁང་གསར་འདེབས་གྲུབ་བསྟུན་རབ་གནས་དང་བཅས་བཞེང་དོན་འབྱམས་ཀླས་པ་བསྒྲུབ་ཕྱིར་ལྷགས་དགོས་པ་སྙན་གསན་དབབ་པའི་ཚུལ་དུ་བྱུང་། དེ་ལྟར་ཆབ་ཤོག་གི་རིམ་པ་བཀོད་པའང་སློབ་དཔོན་ཀླུས། ཤེས་རབ་མེད་ལ་བསམ་གཏན་ཡོད་མིན་ཏེ། བསམ་གཏན་

― JLAZ014_Page_0349 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་པར་ཡང་ནི་ཤེས་རབ་མེད། །གང་ལ་འདི་གཉིས་ཡོད་པས་སྲིད་པ་ཡི། །རྒྱ་མཚོ་གནག་རྗེས་ལྟ་བུར་འཚལ་བར་བགྱི། །ཞེས་འཇིག་རྟེན་གྱིས་རྨོངས་པའི་བློས་དམ་པར་བཏགས་པ་ཙམ་ལ་མི་ལྟོས་པར་རང་ངོའི་ཡོན་ཏན་གྱི་བྱེ་བྲག་རྒྱ་མཚོ་དང་བ་ལང་གི་རྨིག་རྗེས་ཀྱི་ཆུས་མཚོན་པའི་གནས་དམ་པ་དེ་དག་གི་རྣམ་ཐར་ཟུར་གྱིས་བསྟན་པར་བྱ་བའི་སླད་དུ་ཡིན་གྱི། དངོས་ཀྱི་གྲགས་པ་སྒྲོག་པའི་དོན་དུ་ལྟ་ག་ལ་ཞིག་སྟེ། སྤེལ་ལེགས་ཀྱི་ཚིག་ལ་རབ་བཏགས་ཀྱི་སྲད་བུ་རྒྱུ་བ་འདི་རྒྱག་པ་བ་སྤུ་ཅན་གྱི་བསྟན་བཅོས་ལ་སོགས་བརྗོད་གཞི་མཛེས་པར་བྱ་བའི་ཕྱིར་ན་བྱས་པ་ལས། དོན་ལ་མི་གནས་པའི་ཚུལ་སློབ་དཔོན་ཙནྡྲ་གོ་མིས། བུད་མེད་ཡན་ལག་དྲི་དང་རུལ་བ་ཤིན་ཏུ་མི་སྡུག་དང་། །པདྨ་ཟླ་བ་ཨུཏྤལ་དག་ཏུ་སྙམ་བྱེད་པ། །སྙན་ངག་མཁན་གྱི་རྫུན་དེའི་འབྲས་བུ་མི་བཟད་པ། །དེ་དག་དེ་ཡི་མངལ་ནས་འཇུག་པ་དེ་ཡིན་ནོ། །ཞེས་གསུངས་པ་ལགས་སོ། །སེར་སྣ་གཡོ་སྒྱུ་ཆགས་དང་སྙོམ་ལས་དང་། །མངོན་པའི་རྒྱལ་འདོད་ཆགས་ཞེ་སྡང་དང་། །རིགས་དང་གཟུགས་དང་ཐོས་པ་ལང་ཚོ་དང་། །དབང་ཐང་ཆེ་བས་རྒྱགས་པ་དགྲ་བཞིན་གཟིགས། །ཞེས་པའི་རྣམ་གྲངས་འདི་འཇིག་

― JLAZ014_Page_0350 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་པ་ལྟ་ཅི་ཆོས་པ་བཟང་པོས་ཀྱང་བྱ་དཀའ་བའི་གནས་སུ་སྣང་ཡང་། ཆོས་ཀྱི་རྗེས་སུ་འབྲང་བའི་མདའ་རིས་ལ་དབང་བ་དག་ཡིད་ལ་སྨོན་པའི་གནས་ལ་མ་ནོར་བ་ཡིན་པའི་བརྗོད་པ་ཡང་ཡང་ཡོད་པ་ལ་བརྟེན། རང་ཡུལ་ན་གྲགས་པ་དོན་དུ་གཉེར་པའི་རྣམ་དཀར་ལས་གནད་དུ་སྨིན་པ་དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཆེན་པོར། སྦྱིན་པའི་བདག་མོ་ཙནྡྲ་ཤྲིས་རྒྱན་གོས་ཀྱི་ཐོག་ནས་སྟོང་མཆོད་བཤམས་པར་མཛད་བའི་ཞར། ཐིལ་ནས་ལང་རྫོང་བར་གྱི་སྒྲུབ་གནས་བྱིན་ཅན་མ་ཚང་བ་མེད་པར་བརྒྱ་མཆོད་རེ་དང་། ཚོགས་བརྒྱ་རེ་མེ་མཆོད་བཅས་པའི་ཚོགས་གསོག་དང་སྦྲགས་ཡོན་མཆོད་ཚང་མས་གནས་འབྲེལ་བྱེད་དུ་ལྷགས། དེར་རྐང་འགྲོས་ཞན་པས་བཞོན་པ་ལ་བརྟེན་དགོས་པའི་ཕྱིར་དཀའ་བ་དང་དུ་ལོངས་པའི་ངལ་དུབ་ཀྱི་སྒྲིབ་པ་ལ་དག་ནུས་པ་ཞིག་ཡོང་ཚོད་མིན་ཏེ། གནས་རྟེན་ཁྱད་པར་ཅན་གྱི་བྱིན་རླབས་ཁོ་ནས་ལམ་བར་ཚར་གཉིད་འོད་གསལ་དུ་འཆར་བ་དགའ་མོས་བྱུང་། གཞན་དུ་ན་རྩོད་བྲལ་དུས་བབས་ཀྱི་གཏེར་སྟོན་ཆོས་རྗེ་གླིང་པའི་མགུར་ན། སྔོན་བཀའ་བརྒྱུད་ཀྱི་བསྟན་པ་དར་བའི་སྐབས། འགྲོ་མགོན་གྱི་ཕག་མོ་གྲུབ་པ་ལའང་། རོ་གཅིག་རྟོགས་ངེས་ཀྱི་སློབ་བུ་གསུམ། འཇིག་

― JLAZ014_Page_0351 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་མགོན་པོ། འབར་རྟ་ཕུག་པ། ཆོས་རྗེ་ལྷུན་མེ་ དེ་ལས་མོད་པ་རྣམ་ཐར་ན་གསལ། །དུས་དེང་སང་རོ་གཅིག་དང་སྒོམ་མེད་དུ། །ཞལ་བཞེས་ཀྱི་སྒོ་མཆེད་སྐར་ལྟར་བཀྲ། །ང་གཅིག་ཏུ་སྐལ་བ་བཟང་བསམས་ཀྱང་། །ཁྱེད་རྟོགས་རྟོགས་འདི་ཡི་མང་ལུགས་ཀྱིས། རྟོགས་པ་ཞིག་རྒྱུད་ལ་མ་སྐྱེས་དོགས། །ཁྱེད་ཉམས་རྟོགས་རོ་གཅིག་གི་རྣལ་འབྱོར་ཚོ། །ཟས་ཞིམ་མངར་དང་ཐག་གི་འཇམ་རྩུབ་དང་། །དེས་མཚོན་པའི་ངོ་བསྲུང་དང་མཐུན་འཇུག་འདིས། །གསུང་དྲང་མདོག་ཁ་ཡང་རྫུན་དུ་ཟད། །དོན་དེ་ཕྱིར་རྣམ་རྟོག་གི་གདར་ཤ་ཆོད། །རོ་སྙོམས་ཀྱི་གདམས་པའི་ཕྲང་ལ་གཤོར། །ཆོས་དང་རང་སེམས་ལ་ཞུ་དག་མཛོད། །ཅེས་པ་འདི་ཤིན་ཏུ་མེད་པར་སྣང་། །ལོ་འདིར་ཕག་ཀྱིས་ས་བརྐོ་རྡོ་སློག་བརྩོན། །ཞེས་པ་ལྟར། ཆར་ཆུ་སྔར་མི་གྲག་རྒྱས་པས་ཞིང་མང་པོ་གྲམ་པར་བརྡལ། ཟམ་པ་ཕལ་ཆེར་ཤུལ་མེད་དུ་སོང་བས་རྡོ་རིང་མདུན་གྱི་ཟམ་པར་སླེབས་པའི་ཚེ། ཚོ་བཞིའི་རྒན་པོ་བཅས་མི་ཉིས་བརྒྱ་ཙམ་ཟམ་ཤིང་ལ་ཐག་པ་འདོགས་བསོགས་བྱ་བ་མང་པོས་བྲེལ་འདུག་པ་ཀུན་གྱིས་བྱིན་རླབས་ཞུ་བ་དང་སྦྲགས། བླ་མ་གྲུབ་ཐོབ་ཕེབས་ད་ཆ་དགའ་མོ་ཨེ་ཡོད། བྱིན་རླབས་ཐུགས་རྗེ་ཆེ་དགོས་ཞེས་འགའ་གདོགས་ཨོ་རྒྱན་པདྨ་ལ་བྱས། དེ་ལ་

― JLAZ014_Page_0352 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་རྗེ་ཤུགས་དྲག་ཅིག་སྐྱེས་བྱུང་བའི་མོད། ཆུ་ལ་དྲག་སྔགས་སོ་ལྔ་པ་བཟླས་པའི་རྗེའུ་གཏོར། ཀ་བ་རྣམས་ཀླུ་ཆེན་བརྒྱད་དང་། གདུང་ལྕམ་ལྟོ་འགྲོའི་དབང་པོའི་དྲ་བར་འབྲེལ་བར་བསྒོམས་པའི་མེད། ཟམ་པ་རང་བཞིན་མེད་པར་ཤེས་པའི་དང་ལ་རྟེན་འབྲེལ་སྙིང་པོ་དང་། ཤིས་པ་བརྗོད། དེད་ཀྱི་བསྟན་པ་དང་། སེམས་ཅན་ལ་ལན་ཐོགས་པ་ཞིག་ཡིན་ན་ཟམ་པ་འདི་གནས་པར་ཤོག་ཅིག་སྙམ་དུ་དཀོན་མཆོག་གསུམ་ལ་གདུང་བ་དྲག་པོ་ཞིག་སྐྱེས། གཞན་ངོ་ལ་བདེན་རྫུན་གྱི་དགས་ངས་དགོས་པ་མེད་དེ་རང་ངོ་ལ་རྟེན་འབྲེལ་བཟང་པོ་ཞིག་འགྲིག །མི་རིང་བར་ལྕགས་ཟམ་བྱང་ཆུབ་རྒྱུན་ལམ་ནས་ཞམ་རིམ་པ་ཅན་རྟ་ཁལ་ལག་དོ་དང་བཅས་འབོད་མཁན་དུ་ལྷགས། རྣམ་གླིང་པ་སོགས་ཐུགས་འབྲེལ་ཅན་འབའ་ཞིག་གི་སྲ་ཞགས་བགྱིད་དུ་སྩལ། དཔལ་འགོས་ལོ་ཙཱ་བའི་དེབ་སྔོན་གྱི་རྒྱུས་གྲ་ཐང་གི་གཙུག་ལག་ཁང་དང་། ལམ་བརྐྱང་བྱམས་པ་གླིང་གི་སྐུ་འབུམ་ཡང་མཇལ་བར་ཕྱིན། ནང་གི་རྟེན་གསུམ་དང་། མཆོད་རྟེན་གྱི་བཟོ་བཀོད། གྱང་རིས་སོགས་ཁྱད་དུ་འཕགས་པ་ཞིབ་མཇལ་དང་། ཏཱ་ར་ན་ཐའི་རྣམ་ཐར་ན་གསལ་བ་བཞིན་ཡས་རྒྱབ་པས་བཞེངས་པའི་གྲུབ་བརྒྱ་སོགས་ལའང་རྟོག་པ་ཞིབ་ཏུ་བྱུང་། དགོན་ཁྲོད་ན་དུས་འཁོར་མཆོད་རྟེན་སོགས་མཁས་པའི་དབང་ཕྱུག་བྱོན་པའི་ཕྱག་རྗེས་མང་དུ་སྣང་། ལར་པཎ་ཆེན་

― JLAZ014_Page_0353 ―

^{[མ་དཔེ་གཟིགས་ན་འདིར་གནོན།]}

[Full Size]

བྱམས་པ་གླིང་བ་དང་། མངའ་རིས་པཎ་ཆེན་བདྤ་དབང་གི་རྒྱལ་པོ་གཉིས་ཡེ་ཤེས་ནང་དུ་ཕྲད་པས་གསར་རྙིང་གི་ཐབ་ཆོས་ཕན་ཚུན་དུ་འབུལ་བར་མཛད་ཤུལ་རྣམ་ཐར་ན་ཐེབས་པས་སྐྱེས་བུ་དམ་པ་དེ་ཚོར་རྩ་ལྟུང་དྲུག་པ་ལ་དག་གིར་མི་མཛད་པ་ཞིག་ཡིན་པར་སྣང་། རིམ་གྱིས་ཐར་རྩེ་ཐབ་བསུ་དང་བཅས་སྨོན་འགྲུབ་འཆི་མེད་ཐར་པ་གླིང་གི་ཉེ་འདབས་སུ་སླེབ་པ་ན། མཁྱེན་གྱོད་ཕུན་སུམ་ཚོགས་པའི་སྤྲུལ་པའི་སྐུ་རིན་པོ་ཆེས། ཐར་པའི་རྒྱལ་མཚན་ཆོས་གོས་རྣམ་གསུམ་གྱི་ཕྱ་བྱད་མཐོང་ན་མེ་མཐུན་པ་མེད་པས་སྒོ་དྲུང་དུ་བསུ་བ་ལ་བྱོན། སྤྱིར་སེམས་ཅན་གྱི་མོས་པས་དད་ཅིང་། ཁྱད་པར་དངོས་ཅག་ལ་ཐང་སྟོང་རྒྱལ་པོར་བླ་མ་བཟང་པོའི་ཕྱག་དང་། སྨྱོན་པ་བརྩོན་འགྲུས་ཀྱི་དྲན་རྒྱའི་དཔེ་བཞིན། མཆོག་དམན་དུ་མར་བརྙས་པ་དང་། བཀུར་སྟི་ཕྱོགས་འཛོལ་བར་འོང་པའི་ཚུལ་སྣང་བ་གོམས་པར་གྱུར་བར། ཙམ་པ་ཀའི་དོ་ཤལ་གྱོན་པ་ལ་དང་བ་བརྟས་པའི་སྣང་བ་ཨ་འཐས་ཤིག་མ་ཡིན་མོད་ཀྱི། རྒྱུད་སྡེ་རྒྱ་མཚོ་དང་། བླ་མ་ལྔ་བཅུ་བའི་དོན་ཐུགས་སུ་ཆུད་པས་དམུན་པོའི་དྲེགས་པ་དབྱིངས་སུ་བཞག་པ་ལ་ངོ་མཚར་དཔག་ཏུ་མེད་པ་སྐྱེས། དམ་པ་མཆོག་གནས་གསར་དུ་བསྐྲུན་པའི་གཙུག་ལག་ཁང་རྟེན་དང་བརྟེན་པར་བཅས་པ་ལ་རིག་འཛིན་བཀའ་བརྒྱད་ཀྱི་རས་བྲིས་དཀྱིལ་འཁོར་ལ་

― JLAZ014_Page_0354 ―

^{[མ་དཔེ་གཟིགས་ན་འདིར་གནོན།]}

[Full Size]

བརྟེན་ནས་ལྷག་པར་གནས་པའི་ཆོ་ག་དངོས་སྟ་ཉིན་གཉིས་མ། མཚོན་པར་གནས་བྱའི་འཁོར་ལོ་ཐབ་ཏུ་སྤྱན་དྲངས་ནས་སྲག་བླུགས་ཀྱི་མཆོད་པས་མཉེས་པར་བྱ་བ་སོགས་ཡོན་བདག་བསྒོ་བ་ནས་དགའ་སྟོན་ལ་ཐུག་གི་བར་མཐའ་རྒྱས་སུ་བྱས། དཀྱིལ་འཁོར་དེ་ཁའི་སྟེང་ནས་དངོས་སྟ་སྦྲེལ་མའི་དབང་ཡང་བཞེད་པ་བཞིན་ཕུལ། ཉག་གཏེར་ཕག་མོ་ཁྲོས་མའི་མེ་མཆོད་ཀྱི་ཞིང་སྐྱོང་གི་མཁའ་འགྲོ་མ་རྣམས་མཉེས་པར་བྱས། དེ་ནས་ཐུགས་རྒྱུད་གྲོལ་བར་བྱེད་པ་འཁྲིད་ཀྱི་གནས་ལ། གསང་སྔགས་སྔ་འགྱུར་ལ་མདོ་སྒྱུ་སེམས་གསུམ་གྱི་རང་ཚུགས་འཛིན་པའི་གྲུབ་པའི་མཐའ་ཁྱད་དུ་འཕགས་པ་ཡོད་པའི་སྟེང་། རྒྱ་གར་གྱི་ཤིང་རྟ་ཆེན་པོ་རྣམས་ཀྱི་རིང་ལུགས་ཀྱང་ཞར་གྱིས་ཚང་བ་བསྟན་པལ་རིམ་གྱིས་བསླབ་པ་རྒྱ་ཆེན་སྤྱོད་པ། ས་ལམ་ཏིང་ངེ་འཛིན་གྱི་དྲོད་ཚད་བསྟན་པ་ཟབ་ཅིང་རྒྱ་ཆེ་བ། ཆོས་ཉིད་ཀྱི་གནས་ལུགས་བསྟན་པ་ཟབ་མོ་ལྟ་བ་སྟེ། བརྒྱུད་པ་གསུམ་གྱི་མན་ངག་ཀྱང་ཆུ་བོ་གཅིག་ཏུ་འདྲེས་པ་རྒྱལ་བ་ཀློང་ཆེན་པའི་གཞུང་ཡོད་བཞིན་དུ་ཡན་ལག་བརྒྱད་ལྡན་གྱི་ཆུ་འགྲམ་ན་བ་ཚའི་ཁྲོན་པ་འདྲུག་བའི་དཔེས་གདམས་ཕྲན་ལ་རྟུག་བཙིར་བྱེད་མི་དགོས་པ་དགེ་བ་གསུམ་གྱི་དོན་ཁྲིད་ཟབ་མོས་གཞུང་བསྲངས་ཏེ། མན་

― JLAZ014_Page_0355 ―

^{[མ་དཔེ་གཟིགས་ན་འདིར་གནོན།]}

[Full Size]

ངག་རྫོགས་པ་ཆེན་པོ་ཀློང་ཆེན་སྙིང་ཏིག་གི་སྨིན་བྱེད་ཀྱི་དབང་། གྲོལ་བྱེད་ཀྱི་ཁྲིད། རྒྱབ་རྟེན་ལུང་དང་བཅས་པ་ཟུར་དུ་འགྲེལ་བས་ཆོས་ཉིད་བསམ་གྱིས་མི་ཁྱབ་པའི་རྒྱལ་ཐབས་ལ་མངའ་གསོལ། དེ་ལྟར་གྲུབ་ནས་སྔ་འགྱུར་རྡོ་རྗེ་ཐེག་པ་ལ་རྒྱུད་སྡེ་དང་སྒྲུབ་སྡེ་ཆེན་པོ་གཉིས་སུ་བཞུགས་པའི་སྒྲུབ་སྡེའི་གཙོ་བོ་བདེ་གཤེགས་འདུས་པ་པོད་དགུའི་དབང་ལུང་མ་ཚང་བ་མེད་པར་ཕུལ། དབང་ལ་གྲ་ཚང་ལ་ཕྱོགས་སུ་མ་འཐོར་བ་ཕལ་ཆེར་བཅས་འདུས་པ་ཉི་ཤུ་རྩ་ལྔ་བྱུང་། དེ་ལ་འདི་སྐད་ཅེས་བྱ་སྟེ་རིག་འཛིན་མངའ་རིས་པ་ཆེན་པོ་པཎ་ཆེན་རིན་པོ་ཆེས་བཀའ་བརྒྱད་རྣམ་གསུམ་ལྷའི་ཐ་རམ་ལས། འདི་འཆང་ཨོ་རྒྱན་པདྨ་ཐོད་ཕྲེང་རྩལ། །ཉིན་མཚན་དུས་དྲུག་འབྲལ་མེད་སྤྱན་གྱིས་གཟིགས། །ཡི་དམ་རྒྱལ་བ་རྒྱ་མཚོས་བྱིན་གྱིས་རློབས། །གནས་གསུམ་མཁའ་འགྲོས་བུ་བཞིན་རྟག་ཏུ་སྐྱོང་། །ཆོས་སྤྱོད་དམ་ཅན་སྤྲིན་ཕུང་བཞིན་དུ་འདུ། །ཕྱི་ནང་བར་ཆད་སེལ་ཞིང་དངོས་གྲུབ་སྟེར། །ཕྱག་རྒྱ་ཆེན་པོའི་ས་ལ་ལྷུན་གྱིས་གྲུབ། །དེ་ཕྱིར་རིག་འཛིན་ཕྱི་རབས་འབྱོན་པ་རྣམས། །རྒྱུད་ལུང་མན་ངག་ཐམས་ཅད་སྟོངས་ཀྱང་སླ། །བཀའ་བརྒྱད་རྣམ་གསུམ་ཉམས་སུ་མ་འཇུག་ཅིག །སྒྲུབ་པའི་

― JLAZ014_Page_0356 ―

^{[མ་དཔེ་གཟིགས་ན་འདིར་གནོན།]}

[Full Size]

སྙིང་པོ་ཐམས་ཅད་སྟོངས་ཀྱང་སླ། །རྫོང་ཕྲང་གནད་གསུམ་སྒྲུབ་གྲྭ་སྟོངས་མ་འཇུག །བཤད་སྒྲུབ་བྱ་བ་ཐམས་ཅད་སྟོངས་ཀྱང་སླ། དབང་ཁྲིད་རྒྱུད་ཀྱི་བཤད་པ་ཉམས་མ་འཇུག །ཅེས་གསུངས་པ་དེ་ཡིད་ལ་ལྷག་པར་ཡང་གཅགས་ནས་གལ་ཆུང་ཆོས་ལ་བྱེད་པའི་དུས་ཚོད་འདིར་ཆོས་ཀྱི་རྣམ་གྲངས་དེ་དག་སྔར་དབེན་པའི་རི་ཁྲོད་དུ་དྭ་རི་དྲའི་བརྟུལ་ཞུགས་ལ་གནས་བཞིན་དུའང་དོན་གཉེར་བླ་མེད་པས་ཉན་ཅིང་། དེ་ལྟར་ཉན་པའང་འཆད་སྤེལ་ནུས་པའི་གང་ཟག་ལ་ཡོངས་སུ་རྫོགས་པར་འབུལ་ཐུབ་པས་བློ་ཁ་རྫོགས་པའི་ཚུལ། རྗེ་བཙུན་ཐམས་ཅད་མཁྱེན་པ་འདི་གསུང་གི་འཕྲོས་ལས་ཀྱང་། ནང་རྒྱུད་ཡིད་བཞིན་ནོར་བུ་དགུང་ལ་སྟོར་ལ་ཁད་ལ། བླ་མ་ཡི་དམ་མཁའ་འགྲོའི་ཐུགས་རྗེ་དང་། །རང་གི་སྐྱེ་བ་སྔོན་གྱི་སྨོན་ལམ་གྱི་འཕྲོ་མཐུད་པ་འདི་ས་རེ་བའི་དཔལ་ནི་ཐོན། ད་ནི་ཟག་བཅས་ཀྱི་ཕུང་པོ་ད་ལྟ་རང་གི་ཞིག་ཅིང་ཤི་ཡང་འགྱོད་མེད་སྙམ་པའི་བློ་གདེང་རྙེད། དལ་འབྱོར་གྱི་རྟེན་འདིས་བསྟན་པ་རིན་པོ་ཆེ་ལ་བྱ་བ་བྱས་སོ་སྙམ་དུ་བློ་གདེང་མཐོང་བ་ཡང་གྱུར་ཏོ། ཞེས་གསུངས་པ་ལྟར་རྗེ་འདིས་དབུས་གཙང་ལ་སྟོད་ལྷོ་བྱང་ཐམས་ཅད་དུ་ཆོས་ཚུལ་འིད་ཁོ་ནའི་དོན་དུ་ཤིང་ལོ་རླུང་གིས་

― JLAZ014_Page_0357 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱེར་བ་བཞིན་དུ་ལ་ཆུ་ཕྲང་གསུམ་ལ་དཀའ་བ་སྤྱད། ལབ་རྗེ་ནས་རིམ་པར་བདེ་འདུས་ཁོ་ན་ཡང་ཚར་ཉི་ཤུ་རྩ་ལྔ་གསན་པའི་མཐར། ལྷོ་རྒྱུད་དགོན་དཀར་ཞེས་པའི་རི་ཁྲོད་དུ་མངའ་འོད་ཟེར་གྱི་དངོས་སློབ། རེ་རིགས་ནམ་མཁའི་རྣལ་འབྱོར་དང་མཇལ་ཞིང་། ལན་གཉིས་སུ་གགས་ནས་སྤྲོས་བ་ཡོངས་སུ་ཆོད་པ་ཡིན་པས་སོ། །རྒྱུ་མཚན་དེ་ལྟ་བུས་བསྟན་པ་ལ་གཅེས་སྤྲས་དང་། བཀའ་དྲིན་བསམ་གྱིས་མི་ཁྱབ་པའི་ཚུལ་སྙན་དུ་སྤྲོན་ཤིང་། དངོས་ཅག་གིས་སྔར་དབང་ལུང་ཉན་ཀློག་གང་གི་ཐད་དུའང་། སྡེ་ཆེ་སར་ཡོད་པ་དག་ནས་ནི་དཔེ་མ་ཁྱུད་དང་བསམ་ར། དབུས་རྒྱུད་སྤྱི་འགྲོ་ལ་ནི་དཔེ་རྒྱུན་ཡང་དཀོན་པ་ཁོ་ནའི་གསུང་གླེང་གི་ཉེ་བར་ལེན་པའི་རྐྱེན་དང་། དམ་པའང་བསྟན་པ་ཉམས་གསོལ་ཐུགས་བསྐྱེད་ཆེན་པོར་གྱུར་པའི་རྒྱུས། བདེ་འདུས་ཡོངས་རྫོགས་གསར་བཞེངས་མཛད་པ་ཞལ་གྱིས་འཆེས་པ་བཞིན། མི་རིང་བ་ཉིད་དུ་ཕྱག་ཐོག་ཏུ་ཁེལ་བ་མིག་གི་ལམ་དུ་དོང་ཞིང་། དུས་སྐབས་དེར་རི་མོ་བ་ཆོས་ཀྱི་གྲགས་པའང་ཟླ་བོར་ཡོད་པ་ནས་བདུན་བརྒྱ་ཉེར་ལྔའི་ལྷ་ཚོགས་དང་བཅས་པའི་དབང་ཙག་ཀྱང་གསར་དུ་བསྐྲུན་པ་ཡིན་ནོ། །ཚུར་གཏེར་ཁ་འོག་མའི་གསང་རྫོགས་བོད་བཞི་

― JLAZ014_Page_0358 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱབ་ཆོས་དང་བཅས་པ་མ་མཚང་བ་མེད་པ་དང་། པཎ་ཆེན་རིན་པོ་ཆེའི་རིག་འཛིན་ཡོངས་འདུས་ཀྱང་ཉན། བོད་ཁམས་ཡོངས་ལ་བཀྲ་ཤིས་དགེ་ལེགས་འབྱུང་བའི་རི། སའི་མདུད་ལྟ་བུར་ཡང་སོང་བས། སྤྱི་སྒེར་ཀུན་ལ་སྣོད་བཅུད་ཀྱི་ལེགས་ཚོགས་སྤེལ་བའི་ཕྲིན་ལས་ཀྱི་ལེ་ལག་གཡང་གཏའ་བསྡམ་པ་དང་། ཀླུ་གཏའ་བཞུགས་པ་ལ་སོགས་འབྱུང་བའི་དཔལ་བསྐྱེད་ཀྱི་བཅའ་གཡང་བཞེད་པ་བཞིན་བསྒྲུབས། རྩེ་མོ་བ་རྣམས་ལ་ཉང་གཏེར་ཐུགས་རྗེ་ཆེན་པོ་འགྲོ་འདུལ་གྱི་དབང་བགྱིད་དུ་སྩལ་བའི་ཁོངས་སུ་ཐུར་རྩེ་བ་སོགས་ཕྱོགས་གཞན་གྱི་གྲྭ་བཙུན་ཐོར་བུ་དང་ཁྱིམ་པ་འགའ་ཞིག་བཅས་པར་ཐར་པའི་ས་བོན་འདེབས་པའི་སླད། སྐྱབས་འགྲོ་དང་སེམས་བསྐྱེད་གནད་དུ་སྨིན་པ་ནས་ཐུགས་རྗེ་ཆེན་པོའི་བྱིན་རླབས་མ་ཎིའི་ལུང་དང་བཅས་པའི་ཆོས་འབྲེལ་བཞག །སྔ་འགྱུར་གྱི་ཆོམ་ཚུལ་ལ་ལོག་རྟོག་དང་སྦག་པ་སྐྱེ་བའི་གྲུབ་མཐའ་ལྟོས་གྲུབ་ཏུ་སྨྲ་བ་དག་གིས་ཀྱང་གཤུང་བར་མི་ནུས་པ་རྒྱལ་བ་གཉིས་པ་ཀུན་མཁྱེན་ངག་གི་དབང་པོའི་གྲུབ་པའི་མཐར། དེ་བཞིན་གཤེགས་པས་ལེགས་པར་གསུངས་པའི་གསུང་གི་གསང་བ་ལྟར། ཐོག་མཐའ་བར་གསུམ་དུ་དགེ་ཞིང་། དོན་བཟང་པོ། ཚིག་འབྲུ་ཕུན་སུམ་ཚོགས་པ། མ་

― JLAZ014_Page_0359 ―

^{[མ་དཔེ་གཟིགས་ན་འདིར་གནོན།]}

[Full Size]

འདྲེས་པ། རྣམ་པར་གྲོལ་བའི་ཡོན་ཏན་རྒྱ་མཚོས་ཡོངས་སུ་ཕྱུག་པ་གང་། གངས་རིའི་ཁྲོད་ཀྱི་མཁས་པ་ཀུན་གྱི་མདུན་སར་མཛེས་པ་ཉིད་དོ། སྔ་འགྱུར་བ་ཀུན་གྱི་བཏང་སྙོམས་ཆེན་པོའི་སྤྱི་ནོར་ལས་རྐང་འཛིན་གྱི་གྲུབ་མཐའ་དོན་གཉེར་ཆུད་སྐབས། དངོས་ཅག་ལ་གདོད་མའི་མགོན་པོའི་ཞལ་སྐྱིན་མངོན་སུམ་པ་དེ་བསྟན་ནས་བསྟན་པ་འདི་ལ་སྲི་ཞུ་ནུས་པར་བྱིན་གྱིས་བརླབས་པའི་དགེ་མཚན་ལས། སླན་ཆད་གསུངས་རབ་རྣམས་མ་ཚང་བ་མེད་པར་གསན་པའི་རྟེན་འབྲེལ་དུ་རྫོགས་པ་ཆེན་པོ་སེམས་ཉིད་ངལ་གསོའི་བཤེས་གཉེན་བསྟེན་པའི་ལེའུར་འཕྲོ་ཅན་དུ་བཞག་། ཤིང་རྟ་གསུམ་དང་མཛོད་རྩ་འགྲེལ་གསང་སྙིང་འགྲེལ་པ་ལ་སོགས་པ་རྣམས་པ་དགོ་གཏོང་བ་ལ་འཕོངས་པ་མེད་པས་གསར་དུ་བསྒྲུབ་པའི་ཐུགས་འདུན་རྩེ་གཅིག་པར་ཡང་ཤར་སོང་བ་རིང་པོ་མ་ཡིན་པ་ཕྱག་ཐོག་གུ་ཁེལ། རྒྱ་ཅན་ཚེ་དཔག་མེད་ཀྱི་དཀྱིལ་འཁོར་ལ་བརྟེན་ནས་རིང་འཚོའི་རྟེན་འབྲེལ་རྒྱས་པར་མཛད་ཅིང་། འབུལ་ནོད་དང་བསྙེན་བཀུག་གྱི་རིམ་གྲོ་ཆེན་པོ་བསྐྱང་པར་མཛད་པའི་ཚུལ་ཡང་འདི་ལྟ་སྟེ། ས་གཞི་དང་། བཞོན་པ་དང་། གོས་དང་རིན་པོ་ཆེ་ལ་སོགས་པའི་རྙེད་པ། ཕྱག་དང་། ལྡང་བ་དང་། སྟན་

― JLAZ014_Page_0360 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོབ་པ་དང་། བརྗིད་པ་དང་། སྙུན་སྨེད་པ་དང་། ཁྲུས་དང་། བཀུ་མཉེ་དང་། དྲིལ་ཕྱིས་དང་། སྤོས་བཏུག་པ་དང་། སྙན་གྱི་གསོས་སྨན་ལ་སོགས་པའི་བཤེས་གཉེན་བསྟེན་པའི་ཚུལ་གང་ཡིན་པ་དང་། ལོ་གསུམ་གྱི་སྒྲུབ་པའི་དམ་བཅའ་སོགས་མཉེས་པ་གསུམ་གྱི་མཐར་སོན་པ་ཉིད་དུ་མཛད། ཆོས་རྗེ་བྲག་ཕུག་བ་ཡང་ཆོས་འདི་དག་ཡོངས་རྫོགས་ཀྱི་འདུ་བར་ཡོད་པ་ནས་མཁའ་འགྲོ་སྙིང་ཏིག་གི་བཏགས་གྲོལ་པར་འདི་ཁོང་གིས་སྟེར་བར་མཛད་པ་རྟེན་འབྲེལ་ལེགས་ཤིང་འགྲོ་དོན་ཆེ་བར་བྱུང་། སྐུ་འབུམ་ཆེན་མོའི་མཆོད་མཇལ་གྱི་ཞར་ལྕགས་ཟམ་ལ་རབ་གནས་བྱེད་དགོས་ཕེབས་པ་སྣང་སེམས་ཁྱར་གདལ་དུ་འདྲེས་པའི་རྣལ་འབྱོར་གྱི་དབང་ཕྱུག་འགྱུར་མེད་བདེ་བ་ཆེན་པོའི་ཐང་ལ། སྟོང་ཉིད་ཀྱི་གང་རྒྱངས་སྒྲོགས་པ་དེ་ལྷས་བྱིན་གྱིས་བརླབས་པ་ལ་གཉིས་སྣང་གི་རྟོག་པའི་འཐུ་འཐོར་མ་དགོས་མོད་ཀྱིས། སྤྱོད་འཇུག་ལས། གྲུབ་དང་གྲུབ་ཆེན་ཞུགས་པ་རྣམས། །ཡིད་ལ་བསམ་པ་གྲུབ་གྱུར་ཏེ། །ཆུ་ཡི་ངོགས་སུ་བདེར་ཕྱིན་ནས། །གཉེན་དང་ལྷན་ཅིག་དགའ་བར་ཤོག །ཅེས་པ་འདི་སྨོན་ལམ་དུ་བཏབ་ནས་མེ་ཏོག་གཏོར། །ངེད་ལྡོག་ཁར་རྒྱལ་བ་ཀློང་ཆེན་པའི་སྐུ་མི་ཚད་དུ་ལོངས་པ་ཞིག་གསར་

― JLAZ014_Page_0361 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་བཞེངས་པའི་དབུ་ཚོགས་པ་དགོན་གནས་གསར་པར་འཁྱོལ་ན་རྟེན་འབྲེལ་ལེགས་སམ་སྙམ་ཡང་། གདམས་ཕྲན་ལ་སྡུག་བཙིར་བྱེད་པའི་ཉི་མ་སྤྱི་དང་མཐུན་པར་ཤར། འཆི་མེད་ཀྱི་གྲུབ་གནས་རི་བོའི་ངོགས། །རྨི་ལམ་སད་པའི་གནས་སྐབས་བཞིན། །ཤུལ་དུ་ཞུགས་པས་བལྟར་མི་མངོན། །སྐྱེས་ཐོབ་ཀྱི་ལང་ཚོ་སྒེག་པའི་ངོགས། །རིག་གནས་ཀྱི་དོ་ཤལ་འཛིན་པ་ལ། །སྙེལ་བའི་མི་མངཱ་དམ་པའི་གཅུང་། །སྒོ་འཕར་མཛོད་ལྡན་གྱི་དབང་པོ་ཡང་། །བསྐྱེལ་ཐུང་ལ་རེ་ཞིག་ཆས་པ་བཞིན། །ལས་ལ་རྣམ་ཤེས་མཐའ་ཡས་ན། །སེམས་གནས་ཙམ་ལ་ཡིད་རྟོན་པའི། །རང་བཞིན་ལྟ་སྟངས་ཀྱི་ཤེས་པ་གང་། །དྲི་སྨེད་ཀྱི་གདུང་བ་ངོ་མཚར་ཡང་། །ལྟ་སྒོམ་གྱི་གླེང་མོ་མེད་པས་སྐྱོ། །འཆི་མེད་ཀྱི་ཆུ་རྒྱུན་འབབ་པ་ལས། །ཚང་ཚིང་དང་བཅས་པའི་གཅོང་རོང་ན། །ཤུག་ལྡན་གྱི་བཞོན་པ་ཅང་ཤེས་རྣམས། །བསོད་རྣམས་མ་ཡིན་པའི་སྙུང་བར་བཀོད། །བྲག་རི་ལ་རང་བྱུང་གི་ཐེམ་སྐས་ཅན། །དེ་ལ་རྡོག་པ་བཞག་དཀའ་བཞིན། །ཤུགས་རིང་དང་དབུགས་ཆེན་འབྱིན་པའི་ངང་། །ནུབ་པདྨ་དབང་གི་ཕུག་པའི་སྒོར། །འཇུར་མིག་ལ་སྲས་བུ་རྒྱུ་བཞིན་བགྲོད། །ཡབ་རིག་འཛིན་པདྨའི་

― JLAZ014_Page_0362 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་གནས་ལ། །ཡིད་གདུང་བའི་མོས་གུས་བཟོད་བླག་མེད། །བུ་གཅིག་པོ་སྟོར་བའི་མྱ་ངམ་གྱི་ཐང་། །སེམས་རི་དྭགས་རྨས་མ་འཁྱམ་པའི། །རྒན་རྒོན་གྱི་མཐུན་པའི་ཡོ་བྱད་བཤམས། །དོང་སྤྲུགས་དང་ཚོགས་འཁོར་ཡང་དག་བགྱིས། །ཆུ་ལོ་ཧི་ཏ་འགྲམ་རྒྱུ་ཙ་ན། །སོ་བྱ་དང་ཆུ་སྐྱར་གན་པོའི་སྡེ། །ཉ་བ་དང་བཅས་པའི་སྡིག་སྤྱོད་ཀྱི། །རྣམ་འགྱུར་མི་བཟད་པའི་རྒྱུ་འབྲས་ལ། སྐྱོ་ཤས་དང་ངེས་འབྱུང་འགྲན་པ་བཞིན། །ཡུལ་གངས་རི་དཀར་པོའི་གྲོང་རྡལ་ན། །པདོྨའི་གེ་སར་ལས་སྤྲུལ་པའི་སྐུ། །ཉེར་གྲོལ་གྱི་གནས་སུ་གདུང་ཞག་བདུན། །བཞེད་དོན་གྱི་ཤིང་རྟ་འདྲེན་པའི་ཞར། །ཐ་སྙད་དང་གཙུག་ལག་སྨྲ་བའི་དབང་། །བུ་རིང་ཆེན་གྲུབ་ཀྱི་རྗེས་འབྲང་པ། །ཞྭ་ལུ་པའི་བཤེས་གཉེན་བདེ་གཤེགས་སྙིང་། །ཆོ་གར་ལྡན་པ་མཆིས་པ་ལ། །དཔལ་དུས་ཀྱི་འཁོར་ལོ་མཎྜལ། །ཕྱི་ནང་གཞན་གསུམ་གྱི་དགེ་སྦྱོར་དང་། །རྒྱུད་སྡེ་རྒྱ་མཚོའི་ཕྱག་རྒྱ་བཞི། །གར་གྱི་གཞི་བཅར་ནས་བརྩམས་པའི། །དྲི་བ་དང་ལྟད་མོར་གཡེང་བ་བཞིན། །ཡོན་ཏན་དང་ཁེངས་པ་ལྷན་ཅིག་མིན། །སྣང་བའང་དགྲ་རུ་མི་ལྡང་བའི། །ཉན་ཐོས་སྔགས་ལ་མོས་སྤྱོད་ཅན། །ཚུལ་འདི་འདྲ་དགེ་བའི་ཡན་ལག་གོ །སྐྱིད་གཤོངས་སུ་གྲགས་པའི་སྐམ་པོའི་གྲོང་། །

― JLAZ014_Page_0363 ―

^{[མ་དཔེ་གཟིགས་ན་འདིར་གནོན།]}

[Full Size]

དར་གུད་ལ་མིག་འཕྲུལ་ལྷགས་པ་བཞིན། །ཉག་ཕྲན་གྱིས་འཕན་པོར་ཕྱིན་དེའི་ཁྱིམ། །ཞག་གཉིས་སུ་རེ་བའི་དོན་ཡང་བསྒྲུབས། །ནང་པར་ན་སང་གི་དུས་སྦྱོར་ཚོ། །རྐང་བྲན་གྱི་བཞོན་པའི་སྟེང་འཇོགས་ནས། །བཤེས་གཉེན་གྲྭ་སྟོན་འབར་གྱི་གནས། །སྐྱུང་ཀ་གང་རྒྱངས་སྒྲོགས་པར་བརྟོལ། །གནས་འགྱུར་གྱི་གྲུབ་མཐའི་མཁན་པོ་གང་། །དཔལ་རྡོ་རྗེ་གདན་པའི་བཤེས་གཉེན་དང་། །ཆོས་ཀྱི་གླེང་མོ་འདུམས་སུ་ཀླས། །སད་ནང་པར་རྣམ་སྲས་གླིང་དུ་སླེབས། །ཁྲུས་ཆོག་དང་ཚེ་དབང་བཞེད་བཞིན་བསྒྲུབས། །རྟེན་ཅིང་འབྲེལ་བར་འབྱུང་བའི་ཆོས། །རི་དྭགས་སྨིག་རྒྱུ་ལ་འཐས་པའི་ངང་། །རང་གནས་སུ་བདེ་བར་ཕྱིན་པའོ། །ལོ་འཕོ་མཚམས་སུ་དཔལ་རི་ནས་སྤྲུལ་པའི་སུ་རིན་པོ་ཆེ་ཕེབས་པ་ལ། བཀའ་བརྒྱད་གསང་རྫོགས་དང་རིག་འཛིན་ཡོངས་འདུས་གཉིས་ཀྱི་དབང་ཚང་བར་སོང་། །དགུན་སྣང་བ་སྐྱོ་ཤས་ཆེར་བརྟས་པའི་རྒྱུན་ལ་དུས་ཆེན་ཞིག་གི་ཐོ་རངས་རྭ་སྤྲུལ་དེ་ཡིན་སྙམ་པའི་གཞོན་ནུ་སྣུམ་བག་ཅན་ཞིག་གིས། སྦུག་ཆོལ་ཁ་དོག་སྐྱ་ཆལ་ལེ་བ་ཞིག་སྒྲ་སྒྲོགས་པ་དང་མཉམ་དུ། འདིས་ལོ་གསར་སེར་ཕྲེང་ཚར་གསུམ་སོང་སྟེ། སྦུག་ཆོལ་བཅུ་ཐམ་པའི་ཁྲོད་ན་འདི་ལས་ལེགས་པ་མ་བྱུང་ཟེར། །ཡང་ཅུང་ཞིག་བསམས་ནས་ཁྱེད་འདི་འདྲ་

― JLAZ014_Page_0364 ―

^{[མ་དཔེ་གཟིགས་ན་འདིར་གནོན།]}

[Full Size]

མིན་ཞིག་འོང་རྒྱུ་ཡིན་པ་ལ་དཀྱུས་མ་ཙམ་ལས་མ་བྱུང་། བདུད་འདུལ་བའི་ཡུམ་དང་མཇལ། ཆོས་མཛོད་ཟབ་མོ་ལ་དབང་མི་བསྒྱུར་བ་ཟེར། རང་གི་བག་ཆགས་ལ་བཀའ་འདུས་སྙིང་ཏིག་གི་རྒྱུ་མཚན་ཁོང་གིས་མ་རིག །ཡུམ་དང་ཕྲད་ཟེར་བ་རྟོགས་བརྗོད་ཆུ་ཟླའི་དེ་ལ་ཟེར་རྒྱུ་ཡིན་པ་འདྲ་སྙམ་དེ་ཁྱེད་ལ་སུས་བསྟན་བྱས་པས། ཡོངས་རྫོགས་མ་མཐོང་། དེ་ཁའི་ཐད་ཤོག་བུ་གཅིག་སྒྲུབ་རྒྱུད་ཨོ་རྒྱན་ལགས་ནས་བཤུས་འདུག་པ་ལས་མཐོང་ཟེར་བའི་མོད། ངེད་ཀྱི་བརྟགས་པ་ལ་འདི་འདྲ་ཤར་ཟེར། རཀྴའི་ཕྲེང་བ་སྤུས་ལེགས་ལ་ལན་རྒྱན། ལ་ལ་ན་སྲད་བུས་མཚམས་བཅད་པ། ལ་ལ་ན་སྐུད་པའི་དཀྲིས་དཀྲིས་སྤྲུལ་གྱི་རྣམ་པར་བྱས་པ། བཅུ་ཤད་ལ་ཡི་གེ་མང་པི་ཁྲག་མ་ལམ་གསལ་བ་ཞིག་སྟོན་པ་དང་སྒྲགས། སྐུ་ཚེ་མཐར་ཕྱིན་པའི་ཐབས་ལ་ཕན་ཟེར། དེ་ཁའི་མོད་ལ་ཤུགས་རིང་ཞིག་འདོན་པ་དང་སྒྲགས་ཕྲེང་བ་དུམ་བུར་བཅད་པའི་མཚམས་བཟུང་ནས་བསྟན་པ་བགྲངས་པས་ཨུ་ཨཱུ་ཟེར་བའི་སྒྲས་བསྟན། དེར་སྣང་བ་སྐྱོ་ཆད་དེ་བ་ཞིག་།ཅང་ཟེར་དོ་མ་དོད་ཙ་ན་གཉིད་སད། ནམ་མཁའ་ལ་ཟླ་བ་སྐྱ་ཡལ་ཤར་འདུག་པ་རྩ་རླུང་གི་འདུ་ཚུལ་ཞིག་ལས། སྲིད་པ་བར་དོར་སླེབས་པ་ལྟ་བུའི་སྐྱོ་ཤས་ཤོག་ཤར། སྤས་པའི་

― JLAZ014_Page_0365 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་ཆེན་དབེན་པ་ཞིག་ཏུ་ཚེའི་འདུ་བྱེད་འདི་གཏོང་བ་ཡིན་ན་བློ་ཁ་རྫོགས་པ་ལ་སྙམ་ནས་སྐྱོ་གླུ་འདི་འདྲ་སྦག་སྦུག་མེད་པར་ཐལ་ལོ། །ངོ་མཚར་དང་ཨ་ཧོ། །བྱ་རྒྱལ་རྒོད་པོ་བྲག་སྟོང་མཐོན་པོ་ལ་ཕེབས་དང་། །རྩེ་སྒྲོ་རྒྱས་པའི་ཉམས་ཡངས་གང་བདེ་རུ་བསྐྱངས་ཆོག །རྒོད་ཕྲུག་སྐྱེས་ཆེན་ཟངས་མདོག་དཔལ་རི་ལ་བཏེག་དུས། །ཨོ་རྒྱན་ཡབ་ཡུམ་དྲིན་ཅན་ཕ་མ་ཡིས་ལྷག་པ། །ཚེ་སྔོན་འགྲོ་དོན་འཛམ་གླིང་རྡོ་རྗེ་ལ་བསྐྱངས་ཏེ། ད་རེས་སྐྱེ་སའི་རྟེན་འབྲེལ་ཅུང་ཟད་ཅིག་འཕྱུགས་པས། །ཙམ་པ་ཀ་དང་ཤིང་ལོ་རླུང་ཁྱེར་གྱི་རང་བཞིན། །བསོད་ནམས་མ་མཐུན་གཞན་ཕན་འགྲུབ་པ་ཡང་བཀའ་འོ། །དྲིན་ཅན་ཕ་མ་གློ་བར་མ་བཅགས་པ་མིན་ཏེ། །ཁམས་གསུམ་སེམས་ཅན་ཕ་མ་སྤུན་ཟླ་རུ་གཅིག་པས། །གནས་གྲོགས་ལོངས་སྤྱོད་དྲི་ཟའི་གྲོང་ཁྱེར་ལྟར་མེད་ནས། །གཅིག་པོར་འགྲོ་བ་ཙ་ན་གང་ཡོང་རང་མི་འཚལ། །སྒོམ་པ་མ་ཡིན་བྱིས་པའི་བརྟུལ་ཞུགས་ལ་བརྩེ་བ། །སྣང་བ་གཏད་མེད་རང་བྱུང་ལྷུན་གྲུབ་ཀྱི་གཤིས་ལུགས། །ལང་ཤོར་མཁན་ཞེས་རྒྱལ་ཁམས་སྐྱེ་བོ་ཚོས་མ་བཀྱོན། །འདུན་མའི་གདེང་ཆད་མ་ནོར་ཙམ་པ་ཞིག་ཨེ་ཡོད། །ལྷུན་གྱིས་གྲུབ་པའི་འདུན་མ་དང་། རྟོག་པས་བཏགས་

― JLAZ014_Page_0366 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་ཕེར་ཡོད་གཉིས། །བཟང་པོར་བརྫུ་དང་གདོད་ནས་ཡིན། །གང་ཡིན་རྩ་བ་ཆོད་ད་གྱི། །དབྱར་སྟོད་ཤིན་ཏུ་ཐན་པའི་གནམ། །དབྱར་སྨད་ཆུ་ཀླུ་ཆེན་པོར་འགྱུར། །སྐམ་རློན་ཁོང་དུ་མི་སྙོམས་པ། །སྣོད་ཀྱི་འཇིག་རྟེན་འགྱུར་ལྡོག་ལགས། །གང་ཞིག་ཚུར་ལ་མོས་བྱས་ཤིང་། །ཕར་ཡང་ཕན་ཆེར་བཏགས་པ་གང་། །རེས་འགའ་རྣམ་འགྱུར་ཅིར་ཡང་འཆར། །འདྲིས་ལ་ཁེངས་ཤིང་གསར་པ་སྤྲོ། །བཅུད་ཀྱི་སེམས་ཅན་འགྱུར་ལྡོག་ལགས། །ཁ་སང་ལང་ཚོག་བརྟས་པའི་མི། །དེ་རིང་ཐོད་པ་འབྲེག་ལ་ཐུག །ཤུལ་མི་ཅ་ཅོ་འདོན་པ་ཡང་། །ད་ནི་མྱ་ངན་དབྱིངས་ནས་སངས། །འདི་ཡང་སྒྱུ་མའི་དཔེ་ཅིག་ལགས། །ན་ནིང་ཆོས་དང་།མཐུན་པ་ཡི། །སྒྲུབ་ལ་བརྩོན་པའི་ཞལ་ཏ་ཀུན། །ཅི་གསུང་བླ་མའི་བཀའ་བཞིན་ཟེར། །ད་ལོ་སྡིག་པའི་གྲོགས་དང་བསྡོངས་། །ལ་ལ་རང་བཞིན་ངན་ལས་བྱུང་། །ལ་ལ་རྐྱེན་གྱིས་ཆོ་འཕྲུལ་ཅན། །ཕལ་ཆེར་བདུད་ཀྱིས་དབྱེན་བཅོས་ནས། །རང་སྣང་འགྱུར་བ་མ་ཚོར་བཞིན། །རྨི་ལྟས་ཙམ་གྱི་རྩུབ་འགྱུར་ལ། །གེགས་དང་རྒྱལ་འགོང་འབྱུང་ངོ་ཞེས། །ཧཱུཾ་ཧཱུཾ་ཕཊ་ཕཊ་སྒྲ་འབྱིན་ནའང་། །རང་བློ་གེགས་ཀྱིས་གླགས་བལྟས་ནས། །རྣམ་རྟོག་འགྱུར་བའི་ཚུལ་གང་

― JLAZ014_Page_0367 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིན། །མི་ཤེས་རྨོངས་ཆེན་གླང་པོ་རྣམས། །གྲིབ་མ་ཤ་ཟར་འཁྲུལ་བ་བཞིན། །ལར་ནི་བྱ་དང་མི་བྱའི་གནས། །སུ་ཡིས་ནོར་དང་སུ་ཡི་ཡིན། །འཕགས་པས་མིན་པ་མི་མཁྱེན་པས། །ངེད་རང་འདུས་པའི་ཚོམ་བུ་དང་། །སོ་སོར་འགྱེས་ཆོས་ཅན་ཡིན་པས། །དེ་ཡི་རང་བཞིན་དགོངས་པར་མཛོད། །སྡེ་པ་སྤངས་ཆེ་བ་འཆི་བདག་གི་ཞགས་བས་མངོན་གྱུར་དུ་བཏབ་པ་ལ་ཕན་དུ་ར་ེབས་བྱིན་རླབས་ལ་བོས་པའི་ཞར་སྟག་སྤྱན་ལ་ཚོགས་བརྒྱ་དང་། མཆོད་འབུལ་དུ་ལྷགས། ཀུ་མ་རཱ་ཛའི་གཟིམ་ཕུག་མཇལ་དུ་བསྐྱོད་དུས་དེར་གྲུབ་ཆེན་པ་སྤྲོ་བ་ཆེན་པོ་བརྟས་ཏེ་ངེད་ལ་མ་དཱ་ནའི་ཡོལ་ག་བཏེག་ནས། བདེ་སྟོང་ཟུང་འཇུག་གི་ཆོས་བྲོ་ཕུལ་བྱུང་བའི་མོད་ལ་སྣང་བ་ཤིན་ཏུ་འགྱུར། གཏད་མེད་ཀྱི་ཡེ་ཤེས་གསར་དུ་འཁྲུངས་པའི་སྣང་ཆའི་ཉམས་ལ་འགྲོ་བའི་མགོན་པོ་ཀུ་མ་རཱ་ཛ་ཞལ་ཁྱིམ་ཆེ་ཆུང་འཚམ་པ་ཁ་དོག་སྨུག་འཛི་རེ། ཨོལ་ཀཱོ་ལ་ཞོལ་ཆུང་ཆུང་ཡོད་པ་ཞིག་མཇལ་སྐྱེ་བསྔོན་མའི་བླ་མ་ཡིན་སྙམ་གདུང་བ་དྲག་པོ་དང་བདེ་སྟོང་གི་ཉམས་ཟད་མི་ཤེས་པར་སྐྱེས་པའི་ངང་། བུའི་ཚེ་ཕྲང་བསལ་བ་ཡིན་གསུངས་ནས་ཕྱག་རྒྱ་མ་ཎི་དྷ་རར་བསྒྱུར། རྡོ་རྗེ་སྙིང་པོའི་ལམ་ལ་གནས་སྐབས་སུ་

― JLAZ014_Page_0368 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་མི་དགེའི་རྟེན་འབྲེལ་ནང་གི་རྩ་རླུང་ཐིག་ལེའི་འཇུག་ལྡོག་ཁོ་ན་ལ་འབྱུང་བ་འདི་ངོ་མཚར་གྱི་གནས། ལོངས་སྤྱོད་གཡོ་བ་སྙིང་པོ་མེད་མཁྱེན་ནས། །དགེ་སློང་བྲམ་ཟེ་བཀྲེན་དང་བཤེས་རྣམས་ལ། །སྦྱིན་པ་ཚུལ་བཞིན་སྩལ་བགྱི་ཕ་རོལ་ཏུ། །སྦྱིན་ལས་གཞན་པའི་གཉེན་མཆོག་མ་མཆིས་སོ། །ཞེས་པ་འདི་ཡིད་ལ་བཞག་ ཚེ་ཡང་ངེས་མེད་ཡིན་སྙམ་ནས་ཟང་ཟིང་མ་ལུས་པ་གཅིག་ཏུ་འདོམས་ཏེ་ཤྲཱི་པ་རྦ་ཏའི་གླིང་དུ་རྒྱལ་བའི་བཀའ་འགྱུར་རིན་པོ་ཆེ་གསུང་སྒྲོགས་ནས་བྱས། བཛྲ་ཨ་དྲ་ལོ་གསུམ་གྲོལ་བ་ནས་རིང་འགྲོའི་རྟེན་འབྲེལ་ལ་ནཻ་པ་ལའི་དོང་ཙེ་བརྒྱ་ཕྲག་དང་། མར་ཕོན་ཚེ་ཙམ་སྟོབ་བར་མཛད་པ་འགྱེད་དང་ཞལ་འདེབས་ལ་འཁྱིལ་ཀ་ཆེ་བ་བྱུང་། དགེ་འདུན་བརྒྱ་མ་ཟིན་ཙམ་གྱིས་ཞག་བདུན་ལ་བཀའ་འགྱུར་རིན་པོ་ཆེ་གྲོལ། ཉིན་གཅིག་གཤིན་པོའི་འབྲེལ་བ་ཅན་ལ་དམིགས་ནས་ནར་གདོང་སྤྲུགས་ཞུས། ཐོག་མཐའ་བར་གསུམ་ལ་འགྱེད་དགེ་འདུན་ལ་སྐྱ་ཆེན་རེ། ཉི་མ་འཐུས་ལ་བསོད་བཏགས། ཊཾ་ཁ་རེ་ཕྱག་གཏོད། བསྔོ་རྟེན་གྱི་གོས་ལྷམ་ཉེར་སྤྱད་སྤམས་འབུལ་ལ་ཞོ་རེ་དང་ཊཾ་ཁཱ་ཐོབ་པ་མ་ངེས་པ་བྱུང་སྣང་། དགེ་འདུན་གྱི་སྡེ་རྣམས་རྒྱ་མཚོ་ཆེན་པོའི་སྲོག་ཆགས་ལྟ་བུར་སྣང་

― JLAZ014_Page_0369 ―

^{[མ་དཔེ་གཟིགས་ན་འདིར་གནོན།]}

[Full Size]

བས་དགོན་པར་ཡང་མང་ཇའི་འབྲེལ་པ་ཞིག་ཞུས། སྐབས་ཤིག་ཉན་ཐོས་དགྲ་བཅོམ་པའི་ངང་ཚུལ་ཞི་བ་དང་དུལ་བའི་རྣམ་པ་ཅན་ཞིག་གིས་བཤེས་སྤྲིང་གི་ཚིག་དོན་ལ་འགྲེལ་པ་མཛད་པ་ཡིད་ལ་ཤིན་ཏུ་གཅགས་པ་ཞིག་བྱུང་བ་དཔལ་མགོན་ཆེན་པོ་ཀླུ་སྒྲུབ་ཞབས་ཀྱི་བྱིན་རླབས་སུ་ཤེས། །དེང་སང་འདི་ན་བསྟན་པ་ལ་རིམ་བཞིན་འཇུག་པར་འདོད་པ་དག་ལ། གློ་བུར་ཞིག་གིས་ཕན་བཏགས་ན། ཞེས་པ་ལྟར་ཞལ་གྱི་སྐུ་ལུས་མ་བསྒྱུར་བའི་ངོས་ནས་ཆོས་བྱས་པས་ཆོག་དེས་ཡིད་གཉིས་ལ་འདོགས་པ་མང་བས། ཤེས་ལྡན་ཁ་ཅིག་འདི་ཇི་ལྟར་རུང་ཟེར་བ། བསྟན་པའི་སྒོར་མ་ཞུགས་པ་རང་གིས་འབྱོར་པ་བཅུ་ཚང་བའི་གེགས་བྱེད། སྡོམ་པས་མ་བསྡམས་པའི་དགེ་བ་ཐར་པའི་རྒྱུར་མི་འགྲོ། །རང་གི་བློ་དང་ལས་འཕྲོས་བཏུབ་ཕྱིན། གསང་སྔགས་ཉམས་སུ་ལེན་པ་ལའང་། རྒྱ་གར་མཁས་པའི་བསྟན་བཅོས་ན། །སྡོམ་གསུམ་ཆོ་ག་མི་ལྡན་པར། །སྔགས་པའི་བདག་ཉིད་མི་འབྱུང་སྟེ། །ཞེས་སོ་སོ་ཐར་པ་ནས་བཟུང་རིག་འཛིན་གྱི་སྡོམ་པའི་བར་རིམ་ཅན་ནམ། དབང་དུས་ཅིག་ཅར་དུ་ནོད་པའི་རྟེན་ལ་སྔགས་ཀྱི་དངོས་གྲུབ་ཐོབ་པར་འདོད་པ་དེ་ལམ་མ་ནོར་བ་ཡིན། རྒྱུ་མཚན་

― JLAZ014_Page_0370 ―

^{[མ་དཔེ་གཟིགས་ན་འདིར་གནོན།]}

[Full Size]

དེས་དེང་སང་ལྔ་བརྒྱའི་ཐ་མ་ལ་བསྟན་པའི་སྒོར་འཇུག་པ་དག་ཀྱང་ལ་ལ་ནི་འཇིགས་སྐྱོབས། ཕལ་མོ་ཆེ་ལེགས་སྨོན་ཁོ་ནའི་འདུན་པས་འཇུག་པ་ལས་མེད་པའི་དུས་འདིར། སྡེ་དང་། བཟའ་བཏུང་ལ་དོན་དུ་གཉེར་བ་མེད་པ་དེས་འབྱུང་དང་བཅས་པའི་བློས་རིམ་གྱིས་འཇུག་པའི་ཚུལ་ལ་སློབ་པ་ནི་ཤིན་ཏུ་ཕུན་སུམ་ཚོགས་པའི་ཡན་ལག་ཡིན། ཁམས་གསུམ་བདག་པོ་སྔར་ཡང་ལན་བརྒྱར་བྱས། དུར་སྨིག་རྒྱལ་མཚན་སྒྲེང་བ་ད་རེས་ཙམ། ཞེས་མཁས་པའི་དབང་ཕྱུག་དག་གིས་བཤད། ཕྱིན་ཆད་རང་རྒྱུད་ལ་བསྟན་པ་ཡོངས་སུ་རྫོགས་པའི་ཚེ་གནང་བཀག་གི་མཚམས། རྒྱལ་བ་ཀློང་ཆེན་པ། །ཀུན་མཁྱེན་རོང་ཟོམ། ཟུར་མེས་དབོན་སོགས་ཀྱིས་བཞེན་པ་བཞིན་མངའ་རིས་པཎ་ཆེན་རིན་པོ་ཆེས། དེ་ལྟའི་སྡོམ་གསུམ་གང་ཟག་རྒྱུད་གཅིག་ལ། རང་ལྡོག་མ་འདྲེས་དགག་དགོས་ཡོངས་སུ་རྫོགས། ངོ་བོ་གནས་འགྱུར་ཡོན་ཏན་ཡར་ལྡན་པའི། །གནས་ཀྱིས་མི་འགལ་དུས་སྐབས་གང་གཙོར་དཔྱད། །ཅེས་པའི་རྒྱུ་མཚན་གོ་དགོས་བྱས། སྡེ་པ་ཕ་ལྷ་སྐུ་གཞོན་རང་དང་ལས་འབྲེལ་ཟབ་པས་འདིར་གཙུག་ཕུད་དབྱུང་བར་མཛད། སྐྲ་རྟེན་དུ་དངུལ་གྱི་མཎྜལ་དང་། ཏིང་ལྔ་ཚར་སྲང་བཅོ་བརྒྱད་ཀྱི་

― JLAZ014_Page_0371 ―

^{[མ་དཔེ་གཟིགས་ན་འདིར་གནོན།]}

[Full Size]

བཟོ་རྒྱུ་ལས་བྱས་པ་སོགས་མདོར་ན་སྔ་ཕྱིར་ངེད་རྣམ་པར་དགར་བའི་བྱ་བ་བསྒྲུབ་པ་ལ་མཁོ་ཆེ་བའི་བདོག་བརྒྱ་ཆེར་བསྟར། རྗེས་སུ་འབྲངས་པའི་གྲ་རིགས་ལོ་གསུམ་གྱི་སྒྲུབ་སྐྲ་ཡོད་པ་རྣམས་སྐྲ་འདབ་ཇི་ལྟར་བྱེད་ཀྱི་དོགས་གཅོད་བྱུང་བ། ལྔ་བརྒྱའི་ཐ་མ་ལ་རྟགས་ཙམ་འཛིན་པའང་བསྟན་པ་མི་ནུབ་པའི་རྟེན་འབྲེལ་ལ་ལྟོས་པ་ཡིན་ན། །ཉེས་སྤྱོད་སྡོམ་པ་ནི་སྨོས་ཅི་དགོས་ཏེ། དགེ་འདུན་གྱི་སྒྲིགས་དང་དེའི་ཁྲོད་ན་འདུ་འཚོག་བྱེད་དགོས་པ་རྣམས་སོ་སོ་ཐར་པའི་རྟགས་དང་མ་བྲལ་བ་བལྟས་སྣང་ལ་མཛེས་ཤིང་། དོན་ལ་སྨན་པའི་ངེས་པ་བརྗོད་པ་དེ་ལགས། རྗེ་རྒོད་ཚང་པ་སྣ་ཚོགས་རང་གྲོལ་གྱི་དབོན་སྤྲུལ། རིན་པོ་ཆེ་ཐང་འབྲོག་པདྨ་རིག་འཛིན་དབང་པོས། སྔ་སོར་ཆུ་ཕོ་སྤྲེའུ་ལོ་ནང་ནས་དག་སྣང་བླ་ན་མེད་པགས་གསུང་བྲིས་ཀྱི་སྙིང་པོར། དེང་རྙིང་བསྟན་རི་མོའི་མར་མེ་ལྟ་བུར་གྱུར་པའི་གནས་སྐབས་འདིར། ཀུན་མཁྱེན་ཆོས་ཀྱི་རྒྱལ་པོའི་ལུང་རྟོགས་གདོང་ལྔའི་ཁྲི་ལ་རང་སྟོབས་ཀྱིས་འཇོགས་ནས་ང་འགྱུར་རྡོ་རྗེའི་ཐེག་པ་ལ་བཤད་སྒྲུབ་ཀྱི་བྱ་བ་མཛད་ནུས་པ་ཁྱོད་ཅིག་བྱོན་པ་བཀའ་དྲིན་དུ་ཆེ། ད་དུང་ཡང་ཆོས་རྒྱུན་དཀོན་པ་རྣམས་གསན་དང་། དབུལ་པོ་ཆོས་དོན་གཉེར་བ་རྣམས་འབུལ་བ་ལ་མ་

― JLAZ014_Page_0372 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟོས་པར་རྗེས་སུ་བཟུང་། རྒན་པོའང་ཚོད་དྲུག་ཅུར་ཐལ་བ་གདམས་པའི་སྙིང་པོས་རྗེས་སུ་གཟུང་བའི་ཕྱིར་ངོས་མཇལ་གྱི་སྨིན་པ་ཐུགས་ལ་གཅགས་པ་ཞིག་ཁ་ཞེ་མ་ཡིན་བར་གསོལ་བ་འདེབས་པ་ཡིན་སོགས་ཀྱིས་མཚོན་ཕྱག་བྲིས་ཡང་ནས་ཡང་སུ་སྩལ་བས་དོན་ཚན་གཉིས་པོ་ཡིད་ལ་ཤིན་ཏུ་འཐད་པའང་བྱུང་། མེ་ཁམས་འཁོར་ལོའི་སྣ་ཅན་གྱི་ཟླ་བའི་ཕུང་པོ་ལ་དངོས་ཅག་དཔལ་ཆེན་ཆུ་བོ་རིར་དོང་བའི་ཚེ། ལྷ་སར་ཕེབས་ཞོར་ནས་འདིར་ཆེད་ཀྱིས་གཏད་འདུག་ཀྱང་རྟེན་འབྲེལ་ཅན་དུ་ལུས་བ་ནི་སངས་རྒྱས་ཀྱི་ཐུགས་རྗེས་བསྐུལ་བའི་ཚུལ། རྒྱལ་པོ་ཛ་ཞེས་བྱ་བ་དག་ཆོས་ལ་ལས་འཕྲོ་ཡོད་གཟིགས་ནས། ཞེས་པའི་སྟ་གོན་དུ་སྣང་། ཕྱི་ལོ་འོའ་དགར་བཀའ་འགྱུར་ལྗགས་ལུང་གི་ཆོས་འཁོར་ལ་ཐེགས་ལན་ནས་བཀྱོགས་ཏེ་ཆེད་དུ་ཕེབས་པ་དང་མཇལ། བླ་མ་དམ་པ་ནི་མ་འདྲིས་པའི་མཛའ་བཤེས་གཉིད་དུ་འདུག །གསུང་གིས་བསྐུལ་བ་བཞིན་རྫོགས་པོ་ཆེན་པོ་ཀློང་ཆེན་སྙིང་ཏིག་གི་བཀའ་གཏད་བྱིན་བརླབས་ཀྱི་ཚུལ་དུ་ཕུལ། ཡར་ལམ་ཅིས་ཀྱང་ཕེབས་པའི་དགོངས་གཏད་འདུག་ལ། ཁོ་བོ་ཅག་གི་བསོད་ནམས་དང་སྨོན་པའི་དབང་གིས། རེ་ཞིག་ཆོས་མཚམས་འཇོགས་དགོས་པའི་སྟེས་དབང་ལས། ཇི་སྐད་དུ་མདོ་དགོངས་འདུས་ཀྱི་ལེའུ་བཞི་

― JLAZ014_Page_0373 ―

^{[མ་དཔེ་གཟིགས་ན་འདིར་གནོན།]}

[Full Size]

པར་དྲག་ཤུལ་ཅན་ཞེས་བྱ་བའི་རི། དགོན་པ་ཆེན་པོའི་གནས་དེ་ནི། །ཡི་ཤེས་སྙིང་པོ་ཅན་རྣམས་ཀྱི། །ཐེག་ཆེན་གསང་བ་འབྱུང་བའི་གནས། །ཐོག་མཐ་མའི་དུས་མེད་པར། །དམ་པ་རྣམས་ཀྱི་བསྔགས་པ་ཡིན། །ཞེས་ཕྱོགས་བཅུ་དུས་བཞིའི་རྒྱལ་བ་རྣམས་ཀྱིས་གསང་སྔགས་ཀྱི་ཆོས་འཁོར་བསྐོར་བའི་རྡོ་རྗེའི་གནས་ཆེན་པོ། སྐལ་བའི་ཆོས་ཅན་གྱིས་འཇིག་པར་མི་ནུས་པའི་རང་བཞིན་ནི་བདེ་མཆོག་རྡོ་རྗེའི་མདོ་འགྲེལ་ལས། རྩེན་རྩལ་གྱི་རྒྱལ་པོ་གནས། །ངོས་ལ་བྲག་དཀར་ཁྱི་ཚུགས་པ། སེང་གེ་གནམ་དུ་འཕྱོང་འདྲས་རྒྱན། །རྩི་སྨན་རྩ་བརྒྱད་ཚང་བར་འཁྲུངས། །འདུ་བའི་ནད་ཀྱིས་ཡོངས་མི་ཚུགས། །སྤྱི་བོར་ཀ་ལན་རྟ་ཀ་ནི། །མི་གཉིས་གཅིག་པུར་གནས་པའི་སྒྲ། །མཛོད་ལྡན་དེ་ཡིས་ཚང་བཅས་ཤིང་། །སྐལ་ལྡན་རྣམས་ཀྱིས་བགྲོད་བར་སླ། །སྐལ་མེད་རྣམས་ནི་ཡོངས་མི་ཐར། །ཞེས་རི་བོ་མ་ལ་ཡ་གནམ་ལྕགས་འབར་བའི་རྩེ་མོར་གསང་བའི་བདག་པོས་ཡོག་གསུམ་གྱི་ཆོས་ཆར་དབབ་གང་། སྐལ་བ་ཆེན་པོའི་ལྕགས་ཀྱུས་འགུགས་པར་ནུས་པའི་སྒྲ་ལས་རྒྱལ་པོ་ཛ་ཞེས་སམ། ཨིནྡྲ་བྷོ་དྷི་ལས་བརྒྱུད་པའི་ཆོས་འཁོར་ཆེན་པོ། མདོ་སྔགས་ཀྱི་ལམ་མ་ལུས་ཤིང་ལུས་པ་མེད་པ་རྡོ་རྗེའི་འགྲོས་ཀྱི་

― JLAZ014_Page_0374 ―

^{[མ་དཔེ་གཟིགས་ན་འདིར་གནོན།]}

[Full Size]

གཞུང་ལམ་གཅིག་ཏུ་ཚང་བར་སྟོན་བ་འོག་མིན་ཚོགས་ཆེན་འདུས་པའི་པོ་ཏི་གླེགས་བམ་གྱི་ཆོས་སྔོན་བྱུང་གི་ལོ་རྒྱུས་དང་རྗེས་སུ་མཐུན་བར་འཆི་མེད་ཀྱི་རི་བོའི་སྤོ་ལས་འཛིན་བབས་པའི་རྟེན་འབྲེལ་རང་བྱུང་དུ་འགྲིག་ཅིང་། གསང་སྔགས་སྟོན་པའི་སློབ་དཔོན་ནི་དཀྱིལ་འཁོར་གྱི་བདག་པོ་དང་གཉིས་སུ་མ་ཡིན་བའི་རང་བཞིན་དུ་ངེས་པས། གསང་བའི་བདག་པོ་དགེ་བའི་བཤེས་གཉེན་གྱི་རྣམ་པར་བཞེངས་པ་བདག་ཉིད་ཀྱི་འདུན་སར་ཞལ་མངོན་སུམ་པར་བསྟན་པར་གྱུར་ཏོ། །དེ་ལྟར་གྱུར་ནས་ཆོ་འཕྲུལ་ཟླ་བའི་ཆོས་འཁོར་ཆེན་པོའི་དུས་ཆེན་ཀྱང་དུས་ཀྱི་རྒྱལ་མོས་ལྷགས་སུ་བཅུག་པ་ལྟ་བུའི་ཐད་ཀར་འདུས་བ་མོདའི་དཀྱིལ་འཁོར་སྒོ་སྦྲག་བཅུ་གཅིག་གམ་དགུའི་ངེས་འབྱེད་ཅན་དུ་དབང་མོ་ཆེའི་བདུད་རྩི་ལེགས་པར་ནོད་བ་ནི། རྒྱལ་བོ་ཉིད་ཀྱིས་མཛད་བའི་མི་གཅོད་ལས། དེ་ཚེ་ཨིནྡྲ་བྷོ་དྷི་ངས། །ཐུགས་ཀྱི་བསྒྲུབ་བ་མངོན་རྟོགས་ཏེ། །དེ་ཉིད་སྒོ་ནས་དེ་ཉིད་བསྒྲུབས། །སྨོན་པའི་ལྷ་དང་དེ་རུ་མཇལ། །འདོད་པའི་བསམ་པ་དེ་རུ་འགྲུབ། །དོན་དམ་བཅུད་ཀྱང་དེ་ནས་རྒྱས། །ཞེས་པའི་རྗེས་སུ་སོང་བ་ཡིན། །རྗེས་འབྲེལ་དུ། དཔའ་བོའི་སྐྱེས་རབས་སོ་བཞི་པའི་ཁར་སྐོང་རྗེ་རང་བྱུང་རྡོ་རྗེས་མཛད་པའི་སྐྱེས་རབས་བརྒྱ་པ་དང་འདྲ་འབག་ཆེན་མོ།

― JLAZ014_Page_0375 ―

^{[མ་དཔེ་གཟིགས་ན་འདིར་གནོན།]}

[Full Size]

པཎ་ཆེན་རིན་པོ་ཆེའི་སྡོམ་གསུམ་རྣམ་ངེས། བྱང་བའི་ཀརྨ་གུ་རུ། ལྔ་པའི་རྒྱ་ཅན་དང་། གསུང་འབུམ་ནང་མ། རྒོད་ཚང་སྣ་ཚོགས་པའི་གསུང་འབུམ། དཀར་ཆག་ནང་བཞིན་རྒྱུད་འབུམ་རིན་པོ་ཆེའི་བཀའ་གཏད་སོགས་ཆོས་རྩ་བ་ཆེན་པོ་མང་དུ་ཐོས་པས་བཀའ་དྲིན་ཆེན་པོར་གྱུར་བ་ཡིན། གླང་སྟག་གི་ལོ་འདི་ཚོར་བཟོ་གནས་སྤྲུལ་པའི་རྡོ་རྗེ་དྷརྨཱ་ཀི་རྟིས་དད་བ་དང་ཀུན་ཏུ་དོན་ཡོད་པའི་བམས་བས་ཀུན་ནས་བསླངས་ཏེ། དཔལ་ཨོ་རྒྱན་ཆོས་ཀྱི་རྒྱལ་པོའི་སྐྱེས་རབས་རྣམ་ཐར་ཤེལ་བྲག་མའི་ཞིང་བཀོད་ཐང་ཆེན་རྣམས་ལག་བསྟར་མ་བྱས་ཏེ་བྲིས་པས་དངོས་ཤིན་ཏུ་གཙང་བར་གྲུབ། རུས་ཚུགས་དང་རྣམ་འགྱུར་ཀྱི་ཁོ་ལག་མ་ལུས་པ་སྨན་ཐང་པ་དང་། ཆོས་དབྱིངས་པའི་རྗེས་སུ་ཡིད་ཕྱོགས་པར་གྱུར། གོང་ཤམ་ཧོར་གོས་ཅན་རྒྱན་བཞི་དང་། གཙོ་བོའི་མཐོངས་དིང་པོན། བྱིངས་རྣམས་ཧོར་གོས་འཁྱིལ་སྣ་མ་རིན་ཐང་བྲལ་བ་བཅས་སྐུ་ཐང་འདིར་དངུལ་སྲང་ཉིས་བརྒྱའི་རྩ་བ་མ་སྨད་པར་ཡོད་པའི་བྱིངས་ཚོའི་ཞབས་འདེགས་རྗེ་དྲུང་རྡོ་རྗེ་སྙིང་བོས་མཛད་པ་ཡིན། སྔོན་གྱི་ཚེ་ལྷ་བཙན་པོ་ཁྲི་སྲོང་ལྡེའུ་བཙན་གྱིས་བླ་ན་མེད་པའི་ཐུགས་བསྐྱེད་སྒྲུང་པོས་མཚམས་སྦྱར། སྤྲུལ་པའི་ལོ་པཎ་ཆེན་པོ་སྤྱི་དང་། བྱེ་བྲག་འཇིག་

― JLAZ014_Page_0376 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་མིག་གཅིག་བིམ་དང་བཻ་རོའི་ཞབས། རྨ་གཉགས་ལ་སོགས་པས་ལེགས་པར་བསྒྱུར་བའི་སྔ་འགྱུར་གྱི་རྒྱུད་སྡེ་རྒྱ་མཚོ་ལྟ་བུ་རྣམས། ནག་པོའི་རྩ་ལག་གི་ནུས་པ་དང་། སེམས་ཅན་གྱི་བསོད་ནམས་དང་སྐལ་བའི་དབང་གིས་མཁས་སུ་རློམ་པའི་རྟོག་དཔྱོད་ཅན་དག་ཀྱང་། མདོ་ལས། འཇམ་དཔལ་གང་དེ་བཞིན་གཤེགས་པས་གསང་བའི་བཀའ་ལ་ལ་ནི་བཟང་བར་འདུ་ཤེས། ལ་ལ་ནི་ངན་པར་འདུ་ཤེས་པ་ནི་ཆོས་སྤོང་བའོ། །ཞེས་པ་ལ་ཅི་ཡང་མི་སེམས་པར། ལ་ལ་ནི་ཆོས་ཉི་རྣམ་གྲངས་རླབས་པོ་ཆེའི་གནས་ལ་ལེགས་པར་མཐོང་བའི་བློ་མིག་ཞན་པས་སྐྲག །ལ་ལ་ནི་སློང་གིས་རྒྱུད་འབུམ་རིན་པོ་ཆེ་བཀའ་འགྱུར་གྱི་ཁྱད་པར་ཅུང་ཟད་ཀྱི་ཐ་སྙད་ལ་རྟོག་ཅིང་དོན་གྱི་དབྱིངས་ལ་ཅང་མི་སེམས་པས་སྡངས་། ལ་ལ་ནི་ཉོན་མོངས་པའི་རྣམ་པར་རྟོག་པ་ཆོས་སུ་སྒྲོགས་པས་རྒྱལ་བའི་རྡོ་རྗེ་འཆང་གི་བཀའ་ལས་ལོགས་སུ་གྱུར་པའོ་ཞེས། དྲན་པ་ཉེ་བར་མ་བཞག་པའི་ཀུན་སློང་གིས་རྒྱུད་འབུམ་རིན་པོ་ཆེ་བཀའ་འགྱུར་དོ་འཚལ་གྱི་དབུས་ན་བཞུགས་སུ་མ་འཚལ། བཟུགས་པར་མི་འགྱུར་བའི་གྲངས་པ་ངན་པས་དབྱེན་བཅོས་ནས་རྒྱལ་བའི་ཕྲིན་ལས་ཆུད་གསན་པ་དེ་བློ་ལ་གདུང་བའི་ཁུར་དུ་ནི་ལྕི། འདི་སྐོར་ལ་དཔེ་རྒྱུན་ཡང་དཀོན་པར་གྱུར་པ་སྙིང་ཐག་པ་ནས་མ་བཟོད་པར་རང་ཉིད་ཀྱི་ལུས་

― JLAZ014_Page_0377 ―

^{[མ་དཔེ་གཟིགས་ན་འདིར་གནོན།]}

[Full Size]

སྲོག་དབང་ཐང་དང་བཅས་པའང་ཐེད་ལ་བོར་ཏེ་རྒྱུད་རིན་པ་གསར་དུ་བཞེངས་པའི་སྟ་གོན་མགོ་བ་ན། དཀོན་མཆོག་གསུམ་མཆོག་ཡིན་པའི་བདེན་པས། བསྟན་པའི་སྦྱིན་བདག་ཆེན་པོ་དང་། སློབ་མར་གྱུར་བའི་ཆོ་གས་ཀྱང་ཞབས་འདེགས་བསྒྲུབ་པ་ལ་སྤྲོ་བ་བཏེག་བར་གྱུར་ཏེ། སྐྱེས་བུ་ཆེན་པོ་ལེགས་སོ་ལེགས་སོ། །དེ་དེ་བཞིན་ནོ། །དེ་དེ་བཞིན་ཏེ། ཞེས་རང་རང་གི་འབྱོར་སྟོབས་དང་བསྟུན་པའི་མེ་ཏོག་འཐོར་བ་ལ་དང་བ་སྟོན་ཏོ། །དེའི་ཚེ་རྣལ་འབྱོར་གྱི་དབང་ཕྱུག་འཇིགས་མེད་གླིང་པ་ནི། རྒྱུད་ལས། འཇིགས་པ་ཐམས་ཅད་སྤངས་ནས་སུ། །དོགས་པ་མེད་པའི་སེམས་ཀྱི་ནི། །སྔགས་པས་སེང་གེ་བཞིན་དུ་སྤྱོད། །འདི་ལ་མི་བྱ་ཅི་ཡང་མེད། དེ་བཞིན་མི་ཟའང་ཡོད་མ་ཡིན། །སྨྲ་བར་མི་བྱ་ཅུང་ཟད་མེད། །རྟག་ཏུ་བསམ་ཅི་ཡང་མེད། །མཉམ་པར་མ་བཞག་སྦྱོར་བ་ཡི། །རྟག་པ་ཉིད་དུ་མཉམ་པར་འཇོག །ཅེས་གསུངས་པ་ལྟར། བདུད་དང་བདུད་ཀྱི་རིགས་ཀྱི་བར་ཅད་དང་། ཀླན་ཀའི་ཚོགས། ཐེ་ཚོམ་གྱི་གནས་གང་ཡིན་པ་ལ་འཁུ་འཕྲིག་གི་བློ་སྐད་ཅིག་མ་དང་པོར་ཤར་ཀྱང་། གཉིས་པར་ཡལ་བས་བཅོས་སུ་མེད། སེམས་ཅན་ཕ་མར་ཤེས་ཀྱང་སྙིང་རྗེ་ཆེན་པོའི་བློས་ཤ་ཁྲག་ལ་ཚོགས་

― JLAZ014_Page_0378 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་འཁོར་ལོར་སྤྱོད། །སེམས་ཅན་བསླུ་བ་སྤངས་ནས་ནི། །བྱ་བ་མ་ཡིན་ཐམས་ཅད་སྤྱད། །ཅེས་པ་ལྟར། སྣང་བ་འདི་བུ་ཆུང་ལྟ་བུར་སོང་བས་བྱིས་པའི་གྲོགས་ཀྱི་དབུས་སུ་མདའ་རྩེད་ཀྱང་ཐལ། སྡིག་བ་རླབས་པོ་ཆེ་སྤྱོད་པ་མཐོང་ན་ཡོན་གནས་དང་། སྦྱིན་བདག་ཡིན་ཀྱང་ཞེ་ཁྲེལ་འདེབས། གྱ་གྱུ་དང་བཅས་པའི་སློབ་མ་སྐལ་བ་ངན་པའི་མཚངའདྲུ་བའི་ཚེ་སྨྲ་བར་མི་བྱ་བ་ནི་གང་ཡང་མེད། སྤྱོད་ལམ་རྣམ་པ་བཞི་གང་ལའང་ཆོས་ཉིད་ཀྱི་རྩི་དང་མ་བྲལ་ཙམ་ལག་དེང་འཆའ་བས། བསྟན་པ་དང་སེམས་ཅན་ལ་ཕན་ཐོགས་ན་མི་འགྲུབ་ཚད་ཚད་ཀྱི་བྱ་བྱ་བརྩམ་པ་ལའང་ཐེ་ཚོམ་མེད་པས་ལྕགས་མོ་ཡོས་ཀྱི་ལོའི་སོ་ཀ་ནས་ཕྱི་ལོའི་དབྱར་གྱི་བར་རྒྱུད་འབུམ་རིན་པོ་ཆེ་བཞེངས་པའི་བྱ་བ་མང་པོས་བྲེལ་བར་གྱུར་ཏོ། །དེ་ལ་འཇིག་རྟེན་གྱི་སྐྱེ་བོ་ཕལ་མོ་ཆེ་ནི་རྒྱུད་འབུམ་ཡོངས་སུ་རྫོགས་པ་ལས་རྣམ་མཐར་ཤེལ་བྲག་ངོ་མཚར་ཆེ་ལ། རྒྱུ་འགྲོ་བ་ཙམ་དུ་བྱེད་མོད། བསོད་ནམས་གསོག་པ་ལ་ཁྱད་པ་མེད་ཀྱང་། བསྟན་པའི་རྩ་ལག་ཏུ་གྱུར་པ་ནི་དམ་པའི་ཆོས་ཁོ་ན་ཡིན་ནོ། །བྱ་དཀའ་བའི་ཆ་ནས་མངའ་རིས་ལ་དཔའ་བ་རྣམས་ནི་ཁྲལ་དང་འུ་ལག་བཞག་པའང་དཀར་པོའི་ལས་ལ་ཉེས་པའི་ཕུང་པོས་འཚོ་ལ། དངོས་ཅག་རྣམས་

― JLAZ014_Page_0379 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་ཤོག་ལས་ཀྱང་རང་ཉམས་སུ་བསྟར། སྐྱོ་སུན་གྱི་རྣམ་པ་དང་དུ་བླངས་ཚེ་སྙིང་གར་ཐང་སྟོང་རྒྱལ་པོའི་སྲས་ཀྱི་ཕྱག་རྟགས་བཞག་གོ་ཟེར་བའི་ཕྱག་རྗེས་སུ་ལྷམ་ལེར་གསལ་བ་ཞིག་རྨིས། རྒྱུ་འགྲོའི་ཆ་ནས་བྲི་བའི་གླ་ཐོབ་ཉིད་ལའང་དངུལ་སྲང་བརྒྱ་དང་སུམ་ཅུ་མ་མཐར་བསྟན་པས་གཞན་རྣམས་ཤེས་པར་འགྱུར་རོ། །དེ་ལྟར་བརྩམས་པ་མཐར་ཕྱིན་བའི་རྟོགས་པ་བརྗོད་པའི་ཁོངས་སུ་དད་པ་དང་བསོད་ནམས་ལ་འདུན་པས་ཞལ་འདེབས་ཀྱི་རྣམ་པ་ཇི་ལྟར་ཕུལ་བའང་འགོད་པ་ཉིད་དོ། །སྔོན་རྒྱ་གར་ནས་སྟན་པ་དར་བའི་སྐབས། དམ་ཆོས་དང་འདུལ་བའི་གླེང་འབུམ་ན། གོས་ཕྱག་དར་ཁྲོད་བ་ཞེས་ཡོངས་སུ་གྲགས། བོད་གངས་ཅན་གྱི་དགེ་བཤེས་རིན་ཐང་ཅན། །ཤམ་ཐབས་ལ་དངུལ་སྲང་བཅོ་བརྒྱད་ཙམ། །དེ་མ་འགྲིག་ཚོང་དང་ཁེ་སྤོགས་བྱུང་། །བདག་དེས་ཀྱང་ཨང་རག་ལ་སེམས་པ་ཤོར། །ཚོགས་གྲལ་དུ་འདུག་ན་སྟོན་འགག་འགྲན། །སྟོན་འགག་བཟང་ཤོས་ལ་རྟ་རྨིག་རེ། །ཧོར་གོས་ལ་རིན་ཐང་མེད་པས་ལན། །བདག་དེས་ཀྱང་སྒོམ་ཐག་ལ་སེམས་པར་ཤོར། །ཐེར་ཕྲུག་གི་རྩོལ་བསྒྲུབ་ལྟ་ཅི་སྨོས། །མཐའ་མུག་མ་ཡན་ཆད་ཀྱི་གནོད་པ་སྡང་། །བདག་དེས་ཀྱང་རས་གོས་ལ་བློ་

― JLAZ014_Page_0380 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཤོར། །གྲ་ས་དང་སྐྱ་ཚེ་ཟུང་དུ་སྦྲེལ། །ཕན་ཚུན་སྐྱོང་བྲན་གྱི་འཛིན་ཐག་ཅན། །བསམ་སྦྱོར་ཡང་དུ་མ་རོ་གཅིག་ལ། །མགོན་ཤཱཀྱའི་རྒྱལ་པོ་ཁྲེལ་དོགས་ནས། །ངས་དྲིན་ཅན་གྱི་ཕ་མའང་ཅི་བདེར་བཞག །ཁར་རྗེ་དང་དབང་ཐང་ཅི་འཚལ་བ། །རྒྱུད་འབུམ་གྱི་ཕྱོགས་སུ་སྤོང་དག་སྨོན། །དུས་ད་ལོ་སང་ཕོད་ཙམ་སྒྱུ་མའི་ལུས། །མི་འཇིག་པའི་ངེས་པ་མ་རྙེད་སྙམ། །བྱ་བྲལ་གྱི་གཤིས་ཚུལ་གྱི་ནའི་ངང་། །གཅོད་ཡུལ་བརྟུལ་ཞུགས་ཀྱི་སྤྱོད་པར་ཕྱིན། །གནས་ཡར་ཀླུངས་ཤེལ་གྱི་བྲག་ཕུག་གི། །ཕྱག་འཚལ་ལ་ཁར་འབྱོར་ཙམ་ནས། །སྣང་བ་འདི་རང་དབང་མེད་པར་འགྱུར། །དཔལ་ཨོ་རྒྱན་ཆོས་ཀྱི་རྒྱལ་པོ་ལ། །མོས་གུས་ཀྱི་གདུང་བ་བླ་ལྷག་འབར། །གསོལ་འདེབས་དང་སྨོན་པ་དྲག་པོ་བྱས། །དབང་བཞི་ཡང་མཉམ་པ་ཉིད་དུ་ཐོབ། །ལར་སྣང་བ་འགྱུར་བའི་དད་པ་ལ། །བྱིན་རླབས་ཀྱི་ཕ་ཕོགས་ངེས་པར་ཡོད། །སྣང་བ་འགྱུར་བའི་སྙིང་རྗེ་ལའང་། །བསོད་ནམས་ཚད་དུ་སུ་ཡིས་བགྲང་། །དེ་རྡོ་རྗེའི་ལམ་གྱི་གནད་ཅིག་ཡིན། །ཞིང་སྐྱོང་གི་མ་མོ་གནས་བཅས་ཤིང་། །བསིལ་ཚལ་དང་མཉམ་པའི་དུར་ཁྲོད་དུ། །སྔོན་འདྲིས་ཤིང་བཤེས་པའི་ནེ་གུའི་ལུས། །

― JLAZ014_Page_0381 ―

^{[མ་དཔེ་གཟིགས་ན་འདིར་གནོན།]}

[Full Size]

རུས་པའི་དུམ་བུ་སྐྱ་ཁྲོལ་ལེ། །ཁྲག་དང་ཆུ་སེར་རློན་ཙི་ཏེ། །དབང་མེད་དུ་ཕ་རོལ་སོང་མ་ཐག །དེ་མཐོང་བས་སྐྱོ་ཤས་ཀྱི་དྲུག་རོ་ལངས། རང་གཞན་གྱི་རྟག་འཛིན་ལ་ཞེ་ཁྲེལ་སྐྱེས། །སྤྱིར་སེམས་ཅན་ཀུན་ལ་སྙིང་རྗེའི་བློ། །སྒོས་ན་གཞོན་དུ་ཐལ་བས་ལྷག་པར་ཡང་། །བཟོད་མེད་ཀྱི་སྙིང་རྗེའི་ཆུ་ཀླུངས་འཁྲུགས། །གཟུངས་སྔགས་ཀྱིས་བཏབ་ནས་སྨོན་པས་སྦྱངས། །སང་ནང་པར་ས་ལ་སྤྱོད་པའི་ཞིང་། རི་ཟངས་མདོག་དཔལ་རི་གཉིས་པ་དེར། །ཚོགས་ཀྱི་འཁོར་ལོ་བརྒྱ་རྩ་བསྐོར། །དོན་གཉིས་ལྷུན་གྲུབ་ཀྱི་སྨོན་མཚམས་སྦྱར། །མེ་མཆོད་ཀྱིས་མཁའ་འགྲོ་མཉེས་བྱས་པ། །དུས་མར་ངོའི་ཆོས་བཅུའི་རྨི་ལམ་ན། །ལྷ་རྫོང་བཙན་རྡོ་རྗེ་དགྲ་འཇོམས་དེ། །ནང་དགེ་བསྙེན་དུ་སྤྲུལ་བའི་ཆ་བྱད་ཅན། །སླར་བཙན་པོའི་རྣམ་བར་བསྒྱུར་བྱས་ནས། །བཟའ་བཏུང་དང་འབུལ་བའི་རྣམ་པ་བྱས། །དེའི་གྲོག་ཏུ་མཛེས་མ་ཞིག་ན་རེ། །ཁྱེད་དང་ཁོ་མོ་ཙ་ན་དྲ་དཔལ། །སྨོན་ལམ་གཅིག་པ་མཁྱེན་ལགས་སམ། །ལུས་ནི་ཟ་ཞིང་འཕྲུག་པའི་ནད། །གྲིབ་ལས་བྱུང་བ་ཡིན་ནོ་སྐད། །འཇིག་རྟེན་ལོག་ལྟ་ཐེ་ཚོམ་ཆེ། །རྟེན་འབྲེལ་

― JLAZ014_Page_0382 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱི་ནང་གསང་བའི་ཆོས། །འགྲིག་ལ་ཉེས་འགལ་མང་མོད་ཀྱང་། །ཉམ་ང་མེད་པར་ཚེ་སྲིད་པའི། །ཐབས་ལ་དབང་པ་ཞུ་ཞེས་ཟེར། །དེ་ཙམ་ལ་ཀུན་རྫོབ་ཀྱི་གསལ་སྣང་ཞུས། །སྟོང་ཚོགས་དང་བརྒྱ་མཆོད་སྨིན་པར་བྱས། །དཔལ་བསིལ་བའི་ཚལ་དང་མཉམ་པ་ཡི། །དུར་ཁྲོད་དུ་བརྟུལ་ཞུགས་རོལ་བའི་བྲོས། །སྣང་བའི་རྫུན་ཕུགས་ཆམ་ལ་ཕན། །མཚན་མོའི་ཐུན་གྱི་ཆ་གསུམ་ལ། །ལུས་སྦྱིན་ཡང་ཤ་ཁྱེར་ཁྲག་ཁྱེར་བཏང་། །ཚར་ལྷོངས་ཀྱི་རྟེན་འབྲེལ་མ་ལུས་པ། །དབུ་མར་རླུང་ཞུགས་ཀྱི་འོད་གསལ་དང་། །འགྲིག་མ་འགྲིག་གི་རྩིས་གདབ་བྱ་མ་དགོས། །རིག་འཛིན་གྱི་གཏེར་སྟོན་རཏྣ་པའི། གདན་ས་ཆོས་ལུང་གོང་འོག་ལ། །གཅོང་རོང་གི་ཕྲང་ལ་བཤར་ནས་ཕྱིན། །ཁང་ཧྲུལ་ནི་སྒྱུ་མའི་ལུས་ཀྱི་དཔེ། །རྟེན་གསུམ་ནི་བསགས་པའི་ནོར་དང་འདྲ། །རྨི་ལམ་གྱི་ནང་ནས་རྨི་བོད་འཕྲོར། །སྐད་ཅིག་ལ་སད་པའི་གནས་སྐབས་བཞིན། །རང་གཞན་གྱི་རྟེན་དང་བརྟེན་པ་དང་། །འཁྲུལ་སྣང་དུ་སྟོན་པའི་སློབ་དཔོན་ལགས། །ད་ནི་དགེ་སྦྱོར་ལ་འབད་པ་ཞུ། །ཆུ་མིག་དགོན་གསར་པས་བསྙེན་ཅིང་བཀུར། །རཏྣ་པའི་ཕྱག་བཟོར་གྲགས་པ་ཡི། །དཔལ་མགོན་མ་ནིང་ལ་ཁྲུས་གསོལ་ཚེ། མར་མེ་ལ་ཐེགས་མ་འཐོར་

― JLAZ014_Page_0383 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་སྒྲར། །འབར་རང་ཞེས་པའི་སྒྲ་ཞིག་སྣང་། །མཉལ་གྱི་ཁུར་པོ་ཅི་མཆིས་པ། །ཁྱིམ་བདག་གིས་དད་པས་དབུགས་འབྱིན་བྱས། །རི་ཡུ་མོ་བྲག་གི་དབེན་གནས་སུ། །བསྙེན་བཀུར་གྱི་དད་པ་ཚོགས་སུ་བསྟབས། རགས་རྩིབས་སུ་གྲུབ་བརྒྱའི་བྲིས་སྐུ་བལྟས། །ཕྱི་ནང་ལ་འབྲུ་ཡི་མེ་ཏོག་གཏོར། །དཀོན་མཆོག་ནི་ཐུགས་རྗེ་ཚད་མེད་པས། །དད་ཅན་གྱི་སྐྱ་སེར་ལས་བྱུང་བའི་རྫས། །ཅི་མཆིས་དེ་མཆོད་པའི་དངོས་པོར་སྒྲིགས། །གཡོ་རུའི་ཁྲ་འབྲུག་ལ་སྲི་ཞུ་བྱས། །འདོད་བྲལ་གྱི་སྨོན་པ་རྒྱ་ཆེན་བཏབ། །དགོན་ཐང་གི་སྐུ་འབུམ་མདུན་དུ་ཉལ། །གྲ་རྒན་ཡང་བཟའ་བཅས་ཚིམ་བར་བགྱིས། །ཆོམ་རྐུན་གྱིས་མཆོད་རྫས་ཁྱེར་བའི་ཚབ། །གྲ་སྒྲིག་གི་སྡུག་སྐད་འདོན་པ་དེར། །མཆོད་ཀློང་གི་འབུལ་བས་དབུགས་འབྱིན་བྱས། །ཕྱུག་པོའི་མཇལ་ཞུ་ངང་མ་བསྲིངས། །ནམ་སེང་ཆས་ནས་འོངས་པའི་ལམ། །ལས་འབྲེལ་ལ་མྱོང་གྲོལ་ཕྱི་འབྲེལ་པ་བྱིན། །རང་གནས་སུ་བདེ་བར་ཕྱིན་པའོ། །ཀོང་སྨད་སྡེ་པ་རྒྱ་ལ་བརྒྱལ་ཁབ་ཀྱི་རུམ་ནས་ཆོས་བྲོས་ལ་བྱོན་པ་རྗེས་སུ་བཟུང་ནས་ཟླ་བོར་ཡོད། བློ་གྲོས་ཀྱི་སྒོ་ཡངས་པས་རྒྱུད་འབུམ་གྱི་ཤོག་ལས་དང་དོད་མ་སོགས་ལ་ཁུར་བ་ཞེས་ཆེ་བ་བྱུང་། དགུན་

― JLAZ014_Page_0384 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་པའི་སྐུ་མཆོག་གི་དབུས་གྲ་ཚང་པ་བཅོ་ལྔ་སྐོར་དང་། གྲུབ་པའི་ཁྱུ་མཆོག་རྡོ་རྗེ་རྣལ་འབྱོར། །ཕ་ལྷ་རྗེ་དྲུང་རྡོ་རྗེ་སྙིང་པོ། གཉུག་མར་གནས་པའི་ཚོགས་དང་བཅས་པར་བདེ་གཤེགས་འདུས་པའི་ཆོས་འཁོར་ཆེན་པོ་དང་། གྲོལ་ཐིག་རིག་འཛིན་གྱི་རྩ་དབང་ཆེན་མོ་བསྐུར། དབང་དོན་དེ་ཉིད་གསལ་བའི་བདག་འཇུག་དཔོན་སློབ་ཚད་མས་ལན་ལྔ་ཙམ་བླངས་ཏེ། ཆོ་ག་ཕྱག་ལེན་གྱེར་དབྱངས་དང་བཅས་པ་ལ་དག་ཐེར་འགྲིས་གོམས་མིག་ལྟོས་ལ་ཕན་པ་ཚང་མས་དང་དུ་ལེན་པར་མཛད། རང་ལོ་ཞེ་གསུམ་པའི་ཚེ་ཕྲེང་ལ་དམིགས་ཆུ་བོ་རི་བླ་བྲང་ནས་རིང་འཚོའི་རྟེན་འབྱུང་དང་། གསུང་རྩོམ་ཚིགས་བཅད་བཅད་གནང་བ་སྤྲུལ་སྐུ་རིན་པོ་ཆེ་གྲ་བཅས་ཀྱི་གསུངས། རིང་མིན་གངས་རིའི་ཁྲོད་འདིར་ཁུ་བྱུང་བགྲོད་པ་དང་པོར་བརྩམ་དུ་ཉེ་བ་ན་བཟོ་གནས་རིག་འབྱུང་གི་ཡུལ་གྲུ་ནས་རྒྱུད་འབུམ་བཞེང་པའི་བྲིས་པ་རྣམས་སླེབས། བཤུལ་རིངས་ཀྱི་མགྲོན་པོ་ཐོ་མདོག་བཟང་ངམ། བསྐྱོད་པ་ཡང་དམ་ཞེས་དབུགས་འབྱིན་དམ་པའི་འབབ་སྟེགས་ལ་བཞག་མ་ཐག་སོ་ཀའི་འབྲུག་གི་སྒྲ་དང་པོར་གྲག་པས་རིང་མིན་ཉིད་དུ་རྒྱུད་འབུམ་འདི་ལས་དུ་མ་འཕེལ་ཞིང་འཆད་ཉན་གྱི་ཕྲིན་ལས་དར་བའི་རྟེན་འབྲེལ་དུ་བྱུང་། ཁ་ན་མ་ཐོ་བ་མེད་པའི་བསྙེན་བཀུར་དང་ཡོན་གྱི་མཚམས་སྦྱར་ཏེ་ལས་རྒྱུན་ཟླ་

― JLAZ014_Page_0385 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཕྱེད་དང་བཞིའི་ཁོངས་སུ་ལེགས་པར་འདྲིལ། བདག་ཅག་ཆོག་རོགས་པ་དང་བཅས་བཅུ་སྐོར་གྱིས་རྒྱུད་སྡེ་རིན་པོ་ཆེ་ནས་ལེགས་པར་གསུངས་པའི་རབ་གནས་མཐའ་རྒྱས་ཀྱི་སྦྱིན་སྲེག་དགའ་སྟོན་བཅས་པ་ཆོ་གར་ལྡན་པ་བགྱིས། གདུགས་འཇམ་ཞིང་སྟ་གོན་གྱི་ཉིན་དཀྱིལ་འཁོར་གྱི་ཁང་པ་འཇའ་གུར་རིམ་པ་གཉིས་པས་རབ་ཏུ་དཀྲིགས། །བྱིན་རླབས་ཀྱི་དགེ་མཚན་ལ་ཀུན་ཀྱང་སྣང་བ་འགྱུར། གཟུ་བོའི་བློ་གྲོས་ཕྲ་མའི་འདམ་རྫབ་ཀྱིས་གཏུམས་པ་དག་ལ་ཐལ་འགྱུར་རྣམ་དག་རྐང་བཏེགས་སུ་འཆའ་བར་ནུས་པས་དེ་ཉིད་ཀྱི་བློ་གྲོས་དྲི་བྲལ་དུ་བྱེད་པའི་དགོས་དབང་ཅན། སྔ་འགྱུར་གྱི་རྒྱུད་ལ་རྩོད་པ་སྤང་བའི་ཚིག་རིགས་འགའ་ཞིག་གནས་སྐབས་འདིའི་བརྗོད་བྱའི་དམ་ཚིག་ཏུ་ངེས་པས། སྟོན་པ་མཆོག་དང་དེའི་བསྟན་པ་ལ་བྱ་བ་ལྷག་པར་བྱས་པ་རྒྱན་དྲུག་མཆོག་གཉིས། གངས་ཁྲོད་བསྟན་བའི་རྩ་ལག་མེས་དཔོན་རྣམ་གསུམ་ལོ་པཎ་དང་བཅས་པའི་སྔོན་བྱུང་རགས་རིམ་གྱི་སྣ་དྲངས། རྡོ་རྗེའི་ཐེག་པ་སྔ་འགྱུར་ཞེས་གྲགས་པའི་དེའི་ཟབ་དང་རྒྱ་ཆེའི་གྲུབ་མཐའ་མ་ནོར་བ་བཟུང་བར་ངེས་པའི་དམ་པའི་ཚོགས་ཀྱི་ཆོས་འབྱུང་སྤེལ་ལེགས་ཀྱི་ཁོང་དུ་ཆོས་ལ་སྡང་བའི་ཉེས་སྤྱོད་ཀྱང་བྱི་དོར་བྱས་པའི་དཀར་ཆགས་འཛམ་གླིང་ཐ་དྲུག་ཡངས་པའི་རྒྱན་ཅེས་བྱ་བའང་བརྩམས།

― JLAZ014_Page_0386 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུ་འགྲོའི་རིམ་པ་སྤྱིར་དངུལ་སྲང་བཞི་བརྒྱར་ཐལ་བའང་དམ་པ་གསུམ་དང་འབྲེལ་བའི་བསྔོ་བས་རྒྱས་བཏབ། གསུང་རབས་གླེགས་བམ་རྣམས་དཔལ་རི་ཐེག་པ་ཆེན་པོའི་གླིང་དུ་བསུ་བ་སེར་ཕྲེང་གི་བཀོད་པ་བྱ་ནོམ་མ་དང་བཅས་སྤྱན་དྲངས། སྔོན་གྱི་ཚེའུ་ཤང་རྡོའི་རྟེན་དུ་གྱུར་པའི་བཅོམ་ལྡན་འདས་གཟུགས་ཀྱི་རྒྱལ་པོ་ཆོས་ལི་རྙིང་མ་ཤིན་ཏུ་མཚར་ཞིང་ངེས་པར་གསུང་བྱོན་དུ་གྲགས་པའི་བྱིན་རླབས་ཅན་སྲི་ཞུས་ཉམ་ཆུང་བར་བཞུགས་པ་ལ་གསེར་ཟངས་ཀྱི་དབུ་རྒྱན་ཕྲས་ཕྱུག་བ་བཅས་སྤྱན་དྲངས། ཁྱད་གོས་ཀྱི་ན་བཟའ་ལ་སོགས་པས་གཟེངས་བསྟོད། རྒྱུད་འབུམ་རིན་པོ་ཆེའི་ཀུན་ར་དང་འབྲེལ་བའི་བཞུགས་ཁང་ལྷོ་མོན་གྱི་ཡུལ་བསྐྲུན་འབད་པས་དྲངས་ཏེ་གཏུག་ལག་ཁང་གི་གྲལ་དབུར་བཞུགས་སུ་གསོལ། གྲ་ཚང་ཚོམས་ཡོངས་ནས་ཉིན་གཉིས་གསུང་སྒྲོགས་ལ་བསྙེན་བཀུར་རྒྱས་པ། བཀྲ་ཤིས་ཁ་བཏགས་རེ། ཊཾ་ཁ་ཏེའི་འགྱེད་བཅས་བསྒྲུབས། རྟག་ཏུ་མཉམ་པར་མ་བཞག་པ་མེད་པ་ནི་སངས་རྒྱས་ཁོ་ནའི་ཁྱད་ཆོས་སུ་འདུག་བས་ཉིད་མཚན་ལ་བཟླས་པ་རྣམས་ཨ་ལ་ལ། གཞན་རྗེས་ལ་ཐོབ་པའི་ཤེས་རབ་ཀྱང་འདུས་བྱས་ཀྱི་དགེ་བའི་ཡོ་ལངས་ལ་སྦྱར་ཚེ་རྟོག་པའི་འདུ་འགོད་དུ་འདུག་པས་འཆིང་གྲོལ་མེད་པའི་ངང་སྒོམ་ལ་ངལ་གསོའི་དབུགས་

― JLAZ014_Page_0387 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱིན་ཐོབ། ཁུ་མིའི་ཚེས་བཅུ་པ་རྣམས་ལ་ཟླུམ་པོ་བཞི་དབང་དང་འདོན་ཆའི་ལུང་བྱིན། འབྲུའི་འབུལ་བ་བྱུང་བ་རྣམས་སྤྲེལ་ཟླའི་ཚེས་བཅུའི་ཟླ་ཐེབས་སུ་སྤྲད། སྡེ་པ་ལྷ་རྒྱ་རི་བའི་གདན་འདྲེན་གྱི་ཆབ་ཤོག་དང་པོ་བྱུང་། །ལྷོ་འབྲུག་གི་ཡུལ་ནས་བླ་མ་རྣམ་རྒྱལ་ཅན་དང་བཅས་འདུས་བ་བཅོ་ལྔ་སྐོར་ལ་རྫོགས་པ་ཆེན་པོའི་འཁྲིད་བཏབ། །བླ་མ་རིན་པོ་ཆེ་ཞི་བར་གཤེགས་པའི་ཡོངས་བསྔོ་དང་སྤྲགས་ལྕགས་ཟམ་རིན་པོ་ཆེའི་ལྗགས་བཀོད་ཀྱིས་དགུང་རྟེན་རབ་གནས་ལ་བསྐྱོད་དགོས་ཤར། དབུ་རྩེ་རིགས་གསུམ་ལ་མཆོད་པ་ཅི་ནུས་བསྟབས་ཏེ་ཐུགས་དགོངས་རྫོགས་པའི་སྨོན་ལམ་བྱད་ལར་ཁོ་བོ་སྐལ་བ་མཆོག་ཏུ་གྱུར་པས་ཀུན་མཁྱེན་ཆེན་པོའི་གྲུབ་མཐའ་འཛིན་པ་ལ་རྨོངས་པའི་གཞན་དབང་དུ་གྱུར་པ་དག་གིས་མི་མཐུན་པར་བལྟས་ནས་ལྷས་སྦྱིན་གྱི་བརྟུལ་ཞུགས་འཛིན་པའང་བྱུང་སྟེ། ཡིད་བཞིན་མཛོད་ལས། དམན་པའི་ནོར་དག་ཉོ་ཚོང་བྱེད་ན་ཡང་། །རང་གི་མི་ཤེས་གཞན་ལ་འདྲི་བར་བྱེད། དེང་སང་གང་བྱུང་ཆོས་ཀྱི་ལམ་དེར་འཇུག་རྣམ་དཔྱོད་མིག་མེད་ཐོས་བསམས་སྣང་བ་ལྗོངས་། །མིག་ལྡན་གཞན་ལ་དྲི་བའི་རྟོག་པ་མེད། །ཐར་འདོད་སྐྱེ་བོ་མང་པོ་བསླུས། །ཞེས་པས་སྙིང་རྗེ་བའོ། །སྒྲགས་

― JLAZ014_Page_0388 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ཆོས་རྗེ་བྲག་ཕུགས་པས་བསྙེན་བཀུར། །མེ་ཚོགས་སོ་སོ་ནས་སྟོང་ཕྲག་ཐལ་བ་དང་མཆོད་པས་ཐུགས་དམ་བསྐངས་བས། མཚོ་རྒྱལ་བླ་མཚོར་མཁའ་འགྲོ་བདེ་ཆེན་རྒྱལ་མོའི་བརྡ་བསྒྱུར་ཀྱང་བབས། བླ་མ་རྣམ་རྒྱལ་དཔོན་སློབ་ཅན་འདིར་འབྲེངས་པར། རྟ་མགྲིན་དང་། གུ་དྲག་གི་དབང་ལུང་། ཉུང་བསྡུས་ལ་དམ་ཅན་སྡེ་བདུན་གྱི་སྲོག་གཏད་ཀྱང་བགྱིས། དད་ལྡན་འབྲུག་རྣམ་རྒྱལ་ལྷས་ནས་ངེད་ཕྲད་དུ་བྱུང་བ་ལ་དགེ་ཚོགས་རིན་པོ་ཆེའི་གཏོས་ཀྱི་སྤྲོ་བ་བསྐྱེད་དེ་རྣམ་ཐར་ཤེལ་བྲག་མ་བཞེད་པར་གདམས། དེའི་ཚེ་ཁོང་ལྟོས་གྲ་བ་ཞིག་གི་སྣང་བར་འདི་འདྲ་བཞེང་བ་ལས་མཛད་བརྒྱ་ཅིག་བཞེངས་ན་དོན་སྙམ་བའི་ཚེ་རྨི་ལམ་དུ་སློབ་དཔོན་རིན་པོ་ཆེའི་དབུ་ལ་གཙུག་ཏོར་སྐྱེས་ནས་རིམ་བཞིན་སངས་རྒྱས་སུ་གནས་འགྱུར་བ་ཞིག་བྱུང་ཟེར། དམྱལ་བར་འཁྲིད་པའི་དེད་དཔོན་ཞིག་ཐེག་པ་ཆེན་པོའི་གང་ཟག་ལ་ལོག་པར་ལྟ་བ་འདི་ཡིན་ནོ། །ཆོས་རྗེ་བྲག་ཕུག་པས་ཀར་དྲིལ་དངུལ་གྱི་ནང་མཆོད་ཀ་ལི་ཆ། རྟེན་བཞེངས་ཀྱི་རྒྱུ་རག་སེར་བཏུལ་ཕོ་ཆེར་ལ་སོགས་བའི་བདོག་པ་སྟོབས། ས་དེར་རྨི་ལམ་དུ་སྟོན་རྩ་སྦུག་ཏུ་གྲགས་པའི་བཙན་དེས་སྟག་ལྤགས་ཀྱི་འབུལ་བ་དང་སྔོན་གནས་འགའ་ཞིག་བཤད། ཆུ་བོ་རི་ནས་རྟ་ཁལ་གྱི་བསུ་བ་འབྱོར་

― JLAZ014_Page_0389 ―

^{[མ་དཔེ་གཟིགས་ན་འདིར་གནོན།]}

[Full Size]

བས་ངེད་དཔོན་སློབ་ཚང་མ་ལྕགས་ཟམ་བྱང་ཆུབ་རྒྱུན་ལམ་དུ་ཀུན་ཏུ་བཟང་པོའི་ཆོས་འཁོར་ལ་འགྲིམ། རྡོ་རྗེ་གདན་པའི་རྣམ་ཐར་གྱི་རྒྱུས་དགོན་གནས་རྟེན་གསུམ་ལ་ཞར་བལྟས་བྱས། མཁྱེན་བརྩེ་ཆེན་མོའི་བཟོ་གནས་ཀྱི་མིག་ལ་ངོ་མཚར་གྱི་བདུད་རྩི་དྲངས་། ཡབ་ལར་སློབ་གྲ་དགེ་རྒན་ཨེ་མཆི་རིག་གནས་དབང་པོ་ཆིབས་བསུ་ལ་བྱོན། བླ་བྲང་ཡང་སྟེང་ནས་རོལ་མོའི་བྱེ་བྲག་དང་བཅས་པའི་བསྟི་སྟབ་ཡང་མཛད། གྲ་ཚང་བར་མང་འགྱེད་འཆར་ཅན་མ་བྱས། འཇིག་རྟེན་ན་རྙེད་བར་བཀའ་བ་དཔལ་བསམ་ཡས་པ་ཀུན་མཁྱེན་ངག་གི་དབང་པོའི་གསུང་རབ་ལས་ངལ་གསོ་སྐོར་གསུམ། མཛོད་བདུན་རྩ་འགྲེལ། གསང་བ་སྙིང་པོ། འབྲེལ་བ་ཕྱོགས་བཅུ་མུན་སེལ་རྣམས་འགྲོག་ལམ་གྱི་བདེན་པ་ལ་བཤད་པའི་བ་དན་གཡོ་བཞིན་པའི་ལུང་བགླགས། སྤྱིར་ཐེག་མཆོག་མཛོད་སོགས་རིན་པོ་ཆེ་ཐང་འབྲོག་པ་ཁས་བརྒྱུད་པ་དང་། ཤིང་རྟ་ཆེན་མོ་སོགས་ནས་བརྟན་ཀུན་བཟང་འོད་ཟེར་ལས་བརྒྱུད་པའི་རིམ་པ་ཡོད་དེ། ཁོ་བོ་ལས་བརྒྱུད་པའི་འདི་ཡེ་ཤེས་ཀྱི་སྐུ་ལན་གསུམ་བསྟན། རྒྱལ་ཚབ་ཏུ་དབང་བསྐུར་བའི་དེམ་ཐག་སོ་སོར་རྟོག་པའི་ཤེས་རབ་དང་རྟོགས་པ་མཆོག་གི་སྣོད་དུ་གྱུར། རིག་འཛིན་པདྨ་

― JLAZ014_Page_0390 ―

^{[མ་དཔེ་གཟིགས་ན་འདིར་གནོན།]}

[Full Size]

དང་ཌཱ་ཀྐི་མའི་བརྡ་རིས་ལས་དམ་པ་ཆོས་ཀྱི་མཛོད་ཀློང་སྙིང་། བརྒྱུད་པའི་ཆུ་མགོ་གངས་ལ་ཐུག་པ་ལགས་སོ། །སླར་བླ་གྲ་ཡོངས་རྫོགས་ལ་ཤིན་རྗེ་ཚེ་བདག་གི་དབང་གོང་ས་ལྔ་པའི་ཡིག་ཆ་བཙན་པར་བྱས། སྐུ་འཁོར་ཉུང་བསྡུས་ལ་ལུང་ཡང་བཀླགས། །ལར་དེད་ཀྱི་གྲུབ་དབང་དམ་པ་ལ་ཉན་དུས་མཆོད་རྟེན་བཅས་ཆོ་ག་སྐོར་ལའང་དྲི་བ་ཞིབ་ཏུ་བགྱིས་པས་མན་ངག་གི་གནས་འདི་ལ་གངས་རིའི་ཁྲོད་ཙམ་ན་ཁོང་པ་ལགས་ལེན་ཉམས་འོག་ཏུ་ཆུད་པའི་ཚེ་བདག་དཔའ་བོ་རང་དུ་སྣང་སྟེ། དེའི་རྒྱུས་བློ་ལ་ཆུད་པར་གྱུར་ཡང་ཁོ་བོའི་ཀུན་རྟོག་དྲག་པོ་མངོན་སྤྱོད་ཀྱི་ལས་ལ་ལར་མི་སྤྲོ་བས་གཡེལ། ཤྲཱི་ན་ཐའི་ཞལ་སྔ་ནས། འདིའི་ལག་ལེན་རྒྱུན་གྱ་ཙོམ་པ་བྱུང་ན། འདྲ་ཅོག་ལ་དཔྱད་པ་འཇོག་གོ་ཞེས་ཀྱང་གསུང་། དེ་སྐབས་རྨི་ལམ། སྐྱེས་བུ་གོས་དཀར་ལྕང་ལོ་གཡོ་བ་ཞིག་གིས་ངེད་ལ་དུང་ཞིག་བྱིན་ནས། འདི་ལས་ཆུང་ཙམ་ཞིག་སྤྲུལ་པའི་སྐུ་ལའང་ཕུལ་བ་ཡིན་ཏེ་ཁོང་མཉེས་པའི་བར་སྐབས་མི་འདུག་ཟེར། རྒྱ་ཅན་ལས་བཞི་ལྷ་མོ་དང་། ལྷ་ཆེན། ཚེ་རིང་མ་སོགས་ཀྱང་ཕུལ། ཕྱི་ལོའི་སོ་ཀ་རྒྱུད་འབུམ་རིན་པོ་ཆེ་ཡོངས་རྫོགས་ཉན་ཐུབ་པའི་སྐལ་བ་མཆོག་ཏུ་གྱུར།

― JLAZ014_Page_0391 ―

^{[མ་དཔེ་གཟིགས་ན་འདིར་གནོན།]}

[Full Size]

གསེར་དངུལ་སྲབ་ཐེར་ལ་སོགས་པའི་ཆོས་ལ་ཡོན་བདག་ འཕགས་ཡུལ་བ་རྣམས། ཇོ་བོ་ཤཱཀྱ་མུ་ནའི་བཞུགས་ཁྲི་ལ་གཏད་ནས། ཁྲི་འདི་ལ་བཞུགས་པའི་མ་ཧཱ་མུ་ནེ་དེ་བོད་ཀྱིས་ཐོབ། དེའི་ཞལ་མཐོང་ཚད་ངན་སོང་མི་མྱོང་ཟེར་སྐད། བོད་བློ་དྲེད་དྲག་པས་ཞལ་ལྟ་བའང་མི་བརྩོན། མཉམ་གཞག་གི་རྔ་དོན་སངས་རྒྱས་མཐོང་བ་ལས་ཀྱང་རང་སེམས་ངོ་ཤེས་པ་དགའ་སྟེ་ཆོས་སྐུའི་གོ་འཕང་ཤེས་རབ་ཀྱི་ཕྱོགས་ཕ་རོལ་ཏུ་ཕྱིན་པ་གཅིག་གི་རྗེས་སུ་འབྲངས་བ་ངེས་སོ། །རྗེས་ཐོབ་ལ་བསོད་ནམས་ཀྱི་ཚོགས་རྒྱ་ཆེན་པོ་ན་སྤྱོད་པའི་ཕྱོགས་ཀྱི་ཕ་རོལ་ཏུ་ཕྱིན་པ་ལས་འབྱུང་སྟེ། དབང་པོ་ཡུལ་ལ་སད་པའི་ཚེ་ཐབས་འདི་ཁྱད་པར་འཕགས་པས་ལྷ་སར་ཇོ་ཤཱཀྱ་ཀ་རྣམ་གཉིས་ཀྱི་ཞལ་བལྟ་བ་དང་། བྱང་ཆུབ་སེམས་དཔའི་སྡོམ་པ་ཞུ་བ་ལ་ཆེད་དུ་གཏད་ནས་ཕྱིན། གསེར་ཆབ། ཀར་མེ། སྙན་ཤལ། གསེར་སིལ་མའི་མེ་ཏོག་གཏོར་བས་སྣ་དྲངས། ཡན་ལག་བདུན་པ་དང་། ཇི་ལྟར་སྔོན་གྱི་དེ་བཞིན་གཤེགས་པ་ལ་སོགས་པའི་བརྗོད་པ་གསུམ་གྱིས་སྨོན་པ་དང་། འཇུག་བ་དང་། གཉིས་ཀ་ཆེས་བརྟན་པ་ཉིད་ཐོབ། དེའང་རྫོགས་

― JLAZ014_Page_0392 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་སངས་རྒྱས་དྲི་མེད་འོད་ཀྱི་བཀའ་དྲིན་ལས་ཆོ་ག་ཐ་དད་པ་ལྟར་སྦྱར་བའི་ལྡོག་པ་ཐ་དད་པ་གསུམ། བརྗོད་པ་གསུམ་གྱི་ཐ་མར་སྨོན་འཇུག་ངོ་བོ་གཅིག་ཏུ་སྐྱེ་བའི་བློ་རྫས་གཅིག །དུས་གཅིག །བྱེད་པ་གཅིག་པའི་གོ་དོན་ཡང་ཉམས་སུ་མྱོང་། དེ་ལྟར་ཀུན་རྫོབ་ཆོ་ག་ལ་བརྟེན་པས་དོན་དམ་མཚན་ཉིད་སྒོམ་སྟོབས་ཀྱིས་འཐོབ་པའི་ཚུལ། །རང་བཞིན་ཟེར་བའི་ཅོད་པན་གདགས་པའི་གནས་ལུགས་རྫོགས་པ་ཆེན་པོ་མཉམ་ཡངས་ཕྱོགས་བྲལ་ཆེན་པོའི་ཀློང་ན་སྤང་གཉེན་མེད་བར་གདེང་དུ་གྱུར། ཁོ་བོའི་རྒྱུད་ལ་བྱང་སྡོམ་ཡར་ལྡན་དུ་གྱུར་པའི་གནས་སྟབས་ནས་རྒྱལ་བའི་སྨྱུ་གུ་མཁྱེན་བརྩེའི་ལྷ་ཞེས་མིང་བྱིན་གྱིས་བརླབས་སོ། །རྗེས་ཆོག་ཏུ་སྨོན་ལམ་གྱི་རྒྱལ་པོ་བཟང་པོ་སྤྱོད་པ་དང་། འཇུག་པ་ལ་རྗེས་དྲན་དུ་སློབ་པ་ཕར་ཕྱིན་དྲུག་གི་ངོ་བོ་རྒྱལ་བ་མི་ཕམ་པའི་རྗེས་སུ་བླངས། གུ་རུ་ལྷ་ཁང་དུ་ཚོགས་ཀྱི་འཁོར་ལོ་བརྒྱ་རྩ་བསྐོར། ཞག་གསུམ་གྱི་བར་ལ་དོན་དུ་གཉེར་བྱ་རྣམས་གྲུབ། འབྲུག་རྣམ་བར་རྒྱལ་བས་ཞལ་གདམས་ཤིག་ཞུ་བ་ལ། གནས་ཆོས་འཁོར་དཔལ་གྱི་ལྷ་ས་རུ། །སྐྱབས་མཚུངས་པ་མེད་པའི་ཇོ་ཤཱཀ་མཇལ། །གསེར་སིལ་མའི་མེ་ཏོག་སྐུ་ལ་གཏོར། །ཞལ་གསེར་གྱི་

― JLAZ014_Page_0393 ―

^{[མ་དཔེ་གཟིགས་ན་འདིར་གནོན།]}

[Full Size]

བླུགས་པས་སྣུམ་པར་བྱས། །དོན་དོར་བ་མེད་པའི་སྨོན་ལམ་བཏབ། །མ་མཁའ་འགྲོ་དབུས་པའི་ཚོགས་འཁོར་བསྐོར། །བློ་འཁུན་པ་མེད་པའི་མགུར་གླུ་འཐེན། །དེང་འདིར་ཚོགས་དམ་ཚིག་དག་པའི་འཁོར། །ལས་ཟིན་པ་མེད་པའི་འཁོར་བ་ལ། །བློ་ཨ་འཐས་ཞེན་ཆགས་མ་ཚ་བར། །ཚོང་འདུས་ཀྱི་འགྲོན་པོ་གྱེས་པ་བཞིན། །ལུས་ལོངས་སྤྱོད་འདུས་བྱས་ཀྱི་མཐའ་མ་སོམས། །ཕྲལ་འདུ་འཁོད་དང་ཕྱི་ཚིག་འཇིག་རྟེན་གྱི། །ཡོང་རྣམ་ཐར་སྤྱི་མཐུན་ལགས་མོད་ཀྱི། །དེ་ཁོ་ན་མདུན་མའི་རྩེར་མ་འཛིན། །ཚེ་སྔ་ཕྱི་དང་ལས་འབྲས་ཀྱི་འདོར་ལེན་ལ། །དོན་ཡང་དག་གི་གཞིག་པ་མ་བཅུག་ན། །དཔེ་གྲུ་གཟིང་ཞིག་པའི་དེད་དཔོན་བཞིན། །དུས་ལན་ཅིག་ཐོབ་པའི་མི་ལུས་འདི། །སྟོང་ཟད་དུ་ཨེ་འགྲོ་མནོ་བསམ་ཐོང་། །ལར་འཆི་མཁན་ནི་གནམ་སའི་རྡུལ་ཕྲན་ཙམ། །འགྱོད་མེད་དུ་འཆི་བ་གཅིག་ལས་ཉུང་། །དོན་དེ་ཕྱིར་བློ་སེམས་ནང་དུ་ཁུག །ཕྲལ་ཆོས་གཟུགས་དང་ཟབ་ཟབ་མ་བྱུང་ཡང་། །ལས་མི་དགེ་བཅུ་ལ་དགྲ་བཞིན་གཟིགས། །དཀོན་མཆོག་ལ་བློ་སྙིང་བྲང་གསུམ་ཐོད། །སེམས་བསམ་པ་བཟང་པོའི་སྤྱི་ཚིག་འདི། །མི་སྐྱེ་བོ་རང་དགའི་བྱང་ཆུབ་

― JLAZ014_Page_0394 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས། །རྗེས་འབྲེལ་དུ་གཞན་ལ་འཚེ་བ་སྤོངས། །སྐྱབས་འགྲོ་དང་ཡིག་བརྒྱ་ཡན་ལག་བདུན། །ཕྱག་འཚལ་དང་བསྐོར་བ་མཆོད་འབུལ་སོགས། །ཚོགས་གསོག་གི་དགེ་བ་རྒྱ་ཆེར་འབུངས། །སྔགས་ལམ་ལ་བསྐྱེད་རྫོགས་མཐུ་ཆེ་ཡང་། །ཁྱིམ་གནས་ཀྱི་ལམ་དུ་ལོངས་པ་ནི། །དཔལ་ལྡན་འབྱོར་བའི་དབང་པོ་ཙམ། ཨིནྡྲ་དྷཱུ་དྷི། །འོན་ཀྱང་མོས་པ་ལམ་འཁྱེར་ལ། །མཐའ་བཀག་བའི་གནས་སྐབས་ཅི་ཞིག་པས། །ལྷ་སྔགས་དང་ཆོས་སྐུའི་ལམ་འཁྱེར་ལ། །རྣམ་ཀུན་དྲན་པ་བརྟེན་ཀྱང་འཚལ། །ཁྱད་པར་མོས་གུས་བླ་མའི་ལམ། །བྱིན་རླབས་དབང་བཞིའི་རྣལ་འབྱོར་དང་། །འབྲེལ་བར་གསོལ་འདེབས་སྙིང་པོ་འདོན། །ཞིང་ཁམས་སྦྱོང་ལ་བརྩོན་ཡང་འཚལ། །སེམས་ཅན་གྱི་ལས་མཐའ་ཚད་མེད་པས། །སྣང་ཚུལ་དང་སྤྱོད་པ་རིགས་མི་མཐུན། །དེ་ཀུན་ལ་ཕན་བདེའི་བསམ་སྦྱོར་དང་། །མི་འཇིགས་པའི་སྐྱབས་སྦྱིན་བཏང་ཡང་འཚལ། །དགེ་བརྒྱ་མཚོའི་སྲོག་ཤིང་ནི། །སེམས་བསྐྱེད་དབང་བསྔོ་སྨོན་བཙན་པོ་སྟེ། །སངས་རྒྱས་པའི་གྲུབ་མཐའ་ཁྱད་འཕགས་འདིར། །རྣམ་ཀུན་བདག་གིར་མཛད་ཀྱང་འཚལ། །བློ་ཚོད་དང་མཐུན་པའི་སྙིང་གཏམ་འདི། །གནས་དཔལ་གྱི་ཆོས་འཁོར་ལྷ་ས་རུ། །འབྲུག་རྣམ་པར་

― JLAZ014_Page_0395 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་དད་པ་ཅན། །རྒྱུད་རང་བཞིན་འཇམ་པ་དེས་བསྐུལ་ངོར། །གཏད་མེད་ནམ་མཁའི་རྣལ་འབྱོར་གྱིས། །གྲོང་ཚིག་དུམ་བུར་བཅད་ནས་བཀོད། །གཞན་སྣང་དགེ་ལ་འགྱུར་བར་ཤོག །ལམ་ཞོར་ལ་ཀུན་མཁྱེན་ཆེན་པོའི་སྒྲུབ་གནས་བྲག་དམར་ཟང་ཡག་ནམ་མཁའི་རྫོང་དུ་མཆོད་འབུལ་དང་། ཚོགས་བརྒྱ། མེ་མཆོད། རྡོ་རྗེའི་གླུ་ལ་སོགས་པ་བྱས། ཆུ་འགྲམ་འདི་ལྟ་བུར་སྡིག་སྤྱོད་ཀྱི་བུར་མི་སྐྱེ་བའི་སྨོན་ལམ་བཏབ། ལྕགས་ཟམ་གྱི་སྐུ་འབུམ་ཆེན་མོ་ཙོང་བར་རབ་གནས་བསྐྱོར་དགོས་གསུང་བ་ཆོ་གར་ལྡན་པ་བྱས། སྒོམ་དོན་སྐོར་ལ་དྲིབ་ལེ་ཚན་དུ་བཅད་པ་གནང་བ་བསམ་བྱུང་གི་ཤེས་རབ་དང་མཐུན་བས་ལན་བཏབ། གངས་དཀར་དུ་རྒྱུན་པོའི་རྐང་པ་བྲེགས་ནས་རིང་པོ་མ་ལོན་པ་མཐོང་ནས་སྙིང་རྗེ་དཔག་ཏུ་མེད་པ་སྐྱེས་ཤིང་མྱོང་གྲོལ་དང་ལྟོ་རིན་བྱིན། འདི་དག་རང་སྤྱོད་ཀྱི་ལན་ཞེས་སྨྲ་མོད། དེ་ལྟ་ན་དམྱལ་བ་པ་རྣམས་ཀྱི་དང་པོ་ལས་དེའི་རྒྱུ་བསྒྲུབ་པའི་སྤྱོད་པ་མཐོང་ན་ཞེ་ཁྲེལ་བ་ལས་སྙིང་རྗེའི་ཡུལ་དུ་ཅིས་འགྲུབ། ཡར་མདར་དྲུང་ཡིག་གིས་བསྐུལ་ནས་བྱས་ལྷ་ཁང་གི་གནས་ཡིག་བརྩམ་པར་ཁས་བླངས་ཀྱང་གནས་འཛིན་བས་བདག་པོ་ཨེ་བྱེད་མི་ཤེས་སྙམ་ནས་བཏང་སྙོམས་སུ་ལུས། པདྨ་འོད་གླིང་དུ་སློབ་ཕྲལ་འབྲུག་པ་བླ་མའི་མྱོང་གྲོལ་བདུད་རྩིའི་སྒྲུབ་པ་བཙུགས། ཁོང་ལ་

― JLAZ014_Page_0396 ―

^{[མ་དཔེ་གཟིགས་ན་འདིར་གནོན།]}

[Full Size]

སྨན་སྒྲུབ་ཀྱི་ལག་ལེན་ལེགས་པར་བསླབས། བླ་མས་བ་སོ་དང་ལི་འཁར་སོགས་ལས་གྲུབ་པའི་ཨ་ཙ་རའི་ཉེར་སྤྱད་སྣ་ཚོགས་ཀྱང་ཕུལ། གཙང་རྒྱང་རུ་དཔལ་སྡིངས་རྗེ་བཙུན་མར་དགེ་བ་གསུམ་གྱི་དོན་ཁྲིད་དང་འབྲེལ་བའི་འཁྲིད་བསྟན་པས་སྔར་ཁོང་རང་གི་ཡབ་ལ་མཚན་ཉིད་པའི་བླ་མ་ཞིག་གིས་ཁྱེད་རྙིང་ལུགས་མཛད་ནས་མཁས་པ་ཀློང་ཆེན་པའི་ལུགས་མཛོད། དེ་སློབ་དཔོན་པདྨ་དང་མཉམ་བྱས་ཀྱང་ཆོག །ལྷག་བྱས་ཀྱང་བཏུབ་གསུངས་སོང་བ་དེ་འདི་ཡིན་པར་སྣང་སྐད། ཤིང་རྟ་ལོ་གསར་ཕྲལ་སྡེ་པ་ལྷ་རྒྱ་རི་བའི་རྟ་བསུ་བ་དྲུང་འཁོར་ཅན་བྱོན། ཆང་དཀར་རྫོང་དཔོན་ཆུ་སྐོར་བས་རྫོང་དུ་བསྟི་སྟང་མཛད། དགའ་ལྡན་ལྷ་རྩེའི་གཟིམ་ཆུང་ཆེན་མོར་ཞབས་སྲུང་ལྷ་ཕུན་ཚོགས་དབང་ཕྱུག་དཔལ་འབར་དང་མཇལ་འཛོམ་མཛད། དེ་ཉིད་འགྲུབ་སྦྱོར་གྱི་རྟེན་འབྲེལ་ཁྱད་ནས་ཚེ་དབང་ཞིག་དགོས་གསུང་པ་ཕུལ། ཁུ་བོ་ཞབས་དྲུང་དགའ་ལྡན་འཇིགས་མེད་དཔལ་བཟང་གཤེགས་ནས་ཞག་ལྔ་པའི་སྐབས། བདུན་ཚིགས་དང་པོ་དང་བསྟུན་པུར་གྱི་མདུན་དུ་སྦྱོང་བ་དང་གནས་སྤོར་ལམ་བསྟན་ཡང་བགྱིས། བསྔོ་རྟེན་འབུལ་སྤམས་དངུལ་སྲང་ལྔ་བཅུ་ཐལ་བའི་དངོས་པོའི་དགེ་བ་རྫོགས་བྱང་དུ་བསྔོས། ཞབས་དྲུང་ཁྲི་བ་དང་ཉིན་རི་བཞིན་ཞལ་རྒྱས། ཁྲུས་ཆོག །

― JLAZ014_Page_0397 ―

^{[མ་དཔེ་གཟིགས་ན་འདིར་གནོན།]}

[Full Size]

བྱང་འགྲོལ། ཚེ་དབང་། རྗེས་གནང་། དབང་ཀའི་རིགས་བཞེད་པ་བཞིན་ཕུལ། ཞབས་དྲུང་མཁྱེན་རེབ་ཀྱི་སྒོ་ཡང་ས་བར་དང་བར་མཐམས་ཐམས་ཅད་ཆོས་ཀྱི་གླེང་མོས་འབྱམས་ཀླས། ཕྱག་མཛོད་ཆེན་མོར་ས་བརྒྱད་དང་དབང་ཕྱུག་ངལ་བ་སོ་སོ་པོ་རྟ་བདག་བརྒྱད་དང་བཅས་པའི་རྟེན་ཕྱ་རྟེན་བོར་བུའི་ལུགས་རིན་པོ་ཆེས་ཕྱུར་བུར་བལྟམས་པའི་གཏེར་བུམ་དང་བཅས་པའི་བཅའ་ཤིན་ཏུ་རྒྱས་པ། ཡུལ་དང་ཡུལ་ཕྲན་རྣམས་སུ་སྦ་རྒྱུའི་བུམ་གཏེར་བརྒྱ་དང་ལྔ་བཅུ་སྐོར་རྣམས་བསྒྲུབས། སྡེ་དཔོན་གྱི་གཏོར་བཟློག་ཕལ་ཆེར་ཁྱི་ཟན་རོལ་བསྐྱེད་དུ་འདུག་པ་ཁྱེད་དཔོན་སློབ་ནས་ཁྲོ་རོལ་ཞིག་ཐུགས་རྗེ་ཆེན་གསུངས་པ། ངེད་དབེན་པའི་བརྟུལ་ཞུགས་བཟུང་ནས་གཏོར་རྒྱག་གི་རིགས་ལ་མི་སྤྲོ་བས་བཀའ་བརྒྱད་བདེ་གཤེགས་འུ་དུས་པའི་སྒོ་ནས་ཞི་རྒྱས་ཀྱི་སྦྱིན་སྲེག་ཁྲིག་ཚར་ཐལ་བ་བསྒྱུར། གཞན་ཡང་ཆོས་སྐྱོང་གི་རྟེན་འཛུགས་སོགས་དང་། རྩོམ་ཐ་སྣ་ཚོགས་ཀྱིས་གསུང་བ་རྣམ་གཡེང་ཟ་ནས་དང་དུ་མ་བླངས་པས་ཐུགས་རང་ས་བའི་མཐར་སོན་པ་མེད། ཉིན་ཅིག་རྫོང་རྙིང་གཟིམ་ཆུང་གསར་པར་རབ་གནས་དང་འབྲེལ་བར་ཚོགས་ཀྱི་འཁོར་ལོའི་དགའ་སྟོན་ལ། སའི་སྙིང་པོ་གསེག་མ་དང་། བཞུ་བཏུལ་ཅན། མར་སྟང་། སྲབ་ཐེར། སྣམ་

― JLAZ014_Page_0398 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྲུག་ལ་སོགས་པའང་གནང་། རྟེན་གསུམ། མཆོད་ཆ། རོལ་མོ། །མི་རབས་སུ་གསོན་པར་གྲགས་པའི་ཀླུའི་གཟུགས་བརྙན་རྣམས་ཀྱང་མིག་གི་སྤྱོད་ཡུལ་དུ་མངོན་པར་མཛད། གྲོལ་ཏིང་གི་རྩ་དབང་རྒྱས་པ་རང་ལུགས་དང་། ཀློང་ཆེན་སྙིང་ཐིག་དབང་ལུང་ཚང་མ་གསན། དེ་དག་དང་བསྟན་བཅོས་གསར་བུ་ཕལ་མོ་ཆེའི་དཔེ་རྒྱུན་ཡང་བསྐྲུན་གསུང་ཕྱི་མོ་ནི་བཞེས། དཀོར་མཛོད་ལམ་བྱིན་ལེན་བྱས་པའི་སྐྱེ་བོ་ཞིག་རྒྱལ་ཁྲིམས་ཀྱིས་གཟིར་བ་ལ། སྙིང་དུ་རྗེ་བའི་ཞུ་འཕྲེང་སྦྲང་རྩིའི་རོ་ལྟར་དངར་བས་ནོངས་པ་ཆགས་ཏེ་བདེ་བའི་གནས་སུ་དབུགས་འབྱིན་བྱས། སྐུ་སྒེར་སོ་སོའི་གཟིམ་ཆུང་དུའང་བསྙེན་བཀུར་འབུལ་ནོད་ལ་ལོངས་སྤྱད། གཤེགས་རྫོངས་གནང་སྐྱེས་གྱ་ནོམ་པ་དང་། རྣམ་རབ་ཡོང་སྟེང་ནས་ལོ་ལྟར་འབྲུ་ཁལ་སུམ་ཅུ་ཐམ་པའི་འཛིན་ཐམ་གནང་པ། མི་སེར་བསྐྱེལ་འདྲེན་དྲིང་བདག་ལ་བརྟེན་ནས་གཞན་དག་མནར་བའི་ཉེས་དམིགས་དྲན་པས་ལྡོག་པར་ཞུས་ཀྱང་། འདིར་སེ་ཕེབས་ནན་གྱི་ཁྱེར་དགོས་ཤར་ ད་ལོ་ཉིད་དུ་འཛིན་ཐ་མ་དེ་ནི་བོར། བཤེས་སྤྲིང་ལས། འདོད་བ་རྣམས་ནི་ཕུང་ཀྲོལ་བསྐྱེད་པ་སྟེ། །ཐུབ་པའི་དབང་པོས་ཀིམ་པའི་འབྲས་འདྲར་གསུངས། །དེ་དག་སྤོང་བགྱིད་དེ་ཡི་ལྕགས་སྒྲོག་

― JLAZ014_Page_0399 ―

^{[མ་དཔེ་གཟིགས་ན་འདིར་གནོན།]}

[Full Size]

གིས། །འཁོར་བའི་བརྩོན་རར་འཇིག་རྟེན་འདི་དག་བཅིངས། །ཞེས་པ་ལ་བླང་དོར་ནུས་ན་བྱ་བའི་དུས་ལ་རང་བཞིན་གྱི་བབ། སྡེ་པ་གླེང་གཞིའི་དཀོར་ལ་རྒྱུན་ཆགས་སུ་སྤྱོད་པའང་སྤྱིར་རྣམ་སྨིན་ལྕི་ལ་ཁྱད་པར་འགྲོ་བའི་ཁམས་དང་ཀུན་རྟོག་འགྱུ་བཅས་ཡིན་པའི་ཕྱིར་བསྙེན་བཀུར་ལ་བརྟེན་ནས་ཁྲོ་ཆགས་དང་འཁོན་དུ་འཛིན་པ་འཕེལ་བའི་རྟེན་ཅིང་འབྲེལ་འབྱུང་རང་བཞིན་མེད་པར་དག་པ་དེ་ཁའི་དང་དུ་བཞག་རྒྱལ་པོའི་ཁབ་འདིར་མཚན་ཉིད་བའི་དགེ་བཤེས་ཤིག་ན་རེ། རྫོགས་པ་ཆེན་པོ་ལྟ་བ་ཀུན་གྱི་ཡང་རྩེར་བྱེད་ཅིང་། ལྟ་བ་མཐོ་བར་བྱེད་པའི་ངོ་བོ་ལ་ཟབ་མོ་དབུ་མའི་ལྟ་བ་དང་ཁྱད་པར་ཅི་ལྟ་བུ་ཡོད་ཟེར། ལར་སྐྱེ་འགག་གནས་གསུམ་དང་བྲལ་བའི་ལྟ་བ་བརྗོད་བྱས་གཏན་ལ་མི་ཕེབས། བརྗོད་དོན་དངོས་ལའང་མུ་བཞིའམ། མཐའ་བརྒྱད་དང་བྲལ་བའི་ལྟ་བ་ནི་དབུ་མའི་རང་བཞེད་དོན་མཐར་ཐུག་ཏུ་བྱེད་དགོས། ལྟ་བའི་ཆོས་ཉིད་ཤེས་བྱས་གཏན་ལ་དབབ་པའི་ཚེ་སྤྲོས་བྲལ་གྱི་ཁྱད་གཞི་འདི་ལ་ཕུམ་གཏུགས་ན་ཁྱད་ཆོས་བསྒྲུབ་དཀའ། ས་པཎ་གྱིས། ཕ་རོལ་ཕྱིན་པའི་སྤྲོས་བྲལ་ལས། །ལྷག་པའི་ལྟ་བ་ཡོང་གྱུར་ན། །ལྟ་དེ་སྤྲོས་པ་ཅན་དུ་འགྱུར། །ཞེས་གལ་འཇུགས་པའང་དེར་མོད། འོན་

― JLAZ014_Page_0400 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་སྤྲོས་བྲལ་དེའི་དགོངས་པ་ལེན་ཕྱོགས་ལ་འཁོར་ལོ་བར་མཐའ་གཉིས། སྐྱེས་བུའི་བླ་སྟོབས་སོ་སོར་དགག་སྒྲུབ་ཏུ་ཤར་ནས་སྒྲ་ཇི་བཞིན་པ་དང་ལྡེམ་དགོངས་ཀྱི་བསྒྲུབ་གཤེགས་ནི་ཁྱད་པར་ཤིན་ཏུ་ཆེ། སྤྱིར་མཚན་ཉིད་པ་ཚོ་ནི། གང་གི་རྟེན་ཅིང་འབྲེལ་བར་འབྱུང་། །འགག་པ་མེད་པ་བསྐྱེ་མེད་པ། ལ་སོགས་པའི་ཚིག་ལ་གོ་བས་དཔྱད་པས་དོན་ཐོག་ཏུ་པྲ་ཡས། རྣམ་ཤེས་ཀྱི་རྟོག་པས་ཡེ་ཤེས་དང་རྒྱབ་འགལ། ཕུང་པོ་རྣམ་དཔྱད་ཀྱི་སྟོང་བས་རྒྱུ་མཚན་གཤིས་ཀྱི་ཐོག་ཏུ་མཁེལ། སངས་རྒྱས་ཀྱི་ཡེ་ཤེས་སེམས་ཅམ་གྱི་ཁམས་ལ་ཤེས་བྱར་མི་མི་སྲིད་སྙམ་དུ་རྟོག་ཅིང་གྲངས་མེད་གསུམ་གྱི་མཐའ་ལ་ལྟོས་འཆའ། ངེད་རྫོགས་ཆེན་པ་ནི་ཉེ་བའི་སྙིང་པོའི་རྒྱུད་ལས། བསམ་གཏན་བྱང་ཆུབ་དོན་ལ་གང་འཇུག་པ། །སྒོམ་མོ་སྙམ་པའི་ནད་ཀྱིས་ཟིན་ཏ་རེ། །བདེ་གཤེགས་ཡུལ་ནི་ཚིག་གི་མཚོན་དུ་མེད། །སངས་རྒྱས་ཡུལ་དུ་བསྟན་པ་འཁྲུལ་པའི་ལམ། །ཞེས་འདི་དང་། ཆགས་བྲལ་གྱི་རྣམ་པས། ཟབ་ཞི་སྤྲོས་བྲལ་འོད་གསལ་འདུས་མ་བྱས། །བདུད་རྩི་ལྟ་བུའི་ཆོས་ཤིག་ཁོ་བོས་རྙེད། །ཅེས་པ་འདི་དོན་ལ་སྦྱོར་སྐབས། ངོ་བོ་ལ་མཚན་ཉིད་མེད་པས་ཟབ། རང་བཞིན་ལ་བསམ་དུ་མེད་པས་ཞི། རྟག་

ཤོག་ལྷེབ་ ༤༠༡ ནས་ ༥༠༠ བར།

― JLAZ014_Page_0401 ―

^{[མ་དཔེ་གཟིགས་ན་འདིར་གནོན།]}

[Full Size]

ཆད་ཀྱི་མུ་ལ་མ་ཐུག་པས་སྤྲོས་བྲལ། ཆོས་ཉིད་ལ་བྲལ་ཐོབ་སྤངས་པས་འདོ་གསལ། རྟོག་དཔྱོད་ཀྱི་ཤེས་བྱ་ལས་འདས་པས་འདུས་མ་བྱས་པ་སྟེ། ལམ་དུས་སུ་བསོད་ནམས་ཀྱི་ཚོགས་རྒྱ་མཚོ་ལྟ་བུ་དང་། བླ་མ་ཡེ་ཤེས་ཀྱི་སྤྱོད་ཡུལ་ཅན་ཁོ་ནའི་རྟེན་ཅིང་འབྲེལ་འབྱུང་གི་བྱིན་རླབས་ལས་ཡིན་ཚུལ་རིག་ཐོག་གུ་ངོ་སྤྲོད་པ་ཡིན། དེ་གཉིས་ཁ་ཕྱིར་ལྟ་དང་ནང་ལྟའི་ཁྱད་པར་མ་མཐུན་པས་བསམ་ཚོད་དང་བཤད་ཚོད་མི་མཐུན་འ་འདི་བྱུང་བ་ཡིན་བྱས་པས་ཕྱག་རྫོགས་ཧ་ཤང་དང་མཐུན་ཟེར་བའི་ཕྱོགས་སྔ་དེ་ཁོང་གི་བློ་ཡུལ་དུ་རམ་མེ་འདུག་པ་ཤེས་ཏེ་འདི་སྐད་སྨྲས། ཆོས་ཀྱི་དབྱིངས་དགེ་སྡིག་སྤང་བླང་ལས་འདས་པའི་ཆོས་ཉིད་ཐད་དྲང་དུ་སྟོན་པའི་སྐབས། ཡུམ་ལས་ཀྱང་། སྟོང་པ་ཉིད་ལ་གཟུགས་མེད། ཚོར་བ་མེད། འདུ་ཤེས་མེད། འདུ་བྱེད་མེད། །རྣམ་པར་ཤེས་པ་མེད། ཅེས་པ་འདི་ལ་སོ་སོར་རྟོག་པའི་ཤེས་རབ་བླང་བར་ངོས་གཟུང་བ་དང་། སྤང་བྱར་ལ་དོར་བ་གང་ཡང་མེད། ཧྭ་ཤང་གི་འདོད་པ་ཡིན་ཟེར་ནས་ཚིག་གི་ལམ་དུ་སྒྲོ་བཏགས་མང་པོ་འདྲེན་པ་དེ་དབུ་མ་རང་རྒྱུད་པའི་འདོད་པས་དགག་གཞིར་བྱས་པ་ཡིན་ན་ནི་། ཀླུ་སྒྲུབ་ཀྱི་

― JLAZ014_Page_0402 ―

^{[མ་དཔེ་གཟིགས་ན་འདིར་གནོན།]}

[Full Size]

དགོངས་པ་དཱི་པཾ་ཀཱ་རས་འདི་ལྟར་བཀྲལ་ཏེ་སོ་སོར་རྟོག་པའི་ཤེས་རབ་དེ་ཉིད་ཀྱང་མ་གྲུབ་སྟེ། དཔེར་ན་ཤིང་གཉིས་པན་ཚུན་དྲུད་པ་ལས་མེ་བྱུང་བའི་རྐྱེན་གྱིས་ཤིང་གཉིས་པོ་ཚིག་ཅིང་མེད་པའི་རྗེས་ལ་གང་གིས་སྲེག་པར་བྱེད་པའི་མེད་དེ་ཉིད་ཀྱང་རང་ཞི་བདེ་བཞིན་དུ་རང་དང་སྤྱིའི་མཚན་ཉིད་ཀྱི་ངོ་བོ་ཐམས་ཅད་མེད་པར་གྲུབ་ཙམ་ན། ཤེས་རབ་ཉིད་སྣང་བ་མིད་ཅིང་འོག་གསལ་བ་ཅིའི་ངོ་བོར་ལ་མ་གྲུབ་པས། བྱིང་བ་དང་རྒོད་པ་ལ་སོགས་པའི་སྐྱོན་དུ་གྱུར་པ་ཐམས་ཅད་ལ་བསལ་ཏེ། བརསྐབས་དེ་ཤེས་པ་ཅིར་ཡང་མི་རྟོག་ཅིར་ཡང་མི་འཛིན། དྲན་པ་དང་ཡིད་ལ་བྱེད་པ་ཐམས་ཅད་སྤངས་ཏེ་ཞེས་པས་སྒོམ་རིམ་གསུམ་ནི་རབ་ཏུ་གཞར། རྩོད་བཟློག་ལས། ང་ལ་ཁས་ལེན་མེད་པས་ན། །ང་ནི་སྐྱོན་མེད་ཁོ་ན་ཡིན། ཞེས་པ་ལ་སོགས་པའི་དོན་ཆོས་ཉིད་ལ་ལུའ་དུ་མ་བསྟན་པའི་གནོད་བྱེད་གང་གིས་གེགས་བྱས་པས་ཧྭ་ཤང་གི་རྒྱལ་བའི་བཀའ་རྡོག་དྲིལ་བྱས་པ་དེ་ཁས་རྟགས་མ་གྲུབ་ཟེར། འདི་ཡང་དཔྱད་པར་བྱ་བ་སྟེ། དེ་ཉིད་རྒྱལ་བའི་བཀའ་ལ་ཚད་མེད་མི་བྱེད་པ་མུ་སྟེགས་ཅན་གྱི་རྗེས་སུ་འབྲངས་པའི་གཏན་ཚིགས་ཨེ་ཡོད། ཡོད་ན་སངས་རྒྱས་ཕལ་པོ་ཆེ་སོགས་པའི་གསུང་རབ་ཧྭ་ཤང་གི་བློ་ལ་

― JLAZ014_Page_0403 ―

^{[མ་དཔེ་གཟིགས་ན་འདིར་གནོན།]}

[Full Size]

བཞུགས་ཤིང་། དོན་ལ་རྟོག་པ་ནི་ཆོས་དབྱིངས་མ་བསྒྱུར་བའི་གོང་དུ་སྤངས་ཤིས་ལོ་ཙཱ་བྱས་ཏེ་ཧྭ་ཤང་གི་བློ་ལས་ཕལ་ཆེན་བསྒྱུར་བའི་དབང་པོ་ཡོད་པས་སོ། །ཡང་ཁྱེད་རང་རྣམ་པ་ཡིད་ལ་མི་བྱེད་པའི་ཆོས་སྐད་ལ་ལོག་བར་ལྟ་བཞིན་དུ་འཕྲག་པ་ཀུན་ལེགས་གྲུབ་ཐོབ་ཏུ་འཛིན་ཕྱིན་འདུག་པས་དེ་ཉིད་ཀྱིས། བསམ་ཡས་སུ་ཧྭ་ཤང་ཆེན་པོའི་གཞུང་ཐམས་ཅད་ཡུམ་གྱི་གླེགས་བམ་ལ་ཁུངས་བཅོལ་བར་འདུག་པས། ཕྱོགས་སྔ་མཛད་མཁན་ཚོས་ཕྱོགས་སྤམ་ལོངས་སམ། ཡུམ་ཤེར་ཕྱིན་འཁྲུལ་ན་ནི་མ་ཤེས། གཞན་སློབ་དཔོན་ཀ་མ་ཤྲཱི་ལ་ནི་དབུ་མ་རང་རྒྱུད་པར་འདུག་པས། དེའི་གྲུབ་མཐའ་རྣམ་དག་ཡིན་མིན་ཇོ་བོ་དགེ་ལྡན་པ་ལ་འདྲི་ཞུ་ལགས། ཞེས་བྲིས་འདུག་པས་སོ། །དེ་ཡང་བདག་ལྟ་མཆོག་འཛིན་ཡིན་ཟེར་ན། ཇོ་བོའི་ཆིག་ཅར་འཇུག་པ་ན། བཅོམ་ལྡན་འདས་ཀྱི་ཡེ་ཤེས་ཀྱི་ཅི་ཡང་མི་གཟིགས་ཏེ། དེ་ཅིའི་ཕྱིར་ཞེ་ན། ཡེ་ཤེས་ཀྱི་ཡུལ་མི་མངའ་བའི་ཕྱིར་རོ། །ཞེས་ཀླུ་སྒྲུབ་ཀྱི་གཞུང་དྲངས་པ་ལ་ལྟོས། ལར་སྔ་བཞེད་ནས་དེ་ལྟར་བཤད་ཟེར་ན། ཆོས་འབྱུང་དང་རྣམ་པར་ཐར་པ་ཚོ་མཉམ་པ་ཉིད་ཀྱི་བློ་ཅན་ལ་དག་སྣང་དང་ངེས་ཤེས་སྐྱེ་ཕྱིར་ནི་རུང་ལ། གཞན་དུ་ན་གཟུ་བོ་གཟུ་བོར་བྱས་

― JLAZ014_Page_0404 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དཔྱད་པ་དགོས་པའང་མཐའ་མི་ཁེགས། གལ་ཏེ་དེ་ལྟར་ཆུག་ཀྱང་ཆོས་ནི་ཚིག་ལ་མི་རྟོན་པ་བློ་མཆོག་རྣམས་ཀྱི་ཁྱད་པར་ཡིན་པས་ཀུན་རྫོབ་ལ་མི་རྟོན་དོན་དམ་ལ་རྟོན་པའི་ཕྱིར། དགོངས་པ་ཅན་དང་ངེས་པ་ཅན་གང་ཡིན་དཔྱད་དཀའ། གྲུབ་པའི་སྐྱེས་བུ་མཆོག་གི་བལྟར་སྣང་ཐམས་ཅད་སྒྲ་ཇི་བཞིན་པར་འཛིན་ན། མི་ལས། མཐོ་མི་མངོན་ནམ་མཁའི་དབྱིངས་ཤེད་ནས། །རྗེ་དུས་གསུམ་སངས་རྒྱས་ཞལ་རྫུན་མཁན། །ཆོས་དྲང་དོན་གྱི་བསླུ་ཁྲིད་གསུངས་གསུངས་ནས། །ངེས་པའི་དོན་ལ་རྟོགས་དུས་མེད། །ཅེས་པ་འདིས་ཆོས་དང་གང་ཟག་གཉིས་ཀ་ལ་སྐུར་པ་བཏབ་པར་ཨེ་འགྱུར། དེ་བཞིན་དུ་མཁས་གྲུབ་ཆེན་པོ་དག་གིས་དགོས་པའི་སླད་དུ་ཁྲི་བརྒྱད་སྟོང་པ་འཕོངས་སྟེགས་སུ་བཅུག་པའ་ལོ་རྒྱུས་ཀྱང་ཡོད་པས་སོ། །དོན་དམ་པར་ལྟ་བའི་གནད་གང་ཚད་མ་དང་། གང་ཅིག་ཤོས་རྫོགས་པའི་སངས་རྒྱས་ཁོ་ནས་མཁྱེན་གྱི་གཞན་གྱིས་མ་ཡིན་པས་རང་ཉིད་གང་ལ་ཡིད་ཆེས་པ་དེ་སྐལ་བ་དང་བསོད་ནམས་ཀྱི་རྗེས་སུ་འཇུག་པའི་ཕྱིར་རོ། །ལར་བརྗོད་བྱ་འདིའི་སྙིང་པོའི་བརྗོད་དོན་ལ་རྟོག་དཔྱོད་ཕྲ་མོའི་ཤེས་རབ་ཞུགས་མ་ཞུགས་ཀྱི་ཁྱད་པར་ལས་མི་འདུག་པས་དེའི་རང་བཞིན་ཁོ་བོ་ཅག་གི་བཞེད་གཞུང་། གླང་ཆེན་རབ་འབོག་ལས། སེམས་ལྔ་

― JLAZ014_Page_0405 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་པའི་སྐྱེས་བུའི་ཐུགས། །ལམ་གྱི་ངོ་བོ་རྒྱུད་ཡིན་པས། །ཐམས་ཅད་མ་ལུས་རྫོགས་པར་བྱེད། །དཔྱད་དུ་མེད་པར་གོ་བ་ནི། །དབང་པོ་རྣོན་པོའི་སྤྱོད་ཡུལ་ཏེ། །སྣང་སྲིད་ཆོས་རྣམས་མ་ལུས་པ། །བྱང་ཆུབ་སྙིང་པོར་གཏན་ལ་འབེབས། །དཔྱད་དུ་ཡོད་བར་གོ་བ་ནི། །དབང་པོ་རྟུལ་པོའི་སྤྱོད་ཡུལ་ཏེ། །དཔེར་དོན་རྟོགས་དང་གཏན་ཚིགས་ཀྱིས། །ཡིད་ཆེས་ངེས་ཤེས་སྐྱེས་པར་སྟོན། །དཔྱོད་བ་ཞུགས་པ་རྟོག་པའི་གཞི། །རྟོག་པ་ཞུགས་པ་དམིགས་པའི་རྟེན། །དམིགས་པ་ཞུགས་ན་འཛིན་པས་བཟུང་། །འཛིན་པས་བཟུང་ཕྱིར་གྲོལ་མི་འགྱུར། །ཅེས་དང་། ཆོས་རྣམས་ཐམས་ཅད་སེམས་སུ་འདུས། །སེམས་ཉིད་ནམ་མཁའ་ལ་གནས་ཏེ། །ནམ་ཁའ་ཅིར་ཡང་མི་གནས་པས། །དེ་ཕྱིར་དཔྱོད་པའི་བྱ་བྱེད་བྲལ། །བྱར་མེད་བསམ་བྲལ་བརྗོད་འདས་རྟོགས། །དཔྱད་དུ་ཡོད་པར་དངོས་ཞེན་པ། །མུ་སྟེགས་རྟག་པར་ལྟ་དང་མཚུངས་། །དཔྱད་དུ་མེད་ལ་ཞེན་འཐས་པ། །མུ་སྟེགས་ཆད་པར་ལྟ་དང་མཚུངས། །མཐའ་གཉིས་གོ་ལས་གཅད་པའི་ཕྱིར། །མཁས་པས་ཕྱོགས་གཅིག་ཞེན་མི་བྱ། །ཞེས་པ་འདི་རྫོགས་པའི་སངས་རྒྱས་ཀྱི་དགོངས་པ་སྒྲ་ཇི་བཞིན་པ་ཡིན། དེས་སྤྱོད་ཕྱོགས་ཁྱད་དུ་བསད་སྙམ་

― JLAZ014_Page_0406 ―

^{[མ་དཔེ་གཟིགས་ན་འདིར་གནོན།]}

[Full Size]

ན། སེམས་ཀྱི་སྡེ་ལས། མ་བཅོས་རྣལ་དུ་བཞག་པ་དེར། །ཐེག་དམན་རྩོལ་བསྒྲུབ་ཀུན་འདུས་ཏེ། །འོག་མའི་བྱང་ཆུབ་དེ་ལ་རྫོགས། །ཞེས་པ་འདི་གནད་ཟའ་མོ་ཡིན། །དགེ་བཤེས་མཚན་ཉིད་པའི་ཆོས་སྐད་ཁྱད་དུ་འཕགས་པར་སྣང་ཡང་འདིའི་ངང་དུ་མཉམ་པར་འཇོག་རང་མི་མཁྱེན་པས་ལན་འདྲ་སྨྲས། ཡང་བཀའ་བརྒྱད་ལ་སོགས་པ་རྣམས་ཀྱི་དཀྱིལ་འཁོར་བཔཙལ། ལྷ་ཀླུའི་ཀ་གདུང་། གཟའ་སྐར་གྱི་གྲལ་ཕྱམ་ལ་སོགས་པའི་རྫིག་ན་མི་རྫིག་ན་བྱས་པ་ལྟ་བུ་ལ་དགོས་དོན་གང་ཡོད་ཟེར། གསར་མ་རྣམས་ལའང་། དྲག་པོ་དང་། དབང་ཕྱུག་ལ་སོགས་པ་འཇིག་རྟེན་ན་མཐུ་ཆེ་ཞིང་དབང་བཙན་བ་རྣམས་ཞབས་ཀྱིས་བརྫིས། དུས་ཀྱི་འཁོར་ལོ་སྒྲ་གཅན་གྱི་སྟན་ལ་རྣམ་པར་བསྒྱིངས་ནས། ཉི་ཟླ་གཟའ་སྐར་ལ་སོགས་པའི་འཁོར་གྱི་དབུས་ན་བརྔམས་ནམ་བརྔམས་བྱས། ཕྱི་ནང་གཞན་སུམ་གྱི་ཆོས་སྐད་ཟབ་མོས་འཁོར་འདས་ཐམས་ཅད་རང་གི་དཀྱིལ་འཁོར་ཉག་གཅིག་ཏུ་རྫོགས་པར་མཛད་པ་ལ་དགོས་དོན་གང་ཡོད། དེ་དག་ལ་སྤྱང་གཞི་སྦྱོང་བྱེད་སྦྱངས་འབྲས་རྣམ་པར་དག་པ་ཡོད་ཟེར་ན། འདི་དག་ལའང་དགོས་པ་དང་། འགྲེལ་པ་དང་། དོན་ཁྱད་བར་ཅན་ལ་དག་པ་སྦྱོར་གཞིར་བཀོད་པ་ཡིན་ཏེ།

― JLAZ014_Page_0407 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་མཆོག་རོལ་བའི་རྒྱུད་ལས། གཟུགས་ཁམས་མ་ལུས་དབང་དུ་བསྡུ་བ་དང་། །དྲག་པོའི་ལྷ་བརྒྱ་དང་རྒྱལ་གཞོམ་པའི་ཕྱིར། །ལྷ་བརྒྱད་རོལ་བའི་གཞལ་ཡས་རྨང་ཏུ་བཏིང་། །གཏི་མུག་མུན་ཚོགས་ཡེ་ཤེས་བསྐྱེད་པ་དང་། །བྱོལ་སོང་ཀླུ་རྣམས་དགེ་ལ་གཟུད་པའི་ཕྱིར། །ཀླུ་བརྒྱད་བཟུང་ནས་ཁང་པའི་གདུང་དུ་བྲིས། །འདོད་ཁམས་མ་ལུས་དབང་དུ་སྡུག་པ་དང་། །ཕྱོགས་མཚམས་སྲིན་པོ་དྲེགས་པ་གཞོན་པའི་ཕྱིར། །རྒྱལ་ཆེན་ཕྱོགས་སྐྱོང་རྣམས་ཀྱི་རྩིག་པ་བྱས། །སྐུ་བཞི་དཔལ་བརྒྱད་ཚང་བར་བྱ་བའི་ཕྱིར། །རྒྱལ་ཆེན་རིགས་བཞི་བཟུང་ནས་ཀ་གདན་བྱས། །ཐེག་པའི་ཁྱད་པར་གཞན་ལས་དཔག་པའི་དོན། །གླང་ཆེན་ཀ་ལ་པངྐི་ས་ཀ་གདན་བྱས། གླིང་བཞིའི་མི་རྣམས་དགོས་འདོད་བསྐང་བའི་ཕྱིར། །གཟའ་སྐར་མིག་ཚགས་བྱས་པས་འགྱུར་ལྡོག་མེད། །འཇིག་རྟེན་ཐམས་ཅད་ཟིལ་གྱིས་གནོན་པའི་ཕྱིར། །སེང་གེ་ཀཱ་ལ་ཤ་ཡིས་ཀ་གཞུ་བྱས། །འཁོར་བའི་གཅོང་རྙིང་གནས་ནས་སྦྱང་བའི་ཕྱིར། །སེང་གེའི་ཁ་ནས་བདུད་རྩིའི་འོ་མ་འཛག །ཐོད་རུས་བར་ཁྱམས་གནམ་ལྕགས་གཟེར་གྱིས་བརྒྱན། །ཞིང་ཆེན་བླ་བྲེ་རྔ་ཡབ་འཕན་བདུགས་དང་། །ཐུགས་

― JLAZ014_Page_0408 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེའི་བྱང་སེམས་ཀུན་ཏུ་ཁྱབ་པའི་ཕྱིར། །ཉི་ཟླ་འབར་བའི་རྒྱན་བཅས་གསལ་བར་ལྡན། །ཅེས་གསུངས་པའི་ཕྱིར་རོ། །ཁོང་ངོས་ཅག་གི་གྲོལ་ཏིག་ལ་དག་སྣང་ཆེ་ཚུལ་གྱི་ལམ་འབྲེལ་པོའི་ལུང་ཞིག་ཉན་སོང་། དེ་ཡང་བློ་གྲོས་གསལ་བའི་རྟགས་ཀ་ཡིན། རྫོགས་པ་ཆེན་པོའི་ཞལ་གདམས་ཤིག་དགོས་ཟེར་བ། དངོས་དང་རྫུ་འཕྲུལ་གྱི་ངག་གང་ཡིན་ཡང་རུང་བར་བྱས་པ་འདི་བྲིས། ཡོད་མེད་མཐའ་བྲལ་ཆོས་ཀྱི་དབྱིངས། །རང་བཞག་གཞོན་ནུ་ཁུམ་པའི་སྐུ། །གཏིང་མཐའ་བྲལ་བའི་ཡེ་ཤེས་ལ། །རྟག་ཆད་མེད་པར་ཕྱག་བགྱིའོ། །གདོད་ནས་རང་བཞིན་རྣམ་དག་ནི། །དང་པོ་སངས་རྒྱས་དགོངས་པ་སྟེ། །ཚིག་གི་ལམ་ལ་ཁྱེར་སོ་མང་། །ཟུང་འཇུག་གནད་འགག་མཁྱེན་ལགས་སམ། །སྣང་དང་སྟོང་དང་མི་རྟོག་གསུམ། །ཐ་དད་གཅིག་ལ་གཅིག་འབྲེལ་གྱི། །ཟུང་འཇུག་འཆོས་པའི་ཚིག་གི་མདས། །དོན་གྱི་འབེམ་ལ་སྣང་པ་དཀའ། །ཆོས་ཉིད་གཞི་མེད་རྩེ་བྲལ་གྱི། །སྣང་བའི་ཡུལ་ལ་གོས་མ་མྱོངས་། ཚུལ་འཆོས་གེགས་ལས་རང་གྲོལ་བའི། །དབུ་མའི་གནད་འགག་མཁྱེན་པར་མཛོད། །འཁོར་འདས་བློ་ཡིས་བྱས་པའི་ཆོས། །སྨྲ་བསམ་བརྗོད་མེད་ངོ་བོར་གྲོལ། །རབ་ཏུ་མི་གནད་དབུ་མའི་གནད། །སྤྲོས་

― JLAZ014_Page_0409 ―

^{[མ་དཔེ་གཟིགས་ན་འདིར་གནོན།]}

[Full Size]

བྲལ་ཡེ་ཤེས་ཉིད་ལའོ། །མདོར་ན་རྫོགས་པའི་སངས་རྒྱས་ཐུགས། །རྟག་ཆད་གདོན་དང་འགྲོགས་པ་མེད། །ཡིན་ལུགས་ཚིག་ལ་མི་རེ་བ། །རྫོགས་པ་ཆེན་པོའི་གྲུབ་པའི་མཐའ། །ཞེས་སྨྲས། འདི་དག་ཤེས་ལྡན་ཝ་གིནྡྲས། །ཚིག་ལས་ཡི་གེའི་ལམ་དྲོངས་ཞེས། །ནན་གྱིས་བསྐུལ་བའི་འགྲོས་དོན་ལགས། །འདི་ལོའི་རྙེད་པ་རྣམས་ནས་སྲོང་བཙན་བ་མ་སོར་བོད་ཁམས་བདེ་ཐབས་དང་། སྟོད་ཧོར་གྱི་ཁ་གནོན་ལ་དམིགས་དཔལ་ཨོ་རྒྱན་ཆེན་པོའི་སྣང་བརྙན་སྐྱེས་བུའི་ལུས་ཚད་ཉིས་འགྱུར་ཙམ་ཡུམ་དང་བཅས་པ་བཞེངས། བཟོ་གནས་རིག་པའི་དཔྱད་ཉམས་འོད་ཏུ་ཆུད་པས་ཞལ་སྐྱིན་གྱི་འབུད་ཀྱོང་ཐམས་ཅད་ལ་ཕྲི་བསྣན་གྱི་བཀོད་པས་འདོམས། ཚིག་བདུན་མའི་བྱིན་འབེབས་རྟག་ཏུ་བགྱིས་པས་བཟོ་སྒྲོས་གཙང་བར་བྱོན། ཞལ་གསེར་ལན་བདུན་གསོལ། འདྲ་རྒྱན་རང་ལའང་དངུལ་སྲང་ལྔ་བཅུའི་རྩ་བ་མ་སྨད་པར་ཡོད། གོང་ས་ལྔ་པའི་ཐུགས་བསྐྱེད་ལས་པོ་ཏ་ལའི་གཟུངས་པར་གསར་རྙིང་རིས་མེད་དུ་ཚོགས་ཆེ་བས་ཤོག་བུ་བཅུ་ལྡེབ་བརྒྱལ་ཉེབ་བཏབ། གུ་རུའི་སྙིང་པོ་འབུམ་ཐེར་ལྷག་བཅས། ཡིག་དྲུག་ཁྲི་ཕྲག་མང་པོ་ལ་སོགས་པ་ཆོས་སྐུའི་རིང་བསྲེལ། མ་སྐྱེས་དགྲའི་རྟེན་

― JLAZ014_Page_0410 ―

^{[མ་དཔེ་གཟིགས་ན་འདིར་གནོན།]}

[Full Size]

སྐལ་ལས་འཕེལ་བའི་ཡུངས་འབྲུག་ལྟ་བུའི་རིང་བསྲེལ། གདུང་དང་སྐུ་བལ་གྱི་རིང་བསྲེལ་རྙེད་པར་དཀའ་བ་མང་པོ་བཅས་རྣམ་པ་བཞིས་ཕྱུར་བུར་གཏམས། སྐུ་གསུང་ཐུགས་རྟེན་རྒྱུ་དང་བྱིན་རླབས་ཀྱི་འཕགས་པའང་བཞུགས་གནོད་སྦྱིན་བང་མཛོད་ཀྱི་བཅའ་ག་དང་བཅས་པ་རང་གིས་ལག་པ་དང་། ཆོག་རོགས་པ་བཅོ་ལྔ་སྐོར་དང་བཅས་དངོས་སྟ་ཉིན་གཉིས་མའི་རབ་གནས་རྒྱས་བའི་སྤྱིན་སྲེག་མཐའ་རྒྱས་དང་བཅས་པ་ལེགས་པར་བསྒྲུབས། རབ་སྟོན་ལེན་མི་སྤྱི་མངས་ལ་ཊཾ་ཁ་རེ་དང་བསོད་བཏགས་རེ་བཀྱེས། བཟོ་བའང་ཤིན་ཏུ་མགུ་བར་བྱས། བཟང་གོས་ལས་གྲུབ་པའི་ན་བཟའ་དང་མཆོད་རྫས། དཀར་ཡོལ་སྟེགས་བཅས་དངུལ་གྱི་མཎྜལ་ཕུལ་མ། རྒྱ་དྲིལ་རྡོ་རྗེ་རྩེ་དགུ་པ་དང་བཅས་པའི་སྐུའི་ཉེར་སྤྱད་ཀྱང་ཕུལ། མདོ་མངས་པོད་ཆེན་ཉི་ཤུ་ཐམ་པ་བཏང་བ་ཆེན་པོས་རང་གིར་བྱས་པའང་ཀུན་དགའ་ར་བ་དང་བཅས་སྐུའི་ཉེ་ལོགས་སུ་བཞུགས། གཙུག་ལག་ཁང་འདིར་མཆོད་པའི་རྒྱུན་མེད་པས། གཞིས་ཀ་ནས་འབྲུ་གཙང་ཁང་སུམ་ཅུ་ཐམ་པ་དང་། རང་ཉིད་ཀྱི་དངུལ་སྲང་ལྔ་བཅས་མཆོད་མེ་སྡོང་གཅིག་གི་ཐེབས་སྦྱར། རྒན་པོའི་ངག་བགྲོས་ལ་བྱི་དོར་བྱས་པའི་གནས་ཡིག་ཅིག་ཀྱང་སྔོན་

― JLAZ014_Page_0411 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་བརྩམས། སྦྱིན་པའི་ཡན་ལག་ཏུ་ལུག་ལྔའི་སྲོག་བསྐྱབས། རྒྱལ་ཆོས་མཛད་ཀྱི་ཀློང་ཆེན་སྙིང་ཐིག་གིས་ར་མ་བཞེངས་པའི་དགེ་བ་རྫོགས་བྱང་དུ་བསྔོས། དགུན་སྤྲུལ་པའི་སྐུ་རིན་པོ་ཆེར་ཚེ་དབང་བརྒྱ་རྩ་དང་། བདེ་འདུས་ལུང་ཆ་ཚང་། བླ་མ་གསང་འདུས་རྣམས་སོང་། ལུག་ལོ་འདིར་དབུས་གཙང་། ལྷོ་འབྲུག་ ཁམས་ཀློང་སོགས་སྣ་ཚོགས་འདུས་པ་བཅོ་ལྔ་ལ་འཁྲིད་བཏབ་པས། བོ་དོང་གླིང་རབ་འབྱམས་པ་འདི་དག་གི་དབུས་ན་གཞུང་ལུགས་ལ་ཐོས་བསམ་ཆེ་ཤོས་རང་དུ་སྣང་སྟེ། སེམས་མན་ངག་གི་ལུགས་སུ་མ་ཚང་བཙལ་ནས་རིག་པ་བཅར་ཕོག་ཏུ་ངོ་སྤྲོད་པའི་ཚེ་མི་སློབ་པའི་ཟུང་འཇུག་ལ་སོགས་པའི་ཆོས་སྐད་ཚོན་པོས་ཁོང་མགོ་འཁོར་ཤོས་སུ་བྱུང་། དེ་ལ་ཁོ་བོས། ཆོས་རྗེ་པོ་དོང་བས་ཞི་བྱེད་ལ་སོགས་པའི་ཆོས་སྐད་ལ་དགག་སྒྲུབ་མཛད་པར་ཨནནྡས་ཕུང་འདི་སྟོང་ཞེས་རྟོག་ནའང་བྱང་ཆུབ་སེམས་དཔའ་དེ། མཚན་མ་ལ་སྤྱོད་སྐྱེ་མེད་གནས་ལ་དད་མ་ཡིན། ཞེས་གསུངས་པ་དང་ནི་འགལ། ཅེས་པའི་རྒྱུ་མཚན་སྣ་ཚོགས་ཀྱི་བློའི་རྟོག་པ་བསལ། སྨྲ་བསམ་བརྗོད་མེད་ཀྱི་དོན་ལ་རྗེས་དཔག་གཏན་ཚིགས་ཀྱི་གཞིག་འབྲེལ་མུན་ཁུང་སྤར་ཚོད་ཁ་ཕྱིར་བལྟས་ཀྱི་དཔྱད་

― JLAZ014_Page_0412 ―

^{[མ་དཔེ་གཟིགས་ན་འདིར་གནོན།]}

[Full Size]

སྒོམ་བྱེད་ཀྱི་མཁན་པོའི་ཐོག་ཏུ་གཞི་རྩ་བཅད་པས་ཕན་བ་རྒྱ་ཆེན་པོ་ཐོགས། ལར་ཀུ་སུ་ལུ་པའི་སེམས་འཚོལ་འདིས་འཁོར་འདས་ཀྱི་གྱེས་མཚམས་བ་ལང་ཛི་པོའི་རིག་ཐོག་ཏུ་བཅར་ཕོག་ཏུ་ངོ་འཕྲོད་བས་ས་ར་ཧས། མཁས་པ་ཐམས་ཅད་བསྟན་བཅོས་འཆད་པ་ན། ལུས་ལ་ཡེ་ཤེས་ཡོད་པ་མ་གཏོགས། ཞེས་གསུངས་པ་དེ་མེད། དེ་ལྟ་ནའང་ལྟ་བ་ལུང་རིགས་དང་འབྲེལ་བ། སྒོམ་པ་ཉམས་མྱོན་དང་འབྲེལ་པ། སྤྱོད་པ་དུས་ཚོད་དང་འབྲེལ་བ། འབྲས་བུ་གཞན་དོན་དང་འབྲེལ་བ་ཞེས་བྱ་བ་ཡིན་པས་རྨོངས་པ་ལམ་ཉེས་ནས་འཁྲིད་པ་ལ། ལམ་སྟོན་གྱི་བླ་མ་དེ་སྤངས་རྟོགས་ཕུན་སུམ་ཚོགས་པ་དགོས་ཏེ། དེ་མ་བྱུང་ན་སེམས་གནས་སྟུག་པོའི་སྒོམ་ཙམ་ཁ་བའི་འོག་གི་འབར་འབུར་དང་འདྲ་སྟེ་གང་ཡིན་ཤེས་པ་དཀའ་འོ། །དུས་འདི་ཙམ་ན་དཔལ་ཚེ་རིང་ལྗོངས་ཀྱི་སྒོམ་གྲྭ་འདིར། ལོ་གསུམ་འདག་སྦྱར་བ་རང་བརྒྱད་དགུ་ཙམ། གཞན་ལྷགས་སྐྱོབས་དང་། ཅོག་པུ་སོགས་ལ་བརྟེན་པའི་བྱ་བྲལ་གྱི་དགེ་འདུན་རྣལ་འབྱོར་པ་རྣམས་སྒོམ་སྒྲུབ་ཤིན་ཏུ་འཕེལ། མཚན་མོའི་ཆ་ལའང་ཐུན་གསུམ་དུ་བཅད་པའི་ཆ་བར་པ་ལ་གཉིད་ལོག །ཆ་གཉིས་པོ་དགེ་སྦྱོར་གྱི་སྐྱོང་བའི་སྟེང་འགྲུས་ལ་སྐྱོབ་ཕྱིར། ཐུན་ཚོད་བ་དམིགས་

― JLAZ014_Page_0413 ―

^{[མ་དཔེ་གཟིགས་ན་འདིར་གནོན།]}

[Full Size]

བསལ་བསྐོས། ཐུན་བརྡའི་རྐང་གླིང་ལ་རྟོག་དཔྱོད་དང་རེས་འགའ་སྐོར་གཡེང་གི་ཉམས་སད། ཆོས་རྗེ་རྒོད་ཚང་པས་དགེ་སྦྱོར་ཕྱེད་དོ་ཆོས་བྱེད་དགོས་གསུངས་པའི་གཏམ་ཡང་དོན་མཐུན་དུ་སོང་། འདིར་གནས་པ་ཕལ་མོ་ཆེ་སོ་སོ་ལ་འཇིག་རྟེན་གྱི་ཕྱོགས་ངོ་ནས་ཁུངས་དང་བརྟེན་ས་ཡོད་པའི་མི་འཇིགས་སྐྱོབ་དང་། ལེགས་སྨོན་གྱི་སླད་དུ་གྲ་སར་བཞུགས། གུ་ཡངས་དང་ཐོ་ཅོའི་སླད་དུ་རས་གོས་གྱོན་པ་མ་ཡིན་པར། བློ་བླ་མ་ལ་གཏད། གྱོང་ལྟོ་གོས་གཏམ་གསུམ་ལ་བསྐུར། ཆོས་འབའ་ཞིག་ལ་བསམས་ཏེ་འོངས་པ་ལྒགས་པས་རང་ཉིད་ཀྱིས་ཀྱང་བཟའ་འཕྲོ་བཏུང་འཕྲོ་ཡན་ཆད་བགོ་བཤའ་བྱས་ཏེ་སྦྱིན་ཕས་ཕག་གདགས། ཆོས་ཀྱི་ཕྱོགས་སུ་འཇུག་པ་ལ་སྤྲོ་བ་བསྐྱེད་དེ་སྙན་པར་སྨྲས། ལོག་བསྒྲུབ་དང་སྐྱོ་ངལ་བཟོད་པར་བྱས་ཏེ་ཐབས་གང་ནས་ཀྱང་གཞན་དོན་སྤྱོད་པ་ལ་བརྩོན། ཁེ་གྲགས་བསྒྲུབ་པའི་བརྟུན་པ་བཅོམ་ནས་ཆོས་ཚུགས་ལ་གནས་པས་དོན་མཐུན་པ་སྟེ། བསྡུ་བའི་དངོས་པོ་བཞི་ལ་དངོས་སུ་གནས་པར་དཀར་ཡང་རྗེས་མཐུན་པས་སློབས་མ་བསྐྱང་པ་ཡིན། མལ་ཀ་བ་ཅན་པ་ན་རེ། སྟན་པ་ང་ལ་སྟོབ། ཕྱག་ཕར་ལ་འབུལ། ཆོས་ཕར་བཤད་ནས་བསྙེན་བཀུར་ཚུར་ལ་རེ་བ་ཡིན། ང་ལ་ནི་བཙུན་པའི་འཁོར་གྱི་དགོས་པ་མེད་ཅེས་པ་དང་། ཆོས་

― JLAZ014_Page_0414 ―

^{[མ་དཔེ་གཟིགས་ན་འདིར་གནོན།]}

[Full Size]

ཐེག་པ་ཆེན་པོ་ལ་གང་ཟག་ཐེག་པ་ཆུང་དུ་སྤྱད་པའི་ལས་སྣང་ནི་བསམ་གྱིས་མི་ཁྱབ། དེའི་ཕྱིར་གདུལ་བྱ་དུས་ལ་བབ་ནས་སེམས་ཅན་ལ་ཕན་ཐོགས་པའི་ཚེ་ཐེག་པ་ཆེན་པོའི་བརྟུལ་ཞུགས་ལ་ལྷག་པར་སློབ་དགོས། དེས་སྐྱེས་རབས་བརྒྱ་པ་ལ་བལྟས་པས་བློ་བསྐྱེད་ཆེན་པོ་བྱུང་ནས་དེའི་དོན་རྣམས་སྨོན་ལམ་དུ་བྱས་པའི་བསྟན་བཅོས་སྐྱེས་པ་རབས་ཀྱི་རྒྱུད་སྙན་དངགས་དམ་པའི་འཁྲི་ཤིང་སུ་བསྔགས་པའི་པྲ་ཎི་རྟ་མའི་ཅི་ཀུན་ཏུ་དགའ་བའི་བློས་གར་བྱ་བའང་བརྩམས། །གསོག་པ་དང་། བསྲུང་བ་དང་། སྤེལ་བ་གསུམ་གྱི་ཉེས་དམིགས་འདི་ལ་མ་བསམས་ན་ཕྱུག་པོ་ཞིག་དེ་མ་ཐག་ལ་འོང་བ་འདུག་སྟེ། འཁོས་ཆུང་བ་འདིས་རྩམ་པ་ཡང་ཟླ་ཐུང་ངེ་བ་ཡོད། དེ་ལ་གང་དཀོན་པའི་ཕྱོགས་ནས་འཇུངས་པའི་བརྟུལ་ཞུགས་དང་འདྲལ་བར་བྱེད་པ་རྒྱལ་བའི་སྲས་ཀྱི་ལག་ལེན་དུ་འདུག །རྣམ་པ་གང་དུའང་གཏོར་ཚོགས་དང་མཆོད་པའི་བྱ་བ་ལ་བརྩོན། རྒྱུན་གཏོར་ཀྱང་ཆུ་མ་རག་ཅི་འགྲུབ་བགྱིད། དཀོན་མཆོག་བསླུ་བའི་ཉེས་དམིགས་ལ་འཇིགས་ནས་རྩམ་པ་བཟང་ཤོས་ལ་མཆོད་རྩམ་སྦྱོར། དེ་ཁའི་མིག་ལྟོས་ཀྱིས་འདིར་སྒོམ་ཆེན་པ་ཆུ་ཐལ་ལ་བརྟེན་པ་དག་གིས་ཀྱང་ཆུམ་རག་གིས་རྒྱུན་གཏོར་འཛུགས། རྒྱུ་འབྲས་མི་བསླུ་བའི་བདེན་པས་ལོངས་སྤྱོད་ཀྱང་ཆུང་དུ་མི་འགྲོ། བརྒྱ་མཆོད་ཀྱི་མཚོན་པའི་མཆོད་རོ་ཕོན་ཆེར་ལོང་

― JLAZ014_Page_0415 ―

^{[མ་དཔེ་གཟིགས་ན་འདིར་གནོན།]}

[Full Size]

བ་ཕལ་ཆེར་དགོན་པ་དང་། ལོང་སྤྲང་གི་ཕྱོགས་སུ་དེངས་འཇུག་པ་ཡིན། ཁྱད་པར་ལོ་འདིར་འབྱུང་པོ་དང་ཡི་དྭགས་རྣམས་ཀྱི་དབུལ་ཕོངས་བསལ་ཕྱིར་གཏོར་མའི་མཆོད་སྦྱིན་འབུམ་ཐེར་གྱ་ནོམ་པ་བཏང་ནས་བདག་ཉིད་དང་མཆོད་ཡོན་འབྲེལ་པའི་ཡུལ་སྤྲང་རྣམས་ཀྱང་ཚིམ་པར་བྱས། གཏོར་མའི་གཞུང་ཁ་འབར་མ་དང་། རྣམ་ངེས་རྣམས་ཀྱི་མཚན་ཉིད་ལེགས་པར་ཚང་བ་ཀུན་མཁྱེན་ཆེན་པོའི་ཞལ་ཁྲིད་ཕྱོགས་གང་དུའང་མ་དར་བ། བླུན་དད་ཙམ་མ་ཡིན་པའི་གྲུབ་པའི་མཐའ་དང་ཆོས་སྤྱོད་ཡན་ཆད་མ་ནོར་མ་འཁྲུལ་བ་དེ་དར་ན་དགའ་བས་ཀུན་ནས་ཀུན་ཏུ་དར་བ་བགྱིས་པ་ཡིན། དུས་འདི་ཙམ་ན་བོད་ཀྱི་མི་དྲག་རྣམས་ནས་བསྔོ་རྟེན་བརྡ་མཚོ་རེ་ཡང་བསྐྱལ། བླ་དཔོན་རྣམས་ལག་ཏུ་གཏོར་ན་ཐུགས་ལ་འདོགས་པའི་རྟེན་འབྲེལ་ཤར་ཏེ་རིགས་ཀྱི་བདག་པོ་དཀོན་མཆོག་གསུམ་གྱོ་ཆོག་ཤེས་པར་བྱས། དབེན་པར་ནམ་འཆི་ཆ་མེད་ལས་བསམ་རྒྱུ་མེད་པའི་བློ་སྣ་བསྟུངས་ནས་གཞན་གྱི་མདུན་སར་བསྟི་སྟང་ལམ་སླེབ་པས་ཁེངས་པ་ཅན་དུ་གཟིགས་ཀྱི་ཡོད་པའང་ཤེས་ཏེ་ཐོས་པས་རང་རྒྱུད་གྲོལ་བའི་སྙེམས་ཆུང་ལགས། ཡུལ་དང་ས་ཕྱོགས་གང་དུ་ཕྱིན་ཡང་སྐྱེ་བོ་རྣམས་ཀྱིས་བྱམས་པར་བྱུང་བས་འབྱོར་པ་ས་ཀྱང་མ་རྡུག་སྟ་དཀོར་གྱིས་གཟི་བྱིན་མ་བསྒྲུབས།

― JLAZ014_Page_0416 ―

^{[མ་དཔེ་གཟིགས་ན་འདིར་གནོན།]}

[Full Size]

བཀའ་གདམས་པའི་དགོན་རྙིང་མཐོང་བས་གནས་གཞིའི་རྟེན་འབྲེལ་ཀྱང་གཤིས་ལ་གང་གྲུབ་ཏུ་བཞག །བཞི་བཅུ་ཞེ་ལྔ་ཚེ་ཚད་ཡིན་ཏེ་ཚོགས་གསོག་སྒྲིབ་སྦྱོང་གི་མཐུ་ལས་ད་ལྟའི་བར་དུ་བདེ་བར་འཚོ། རྟེན་འབྲེལ་མ་འཆོལ་ན་ཇོ་མ་ཡེ་ཤེས་མཚོ་རྒྱལ་གྱིས་དྲུག་ཅུ་ཐམ་པའི་ཕ་ཕོགས་བྱིན། འབྲེལ་འདྲིས་ཀྱི་ཆ་ནས་སྤྱོད་པའི་འཇུག་ལྡོག་ཇི་ལྟར་གཡོ་ཡང་སེམས་ཅན་རང་གི་ཆོས་ཉིད་ཡིན་པས་འཁོན་དུ་འཛིན་པ་ལ་རབ་གནས་མ་བྱས། འཁྲིད་དང་གདམས་ཇི་ལྟར་འདེབས་ཀྱང་སྐྱེས་རབས་དང་བློ་སྦྱོང་གི་གཏམ་དང་འབྲེལ་བས་འཁོར་བ་ལ་ཞེན་པ་ལྡོག་པའི་ཐབས་བྱས། སོ་ཐར་མཐན་ཉིད་པའི་ཐོབ་མཚམས་ཀྱང་འཁོར་བ་ལ་ངེས་འབྱུང་ནམ་སྐྱེས་སུ་འདོད་ཕྱིར་ལས་དང་པོ་བ་ལ་ཕན་པའང་འདི་ཆེ་བ་ཡིན། མེ་ཕོ་སྤྲེའུའི་ལོ་ཤར་མ་ཐག་དཔལ་གྱི་བསམ་ཡས་གཙུག་ལག་ཁང་ལ་སྟོང་མཆོད་འབུལ་དུ་ལྷགས། མར་ཞུ་ཕོན་གང་ཆེ་བཞུ་ནས་རྒྱུན་ཀོང་རྣམས་ལའང་ཁྱབ་ཅི་ཆེ་བྱས་ ཆོ་འཕྲུལ་ཆེན་མོའི་ཉ་ལ་ཇོ་བོའི་སྐུ་མདུན་དུ་གསེར་སིལ་མའི་མཎྜལ་དང་། གསེར་ཆབ། སྙན་ཤལ་ལ་སོགས་པས་སྔོན་བསུས། བྱང་སྡོམ་ལེན་པ་ནས་སྐྱེས་རབས་བརྒྱ་བའི་སྨོན་ལམ་ལ་ཁ་ཏོན་དུ་བགྱིད་པའི་བར་བྱས། བར་ཁང་གཡུ་ཞལ་དུ་ཚོགས་ཀྱི་འཁོར་ལོ་

― JLAZ014_Page_0417 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱ་ཆེན་པོ་བསྐོར། རྩིས་དབོན་ཀོང་པོ་རྒྱལ་བསྐོར་བ་ཕྱག་དབང་དུ་བྱོན། སྔོན་རབས་ཆོས་འབྱུང་ལས་བརྩམས་པའི་གསུང་ལན་བཏབ། རང་ཡུལ་གྱི་ཡོན་ཏན་བརྗོད་ནས་དེར་སླེབ་པ་བྱེད་དགོས་གསུང་སྡེ་དཔོན་ཚོའི་དད་པའང་སྟོན་སེར་གྱི་མེ་ཏོག་ལྟ་བུ་ལ་མི་རྟག་པ་སྒོམ། འདི་སྐབས་འཕགས་པའི་ཡུལ་ནས་རང་ཉིད་ལ་རླང་པོ་ཆེ་གཞོན་ནུ་ཞག་འབུལ་མཁན་འོངས་པ་ལ་ལམ་དང་ལམ་དུ་སྐྱེ་བོ་ཐམས་ཅད་ལྟ་རུབ་བྱེད་ཅིང་དེའི་རྩྭ་གཟན་མ་འབྱོར་དོགས་པའི་སྙིང་ལས་བྱེད་པ་ལན་གཉིས་སུ་རྨིས་པ་རྒྱལ་བའི་སྲས་ཀྱི་གདུང་འཚོབ་ཅིག་པར་འདུག །བྲག་དཀར་རྐེའུ་ཚང་དུ་མཆོད་པ་རྒྱས་པ་དང་འབྲེལ་པར། ཚེ་དཔག་མེད་སྐུ་གསུམ་འདུས་པའི་བདག་འཇུག །ཚོགས་ཀྱི་འཁོར་ལོ་རྒྱ་ཆེན་པོ་བསྐོར། གསེར་ཆབ། སིལ་མ་ཞོ་གང་གི་མཎྜལ། སྙན་ཤལ་ལྷ་རྫས་དྲི་མེད་བསྟར། བླ་མ་རིན་པོ་ཆེར་ན་བཟའ་འབུལ་བ་དང་། གླིང་སྟོད་སྨད་ལ་མང་འགྱེད་བཏང་། ཚོགས་ཀྱི་འཁོར་ལོ་སྟོང་ཚར་ལྔ་དང་། མེ་མཆོད་ལ་སོགས་པའི་ཚོགས་བསགས་བགྱིས། དེ་ནས་བླ་བྲང་དུ་འོག་མིན་ཚོགས་ཆེན་འདུས་པའི་སྒྲུབ་ཆེན་དང་འདྲེལ་བར་འདུས་པ་མདོ་སྒོ་སྦྲག་དགུ་མའི་དཀྱིལ་འཁོར་དུ་སྨིན་གླིང་ལོ་ཙྭ་བའི་ཡིག་ཆའི་སྟེང་ནས་

― JLAZ014_Page_0418 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྲུལ་པའི་སྐུ་དང་ཆོས་རྗེ་བྲག་ཕུག་པ་རྗེས་འབྲངས་འབྲུག་པའི་བུ་སློབ་བཅས་འདུས་པ་ཉི་ཤུ་སྐོར་ལ་མདོ་དབང་སྨིན་རྒྱས་ཞག་བཅོ་ལྔའི་ཁོང་དུ་གྲུབ་མ་ཧཱ་དང་ཨ་ནུའི་སྒོམ་རིམ་གྱི་དཔྱད་པ་ལ་རིག་པ་གསར་པ་གཞན་ཡང་འཐོབ་སྟེ་སྔོན་དུ་དར་བ་རྣམས་ལ་རྗེས་སུ་ཡི་རང་བསྒོམ། རིན་པོ་ཆེའི་ཆེ་ཞེ་རང་བཞིན་གྱི་རྣལ་འབྱོར་མ་ལ་གསལ་སྣང་དུ། དབང་གི་དུས་ཆོས་ལོངས་སྤྲུལ་གསུམ་ཨུ་རྒྱན་ཡབ་ཡུམ་དང་བཅས་པ་རྡོ་རྗེ་སློབ་དཔོན་ལ་ཐིམ་པ་དང་། བསྐང་གསོའི་ཚེ་ཌཱ་ཀྐིའི་དབང་མོ་ཚེ་རིང་མ་གཙོ་འཁོར་ལྔས་བསྐོར་བ་གཡོན་དུ་བྱེད་པ་སོགས་གཡོན་པའི་ཀུན་སྤྱོད། ལྷག་མ་ལ་གདངས་གྱེར་བའི་ཚེ་ཚོགས་ལེན་པ་བཤད་ཚོད་དང་མཐུན་པའི་འདུ་བ་སོགས་གང་ཟག་དེའི་བློ་གྲོས་ཀྱི་སྤང་ལ་མི་ཐེབ་པའི་གསལ་སྣང་མཐོང་སྣང་འོད་འདྲ་བ་དྲ་ཚད་མང་པོ་ཤར། རྗེས་འབྲེལ་དུ་གཤིན་རྗེ་ཚེ་བདག་དང་། ཀློང་ཆེན་སྙིང་ཏིག་སོགས་ཀྱང་བགྱིས། སྒྲུབ་སྡེ་བ་སྤྱིད་ཚོགས་ལ་དཀོན་མཆོག་སྤྱི་འདུས་ཀྱི་དབང་དང་འདོན་ཆོས་སྤྱིའི་ལུང་བྱས། དེ་ནས་ཀུན་མཁྱེན་ཆེན་པོའི་རྣམ་ཐར་ལ་མི་འཕྲོགས་པའི་དད་པས་སྒྲུབ་གནས་རི་མོ་ཅན་དུ་གནས་འབྲེལ་ལ་ཕྱིན། བདུན་ཕྲག་གཉིས་ཀྱི་བར་དྲག་ཕུག་དང་ཅོག་གྲལ་བརྟེན་པས་ངེས་འབྱུང་རང་བཞིན་གྱིས་འཕེལ་

― JLAZ014_Page_0419 ―

^{[མ་དཔེ་གཟིགས་ན་འདིར་གནོན།]}

[Full Size]

ནགས་ཚལ་གྱི་གཏམ་ཨུ་དུམ་ཝ་རའི་ཆུན་པོ་དང་། རི་བོང་ཤིན་ཏུ་བརྟན་པའི་རྟོགས་བརྗོད་བྲག་རིའི་མགུལ་རྒྱན་ཡང་ཉམས་ཆོས་སུ་ཤར། མེ་ཚོགས་སྟོང་ཕྲག་ཐལ་བ་བྱས། །ཕྱིས་དང་སྡིག་གྲོགས་བླུན་པོ་ཕྲ་མེན་དབུས། །ཚོགས་ཀྱི་དེད་དཔོན་འཁྱམས་པ་མ་བཟོད་ནས། །བསྙེན་པར་རྫོགས་པའི་དུས་ཞེས་བསྐུལ་ན་ཡང་། །ག་ཞའི་གཏམ་དང་བྲག་ཅའི་སྙིང་པོར་སོང་། །ཟབ་དང་རྒྱ་ཆེའི་ཆོས་ཀྱི་མེ་ཏོག་ཀྱང་། །གཏོར་བར་བྱེད་པོ་རང་གི་སེམས་བསྐྱེད་ལས། །ཞིང་པ་རྣམ་རྟོག་བྲལ་པ་ཡིན་པའི་ཕྱིར། །འཁོར་གྱི་སྤྱོད་པ་ཁོ་ནའི་ཕྱིར་ཕྱིར་སོན། །སྤྲེལ་ལོ་སྤྲེའུ་ཟླ་བའི་སྨན་བསྒྲུབ་ཀྱི་སྟ་གོན་ཚུགས་པ་ན། མོན་པ་རྫ་དཀར་བླ་མ་དང་། སྲིབ་མོ་བླ་མ་གཉིས་ཀྱང་བྱོན། སྒྲུབ་ཆེན་གྱི་གཞུང་བསྲངས་པའི་དཀྱིལ་འཁོར་བདུན་དང་སྦྱོར་བ་བརྒྱད་ཀྱི་འཁོར་ལོར་རྟོག་ཚོགས་ཐམས་ཅད་ར་ས་ཡ་ནའི་རང་བཞིན་དུ་སྦྱངས་རྟོགས་སྦར། མོན་བླ་གཉིས་ལ་ཀློང་ཆེན་སྙིང་ཏིག །རཏྣའི་ཕུར་བ། ཡང་ཏི་ནག་པོ་རྣམས་ཀྱི་དབང་ལུང་བྱས། ཁོང་གཉིས་ནས་མོན་ཕྱོགས་སུ་སེམས་ཅན་གྱི་འགྲོ་དོན་ལ་ཕེབ་དགོས་ཟེར་བའང་གཞི་བདག་གི་རྟེན་འབྲེལ་དུ་འདུག །ཚོང་དཔོན་འབྲུག་རྣམ་རྒྱལ་ཅན་ནས་འདི་ཁའི་མ་ཕྱི་སོར་

― JLAZ014_Page_0420 ―

^{[མ་དཔེ་གཟིགས་ན་འདིར་གནོན།]}

[Full Size]

བཞག་གིས་རྣམ་ཐར་ཤེལ་བྲག་མ་རྒྱུ་ཚོགས་ཕུན་སུམ་ཚོགས་པའི་ཐང་སྐུ་ལ་རབ་གནས་ཞུ་བ་སོགས་ཀྱི་སླད་དུ་འབྱོར་བ་ལ་རྒྱབ་ཡིག་རབ་གནས་གསེར་གྱི་སོར་རྗེས་སོགས་བཏབ། ཚོང་འདི་གཡོ་སྒྱུས་མ་བྱིན་ལེན་དང་ཁལ་མ་མནར་བའི་ཉེས་སྤྱོད་ཆེན་པོ་གླེངས། ཡར་སྟོང་མགོ་ནེ་བ་རྣམས་ལ་སེར་བས་ལོ་མང་པོར་བསྟུད་ནས་སྟོན་ཉེས་བཏང་བས། དར་གླིང་སྤྱི་སོ་དང་ལྡིང་སྨྱིའི་གདན་འདྲེན་ནན་ཆགས་ཆེ་བར། ས་དེར་བཀའ་བརྒྱད་དང་། ཕུར་པའི་སྒོ་ནས་ཞི་བའི་སྦྱིན་སྲེག །བུམ་གཏེར། ཡུལ་བཀྲུ། གཞི་བདག་ལ་དམ་བཞག་སོགས་བགྱིས་པས་དེ་ལོ་ནས་སེར་བ་མ་བབས། འདི་དག་བྱང་ཆུབ་སེམས་ཀྱི་རྟེན་འབྲེལ་ཁོ་ན་ལ་བྱུང་བར་འདུག་སྟེ་སྔགས་ནུས་ཆེ་བ་དང་མན་ངག་ཟབ་པར་མཐོང་གི་འདུག །ངས་ནི་རྫས་སྣ་གཅིག་དང་མན་ངག་གཅིག་ལའང་བརྟེན་པར་མ་བྱས་སོ། །མེར་མོ་དང་། སྟག་རུ་སོགས་ཡོན་བདག་སྙིང་འདྲིས་རྣམས་ཀྱི་གདན་འདྲེན་ཞར། ཞོལ་ཁང་དད་ཆོས་དྲུང་བསྐལ་བཟང་སོགས་ཀྱི་དཀར་སྤྲོ་དང་། ཚོགས་འཁོར་ལ་རོལ། ལམ་ཞོར་གྲ་ཚང་དུ་ཉིན་གཉིས་ཀྱི་བར་རྒྱུད་འབུམ་རིན་པོ་ཆེ་གསུང་སྒྲོགས་ལ། ཁ་བཏགས་རེ་དང་། ཞེ་དོ་མའི་འགྱེད་བསྟགས། སྡེ་པ་པ་ལྷ་སྐུ་མཆེད་ཀྱང་རིམ་པར་

― JLAZ014_Page_0421 ―

^{[མ་དཔེ་གཟིགས་ན་འདིར་གནོན།]}

[Full Size]

བྱོན། ལྷོ་རྒྱུད་དུ་སེམས་ཅན་གྱི་འགྲོ་དོན་དང་། སྒོས་སུ་རྙིང་བསྟན་གྱི་ཞབས་ཏོག་ཏུ་མཚོ་སྣར་རྒྱུད་འབུམ་བཞེད་རྩིས་ལ། བཀོད་ཞུས་རབ་གནས་སོགས་ལ་ཅི་ནས་བསྐྱོད་དགོས་ཞེས་ནན་ཆགས་ཆེ་བ། སྔ་སོར་ཤིང་རྟ་ཆེན་མོའི་ལུང་གི་འཕྲོས་དོན་ལ་རྙིང་བསྟན་གྱི་རྩ་བརྒྱུད་འབུམ་རིན་པོ་ཆེ་དང་མཛོད་བདུན་ཤིང་རྟ་རྣམ་གསུམ་ལ་ཆགས་པའི་ངེས་བརྗོད་དང་བཅས་བཞེངས་པར་བསྐུལ་བ་རྗེ་དྲུང་རྡོ་རྗེ་སྙིང་པོའི་ཐོས་འཛིན་དུ་དོང་ནས། ཞབས་ཏོག་བསྒྲུབ་ཚུལ་ལ་ག་ཐོག་ཏུ་ལོངས། །སྔར་བསམ་མཆི་མ་སུ་བུ་མོ་གཉིས་ཀྱི་བརྡ་དོན་ལེ་ཚན་གཉིས་པོའང་གཡུ་སྒྲོན་མ་དང་ཙཎྜི་ཀའི་ལུང་བསྟན་རྒྱུད་བསྐུལ་དུ་འདུག་པས་བསྐྱོད། རྡོ་ཁོག་ལ་ཁར་ཆིབས་བསུ་དང་བཅས་རྫོང་དུ་སླེབ། རེ་ཞིག་འདུག་རིང་སྡེབ་མཆོད་དང་། རྟ་དབང་སྤྱི་གཉེར། ཐང་གྲོང་གནས་པོ་སོགས་ལ་རྐྱེན་སེལ་རྗེས་གནང་དང་། རྫོང་དེ་གདོལ་པའི་གྲོང་ཁྱེར་དང་ཉེ་བས་སེམས་ཅན་གྱི་སྲོག་ལ་འཚོ་བ་ལ་སྡུག་བསྔལ་དང་སྙིང་རྗེ་དཔག་ཏུ་མེད་པ་སྐྱེས། འབྲི་གཉིས་གོ་རར་བཙུད་པ་མཐོང་བས་མ་ཕ་བསོད་དུ་ཆ་བའི་སྡུག་བསྔལ་བྱུང་། དེ་གཉིས་སྲོག་བསླུའི་བརྡ་སྦྱར་བས་དངུལ་སྲང་བརྒྱད་ཀྱི་གོང་བཏབ། སྡེ་པའང་འགྱུར་ནས་འབྲི་གཅིག་

― JLAZ014_Page_0422 ―

^{[མ་དཔེ་གཟིགས་ན་འདིར་གནོན།]}

[Full Size]

བསླུ་བ་མཛད། སེམས་ཅན་ཐམས་ཅད་ཀྱི་སྲོག་སྐྱོབ་པའི་ནུས་པ་ཡོད་ན་སྙམ་པའི་སྙིང་ཐག་པ་ནས་སྐྱེས། སློབ་དཔོན་ཆེན་པོའི་སྒྲུབ་གནས་ཁྱུང་རི་ཤིན་ཏུ་གོགས་པ་ཁོ་བོ་ཅག་དགུན་ཞུགས་ཀྱི་རྐྱེན་ལས་ཞིག་གི་སོ་ཡང་དག་པར་ཤར། ལེས་པོ་ཚོ་གསུམ་གྱི་འུ་ལག་པ་རྣམས་ལ་སྟེར་བྱིན་ཡང་བགྱིས། རིང་མིན་སྤྱང་ཚང་དང་སྲིན་པོ་ཕྲང་སོགས་ལ་གནས་འབྲེལ་ཞིག་བཅུ་སྐོར་བྱས། མི་ཚོགས་ཀྱི་ཐུགས་དམ་བསྐངས། སྲིན་མོ་ཕྲག་དུ་གནས་ཡིག་ཀྱང་བརྡ་བསྒྱུར་དུ་བབས། མོན་པ་འདི་བླུན་དད་ཤིན་ཏུ་ཆེ་བས་རྐང་པ་ལ་མགོ་གཏུགས་ཏེ། བླ་མ་སེམས་ཅན་དོན་ཀུན་ཕེབས་པ་ཡིན་དང་། དཀའ་འུམ་རལ། ལེམ་ཀེད་པོ་རས་ཟེར། དེ་ལོག་ཇག་པས་འགྲིབ་པ་ལྟ་བུ་སླེབ་པ་པས་ལོ་ཏོག་ལ་འཚོ་བར་དཀོན་མཆོག་ལ་གསོལ་བ་ཏབ། སྦྱིན་སྲེག་ལ་འདུན་པ་བསྒྱུར་བས་དེ་མ་ཐག་ཁོ་དངས་པ་དང་འགྲིག །བླ་མ་ལེམ་པ་ཡིན་ལ་འགུར་ཟེར། འདི་ཚོ་འབྱོར་པ་ཉུང་ཞིང་འཁོས་དམན་ཡང་བསམ་པའི་ཁྱད་པར་ལས་གྲོང་ཚོ་སོ་སོར་དབང་མོ་ཆེ་འཛུགས། རང་ཅག་བསྟི་བའི་གནས་ལ་ཉིན་མཚན་ཉིན་ཏུ་བསྐོར་བ་བྱེད། བྷོ་ཊའི་ཡུལ་གྱི་ཕྱུག་པོ་ལ་བསམས་ན་དད་ལངས་ལྡང་བ་དང་གཏོང་ཀྱང་གྱ་ནོམ། དགོན་རྩེ་བྲག་སྣ་བླ་མས་ཁོང་པའི་བསྟི་གནས་སུ་སྲི་ཞུ་དང་བསྟི་སྟང་ཡང་དག་པ་མཛད།

― JLAZ014_Page_0423 ―

^{[མ་དཔེ་གཟིགས་ན་འདིར་གནོན།]}

[Full Size]

ཁོང་ཡུལ་དབུས་ཀྱི་རིགས་གྲ་ཆེན་པོར་ཐལ་འགྱུར་གྱི་རིག་པ་ལ་གོམས། སྨད་རྒྱུད་པའི་བཤད་སྲོལ་འཛིན་པར་འདུག་པས། ཁོ་བོས་ཀྱང་རྗེ་བཙུན་ཤཱནྟ་པུ་རི་བའི་གྲུབ་པའི་མཐའ། མཚན་ཉིད་ཀུན་ལྡན་བླ་མ་ཡབ་ཡུམ་ལ། །ལས་དབང་ཟབ་མོས་ལེགས་པར་སྨིན་བྱས་ནས། །རྣམ་དག་དབང་ལྔའི་ཆུ་བོས་སྒྲིབ་གཉིས་ཀྱི། །དྲི་མ་ཀུན་བཀྲུས་སྐུ་བཞིའི་ས་བོན་བཞག །དམ་ཚིག་སྡོམ་པ་རྟག་ཏུ་བསྲུང་བ་ལས། །ཟབ་མོའི་ལམ་བཟང་སྐྱེ་བའི་སྣོད་གྱུར་པའི། །མ་དག་སྐྱེ་ཤི་བར་དོའི་སྣང་ཞེན་རྣམས། །ཡིད་ངོར་སྦྱངས་ནས་སྐུ་གསུམ་ལམ་འཁྱེར་བ། །སྦྱང་གཞི་སྦྱོང་བྱེད་ཚང་བའི་བསྐྱེད་རིམ་གྱིས། །རིམ་པ་དང་པོའི་ལམ་ལ་མངོན་གྱུར་ཤོག །ཅེས་པ་ནས་བརྩམས་ཏེ་ལྡན་འདུས་པ་རིམ་ལྔའི་ཆོས་སྐད་རྣམས། །རྒྱུད་ཀྱི་རྒྱལ་པོ་དཔལ་གསང་བའི་སྙིང་པོ་ལ་སོགས་ཡོ་ག་གསུམ་གྱི་ལམ་རིམ་དང་ཡང་སྦྱར། དེའང་རིམ་པ་དང་པོ་བསྐྱེད་རིམ་ལ། འཆི་བ་ཆོས་སྐུ། བར་དོ་ལོངས་སྐུ། སྐྱེ་བ་སྤྲུལ་སྐུའི་རྣལ་འབྱོར་ལམ་བྱེད། དེ་བཞིན་དབེན་གསུམ་གྱི་རིམ་པ་དང་། ཐིམ་ལུགས་བཞི། བདེ་སྟོང་ལྷན་ཅིག་སྐྱེས་པའི་དཔེའི་ཡེ་ཤེས་གོམས་པ་ལས་རྡོ་རྗེ་ལྟ་བུའི་ཏིང་ངེ་འཛིན་གྱིས་གཉིས་སུ་སྣང་བའི་བག་ཆགས་བཅོམ་སྟེ་རིམ་པ་བཞི་པའི་འོད་གསལ་སྐྱེ་ཚུལ་དབང་ལྔའི་ཆུ་བོ་དང་ལྟོས་གྲུབ་ཅན་

― JLAZ014_Page_0424 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་འདོད་པའི་ཚུལ་ཀྱང་བརྗོད་པའི་སྐབས་རྙེད་པས་རྒྱུད་སྡེ་རང་སའི་ས་ལམ་བགྲོད་ཚུལ་ལ་མཐའ་གཅིག་ཏུ་ཞེན་པ་དག་ཀྱང་ཚིམ་པ་ཐོབ གཞན་དུ་ན་མདོ་སྡེ་བསྐལ་བཟང་ལས། སློབ་དཔོན་ལ་ནི་མཆོད་མི་བྱེད། །བླ་མ་དག་ལ་རི་མོ་མེད། ཅུང་ཟད་ཙམ་གྱི་ཁྲོ་བྱེད་ཅིང་། ཁྱིམ་སུན་འབྱིན་དང་ལྡན་པ་ཡིན། །ཕ་རོལ་བསོད་ནམས་མ་དད་ཅིང། །རང་གི་ཡོན་ཏན་མི་སེམས་པར། །གཞན་གྱི་མཆོད་པ་ཤེས་ནས་ནི། །ཕྲག་དོག་མི་བཟད་བསྐྱེད་བར་བྱེད། །ཅེས་པ་ལ་བརྟུལ་ཞུགས་བརྟེན་པ་དག་ལ་གཟུ་བོར་བགྱིད་པའི་ཆོས་ཀྱི་གཏམ་ཡང་དག་པས་སྐབས་བཙལ་ས་ཡང་རྙེད་པ་མ་ཡིན་ནོ། །ཁོང་ལ་དུས་ཀྱི་འཁོར་ལོ་ཞིག་ཉན་པར་འདོད་བ་སྟེས་དབང་འགྲིག་པ་ཞིག་འབྱུང་ངོ། །མདོ་མཁར་ནས་མཛོད་པ་བི་རྫ་ཡ་བྲོ་ནད་ཀྱིས་འཁོར་དུ་མནར་བས་ནན་ཆགས་ཀྱི་གདན་འདྲེན་བྱུང་། ཁོང་འཇིག་རྟེན་ཅིག་ཤོས་སུ་ཉེ་བ་ལ། དབང་བཀའ་རྗེས་གནང་གིས་མཚོན་རྐྱེན་སེལ་དང་། སྔོན་འདྲིས་དད་ཅན་ཡིན་པས་སྨན་པ་དང་སྨན་སྦྱོར་ཀྱང་རྨི་ལམ་དུ་གསལ་བ་བཞིན་ལུང་བསྟན་པས་ཕན་པ་ཆེན་པོ་ཐོགས། གཉེར་ཚང་གཞུང་དང་མཛོད་གཉེར་པ་སོ་སོས་ཀྱང་བསྟི་སྟང་འབུལ་ནོད་མཛོད། མཁར་ལྟག་ལྷ་ཁང་དུ་གྲགས་པར་སྤྱི་དབང་ཞིག་བསྐུར་བར་མཛད་པ་ལ་སྟོད་སྨད་ཀྱི་སྐྱེ་བོ་ཕལ་མོ་ཆེ་ཚོགས། ལམ་ཞོར་རཏྣ་བ་ཡབ་སྲས་ཀྱི་དགོན་པ་ལྷུན་གྲུབ་

― JLAZ014_Page_0425 ―

^{[མ་དཔེ་གཟིགས་ན་འདིར་གནོན།]}

[Full Size]

ཕོ་བྲང་དང་བུམ་ཐང་སོགས་ལའང་བལྟས། གྲ་བཙུན་གྱི་རྣམ་པ་གང་ཡོད་ལ་མང་འགྱེད་རེ་བྱས། རྔན་པ་རྣམས་ཀྱི་དད་པས་སྤྱན་དྲངས་པ་བཞིན་ཆོས་ཀྱི་ལས་འབྲེལ་བཞག །བླ་མ་ཛ་དཀར་བའི་དཀོན་པར་གསང་རྫོགས་སྒྲུབ་ཆེན་དང་འབྲེལ་བར་ཁོང་རང་ཡབ་སྲས། རོང་པ་དབོན་ཟུར་སོགས་ལ་དབང་འབུམ་ལ་ནུས་དབང་ལྔའི་ལྷན་ཐབས་སྦྱར་བ་དང་། ཀློང་སྙིང། ཡུལ་པ་སྤྱི་ཚོགས་ལ་ཚེ་དཔག་མེད་སྐུ་གསུམ་འདུས་པ་རྣམས་བསྐུར། བླ་མས་སྐུ་གསུང་ཐུགས་རྟེན། རོལ་ཆ། ཟོང་མར། མཛོ་ལ་སོགས་པའི་འབུལ་ནོད་ཀྱང་མཛད། ཁྱུང་རིར་སླེབས་ནས་བླ་མ་ཕན་ཚུན་ཉ་ཤང་གི་ཆུ་རྒྱུད་སྟོད་སྨད་ཆོས་རྗེ་སེར་ཆགས་པ་ཉི་ཤུ་རྩ་ལྔ་སྐོར་ལ་རྫོགས་པ་ཆེན་པོ་ཀློང་ཆེན་སྙིང་ཐིག་གི་འཁྲིད་ཤིན་ཏུ་སྨིན་པ་བཏབ། སྤྱིར་ཁོ་བོ་ཅག་ནི་ལས་དང་པོ་པར། སྔོན་འགྲོའི་ཆོས་ལ་ནན་ཏན་བྱེད་ཅིང་། ལྷག་པར་སེམས་བསྐྱེད་ལ་རྩལ་དུ་འདོན་པས། སེམས་བསྐྱེད་མཆོད་པ་དང་འབྲེལ་བར་བྱང་སྡོམ་འབོག་ཆོག་ཀུན་མཁྱེན་ཆེན་པོའི་རིང་ལུགས་སྒྲ་ཇི་བཞིན་པ་ལག་ལེན་ལ་འདེབས། དེས་ཤིན་རྟ་ཆེན་མོ་གཉིས་ཀྱི་དགོངས་པའི་ཉམས་སུ་མྱོང་། འཇུག་པའི་བསླབ་བྱ་ཕ་རོལ་ཏུ་ཕྱིན་པ་དྲུག་ལ་སྐྱེས་རབས་བརྒྱ་པའི་གཏམ་རྒྱུད་འབྲེལ་མཚུངས་

― JLAZ014_Page_0426 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་སྦྱར་ནས་བཤད་པས་གཞན་རྒྱུད་ལ་ཕན་པའང་ཆེ། དེའི་ཚོ་འབྲུག་པ་ཀུན་གྲོལ་གྱི་རྨི་ལམ་ན། ཁོ་པ་ཤིག་གིས་ཟོས་པ་ཕྱིར་མངོན་ཆུང་དུ་དོར་བས། གྲལ་མཛེས་པ་བུད་མེད་ཅིག་ན་རེ། ཁྱོད་ངོ་རེ་ཚ། དེ་རིང་གི་བྱང་སྡོམ་ལེན་ཐེངས་གསུམ་སོང་ངམ། དེ་འདྲའི་སེམས་བསྐྱེད་ཟེར་བས་ངོ་ཚ་བའི་སྣང་བ་དཔག་ཏུ་མེད་པ་སྐྱེས་ཟེར། སྨོན་འཇུག་གི་སྡོམ་པ་ལ་གོ་བ་ར་རི་ཆོགས་པ་ལའང་ཕན་ཡོན་དེ་ལྟ་བུ་འདུག །ལྟ་བ་ཕྱིན་ཅི་མ་ལོག་པ་རྟོགས་བྱའི་མཐུན་པའི་རྐྱེན་དུ་གྱུར་པ་དེ་མོས་གུས་རྣམ་པར་དག་པ་དང་། བྱང་ཆུབ་ཀྱི་སེམས་གཉིས་པོ་རང་ཡིན་པར་ཡིད་ཆེས་སྐྱེས་ལགས་སོ། །སྲིབ་མེ་བླ་མ་རྒན་དམངས་དང་བཅས་པས་གསོལ་བ་བཏབ་པ་བཞིན་ཡུལ་གྱི་མཆོད་ཁང་དེར་བཀའ་བརྒྱད་ཡོངས་རྫོགས་ཀྱི་སྒྲུབ་ཆེན་སྨན་སྒྲུབ་དང་འབྲེལ་བ་བཙུགས། ཁོང་ཚོ་འཆམས་དང་རྩེད་སྣ་མང་པོ་བྱེད། དཀྱིལ་འཁོར་གྱི་ཁང་བ་བསྐོར་བ་ལ་བསྐུལ་བཞིན་དུ་ཉིན་མཚན་ལྟག་སྤྲོད། བར་དོ་ངོ་སྤྲོད་ཟེར་བའང་སྐྱེ་བོ་བླུན་པོ་ཆོས་ཀྱི་བག་ཆགས་དང་བྲལ་བ་ལས་འབྲས་སྟོན་པའི་སློབ་དཔོན་དུ་འདུག་བླ་མ་ལ་ལའི་རྣམ་ཐར་ན། སྙིང་མ་བས་འབག་འཆམས་བྱེད་པས་ཆོས་ཀྱི་བྱིན་རླབས་ཡལ་ཟེར་བ་ཡོགས་བྲིས་འདུག་སྟེ། སྔ་འགྱུར་གྱི་གྲུབ་པའི་མཐའ་ཆེན་པོ་འཛིན་པ་

― JLAZ014_Page_0427 ―

^{[མ་དཔེ་གཟིགས་ན་འདིར་གནོན།]}

[Full Size]

དག་གི་འབག་དང་འཆམས་ལ་གཙོ་བོར་འཛིན་པའི་གཏན་ཚིགས་ཀྱང་མེད་། རང་ཉིད་ནི་ལུས་ཀྱི་བཟོ་གནས་གར་འཆམས་ཀྱི་གནས་ལ་ལྷག་པར་བྱང་ཆུབ་པ་ཞིག་ཡིན་ཏེ་སྙེམས་པས་གཞན་ལ་སུན་མི་འབྱིན། བྱེད་པ་ལ་སྤྲོ་བའང་མེད། སྣང་བ་དག་པ་རབ་འབྱམས་སུ་བྱར་བ་ལ་ཕྱ་ཆད་དེ། །བློ་གྲོས་འདི་དག་པ་རབ་འབྱམས་སུ་ཤར་བ་ནས་བཟུང་སྒྲ་སྙན་བཟུང་བའི་སྤྲང་པོའི་གླུ་ངག་ལའང་འཁོར་འདས་གང་རུང་རེ་དང་འབྲེལ་ཆགས་པའི་རོ་མྱོང་རྒྱུ་འདུག་པས་ཐམས་ཅད་ལ་དག་སྣང་སྦྱངས་ཏེ་གནང་བྱིན་རེ་ཡང་བྱིན། དེ་དག་སྔགས་རྒྱུད་ཀྱི་ཆོ་ག་ལ་མི་གནས་པའི་ཐལ་འགྱུར་འཕོག་ཟེར་ན། ཁྲོམ་གྱི་དབུས་ན་བསྐྱེད་རྫོགས་གཉིས་ཀ་དང་བྲལ་བའི་ཁྲབ་ཁྲབ་མང་བ་ནི་ཀུན་ན་དར་བས་དག་སྣང་སྦྱང་བ་ལ་ཐུགས་གཏད་པ་ཞུ། གྲོལ་དབང་ལ་མཚོ་སྣ་ནས་བཟང་ལུད་པ་ཡན་ཆོད་ཀྱི་མི་སྣ་སྟོང་ཕྲག་ཏུ་ཉེ་བ་འདུས། དེའི་དབུས་ན་དལ་བ་བརྒྱད་དང་ལྡན་པ་མང་སྟེ་ཕྲལ་བྱུང་རྐྱེན་གྱི་མི་ཁོམ་པ་བརྒྱད་ཀྱིས་རྣམ་པར་གཟེར་ཞིང་འབྱོར་བ་བཅུ་ཚང་བའི་མི་ལུས་ཤིན་ཏུ་དཀོན་པས་སྙིང་རྗེ་དང་སྐྱོ་ཤས་དཔག་ཏུ་མེད་པ་སྐྱེས་ ལར་ས་མཐའ་འདི་དག་ཏུ་དད་པས་འདུས་པཱི་སྐྱེ་བོའི་ཚོགས་ཀྱི་རྣ་ལམ་དུ་སངས་རྒྱས་ཀྱི་མཚན་དང་། །གཟུགས་

― JLAZ014_Page_0428 ―

^{[མ་དཔེ་གཟིགས་ན་འདིར་གནོན།]}

[Full Size]

སྔགས་ཁྱད་པར་ཅན་བསྒྲགས། སྐྱབས་འགྲོ་གཅིག་པུའི་ཕན་ཡོན་ཀྱང་བསམ་གྱིས་མི་ཁྱ་པས་དོའི་ལུང་ཕོག །དམ་རྫས་ཀྱི་འབྲེལ་བ་ཁྱབ་ཅི་ཆེ་བྱས། འཛམ་བུའི་གླིང་པ་ཁམས་དྲུག་ལྡན་གྱི་རྟེན་ཡིན་པས་བུམ་དབང་ཙམ་གྱི་ལས་འབྲེལ་བཞག །སེམས་ཅན་རྣམས་ཀྱི་མ་ཤེས་དང་རང་གི་རྟོགས་པའི་ཆོས་ཉིད་ངོ་བོ་གཅིག་ཏུ་རོ་མཉམ་པའི་རྗེས་ཐོབ་ལ། གང་གིས་བདག་ནི་མཐོང་དང་ཐོས་པ་དང་། །རྗེས་སུ་དྲན་ནམ་རེག་གམ་གཏམ་དུ་བརྗོད། །བདག་ལ་ལེགས་བཤད་ཐོས་པ་དེ་དག་ཀྱང་། །རིང་པོར་མི་ཐོགས་རྒྱལ་བའི་དབང་པོར་ཤོག །ཅེས་པ་འདི་སེམས་བསྐྱེད་ཟབ་མོའི་འཕེན་པས་སྨོན་ལམ་དུ་བསྒྱུར། ཡུལ་སྣང་ཆོས་ཉིད་དང་འབྲེས་པའི་ཉམས་ཐོད་རྒལ་དུ་འུར་བས་རྡོ་རྗེའི་གླུ་ཡང་བསྒྲགས། འབྲུ་མར། སྲོག་ཆགས། ལྷོ་ཟོང་ལ་སོགས་པའི་འབུལ་བའི་དགེ་རྩ་བྱང་ཆུབ་ཏུ་བསྡོས། དངོས་ལ་བྱུང་བའི་སྲོག་ཆགས་རྣམས་མནར་གྱིས་དོགས་པས་གཞན་ལ་མི་འཚོང་། བསད་ཀྱི་དོགས་པས་ཡོན་རྫོགས་ལ་མི་འདེབས་པས་མི་ཁོམ་པའི་གནས་ན་བདེ་བར་འཚོ། ནང་དབང་དུ་གསང་རྫོགས་ཆ་ལག་རྫོགས་པ་གཅིག་དང་། སྡེ་བ་སྐུ་མཆེད་ཀྱིས་བསྐུལ་ནས་ཁྱུང་རིར་བདེ་གཤེགས་འདུས་པ་ཚར་གཅིག་རྣམས་སོང་། ནག་མོ་ཁྲོས་

― JLAZ014_Page_0429 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་རྒྱུད་ཆིག་བརྒྱུད་དུ་གྲགས་པས་དཔེ་རྒྱུན་ཤིན་ཏུ་དཀོན་པ་དང་། ཆོས་དབང་རིན་པོ་ཆེའི་ཡང་དག་ཀྱང་རང་བཞིན་གྱིས་འགྲིབ་ནས་རྙེད་པར་དཀའ་བ་ལྷོ་རྒྱུད་འདི་ནས་དཔེ་ལུང་གཉིས་ཀའི་རྒྱུན་འབད་པས་བླངས། སྟག་ཚང་སྒོམ་ཆེན་བདུད་རྩི་འོད་ལྡན་གྱི་བཅུད་ལེན་སྟོབས་སུ་གྱུར་བས་ན་ཚོད་བདུན་ཅུར་ཐལ་བའང་གཞོན་ནུ་ལྟར་ཡང་ཞིང་ཟོ་མདོག་བཟང་བ་ལ་རྫོགས་པ་ཆེན་པོ་པོའི་འཁྲིད་དང་གེགས་སེལ་བོགས་འདོན་གྱིས་ཕན་བཏགས། ཁོང་གིས་ཀྱང་ཆོས་ཡོན་དུ་ལོ་གསུམ་ཕྱོགས་གསུམ་གྱི་བསྒྲུབ་པའི་མཎྜལ་དམ་བཅའ་ལྡན་པ་ཕུལ་བས་རྗེས་སུ་ཡི་རང་བ་ལྷག་པར་སྐྱེས། ལར་འཆི་བ་ལ་བཅར་བཞིན་དུ་དགེ་སྦྱོར་ལ་འབད་དུ་སོང་བ་འདི་ཆོས་པ་སད་ཀྱི་མ་ཁྱེར་བའི་མངོན་རྟོགས་སུ་འདུག །འཇིག་རྟེན་དབང་པོ་ཆེ་དབང་ནོར་པོ་ཆེ་འཆི་བ་མཐོང་ན་ཁྱི་ཤི་བ་ལས་ཀྱང་བག་འཁུམས་པར་འདུག་བས་སྲིད་པའི་ཕུན་ཚོགས་འདི་ལ་སྙིང་པོ་འདུག་རེ་ཤིའོ། །སྐབས་འདིར་ཤུལ་རིངས་ཀྱི་འགྲོན་པོ་རྒྱ་ཚད་ཀྱི་མནར་བ་ཞིག་དེད་ལ་སྐྱབས་སུ་བྱུང་། འཕགས་པ་མིན་ཡང་ཕ་མ་དང་། །ནད་པ་དང་ནི་ཆོས་སྨྲ་དང་། །སྐྱེ་མཐའ་བྱང་ཆུབ་སེམས་དཔའ་ལ། །ཡོན་ནི་གཞལ་དུ་མེད་པར་གསུངས། །ཞེས་པའི་རྒྱུ་མཚན་རིམ་གྲོ་པ་དག་ལའང་

― JLAZ014_Page_0430 ―

^{[མ་དཔེ་གཟིགས་ན་འདིར་གནོན།]}

[Full Size]

གདམས་ནས་སྙིང་རྗེའི་ཡུལ་དུ་བདག་གིར་བཟུང་། ཁྱུང་རི་འདིར་རྟེན་གྱི་རྣམ་པ་པར་བཀབ་ཞིག་མི་འདུག་བས་བྱེས་ཡུལ་གཉིས་ཀའི་བབ་ཀྱི་རྒྱུ་རྐྱེན་ཚོགས་པར་དཀའ་སེ་བྱུང་ནའང་། ཇི་སྐད་དུ། བདག་ནི་ཡོངས་སུ་མ་བཏང་ན། །སྡུག་བསྔལ་སྤོང་བར་མི་ནུས་ཏེ། །ཇི་ལྟར་མེ་ནི་མ་བཏང་ན། །བསྲེག་བ་སྤོང་བར་ཡང་མི་བདེ། །ཞེས་པ་ལྟར་བློས་བདག་དང་བདག་གིར་བཟུང་བའི་དགོན་གནས་དང་ཁྱིམ་ལ་རྟེན་གསུམ་འཆའ་བ་ལས་ཁྱད་པར་དུ་གྱུར་པ་ཡིན་པས་གཏོང་བ་དང་བརྩོན་པའི་དམ་བཅའ་བརྟན་པོས་ལྷུན་གྲུབ་རིག་འཛིན་སངས་རྒྱས་པདྨའི་སྣང་བརྙན་སྐུ་ཚད་ཆེ་བ་རིང་བ་སྲེལ་རྣམ་བ་བཞིས་ཕྱུར་བུར་གཏམས་པ་ཞིག་བཞེངས། རབ་གནས་ཀྱི་དོན་པོ་རང་གིས་རྟོགས་པའི་ཡེ་ཤེས་དང་ཆོས་ཉིད་མཉམ་བར་བསྲེས་ཤིང་། རྒྱུད་སྡེ་རིན་པོ་ཆེ་ནས་གསུངས་པའི་ཆོ་གར་ལྡན་པའང་བྱས། གྲོག་མཁར་ལྟ་བུར་སྙིང་པོ་མེད་པ་ཡི། །འབྱོར་པ་སོ་ཀའི་སྨིག་རྒྱུ་ལྟར་མཐོང་ནས། །སྲེད་པའི་རྙོག་པ་དངས་པའི་མན་ཤེལ་ལ། །སྐུ་གསུང་ཐུགས་ཀྱི་སྣང་བརྙན་འགོག་པ་མེད། །དགོན་རྩེ་སྤྲུལ་པའི་སྐུ་ནས་ཆབ་ཤོག་ཅིག་མཛད་བྱུང་བའི་སྙིང་པོར། དམ་པ་གོང་མའི་གསུང་རྒྱུན་སྐྱོར་ཟློས་ཀྱི། །ནེ་ཙོའི་འདོན་པ་ལྟ་

― JLAZ014_Page_0431 ―

^{[མ་དཔེ་གཟིགས་ན་འདིར་གནོན།]}

[Full Size]

བུའི་བསྟན་བཅོས་ལ། །མཚར་དུ་མེད་ཀྱང་ཁྱོད་ཀྱི་ལེགས་བཤད་ནས། །ཆ་ཤས་ཙམ་ཞིག་སུག་པར་སོན་བ་ལ། །ཆེས་ཆེར་རངས་པའི་དད་པའི་རྣམ་འགྱུར་ཤར། །ལོང་བས་ལོང་བར་ཡ་མཚན་སྐྱེད་བྱེད་པ། །དེང་དུས་མང་ཡང་ཡང་དག་ལྟ་བ་ལ། །ཕྱོགས་མཐོང་ཙམ་སྐྱེས་སྐྱེས་བུའང་ཤིན་ཏུ་དཀོན། །དེ་ལྟ་བས་ན་འཁོར་འདས་མཉམ་ཉིད་དུ། །ཆོས་དབྱིངས་འགོག་པ་མེད་པའི་ཀློང་ཆེན་པོར། །གཅིག་ཏུ་བརྡལ་བའི་རྣལ་འབྱོར་གྲུབ་ཐོག་ཏུ། །གྲགས་པ་དོན་ལྡན་ཁྱོད་ཀྱི་ཡོན་ཏན་དྲི། །རྒྱང་རིང་གནས་ནས་ཚོར་བས་མཇལ་འདོད་ཀྱི། །བསམ་པ་དུང་བས་ཟབ་རྒྱས་གདམས་པ་སྩོལ། །ཞེས་པ་ལ་སོགས་གནས་དུས་ཀྱི་མཆིད་ཕྲེང་རྒྱས་པར་སྣང་མོད་ཀྱི་ལྷ་ས་ནས་ཕྱག་མ་འཁོར་བས་མཇལ་འཛོམ་ནི་མ་ཤར། ཞྭའི་ཅོད་པན་གྱི་ཚོས་མདོག་ཙམ་ལ་ཉོན་མོངས་པའི་གདུང་བ་མི་སྐྱེད་པ་འདི་ཡང་མང་དུ་ཐོས་པའི་ཡོན་ཏན་དུ་འདུག་སྙམ་པའི་རྗེས་སུ་ཡི་རང་བ་ཐོབ། ནམ་ཟླ་དྲོས་བ་དང་མཚོ་སྣར་རྒྱུད་འབུམ་བྲི་ཞུས་ཚུགས། ཉིན་བྲིས་ལ་རྫོང་དུ་ཟླ་བོ་གཉིས་ཀྱི་ཆད་ཞུ་དང་། རང་ཅག་གི་བྲག་སྣའི་རི་ཁྲོད་དུ་ཚིག་དོན་གཉིས་ཀའི་ཆ་ལ་དཔྱད་ནས་ཞུ་རྩིས་ཀྱི་ད་

― JLAZ014_Page_0432 ―

^{[མ་དཔེ་གཟིགས་ན་འདིར་གནོན།]}

[Full Size]

རིང་ནས་ཕྱི་མོ་རྒྱུན་འབྱམས་དང་། ཡིག་མཁན་གྱི་རིགས་བརྡ་དག་ལ་རྨོངས་ཆོས་པས་བྲི་བཅོས་མང་པོ་ཟླ་བ་གཅིག་གཉིས་ལས་གྲུབ་རིགས་སུ་མི་འདུག་པས་སྟོད་ཆ་ལ་ཅི་ནུས་བགྱིས། འདིར་སོང་སེང་རྫོང་དང་། དཔལ་རི་དབོན་ཇོ་རྣམ་གཉིས། ཆོས་རྗེ་ཆུ་དཀྲ་བ་སོགས་དད་འདུས་ཉི་ཤུ་སྐོར་ལ་ཀློང་ཐིག་སྨིན་ཁྲིད་དུ་བཏབ། འདུལ་བ་ཞི་ལས། དགེ་སློང་དགའ་བ་ཅན་པ་ཚངས་སྤྱོད་ཀྱི་ཕམ་པ་བྱུང་བས་དེ་སྟོན་པ་དྲན་ནས་འགྱོད་པའི་ཚོར་བ་དྲག་པོས་གཟིར་ཞིང་། བདག་ནི་སྔོན་ཆད་དགའ་བ་ཅན་ཏེ་ད་ནི་མི་དགའ་བ་ཅན་ནོ་ཞེས་དགེ་སློང་གི་དགེ་འདུན་དང་བཅས་པའི་དབུས་ན་མི་འཆབ་པར་བཤད་པ་བཞིན། ལས་འབྲས་རྣམ་གཞག་དུས་མཇོ་རྒན་མོ་ཞིག་གི་འགྱོད་ཚངས་ཀྱི་འདོད་མི་འཆབ་པར་འདོན་པ་བྱུང་བས་གཉེན་པོ་སྟོབས་བཞིའི་ཆོ་ག་དེ་ལ་རྫོགས་པ་ཡིན། ཐང་གྲོང་གནས་པའི་འཆི་མེད་ཚེ་དབང་འཇིག་རྟེན་འདི་སྣང་ལ་ཕན་ཕྱུག་ཚང་བའི་ཁྱིམ་དུ་སྒྲུབ་ཆེན་བདེ་གཤེགས་འདུས་པའི་སྨན་སྒྲུབ་རྒྱས་པ་ཚུགས། གྲོལ་དབང་ལ་ཆེ་རགས་རིམ་ལ་རྣལ་འབྱོར་རྒྱུན་དབང་། ཕྱི་རོལ་ནིའུ་སེང་གི་ཐང་ཡངས་པར་གཉལ་དང་ལོ་སྟོད། མོན་འབྲུག་མདོ་མཁར་དོགས་ཀྱི་མི་སྣའང་ཚོགས་པ་སྟོང་ཕྲག་གཉིས་སུ་ལྡང་པ་ལ་སྐྱབས་འགྲོ་འབོགས་པ་དང་། སེམས་བསྐྱེད་ཀྱི་བག་

― JLAZ014_Page_0433 ―

^{[མ་དཔེ་གཟིགས་ན་འདིར་གནོན།]}

[Full Size]

ཆགས་འཇོག་པ་དང་། བྱིན་འབེབས་བྱེད་པ་ཙམ་དོན་པོར་གྱུར་པའི་བྱིན་རླབས་མོས་པའི་ཁྲོམ་དབང་དང་དམ་རྫས་ཀྱི་འབྲེལ་བ། རིགས་གསུམ་མགོན་པོ་དང་། གུ་རུའི་སྙིང་པོ། སྒྲོལ་མ་རྣམས་ཀྱི་ལུང་བྱས། སངས་རྒྱས་ཀྱི་མཚན་དང་གཟུངས་སྔགས་སྒྲོགས་པ། འགྲོ་ཀུན་བདེ་གཤེགས་སྙིང་པོ་ཅན་ཡིན་བས་ཆོས་ཉིད་དང་བསྲེས་པའི་སྨོན་ལམ་རྒྱ་ཆེན་པོ་བཏབ། གནས་པོ་ལ་ཚེ་ཚད་ལུང་སྟོན་དགོས་ཞེས་ཡང་ཡང་བསྙད་པ། སློབ་མ་དད་ཅན་གྱིས་བླ་མ་ཟོག་པོར་བཏང་བའི་ཉེས་དམིགས་ལ་འཇིགས་ནས་མངོན་ཤེས་ཅན་དུ་ནི་མ་བརྫུས། ཚེ་རིང་ཐུང་ཡང་ལས་འབྲས་ཀྱི་བྱེད་པ་རྒྱུ་མཐུན་ཡིན་པའི་མཚང་བཤད་ནས། ཁོང་གི་ཟང་ཟིང་ཀྱང་དོན་ཡོད་པར་བྱ་བའི་ཕྱིར་སེམས་ཅན་བརྒྱའི་སྲོག་བསླུ་དང་། རྒྱས་འབྲིང་བསྡུས་གསུམ། རྟ་མགྲིན་གྱི་སྐུ་རྣམས་བཞེངས་པར་བསྐུལ་བས་རྒྱད་སྟོང་གསེར་མ་བཞེང་བར་དམ་བཅས་པའི་སྨོན་ཚིག་ཀྱང་བྲིས། ལྔ་བརྒྱའི་ཐ་མ་ལ་སྐུ་གསུང་ཐུགས་རྟེན་བཞེངས་པའི་སྲོལ་མ་ནུབ་པ་དེ་ཀ་སྐྱེ་བོ་རྣམས་དཀོན་མཆོད་ལ་དད་པ་འཕེལ་བ་དང་། བསྟན་པ་མི་ནུབ་པའི་རྟེན་འབྲེལ་ལ་ལྟོས་པ་ལགས། ཀློང་ཡུལ་བ་ཤཱི་དྷུ་ཏིར་དཀར་པོ་བྲང་དུ་གུ་རི་རིན་པོ་ཆེའི་སྣང་བརྙན་ཆེ་བ་བཞེངས་པར་བསྐུལ་བའི་གཟུངས་འབུལ་རབ་གནས་ལ་ལྷགས ཞལ་ཁྱིམ་གྱི་བཟོ་

― JLAZ014_Page_0434 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲོས་བཅོས་བསྐྱང་བྱས། རང་གི་མ་རྒན་མོའི་ཕྱི་རྟེན་ལ་རྡོ་རྗེ་སེམས་དཔའ་དང་། འཕགས་པ་སེམས་ཉིད་ངལ་གསོའི་སྐུ་ཁྲུ་དོ་པ་རེ་ཡང་བཞེངས། གནས་ཡིག་གསར་བརྩམས་བྱས། སྐུ་ཞང་གོང་བ་སོགས་མོན་བོད་ཀྱི་སྐྱེ་བོ་སྣ་ཚོགས་ལ་ཚེ་དབང་ཞིག་བསྐུར།་ ཚོགས་སྟོང་ཕྲག་གཅིག་ཐལ་བ་བཏང་། འབྲུག་པ་བླ་མ་མེ་རལ་སྨད་པ་ལ་ཀློང་སྙིང་གི་འཁྲིད་ལེགས་པར་བཏབ། སྤང་ཆེན་པ་རྣམས་སྟག་ཚང་དུ་ཨང་ཉན་བྱེད་པས་སྨུག་ཆར་ནགས་རོངས་ཀྱི་བཤུལ་ལ་འགྲིམ་སྟེ་བརྒྱ་མཆོད། ཚོགས་བརྒྱ་གསུམ་བཞི། ཡུལ་བ་སྤྱི་ཚོགས་ལ་ཚེ་དབང་དང་མ་ཎིའི་ལུང་བྱས། སྲོག་ཆགས་འབུམ་ཕྲག་མང་པོ་དབུགས་འབྱིན་ཐོབ་པའི་སྦྲང་ཚང་གསུམ་པོས་ཤེལ་གྱིས་བསླུས་ནས་ཚེ་ཐར། །ཁོང་ཚོ་ལ་རི་རུད་ཆེན་པོ་བྱུང་བས་ལྷ་འདྲེ་བཀའ་ཤོག་དགོས་ཟེར་བར། འཇིག་རྟེན་མི་བདེ་བ་དང་སྡུག་བསྔལ་ཐམས་ཅད་སྡིག་པ་བྱས་པ་ལས་བྱུང་བ་ཡིན་ཅེས་ལས་འབྲས་ལེགས་པར་བསླབས། ཆད་ཐོའི་ཡི་གེ་འདི་བྱིན་པ་ཡིན། སྲིད་གསུམ་འདི་ན་སངས་རྒྱས་ཀྱི་ཞལ་མ་མཐོང་ཞིང་། མཚོ་སྐྱེས་རྡོ་རྡོའི་དམ་འོག་ཏུ་མ་ཆུད། ཐ་མལ་གྱི་སྣང་བ་རང་རྒྱུད་པར་ཨ་འཐས་པའི་ཡི་དགས་འབྱུང་པོའི་ཚོགས་ལ་སྨྲས་པ། སེམས་ཅན་ཐམས་ཅད་རང་དོ་རང་གིས་མ་རིག་པས་རྒྱུ་བྱས། གཟུང་འཛིན་ལ་རྟག་ཆགས་

― JLAZ014_Page_0435 ―

^{[མ་དཔེ་གཟིགས་ན་འདིར་གནོན།]}

[Full Size]

སུ་ཞེན། འཁོར་བའི་འཁྲུལ་འཁོར་སྣ་ཚོགས་པའི་ཁ་བརྒྱུད། སྡུག་བསྔལ་གྱི་རྒྱུ་འབྲས་ལ་རང་དབང་བྲལ་བར་སྤྱོད་པ་ཞིག་ན། ད་དུང་བླང་དོར་གྱི་གནས་ལ་རྨོངས་། གཞན་གནོད་གཞི་དང་བཅས་པས་ངན་འགྲོར་གཏན་འཁྱམས་ཀྱི་རྒྱུ་བསྒྲུབ་པ་འདི་བཟང་པོ་མ་ཡིན་པས། འདུལ་བ་ལུང་ལས། སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་གདུལ། །ཞེས་པའི་དོན་ལ་ལེགས་པར་བསམས་ལ་ཡུལ་སྦང་ཆེན་གྱི་སའི་ཆ་སྤྱི་དང་བྱེ་བྲག་ལ་གནོད་འགལ་གྱི་བསམ་པ་སྤོངས་། དེ་བཞིན་དུ་རང་གཞན་གྱི་ལས་འབྲས་མཉམ་པ་ཉིད་ཀྱི་ཕྱིར་ཡུལ་པ་རྣམས་ནས་ཀྱང་སངས་རྒྱས་གཉིས་པ་པདྨའི་གདུང་འཛིན་ཁོ་བོ་རིག་འཛིན་འཇིགས་མེད་གླིང་པ་ལ་སྐྱབས་འགྲོའི་སྡོམ་པ་ནོད་ནས་བདག་གི་ཆོས་དང་མཐུན་པར་བཅས་པའི་ཁྲིམས། ཚེ་དང་བསོད་ནམས་སོགས་སྐྱེ་བོ་རང་དབང་གི་ལོངས་སྤྱོད་ལ་ཆོག་མི་ཤེས་པར་ཉེས་མེད་ཀྱི་རི་དྭགས་འདེད་ས། སྦྲང་ཚང་རྡིབ་ནས་དམྱལ་བའི་རྒྱུ་སྒྲུབས། ཁྱད་པྲ་དུ་ལྟ་བ་དང་གྲུབ་མཐའ་ངན་པ་ལ་བློ་གཏད། ལས་འབྲས་ལ་ཅི་ཡང་མི་སེམས་དཔའི་མོ་བོན་ཕྲ་མིན་གྱི་རིགས་སྔགས་མཁན་གྱི་རྗེས་སུ་ཞུགས་ནས་ནད་པའི་གླུད་དུ་

― JLAZ014_Page_0436 ―

^{[མ་དཔེ་གཟིགས་ན་འདིར་གནོན།]}

[Full Size]

དམར་མཆོད་བྱེད་པ་སྤྱི་དང་། བྱེ་བྲག་ལ་ཟེ་མཁར་སྨན་པ་སོགས་ལའང་ཕྱིན་ཆད་ལམ་དན་དེ་ལས་ལྡོག་པའི་ཆད་བྱས་པ་ཡིན་པས་ཁྱེད་ལྷ་འདྲེ་རྣམས་ནས་ཀྱང་ཀོ་ལོང་དང་ཕྲག་དོག་སྤོངས། ནད་དང་མུ་གེ། སད་དང་སེར་བ། རི་རུད་ཤྭ་ལོག །འབྱུང་བ་སྒང་གཤོངས། ཁ་མཆུ་འཁྲུག་རྩོད། མི་ལ་ཤི་ཆད། ཕྱུགས་ལ་གོད་ཁ། ནོར་ལ་གང་སྟོངས་། འབུ་སྦྲང་གཅན་གཟན་གྱི་གནོད་པ་སོགས་སྣོད་བཅུད་ཀྱི་རྒྱུ་རྐྱེན་རྟེན་འབྲེལ་ལོག་པ་ལ་མཚུངས་ཟླར་བྱེད་པའི་མི་མཐུན་ཕྱོགས་སྤོངས་ལ། ཞི་བ་བྱང་ཆུབ་ཀྱི་སེམས་དང་ལྡན་པར་གྱིས་ཤིག །དེ་ལས་ལྡོག་ན་དཀོན་མཆོག་བདེན་པའི་བཀའ་ཆད་དང་། ཆོས་ཉིད་ཟབ་མོའི་བདེན་མཐུ། མཁའ་འགྲོ་ཆོས་སྐྱོང་རྣམས་ཀྱི་སྟོབས་རྩལ་དྲག་པོས་ཁྱེད་རྣམས་ཀྱི་མགོ་བོ་འགས་པར་འགྱུར། སྙིང་ལ་ཟ་བར་འགྱུར། ཡན་ལག་རེངས་པར་འགྱུར། ནང་ཁྲོལ་འཚིག་པར་འགྱུར། མཐར་གྱི་སེམས་ཅན་དམྱལ་བའི་གྲོང་ཁྱེར་ཆེན་པོར་སྡུག་བསྔལ་མི་བཟད་ལ་མྱོང་བར་འགྱུར་བས་དམ་ཚིག་ལ་གནས་པར་གྱིས་ཤིག །ས་མ་ཡ་ཨི་དན་རཀྵནཱུ ཅེས་མགོ་ཐོག་ཏུ་བཞག །དེ་ནས་མཚོ་སྣར་རྒྱུད་འབུམ་རིན་པོ་ཆེར་དངོས་སྟ་ཉིན་གཉིས་མའི་རབ་གནས་མཐའ་རྒྱས་དང་བཅས་པ་བསྒྲུབས། དཀར་ཆག་ལ་མུ་མཐུད་

― JLAZ014_Page_0437 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་སྐབས་ཀྱི་གཏམ་ལ་སྐྱེས་རབས་བརྒྱ་བའི་སྨོན་ལམ་སྦྱར་བའི་ཟིན་བྲིས་ཀྱང་བཏབ། སྤྱིར་སྡེ་བདག་གི་རིགས་ཀྱི་དགེ་བའི་འདུ་འགོད་འདི་རིགས་འགྲོ་གཞན་ལ་ལྟོས་ན་སྙིང་སྟོབས་དང་གཏོང་ཕོད་མ་སྨད་པ་ཡིན་ཏེ། རྒྱུ་པར་ལས་འབྲས་ལ་རྩིས་སུ་བྱེད་པ་དང་། འབངས་ཀྱི་ཁུར་དུ་མི་འགྲོ་བ་ཉིད་དགེ་བའི་རྩ་བ་མཐུ་ཆེ་བར་སེམས་དཔས་དེ་ཁའི་འབེལ་གཏམ་ཡང་བྱས། གཙོ་བོར་རང་ཉིད་ཀྱི་ལག་འདོན་དང་། འཁྲིད་པ་རྣམས་ལ་སེམས་བསྐྱེད་མཆོད་པའི་ལེ་ལག་སོགས་འགའ་ལ་ཞལ་འདེབས་ཀྱང་བསྐུལ་ཏེ་ལུག་བཅུ་ཐམ་པའི་སྲོག་བསྐྱབས། སྤྲེའུ། རུས་སྦལ། ནེ་ཙོ་སོགས་སྟེར་མི་བྱུང་བ་སྤྱིར་དེ་དག་གཟེབ་ཏུ་ཆུད་པ་ལ་སྙིང་རྗེ་དང་། ཁྱད་པར་སྤྱོད་ཕྱོགས་ལམ་དུ་སློང་ཕྱིར་སྤེའུ་བཟོད་པའི་རྟེན། ནེ་རོ་བྱམས་པའི་རྟེན། རུས་སྦལ་སྙིང་རྗེའི་རྟེན་དུ་བློ་སྦྱོང་བྱས་པས། བྱང་ཆུབ་སེམས་དཔའ་བློ་ཆེན་རྣམས་ཀྱི་བསོད་ནམས་དང་ཡེ་ཤེས་ཀྱི་ཚོགས་སྐད་ཅིག་སྐད་ཅིག་ལ་འཕེལ་བའི་གནད་ཀྱང་ཤེས། ལར་ངེད་ལ་གཞན་གྱི་རྨ་བྱ་ཞིག་བསྐུལ་བ་ལམ་དུ་ཞི་བའི་རོ་བཤའ་བགྱིས་པས་སྙིང་ཆུ་བསགས་པར་འདུག །སྲོག་ཆགས་མེད་དུ་གཉེར་གདམས་ཀྱི་བཙོན་དུ་འཛིན་པ་འདི་ལ་ལས་འབྲས་མཁྱེན་པ་རྣམས་ཀྱི་གཟས་དགོས་འདུག །ལྡོག་པའི་ལམ་པོར་འབྲོག་པའི་

― JLAZ014_Page_0438 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོང་དུ་ཕྱུགས་ལུག་ལ་ཕྱག་ནས་དགོས་ཟེར་བ་ཤི་ཆད་དཀོན་པའི་བསམ་པར་འདུག །ཁྱུ་ཆེན་པོ་འིད་ཡང་མྱུར་དུ་མཚོན་གྱི་ཆད་པས་དེངས་པར་འགྱུར་སྙམ་དན་འགྲོའི་སྡུག་བསྔལ་ལ་སྙིང་རྗེ་ཚད་མེད་སྐྱེས། ཡི་གེ་བརྒྱ་པ་དང་སྤྱོད་རྒྱུད་ལ་སོགས་པའི་གཟུངས་སྔགས་བསྒྲགས། སྨོན་ལམ་བཏབ། གྲི་གུད་མྱལ་བའི་ཟེངས་ཁར་ཕྱུག་པོ་དག་གི་ཁྱིམ་དུ་ཆོས་དང་དམ་རྫས་ཀྱི་འབྲེལ་བཏགས། ཇོ་བོ་ལ་མཆོད་འབུལ་སྨོན་ལམ་བྱས། བརྒྱད་གྲ་པའི་ཇ་ཞུས་ལ་རང་བཞིན་ཤེས་པའི་གདབ་ལན་བྱས། ལྷོ་རྒྱུད་དུ་ཐོབ་པའི་རྙེད་པ་རྣམས་ཀྱིས་དཔལ་གྱི་རི་བོར་ཞག་བདུན་གྱི་རིང་བཀའ་འགྱུར་བཙུགས། འབྲུ་དཀར་བྲེ་འདེགས། སེ་ལེ་རེ། ཤོག་བུ་བཅུ་ལྡེང་གཉིས་རེ་དང་། གྲོལ་ཉིན་ཟོང་རས་སྤམས་འགྱེད་ཊཾ་ཁ་རེ་ཐོབ་པ་རྣམས་བཏང་། རྣམ་སྣང་སྐུ་རྒྱབ་ལ་རྒྱ་དར། ལྷོ་ཟོང་སྤུས་དག་གི་གནམ་རྒྱན། ས་འཕན། རྒྱལ་མཚན་སོགས་ཀྱང་བཙུགས། རི་བོ་བདེ་ཆེན་དུ་མང་ཇ་གཉིས་དང་། ལ་ཡུག་བཞི་བརྒྱའི་འགྱེད་སྐལ་ཕུལ། ངེད་ལྷོ་རྒྱུད་དུ་དེང་ས་བར་འཇིག་རྟེན་ན་གྲགས་ཚོད་ཀྱི་གདོན་ཞིག་དངོས་དང་གདོན་གཟུགས་རྟེན་དང་རྟེན་པའི་རྣམ་པར་བྱས་ནས། ཁྱེད་སྐྱེས་བུ་དམ་པར་ཤེས་ནས་གནོད་སེམས་བཅང་པ་མེད། ཕྱོགས་ལ་ཕེབས་ན་བར་གཅོད་

― JLAZ014_Page_0439 ―

^{[མ་དཔེ་གཟིགས་ན་འདིར་གནོན།]}

[Full Size]

བརྩམ་པར་སྨྲ་ཞེས་པའི་ཚིག་མ་ནིང་མགོ་ཞིག་ཟེར་བའི་མངོན་རྟགས་ཀྱང་གསལ། སྤྱིར་དམ་པའི་ཆོས་བསྒྲུབ་པ་རྣམས་ལ་བར་ཆད་འབྱུང་བའི་རྒྱུ་ནི་མ་རིག་པ། རྐྱེན་བདག་ཏུ་འཛིན་པ། དེ་ཡང་བསོད་ནམས་ཀྱི་བསགས་པ་ཆུང་བ། སྡོམ་པ་དང་དམ་ཚིག་ལ་ཉེས་ལྟུང་ཅན། མོས་གུས་ཆུང་ཞིང་ཐེ་ཚོམ་ཆེ་བ། མཚམས་རལ་བ་དང་ཉེས་དམིགས་མི་བསམ་པ་སྙིང་སྟོབས་དང་ཤེས་རབ་ཆུང་བ་རྣམས་འབྱུང་པོ་དང་མི་ཆེན་གྱི་གཞན་དབང་དུ་འཚོར་བ་ཡིན། རྒྱལ་ཆོས་མཛད་ནས་ཁོང་པས་ཐོབ་ཆེ་བས་སྦས། གནས་པདྨ་དཀར་པོའི་ས་མཚམས་སུ་དགོན་པ་འདེབས་པའི་རྒྱུ་མཚན་དང་གདན་འདྲེན་གྱི་བགྱི་སྒོའི་ཡི་གེ་འབྱོར་ཡང་། སྤྱིར་དུས་སྙིགས་མའི་དགོན་གནས་འཛིན་སྐྱོང་གིས་སེམས་ཅན་གྱི་དོན་འགྲུབ་པའང་དཀའ། གནས་སྐབས་སུ་འགྲོན་དོན་ལ་མིང་བཏགས་ཀྱང་འདོད་པ་མ་ཟད་ཀྱི་བར་ཡིད་ལ་བྱེད་པ་གང་ཡིན་ན་ཤེས་དཀའ་སྔར་མཚོ་སྣ་ར་དེངས་སྐབས་ལམ་དུ་རྟ་དྲེལ་གྱི་སྣའི་ཤུ་ཤུ་དང་ངལ་དུབ་ཀྱི་རྣམ་པ་མཐོང་བས་ལམ་ཐག་ཏིང་པོར་རྟ་ཁལ་ལ་བརྟེན་པའི་ཉེས་པ་གཅིག་པོ་འདིའང་འདག་པར་མི་ནུས་སོ་སྙམ་པའི་བློ་གཡེང་པོ་ཤར། འབྲེལ་ཚད་དོན་ལྡན་གྱི་སྟོན་པ་ཉན་ཐོས་ཀྱི་འཁོར་དང་བཅས་པའང་བཞོན་ཁལ་ལ་མི་བརྟེན་པའི་དགོངས་པ་

― JLAZ014_Page_0440 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་ལ་དྲན་ནས་སྐོར་ཅིག་ཀྱང་འགྲོ་བའི་བློ་གཡེང་སང་། འདི་ལོ་སྒྲོལ་མ་འབུམ་ཐེར། ཚེ་གཟུངས་འབུམ་ཐེར་གཉིས། བཤགས་རྒྱུད་རྒྱ་རྩ། སྨན་བླའི་མདོ་ཆོག་རྒྱ་ཚར་བཏང་། ཐོས་པ་འཛིན་པ་དང་། དཀོན་མཆོག་ལ་དད་པའི་བསོད་ནམས་འཕེལ་ཕྱིར་བཀའ་འགྱུར་ཚར་གཅིག་མདུན་དུ་བདར་ནས་ཀློག་ཏུ་བཅུག །རང་ལོ་ལྔ་བཅུ་པའི་དགུན་ཐོག་འདི་ལ་དྭགས་སྤྲུལ་དང་། མོན་ལྗོངས་མཁར་བླ་མ་ཅན་འདུས་པ་བཞི་བཅུ་སྐོར་ལ་འདུས་པ་མདོ་དབང་ཆེན་མོ་སྨིན་རྒྱས་དང་། མཁའ་འགྲོ་སྙིང་ཐིག །བླ་མ་ཡང་ཏིག །ཆོས་དབང་རིན་པོ་ཆེའི་ཡང་དག་ རྟ་འཇམ་དབྱངས་གསུམ་ལ་སོགས་པའི་རྗེས་གནང་མང་པོ་ཡང་བགྱིས། ཞར་ཆོས་སུ་ཇོ་ལུགས་ཀྱི་སྒྲོལ་མ་ཉེར་གཅིག་གི་འགྲེལ་བཤད་དང་། རྩ་ལྟུང་བཅུ་བཞིའི་རབ་དབྱེ། བཤེས་སྤྲིང་རྒྱ་འབྲེལ་སློབ་དཔོན་བློ་གྲོས་ཆེན་པོའི་ལུགས་སྐབས་གང་འགྲིག་ནས་བཤད། སློབ་སྤྲེང་གི་འགྲེལ་བ་རྒྱ་གཞུང་གཉིས་ལ་ལེགས་ཉེས་ཀྱི་རྟོག་དཔྱོད་ཀྱང་ཤར། །མོན་པ་བླ་མས་དྲན་པའི་གཏམ། ཡོན་ཏན་རྒྱ་མཚོ་ཞེས་བྱ་བ་འདི་ཡི་གེར་བཀོད། །སྐབས་འདི་དག་ཏུ་ཁོ་བོས་སེམས་སྟོབས་ཆེན་པོ་བསྐྱེད་ནས་རྙིང་བསྟན་གྱི་རྩ་བ་མདོ་སྒྱུ་སེམས་གསུམ་ལ་རག་ལས་པ་ཡིན། རྗེས་སུ་ཞུགས་པ་

― JLAZ014_Page_0441 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་རྨོངས་ཆེས་པས་སྔ་འགྱུར་གྱི་རྒྱུད་སྡེ་དང་། དེའི་གཞུང་དོན་མ་ནོར་བ་མཁས་གྲུབ་ཆེན་པོས་སྲོལ་བཏོང་ཅིང་ཤིན་ཏུ་གྲགས་པ་བརྟན་པའི་གྲུབ་མཐའ་བཟང་པོ་རྣམས་ལ་དེ་དག་བྱིན་རླབས་ཡལ་ལོ། །ཞེས་དགའ་རབ་དབང་ཕྱུག་གི་རོ་འཛིན་སྐྱོང་བས་བསྟན་པའི་གཞུང་ནུབ་པར་ཉེ། གདམས་ཕྲན་རྣམས་ཀྱིས་ནི་རྒྱུད་སྡེ་ཆེན་པོའི་སྤྱི་དོན་མི་ལྷོངས་བས་བསྟན་པ་འབའ་ཞིག་ལ་བསམས་ཤྲཱི་བརྦ་ཏར་འདུས་པ་མདོའི་སྒྲུབ་མཆོད་ཀྱི་རྒྱུན་ཞིག་ཚུགས་པར་རེ་ནས། ཆོག་ཕྲིན་གྱི་བར་མང་པོ་བསྒྲུབས། ཡན་ལག་གི་དཀྱིལ་འཁོར་རྣམས་ལྷན་ཐབས་སུ་བྱས་པའི་ཆོག་ཁྲིགས་བྱས། རས་བྲིས་བཞེངས། བྲི་ཐིག་དང་ཕྱག་རྒྱ་རྣམས་རྒྱུད་ལྡན་ལས་ཁོང་དུ་ཆུད་བར་བྱས། དངུལ་སྲང་བརྒྱས་གཙོས་པའི་ཆ་རྐྱེན་སྦྱོར་རྩིས་ཀྱི་དབུ་མཛད་གསར་རྙིང་ཆེད་དུ་བོས། ཆོ་གའི་ལག་ཁྲིད་ལ་སྦྱར་ཡང་། འཇུག་པའི་སྒོ་དབང་ཕྲིན་ལས་ཀྱི་གཞུང་ཆོག་འཛིན། རྟེན་ཅིང་འབྲེལ་འབྱུང་ཕྱག་རྒྱ་ལ་སོགས་དམ་ཚིག་གི་ཀུན་ཏུ་སྤྱོད་པའི་གནས་ལ་ཁྱིའི་མདུན་དུད་རྩ་བཞག་པ་ལྟ་བུར་གྱུར། སྐྱེས་རབས་ལས། རྒྱ་མཚོའི་ཕ་རོལ་ཚུར་རོལ་འགྲམ་ཡང་རིང་། །ཤར་ནུབ་གཉིས་ཀྱི་རི་དབང་དེ་བས་རིང་། །ནམ་མཁའ་དང་

― JLAZ014_Page_0442 ―

^{[མ་དཔེ་གཟིགས་ན་འདིར་གནོན།]}

[Full Size]

ནི་ས་གཞིའི་བར་ཡང་རིང་། །ཕལ་དང་དམ་པའི་ཆོས་ནི་དེ་བས་རིང་། ཞེས་པ་དེར་འདུག །ད་ནི་ལྔ་བརྒྱའི་ཐ་མ་ལ་བབས་པས་བསྟན་པ་ལ་ཞབས་ཏོག་འགྲུབ་པའང་དཀའ་བའི་གནས་ལ་ཡིད་སྐྱོ་ནས་མཉམ་གཞག་ལ་མོས་པ་ཆེ་རུ་སོང་། ལར་གསང་སྔགས་ཀྱི་དཀྱིལ་འཁོར་ནི་ཐར་པ་ཆེན་པོའི་གྲོང་ཁྱེར་ཡིན་པས་བླ་མ་མཚན་ལྡན་གྱིས་སློབ་མ་སྣོད་ལྡན་བཅུག་པ་གཅིག་པོའི་སྐལ་བའང་འཇིག་རྟེན་རྙེད་པར་དཀའ། ཆོ་ག་དང་ཏིང་ངེ་འཛིན་དག་པའི་འབྲས་བུ་བསླུ་བ་མེད་དོ། རྨོངས་པ་རྣམས་ནི་ངས་འཆད་སྤེལ་ནི་མི་ནུས་ཟེར་ནས་ཆོས་ཐོས་པའི་ཡོན་ཏན་ལ་རྒྱུ་འབྲས་ཁྱད་པར་བལྟ། འགྲོ་དོན་མཛད་མཁན་ཚོའང་ཆོས་གང་དང་གང་ཡིས་རབ་རྒྱུད་ཀྱང་སྨིན་གྲོལ་དུ་འགྱུར། གཞན་ལའང་ཕན་པ་རྒྱ་ཆེན་བསྟན་པའི་ལམ་སྲོལ་མི་ནུབ་པའི་ཁུ་བླང་ངོ་སྙམ་པའི་སྐྱེས་བུ་ཆེན་པོའི་བློ་ནི་བཏང་། དབང་ལུང་གི་རྒྱན་འདྲ་ཐོབ་ན་ངེས་རང་གི་གྲགས་པ་བསྲུང་བ་དང་རྙེད་པ་འཚོལ་བའི་ཐབས་འབའ་ཞིག་སེམས་པས་བླ་མ་ལ་བླ་མར་མི་འཛིན། ཆོས་ལ་ཆོས་སུ་མི་སེམས་དཔས་སོ་སྐྱེའི་ངང་ཚུལ་ལས་གཡོས་པ་མེད་བཞིན་དུ་བཞུགས་ཁྲི་མཐོ་བ་ཁོ་ན་སྐྱེས་བུ་དམ་པའི་ཡོན་ཏན་དུ་སྙེམས་པའང་གངས་ཅན་ངོ་མཚར་གྱི་གནས་གཅིག་གོ །ཀུན་མཁྱེན་ཆེན་པོས། དབང་རྣམས་མ་རྫོགས་རྒྱུད་

― JLAZ014_Page_0443 ―

^{[མ་དཔེ་གཟིགས་ན་འདིར་གནོན།]}

[Full Size]

དོན་མི་ཤེས་ལ། །བཟླས་བརྗོད་མ་ཚང་བསྙེན་སྒྲུབ་མ་ཐེམས་བཞིན། །དབང་བསྐུར་རབ་གནས་གྲོང་ཆོག་རྙེད་འཚོལ་དང་། །བླུན་པོའི་རྨོངས་ཟིལ་ཟས་གོས་ཆེ་ཁྱད་ཅན། ལོག་རྟོག་གྲུབ་མཐས་རྨོངས་པ་ངོ་མཚར་བསྐྱེད། །འདྲེན་པའི་གཟུགས་བརྙན་མཐོང་བས་སེམས་འདི་སྐྱོ། །ཞེས་གསུངས། བདག་ཅག་རང་རྒྱུད་ལ་རྟོག་ཅིང་བར་དོ་བགྲོད་པའི་ཡོན་ཏན་མ་ཐོབ་པས་དཀོར་དང་ལོག་འཚོའི་ཉེས་དམིགས་ལ་ཡང་ནས་འདུག་པ་ལ་བྱས་པ་དྲིན་དུ་མི་གཟོ་བའི་བླ་བརྡོལ་སྙིང་རེ་རྗེ། རྣམ་པའི་རྟེན་འབྲེལ་འཕྱུགས་བདེ་འཕོངས་པ་མ་གཏོགས་རྒྱ་གར་པཎ་ཆེན་ལ་བྷོ་ཌའི་གཞན་དྲིང་མི་འཚལ། དངོས་ཀྱི་སྤངས་རྟོགས་དང་ཆོས་ཚུལ་རྒྱ་མཚོ་སྔོན་གྱི་སྨོན་ལམ་གྱི་རང་གཟུགས་ལས་བྱུང་ན་རིགས་ཀྱི་བདག་པོར་དྲི་མེད་འོད་ཟེར་རང་མཁྱེན་ནོ། །སྒོམ་པོ་པའི་རུས་ཟུར་ཞབས་དྲུང་བསྟན་དར་ལ་སྙིང་ཐིག་གསར་མའི་འབྲིད་ཚུལ་སྨིན་པ་བྱས། ཁོང་ཤེས་རབ་ཆེ་ཞིང་དྲི་བ་མང་པོ་བྱས་པའི་འཕྲོར་ཟབ་མོ་ཡང་ཏིང་ཟེར་བ་སྙིང་ཏིག་བཞི་ལ་ཨེ་ཐེ་སྐད། རྒྱུད་བཅུ་བདུན་དང་བཏགས་གྲོལ་རྒྱུད་གསུམ། མན་ངག་བརྒྱ་བཅུ་དགུ་ཟབ་པ་པོད་བཞི། མཁའ་འགྲོ་སྙིང་ཐིག་གསང་བའི་དེབས་དང་བཅས་པ་གནད་དུ་བསྡུས་པ་ཡིན། དཀར་ཆག་ཉི་ཟླ་གཟའ་སྐར་གྱིས་བསྟན་པའི་སྙན་

― JLAZ014_Page_0444 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱུད་ཐིག་ལེ་གསང་སྒོང་ནི་དེང་སང་ཤིན་ཏུ་དཀོན། འདིའི་བླ་བརྒྱུད་ལ་ཙཱ་རིར་འོད་ཕུང་དུ་ཡལ་བའི་མཛོ་གཉིས་ཀྱི་བླ་མ་དམ་པ་གྱེར་ཡང་བཞུགས་པ་སོགས་བླ་བརྒྱུད་ཀྱང་སྤྱི་དང་མི་མི་འདྲ་བ་ཡིན་ཞེས་བཤད། ཁོང་གིས་ཀྱང་ལོ་གསུམ་གྱི་བསྒྲུབ་པ་ཁས་བླངས་ནས་བྱོན་ནི་སོང་། རི་ཁྲོད་པར་བསྐྱེད་རྫོགས་ཟབ་མོ་ལས་སྟག་པའི་བརྒྱ་བཤིག་སྟོང་འགུགས་ཀྱི་དགེ་བ་བདུད་ལས་ཡིན། སྤྱིར་བདག་ཅག་འདོད་པ་ཟད་པའི་རིགས་ཅན་དུ་མི་འདུག་ཀྱང་། དད་རྫས་གཤིན་སྐོར་འདིས་སྲོག་ལ་ཧུར་ཐུམ་བྱེད། ཉམས་དང་རྟོགས་པ་འགྲིབ། ཆག་ཉེ་ཉམ་ང་འདུ། ས་ལམ་དང་འབྲས་བུའི་ཡོན་ཏན་ལ་སྒྲིབ་པར་ངེས་ཤེས་འདྲོངས་པས་རབ་ཏུ་ཡང་ནས་འཇིག་རྟེན་དང་མཐུན་འཇུག་མ་བྱས། ཐབས་དང་རྟེན་འབྲེལ་མ་བསམས་རང་བཞིན་དུ་ཆང་ཆུང་འབྱོར་བ་དག་གནས་མིན་དུ་གོད་ཟག་པ་ཤིན་ཏུ་འཛོམ་པར་བྱས་ཀྱང་། སྐྱེ་བོ་གཞན་དག་ནི་དཀོར་དང་རྣམ་སྨིན་ལ་ཇི་མི་སྙམ་པ་ཤ་སྟག་མིན་པས་བསམ་པ་སྣ་ཚོགས་འཆར། རྒྱུ་དེས་རང་ལ་འབྱུང་འགྱུར་མི་ཤེས་པའི་རྫུན་གཏམ་གྱི་བརྟག་པ་དང་། བསྔོ་རྟེན་ལ་སོགས་པའི་རྒྱུན་ལ་མ་བཅད་ན་སྙམ་པ་ཡང་ནས་དུ་ཤར་ཡང་ཐག་རིང་ལ་སོགས་པའི་ས་ནས་འགའ་དང་འགས་ཁ་ཆེམས་བཞག་པ་སོགས་མི་ལེན་པའི་དབང་མ་བྱུང་ཚེ་ཉེ་སྐོར་གྱི་ཆང་ཆུང་རིགས་

― JLAZ014_Page_0445 ―

^{[མ་དཔེ་གཟིགས་ན་འདིར་གནོན།]}

[Full Size]

མ་བླངས་ཁ་ན་མཐོ་བདེ་བས་ཆེ་ཞིང་། བྱང་ཆུབ་སེམས་དཔའི་སྡེ་སྣོད་ལས་གསུངས་པའི་རྩ་ལྟུང་ལའང་འཇིགས་པས་ཡིད་འཕྲིགས་སེ་པའི་ངང་ནས་བདག་གིར་བགྱིས་པའི་རྫས་ཕན་བུ་པ་རྣམས་ལས་རྟེན་བཞེངས་ཤིག་ཡིད་ལ་བསམ་པའི་ཚེ། དཀོན་མཆོག་དང་མཁའ་འགྲོ་ཆོས་སྐྱོང་གི་ཐུགས་རྗེས་གཡོར་སྟོད་ཕྱོགས་ནས་ཆོས་་དོན་གཉེར་བའི་སྐྱེས་བུ་བཟོ་གནས་ལ་བྱང་བ་ཞིག་སླེབས། བཟོ་ཕུད་དུ་རྒྱལ་བ་འོད་མཚན་སྟོང་འབར་ཞིག་བཞེངས། དེ་ནས་བཀྲ་ཤིས་བཙན་པ་མ་སོར་ཉེ་བའི་སྲས་བརྒྱད་སྐྱེས་བུ་གཞོན་ནུའི་ལུས་ཚད་དང་། བོད་དུ་བསྟན་པའི་དབུ་བརྙེས་པའི་རྟེན་འབྲེལ་ཕོ་བྲང་ཡུམ་བུ་བླ་སྒང་དུ་དམ་པའི་ཆོས་བབ་པའི་ཐོག་མ་སྤང་སྒོང་ཕྱག་བརྒྱ་པ་ལ་སོགས་ནས་མཚན་གཞི་བཤད་ཅིང་། འདུས་པ་མདོ་ཡི་བྱང་སེམས་ཀྱི་དཀྱིལ་འཁོར་ནས་མངོན་རྟོགས་བསྟན་པའི་ཕྱོགས་བཅུའི་སངས་རྒྱས་འགྲོ་དོན་ལ་གཤེགས་པའི་ཚུལ་བཅུ་ཐམ་པ། པདྨ་འོད་གླིང་གི་གཙང་ཁང་དུ་རྒྱལ་བ་ཀློང་ཆེན་པའི་སྐུ་བརྙན་དང་། བཟོ་བོ་ཅིག་ཤོས་གཉིས་ཀྱིས་ཐུབ་པ་གྲོང་ཁྱེར་མ་དང་། སྤྱན་རས་གཟིགས་ཁ་སར་པ་ཎིའི་ལྡེམ་སྐུ་ཁང་པ་ལ་དཔེ་གས་པ་གཉིས་བཞེངས་ཤིང་གནས་ཀྱི་བཟོ་གནས་ཀྱི་བཀོད་པས་འདོམས། བཅད་ལྡན་སྨལ་ཤམ། གན་ཇུས། མཛོད་

― JLAZ014_Page_0446 ―

^{[མ་དཔེ་གཟིགས་ན་འདིར་གནོན།]}

[Full Size]

ནང་། རྡོ་རྗེ་གསང་ལམ་ལ་སོགས་བཟང་གོས་འབའ་ཞིག་གི་ན་བཟའ་དང། དངུལ་སྲང་ལྔ་བཅུ་ཐམ་པའི་རྒྱུ་རྐྱེན་ལས་གྲུབ་པའི་མཎྜལ་ཕུལ་མ་ཚ་གསེར་ཅན་འཁར་གཞོང་གི་སྟེགས་ཆེ་བ་དང་བཅས་བསྐྲ་ཤིས་སྲོང་བཙན་བམ་སོར་ཕུལ། གནས་དེ་ཉིད་དུ་ཚོག་རོགས་པ་དགེ་འདུས་བཅོ་ལྔ་སྐོར་དང་བཅས་བཀའ་བརྒྱད་བདེ་གཤེགས་འདུས་པ་དང་། རང་གནས་སུ་འོག་མིན་ཚོགས་ཆེན་འདུས་པའི་དཀྱིལ་འཁོར་ཆེན་པོ་གཉིས་ལ་བརྟེན་རབ་སྔར་བཞིན་བསྒྲུབས། རྟེན་བཞེངས་ཀྱི་དོན་པོ་རིང་བསྲེལ་རྣམ་པ་བཞི་ལ་རག་ལུས་པས་རུས་ཤིང་ལ་རྩ་ཐང་དང་ཤིང་འདབ་སོགས་མ་བསྡམས་པར་གཙོ་བོར་གཟུངས་སྔགས་དང་དར་རས་འབའ་ཞིག་དཀྲིས་ནས་ཚོགས་རྫོགས་པར་བྱས། དཔལ་རི་བའི་ཚེས་བཅུ་པ་རྣམས་ལའང་སློབ་དཔོན་ཆེན་པོའི་སྐུ་དང་བཅས་འདི་ལོའི་དབྱར་ངོ་ཕལ་ཆེར་རྟེན་བཞེངས་ཀྱི་བྱ་བས་འདས། ཕྱོགས་བཅུའི་སངས་རྒྱས་རྣམས་དཔའ་རིའི་གཙང་ཁང་དུ་བཞུགས་སུ་གསོལ།

― JLAZ014_Page_0447 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་གྱི་ཞལ་གསེར་མང་བསྐོལ་ཉི་ཤུ་ཐམ་པ་བཏང་དེ་དམ་པའི་ཆོས་འདུལ་བ་ཞལ་འབྱེད་དང་། མངའ་རིས་གྲྭ་ཚང་པར་མང་ཇ་དང་འཇམ་བཏང་ནས་སྤྱོད་འཇུག་གི་སྨོན་ལམ་གསུང་བར་བསྐུལ། གྲྭ་ཚང་འདི་པའི་དགེ་བཤེས་བཀའ་རམས་པ་བཅུ་ཐམ་པ་སྨོན་ལམ་རྣམ་གསུམ་འདོན་དུ་སྦྱོན་པར་བྱས་པའི་ཞར། ཁོ་བོ་ཤིང་རྟ་ཆེན་མོའི་རིང་ལུགས་ལའང་གུས་པས་རྒྱན་འཇུག་གཉིས་ཞལ་འདོན་དང་། ཐུན་དབར་རྒྱུ་འབྲས་མན་ངག་བདུན་ལྡན་སྨོན་འཇུག་གི་སེམས་བསྐྱེད་ལ་དམ་བཅའ་འཇོག་བར་བསྐུལ། ཡི་གེ་གཞན་གྱི་དགོས་པ་སྐྱེས་ནས་རྫོགས་ཆེན་པ་ཀུན་གཞི་དང་ཆོས་སྐུ་ཇི་ལྟར་འདོད་དྲི་བ་ལ་ཀུན་མཁྱེན་ཆེན་པོའི་བཞེད་པས་ལན་བཏབ་པས་རངས། རྫོགས་ཆེན་གྱི་ལྟ་བ་ལ་ལྟག་པར་འདྲི་བར། བདེ་བར་གཤེགས་པའི་སྙིང་པོ་བྱ་བ་དེ་དོན་དམ་པའི་བདེན་པར་མཐུན། དེ་སེམས་ཅན་གྱི་ཁམས་ལ་དངོས་བསྟན་དུ་ཡོད་མེད་སྐབས་ཇི་ནང་པ་དང་གསེར་མདོག་ཅན་པ་ལ་རུབ་བརྒྱབ་པ་དེ་ངས་ཀྱང་གོ་ཞིང་རྟོགས། ཁོང་རྣམ་གཉིས་ཀྱང་བཞུགས་མཆིན་ལྕགས་ལ་ཐར་བཏང་མཁན་ཞིག་ཡིན་པར་སྣང་བས་རྗེས་ཀྱི་གཏན་ཚིགས་རྣམས་ལ་འཐབ་མོ་ཡ་མེད་དུ་སོང་སྙམ་པ་དང་། རང་ལྟ་ལ་མཆོག་ཏུ་མི་འཛིན། ལར་ཤེས་བྱས་

― JLAZ014_Page_0448 ―

^{[མ་དཔེ་གཟིགས་ན་འདིར་གནོན།]}

[Full Size]

གཏན་ལ་ཕབ་པའི་ལྟ་བ་མཐའ་དག་གོ་བ་ཡིན། དེས་སྐྱེ་མེད་ཀྱི་རྩ་བ་མི་ཆོད། འོ་ན་དབུ་མའི་རྩོད་བཟློག་ལས། ཐ་སྙད་ལ་ནི་མ་བརྟེན་པར། །དམ་པའི་དོན་ནི་རྟོགས་མི་སྲིད། གསུངས་སོ་སྙམ་ན། དེ་ལྟ་བ་ལུང་རིགས་དང་འབྲེལ་དགོས་པའི་སླད་དུ་དགོངས་། སྒོམ་པས་ཉམས་སུ་མྱོང་ཚོའང་ཤེས་བྱའི་སྒྲིབ་པ་དང་འབྲེལ་ཆེ་བས་འགག་མེད་ཀྱི་ཡོན་ཏན་རྣལ་དུ་མི་གནས། གདོད་ནས་གྲུབ་པའི་ལྟ་བ་སྤྲོས་བྲལ་རང་གནས་ཀྱི་ཡེ་ཤེས་ལ་བཟོ་འཆོས་མི་དགོས་པར་རྟོགས་ཙ་ན་རྫོགས་པ་ཆེན་པོ་ཟེར་བའ་ཁས་ལེན་ཐམས་ཅད་དང་བྲལ་བ་དེ་ཡང་། འདི་མཚན་ཉིད་པའི་སྟོན་པ་ཆེན་པོ་རྣམས་ཀྱི་སྙན་དུ་མི་འཛུལ་ཡང་། མངོན་རྟོགས་རྒྱན་ལས། འདི་ལ་བསལ་བྱ་ཅི་བྱང་མེད། བཞག་པར་བྱ་བ་བཅུང་ཟད་མེད། །ཡང་དག་ཉིད་ལ་ཡང་དག་བལྟ། ཡང་དག་མཐོང་ན་རྣམ་པར་གྲོལ། །ཞེས་པ་དང་ནི་བར་ཐེབས་ཀྱི་ཡོད། འོན་ཀྱང་བོད་སྐད་རིགས་གཅིག་པའི་སྟོན་པ་ལ་བཟང་བ་ཕྱ་པ་ཆོས་ཀྱི་སེང་གེ་ཡང་དོན་དམ་བདེན་པ་སྒྲ་རྟོག་གི་ཡུལ་དུ་བཞིད་པ་དང་མཐུན་པར་ཐོས་བསམ་གྱི་ཤེས་རབ་ལས་བྱུང་བའི་ལྟ་བ་སྒྲ་ཚིག་གི་རྗེས་སུ་འགྲོ་བའི་ཆོས་སྐད་ཁྱེད་རང་རྣམ་པའི་དེས་བཏུབ། ཕ་དམ་པས། དོན་དམ་ལྷན་ཅིག་སྐྱེས་པའི་

― JLAZ014_Page_0449 ―

^{[མ་དཔེ་གཟིགས་ན་འདིར་གནོན།]}

[Full Size]

ཡེ་ཤེས་ནི། ཚོགས་རྫོགས་སྒྲིབ་པ་དག་པའི་ལག་རྗེས་དང་། རྟོགས་ལྡན་བླ་མའི་བྱིན་རླབས་ཁོ་ན་ལས། ཐབས་གཞན་བསྟེན་པ་རྨོངས་པར་ཤེས་པར་བྱ། །ཞེས་པ་ལྟར། ཀུ་སུ་ལུ་བས་བདེན་པར་བསག་སྦྱང་དང་། བསྐྱེད་རིམ་དང་སེམས་བསྐྱེད་དང་མོས་གུས་ལ་སོགས་པའི་ཐབས་ལ་བརྟེན་ནས་རྟོགས་པའི་ལྟ་བ་ནི་སྤྱོད་འཇུག་ལས། དོན་དམ་བློ་ཡི་སྤྱིད་ཡུལ་མིན། །བློ་ནི་ཀུན་རྫོབ་འཁྲུལ་པར་བཤད། །ཅེས་པས་སྒྲ་ཚིག་གིས་གཏན་ལ་མི་ཕེབས་ཀྱང་། འཕགས་པའི་ཡེ་ཤེས་མངོན་དུ་རྟོགས་པ་དེས་བཀའ་དང་དགོངས་འགྲེལ་རྣམ་དག་གི་དོན་ལ་དཔྱད་ཙ་ན་འགལ་པ་ལྟག་སྤྲོད་མ་ཡིན་པའི་ཞུས་དག་ཕེར་ནས་སོང་། དེ་མུན་མུན་ཚོན་ཚོད་ཡིན་པར་དོགས་ན། མཚན་ཉིད་པ་རྣམས་ཀྱི་ཕུག་གུ་གསས་རྡོག་ལོ་ཆེན་པོ་བློ་ལྡན་ཤེས་རབ་ཡིན། དེ་ནི་དོན་དམ་པའི་བདེན་པ་སྒྲ་དང་རྟོག་གེའི་ཡུལ་ཡིན་པ་ལྟ་ཞོག །ཞེན་པའི་ཡུལ་ཙམ་ཡང་མ་ཡིན་ཞེས་བཞེད་པ་ཡིན། འོ་ན་གང་གིས་རྟོགས་ན་གཤིན་རྗེ་དགྲ་ནག་གི་རྒྱུད་ལས། ཡང་ན་བླུན་པོ་དད་པ་བརྟན་ །དེ་ལ་སྦྱོར་བའི་དངོས་གྲུབ་ཉེ། །རྟོག་ཅིང་དཔྱོད་པའི་རྟོག་གེ་བ། །དེ་ལ་དངོས་གྲུབ་རིང་དུ་བསྐལ། །ཞེས་བཤད་པས་ཁྱེད་རྣམ་པ་

― JLAZ014_Page_0450 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་དག་སྣང་ཡོད་དེ་མོས་གུས་མེད་པས་རྟོགས་པའི་དོན་ཅིག་ཅར་དུ་རྒྱུད་ཐོག་ལ་གདན་མི་འདྲོངས་ཏེ་མོད་ལས། ཤཱ་རིའི་བུ་དོན་དམ་པ་ནི་དད་པས་རྟོགས་པར་བྱ་བ་ཡིན་ནོ་ཞེས་པ་བཤད་པས་སོ། ཞེས་སྨྲས་པས་བཏགས་པ་མིང་གི་རྫོགས་ཆེན་བ་མིན་པར་འདུག་ཟེར། ཁོ་བོ་ཅག་ཀུན་མཁྱེན་ཆེན་པོའི་གྲུབ་མཐའ་འཛིན་པ་ལ་ངོ་མཚར་ནས་ཡིད་བཞིན་མཛོད་དོ་གལ་ཆེན་པོས་གཡར་བྱུང་བ་མཛོད་འདིས་མངོན་མཛོད་དང་ཐར་ཚད་ཀྱི་ཆོས་སྐད་དང་བསྒྲུབ་གཤག་གཏན་ལ་ཕབ་བས་ཀློག་པ་ཐོས་བསམ་བ་རྣམས་ཀྱི་སྙན་དུ་ལྷག་པར་འཛུལ་ཞིང་། ཞར་ལ་རྗེ་བཙུན་ཤཱནྟ་པུ་རི་བའི་ཐོས་པ་འཆི་མེད་ཀྱི་བདུད་རྩི་ཞེས་པའང་བསྐུར་བས་ཕྱི་མཐའ་རྙིང་མ་པ་རྣམས་གཏོ་ཆོག་དང་གདམས་ཕྲན་ལ་རང་ལུགས་ཀྱི་གྲུབ་མཐའ་རློམ་བ་མཐོང་བས་གཞན་དང་གཞན་དག་སྔ་འགྱུར་གྱི་རིང་ལུགས་ལ་ཆོས་སྤོང་གི་ལས་གསོག་པའི་གཉེན་པོར་སོང་། ཆོས་ལ་སྡང་བའི་ཉེས་པ་བསལ་བ་ལ་ཕན་ཡོན་དཔག་ཏུ་མེད་པ་ཡོད་བ་ཡིན་ནོ། །ཆོས་རྗེ་བྲག་ཕུག་བ་སྤྱིར་ཐོས་པ་དང་ཤེས་རབ་འཛོམ་མོས་པ་བརྟན། ཁོང་དང་པོར་བཀའ་རྒྱུད་པའི་རིགས་ཀྱི་སྔོན་སྦྱངས་དང་མིག་ལྟོས་ཀྱང་ལེགས་པས་རང་ཉིད་ལའང་བླ་མའི་མིང་དང་ཕྲིན་ལས་ཡོད་པ་གློ་བ་ཁེངས་ཏེ།

― JLAZ014_Page_0451 ―

^{[མ་དཔེ་གཟིགས་ན་འདིར་གནོན།]}

[Full Size]

ཟབ་པ་དང་རྒྱ་ཆེ་བའི་ཆོས་སྤྱི་དང་། ཁྱད་པར་རང་རིག་ཡིད་བཞིན་གྱི་ནོར་བུ་གང་ལས་རྙེད་བའི་དེད་དཔོན་གྱི་བླ་མ་ལ་བཟོ་གནས་བསླབ་པའི་སློབ་དཔོན་ལྟ་བུར་བལྟས་ནས་གཅམ་བུའི་ངོ་འཛིན་གྱིས་དངོས་གྲུབ་ཀྱི་སྣོད་བརྡོལ་བ་དེ་མ་ཡིན་པར་ཁོ་བོས་དང་པོ་ཆུ་བོ་རིར་སྨིན་གྲོལ་གྱི་རྗེས་སུ་བཟུང་བ་ནས་བཟུང་བླ་མ་གསང་ཞིང་བརྙས་པ་ལ་སོགས་པའི་དམ་ཚིག་ལ་སྐྱོན་བྱུང་བ་ཆེར་མེད་ཀྱང་། དབང་ཞུས་ཁྲིད་ཐོབ་སྒོམ་པར་ཁས་བླངས་པ་རྣམས་རེ་ཞིག་རྐྱེན་དབང་སྣ་ཚོགས་པས་ཐོག་ཏུ་མཁེལ། ཆོས་པ་སྤྱི་མཐུན་གྱི་ཆགས་སྡང་སྣ་ཚོགས་པའི་སྟེས་དབང་དུ་གྱུར་བ་ལ་འགྱོད་པ་དྲག་པོ་རྒྱུན་ཆགས་སུ་སྐྱེས་པས་མི་འཆབ་པ་དང་། མི་སྦེད་པའི་འཕྲིན་ཡིག་ཡང་ཡང་བསྲིངས། འདི་ལོ་ཆེན་གྱི་བྱོན་ནས་སྒྲོམ་གྲར་བསྐང་བཤགས་འགྱེད་བཅས་དང་། ངོས་ཅག་ལ་ནཻ་པ་ལའི་དོང་ཅེ་བརྒྱ་ཕྲག །ལྷ་རྫས་བཟང་གོས་ལ་སོགས་པ་བསྟབས་ཏེ་བརྐྱང་ཕྱག་བཙལ་ནས། བླ་མ་དང་ཐག་ཉེ་ན་བློ་གཞན་དབང་དུ་མི་འགྲོ། གཞན་འདི་ད་ལྟ་མིག་ལྟོས་ལེགས། སྡིག་པའི་གྲོགས་དང་བྲལ། དགེ་བའི་གྲོགས་པོ་ཕོང་པས་སྤྲོ་ཞིང་མོས་པའོ། །ཞེས་ལོ་གསུམ་འདག་འབྱར་གྱི་དམ་བཅའ་ལ་ཞུགས་ཁོང་ལ་སྒྲུབ་པའི་ལྷོངས་འདི་ཕྱི་གཉིས་ཀྱི་མཚམས་དོ་

― JLAZ014_Page_0452 ―

^{[མ་དཔེ་གཟིགས་ན་འདིར་གནོན།]}

[Full Size]

ནུབ་ལས་མེད་པའི་ཆུ་ནང་ཟླ་བར་ཉེ་བ་བྱུང་ཡང་མོས་གུས་མ་ཤོར་བས་འཕགས་པ་འཇམ་དཔལ་གྱིས་བདུད་གཅོད་མངོན་སུམ་དུ་བསྐྲད་པའི་རྨི་ལྟས་མཐོང་ནས་ཐར། ལར་གང་ཟག་དབང་པོ་རྣོན་པོ་རྒྱུའི་སྟོབས་ཅན་གྱི་རིགས་དད་པ་ལ་འགྱུར་ལྡོག་མེད་ན་གཞན་ངོ་ལ་ཇི་ལྟར་ཡང་གསང་སྔགས་ཀྱི་ལམ་ནས་དངོས་གྲུབ་ཐོབ་པའི་བལྟ་རྒྱུ་ཆེན་པོ་ཞིག་དེ་ན་འདུག་གོ །གཞན་སློབ་དཔོན་སངས་རྒྱས་གསང་བའི་སྤྲེང་ཡིག་པས། སྲིན་བུ་གདོང་དམར་བོད་ཀྱི་རྒྱལ་ཁམས་མི། ་དམ་ཚིག་ཉམས་ཤིང་མནའ་ལ་མི་འཛེམ་ལ། །ཤེས་པ་རགས་ཤིང་ཁོང་བརྣག་ཆུང་བ་ཡིས། །སྔར་བྱས་ཁྱད་དུ་གསོད་བར་ལས་ཞེས་མཆི། །ཞེས་པ་ལྟར། དབུས་གཙང་གཞུང་བའི་མི་འདི་རྣམ་རིག་གསལ། འདྲིས་མི་བརྟེན། གྱ་གྱུ་ཆེ། ཐེ་ཚོམ་དང་ཟོལ་འགྲོགས། ངོ་ལྒོག་ཆེ་བས་རྡོ་རྗེ་ཐེག་པའི་མྱུར་ལམ་ཟབ་མོ་ནས་ལམ་མི་འཆག་ཏུ་འགྲོ་བ་ཤིན་ཏུ་ཉུང་། གལ་ཏེ་བསོད་ནམས་ཀྱི་བསགས་པ་ཅན་གཟུ་བོར་གནས་པ་བྱུང་སྲིད་ན་མི་ཁྱད་ཀྱང་ཕན་ཆོད་པ་ཡིན། ལར་དགེ་བའི་བཤེས་གཉེན་པུ་ཏོ་བས། སློབ་མའི་མི་གཞོ་འཆོས་མི་ཤེས། ཡོན་ཏན་འཆོས་ཤེས་གསུངས་པ་ལྟར། །དེང་སང་སྒྲུབ་པའི་དུས་ཀྱི་གསུམ་པ་ཡིན་པས་སྐྱེ་བོ་རྣམས་ལ་སྐྱོ་ཤས་ར་རི་འཕེལ་

― JLAZ014_Page_0453 ―

^{[མ་དཔེ་གཟིགས་ན་འདིར་གནོན།]}

[Full Size]

བ་སླ་ཡང་ལ་ལ་བློ་རྒོད་ལ་ཐལ། རྒྱུ་མི་གཞི་བླུན་པ། རྐྱེན་ཐོས་པ་ཆུང་བ། ངོ་བོ་བསོད་ནམས་ཀྱི་རྒྱབ་མ་འཁྱོར་བའི་རིགས་ཅན་ཕལ་ཆེར་ཞིག །དང་པོ་སྐྱོ་ཤས་དང་། ངེས་འབྱུང་། དད་པ་གསུམ་གྱི་སྣ་དྲངས་ནས་རྩེ་གཅིག་གི་ཉམས་ར་རི་ཞིག་ཤར། དེ་ལམ་དུ་མ་སོང་བདག་ལ་སྟོང་ལྟ་ཤུགས་དྲག་པོ་ཞིག་སྐྱེས། དེ་ལ་ནི་ལས་འབྲས་ཀྱང་ཚད་པར་འཆར་ན་སྙིང་རྗེ་དང་མོས་གུས་ལ་རྟེན་གཞི་ག་ལ་ཡོད། སྙིང་རྗེ་འགགས་པས་བསོད་ནམས་ཀྱི་ཆོ་གས་རྒྱུན་ཆད་ཐེག་པ་དམན་པར་ལྷུང་། མོས་གུས་ཡལ་བས་སྤྲོས་བྲལ་དང་འབྲེལ་པ་ཆད། ཡེ་ཤེས་ཀྱི་ཚོགས་ཀྱིས་སྤངས། སྐྱེ་འགག་སྟོང་པར་བསྒོམ་པའི་ཆད་ལྟ་ལ་རྟོགས་པ་ཡིན་ནོ་སྙམ་ནས། བླ་མས་བསུན། དགོན་པས་སྐྱོན། དེ་ཙ་ན་རང་རྒྱུད་དང་ལྷན་ཅིག་སྐྱེས་པའི་གེགས་ཀྱི་རྣམ་པར་རྟོག་པ་ལ་བླ་མའི་ལུང་གིས་མི་སྐྱོབ། འདི་བས་ཀྱང་དགེ་བའི་ཁེབས་ཆེ་བ་བྱེད། འདི་བས་ཀྱང་དབེན་པའི་གནས་ལ་འགྲོ་ཟེར་བའི་ཚིག་གི་ཟོལ་སྦྱོར་གྱི་བླ་མ་བསླུས། མཆེད་གྲོགས་སྤངས། ངོ་ཚ་དང་ཡོད་ཀྱི་འཚོ་བའི་སྒོ་དབྲལ། གཉའ་ཡངས། སྒོ་ང་མ་དྲོད་ལས་ཡར་བས་ལང་ཚོར་སྨིན་པའི་འཕྲོ་ཆད། །སློབ་སྤྲིང་ལས། ཡུལ་དང་དུག་མཚུངས་དང་པོ་མྱོང་བ་ཙམ་ན་བདེ། །ཡུལ་

― JLAZ014_Page_0454 ―

^{[མ་དཔེ་གཟིགས་ན་འདིར་གནོན།]}

[Full Size]

དང་དུག་མཚུངས་ཤུགས་བཟློག་དཀའ་ཞིང་གཡོ་བ་ཡིན། །དུག་ནི་སྐྱེ་བ་གཅིག་ལ་དུག་ཏུ་འགྱུར་བར་ཟད། །ཡུལ་ནི་ཚེ་རབས་གཞན་ལའང་དུག་ཏུ་འགྱུར་བར་བྱེད། །ཅེས་ཡུལ་གྱི་རྐྱེན་ནི་རྣམ་པ་གྲངས་མང་། ངོ་བོ་རྫུ་འཕྲུལ་ཆེ་བས་ཐོག་མའི་བདེ་གཤེགས་སྙིང་པོ་ཡང་བསྡུ་བ་ལ་མཁས་ན། སོ་སོ་སྐྱེ་བོའི་རང་བཞིན་དམ་བཅའ་ཇི་ལྟར་བརྟན་ཡང་འཐོར་རླུང་དང་ཕྲད་པའི་བྱ་སྒྲོ་ལྟ་བུ་དེ་བླ་མ་མཚན་ལྡན་དང་བྲལ། སྒོམ་གྲ་ཚད་ལྡན་གྱི་ཁྱུ་ལས་ཡར་ཚེ་དགེ་སློང་ཐང་པ་ཞེས་བྱ་བ་རླུང་སེམས་ལས་སུ་རུང་བའི་རྫུ་འཕྲུལ་གྱི་ནམ་མཁའ་ལ་འགྲོ་ཤེས་པ་རྣམ་རྟོག་ངན་པ་གཅིག་ལམ་དུ་མ་ལོངས་པས་ཕ་ཡུལ་དུ་བབས་ནས་དམག་དཔོན་བྱས་པའི་གཏམ་རྒྱུད་ལྟ་བུ་ཡོད། ལར་རྗེ་བཙུན་མི་ལས་རས་ཆུང་པ་ལ་ཇི་ལྟར་གསུངས་ཤིང་མངོན་དུ་གྱུར་པ་ལྟར། སྒོམ་གྲོ་འདིར་ཆགས་པའི་དབང་པོ་རྟུལ་པོ་ཐམས་ཅད་ཀྱང་བལྟར་སྣང་མཛེས་བོས་སྐྱེ་བོ་བསླུ་མ་ཤེས་ཀྱང་། བློ་མ་ལང་། སྡོམ་པ་དང་དམ་ཚིག་གི་གནས་ལ་ཉེས་ལྟུང་གི་ཆེར་མ་གོས། ནང་གི་རྣལ་འབྱོར་ལ་ལམ་སྣ་ཟིན་ཙམ་ཤ་སྟག་བྱུང་། འདིར་འདུག་ཡུན་རིང་ཞིང་བློ་བརྟན་པ་ལྷོ་མོན་གྱི་ཕྱོགས་སུ་བསྒྲུབ་ཚུགས་ཟིན་པ་དང་། སྐྱེ་བ་དང་ཤེས་རབ་དམན་ཡང་སྙིང་པོ་དུང་གྱུར་སོང་བ་དང་། ལ་ལས་ཁྱིམ་མཛེས་མེད་པའི་རི་ཁྲོད་དུ་གཅིག་བུ་ར་ལོ་དགུ་སྟན་ཐོག་གཅིག་ཏུ་

― JLAZ014_Page_0455 ―

^{[མ་དཔེ་གཟིགས་ན་འདིར་གནོན།]}

[Full Size]

བསྡད་ནས་གཡས་གཡོན་དུ་ཆོམ་རྐུན་གྱི་མི་བསད་བ་དང་། རྡོ་འཕངས་པ་སོགས་བྱུང་ཡང་བླ་མ་རང་ལ་གསོལ་བ་བཏབ་ནས་མ་སྤོས་བར་འདུག་པ་སོགས་འགའ་ཡོད་མོད། བླ་མའི་དྲུང་ནས་བྱེར་བའི་ཤེས་བྱ་དང་ཕེར་རྒྱ་ཅན་ཕལ་ཆེར་བར་ཆད་རང་གི་དབང་དུ་སོང་ཞེས་ཐོས། སྡེ་དགེ་རུ་དམ་པའི་གྲ་བ་བཞི་དོན་གཉེར་ཆེ་ལ་འབུལ་ནོད་ཉུང་བ་ཞེས་ཁོང་ཚོས་ཆེད་དུ་གཏད་པའི་རེ་ཆེས་ཐམས་ཅད་ནས་རིམ་གྱིས་བཤུགས་པ་ལྟ་བུའི་མཐར་དེད་ཅན་དུ་སླེབས། བཤུལ་རིངས་ཀྱི་འགྲོན་པོ་སྙིང་རྗེའི་ཡུལ་དུ་བཟུང་ནས་ཁོང་ཚོའི་འདོད་ཆོས་ཟབ་རྒྱ་འཁྲུལ་འཁོར། ཡང་ཏི་ནག་པོ་དེ་དག་གི་སྒོ་ནས་རྫོགས་པ་ཆེན་པོའི་གཞི་ཀ་དག་དང་། ལམ་ལྷུན་གྲུབ་ཀྱི་འཁྲིད་ཚུལ་ཤིན་ཏུ་སྨིན་པ་དགོས་ཞེས་ཟེར། གཞི་ལམ་འབྲས་བུའི་གནད་ཤེས་རབ་འདོད་ན་ནི་རྩ་རླུང་ཐིག་ལེའི་བྱེད་བཅིངས་དང་། དབང་པོ་རྐྱེན་གྱི་བསླད་པའི་སྟོང་གཟུགས་ལམ་གྱི་བོགས་འདོན་གྱི་ཆོས་ཡིན་པས་སེམས་ཀློང་མན་ངག་སྡེའི་སྙིང་པོ་ཀུན་མཁྱེན་ཆེན་པོས་ཇི་ལྟར་གཏན་ལ་ཕབ་པའི་དོན་སེམས་ཐོག་ཏུ་གདར་ཤ་གཅོད་དགོས་པ་ཡིན་ཞེས་གོ་བ་ལེགས་བར་བསྟོ་ན། ལ་ལས་གནས་འགྱུའི་འགྲོ་ཕྱོགས་དོད་ཙམ་འདུག་ཀྱང་གཞི་ཐེ་ཚོམ་ཅན་ལྡབ་དང་མཚང་འདྲུ་བ་ལ་གོམས་པ་ཞིག་འདྲ་བས་ཁོའི་ལམ་དེས་འགེགས་

― JLAZ014_Page_0456 ―

^{[མ་དཔེ་གཟིགས་ན་འདིར་གནོན།]}

[Full Size]

པར་དོགས། ཁོང་འདོད་གདུངས་ཆེས་པས་བཀའ་བརྒྱད་ཀྱི་དབང་ཆེན་ཀྱང་སྔ་ཆར། ཆོས་རྗེ་བྲག་ཕུག་པ་དང་། དྭགས་སྤྲུལ་སོགས་འདུས་པ་གཞི་བཅུ་སྐོར་ལ་ཞི་ཁྲོའི་རིམ་པ་དབང་གི་ལས་རྣམ་པ་གཉིས་དང་། མདོ་བྱང་ཆེན་མོ་ལྟོ་ལེགས་པར་སྦྱར། ལར་དེང་སང་གི་ཆོས་ཉན་པ་ནོད་དང་དྲི་མའི་སྐྱོན་ཅན་ལ་གསང་སྒྲོག་གི་ཉེས་པ་དང་དངོས་གྲུབ་གཉིས་ཀ་ཆུང་སྟེ། འཇིག་རྟེན་པའི་སྡེ་གཉིས་འཚུབ་ཆེ་བ་དང་། དབང་གོང་མ་གཉིས་སྦས་དོན་ཡིན་ཕྱིར་གོང་དུ་སྡོམ་བཟུང་གི་སྐབས་ནས་ཐོབ་ཐང་དབྱེ་ནས་དབང་མི་ལ་རྒྱས་བསྡུས་ཀྱང་བྱས། ད་ནི་དུས་སྙིགས་པས་སྔགས་ཀྱི་དངོས་གྲུབ་བརྙེས་པའི་རིགས་ཅན་ཉུང་ཡང་མི་རེའི་མདུན་དུ་རྩིས་ཀྱི་ཤོག་ཁྲ་རེ་ཁ་ཕྱེ་ནས་ཆོས་ལ་ཐོབ་བརྩི་བའི་ནན་ཏན་ཆེས་པས་ཀློང་ཆེན་སྙིང་ཏིག་གི་དབང་ཆོག་སྣིང་པོ་དོན་གསལ་ལ་བྲེན་ཞི་ཁྲོའི་ལྷ་དབང་ཆེན་མོ་དང་། དཔལ་ཆེན་ལ་སོགས་པའི་སྒོས་དབང་རྣམ་གྲངས་བཞི། ཉུང་བསྡུས་ལ་ཚེ་རིང་མའི་སྲོག་དབང་ཡང་ཤོར། སྙིང་ཐིག་གསར་མ་འདི་ཡ་བཞི་དང་། རྒྱལ་བ་ཀློང་ཆེན་པའི་གྲུབ་མཐའ་དོན་པོ་ཡིན་ཡང་ཉམས་སུ་མི་ལེན་པ་མང་ཆོས་ཆོས་ཉམས་ཤེས་ཤེས་འདྲ་བས་བཀའ་རྒྱ་དབང་མེད་དུ་བཀྲོལ། ལྷ་པས་གླེགས་བམ་བརླག་ཏུ་བཅུག་པ་སོགས་རྟེན་འབྲེལ་

― JLAZ014_Page_0457 ―

^{[མ་དཔེ་གཟིགས་ན་འདིར་གནོན།]}

[Full Size]

ལ་ཅུང་ཟད་གནོད་པ་བྱུང་། ལར་དམ་པས། བོད་ཀྱི་ཆོས་པ་འདི་ཚོ་ཁ་ཅང་ཁྱེར་མི་མཁས། དད་པ་སྐྱེ་མགྱོགས་ལ་ཡལ་བ་སླ། དམ་ཚིག་མི་བསྲུང་བར་དབང་ཞུ། ཉམས་སུ་མི་ལེན་པར་གདམས་ངག་ཞུ། བོད་རྟོག་པ་ཆེ་བས་ཐབས་ལམ་གྱི་སྣོད་ཉུང་། འཕན་ཡུལ་དུ་གཅིག་ལ་བཏབ་པས་དེ་ཡང་རུལ་གསུང་པ་དེབ་དེ་ན་པར་འདུག་གོ །ངེད་ལོ་གསུམ་དང་པོའི་དུས་སྡེ་དགེ་ཕྱོགས་ནས་བསྐུལ་བ་ཡིན་ཟེར་བའི་ཡིག་སྒྲིལ་ཆེན་པོ་ཞིག་ནས། ཤམ་ཐབས་ལེགས་པོ་ཞིག་གི་ལྟེབ་ལ་དར་ལྕོག་དམར་པོ་ཆེན་པོ་རང་གཉིས་དང་། དངུལ་ཞོ་གང་བ་གསུམ་བཅས་འདུག །དེའི་རྟེན་འབྲེལ་ད་རེས་ཀྱི་ཁམས་པ་ཚོས་གོ་བཅད། ཡུལ་བབ་ཀྱི་སྤྱོད་པ་མི་བཟོ་བས་ཉིན་ནུབ་དུས་སྐབས་གང་ལའང་སྐབས་བཙལ་དུ་མེད་པར་ཕྱིན་ཆད་བླ་མ་དང་མི་མཇལ་ཞེས་སྒོ་ལ་གཏན་པ་མེད་པ་ལྟ་བུས་དྲིས་ཤིང་ཞེ་སུན་པར་བྱུང་ཡང་། རང་ངོ་ནས་སྐྱོང་ལ་དང་ལོག་སྒྲུབ་བཟོད་དགོས་པ་རིགས་ལྔའི་དམ་ཚིག་གི་ཁྱད་པར་དང་དུ་བླངས། གཞོན་པ་གཅིག་གིས་འདུག་རིང་བཟེད་ཞལ་གྱི་འདོར་པོ་དྲིང་བ་ལ་ལོངས་སྤྱོད། བདུད་རྩི་ཆེ་ཆུང་དམ་ཚིག་གི་རྫས་སུ་གཅེས་པར་འཛིན། ལྡོག་པའི་ཚེ་སྨྲེ་སྔགས་དྲག་པོ་འདོན། བརྒྱལ་ཞིང་སྡངས་པ་ལྟ་བུའི་ངང་ནས་ཐམས་ཅད་ཀྱི་རྐང་པ་སྤྱི་

― JLAZ014_Page_0458 ―

^{[མ་དཔེ་གཟིགས་ན་འདིར་གནོན།]}

[Full Size]

བོར་བླངས་ན་སོང་བས་དངོས་གྲུབ་ཀྱི་སྣོད་དུ་རུང་རུང་འདྲ་སྟེ། སོ་སོ་སྐྱེ་བོའི་དད་པ་ཤིང་ཁའི་བྱེའུ་ལྟ་བུ་དེ་རྐྱེན་ཐོག་ན་འདུག་པས་ད་ནི་སུ་ལའང་རེ་བ་མེད། བཅོམ་ལྡན་འདས་ཀྱི། ནང་པ་སངས་རྒྱས་པའི་སྒོམ་བའི་འདུ་ཤེས་ཐམས་ཅད་ཀྱི་ནང་ནས་མི་རྟག་པ་སྒོམ་པའི་འདུ་ཤེས་ཁོ་ན་མཆོག་ཡིན། །་ཞེས་གསུངས་པ་དེ་ཁོ་ན་ཡིད་ལ་སེམས་པ་ཡིན། གང་ལའང་སྙིང་པོ་མེད་བས་ཆོས་འབའ་ཞིག་ལ་བློ་གཏོད་ཅིག །ཅེས་ཞལ་གདམས་ཤོ་ལོ་ཀ་རེ་རེའང་འདོད་པ་དང་བསྟུན་ནས་བྲིས་ཤིང་ལག་རྟགས་བཀོད་པ་ཁྱེར་ནས་དེངས། སྙན་དངགས་དོན་ལྡན་དུ་བྱ་ཕྱིར་སློབ་དཔོན་ཆེན་པོ་མ་ཏི་ཙི་ཏྲའི་རྒྱ་གཞུང་གི་མངོན་རྟོགས་སྟོན་པའི་སངས་རྒྱས་སུམ་ཅུ་སོ་ལྔ་ཉེ་སྲས་བརྒྱད། མཆོད་རྟེན་བརྒྱད། མཚན་བརྒྱད། རྣམ་བཅུ་དང་། འཇམ་དབྱངས་ཕྱག་མཚན། བླ་མ་ཡི་དམ་ལ་སོགས་པའི་བསྟོད་ཚོགས་དང་། ཉེ་སྲས་ལ་དོན་འགྲེལ་ཀྱང་བཀོད། ས་མོ་ཕག་གི་ལོའི་ཆོ་འཕྲུལ་ཟླ་བ་ནས་བཟུང་རང་ཉིད་ཇི་སྲིད་འཚོའི་བར་བདུན་ཕྲག་རེའི་རིང་རང་གནས་དུ་འདུས་པ་མདོའི་སྒྲུབ་མཆོད་དང་འབྲེལ་བར་ཚོགས་ཀྱི་འཁོར་ལོ་སྟོང་ཕྲག་རེ་བསྐོར་བའི་རྒྱུན་བཙུགས སླན་ཆད་དེ་ལ་ཞོལ་ཆོས་དབོན་གཡོག་རྣམ་གཉིས་ནས་འབྲུ་རུའི་ཁལ་ལྔ་བཅུ་ཐམ་པ་དང་། སྣུམ་བྱ་འོ་གང་འབུལ་བར་

― JLAZ014_Page_0459 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པ་ངེད་ཀྱི་འབུན་དང་བཅས་པའི་ཁྲིགས་བཅད་ཀྱི་གཡོ་འཁོར་ནི་མི་ཡོང་། མཐར་ཐུག་དངོས་པོ་ཆུད་མི་ཟ་བར་བགྱིད་དོ་ཞེས་བསྔོ་སྨོན་གྱི་རྒྱས་བཏབ། །འབྱོར་པ་མེད་ན་ཡེ་ཤེས་ཚོགས། །མཉམ་པར་བཞག་པ་བྱ་བ་ཉུང་། །ཟང་ཟིང་སླེབ་ན་དཀོར་ནག་ཕྱིར། །བསོད་ནམས་ཚོགས་ལ་འབད་པར་ཤོག །ཚོགས་གཉིས་འདི་ལྟར་བས་གཤེས་ནས། །སུ་ལའང་དགོངས་ལེན་མི་དགོས། །འདི་ལྟར་བསོད་ནམས་ཡིན་ཕྱིན་ཆད། །ཟང་ཟིང་ཁོ་ནར་བསྟེན་མི་དགོས། །སེམས་འདི་ལས་སུ་རུང་བ་ནི། །བྱང་ཆུབ་སེམས་དང་བསྐྱེད་རིམ་སྒོམ། །ཡན་ལག་བདུན་སོགས་གྲངས་མེད་པས།་ །བློ་རྒོད་ནང་དུ་ཁུག་པར་ཤོག །རྟེན་འདི་ཁྱད་པར་འཕགས་པའི་ལུས། །ཕྱི་ནས་རྙེད་དཀའ་དྲན་པར་ཤོག །སོ་ཀ་གཏོར་འབུམ་ཚར་གཅིག་བཏང་། དགོན་གྲ་ལྔ་ཕྲག་གཅིག་གིས་ཉིན་གསུམ་དུ་སྨན་བླའི་མདོ་ཆོག་དང་ས་ག་ཟླ་བའི་བཅོ་ལྔ་ལ་ལྷུང་བཤགས་ཚར་ལྔ་བརྒྱ་དང་བཟང་སྤྱོད་ཁ་ཤས་འདོན་དུ་བཅུག་ནས་ཁང་པའི་ཞིག་གསོར་ས་ཕྲན་བུ་བརྐོས་པའི་འབུ་སྲིན་རྣམས་ལ་སྨོན་ལམ་གཏབ། ཡེ་ཤེས་ལས་གྲུབ་པའི་ཆོས་སྐྱོང་ཁྱད་པར་ཅན་རྣམས་ཐེག་པ་ཆེན་པོའི་དགེ་འདུན་དཀོན་མཆོག་ཡིན་པར་ངེས་པ་གཏིང་ནས་ཚུང་

― JLAZ014_Page_0460 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་། ཁོ་བོ་ཕྲིན་ལས་ལ་རེ་བ་ཆུང་བད་ཆེད་དུ་འཛིན་པའི་དོག་ལ་མ་བྱུང་། འདི་ལོ་མ་མགོན་ལྕམ་དྲལ་གྱི་བརྡ་བསྒྱུར་བབ་པའི་དུས་འཇིག་རྟེན་གྱི་ཁམས་ཐམས་ཅད་ཡུལ་ལྷོ་ཕྱོགས་གཙོ་བོར་གྱུར་བའི་སྐྱེས་བུ་གོ་ཞུ་བ་ཅན་གྱིས་ཁེངས་པའི་འཁྲུལ་སྣང་སོགས་ཆོས་སྐྱོང་འདུ་བའི་རྟགས་ཤར་ནས་ཆུ་མ་རག་གི་རྒྱུན་གཏོར་བཟང་པོ་འདུ་བྱས་པའི་ཉིན། སྒོ་རྩར་བྱ་རོག་ཉི་ཤུ་སྐོར་བབས། ཡུལ་ཕྲན་འདིར་ཟླ་བ་དགུ་ཙམ་བསྡད། མགོན་ཁང་ཡང་རང་བཞིན་དུ་གྲུབ་པ་ལྟར་གྱུར་པ་ལ་མ་མགོན་གཉིས་འབུར་སྐུ། གཞན་རྣམས་བྲིས་སྐུ་དང་ཞལ་བརྙན་སོགས་པའི་སྐུ་རྟེན། གསུང་རྟེན་ནག་མོ་ཁྲོས་མའི་རྒྱུད་ཆ་ཚང་། གཏེར་མགོན་ཕྱག་བཞི་པ། དཔལ་མགོན་མ་ནིང་གི་རྒྱུད་དང་བཅས་པའི་བུ་སྟག །ཐུགས་རྟེན་བླ་རྡོ་སྲོག་འཁོར་ཕྱག་མཚན་མདོས་དང་བཅས་པ་འདུ་བྱས། དུར་ཁྲོད་ལྷ་མོ་རྗེ་མོ་རྟ་ཞོན་མ་སྨྱོན་མའི་གཟུགས་སུ་བྱས་ནས་འཁོར་བའི་མཚན་མ་མཐོང་། ལྷ་མོ་འདི་དཀོར་ཆ་བསྲུང་བར་ཆེད་དུ་གྱུར་པ་ཡིན་པས། དཀོར་ཁང་དུ་རང་གི་ནོར་རྫས་ཆུད་བའང་ཚིག་གི་འགྲོ་ལ་དགོས་བར་བཤད་ན། བདག་ཉིད་ཕུང་དུ་དོགས་པ་རྣམས་གཟབ་འཚོལ། སྟོན་སེར་གཉེར་པ་ཀོང་པོ་བས་ཡོན་སྦྱར་ནས་འདུས་པ་ཉི་ཤུ་སྐོར་གྱིས་བདེ་གཤེགས་འདུས་པའི་སྒྲུབ་

― JLAZ014_Page_0461 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་དང་འབྲེལ་བའི་བདུད་རྩི་སྨན་སྒྲུབ་སྤྲོས་པ་ཅན་བཅུགས། རྗེས་འབྲེལ་དུ་འདུས་པ་སྔ་མ་རྣམས་ལ་བླ་མ་ཡང་ཏིག་གི་དབང་ཡོངས་རྫོགས་དང་། ཟབ་མོ་ཡང་ཏིག་གི་སྤྲོས་བཅས་བུམ་པའི་དབང་རྣམས་བགྱིས། དགས་སྤྲུལ་དཔོན་སློབ་བདུན་ལ་རྫོགས་པ་ཆེན་པོའི་འཁྲིད་བཏབ། ལ་སྟོད་པ་ཤར་རྒྱང་བླ་མ་དགོན་གནས་སྤངས། ལྷོ་མོན་གྱི་རྫ་རིན་ཆེན་སྤུངས་པ་དང་ཉེ་བའི་འབྲོག་དགོན་ཆེན་པོར་དཀའ་ཐུབ་བཅུད་ལེན་རྗེ་བཙུན་མི་ལའི་དཔེ་ཟླར་འོས་པ་དེ་དེད་དང་མཇལ་འདོད་ལྷག་པར་ཆེ་བའི་ཕྱག་བྲིས་ཡང་ཡང་མཛད་བྱུང་བའི་ངང་མྱ་ངན་ལས་འདས་པའི་ཞལ་ཆེམས་བསྐྱེལ་བར་སློབ་མ་ཏྲེ་ནག་ཐང་བ་ཅང་ཅང་། ཁོ་ལོང་སྟོད་པའི་མོན་པ་ཕོ་མོ་འབྱོར་བའི་སྨིན་གྲོལ་གྱི་གདམས་པ་བཏབ། འདི་ཚོ་མོས་པ་ཆེ་ཡང་ཆོས་དང་འདྲིས་བ་ཤེས་ཆུང་། སྐད་རིགས་མི་གཅིག་པས་ལོ་ཙྭ་འཇུག་དགོས་པའི་དཀའ་ལས་ལ་བསམས་ན་ཡུལ་དབུས་སུ་སྐྱེས་པ་རྣམས་བློ་དྲེད་དྲགས་པས་ཆུ་མ་བཏང་ན་དགའ་བ་བསྒོམས་ནས་འབད་དགོས་པ་འདུག །དགུན་མཚན་ས་རྒྱ་དམ་པར་འདུག་པའི་དབར་ལ་ཡོན་ཏན་ཏིན་པོའི་ཆེའི་མཛོད་མདོ་སྔགས་ཀྱི་བསྟན་པ་ཡོངས་སུ་རྫོགས་པའི་གཞུང་ལུགས་འདི་བརྩམས། ཁོ་བོའི་བློ་

― JLAZ014_Page_0462 ―

^{[མ་དཔེ་གཟིགས་ན་འདིར་གནོན།]}

[Full Size]

གྲོས་ལ་དཔྱད་པ་རྫོགས་པའི་མན་ངག་ཏུ་བཟུང་ཆོག་པ་ཡོད། ནམ་འཆི་ཆ་མེད་ཀྱི་སྐྱོ་ཤས་འདི་ནམ་ཡང་འགག་པ་མེད་པས་རང་ཉིད་ཀྱི་ཕྱི་རྟེན་ལ་བསམས། གསེར་འདུལ། རྒྱན་ཆ། འགོ་སྣམ་ལ་སོགས་དངུལ་སྲང་བདུན་ཅུ་རྩ་ལྔའི་རྒྱུས་ཐུབ་དབང་གྲོང་ཁྱེར་མའི་སྐུ་ལིམ་ཞིག་བསྒྲུབས། ཆོ་འཕྲུལ་ཟླ་བར་དཔལ་གྱི་བསམ་ཡས་ལ་སྟོང་མཆོད་བཤམས་པར་དད་པའི་ཉེ་བར་ལེན་པ་ཁོ་ནས་བསྐྱོད་དེ། སྙན་ཤལ་བརྒྱ་ཕྲག་ཐལ་བ་དང་། སྟོང་ཚོགས་སོགས་བགྱིས་ཏེ་རང་གཞན་བསྟན་འགྲོར་སྨན་པའི་སྨོན་ལམ་རྒྱ་ཆེན་པོ་བཏབ། གུང་ཐང་ལ་ཀའི་ཞབས་རྗེས་དང་། སྐུ་ཚབ་རིན་པོ་ཆེའི་ཞབས་དྲུང་དུ་མོས་དུས་ཀྱི་བརྣངས་ཤིང་མཆི་མ་ཤོར་བ་བྱུང་། ས་ག་ཟླ་བ་ལ་རྡུལ་ཚོན་གྱི་དཀྱིལ་འཁོ་སྒོ་སྦྲག་དགུ་མ་བྲིས་ནས་འདུས་པ་མདོའི་སྒྲུབ་མཆོད་ཆེན་མོ་ཆོ་ག་དོགས་པ་བཅོ་ལྔ་སྐོར་བཅས་བཙུགས། ཆོགས་སྟོང་ཕྲག་ཐལ་བ་བཏང་། ལས་དང་པོ་པའི་གང་ཟག་དགེ་སྦྱོར་ལ་ཕྲལ་དུ་མངོན་པ་རྣམས་བཟའ་བཏུང་གིས་ཁྲིད་ནས་རང་མདུན་ཉིད་དུ་ཕྱག་འབུམ་དང་སྐྱབས་འགྲོ་ཡིག་བརྒྱ་སོགས་བསག་ཏུ་བཅུག་ནས་སྔོན་འགྲོ་གསོག་བའི་རྟེན་འབྲེལ་བསྒྲིགས། འདི་སྐབས་སྣང་ཆའི་རྟེན་འབྲེལ་དུ་འབྲིང་དུ་གྱུར་པ་ལ། དཔལ་སྡིངས་རྗེ་བཙུན་གྱིས་རིང་

― JLAZ014_Page_0463 ―

^{[མ་དཔེ་གཟིགས་ན་འདིར་གནོན།]}

[Full Size]

འཚོའི་རྟེན་འབྲེལ་མཛད་པ་བརྟགས་འགྱུར་ཞིང་། ཁོང་ལ་ཡུམ་ཀའི་བྱིན་རླབས་བྱས་པའི་རྐྱེན་གྱིས་མཁའ་འགྲོའི་ལུས་དཀྱིལ་གྱི་བརྡ་ཡང་གྲོལ་བའི་རྟེན་འབྲེལ་ལེགས་པ་བྱུང་། ལྕགས་བྱི་ལོ་འདིར་ཟང་ཟིང་གི་དངོས་པོ་རྣམས་སྤུངས་ཏེ་ཞུང་ནས་བཀའ་འགྱུར་རིན་པོ་ཆེ་བསླུ་མ་ཞུས་པ་ཚོགས་གསོག་གི་ཞིང་དུ་སྤྱན་དྲངས། ཡོན་དངུལ་སྲང་ཕྱེད་སུམ་བརྒྱ་དངུལ་རྐྱང་གི་འཕྲོས། འགོ་སྣམ། སྟག་གཟིག་ལྤགས་རིགས། རས་ཆ་སྤུས་དག་རྣམས་ལ་གོང་ཚོད་རིན་ཐང་ལྟར་འབྱུང་དཀའ་ཡང་། འཇིག་རྟེན་ན་སྡིག་པའི་ཕྱོགས་སུ་ལུས་སྲོག་ཀྱང་གཏོང་བ་མང་ན། རྣམ་དཀར་འདི་ལྟ་བུའི་ཕྱོགས་སུ་གཏོང་སེམས་ལ་གོམས་པ་སྦྱིན་པའི་ཕ་རོལ་ཏུ་ཕྱིན་པའི་ཚད་ཡིན་པས་ལུས་སྲོག་སོང་ཡང་གོ་བཅད་སྙམ་པ་བྱུང་། དེ་ཁའི་བཞུགས་གནས་ལ་དམིགས་པདྨ་འོད་གླིང་བསྐྱར་བཟོའི་དྲི་གཙང་ཁང་ཀ་བ་བཅུ་གཉིས་པ་ཕར་ཐོག་དང་བཅས་པ་བསྟན་པའི་སྦྱིན་བདག་སྡེ་པ་རྡོ་རྗེ་ཕུན་ཚོགས་ཀྱིས་དང་བས་བསྐྲུན་བ་ཁོང་གི་ཚེ་དེའི་བྱ་བ་ལ་རྗེས་ཆེ་བ་ཡིན། དེའི་ཚེ་རང་ཉིད་དད་བསམ་གཏན་བ་ལ་ལའི་རྨིས་ལྟས་སུ་ས་ཡུལ་འིད་མོན་མོ་འབའ་ཞིག་གིས་ཁེངས་ནས་ཁང་ལས་རྒྱ་ཆེན་པོ་བྱེད་པའི་མོད་ལ་ཤིང་ཁང་བཀོད་ལེགས་གྲུབ་པའི་རྩེར་བལ་པོ་གཉིས་ཀྱིས་གཉིྫར་ལེགས་པ་

― JLAZ014_Page_0464 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིག་བཙུགས་ནས་དེངས་པ་མ་མགོན་ལྕམ་དྲལ་གྱི་ཕྲིན་ལས་སུ་སྣང་། སེང་གཡེང་ལ་མཛད་པ་བཅུ་གཉིས་པོ་གསེར་གྱིས་བྱུགས་ཤིང་རྩིས་མགོ་བསྡུས་པའི་ནང་ཚན་མཛད་བརྒྱ་ལྟར་བཀྲལ་བ་དང་། ཐོག་འབར་རྣམས་ལ་གྲུབ་བརྒྱའི་སྟོང་ཆོས་གྲགས་ཕྱོགས་གླང་གཉིས་བསྣན་ནས་རྒྱན་དྲུག་མཆོག་གཉིས་ཀྱང་ཚང་བར་བྲིས། དངོས་སྟ་ཉིན་གསུམ་རག་གནས་རྒྱས་པས་རྟེན་སྣང་མཛད། དང་། བརྟེན་པ་རྣམས་གཞན་སོ་སོའི་རང་བཞིན་དུ་བསྒྲུབ་པའི་མཐའ་རྣམ་པ་ཞལ་བསྒྱུར་བ་དང་རྒྱས་པའི་སྦྱིན་སྲེག་རབ་སྟོན་མཐའ་རྒྱས་ཀྱི་བར་བྱས། དགེ་བའི་བུང་བསྐྱེད་པ་དང་ས་བདག་ལ་ཕོག་ཐུག་ས་ཀུ་ཙིའི་སྲོག་འགག་པ་རྣམས་ལ་དམིགས་ནས་ཆུ་གཏོར་འབུམ་ཐེར་དང་། ལུང་ལྔའི་སྲོག་བསྐྱབས། དེར་མཛོད་པ་ཁྲིམས་མུན་དུ་མུན་པའི་གནས་ཚུལ་ཐོས་པས་སྙིང་རྗེ་དཔག་ཏུ་མེད་པ་སྐྱེས། ཁོང་ལ་དམིགས་ནས་ཟས་བསྔོ་དང་། བསྔོ་སྨོན་ཡང་ཡང་བཏབ་པས། བཙུན་ཆུང་གཅིག་ན་ཏེ། དེས་ཁྱོད་ལ་ཞབས་ཏོག་ཆེན་པོ་བྱས་སམ་ཟེར། དེ་འདྲ་ལྟ་ཅི་སྨོས། གནས་སྐབས་སུ་བཙན་པོའི་ཁེངས་པས་དྲེགས་པ་དག་གིས་དངོས་ཅག་ལྟ་བུ་འབུ་སྲིན་ཙམ་དུ་འདག་ལ་མངོན། རྒྱ་ལ་ཆོས་མཛད་ཆོས་བྲོས་ཀྱི་འདིར་ལོ་གསུམ་བཏང་རྗེས་དགོངས་ཁྲོལ་གྱི་ཚིག་ཞོར་དུའང་རྙིང་མའི་བླ་མ་ཞེས་བསུན་འབྱིན་

― JLAZ014_Page_0465 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཅས་སྣང་སྟེ། སོ་སོ་སྐྱེ་བོས་གནས་སྐབས་ཀྱི་མངོན་མཐོ་ཐོབ་པའི་རློམ་པ་འདི་འདྲ་ལྷ་ཚངས་པ་ལའང་འབྱུང་དཀའ། བྱང་ཆུབ་སེམས་དཔའ་རྣམས་ནི་སེམས་ཅན་གྱི་རང་བཞིན་ཤེས་ནས་བཟོད་པའི་ཕ་རོལ་ཏུ་ཕྱིན་པ་རྫོགས་པར་བྱེད་པའི་ཕྱིར་རོ། །སྔ་ལོ་རང་ལོ་སོ་བདུན་ཚེ། གཙད་སྨྱོན་ཧེ་རུ་ཀ་པའི་སྒྲས་ཆོས་བདག་ལུང་བསྟན་པ་བཞིན། དེ་ནས་ལོ་གྲངས་བཅོ་བརྒྱད་ཐལ་བ་ལྕགས་གླང་ལོར་ས་སྐྱ་གོང་མ་རིན་པོ་ཆེ་ངག་དབང་ཀུན་དགའ་བློ་གྲོས་ཡབ་སྲས་དབུས་ཕེབས་ཞོར་བསམ་ཡས་མཆིམས་བུར་ཞབས་བསྐྱོད་ཚེ། ཁོ་བོའི་གནས་ཚུལ་བཀའ་འདྲི་དང་། ད་རེས་དེད་དང་མཇལ་ཨེ་ཡོང་ཞེས་འཆར་བཀོད་གནང་འདུག་ཀྱང་མཚམས་སྦྱོར་བྱེད་མི་མེད་པས་དེར་ཟད། ཕྱི་ལོ་དེ་གའི་གནས་ཚུལ་ཐོས་པ་ལ་བརྟེན་ཆོས་རྗེས་སྐྱེས་རབས་བརྒྱ་པའི་སྨོན་ལམ་ཆོས་ཀྱི་མཆོད་སྤྲིན་དུ་སྤྲོས་པས་དགྱེས་ཆེས་པའི་བཀའ་ལན་དང་། ངེད་དབུས་སུ་ཡོདས་སྐབས་དངོས་སུ་མཇལ་རེས་ལྟ་ཅི། ཕྱག་བྲིས་ཙམ་ཡང་མཛད་མ་བྱུང་ཞེས་ཐུགས་ཡུས་པ་ལྟ་བུ་དང་། ངོས་ཅག་ལ་སྙིགས་མ་ལྔ་བདོ་བའི་དུས་འདིར་ཁྱོད་ཀྱིས་བསྟན་པ་ལ་བྱ་བ་བྱས་པ་ལ་རྗེས་སུ་ཡི་རང་ངོ་ཞེས་ལྷ་རྫས་བཟང་པོ་དང་། བདུད་རྩི་རིལ་བུ་བརྒྱ་རྡོ། བཟང་གོས་ལཉྪ་མ་ཡུག་བཅས་གནང་། ཕྱིན་ཆད་

― JLAZ014_Page_0466 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱང་གསུང་རྩོམ་གང་ཡོད་ངེས་པར་བསྲིང་དགོས་ཞེས་ཕེབས། ཞུ་ལན་དང་ལྷན་ཅིག་ཡོན་ཏན་རིན་པོ་ཆེའི་མཛོད། ཀློང་ཆེན་སྙིང་ཐིག་གཉིས་ཕུལ་བས་བཀའ་ལན་ཚིགས་བཙད་དང་། ཟུར་གསལ་ལ། གུས་ཞུ། གྲུབ་དབང་དམ་པ་ཉིད་ནི་རྣམ་ཀུན་མཆོག་ལྡན་སྟོང་པ་ཉིད་དང་མཆོག་ཏུ་མི་འགྱུར་བདེ་ཆེན་རོ་མཉམ་ལས་ལྷུན་གྲུབ་མི་འཆད་པའི་ཕྲིན་ལས་སུ་ཤར་བ་བདག་ཅག་གི་སྟོན་པའི་དྲུང་ན་མཽངྒལ་གྱི་བུ། ཙནྡན་པས་སེང་གི་ནགས་ཁྲོད་དུ་གྲུབ་དབང་ཤཱི་སིདྷ། འཇོགས་འདིར་མགར་བ་སྟོང་བཙན་ཡུལ་བསྲུང་སོགས་དང་། ལྷད་པར་ས་སྐྱའི་རྗེ་བཙུན་གྲགས་པ་རྒྱལ་མཚན། བྱེ་བྲག་ཏུ་བསམ་ཡས་པ་སྙན་ངག་མཁན་ཟླ་བྲལ་དུ་འཁྲུངས་ཚེ། མ་གཟའ་རྡོར་གསུམ་གྱིས་སྣ་གཤོག་ཕུལ་ནས་རྙིང་མ་མཛོད་བདུན་ལེགས་བཤད་འཕགས་བོད་འགྲན་བྲལ་གསུང་རྩོམ། །།ཐོས་ཀླུ་གྲུབ་རྒྱ་མཚོ། སྡེ་སྣོད་རྒྱུད་སྡེའི་བང་མཛོད་སྒྲ་སྙན་སོགས་ལ་མཚོ་བྱུང་མས་རོ་འཛིན་བདུད་རྩེར་བསྒྱུར་བ་སོགས་སྐུ་ཕྲེང་རིམ་ཅན་མཁས་གྲུབ་ཤར་སྟག་ཏུ་བྱོན་པའི་མུར་དེང་ཞག་པདྨའི་མཚན་ཅན་གྱི་རྣམ་པར་རོལ་པར་བསྟན་ནས་ཀློང་ཆེན་སྙིང་ཐིག་སོགས་དགོངས་གཏེར་དག་ལྷག་པར་གསུངས་རབ་ཐམས་ཅད་བདག་ཅག་གི་སྟོན་པའི་རྗེས་ཕེབས་སོགས་དོན་གྱི་སྐྱེས་བུ་དམ་པ་བསམས་བཞིན་

― JLAZ014_Page_0467 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེ་མེད་ལས་སྐྱེ་བའི་ཆོ་འཕྲུལ་སྟོན་པ་ཞིག་ལ་ཡ་ང་བག་ཚེ་ཐེ་ཚོམ་མ་མཆིས་ཞེས་སོགས་དང་། བསྟན་པ་ལ་ཐུགས་བསྐྱེད་ཤིན་ཏུ་ཆེ་བས་གསེར་སྲང་གང་། དངུལ་ལྔ་བཅུ་མ། ནང་མཛོད་སྣ་ལྔ་བཅས་ཡོན་ཏན་ཆེའི་འགྲེལ་པ་རྩོམས་ཤིག་པར་བཀས་བསྐུལ་བ་བཞིན་མདོ་ལམ་ལ་བདེན་གཉིས་ཤིང་རྟ་དང་། སྔགས་ལམ་རྣམ་མཁྱེན་ཤིང་རྟར་སྨོས་པ་སྤྱིར་ཤོག་གྲངས་སྟོང་ཕྲག་ཏུ་ལྡང་བརྩོམ་པའི་འགོ་བཙུགས། ལུང་རྣམས་ཕལ་ཆེར་བཀའ་བསྟན་དངོས་ལས་བཏུས་པས་བསྟན་བཅོས་རྙིང་པ་ལ་མ་གྲགས་པར་ཡང་ཡོད། དེ་ཡང་དཔལ་གྱི་བསམས་ཡས་མཆིམས་ཕུ་ཀུན་མཁྱེན་ཆེན་པོའི་ཞལ་མཐོང་བའི་ཚེ། ཤིང་རྟ་ཆེན་མོན་གབ་པའི་ཚུད་དུ་ཡོད་པ་མཐའ་དག་འདིས་གསལ་བར་ཡོད་དོ། །ཞེས་གླེགས་བམ་ཞིག་གནང་ནས་ལུང་བསྟན་ཐོབ་པ་བཞིན་ཤིང་རྟ་རྣམ་གསུ་དང་། མཛོད་བདུན་ཚོར་དམ་པའི་ཆོས་འདུལ་བ་དང་། བྱང་ཆུབ་སེམས་དཔའི་སྡེ་སྣོད། སྔགས་སྤྱིའི་ལུགས་ཀྱི་སྨིན་བྱེད་ཀྱི་གཞུང་རྣམས་ཅུང་ཟད་ཚིག་བསྡུའི་ལུགས་ཀྱིས་རང་སའི་བསྟན་པ་ཉམས་དམས་ཤིང་གྲུབ་མཐའ་སོང་མ་ནུས་པ་རྣམས་རྩལ་དུ་བཏོན་ནས་བཤད་པར་སྣང་བས་འདིར་རང་ཕྱོགས་རྣམས་ཀྱི་བསྟན་པ་ཤེས་པའི་དོན་ལ་

― JLAZ014_Page_0468 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་པའི་བསམ་པས་ཀུན་ནས་བླངས། བཤེས་གཉེན་བརྟེན་པའི་གནས་སྐབས་འགྲེལ་པའི་ཚེ། འགོས་ལོ་གཞོན་ནུ་དཔལ་དང་མཇལ་ནས་འཇམ་དཔལ་དཀར་པོའི་རྗེས་གནང་སྩལ་ཏེ་ ཨོཾ་ཝ་ཀྱེ་དཱཾ་ནཱ་མ། ཞེས་པའི་རྗེས་ཟློས་ཀྱི་ཚེ་གསུང་གི་གདངས་ལའང་དབྱང་པ་ཆེན་པོ་བྱུང་། ཆོས་རྗེ་པས་ཟིན་བྲིས་ལས་དཔེ་ཐོག་ཏུ་འབེབས་པའི་ངལ་བ་དང་དུ་བླངས་པས་ཁོང་གི་རྨི་ལམ་ན། ད་ལམ་ཁྱོད་ཀྱིས་འདི་བྲིས་པས་ཆོས་མཆོད་རྟེན་ཆེན་པོ་ཞིག་བཞེངས་པའི་ཕན་ཡོན་ཐོབ། དེ་ལ་སྔོན་འགྲོའི་ཆོས་རྣམས་ནི་ཐེམ་སྐས། དམ་པའི་ཆོས་འདུལ་བ་ནི་སེང་ཁྲི། བྱང་ཆུབ་སེམས་དཔའི་སྡེ་སྣོད་ནི་བང་རིམ། རྡོ་རྗེ་ཐེག་པའི་སྨོན་དབང་ནི་བུམ་པ། གྲོལ་བྱེད་ནི་ཆོས་འཁོར། རྫོགས་པ་ཆེན་པོ་བླ་ན་མེད་པ་ནི་ཏོག་སྟེ། འདི་ནི་སྟོན་པ་དང་བསྟན་པ་གཉིས་ཀ་ཡིན་ཏེ་མཐོང་ཐོས་དྲན་རེག་ཐམས་ཅད་ལ་ཕན་པ་ཆུ་ཆེན་པོ་འགྲུབ་པོ་ཟེར་སྐད། ཚོགས་གསོགས་ཉམས་ཆག་དག་པ་དམིགས་ནས་སྒྲུབ་ཆེན་བཀའ་བརྒྱད་ཀྱི་སྦྱིན་སྲེག་འབུམ་ཐེར་བསྒྲུབས་པས་ཁྱད་ལྟས་ཤིན་ཏུ་གསལ་བ་མངོན། དངོས་ཅག་གི་བསོད་ནམས་ཐར་པའི་རྒྱུ་གཞན་འབྱོར་ཕུན་ཚོགས་ལ་མི་བཟོད་པའི་གནས་གཅིག་ཀྱང་མེད་དེ་འཇིག་རྟེན་མཐུན་འཇུག་གི་བློ་དང་བྲལ་བ་འདི་ཡང་ཁྱབ་པ་

― JLAZ014_Page_0469 ―

^{[མ་དཔེ་གཟིགས་ན་འདིར་གནོན།]}

[Full Size]

འདུ་བྱེད་ཀྱི་སྡུག་བསྔལ་གྱི་རྒྱུར་ཡོད་པ་འདྲ། ཆོས་བསྒྲུབ་པའི་གེགས་ཞི་ཕྱིར་ཁྲོ་རོལ་སླང་དགུ་མ་རྒྱས་པ་ཞིག་བྱས། དགུན་མངའ་རིས་གྲ་ཚང་པ་ཉི་ཤུ་སྐོར་ནས་ཉིན་གསུམ་གྱི་རིང་མདོ་མངས་གསུང་སྒྲོགས་དང་། ནུབ་མོ་དབུ་མ་ཐལ་རང་གཉིས་གཙོ་བོར་གྱུར་བའི་བོད་ཆེན་ལྔ་ཀ་ལ་དམ་བཅའ་འཇོག་པར་བསྐུལ། དབུ་མའི་ལྟ་བ་མྱོང་ཐོག་ཏུ་འགེལ་ན་སྟོང་སང་དེ་བ་ཞིག་ཏུ་བསྒྲུབས་པས་རྟོག་གེས་དེ་ཙམ་ལས་བརྟག་པར་ག་ལ་ནུས་སྙམ་པ་བྱུང་། ནམ་ཟླ་དྲོས་ནས་གཙུག་ལག་ཁང་གི་རྟེན་གཙོར་བྱམས་མགོན་བཞེངས་ཀ་མ་སྐྱེས་བུ་དར་བབས་ཀྱི་ཁྲུ་གང་བའི་ཚལ་ཚད་ཅན་གཡས་གཡོན་དུ་སྣང་བ་མཐའ་ཡས་དང་། འཕགས་པ་སེམས་ཉིད་ངལ་གསོ་གཉིས་དེ་བས་སྐུ་ཚད་ཆུང་ཙམ་རེ་བཞེངས། མདོའི་སྒྲུབ་མཆོད་དང་འབྲེལ་བར་དངོས་སྟ་ཉིན་གཉིས་པའི་རབ་གནས་དགའ་སྟོན་ལ་ཐུག་གི་བར་སྔ་མ་རྣམས་ལས་ངེས་རྒྱས་སུ་བྱས། ས་སྐྱ་གོང་མ་རིན་པོ་ཆེ་གཞན་དོན་གཤེགས་པའི་ཐུགས་དམ་ཡོངས་བསྔོ་རྟེན་དང་། གདུང་རིན་པོ་ཆེ་སྐུ་མཆེད་ཀྱི་བཀའ་ཤོག་ཀྱང་ཕེབས། ཁོ་ལོང་སྟོད་པའི་གཙོར་རྒན་སོགས་མོན་པའི་མི་རྒན་རྣམས་ལ་ལས་འབྲས་ལ་ངེས་པ་རྙེད་པ་དང་། དཀོན་མཆོག་གི་ཡོན་ཏན་བརྗོད་པ་གཙོར་བཏོན་གྱི་ཁྲིད་ཅིག་བཤད། ཁོང་

― JLAZ014_Page_0470 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོའི་ཡུལ་དུ་སྐོར་གཅིག་ཡོད་དགོས་ནན་ཏན་བྱེད་ཀྱང་ས་ཆུ་མི་འཕྲོད་པའི་རྒྱུ་མཚན་ལ་བས། འབྲི་གུང་ཡང་རི་སྒར་བའི་གྲ་བ་ཧོར་ཨ་དྲག་པ་ཅན་ལྔ་ལ་སྨིན་ཁྲིད་གནང་སྨིན་བྱས། །ལྷ་བབ་དུས་ཆེན་དང་བསྟུན་བསམ་ཡས་སུ་སྟོང་མཆོད་འབུལ་དུ་ལྷགས། བར་ཁང་དུ་ཚོགས་འཁོར་དང་། མངའ་རིས་ནས་སྤྱན་དྲངས་པའི་གུ་རུའི་སྐུ་ཚབ་བྱིན་ཅན་དོར་སྙན་ཤལ་ནང་མཛོད་ཚོན་རིས་མ། རྒྱ་རག་གི་མཎྜལ་ཕུལ་མ་འཁར་གཞོང་གི་སྟེགས་བཅས་ཕུལ། མཆོད་མཇལ་ཐོག་བརྟན་བཞུགས་སྨོན་ལམ་དང་སྙན་ཤལ་བརྒྱ་ཕྲག་གཉིས་སྤྲོས། གསེར་གསོལ་སོགས་བྱས། རབ་བྱུང་པ་བསམ་གླིང་སློབ་དཔོན་ཅན་ལྔ་སྐོར་ལ་སྨིན་ཁྲིད་རྒྱས་པར་བཏབ། ཇོ་བོ་རིན་པོ་ཆེའི་སྐུ་མདུན་དུ་སེམས་བསྐྱེད་མཆོད་པ་དང་འབྲེལ་བར་བྱང་སྡོམ་ཕོག་ཚེ། ཧོར་ཨ་དྲག་པ་རྟེན་དགེ་སློང་དུ་འདུག་པས་རྩ་བ་བཞི་དང་འགལ་བའི་ཁ་ན་མཐོ་མེད་ཀྱང་། ལྟུང་བྱེད་དང་ཉེས་བྱས་མང་ལ་རགས་པ་དང་། ཁྱད་པར་ཐེག་པ་ཆེན་པོའི་ཉེས་ལྷུང་ཕྲ་ཞིང་བསྲུང་དཀའ་བའ་ཚུལ་བཤད་པ་ལ་ངེས་པ་རྙེད་ནས་རིག་འཛིན་འཇིགས་མེད་གླིང་པ་ཞེས། མཆི་མ་བླགས་པའི་འདོད་པའི་དོད་བོས་ནས་འཆབ་པ་མེད་པའི་དག་ཚངས་ཆེན་པོ་བྱས། སྐྱེ་དགུ་ཕལ་མོ་ཆེ་ལ་ཐོས་བའི་ཉེར་ལེན་ནི་མེད། ཕུང་པོ་ལྔ་དང་རྣམ་

― JLAZ014_Page_0471 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་བརྒྱད་ཀྱི་བྲན་དང་ཡང་ཁོལ་དུ་གྱུར་བས། ཁོང་ལ་སྐྱོ་བ་ཙམ་དུ་ལྟ་བར་བྱེད་དོ། །ཚུར་འཁོར་ནས་ཆུ་གཏོར་འབུམ་ཐེར་ཞིག་བཏང་། འདི་ལོ་ཕན་ལ་ཕྱུགས་ལུགས་བརྒྱ་ཐལ་ངས་ཀྱི་ཚེ་ཐར་སོང་། འབྲས་སྤུངས་ནས་སྤངས་རྟོགས་ཕུན་སུམ་ཚོགས་པར་གྲགས་པའི་གཙང་པ་དགེ་བཤེས་རིན་པོ་ཆེའམ། གོ་བ་བླ་མའི་སྤྱན་སྔར་ཆོས་རྗེ་བས་མཛོད་རྩ་བ་དང་སྐྱེས་རབས་བྱི་དོར་མཛད་བར་བསྐུལ་བས་ཁོང་ཐུགས་གཟོ་བས་སྤྱིར་ཕྱོགས་ལྷུང་ཆུང་། སྒོས་དག་སྣང་ཆེན་པོ་ཞིག་འདུག་པས་རང་སྟོང་གཞན་སྟོང་དབུ་མའི་ཐ་སྙད་ལའང་ཡུལ་དང་ཡུལ་ཅན་གྱི་ཆ་ནས་དགོངས་པ་འགྲེལ་ཕྱོགས་ལས་མཐའ་ཅིག་དུ་འགལ་བར་སྟོངས་མི་དཔྱོད་ཅེས་གྲགས། འདི་རེས་ཀྱི་གསུང་ལན་ལ། བསྟན་བཅོས་ལེ་ཚན་གཉིས་ལ་དེ་ཕྲལ་ཞིག་ཏུ་བལྟས་པས་དོན་རྣམས་ཁོང་དུ་ཆུད་ཅིང་འདི་གཉིས་ལ་དོན་གྱི་འགྲེལ་པའང་འདི་དང་འདི་ལྟ་བུ་ཡོང་ངེས་སྙམ་དུ་རྩ་བ་བལྟས་པས་འབྲེལ་པ་ཁོང་དུ་ཆུད། ད་ཆ་འགྲེལ་པ་བལྟ་མི་དགོས་ཉིད་ཀྱི་བླ་མ་དེ་བཞིན་རྒྱལ་བའི་བཀའ་དང་རྒྱ་བོད་ཀྱི་པཎ་གྲུབ་རྣམས་ཀྱི་དགོངས་པ་ཇི་བཞིན་དུ་རྟོགས་ཤིང་། ཁྱད་པར་མན་ངག་སྡེ་གསུམ་ལ་མཁྱེན་པའི་སྤྱན་ལྡན་སྔོན་གྱི་དུས་ན་བྱོན་པའི་མཁས་

― JLAZ014_Page_0472 ―

^{[མ་དཔེ་གཟིགས་ན་འདིར་གནོན།]}

[Full Size]

གྲུབ་ཟླ་བྲལ་ཀོང་ཆེན་རབ་འབྱམས་པ་ངག་གི་དབང་པོ་དང་རྗེས་སུ་མཐུན་པའི་བསྟན་འཛིན་གཞན་འགྲལ་བྲལ་བ་བཞིག་ལགས་པས་འཁུམས། སྙིགས་མའི་དུས་སུ་བསྟན་འཛིན་འདི་འདྲ་ཡང་ཡོད་པ་ངོ་མཚར་ཤིན་ཏུ་ཆེ་སྙམ་ཏུ་དད་པ་དང་སྤྲོ་རྗེས་སུ་ཡི་རང་བ་གསུམ་ཕན་ཚུན་འགྲན་པ་བཞིན་དུ་ཆེས་ཆེར་འཕེལ། ད་ནི་དད་ལྡན་རྣམས་ལ་བསྐུལ་མ་མཛད་དེ་རྩ་འགྲིལ་འདི་གཉིས་པར་དུ་བརློས་ནས་རྒྱ་ཆེར་སྤེལ།བའི་ཐབས་མཛད་ན་དུས་མཐའ་འདིར་གསང་སྔགས་སྔ་འགྱུར་གྱི་བསྟན་པའི་ཞབས་འདེགས་དང་། ཉིད་ཀྱི་ཆོས་འཁོར་བསྐོར་བ་གསོལ་བ་བཏབ་ཅིང་། བསྟན་པ་འཕེལ་རྒྱས་ཀྱི་ཞབས་ཏོག་བྱས་པ་རྣམས་ཀྱང་གང་དང་གང་དུ་སྐྱེ་བ་དེར་ཡང་ནམ་མཁའ་དང་ཆུ་ཀླུང་། ལྗོན་ཤིང་དང་། རླུང་གིས་བསྐུལ་བའི་སྒྲ་ལས་ཆོས་ཀྱི་སྒྲ་ལྷང་ལྷང་བྱུང་སྟེ་བླ་ན་མེད་པའི་བྱང་ཆུབ་ཐོབ་པར་མདོ་ལས་གསུངས་པ་བཞིན་རྨོངས་པ་མ་ལུས་པ་བསལ་ནས་ཆོས་ཀྱི་མིག་རྡུལ་བྲལ་ཐོབ་པར་ངེས་སོ། ཞེས་སྣང་། དེང་སང་འདི་ན་རྨོངས་པ་ཁ་ཅིག་རྒྱལ་བ་ཀློང་ཆེན་པའི་བྱིན་བརླབས་དང་། གཞུང་ལུགས་ལ་བརྟེན་ནས་ཁོ་བོས་སངས་རྒྱས་ཀྱི་བསྟན་བཤེས་སོ་ཞེས་བརྗོད་པ་འདི་ལ་དགེ་སློང་ཀོ་ཀ་ལིའི་བརྟུལ་ཞུགས་འཛིན་པ་ཡོད་སྲིད་

― JLAZ014_Page_0473 ―

^{[མ་དཔེ་གཟིགས་ན་འདིར་གནོན།]}

[Full Size]

དེ། ཆོས་ཀྱི་རྣམ་པ་ཚིག་བཞི་པ་གཅིག་ཐོས་པ་ཡན་ཆོས་ལ་དམ་ཚིག་བསྲུང་བའི་འདུན་པས་ཉམས་པར་ཡོད་པས་སུའི་ཡང་མཐང་ལ་མ་རྒོལ། བཀའ་ཕྲིན་ཐོབ་ཚུལ་གྱི་ངོས་ནས་དལ་འབྱོར་བཅུ་བརྒྱད་པོའི་མིང་གྲངས་ཡན་ཆོད་ཀུན་མཁྱེན་ཆེན་པོ་ལ་བརྟེན་ནས་རྟོགས་པའི་ཕྱིར་ན་བདག་ཅག་གི་སྟོན་པས། གང་ལས་ཆོས་ནི་རྣམ་ཤེས་པ། །དེ་ལ་གུས་པས་ཕྱག་བྱ་སྟེ། །བྲམ་ཟེ་གཙང་མས་མེ་ལ་བཞིན། །ཞེས་སོ། །དེའི་ཕྱིར་གསོང་པོར་སྨྲ་བ་ལ་མི་མཐུན་པར་བལྟ་བ་ཡོད་སྲིད་ན་ཤཱཀྱའི་སྲས་པོའ་ཟིང་འཕུར་དང་། ལྷག་སྤྱོད་ཀྱི་བསྟན་འཛིན་ལས་ཕྱིར་ཕྱོགས་པས་ལྔ་སྡེ་རྣམས་ཀྱིས་དགེ་སྦྱོང་གོའུ་ཏ་མ་ལྷོད་པ། མང་དུ་ཟ་བ་སྤོང་པ་ལས་ཉམས་པ་ཞེས་སྐུར་བ་དང་འདྲ་སྟེ་ཤིན་ཏུའང་སྙིང་རྗེའི་གནས་སོ། །ལྕགས་ཟམ་ནས་སྤྲུལ་པའི་སྐུ་རིན་པོ་ཆེ་གནས་གཟིགས་དང་བསྟུན་པདྨ་འོད་གླིང་དུ་ཕེབས་པ་ལ་ཡུམ་ཀའི་བྱིན་བརླབས། ཚེ་དབང་བརྒྱ་རྩ། ལུང་གསན་འཕྲོ་རྣམས་དང་མཛོད་རྩ་བ་ཐོག་མཐའ་བར་གསུམ་རྣམས་ཕུལ། མཛོད་འགྲེལ་ཤིང་རྟ་རྣམ་གཉིས་ལས། ལེའུ་དགུ་པ་ཡན་ཆོད་ཀྱི་ཟབ་མོ་ལྟ་བ་དང་རྒྱ་ཆེན་སྤྱོད་པའི་གཞུང་ལེགས་པར་གཏན་ལ་ཕབ་པའི་བརྒྱུད་བ་རྫོགས་པའི་སངས་རྒྱས་ནས་ཀུན་མཁྱེན་ཆེན་པོའི་དགེ་བ་གསུམ་

― JLAZ014_Page_0474 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་དོན་ཁྲིད་ལྟར་བགྲང་ལ། འགྲོས་ལེའུ་བཞི་པོར་དོ་ཇེ་ཐེག་པ་སྤྱི་དང་བྲེ་བྲག་རང་བཞིན་རྫོགས་པ་ཆེན་པོའི་གཞི་ལམ་འབྲས་གསུམ་གྱི་བཤད་རབ་ཀྱི་ཕ་རོལ་ཏུ་ཕྱིན་པའི་སྒྲ་དོན་གྱིས་བསྟན་པའི་དགོངས་འགྲེལ་སྔ་འགྱུར་བ་རྣམས་ཀྱི་རིག་པར་བྱས། དམོ་སྔགས་གཉིས་ཀའི་བརྒྱུད་པ་ཉེ་རྒྱུད་དུ་འདྲེན་ན་མགོན་པོ་ཀླུ་སྒྲུབ་དང་། འཇམ་དཔལ་བཤེས་གཉེན་ལ་ཕུ་གཏུགས་པའི་རྒྱུ་མཚན་རྟོགས་བརྗོད་ཕྱི་ནང་བརྟེན་ནས་ཤེས། བར་འགྱུར་རོ། དེ་ལྟར་ཚང་ཕྱིར་ནས་ར་བྲག་ཀུན་གྲགས་བཞིས་གཙོས་པའི་རང་སློབ་ཉེ་བར་འཁོད་པ་རྣམས་ལ་བཤད་ལུང་བསྒྲགས་མ་ཞིག་བྱས། མདོ་སྨད་སྡེ་དགེའི་མངའ་རིས་ནས་རྫོགས་ཆེན་སྤྲུལ་སྐུ་རིན་པོ་ཆེ་སྔར་བོད་ལ་བྱོན་དུས་གཞན་དབང་ལ་བརྟེན་ནས་མཇལ་མ་ཐུབ་པར་ཐུགས་འགྱོད་ཤིན་ཏུ་ཆེ་ཚུལ་དང་བསླད་ནད་དེར་བསྐྱོད་ཐུབ་པའི་དགོངས་པ་གཏད་དགོས་ཞེས། དངུལ་སྲང་ཉེར་ལྔ་དང་བཅས་པའི་གསུང་བྲིས་སྔ་ཕྱིར་འབྱོར། ངེད་ཀྱི་ལོ་གསུམ་དང་པོར་སྡེ་དགེའི་ཕྱོགས་ཀྱི་ཡིག་སྒྲིལ་གྱི་ཤམ་ཐབས་བཟང་པོའི་བརྡ་བཞིན་མཇལ་ཐུབ་ན་བསྟན་པ་ལ་ཕན་པའི་རྟེན་འབྲེལ་ཆེན་པོ་ཡོད་ཀྱང་གནད་བྱང་ལས། ཕྱི་དུས་འགྲོ་དོན་དུས་བབ་ཚེ། འགལ་རྐྱེན་རྣམ་པ་སྣ་ཚོགས་དང ཁྱད་པར་བདུད་བློན་དམ་སྲིའི་རིགས རྗེས་འབྲེངས་རྣམ་འགྱུར་ཅིར་ཡང་བརྫུ བཀའ་

― JLAZ014_Page_0475 ―

^{[མ་དཔེ་གཟིགས་ན་འདིར་གནོན།]}

[Full Size]

དྲིན་དམ་ཚིག་ཁྱད་དུ་གསོད ཅེས་པ་ལྟར། གཟུ་བོར་མི་གནས་པ་རེ་གཉིས་ནས། བླ་མ་ཐུགས་ཤིན་ཏུ་གཏུམ། །དགོན་པའང་རི་རྩེར་ཡོད་ཟེར་བའི་འབྲེལ་བདེན་བྲལ་གྱི་ཕྱོགས་སུ་བསྒྲིགས་པས་བསྟན་པའི་ལ་རྒྱ་ལ་གེག་སུ་ཆེ། ཡོན་ཏན་རིན་པོ་ཆེའི་མཛོད་དང་བཅས་པའི་ཞུ་ལན་ཕུལ། དགོན་གནས་ཀྱི་སྐུ་སྐྱེ་རིན་པོ་ཆེའང་སྡིག་གྲོགས་བླུན་པའི་གཞན་དབང་དུ་གྱུར་ཆེས་པས་གསན་སྒོམ་དང་བསྟན་པའི་བྱ་བ་གང་ལའང་སེང་ཤོར་ཁོ་ནས་མུར་རིམས་ནད་ཀྱི་ཕྱོགས་སུ་རྙེད་འཚོལ་ལ་ཕེབས་པས་གློ་བུར་ཉིད་དུ་སྐུ་ཚེའི་འདུ་བྱེད་ཐལ་བས་འཕངས་པ་ལ་ཚད་མ་བྱུང་། གསོལ་འདེབས་ གདུང་ཆོག་སྦྱིན་སྲེག་གི་སར་རྗེ་བཙུན་ཤནྟ་པུ་རི་བའི་གདན་ས་བསམ་ཏེ་དངས་དུ་བླངས་། ཤིང་སྦྲུལ་ལོ་ག་ས་ར་མ་ཐག་ས་སྐྱ་ནས་མགྲོན་གཉེར་ཆེ་བཏང་གནང་སྟེ་གདན་སར་ཡོང་དགོས་ཀྱི་བཀའ་ནན་ཏན་དང་། བཀའ་ཐམ་རིན་པོ་ཆེའི་དགོངས་དོན་སྙིང་པོར།་ ཆེད་གསོལ། ཕྱོགས་བཅུ་རབ་འབྱམས་མུ་མཐའ་ཡས་པའི་འཇིག་རྟེན་གྱི་ཁམས་ཐམས་ཅད་དུ་རྒྱུ་འབྲས་ཀྱི་ཐེག་པ་ལ་སོགས་པའི་ཐབས་ཚུལ་དུ་མའི་སྒོ་ནས་སངས་རྒྱས་སུ་ཟིན་པ་དང་། མ་འོངས་པ་ན་འཚང་རྒྱ་བར་འགྱུར་བའི་རྡུལ་གཅིག་གི་སྟེང་ན་རྡུལ་སྙེད་ཀྱི་རྫོགས་པའི་སངས་རྒྱས་རྣམས་དང་། གཞི་དང་སྙིང་པོ་མེ་ཏོག་གིས་བརྒྱན་པའི་ཆ་ལས་

― JLAZ014_Page_0476 ―

^{[མ་དཔེ་གཟིགས་ན་འདིར་གནོན།]}

[Full Size]

མི་མཇེད་འཇིག་རྟེན་གྱི་མགོན་པོ་ད་ལྟར་གྱི་སྟོན་པ་མཉམ་མེད་ཤཀྱའི་རྒྱལ་བོས་རྒྱུ་ཕ་རོལ་ཏུ་ཕྱིན་བའི་ཐེག་པ་དང་བསྟུན་དང་པོར་བྱང་ཆུབ་མཆོག་ཏུ་ཐུགས་བསྐྱེད། བར་དུ་བསྐལ་པ་གྲངས་མེད་གསུམ་དུ་ཚོགས་བསགས། མཐར་མངོན་པར་རྫོགས་པར་འཚང་རྒྱ་བའི་ཚུལ་བསྟན་ཅིང་། ངེས་པའི་དོན་དུ་དེ་ལས་རྒྱ་ཆེ་བ་དང་། ཟབ་པའི་ཚུལ་དུ་མས་་ཁྱད་པར་དུ་འཕགས་པའི་འབྲས་བུ་གསང་སྔགས་རྡོ་རྗེ་ཐེག་པ་ལ་བརྟེན་ནས་བསྐལ་པ་དཔག་ཏུ་མེད་པའི་སྔ་རོལ་དུ་ཟག་མེད་ཀྱི་བདུད་རྩི་བརྙས་སུ་ཟིན་ཀྱང་། གདུལ་བྱའི་ཁམས་ལ་གཟིགས་པ་མ་ལྷོད་པས་རྒྱལ་པོས་འདུལ་བ་ལ་རྒྱལ་པོ། དགེ་སྦྱོང་གིས་འདུལ་བ་ལ་དགེ་སྦྱོང་། བྲམ་ཟེས་འདུལ་བ་ལ་བྲམ་ཟེའི་གཟུགས་སུ་བསྟན་ཏོ། །ཞེས་གསུངས་པ་སོགས་མ་མཐའ་གཟིགས་དང་ཟམ་པ་ལ་སོགས་པའི་བར་གྱི་བཟོ་གནས་སྐྱེ་བ་མཆོག་གི་སྤྲུལ་པའི་སྐུ་བསམ་གྱིས་མི་ཁྱབ་པས་སེམས་ཅན་རེ་རེའི་ཕྱིར་དུ་ཡང་དཀའ་བ་ཆེས་ཆེར་སྤྱད་པར་མཛད་ཅིང་། ཁྱད་པར་རྩོད་ལྡན་སྙིང་གྲས་མ་ལས་ཆེས་སྙིགས་པའི་མ་བསྲུན་པ་རྒྱལ་བ་གཞན་གྱིས་ཡལ་བོར་རྣམས་ལྷག་པར་ཐུགས་བརྩེ་བས་རྗེས་སུ་འཛིན་པར་མཛད་པ་དང་། དེའི་སྲས་ཀྱི་ཐུ་བོ་འཕགས་མཆོག་ཕྱག་ན་པདྨས་ཀྱང་མཐའ་འཁོབ་ཁ་བའི་ར་བས་འཁྱུད་མར་བསྐོར་བ་གདོང་དམར་ཅན་གྱི་ཡུལ། སྲས་

― JLAZ014_Page_0477 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་རྒྱལ་བ་ཀུན་གྱི་ཡལ་བོར་འདི་ཉིད་གདུལ་བྱའི་ཞིང་དུ་མཛད་པ་དང་། འདི་ཉིད་དུ་ཆོས་ཀྱི་མིང་མི་གྲག་པའི་དུས་སྤྲུལ་པའི་ཆོས་རྒྱལ་བྱང་ཆུབ་སེམས་དཔའ་རྣམས་ཀྱིས་དགུང་ལོ་བརྒྱ་ཕྲག་མང་པོར་སོན་པའི་མཁན་པོ་དང་། སློབ་དཔོན་ལ་པཎ་གྱི་ཚོགས་དཀའ་བ་ཆེན་པོས་སྤྱན་འདྲེན་བར་མཛད་པས་དེ་རྣམས་ཀྱིས་ཀྱང་སངས་རྒྱས་ཀྱིས་ཞིང་སྐྱོང་བ་ལ་ཡུལ་དམན་པར་དུ་འཕགས་པར་གཟིགས་ཏེ་ཐུགས་བསྐྱེད་དུས་ཡོལ་མེད་ནས་དམ་པ་ཆོས་ཀྱི་སྒྲོན་མེ་སྤར། ཞིང་འདིའི་ཡ་གྱལ་རུ་ལག་གི་སའི་ཆ་འདི་ཉིད་དུའང་རྒྱལ་དབང་པདྨ་ཀཱ་རའི་དངོས་སློབ་འཁོན་སྟོན་ཀླུ་དབང་སྲུང་བ་སོགས་ནས་བཟུང་ད་ལྟའི་བར་དུའང་ཁོ་ན་གྱི་གདུང་རབས་མུ་ཏིག་གི་དོག་པ་བསྟར་བཞུགས་པའི་ཡབ་མེས་གོང་མི་ཇི་སྙེད་པ་དང་། ལྷག་པར་ཆོས་ཀྱི་རྗེས་སྐྱ་པཎིྜ་ཏ་ཆེན་པོ་དགུང་གྲངས་དྲུག་ཅུ་བགལ་ཀྱང་སེམས་ཅན་གྱི་དོན་མཛད་པ་འོ་བརྒྱལ་གྱི་རྣམ་པ་དང་བྲལ་ཏེ་ཐུག་སྤྲོ་བས། གོང་མ་ཇི་འགིར་དོ་དན་གྱིས་གདན་དྲངས་པ་བཞིན་ཕྱགས་ཕེབས་པ་དང་ཞན་ཡང་རང་བཞིན་གྱི་མཁས་གྲུབ་བགྲང་ཡས་ཀྱང་ཚུལ་དེ་ལགས་ན། རྒྱུ་མཚན་དེ་རྣམས་ཀྱིས་ད་ལམ་གྲུབ་དབང་རིན་པོ་ཆེ་ཉིད་ཀྱི་སྤྱིར་བཏང་ཙམ་དུ། ཡོན་ཏན་རིན་པོ་ཆེ་སྡུད་པ་ལས། རྒ་དང་ན་དང་འཆི་བ་མེད་ཀྱང་

― JLAZ014_Page_0478 ―

^{[མ་དཔེ་གཟིགས་ན་འདིར་གནོན།]}

[Full Size]

འཆི་འཕོ་སྟོན། །ཅེས་དང་། ཤིང་རྟའི་སྲོལ་འབྱེད་མ་ཕན་པས། །ཇི་བཞིན་ཡང་དག་མཐོང་བའི་ཕྱིར། །སྐྱེ་སོགས་རྣམས་ལས་འདས་གྱུར་ཀྱང་། །སྙིང་རྗེའི་བདག་ཉིད་སྐྱེ་བ་དང་། །འཆི་དང་ན་བ་རྒ་བ་སྟོན། །ཅེས་གསུངས་པ་ལྟར། སྐུ་ན་མཐོ་བའི་ཚུལ་གཞེས་ཀྱིས་གཏང་སྟོད་མཐོས་གྲང་ངར་ཅན་གྱི་ཡུལ་དུ་ཕྱགས་ཕེབས་དགོས་ལའོ་བརྒྱལ་གྱི་རང་བཞིན་དུ་གྱུར་རུང་། སར་གནས་ཀྱི་བྱང་སེམས་ཆེན་པོ་རྣམས། ཞིང་སྐྱོང་བ་ཡུལ་དམན་པ་ཁྱད་པར་དུ་འཕགས་ཤིང་། དཀའ་སྤྱད་དྲག་པོས་སེམས་ཅན་གྱི་དོན་མཛད་པ་སོགས་གོང་གི་རྒྱུ་མཚན་རྣམས་ཀྱིས་ན་པདྨའི་མཚོ་ལ་ངང་པ་བཞིན་དུ་ཐུགས་སྤྲོ་བ་ཆེན་པོས་འདི་ལོ་ཧོར་ཟླ་གསུམ་པ་སྔོན་རྫོགས་པའི་སངས་རྒྱས་ཀྱིས་གཉིས་མེད་དུས་འཁོར་གསུངས་པའི་དུས་ཆེན་གྱི་ཟླ་བའི་ནང་གདན་ས་འདིར་ཕེབས་ཐུབ་པ་ཞིག་ཅི་ནས་ཀྱང་མཛད་དགོས་ནི། ཇི་སྐད་དུ། ཆོས་རྣམས་ཐམས་ཅད་རྐྱེན་བཞིན་ཏེ། །འདུན་པའི་རྩེལ་རབ་ཏུ་གནས། །གང་གི་སྨོན་ལམ་ཅི་བཏབ་པ། །དེ་ཡིས་འབྲས་བུ་འབྱུང་བར་འགྱུར། །ཅེས་གསུངས་པ་བཞིན་སྙན་སྒྲོན་ཕུལ་མི་འདི་ཁར་འབྱོར་ཕྲལ་ཕེབས་བསུ་བ་ཤད་རྩོལ་གྱི་གཏོང་རྒྱུར་འདོད་དོན་ལ་ཞུ་ནན་ཆེ་བ་ཞིག་མཆིས་ཀྱང་། ད་ལམ་ཕེབས་བསྐྱོད་མ་གནང་ཀ་མེད་ལགས་པས་བསྟན་

― JLAZ014_Page_0479 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོའི་དོན་ལ་ཐུགས་བསྐྱེད་གཞན་དྲིང་མི་འཇོག་པས་རེ་བའི་ཤིང་རྟ་ཡོངས་སུ་གང་བ་ཅི་ནས་ཀྱང་ཞུ། རྟེན་ནུ་གོའི་སྔགས་མདུད་དམ་རྫས་ཕོན་ཆེ་བ་དང་། ངོས་ཟུང་དང་ལྕམ་བཅས་ནས་རབ་དཀར་ལྷ་གོས་སྐྱེད་ན་རིང་བ་རེ་རེ། རྒྱན་བཞི་དམར་པོ་ཡུལ་ཆེན་སྡུས་ལེགས། རིན་ཆེན་གཉིས་པ་སྲང་བཅོ་ལྔ་བཅས་ཕུལ། །ཅེས་པར་སྣང་། བཀའ་ཐམ་འདི་ཕབ་རྒྱུའི་ནུབ། བསམ་ཡས་སྐུ་རྟེན་པ་ཞལ་ངོ་ཕྲིན་ལས་དེ་ཉིད་དངོས་ཡིན་པ་ལ། བཞིན་རས་མཐིང་ནག་བཀྲག་ཏུ་བརྟས་པ། ཟིལ་གཞན་ལས་ཆེ་བ་ཞིག་གིས་ནང་མཛོད་ཅིག །བུ་ཧོར་གྱི་སག་ལྷམ་འཇའ་ཆེན་སར་བ། གཙང་གི་ཞྭ་ཐུལ་དྲི་མེད་གཅིག་བཅས་ཕྱག་རྟེན་དུ་ཕུལ་ནས་བསྟུད་རྗེས་ཁོང་རང་འགྱིང་སྒེག་གིས་སྦུབ་ཆོལ་ཞིག་དཀྲོལ། ཡང་དེ་ཆུང་བ་འདུག་ཟེར། དེ་བས་ཆེ་བ་ཞིག་ངེད་དཀྲོལ་ཏུ་བཅུག །འདི་དཔལ་མགོན་ཞལ་གྱི་སྤྱན་འདྲེན་པར་སྣང་། འདི་རེས་ཀྱི་བཀའ་ཤོག་ཕེབས་ནན་ཆེ་བ་དང་། ཡབ་རྗེ་དམ་པ་དེ་ཉིད་ཐུགས་བསྐྱེད་ཆེ་ཞིང་། གདུང་རིན་པོ་ཆེ་སྐུ་མཆོད་རྣམས་དང་བཅས་ཐུགས་སྨོན་གྱི་འབྲེལ་པ་མི་བསླུ་བའི་ཚུལ་སྔར་གྱི་འཇའ་ས་ཐམ་ཀའི་མི་ལྟས་དང་། ལྷག་པར་གནད་བྱང་ཆུབ་བསྟན་ལས དེ་དུས་ལས་ཅན་དག་པའི་འཁོར ད་ལྟའི་འདུས་པར་བཅས་པ་རྣམས རྒྱ་བོད་

― JLAZ014_Page_0480 ―

^{[མ་དཔེ་གཟིགས་ན་འདིར་གནོན།]}

[Full Size]

དབུས་གཙང་མ་ངེས་པར ལ་ལ་ཆེ་ཚུལ་བླ་དཔོན་དང་། འགའ་ཞིག་དམངས་ཐ་ཤལ་ཚུལ མ་འགགས་སྟོང་པ་ཅིར་ཡང་སྟོན ཀུན་ཀྱང་ལྟེ་སྨེ་སྙིང་མཚན་སྤྲས ལས་ཀྱི་དབང་གིས་འདུད་པ་འབྱུང ཞེས་པའི་དོན་ཐོག་ཏུ་བབས་པས་སྐོར་ཅིག་བཀའ་ནན་མི་བཅོག་པར་ཞུས། ཚོགས་ཆེན་འདུས་པའི་སྒྲུབ་མཆོད་སྔ་ནུར་དང་། དཔལ་རིས་ཉིན་བདུན་གྱི་བར་བཀའ་འགྱུར་རིན་པོ་ཆེ་གསུང་སྒྲོགས་བྱས། ཕྱག་གཏོད་ཊཾ་ཁ་དང་ཞོ་གསུམ་རེར་ཟོང་འགྱེད་བསྟབས། ཟླ་བ་གསུམ་པའི་ནང་ས་སྐྱ་ནས་རྩེ་དྲུང་རིན་ཆེན་སྡིངས་པ་དབོན་ཡོག་ལག་དོ་རྟ་ཁལ་བཅོ་ལྔ་སྐོར་བཅས་འབྱོར དོའ་ནུབ་མི་རྨི་ལམ་དུ། སོག་པོ་གཞོན་ནུ་ཉི་ཤུ་ཐམ་པ་ཡོང་ནས་བླ་མ་གསང་འདུས་དབང་ཞུ་བ་ཡིན་ཟེར། ངེད་རང་ཁྲི་མཐོན་པོ་ཞིག་གི་སྟེང་ན་འདུག་པའི་ཅོག་ཙེའི་སྟེང་ཉེར་སྤྱད་འདྲ་པོའི་ཟ་མ་ཏོག་སྙིང་གཟུགས་མ་ཞིག་ཕྱག་རྟེན་དུ་བུལ་བ་ཙ་ཏུརྨུ་ཁའི་སྲོག་སྙིང་དུ་སྣང་། ད་དབང་བསྐུར་བ་ལ་བོད་སོག་ཕན་ཚུན་སྐད་མི་གོ་བས་ཇི་ལྟར་རུང་སྙམ་ཙ་ན། དེའི་དབུས་ན་བོད་སྐད་ཤེས་པ་གཉིས་འདུག་པ་ན་རེ། ངེད་ཀྱི་གནས་ན་གསེར་གྱི་རྒྱ་ཕིབས་དང་། རྒྱལ་མཚན་ནི་ཤིན་ཏུ་མང་། དག་སེར་ཟངས་ཀྱི་དར་ཅོག་ཅིག་འཛུགས་སྙམ་པ་ཡིན་ཟེར་བ་ལ། གསེར་ཟངས་ལ་དར་

― JLAZ014_Page_0481 ―

^{[མ་དཔེ་གཟིགས་ན་འདིར་གནོན།]}

[Full Size]

ཅོག་གི་སྲོལ་མི་ཡོང་། གཉྫིར་འཛུགས་པ་ལེགས་བྱས་པས། དེའི་བཟོ་དབྱིབས་ཇི་ལྟར་ཡིན་ཟེར། དེ་ཁའི་མོད་ལ་གཙུག་ལག་ཁང་ཆེན་པོ་ཞིག་གི་གཉིྫར་ཟང་ཐལ་དུ་མཐོང་བྱུང་བས་རྣམ་པ་འདི་འདྲ་ཡིན་ཞེས་བསྟན་པས་འོད་འོ་ན་དེ་བཞིན་དགོས་འདུག་ཟེར་ནས་སོང་། དེའི་བརྡ་ནི་གོ །ཐང་གྲོང་གནས་ཆེན་འཁོར་བཅས་དང་། ས་སྐྱའི་རྩེ་དྲུང་དཔོན་ཡོག་ལ་ཚེ་དབང་བྱས། ཟླ་བ་དེའི་ཉི་ཤུ་བདུན་ལ་རང་གནས་ནས་བཏེགས་ཀྱི་རྫིང་ཚོགས་སུ་བསྡད་ནུབ་ཁ་ཆེ་པཎ་ཆེན་གྱི་རྫ་སྐུ་སྣང་བ་མཇལ་ཞིང་སྙན་དར་ཕུལ། འདུ་ཁང་དུ་དགེ་འདུན་རྣམས་ལ་བྱིན་རླབས་དང་མང་ཇའི་འགྲེལ་པ་བྱས། སང་ནུབ་གདུང་ཕུད་ཆོས་འཁོར་དུ་བསྡད། སྤྱི་སྒེར་གྱི་མཇལ་ཞུའི་སྐབས་ས་སྐྱར་མཚན་ཉིད་སློབ་གཉེར་ལ་བྱིན་མ་རག་པའི་གྲ་བདུན་ལ་སོ་སོ་ཐར་བ་ལས་བརྩམས་པའི་དྲི་བ་འགའ་ཞིག་གི་མཐར་ལུས་ངག་གི་སྡོམ་པ་གཟུགས་ཅན་ལ་བྱེ་བྲག་སྨྲ་བའི་ལུགས་དཔྱད་བཟོད་པར་སྤོས་ཁང་པའི་རབ་དབྱེའི་འགྲེལ་བར་དྲངས་པའི་དོན་བཤད་པས་ཁོང་རྣམས་ཀྱང་མགུ། ཕྱི་ཉིན་གོང་དཀར་ཆོས་སྡེར་གཞི་ལེན་གྲུབ་ཕྲལ་གནས་མཇལ་ཞིབ་པར་བྱས། རྡུལ་ཚོད་གྱི་དཀྱིལ་འཁོར་མང་པོ་ཞལ་ཕྱེ་དང་འགྲིག་བས་རྟེན་འབྲེལ་ལེགས་ཤིང་

― JLAZ014_Page_0482 ―

^{[མ་དཔེ་གཟིགས་ན་འདིར་གནོན།]}

[Full Size]

གཟུགས་བརྙན་གྱི་དཀྱིལ་འཁོར་དུ་ཏིང་ངེ་འཛིན་གྱི་འཇུག་པའང་བྱས། ལྕགས་ཟམ་དུ་ལམ་ཞོར་འགྲོ་རྩིས་ཐབ་བསུ་དང་ལམ་འཛོལ་བས་བཀྲ་ཤིས་གླིང་དུ་ཚ་ཕོགས་སར་སྤྲུལ་པའི་སྐུ་རིན་པོ་ཆེའི་ཕྱག་ཐམ་ཐེབས་ཀྱང་ཡ་གིར་དུས་ཚེས་ལམ་འབྱོར་དགས་པས་དེ་ནུབ་གན་པ་ལ་འོག་ཏུ་སྙེགས། སང་ཉིན་རར་འབྲོག་གཡུ་མཚོའི་འགྲམ་དུ་ཉ་པ་རྣམས་ལས་གསོན་པོ་གང་ཡོད་སྲོག་བསླུས་ཤིང་དཔལ་དིར་བསྡད། རིམ་པས་ཁ་རོལ་ལ་བརྒྱུད་ཞག་གཉིས་པའི་ཐོག་རྒྱང་རྩེ་མ་སླེབ་ཙམ་ལ་ཕ་ལྷའི་ཕེབས་སུ་ལམ་རྒྱུས་དང་བཅས་རྒྱང་མཁར་དུ་འབྱོར། ཡོན་བདག་སྙིང་འདྲིས་ཀྱི་སྒེར་གཞིས་སུ་བཅགས་མལ་བྱས་པར་ལུས་སྟོབས་ཉམས་ཤེད་ཆུང་བ་ལ་ངལ་གསོས་པའི་ཚད་དུ་བྱུང་། སང་ཉིད་དཔལ་འཁོར་ཆོས་སྡེ་དང་། སྐུ་འབུམ་ཆེན་མོ་ཞིབ་པར་འཇལ་བའི་བུམ་སྟེང་སྐུ་གཉེར་རྣམས་ཀྱིས་ཇ་ཞུའི་སྐབས་རྒྱང་རྩེ་ཆོས་རྒྱལ་གྱི་རྣམ་ཐར་བལྟས། མཆོད་རྟེན་འདིའི་ཆོས་འཁོར་འདི་བས་ལྡབ་འགྱུར་ཡོད་ན་མཆུ་ཞེང་གབ་པའང་རྒྱུ་རེ་འདུག་སྙམ་པ་བྱུང་། དགེ་ཚའི་སྒྲུབ་མཆོད་དང་ཐུག་བ་རྡུལ་ཚོན་གྱི་དཀྱིལ་འཁོར་མང་དག་སྣང་བ་ལ་རིག་པའི་མེ་ཏོག་དོར་ཞིང་། རྡོར་དབྱིངས་དང་དུས་འཁོར་ལ་ཞིབ་བལྟས་བྱས། གུར་བས་མགྲོན་པོར་བོས། དཀར་སྤྲོ་དང་། ཟུར་གསོས་བསྟར་བར་བླ་མ་

― JLAZ014_Page_0483 ―

^{[མ་དཔེ་གཟིགས་ན་འདིར་གནོན།]}

[Full Size]

བགྲེས་སོང་གིས་ཞལ་ཏ་མཛད། མང་ཇའི་འབྲེལ་པ་བྱས། དེ་ནས་རྩིས་གནས་གསར་དུ་བསྡད། ལྷ་ཁང་བྱིན་ཅན་གོགས་བདེར་མཇལ། དཀར་མེ་སྙན་ཤལ་ཕུལ། བཙུན་ཆུང་ལྔ་དྲུག་གི་སྐྲ་ཕུད་ལྦང་། གྲྭ་ཚང་དེའི་ཟུར་མཇལ་ལ་མང་ཇའི་སློག་བྱས། ཕ་སྣ་མ་མདོའི་རྒན་པོ་ཕྱུག་པོ་དེས་ཡང་མར་གཉིས་ཀར་ཞབས་ཏོག་ལེགས་པོ་བྱས། སྨོན་ཁྱུང་རམ་པ་རྗེ་བཙུན་མའི་དགོན་པར་ཚ་ཕོགས་ཐོག་རྫོང་ལོད་གུ་ཟེར་བར་ཐང་ཆད་པའི་ཚད་ལ་སླེབས། རིམ་པར་ཤབ་དང་གྱེར་རྒྱུད། ཟླ་བ་བཞི་པའི་ཚེས་བཅུ་བཞིའི་ཉིན་དཔལ་ལྡན་ས་སྐྱའི་ལྷ་ཁང་ཆེན་མོར་སླེབས་ རིག་འཛིན་ཕོ་བྲང་དུ་སྡོད་གནས་གནང་འདུག་པ་བཞིན་སླེབས་ཕྲལ་མགྲོན་གཉེར་དང་། མཆེད་གནང་ནས་ཇ་ཞུས་དང་། ལྷ་རྫས་བཟང་པོ་སྩལ་ནས་བདེ་བར་སྦྱོན་ནམ། བསྐྱོད་པ་ཡང་ངམ་ཟོ་མདོག་བདེ་བར་གྱུར་གྲང་ཞེས་ངལ་བསོའི་དབུགས་བྱིན་ཆེན་པོ་ལ་སྦྱར་བའི་བསྟི་བ་ཐོབ། སང་ཉིན་ཚེས་བཅོ་ལྔའི་དུས་ཁྱད་པར་ཅན་གྱི་ཉི་ཤར་དང་པོ་ལ་གཟིམ་ཆུང་དུ་འབོད་མི་གནང་བ་བཞིན་གོང་མ་རིན་པོ་ཆེ་སྐུ་མཆེད་དང་མཇལ། སྔར་ནས་འདྲིས་ཤིང་བཤེས་པ་ལྟ་བུའི་ཞལ་ཏ་ནང་མར་གནང་། བྱིངས་དམངས་ལ་བརྩེ་ཆེན་ལྷ་ཁང་དུ་འབྱོར་ཕྱག་ཐོག་མཇལ་རྟེན་

― JLAZ014_Page_0484 ―

^{[མ་དཔེ་གཟིགས་ན་འདིར་གནོན།]}

[Full Size]

གྱི་རྣམ་པ་རྣམས་ཕུལ། དེ་ཉིན་དུས་ཆེན་ཁྱད་ཆོས་དུང་དཀར་པོ་རྒྱང་གྲགས་བུས། ལྷ་ཁང་ཆེན་མོའི་མཆོད་མཇལ་གྱི་སྣེ་ཤན་དགེ་སློང་བགྲེས་བོ་བསོད་ནམས་བཟང་པོས་གནང་། ཁོང་རབ་འབྱམས་པ་དོན་མཐུན་ལོ་རྒྱུས་ལའང་འདྲིས་པས་གནང་བཤད་དང་འབྲེལ་བར་གནའ་གཏམ་ཀྱང་ཞིབ་པར་བྱུང་། མཆོད་མེ་སྙན་ཤལ་རྒྱས་པར་བསྟར། སྒྲོལ་མ་ལྷ་ཁང་དེར་སྣང་བ་འགྱུར་ཞིང་གསལ་སྣང་འདྲའང་ཤར། ཕྱི་ནས་གཞི་ཐོག་དབུ་རྩེ་མཇལ་དུས་རྒྱ་སྒོའི་སྟེང་ལོགས་ལས་པཎ་གྱི་གསུང་རྩོམ། སྒྲ་པང་ཡིན་རྟོག་གེ་པ་ང་སྨྲ་བ་ངན་འཇོམས་ང་འདྲ་མེད། །སྡེབ་སྦྱོར་ང་མཁས་སྙན་ངག་ང་ཉིད་མངོན་བརྗོད་འཆད་ལ་འགྲན་མེད་པ། །དུས་སྦྱོར་ངས་ཤེས་ཕྱི་ནང་ཀུན་རིག་རྣམ་དཔྱོད་བློ་གྲོས་མཚུངས་མེད་ང་། །དེ་འདྲ་གང་ཡིན་ས་སྐྱ་པ་སྟེ་མཁས་པ་གཞན་དག་གཟུགས་བརྙན་ཡིན། ཞེས་སྣང་། དེ་ལྟ་མོད་ཀྱི་ཕྱི་ནས་ནི་གཟུགས་བརྙན་ལས་འདས་པའང་འདི་ལྟར་རོ་ཞེས་པའི་ཕྱིར། སྒྲ་རྗེས་དོན་འཇུག་རྟོག་གེར་མི་རྟོན་གྲུབ་མཐའ་ནང་འཇོམས་ངག་གི་དབང་། སྡེབ་སྦྱོར་དོན་འབྲེལ་སྙན་དངགས་རྒྱན་འདྲོངས་མངོན་བརྗོད་རིག་བྱེད་རྗེས་སུ་མིན། །དུས་སྦྱོར་བཅུ་གཉིས་བདེན་དོན་ལ་རྟེག་རྟེན་ཅིང་འབྲེལ་འབྱུང་ཀུན་རྫོབ་ཙམ། །དབུ་མའི་གཏན་ཚིགས་ཆེན་པོ་རྣམ་བཞིས་རྟག་ཆད་རྒོལ་བ་

― JLAZ014_Page_0485 ―

^{[མ་དཔེ་གཟིགས་ན་འདིར་གནོན།]}

[Full Size]

འཐག་པའི་ཕྱིར། །བདེ་གཤེགས་རི་རབ་མར་མེའི་རྒྱལ་མཚན་དྲི་མེད་འོད་ཟེར་སྟོང་དུ་འབར། །ཞེས་པ་འདི་བྲིས་ནས་ཕུན་ཚོགས་གླིང་གི་རྒྱ་སྒོའི་ཡ་ཐེམ་ལ་སྦྱར། སྨྲ་བའི་དབང་ཕྱུག་ཨནནྟ་ན་རེ། དེ་ཡང་དེ་ལྟར་ཡིན་མོད་ཀྱི་མུ་སྟེགས་ཚར་གཅོད་ནུས་པ་ནི་དཀོན་པའི་དངོས་པོ་ཅན། ཟེར། ཡིད་བཞིན་རིན་པོ་ཆེའི་མཛོད་ལ་དབང་ཕྱུག་ནག་པོའི་གྲུབ་མཐའ་བཀོད་ནས། གཟུང་འཛིན་རྣམ་ཤེས་དང་འབྲེལ་བ་དང་། ཡོངས་གྲུབ་ཡེ་ཤེས་ལ་སྤྱོད་པའི་རིགས་ཁྱད་པར་ཅན་གྱིས་རྟག་ཆད་མཐར་འཛིན་གྱི་རྒོལ་བ་ཚད་གཅད་པའི་གཏན་ཚིགས་མངོན་སུམ་པར་གྲུབ་པའི་ཡིན་ནོ། །ཞེས་སྨྲས་པས་གདུལ་བར་རུང་བ་ནི་སྐྱེས་བུའི་མཚན་ཉིད་ཡིན་པས་རྗེས་སུ་ཡི་རང་བ་མངོན་པར་ཕྱོགས་སོ། །གཙང་ཁང་གི་འཇམ་དབྱངས་ག་བྲི་འོད་འབར་བ་མཇལ་ཞིང་ཉེ་ལོགས་ལ་འཕྲོག་བྱེད་དགའ་བོའི་རལ་པ་མཐོང་པས་རྗེ་བཙུན་ས་པཎ་གྱིས་སློབ་དཔོན་ཆོས་ཀྱི་གྲགས་པའི་རྣམ་པར་ཐར་པས་བསྟན་པ་ལ་བྱ་བ་བྱས་སོ་སྙམ་མོས་པ་ཐོབ། དེ་ལྟར་ནའང་སྡོམ་གསུམ་རབ་དབྱེ་ནི་དྲང་ངེས་ལྡེམ་དགོངས་བཞི་དང་ལྡན་པ་ཡིན་ན་འགྲེལ་པ་འགའ་ཞིག་ཧ་ཅང་ཡང་ཐལ་བའི་གནས་སུ་མཐོང་ངོ། །དེ་ནས་གོང་མ་རིན་པོ་ཆེ་ཉི་ཤུ་རྩ་གསུམ་པའི་སྐུ་ཚེའི་ཕྲང་བསལ་བ་དང་། གཞི་ཐོག་ཕོ་བྲང་ཞིག་གསོ་རྒྱ་ཆེའི་རྐྱེན་སེལ་དུ་རྡོ་རྗེ་ཕུར་པ་དང་

― JLAZ014_Page_0486 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲུབ་ཆེན་བཀའ་བརྒྱད་ཀྱི་སྦྱིན་སྲེག་འབུམ་ཐེར་ཉང་གཏེར་ཁྲོས་ནག་མའི་མེ་མཆོད་དེ་མཚུངས། ཕོ་བྲང་གསར་བ་ལ་བགེག་སྐྲོད་དང་སྦྱིན་སྲེག་ཚར་གསུམ། དེ་ནས་དམ་པ་ཆོས་ཀྱི་བདུད་རྩི་འབུལ་བའི་དང་པོར། ཚེ་རྟ་ཟུང་འབྲེལ་གྱི་དབང་སྒོ་ཕྱེ་ནས་རྨི་ལམ་ལུང་གསལ་བཞིན་བྱིན་རླབས་ཀྱི་རྩ་བ་བླ་མའི་ཐུགས་སྒྲུབ་གཏེར་ཁ་འོག་མའི་ལུགས་ཀྱི་རྩ་དབང་རྒྱས་པ་ནས་བཟུང་། རྡུལ་ཚོན་གྱི་དཀྱིལ་འཁོར་དང་འབྲེལ་བ་དངོས་སྟ་ཉིན་གཉིས་མའི་དབང་ཆེན་ལ། དབང་གི་རྣམ་དབྱེ་དང་འཇུག་ཚུལ་གྱི་ཁྱད་པར་ཡོ་ག་འོག་མ་དང་མི་འདྲ་བ་བླ་ན་མེད་པ་པའི་སྙིང་ཐིག་ཡ་བཞི། བཀའ་བརྒྱད་བདེར་འདུས། གསང་བ་ཡོངས་རྫོགས། གཤིན་རྗེ་ཚེ་བདག །ཀློང་ཆེན་སྙིང་ཐིག་ ཕུར་པ་རྒྱུད་ལུགས་རྣམས་དང་། གསར་མ་ལ་འདུས་པ་འཕགས་ལུགས། བདེ་མཆོག་ལུ་ཡི་པ། འཇིགས་བྱེད་རྭ་ལུགས་ཏེ་དབང་བཀའ་ཆེན་པོ་བཅུ་གསུམ་ལྷག་བཅས་དང་། འཇམ་དཀར་མ་ཏི་ལུགས་སོགས་རྗེས་གནང་ཁ་ཤས། ཆོས་སྐྱོང་སྐོར་ལ་རྒ་ལོའི་མགོན་པོ་ཕྱག་བཞི་པ། ཤང་ས་མགོན་ཕྱག་དྲུག་པ། ལྷ་ཆེན་པོ། ཁྱབ་འཇུག་རོག་ཏེ་ཚེ་རིང་མ་སོགས་ཕུལ་ཞིང་། ལ་ལའི་བླ་རྡོ་སྲོག་འཁོར་ཀྱང་བཅས། ལར་ཡབ་རྗེ་དམ་པའི་སྤྱན་ལྟོས་ཀྱི་བསྟན་པ་ལ་ཕྱག་བཞེས་ཆེ་བས་གསར་རྙིང་གི་

― JLAZ014_Page_0487 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་བཀའ་ཡོད་ཚད་ཞུ་གསུང་ཡང་། ངེད་ནི་སྒོམ་པ་གཙོ་བོར་འདོད་པ་ལས་ཐོབ་རྒྱ་གཙོ་བོར་མི་གཉེར་པར་མ་ཟད་མདོ་དབང་ལ་སོགས་པའི་བཀའ་གཏེར་གྱི་ཆོས་རྩ་བ་ཆེ་བ་འགའ་ཞིག་དཔེ་ཆ་ཡང་མ་སླེབ་པས་ཕྱི་ནས་སྨོན་པའི་ཡུལ་དུ་བྱས་ནས། ད་རེས་ཀྱི་ཆར་ཐུགས་རྒྱུད་གྲོལ་བར་བྱེད་པ་ཁྲིད་ཀྱི་གནས་ལ་གཙོ་བོར་བཏོན་པའི་ཚུལ། དད་པོ་སྨིན་བྱེད་ཀྱི་དབང་ནི་རྡོ་རྗེ་ཐེག་པའི་ལམ་གྱི་ལུས་ཡོངས་སུ་རྫོགས་པའི་བདག་ཉིད་ཅན་དང་། ཁམས་དྲུག་ལྡན་གྱི་རྡོ་རྗེའི་ལུས་ལ་རང་བཞིན་དུ་ལྷུན་གྱིས་གྲུབ་པའི་ཕུང་ཁམས་སྐྱེ་མཆེད་རྣམས་དབང་གི་ཆོ་གས་གདན་གསུམ་ཚང་བའི་དཀྱིལ་འཁོར་དུ་སྨིན་པའི་བྱ་བ་ནི་བླ་མེད་ཀྱི་རྒྱུད་སྡེ་ཆེན་པོ་གཅིག་གིས་དབང་བཞི་ཚང་ལ་མ་ནོར་བས་འགྲུབ་པ་ལ། འདིར་ཡོན་ཏན་རིན་པོ་ཆེའི་མཛོད་ཀྱི་བཤད་འགྲེལ་དང་མཚུངས་ལྡན་གྱི་ཁྲིད་ལ་མདོ་སྔགས་ཀྱི་བསྟན་པ་ཡོངས་སུ་རྫོགས་པས་སྔོན་འགྲོའི་སྐོར་སྐྱེས་བུ་གསུམ་གྱི་ལམ་དང་འབྲེལ་པ་ལས་བྱང་ཆུབ་སེམས་དཔའི་སྡེ་སྣོད་ལ་རྩལ་འདོན་དང་། དེའི་བྱང་སྡོམ་གཞེས་པ་ལ་བབ་པ་ན། སེམས་བསྐྱེད་མཆོད་པའི་དོན་དུ་གཙུག་ལག་ཁང་སྤྱིར་སྟོང་མཆོད། ཆོས་དུང་གསུང་བསྐུལ། སྲོག་བསླུ་རྣམས་སྔོན་དུ་འགྲོ་བའི་བདེན་བཞིའི་ཆོས་འཁོར་གྱི་དུས་ཆེན་ཉིན་ཕུར་ཁང་ཆེན་མོར་

― JLAZ014_Page_0488 ―

^{[མ་དཔེ་གཟིགས་ན་འདིར་གནོན།]}

[Full Size]

རྡུལ་ཚོན་གྱི་དཀྱིལ་འཁོར་དང་འབྲེལ་པའི་རབ་གནས་རྒྱས་པ་དང་སྟབས་གཅིག་ཏུ་བསྒྲུབ་པར་བརྩམས་པ་ན་བདག་ཆེན་རིན་པོ་ཆེའི་མནལ་ལྟས་སུ། ད་རེས་ཕུར་ཁང་དུ་བླ་མ་རྫོགས་ཆེན་པ་ལ་ཡང་དག་གི་དབང་ཞུས་ཤིག་ཟེར་བ་བྱུང་གསུངས་ནས་ཡང་དག་གི་དབང་དཔེ་སྐུ་མདུན་དུ་བཤེར་འདུག་ དེ་ལ་སྤྱིར་དཔལ་ལྡན་ས་སྐྱ་བའི་ཡབ་ཆོས་ཀྱི་གཙོ་བོ་རྡོ་རྗེ་ཕུར་པར་སྣང་ཞིང་། དངོས་གྲུབ་བརྙེས་པའང་རྒྱུན་མི་འཆད་དུ་བྱུང་བའི་རྟེན་འབྲེལ་དང་བསྟུན། རྒྱུད་འབུམ་རིན་པོ་ཆེ་ནས་ལོ་པཎ་ཐ་དད་པའི་འགྱུར་མི་གཅིག་པའི་ཆོས་ཀྱི་རྣམས་གྲངས་བརྒྱར་ཉེ་བ་ནས་ལེགས་པར་བཏུས་པའི་ཕུར་བ་རྒྱུད་ལུགས་ཀྱི་དཀྱིལ་འཁོར་དང་པོར་ཞལ་ཕྱེ་བའི་སྨིན་དབང་གི་སྣོད་དུ་ཡི་དམ་གྱི་ལུང་བསྟན་པར་སྣང་། ཡང་དག་གི་སྒྲ་ནི་ཆོས་དེ་རང་བཟོའི་སྒྲོ་སྐུར་དང་བྲལ་བའི་བརྡར་སྣང་བ་དེ་ཁའི་རྒྱུ་མཚན་ཞུས་པས་འོ་ན་ཅི་ནས་ཀྱང་ཞུ་ཞེས་ཕེབས་པ་ལྟར་ཉིན་སྔ་མར་རང་གནས་ཀྱི་སྟ་གོན་གྲུབ་མ་ཐག་སློབ་མ་སྟ་གོན་བྱས། ཕྱི་ཉིན་འཛམ་བུ་གླིང་ལ་ཉི་མ་དྲོས་ཆེ་ཚེ་སྤྱན་དབྱེ་གྲུབ་བར་བྱས་པའི་འགྲོས་ཀྱི་སྔ་དྲོའི་ཆར་དབུ་མ་ལུགས་ཀྱི་སེམས་བསྐྱེད་ལོག་སྟེ་དམ་པའི་སྐྱེས་བུ་ལ་གདོད་ནས་གྲུབ་པའི་རིགས་ལྷག་པར་སད་ནས་བྱང་ཆུབ་སེམས་དཔའི་གོ་འཕང་ལ་མངའ་གསོལ། དེའི་རྗེས་འབྲེལ་དུ་སྐུ་

― JLAZ014_Page_0489 ―

^{[མ་དཔེ་གཟིགས་ན་འདིར་གནོན།]}

[Full Size]

མཆེད་གསུམ་ཀ་ལ་ཕུར་བ་རྒྱུད་ལུགས་ཀྱི་དབང་མ་ཚང་བ་མེད་པ་དང་། མཐའ་རྒྱས་སུ་བཤད་པས་སྣ་དྲངས་པའི་གཟེར་ཟངས་ཀྱི་རྫས་བརྒྱད་ལས་ཆོས་དུང་ངོ་མ་དང་བཅ་ཕྱག་གུ་ཕུལ་ནས་དགའ་སྟོན་གྱི་བར་རྒྱས་པར་བྱས། དངོས་ཅག་ལའང་གོས་དར་གྱི་ཚན་གྲངས་དང་། བཟང་ཇ། སའི་སྙིང་པོ་དང་བཅས་པའི་རབ་སྟོན་གྱ་ནོམ་པར་སྩལ་ཏོ། དེ་ནས་དངོས་གཞི་ལ་གསང་སྔགས་སྤྱིའི་གཞུང་ལམ་དང་མཐུན་པའི་སྨིན་བྱེད་དང་བསྐྱེད་རྫོགས་ཕན་ཚུན་རྟེན་དང་བརྟེན་བ་ལྟ་བུར་གནས་པའི་བཤད་པ་དང་མཐར་གྱི་རྫོགས་པ་ཆེན་པོའི་གཞི་ལམ་འབྲས་གསུམ་ལ་བརྟེན་ནས་ཆོས་ཉིད་བསམ་གྱིས་མི་ཁྱབ་པའི་བདེན་པ་བློ་ཚོད་ཀྱིས་བསྒྲུབ་པའི་སྟོང་ཉིད་མེད་དགག་དང་། མ་ཡིན་དགག་གི་འགལ་འབྲེལ་ལ་བརྟེན་ནས་དབུ་མཆེན་མོ་ལ་སོགས་པའི་ཆོས་སྐད་ཆེན་པོ་གོ་ཡུལ་དང་། གསུམ་པའི་ཚོར་བ་ལས་སྐྱེས་པའི་དཔེའི་ཡེ་ཤེས་ཟད་བཅས་པ་ལ་བདེ་སྟོང་རྒྱ་ཆེ་ཆུང་དུ་འདོད་པའང་རྒྱུ་འབྲས་ལྟར་བྱུང་བའི་དངོས་པོ་སྐྱེ་བའི་བདག་ཉིད་ཅན་གྱི་སྟོང་ཉིད་ཡིན་པས་རེ་ཞིག་གི་རྣམ་པར་རྟོག་པ་ཙམ་སྡོམ་ཀྱང་སངས་རྒྱས་ཀྱི་ཟག་པ་མེད་པས་ཆོས་སྟོབས་ག་ལ་མཐོང་། འདིར་རང་བཞིན་རྫོགས་པ་ཆེན་པོའི་ཤེས་རབ་ཀྱི་སྒོམ་པ་དེ་ནི་རང་གི་ངོ་བོ་ཉིད་ཀྱིས་

― JLAZ014_Page_0490 ―

^{[མ་དཔེ་གཟིགས་ན་འདིར་གནོན།]}

[Full Size]

རིག་ཅིང་ཟད་པའི་བདག་ཉིད་ཅན་ཡིན་པས་དངོས་པོར་འཛིན་པ་རྡུལ་ཙམ་ཡང་མ་དམིགས་ཤིང་། མཚན་མ་དང་རྣམ་པར་རྟོག་པའི་ཆོས་ཐམས་ཅད་ཟད་པར་འགྱུར་བ་དེ་ལ་སྐྱེ་བ་ག་ལ་ཡོད། དེའི་ཕྱིར་སྐྱེ་བའི་བདག་ཉིད་ཅན་གྱི་སེམས་ཟད་པ་དང་། ཟད་པའི་བདག་ཉིད་ཅན་མི་སྐྱེ་བས་ཤེས་པའི་ཤེས་རབ་རིག་ཐོག་ཏུ་ཉམས་སུ་མྱོང་བའི་སྟེང་ནས་གནས་ལུགས་ངོ་སྤྲོད་ཤེས་ན་གང་ཟག་རྫོགས་པ་ཆེན་པོ་ཞེས་བྱ་སྟེ། རྗེ་ཙུན་ས་སྐྱ་བ་དང་པོའི་ཁུངས་ཀྱང་སློབ་དཔོན་སངས་རྒྱས་གཉིས་པའི་དངོས་སློབ་ཡིན་ལ། བར་སྐབས་སུ་གོང་མ་ལྔ་ལ་སོགས་པ་ནི་ཕྱི་འགྱུར་སྤེལ་བའི་བདག་པོའི་རྐྱེན་དུ་རྟེན་འབྲེལ་དང་སྨོན་ལམ་གྱི་སྟོབས་ལས་གྲུབ་ཅིང་། །ཕྱི་ནས་གསར་རྙིང་རིས་སུ་ཆད་པའི་དགག་སྒྲུབ་ལ་ཆོས་སུ་འཛིན་པ་མ་ཡིན་པས་བསྟན་པ་ཐམས་ཅད་ཀྱི་མངའ་བདག་ཡིན་པའི་ཕྱིར་དཔལ་མགོན་ཞལ་གྱི་ལུང་བསྟན་གསེར་གྱི་གཉིྫ་རའི་བརྡ་ཐེག་པ་ཐམས་ཅད་ཀྱི་རྩེ་མོ་རང་བཞིན་རྫོགས་པ་ཆེན་པོའི་རྒྱལ་ཐབས་ལ་མངའ་གསོལ་བའི་དོན་དུ་སོང་ངོ། །རྗེ་བཙུན་ཆེ་ཞེ་དམ་པས་ཀྱང་བསྙེན་བཀུར་ཡང་ཡང་དང་། ཡུམ་ཀའི་སྐོར་ཉམས་གཞིས་ཀྱི་ཕྱག་དཔེ་སྔོག་པར་མཛད། ལྷ་ཁང་ཆེན་མོའི་དགེ་བཤེས་མིང་དོན་མཐུན་པའི་དྲུང་རམས་པ་ཨ་ནནྟ་ཤྲི་བྷ་ཝ་དང་

― JLAZ014_Page_0491 ―

^{[མ་དཔེ་གཟིགས་ན་འདིར་གནོན།]}

[Full Size]

མདོ་སྔགས་གཉིས་ཀའི་ཆོས་ཀྱི་འབེལ་གཏམ་རྒྱུད་མར་བྱུང་། ཁོང་གིས་མཛོད་འགྲེལ་གཉིས་ཀྱང་ཞིབ་མོར་གཟིགས་ནས་དོགས་པའི་གནས་ལ་གཉིས་ཀ་འཛོམ་ཐོག་ཏུ་དག་ཐེར་བྱས། ལར་རྟོག་གེའི་རིག་པ་རྣོ་བ་ཙམ་ལ་རྒྱུ་མཚན་མེད་དེ། ཆོས་དོན་གྱི་དབྱིངས་འཇལ་ཤེས་པ་ལ་མཁས་པ་ཟེར། ཁོང་དངོས་ལ་མི་འཕྲོག་པའི་དད་པ་དང་ལྡན་པས་བླ་མ་དང་མཇལ་བ་རྗེ་བཙུན་ས་སྐྱ་བའི་ཐུགས་རྗེ་ཡིན། དགེ་བའི་བཤེས་གཉེན་དང་མཇལ་ནས་སློབ་མར་གྱུར་པ་བྱེད་པ་ལ་དབང་བསྐུར་ཚད་ལྡན་ཞིག་ཐོབ་དགོས་པས་ཅི་ནས་རྗེས་སུ་འཛིན་དགོས་ཞེས་བསྟུད་ནས་ཞུ་བར་ཕུར་བ་རྒྱུད་ལུགས་ཀྱི་རས་བྲིས་སུ་སྨིན་པར་བྱས། དབུ་མའི་གྲུབ་མཐའ་ལ་ཤིན་ཏུ་ཆུབ་ཀྱང་། ཆོས་ཉིད་ཀྱི་བདེན་པ་མང་དུ་ཐོས་ཤིང་དབེན་པ་བསྟེན་པའི་བླ་མའི་མན་ངག་ལ་བརྟེན་ནས་ཐོབ་དགོས་པས་བསམ་སྒོམ་གྱི་ཤེས་རབ་རིག་ཐོག་ཏུ་ཐུག་པར་བྱས། སྔར་གྱི་རྨི་ལྟས་སུ་བོད་སྐད་གོ་བ་གཉིས་ཤིག་འདུག་པ་དེར་སྣང་། ཁོང་གི་ཐེག་པ་ཆེན་པོའི་སེམས་བསྐྱེད་ཀྱི་ཟིན་བྲིས་ཤིག་མཛད་པ་ལས་འཕྲོས་ཏེ་བསླབ་བྱའི་གནང་བཀག་ལ་དཔྱད་པའི་ཚིགས་བཅད་དེ་བྲིས། ཆོས་འཁོར་ལྷུན་པོའི་བྱམས་མགོན་དང་། སློབ་དཔོན་ཆེན་པོའི་སྐུ་སོ་སོར་སྙན་ཤལ་དང་དཀར་མེ། གྲ་ཚང་ལ་མང་ཇ་སོགས་བསྐུར།

― JLAZ014_Page_0492 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་པའི་གྲ་པ་བཅོ་ལྔ་སྐོར་ལ་རྣམ་རྒྱལ་མའི་རྗེས་གནང་དང་། མགྲོན་གཉེར་སྦོས་སྐྱོབ་དང་བཅས་ཉི་ཤུ་སྐོར་ལ་བྱང་གཏེར་ཐུགས་སྒྲུབ་ཀྱི་དབང་ཡང་བསྐུར། བླ་མ་བཤེས་གཉེན་བ་དང་མཇལ་ཞིང་ཆོས་འབྲེལ་ཞིག་དགོས་གསུང་བ་ལྟར་བྱས། ས་སྐྱ་པའི་མདུན་ན་འདོན་ཆེན་པོ་ལན་བཞི་ལྔ་ཙམ་ཕེབས་ཤིང་བསྙེན་བཀུར་དང་གསེར་གྱི་འཕྲུ་གསར་བརྡུལ་སོགས་ལ་ཐུགས་འགན་ཆེར་གཞེས་གནང་། འབྲི་གུང་པའི་བླ་མཆན་གྱིས་ངེད་ཅག་ཚར་བཅད་ལ་དམིགས་འདྲ་བའི་ཀུན་མཁྱེན་ཆེན་པོའི་གཞུང་ལའང་དོགས་པའི་དྲི་བ་མང་རབ་ཅིག་བྲིས་པ་འདིར་འབྱོར་བ་ལ། ཀེ་ཏ་ཀའི་རྣ་རྒྱན་ཞེས་བྱ་བ་བྲིས་ནས་གཏམ་ཚོགས་སུ་བསྡུས། ཡུམ་ཀའི་མཁའ་འགྲོ་བསུ་བཟློག་གི་རྟེན་འབྲེལ་དང་པོར། ས་སྐྱ་པ་སྐུ་མཆེད་ལ་ཕུལ་བས་མནལ་ལྟས་ངོ་མཚར་ཅན་བྱུང་གསུང་། ལྷ་ཁང་ཆེན་མོར་མང་ཇ་སྦྱོར་སྦྲེལ་བཏང་། རེ་ཞིག་འདུག་ན་དགོངས་པ་འདུག་ཀྱང་སྤྱིར་ན་ཚོང་ཐལ། སྒོས་ས་ཆུ་མི་འཕྲོད་བའི་སྙན་འབུལ་ཡང་ཞུས། རྣམ་པ་ཀུན་ཏུ་བླ་མར་བྱ་བའི་ལྡང་བ་དང་། བསྟི་སྟང་དང་། གདན་བཟོས་ལ་སོགས་པའི་རིམ་གྲོས་བསྐྱངས་ཤིང་གསེར་དངུལ། ཇ་གོས་དར་སོགས་གཤེགས་རྫོགས་གྱ་ནོམ་པ་བསྩལ་ཏེ་རང་གནས་སུ་ཕྱོགས། རྩེ་དྲུང་དགེ་འདུན་བཀྲ་ཤིས་ཅན་ལག་དོ་

― JLAZ014_Page_0493 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་ཁལ་ཉི་ཤུ་སྐོར་བཅས་དལ་འགྲོས་ཀྱིས་བསྐྱོད། རྒྱང་རྩེར་ཕ་ལྷའི་སྒེར་གཞིས་སུ་ཞག་བཅུ་སྐོར་བཅགས་མལ་བྱས། རང་སློབ་དད་ལྡན་ཆོས་གསལ་སྤུན་དང་། ཕན་བདེ་བཅས་ནས་འཁོར་སུ་ཕེབས་པའི་བསྙེན་བཀུར་དང་། བརྟན་བཞུགས། འབུལ་ནོད་སོགས་ཡང་དག་བསྒྲུབས། རིན་སྡིངས་པའི་བླ་རྒན་དགེ་སློང་རིན་ཆེན་བསྟན་དར་དད་མོས་ཆེ་བས་སྨིན་ཁྲིད་ཀྱིས་རྗེས་སུ་བཟུང་། དཔལ་སྡིངས་པས་དགོན་པར་བསྐྱོད་དགོས་ནན་ཆེ་ཡང་རྟེ་དྲེལ་རྣམས་ས་རོང་རྩུབ་མོར་འཚོར་བས་བསྐྱོད་མ་ཐུབ། མཇལ་མི་དང་ཆོས་འབྲེལ་ཤིག་སོན་གྱི་བསྔོ་ཞུས་སོགས་མང་དག་གི་རེ་བ་བསྐངས། རྒྱང་རུ་རྩིས་ཀྱི་ལྷ་ཁང་ལ་མཆོད་བ་དང་ནང་མཛོད་བསྐུལ། རྒྱལ་པོའི་ཁྲི་མུན་དུ་ཆུད་པའི་རྐུན་པོའི་རྒྱུ་འབྲས་ལ་སྙིང་རྗེ་ཆེན་པོ་སྐྱེས་ཤིང་བཟའ་བཏུང་གིས་ཕན་བཏགས། ལུག་ལྔའི་སྲོག་བསྐྱབས། ཡར་ལམ་ཕྲ་སྐྱོང་ནས་ཀྱི་གཞིས་ཀར་ཞག་གསུམ་ཐེགས། །དཔལ་སྡིངས་དབོན་གཡོག་དང་བཅད་པ་ལ་ཚེ་དབང་བྱིན་རླབས་སོགས་བྱས། རིམ་པས་ཡར་འབྲོག་བརྒྱུད་རང་གནས་སུ་བདེ་བར་འབྱོར། ཟླ་བ་དགུ་པ་ཤར་ཕྲལ་ཕུར་པ་རྒྱུད་ལུགས་ཀྱི་རྡུལ་ཚོན་གྱི་དཀྱིལ་འཁོར་བྲིས་ནས་དབོན་སློབ་བཅོ་ལྔ་སྐོར་གྱི་སྒྲུབ་ཆེན་ཞག་བཅུ་བ་ཞིག་

― JLAZ014_Page_0494 ―

^{[མ་དཔེ་གཟིགས་ན་འདིར་གནོན།]}

[Full Size]

བཙུགས། གཞིས་ཀ་ནས་སྦྱིན་བདག་བང་ལེན་མཛད། དེ་མཚམས་སྡེ་དགེ་ནས་རྫོགས་ཆེན་སྤྲུལ་པའི་སྐུ་རིན་པོ་ཆེའི་ཆབ་ཤོག་ཞིག་རྒྱས་དང་བླ་མ་བསོད་རྣམས་ཆོས་ལྡན་ཅན་དབོན་གཡོག་ལྔ་གདན་འདྲེན་ལ་འོང་ཚུལ་རྒྱས་བར་བསྙད། རྫོགས་ཆེན་སྤྲུལ་པའི་སྐུ་སྔར་འདིར་ཕེབས་སྐབས་མཇལ་མ་ཐུབ་པའི་གསུང་ཅོང་དང་བཅས་པའི་རྒྱུ་མཚན་བསྐྱར་ནས་ཉིན་མང་པོ་སྟུད་དེ་ནན་ཆགས་མཛད། ལམ་རྟགས་སུ་བྱང་ཆུབ་སེམས་དཔའ་ཞིག་མཇལ་བར་རྨིས། ཁོང་མི་གཞི་བཟང་ཞིང་ལས་ཅན་གྱི་སློབ་མར་འདུག་པའི་ཕྱིར་སྔར་ཡོན་ཏན་རིན་པོ་ཆེའི་མཛོད་མཐོང་བ་ནས་བཟུང་སྟེ་བླ་མ་འདི་དང་མ་མཇལ་བར་དུ་རྒྱ་གར་རྡོ་རྗེ་གདན་ལ་འགྲོ་དགོས་བྱུང་ཡང་ཤི་མ་ཤི་མེད་སྙམ་པའི་སྡོད་མི་ཐུབ་པར་བྱུང་ཟེར། ངེད་དང་པོར་མཇལ་དུས་ཐང་སྟོང་རྒྱལ་པོའི་སྐུ་ཕྱག་གཡས་སྐྱབས་སྦྱིན་དང་། གཡོན་ཚེ་བུམ་འཛིན་བ་ཞིག་གི་ནུ་མ་གཡོན་པ་ནས་ཚེ་ཆུ་ཚེ་རིལ་ཚེ་སྒྲུབ་ཀྱི་ཆོས་སྐོར་དང་བཅས་ཐོན་པ་དང་། ཡང་ཤེས་རབ་གཏེར་སྟོན་ཟེར་བ་ཞིག་གིས་རྒྱ་གར་གྱི་རི་བོ་མཆོག་རབ་ཀྱི་རྩེ་ནས་སློབ་དཔོན་ཆེན་པོའི་སྐུ་བརྒྱ་རྩ་བརྒྱད་བླང་རྒྱུའི་ཁ་བྱང་བསྟན་པ་ཞིག་དང་། ཙན་དན་དམར་པོའི་སྐུ་མང་པོ་ཐུ་བར་བབས་པ་སོགས་བྱིན་རླབས་ཞུགས་པའི་རྟགས་

― JLAZ014_Page_0495 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བ་ཅན་ལ་འབྱུང་བ་ཆོས་ཉིད་ཀྱང་ཡིན། ཁོང་ཅག་ཤུལ་རིང་གི་འགྲོན་པོ་ཡི་ཆད་བ་མེད་པར་རྗེས་སུ་བཟུང་སྟེ་དེ་མ་ཐག་འཁྲིད་ཀྱི་མགོ་བཅུགས། རིང་མིན་སྡེ་དགེ་རྒྱལ་པོའི་མདུན་ན་འདོན་གཤེན་རབས་སྟག་རྒྱལ་དབོན་གཡོག་གཞུང་གི་སྣེ་ཤན་དང་བཅས་འབྱོར། རྒྱལ་པོའི་ཆབ་ཤོག་དངུལ་སྲས་ཉེར་ལྔའི་རྟེན་བཅས་སྤྲད་ནས། ཞུ་ཡིག་ནང་གསལ་ལྟར་ངེད་ཀྱི་ལས་དོན་བླ་མ་གདན་འདྲེན་ལ་ཆེད་དུ་མངགས་པ་ཡིན་ན་སྤྱན་འདྲེན་མཐུབ་པར་འགྲོ་ཐབས་མེད་ཚུལ་ལན་གྲངས་མང་པོར་བསྟུད་ནས་བསྙད། སྤྱི་རས་སྐྱོང་སྡེ་དགེ་འདི་ཡབ་མེས་གོང་མ་ནས་དཀོན་མཆོག་གསུམ་ལ་བླ་མར་བྱེད། རྒྱལ་བའི་བསྟན་པ་ལ་གུས་པས་བཀའ་བསྟན་གྱིས་གཙོས་བསྟན་པའི་རྩ་ལག་ཆེན་པོར་གྱུར་པའི་གསུང་པར་སྟོབས་པོ་ཆེ་བསྐྲུན་བ་སོགས་རྣམ་དཀར་ཕྱག་གཞེས་རྒྱ་ཆེ། རེས་མེད་པའི་བསྟན་པ་ལ་གུས་ཤིང་རྒྱལ་སྲིད་ཆོས་ཀྱི་ལུགས་སྐུ་སྐྱོང་བའི་ཆོས་རྒྱལ་དུ་ངོས་ནས་དཔལ་ལྡན་ས་སྐྱ་པ་ཆེན་པོའི་ལུང་གིས་སྐབས་དབྱེ་བ་ལྟར་ཁོ་བོ་ཅག་མཆོད་ཡུལ་གྱི་དམ་པར་བཟུང་ནས་རང་གི་མངའ་རིས་སུ་སྤྱན་འདྲེན་པའི་ངག་འདི་ནི་ལྡོག་ཏུ་མི་རུང་བའི་གནས་སུ་མཐོང་མོད། །གཞན་ཕན་འགྲུབ་པའི་གནས་སྐབས་ན་ཞི་བདེ་ལ་གཞོལ་བ་བྱང་ཆུབ་སེམས་

― JLAZ014_Page_0496 ―

^{[མ་དཔེ་གཟིགས་ན་འདིར་གནོན།]}

[Full Size]

དཔའི་རྩ་ལྷུང་ཉིད་དུ་ངེས་པར་མ་ཟད་འཇིག་རྟེན་དང་མཐུན་པའི་གཏམ་ལས་ཀྱང་། མཁས་པ་རང་གི་ཡུལ་བས་ཀྱང་། །ཡུལ་ཁམས་གཞན་དུ་མཆོད་པ་ཐོབ། །ནོར་བུ་གཞན་དུ་བྲིན་པ་ཙམ། །རྒྱ་མཚོའི་གླིང་དུ་ག་ལ་བྲིན། །ཞེས་པས་ཀྱང་གསལ་ལོ། །ཁྱད་པར་ལོ་གསུམ་དང་པོའི་རྨི་ལྟས་སུ་མདོ་ཁམས་སྡེ་དགའི་ཕྱོགས་ནས་ལྷགས་པའི་ཡིག་སྒྲིལ་ལ་དར་ཅོག་ཆེན་པོའི་དོན་ནི་རྒྱལ་བུ་འདི་དང་ལས་འབྲེལ་ཅན་དུ་གོ་ཡང་སློབ་དཔོན་ཏི་ཙི་ཏྲས། བགྲོད་པར་བགྱི་འོས་ཁྱོད་ལགས་ན། །བཀུག་ཀྱང་མ་མཆིས་གང་ལགས་ཏེ། །མ་གུས་མ་ལགས་བརྙས་མ་ལགས། །རྒ་དང་ནད་ཀྱིས་བར་ཆད་བགྱིས། །ཞེས་པ་ལྟར་ད་ནི་ན་ཚོད་ཀྱང་ཐལ། གཟུགས་ཅོང་བས་འགྲོ་འདུག་གི་ཟེར་རེ་མ་བཟོད་ཅིང་། ས་ཆུ་བརྗེས་པ་ལས་གློ་བུར་དུ་ནད་སྣ་མང་པོ་འདུ་བྱེད་པས་ལམ་བར་དུའང་སྔར་བསམ་མཆིམས་སུ་འདུག་སྐབས་ཀྱི་མཁའ་འགྲོའི་ལུང་བསྟན་ལྟར། མིའི་ངོ་འཛིན་དང་ཆོས་ལུགས་བརྒྱད་ལ་བརྟེན་ནས་རྙེད་པ་དང་སྙན་གྲགས་མ་བཙལ། གྲོང་ཆོག་ལས་བྱོལ། དཀོར་རྔམ་པོ་ཆེ་ལ་ཅི་མི་སྙམ་པར་མ་སྤྱད་ཅིང་། ཐབས་ལམ་ཟབ་མོའི་རྟེན་འབྲེལ་དང་བཅས་རྗེ་འཕེལ་དུ་གྱུར་པ་ཡིན་ན། ཕྱོགས་སུ་རིང་བའི་བཤུལ་ལམ་དང་། ས་ཆུའི་འདུ་འཕྲོད་རྩུབ་མོས་

― JLAZ014_Page_0497 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྱུ་མའི་ཕུང་པོ་ལ་ཉམ་ཉེས་པར་གྱུར་ན་ནི། ཁྱེད་ཅག་ལའང་ཕན་པར་མི་འགྱུར་བའི་ཕྱིར་ན། སློབ་དཔོན་ཞི་བ་ལྷས། འགྲོ་དང་འོང་བའི་རྟེན་ཙམ་དུ། །ལུས་ལ་གྲུ་ཡི་བློ་བཞག་སྟེ། །སེམས་ཅན་རྣམས་དོན་བསྒྲུབ་པའི་ཕྱིར། །ཡིད་བཞིན་གྱིས་ནི་ལུས་སུ་བསྒྱུར། །ཞེས་པའི་དོན་ལ་སེམས་བསྐྱེད་པའི་གེགས་སུ་འགྱུར་བར་ཤེས་ལྡན་སུ་ཞིག་བྱེད། གལ་ཏེ་བདག་ཉིད་ལ་ཐུགས་རྗེ་ཡོད་ན་རྒྱལ་པོ་བྱམས་པའི་སྟོབས་ཀྱིས་བསྲུངས་བའི་ཡུལ་ཁམས་ལ་གནོད་སྦྱིན་སྤུན་ལྔ་ས་འཚོ་བར་མ་ནུས་པ་བཞིན་དེ་རིང་གི་ཉིན་པར་ནས་ས་སྐྱོང་སྡེ་དགེ་དང་མཆོད་ཡོན་དུ་འབྲེལ་བས་འདི་ཕྱིར་དགེ་བའི་སྲུང་སྐྱོབ་དང་སྨོན་པའི་ཐ་གུས་སྦྲེལ་ལོ་ཞེས་པའི་དོན་ཞི་བབ་རལ་བས། རྒྱལ་པོའི་མདུན་ན་འདོན་བློ་གྲོས་དཀྱེལ་ཆེ་ཞིང་། ལུགས་གཉིས་ཀ་ལ་གཞིག་པ་ཆེ་བས་ཁོ་བོས་འཁོར་བའི་ཉེས་དམིགས་དང་། ལས་འབྲས་མི་བསླུ་བའི་རྒྱུ་མཚན་ལ་བརྟེན་རྒྱལ་པོའི་ལས་དོན་དང་། རང་སྲོག་བསྲུང་བའི་ཕྱིར་མ་གཏོགས་གཞན་དུ་སྲོག་མི་གཅོད་པའི་དམ་བཅའ་བྱས་པའི་དགེ་བ་རྫོགས་བྱང་དུ་བསྔོས། གཞན་དུ་ན་ཁོང་རྩེད་སྣའི་ཕྱིར་དུའང་མང་པོའི་སྲོག་འཕྲོག་པ་ལ་ཅི་མི་སྙམ་པ་ཅན་ཡིན་པས་ཡར་ལམ་གནའ་བ་རང་ཡང་ཉི་ཤུར་ཉེ་བ་སོང་ཟེར། ཁོང་

― JLAZ014_Page_0498 ―

^{[མ་དཔེ་གཟིགས་ན་འདིར་གནོན།]}

[Full Size]

ཅག་ལ་ཚེ་དབང་དང་བཀའ་སྒོ་བྱིན་བརླབས་སོགས་བྱས་ཤིང་། རྒྱལ་པོ་རས་ལ་སྤྱོད་བའི་རྣ་རྒྱན་ཞེས་བྱ་བའི་སྤྲིང་ཡིག་ཀྱང་བྱས། བླ་མ་བསོད་ནམས་ཆོས་ལྡན་ནན་ལ་སེམས་བསྐྱེད་ཀྱི་མཆོད་པ་དང་འབྲེལ་བར་བྱང་སྡོམ་ཕོག་པའི་ནུབ་ཁོང་གི་རྨི་ན་མཆོད་རྟེན་དཀར་པོ་བང་རིམ་ལྔ་བ་ཞིག་གི་དང་པོ་ཁོ་ཆུས་བསྡམས་པ་ནས་གཏེར་ཐོན་ཅིག་ཅེས་ངེད་ཀྱི་གཟོང་ཞིག་གཏད་པ་ལྟར་གཡེངས་པས་རིང་བསྲེལ་དཀར་ཡོལ་དོ་དང་། ཡོལ་གོ་གཅིག་ན་སྐྱེ་བདུན་སྐུ་ཤ་ཡིན་ཟེར་བ་སྣང་བ་ལས། རིང་བསྲེལ་སངས་རྒྱས་འོད་སྲུང་གི་ཡིན་ཟེར། དེ་ནས་དཀར་ཡོལ་གང་པོ་བླ་མ་ལ་ཕུལ། ཅིག་ཤོས་ནས་མང་པོ་བྱིན་པས་ཟད་རྒྱུ་མེད་པར་བྱུང་ཟེར། ངེད་རྒྱལ་པོ་ཀྲྀ་ཀྲྀའི་སྲས་སུ་གྱུར་པའི་ཚེ་སངས་རྒྱས་འོད་སྲུངས་ལ་སེམས་བསྐྱེད་ཐོབ་ཚུལ་གྱི་ཉིང་འཁྲུལ་བདེན་ན་ཁོང་གི་ཆོས་ཀྱི་གདུང་འཛིན་ཅིང་སེམས་ཅན་ལ་ཕན་ཐོགས་པར་རིག །རྒྱུ་མཚན་དེས་བླ་མ་དགོངས་འདུས་སོགས་བཀའ་གཏེར་གྱི་ཆོས་རྣམས་བཀའ་རྗོ་གས་ལུང་རྫོགས་དང། སྔ་འགྱུར་རྒྱུད་འབུམ་རིན་པོ་ཆེའང་ལུས་ཉམས་ཀྱི་ཇི་ལྟར་དཔོགས་པ་བཀླགས་ཤིག་ དེ་ནས་གཟུགས་ཅན་གྱི་དབང་པོ་རྒྱུན་ཡོག་ཁོ་ནར་མཉན་པོ་ལ་འཚལ་བ་དང་། གཟུགས་ཅན་མ་ཡིན་པའི་དབང་

― JLAZ014_Page_0499 ―

^{[མ་དཔེ་གཟིགས་ན་འདིར་གནོན།]}

[Full Size]

ཤེས་ཀྱིས་གཏད་རྒྱ་ཡང་དག་བྱས། འདི་ལོ་འདུས་པ་མདོའི་སྒྲུབ་མཆོད་སྔ་ནུར་དང་། ས་གའི་ཉལ་བསམ་ཡས་སུ་སྟོང་མཆོད་རྒྱས་པར་བཤམས་སྟེ་སྙན་ཤལ། ཚོགས་བསྐང་སྨོན་ལམ་སོགས་སྔར་བཞིན་བྱས། དམའ་རིས་གྲ་ཚང་པ་ཉི་ཤུ་སྐོར་གྱིས་ཉིན་གསུམ་མདོ་མངས་གསུང་སྒྲོགས་དང་། སྡོམ་གསུམ་ཡར་ལྡན་ལ་དགག་སྒྲུབ་བྱེད་པར་བསྐུལ་བས་གནས་འགྱུར་མི་འདོད་པའི་དཔེ་ལ། དགེ་སློང་གིས་དགེ་ཚུལ་གྱི་སྡོམ་པ་བླངས་ན་དགེ་སློང་དེ་དགེ་ཚུལ་དུ་འགྱུར་བ་ཐལ། ཞེས་བརྗོད་སོང་བས་ཐབས་དང་ཤེས་རབ་ཁྱད་པར་ཅན་གྱིས་ཟིན་པའི་འཐད་པ་བཏང་སྙོམས་སུ་བྱས་ནས་འབྲས་བུ་རྒྱུར་ལྡོག་པར་བསྒྲུབ་པ་དེ་རྟོག་གེའི་རིག་པ་རང་དུ་འདུག་སྙམ་པ་བྱུང་། དཔལ་རིར་ཞབས་ཏོག་ཉིན་འཁྱོངས་འགྱེད་བཅས་དང་། རྒྱལ་མཚན་བཀྲ་ཤིས་དབུ་བརྩེགས་ཆེ་བ་ཞིག་བསྐྲུན་ནས་མཆོད་རྫས་སུ་སྦྱར། རང་རེའི་གཙུག་ལག་ཁང་གི་རྩེར་དངུལ་སྲང་བརྒྱ་ཕྲག་ཐལ་ངེས་ཀྱིས་བསྐྲུན་པའི་གསེར་འཕྲུ་ཞིག་བཙུགས། དེ་ལྟར་རང་ལོ་ང་བརྒྱད་པ་ཡན་གྱི་རྟོགས་པ་བརྗོད་པ་འདི་ནི་མདོ་ཁམས་པ་ཇིགས་མེད་ཕྲིན་ལས་འོད་ཟེར་དང་། ས་སྐྱོང་སྡེ་དགེའི་མདུན་ན་འདོན་གྱིས་བསྐུལ་བའི་ངོར་དཔལ་

― JLAZ014_Page_0500 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་པདྨ་འོད་གླིང་དུ་བྲིས་པའོ། །ཡང་དད་པ་ཅན་མང་པོའི་ངོར་འཕྲོ་ནས་བཤད་ན། རྟ་ལོའི་འདིའི་དབྱར་རིལ་པོར་དབུ་མཛད་རོགས་བཅས་ཀྱིས་ཕྱོགས་བཅུ་དུས་གསུམ་གྱི་སངས་རྒྱས་སྐུ་ཚད་བརྒྱང་གྲུར་ལྡང་བའི་ཐང་ཆེན་བཅུ་གསུམ་གསེར་འགྲོ་གང་ཆེ་བྱས་པ་བཞེངས། གོང་ཤམ་རྒྱན་བཞི་ཚལ་ཁ་དང་། མཐོངས་སྨལ་ཤམ་སྔོན་པོ། ཏོག་ཙན་དན། ཞལ་ཁེབས་སྨན་རྙིང་ཅན་གྲུབ་ནས་སོ་སོར་བསྟོད་པའི་རྒྱབ་ཡིག་དང་། དངོས་སྟ་སྦྲེལ་མའི་རབ་གནས་ཉིན་གཉིས་སོང་། རང་སློབ་མོན་ལྗོངས་མཁར་བླ་མ་དཔོན་སློབ་ཉི་ཤུ་སྐོར་བྱོན་པར་ཀློང་སྙིང་གི་འཁྲིད་སྨིན་རྒྱས་སུ་བྱས། ཁོང་སྨིན་གླིང་དུ་འབྱོན་རྒྱུར་སྔ་འགྱུར་གྱི་བསྟན་པ་སྙིང་ལ་བཅངས་ནས་བཀའ་མའི་དབང་ལུང་གི་རྒྱུན་གང་ཡོད་ཞུ་བར་བསྐུལ། ཚུར་ལམ་དེ་རྣམས་དེང་རང་ཉན་པ་ཡིན་བྱས་ཚེ་ངེད་ཀྱི་བླ་མ་ལ་འབུམ་མི་ནུས་ཞེས་བག་ཚ་བར་མཛད་ཀྱང་། སྟོན་པ་ཡ་ངན་ལས་འདའ་ཁར། ཀུན་དགའ་བོའི་ལག་པ་ནས་བཟུང་ནས། ངའི་དམ་པའི་ཆོས་དཀོན་མཆོག་གི་མཛོད་དད་པ་དང་། འདུན་པ་དང་། བརྩོན་འགྲུས་དང་། བག་ཡོད་པ་གསུམ་གྱིས་གཟུང་ཞིག་ཅེས་གསུངས་པ་ཡིན་ན། ད་ནི་བསྟན་པ་ནུབ་པ་ལ་ཕྱོགས་པས་འདི་ལྟ་བུའང་གནས་ཡིན་ནོ་ཞེས་སྐབས་

ཤོག་ལྷེབ་ ༥༠༡ ནས་ ༦༠༠ བར།

― JLAZ014_Page_0501 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱེ་ནས། སྒྱུ་འཕྲུལ་ཞི་བ་ཁྲོ་བོ། སངས་རྒྱས་མཉམ་སྦྱོར་ཡང་དག་ཟླ་གདམ་དགུ་པ། སེམས་སྡེ་བཅོ་བརྒྱད། ན་རཀ་དོང་སྤྲུགས། བཀའ་མའི་མགོན་པོ་ལེགས་ལྡན་སོགས་ཉན། དཀྱིལ་ཐང་བཞེངས། དབང་ཆོག །སྒྲུབ་ཕྲིན་ཕྱག་རྒྱ། ཐིག་རྩ་སོགས་ཀྱང་བླངས་ནས་རྫོགས་ཆེན་པའི་བླ་མཆན་བསོད་ནམས་ཆོས་ལྡན་ལའང་འཕེལ་རར་བྱས་པ་མདོ་ཁམས་སུ་ཕན་ལ་རེ། སྟོན་སེར་རྡུལ་ཚོན་གྱི་དཀྱིལ་འཁོར་ལ་བརྟེན་ནས་ཕུར་པ་རྒྱུད་ལུགས་ཀྱི་སྒྲུབ་ཆེན་གྱི་ཐོག་མ་ཚེ་སྣ་སྣ་དགོན་རྩེ་སྤྲུལ་སྐུ་རིན་པོ་ཆེའི་གསུངས་བྲིས་སྙན་ཚིག་ཅན་ཞིབ་ལ་བཙེར་བ་འབྱོར། རྟེན་འབྲེལ་ཁྱད་པར་ཅན་གྱིས་མཚམས་སྦྱར་ནས་ལྷུན་གྲུབ་ཕོ་བྲང་གི་ནང་རྟེན་རཏྣ་པའི་སྒྲུབ་ཕུར་དེ་འདིར་ལོ་སྟར་གྱི་བསྒྲུབ་པ་དང་། འཕར་མ་བཅས་ལ་ཤིན་ཏུ་མཁོ་ཆེ་བས་བསླུ་མ་ཙམ་གྱི་རྒྱུ་མཚན་ཞུས་པར་སྤྲུལ་སྐུ་རིན་པོ་ཆེ་ཐུགས་བསྐྱེད་དང་དགོངས་པ་ཆེ་བས་འདིར་རིང་ལུགས་འཛིན་པ་ནི་མེད། དེར་བསྟན་དོན་ལ་སྨན་ན་རྩ་བ་ནས་འབུལ་ཞེས་བསྐྱེལ་མི་གནང་། ཁྲོ་བཅུ་བྱང་ཤིང་བྱིངས་རྣམས་ཙན་དན་དཀར་དམར་ཤ་སྟག་ལ། ཁྲ་ཕྱག་རྣམས་ཉམས་དོད་པ་འདུག །ཕུར་པ་བྱིན་རླབས་ཅན་དེ་ཡང་

― JLAZ014_Page_0502 ―

^{[མ་དཔེ་གཟིགས་ན་འདིར་གནོན།]}

[Full Size]

རྡུལ་ཁྲོད་ནས་འགྲོ་དོན་ཆེ་སར་ཕེབས་པས་ཆོས་བདག་དགྱེས་པའི་མཚན་མའང་མཐོང་། དེ་ཡང་མདོ་ལས། དགེ་སློང་དག་གམ་མཁས་རྣམས་ཀྱིས། །བསྲེགས་བཅད་བརྡར་བའི་གསེར་བཞིན་དུ། །ལེགས་པར་བརྟགས་ལ་ང་ཡི་བཀའ། །བླང་བར་བྱ་ཡི་གུས་ཕྱིར་མིན། །ཞེས་པ་ལྟར་གང་ཟག་དམ་པ་རྣམས་ནི་ཆོས་ཀྱི་མཚན་ཉིད་རང་སྟོབས་ཀྱིས་དཔྱོད་ཅིང་བླུན་དད་དང་ཕྱོགས་འཛིན་གྱི་རྗེས་སུ་འབྲང་བ་མ་ཡིན་པས་ཀུན་མཁྱེན་ཆེན་པོའི་གྲུབ་མཐའ་ལ་རྒྱུ་མཚན་ཤེས་པའི་ཐུགས་མོས་ཀྱིས་དྲངས་ཏེ་མཛོད་བདུན་དང་། ཤིང་རྟ་སྐོར་གསུང་ཆ་ཚང་ཞིག་གཉེར་གདམས་པས། །དངུལ་སྲང་ཉི་ཤུ་རྩ་ལྔ་བྱུང་བ་མདོ་ཁམས་ཀྱི་འགྲིམ་འགྲུལ་ལོ་ཕྱེད་དང་གཉིས་ཐོག་ཏུ་ཕྱག་ཏུ་འབྱོར་པ་བྱས། ཡོན་ཏན་མཛོད་རྩ་འགྲེལ་ཀྱང་གསར་བསྐྲུན་བཅས་གང་ཞིག་བསྟན་པ་ལ་ཕྱག་བཞེས་ཆེ་བ་རྣམས་བསྟན་འཛིན་དུ་འབོད་ཀྱིས། བཅོམ་ཆེན་པོ་དང་རང་གཞན་གྱི་ཕྱོགས་རིས་ཆེ་བ་ནི་བྱིས་པ་སོ་སོ་སྐྱེ་བོ་ཐམས་ཅད་ཀྱི་རྣམ་པར་ཐར་པའོ། །ར་སྟོན་སྐུ་སྐྱེ་རིན་པོ་ཆེ་དང་། ཁམས་བླ་ཅན་སོགས་ཉི་ཤུ་སྐོར་ལ་བླ་མ་དགོངས་འདུས་ཀྱི་དབང་ཆེན་པོ་ཏི་ལུང་དབང་དང་བཅས་པ་བྱས། དེའི་ཚེ་ཁམས་བླ་ལ་བཛྲ་ཨཙཱརྱ་ཉང་རལ་པ་ཅན་

― JLAZ014_Page_0503 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། རང་ཉིད་བུདྷ་དྭི་པར་གསལ་སྣང་མངོན་སུམ་ཤར་ཟེར། ཁམས་རྫོགས་ཆེན་པའི་གྲ་རིས་སྒོམ་ཆེན་རིགས་འཛིན་ཅན་གཉིས་ལྟོ་ཐེབས་དངུལ་རྟ་རྨིག་མ་ཞིག་ཡོད་པར་མོ་ཆེའི་འགག་ཏུ་གྲ་པ་ཞིག་གིས་སིལ་མ་དང་བརྗེ་རོགས་བྱའོ་ཟེར་དངུལ་ནང་ལུགས་སུ་ཁྱེར་ནས་སྒོར་མ་དོན་པས་ཁོང་གཉིས་ཡི་ཆད་ནས་བྱུང་། དངུལ་བོར་བས་མཚོན་གཟུ་བོར་མི་གནས་པ་རྐྱང་པ་དང་ཕྲད་ཟེར་བ་ལ། །བླ་མའི་ཞབས་ལ་ཕྱག་འཚལ་ལོ། །ཁྱེད་མདོ་ཁམས་ནས་བྱོན་པའི་བན་གཞོན་གཉིས། །དང་པོ་གྲ་སར་ཞུགས་པ་དེ། །བཙུན་གཟུགས་ཡིན་ཏེ་ལེགས་སྨོན་ཙམ། །དེ་ནས་གྲོགས་པོ་ཅིག་ཤོས་ལ། །ཁྱིམ་པར་འབབ་དགོས་ཟེར་བ་དེ། །དཔོན་གྱི་ངག་བཀོད་ལ་བརྫུས་པའི། །བདུད་ཀྱི་བསླུ་བྲིད་དང་པོ་ཡིན། །དེ་ནས་འབྲོས་པའི་བསམ་པ་ནི། །དཀོན་མཆོག་གི་སྐྱབས་འོག་ཏུ་ཚུད་པས་བྱུང་། །ད་ནི་དཀོན་མཆོག་གི་དྲིན་བསམ་ལས་། །མི་ལུས་ལན་ཅིག་ཐོབ་པ་འདི། །སྟོང་ལོག་བྱས་ན་གླེན་པ་ཡིན། །སྲོག་ལ་བབ་པའི་གསེས་བྱུང་ཡང་། །དམ་ཆོས་བློ་ཡིས་མ་གཏོང་ཨང་། །དེ་ནས་ཆོས་འཁོར་ལྷ་ས་རུ། །རྟ་རྨིག་ཐུར་སྲང་ལྔ་བཅུ་པོ། །མ་བྱིན་བླངས་པའི་ལག་ཏུ་ཤོར། །ཁྱེད་གཉིས་ལ་སྤྲང་

― JLAZ014_Page_0504 ―

^{[མ་དཔེ་གཟིགས་ན་འདིར་གནོན།]}

[Full Size]

པོའི་གོ་འཕང་དང་། །འགྱུར་བའི་སྡུག་བསྔལ་མངོན་སུམ་བསྟན། །བྱེད་པོ་དགེ་སློང་ཡིན་ཟེར་ན། །ཁོང་གི་སོ་སོ་ཐར་པ་དེ། །དགེ་སློང་ལྷས་བྱིན་རོ་གཅིག་གྱུར། །སྡོམ་རྩ་གཅོད་ལ་སྙིང་རེ་རྗེ། །དེ་གཅིག་ཏུ་རང་གི་ཚེ་རབ་སྔོན། །མ་བྱིན་བླངས་པའི་རྣམ་་སྨིན་ཡིན། །གཉིས་སུ་ལན་ཆགས་འཁོར་བའི་ཕྱིར། །ཁོང་ལ་ཕན་པའི་སེམས་བསྐྱེད་ན། །སྦྱིན་པའི་བསོད་ནམས་ངེས་པར་ཐོབ། །དེ་ཕྱིར་ལས་འབྲས་ལ་གུས་པར་མཛོད། །བླ་མའི་གནས་ཚུལ་དྲིས་ཙ་ན། །གཏེར་གསར་ཕྱོགས་མི་འཛིན་ཞེས་བསྐུར། །ཆོས་ཀྱི་སྤྱན་ལྡན་བཻ་རོ་ལའང་། །ངན་སྔགས་ཕྲ་མེན་ཅན་ཟེར་ན། །དངོས་ཅག་ཙམ་ལ་སྨོས་ཅི་དགོས། །གཅིག་ཏུ་དེ་ལྟར་ཡིན་པ་སྲིད། །རང་ཉིད་གཟུ་བོར་གནས་བསམས་ཀྱང་། །ཁོང་གིས་དེ་ལྟར་མཐོང་བའི་ཕྱིར། །དངོས་ལ་གཏད་ནས་ཡོངས་པའི་ཕྱིར། །བླ་མ་དམོད་པའི་གང་ཟག་དང་། །ཕྲད་ནས་འགྲོ་ལམ་དགག་པ་དེ། །བདུད་ཀྱི་གྲོགས་པ་མངོན་གསུམ་ཕྲད། །དགེ་བའི་གྲོགས་ཀྱི་རྟེན་འབྲེལ་ལས། ངོ་མཚར་མེད་ཀྱང་དངོས་ཅག་དང་། །ཕྲད་ནས་དམ་ཆོས་ཐོབ་པ་འདི། །བྱང་ཆུབ་སེམས་ཀྱི་ནུས་མཐུ་ཡིན། །དབང་ཁྲིད་གདམས་པ་

― JLAZ014_Page_0505 ―

^{[མ་དཔེ་གཟིགས་ན་འདིར་གནོན།]}

[Full Size]

མངོན་དུ་བསྟན། །རང་སེམས་ཆོས་སྐུར་ངོ་སྤྲད་པས། །ད་རེས་བདུད་ཀྱི་གཡུལ་ལས་རྒྱལ། །ད་རུང་བྱང་ཆུབ་མ་ཐོབ་པར། །བདུད་ཀྱི་ཕྲང་ལ་ཟད་པ་མེད། །དེ་བས་སྐྱེས་པའི་ཕ་ཡུལ་སྤོངས། །ཆགས་སྡང་གྲ་སའི་འབྲེལ་འདྲིས་ཞོག །གྲོང་ཆོག་རྙེད་འཚོལ་ལ་མ་ཞེན། །བྱིས་དང་སྡིག་གྲོགས་འདུ་འཛི་གསུམ། །བྱང་ཆུབ་བསྒྲུབ་པའི་གནད་གཅོད་ཡིན། །དེ་ཕྱིར་བདེན་པ་འབའ་ཞིག་བསྟེན། །ཁམས་པའི་བློ་བཤོད་ཨ་ས་སྤང་དང་། །བོད་པའི་གཡོ་སྒྱུ་ཁྲམ་གསུམ་གྱི། །རྣམ་ཐར་མ་འཛིན་དམའ་ས་ཟུངས། །བློ་གཏད་དཀོན་མཆོག་གསུམ་ལ་གྱིས། །རང་ངོ་རིག་པས་མི་ཆོག་གིས། །དྲན་པ་ཉམས་པས་འཁོར་བར་འཁྱམས། །དེ་ཕྱིར་རིག་པ་རྐྱང་དེད་ཐོངས། །སྐྱིད་སྡུག་ལེགས་ཉེས་རྣམ་རྟོག་གི། གཞི་རྩ་ཆོད་ལ་རང་ངོ་ལྟོས། །ལམ་ལ་གོལ་འཕྱུགས་སྤང་བའི་ཕྱིར། །ཡོན་ཏན་རིན་ཆེན་མཛོད་འིད་ཟུངས། །ཆོས་ཀྱི་རྩ་བ་བྱང་ཆུབ་སེམས། །ཀུན་རྫོབ་དོན་དམ་གཉིས་ལ་འདུ། །དེ་ཕྱིར་ཕྱིན་དྲུག་ལམ་མཆོག་ལ། །བརྟེན་ནས་ཚོགས་གཉིས་རྫོགས་པར་མཛོད། །རོ་སྙོམས་ལམ་དུ་སློང་ཤེས་ན། །རྐྱེན་ངན་ཐམས་ཅད་དགེ་བའི་གྲོགས། །ཡིན་གྱིས་ལོག་ལྟའི་རིམ་གྲོ་སྤོངས། །ང་ཡིས་བསྒོས་པ་

― JLAZ014_Page_0506 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་བསྒྲུབ་ན། །ནམ་ཞིག་ཐུགས་ཡིད་འདྲེས་གྱུར་ནས། །བློ་འདས་ཆེན་པོའི་རྟོགས་པ་འཆར། །ཆོས་སྐུའི་ཀློང་ན་གཉིས་སུ་མེད། །བསམ་པ་ཡིད་བཞིན་འགྲུབ་པར་ཤོག །ཅེས་པ་འདི་སེམས་ལ་ཕན་ཐོགས་ཆེན་པོ་བྱུང་ཟེར། ཁམས་པའི་བླ་མ་མི་ལ་རས་པ་ཞེས་བྱང་གནམ་མཚོར་བྱ་བྲལ་གྱིས་འཚོ་བ་ཞིག་གིས་འདི་ཁར་ཕྱག་བྲིས་མཛད་ནས། ངེད་འདིར་འབྱོར་ནས་ལོ་གསུམ་སོང་། དགོན་གནས་ཆུང་དུ་ཞིག་བཙས་པ་དང་སློབ་མའི་ཚོགས་ཁྱེད་ལ་འབུལ་བས་ཅིས་ཀྱང་འདི་ཕྱོགས་སུ་ཕེབས་དགོས་ཞེས་འདུག །ཁོང་དག་སྣང་ཆེན་པོ་ཞིག་ཡོད་འདུག་པས་འདི་ཕྱོགས་སུ་སྤྲིན་ལ་ཚད་བཞག་པ་ལ་ཕྱག་མཛད་ཟེར། བྱང་ཤ་ཟན་གྱི་ཡུལ་དུ་འགྲོ་ག་ལ་ནུས། འབྱོར་ལན་དམ་རྫས་ཀྱི་འབྲེལ་བ་དང་བཅས་ཕུལ། འདི་སྐབས་ལོ་སྔ་ཕྱིར་ཚོར་འབྲུམ་བའི་ནད་ཡམས་ཐོར་ལོང་ཀུན་ཏུ་ཁྱབ་པས་གནས་ནས་དབྱུང་བ་རྣམས་ལ་སྙིང་རྗེ་དྲག་པོ་སྐྱེས། དེ་ལ་དམིགས་ནས་ཕུར་པའི་སྒྲུབ་པ་དང་། སྦྱིན་སྲེག །ཟས་བསུར་བསྔོ་བ་ལ་སོགས་པ་བྱས། བྱིས་པ་གཏེར་སྟོན་གྱི་འབྲུམ་སྲུང་ཟབ་མོ་དེ་དར་ཅོག་ལ་བྲིས། ཤིས་བརྗོད་དང་སྨོན་ཚིག་ཀྱང་སྦྱར། ཤྲཱི་བརྤ་ཏ་དང་འདི་གཉིས་ཀར་བཙུགས་པས་ནད་དེ་ཡེམ་

― JLAZ014_Page_0507 ―

^{[མ་དཔེ་གཟིགས་ན་འདིར་གནོན།]}

[Full Size]

བྱུང་། སྲུང་བ་དེ་ཡིད་ཆེས་ཀྱི་གནས་དུ་འདུག་ཀྱང་། འདི་ཚོར་པོ་ལྷའི་བྱིན་རླབས་ཡིན་ཟེར། ཡིན་ཤས་ཀྱང་ཆེ། རང་ངོ་ལ་སྙིང་རྗེ་དང་ཕན་སེམས་དྲག་པོ་རྒྱུན་མ་འཆད་པར་ཤར་བས་བསོད་ནམས་ཀྱི་ཚོགས་འཕེལ། ཉེ་སྐོར་གྱི་རི་སུལ་དུ་དབྱུང་བ་ཚོར་ཕན་དུ་རེ་ནས་སྨན་པ་དྲག་པ་འདྲ་ལ་ཡོན་ཆེན་པོ་སྟབས་ནས་སྨན་སྦྱིན་གཏོང་རོགས་བསྐུལ་ཀྱང་ཐོག་ཏུ་ཁེལ་མིན་མ་ཤེས། ལྟོགས་གྲིར་ཤི་ཉེ་རྣམས་ལ་སྡེ་བར་ཡང་བསྐུལ་ནས་ཡོན་མཆོད་གཉིས་ཀས་རྩམ་པ་ཁལ་རྒྱབ་གསུམ་བསྐྱེལ་དུ་བཏང་བས་ཕན་ཐོག་བྱུང་ངེས། དེའི་ཚེ་རྨི་ལམ་ན་མཆིམས་ཕུའི་གེའུ་འདོག་དེ་ཡིན་རྒྱུའི་མདུན་ན་ཆུ་ཆེན་པོ་དཔའ་རླབས་ཅན་འགྲོ། དེའི་བྲག་ལ་ཆུ་འཐབ་ཀྱི་ལམ་ལ་མ་ཐར་ནས་ཕྱིར་ལོག་ཙ་ན། ཆུའི་རིན་བཙུན་རྒན་མ་མགོ་དཀར་འགྲོ་ཤེས་ཚད་ཅིག་པ་ངན་མེ་ལྷབ་ལྷབ་འབར་བ་དང་། ཕྲག་པ་ན་སྣོད་ཆུས་བཀང་བ་ཁྱེར་ནས་ཁྱོར་ཁྱོར་འགྲོ་བ་མཐོང་། རི་དེའི་རྒྱབ་ཏུ་སླེབ་པ་དང་རྒན་མོ་དེ་ཆུས་ཁྱེར་མེད་ལས་ཆེ་སྙམ་པའི་ངང་ལ་གྲྭ་པ་ཞིག་བྱུང་། དེ་ལ་རྒན་མོ་དེ་ཤུས་ཁྱེར་ན་སྙིང་རྗེ། ཁྱོད་ཀྱིས་ཟུང་ཤོག་བྱས་པས་དབུགས་མ་ཆད་ཙམ་བྱས་པ་མཆན་འོག་ཏུ་ཁྱེར་བྱུང་བས་ནད་བདག་ཡིན་པ་འདྲ། དེ་གསོ་

― JLAZ014_Page_0508 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཐབས་བྱེད་ཀྱིན་ཡོད་ཙ་ན། བནེྡ་དེ་ན་རེ། དེ་རིང་བསྐང་གསོའི་འདུ་བ་ལ་འོངས། ཚོགས་འཁོར་མ་བྱུང་། ང་སློབ་དཔོན་པདྨའི་དགེ་བསྙེན་ཇོ་བོ་ནག་བྱུང་ཡིན་ཟེར། ལར་བསྐང་གསོ་སྨར་ཆ་ངས་བྱས་པས་ཚོགས་སོགས་རྗེས་ཆོག་ཀྱང་ག་ལ་ཡོང་། དེ་སྐབས་བསམ་པར་ཉིན་ལྟར་གཏོར་གསོས་ཐོག་དཔལ་ཆེན་གྱི་ལས་གཞུང་བསྲངས། དེ་ཡང་བགེགས་གཏོར་དང་ཚོགས་མེད་ན་གཉིས་ཀ་ལ་ཕན་ཡོན་རེ་ཡོད་པ་དེ་མ་བསམས་པར་སྣང་། དེས་གདོན་བགེགས་ཀྱི་གཉེན་པོར་ཡང་འགྲོ། ཚོད་དང་སོ་ནམ་སོགས་ལ་སྙིང་ཐག་པ་ནས་མི་དགའ་སྟེ། རྟིང་སོར་ཕྱོགས་འགྲོན་མང་སྐུ་གསུང་ཐུགས་རྟེན་བཞེངས་པ་དང་། སྒྲུབ་མཆོད་སྟོང་མཆོད་སོགས་སྒོ་གང་ས་ནས་ཉོས་པ་གཅིག་པུས་མི་འདུས་ཟེར། ཁྲལ་མི་འདི་ཚོའང་རྒྱ་རྡུགས་སྐབས་སྔ་ཕྱི་རིང་ཐུང་ཙམ་ཡང་བཀག་ན་དེའང་སྡིག་པར་འདུག་ དེ་ལ་སྤྲོད་རྒྱུ་ནི་ཞིང་ཆུང་རེ་གཉིས་ལས་ཅི་ཡོང་རྒྱུ་དེས་མཆོད་ཁང་འདིར་ཡང་ཉིན་ལྟར་ཞལ་ཟས་གསུམ་རེ་མ་ཆག་ན་ལོ་གཅིག་ལ་སྟོང་མཆོད་འགྲོ། དེ་བཞིན་དུ་དཀོན་གཉེར་དེས་སྔ་ཞོགས་ཀྱི་ཆར་བཀའ་འགྱུར་རྒྱུན་ཀློག་གི་སྒྲ་མ་ཆག་ཙམ་བྱུང་ན་དགེ་སྡིག་འདུན་པའི་ཁྱད་པར་དུ་འདུག་པས་འབྲེལ་ཐོགས་

― JLAZ014_Page_0509 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ལ་ཕན་སྙམ་སྟེ་དགེ་སྦྱོང་ཀོ་ཀ་ལའི་ལོག་འཚོའི་རྩོད་བ་ལ་ཡིད་དབྱུང་ངོ། །རང་ལོ་དྲུག་ཅུ་པ་མེ་སྤྲེལ་སར་མ་ཐག་ཆོས་རྗེ་བྲག་ཕུག་དང་། རྣམ་རྒྱལ་གྲེ་ཚང་གི་དགེ་སློང་རི་ཁྲོད་པ་འཇམ་དབྱངས་ཅན་ལ་རྒྱ་ཅན་གྱི་དབང་ལུང་ཡོངས་རྫོགས་དང་། ཀློང་སྙིང་གི་རྩ་དབང་ཡང་བཞེད་སྐྱར་བྱས། དེ་སྐབས་ཆོས་རྗེའི་རྨི་ལམ་ན་ངོ་ཁྲི་ཆེན་པོའི་ཁར་འདུག་བའི་རྩ་ན་དགེ་སློང་རྣམ་རྒྱལ་བ་ཡོད་པ་ལ་ནང་བཅར་འདྲིས་བཤེས་ཆེ་མདོག་བྱེད་པའི་མུར་ཁོང་གིས་སླེབས་ཙན། ང་ལྔ་པ་ཆེན་པོའི་དུས་ཁོ་གསོལ་དཔོན་ཆུང་བ་ཡིན་པས་འདི་ལྟར་རེད་ཟེར། དེ་ཁོང་ལ་བསྙད་པས་དེའི་རྒྱུ་མཚན་བླ་མའི་ཕྱག་རྟགས་ཀྱིས་མནན་པ་དགོས་ཟེར་སྐད། དགེ་སློང་ལྔ་པ་ཆེན་པོ་ལ་མོས་པ་ཆེན་པོར་སྣང་བས་དེའི་རྟེན་འབྲེལ་འདྲ། འདི་སྐབས་རྨི་ལན་ན་སྟག་ལྤགས་ཆེན་པོ་ཞིག་འབུལ་མཁན་བྱུང་བ་ཆོས་སྐྱོང་གི་ཕྲིན་ལས་སུ་སྣང་། འདི་ལོ་གོང་ས་རིན་པོ་ཆེའི་སྐུ་ཚེ་ཚེ་སྒྲུབ་དང་བསྟན་དོན་ལར་རྒྱའི་སྐུ་རིམ་བྱེད་དགོས་ཀྱི་རྒྱ་མ་རིམ་པར་བྱུང་། ལར་སྐྱེས་བུའི་ཚེ་མི་རྟག་ཅིང་ཟང་ཟིང་ལ་སྙིང་པོ་མེད་པ་དེ་རྟག་པར་དྲན་པའི་སྟེང་། བསྟན་འགྲོའི་བདེ་སྐྱིད་ཀྱི་རྩ་བསས་མ་ཡས་གཙུག་ལག་ཁང་གི་རབ་གནས་གསོ་བའི་ལུང་བསྟན་བཞིན་བར་ཁང་

― JLAZ014_Page_0510 ―

^{[མ་དཔེ་གཟིགས་ན་འདིར་གནོན།]}

[Full Size]

གཡུ་བཅལ་དུ་བྱང་ཆེན་མཆོད་རྟེན་ཐོག་ཚད་བཞེང་པའི་ཉེར་བསྔོགས་ཡིད་ལ་བཀོད་ཀྱང་བཟོ་བོ་མཁས་པ་ཞིག་མ་འབྱོར། དཀོན་མཆོག་གསུམ་མཆོག་ཡིན་པའི་བདེན་པས་འདོད་པ་ལ་མཁན་པོ་སྡེབ་སྤྱང་གྲོང་ཆོས་མཛད་རང་རེ་ལ་ཐུགས་མོས་ཐོབ་ནས་བསྟན་བཅོས་གསར་བརྩམས་རིགས་གཡར་པོ་དགོས་ཚུལ་གནང་དེ་ལན་དང་སྤྲགས་མཆོད་སྡོང་གི་རྒྱུ་མཚན་ཕུལ་བ་བསྡོམ་འབྱུང་ལས། ཤར་གྱི་ལུས་འཕགས་བ་ལང་སྤྱོད། །དེ་བཞིན་བྱང་གི་སྒྲ་མི་སྙན། །གླིང་གསུམ་པོ་ཡི་མི་རྣམས་ནི། །ལོངས་སྤྱོད་ཆེན་པོས་ཡང་དག་འཚོ། །རྣམ་རྟོག་མེད་ཅིང་རྟོགས་དཔྱོད་མེད། །བུན་རྨོངས་བྱེ་བྲག་མི་ཕྱེད་པའོ། །འཛམ་བུ་གླིང་དུ་ལེགས་སྐྱེས་པ། །ལས་ཀྱིས་པར་རབ་ཏུ་གྲགས། ལེགས་བྱས་ཉེས་པར་བྱས་པའི་ལས། མཆོག་དང་འབྲིང་དང་ཐ་མ་ཡིད། །སྐྱེ་སྔོན་མའི་རྣམ་སྨིན་འདིར། །སྐྱེས་བོ་ཀུན་ལ་མཐོང་བར་འགྱུར། །ཞེས་པ་ལྟར་གངས་རིའི་ཁྲོད་འདིར་བཟོ་གནས་སྤྲུལ་བའི་རིག་པ་སྟོབས་སུ་གྱུར་ཀྱང་། །དེའི་གྲུབ་འབྲས་ཀྱིས་ཆོས་འཁོར་གསུམ་ལ་སོགས་པ་སྤངས་ནས་ས་མཐའ་འགྲིམ་པ་ལའང་དཔྱད་བཞུགས་འདྲ་བས་འདི་ནི་དོན་ཆེན་ཁོ་ནར་འདུག་པས་བྱ་བའི་ཁུར་བདག་གིས་བླང་བྱར་བྱའོ་ཞེས་རྩེར་

― JLAZ014_Page_0511 ―

^{[མ་དཔེ་གཟིགས་ན་འདིར་གནོན།]}

[Full Size]

སྙན་ཞེས་ལའང་བླ་མའི་འདི་བསྟན་འགྲོའི་བདེ་ཐབས་སུ་སུ་འདུག་པས་གྲོགས་དན་བཟང་གིས་ཕེབས། དེ་མ་ཐག་རང་ལུགས་ཀྱི་ཐིག་རྩའི་འཆར་དང་། བཟོ་རྒྱུ་རྟ་སྨིག་མས་གཙོས་པའི་རྒྱ་དངུལ་ངོ་ཐོག་གི་འཕྲོས་རྣམས་འདི་ལོ་འཛར་ཁྱད་སྲང་བདུན་ཅུ་དོན་གཉིས་དོན་གསུམ་ཤ་སྟག་གིས་བརྗེས་ནས་སྤྱིར་རྒྱ་དངུལ་སྲང་ལྔ་བརྒྱ། གསེར་སྲང་བཅུ་གཉིས། ཕུལ་ཟངས་ཁལ་བཅུ་གཉིས། ཨིནྡྲ་ནཱི་ལ་རིན་ཐང་ཅན་གྱིས་གཙོས་པའི་རིན་པོ་ཆེའི་འཕྲ་རྒྱན་ལག་ཏུ་གང་ཡོད་དང་། གཞིས་ཀ་གཡུང་དྲུང་ནས་སྤོས་ཆེ་ལེགས། ཆེ་ཞེ་ཚེ་རིང་མས་ཨ་སྒོར་པུལ་བ་བཅས་ཕྲལ་རྫོང་བྱས། རིན་ཆེན་ཆོས་ཀྱང་དཀོན་ལ་རྟག་ཏུ་འཚེ་བ་མང་། ཞེས་པ་ལྟར་འདི་བསྟེན་འགྲོའི་དོན་ཆེན་ཡིན་པས་གསེར་དངུལ་བཀལ་བའི་དྲེའུ་དམ་ལ་རྒྱག་གྲབས་དང་། གཙང་ཆུ་ལ་འགྲོ་གྲབས་སོགས་འཚུབ་ཆ་རེ་ཆེ་བྱུང་ཟེར། ནག་ཕྱོགས་པའི་མཐུ་དཀར་ཕྱོགས་ཀྱི་བདེན་པས་འཇོམས་པ་ནང་པ་སངས་རྒྱས་པའི་ཁྱད་ཆོས་ཡིན་པས་རྣམ་དཀར་གྱི་བུངས་བསྐྱེད་པ་དང་། སྤྲེལ་ལོ་སྔ་ཕྱི་གསུམ་གྱི་ཁོངས་སུ་མཆོད་པ་སྣ་ལྔ་ཁྲི་ཚར་རྫོགས་པའི་སླད་ཆོ་འཕྲུལ་དང་བསྟུན་བསམ་ཡས་སུ་སྟོང་མཆོད་འབུལ་བར་བསྐྱོད། བར་ཁང་དུ་ཚོགས་མཆོད།

― JLAZ014_Page_0512 ―

^{[མ་དཔེ་གཟིགས་ན་འདིར་གནོན།]}

[Full Size]

ཇོ་བོ་རིན་པོ་ཆེའི་སྐུ་མདུན་དུ་བྱང་སྡོམ། རབ་བྱུང་པར་མང་ཇ་སོགས་སྔར་རྒྱུན་བཞིན་བྱས། ལར་མིག་ལྟོས་དང་དགེ་སྡིག་གི་གྲོགས་པོའི་ཁྱད་པར་འདི་མཐུ་ཆེ་བས་རང་གིས་གནས་དང་། ཆེ་ཞེ་ཚེ་རིང་ནས་ཀྱང་སྟོང་མཆོད་རེ་ཕུལ། འདིས་མཚོན་ངོས་ནས་དགེ་བསྐུལ་བྱས་པ་ལ་རྟེན་གཞིས་ཀ་ནས་ཀྱང་ཤི་གསོན་སོ་སོའི་ཐད་དུ་སྟོང་མཆོད་ལན་ལྔ་ཙམ། མཚོ་སྣ་ཐང་གནས་སོགས་དངོས་ལ་དད་ལྟོས་ཐ་དད་པ་ནས། བསམ་ཡས་འདིར་སྟོང་མཆོད་བཅོ་ལྔ་སྐོར་ལ་ཐུག །རབ་གྲྭ་ལྔ་བཅུ་སྐོར་དང་ཚེས་བཅུས་མཚོན། བར་ཁང་དུ་ཤོང་ཐང་ཞིག་ལ་གསང་འདུས་ལེའུ་བརྒྱད་མའི་དབང་ལུང་དང་། ཐུན་དྲུག་གསོལ་འདེབས་ཀྱི་ལུང་བྱས། རབ་གྲྭ་བཅུ་སྐོར་ལ་སྔོན་འགྲོའི་ཁྲིད་བཏབ། ཆོས་རྗེ་བྲག་ཕུག་པས་ཡོན་སྦྱར་ནས་རྟ་མགྲིན་གླིང་དུ་སྒྲུབ་ཆེན་བཀའ་བརྒྱད་ཀྱི་སྨན་སྒྲུབ་བདུན་གཅིག་བཙུགས། གྲོལ་དབང་ལ་མི་སྟོང་ཕྲག་ཙམ་ཚོགས་པ་ལ་དམ་རྫས་བཀྱེ། གཞུངས་ནས་དེང་དཔོན་སློབ་གཉིས་ཆར་ལོག་ཆོག་རོགས་དང་བཅས་ཧས་པོ་རི་རྩེར་ལྷ་སྲིན་དམ་འདོགས་དང་། ཕུར་པའི་སྒྲུབ་པ་མཐའ་སྡུད་དང་བཅས་འཛུགས་དགོས་ལ། གནས་དེར་རྡུལ་ཚོན་ལ་ཕུར་ཆ་བཀྲམ་པའི་རྒྱུད་ལུགས་ཀྱི་སྒྲུབ་པ་གནད་སྨིན་བཙུགས། ངེད་

― JLAZ014_Page_0513 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་རྒྱག་ལ་མི་སྤྲོ་ཡང་བསྟན་དོན་ལ་རྩ་ལྟུང་ཡོད་པས་ཆས་ཞུགས་ཀྱི་ཟོར་ལས་སྤྲོས་པ་ཅན་བྱས། རླུང་རྟགས་ཤིན་ཏུ་འཚུབས་ཤིང་ཟོར་པྲ་ཡང་ལེགས་རྒྱུ་མ་བྱུང་། ཆོས་རྗེའི་རྨི་ལམ་དུ་སྤྲེའུ་ཆེན་པོ་གཉིས་འོངས་པ་ཕྱི་རོལ་པའི་ལྷ་སྲུང་ཚོགས་བདག་ཏུ་ངེས། གཡའ་མ་ལུང་དུ་བསྐྱོད་ནས་ཚེ་དཔག་མེད་སྐུ་གསུམ་འདུས་པའི་བདག་འཇུག་དང་འབྲེལ་བར་ཚོགས་བརྒྱ། བརྒྱ་མཆོད་མེ་མཆོད་སོགས་བྱས། འདི་ལོ་ཙཱ་རི་རོང་སྐོར་གྱི་སྟབས་ཁམས་པ་ཤིན་ཏུ་མང་བ་དང་། ངེད་ཀྱིས་ར་དང་པོ་རང་འོངས་པའི་གྲས་ཁམས་རྫོགས་ཆེན་པའི་གྲ་རིས་ཚོགས་གཉིས་དང་གྲོལ་གྱིས་སྐྱེས་རབས་བརྒྱ་བའི་སྨོན་ལམ་གསར་བརྩམས་དེ་བར་ལ་བརྐོ་བའི་བར་ཤིང་དང་། དེ་དུས་ངེད་ཀྱི་སྒྲ་དང་རྟེན་དུ་གདུར་བཅངས་པ་ལ་ཇེ་ཞིག་ནས་རིང་བསྲེལ་རྡོས་མི་གཞིག་པ་གསུམ་འཕེལ་བ། རྫོགས་སྤྲུལ་གྱི་ཕྱག་ན་ཡོད་ཚུལ་འབྱོར། དེས་ཁམས་པ་རྣམས་བླུན་དད་ཀྱི་རྒྱུར་སོང་ནས་ཕྱག་དབང་དང་ཆོས་འབྲེལ་ཞུ་མི་ཤིན་ཏུ་མང་། དེ་འཕགས་པ་གསུམ་གྱི་རིང་བསྲེལ་ཡིན་ན་དཀོན་པའི་གནས་ཡིན་ལ། གཞན་སོ་སོ་སྐྱེ་བོའི་རིང་བསྲེལ་ཐམས་ཅད་ནི་བརྟག་པར་བྱ་བའི་གནས་སོ། །རང་གནས་སུ་སླེབ་ཕྲལ་དགོན་རྩེ་སྤྲུལ་སྐུ་རིན་པོ་ཆེ་ཙཱ་རི་རོང་བསྐོར་ལ་ཕེབས་འགྲུལ་ལམ་ནས་

― JLAZ014_Page_0514 ―

^{[མ་དཔེ་གཟིགས་ན་འདིར་གནོན།]}

[Full Size]

བྱ་བྲལ་ཁོ་ནའི་ཚུལ་གྱིས་རེ་བས། ལམ་གྱི་ཆ་ལ་གོ་བ་ལེགས་པར་ཆག་ཀྱང་། སྔར་འབྲས་སྤུངས་སུ་གཞུང་ལུགས་ལ་ཐོས་བསམ་དང་གཙང་བ་དགེ་བཤེས་རིན་པོ་ཆེར་ལམ་རིམ་ཆེ་ཆུང་། ཕྱག་ཆེ་ཡང་གསལ་དང་སྙིང་པོ་དོན་གསུམ་ལ་སོགས་དང་། གསང་བདེ་འཇིགས་གསུམ། དུས་འཁོར་ལ་སོགས་པ་ཡང་ཡང་གསན་པས། ལམ་གྱི་ཆ་ལ་གོ་བ་ལེགས་པར་ཆག་ཀྱང་། ངེས་པར་འཚང་རྒྱ་བའི་མདོ་འགག་ལྟ་བ་རྣམ་པར་དག་པ་ཡིན། དེ་ལ་དགག་སྒྲུབ་མང་བས་རང་ལྟ་མཆོག་འཛིན་སྤངས་ཏེ་རི་ཁྲོད་དུ་རྒྱུད་ཐོག་ལ་ཁེལ་བའི་ཕྱོགས་ལ་བསྙེན་བའི་ཕྱིར། འཁྲིད་ཀྱི་སྔོན་འགྲོན་རྣམས་དགེ་བ་གསུམ་གྱི་དོན་འཁྲིད་རྩ་བར་བྱས་པ་ལ་གཞན་ལུགས་ཀྱི་ཉམས་འོག་ཏུ་འཛུལ་བའི་སྐབས་སྦྱར་དང་། དངོས་གཞི་སྟོང་པ་ཉིད་ཀྱི་སྐབས་དེ་ལ། མདོ་ལུགས་སུ་ཞི་གནས་དང་ལྷག་མཐོང་གི་མཚན་ཉིད་བཤད་ནས་འཁྲིད་པ་དང་། སྔགས་སུ་རྒྱུད་ལ་བཤད་པ་བྱེད་མཁན་ཡིན་ན་རྒྱུད་ནི་རྒྱུན་ཆགས་ཀྱི་མིང་དོན་ལ་ཐོས་བསམ་གཉིས་ཀས་དཔྱད་ནས་གཞི་རྒྱུད་བདེ་གཤེགས་སྙིང་པོ་རྣམ་ཤེས་ཚོགས་བརྒྱད་དང་ཕྱེ་ནས་ངོ་སྤྲད་པ་དང་། དེའི་བོགས་དབང་གསུམ་པས་འདོན་པ་ལ་སོགས་མདོ་རྒྱུད་ཟབ་མོའི་དགོངས་པར་སྣང་ཡང་། ད་ནི་བསྟན་པ་སྙིགས་པས་དེ་འདྲའི་སྐལ་པ་ཅན་དང་བློ་མཐུ་ཡོད་པའི་དཔོན་

― JLAZ014_Page_0515 ―

^{[མ་དཔེ་གཟིགས་ན་འདིར་གནོན།]}

[Full Size]

སློབ་གཉིས་ཆར་ཉུང་། བྱུང་གནས་འགྲོ་སུམ་ལ་བརྟེན་ནས་སེམས་འཚོལ་བྱེད་པ་སྒྲུབ་རྒྱུད་ཀྱི་བསྟན་པ་ལ་ཕལ་ཆེར་ལ་གྲགས་ཤིང་། དེས་ནི་ཐོས་པ་སྔོན་དུ་མ་སོང་བའམ། སོང་ཡང་རུང་སྟེ་སེམས་ངོ་རྒྱུད་ཐོག་ཏུ་སྣང་། ངེས་པའི་གོ་ཉམས་དང་པོ་ཚོད་ཀྱི་སྟོང་པ་ལྟར་སྣང་ལས་འདས་པའི་ངེས་ཤེས་སྐྱེས་ནས་གནས་འགྱུ་རིག་གསུམ་གྱི་རྩ་བ་ཆོད་ཀྱང་དོན་ལ་སྐྱེ་འགག་གྲངས་སུ་འདེབས་པས་བྱིས་པ་ཉེར་སྤྱོད་ཀྱི་སྔོན་འགྲོ་ཙམ་ཡིན། དེ་ལྟར་སྐྱེ་འགག་གྲངས་སུ་འདེབས་པ་ལ་གོམས་པ་ཆེར་བརྟས་ཀྱང་རང་གི་ངོ་བོ་ཉིད་བློ་ལས་འདས་པར་མ་གྲོལ་བའི་སྒོམ་ཆེན་དུ་རློམ་པ་དང་། དབུ་མ་ཆེན་པོའི་ལྟ་བ་ནི་ངེད་ཀྱི་ལྟར་ཡིན་གྱིས་གཞན་ཐམས་ཅད་ནི་རྫུན་པའོ། །ཞེས་རྟོག་དཔྱོད་ལ་ཆོས་ཉིད་དུ་འདོད་པ་གཉིས་མིང་འོད་གས་རྣམ་དཔྱོད་ཆེ་ཆུང་ལས་སེམས་རྣམ་གཡེང་ལ་སྐྱོད་ལུགས་འདྲ་ཞིན་སྔ་མ་ཤིས་ཤོར་དང་། ཕྱི་མ་ལམ་ཤོར་ཡིན། དེ་ལ་སྙིང་བསྲན་ཆེན་པོར་གྱུར་དུ་ཟིན་ཀྱང་། ཕྱིས་པ་ཉེར་སྤྱོད་དངོས་གཞི་ལས་མི་འདའ་བའི་ཚུལ་ཏིང་ངེ་འཛིན་གྱི་ཚོགས་དམ་པའི་ལེའུ་ལས། ཏིང་ངེ་འཛིན་ཀྱང་རབ་བརྟན་ལ། །དེ་ལ་མངོན་པར་ཞེན་བྱེད་ན། །བྱིས་པ་ཉེར་སྤྱོད་ས་ཞེས་བྱ། །མྱ་ངན་འདས་པ་ཉིད་མི་འགྱུར། །ཞེས་སོ། །

― JLAZ014_Page_0516 ―

^{[མ་དཔེ་གཟིགས་ན་འདིར་གནོན།]}

[Full Size]

ཁ་ཅིག་རྣམ་པར་དཔྱོད་པ་དེ་ནི་ཤེས་བྱ་ཡིན་ཏེ། བདེན་པ་གཟིགས་པའི་ཡུལ་དུ་རུང་བའི་ཕྱིར་རོ། །ཞེས་ཁ་ཕྱིར་བལྟས་འདོར་དུ་མི་འདོད་ཀྱང་རྡོ་རྗེ་གཅོད་པ་ལས། ཆོས་ཉིད་ཞེས་བྱ་མ་ཡིན་ཏེ། །དེ་ནི་རྣམ་པར་ཤེས་མི་ནུས། །ཞེས་པ་ལ་སོགས་པའི་རྒྱུ་མཚན་ཡང་ཡང་སྙད་ནས་རྫོགས་པ་ཆེན་པོའི་ཀ་དག་གི་ལྟ་བ་གཤིས་ཐོག་ཏུ་རྡོ་རུས་ཐུག་བའི་ངོ་སྤྲོད་དང་། དེ་དག་གི་དོགས་སེལ་ལ་ནན་ཏན་ཆེན་པོས་བསྐུལ་མ་གནང་བ་མ་ལྡོག་པས་རྣམ་གྲངས་པའི་དོན་དམ་ལ་དཔྱད་པ་དེ་བྲིས། འཕྲོས་དོན་ལ་གཞན་འགའ་ཞིག་ན་རེ། གཞན་སྟོང་དང་དབུ་མ་སེམས་ཙམ་པ་གཅིག །རྫོགས་ཆེན་ཡང་དེ་དང་འདྲའོ་ཟེར་བའི་བླ་བརྡོལ་འབྱུང་བའི་རྒྱུ་ནི། གཞན་སྟོང་པ་རྣམས་བྱམས་ཆོས་བར་པ་གསུམ་རང་ལུགས་ཀྱི་དབུ་མར་འདོད་པ་དེ་སེམས་ཙམ་པ་དང་། ངོ་བོ་གཅིག་བྱས་ནས་སྒྲོ་བཏགས་པའི་ཚུལ་ཀུན་སྙིང་གིས། དགེ་ཤེས་འདི་རྣམས་ཀྱིས་མི་གོ་རྒྱུ་ཡང་འདིར་འདུག་སྟེ། གཞན་སྟོང་པ་རྣམས་ནི་བྱམས་ཆོས་བར་བ་གསུམ་གྱི་དགོངས་པ་རང་ལུགས་ཀྱི་དབུ་མར་འདོད་ཟེར་བའི་གཏམ་ཙམ་ཞིག་རྣ་བར་ལྷུང་བ་དེས། རང་རང་གི་གྲས་ན་རྣམ་འགྲེལ་གྱི་སེམས་ཙམ་རྣམ་རྫུན་པའི་སྐབས་དང་། བྱམས་ཆོས་བར་བ་གསུམ་གྱི་དོན་ཡིན་རྒྱུ་བ་སེམས་

― JLAZ014_Page_0517 ―

^{[མ་དཔེ་གཟིགས་ན་འདིར་གནོན།]}

[Full Size]

ཙམ་དུ་འདོད་པའི་གྲུབ་མཐའི་ཁུལ་ཞིག་འདུག་པ་དེ། གཞན་སྟོང་དུ་མིང་བསྒྱུར་བ་མ་གཏོགས་དེ་ཁོ་རང་ཡིན་ཡོད་སྙམ་ནས་གཞན་སྟོང་དང་སེམས་ཙམ་གྱི་ཁྱད་པར་ཤིན་ཏུ་ཆེ་བ་ཡེ་མི་གོ་བར། །ཁྱད་ཆོས་དེ་དག་ཁོར་ང་ཚོའི་འདོད་ཚུལ་རྙིང་བའི་སེམས་ཙམ་པའི་ལུགས་དེ་ཀ་ལ་ཡོད་དམ། སྔར་གྱི་དེ་དང་ནི་འབྲལ་འདྲ་མིན་ཞིག་བྱུང་སྙམ་བམ་མགོ་བོ་སྦོས་དེ་དཀར་འདུག་གོ །ཞེས་གྲུབ་མཐའ་རྩ་བ་མ་ཟིན་པའི་དག་བཞག་ཁ་ཕྱིར་བལྟས་པ་དེ་ཆོས་ཉིད་ཀྱི་ངོ་བོ་དོན་དམ་དང་རྫས་འགལ་ཞིང་། རྟོག་གེའི་འདོད་ཞེན་གྱི་རྗེས་སོན་པའི་མིང་འདོགས་དེ་དང་དེར་འགྱུར་བ་འདོད་ཁའི་ལྟ་གྲུབ་ཙམ་མོ། ལར་ཡང་ཀུན་གཞིའི་རྣམ་ཤེས་མ་བསྒྲིབས་ལ་ལུང་དུ་མ་བསྟན་པ་ཀུན་ཏུ་འགྲོ་བ་ལྔའི་རྗེས་སུ་འགྲོ་བ་དེ་ཉིད་རྡོ་རྗེ་ལྟ་བུའི་ཏིང་ངེ་འཛིན་གྱིས་མ་བཅོམ་བར་དུ་ཤེས་བྱའི་སྒྲིབ་བ་བག་ལ་ཉལ་མི་ལྡོག་བ་བསོད་ནམས་དང་ཡེ་ཤེས་ཀྱི་ཚོགས་ལ་བརྩོན་དགོས། དེ་ལྟར་བརྩོན་པ་ལ་སྔགས་ལམ་ཐབས་ཟབ་བས་ལམ་བསྐྱེད་རྫོགས་ཀྱིས་བགྲོད་ཀྱང་ཚོགས་ལམ་པ་ནི་ཉེས་སྤྱོད་སྡོམ་པའི་ཚུལ་ཁྲིམས་ལ་གཙོ་བོར་བགྱིད་པ་གོལ་ས་ཆུང་བར་མ་ཟད། ད་ནི་སངས་རྒྱས་ཀྱི་བསྟན་པ་རིན་པོ་ཆེ་ཡང་སྒྲུབ་པའི་དུས་ཀྱི་མཐའ་ལ་ཡོད་ཅིང་རིང་མིན་རྟགས་ཙམ་

― JLAZ014_Page_0518 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་པས་མ་རུངས་པར་བགྱིད་ན། དངོས་ཅག་ལ་མཐོང་ལ་མ་སྐྱེས་པའི་སློབ་མ་ནི་མེད་འདྲ་བས་སོ་ཐར་རིགས་བདུན་གྱི་གནད་བཀག་ལྟ་སྒོམ་སྤྱོད་པའི་རྟུལ་ཞུགས་དང་མི་འགལ་བར་སྤྱོད་པ་ཡོན་ཏན་གྱི་གཞི་རྟེན་གཟུང་ན་ལེགས་སྨོན་གྱི་གཟུགས་བརྙན་ལ་རེ་ཅི་དགོས། ཐེག་པ་ཆེན་པོའི་དགེ་འདུན་ཡང་རྟགས་དང་ཆོ་ག་ལ་ལྟོས་དགོས་ན། རྣལ་འབྱོར་དབང་ཕྱུག་བིཪྺ་བ། །ཏཻ་ལོ་ན་རོ་ལ་སོགས་པ། །དགེ་སློང་བརྟུལ་ཞུགས་བོར་པ་ཡི། །གྲུབ་ཐོབ་རྣམས་ཀྱང་སྡིག་ཅན་འགྱུར། །ཙནྡན་སྤོས་ཀྱི་དད་ལྡང་བའི། །དགེ་སློང་ཇི་སྙེད་ཐམས་ཅད་ཀྱང་། །རྒྱན་དང་བཅས་ཤིང་གོས་དཀར་བ། །དེ་དག་ཀྱང་ནི་སྡིག་ཅན་འགྱུར། །གཤིས་ཀྱི་མི་དགེ་སྤྱོད་ཕྱིར་རོ། །ཞེས་ཐེག་ཆེན་ཚུལ་ཁྲིམས་ངོ་བོ་བླང་དོར་གྱི་ཁམས་པ་ལ་བཤད་དོ། །ཕུར་པ་རྒྱུད་ལུགས་དང་། ཀློང་ཆེན་སྙིང་ཐིག་གི་མཚོན་པའི་དབང་ལུང་། ཤིང་རྟ་དང་མཛོད་བདུན་ལ་སོགས་པའི་ལུང་རགས་རིམ་གཏད་རྒྱ་སོགས་བྱས། དེ་དག་ལའང་ཆོས་ཡོན་རྒྱ་ཆེ་པོ་དང་། ཟླ་བ་གཉིས་བཞུགས་རིང་ཉིན་ལྟར་ནཻ་པ་ལའི་དོང་ཙེ་དང་། ཁ་བཏགས་ཀྱི་ཕྱག་མཇལ། གདན་བཟོས་དང་། བསྟི་སྟང་ཇི་ལྟ་བུ་བྱས་ཀྱང་དང་དུ་མི་བཞེས་པ་སོགས་སྲིད་

― JLAZ014_Page_0519 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱོར་དང་། དགོན་གནས་ཀྱིས་སྙེམས་པའི་ཁེངས་བསྐྱུངས་ནས་བླ་མ་བསྟེན་ཚུལ་མདོ་རྒྱུད་ལས་བཤད་པ་ལྟར་མཛད་པ་ལ་ནི་ངོ་མཚར་ཆེན་པོ་སྐྱེ། དེ་སྐབས་ཟླ་བ་གཉིས་པའི་ཚེས་བཅུ་དགུའི་ཐོ་རེངས། གཉིད་རང་མ་ཡིན་པ་ཞིག་ལ། གཞུང་སའི་རྒྱ་མ་ཁ་བྱང་དར་སྔོན་དམར་ཐམ་ཅན་ཞིག་བྱུང་བ་ཁ་ཕྱེ་བས། ཀར་དྲིལ་དངོས་ཞི་ལས་འཐུག་པ་གཅིག །ཐོད་ཊཾ་ཆུང་དུ་ཟུར་བཞི་པ་གཅིག །ཐོད་ཚུགས་ལ་སོགས་པའི་དབང་ཆས་ཆ་གཅིག །སྒྲོལ་མའི་དངུལ་སྐུ་གཅིག །གཡེར་ཁ་ཁོང་དཀྱུས་མ་སྒོར་མོ་གཉིས། ཏིང་འཛིན་ལྷ་བསངས་ལམ་ཁོ་ནས་ཕུལ་ཟེར་ཐམ་དམར་དར་ཅོག་གཅིག་རྣམས་དང་། རྒྱ་མ་དེ་གཞན་ཞིག་གིས་ཀློག་པ་ལགོརྵའི་གནས་ཚུལ་དང་། ཁོའི་ཨ་མའི་ཕོར་པ་དང་ཕྲེང་བ་ཡིན་ཟེར་བ་ཞིག་ཕྱར་ནས་ཁོང་ཚོའི་མོ་ཕྱ་བྱེད་དུས་དམོད་བོས་ས་འདི་ཡིན། མོ་རྒྱག་ཐེངས་དགུ་ཅར་ལ་བབས་ན། ཟེར་འཕྲོ་ནས་སྡོགས། བསམ་པ་ལ་བབས་ན་བོད་ལ་དམག་བྱེད་རྒྱུད་འདུག་བསམ་པའི་རང་ཁོང་ཚོའི་ཤི་གསོན་གྱི་བྱ་བ་ཐམས་ཅད་རྡོ་རྗེ་གླིང་དུ་བྱས་པ་རེད་ཟེར་བ་སོགས་ཐམས་ཅད་རང་མ་ངེས། འདི་མ་འོངས་ལུང་བསྟན་དུ་སྣང་། སྔ་ཐོག་ཟུར་པའི་སློབ་བརྒྱུད་མོད་ཁམས་སུ་རྙིང་

― JLAZ014_Page_0520 ―

^{[མ་དཔེ་གཟིགས་ན་འདིར་གནོན།]}

[Full Size]

དགོན་ཆགས་པ་ལ་སྔ་བཀཐོག་རྡོ་རྗེ་ནས་དགེ་རྩེ་སྤྲུལ་སྐུ་དང་། ཕྱག་ཚ་སྤྲུལ་སྐུ་རྣམ་གཉིས། ལྕགས་མདུད་དང་ས་ངན་པའི་གྲ་རིགས་བདུན་ཅུ་སྐོར་དང་། སྡེ་དགེའི་གཉེར་བ་མགོན་པོ་ཆོས་བཟང་བཅས་འབྱོར། ཀློང་སྙིང་གི་དབང་ལུང་དང་། ཚེ་དབང་སྤྱི་ཆོས་སྙིང་ཐིག་ཡ་བཞི། །མཛོད་བདུན་སྐོར་བཅས། །ཡོན་ཏན་མཛོད་རྩ་འགྲེལ་རྣམས་ལ་སྨོན་ལམ་གཏད་རྒྱ། སྤྲུལ་སྐུ་རྣམ་གཉིས་དང་། བླ་མཆན་སོ་སོ་ས་རྟོགས་འབུལ་ལ་ངོ་སྤྲོད་ཞུན་ཐར་བྱས། ཀཐོག་ཁྲི་ཐོག་བ་ཞིང་སྐྱོང་མགོན་པོ་ཞི་བར་གཤེགས་པའི་ཡོང་བསྔོ་རྟེན། ཡང་སྲིད་མྱུར་འབྱོན་གྱི་བརྟག་བ་དང་གསོལ་འདེབས་སོགས་ཀྱང་ཞུས། གཞུང་གི་སྣེ་ཤན་དོས་རྟ་དང་བཅས་ཡོར་ཆེ་བས་ཞག་ཅིག་ལས་བཞུགས་མཐུབ་བས་འཁྲེན་བས་བཞིན་པར་བྱོན། རེས་ཤིག་ཁམས་པ་གྲུབ་ཐོབ་ཡིན་ཟེར་བྱ་བ་ཐོངས་པའི་ཚད་ཅིག་བྱུང་། འདིར་ཞག་ཁ་ཤད་རིང་དབང་ཆོས་ཅི་ཐོབ་ཞུ། རྟོགས་པའི་བོགས་འདོན་ནི་འདྲི་རྒྱུ་མེད་ཟེར།་ རོད་སྐོར་ལའང་དེངས་ས་འདུག་བས་ལམ་བདེན་གྱི་རེ་དོགས་ནི་མ་སངས་པ་འདྲ་སྙམ་ནས། རིགས་པས་བརྟགས་པའི་སྟོང་ཉིད་ལ། །བློ་དང་མིག་གི་རྣམ་འགྱུར་ལྡང་། །འཛིན་སྟངས་དབྱིངས་སུ་

― JLAZ014_Page_0521 ―

^{[མ་དཔེ་གཟིགས་ན་འདིར་གནོན།]}

[Full Size]

མ་གྲོལ་བར། །རྟོགས་པའི་རོ་མྱང་མ་མཛད་ཨང་། །ཆོས་མིག་རྡུལ་བྲལ་མ་ཐོབ་པར། རྟོགས་སོ་སྙམ་པ་མཐོང་ལམ་ཡིན། །ཐེ་ཚོམ་གཅོད་རྒྱུ་མེད་སྙམ་པའི། །ངེས་ཤེས་སྒྲོག་དང་ཕྲོལ་ཅིག་ཨང་། །ཆོས་དང་གང་ཟག་ཐར་པ་དང་། །གནས་ལ་གདུང་བ་མ་ཞིག་བར། །བླང་དོར་སྤྱོད་པ་མི་འབྲལ་བས། །རོ་སྙམས་མལ་སར་མཛོད་ཅིག་ཨང་། །ཚིག་ལ་འགྲངས་ན་རྐང་བཅུ་གཉིས། །དོན་ལ་དཔྱད་རྒྱུ་ཆེས་མང་ངོ། །གཙང་ནས་ཡང་སྟེངས་པའི་སྲས་ཅན་དང་། །རབ་གྲ་གསུམ་ལ་སྨིན་འཁྲིད་བཏབ། །སྲས་ནས་ཀློང་འགྲེལ་གསར་བསྐྲུན་ལ་ཞུས་དག་དང་སྦྲགས་ལུང་བྱས། གཞུངས་ནས་སྤྲེལ་ཟླར་ཁྲ་འབྲུག་ཏུ་ཆོག་རོགས་དགུ་དང་བཅས་བཀའ་བརྒྱད། །རྟ་མགྲིན་ཐུགས་རྗེ་ཆེ་པོ་གསུམ་གྱི་སྒྲུབ་པ་དང་། སྲོང་བསྟན་དུའང་དཔལ་རི་བ་བརྒྱད་གྲའི་སློབ་དཔོན་དུ་ཕྱིན་པའི་གུ་རུའི་སྒྲུབ་པ་བྱེད་དགོས་ལ། དོས་རྟ་སོགས་གནང་ཡང་མི་སེར་ལ་ཐེམ་ འཕོག་པ་བྱས། སྤྲེལ་ལོ་བྱུང་རེས་སྨན་བསྒྲུབ་ལྟོས་ཆེ་བ་རེ་བྱེད་རྒྱུན་ཡོད་བ་གདུང་བསམ་རྒྱ་དྲུང་གི་ཨར་དོ། །ཛ་ལི་གཉིད་ཕོན་ཆེ། ཞོལ་ཁང་དང་། ཚོང་དཔོན་འབྲུག་ཨར་དོ་བཅས་སྨན་འབོར་ཆེ་བས་དཀྱིལ་འཁོར་གྱི་ཁང་

― JLAZ014_Page_0522 ―

^{[མ་དཔེ་གཟིགས་ན་འདིར་གནོན།]}

[Full Size]

པར་བྱ་བ་མི་རྫོགས་ཀྱང་། གཞུང་གི་དགོངས་བརྟེན་འབྲེལ་གྱིས་མཚོན་པར་བྱས་ནས་ཁྲ་འབྲུག་ཏུ་བཀའ་བརྒྱད་ཀྱི་སྒྲུབ་ཁོངས་སུ་ལས་ལ་སྦྱར། དེ་དུས་རངྣའི་བྲོག་ཞུ་གྱོན་པའི་དབང་རྟེན་ལ་ཐར་པ་ལ་བརྟེན་པར་རྨིས་པས་སྨན་གྱི་ལྷ་མོ་འདུས་སམ་སྙམ། སྤྲེལ་ཟླའི་མི་ཚོགས་ལ་སུན་སྣང་ཆེན་པོ་ཤར་བས་གྲོལ་དབང་བྱེད་རྩིས་མ་བྱས་ཀྱང་། དངོས་གྲུབ་བླང་ཆོག་ལ་ཁེ་གསུམ་ཞལ་ངོ་རྣམས་བྱོན་པས་སྤྲ་འཁྲོགས་ཏེ་མི་སྟོང་ཕྲག་ཏུ་ཉེ་བ་འདུས་པ་ལ་དམ་རྫས་བཀྱེ་ཞིང་སྒྲུབ་རྫས་མགོ་ཐོག་ཏུ་བཞག །མཆོད་ཁང་ཆེན་མོར་སྟོང་མཆོད་དབུ་གདུགས་གོགས་པ་གསར་བརྗེ། ཨོ་རྒྱན་ལྷ་ཁང་དུ་བརྒྱ་མཆོད། ཚོགས་བརྒྱ། བསྟན་སྲིད་བདེ་བའི་སྨོན་ལམ་སོགས་བྱས། བརྒྱད་གྲ་ལྔ་གྲ་པ་དང་། བཀྲས་ཆོས་པ་ཉི་ཤུ་སྐོར་བཅས་ལ་མང་ཇའི་འབྲེལ་བ་བྱས། སྲོག་བསླུ་ལྔ་བཏང་ནས་ཚེ་ཐར་སར་ཕྱིན། ཟླ་བ་དྲུག་པར་སྲོང་བཙན་དུ་རྗེ་བཙུན་ཤཱནྟ་པུ་རི་བའི་བསྟན་པའི་ཕན་རེས་གྲོལ་ཏིག་ལམ་རྒྱས་པས་གཞུང་བསྲངས་ཏེ་གུ་རུའི་བསྒྲུབ་བཙུགས། གྲྭ་པ་ཚོར་ཆོ་ག་ཕྱག་ལེན་གྱི་བགྲོས་དང་། བདག་འཇུག་ཡང་ཡང་ལེན་པ་སོགས་བྱས། ཉིན་ལྟར་མང་ཇ་བཏང་། སྲོང་བཙན་དུ་སྟོང་མཆོད་ཀྱི་སྲོལ་ཡོང་ལ་རེས་སྡེ་བར་བསྐུལ་ནས་སྟོང་མཆོད་ཕུལ་བའི་མཆོད་

― JLAZ014_Page_0523 ―

^{[མ་དཔེ་གཟིགས་ན་འདིར་གནོན།]}

[Full Size]

རོ་བཞི་བརྒྱ་རེ་སྤྲང་པོར་སྟེར་བར་བྱས། ངེད་ཀྱི་སྲོག་བསླུ་བབསྟར་ཆགས་བྱེད་པ་ཤེས་པས་འབྲོག་པ་དང་གནས་པོ་གཉིས་འཛོམ་གྱིས་ལུག་ཁྲིད་ནས་འདིར་འདུག་རིང་སྲོག་བསླུ་ཉི་ཤུ་སྐོར་བཏང་། རྨོངས་པ་དེ་ཚོ་ཡང་གསོད་བ་ལ་འཚེར་ངང་ཆེན་པོ་བྱེད་པ་དེ་འདྲ་ལ་རྗེས་སུ་ཡི་རང་བར་ཤར། འདི་ཡན་ཆད་ལ་ཕྱུགས་ལུ་ག་ཉིས་བརྒྱ་སྐོར་སོང་། རང་སློབ་མོན་ལྗོངས་དཀར་བླ་མ་གཤེགས་པའི་དགེ་ཚོགས་བསྐྲུན་པ་ལ་བླ་མའི་དཔོན་པ་སྨིན་གླིང་དགེ་སློང་དཔལ་འབྱོར་ཅན། བཅོ་ལྔ་སྐོར་། ལེ་བོ་བླ་མ་རྫ་དཀར་པདྨ་ཚེ་རིང་། སྲིབ་མོ་བླ་མ་དཀོན་མཆོག་ནོར་བུ་བཅས་ཀྱང་འཛོམ་བ་ལ་ཚོགས་དབར་ལ་ཁྲིད་བཏབ། བསམ་མཆིམས་ནས་གྲ་ཚང་ཕེབས་པ་དང་འགྲིག་བས་སྲོང་བཙན་དུ་ཉིན་འཁྱོངས་མངོ་མང་དེ་སྒྲོགས། ཚ་ཡོན་དོད་སྒྲིལརས་ཚ་ལེགས་པ་བསྟབས། དགོན་པར་སྐུ་སྐལ་མང་ཇ་བཏང་། བཟོད་བ་དཀའ་ཐུབ་ཀྱི་མི་མཐུན་ཕྱོགས་ལས་གྲོལ་བའི་སྨོན་ལམ་བཏབ། རང་གནས་སུ་འབྲས་སྤུངས་བློ་གསལ་གླིང་བའི་དགེ་བཤེས་མིང་དོན་མཐུན་པ་ཞིག་ཐུགས་རྗེ་ཆེན་པོའི་སྒོ་ནས་སྨིན་གྲོལ་དང་། རྟ་མགྲིན་གསང་སྒྲུབ་སོགས་ཞུ་བར་བྱོན། ཁོང་ལྔ་པ་རིན་པོ་ཆེར་དད་པའི་རྒྱུས་སྔ་འགྱུར་ལ་དག་སྣང་ཆེ་ཡང་། ལྷོ་བྲག་བདུད་འཇོམས་གླིང་གི་བླ་མར་བྱོན་མ་རག་པ་ནས་ས་

― JLAZ014_Page_0524 ―

^{[མ་དཔེ་གཟིགས་ན་འདིར་གནོན།]}

[Full Size]

དེར་ཡེ་ཤེས་པ་དང་འཇིག་རྟེན་པ་ངོ་བོ་གཅིག་གུ་བྱས་པའི་ཆོས་གསར་ཡིན་ཟེར་བ་མཐོང་ནས་ཁོང་ཚོ་ལའང་ལུང་སྐྱོགས་བླུན་པོའི་རང་རྟགས་མ་འཛིན་ཅེས་ཚོགས་གཏམ་བྱས་པ་ཡིན། འདྲི་འདྲ་བས་རང་གཞན་ཐམས་ཅད་ལ་ཐེ་ཚོམ་སྐྱེ་བའི་རྒྱུར་སྣང་ཟེར། དེའི་ལེན་རྒྱུད་འབུམ་དཀར་ཆག་ཏུ་བྲིས་ཡོད་པས་གཟིགས། ལར་ནི་ཆོས་ཀྱི་གཏེར་ནི་གང་ཟག་ས་མཐོན་པོ་ལ་གནས་པའི་སྤྱོད་ཡུལ་དུ་མོད་ལས་བཤད་ན་དེ་དག་ནི་རྒྱུད་ལུང་དང་འགལ་བའང་མི་སྲིད་ལ། དངོས་གྲུབ་པ་བསྒྲུབ་པར་ཡང་མི་བསླུ་བའི་ཁྱད་ཆོས་ཅན་རྣམས་ལས་ཆོས་རྗེ་ཆོས་ཞེས་བསྐུར་བ་བདུད་ཀྱི་ལས་ཡིན། གཞན་དུ་ན་བསྐྱེད་རིམ་ལ་སྐྱེ་གནས་བཞིའི་སྦྱང་གཞི་སྦྱོང་བྱེད་ལྟ་ཅི་སྨོས། ངོ་བོ་དང་རྣམ་པ་མི་ཕྱེད་པས་བསྒྲུབ་བྱ་ངོས་མི་ཛིན་པའི་ཚིག་རྐྱང་དང་། དངོས་གྲུབ་འགུགས་པར་བྱེད་པའི་རྒྱུའི་གཙོ་བོར་སྔགས་དོན་ལོག་པར་ཞུགས་པ་དང་། རྫོགས་རིམ་ལ་སྤྱད་གཞི་རྩ་རླུང་ཐིག་ལེ་སྦྱོང་བྱེད་ཀྱི་ཐབས་ཤེས་དང་བྲེལ་བས་ཞུགས། གནས་ཐིམ་གསུམ་གྱི་དྲོད་ཚད་མེད་ཅིང་བདེ་དྲོད་ཙམ་ལ་དམིགས་པ་དང་། དེ་གཉིས་ཀའི་ཕྱི་སོའམ་སྐུ་བཞིའི་ས་བོན་དུ་གྱུར་པ་དབང་གི་ཆུ་བོ་དང་བྲལ་ཞིང་དག་རྫོགས་སྨིན་གསུམ་གྱི་ཡོན་ཏན་སྐྱེ་རྒྱུད་མེད་ན། གསང་སྔགས་ཀྱི་གཟུགས་བརྙན་ནི་ཡིན་ནོ། །དེ་བཞིན་དུ་རྒྱུ་ཀུན་རུ་འབྱུང་དང་འབྲས་བུ་

― JLAZ014_Page_0525 ―

^{[མ་དཔེ་གཟིགས་ན་འདིར་གནོན།]}

[Full Size]

སྡུག་བསྔལ་སྤོང་བའི་བྱེད་ལས་མེད་ཅིང་། བྱང་ཆུབ་མཐོ་རིས་བླངས་སྐྱེ་དང་། །ཆོས་དང་ཟང་ཟིང་ཕྱིར་བཅོས་རུང། །ཞེས་སྡོམ་པའི་དགོས་པ་དྲུག་དང་བྲལ་བའི་སོ་ཐར་དང་། དབུ་སེམས་བསྲེས་པའི་བྱང་སྡོམ་དང་། །རང་ལྟ་མཆོག་འཛིན་གྱི་སྟོང་ཉིད་སྟོན་པ་སོགས་གསུང་རབ་ཀྱི་གནད་བཅོས་པའི་ཆོས་ཀྱི་གཟུགས་བརྙན་ནི་གསར་རྙིང་གང་གི་ཐད་དུའང་མཆི་བས་ན། མདོར་ན་སངས་རྒྱས་གསུང་རབ་དང་། །ཕལ་ཆེར་མཐུན་པར་སྟོན་བྱེད་ཅིང་། །གནས་རྣམས་ལོག་པར་སྟོན་པའི་ཆོས། །ལེགས་ལེགས་འདྲ་བར་སྟོན་ན་ཡང་། །བདུད་ཀྱི་བྱིན་རླབས་ཡིན་ནོ་ཞེས། །མོད་རྒྱུད་ཀུན་ནས་གསལ་བར་གསུངས། །ཞེས་པའི་དོན་དེ་ཡིན་ལ་དེ་ལྟར་ནའང་གཞན་གྱིས་ཆེད་དུ་བྲིས་པ་དང་། ལྟ་སྒོམ་གྱི་དགོས་པ་སེལ་ཕྱིར་བསྐུལ་བའི་ལན་མི་ལྡོན་ཁ་མེད་ལས་གཞན་དུ་ན་རྒྱན་ལས། །མི་རིགས་པ་ཡི་གཟུགས་ལཱང་མི་རིགས་ན། །ཐེ་ཚོམ་ཟ་བའི་ཆོས་ལ་སྨོས་ཅི་འཚལ། །ཞེས་བཏང་སྙོམས་ཆེན་པོའི་ཆོས་ཉིད་ལ་ཀུན་ནས་དཀྲིས་པའི་སེམས་མེད་པས་སྣང་བ་དག་པ་རབ་འབྱམས་དང་མི་འགལ་ལོ་ཞེས་བརྗོད། ཁོང་འདིར་ལོ་གསུམ་ཞིག་གཏོང་འདོད་འདུག་ཀྱང་། བཞུགས་ཕུལ་འཐད་པ་མེད་པས་ཆགས་

― JLAZ014_Page_0526 ―

^{[མ་དཔེ་གཟིགས་ན་འདིར་གནོན།]}

[Full Size]

སྡང་མེད་པའི་རི་ཁྲོད་ཅིག་ལ་བཞུགས་ན་རྟོགས་བ་འཁོགས་ཐོན་པ་ཡིན་ཞེས་ལུང་བསྟན། དེ་ཡང་རྟེན་དགེ་སློང་དུ་འདུག་པས་དེ་ལ་རྗེས་སུ་ཡི་རངས། སྟོང་ཉིད་ཀྱི་ལྟ་བ་ཀླུངས་སུ་ཕེབས་ནས་འོག་མ་ལ་རང་ཤུགས་ཀྱི་ཞེན་པ་མ་ལྡོག་པར་ལས་འབྲས་རྣམ་རྟོག་གི་རྗེས་སུ་སོན་བས་བདེན་བཞིའི་ལམ་ཡང་ཁྱད་དུ་ཅིང་སོ་སོ་ཐར་པ་རྣམ་པར་རིག་བྱེད་བྱེ་བྲག་སྨྲ་བའི་ལུགས་མ་ཡིན་པའི་གཟུགས་སྤོང་བ་བདུན་འཁོར་བཅས་ལ་ཚུལ་ཁྲིམས་སུ་བཤད་པ་ཡིན་པས་ལྟ་བ་དེའི་ལུགས་སུ་སྐྱོངས་། སྤྱོད་པ་ཁྱེད་རང་གི་ལུགས་སུ་གྱིས་ལ་རི་ཁྲོད་བདེན་པར་འདུལ་བ་ལས་དགེ་སློང་གཅིག་པའི་གསོ་སྦྱོང་དང་། དབྱར་གནས་བཤད་པ། དེ་ལག་ལེན་ལ་ཐེབས་པར་མཛོད། ཅིག་ཅེས་གདམས། ཁམས་བླ་འཇིགས་མེད་འཕྲིན་ལས་ཀྱང་རག་ཆུ་ནས་རྒྱ་དཔོན་གུ་རུའི་སྐྱབས་འཇུག་ཞུ་རྒྱུ་དང་བཅས་ཐོན་ཕྱག་ལ་འབྱོར། ཁོང་ལས་ཅན་གྱི་སློབ་མ་ཡིན་བས་ལམ་རིང་གི་བགྲོད་པ་ལ་མི་འཚོར་བར་ད་དུང་མཇལ་ཐེང་ཞིག་ཨེ་ཡོད་དང་། མཐར་མཛད་པ་བརྟུལ་བར་གྱུར་ཀྱང་ཡང་སྲིད་ངེད་ཀྱི་སྲ་ཕེབས་ནས་རང་དབང་ཅན་དུ་འགྱུར་བའི་ཐུགས་བསྐྱེད་དགོས་ཞེས་རྐང་པ་ལ་མགོ་གཏུགས་ནས་སོང་། རུ་དམ་ནས་རྫོགས་ཆེན་སྤྲུལ་པའི་སྐུ་གཉེར་པ་ཡང་འབྱོར། རྟེན་འབྲེལ་ལ་དགོངས་

― JLAZ014_Page_0527 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དྲིལ་བུ་གསེར་འགོ་མ་དང་། བསྐལ་བཟང་གསེར་བྲིས་མའི་རྟེན་ལྡན་གྱི་གསུང་བྲིས། རིང་འཚོའི་ཚོགས་བཅད་བཅས་འཕྲོད་ཅིང་། བསྐལ་བཟང་དངུལ་འབུམ་གྱི་གཟུངས་ལ་རྟེན་འབྲེལ་ཤིན་ཏུ་བཟང་། མ་གིར་གཙུག་ལག་ཁང་རྒྱ་ཚོགས་ར་བསྐྲུན་གྱི་ནང་རྟེན་རྣམས་ལ་འདི་ནས་རབ་གནས་བྱེད་དགོས་དང་། ཆེད་དུ་བསྐུལ་མ་མཛད་པས་དམ་པ་ལ་སྤྲིང་བའི་གཏམ་དེ་བསྔགས། སེ་ར་ནས་ཁལ་ཁའི་སོག་བཙུན་གཉིས་བྲ་འབེབས་ཀྱི་མན་ངག་ཞུ་ཞེས་ནན་ཏུར་ཆེན་པོ་བྱེད་པས་ཐག་རིང་ནས་གཞུང་ལུག་ལ་ཐོས་བསམ་བྱེད་པར་འོངས་ནས་དོན་གཉེར་འདི་འདྲ་ལ་བྱེད་པ་ཆོས་སྐལ་ཆད་པ་འདྲ་ཞེས་སྨྲས། ཟླ་བ་དྲུག་པའི་ནང་གཉའ་ནང་བལ་པོས་འཇབས་ནས་དུས་ཟིངས་ལངས་། གཞུང་ས་ནས་བླ་མ་མང་པོར་དམག་བཟློག་བསྒྲུབ་རྒྱུ་གནང་བའི་འགག་དོགས་སློབ་དཔོན་པདྨ་ལ་ཅོལ། སྤྱིར་རྔ་བརྡུང་བ་དང་སྒོས་མངོན་སྤྱོད་ལ་འདུན་པ་ལྷོད་ཀྱང་། བོད་འདི་སངས་རྒྱས་ཀྱི་བསྟན་པ་ཡོང་བའི་ཞིང་། ཡུལ་གྲུ་གཞན་ལ་ལྟོས་ན་སྐྱེས་ཕལ་བ་རྣམས་ཀྱིས་ཀྱང་དགེ་སྡིག་གི་སྒྲ་ཤེས་པས་མི་ཁོམ་པའི་གནས་གཞན་དང་ཁྱད་པར་ཆེ། དེ་ལ་ཕྱི་རོལ་པའི་བརྟུལ་ཞུགས་ཅན་གྱིས་གྲགས་ལྟ་བ་འདིས་སེམས་ཅན་གྱི་བདེ་སྐྱིད་དང་

― JLAZ014_Page_0528 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བའི་ཕྲིན་ལས་གཉིས་ཆུད་གཟོན་པའི་གེགས་ཆག་ཆེན་པོར་སྣང་ཡང་དེ་གོ་མཁན་ཆེར་མི་སྣང་བས་ཡིད་སྐྱོ། རྣམ་པ་ཀུན་ཏུ་རྒྱལ་པོའི་མངའ་རིས་དང་དཀོར་ལ་བརྟེན་ནས་སྤྱོད་བྱེད་པ་དག་ཀྱང་ཁྱད་མེད་ཟེར་ན། །ས་རྒྱ་སྦར་མིལ་ཙམ་དང་། དཀོར་ལ་རིས་བཅད་ཀྱི་ཤོར་གོད་ཏིལ་འབྲུ་ཙམ་ཡང་མེད་པར་མ་ཟད། ལོ་སྔ་པྱིའི་ཁོང་དུའང་འཚོ་རྩིས་དང་རྟག་འཛིན་གྱི་སེམས་པས་ཆོས་ཀྱི་དབྱིངས་ནི་བདེ་བ་ཆེན་པོ་ཡིན། གནས་སྐབས་ཀྱི་གནས་འཕོ་དགོས་ནའང་མཐའ་སྐོར་ཐམས་ཅད་གདུལ་བྱའི་རང་བཞིན་དུ་ཡོད་པས་རེ་དོགས་ཏིལ་འབྲུག་ཙམ་ལང་མེད་ཀྱང་། སངས་རྒྱས་ཀྱི་བསྟན་པ་དང་སེམས་ཅན་གྱི་བདེ་སྐྱིད་ཇི་ལྟར་བྱེད་སྙམ་པའི་བློ་གཡེང་ཆེན་པོ་ལངས། དེ་ལ་ཐབས་མཁས་པའི་བྱང་ཆུབ་སེམས་དཔའ་རྣམས་ཀྱི་རྗེས་ཐོབ་ཀྱི་ཚོགས་ནི་ཨ་བྷི་ཙརྱའི་ཕྲིན་ལས་ལ་བརྟེན་ནས་ཀྱང་རྫོགས་པའི་ཚུལ་རྒྱུད་ལས། འཇིག་རྟེན་ཕ་རོལ་དག་ཏུ་ནི། །བསྒྲལ་བ་རྣམས་ཀྱང་མཐོ་རིས་ཐོབ། །བདག་ཀྱང་བྱང་ཆུབ་གཉིས་སུ་མེད། །བསམ་པ་འབྱོར་བའི་ཤེས་རབ་ལ། །སྡིག་ཅན་བསད་ན་ལས་ངན་འཆད། །ཅེས་པ་ལྟར་བསྟན་འགྲོ་ཁོ་ནའི་དོན་དུ་དམིགས་ནས་ཁྲོ་བོ་རོལ་བ་དང་། ཁྱད་པར་ཕུར་བ་རྒྱུད་ལུགས་ཀྱི་སྨད་ལས་

― JLAZ014_Page_0529 ―

^{[མ་དཔེ་གཟིགས་ན་འདིར་གནོན།]}

[Full Size]

སྤུ་གྲི་རླུང་འཁོར་གྱི་བཅའ་ག་སྒྲིགས། འཁོར་བའི་རང་བཞིན་ཕུང་པོ་ལྔ་དང་ཚོགས་བརྒྱད་ཀྱི་གནད་གཅོད་པའི་གདབ་ཁ་ཀི་ལཱ་ཡ་ཚད་ཀྱི་མི་རིག་པ་སློབ་དཔོན་ལག་ལྷག་ལ་དྲིས་ནས། རྩ་བའི་རྒྱུད་ཀྱི་དགོངས་པ་ལས་དྲུག་མན་ངག་གིས་གཏོར་བ་སྒྲ་ཇི་བཞིན་པ་ཉམས་སུ་བསྟར། ལར་ངེད་ལ་གཞེ་སྡང་རང་རྒྱུད་པ་མི་འཆར་བས་རྡོ་རྗེ་ཁྲོས་པའི་རྟེན་འབྲེལ་ཀྱང་དཔལ་ཆུང་བས་རྟགས་མྱུར་པོ་འོད་དཀའ། དེ་ལྟ་ནའང་། ལྟོ་འགྲོས་དབང་བའི་སངས་རྒྱས་ཅན་མའི་དབྱིངས། །རྣམ་ཐར་གསུམ་ལྡན་ལ་ཉལ་བླ་གཟུགས་ནི། །ལྡང་བའི་ཆོ་ག་ཉམས་ཀྱང་མནར་མེད་ཀྱི། །རྒྱུ་རྐྱེན་ཆ་ཤད་མོ་ཚོགས་རྙི་ལ་འཐོགས། །རང་སློབ་རྡོ་རྗེ་ཀློད་གསལ་གྱིས་སྐྱིད་གྲོང་དུ་ཡོན་ཏན་རིན་པོ་ཆེའི་མཛོད་པར་དུ་བརྐོས་པའི་བར་ཤིང་དང་། རྒྱ་གདུགས་ཛ་ཏི་ཉིས་བརྒྱ་བཅས་འབྱོར། ལྷོ་གདུང་བསམ་པའི་དབེན་རིགས་པུནྡ་རི་ཀ་སྔ་སོར་ནས་དད་མོས་དང་ལྡན་པ་ལ་དཔོ་དོན་འབྲེལ་བའི་གཏམ་གྱིས་རྗེས་སུ་གདམས་བཞིན་ལོ་གྲངས་དོན་གསུམ་པའི་སྟེང་ཆོས་དོན་གཉེར་བའི་བསམ་པས་སློབ་པ་རྗེས་སུ་བཟུང་། སྔ་ལོ་རྒྱ་མཚམས་སུ་ཡོན་ཏན་མཛོད་དང་རྣམ་ཐར་རོ་ཧའི་རྒྱན་སོགས་པར་དུ་བརྐོས་པའི་དགེ་བ་རྫོགས་བྱང་དུ་བསྔོས།

― JLAZ014_Page_0530 ―

^{[མ་དཔེ་གཟིགས་ན་འདིར་གནོན།]}

[Full Size]

ངེད་ལ་ཨ་ཙ་རའི་དཔྱད་པ་ངོ་མཚར་བ་དག་བྱིན། ཁོང་གིས་ལྷོ་འབྲུག་དང་གྷ་ཊགའི་ཚངས་ལ་ཀ་ལ་ཏར་ལོ་གསུམ་བསྡད། བྷངྒ་ལ་སོགས་པར་འཁྱམས་ནས་ལྷོ་ཕྱོགས་རྒྱ་མཚོའི་རླབས་ལོག་པ་མཐོང་མཐོང་ཕྱིན་པས། ཡུལ་གྱི་ལོས་རྒྱུས་བཤད་པ་ལ་ད་དུང་གཏམ་རྒྱུས་གཞན་གྱིས་དཔྱད་པ་དང་བཅས་རྒྱ་གར་ལྷོ་ཕྱོགས་ཀྱི་གཏམ་དེ་རྩེད་མོའི་ཚུལ་དུ་བྲིས། དེའི་དགོས་པའང་སྤྱིར་སེམས་ཅན་བསོད་ནམས་དམན་ཅིང་གློ་བུར་པའི་བསམ་སྦྱོར་བརླང་པས་ད་ནི་དུས་ཀྱི་རྒུད་པའང་རིམ་བས་དམན་པ་ལས་འོས་མི་འདུག་ཀྱང་། མངོན་གྱུར་མི་ཤེས་བཞིན་དུ་ལྐོག་གྱུར་འོལ་ཚོད་དུ་སྨྲ་བས་སྒྲ་འགྲོགས་ནས་གངས་ཅན་བ་རྣམས་ཡུལ་སྤོང་བ་ལ་ཞུགས་པ་ལ་ཕན་ཕྱིར་ཡིན། སྤྱིར་ན་བཅོམ་ལྡན་འདས་ཀྱིས་མ་རིག་པའི་རྐྱེན་གྱིས་འདུ་བྱེད་ཅེས་བྱ་བའི་མ་རིག་པ་གང་ཞེ་ན། སྔོན་གྱི་མཐའ་མི་ཤེས་པ་དང་། ཕྱི་མའི་མཐའ་མི་ཤེས་པ་དང་། སྔོན་དང་ཕྱི་མའི་མཐའ་མི་ཤེས་འདང་། ནང་མི་ཤེས་པ། ཕྱི་མ་ཤེས་པ་དང་། ནང་དང་ཕྱི་མི་ཤེས་པ་དང་། ལས་མི་ཤེས་པ་དང་། རྣམ་པར་སྨིན་པ་མི་ཤེས་པ་དང་། ལས་དང་རྣམ་པར་སྨིན་པ་མི་ཤེས་པ་དང་། ཞེས་པ་རྣས་མ་མཐོང་བ་དང་། མངོན་པར་མ་རྟོགས་པ་དང་། རྨོངས་པ་དང་།

― JLAZ014_Page_0531 ―

^{[མ་དཔེ་གཟིགས་ན་འདིར་གནོན།]}

[Full Size]

ཀུན་ཏུ་རྨོངས་པ་དང་། མ་རིག་པ་དང་། མུན་པའི་རྣམ་པ་ཞེས་བྱ་བ་འདི་ནི་མྲིག་པ་ཞེས་བྱའོ། །ཞེས་པའི་བར་གསུངས་པས་སོ། །ཟླ་བ་དགུ་པའི་ནང་མཆོད་སྡོང་རིན་པོ་ཆེ་ལེགས་པར་ཚར་ཕྱིན་པས་བསམ་ཡས་སུ་གཟུངས་འབུལ་རབ་གནས་ལ་བསྐྱོད། གངས་རིའི་ཁྲོད་འདིར་སངས་རྒྱས་ཀྱི་བསྟན་པ་ཡུན་དུ་གནས་པའི་རྟེན་འབྲེལ་དུ་བསམ་ཡས་གཙུག་ལག་ཁང་གི་རབ་གནས་གསོ་བར་ལུང་བསྟན་ཐོབ་ཅིང་། དེ་ཡང་ལྷ་ཐོ་ཐོ་རི་གཉན་བཙན་གྱི་རིང་ལ་དམ་པ་ཆོས་ཀྱི་དབུ་བརྙེས་པའི་རྟེན་ཅིང་འབྲེལ་འབྱུང་གི་སྒོ་དང་པོ་གཉན་པོ་གསང་བ་བརྒྱ་ཟག་གཅིག ཟམ་ཏོག་བཀོད་པ། བསྐལ་བཟང་སངས་རྒྱས་སྟོང་གི་མཚན་འབུམ། གང་ཞིག་རབ་ཏུ་གནས་བྱའི་ངོ་བོ་ནི་སངས་རྒྱས་ཆོས་ཀྱི་སྐུ་དང་། དེའི་རྣམ་པར་ཐར་པ་ནི་བྱང་ཆུབ་ཕྱོགས་ཀྱི་ཆོས་སུམ་ཅུ་སོ་བདུན་གྱི་དཔེ་བྱད་དུ་རྫོགས་པས་ན་འཕགས་བརྟེན་ཅིང་འབྲེལ་འབྱུང་གི་མདོར། རྟེན་ཅིང་འབྲེལ་བར་འབྱུང་བ་འདི་ནི་དེ་བཞིན་གཤེགས་པ་རྣམས་ཀྱི་ཆོས་ཀྱི་སྐུ་ཡིན་ཏེ། སུས་རྟེན་ཅིང་འབྲེལ་པར་འབྱུང་བ་མཐོང་བ་དེས་ནི་དེ་བཞིན་གཤེགས་པ་མཐོང་ངོ། །སྤྱན་རས་གཟིགས་དབང་ཕྱུག་རིགས་ཀྱི་བུའམ་རིགས་ཀྱི་བུ་མོ་དད་པ་ཅན་གང་ལ་ལ་ཞིག་གིས་མིག་ནས་བའི་ཕྱོགས་སུ་

― JLAZ014_Page_0532 ―

^{[མ་དཔེ་གཟིགས་ན་འདིར་གནོན།]}

[Full Size]

མཆོད་རྟེན་ནི་སྒྱུ་རུ་རའི་འབྲུ་ཙམ། སྲོག་ཤིང་ནི་ཁབ་ཙམ། གདུགས་ནི་བ་ཀུ་ལའི་མེ་ཏོག་ཙམ་ཞིག་བྱས་ལ། རྟེན་ཅིང་འབྲེལ་པར་འབྱུང་བ་ཆོས་ཀྱི་དབྱིངས་ཚིགས་སུ་བཅད་པ་ནང་དུ་བཅུག་ན་དེ་ཚངས་པའི་བསོད་ནམས་བསྐྱེད་པར་འགྱུར་ཏེ། འདི་ནས་ཤི་འཕོས་ཤིང་འཆི་བའི་དུས་བྱས་ནས་ཚངས་པའི་འཇིག་རྟེན་དུ་སྐྱེ་བར་འགྱུར་རོ། །དེ་ནས་ཤི་འཕོས་ཏེ་འཆི་བའི་དུས་བྱས་ནས་གནས་གཙང་མའི་རིས་ཡི་ལྷ་རྣམས་དང་སྐལ་བ་མཉམ་པར་སྐྱེ་བར་འགྱུར་རོ། །ཞེས་གསུངས་བལྟར་རྟེན་སྙིང་འབུམ་ཐེར་ལྷག་བཅས་ཀྱིས་གཙོབ་པའི་རིང་བསྲེལ་རྣམ་པ་བཞི། ཤིན་ཏུ་རྣལ་འབྱོར་དང་། རྗེས་སུ་རྣལ་འབྱོར་དང་། རྣལ་འབྱོར་ཆེན་པོ་ཐམས་ཅད་ཀྱི་རིག་པ་སྤྱི་བླུགས་ཀུན་གུ་བཟང་པོའི་ཙཀྲ་དང་། རྒྱུ་ཀུན་འབྱུང་ལས་འབྲས་བུ་སྡུག་བསྔལ་བསྐྱེད་པའི་འཇིགས་པ་ཆེན་པོ་བརྒྱད་ཚན་གཉིས་འགོག་པ་དམ་ཚིག་སྒྲོལ་མའི་ཙཀྲ་སོ་སོ་ནས་བརྒྱ་རྩ་རེ་སོགས་ལ་མཐའ་དམག་གིས་མཚོན་དུས་ཀྱི་རྒུད་པ་ཞི་བའི་འདོད་གསོལ་སྦྱར། གསེར་སྦྱངས་ཀྱིས་བྲིས་པའི་སྲོག་ཤིང་དྲི་མེད་རྣམ་གཉིས་ཀྱི་ཆོ་གས་བརྟན་པར་བྱས་པ་དང་། གནོད་སྦྱིན་བང་མཛོད་དཀོར་ཆ་དང་ལྡན་པ་སོགས་ཉེར་བསྡོགས་གྲུབ་པའི་དེ་མ་ཐག་འདོད་དཔལ་ནས་བལ་པོ་དང་། ཟངས་བརྡུངས་

― JLAZ014_Page_0533 ―

^{[མ་དཔེ་གཟིགས་ན་འདིར་གནོན།]}

[Full Size]

དབུ་མཛད་རེ་འབྱོར་པས་དངུལ་དཀར་གྱི་བ་གཏུམས་ཀྱི་སྟེང་། འཕུལ་མ་ཚ་གསེར་ཅན་ཟུར་བཀག་པ་ཏྲ་བཅུ་གཉིས། བཟོ་སྤྲོས་གཙང་ཁྱད་གར་བླུགས་ཚ་གསེར་གྱི་སེང་གེ་མཐོ་ཚད་པ་བརྒྱད། རྒྱལ་པོ་ཆེན་པོ་བཞི། སྒོ་ཁྱིམ་པ་ཏྲ་ཕྲ་འཕུལ་ཤིན་ཏུ་མཚར་བའི་ནང་སྐུ་ཚབ་ཤོས་ལི་རྒྱུག་མཐོ་གང་བ། བུམ་པ་ལ་དྲ་བ་དྲྭ་ཕྱེད། གསེར་ཟངས་ཀྱི་ཆོས་འཁོར་ཕུལ་མ་ལཉྫ་ཅན། ཆར་ཁེབས་བར་ཆགས་ཉི་ཟླ་ནོར་བུའི་ཏོག །གསེར་དང་སྟོང་སྐོར་རི་བའི་ཨིནྡྲནཱི་ལ་མཐེབ་ཚིགས་ཕྲ་ཕྱོགས་དང་། བཻ་ཌཱུརྱའི་རིགས་སུ་བགྲངས་བའི་ཕྱིལ་མིག་སྲན་སྔོས་ཙམ་དང་། ག་ཛ་ཙམ་མུ་ཏིག་དེ་ཙམ། མུ་ཏིག་ཆེ་བ་ཆིབ་ཁ་ཙམ་དང་། ཆུང་བ་གཡུ་དྲུག་དམར་སོགས་རང་ཀྱ་ཕེར་བ་དང་། གཡུ་པད་ཆེ་ཆུང་། སྤོས་ཤེལ་ཆེ་ལེགས་ཀྱི་གཙོས་པས་སྣ་ཚོགས། བྱུ་རུའི་ཕྲེང་བས་གཙོས་རིན་པོ་ཆེའི་རིགས་རང་བྱུང་དང་བཅོས་བུའི་ཕྲ་བུང་ཕུལ་མ་ཤིན་ཏུ་མང་བ་རྣམས་སྦྱར་ཞིང་རང་ཅག་གིས་གཟུངས་བཞུགས་སློབ་དཔོན་ཀླུ་སྒྲུབ་དང་། ཛེ་ཏེ་ཏིའི་རྒྱ་གཞུང་གི་རྗེས་སུ་འབྲངས་པ་ཕུལ། དབུ་ཐོག་ཏུ་གོས་རྙིང་བླ་བྲེ་མཐོང་བཟང་གོས་བཀྲལ་བཏགས་པར་འཇའ་སྨད་ཤམ་དམར་པོ་དང་། མཐའ་རྒྱན་བཞི་སྙུག་ཁ་ཆུ་བྲག་ཅན། ཀ་བ་བཞིའི་

― JLAZ014_Page_0534 ―

^{[མ་དཔེ་གཟིགས་ན་འདིར་གནོན།]}

[Full Size]

ལྕམ་གླིང་བྱི་བ་ཁེབས། མདུན་ཅོག་ཤིང་བརྐོས་ཅི་མི་འདྲའི་གདོད་ཆེན་འབུར། དོད་པ་ཏྲ་ཁོང་སེང་ཁོར་ཡུག་ཅན་གྱི་སྟེང་དངུལ་སྲང་བཅུ་གསུམ་ལས་གྲུབ་པའི་མཆོད་ཀོང་དངུལ་སྲང་ཅུ་ལས་གྲུབ་པའི་ཏིང་བདུན་ཚར། རྒྱ་རག་གི་ཏིང་འགག་གཟུགས་མཆེ་ལེགས་བདུན་ཚར་སོགས་ངེས་པ་བརྗོད་དུ་ཞིབ་གསལ་ལྟར་དང་། མདོར་ན་རྟེན་བཞེངས་འདིའི་ཆེད་དུ་རྒྱུ་འགྲོ་སྤྱིར་སྟོང་དངུལ་དུ་ལྡང་བ་སོང་ཞིང་། འདི་ལ་བརྟེན་ནས་རིན་པོ་ཆེ་བརྟག་པའི་གཏམ་དེ་ཡང་བྲིས། ཇི་ལྟར་རྨི་ལམ་ནང་གི་རྙེད་པ་ལ། །རྨི་ལམ་ལྟ་བུའི་བསོད་ནམས་དམ་པའི་ཚོགས། །ཐར་པ་ཆ་མཐུན་ཉིད་དུ་མི་བསླུ་ཡང་། །ཆོས་དབྱིངས་ངང་ན་དེ་ལ་རེ་དོགས་བྲལ། །རྟེན་སྒྲིགས་གྲུབ་པའི་དེ་མ་ཐག་གི་གྲལ་ཚེས་ཉི་ཤུ་གཅིག་ལ་སྒྲུབ་ཆེན་བཀའ་བརྒྱད་བདེ་གཤེགས་འདུས་པའི་ཚོན་དཀྱིལ་ལ་བརྟེན་དཀྱིལ་འཁོར་སྒྲུ་མཆོད་དང་། གཟུངས་ཁྲུས་ཀྱི་བུམ་བསྒྲུབ་དང་། བདག་ཉིད་འཇུག་པ་སྔོན་དུ་བཏང་ནས་སྟ་གོན་གྱི་ཆོས་མ་ཚང་བ་མེད་པ་དང་། སང་ནང་པར་ལྷ་བབ་ཀྱི་དུས་ཆེན་ཐོག་དབུ་རྩེ་རིགས་གསུམ་དང་། གླིང་བཞི་གླིང་ཕྲན་བརྒྱད་ལ་སྟོང་མཆོད་རེ་བཅས་པའི་མཆོད་པའི་སྤྲིན་ཆེན་པོ་རྣམ་པར་བཀོད་དེ་མཚན་མའི་ཐུན་མཚམས་ལྔ་པ་ནས་ལྡང་བའི་རྣལ་འབྱོར་གྱི་ཉི་མ་འཆར་ཀ་དང་ཁྲུས་ཀྱི་བྱ་བ་འགྲིག་པའི་

― JLAZ014_Page_0535 ―

^{[མ་དཔེ་གཟིགས་ན་འདིར་གནོན།]}

[Full Size]

རབ་གནས་དངོས་གཞིའི་ཆོ་ག་མ་ཉམས་ཤིང་མཆོད་བ་མེད་པ། གསེར་སིལ་མའི་མཎྜལ་སྙན་ཤལ། གསེར་ཆབ་བྱང་སྡོམ་བླང་བ། ཕྱི་རོལ་པའི་གཏོར་མ། ཚོགས་བརྒྱ། བསྐང་གསོ་དང་བཅས་པའི་རྗེས་སོང་གི་ཉིན་མོའི་སྟ་གོན་གྱི་ཆོ་ག་མ་འཁྲུགས་ཤིང་མ་འཛིངས་པ་ཉམས་སུ་བསྟར། དེ་ལྟ་བུའི་དངོས་སྟ་སྦྲེལ་མའི་རབ་གནས་ཉིན་ཞག་བརྒྱད་པའི་ཉིན་མངའ་དབུལ་དང་རྒྱས་པའི་སྦྱིན་སྲེག་གི་ཞལ་གསོ་དགཱ་སྟོན་ནས་བསྔོན་བའི་བར་བྱ། དགུ་པའི་ཉིན་གླིང་བཞི་གླིང་ཕྲན་ཇོ་མོ་གླིང་གསུམ་ལ་དམིགས་པའི་སྟ་གོན་དང་། སང་ཉིན་གནམ་སྟོང་གི་དུས་ཆེན་ལ་ནང་པར་སྔ་བའི་ཆ་ནས་མཆོད་རྟེན་དཀར་པོ་ནས་གཟུངས་སྦྱང་བ་སྔོན་དུ་འགྲོ་བའི་ཁྲུས་གསོལ་དང་། རྟེན་བསྐྱེད་དགུག་བསྟིམ། དབང་བསྐུར་བ་བསྡུས་པ། བརྟན་བཞུགས་བཞི་པོ་རབ་གནས་ཀྱི་ངོ་བོ་ཉིད་ཡིན་པའི་མཐར་ཤིས་བརྗོད་དང་དམག་འཁྲུག་སོགས་དུས་ཀྱི་རྒུད་པ་ཞི་བའི་གདུང་ཤུགས་དྲག་པོས་ཉིན་ཐོག་ཐག་འདའ་བར་བྱས་སོ། །དེ་ལྟར་རབ་གནས་ཀྱི་སྦྱིན་བདག་གཞུང་ས་ནས་གནང་བའི་དགོས་ཆ་དངུལ་སྲང་བཅོ་ལྔ་དང་། ཇ་སྒམ། ཤིང་རྒྱུགས་སོགས་སྩལ་ཞིང་། དེ་ཐམས་ཅད་ཀྱི་བདག་པོའི་རྐྱེན་དུ་སྨོན་ལམ་གྱི་མཐུ་གྲུབ་པ་འདོད་དཔལ་མཁན་པོ་སྦྱང་གྲོང་ནས་ཀྱང་མཆོད་ཆོགས་ཀྱི་ཞལ་

― JLAZ014_Page_0536 ―

^{[མ་དཔེ་གཟིགས་ན་འདིར་གནོན།]}

[Full Size]

འདེགས་དངུལ་སྲང་ལྔ། ཀོ་ལེགས་འབྲུ་དང་། མར་དོ་ཆེ་བ། གསེར་བཏུལ་དང་སྙན་ཤལ་ཕོན་ཆེ་བ་རྣམས་དང་། མདོར་ན་བཟོ་རྒྱུའི་ཆ་རྐྱེན་མ་ཚོགས་པ་ལ་གསེར་སྲང་གསུམ་གྱི་མཚོན་ཆད་པ་འཐུད་པའི་འགན་བཞེས་རང་ཉིད་ལས་ཁུར་ཆེ་བ་མཛད། རང་སློབ་བསམ་གླིང་སློབ་དཔོན་ལགས་གཙོ་བོར་གྱུར་པའི་རབ་བྱུང་གྲ་ཚང་གི་འཁྲིད་ཞུ་བ་རྣམས་དང་། སྐུ་གཉེར་དཔོན་ཡོན་ཏན་རྒྱ་མཚོ། བསྟན་པའི་སྦྱིན་བདག་སྡེ་པ་ཕན་ཚུན་གཉིས་རྣམས་སོ་སོ་ནས་རབ་གནས་ཀྱི་ཞབས་ཏོག་ཉིན་འཁྱོངས་འབུལ་ནོད་འགྱེད་བཅས་ཀྱི་བསྙེན་བཀུར་གྱ་ནོམ་པ་མཛད། སྐུ་གཉེར་དཔོན་གྱིས་བསྐུལ་ནས་བར་ཁང་གི་གནས་བཤད་རགས་བསྡུས་དང་། ཞགས་རྗེས་དང་། གུ་རུ་མཚོ་སྐྱེས་རྡོ་རྗེའི་རྟེན་བཤད། བསམ་ཡས་ལ་རབ་གནས་གསོལ་བའི་གཏམ་ཉུང་དུ་དང་བཅས་བྲིས། བཟོ་བོ་དབུ་མཛད་གཉིས་ལ་གྱོན་པ་ལུས་གང་། དངུལ་སྲང་ལྔ་རེ། སྡེར་རྒྱབ་ཁ་བཏགས་སྔ་ཕྱི་བཅས་དང་། བྱིངས་ལ་མཚར་དགའ་དངུལ་སྲང་ཉི་ཤུ་རྩ་ལྔ། ཡོར་ཤུབས་ལེགས་པ་གཉིས། ཟོང་རས། མཁན་པོར་དངུལ་སྲང་བཅུ་སྐོར། སྤྲེལ་ཟླ་དང་བཅས་པར་གཟན་ཕྲུག་རེ་དང་ཕྱི་མཛོད་རེ། རྩེར་སྐུ་གསུང་ཐུགས་རྟེན་དང་བ་སོའི་བསིལ་ཡབ། སྐུ་གཟན། ནང་མཛོད་དང་བཅས་པའི་ཐུགས་རྗེ་

― JLAZ014_Page_0537 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེ་བྱུང་བརྡ་མཚོན་ཙམ་ཕུལ་བར། བཟང་ཇ་འཁོར་དྲུག་དང་བཅས་རབ་གནས་བྱས་པ་དགོངས་འབྱོར་གྱི་རྒྱ་མ་སྩོལ། བསམ་ཡས་མཆིམས་ཕུར་བསྐྱེད་དེ་མཆོད་འབུལ་གསེར་ཆབ་ཚོགས་བསྐངས། མཁའ་འགྲོའི་མེ་མཆོད་ཁྲི་ཚར། བྲག་དམར་ཀེའུ་ཚང་གཟིམ་ཕུག་ཏུ་བཟང་གོས་འཁོར་བརྒྱད་མ་སེར་བོའི་མཐའ་འཇའ་སྔོན་ག་མེ་རྟོག་རིས་ཀྱི་གནམ་རྒྱན། མཆོད་ཁང་གསར་མར་གྲགས་བརྒྱལ་བ་གཉིས་པའི་སྤྱིལ་ལྕམ་རྩ་རུལ་བས་རྡིབ་ལ་ཉེ་བ་སྔ་ལོ་གནས། ཀོ་རྩེ་སྦག་དང་། དགུ་ཚན་བཟང་པོ་བླ་བྲང་དུ་སྤྲད་ནས་ཐོག་བཀབ་རྒྱུ་བསྐུལ་བ་བཞིན་སོར་ཆུད་པ་ལ་བླ་བྲེ་ཞིག་ཕུལ། གསེར་གསོལ་དང་མཆོད་འབུལ་བྱས། གློང་སྟོད་སྨད་ལ་མང་ཇ་གཉིས་དང་ཇ་འགྱེད་བཏང་། བཀའ་བློན་བླ་མ། བླ་བྲང་། ཆོས་རྗེ་བ་སོགས་ཀྱི་ཚོགས་བརྒྱ་དང་བསྙེན་བཀུར་བཅས་ཀེ་ཚང་དུ་འདུག་རིང་སྔ་ཞོགས་ཐམས་ཅད་ཚེ་དཔག་མེད་སྐུ་གསུམ་འདུས་པའི་བདག་འདུག་བླངས་ཤིང་གྲོལ་དབང་ཉིན་མི་བརྒྱ་སྐོར་ལ་ཚེ་དབང་བསྐུར། འདི་ལོ་སྡེ་དགེ་རྒྱལ་པོ་དབུས་ཕེབས་ཀྱི་འཆར་ཡོད་པས། རང་གནས་སུ་ཕེབས་ན་མི་སེར་ལ་དཀའ་སྤྱངས་བྱུང་དོགས། ཁམས་བླ་ཐོན་གདོང་། ཁྱེད་དང་གང་མཇལ་སར་ཞམ་རིང་བ་འདྲིས་ཡོད་ལ་ཟླ་བ་

― JLAZ014_Page_0538 ―

^{[མ་དཔེ་གཟིགས་ན་འདིར་གནོན།]}

[Full Size]

དགུ་པར་དེང་བསམ་ཡས་སུ་མཆོད་སྡོང་རབ་གནས་ལ་ངེས་བཅར་ཡོང་ངེས་ཀྱི་དེར་མཇལ་འཛོམ་ལེགས་ཚུལ་བརྡ་འཕྲོད་བར་མཛོད་ཅེས་བསྐུལ་བ་བཞིན་རྒྱལ་པོའི་མི་སྣ་འབྱོར་པ་ལ། མཇལ་ས་བསམ་ཡས་ལས་ལེགས་པ་མི་དགོས་ཚུལ་ཕུལ། དེ་ནས་འགྱང་མེད་ལ་ཕེབས་ཕྲལ་བསམ་རྫོང་དུ་མཇལ་འཛོམ་དང་། དབང་བཀའ་རྗེས་གནང་མང་པོ་བྱེད་དགོས་ཕར་ཁང་གི་གཟིམ་ཆུང་བ་སོ་ལྷ་ཁང་དུ་བྱས། མཆིམས་ཕུར་ཕེབས་པ་ལ་རྟ་འུལ་བཞི་བཅུ་ཞེ་ལྔ་དགོས་པས་མི་སེར་རྣམས་ཅི་དྲག་ལ་གྱར་བར། རྒྱལ་པོའི་དགེ་བའི་ས་བོན་མངོན་དུ་སད་པ་ནི། མི་དབང་ཁྱོད་ནི་བྱང་ཆུབ་སེམས་དཔའི་རིགས། །སེམས་ཅན་རྣམས་ནི་ལས་ཀྱི་གཞན་དབང་ཅན། །སྙིགས་མ་ལྔ་བདོ་ཁྱད་པར་གངས་ཅན་འདིར། ལྔ་ལོ་ལོ་ཉེས་ནད་ཡམས་སྣ་ཚོགས་དང་། འདི་ལོ་དམག་དང་ཁྲལ་གྱིས་ཤིན་ཏུ་གདུངས། །ཁྱད་པར་གནས་འདིར་དག་པའི་ཞིང་ཉིད་ཀྱང་། །ཡུལ་མཐུ་ཆུང་ཞིང་མི་རྣམས་འབྱོར་པས་ཕོངས། །ཉིན་རེ་བཞིན་དུ་ཡུལ་འཁྱར་གྲོང་སྟོང་བའི། སྐལ་ངན་མཐོང་བས་སྙིང་རྗེ་སྐྱོ་ཤས་འཕེལ། །གནས་རི་མིག་གིས་མཐོང་ཡང་བསྟུད་པའི་ཚེ། །ཤུལ་རིང་རྡོ་སྐད་འཛེགས་བཞིན་སླར་ལ་བསྲིང་། །རྟ་རེར་དངུལ་ཞོ་གསུམ་གྱི་གླ་འབབས་པས། །དབུགས་

― JLAZ014_Page_0539 ―

^{[མ་དཔེ་གཟིགས་ན་འདིར་གནོན།]}

[Full Size]

འབྱིན་ཆེན་པོའི་གནས་ལ་སྦྱར་དུ་གསོལ། །ཞེས་སྤྲིངས་པས་རྟ་འུལ་བཅུ་ཐམ་པ་ཆོས་ཆོག་པ་བྱུང་། །སང་ཉིན་བཀའ་བརྒྱད་ཀྱི་དབང་བསྐུར་དུས། །རྟ་འུལ་ཉུང་ངུར་བསྡུས་རྗེས་སུ་ཡི་རང་ཕུལ་ནས་ད་དུང་ཡང་ལུངས་ཕྱོགས་སུའང་མེས་དབོན་གྱི་གནས་རྙིང་ལས་གཞན་ཐམས་ཅད་དུ་ཕེབས་ན་དཔོན་གཡོག་སྟོབས་ཆེ་བས་ལས་དཀར་ལ་རྣམ་སྨིན་གནག་པ་འབྱུང་ཚུལ་ཞུས་པར་གསན་དགོངས་མཛད། བཙུན་མོ་མཁྱེན་རབ་ཆེ་ཞིང་བག་ཆགས་བཟང་བས་འཁྲིད་སྤུང་ཉི་མ་གསུམ་ལ་གོ་བརྡ་འཕྲོད་དེ་བྱུང་། བླ་མ་དང་ཡང་ཡང་མཇལ་དགའ་བས་བསམ་ཡས་སུ་ལྷོད་ཙམ་བྱེད་གསུངས་པས། སྣེ་ཤན་པ་སོགས་མཛད་དཀའ་གཏད་ཀྱང་དབང་ཆོས་རྣམ་གྲངས་མང་པོ་མྱུར་དུ་རྫོགས་པའི་ཐབས་ལ་འབད་པས་ཞག་དྲུག་ལས་མ་འཐོགས། ཇོ་བོའི་སྐུ་མདུན་དུ་་སྨོན་ལམ་ལྷན་ཅིག་མཛད་དགོས་གསུང་བར་སྟོང་མཆོད་གཅིག་ཕྲལ་དུ་གཤོམ་པར་བསྐུལ་ནས་དེ་བཞིན་བྱས། ལར་ངེས་འབྱུང་གི་བརླན་བ་དག་ཀྱང་རྒྱལ་ཁབ་ལ་སོགས་པའི་བསྟི་སྟང་ལ་ཇི་མི་སྙམ་ན། ཆོས་ཉིད་ཀྱི་བདེན་པ་ནི་རེ་དོགས་ཀྱི་གཞན་དབང་ཅན་མ་ཡིན་ཀྱང་། ཀླ་ཀློ་དང་སྡིག་སྤྱོད་ཀྱིས་བཀབ་པའི་རྒྱལ་ཕྲན་གཞན་དང་མི་མཚུངས་ཤིང་། བསྟན་པ་དང་དེ་འཛིན་ལ་གུས་པའི་མངོན་རྟོགས་འིད་

― JLAZ014_Page_0540 ―

^{[མ་དཔེ་གཟིགས་ན་འདིར་གནོན།]}

[Full Size]

ལྟར་རོ་ཞས་བསྙད་ན། བླ་མར་བྱ་བའི་གནས་ལ་ལྟ་བ་བཟང་པོས། སྤོས་སྣ་དང་། ལྡང་ཕྱག །དྲི་མཉམ་སོགས་བསྟི་སྟང་དང་། སྟོན་མོས་སྔོན་བསུས་པའི་བློན་ཆེན་གྱི་མས་གཏམ་སྔོན་དུ་བཏང་ནས། འབུལ་ཐོ་འདི་ལྟ་སྟེ། གསང་ཆེན་ཐེག་པ་མཆོག་གི་ཁང་བཟང་དབུས། །མི་ཤིགས་ཟག་མེད་དོན་དམ་བདེ་བ་ཆེར། །རྣམ་རོལ་མཁྱེན་བརྩེའི་འོད་འགྲོ་བའི་མགོན། །དཀོན་མཆོག་ཀུན་འདུས་ངོ་བོར་སྐྱབས་སུ་བསྟེན། །དངོས་འབྱོར་ཡིད་སྤྲུལ་ཀུན་བཟང་མཆོད་པའི་སྤྲིན། །རབ་འབྱམས་ཞིང་ཁམས་རྒྱ་མཚོར་རབ་སྤྲོ་ཞིང་། །ཚེ་རབས་ནས་བསགས་སྡིག་ལྟུང་ཉེས་པའི་དྲི། །མ་ལུས་སྟོབས་བཞིའི་ཆོ་གས་བཤགས་པར་བགྱིས། །དུས་གསུམ་དྲི་མས་དབེན་པའི་འཁོར་འདས་ཀྱི། །ཇི་སྙེད་དགེ་བའི་ཚོགས་ལ་རྗེས་ཡི་རང་། །མགོན་ཁྱོད་སྲིད་པ་མཐའ་ཅན་མ་གྱུར་པར། །བརྟན་པར་བཞུགས་ལ་བདག་སོགས་འགྲོ་ཀུན་གྱི། །སྒྲིབ་གཉིས་གཉེན་པོར་རྟག་ཏུ་ཆེ་བ་ཡི། །ཟབ་རྒྱས་ཆོས་ཀྱི་འཁོར་ལོ་བསྐོར་བར་བསྐུལ། །འདིས་མཚོན་དུས་གསུམ་དགེ་བའི་ཆུ་ཀླུང་ཀུན། །བླ་མེད་བྱང་ཆུབ་རྒྱ་མཚོར་རོ་གཅིག་ཏུ། །ཡོངས་སུ་བསྔོ་བའང་འཁོར་གསུམ་ཡོངས་དག་ནས། །སྒྱུ་མའི་རྩེ་འཇོར་རོལ་པའི་ཚུལ་གྱིས་སོ། །ཞེས་སྔགས་བརྗོད་ཡན་ལག་བདུན་པ་སྔོན་དུ་བཏང་ནས།

― JLAZ014_Page_0541 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱལ་བ་ཉིད་ཀྱིས་རྡོ་རྗེའི་ལུང་གིས་བསྟན་པ་ལྟར། གངས་ལྡན་རྭ་བ་དཀར་པོའི་ལྗོངས་འདིར་ཆོས་རྒྱལ་ལོ་པཎ་རྣམས་ཀྱི་ཐུགས་རྗེར་བརྟེན། སངས་རྒྱས་ཀྱི་བསྟན་པ་དར་ཞིང་རྒྱས་པར་གྱུར་པའི་གནང་ནས། ཁྱད་པར་དུ་འཇམ་དབྱངས་མིའི་སྲིད་པ་ཆོས་རྒྱལ་ཁྲི་སྲོང་ལེའུ་བཙན་གྱིས་སློབ་དཔོན་ཆེན་པོ་པདྨ་སམྦྷ་ཝ་སྤྱན་དྲངས། དཔལ་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་འདི་ཉིད་བཞེངས། རྗེ་འབངས་ཐམས་ཅད་ཐར་པའི་ལམ་ལ་བཀོད། སངས་རྒྱས་ཀྱི་བསྟན་པ་དང་སེམས་ཅན་གྱི་བདེ་སྐྱིད་རྫོགས་ལྡན་གྱི་བསྐལ་པ་བཟང་པོའི་དཔལ་ལ་འགྲན་པར་མཛད་པ་བཞིན་དེང་རྒྱལ་དབང་པདྨ་ཀཱ་རའི་ཞལ་སྐྱིན་དམ་པ་བསམ་ཡས་སུ་བྱོན་ཞིང་། བདག་ཅག་གིས་སྦྱིན་བདག་གི་ཁུར་བླངས་ཏེ་ཚོགས་ཀྱི་མཆོད་པ་ཕུལ་ནས་འཇིག་རྟེན་གྱི་ཁམས་སུ་བདེ་སྐྱེད་འབྱུང་བ་དང་། བདག་ཅག་རྣམས་ཕལ་ཡུན་དགེ་ཞིང་ཤིས་པའི་རྟེན་འབྲེལ་གྱམ་སྒོམ་འཕར་སྟོང་ཕྲག་བྱེ་བའི་སྨོན་ལམ་དང་། སྨིན་བྱེད་ཀྱི་དབང་།གྲོལ་བྱེད་ཀྱི་གདམས་པ་ཟབ་མོ་སྩལ་བ་སོགས་ཐུགས་རྗེ་ཆེན་པོས་བསྐྱངས་པའི་མཎྜལ་མཚོན་བྱེད་དུ། ལྷ་གོས་སྲིད་དུ་རིང་བ། རྡོར་དྲིལ་ཐེག་ཆེན་གསེར་རྩིམ། ཏིང་ཤག་དངུལ་གྱི་ཉག་ཐག་ཅན། མ་ཧེ་ཉེྩ་ཡུག་ཆེན། ལིང་ཚོས་ཁ་སྣ་ཚོགས་

― JLAZ014_Page_0542 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུག་ལྔ། གོས་ཆེན་གསེར་བྱུས་ཡུག །པགས་བྱུག་ཡུག ཟམ་ཡུག་ཆོས་ཁ་སྣ་ཚོགས་དྲུག མཛོད་གོས་སྔོན་གཡུག གསེར་རྡིལ་ཚད། དངུལ་རྟ་རྨིག་མ་གཉིས་དང་། ཁོལ་ཚེ་སྲང་བཅུ་གསུམ། གསེར་ཞོ་ལྔ་པ་གཅིག །ཇ་བཟང་འབྲིང་འཁོར་དྲུག་ལྔ། རྟ་ཆིབས། རོལ་གཉིས། དྲིའུ། ཀ་ཤི་ཀའི་རས་བཅས་ཕུལ། དེ་སྲིད་སྐྱེ་བར་དལ་འབྱོར་ལུས་ཐོབ་ཅིང་་ །དམ་པས་རྗེས་བཟུང་ཚུལ་ཁྲིམས་རྣམ་པར་དག །ཐོས་བསམ་སྒོམ་པའི་འབྲས་བུས་རྒྱུད་ཕྱུག་ནས། །བསྟན་དང་འགྲོ་བའི་དཔལ་དུ་བདག་གྱུར་ཅིག །ཅེས་སྣང་། རྙེད་བཀུར་དང་ནི་བསྟི་སྟང་ལ། །རློམ་བ་སྐྱེས་ནས་བྲིས་པ་མིན། །རྒྱལ་བའི་བསྟན་དང་དེ་འཛིན་ལ། །གུས་དེ་ཆོས་རྒྱལ་རྣམ་ཐར་ཡིན། སང་ཉིན་བཀྲ་ཤིས་དཔལ་རར་ཐོན་ཕྱག་ལ་བྱོན་ཐོག་ཐོར་སྣམ་དང་། འགོ་སྣམ་གྱི་གཙོས་པའི་ཕེབས་རྫོང་བརྡ་མཚོན་དང་། རྒྱལ་པོ་སྟངས་དཔྱལ་གྱིས་གཙོས་པའི་ནང་མ་རྣམས་ལ་ཚེ་དབང་། ཕྱི་རོལ་དུ་བྱིངས་དམངས་ཉིས་བརྒྱ་སྐོར་ལ་བྱིན་རླབས་དང་མདུད་དམ་སྤྲད། མཐའ་འདུལ་ཡང་འདུལ་གྱི་གྲས་ཀློང་ཐང་སྒྲོལ་མ་དེ། སྡེ་དགེའི་མངའ་རིས་ན་ཡོད་འདུག་པ་ཉམས་གསོས་དགོས་པའི་ཚུལ་དང་། ཕེབས་ལམ་གྱིས་མཚོན་གཞིས་བྱེས་ཐམས་ཅད་དུ་འབངས་ལ་བྱམས་

― JLAZ014_Page_0543 ―

^{[མ་དཔེ་གཟིགས་ན་འདིར་གནོན།]}

[Full Size]

པས་སྐྱོང་དགོས་ཚུལ་ཞུས་ཏེ་ཐེགས། སྐུ་སྲུང་བཞུ་ཆེན་དཔོན་ལ་ཡོན་ཏན་མཛོད་ཆོས་འབྲེལ་དུ་བྱས་ཤིང་། གཞན་སྐུ་འཁོར་དྲག་གཞན་སོ་སོའི་རེ་བ་བསྐངས། རྒྱལ་པོ་བསམ་ཡས་སུ་བཞུགས་རིང་ཕྱིར་འབྲེལ་གྱི་གནས་སྐོར་ལྟོས་ཆེ་བ་ཀུན་ཏུ་རྒྱུའི་གྲས་ཞིག་འཕྱོང་རྒྱས་ཞོལ་པས་རྡོ་ཚོམས་བྱས་ནས་རྐྱེན་ལམ་དུ་སོང་བ་། ཁྲ་འབྲུག་ཏུ་ཕེབས་བསྟུན་ཤ་ལན་ལེན་མའི་དཔུང་འོང་ཚུལ་གྱིས་སྐྲག་ནས། ངེད་ལ་ཞུ་ངོ་སྒྲོན་རོགས་ཀྱི་བང་མི་གཉིས་འབྱོར། འདི་པ་ཚོ་ལྷོ་བྲག་མར་པའི་ཡུལ་མི་ལྟ་བུ་ཡིན་ཀྱང་སྙིང་རྗེ་ཆེན་པོས་རྒྱལ་པོ་ལ་ཐལ་སོང་དེ་རིགས་གནང་ན་ཉེས་པ་ཤིན་ཏུ་ཆེ་བས་ངོ་ཆེན་དགོས་ཚུལ་ནན་གྱི་ཞུ་ཡིག་ཕུལ། གཞན་ཁམས་པའི་སྲོལ་ལ་ཤ་ལན་ལེན་པ་ཁྲིམས་སུ་བཅའ་བས་ལུང་སྐྱོག་གི་ཐུབ་ཚོད་མཐིལ་རྡེལ་བ་ཐུག །བསམ་ཡས་རྫོང་དཔོན་སྤེལ་གཞི་འབྱོར་རྒྱས་པ་ལ་ཚེ་དབང་དང་། རྟ་མགྲིན་གསང་སྒྲུབ་ཀྱི་རྗེས་གནང་བྱས་ རང་གནས་སུ་ལྡོག་ལ་སྤོརར་ཞག་གསུམ་བསྡད་དེ་ཚེ་དབང་དང་སྦྱིན་སྲེག་སོགས་བྱས། སླེབ་ཕྲལ་ཁམས་པ་བཅོ་ལྔ་སྐོར་ལ་ཁྲིད་བཏབ། གངས་རིའི་ཁྲོད་ཙམ་ན་སྦྱངས་ཡོན་བཅུ་གཉིས་དང་ལྡན་པའི་དགེ་སློང་ཀོང་པོ་རྒོད་ཚང་པ་སྣ་ཚོགས་རང་གྲོལ་གྱི་སྐྱེ་བ་གསུམ་པ་རྒྱ་ལར་བྱུང་བ་རྒྱལ་ཆོས་མཛད་ནས་འདིར་གསན་བསམ་ལ་ཕེབས་ཐུབ་རེ་བྱས་ཀྱང་གཞན་

― JLAZ014_Page_0544 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་དུ་གྱུར་པ་འདི་སྐབས་སྐུ་ནར་སོན་པའི་དགོངས་དཔྱད་ཀྱི་མཇལ་མ་ཐུབ་ཚུལ་དང་། རྣམ་བ་ཀུན་ཏུ་རྗེས་སུ་འཛིན་དགོས་ཞེས་ལྷ་རྫས་བཟང་པོ་དང་། སྒམ་དྲིལ་ལེགས་པ་བཅས་འབྱོར་། དེ་ཀའི་ལན་དང་བདུད་རྩིའི་ཕུར་མ་ཕེན། ཡོན་ཏན་མཛོད་བཅས་ཕུལ། བར་སྐབས་ན་ལྷོ་རྒྱུད་གཉལ་ཕྱོགས་ལ་མདོ་སྒྱུ་སེམས་གསུམ་གྱི་མཚོན་སྔ་འགྱུར་གྱི་རིང་ལུགས་འཛིན་པ་ཏ་མྦྷོ་བ་སངས་རྒྱས་བཙོན་འགྲུས་དང་། ཤ་གཟུགས་བ་མངྒལ་སོགས་ཀྱི་ཆོས་རྒྱུད་འཛིན་པ་ས་ལ་བླ་མ་དང་། དམོ་སྨད་རུ་དམ་པ་འཇིགས་མེད་བློ་གསལ་ཅན་མདོའི་སྒྲུབ་མཆོད་ཐོག་འཛིམ་པ་ལ་ཉེ་བཟང་ཞིང་སྐྱེས་ཐོབ་དང་ལྡན་པ་སྨིན་གྲོལ་གྱི་གོ་བརྡ་འཕྲོད་པས་མཛོད་གསར་རྙིང་གི་བཤད་ལུང་དང་རགས་རིམ་བཀའ་གཏད་སོགས་ཀྱང་བྱས། ཤི་བརྤ་ཏར་ཚོགས་འཁོར་དང་བཅས་འདུ་ཁང་གི་ཀ་རིང་ཐོབ་ལྕམ་གླིང་འདོམ་དྲུག་གིས་བྱིབ་ཁེབས་ལ་རྒྱ་གར་ཁ་ཐིའི་གནམ་རྒྱན་དང་། དྲིལ་བུ་ཐེག་ཆེན་ཆེ་བ་སྤྱི་རྫས་སུ་སྦྱར། མདོ་ཁམས་པ་འཇིགས་མེད་ཕྲིན་ལས་འོད་ཟེར་གྱི་དཔལ་ཆེན་གྱི་ལས་མཐའ་རོལ་བ་ཆེན་པོའི་གཏོར་བཟློག་སོགས་བཏང་སྙོམས་སུ་མི་བཞུགས་པར་ཅི་ནས་གཏན་འབེབས་མཛད་དགོས་ཞེས་ནན་ཏན་ཆེ་ཡང་། སྤྱིར་བརྡ་སྒྱུར་རྟེན་འབྲེལ་གྱིས་ཆེ། ཁྱད་པར་མངོན་སྤྱོད་བ་ཞེན་པས་ཅི་མི་སྙམ་བར་ལུས་ཐོག །རུ་དམ་པ་འཇིགས་

― JLAZ014_Page_0545 ―

^{[མ་དཔེ་གཟིགས་ན་འདིར་གནོན།]}

[Full Size]

མེད་བློ་གསལ་ཅན་གྱིས་གསོལ་བ་ནན་ཏན་དང་བཙུན་མོའི་ཕོ་ཉ་འཛོམ། དབྱིངས་ཀྱི་ཌཱཀྐིའི་ཞལ་ལུང་ལྟར་རྒྱུད་ལུགས་སྒྲ་ཇི་བཞིན་པའི་ཧེའུ་ཀ་རིགས་བཞིའི་སྒོས་སྒྲུབ་བཀའ་གཏེར་ཟུང་འཇུག་གི་འབྲེལ་བའི་གཏེར་རྒྱ་གྲོལ། དེ་ཡང་རང་གཞུང་ལས། གལ་པོ་ལ་སོགས་ཧེ་རུ་ཀའི ཏནྟྲཀུན་གྱི་བཅུད་ཀྱང་འདྲིལ ཞེས་པ་ལྟར་ཧེ་རུ་ཀ་གལ་པོ། གཤིན་རྗེ་ཟླ་གསང་སྡིག་པ་སྟོབས་ཆེ། རྟ་མཆོག་རོལ་བ། ཕུར་བ་རྩ་རྒྱུད་རྡོ་རྗེ་ཁྲོས་པ་གཙོ་གྱུར་རྒྱུད་ལས་མན་ངག་ཏུ་འདྲིལ་ཞིང་སྒྲུབ་མཆོད་ཀྱི་རྒྱུན་བཙུགས་པས་ཁྲི་སྲོང་ལེའུ་བཙན་གྱི་ལོ་པཎ་སྤྱན་དྲངས་ཤིང་འབད་པས་བསྒྱུར་བའི་རྒྱུད་རྣམས་རྡུལ་ཁྲོད་ལས་དབུགས་འབྱིན་ཐོབ། རོལ་པ་ཆེན་པོའི་གཏེར་བཟློག་གི་བརྡ་རིས་གྲོལ་བའི་འབྲེལ་སོགས་ཀྱི་བདག་པོའི་རྐྱེན་ནི་བཙུན་མོ་དམ་བ་ངང་ཚུལ་བྱང་ཆུབ་རྒྱལ་མོས་མགུལ་རྒྱན་བསྐུར་བ་ལས་བྱུང་བས་ལུང་ཟིན་གྱི་སྐྱེས་བུར་སྣང་། སྔ་སོར་ལྷོ་འབྲུག་ཕྱོགས་ནས་སློབ་མའི་དམ་པ་ཀུན་གྲོལ་བུ་མ་ཐང་ཐ་བའི་བྲག་ལ་ལོ་གསུམ་གྱི་དུས་རྨི་ལྟས་ལ། །དགོངས་པས་བརྒྱུད་པའི་ཆོས་བཀའ་འདིར། །ཤོག་དྲིལ་ཁ་དོག་རྣམ་ལྔ་ལས། །བཞི་ནི་ཀློང་ཆེན་སྙིང་ཐིག་སྟེ། །གཉིས་ནི་དངུལ་གཏན་མ་ཕེབས། །དོན་དམ་ངོ་བོ་ཨོཾ་ཨཱ་ཧཱུྃ། །ཡི་གེ་གསུམ་གྱི་རྣམ་པར་གནས། །དེ་ལ་བསམ་བརྗོད་སྤྲོས་པ་བྲལ། །

― JLAZ014_Page_0546 ―

^{[མ་དཔེ་གཟིགས་ན་འདིར་གནོན།]}

[Full Size]

ཞེས་བླ་མ་དང་མཇལ་ནས་གསུང་བྱུང་བས་གཉིས་པོའང་བཏང་སྙོམས་སུ་མི་འཇོག་པར་གསོལ་བ་སྙིང་ནས་འདེབས་ཞེས་བྱུང་བའང་དོན་ལ་གནས། །ཁོང་ཅག་གིས་བསྐུལ་ནས་བར་དོ་དང་བདེ་བ་ཅན་གྱི་སྨོན་ལམ། བཙུན་མོ་ལ་སྤྲིང་བའི་གཏམ་རྐང་པ་བཅོ་ལྔ་པ་ཡང་བྲིས། དབྱར་ངོ་འདིར་སྲིད་པ་ཕྱི་མའི་རྟེན་འབྲེལ་དུ་དམིགས་ནས་རང་བཞིན་སྤྲུལ་སྐུའི་ཞིང་ཁམས་ལས་རྣམ་གྲོལ་དབུགས་ཆེན་འབྱིན་པ་ལྔ་སོགས་ཐང་སྐུ་རྒྱུ་ཚོགས་དག་བགྲ་ཚེར་བརྒྱད་བཞེངས། དམིགས་ཡུལ་འབྲེལ་ཐོགས་ལ་ཆུ་གཏོར་འབུམ་ཐེར་དང་། ཡུལ་མི་དབུལ་པོ་ལ་སྦྱིན་གཏོང་གང་ལྕོགས་བྱས། ཆོས་རྗེ་བྲག་ཕུག་པར་སྤྲོ་བ་བསྐུལ་བ་བཞིན་ཁོང་གིས་དང་དུ་བླངས་ནས་བསམ་མཆིམས་སུ་སློབ་དཔོན་ཆེན་པོ་སྐུ་ཚད་ཆེ་བ་བཞེངས་པའི་རབ་གནས་ལ་བསྐྱོད། དངོས་སྟ་སྤྲེལ་བ་དང་། བོད་ཁམས་བདེ་བའི་སྨོན་ལམ་བྱས། བྲག་དཀར་ཀེའུ་ཚང་དུ་བརྒྱ་མཆོད། ཚེ་ཆོག་དང་འབྲེལ་བར་ཚོགས་བརྒྱ། མེ་མཆོད་ཁྲི་ཚར། གཟིམ་ཕུག་ཏུ་རྒྱ་རག་གྱི་མཎྜལ་ཕུལ་མ་ཆེ་ལེགས་ཞིག་ཕུལ། དགོན་པས་སྦུག་ཏུ་དད་ལྡན་སློབ་དཔོན་ལགས་ཀྱིས་བསྙེན་བཀུར་འབུལ་ནོད་དང་བཅས་རིང་འཚོའི་རྟེན་འབྲེལ་མཛད། བསམ་ཡས་སུ་སྟོང་མཆོད་དང་སྙན་ཤལ་བརྒྱ་ཕྲག་ཕུལ། ཁྲུས་གསོལ་བརྟན་བཞུགས། བོད་ཁམས་བདེ་བའི་སྨོན་ལམ་བཏབ།

― JLAZ014_Page_0547 ―

^{[མ་དཔེ་གཟིགས་ན་འདིར་གནོན།]}

[Full Size]

བར་ཁང་དུ་དགེ་བྱམས་བསྟན་འཛིན་གཉིས་ཀྱིས་ཞབས་ཏོག་དང་བཅས་ཚེ་ཆོག་ཚོགས་བརྒྱ་བཏང་སར་རབ་བྱུང་དབུ་མཛད་པས་ཧོར་དྲིལ་ཞིག་ཕུལ། བཀྲལ་དཔལ་དུ་ནོར་རྒྱུན་མའི་གཡང་རྟེན་རྒྱས་པར་བཙུགས། གཙུག་ལག་ཁང་གི་ཉེ་ལོགས་ཡིན་པས་ས་བཅུད་གསོ་བའི་རྟེན་འབྲེལ་བསྒྲིགས། དཀོན་གཉེར་དཔོན་གྱིས་སྡུམ་པར་བསྟི་སྟང་རྒྱས་པར་མཛད། ཀ་ཆུ་རྡོ་རིང་པའི་མས་རྣ་རྒྱན་ཕུལ་བའི་དགེ་བ་རྫོགས་བྱང་དུ་བསྔོས། གཞུངས་ནས་དོ་དམ་གཏོང་ཁྲ་འབྲུག་གཙུག་ལག་ཁང་ལ་རབ་གནས་བྱེད་དགོས་ཕེབས་པ་ཆོག་རོགས་པ་བཅོ་ལྔ་བཅས་དངོས་སྟ་ཉིན་གསུམ་མའི་རབ་གནས་རྒྱས་པའི་སྦྱིན་སྲེག་རྣམས་གཏོང་སྒྲོའི་ཁྲལ་འཇལ་ལ་ཆ་མ་བཞག་པར་བསྟན་འགྲོའི་ཉེར་འཚེ་མེས་དཔོན་གྱི་གཙུག་ལག་ཁང་ལ་གནས་པས་ངེས་པས་གཏོར་ཚོགས་དང་མཆོད་པའི་སྤྲིན་རང་སྟོབས་ཀྱིས་དང་དུ་བླངས། ཕན་ཚུན་གྱི་རབ་གནས་ཐམས་ཅད་ལ་ཐན་སྒང་ལ་ཆར་ཆུད་གློ་བུར་དུ་བརྡོལ་བ་སོགས་དཀོན་མཆོག་གི་ཐུགས་རྗེ་ལ་ངེས་ཤེས་སྐྱེས། འཇིག་རྟེན་པ་རྣམས་ནི་ཕོ་ལྷ་ཆེ་གེ་མོའི་ཐུགས་རྗེ་ཡིན་ཟེར་བ་ཡི་དགས་ལ་ཡིད་ཆེས་པ་ཙམ་དཀོན་མཆོག་ལ་བྱུང་ན་ཨཱ་སྙམ་པ་ཤར། འབྱུང་པོ་རང་རྒྱུད་པ་ལ་ཆར་བའི་དབང་ཡོད་མིན་མདོ་སྡེ་དྲན་བ་ཉེར་གཞག་ལ་ལྟོས། འབྲས་སྤུངས་བདེ་

― JLAZ014_Page_0548 ―

^{[མ་དཔེ་གཟིགས་ན་འདིར་གནོན།]}

[Full Size]

ཡངས་བླ་མས་སྔ་སོར་ཡོན་ཏན་མཛོད་གཟིགས་པས་འདི་ཕྱོགས་སུ་ཕྱག་མཛོད་པ་དང་ལྷན་ཅིག་ངེད་ཚོལ་འདི་འདྲ་ཡོད་ན་གདུགས་བཅུ་གསུམ་བསྐོར་ཞེས་ཞལ་བཀྱལ་མཛད་ཟེར་བ་བཞིན་རྩེ་ཚོགས་མཁན་པོར་ཕེབས་མ་ཐག་པ་དང་འགྲིག་པས་གསང་སྔགས་ཕོ་བྲང་དུ་མཇལ་དུ་ཕེབས། མགྲིན་པ་ལོངས་སྤྱོད་ཀྱི་འཁོར་ལོའི་རྩ་མདུད་གྲོལ་བ་ཁྱེད་ལ་ཕྱག་འཚལ་ལོ་ཞེས་གཏིང་ནས་གུས་པའི་རྣམ་འགྱུར་དང་བླ་མ་དང་མཇལ་བ་སྐལ་བ་ཆེ། ཁ་ཕྱིར་བལྟས་ཀྱི་ཐོས་བསམ་གྱིས་ལྟ་བའི་དེ་ཉིད་མི་རྟོགས་པས་ད་རེས་རྫོགས་པ་ཆེན་པོའི་ངོ་སྤྲོད་མཐིལ་ཕྱིན་པ་ཞིག་ཞུ། མཁས་པ་ཀློང་ཆེན་པའི་གསུང་རབ་མཐོང་བ་ལ་བརྟེན་ནས་ཕྱོགས་འདི་ལ་ངེས་ཤེས་རྙེད་པ་ཡིན་གསུང་། དྲི་བ་དྲི་ལན་གྱི་སྒོ་ནས་ཆོས་ཉིད་གཤིས་ཐོག་ཏུ་ངོ་སྤྲད། སྐྱེ་བ་ཕྱི་མ་བླ་མ་གང་ཕེབས་སར་ང་ཡང་ཁྲིད་ཅིག་གསུང་། དེའི་གོང་ཙམ་དུ་བརྤ་ཏའི་སྐྱོང་བྱེད་དུ་གྲགས་པས་སྤངས་རྟོགས་ཀྱི་ཡོན་ཏན་གང་ཡོད་ཅེས་བསྒྱུར་སྦྱངས་བྱས་བྱུང་བ་དང་། འཇིག་རྟེན་ལ་གྲགས་ཚོད་ཀྱི་གོས་དང་། སྡེ་སྣོང་མཁྱེན་པའི་བཤེས་གཉེན་ཆེན་པོ་འདི་ཙམ་གྱིས་གཟིགས་སྟངས་འཛོལ་ལུགས་ཀྱིས་ཀྱང་སེམས་ཅན་གྱི་ལས་སྣང་ལ་སྐྱོ་བ་ཆེན་པོ་སྐྱེས། ཡོན་ཏན་མཛོད་དང་སྐྱེས་རབས་ཆོས་འབྲེལ་དུ་ཕུལ། སླན་ཆད་རབ་བྱུང་ལ་སྤྲིང་བའི་གཏམ་དེ་བསྔགས།

― JLAZ014_Page_0549 ―

^{[མ་དཔེ་གཟིགས་ན་འདིར་གནོན།]}

[Full Size]

གོང་ས་རིན་པོ་ཆེའི་བཀའ་ཤོག་རིན་ཆེན་གཉིས་པ་སྤང་བཅོ་ལྔ་བཅས་པ་དེ་གཟར་ཆིངས་སྒྲི་སྐོར་ལ་ཕ་རོལ་སྣང་བ་དབང་བསྒྱུར་གྱི་ཕྱིན་ལས་བྱེད་དགོས་ལ། སེམས་ཅན་བདེ་ཐབས་ལ་སེམས་སྟོབས་ཆེན་པོའི་ཁུར་ལྷན་སྐྱེས་སུ་ཡོད་པས་སྔ་འགྱུར་རྟ་མཆོག་རོལ་བའི་བསྙེན་སྒྲུབ་བདག་གི་སྦྱིན་སྲེག་བཅས་རྟགས་མཐོང་གི་བར་དང་དུ་བླངས། འདི་ཙམ་ན་ཏིང་ངེ་འཛིན་ལས་སུ་རུང་བས་དུས་གཅིག་ཅར་དུ་ཕྲིན་ལས་བཞིའི་དམིགས་པ་ལའང་རང་དབང་ཐོབ། དེའི་ཚེ་སངས་རྒྱས་འབྱུང་བ་ལ་མཉེས་པར་མི་བགྱིད་པའི་གནས་སུ་གཟིགས་པ་དུས་ལས་ཡོལ་བའི་ཇོ་བོ་ཕྱོགས་ལས་རྣམ་རྒྱལ་པདྨ་འོད་གླིང་གི་བཀའ་འགྱུར་རྟེན་གཙོར་བྱོན། བཟོ་བགྲོས་དང་སྐུ་རྒྱུ་གཅིག་པོས་ཀྱང་ངོམས་པར་སྣང་བས་སྤྱན་དྲངས་པའི་ཡོན་སྲང་འཁོར་སུམ་ཅུ་བསྟབས། དཔལ་འཁོར་ཆོས་སྡེ་ནས་རིན་སྡིངས་བླ་མ་སངས་རྒྱས་ཕྲིན་ལས་ཀྱིས་བྷ་ན་དྷ་དུམ་བུ་གཅིག་པ་དང་། གོང་ས་ལྔ་པའི་ཕྱག་དྲིལ་ཡིག་རྟགས་འབྱར་བའི་ཁྱེད་བྲེལ་ངོ་མ་འབུལ་བར་རྒྱང་མཁར་དགེ་སློང་འབྱོར་བརྟེན་འབྲེལ་གྱི་སྒོ་ཆེན་པོར་སྣང་། རྒྱང་རུ་ནས་དཔལ་སྡིངས་རྗེ་བཙུན་དྲུང་དང་ཡབ་ཀྱི་སྐུ་སྐྱེ་འཇིགས་མེད་བསྟན་པའི་ཕྲིན་ལས། ཡང་ཞབས་གཅུང་པོ། ཧཱུྃ་ལྕམ་བཅས་ཉི་ཤུ་སྐོར་ལ་ཁྲིད་དང་། དབང་ལུང་། ཕུར་བརྒྱུད་ལུགས། སྒྱུ་འཕྲུལ་ཞི་ཁྲོ། རང་

― JLAZ014_Page_0550 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད་རྩ་འགྲེལ་སོགས་བཀའ་གཏད་བྱས། འདི་དག་དད་ལྡན་གྱི་སློབ་བརྒྱུད་ཡིན་བས་འདི་ལོ་རེ་གཅིག་པའི་ཀེག་དོགས་པ་དམིགས་པའི་རིང་འཚོའི་རྟེན་འབྲེལ་མཛད། ལོ་མཇུག་ལྕགས་ཟམ་ནས་གྲུབ་དབང་ཆེན་པོའི་གདན་ས་བརྟན་འཕེལ་གྱི་ཕྱིར་རྟེན་གསུམ་ལ་རབ་གནས་བསྐྱར་བས་མཚོན་པའི་དོན་གཉེར་ཆེན་པོའི་སླད་དུ་གདན་འདྲེན་ནན་ཏན་ཆེ་བའི་ཞལ་ངོ་མ་ལྡོག་པར་སྐོར་ཅིག་བསྐྱོད་དགོས་ལ། ཆུ་མིག་ཁ་ནས་ཡིན་ཟེར་བའི་ཆོས་སྐྱོང་ཕོ་རྒྱུད་གཉིས་དང་། མོ་རྒྱུད་གཙོ་འཁོར་ལྔ་པས་གདན་འདྲེན་གྱི་རྣམ་པ་བྱས། བསྟན་པ་ལ་དགའ་བའི་རིགས་རྣམས་དམ་ཚིག་ལ་གུས་པར་སྣང་། ཀློང་ཆེན་སྙིང་ཏིག་ནས་བཀའ་འདུས་ཆོས་ཀྱི་རྒྱ་མཚོའི་སྐོར་སོགས་སར་བྱུང་གི་དབང་ལུང་རྣམས་ཕུལ། ཆོས་སྒོ་གསར་པ་རྣམས་ལ་ལྗགས་བསྙེན་གྱི་དམ་བཅའ་ཡང་མཛད་པས་དེའི་གོང་དེར་རྨི་ལམ་དུ་སྤྲུལ་པའི་སྐུ་སངས་རྒྱས་མཉམ་སྦྱོར་ལ་འགྲེལ་པ་མཛད་པར་མཐོང་བས་ཡང་དག་འདི་ལག་པར་བཀའ་བབས་ཀྱི་ཆོས་བདག་ཡིན་པར་རིག །གཟའ་ཚེས་ལེགས་པ་དང་བསྟུན་བཀའ་འདུས་ཕུར་པ་བདུད་དཔུང་ཟིལ་གནོན་གྱི་དཀྱིལ་འཁོར་ཐོག་མར་ཞལ་ཕྱེ་ནས་དངོས་སྟ་ཉིན་གཉིས་མའི་རབ་གནས་ཀྱི་ཁོངས་སུ་ཞི་རྒྱས་གཉིས་ཀྱི་སྦྱིན་སྲེག །སྐུ་འབུམ་ལྕགས་ཟམ་གཙང་ཁང་ཆེན་ཆེན་མོས་མཚོན་པའི་

― JLAZ014_Page_0551 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་རྟེན་ཐམས་ཅད་ལ་མེ་ཏོག་གཏོར། ལྡོག་པར་ཉེ་བ་ན་སྐུ་གསུང་ཐུགས་རྟེན་གྱིས་གཙོས་པའི་འབུལ་ནོད་གྱ་ནོམ་པ་དང་བཅས་བསུ་བཟློག་དང་འབྲེལ་བའི་བརྟན་བཞུགས་མཛད་པའི་ཤིས་བརྗོད་ཀྱི་དུས་སྤྲུལ་པའི་སྐུ་རིན་པོ་ཆེ་མཁྱེན་རབ་ཆེ་བས་རྙེད་བར་དཀའ་བའི་རྡོ་རྗེ་སློབ་དཔོན་དུ་ངེས་པའི་བསྔགས་བརྗོད་འགྲེལ་ཆགས་པ་དང་བཅས་ལོ་བརྒྱ་ཕྲག་ནས་བརྒྱད་ཅུའི་བར་དུ་འཚོ་ཞིང་གཞེས་གདུང་བ་ཆེན་པོ་མཛད་པ་ཡང་དྲུག་ཅུ་རེ་གཅིག་པའི་ཀེག་དོགྲ་ནས་གསོས་ཐེབས་པའི་རྟེན་འབྲེལ་ཆེན་པོར་གྱུར། གྲུ་སོའི་རྣམ་གཡེང་དང་ཁྱིམ་པ་ཚོའི་གནས་དུས་ཀྱི་དབྱ་ཁྲལ་ལ་ངེས་འབྱུང་དང་སྙིང་རྗེ་ལྷན་སྐྱེས་སུ་ཤར། ཉེ་ཕུལ་ཤས་བརྟེན། རང་གནས་སུ་སླེབས་ནས་པད་གླིང་རུས་བརྒྱུད་བུམ་ཐང་ཆུ་སྨད་ཞལ་ངོ་དགེ་སློང་ཆོས་གྲགས་ཅན་བརྒྱད་ལ་ཀློང་ཆེན་སྙིང་ཏིག་ནས་ཁྲིད་སྨིན་པར་བཤད། མོན་ཡུལ་ཝང་ཐང་ནས་བརྒྱུད་འཛིན་གྱི་སློབ་བུ་ཀུན་གྲོལ་ཅན་གྱིས་བསྐུལ་བྱང་ལ་རྟེན་མ་མགོན་གྱི་བརྡ་བསྒྱུར་གྲོལ་བའི་རྟགས་སུ་སོག་པོ་ལྷ་བཟང་ཁོང་བཙུན་མོ་དང་བཅས་པས་དངོས་ཅག་ལ་གཙུག་ཕུད་དབྱུང་ཞིང་དགེ་བསྙེན་གྱི་སྡོམ་པ་ནོད་པའི་རྨི་ལྟས་གསལ་བ་བཞིན་ཆོས་སྐྱོང་སྲོག་བཅའ་བར་གཉིས་ལ་སྤེལ། བཀའ་མཁྱད་པར་ཅན་འདི་དག་མི་ནུབ་པར་རེ་

― JLAZ014_Page_0552 ―

^{[མ་དཔེ་གཟིགས་ན་འདིར་གནོན།]}

[Full Size]

ནས་ཡང་དག་ལྷ་དགུ་དང་། སངས་རྒྱས་མཉམ་སྦྱོར་གྱི་དབང་འདུས་པ་བཅོ་ལྔ་སྐོར་ལ་བསྐུར། བུམ་ཐང་པ་བླ་མ་ཆོས་གྲགས་བླ་མའི་ཕྱོགས་སུ་གཏོང་ཕོད་ཆ་བས་སྐུ་གསུང་ཐུགས་རྟེན། རི་དྭགས་ཀྲྀཥྞ་སའི་སྟན་འཇའ་ལྡན། གསེར་སྲང་ལྔ། དངུལ་ལྔ་བཅུ་མ་བཅས་རིང་འཚོའི་རྟེན་འབྲེལ་བསྒྲིགས་ཤིང་མཎྜལ་གྱི་བཤད་པ་རྒྱས་པར་བྱུང་། ནགས་ཤོད་ནས་ཉི་གྲགས་སྤྲུལ་སྐུ་འཇིགས་མེད་བསྟན་པའི་སྡེ་དཔོན་གཡོག་ཉི་ཤུ་སྐོར་བྱོན་པར་ཀློང་སྙིང་ཡོངས་རྫོགས། བླ་མ་གསང་འདུས། ཕག་མོ་ཟབ་རྒྱ། རྒྱ་ཅན་དབང་ཁག་སུམ་ཅུ་སྐོར་ཆ་ཚང་། རང་བསྟན་ལ་སྨན་རེས་གྲོལ་ཏིག་ཆ་ཚང་། སྨན་བླ་དང་། ལྷ་མོ་འོད་ཟེར་ཅན་མ་སོགས་རྗེ་གནང་ཁ་ཤས་དང་། འཁྲིད་ཤིན་ཏུ་སྨིན་པ་བྱས། བརྟན་བཞུགས་དང་འབྲེལ་བར་ཆོས་ཡོན་དུ་དངུལ་རྟ་རྨིག་མ་གཉིས། རྟ་མཛོ་འདྲེས་པ་བཅོ་ལྔ་སྐོར། མར་ཁལ་ཉི་ཤུ་བཅས་འབུལ་ནོད་རྒྱ་ཆེ། ལྨ་བདེན་ལ་རེ་དོངས་ཀྱི་སྦྱོས་པ་ཉེ་བར་ཞི་བའི་ཚེ་ཟང་ཟིང་གི་རྙེད་པ་ལ་དགའ་བློམ་མི་འཆར་བ་ཆོས་ཉིད་དུ་འདུག་ཀྱང་། གཞན་དགོང་འདི་ཅེས་པ་ཙམ་ནས་དབང་བཅུ་ཐོབ་བའི་བྱང་ཆུབ་སེམས་དཔའ་ཡིན་ན་མ་གཏོགས་བླ་མ་དང་དགེ་བཤེས་སུ་གྲགས་པ་རྣམས་ཀྱི་ཚེ་ལ་གཞར་བའི་སྤུ་གྲིར་ངེས། ལམ་བདེན་ལ་རེ་དོགས་ཀྱི་བློས་ཉེ་བར་ཞི་དངོས་བསྟན་ཅིག་ཡིན་ཀྱང་

― JLAZ014_Page_0553 ―

^{[མ་དཔེ་གཟིགས་ན་འདིར་གནོན།]}

[Full Size]

ལུས་འིད་སྡུག་བསྔལ་བདེན་པའི་རང་དུ་འདུག་ན་ཡོན་སྦྱངས་ལ་འབད་དགོས་པར་འདུག །ལོ་འདིར་རང་གཞན་གྱི་ཚོགས་གསོགས་ལ་དམིགས་ཁྲག་འཐུང་རིགས་ལྔའི་དཀྱིལ་འཁོར་དུ་ཞི་བའི་སྦྱིན་སྲེག་འབུམ་ཐེར། གཙོ་བོར་ལག་འདོན་ལ་སེམས་བསྐྱེད་མཆོད་པའི་ཞལ་འདེབས་དང་བཅས་སྙིང་རྗེ་ཤེས་མི་བཟོད་པའི་བློས་ལུག་སུམ་ཅུ་ཐམ་པ་གྲི་འོག་ནས་བསླུས། ཚེ་གཟུངས་འབུམ་ཐེར། སྒོམ་གྲར་ཚོགས་སྟོང་རྩ་དང་འཚོ་བའི་མཐུན་རྐྱེན། དཔལ་རིང་ཉིན་བདུན་གྱི་བར་བཀའ་འགྱུར་གསུང་སྒྲོགས་པ་ཊཾ་ཁ་རེ་དང་། མང་འགྱེད། ཟོང་རས་ཞོ་སུམ་རེ་བཏང་། སྤྱི་རྫས་དངུལ་དཀར་གྱི་ཕུད་སྐྱོགས་ཆེ་ལེགས་དང་འཕྱར་དར་ཟིན་སྐྱ་ཆ་གཉིས་སྦྱར། ཕྱོགས་མགྲོན་གྱིས་སུན་པས་མཚམས་རྒྱའི་མུ་ཡིན་ཀྱང་གྲ་ཚང་གི་ནན་བསྟུད་དང་བསྟུན་ཆོགས་དབུར་བརྟན་བཞུགས་ལ་ཕྱིན། དཔལ་རྙིང་པ་རྣམས་ལ་སྣང་སྦྱོར་སྦྲེལ་དང་ཐུག་པ། དེ་པའི་མི་ལྟོགས་རྣམས་ལ་ཞོ་རེའི་སྦྱིན་གཏོང་བྱས། རི་བདེར་ཇག་སུམ། མངའ་གྲར་ལོ་ལྟར་གྱི་མང་ཇ། འདི་པའི་ཡུལ་མི་དབུལ་པོ་རྣམས་ལ་སྦྱིན་པ་ཅི་ནུས་སོགས་བྱས། འདི་སྐོར་སྐྱེ་བོ་མང་པོ་ལ་གྲི་བ་གནོན་ལྟ་བུར་འཚོ་ཞིང་སྒོམ་གྲར་རྒྱུ་ཅུང་ཟད་ཀྱང་མེད་པར་ངན་སེམས་འཆར་བའི་སྡིག་ཏོ་ཅན་ལ་ལས་སྔ་

― JLAZ014_Page_0554 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་སྒྱུར་སྦྱོང་བྱས་པ་ནས་བཟུང་རང་ཉིད་ཀྱི་བསོད་ནམས་ཟད་བའི་རྒྱུར་སོང་ནས་དམ་ཅན་རྣམས་ཀྱི་ཨ་བྷི་ཙརྱའི་ཕྲིན་ལས་ལ་སྦྱར་བའི་མངོན་རྟགས་གྲལ་དུ་གསལ་བ་ལ་སྙིང་རྗེ་ཆེན་པོ་སྐྱེས་ཤིང། སྨོན་ལམ་ཡང་བྱས། སྡིག་གྲོགས་བླུན་པོའི་ཕྱོགས་འཛིན་པའི་དམ་ཚིག་སྐྱོན་ཅན་དག་གིས་བཤགས་པ་བྱུང་བར། སངས་རྒྱས་ལ་ལྷས་བྱིན་དང་མ་སྐྱེས་དགྲས་སྒྱོགས་འཕངས། གླང་ཆེན་སྨྱོན་པ་ཆུ་པ་ལའང་འཁོན་དུ་བལྟ་བ་མེད་ན་དྲེན་ལན་ལོག་འཇལ་བྱེད་བ་འཇིག་རྟེན་ན་མང་བས་བྱང་ཆུབ་སེམས་དཔའི་སྡེ་སྣོད་རྒྱུད་ལ་འདྲིས་པའི་གཞན་དབང་དུ་བཏང་ཡང་གསངསྔགས་ཀྱི་སྲོག་དམ་ཚིག་ལ་གནས་བའི་རྟེན་འབྲེལ་གྱིས་ཉམས་གྲིབ་ལ་བརྟེན་པའི་འདུ་བ་འཁྲུགས་པ་དང་། ཚེ་ཕྲེང་གློ་བུར་དུ་ལྷགས་པའི་ལྟས་ཀྱང་བྱུང་བས་ཆོས་སྐྱོང་རྣམས་ལ་བཤགས་པ་ནན་གྱིས་བྱས། བྱང་ཆུབ་སེམས་དཔའ་ལ་ངན་སེམས་སྐྱེས་པ་རྣམས་ལ་འབྲས་བུ་མཐོང་ཆོས་སུ་སྨིན་པར་གདའ། །ཇོ་ཤག་དྲུང་དུ་་བཟང་སྤྱོད་འབུམ་ཐེར་གདོན་པའི་འབྲུག་པ་དགེ་སློང་ཅན་ཁ་ཤད་ལ་འཁྲིད་སྨིན་རྒྱས་དང་བཟང་སྤྱོད་ཀྱི་འགྲེལ་བ་རྒྱ་གཞུང་གི་རྗེས་སུ་འབྲངས་ནས་བཤད། ལར་སངས་རྒྱས་ཕལ་པོ་ཆེ་ནས་བྱུང་བས་ཕན་ཡོན་ལ་མཐའ་མི་འཚལ་ཏེ། ལས་དང་པོ་བས་ཐེག་པ་ཆེན་པོའི་སྤྱོད་ཕྱོགས་ཀྱི་གོ་འཆགས་པ་ལ་བྱམས་སྨོན་ཁ་གསལ། ཟླ་

― JLAZ014_Page_0555 ―

^{[མ་དཔེ་གཟིགས་ན་འདིར་གནོན།]}

[Full Size]

བ་བཞི་པའི་དུས་ཆེན་དང་བསྟུན་འདུས་པ་མདོའི་སྒྲུབ་མཆོད་དང་འབྲེལ་བར་གཙང་རྒྱང་རུ་དཔལ་སྡིངས་པ་ཅན། ཡང་ཞབས། གཙང་ཐེག་མཆོག་གླིང་པའི་གྲ་རིགས་ཨོ་རྒྱན་ཆོས་འཕེལ་ཅན་ལྔ། གཉལ་ས་ལ་ཆོས་རྗེ། ཤ་གཟུགས་སྐུ་སྐྱེ། རབ་བྱུང་སློབ་དཔོན་ཅན་སོགས་འདུས་པ་བདུན་ཅུ་སྐོར་ལ་མངོན་པར་ཆེན་མོ་ཞག་བཅུ་གསུམ་དང་། ཕུར་པ་རྒྱུད་ལུགས། ཀློང་སྙིང་བཀའ་འདུས། བཀའ་བརྒྱད་རྣལ་འབྱོར་རྒྱུན་དབང་། བླ་མ་ཡང་ཏིག་སོགས་དང་འཕྲེལ་བར་སྨིན་ཁྲིད་སྨར་པ་བཏབ། བླ་མཚོར་བྲི་ཐིག །ཆོ་ག་དང་ཕྱག་རྒྱ་སོགས་བསྟན་རྒྱུན་ལ་ཕན་རེས་ལེགས་པར་བསླབས། གཞུང་ས་ནས་དཔལ་རིའི་སྐུ་སྐྱེ་མ་བྱུང་བར་གྲྭ་ཚང་གི་བླ་མའི་ཁུར་བྱེད་དགོས་ཀྱི་རྒྱས་ཕེབས་ཀྱང་། འཇིག་རྟེན་གྱི་མཐུན་འཇུག་ནི་ངོས་ཅག་གི་མི་ཡོད། དེང་སང་གི་གྲ་ཚོགས་ལ་ཆོས་ཀྱི་སྒོ་ནས་ནམ་ཕན་ཐོགས་པ་དཀའ་སྙམ་བྱུང་བ་རང་མལ་དུ་བཞག །འདི་སྐབས་ཤིག་ཉིང་འཁྲུལ་དུ་རྩ་དཱུརྦའི་ཆུན་པོ་སྔོ་ལྗང་འགའ་ཞིག་གིས་བཀང་བའི་ཤིང་རྟའི་ཐག་པ་ཁུ་བྱུག་མི་སྐད་སྒྲོག་པ་ཞིག་གིས་དྲངས་ནས་རང་མདུན་དུ་བཞག་པ་རིམ་གྲོའི་རྟེན་འབྲེལ་དང་། །བསྟན་འགྲོར་ཕན་སེམས་ཀྱིས་བྱ་བའི་འཁོར་ལོའི་མཐུས་ཚེ་འཕྲེང་བསལ་བར་མངོན། རང་ལོ་དྲུག་ཅུ་རེ་གཉིས་པ་འདིར་མཚོ་སྣ་དགོན་རྩེ་ནས་སྤྲུལ་པའི་སྐུ་རིན་པོ་ཆེས་སྤྱན་འདྲེན་

― JLAZ014_Page_0556 ―

^{[མ་དཔེ་གཟིགས་ན་འདིར་གནོན།]}

[Full Size]

ནན་བསྟུད་ལ། སྔ་སོར་ས་ཕྱོགས་དེར་བསྐྱོད་དུས་འབུལ་བའི་ཕྱི་མར་ང་དེར་བྱམས་མགོན་བཞེངས་ཀ་མའི་སྐུ་ཞིག་སྟེར་མཁན་བྱུང་ཚོ་རྟོག་པ་ལ་ད་ནི་ས་ཕྱོགས་འདིར་བསྐྱོད་པའི་རྒྱུ་མེད་དེ་རྟེན་འབྲེལ་དེ་ནི་དེ་འདྲར་སྣང་ངོ་སྙམ་པ་ལྟར། ན་ཚོད་ཅུང་ཟད་ཐལ་ཀྱང་ད་ནི་རང་གི་བསམ་སྦྱོར་གཉིས་ཀའི་སྒོ་ནས་རང་འདོད་ཀྱི་འཁྲི་བ་མེད་པར་སེམས་ཅན་ལ་ཕན་པའི་དུས་སུ་འདུག་སྙམ་སྤྲུལ་པའི་སྐུའི་དགོངས་པ་བསྐངས། རྟ་ཁལ་བཅོ་ལྔ་སྐོར་གྱི་བསུ་བ་འབྱོར་ནས་རྗེས་འབྲེང་ཆོས་ཞུ་བ་དང་བཅས་རང་འཁོར་ཉི་ཤུ་སྐོར་བསྐྱོད། མགྱོགས་འཕྱད་ཞོན་རྟ་རེ་མོས་བྱས་རང་གཞན་ཐམས་ཅད་མི་སྦྱོར་བའི་དལ་འགྲོས་ཐོག་རྡོ་ཁོག་ལ་ཁར་ཕྱག་མཛོད་པའི་ཆིབས་སུ་དང་། བཅགས་བོར་ཐབ་བསུ་བཅས་སྤྲུལ་པའི་སྐུ་རིན་པོ་ཆེ་རྒྱ་སྒོའི་ཕྱིར་བསུ་བ་ལ་བྱོན། ཁོང་རང་སྲབ་སྟན་འབའ་ཞིག་ལ་བཞུགས་ཤིང་སངས་རྒྱས་འཇིག་རྟེན་དུ་བྱོན་པ་ལྟ་བའི་བསྙེན་བཀུར་དང་བསྟི་སྟང་མཛད། མཚན་ཉིད་དང་ལྡན་པའི་བླ་མ་བསྟེན་ཚར་ནས་སྒོམ་དུས་སྤྱི་བོར་སྒོམ་རྒྱུ་ཡིན་བསྟེན་ཚུལ་ཀྱང་འདི་འདྲ་ཡིན་པ་སྡེ་སྣོད་མཁྱེན་བའི་རྟགས་སུ་འདུག །ཆོས་ཀྱང་རྒྱུད་ཚོད་ལ་དཔགས་དགོངས་པས་དཔྱད་ནས་ཞུ་གསུང་བ་ལས་ཐོབ་རྩིས་མི་མཛད་པས་རང་ཁམས་དང་བསྟུན་ཆོག་པས་གཟུགས་ཡང་བདེ་བར་བྱུང་། མདོ་མཁར་ནས་ཤིང་

― JLAZ014_Page_0557 ―

^{[མ་དཔེ་གཟིགས་ན་འདིར་གནོན།]}

[Full Size]

མངས་སྐུ་སྐྱེ། ཅོག་པོ་སྐུ་སྐྱེ། གཉལ་ས་ལ་ཆོས་རྗེ། ལེས་པོའི་བླ་མ་གཉིས། རྗེས་འབྲངས་བླ་མ་ཆོས་གྲགས་ཅན་སོགས་དང་། དགོན་རྩེའི་དབུ་མཛད་དགེ་རྒན་སོགས་དབུ་ཆེ་རྣམས་དང་ཕྱོགས་བསྡོམས་འདུས་པ་ལྔ་བཅུ་སྐོར་ལ་ཉིང་ཐིག་ཡ་བཞིའི་བུམ་དབང་རྗེས་འབྲང་ཐུན་མོང་པས་སྨིན་པར་བྱས་ནས། ཐུགས་འདོད་བཞིན་ཀློང་ཆེན་སྙིང་ཏིག་གི་སྤྱི་དབང་སྙིང་པོ་དོན་གསལ་དང་། བཤེས་གཉེན་མང་དག་ཚོགས་པས་སྡེ་སྣོད་ཀྱི་བཤད་པ་རྒྱ་ཆེན་པོ་འབྲེལ་བའི་གདམས་ངག་འཁྲིད་ཀྱི་ལུགས་སུ་སྨིན་པར་བྱས། གཟིམ་ཆུང་ཡངས་པ་ཅན་དུ་སེམས་བསྐྱེད་མཆོད་པ་ལ་སྟོང་མཆོད་སྔོན་དུ་འགྲོ་བས་གྲྭ་ཚང་ཡོངས་རྫོགས་དང་བཅས་སྐྱེས་བུ་ཉིས་བརྒྱ་ཉེ་བ་ལ་དབུ་སེམས་ལུགས་གཉིས་ཀྱི་བཤད་པས་སྣ་དྲངས་ནས་དབུ་མ་ལུགས་ཀྱི་བྱང་སྡོམ་ཕོག །རྗེས་འབྲེལ་དུ་བཟང་སྤྱོད་ཀྱི་འགྲེལ་བཤད་བློ་ཐོག་ནས་བཤད་ཅིང་། ཆེ་ཕྱུགས་གསུམ་དང་། ལུག་བརྒྱད་ཀྱི་སྲོག་བསྐྱབས། འཁྲིད་པ་བྱིངས་ལ་དཔལ་མོ་ལུགས་ཀྱི་བཅུ་གཅིག་ཞལ་དང་། གནས་བཅུ་སོགས་དབང་བཀའ་རྗེས་གནང་གཞན་གྱི་མཐའ་བརྟེན་དང་རྩ་ལྟུང་བཅུ་བཞིའི་འགྲེལ་བ། སྤྲུལ་པའི་སྐུ་རིན་པོ་ཆེར་ཁྲག་འཐུང་རིགས་བཞིའི་སྒོས་དབང་དང་། ཆོས་སྐྱོང་འགའ་ཞིག་གི་

― JLAZ014_Page_0558 ―

^{[མ་དཔེ་གཟིགས་ན་འདིར་གནོན།]}

[Full Size]

སྲོག་གཏད་སོགས་བྱས། དགོངས་བཞེད་བཞིན་སྒྲུབ་ཆེན་བཀའ་བརྒྱད་ཀྱི་སྨན་སྒྲུབ་བདུན་གཉིས་བགྱིས་པའི་གྲོལ་དབང་འདུ་ཁང་གི་བཞུགས་ཁྲིའི་སྟེང་ནས་བགྱིས་ཤིང་། ཁྲོམ་དབང་ལ་རྟ་དབང་ཆོས་རྫོང་སོགས་མི་དྲག་གིས་དབུས། ལ་འོག་ཡུལ་གསུམ། མེ་རག །སག་སྟེངས། དག་པ་ཤག་ཏི། དུ་་རང་ཚུན་ཚོད་ཀྱི་ལྷ་མོན་དང་། གཉལ་ལོར། ཚོང་དུས་ཀྱི་མི་སྣ་སྟོང་ཕྲག་བདུན་དུ་ཉེ་བ་འདུས་པས་སྐྱབས་འགྲོ་དང་འབྲེལ་བར་ལས་འབྲས་ཀྱི་ཆོས་བཤད། བྱིན་རླབས་དམ་རྫས་ཀྱི་འབྲེལ་པ། སངས་རྒྱས་ཀྱི་མཚན་གཟུངས་སྒྲོགས་པ་སོགས་སྨོན་འཇུག་རྒྱ་གང་ཆེ་བ་བྱས། མི་ཚོགས་དེ་ཙམ་སྔར་མ་དྲན་ཟེར་བ་ལ་སེམས་བསྐྱེད་སྨོན་ལམ་གྱི་འགྲེལ་པ་བཞག་པས་བློ་ཁ་རྫོགས་པར་བྱུང་། ཆོས་སྨན་འབོར་ཀྱང་ཁལ་བཅུ་སྐོར་ཙམ་སྣང་བས་མཚོ་ཆེན་རྣམས་ལའང་བཏབ་ཅིང་ཁྱབ་ཆེ། ས་བཅུད་གསོ་ཕྱིར་ཡུམ་ཀའི་ལས་ཚོགས་ལ་བརྟེན་ནས་ཟངས་བུམ་གྱི་བཅའ་གས་བུམ་གཏེར་བརྒྱ་སྐོར་དང་འབྲེལ་བར་གཡང་སྒྲུབ་གནད་སྨིན་བགྱིས་ཤིང་གཡང་གཏའ་བསྡམས། སྤྱིར་སེམས་ཅན་གྱི་ལས་སུས་འགོག་ཐུབ་ཀྱང་འདི་ལོའི་ཆར་བྱང་ཐང་འདིར་ལོ་ཐོག་སད་ཀྱི་མ་བཅོམ་པ་སོགས་དཀོན་མཆོག་གི་ཐུགས་རྗེ་བསྐུལ་བ་དང་། བྱང་ཆུབ་སེམས་ཀྱི་ནུས་པ་ལ་མཐོང་ཆོས་སུ་

― JLAZ014_Page_0559 ―

^{[མ་དཔེ་གཟིགས་ན་འདིར་གནོན།]}

[Full Size]

ཡིད་ཆེས། དགོངས་བཞེད་བཞིན་དངོས་སྟ་སྦྲེལ་མའི་རབ་གནས་འབྲེལ་བར་གཙུག་ལག་ཁང་ཡོངས་རྫོགས་ལ་མེ་ཏོག་འཐོར། གྲྭ་ཚང་ལ་མང་ཇ་ལྔ་དང་སྤྱི་འབུལ་ཀ་འཕན་གཉིས། འགྱེད་སྣ་གཉིས། ཇི་སྲིད་བར་ལོ་ལོ་བཞིན་མང་ཇ་ལྔ་རེའི་སྦྱོར་འཇགས་བྱས། དཀར་པོ་བཟང་དུ་བརྒྱ་མཆོད་ཚོགས་བརྒྱ་བཟང་གོས་ཀྱི་རྒྱལ་མཚན་ཆ་བཅས་འབུལ་མི་མང་ག་ སྟག་ཚང་དོམ་ཚང་ལཱང་རྒྱལ་མཚན་ཆུང་དུ་རེ་ཕུལ། ཐོན་ཁར་བརྟན་བཞུགས་ཀྱི་སྔོན་འགྲོར་སྤྲུལ་སྐུ་རིན་པོ་ཆེ་སྡེ་སྣོད་ཀྱི་མཁྱེན་པ་རླབས་ཆེ་བས་གངས་རིའི་ལྗོངས་ཀྱི་རྒྱལ་བསྟན་ཉེ་འཁོན་མེད་པར་སྦྱོར་བའི་དགག་སྒྲུབ་གནད་ཐོག་ཏུ་འགྲོ་བས་མཎྜལ་གྱི་བཤད་པ་དེ་ཙམ་སྔ་ན་མ་བྱུང་བས་ཐོག་དྲངས། སྐུ་གསུང་ཐུགས་རྟེན། དངུལ་དཀར་གྱི་མཎྜལ་ཕུལ་མ། ཧོར་སྦུག་ཤུབས་བཅས། གཡང་ཏྲིའི་ཡོལ་གོ །འཕྲེང་བ་རིན་ཐང་ཅན། འགོ་སྣམ་གྱི་སྟན་དམར། འགན་སྦྱར། སྐུ་འགག །གསེར་ཞོ་བཅོ་ལྔ། དངུལ་རྡིལ་ཚད་ལྔ། གླང་མཆེ། རྒྱ་ཀོང་། སྟག་སྒམ་ཆ། ནང་མཛོད་སྣ་ལྔ་། མར་དོ་བཅུ་གཉིས། འབྲས་ལྟང་སུམ་ཅུ། དེས་མཚུང་རྒྱ་ཚོས་ལྟང་། བཙོད་དོ། སྟག་གཟིག་དོམ་ལྤགས དོ་པོ་རེ་རེ་བཞིན་རས་ཆའི་དགུ་ཚན་སྤེལ་བ་སོགས་དངོས་གྲངས་བརྒྱ་འབུལ་ལྷག་བཅས་ཀྱི་

― JLAZ014_Page_0560 ―

^{[མ་དཔེ་གཟིགས་ན་འདིར་གནོན།]}

[Full Size]

བསྟི་སྟང་སྔ་ན་མེད་པ་མཛད། ངེད་ལྡོག་པར་ཐུགས་ཤིན་ཏུ་འཕྲེང་བས་དགུན་མོན་མཚམས་སུ་བསྡད་ན་དགོངས་པ་འདུག་ཅིང་ཚོ་གསུམ་ནས་སངས་རྒྱས་གླིང་པ་དང་ཁོ་ལོད་སྟོད་པ་སོགས་ཀྱི་གདན་འདྲེན་ནན་ཆེ་ཡང་འདུ་འཛི་ལ་འཇིགས་ཤིང་དབེན་པའི་ཡོན་ཏན་དྲན་པར་མ་ཟད་ནམ་ཟླ་ལྡོག་གདོང་གི་བཤོལ་ཐེབས་མ་བྱུང་ཡང་སྡོད་རིང་དབང་རྣོན་ཆོས་རྗེས་འབྲེལ་པའི་འབྲེལ་གཏམ་ནར་མ་དང་། ཐེག་པ་ཆེན་པོའི་བསྟན་བཅོས་ཤོག་གྲངས་ཉིས་བརྒྱར་ཉེ་བ་ཞིག་མཛད་འདུག་བར་ཡང་ཁེངས་སྐྱུངས་འབའ་ཞིག་གི་དོན་ལ་མི་གནས་ན་བྱིན་ཟ་ལ་འབུལ། ཞུས་དག་གི་འཐུས་ན་དཔྱད་གསུམ་དག་པས་བྱི་དོར་བགྱིད་པར་བསྐུལ་མ་མཛད་པས་ཐུགས་བསྐྱེད་འཕེལ་བའི་ཕྱིར་ཚིག་དོན་གཉིས་ཀའི་ཆ་ལ་དཔྱད་ཞུས་བྱས་ཤིང་དེང་སང་བསྟན་བཅོས་འདི་ཙམ་བརྩམས་ནུས་པའང་དཀོན་པར་མཐོང་བས་རྗེས་སུ་ཡི་རང་བསྒོམས། ཐང་གྲོང་གནས་ཆེན་སོགས་འདྲིས་ཆན་གྱི་སར་སྐོར་ཙམ་རེ་ལས་བསྐྱོད་ལོང་མ་བྱུང་། གསེར་དངུལ་ལྷོ་ཟོང་། བསེ་རུ། གླང་མཆེ། རྟ་མཛོས་མཚོན་དང་འབུལ་རྒྱ་ཆེ་བས་དགེ་བ་རྫོགས་བྱང་དུ་བསྔོས། འབྲུ་དཀར་ལ་སོགས་པའི་དོ་བོ་ལྕིད་ཅན་རྣམས་ཁལ་མ་ལ་སྤྱོད་གཅོད་དང་། ཁེ་གསང་འཚོལ་བའི་ཉེས་དམིགས་ལ་འཇིགས་ནས་གནས་དེ་རང་དུ་ཡང་ཟོང་དུ་བསྒྱུར།

― JLAZ014_Page_0561 ―

^{[མ་དཔེ་གཟིགས་ན་འདིར་གནོན།]}

[Full Size]

ཚུར་ལམ་མདོ་མཁར་དུ་སྤྱན་འདྲེན་ནན་ཆེ་བས་དེ་བར་དགོན་རྩེ་ནས་མྱོགས་འཕྱང་གསར་བཟོ་འགྱོགས་མི་གྭ་པ་ཞོ་ཤའི་སྟོབས་ལྡན་བརྒྱད་དང་། དྲེའི་གཉིས་སོགས་གནང་བས་ངལ་ཞིང་དུབ་པའི་མཐའ་ལའང་བརྟེན་མ་དགོས་ཤིང་རང་ཉིད་རྡོ་རྗེ་སེམས་པར་བསྒོམས་ནས་བདུད་རྩི་འབེབས་སྦྱོང་གི་དམིགས་པ་ཡང་བྱས། ཚ་ལུང་ཐང་ཀར་དུ་མདོ་མཁར་ཕྱག་མཛོད་པའི་ཕེབས་བསུ་དང་བཅས་རྫོང་དུ་འདུག་རིང་དེ་པའི་དཔོན་གཡོག་སུམ་ཅུ་སྐོར། གྲྭ་ཚང་ཁག་ཆོས་ལུགས་མ་ངེས་པའི་སྨན་བླ་བ། བསྐང་གསོ་བ་དང་བཅས་བར་སྐྱེས་བུ་ཆུང་འདྲིད་གཙོ་བོར་གྱུར་པའི་བཤད་ཁྲིད་དང་བླ་མའི་རྣལ་འབྱོར། །རྟ་མགྲིན་གྱི་རྗེས་གནང་། ཚོམ་ཆེན་དུ་ཡུལ་བ་སྟོང་ཕྲག་ཏུ་ཉེ་བ་ལ་དབང་དང་དམ་རྫས་ཀྱི་འབྲེལ་བ་སོགས་སྔོན་བཞིན་བགྱིས། བྱམས་ཁང་སོགས་སུ་གསུང་ཐུགས་རྟེན་གསར་རྙིང་རྣམས་ལ་ཤིས་བརྗོད་མེ་ཏོག་འཐོར། ཚེ་དཔག་མེད་ཀྱི་སྐུ་དངུལ་ལྔ་བཅུ་མ་དང་། མར་སྟང་བདུན་ རས་ཆའི་དགུ་ཚན་སོགས་མདོར་ན་ལྷོ་རྒྱུད་འདིར་ཆེ་ཆུང་དྲག་ཞན་ཐམས་ཅད་ནས་འབུལ་ནོད་བསྙེན་བཀུར་རྒྱ་ཆེ་ཡང་དཀོར་ཡི་ཉེས་དམིགས་ལ་འཇིགས་བསམ་པ་མ་གཏོགས་བྲོད་སྙམ་པ་མ་སྐྱེས། ཡར་ལམ་ས་སྐྱའི་དགོན་ལག་ཤིང་མང་བླ་གྲས་སྤྱན་འདྲེན་ནན་བསྟུད་སར་

― JLAZ014_Page_0562 ―

^{[མ་དཔེ་གཟིགས་ན་འདིར་གནོན།]}

[Full Size]

འགག་ཆོས་སྡེའི་མཁན་པོ་བགྲེས་པོ་དང་གྲ་པ་ཕལ་ཆེར་གྱིས་བྱོན་པས་མཚོན་ཡུལ་པ་སྤྱི་དམངས་ལ་ཚེ་དཔག་མེད་སྐུ་གསུང་འདུས་པ་ཁྲོམ་དབང་དུ་བསྐུར། ཤིང་མང་དགོན་པར་ཇ་སྦྱོར་གཉིས། ཊཾ་འགྱེད། འགག་ཆོས་སྡེར་ཀྱང་མང་ཇ་དང་འགྱེད་བཏང་། ལར་དེད་ནི་བསྟན་པ་ཐམས་ཅད་ལ་གུས་ཤིང་གྲུབ་མཐའ་ཐ་དད་པའི་རིང་ལུགས་ལ་ཕྱོགས་ལྷུང་མེད་པས་དེ་དག་སོ་སོའི་བཞེད་པའང་ཉམས་འོག་ཏུ་འཛུལ་བའི་རྟེན་འབྲེལ་གྱི་གཟུ་བོར་གནས་པ་དང་ཡོན་ཏན་ཡོད་པ་ཐམས་ཅད་བྱམས་པར་བྱུང་། ཤིང་མང་བླ་མས་རྟ་འབུལ་དང་། ཆུ་དཀར་ཆོས་རྗེས་མཛོ་མོ་སོགས་དད་འབུལ་ཐམས་ཅད་ཀྱེ་དགེ་བ་རྫོགས་བྱང་དུ་བསྔོས། ལམ་བར་དང་རང་གནས་བསྡོམས་ཕྱུགས་ཕུག་སུམ་ཅུ་སྐོར་གྱི་སྲོག་བསླུ་བྱས། ཤིང་མང་བས་ར་མོའི་བར་ཐབས་བསྐྱེལ་མཛད། དེ་ནུབ་སྒོ་རྒྱར་ར་བ་ཞིག་ཏུ་གནས་མལ་བཏང་། ངོས་ཅག་གི་མཚོ་སྣའི་རྙེད་པ་གཡག་ཁལ་བརྒྱ་སྐོར་མཐོང་བས་དེ་བའིགནས་བརྟན་དེས་བླ་རྒྱུན་པར་ནོར་བསྒྲུབ་དང་སྡུད་རང་མཛད་ཀྱི་ཡོད་བ་ཨེ་ཡིན་བྱས་སྐད། ངེད་བྱང་ཆུབ་སེམས་གཉིས་དང་། ཆོས་ཀྱི་ལོངས་སྤྱོད་རྒྱ་ཆེན་པོ་ལ་དབང་ན། ཟང་ཟིང་ཙམ་ལ་སྙིང་པོར་ཅི་ཞིག་བསྒྲུབ། ལར་དལ་བ་དང་འབྱོར་བ་བདུན་པའི་ཆོས་གཟུགས་རྣམས་ནི་དབང་བཅུ་ཐོབ་

― JLAZ014_Page_0563 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་བྱང་ཆུབ་སེམས་དཔའ་མཐོང་ཡང་ཕྲག་པ་དོག་བར་སྣང་བ་ནི། བཤེས་སྤྲིང་ལས། སེར་སྣ་འཕགས་མིན་ལགས་པར་མཁྱེན་མཛོད། །ཅེས་རང་ཉིད་སོ་སྐྱེ་ཡིན་པའི་མདོ་ན་རྟགས་སུ་བསྟན་ནོ། གནས་དུས་དེར་ལམ་པར་ཆོར་ཁ་བ་དང་བུ་ཡུག་འཚུབས་པའི་འཇིགས་པ་ཤིན་ཏུ་ཆེ་བས་སྐྱེ་བོ་དུ་མའི་སྲོག་འགགས་ཀྱང་དཀོན་མཆོག་གི་ཐུགས་རྗེ་དང་ཆོས་སྲུང་གི་ཕྲིན་ལས་ལ་ཡིད་ཆེས་ཆེན་པོ་སྐྱེས། རང་གནས་སུ་སློབ་ཕྲལ་སྲོང་བཙན་བང་སོར་གཞུང་སའི་ཕུར་སྒྲུབ་བདུན་ཕྲག་དང་འབྲེལ་བར་བརྒྱ་གོང་གསར་འབུལ་གྱི་ཞལ་བསྲོར་སྟོང་མཆོད་དང་། ཕྱེ་བུར་ཆེ་བ་གཉིས་ཕུལ། རིང་མིན་བསམ་ཡས་མཆིམས་ཕུར་བླ་བྲག་པས་མཁའ་འགྲོ་གཉིས་བཞེངས་པའི་རབ་གནས་ལ་བཏེག །དངོས་སྟ་ཉིན་གཉིས་མ་མཐའ་རྒྱས་སྦྱིན་སྲེག་དང་བཅས་གྲུབ་ནས་བྲག་དམར་ཀེའུ་ཚང་དུ་སྒྲུབ་ཆེན་བཀའ་བརྒྱད་ཀྱི་སྨན་སྒྲུབ་དང་། བསྟན་སྲིད་ལར་རིམ་གྱི་རོལ་བ་ཆེན་པོའི་གཏོར་བཟློག་བདུན་ཕྲག་ཀྱང་བྱས། གླེང་སྟོད་སྨད་ལ་མང་ཇ་ལྔ་དང་གསུམ་ཊཾ་བཀྱེས། རང་ཉིད་ཀྱི་མར་མེ་སྟོང་ཕྲག་དང་ཚོགས་བསྐང་མེ་མཆོད་འབུམ་ཟེར་བྱས། འདི་དུས་གཟིམ་ཕུག་ཏུ་ཉལ་སྐབས་བླ་མ་བགྲེས་པོ་ཞིག་གིས་ཚེ་ཆོད་ཡིན་ཟེར་བའི་ཤོག་དྲིལ་ཞིག་ལ་བྲོ་དུས་མེ་

― JLAZ014_Page_0564 ―

^{[མ་དཔེ་གཟིགས་ན་འདིར་གནོན།]}

[Full Size]

ཟེར་བའི་གྲངས་ངེས་ཤིག་མཐོང་བ་གུ་རུ་རིན་པོ་ཆེའི་ལུང་བསྟན་དུ་མངོན། བླ་མས་བརྟན་བཞུགས་ལ་དངུལ་སྲང་བཅོ་ལྔ་དང་གོས་ཡུག་སོགས་བསྟབས། བསམ་ཡས་སུ་སྐུ་གཉེར་དཔོན་ཡོན་ཏན་རྒྱ་མཚོ་ཁུ་དབོན་ནས་ཡོན་སྦྱར་ཏེ་བར་ཁང་དུ་རབ་གནས་དངོས་སྟ་སྦྲེལ་མ་ཉིན་བརྒྱད་དང་ཕྱི་ཉིན་འཕན་གདུགས་རྒྱལ་མཚན་རོལ་ཆ་ལ་སོགས་པས་སྣ་དྲངས་ཏེ་གཙུག་ལག་ཁང་བྱིངས་ལ་མེ་ཏོག་གཏོར་ཞིང་མཐའ་རྒྱས་སྦྱིན་སྲེག་དང་བཅས་པ་བསྒྲུབས། རབ་གནས་ཀྱི་ཐོག་མཚོ་སྣའི་རྙེད་པ་རྣམས་ལས་སྟོང་མཆོད་ཚར་གསུམ་དང་གསེར་སིལ་མའི་མཎྜལ། ནང་མཛོད་ཀྱི་གཙོས་པའི་སྙན་ཤལ་ཉིས་བརྒྱ་སྐོར་དང་། ལྷ་ས་དང་ཁྲ་འབྲུག་གི་གཙུག་ལག་ཁང་གཉིས་སོ་སོ་མར་མེ་སྟོང་ཕྲག་རེ་རེ་ཕུལ། ཉི་ལྡོག་གི་དུས་ཡིན་ཀྱང་རབ་གནས་ཚུགས་ནས་མ་གྲོལ་བར་ནམ་མཁའ་འཇམ་ཞིང་རླུང་བསེར་བུའི་རྒྱུ་བའང་འགགས་པས་རྟེན་འབྲེལ་བཟང་། རང་གྲར་མང་ཇ་གཉིས་དང་གསུམ་ཊཾ་བཀྱེས། ཁམས་བླ་འཇིགས་མེད་ཕྲིན་ལས་བླ་མ་དྲན་པའི་གདུང་བས་བསྐུལ་ཏེ་མདོ་ཁམས་སུ་སློབ་ཕྲལ་ཡར་ལྡོག་པའི་ས་ཡོན་སྦྱར་ཏེ་རྟ་མགྲིན་སྨན་སྒྲུབ་གནད་སྨིན་དང་། དཀོན་གཉེར་དཔོན་དང་ལྡན་ཁུ་དབོན་གྱིས་བསྐུལ་ནས་དཀར་བཅལ་མཐིལ་དུ་ཁྲོམ་དབང་ལ་མི་སྟོང་ཕྲག་གཉིས་གཙམ་འདུས་པ་ལ་ཆོས་དང་མྱོང་གྲོལ་གྱི་

― JLAZ014_Page_0565 ―

^{[མ་དཔེ་གཟིགས་ན་འདིར་གནོན།]}

[Full Size]

ལས་འབྲེལ་བཞག །རབ་བྱུང་མཁན་པོས་དབུས་གྲ་ཚང་སྤྱི་ཚོགས་དང་། ཁམས་བླ་གསར་འབྱོར་དཔལ་ལྡན་རྒྱ་མཚོ་དང་། དགེ་རྩེ་བླ་མ། རྫོགས་ཆེན་ཆོས་ཁྲིམས་བཀྲ་ཤིས་འབུམ་ཅན་མང་དག་ལ་དབུ་མ་ལུགས་ཀྱི་བྱང་སྡོམ་དང་བླ་མ་གསང་འདུས། རིག་འཛིན་ནང་སྒྲུབ། ཡུམ་ཀ་བཅས་པའི་དབང་ལུང་བྱས། རབ་གྲ་ཆེ་བགྲེས་རྣམས་ཀྱི་བཞེད་པ་བཞིན་སྐྱེས་བུ་གསུམ་དང་འབྲེལ་བའི་ཀློང་སྙིང་གི་སྔོན་འགྲོའི་འཁྲིད་སྤུངས་ཤིག་བྱས། བར་ཁང་དངུལ་འབུམ་ལ་དཀར་མེ་རྒྱུན་འཛུགས་སྦྱར། ཞལ་འདེབས་འབུལ་མ་ཞིང་དེ་བསྟབས་ནས་ཐོབ་ཐང་ཕྱུགས་བཅུ་གཉིས་ལ་འཕར་མ་གསུམ་དང་བཅས་འབྲི་བཅོ་ལྔ་སྦྱར། ཁམས་བླ་འཇིགས་མེད་ཕྲིན་ལས་ནས་ཇོ་བོའི་སྐུ་མདུན་དུ་ཚེས་བཅུའི་མཆོད་པའི་ཐོག་གསེར། དངུལ། རྟེ་དྲེའུ་ལྔ། མཇོ་ཕོ་མོ་ལྔ། །ཇ་སྒཾ་གཟི་དུང་། པེ་ཏོང་གི་ཉེར་སྤྱད་སོགས་འབུལ་ནོང་རྒྱ་ཆེ། དེ་མཚུངས་ཁམས་བླ་དཔལ་ལྡན་རྒྱ་མཚོ་དང་དགོ་རྩ་བླ་མ་དཔོན་སློབ་སོ་སོས་ཀྱང་རྟ་འབུལ་སོགས་མཛད་པའི་དགེ་བ་རྫོགས་བྱུང་དུ་བསྔོས། ས་སྐྱོང་སྡེ་དགེ། །རྫོགས་ཆེན་སྤྲུལ་སྐུ་རིན་པོ་ཆེ། རྒྱ་རོང་སྐུ་སྐྱེས་གཉིས་དཔོན་སློབ་སོ་སོའི་གསེར་དངུལ། རྒྱ་སྦུབ་གཉིས་སོགས་ཀྱི་རྟེན་དང་བཅས་པའི་མཚམས་ཞུའི་ལན་བཞེད་པ་བཞ་ཕུལ། ལས་ལྡན་ཀརྨ་བསམ་འགྲུབ་ཀྱིས་

― JLAZ014_Page_0566 ―

^{[མ་དཔེ་གཟིགས་ན་འདིར་གནོན།]}

[Full Size]

ཀློང་སྙིང་ཆོས་སྐོར་ལ་ལོ་གསུམ་མཛད་རྒྱུའི་དམ་བཅའ་རྟོགས་འབུལ་གསེར་གྱི་སྐྱེས་བཅས་འབྱོར། །ལར་ཟང་ཟིང་འབྱོར་པའི་ལོ་རྒྱས་འདྲི་བ་ཐ་ཆེད་ཀྱི་གཏམ་དུ་སྣང་ཡང་། སེམས་ཅན་མོས་པ་ཐ་དད་པའི་སྣང་ངོར་མི་འདྲི་ཀ་མེ་ཅིག་ཀྱང་སྣང་། ཟུར་མཁར་མཐོང་ཁ་རུའི་ཁྱིམ་ལ་མེ་ཏོག་འཐོར་བ་དང་ཚེ་དབང་སོགས་སྐོར་ཅིག་བསྐྱོད། ཐོན་པའི་ལམ་ཞོར་རྡོ་གཞིས་གྲོང་སྨད་པའི་ཁྱིམ་དུ། ཚེ་དབང་སྦྱིན་སྲེག་དང་། དགའ་རྣམ་པའི་གྲ་པ་བཅུ་སྐོར་ལ་ཆོས་འབྲེལ་སྣ་ཚོགས་བྱས། རང་གནས་སུ་འབྱོར་ཕྲལ། ཀོང་པོ་ནས་རྒོད་ཚང་སྤྲུལ་སྐུ་འཇིགས་མེད་བསྟན་པའི་རྒྱལ་མཚན་བྱོན་ནས་སྐུ་གསུང་ཐུགས་རྟེན་དང་དངུལ་བུམ་ལེགས་བས་གཙོས་དུང་དཀར་ཇ་སིག་མར་ལྟང་སོགས་འདུལ་ནོད་རྒྱ་ཆེ་བ་དང་བཅས་བརྟན་བཞུགས་མཛད། སྤྲུལ་པའི་སྐུ་ཟླ་བ་དྲུག་ཙམ་བཞུགས་རིང་ཁམས་བླ་གསུམ་དང་བཅས་དབང་འཁྲིད་ཀྱི་གཙོས་བློ་སྐྱེད་འཕེལ་བའི་ཆོས་ཀྱིས་འབེལ་གཏམ་དང་། དུས་འདི་ཙམ་ནས་མིག་སྐྱོན་ཆེ་བས་སྤྱན་ཚབ་པ་བསྐོས། པའི་རྒྱུད་འབུམ་རིན་པོ་ཆེ་དང་། མཛོད་བདུན་སོགས་ཀྱི་ལུང་ཡང་སོང་། གཅང་པོ་མགོ་དབུར་འདུས་པ་མདོའི་སྒྲུབ་མཆོད་འཛུགས་རྒྱུ་མཛད་པའི་ཞལ་འདེབས་སུ་དངུལ་སྲང་ལྔ་བརྒྱ་སྦྱར། རང་ལོ་དྲུག་ཅུ་རེ་གསུམ་པ་ལྕགས་ཕག་ཟླ་བ་དང་པོར་ཤྲི་བརྤཏར་བསྐྱོད་དེ། བཀའ་འགྱུར་གསུམ་སྒྲོགས་དང་

― JLAZ014_Page_0567 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲེལ་བར་རྡུལ་ཚོན་གྱི་དཀྱིལ་འཁོར་ལ་བརྟེན་ཚོགས་ཆེན་འདུས་པའི་སྒྲུབ་མཆོད་ཀྱི་རྒྱུན་བཙུགས། ཁྱུ་མཆོག་གི་རྗེསུ་བ་ལང་ཕལ་བ་དོགས་མེད་དུ་རྒྱུ་བ་བཞིན་འཇིག་རྟེན་ནི་རྨོངས་པའི་གཞན་དབང་ཅན་ཁོ་ནའི་སྟེང་། ལྷ་མིན་གྱི་འཇུག་པ་ཅན་དང་དངེས་ཤིང་། རང་ཉིད་གདན་ཚབ་ཏུ་སྡོད་སྐབས་བཅས་ཕྱོགས་བསླད་པའི་རིགས་མེད་ཅིང་བྱ་བ་དེ། སྤྱིར་སྔ་འགྱུར་གྱི་བསྟན་པ་དང་སྒོས་ཀུན་གཟིགས་ཤནྟ་པུ་རི་བའི་བསྟན་པ་ལ་བྱ་བ་ཆེན་པོ་བགྱིད་པའི་བློས་ཆོ་ག་ཕྱག་ལེན་རྒྱ་སོགས་ངག་ཐོག་ནས་འདེམས་པར་བྱས། སྔར་བསམ་པ་ཐོག་ཏུ་ཁེ་ལན་ཆོག་སྒྲིགས་གསར་པ་ཞིག་དང་། དབང་ཆེན་སོགས་ལམ་དུ་འགྲོ་བ་ཡོད་དོ། ད་ནི་དབང་པོ་འགྲིབས་པས་དེ་རིག་མ་གྲུབ་ཀྱང་། དཔེ་རྒྱུན་རྙིང་པ་ལ་རྟེན་ཅིང་ལུང་ལུགས་ཀྱི་སྨོན་ལམ་སོགས་རྒྱུད་ཀྱི་དགོངས་པར་ཧ་ཅང་མི་འབྲེལ་ཞིང་ཆོ་ག་ཉོག་པས་བཏང་སྙོམས་སུ་བྱས། ཇི་སྲིད་བསྟན་པ་རྣམ་གནས་བར་གྱི་སྒྲུབ་མཆོད་ཐེབས་དངུལ་སྲང་བརྒྱ་ཐམ་པ་དང་བཟང་ཇ་འཁོར་གསུམ་གཅིག་སྦྱར། འདི་ལོ་ཊཾ་འགྱེད་ཀྱིས་དབུ་ལ་ཞོ་ལྔ་རེ་ཐོབ་པའི་རྩིས་བཏང་། གྲོལ་སྟོན་ལ་ཚེས་བཅུའི་འཆམས་དབྱངས་ཐོག་མཚན་བརྒྱད་ལ་བཟང་གོས་ལས་གྲུབ་པའི་གར་ཕོད་བཞི་དང་ལྷ་ཕྲུག་གི་གོས་སོགས་སྦྱོར་འཇགས་བྱས། འཆམས་དབྱངས་

― JLAZ014_Page_0568 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་ཇ་ཉམས་སུ་སོང་བར་ལུས་ངག་གི་སྒོ་ནས་བསླབ་སྦྱོངས་གང་དྲག་བྱས་ཀྱང་རྔས་དང་ལྷམ་གྱི་དཔེར་སྣང་། གྲོལ་དབང་ལ་མི་ཚོགས་ཤིན་ཏུ་ཆེ་ཞིང་། གྲྭ་ཚང་ཆོས་བརྟན་བཞུགས་ཀྱང་མཛད། དཔལ་རྙིད་པ་རྣམས་ལ་མང་ཇ་སྦྱོར་སྦྲེལ་དང་། དབུལ་པོ་རྣམས་ལ་སྦྱིན་བཏང་། རི་སྡེར་མང་ཇ་སྦྱོར་སྦྲེལ་དཔལ་ལུག་དྲུག་བརྒྱའི་འགྱེད་སྐལ་ཀྱང་བྱས། འདི་ལོ་ས་སྐྱ་གོང་མ་རིན་པོ་ཆེས་དབྱར་དགུན་གྱི་མཚམས་རྟེན་འཆར་ཅན་མ་ཡིན་པའི་རང་འཚོའི་རྟེན་འབྱུང་པཎ་ཞ་དངུལ་རྡོར་ཉི་ཟླས་མཚན་པ་དང་གསེར་ཞོ་བདུན་བཅས་སྣང་བ་རྟེན་འབྲེལ་གྱི་གྱི་སྒོ་ཆེན་པོར་གྱུར། འདི་ཡན་ཆད་ཉི་གྲགས་གསུམ་པས་ནགས་ཤོད་ནས་བཟང་གོས་ཀྱི་རྟེན་དང་བཅས་བསྐུལ་མ་མཛད་བ་བཞིན་བྲིས་པའོ། །མོས་གུས་ཀྱི་བླ་མ་དབང་དུ་འདུ་བའི་དཔེ་ལྟར་དངོས་ཅག་དཀོན་མཆོག་ལ་དད་པའི་རྟེན་འབྲེལ་གྱིས་ལོ་སྔ་ཕྱི་འདི་གཉིས་རང་ལ་སྐུ་རྟེན་གསེར་ཟངས་ལི་མ་སུམ་ཅུ་སྐོར་ལག་ཏུ་འབྱོར། སྡེ་དགེ་དཔོན་མ་དང་ཚུལ་བྱང་ཆུབ་རྒྱལ་མོའི་བདག་རྐྱེན་ལས་མདོ་འགྲེལ་བདེན་གཉིས་ཤིང་རྟ་དང་། སྔགས་འགྲེལ་རྣམ་མཁྱེན་ཤིང་རྟ་གཉིས་བར་དུ་འཁོད་པའི་གནས་ཚུལའབྱོར། ལྕགས་ཕག་ཟླ་བ་གཉིས་པའི་ནང་ཉིང་འཁྲུལ་ལ་བུད་མེད་མ་སྨད་གཉིས་ཀྱིས། གཞོན་པ་ན་རེ་ཟླ་བ་ལྔ་པར་དམག་ལངས་

― JLAZ014_Page_0569 ―

^{[མ་དཔེ་གཟིགས་ན་འདིར་གནོན།]}

[Full Size]

པར་འདུག་ཀྱང་། ངེད་ཀྱི་མ་རྒན་འདི་ཞེན་ཆགས་ཆེ་བས་སྣང་བར་མི་འདུག་ཟེར། སེམས་ཅན་ལ་བདེ་སྐྱིད་མ་བྱུང་དོགས་པའི་བློ་ངན་དང་སྙིང་རྗེ་ཆེན་པོ་སྐྱེས། གཞུང་ས་ནས་དམག་འཁྲུག་དང་ནད་ཡམས་ཞི་བར་དམིགས་པའི་ལྷ་ཆེན་གྱི་དམར་མཆོད་དང་། ཕུར་པའི་སྒྲུབ་པ་འཇུགས་རྒྱུ་གནང་བ་ལྷག་བསམ་རྣམ་དག་གིས་བྱས། བཀའ་བློན་བླ་མས་ཡོན་སྦྱར་མཛད་ནས་དཔལ་ཆེན་རོལ་པ་ཆེན་པོའི་གཏོར་བཟློག་དམིགས་འཛུགས་དོག་ཀྱང་བསྟན་འགྲོར་དམིགས་ནས་ནན་ཏན་བགྱིས། པའི་ནུབ། ཁམས་པའི་བླ་མཆན་གཉིས་ཀྱི་རྩེད་མོ་བྱས་པ་ཡིན་སྙམ་པའི་སྣམ་ཕད་གྲུ་བཞི་པའི་ནང་ཚངས་ཐམས་ཅད་གྲོག་མ་འབའ་ཞིག་གིས་བསྐྱངས་འདུག་པས་དེ་དག་སྤུབས་འཐུངས་ནས་ཤི་དོགས་སེམས་ལས་ཆེན་པོ་བྱེད་པ་ཞིག་རྨིས་པ་དམག་གི་བླར་འདུག་དབྱར་ངོ་གོར་ཥ་ཨ་སུར་པའི་དམག་གིས་གཙང་སྟོད་རུ་ལག་གི་སའི་ཆར་གྱིས་སེམས་ཅན་གྱི་བདེ་སྐྱེད་ལ་གནོད་པ་ཆེན་པོ་བྱས། མྱང་བ་དང་བྱེད་པ་རྒྱུ་མཐུན་གྱིས་ལས་འབྲས་མངོན་སུམ་པར་ཤར། སེམས་ཅན་ཐམས་ཅད་ལ་འགྱུར་བའི་སྡུག་བསྔལ་དང་། སྡུག་བསྔལ་གྱི་སྡུག་བསྔལ་བར་མི་ཆོད་པའི་མགོ་ཚུགས། གཞན་ཕྱོགས་པ་ཉིད་ཀྱང་ཁྱབ་པ་འདུ་བྱེད་ཀྱི་སྡུག་བསྔལ་ལ་སྤྱོད་པའི་མཚན་ཉིད་ཤེས་

― JLAZ014_Page_0570 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱིར་སྐྱོ་ཤས་དང་ངེས་འབྱུང་ཚད་མེད་པ་སྐྱེས། དེའི་ཚེ་རྨི་ལམ་ལ་ཐང་སྟོངས་ཤིག་ཏུ་རུ་དར་ཁྱེར་བའི་མི་ཞིག་འགྲོ་བའི་ལག་ན་ལུང་བསྟན་ཡིན་ཟེར་བའི་ཤོག་དྲིལ་ཞིག་འདུག་པ་ལ་ཚིག་བཅད་ཤོ་ལོ་ཀ་གཅིག་སྣང་བས་ད་དུས་བརྗེད་ཐལ། དོན་ད་རེས་གར་དམིགས་པའི་སར་ཕྱིན་ནས་ཕྱིར་ལྡོག་ཅེས་པར་སྣང་། ལར་སྔོན་ཆད་རྒྱ་གར་འཕགས་པའི་ཡུལ་ཞེས་བསྔགས་འོས་བསྟོད་འོད་ཀྱི་གནས་ཀྱང་ད་ནི་སྡིག་སྤྱོད་ཀླ་ཀློས་ཁེབས་པས་མཐའ་འཁོབ་ཆེན་པོར་གྱུར་པ་དེ་དག་ན། སངས་རྒྱས་མི་ཤེས། ཆོས་མི་ཤེས། ལོག་བར་ལྟ་བ་འཛིན་པ་ཅན་ཤ་སྟག་ཡིན་པས་དམྱལ་བ་མནར་མེད་ཀྱི་རྒྱུ་ཚོགས་བསྒྲུབ་བ་ལ་སྐྱོ་ཤས་དང་སྙིང་རྗེ་ཆེན་པོ་འཕེལ། བོད་གངསཅན་འདིར་སེམས་ཅན་གྱི་འདི་་སྐྱིད་སངས་རྒྱས་ཀྱི་བསྟན་པ་ལ་རག །བསྟན་པ་ནི་འཛིན་བྱེད་ཀྱི་སྐྱེས་བུ་ལ་རག་ལས་པ་ཉིད་ཀྱང་ད་ནི་ལྔ་བརྒྱའི་ཐ་མར་གྱུར་པས་བསྟོན་པའི་ངོ་བོ་ལུང་དང་རྟོགས་པ་གཉིས་ནི་ཆུ་ལྷའི་ཕང་བར་ཕྱོགས། ལྔ་བརྒྱ་ཕྲག་བཅུའི་ཕྱི་མས་གཏུགས་པའི་རྟགས་སྡོམ་པའི་གཟུགས་བརྙན་ཀྱང་འཇིགས་སྐྱོབ་དང་། ལེགས་སྨོན་ལ་རེ། རྒྱུ་དེས་ངེས་འབྱུང་ཡོད་པའི་གང་ཟག་ཤིན་ཏུ་དཀོན་ཞིང་ཐུབ་ཚོད་དང་བརླང་པོར་སྤྱོད་པ་མང་བས། སྔོན་ཆད་ཆོས་རྒྱལ་མེས་དབོན་རྣམ་གསུམ་གྱིས་དབང་

― JLAZ014_Page_0571 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་འདུན་ལ་བསྐུར་བ་དེ་ཡང་དུས་ད་ལྟ་སེམས་ཅན་རྣམས་ཀྱི་ཁུར་དུ་སོང་། ཆོས་པ་རྣམས་ཆོས་བཞིན་མི་བྱེད། དགོན་གནས་མཐུ་ཆེ་བ་རྣམས་ནས་ཁྲལ་ཁྲིམས་ཁུར་བའི་ཁྱིམ་པ་རྣམས་ལ་འཕྲོག་ཆོམ་དང་། ཁྲིམས་རྐུན་འདོད་རྒྱལ་དུ་སྤྱོད་པས་རང་སའི་སྡོམ་པ་འཇིག་པའི་ཚུལ་མཛོད་ལས། འཆལ་བའི་ཚུལ་ཁྲིམས་མི་དགེའི་གཟུགས། ཞེས་པས་གཞན་གནོད་གཞི་བཅས་ལྷུར་ལེན་པ་ནི་རྟགས་ཙམ་འཛིན་པའི་ངོ་བོ་ཉིད་ཡིན། དེས་ཁྱིམ་པ་གསུན་འབྱིན་ཆེན་པོར་གྱུར་ནས་བསྟན་པ་ལ་མོས་པ་ལྡོག་ཅིང་བསྙེན་བཀུར་ཡང་ཁྲལ་འཇལ་གྱི་གནས་སུ་ལྟ། ཆོས་བྱེད་ཀྱི་གང་ཟག་དང་། བྱང་ཆུབ་སེམས་དཔའི་རིགས་ཅན་འགའ་ཙམ་སྲིད་ན་ཡང་། ཚེར་མ་དང་དར་ཟབ་ལྷན་ཅིག་ཏུ་བསྲེས་པས་བསོད་ནམས་འཕེལ་བའི་རྒྱུ་དང་འབྲས་བུ་གཉིས་ཀ་མ་རུངས་པར་བྱས་པས་མགོན་དང་དཔུང་གཉེན་མེད་པའི་དུས་སུ་འདུག་སྙམ་སྐྱོ་བ་ཤིན་ཏུ་འཕེལ། །དེ་ལྟར་ནའང་ཡུལ་གྱི་ཉེས་དམིགས་ལ་སྐྱོ་བའི་ཞི་བདེའི་སེམས་ནི་བྱང་ཆུབ་སེམས་དཔའི་རྩ་ལྟུང་རྒྱུ་ཡིན་པས་ན། རྒྱལ་སྲས་ཞི་བ་ལྷས། འགྲོ་བ་ཀུན་གྱི་དཀའ་བའི་རྒྱུ། །སེམས་ཅན་སྡུག་བསྔལ་རྩིར་གྱུར་པ། །རིན་ཆེན་སེམས་ཀྱི་བསོད་ནམས་གང་། །དེ་ལ་ཇི་ལྟར་གཞལ་གྱིས་ལང་། །

― JLAZ014_Page_0572 ―

^{[མ་དཔེ་གཟིགས་ན་འདིར་གནོན།]}

[Full Size]

ཕན་པར་བསམ་པ་ཙམ་གྱིས་ཀྱང་། །སངས་རྒྱས་མཆོད་ལས་ཁྱད་འཕགས་ན། །སེམས་ཅན་མ་ལུས་ཐམས་ཅད་ཀྱི། །བདེ་དོན་བརྩོན་པ་སྨོས་ཅི་དགོས། པ་ལྟར། སེམས་ཅན་ལ་དམིགས་པའི་སྙིང་རྗེ་ཆེན་པོས་དུས་ཀྱི་ཆད་པ་སྣ་ཚོགས་ཞི་བའི་ཕྱིར། དཀོན་མཆོག་གི་ཐུགས་རྗེ་རྒྱུན་མི་འཆད་པ་བསྐུལ། །ལྷ་སའི་གཙུག་ལག་ཁང་དུ་དངུལ་སྲང་བརྒྱ་ཕྲག་ལྷག་བཅས་ཀྱིས་བསྒྲུབས་པའི་སྟོང་མཆོད་དང་གསེར་ཆབ་སྙན་ཤལ་འབུལ་དུ་འབྲུག་པ་བླ་མ་ཆོས་གྲགས་མངག །འགྲོ་ལ་ཕན་མཆོག་རྒྱལ་བའི་ཐུགས་ལའང་སྨན། །གང་ལ་གནོད་མ་ཚོག་ཀྱང་ནི་དེ་བཞིན་ཕྱིར། །ང་དང་སེམས་ཅན་བདེ་སྡུག་མཚུངས་གསུངས་ན། འཕགས་པའི་སྤང་རྟོགས་བདེན་པས་འགྲོ་འདི་སྐྱོབས། །རྒྱལ་བསྟན་ལྔ་ཕྲག་ཐ་མས་མི་བརྫི་ཞིང་། འགྲོ་བའི་བདེ་སྐྱིད་བདུན་གྱི་བདུན་པའི་ཞལ། ནད་མཚོན་མུ་གེའི་བསྐལ་པ་ངན་པ་དང་། །ལོག་སྨོན་བདུད་ཀྱི་གཡུལ་ལས་རྒྱལ་བས་ཤོག །ཅེས་སྨོན་ཚིག་ཏུ་སླེལ་ནས་ཇོ་བོའི་སྐུ་མདུན་དུ་འབུམ་ཐེར་འདོན་པར་བསྐུལ། ཤི་གསོན་གྱི་རྫས་རྣམས་དོན་ལྡན་བྱ་བའི་ཕྱིར་བཟང་གོས་སྣེ་ཚང་དང་ཁ་འཁྱར་སྡོམས་ཡུག་བཅུ་སྐོར་ལ་མཆོད་རྫས་འགའ་ཞིག་བཙེམས། བསམ་ཡས་དུ་སྟོང་མཆོད་དང་བསྟན་འགྲོའི་བདེ་སྐྱིད་ཀྱི་

― JLAZ014_Page_0573 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་འབྲེལ་ལ་དམིགས་པའི་བར་ཁང་ཞལ་འདེབས་གཡས་གཡོན་དུ་ཕྱོགས་བཅུ་དུས་གསུམ་གྱི་སངས་རྒྱས་དང་བདེ་བ་ཅན་གྱི་ཞིང་བཀོད་བཅས་ཐང་ཆེན་ཐོག་ཚད་མ་བཅུ་བཞི་རྒྱུན་འགྲམ་དང་བཟང་གོས་འཇའ་སྒྲིགས་ཀྱི་གོང་ལྡན་ལ་ཚོས་སྣ་ལྔ་སྤེལ་གྱི་ཕུར་མ་དང་ནང་མཛོད་སྣ་ལྔའི་ཕུར་མ་བརྩེགས་པའི་གདུང་ཁེབས་བྱིངས་ཁེབས། བཟང་གོས་ནམ་ཞུའང་ལྡན་སྨྱུག་ཁའི་རྒྱལ་མཚན་གོང་བ་སྨལ་ག་གཤམ་མཚལ་ཁ། སྟོང་མཆོད། དཔལ་རིར་ནང་མཛོད་བརྒྱད་ལ་བསྐང་རྫས་བྲིས་པ་བཟང་གོས་ཀྱི་འཇའ་ཅན། མདོ་ཁམས་རྫོགས་ཆེན་པའི་དགོན་དེ་དང་ཞེ་མཚུངས་ལྷ་མོ་བཅུ་དྲུག་གི་སྣང་བརྙན་བཅས་སྦྱར། དཔལ་ཆེན་བཀའ་བརྒྱད་རོལ་བ་ཆེན་པོའི་ཐང་ཆེན་གསེར་བཅད་མ་དགུ་དང་། སངས་རྒྱས་སུམ་ཅུ་སོ་ལྔའི་ཐང་ཀ་བདུན་ཚར་བཟང་གོས་འབའ་ཞིག་གི་གོང་འཇའ་ཅན་བཞེངས། མངའ་རིས་གྲྭ་ཚང་པ་ལ་མང་ཇ་བཅོ་ལྔ་དང་། གཟན་སྟོད་ལེགས་པའི་སྤོང་དག་ བསམ་ཡས་རབ་བྱུང་བར་སྨན་བླ་ཉིན་འཁྱོངས་དང་། དངུལ་སྤང་བཅོ་ལྔའི་ཟོང་རས་འགྱེད་བཏང་། འགྲོ་བའི་བདེ་སྐྱིད་དང་རྒྱལ་བསྟན་མི་ནུས་པའི་རྟེན་འབྲེལ་ལ་དམིགས་ནས་གཞུང་སར་བཟོ་རྒྱུ་དངུལ་སྲང་བརྒྱ་ཐམ་པའི་ཉེན་ཟངས་དང་། བཞུས་གསེར་བྱང་

― JLAZ014_Page_0574 ―

^{[མ་དཔེ་གཟིགས་ན་འདིར་གནོན།]}

[Full Size]

ཞོ་བརྒྱ་ཕྲག་ལྷག་བཅས་ཕུལ་ཏེ་བསམ་ཡས་རྟ་མགྲིན་གླིང་དུ་བཞུགས་རྒྱུའི་སློབ་དཔོན་ཆེན་པོའི་སྣང་བརྙན་བཞེངས་པའི་བཟོ་གྲ་འདོད་དཔལ་དུ་ཚུགས། ཧོར་གོས་ཟབས་རྒྱས་དངུལ་སྲང་སུམ་ཅུ་རེ་རེ་བའི་ན་བཟའ་སྐུ་བེར་ཀྱང་ཚེམ། སྐྱེས་ནས་འཆིབ་ལས་མ་འདས་པའི་འབྱུང་འགྱུར་མཆོད་སྡོང་གི་ཆར་ཏོག་བཅས་དང་། ཟུར་བཀག །སྒོ་ཁྱིམ་ཏྲ། སང་ཁྲིའི་རྒྱན་སོགས་ཕུལ་ཟངས་ཁལ་བཅུ་གཉིས་དང་། གསེར་སྲང་བཅུ་གཉིས་ཀྱིས་བསྒྲུབས། ལར་དངོས་ཅག་གི་འཇིག་རྟེན་མཐུན་འཇུག་མ་བྱས། འདུ་འཛི་དང་རྣམ་གཡེང་སྤངས་བཞིན་ཤུགས་འབྱུང་གི་དཀོར་རྫས་ཕན་བུ་འབྱོར་བ་དག་དགེ་ཚོགས་སུ་འགྱུར་བའི་ཡིད་དང་ཆོས་སུ་རྟོགས་པ་ཙམ་ཡང་བསམ་གཏན་གྱི་ཚེར་མར་བྱུང་། བྷོ་ཊའི་བླ་མ་ཕྱུག་པོ་ཚོའི་རྣམ་གཡེང་དང་ཐུགས་སྲུན་ལ་རང་ཉིད་ཤ་ཐང་ཆད། ཡེ་ཤེས་སྐུ་མཆོག་མར་གཉག་དཔལ་དབྱངས་ཀྱི་འགྲེལ་པ་ཡོད་སྐད་སྔོན་ཆད་མ་མཐོང་ཡང་། གཞུང་འདི་ཁྱབ་ཆེ་བས་དཔེ་ལུང་སོགས་ལ་མ་བརྟེན་པར། བློ་ཐོག་ནས་འགྲེལ་པ་བྱས། རྒྱུད་འབུམ་དུར་ཁྲོད་མངོན་པར་རོལ་པ་མཚོན་ཆ་འཁོར་ལོ་དང་། མེ་ལྕེ་ཕྲེང་བའི་རྒྱུད་གཉིས་ནས་མངོན་རྟོགས་དང་བསྐང་བ་བསྡུས་ཏེ་མགོན་པོ་ལེགས་ལྡན་ཚོགས་ཀྱི་བདག་པོའི་རྟེན་གཏོར་བསྐང་བའི་

― JLAZ014_Page_0575 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུན་འཛུག་བྱས། སྤྱིར་སོ་བྱང་སྔགས་གསུམ་གྱི་སྡོམ་པ་འབོགས་པ་པོ་ལ་ལྷག་པར་ཡང་ལྡན་དགོས་ན་དེ་དག་གི་བླངས་འདས་སྒྲ་ཇི་བཞིན་པར་ཤེས་པའང་དཀོན་པའི་གནས། བལྟར་སྣང་ཙམ་དུ་རྟགས་དང་ཆོ་གས་མི་བྱེད་པས་འདུལ་བའི་ལས་ཆོག་བྱེད་སྲོལ་མེད་མོད། མདོ་སྨད་གསེར་ཁ་དགོན་སོགས་ཁམས་པའི་གྲ་རིགས་བླུན་དད་ཅན་རྣམས་ཀྱི་ནན་པོ་མ་ལྡོག་པས་བྱང་ཆུབ་སེམས་དཔའི་སོ་ཐར་འབོགས་ཆོག་བརྒྱ་སྐོར་ལ། ལུང་སྡེ་བཞི་དང་མཚོ་ཊིག་ཉམས་འོག་ཏུ་ཚུད་པས་དགེ་སློང་གི་སྤྲེང་ཡིག་ཀྱང་བྱས། གཙང་ཐེག་མཆོག་གླིང་བའི་དབུ་མཛད་ཅན་ལྔ་ལ་སོགས་མོན་པོར་ཁམས་གསུམ་གྱི་མི་སྣ་འདུས་པ་ལ་འཁྲོད་ཚར་གསུམ་ཙམ་བཏབ། ཐེག་མཆོག་གླིང་པ་རྣམས་ལ་རྙིང་ལུགས་ཀྱི་བླ་མ་གསང་བ་འདུས་པའི་ཚེས་བཅུའི་ཚོ་ག་ཡང་སེ་བཏང་དུ་བཅུག །གེར་ལྟ་བའི་ཡུམ་ལ་བླ་མའི་རྣལ་འབྱོར་སོགས་ཀྱི་ཆོས་འབྲེལ་བྱས། ཀ་ཐོག་ཞིང་སྐྱོང་གི་ཡང་སྲིད་སྐོར་ལ་བླ་མ་མགོན་ཆུང་གདན་ཚབ་རྣམ་གཉིས་ཀྱི་མཚུམས་ཞུ་ཁྱེར་ནས་ཆེད་དུ་བྱོན་པ་ལ་ཆོས་འབྲེལ་དང་བཀའ་གཏད་བྱས། དེ་མཚུངས་སྡེ་དགེ། །རྫོགས་ཆེན། ཉི་གྲགས་ཟེ་ཆེན། རྒྱ་རོང་། ཉིན་བྱེད་སྐུ་སྐྱེ་སོ་སོའི་མཚམས་ཞུས་དང་དངོས་མཇལ་བྱེད་འདོད་གསུང་པར། རང་རེ་ནི་རྒ་བའི་ཆད་པས་གཏུགས་པས་བློ་སྣ་

― JLAZ014_Page_0576 ―

^{[མ་དཔེ་གཟིགས་ན་འདིར་གནོན།]}

[Full Size]

ཐུང་དུ་ལས་མ་མཆིས་སོ། །དབུལ་པོ་ལ་སྦྱིན་གཏོང་སྲོག་བསླུ་ལུག་གསུམ་ཅུ་སྐོར། ཆབ་གཏོར་འབུམ་ཐེར་སོགས་བགྱིས། ས་སྐྱོང་སྡེ་དགེའི་སྐུ་རིམ་བསྒྲུབ་རྟེན་གསེར་སྲང་དོ་འབྱོར་བ་བཞིན། དཔོན་སློབ་བཅུ་སྐོར་ནས་ཕུར་པ་རྒྱུད་ལུགས་ཀྱི་སྒྲུབ་ཆེན་བདུན་ཕྲག་དང་། དེའི་སྒོ་ནས་སྦྱིན་སྲོག་འབུམ་ཐེར་སོགས་བྱས། བྲི་བ་ནོ་མོ་ཁང་། རྒྱལ་ཡུམ། ཟངས་རི་གུང་། མདའ་དཔོན་ལྕང་ཅན་སོགས་ཀྱི་བསྔོ་རྟེན་བྱུང་བས་རྒྱལ་བ་ལ་གདམས་པའི་མདོའི། མི་རྟག་པ་ལྷག་པར་དྲན། མཚན་ཉིད་བླ་མ་དགའ་ལྡན་བྱང་རྩེ་བས་ཁྱོད་དང་ཕྲད་འདོད་ཤིན་ཏུ་ཆེ་ཡང་སྟེས་དབང་མ་འགྲིག་ཅེས། སྐྱབས་འཇུག་ཞུ་རྟེན་བསྐུར་བ་མཛད། །ཐོས་པས་དོན་མ་ཡིན་པ་སྤོང་། །ཐོས་པས་སྡིག་ལས་ལྡོག་པར་བྱེད། །ཅེས་པ་དེར་སྣང་། ཨེ་ཤག་བྱང་པའི་གདན་འདྲེན་ནན་བསྟུད་ཆེ་བར་མགྱོགས་འཕྱང་ལ་བརྟན་ཁྱུག་ཙམ་ཕྱིན། འབུལ་ནོད་བསྙེན་བཀུར་རྒྱ་ཆེན་པོ་མཛད། གཙང་འགྲམ་དུ་ཉ་ཁ་ཤས་བསླུས། རྩེས་ཐང་ཀླུ་གཟིམས་གཉིས་སོགས་ནས་ཞག་ཤས་བཞུགས་དགོས་ཨུ་ཚུགས་བྱེད་ཀྱང་། གྲོང་རྡལ་གྱི་དབུས་སུ་སུན་སྣང་ཆེན་པོ་སྐྱེས་ཏེ་ཞག་ས་ལས་མ་བསྡད། དེ་ཡི་ཆོས་ཀུན་སྒྱུ་མ་ལྟ་བུ་དང་། སྐྱེ་བ་སྐྱེད་མོས་ཚལ་འགྲོ་ལྟར་རྟོགས་ནས། ཞེས་བའི་ཡང་སྲིད་མང་པོ་ཡོད་པ་མི་འདྲ་སྟེ། དགོན་གནས་སུ་

― JLAZ014_Page_0577 ―

^{[མ་དཔེ་གཟིགས་ན་འདིར་གནོན།]}

[Full Size]

སྐྱེས་འཛིན་པ་བོད་ཀྱི་ལུགས་སུ་སྣང་བས། ལུགས་གཉིས་གང་རུང་ནས་དགོན་པར་ཕན་དུ་རེ་བ་དག་ལ། བྲག་དམར་ཀེའུ་ཚང་དུ་བརྟགས་སྒྲིལ་བྱས་པའི་དོན་རྩེར་སྙན་སྒྲོན་བྱས་ནས། ཤྲཱི་བརྤ་ཏའི་སྐུ་སྐྱེ་ངོས་འཛིན་གྱི་འགོ་འདྲེན་བྱས། གཉལ་ཤ་གཟུགས་པ། རྡོ་བླ་འཇིགས་མེད། སྡེ་པ་རྣམ་རྒྱལ། དྷརྨ་ཀིརྟི། དཔལ་ལྡིང་རྗེ་བཙུན་མ་རྣམས་ཀྱིས་རིང་འཚོའི་རྟེན་འབྲེལ་རྒྱས་པས་མཛད། རང་ལོ་རེ་བཞི་པར་སླེབ་མ་ཐག་སྟེ། སྡེ་དགེའི་མཆོད་དཔོན་སངས་རྒྱས་བཟང་པོ་ཆེད་དུ་བྱོན་བར་དབང་ཁྲིད་ཀྱི་གདམས་པས་རྗེས་སུ་བཟུང་། མི་གཞི་བཟང་ཞིང་རྒྱུད་དུལ་བས་ཆོས་ཀྱི་གདུལ་བར་རུང་བའི་མཚན་ཉིད་དུ་སྣང་། སྒྲོལ་མ་རྒྱ་གར་མ་བྱིན་ཅན། རཏྣའི་ལྡི་གུ་དེ་ཉིད་ཀྱི་གྲངས་ལྡན་བཅས་བརྟན་བཞུགས་མཛད་པས་རྟེན་འབྲེལ་ལེགས་ཚོགས་ཆེན་པོར་གྱུར། རྒྱ་དངུལ་སྲང་ལྔ་བཅུའི་འབུལ་བ་དང་བཅས་གསོལ་བ་བཏབ་པ་བཞིན་རྣམ་ཐར་ཁ་བསྐངས་འདི་ཡང་བྲིས་པའོ། སེར་སྨད་ནས་མཁན་པོའི་སྐུ་སྐྱེ་ཁྲིད་གསན་པ་ལ་བྱོན། ཁོང་སྨོན་ལམ་ཚོགས་ཆེན་ལ་དམ་བཅའ་བཞག་པའི་སྡེ་སྣོད་འཛིན་པ་ཆེན་པོར་འདུག །རྙིང་མ་བས་མདོས་ཟོར་འཕེན་པ་ཙམ་ལས་སྡེ་སྣོད་མི་ཤེས་སྙམ་པ་ཡོད་ཀྱང་ཡོན་ཏན་མཛོད་མཐོང་བས་བློ་འཕྲོག་པ་ཡིན་ཞེས་གསུངས། གུས་པ་

― JLAZ014_Page_0578 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་པོ་མཛད། ཁོང་ལ་ཁྲིད་བཏབ་པའི་འཇུག་པ་སེམས་བསྐྱེད་ཀྱི་བསླབ་ཡའི་འཕྲོས་དོན་ལ་དེང་སང་། དགེ་སློང་གིས་བསྙེན་གནས་བླངས་ན་བསྙེན་རྫོགས་ཀྱི་སྡོམ་པ་འཇིག་ཟེར་བ་གཅིག་དང་། དེ་འདྲའི་རྟོག་དཔྱོད་མེད་པར་དུས་ཁྲིམས་ཡན་ལག་བརྒྱད་པ་ལེན་པའི་སྲོལ་ཞིག་འདུག་པ་གཉིས་ལ་འགག་དགོས་ཇི་ལྟར་ཡོད་དྲིས་པས། ཉིས་བརྒྱ་ལྔ་བཅུའི་ཁྲིམས་ལ་ཕམ་ལྟུང་དང་ཉེས་བྱས་ཀྱིས་གཏན་ནས་མ་གོས་པའི་དགེ་སློང་ཡོད་ན་འཇིག་པ་བདེན་ཏེ། དུས་དང་སང་རང་བསྟན་པ་རྟགས་ཙམ་ལ་ཉེ་བས་གཏན་ཁྲིམས་ཡོད་ལོ་ལས་དུས་ཁྲིམས་ལ་གུས་པ་བསྐྱེད་བ་གསོ་སྦྱོང་གི་ཡན་ལག་ཏུ་ལེགས་ཞེས་པའི་ལན་རྣམ་དཔྱོད་ཆེ་བ་བྱུང་། དེ་བཞིན་དུ་ཚངས་གནས་བཞིའི་སྐོར་ལ་དྲིས་པས་ཀྱང་དགེ་སློང་མ་དཔལ་མོའི་པོ་བསྟོད་ལ་བཅོས་འཆོས་པ་རྣམས་ལས་ལྷག་པའི་གོ་བ་མིང་དོན་མཐུན་བའི་དགེ་བཤེས་སུ་བྱུང་། སེམས་ངོའི་ཚེ་ཞི་གནས་ལྷག་མཐོང་ལ་ཐོས་བསམ་གྱི་དཔྱད་སྒོམ་ཧ་ཅང་གྲིམས་ཆེས་པའི་བླ་རྟོག་སེལ་དཀའ་ཙམ་སྣང་ཡང་ངེས་འབྱུང་གི་བློ་དང་དབེན་པའི་ཕྱོགས་ལ་སྣང་བ་འགྱུར་ཆེ་བ་བྱུང་བར་ཞལ་གདམས་དགོས་གསུང་བ་དང་དེ་བཞིན་དུ་སྨྲས། དཔོན་པོ་འོད་ཟེར་ལ་གསང་སྙིང་འགྲེལ་པ་ཕྱོགས་བཅུ་མུན་སེལ་གྱི་ལུགས་ལྟར་བཤད། ལར་འགྲེལ་པ་འདི་དོན་ལ་རྟོན་པ་གཙོ་བོར་

― JLAZ014_Page_0579 ―

^{[མ་དཔེ་གཟིགས་ན་འདིར་གནོན།]}

[Full Size]

བཤད་པས་ཕྱི་དོན་དུ་འཛིན་པའི་རྣམ་རྟོག་ཅན་གྱིས་གོ་དཀའ་བར་སྣང་། ས་སྐྱོང་སྡེ་དགེའི་དགོངས་རྫོགས་བསྒྲུབ་མི་མདུན་སྐོར་མགོན་པོ་ལྷུན་འགྲུབ་ཅན་འབྱོར། ཐེག་ཆེན་རྩེ་ལྔ་པ་དང་། འགལ་སྦྱར། རྒྱ་དངུལ་སོགས་སྤམས་ཆེ་བ་དང་། དབོན་མོ་ཡུམ་སྲས་མཚམས་ཞུ་དངུལ་དཀར་གྱི་བཟང་ཞལ་སྤུས་ལེགས་སོགས་ཉེར་སྤྱད་དང་སུ་ཝཎ་སོགས་འབྱོར། ཁོང་ཚོ་མ་འབྱོར་གོང་ནས། མི་སེར་ལ་ཐོ་འཕོག་དོགས། འདི་གར་རྟེན་ཆས་བསྐྱེལ་མི་མཛད་ན་རྣམ་པའི་ཟུར་ཟོས་བྱོན་མིན་ལ་མ་ཏོས་པ་ཡོང་ཞེས་ལན་གྲངས་བསྟུད་ནས་ལགས་ཀྱང་། རང་བསམ་མི་བསག་ག་ལ་གཅིག །འདི་གར་འབྱོར་ནས་རྟ་དྲེའུ་དྲུག་ཅུ་སྐོར་གྱི་རྟ་གསོས་སོགས་འདུག་ཀྱང་མི་སེར་ལ་ཕན་པའི་ཕྱིར་ཞུ་གསོལ་བྱས་ནས་བཟན་རིན་ཕྲན་བུས་འཐུས་པར་བྱས།་ བོད་ཁམས་བདེ་ཐབས་ལ་དམིགས་པའི་སློབ་དཔོན་ཆེན་པོའི་སྣང་བརྙན་གེགས་མེད་དུ་གྲུབ་པས་གཟུངས་འབུལ་རབ་གནས་ཕྱིར་བསམ་ཡས་ལ་བསྐྱོད། གཟུགས་འབུལ་ཞག་གསུམ། རབ་གནས་དངོས་སྟ་སྤྲེལ་མ་ཞག་བརྒྱད་བྱས། སྐུ་གཉེར་དོན་གྱི་བསྐུལ་མ་མཛད་ནས་མཆོད་ཁང་བྱིངས་ལའང་མེ་ཏོག་འཐོར། ཟབ་བབ་རིན་ཐང་ཅན་གྱི་སྐྱ་བེར། དཔྱད་ལྡན་དམར་ལྗང་སྤེལ་བའི་སྐུ་བེར། གན་གོས་ཁོན་མཆུ་ལིའི་མཐོང་ཅན་གྱི་བླ་བྲེ།

― JLAZ014_Page_0580 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱན་བཞི་དམར་པོ་དང་རྒྱ་ཡིག་སེར་པོ་ཅན་གྱི་སྤེལ་བའི་རྒྱལ་ཡོལ། ཉེར་སྤྱད་དྲིལ་བུ་སྡེ་དགེ་ཐེག་ཆེན་རྩེ་ལྔ་གསེར་རྩི་མ་སྤུས་དང་། །དངུལ་གྱི་མཎྜལ་སྤྱི་ཁབ་ཀྱི་ཚོམ་བུ་ཅན། འདེགས་བྱེད་རྒྱ་བཟོའི་གྲུལ་བུམ་གཟུགས་ཆེ། སྣོད་ཨ་ཤོང་གི་ཐ་ལི། རི་དགས་ཤྭ་ར་བྷས་བཏེག་པའི་མེ་དམ་རྒྱ་བཟོ་ཆེ། དཀལ་ཡོལ་སྟེགས་བཅས། གླང་མཆེ་ཆ། ཕྱི་ཕུར་ཆ། ཇུས་དཀར་གྱི་རྒྱལ་མཚན། བར་ཁང་དུ་རྡོ་རྗེ་གསང་ལམ་མའི་ཀ་ཐུམས་བཅས་ཕུལ། ས་ཟླའི་དུས་ཆེན་ཉིན་སྟོང་མཆོད་དང་། རབ་བྱུང་བར་མང་ཇ་གསུམ། དྲུག་ཊཾ། ཁྱིམ་པ་རྣམས་དམག་ཁྲལ་གྱི་ཉམ་ཐག་བར་སྙིང་རྗེ་ཆེན་པོའི་བློས། བསམ་ཡས་སྤྲོ་འཇུག་སྤྱིར་དངུལ་སྲང་བཞི་བཅུ་སྐོར་གྱི་སྦྱིན་པ་བཏང་། ཁྲལ་དངུལ་མི་འབྱོར་བའི་སྐྱེ་བོ་གཉིས་བཙོན་རར་བཅིངས་པ་ཐར་བར་བྱས། ཞ་ལོང་གིས་མཚོན་པའི་སྤྲང་པོ་རྣམས་ལ་ཟས་གོས་ཀྱི་ཕན་བརྟགས། བསྟན་སྲིད་ལར་རིམ་ལ་དམིགས་ནས་རྟ་མཆོད་རོལ་པའི་སྒྲུབ་པ་ཞག་བདུན་དང་། ཞི་རྒྱ་ཀྱི་སྦྱིན་སྲེག་སོགས་བྱས། དེ་དག་གི་རིང་ལ་རང་སློབ་དད་ཅན་སློབ་དཔོན་ཨ་ནན་དང་། ལྷ་གཉེར་དཔོན་ཡོན་ཡོན་རྒྱ་མཚོ་སོགས་རབ་བྱུང་ཆེ་བྲེས་ཐམས་ཅད་ནས་ཞབས་ཏོག་དང་འབུལ་འགྱེད་སོགས་བསྟི་སྟང་གྱ་ནོམ་པ་མཛད། རབ་གྲྭ་དབུ་མཛད་བསམ་གཏན་ལ་སོགས་གྲྭ་

― JLAZ014_Page_0581 ―

^{[མ་དཔེ་གཟིགས་ན་འདིར་གནོན།]}

[Full Size]

ཚང་བཅོ་ལྔ་སྐོར་ལ་ཀློང་སྙིང་གི་དབང་ཁྲིད་སྨིན་པར་བཏབ། འདི་དག་གི་ཁྲོད་ན་ཆོས་སྣང་དང་མོས་པ་ཅན་མང་བས་བློ་བསྐྱེད་ཡོད་པའི་རིགས་ཅན་དུ་འདུག་ སེམས་བསྐྱེད་མཆོད་པའི་ཞལ་འདེགས་ལ་གཞིར་བཅོལ་བའི་ལུག་བཅོ་ལྔ་སྐོར་སྲོག་བསླུ་བྱས། རྡོ་གཞིས་པས་བསྙེན་བཀུར་བྱས་ཏེ་ཞགས་བཅགས་མལ་དང་བཅས་རང་གནས་སླེབ་འཕྲལ། རབ་གྲྭ་ཀུན་ཚུལ་དང་རྒྱད་རྩེ་རྩེ་ཆེན་པ་ཅན་གྲྭ་སློབ་བརྒྱད་ལ་ཁྲིད་ཁ་བཏབ། ལུས་འདི་བླངས་པ་ཙམ་ནས་སྡུག་བསྔལ་བདེན་པའི་རང་གཟུགས་ཅན་ཡིན་ཕྱིར། སྔ་ལོ་ནས་ཕུང་པོའི་སྐྱེ་མཆེད་ལས་དེ་ཝི་ཀི་ཌའི་ཡུལ་ལ་ཉེ་བར་ལོངས་སྤྱོད་པའི་རྟེན་འབྲེལ་འགགས་པ། སྔོན་ཆད་ལྔ་པ་རིན་པོ་ཆེ་འགྲིབས་ཚུལ་བསྟན་པའི་ཚེ། འཕགས་པའི་ཡུལ་གྱིས་ཐར་དཔྱད་མཁན་གྱིས་དབྱེ་བའི་རྒྱན། བླའི་སྨན་པ་གཉིས་ལ་ གཉེར་དུ་གཏད་པའི་ཐུགས་བསྐྱེད་པར་མ་ཆད་པའི་སློབ་རྒྱུད་ཡར་ལྷའི་མདུན་ནས་བྱེ་གྲོང་པ་ལ་ཀྴི༚་མིང་ཅན་ལ་གནས་པས། ལོ་སྔ་ཕྱི་གཉིས་ལ་ཐུར་དཔྱད་རེས་མོས་ཀྱིས་པས་གསོར་ཆུད། ལར་བཅོམ་ལྡན་འདས་ཀྱིས་སྔོན་གྱི་རྣམ་པར་སྨིན་པ་ནི་གང་ལའང་མ་གཏོགས་སོ་ཞེས་གསུངས། ལས་བདག་གིར་བྱ་དགོས་པའི་རིགས་ལ་དེ་ལྟ་མ་ཡིན་ཀྱང་། ངོས་ཅག་གི་འདི་ཕ་

― JLAZ014_Page_0582 ―

^{[མ་དཔེ་གཟིགས་ན་འདིར་གནོན།]}

[Full Size]

མའི་འགྲིབ་རྒྱུན་ལས་བྱུང་ཞིང་ཉེ་བར་ལེན་པའི་ཕུང་པོ་ལྔ་རང་བཞིན་མེད་པར་ཤེས་པའི་གོ་མྱོང་གིས་ན་ཟུག་ལ་སོགས་པའི་ཚོར་བ་རང་རྒྱུད་པའང་ཉམས་སུ་མ་མྱོང་བས། འཕགས་པས་རྒ་དང་ན་བ་དང་། སྐྱེ་བའི་སྡུག་བསྔལ་རྩད་ནས་སྤངས། ཞེས་པའི་དོན་ཀྱང་འདིར་རིག་གོ །ཟླ་བ་ལྔ་པའི་ནང་རྒྱ་དཔུང་བལ་ཡུལ་དུ་བཅུག་པའི་དམག་བཟློག་བསྒྲུབ་རྒྱུ་འབྱོར། སེམས་ཅན་ལ་ཉེ་རིང་མེད་ཀྱང་ས་སྤྲེལ་ལ་ལོ་ནས་ད་ལྟའི་བར་འཇིག་རྟེན་མི་བདེ་བའི་བྱེད་པོ་གང་ཡིན་ལ་དམིགས་ནས་ཕུར་པ་རྒྱུད་ལུགས་ཀྱི་སྒོ་ནས་གདབ་ཁ་དྲུག་གི་ལས་སྦྱོར་བཙུགས། བསད་རྟགས་ཀྱི་དབང་དུ་བྱས་ན་གཙོ་བོའི་གྲལ་ན་ཕག་ལོ་ཞིག་ཡོད་པར་ངེས། སྒྲུབ་པའི་སྒང་ལ་ཡུལ་གྱི་ཕུར་བྱ་རྒོད་ནམ་མཁའ་ནས་མངོན་སུམ་ལྷུང་སྟེ་ཤི་བ་དང་། །སྒྲུབ་པ་པོ་གཅིག་གི་རྨི་ལམ་དུ། འབྲོག་མོ་རྒབ་མོ་དུང་ཕྲེང་ཅན་ཁྲོ་ཉམས་ཤིག་གིས་གཙོ་བྱས་པའི་སྐྱེ་བོ་མང་པོས་མཚོན་ཆ་སྣ་ཚོགས་ཀྱིས་ནོར་ལུག་མང་པོ་གསོད་པ་ལ་མོ་ན་རེ། ང་རྒས་ནས་སྡོད་ལོང་ནི་མི་འདུག །རྒྱང་མིག་རང་བལྟ་དགོས་པས་མིག་ཀྱང་ཆ། སེམས་ཅན་སྨྱོ་ཚད་གསོད་དགོས་བྱུང་ན་རང་གཞན་གྱི་ནོར་ཐམས་ཅད་དོགས་པ་འདུག་སྐད། ཞིང་བཅུ་ཚར་བ་རང་སྡེ་ནའང་ཡོད་ཟེར་བ་

― JLAZ014_Page_0583 ―

^{[མ་དཔེ་གཟིགས་ན་འདིར་གནོན།]}

[Full Size]

འདུག་ ལར་ཕུར་བའི་དམ་ཅན་འདི་ཤིན་དུ་མཐུ་རྩེལ་ཆེ་ཞིང་རྒྱུད་ལུགས་ཀྱི་སྐུ་རིམ་འིད་ཡང་བཀའ་གཉན་པར་འདུག་གོ །མངོན་སྤྱོད་ཀྱི་དུས་དང་དེའི་སྔོན་རང་ནས་ཕ་རོལ་ལ་བཅོས་མིན་གྱི་སྙིང་རྗེ་ཆེན་པོ་སྐྱེས་པས་ཕྱིན་ཆད་ནའང་བསྔོ་སྨོན་ནན་ཏན་བྱས། མེ་ལོག་ལོའི་རྨི་ལྟས་དེ་ལ་ཐོག་མཐའ་བར་གསུམ་གྱི་ལུང་བསྟན་སྣང་ངོ། །ལར་བྱང་ཆུབ་ཀྱི་སེམས་དང་། རྒྱུད་སྡེའི་མན་ངག་ལ་ངེས་པ་འདྲོངས་དང་བཅས་པའི་རྒྱུ་མཚན་དུ་བཀོད་ཀྱི། ངས་བྱས་ང་རྒོད་ཀྱི་ཁྲལ་དུ་འཚངས་ནི་མ་ཡིན་ནོ། །མི་རིང་བར་འདུས་པ་མདོའི་སྒྲུབ་མཆོད་བཙུགས། ལྷོ་འབྲུག་གི་ཟླ་ཟུར་བསྲེས་པོ་སངས་རྒྱས་བཟང་པོས་ཡོན་ཏན་མཛོད་མཐོང་བས་ཡི་འཕྲོག་པའི་མོས་པ་ཐོབ་ཚུལ་གྱི་མཚམས་ཞུ་རྟེན་བཅས་དང་། ཁོང་གི་སློབ་མཁ་ལིང་བ་དང་། གཞོང་དཀར་བ་གཉིས། མོན་ཤར་རོ་ལམ་པ་ལྔ་། བོ་ལོད་པ་ནང་ཚང་དུའང་སྐད་རིགས་མི་གཅིག་པ་ལྔ་སྐོར་ལ་ལོ་ཙཱ་བཙུགས་ནས་འཁྲིད་བཤད། འདི་ཚོ་ཆོས་ལ་མོས་པ་ཆེ་ཡང་སྐད་རིགས་མི་གཅིག་པས་གོ་དཀའ་བ་ལ་དཔག་ན་ཕུང་པོ་གསུམ་པ་ལས་མི་ཁོམ་པ་དགུར་ཕྱེ་པ་དེ་བདེན་པར་སྣང་ཞིང་། ཡུལ་དབུས་ཀྱི་མི་ལ་ནི། ཆོས་སྣང་དང་མོས་པ་ཟུང་ཟད་ཀྱང་མེད་པ་འདི་ཤིན་ཏུའང་སྐྱི་

― JLAZ014_Page_0584 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་གནས། རོ་ལམ་ཝ་སྒོ་མའི་རི་རྒྱུའི་བྲག་རི་ལ་གནས་པའི་སྦྲང་ཚང་། བྱ་རི་དྭགས་ཀྱི་སྲོག་སྐྱོབ་པའི་དོན་དུ་དངུལ་སྲང་བཅུ་ཐམ་པས་བྲག་རི་ཉོས་ཏེ། བསྐལ་པ་མ་སྟོངས་ཀྱི་བར་དུ་རི་རྒྱ་བྱས། རང་ལོ་རེ་ལྔ་པར་རྒྱལ་སྲིད་གཏོ་མ་ནས་རྒོད་ཚང་རིན་པོ་ཆེས་འོད་དཔག་མེད་ཀྱི་སྐུ་འཇོན་དམར་བྱིན་ཅན། མཛོད་དགོས་འཁོར་བརྒྱད་མ་ཡུག །གསེར་དངུལ་མར་ལྟང་སོགས་བ་དོག་པ་བྱ་ནོམ་བ་དང་བཅས་པའི་རང་འཚོ་འབུལ་མི་ལྷགས། དེ་མཚུངས་དགོན་རྩེ་རིན་པོ་ཆེས་འདྲིན་བྱེད་ལེགས་འབུལ་གྲུ་གཡུ་སྤུས་དང་། །གསེར་དངུལ། ཟོང་རས་བཅས་དང་། སྒོམ་ཕྱོགས་ལ་བསམ་བྱུང་གི་ཤེས་རབ་དཔྱད་བཟོད་པའི་དྲི་བ་རྒྱ་ཆེན་པོ་མཛོད་པ་ལ་དེ་ལན་དང་། གྲུ་གཡུ་རྟེན་བཞེངས་ཀྱི་མཛོད་སྤུར་དབྱངས། །ཆོས་སྤྱོད་བཅུའི་གཏམ་དེ་བློ་ལ་ཐོལ་བྱུང་དུ་ཤར། ས་སྐྱོང་སྡེ་དགེའི་མཚམས་ཞུ་བསྟུད་མ་དང་། རིན་ཆེན་རིལ་བུ་བཅུ་གསུམ་གསེར་དངུལ་སྤམས་མཐོ་བ་འབྱོར། ལར་ཁོ་བོ་ཅག་འདོད་བ་ཟད་པའི་བློ་སྐྱེས་པ་ནས་བཟུང་སྟེ་ཟང་ཟིང་ཆར་ལྟར་བབས་ཀྱང་། དཀོར་གྱི་ཉེས་དམིགས་ལ་འཇིགས་ཤིང་། དེ་བསོད་ནམས་སུ་སྦྱར་བའི་གཡེང་ལ་སུན་སྣང་ཆེན་པོའང་སྐྱེས། ཁ་རག་སྒོམ་ཆུང་བས། སྙན་གྲགས་བདུད་ཀྱི་ཕྱེ་གཏོར་ཡིན། །རྙེད་བཀུར་འཆིང་བའི་ཞགས་པ་ཡིན། །བསོད་ནམས་དགེ་

― JLAZ014_Page_0585 ―

^{[མ་དཔེ་གཟིགས་ན་འདིར་གནོན།]}

[Full Size]

སྦྱོར་གྱི་བར་ཆད་ཡིན། །དུག་ལ་སྨན་དུ་མ་བལྟར་ཡང་། །གསུངས་པ་ལ་ངེས་ཤེས་སྐྱེས་པས་ལྷའི་ཤུའི་བདུད་དང་རྟག་པར་གཡུལ་སྤྲད། ཤཱཀྱ་ཐུབ་པ་ལས་ལྷག་པའི་འདྲེན་པ་མ་མཆིས་ཏེ་ཁོང་ལའང་ཉེར་སྤྱད་རྡོའི་ལྷུང་བཟེད་ལས་མེད་པས། གསེར་དངུལ་གྱི་རྟ་སྒ་དང་། ཇི་ལྟར་གྱི་གཟི་བྱིན་བསྒྲུབས་སྤངས་ཤིང་། བདག་པོས་གཟུང་བའི་རྟེན་མཆོད་དང་། རང་སའི་གཙུག་ལག་ཁང་ལ་ཁྱིམ་གྱི་འདུ་ཤེས་ཤར་བའི་རྟེན་བཞེངས་འདི་ཡང་། རྟ་ལ་རྒྱན་དུ་གྱིས་པ་དེ། །བདག་པོ་ཉིད་ལ་མཛེས་པ་ཡིན། ཞེས་པ་དེར་སྣང་། ངས་བསོད་ནམས་ཀྱི་རྒྱུན་གཏན་ནས་མི་འགྲོ་བར་རིག་ནས། །སངས་རྒྱས་ཀྱི་བསྟན་པ་དར་བ་དང་། འཇིག་རྟེན་གྱི་ཁམས་སུ་དམག་འཁྲུག་ནན་དལ་མུ་གེ་སོགས་རྗེ་ཆེར་དར་བ་ཞི་བ་ལ་དམིགས་ནས་བསམ་ཡས་ཆོས་འཁོར་ཆེན་པོར་ཆོས་ལོངས་སྤྲུལ་གསུམ་གྱི་རྟེན་བཞེང་དགོས་པ་ལས། འདི་ལོ་འཕགས་པ་འཇིག་རྟེན་དབང་ཕྱུག་གི་སྐུ་རྒྱུར་དངུལ་སྲང་བཞི་བརྒྱ་ཐམ་པ། ཁྲི་རྒྱབ་སོགས་གསེར་ཟངས་ཀྱི་རྒྱུར་ཟངས་ཁལ་བརྒྱད། གསེར་སྲང་བརྒྱད་ལས་འཕགས་པའི་ལྡེམ་སྐུ་སླེའུ་ཆུང་དང་བཟོ་སྒྲོས་ཐ་མི་དད་བྱོན་གཙང་ཡིད་དུ་འོང་བར་ཕྲ་རྒྱན་གྲུ་གཡུ་སྤུས་དག་གི་ཕྲ་སྤུངས། ཤེལ་ཕྲེང་བྱུ་རུ་ཆེ་ལེགས་བཅུའི་རྒྱན་བཅས་དང་། ཇོ་བོ་བྱང་ཆུབ་ཆེན་པོའི་

― JLAZ014_Page_0586 ―

^{[མ་དཔེ་གཟིགས་ན་འདིར་གནོན།]}

[Full Size]

སྐུ་མདུན་དུ་བོད་འབངས་བཀྲ་ཤིས་པའི་རྟེན་འབྲེལ་དུ་གསེར་སྲང་ཉི་ཤུ་རྩ་ལྔ་ལ་བརྡུངས་པའི་བཀྲ་ཤིས་རྟགས་བརྒྱད་རྣམས་ཀྱི་བཟོ་རྒྱུ་དང་། གླ་ཐོབ་སྲང་ལྔ་བཅུ་བཅས་འདོད་དཔལ་དུ་བསྐྱལ། གྲུབ་མཚམས་གོང་ས་རིན་པོ་ཆེས་བཀའ་ཤོག་རྟེན་བཟང་གོས་ཡུག་དང་། རྒྱ་དངུལ་རྟ་རྨིག་མ་བཅས་བསམ་ཡས་ཆོས་འཁོར་ཆེན་པོར་སྦྱར་ཆོག་རོགས་ཉི་སྣུ་སྐོར་དང་བཅས་རབ་གནས་བདུན་ཕྲག་གཅིག་གི་བར་བྱེད་དགོས་པ་ཕེབས་པ་བཞིན། བསམ་ཡས་སུ་འདུས་པ་མདོའི་རྡུལ་ཚོན་གྱི་དཀྱིལ་འཁོར་ལ་བརྟེན་པའི་སྒྲུབ་པ་དང་འབྲེལ་བར་ཞག་བཅུ་སྐོར་གྱི་བར་དུ་དངོས་སྟ་སྤྲེལ་མ་རྒྱ་གཞུང་གི་ཆོ་གར་ལྡན་པ་རྒྱས་པའི་བྱིན་སྲེག་གི་མཐའ་རྟེན་བ་བྱས། གཙུག་ལག་ཁང་ཡོངས་རྫོགས་རབ་གནས་ཀྱི་དོན་པོ་བཞི་དང་ལྡན་པའི་ལྷག་གནས་ཀྱི་མེ་ཏོག་གཏོར། སེམས་བསྐྱེད་གླིང་དུ་ཆོས་ཉིད་ཀྱི་ངང་གཅིག་ལ་མ་ཆགས་པདྨ་ཅན་གྱི་སྣ་ཚོགས་ལས་འདས་པའི་གསུང་གི་སྣང་པར། དབང་བཅུའི་དང་པོ་དཔེ་བྱད་གྲགས། །དེ་སྟེང་ཡེ་ཤེས་ལྔ་ལྡན་དཔལ། །ཞེས་པའི་དོན་དུ་སྣང་། ཞལ་གསེར་སྟོང་མཆོད་དང་། རབ་བྱུང་གྲྭ་ལ་ཉིན་གསུམ་གྱི་རབ་བཀའ་འགྱུར་གསུང་སྒྲོགས་བཙུགས། ཚར་དོད་ཡོན་ཐོབ་ལ་དངུལ་དང་ཟོང་རས་སྨར་བ་བཏབ། འཕགས་པའི་དབུ་ཐོག་དང་ཉེ་བའི་བར་

― JLAZ014_Page_0587 ―

^{[མ་དཔེ་གཟིགས་ན་འདིར་གནོན།]}

[Full Size]

ཁང་གི་ཀ་གླིང་བཞི་པ་གཅིག་ལ་བྱི་བ་ཁེབས་མཐོང་རྒྱ་སེར་གྱི་གོས་ཆེན་དང་སྨད་ཤ་མ་རྒྱན་བཞི། འཇའ་ཁོན་ཆུ་ལི་རིན་ཐང་ཅན་སོགས་སྤེལ་བའི་གནམ་རྒྱན་དངུལ་སྲང་བརྒྱད་ཅུའི་རྒྱུ་འགྲོ་ཅན་དང་། ལྕམ་གླིང་གཅིག་ལ་མཐོང་མཛོད་དགོས་ལཉྩ་མས་བྱས་པའི་གནམ་རྒྱན་བཅས་དང་། ཞབས་རྗེས་རིན་པོ་ཆེར་བཟང་གོས་ཚོན་སྤེལ་གྱི་ཕུལ་མ། བསམ་མཆིམས་ཀུན་མཁྱེན་ཆེན་བོའི་དབུ་ཐོག་རྡོ་རྗེ་གསང་ལམ་མ་སེར་པོའི་བླ་བྲེ། བྲག་དམར་ཀེའུ་ཚང་དུ་གདུང་ཁེབས་འཕུར་མ་བཅས་ཕུལ། ཇོ་བོའི་སྐུ་མདུན་གསེར་ཞོ་དང་། ཊཾ་ཁ་སོ་བདུན་གྱི་ཚོམ་བུ་མཎྜལ་དང་མཆོད་འབུལ་གྱི་མཐར། བོད་འབངས་བདེ་བ་དང་། འབྲེལ་ཐོགས་ལ་སྨོན་ལམ་རྒྱ་ཆེན་པོ་བཏབ། རབ་གྲྭ་གཙོ་བོར་གྱུག་པའི་མོན་བོད་ཀྱི་སེར་སྐྱ་བརྒྱ་སྐོར་ལ་དབུ་མ་ལུགས་ཀྱི་བྱང་སྡོམ་ཕོག །རབ་གྲྭ་ཉི་ཤུ་སྐོར་དང་། མོན་ཤར་རོ་ལམ་པ། ར་མ་གྱང་ར་བ། གཞོང་མ་རལ་པ། གདུང་བསམ་པ་བཅས་སྐད་རིགས་མི་གཅིག་པ་སུམ་ཅུ་སྐོར་ལ་ཁྲིད་ཚར་གཉིས་བཤད། ལོ་གསུམ་དང་། ལོ་མཚམས་གུ་རུའི་སྙིང་པོ་དང་། མ་ཎི་དུང་ཕྱུར་གྱི་དམ་བཅའ་འབུལ་བའང་ཁ་ཤེས་བྱུང་། སྔ་ལོ་ལྟར་མོན་ཤར་ནུབ་ཚོར་རི་དྭགས་སྦྲང་ཚང་སོགས་བསླུ་རྒྱུའི་དངུལ་སྲང་ཉི་ཤུ་སྐོར་བསྒྲུབ་ཅིང་རི་རྒྱ་བཏབ། སེམས་

― JLAZ014_Page_0588 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་མཆོད་པའི་ཞབས་འདེབས་དང་བཅས་ལུག་ཉི་ཤུ་སྐོར་ཚེ་ཐར་བྱས། དབུལ་བོ་རྣམས་ལ་སྦྱིན་པ་རྒྱ་གང་ཆེ་བྱས། རས་ཕུག་སྐུ་སྐྱེས་བསྐུལ་མ་མཛད་ནས་སྐྱ་སེར་མང་ཞིག་ལ་གསོལ་འདེབས་མན་ངག་བཅུ་གསུམ་པའི་གཏོར་དབང་བྱས། རྟ་མགྲིན་གླིང་དང་དགོན་པ་ས་སྦུག་སོགས་སུ་གོང་ས་རིན་ཆེ་དང་། སྲིད་སྐྱོང་རྟ་ཚག་གི་ཚེ་སྒྲུབ་སྦྱིན་སྲེག་སོགས་བསྒྲུབས། སློབ་དཔོན་ཚུལ་ཁྲིམས་བསོད་ནམས་སོགས་ནས་ཡོད་དགུ་བླ་མར་བསྔོ་བའི་བསྙེན་བཀུར་དང་བརྟན་བཞུགས། དེ་མཚུངས་ཆོས་རྗེ་བྲག་ཕུག་པ་ཁེ་སྨད་རིགས་ལྡན་སྒྲོལ་འབུམ་སོགས་ནས་བསྙེན་བཀུར་ཕུལ་ནོད་རྒྱ་ཆེ་བ་དང་། བརྟན་བཞུགས་ཡང་ཡང་མཛད། སྒྲོལ་འབུམ་མའི་མུ་ཏིག་སྲན་སྤོས་ཙམ་དྲུག་ཅུ་སྐོར་དང་། གཡུ་དམར་གྱི་སྐེད་ཕྲ་ཆ་བཅས་རྟ་མགྲིན་གླིང་སློབ་དཔོན་ཆེན་པོའི་དབུ་ཞྭ་གསར་ཕུལ་ལ་དབྱངས། ཆོས་རྗེ་བྲག་ཕུགས་པས་སྦྱིན་བདག་མཛོད་དེ་བསྟན་སྲིད་བདེ་ཐབས་སུ་མ་མགོན་གཡུལ་མདོས་རྒྱས་པ་བདུན་ཕྲག་ལྷག་བཅས་བཙུགས་ བསད་མདོས་སུ་ཞལ་བསྒྱུར་ནི་ཉེར་དགུའི་མདོས་ཟོར་འཕེན་ཁར་ཚར་གཅིག་ལས་མ་བྱས་པས། ཉེར་བརྒྱད་ཀྱི་ནུབ་མོ་དཔལ་སྡིངས་རྗེ་བཙུན་མའི་མན་ལ་ལམ་དུ་བུད་མེད་ཁྲོས་པའི་གཟུགས་ཅན་མང་པོས་ངེད་ཅག་ལ་དམག་བརྡ་ནི་བྱུང་། ལག་ཆ་མ་སྤྲད་ཟེར་བ་དང་། སྐོར་

― JLAZ014_Page_0589 ―

^{[མ་དཔེ་གཟིགས་ན་འདིར་གནོན།]}

[Full Size]

ལམ་དུ་འདྲེའི་འདུ་ཚོགས་མངོན་སུམ་དུ་མཐོང་བ་སོགས་འཚུབ་ལྷོང་ཆེན་པོ་བྱུང་བས་གཡུལ་མདོས་འདི་བསྟན་སྲིད་ཀྱི་རིམ་མགྲོར་བསྙེན་སྒྲུབ་ཐེངས་པ་ལས་གང་དྲན་དུ་གྱེར་ན་རང་སྲོག་ལ་གནོད་པར་འདུག །ས་སྦུག་ཏུ་འབྲི་གུང་པའི་འདག་སྦྱར་བ་དཀའ་སྤྱད་སྡུག་སྒུར་གྱི་འཇུར་དྲན་ཅན་ལ་གེགས་སེལ་བོགས་འདོན་བྱས་ཤིང་དངུལ་སྲང་གསུམ་གྱི་མཐུན་རྐྱེན་བྱིན། གླིང་སྟོད་སྨད་ལྔ་བཅུ་སྐོར་སྤྱིར་མང་འགྱེད། སྟོད་པ་བ་རྣམས་ལ་དགོངས་པ་ཡང་ཟབ་ཀྱི་ཚོགས་བརྒྱ་མཛད་བཅུག །རྗེ་བཙུན་རཏྣའི་སྐུ་ལ་སྙན་ཤལ་ཕུལ། བཀའ་བརྒྱུད་པ་འདི་དག་སྣང་ཆེ་བས་འབྲི་གུང་ལྗོངས་པ་སྐུ་སྐྱེ་གཤེགས་པའི་དགོངས་རྫོགས་དང་། ཆུང་ཚང་ཐུར་པ་རང་གི་ཡབ་གཤེགས་པའི་བསྔོ་རྒྱུན་ཁོངས་སུ་མཚམ་ཞུག་གནང་བ་ལ་དེ་ལན་དང་ཡོན་ཏན་མཛོད་ཕུལ་བས་སླར་བང་མི་ཆེད་གནང་གི་ཞུ་འཕྲིན་དྲི་བཟང་ཕོན་ཆེ་བ་བཅས་འབྱོར་བ་ལ་དགོངས་བཞེད་བཞིན་མཛོད་འགྲེལ་ཀྱང་ཕུལ་བཀའ་བློན་ཕ་ལྷས་རྟེན་བཞེངས་ཀྱི་ལེགས་སོར་ཟ་བབས་ཡུག་རང་བཅས་ལྷ་ལྡན་དུ་གདན་འདྲེན་གྱི་ཆབ་ཤོག་དང་མི་སྣ་ནན་བསྟུད་བྱུང་ཡང་དད་གཤིན་གྱི་དཀོར་ལ་བརྐུམ། ཆགས་དང་། ཆེ་གཉན་ལ་བསྟེན་ནས་རེ་དོགས་བྱེད་རྒྱུ་གང་ཡང་མེད་བས་རང་གནས་སུ་ལོག་རྡོ་བའི་རྟ་བསུར་དང་བཅས་སྦྱིན་བདག་གདོན་

― JLAZ014_Page_0590 ―

^{[མ་དཔེ་གཟིགས་ན་འདིར་གནོན།]}

[Full Size]

གནོད་ཀྱིས་ཆོས་ཆེར་གཟིག་ནས་ཉེན་པ་ལ་བཀའ་བསྒོ། སྦྱིན་སྲེག་ ཚེ་དབང་སོགས་བྱས་པས་འཕྲལ་དུ་ཕན། ཞག་གསུམ་གྱི་བར་བཀའ་བརྒྱད་དང་ཕུར་པའི་སྦྱིན་སྲེག །དམངས་མི་ལ་ཚེ་དབང་སོགས་སྩལ། གྲུ་ནང་དུ་ཆུ་ཀླུང་འདིའི་རྒྱུད་ལ་གནས་པའི་སྲོག་ཆགས་དང་། ཆུ་ངོགས་སུ་འགྲོ་བ་རྣམས་ལ་སྤྱོད་འཇུག་གི་སྨོན་ལམ་སོགས་བཏབ། གྲུ་ཁ་ནས་ཁེ་སྨད་ཀྱི་རྟ་བསུ་དང་བཅས་ཁྲ་འབྲུག་ཏུ་ཡུམ་སྒྲོལ་འབུམ་མས་མཆོད་པ་དང་ཚོགས་བརྒྱ་བཤམས་འདུག་པ་བཞིན། མཆོད་ཁང་རྣམས་ལ་སྙན་ཤལ་དང་། གུ་རུ་ལྷ་ཁང་དུ་ཚོགས་བརྒྱ་བཏང་། སྣེ་རྫོང་གི་ཁང་གཉེར་ཆོས་ལ་དད་པ་ཅན་ཞིག་སྐུགས་འདུག་པ་ལ་བླ་མའི་རྣལ་འབྱོར་གྱི་ཆོས་འབྲེལ་བྱས། ཁྱིམ་ན་གནས་པ་ལ་སྐྱོ་བ་བདེན་ཀྱང་སེམས་ཅན་ལ་འཐོམ་ཕོག་པ་དང་། ཕན་སེམས་ཡང་དག་བྱས་ནས་ལྟར་སྣང་གི་བཙུན་གཟུགས་ལ་སྨོན་མི་དགོས་ཞེས་སྨྲས། ཁེ་སྨད་དུ་བདུན་ཕྲག་ལྷག་བཅས་རིང་ཉིན་ལྟར་ཚེ་ཆོག །ཚོགས་བསྐང་། ཕུར་པའི་སྦྱིན་སྲེག་སོགས་བྱས། ལར་དད་ཅན་དང་། ཁྱིམ་བ་ཕལ་ཆེར་སྣང་བ་དག་པས་ཡོན་གནས་བླ་མའི་རིགས་ཕེབས་པས་ཆོག་བར་བ་ལྟ་ཡང་དཀོར་སྦྱོང་མི་བྱེད་པར་ཧོར་འདྲ་ལྟར་ངོ་གཡོག་མང་པོས་འདིར་དཀོན་མཆོག་ཁྲེལ་བ་ཡིན་པས་བསམ་ཡས་འཁོར་བར་ཐང་

― JLAZ014_Page_0591 ―

^{[མ་དཔེ་གཟིགས་ན་འདིར་གནོན།]}

[Full Size]

ཆད་སེ་བྱུང་། ཡུམ་སྒྲོལ་འབུམ་འདི་ཡོན་གནས་ཐམས་ཅད་ལ་དད་གཏོང་ཆེ། རྣལ་འབྱོར་མའི་བསྐྱེད་རིམ་རྒྱུན་ཆགས་སུ་མཛད་པའི་སྟེང་རྫོགས་པ་ཆེན་པོའི་ཁྲིད་བཏབ་པས་བསྐྱེད་རིམ་རང་རྒྱུད་དུ་འཛིན་པའི་གེགས་ལས་གྲོལ། གྱོན་པ་ཆ་ཚང་དང་། གསེར་དངུལ། མཛོ་མོ་སོགས་ཀྱི་དགེ་བ་རྫོགས་བྱང་དུ་བསྔོས། རང་གནས་སུ་འབྱོར་འཕྲལ་ལྷོ་རྒྱུད་དུ་རང་བསྟན་ལ་སྨན་པ་སློབ་དཔོན་འཇིགས་མེད་ཀུན་གྲོལ་འབྱོར་བའི་ཀུན་མཁྱེན་ཆེན་པོའི་བཀའ་འབུམ་འཐོར་བུའི་བོད། རང་ཉིད་ཀྱི་དགོངས་གཏེར་བསྟན་བཅོས་ཆ་ཚང་གྲ་མཚུངས་བཅོད་བཅུ་སྐོར། གསེར་དངུལ། བྱེ་རུའི་བརྒྱ་ཕྲེང་། འགོ་སྣམ་ཚོས་སྤེལ་གྱི་འབོག་ཁེབས། རྒྱ་དར་ཟོང་རས་སྤུས་དག་འབོར་ཆེ། ཐོ་ཀི། ཐ་ལི། ལིའི་ག་ཌ་ཆེ་ཆུང་། བ་སོའི་སམ་ཆུང་སོགས་ཨ་ཙ་ཏའི་ཉར་སྤྱས་རྒྱ་ཆེ་བ་དང་བཅས་པའི་བརྟན་བཞུགས་མཛད། ཁོང་གི་རོང་ཡུལ་དུ་ལོ་གསུམ་ཚར་གཉིས་ཀྱིས་མཚོན་པའི་སྒྲུབ་པའི་ཞབས་ཏོག་དང་། རྒྱུད་འབུམ། མཛོད་བདུན། སྙིང་ཏིང་སོགས་རང་བསྟན་ལ་འཆད་སྤེལ་གྱི་ཕྲིན་ལས་དང་གསུང་རབ་དེ་དག་གསར་བཞེངས་ཁྲིད་ཡིག་པར་བརྐོ། རྒྱ་བོད་ཀྱི་མཚམས་གདུང་བསམ་གྱི་རེ་རྩེར་སྒྲུབ་གྲྭ་བསྟན་རྒྱས་རི་བོ་

― JLAZ014_Page_0592 ―

^{[མ་དཔེ་གཟིགས་ན་འདིར་གནོན།]}

[Full Size]

བཙུགས་ནས་གྲ་བཙུན་བཞི་བཅུ་སྐོར་མཚམས་སྒྲུབ་ལ་འཇུག་པའི་སྒྲིགས་སྲོལ་ལེགས་པས་བསྟན་པ་འཕེལ་རྒྱས་སུ་ཞབས་ཏོག་གཅིག་ཏུ་ཆེ། དད་དམ་ཤེས་རབ་གསུམ་གྱི་སྣང་བ་ཡངས་བས་གཞན་དོན་ནུས་པའི་ཁར་བློ་གཙང་ཞིང་ཀུན་སྤྱོད་ཞིབ་པས་བསྙེན་རྫོགས་ཀྱི་བསླབ་པ་ཞིག་བླངས་ན་འཐད་མིན་ཞུ་བར། དེང་སང་སྔགས་ལམ་གྱི་དྲོད་ཐོབ་བ་ལྟ་ཅི། གོ་དོན་ཙམ་ལའང་རྨོངས་པས་ཀུན་ཏུ་བཟང་པོའི་ཁྲེལ་བག་གི་སྤྱོད་པ་ལ་འགོང་བའི་དུས་འདིར་བསྟན་པའི་མིག་རྐྱེན་ལའང་ཕན་པ་ཤིན་ཏུ་ཆེ་ཞིང་། བླ་མའི་དགོངས་པའང་དེས་རྫོགས་སོ་ཞེས་སྤྲོ་བ་བསྐྱེད། དུས་དབང་གིས་བརྟེན་མཁས་ཀྱི་ཡོན་ཏན་ཚང་བའི་མཁན་པོ་དཀོན་ཡང་། ངེས་འབྱུང་ལ་གུས་ཤིང་གཞན་གནོད་གཞི་བཅས་ལ་ལྡོག་པའི་སར་དེངས་ཤིག་ཅེས་བསྐུལ། སྔར་མ་ཐོབ་པའི་དབང་བཀའ་རྗེས་གནང་ཐམས་ཅན་ཀྱི་བཀའ་གཏད་བྱས། མཚོ་རྒྱལ་བླ་མཚོའི་ལུང་བསྟན་ཡང་འིད་ལ་བལྟ་བ་འདྲ། རང་གནས་སུ་ཁོང་གི་སློབ་མ་རྣམས་དང་། ཁོ་ལོང་བ་བཅུ་གྲངས་ལ་ཁྲིད་བཏབ། སྡེ་དགེ་ལྷ་ལྕམ་དང་ཚུལ་མས་ཡོན་ཏན་མཛོད་རྩ་འགྲེལ་པོད་གཉིས་ལ་ཤོག་གྲངས་སྟོང་ལ་ཉེ་བའི་བར་ཕུད་གླེགས་བམ་ཆ་བདུན། མཚམས་ཞུ་དང་བཅས་པ། རིག་

― JLAZ014_Page_0593 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་གནས་རྣམས་ལ་རྣམ་དཔྱོད་ཡངས་པ་རང་ཁབ་ཀྱི་དྲུང་ཡིག་པདྨ་རྣམ་དག་གིས་ཞུས་དག་མཛད་བའི་མཚམས་ཞུ་དང་། དོགས་སེལ་བཅས་འབྱོར། པར་ཤིང་ཡར་དགོས་ནའང་འབུལ་གསུང་སྟེ། བོད་ཆོས་ཉམས་ཆུང་། ཕྱོགས་རིས་ཆེ། ཕལ་ཆེར་ཆོས་ཀྱིས་སུན། །དར་ལ་མ་སྨིན་པའི་སྐབས་འདིར་དགོས་པ་ཆུང་ཞིང་། ས་ཐག་རིང་པོ་ནས་ཁལ་མའི་དཀའ་སྤྱོད་གཅིག་པོར་ཡང་འཇིགས་པས་རང་སར་བཞག་དཔོན་འབངས་གཉིས་ཁར་ལེགས་སོའི་ཞུ་ལན་དང་། དངོས་པོ་མི་དགོས་སྐྲ་སེན་སོགས་དགོས་ཚུལ་ལ་བླ་མ་དཔལ་སྡིངས་པའི་གའུར་རང་ཉིད་ཀྱི་འགྲམ་སོར་སྐྱེས་པའི་རིང་བསྲེལ་འབུར་གཉིས་དོད་པ་འཕེལ་ཕྱེ་དང་བཅས་པ་དང་། འཇོན་དམར་གྱི་སྣང་མཐའ། འགོ་སྣམ་སོགས་རྟེན་བཅས་འོས་རིས། དྲུང་ཡིག་དང་བར་དཔོན་ལའང་དེ་མཚུངས་བཅས་སོང་། དགེ་སྦྱོང་སྦེག་ལ་རྦད་དང་། མཚོན་གྱི་དབང་བ་རྦད་དུ་ནོར་བ་སོགས་ལས་པར་འཛུགས་མང་པོ་བར་ཆུད་ཟོས་ཀྱི་རྒྱུར་སྣང་། དཔལ་གྲ་སུམ་ཅུ་སྐོར་གྱིས་གཙོས་འདུས་པ་བཞི་བཅུ་སྐོར་ལ། གྲོལ་ཐིག་རིག་འཛིན། ཐུགས་རྗེ་ཆེན་པོ་ཞི་དྲག །འཆི་མེད་སྐུ་གསུམ་འདུས་པ། གཤིན་རྗེ་གསུམ་དྲིལ་རྣམས་ཀྱི་དབང་དང་།

― JLAZ014_Page_0594 ―

^{[མ་དཔེ་གཟིགས་ན་འདིར་གནོན།]}

[Full Size]

འདོན་ཆོས་ཕལ་ཆེར་གྱི་ལུང་བཅས་བགྱིས་ཤིང་། མདོ་སྔགས་སྨོན་ལམ་ལ་གོ་དོན་བཤད་པ་ཡིག་ཐོག་འཁོད་པ་བྱས། སྲིད་སྐྱོང་རྟ་ཚག་རིན་པོ་ཆེས་རྒྱུད་འབུམ་དཀར་ཆག་གི་མཚོན་པའི་རྩོམ་རིགས་གཡར་པོ་དགོས་ཚུལ་དང་། རྒྱུད་འབུམ་གསུང་སྒྲོག་བྱེད་དུ་གནང་བ་ཉིན་གསུམ་གྱི་རིང་གྲྭ་པ་རྣམས་ཀྱིས་བསྒྲུབ། གྲོལ་ཐིག་གི་བདག་འཇུག་བླངས་ཤིང་། ཆོ་ག་ཕྱག་ལེན་ལའང་གདར་བྱས། གཤིན་རྗེའི་སྐོར་དང་། ཐུགས་རྗེ་ཆེན་པོའི་སྐོར་ལ་ཡིག་གསར་བྱུང་བ་ཞབས་ཏོག་ཡིན་ཀྱང་། གཏེར་གཞུང་དང་སྤྲུལ་པའི་གཏེར་སྟོན་གྱི་ལྗངས་སྒྲིགས་ལ་བཅོས་ན་མི་ལེགས་པས་ནོར་བ་ཡོད་སར་མཆན་བུས་བཏབ། ལར་ཚེ་བདག་ཟླ་གསང་ནག་པོ་དང་། འཆར་ཀ་ཆུ་ཐིག་སྔན་པོའི་རྒྱུད་ན་བསྡུ་ལུགས་ལེགས་པ་གནུབས་ཆེན་གྱི་རྣལ་དཔྱོད་དུ་ཆེ་བ་བཞིན་སྤྲུལ་པའི་གཏེར་སྟོན་ཆེན་པོ་འདིས་གཤེད་སྐོར་ལ་དེ་བཞིན་གཤེགས་པའི་རིགས་ཕྱག་རྒྱ་ཟིལ་གནོན་རྡོ་རྗེའི་རིགས་འཇོམས་བྱེད་ནག་པོ། །རིན་པོ་ཆེའི་རིགས་ཁ་ཐུན། པདྨའི་རིགས་འཇིགས་བྱེད་དུ་མཚན་དམར་པོ། །ལས་ཀྱི་རིགས་གཤོར་སོང་ཉི་མ་ཁྲོས་པ་སོགས་རིགས་ལྔ་དང་། ཚེ་བདག་བཀའ་གཏེར། ལྕགས་འདྲ་ལྕགས་སྡིག །ཁྲོ་ཆུ་ཀི་ཀང་། ཡང་བཟློག །

― JLAZ014_Page_0595 ―

^{[མ་དཔེ་གཟིགས་ན་འདིར་གནོན།]}

[Full Size]

གསར་མའི་གཤེད་སྐོར་རྒྱ་མཚོ་ལྟ་བུ་གསན་ཅིང་ལྷོངས་སུ་གྱུར་པ་ཡིན་ན། གང་ཅན་མཚོའི་ཞིང་ཁམས་ལ་འཛམ་བུའི་གླིང་གི་གླིང་བཤད་བྱེད་པའི་སྔ་རབས་པ་ཁ་ཅིག་གིས་འཇིགས་བྱེད་ཡོད་པ་གཞན་ཕྱོགས་དང་འདྲེས་པའོ་སྙམ་དུ་རྟོག་ཅིང་དཔྱོད་བ་ནི་མུ་ཅོར་སྨྲ་བ་ཡིན་ནོ། །ལོ་སྔ་ཕྱིར་ཕུར་པ་རྒྱུད་ལུགས་ཀྱི་སྦྱིན་སྲེག་འབུམ་ཐེར་རེ། ཆབ་གཏོར་དེ་མཚུངས། ཚེ་གཟུངས་འབུམ་ཐེར། བཤགས་རྒྱུད་བརྒྱ་རྩ། རྒྱས་འབྲིང་བསྡུས་གསུམ། ཚེ་མདོ་བརྒྱ་རྩ་དང་། དཔལ་རིར་འདུས་པ་མདོའི་སྒྲུབ་མཆོད་ལ་ཞབས་ཏོག་ཉིན་འཁྱོངས། འགྱེད་ཊཾ་ཁ་རེ། རྒྱུད་འབུམ་པོད་ཉེར་ལྔ་དང་། མཛོད་བདུན་ཤིང་རྟ་སྐོར་གསུམ་རྩ་འགྲེལ་དང་བཅས་ཁྱོན་པོད་སུམ་ཅུ་སོ་བདུན་ལ་ན་བཟའ། གདོང་དར། གླེགས་ཆབ་དངུལ་དཀར་གཟོང་རིས་མཆེ་གསེར་ཅན་ཞོ་ལྔ་རེའི་ལྗོད་ལྡན། ཏོང་སྐུད་ལྗང་གུའི་སི་ཏ་ཏུ་ཞེ་མཚུངས་དང་། རྟེན་གཙོ་རྣམ་སྣང་ལ་རིན་པོ་ཆེའི་པྲོག་ཞུ་གཡུ་བད་གསུམ་པ། གཡུ་བྱུར་སྤེལ་བའི་སྐྲ་སྡོམ་བཅས་དངུལ་སྲང་བརྒྱའི་རིན་ཐང་ཅན་ཕུལ། ལྷ་བབ་དུས་ཆེན་ཉིན་སྲོང་བཙན་དུ་སྟོང་མཆོད་དང་། ཀ་འཕན་ཆེ་བ་ཆ། བཟང་གོས་ཀྱི་གདུང་འཕུར་མ་ཅན། ཁྲ་འབྲུག་ཨོ་རྒྱན་ལྷ་ཁང་གི་ཕྱི་ཁྱམས་ཀ་གླིང་བཞིའི་སར་བཟང་གོས་བཅད་ལྡན་མེ་ཏོག་སེར་པོ་དང་། །རྒྱན་བཞི་སྔོན་པོས་

― JLAZ014_Page_0596 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོངས་བྱས་པའ་མཛོད་གོས་ཚོས་སྤེལ་ཡུག་བཅུ་དྲུག་གི་གནམ་རྒྱན་དང་། ཞལ་གསོའི་སྟོང་མཆོད་བཅས་ཕུལ། ལྷོ་བྲག་ཐུགས་སྲས་སྐུ་སྐྱེ་རིན་པོ་ཆེ་གཞིས་ཀར་འཁོར་ཞག་ལ་ཕེབས། དབང་ཞིག་དགོས་གསུངས་པ་ལ་ཐུགས་རྒྱུད་སྨིན་དུ་རེ་བས་མཁའ་འགྲོ་ཡང་ཏིག་བྱས། ཐེགས་ཁར་གཅོད་ཀྱི་ལུང་དགོས་གསུང་པ་བླ་མ་སྐུན་ཕྲ། ལས་དང་པོ་བ་ཡི་སེམས་ཅན་ལ། །སྟོན་པའི་འདུ་ཤེས་བསྐྱེད་པར་བྱ། །ཞེས་པ་ལ་སེམས་བསྐྱེད་ནས་རྟེན་འབྲེལ་མི་ལྡོག་པར་བྱས་ཤིང་། མཛོད་བདན་ཤིང་རྟ་སྐོར་གསུམ་དང་། རང་མཛོད་རྩ་འགྲེལ་སོགས་ཀྱི་བཀ་གཏད་སྨོན་ལམ་བྱས། ལར་ཕལ་མོ་ཆེ་ལ། མཛའ་མིན་དེ་ནི་ཤེས་རབ་མགོན། །སྡིག་དང་བྱིས་གྲོགས་ཀྱིས་བཀབ་པའི། །གླང་པོ་བསྟི་གནས་ཙམ་གྱིས་དྲེགས། །རྒྱ་ཆེན་ཆོས་ཀྱི་སྣོད་ལས་བསྐལ། །ཀརྨ་པ་ཞྭ་ནག་རིན་པོ་ཆེའི་གསུང་འཕྲིན་ལ་ཡོན་ཏན་མཛོད་ཀྱི་སྐྱེས་ལན་ཕུལ། ལྷོ་མོན་ཁོ་ལོང་སྟོད་རྩ་མདའ་ཞེས་པའི་ས་ཡུལ་དུ་རང་སློབ་ཕྲིན་ལས་རྒྱལ་མཚན་གྱི་དགོན་གནས་མཆོད་ཁང་གསར་བཞེངས་ལ། རྟེན་སྐལ་སྒྲོལ་མ་ཆོས་ལི། ཐུབ་དབང་བཀའ་ལི་ ཙནྡན་དམར་པོའི་སློབ་དཔོན་ཆེན་པོག་ཙོ་འཁོར། ཙན་འདམ་གྱི་མཆོད་རྟེན་བྱིན་ཅན། རྡོར་དྲིལ། མཎྜལ། མཆོད་ཀོང་སོགས་མཆོད་ཆ་དང་། རྟེན་གསར་

― JLAZ014_Page_0597 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེངས་ཀྱི་གཟུངས་ལ་སངས་རྒྱས་གསེར་ཐུབ་ཀྱི་རིང་བསྲེལ། འབོར་ཆེ། བྱིན་རྟེན་སྣ་འདུས། ཉེ་བར་སྤྱད་པའི་གྱོན་པ་སོགས་བསྐུར་ཞིང་དགོན་པའི་མིང་འགྲོ་ཕན་འོད་ཟེར་གླིང་དུ་བཏགས། སློབ་དཔོན་འཇིགས་མེད་པ་དེངས་ཁར། གདུང་བསམ་ཡོངས་ལྷ་བསྟན་རྒྱས་རི་བོ་དཔལ་འབར་གླིང་གི་རྟེན་སྐལ་དུ་ཆོས་ལི་ལས་གྲུབ་པའི་ཨོ་རྒྱན་ཆེན་པོའི་སྣང་བ་བརྙན་ཆེ་ལེགས་བྱིན་ཅན། རྡོར་དྲིལ་གསེར་མགོ་མ་ལེགས་པ། ཧོར་སྦུབ་མཛོད་འགྲེལ་བོད་གཉིས་བཅས་བསྐུར། སྲིད་སྐྱོང་རྟ་ཚག་རིན་པོ་ཆེའི་ཕུར་སྒྲུབ་བདུན་ཕྲག་གཅིག་བཙུགས། ཇོ་བོ་ཤཱཀྱ་མུ་ནེར་ཆོ་འཕྲུལ་ཟླ་བ་རིལ་པོར་མཆོད་མེ་སྡོང་རྐང་ཉིན་འཁྱོངས་བ་དང་། སྙན་ཤལ་ཨ་ཡུ་ཤེ་བསྲངས། མཁའ་འགྲོའི་མེ་མཆོད་འཐུམ་ཐེར། ཚེ་གཟུངས་འབུམ་ཐེར། མངའ་གྲར་མང་ཇ། དབུལ་བོར་སྦྱིན་གཏོང་སོགས་བྱས། རྣམ་སྨིན་གྱི་ལུས་རྟེན་འདིའི་ཆོས་ཉིད་ཀྱི་རྟེན་ཅན་བྷི་དྷིཙིཏྟ་རཏྣ་དྲི་བཞོན་གྱི་དཔྱར་ཐག་ལ་དྲང་བ་དང་། ཁྱབ་པར་གསལ་བ་སོགས་ལ་ལང་ཚོའི་དུས་ནས་འབད་མི་དགོས་པའི་རང་དབང་ཅན་ཉིད་ནའང་། རྒྱལ་དང་རྒྱལ་སྲས་རྣམས་ཀྱི་ཐུགས་རྗེའམ། །ལས་ཀྱི་གཞན་དབང་གང་ཡིན་ཀྱང་། །རིང་མོའི་གང་ནས་རྒྱ་གར་རྒྱལ་པོས་གླང་ཆེན་ཐལ་ཀར་གཞོན་

― JLAZ014_Page_0598 ―

^{[མ་དཔེ་གཟིགས་ན་འདིར་གནོན།]}

[Full Size]

ནུའི་སྐྱེས་བསྐུར་བའི་རྨི་ལྟས་ལྟར་ཀུནྟའི་མྱུ་གུ་ཞིག་ཀྱང་འཕེལ། སྔ་ལོ་སྒོམ་པ་ཞིག་གཡའ་ལུང་དུ་བསྒྲུབ་པའི་རྨི་ལྟས་སུ། པདྨ་འོད་གླིང་ནས་ཡོན་བདག་གི་ཁྱིམ་ཐོག་རྒྱལ་མཚན་ལ་འོད་ཟེར་འཕྲོ་བ་དང་། སྐྱེད་ཚལ་དེར་ཧ་ལོའི་སྡོང་པོ་ཡ་མཚན་ཅན་སྐྱེས་པ་ལ་མིང་མང་པོས་བསྐོར་བ་བྱེད་པ། ལོ་འདིར་སྐྱ་རེངས་དང་ཉི་མ་ནུབ་ཕྱོགས་ནས་གསུམ་ཤར་བ་དང་། བླ་མ་དཔལ་སྡིངས་པ་ལོ་གསུམ་ལ་ཡོད་ཐོག་ལྷུམས་དུས་དང་མཚུངས་པར་ཁང་ཐོག་དེར་ཁྲི་ལྕོག་མཐོན་པོ་དཀར་ཡོལ་དང་བཅས་པ་རས་དཀར་གྱིས་ཁེབས་བྱས་པ་སོགས་བྱུང་ཟེར་ཀྱང་རེ་དོགས་དང་འདུས་བྱས་ནི། བསླུ་བའི་ཆོས་ཅན་ཉིད་ཡིན་ཕྱིར་མཉམ་པ་ཆེན་པོར་གདལ། འོན་ཀྱང་ལ་ཉེ་ནི་བཟང་སྟེ། དེ་མ་ཐག་པའི་ཞག་བདུན་པ་ལ་མདོ་ཁམས་ནས་རང་སློབ་དད་དམ་ཤེས་རབ་ཅན་འཇིགས་མེད་བློ་གསལ་ས་སྐྱོང་སྡེ་དགེའི་བརྟན་བཞུགས་འབུམ་རྒྱུ་དང་། རྡོ་བླ་འཇིགས་མེད་ཀྱིས་དབུས་རྫོགས་ཆེན་ཕྱོགས་ཀྱི་བླ་མ་བླ་མཆན་སྡེ་དགེའི་མི་དྲག་རྣམས་དང་བཅས་པའི་མཚམས་ཞུ་རྟེན་སུམ་ཅུ་སྐོར་འབྱོར། རྡོ་བླ་འཇིགས་མེད་ཕྲིན་ལས་འོད་ཟེར་དཔོན་སློབ་སྡེ་དགེའི་ཕོ་བྲང་དུ། ཕུར་པ་རྒྱུད་ལུགས་དང་། དཔལ་ཆེན་གྱི་སྒྲུབ་པ་མཛད་པས། མངོན་རྟགས་ལེགས་ཚུལ་དང་། སྡེ་དགེའི་མངའ་རིས་

― JLAZ014_Page_0599 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་རྩེ་ཞེས་པའི་ཡུལ་དུས་སྐྱོང་དབང་མོས་བདག་རྐྱེན་མཛད་ནས་མི་སེར་ལ་ཐོ་མི་ཕོག་པའི་གནང་སྦྱིན་དངུལ་སྲང་བརྒྱ་སྐོར་བཅས་རང་ལུགས་ཀྱི་ཆོས་བརྒྱུད་འཛིན་པའི་དགོན་པ་འདུ་ཁང་ཀ་བ་བཅུ་དྲུག་གིས་གསར་འདེབས་མཛད། སྔ་སོར་པར་ཁང་གི་བཀའ་བསྟན་པར་ཤོག་ངན་པ་བཟང་དུ་བཏང་བའི་དགེ་བསྐུལ་དང་ལན་གནང་ཚུལ་བཅས་འབྱོར། གནད་བྱང་ལས། ངང་ཚུལ་ལོ་གྱོང་རྒྱལ་མོ་བཙུན དབྱིངས་ཕྱུག་མཁའ་འགྲོ་ཨར་ཀ་ཛས ཆོས་སྲིད་རྟེན་འབྲེལ་ལེགས་ཚོགས་སྤེལ ཞེས་པ་དང་། རྡོ་བླས་ཀློང་སྙིང་གི་ཁྲིད་བཤད་པའི་དུས་པ་སྔ་ཕྱི་བར་གསུམ་ལ། ཉིས་སྟོང་དང་། སུམ་སྟོང་དང་། ལྔ་སྟོང་ལ་སོགས་པ་བྱུང་ཞིང་། ཁྱིམ་པ་རྣམས་ཀྱི་རྔོན་པ་མི་བྱེད་པའི་དམ་བཅའ་འབུལ་བས་སྲོག་ཆགས་པ་གྲངས་ལས་འདས་པ་ཚེ་ཐར་ཞིང་མི་འཇིགས་པའི་སྦྱིན་པ་ཐོབ་པས། ངེད་ཀྱི་དབེན་པ་བཟུང་ནས་སྨོན་འཇུག་གི་སེམས་བསྐྱེད་པ་ལ་གྲུབ་འབྲས་ཟུང་ཟད་བྱུང་སྙམ་པའི་སྤྲོ་བསྐྱེད། ནམ་སྙིང་ཉང་ནམ་མཆོག་དབྱངས་དང་ ལྷ་སྲས་སྤྲུལ་པས་ཆོས་སྒོ་འབྱེད ཅེས་པའི་ལུང་བསྟན་རྣམས་མངོན་དུ་གྱུར། དགོན་རྩེ་སྤྲུལ་པའི་སྐུ་ཕེབས་ནས་ཟླ་གཅིག་ལྷག་བཅས་བཞུགས་རིང་དབང་ཆོས་དང་ཆོས་དོན་གྱི་དྲི་བ་མཛད་པ་

― JLAZ014_Page_0600 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལ་རྟོན་པ་བཞི་ལྡན་གྱི་ལན་ཡང་དག་བྱས། ཆོས་མཐུན་དད་ལྡན་གྱི་སློབ་མ་འཇིགས་མེད་བློ་གསལ་ཅན་དང་འཇིགས་མེད་ཆོས་ལྡན། གླིང་སྤྱི་བོ་རི་ཁྲོད་ཀྱི་སློབ་དཔོན་རིག་འཛིན། ཆབ་མདོ་ཀརྨ་རབ་རྒྱས། དར་མདོ་བ་པདྨ་སྐལ་བཟང་། རྒྱལ་རོང་པ་བསོད་ནམས་བཀྲ་ཤིས། ཡིད་ལྷུང་བ་པདྨ་དཀོན་མཆོག །ཀརྨ་ཕུན་ཚོགས་གཉིས་སོགས་འདུས་པ་ཉི་ཤུ་སྐོར་ལ་ཀློང་སྙིང་གི་ཁྲིད་སོགས་སྨིན་གྲོལ་གྱི་སྒོ་ཕྱེ། དཔལ་འཛིན་གྱི་འབྱམས་ཡིག་ལན་རྒྱལ་བ་གཉིས་པས་མཛད་པ། དཀར་ཆག་རིན་པོ་ཆེའི་མཛོད་ཁང་དུ་ཡང་མ་ཐེབས་ཤིང་། དཔེ་རྒྱུན་ད་བན་མཐོང་ཐོས་མ་བྱུང་བ་འདི་ལོ་གཙང་ནས་རྙེད་པ་ལ་ལྷན་ཐབས་གསར་བསྣན་དང་། ཀུན་སློང་ངན་པའི་ངག་ཚིག་བརླང་པོས་ཀ་དག་ལ་ཟུར་ཟ་བྱས་པའི་ལན་དགོས་ཚུལ་ལ། བོད་འདིར་སྔོན་གྱི་མཁས་པ་རྣམས་ཀྱི་དགག་སྒྲུབ་ཀྱང་ཕྱོགས་ལྷུང་གི་ཀུན་ནས་བསླང་པའི་ཆོས་སྤང་དང་བསྟན་སེལ་སྡེ་འཁྲུགས་སོགས་ཀྱི་རྒྱུ་འབའ་ཞིག་ཏུ་སོང་སྣང་ན། དེང་སང་ཕྱོགས་རེའི་མིག་ཅན་ལ་གག་ལན་དགོས་པའི་རྒྱུ་མི་སྣང་སྟ། གཟུ་བོར་གནས་པ་དང་། དད་པའི་རྗེས་འབྲངས་རྣམས་ཡིད་གཉིས་ལས་གྲོལ་བའི་ཕྱིར། རྡོ་རྗེ་གཟིགས་མའི་མཚོན་ཆ་དེ་བློ་ཐོག་ནས་ཡུད་ཙམ་ལ་བྲིས། ལར་ཀ་དག་གི་

ཤོག་ལྷེབ་ ༦༠༡ ནས་ ༧༣༡ བར།

― JLAZ014_Page_0601 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲ་དོན་དང་འབྲེལ་བའི་རྫོགས་པ་ཆེན་པོའི་ལྟ་བ་འདི། ཁྲིད་རིམ་ཐམས་ཅན་ལ་ཡིན་ལུགས་རྗེན་པར་ངོ་སྤྲད་ཀྱང་། ཤེས་སྒྲིབ་ཀྱི་འོག་ནས་ལྡང་མི་ནས་པར་འདུག་པས། སླད་ཀྱི་སྒྲུབ་པ་ལ་ཡུན་རིང་དུ་ཞུགས་ཤིང་མོས་གུས་ཀྱི་མཚམས་སྦྱར་ནས་རྟོག་པ་ནི་རེ་མང་བྱུང་ལ། གཞན་དུ་དབུ་མ་སེམས་ཙམ་གྱི་ལྟ་བ་ལ། དྲན་པ་མངོན་དུ་བཞག་པའི་དབུ་མ་ཐལ་འགྱུར་པ་དང་ཕྱག་རྫོགས་ཀྱི་མིང་ཅན་ཤ་སྟག་སྣང་། ཁམས་སྟག་མོ་དགོན་ནས་ཉི་གྲགས་རིན་པོ་ཆེའི་མཚམས་ཞུ་ཞབས་བརྟན་དང་དབུ་མཛད་བརྩོན་འགྲུས་ཀྱི་དྲི་བ་ལ་ལན་བཏབ། ས་སྐྱོང་སྡེ་དགེའི་རྒྱལ་བུ་འཇིགས་བྲལ་ཚོད་པདྨ་རྡོ་རྗེ་རིགས་འཛིན་ལ་སྤྲིང་ཡིག་ཆར་སྤྲིན་གྱི་རིལ་མོ་དང་། སྟོན་པས་རྒྱལ་པོ་ལ་བཅས་པའི་འཇུག་པའི་བསླབ་བྱ་གསུམ་ལས། མི་འཇིགས་པའི་སྐྱབས་སྦྱིན་དང་། བཟོད་པའི་རྟེན་འབྲེལ་ལས་སྐུ་ཚེ་འཕེལ་ཕྱིར། ད་ལྟ་བའི་ནག་ཅན་བཙོན་དོང་དུ་ཆུད་པ་རྣམས་བདེ་བར་དབུགས་འབྱིན་གྱི་དགེ་བསྐུལ་བྱས། དགེ་རྩེའི་དགོན་གསར་འོག་མིན་རིག་འཛིན་འཕེལ་རྒྱས་གླིང་གི་རྟེན་སྐལ་དུ་ཆོས་ལི་ཕྱི་མའི་རྡོ་རྗེ་གཞོན་ནུ་ཡབ་ཡུམ་མཐོ་ཚད་པ། ཕུར་པ་རྒྱུད་ལུགས་ཀྱི་ཟིན་བྲིས་ལག་བྲིས་མ། བཀའ་གདམས་བད་སྤུངས། གཙོ་ཕུར་གསེར་སྐུད་ཀྱི་བཅད་

― JLAZ014_Page_0602 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་སྤུས་དག་བྱིན་ཅན། གླང་མཆེ། རྒོད་ཚང་སྣ་ཚོགས་པའི་དབུ་ཞྭ། རང་ཉིད་ཀྱི་དབང་ཞྭ་སོགས་དང་། རྒྱ་རོང་དགོན་པར་ཕུར་བ་རྒྱུད་ལུགས་སྒྲུབ་མཆོད་གཏན་ཆགས་ཚུགས་རྒྱུ་ལ་ཙཎྜན་དམར་པོའི་གཙོ་ཕུར་སྤུས་དག་ཆེ་ལེགས་བསྲིངས། ཚོགས་པ་ལྔ་བཅུ་སྐོར་གྱི་ཚེ་ཆོག །ཚེ་གཟུངས་སུན་བཟློག་དང་འབྲེལ་བར་ས་སྐྱོང་སྡེ་དགེའི་ཞབས་བརྟན་ཉིན་འཁྱོངས་ཊཾ་འགྱེད་བཅས་དང་། འཇིགས་མེད་བློ་གསལ་འོད་ཟེར་ལ་བཀའ་གཏད་རྗེས་གནང་བྱིན་ནས་བླ་མཆད་དུ་དབང་བསྐུར་བ་བཞིན་མཎྚལ་བཤད་པའང་འགྲེལ་ཆགས་པ་བྱུང་ཞིང་། སྡེ་དགེ་རང་ནས་པི་ཝརྟ་དང་བཅས་པའི་མངོན་བརྗོད་འིད་ལྟར་ཏེ། ངོ་མཚར་རང་བྱུང་པད་སྡོང་རྩེར་འཁྲུངས་མི་འགྱུར་རྡོ་རྗེའི་གསང་བ་གསུམ། །རྒྱལ་ཀུན་མཁྱེན་བརྩེ་ནུས་པའི་རང་བཞིན་ལྷ་དང་བླ་མ་དབྱེར་མེད་དངོས། །འཇིགས་མེད་བརྟུལ་ཞུགས་གྲུབ་པའི་གྲགས་སྙན་འཛ་གླིང་ཐ་དྲུར་ཡོངས་ཁྱབ་པའི། །རྔ་ཡབ་དཔལ་རིའི་རིག་འཛིན་གཙོ་དེ་གངས་ལྗོངས་སྐྱབས་དེང་བྱོན་ཉིད། །འདྲེན་པ་མཆོག་གི་སྤངས་རྟོགས་ཡོན་ཏན་ཆ། །གདོད་མའི་གཞི་ལམ་མངོན་རྫོགས་ཡེ་ཤེས་རྩལ། །སྟོན་དང་བསྟན་འཛིན་དམ་པ་བསམ་འདས་ལས། །དེང་འདིར་ཚུར་མཐོང་རྡོ་རྗེའི་སློབ་

― JLAZ014_Page_0603 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་ཚུལ། །དྲན་དང་མཁྱེན་བཞིན་དངུས་བསྟན་འགྲོའི་གཉེན། །སྲིད་པ་གཟུང་བར་ལམ་ཞུགས་བསག་སྦྱང་ལ། །ལྟོས་པ་མིན་ཀྱང་དོན་མཐུན་བསྡུ་དངོས་ཀྱི། །མོད་སྔགས་བསྟན་ལ་རིམ་འཇུག་བརྟུལ་ཞུགས་གཞས། །གཟིགས་པ་དྲི་མེད་ཆོས་སྤྱན་དག་པའི་ངོར། །ཕྲ་ཞིབ་རང་གཞན་གུབ་མཐའ་རྣམ་འབྱེད་ཀྱིས། །མཁྱེན་དཔྱོད་འིད་འདྲ་འཕགས་ཆེན་ངང་ཚུལ་ལས། །ཚུར་མཐོང་སྦྱངས་སྟོབས་ཙམ་གྱི་སྤྱོད་ཡུལ་ཅི། །ཚུལ་དེས་རྣམ་མཁྱེན་འཇུག་བ་སྐད་ཅིག་རེར། འཁོར་འདས་ཆོས་ཀྱི་རང་དང་སྤྱིའི་མཚན་ཉིད། །སྒྲིབ་ཐོགས་བྲལ་དེས་ཤེས་བྱ་ར་མཐའ་མེད་པའི། །གྲགས་སྐམ་དབང་གཞུང་སྟོང་ཆེན་དབྱིངས་སུ་ཡལ། །ཉི་མའི་གཉེན་གྱི་བགྲང་ཡས་བསྐོས་པའི་སྲིད། །བྱང་ཆུབ་སྙིང་པོར་གང་གི་གཤེགས་པའི་ལམ། འདོམས་ལ་ཁྱོད་དང་རྒྱལ་སྲས་ཞི་བ་ལྷ། །དབུ་མཐའི་ཡུལ་གྱི་བསྐལ་བས་སོ་སོར་རྟོགས། །ངེས་དོན་དཀྱིལ་འཁོར་བདག་པོར་ཡོངས་གྲུབ་པས། །རྒྱུད་སྡེའི་ལམ་སྲོལ་འབྱེད་ལ་བསྙེངས་བྲལ་འདིས། །གནས་གསུམ་ཌཱ་ཀྐིའི་ཕ་ནོར་བུ་སྐལ་དུ། །གསང་མཛོད་ལྡེ་མིག་ཁྱེད་ལ་གཏད་མིན་ནམ། །ཁྱད་པར་རབ་མཆོག་རྩེ་

― JLAZ014_Page_0604 ―

^{[མ་དཔེ་གཟིགས་ན་འདིར་གནོན།]}

[Full Size]

མོའི་སྐལ་ལྡན་ཅན། །ཐུན་མོང་ཡུལ་མིན་ངེས་གསང་རྫོགས་པ་ཆེའི། །ཤིང་རྟའི་སྲོལ་ཆེན་འབྱེད་ལ་མཚོ་སྐྱེས་རྗེ། །མངལ་སྐྱེས་འཕྲུལ་གྱིས་སླར་ཡང་དེང་བྱོན་བཞིན། །ཕྱག་རྫོགས་དབུ་མ་ཆེན་པོ་རྣམ་གསུམ་ཞེས། །མྱུར་བུ་ལ་མགོ་སྙོམས་གད་རྒྱངས་ཆེར་སྒྲོགས་ཀྱང་། །ཟག་བཅས་ཕུང་པོ་འོད་སྐུར་མངོན་དེངས་པ། །མཆོག་གསང་ཨ་ཏིའི་ཁྱད་ཆོས་ཅི་ཡིས་བསྙོམ། །ཚུལ་དེའི་རྒྱལ་རིགས་གནག་ཟག་ཟབ་གཏེར་གྱི། །བྱིན་རླབས་ཀློང་ཆེན་དར་དྲག་བྱུང་མོད་དེ། །དགུན་ཆུའི་ཉག་ལྟར་ཕྲ་འདིར་འདྲེན་པ་ཁྱོད། །རྒྱལ་ཀུན་བཀའ་བགྲོས་འབྱོན་པར་བསྐུལ་མིན་ནམ། །ཀུན་བཟང་དགོངས་པའི་ཀློང་ཆེན་འགྲོ་རྒྱུད་ལ། །སྨིན་མཛད་སྙིང་ཏིག་རྡོ་རྗེའི་ཚིག་རྐང་རེར། །ཟབ་དོན་བདུད་རྩིའི་ཆུ་ཀླུང་འབུམ་འཇོ་གང་། །གདེངས་ཅན་བདག་པོ་ཁྱོད་ཀྱི་དྲིན་ལས་ཐོབ། །ཡོན་ཏན་དཔག་ཡས་རིན་ཆེན་མཛོད་ཀྱིས་མཚོན། །དོན་ལྡན་ཆོས་དང་ཉེར་འབྲེལ་འཆོས་སྐྱོབ་ཚོགས། །བསྐལ་བཟང་དགའ་སྟོན་སྩལ་བའི་སྐུ་ཡི་དྲིན། །དངོས་པོར་གྱུར་ན་མཁའ་འདི་སྣོད་དུ་ཆུང་། །ལྔ་བདོའི་བརླང་སྤྱོད་འབིགས་བྱེད་ས་འཛིན་སྤོ། །ཕྲིན་ལས་སྟོབས་ཀྱི་ནོར་ལྡན་གཞིར་ཉལ་ནས། རྒྱལ་བསྟན་ཉིན་བྱེད་འཛམ་གླིང་གསལ་

― JLAZ014_Page_0605 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པའི། །སྔོན་བྱུང་འཆི་མེད་སྡེ་དཔོན་འཕྲུལ་ལ་ཞུགས། །ཁྱོད་ཞལ་མཐོང་དང་གསུང་གི་ཟེགས་མ་ཙམ། །སྐལ་བར་ཐོབ་པའི་མོད་ལ་སུ་ཞིག་ཀྱང་། །གང་ཟག་དམ་པའི་གྲངས་སུ་བགྱིད་ནུས་འདིས། །འབྲེལ་ཚད་དོན་ལྡན་གཏམ་དེ་མངོན་དུ་གྱུར། །ཡུལ་དང་སྐད་རིགས་མི་གཅིག་ལམ་རིང་གིས། །བསྐལ་ཀྱང་སྨོན་ལམ་དུས་སྨིན་ལས་ལྡན་ཚོགས། །ཁྱོད་དྲུང་ཆོས་དོན་གཉེར་ལ་དབང་བའི་ཁྱུ། །པདྨའི་རྫིང་བུར་འདུ་བའི་རྗེས་སུ་བསྙེགས། །མཐའ་ཁོབ་ཀླ་ཀློའི་འགྲོ་མང་དམ་ཆོས་ཀྱི། །སྣོད་དུ་མཛད་འདིས་སྔོན་རབས་མི་ལ་རྗེས། །དྲེགས་གཏུམ་ཁྱི་དང་རྔོན་པ་གདམས་ཁྲིད་ཀྱིས། །སྨིན་པར་མཛད་པའི་ངོ་མཚར་མངོན་དུ་སྩལ། །མཆོད་པའི་ཞིང་དུ་འབྲེལ་མཚོན་ཡོ་བྱད་དངོས། །གང་ཞིག་བསྟབས་ཀུན་བསྟན་འགྲོའི་ཕན་བདེའི་གཞིར། །བསྐྲུན་འདིས་སྲིད་པའི་ཕུན་ཚོགས་ཡ་མ་བརླ། །གྲགས་པ་དེ་ཡང་སྙིང་པོས་ལྕི་བར་མཛད། །མདོར་ན་མགོན་ཁྱོད་གསང་གསུམ་ལས་བརྩམས་ཏེ། །བསྔགས་པའི་གླིང་བུ་བསྐལ་བར་བསྒྱུར་ན་ཡང་། །རང་བཞིན་བརྗོད་པའི་ཆ་ཙམ་རྫོགས་མིན་ན། །ཕུལ་བྱུང་སྒྲོ་བཏགས་ལམ་དུ་ཅི་ཞིག་འདྲེན། །དེ་ལྟའི་ཡོན་ཏན་གཏེར་གྱུར་མགོན་ཁྱོད་ལ། །གཞན་གྱིས་གསོལ་གདབ་ཅི་འཚལ་ཁྱབ་

― JLAZ014_Page_0606 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ། །སྲིད་ལས་སྒྲོལ་བ་ཉིད་ཀྱི་གཡར་དམ་ཕྱིར། །དེ་སྲིད་གཟུགས་སྐུ་འཚོ་ཞིང་ཅིས་མི་གཞེས། །དོན་དམ་ངེས་པ་ལྔ་ལྡན་རང་བཞིན་གང་། །འཕོ་འགྱུར་བྲལ་ཡང་ལྷག་བསམ་ལྡན་དག་གིས། །རོ་འཛིན་དབང་པོ་སྨྲ་བ་དག་གི་སྒོ། །དོན་ཡོད་བགྱིད་ཕྱིར་ཞབས་པད་བརྟན་མཛོད་ཅེས། །ཉེར་ལེན་རྡུལ་སྙེད་གྲངས་ཀྱི་ཐལ་མོ་སྦྱར། །རྣམ་སྨིན་དཀར་པོ་འབབ་པའི་ཞུ་མཆིད་འདིར། །དོན་འབྲས་སྙེ་མར་སྨིན་པར་མི་མཛད་ན། །འགྲོ་ལ་བུ་ལྟར་ཕན་བཞེད་བརྩེ་ཆེན་གྱི། ཐུགས་དམ་དེས་ཀྱང་བསླུ་བར་མི་འགྱུར་རམ། །དེ་ཕྱིར་གཟུགས་སྐུ་གཅིག་གིས་སྲིད་མཐའ་བར། །འགྲོ་སྒྲོལ་མཛད་པ་གུ་རུ་པདྨ་དང་། །རྣམ་དབྱེར་མེད་པར་མི་འགྱུར་རྡོ་རྗེའི་ཁྲིར། །ནམ་ཡང་བརླིང་བར་ཞལ་འཆེས་གསོལ་འདེབས་རྟེན། །ཚེ་མཐའ་ཡས་པའི་སྣང་བརྙན་ཆེ་ལེགས་ཚ་གསེར་ཅན། །མཚན་འབུམ་གསེར་བྲིས་མ། བདེན་རྣམ་ཤིང་རྟ་བོད་གཉིས། རྡོར་དྲིལ་གསེར་རྩི་མ་སྟན་བཅས། བྱང་ཆུབ་སེམས་ཕྲེང་བྱུ་རུའི་རྒྱན་གྱིས་ཕྱུག་པ། གསེར་གྱི་བཅུ་བཤད་ཅན། སི་ནའི་སྨན་ཕྲེང་ཏོང་སྐུད་ཀྱི་ཕོ་རིས་རིན་ཐང་ཅན་ཤུབས་བཅས། ནང་མཛོད། དངུལ་དཀར་གྱི་མཎྜལ་ཕུལ་མ་ཆེ་ལེགས། ཞལ་དཀར། སྟེགས་ཁེབས་ཐབས་གྲུབ་སེང་གེ་རིས། དཀར་རྒྱ་ཚོན་ཁྲ་

― JLAZ014_Page_0607 ―

^{[མ་དཔེ་གཟིགས་ན་འདིར་གནོན།]}

[Full Size]

ཅན་ལས་གྲུབ་པའི་སེང་གེ་ཆེ། གསེར་ཞོ་ལྔ་བཅུ་ཐམ་པ། རྒྱ་དངུལ་བྲེ་ཆེན་གཅིག །ཧ་ཤིག་གི་ཡོལ་གོ །གུ་གུ་ཤེལ་གྱི་གའུ་རིན་ཆེན་རིལ་བུ་གསུམ་ལྡན། ཤེལ་དམ། བསིལ་གཡབ། ཙི་ནའི་ཕྱོགས་བརྟག་འཁོར་ལོ། །མཛོད་གོས་ཊཾ་ཁ་མ་ཡུག །ལིང་སྔོ་ལྗང་དམར་གསུམ་སོ་སོ་ནས་ཡུག་ཀ་རེ། ཀ་རས་སྦུབས། ཙི་ནའི་བཟོ་བཀོད་རིན་པོ་ཆེའི་ཏོག་དང་། སྟེང་གི་ཁོར་ཡུག་མུ་ཁྱུད་ཚ་གསེར་ཕུལ་ཅན་དེ་མཚུངས་བྱ་འདབས་སྤྲེལ་མཚམས་ཚ་གསེར་གྱི་འཕུར་འགྲོའི་ཁ་ནས་ནོར་བུ་ཆ་བདུན་ཧོང་སྐུད་ཀྱི་འཕྱང་འཕྲུལ་ཅན་རེ་རེས་མཚན་ཅིང་། ཤེལ་མཚོན་གྱི་དྲ་ཕྱེད་ལ་ཏོང་སྐུད་ཀྱི་ཕུར་མ་བཞི་བརྩེགས་ཀྱི་ཕྱོགས་ལས་རྣམ་པར་རྒྱལ་བའི་རྒྱལ་མཚན་བཅས། བདོག་པའི་ཡོ་བྱད་ཕྲ་མོ་འདི་དག་དང་། །བདག་གཞན་དུས་གསུམ་བསགས་པའི་དགེ་འབྲས་སྡོམས། །ཀུན་ཀྱང་མཆོད་པའི་སྤྲིན་དུ་ཡོངས་སྤེལ་ནས། །མགོན་ཁྱོད་ཞབས་པད་བརྟན་ཕྱིར་ཉེར་སྟོབ་ན། །བསམ་སྦྱོར་གཅིག་ཏུ་དཀར་བའི་ས་བོན་འབྲས། །བསླུ་མེད་དམ་པའི་ཞིང་སར་གང་བཏབ་པ། །འདོད་དོན་གཡུར་དུ་སྨིན་པ་ཆོས་ཉིད་ལྟར། །ཅི་ལྟར་གསོལ་འདི་སྙིང་པས་ཅི་གྱུར་ཅིག །དེས་མཐུས་གུས་ལྡན་བདག་ཅག་ལྟོས་པར་བཅས། །སྲིད་འབངས་མངའ་རིས་ཡངས་པའི་བདེ་སྐྱིད་དཔལ། །

― JLAZ014_Page_0608 ―

^{[མ་དཔེ་གཟིགས་ན་འདིར་གནོན།]}

[Full Size]

མཐོ་རིས་ཡོན་ཏན་བདུན་ལ་དབང་འབྱོར་བས། །རྫོགས་ལྡན་དང་པོའི་རྩེ་དགར་རོལ་གྱུར་ཅིག །ཇི་སྲིད་ནམ་མཁའ་གཟུགས་གཞན་མ་གྱུར་པར། །མགོན་ཁྱོད་ཡོན་ཏན་རྗེས་དྲན་མཆིད་འདི་འདྲ། །དཔྱིད་ཀྱི་བོས་པའི་སྦྲང་རྩིའི་མགྲིན་སྙན་ལྟར། །དུས་དང་དུས་སུ་རྟག་ཏུ་གསོལ་བར་སྨོན། །དེ་ལྟར་བོད་ཆེན་ཡུལ་གྲུ་ལྷ་མིའི་སྡེ། །དགེ་བཅུའི་ཁྲིམས་ཀྱིས་སྐྱོང་བའི་རྒྱལ་ཁབ་ནས། །འབྲས་ལྡན་དཀར་པོའི་ཟླ་བའི་ཚེས་དགེ་བར། །གུས་པའི་སོར་བཅུ་སྙིང་གར་ཟུམ་སྟེ་ཕུལ། །ཅེས་སོ། །མོན་སྤ་གྲོ་སྟག་ཚང་དང་ཉེ་བའི་གནས་སུ་དགོན་པའི་སྐུ་སྐྱེ་ལྔ་པ་ཀུན་དགའ་རྣམ་རྒྱལ་ལམ། འཇིགས་མེད་བདེ་ཆེན་གོ་ཆ་དང་། ཧོར་བྲག་འགོ་བ་པདྨ་ལྷུན་གྲུབ། ལྷོ་བྲག་ཐི་ཕྱི་ཁྱུང་ཚང་དབུ་མཛད་ཅན་ལ་ཀློང་སྙིང་གི་ཁྲིད། རང་དགོན་གྱི་སྐུ་སྐྱེ་རིན་པོ་ཆེ་ལ་སོགས་པ་འདུས་པ་ཉི་ཤུ་སྐོར་ལ་སྙིང་ཐིག་ཡ་བཞི། ཀློང་སྙིང་ཕུར་པ་རྒྱུད་ལུགས་ལ་སོགས་པའི་དབང་ཀ་བྱས། ལར་བི་མ་ལའི་སྙིང་ཏིག་མ་བུ་སྤྱི་དང་། ཁྱད་པར་དེའི་དབང་གོང་མ་གཉིས་ནི། ཡེ་ཤེས་ཀྱི་དཀྱིལ་འཁོར་དུ་འཇུག་པའི་དབང་ཡིན་པས། རྟོགས་པ་མཆོག་ལྡན་གྱི་བླ་མས་སློབ་མ་གྲངས་བཅད་ལ་བསྐུར་བ་ལས་གང་བྱུང་གི་བྱས་ན་སློབ་དཔོན་རང་ཉིད་ཉམས་ཤིང་མཁའ་འགྲོའི་བཀའ་ཆད་འབྱུང་ལ།

― JLAZ014_Page_0609 ―

^{[མ་དཔེ་གཟིགས་ན་འདིར་གནོན།]}

[Full Size]

སློབ་མས་ཀྱང་དབང་མི་ཐོབ་པར་ཤེས་དགོས། གལ་ཏེ་སྤྲོས་བཅས་སྤྲོས་མེད་གཉིས་ཙམ་བྱེད་ཀྱང་གཞུད་དེའི་ཚོགས་མཆོད་ཀྱི་རིམ་པ་དང་འབྲེལ་བར་དཀྱིལ་འཁོར་བསྒྲུབ་ཅིང་བཟླས་པ་བྱས་པ་ལེགས་པ་ཡིན། སྤ་གྲོའི་བླ་མ་གཉིས་སྔ་འགྱུར་གྱི་རིང་ལུགས་འཛིན་པའི་སྡེ་ཅན་དང་། ཁྱད་པར་བམ་ལ་དང་། རྒྱལ་བ་ཀློང་ཆེན་པའི་གཞུང་ལ་དད་པས། མཛོད་བདུན། ཤིང་རྟ་སྐོར་གསུམ། རང་གི་བཀའ་འབུམ་ཡོངས་རྫོགས་བཀའ་གཏད་བྱས། ཁོང་གི་རྙིང་རྒྱུད་ཚར་གཅིག་བཞེང་བར་དམ་བཅའ་ལ་བསྔོ་སྨོན་དང་། ཀུན་མཁྱེན་གྱི་བཀའ་འབུམ་ཆ་ཚང་བ་སྒྲུབ་པའི་རྩིས་ལ་རོགས་འགྱུར་བྱས། ཤྲཱི་པ་རྦ་ཏའི་སྐུ་སྐྱེ་རིན་པོ་ཆེར་གྲོལ་ཐིག་སྐོར། ཤིན་རྗེ་གསུམ་དྲིལ་སོགས་ཕ་ཆོས་ཀྱི་དབང་ཡོངས་རྫོགས་དང་། འདོན་ཆོས་ཀྱི་ལུང་། དེའི་སྟེང་དུ་གྲ་གཞོན་ཕལ་ཆེར་དང་བཅས་པའི་འདུས་པ་ལྔ་བཅུ་སྐོར་ལ་བཀའ་བརྒྱད་རྣལ་འབྱོར་རྒྱུན་དབང་། དགོངས་པ་ཡང་ཟབ། ཡང་བཟློག་སོགས་ཀྱི་དབང་བསྐུར། ཡོན་སྦྱར་ཏེ་བཤགས་རྒྱུད་ཀློག །དཔལ་རིར་ཚོགས་ཆེན་འདུས་པའི་སྒྲུབ་མཆོད་འཆར་ཅན་ཞབས་ཏོག་ཉིན་འགྱེད་དང་ཚོགས་འཁོར་བཏང་། མངའ་རིས་གྲ་ཚང་བར་ཆོས་སྤྱོད་སྨར་ཞིང་། ཤིང་རྟ་ཆེན་པོའི་རིང་ལུགས་ལ་བཤད་གྲྭ་འཕེལ་བས་མང་ཇ་

― JLAZ014_Page_0610 ―

^{[མ་དཔེ་གཟིགས་ན་འདིར་གནོན།]}

[Full Size]

བཞི་དང་། ལོ་ལྟར་མང་ཇ་ལྔའི་ཐེབས་དངུལ་སྲང་ཉི་ཤུ་རྩ་ལྔ་སྦྱར། ཕྱོགས་ཐམས་ཅད་མུ་གེས་ཉམ་ཐག་ལ་སྙིང་རྗེ་ཆེན་པོ་སྐྱེས་ནས་སྦྱིན་གཏོང་ཅི་ནུས་བྱས། དེབ་སྔོན་ལས། གངས་ཅན་པ་རྣམས་ལ་གཙུག་གི་ནོར་བུ་གཅིག་དང་རྣ་བའི་རྒྱན་གཉིས་ཡོད། གཙུག་གི་ནོར་བུ་ནི་སློབ་པདྨ་སམྦྷ་ཝའོ། །ཞེས་པ་ལྟར། གངས་ཅན་དུ་སངས་རྒྱས་ཀྱི་བསྟན་པ་དར་ནུས་ཁྱེད་ཀྱི་བཀའ་དྲིན་ཡིན་ཀྱང་མཁས་སུ་རེ་བའི་སྙིང་ཁམས་ཅན་གྱི་ལོག་བསྒྲུབ་དང་དབྱེ་ན་བཅོས་པ་ལ་ཐུགས་རྗེ་དུས་ལས་མི་ཡོལ་བའི་ཕྱིར་བྲག་དམར་ཀེའུ་ཚང་དུ་རྒྱ་དངུལ་སྲང་ལྔ་བཅུ་ལས་བརྡུངས་བའི་མཎྚལ་འབུལ་མ་ཚ་གསེར་ཅན་དང་ཁོ་ན་ཆུ་ལིའི་གནམ་རྒྱན་སྤུས་དག་ཕུལ། རང་གནས་སུ་འདུས་པ་མདོའི་སྒྲུབ་མཆོད་འཆར་ཅན་བཙུགས། ཆབ་གཏོར་འབུམ་ཐེར་གཅིག་བཏང་། གཙང་ནས་ཡང་སྟེགས་པའི་ལོ་གསུམ་གྲོལ་མཛལ་དང་སྡོངས་པའི་རྩེ་ཆེན་ཆོས་སྡེ་པ་གསུམ་དང་། སྒོ་བསྡུས་ལྷ་སྡིངས་སློབ་དཔོན་བཅས་པ་དགེ་བུ་གསུམ་ལ་སོགས་པའི་བཙན་བཙུན་ཁ་ཤས་ལ་ཁྲིད་ཅིག་བཏབ། ལར་གནས་སྐབས་ཀྱི་གྲགས་སྐམ་ལ་སྙེགས་ནས་ཆོས་ཉན་པར་ལྷགས་པ་མཐའ་དག་གི་གདམས་པའི་སྲོལ་ཁ་མི་ཟན་ཀྱང་། ངེས་འབྱུང་དང་ལས་འབྲས་བྱང་ཆུབ་སེམས་ཀྱི་

― JLAZ014_Page_0611 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམ་ཐར་གང་དྲག་བཤད་པས་ཁ་ཤས་བློ་འགྱུར་བས་ཉེས་སྤྱོད་མི་འཆར་པར་བཤགས་སྡོམ་བྱེད་པའང་ཁ་ཤས་བྱུང་། ཁོང་རྣམས་དང་ཕ་ལྷའི་ཆོས་དྲུང་གཉིས་ནས་བརྟན་བཞུགས་འབུལ་ནོད་ཆེ་བར་མཛད། ཞབས་དྲུང་གིས་སློབ་དཔོན་ཆེན་པོའི་གསུང་དངོས་བསྟན་མན་ངག་ལྟ་ཕྲེང་དང་། ཡང་དག་གི་གསང་འགྲེལ་བོད་ལོངས། མངའ་བདག་ཉང་གི་ཆོས་འབྱུང་བོད། རོང་པས་མཛད་པའི་ལྟ་ཕྲེང་གི་འགྲེལ་པ་དང་། ཐེག་པ་ཆེན་པོའི་ཚུལ་ལ་འཇུག་པ་གཉིས་དཔེ་རྒྱུན་ཤིན་ཏུ་དཀོན་པ་བསྟན་འགྱུར་སྣར་ཐང་བར་མའི་མཚན་ཐོར་ལྟ་ཕྲེང་གི་འགྲེལ་པ་ཙམ་ཐེབས་ཀྱང་དོན་ལ་མཆུད་པ་སྐབས་འདིར་ཁྱེར་བྱུང་བས། བོད་གངས་ཅན་གྱི་རྒྱུད་ཙམ་ན་མཁས་པའི་ས་བཅུའི་དབང་ཕྱུག་གི་བསྟན་བཅོས་འདི་མཐོང་ནས་སྤྱིར་སྔ་འགྱུར་དང་། དགོས་རྫོགས་ཆེན་པ་ལ་བསྐུར་བའི་མཁས་རློམ་དག་གི་ལྕེ་གཤིན་རྗེའི་ཁྲམ་རིས་ལྟ་བུར་སོང་ནས། སླར་ལ་ལྕེ་གཉིས་པ་སྐྱོང་དགོས་པ་དེ་བྱུང་ངོ། །ཆུ་བོ་རིར་ལྕགས་ཟམ་རིན་པོ་ཆེ་གློ་བུར་དུ་གཤེགས་པའི་ནན་ཏུར་ངོ་མ་ཆོགས་པར་བསྐྱོད། བཀའ་བརྒྱད་བདེར་འདུས་ཀྱི་སྒོ་ནས་པུར་སྦྱངས་དང་། བདུན་ཕྲག་གི་བར་ཞི་ཁྲོ་ཁྲོམ་དཀྲུགས། མེ་མཆོད་འབུམ་ཐེར་སོགས་བྱས། རང་གཞན་

― JLAZ014_Page_0612 ―

^{[མ་དཔེ་གཟིགས་ན་འདིར་གནོན།]}

[Full Size]

ཐམས་ཅད་ལ་འདི་ལྟ་བུ་འོང་སྙམ་པའི་ངེས་འབྱུང་རྒྱུད་མར་སྐྱེས། རྒྱ་གར་སློབ་དཔོན་དབྱིག་གཉེན་དང་ཕྱོགས་ཀྱི་གླང་པོ་ལྟ་བུའང་སྐྱེ་འཕགས་གང་ཡིན་གྱི་དཔྱད་པ་བྱེད་མོད། བོད་འདིར་ནི་རྨཱ་ཀས་གང་ཞིང་ཚོགས་ལམ་གྱི་སྣ་མ་ཟིན་པ་དག་ལ་སློབ་པ་མིན་པའི་བསྟི་སྟང་བྱེད་ཀྱང་། གང་ཞིག་གི་རྒྱུད་ཀྱི་སྒྲིབ་ཆ་སྦྱོང་བ་ལ་འགལ་རྐྱེན་བྱེད་པས་དགོངས་རྫོགས་ཀྱི་གཙོ་བོ་མཆོད་སྦྱིན་ལ་འབད་དོགས་པའི་བསླབ་བྱ་དང་། བདེ་གཤེགས་སྙིང་པོའི་མཐོང་སྤངས་ཀྱི་དག་བྱ་སྦྱོང་བའི་ཐབས་སྟོབས་སྨོན་ལམ་གསུམ་ལ་འབད། ཆུ་བོའི་རིའི་སེར་ཆགས་ཚོགས་པ་ལ་དངུལ་སྲང་བཅོ་ལྔའི་འགྱེད་བཏང་། གདུང་རྟེན་གྱི་ཐིག་རྩ་བསླབས་ཤིང་ཐོན་ཁར་བརྟན་བཞུགས་ཞིག་ཀྱང་མཛད། འདིར་ནེ་ལེ་གཤོག་པ་བྲེགས་པ་ཞིག་མཐོང་བས་སྙིང་རྗེ་ཆེན་པོ་སྐྱེས། བྱང་ཆུབ་གྲུབ་པའི་སྨུག་ནག་ཁྲོ་འཛུམ་ཞལ། །སེམས་ཅན་ཀུན་ལ་བུ་གཅིག་ལྟར་བརྩེ་ན། མཁའ་ལྡིང་འདབ་མ་སྤུ་གྲིས་བཞར་བ་ཡི། །ཆུ་ཚོད་གཅིག་པའི་གདུང་བའང་བཟོད་པར་དཀའ། །ལུས་ཉམས་བརྟས་པའི་སྦྱིན་པ་སྟོབས་བསྐྱེད་ལ། །ཆུ་ཤེལ་འཁོར་ལོ་ཁྲུམས་ཀྱི་ཉ་བའི་ཚེ། །ལྷ་མོན་ནགས་མའི་ལྗོངས་སུ་དེངས་འཇུག་པའི། །སེམས་བསྐྱེད་

― JLAZ014_Page_0613 ―

^{[མ་དཔེ་གཟིགས་ན་འདིར་གནོན།]}

[Full Size]

ལྡན་པ་ཡོད་མཆི་དགོངས་ཤིག་ཀྱེ། །ཞེས་བྲིས། མོན་ཀླ་ཀློ་འགྲོ་འོང་བྱེད་པའི་ས་དྷུ་ཐི་ཞེས་པའི་གྲོང་ཁྱེར་ནས་སྦྲང་ཚང་སུམ་ཅུ་སྐོར་གྱི་རིན་ལ་སྐུ་གསུང་ཐུགས་རྟེན་དང་། ལྷ་འདྲེ་གདུག་པ་ཅན་ལ་བཀའ་ཤོག་དགོས་ཟེར་བ་ལྟར་དེ་བཞིན་དུ་བྱས། ས་སྐྱོང་སྡེ་དགེའི་མཚམས་ཞུ་གསེར་དངུལ་གོས་དར་སྤམས་ཆེ་བ་དང་བཅས་པའི་མི་སྣ་འབྱོར། བཙུན་མོ་དམ་པའི་ཆོས་ཀྱི་དྲི་བ་དང་། སྔ་ལོ་ནང་རྟེན་ལ་རང་གི་འགྲམ་སོ་ཕུལ་བ་མགུལ་དུ་བཅངས་པ་ལ་འདི་ལོ་རིང་བསྲེལ་གཉིས་ཙམ་འཕེལ་ཚུལ་ཀྱང་འབྱོར། ཆོས་ཉམས་ཆེ་ཆེ་མོས་གདམས་པ་ལ་ཐོབ་རྩི་ཞིང་གསར་བས་ཆེ་ཡང་དོན་ལ་མི་རྟོན་པའི་རིགས་ལ་བྱིན་རླབས་འཇུག་པའི་རེ་བ་མེད། རང་རྒྱུད་གྲོལ་བ་དང་ཆོས་རྒྱུན་ལ་ཕན་པ་གཉིས་ཀ་མི་གདའ་བས། སྔ་ལོ་ནས་གཙང་ཐེག་མཆོག་གླིང་པའི་འདུས་སྤྱིའི་གདན་འདྲེན་ནན་ཆགས་ཆེ་བར་ཆོས་ཀྱི་འགྲོ་ཕན་འབའ་ཞིག་ལ་བསམས་ཏེ། རལ་པའི་ཁུར་འགྱོགས་འཕྱང་གིས་བཟོད་པར་བྱས་ཏེ་བསྐྱོད། མང་དུ་ཐོས་པའི་

― JLAZ014_Page_0614 ―

^{[མ་དཔེ་གཟིགས་ན་འདིར་གནོན།]}

[Full Size]

དབང་ཕྱུག་སེར་སྨད་སྐུ་སྐྱེ་རིན་པོ་ཆེ་ཡང་གན་པ་སྤང་ཕུག་ཏུ་རྗེས་སྙེགས་ཀྱིས་ཕེབས། ཁོང་ལ་གྲྭ་པ་གྲྭ་ཚང་གི་ཚོགས་དཔོན་འདི་མར་འཐེན་པའི་དཔྱང་ཐག་ཏུ་འདུག་པའི་ཚུལ། ཀུན་མཁྱེན་བླ་མས། སྣ་ཚོགས་ཐབས་ཀྱི་འཁོར་མང་བསྡུས་ནས་ནི། །མཐུན་རྐྱེན་འཛོམ་པའི་དགོན་གཞིས་འཛིན་པ་ཡང་། །འཕྲལ་ལ་འཛོམ་སྟེ་བདག་སེམས་གཡེང་བའི་རྒྱུ། །གཅིག་པུར་སྡོད་པ་ཁོ་བོའི་སྙིང་གཏམ་ཡིན། །ཞེས་གསུངས་པ་ལྟར་དབེན་པར་བཞུགས་པའི་པའི་བསྐྱལ་བྱང་དང་། ད་ཆ་ཐོས་བསམ་ཁ་ཕྱིར་བལྟས་ཀྱི་དཔྱད་པ་བསྒོམ་པས་རྒྱུད་ཐོག་ཏུ་འགེལ་བའི་དུས་ལ་བབ་པས། བསམ་གཏན་དང་པོའི་ཉེར་བསྔོགས་རང་བཞིན་རྫོགས་པ་ཆེན་པོའི་དོ་ཧ་མཛོད་ཀྱི་ནང་དབྱིངས་སུ་སྡུད་པའི་ངོ་སྤྲོད་ལེགས་པར་བྱས། མཚོ་འགྲམ་མ་ཐོན་བར་ཉ་དང་ཉ་པའི་ལས་འབྲས་ལ་སྙིང་རྗེ་ཆེན་པོས་སྐྱོ་བ་འཕེལ་ཞིང་ཉ་པ་དང་ཕྲད་ཚོད་ལ་སྲོག་བསླུ་སྨོན་ལམ་རྒྱ་ཆེན་པོ་བཏབ། ཁ་རོལ་རྩེར་བ་སངས་མཆོད་དང་། གསེར་སྐྱེམས་སོགས་བྱས་པས་དེ་མ་ཐག་གནོད་སྦྱིན་གནང་བཟང་མཉེས་པའི་གངས་རུད་དང་། ཞག་སར་ནོར་བུ་བཟང་པོ་ཁོང་རང་གིས་སྲོད་མོས་སྲོ་གདུབ་སྦྱིན་ནས་སྲུང་བར་གཟུང་སྨྲས་པ་རྨིས། དཀར་ཕྱོགས་ཀྱི་དགེ་བསྙེན་འདི་ཚོ་དམ་ཚིག་ལ་གནས་པར་

― JLAZ014_Page_0615 ―

^{[མ་དཔེ་གཟིགས་ན་འདིར་གནོན།]}

[Full Size]

འདུག །མཁར་མོ་ཞེས་པར་ཚེ་ཕོགས་འགྲིག་པས་གུ་རུ་ཆོས་དབང་གི་སྐུ་འདྲར་དཀར་མེ་དང་སྙན་ཤལ་འབུལ་དུ་བཏང་། གྲྭ་བཙུན་རྣམས་ལ་མང་ཇ་ཞིག་བྱས། གཙང་པ་འདི་དད་མོས་དང་ཆོས་སྣང་ཆེ་བས་ལམ་མཇལ་དང་། ཤི་གསོན་གྱི་བསྔོ་རྟེན་འབུལ་མི་ཤིན་ཏུ་མང་བས་བླ་མཚོ་དཀོར་གྱི་འདམ་རྫབ་ལ་ཐེབས་པར་འདུག །བཀའ་བློན་ཕ་ལྷའི་རྟ་བསུ་རྒྱལ་རྩེར་སླེབས། རྩེ་ཆེན་ཆོས་སྡེ་བས་དུང་བསུ་དང་བཅས་བོས་པ་བཞིན་ལམ་ཞོར་ཟུར་རྩར་བསྙེན་བཀུར་དད་འབུལ་དང་། སྒྲོལ་མ་ལྷ་ཁང་མཇལ་ཞིང་མེ་ཏོག་འཐོར། ས་དགེ་བུ་གསུམ་གྱི་གྲ་ཚང་ཐ་དད་འདུས་པའི་ཚོགས་ཆེན་ཉིས་བརྒྱ་སྐོར་ལ་མང་ཇ་དང་། བསྔོ་རྟེན་གྱི་ཟང་ཟིང་རྣམས་འགྱེད་ལ་བཏང་། དགའ་ལྡན་པ་དང་ཟུ་བེ་གྲྭ་ཚང་བའ་འདུ་ཁང་དུ་གདན་ཞུ་ལ་མང་ཇ་དང་འགྱེད་ཀྱང་བྱས། བཀྲ་ཤིས་བདེ་ལེགས་ཀྱི་ཁྱིམ་དུ་བསྙེན་བཀུར་མཛད་ཅིང་། མུ་ཏིག་དང་། གཡུ་པད་ཀྱི་རྣ་རྒྱན་རིན་ཐང་ཆེན་པོའི་འབུལ་ནོད་ཀྱང་དགེ་བ་རྫོགས་བྱང་དུ་བསྔོས། གྲྭ་མ་རབ་བརྟན་གླིང་དུ་ཐེག་མཆོག་གླིང་མཁན་རིན་པོ་ཆེ་གཉེར་ཕྱག་ལས་འཛིན་རྣམ་ཐབས་བསུ་ལ་བྱོན། སང་ཉིན་རྒྱང་རིང་ནས་དུང་བསུ་དང་དགོན་པའི་འདབས་སུ་གདུགས། རྒྱལ་མཚན། བ་དན། རྔ་རོལ་བཅས་དགེ་འདུན་བྱིངས་ནས་བསྟི་སྟང་ཆེན་པོ་མཛད། མང་ཇ་སྦྱོར་སྦྲེལ་བརྒྱད་ཀྱི་ཐོག་བསོད་

― JLAZ014_Page_0616 ―

^{[མ་དཔེ་གཟིགས་ན་འདིར་གནོན།]}

[Full Size]

བཏགས་དང་། ཊཾ་ཁ་ལྔ་རེའི་འགྱེད་སྤྱི་འབུལ་བཟང་གོས་ཀྱི་རྒྱལ་མཚན་ལ་ཤམ་གསུམ་ལྡན་ཕུལ། མཁན་པོ་ཨོ་རྒྱན་དཔལ་མགོན་པའི་ཐུགས་བསྐྱེད་ཤིན་ཏུ་བཟང་ཞིང་དཔྱད་བཟོད་པས་དགེ་འདུན་རྣམས་ལ་ཁུར་དུ་འགྲོ་བ་གཏན་མེད་པར་མཛད་ནས་དབང་ལུང་ཁྲིད་གསུམ་གྱི་རང་གཞན་སྨིན་གྲོལ་ལ་འགོད་པའི་ཞུ་འབུལ་བྱུང་བ་བཞིན། གྲྭ་ཚང་ཡོངས་རྫོགས་ཕྱོགས་དང་ཕྱོགས་འདུས་བཅས་ལ་ཐོག་མར་ཚེ་དཔག་མེད་སྐུ་གསུམ་འདུས་པ་དང་། དྭངས་མ་བཅུད་འདྲེན་གྱི་དབང་སྒོ་ཕྱེ་སྟེ། བཀའ་བརྒྱད་བདེ་གསང་གཉིས། བློ་མ་གསང་འདུས། ཕུར་བ་རྒྱུད་ལུགས། ཉང་གཏེར་ཁྲོས་ནག །བླ་མ་ཡང་ཏིག་རྒྱ་ཅན་ཕལ་ཆེ་བ། དྲང་སྲོང་ལོག་ཏྲི། གཤིན་རྗེ་ཚེ་བདག །བྱང་གཏེར་ཐུགས་སྒྲུབ། འཁོར་བ་དབྱིངས་སྒྲོལ། གཉན་སྒྲོལ་དང་། ཕྱག་རྡོར་འབྱུང་འདུལ་སོགས་བཀའ་མའི་རྗེས་གནང་ཁ་ཤས། ཁྱད་པར་ཀློང་ཆེན་སྙིང་ཏིག་གི་སྨིན་གྲོལ་ཕལ་ཆེར་རྫོགས་པའི་ཁྲིད་ཤིན་དུ་སྨིན་པར་བཏབ། བྱང་སྡོམ་གྱི་ཡན་ལག་ཏུ་མཆོད་པ་རྒྱ་ཆེན་པོ་དང་། ལུག་སུམ་ཅུ་སྐོར་སྲོག་བསླུར་བཏང་། གཙུག་ལག་ཁང་རྟེན་བརྟེན་པར་བཅས་པ་ལ་བཀའ་བརྒྱད་བདེ་གཤེགས་འདུས་པའི་སྒོ་ནས་རབ་གནས་དངོས་སྟ་ཉིན་གཉིས་མ་ཤིན་ཏུ་རྒྱས་པ་དང་། དགོན་གནས་ཀྱི་དཀར་

― JLAZ014_Page_0617 ―

^{[མ་དཔེ་གཟིགས་ན་འདིར་གནོན།]}

[Full Size]

ཆག་ཀྱང་བྲིས། གྲྭ་ཚང་འདིར་དམག་ཟོར་མ་ཤིན་ཏུ་འགོ་བའི་ཉམས་ཀྱིས། དེའི་རྗེས་གནང་གི་ཚེ་ཤར་ཕྱོགས་བསིལ་བའི་ཚལ་ན་བཞུགས་པའི་ཚེ་ཟླ་བའི་འདོད་འཇོ་ཞེས་བྱ་བར་གྲགས། འཁོར་མ་མོ་མཁའ་འགྲོ་འབུམ་ཕྲག་མང་པོས་བསྐོར། ལྷོ་ཕྱོགས་ཀྱི་མིང་སྨོས་པའི་མུར་གཉིད་དངས། སྔ་འགྱུར་བཀའ་མ་དང་། ཁྱབ་འཇུག་ཚེ་རིང་མ་སོགས་ཀྱི་རྗེས་གནང་བྱས། བླ་བྲང་དུ་མ་མགོན་གྱི་རྟེན་མདོས་ཏོང་སྐུད་ལས་བྱས་པ་དངོས་དག་དང་བཅས་པའི་མགོན་ཁང་གསར་འཛུགས་ལ་རབ་གནས་བྱས། གྲལ་དབུར་ནལ་གསུམ་ཕྱིན། བདེ་ཡངས་སུ་ཚེས་བཅུའི་མཚམས་ཕུལ་པའི་ཞོར་ཁྲོམ་དབང་ཡང་བྱས། དངུལ་དཀར་ལས་གྲུབ་པའི་དཀར་སྟེགས། བཟེད་ཞལ། ནས་ཟེ། ནང་མཆོད་ཀ་ལི་རྣམས་ཕུལ། མ་ཚ་གསེར་ཅན། སྐུ་གསུང་ཐུགས་རྟེན། ན་བཟའ་སྒ་འཁོར་སྤུས་དང་། གསེར་དངུལ་འབྲུ་སོགས་ཀྱི་དངོས་འབུལ་དང་། ཞབས་བརྟན་རྒྱ་ཆེན་མཛད། སོ་སོའི་གདན་འདྲེན་ནན་བསྐུར་ཆེ་བས། སྡེ་དཔོན་འབྲོང་རྩེ་བ། འདུས་བྱུང་ལྷོ་དགོན་སྐྱིད་སྦུག་དབང་ལྡན་པར་ཚོ། འབྲས་བུད། བོན་གྲོང་དར་གཞིས། སྦལ་གོང་། །མཁར་ཁ་ནང་འཁོར། དབེན་རྩ་གྲྭ་ཚང་། རྒྱ་ཆེ། སྣེ་སྟོད།

― JLAZ014_Page_0618 ―

^{[མ་དཔེ་གཟིགས་ན་འདིར་གནོན།]}

[Full Size]

དགའ་བཞི་དཔོན་གཡོག །མདའ་དཔོན་ལྕང་ཅན། འཕྲང་རིངས། གྲོལ་སྒོ་ཆེ་བ། བཀའ་བློན་ཕ་ལྷ་སོགས་སུ་སྦྱིན་སྲེག །ཚེ་དབང་གཙོར་གྱུར་གྱིས་སོ་སོའི་འདོད་ཆོས་དང་། ཁྲོམ་དབང་སོགས་བྱས། དུས་འཁོར་གྲྭ་ཚང་བར་བྱང་སྡོམ་དང་སྨོན་ལམ་རྣམ་གསུམ་གྱི་ཆོས་འབྲེལ། མང།འགྱེད། གུར་རིན་སྡིངས་པའི་གྲྭ་བ་ཐོར་བུ་ལ་ཆོས་འབྲེལ་སོགས་བྱས། རུ་གནོན་གྱི་གཙུག་ལག་རྩིས་གནས་གསར་དུ་མཆོད་སྦྱིན་དང་མང་འགྱེད། རྒྱ་མའི་དོན་བཞིན་བསྟན་སྲིད་རིམ་གྲོར་ཕུར་བའི་སྦྱིན་སྲེག་བྱས། ཤི་གསོན་གྱི་དད་འབུལ་སྟོང་དངུལ་ཐལ་བ་འབྱོར་ཀྱང་དཀོར་གྱི་ཉེས་དམིགས་ལ་འཇིགས་པ་ཆེན་པོ་སྐྱེས་ནས་བཀའ་འགྱུར་བསླུ་བ་དང་། ལུག་བརྒྱ་སྐོར་ལ་སྲོག་སྦྱིན། དབུལ་པོ་ལ་སྦྱིན་གཏོང་། བསམ་ཡས་ཀྱི་མཆོད་པ་གསོ་བསོགས་ཀྱི་དམ་བཅའ་ཡིད་ལ་བཀོད། གྲ་མངས་བྱིངས་གཞུང་སྒོ་འགག་དང་མཁན་པོ་དཔོན་གཡོག་གྲྭ་མ་རབ་བརྟན་གླིང་དུ་ཆེ་བས་བསྐྱེལ་ལ་ཕེབས། ལོ་གསུམ་གྱི་དམ་བཅའ་ཡང་མཛད་སོང་བ་ཁོང་སྐུ་ཚེ་བརྟན་ན་ཐེག་མཆོག་གླིང་གི་ལ་རྒྱར་ཕན་ངེས་སུ་འདུག །མར་ལམ་ལྕགས་ཟམ་དུ་གདུང་རྟེན་ལ་གཟུངས་འབུལ་རབ་གནས་བྱས། རང་གནས་སུ་སླེབ་འཕྲལ་ལྷོ་བྲག་ཐུགས་སྲས་པར་དབུ་མ་ལུགས་ཀྱི་བྱང་སྡོམ་དང་། དཔལ་

― JLAZ014_Page_0619 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་འདུས་པའི་དབང་བསྐུར། བསྐྱེད་རིམ་གྱི་བཤད་པ་བྱས། རང་དགོན་དུ་བཀའ་འགྱུར་ཉིན་བཅུ་ཕྲག་ལྷག་བཅས་བཙུགས། མང་འགྱེད་གཟབས་རྒྱས་བཏང་། མཁས་ནས་ཟེ་ཆེན་སྐུ་སྐྱེ་རིན་པོ་ཆེ་ཕེབས། སྙིང་ཐིག་ཡ་བཞི་དང་ཀློང་སྙིང་གི་དབང་ཁྲིད་སོགས་བཏབ། དངུལ་རྟ་རྨིག་མ་སོགས་འབུལ་ནོད་རྒྱས་པར་མཛད། འབྲུམ་ནད་དར་དྲག་པས་ཤེལ་བྲག་ཏུ་གཞུང་སའི་སྨན་སྒྲུབ་ལ་ཕྱིན། རང་སྨན་ཁལ་བདུན་སྐོར་ཀྱང་མཉམ་དུ་བསྒྲུབས། རིམས་ནད་ལ་དམིགས་པའི་སེམས་བསྐྱེད་དང་། འོད་ཟེར་སྤྲོ་བསྡུ་ལ་གནད་དུ་བསྣུན་བས་མངོན་རྟགས་ལེགས་ཤིང་། ནད་ཀྱང་མྱུར་དུ་ཆད། ཤེལ་བྲག་པ་རྣམས་ལ་ཊཾ་འགྱེད་དང་། མང་ཐུག །ཚོགས་འཁོར་གྱི་ཚིམ་པར་བྱས། འདུས་པ་མདོའི་སྒྲུབ་མཆོད་སྔ་ནུར་བྱས། ཟླ་བ་བཞི་པ་ལ་བསམ་ཡས་སུ་ཁྲི་མཆོད་དང་། རྒྱ་དངུལ་སྲང་ཕྱེད་ཉིས་བརྒྱ་ལ་བརྡུངས་པའི་ཏིང་ཆེན་བདུན་ཚར་གཉིས་ཕུལ། ཁྲལ་མི་རྣམས་ལ་དངུལ་སྲང་ལྔ་བཅུ་ཐམ་པའི་འགྱེད་དང་། དབུལ་འཕོངས་ལ་བརྒྱ་སྐོར་ལ་ཇ་ཐུག་རྩམ་འགྱེད་སོགས་བཏང་། ས་སྐྱ་ནས་ཚོགས་འབུམ་ཐེར་གཏད་རྒྱུ་གནང་བ་བྲག་དམར་ཀེའུ་ཚང་སོགས་སུ་རིམ་པས་བཏང་། ཆོས་རྗེ་བྲག་ཕུག་པའི་ཕྱི་རྟེན་ལྷ་ཁང་ལ་རབ་གནས་བྱས་

― JLAZ014_Page_0620 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་བདག་གིར་བཟུང་ནས་འབད་པ་དོན་ལྡན་དུ་ཕྱིར་རབ་གྲ་དགེ་དོན་པ་ལོ་གསུམ་ལ་བཞག་ བསམ་ཡས་སུ་སྲིང་སྐྱོང་རྟ་ཚགས་རྩད་གཅོད་དང་གཟིགས་བསྐྱངས། ཆབ་ཤོག་གསེར་དངུལ་གྱི་རྟེན་བཅས་གནང་ཡང་། བདག་ཉིད་ལ་རེ་དོགས་གནག་ཡང་མེད་པས་ངོས་མཇལ་མི་དགོས་པར་ཞུས། སྐྱེས་བུ་ཆེན་པོའི་རང་རྟགས་ཅན་དུ་འདུག་པས་བཀའ་མཆིད་ལ་ཡང་ལན་ཚིགས་སུ་བཅད་པ་ཕུལ། ས་སྐྱ་ནས་རིགས་ཀྱི་བུ་རྒྱལ་སྲས་ཉིན་བྱེད་འོད་ཟེར་ལ་ཞལ་གསོའི་ལེགས་སྐྱེས་དང་། རྡོ་རྗེའི་མིང་གི་ཅོད་པན་གདགས་བར་མཛད་པ་ནི། ཨ་ཡུ་བུཥྚི༚་ཀུ་རུ་ཨོཾ། མཆོག་ཏུ་གསང་བ་ཡུམ་གྱི་དཀྱིལ་འཁོར་དུ། །དུས་གསུམ་འདུ་འབྲལ་མེད་པ་རྟག་ཏུ་རོལ། །བྱང་ཆུབ་རྡོ་རྗེའི་འོད་ཟེར་སྤྲོ་བསྡུ་ལས། །མི་ནུབ་ཆོས་ཀྱི་རྒྱལ་མཚན་བསྐྲུན་མཛད་པའི། །བདག་གི་རིགས་ཀྱི་བདག་པོར་ཕྱག་འཚལ་ལོ། །གང་ལ་ཚོགས་གསོག་སྒྲིབ་སྦྱོང་མི་དགོས་ཀྱང་། །གདུལ་བྱའི་དོན་དུ་ལྔ་ལོ་གཙང་ཕྱོགས་སུ། །ཕེབས་པའི་དང་རྫས་དད་འབུལ་དངོས་པོ་རྣམས། །སྤུངས་ཏེ་བསམ་ཡས་ཁྲི་མཆོད་འབུལ་མཛད་པའི། རྣམ་འདྲེན་བླ་མ་དེ་ལ་བདག་ཅག་དད། །སྙིགས་མར་བསྟན་འགྲོའི་ཆེད་དུ་གང་གི་སྲས། །གླང་ཆེན་ཐལ་ཀྲ་ལྷུམས་ཞུགས་ཀྱི་མཚོན་པའི། །བསམས་བཞིན་སྤྲུལ་མཛད་མངལ་སྐྱེས་བད་འབྱུང་ནི། །རིག་

― JLAZ014_Page_0621 ―

^{[མ་དཔེ་གཟིགས་ན་འདིར་གནོན།]}

[Full Size]

འཛིན་མཐུ་སྟོབས་འོད་ཟེར་འགྲོ་བའི་མགོན། །ལེན་སྨོན་བདུད་ཀྱི་ཚོགས་རྣམས་འཇོམས་མཛད་རྒྱལ། །བདག་ཀྱང་རིག་འཛིན་ཆེན་པོ་ཁྱོད་ཉིད་ཀྱི། །ཞལ་སྐྱིན་མཇལ་སྙིང་འདོད་པའི་གདུང་བ་ནི། །སྐོམ་པ་ཆུ་འདོད་ལྟ་བུ་ཡོད་ལགས་ཀྱང་། །ད་ནི་དུས་ཀྱི་དབེན་པས་སེམས་པ་སྐྱོ། །སྐུ་སྲུང་ལེ་ཚན་བདུད་རྩི་ཁྲི་རྡོ་དང་། །ཡབ་ཡུམ་སྲས་བཅས་ལེགས་སྐྱེས་མགུལ་དར་དང་། །ཐུགས་སྲས་དམ་པར་སྐུ་གསུང་ཐུགས་རྟེན་བཅས། །གང་གི་བཀའ་སློབ་རིག་པ་འཛིན་པ་ཡིས། །དད་གུས་སྤྲོ་བའི་ངང་ནས་ཕུལ་བ་དགེ། ཞེས་མཐིང་ཤོག་ལ་རིན་པོ་ཆེ་ཞུན་མའི་རྡོ་རྗེའི་མིང་གི་ཅོད་པན་ཟུར་བཞིར་དར་ཚོན་སྣ་ལྔ་རེའི་བ་དན་གཡོ་བ་བཅས་སྩལ། །སྡེ་དགེར་སྔ་འགྱུར་རྒྱུད་འབུམ་རིན་པོ་ཆེའི་བརྐོ་མཛད་པའི་མ་ཕྱི་འདི་ནས་དགོས་གསུང་ཡང་། །སྤྱིར་མངའ་བདག་བཙན་པོའི་དུས་ན་ནད་རྒྱུད་འདི་དག་བཀའ་གཉན་ཅིང་གཞུང་གི་གསང་བ་ཡིན་པས་ཡོངས་གྲགས་སུ་མ་བསྒྱུར་ཞིང་། གསུང་རབ་ཀྱི་བརྡ་སྐད་ལམ་བྱང་བས་ལོ་པཎ་སྐད་བརྡ་མ་འཕྲོད་པའི་རིགས་ལའང་སྐད་གསར་བཅད་ཀྱི་དག་ཐེར་མ་ཕོག །ཕྱི་འགྱུར་རྣམས་ལྟར་གཞུང་གཅིག་ལ་གང་ཟག་མང་པོས་བཅོས་ཤིང་བཅོས་པའང་ཡིན་བའི་དང་འགྱུར་སོར་བཞག་གི་རྒྱུན་འབྱམས་འདྲ་མཉམ་དུ་

― JLAZ014_Page_0622 ―

^{[མ་དཔེ་གཟིགས་ན་འདིར་གནོན།]}

[Full Size]

སྣང་བས་ཕྱི་མོ་མ་ཚང་བའི་རིགས་རྣམས་བསྡུར། མཚམས་ཞུ་གསེར་དངུལ་ལྟོས་ཆེ་བ་དང་། སྲང་ལྔ་བཅུ་མའི་མཎྚལ་འཕུལ་མ་རྒྱལ་སྲིད་བདུན་ལྡན་ཚ་གསེར་ཅན། རིགས་ཀྱི་བུ་ལ་གསེར་དངུལ། གོས་དང་། རྒྱན་ཕྲེང་སྤུས་དག་དང་བཅས་པའི་ལེགས་སྐྱེསདང་། འདི་ཉིད་མ་ཧཱ་པནིྷ་པའི་ཡང་སྲིད་དུ་དོགས་སློང་བྱུང་བས་ཕྱོགས་འདིའི་བསྟན་པ་དང་སེམས་ཅན་ལ་ཕན་པ་ཡོད་ཚེ་གདན་སར་འཁོད་པ་ཞིག་ཞུ་གསུང་ཡང་། བླ་དབོན་སྡེ་བདག་ཆེན་པོའི་འདུ་འཛི་དང་། དཀོར་རྫས་ཀྱི་ལོངས་སྤྱོད་ལ་སྙིང་ཐག་པ་ནས་འཇིགས་ཤིང་སྐྱོ་བས་རང་བཞིན་ལྷུམས་ཞུགས་ཀྱི་འགྲོ་ཕན་ས་ཕྱོགས་གང་བྱུང་ཀྱང་ཆོག །སྟོན་པ་ཞལ་བཞུགས་དུས་དགྲ་བཅོམ་པ་མང་པོས་བསྙེན་བཀུར་ལ་སྐྱོ་ནས་བསླབ་པ་ཕུལ་བ་ལ་ལེགས་སོ་ཞེས་གསུངས་ན་ཚོགས་ལམ་གྱི་སྣེ་ཙམ་ཡང་མ་ཟིན་པའི་ལོག་འཆོའི་རྫས་ཀྱི་གཟི་བྱིན་བསྒྲུབ་པ་ཁྱིམ་ཆུང་སྤངས་ཁྱིམ་ཆེན་ཐམས་ཅད་ཀྱི་རྣམ་ཐར་ཏེ། མདོ་སྡེ་ལས་གཙུག་ལག་ཁང་ལ་ཁྱིམ་གྱི་འདུ་ཤེས་སྐྱེ་བར་གསུངས་པའི་ལུང་བསྟན་ཐོག་ཏུ་འབབ་པའི་ཕྱིར་རོ། །ཀཐོག་གདན་ཚབ་དགེ་རྩེ་རིན་པོ་ཆེའི་པི་ཝརྟ་ཚིག་དོན་ཤིན་ཏུ་བཟང་བ་འབྱོར། རྣམ་དཔྱོད་ཆེ་བས་བསྟན་པ་ལ་ཕན་སྙམ་སྤྲོ། ལར་ཡང་ཁམས་ཕྱོགས་པ་རྣམས་བསྟན་

― JLAZ014_Page_0623 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ལ་ཕྱག་བཞེས་ཆེ་ཞིང་། ལྷ་མ་ཡིན་གྱི་བླ་དང་མི་ལྡན་པས་བདག་ཅག་ལའང་དངས་བ་མཛད་ཙམ་ནས་སྔ་འགྱུར་བཀའ་མ་ནུབ་པ་བསྟན་པ་གཟུགས་བརྙན་དུ་འགྲོ་ཚུལ་ཡང་ཡང་གླེང་བས་དགོན་ཆེན་ཚོར་དེ་དག་གི་སྒྲུབ་མཆོད་རྒྱུན་ཚུགས། ཉི་གྲགས་གསུམ་པས་ནགས་ཤོད་རང་དགོན་དང་། རྒྱ་རོང་དགོན་བ་སོགས་སུ་རྒྱ་དངུལ། ཇ་གོས་དར། རྟ་མཛོ་མང་པོའི་གཏོང་ཕོད་ནམ་མཁའ་མཛོད་ཀྱི་སྒོ་ཕྱེ་ནས་ཀློང་ཆེན་སྙིང་ཐིག་གི་དཀྱིལ་འཁོར་མང་པོའི་སྒྲུབ་མཆོད་དང་། གླེགས་བམ་པར་བརྐོ་སོགས་བསྟན་པལ་བྱ་བ་རྒྱ་ཆེན་པོ་མཛད། བརྒྱུད་གསུངས་ལ་ཐུག་པའི་ཆོས་ཡིན་པར་མ་ཟད། བཀའ་འདུས་རྒྱ་མཚོའི་སྒོས་སྒྲུབ་རྣམས་དང་། ཕུར་པ་རྒྱུད་ལུགས་སོགས་སྔ་འགྱུར་རྒྱུད་འབུམ་ནས་བཤད་པའི་ལྷ་སྔགས་དངོས་བསྟན་ལ་རྟོན་པའི་ཆོས་ཡིན་པས་རྡོ་རྗེ་ཐེག་པའི་ཆོས་སྲུང་རྣམས་ཕྲིན་ལས་ཀྱི་སྒོ་དབྱེ་བ་ལས། དངོས་ཅག་གིས་ཆོས་བདག་འཚོལ་བ་དང་། རྟེན་འབྲེལ་བསྒྲིག་པ་སྣ་གཅིག་ཀྱང་མ་བྱས། ནགས་ཤོད་དུ་གདན་འདྲེན་ནན་ཏུར་ཆེ་ཡང་རྒ་བའི་ཆད་པས་བསྒྲུབ་མ་ནུས། ཐེག་མཆོག་གླིང་དུ་འཛུགས་རྒྱུའི་སྒྱུ་འཕྲུལ་ཞི་ཁྲོའི་ཆོག་སྒྲིགས་འདོན་བདེ་བ་བསྒྲིགས་ནས་སྒྲུབ་མཆོད་ཐེབས་ལ་སླར་ཡང་

― JLAZ014_Page_0624 ―

^{[མ་དཔེ་གཟིགས་ན་འདིར་གནོན།]}

[Full Size]

དངུལ་སྤང་ལྔ་བཅུ་ཐམ་པ་སྦྱར། མོན་ཤར་ཕྱོགས་རོལ་མ་དུ་ཡོད་པའི་སློབ་མ་ཀུ་རུ་ལུ་པ་དག་གིས་ཀྱང་ཀླ་ཀློའི་བརྟུལ་ཞུགས་ཅན་དག་དཀོན་མཆོག་ལ་སྐྱབས་སུ་འགྲོ་བ་དང་། བསྙེན་གནས། ལས་འབྲས་ལ་དངས་པ་སྟོན་པ། ལྷག་པར་སྦྲང་ཚང་སུམ་ཅུ་སྐོར་དང་། ཉ་དང་རི་དྭགས་བགྲང་གིས་མི་ལྡང་བ་ལ་བརྔན་སྦྱིན་གྱིས་བསྐལ་པའི་བར་དུ་རི་རྒྱ་ཆུ་རྒྱ་འདེབས་ཐུབ་པ་སོགས་བྱུང་བ་བླ་མའི་ཐུགས་རྗེ་ཡིན་པས། བཀའ་ཤོག་དང་བྱིན་རྟེན་སོགས་དགོས་ཚུལ་ལྟར་སྐུ་རྟེན་དང་དངུལ་སྲང་བདུན་བཅས་བསྐུར། གདུང་དཀའ་བ། སྦྱོང་དཀའ་བ། རྣམ་པར་ཤེས་པ་ལས་སུ་མི་རུང་བའི་གང་ཟག་ལ་ཆོས་འཆད་པ་ལས། སེམས་བསྐྱེད་ཀྱི་འཇུག་པས་སེམས་ཅན་གྲངས་མེད་ལ་ཕན་ཐོགས་པ་འདི་དོན་གྱི་འགྲོ་དོན་ཡིན་སྙམ་སྤྲོ་བ་འཕེལ། གདུང་བསམ་ནས་སློབ་དཔོན་འཇིགས་མེད་པས་བཀའ་འབུམ་ཆ་ཚང་སྤུས་དག་གསར་བཞེངས་དང་། ཆོས་སྤྱད་རང་ལུགས་སུ་བསྒྲིགས་པའི་བར་ཕུད་བཅས་འབྱོར། དགོན་རྩེ་རིན་པོ་ཆེ་དང་། སྡེ་དཔོན་འགྲོང་རྩེ་བ་སོགས་ལ་ཚེ་དབང་བྱས། ཕྱོགས་ཕྱོགས་ཀྱི་འདུ་བ་དང་། དཀོར་རྫས་ཀྱི་ཉེས་དམིགས་ལ་རང་ཉིད་སུན་སྣང་དང་། འགའ་ཞིག་ཁྲོ་བ་འཕེལ་ཀྱང་མི་མེད་ལུང་སྟོང་དུ་མ་བཅགས་

― JLAZ014_Page_0625 ―

^{[མ་དཔེ་གཟིགས་ན་འདིར་གནོན།]}

[Full Size]

པས་ལྷ་བུའི་བདུད་ཀྱི་འཕྲང་ལས་མ་ཐར། དེ་ལྟ་ནའང་བདུད་ལ་བདུད་དུ་ཤེས་པའི་ཕུང་པོ་ལྔ་དང་ཉོན་མོངས་པའི་བདུད་ལ་གཟུང་འཛིན་གྱི་འཆིང་བ་གཅོད་པའི་དྲན་ཤེས་དང་མ་བྲལ་བས་འཆི་བདག་གི་བདུད་དེས་རེ་ཞིག་བཏང་ངམ་སྙམ། ས་སྐྱོང་སྡེ་དགེའི་སྐུ་རིམ་དུ་མ་མགོན་ལེགས་ལྡན་དང་བཅས་པའི་བསྐང་བ་རྒྱུན་འཛུགས་དང་། སྒྲོལ་མ་ཁྲི་ཚར་མང་པོ་བཏོན་དུ་བཅུག །ཁམས་མོན་བཅོ་ལྔ་སྐོར་ལ་ཁྲིད་བཏབ། བདག་ཅག་གི་སྟོན་པའི་རིང་ལུགས་ལ་བསྡུ་བའི་དངོས་པོ་བཞི་གསུངས་པ་འདི་ངོ་མཚར་ཤིན་ཏུ་ཆེ་བས་དངོས་ཅག་གིས་ཆོས་རྒྱལ་མེས་དཔོན་གྱི་གཙུག་ལག་ཁང་ལ་བསྟི་སྟང་བགྱིས་ཤིང་། དབུས་གཙང་ལྷོ་མོན་གྱི་འདྲིས་ཅན་ཐམས་ཅད་ལའང་དེ་བཞིན་དུ་བསྐུལ་བས་དོན་མཐུན་གྱི་སྤྱོད་བས་སྟོང་མཆོད་འབུལ་མི་བསམ་གྱིས་མི་ཁྱབ་པ་བྱུང་། སློབ་དཔོན་འཇིགས་མེད་དཔོན་སློབ་རྒྱ་མཚམས་ན་གནས་པས་ཀྱང་སྔ་ཕྱིར་སྟོང་མཆོད་ཕུལ་བའི་འདི་ལོའི་སྡེབས་མཐུན་དུ་ཁྲ་འབྲུག་ལ་སྟོང་མཆོད་དང་། ཨོ་རྒྱན་ལྷ་ཁང་དུ་རྒྱ་དངུལ་སྲང་ལྔ་བཅུ་ལས་གྲུབ་པའི་མཎྚལ་འཕུལ་མ་ཚ་གསེར་ཅན་ཕུལ་ཏེ། འཇིག་རྟེན་དུ་མུ་གེ་ཞི་བའི་སྨོན་ལམ་བཏབ། སྲོང་བཙན་བམ་སོར་གདུང་ཁེབས་དང་

― JLAZ014_Page_0626 ―

^{[མ་དཔེ་གཟིགས་ན་འདིར་གནོན།]}

[Full Size]

གནམ་རྒྱན་ཕུལ། ལར་དཀོར་རྫས་ཀྱི་རིགས་ཞིང་ས་དག་པར་འཕུལ་སྦྱོར་གྱི་རྒྱུ་རྐྱེན་མ་ཚོགས་པས་ལག་ཏུ་རེ་ཞིག་ཡོད་རིང་ལའང་། ཡིད་ཀྱི་བདག་གིར་མ་བཟུང་བར་སྦྱིན་པའི་ཕ་རོལ་ཏུ་ཕྱིན་པ་རྫོགས་པའི་སྨོན་ལམ་བཏབ། བདག་ཅག་གིས་བསྟན་པ་དང་སེམས་ཅན་གྱི་དོན་བསྒྲུབ་པ་ལ་སྡུག་བསྔལ་བདག་སྲིད་ན་སྙིང་རྗེ་ཆེན་པོའི་ཡུལ་ཏེ། དངོས་ནི་དབེན་པར་ཆོས་ཉིད་ཟབ་མོའི་དོན་ལ་བརྟེན་གོམས་མང་དུས་བྱས་པའི་བྱང་ཆུབ་སེམས་དཔའ་ཡིན་པས་སུ་ལའང་ཕྲག་དོག་དང་གནོད་སྨེས་མ་མཆིས་པ་ལགས། འབྲུག་བཀྲ་ཤིས་སྒང་གི་ཀ་ཆི་ཅན་བརྒྱད་ལ་རིག་འཛིན་གྱི་དབང་དང་། ལས་འབྲས་གྱི་ཁྲིད་བཤད་ནས་གཞན་གནོད་སྤོང་བར་གདམས། གཞོང་དཀར་བླ་མ་སངས་རྒྱས་བཟང་པོས་དབེན་དགོན་གསར་འདེབས་ལ་སྔ་ལོ་རབ་གནས་ཀྱི་འདུན་པ་གཏང་པས་མངོན་རྟགས་ལེགས་ཚུལ་དང་། འདི་ལོ་རྟེན་བཞེངས་ལ་དུས་ཚེས་འགྲིགས་པའི་མེ་ཏོག་གཏོར་དགོས་ཚུལ་ལྟར་རབ་གནས་ཀྱི་དོན་པོ་བཞི་ཚང་བས་ཡེ་ཤེས་འབེབས་པའི་འདུན་པ་གཏད། སྲོང་བཙན་དུ་གོས་ཡུལ་བདུན་གྱི་མཆོད་རྫས་ཕུལ། རྒྱ་གར་རྩ་མཆོག་གྲོང་ལ་སྟོང་མཆོད་དང་། ཉེའུ་འདོན་རྒྱ་ཆེན་པོ་ལུག་ཉི་ཤུ་སྐོར་ཚེ་ཐར་བྱས། ཆབ་

― JLAZ014_Page_0627 ―

^{[མ་དཔེ་གཟིགས་ན་འདིར་གནོན།]}

[Full Size]

གཏོར་འབུམ་ཐེར་བཏང་། འབྲི་གུང་ནས་གསེར་དང་དྲི་བཟང་ཕོན་ཆེན་ནང་ནས་སྨན་སྒྲུབ་ཀྱི་ལག་ལེན་ལ་ཟིན་བྲིས་དགོས་གསུང་། གླ་གིའི་ཐོད་པ་བརྡར་འཁྲུལ་བ་དང་། དབབ་བསྐྱིལ་གྱི་སྔགས་དོན་མ་ཕྱེད་པའི་རང་ཉམས་ལ་བདུད་རྩི་བསམ་བརྒྱད་དང་། བདེ་འདུས་ལྟོ་སྦྱང་བའི་ཡིག་ཆ་ཞིག་བྱུང་ན་ལེགས། ཀྱང་མིག་སྐྱོན་གྱིས་མ་ཐུབ་པས་ཟིན་བྲིས་ཙམ་ཕུལ། འབྲས་སྤུངས་བདེ་ཡངས་བླ་མས་སྐྱབས་འཇུག་ཞུ་རྟེན་དང་བཅས་རྫོགས་པ་ཆེན་པོའི་ངོ་སྤྲོད་ཅིག་དགོས་གསུང་པ་ལ་དག་པ་གཉིས་ལྡན་གྱི་མཛོད་ཁང་བྲིས། རྫོགས་པ་ཆེན་པོའི་དོན་ཧ་ཞིག་ཀྱང་བརྩམས། རིང་འཚོའི་རྟེན་དུ་ཁ་རྫས་དང་ཕྱག་ཕྲེང་། དཔེ་རྒྱུན་དཀོན་པ་བཅས་བསྐུལ་གནང་མཛད་ནས་པདྨ་འོད་དུ་མཇལ་བའི་སྨོན་ལམ་ཞུ་གསུང་བ་ལ་མངོན་རྟགས་ལེགས་པས་ལྷག་བསམ་གྱི་ཁྱད་པར་འདི་གཞན་དང་མི་འདྲ་བར་སྣང་། ལྷ་ལྡན་དུ་རྡོ་ཚད་གསུམ་གྱིས་བསྒྲུབས། པའི་སྟོང་མཆོད་དང་། བསམ་ཡས་སུ་ཡང་སྟོང་མཆོད་ཕུལ། མངའ་རིས་གྲ་ཚང་བར་ཇ་སྐྲག་གསུམ་དང་དངུལ་སྲང་ཉེར་གཉིས་ཀྱི་མང་བཀོལ་བཏང་། ཧོར་བྲག་འགོ་དང་ཏྲེ་བོ་པ་དགེ་རྙིང་འདྲེས་པ་ཁ་ཤས་ལ་བྱང་ཆུབ་སེམས་དཔའི་སོ་ཐར་

― JLAZ014_Page_0628 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། འཁྲིད་སྤུང་ལས་འབྲས་ལ་ནན་ཏན་ཆེ་བ་བཤད། ལར་མོན་པ་དང་ཁམས་པ་སོགས་ལ་སྔོན་འགྲོའི་ཆོས་ལ་ནན་ཏན་བྱས་པས་ཤེས་རྒྱུད་ལ་ཅུང་ཕན་ནས། སྡིག་སྤོང་དགེ་བསྒྲུབ་ཀྱི་དམ་བཅའ་ཕུལ་བ་མང་དུ་བྱུང་། བོད་པ་རྣམས་ནི་ཆོས་ལ་རྒྱུས་ཆེ་བས་སྟོན་པ་དངོས་སུ་བྱོན་ཀྱང་ཐུལ་བའི་རིགས་སུ་མི་འདུག་པ་འདི་ལྔ་ཕྲག་ཐ་མའི་ཚོམ་བོས་སླེབས་པས་སྐྱོ་བའི་གནས་སུ་སྣང་། ནགས་ཤོད་ནས་ཉི་གྲགས་གསུམ་པའི་ཀློང་སྙིང་པར་ཕུད་དང་རྟ་གསེར་སྒ་དཀྲོལ་མ་རིན་ཐང་ཅན་དང་། གསེར། ཕྲེང་བ་རིན་ཐང་ཅན་དངུལ་རྟ་རྨིག་མ་གཉིས། ཆུང་ཇ་འཁོར་དྲུག་བཞི། མར་དོ་བཞི་སོགས་སྔ་ཕྱིར་འབུལ་ནོད་ཤིན་ཏུ་ཆེ་བ་དང་བཅས་པ་གདན་འདྲེན་ནན་ཏུར་ཆེ་ཡང་སྤྲུལ་སྐུ་རང་ཡང་འབྱོན་པར་བྱས། འབྲི་གུང་ནས་ཕོ་ཉ་བསྟུད་མར་གནང་ནས་ཁམས་ནས་ཆེན་གསལ་སྟོང་དགོན་གྱི་བླ་མ་ཆགས་མེད། ཡི་དམ་ཆོས་སྐྱོང་འགའ་ཞིག་གི་དབང་ལུང་རྒྱུན་སྤེལ་བ་ཆེད་མངགས་མཛད་པ་བཞིན་དོན་ཚང་བྱས། རྗེ་རཏྣ་ལ་ཟབ་གཏེར་གྱི་བཀའ་བབས་པ་ནས་འབྲི་གུང་ཕྱོགས་སྔ་འགྱུར་གྱི་རིང་ལུགས་ཅན་དུ་སོང་ཞིང་། རྙིང་མ་བཀའ་གཏེར་གྱི་ཆོས་རྩ་བ་ཆེ་བ་མཐའ་དག་མངའ་རིས་པཎ་ཆེན་རིན་པོ་ཆེ་སོགས་ལས་བརྒྱུད་དེ་དར་ཡང་ད་ལྟ་ཉག་ཕྲ་བར་སྣང་བས་སྔ་རྒྱུས་སྙན་བསྐུལ་བྱས་པ་

― JLAZ014_Page_0629 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་སྤྲུལ་སྐུ་རིན་པོ་ཆེ་འདི་དག་སྣང་དང་ཕྱག་བཞེས་ཆེ་བས་གསེར་དངུལ་དང་གོས་ཡུག་སོགས་སྦམས་ཆེ་བ་གནང་ནས། དབང་ཆོས་ཀྱི་ཐོ་ཟུར་གསལ་མཛད་པ་ཡོངས་རྫོགས་མ་ཐུབ་ཀྱང་། སྙིང་ཏིག་ཡ་བཞི། ཕུར་བ་རྒྱུད་ལུགས། ཀློང་སྙིང་། མཛོད་བདུན་གྱི་བཀའ་གཏད་སོགས་བྱས། དྲི་བ་སྣ་ཚོགས་བྱེད་པར། ལར་རྒྱུ་གཉིས་རྐྱེན་གསུམ་ཚོགས་པ་ལས་དབང་ཐོབ་པ་ཡིན་ཀྱང་། དུས་ད་ལྟ་བ་ཕལ་གྱིས་དཔེ་རྒྱུད་ཀྱི་ཆོ་ག་གསལ་པོ་ཡང་ཆ་མི་ཕྱེད་ན། དབང་བརྡ་འཕྲོད་པ་དང་ཡེ་ཤེས་མཐོང་བ་ལྟ་ཅི་སྨོས། དེ་བས་ན་བྱིས་པ་ཉེར་སྤྱོད་ཀྱི་སེམས་དོན་དང་། འཇིག་རྟེན་གྱི་འབྱོར་སྟོབས་ལ་དྲེགས་ན། རང་འབྱོར་གྱི་ཡན་ལག་ཀྱང་ཉམས་པར་བྱེད་པས་ཤཱཀྱ་ཐུབ་པའི་སྙོམས་ཆུང་ལ་གཟིགས་ནས་ཆོས་ལ་ཞུན་ཐར་ཆོད་ཅིག་སྨྲས། ཁམས་པ་རྫ་ཡུལ་བ་གསུམ་ལ་ཁྲིད་བསྡུས་པ་ཞིག་བཤད་ངེས་འབྱུང་དང་ལས་འབྲས་ཤེས་པའི་དོན་གཙོ་བོར་བཏོན་ བསྔོན་བཀའ་བློན་རྒྱང་མཁར་ལྷ་ཁང་ནས་ཆེན་ཀྱི་བྱོན་ནས་ཞག་གཉིས་བཞུགས་རིང་ཚེ་དབང་བརྒྱ་རྩ་དང་། དམ་པའི་ཆོས་འབའ་ཞིག་གི་དྲི་བ་དང་གསུང་གླེང་སྨར། བྱང་ཆུབ་ཀྱི་སེམས་རྣམ་པ་གཉིས་ལ་དངས་པ་ཆེ་བས་སེམས་ཅན་ལ་ཕན་པ་འབའ་ཞིག་གི་ངང་ནས་རྒྱལ་སྲིད་ཀྱི་བྱ་བ་རྨི་ལམ་ལྟ་

― JLAZ014_Page_0630 ―

^{[མ་དཔེ་གཟིགས་ན་འདིར་གནོན།]}

[Full Size]

བུར་གཟིགས་ཏེ་དྲན་བའི་རྒྱུན་བསྐྱངས་ནས་གཟུགས་ཅན་སྙིང་པོའི་རྣམ་ཐར་ལ་རེག་པར་འགྱུར་རོ་ཞེས་གདམས། དབྱིངས་ས་ཆེན་པོར་བཞུགས་ཀྱང་བླ་མ་ལ་བླ་མར་འཛིན་པའི་བསྟི་སྟང་འབའ་ཞིག་ལས་སྙེམས་དྲེགས་དང་ཆེ་འགྱིང་སོགས་མེད་པས་ཀ་བློ་བདེ། འདི་ལ་དཔགས་ན་མལ་ཀ་བ་ཅན་པའི་གསུང་སྒྲོས་བཞིན་ཐོས་བས་བསྲུང་། སྒོམ་པ་གཏོང་། བསྟི་གནས་དང་ཟང་ཟིང་འབའ་ཟིག་གིས་སྙེམས་པའི་རིགས་ཅན་རྣམས་ལ་ཆོས་ཀྱི་ཕན་པ་འགྲུབ་དཀའོ། ལར་དབང་དང་སྟོབས་འབྱོར་ཡོད་པ་ཙམ་གྱིས་སྡིག་རྒྱུན་ཀྱང་རང་ཤུགས་ལ་འདུ་བ་ཆོས་ཉིད་ཡིན་གཤིས་སྡེ་བདག་ཆེན་པོའི་དཀོར་རྫས་ལ་གཏོང་ལེན་གྱིས་བྲེལ་བ་འདི་ཡང་བློ་མི་བདེ་ཞིང་བསམ་གཏན་གྱི་ཚེར་མར་སྣང་ངོ། །ལར་ངས་མི་ཆོས་དང་ཡོང་བའི་ཐབས་ནི་མ་བྱས། བྱུང་བ་ལ་དགའ་ཚོར་ཡང་མེད། མཉམ་པར་བཞག་པའི་དོན་ནི་སྨྲ་བསམ་བརྗོད་མེད་ཡིན། རྗེས་ཐོབ་ཐམས་ཅད་དུ་རྫས་རྣམས་ཡན་ལག་བདུན་པས་དཀོན་མཆོག་ལ་བསྔོ་ཞིང་། རྒྱལ་བའི་ཞིང་ཁམས་རྡུལ་ཕྲ་རབ་བསྐོར་བ་བྱེད་པའི་འདུན་པས་འཆག་པ་དང་ཆབས་ཅིག་སྨོན་ལམ་རྣམ་གསུམ་ཚར་རེས་ཉུང་མཐའ་དང་བཅས་ཤིང་གསོན་འབྲེལ་ཐོགས་ལ་དམིགས་པ་ནི་ཉིན་ལྟར་རོ། །བཀའ་འགྱུར་གསར་བསླུས་དབུ་ཤོག་དང་

― JLAZ014_Page_0631 ―

^{[མ་དཔེ་གཟིགས་ན་འདིར་གནོན།]}

[Full Size]

གཉིས་རྣམས་གསེར་ཞུན་ཤ་སྟག་གིས་བརྗེས། ཞལ་ཁེབས་གསུམ་བརྩེགས། གདོང་དར་གསུམ་བརྩེགས། ཕར་ཕྱིན་ཅན་བཟང་གོས་རིན་ཐང་ཅན་དང་། གླེགས་ཤིང་། གླེགས་ཐག་རས་ལྷས་སྔོན་པོ་ཆབ་བཅས། ཀ་ཅི་ལ་སྨན་པར་བཏབ་པའི་སྒྲིལ་རྫས། ཀུན་དགའ་ར་བ། དབུ་ཐོག་རྒྱན་བཞིའི་བླ་རེ་བཅས་སྤྱིར་དངུལ་སྲང་དྲུག་བརྒྱ་ལྷག་བཅས་སོང་། ཧོར་ཏྲེ་བོ་ཚོང་དཔོན་དང་། སྒམ་ཚ་དཔོན་པོ། ཧོར་བྲག་འགོ་ནས་གླིང་ཚང་རི་འགོ་བ་བཅས་ལ་ཆོས་འབྲེལ་བྱས། ཁེ་སྨད་དང་། སྤོ་རིའི་ཡུམ། གཞིས་ཀ་གཡུང་དྲུང་དང་། དཔལ་རི་བླ་བྲང་། སྒོམ་ཆེན་དྷ་རྨཱ་སོགས་ཀྱི་བརྟན་བཞུགས་མཛད། ཚེ་གཟུངས་འབུམ་ཐེར། མངའ་གྲར་བཀའ་འགྱུར། སྲོག་བསླུ་སྦྱིན་གཏོང་སོགས་ཀྱང་བགྱིས། ས་ཚ་འབུམ་ཐེར་གདབ་དུས་གཙོ་མོ་འབྲོག་མོའི་རྣམ་པ་ཅན་མང་པོས་མཎྚལ་གྱི་ཚོམ་བུར་གཙུག་གཡུ་དང་། ལྷུང་བཟེད་སྤུབ་ཆོལ་གྱི་འབུལ་བ་དད་བཅས་བརྟན་བཞུགས་བྱས་པར་རྨིས་པས་འདི་རེས་ཀྱི་ཚེ་ཕྲེང་བསལ་བས་རྗེས་ཐོབ་ལ་ཀུན་རྫོབ་བདེན་པ་འདིའི་མི་བསླུང་ངེས་པར་སྣང་། ཁོ་ལོད་སྟོད་དུ་ཕྲིན་ལས་རྒྱལ་མཚན་གྱི་སྔ་ལོ་ལྷ་ཁང་བཞེངས་པར་འདི་ལོ་བྱམས་སྐུ་ཐོད་ཚད་མ། སྟོན་པ་དང་། སློབ་དཔོན་ཆེན་པོའི་སྐུ།

― JLAZ014_Page_0632 ―

^{[མ་དཔེ་གཟིགས་ན་འདིར་གནོན།]}

[Full Size]

དངོས་ཀྱི་འདྲ་འབག་སོགས་བཞེངས་པར་རབ་གནས་ལ་གདན་འདྲེན་ནན་ཆགས་ཆེ་བར་འགྲོ་མ་ཐུབ་ཀྱང་ཡེ་ཤེས་སེམས་དཔའ་ལ་ཉེ་འགྱང་མེད་པས་རབ་གནས་ཀྱི་འདུན་པ་ནན་ཏན་བྱས། བླ་བྲེ་ཆེ་བ་དང་། ཀ་འཕན། དུང་དཀར་ རོལ་མོ་སོགས་བསུར་བ་ལྟར་སྣང་ལ་ཁྲལ་མི་རང་བཞིག་ཏུ་སྣང་སྟེ། ད་དུང་བཀའ་འགྱུར་ཨེ་འགྲུབ་རེ་བ་སོགས་སྨེས་ཅན་གྱི་བསམ་པའི་ཁྱད་པར་འིད་བསམ་གྱིས་མི་ཁྱབ་ཅིང་དེད་ཀྱི་དངོས་པོ་རྒྱ་ཆེ་ཙམ་བསྐུལ་བས་ལ་ཡུལ་མི་རྣམས་ཀྱང་དད་པ་ཆེ་བས་ཡུལ་ལྗོངས་གསུམ་གྱི་སྦྲང་ཚང་གང་ཡོད་མི་རབས་གཅིག་གི་བར་ཚེ་ཐར་ལ་བཏང་། དེ་མཚུངས་ཆོས་མཐུན་གྱི་སློབ་མ་ཁ་རག་སྒོམ་ཆུང་པས་མོན་ཤར་ཕྱོགས་རོ་ལམ་མ་ལོང་མཁར་དུ་སྒོམ་སྒྲུབ་དང་མ་བྲལ་བར་བསྡུ་བའི་དངོས་པོ་བཞི་ལ་བརྟེན་ནས་རི་རྒྱ་ཆུ་རྒྱ་བཏབ་པས་སྲོག་ཆགས་དུང་ཕྱུར་མང་པོ་ལ་མི་འཇིགས་པའི་སྦྱིན་པ་བྱས་པར་དངུལ་དང་བྱུ་རུ་སྤོས་ཤེལ་མང་པོའི་མཐུན་རྐྱེན་བྱས། མཐའ་ཁོབ་ཀླ་ཀློའི་ལུང་པ་དཀོན་མཆོག་དང་ལས་འདྲས་ལ་དད་གུས་བཅུག་ཅིང་། ཆོས་ཉན་པ་དང་། མ་ཎི་དང་ཕྱུར། སྡིག་སྤོང་དགེ་བསྒྲུབ་ཀྱི་དམ་བཅའ་འབུལ་བའང་མང་དུ་བྱུང་བས། དབུས་ཆོས་དྲེད་ཀྱི་ལུང་པར་གྲོང་ཆོག་དང་མི་ཆོས་ཀྱི་རྣམ་གཡེང་སད་ཆོག་པ་བྱུང་། དཔལ་སྤྲུལ་

― JLAZ014_Page_0633 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་སློབ། པ་རྣམས་ཨེ་མཆི། མོན་ཧར་ནུབ། གདུང་བས་མ་ཆོས་རྗེ་སོགས་འདུས་པ་རེ་མང་ལ་ཁྲིད་ལེགས་པར་བཏབ། འདུས་པ་མདོའི་རྡུལ་ཚོན་གྱི་དཀྱིལ་འཁོར་ལ་བརྟེན་པའི་སྒྲུབ་མཆོད་ཞག་བཅུ་སྐོར་བཙུགས། རྡོ་རྗེ་བྲག་པས་མཚམས་ཞུ་རྟེན་བཅས་ཆེ་བ་དང་། ཞལ་་གདམས་རྣམ་ཐར། གཏམ་ཚོགས་གཡར་པོ་དགོས་གསུང་པ་ཐུགས་རྒྱུད་བྱིན་གྱིས་བརླབ་པའི་རྟེན་འབྲེལ་བགྲིགས། ཐིག་མཆོག་གླིང་དུ་སྒྱུ་འཕྲུལ་ཞི་ཁྲོའི་ཆོ་ག་ལེགས་པར་ཚུགས་པའི་གནས་ཚུལ་དང་། རིགས་ཀྱི་བུའི་ལེགས་སྐྱེས་བཅས་ལ་དད་ལྡན་ཆོས་འཕེལ་ལགས་ཅན་འབྱོར་བར། བསྐྱེད་རིམ་གྱི་དམིགས་ཁྲིད་དང་། ཕྱག་རྒྱ་སོགས་ལ་དག་ཐེར་བྱས། ལོ་སྟར་ཤོར་འདེགས་ཁལ་སུམ་ཅུ་སྐོར་འབུལ་རྒྱུན་ཁལ་མའི་སྤྱོད་སྤྱོད་བློས་མི་བཟད་པས་ཡང་ཡང་ལྡོག་ཀྱང་། བླ་གྲ་ཚང་མ་དད་མོས་ཆེ་བའི་ངོ་མ་ལྡོག་པས་འདི་ལོ་ནས་བཟུང་འབྲུ་རྣམས་ཀྱི་ལུག་སྲོག་བསླུ་བཏང་བའི་ལུག་རྣམས་སྔོན་ཡོད་ཚེ་ཐར་སུམ་ཅུ་སྐོར་ལ་བསྣན་ཏེ་རྒྱལ་བལ་སྒྲུབ་མཆོད་ཀྱི་ཆ་རྐྱེན་ལ་སྦྱར། སྔོན་ཆད་ཀུན་མཁྱེན་ཆེན་པོའི་གསུང་མ་དར་བས་གཏོར་རྒྱག་དང་འཆམས་དབྱངས་ཙམ་གྱི་སྔ་གྱི་གྲུབ་མཐའི་གཏིང་མི་ཕྱིན་པར་མོལ་བས། མཁན་པོ་ཤྲཱི་ནཱ་ཐ་

― JLAZ014_Page_0634 ―

^{[མ་དཔེ་གཟིགས་ན་འདིར་གནོན།]}

[Full Size]

འདི་གདུལ་དུ་རུང་བ་སྐྱེས་བུའི་མཚན་ཉིད་དུ་སྣང་བས་དོན་གཉེར་ཆེན་པོ་མཛད་པ་ལ། བདག་ཅག་གིའང་བསྟན་པ་འབའ་ཞིག་ལ་བསམས་ནས་མཛོད་བདུན། ཤིང་རྟ་སྐོར་གསུམ། གསང་སྙིང་རྩ་འགྲེལ། ཡོན་ཏན་མཛོད་རྩ་འགྲེལ་བཅས་སྡེ་དགེ་ནས་བླུ་ཡོན་སྲང་སུམ་ཅུ་སྐོར་གྱིས་བསྒྲུབས་ཏེ་གྲྭ་ཚང་སྤྱི་སོར་བྱས། མང་ཇ་སྦྱོར་སྦྲེལ་ལྔ་དང་། རྗེས་སུ་ཡི་རང་བའི་གཏམ་སོགས་བསྡུ་བའི་དངོས་པོ་བཞིས་གཞན་དོན་བྱས་པ་ཡིན། མོས་ལྡན་འབྲོང་རྩེ་ཡུམ་སྲས་ནས་རིགས་ཀྱི་བུ་ལ་ལེགས་སྐྱེས་སྦམས་མཐོ་བ་དང་། སྒྱུ་འཕྲུལ་གྱི་སྒྲུབ་མཆོད་འཛུགས་རྟེན་ཞབས་ཏོག་ཉིན་འཁྱོངས་མཛད་འདུག་པའི་དགེ་བ་རྫོགས་བྱང་དུ་བསྔོས། རབ་བྱུང་གི་གསེར་དངུལ་ལ་རེག་པའང་བཀག་ན། གསེར་དངུལ་ལ་སྙིང་ནོར་དུ་བྱེད་པ་ནི་ཁྱིམ་པ་བཀྲམ་ཆགས་ཅན་དག་དང་བསམ་སྦྱོར་གཅིག་པར་འདུག་པས། བདག་ཅག་ལ་དད་འབུལ་བྱུང་བ་རྣམས་ལ་མཉམ་ཞག་གི་ངོ་ན་གསེར་དང་བོང་བ་མཉམ་ཞིང་། རྗེས་ཐོབ་ལ་གཞན་དག་གིས་སྡིག་པའི་ཁུར་བདག་ལཱང་བཀལ་ཏོ་སྙམ་ནས་ཡང་བའི་ཕྱིར། རྒྱ་དངུལ་ཐུར་སྲང་ལྔ་བརྒྱ་སྐོར་གྱི་བཟོ་རྒྱུ་ལས་རྒྱལ་བ་མ་ཕམ་མགོན་པའི་སྐུ་སྲིད་སྐྱོང་རྟ་ཚག་རིན་པོ་ཆེས་

― JLAZ014_Page_0635 ―

^{[མ་དཔེ་གཟིགས་ན་འདིར་གནོན།]}

[Full Size]

བཞེངས་གྲོགས་མཛད་པར་བཀུས་གསེར། ཁྲི་ཟངས། ཕྲ་རྒྱན། བྱི་རུའི་ཤལ་བ། བཟོ་བོ་བཅོ་ལྔ་སྐོར་ལག་གཡོག་དང་བཅས་པའི་གླ་ལྟོ། སོལ་རིན། དཔོན་བློན་སོ་སོར་ལེགས་འབུལ་སོགས་སྤྱིར་དྲིལ་དངུལ་སྲང་ཆིག་སྟོང་སུ་མ་བརྒྱ་སྐོར་སོང་བ། གྲ་མི་ལ་བརྟེན་བསམ་ཡས་སུ་སྤྱན་དྲངས་ཏེ་ངས་ངོས་ཀྱིས་རབ་གནས་ལ་སྤྱོད། བསམ་ཡས་མཆིམས་ཕུར་མེ་མཆོད་འབུལ་ཐེར། ཚོགས་སྟོང་རྩ། བྲག་དམར་ཀེའུ་ཚང་དུ་བརྒྱ་མཆོད། ཚོགས་བསྐང་། བཟང་གོས་འཇའ་སྒྲིགས་ལ་ཏོང་སྐུད་ཚོན་སྤེལ་གྱི་ཤ་མཛར་བཏབ་པའི་གདུང་ཁེབས་ཕུལ། གླིང་སྟོདསྨད་ལ་མང་འགྱེད་བཏང་། དགོན་པས་སྦུག་ཏུ་ཨ་ནནྟ་ཚུལ་ཁྲིམས་པས་གདན་དྲེངས་ཏེ་ཐང་སྐུ་གྲྭ་ཚང་དང་། ན་བཟའ་བཞུགས་སྟན་འགྲུ་ཁལ་བརྒྱའི་འབུམ་བསྟོང་མཆོད་ཀྱི་རྒྱུར་བསྔོས། ལར་གང་ཟག་ཅང་ཤེས་པ་རྣམས་ནི་རེ་ཞིག་ཕྲལ་བྱུང་གི་མི་ཁོམ་པས་གཟིར་ཡང་ཆོས་ཀྱི་གདུལ་ཞིང་སྦྱོང་སླ་བ་ཉིད་དོ། །དེ་ནས་རྟ་མགྲིན་གླིང་དུ་ཞག་བཅུ་ཕྲག་གི་བར་དུ་བྱམས་མགོན་གྱི་དངུལ་སྐུ་ལ་བདེ་གཤེགས་འདུས་པའི་སྒོ་ནས་ཆོག་རོགས་པ་བཅོ་ལྔ་སྐོར་བཅས་ཉིན་ལྟར་དངོས་སྟ་སྦྲེལ་བའི་རབ་གནས་དང་། །ལྷ་བབ་དུས་ཆེན་གྱི་ཉིན་རབ་བྱུང་གྲྭ་ཚང་བའི་

― JLAZ014_Page_0636 ―

^{[མ་དཔེ་གཟིགས་ན་འདིར་གནོན།]}

[Full Size]

བསུ་བ་སེར་ཕྲེང་དང་བཅས་ཤིང་རྟ་འཁོར་ལོའི་སྟེང་ནས་བར་སྐོར་དུ་བྱམས་པ་ཆོས་འཁོར་ལ་སྤྱན་དྲངས་ཏེ་བར་ཁང་དུ་བཞུགས་སུ་གསོལ། བཅད་ལྡན་དཀར་པོའི་རྒྱལ་མཚན་ལ་འཇའ་ཤམ་སུམ་བརྩེགས་ཆེ་ལེགས་ཆ་དང་། གཙུག་ལག་ལྟེ་བའི་སེང་གཡེངས་ཀྱི་ལྕམ་གླིང་གྱི་མར་བྱིབ་ཁེབས་རྒྱན་བཞི་དུར་སྨྲིག་ལ་འཇའ་སྤེལ་ཅན་སྤྱིར་གོས་ཡུག་བཅུ་གསུམ་ཡོད་པའི་གནམ་རྒྱན་ཕུལ། ཕྱི་ནང་གཉིས་ཆར་ལ་སྟོང་མཆོད་རེ་དང་བཅས་རབ་གནས་རྒྱས་པ་དང་། སྲེག་བླུགས་སོགས་མཐའ་རྒྱས། གླིང་ཐམས་ཅན་ལ་བརྟན་བཞུགས་མེ་ཏོག་འཐོར། གྲྭ་ཚང་པར་རབ་སྟོན་མང་འགྱེད་དང་། ཁྲལ་མི་ཡོངས་རྫོགས་ལ་ཇ་ཐུག །རྩམ་སྦྱིན། ཊཾ་ཁ་རེའི་འགྱེད་བཏང་། རབ་གྲྭ་ཁ་ཤེས་ལ་ནཱ་རོ་མཁའ་སྤྱོད་མའི་བྱིན་རླབས་བྱས། བཀའ་བློན་ཕ་ལྷ་ཡབ་སྲས་ཟླ་མཆོད་ཀྱི་མར་བཞུ་དང་བཅས་ཆེད་ཀྱིས་བྱོན་པར་གནས་རྟེན་ཐམས་ཅད་ལ་མཆོད་འབུལ་དང་སྨོན་ལམ་ལྷན་ཅིག་ཏུ་བྱས། བྱང་ཆུབ་སེམས་དཔའི་སྡེ་སྣོད་ལས་བརྩམས་ཏེ་སྨོན་འཇུག་གི་བསླབ་བྱ་སེམས་ཅན་ལ་ཕན་པ་འབའ་ཞིག་མཛད་དགོས་པར་གདམས། གསེར་དངུལ་ཇ་གོས་དར་འབྲུའི་བརྒྱ་འབུལ་སོགས་ཀྱང་ཁྱབ་བ་འདུ་བྱེད་ཀྱི་སྡུག་

― JLAZ014_Page_0637 ―

^{[མ་དཔེ་གཟིགས་ན་འདིར་གནོན།]}

[Full Size]

བསྔལ་དུ་རིག་བའི་ངང་ནས་མཆོད་སྦྱིན་འབའ་ཞིག་གི་རྒྱུར་བསྔོས། ཟུང་ཕུ་ལྷ་སྟིངས་སུ་རབ་གནས་ལ་གདན་དྲངས་པ་བཞིན་དངོས་སྟ་ཉིན་གསུམ་མ་དང་། བསྐང་བཤགས་སོགས་བགྱིས། བླ་མ་རིན་པོ་ཆེའི་སྐུ་འབུམ་ལ་སྙན་ཤལ་དང་། གྲྭ་བཙུན་རྣམས་ལ་མང་ཇ། ཊཾ་འགྱེད་བཏང་། རྡོ་བྲག་སྤྲུལ་སྐུ་རིན་པོ་ཆེའི་གདན་འདྲེན་འབྱོར། བྲག་ཆེན་ཕུར་པའི་ཡ་ལོགས་སུ་མགྲོན་གཉེར་ཅན་གྱི་ཐབ་བསུ་དང་། རྒྱ་སྒོའི་ཕྱི་ལོགས་སུ་གྲྭ་ཚང་ཡོངས་རྫོགས་ཀྱི་རོལ་ཆ་དང་བ་དན་སྒྲེང་བའི་སེར་ཕྲེང་། སྤྲུལ་པའི་སྐུ་རིན་པོ་ཆེ་གཟིམ་ཆུང་ཕྱི་ལོགས་སུ་ཕེབས། བསྟི་སྟང་བླ་ན་མེད་པ་མཛད། དགུང་ལོ་བཅུ་དྲུག་པ་ཉིད་ཀྱང་བླ་མ་བསྟན་ཚུལ་ཇི་བཞིན་མཁྱེན། གྲྭ་ཚང་ལམ་ཇ་སྦྱོར་སྦྲེལ་དང་། སྐལ་འགྲོ་སུམ་བརྒྱ་སྐོར་ལ་ཊཾ་ཁ་རེ་བཏང་། འདྲ་འབག་གསར་བསྐྲུན་དང་གཙུག་ལག་ཁང་སྤྱིར་རབ་གནས་རྒྱས་པ་མཐའ་རྟེན་ཅན་བྱས། སྐུ་འཁྲུགས་ཅུང་ཟད་འདུག་བ་ལ་ཚེ་དབང་དང་། མེ་མཆོད། ཚོགས་བརྒྱ་སོགས་བསྒྲུབས་པས་འཕྲལ་དུ་དངས། ཀློང་ཆེན་སྙིང་ཐིག་གི་ཁྲིད་དང་འབྲེལ་བར་བྱང་སྡོམ་ལེགས་པར་ཕོག །ཕྱག་ལེན་དམིགས་ཁྲིད་ཀྱི་ཁྱད་ཀྱིས་སྨན་སྒྲུབ་ཞིག་འཛུགས་དགོས་གསུང་བར་བསྒྲུབ་པའི་དོན་པོ་

― JLAZ014_Page_0638 ―

^{[མ་དཔེ་གཟིགས་ན་འདིར་གནོན།]}

[Full Size]

བསྐྱེད་རྫོགས་དང་བཟླས་རྒྱུན་མེད་ན། འབག་འཆམས་དང་རྔ་རོལ་གྱི་དངོས་གྲུབ་མི་ཐོབ་པས་དཀྱིལ་འཁོར་བདུན་དང་སྦྱོར་བ་བརྒྱད་ཀྱི་དམིགས་ཁྲིད་ནན་ཏན་དང་། ཉིན་མཚན་གསུང་མི་ཆག་གི་བཟླས་རོགས་པ་གྲྭ་པ་དྲུག་ཏེ་མོས་བྱས། གྲོལ་དབང་ལ་དོལ་བ་དང་ཉེ་སྐོར་བ་བདུན་བརྒྱ་སྐོར་འདུས། དཀྱིལ་འཁོར་དེ་ཁའི་སྟེང་ནས་སྐུ་རྐྱང་ལ་བཀའ་བརྒྱད་རྣལ་འབྱོར་རྒྱུན་དབང་། མཁའ་འགྲོ་སྙིང་ཐིག་དང་། ཀློང་སྙིང་གི་དབང་། སྙིང་ཐིག་ཡ་བཞི་ཀ་དང་། སྔ་འགྱུར་རྒྱུད་འབུམ་ཡོངས་རྫོགས་ཀྱི་བཀའ་གཏད་སོགས་ཀྱང་བྱས། དེ་ཁའི་རིང་དབང་། བསྐྱེད་རིམ་རྫོགས་རིམ། བཤད་བ་སོགས་ཆོས་ཀྱི་གཏམ་འབའ་ཞིག་ལ་སྦྱར་མོད་དེ། དམ་པའི་སྐྱེས་བུ་རྣམས་ཀྱང་སྡིག་ཏོ་དང་། བྱིས་གྲོགས་བླུན་པོའི་གཞན་དབང་ལས་ལྡང་མི་ནུས་པ་མང་བས་མཐུད་པ་ཇི་ལྟ་ཞིག་འོང་། བྲིས་ཐང་མང་པོ་ལ་སོར་རྗེས་དང་རྒྱབ་ཡིག་བཏབ། བྱང་བདག་གི་དུས་ཡབ་སྲས་སུ་འབྲེལ་བའི་རྟེན་འབྲེལ་ལས་ཡིན་ནམ། རང་སྟོབས་ལས་བྱུང་བའི་ཐུགས་མོས་ཆེ་བར་འདུག་པས་སྙེན་བསྐུལ་ཟོལ་སྦྱོར་མེད་པ་དང་། གྲྭ་ཚང་གི་ཚོགས་དཔོན་ཡིན་པས་རིག་འཛིན་པད་ཕྲིན་གྱི་རྣམ་ཐར་བསྐྱང་དགོས་ཞུས། སྐུ་གསུང་ཐུགས་རྟེན། ན་བཟའ་ཆ་ཚང་། གསེར་དངུལ་རྡོ་ཚད་ཇ་གོས་

― JLAZ014_Page_0639 ―

^{[མ་དཔེ་གཟིགས་ན་འདིར་གནོན།]}

[Full Size]

དར་ལ་སོགས་པའི་འབུལ་བ་སྦམས་ཆེ་བ་དང་བཅས་བརྟན་བཞུགས་ལེགས་པར་མཛད། གསོལ་མར་འབོལ་བའི་ཕྱིར་རུ་བ་སྦྲ་གུར་དང་བཅས་པ་ཞིག་འབུལ་གསུང་ཡང་། ངེད་བྱ་བྲལ་དུ་སྡོད་པ་ཡིན་པས་དེ་རིགས་མི་ཞུ་བྱས། བྱང་ལུག་གཉིས་སྲོག་བསླུ་བཏང་། གཙུག་ལག་ཁང་སྟེང་ཤོད། རྒྱབ་རི་དང་བཅས་པར་མེ་ཏོག་གཏོར་བསྐུལ་མ་གནང་བ་བཞིན། འདུ་འཛི་ལ་སྐྱོ་བའི་གཏམ་དང་། ཀུན་བཟང་སྨོན་ལམ་གྱི་འགྲེལ་བ་ཉུང་དུ་ཞིག་བྱས། སྦྲགས་མདའ་བར་མགྲོན་གཉེར་ཅན་གྱི་ཕེབས་བསྐྱེལ་བཅས་མཛད། རང་གནས་སུ་འབྱོར་ཕྲལ་ཐེག་མཆོག་གླིང་པའི་གཉེར་རྙིང་ཅན་ལ་འཁྲིད་བཏབ་ཅིང་། འཇོན་དམར་གྱི་སྒྲོལ་མ་དང་། དངུལ་སྲང་ལྔ་བཅུ་སོགས་ཀྱིས་བརྟན་བཞུགས་རྒྱས་པར་ཕུལ། སྡེ་དགེའི་མི་སྣ་དང་བཅས་པའི་མཚམས་ཞུ། རིགས་ཀྱི་བུ་དང་བཅས་སོ་སོར་རྒྱ་གདུགས། ཏོང་སྐུད་ཚོན་སྤེལ་ལ་དངོས་ཤེལ་གྱི་དྲ་ཕྱེད་ཅན་དང་། མཛོད་གསར་རྙིང་གིས་གཙོས་པའི་སྐུ་གསུང་ཐུགས་རྟེན། རྒྱུད་འབུམ་གྱི་བར་ཕུད་པོད་གཉིས། དྲིལ་བུ་གསེར་མགོ་མ་དང་དངུལ་འགོ་མ། ཐོད་ཌཾ་གསེར་ཤན་མ། ཏིང་ཤགས་དངུལ་གྱི་ཉམ་ཐག་ཅན། གསེར་རྡོ་ཚད་གཉིས་དང་། ཝ་རྩག །བཟང་ཇ་འཁོར་དྲུག་གསུམ་བཅས་འབྱོར། རྒྱ་རོང་དབོན་པོ་སྐུ་སྐྱེ་རིན་པོ་

― JLAZ014_Page_0640 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེས་གཙོ་རྫོགས་ཆེན་གྱི་དགོན་པ་མ་ལག་ཕལ་ཆེར་གྱི་བླ་མ་བླ་མཆན། གྲྭ་ཚོགས་སུམ་བརྒྱ་སྐོར་རིམ་པས་འབྱོར་བ་ལ་དབང་ཁྲིད་ཟར་མ་ཚགས་སུ་བྱས། ཤར་ཁྲིད་ཚིག་རྫོགས་ཀྱི་ཤེས་རྒྱུད་གྲོལ་བར་དཀའ་མོད་དེ་ལུག་བཞི་བརྒྱ་སྐོར་གྱི་སྲོག་བསླུ་བ་དང་། ཚེ་མཚམས། མ་ཎི་དུང་ཕྱུར་སོགས་ཀྱི་དམ་བཅའ་འབུལ་མི་བྱུང་བའི་དགེ་བས་བསྔོས། བསྟན་པའི་གཞི་མ་འདུལ་བ་ཡིན་པར་མ་ཟད་སྔགས་ལམ་ལ་ཞུགས་ཀྱང་གང་ཟག་ཚོགས་ཀྱི་ལམ་པ་ནི་སྤྱོད་སྡོམ་པའི་ཚུལ་ཁྲིམས་ལ་གཙོ་བོར་འདོན་དགོས་ཤིང་ད་ནིབ་སྟན་པ་རྟགས་ཙམ་ལ་ཉེ་བས་བླངས་འདས་སོར་མི་ཚུད་པར་སྣང་ཡང་། རྩ་བཞི་ཆང་དང་བཅས་པ་སྤོང་སེམས་བརྟན་པ་རེ་ཙམ་བྱུང་ན་ཡང་ཕན་ཐོགས་བ་སྲིད་སྙམ། དཀོན་མཆོག་བརྩེགས་པ་ནས་བཤད་པའི་ཐེག་བ་ཆེན་པོའི་གསོ་སྦྱོང་ཕོག །མཛོད་ལས་འཚལ་བའི་ཚུལ་ཁྲིམས་མི་དགེའི་གཟུགས། ཞེས་བཤད་པས་གཞན་གནོད་གཞི་བཅས་པ་ཡང་མ་སྤངས་ན་ཐེག་པ་གོང་འོག་གཉིས་ཀ་དང་འགལ་བ་ཡིན་ནོ་ཞེས་བཤད་ཅིང་། སྔགས་ཀྱི་བརྟུལ་ཞུགས་བག་ཡངས་སུ་སྤྱད་ཆོག་པའི་ལུང་སུ་ལ་ཡང་བསྟན་པ་མེད་དོ། །རྒྱ་རོང་ཚང་ལ་སྙིང་ཏིག་ཡ་བཞི། རྣལ་འབྱོར་རྒྱུན་དབང་། ཀློང་སྙིང་དགོས་སྒྲུབ་དང་བཅས་པ། བཀའ་མའི་ཡང་དག །དོང་སྤྲུགས།

― JLAZ014_Page_0641 ―

^{[མ་དཔེ་གཟིགས་ན་འདིར་གནོན།]}

[Full Size]

སངས་རྒྱས་མཉམ་སྦྱོར། ཕུར་པ་སོགས་མང་དག་བགྱིས། གསེར་སྲང་ལྔ་། དངུལ་སྲང་བརྒྱ་དང་། བཟང་ཇ་འཁོར་དྲུག་ལྔ་སོགས་པའི་འབུལ་ནོད་དང་བཅས། རིང་འཚོལ་མཛད་པས་དཀོར་རྫས་ཀྱི་འདམ་རྫབ་ཏུ་ཆུད། དེ་ཀུན་ཀྱང་ལྷའི་བུའི་བདུད་དི་རིག་ནས། ཡ་ང་བའི་གནས་སུ་མཐོང་བ་ལས་དགའ་བྲོད་དང་རློམ་སེམས་མེད་ཀྱང་། དེ་མ་ཐག་དཀར་པོ་རྣམ་པར་འཕེལ་བའི་རྒྱུ་རྐྱེན་མ་ཚོགས་པས། བསམ་གཏན་གྱི་ཚེར་མ་བྱུང་དོགས་པས་དཀོན་མཆོག་འབའ་ཞིག་གི་ཕྱོགས་སུ་མཎྚལ་དུ་ཕུལ། རིགས་ཀྱི་བུ་འདི་ཡང་རྫོགས་ཆེན་པའི་ཡང་སྲིད་ཡིན་ཚུལ་ནན་ཏན་ཆེ་ཡང་། དེ་འདྲའི་བརྟག་པ་ནི་མ་གསལ། སྤྲུལ་སྐུ་མྱུར་འབྱོན་དང་ལུང་བསྟན་སོགས་སྔར་བྱས་བ་དེ་ལྟར་ཡིན་ངེས། སྐུ་སྐྱེ་ཕལ་ཆེར་ཀ་ཁ་མི་ཤེས་པ་ནས་ཁྲི་མཐོན་པོར་བཞག །ཐོས་བསམ་སྒོམ་སྒྲུབ་ལ་གཡེང་བས་སྐུ་ཚེ་ཡང་མཐར་མི་ཕྱིན་པ་མང་བས་དེ་རིགས་ཀྱི་འདོད་གཏན་ནས་མེད་ཀྱང་། འདི་ལ་ནི་སྔ་ལོ་ནས་འབྲི་གུང་པས་ངོས་འཛིན་བརྟག་དཔྱད་བྱུང་དུས་གོང་མའི་ཕྱག་ཕྲེང་དང་དབུ་ཞྭ་འདྲ་ཅོག་དང་གཉིས་བསྟན་དུས། ངོ་མ་ལ་རེག །དབུ་ཞྭ་གྱོན་ནས་སྤྱན་མཆི་མས་གང་སྟེ་སྣང་ཞལ་བྱེ་མ་ཐག་ནས་ང་འབྲི་གུང་བླ་མ་ཡིན། གྲ་པ་

― JLAZ014_Page_0642 ―

^{[མ་དཔེ་གཟིགས་ན་འདིར་གནོན།]}

[Full Size]

མང་པོ་ཡོད། འབྲི་གུང་ལ་འགྲོ་ཞེས་ཉིན་ལྟར་རྒྱུན་མི་འཆད་དུ་གསུང་བ་ཕྱི་ནང་རྒྱུས་ཅན་ཐམས་ཅད་ལ་གསལ་བ་ལྟར་ཡིན་པས་སྲིད་པ་ལས་ཀྱིས་བསྐོས་པ་ལ་བསྒྱུར་བཀོད་མ་ཐོངས། རྒྱ་གར་ནས་གླང་པོ་ཆེའི་འབུམ་བ་རྨིས་པ་བཞིན། ཡངས་པ་ཅན་གྱི་ལི་ཙ་བྱི་དྲི་མེད་གྲགས་པ་དང་། མགོན་པོ་ཀླུ་སྒྲུབ་ཀྱི་སྤྲུལ་པར་རྩོད་པ་མེད་པ་འབྲི་གུང་འཇིག་རྟེན་མགོན་པོའི་སྐྱེ་བ་རིམ་བརྒྱུད། རྗེ་རིན་ཆེན་ཕུན་ཚོགས་ཀུན་མཁྱེན་ཤཱཏྟ་པུ་རི་པའི་རིགས་བདག་ཏུ་ཐོབ་པས་བདག་ཅག་དང་ཆོས་རྒྱུད་གཅིག་པའི་རྟེན་འབྲེལ་དང་། ལྷ་སྲས་མུ་ཁྲི་བཙན་པོ། སྤྲུལ་སྐུ་ཟླ་བ། ཆོས་ཀྱི་གྲགས་པ། ད་རེས་དང་བཅས་སྐྱེ་བ་བཞིའི་བར་ཡབ་སྲས་སུ་འབྲེལ་བ་ཉིད་དོ། །མདོ་ཁམས་རྒྱ་སྡེ་ཞེའུ་དཔོན་ཡང་གསེར་རྡོ་ཚད་དང་བཅས་མཇལ་ཁ་བྱུང་། ཀློང་ཆེན་སྙིང་ཏིག་རིག་འཛིན་གྱི་དབང་སོགས་དགོས་གསུང་པ་བཞིན་བྱས་ཁོང་གི་སྡེ་དགེ་ནས་བདེན་རྣམ་ཤིང་རྟའི་པོད་གཉིས་ཀྱང་བསྒྲུབས་འདུག་མཚོ་སྔོན་པོ་ནས་སོག་པོའི་རྒྱལ་པོ་ཆིང་ཝང་ཡང་རྡོ་བླ་དང་མཆོད་ཡོན་གྱི་རྟེན་འབྲེལ་ལས་གསེར་དང་གོས་ཡུག་གི་རྟེན་བཅས་མཚམས་ཞུ་དང་། ཁྱོད་དང་ཐུགས་ཡིད་འདྲེས་པར་གསོལ་བ་འདེབས་པ་ལ་རྗེས་སུ་གཟུང་ཞེས་སྣང་བ་བླ་མཆན་འཇིགས་མེད་ལས་བརྒྱུད་

― JLAZ014_Page_0643 ―

^{[མ་དཔེ་གཟིགས་ན་འདིར་གནོན།]}

[Full Size]

དེ་ཕེབས་པས་སྐྱེས་ལན་དམ་མདུད་དང་། བླ་སྐུ་སོགས་བསྲིངས་། སྒོམ་ཆུང་ཅན་བསྙེན་བར་རྫོགས་པ་ལ་འདུལ་བའི་བསླབ་བྱ་བསྟན་དེ་མཐའ་འཁོབ་ཏུ་བསྟན་པའི་མིག་ལྟོས་ལ་གཅེས་སྤྲས་བགྱིད་པར་གདམས། དངུལ་སྲང་ཉི་ཤུ་སྐོར་རི་བའི་བསྔོ་རྟེན་གྱི་རྒྱན་ཆ་བསྐུར་ཏེ་སྦྲང་ཚང་དང་ཉ་སྲོག་བསླུ་བར་གདམས། སྡེ་དགེར་ཇོ་བོར་འབུལ་རྒྱུའི་གསེར་སྲང་དྲུག་ཅུ་རེ་ལྔ་དང་ཞོ་གང་ལས་གྲུབ་པའི་གསེར་གྱི་འཁོར་ལོ་བརྡུང་རྒྱུ་དང་། ཀི་ལུང་དགོན་གསར་དུ་མཆོད་རྫས་བཟོ་རྒྱུའི་གོས་ཡུག་དྲུག་བསྐུར། རང་གནས་ཀྱི་བཀའ་འགྱུར་དབུ་ཤོག་དང་གཉིས་ཀྱང་གསེར་ཡིག་གི་བརྗེས། ཞལ་ཁེབས་གསུམ་བརྩེགས་ཕུལ། དྭགས་སྟོད་གླིང་པ་སྐུ་སྐྱེར་ཁྲིད་དབང་སྨིན་པར་བྱས། རིགས་ཀྱི་བུ་རྒྱལ་སྲས་ཉིན་བྱེད་འོད་ཟེར་ཀྱང་དབུར་སྟོད་འབྲི་གུང་དུ་སྤྱན་འདྲེན་གྱི། རྟ་ཁལ་ཉིས་བརྒྱ་སྐོར་དང་བཅས་སྒར་གྱི་མཁན་སློབ་དྲུང་འཁོར་རྣམས་འབྱོར། ཕ་བུ་ལྷན་རྒྱས་ལ་རིང་འཚོའི་རྟེན་འབྲེལ་སྐུ་གསུང་ཐུགས་རྟེན། མཎྚལ། གསེར་རྡོ་ཚད། རྟ་རྨིག་མ་གཉིས་དང་། ཊཾ་སྲང་བརྒྱ་ཐམ་པ། གོས་ཡུག་སྣ་ལྔ་བཅས་སྦམས་མཐོ་བར་སྣང་། དལ་འགྲོས་ཀྱི་ཐོག་བསམ་ཡས་སུ་བཅགས་མལ།

― JLAZ014_Page_0644 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་མཆོད། གནས་མཇལ་རགས་རིམ་མཛད། རིམ་གྱིས་གམ་པ་ལ་བརྒྱུད་རྒྱ་མ་ཁྲི་ཁང་དུ་གདན་འདྲེན་ཞག་བཞུགས་ལ་དཀར་སྤྲོ་གསོལ་སྟོན་རྒྱས་པ་དང་འབུལ་ནོད་བཟང་། འབྲི་གུང་རང་གི་དགོན་པ་ཆེ་ཕྲས་མཚོན་ལྷ་སྡེ་ཁག་དང་། མལ་གྲོ་རྫོང་དཔོན་བདེ་མཁར་བས་མཚོན་མི་སྡེ་ཁག་གི་དཀར་སྤྲོ་དང་ཆིབས་བསུ་ཞྭ་རིགས་མི་མཐུན་པ་ལྔ་བརྒྱ་ཙམ་དང་། བཅས་ཀླུངས་ཤོད་ཕོ་བྲང་བརྩེ་བར་ཕེབས། དངུལ་སྲང་བརྒྱ་ལ་སྐོར་བའི་མཇལ་རྟེན་ཕུལ། མཇལ་དར་རྩེ་སྤྲོད་གནང་། ཉིན་ཞག་མང་པོའི་བར་ཁྲི་འབུལ་གྱི་ཡོ་ལངས་དང་། བྲོ་ཤོན་བྱ་མཁན་སོགས་རྩེད་སྣ་མང་པོས་རྨོངས་ཆེན་རྣམས་མགོ་འཁོར་ཡང་། ཤུགས་མི་ཐུབ་ཀྱི་སྲོག་གཅོད་སོགས་སྡེ་སྟོབས་ཆེན་པོའི་རྣམ་ཐར་ལ་སྐྱོ་བ་ཤིན་ཏུ་འཕེལ། མཚུར་ཕུ་གདན་ཚབ་པས་ངོས་ལ་བོད་ཀྱི་ཆོས་ལུགས་ཐ་དད་པའི་ལྟ་སྒོམ་སྤྱོད་པ་གང་ཡིན་གྱི་དྲི་བ་བྱས་བྱུང་བར། རྫོགས་པའི་སངས་རྒྱས་ཀྱིས་གདུལ་བྱའི་ཁམས་དང་། དབང་པོ་དང་། བློ་མཐུ་དང་འཚམས་བར་སྟོན་པའི་ཕྱིར་དུ། གྲུབ་མཐའ་སྨྲ་བ་བཞི་དང་། རྒྱུད་སྡེ་བཞིའི་ངེས་འབྱེད་གསུངས་པ་ལ་མཐའ་དྲུག་དང་ཚུལ་བཞིའི་རྣམ་པར་རིགས་བྱེད་ཀྱི་བཤད་པའི་དགོངས་འགྲེལ་ནི་རྒྱན་དྲུག་མཆོག་གཉིས་ལ་སོགས་

― JLAZ014_Page_0645 ―

^{[མ་དཔེ་གཟིགས་ན་འདིར་གནོན།]}

[Full Size]

པས་མཛད་ཟིན་ལ། བོད་དུ་བསྟན་བཅོས་སྨྲ་བ་ཕལ་མོ་ཆེ་ནི་འགོག་བདེན་ལྷོངས་སུ་མ་གྱུར་བཞིན་དུ། ལམ་བདེན་ལ་སོ་སོའི་རྒྱུད་ཚོད་ཀྱི་དཔགས་པའི་གྲུབ་མཐའ་དང་ཆོས་ལུགས་རེ་བཅོས་པ་མིན་ན་རུང་སྟེ། ངས་ནི་རྟག་ཏུ་མཉམ་པར་བཞག་པས་ཤེས་རྒྱུད་འདི་སྨྲ་བསམ་བརྗོད་མེད་དུ་སོང་། དེ་ལ་ནི་ལྟ་སྒོམ་མཐོ་དམན་གྱི་བློ་དང་། གྲུབ་མཐའི་དགག་བཞག་གི་ཆོས་ཟད་བ་ཡིན་པས་སུ་ལའང་ཆགས་སྡང་དང་རྩོད་པ་མི་བྱེད་པ་ཡིན་ནོ། །ཞེས་པའི་དོན་ཚིགས་སུ་བཅད་དེ་བཤད། རྨི་ལམ་དུ་རང་ཉིད་འདུག་པའི་གཟིམ་ཆུང་དུ་རྐང་པ་འཆག་པའི་སྣང་བ་ལ་རྣམ་ཐོས་ཀྱི་བུ་ཡིན་ཟེར་བའི་སྐྱེས་བུ་ལུས་སྟོབས་བྱིངས་ལས་ཆེ་བ་གསེར་གྱི་ཁ་དོག་ཅན་ཞིག་སྟན་ལ་འདུག་པའི་མདུན་ན་མར་མེའི་ཀོང་བུ་སྤར་ཆོག་མ་བརྒྱ་ཚར་སྒྲིགས་འདུག་པ་རིགས་ཀྱི་བུ་ལ་རྟེན་འབྲེལ་བཟང་ངམ་སྙམ་ཞིང་། ཁོང་གཟི་བྱིན་ཆེ་བས་རྣམ་ཐོས་ཀྱི་བུ་རང་ཡིན་ན་ཕྱག་ཅིག་བྱེད་དགོངས་སམ་སྙམ་པའི་སྐད་ཅིག་མ་གཉིས་པ་ལ། སློབ་དཔོན་པདྨ་བྱོན་ན་མ་གཏོགས་ཕྱག་རང་མི་དགོས་སྙམ་ཆེ་ཚང་པས་ཕུར་པ་རྒྱུད་ལུགས་ཀྱི་དབང་ཞིག་གསན་སོང་། དེ་ནས་རྫོང་གསར་བརྒྱུད་ཐེལ་གྱི་ཁྲི་འདོན་ལ་འབྱོན། ཐེབ་པ་རྣམས་ལ་མང་ཇ་གསུམ་

― JLAZ014_Page_0646 ―

^{[མ་དཔེ་གཟིགས་ན་འདིར་གནོན།]}

[Full Size]

དང་། སྲང་དྲུག་ཅུ་ལྷག་བཅས་ཀྱི་འགྱེད། བཙུན་ཆུང་དབུལ་པོ་རྣམས་ལ་སྦྱིན་གཏོང་གང་དྲག་བྱས། ཐེག་ལ་རབ་གནས་ཉིན་གཉིས་མ་དང་། སྦྱིན་སྲེག་བྱས། རི་པ་རྣམས་ལ་སྒོམ་གྱི་ཞལ་གདམས་བྲིས། གཏེར་སྒྲོམ་གྱི་ཐིལ་འབྲོང་དུར་དུ་བཞུགས་རིང་ཚོགས་སྟོང་ཚར། མེ་མཆོད་གོ་མཚུངས་བཅས་བྱས། རིན་ཆེན་ཕུན་ཚོགས་ཀྱི་རྡོའི་གཟིམ་སྒྲོམ་དུ་ཅུང་ཟད་བསྡད། གནས་དེར་གཡོ་བ་དང་ཆབས་ཅིག་མི་གཉིས་ཀྱི་མགོ་བཅད་དེ་གཅིག་ཟབ་ལ་སྒྱུར་བའི་སྣང་བ་དང་། ཅིག་ཤོས་མ་སྒྱུར་བ་ནི་མཐོང་སྤངས་སྤོང་བཞིན་པ་དང་སྒོམ་སྤངས་མ་དག་པའི་སྟས་སུ་གོ་མཁའ་འགྲོ་སྡེ་ལྔའི་གཙོ་མོས་དབང་གསུམ་པའི་ལྷན་སྐྱེས་ཀྱང་སྩལ་བས། དབང་དོན་དང་སྦྱར་བའི་རྡོ་རྗེའི་གླུ་གར་ཀྱང་བླངས། རི་པ་དྲུག་ཅུ་སྐོར་ལ་མང་ཇ་དང་འགྱེད་ཀྱང་བྱས། གཏེར་སྒོམ་གྱི་གཟིམ་ཕུག་ཏུ་སློབ་དཔོན་ཆེན་པོའི་བཞེང་རྒྱུའི་དབུའི་བཟོ་བཀོད་དང་། སྲོག་ཤིང་སྟོགས་སྟ་གོན་བྱས། ནམ་ཟླ་དྲོས་ནས་བཞེང་རྒྱུར་དངུལ་གསུམ་ཇ་སྦག། འབྲུ་ཁལ་དྲུག། བཟོ་བོ་ལ་ཤམ་ཐབས་དང་གཟན་རྣམས་བཞག་ཆུ་ཚན་དེ་བྱིན་རླབས་ཤིན་ཏུ་ཆེར་སྣང་། ས་འབྲིའི་ཆགས་སྡང་ལ་བརྟེན་ནས་ཐིལ་གྱི་དགོན་པ་སྟོངས་ཤུལ་མཐོང་བས་བསྟན་བཅོས་མཁན་པོ་རྣམས་

― JLAZ014_Page_0647 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་འདོད་ཞེན་ཀྱི་དགག་སྒྲུབ་འདི་བསྟན་པའི་རྨ་འབྱིན་ཆེན་པོར་འདུག་སྙམ་སྐྱོ་བ་འཕེལ། ཡང་རི་སྒར་དུ་མང་ཇ་སྦྱོར་སྦྲེལ་གསུམ་དང་། དངུལ་སྲང་དྲུག་ཅུ་རེ་ལྔའི་འགྱེད་བཏང་། ཁྲི་འབུལ་གྱི་ཟི་སྦིར་དང་དཀོར་རྫས་ལ་ལོངས་སྤྱད། རིན་པོ་ཆེ་རྣམ་གཉིས་དང་ཐིལ་སྤྱི་མཁན་སློབ་དྲུག་འཁོར་བཅས་ལ་འདུས་པ་མདོ་དབང་ཆེན་མོ་བཤད། མདོ་སྔགས་ཀྱི་བསྟན་པ་ཡོངས་སུ་རྫོགས་པའི་ཆོས་འཁོར་ཆེན་པོ་ཡིན་པས་རྡོ་རྗེ་བྲག་དང་། ་ལྷོ་བྲག་ཐུགས་སྲས་པ་གཉིས་ཀྱང་འབྱོན་ཐུབ་ན་བསམས་བརྡ་སྦྱར་ཏེ། ཆོས་ཉམས་དང་དོན་གཉེར་མེད་པའི་གཉིས་འཐུང་གི་ཁྲོད་ནས་ལྡང་མ་ནུས། ས་ཁོ་ལ་བུར་གཡོ་བའང་ལན་གསུམ་བྱུང་སྟེ། དབུར་སྟོད་ཕྱོགས་སུ་དཀྱིལ་འཁོར་ཆེན་པོ་འདི་ཞལ་ཕྱེ་བའི་རྟེན་འབྲེལ་དུ་མངོན། དཀྱིལ་ཐང་དང་ཙ་ཀླི་ཡོངས་རྫོགས་གསར་བཞེངས་དང་། དབང་གི་སྙེལ་བྱང་སོགས་ལའང་དོ་གལ་ཆེ་ཞིང་གསེར་དངུལ་ཇ་གོས་དར་སོགས་འབུལ་ནོད་ཀྱང་རླབས་ཆེ། སྡེ་དགེར་རིན་ཆེན་དབང་རིལ་སྦྱར་བའི་སྨན་ཕུད་དང་མཚམས་ཞུ་རྟེན་བཅས་དང་། མཚོ་སྔོན་པོར་རྒྱལ་ཁག་ཆེ་བ་ཞིག་གི་རིགས་རྒྱུད་ཆད་པ་རང་སློབ་རྡོ་བླ་འཇིགས་མེད་ཕྲིན་ལས་ནས་མངོན་གྱུར་གྱི་ཕན་ཐོགས་བྱུང་བར་ལ་བརྟེན། རྨོངས་པའི་ཀུན་སློང་གི་

― JLAZ014_Page_0648 ―

^{[མ་དཔེ་གཟིགས་ན་འདིར་གནོན།]}

[Full Size]

ཕྱོགས་བསླད་པའི་ཆོས་ལ་ཕྱོགས་རིས་ཀྱི་ལོག་རྟོག་ཞི་བའི་སྟེང་། རྒྱལ་པོ་ཆིང་ཐང་དང་། དགེ་བཤེས་གཟུ་བོར་གནས་ང་དག་གིས་ཡོན་ཏན་མཛོད་རྩ་འགྲེལ་མཐོང་ནས་སྔ་འགྱུར་ལ་སོག་རྟོག་གི་སྡིག་རྒྱུན་ཆད་ཅིང་། ཁོང་གི་ཕྲིན་ལས་ཀྱང་དགག་མི་ནུས་པར་སོང་བས་གསེར་དངུལ་སྦམས་མཐོ་བ་དང་། མུ་ཏིག་དུག་སྦྲུལ་གྱི་མགོའི་ནོར་བུ་གོས་ཆེན་གྱི་འབུལ་བ་ལྟོས་ཆེ་བ་འབྱོར། དབུ་རུ་ཞྭའི་ལྷ་ཁང་འདི་མངའ་བདག་གཞོན་ནུའི་དུས་ཀྱི་སྐུ་བརྗི་ཉག་ཏིང་འཛིན་བཟང་པོས་རྡོ་རྗེ་ལེགས་པ་བྲན་དུ་བཀོལ་ནས་བཞེངས་པར་གྲགས་ཀྱང་། དོན་ལ་རྡོ་རིང་གི་ཡི་གེ་ལ། བནེྡ་ཏིང་འཛིན་སྙིང་ཉེ། ཞོ་ཤ་ཆེ་ཞེས་སོགས་ཉང་བན་ལ་མདུན་འཇོག་གི་བདག་རྐྱེན་ཆེན་པོས་བཞེངས་པས་རུ་གནོན་གྱི་གཙུག་ལག་སྤྱི་དང་ཁྱད་པར་མེད་ཅིང་དུས་མཉམ་ལ། སྲུང་མ་མངོན་སུམ་པར་བཞུགས་པས་བྱིན་རླགས་ཆེ་བར་གྲགས་པ་བསྟི་སྟང་གི་ཉམ་ཆུང་བར་གྱུར་པ་ལ། སྔ་རབས་སུ་རྒྱལ་བ་ཀློང་ཆེན་པས་ཞིག་གསོ་མཛད་ཅིང་། ད་རེས་རང་ཉིད་ནས་གཙང་ཁང་ལྷེ་བའི་རྣམ་སྣང་དང་། ཉེ་སྲས་བརྒྱད། ཁྲོ་བོ་གཉིས། གཡས་གཡོན་གྱི་ལྷ་ཁང་ཐམས་ཅད་ལ་ཞལ་གསེར། སྤྱན་འབྱེད། བཟང་གོས་ཡུག་བཅུ་སྐོར་གྱི་སྟོད་ལེ། སྨད་གཡོགས། ཆོས་གོས། སྐུ་བེར། གནམ་རྒྱན་བྱིབ་ཁེབས། འཕན་དང་། རྒྱན་མཚན། རུ་མཚོན། སྙན་ཤལ་

― JLAZ014_Page_0649 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ཕུལ། གཏོར་སྒྲོམ་གསར་བཟོས་ཀྱི་ནང་ཆུ་མ་རག་གི་རྟག་གཏོར་ཐུན་རྫས་ཀྱི་ཕྱུག་པ་ཆེ་ལེགས་བཞེངས། གནས་ཡིག་བརྩམས། གྲྭ་པ་རྣམས་ལ་མང་འགྱེད། སྲུང་མའི་གཏོར་དབང་། ཀུན་མཁྱེན་ཆེན་པོའི་དུས་མཆོད་ཐེབས་དངུལ་སྲང་ལྔ་བཅས་སྦྱར། རབ་གནས་དངོས་སྟ་ཉིན་གཉིས་མ་དང་། སྦྱིན་སྲེག། ཚོགས་བསྐང་། མཆོད་འབུལ་སྨོན་ལམ་རྒྱ་ཆེན་པོ་ཡང་ཡང་བྱས། ཀ་ཚལ་གྭ་ཚང་བས་གདན་འདྲེན་ནན་བསྟུན་ལ་གཙོ་བོར་རུ་གནོན་གྱི་ལྷ་ཁང་རྙིང་མར་རབ་གནས་དངོས་སྟ་ཉིན་གཉིས་མ། མཆོད་འབུལ་བླ་བྲེ་རྟེན་ཁེབས་བསྒྲིགས། གསེར་ཟངས་ཀྱི་མཎྚལ་འཕུལ་མ་ཆེ་ལེགས། མཆོད་ཀོང་བཅས་ཕུལ་འདུ་ཁང་གི་རྟེན་བཀའ་བརྒྱད་དང་ཕུར་པའི་སྦྱིན་སྲེག་ཚར་བདུན། གྲྭ་ཚང་ལ་ཊཾ་འགྱེད་དང་། མང་ཇ་གསུམ། ཚོགས་དབུར་ལན་གསུམ་ཕྱིན། ཀ་རིང་ལ་བཟང་གོས། ཐོན་ཐི་མའི་འཕན་ཆེན་ཆ་དང་། སྤྲེལ་ཟླའི་ཚེས་བཅུའི་ཐེབས་དངུལ་སྲང་སུམ་ཅུ་ཐམ་པ་སྦྱར། ཞི་ཁྲོ་རིགས་བསྡུས་ཀྱི་དབང་བསྐུར་བྱས། གུང་མཁར་རྫོང་དཔོན་གྱིས་དབུས་མལ་གྲོ་སྨད་ཀྱི་སྐྱེ་བོ་ཕལ་ཆེར་འབུས་པ་འདུ་ཁང་དུ་ཁྲོམ་དབང་བྱས། ས་འདིར་རྗེ་བཙུན་མི་ལ་ངེད་རང་གི་མདུན་ན་བཞུས་ནས་མགུར་མཛད་པའི་སྒྲ་ལ་ལོ་བདུན་ཅུ་དོན་གསུམ་སྡོད་པ་ཡིན་གསུང་

― JLAZ014_Page_0650 ―

^{[མ་དཔེ་གཟིགས་ན་འདིར་གནོན།]}

[Full Size]

པ་ཞིག་རྨིས། སྤྲང་པོ་ཤིན་ཏུ་མང་ཞིང་ཚིམ་རྒྱུ་མེད་པ་ལྟར་སྣང་ཡང་སྐྱེས་རབས་ཀྱི་བྱམས་པའི་གཏམ་ལ་བློ་བཞག་སྟེ་ཁོང་མ་འཁྲུགས་པར་བྱས། རྒྱ་ལ་ནས་རྒོད་ཚང་སྤྲུལ་སྐུ་ཆེད་ཀྱིས་བྱོན་ནས་སྐུ་གསུང་ཐུགས་རྟོན་དངུལ་རྡོ་ཚད་བཟང་ཇ་འཁོར་དྲུག་ལྔ། མར་ལྟང་བདུན། ཀོང་སྣམ་མང་བ་བཅས་བརྟན་བཞུགས་མཛད། རྒྱུད་སྡེ་བཀའི་མའི་ཞི་ཁྲོ་ཁྲོམ་དཀྲུགས་ཀྱི་དབང་དབང་། བསྐྱེད་རྫོག་ཀྱི་སྐོར་མང་དུ་བཤད། རྫོང་གསར་མདུན་གྱི་ཆུ་ཀླུང་ལ་ཟམ་པ་ཞིག་བཙུགས། སམ་མི་ཚུགས་ཀྱི་འཆར་ལྡིང་ལ་སྐྱེ་བུའི་རྩོལ་བ་དང་། སྙིང་སྟོབས་ཀྱིས་བསྒྲུབས་ན་ངེས་པར་གྲུབ་པའི་བློ་སྟོབས་བསྐྱེད་དེ་དངུལ་སྲང་ལྔ་བཅུ་ཐམ་པའི་མཐུན་རྐྱེན་སྦྱར། གཞིབ་དག་ལ་གཏོར་མ་དང་། སེམས་ཅན་མང་པོའི་ཉེར་འཚོར་འགྱུར་བའི་སྨོན་ལམ་བཏབ། སངས་རྒྱས་ཀྱི་ཐེག་པ་ཆེ་ཆུང་གི་སྡེ་སྣོད་ཐམས་ཅད་ནས་ཤའི་ཟས་བཀག་པ་ཡིན། བོད་འདིར་ཆེན་པོ་ཅང་བཙུན་པོར་རློམ་པ་དག་ཀྱང་དཀོར་རྫས་ཀྱི་རྟ་ནོར་དང་གཟི་བྱིན་འགྲན། སྡེ་སྣོད་ཤེས་པར་ཁས་བླངས་ནས་ལས་འབྲས་ལ་ཅང་མི་སེམས། སྟོང་པ་ཉིད་རྟོགས་པར་ཁས་བླངས་ནས་རྣག་གཞན་གྱི་ཕྱོགས་རེས་ཆེ། ཕྱོགས་རིས་དེ་རྣམ་རྟོག་ལས་སྐྱེས་པ་ཡིན་ལས་ཆེ། དམིགས་པ་མེད་པའི་སྙིང་རྗེའི་ལྷ་སྤྱན་རས་གཟིགས་ལ་སོགས་པའི་བྱང་ཆུབ་སེམས་དཔའ་

― JLAZ014_Page_0651 ―

^{[མ་དཔེ་གཟིགས་ན་འདིར་གནོན།]}

[Full Size]

རྣམས་ལས་ཐམས་ཅད་ལ་དཀའ་བར་སྣང་། ཆོས་ལ་དམིགས་པ་དང་། སེམས་ཅན་ལ་དམིགས་པའི་སྙིང་རྗེས་ཚངས་པའི་གནས་པ་ཙམ་གྱི་གོ་བའང་མ་ཆགས་པས་རང་ལ་ཁབ་ཟུག་པའང་མི་བཟོད་པར། ཕྱུག་ལུག་གི་སྙིང་གར་གྲི་འཛུགས་པ་འདི་ཀླ་ཀློའི་ཆོས་ལུགས་ཀྱི་རྒྱལ་བའི་བསྟན་པ་ལ་སྐབས་བཙལ་བ་ཡིན་ཚུལ་རྒྱས་དཔར་གླེངས་ཏེ་སྲོག་གཅོད་ཀྱི་རྒྱུན་སྲོང་བར་ཞུས་པས་རིན་པོ་ཆེ་ནས་ཀྱང་དེ་ཁའི་མཐུན་འགྱུར་གནང་བས་རྗེས་སུ་ཡི་རང་བ་ཆེན་པོ་སྐྱེ། ལར་རྒྱལ་ཁྲིམས་ཞིག་ན་སེམས་ཅན་གྱི་བདེ་སྐྱེད་ཀྱང་རྣལ་དུ་མི་གནས་པས་བདེན་དུ་ཆུག་ཀྱང་། ཆོས་དཔོན་གྱི་གོས་འཛིན་བདག་གི་སྨན་པས་ནད་ལ་གཏར་བསྲེགས་བཞིན་དུ་སྙིང་རྗེའི་གཞན་དབང་དང་འགྲོགས་པ་མ་བྱུང་ན་མགོན་པོ་ཀླུས། ཁྱོད་ཀྱི་དགེ་སློང་བྲམ་ཟེ་ལྷ་དང་ནི། མགྲོན་དང་ཡབ་ཡུམ་དག་དང་བཙུན་མོ་དང་། འཁོར་གྱི་སླད་དུ་སྡིག་པ་མི་བགྱི་སྟེ། །དམྱལ་བའི་རྣམ་སྨིན་སྐལ་ནོད་འགའ་མ་མཆིས། །ཞེས་གསུངས་དཔའི་དོན་སྲིད་སྐྱོང་དག་ལའང་མོལ། རིན་པོ་ཆེ་རྣམ་གཉིས་ལ་སྙིང་ཏིག་ཡ་བཞི། རིག་འཛིན་ཡོངས་འདུས། མན་ངག་བཅུ་གསུམ། ཀློང་ཆེན་སྙིང་ཐིག་སྒོས་དབང་བཅས་པ་དང་། རྙིང་མ་རྒྱུད་འབུམ་ཀུན་མཁྱེན་

― JLAZ014_Page_0652 ―

^{[མ་དཔེ་གཟིགས་ན་འདིར་གནོན།]}

[Full Size]

མཛོད་བདུན། ཤིང་རྟ་སྐོར་གསུམ། རང་ཉིད་ཀྱི་བདེན་རྣམ་རྩ་འགྲེལ་སོགས་དབུ་ཐོག་ཏུ་བཞག་སྟེ། ཆོས་ཐམས་ཅད་རྒྱལ་བའི་དགོངས་རྒྱུད་གཅིག་འདུས་ཤིང་རྫོགས་པའི་དོན་ལ་ནེམ་ནུར་མེད་པའི་ཆོས་ཉིད་ཀྱི་བདེན་པས་སྨོན་ལམ་དང་བཀའ་གཏད་བྱས། དཔྱིད་སོས་ལ་ཐུག་པ་དང་། ས་ཆུ་མ་འཕྲོད་པའི་རྐྱེན་ལས་འདུ་བ་ཤིན་ཏུ་འཁྲུགས་ཏེ་སྐྱེ་བ་སྔ་ཕྱིར་ཉིང་མཚམས་སྦྱོར་དུ་ཉེ་ཡང་། སློབ་དཔོན་ཆེན་པོའི་ཐུགས་རྗེ་ཁོ་ནས་ཀཐོག་ཆོས་ཉིད་བ་གཡའ་མ་ལུང་གི་སྨན་དཀར་པོ་ཆིག་ཐུབ་ཁྱེར་ཏེ་འབྱོར་བས་འདི་རེས་ཀྱི་གེགས་ལས་གྲོལ། སྟོད་སྨད་ཀུན་ཏུ་འཁྲུག་རྩོད་དར་བར་སྣང་བས་རྣལ་དུ་མ་ཕེབས་ནས་གཞུང་སའི་དམག་བཟློག་བྱེད་དགོས་སྔ་ཕྱིར་འབྱོར། རང་ཅག་ན་རྒས་དབང་པོ་ལྡོངས། རི་སུལ་དུ་འཆི་ཆོས་བྱེད་པ་ལ་རེ་དོགས་ནི་གང་ཡང་མེད་དེ། སེམས་ཅན་ལ་བདེ་སྐྱིད་མ་བྱུང་ན་སྙིང་རེ་རྗེ་སྙམ་ནས། སེང་གདོང་མ་དང་། མ་མགོན་གཡུལ་མདོས་ཀྱི་སྒོ་ནས་རིམ་གནད་སྨིན་བྱས། གཞན་གྱི་རིམ་གྲོ་པ་འདི་ཡང་རང་ལ་གནོད་པ་ཆེ་སྟེ། འདི་ཕུར་པ་དང་། སྲིད་སྐྱོང་རྟ་ཚག་གི་སྦྱིན་སྲེག་འབུམ་ཐེར་གཉིས་ཙམ་བྱས་པས་མལ་གྲོ་གཟི་ཅན་སོགས་ནག་ཕྱོགས་པ་རྣམས་མ་དགའ་བས་ལྟས་ཤར་ཏེ་ཨོཾ་ཨཱཧཱུཾ། ནགས་ཤོད་ནས་ཉི་མ་གྲགས་

― JLAZ014_Page_0653 ―

^{[མ་དཔེ་གཟིགས་ན་འདིར་གནོན།]}

[Full Size]

པས་མཚམས་ཞུ་ཟེངས་གསུམ་དང་། རིང་འཚོའི་རྟེན། སྐུ་གསུང་ཐུགས་རྟེན། རྒྱ་དངུལ་སྔ་བཅུ་མ། རྟ་མཛོ་བཅས་འབྱོར། རིགས་ཀྱི་བུ་འིད་ལྷུམས་ཞུགས་གླང་ཆེན་གྱི་ལྟས་དང་བཅས་ལི་ཙ་བྱི་དྲི་མ་མེད་པར་གདོད་ནས་གྲུབ་པ་ཡིན་མོད་དེ། སྐུ་ན་ཤིན་ཏུ་ཕྲ་བས་སྤངས་རྟོགས་ཀྱི་ལས་སད་པའི་རྟེན་འབྲེལ་དུས་ལ་མ་བབ་བས་ཡིད་འཕྲེང་བ་ཙམ་བྱུང་ཡང་། འདུས་པ་འབྲས་བའི་ཆོས་ཉིད་ཡིན་པས་རེ་ཞིག་ལྡོག་དགོས་པ་ཤར། ཐོན་ཁར་རིང་འཚོའི་རྟེན་འབྲེལ་ལ་སྐུ་གསུང་ཐུགས་རྟེན། གསེར་རྡིལ་ཚད་དང་བཅས་པའི་མཎྚལ། བཟང་གོས་ཀྱི་སྐུ་བེར། དབུ་ཞྭ་པདྨ་ཁ་འབུས་སོགས་ན་བཟའ་ཆ་ཚང་། དངུལ་སྲང་བརྒྱ་ཐམ་པ། བཟང་གོས་བསམ་གསུམ། འགོ་ཚན་ཇ་འཁོར་གྱིས་གཙོས་པའི་ཚན་གྲངས་ཚན་བདུན། རྟ་མཛོ་ཕོ་མོ། འབྲིག་ཡག། དངུལ་བུམ། ཤིས་བརྗོད་སྣོད་དངུལ་དཀར་གྱི་ནས་ཟེ་ཕུལ་མ་ཆེ་ལེགས་དང་བཅས་བརྟནབ་བཞུགས་མཛད། ཕར་ཡང་སྐུ་གསུང་ཐུགས་རྟེན། དྲིལ་བུ་ཐེག་ཆེན་སྣམ་ཕྲུག་སྲབ་ཐེར་ལེགས་པ་དང་བཅས་བརྟན་བཞུགས་སྨོན་ལམ་བྱས། རིན་པོ་ཆེ་ཡང་གཟིམ་ཆུང་འགག་ཚུན་དང་སྐུ་བཅར་ནད་མ་དང་དྲུང་འཁོར་བཅས་ཆིབས་བསྐྱེལ་བ་བཅོ་ལྔ་སྐོར་བཅས་ཐོན། རིམ་གྱིས་རྒྱ་མ་ཁྲི་ཁང་དུ་བཀའ་

― JLAZ014_Page_0654 ―

^{[མ་དཔེ་གཟིགས་ན་འདིར་གནོན།]}

[Full Size]

བློན་ལྷ་སྡིངས་པས་གདན་ཞུ་ནན་ཏན་ཡོད་པ་བཞིན་བསྐྱོད། གསུང་ནན་ཆེ་ཡང་ཞག་ལྔའི་རིང་སྦྱིན་སྲེག་ཚོགས་བརྒྱ་སོགས་ཀྱིས་རེ་བ་བསྐངས་ཏེ། ཅོག་ལ་བྲག་གི་ཀུན་མཁྱེན་ཕུག་རྫི་བོའི་ཆར་སྐྱོབས་སུ་ཡོད་བ་ལ་བདག་རྐྱེན་དང་འདྲ་སྐུ་མི་ཚད་མཆོད་རྒྱུན་སོགས་བསྐུལ་བས་དེ་བཞིན་མཛད་པ་ལ་ཡེ་ཤེས་འབེབས་པའི་དགོངས་པ་ཡང་ཡང་གཏད། ལ་ཚུར་ནང་ཚུན་ཞབས་ཏོགས་ཕེབས་བསྐྱེལ་མཛད། གཡའ་མ་ལུང་དུ་ཞག་བྱས། ཚོགས་བརྒྱ་དང་། བརྒྱ་མཆོད། བཟང་གོས་ཀྱི་བླ་བྲེ་དང་། གདུང་ཁེབས་སུ་ལེ་མ་རང་འགྲིག་ཕུལ་དཀོར་རྫས་འདི་མི་འདོད་བཞིན་དུ་འདུ་བས་རྡིལ་ཚད་བདུན་གྱིས་མར་ཉོས་ཏེ་བསམ་ཡས་སུ་ཟླ་མཆོད་དང་། སྟོང་མཆོད་གཉིས། བཀའ་འགྱུར་གསུང་སྒྲོགས་བཅས་མར་ཁལ་བདུན་བརྒྱ་སྐོར་དང་། ཚོགས་སྐོང་། རབ་གནས། ཁྲ་འབྲུག་ཏུ་སྟོང་མཆོད། ཚོགས་བརྒྱ་མཚོན་ཡར་ཀླུངས་རྟེན་གསུམ་ཡོངས་རྫོགས། གདན་ས་ཐེལ་སོགས་ལ་མཆོད་འབུལ། གྲྭ་ཚང་ཕལ་ཆེར་མང་ཇ། ཤེལ་བྲག་ཏུ་ཚོགས་འགྱེད། སྲོད་བཙན་དུ་སྟོང་མཆོད་དང་། སློབ་དཔོན་ཆེན་པོར་བཅད་ལྡན་དམར་པོའི་སྐུ་བེར་སྤུས་དག། ཡུམ་བུ་བླ་སྒང་དུ་བླ་བྲེ་ལེགས་པ་

― JLAZ014_Page_0655 ―

^{[མ་དཔེ་གཟིགས་ན་འདིར་གནོན།]}

[Full Size]

བཅས་ཕུལ། རི་བདེས་མཚོན་པའི་འཕྱོང་རྒྱས་ཀྱི་དགོན་ཁག་དྲུག་དང་། དར་གླིང་པ་བཅས་ལ་མང་བཀོལ་བཏང་། གཙང་ཐེག་མཆོག་གླིང་པར་ཇ་སྤག་དང་དངུལ་སྲང་གསུམ་བསྐུར། ཁམས་མི་བདེ་བ་ལ་དཔལ་སྡིངས་རྗེ་བཙུན་དང་། སྒོམ་ཆེན་ཆོས་གྲགས་ནས་བརྟན་བཞུགས་ཡང་དག་མཛད། སྐྱེ་འཆི་རང་བཞིན་མེད་པར་དག་ཀྱང་། ལུས་འིད་སྡུག་བསྔལ་བདེན་པའི་རང་བཞིན་ཅན་ཡིན་པས། བདེ་སྡུག་གཏོར་ལེན་གྱི་དམིགས་པ་དང་། ཚོགས་གསོག་སྒྲིབ་སྦྱོང་གི་ཕྱིར། སྲོང་བཙན་དུ་སྟོང་མཆོད། གདུང་ཁེབས་གསར་བཟོ། དཔལ་རིར་བདུན་ཕྲག་གཅིག་གི་རིང་བཤགས་རྒྱུད་གསུང་སྒྲོགས། སློབ་དཔོན་རིན་པོ་ཆེར་སྐུ་བེར། ཕྱུགས་ལུག་བདུན་བཅུ་སྲོག་བསླུ། ཁྲ་འབྲུག་ཁྱབ་མཁ་ཆན་མོར་བཟང་གོས་སྤུས་གཙང་ཤ་སྟག་ལས་གྲུབ་པའི་གདུང་ཁེབས་འཇའ་ལྡན་ཕུར་མཚོན་སྤེལ་འདོམ་ཉི་ཤུ་སྐོར་བྱིབས་ཁེབས། བཙན་ཐང་དུ་ཐོན་ཐི་སེར་པོའི་བླ་བྲེ་ཤེམ་ལྡན། གདུང་ཁེབས་ཕུར་མ་ཅན། ཁམས་སློང་ཐང་སྒྲོལ་མར་བཟང་གོས་ཀྱི་བླ་བྲེ་ཤམ་ལྡན་དངུལ་གྱི་མཆོད་ཀློང་ཆེ་བ་སྙན་ཤལ་བཅས་སྐུར། ཆབ་གཏོར་འབུམ་ཐེར། ཚེ་ལྷའི་སྐུ་ཁྲི་ཚར་གཉིས། མངའ་རིས་གྲྭ་ཚང་དུ་བཀའ་འགྱུར། ཡང་

― JLAZ014_Page_0656 ―

^{[མ་དཔེ་གཟིགས་ན་འདིར་གནོན།]}

[Full Size]

མི་གཅིག་རྐྱང་གིས་བཀའ་འགྱུར་གསུང་སྒྲོགས། མོན་ཤར་རོ་ལམ་མེ་ལོང་མཁར་དུ་སློབ་མ་སྒོམ་ཆུང་ཅན་ལ་སྦྲང་ཚང་དང་རི་རྒྱ་འདེབས་ཕྱིར་དངུལ་སྲང་ཉི་ཤུ་སྐོར་གྱི་དངོས་པོ་དང་། སློབ་དཔོན་འཇིགས་མེད་ཀྱི་གྲྭ་ཚོོགས་ལ་བཛྲ་གུ་རུ་བསག་རྒྱུར་དངུལ་སྲང་བརྒྱ་སྐོར་བསྐུར། ས་སྐྱོང་སྡེ་དགེའི་མི་སྣ་སྦོབ་བུ་འཇིགས་མེད་བློ་གསལ་འོད་ཟེར་གདོང་སྤྲུལ་པའི་སྐུ་འབྲི་གུང་དུ་ཕེབས་པའི་ཁྲི་འབུལ་དང་། སྔ་ལོ་དོན་གཉེར་བྱས་པའི་བྱས་པའི་བསམ་ཡས་སུ་འབུལ་རྒྱུའི་གསེར་གྱི་འཁོར་ལོ་རིན་པོ་ཆེ་གསེར་སྲང་བརྒྱ་ལས་གྲུབ་པ་ཤིན་ཏུ་བཟོ་བཀོད་ལེགས་པ། གསེར་ཟངས་ཀྱི་རྒྱལ་སྲིད་སྣ་བདུན། དངུལ་བུམ་ལེགས་པ་ཆ། མཛོད་བདུན། ཤིང་རྟ་སྐོར་གསུམ། རང་མཛོད་རྩ་འགྲེལ་ཚར་བདུན། བླ་མ་མཆོད་ཆོག་ཚར་ཉེར་གཅིག། དར་གོས། རྒྱན་ཕྲེང་སྤུས་ལེགས་དང་། རྒྱལ་བུ་དགུང་ལོ་བཅུ་གསུམ་པའི་ཕྱག་བྲིས་ཡིག་ཕུད་གསུང་རྩོམ་ཚིམས་བཅད་འདི་ལྟར། དུས་གསུམ་སངས་རྒྱས་ཐུགས་རྗེ་གཅི་བསྡུས་ཤིང་། །ཨོ་རྒྱན་རང་བྱུང་རྡོ་རྗེའི་སྤྲུལ་པའིསྐུ། བོད་ཁམས་བསྟན་འགྲོའི་རྩ་ལག་འཇིགས་མེད་གླིང་། །འཛམ་གླིང་རྒྱན་དུ་བསྐལ་བརྒྱར་ཞབས་བརྟན་ཤོག་ཅེས་ཚེ་དཔག་མེད་ཀྱི་སྐུ་དང་དར་ནང་མཛོད་བཅས་བྱུང་བ་དམ་པའི་དང་རྟགས་སུ་སྣང་།

― JLAZ014_Page_0657 ―

^{[མ་དཔེ་གཟིགས་ན་འདིར་གནོན།]}

[Full Size]

གཞན་ཡང་སྡམ་མཛོད་འགྲེལ་ནས་མ་གདག་པ་འབྲུ་བཅོས་དགོས་རིགས་ཀྱི་ཐོ་དང་གསར་དུ་རྒྱུད་ལུགས་ཕུར་པ། ཀློང་ཆེན་སྙིང་ཐིག། རང་ཉིད་ཀྱི་རྣམ་ཐར་རྣམ་ཀྱང་སྤར་དུ་བཀྲོ་བྷེད་ཀྱིས་མ་དཔེ་མེད་རིགས་བསྐུར་དགོས་སོགས་ཀྱང་འདུག། ལར་ས་སྤྱོད་རྒྱལ་པོ་སྲས་ཡུམ་ཅལ་སོགས་ཀྱིས་རྣམ་པ་ཀུན་ཏུ་དད་གུས་ཀྱིས་གཏོང་ཕོད་རྒྱ་ཆེ་བ་དང་། དེ་ཚེ་ཡང་ཉིད་ཀྱི་སྐུ་བལ་དང་ན་བཟའ་སོགས་བྱིན་རྟེན་གྱི་རིགས་ལས་དངོས་པོའི་སྐྱེས་ལན་གང་ཡང་མི་དགོས་ཞེས་ཡང་ཡང་ཕེབས་འདུག་པ་དང་། འཇིག་རྟེན་སྲིད་པའི་འབྱོར་ལོངས་ལ་ཆོག་ཤེས་མེད་ཅིང་དཀོན་མཆོག་རིས་སུ་བཅད་པའི་སྡེ་བདག་ཕལ་གྱི་རྣམ་ཐར་ལས་ལྡོག་སྟེ། རྒྱལ་ཁབ་དར་ཡང་གསར་རྙིང་རིས་མེད་ཀྱི་བསྟན་པ་བསྐྱངས་ཤིང་རྟེན་གསུམ་གྱི་རིགས་ལ་བཀུར་སྟི་ཆེ་བར་མ་ཟད། ལོ་བཞིན་སྐུ་ཚད་ཀྱི་མཆོད་རྟེན་དང་སྐབས་སུ་གང་བབས་ཀྱི་རིགས་སྐུ་བརྙན་ཆེ་ཕྲ་མང་པོ་རྒྱུན་ཆགས་སུ་བཞེངས་འདུག་པ་དང་། འདི་སྐབས་སུ་ཡང་ཟངས་གསེར་ལས་གྲུབ་པའི་ཨོ་རྒྱན་ཆེན་པོ་ཐོག་ཚད། ཡུམ་གཉིས་དེ་མཚུངས་བཅས་བཞེང་བའི་ཐུགས་བཞེད་འདུག་པས་དེ་རྣམས་ཀྱི་ནང་རྟེན་སོགས་སུ་སོང་ནའང་འགྲོ་དོན་ཆེ་བར་རིག་སྟེ་སྔ་ཕྱི་ཅི་རིགས་པར་སྐུ་རྟེན་གྱི་སྐོར་ལ།

― JLAZ014_Page_0658 ―

^{[མ་དཔེ་གཟིགས་ན་འདིར་གནོན།]}

[Full Size]

ཨོ་རྒྱན་གྱི་སྐུ་ཆེ་བ་ཆོས་རྒྱལ་ལི་མ། རང་གི་ཐུགས་དམ་རྟེན་གྱི་ཅན་དམ་དཀར་པོའི་སློབ་དཔོན་དང་འཕགས་པ་འཇིག་རྟེན་དབང་ཕྱུག་གི་ལི་མ། ལི་ནག་གི་རྡོ་རྗེ་ཕག་མོ་རྒྱ་གར་མ་བྱིན་ཅན། ཁྱུ་སྐུགས་ཀྱི་འཕགས་མ་རིག་བྱེད་མ། བོད་ལི་གསར་པའི་རྗེ་བཙུན་སྒྲོལ་མ། རང་གིས་ལེགས་འདེབས་སྨན་འདམ་གྱི་སློབ་དཔོན་ཆུང་དུ་གསེར་བྱུགས་མ་གྲངས་མང་བ་རྣམས་དང་། བྲིས་སྐུ་ལ། ཕག་མོའི་རྒྱབ་ཏུ་གནས་ཡུལ་ཉེར་བཞི་དང་ནང་ངོས་སུ་ཟངས་མདོག་དཔལ་རིའི་ཞིང་ཁམས་རྟེན་དང་རྟེན་པར་འབྲེལ་བའི་བཀོད་པ། ཡང་ཟངས་མདོག་དཔལ་རིའི་ཞིང་བཀོད། སྒྲོལ་ལྗང་ཕྱག་འཚལ་ཉེར་གཅི་ཅན། རང་ཉིད་ཀྱི་འདྲ་སྐུ་སྐྱེ་ཕྲེང་གིས་བསྐོར་བ། ཡང་བརྒྱུད་པའི་བླ་མས་བསྐོར་བ། ཡང་མོས་ལྷ་འགའ་ཞིག་གིས་བསྐོར་བ། འདྲ་སྐུ་ཆིག་རྐྱང་དར་དང་གོས་སེར་ལ་བྲིས་པ། དྲག་པོ་དཔལ་ཆེན། ཡང་དག། གཤིན་རྗེ། །རྟ་མགྲིན། ཕུར་པ། མ་མོ། །རིག་འཛིན། དྲེགས་འདུལ། དྲག་སྔགས་རྣམས་ལ་སོ་སོའི་འཁོར་རགས་རིམ་གྱིས་བསྐོར་བའི་ཐང་ནག་གསེར་བཅད་དགུ། ཡུམ་ཀ་བདེ་ཆེན་རྒྱལ་མོ་ལ་ཡི་དམ་ཆོས་སྐྱོང་གིས་བསྐོར་བ། གསང་སྒྲུབ་སེང་གདོང་མག་ཙོ་འཁོར། རང་གི་ཤངས་མཚལ་གྱིས་བྲིས་པའི་མ་མགོན་ལྕམ་དྲལ་གྱི་སྐུ་ཐང་

― JLAZ014_Page_0659 ―

^{[མ་དཔེ་གཟིགས་ན་འདིར་གནོན།]}

[Full Size]

སོགས་ལ་སོ་སོར་རྒྱབ་བྱང་། བསྟད་སྨོན། ཕྱག་ཞབས་ཀྱི་རྗེས། བཟང་གོས་སྣ་ཚོགས་ཀྱི་གོང་གཤམ། ལིང་གཉིས་བརྩེགས་ཀྱི་ཞལ་ཁེབས་དངུལ་རག་ཙན་དན་བ་སོ་ཅི་རིགས་པའི་དྲིལ་ཏོག་ཅན། གསུང་རྟེན་སྐོར། སངས་རྒྱས་བྱེ་བའི་མཚན་མདོ་གསེར་བྲིས་མཛོད་འགྲེལ་ཤིང་རྟ་རྣམ་གཉིས། ཀློང་ཆེན་སྙིང་ཐིག་ཚང་མ། སྐྱེས་རབས་བརྒྱ་པའི་སྨོན་ལམ། བདེ་བ་ཅན་གྱི་བསྟོད་སྨོན། སྒོམ་ཕྱོགས་དྲི་ལན་དང་། གཏམ་ཚོགས་ཀྱི་སྐོར། ཡབ་ཡུམ་སྲས་གསུམ་སོ་སོར་སྤྲིང་ཡིག། ལྷ་འདྲེར་བཀའ་ཤོག་ཕྱག་ཞབས་ཀྱི་རྗེས་དང་ཕྱག་རྟགས་གཏེར་ཐམ་གྱིས་མནན་པ་གཅིག་ཡང་ཀ་མད་ཅན་གོས་སེར་ལ་བྲིས་པ་ཕྱག་རྗེས་བཏབ་པ་གསུམ་རྣམས། ཐུགས་རྟེན་སྐོར། བཀའ་གདམས་པད་སྤུངས་མཆོད་རྟེན་གཉིས། སྔོན་བྱོན་གྱི་གཏེར་སྟོན་རེ་ཟུང་དང་རང་གིའང་མགུལ་ཕུར་རྒྱུན་བཞེས་བྱས་པའི་གཏེར་ཕུར་ཁྲོ་ཞལ་གསུམ་པ་གནམ་ལྕགས་མ། སློབ་དཔོན་ཆེན་པོས་ཀླུ་མལ་གྲོ་བཏུལ་ཏེ་སླར་ཧས་པོ་རིར་རྡོ་སྒྲོམ་དུ་སྦས་པ་སྲུང་མ་རྡོར་ལེགས་ཀྱིས་བསྟན་ནས་ངོས་ཀྱིས་རྙེད་པའི་དྲག་པོ་རྟ་ཁྱུང་གི་གཏེར་རྫས་ངོ་བོ་སྡེ་བརྒྱད་ཀྱི་ཐོག་ལྕགས་ཛྷཾཀྵི༚་བཅོས་བུ་དང་ཁྱད་པར་མེད་པའི་ལི་དམར་རྩོད་བྲལ་གྱི་ཕུར་པ་གནམ་ལྕགས་

― JLAZ014_Page_0660 ―

^{[མ་དཔེ་གཟིགས་ན་འདིར་གནོན།]}

[Full Size]

ཐོག་རྒོད་དུ་གྲགས་པའི་ལོ་རྒྱུས་དང་བཅས་ས་སྐྱོང་སྡེ་དགེ་རང་གི་རྟེན་སྐལ་དུ་བབས་པ། གཞན་ཡང་བྱིན་རྟེན་གྱི་རིགས། ས་སྐྱའི་བདུད་རྩི་རིལ་བུ་ཁྲི་རྡོ། བསམ་ཡས་དང་། མཆིམས་ཕུ། ཤེལ་བྲག་སོགས་སུ་བསྒྲུབས་པའི་བདུད་རྩི་ཆོས་སྨན་ལྷལ་རེ་ཙ་གྱི་བུངས་ཡོད་པ། རང་ཉིད་ཀྱི་མཐེ་བོང་ལས་བཏབ་པའི་དམ་རྫས་ཧྱ་རྒྱ་ཅན་གྲངས་མང་བ། དབུ་སྐྲ་དང་ཕྱག་ཞབས་ཀྱིས་ནེ་མོ། རང་གི་ཉེར་སྤྱད་རྙིང་གྲས་ཀྱི་དབུ་ཞྭ། གོས་སེར་གྱི་འགལ་སྦྱར། ཕྲུག་དང་ལན་ནའི་གཟན་པ་གཉིས། ཡང་ཡུན་རིང་གྱོན་བའི་གོག་ཙ་དྲེག་པ་ཅན། འཕེལ་གདུང་དང་ཤོག་སེར་སོགས་ཀྱིས་གཏམས་པའི་དངུལ་གྱི་མགུལ་གབ། གསེར་གྱི་སོར་གདུབ་པད་རག་དང་མརྒད་ཀྱི་ཕྲ་ཅན། སྐྲ་ཅོག་བསྡམས་ཐག་གི་དར་དྲེག་པ་ཅན། རྫབ་ཀྱི་མཆོད་སྤྱད་གཉིས། རྫབ་དང་རཀྴའི་བསྙེན་ཕྲེང་གཉིས། རྒྱལ་སྲས་འབྲི་གུང་བའི་མན་བས་འགག་དང་དབུ་སྐྲ། ས་བཅུད་གསོ་བའི་བུམ་གཏེར་བཅོ་ལྔ། སྲས་དང་ཡུམ་ལྕམ་སོ་སོར་སེང་གདོང་མའི་སྲུང་བ་རས་ཐང་རེ། རིག་འཛིན་ཡབ་ཡུམ་གྱི་སྲོག་འཁོར་དཔལ་གྱི་གདུ་བུ་རྣམ་གཉིས། ཚེ་སྤེལ་བ་དང་། བསོད་ནམས་སྤེལ་བ། ཉེས་པ་སེལ་བ། བྱད་ཁ་ཟློག་པ། འབྲུམ་རིམས་དང་། འགོས་ནད་སྲུང་བ་སོགས་ཀྱི་

― JLAZ014_Page_0661 ―

^{[མ་དཔེ་གཟིགས་ན་འདིར་གནོན།]}

[Full Size]

འཁོར་ལོ་སྔ་ཕྱི་མང་བ་དང་། སྐལ་ལྡན་བྱིས་པ་གཏེར་སྟོན་གྱི་འབྲུམ་སྲུང་གི་དང་ཅོག །སྔགས་བསྙེན་བཏབ་པའི་ཆབ་དང་གུ་གུལ། བདུད་རྩི་དོན་འགྲུབ་རིལ་བུ་སོགས་དང་། གཞན་ཡང་འགྲོ་བ་མང་པོ་ནད་ཀྱི་འཇིགས་པ་ལས་སྐྱོབ་ཕྱིར་རྒྱལ་པོའི་ཕོ་བྲང་དང་། རིན་ཆེན་རིལ་བུ་སྔོན་ཡོད་ལ་རྒྱུན་མཐུད་དང་། དབང་རིལ་ཤེལ་དཀར་མཆོད་རྟེན་གསར་སྦྱོར་སྐབས་གཞན་ཕན་ཞལ་འདེབས་སུ་དམིགས་གསལ། སངས་རྒྱས་ཀྱི་འཕེལ་གདུང་། མིའི་མགྲིན་བ་དང་། བ་མིན་དང་། རྨ་བྱ་དང་། གླ་བ་རྣམས་ལས་བྱུང་བའི་དབང་རིལ། མི་ལས་བྱུང་བའི་བྷི་ཧང་དང་། ཛཱ་ཏི་ཕ་ལ་གཅིག །ཨ་རུར་གཉིས་འབྲེལ་དང་གསུམ་འབྲེལ་གཉིས། རིན་པོ་ཆེ་ཨིནྡྲ་ནཱ་ལ་དང་། མ་རྒད་དང་། གཡང་ཏྲིའུ། གཡུ་དྲུག་དཀར་རྣམས་རྡོག་པོ་རེ་རེ། བར་གཡུ་ཆེ་ཆུང་བདུན། ཞུམ་མིག་གསུམ། པད་རག་བཞི། ཁ་ཆེ་སྤོས་ཤེལ་གཉིས། སྤོས་ཤེལ་དཀྱུས་མ་སྲང་བཅོ་ལྔ་། བྱུ་རུ་དཀྲུགས་མ་ཆེ་ལེགས་གཉིས་ཀྱིས་གཙོས་་བྱུར་སྲང་གསུམ། གཟི་ཕྲེང་རིང་བ་བཅས་རྣམས་ཕུལ་ཞིང་། གཞན་ཡང་བོད་དང་ལྷོ་མོན་སོགས་ནས་བྱུང་བའི་སྤྱད་པ་ཕྲན་བུ་རེ་ཕུལ་བ་ནི་མ་བྲིས། དེ་དག་རྣམས་ཀྱང་གང་སྨོས་ལྟར་ཆོས་ལྡན་རྒྱལ་

― JLAZ014_Page_0662 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་འདིའི་ཐུགས་བཞེད་བསྐངས་ན་བསྟན་འགྲོ་སྤྱི་ལ་ཕན་པའི་གནད་མཐོང་བ་ལས། བླ་དཔོན་གཞན་སྲོས་ལ་འགྲན་པའི་འབུལ་ལེན་གནང་སྦྱིན་གྱི་སྤྲོས་པ་དང་སླད་དུ་བསྙེན་བཀུར་ཀྱི་འཕེལ་ཀ་ལ་བསམ་པ་ནི་མ་ཡིན་ནོ། གདུང་བསམ་ཡོངས་ལྷ་བསྟན་རྒྱས་རི་བོ་དཔལ་འབར་གླིང་ནས་སློབ་དཔོན་འཇིགས་མེད་ཀུན་གྲོལ་གྱིས་སྐུ་གསུང་ཐུགས་རྟེན། བྱུ་རུའི་བརྒྱ་ཕྲེང་། བསེ་རུ། རས་ཆ་སྤུས་དག་འབོར་ཆེ་བ་དང་བཅས་ཞབས་བརྟན་འབུལ་མི་འབྱོར། །འབྲི་གུང་ནས་སྐུ་གསུང་ཐུགས་རྟེན་དང་དངུལ་སྲང་ལྔ་བཅུས་གཙོས་པའི་འབུལ་རྟེན་བཅས་བརྟན་འབུལ་མི་ཆེད་གཏད་འབྱོར། གཏེར་སྒྲོམ་འབྲོང་དུར་གྱི་རིབ་རྣམས་ལ་དངུལ་སྲང་བཅུ་སྐོར་གྱི་མཐུན་རྐྱེན་བསྐུར། དེ་བཞིན་དུ་བཀའ་བློན་ཕ་ལྷའི་ཞབས་བརྟན་འབུལ་མིའང་འབྱོར། རིང་མིན་བསམ་ཡས་སུ་མཆོད་པའི་སྤྲིན་རྒྱ་ཆེན་པོ་དང་བཅས་གསེར་གྱི་འཁོར་ལོ་རིན་པོ་ཆེ་ཕུལ། རེ་ཞིག་གསོན་ནའང་བསྙམ་པ་དང་། སེམས་ཅན་འབའ་ཞིག་ལ་སྨན་ལས། །གནོད་པའི་ལས་འབྲས་ཅུང་ཟད་མེད། །ཕ་རོལ་ཉིད་དུ་སོང་ན་ཡང་། །རང་སེམས་རྣམ་ཐར་སྒོ་གསུམ་དང་། །འདུ་འབྲལ་མེད་པའི་ཆོས་ཉིད་ལ། །རེ་དོགས་ཅུང་ཟད་ཡོད་མ་ཡིན། ཆོས་དབྱིངས་བདེ་ཆེན་

― JLAZ014_Page_0663 ―

^{[མ་དཔེ་གཟིགས་ན་འདིར་གནོན།]}

[Full Size]

ཀློང་དུ་ཨ ཅེས་པ་འདི་ཡན་ཆད་ནི། ཁྱབ་བདག་འཁོར་ལོའི་མགོན་པོ་གདོད་མའི་སངས་རྒྱས་ཀུན་ཏུ་བཟང་པོ་ཉིད་ཆེས་ཆེར་སྙིགས་མ་ལྔ་བོའི་དུས་འདིར། སྤྱིར་གདུལ་བྱ་མཆོག་དམན་བར་བའི་དོན་དུ་གསུངས་བའི་བསྟན་པ་རེས་སུ་མ་ཆད་པ་དང་། ལྷག་པར་སྙིགས་དུས་ཀྱི་གང་ཟག་རྣམས་ཚེ་ལུས་གཅིག་ལ་འཇའ་ལུས་འཕོ་བ་ཆེན་པོའི་སྐུར་མངོན་སུམ་ཉིད་དུ་འཚང་རྒྱ་བའི་གསང་ལམ་འོད་གསལ་རྡོ་རྗེ་སྙིང་པོའི་བསྟན་པ་རི་མོའི་མར་མེ་བཞིན་དུ་གྱུར་པ་དེ་ཉི་མ་བཞིན་དུ་གསལ་བར་མཛད་པའི་ཕྱིར་རགས་པའི་སྤྲུལ་སྐུ་ཐ་མལ་པའི་ལུས་ལྟར་སྣང་བའི་སྒྱུ་འཕྲུལ་དྲ་བའི་རོལ་པ་བསྟན་པ་ལ་སྐད་ཅིག་ཙམ་ཡང་འགྲོ་བའི་དོན་དུ་མི་འགྱུར་བའི་གྱི་ན་ཐ་མལ་གྱི་མཛད་པའི་སྐབས་མ་མཆིས་པར་གཞོན་ནུའི་ཚུལ་བསྟན་པའི་དུས་ནས་བཟུང་། སྐུའི་སྣང་བ་ཉེ་བར་བསྡུ་བ་ལ་མངོན་དུ་ཕྱོགས་པའི་བར་གྱི་ཀློག་པ་ཐོས་བསམ། སྤོང་བ་བསམ་གཏན་བྱ་བ་ལས་ཀྱི་འཁོར་ལོ་སོགས་རྣམ་པར་དཀར་བའི་མཛད་འཕྲིན་ལས་ཀྱི་ཚུལ་རྣམས་གདུལ་བྱ་རྣམས་ཀྱིས་གསོལ་བ་བཏབ་པའི་མོས་ངོ་བཞིན་དུ་དོན་བཟང་པོ། །ཚིག་འབྲུ་བཟང་པོ། །མ་འདྲེས་ཤིང་ཡོངས་སུ་རྫོགས་པ་ཡོངས་སུ་དག་པ་སྒྲོ་འདོགས་སྐུར་འདེབས་ཟོལ་སྦྱོར་གྱི་གཡོན་ཚིག་གིས་མ་

― JLAZ014_Page_0664 ―

^{[མ་དཔེ་གཟིགས་ན་འདིར་གནོན།]}

[Full Size]

བསླད་པར་ཆོས་ཕུད་རྒྱ་མཚོའི་མིང་ཚིག་བརྗོད་པ་མཐའ་དག་ཡངས་པོར་འཁྱིལ་བའི་མགུར་གྱི་བུམ་བཟང་ནས་རིམ་པར་བཀའ་སྩལ་བ་རྣམས་ཚིག་གི་གདངས་གཅིག་དང་ཡི་གེ་འབྲུ་གཅིག་གི་བར་དབྲི་བསྣན་སྤངས་ཏེ་ཇི་བཞིན་བཀོད་པ་ལས། དགོངས་པའི་མཐའ་དང་ཀུན་རྫོབ་ཀྱི་མཛད་པའི་སྤྲོས་པ་ཉེ་བར་བསྡུ་བ་ལ་མངོན་དུ་ཕྱོགས་པས་གདོད་མའི་གཞི་དབྱིངས་ཆེན་པོ་ཀ་དག་གཞོན་ནུ་བུམ་སྐུའི་དབྱིངས་སུ་ཤེལ་འོད་ནང་དུ་ཐིམ་པ་བཞིན་ཆོས་སྐུ་ཐིག་ལེ་ཉག་གཅིག་གི་དོན་དམ་པའི་མཛད་པར་བྱ་བྲལ་སྐྱེ་མེད་དོན་གྱི་ཨ་ཡིག་ཆོས་དབྱིངས་ཆེན་པོར་ཉེ་བར་བཞུག་པའི་མཐར་ཐུག་གི་མཛད་པ་བསྟན་པ་ནི་ཚིགས་སུ་བཅད་པ་རྐང་པ་བརྒྱད་པའི་བདག་ཉིད་ཅན་གྱི་རྡོ་རྗེའི་གསུང་གིས་རྟོགས་པར་བྱ་བ་དང་བཅས་རེ་ཞིག་རྫོགས་པའོ། །ཟབ་ཞི་སྤྲོས་བྲལ་རྡོ་རྗེའི་དབྱིངས་སུ་ངོ་བོ་རྒྱལ་བ་ཀུན་དང་མཉམ། །རང་བཞིན་གཞི་དང་སྙིང་པོར་ལྷུན་གྲུབ་སྟུག་པོ་བཀོད་པའི་ངེས་པ་རྫོགས། །ཇི་ལྟ་ཇི་སྙེད་མཁྱེན་པའི་ཡེ་ཤེས་ཐུགས་བརྩེའི་ཞགས་པས་དམ་འཁྱུད་པས། །སྤྲུལ་པའི་འོད་ཟེར་སྒྱུ་དྲར་ཡོངས་བསྟན་ཐེག་མཆོག་བླ་མ་སྙིང་ནས་དྲན། །གང་གི་དུས་སོ་ཨོ་ཌི་ཡན་དང་། །འོག་མིན་ཞིང་དུ་བསྟན་པའི་སྙིང་པོ་ལ། །

― JLAZ014_Page_0665 ―

^{[མ་དཔེ་གཟིགས་ན་འདིར་གནོན།]}

[Full Size]

སྤྱོད་པའི་གྲགས་པ་བསྟན་པ་མངོན་སུམ་དུ། །གངས་ཅན་ཡུལ་དུ་འཕོས་པའི་སྐལ་བཟང་མཐོང་། །ད་ནི་མ་རིག་འཁྲུལ་པས་བསྐྱེད་པའི་གཟུགས། །ཀུན་བརྟགས་གཞན་དབང་འགོག་པ་མེད་བའི་ཡུལ། །རྟག་པ་མིན་པར་འགྱུར་བའི་ཆོས་ཅན་འདིས། །ཡོངས་གྲུབ་རྡོ་རྗེའི་ཆོས་ཀྱང་བག་ལ་བསྒྲིབས། འོན་ཀྱང་རབ་རིབ་ཅན་ལ་སྐྲ་ཤད་བཞིན། །ཟག་པས་སྦགས་པའི་འཁྲུལ་སྣང་འདི་ལྟར་ཡང་། །རྡོ་རྗེའི་ཆོས་སུ་གྲུབ་པའི་ཡེ་ཤེས་ཀྱི། །སྐུ་ལ་སྐྱེ་འགག་ཞེན་པ་བྱིས་པའི་བློ། །དེ་ཕྱིར་མིག་འཕྲུལ་ལྟ་བུའི་སྣང་བ་ཡི། །བཀོད་པའི་མཐའ་དང་རྗེས་སུ་ཞུགས་པའི་གཏམ། ཟོལ་སྦྱོར་འཆིང་བུའི་རྒྱན་དང་མ་འབྲེལ་བར། །རང་བཞིན་ནོར་བུའི་ཕྲ་ཚོམ་སྤྲས་འདིའོ། །དེ་ལ་འདིར་མགོན་པོ་རྡོ་རྗེ་འཆང་བཀའ་དྲིན་མཉམ་པ་མེད་པ་འདི་ཉིད་ནི་གདོད་མའི་མགོན་པོ་ཀུན་ཏུ་བཟང་པོ་དང་གཉིས་སུ་མེད་པར་ཐོག་མ་མེད་པའི་འདུས་ནས་མངོན་པར་རྫོགས་པར་སངས་རྒྱས་ཤིང་ཆོས་ཀྱི་སྐུ་དྲི་མ་ཐམས་ཅད་དང་བྲལ་བའི་གོ་འཕང་བརྙེས་ནའང་། སེམས་ཅན་མ་དག་པ་རྣམས་འཁོར་བའི་མཚོ་ཆེན་པོ་ལས་རབ་ཏུ་སྒྲོལ་བའི་ཕྱིར་བྱང་ཆུབ་སེམས་དཔའ་ཆེན་པོའི་ཚུལ་བཟུང་བའི་འཁྲུངས་རབས་ཀྱི་ཕྲེང་བ་ཚར་དུ་དངར་བས་མཐའ་ཡས་པའི་

― JLAZ014_Page_0666 ―

^{[མ་དཔེ་གཟིགས་ན་འདིར་གནོན།]}

[Full Size]

ཞིང་རྣམས་སུ་བསྟན་པ་དང་སེམས་ཅན་གྱི་དོན་མཛད་པ་ནི་བསམ་གྱིས་མི་ཁྱབ་ཅིང་བརྗོད་པར་ལྟ་ཅི་སྨོས་ཏེ་སྐུ་ཚེ་འདི་ཉིད་ཁོ་ནའི་མཛད་བ་དག་ཀྱང་མཐའ་ཡོངས་སུ་རྫོགས་པར་བརྗོད་པ་ནི་སོ་སྐྱེའི་བློའི་རབ་ལས་འདས་པ་ཡིན་ཀྱང་། བསྐལ་པ་བློ་གྲོས་མཆོག་དང་ལྡན་པ་འགའ་དང་འགས་རྗེ་ཉིད་ལ་ཐུན་མོང་དང་ཐུན་མོང་མ་ཡིན་པའི་རྣམ་པར་ཐར་པ་གླེགས་བམ་ཡི་གེའི་ལམ་དུ་མཇལ་ཆོག་པ་ཞིག་དགོས་ཞེས་གསོལ་བ་བཏབ་པ་ལས་གནས་དུས་ཀྱི་གདུལ་བྱའི་བློ་དང་རྗེས་སུ་འཚམས་པའི་མཛད་པ་ཐུན་མོང་པ་རྣམས་ཆུ་བབས་སུ་བརྗོད་གཞིར་བཀོད་པ་ལྟར་སྣང་བ་ལ་ཐུན་མོང་མ་ཡིན་པའི་དགོངས་སྤྱོད་ཆེས་མཆོག་ཏུ་གསང་བ་རྣམས་ཀྱང་བློ་གྲོས་ཀྱི་མིག་དང་ལྡན་པ་རྣམས་ཀྱིས་གོ་བར་འགྱུར་ལ། འཕྲོས་དོན་གྱི་ཚུལ་དུ་ཟབ་པ་དང་རྒྱ་ཆེ་བའི་ཆོས་ཀྱི་རྣམ་གྲངས་མང་པོ་དང་། མན་ངག་གི་གནད་དག་ཀྱང་ཅིག་ཅར་དུ་སྟོན་ཅིང་གངས་ཅན་གྱི་ལྗོངས་འདིར་རྒྱལ་བའི་ཕྲིན་ལས་ཀྱི་འཇུག་སྒོ་དུ་མར་ཤར་བ་རྣམས་ལས་གྲུབ་མཐའ་རང་རང་གི་འཇོག་ཚུལ་ཐ་དད་པ་ལྟར་སྣང་བ་རྣམས། ཆོས་ཀྱི་ངོ་བོ་ལ་བཟང་ངན་དང་ནོར་འཁྲུལ་མེད་ཀྱང་། གང་ཟག་སོ་སོའི་བློའི་འཁྱེར་སོས་ཆོས་ཀྱི་དབྱིངས་ལ་འཇལ་ཚུལ་དང་། ཉམས་ལེན་གྱི་སྐབས་བཟང་ངན་ནོར་འཁྲུལ་འབྱུང་བ་ནི་

― JLAZ014_Page_0667 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་སྐྱེའི་ཆོས་ཉིད་པས། དེ་དག་གི་གོ་ལས་ཐད་ཀར་གཅོད་པ་དང་གདུལ་བྱ་མཆོག་ལ་གནས་ལུགས་སྤར་བཅངས་སུ་ངོ་སྤྲོད་པ་དང་། དམན་འབྲིང་ཆེ་གསུམ་རང་རང་གི་རྒྱུད་ཚོད་དང་སྦྱར་ནས་སོ་བྱང་སྔགས་གསུམ་དམ་ཚིག་དང་། སྡོམ་པའི་ཀུན་སྤྱོད་སོགས་གནང་བཀག་གི་སོ་མཚམས་ཕྱེད་པར་ཉམས་སུ་ལེན་ཚུལ་དང་། མདོ་རྒྱུད་བསྟན་བཅོས་རྣམས་ཀྱི་དགོངས་པ་འཇལ་ཞིང་གྲུབ་པའི་མཐའ་ལ་དགག་བཞག་གིས་ཕྱོགས་འཐེན་སོགས་ལ་དོན་གྱི་ཡིན་ལུགས་ནས་གཞལ་བའི་བཤགས་འབྱེད་དཔྱད་བརྡར་སོགས་མདོར་ན་ཆོས་ཀྱི་རྣམ་གྲངས་རྒྱ་ཆེན་པོ་འབེལ་གཏམ་གྱི་ཚུལ་དུ་འབྱུང་བའི་རྣམ་པར་ཐར་པ་ཆེན་མོ་སྐབས་གསུམ་གྱི་བདག་ཉིད་ཅན་གོང་དུ་འཁོད་པ་འདི་ཉིད་རིམ་གྱིས་ཟིན་ཐོར་ཕེབས་པས་ཐ་མའི་མཛད་པའང་དགོངས་པ་ལུང་སྟོན་གྱི་ཚུལ་དུ་ཚང་བ་ཡིན་ནོ། །དེ་ལྟ་ནའང་དེའི་དོན་འགྲེལ་ཚུལ་དུ་ཅུང་ཟད་རྒྱས་པས་བརྗོད་པར་དང་ཞར་བྱུང་དུ་བཀའ་དྲིན་འཁོར་མཐའ་མེད་པའི་མགོན་པོ་དེ་ཉིད་ཀྱི་ཐུགས་ཀྱི་དགོངས་པ་ཡོངས་སུ་རྫོགས་ཤིང་སླར་ཡང་ཞིང་ཁམས་འདིས་མཚོན་དག་པ་དང་མ་དག་པའི་ཞིང་བྱེ་བ་དང་བ་རྒྱར་རྫུ་འཕྲུལ་གྱི་བཀོད་པ་བསམ་གྱིས་མི་ཁྱབ་པས་འགྲོ་བའི་དོན་མཛད་པ་ལ་བདུད་དང་བར་

― JLAZ014_Page_0668 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་གཅོད་པས་བརྫི་བར་མི་ནུས་པ་དང་། འབྲེལ་ཐོགས་མཆོག་དམན་ཀུན་གྱི་སྒྲིབ་གཉིས་བྱང་ཞིང་ཚོགས་གཉིས་མྱུར་བར་རྫོགས་པའི་ཐབས་དགོངས་རྫོགས་ཀྱི་རྨི་པ་ཇི་ལྟར་བསྒྲུབས་པའི་ཚུལ་རྣམས་རང་ཉིད་གྲགས་འདོད་རྙེད་ཚོལ་གཅམ་བུ་སོགས་མ་ཡིན་པས་རང་སེམས་ཟོལ་མེད་དབང་པོར་བཅས་ཏེ་ཟིན་ཐོར་བགྱིས་པ་རྗེ་བླ་མའི་རྣམ་ཐར་མཇུག་འཐུད་ཀྱི་ཚུལ་དུ་འགོད་པ་ལ། དེ་ཡང་རྗེ་འདི་ཉིད་ཀྱིས་རང་ཅག་རྟག་འཛིན་ཅན་གྱི་གདུལ་བྱ་རྣམས་ལ་ཆེད་དུ་དགོངས་པས་སྔོན་ཙམ་ནས་སྤྱན་འགྲིབ་ཀྱི་ཚུལ་སོགས་སྐུན་མཐོན་པོར་ཕེབས་པ་ལྟར་སྟོན་ཅིང་། མཛད་པ་རླབས་ཆེ་བ་དག་གི་དུས་ནའང་་ སླན་ཆད་དེ་ཙམ་གྲུབ་པ་དཀའ་ཞེས་རིང་མིན་ཞིང་ཁམས་འཕོ་བའི་གསུང་ཐོར་པར་འབྱོན་པ་དང་། སྔར་དབང་ཆོས་བཀའ་རྒྱ་དོག་པོར་མཛད་པ་རྣམས་ཀྱང་ཕྱིས་སུ་སུ་ཞུས་ལ་གནང་ཞིང་། ལྷག་པར་འབྲི་གུང་སྤྲུལ་པའི་སྐུ་ཡབ་སྲས་ལ་འདུས་པ་མདོ་དབང་སོགས་དང་རྗེ་ཉིད་ཀྱི་དགོངས་གཏེར་བཀའ་འབུམ་སོགས་དགོངས་གཏད་ཀྱིས་བཀའ་ལུང་རྫོགས་པའི་ཚུལ་དུ་འབུལ་བར་མཛད་པ་ནི་ཕྱིས་ཞལ་མི་མཇལ་བར་དགོངས་པར་སྣང་ཞིང་། སངས་རྒྱས་མ་ཆགས་པདྨ་ཅན་གྱི་ལུང་བསྟན་སྐུ་ཚེ་དེ་ལས་རིང་བར་བསྟན་མོད་ཀྱང་བསོད་ནམས་དམན་པའི་གདུལ་

― JLAZ014_Page_0669 ―

^{[མ་དཔེ་གཟིགས་ན་འདིར་གནོན།]}

[Full Size]

བྱའི་སྣང་བ་ལ་སྔོན་བཅོམ་ལྡན་འདས་ཀྱི་ཀུན་དགའ་བོ་ལ་སྐུ་ཚེ་ཇི་ཙམ་བཞུགས་དྲི་བ་མཛད་ཚེ། ཀུན་དགའ་བོའི་རྣ་བ་བདུད་ཀྱིས་བབ་པའི་ལོ་རྒྱུས་དང་མཚུངས་པར་ལུང་བསྟན་ཐོག་ཏུ་ཁེལ་བའི་སྐུ་ཚེའི་རྟེན་འབྲེལ་གྱི་རིམ་པ་འགའ་ཞིག་ཕྱག་ཏུ་མ་ལོན་པ་དང་། དེར་མ་ཟད་གབ་པའི་ལུང་བསྟན་འགའ་ཞིག་ལ་ཟླ་ཞག་དུས་ཀྱི་སྒྲ་ཇི་བཞིན་མ་ཡིན་པར་བསྟན་པས་མཐའ་གཅིག་ཏུ་ཁ་འཚོན་གཅོད་དཀའ་ཞེས་རྗེ་ཉིད་ཀྱི་གསུང་ལས་ཐོས་པས་དོན་དུ་སོ་སྐྱེའི་བློ་སྣང་དུ་ཤར་བའི་ལུང་བསྟན་གྱི་དོན་འགྲེལ་ལ་ལྟར་དངོས་སུ་མི་བཞུགས་པའི་དགོངས་པ་ཐུགས་ཐག་ཆོད་བར་སྣང་སྟེ། སྔར་བསམ་ཡས་མཆིམས་ཕུར་དཔལ་ཨོ་རྒྱན་ཆེན་པོའི་ལུང་བསྟན་རོ་དུས་དུས་མེ་ཞེས་པ་རོ་དུས་ལོ་དང་དུས་མེ་ཟླ་བའི་གྲངས་སུ་བྱས་ན་དྲུག་ཅུ་རེ་དགུ་འབྱུང་བས་དེ་ཉིད་ཐོག་ཏུ་ཁེལ་བ་ལས་ཅུང་ཟད་སྐུ་ཚེ་འདིའི་གདུང་བྱ་མ་རྫོགས་པས་ཕྱིར་བསྣུར་བ་ལྟར་བསྟན་པ་ནི། སྔ་ལོ་འབྲི་གུང་དུ་ཆིབས་བསྐྱོད་པའི་གདུན་གདུང་ལོ་བདུན་ཅུའི་སྟེང་དུ་ཕེབས་མ་ཐག་པ་ན་ཕྱོགས་དེའི་ཆབ་མ་འཕོད་པའི་ཚུལ་སེམས་ཅན་ལས་ཉོན་ཅན་རྣམས་དང་། རྣམ་སྨིན་ཚུལ་མཐུན་ལྟར་སྟོན་པའི་སྐུའི་འདུ་བ་ཤིན་ཏུ་འཁྲུགས་པས་བདུན་གཅིག་ཙམ་གྱི་བར་ཞིང་ཁམས་འཕོ་ཉེར་བྱུང་བ་ན་དགེ་རྩེ་ཆོས་ཉིད་པ་འདིར་ཡོད་པ་སླར་

― JLAZ014_Page_0670 ―

^{[མ་དཔེ་གཟིགས་ན་འདིར་གནོན།]}

[Full Size]

ཁམས་སུ་འབྱོན་པའི་ཐོན་ཕྱག་འབུལ་བ་དང་དུས་མཚུངས་པས་ཁོང་གིས་ཕུལ་བའི་གསོལ་སྨན་ཆིག་ཐུབ་དེས་རེ་ཞིག་སྐུ་དྭངས་པ་ལྟར་འགྱུར་པ། སྔོན་སྟོན་པས་དགེ་ཚུལ་ཙུནྡའི་ངོར་སྐུ་ཚེ་ཟླ་བ་གསུམ་ཕྱིར་བསྲིངས་པ་དང་ཚུལ་མཐུན་པས་གསོལ་སྨན་དེ་ཉིད་ཁོང་གི་གཡའ་མ་ལུང་ནས་རྩོལ་བ་མེད་བཞིན་རྙེད་པ་ཡང་རྗེ་ཉིད་ཀྱི་ཐུགས་རྗེའི་སྒྱུ་འཕྲུལ་དུ་གོ་བཀའི་ཕྱིར་བཀའ་ལས་ད་རེས་དགའ་མོ་ཡོང་བ་ཨོ་རྒྱན་ཆེན་པོའི་ཐུགས་རྗེ་ཡིན་ཞེས་ཕེབས། དེ་ནས་རིངས་སྟབས་ཀྱིས་གདན་ས་འདི་ཉིད་དུ་བདེ་བར་ཞལ་གཟིགས་ཐུབ་བས་ཕྱོགས་འདིའི་འགྲོ་བའི་བསོད་ནམས་ཀྱི་ལྷག་མ་ཉུང་ཟད་ཅིག་གིས་བགོ་སྐལ་དུ་ཐོབ་ཅིང་། རེ་ཞིག་བར་བསྙེན་གཞི་མེད་པ་སྐྱེས་བུ་གཞོན་ནུ་ལྟ་བུར་བཞེངས་བཞུགས་དང་སྐུ་ཟོལ་ཡང་བ་སྔར་བཞིན་སྣང་མོད། དེ་ལྟ་ནའང་གསོལ་ཟས་ལ་ཇི་ལྟ་བར་སྤྱོད་པར་མི་མཛད་པས་སོམ་ཉིར་གྱུར་ཏེ་བསྙུན་རོ་བཙའ་བ་ཐོན་པའི་གསོལ་སྨན་འཕྲོད་གཞེས་དང་། སྐུའི་རིམ་གྲོ་གནང་བ་སོགས་གཞིས་བྱེས་ཀྱི་དད་མོས་ཅན་ཀུན་གྱིས་མགྲིན་གཅིག་པར་གསོལ་བ་ནན་ཆེར་བཏབ་པ་ན་ལར་སྐྱེས་མཐའ་འཆི་བ་ཆོས་ཉིད་ཡིན། ངེད་ནི་བྱ་བ་ཐམས་ཅད་འགྲུབ་པ་ཞིག་ཡིན་པས་ཤི་ཡང་བློ་བདེ། དེ་བས་འཆི་ཁར་ལག་སྟོང་དུ་འགྲོ་ཚོ་སྙིང་རེ་རྗེ། འོན་ཀྱང་

― JLAZ014_Page_0671 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱོད་རྣམས་བློ་མི་བདེན་སྨན་བཅོས་བྱས་ཆོག །སྐུ་རིམ་འདི་དང་འདི་སོགས་ཀྱིས་ཞེས་བདག་ཅག་སྡུག་བསྔལ་གྱིས་ནོན་པའི་པའི་སྣང་བ་བྲིད་པའི་ཞལ་ཞེས་ཙམ་མཛད་པ་བཞིན། མཆིམས་ཕུ་སོགས་གནས་ཆེན་དག་ཏུ་ཚོགས་བསྐང་མཁའ་འགྲོའི་མེ་མཆོད། སྐུ་ཚེའི་བསྒྲུབ་པ། བསམ་ཡ་སོགས་ཆོས་འཁོར་རྣམས་སུ་མཆོད་འབུལ། དགེ་འདུན་གྱི་སྡེ་རྣམས་སུ་མད་འགྱེད། མཎྚལ་བཞི་ཆོག་དང་སྒྲོལ་མ་ཚེ་གཟུངས་འུར་འདོན། བཀའ་འགྱུར་གསུང་སྒྲོག །མ་མགོན་གྱི་བསྐང་མདོས། མ་མོ་འཁྲུགས་བསྐང་། སཙྪ་དང་སྐུ་བར་གྲངས་བསགས། ལུག་དྲུག་ཅུ་སྐོར་དང་ཉ་སྟོང་ཕྲག་ཁ་ཡར་ཚེ་ཐར། ཁྱད་པར་ཚོགས་བརྒྱ་དང་བསུ་བཟློག་འབྲེལ་བ་ཉིན་མང་པོའི་རྗེས་སྐུ་གླུད་དཀོར་ཆ་དང་བཅས་པ་བརྫངས་ཏེ་དེའི་རྗེས་འབྲེལ་བརྟན་བཞུགས་འབུལ་བས་མཚོན་རྒྱར་རྟེན་སྐུ་རིམ་ཚུལ་གྱིས་རྣམ་དག་དཀར་རྒྱ་ཆེན་པོ་རྗེ་ཉིད་ཀྱི་བཀའ་ལུང་དུ་གར་ཕེབས་རྣམས་རྣམ་ཐར་ཞལ་གསུང་མར་ཡང་གསལ་བ་དང་། གཞན་ཡང་རང་བློས་དཔྱད་པ་ལ་སོགས་བུང་ཆེར་བསྒྲུབ་སྐབས་འདི་དག་ཏུ་རྗེ་ཉིད་བཞུགས་པའི་ཉེ་སྐོར་དུ་མེ་ཏོག་གི་ཆར་ཟིམ་བུ་འབབ་པ་དང་ས་ཁོལ་བུར་གཡོ་བའང་སྔ་ཕྱི་དུ་མར་བྱུང་བ་མྱུར་བར་ཞིང་ཁམས་གཞན་དུ་གཤེགས་པའི་ལྟས་ཁོ་

― JLAZ014_Page_0672 ―

^{[མ་དཔེ་གཟིགས་ན་འདིར་གནོན།]}

[Full Size]

ནར་སྣང་། གྲུབ་དབང་ཝ་གིནྡྲས་དབུས་བདག་ཅག་གཞིས་བྱེས་ཀྱི་བུ་སློབ་ཏུ་གཏོགས་པ་རྣམས་དང་། དཔལ་རི་བླ་གྲ་སྤྱི་ཡོངས་སྦྱིན་བདག་སྤུ་ཤུད་པ་སོགས་དད་ཅན་སོ་སོ་ནས་ཚོགས་ཀྱི་འཁོར་ལོ་དང་བཅས་ཞབས་བརྟན་བརྟན་བཞུགས་རྒྱས་པར་འབུལ་བ་དང་། མཚོ་སྣ་དགོན་རྩེ། མདོ་མཁར་གཉེར་ཚང་། གཙང་ཐེག་མཆོག་གླིང་པ་སོགས་ཕྱོགས་སུ་རིང་བ་རྣམས་ནས་ཀྱང་སྐུ་གསུང་ཐུགས་རྟེན་སོགས་འབུལ་ནོད་དང་བཅས་ཞུ་འཕྲིན་གྱི་ལམ་ནས་ཞབས་པད་བརྟན་དགོས་ཀྱི་གསོལ་འདེབས་དང་། བསྙུན་ཚུལ་གསན་འཕྲལ་ས་སྐྱོང་སྡེ་དགེ་ནས་ཀྱང་རང་གི་མངའ་རིས་ཀྱི་དགོན་ཆེན་རྣམས་སུ་དངུལ་སྲང་ཉིས་བརྒྱ་ལྔ་བཅུ་ཡོན་འགྲོས་གསང་བའི་བདག་པོ་ཕྱག་ན་རྡོ་རྗེའི་བསྙེན་དུང་ཕྱུར་བཞི་དང་སཙྪ་འབུམ་ཐེར་སོགས་ཀྱིས་བརྟན་བཞུགས་རྒྱས་པར་གནང་འཚོ་བྱེད་ཆུ་སྐྱེས་པ་ཞབས་འབྲིང་བཅར་སྡོད་བཅས་གསོལ་སྨན་རིགས་ཕུལ་ཏེ་སྨན་པ་མཁས་པ་གཞན་ཡང་འདི་ཞེས་བྱ་བ་བོས་ན་ཞེས་ཞུས་ན། སྨན་པ་འབོད་པའི་ན་ཚ་ནི་གང་ཡང་མི་འདུག །འོན་ཀྱང་ཁྱོད་རང་ཚོ་བློ་མ་བདེ་ན་རང་རེ་དང་ཁད་ཉེ་བའི་སྨན་པ་ལ་བསྟན་ཆོག །ཐག་རིང་ནས་འབོད་པ་ཁག་སྦྱོངས་ལས་མི་ཡོང་ཞེས་ཕེབས་ཁད་ཉེའི་སྨན་པ་མཁས་ས་

― JLAZ014_Page_0673 ―

^{[མ་དཔེ་གཟིགས་ན་འདིར་གནོན།]}

[Full Size]

རེ་བ་ནས་ཕྱག་རྩ་དང་ཆབ་ལ་བརྟག་གཞིག་ངོས་གསོལ་སྨན་བསྒྱུར་ཁ་དང་བཅས་ཇི་སྙེད་ཅིག་ཕུལ་བ་བཞིན་དུ་བཞེས་པ་ནི་བདག་ཅག་རྣམས་ལ་མ་འོངས་པའི་སྡུག་བསྔལ་སྔོན་བསུས་ཀྱི་ཡོད་རྟབ་རྟབ་པོར་གྱུར་པའི་གནས་སྐབས་དེར་ཐུགས་ཀྱི་བརྩེ་བས་དབུགས་དབྱུང་བའི་བཀའ་དྲིན་མི་ཟད་བར་བལྟའོ། །སྐབས་ཤིག་གི་བཀའ་འཕྲོས་ཀྱི་གླིང་ལྷོངས་ཚུལ་དུ། བླ་མ་ཞི་བར་གཤེགས་དུས་སྐུ་གདུང་རིལ་བོར་གཞག་སྐུ་ཚ་བསྡམ་བྱེད་ལུགས་འདི་ལྟར་བྱེད་དང་། ཡང་དེང་སང་གི་བླ་མ་རྣམས་ཀྱིས་གཟི་བྱིན་འབའ་ཞིག་བསྒྲུབས་པས་དད་རྫས་ཆུད་གསན་པ་ལ་ཞེ་ཁྲེལ་བས་རང་རེའི་དཀོར་རྫས་རྣམས་ནི་སྔར་ཕན་དཀོན་མཆོག་རང་ལ་དམིགས་པ་ཞིག་ཡིན་ཏེ། ཕྱིན་ཆད་ཁྱོད་ཚོའི་ཐོག་ཏུ་བབ་ཙ་ན་སྤྱི་མཚུངས་ཙམ་རེ་མ་བྱེད་ཀ་མེད་ཡོད་སྣང་བས་གོང་ས་ཡས་ཕྱིན་གྱིས་མཚོན་རང་རེ་དང་འདྲིས་ཡོད་ཀྱི་བླ་མ་རྣམས་ལ་མཆོད་བསྡོ་བརྡ་མཚོན་རེ་འབུལ་ན་འདི་ལ་འདི་ཞེས་སོགས་དཔེར་བརྗོད་ཀྱི་ཚུལ་དུ་གནང་བ་བཅས་ཞིང་ཁམས་འཕོ་བར་དགོངས་པ་གཏད་བའི་གསུང་གི་རིགས་རིམ་པར་ཕེབས་ཤིང་། འགའ་ཞིག་ཕེབས་འཕྲོར་བདག་ཅག་རྣམ་མྱ་ངན་གྱི་དུཁ་ཆེར་ལྷོངས་པར་མཁྱེན་པས་གསུང་འཕྲོས་གཞན་ལ་བསྒྱུར་བར་མཛད་དེ་འཕྲོ་རྣམས་རྗེ་ཉིད་ཀྱི་ཉེ་

― JLAZ014_Page_0674 ―

^{[མ་དཔེ་གཟིགས་ན་འདིར་གནོན།]}

[Full Size]

གནས་བཅར་མར་ཞུ་མི་ཞིག་ཡོད་པ་ལ་གནང་བ་ཕྱིས་བཤད་རྒྱུ་སྣང་། རེས་འགའ་ཞབས་པད་བརྟན་དགོས་ཞེས་པའི་གསོལ་འདེབས་སྙན་གཙེར་བའི་སྨྲེ་ངག་གི་གདུང་ཤུགས་ཆེར་འབར་བ་ན། རེ་ཞིག་སྐྱོན་མི་ཡོང་ཞེས་ལྡམ་པོར་དགོངས་པའི་ཞལ་ཞེས་ཀྱིས་རྨོངས་པའི་བློ་ལ་སྒྲ་ཇི་བཞིན་པར་འཛིན་བ་བསྲིང་བར་མཛད། སྦྱིན་པའི་བདག་པོའི་གཙོ་བོ་ཆོས་མཛད་སཱ་རའི་མཚན་ཅན་ལའང་གསུང་གི་ལྷོངས་སྔ་མ་ལྟ་བུ་དང་བཅས་པ་འགའ་ཞིག་ཕེབས་པ་ན། མཁྱེན་པའི་དབང་པོས་ཕྱག་དང་བཅས་མྱ་ངན་ལས་མི་འདའ་བར་ཅི་ནས་ཀྱང་བཞུགས་དགོས་ཤིང་། གལ་ཏེ་བདག་ཅག་གིས་བསོད་ནམས་སུ་འཆུར་ཐེབས་བྲལ་བའི་ཞིང་ཁམས་གཞན་གྱིས་ཐུགས་ཡིད་འཕྲོགས་ཏེ་ངེས་པར་ཐབས་མེད་པ་ཞིག་ཡིན་ན་མཆོག་གི་སྤྲུལ་པའི་སྐུ་འབྱོན་པའི་ཞལ་བཞེས་ཅིས་ཀྱང་གནང་དོགས་ཤིང་མཆོད་སྡོང་རིན་པོ་ཆེ་ཡང་སྲི་ཞུས་མི་ངལ་པའི་ཁུར་བླང་ཞུ་བས་འདི་ཁར་བཞུགས་དགོས་སོགས་སྙན་འཇིགས་མགྲིན་པའི་པི་ཝང་བརྡུང་བར་མཛད་པས། ངེད་ལ་སྐྱེ་བ་ལེན་པ་སྙམ་པའི་འདུན་པ་བྱེད་རྒྱུ་མེད་དེ་ཆོས་ཉིད་ཀྱི་མཐུས་སྤྲུལ་པ་ཞིག་ནི་ཡོང་ཤས་ཁ། འོན་ཀྱང་བརྩད་གཅོད་རིགས་བྱ་མི་དགོས་ཞེས་དང་། འཕྲལ་

― JLAZ014_Page_0675 ―

^{[མ་དཔེ་གཟིགས་ན་འདིར་གནོན།]}

[Full Size]

ཡུན་དུ་ཐུགས་རྗེས་འཛིན་པའི་ཞལ་གདམས་དབུགས་དབྱུང་ཚད་མེད་པ་གནང་ཞིང་། དེ་འཕྲལ་མཆོད་རྟེན་འདིར་བཞུགས་པ་ལེགས་དང་བསམ་ཡས་སུ་བཞུགས་ཟེར་བ་མ་མགོན་ལ་བརྟག་བསྒྲིག་ཀྱིས་ཕེབས། བླུན་རྨོངས་དུད་འགྲོའི་རང་བཞིན་ལས་ལུགས་གཉིས་ཀྱི་རྣམ་དཔྱད་ཆ་ཤས་ཙམ་མེད་པས། རང་ཉིད་ནས་དགོས་དོན་ཆེ་བའི་སློབ་དོན་ཚིག་འབྲུ་ཙམ་ཡང་ཞུ་མ་ཤེས་ཀྱང་རྗེ་ཉིད་ཀྱི་ཐུགས་རྗེ་ལ་ནི་ཚད་མ་མཆིས་པས་དཔོན་གྱི་མིང་ཙམ་འབོད་པ་བདག་ལཱང་དུགས་རེ་དང་བཅས་རྗེ་སྒམ་པོ་ཤེགས་རྗེས་ཀྱི་ལོ་རྒྱུས་སོགས་འཕྲལ་ཡུན་གྱི་ཞལ་གདམས་སློབ་ཡའི་རིགས་དང་དབང་ཆས་དང་དཔེ་ཆ་རྣམས་འཁྱར་མེད་དུ་གཞོག་དགོན་པའང་སླད་ནས་འབྲི་གུང་སྤྲུལ་སྐུས་འཛིན་བསྐྱང་ཡོད་བ་གྱིས། ལར་ཁྱོད་ཚོའི་རྣམ་རྟོག་གི་བྱེ་བྲག་འགོག་མ་ཐུབ་པ་ཡིན། ངེད་ཀྱི་སྣང་བ་ནི་རྣམ་ཐར་སྒོ་གསུམ་གྱི་ངང་དང་འདུ་འབྲལ་མི་འདུག་ཅེས་ཕེབས། ཉིན་མཚན་མེད་པར་སྐྱིལ་ཀྲུང་དང་། རེས་འགའ་དྲང་སྲོང་ཙོག་པུས་བཞུགས། སྤྱན་ལྟ་སྟངས་ཀྱི་ངང་ལས་གཡོ་བ་མི་མངའ། གྲུབ་ཐོབ་མའི་ནས་ཉས་བྱུར་མིད་བཏང་བས་ཉའི་ཁོག་པར་ལོ་མང་པོར་སྐྱོན་མེད་དུ་བཞུགས་པ་རླུང་གི་ནུས་པ་ཡིན་པ་

― JLAZ014_Page_0676 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན། རྗེ་འདི་ཉིད་དྲང་དོན་དུ་ཡང་རྩ་རླུང་གི་ཡོན་ཏན་སྟོབས་སུ་གྱུར་ཅིང་སྲོག་ཐུར་གཅིག་ཏུ་འདྲེན་པའི་མངོན་རྟགས་ཀུན་གྱི་མཐོང་ཆོས་སུ་ཡོད་པས་སྲོག་རྩོལ་ལ་དབང་འབྱོར་བའི་ནུས་པ་ཁོ་ནས་འདི་བར་ཞལ་བཞུགས་པར་འདུག་ཅིང་། བཀའ་ལས་ཀྱང་། འབྲི་གུང་གིན་ལུགས་དང་ན་ཚོད་ཀྱི་བབས་ལ་ལྟོས་ནད་བར་འཚོ་བ་ཡང་དགའ་མོ་ཡིན། ནད་འདི་གཞན་གྱིས་ཐེག་དཀའ་བ་ཞིག་སྣང་ཡང་སྔར་རླུང་འབྱོངས་པོ་བྱས་པའི་བདེ་ཀྱི་ན་ཟུག་སོགས་གང་ཡང་མི་འདུག་ཅེས་ཕེབས། ནམ་དུས་སྟབས་ཉིན་རེ་མོན་པ་བཅུ་སྐོར་རེ་འོང་བ་སོགས་ཐག་རིང་ནས་ལྷགས་པ་ཐམས་ཅད་ལ་ཞལ་མཇལ་ཕྱག་དབང་སོགས་པར་མི་ཆད་སྔར་ལས་ལྷག་པར་སྩལ། ས་རྟ་ཟླ་བ་བདུན་པའི་ནང་སྡེ་དགེའི་མི་སྣ་འཇིགས་མེད་བློ་གསལ་འདིར་ཞག་ཤས་འདུག་རིང་ཁོང་རང་འབྱོར་བ་ཡན་གྱི་རྣམ་ཐར་འཕྲོ་དགོས་ཞེས་ཞུ་བར་སཾ་བྷོ་ཊར་ལྗགས་བོད་མཐར་ཚིགས་བཅད་སྐྱེ་མེད་ཀྱི་ཡི་གེའི་མཐའ་ཅན་དེ་གནང་། བཀའ་ཆོས་ཡོངས་རྫོགས་ཀྱི་བཀའ་གཏད་སྨོན་ལམ་བྱིན་རླབས་དང་བཅས་བློ་གསལ་ཅན་ཟླ་བ་བརྒྱད་པའི་ཚེས་བདུན་ལ་ཕྱིར་བརྫངས། དེའི་ཉི་ཤུའི་ཉིན་རྡོ་ཡུལ་ནས་བླ་མ་འཇིགས་མེད་ཕྲིན་ལས་འོད་ཟེར་གྱི་ཡབ་མཚན་དཔོན་རིགས་འབུལ་བ་

― JLAZ014_Page_0677 ―

^{[མ་དཔེ་གཟིགས་ན་འདིར་གནོན།]}

[Full Size]

རྟ་དང་བཅས་པ་ཞིག་འབྱོར་བར་མཇལ་ཁ་ལྷོད་པ་ཆོས་འབྲེལ་གདམས་སོགས་དང་། ཚེ་དབང་ཞིག་ཀྱང་ཞུས་སོང་བ་རེ་བ་བཞིན་དུ་མཛད། ཁོང་རྣམས་སྐུ་དངོས་ཀྱིས་གདུལ་བྱའི་ཕྱི་མ་ཡིན། ཉེར་དགུ་ཉིན་མོན་པའི་བུ་སློབ་སྡེད་ཡུན་རིང་བ་གཉིས་ལ་ཕྱག་དབང་བྱིན་རླབས་ཞལ་གདམས་སོགས་གནང་ཞིང་ཕྱིར་འགྲོ་བར་སེམས་འཕྲེང་བའི་རྣམ་འགྱུར་ཨ་ཆི་མ་འཁྲུགས་པ་ན་མྱུར་བར་འཕྲད་འོང་ཞེས་དབུགས་དབྱུང་མཛད་དེ་དགོངས་པ་ཅན་ཞིག་གོ། གནམ་གང་ཉིན་ཡང་མཚམས་པ་ཞིག་ལ་ཕྱག་དབང་བྱིན་རླབས་ཞལ་གདམས་སོགས་སྩལ། དེ་གོང་ཙམ་ནས་ཡང་དབེན་རྣམ་གྲོལ་རྩེ་གཟིམས་ཆུང་གནང་རྩིས་ཀྱིས་བླ་བྲང་དང་ཁྱོན་ཅིག་གིས་ས་རྩི་དང་འཛིན་སྤྲས་ཀྱིས་ཞེས་ཕེབས་ནས་ཟླ་བ་དགུ་པའི་ཚེས་གཉིས་ཉིན་ཡང་དབོན་དུ་ཕེབས་འཕྲལ་འོ་ད་ངེད་སྐྱིད་པའི་ས་འདིར་སླེབས་པ་ཡིན་ནོ་ཞེས་ནན་ཆེ་བར་བཀའ་ཕེབས། སྦྱིན་བདག་གི་སྐུ་ངོས་རྣམས་ལ་ཕྱག་དབང་བྱིན་རླབས་དང་། སྐུ་མདུན་དུ་ཇ་གྲལ་ལ་གསུང་ཆོས་ཀྱི་རིགས་རྒྱ་ཆེར་སྩལ། སང་ཉིན་གྱི་སྔ་དྲོའི་ཆར་ཆོས་མཛད་སཱ་རར་སྒྲོལ་དཀར་གྱི་ཚེ་ཁྲིད་དམིགས་རིམ་སྩལ་ཞིང་དེའི་ཉིན་ཁྱབ་པར་

― JLAZ014_Page_0678 ―

^{[མ་དཔེ་གཟིགས་ན་འདིར་གནོན།]}

[Full Size]

བདུག་སྤོས་བཟང་པོ་ལྟ་བུའི་དྲི་ཞིམ་པོས་ཕྱོགས་ཀུན་ཁྱབ་ཅིང་ཆོས་ཀྱི་སྐུ་མངོན་དུ་མཛད་པའི་རྟགས་རླུང་སེར་བུ་ཙམ་ཡང་ལྡང་བ་མེད་པར་ནམ་མཁའ་གཡའ་དག་བའི་ངོགས་ལས་མེ་ཏོག་གི་ཆར་ཆལ་ཆིལ་དུ་འབབ་པ་སོགས་ངོ་མཚར་གྱི་བཀོད་མཐའ་ཡས་པ་དང་བཅས་ས་ཕོ་རྟ་ལོ་དབྱུག་གུའི་ཟླ་བའི་ཚེས་གསུམ་ཕྱི་མཚན་མོའི་ཐུན་དང་པོ་ལ་བབ་པ་ན་དྲང་སྲོང་ཙོག་པུའི་འདུག་སྟགས་ལ་བཞུགས་བཞིན་དུ་མཆོད་པ་ཤོམས་ཤིག་ཅེས་བཀའ་སྩལ་ནས་ཏེ་ཞིག་གདོད་མའི་དབྱིངས་སུ་སྤྲོས་པ་ཉེ་བར་བསྡུ་བར་མཛད་དོ། །ཀྱེ་མ་གྱི་ཧུད་འཇིག་རྟེན་མིག་གཅིག་ཟུམ། །བླང་དོར་སྟོན་པའི་བཤེས་གཉེན་མི་བུས་དོར། །གྲངས་མེད་སྲིད་པར་གོམས་པའི་ཐུགས་བསྐྱེད་ཀྱང་། །ཞི་བའི་དབྱིངས་སུ་གཞོལ་བཅང་སྲིད་དམ། །གདོད་ནས་སྐྱེ་འཆི་སྤངས་པའི་རྡོ་རྗེའི་སྐུར། །མངོན་པར་བྱང་ཆུབ་ཟིན་མོད་ཀུན་ཁྱབ་ཀྱི། །ཐུས་རྗེ་འགག་པ་མེད་པའི་རང་རྩལ་དེ། །ཉེ་བར་བསྡུ་བ་ཐུགས་ཀྱིས་བཟོད་ལགས་སམ། །ཉེ་བར་བསྡུ་པ་ཐུགས་ཀྱིས་བཟོད་ལགས་སམ། །ཨེ་མ་ཇི་སྲིད་འགྲོ་རྒྱུད་འཁོར་བའི་རྒྱུན། །སྟོངས་མིན་དེ་སྲིད་གཟུགས་སྐུའི་རོལ་པ་ཡང་། །རྟག་པར་འཇུག་པའི་ཁ་སྦྱོར་བདུན་ལྡན་གྱི། །ངེས་པར་བརྫུན་པར་མི་སྲིད་རང་སྣང་སྐྱོན། །ཐོག་མེད་དུས་ནས་བསགས་པའི་ལས་སྒྲིབ་ཀྱི། །

― JLAZ014_Page_0679 ―

^{[མ་དཔེ་གཟིགས་ན་འདིར་གནོན།]}

[Full Size]

སྐལ་བ་ངན་པའི་བག་ཆགས་སྟུག་པོ་འདིས། །མི་འགྱུར་རྡོ་རྗེའི་སྐུ་ཡང་འཕོ་འཇིག་ཏུ། །མཐོང་བའི་བརྫུན་སྣང་བསླུ་བའི་ཆོས་ལ་ལྟོས། །མགོན་པོ་གང་གི་ཞབས་ཀྱི་པདྨོ་ལས། །གདམས་དག་སྦྲང་རྩིའི་རོ་མཆོག་མྱོངས་གྱུར་ཀྱང་། །ནན་ཏན་འཇུག་པ་བུལ་རྣམས་རྟག་འཛིན་གྱི། །གདོན་ཆེན་སྙིང་ལ་བཞུགས་པར་ད་གདོད་གོ །འཕོ་ཆེན་འཇའ་ལུས་རྡོ་རྗེའི་སྐུ་ཅན་ཡང་། །འཇིག་པའི་ཟོལ་གྱིས་འོག་མིན་ཆེན་པོར་གཤེགས། །འཇིག་རྟེན་ལས་ཀྱི་རྟེན་གྱུར་ལུས་ཅན་རྣམས། །ངེས་པར་ཕྲོལ་འགྲོ་བ་མཁྱེན་པར་མཛོད། དེ་ཕྱིར་སྒོ་གསུམ་ངལ་བའི་བློ་སྤང་ནས། །གང་ལ་མཆོད་ཅིང་གསོལ་བ་འདེབས་པ་དང་། །བཀའ་བཞིན་བསྒྲུབ་པའི་བྱ་བ་ཉིན་མཚན་དུ། །འབྲེལ་ལ་ཤུགས་དྲག་བརྩོན་པར་དམ་བཅའོ། །དེ་ཡང་གསེར་འོད་དམ་པའི་ལེའུ་གཉིས་པ་ལས། དེ་ནས་བྱང་ཆུབ་སེམས་དཔའ་མཛེས་པའི་ཏོག་གིས་བཅོམ་ལྡན་འདས་ཤཱཀྱ་ཐུབ་པའི་སྐུ་ཚེའི་ཚད་བཤད་པ་དེ་ཐོས་ནས་སངས་རྒྱས་བཅོམ་ལྡན་འདས་དེ་དག་ལ་འིད་སྐད་ཅེས་གསོལ་ཏོ། །ཇི་ལྟར་ན་བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པས་དེ་ལྟར་སྐུ་ཚེའི་ཚད་ཐུབ་བར་བསྟན་པར་གྱུར་ཅེས་གསོལ་བ་དང་སངས་རྒྱས་བཅོམ་ལྡན་འདས་དེ་དག་གིས་བྱང་

― JLAZ014_Page_0680 ―

^{[མ་དཔེ་གཟིགས་ན་འདིར་གནོན།]}

[Full Size]

ཆུབ་སེམས་དཔའ་མཛེས་པའི་ཏོག་ལ་འདི་སྐད་ཅེས་བཀའ་སྩལ་ལོ། །བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་དེ་ནི་སྙིགས་མ་རྣམ་ལ་ལྔའི་འཇིག་རྟེན་དུ་སྐྱེ་དགུའི་ཚེའི་ཚད་ལོ་བརྒྱ་ཐུབ་པའི་དུས་སུ་བལྟམས་ནས་སེམས་ཅན་མོས་པ་དམན་པ། །དགེ་བའི་རྩ་བ་དང་དད་པ་ཆུང་བའི་སེམས་ཅན་དེ་དག་བདག་ཏུ་བལྟ་བ་དང་། སེམས་ཅན་དུ་བལྟ་བ་དང་། སྲེག་ཏུ་བལྟ་བ་དང་། གསོ་བར་བལྟ་བ་དང་། གང་ཟག་ཏུ་ལྟ་བ་དང་། ལོག་པར་བལྟ་བ་དང་། བདག་དང་བདག་གིར་འཛིན་པ་དག་དང་། རྟག་པ་དང་ཆད་པར་བལྟ་བ་ལ་སོགས་པའི་བྱིས་པ་སོ་སོ་སྐྱེ་བོ་རྣམས་ལ་ཕན་གདགས་པ་དང་། གཞན་ཡན་མུ་སྟེགས་ཅན་རྣམས་ལ་ཡང་དག་པའི་ལྟ་བ་བསྐྱེད་པས་མྱུར་རུ་བླ་ན་མེད་པའི་བྱང་ཆུབ་ཐོབ་པར་བྱ་བའི་ཕྱིར་དེ་བཞིན་གཤེགས་པ་དེ་ཕཚཀྱ་ཐུབ་པ་དེས་སྐུ་ཚེའི་ཚད་ཐུང་བར་བསྟན་ཏོ། །གཞན་ཡང་རིགས་ཀྱི་བུ་དེ་བཞིན་གཤེགས་པ་དེ་མྱ་ངན་ལས་འདའ་བར་བསྟན་པ་དང་། སེམས་ཅན་རྣམས་དེ་དཀོན་པ་དང་ཕྲད་པར་དཀའ་བའི་འདུ་ཤེས་དང་། མྱ་ངན་དང་སྡུག་བསྔལ་གྱི་འདུ་ཤེས་ལ་སོགས་པ་བསྐྱེད་པས། སངས་རྒྱས་བཅོམ་ལྡན་འདས་ཀྱི་གསུངས་པའི་མདོ་འདི་དག་མྱུར་དུ་འཛིན་པ་དང་།

― JLAZ014_Page_0681 ―

^{[མ་དཔེ་གཟིགས་ན་འདིར་གནོན།]}

[Full Size]

འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་ཡང་དག་པར་སྟོན་པ་ལ་སྐུར་བ་འདེབས་པ་མེད་པར་འགྱུར་བས། དེའི་ཕྱིར་དེ་བཞིན་གཤེགས་པས་སྐུ་ཚེ་ཐུང་བར་བསྟན་ཏོ། །དེ་ཡང་དེ་བཞིན་གཤེགས་པ་རྟག་ཏུ་བཞུགས་ཤིང་མྱ་ངན་ལས་མི་འདའ་ན། སེམས་ཅན་རྣམས་གུས་པ་མེད་པ། ཕྲད་པར་དཀའ་བའི་འདུ་ཤེས་ཀྱང་མི་བཀྱེད་པས་དེ་བཞིན་གཤེགས་པས་གསུང་པའི་མདོ་ཟབ་མོ་དག་འཛིན་ཅིང་ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེ་བར་ཡང་དག་པར་སྟོན་པར་མི་བྱེད་དོ། །དེ་ཅིའི་ཕྱིར་ཞེན་དེ་ནི་བཅོམ་འདས་རྟག་ཏུ་འཇིག་རྟེན་ན་བཞུགས་པར་འཛིན་པའི་ཕྱིར་རོ། །རིགས་ཀྱི་བུ་དཔེར་ན་གང་ལ་ལ་ཞིག་ཕ་མ་ལ་ནོར་བུ་རིན་པོ་ཆེ་རྒྱས་པ་མང་དུ་ཡོད་པ་མཐོང་ནས་ནོར་དེ་ལ་དཀོན་པ་དང་། ངོ་མཚར་གྱི་འདུ་ཤེས་མི་བསྐྱེད་དོ། །དེ་ཅིའི་ཕྱིར་ཞེ་ན། ཕ་མའི་ནོར་རྫས་དེ་ལ་རྟག་ཏུ་ཡོད་པའི་འདུ་ཤེས་སྐྱེ་བའི་ཕྱིར་རོ། །དེ་བཞིན་དུ་བཅོམ་ལྡན་འདས་རྟག་ཏུ་མྱ་ངན་ལས་མི་འདའ་ན་དེ་ལ་དཀོན་པ་དང་། ཕྲད་པར་དཀའ་བའི་འདུ་ཤེས་མི་འབྱུང་བའི་ཕྱིར་རོ། །རིགས་ཀྱི་བུ་གཞན་ཡང་དཔེར་ན་ལ་ལ་ཞིག་ཕ་མ་དབུལ་ཞིང་ནོར་

― JLAZ014_Page_0682 ―

^{[མ་དཔེ་གཟིགས་ན་འདིར་གནོན།]}

[Full Size]

མི་ལྡན་པ་ཞིག་སྟེ། དེ་རྒྱལ་པོའམ་བློན་པོ་ཆེན་པོ་ཞིག་གི་གནས་སུ་ཕྱིན་ཏེ་དེ་དག་གི་བང་མཛོད་དང་། ནོར་དང་རིན་པོ་ཆེ་ལ་སོགས་པ་མང་པོ་རྒྱས་པ་མཐོང་བ་དེ་དཀོན་པ་དང་། རྙེད་པར་དཀའ་བའི་འདུ་ཤེས་སྐྱེས་ཏེ། དབུལ་པོ་དེ་ནོར་བཙལ་བའི་ཐབས་བརྩོན་པར་བྱེད་དོ། །དེ་ནི་དབུལ་བ་དང་ཕོངས་པ་སྤང་སྟེ་བདེ་བ་དང་འབྱོར་བ་སྒྲུབ་པར་འདོད་པའི་ཕྱིར་རོ། །རིགས་ཀྱི་བུ་དེ་བཞིན་དེ་བཞིན་གཤེགས་པ་མྱ་ངན་ལས་འདའ་བ་མཐོང་། དེ་དཀོན་པ་དང་། ཕྲད་པར་དཀའ་བ་དང་། མྱ་ངན་དང་སྡུག་བསྔལ་གྱི་འདུ་ཤེས་ཀྱང་བསྐྱེད་ཅིང་བཅོམ་ལྡན་འདས་དེ་བཞིང་ཤེགས་པ་འཇིག་རྟེན་དུ་བྱུང་བའང་བསྐལ་བ་གྲངས་མེད་པ་ན་ལན་འགའ་ཞིག་བྱུང་སྟེ། ཇི་ལྟར་ཨུ་དུམ་ཝཱ་རའི་མེ་ཏོག་རྒྱལ་མན་ཡང་འགའ་ཞིག་འབྱུང་བ་བཞིན་པས་སེམས་ཅན་རྣམས་དེ་ལ་དཀོན་པ་དང་ཕྲད་བར་དཀའ་བའི་འདུ་ཤེས་བསྐྱེད་ཅིང་བཅོམ་ལྡན་འདས་དེ་ལ་གུས་བ་སྐྱེ་བར་འགྱུར། ཞལ་ནས་གསུངས་པའི་མེད་རྣམས་ལའང་བདེན་པའི་འདུ་ཤེས་དང་། ཡོངས་སུ་བཟུང་བའི་འདུ་ཤེས་བསྐྱེད་ཅིང་སྐུར་བ་འདེབས་པར་མི་བྱེད་དོ། །རིགས་ཀྱི་བུ་དེ་ལྟ་བས་ན་དེ་བཞིན་གཤེགས་པ་རྒྱུ་དེ་དང་རྐྱེན་དེའི་ཕྱིར་འཇིག་རྟེན་ཡུན་རིང་དུ་མི་བཞུགས་ཤིང་

― JLAZ014_Page_0683 ―

^{[མ་དཔེ་གཟིགས་ན་འདིར་གནོན།]}

[Full Size]

མྱུར་དུ་མྱ་ངན་ལས་འདའ་བར་མཛད་པས་དེ་བཞིན་གཤེགས་པ་རྣམས་ནི་ཐབས་མཁས་པ་ཕུན་སུམ་ཚོགས་པ་དེ་ལྟ་བུས་སེམས་ཅན་རྣམས་ཡོངས་སུ་སྨིན་པར་མཛད་དོ། །ཅེས་དེ་བཞིན་གཤེགས་པའི་སྐུ་ཚེའི་ཚད་མཐའ་མེད་པ་ལ་གདུང་བྱ་རྣམས་ཀྱི་དོན་དུ་མྱ་ངན་ལས་འདའ་བའི་ཚུལ་སྟོན་པས་དེ་བཞིན་གཤེགས་པས་ཐབས་མཁས་པའི་མཛད་པ་ཕུན་སུམ་ཚོགས་པར་གསུངས་པ་བཞིན་བདག་ཅག་གི་འདྲེན་པ་མཆོག་འདི་ཉིད་ཀྱང་ངེས་པའི་དོན་དུ་གདོད་མ་ནས་ཆོས་ཀྱི་སྐུ་རིག་བཟང་བརྙེས་པའི་སྤྲུལ་པ་ཡས་སྤྲུལ་ཁོ་ན་ཉིད་དུ་གདོན་མི་ཟ་བར་མ་ཟད། དྲང་དོན་གདུལ་བྱ་ཐ་མལ་པ་རྣམས་ཀྱི་སྣང་ངོར་བསྟན་པའི་སྐུ་ཚེ་འདི་ཉིད་ཡང་གཞོན་ནུའི་དུས་ནས་ཐེག་མཆོག་རྫོགས་པ་ཆེན་པོའི་ཟབ་དོན་སྙིང་ཏིག་གི་མན་ངག་ཁྲེགས་ཆོད་དང། ཐོད་རྒལ་གྱི་ལམ་སྒྲོན་མ་བཞིའི་རྣལ་འབྱོར་ལ་གོམས་པས། ལྷུན་གྲུབ་སྣང་བཞིའི་ས་ལ་བསྒྲོད་པ་ཡོངས་སུ་རྫོགས་པའི་ཆོས་ཟད་བློ་འདས་ཆེན་པོའི་དགོངས་པས་ཟག་བཅས་ཕུང་པོའི་རྡུལ་ཕྲན་ལྷག་མ་མ་ལུས་པར་དེངས་ནས་འཇའ་ལུས་འཕོ་བ་ཆེན་པོའི་སྐུ་མངོན་དུ་གྱུར་ཏེ་འཆི་མེད་གཉུག་མའི་བསྟན་སྲིད་ལ་མངའ་བརྙེས་པས་སྐྱེ་འཆིའི་འཇུག་པ་ཆད་ཟིན་པ་ལ་ནེམ་ནུར་མ་མཆིས་མོད་དེ་བདག་

― JLAZ014_Page_0684 ―

^{[མ་དཔེ་གཟིགས་ན་འདིར་གནོན།]}

[Full Size]

ཅག་ལྟ་བུ་རྟག་པར་འཛིན་པའི་འདུ་ཤེས་ཀྱི་ལེ་ལོ་ཟློག་པར་དཀའ་བར་དགེ་བའི་རྩ་བ་དང་དད་པ་ཆུང་བར་གྱུར་བ་རྣམས་ཆོས་ལ་བསྐུལ་བར་བྱའི་དོན་དང་། མུ་སྟེགས་ཅན་ང་འདྲ་བར་རང་ལྟ་མཆོག་འཛིན་གྱི་ལྟ་བས་འགྲན་སེམས་དང་། ཕྲག་དོག་གི་དུག་ཆུས་མྱོས་པ་རྣམས་ཀྱང་དགེ་བའི་ས་བོན་གྱི་བག་ཆགས་དང་། ཡང་དག་པའི་ལྟ་བ་ལ་འཛུན་བའི་ཤེས་རབ་ཀྱིས་དྲན་པ་ཡོངས་སུ་སད་པར་བྱ་བ་སོགས་དགོས་དབང་དུ་མ་ལ་སྦྱོར་བའི་ཐབས་མཁས་པའི་མཛད་པ་འདི་ལྟ་བུ་ཡོངས་སུ་བསྟན་པའི་དུས་ལ་མངོན་པར་བབ་པས་བདག་ཅག་རྣམས་ཀྱི་མྱ་ངན་གྱི་ཚོར་བ་དྲག་པོས་རེ་ཞིག་ཅི་བྱ་བརྟོལ་མེད་པར་གྱུར། རྗེ་འདི་ལྟ་བུ་ལ་ཕལ་བའི་རིགས་འགྲེའི་གསལ་འདེབས་སོགས་ནི་ཅི་ལ་དགའ་འོན་ཀྱང་འཇིག་རྟེ་རྨོངས་པའི་སྣང་ཚོད་དང་ཡང་མི་འགལ་བར་དཔྱད་དེ་གྲུབ་པའི་དབང་པོ་ཝ་གིནྡྲས་སངས་རྒྱས་སྲས་གཅིག་གི་རྒྱུད་ཀློག་ཐུགས་སྨོན་མཛད། དེ་ནས་དགོངས་པ་ཡོངས་སུ་རྫོགས་པའི་ཐབས་ཇི་ལྟར་ནུས་པའི་རིམ་བས་རྗེས་སུ་ཞུགས་པ་ལ་ཐེག་མཆོག་རྒྱལ་པོའི་ལམ་ནས་གང་ཟག་མཆོག་རྣམས་མྱ་ངན་ལས་འདའ་བ་ན་ཁྱུང་ཕྲུག་སྒོ་ངའི་ནང་དུ་གཤོག་རྩལ་རྫོགས་པའི་དཔེ་བཞིན་དུ་ཕུང་པོ་འབྲེལ་ཐག་ཆད་པ་དང་ཡར་གྱི་ཟང་ཐལ་

― JLAZ014_Page_0685 ―

^{[མ་དཔེ་གཟིགས་ན་འདིར་གནོན།]}

[Full Size]

དུ་འགྲོ་བ་ལས་སྟོབས་གསུམ་འོད་གསལ་དང་བཅས་བའི་འཇུག་གནས་ལྡང་བའི་ཐིམ་རིམ་ལུགས་འབྱུང་ལུགས་ལྡིག་གི་ངེས་པའང་ཀུན་རྫོབ་ཀྱི་སྤྲོས་པ་ཙམ་དུ་ཟད་པའི་ཕྱིར་ཐུགས་དམ་དུ་བཞུགས་རེའི་ཕུང་པོ་བསྐུལ་བསྐྱོད་མི་བྱེད་པ་སོགས་དོན་དང་ངོ་མཚར་མི་ཆེ་ཞེས་རྗེ་ཉིད་ཀྱི་གསུང་དུ་ཕེབས་པ་དང་བཅས་ནངས་པར་སྐུ་གདུང་རིན་པོ་ཆེར་དྲི་བཟང་གི་ཁུ་བས་ཁྲུས་གསོལ་ཏེ་བཟང་དྲུག་དང་བདུད་རྩི་སྨད་སྒྲུབ་ཕྱེ་མས་ལེགས་པར་ཕྱུགས། རིགས་ལྔ་ཐོར་ཚུགས་རྡོ་དྲིལ་སོགས་ལོངས་སྤྱོད་རྫོགས་པའི་སྐུ་ལ་ཉེ་བར་འོས་པའ་ཆ་བྱད་རྣམས་ཕུལ་ནས་རྟག་བརྟན་ལྷུན་གྲུབ་ཆེན་པོའི་སྐུར་བཞུགས་སུ་གསོལ་བའི་ཁོར་ཡུག་ཀུན་མཆོད་པའི་སྤྲིན་རྒྱ་མཚོའི་འབྱོར་ཚོགས་དང་བཅས། གྲུབ་དབང་དམ་པས་རྡོར་སློབ་མཛད་པའ་གྲ་སློབ་གཙོས་བསྡུས་བཅུ་ཕྲག་ནས་སྔ་ཐུན་ལ་བླ་མ་མཆོད་པའི་དཀྱིལ་འཁོར་ཆེན་པོ་མཆོད་ཅིང་སྒྲུབ་པ་དང་། བདག་ཉིད་འཇུག་པའི་དབང་གི་རིམ་པ་དང་བཅས། གུང་གི་ཐུན་དང་ཕྱི་དྲོའི་ཐུན་གཉིས་ལ་ཞི་ཁྲོ་དམ་པ་རིགས་བརྒྱའི་དཀྱིལ་འཁོར་སྒྲུབ་མཆོད་དང་ན་རག་བསྐངས་ཀྱི་ཆོ་ག་སྨིན་རྒྱས་ཀྱི་ཐུན་མཚམས་རྣམས་སུ་མཆོག་གི་སྤྲུལ་པའི་སྐུ་

― JLAZ014_Page_0686 ―

^{[མ་དཔེ་གཟིགས་ན་འདིར་གནོན།]}

[Full Size]

མྱུར་གསལ་འབྱོན་པའི་གསོལ་འདེབས་སྨོན་ལམ་སོགས་པར་མེད་དང་། འདི་ཁའི་གཉུག་མར་གནས་པའི་གྲྭ་རིགས་དང་ཕྱོགས་འདུས་བཅས་ཞི་ཤུ་སུམ་ཅུ་སོགས་ངེས་མེད་དུ་ཚོགས་པ་ནས་ལེའུ་བདུན་མ། རྗེ་ཉིད་ཀྱི་འཁྲུངས་རབས་དང་རྣམ་ཐར་གསོལ་འདེབས། ཡིག་བརྒྱ་དང་ཡེ་ཤེས་སྐུ་མཆོག །བསམ་ལྷུན་མྱུར་འགྲུབ་བཅས་གྲངས་གསོག་ཉིན་བཅུའི་བར་བསྒྲུབས་པའི་གདུང་ཆོ་ག་པ་རྣམས་ལ་དངུལ། ཇ་སྤག །གཟའ་སྟོད་སོགས་ཀྱི་མཆོག་ཡོན་སྨན་ངེས། བྱིངས་ལའང་དངུལ། །དར་འགྱེད། །རས་ཆ་རྩམ་པ་སོགས་ཀྱི་འགྱེད་སྣ་མང་བ་བསྒྲུབས། དེ་ནས་དགུང་ཞག་ཞེ་དགུ་མ་རྫོགས་རིང་མཆོད་པའི་འབྱོར་ཚོགས་རྒྱ་ཆེན་པོ་བཤམས་ངོས། ཚོག་པ་གྲ་གྲངས་ངེས་མེད་དུ་འཛོམ་པས་ཉིན་ལྟར་བླ་མ་མཆོད་པའི་ཆོ་ག་དང་། ཚོགས་བརྒྱ་སྨོན་ལམ་དང་བཅས་ཆག་མེད་ངོས། བདུན་ཚིགས་དག་ཏུ་ཞི་ཁྲོ་རིགས་བརྒྱའི་དཀྱིལ་འཁོར་ཆེན་པོར་ན་རཀ་བསྐངས་བཤགས་དང་སྐབས་མཚམས་རྣམས་སུ་གདུང་རིན་པོ་ཆེར་ཁྲུས་གསོལ་བའི་དྲི་བཟང་གི་ཆུ་ཁུ་བར་བཏབ་པའི་འཇིམ་པ་ལ་ཨོ་རྒྱན་ཆེན་པོ་གཙོར་གྱུར་གྱི་པར་སྐུ་མང་པོ་དང་། སཙྪ་གྲངས་མེད་བཏབ། གཡོ་རུ་ཁྲ་འབྲུག་ཏུ་

― JLAZ014_Page_0687 ―

^{[མ་དཔེ་གཟིགས་ན་འདིར་གནོན།]}

[Full Size]

སྟོང་མཆོད་ཀྱི་དགོས་ཆ་སྙན་ཤལ་བཅས་རྒྱས་པ་དང་། མངའ་རིས་གྲྭ་ཚང་དུ་བཀའ་འགྱུར་གསུང་སྒྲོག་ཉིན་གསུམ་ཚུགས་རྒྱུའི་དགོས་ཆ་ཡོན་དངུལ་རྐྱང་གྲ་རེར་ཞོ་དོ་རེ་དང་རས་སྣམ་གོས་ཟས་སོགས་ཀྱི་སྤོམས་འགྱེད་ཞོ་རེ་དམའ་མཐར་ཐེབས། སྔོན་ནས་སོང་བ་རྣམས་ལས་ཁྱང་ཁྲ་འབྲུག་གི་མཆོད་འབུལ་ཞི་བར་གཤེགས་ཉིན་རང་འགྲིག་པས་མ་སྒྲིགས་ལྷུན་གྲུབ་ཏུ་དགོངས་རྫོགས་སུ་སྨིན། བདུན་ཚིགས་དང་པོའི་ཉིན་ནས་བཟུང་རིམ་པར་དགོས་ཆ་གྲ་སྒྲིག་གིས། གོང་ས་ཡས་ཕྱིན་སོ་སོར་རྒྱ་ལི་སྤུས་གཙང་གི་ཐུབ་དབང་སྐུ་མཐོ་ཚད་རེ་དང་། སྡེ་དྲིལ་གསེར་མགོ་མ་རྡོར་བཅས། ཁ་བཏབས་ནང་མཛོད། བརྒྱད་ཚད་བཟང་བ་རེ་དང་། ལྷ་ལྕན་ཇོ་ཤཱཀ་ལ་གསེར་ཆབ་དང་སྟོང་མཆོད་གཅིག་འབུལ་རྒྱུ་འདོད་སྒྲིལ་དངུལ་སྲང་ཉིས་བརྒྱ་སྐོར་དང་། སྙན་ཤལ་མང་བ། འབྲི་གུང་དུ་རྒྱལ་སྲས་རིན་པོ་ཆེར་ནང་མཛོད་གུ་རུའི་སྐུ་ཚབ་གསེར་དམར་ལས་གྲུབ་པ་མཁྱིད་གང་ལྷག་པ། གན་དྲིལ་རྡོར་བཅས། ཐོད་སྣམ་གྱི་རྟ་བེར་ཁ་གསར། བཀའ་ཆེམས་དགོངས་དོན་ཐང་ཡིག་གི་ཐང་ཤན་གྲྭ་ཚར་དགུ། རྒྱ་གར་ཕེ་རེང་བའི་ཤེལ་མིག་རིན་ཐང་ཅན་། ཙི་ནའི་ཤེལ་སྒོ། བརྒྱད་ཚན་བཟང་བ་བཅས། རིན་

― JLAZ014_Page_0688 ―

^{[མ་དཔེ་གཟིགས་ན་འདིར་གནོན།]}

[Full Size]

པོ་ཆེ་ཆེ་ཚང་ལ་ཐུབ་དབང་རྡོར་གདན་མ་སྤུས་ལེགས་མཐོ་གང་། ཐེག་ཆེན་གན་དྲིལ་སྤུས་གཙང་རྡོར་བཅས། ནང་མཛོད་དང་བརྒྱད་ཚན་བཟང་བ། དགོན་ཁག་ཐེལ་སྤྲོ་ལུང་། ཀ་ཚལ། བརྩེ་བ་གྲྭ་ཚང་སོ་སོར་མང་ཇ་གསུམ་རེ་དང་འགྱེད་ཊཾ་ག་རེ། དེ་ཁུལ་གཏེར་སྒྲོམ་བཅས་ཀྱི་གནས་རྟེན་རྣམས་སུ་སྙན་ཤལ་མཆོད་འབུལ་རྒྱ་ཆེ་བ། ཞྭ་ལྷ་ཁང་དུའང་མཆོད་འབུལ་བཅས་གྲྭ་ཚང་ལ་མང་ཇ་གཉིས། འགྱེད་སྐར་ཕྱེད་བརྒྱད་རེ་རྣམས་ཟླ་བ་བཅུ་པའི་ཚེ་བཅོ་ལྔར་བསམ་ཡས་མི་འགྱུར་ལྷུན་གྱིས་གྲུབ་པའི་གཙུག་ལག་ཁང་ཕྱི་ནང་ལ་མཆོད་པ་སྣ་ལྔ་སྟོང་ཚར་གཉིས་དང་གསེར་ཆབ་སྙན་ཤལ་འབོར་ཆེ་བ་དང་། དཀར་ཁང་དུ་ཟླ་གཅིག་གི་མར་བཞུ་མར་ཁལ་བཞི་བརྒྱ་ལྔ་བཅུ་སྐོར་བཅས་བསྒྲུབས། བར་ཁང་དུ་ཚོགས་བརྒྱ་དང་མཆོད་འབུལ་རབ་ཏུ་སྨིན་པ་དང་། ཇོ་བོ་བྱང་ཆུབ་ཆེན་པོའི་སྤྱན་སྔར་ལུག་བརྒྱད་ཀྱི་ཚེ་ཐར། མཆིམས་ཕུ་བྲག་དམར་མེའུ་ཚང་དུ་མཆོད་པ་སྣ་ལྔ་རྒྱས་པར་བཤམས་ཐོག་གུ་རུ་གཙོ་འཁོར་གྱི་སྐུ་ཚབ་ཡིད་བཞིན་ནོར་བུར་གསེར་ཆབ་སྙན་ཤལ་དང་། རྒྱ་དངུལ་ཐུར་སྲང་བཅོ་ལྔ་ཡོད་པའི་ཀོང་བུ་འབུལ་མ་ལེགས་པ་རྣམས་ཕུལ། གནས་འཛིན་པ་བྲ་པ་ཅི་ཡོད་ཀྱི་མགོན་དུ་སྤྲུལ་པའི་སྐུ་བཞུགས་པས་ཉིན་གང་ཚོགས་

― JLAZ014_Page_0689 ―

^{[མ་དཔེ་གཟིགས་ན་འདིར་གནོན།]}

[Full Size]

བརྒྱ་དང་ལེའུ་བདུན་གསོལ་འདེབས་སོགས་མཛད་བར་ཊཾ་འགྱེད་བཅས་ཆོག་ཡོན་སྨར་བར་ཕུལ། གླིང་སྨད་པ་རྣམས་སུ་མང་ཇ་གསུམ་ཊི་འགྱེད། སྒྲགས་ཡང་རྫོང་། གཡའ་མ་ལུང་གཉིས་སུའང་ཚོགས་བརྒྱ་དང་མཆོད་འབུལ་སྙན་ཤལ། དེ་དག་གི་གནས་འཛིན་པ་རྣམས་ལ་ཡང་མང་ཇ་དང་ཇ་འགྱེད། ཟུང་ཕུབ་གཏེར་སྟོན་རིན་པོ་ཆེའི་གདུང་འབུམ་ལ་མཆོད་པ་སྣ་ལྔ་བརྒྱ་ཚར་སྙན་ཤལ་དང་བཅས་གྲྭ་བཙུན་རྣམས་སུ་མང་ཇ་གསུམ་ཊཾ་འགྱད། སྲོང་བཙན་བམ་སོར་གྲ་གྲངས་བརྒྱད་རེས་ཉིན་གཅིག་སྟོང་མཆོད་བཤམས་འབུལ་དང་ཉིན་གཅིག་ན་རག་བསྐངས་བཤགས་ཚོགས་བརྒྱ་དང་འབྲེལ་བ་སྔ་ཕྱི་བསྡོམས་པ་ཚར་གསུམ་རྟེན་རྣམས་གསེར་ཆབ་སྙན་ཤལ་མང་བར་ཕུལ་ཞིང་མཆོད་པའི་རོ་མ་རྣམས་ཀྱིས་ཡུལ་མི་དང་འཔྱོད་རྒྱས་ཞོལ་ཚུན་གྱི་མུ་ཏོ་བའི་དབུལ་བ་བསལ། ཁྲ་འབྲུག་ཏུ་སླར་ཡང་སྟོང་མཆོད་གཅིག་དང་། འམ་བུ། སྟག་ཅན། ཤེལ་བྲག་ གདན་ཐེལ་རྣམས་སོ་སོར་མཆོད་པ་སྣ་ལྔ་བརྒྱ་ཚར་ལ་མཐའ་རྟེན་སྙན་ཤལ་བཅས་དང་ཚོགས་བསྐངས་གནས་འཛིན་པ་ལ་དབུལ་པོའི་ཚོགས་ལ་མང་འགྱེད། རི་བོ་བདེ་ཆེན་པར་སྨན་བླ་ཉིན་འཁྱོངས་ཀྱི་མཆོད་བཤམས་དང་བསྙེན་བཀུར་གཟབས་རྒྱས་ཐོག །སྐལ་

― JLAZ014_Page_0690 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་བརྒྱད་བརྒྱ་ཐལ་ཙམ་སྣང་བར་རྩམ་ཕོགས་བྲེ་འགྱེད་ཊཾ་ཁ། དཔལ་རིར་འདུས་པ་མདོའི་རྡུལ་ཚོན་གྱི་དཀྱིལ་འཁོར་ཞལ་འབྱེད་ཀྱིས་སྒྲུབ་མཆོད་བདུན་ཕྲག་གཅིག་གི་རིང་དངོས་གཞིའི་ཞབས་ཏོག་བཟང་བའི་ཐོག་འཛུགས་སྒང་གྲོལ་ཉིན་བཅས་སུ་ཚ་གྲྭ་ཚོགས་འཁོར་བཅས་གཟབས་པ། ཆོག་ཡོན་གྲྭ་རེར་དངུལ་ཊཾ་ཁ་རེ། གྲྭ་གྲངས་བུ་རེར་ཇ་ཀོ་སྦག །ཡང་ཊཾ་རེ་ཐེབས་རྩིས་ཀྱི་དངོས་པོའི་རིགས་སྣ་ཚོགས་འདུས་མདོའི་སྒྲུབ་མཆོད་ཀྱི་ཆ་རྐྱེན་དུ་དངུལ་བུམ་ཆེ་བ་གཅིག །དངུལ་སྲང་བཅོ་ལྔ་ཡོད་པའི་ཏིང་བདུན་ཚར་གཅིག །དངུལ་གྱི་སྨན་རག་ཀ་ལི་ཆ། དངུལ་ཀོང་གཅིག །དངུལ་ཐུར་སྲང་ཉི་ཤུ་སྐོར་ཡོད་ཀྱི་གྱ་གླིང་ཆ། སྤྱི་རྫས་སུ། རྒྱན་བཞི་རྒུན་མདོག་རྒྱུ་སྙིང་གི་ཕོད་ཁ་ཆ་གཅིག་དང་། ཧོར་རྒྱན་གཞི་སྔོན་པོ་སྤུས་དག་གི་ཕོད་ཁ་ལེགས་པ་ཟོར་པང་ཚེ་དྲུབ་ཀྱིས་ཁྲོ་ཞལ་ཅན་རྣམས་དང་། གཙང་ཁང་ནང་གི་མཁན་པོའི་ལིང་སེར་གྱི་སྐུ་ཆོས། ཆོས་རྒྱལ་ལ་རྡོར་སང་སྔོ་དམར་སྤེལ་བའི་སྟོད་ལེ་སྨད་ཤམ། ཉེ་སྲས་བརྒྱད་དང་རྡོར་སེམས་བཅས་སུ་བཟང་གོས་ཆོས་སྤེལ་གྱི་སྟོད་ལེ་སྨད་ཤམ། འུ་ཤང་རྡོའི་རྟེན་གཙོར་གྲགས་པའི་རྣམ་སྣང་བྱིན་ཅན་ལ་བཟང་གོས་ཀྱི་སྟོད་ལེ་དང་ཅོན་པཎ་བཅས་ཕུལ།

― JLAZ014_Page_0691 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་ལྟར་གྱི་སྤྲེལ་ཟླའི་ཚེས་བཅུ་དང་། ཟླ་བ་དགུ་པའི་ཚེས་གསུམ་ལ་སྲོང་བཙན་དུ་མཆོད་པ་སྣ་ལྔ་བརྒྱ་ཚར་རེ་འབུལ་བཤམ་དང་། འདུས་པ་མདོའི་སྒྲུབ་མཆོད་ལ་མང་ཇ་འཕར་མ་གཉིས་རེ་དང་རྩམ་ཕོགས་རེ་རྒྱག་རྒྱུ་ནས་གད་གཙང་གཤོར་ཁལ་ལྔ་བཅུ་ང་བཞི་རྣམས་སྦྱར། གློ་དཀར་བའི་བཙུན་མ་སུམ་ཅུ་སྐོར་ནས་སྤྱི་འདུས་ཀྱི་ཆོ་ག་ཚོགས་སྐོང་བཅས་ལ་ཉིན་འཁྱོངས་ཞབས་ཏོག་ཚ་གྲ་བཅས་ཡོན་ཞོ་རེ། བལ་སིལ་སྐྱོན་མེད་གཅིག་སྤྱི་རྫས་སུ་སྦྱར། དཔལ་རི་རྙིང་མ་བ་དུད་བརྒྱད་ཅུ་སྐོར་ལ་ཇ་གཉིས་ཐུག་པ་བཅས་ཀྱི་ཐོག་སྒོ་འགྱེད་སྐར་ཕྱེད་བརྒྱད་རེ་དང་དབུལ་པོའི་ཚོགས་ལ་འཕར་མའི་སྦྱིན་པ། གཞི་བའི་དུད་ཆུང་རྣམས་ལའང་གྲྭ་ཚང་གི་སྒྲུབ་མཆོད་ཞབས་ཏོག་གི་རྗེས་འབྲེལ་དུ་ཉིན་གཅིག་གི་ཇ་ཐུག་གཟབས་པ་དང་། སྒོ་འགྱེད་སྤྱིར་ཇ་སྦག་བཅས་དོན་མཁར་ཁུལ་གྱི་ཡུལ་མི་ཅི་ཡོད་སྤྲང་པོ་བཅས་ལ་ཇ་ཆང་ཐུག་པ་གང་འཐུང་ངོས། རྩམ་བྲེ་དོ་རེ་དང་སྒོ་འགྱེད་ཇི་བཞི་ཁྲིགས་རེ། བླ་བྲང་གི་ཞོ་ཤ་སོགས་ལ་འབྲེལ་ཆེ་བ་དག་ལ་སྣམ་རས་གོས་ཟས་ཇ་འགྱེད་འཕར་མ་བཅས་ཀྱི་སྟེར་སྦྱིན། དབུལ་པོ་སྤྲང་པོ་རྣམས་སུ་རྩམ་དངུལ་མཆོད་རོ་རྣམས་ཀྱི་སྦྱིན་གཏོང་བར་མེད། ཡར་སྟོད་མདའ་ཕུར་བྲག་གི་སློབ་

― JLAZ014_Page_0692 ―

^{[མ་དཔེ་གཟིགས་ན་འདིར་གནོན།]}

[Full Size]

དཔོན་ཆེན་པོའི་གཟིམས་ཕུག་ཏུ་བརྒྱ་མཆོད་དང་ཚོགས་བརྒྱ། བླ་བྲེ་ཆུང་དུ། རས་སྨན་གྱི་གནམ་རྒྱན་ཐོངས་ཀྱི་མཎྚལ་བཅས་ཕུལ། དགས་པོ་ཕྲ་མོ་བྲག་ཏུའང་བརྒྱ་མཆོད་སྙན་ཤལ་འབྱུལ་རྒྱུ་བསྐུར། འཕྱོས་ལམ་རིམ་བ་གྲ་གྲངས་དྲུག་ཅུ་སྐོར་། བཀྲ་ཤིས་བདེ་ཆེན་པ་བརྒྱད་ཅུ་སྐོར་ཐང་པོ་ཆེ་བ་སུམ་ཅུ། སྤྱན་གཡས་དགོན་སྟོད་སུམ་ཅུ་སྐོར། དར་རྒྱས་གླིང་པ་ཉིས་བརྒྱ་སྐོར་བཅས་སོ་སོར་མང་ཇ་གཉིས་རེ་དང་། འགྱེད་སྐར་ཕྱེད་བརྒྱད་རེ། བསྔོ་རྟེན་བཅས། ས་སྐྱ་གོང་མ་རིན་པོ་ཆེར་ཐུགས་དམ་འདོགས་བྱེད་རྟེན། ནང་མཛོད། རྡོ་རྗེ་འཆང་། བདག་མེད་མ། ཌོམ་བྷི་ཇེ་རུ་ཀ་བཅས་པ་ལམ་འབྲས་བླ་མ་བརྒྱུད་པས་བསྐོར་བའི་ཐང་སྐུ་སྤུས་ལེགས་གསུམ་དང་ནང་མཛོད། ལྷ་ཆེན་མཁན་པོར་བཟང་གོས་ཁ་འབྲེལ་བར་མཛོད་བཅས། རྡོ་རྗེ་བྲག །ལྕགས་ཟམ་སྤྲུལ་སྐུ། དཔལ་རི་སྤྲུལ་སྐུ། མཚོ་སྣ་དགོན་རྩེ། ཀོང་པོ་རྒོད་ཚང་། ལྷ་ལུང་སྤྲུལ་སྐུ། ཉི་གྲགས་སྤྲུལ་སྐུ་སོགས་བླ་མ་རྣམས་སུ། སྐུ་གསུང་ཐུགས་རྟེན་སོགས་དང་། ན་བཟའ་ཁ་སར། རྡོར་དྲིལ་སོགས་ཅི་རིགས་པ་ཁ་བཏགས་བཅས་མཆོད་བསྔོའི་རྟེན་བརྡ་མཚོན་རེ་གཙང་ཐེག་མཆོག་གླིང་གུ་རྒྱུ་འཕྲུལ་ཞི་ཁྲོའི་ཆོ་ཉིན་གཉིས་གཏོང་

― JLAZ014_Page_0693 ―

^{[མ་དཔེ་གཟིགས་ན་འདིར་གནོན།]}

[Full Size]

རྒྱུའི་དགོས་ཆས་དང་། སྤྱི་རྫས་སུ་ལྤགས་བྱུས་སྣ་ལྔ་ཡུག་ཚར་ལས་བསྒྲུབས་པའི་རྒྱལ་མཚན་གཤམ་བུ་བཅུ་གཅིག་བརྩེགས་དང་བདེན་རྣམ་ཤིང་རྟ་གཉིས་ཀྱི་གླེས་བམ། འགྱེད་ཊཾ་ག་རེ། ལོ་ལོ་བཞིན་སྔ་འགྱུར་སྒྱུ་འཕྲུལ་གྱི་ཆོ་ག་ཉིན་གཉིས་ཏེ་ཚུགས་ཐེབས་དངུལ་རྡོ་ཚད་གཅིག་དང་མཁན་པྲོ་མཆོད་བསྔོ་མཚོན་ཙམ། ར་ལུག་བསྡོམས་པ་ཉི་ཤུ་སྐོར་དང་ཉ་སྟོང་ཕྲག་ཐལ་བའི་སྲོག་བསླུ། མོན་དུ་སྦྲང་ཚང་བསླུ་རྒྱུར་བྱུ་རུ་སྤོས་ཤེལ་ཁ་ཤས་ཀྱང་སོང་། སྐུ་གདུང་རིན་པོ་ཆེར་ཉིན་མཚན་འཁོར་ཡུག་རྒྱུན་མི་ཆད་པའི་མཆོད་པའི་སྤྲིན་བཤམས་ངོས། སྐབས་འགའ་ཞིག་ཏུ་དྲི་བཟང་པོའི་ཆུས་ཁྲུས་གསོལ་ཞིང་བཟང་པོ་དྲུག་དང་བདུད་རྩི་སྨན་སྒྲུབ་ཀྱི་ཕྱེ་མས་ཕུར་ཞིང་བརླན་གཤེར་གྱི་སྐྱོན་མི་འབྱུང་བའི་ཕྱིར་ལན་ཚྭས་གཅེར་ཞིང་བཞུགས་པ་ན་སྐུའི་ཤ་ཚུགས་མི་སྡུག་བ་མེད་ཅིང་གཟི་བྱིན་ལྷག་པར་ཆེ་བ་དང་པགས་པའི་མདོག་གནག་སྣུམ་ཤེལ་ལ་འཇའ་ཚོན་འཁོར་བ་ལྟ་བུའི་འོད་དང་བཀྲག་མདངས་ཅན་ཁ་དོག་གཅིག་ཏུ་མི་མཚོན་པ་ལྟ་བུའི་ངོ་མཚར་དང་ལྡན་པར་སྣང་། དཔལ་རི་ནས་གྲ་དམས་ཀྱིས་མཚོན་གཞིས་བྱེས་ནས་གདུང་མཇལ་ཞུ་མི་ཤིན་ཏུ་མང་བས་སྐུ་གདུང་རིན་པོ་ཆེར་སྙན་ཤལ་མཆོད་སྤྲིན་གྱི་ཕྱུར་བུར་སྤུངས་ཤིང་ཚོགས་བསྐངས་དང་

― JLAZ014_Page_0694 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་འཇུག་ལེན་པར་བར་མི་ཆོད་དུ་གྱུར། བསྟན་པའི་སྦྱིན་བདག་འགྲལ་གྱི་དོ་ཟླ་མེད་པས་སྐྱོང་སྡེ་དགེ་རིན་པོ་ཆེའི་ཕྱོགས་སུ་གང་སའི་གནས་ཚུལ་ཞུ་འོས་གཞིར་བཅས་ཀྱང་གནས་ཀྱིས་བསྐལ་བས་འཕྲལ་དུ་སྐུ་མདུན་དུ་བརྟོལ་བའི་མཐུ་མེད་ཀྱང་ལས་དང་སྨོན་ལམ་དགེ་བའི་དབང་གིས་ཡུམ་སྲས་ལྕམ་གསུམ་གྱི་སྙན་དུ་བརྟོལ་ཏེ་ས་དབང་ཡུམ་ཉིད་གཙོར་བཞུགས་ནང་སྐོར་གྲ་ཚོགས་ཉུང་བསྡུས་ཀྱིས་ཉིན་བཞིན་བརྒྱ་མཆོད་རེ་རེ་བཤམས་གཤེགས་དང་བཅས་བླ་མ་མཆོད་པའི་དཀྱིལ་འཁོར་དུ་སྒྲུབ་ཅིང་མཆོད་པ་བདག་འཇུག་ལེན་བ་སོགས་རྒྱས་སྤྲོས་དང་ཚོགས་བརྒྱ་བཅས་ཉིན་གྲངས་བསྟུར་མ། སྡེ་དགེ་རྣམ་རྒྱལ་གྲ་ཚང་དང་དགོན་སྡེ་གཞན་ལའང་རྒྱུ་འགྲོས་ཀྱིས་བླ་མ་མཆོད་པ་དང་ཆོགས་བརྒྱ་མང་པོ་བསྒྲུབ་བསྐུལ། རྒྱ་རོང་དགོན་དུ་རྒྱུད་ལུགས་ཕུར་པའི་སྒྲུབ་མཆོད་ལོ་བསྟར་ཚུགས་རྒྱུའི་རྟེན་དུ་ནས་ཁལ་སུམ་ཅུའི་མལ་གྱིས་ཞིང་དང་རིག་འཛིན་འཕེལ་རྒྱས་གླིང་དུ་རིག་འཛིན་འདུས་པའི་སྒྲུབ་མཆོད་རྒྱུན་འཛུགས་ཐེབས་སུ་དངུལ་དང་ས་ཞིང་བཟང་བ་བཞག །ཟངས་གསེར་གྱི་མཆོད་རྟེན་མདའ་ཚད། རྗེ་ཉིད་ཀྱི་འདྲ་སྐུ་ལུགས་མ་མཐོ་ཚད། མཆོག་སྤྲུལ་མྱུར་དུ་འབྱོན་པ་དང་བསྟན་འགྲཱི་དོན་རླབས་ཆེན་འགྲུབ་ཕྱིར་སྐྱེས་བུ་ཁོག་

― JLAZ014_Page_0695 ―

^{[མ་དཔེ་གཟིགས་ན་འདིར་གནོན།]}

[Full Size]

ཞུགས་ཀྱི་བརྟག་ལུང་ལྟར་ཟངས་གསེར་གྱི་རྡོར་སེམས་གྲུ་ཚད་གསུམ། རྡོར་སེམས་སྟོང་སྐུ་གསེར་ཐང་གོང་གཤམ་སྒྲོས་ལྡན་ལྔ། སྐུ་ངོ་གསུམ་གྱིས་ཕྱག་བསྟར་དུ་སྨན་འཇིམ་ལས་པར་སྐུ་ཁྲི་ཕྲག་གསུམ་དང་། གཞུང་ཇ་འཁོར་དྲུག་ཉེར་ལྔ་ཡོན་སྤྲད་ཀྱིས་དགོན་པ་བ་རྣམས་ནས་འབྲུམ་ཐེར། གཞུང་ཇ་བཞི་བཅུ་ཡོན་འགྲོས་སྒྲོལ་མ་འབུམ་ཐེར་གསུམ། བར་སྐབས་ཀུན་ཏུ་མ་མགོན་གྱི་གསོལ་ཀ་གྲངས་མེད་པ་མང་པོ་བཅས་བརྒྱ་ཚར་བསྒྲུབས་སྣང་། སྐུ་གདུང་རིན་པོ་ཆེ་འདི་ལྷོ་འབྲུག་དང་གཙང་ཕྱོགས་ཀྱི་བུ་སློབ་རྣམས་ཀྱི་རང་རང་གི་ཕྱོགས་སུ་གདན་འདྲེན་གྱི་བསམ་པ་མཆིས། དཔལ་རི་ནས་གྲ་དམངས་ཀྱིའང་མགྲིན་གཅིག་པས་ཞུ་བ་དེ་བཞིན་དང་དེ་མིན་གདན་ས་འདི་ཁར་བཞུགས་ན་ལས་གཞན་དུ་མི་བསྐུར་གསུང་པ་སོགས་རང་རང་སོ་སོར་བདེན་མོད་ཀྱི། དགེ་བའི་བཤེས་གཉེན་ཚད་ལྡན་གྱི་གདུང་གི་ཆ་ཤས་ཙམ་ལའང་ཕན་ཡོན་དཔག་ཏུ་མེད་པར་རྒྱུད་སྡེ་མང་པོ་དང་རྒྱན་སྟུག་པོ་བཀོང་པའི་མདོ་སྡེ་ལས་ཀྱང་གསུངས་ན་དེ་ཉིད་བཅུ་ལྡན་གྱི་རྡོ་རྗེའི་སློབ་དཔོན་ཆེན་པོའི་གདུང་རིལ་པོར་བཞུགས་པ་ནི་ཡིད་བཞིན་གྱི་ནོར་བུ་དངོས་ཡིན་པས་ཕྱོགས་གང་དུ་བཞུགས་ཀྱང་འཚེངས་པ་ཞིག་སྟེ་ཞལ་བཞུགས་དུས་ཉིད་དུ་བརྟག་

― JLAZ014_Page_0696 ―

^{[མ་དཔེ་གཟིགས་ན་འདིར་གནོན།]}

[Full Size]

སྒྲིལ་གྱིས་གསུང་པའི་དོན་འདིར་གདའ། དེ་ལྟ་མོད་ཀྱི་ལས་དང་སྨོན་ལས་བཟང་པོའི་འབྲེལ་པ་དུས་བབས་ཀྱིས་དངོས་སུ་མཇལ་བ་རྣམས་དང་། ཕྱིན་ཆད་དུའང་དད་པ་དང་དགེ་བའི་རྩ་བ་ཅན། ཐར་པའི་ས་བོན་དང་ལྡན་པས་གསོལ་བ་འདེབས་ཤིང་རྗེས་སུ་འཇུག་པར་བྱེད་པའི་གདུལ་བྱ་སྐལ་བ་ཅན་ཀུན་ལ་བསྟན་པར་བྱ་བ་ཞལ་ཆེམས་ཀྱི་ཚུལ་དུ་གནང་བ་ཡང་། སངས་རྒྱས་ཀྱི་གཙུག་ཏོར་དཔའ་བར་འགྲོ་བའི་མདོ་ལས། ང་མྱ་ངན་ལས་འདས་པའི་རྗེས་སུ་བྱང་ཆུབ་སེམས་དཔའ་ཐམས་ཅད་དང་། དགྲ་བཅོམ་པ་རྣམས་གདུལ་བྱ་དེ་དག་དང་འཚམས་པའི་ལུས་ཀྱི་ཆོས་ཀྱི་སྙིགས་མའི་དུས་སུ་སྐྱེ་བ་བླངས་ཏེ་སྣ་ཚོགས་པའི་གཟུགས་སུ་སྤྲུལ་ཏེ་འཁོར་བར་འཁོར་བ་རྣམས་གྲོལ་བར་བྱེད་དོ། །འདི་ལ་དགེ་སྦྱོང་ངམ། སྐྱེ་བོ་ཕལ་བ་དང་། བློན་པོ་ཆེན་པོའི་རིགས་དང་། རྒྱལ་རིགས་དང་། སྣ་ཆེན་པོ་ལ་གཏོགས་པའི་རིགས་དང་། བུ་དང་བུ་མོ་ཡང་རུང་། བུད་མེད་འཕྱོན་མ་དང་ཡུག་ས་མོ་དང་། གང་དག་འཁྲིག་པ་སྤྱོད་པ་དང་། མ་བྱིན་པར་ལེན་པ་དང་། བཤན་པ་དང་། ཚོང་པ་དག་གི་གཟུགས་སུ་སྤྲུལ་ནས་དེ་དག་དང་ལྷན་ཅིག་ཏུ་མཐུན་པར་སྤྱོད་ཅིང་སངས་རྒྱས་ཀྱི་ཐེག་པ་ལ་བསྔགས་པ་བརྗོད་ནས་དེ་དག་གི་ལུས་

― JLAZ014_Page_0697 ―

^{[མ་དཔེ་གཟིགས་ན་འདིར་གནོན།]}

[Full Size]

སེམས་ཏིང་ངེ་འཛིན་ལ་སྦྱོར་བར་བྱེད་ཀྱི། ཅི་ནས་ཀྱང་རང་ཉིད་ངེས་པར་བྱང་ཆུབ་སེམས་དཔའ་དང་། ངེས་པར་དགྲ་བཅོམ་པ་ཡིན་ནོ་ཞེས་སངས་རྒྱས་ཀྱི་གསུང་ཟབ་མོ་སྒྲོག་ཅིང་ལས་དང་པོ་བ་རྣམས་ཀྱི་མདུན་དུ་ཅི་བདེར་སྨྲ་བར་མི་བྱེད་དོ། །ཚེ་འཕོ་བ་ན་ལྐོག་ཏུ་ཚུལ་དེ་ཁ་ཆེམས་ཀྱི་ཚུལ་དུ་བསྙད་པར་བྱེད་པ་དག་ནི་ཡོད་དོ། །ཞེས་གསུངས་པ་བཞིན་དུ་རྗེ་ཉིད་ཀྱི་ཕྱག་བྲིས་ངོ་མ་མགོན་ལྕམ་དྲལ་གྱི་གཏོར་སྒམ་ནང་དུ་གསང་རྒྱར་བཏབ་སྟེ་འཇོག་ཡ་གནང་བ་འདི་ལྟ་སྟེ། །སངས་རྒྱས་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །ཁ་ཆེམས་ཚིག་གསུམ་བཤད་ཀྱི་ཉོན། །ཁོ་བོ་རྒྱལ་པོ་ཀྲི་ཀྲིའི་བུར་གྱུར་པའི་ཚེ་སངས་རྒྱས་འོད་སྲུངས་ལ་སེམས་བསྐྱེད། ཤཱཀྱ་ཐུབ་པའི་གཅུང་དུ་གྱུར། བོད་འདིར་སྤྲུལ་པའི་རྒྱལ་པོ་སྲོང་བཙན་གྱི་དུས་དགེ་སློང་ཨ་ཀར་མ་ཏིར་གྱུར་པ་ནས་མཁན་སློབ་ཀྱི་དུས་བི་མ་ལ་དང་རྒྱལ་སྲས་ལྷ་རྗེར་བསྟན་ནས་སྐྱེ་བ་ཐམས་ཅད་དུ་བསྟན་འགྲོའི་དོན་བྱས་ཤིང་བྱང་ཆུབ་ཀྱི་སྤྱོད་པ་ལ་བསླབ་བས་མཐར་བསྐལ་བཟང་འདིའི་སངས་རྒྱས་རྣམ་སར་རྒྱལ་བ་ཅན་དུ་འཚང་རྒྱ་བའི་ལུང་བསྟན་ཐོབ། ད་

― JLAZ014_Page_0698 ―

^{[མ་དཔེ་གཟིགས་ན་འདིར་གནོན།]}

[Full Size]

རེས་སྐྱེ་བ་འདིར་ཡང་འབད་པ་ཆུང་དུས་རང་བྱུང་གི་རྟོགས་པ་རྒྱུད་ལ་སྐྱེས། ཆོས་ཐམས་ཅད་མ་བསླབ་པར་ཤེས། སེམས་ཅན་ལ་སྙིང་རྗེ་ཚད་མེད་པ་དང་ལྡན་ཞིང་མི་ཚེ་དབེན་པ་འབའ་ཞིག་གིས་དུས་ལ་འདའ་བར་བྱས་པས་འཆི་བ་ལ་འཚེར་བ་ཅུང་ཟད་ཀྱང་མེད། བདེ་བ་ནས་བདེ་བ་རུ་འགྲོ་བ་ལ་མྱ་ངན་མ་བྱེད་པར་འབྱུང་བ་སྡུད་པའི་ཚེ། ད་ནི་རང་བཞིན་སྤྲུལ་པའི་ཞིང་དང་པདྨ་འོད་ལ་ཕེབས་པའི་དུས་ལ་བབས་སོང་ངོ་ཞེས་རྣ་ལམ་དུ་སྒྲོགས། གསལ་འདེབས་མི་དགོས། དགོངས་རྫོགས་ཀྱི་གཙོ་བོ་མཆོད་འབུལ་དང་ཚོགས་བསྐང་གྱིས། ཕུང་པོ་འདི་སྐྱེ་བ་བདུན་པ་ཡིན་པས་ལོ་གཅིག་ལ་ཉེ་བ་ཚ་བསྡམ་བྱ་ནས་མཆོད་རྟེན་དུ་ནང་དུ་རིལ་པོར་བཞག་ནས་བཅུད་མི་ཉམས་པ་དང་། བསྟན་རྒྱུན་ལ་ཕན། ཉེ་སྐོར་གྱི་སྐྱེ་བོ་བླུན་པོ་རྣམས་ཀྱིས་ངའི་རྒྱུད་ཚོད་ངོ་མི་ཤེས་པས་སངས་རྒྱས་འབྱུང་བ་ལ་མཉེས་པར་མི་བགྱིད་པ་མང་བས་ཡང་ན་གཙང་པོར་སྦྱོང་། བསྐྱེད་རྫོགས་དང་མི་ལྡན་པའི་སྦྱིན་སྲེག་མ་བྱེད། སྤྲུལ་པ་སྒྱུ་མ་ལྟ་བུས་འདུལ་བའི་སྐྱེ་བ་མི་འོང་བའི་ངེས་པ་མེད་པས་དབང་ཆས་རྣམས་མ་ཉམས་པར་གཞོག །སྐྱེ་བ་ཕར་བརྩད་མི་དགོས། མ་མགོན་ལྕམ་དྲལ་གྱི་གསོལ་ཀར་འབུངས། ང་ནི་རྟག་ཏུ་ཆོས་ཉིད་དང་། །ང་ལ་

― JLAZ014_Page_0699 ―

^{[མ་དཔེ་གཟིགས་ན་འདིར་གནོན།]}

[Full Size]

འགྲོ་སྡོད་གཉིས་སུ་མེད། །སྐྱེ་འཆིར་བསྟན་པ་རྗེས་ཐོབ་ཙམ། །ཡེ་གྲོལ་ཆེན་པོར་རྫོགས་སངས་རྒྱས། །ཞེས་སོ། །ཡང་སྐུ་མདུན་གྱི་གསོལ་ཅོག་སྦུབ་དུ་ཤོག་དྲིལ་ཞིག་ལ། །འོད་སྣང་མཐའ་ཡས་ཞབས་ལ་ཕྱག་འཚལ་ལོ། །སྐྱེ་བ་ཞེས་བྱ་སྲིད་བའི་འཁོར་ལོ་སྟེ། །རྟེན་འབྲེལ་བཅུ་གཉིས་རྒྱུན་ལ་རྟག་འཁོར་ནས། །ནད་སོགས་སྡུག་བསྔལ་བདེན་པའི་ཉེར་ལེན་ཅན། །འཆི་བ་ཞེས་བྱ་དོན་དམ་བདེན་པ་སྟེ། །སེམས་ཀྱི་ཆོས་ཉིད་རང་བཞིན་མེད་པ་ལ། །སྐྱེ་འཆིའི་བར་ལག་རྣམ་པར་རྟོག་བས་བཟོས། །ཡུལ་ལྔའི་ཤེས་པ་རྣམ་ཐར་སྒོ་གསུམ་ཀློང་། །འདྲེས་འདི་རང་བྱུང་རྡོ་རྗེའི་ཞལ་མེད་ཁང་། །པདྨ་འོད་དང་རང་བཞིན་སྤྲུལ་པ་ནི། །ཐུགས་རྗེས་འགྲོ་བ་འདུལ་བའི་གནས་མཆོག་སྟེ། །མོས་གུས་ཅན་དང་འབྲེལ་ཐོགས་ཡིད་ཅན་ཀུན། །ཚོམ་བུ་གཅིག་ཏུ་མངོན་འཚང་རྒྱ་བར་ཤོག །ཅེས་སྣང་བ་འདི་དག་ལས་འཕྲོ་སྐལ་བ་དང་ལྡན་པའི་གདུལ་བྱ་རྣམས་ཀྱི་དད་གདུང་སྤྲོ་བའི་གསོས་སུ་སྙིང་ཐིག་ལེར་འདུ་འབྲལ་མེད་པའི་དོན་དམ་གྱི་རང་བཞིན་ཤེས་ནས་མོས་གུས་ཀྱི་དྲན་པ་ཉེ་བར་གཞག་པའི་རྟེན་དུ་འཚལ་ལོ། ས་ལུག་གསར་ཚེས་ཀྱི་ཆོ་འཕྲུལ་དུས་ཆེན་དང་བསྟུན་ཉིན་བདུན་གྱི་བར་སྐུ་

― JLAZ014_Page_0700 ―

^{[མ་དཔེ་གཟིགས་ན་འདིར་གནོན།]}

[Full Size]

གདུང་རིན་པོ་ཆེར་མཆོད་པ་རྒྱ་ཆེན་པོ་འབུལ་བ་དང་བཅས་གྲ་གྲངས་བརྒྱད་ནས་ཚོགས་བརྒྱ་དང་། མ་མགོན་གཙོར་གྱུར་གྱིས་ཆོས་སྲུང་རྣམ་ལ་གཅིག་ཏུ་རྣམ་པར་དཀར་བའི་ལས་བསྒྲུབ་པའི་གནས་སྐབས་ཀྱི་འགལ་རྐྱེན་བར་ཆད་ཞི་བ་དང་། ཆོས་ཀྱི་རྗེ་རྡོ་རྗེ་འཆང་ཆེན་པོ་དེ་ཉིད་བདག་དོན་ཆོས་ཀྱི་སྐུ་སྤྲོས་བ་ཐམས་ཅད་དང་བྲལ་བའི་གོ་འཕང་མཆོག་ལ་བཞུགས་ནའང་མཁའ་དབྱིངས་ཀྱི་ཟླ་བ་ལ་དེར་འཇུག་པའི་རྟོག་པ་མེད་པ་བཞིན་དུ་ཆུ་ནང་དུ་གཟུགས་བརྙན་གཉིས་པ་བདེ་བླག་ཏུ་འཆར་བའི་ནུས་སྟོབས་མི་ཟད་པ་བཞིན་དུ་ཐུགས་བསྐྱེད་དང་སྲོན་ལམ་གྱི་མཐུ་ཕུལ་བྱུང་བདེན་འབྲས་མི་བསླུ་བས་སླར་ཡང་བདག་ཅག་གི་མཚོན་རིས་མེད་པའི་གདུལ་བྱ་རྣམས་ཀྱི་མགོན་དང་། གླིང་དང་དཔུང་གཉེན་མཆོག་ཏུ་སྤྲུལ་པའི་སྐུ་གཞོན་བུའི་སྒྱུ་འཕྲུལ་གསལ་དང་མྱུར་བ་ཉིད་དུ་འབྱོན་པའི་འཕྲིན་འཆོལ་དང་གསོལ་འདེབས་ཀྱི་སྐབས་ཕྱེ་ནས་གསུངས་པར་འདེབས་པ་སོགས་ཀྱི་སྟ་གོན་བྱས། རྗེ་རྡོ་རྗེ་འཆང་ཆེན་པོ་འདི་ཉིད་ལ་གགས་ཐུག་གི་དུས་མ་མོ་འཚོལ་བ་ལྟ་བུའི་བསམ་སྦྱོར་འབའ་ཞིག་པས་བརྟག་ཞུ་སོགས་བྱེད་ཚེ་ཐུགས་གཡེང་གི་རྒྱུར་གཟིགས་ཏེ་མི་ཆོས་བླ་མའི་རྫུན་ཟེར་བ་ལོགས་སུ་གང་ཡང་མེད་ཅེས་མི་མཁྱེན་པའི་ཚུལ་ཁོ་ན་ལྷུར་མཛད་

― JLAZ014_Page_0701 ―

^{[མ་དཔེ་གཟིགས་ན་འདིར་གནོན།]}

[Full Size]

ནའང་ངེས་པའི་དོན་དུ་ནི་མངོན་པར་མཁྱེན་པ་ལ་ཐོགས་ཐ་མི་མངའ་བས། རིང་མོའི་གོང་ནས་བྱང་ཆུབ་མཆོད་རྟེན་རྒྱུག་མཐོ་བཅུ་གཅིག་པའི་ཤིང་བཟོ་དང་། ཆོས་འཁོར་ཏོག་བཅས། སྒོ་ཁྱིམ་པ་ཊ། སེང་ཁྲིའི་མདུན་ལ་རྒྱལ་ཆེན་ཡུལ་འཁོར་སྲུང་། ཕྱོགས་གཞན་གསུམ་ལ་ནོར་བུ་འབར། འཁོར་ལོ། རྡོ་རྗེ་རྒྱ་གམ། ཟུར་བཞིའི་ཀ་བ་དང་། གདོང་ཆེན་ས་འཛིན་བཅས་ཀྱི་གྲྭ་ཟུར་གྱི་པ་ཊ་རྣམས་གསེར་ཟངས་འཕུལ་མ་ལེགས་པ། ཕྲ་ཁུངས་དཔྱད་བཅས་ཚད་དང་བཟོ་དབྱིབས་ཁྱད་པར་དུ་འཕགས་པ་སྔོན་ནས་བསྒྲུབས་གནང་བའི་རྒྱའི་རྒྱུལ་དུ་འཇོག་བར་གནང་བ་ནི་དུས་གསུམ་མ་སྒྲིབས་པར་གཟིགས་པའི་དབང་ལས་ཏེ། སླར་ཡང་ལྷུ་སྒྲིགས་ཆ་བྱད་རྫོགས་པའི་མཆོད་རྟེན་དངོས་སུ་རུང་བར་བྱ་བ་ལ། བཟོ་མཁས་མིན་ལམ་ལྟོས་པ་མང་པོས་ལག་རུབ་བྱེད་པ་ནི་བཟོ་འབྲས་ཀྱི་ཁོ་ལག་མི་རྫོགས་ཤིང་ངང་ཐུང་གི་བསམ་པར་སྣང་བས་འབྲི་གུང་གི་དཀར་བཟོ་བ་མཁས་ངེས་གཡར་པོ་ཞུས་དོན་མི་གཉིས་འབྱོར་པས་ཟླ་བ་གཉིས་པའི་ཚེས་ཅོ་ལྔའི་གཟའ་སྐར་ལེགས་པ་ནས་བཟོ་གྲྭ་བཙུགས། ཟུར་བཀག་པ་ཊ་སོགས་དང་ཧ་འཛོལ་མེད་ངོས་ནས་སྐུ་ཚད་འཕར་ཐབས་སུ་ཤིང་བཟོ་ལ་ལྷན་ཐབས་དང་བུམ་པའི་བཟོ་

― JLAZ014_Page_0702 ―

^{[མ་དཔེ་གཟིགས་ན་འདིར་གནོན།]}

[Full Size]

དབྱིབས་བསྐྱར། ཕྲ་རྒྱན་དུ་སྡེ་དགེ་ས་དབང་ཡུམ་གྱི་མགུལ་རྒྱན་གྱི་བྱུ་རུ་སྤུས་ཤིན་ཏུ་གཙང་བ་བཅུ་ཕྲག་ལྷག་པ་དང་། སྦྱིན་བདག་པུ་ཤུད་པའི་གཙུགས་ཡུ་གསེར་སྟེགས་ཕྲ་ལྡན། པད་རག་རྒྱ་སྲན་ཙམ་པ། དཔལ་སྡིངས་རྗེ་བཙུན་མས་ཉ་ལྕིབས་དུང་གཟུགས་ཁྱད་མཚར་དང་གཡུ་བྱུར་ཆུང་དུ་སྣ་ཚོགས། སྒོམ་ཆེན་དམ་པས་ཁ་ཆེ་སྤོས་ཤེལ་མདངས་ལེགས་དངུལ་ཊཾ་བཅུ། རྒྱལ་ཡུམ་ནས་ཨ་སྒོར་གསེར་ཀོང་ཆ་སྤུས་ཤིན་ཏུ་གཙང་བ། འཚོ་བྱེད་ཆུ་སྐྱེས་ཀྱི་ཞུམ་མིག་འཁྲུལ་བྲལ་རྣམས་ཀྱི་སྟེང་རྗེ་ཉིད་ལ་དད་འབུལ་དུ་བྱུང་བའི་གཡུ་བྱུར་སྤོས་ཤེལ་སོགས་རེ་ཞིག་བར་རྣམ་དཀར་གྱི་རྒྱུ་འབྲས་གཞན་དུ་མ་ཚོགས་པ་གང་ཡོད་ནས་དངོས་གཙང་གང་ཡིན་དང་། བདག་གི་ཕ་མའི་རྒྱན་ཆས་ཀྱི་དངོས་འབྲས་ཆེ་བ་རྣམས་བཅས་གང་་འོས་སུ་སྦྱོར་རྒྱུའི་ཕྲ་ཁུང་དང་། ཟུར་བཀག་པ་ཊ་སོགས་སྔོན་ཡོད་ཀྱི་སྟེང་། བུམ་པའི་དྲ་ཕྱེད། སྐེད་སྡོམས། བུམ་གདན་པདྨ་སེང་ཁྲིའི་ཡུལ་འཁོར་སྲུང་བ་འོད་བསྐོར་གྱི་པ་ཊ། རྨིང་དགེའི་པདྨ་རྣམས་མཛེས་ཆའི་དབང་གིས་མཉེན་ཟངས་ལ་འཕུལ་ཏེ་ཚ་གསེར་འཐུག་པ་ཕྱི་བྱིབས་གཡོགས་ཀྱི་དངུལ་སོགས་བཅའ་ག་རྣམས་ཀྱང་རྗེ་འདི་ཉིད་ནི་རྒྱུན་གཏན་ཚོང་སོ་ནམ་སོགས་ཀྱི་འདུ་འཁོད་དང་དངོས་པོའི་གསོག་བསྐྲུན་ཅི་ཡང་མི་

― JLAZ014_Page_0703 ―

^{[མ་དཔེ་གཟིགས་ན་འདིར་གནོན།]}

[Full Size]

མཛད་པར་ཕྱག་ཏུ་གང་འབྱོར་འཕྲལ་ལ་ཕྲལ་ཆོས་འཁོར་བསམ་ཡས་སོགས་སུ་རྟེན་བཞེངས་མཆོད་འབུལ་མཆོད་རྫས་ཀྱི་བྲེ་བྲག་སོགས་སུ་སྦྱོར་བར་མཛད་པ་ཀུན་ཤེས་དེ་ལྟར་ཡིན་ཀྱང་། དུས་འདི་ཙམ་ན་བདག་ཅག་གིས་ཁུར་བཟུང་བའི་དངུལ་སྐར་མ་གང་ཡང་འབད་རྩོལ་གྱིས་བསྒྲུབ་མི་དགོས་པར་རྗེ་ཉིད་ལ་བརྟེན་ནས་འབད་མེད་དུ་འབྱོར་བའི་ནོར་རྫས་ས་རྡོ་ལ་ཕྱ་བ་བཞིན་དུ་བདེ་སྤྱད་ཆོག་པ་འདི་བླ་སྤྲུལ་སྤྱིའི་དགོངས་རྫོགས་ཀྱི་གསེར་གདུང་དངུལ་གདུང་རྣམས་ཐོག་ཚད་གསེར་དངུལ་གྱི་བསྙད་གང་ཐུབ་བྱེད་པ་ལ་ལྟོས་ན་བདག་ཅག་ལ་བླ་མའི་དགོངས་རྫོགས་ཀྱི་ཁྲལ་མ་ཁྲིས་པ་འདི་གཅིག་པུའི་བཀའ་དྲིན་ཀྱང་ཨ་ལ་ལ་བཟོ་གྲར་འཛུགས་སྟོན་དཀར་སྤྲོ་བཅས་ཉིན་གང་གཟབས་རྒྱས་ཐོག །དབུ་མཛད་གཉིས་པོར་དར། ཚན་གྲངས། དབུ་ཆེན་ལ་དངུལ་སྲང་དོ་དང་། དབུ་ཆུང་ལ་ཞོ་དྲུག །དེ་མཚུངས་སྒང་སྟོན་ལའང་དཀར་སྤྲོ་སོགས་སྔོན་ལས་ཟབས་ཐོག །དབུ་མཛད་གཉིས་ལ་དར་མཛོད་བཏགས་དང་དོལ་སྣམ་སྤུ་ཕྲུགས་ཚོས་ལེགས་པ་གྱོན་འདངས་ཕུལ། གཞན་ཡང་སྦྱིན་བདག་སྤུ་ཤུད། དཔལ་རི་བླ་གྲ། གྲུབ་དབང་ཝ་གིནྟྲ། གཙང་དཔལ་སྡིངས་པ་སོགས་མཆོག་དམན་བར་པའི་རིགས་ཀྱིས་ཞལ་འདེབས་

― JLAZ014_Page_0704 ―

^{[མ་དཔེ་གཟིགས་ན་འདིར་གནོན།]}

[Full Size]

དང་བཟོ་སྟོན་སོགས་གྲངས་མང་བར་བྱུང་། དེ་དག་གི་དུས་སུ་བཟོ་བོ་གཉིས་ཀྱང་རྩེད་སྣ་དང་གླུ་བྲོ་སོགས་ཀྱི་ཕྱིར་ལས་མེད་དུ་བཤོལ་བས་ངལ་དུབ་ལ་བརྟེན་མ་དགོས། རྒྱུན་གཏན་གྱི་འཚོ་བའི་ཕོགས་ཆས་ཀྱང་བཟོ་བོ་ལ་སྲི་ཞུའི་ཡུལ་དུ་བལྟ་བས་བསྙེན་བཀུར་ཁྱོགས་པ་དང་བཅས་ལས་རྒྱུན་ཟླ་བ་གཉིས་ཀྱི་ཁོངས་སུ་བྱིངས་གྲུབ། བཞུགས་ཡུལ་པདྨ་འོད་གླིང་གི་གཙང་ཁང་ལྟེ་བ་ལ་ཐོག་འཕར་གྱི་རྒྱབ་ཞལ་འདེབས་སུ་རྣམ་སྣང་གང་ཆེན་མ་ཚོལ་རྗེ་ཉིད་ཀྱི་འཁྲུངས་རབས་ཀྱིས་བསྐོར་བའི་ཕོག་བྲིས་བྱས་པ་ལ། ས་ག་ཟླ་བའི་ཚེས་བཅོ་ལྔ་གཟའ་སྐར་འཕྲོད་སྦྱོར་བཟང་པོའི་ཉིན་ནས་རས་བྲིས་ཀྱི་དཀྱིལ་འཁོར་དུ་དཔལ་ཆེན་བཀལ་འདུས་རྒྱ་མཚོའི་དཀྱིལ་འཁོར་བསྙེན་ཅིང་སྒྲུབ་པའི་ས་བཟུང་རྒྱར་ཐོ་འཛུགས་པ་སོགས་བྱས་ཏེ། ཉིན་གསུམ་གྱི་རིང་བཟོ་བོ་དང་བསྟུན་ནས་གཟུངས་བཞུགས་ཕུལ། དེ་ཡང་གཟུངས་འབུལ་སྤྱིའི་ཁོག་ནི་སློབ་དཔོན་ཀླུ་སྒྲུབ་དང་ཛེ་ཏ་རིའི་རྒྱ་གཞུང་ལག་ཏུ་ལེན་ལུགས་དཔྱད་པ་གསུམ་གྱི་སྲང་ལ་གཞལ་བ་རྡོ་རྗེ་འཆང་ཆེན་པོ་ཆོས་ཀྱི་རྗེ་ཉིད་ཀྱི་གསུང་ལས་ཇི་ལྟར་ཐོས་པ་དང་། གནོད་སྦྱིན་བང་མཛོད་ལ་གནོད་སྦྱིན་ཕོ་མོའི་འཁོར་ལོ་གཟུངས་སྒྲུབ་ལྡང་ལྡན་པ་གནོད་སྦྱིན་གྱི་ཟངས་སྐུ་བྱིན་ཅན་དང་བློ་རྡོའི་རིགས་མང་པོ།

― JLAZ014_Page_0705 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱད་པར་དུ་ནད་མཚོན་མུ་གེ་ཞི་བ། ཚེ་དཔལ་འབྱོར་ཚོགས་རྒྱས་པ། མོས་བཞི་དབང་དུ་བསྡུ་བ། བྱད་ཕུར་གཏད་ཁྲམ་གྱི་ནུས་པ་འཇོམས་པ་ལ་སོགས་པའི་མན་ངག་ཡིད་བཞིན་གྱི་ནོར་བུ་དང་མཚུངས་བ་འགའ་ཞིག་གི་བཅའ་གཡང་ལག་ཏུ་བསྟར། བང་རིམ་ནས་བཟུང་གཟུངས་ཆེན་སྡེ་ལྔ་དང་རྒྱུད་སྡེ་བཞིའི་ཡི་དམ་གྱི་སྙིང་པོ་ལྷག་པར་བླ་མའི་སྙིང་པོ་དུང་ཕྱུར་དུ་ལྡང་བ་རྣམས་གོ་རིམ་མི་འཆོལ་བར་བཞུགས་པའི་གཙོ་བོར་སྐུ་གདུང་རིན་པོ་ཆེ་ལོངས་སྤྱོད་རྫོགས་པའི་ཆས་ལྡན་ཕྱག་ཏུ་ཐུགས་དམ་རྒྱུན་གཞེས་ཀྱི་རྡོར་དྲིལ་བསྣོལ་བ་དང་། བཅས་ཟངས་ལས་ཆེད་དུ་བྱས་པའི་ཟ་མ་ཏོག་དབྱིབས་ལེགས་པའི་ནང་དུ་བཟང་དྲུག་ལ་སོགས་ཏེ་དྲི་ཞིམ་པོའི་སྨན་གྱི་ཕྱེ་མས་བལྟམས་ཏེ་བཞུགས་སུ་གསོལ། སྲོག་ཤིང་ལ་གསེར་སྦྱངས་ཀྱི་བླ་བརྒྱུད་པའི་མཚན་སྔགས་མཐར་སངས་རྒྱས་ཀྱི་བསྟན་པ་རིན་པོ་ཆེ་ཕྱོགས་དུས་སུ་དར་བའི་འདོད་གསོལ་སྨོན་ལམ་བཅས་བྲིས་ཤིང་དྲི་མེད་རྣམ་གཉིས་ལ་བརྟེན། སྲོག་ཤིང་བརྟན་པའི་ཆོ་ག་དང་བཅས་རྒྱལ་བ་རིག་འཛིན་གྱི་སྲོག་གི་འཁོར་ལས་བུམ་པའི་བྱིངས་གང་བ་དང་། གཞན་ཡང་དེ་བཞིན་གཤེགས་པ་གསེར་ཐུབ་ཀྱི་ཡུང་

― JLAZ014_Page_0706 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲུ་ལྟ་བུའི་རིང་བསྲེལ། སྔ་ཕྱིར་བྱོན་པའི་གཏེར་བྱོན་གྱི་བདེ་སྟོང་ཨ་རྒྱ་རིལ་བུ་དང་། ཤོག་སེར་འཁྲུལ་བྲལ། བསམ་ཡས་ཀྱི་ཆོས་རྒྱལ་གསེར་ག་ནས་བྱུང་བའི་སློབ་དཔོན་ཆེན་པོའི་དབུ་ལོ་དང་ཆོས་རྒྱལ་གྱི་ན་བཟའ། གཞན་ཡང་རྒྱ་བོད་པཎ་གྲུབ་སེལ་མེད་བརྒྱུད་པའི་སྐུ་བལ་གྱི་རིང་བསྲེལ་དང་དམ་རྫས་སོགས་རིང་བསྲེལ་རྣམ་པ་བཞིས་ཕྱུར་བུར་བལྟམས། དེ་ནས་མཆོད་སྡོང་གི་ཕྱི་ཟླ་བཞུན་མས་བྱུག་པ་ལྟ་བུས་དངུལ་དཀར་ཐུར་སྲང་བདུན་བརྒྱ་དང་ལྔ་བཅུ་སྐོར་གྱིས་བྱིབས་གཡོགས་བྱས་པའི་སྟེང་གདུང་ཅན་ལ་མེ་ཏོག་གི་གི་མོས་འཛིན་ལ་སོགས་པའི་གྲྭ་ཟུར་རྣམས་སུ་གསེར་ཟངས་ཀྱི་པ་ཊ་སོགས་མཛེས་ཤིང་བཀོད་ལེགས་པར་བྱས་པ་ལ་ཕྲ་ཚོམ་གྱི་རྣམ་གྲངས་ནི། བཻ་ཌཱུརྱ་སེར་པོའམ་ཞུམ་མིག་འཁྲུལ་བྲལ་ཁམ་ཙིག་ཙམ། ན་ལ་སྲན་མ་ཙམ། མུ་ཏིག་ཁམ་ཚིགས་ཙམ་གཅིག་དང་རྒྱ་སྲན་ཙམ་བཞི། དྲུག་གཡུ་སེན་གང་པ། མཆོངས་དམར་ཁམ་བུ་ཙམ། མ་ན་ཧུ་ཁམ་ཙིག་ཙམ་གཉིས། སྒྱུར་ཤེལ་ཆེ་ལེགས་བརྒྱད་རྣམས་ལ་སོ་སོར་གཡུ་འདབ་ཀྱིས་བསྐོར་བའི་ཚོམ་བུ་ངོ་གྲངས་ཉེར་གཅིག །དྲུག་གཡུའི་ཨ་སྒོར་གསོར་ཀོང་ཆ་ལྔ། དངུལ་ཀོང་ཕྲ་ལྡན་ཆེ་བཞི། དྲུག་གཡུ་ཞེ་མཚུངས་

― JLAZ014_Page_0707 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་ཕྲ་སྐུང་ཆེ་ཆུང་གསུམ་གསེར་གྱི་ཕྲག་སྒྲོག་གཡུ་ཕྲ་ཅན། གཙུག་གཡུ་གསེར་སྟེགས་མ་གསུམ། དངུལ་སྟེགས་མ་བཞི། གསེར་དངུལ་སྤེལ་མའི་སྟེགས་ཅན་གཅིག །དྲུག་དམར་དང་བར་གཡུ་སྟེགས་ཡོད་བཞི། སུ་གནྡྷེ་རྒྱ་སྲན་མ་ཙམ་གཉིས། ཉ་ལྕིབ་གཉིས། བྱུ་རུ་ཆེ་ཤོས་ཁམ་རློན་ཙམ་ནས་ཆུང་བ་རྒྱ་སྲན་ཙམ་ཡོད་ལྔ་བཅུ་ང་ལྔ་སྐོར། སྤོས་ཤེལ་སྤུས་ལེགས་ཆེ་བ་སྒོར་མཐོ་གང་ནས་ཆུང་གྲ་སོན་བཞི་ཡན་ཡོད་བཅུ་གསུམ། དྲུག་གཡུ་དང་བར་གཡུ་ཁམ་རློན་ཙམ་བརྒྱད། རྒྱ་གཡུ་གདོང་གཙང་སྦལ་གཟུགས་དཀྱུས་སོར་གསུམ་དང་ཞེང་སོར་ཡོད་གཅིག །སྒྱུར་ཤེལ་སྣ་ཚོགས་ཉི་ཤུ་རྩ་བདུན། ཉ་ལྕིབས་དུང་གཟུགས་ངོ་མཚར་བ་བཅས། དེ་ལྟར་རིན་པོ་ཆེའི་ཕུང་པོ་གཅིག་ཏུ་བརྩེགས་པ་ལ་སྐུ་གདུང་རིན་པོ་ཆེ་ཡེ་ཤེས་སེམས་དཔའ་དངོས་ཀྱི་ཚུལ་དུ་བཞུགས་པའི་སྒོ་ཁྱིམ་དུ་དངུལ་སྲང་ལྔ་བཅུ་སྐོར་གྱིས་བསྒྲུབས་པའི་རྗེ་ཉིད་ཀྱི་འདྲ་སྐུ་མཐོ་ཚད་ལྷག་པ་དང་། མཆོད་རྫས་ཀྱི་བྱེ་བྲག་དབུ་ཐོག་ཏུ་བུམ་ལྡན་དམར་པོའི་བླ་བྲེ་དང་རྒྱ་གདུགས། གཡས་གཡོན་དུ་བཟང་གོས་ཚོན་སྒྲིགས་ཀྱི་ཕྱེ་ཕུར། མདུན་དུ་དངུལ་སྲང་སུམ་ཅུའི་ཏིང་བདུན་ཚར། དངུལ་སྲང་ཉི་ཤུ་རེ་ཡོད་པའི་མཎྚལ་དང་མཆོད་

― JLAZ014_Page_0708 ―

^{[མ་དཔེ་གཟིགས་ན་འདིར་གནོན།]}

[Full Size]

ཀོང་སོགས་མཆོད་སྤྲིན་དུ་མ་དང་བཅས་མཐར་ཕྱིན་པའི་དེ་མ་ཐག་པའི་ཚེས་བཅུ་བརྒྱད་ནས་བཟུང་དཔལ་ལྡན་གྲུབ་བ་ངག་གི་དབང་པོས་རྡོ་རྗེ་སློབ་དཔོན་གྱི་བྱ་བ་མཛད། ཆོག་རོགས་སུ་དཔལ་རི་ནས་སྤྲུལ་པའི་སྐུ་དཔོན་སློབ་བཅོ་ལྔ་སྐོར་བཅས་ནས་ནས་སྔ་ཐུན་དང་པོ་ལ་དཔལ་ཆེན་བཀའ་འདུས་རྒྱ་མཚོའི་བདག་མདུན་བུམ་པའི་དཀྱིལ་འཁོར་བསྙེན་ཅིང་བསྒྲུབ་པ་དང་། བདག་ཉིད་དཀྱིལ་འཁོར་དུ་འཇུག་ཅིང་དབང་བླང་བ་སོགས། ཐུན་གཉིས་པ་ལ་བགེགས་བསྐྲད་པ་དང་བཟོ་བོའི་ལས་ཀྱི་དྲི་མ་སོགས་བཀྲ་ཞིང་འཕྱི་བ་སྔོན་དུ་འགྲོ་བས་རྟེན་དམ་ཚིག་སྨེས་དཔའ་ལ་ཡེ་ཤེས་སེམས་དཔའ་དགུག་ཅིང་རྒྱས་གདབ་པ་དང་། དེ་ལ་ཡེ་ཤེས་ལྔའི་བདག་ཉིད་མཆོག་ཏུ་དབང་བསྐུར་ཞིང་མཆོད་ཅིང་བསྟོད་པའི་མཐར་སྙན་གསན་གྱི་གསོལ་བ་བཏབ་སྟེ་སླར་ཡང་ཡེ་ཤེས་ཀྱི་འཁོར་ལོ་ནམ་མཁར་བཞུགས་པ་ལ་མཆོད་ཅིང་། ཉིན་གཉིས་པའི་ནང་པར་སྔ་མ་ལྟ་བུའི་དཀྱིལ་འཁོར་གྱི་བྱ་བ་རྣམས་དུ་འགྲོ་བའི་མར་མེ་ཡེ་ཤེས་པ་ཉིད་ནམ་མཁར་ལས་སྤྱན་དྲངས་པ་རྟེན་ལ་དངོས་ཀྱི་ཚུལ་དུ་བཞུགས་པ་ལ་སོགས་ཏེ་རབ་གནས་ཀྱི་དགོས་པ་འཆང་ཞིང་དོན་མ་འཁྲུལ་བ་བཤི་ཤིས་འདོད་འཇོའི་གཞུང་བཞིན་དུ་ཆོ་ག་འཁྲུགས་ནོར་མེད་པ་ཉིན་བརྒྱད་ཀྱི་བར་དང་། སླར་ཡང་བླ་མ་མཆོད་

― JLAZ014_Page_0709 ―

^{[མ་དཔེ་གཟིགས་ན་འདིར་གནོན།]}

[Full Size]

པའི་དཀྱིལ་འཁོར་དུ་ཚོགས་ཀྱི་འཁོར་ལོ་བསྐོར་བའི་ཐོག་རབ་གནས་ཀྱི་ཆོ་གའི་ངོ་བོ་ཉིད་ཀྱང་ཚང་བ་ཉིན་ལྔའི་བར་བཅས་སྨིན་ལྟར་མཆོད་པ་སྣ་ལྔ་བརྒྱ་འབུལ་བཤམས་མི་ཆག་པ་བྱོན་ཉིན་བཅུ་སུམ་སོང་བའི་སྤྲེལ་ཟླའི་ཚེས་གཅིག་ཤར་མ་ཐག་པའི་ཉིན་རྒྱས་པའི་སྲེག་བླུགས་ཀྱི་ཐབ་ཏུ་རྟེན་གྱི་ཡེ་ཤེས་པ་སྤྱན་དྲངས་པ་ལ་ཞལ་བསྲོ་བའི་ཚུལ་དུ་སྲེག་བླུགས་ཀྱི་མཆོད་པས་མཉེས་པར་བྱས་ནས་སླར་ཡང་རྟེན་གྱི་ཐུགས་ཀར་གཤེགས་པ་སོགས་ཀྱི་རྗེས་ཐོགས་སུ་བཀྲ་ཤིས་ཀྱི་ཚོགས་སུ་བཅད་པ་རྣམས་བརྗོད་པ་ན། ལྷའི་ལམ་ཡང་བཻ་ཌཱུརྱ་ཞུན་མའི་ཁ་དོག་ལྟ་བུར་ཤིན་ཏུ་དྲངས་པ་ལ་ཕྲ་ཚོམ་གྱི་ཚུལ་དུ་ཆུ་འཛིན་བསྒྲོད་པ་དལ་ཞིང་། དབྱིབས་ཟླུམ་པོ་ལ་སོགས་པ་རྒྱལ་སྲིད་སྣ་བདུན་དང་བཀྲ་ཤིས་རྟགས་བརྒྱད་ཀྱི་རྣམ་པ་སྣ་ཚོགས་པའི་མཆོད་རྫས་ཀྱི་ཚུལ་དུ་ཁོད་སྙོགས་པ་དག་འགུལ་བ་མེད་པར་གནས་ཤིང་། ཉིན་མོར་བྱེད་པ་ཡང་འོད་ཟེར་རབ་ཏུ་འབར་བ་དང་ཆབས་གཅིག་པར་ལྷ་རྣམས་ཀྱི་ཀྱང་བདེན་ཚིག་བརྗོད་ཅིང་མཆོད་བའི་སྤྲིན་ནམ་མཁའ་ཁྱབ་བར་སྤྲོས་པའི་མཚན་མ་མེ་ཏོག་གི་ཆར་ཟིན་བུར་བབས་པས་དེར་འདུས་པ་རྣམས་ཀྱི་མངོན་སུམ་པའི་སྤྱོད་ཡུལ་དུ་གྱུར་པས་ཡིད་ལ་སླར་ཡང་ངལ་བ་སོས་ཀྱི་བདེ་བ་བྱིན་ཏེ་ཨ་ལ་ལ་ཞེས་ངོ་མཚར་བས་

― JLAZ014_Page_0710 ―

^{[མ་དཔེ་གཟིགས་ན་འདིར་གནོན།]}

[Full Size]

ཕན་ཚུན་སྦྲན་པར་གྱུར་ཏོ། །དེ་ནས་ཡོན་བདག་སྟན་གསར་པ་ལ་གནས་ཏེ་གནོད་སྦྱིན་ནོར་གྱི་བདག་པོའི་སྙེགས་པ་བཟུང་བ་ལ་བཀྲ་ཤིས་པའི་རྫས་བརྒྱད་རྣམས་རེ་རེའི་མགོར་རྡོ་རྗེ་སློབ་དཔོན་གྱིས་སྟོང་ཐུན་གྱི་བཤད་པ་སྙན་དཱེབས་ཀྱི་མཐར་འདུས་པ་ཀུན་གྱིས་མགྲིན་གཅིག་པར་ཤིས་པ་བརྗོད་པའི་ཚོགས་སུ་བཅ་པའི་དབྱངས་འགྱུར་ཁུགས་སྤོམ་ཕྲ་འདེགས་འཇོག་བར་མ་རྣམས་ཏེ་ཡན་ལག་གི་ངེས་པ་བདུན་དང་ལྡན་པ་རོལ་མོ་བཅས་པས་བརྗོད་ཅིང་། དེ་བཞིན་དུ་སྲུང་མ་བཀའ་བསྒོ་བ་དང་མཐང་ཡང་རྟེན་ལ་མཆོད་པ་འབུལ་བ་སོགས་རབ་གནས་ཀྱི་ཆོ་ག་ཡན་ལག་དང་བཅས་པ་རྒྱས་ཤིང་མ་འཁྲུལ་བ་གྲུབ་པའི་མཐར་རྡོ་རྗེ་སློབ་དཔོ་དང་སྤྲུལ་པའི་སྐུ་ལ་གསུང་ཐུགས་རྗེན་གྱིས་དབུས་འབུལ་མཚོན་སྤམས་ཆེ་བ། ཆོག་རོགས་བྱིངས་རྣམས་ལའང་རབ་ཡོན་ལྷག་སྨར་བ་དཀར་སྤྲོ་དང་བཅས་དགའ་སྟོན་རྒྱས་པར་སྤེལ། དེ་མཚུངས་བཟོ་བོ་གཉིས་ལའང་བསྙེན་བཀུར་གང་ཁྱོགས་ཐོག་གྲོལ་སྟོན་གྱི་དཀར་སྤྲོ་འཕར་མ་དང་། ཚར་དགའ་དབུ་ཆེན་ལ་འགོ་སྣམ་ལ་མདོག་གི་གྱོན་པ། རས་ཟོམ་འགོ་སྣམ་གྱི་དཔྱང་སྐོར་ཅན། ནང་མཛོད་དམར་པོའི་སྐ་རགས། །མཛོད་སེར་གྱི་ཕོར་ཤུབས་གྲི་ཆུང་འབྱར་བ། ཞྭ་མོ་ཕྲོག་ཞྭ་བཅས་ཚང་མ་ཁ་གསར།

― JLAZ014_Page_0711 ―

^{[མ་དཔེ་གཟིགས་ན་འདིར་གནོན།]}

[Full Size]

དར་ནང་མཛོད་བཅས། དབུ་ཆུང་ལའང་འགོ་སྣམ་ནམ་མདོག་གི་གྱོན་པ་སྐ་རགས་སོགས་དབུ་ཆེན་དང་མཚུངས་ཆ་འགྲིགས་དང་དར་ནང་མཛོད། །དངུལ་དང་ཟོང་རས་གོས་སྣ་སོགས་སྨར་ཟོང་ཕྱེད་ཁྱེར་གྱི་ཉིན་ཡོན་སྨར་ངེས་རྣམས་དང་། དེ་བཞིན་འགོ་བ་གཡོག །དེའི་ཡང་རོགས་བྱེད་ཚུན་ཆོད་སོ་སོར་གཏང་རང་གི་དངོས་པོ་གང་ལ་གང་འོས་རེ་དང་བཅས་བཟོ་བོ་ལས་བྱེད་ཀྱི་བར་དུ་སོ་སོར་མགུ་བའི་ལུགས་སུ་བསྒྲུབས། ཡུལ་མི་རྣམས་ལའང་རབ་སྟོན་དུ་ཇ་ཆང་ཐུག་པ་གང་འཐུང་ངོས། རྩམ་བྲེ་ལྔ་རེ། དེ་མཚུངས་ཚེས་བཅུ་མ་ཎི་བ་བཅས་སུའང་སྐལ་བ་དང་ཏིང་མཆོད་ཆའི་རིགས་ཀྱི་སྦྱོར་འཇགས། འཕྱོང་རྒྱས་ཞོལ་ཚུན་གྱི་མུ་ཏོ་བའི་རིགས་ལའང་རབ་སྟོན་གོང་བཞིན་ཐོག་སྟོང་མཆོད་ཀྱི་རོ་མས་བཀྲེས་པ་བསལ། དེ་ནས་དངུལ་གདུང་རིན་པོ་ཆེར་ཉིན་ལྟར་ཞལ་ཟས་ལྔ་རེ་དང་དཀར་མེ་ཉིན་མཚན་འཁྱོངས་པ་སྡོང་གཅིག་རེ་ཇི་སྲིད་དུ་འབུལ་རྩིས་ལ་ལོ་གཅིག་གི་དཀར་མེའི་རྟེན་སྦྱིན་བདག་ལྕགས་པོ་ཆོས་མཛད་ནས་བྱུང་། སྦྱིན་བདག་སྤུ་ཤུད་ནས་ཀྱི་སྔར་རྒྱུན་མཆོད་མེ་སྡོང་གཅིག་ཞལ་ཟས་རེ་མ་ཆག་ངོས་གནས་འཛིན་པ་མི་གཉིས་ལ་ཟླ་ཕོགས་ལེན་རྒྱུའི་འཛིན་ཡིག །གདུང་ཆོག་གི་དུས་ཞབས་ཏོག་པང་ལེན་ཡོན་འཕར་བཅས་ཞལ་ང་སྤྱི་སྒེར་སོ་

― JLAZ014_Page_0712 ―

^{[མ་དཔེ་གཟིགས་ན་འདིར་གནོན།]}

[Full Size]

སོ་ནས་མཛད་ཅིང་། དེ་བཞིན་དུ་དངུལ་གདུང་བཟོ་གྲ་རབ་གནས་ཀྱི་བར་སོ་སོར་བྱུང་། སྒེར་གཞིས་ཕན་ཚུན་སོ་སོ་ནས་ཞལ་དཱེབས་སྤྱིར་འབྲུ་ཁལ་ཉེར་ལྔ་རེ་སྔ་ཕྱིར་དགོངས་རྫོགས་ཀྱི་མི་ཁལ་ལ་སོགས་པའི་རོགས་དགོས་གན་གཅིར་ཁུར་བཞེས་དང་། དགོན་རྩེ་སྤྲུལ་པའི་སྐུ་རིན་པོ་ཆེས་དགོངས་ རྫོགས་ཆེ་རྐྱེན་དངུལ་སྲང་བཅོ་ལྔ། དངུལ་གདུང་རིན་པོ་ཆེར་སྙན་ཤལ་མཛོད་སྣ་ལྔ། མཆོད་མེ་མར་ལྟང་གཅིག་རྣམས་དང་། ཀོང་པོ་རྒོད་ཚང་རིན་པོ་ཆེས་སྙན་ཤལ་ནང་མཛོད་རྒྱ་དངུལ་སྲང་བཅུ་གནང་ཞིང་། །བུ་ཆུ་གཏེར་གྱི་ལྷ་ཁང་དུ་སྟོང་མཆོད་ཀྱང་བསྒྲུབས་པར་མཛད་འདུག །ཐེག་མཆོག་གླིང་བླ་གྲ་སོ་སོ་ནས་དངུལ་སྲང་བཅོ་ལྔ་རེ་དང་སྙན་ཤལ། དཔལ་རི་བླ་གྲ་ཡོངས་ཀྱི་གདུང་ཆོག་དང་རབ་གནས་སོགས་ཀྱི་བང་ལེན་རྒྱས་པ་དང་། དངུལ་གདུང་རིན་པོ་ཆེར་མཆོད་སྤྲིན། འབྲུ་ཁལ་སུམ་ཅུ། འབྲི་གུང་རིན་པོ་ཆེ་ཡབ་སྲས་ཀྱིས་དངུལ་རྡོ་ཚད་བཟང་ཇ་འཁོར་དྲུག །མར་ལྟང་གཉིས། ཚན་གྲངས་བཅས་གནང་ཞིང་འབྲི་གུང་རང་དུའང་སྒར་གྲ་ཚང་དུ་མ་ཎི་བུམ་སྒྲུབ་བདུན་ཕྲད་དང་ཐེལ་སོགས་དགོན་ཁག་ལ་མང་འགྱེད་གཙུག་ལག་རྣམས་སུ་མཆོད་འབུལ་རྒྱ་ཆེན་པོ་མཛད་སྣང་། གཞན་ཡང་མདོ་མཁར་གཉར་ཚང་གཞུང་སྒེར་གྱིས་

― JLAZ014_Page_0713 ―

^{[མ་དཔེ་གཟིགས་ན་འདིར་གནོན།]}

[Full Size]

མཚོན་མཆོག་དམན་བར་པའི་རིགས་དུ་མ་ནས་ཞལ་འདེབས་མཆོད་དབུལ། དངུལ་གདུང་ལ་ཕྲ་རྒྱན་གྱི་རིགས་ཆུང་ཆུང་སོགས་དཔག་ཏུ་མེད་པ་བྱུང་བ་རྗེས་སུ་ཡི་རང་བའི་སླད་དུ་འབྲི་བར་རིགས་ཀྱང་ཡི་གེའི་ཁུར་གྱི་མ་ཐུབ་པོ། །ཕྱི་ལོའི་དུས་མཆོད་སྔ་ནུར་ཚུལ་དུ་སྤྲེལ་ཟླའི་ཚེས་བཅུ་ལ་སླར་ཡང་བསམ་ཡས་མི་འགུར་ལྷུན་གྱིས་གྲུབ་པའི་གཙུག་ལག་ཁང་ཕྱི་ནང་ལ་སྟོང་མཆོད་ཚར་གཉིས་དང་། དཀར་ཁང་དུ་མར་འདེགས་ཁལ་ཉིས་བརྒྱ་བཅོ་ལྔ་སྐོར་བཅོས་བཞུ་སྟེ་ཞག་བཅོ་ལྔའི་བཞུ་ཕུལ། འདི་དུས་མྲ་དཀོན་དུས་ཀྱི་མར་རིན་དངུལ་སྲང་བརྒྱ་བཞི་བཅུ་སྐོར་སོང་། གསེར་རྡོ་ཚད་དང་གསེར་བཏུལ་བརྗེས་པའི་གསེར་ཆབ་ཀྱིས་གཙུག་ལག་གྱི་ནང་གི་ལྷ་ཚོགས་ཀུན་ལ་ཞལ་གསེར་ལེགས་པར་སྒྲོན། ནས་གཙང་ལ་གསེར་ས་ལམ་དང་སྨན་སྣ་བསྲེས་པས་ཇོ་ནོ་རིན་པོ་ཆེའི་གསོལ་ལྷུང་ལ་སོགས་པ་འགེང་ཞིང་མེ་ཏོག་ཏུ་འཐོར་རྒྱུ་དང་སྙན་ཤལ་འབོར་ཆེ་བ་བཅས་བདག་ཅག་དམ་ཚིག་གཅིག་པའི་བུ་སློབ་འགས་འོག་ཁང་དུ་བདེ་བ་ཅན་གྱི་ཆོ་ག་དང་བཅས་མཆོད་འབུལ་སྨོན་ལམ་རྒྱས་པ། བར་ཁང་དུ་ཚོགས་བརྒྱ་བཅས་བསྒྲུབས་ཤིང་མཆོད་ཁང་སྤྱིར་ཡང་འཚེམས་མེད་ཀྱི་སྙན་ཤལ་འབུལ་བ་དང་བཅས་རྗེ་རྡོ་རྗེ་འཆང་

― JLAZ014_Page_0714 ―

^{[མ་དཔེ་གཟིགས་ན་འདིར་གནོན།]}

[Full Size]

ཆེན་དེ་ཉིད་ཚོགས་ཞིང་རྒྱ་མཚོའི་གཙོ་བོར་བཞུགས་པ་ལ་ཡན་ལག་བདུན་གྱི་མཆོད་པའ་སྤྲིན་ཕུད་འབུལ་བ་དང་། ཞག་གཞེས་ཐུགས་དམ་བསྐུལ་བའི་གསོལ་འདེབས་གང་ཤེས་བགྱིས། དེ་མཚུངས་སྒྲགས་ཡང་རྫོང་ཟུང་ཕུ་ལྷ་ལྡིངས། གཡའ་མ་ལུང། བསམ་ཡས་མཆིམས་ཕུ་རྣམས་སུའང་མཆོད་འབུལ་ཚོགས་བརྒྱ་གྲ་བཙུན་ལ་ཡང་འགྱེད་བཅས་སྔ་མ་དང་ཕྱོགས་འདྲ་བསྒྲུབས། སྐུ་གདུང་རིན་པོ་ཆེར་ཁྲུས་དང་སྨན་སྣ་ཚོགས་ཀྱི་དྲིལ་བྱིས་ཡང་བྱས་བྱས་པའི་ཁྲུས་ཁུས་བཟང་ལ་བརླན་པ་དང་སྨན་སྣ་བཅས་ལ་སྐུ་འདྲ་བཞེངས་པའི་ལྷ་བཟོ་བ་མཁས་སུ་རེ་བ་ཞིག་འོང་དུ་རེ་ཡང་ཡུན་དུ་མ་ལོན་པ་ན། རྗེ་ཉིད་ཀྱི་ཕྲིན་ལས་ཀྱིས་བཀུག་བའི་ཆེད་དུ་བསོགས་པ་མ་ཡིན་པའི་ལྷ་བཟོ་བ་གཉིས་བྱུང་བས་རྡོར་སེམས་ཀྱི་སྐུ་མི་ཚད་ཕྲ་རྒྱན་གཡུ་བྱུར་སོགས་མང་བས་བརྒྱན་པ་དང་། རྗེ་ཉིད་ཀྱི་སྐུ་འདྲ་སྐུ་ཚད་ཙམ་པ་གསེར་གྱིས་བྱུགས་བཅས་བཞེངས་པ་བཟོ་བོ་མཁས་པར་གྲགས་པ་ཅན་གྱིས་སྙེམས་པ་མེད་བཞིན་དུ་ཡེ་ཤེས་པ་རང་བདུན་དུ་བཞུགས་པའི་བྱིན་རླབས་ཀྱིས་མཐོང་ན་མི་མཐུན་པ་མེད་པའི་བཟོ་སྒྲོས་སུ་བྱོན་པས་ཀུན་གྱི་མགིག་གི་བདུད་རྩིར་གྱུར། དེ་དག་ལའང་ཆོས་ལི་ལས་གྲུབ་པའི་གུ་རུའི་སྐུ་ཚབ་བྱིན་ཅན་དང་

― JLAZ014_Page_0715 ―

^{[མ་དཔེ་གཟིགས་ན་འདིར་གནོན།]}

[Full Size]

རྗེ་ཉིད་ཀྱི་དབུ་སྐྲ་ཕོན་ཆེ། བསྙེན་ཕུར། ན་བཟའ་སྐུ་དྲེགས་ཅན་ལྷུ་ཚང་། སངས་རྒྱས་གསེར་ཐུབ་ཀྱི་འཕེལ་གདུང་སོགས་རིང་བསྲེལ་རྣམ་པ་བཞིའི་གཟུངས་གཞུག་ལེགས་པར་ཕུལ་བ་དང་། དངུལ་སྲང་ལྔ་བཅུ་ལྷག་བཅས་ཀྱིས་བསྒྲུབས་པའི་རྗེ་ཉིད་ཀྱི་འདྲ་ཐང་ལ་ཁྲུངས་རབས་ཀྱིས་བསྐོར་བ། སྒྱུ་འཕྲུལ་ཞི་བ། ཁྲོ་བོ། པདྨ་འོད་ཀྱི་ཕོ་བྲང་། བདེ་ཆེན་པདྨོ་བརྩེགས་པའི་ཞིང་བཀོད་སོགས་ཀྱི་ཐང་ཀ་གོས་གཤམ་དང་བཅས་ཐོག་ཚད་གྲ་མཚུངས་ལྔ། གསུང་རྟེན་བཞེང་རོགས་འཐུག་ཏུ་བསྐུལ་བ་བཞིན་སློབ་དཔོན་འཇིགས་མེད་པས་བདེན་རྣམ་ཤིང་རྟ་གཉིས་པོ་མ་གཏོགས་གསུང་འབུམ་ཆ་ཚང་པོད་ཆེན་དྲུག་ལ་དབུ་ཤོག་དང་གཉིས་རྣམས་གསེར་བྲིས་གླེགས་ཤིང་སྒྲིལ་ཚས་བཅས་གས་བཞེངས་ཕྲལ་མར་མཛད་པ་རྣམས་ལའང་རབ་གནས་དངོས་སྟ་ཉིན་གཉིས་མ་རྒྱས་པར་བསྒྲུབས། སློབ་དཔོན་འཇིགས་མེད་པས་དགོངས་རྫོགས་ཀྱི་རྐྱེན་དུ་དངུལ་རྡོ་ཚད་གཅིག །དངུལ་་གདུང་རིན་པོ་ཆེར་སྨོན་ཚིག་དང་བཅས་པའི་ནང་མཛོད་དཀར་དམར་འབུལ་རྒྱུ་དང་། འབྲུག་རང་དུའང་བཛྲ་གུ་རུ་དུང་འགྱུར་སོགས་ཀྱི་དགོངས་རྫོགས་བླ་ན་མེད་པ་མཛད་སྣང་། མི་རིང་བར་ཟླ་བ་བདུན་པའི་ནང་ས་སྐྱོང་སྡེ་

― JLAZ014_Page_0716 ―

^{[མ་དཔེ་གཟིགས་ན་འདིར་གནོན།]}

[Full Size]

དགེ་ནས་རྙིང་རྒྱུད་པར་བཞེངས་མཐར་ཆགས་སུ་གྲུབ་པའི་བར་ཕུད་པོད་ཆེན་ཉི་ཤུ་རྩ་ལྔ། དཀར་ཆག་མཁྱེན་རབ་ཀྱི་ལང་ཚོ་རྨད་དུ་བྱུང་བས་བསྐྲུན་པ་བོད་བཅས་ཆ་ཚང་ཚར་གཉིས་དགོངས་རྫོགས་བསྒྲུབ་རྟེན་དངུལ་སྲང་བརྒྱ་དང་གསེར་རྡོ་ཚད་གཉིས་སོགས་གནང་རྟེན་སྤམས་མཐོ་བ་བདང་བཅས་པའི་མི་སྣ་ཆེད་ཀྱིས་འབྱོར་པ་བཞིན་དུ་དངུལ་གདུང་རིན་པོ་ཆེར་སྟོང་མཆོད་བཤམས་ཐོག་གྲ་སློབ་བརྒྱད་གྲ་ཞིག་གིས་མཆོད་འབུལ་ཚོགས་བསྐངས། སྲོན་བཙན་བམ་སོར་ཡང་མཆོད་ཚོགས་བསྐངས་བཅས་དམིགས་གསལ་དུ་བསྒྲུབས། རང་ལུགས་མཛད་པའི་དགོན་པ་འོག་མིན་འཕེལ་རྒྱས་གླིང་གི་སློབ་དཔོན་པ་དགེ་རྩེ་བླ་མས་ཀྱང་དངུལ་སྲང་བདུན་དང་སྙན་ཤལ་བཅས་བྱུང་། མི་སྣ་ཕྱིར་ལོག་གི་གདོང་དུ་དེ་གའི་དགོན་པར་བཀའ་ཆེམས་ཀྱི་དགོངས་དོན་ལྟར་དཔལ་ཆེན་བཀའ་འདུས་རྒྱ་མཚོའི་ཐང་ཆེན་ཐོག་ཚད་མ་གྲ་ཚར་གདུ་དང་། མང་ཇའི་ཐེབས་དངུལ་སྲང་སུམ་ཅུ། ཀློང་ཐང་སྒྲོན་མའི་གཙུག་ལག་ཁང་ལ་སྙན་ཤལ་དང་མཆོད་དོད་དངུལ་སྲང་བཅུ་གཉིས་རྣམས་སྡེ་དགེ་ནས་གནང་རོགས་ཞུ་རྒྱུར་ཕུལ་བ་དང་། རྙིང་རྒྱུད་མ་ཚལ་པར་ཆ་གཅིག་དེ་རྒྱ་གར་གདུང་བས་མཁ་རི་བོ་དཔལ་འབར་གླིང་དུ་སྐུ་གསུང་ཐུགས་རྟེན་གཞན་དང་བཅས་

― JLAZ014_Page_0717 ―

^{[མ་དཔེ་གཟིགས་ན་འདིར་གནོན།]}

[Full Size]

རྟེན་སྐལ་དུ་ཕུལ། ལྷག་པར་ས་སྐྱོང་སྡེ་དགེ་ནས་དགོངས་རྫོགས་ཀྱི་མཐུན་རྐྱེན་སྤམས་ཆེ་བ་དང་སློབ་དཔོན་འཇིགས་མེད་པས་ཡང་དེ་བཞིན་དང་བཅས་འདི་གའི་བླ་བྲང་གི་ཡོད་དགུའི་སྟེང་ནས་དཔལ་གྱི་བསམ་ཡས་དཀར་རུར་ཁྱུབ་སྣོད་ལྟ་བུ་ཞིག་བསྒྲུབ་པར་འདོད་ཀྱང་ལེགས་བར་བརྟགས་ཚེ་སྙིགས་མར་གྱུར་བའི་དུས་དབང་གིས་དགེ་རྩར་བསྔོས་པ་འགའ་དང་འགའ་ནི་སྡིག་པའི་རྩ་བར་ཡང་མི་འགྱུར་བའི་ཆམ་མཆིས་ཤིང་མཐོང་ཆོས་སུའང་གནས་པས་རྒྱུ་འབྲས་གཉིས་ཀ་གཅིག་ཏུ་དཀར་བས་སེམས་ཅན་ལ་སྨན་པར་མ་གྱུར་ན་སྐྱེས་བུ་ཆེན་པོ་རྣམས་ཀྱི་མཛད་དགོངས་ནི་གཞན་ལ་ཕན་པ་ཁོ་ན་ཡིན་བས་དགོངས་པ་རྫོགས་པའི་ཐབས་སུ་ལུང་སུའང་ཨེ་འགྱུར་མི་ཤེས་སྙམ་དེའི་སྤྲོས་པ་བསྐྱུངས་ནས། སླར་ཆོས་འཁོར་ཆེན་པོ་ཉིད་དུ་སྟོང་མཆོད་གཅིག་དང་མར་བཞུ་ཞག་བཅོ་ལྔ་བཅས་བསྒྲུབས་ཤིང་། ཕྱིན་ཆད་ནས་ཀྱང་རྡོ་རྗེ་འཆང་ཆེན་པོ་དེ་ཉིད་ཀྱི་དགོངས་བཞེད་ཡོངས་སུ་རྫོགས་པའི་ཕྱིར་དུ་མཆོད་པའི་རྒྱུན་རང་རེའི་ལག་གིས་བསྟར་ནས་ཅི་འབུལ་བ་དང་། དངུལ་གདུང་རིན་པོ་ཆེར་ནར་མའི་མཆོད་འབུལ་དང་ཟླ་རེའི་དུས་དྲན་མཆོད་པ་མི་ཆག་པ་བཅས་བདག་ཅག་རྗེས་སུ་འཇུག་པ་དག་གི་ཇི་སྲིད་འཚོའི་བར་དུ་ཡིད་དམ་

― JLAZ014_Page_0718 ―

^{[མ་དཔེ་གཟིགས་ན་འདིར་གནོན།]}

[Full Size]

འཆའ་བ་ནི་རྡོལ་རི་མོར་བརྗོས་པ་བཞིན་སྙིང་ལ་བརྣགས་པ་ལ་བྲི་གང་མེད་དོ། དེ་ཙམ་ཡང་རྗེ་བླ་མ་ཉིད་རང་གི་རང་བཞིན་གྱི་ཕྲིན་ལས་ཀྱི་བབས་ལ་གཞིག་ན་མཛད་པ་ཐ་མ་མངོན་དུ་གྱུར་ནས་རྗེས་འཇུག་གིས་བསྒྲུབ་པར་འོས་པའ་བྱ་བ་རྒྱ་ཆེན་པོ་གྲུབ་པ་ཞིག་ནི་མ་ཡིན་ཏེ། སྤྱིར་དུས་ཀྱི་སྙིགས་མ་དང་། སྒོས་སུ་ཐ་མའི་བཀའ་ཆེམས་ཀྱི་ལུང་བསྟན་ཡང་མངོན་གྱུར་ཏེ་སངས་རྒྱས་བྱུང་བ་ལ་མཉེས་པར་མི་བགྱིད་པའི་སྐྱེ་བོ་བསམ་སྦྱོར་ཐ་དད་པའི་ཚོགས་དང་ཡང་གནས་སྐབས་ཀྱི་འགྲོ་བར་བྱ་དགོས་པ་ཞིག་པས་བདག་ཅག་བྱ་ཕྲལ་བ་ཀུན་ཏུ་རྒྱུ་དག་གི་ཕྲག་བས་བཟུང་བས་དེ་ཙམ་ཞིག་གོ། མདོར་ན་ཆོས་ཀྱི་རྗེ་ཆེན་པོ་འདི་ཉིད་མངོན་པར་འཚོ་ཞིང་གཞེས་པའི་དུས་ནས་ཐ་མ་མཛད་པ་བརྟུལ་བའི་དགོངས་རྫོགས་ཀྱི་དུས་ཚུན་གྱི་རྣམ་དཀར་གྱི་བྱ་བ་ཇི་སྙེད་པ་དེ་ཀུན་ཡང་དོས་དང་རྟ་འུལ་ལ་སོགས་པས་སེམས་ཅན་གཞན་གྱི་ཁུར་དུ་འགྲོ་བ་དང་། ཚོང་འབུན་བསྐྱེད། སེམས་ཅན་གྱི་སྲོག་གཅོད་པ་ལ་སོགས་པའི་སྡིག་དང་ཅུང་ཟད་ཙམ་ཡང་མ་འདྲིས་པར་ལས་དང་འབྲས་བུ་གཉིས་ཀ་གཅིག་ཏུ་དཀར་བ་འབའ་ཞིག་ཡིན་ནོ། འོན་ཏེ་གོ་ས་མཐོན་པོའི་ཆེ་འགྱིངས་མངའ་ཐང་ལ་སྤྱོད་པ་སོགས་གཞན་གྱི་དལ་མོ་མ་ཕེར་བའང་

― JLAZ014_Page_0719 ―

^{[མ་དཔེ་གཟིགས་ན་འདིར་གནོན།]}

[Full Size]

མིན་ཏེ། རྗེ་བླ་མ་འདི་ཉིད་འཇིག་རྟེན་ཆོ་རིགས་ཀྱིས་སྐྱོན་དང་རྨད་མེད་པའི་བབ་དང་ཡུམ་གྱི་ལྷུམས་ལས་སྲིད་པའི་སྒྱུ་འཕྲུལ་གཞོན་ནུ་མངོན་པར་བསྐྱེད་བསྲི་བའི་དུས་ནས་བྱིས་པ་སོ་སོ་སྐྱེ་བོ་ཕལ་པས་རྣམ་པར་འདས་པའི་ཡོན་ཏན་གྱི་ཚོགས་རྒྱ་མཚོ་དང་བཅས་ཏེ་མཁས་ཤིང་གྲུབ་པའི་མངོན་པར་རྟོགས་པ་མི་ཟད་པ་ཁོ་ནའི་རང་སྟོབས་ཀྱི་རྒྱལ་མཚན་གྱི་རྩེ་མོའི་ནོར་བུ་དབང་གི་རྒྱལ་པོ་ལྟར་གྱུར་པས་བོད་དབུས་གཙང་ནས་མདོ་སྨད་ཁམས་ཀྱི་ཡུལ་གྲུ་ཚུན་གྱི་ཆེན་པོ་ཀུན་གྱིས་གཙུག་གི་ནོར་བུ་ལྟ་བུར་བཀུར་བ་སྟེ། གངས་ཅན་བོད་ཁམས་སྐྱོང་བ་གོང་ས་རྒྱལ་དབང་ཐམས་ཅད་མཁྱེན་པ་ཆེན་པོས་ཀྱང་མ་འདྲིས་པའི་མཛའ་བཤེས་ཀྱི་ཚུལ་དུ་ཤུར་མེད་པར་མཛད་པའི་བཀའ་ཤོག་རྒྱ་མ་རྣམས་སུའང་ཆ་བབས་ཡིག་གི་བཟོས་སྒོ་ཆེན་པོ་དང་བཅས་ཏེ་ཁམས་ཤིང་གྲུབ་པའི་ངེས་བརྗོད་ཅན་དུ་ཕེབས། འཇམ་དབྱངས་འཁོན་གྱི་གདུང་རབས་དྲི་མ་མེད་པ་མུ་ཏིག་གི་འཕྲེང་བའང་མ་བྱོན་དཔལ་ལྡན་ས་སྐྱ་པ་ཆེན་པོ་བདག་ཆེན་ངག་གི་དབང་པོ་ཡབ་སྲས་ཀྱི་འང་རྩ་བའི་བླ་མར་བཀུར་བའི་ཕུ་དུད་ཆེན་པོ་མཛད། མདོ་སྨད་ཁམས་ཀྱི་རྒྱལ་ཁམས་མ་ལུས་པར་དབང་བསྒྱུར་བའི་སའི་ཚངས་པ་ཆེན་པོ་སྡེ་དགེ་ཡབ་ཡུམ་སྲས་བཅས་ཀུན་གྱིའང་ཆེས་ཁྱད་པར་འཕགས་པའི་རིགས་ཀྱི་

― JLAZ014_Page_0720 ―

^{[མ་དཔེ་གཟིགས་ན་འདིར་གནོན།]}

[Full Size]

བདག་པོ་ཆེན་པོར་བཀུར་ཞིང་ཚད་མེད་པའི་དང་གུས་ཀྱིས་ཞབས་ནས་འདེགས་པར་མཛད། མཐའ་དབུས་ཀྱི་དཔོན་དང་ས་རོང་རྩུབ་པོར་གནས་པའི་སྐྱེ་བོ་དབང་ཤེད་ཀྱི་དབུང་པ་བཙན་པོ་ཇི་སྙེད་པ་དག་གིའང་གུས་པས་བཏུད་ཅིང་། སྐྱབས་ཀྱི་མཆོག་ཏི་བཟུང་བ་ཡིན་ན་སྲིད་པའི་འབྱོར་ུསྟོབས་བསྒྲུབ་པ་ལ་ཚེགས་གང་ཡང་མེད་མོད་དེ། དེ་ལ་སྙིང་པོར་གྱུར་བ་འགའ་ཡང་མེད་པས་བཞུགས་གནས་ཀྱང་བས་མཐའ་རི་ཁྲོད་ཆུང་དུ་འདི་ཙམ་ལས་སྙིགས་མའི་དུས་ཀྱི་སྡེ་དགོན་ཡང་ཆོས་བརྒྱད་དང་ཆགས་སྡང་ཉག་གཅིག་འཕེལ་བ་ལས་གཞན་དུ་འབྲས་བུ་ཆེས་ཆེ་བས་དབུལ་བར་གཟིགས་ཏེ། དེ་དག་གི་འདུ་འཁོད་མ་མཛད་ཅིང་རྗེས་སུ་འབྲང་བའི་སློབ་བུའི་ཚོགས་ལའང་ཆོས་ལ་ཚུལ་བཞིན་དུ་སྤྱོད་ཅིག་པ་ཉིད་བཀའ་ཆེམས་ཀྱི་དོན་པོར་ཕེབས་སྣང་བས་དེ་ལས་འདའ་བར་མ་ནུས་ཏེ་བླ་མའི་བཞུགས་གནས་སྟོང་པ་ཙམ་ཡང་གཅེས་སྤྲས་ཀྱིས་འཛིན་པའི་བྱ་བའང་གཞན་དབང་གི་ཁུར་དང་འགྲོགས་པ་འདི་ལྟར་གྱུར། དེ་ཡང་སློབ་མ་བླུན་པོས་བླ་མ་ཟོག་པོར་བཏང་བའི་ལོ་རྒྱུས་བཞིན་བླུན་དང་རྨོངས་ཞེན་གྱི་གཏམ་འགྲེལ་མེད་པའང་མ་ཡིན་ཏེ། ངོ་བོའི་གནས་ཚུལ་སྲོང་པོར་མེད་པ་ལ་རྒྱུ་མཚན་དདགོས་ཆེད་ཡོད་པ་ཡིན་ནོ། །འདིར་སྨྲས་པ། ཨར་མ་

― JLAZ014_Page_0721 ―

^{[མ་དཔེ་གཟིགས་ན་འདིར་གནོན།]}

[Full Size]

ཆོས་ཀྱི་རྒྱལ་པོ་ཆེ་པོ་དེའི། །རྣམ་དཀར་ཕྲིན་ལས་རྒྱ་མཚོའི་རྦ་རླབས་ནི། །དུས་གསུམ་མཐར་ཡང་ཆེས་ཆེར་རབ་གཡོས་པས། །ཆུ་སྲིན་རྒྱལ་མཚན་ཅན་དེ་དོགས་པས་སྐྲག །ཕྲ་ཝང་ཆུ་མཚོར་ལྷུང་ཡང་རྡོ་བའི་དགོས། །རང་དྲིན་དྲན་པ་སྔོན་བྱུང་གཏམ་ཙམ་མིན། །འདྲེན་མཆོག་མཚུངས་མེད་དབྱིངས་སུ་གཟིམས་ནས་ཀྱང་། །འགའ་ཞིག་རང་གི་ཚུལ་ལ་ཡུས་ཏེ་བརྒྱལ། །ཆོས་ཀྱི་རྗེས་སུ་འབྲང་བའི་ཤེས་ལྡན་ནི། །རང་གི་ཁྲོ་བ་འདུལ་ཞིང་དེ་ལ་གཟོ། །འཇིག་རྟེན་མུན་ཐོར་གྱུར་པའི་གནས་སྐབས་ཀྱང་། །འགའ་ལ་ལྐོག་ཏུ་གྱུར་བས་རང་ཉིད་སྐྱོ། །མགོན་གྱི་བཀའ་དྲིན་འཇལ་བའི་སྐབས་མེད་ཀྱང་། །སྙིང་གི་རི་མོ་བསྲུབས་བྱ་མ་ཡིན་པས། །རང་བློ་ལྐོག་གྱུར་ཆོམ་བོས་བཏབ་བཞིན་དུ། །བྲག་ཆའི་སྣྲ་བསྙན་འཕེང་བར་བཟུང་བ་མིན། །མཁའ་ལྡིང་རང་གི་ངོ་བོའི་སྒྱུ་རྩལ་གྱིས། །ནམ་འཕངས་གཅོད་ལ་ལྟོས་པ་མ་མཆིས་ཀྱང་། །སྲིན་འབུས་ལམ་གྱི་སྒྲོན་མེ་བཏེགས་པ་བཞིན། །རྣམ་དཀར་རྒྱ་མཚོའི་དུས་རླབས་ཡོལ་བ་མེད། །ཨེ་མ་རིན་ཆེན་ཆོས་ཀྱི་རྒྱལ་པོ་གདོད་མའི་གཟིམས་ཁྲི་ཤིན་ཏུ་རྣམ་དག་ནམ་མཁའི་དབྱིངས་སུ་གཟིམས་པའི་མངོན་རྟོགས་ཉེར་བསྟན་པར། །འགྲོ་ལ་ཡིད་

― JLAZ014_Page_0722 ―

^{[མ་དཔེ་གཟིགས་ན་འདིར་གནོན།]}

[Full Size]

བཞིན་དགོས་དགུ་འབྱུང་བའི་རིན་ཆེན་སྐུ་ནི་རྟག་པའི་ཆོས་སུ་ཉེ་བར་ལྷུན་གྲུབ་ཇི་སྲིད་ནམ་མཁའི་གནས་ཉིད་ཀྱི། །བརྟན་པ་དེ་སྲིད་གཡོ་བ་མེད་པར་འདོད་འབྱུང་མཆོག་ཏུ་གངྒཱའི་རྡུལ་མང་བརྩེགས་པའི་མཆོད་སྡོང་ཆེན་པོར་ལྷུན་གྱིས་གྲུབ། འགྲོ་འདིའི་བསོད་ནམས་ཤིན་ཏུ་རྨད་བྱུང་རྫིང་བུར་ཡང་ནི་སྤྲུལ་བསྒྱུར་རོལ་པ་གསར་དུ་ཆོས་སྙམ་ཡིད་ལ་དེང་འདིར་ངལ་བསོས་ཡིན། །དེ་ལྟར་གོང་དུ་བརྗོད་བ་དེ་དག་ནི་ཚུ་རོལ་མཐོང་བའི་ཡིད་ཅན་གྱི་གདུལ་བྱ་སྤྱི་ཙམ་བའི་སྣང་ངོར་དྲང་དོན་གྱི་མཛད་བ་ཚུལ་བསྟན་ཙམ་དུ་ཟད་ཀྱི་འདི་ལྟར་སྐྱེ་བ་དང་། རྒ་བ་དང་། ན་བ་དང་འཆི་བ་སྟེ་སྲིད་བའི་ཆུ་བོ་ཆེན་པོ་བཞེས་ཉམ་ཉེས་སུ་འགྱུར་བའི་ཚོར་བའི་སྡུག་བསྔལ་དག་ལས་རྣམ་པར་གྲོལ་ཞིང་ཕ་རོལ་ཏུ་བརྒལ་བ་ནི་འཕགས་ཆེན་ཁོ་ནའི་ཁྱད་པར་རྨད་དུ་བྱུང་བ་ཡིན་པས་བདག་ཅག་གི་རྗེ་བཙུན་མཉམ་མེད་ཆེན་འདིས་ཀྱང་གང་གི་ཞལ་གསུང་རྣམ་ཐར་ཡོངས་སུ་རྫོགས་པའི་ཚེ་སེང་གེའི་ང་རོ་བཞིན་དུ་བསྒྲགས་ནི། རང་སེམས་རྣམ་ཐར་སྒོ་གསུམ་དང་སོགས་ཚིགས་སུ་བཅད་པ་སྔ་ཕྱི་རྣམས་ཏེ། དེ་ལ་མཐར་ཐུག་གི་གྲོལ་ས་དབྱིངས་དང་ཡེ་ཤེས་སམ་ཀ་དག་དང་ལྷུན་གྲུག་གཉིས་སུ་མེད་པའི་རང་བཞིན་རྡོ་རྗེ་གསང་བ་ལྷུན་གྲུབ་རིན་པོ་ཆེའི་སྦུབས་སུ་མངོན་པར་

― JLAZ014_Page_0723 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པར་སངས་རྒྱས་པའི་ངོ་བོ་ལ་རྒྱལ་བ་འོད་མི་འགྱུར་བའམ་མང་དབང་རྫོགས་པའི་སྟོན་པ་ཀུན་ཏུ་བཟང་པོ་ཡེ་ཤེས་ལྷུན་གྲུབ་ཀྱི་མགོན་པོ་རྡོ་རྗེ་འཆང་ཞེས་བྱ་བར་གྱུར་པའི་གོ་འཕང་བརྙེས་པར་མི་འཇིགས་པ་བཞིའི་ཚུལ་བཞིན་ཞལ་གྱིས་འཆེས་ཏེ་ངོ་བོའི་ཆེ་བ་བསྟན་པར་གོ་བར་བྱ་སྟེ། དེ་ཡང་རིག་པ་རང་ཤར་ཆེན་པོའི་རྒྱུད་ལས། རྟོགས་པའི་སྐྱེས་བུ་བློ་རྩལ་ཅན། །མི་འགྱུར་མཉམ་ཉིད་དང་དུ་ཐིམ། །རྟོག་མེད་ཤེས་རབ་རང་ཤར་རེ། །བདེ་བྱེད་བརྩེགས་པའི་ས་ཆེན་དེར། །མ་བརྐོད་ནོར་བུའི་ཕུང་པོ་ལྟར། །སྣ་ཚོགས་འབྱུང་ཞིང་དང་དུ་ཐིམ། སངས་རྒྱས་ཀུན་གྱི་མེས་པོ་ནི། །འོད་མི་འགྱུར་བར་ཀུན་ཏུ་གྲགས། །ཅེས་སོ། །དེ་བས་ན་ཟག་བཅས་ཕུང་པོའི་འབྲེལ་ཐ་ཆད་པ་ཙམ་ལ་མྱ་ངན་ལས་འས་སོ་ཞེས་བྱ་བའི་ཚིག་བླ་དགས་ཙམ་བཏགས་པ་མིན་པར་ལམ་བདེན་མཐའ་དག་གི་ཐོབ་བྱའི་འབྲས་བུ་མངོན་དུ་གྱུར་ཅིང་འགོག་བདེན་མ་ལུས་མཐར་ཕྱིན་པའི་རང་གཟུགས་རྣམ་ཀུན་མཆོག་ལྡན་གྱི་ཆོས་ཀྱི་སྐུ་ཆེན་པོའམ། དག་པ་གཉིས་ལྡན་གྱི་སངས་རྒྱས་ཏེ་དབྱིངས་དང་ཡེ་ཤེས་གཉིས་སུ་མེད་པའི་ཆོས་སྐུའི་མཐར་ཐུག་པ་ཀ་དག་དང་ལྷུན་གྲུབ་གཉིས་སུ་མེད་པའི་གྲོལ་ས་ཆེན་པོར་དགོངས་པ་བླ་ན་མེད་པར་རྫོགས་པའི་མཐར་ཐུག་པ་ཉིད་དོ། །དེ་ཡང་ཀུན་ཏུ་

― JLAZ014_Page_0724 ―

^{[མ་དཔེ་གཟིགས་ན་འདིར་གནོན།]}

[Full Size]

བཟང་པོ་ཐུགས་ཀྱི་མེ་ལོང་ལས། རིན་པོ་ཆེ་རྣམ་པར་བཀོད་པའི་དཀྱིལ་འཁོར་ནི་མ་བྲིས་པར་བཀྲ། ཡེ་ཤེས་བརྟན་པའི་རི་རྒྱལ་ནི་མ་བརྩིགས་པར་དབངས་མཐོ། ཡེ་ཤེས་ལ་གདལ་བའི་ཕོ་བྲང་ནི་མ་བྱས་པར་རྒྱ་ཆེ། ཡེ་ཤེས་ཀློང་ཡངས་ཀྱི་རྒྱ་མཚོ་ནི་མ་རྙོགས་པར་རང་དངས། ཡེ་ཤེས་གསལ་བའི་ཉི་མ་ནི་མ་བྱས་པར་འཆར་ནུབ་མེད། སྟོང་ཉིད་གདལ་བའི་ཐང་ནི་མ་བཀོད་པ་ཆ་སྙོགས། །ཡེ་ཤེས་འགྱུར་མེད་ཀྱི་ལམ་ནི་མ་སྦྱངས་པར་ཉེ་རིང་མེད། རིག་པ་འགྱུར་མེད་ཀྱི་རྟེ་ནི་རྒྱུགས་ཀྱང་ཆད་པ་མེད། རིག་པ་དམིགས་མེད་ཀྱི་ཆུ་རྒྱུན་ལ་རྒྱུན་ཆད་མེད། རིག་པ་ཡེ་ཤེས་ཀྱི་ས་བོན་ལ་འཕེལ་འགྲིབ་མེད། རིག་པ་སྟོང་གསལ་གྱི་ཡེ་ཤེས་ནི་དབྱེར་མི་ཕྱེད། །རིག་པ་འཛིན་མེད་ཀྱི་ཡེ་ཤེས་ནི་ངོས་བཟུང་གི་མཐའ་དང་བྲལ། རིག་པ་རྟོགས་མེད་ཀྱི་ཡེ་ཤེས་མ་འགགས་ལ་ཡོངས་སུ་གསལ། རིག་པ་ཀུན་གསལ་གྱི་ཡེ་ཤེས་ནི་མ་འདྲེས་ལ་ཡོངས་སུ་རྫོགས། རིག་པ་ཀུན་སྣང་གི་ཡེ་ཤེས་ནི་གསལ་བླ་འཛིན་པ་མེད། །རིག་པ་ཀུན་གསལ་གྱི་ཡེ་ཤེས་ནི་གསལ་ལ་ལྷུན་སྟུག་ཅེས་གསུངས་པས་དེ་ལྟ་བུའི་དོན་དམ་པའི་སྐུའམ་གྲོལ་སའི་གཞལ་མེད་ཁང་ཆེན་པོ་ལ་མང་བརྙེས་པའི་ཕྱིར་མི་འགྱུར་བ་རྡོ་རྗེའི་སྐུ་ཡེ་ཤེས་

― JLAZ014_Page_0725 ―

^{[མ་དཔེ་གཟིགས་ན་འདིར་གནོན།]}

[Full Size]

ཀྱི་སྙིང་པོ་ཅན་ལྷུན་གྲུབ་རིན་པོ་ཆེའི་སྦུབས་ཁང་པ་ལྟ་བུ་ལས་སྐུ་གསུམ་གྱི་ལམ་སྣང་ཕྱིར་མཆེད་པའི་གཟུགས་སྐུ་ཕྲིན་ལས་དང་བཅས་པས་འགྲོ་བའི་དོན་མཛད་པ་ནི་གདུལ་བྱའི་སྨོན་ལམ་དང་འབྲེལ་བའི་དབང་གིས་ཇི་སྲིད་གདུལ་བྱ་ཡོངས་སུ་མ་རྫོགས་པ་དེ་སྲིད་དུ་འཆར་བ་སྟེ། འཇུག་བ་ལས། ཞི་སྐུ་དཔག་བསམ་ཤིང་ལྟར་གསལ་གྱུར་ལ། །ཡིད་བཞིན་ནོར་བུ་ཇི་བཞིན་རྣམ་མི་རྟོག །འགྲོ་གྲོལ་བར་དུ་འཇིག་རྟེན་འབྱོར་སླད་རྟག །འདི་ནི་སྤྲོས་དང་བྲལ་ལ་སྣང་བ་ཡིན། །ཞེས་སོ། །དེའི་ཕྱིར་རང་ཅག་ཚུར་མཐོང་ཅན་རྣམས་ཀྱི་སྣང་ངོར་མྱ་ངན་ལས་འདས་སོ་ཞེས་མངོན་སུམ་གྱི་སྤྱོད་ཡུལ་དུ་སྣང་བ་ནུབ་པ་ལྟར་གྱུར་མོད་ཀྱང་། རྡོ་རྗེ་གཅོད་པ་ལས། གང་དང་གང་ལ་གཟུགས་སུ་མཐོང་། །གང་དག་ང་ལ་སྒྲར་ཤེས་པ། །ལོག་པར་སྤྱོད་ལ་ཞུགས་པ་སྟེ། །སྐྱེ་བོ་དེས་ནི་ང་མི་མཐོང་། །འདྲེན་པ་རྣམས་ནི་ཆོས་ཀྱི་སྐུ། །ཆོས་ཉིད་ཤེས་བྱ་མ་ཡིན་ཏེ། །དེ་ནི་ཤེས་པར་ནུས་མ་ཡིན། ཞེས་གསུངས་པ་བཞིན་མ་རིག་པ་འཐིབས་པོས་ནོན་པའི་ལོག་ཤེས་ཀྱི་སྣང་བ་ལས། དོན་དབྱིངས་དང་ཡེ་ཤེས་འདུ་འབྲེལ་མེད་པའི་ངང་དུ་སྐུ་གསུམ་གྱི་རང་སྣང་རྟག་པ་རྒྱུན་གྱི་འཁོར་

― JLAZ014_Page_0726 ―

^{[མ་དཔེ་གཟིགས་ན་འདིར་གནོན།]}

[Full Size]

ལོ་ཁ་སྦྱོར་ཡན་ལག་བདུན་ལྡན་གྱི་བདག་ཉིད་དུ་འཆར་བ་ལ་འགག་པ་མེད་ཅིང་། རང་སྣང་དེའི་ཆ་ལས་གདུལ་བྱའི་སྣང་ངོར་ལོགས་སྤྲུལ་གྱི་སྐུ་དང་མཛད་པ་ཕྲིན་ལས་ཇི་སྲིད་འཁོར་བ་མ་སྟོངས་ཀྱི་བ་དུ་འཆར་བ་ཆོས་ཉིད་ཀྱི་ནམ་ཡང་བསླུ་བ་མེད་པའི་རང་བཞིན་ཡིན་པའི་ཕྱིར་སྐུ་དངོས་སུ་བཞུགས་པ་དང་ཐུགས་རྗེ་ལ་བྲི་གང་དང་། བྱིན་རླབས་ལ་འཕེལ་འགྲིབ་མཆོད་ཅིང་གསོལ་བ་འདེབས་པའི་འབྲས་བུ་ལ་ཆེ་ཆུང་མེད་པའི་རྒྱུ་མཚན་ཡང་དག་པར་རིག་པའི་ངེས་རྙེད་པས་ཇི་སྲིད་བྱང་ཆུབ་སྙིང་པོར་བར་དུ་མགོན་དང་སྐྱབས་དང་དཔུང་གཉེན་རེ་ས་གཞན་དུ་མི་འཚོལ་བར་ཀུན་བཟང་གདོད་མའི་མགོན་པོ་རྒྱལ་བ་འོད་མི་འགྱུར་བའི་ངོ་བོར་རིགས་ཀྱི་བདག་པོར་འབྲལ་བ་མེད་པར་མཆོད་ཅིང་གསོལ་བ་འདེབས་ཡིན་ཏེ། །ཁྱད་པར་རྗེ་ཉིད་ཀྱི་ཞལ་གསུང་རྣམ་ཐར་གསོལ་འདེབས་ལས། མཉམ་རྗེས་ཀུན་ཏུ་ཆགས་སྡང་རེ་དོགས་ཀྱི། ཁྱོད་འཁྲུགས་པ་མ་ཡིན་དབང་པོ་ལ། །སྤྱན་རས་གཟིགས་མགོན་བཞུགས་པའི་བྱིན་རླབས་ཀྱིས། །འགྲོ་དོན་འཁོར་བ་དོང་སྤྲུགས་ལ་གསོལ་བ་འདེབས། །དངུལ་སེམས་ཅན་ཁམས་ནི་མ་

― JLAZ014_Page_0727 ―

^{[མ་དཔེ་གཟིགས་ན་འདིར་གནོན།]}

[Full Size]

རྫོགས་པར། །གཞན་དོན་འགྱུར་བྱང་ཆུབ་སེམས་གཉིས་ཀྱི། །ཁྱད་ཆོས་བསླུ་བ་མེད་པ་ཡིན་པའི་ཕྱིར། །གདུལ་བྱར་མ་གྱུར་སེམས་ཅན་ཡོད་མིན་ཀྱང་། །སློབ་མར་གྱུར་ནས་དམ་ཚིག་དག་པ་དང་། །བཀའ་བཞིན་བསྒྲུབས་ནས་ཐུགས་ཡིད་འདྲེས་པ་རྣམས། །ཚེ་རབས་ཀུན་ཏུ་འབྲལ་མེད་རྟེན་འབྲེལ་འགྲིག །ཅེས་དང་འཁྲུངས་རབ་གསོལ་འདེབས་ལས། །འདི་འོག་ཡེ་ཤེས་རྡོ་རྗེའི་རོལ་པ་ཡིས། །རྡོ་རྗེ་སྙིང་པོའི་རིང་ལུགས་བླངས་ནས་སླར། །གཤེ་ཞིང་སྐུར་པ་འདེབས་པ་རྣམས་ཀྱི་དོན། །སྤྲུལ་པ་སྣ་ཚོགས་སྟོན་ལ་གསོལ་བ་འདེབས། །ཞེས་པ་འདི་དག་འགྱུར་མེད་ངེས་པའི་ཞལ་འཆེས་བླ་ན་མེད་པ་ཡིན་པས་རིང་མོ་ཉིད་ནས་ལེགས་བྱས་ཀྱི་བགོ་སྐལ་ལ་སྤྱོད་པའི་སྐལ་བ་དང་ལྡན་པའི་གང་ཟག་རིན་པོ་ཆེ་ལྟ་བུ་རྣམས་ཀྱིས་ཀྱང་དེ་བཞིན་དུ་ཤེས་པར་འཚལ་ལོ། །དབྱིངས་དང་ཡེ་ཤེས་གཉིས་སུ་མེད་པའི་ཆོས་སྐུའི་མཁའ་དབྱིངས་བརྡལ་བའི་ཀློང་། །མ་བཅོས་རྩོལ་བྲལ་ལྷུན་གྲུབ་རོལ་པ་ཐུགས་རྗེའི་ཆུ་འཛིན་འཁྲིགས་པ་ལས། རྣམ་མང་སྐུ་ཡི་བཀོད་པའི་ཆར་རྒྱུན་གདུལ་བྱའི་ཞིང་ལ་བརྟག་འབབ་པ། །རྒྱ་མཚོའི་རླབས་བཞིན་ཡོལ་བ་མེད་པ་རྒྱལ་

― JLAZ014_Page_0728 ―

^{[མ་དཔེ་གཟིགས་ན་འདིར་གནོན།]}

[Full Size]

བའི་ཕྲིན་ལས་འདི་རྨད་བྱུང་། །མཐའ་ཡས་ཆོས་ཚུལ་རིན་ཆེན་ཀྱང་འགྲོ་ལ་ཕན་བདེའི་རྒྱན་གྱུར་ཀྱང་། །མ་བྱས་རང་བྱུང་སྐུ་གསུམ་འབྲས་བུ་རྒྱ་རྐྱེན་ཞེན་པས་མ་བསྒྲིབས་པར། །མངོན་སུམ་ཐོབ་པའི་གསང་ཆེན་བསྟན་མཆོག་ཀུན་བཟང་དགོངས་པའི་ཐིག་ལེ་ཆེ། །ཡིད་བཞིན་ནོར་བུ་གང་གྱུར་དེ་ཡང་སྙིགས་མའི་དམ་རྫབ་སྟུག་པོས་གཡོགས། །དེ་ལྟ་མོད་ཀྱང་ཁྱོད་ཀྱི་བློ་དང་ཤེས་རབ་སྙིང་རྗེ་སྨོན་ལམ་ཐབས། །ཡོངས་སུ་རྫོགས་པའི་ཆོས་འཁོར་ལེགས་བཤད་ཉལ་འགྲོའི་ཀླུང་ཆེན་བརྡོལ་བ་ཡིས། །ལྟང་ན་རྡུལ་གྱི་ལྗང་འཇིག་དང་ལྷན་ཅིག་ཟབ་དོན་ནོར་བུའི་ཁམས། །དཔྱད་གསུམ་དག་པའི་བྱི་དར་འགྲུབ་པས་སྐལ་ལྡན་ཡིད་ལ་ངལ་བསོ་སྦྱིན། །ད་ལྟ་རྩོད་ལྡན་ལྔ་བདོར་དྲན་པ་བརྫུན། །བདེན་ན་འོད་གསལ་རྡོ་རྗེ་སྙིང་པོ་ཡི། །བསྟན་དང་སྟོན་པར་བཅས་པས་འོག་མིན་གྱི། །ངེས་པར་རྫོགས་པའི་སྐལ་བཟང་འདི་ཅི་ཞིག །འོན་ཀྱང་ཉི་ཟླའི་འོད་ཀྱིས་སྨག་རམ་མུན། །སེལ་བའི་ཀུན་རྫོབ་བདེན་པར་བསྙོན་མེད་ཀྱང་། །བྱང་བསྟན་ཕུག་པར་འོད་སྣང་མི་འཇུག་པ། །རྟེན་འབྲེལ་ངན་པས་སྒྲིབ་པར་ཅི་བྱ་ཡོད། །གང་ཞིག་བཀའ་བཞིན་རྗེས་སུ་བསྒྲུབ་པ་རྣམས། །ལྟ་ཅི་མཐོང་ཐོས་དྲན་རེག་

― JLAZ014_Page_0729 ―

^{[མ་དཔེ་གཟིགས་ན་འདིར་གནོན།]}

[Full Size]

འབྲེལ་བས་ཀྱང་། །ཐར་པའི་ས་བོན་འཇོག་པའི་གསང་གསུམ་གྱི་མཛད་པའི་མཐའ་ནི་བསམ་བརྗོད་ཡུལ་ལས་འདས། །དེ་ལྟ་ན་ཡང་གངྒཱའི་ཀླུང་ཆེན་ལས། །དྲངས་པའི་ཆུ་རྒྱུན་ཕྲ་མོས་ཞིང་ས་ཡི། །ངལ་བ་དོན་ལྡན་བྱེད་བཞིན་སྐལ་ལྡན་གྱི། ཡིད་གསོས་བསྐུལ་བའི་རྟོགས་བརྗོད་གཏམ་དུ་བས། །ཟེར་གདངས་འོད་ལྔའི་སྒྱུར་འཕྲུལ་བཀྲག་པོ་ཆེ། །དོན་དམ་དབྱིངས་ཀྱི་མན་ཤེལ་དྲི་མེད་ཀློང་། །ཕྱོགས་གཅིག་ཉེ་བར་བསྡུས་པའི་ཡ་མཚན་གྱི། །བཀོད་པའི་གྲགས་དཀར་སྲིད་གསུམ་ཡོངས་ལས་བརྒལ། །གང་ལ་སྒྲིབ་སྦྱོང་ཁུར་དུ་མ་བཀོད་ཀྱང་། །བདག་གཞན་ཚོགས་ཆེན་གསོག་པའི་ཐབས་མཁས་འཕྲུལ། །རྡོ་རྗེ་སློབ་དཔོན་མཆོད་ལས་ལྷག་མེད་ཕྱིར། །སྒོ་གསུམ་བརྩོན་པའི་ལས་ལམ་དཀར་པོས་བསྒྲུབས། །དེ་ཚུལ་ཆ་ཤས་དྲང་པོར་བརྗོད་པའི་ངག །ངག་འཁྱལ་མ་ཡིན་དོན་ལྡན་གཏམ་གྱི་ཚུལ། །ཚུལ་བཞིན་སྦྱར་ལ་ལུས་ངག་ཡིད་གསུམ་གྱི། །གྱི་ནའི་ངང་ཚུལ་བཏང་སྟེ་བརྩོན་པར་བྱས། །དེ་ལས་ཐོབ་པའི་རྣམ་དཀར་དགེ་བའི་ཚོགས། །གཅིག་ཏུ་དཀར་བའི་ལྷུན་པོ་ཏི་སེའི་རི། །ལེགས་བྱས་གངས་རིའི་བླ་ན་འཕགས་པ་ལས། །དོན་གཉིས་ཀླུང་བཞིའི་བཟང་རྟག་འབབ་ཤོག །ཁྱད་པར་རང་བྱུང་འོད་གསལ་རྡོ་རྗེའི་དབྱིངས་གསལ་རྡོ་རྗེའི་དབྱིངས་། །ཀུན་ཏུ་བཟང་པོའི་སྤྲུལ་པར་ཟློས་པའི་གར། །

― JLAZ014_Page_0730 ―

^{[མ་དཔེ་གཟིགས་ན་འདིར་གནོན།]}

[Full Size]

ཁྱབ་བདག་བླ་མས་བྱང་ཆུབ་སྙིང་པོའི་བར། །འབྲལ་མེད་ཐུགས་ཀྱི་ཐིག་ལེར་རྗེ་འཛིན་ཤོག །ཅེས་བདག་ཅག་གི་རྗེ་བཙུན་དམ་པ་ངེས་པར་དོན་གྱི་རྡོ་རྗེ་འཆང་ཐམས་ཅད་མཁྱེན་པ་འགྲན་ཟླ་དང་བྲལ་བའི་ཆོས་ཀྱི་རྗེ་བཀའ་དྲིན་འཁོར་མེད་ཆེན་པོ་འདི་ཉིད་ཀྱི་རྣམ་པར་ཐར་པའི་འཇུག་འཐུད་ཀྱི་རིམ་པ་བུ་ཆེན་གྱི་སྐྱེས་བུ་དམ་པ་རྣམས་ནས་ཚིག་སྦྱོར་ལུང་རིག་ཕུན་སུམ་ཚོགས་པ་དང་བཅས་པ་ཞིག་བརྩམ་པར་བསྐུལ་འདོད་ཀྱིས་སྐུ་གཤེགས་དང་། སྐུ་གདུང་རིན་པོ་ཆེའི་ངོ་མཚར་གྱི་བཀོད་པ་ཟད་མི་ཤེས་པ་དག་ལས་ཆ་ཤས་ཙམ་པ་རང་བློས་ཇི་ལྟར་དཔོགས་པ་དང་རྗེས་སུ་འཇུག་བའི་དགོངས་རྫོགས་རྣམ་དཀར་གྱི་རིམ་པ་ཅི་ནུས་བགྱིས་པའི་ཟིན་ཐུན་རགས་པ་ཙམ་ཞིག་ཡོད་ཐོག་མདོ་ཁམས་སྡེ་དགེའི་རྒྱལ་ཁབ་ཀྱི་སའི་ཚངས་པ་ཆེན་པོ་ནས་རྣམ་ཐར་ཡོངས་རྫོགས་དུ་འཁོད་པའི་དགོངས་བཞེད་བཟང་པོ་བླ་ན་མ་མཆིས་པ་དང་བཅས་པས་འདི་ལྟ་བུ་ཞིག་ཁྱོད་ཀྱིས་འདྲི་བར་འོས་སོ་ཞེས་པའི་བཀའ་ལུང་སྩལ་བའི་ཁུར་ལྕི་བ་དང་ལྷོ་མོན་ལྗོགས་ཀྱི་བསྟན་པའི་བ་དན་སྒྲེང་བ་པོ་སློབ་དཔོན་འཇིགས་མེད་བས་ཀྱང་དེ་བཞིན་གྱི་གསུང་ནན་ཆེ་བས་སླར་བྱང་རྒྱས་པར་གཏན་ལ་ཕབ་སྟེ་རྣམ་པར་ཐར་པའི་གཏམ་རིན་པོ་ཆེའི་ཕྲེང་བ་ཡོངས་སུ་རྫོགས་པར་བྱེད་པ་ནི་རྗེ་བླ་མ་མཆོག་གི་བཀའ་དྲིན་གསུམ་གྱིས་ཉེ་བར་བསྐྱངས་

― JLAZ014_Page_0731 ―

^{[མ་དཔེ་གཟིགས་ན་འདིར་གནོན།]}

[Full Size]

ཤིང་བཀའ་འབངས་ཀྱི་ཐ་ཤལ་ཙམ་དུ་གྱུར་པ་རྡོ་རྗེ་ཐེག་པའི་སྨིན་གྲོལ་གྱི་དཀྱིལ་འཁོར་ཟབ་མོར་ཞུགས་པའི་རིགས་ཀྱི་བརྡ་རྟགས་པདྨ་དབང་ཆེན་རོལ་པ་རྩལ་ལམ་མིང་གཞན་འོད་ཟེར་ཕྲིན་ལས་ཞེས་འབོད་པའི་རྨོངས་པ་བྷ་སུ་ཀུས་བགྱིས་པ་འདིས་ཀྱང་ཚེ་རབས་ཀུན་ཏུ་ངེས་དོན་སྙིང་པོའི་ཆོས་འཁོར་བསྐོར་བའི་རྡོ་རྗེ་སློབ་དཔོན་དང་མཇལ་ཏེ་གདམས་པ་ཚུལ་བཞིན་བསྒྲུབ་པས་མི་རིང་བར་ཀུན་ཏུ་བཟང་པོ་འོད་སྣང་མཐའ་ཡས་པའི་ངོ་བོར་འགྲོ་བ་ཀུན་གྱི་དེད་དཔོན་མཆོག་གུ་མངོན་པར་རྫོགས་པར་འཚང་རྒྱ་བའི་རྒྱུར་གྱུར་ཅིག